﻿Mazimuriyaa.
8.
Zammaaretuwaa Kaappoo Suusullatuwaan Yes'etteedda, Daawita Mazimuriyaa. Abeet Med'inaa Godaw, nu S'oossaw, ne suntsay sa'aa ubbaa bollan ayaa bonchchetteeddeeshsha! Neeni ne bonchchuwaa salotuwaappe bollan d'ok'k'u d'ok'k'u ootsa wotsaadda. 
Neeni ne morkkatuwaa diraw, Ne baaligaaraanne new manddiyaawaa sirp'p'i ootsanaw, guutsa naanatuwaa doonaan d'ammiyaa naanatuwaa doonaan galataa kuntsaadda. 
Neeni ne birad'd'etuwaan med'd'eedda ne salotuwaa, Sa'aan sa'aan neeni wotseedda aginaanne s'oolinttetuwaa taani be'iyaa wode, 
neeni asaabaa k'oppanaw Asay ayee? Woy neeni aw hirgganaw I ayee? 
Aa neeni S'oossaappe amareedawaa guutsaadda; Bonchchuwaanne gitatetsaa kalachchaa Aa huup'iyaan wotsaadda. 
Aa neeni ne med'd'eedda med'etetsaa ubbaa bollan mooddiyaawaa ootsaade suntsaadda; ubbabaa Aa gediyaappe garssanna wotsaadda. 
Dorssatuwaanne booratuwaa, sa'aa do'atuwaanne, 
saluwaa kafotuwaa, abbaa moletuwaanne, abbay goggiyaasan wad'd'iyaawantta ubbaakka Aa moodissaadda. 
Abeet S'oossaw, nu S'oossaw, ne suntsay sa'aa ubbaan ayaa bonchchetteeddeeshsha! 
