﻿1 کٛرِنْتِيَنْکٛعٜنْ.
14.
نغَطٜىٰ کٛ مبَاوٛتٛنْ وَطُکِ نغَرْتٛنْ غٛودُٻٜ يِدّٜ، ندٜنْ طَٻِّتٜىٰ دٛکّٜ رُوحُ اَللَّه، کٛ ٻُرِ وٛنِ دٛکَّلْ وَطُکِ اَنَّبَاکُ؞ 
نغَمْ غَطِرٛووٛ دٛعَارٜ طٜمْنغَلْ نغَلْ طُمْ اَنْدَا نَاع يِمْٻٜ اٛ مٜتَنْتَ، اَللَّه اٛ مٜتَنْتَ؞ وَلَا ڤَامَيْطٛ کٛ اٛ وِعَتَ، نغَمْ سِرُّوجِ اٛ مٜتَتَ لَاوٛلْ رُوحُ اَللَّه؞ 
اَمَّا فُو غَطُطٛ اَنَّبَاکُ، يِمْٻٜ اٛ مٜتَنْتَ، نغَمْ اٛ ٻٜيْدَنَٻٜ حٛولَارٜ، اٛ سٜمْبِطِنَٻٜ، اٛ وَلْتِنَ ٻٜرْطٜ مَٻّٜ؞ 
غَطِرٛووٛ دٛعَارٜ طٜمْنغَلْ نغَلْ طُمْ اَنْدَا حٛورٜ مَاکٛ اٛ سٜمْبِطِنْتَ، اَمَّا غَطٛووٛ اَنَّبَاکُ، تٛکُّٻٜ يٜىٰسُ اٛ سٜمْبِطِنْتَ؞ 
اٜ مِ يِطِ اٛنْ فُو نغَطِرٛنْ دٛعَارٜ طٜمْطٜ طٜ طُمْ اَنْدَا، اَمَّا مِ ٻُرِي يِطُکِ نغَطٛنْ اَنَّبَاکُ؞ نغَمْ غَطٛووٛ اَنَّبَاکُ ٻُرِي غَطِرٛووٛ دٛعَارٜ طٜمْطٜ طٜ طُمْ اَنْدَا، سٜيْ نِ تٛ اٜ مٛ حٛکَّ مَعَنَ مَاجٜ، نغَمْ اٛ سٜمْبِطِنَ تٛکُّٻٜ يٜىٰسُ؞ 
تٛو، جٛونِ بَنْدِرَاٻٜ اَمْ، تٛ مِ وَرِي تٛ مٛوطٛنْ مِ وَطِرِي دٛعَارٜ طٜمْطٜ طٜ طُمْ اَنْدَا، طُمٜ طُمْ ٻٜيْدَنْتَعٛنْ؟ وَلَا!‏ سٜيْ نِ تٛ مِ وِعِيعٛنْ کٛ اَللَّه وَنْغِنَنِيَمْ، کٛو مِ اٜکِّتِنِيعٛنْ کٛ اَنْدُمِ دٛوْ اَللَّه، کٛو مِ وَطَنِيعٛنْ اَنَّبَاکُ، کٛو مِ اٜکِّتِنِيعٛنْ وٛلْدٜ اَللَّه؞ 
رَا مِسَالُ دٛوْ فِي طُمْ وَلَا يٛنْکِ، وَاتٛ دُودَاندُ اٜ غَرَايَارُ؞ تٛ دُودَاندُ دُودَاکَ بٛطُّمْ کٛو تٛ غَرَايَارُ ڤِيَاکَ بٛطُّمْ، نٛ طُمْ اَنْدِرْتَ دُودُکِ کِنْ کٛو ڤِيٛلْ نغٛلْ؟ 
طٛنْمَا، تٛ دُودٛووٛ لُوَلْ کٛنُ دُودَايِنغَلْ بٛطُّمْ، مٛيٜ سِرْيٛتٛو يَاکِ کٛنُ؟ 
نٛنْ طُمْ وٛنِ تٛ مٛوطٛنْ، تٛ نَاع اٛنْ نغَطِرْ دٛعَارٜ طٜمْنغَلْ نغَلْ يِمْٻٜ نَنَتَ، نٛ وَطَتَ ٻٜ ڤَامَ کٛ مبِعٛتٛنْ؟ طُمْ وَرْتَيْ بٛ اٛنْ مٜتَ اٜ مٜىٰرٜ؞ 
غٛونغَ، اٜ وٛودِ طٜمْطٜ فٜىٰرٜ‑فٜىٰرٜ اٜ دُونِيَارُ، اَمَّا ندٜرْ طٜمْطٜ طٜنْ وَلَا طٜمْنغَلْ نغَلْ وَلَا مَعَنَ؞ 
تٛ مِ فَامَايِ طٜمْنغَلْ نغَلْ غٛطّٛ مٜتِ، مِ وَرْتِي کٛطٛ تٛ مَاکٛ، کَنْکٛ مَا اٛ وَرْتِي کٛطٛ تٛ اَمْ؞ 
اٛنٛنْ مَا، نٛنْ طُمْ وٛنِ تٛ مٛوطٛنْ؞ ندٜ اٛنْ کَاٻِي کٜٻٛنْ دٛکّٜ رُوحُ اَللَّه، نغَطٜىٰ کٛ مبَاوٛتٛنْ وَطُکِ ٻُرٛنْ حُوتِرْکِ دٛکّٜ شٜمْبِطِنَيْطٜ تٛکُّٻٜ يٜىٰسُ؞ 
نغَمْ نٛنْ، فُو غَطِرْطٛ دٛعَارٜ طٜمْنغَلْ نغَلْ اٛ اَنْدَا، سٜيْ اٛ تٛرٛو اَللَّه وَلَّمٛ اٛ وَاوَ حٛکُّکِ مَعَنَ طٜمْنغَلْ نغَلْ؞ 
نغَمْ تٛ مِ وَطِرِي دٛعَارٜ طٜمْنغَلْ نغَلْ مِ اَنْدَا، ٻٜرْندٜ اَمْ وَطِي دٛعَارٜ، اَمَّا مِ حٜٻْتَتَا کٛ مبِيمِ؞ 
تٛو، کٛ حَانِ مِ وَطَ؟ مِ وَطَيْ دٛعَارٜ ندٜرْ ٻٜرْندٜ اَمْ، طٛنْمَا مِ وَطَيْ دٛعَارٜ ندٜرْ ݧُمٛلْ اَمْ؞ مِ يِمَيْ غِمٛلْ مَنْتُکِ اَللَّه ندٜرْ ٻٜرْندٜ اَمْ، طٛنْمَا مِ يِمَيْ ندٜرْ ݧُمٛ اَمْ؞ 
تٛ نَاع نٛنْ، تَا يٜتِّي اَللَّه ندٜرْ طٜمْنغَلْ نغَلْ اَ اَنْدَا، نٛ غٛطّٛ مٛ نَنَتَانغَلْ وِيرَتَ ‏«‏اَامِنْ»‏ دٛوْ يٜتّٛورٜ مَاطَ؟ اٛ فَامَايِ کٛ مبِيطَا؞ 
طُمْ غٛونغَ اَ يٜتَّ اَللَّه بٛطُّمْ، اَمَّا طُمْ سٜمْبِطِنْتَا نَنَيْطٛمَ؞ 
مِ يٜتِّي اَللَّه نغَمْ مِ ٻُرِيعٛنْ اٛنْ فُو وَطِرْکِ دٛعَارٜ طٜمْطٜ طٜ مِ اَنْدَا؞ 
اَمَّا ندٜرْ کَوْتَلْ تٛکُّٻٜ يٜىٰسُ طُمْ ٻُرِي مِ مٜتَ بٛلِيطٜ جٛوِ ڤَامٜتٜىٰطٜ نغَمْ مِ اٜکِّتِنَ وٛٻّٜ اٜ دٛوْ مِ مٜتَ بٛلِيطٜ 10,000 ندٜرْ طٜمْنغَلْ نغَلْ طُمْ اَنْدَا؞ 
بَنْدِرَاٻٜ، اَلٜىٰ ݧُمُکِ بٛ سُکَحٛيْ؞ نغَرْتٜىٰ ٻٜ نغَلَا حَلّٜىٰندٜ بٛ ٻِکّٛيْ کٜشّٛيْ، اَمَّا نغَرْتٜىٰ بٛ مَوْٻٜ ندٜرْ ݧُمٛ مٛوطٛنْ؞ 
اَتَّوْرَ وِعِي جٛومِرَاوٛ وِعِي، ‏«‏مِ مٜتَنَيْ يِمْٻٜ اَمْ لَاوٛلْ مٜتٛوٻٜ طٜمْطٜ طٜ اَنْدَاکَ؞ مِ مٜتَنَيْٻٜ اٜ حٛنْدُکٛ يِمْٻٜ غٛطّٜ لٜيْطٜ، اَمَّا فُو اٜ نٛنْ ٻٜ کٜتِّندَنْتَاکٛيَمْ؞»‏ 
نغَمْ نٛنْ، وَطِرْکِ دٛعَارٜ طٜمْطٜ طٜ طُمْ اَنْدَا نَاع طُمْ اَلَامَ نغَمْ تٛکُّٻٜ يٜىٰسُ، اَمَّا طُمْ اَلَامَ نغَمْ يِمْٻٜ ٻٜ تٛکَّايِ يٜىٰسُ؞ اَنَّبَاکُ بٛو طُمْ نغَمْ تٛکُّٻٜ يٜىٰسُ، نَاع نغَمْ يِمْٻٜ ٻٜ تٛکَّايِ يٜىٰسُ؞ 
نغَمْ نٛنْ، تٛ اٛنْ فُو اٛنْ کَوْرِتِي کٛو مٛيٜ اٜ وَطِرَ دٛعَارٜ طٜمْطٜ طٜ طُمْ اَنْدَا، تٛ وٛٻّٜ ٻٜ ڤَامَايِ کٛو يِمْٻٜ ٻٜ تٛکَّايِ يٜىٰسُ نَتِّي ندٜرْ مٛوطٛنْ، نَاع ٻٜ مبِعَيْ اٛنْ حَاݝَاٻٜ؟ 
اَمَّا تٛ غٛطّٛ مٛ تٛکَّايِ يٜىٰسُ کٛو غٛطّٛ مٛ اَنْدَا کٛ نغَطٛتٛنْ نَتِّي ندٜرْ مٛوطٛنْ تَوِي کٛو مٛيٜ اٜ وَطَ اَنَّبَاکُ، اٛ فَامَيْ اٛ وَطِي حَکّٜ، نٛنْ وَطَيْ اٛ طَٻِّتَ اٛ تُوبَ؞ 
کٛ وٛنِ ندٜرْ ٻٜرْندٜ مَاکٛ شُوطِيطُمْ طُمْ وُرْتٛتٛ اٜ نجَيْرِ، اٛ دِشّٛتٛ، اٛ مَوْنِنَ اَللَّه، اٜ مٛ وِعَ، ‏«‏غٛونغَ، اَللَّه اٜ طٛنْ ندٜرْ مٛوطٛنْ؞»‏ 
تٛو، بَنْدِرَاٻٜ، طُمٜ نغَطٛتٛنْ؟ تٛ اٛنْ کَوْرِتِي نغَمْ مَوْنِنْکِ اَللَّه، غٛطّٛ اٜ وٛودِ غِمٛلْ، غٛطّٛ اٜ وٛودِ اٜکِّتِنٛلْ، ندٜنْ غٛطّٛ اٜ وَطِرَيْ دٛعَارٜ طٜمْنغَلْ نغَلْ طُمْ اَنْدَا، غٛطّٛ حٛکَّيْ مَعَنَ طٜمْنغَلْ نغَلْ؞ طُمْ فُو طُمْ وَطٜىٰ نغَمْ سٜمْبِطِنْکِ کَوْتَلْ تٛکُّٻٜ يٜىٰسُ؞ 
تٛ وٛٻّٜ اٜ نغَطِرَ دٛعَارٜ طٜمْنغَلْ نغَلْ طُمْ اَنْدَا، تٛع ٻٜ ٻُرَ طِطٛ کٛو تَتٛ؞ اٜ حَانِ ٻٜ مٜتَ غٛعٛ‑غٛعٛ، طٛنْمَا دٛولٜ غٛطّٛ حٛکَّ مَعَنَ کٛ ٻٜ مبِعَتَ؞ 
اَمَّا تٛ وَلَا کٛکّٛووٛ مَعَنَ کٛ ٻٜ مبِعَتَ، اٜ حَانِ ٻٜ ندٜعِّتَ ندٜرْ کَوْتَلْ تٛکُّٻٜ يٜىٰسُ، ٻٜ مٜتَنَ اَللَّه ندٜرْ ٻٜرْندٜ مَٻّٜ؞ 
غَطٛوٻٜ اَنَّبَاکُ مَا، تٛع ٻٜ ٻُرَ طِطٛ کٛو تَتٛ؞ اٜ حَانِ ٻٜ مٜتَ غٛعٛ‑غٛعٛ، ندٜنْ کٜتِّندَنِيٻٜٻٜ ڤٛوندَ کٛ ٻٜ مبِعَتَ اٜ حَکِّيلٛ؞ 
تٛ اٜ وٛودِ کٛ اَللَّه وَنْغِنَنِ غٛطّٛ ندٜرْ کٜتِّندَنْتٛوٻٜ ٻٜنْ، سٜيْ مٜتٛووٛ اَرَنْدٜىٰجٛ اٛنْ دٜعِّتَ؞ 
اٛنْ فُو اٛنْ مبَاوَيْ نغَطٛنْ اَنَّبَاکُ غٛعٛتٛ‑غٛعٛتٛ نغَمْ کٛو مٛيٜ اٜکِّتٛو حٜٻَ کٛ سٜمْبِطِنْتَمٛ؞ 
غَطٛوٻٜ اَنَّبَاکُ اٜ حَانِ ٻٜ مبَاوَنَ کٛعٜ مَٻّٜ؞ 
نغَمْ اَللَّه نَاع اٛ اَللَّه غَدّٛووٛ جِيٻَارٜ، اَمَّا اٛ غَدّٛووٛ جَمْ؞ تٛ تٛکُّٻٜ يٜىٰسُ کَوْرِتِي ندٜرْ کَوْتَلْ مَٻّٜ، 
اٜ حَانِ رٜوْٻٜ ندٜعِّتَ؞ طُمْ جَٻَايِ ٻٜ مٜتَ، اَمَّا ٻٜ نجٛوطٛو لٜيْ لَامُ وٛرْٻٜ نٛ اَتَّوْرَ وِعِ؞ 
تٛ اٜ وٛودِ غٛطُّمْ طُمْ ٻٜ نغِطِ ٻٜ اَنْدَ، ٻٜ پَمَ وٛرْٻٜ مَٻّٜ تٛ وُرٛ؞ نغَمْ طُمْ شٜمْتِنِيطُمْ دٜبّٛ مٜتَ ندٜرْ تٛکُّٻٜ يٜىٰسُ شَرٜلْ کٛ ٻٜ کَوْرِتِ نغَمْ مَوْنِنْکِ اَللَّه؞ 
تٛو، تٛ مٛوطٛنْ وٛلْدٜ اَللَّه فُطِّرِ، کٛو تٛ مٛوطٛنْ تَنْ ندٜ يَحِ؟ 
تٛ غٛطّٛ اٜ کَمِّي اٛ اَنَّبِيجٛ، کٛو اٛ کٜٻُطٛ دٛکَّلْ رُوحُ اَللَّه، اٜ حَانِ اٛ اَنْدَ طُعُمْ طُمْ مبِنْدَنَيْمِعٛنْ تٛ جٛومِرَاوٛ طُمْ پِوٛيِ؞ 
اَمَّا تٛ اٛ وَݧِي طُمْ نٛنْ، کَنْکٛ مَا سٜيْ اٛ وَݧٜىٰ؞ 
نغَمْ نٛنْ، بَنْدِرَاٻٜ اَمْ، نغِطٜىٰ وَطُکِ اَنَّبَاکُ، تٛع اٛنْ کَرْمِنْ وَطِرْکِ دٛعَارٜ طٜمْطٜ طٜ طُمْ اَنْدَا؞ 
سٜيْ کٛو طُمٜ وَطٜىٰ نٛ حَانِ اٜ لَاوٛلْ بٛنْغٛلْ؞ 
