﻿Mazamure Maxaafa.
13.
Abeet GODAWU! Awude gakkanaas neni tana doganee? Ne tana mernaas balanee? Awude gakkanaas neni taappe geemmanee? 
Awude gakkanaas tani ta qofara baaxetanee? Awude gakkanaas ta wozinay ceecishe daanee? Ta morkketi ta bolla awude gakkanaas goobanee? 
Ta GODAWU! Haa taakko xeellada taas zaaro imma; ta ayfe poo7isada, hayqoppe tana ashsha. 
«Nuni iza xoonidos» giidi, ta morkketi ceeqettontta mala ne istta teqqa. Ta kundeththaan istti ufayettontta mala ne istta digga. 
Gido attiin ne maaroteththa daron tani ammanettays; neni tana ashshiza gishshas tani ufayettays. 
GODAWU! Ne kiyateththi taas darida gishshas tani nees yexxana. 
