﻿ፋርፈትና.
119.
ወር ጅሬኝሳኒ ሙዳ ህንቀብኔ፣ ከኔን አከ ሴረ ዋቀዮት ጅራተን ኤብፈሞዸ። 
ወር አጀጀወንሳ ኤገን፣ ከኔን ገራ ጉቱን እሰ በርባደን ኤብፈሞዸ። 
እሳን በሌሳ ህንሆጄተን፤ ከራሳረስ ንዴሙ። 
አከ ሴርኬ አመነሙማዻን ኤገሙፍ አት አጀጄርተ። 
አከ አን አጀጀኬ ኤጉፍ ኡቱ ከራንኮ ና ቀጄሌ ጅራቴ! 
አን ኡቱን አጀጀወንኬ ሁንደ ጥዬፈዼ እላሌ ስላ ህንቃነኡን ቱሬ። 
አን ዮሙን ሴረኬ ቀጄላ ሰነ በረዹት፣ ገራ ቶላዻን ስን ገለቴፈዸ። 
አን ስርነኬቲፍ ነንቡለ፤ አት ጎንኩማ ነ ህንዺስን። 
ደርገጌስ አከምት ጅሬኘ ቁልቁሉ ጅራቹ ደንደአ? አከ ዱቢኬቲት ጅራቹዻን። 
አን ገራኮ ጉቱዻን ስን በርባደ፤ አከ አን አጀጀወንኬራ ጀልአዹ ነ ህንጎዽን። 
አን አከን ጩቡ ስት ህንሆጄትኔፍ፣ ዱቢኬ ገራኮ ኬሰ ዾክፈዼረ። 
ያ ዋቀዮ፣ ገለን ሲፍ ሃተኡ፤ ስርነኬ ነ በርሲስ። 
አን ሴረ አፋንኬቲ በኡ ሁንዱማ፣ አፋንኮቲን ነንዱበዸ። 
አኩመ ነምን ቶኮ በዻዹማ ጉዳት ገመዱ፣ አን አጀጀኬ ፋነ ቡኡት ነንገመደ። 
አጀጀወንኬረ ዴዴብኤ ነንያደ፤ ከራኬራስ እጀኮ ህንቡቅፈዹ። 
አን ስርነኬት ነንገመደ፤ ዱቢኬስ ህንደገዹ። 
አከ አን ጅራዹፊ ዱቢኬ ኤጉፍ፣ ገርብቸኬቲፍ ዋን ጋሪ ጎዽ። 
አከ አን ሴረኬ ኬሰት ዋን ድንቅሲሳ አርጉፍ፣ እጀኮ ና በን። 
አን ለፈረት ኬሱማዸ፤ አጀጀወንኬ ነ ዱራ ህንዾክስን። 
ሉቡንኮ ዬሮ ሁንደ ሴረኬ ሀዉዻን፣ ላፋ ጅርት። 
አት ኦፍ ቱልቶተ ወረ አባረሞ፣ ከኔን አጀጀወንኬራ ጀልአተን ንእፈተ። 
ዋን አን ሴረኬ ኤጉፍ፣ አረብሶፊ ቱፊሳኒ ነራ ፈጌስ። 
ቡልችቶትን ወሊ ወጅን ታአኒ ዮ መቃ ነ በሌሰንዩ፣ ተጃጅላንኬ እረ ዴዴብኤ ለብሲኬ ንያደ። 
አጀጅንኬ ገመቹኮት፤ ጎርስቱኮትስ። 
ሉቡንኮ ብዮት መጠንቴ፤ አት አኩመ ዱቢኬቲት ነ ኦልች። 
ዬሮ አን ዋኤ ከራኮ ስት ህሜት፣ አት ዴቢ ና ኬንቴ፤ ስርነኬስ ነ በርሲስ። 
በርሲሰ ሴረኬቲ ነ ሁበቺስ፤ አንስረ ዴዴብኤ ድንቂኬ ነንያደ። 
ሉቡንኮ ገዳን ላፍቴርት፤ አት አኩመ ዱቢኬቲት ነ ጀቤስ። 
ከራ ሶባራ ነ ፈጌስ፤ አርጁማዻንስ ሴረኬ ነ በርሲስ። 
አን ከራ ዹጋ ፍለዼረ፤ ሴረኬስ ኦፍ ዱረ ካአዼረ። 
ያ ዋቀዮ፣ አን አጀጀኬ ጀቤሴ ቀበዼረ፤ አት ነ ህንቃኔስን። 
ሰበቢ አት ሁበትናኮ ና በልእፍቴፍ አን ዳንዲ አጀጀወንኬቲረ ነንፊገ። 
ያ ዋቀዮ፣ አከ አን ስርነኬ ዱካ ቡኡ ነ በርሲስ፤ አንስ ሀመ ዹማት እሰ ነንኤገ። 
አከ አን ሴረኬ ኤጌ ገራኮ ጉቱን እሳፍ አጀጀሙፍ ሁበትና ና ኬን። 
ዳንዲ አጀጀወንኬቲረ ነ ዴምስስ፤ አንስ አችት ገመቹ ነንአርገዻቲ። 
ገራኮ ገረ ኦፍቱማዻን ፋይዳ አርገቹት ኡቱ ህንተእን፣ ገረ ስርነኬቲት ና ዴብስ። 
እጀኮ ዋን ፋይዳ ህንቀብኔራ ዴብስ፤ አኩመ ዱቢኬቲትስ ነ ጅራችስ። 
አት አከ ሶዳተምቱፍ፣ ዋዳኬ ገርብቸኬቲፍ ጉት። 
ሰልጵነ አን ሶዳዹ ነራ ፈጌስ፤ ሴርኬ ጋሪዻቲ። 
ኩኖ፣ አን ስርነኬ ነንሀወ፤ ቀጄሉማኬቲን ነ ጅራችስ። 
ያ ዋቀዮ፣ ጃለልኬ ከን ህንጌደረምኔ ሱን፣ ፈይሱንኬስ አኩመ ዱቢኬቲት ገረኮ ሃዹፉ፤ 
ዮስ አን ሰበቢ ዱቢኬ አመነዹፍ፣ ወረ ነ አረብሰኒፍ ዴቢ ኬነ። 
ዋን አን ሴረኬ አብደዼፍ፣ አት ዱቢ ዹጋ አፋንኮ ኬሳ ህንበሌስን። 
በረ በራ ሀመ በረ በራት፣ አን ዬሮ ሁንደ ሴረኬ ነንኤገ። 
አን አጀጀኬ ዋነን በርባዱፍ፣ ብልሱማዻን ነንዴዴብአ። 
አን ዋኤ አጀጀኬቲ ሞቶተ ዱረት ነንዱበዸ፤ ህንቃኔፈሙስ፤ 
ዋን አን አጀጀወንኬ ጃለዹፍ፣ እሳንት ነንገመደ። 
አን ገረ አጀጀወንኬ ከኔን አን ጃለዹ ሰናት ሀርከኮ ኦል ነንፉዸዸ፤ ለብሲኬስ እረ ዴዴብኤ ነንያደ። 
ዋዳ ተጃጅላኬቲፍ ሴንቴ ሰነ ያደዹ፤ አት እሱማን አብዲ ና ኬንቴርታቲ። 
ረክነኮ ኬሰት ጀጀብንኮ ከነ፦ ዋዳንኬ ነ ጅራችሰ። 
ኦፍ ቱልቶትን አኩመ በርባደንት ነት ቆሱ፤ አን ገሩ ሴረኬራ ህንጀልአዹ። 
ያ ዋቀዮ፣ አን ሴረኬ ዱሪ ሰነ ነንያደዸ፤ እሰ ኬሰትስ ጀጀብነ ነንአርገዸ። 
ሰበቢ ሀሞተ ወረ ሴረኬ ዺሰኒቲፍ፣ ኣሪን ነ ጉጉበ። 
እዶ ኬሱሙማኮ ሁንደት ሴርኬ ፋርፈትናኮት። 
ያ ዋቀዮ፣ አን ሀልከን ኬሰ መቃኬ ነንያደዸ፤ ሴረኬስ ነንኤገ። 
ዋን አን አጀጀኬ ኤጌፍ፣ ኩን ናፍ ተኤረ። 
ያ ዋቀዮ፣ አት ቆደኮት፤ አንስ ዱቢኬቲፍ አጀጀሙፍ ዋዳ ገሌረ። 
አን ገራኮ ጉቱን ፉለኬ በርባደዼረ፤ አት አኩመ ዋዳኬቲት ና አራረም። 
አን ከራኮ እት ዴዴብኤ ያዴረ፤ ተርካንፊኮ ገረ ስርነኬቲት ዴብሴረ። 
አን አጀጀወንኬ ኤጉፍ፣ ነንአሪፈዸ፤ ህንበርፈዹስ። 
ሀሞን ዮ ፉኞዻን ነ ህዸንዩ፣ አን ሴረኬ ህንእራንፈዹ። 
ሰበቢ ሴረኬ ቀጄላ ሰናቲፍ፣ አን ስ ገለቴፈቹፍ ጄዼ ሀልከን ወለካ ነንከአ። 
አን ወረ ስ ሶዳተን ሁንዳፍ፣ ወረ አጀጀኬ ኤገን ሁንዳፍስ ምቹዸ። 
ያ ዋቀዮ፣ ለፍት ጃለለኬቲን ጉተምቴርት፤ ስርነኬ ነ በርሲስ። 
ያ ዋቀዮ፣ አት አኩመ ዱቢኬቲት፣ ተጃጅላኬቲፍ ዋን ጋሪ ጎቴርተ። 
ሙርቲ ጋሪፊ ቤኩምሰ ነ በርሲስ፤ አን አጀጀወንኬት ነንአመናቲ። 
አን ኡቱን ህንረከትን ከራራ በዴ ቱሬ፤ አመ ገሩ ዱቢኬ ነንኤገ። 
አት ጋሪዸ፤ ወን አት ሆጄቱስ ጋሪዸ፤ ስርነኬ ነ በርሲስ። 
ኦፍ ቱልቶትን ዮ ሶባን መቃ ነ በሌሰንዩ፣ አን ገራኮ ጉቱዻን ሴረኬ ነንኤገ። 
ኦኔንሳኒ ሞራን ሀጉገምቴርት፤ አን ገሩ ሴረኬት ነንገመደ። 
አከ አን ስርነኬ በረዹፍ፣ ረከቹንኮ አናፍ ጋሪ ቱሬ። 
ሜቲፊ ወርቄ ኩማተመረ፣ ሴር አፋንኬቲ በኡ አናፍ ጋሪዸ። 
ሀርክኬ ነ ኡሜ፤ ነ ቶልቼስ፤ አከ አን አጀጀኬ በረዹፍ አት ሁበትና ና ኬን። 
ሰበቢ አን ዱቢኬ አብደዼፍ፣ ወር ስ ሶዳተን ዮሙ ነ አርገንት ሃገመደን። 
ያ ዋቀዮ፣ አን አከ ሙርቲንኬ ቀጄላ ተኤ፣ አከ አትስ አመነሙማዻን ነ ዽጵስቴ ቤከ። 
አኩመ አት ተጃጅላኬቲፍ ዋዳ ገልቴ ሰነት፣ ጃለልኬ ከን ህንጌደረምኔ ሱን ነ ሃጀጀቤሱ። 
አከ አን ሉቡን ጅራዹፍ ገረ ላፍንኬ ገረኮ ሃዹፉ፤ ሴርኬ ገመቹኮቲ። 
ኦፍ ቱልቶትን ዋን ሰበቢ መሌ ነ የከኒፍ ሃቃነአን፤ አን ገሩ እረ ዴዴብኤ ሴረኬ ነንያደ። 
ወር ስ ሶዳተን፣ ከኔን ሴረኬ ሁበተን ገረኮት ሃዴብአን። 
አከ አን ህንቃኖፍኔፍ ገራንኮ ሴረኬ ዱረት ሀንቅነ ህንቀባትን። 
ሉቡንኮ ፈይሱኬ ሀዉዻን ገገብድ፤ አን ገሩ ዱቢኬ ነንአብደዸ። 
እጅኮ ዋዳኬ ኤገቹዻን ደዸቤ፤ አንስ፣ “አት ዮም ነ ጀጀቤስተ?” ነንጄዸ። 
ቀልቀሎ ወይኒ ከን ኣረ ኬሰ ቱሬ ፈካዹስ አን አጀጀኬ ህንእራንፈዹ። 
ተጃጅላንኬ ሀመ ዮሚት ኦብሱ ቀበ? አት ወረ ነ አርአተንት ዮም ሙርተ? 
ኦፍ ቱልቶትን ወር አከ ሴረኬቲት ህንቡሌ፣ ቦለ ና ቆተኒሩ። 
አጀጀወንኬ ሁንድኑ አመነሞዸ፤ ነሞትን ሰበቢ መሌ ዋን ነ አርአተኒፍ አት ነ ገርጋር። 
እሳን ለፈራ ነ በሌሱ ገአኒ ቱረን፤ አን ገሩ ስርነኬ ህንዺፍኔ። 
አት አኩመ ጃለለኬቲት ሉቡኮ በራር፤ አንስ ሴረ አፋንኬቲ በኡ ነንኤገ። 
ያ ዋቀዮ፣ ዱቢንኬ በረ በራን ጅራተ፤ ሰሚ ኬሰስ ጀባቴ ንዻበተ። 
አመነሙማንኬ ዸሎተ ሁንዳፍ እት ፉፈ፤ አት ለፈ ሁንዴስቴ፤ እሼንስ ንጅራት። 
ሰበቢ ወን ሁንድኑ ስ ተጃጅሉፍ፣ ሴርኬ ሀመ ሀርኣት ጅራቴረ። 
ኡቱ ሴርኬ ገመቹ ና ተኡ ባቴ፣ አን ስላ ረክነኮቲን በዴን ቱሬ። 
ሰበቢ አት እሳን ነ ጅራችፍቴፍ፣ አን ጎንኩማ አጀጀኬ ህንእራንፈዹ። 
ሰበቢ አን ከንኬ ተኤፍ ነ ፈይስ፤ አንስ ስርነኬ በርባዴረ። 
ሀሞን ነ በሌሱፍ ነ ኤገቻ ጅሩ፤ አን ገሩ እረ ዴዴብኤ ሴረኬ ነንያደ። 
አን አከ ወን ሙዳ ህንቀብኔ ሁንድኑ ዳንጋ ቀቡ አርጌረ፤ አጀጅንኬ ገሩ ባይኤ በልኣዸ። 
አን ሴረኬ አከመን ጃለዸ! ጉያ ጉቱረ ዴዴብኤ ዋኤሳ ነንያደ። 
አጀጀወንኬ ዋን ዬሮ ሁንደ ነ ወጅን ጅረኒፍ፣ ዲኖተኮ ጫላ ኦጌሰ ነ ጎዸን። 
አን ሰበቢን እረ ዴዴብኤ ሴረኬ ያዱፍ፣ በርሲሶተኮ ሁንዱማ ጫላ ሁበትና ቀበ። 
አን ሰበቢን አጀጀኬ ኤጉፍ፣ ማንጉዶተ ጫላ ሁበትና ጉዳን ቀበ። 
አን አከን ዱቢኬ ኤጉፍ፣ ከራ ሀማ ሁንደራ ሚለኮ አደበዼረ። 
ዋን አት መታንኬ ነ በርሲፍቴፍ፣ አን ሴረኬራ ህንፈጋትኔ። 
ዱቢንኬ አከም አረበኮት ምኣወ፤ ነዺ ደማ ጫላ አፋንኮት ምኣወ! 
አን ቀጄልፈመኬራ ሁበትና አርገዼረ፤ ከናፉ ዳንዲ ሶባ ሁንደ ነንጅበ። 
ዱቢንኬ ሚለኮቲፍ እብሳዸ፤ ዳንዲኮቲፍሞ እፈ። 
አን አከን ሴረኬ ቀጄላ ሰነ ኤጉፍ፣ ከከዼረ፤ ከነስ ምርከኔሴረ። 
አን አከ መሌ ዽጰዼን ጅረ፤ ያ ዋቀዮ፣ አት አኩመ ዱቢኬቲት ሉቡኮ በራር። 
ያ ዋቀዮ፣ ገለተ ፌዺዻን አፋንኮቲ በኡ ፉዸዹ፤ ሴረኬስ ነ በርሲስ። 
ጅሬኝኮ ዬሮ ሁንደ ሀርከኮ ኬሰ ጅራቱዩ፣ አን ሴረኬ ህንእራንፈዹ። 
ሀሞን ክዮ ና ካአኒሩ፤ አን ገሩ አጀጀኬራ ህንጀልአትኔ። 
ሴርኬ ዻለኮ ከን በረ በራት፤ ገመቹ ገራኮቲትስ። 
ገራንኮ ሀመ ዹማት አጀጀኬ ኤጉፍ ኩተቴረ። 
አን ነመ ያደ ለማ ነንጅበ፤ ሴረኬ ገሩ ነንጃለዸ። 
አት እዶ አን እት በቀዹፊ ጋቸነኮት፤ አን ዱቢኬ አብደዼረ። 
አከ አን አጀጀወን ዋቀኮ ኤጉፍ፣ እስን ወር ዋን ሀማ ሆጄተን ነራ ፈጋዻ! 
አት አኩመ ዋዳኬቲት ነ ዴገር፤ አንስ ነንጅራዸ፤ አከ አን አብዲኮት ቃነኡ ነ ህንጎዽን። 
አከ አን ነጋዻን ጅራዹፍ ነ ዴገር፤ ዬሮ ሁንደ ሴረኬ ነንከበጀ። 
ሰበቢ ጎዎምሳንሳኒ ፋይዳ ህንቀብኔፍ፤ አት ወረ ሴረኬራ ጀልአተን ሁንደ ቱፈቴ ገተ። 
አት ሀሞተ ለፈራ ሁንደ አከ ኮሲት ገተ፤ ከናፉ አን ሴረኬ ነንጃለዸ። 
ፎንኮ ስ ሶዳቹዻን ሆለተ፤ አንስ ሙርቲኬ ነንሶዳዸ። 
አን ዋን ቀጄላፊ ቶላ ሆጄዼረ፤ አት ወረ ነ ሀጩጨንት ደበርስቴ ነ ህንኬንን። 
ነጋን ጅራቹ ተጃጅላኬቲ ምርከኔስ፤ አከ ኦፍ ቱልቶትን ነ ጩንቁርሰንስ ህንኤየምን። 
እጅኮ ፈይሱኬ ኤጉዻን፣ ዋዳኬ ቀጄላስ ኤጉዻንስ ደዸቤረ። 
አኩመ ጃለለኬቲት ተጃጅላኬ ያደዹ፤ ሴረኬስ ነ በርሲስ። 
አን ተጃጅላኬት፤ አከ አን አጀጀኬ ቤኩፍ ሁበትና ና ኬን። 
ያ ዋቀዮ፣ ኩን ዬሮ አት እት ሆጄቱዸ፤ ሴርኬ ጨብሰማ ጅራቲ። 
ከናፉ አን ወርቄ ጫላ፣ ወርቄ ቁልቁሉ ጫላ፣ አጀጀወንኬ ነንጃለዸ፤ 
አን አከ ሴርኬ ሁንድ ቀጄላ ተኤ ነንአመነ፤ ዳንዲ ሶባ ሁንደስ ነንጅበ። 
ስርንኬ ድንቅሲሳዸ፤ ከናፉ አን እሰ ነንኤገ። 
እብሰሙን ዱቢኬቲ እፈ ኬነ፤ ወላሎታፍስ ሁበትና ኬነ። 
አን አጀጀወንኬ ሀዉዻን አፋንኮ በኔ ነንሀርገነ። 
አት አኩመ ዬሮ ሁንደ ወረ መቃኬ ጃለተኒፍ ጎቱ ሰነ፣ ገረኮት ገረገሊ ነ ማር። 
አኩመ ዱቢኬቲት ተርካንፊ ሚለኮቲ ና ቀጄልች፤ ጩቡን ቶኮዩ ነረት ህንሞእን። 
አከ አን አጀጀኬ ኤጉፍ ሀጩጫ ነሞታ ጀላ ነ ፉር። 
አከ ፉልኬ ተጃጅላኬረት እፉ ጎዽ፤ ስርነኬስ ነ በርሲስ። 
ሰበቢ ነሞትን ሴረኬ ህንኤግኔፍ፣ እጅኮ እምማን ሎላሰ። 
ያ ዋቀዮ፣ አት ቀጄላዸ፤ ሙርቲንኬስ ቀጄላዸ። 
ሴር አት ኬንቴ ቀጄላዸ፤ ጉቱማትስ አመነማዸ። 
ሰበቢ ዲኖትንኮ ዱቢኬ ደገተኒፍ፣ ህናፋን አን ቀቡ ነ ጉጉቤረ። 
ዋዳንኬ ስሪት ቆረሜ እላለሜረ፤ ተጃጅላንኬስ እሰ ጃለተ። 
ጥናዼ ቱፈተሙዩ፣ አን አጀጀኬ ህንእራንፈዹ። 
ቀጄሉማንኬ በረ በራን ጅራተ፤ ሴርኬስ ዹጋዸ። 
ረክኒፊ ዽጵን ነት ዹፌረ፤ አጀጀወንኬ ገሩ ገመቹኮት። 
ሴርኬ በረ በራን ቀጄላዸ፤ አከ አን ጅራዹፍ ሁበትና ና ኬን። 
ያ ዋቀዮ፣ አን ገራኮ ጉቱዻን ስን ዋመዸ፤ ዴቢ ና ኬን፤ አንስ ስርነኬቲፍ ነንአጀጀመ። 
አን ስትን እየዸ፤ አት ነ ፈይስ፤ ሴረኬስ ነንኤገ። 
አን ኡቱ ለፍት ህንበርእን ከኤ ገርጋርሳፍ ነንእየዸ፤ አን ዱቢኬ አብደዼረ። 
አከ አንረ ዴዴብኤ ዋዳኬ ያዱፍ፣ እጅኮ ሀልከን ጉቱ በነሜ ቡለ። 
አኩመ ጃለለኬቲት ሰገሌኮ ዸገእ፤ ያ ዋቀዮ፣ አኩመ ሴረኬቲት ሉቡኮ በራር። 
ወር ደበ መርአተን አስ ዽኦ ጅሩ፤ ሴረኬራ ገሩ ፈጎ ጅሩ። 
ያ ዋቀዮ፣ አት ገሩ ዽኦ ጅርተ፤ አጀጀወንኬ ሁንድስ ዹጋዸ። 
አከ አት አጀጀወንኬ በረ በራን ሁንዴስቴ፣ አን ሴረኬራ ዱር በረዼረ። 
ዽጵነኮ አርጊቲ ነ ኦልች፤ አን ሴረኬ ህንደገኔቲ። 
ዱቢኮ ና ፈልም፤ ነ ፉርስ፤ አኩመ ዋዳኬቲት ሉቡኮ በራር። 
ሰበቢ እሳን ስርነኬ ህንበርባኔፍ፣ ፈይን ሀሞተራ ፈጋቴረ። 
ያ ዋቀዮ፣ ገረ ላፍንኬ ጉዳዸ፤ አኩመ ሴረኬቲት ሉቡኮ በራር። 
ዲኖትንኮ ወር ነ አርአተን ባይኤዸ፤ አን ገሩ ሴረኬራ ህንጀልአትኔ። 
ሰበቢ እሳን ዱቢኬቲፍ ህንአጀጀምኔፍ፣ አን ወረ አመንቲ ህንቀብኔ እጀ ጅባቲን ነንእላለ። 
አከም አከ አን ቀጄልፈመኬ ጃለዹ ሜ እላል፤ ያ ዋቀዮ፣ አኩመ ጃለለኬቲት ሉቡኮ በራር። 
ዱቢንኬ ሁንድኑ ዹጋዸ፤ ሴርኬ ቀጄላን ሁንድኑስ በረ በራን ጅራተ። 
ቡልችቶትን ሰበቢ መሌ ነ አርአተን፤ ገራንኮ ገሩ ዱቢኬ ሶዳቹዻን ሆለተ። 
አን አከ ነመ ቦጁ ጉዳ አርገቴ ቶኮት፣ ዱቢኬት ነንገመደ። 
አን ሶበ ነንጅበ፤ ነንጥሬፈዸስ፤ ሴረኬ ገሩ ነንጃለዸ። 
ሰበቢ ሴረኬ ቀጄላ ሰናቲፍ፣ አን ጉያት ዬሮ ቶርበ ስን ገለቴፈዸ። 
ወር ሴረኬ ጃለተን ነጋ ጉዳ ቀቡ፤ ወን እሳን ጉፈቺሱ ቶኮዩ ህንጅሩ። 
ያ ዋቀዮ፣ አን ፈይሱኬ ነንአብደዸ፤ አጀጀኬ ዱካስ ነንቡአ። 
አን ዋነን ጉዳ እሰ ጃለዹፍ፣ አጀጀኬ ነንኤገ። 
አት ከራኮ ሁንደ ዋን ቤክቱፍ፣ አን ስርነኬቲፊ ሴረኬ ነንኤገ። 
ያ ዋቀዮ፣ እይኮ ፉለኬ ዱረ ሃገኡ፤ አት አኩመ ዱቢኬቲት ሁበትና ና ኬን። 
ዋመንኮ ፉለኬ ዱረ ሃገኡ፤ አኩመ ዋዳኬቲት ነ ባስ። 
ሰበቢ አት ቀጄልፈመኬ ነ በርሲፍቱፍ፣ ህዺንኮ ገለተ ሃዸንገላሱ። 
አረብንኮ ዱቢኬ ሃፋርፈቱ፤ አጀጅንኬ ሁንድ ቀጄላዻቲ። 
ዋን አን ስርነኬ ፍለዼፍ፣ ሀርክኬ ነ ገርጋሩፍ ሃቆጳኡ። 
ያ ዋቀዮ፣ አን ፈይሱኬ ነንሀወ፤ ሴርኬስ ገመቹኮት። 
ሉቡንኮ ስ ገለቴፈቹፍ ሃጅራቱ፤ ሴርኬስ ነ ሃገርጋሩ። 
አን አኩመ ሆላ በዴ ከራራ ጀልአዼረ። አን አጀጀወንኬ ህንእራንፈትኔቲ፣ ተጃጅላኬ በርባድ። 
