﻿ዬꬃ ማጻፋ.
51.
ኣቤት ጾሳዉ! ኔ ሜርና ሲቆዛ ማላ ታና ማራ፤ ኔ ቃꬌታ ዳሮን ታ ሞሮዛ ቁጫ። 
ታ ኢታቴꬃ ኡባ ታፔ ሜጫ፤ ታ ናጋራፔካ ታና ጌሻ። 
ታኒ ታ ሞሮዛ ኤራይስ፤ ታ ናጋራይካ ኡባቶ ታ ሲንꬃና። 
ታ ኔና ጻላ ቆሃዲስ፤ ቃሴካ ኔ ሲንꬃን ኢታ ኦꬃዲስ። ሄሳ ጊሻስ ኔ ቃጻይዳ ቂጻቴን፥ ኔ ታ ቦላ ፒርዲዳ ፒርዳንካ ኔ ጺሎ 
ታኒ ታ ኣዪ ኡሎፔ ዶማዳ ናጋራንቻ፤ ዬሌቶሶፌ ሃ ሲማዳካ ታ ሞራንቻ። 
ሄኮ ኔኒ ኣሳ ዎዚናፔ ቱማ ኮያሳ፤ ሄሳ ጊሻስ ታ ጊዶ ኣሳቴꬃ ኔ ኣꬎ ኤራቴꬅ ታማርሳ። 
ሂሶጴ ቦንጮን ኔኒ ታና ፒስታ፤ ታኒ ጌያና፤ ታና ሜጫ፤ ታኒ ሻቻፌ ኣꬋዳ ቦጻና። 
ኔኒ ታና ኡፋይሲኔ ሃሹ ጊሲዛ ሚሽ ሲሳ፤ ኔ ሜንꬄሬꬂዳ ታ ሜቄꬃታካ ፓꬃ። 
ኔ ሲንꬅ ታ ናጋራፔ ሃራሶ ዛራ፤ ታ ቆሆ ኡባካ ቁጫ ዲጋ። 
ኣቤት ጾሳዉ! ኔ ታስ ጌሻ ዎዚና ሜꬋ፤ ሚኖ ኣያና ታ ጊዶን ዎꬃ። 
ታና ኔ ሲንꬃፌ ኦሎፓ፤ ኔ ጌሻ ኣያና ታፔ ኤኮፋ። 
ኔ ኣቶቴꬃ ኡፋይሳ ታስ ዛራዳ ኢማ፤ ኤኖ ጊሲዛ ኣያናን ኔ ታና ኩንꬃ። 
ሂስቲኮ ታኒ ሞራንቻታ ኔ ኦጌ ታማርሳና፤ ሄ ናጋራንቻቲካ ኔኮ ሲማና። 
ኣቤት ጾሳዉ፥ ታና ኣሺዛ ጾሳዉ! ታኒ ሼምፖ ዎꬎንታ ማላ ታና ማዳ፤ ታ ኢንጻርሳይካ ኔ ጺሎቴꬃ ጊሻስ ኢሊሊሳን ዬጾ። 
ኣቤት ጎዳዉ! ታ ዶና ዶያ፤ ሂስቲኮ ታ ኢንጻርሳይ ኔና ጋላታና። 
ኔኒ ያርሾን ኡፋዬቲዛኮ ታ ኔስ ያርሾ ሺሻና፤ ኔ ጊዲኮ ያርሾን ኡፋዬታካ፤ ጹጌቲዛ ያርሾ ያርሺኮካ ኔኒ ኡፋዬታካ። 
ጾሳስ ሺቂዛ ያርሾይ ኣሽኬ ኣያና፤ ኣቤት ጾሳዉ! ሜቂዳ ዎዚና ኔ ካꬋካ። 
ኣቤት ጾሳዉ! ኔ ዶሳን ጺዮኖ ዱሬሳ፤ ዬሩሳላሜ ጊምቤታ ጊምባ። 
ሄ ዎዴ ጺሎቴꬃ ያርሾኒኔ ዉሪ ጹጌቲዛ ያርሾን ኔኒ ኡፋዬታና፤ ኮርማቲካ ኔ ያርሺዛሶን ያርሼታና። 
