﻿طٜرٜوٛلْ اَرَنْدٜوٛلْ نغٛلْ بُلُسْ وِنْدَنِ  کٛرِنْتِيَنْکٛعٜنْ.
1.
مِنْ، بُلُسْ مٛ اَللَّه سُٻِ وَرْتَ لِلَاطٛ يٜىٰسُ اَلْمَسِيحُ اٜ بَنْدِرَاوٛ مٜىٰطٜنْ سَسْتَانِسْ مبِنْدِ طٜرٜوٛلْ نغٛعٛلْ؞ 
مِنْ مبِنْدَنْغٛلْ کَوْتَلْ يِمْٻٜ اَللَّه وٛنْٻٜ کٛرِنْتِ، ٻٜ اَللَّه نٛدِّ نغَرْتَ يِمْٻٜ مُوطُمْ؞ مِنْ مبِنْدَنْغٛلْ يِمْٻٜ فُو غٛنْٻٜ کٛو تٛيٜ غَطٛوٻٜ دٛعَارٜ ندٜرْ اِنْدٜ يٜىٰسُ اَلْمَسِيحُ جٛومِرَاوٛ مٜىٰطٜنْ؞ کَنْکٛ وٛنِ جٛومِرَاوٛ مٜىٰطٜنْ اٜ مَٻّٜ فُو؞ 
اَللَّه ݧَاکٛ مٜىٰطٜنْ مٛ دٛوْ اٜ يٜىٰسُ اَلْمَسِيحُ جٛومِرَاوٛ بَرْکِطِنَعٛنْ حٛکَّعٛنْ جَمْ؞ 
کٛو ندٜيٜ اٜ مِ يٜتَّ اَللَّه نغَمْ مٛوطٛنْ نغَمْ بَرْکَ اٜ يِدّٜ طُمْ اٛ حٛکِّعٛنْ نغَمْ سُمْڤٛوتِرْکِ مٛوطٛنْ اٜ يٜىٰسُ اَلْمَسِيحُ؞ 
سُمْڤٛوتِرْکِ مٛوطٛنْ اٜ مَاکٛ طُمْ بَرْکِطِنِيعٛنْ اٜ کٛو نغٛلٜ لَاوٛلْ، وَاتٛ ندٜرْ مٜتٛ فُو اٜ اَنْدَلْ فُو، 
نغَمْ طُمْ تَبِّتِنَنِيعٛنْ وَعَجُ طُمْ مِنْ نغَعَجِنَنِعٛنْ دٛوْ اَلْمَسِيحُ طُمْ غٛونغَ؞ 
نغَمْ نٛنْ، اٛنْ ندُلَّايِ کٛو نغَلٜ دٛکَّلْ نغَلْ رُوحُ اَللَّه حٛکَّتَ، اٛنْ کٜطِي اٛنْ کَاٻِي غَرْتٛلْ يٜىٰسُ اَلْمَسِيحُ جٛومِرَاوٛ مٜىٰطٜنْ؞ 
اٛ وَطَيْ کَ سٜمْبِطِنْکِعٛنْ حَا يَاکِ رٜعِرْدٜ، نغَمْ نغَرْتٛنْ ٻٜ نغَلَا کٛ طُمْ حُطِرْتَعٛنْ ݧَلْندٜ ندٜ اٛ وَرْتٛيْتَ؞ 
اَللَّه اٛ غَطٛووٛ کٛ اٛ وِعِ؞ کَنْکٛ نٛدِّعٛنْ نغَمْ شُمْڤٛوتِرٛنْ اٜ ٻِطّٛ مَاکٛ يٜىٰسُ اَلْمَسِيحُ جٛومِرَاوٛ مٜىٰطٜنْ؞ 
اٜ مِ تٛرٛوعٛنْ بَنْدِرَاٻٜ نغَمْ اِنْدٜ جٛومِرَاوٛ مٜىٰطٜنْ يٜىٰسُ اَلْمَسِيحُ، اٛنْ فُو نجَٻٜىٰ کٛ مبِعٛتٛنْ وَرْتَ غٛعٛ نغَمْ تٛع طُمْ حٜٻَ فٜىٰرٛوتِرٛلْ حَکُّندٜ مٛوطٛنْ، اَمَّا ݧُمٛ مٛوطٛنْ اٜ ٻٜرْطٜ مٛوطٛنْ وَرْتَ غٛعٛ؞ 
بَنْدِرَاٻٜ اَمْ، يِمْٻٜ وُرٛ کُلُووِ کٛکِّييَمْ حَبَرُ اٜ وٛودِ شِيَ فَمْفَمْتِرْکِ حَکُّندٜ مٛوطٛنْ؞ 
کٛ نغِطُمِ مِ وِعَ وٛنِ، غٛطّٛ مٛوطٛنْ اٜ وِعَ، ‏«‏مِنْ بُلُسْ تٛکُّمِ؞»‏ غٛطّٛ اٜ وِعَ، ‏«‏مِنْ اَفٛولٛسْ تٛکُّمِ،»‏ اٛنْ نِ اٜ وِعَ، ‏«‏مِنْ بِيتُرُسْ تٛکُّمِ؞»‏ اٛنْ طَاعٜ بٛو اٜ وِعَ، ‏«‏مِنْ اَلْمَسِيحُ تٛکُّمِ؞»‏ 
تٛو، اَلْمَسِيحُ اٜ سٜنْدِي وٛنْ طٛنْ؟ کٛو بُلُسْ وَرَا دٛوْ غَافَانغَلْ نغَمْ مٛوطٛنْ؟ کٛو اٜ اِنْدٜ بُلُسْ طُمْ وَطِرَنِعٛنْ بَڤْتِسْمَ؟ 
مِ يٜتِّي اَللَّه ندٜ مِ وَطَنَايِ کٛو مٛيٜ مٛوطٛنْ بَڤْتِسْمَ سٜيْ نِ کِرِبُسْ اٜ غَايُسْ؞ 
نغَمْ نٛنْ، وَلَا بَاوَيْطٛ وِعَ طُمْ وَطَنِيعٛنْ بَڤْتِسْمَ ندٜرْ اِنْدٜ اَمْ؞ 
تٛو، طٛنْمَا مِ وَطَنِي يِمْٻٜ وُرٛ اِسْتِفَانُسْ بَڤْتِسْمَ؞ غَطَ ٻٜنْ طٛنْ مِ يٜجِّتِي تٛ مِ وَطَنِي غٛطّٛ بَڤْتِسْمَ؞ 
نغَمْ اَلْمَسِيحُ لِلَايِيَمْ نغَمْ مِ وَطَ بَڤْتِسْمَ، اَمَّا نغَمْ مِ وَعَجِنَ حَبَرُ بٜلْطُمْ؞ نَاع اٜ فَامُ نٜطّٛ نغَعَجِنِرَيْمِطُمْ، نغَمْ تٛع بَوْطٜ مَيْدٜ اَلْمَسِيحُ دٛوْ غَافَانغَلْ وَرْتِرٜىٰ مٜىٰرٜ؞ 
حَبَرُ مَيْدٜ اَلْمَسِيحُ دٛوْ غَافَانغَلْ، طُمْ حَاݝٛورٜ تٛ يِمْٻٜ غٛنْٻٜ دٛوْ لَاوٛلْ حَلْکٜرٜ؞ اَمَّا تٛ مٜىٰطٜنْ اٜنٜنْ کِسْنَاٻٜ طُمْ بَوْطٜ اَللَّه؞ 
نغَمْ اَايَارٜ وِعِي، ‏«‏مِ لَلِّنَيْ فَامُ ݧُمٛوٻٜ اٜ نغٛودِ فَامُ؛ مِ وٛنَّيْ پٛيْرٜ ݧُمٛوٻٜ اٜ نغٛودِ پٛيْرٜ؞»‏ 
تٛو، تٛ غٛودُطٛ فَامُ وٛنِ؟ تٛ مٛودِبّٛ اَتَّوْرَ وٛنِ؟ تٛ بَوْطٛ غٜدِّ وٛنِ؟ نَاع اَللَّه وَرْتِرِي فَامُ دُونِيَارُ ندُعُ حَاݝٛورٜ؟ 
نغَمْ اَللَّه ندٜرْ فَامُ مُوطُمْ سُٻِي تٛع يِمْٻٜ اَنْدَمٛ لَاوٛلْ فَامُ مَٻّٜ؞ اٛ نَنِي بٜلْطُمْ حِسْنُکِ کٛولِيٻٜ اَلْمَسِيحُ لَاوٛلْ وَعَجِنْکِ حَبَرُ بٜلْطُمْ طُمْ وٛٻّٜ نغِعَتَ طُمْ حَاݝٛورٜ؞ 
يَحُودَنْکٛعٜنْ اٜ نغِطِ نغَطَنٜىٰ کٛ حَيْطِنِي کٛ ٻٜ نجَٻَ حَبَرُ طُعُمْ؞ يِمْٻٜ نَاع يَحُودَنْکٛعٜنْ بٛو اٜ نغِطِ مٜتِرَنٜىٰکِ اَنْدَلْ کٛ ٻٜ نجَٻَطُمْ؞ 
مِنٛنْ بٛو، اٜ مِنْ نغَعَجِنَ اَلْمَسِيحُ بَرَاطٛ دٛوْ غَافَانغَلْ؞ تٛ يَحُودَنْکٛعٜنْ طُمْ حَالَ کَلُّکَ، تٛ يِمْٻٜ نَاع يَحُودَنْکٛعٜنْ بٛو طُمْ حَاݝٛورٜ؞ 
اَمَّا تٛ يِمْٻٜ ٻٜ اَللَّه نٛدِّ، يَحُودَنْکٛعٜنْ اٜ نَاع يَحُودَنْکٛعٜنْ، اَلْمَسِيحُ اٛ بَوْطٜ اَللَّه اٜ فَامُ اَللَّه؞ 
کٛ طُمْ يِعَتَ بٛ حَاݝٛورٜ اَللَّه وَطِي طُمْ ٻُرِي پٛيْرٜ نٜطّٛ؞ ندٜنْ کٛ طُمْ يِعَتَ بٛ اَللَّه تَمْڤِي، طُمْ ٻُرِي سٜمْبٜ نٜطّٛ سٜمْبٜ؞ 
بَنْدِرَاٻٜ، ݧُمٜىٰ نٛ مبَانٛوطٛنْ شَرٜلْ کٛ اَللَّه نٛدِّعٛنْ؞ سٜطَّ ندٜرْ مٛوطٛنْ نغٛودِ فَامُ اٜ يِيکِ يِمْٻٜ دُونِيَارُ؞ سٜطَّ ندٜرْ مٛوطٛنْ نغٛنِ اَنْدَنْٻٜ کٛو طُمٜ، ندٜنْ سٜطَّ ندٜرْ مٛوطٛنْ نغٛودِ دَݧٛوٻٜ لَامِيٻٜ؞ 
اَمَّا اَللَّه سُٻِي کٛ يِمْٻٜ دُونِيَارُ ندُعُ نغِعَتَ طُمْ حَاݝٛورٜ، نغَمْ اٛ سٜمْتِنَ غٛودُٻٜ فَامُ اِرِ طُمْ دُونِيَارُ ندُعُ؞ اَللَّه سُٻِي کٛ يِمْٻٜ نغِعَتَ بٛ طُمْ تَمْڤُطُمْ ندٜرْ دُونِيَارُ ندُعُ نغَمْ اٛ سٜمْتِنَ غٛودُٻٜ لَامُ؞ 
کٛ يِمْٻٜ نجَوَنْتَ، اٜ کٛ ٻٜ کٛشِّ وَلَا کٛ طُمْ وَطٜتٜىٰ ندٜرْ دُونِيَارُ، اٜ کٛ ٻٜ کٛشِّ نَاع طُمْ غٛطُّمْ، کَنْجُمْ اَللَّه سُٻِ حُوتِرَ نغَمْ لَلِّنَ کٛ يِمْٻٜ نغِعَتَ اٜ طُمْ وٛودِ دَرَجَ؞ 
اَللَّه وَطِي نٛنْ نغَمْ تٛع غٛطّٛ نٜطّٛ مَوْنِنَ حٛورٜ مُوطُمْ يٜىٰسٛ مَاکٛ؞ 
اٛ وَرْتِرِيعٛنْ ٻٜ يٜىٰسُ اَلْمَسِيحُ؞ اَللَّه وَرْتِرِيمٛ فَامُ مٜىٰطٜنْ؞ لَاوٛلْ مَاکٛ طُمْ وَرْتِرِعٜنْ اَادِلِعٜنْ، شٜنِيٻٜ، رِمْطِنَاٻٜ؞ 
نغَمْ نٛنْ، نٛنْ نٛ طُمْ وِنْدِرَا، ‏«‏فُو مَنْتِتٛتٛوطٛ، اٛ مَنْتِتٛرٛو جٛومِرَاوٛ؞»‏ 
