﻿Mazamure Maxaafa.
125.
GODAAN ammanettizayti mernaas qaaxxontta diza Xiyoone Zuma mala. 
Zumati Yerusalaame katama yuushon diza mala hachchife mernaa gakkanaas GODAY ba deraa yuushon dees. 
Xilloti iitateth tamaarontta mala iitati haarishe xillota biittan gam7ettenna. 
Abeet GODAWU! Lo7o asatassinne wozina suure asatas ne lo7o ooththa. 
Gido attiin kase ba geella oge simmizayta neni iita ooththizaytara issife gaththa qaxxaya; Isra7eeles saroy gido! 
