﻿Mazamure Maxaafa.
141.
Abeet GODAWU! Tani nena xeygays; tana maaddanaas elela. Tani neekko waassiza wode ta waaso siya! 
Ta woosay exaane cuwa mala ne sinth shiiqo; tani ta kusheza miccizayssi nees omarsa wode yarsho mala gido. 
Abeet GODAWU! Ta doona naaganaas zabe woththa; ta mettershata pengen naagizayssa essa. 
Mooro ooththiza asatara iita ooso ooththontta mala ta wozina iitakko zaaroppa; istta gibiraakka tana mizoppa. 
Xillo asi tana qaxxayo; hessika taas lo7o; izi tana seerikko hessi ta hu7en zayte tiyiza mala; hessaka ta ixxike; gido attiin tani ubbatokka iita asata ooso bolla woossays. 
Istta daannati aafora duge olettiza wode ta qaalay tuma gididayssa istti erana. 
Gadey goyettiza malanne phashey liiqiza mala istta meqeththika duufo doonan laalettana. 
Abeet GODAWU, Ubbaafe Wolqqama Xoossawu! Ta ayfey nena xeellees; ta zemppoy nena; tana hayqos aaththada immofa. 
Istti taas woththida woximadeppenne iita ooththizayta giteppe tana naaga. 
Ta saro aadhdhishin istti bantti woththida gitezan oyketetto. 
