﻿ዬꬃ ማጻፋ.
24.
ሳኣይኔ ሳኣን ኩሚዳ ኡባይ ጎዳሳ፤ ሳሎ ጉፋንꬆን ዲዛ ኡባይ ጾሳሳ። 
ሳኣ ጊታ ኣባታ ቦላ ሚጪዴስ፤ ሃꬃ ቦላካ ሚንꬂዲ ኤሲዴስ። 
ጎዳ ዙማ ቦላ ኬዛናይ ኦኔ? ኢዛ ጌሻሶሆን ኤቃናይ ኦኔ? 
ኢዛ ኩሼይ ናጋራፔ ጌዪዳይ፥ ኢዛ ዎዚናይ ጌሻ ጊዲዳይ፥ ኤቃ ጾሳታስ ጎይኖንታይ፥ ዎርዶ ጫቆንታይ፥ 
ኢዚ ጎዳፔ ኣንጆ ኤካና፤ ባና ኣሺዛ ጾሳፌ ጺሎ ፒርዳ ዴማና። 
ጾሳኮ ጼሊዛ ኣሳይኔ ያቆቤ ጾሳ ሲንꬅ ኮይዛ ኣሳይ ሄይታንታ ማላ። 
ካሬቲ ዶዬቴቶ፤ ቦንቾ ካዎይ ጌሎ፤ ቤኒ ፔንጌቲ ኢዛ ኡፋይሳን ሞኪቴ! 
ሄ ቦንቾ ካዎይ ኦኔ? ሚኖኔ ዎልቃማ ጎዳ! ኦላስካ ኢዚ ዎልቃማ ጎዳ! 
ካሬቲ ዶዬቴቶ፤ ቦንቾ ካዎይ ጌሎ፤ ቤኒ ፔንጌቲ ኢዛ ኡፋይሳን ሞኪቴ! 
ሃ ቦንቾ ካዎይ ኦኔ? ሄ ቦንቾ ካዎይ ሳሎ ሜꬌቴꬃ ጎዳ! 
