﻿ዬꬃ ማጻፋ.
20.
ኔኒ ሜቶቲዳ ዎዴ ጎዳይ ኔ ዎሳ ሲዮ፤ ያቆቤ ጾሳ ሱንꬂ ኔና ሚንꬂ ኤሶ። 
ባ ኬꬃፌ ኔስ ማዶ ኪቶ፤ ጺዮኔፔ ማዶይ ዮ። 
ኔ ያርሾ ኡባ ኢዚ ኣኬኮ፤ ኔ ጹጊዛ ያርሾን ኢዚ ኡፋዬቶ። 
ኔ ዎዚና ኣሞ ኔስ ኢሞ፤ ኔ ሃልቾ ኡባ ፖሎ። 
ኔ ጾኒዳ ጊሻስ ኑኒ ኡፋይሳን ሆምቦጫና፤ ኑ ጾሳ ሱንꬃን ኑ ባንዲራ ꬎቁ ኦꬃና፤ ኔ ዎሳ ኡባ ጎዳይ ኔስ ኢሞ። 
ጎዳይ ባ ዶሪዳ ካዎዛስ ጾኖ ኢሚዛይሳ ታኒ ሃኢ ኤራዲስ፤ ባ ኡሻቻ ኩሼዛን ኢዚ ጊታ ጾኖን ኩንꬃና፤ ባ ጌሻ ሳሎፔካ ኢዛስ ዛሮ ኢማና። 
ኢሶቲ ኢሶቲ ባንታ ኦላ ፓራ-ጋሬን ኣማኔቴቴስ፤ ሃራቲ ባንታ ፓራን ጬቄቴቴስ፤ ኑኒ ጊዲኮ ኑ ጎዳ ዎልቃን ጬቄቶስ። 
ኢስቲ ꬉጴቲዲ ኩንዳና፤ ኑኒ ጊዲኮ ዴንዲዲ ሚኒ ኤቃና። 
ኣቤት ጎዳዉ! ካዎዛስ ጾኖ ኢማ፤ ኑኒካ ኔና ጼይጊዛ ዎዴ ሲያ። 
