﻿غَلَاتِيَنْکٛعٜنْ.
6.
اٛنٛنْ بَنْدِرَاٻٜ اَمْ، تٛ اٛنْ نغِعِي غٛطّٛ اٜ وَطَ حَکّٜ، اٛنٛنْ کٜىٰوُٻٜ رُوحُ اَللَّه سٜيْ شٛعّٛنْمٛ دٛوْ لَاوٛلْ ندٜرْ حَکِّيلٛ؞ اَمَّا ڤَامَنٜىٰ کٛعٜ مٛوطٛنْ، تٛع اٛنٛنْ مَا نغَطٛنْ حَکّٜ؞ 
مبَلِّندِرٜىٰ ندٜرْ تٛرَّاجِ مٛوطٛنْ؞ تٛ اٛنْ نغَطِي نٛنْ، اٛنْ نغَطِي کٛ دٛوکَ اَلْمَسِيحُ وِعِ؞ 
تٛ غٛطّٛ اٜ ݧُمَ کَنُمْ طُمْ غٛطُّمْ کٛو ندٜ نَاع اٛ غٛطُّمْ، اٜ مٛ مَجِّنَ حٛورٜ مَاکٛ؞ 
کٛو مٛيٜ فٛوندَ کُوطٜ مُوطُمْ يِعَ تٛ طٜ بٛطّٜ؞ ندٜنْ اٛ مَنْتٛرٛو حٛورٜ مَاکٛ نغَمْ کٛ اٛ وَطِ نَاع سٜيْ تٛ اٛ فٛوندِي حٛورٜ مَاکٛ اٜ غٛطّٛ؞ 
نغَمْ کٛو مٛيٜ دٛولٜ حٛشَّ تٜدّٛرَلْ مُوطُمْ؞ 
فُو اٜکِّتِنَاطٛ وٛلْدٜ اَللَّه اٜ حَانِ اٛ سٜنْدِدَ فُو فِي بٛطُّمْ طُمْ اٛ وٛودِ اٜ اٜکِّتِنْطٛمٛ؞ 
تٛع اٛنْ مَجِّنْ کٛعٜ مٛوطٛنْ، اَللَّه پٛيْرَتَاکٜ؞ فُو کٛ نٜطّٛ اَاوِ، کَنْجُمْ اِتَّتَ؞ 
اَاوُطٛ وَطُکِ کٛ ٻَنْدُ مُوطُمْ يِطِ، دَغَ ندٜرْ وَطُکِ کٛ ٻَنْدُ مَاکٛ يِطِ، اٛ فٛوطَنَيْ حٛورٜ مَاکٛ حَلْکٜرٜ؞ اَمَّا اَاوُطٛ وَطُکِ کٛ رُوحُ اَللَّه يِطِ، دَغَ ندٜرْ وَطُکِ کٛ رُوحُ طُمْ يِطِ اٛ حٜٻَيْ يٛنْکِ کِ رٜعَتَا؞ 
تٛع اٜنْ شٛمُ وَطُکِ کٛ وٛوطِ، نغَمْ تٛ شَرٜلْ وَطِي اٜنْ کٜٻَيْ بَرْکَ، تٛ اٜنْ اَلَايِ وَطُکِ کٛ وٛوطِ؞ 
نغَمْ مَاجُمْ فُو شَرٜلْ نغٜلْ کٜٻْطٜنْ، اٜنْ نغَطَنْ کٛو مٛيٜ کٛ وٛوطِ، کٛ ٻُرِ مَا وٛنِ ٻٜنْ طٛنْ تٛکُّٻٜ يٜىٰسُ بَنْدِرَاٻٜ مٜىٰطٜنْ؞ 
ندَارٜىٰ اِرِ بِنْدِ مَوْطِ طِ مبِنْدٛنٛيْمِعٛنْ اٜ جُنْغٛ اَمْ؞ 
ٻٜنْ طٛنْ يِمْٻٜ مَوْنِنٛوٻٜ کٛعٜ مَٻّٜ نغَمْ کٛ طُمْ وَطَنِٻٜ اٜ ٻَنْدُ، کَمْٻٜ نغِطِ دٛولٜ طُمْ نَادَعٛنْ؞ اٜ ٻٜ نغَطَ نٛنْ نغَمْ تٛع ٻٜ تٛرّٜىٰ نغَمْ غَافَانغَلْ اَلْمَسِيحُ؞ 
نغَمْ کٛو ٻٜنْ طٛنْ نَادَاٻٜ مَا ٻٜ تٛکَّتَا کٛ اَتَّوْرَ وِعِ، اَمَّا فُو اٜ نٛنْ اٜ ٻٜ نغِطِ طُمْ نَادَعٛنْ ٻٜ مَوْنِنَ حٛورٜ نغَمْ ٻٜ نغَطِي طُمْ نَادِيعٛنْ؞ 
اَمَّا مِنْ، کٛو سٜطَّ مِ مَوْنِنْتَا حٛورٜ اَمْ سٜيْ نِ دٛوْ غَافَانغَلْ جٛومِرَاوٛ مٜىٰطٜنْ يٜىٰسُ اَلْمَسِيحُ؞ بَرْکَ مَيْدٜ مَاکٛ دٛوْ غَافَانغَلْ، کٛ وٛنِ ندٜرْ دُونِيَارُ وَرْتِي مٜىٰرٜ تٛ اَمْ، مِنْ مَا مِ وَرْتِي مٜىٰرٜ تٛ مَيْرُ؞ 
نغَمْ وَلَا فٜىٰرٛوتِرٛلْ حَکُّندٜ نَادَاطٛ اٜ مٛ نَادَاکَ؞ کٛ ٻُرِ وٛنِ اَللَّه وَرْتِرَ نٜطّٛ کٜسٛ؞ 
جَمْ اَللَّه اٜ يُرْمٜىٰندٜ مَاکٛ تَبِّتَ تٛ ٻٜنْ طٛنْ تٛکّٛوٻٜ اٜکِّتِنٛلْ نغٛعٛلْ، وَاتٛ يِمْٻٜ اَللَّه ٻٜ غٛونغَ؞ 
مِ يٛتِّنَيْ اٜ وِيکِ، تٛع غٛطّٛ ٻٜيْدَ وَنُّکِيَمْ، نغَمْ تَبٛوجٜ طٜ نغٛودُمِ اٜ ٻَنْدُ کٛلِّي مِ مَشُّطٛ يٜىٰسُ؞ 
جٛومِرَاوٛ مٜىٰطٜنْ يٜىٰسُ اَلْمَسِيحُ بَرْکِطِنَعٛنْ اٛنْ فُو بَنْدِرَاٻٜ اَمْ؞ اَامِنْ؞
