﻿Zaburuw.
54.
Dɔnkirilabagaw kuntigi. Dɔnkiri min bɛ la ni gɔni ye. Dawuda ka nin dɔnkiri la, 
wagati min Zifikaw nana a fɔ Sawuli ye ko: «Dawuda dogonin bɛ anw fɛ yi!» 
E, Ala, ne kisi i tɔgɔ baraka ra; kiti tigɛ ka ne ta jo di ne ma, i ta sebagaya baraka ra. 
E, Ala, ne ta daariri lamɛn, i toro malɔ ne darakan na. 
Sabu Alaɲasiranbari dɔw wurira ne kama, mɔgɔ fariman dɔw b’a fɛ ka ne nin bɔ; o tɛ Alako fan si le jate. 
Nka, a flɛ, Ala le ye ne dɛmɛbaga ye, Matigi le bɛ baraka don ne nin na. 
A bɛna ne juguw ta kojuguw hakɛ ben o yɛrɛ kan. E, Ala, o halaki i ta kankelentigiya kosɔn. 
Ne bɛna ne yɛrɛ diyanya sarakaw bɔ i ye ni ne jusukun bɛɛ ye; Matigi Ala, ne bɛna i fo ka i waleɲumanlɔn, ka i tɔgɔ bonya, sabu i tɔgɔ ka ɲi. 
A bɛ ne bɔsi ka bɔ ne ta degukow bɛɛ ra. Ne bɛ ne ɲa lɔ ne juguw ra ka o bentɔ flɛ. 
