﻿ዬꬃ ማጻፋ.
36.
ኢታ ኣሲ ባ ዎዚናን ጌኔ ቆፔስ፤ ኢዛ ጊዶን ጾሳስ ያሻቴꬂ ዴና። 
ኢዛ ናጋራይ ቆንጪን ኢጾንታ ማላ ኢዚ ባርካ ባና ባሌꬄስ 
ኢዛ ዶናፔ ኬኢዛ ሃሳያይ ጌኔኔ ዎርዶ፤ ኣꬎ ኤራቴꬂኔ ሎኦ ኦሶ ሙሌካ ኣጊዴስ። 
ኢዚ ባ ሂጻን ዲሼ ጌኔ ቆፒሼ ኣቄስ፤ ባና ሎኦ ጊዶንታ ኦጌ ካሌꬄስ፤ ኢታ ኢዚ ኢጼና። 
ኣቤት ጎዳዉ! ኔ ሜርና ሲቆይ ሳሎ ጋኬስ፤ ኔ ቱማቴꬃይካ ቦላ ሻራ ማላ ꬎቄስ። 
ኣቤት ጎዳዉ! ኔ ጺሎቴꬃይ ኡባፌ ꬎቃ ዙማታ ማላ፤ ኔ ፒርዳይካ ኡባፌ ዚቃ ጪማ ማላ፤ ኔኒ ኣሳካ ዶኣካ ኢታፔ ናጋሳ። 
ኣቤት ጾሳዉ! ኔ ሜርና ሲቆይ ኣይ ኬና ኣልኦ! ኣሳይ ኔ ቄፌ ጊዶን ጌሚ ኣቴስ። 
ኢስቲ ኔሶን ኩሚዳ ማዳፌ ሚዲ ካሌቴስ፤ ኔኒ ኔ ኣንጆ ሻፋፔ ኢስታ ኡሻሳ። 
ኣይስ ጊኮ ዴኦ ፑልቶይ ኔ ኣቻን ዴስ፤ ኔ ፖኦን ኑኒ ፖኦ ቤኦስ። 
ኔና ኤሪዛይታስ ኔ ሜርና ሲቆዛ ኣጎፋ፤ ሱሬታስ ኔ ኪያቴꬅ ዲጎፋ። 
ኦቶራንቻታ ቶሆይ ታና ዬꬎፎ፤ ናጋራንቻታ ኩሼይ ታና ዬዴꬆፎ። 
ኢታ ኣሳቲ ኩንዲዳይሳ ቤኢቴ፤ ኢስቲ ኩንዲዳ፤ ዴንዳናዉካ ዳንዳዬቴና። 
