﻿Mazamure Maxaafa.
93.
GODAY kawotides! Teemanne wolqqa may7ides; alamey qaaxxontta mala minththi essides; oonikka izo qaaththenna. 
Ne kawoteththa araatay beniisofe minni eqqides; neni mernaas daasa. 
Abeet GODAWU! Ciimma abbay guummides; ciimma abbay ba gunththa dhoqqu histtides; ciimma abbay dambala guunth dhoqqu ooththides. 
Salon diza GODAY gita haaththata gunththafe, abba dambala gunththafekka aadho wolqqama. 
Abeet GODAWU! Ne wogay laamettontta mino; ne Keeththay mernaas geeshshateththan lo7i daana. 
