﻿1 يَحَيَ.
2.
اٛنٛنْ ٻِٻّٜ اَمْ، اٜ مِ وِنْدَنَعٛنْ طُعُمْ نغَمْ تٛع نغَطٛنْ حَکّٜ؞ اَمَّا تٛ غٛطّٛ وَطِي حَکّٜ، اٜنْ نغٛودِ تٛرٛتٛوطٛ ݧَاکٛ مٛ دٛوْ نغَمْ مٜىٰطٜنْ؞ کَنْکٛ وٛنِ يٜىٰسُ اَلْمَسِيحُ اَادِلِيجٛ؞ 
کَنْکٛ وٛنِ مٛ طُمْ سَکِّ نغَمْ يَافَاکِ حَکّٜ مٜىٰطٜنْ؞ نَاع حَکّٜ مٜىٰطٜنْ تَنْ، اَمَّا حَا اٜ حَکّٜ يِمْٻٜ دُونِيَارُ فُو؞ 
تٛ اٜنْ نغَطَ کٛ اَللَّه وِعِ نغَطٜنْ، اٜ حٛلَّ اٜنْ تَبِّتِنِي اٜنْ اَنْدِمٛ وٛنْ طٛنْ؞ 
فُو بِيطٛ اٜ اَنْدِ اَللَّه، اَمَّا اٛ تٛکَّايِ کٛ اَللَّه وِعِ، تٛو، اٛ ڤٜوٛووٛ، غٛونغَ وَلَا ندٜرْ ٻٜرْندٜ مَاکٛ؞ 
اَمَّا فُو تٛکُّطٛ وٛلْدٜ اَللَّه، تٛو، اٜ مٛ يِطِ اَللَّه اٜ غٛونغَ؞ نٛنْ تَبِّتِنَنْتَعٜنْ اٜنْ شُمْڤٛوتِرَ اٜ اَللَّه؞ 
فُو بِيطٛ اٜ سُمْڤٛوتِرَ اٜ اَللَّه، حَانِي اٛ جٛوطٛرٛو نٛ يٜىٰسُ اَلْمَسِيحُ جٛوطٛرِي؞ 
حِغٛوٻٜ اَمْ غِطَاٻٜ، نَاع طُمْ غٛطُّمْ دٛوکَ کٜسُمْ مبِنْدَنَيْمِعٛنْ، اَمَّا طُمْ دٛوکَ کِيطُمْ طُمْ نغٛودُنٛوطٛنْ دَغَ اَرَنْدٜ؞ دٛوکَ کِيطُمْ طُمْ طٛنْ وٛنِ وٛلْدٜ ندٜ نَنُنٛوطٛنْ؞ 
فُو اٜ نٛنْ، اٜ مِ وِنْدَنَعٛنْ دٛوکَ کٜسُمْ، جٛنْدٜ اَلْمَسِيحُ اٜ جٛنْدٜ مٛوطٛنْ حٛلِّي طُمْ غٛونغَ، نغَمْ ݧِوْرٜ اٜ دِلَّ، جَيْنغٛلْ غٛونغَوٛلْ يَادَکٜ يٜيْنَکٜ؞ 
فُو بِيطٛ ندٜرْ جَيْنغٛلْ وٛنِ، اَمَّا اٜ مٛ وَݧَ بَنْدِرَاوٛ مَاکٛ، تٛو، حَا جٛونِ ندٜرْ ݧِوْرٜ اٛ وٛنِ؞ 
اَمَّا فُو غِطّٛ بَنْدِرَاوٛ مُوطُمْ، ندٜرْ جَيْنغٛلْ جٛوطِي، اٛ وَلَا غٛطُّمْ غَطَيْطُمْ اٛ وَطَ حَکّٜ؞ 
فُو مٛ يِطَا بَنْدِرَاوٛ مُوطُمْ، ندٜرْ ݧِوْرٜ جٛوطِي، اٜ مٛ يَحَ ندٜرْ ݧِوْرٜ؞ اٛ اَنْدَا تٛ اٛ فَعِ، نغَمْ ݧِوْرٜ وُمْنِيمٛ؞ 
اٛنٛنْ ٻِٻّٜ اَمْ، مِ وِنْدَنْعٛنْ نغَمْ اٛنْ نجَافَنَامَ حَکّٜ مٛوطٛنْ بَرْکَ يٜىٰسُ؞ 
مِ وِنْدَنْعٛنْ، اٛنٛنْ ندٛتِّعٜنْ، نغَمْ اٛنْ اَنْدِ اٛنْ طٛنْ غٛنْطٛ دَغَ اَرَنْدٜ؞ مِ وِنْدَنْعٛنْ، اٛنٛنْ کَيٜعٜنْ، نغَمْ اٛنْ کٜٻِي جَالٛرْغَلْ دٛوْ کَلُّطٛ؞ مِ وِنْدَنْعٛنْ، اٛنٛنْ ٻِٻّٜ اَمْ، نغَمْ اٛنْ اَنْدِ ݧَاکٛ مٛ دٛوْ؞ 
مِ وِنْدَنْعٛنْ، اٛنٛنْ ندٛتِّعٜنْ، نغَمْ اٛنْ اَنْدِمٛ، کَنْکٛ غٛنْطٛ دَغَ اَرَنْدٜ؞ مِ وِنْدَنْعٛنْ، اٛنٛنْ کَيٜعٜنْ، نغَمْ اٛنْ نغٛودِ سٜمْبٜ ٻٜرْندٜ، ندٜنْ وٛلْدٜ اَللَّه اٜ جٛوطِي ندٜرْ ٻٜرْطٜ مٛوطٛنْ؞ طٛنْمَا اٛنْ کٜٻِي جَالٛرْغَلْ دٛوْ کَلُّطٛ؞ 
تٛع اٛنْ نغِطُ دُونِيَارُ، کٛو بٛو کٛ وٛنِ ندٜرْ مَيْرُ؞ فُو غِطّٛ دُونِيَارُ، يِطَا ݧَاکٛ مٛ دٛوْ؞ 
نغَمْ کٛو طُمٜ کٛ وٛنِ ندٜرْ دُونِيَارُ، بٛ سُونٛ ٻَنْدُ، اٜ سُونٛ غِتٜ، اٜ مَوْنِنْکِ حٛورٜ نغَمْ جَوْدِ، نَاع دَغَ تٛ اَللَّه طُمْ پِوٛيِ؞ دَغَ تٛ دُونِيَارُ طُمْ پِوٛيِ؞ 
دُونِيَارُ اٜ کٛو طُمٜ طُمْ يِمْٻٜ نغِطِ ندٜرْ مَيْرُ طُمْ پَٻّٛتٛوطُمْ، اَمَّا غَطٛووٛ کٛ اَللَّه يِطِ جٛوطٛتٛ حَا اَبَدَا؞ 
اٛنٛنْ ٻِٻّٜ اَمْ، تِمّٛودٜ دُونِيَارُ ٻَدَکٜ، نٛنْ نٛ نَنْطٛنْ غَݧٛ اَلْمَسِيحُ اٜ وَرَ؞ ندٜنْ جٛونِ وَݧْوَݧْٻٜ اَلْمَسِيحُ نجَادَکٜ مبَنْغِي؞ نغَمْ مَاجُمْ اٜنْ اَنْدِ تِمّٛودٜ دُونِيَارُ ٻَدَکٜ؞ 
وَݧْوَݧْٻٜ اَلْمَسِيحُ ٻٜنْ ندٜنّٛ ندٜرْ مٜىٰطٜنْ ٻٜ نغٛنّٛو، اَمَّا ٻٜ شٜنْدِرِي اٜ مٜىٰطٜنْ نغَمْ دَغَ ندٜنّٛ مَا نَاع طُمْ ٻٜ مٜىٰطٜنْ؞ دَا طُمْ ٻٜ مٜىٰطٜنْ، دَا حَا جٛونِ اٜ ٻٜ نغٛنْدِ اٜ مٜىٰطٜنْ؞ اَمَّا ٻٜ اَلِيعٜنْ، نغَمْ طُمْ حٛلَّ ندٜنْ مَا ٻٜ فُو نَاع طُمْ ٻٜ مٜىٰطٜنْ؞ 
اَمَّا اَلْمَسِيحُ حٛکِّيعٛنْ رُوحُ اَللَّه؞ کَنْجُمْ وَطِ اَنْدُطٛنْ غٛونغَ؞ 
مِ وِنْدَنْعٛنْ، نَاع نغَمْ اٛنْ اَنْدَا غٛونغَ، اَمَّا نغَمْ اٛنْ اَنْدِکَ، ندٜنْ اٛنْ اَنْدِ غٛونغَ رِمَتَا فٜوْرٜ؞ 
طُمْ مٛيٜ وٛنِ ڤٜوٛووٛ؟ کَنْکٛ وٛنِ غَݧُطٛ يٜىٰسُ وٛنِ اَلْمَسِيحُ؞ غَݧُطٛ ݧَاکٛ مٛ دٛوْ اٜ ٻِطّٛ مَاکٛ کَنْکٛ وٛنِ غَݧٛ اَلْمَسِيحُ؞ 
نغَمْ کٛو مٛيٜ وَݧِ ٻِطّٛ اٛنْ، وَݧِي ݧَاکٛ اٛنْ مَا؞ فُو بِيطٛ اٜ نجَيْرِ يٜىٰسُ اٛ ٻِطّٛ اَللَّه، اٜ سُمْڤٛوتِرَ اٜ اَللَّه ݧَاکٛ مٛ دٛوْ وٛنْ طٛنْ؞ 
نغَطٜىٰ کَ جٛغَاکِ کٛ نَنْطٛنْ دَغَ اَرَنْدٜ ندٜرْ ٻٜرْطٜ مٛوطٛنْ؞ تٛ اٛنْ نجٛغَکٜ کٛ نَنْطٛنْ دَغَ اَرَنْدٜ ندٜرْ ٻٜرْطٜ مٛوطٛنْ، اٛنْ شُمْڤٛوتِرَ اٜ ٻِطّٛ اٛنْ اٜ ݧَاکٛ اٛنْ؞ 
نغَعَلْ کَنْغَلْ وٛنِ اَلْکَوَلْ نغَلْ اَلْمَسِيحُ وَطَنِعٜنْ، وَاتٛ يٛنْکِ کِ رٜعَتَا؞ 
مِ وِنْدَنْعٛنْ طُعُمْ دٛوْ ٻٜنْ طٛنْ غِطْٻٜ مَجِّنَعٛنْ؞ 
اَمَّا اٛنٛنْ، اَلْمَسِيحُ حٛکِّيعٛنْ رُوحُ اَللَّه، جٛوطِيطُمْ ندٜرْ ٻٜرْطٜ مٛوطٛنْ؞ نَاع نَا غٛطّٛ اٜکِّتِنٛووٛ فٜىٰرٜ اٜکِّتِنِيعٛنْ، نغَمْ رُوحُ طُمْ اٜ اٜکِّتِنَعٛنْ کٛو طُمٜ؞ ندٜنْ کٛ طُمْ اٜکِّتِنْتَ طُمْ غٛونغَ، نَاع طُمْ فٜوْرٜ؞ نغَطٜىٰ کَ سُمْڤٛوتِرْکِ اٜ يٜىٰسُ نٛنْ نٛ رُوحُ اَللَّه اٜکِّتِنِرِعٛنْ؞ 
جٛونِ، اٛنٛنْ ٻِٻّٜ اَمْ، نغَطٜىٰ کَ سُمْڤٛوتِرْکِ اٜ اَلْمَسِيحُ، نغَمْ ݧَلْندٜ ندٜ اٛ وَرْتَتَ ندَرٛوطٜنْ يٜىٰسٛ مَاکٛ ٻٜرْندٜ غٛعٛ، تٛع شٜمْتٜنْ يٜىٰسٛ مَاکٛ؞ 
تٛ اٛنْ اَنْدِ اَلْمَسِيحُ اٛ اَادِلِيجٛ، اٛنْ تَبِّتِنِي وِيکِ کٛو مٛيٜ غَطٛووٛ اَادِلَاکُ اٛ ٻِطّٛ اَللَّه؞ 
