﻿Iyoobe Maxaafa.
25.
Shuha dere as Belidaadey hizgi zaarides; 
«Maataynne yashshateththi Xoossassa; bollan ba haarizason salon saroteth medhdhana. 
Iza wottadarata tiripateththi qoodettanawu dandayzee? Xoossa poo7oy izas poo7isonttaadey oonee? 
Asi Xoossa sinththan waani xillo gidi beettanawu dandayzee? Asho may7ida medheta gididi waani geesh gidanawu dandayzee? 
Hekko Xoossa sinththan aginaykka muqqa booth gidenna; xoolinttetikka iza sinththan geeshshata gidettenna. 
Musanne guxune gidada hayqqiza asi hessafekka ay mala iita!» 
