﻿Mazimuriyaa.
128.
Pudetsaa kesiidde yes's'eedda yetsaa Med'inaa Godaw yayyiyaawanttunne, Aa ogiyaan hamettiyaawanttu ubbay anjjetteedawantta. 
Neeni ne daaburaa ayifiyaa maana; neeni nashettananne new lo"o gidana. 
Ne machata ne son ayifiyaa dorkkokkeedda, woyniyaa turaa mala gidana. Ne naanatuukka ne gaytaa yuushshuwaan, wogaraa puutiyaa mala gidana. 
Med'inaa Godaw yayyiyaa asay tumuwaappe hewaadan anjjettana. 
Med'inaa Goday neena S'iyooneppe anjjo! Neeni de'eedda laytsaa ubbaan Yerusaalame lo"otetsaa neena besso. 
Ne naanatuwaa naanatuwaa be'a! Israa'eeliyaw saruu gido! 
