﻿ዮሀንስ ቶኮፋ.
1.
ኑ ዋኤ ዱቢ ጅሬኛ ከን ጀልቀባ ካሴ ቱሬ፣ ከን ዸጌኜ፣ ከን እጀኬኛን አርግኔ፣ ከን እላሌፊ ከን ሀርክኬኘስ ቀቀቤ ከነ ለብስነ። 
ጅሬኝ ሙልአቴረ፤ ኑስ እሰ አርግኔረ፤ ዹጋስ ንባናፍ፤ ኑ ጅሬኘ በረ በራ እሰ አባ ወጅን ቱሬፊ እሰ ኑት ሙልአቴ ሰነ እስንት ለብስነ። 
አከ እስንስ ኑ ወጅን ቶኩማ ቀባተኒፍ ዋን አርግኔፊ ዋን ዸጌኜ እስንት ለብስነ። ቶኩማንኬኘስ አባፊ እልመሳ ዬሱስ ክርስቶስ ወጅን። 
ኑስ አከ ገመቹንኬኘ ጉቱ ተኡፍ ዋን ከነ በሬስነ። 
ኤርጋን ኑ እሰራ ዸጌኜ፣ ከን እስንትስ ለብስኑ እሰ ከነ፤ ኩንስ አከ ዋቅን እፈ ተኤፊ አከ ዱከን ጎንኩማ እሰ ኬሰ ህንጅሬዸ። 
ኑ እሰ ወጅን ቶኩማ ቀብነ ጄኔ ዮ ዱከነ ኬሰ ዴዴብኔ ንሶብነ፤ ዹጋ ሰናንስ ህንጅራትኑ። 
ገሩ አኩመ እን እፈ ኬሰ ጅሩ ሰነ፣ ኑስ ዮ እፈ ኬሰ ዴዴብኔ ወሊ ወጅን ቶኩማ ቀብነ፤ ዺግን እልመሳ ዬሱስ ጩቡ ሁንዱማራ ኑ ቁልቁሌሰ። 
ኑ ዮ ጩቡ ህንቀብኑ ጄኔ ኦፍ ጎዎምስነ፤ ዹጋንስ ኑ ኬሰ ህንጅሩ። 
ዮ ጩቡኬኘ ህመትኔ፣ እን ጩቡኬኘ ኑ ዺሱፍ አመነማፊ ቀጄላዸ፤ ጀልእነ ሁንደራስ ኑ ቁልቁሌሰ። 
ኑ ዮ ጩቡ ህንሆጄትኔ ጄኔሞ ሶብዱ እሰ ጎነ፤ ዱቢንሳስ ኑ ኬሰ ህንጅሩ። 
