GEN 1:1 ጾሳይ ሳሎቱዋነ ሳኣ ኮይሮ መꬌዳ።
GEN 1:2 ሄ ዎደ ሳአይ ጊግቤናነ አያይነ ባይና መላ፤ ጪሙዋ ቦላን ꬉማይ ደኤ፤ ጾሳ አያናይ ሃꬃፐ ቦላና ማይ ኡቴዳ።
GEN 1:3 ጾሳይ ሄዋፐ ጉየ ሀዋዳን ያጊደ ሃሳዬዳ፤ “ፖኡ ሀኖ” ያጌዳ፤ ፖኡካ ሀኔዳ።
GEN 1:4 ፖኡ ሎአ ግዴዳዋ ጾሳይ በኤዳ፤ ያቲደ ፖኡዋ ꬉማፐ ሻኬዳ።
GEN 1:5 ጾሳይ ፖኡዋ “ጋላሳ” ጊደ ሱንꬄዳ፤ ꬉማ “ቃማ” ጊደ ሱንꬄዳ። ሳአይ ቃሜዳነ ዎንቴዳ፤ ሄዌነ ኮይሮ ጋላሳ።
GEN 1:6 ጾሳይ ሄዋፐ ጉየ ሀዋዳን ያጊደ ሃሳዬዳ፤ “ቦላና ደእያ ሃꬃ ጋርሳና ደእያ ሃꬃፐ ሻክያ ሳሉዋ ጉፋንꬁ ሀኖ” ያጌዳ፤ ጌተቶዋዳንካ ሀኔዳ። ጾሳይ ሳሉዋ ጉፋንꬁዋ ጊግሲደ፥ ሳሉዋ ጉፋንꬁዋፐ ቦላና ደእያ ሃꬃ ጋርሳና ደእያ ሃꬃፐ ሻኬዳ።
GEN 1:8 ጾሳይ ሄ ጉፋንꬁዋ “ሳሉዋ” ጊደ ሱንꬄዳ። ሳአይ ቃሜዳነ ዎንቴዳ፤ ሄዌነ ላኤንꬆ ጋላሳ።
GEN 1:9 ጾሳይ ሄዋፐ ጉየ ሀዋዳን ያጊደ ሃሳዬዳ፤ “ሳሉዋፐ ጋርሳና ደእያ ሃꬃይ እትሳን ኤሎ፤ መላ ሳአይ ቆንጮ” ያጌዳ፤ ሄዋፐ ጉይያን ሀኔዳ።
GEN 1:10 ጾሳይ ሄ መላ ሳኣ “ቢታ” ጊደ ሱንꬄዳ፤ ቃይ እት ሳኣን ኤሌዳ ሃꬃ “አባ” ጊደ ሱንꬄዳ። ያቲደ ጾሳይ ሄዌ ሎአ ግዴዳዋ በኤዳ።
GEN 1:11 ሄዋፐ ስሚደ ጾሳይ፥ “ቢታይ ምꬃ ማታ ዶልሶ፤ ዘረꬃ አይፊ ደእያ ካꬃነ ዘረꬃ አይፍያና ደእያ ቴርያ ምꬃ ዶልሶ” ያጌዳ፤ ሄዌካ ሀኔዳ።
GEN 1:12 ቢታይ፥ ምꬃ ማታ አ ቆሙዋን ቆሙዋን ዶሌዳ። ጾሳይ ሄዌ ሎአ ግዴዳዋ በኤዳ።
GEN 1:13 ሳአይ ቃሜዳነ ዎንቴዳ፤ ሄዌነ ሄዘንꬆ ጋላሳ።
GEN 1:14 ጾሳይ ሄዋፐ ጉየ ሀዋዳን ያጊደ ሃሳዬዳ፤ “ጋላሳ ቃማፐ ሻካናዉ ፖኦቱ ሳሉዋ ጉፋንꬁዋን ሀንኖ፤ ኡንቱቱ ጋላሳ፥ ዎድያነ ላይꬃ ኤርሳናዉ ማላ ግድኖ፤
GEN 1:15 ሳኣ ቦላን ፖእሳና ማላ ኡንቱቱ ሳሉዋ ጉፋንꬁዋን ፖእኖ” ያጌዳ፤ ሄዋፐ ጉይያን ሀኔዳ።
GEN 1:16 ጾሳይ ላኡ ዎልቃማ ፖኦቱዋ፥ ዳርያዌ ጋላሳ ሞዳናዳንነ ቄራእያዌ ቃማ ሞዳናዳን መꬌዳ፤ ጾልንተቱዋካ እ መꬌዳ።
GEN 1:17 ጾሳይ ኡንቱቱ ሀ ሳኣ ቦላን ፖእሳና ማላ፥ ጋላሳነ ቃማ ሞዳና ማላነ ፖኡዋ ꬉማፐ ሻካና ማላ፥ ሳሉዋ ጉፋንꬁዋን ኡንቱንታ ዎꬄዳ። ያቲደ ጾሳይ ሄዌ ሎአ ግዴዳዋ በኤዳ።
GEN 1:19 ሳአይ ቃሜዳነ ዎንቴዳ፤ ሄዌነ ኦይደንꬆ ጋላሳ።
GEN 1:20 ጾሳይ ሄዋፐ ጉየ ሀዋዳን ያጊደ ሃሳዬዳ፤ “ደኡዋን ደእያ ዱማ ዱማ መታቱ ሃꬃን ዳርኖ፤ ካፉካ ሳኣፐ ቦላናነ ሳሉዋ ጉፋንꬁዋፐ ጋርሳና ፓሎ” ያጌዳ።
GEN 1:21 ያቲደ ጾሳይ አባን ደእያ ዎልቃማ ዶአቱዋ፥ ሃꬃ ግዶን ዎጽ ቃጽያ መታ ኡባነ ቀፍያና ደእያ ካፉዋ ኡባ አ ቆሙዋን ቆሙዋን መꬌዳ። ጾሳይ ሄዌ ሎአ ግዴዳዋ በኤዳ።
GEN 1:22 ጾሳይ ኡንቱንታ፥ “የለትተ፤ ጮርተ፤ አባ ሃꬃ ኩምተ፤ ካፉካ ቢታ ቦላን ጮራቶ” ያጊደ አንጄዳ።
GEN 1:23 ሳአይ ቃሜዳነ ዎንቴዳ፤ ሄዌነ እቼሸንꬆ ጋላሳ።
GEN 1:24 ጾሳይ ሄዋፐ ጉየ ሀዋዳን ያጊደ ሃሳዬዳ፤ “ደኡዋን ደእያ መታቱ ባረንቱ ቆሙዋን ቆሙዋን: መሄቱ፥ ቢታና ጎሸትያ መታቱነ ዶአቱ ባረንቱ ቆሙዋን ቆሙዋን ቢታ ቦላን ከስኖ” ያጌዳ፤ ሀኔዳ።
GEN 1:25 ጾሳይ ዶአቱዋ ኡንቱንቱ ቆሙዋን ቆሙዋን፥ መሄቱካ ኡንቱንቱ ቆሙዋን ቆሙዋን፥ ቢታና ጎሸትያ መታቱዋካ ኡባ ኡንቱንቱ ቆሙዋን ቆሙዋን መꬌዳ። ጾሳይ ሄዌ ሎአ ግድያዋ በኤዳ።
GEN 1:26 ሄዋፐ ስሚደ ጾሳይ፥ “አሳ ኑ ሌምሱዋን ኑና ማላትሲደ አነ መꬎይተ፤ ኡንቱንቱ አባ ሞልያ፥ ሳሉዋ ካፉዋ፥ ቢታ ቦላ ዎጽ ቃጽያ መታ ኡባ ሞድኖ” ያጌዳ።
GEN 1:27 ሀዋዳን ጾሳይ አሳ ባረ ሌምሱዋን መꬌዳ፤ እ አሳ ጾሳ ሌምሱዋን መꬌዳ፤ እ ኡንቱንታ አቱማ አሳነ ማጫ አሳ ኦꬂደ መꬌዳ።
GEN 1:28 ጾሳይ ኡንቱንታ ሀዋዳን ያጊደ አንጄዳ፤ “የለትተ፤ ጮርተ፤ ሀ ሳኣ ኩምተነ ሞድተ፤ አባ ሞልያ፥ ሳሉዋ ካፉዋነ ቢታ ቦላ ዎጽ ቃጽያ፥ ደኡዋን ደእያ መታ ኡባ ሞድተ” ያጌዳ።
GEN 1:29 ሄዋፐ ስሚደ ጾሳይ፥ “በእተ! ታን ሀ ቢታ ኡባ ቦላን ዘረꬃ አይፊያና ደእያ ካꬃ ኡባነ ዘረꬃ አይፊያና ደእያ ቴርያ ምꬃ ኡባ ህንተንቶ እማድ፤ ኡንቱንቱ ህንተንቶ ቁማ ግዳና።
GEN 1:30 ቃይካ ሀ ሳኣን ደእያ መህያዉነ ዶኣ ኡባዉ፥ ሳሉዋ ካፉዋ ኡባዉ፥ ቢታና ጎሸትያ መታ ኡባዉነ ሸምፑዋና ደእያ መታ ኡባዉ ምያዋ ግዳናዳን፥ እርጻ ምꬃነ ማታ እማድ” ያጌዳ፤ ሀኔዳ።
GEN 1:31 ጾሳይ ባረ መꬌዳ ኡባባካ ጼሌዳ፤ ዳሮ ሎአ ግዴዳዋ በኤዳ። ሳአይ ቃሜዳነ ዎንቴዳ፤ ሄዌነ ኡሱፑንꬆ ጋላሳ።
GEN 2:1 ሳሎቱነ ሳአይ ኡንቱንቱን ደእያዌ ኡባባይ ሀዋዳን መት ፖለቴዳ።
GEN 2:2 ጾሳይ ባረ ኦꬄዳ ኦሱዋ ኡሱፑንꬃ ጋላስ ፖሊደ፥ ባረ ኦꬄዳ ኦሱዋ ኡባፐ ላፑንꬃ ጋላስ ሸምፔዳ።
GEN 2:3 ቃይ ጾሳይ ላፑንꬃ ጋላሳ አንጄዳነ ጌሻ ኦꬄዳ፤ አያዉ ጎፐ፥ ጾሳይ ባረ ኦꬅያ ኦሱዋ ዉርሲደ ሸምፔዳዌ ሄ ጋላሳና።
GEN 2:4 ሳሉነ ሳአይ መቴዳዌ ሀዋዳና። መꬍና ጎዳይ ጾሳይ ሳኣነ ሳሉዋነ መꬌዳ ዎደ፥
GEN 2:5 ሳኣ ቦላን ምꬃይነ ማታይ ዶልቤና፤ ጫርሻይነ ጫርቤና፤ አያዉ ጎፐ፥ መꬍና ጎዳይ ጾሳይ እራ ቡክስቤና፤ ቃይ ቢታ ኦꬅያ አሳይካ ባዋ።
GEN 2:6 ግዶፐነ ሳኣፐ ሃꬃይ ፑደ ከሲደ፥ ቢታ ኡባ እርጽሴ።
GEN 2:7 ሄዋፐ ጉየ፥ መꬍና ጎዳይ ጾሳይ ቢታ ባናፐ እት አሳ መꬊደ አ ሲꬍያን ደኡዋ ሸምፑዋ ሸምፕ ገልሴዳ፤ ያትና ብታኒ ደኡዋን ደእያ አሳ ግዴዳ።
GEN 2:8 መꬍና ጎዳይ ጾሳይ አዋይ ዶልያ ባጋና ኤደነ ግያ ሳኣን ገነትያ ቶኬዳ፤ ያን ባረ መꬌዳ ብታንያ ዎꬄዳ።
GEN 2:9 መꬍና ጎዳይ ጾሳይ ጼላናዉ ሎእያ፥ ማናዉካ ማልእያ ኡባ ቆሞ ምꬃ ቢታፐ ዶልሴዳ። ገነትያ ግዱዋን ደኡዋ ምꬃነ ሎኡዋነ ኢታ ኤርስያ ምꬃ ዎꬄዳ።
GEN 2:10 ገነትያ ኡሽያ ሻፋ ሃꬃይ ኤደነፐ ጎጌ። ኤደነፐ ከሴዳዋፐ ጉየ፥ ኦይዱ ሻፋ ከስ ሻከቴ።
GEN 2:11 ኮይሮ ሻፋ ሱንꬃይ ፕሶና፤ ፕሶን ዎርቃይ ደእያ ኤዉላጻ ግያ ቢታ ኡባ ቦላን ጎጌ።
GEN 2:12 ሄ ቢታ ዎርቃይ ጌሻ ዎርቃ፤ ቃይ አልኦ ሽቱነ ሎይꬅ ሎእያ ሹቻይ ያን ደኤ።
GEN 2:13 ላኤንꬆ ሻፋ ሱንꬃይ ግዮና፤ ግዮን ቶጵያ ቢታ ኡባ ቦላን ጎጌ።
GEN 2:14 ሄዘንꬆ ሻፋ ሱንꬃይ ጸግሮሳ፤ ጸግሮስ አሶረፐ አዋይ ዶልያ ባጋና ጎጌ። ቃይ ኦይደንꬆ ሻፋይ ኤፍራጺሳ።
GEN 2:15 ብታኒ ኤደነ ገነትያ ኦꬃና ማላነ ናጋና ማላ፥ መꬍና ጎዳይ ጾሳይ አ አፊደ ዎꬄዳ።
GEN 2:16 መꬍና ጎዳይ ጾሳይ ብታንያ፥ “ገነትያ ምꬃ ቴራ ኡባፐ ኔን ማና ጎፐ ማ፤
GEN 2:17 ሽን ሎኡዋነ ኢታ ኤርስያ ምꬃ ቴራፐ ሞፓ፤ አያዉ ጎፐ፥ ኔን አፐ ሜዳ ጋላስ ቱሙ ሀይቃና” ያጊደ አዛዜዳ።
GEN 2:18 ሄዋፐ ጉየ መꬍና ጎዳይ ጾሳይ፥ “ብታኒ ባረካ ደእያዌ ሎአ ግደና፤ ታን አዉ እንጀትያኖነ አ ማድያኖ መꬋና” ያጌዳ።
GEN 2:19 መꬍና ጎዳይ ጾሳይ መሄቱዋ ኡባ፥ ዶአቱዋ ኡባነ ሳሉዋ ካፎቱዋ ኡባ ቢታፐ መꬌዳ፤ ቃይ ብታኒ ኡንቱንታ ዋግ ሱንꬃነንቶነ በአናዉ አኮ አሄዳ፤ ብታኒ ደኡዋን ደእያ መታ ኡባ ሱንꬄዳ ሱንꬃይ ኡንቱንቱ ሱንꬃ ግዲደ አቴዳ።
GEN 2:20 ሄዋዳን ብታኒ መሄቱዋ ኡባ፥ ሳሉዋ ካፎቱዋነ ባዙዋ ዶአቱዋ ኡባ ሱንꬄዳ፤ ሽን አዳማዉ እንጀትያነ አ ማድያዌ ቤትቤና።
GEN 2:21 ሄዋ ድራዉ መꬍና ጎዳይ ጾሳይ ብታንያ ገምእሹዋ ካይሮዬዳ፤ እ ገምእሹዋ ካይሮት ደእሽን፥ አ ምይያ መቀꬃፐ እቱዋ አኪደ፥ ሄ ሳኣ አሹዋ ኩንꬄዳ።
GEN 2:22 መꬍና ጎዳይ ጾሳይ ብታንያፐ አኬዳ መቀꬃ ማጫውኖ ኦꬄዳ፤ ያቲደ እዞ ብታንያኮ አሄዳ።
GEN 2:23 ያትና ብታኒ፥ “ሀያናሾ! ሀ መቀꬃታ ታ መቀꬃፐ፥ ሀ አሻታካ ታ አሹዋፐ አከቴዳውኖ፤ እዛካ አቱማ አሳፐ አከቴዳ ድራዉ፥ ማጫውኖ ጌተቱ” ያጌዳ።
GEN 2:24 ሄዋ ድራዉ አሳይ ባረ አዉዋነ ባረ አቶ አጊደ፥ ባረ ማቻትና እትፐ ደአና፤ ኡንቱንቱ ላኡ እት አሾ ግዳናዋንታ።
GEN 2:25 ብታኒነ አ ማቻታነ ላአቱካ ካሎ ጺራ ደእኖ፤ ሽን እቱ እቶ ዬላትክኖ።
GEN 3:1 ሾሻይ መꬍና ጎዳይ ጾሳይ መꬌዳ ዶኣ ኡባፐ አꬌዳ ገናንቻ። እት ጋላስ ሾሻይ ሄ ምሽራቶ፥ “ጾሳይ ቱሙ ህንተንታ፥ ‘ገነትያን ደእያ ምꬃ ቴራ ኡባፐ ሞፕተ’ ጌዴ?” ያጊደ ኦቼዳ።
GEN 3:2 ምሽራታ ሾሻዉ ዛራደ፥ “ቱይት፥ ጾሳይ ሀዋዳን ግቤና፤ ኑን ገነትያን ደእያ ምꬃቱዋ ቴራ ማናዉ ዳንዳዬቶ፤ ሽን ጾሳይ ኑና፥ ገነትያ ግዱዋን ደእያ ምꬃ ቴራ ሞፕተ፤ ቦቾፕተ፤ ሄዌ ꬋዮፐ ህንተንቱ ሀይቃንታ ጌዳ” ያጋዱ።
GEN 3:4 ሾሻይ ምሽራቶ፥ “ቱይት፥ ህንተንቱ አይነ ሀይቂክታ፤
GEN 3:5 ጾሳይ ሄዋ ጌዳዌ፥ ሄ ምꬃ ቴራ ህንተንቱ ሞፐ፥ ህንተንቱ አይፊ ዶየትና፥ ሎኡዋነ ኢታ ጾሳዳን ህንተንቱ ኤራናዋ እ ኤርያ ድራሳ” ያጌዳ።
GEN 3:6 ምሽራታ ሄ ምꬃ ቴራይ ማናዉ ማልእያዋ፥ ጼላናዉ ሎእያዋ፥ ቃይ አሳይ አꬌዳ ኤራ ደማናዉ አሞይያዋ ግድያዋ በኣዱ፤ ሄ ምꬃ ቴራፐ አካደ ማዱ፤ ቃይ ባረናና ደእያ ባረ አስናዉካ ሄዋፐ እምና፥ እካ ሜዳ።
GEN 3:7 ሄዋፐ ኡንቱንቱ ላኡዋ አይፊካ ዶየቴዳ፤ ያትና ኡንቱንቱ ባረንቶ ካሎ ጺራ ደእያዋ ኤሬድኖ፤ ባላስያ ግያ ምꬃ ሀይꬃ ስኪደ፥ ባረንቶ ቃንꬃን ዳንጬድኖ።
GEN 3:8 ሳአይ ኦማርሴዳ ዎደ፥ ገነትያ ግዱዋን መꬍና ጎዳይ ጾሳይ ሀመትሽን፥ አ ኮሻ ብታኒነ አ ማቻታ ስሴድኖ፤ ኡንቱንቱ ገነትያ ምꬃ ግዶን መꬍና ጎዳ ጾሳፐ ቆሰቴድኖ።
GEN 3:9 ሽን መꬍና ጎዳይ ጾሳይ ብታንያ ጼሲደ፥ “አዳማ፥ ሀቃን ደአይ?” ያጌዳ።
GEN 3:10 ብታኒ፥ “ገነትያ ግዱዋን ነ ኮሻ ስሳደ፥ ታን ካሎ ደእያ ድራዉ፥ ያያደ ቆሰታድ” ያጌዳ።
GEN 3:11 መꬍና ጎዳይ ጾሳይ አ፥ “ ‘ኔን ካሎ ደኣሳ’ ጊደ ነዉ ኦዴዳዌ ኦኔ? ታን ኔና፥ ‘ሞፓ’ ጋደ አዛዜዳ ምꬃ ቴራፐ ማድዬ?” ያጊደ ኦቼዳ።
GEN 3:12 ሽን እ፥ “ታናና ደአናዳን ኔን እሜዳ ማጫውና ሄ ምꬃ ቴራፐ ታዉ እምና ማድ” ያጌዳ።
GEN 3:13 መꬍና ጎዳይ ጾሳይ ሄዋፐ ጉየ ማቻቶ፥ “ኔን ሄዋ አያዉ ኦꬃድ?” ያጊደ ኦቼዳ። ምሽራታ፥ “ታና ሾሻይ ጭምና ማድ” ያጋዱ።
GEN 3:14 መꬍና ጎዳይ ጾሳይ ሄዋፐ ጉየ ሾሻ፥ “ኔን ሀዋ ኦꬄዳ ድራዉ፥ መህያ ኡባነ ዶኣ ኡባ ጋርሳን ነ ጻላላይ ሸቀቴዳዋ! ኔን ነ ኡሉዋን ቢታና ጎሸታና፤ ነ ደኡዋ ላይꬃ ኡባን ባና ላጫና።
GEN 3:15 ታን ኔናነ ምሽራቶ፥ ነ ዘረꬃነ እዝ ዘረꬃ ሞርከ ከሳና፤ እ ነ ሁጲያ ቆጻና፤ ኔንካ አ ግንድያ ዱካናሳ” ያጌዳ።
GEN 3:16 ምሽራቶካ መꬍና ጎዳይ ጾሳይ፥ “ነ ሻሃሮ ዎደ ዳሮ ቱጋታና፤ ቃይ ኔን ዎልቃማ ኦይꬃን ናና የላና። ግዶፐነ ኔን ነ አስናና ደአናዉ አሞታና፤ እ ኔና ሞዳና” ያጌዳ።
GEN 3:17 ብታንያካ መꬍና ጎዳይ ጾሳይ ሀዋዳን ያጌዳ፤ “ኔን ነ ማቻት ኦዱዋ ስሴዳ ድራዉነ ታን ኔና፥ ‘ሄ ምꬃ ቴራ ሞፓ’ ጋደ አዛዜዳ ምꬃ አይፍያ ኔን ሜዳ ድራዉ፥ ቢታይ ነ ጋሱዋን ሸቀቴዳዋ ግዶ! ኔን ነ ደኡዋ ላይꬃ ኡባን ዎልቃማ ዳቡራን ቢታ ጎሻደ ማና።
GEN 3:18 ቢታይ ነዉ አጉንꬃነ ካሽያ ዶላና፤ ኔን ዎራን ዶሌዳዋ ማና።
GEN 3:19 ኔን ቢታዉ ስማና ጋካናዉ፥ ዳቡራን ነ ሶምእ ጫዋትና ኦꬄዳ ነ ቁማ ማና፤ አያዉ ጎፐ፥ ኔን ቢታፐ አከታዳ፤ ኔን ባና፤ ኔን ባናዉ ስማና” ያጌዳ።
GEN 3:20 አዳመ ባረ ማቻቶ ሄዋኖ ጊደ ሱንꬄዳ፤ አያዉ ጎፐ፥ እዛ ደኡዋን ደእያ አሳ ኡባዉ አቶ።
GEN 3:21 መꬍና ጎዳይ ጾሳይ አዳማዉነ አ ማቻትዉ ጫላ ጊግሲደ ኡንቱንታ ማይዜዳ።
GEN 3:22 ሄዋፐ ጉየ መꬍና ጎዳይ ጾሳይ፥ “ስም አሳይ ኑፐ እቱዋዳን ሎኡዋነ ኢታ ኤርያዋ ግዴዳ። እ ባረ ኩሽያ የዲደ፥ ደኡዋ ምꬃፐ አኪደ፥ ቃይ ሜና ማላነ መꬍናዉ ደኡዋን ደኤና ማላ ተኤታናዉ ኮሼ” ያጌዳ።
GEN 3:23 ሄዋ ድራዉ፥ እ ባረ አከቴዳ ቢታ ኦꬃና ማላ፥ መꬍና ጎዳይ ጾሳይ ኤደነ ገነትያፐ አ ከሴዳ።
GEN 3:24 አ ከስ ድጊደ፥ ደኡዋ ምꬃኮ አፍያ ኦግያ ናጋና ማላ፥ ክሩቤላ ግያ ኪታንቻቱዋነ አꬍ አꬍ ዎꬍያ ታማ ላጩዋ ማሻ ኤደነ ገነትያፐ አዋይ ዶልያ ባጋና ዎꬄዳ።
GEN 4:1 አዳም ባረ ማቻት ሄዋንና አቄዳ፤ እዛ ሻሃሮ ዎደ አቱማ ናኣ የላዱ፤ “መꬍና ጎዳይ ታና ማድና፥ አቱማ ናኣ ደማድ” ጋደ አ ቃዬላ ሱንꬃዱ።
GEN 4:2 ቃይ አ እሻ አቤላ የላዱ። አቤል ዶርሳ ሄሜ፤ ቃይ ቃዬል ቢታ ጎሼ።
GEN 4:3 ኡንደና ዎድያፐ ጉየ፥ ቃዬል ባረ ጋደን ዶልያ ካꬃፐ መꬍና ጎዳዉ ያርሹዋ ያርሼዳ፤
GEN 4:4 ሽን አቤል ባረ ዶርሳ ዉድያ ግዶን ባይራ የለቴዳ ማራቱዋፐ አክ ሹኪደ፥ ኡንቱንቱ አሹዋፐ ሞꬍያዋ ያርሼዳ። መꬍና ጎዳይ አቤላነ አ ያርሹዋ አኬዳ፤
GEN 4:5 ሽን ቃዬላነ አ ያርሹዋ አክቤና። ሄዋ ድራዉ፥ ቃዬል ሎይꬅ ይሎቴዳ፤ ባረ ዴሙዋካ ꬉምሴዳ።
GEN 4:6 ያትና መꬍና ጎዳይ ቃዬላ፥ “አያዉ ይሎታይ? ነ ዴሙካ አያዉ ꬉሜዴ?
GEN 4:7 ኔን ሎኦባ ኦꬆዋ ግድንቶ፥ ነ ሶምእ ፓሽከኔ? ሽን ኔን ሎኦባ ኦꬃና ꬋዮፐ፥ ናጋራይ ዶኣዳን ነ ፐንግያን ሙጌ፤ እ ኔና ሞዳና ኮዬ፤ ሽን ኔን አ ጾናና በሴ” ያጌዳ።
GEN 4:8 ሄዋፐ ጉየ፥ ቃዬል ባረ እሻ አቤላ፥ “አነ ደምባ ቦይተ” ያጌዳ። ኡንቱንቱ ደምባን ደእሽን፥ ቃዬል ባረ እሻ አቤላ ቦላ ደንዲደ ዎꬌዳ።
GEN 4:9 መꬍና ጎዳይ ቃዬላ፥ “ነ እሻይ አቤል ሀቃኔ?” ያጊደ ኦቼዳ። ቃዬል ዛሪደ፥ “ታን ኤርከ፤ ታ እሻ ናግያዌ ታኔየ?” ያጌዳ።
GEN 4:10 መꬍና ጎዳይ ቃዬላ፥ “ሀዋ አያዉ ኦꬃድ? በአ፤ ነ እሻ ሱꬃይ ቢታፐ ታኮ ዋሴ።
GEN 4:11 ነ ኩሽያፐ ነ እሻ ሱꬃ አኪደ፥ ምታናዉ ሀንጌዳ ቢታፐ ሀእ ኔን ሸቀቴዳዋ።
GEN 4:12 ኔን ጎሽናካ ቢታይ ነዉ አይፈና፤ በትያዳን ኔን ሳኣ ቦላን ቶይላካታናሳ” ያጌዳ።
GEN 4:13 ቃዬል መꬍና ጎዳ፥ “ፖራ! ኔን ታና ሙርያ ሙራይ ታን ኡባካ ዳንዳየናዋ።
GEN 4:14 ሄኮ ኔን ታና ሀቼ ሀ ቢታፐ የደርሳሳ፤ ታን ነ ስንꬃፐ ቆሰታና፤ በትያዳን ታን ሳኣ ቦላን ቶይላካታና፤ ታና ደሞዌ ኦንነ ዎꬋና” ያጌዳ።
GEN 4:15 መꬍና ጎዳይ አ፥ “ኔና ኦንነ ዎና፤ ዎꬎፐ፥ ነ ሀሉዋ አን ላፑን ኩሽያ ከሳና” ያጌዳ። ሄዋ ድራዉ፥ ደሞዌ ኦንነ አ ዎናዳን መꬍና ጎዳይ አ ቦላ ማላታ ዎꬄዳ።
GEN 4:16 ቃዬል መꬍና ጎዳ ስንꬃፐ ከሲደ፥ ኤደነ ባጋፐ አዋይ ዶልያ ባጋና ደእያ ኖዳ ቢታን ደኤድኖ።
GEN 4:17 ቃዬል ባረ ማቻትና አቄዳ፤ እዛ ሻሃሮ ዎደ ሄኖካ የላዱ። ቃዬል ካታማ ሄ ዎደ ኬጺደ፥ ሄ ካታማ ባረ ናኣ ሱንꬃን “ሄኖካ” ጊደ ሱንꬄዳ።
GEN 4:18 ሄኖክ እራዳ የሌዳ፤ እራድ ማሁያኤላ የሌዳ፤ ማሁያኤል ማቱሻኤላ የሌዳ፤ ማቱሻኤል ላሜካ የሌዳ።
GEN 4:19 ላሜክ አዶነ ጺሎ ግያ ላኡ ማቻቱዋ ዳዉꬃ አኬዳ።
GEN 4:20 አዳ ያባላ የላዱ፤ ያባል መህያ ሞድያ፥ ዱንካንያን ደእያ አሳቱዋ አዉዋ።
GEN 4:21 አ እሻ ሱንꬃይ ዩባላ፤ ዩባል ቃይ ዲꬃ ዲጽያነ ኡልዱድያ ፑንያ አሳቱዋ ኡባ አዉዋ፤
GEN 4:22 ጺላ ቃይ ቱባልቃይና ግያ ናኣ የላዱ፤ ቱባልቃይን ናሃስያፐነ ብራታፐ ዱማ ዱማ ሚሻቱዋ ቆጽያዋ። ቱባልቃይና ምቻታ ናእሞ።
GEN 4:23 እት ጋላስ ላሜክ ባረ ማቼቱዋ፥ “አዴ፥ ጺሌ፥ ስስተ፤ ታ ማቻቶ፥ አነ ታን ኦድያዋ ሀይዝተ። እት ብታኒ ታና ደቼዳ ድራዉ፥ ታን አ ዎꬋድ፤ ኤ፥ ታን ሄ ታና ማሱንꬄዳ ዎዳላ ዎꬋድ።
GEN 4:24 ቃዬላ ሀሉዋ ከሳናዉ ላፑን ኩሺ ኮሾፐ፥ ላሜካ ሀሉዋ ከሳናዉ ላፑን ታማነ ላፑን ኩሺ ኮሼ” ያጌዳ።
GEN 4:25 አዳመ ባረ ማቻትና ግስና ሀራ ናኣ የላደ፥ “ቃዬል ዎꬌዳ አቤላ ድራዉ ጾሳይ ታዉ ሀራ ናኣ እሜዳ” ጋደ፥ አ ሴታ ጋደ ሱንꬃዱ።
GEN 4:26 ሴትካ አቱማ ናኣ የሌዳ፤ አ “ሄኖሳ” ጊደ ሱንꬄዳ። አሳይ መꬍና ጎዳ ሱንꬃ ጼሲደ ጎይንያዋ ሄ ዎደ ዶሜዳ።
GEN 5:1 አዳማ የለታይ ሀዋፐ ካሊደ ጻፈቴዳ። ጾሳይ አሳ መꬌዳ ጋላስ ባረና ማላትሲደ መꬌዳ።
GEN 5:2 እ አቱማ አሳነ ማጫ አሳ ኦꬅ መꬊደ፥ ኡንቱንታ አንጄዳ። ኡንቱንታ መꬊደ አሳ ጊደ ሱንꬄዳ።
GEN 5:3 አዳም 130 ላይꬃ ደኢደ፥ ባረና ማላትያ አቱማ ናኣ የሌዳ፤ አ “ሴታ” ጊደ ሱንꬄዳ።
GEN 5:4 አዳም ሴታ የሌዳዋፐ ጉየ፥ 800 ላይꬃ ደኤዳ፤ ሀራ አቱማ ናናነ ማጫ ናና የሌዳ።
GEN 5:5 አዳም ሙለ 930 ላይꬃ ደኢደ ሀይቄዳ።
GEN 5:6 ሴት 105 ላይꬃ ደኢደ፥ ሄኖሳ የሌዳ፤
GEN 5:7 ሴት ሄኖሳ የሌዳዋፐ ጉየ፥ 807 ላይꬃ ደኤዳ፤ ሀራ አቱማ ናናነ ማጫ ናና የሌዳ።
GEN 5:8 ሴት ሙለ 912 ላይꬃ ደኢደ ሀይቄዳ።
GEN 5:9 ሄኖስ 90 ላይꬃ ደኢደ፥ ቃይናና የሌዳ፤
GEN 5:10 ሄኖስ ቃይናና የሌዳዋፐ ጉየ፥ 815 ላይꬃ ደኤዳ፤ ሀራ አቱማ ናናነ ማጫ ናና የሌዳ።
GEN 5:11 ሄኖስ ሙለ 905 ላይꬃ ደኢደ ሀይቄዳ።
GEN 5:12 ቃይናን 70 ላይꬃ ደኢደ፥ ማላልኤላ የሌዳ፤
GEN 5:13 ቃይናን ማላልኤላ የሌዳዋፐ ጉየ፥ 840 ላይꬃ ደኤዳ፤ ሀራ አቱማ ናናነ ማጫ ናና የሌዳ።
GEN 5:14 ቃይናን ሙለ 910 ላይꬃ ደኢደ ሀይቄዳ።
GEN 5:15 ማላልኤል 65 ላይꬃ ደኢደ፥ ያሬዳ የሌዳ፤
GEN 5:16 ማላልኤል ያሬዳ የሌዳዋፐ ጉየ፥ 830 ላይꬃ ደኤዳ፤ ሀራ አቱማ ናናነ ማጫ ናና የሌዳ።
GEN 5:17 ማላልኤል ሙለ 895 ላይꬃ ደኢደ ሀይቄዳ።
GEN 5:18 ያሬድ 162 ላይꬃ ደኢደ፥ ሄኖካ የሌዳ፤
GEN 5:19 ያሬድ ሄኖካ የሌዳዋፐ ጉየ፥ 800 ላይꬃ ደኤዳ፤ ሀራ አቱማ ናናነ ማጫ ናና የሌዳ።
GEN 5:20 ያሬድ ሙለ 962 ላይꬃ ደኢደ ሀይቄዳ።
GEN 5:21 ሄኖክ 65 ላይꬃ ደኢደ፥ ማቱሳላ የሌዳ፤
GEN 5:22 ማቱሳላ የሌዳዋፐ ጉየ፥ ሄኖክ 300 ላይꬃ ጾሳና ሀመቲደ ደኤዳ፤ ሀራ አቱማ ናናነ ማጫ ናና የሌዳ።
GEN 5:23 ሄኖክ ሙለ 365 ላይꬃ ደኤዳ፤
GEN 5:24 እ ጾሳና ሀመቲደ ꬋዬዳ፤ አያዉ ጎፐ፥ ጾሳይ አ አፌዳ።
GEN 5:25 ማቱሳል 187 ላይꬃ ደኢደ፥ ላሜካ የሌዳ፤
GEN 5:26 ማቱሳል ላሜካ የሌዳዋፐ ጉየ፥ 782 ላይꬃ ደኤዳ፤ ሀራ አቱማ ናናነ ማጫ ናና የሌዳ።
GEN 5:27 ማቱሳል ሙለ 969 ላይꬃ ደኢደ ሀይቄዳ።
GEN 5:28 ላሜክ 182 ላይꬃ ደኢደ፥ አቱማ ናኣ የሌዳ።
GEN 5:29 “ሀ ናአይ መꬍና ጎዳይ ሸቄዳ ቢታ ቦላን ኑና ኑ ኩሽያ ኦሱዋ ዳቡራፐ ሸምፕሳና” ጊደ ኖሀ ሱንꬄዳ።
GEN 5:30 ላሜክ ኖሀ የሌዳዋፐ ጉየ፥ 595 ላይꬃ ደኤዳ፤ ሀራ አቱማ ናናነ ማጫ ናና የሌዳ።
GEN 5:31 ላሜክ ሙለ 777 ላይꬃ ደኢደ ሀይቄዳ።
GEN 5:32 ኖሄ 500 ላይꬃ ደኢደ፥ ሴማ፥ ካማነ ያፌታ የሌዳ።
GEN 6:1 አሳይ ሳኣ ቦላን ዳሬዳ ዎደ፥ ኡንቱንቶ ማጫ ናናይ የለቴድኖ፤
GEN 6:2 “ሳሉዋ መታቱዋ” ጌተትያዋንቱ ሀ አሳ ማጫ ናናይ ማላ ሎአ ግድያዋ በኤድኖ፤ ያቲደ ኡንቱንቱፐ ባረንቶ ዶሬዳዋንታ አኬድኖ።
GEN 6:3 መꬍና ጎዳይ፥ “ታ አያናይ አሳን መꬍናዉ ደኤና፤ አያዉ ጎፐ፥ አሳይ ሀይቂያዋ፤ አ ላይꬃቱካ እት ጼታነ ላታማ ግዳና” ያጌዳ።
GEN 6:4 ሄ ዎደነ ሄዋፐ ጉየ ሳሉዋ መታቱ አሳ ማጫ ናና አክና፥ ናናይ የለቴዳ ዎደ፥ ዎጋ አዱሳ አሳቱ ሳኣ ቦላን ደኤድኖ። ኡንቱንቱነ በን ዎደ ኦላዉ ምናነ ኤረቴዳ አሳ።
GEN 6:5 መꬍና ጎዳይ ሄ ዎደ ሳኣ ቦላን ደእያ አሳ ኢታተꬃይ ዳሬዳዋነ ኡንቱንቱ ዎዛናይ ቆፕያባይ ኡባይ ኡባ ዎደካ ኢታ ጻላላ ግዴዳዋ በኤዳ፤
GEN 6:6 መꬍና ጎዳይ አሳ ሀ ሳኣ ቦላን መꬌዳዎ ካዮቴዳ፤ ባረ ዎዛናን ሎይꬅ ሴለቴዳ።
GEN 6:7 ሄዋ ድራዉ መꬍና ጎዳይ፥ “ታን መꬌዳ አሳ ሀ ሳኣ ቦላፐ ሙለ ꬋይሳና፤ አሳ፥ መህያ፥ ዶኣ፥ ቢታና ጎሸትያ መታቱዋነ ሳሉዋ ካፎቱዋ ꬋይሳና፤ አያዉ ጎፐ፥ ታን ኡንቱንታ መꬌዳዎ ካዮታድ” ያጌዳ።
GEN 6:8 ሽን ኖሄ መꬍና ጎዳ ስንꬃን ናሸቴዳ።
GEN 6:9 ኖሄ ሀኔዳባይ ሀዋፐ ካሊደ ጻፈቴዳ። ኖሄ ጽሎ አሳ፤ እ ባረ ዎድያን ደኤዳ አሳ ግዶን ሱረ አሳ፤ ኖሄ ጾሳና ሀመቴዳ።
GEN 6:10 ኖሄ ሴማ፥ ካማነ ያፌታ ግያ ሄዙ አቱማ ናና የሌዳ።
GEN 6:11 ሄ ዎደ ቢታይ ሳአይ ጾሳ ስንꬃን ቱኔዳ፤ ሳአይ ኡባይ ማካላን ኩሜዳ።
GEN 6:12 ጾሳይ ሀ ሳኣ ጼሌዳ፤ ሳአይ ቱኔዳዋ በኤዳ፤ አያዉ ጎፐ፥ ሳኣን ደእያ አሳይ ኡባይ ባረ ኦግያ ቱንስ ዎꬄዳ።
GEN 6:13 ሄዋ ድራዉ፥ ጾሳይ ኖሀ ሀዋዳን ያጊደ አዛዜዳ፤ “ታን አሳ ኡባ ꬋይሳና ሀናይ፤ ኡንቱንቱ ጋሱዋን ሳአይ ማካላን ኩሜዳ ድራዉ፥ ታን ቱሙፐ አሳካ ሳኣካ ꬋይሳና።
GEN 6:14 ሄዋ ድራዉ፥ ምኖ ምꬃፐ ነዉ ማርካብያ ኬጻ፤ ሄ ማርካብያ ግዶን ጮራ ቆልኦቱዋ ከሳ፤ ያታደ ሶናነ ካረና ሽድያን ባራ።
GEN 6:15 ማርካብያ ሀዋዳን ያታደ ኬጻ፤ አዱሳተꬃ ሄዙ ጼቱ ዋꬋ፥ ጎምፓ እሻታሙ ዋꬋ፥ ጌሳ ሀታሙ ዋꬋ ኦꬃ፤
GEN 6:16 ማርካብያዉ ካራ መꬋ፤ ካራፐነ ጎዳፐ ግዱዋን እት ዋꬋ ግድያ ሳ ካሎ አጋ ባሻ፤ ፐንግያ ማርካብያዉ ምይያና ከሳ፤ ማርካብያ ሄዙ ፖቅያ ከሳደ ኬጻ።
GEN 6:17 “ታን ሳሉዋፐ ጋርሳን ደኡዋ ሸምፑዋና ደእያ መታ ኡባ ꬋይሳናዉ፥ ሀ ሳኣ ቦላን ባሻ ሃꬃ የዳና፤ ሀ ሳኣን ደእያባይ ኡባይ ꬋያና።
GEN 6:18 ሽን ታን ታ ቃላ ጫቁዋ ኔናና ጫቀታና። ኔን ነ ማቻቶ፥ ነ አቱማ ናናነ ነ አቱማ ናና ማቻቱዋ ኔናና አካደ ማርካብያ ግዶ ገላ።
GEN 6:19 ኡንቱንቱ ኔናና ሸምፑዋና አታና ማላ፥ ሸምፑ ደእያ መታ ኡባፐ ቆሙዋን ቆሙዋን አቱማዋነ ማጫዋ ላኡዋ ላኡዋ አካደ፥ ማርካብያ ግዶ ገልሳ።
GEN 6:20 ዱማ ዱማ ቆሞ ካፉዋፐ፥ ዱማ ዱማ ቆሞ መህያፐነ ቢታና ጎሸትያ ዱማ ዱማ ቆሞ መታቱዋ ኡባፐ ላኡዋ ላኡዋ ግዲደ፥ ሸምፑዋና አታና ማላ ኔኮ ያና።
GEN 6:21 ቃይ ኔንነ ኔናና ደእያዋንቱ ማናዉ፥ ዱማ ዱማ ቆሙ ምያ ካꬃ አፋደ፥ ማርካብያ ግዶን ቆላ” ያጌዳ።
GEN 6:22 ኖሄ ኡባባካ ጾሳይ አዛዜዳዋዳን ኦꬄዳ።
GEN 7:1 መꬍና ጎዳይ ሄዋፐ ጉየ ኖሀ ሀዋዳን ያጌዳ፤ “ኔን ነ ሶ አሳ ኡባና ማርካብያ ግዶ ገላ፤ አያዉ ጎፐ፥ ታን ሀ ዎድያ የለታ ግዶን ኔን ጽሎ ግዴዳዋ በኣድ።
GEN 7:2 ኔን ጌሻ ግዴዳ መህያነ ዶኣ ኡባፐ አ ቆሙዋፐ ቆሙዋፐ አቱማዋነ ማጫዋ ላፑኑዋ ላፑኑዋ፥ ጌሻ ግደና መህያነ ዶኣ ኡባፐ አ ቆሙዋፐ ቆሙዋፐ እት አቱማዋነ እት ማጫዋ፥ ቃይ ሳሉዋ ካፉዋፐ አ ቆሙዋፐ ቆሙዋፐ አቱማዋነ ማጫዋ ላፑኑዋ ላፑኑዋ ኦꬃደ፥ ሳኣ ኡባ ቦላን ዱማ ዱማ ዘረꬃይ ሸምፑዋና አታና ማላ ኔናና አካደ ገላ።
GEN 7:4 አያዉ ጎፐ፥ ላፑን ጋላሳፐ ጉየ፥ ታን ኦይታሙ ጋላሳነ ኦይታሙ ቃማ ሀ ሳኣ ቦላን እራ ቡክሳና፤ ያታደ ታን መꬌዳ መታ ኡባ ሳኣ ቦላፐ ꬋይሳና” ያጌዳ።
GEN 7:5 ኖሄ መꬍና ጎዳይ አ አዛዜዳ ኡባባ ኦꬄዳ።
GEN 7:6 ባሻ ሃꬃይ ሀ ሳኣ ቦላ ዬዳ ዎደ፥ ኖሄ ላይꬃይ ኡሱፑን ጼታ።
GEN 7:7 ኖሄ፥ አ አቱማ ናናይ፥ አ ማቻታነ አ ናና ማቼቱ ባሻ ሃꬃፐ አታናዉ ማርካብያ ግዶ ገሌድኖ።
GEN 7:8 ጌሻ መህያፐነ ዶኣፐ፥ ጌሻ ግደና መህያፐነ ዶኣፐ፥ ካፉዋፐነ ቢታና ጎሸትያዋንቱ ኡባፐ
GEN 7:9 ጾሳይ ኖሀ አዛዜዳዋዳንካ አቱማዌነ ማጫዌ ላኡዋ ላኡዋ ግድ፥ ኖሄኮ ዪደ ማርካብያ ግዶ ገሌድኖ።
GEN 7:10 ላፑን ጋላሳፐ ጉየ፥ ባሻ ሃꬃይ ሀ ሳኣ ቦላን ዬዳ።
GEN 7:11 ኖሄ ኡሱፑን ጼቱ ላይꬃ ደእና፥ ላኤንꬃ አግናን፥ ታማነ ላፑንꬃ ጋላሳን፥ ሄ ጋላሳን ቢታ ግዶን ደእያ ዎልቃማ ጪማ ፑልቱዋ ኡባይ ꬉቂ አጌዳ፤ ሳሉዋን ደእያ ሃꬃ ፐንገቱካ ዶየት ዎꬌድኖ፤
GEN 7:12 እራይ ሀ ሳኣ ቦላን ኦይታሙ ጋላሳነ ኦይታሙ ቃማ ቡኬዳ።
GEN 7:13 ሄ ጋላሳን ኖሄነ አ አቱማ ናናይ፥ ሴመ፥ ካመነ ያፌት፥ ኖሄ ማቻታነ አ ናና ሄዛቱዋ ማቻቱ እትፐ ማርካብያ ግዶ ገሌድኖ።
GEN 7:14 ኡንቱንቱነ ዶኣ ኡባፐ ባረ ቆሙዋን ቆሙዋን፥ መህያ ኡባፐ ባረ ቆሙዋን ቆሙዋን፥ ሳኣና ጎሸትያዋንቱ ኡባፐ ባረ ቆሙዋን ቆሙዋን፥ ካፉዋ ኡባፐ ባረ ቆሙዋን ቆሙዋን፥ ኡንቱንቱና እትፐ ገሌድኖ፤
GEN 7:15 ደኡዋ ሸምፑዋና ደእያዋንቱ ኡባይ ላኡዋ ላኡዋ ግድ፥ ኖሄኮ ዪደ ማርካብያን ገሌድኖ፤
GEN 7:16 ጾሳይ ኖሀ አዛዜዳዋዳን፥ መታ ኡባፐ አቱማዋነ ማጫዋ ግዲደ፥ ማርካብያ ግዶ ገል ስሞዋን፥ መꬍና ጎዳይ ማርካብያ ፐንግያ ጎርዴዳ።
GEN 7:17 ባሻ ሃꬃይ ኦይታሙ ጋላሳ ሳኣ ቦላን ቡኪደ ጋምኤዳ፤ ሃꬃይ ዳሪደ፥ ማርካብያ ቢታፐ ፑደ ደንꬄዳ።
GEN 7:18 ሃꬃይ ቢታ ቦላን ሎይꬅ ዳርና፥ ማርካቢ ሃꬃ ቦላን ቶከቴዳ።
GEN 7:19 ሳሉዋፐ ጋርሳና ደእያ ꬎቃ ደረቱ ኡባይ ምተታና ጋካናዉ፥ ሃꬃይ ሀ ሳኣ ቦላን ሎይꬅ ዎልቃፐ ዳሬዳ።
GEN 7:20 ሃꬃይ ደረቱዋ ጼራፐ አꬊደ፥ ታማነ እቼሹ ዋꬋ ጋካናዉ ቶኬዳ።
GEN 7:21 ያትና ሳኣ ቦላን ሸምፑዋና ቃጽያ መታቱ ኡባይ: ካፉ፥ መሂ፥ ዶአይ፥ ሳኣ ቦላን ሻምእ ግያ መታ ኡባይነ አሳይ ኡባይ ሀይቄዳ።
GEN 7:22 ኤ፥ መላ ቢታ ቦላን ደእያ፥ ባረ ሲꬍያን ደኡዋ ሸምፑዋ ሸምፕያ ኡባይካ ሀይቄዳ።
GEN 7:23 ሀ ሳኣን ፓጻ ደእያባይ ኡባይ: አሳይ፥ መሂነ ዶአይ፥ ቢታና ጎሸትያ መታቱነ ሳሉዋ ካፎቱ ኡባይካ ሳኣፐ ꬋዬድኖ። ኖሄ ጻላላይነ አናና ማርካብያ ግዶን ደእያዋንቱ አቴድኖ።
GEN 7:24 ሄ ሃꬃይ ጼታነ እሻታሙ ጋላሳ ጋካናዉ ሳኣ ቦላን ጋምኤዳ።
GEN 8:1 ሽን ጾሳይ ኖሀ፥ አናና ማርካብያ ግዶን ደእያ ዶኣ ኡባነ መህያ ኡባ ቆፔዳ፤ ሳኣ ቦላን ጫርኩዋ ጫርክሴዳ፤ ሄ ሃꬃይ ዎꬍ ዎꬍ ቤዳ።
GEN 8:2 ቃይ ቢታ ግዱዋን ደእያ ጪሙዋ ፑልቱነ ሳሉዋን ደእያ ሃꬃ ፐንገቱ ጎርደቴድኖ፤ እራይካ ሳሉዋን ኤቄዳ።
GEN 8:3 ያትና ሃꬃይ ዎꬍ ዎꬍ ቤዳ። ሄ ጼታነ እሻታሙንꬃ ጋላሳፐ ጉየ፥ ሃꬃይ ዎꬌዳ።
GEN 8:4 ሃꬃይ ዎꬍና ማርካቢ ላፑንꬃ አግናን፥ ታማነ ላፑንꬃ ጋላሳን አራራተ ግያ ደረቱዋ ቦላ ኡቴዳ።
GEN 8:5 ሃꬃይ ታማንꬃ አግናይ ጋካናዉ ዎꬍ ዎꬍ ቤዳ፤ ታማንꬃ አግናዉ ኮይሮ ጋላስ ደረቱ ጼራይ ቤቴዳ።
GEN 8:6 ኦይታሙ ጋላሳፐ ጉየ፥ ኖሄ ባረ ኬጼዳ ማርካብያ ማስኮትያ ዶዬዳ፤
GEN 8:7 ያቲደ እት ቁሩዋ ካረ የድና፤ ቁሩ ሃꬃይ ቢታ ቦላፐ መላና ጋካናዉ፥ ያነ ሃነ ፓሊደ ጋምኤዳ።
GEN 8:8 ቃይ ኖሄ ሃꬃይ ቢታ ቦላፐ ዎꬍ ዉሬደንቶነ በአናዉ እት ሀራጳቶ ካረ የዴዳ፤
GEN 8:9 ሽን ሄ ሀራጳታ ሃꬃይ ቢታ ኡባ ቦላን ሀእካ ደእያ ድራዉ፥ ሸምፕያ ሳኣ ደማበይኩ። ሄዋ ድራዉ ስማደ፥ ማርካብያ ግዶን ደእያ ኖሄኮ ያዱ፤ እ ባረ ኩሽያ የዲደ፥ ባረኮ ማርካብያ ግዶ አኬዳ።
GEN 8:10 ሄዋፐ ጉየ፥ ሀራ ላፑን ጋላሳ ጋምኢደ፥ ዶጎማቶ ዛሪደካ ማርካብያ ግዶፐ ከሲደ የዴዳ።
GEN 8:11 ሄ ሀራጳታ ሳአይ ኦማርስያ ዎደ አኮ ስማደ ያዱ፤ ዎጋራ ማላትያ ምꬃፐ ዱꬄዳ እርጻ ሀይꬃ ባረ ዶናን ሳአ አካደ ያዱ። ሄዋ ድራዉ፥ ሃꬃይ ቢታ ቦላፐ ዎꬌዳዋ ኖሄ ኤሬዳ።
GEN 8:12 ቃይ ኖሄ ሀራ ላፑን ጋላሳ ጋምኢደ፥ ሄ ሀራጳቶ ዛረꬂደ የዴዳ፤ ሽን ሄ ሀራጳታ አኮ ስማደ ያበይኩ።
GEN 8:13 ኖሄ ኡሱፑን ጼታነ እት ላይꬃ ደእና፥ ኮይሮ አግናን ኮይሮ ጋላስ፥ ሃꬃይ ቢታ ቦላፐ ጽኤዳ፤ ኖሄ ማርካብያ ቁምእያ ዶይ ጼሊደ፥ ቢታይ ጽኤዳዋ በኤዳ።
GEN 8:14 ላኤንꬆ አግናን ላታማነ ላፑንꬃ ጋላሳን፥ ቢታይ ሙለ መሌዳ።
GEN 8:15 ጾሳይ ሄ ዎደ ኖሀ ሀዋዳን ያጊደ አዛዜዳ፤
GEN 8:16 “ኔን ነ ማቻቶ፥ ነ አቱማ ናናነ ነ ናና ማቻቱዋ አካደ ማርካብያ ግዶፐ ከሳ።
GEN 8:17 ኡንቱንቱ የለቲደ፥ ዳሪደ ጮራና ማላ፥ ሸምፑ ደእያ መታ ኡባፐ ኔናና ደእያዋንታ: ካፎቱዋ፥ መሄቱዋ፥ ዶአቱዋነ ቢታና ጎሸትያ ኡባ ኔናና ከሳ” ያጌዳ።
GEN 8:18 ኖሄ ባረ አቱማ ናናቱዋናኔ፥ ባረ ማቻትናነ ባረ ናና ማቼቱዋና ማርካብያ ግዶፐ ከሴዳ።
GEN 8:19 መህያነ ዶኣ ኡባይ፥ ቢታና ጎሸትያ መታ ኡባይ፥ ካፉዋ ኡባይነ ሳኣ ቦላን ዎጽ ቃጽያባ ኡባይ ባረ ቆሙዋን ቆሙዋን ማርካብያ ግዶፐ ከሴድኖ።
GEN 8:20 ኖሄ መꬍና ጎዳዉ ያርሽያ ሳኣ ግምቤዳ፤ ጌሻ መህያነ ዶኣ ኡባፐነ ጌሻ ካፉዋ ኡባፐ አኪደ፥ ያርሽያ ሳኣን ጹጊደ ያርሼዳ።
GEN 8:21 ያትና መꬍና ጎዳይ ያርሹዋ ፔኑዋ ሳዊያዋ ስንጊደ፥ ባረ ዎዛናን ሀዋዳን ያጌዳ፤ “ናአተꬃፐ ዶምና፥ አሳይ ዎዛናን ቆፕያባይ ኡባይ ኢታ ግዶፐነ፥ ታን አሳ ድራዉ ጋደ ላኤንꬆ ኡባካ ሀ ሳኣ ሸቂከ። ቃይ ታን ሀእ ኦꬄዳዋዳን ፓጻ ደእያ መታ ኡባ ላኤንꬆ ኡባካ ꬋይስከ።
GEN 8:22 ሀ ሳአይ ደኤዳ ኬሻ ኡባን፥ ዘርያ ዎዲነ ጫክያ ዎዲ፥ ሜጉነ ሆምቢ፥ ቦኒነ ባልጉ፥ ጋላሳይነ ቃማይ ኡባደካ ደአና” ያጌዳ።
GEN 9:1 ጾሳይ ኖሀነ አ አቱማ ናና ሀዋዳን ያጊደ አንጄዳ፤ “የለትተ፤ ጮርተ፤ ሳኣ ኡባ ኩምተ።
GEN 9:2 ሳኣ ዶአቱ ኡባይ፥ ሳሉዋ ካፋቱ ኡባይ፥ ጋድያን ዎጽ ቃጽያባ ኡባይነ አባን ደእያ ሞለቱ ኡባይ ህንተንቶ ያይኖነ ዳጋምኖ። ኡንቱንቱ ህንተንቶ አꬊደ እመቴድኖ፤
GEN 9:3 ታን ሞክያ ዱማ ዱማ ካꬃቱዋ ህንተንቶ እሜዳዋዳንካ፥ ሸምፑ ደእያ ዎጽ ቃጽያ መታ ኡባይ ህንተንቶ ቁማ ግዳና።
GEN 9:4 ሽን ሱꬃ ግዶን ሸምፑ ደእያ ድራዉ ሱꬃይ አ ግዱዋን ደእያ አሹዋ ሞፕተ።
GEN 9:5 ታን ህንተንቱ ሸምፑዋና ደእያ ህንተንቱ ሱꬃ ዶኣ ኡባፐ ቱሙ አቻና፤ ቃይ አሳ ኡባፐ፥ አ ማላ አሳ ሱꬃ አቻና።
GEN 9:6 ጾሳይ አሳ ባረና ማላትሲደ መꬌዳ ድራዉ፥ አሳ ሱꬃ ጉስያ ኦናነ ግዶፐነ፥ አ ሱꬃይካ አሳ ኩሽያን ጉካናዋ።
GEN 9:7 ህንተንቱ የለትተ፤ ጮርተ፤ ሳኣን ዳርተ፤ አን ጮርተ” ያጌዳ።
GEN 9:8 ሄዋፐ ጉየ፥ ጾሳይ ኖሀነ አናና ደእያ አ አቱማ ናና፥
GEN 9:9 “ስም ሀእ፥ ታን ታ ጫቁዋ ህንተናና፥ ህንተፐ ጉየ ህንተንቱ ዘረꬃናነ ፓጻ ኔናና ደእያ መታ ኡባና ጫቀታይ፤ ኤ፥ ታን ታ ጫቁዋ ካፉዋና፥ መህያና፥ ሳኣ ዶኣ ኡባናነ፥ ማርካብያፐ ህንተናና ከሴዳ፥ ሸምፑዋና ደእያ መታ ኡባና ጫቃይ።
GEN 9:11 ታን ህንተናና ታ ጫቁዋ ጫቀታይ፤ ሀዋፐ ስንꬃን ሸምፑ ደእያባይ ኡባይ ባሻ ሃꬃን ኡባካ ባየና፤ ሀ ሳኣ ባይዝያ ሃꬃይ ሀዋፐ ስንꬃን ኡባካ ደኤና” ያጌዳ።
GEN 9:12 ቃይካ ጾሳይ፥ “ታን ታፐነ ህንተፐ፥ ህንተናና ደእያ ፓጻ መታቱዋ ኡባፐ ግዱዋን ያና የለታ ኡባና ጫቀትያ ጫቁዋ ማላታይ ሀዋ፤
GEN 9:13 ታን ታ ዙሉዋ ሻርያን ኤሳድ፤ እ ታፐነ ሀ ሳኣፐ ግዱዋን ደእያ ጫቆ ማላ ግዳና።
GEN 9:14 ታን ሳኣፐ ቦላን ሻርያ አሄዳ ዎደነ ሻርያን ዙሉ ቤቴዳ ዎደ፥
GEN 9:15 ታፐነ ህንተፐ ሸምፑ ደእያ ዱማ ዱማ ቆሞ መታ ኡባፐ ግዱዋን ጫቀቴዳ ታ ጫቁዋ ሀሳያና፤ ፓጻ ደእያዋ ኡባ ꬋይሳናዉ ሀዋፐ ስንꬃን ኡባካ ባሻ ሃꬃይ ዬና።
GEN 9:16 ዙሉ ሻርያን ቤቴዳ ዎደ አዉደነ፥ ታን አ በአና፤ ታፐ ጾሳፐነ ሀ ሳኣ ቦላን ሸምፑዋና ደእያ ዱማ ዱማ ቆሞ መታ ኡባፐ ግዱዋን ጫቀቴዳ መꬍና ጫቁዋ ታን ሀሳያና” ያጌዳ።
GEN 9:17 ጾሳይ ኖሀ፥ “ታን ታፐነ ሀ ሳኣ ቦላን ሸምፑዋና ደእያዋ ኡባፐ ግዱዋን ጫቀቴዳ ጫቁዋ ማላይ ሀዋ” ያጌዳ።
GEN 9:18 ማርካብያፐ ከሴዳ ኖሄ አቱማ ናናይ ሴማ፥ ካማነ ያፌታ፤ ካመ ካናነ አዉዋ።
GEN 9:19 ሀዋንቱ ሄዙካ ኖሄ ናና፤ ሳኣን ኡባን ደእያ አሳይ ኡንቱንቱፐ የለቴዳ።
GEN 9:20 ኖሄ ጎሻንቻ፤ እ ዎይንያ ቱራ ቶከꬃ ዶሜዳ።
GEN 9:21 እት ጋላስ እ ሄ ዎይንያ ኤሳ ኡሺደ ማꬆቴዳ፤ ባረ ዱንካንያ ግዶን ካሎ ጺራ ግሴዳ።
GEN 9:22 ካናነ አዉዋ ካመ ባረ አዉዋ ካሉዋ በኤዳ፤ ካረ ከሲደ፥ ባረ ላኡ እሻቶ ኦዴዳ።
GEN 9:23 ሽን ሴምነ ያፌት አፍላ እቱዋ አኪደ፥ ላአቱካ ባረንቱ ሀሽያና ሀሽያና ጋꬅ ኦይቂደ፥ ጉየጉꬃን ሀመት ገሊደ፥ ባረንቱ አዉዋ ካሉዋ ካሜድኖ፤ ኡንቱንቱ ባረንቱ አዉዋ ካሉዋ በኤና ማላ ባረንቱ ዴሙዋ ዎራ ዛሬድኖ።
GEN 9:24 ኖሄ ማꬁ አꬍና ቤጎቲደ፥ አ ናአይ ኡባፐ ቴፋይ አ ኦꬄዳዋ ኤሬዳ።
GEN 9:25 አ፥ “ካናነ ሸቀቴዳዋ ግዶ! እ ባረ እሻቶ ዉርሰꬃ አይልያ ግዶ” ያጌዳ።
GEN 9:26 ቃይካ ኖሄ፥ “መꬍና ጎዳይ፥ ሴማ ጾሳይ ጋላተቶ! ካናነ ሴማ አይልያ ግዶ፤
GEN 9:27 ጾሳይ ያፌታ ቢታ አሶ። ያፌታ ዛራቱ ሴማ ዛራቱዋ ግዶን ደእኖ፤ ካናነ ያፌታ አይልያ ግዶ” ያጌዳ።
GEN 9:28 ባሻ ሃꬃፐ ጉየ፥ ኖሄ 350 ላይꬃ ደኤዳ።
GEN 9:29 ኖሄ ሙለ 950 ላይꬃ ደኢደ ሀይቄዳ።
GEN 10:1 ኖሄ ናና፥ ሴማ፥ ካማነ ያፌታ የለታይ ሀዋፐ ካሊደ ጻፈቴዳዋ፤ ባሻ ሃꬃፐ ጉየ፥ ኡንቱንቶ አቱማ ናናይ የለቴድኖ።
GEN 10:2 ያፌታ አቱማ ናናይ: ጎመራ፥ ማጎጋ፥ ማዳያ፥ ያዋና፥ ቱባላ፥ መሸካነ ቲራሳ።
GEN 10:3 ጎመራ አቱማ ናናይ: አሽካናዛ፥ ሪፋታነ ቶጋርማ።
GEN 10:4 ያዋና አቱማ ናናይ: ኤሊሻ፥ ታርሴሰ፥ ክቲማነ ሮዳ።
GEN 10:5 ሀዋንቱፐ አባ ዶናን ደእያ አሳይ ኡባይ ባረ ጋድያን ጋድያን፥ ባረ ቃላን ቃላን፥ ባረ ያራን ያራንነ፥ ባረ ካዉተꬃን ካዉተꬃን ሻከቴድኖ።
GEN 10:6 ካማ አቱማ ናናይ: ኩሻ፥ ምጽራይማ፥ ፑጻነ ካናና።
GEN 10:7 ኩሻ አቱማ ናናይ: ሳባ፥ ኤዉላጻ፥ ሳብታ፥ ራእማነ ሳብታካ። ራእማ አቱማ ናናይ: ሳባነ ዳዳና።
GEN 10:8 ኩሽ ናምሩዳ የሌዳ፤ ናምሩድ ሀ ሳኣን ኮይሮ ዎልቃማ ኦላንቻ ግዴዳ፤
GEN 10:9 መꬍና ጎዳ ስንꬃንካ እ ዎልቃማ ሻንካንቻ ግዴዳ፤ “ናምሩዳዳን መꬍና ጎዳ ስንꬃን ዎልቃማ ሻንካንቻ ግዴዳ” ጉሳይ ሄዋ ድራሳ።
GEN 10:10 አ ካዉተꬃይ ኮይሮ ካታማት ሳናኦረ ጋድያን ደእያ ባብሎነ፥ ኤሬካ፥ አካዳነ ካልና።
GEN 10:11 እ ሄ ቢታፐ አሶረ ቢደ፥ ነነዌ፥ ሮሆቦታነ ካላሀ ኬጼዳ፤ ቃይ ናናዌፐነ ካላሀፐ ግዱዋን ደእያ ረሴና ግያ ዎልቃማ ካታማካ ኬጼዳ።
GEN 10:13 ምጽራይመ ሉደቱዋ፥ አናማዋቱዋ፥ ላሃበቱዋ፥ ናፍቱሄቱዋ፥ ፓትሮሳቱዋ፥ ካስሉሄቱዋነ ፕልስጼማቱዋ ዘረꬃቱዋ የሌዳ ካፍቶረቱዋ የሌዳ።
GEN 10:15 ካናነ ባረ ባይራ ናኣ ሲዶናነ ሄታ የሌዳ፤ ቃይ ካናነ ያቡሳ አሳ፥ አሞረ አሳ፥ ገርጌሰ አሳ፥ ሂዌ አሳ፥ አርቀ አሳ፥ ሲና አሳ፥ አርዋደ አሳ፥ ጻማረ አሳነ ሀማታ አሳ የሌዳ። ሄዋፐ ጉየ፥ ካናነ ዛራቱ ላለትና፥
GEN 10:19 ካናነ ቢታ ዛዋይ ሲዶናፐ ዶሚደ፥ ጌራራናነ ጋዛና አꬊደ፥ ሶዶማነ ጋሞራ፥ አዳማነ ጻቦይማ ቢደ፥ ላሻአን ዛዋቴ።
GEN 10:20 ካመ አቱማ ናናይ ባረንቱ ያራን ያራን፥ ባረንቱ ቃላን ቃላን፥ ባረንቱ ቢታን ቢታንነ ባረንቱ ካዉተꬃን ካዉተꬃን ጻፈቴዳዋንቱ ሀዋንታ።
GEN 10:21 ሴማዉ ናናይ የለቴድኖ፤ እ ያፌታዉ ባይራ እሻነ ኤቦራ ናና ኡባዉ ማይዛ አዉዋ።
GEN 10:22 ሴማ አቱማ ናናይ: ኤላማ፥ አሶራ፥ አርፋክሳዳ፥ ሉዳነ አራማ።
GEN 10:23 አራማ አቱማ ናናይ: ኡጻ፥ ሁላ፥ ገቴራነ መሸካ።
GEN 10:24 አርፋክሳድ ሸላሀ የሌዳ። ሸላህ ኤቦራ የሌዳ።
GEN 10:25 ኤቦራዉ ላኡ አቱማ ናናይ የለቴድኖ። እቱዋ ሱንꬃይ ፔሌጋ፤ አያዉ ጎፐ፥ ሳኣን ደእያ አሳይ አ ዎድያን ሻከቴዳ፤ አ እሻ ሱንꬃይ ዮቅጻና።
GEN 10:26 ዮቅጻን ናና የሌዳ። ኡንቱንቱነ: አልሞዳዳ፥ ሸሌፋ፥ ሀጻርማዌታ፥ የራሀ፥
GEN 10:27 ሀዶራማ፥ ኡዛላ፥ ዲቅላ፥
GEN 10:28 ኦባላ፥ አብማኤላ፥ ሳባ፥
GEN 10:29 ኦፊራ፥ ሀዊላነ ዮባባ። ሀዋንቱ ኡባይካ ዮቅጻና አቱማ ናና።
GEN 10:30 ኡንቱንቱ ደኤዳ ሄራይ ሜሻፐ ቢደ አዋይ ዶልያ ባጋና ደእያ ደሪ ዳርያ ጋድያን ሳፋራ ጋኬ።
GEN 10:31 ሴማ አቱማ ናናይ ባረንቱ ያራን ያራን፥ ባረንቱ ቃላን ቃላን፥ ባረንቱ ጋድያን ጋድያንነ ባረንቱ ካዉተꬃን ካዉተꬃን ጻፈቴዳዋንቱ ሀዋንታ።
GEN 10:32 ሀዋንቱ ባረንቱ ያራን ያራንነ ባረንቱ ካዉተꬃን ካዉተꬃን ጻፈቴዳ ኖሄ አቱማ ናና ዛራቱዋ። ባሻ ሃꬃፐ ስሚደ፥ ካዉተꬃቱዋ ሀዋንቱፐ ሳኣ ኡባዉ የለት አኬድኖ።
GEN 11:1 ሳኣ ቦላን ደእያ አሳይ ኡባይ ኮይሮ እት ዶናነ እት ቃላ ሃሳዪኖ።
GEN 11:2 አሳቱ አዋይ ከስያ ባጋ ስሚደ ቤዳ ዎደ፥ ሳናኦረ ግያ ጋድያን ደምባ እቱዋ ደሚደ ያን፥ ኡቴድኖ።
GEN 11:3 ኡንቱንቱ እቱ እቱዋ፥ “ሃ ዪተ፤ ጹብያ መꬊደ፥ ታማን ጹጎይተ” ያጌድኖ። ኡንቱንቱ ሹቻ ድራዉ ጹብያ፥ ኡርቃ ድራዉ ሽድያ አኬድኖ፤
GEN 11:4 “ሃ ዪተ፤ ኑ ሱንꬃ ጼስሳናዉነ ቃይ ኑን ሀ ሳኣ ኡባ ቦላን ላለተናን አታናዉ እት ዎልቃማ ካታማነ ጼራይ ሳሉዋ ጋክያ እት ፖቅያ ኑዉ ኬጾይተ” ያጌድኖ።
GEN 11:5 ሽን ጎዳይ አሳቱ ኬጼዳ ዎልቃማ ካታማነ ፖቅያ በአናዉ ዱገ ዎꬌዳ፤
GEN 11:6 መꬍና ጎዳይ “ሄኮ ኡንቱንቱ እት አሳ፤ ቃይ ኡንቱንቱ ኡባይካ እት ቃላን ሃሳዪኖ፤ ኡንቱንቱ ሀእ ሀዋ ኦꬃናዉ ዶሞዋፐ ጉየ፥ ኡንቱንቱ ባረንቶ ኦꬃናዉ ቆፖዋ ኡንቱንቶ ዳንዳየተናዌ አያይነ ባዋ።
GEN 11:7 ሃ ዪተ፤ ዱገ ዎꬊደ ኡንቱንቱ እቱ ሃሳይያ ቃላ እቱ ኤረና ማላ፥ ኡንቱንቱ ቃላ ዱማዮይተ” ያጌዳ።
GEN 11:8 መꬍና ጎዳይ ኡንቱንታ ሄዋፐ ሳኣ ኡባ ቦላን ላልና፥ ኡንቱንቱ ሄ ዎልቃማ ካታማ ኬጽያዋ አጊሼድኖ።
GEN 11:9 መꬍና ጎዳይ ሳኣ አሳ ቃላ ያን ዱማዬዳ ድራዉ፥ ሄ ካታማይ ባቤላ ጌተቴዳ። ጎዳይ ኡንቱንታ ሄዋፐ ሳኣ ኡባ ቦላን ላሌዳ።
GEN 11:10 ሴማ የለታይ ሀዋፐ ካሊደ ጻፈቴዳዋ። ባሻ ሃꬃፐ ጉየ፥ ላኡ ላይꬃ ግድና፥ ሴማ ላይꬃይ 100 ግዴዳ ዎደ፥ ሴም አርፋክሳዳ የሌዳ።
GEN 11:11 ሴም አርፋክሳዳ የሌዳዋፐ ጉየ፥ 500 ላይꬃ ደኤዳ፤ ሀራ አቱማ ናናካ ማጫ ናናካ የሌዳ።
GEN 11:12 አርፋክሳድ 35 ላይꬃ ደኢደ፥ ሸላሀ የሌዳ፤
GEN 11:13 አርፋክሳድ ሸላሀ የሌዳዋፐ ጉየ፥ 403 ላይꬃ ደኤዳ፤ ሀራ አቱማ ናናካ ማጫ ናናካ የሌዳ።
GEN 11:14 ሸላህ 30 ላይꬃ ደኢደ፥ ኤቦራ የሌዳ፤
GEN 11:15 ሸላህ ኤቦራ የሌዳዋፐ ጉየ፥ 403 ላይꬃ ደኤዳ፤ ሀራ አቱማ ናናካ ማጫ ናናካ የሌዳ።
GEN 11:16 ኤቦር 34 ላይꬃ ደኢደ፥ ፔሌጋ የሌዳ፤
GEN 11:17 ኤቦር ፔሌጋ የሌዳዋፐ ጉየ፥ 430 ላይꬃ ደኤዳ፤ ሀራ አቱማ ናናካ ማጫ ናናካ የሌዳ።
GEN 11:18 ፔሌግ 30 ላይꬃ ደኢደ፥ ራአ የሌዳ፤
GEN 11:19 ፔሌግ ራአ የሌዳዋፐ ጉየ፥ 209 ላይꬃ ደኤዳ፤ ሀራ አቱማ ናናካ ማጫ ናናካ የሌዳ።
GEN 11:20 ራኡ 32 ላይꬃ ደኢደ፥ ሳሩጋ የሌዳ፤
GEN 11:21 ራኡ ሳሩጋ የሌዳዋፐ ጉየ፥ 207 ላይꬃ ደኤዳ፤ ሀራ አቱማ ናናካ ማጫ ናናካ የሌዳ።
GEN 11:22 ሳሩግ 30 ላይꬃ ደኢደ፥ ናኮራ የሌዳ፤
GEN 11:23 ሳሩግ ናኮራ የሌዳዋፐ ጉየ፥ 200 ላይꬃ ደኤዳ፤ ሀራ አቱማ ናናካ ማጫ ናናካ የሌዳ።
GEN 11:24 ናኮር 29 ላይꬃ ደኢደ፥ ታራ የሌዳ፤
GEN 11:25 ናኮር ታራ የሌዳዋፐ ጉየ፥ 119 ላይꬃ ደኤዳ፤ ሀራ አቱማ ናናካ ማጫ ናናካ የሌዳ።
GEN 11:26 ታር 70 ላይꬃ ደኢደ፥ አብራማ፥ ናኮራነ ሃራና የሌዳ።
GEN 11:27 ታራ የለታይ ሀዋፐ ካሊደ ጻፈቴዳዋ። ታር አብራማ፥ ናኮራነ ሃራና የሌዳ፤ ሃራን ሎጻ የሌዳ።
GEN 11:28 ሃራን ባረ አዉ ታር ፓጻ ደእሽን፥ ባረ የለቴዳ ካላዳዌቱዋ ጋድያን፥ ኡራ ግያ ዎልቃማ ካታማን ሀይቄዳ።
GEN 11:29 አብራምነ ናኮርነ ላአቱካ አኬድኖ፤ አብራሞ ማቻት ሱንꬃይ ሳሮ፤ ቃይ ናኮራ ማቻት ሱንꬃይ ምልኮ፤ ምልካ ሃራና ናቶ፤ ሃራን ምልክዉነ ይስካንዉ አዉዋ።
GEN 11:30 ሳራ ማንꬃቶ፤ እዝዉ ናእ ባዋ።
GEN 11:31 ታር ባረ ናኣ አብራማ፥ ባረ ናኣ ሃራና ናኣ ሎጻነ፥ ባረ ናኣ አብራሞ ማቻቶ ሳሮ አኪደ ከስና፥ ኡንቱንቱ እትፐ ካናነ ጋድያ ባናዉ ኡር ግያ ካላዳዌቱዋ ካታማፐ ደንዴድኖ፤ ሽን ኡንቱንቱ ካራነ ግያ ካታማ ጋካናዉ ቢደ፥ ያን ኡቴድኖ።
GEN 11:32 ታር 205 ላይꬃ ደኢደ፥ ካራነን ሀይቄዳ።
GEN 12:1 መꬍና ጎዳይ አብራማ ያጌዳ፤ “ኔን ነ ጋድያፐ፥ ነ ዳቦቱዋፐነ ነ አዉዋ ጎለ አሳፐ ሻከታደ፥ ታን ኔና በስያ ጋድያ ባ።
GEN 12:2 ታን ኔና ዎልቃማ ካዉተꬃ ኦꬃና፤ ቃይ ታን ኔና አንጃና፤ ታን ነ ሱንꬃ ግታያና፤ ያትና ኔን አንጆ ግዳና፤
GEN 12:3 ታን ኔና አንጅያዋንታ አንጃና፤ ቃይ ኔና ሸቂያዋንታ ታን ሸቃና፤ ሀ ሳኣ ቦላን ደእያ አሳይ ኡባይ ነ ባጋና አንጀታና” ያጌዳ።
GEN 12:4 አብራመ መꬍና ጎዳይ አዉ ኦዴዳዋዳን ደንዲደ ቤዳ፤ ሎጸካ አናና ቤዳ፤ አብራመ ካራነፐ ቤዳ ዎደ፥ አዉ ላይꬃይ ላፑን ታማነ እቼሻ።
GEN 12:5 አብራመ ባረ ማቻቶ ሳሮ፥ ባረ እሻ ናኣ ሎጻ፥ ያን ሺሼዳ ባረንቱ ማጹዋ ኡባነ፥ ካራነን ኡንቱንቱ ደሜዳ ቆማቱዋ አኪደ፥ ካናነ ጋድያ ባናዉ ደንዴዳ፤ ቢደ ኡንቱንቱ ካናነ ጋድያ ጋኬድኖ።
GEN 12:6 አብራመ ሄ ጋድያን ሰኬማ ግያ ሳኣን ደእያ ሞረ ግያ ዎልቃማ ዎላ ጋካናዉ ሀመቲደ ቤዳ። ሄ ዎደ ካናነ አሳቱ ሄ ጋድያን ደእኖ።
GEN 12:7 ሽን መꬍና ጎዳይ አብራማዉ ቆንጪደ አ፥ “ሀ ጋድያ ታን ነ ዘረꬃዉ እማና” ያጌዳ። እ ባረዉ ቆንጬዳ መꬍና ጎዳዉ ሄ ሳኣን ያርሽያ ሳኣ ኬጺደ ጎይኔዳ።
GEN 12:8 ሄዋፐ ደንዲደ፥ ቤቴለፐ አዋይ ዶልያ ባጋና ደእያ ደረትያ ሳኣ ቢደ፥ ሄዋን ቤቴለ አዋይ ዉልያ ባጋ አጊደ፥ ቃይ አይ አዋይ ዶልያ ባጋ አጊደ፥ ግዱዋን ባረ ዱንካንያ ꬎጌዳ፤ ሄዋን መꬍና ጎዳዉ ያርሽያ ሳኣ ኬጺደ፥ መꬍና ጎዳ ሱንꬃ ጼሴዳ።
GEN 12:9 ሄዋፐ ጉየ፥ አብራመ ያፐ ደንድ ቢደ ኔጌባ ባዙዋ ጋኬዳ።
GEN 12:10 ሄ ዎደ ሄ ጋዲ ኮሻቴዳ፤ ኮሻይ ጺጽ ደእያ ድራዉ፥ አብራመ አማሬዳ ዎድያ ደአናዉ ዱገ ግብጼ ዎꬌዳ።
GEN 12:11 ግብጼ ገላና ሀንሽን፥ አብራመ ባረ ማቻቶ ሳሮ ሀዋዳን ያጌዳ፤ “ስሳ፤ ኔን ሎይꬃ ማላ ሎኦ ማጫ አሳ ግድያዋ ታን ኤራይ።
GEN 12:12 ግብጼ አሳቱ ኔና በእያ ዎደ ኡንቱንቱ፥ ‘ሀና አ ማቻቶ’ ያጊደ ኡንቱንቱ ታና ዎꬋና፤ ሽን ኔና ፓጻ አጋና።
GEN 12:13 ስም ኡንቱንቱ ታዉ ነ ጋሱዋን ኬካና ማላነ፥ ቃይ ታን ሀይቀናን ነ ጋሱዋን አታና ማላ ኔን፥ ‘ታን አ ምቻቶ’ ያጋ” ያጌዳ።
GEN 12:14 አብራመ ግብጼ ቢታ ገሌዳ ዎደ፥ ግብጼ አሳቱ ሄ ምሽራታ ዳሮ ማላ ሎኦ ማጫ አሳ ግድያዋ በኤድኖ።
GEN 12:15 ቃይ ግብጼ ካትያዉ ኦꬅያ ካፓቱካ እዞ በኤዳ ዎደ፥ ካትያ ስንꬃን እዞ ናሼድኖ፤ ያቲደ እዞ ካትያ ጎለ አፌድኖ።
GEN 12:16 ያትና እዝ ጋሱዋን ካቲ አብራማ ሎኦ አይፍያን ጼሌዳ፤ አብራማዉ ዶርሳቱዋነ ቦራቱዋ፥ አቱማ ሀረቱዋነ ማጫ ሀረቱዋ፥ አቱማ ቆማቱዋነ ማጫ ቆማቱዋ፥ ጋሉዋ እሜዳ።
GEN 12:17 ሽን መꬍና ጎዳይ አብራሞ ማቻት ሳር ጋሱዋን ግብጼ ካትያ ቦላነ አ ሶ አሳ ቦላ ዳሮ ካእያ ሀርግያ የዴዳ።
GEN 12:18 ያትና ካቲ አብራማ ጼሲደ፥ “ኔን ሀዋ አያዉ ታ ቦላ ኦꬃድ? እዛ ነ ማቻቶ ግዴዳዋ አያዉ ታዉ ኦዳበይኪ?
GEN 12:19 ኔን እዞ፥ ‘እዛ ታ ምቻቶ’ ጋደ ታዉ አያዉ ኦዳዲ? ታን እዞ ታዉ ማቼ ኦꬃናዉ አኬዳዌ ሄዋ ድራሳ። ስም ሀእ ነ ማቻቶ ሀኖ በአ፤ እዞ አካደ ባ” ያጌዳ።
GEN 12:20 ባረ አሳ አዛዝና፥ ኡንቱንቱ አብራማ አ ማቻትናነ አዉ ደእያ ኡባባና ከሲደ የዴድኖ።
GEN 13:1 ሄዋ ድራዉ አብራመ ባረ ማቻትናነ፥ ባረዉ ደእያዋ ኡባና ግብጼፐ ነጌባ ባዙዋ ቤዳ፤ ሎጸካ አናና ቤዳ።
GEN 13:2 አብራመ ሄ ዎደ ሚዛ፥ ብራንነ ዎርቃን ዳሪ ዱረቴዳ።
GEN 13:3 እ ነጌባፐ ደንዲደ ቤቴለ ጋካናዉ ቤዳ፤ ሄ ሳአይነ ቤቴለፐነ አይፐ ግዱዋን እ ኮይሮ ባረ ዱንካንያ ꬎጌዳ ሳኣነ
GEN 13:4 ያርሽያ ሳኣ እ ኮይሮ ኬጼዳ ሳኣ። ያን አብራመ መꬍና ጎዳ ሱንꬃ ጼሴዳ።
GEN 13:5 አብራመና ዩይያ ሎጸዉካ ሚዛይ፥ ዶርሳ ዉዲነ ዱንካኒ ደኤ።
GEN 13:6 ሽን ኡንቱንቱ እትፐ ደአናዉ ኡንቱንቶ ቢታይ ግድቤና፤ ኡንቱንቶ ዳሮ መሂ ደእያ ድራዉ፥ ኡንቱንቱ እትፐ ደአናዉ ዳንዳይበይክኖ።
GEN 13:7 ሄዋ ጋሱዋን አብራሞ ዉድያ ሄምያዋንቱ ግዶንነ ሎጸ ዉድያ ሄምያዋንቱ ግዶን ዋላሳይ ከሴዳ። ሄ ዎደ ካናናቱነ ፓርዘቱ ሄ ጋድያን ደእኖ።
GEN 13:8 ያንና አብራመ ሎጻ፥ “ኑን እሻቱዋ ግድያ ድራዉ፥ ታ ግዶንነ ነ ግዶን፥ ታ ዉድያ ሄምያዋንቱ ግዶንነ ነ ዉድያ ሄምያዋንቱ ግዶን ዋላሳ ከሶፓ።
GEN 13:9 ቢታ ኡባይ ነ ስንꬃን ደኤኔ? አነ ኑን ሻከቶይተ፤ ኔን ሀድርሳ ባጋ ቦፐ፥ ታን ኡሸቻ ባጋ ባና፤ ኔን ኡሸቻ ባጋ ቦፐ፥ ታን ሀድርሳ ባጋ ባና” ያጌዳ።
GEN 13:10 ሎጸ ዩይ አꬍ ጼሊደ፥ ዮርዳኖሳ ሻፋ ዎምባይ ኡባይ ቢደ ዞኣራ ጋካናዉ፥ መꬍና ጎዳ ገነትያ ዎይ ግብጼ ቢታ ማላ ዳሮ ሃꬃይ ደእያዋ ግድያዋ በኤዳ። (ሄዌነ መꬍና ጎዳይ ሶዶማነ ጋሞራ ጌተትያ ካታማቶ ꬋይሳናፐ ካሰ)።
GEN 13:11 ሄዋ ድራዉ ሎጸ ባረዉ ዮርዳኖሳ ዎምባ ኡባ ዶሪደ፥ አዋይ ዶልያ ባጋ ቤዳ፤ ያትና ኡንቱንቱ እቱ እትዋፐ ሻከቴድኖ።
GEN 13:12 አብራመ ካናነ ጋድያን ደኤዳ፤ ሽን ሎጸ ዎምባን ደእያ ዎልቃማ ካታማቱዋ ግዱዋን ኡቲደ፥ ሶዶማ ካታማ ማታን ባረ ዱንካንያ ꬎጌዳ።
GEN 13:13 ሄ ዎደ ሶዶማ አሳቱ ኢታነ መꬍና ጎዳ ቦላ ፓላ ናጋራ ኦꬅያዋንታ።
GEN 13:14 ሎጸ አብራመፐ ሻከቴዳዋፐ ጉየ፥ መꬍና ጎዳይ አብራማ ሀዋዳን ያጌዳ፤ “ꬎቁ ጋደ ኔን ደኢያሳፐ አዋይ ዶልያ ባጋነ አዋይ ዉልያ ባጋ፥ ቃይ ሁጲሳ ባጋነ ገድሳ ባጋ ጼላ።
GEN 13:15 ሀ ኔን ጼልያ ቢታ ኡባ ታን ነዉነ ነ ዛርያዉ መꬍናዉ እማና፤
GEN 13:16 ታን ነ ዛርያ ሳኣ ሻፍያዳን ዳርሳና፤ ኦንነ ሳኣ ሻፍያ ፓይዳና ዳንዳዮፐ፥ ነ ዛሪካ ፓይደታና።
GEN 13:17 ደንዳ፤ ቢታ ጎምፓን ፑደነ ዱገነ ህንነ ሃነ ሀመታደ በአ፤ አያዉ ጎፐ፥ ታን ሀ ቢታ ነዉ እማና” ያጌዳ።
GEN 13:18 አብራመ ባረ ዱንካንያ ሾዲደ፥ ከብሮነ ካታማን ደእያ ማምረ ዎላቱዋ ዎጋቱዋ ማታን ደአናዉ ቤዳ። ሄዋን መꬍና ጎዳዉ ያርሽያ ሳኣ ኬጼዳ።
GEN 14:1 ሄ ዎደ ሳናኦረ ካቲ አምራፌል፥ ኤላሳራ ካቲ አርዮክ፥ ኤላማ ካቲ ካዶርላኦመርነ ጎይማ ካቲ ትድኣል ኦይዱ፥
GEN 14:2 ሶዶማ ካትያ ቤራኣራ፥ ጋሞራ ካትያ ብርሻራ፥ አዳማ ካትያ ሽንአባራ፥ ጻቦይማ ካትያ ሸመቤራራነ (ጾኣሮ ጌተትያ) በላአ ካትያና ኦላዉ ሳልፔድኖ።
GEN 14:3 ሀዋንቱ እቼሹ ካተቱ ጋከቲደ እት ዎልቃ ግዲደ፥ (ማጽነ አባ ግያ) ሲድማ ዎምባን ሺቄድኖ።
GEN 14:4 ኡንቱንቱ ካሰ ታማነ ላኡ ላይꬃ ካዶርላኦመራዉ ሞደቴድኖ፤ ሽን ታማነ ሄዘንꬃ ላይꬃን አዉ ማካሌድኖ።
GEN 14:5 ታማነ ኦይደንꬆ ላይꬃን ካዶርላኦመርነ አናና ዙፐቴዳ ካተቱ ባረንቱ ኦላንቻቱዋ አክ ቢደ፥ አስታሮት ጻርናይማን ደእያ ራፋየታ፥ ሃማን ደእያ ዙዘታነ ሻዌ-ቅርያታይማን ደእያ ኤመታ ኦሊደ ጾኔድኖ።
GEN 14:6 ሆራ ቢታ አሳቱዋካ ሰኢራ ደርያን ኦሊደ፥ ባዙዋ ማታን ደእያ ኤልፓራና ግያ ሳኣ ጋካናዉ የደርሴድኖ።
GEN 14:7 ሄዋፐ ጉየ ስሚደ፥ አይን-ምሽፓጻ ዬድኖ። (ሀእ ሄ ሳአይ ቃዴሳ ጌተቴ።) ኡንቱንቱ አማሌቃቱዋ ቢታ ኡባነ ቃይ ሀጻጾነ ታማራ ግያ ሳኣን ደእያ አሞረቱዋ ኦሊደ ጾኔድኖ።
GEN 14:8 ሄዋፐ ስሚደ፥ ሶዶማ ካቲ፥ ጋሞራ ካቲ፥ አዳማ ካቲ፥ ጻቦይማ ካቲነ (ጾኣሮ ጌተትያ) በላአ ካቲ ደንዴድኖ፤ ሲድማ ዎምባን ሳልፔድኖ።
GEN 14:9 ሀዋንቱ ኡባይ ኤላማ ካትያና፥ ጎይማ ካትያና፥ ሳናኦረ ካትያናነ ኤላሳራ ካትያና (ሀ እቼሹ ካተቱ ኦይዱ ካተቱዋና) ኦለቴድኖ።
GEN 14:10 ሲድማ ዎምባን ሄ ዎደ፥ ሽድያዳን ኦይቂያባይ ኩሜዳ ኦላይ በሴዳ፤ ሶዶማ ካቲነ ጋሞራ ካቲ ባረንቱ ኦላንቻቱዋና ኦላፐ ባቃትሽን፥ ኡንቱንቱፐ አማሬዳዋንቱ ሄ ኦላቱዋን ኩንዴድኖ፤ ሽን አቴዳዋንቱ ደርያ ባቃቴድኖ።
GEN 14:11 ኦይዱ ካተቱ ሶዶማነ ጋሞራ ካታማቱዋ ማጹዋ ኡባነ ኡንቱንቱ ቁማ ኡባ ቦንቂደ አኬድኖ።
GEN 14:12 አብራሞ እሻ ናአይ ሎጸ ሶዶማን ደእያ ድራዉ፥ አካ አ ማጹዋካ አኬድኖ።
GEN 14:13 ሄዋፐ ጉየ፥ እት ብታኒ ባቃት ዪደ እብራዊያ አብራማዉ ሀዋ ኦዴዳ። አብራመ ሄ ዎደ፥ ኤሽኮላነ አኔራ እሻ አሞርያ ማምረ ዎላ ማታን ደኤ። ኡንቱንቱ ኡባይካ ኦላ ዛራናዉ አብራመና ጫቁዋ ጫቀት ኡቴድኖ።
GEN 14:14 አብራመ ባረ ዳቡ ኦሞደቴዳዋ ስሴዳ ዎደ፥ ኦላ ኤርያ ባረ ሶን የለቴዳ 318 አሳ ደንꬄዳ፤ ሄ ኦይዱ ካተቱዋ ካሊደ ዳን ግያ ካታማ ጋካናዉ ቤዳ።
GEN 14:15 ቃማን ባረ አሳ ጩጉዋን ጩጉዋን ሻክ፥ ባረ ሞርከቱዋና ኦለቲደ ኡንቱንታ ጾኔዳ። ደማስቆፐ ሁጲሳ ባጋና ደእያ ሆባ ግያ ሳኣ ጋካናዉ የደርሴዳ።
GEN 14:16 ማጹዋ ኡባ፥ ቃይ ባረ ዳቡዋ ሎጻነ አ ማጹዋ፥ ማጫ አሳነ ሀራ አሳ ዎꬅ አኬዳ።
GEN 14:17 አብራመ ካዶርላኦመራነ አናና ዙፐቴዳ ካተቱዋ ጾኒደ ስሜዳዋፐ ጉየ፥ ሶዶማ ካቲ፥ (ካተቱዋ ዎምባ ግያ) ሻዌሀ ዎምባን አ ሞካናዉ ከሴዳ።
GEN 14:18 ሄ ዎደ፥ ሳሌመ ካቲ ማልካ-ጸደቂ ኡክꬃነ ዎይንያ ኤሳ አኪደ ዬዳ፤ እ ኡባፐ ꬎቂያ ጾሳ ቄስያ።
GEN 14:19 እ አብራማ ሀዋዳን ያጊደ አንጄዳ፤ “ኡባፐ ꬎቂያ ጾሳይ፥ ሳሉዋነ ሳኣ መꬌዳዌ አብራማ አንጆ።
GEN 14:20 ቃይ ኡባፐ ꬎቂያ ጾሳይ፥ ነ ሞርከቱዋ ነ ኩሽያን አꬅ እሜዳዌ ጋላተቶ” ያጌዳ። አብራመ ኡባባፐ አስራታ ከሲደ፥ ማልካ-ጸደቃዉ እሜዳ።
GEN 14:21 ሶዶማ ካቲ አብራማ፥ “አሳ ታዉ እማደ፥ ማጹዋ ነዉ አካ” ያጌዳ።
GEN 14:22 ሽን አብራመ ሶዶማ ካትያ፥ “ታን መꬍና ጎዳዉ፥ ኡባፐ ꬎቂያ ጾሳዉ፥ ሳሉዋነ ሳኣ መዳዎ፥ ታ ኩሽያ ደንꬃደ ጫቃድ።
GEN 14:23 ታ አሳይ ሜዳዋፐነ ታናና ቤዳ አኔራ፥ ኤሽኮላነ ማምረ ጋክያዋፐ አትና፥ ኔን፥ ‘አብራማ ታን ዱረያድ’ ኡባካ ጌና ማላ፥ ታን ነዋፐ ሀራይ አቶ ቁንጩትያ ዎይ ጫማ ቃችያዋነ አክከ። ኡንቱንቱ ባረና ጋክያዋ አክኖ” ያጌዳ።
GEN 15:1 ሄዋፐ ጉየ፥ መꬍና ጎዳ ቃላይ ሳጻን አብራመኮ ዪደ፥ “አብራማ፥ ያዮፓ! ታን ነዉ ጎንዳለ፤ ነ ጋቲ ሎይꬅ ዳራ” ያጌዳ።
GEN 15:2 አብራመ፥ “አቤት ኡባ ሞድያ መꬍና ጎዳዉ፥ ታዉ ኡባካ ናእ ባይና ድራዉ፥ ኔን እምያ ጋቲ ታዉ አይሴ? ደማስቆ ኤልኤዛር ታና ላታና ሽን” ያጌዳ።
GEN 15:3 ቃይካ አብራመ፥ “ኔን ታዉ ናኣ እማባካ፤ ሄዋ ድራዉ ታ ሶን ደእያ ቆማይ ታና ላትያዋ” ያጌዳ።
GEN 15:4 መꬍና ጎዳ ቃላይ አኮ ዪደ፥ “ሀ ቆማይ ኔና ላተና፤ ሽን ነ ጉልባታፐ ከስያዌ ኔና ላታና” ያጌዳ።
GEN 15:5 ስሚደ ካረ አ ከሲደ፥ “ሳሉዋ ፑደ ጼላ፤ ኔን ጾልንተቱዋ ፓይዳናዉ ዳንዳዮፐ ፓይዳ፤ ነ ዘረꬃይካ ሀዋ ኬሻ ግዳና” ያጌዳ።
GEN 15:6 አብራሞ መꬍና ጎዳ አማኔዳ፤ መꬍና ጎዳይ ሄዋ አዉ ጽሎተꬃዳን ፓይዴዳ።
GEN 15:7 መꬍና ጎዳይ ቃይካ አ፥ “ታን ኔን ሀ ቢታ ላታና ማላ ነዉ እማናዉ ኡር ግያ ካላዳዌቱዋ ካታማፐ ኔና ከሳ አሄዳ መꬍና ጎዳቴ” ያጌዳ።
GEN 15:8 ሽን አብራሞ አ፥ “አቤት ኡባ ሞድያ መꬍና ጎዳዉ፥ ታን ሀ ቢታ ላታናዋ አያን ኤሮ?” ያጌዳ።
GEN 15:9 መꬍና ጎዳይ አ፥ “ሄዙ ላይꬃ ኡሳ፥ ሄዙ ላይꬃ ዴሻ፥ ሄዙ ላይꬃ ዶርሳነ ላኡ ቆሞ ሀራጰቱዋ ታዉ አካደ ያ” ያጌዳ።
GEN 15:10 እ ሀዋንታ ኡባ አዉ አፌዳ፤ ኡንቱንታ ጳልቂደ ላኡ ከሴዳ፤ ላኡዋ ከሴዳዋ እቱዋ እቱዋ ባጋን ዎꬄዳ፤ ሽን ካፎቱዋ ላኡ ከስ ጳልቂቤና።
GEN 15:11 ሄ ዎደ አንኮቱ ሄ አሹዋ ቦላ ዎꬌድኖ፤ ሽን አብራመ ኡንቱንታ የደርሴዳ።
GEN 15:12 አዋይ ዉልያ ዎደ አብራማ ዎልቃማ ገምእሹ ኦይቄዳ፤ ꬍጵ ጌዳ ꬉማይ አ ቦላ ዎꬌዳ።
GEN 15:13 ያትና መꬍና ጎዳይ አ፥ “ነ ዘረꬃይ ሀራ ጋድያን በተ ግዲደ ደአናዋ ኔን ቱሙፐ ኤራ፤ ኡንቱንቱ አይለቲደ ኦይዱ ጼቱ ላይꬃ ናቀታና።
GEN 15:14 ሽን አይለዪደ ኡንቱንታ ሞድያ ካዉተꬃ ታን ሙራና፤ ሄዋፐ ጉየ፥ ኡንቱንቱ ዳሮ አቁዋና ሄ ቢታፐ ከሳና።
GEN 15:15 ኔና ግዶፐ፥ ኔን ነ ማይዛ አዎቱዋኮ ሳሮተꬃን ባና፤ ኔን ሎይꬃ ጭማደ ሀይቃናነ ሞገታና።
GEN 15:16 ሽን ኦይደንꬆ የለታን ነ ዘረꬃይ ሀ ጋድያ ስማና፤ አያዉ ጎፐ፥ አሞረቱ ናጋራይ ብሮ ልክያ ጋክቤና” ያጌዳ።
GEN 15:17 አዋይ ዉልና ሳአይ ꬉሜዳ፤ ጮጭያ ጩዋይነ ታማ ላጩ አኬከናን ቤቲደ፥ ሄ ላኡ ከስ ጳልቀቴዳዋንቱፐ ግዱዋና አꬌዳ።
GEN 15:18 ሄ ጋላስ መꬍና ጎዳይ አብራመና ሀዋዳን ያጊደ ጫቁዋ ጫቀቴዳ፤ “ግብጼ ሻፋፐ ዶሚደ ኤፍራጺሳ ግያ ዎልቃማ ሻፋ ጋካናዉ፥ ሀ ቢታ ታን ነ ዘረꬃዉ እማድ፤
GEN 15:19 ሀ ቢታይ ቄናቱዋ፥ ቀኒዘቱዋ፥ ቃድሞነቱዋ፥ ሂተቱዋ፥ ፓርዘቱዋ፥ ራፋየቱዋ፥ አሞረቱዋ፥ ካናነቱዋ፥ ገርጌሰቱዋነ ያቡሳቱዋ ቢታ” ያጌዳ።
GEN 16:1 አብራሞ ማቻታ ሳራ አዉ ናኣ የላበይኩ፤ ሽን እዝዉ ግብጼፐ ዬዳ አጋሮ ግያ እት አይላታ ደአዉ።
GEN 16:2 ሄዋ ድራዉ ሳራ አብራማ ጼሳደ፥ “በአ፥ መꬍና ጎዳይ ታዉ የሉዋ ድጌዳ። ኔን ባደ፥ ታ አይላትና ግሳ፤ ኦን ኤሪ፥ ታን እዝ ባጋና ናኣ ዳዮ ግዳነንቶነ” ያጋዱ። አብራመ ሳር ቃላ ስሲደ ማዬዳ።
GEN 16:3 አብራመ ካናነ ጋድያን ታሙ ላይꬃ ኡቴዳዋፐ ጉየ፥ አብራሞ ማቻታ ሳራ ግብጼፐ አሄዳ ባረ አይላቶ አጋሮ፥ ባረ አስና አብራማዉ ማቼተꬃዉ እማዱ።
GEN 16:4 አጋሮ አኬዳ፤ እዛ ሻሃራዱ። እዛ ባረዉ ሻሃራይ አቴዳዋ ኤሬዳ ዎደ፥ ባረ ጎዳቶ ካꬍያ ዶማዱ።
GEN 16:5 ሄ ዎደ ሳራ አብራማ፥ “ታና ሀ ናቁዋ ናቂስያዌ ኔና፤ ታን ታ አይላቶ ነዉ እምና፥ እዛ ሀእ ባረዉ ሻሃራይ አቴዳዋ ኤራደ፥ ታና ካꬋዉ። ነባነ ታባ መꬍና ጎዳይ ፕርዶ” ያጋዱ።
GEN 16:6 አብራመ ሳሮ፥ “ሀኖ በአ፤ ነ አይላታ ነ ኩሽያና፤ ኔን እዞ ነዉ ሎኦዋ ኦꬃ” ያጌዳ። ሄዋፐ ጉየ፥ ሳራ አጋሮ ናቂና፥ እዛ ከሳደ ኢፐ ባቃታዱ።
GEN 16:7 መꬍና ጎዳ ኪታንቻይ ፑልቱዋ ማታን ዎራን አጋሮ ደሜዳ፤ ሄ ፑልቱ ሹራ ግያ ጋድያ አፍያ ኦግያ ማታና።
GEN 16:8 እ አጋሮ፥ “ሀነ ሳር አይላቴ አጋሬ፥ ሀቃፐ ያድ? ቃይ ሀቃ ባይ?” ያጊደ ኦቼዳ። እዛ፥ “ታን ታ ጎዳት ሳርፐ ባቃታይ” ያጋዱ።
GEN 16:9 መꬍና ጎዳ ኪታንቻይ እዝዉ፥ “ኔን ነ ጎዳትኮ ጉየ ስማደ ባ፤ እዝዉ ሞደታ” ያጊደ ኦዴዳ።
GEN 16:10 ቃይካ መꬍና ጎዳ ኪታንቻይ እዞ፥ “ነ ዛሪ ፓይዳናዉ ዳንዳየተናዋ ኬና ታን ጮርሳና” ያጌዳ።
GEN 16:11 ቃይካ መꬍና ጎዳ ኪታንቻይ እዞ፥ “ሀእ ኔን ሻሃራ፤ ኔን አቱማ ናኣ የላና፤ አ እስማኤላ ጋደ ሱንꬃና፤ አያዉ ጎፐ፥ መꬍና ጎዳይ ነ ዋሱዋ ስሴዳ።
GEN 16:12 እ ዎራን የዳ ደእያ ሀርያ ማላ አሳ ግዳና፤ አሳ ኡባና እ ኤቀታና፤ ቃይ አሳይ ኡባይካ አናና ኤቀታና፤ እ ባረ እሻቱዋ ኡባና እጾ ግዲደ ደአና” ያጌዳ።
GEN 16:13 አጋራ፥ “ታን ታና በእያዋ በኣደ ፓጻ አታኔ?” ያጋዱ፤ እዛ ባረዉ ሃሳዬዳ መꬍና ጎዳ፥ “ኔን ታና በእያ ጾሳ” ያጋደ ሱንꬃዱ።
GEN 16:14 ሄዋ ድራዉ ሄ ፑልቱዋ ኦላይ፥ “ታና በእያ ደኡዋ ጾሳ ፑልቱዋ” ጌተቴዳ፤ ሄ ኦላይ ሀኖ ጋካናዉ ቃዴሰፐነ ባሬዳፐ ግዱዋን ደኤ።
GEN 16:15 አጋራ አብራማዉ አቱማ ናኣ የላዱ፤ አብራመ አጋራ የሌዳ ናኣ እስማኤላ ጊደ ሱንꬄዳ።
GEN 16:16 አጋራ እስማኤላ አብራመዉ የሌዳ ዎደ፥ አብራሞ ላይꬃይ ሆስፑን ታማነ ኡሱፑና።
GEN 17:1 አብራሞ ላይꬃይ ኡዱፑን ታማነ ኡዱፑና ግድያ ዎደ፥ መꬍና ጎዳይ አዉ ቆንጪደ አ፥ “ታን ኡባ ዳንዳይያ ጾሳ፤ ኔን ታ ስንꬃን ሀመታ፤ ሱረ ግዳ።
GEN 17:2 ታን ታፐነ ኔፐ ግዱዋን ታ ጫቁዋ ዎꬃይ፤ ታን ኔና ሎይꬃ ጮርሳና” ያጌዳ።
GEN 17:3 አብራመ ባረ ዴሙዋን ዱገ ጉፋኔዳ፤ ጾሳይ አዉ ሀዋዳን ያጌዳ፤
GEN 17:4 “ስም፥ ታን ኔናና ጫቀትያ ጫቁ ሀዋ፤ ኔን ዳሮ ካዉተꬃ አዉዋ ግዳና።
GEN 17:5 ሀዋፐ ዶሚደ ነ ሱንꬃይ አብራማ ጌተተና፤ ሽን ነ ሱንꬃይ አብራሃማ ግዳና። አያዉ ጎፐ፥ ታን ኔና ዳሮ ካዉተꬃ አዉዋ ኦꬃድ።
GEN 17:6 ታን ኔና ሎይꬃ ጮርሳና፤ ታን ኔፐ ካዉተꬃቱዋ መꬋና፤ ካተቱካ ኔፐ ከሳና።
GEN 17:7 ታን ታፐነ ኔፐ፥ ኔፐ ጉየ ነ ዘረꬃፐነ ግዱዋን፥ የለታፐ የለታ ጋካናዉ ታ ጫቁዋ ጫቀታይ፤ ሀ ጫቁ ታን ነዉነ ኔፐ ጉየ ነ ዘረꬃዉ ጾሳ ግዳና ማላ መꬍና ጫቁዋ።
GEN 17:8 ሀእ ኔን በተ ግዳደ ደእያ ካናነ ቢታይ ኡባይ ነዉነ ኔፐ ጉየ ነ ዘረꬃዉ መꬍናዉ ላታ ግዳና ማላ ታን እማና፤ ቃይ ታን ኡንቱንቱ ጾሳ ግዳና” ያጌዳ።
GEN 17:9 ቃይካ ጾሳይ አብራሃማ፥ “ኔና ግዶፐ፥ ኔን ታ ጫቁዋ ናጋ፤ ኔንካ ኔፐ ጉየ ነ ዘረꬃይካ፥ የለታፐ የለታ ጋካናዉ ናግተ።
GEN 17:10 ታፐነ ኔፐነ፥ ኔፐ ጉየ ነ ዘረꬃፐ ግዱዋን ህንተንቱ ናጋና ታ ጫቁ ሀዋ፤ ህንተንቱ ግዱዋን ደእያ አቱማዌ ኡባይ ቃጻረቶ።
GEN 17:11 ህንተንቱ አቱማተꬃ ሾኩዋ ቃጻረቲታ፤ ሄዌ ታፐነ ህንተፐ ግዱዋን ደእያ ጫቆ ማላ ግዳናዋ።
GEN 17:12 ህንተንቱ ግዶን ስንꬃፐ የለታና አቱማ ናናይ ኡባይ የለቴዳ ሆስፑንꬃ ጋላሳን ቃጻረታናዉ ኮሼ። ነ ሶን የለቴዳዋንታ ግድና፥ ዎይ አላጋፐ ሻሉዋን ሻመቴዳ አይለቱዋ ግድና፥ ነ ዘረꬃ ግደናዋንታካ አቱማዋንታ ቃጻራናዉ ኮሼ።
GEN 17:13 ነ ሶን የለቴዳዋንቱ ነ ሻሉዋን ሻመቶዋንቱ ቃጻረትኖ። ሀዌ ህንተንቱ አሹዋን ደእያ ታ ጫቁ መꬍና ጫቁዋ ግዳና።
GEN 17:14 ቃጻረትቤና፥ ባረ ሾኩዋና ደእያ አቱማ አሳይ ኡባይ ባረ አሳፐ ዱጻና፤ አያዉ ጎፐ፥ እ ታ ጫቁዋ መንꬄዳ” ያጌዳ።
GEN 17:15 ቃይካ ጾሳይ አብራሃመ፥ “ስም፥ ነ ማቻት ሳር ሱንꬃ ሳራይ ጎፓ፤ ሀዋፐ ስንꬃዉ እዝ ሱንꬃይ ሳሮ።
GEN 17:16 ታን እዞ አንጃና፤ ታን ኢፐ ነዉ አቱማ ናኣ ቱሙ እማና። እዞ ታን አንጃና፤ እዛ ካዉተꬃቱዋ አቶ ግዳና፤ አሳ ካተቱ ኢፐ ያና” ያጌዳ።
GEN 17:17 አብራሃመ ባረ ዴሙዋን ጉፋኔዳ፤ እ ሚጪደ ባረ ዎዛናን፥ “ጼቱ ላይꬃ አሳይ ቱሙ ናኣ የላኔ? ቃይ ኡዱፑን ታሙ ላይꬃ ግዴዳ ሳራ ናኣ የላኔ?” ያጊደ ቆፔዳ።
GEN 17:18 አብራሃመ ጾሳ፥ “እስማኤል ታና ላትያዋ ግዳናዉ ዳንዳየኔ?” ያጌዳ።
GEN 17:19 ሽን ጾሳይ፥ “ቱይት፥ ነ ማቻታ ሳራ ነዉ አቱማ ናኣ ቱሙፐ የላና፤ ኔን ይሳቃ ጋደ አ ሱንꬃና። አፐ ጉየ፥ አ ዘረꬃዉ መꬍና ጫቁዋ ግዳና ማላ፥ ታን አናና ታ ጫቁዋ ጫቀታና።
GEN 17:20 ቃይ እስማኤላባ ግዶፐነ፥ ኔን ኦቼዳዋ ታን ስሳድ፤ ታን አካ አንጃና፤ ታን አ አንጃናነ አ ዘረꬃ ሎይꬃ ጮርሳና፤ እ ታማነ ላኡ የለታቱዋ የላና፤ ታን አ ዘረꬃ ዎልቃማ ካዉተꬃ ኦꬃና።
GEN 17:21 ሽን ታን ታ ጫቁዋ ላይꬅ ሀኖደ ሳራ ነዉ የልያ ይሳቃና ጫቀታና” ያጌዳ።
GEN 17:22 ጾሳይ አብራሃማና ሃሳዪደ ዉርሴዳዋፐ ጉየ፥ አብራሃመፐ ሻከቲደ ፑደ ቤዳ።
GEN 17:23 ሄ ጋላሳን አብራሃመ ባረ ናኣ እስማኤላ፥ ባረ ሶን የለቴዳ ኡባ፥ ባረ ሻሉዋን ሻሜዳዋንታ ኡባ፥ ባረ ሶን ደእያ አቱማ አሳ ኡባ፥ ጾሳይ አዉ ኦዴዳዋዳን ኡንቱንቱ አቱማተꬃ ቃጻሬዳ።
GEN 17:24 አብራሃመ ባረ አቱማተꬃ ቃጻረትያ ዎደ፥ ኡዱፑን ታማነ ኡዱፑን ላይꬃ አሳ፤
GEN 17:25 አ ናአይ እስማኤል ባረ አቱማተꬃ ቃጻረትያ ዎደ፥ ታማነ ሄዙ ላይꬃ ናኣ።
GEN 17:26 አብራሃመነ አ ናአይ እስማኤል ላአቱካ ሄ ጋላስ ቃጻረቴድኖ።
GEN 17:27 አብራሃመ ሶን ደእያ አቱማ አሳይ ኡባይ፥ አ ሶን የለቴዳዋንቱነ ሻሉዋን ሻሜዳዋንቱ ኡባይ አናና ቃጻረቴድኖ።
GEN 18:1 አብራሃመ ማምረ ዎላቱዋ ዎጋቱዋ ጋርሳን ባረ ዱንካንያ ፐንግያን ሴታ ጋላስ ኡት ደእሽን፥ መꬍና ጎዳይ አዉ ቆንጬዳ።
GEN 18:2 አብራሃመ ꬎቁ ጊደ ጼሊደ ሄዙ አሳቱ አ ማታን ኤቄዳዋንታ በኤዳ፤ ኡንቱንቱና ጋከታናዉ ባረ ዱንካንያ ፐንግያፐ ደንድ ዎጼዳ፤ ጋኪደ፥ ገድያን ሆኪደ፥ ኡንቱንቱ ስንꬃን ጎይኔዳ።
GEN 18:3 ስሚደ እ፥ “አቤት ታ ጎዳው፥ ታን ነ ስንꬃን ናሸቴዳዋ ግዶፐ፥ ታና ነ ቆማ አጋደ አꬎፓ።
GEN 18:4 ሀያና ጉꬃ ሃꬃይ ዮ፤ ህንተንቱ ገዲ ሜጨትና፥ ሀ ምꬃ ኩዋን ሸምፕ አክተ።
GEN 18:5 ህንተንቱ ሀእ ታኮ ህንተንቱ ቆማኮ ዬዳ ድራዉ፥ ካምእ ጊደ ህንተንቱ ብያሳኣ ባና ማላ፥ ታን ህንተንቶ ምያዋ አሀይ” ያጌዳ። ኡንቱንቱ፥ “ዳሮ ሎአ፤ ኔን ግያዋዳን ኦꬃ” ያጌድኖ።
GEN 18:6 አብራሃመ ዱንካንያ ግዶ ሳርኮ ኤሌል ቢደ፥ “ኤሌላደ ሊቆ ꬊልያፐ ሄዙ ከረ ግድያዋ አካ ሙናቃደ ኡክꬃ ኡካ” ያጌዳ።
GEN 18:7 ቃይ፥ አብራሃመ ባረ መህያኮ ዎጽ ቢደ፥ ሎኦ ቦልትቦልታ ቦልትቦልታ ማራ ዶሪደ፥ እት ቆማዉ እምና፥ እ ኤሌል ሹኪደ ጊግሴዳ።
GEN 18:8 ያትና አብራሃመ መኤዳ ማꬃነ ጊግሴዳ ማራ አሹዋ እማꬃቱዋ ስንꬃ አꬄዳ፤ ኡንቱንቱ ሚሽን፥ እ ሄ ምꬃ ጋርሳን ኡንቱንቱ ማታን ኤቄዳ።
GEN 18:9 ኡንቱንቱ አ፥ “ነ ማቻታ ሳራ ሀቃኔ?” ያጊደ ኦቼድኖ። እዛ፥ “ህን ዱንካንያ ግዱዋን ደአዉ” ያጌዳ።
GEN 18:10 መꬍና ጎዳይ አ፥ “ታን ላይꬅ ሀኖደ ቱሙ ኔኮ ስማና፤ ሄ ዎደ ነ ማቻታ ሳራ አቱማ ናኣ የላና” ያጌዳ። ሳራ ሄ ዎደ አፐ ጉየ ባጋና ደእያ ዱንካንያ ፐንግያን ደእያና ሄዋ ስሳዱ።
GEN 18:11 አብራሃመነ ሳራ ባረንቱ ላይꬃ ሎይꬅ ሱጊደ ጭሜድኖ። ሳርዉ ፒላይ ይያዋ አጌዳ።
GEN 18:12 ሄዋ ድራዉ ሳራ ባረ ዎዛናን፥ “ታን ሀእ ጭማ ዉራ ክቾዋፐ ጉይያንነ ታ ጎዳይ ጭሞዋፐ ጉየ፥ ሀእ ታዉ አቱማ አሳና ጋከትያዌ ዋን ሀናኔ?” ያጋደ ሚጫዱ።
GEN 18:13 መꬍና ጎዳይ አብራሃመ ሄ ዎደ፥ “ ‘ታን ጭማ ክቾዋፐ ጉየ፥ ቱሙ ናኣ የላንታየ?’ ጋደ፥ ሳራ አያዉ ሚጫደ?
GEN 18:14 መꬍና ጎዳዉ ዳንዳየተናባይ ቱሙ ደኢ? ላይꬅ ሀኖደ ታን ኔኮ ስማና፤ ሄ ዎደ ሳራ አቱማ ናኣ የላና” ያጌዳ።
GEN 18:15 ሳራ ሎይꬃ ያዬዳ ድራዉ፥ “ታን ሚጫበይከ” ያጋደ ላካዱ። ሽን እ፥ “ኤ፥ ኔን ቱሙ ሚጫዳ” ያጌዳ።
GEN 18:16 ሄዋፐ ጉየ አሳቱ ደንዲደ ብ፥ ሶዶማ ካታማ ዱገ ዛር ጼሌድኖ፤ አብራሃመነ ኡንቱንታ ሞይዚደ ኡንቱንቱና ቤዳ።
GEN 18:17 መꬍና ጎዳይ ሄ ዎደ፥ “ታን ታ ኦꬃናዉ ሀንያባ አብራሃመፐ ቆስከ።
GEN 18:18 አብራሃመ ቱሙፐ ግታነ ዎልቃማ ካዉተꬃ ግዳና፤ ሀ ሳኣ ካዉተꬃቱ ኡባይ አ ባጋና አንጀታና።
GEN 18:19 አያዉ ጎፐ፥ ጽሎተꬃነ ፕርዳ ኦꬂደ፥ መꬍና ጎዳ ኦግያ ናጋናዳን ባረ ናናነ ባረፐ ጉየ፥ ባረ ሶ አሳ እ ዞራና ማላ፥ ታን አ ዶራድ፤ ሄዌነ መꬍና ጎዳይ አብራሃመዉ እማና ጌዳዋ ኡባ ፖላናሳ” ያጌዳ።
GEN 18:20 መꬍና ጎዳይ አብራሃመ፥ “ሶዶማፐነ ጋሞራፐ ዋስያ ዋሱ ሎይꬅ ዳሬዳ ድራዉነ ኡንቱንቱ ናጋራይ ሎይꬅ ዴጼዳ ድራዉ፥ ኡንቱንቱ ኦꬄዳባይ ታኮ ጋኬዳ ዋሱዋ ኬሻ ኢተንቶነ በአናዉ አነ ታን ዱገ ዎꬋይ፤ ሄዋ ማላ ኢታ ግዳና ꬋይንቶነ ኤራና” ያጌዳ።
GEN 18:22 ሄዋፐ ጉየ፥ ላኡ አሳቱ ሶዶማኮ ስሚደ ቤድኖ፤ ሽን አብራሃመ መꬍና ጎዳ ስንꬃን ዎስ ደኤ።
GEN 18:23 ሄ ዎደ አብራሃመ መꬍና ጎዳኮ ሺቂደ ያጌዳ፤ “ቱሙ ኔን ጽሎቱዋ ኢታቱዋና ꬋይሳይ?
GEN 18:24 ሄ ዎልቃማ ካታማን እሻታሙ ጽሎቱ ደእንቶካ፥ ኔን ꬋይሳይ? ኔን አን ደእያ እሻታሙ ጽሎቱዋ ድራዉ ሄ ካታማ አሽኪ?
GEN 18:25 ሄዌ ኔፐ ሃኮ፤ ጽሎቱዋ ኢታቱዋና ዎꬍያዌነ ጽሎቱዋነ ኢታቱዋ እት አይፍያን ጼልያዌ ኔፐ ሃኮ። ሀ ሳኣ ኡባ ፕርድያዌ ጽሉዋ ፕርደኔየ?” ያጌዳ።
GEN 18:26 መꬍና ጎዳይ፥ “ሄ ሶዶማ ካታማን እሻታሙ ጽሎቱ ደኦፐ፥ ሄ ሳኣ ኡባ ኡንቱንቱ ድራዉ ታን አሻና” ያጌዳ።
GEN 18:27 ሄዋፐ ጉየ አብራሃመ፥ “ታን ቢታነ ብድንꬃ ግዳደ ታ ጎዳና ጻላደ ሃሳያናዉ ስም ዶማ ክቻድ፤
GEN 18:28 እሻታሙ ጽሎቱዋፐ እቼሹ ፓጭንቶ፥ ኔን ሄ እቼሻቱዋ ድራዉ ሄ ካታማ ኡባ ꬋይሳይ?” ያጌዳ። መꬍና ጎዳይ፥ “ታን ያን ኦይታማነ እቼሹ ጽሎቱዋ ደምንቶ፥ ሄ ካታማ ꬋይስከ” ያጌዳ።
GEN 18:29 አብራሃመ ዛረꬂደካ፥ “ያን ኦይታሙ ጻላላይ ቤትንቶ ሽን?” ያጌዳ። እ፥ “ታን ሄ ኦይታማቱዋ ድራዉ፥ ሄ ካታማ ꬋይስከ” ያጌዳ።
GEN 18:30 ሄዋፐ ጉየ እ፥ “ሀይ ጎዳይ ታዉ ሀንቀቶፖ፤ ታን ጉጃደካ ሃሳያይ። ያን ሀታሙ ጻላላይ ቤትንቶ ሽን?” ያጌዳ። መꬍና ጎዳይ፥ “ታን ያን ሀታሙዋ ደምንቶ፥ ሄ ካታማ ꬋይስከ” ያጌዳ።
GEN 18:31 አብራሃመ ቃይካ፥ “ታን ጎዳና ጻላደ ሃሳያናዉ ዶማ ክቻድ፤ ያን ላታሙዋ ጻላላይ ቤትንቶ ሽን?” ያጌዳ። መꬍና ጎዳይ፥ “ሄ ላታማቱዋ ድራዉ ታን አ ꬋይስከ” ያጌዳ።
GEN 18:32 ሄዋፐ ጉየ አብራሃመ፥ “ሀይ ጎዳይ ታዉ ሀንቀቶፖ፤ ታን መጽ እት ገደ ሃሳያይ፤ ያን ታሙ ጻላላይ ቤትንቶ ሽን?” ያጌዳ። መꬍና ጎዳይ፥ “ሄ ታማቱዋ ድራዉ ታን ሄ ካታማ ꬋይስከ” ያጌዳ።
GEN 18:33 መꬍና ጎዳይ አብራሃመና ሃሳያ ዉርሴዳዋፐ ጉየ ቤዳ፤ አብራሃመካ ባረ ሶ ስሜዳ።
GEN 19:1 ሄ ላኡ ኪታንቻቱ ኦማርስ ሶዶማ ካታማ ጋኬድኖ፤ ሄ ዎደ ሎጸ ሄ ካታማ ፐንግያን ኡቴዳ። ሎጸ ኡንቱንታ በእነ ኡንቱንቱና ጋከታናዉ ኤቂደ ቤዳ፤ ባረ ዴሙዋ ሳኣ ጋꬂደ ጎይኔዳ፤
GEN 19:2 “ታ ጎዳቶ፥ ህንተንቱ ቆማ ሶ ስሜርክቴ፤ ህንተንቱ ገድያ ሜጨቲደ ቃማ አቅተ፤ ጉራን ደንዲደ ህንተንቱ ብያሳኣ ባንታ” ያጌዳ። ኡንቱንቱ፥ “ቱይት፤ ኑን ሀ ካታማ ዳባባን አቃና” ያጌድኖ።
GEN 19:3 ሽን እ ኡንቱንታ ሎይꬅ ሾቤዳ ድራዉ፥ አናና ቢደ አ ሶ ገሌድኖ፤ እ ኡንቱንቶ ቁማ ካꬂደ፥ ጫለና ኡክꬃ ኡኪደ አꬂና፥ ኡንቱንቱ ሜድኖ።
GEN 19:4 ኡንቱንቱ ግሰናን ደእሽን፥ ሶዶማ ካታማ አቱማ አሳይ ኡባይ፥ ናናቱዋፐ ጭማ ጋካናዉ፥ እቱነ አተናን ዪደ፥ ጎልያ ዩይ አꬍ ዶዴድኖ።
GEN 19:5 ሎጻ ጼሲደ ያጌድኖ፤ “ሀቼ ቃማ ነ ሶ ዬዳ አቱማ አሳቱ ሀቃን ደኢኖ? ኑን ኡንቱንቱና ሻርሙጻና ማላ ኡንቱንታ ኑኮ ካረ ከሳ” ያጌድኖ።
GEN 19:6 ሎጸ ኡንቱንቱና ጋከታናዉ ካረ ከሲደ፥ ካርያ ጉየ ጎርዴዳ፤
GEN 19:7 ኡንቱንታ ሀዋዳን ያጌዳ፤ “ታ እሻቶ፥ ሀ ኢታ ኦሱዋ ኦꬆፕተ።
GEN 19:8 ስም ታዉ ላኡ ማጫ ናናይ፥ አቱማ አሳ ኤርቤና ዎዶራቱ ደኢኖ፤ ታን ኡንቱንታ ህንተንቶ ካረ ከሳይ፤ ህንተንቱ ኡንቱንታ ህንተዉ ሎኦዋዳን ኦꬃና ዳንዳዪታ። ሽን ሀ አሳቱዋ ቦላ አይነ ኦꬆፕተ፤ አያዉ ጎፐ፥ ኡንቱንቱ ታ ጎለ ገሊደ ታ ካራ ጋርሳን ደኢኖ” ያጌዳ።
GEN 19:9 አሳቱ አ፥ “ኑ ስንꬃፐ ክቻ!” ያጌድኖ፤ ቃይካ ኡንቱንቱ፥ “ሀ ብታኒ ሀ ጋድያን በተ ግድ ዪደ፥ ሀእ ኑ ቦላ ፕርዳናዉ ካጄሌዳ! ሀእ ኑን ኔና ኡንቱንቱ ቦላ ኦꬃናዉ ቆፔዳዋፐ ኢታ ኦꬃና!” ያጌድኖ። ኡንቱንቱ ሎጻ ጉየ ሱግ የጊደ ፐንግያ መንꬃናዉ ሺቄድኖ።
GEN 19:10 ሽን ሄ ላኡ አሳቱ ባረንቱ ኩሽያ ካረ የዲደ፥ ሎጻ ሶ ጎች ገልሲደ ፐንግያ ጎርዴድኖ።
GEN 19:11 ሄዋፐ ጉየ፥ ኡንቱንቱ ጎለ ፐንግያን ደእያ አሳ፥ ጉꬃፐ ግታ ጋካናዉ ቆቅሴድኖ። ያትና ኡንቱንቱ ፐንግያ ደማናዉ ኮዪደ ዳቡሬድኖ።
GEN 19:12 ሄ ላኡ አሳቱ ሎጻ፥ “ነዉ ሀዋን ነ ማጫ ናና ጊግሴዳዋንቱ፥ ነ አቱማ ናናይ ዎይ ነ ማጫ ናናይ ዎይ ነባ ግዴዳ አሳይ ኦና ግዶፐነ ሀ ካታማን ደኢ? ኡንቱንታ ሀዋፐ ከሳ ድጋ።
GEN 19:13 አያዉ ጎፐ፥ ኑን ሀ ሳኣ ꬋይሳና ሀኔቶ። ኡንቱንቱ ዋስያ ዋሱ ጎዳ ስንꬃን ሎይꬅ ዳሬዳ ድራዉ፥ መꬍና ጎዳይ ኑና ሀ ካታማ ꬋይሳናዉ ኪቴዳ” ያጌድኖ።
GEN 19:14 ሄዋ ድራዉ ሎጸ ከሲደ፥ ባረ ማጫ ናና ጊግሴዳዋንቱኮ ቢደ ኡንቱንታ፥ “ኤሌል ደንዲደ ሀዋፐ ከስተ፤ አያዉ ጎፐ፥ መꬍና ጎዳይ ሀ ካታማ ꬋይሳና ሀኔ” ያጌዳ። ሽን አ ማጫ ናና ጊግሴዳዋንቱ እ ቅꬌዳ ጊደ ቆፔድኖ።
GEN 19:15 ሳአይ ዎንታናዉ ሆልጆጅ ዞእያ ዎደ፥ ሄ ኪታንቻቱ ሎጻ፥ “ደንዳ! ነ ማቻቶነ ሀዋን ደእያ ነ ላኡ ማጫ ናና አካደ ኤሌላ ከሳ! ሄዌ ꬋዮፐ፥ ሀ ካታማይ ፕርደትያ ዎደ ኔንካ ꬋያሳ” ያጊደ ድርቢሴድኖ።
GEN 19:16 ሽን ሎጸ ያት ጊና፥ ሄ አሳቱ አ ኩሽያ፥ አ ማቻት ኩሽያነ አ ማጫ ናና ላኡዋ ኩሽያ ኦይቂደ፥ ሄ ካታማፐ ኡንቱንታ ከሴድኖ፤ አያዉ ጎፐ፥ መꬍና ጎዳይ ኡንቱንቶ ቃረቴዳ።
GEN 19:17 ኪታንቻቱ ኡንቱንታ ካታማፐ ከሴዳ ሳናካ፥ ሄ ኪታንቻቱዋፐ እቱ ያጌዳ፤ “ህንተንቱ ሸምፑዋ አኪደ ባቃትተ! ጉየ ጼሎፕተ! ቃይ ሀ ዎምባን ሀቃንካ ኤቆፕተ! ደርያኮ ባቃትተ! ህንኮደ ህንተንቱ ꬋያና” ያጌዳ።
GEN 19:18 ሽን ሎጸ ኡንቱንቶ ያጌዳ፤ “ቱይት! ሀይ ታ ጎዳቶ፥ ያጎፕተ።
GEN 19:19 ታን ህንተንቱ ቆማይ ህንተንቱ ስንꬃን ናሸቴዳዋ ድራዉ፥ ታና አሻናዉ ታዉ ዳሮፐ ሎይꬅ ማዴድታ። ሽን ታን ደርያኮ ባቃታናዉ ዳንዳይከ፤ ሀዌ ባሻይ ጋኪደ ታና ሙካናነ ታንካ ሀይቃና።
GEN 19:20 ጼልተ፤ ሀዋን እት ካታማይ ደኤ፤ እ ዎጻናዉ ማታነ ጉꬃ ካታማ። ታን ያ ባቃቶ? እ ቄር ጉꬃ ካታማ ግደኔ? ታ ሸምፑ ያን አታናዋ” ያጌዳ።
GEN 19:21 ኪታንቻይ፥ “ኤ፥ ታን ነ ኦሻ ስሳና፤ ታን ኔን ግያ ካታማ ꬋይስከ።
GEN 19:22 ሽን ያ ኤሌላ ባቃታ፤ አያዉ ጎፐ፥ ኔን ያ ጋካናዉ፥ ታን አይነ ኦꬃናዉ ዳንዳይከ” ያጌዳ። ሄዋ ድራዉ ሄ ካታማ ሱንꬃይ ዞኣሮ ጌተቴዳ።
GEN 19:23 ሎጸ ጾኣሮ ጋኬዳ ዎደ፥ ብሮ ጻልቂ ዶሌዳ።
GEN 19:24 መꬍና ጎዳይ ሄ ዎደ ታማነ ኤጽያ ዲንያ ሶዶማነ ጋሞራ ቦላን መꬍና ጎዳ ማታፐ ሳሉዋፐ ቡኪደ ባይዜዳ።
GEN 19:25 ሄዋዳን ኦꬂደ መꬍና ጎዳይ ሄ ካታማታ፥ ሄ ዎምባ ኡባ፥ ሄ ካታማቱዋ ግዶን ደእያ ኡባነ ሄ ጋድያን ደእያ ምꬃ ማታ ꬋይሴዳ።
GEN 19:26 ሽን ሎጸ ማቻታ ጉየ ጼላደ ማጽነ ቱሳ ግዳዱ።
GEN 19:27 ዎንተꬃ ጋላስ ዎንታ ጉራን አብራሃመ ደንዲደ፥ መꬍና ጎዳ ስንꬃን ካሰ እ ኤቄዳ ሳኣ ስሚደ ቤዳ።
GEN 19:28 እ ሶዶማነ ጋሞራ ሄ ዛንጋራን ደእያ ቢታ ኡባ ዱገ ጼሌዳ፤ ሄ ዎደ ጩዋይ ጮጭያ ታማ ጩዋዳን ሄ ቢታፐ ደንድያዋ በኤዳ።
GEN 19:29 ጾሳይ ሄ ዛንጋራ ካታማቱዋ ꬋይሴዳ ዎደ፥ አብራሃማ ሀሳዬዳ፤ ሎጸ ደኤዳ ካታማቱዋ ꬋይሲደ ሎጻ ባሻፐ ከሴዳ።
GEN 19:30 ሎጸ ዞኣራን ኡታናዉ ያዬዳ ድራዉ፥ ባረ ማጫ ናና ላኡዋና ደርያ ከሴዳ፤ ጎንጎሎ ግዶን ባረ ላኡ ማጫ ናናቱዋና ኡቴዳ።
GEN 19:31 እት ጋላስ ባይራ ናታ ቴፋቶ፥ “ኑ አዉ ጭሜዳ፤ ሳኣ ኡባን ደእያ ዎጋዳን ኑናና ግሳናዉ ሀ ጋድያን ኡባካ አቱማ አሳይ ባዋ።
GEN 19:32 ሃያ፤ ዎይንያ ኤሳ ኑ አዉዋ ኡሺደ፥ አናና ግሲደ፥ ኑ አዉዋፐ ኑ ዛርያ ቱራ አሾይተ” ያጋዱ።
GEN 19:33 ሄ ጋላሳ ቃማ ባረንቱ አዉዋ ዎይንያ ኤሳ ኡሼድኖ፤ ባይራታ ገላደ አናና ግሳዱ፤ እዛ አናና ግስያ ዎደካ ደንድያ ዎደካ እ ኤርቤና።
GEN 19:34 ዎንተꬃ ጋላስ ባይራታ ቴፋቶ፥ “ስሳ፤ ዝኖ ታን ታ አቡና ግሳድ፤ ሀቼ ቃማ ቃይ ዎይንያ ኤሳ ኡሽና፥ ኔንካ ገላደ አናና ግሳ፤ ያቲደ ኑን ኑ አዉዋፐ ኑ ዛርያ ቱራ አሾይተ” ያጋዱ።
GEN 19:35 ሄ ጋላስ ቃማ ቃይካ ዎይንያ ኤሳ ኡሼድኖ፤ ቴፋታካ ገላደ አናና ግሳዱ፤ እዛ አናና ግስያ ዎደካ ደንድያ ዎደካ እ ኤርቤና።
GEN 19:36 ያትደ ሎጸ ማጫ ናናይ ላአቱካ ባረንቱ አዉዋፐ ሻሃሬድኖ።
GEN 19:37 ባይራታ አቱማ ናኣ የላዱ፤ አ ሱንꬃ ሞኣባ ጋደ ሱንꬃዱ፤ እነ ሀቼ ጋካናዉ ሞኣባቱዋ አዉዋ።
GEN 19:38 ቃይ ቴፋታካ አቱማ ናኣ የላዱ፤ አ ሱንꬃ በንኣማ ጋደ ሱንꬃዱ፤ እነ ሀቼ ጋካናዉ አሞናቱዋ አዉዋ።
GEN 20:1 አብራሃመ ማምረፐ ደንዲደ፥ ነጌባ ግያ ጋድያ ቤዳ፤ ቃዴሳነ ሹራ ግያ ካታማቱዋፐ ግዱዋን ደኤዳ፤ ጋራራንካ አማሬዳ ዎድያ ታኬዳ።
GEN 20:2 ያን አብራሃመ ባረ ማቻቶ ሳሮ፥ “አ ታ ምቻቶ” ያጌዳ። ጋራራ ካቲ አብመሌክ ኪቲደ ሳሮ አፌዳ።
GEN 20:3 ሽን ጾሳይ እት ቃማን አኩሙዋን አብመሌከኮ ዪደ፥ አ ሀዋዳን ያጌዳ፤ “ኔን አሄዳ ማቻት ጋሱዋን ሀይቃሳ፤ አያዉ ጎፐ፥ እዛ አሳ ማቻቶ” ያጌዳ።
GEN 20:4 ሽን አብመሌክ ኢኮ ሺቅቤና። ያቴዳዌ፥ “ጎዳዉ፥ ኔን ጽሎ ካዉተꬃ ꬋይሳኒየ?
GEN 20:5 እ፥ ‘እዛ ታ ምቻቶ’ ግቤነየ? ቃይ እዛ፥ ‘እ ታ እሻ’ ጋበይኬ? ታን ታ ዎዛና ሱረተꬃንነ ታ ኩሽያ ጌሻተꬃን ሀዋ ኦꬃድ” ያጌዳ።
GEN 20:6 ሄዋፐ ጉየ፥ ጾሳይ አኩሙዋን አ ያጌዳ፤ “ኤ፥ ኔን ነ ዎዛና ጌሻተꬃን ኦꬄዳዋ ታን ኤራድ፤ ሄዋ ድራዉ፥ ኔን እዞ ቦቼና ማላነ ታ ስንꬃን ናጋራ ኦና ማላ ኔና ታን ተኣድ።
GEN 20:7 ሀእ ሀ ብታንያ ማቻቶ ዛራ፤ አያዉ ጎፐ፥ እ ትምቢትያ ኦድያዋ፤ እ ነዉ ጾሳ ዎሳና፤ ኔን ፓጻ ደአና። ሽን እዞ ዛራና ꬋዮፐ፥ ኔንነ ነዉ ደእያባይ ኡባይ ሀይቂያዋ ቱሙፐ ኤራ” ያጌዳ።
GEN 20:8 አብመሌክ ዎንተꬃ ጋላስ ዎንታ ባረ ካዉተꬃ ካፓቱዋ ኡባ ጼሴዳ፤ ሀ የዉዋ ኡባ ኡንቱንቶ ኦድና፥ ኡንቱንቱ ሎይꬅ ዳሮ ያዬድኖ።
GEN 20:9 ያትና አብመሌክ አብራሃማ ጼሲደ፥ “ኔን አያ ኑ ቦላ ኦꬃዲ? ኔን ታ ቦላነ ታ ካዉተꬃ ቦላ ዎልቃማ ናጋራ አሀናዉ ታን ነዉ አይ ኢታባ ኦꬃድታ? ኔን ታ ቦላ ኦሰታናዉ በሰናባ ኦꬃዳ” ያጌዳ።
GEN 20:10 ቃይካ አብመሌክ አብራሃማ፥ “ኔና ሀዋ ኦስሴዳዌ አዬ?” ያጊደ ኦቼዳ።
GEN 20:11 አብራሃመ ያጌዳ፤ “ ‘ጾሳዉ ያይያ እት አሳይነ ሀ ሳኣን ባዋ’ ጋደ ቆፔዳ ድራሳነ፥ ‘ታ ማቻት ጋሱዋን ኡንቱንቱ ታና ዎꬋና’ ጋደ ቆፔዳ ድራሳ።
GEN 20:12 ሄዋ ቦላ እዛ ቱሙካ ታ ምቻቶ፤ ታ አት ናቶ ግዱኩፐ አትን፥ ታ አቡ ናቶ፤ ቃይ እዛ ታ ማቻቶ ግዳዱ።
GEN 20:13 ጾሳይ ታና ታ አዉዋ ጎልያፐ ከሴዳ ዎደ ታን እዝዉ፥ ‘ኑን ቤዳ ጋድያን ኡባን ኔን ታዉ ኦꬃና ኬካተꬃይ ሀዋ፤ “እ ታ እሻ” ጋደ ታባ ሃሳያ’ ያጋድ” ያጌዳ።
GEN 20:14 ሄዋፐ ጉየ አብመሌክ ዶርሳ፥ መህያ፥ ማጫ አይለቱዋነ አቱማ አይለቱዋ አሂደ፥ አብራሃመዉ እሜዳ፤ ቃይ አ ማቻቶ ሳሮ አዉ ዛሬዳ።
GEN 20:15 አብመሌክ፥ “ስም ታ ቢታይ ነ ስንꬃና፤ ኔና ሎኦሳን ደአ” ያጌዳ።
GEN 20:16 ሳሮካ፥ “ታን ነ እሻዉ እት ሻአ ጻጋራ ብራ እማይ፤ ሀዌ ስም ኔናና ደእያ ኡባ ስንꬃን ኔን ጽላቶ ግድያዋነ ኔን ሻትሜዳዋ ኤርስያዋ ግዶ” ያጌዳ።
GEN 20:17 መꬍና ጎዳይ አብራሃመ ማቻት ሳር ጋሱዋን አብመሌካ ጎለ አሳ ኡባ ቃንꬃ ማይንስ ዎꬄዳ ድራዉ፥ አብራሃመ ጾሳ ዎስና፥ አብመሌክ፥ አ ማቻታነ አ ማጫ ቆማቱዋ ናኣ የላና ማላ ጾሳይ ኡንቱንታ ፓꬄዳ።
GEN 21:1 ጾሳይ ባረ ኦዴዳዋዳን ሳርኮ ዬዳ፤ ጾሳይ ሳሮ ባረ ጌዳዋዳን ኦꬄዳ።
GEN 21:2 ሳራ ሻሃራደ፥ ጭሜዳ አብራሃመዉ ጾሳይ ጌዳ ዎዲ ጋክና፥ አቱማ ናኣ የላዱ።
GEN 21:3 ሳራ አዉ የሌዳ ባረ ናኣ ሱንꬃ አብራሃመ “ይሳቃ” ያጊደ ሱንꬄዳ።
GEN 21:4 አብራሃመ ባረ ናኣ ይሳቃ ጾሳይ አዛዜዳዋዳን ሆስፑንꬃ ጋላሳን ቃጻሬዳ።
GEN 21:5 አ ናኣ ይሳቅ አዉ የለቴዳ ዎደ፥ አብራሃመ ላይꬃይ ጼታ።
GEN 21:6 ሳራ፥ “ጾሳይ ታዉ ሚቻ እሜዳ፤ ቃይ ሀዋ ስስያዌ ኡባይ ታናና ሚጫና” ያጋዱ።
GEN 21:7 ቃይካ ሳራ፥ “አብራሃመዉ ሳራ ናኣ ꬋንꬃና ጌዳዌ ኦኔ? ግዶፐነ ታን ሀእ አዉ እ ጭሜዳ ዎድያን ናኣ የላድ” ያጋዱ።
GEN 21:8 ጉꬃ ናአይ ድጪደ፤ ꬋንꬃ ዱꬄዳ፤ አብራሃመ ይሳቅ ꬋንꬃ ዱꬄዳ ጋላስ ዎልቃማ ባላ ከሴዳ።
GEN 21:9 ሽን ግብጼፐ ዬዳ አጋራ አብራሃመዉ የሌዳ ናአይ ይሳቃና ካእያዋ ሳራ በኣዱ።
GEN 21:10 አብራሃማ፥ “ሀ አይላት ናአይ ታ ናኣ ይሳቃና ኡባካ ላተና ድራዉ፥ አይላቶነ እዝ ናኣ ከሳ የዳ” ያጋዱ።
GEN 21:11 ሀ የዉ ባረ ናኣ ቦችያ ድራዉ፥ አብራሃመ ሎይꬅ መቶቴዳ።
GEN 21:12 ሽን ጾሳይ አብራሃመ፥ “ናአዉነ ነ አይላትዉ ሎይꬃ መቶቶፓ፤ ሳራ ነዉ ኦድያዋ ኡባ ስሳ፤ አያዉ ጎፐ፥ ነ ዘረꬃይ ይሳቃ ባጋና ጼሰታናዋ።
GEN 21:13 ቃይ አይላት ናኣ ታን ካዉተꬃ ከሳና፤ አያዉ ጎፐ፥ እካ ነ ዛረ” ያጌዳ።
GEN 21:14 ዎንታ ጉራን አብራሃመ ደንዴዳ፤ ቁማነ ኦጎሩዋን ሃꬃ አኪደ፥ አጋሮ ሀሽያን ቶሲደ፥ እዝ ናኣካ እዝዉ እሚደ ከስ የዴዳ። እዛ ባደ፥ በርሳበሄ ግያ ዎራን ቶይላካታዉ።
GEN 21:15 ሃꬃይካ ኦጎሩዋን ዉሬዳ ዎደ እዛ፥ “ናአይ ሀይቂሽን፥ ኡታደ በእከ” ያጋደ፥ ናኣ እት ቡራ ጋርሳን ዎꬃደ፥ ላኡ ጼቱ ዋꬋ ግድያዋ ኬሻ ባደ ኡታዱ። ማታን ኡታደ፥ ባረ ቃላ ꬎቂሳደ ዬካዱ።
GEN 21:17 ጾሳይ ናኣ ዋሱዋ ስሴዳ፤ ጾሳ ኪታንቻይ አጋሮ ሳሉዋፐ ጼሲደ፥ “አጋሬ፥ ዋናዲ? ጾሳይ ናአይ ግሴዳ ሳኣን ዋስያዋ ስሴዳ ድራዉ ያዮፓ፤
GEN 21:18 ደንዳ ኤቃ፤ ናኣነ ነ ኩሽያን ደንꬃ፤ አያዉ ጎፐ፥ ታን አ ዎልቃማ ካዉተꬃ ኦꬃና” ያጌዳ።
GEN 21:19 ጾሳይ እዝ አይፍያ ዶይና፥ ሃꬃ ኦላ በኣዱ፤ ባደ ኦጎሩዋን ሃꬃ ኩንꬃዱ፤ ናኣካ ኡሻዱ።
GEN 21:20 ናአይ ድጭያ ዎደ፥ ጾሳይ አናና ግዴዳ፤ እ ዎራን ደኢደ፥ ዎንዳፍያ ዱክያ አሳ ግዴዳ።
GEN 21:21 እ ፓራና ግያ ዎራን ደእሽን፥ አ ዳያ ግብጼፐ አዉ ማቻቶ ደማዱ።
GEN 21:22 ሄ ዎደ፥ አብመሌክ ባረ ዎታዳራቱዋ ካፑዋ ፕኮላና አብራሃመኮ ቢደ፥ “ኔን ኦꬅያ ኡባባን ጾሳይ ኔናና ደኤ።
GEN 21:23 ኔን ታ ቦላ ዎይ ታ ናና ቦላ ዎይ ታ ዘረꬃ ቦላ ገነባ ኦና ማላ፥ ሀእ ሀዋን፥ ጾሳ ስንꬃን ታዉ ጫቃ፤ ታን ነዉ ኬኬዳዋዳን፥ ኔንካ ታዉነ ኔን እማꬃተꬃን ደእያ ሀ ቢታዉ ሎአ” ያጌዳ።
GEN 21:24 አብራሃመ፥ “ታን ጫቃይ” ያጌዳ።
GEN 21:25 ሄ ዎደ፥ አብራሃመ አብመሌካ ቆማቱ አኬዳ ሃꬃ ኦላባ አብመሌካዉ ማጋኔዳ።
GEN 21:26 ሽን አብመሌክ፥ “ሄዋ ኦን ኦꬄደንቶ ታን ኤርከ፤ ኔንካ ቃይ ታዉ ኦዳባካ፤ ታን ሀቼ ጋካናዉ ሄዋ ስሳበይከ” ያጌዳ።
GEN 21:27 ሄዋፐ ጉየ አብራሃመ ዶርሳነ ሚዛቱዋ አሂደ፥ አብመሌካዉ እምና፥ ኡንቱንቱ ላኡ ጫቁዋ ጫቀቴድኖ።
GEN 21:28 አብራሃመ ላፑን ማጫ ዶርሳ ማራቱዋ ዉድያፐ ሻኬዳ፤
GEN 21:29 አብመሌክ አብራሃማ፥ “ሀ ኔን ዱማ ሻካ ዎꬄዳ ላፑን ማጫ ዶርሳ ማራቱዋ አያዉ ሻካዲ?” ያጊደ ኦቼዳ።
GEN 21:30 አብራሃመ፥ “ታን ሀ ሃꬃ ኦላ ቦኬዳዎ ማርካ ግዳና ማላ፥ ሀ ላፑን ማጫ ዶርሳ ማራቱዋ ታ ኩሽያፐ አካ” ያጌዳ።
GEN 21:31 ሄዋን ሄ ላኡ አሳቱ ጫቀቴዳ ድራዉ፥ ሄ ሳአይ በርሳበሄ ጌተቴዳ።
GEN 21:32 በርሳበሄን ጫቁዋ ጫቀቴዳዋፐ ጉየ፥ አብመሌከነ አ ዎታዳራቱ ካፑዋ ፕኮል ደንዲደ፥ ፕልስጼማ ቢታ ስሜድኖ።
GEN 21:33 አብራሃመ በርሳበሄን ታማርስከ ጌተትያ ምꬃ ቶኬዳ። ሄዋን ጎዳ፥ መꬍና ጾሳ፥ ሱንꬃ ጼሴዳ።
GEN 21:34 አብራሃመ ፕልስጼማ ጋድያን ዳሮ ዎድያ ደኤዳ።
GEN 22:1 ሄዋፐ ስሚደ፥ ጾሳይ አብራሃማ ፓጬዳ፤ እ አ፥ “አብራሃሜ” ያጊደ ጼሴዳ። እ፥ “አቤ” ያጊደ ኮዬዳ።
GEN 22:2 ጾሳይ፥ “ኔን ሲቅያ ነ መጽ እት ናኣ ይሳቃ አካደ፥ ሞርያ ግያ ጋድያ ባ፤ ያን ታን ነዉ ኦድያ እት ደርያ ቦላን አ ጹግያ ያርሹዋ ኦꬃደ ታዉ ያርሻ” ያጌዳ።
GEN 22:3 ዎንተꬃ ጋላስ አብራሃመ ጉራን ደንዲደ፥ ባረ ሀርያ ጫኔዳ፤ ባረ ቆማቱዋፐ ላኡዋነ ባረ ናኣ ይሳቃ ባረናና አኪደ፥ ጹግያ ያርሹዋ ምꬃ ጳልቂ አኪደ፥ ጾሳይ አዉ ኦዴዳ ሳኣ ባናዉ ደንዴዳ።
GEN 22:4 ቢደ ሄዘንꬃ ጋላስ አብራሃመ ꬎቁ ጊደ፥ ሄ ሳኣ ሃኩዋን በኤዳ።
GEN 22:5 አብራሃመ ባረ ቆማቱዋ፥ “ሀ ሀርያና ሀዋን ደእሽተ፤ ታንነ ታ ናአይ ያ ቢደ ጾሳዉ ጎይኒደ፥ ህንተንቱኮ ስማና” ያጌዳ።
GEN 22:6 አብራሃመ ያርሹዋ ምꬃ ደንꬂደ፥ ባረ ናኣ ይሳቃ ቶሴዳ፤ ታማነ ማሻ እ ባረዉ ኦይቄዳ። ኡንቱንቱ ላኡ እትፐ ቢሽን፥
GEN 22:7 ይሳቅ ባረ አዉዋ አብራሃማ፥ “ታ አዎ” ያጌዳ። አብራሃመ፥ “አቤ፥ ታ ናአዉ” ያጌዳ። እ፥ “ታማይነ ምꬃይ ሀዌሽ፤ ሽን ጹጊደ ያርሽያ ዶርሳ ማራይ ሀቃኔ?” ያጌዳ።
GEN 22:8 አብራሃመ፥ “ታ ናአዉ፥ ጹጊደ ያርሽያ ዶርሳ ማራ ጾሳይ ጊግሳና” ያጌዳ። ኡንቱንቱ ላኡ እትፐ ቤድኖ።
GEN 22:9 ኡንቱንቱ ጾሳይ አዉ ኦዴዳ ሳኣ ጋኬዳ ዎደ፥ አብራሃመ ያርሹዋ ያርሽያ ሳኣ ያን ግምቢደ፥ ምꬃ ማር የጌዳ፤ ባረ ናኣ ይሳቃ ቃቺደ፥ ሄ ምꬃ ቦላን ግስሴዳ።
GEN 22:10 አብራሃመ ባረ ናኣ ሹካናዉ ባረ ኩሽያ የዲደ ማሻ አኬዳ።
GEN 22:11 ሽን መꬍና ጎዳ ኪታንቻይ ሳሉዋፐ አ፥ “አብራሃሜ፥ አብራሃሜ” ያጊደ ጼሴዳ። እ፥ “አቤ” ጊደ ኮዬዳ።
GEN 22:12 አ፥ “ናኣ ቦላን ነ ኩሽያ ዎꬆፓ፤ አ አይነ ኦꬆፓ፤ ኔን ነ መጽ እት ናኣካ ታና ድጋቤና ድራዉ፥ ኔን ጾሳዉ ያይያዋ ግድያዋ ታን ሀእ ኤራይ” ያጌዳ።
GEN 22:13 አብራሃመ ꬎቁ ግ ጼሊደ፥ ሄዋን ዶርሳ እቱ ካጪ ቡራን ገል ቃጸት ኡቴዳዋ በኤዳ። አብራሃመ ቢደ ሄ ዶርሳ አኪደ፥ ባረ ናኣ ድራዉ ጹግያ ያርሹዋ ኦꬂደ ያርሽ ባሼዳ።
GEN 22:14 ሄዋ ድራዉ አብራሃመ፥ “መꬍና ጎዳይ እማና” ያጊደ ሄ ሳኣ ሱንꬄዳ፤ ሀቼ ጋካናስካ፥ “መꬍና ጎዳ ደርያን እመታና” ጌተቴ።
GEN 22:15 መꬍና ጎዳ ኪታንቻይ ሳሉዋፐ ላኤንꬂደ አብራሃማ ጼሲደ ያጌዳ፤
GEN 22:16 “መꬍና ጎዳይ፥ ‘ሀዋዳን ያጋደ ነዉ ታን ታ ሁጲያን ጫቃይ፤ ኔን ሀዋ ኦꬄዳ ድራዉነ ነ መጽ እት ናኣካ ታና ድጋቤና ድራዉ፥
GEN 22:17 ታን ኔና ቱሙ አንጃና፤ ነ ዘረꬃካ ታን ሳሉዋ ጾልንትያ ኬናነ አባ ዶና ሻፍያ ኬና ኦꬃደ ጮርሳና። ነ ዘረꬃቱ ባረንቱ ሞርከቱዋ ካታማቱዋ ላታና።
GEN 22:18 ኔን ታዉ አዛዘቴዳ ድራዉ፥ ሀ ሳኣ ካዉተꬃቱ ኡባይ ነ ዘረꬃ ባጋና አንጀታና’ ያጌ” ያጌዳ።
GEN 22:19 ሄዋፐ ጉየ፥ አብራሃመ ባረ ቆማቱዋኮ ስሚደ፥ ኡንቱንቱ ኡባይ እትፐ በርሳበሄ ደንዲደ ቤድኖ። አብራሃመ በርሳበሄን ደኤዳ።
GEN 22:20 ሄዋፐ ስሚደ አብራሃመዉ፥ “ምልካ ነ እሻ ናኮራዉ ናና የላዱ፤
GEN 22:21 ኡንቱንቱነ ባይራይ ኡጻ፤ ኡጻ እሻቱ ቡዛ፥
GEN 22:22 አራማ አዉዋ ቃሙኤላ፥ ኬሳደ፥ ሃዞ፥ ፕልዳሻ፥ ይድላፋነ ባቱኤላ።
GEN 22:23 ሀዋንታ ሀ ሆስፑን ናናካ ምልካ አብራሃመ እሻ ናኮራዉ የላዱ፤ ባቱኤል ርብቆ የሌዳ።
GEN 22:24 ራኡማ ግያ አ ቆማታ ቃይ ጸባሀ፥ ጋሃማ፥ ታሃሻነ ማእካ የላዱ” ያጊደ ኦዴድኖ።
GEN 23:1 ሳራ ጼታነ ላታማነ ላፑን ላይꬃ ደኣዱ።
GEN 23:2 ሄዋፐ ጉየ እዛ ካናነ ጋድያን ደእያ (ከብሮነ ግያ) ቅርያት-አርባአ ካታማን ሀይቃዱ። አብራሃመ ሳርዉ ዬካናዉነ ካዮታናዉ ቤዳ።
GEN 23:3 ዬክ ስሚደ፥ አብራሃመ ባረ ማቻት አሃ ማታፐ ደንድ ቢደ፥ ሂተቱዋ ሀዋዳን ያጌዳ፤
GEN 23:4 “ታን ህንተንቱ ግዶን በተነ እማꬃ፤ ታ ማቻት አሃ ሞጋናዉ ታዉ ህንተንቱ ጋድያፐ ዱፉዋ ዛልኤርክቴ!” ያጌዳ።
GEN 23:5 ሂተቱ አዉ፥ “ጎዳዉ፥ ኑን ኦድያዋ ስሳ፤ ኔን ኑ ግዶን ዎልቃማ ካፑዋ፤ ኔን ነ ማቻት አሃ ኑ ዱፉዋፐ ነዉ ሎኤዳዋን ሞጋ፤ ኔን ነ ማቻት አሃ ሞጋናዉ ባረ ዱፉዋ ኦንነ ኔና ድገና” ያግ ዛሬድኖ።
GEN 23:7 ያግና አብራሃመ ደንድ ኤቂደ፥ ሂተቱዋ ስንꬃን ጎይኔዳ።
GEN 23:8 እ ኡንቱንቶ፥ “ህንተንቱ ታና፥ ‘ነ ማቻት አሃ ሞጋ’ ጎፐ ስስተ፤ ጾሃራ ናኣ ኤፍሮናዉ አ ጋድያ ጋጻን ደእያ ማክጴላ ግያ ጎንጎሉዋ ታዉ ዱፉዋ ከሳናዉ ዛልአና ማላ ኩመንꬃ ጋትያን ኑና ዛልእሴርክተ” ያጌዳ።
GEN 23:10 ሂትያ ኤፍሮነ ሄ ዎደ ካታማ ፐንግያን ሺቄዳ ባረ አሳ ግዶን ኡቴዳ፤ ሂተቱ ኡባይ ስስሽን፥ አብራሃመዉ ያጌዳ፤
GEN 23:11 “ሄዋዳን ግደና፤ ታ ጎዳዉ፥ ታ ኦድያዋ ስሳ፤ ታን ጋድያካ አ ግዶን ደእያ ጎንጎሉዋካ ነዉ እማይ፤ ታን ነዉ አ ታ አሳ ስንꬃን እማይ፤ ኔን ነ ማቻት አሃ ሞጋ” ያጌዳ።
GEN 23:12 አብራሃመ ሄ ጋደ አሳ ስንꬃን ዛረꬅ ጎይኔዳ፥
GEN 23:13 አሳይ ስስሽን ኤፍሮና፥ “ታ ኦድያዋ ስሳርኪ! ታን ሄ ጋድያ ጋትያ ጭጋና፤ ኔን ታፐ አካርኪ! ሄዋን ታን ታ ማቻት አሃ ሞጋና” ያጌዳ።
GEN 23:14 ኤፍሮነ አብራሃመዉ ዛሪደ፥ “ታ ጎዳዉ፥ ታን ኦድያዋ ስሳ፤ ጋዲ ኦይዱ ጼቱ ጻጋራ ብራ ከስያዋ፤ ሽን ሄዌ ነ ግዶንነ ታ ግዶን አይነ ግደና፤ ነ ማቻት አሃ ሞጋ” ያጌዳ።
GEN 23:16 አብራሃመ ሂተቱ ስስሽን፥ ኤፍሮነ ጌዳ ጋትያ ማዬዳ፤ ሄ ዎደ ሻሉዋን ኦይዱ ጼቱ ጻጋራ ብራ ኤፍሮናዉ እሜዳ።
GEN 23:17 ማምረ ካታማ ማታን ማክጴላን ደእያ ኤፍሮና ጋዲ፥ ሄዋን ደእያ ጎንጎሉነ ሄ ጋድያን ደእያ ምꬃ ኡባይ፥
GEN 23:18 ካታማ ፐንግያን ሺቄዳ ሂተቱዋ ኡባ ስንꬃን ህግያን አብራሃመ ጋደ ግዴዳ።
GEN 23:19 ሄዋፐ ጉየ፥ አብራሃመ ባረ ማቻቶ ሳሮ ካናነ ጋድያን (ከብሮነ ግያ) ማምረ ካታማ ማታን ደእያ ማክጴላ ግያ ጋደ ጎንጎሉዋን ሞጌዳ።
GEN 23:20 ሄዋ ድራዉ ሄ ጋዲነ ሄዋን ደእያ ጎንጎሉ ሂተቱዋ ስንꬃን ህግያን አብራሃመዉ ዱፉዋ ግዴዳ።
GEN 24:1 አብራሃመ ሎይꬅ ላይꬃ ሱጊደ ጭሜዳ፤ መꬍና ጎዳይ አ ኡባባንካ አንጄዳ።
GEN 24:2 አብራሃመ ባረ ቆማ፥ ባረ ሶ አሳ ኡባዉ ካፖትያ፥ ባረ አሳ ኡባዉ ጎዳትያዋ ሀዋዳን ያጌዳ፤ “ነ ኩሽያን ታ ጉልባታ ኦይቃ፤
GEN 24:3 ታን ኡንቱንቱ ግዶን ደእያ ካናነቱዋ ማጫ ናናቱዋፐ ታ ናአዉ ማቻቶ ኦቼና ማላ፥ መꬍና ጎዳን፥ ሳሉዋ ጾሳንነ ሳኣ ጾሳን ታን ኔና ጫቀꬃይ፤
GEN 24:4 ሽን ኔን ታ የለቴዳ ቢታ፥ ታ ዳቦቱዋኮ ባደ፥ ታ ናኣ ይሳቃዉ ማቻቶ ኦቻ” ያጌዳ።
GEN 24:5 አ ቆማይ፥ “ማጫውና ታናና ያናዉ ዶሰናባ ግዶፐ፥ ነ ናኣ ኔን ዬዳ ጋድያ ጉየ አፎ?” ያጊደ ኦቼዳ።
GEN 24:6 አብራሃመ፥ “ታ ናኣ ያ አፈናዳን ኔና ኤራ!
GEN 24:7 መꬍና ጎዳይ፥ ሳሉዋ ጾሳይ፥ ታና ታ አዉዋ ሶፐነ ታ የለቴዳ ቢታፐ ከሴዳዌ ታዉ፥ ‘ነ ዛርያዉ ታን ሀ ቢታ እማና’ ያጊደ ጫቄዳዌ፥ ኔን ታ ናአዉ ያፐ ማቻቶ ደማና ማላ፥ እ ባረ ኪታንቻ ኔፐ ስንꬃዉ ኪታና።
GEN 24:8 ምሽራታ ኔናና ጉየ ያናዉ ዶሰናባ ግዶፐ፥ ሀ ታን ኔና ጫቀꬄዳ ጫቁ ነዉ ጎመተና፤ ሽን ታ ናኣ ያ ጉየ ኡባካ አፎፓ” ያጌዳ።
GEN 24:9 ቆማይ ባረ ጎዳ አብራሃመ ጉልባታ ኦይቄዳ፤ ሀ የዎ ጫቄዳ።
GEN 24:10 ሄዋፐ ጉየ፥ ቆማይ ባረ ጎዳ ጋሎቱዋፐ ታሙዋ አኪደ፥ ባረ ጎዳ ሚሻፐካ ሙሩታ ሙሩታ አኪደ ቤዳ፤ ማስጰጾምያ ግያ ጋድያን ናኮራ ካታማ ጋኬዳ።
GEN 24:11 ኦማርስ፥ ማጫ አሳይ ሃꬃ ትካናዉ ይያ ዎድያን፥ ካታማፐ ጋጻን ሃꬃ ኦላ ማታን ባረ ጋሎቱዋ ጉልባትሴዳ።
GEN 24:12 ያቲደ እ ሀዋዳን ያጊደ ዎሴዳ፤ “መꬍና ጎዳዉ፥ ታ ጎዳ አብራሃመ ጾሳዉ፥ ሀቼ ታን ቆፓደ ዬዳባ ታዉ እንጀያ፤ ቃይ ታ ጎዳ አብራሃመዉ ሎኦባ ኦꬃ።
GEN 24:13 በአ! ታን ሀ ሃꬃ ፑልትያ ማታን ኤቃይ፤ ሀ ካታማ አሳ ማጫ ናናይ ሃꬃ ትካናዉ ሃ ያና።
GEN 24:14 ታን፥ ‘አነ ኦቱዋ ሆክሳደ ታና ሃꬃ ኡሻ’ ግያ ዎደ፥ እዛካ፥ ‘ሄይ ኡሻ፤ ቃይ ነ ጋሉዋ ታን ኡሻና’ ያግያና፥ ሄና ነ ቆማ ይሳቃዉ ኔን ዶሬዳኖ ግዱ፤ ኔን ታ ጎዳዉ ሎኦባ ኦꬄዳዋ ታን ሄዋን ኤራና” ያጌዳ።
GEN 24:15 ብሮ እ ዎሳ ዉርሰናን ደእሽን፥ ርብቃ ሃꬃ ኦቱዋ ቶካደ ፑቱ ጋዱ። እዞ ባቱኤል የሌዳ፤ ባቱኤል ምልካ ናኣ፤ ምልካ አብራሃመ እሻ ናኮራ ማቻቶ።
GEN 24:16 ርብቃ ሎይꬃ ፑላንቻነ አቱማ አሳይ ቦችቤና ዎዶራቶ። ፑልቱዋ ዱገ ዎꬋደ፥ ባረ ኦቱዋ ኩንꬃደ ከሳዱ።
GEN 24:17 ሄ ቆማይ ኢኮ ዎጽ ቢደ እዞ፥ “ነ ኦቱዋፐ ታና ጉꬃ ሃꬃ ኡሻርኪ!” ያጌዳ።
GEN 24:18 እዛ፥ “ኤኖ ታ ጎዳዉ፥ ኡሽኪ” ያጋዱ። ኤሌላደ ኦቱዋ ባረ ሀሽያፐ ዎꬃደ፥ ገደ ዛራ ኦይቃደ አ ኡሻዱ።
GEN 24:19 አ ኡሼዳዋፐ ጉየ፥ “ነ ጋላቱዋካ አላና ጋካናዉ ታን ኡንቱንቶ ሃꬃ ዱቃና” ያጋዱ።
GEN 24:20 አቴዳ ሃꬃ ኤሌላ ዎንግርያን ትጋደ፥ ሀራ ሃꬃ ዱቃናዉ ኦላ ዎጻዱ፤ ጋላቱ ኡባይ አላና ጋካናዉ፥ ሃꬃ ኦላፐ ዱቃ ዱቃደ አሃደ ዎንግርያን ትጋደ ኡሻዱ።
GEN 24:21 እ ቆፒደ ዬዳ ቆፋ መꬍና ጎዳይ እንጀዪደ ደእንቶ ኤራናዉ ብታኒ ጮኡ ጊደ እዞ ጼሌ።
GEN 24:22 ጋሎቱ ሃꬃ ኡሽ ስሚና፥ ብታኒ እቼሹ ግራመነ ባካ ግዴዳ ዎርቃ ምግዱዋነ፥ ጼታነ ታሙ ግራመ ግዴዳ ላኡ ዎርቃ ሳጋየቱዋ ከሴዳ፤
GEN 24:23 እዞ፥ “ኔን ኦ ናት? አነ ታዉ ኦዳ፤ ነ አዉዋ ሶን ኑዉ አቅያ ሳአይ ደአኔ?” ያጌዳ።
GEN 24:24 እዛ፥ “ታን ባቱኤላ ናቶ፤ ባቱኤል ምልካ ናኮራዉ የሌዳ ናኣ።
GEN 24:25 ኑዋን ግድያ ዳላይነ ባሱ ደኤ፤ ቃይ ህንተንቱ አቃናዉካ ሳአይ ደኤ” ያጋዱ።
GEN 24:26 ብታኒ ጉልባት መꬍና ጎዳዉ ጎይኒደ፥
GEN 24:27 ሀዋዳን ያጌዳ፤ “ታ ጎዳዉ ኬክያዋነ አማነትያዋ አግቤና መꬍና ጎዳይ፥ ታ ጎዳ አብራሃማ ጾሳይ ጋላተቶ! ታን ዪሽን፥ መꬍና ጎዳይ ታና ታ ጎዳ ዳባቱዋ ሶይ ካለꬄዳ” ያጌዳ።
GEN 24:28 ናታ ዎጻ ባደ፥ ባረ አት ሶን ደእያ አሳዉ ሀኔዳባ ኦዳዱ።
GEN 24:29 ርብቅዉ ላባና ግያ እሻይ ደኤ፤ ላባን ካረ ከሲደ፥ ሃꬃ ፑልቱዋ ማታን ደእያ ብታንያኮ ዎጼዳ።
GEN 24:30 ምግዱዋነ ባረ ምቻት ኩሽያን ደእያ ሳጋየቱዋ በኤዳሳና ርብቃ ብታኒ ባረና ጌዳዋ ኦድና ስሶሳና፥ ከሲደ ብታንያኮ ብ በኤዳ፤ ብታንያ ጋሎቱዋና ፑልቱዋ ማታን ኤቄዳዋ ደሜዳ።
GEN 24:31 አ፥ “መꬍና ጎዳይ ኔና አንጄዳዎ፥ ሃያ! ኔን ሀዋን ካረን አያዉ ኤቃይ? ታን ነዉ ጎልያነ ጋሎቶካ ሳኣ ጊግሳድ” ያጌዳ።
GEN 24:32 ብታኒ ሶ ገሌዳ፤ ላባን ጋሎቱዋ ጫና ብሌዳ፤ ዳላነ ባሱዋ ጋሎቶ የጌዳ። ገድያ ሜጫናዉ አስነ አናና ደእያ አሳቶ ሃꬃ አሄዳ፤
GEN 24:33 ቁማይካ አ ስንꬃ አꬌዳ። ሽን እ፥ “ታን ታና አሄዳባ ህንተንቶ ኦደናን ደኣደ ቁማ ሚከ” ያጌዳ። ላባን፥ “ያቶፐ ኦዳ” ያጌዳ።
GEN 24:34 ሄዋ ድራዉ እ፥ “ታን አብራሃመ ቆማ።
GEN 24:35 መꬍና ጎዳይ ታ ጎዳ ሎይꬅ አንጅና፥ እ ዱረቴዳ፤ ዶርሳ፥ ሚዛ፥ ብራ፥ ዎርቃ፥ አቱማ ቆማቱዋ፥ ማጫ ቆማቱዋ፥ ጋሎቱዋነ ሀረቱዋ አዉ እሜዳ።
GEN 24:36 ታ ጎዳ ማቻታ ሳራ ባረ ጪማተꬃ ላይꬃን አዉ አቱማ ናኣ የላዱ፤ እ ባረዉ ደእያዋ ኡባ አዉ እሜዳ።
GEN 24:37 ታ ጎዳይ ታና ሀዋዳን ጫቂሴዳ፤ ‘ታን ደእያ ካናነ ቢታ ማጫ ናናቱዋፐ ታ ናአዉ ማቻቶ ኦቾፓ፤
GEN 24:38 ሽን ታ አዉዋ አሳኮ፥ ታ ዛራቱዋኮ ባደ፥ ታ ናአዉ ማቻቶ ኦቻ’ ያጌዳ።
GEN 24:39 ታን ታ ጎዳ፥ ‘ናታ ታናና ያናዉ ዶሰናን አጎፐ ሽን?’ ያጋድ።
GEN 24:40 እ፥ ‘መꬍና ጎዳይ፥ ታን አ ስንꬃን ሀመቴዳዌ ኔናና ባረ ኪታንቻ ኪታና፤ ኔን ታ ናአዉ ታ አዉዋ አሳፐ፥ ታ ዛራቱዋፐ ማቻቶ ደማና ማላ፥ ነ ብያሳካ እንጀያና።
GEN 24:41 ኔን ታ ዛራቱዋኮ ቢና፥ ኡንቱንቱ ነዉ እዞ እመናን እጾፐ፥ ሄ ዎደ ነዉ ጫቁ ጎመተና’ ያጌዳ።
GEN 24:42 “ታን ሀቼ ሀ ፑልቱዋኮ ዬዳ ዎደ ያጋድ፤ ‘መꬍና ጎዳዉ፥ ታ ጎዳ አብራሃመ ጾሳዉ፥ ነ ሸነ ግዶፐ፥ ታን ብያ የዉዋ እንጀያ።
GEN 24:43 በአ፤ ታን ሀ ፑልቱዋ ማታን ኤቃይ፤ ወዶራታ እትና ሃꬃ ትካናዉ ዮፐ፥ ታን እዞ፥ “ታና ነ ኦቱዋፐ ጉꬃ ሃꬃ ኡሻርኪ!” ያጋና።
GEN 24:44 እዛ ታና፥ “ኤኖ ኡሻ፤ ቃይ ነ ጋሎቶካ ታን ሃꬃ ዱቃና” ያግያና፥ መꬍና ጎዳይ ታ ጎዳ ናአዉ ዶሬዳኖ ግዱ’ ያጋድ።
GEN 24:45 “ታን ታ ዎዛናን ዎስያዋ ዉርሰናን ደእሽን፥ ርብቃ ባረ ኦቱዋ ቶካ አካደ፥ ፑቱ ጋዱ፤ ፑልቱዋ ዱገ ዎꬋደ ሃꬃ ዱቃዱ፤ ታን እዞ፥ ‘ታና ሃꬃ ኡሻርኪ’ ያጋድ።
GEN 24:46 “እዛ ኤሌላ ባረ ሀሽያፐ ኦቱዋ ዎꬃደ፥ ‘ሄኮ ኡሻ፤ ቃይ ታን ነ ጋሎቱዋ ኡሻና’ ያጋዱ። ታን ኡሻድ፤ ቃይ ታ ጋሎቱዋ እዛ ኡሻዱ።
GEN 24:47 “ታን እዞ፥ ‘ኔን ኦ ናት?’ ያጋድ። “እዛ፥ ‘ታን ባቱኤላ ናቶ፤ ባቱኤል፥ ምልካ ናኮራዉ የሌዳ ናኣ’ ያጋዱ። “ታን እዝዉ ምግዱዋ አꬃድ፤ እዝ ኩሽያንካ ሳጋየቱዋ ዎꬃድ።
GEN 24:48 ሄዋፐ ጉየ ታን ጉልባታደ፥ መꬍና ጎዳዉ ጎይናድ፤ ታን መꬍና ጎዳ፥ ታ ጎዳ አብራሃመ ጾሳ፥ ታ ጎዳ እሻ ናኣ ናቶ አ ናአዉ አካናዉ ታና ልከ ኦግያ ካለꬄዳዋ ጋላታይ።
GEN 24:49 ሀእካ ህንተንቱ ታ ጎዳዉ ኬካናባነ አማነታናዋ ግዶፐ፥ ታዉ ኦድተ፤ ግዳና ꬋይንቶነ ኦድተ፤ ሄዋፐ ስንꬃን ታን ሀናናዋ ኤራና” ያጌዳ።
GEN 24:50 ላባንነ ባቱኤል ዛሪደ ያጌድኖ፤ “ሀ የዉ መꬍና ጎዳፐ ዬዳ፤ ኑን ነዉ ያ ሃ ጋናዉ ዳንዳዮኮ።
GEN 24:51 ርብቆ ሀኖ በአ፤ አካደ ባ፤ መꬍና ጎዳይ ጌዳዋዳን ነ ጎዳ ናአዉ ማቻቶ ግዱ” ያጌድኖ።
GEN 24:52 አብራሃማ ቆማይ ኡንቱንቱ ግያዋ ስሴዳ ዎደ፥ ሳኣን ጉልባቲደ መꬍና ጎዳዉ ጎይኔዳ።
GEN 24:53 ቆማይ ብራ አሌቁዋነ ዎርቃ አሌቁዋ፥ ማዩዋካ ከሲደ፥ ርብቅዉ እሜዳ፤ ቃይ አልኦ ሚሻቱዋ እዝ እሻዉነ እዝ አትዉ እሜዳ።
GEN 24:54 ሄዋፐ ጉየ፥ እነ አናና ደእያዋንቱ ሜድኖነ ኡሼድኖ፤ ያቲደ ያን አቄድኖ፤ ኡንቱንቱ ጉራን ደንዲደ፥ “ታና ታ ጎዳኮ የድተ” ያጌዳ።
GEN 24:55 እዝ እሻይነ እዝ አታ፥ “ናታ እት ታሙ ጋላሳ ኬሻ ኑናና ታኩ፤ ሄዋፐ ጉየ እዛ ባና” ያጌድኖ።
GEN 24:56 ሽን እ፥ “መꬍና ጎዳይ ታን ዬዳዋ እንጀይ ድግና፥ ህንተንቱ ታና ጋምኤꬆፕተ፤ ታን ታ ጎዳኮ ባና ማላ ታና ሞይዝተ” ያጌዳ።
GEN 24:57 ኡንቱንቱ፥ “ናቶ ጼሲደ አነ እዞ ኦቾይተ” ያጌድኖ።
GEN 24:58 ርብቆ ጼሲደ፥ “ሀ ብታንያና ባኒ?” ያጊደ ኦቼድኖ። እዛ፥ “ኤ፤ ታን ባና” ያጋዱ።
GEN 24:59 ኡንቱንቱ ባረንቱ ምቻቶ ርብቆ፥ እዞ ድችያንና፥ አብራሃማ ቆማናነ አ አሳቱዋና ሞይዜድኖ።
GEN 24:60 ኡንቱንቱ ርብቆ፥ “ኑ ምቻት ርብቄ፥ ሻኣፐ ሻኣ ጋካናዉ ጮራታ። ነ ዛራቱ ባረንቱ ሞርከቱዋ ካታማቱዋ ላትኖ” ያጊደ አንጄድኖ።
GEN 24:61 ሄዋፐ ጉየ፥ ርብቃነ እዝ ዳንጋጽረቱ ደንዲደ፥ ጋሎቱዋ ቶጊደ፥ ብታንያና ቤድኖ። ያትና ቆማይ ርብቆ አኪደ ቤዳ።
GEN 24:62 ሄ ዎደ ይሳቅ፥ “ታና በእያ ደኡዋ ጾሳ ፑልቱዋ” ግያ ፑልቱዋ ማታ ቢደ፥ ኔጌባ ዎራን ደኤ።
GEN 24:63 እት ጋላስ ኦማርስ ይሳቅ ባረ ዎዛናን ቆፒደ ደምባ ከሲደ ዩዬ፤ እ ꬎቁ ጊደ ጼልያ ዎደ፥ ጋላቱ ይያዋንታ በኤዳ።
GEN 24:64 ርብቃካ ꬎቁ ጋደ ጼልያ ዎደ፥ ይሳቃ በኣዱ፤ ጋሉዋፐ ዎꬋዱ።
GEN 24:65 ቆማ፥ “ሀ ኑናና ጋከታናዉ ደምባና ይያ ብታኒ ኦኔ?” ያጋዱ። ቆማይ፥ “እ ታ ጎዳቴ” ያጌዳ። እዛ ባረ ሻሽያ አካደ ጉሎታዱ።
GEN 24:66 ቃይ ቆማይ ባረ ኦꬄዳዋ ኡባ ይሳቃዉ ኦዴዳ።
GEN 24:67 ይሳቅ ርብቆ ባረ አት ሳር ዱንካንያ አፌዳ። እዞ አኬዳ፤ እዛካ አዉ ማቻቶ ግዳዱ። ያትና እ እዞ ሲቄዳነ ባረ አት ሀይቁዋን ካዮትያዋፐ ምነቴዳ።
GEN 25:1 ቃይ አብራሃመ ቃጹሮ ጌተትያ ሀራ ማቻቶ አኬዳ።
GEN 25:2 እዛ ዚምራና፥ ዮቅሻና፥ ማዳና፥ ምድያማ፥ ይሽባቃነ ሹሀ አዉ የላዱ።
GEN 25:3 ዮቅሻን ሳባነ ዳዳና የሌዳ። ዳዳን አሾረታ፥ ለጹሸታነ ለኣማታ የሌዳ።
GEN 25:4 ምድያማ ናናይ አፋ፥ አፋደ፥ ሀኖካ፥ አቢዳአነ ኤልዳአ። ሀዋንቱ ኡባይካ ቃጹር ናና።
GEN 25:5 አብራሃመ ባረዋ ኡባ ይሳቃ ላትሴዳ።
GEN 25:6 ሽን እ ብሮ ፓጻ ደኢደ፥ ባረ ሀራ ማቻቱዋፐ የሌዳ ናናቶ ባረዉ ደእያዋፐ ዎይቴዳ። ባረ ናኣ ይሳቃፐ ኡንቱንታ ሻክ፥ አዋይ ዶልያ ባጋ ቢታዉ የዴዳ።
GEN 25:7 አብራሃመ ሙለ እት ጼታነ ላፑን ታማነ እቼሹ ላይꬃ ደኤዳ።
GEN 25:8 አብራሃመ ዳሮ ዎድያ ደኢደ፥ ሎኦ ጭሚደ ሀይቄዳ፤ ባረ ማይዛቱዋና ጋከቴዳ።
GEN 25:9 አ ናናይ ይሳቅነ እስማኤል አ ማክጴላ ግያ ጎንጎሎ ዱፉዋን ሞጌድኖ፤ ሄ ጎንጎሉ ማምረ ማታን፥ ሂትያ ጾሃራ ናኣ ኤፍሮና ጋድያን ደኤ።
GEN 25:10 ሄዌነ አብራሃመ ሂተቱዋፐ ሻሜዳ ጋድያ። አብራሃመ ባረ ማቻታ ሳራ ሞገቴዳ ሳኣን ሞገቴዳ።
GEN 25:11 አብራሃመ ሀይቄዳዋፐ ጉየ፥ ጾሳይ አ ናኣ ይሳቃ አንጄዳ። ሄ ዎደ ይሳቅ፥ “ታና በእያ ደኡዋ ጾሳ ፑልቱዋ” ግያ ፑልቱዋ ማታን ደኤ።
GEN 25:12 ሳር አይላታ፥ ግብጼፐ ዬዳ አጋራ፥ አብራሃመዉ የሌዳ ናኣ እስማኤላ የለታይ ሀዋፐ ካሊደ ጻፈቴዳዋ።
GEN 25:13 እስማኤላ ናናይ ባረንቱ ሱንꬃንነ ባረንቱ የለታ ማራን ሀዋንታ፤ ሄዋንቱነ: ናባዮታ፥ ቄዳራ፥ አድብኤላ፥ ምብሳማ፥
GEN 25:14 ምሽማአ፥ ዱማ፥ ማሳ፥
GEN 25:15 ሀዳዳ፥ ቴማ፥ ይጹራ፥ ናፊሻነ ቄድማ።
GEN 25:16 እስማኤላ ናናይ ሀዋንታ፤ ኡንቱንቱ ሱንꬃይ ኡንቱንቱ ሞꬃንነ ደእያ ሳኣን ሀዋ። ኡንቱንቱ ባረንቱ ያራን ታማነ ላኡ ካፓቱዋ።
GEN 25:17 እስማኤል ሙለ ጼታነ ሀታማነ ላፑን ላይꬃ ደኢደ፥ ሀይቄዳ፤ ባረ ማይዛቱዋና ጋከቴዳ።
GEN 25:18 እስማኤላ ዛራቱ ግብጼፐ አዋይ ዶልያ ባጋን ደእያ ሀዊላፐነ ሹራፐ ግዱዋን፥ አሶራ አፍያ ኦግያ ማታን ደኤድኖ። ኡንቱንቱ ባረንቱ እሻቱዋ ኡባና ሞርክያን ደኤድኖ።
GEN 25:19 አብራሃማ ናኣ ይሳቃ የለታይ ሀዋፐ ካሊደ ጻፈቴዳዋ። አብራሃመ ይሳቃ የሌዳ።
GEN 25:20 ይሳቃዉ ላይꬃይ ኦይታሙዋ ግዴዳ ዎደ፥ ርብቆ አኬዳ፤ እዛ ማስጰጾምያን ደእያ ሶርያ ባቱኤላ ናትዉነ ሶርያ ላባና ምቻቶ።
GEN 25:21 ይሳቅ ባረ ማቻታ ማንꬃቶ ግዴዳ ድራዉ፥ እዝዉ መꬍና ጎዳ ዎሴዳ፤ መꬍና ጎዳይ አ ዎሳ ስሴዳ። ያትና አ ማቻታ ርብቃ ሻሃራዱ።
GEN 25:22 ሽን እዝ ኡሎ ግዶን ደእያ ናናይ ማንተ ግድ ኡቲደ፥ እቱ እቱዋና ሱገቴድኖ፤ ያትና እዛ፥ “ሀዌ ታዉ አያዉ ሀኒ?” ያጋዱ። ሄዋ ድራዉ መꬍና ጎዳ ኦቻናዉ ባዱ።
GEN 25:23 መꬍና ጎዳይ እዝዉ፥ “ነ ኡሉዋን ላኡ ካዉተꬃይ ደኤ፤ ቃይ ነ ግዱዋን ደእያ ላኡ ጋደ አሳቱ እቱ እቱዋፐ ሻከታና፤ እት ጋደ አሳቱ ህንኮቱዋፐ ምናና፤ ቃይ ባይራይ ቴፋዉ አዛዘታና” ያጌዳ።
GEN 25:24 እዛ የልያ ዎዲ ጋክና፥ እዝ ኡሉዋን ማንተ አቱማ ናናይ ደኢኖ።
GEN 25:25 ኮይሮ የለቴዳዌ አርሳ፤ አ ቦላ ኡባ እስኪ ማዬዳ፤ ሄዋ ድራዉ ኡንቱንቱ አ ኤሳዉ ጊደ ሱንꬄድኖ።
GEN 25:26 ሄዋፐ ጉየ፥ አ እሻይ የለቴዳ፤ እ ባረ ኩሽያን ኤሳዉ ግንድያ ኦይቂ ኡቴዳ፤ ሄዋ ድራዉ አ ያቆባ ጊደ ሱንꬄድኖ። ርብቃ ኡንቱንታ የሌዳ ዎደ፥ ይሳቃዉ ኡሱፑን ታሙ ላይꬃ ግዴዳ።
GEN 25:27 ናናይ ድጬድኖ፤ ኤሳይ ሻንካ ሂላ ኤርያ ባዙዋ አሳ ግዴዳ፤ ሽን ያቆብ ዱንካንያን ደእያ ዎፓ አሳ ግዴዳ።
GEN 25:28 ይሳቅ ኤሳ ሲቄዳ፤ አያዉ ጎፐ፥ እ ሻንካቴዳባፐ ማናዉ ዶሴዳ፤ ሽን ርብቃ ያቆባ ሲቃዱ።
GEN 25:29 እት ገደ ያቆብ ዎጽያ ካꬅሽን፥ ኤሳይ ኮሻይ ዎꬌዳዌ፥ ዎራፐ ዬዳ።
GEN 25:30 ኤሳይ ያቆባ፥ “ታና ሀ ዞኦ ዎጽያፐ ምዛ፤ ታና ኮሻይ ዎꬌዳ” ያጌዳ። (ሄዋ ድራዉ ቃይ አ ሱንꬃይ ኤዶማ ጌተቴዳ)።
GEN 25:31 ያቆብ አ፥ “ኮይሮ ታዉ ነ ባይራተꬃ ዛልአ” ያጌዳ።
GEN 25:32 ኤሳይ፥ “በአ! ታን ሀይቃና ሀናይ፤ ሀ ባይራተꬃይ ታዉ አያ ጎእ ደኢ?” ያጌዳ።
GEN 25:33 ያቆብ ዛሪደ፥ “አነ ታዉ ኮይሮ ኔን ጫቃ” ያጌዳ። እ ጫቄዳ፤ ባረ ባይራተꬃ ያቆባዉ ዛልኤዳ።
GEN 25:34 ያቆብ ኤሳዉ ሶሉዋነ ምስርያ ዎጽያ እሜዳ፤ እ ሜዳነ ኡሼዳ፤ ሄዋፐ ጉየ ደንዲደ ቤዳ። ኤሳይ ባረ ባይራተꬃ ሀዋዳን ካꬌዳ።
GEN 26:1 ሄ ጋድያን ካሰ አብራሃመ ዎድያን ደእያ ኮሻ ቦላ ሀራ ኮሻይ ደንዴዳ፤ ያትና ይሳቅ ፕልስጼማ ካትያ አብመሌከኮ ጋራራ ቤዳ።
GEN 26:2 መꬍና ጎዳይ ይሳቃዉ ቆንጪደ ሀዋዳን ያጌዳ፤ “ግብጼ ጋድያ ዱገ ቦፓ፤ ታን ነዉ ኦዴዳ ጋድያን ደአ።
GEN 26:3 ሀ ጋድያን አማሬዳዋ ታካሻ፤ ታን ኔናና ግዳና፤ ኔና አንጃና፤ አያዉ ጎፐ፥ ሀ ቢታ ኡባ ታን ነዉነ ነ ዘረꬃዉ እማና፤ ታን ነ አዉዋ አብራሃመዉ ጫቄዳ ጫቁዋ ምንሳና።
GEN 26:4 ነ ዘረꬃ ሳሉዋ ጾልንትያዳን ዳርሳና፤ ሀ ቢታ ኡባ ታን ኡንቱንቶ እማና፤ ሳኣ ካዉተꬃ ኡባይ ነ ዘረꬃ ባጋና አንጀታና።
GEN 26:5 አያዉ ጎፐ፥ አብራሃመ ታ ቃላ ስሴዳ፤ ታ ፕርዳቱዋነ ታ አዛዙዋ፥ ታ አዋዮቱዋነ ታ ህግያ ናጌዳ” ያጌዳ።
GEN 26:6 ሄዋ ድራዉ ይሳቅ ጋራራን ኡቴዳ።
GEN 26:7 ሄ ቢታ አሳይ ርብቅባ ደንꬂደ ይሳቃ፥ “ሀና ነዉ አዬ?” ያጊደ ኦቼዳ። እ፥ “ሀና ታዉ ምቻቶ” ያጌዳ። አያዉ ጎፐ፥ እ ርብቃ ዳሮ ፑላንቻ ግድያ ድራዉ፥ “ታን፥ ‘እዛ ታ ማቻቶ ጎፐ’፥ ሀ ጋደ አሳይ እዝ ጋሱዋን ታና ዎꬋነንቶነ” ያግ ቆፒደ ያዬዳ።
GEN 26:8 ይሳቅ ሄዋን ዳሮ ዎድያ ደኦዋፐ ጉየ፥ ፕልስጼማ ካቲ አብመሌክ ማስኮትያና ዱገ ጼሊደ፥ ይሳቅ ባረ ማቻት ርብቅና ጋከትሽን በኤዳ።
GEN 26:9 ሄዋ ድራዉ አብመሌክ ይሳቃ ጼሲደ፥ “ሄኮ እዛ ቱሙ ነ ማቻቶ! ኔን አያዉ፥ ‘እዛ ታ ምቻቶ’ ጋዲ?” ያጊደ ኦቼዳ። ይሳቅ፥ “ ‘እዛ ታ ማቻቶ ጎፐ’፥ እዝ ጋሱዋን አሳይ ታና ዎꬋና ጋደ ጋድ” ያጌዳ።
GEN 26:10 አብመሌክ፥ “ሀዌ ኔን ኑ ቦላን ኦꬄዳባይ አዬ? ታ አሳፐ እት አሳይ ነ ማቻትና ግስ ድጌዳሽን፤ ኔን ኑ ቦላን ጎምያ አሃዳሽን” ያጌዳ።
GEN 26:11 ሄዋ ድራዉ አብመሌክ ባረ አሳ ኡባ፥ “ሀ ብታንያ ዎይ አ ማቻቶ ቦችያ ኦንነ ቱሙ ሀይቃና” ያጊደ አዛዜዳ።
GEN 26:12 ይሳቅ ሄ ጋድያን ካꬃ ዘሪደ፥ ሄ ላይꬃን ጼቱ ኩሽያ ጫኬዳ፤ አያዉ ጎፐ፥ መꬍና ጎዳይ አ አንጄዳ።
GEN 26:13 እ ዱረቴዳ፤ ዱረታ ቦላ ዱረታይ አዉ ዳር ዳር ቤዳ።
GEN 26:14 ይሳቃዉ ዶርሳ ዉዲ፥ ሚዛ ዉዲነ ቆማቱ ሎይꬅ ዳሬዳ ድራዉ፥ ፕልስጼማ አሳቱ አ ቃናቴድኖ።
GEN 26:15 ሄዋ ድራዉ፥ አ አዉዋ አብራሃመ ዎድያን፥ አ አዉዋ ቆማቱ ቦኬዳ ሃꬃ ኦላ ኡባ ፕልስጼማ አሳቱዋ ቢታ ዛሪደ ባሬድኖ።
GEN 26:16 ሄ ዎደ አብመሌክ ይሳቃ፥ “ኑፐ ሻከታደ ባ፤ ኔን ኑፐ አꬋ ምናዳ” ያጌዳ።
GEN 26:17 ይሳቅ ሄዋፐ ደንዲደ፥ ጋራራ ዎምባ ቢደ ያን ኡቴዳ።
GEN 26:18 ይሳቅ ባረ አዉዋ አብራሃመ ዎድያን ቦከቴዳ ሃꬃ ኦላቱዋ፥ አብራሃመ ሀይቄዳዋፐ ጉየ፥ ፕልስጼማ አሳቱ ባሬዳዋንታ ዛር ቦክ ከሲደ፥ አ አዉ ሱንꬄዳ ሱንꬃን ኡንቱንታ ጼሴዳ።
GEN 26:19 ይሳቃ ቆማቱ ዎምባን ቦኪደ፥ ፑልትያ ሃꬃ ኦላ ያን ደሜድኖ።
GEN 26:20 ሽን ጋራራ ሄንꬃንቻቱ ይሳቃ ሄንꬃንቻቱዋና፥ “ሃꬃይ ኑዋ” ያጊደ ዋላቀቴድኖ። ኡንቱንቱ አናና ፓሉመቴዳ ድራዉ፥ ይሳቅ ሄ ሃꬃ ኦላ፥ “ፓሉምያ” ጊደ ሱንꬄዳ።
GEN 26:21 ሄዋፐ ጉየ፥ ኡንቱንቱ ሀራ ሃꬃ ኦላካ ቦኬድኖ፤ ሽን ኡንቱንቱ ሄ ሃꬃ ኦላ ጌዱዋን ዋላቀቴድኖ፤ ሄዋ ድራዉ እ ሄ ሃꬃ ኦላ “ሞርከቲታ” ጊደ ሱንꬄዳ።
GEN 26:22 ሄዋፐ ጉꬃ ዛርዳኢደ፥ ሀራ ሃꬃ ኦላ ቦክሴዳ፤ አ ጋሱዋን ኦንነ ዋላቀትቤና፤ “ጾሳይ ሀእ ኑዉ አሴዳ፤ ኑን ሀ ጋድያን ጮራና” ጊደ አ፥ “አኮ ሳኣ” ጊደ ሱንꬄዳ።
GEN 26:23 ሄዋፐ ደንዲደ፥ ፑደ በርሳበሄ ቤዳ።
GEN 26:24 ሄ ቤዳ ጋላስ ቃማ መꬍና ጎዳይ አዉ ቆንጪደ አ፥ “ታን ነ አዉዋ አብራሃመ ጾሳ፤ ታን ኔናና ደእያ ድራዉ፥ ኔን ያዮፓ፤ ታን ኔና አንጃና፤ ታ ቆማ አብራሃመ ድራዉ ነ ዘረꬃ ታን ጮርሳና” ያጌዳ።
GEN 26:25 ይሳቅ ሄዋን ያርሽያ ሳኣ ኬጺደ፥ መꬍና ጎዳ ሱንꬃ ጼሴዳ። ያን እ ባረ ዱንካንያ ꬎጌዳ፤ ቃይ ያን አ ቆማቱ ሃꬃ ኦላ ቦኬድኖ።
GEN 26:26 ሄዋፐ ጉየ፥ አብመሌክ ባረና ዞርያ አሁዛታነ ባረ ዎታዳራቱዋ ካፑዋ ፕኮላ አኪደ፥ ጋራራፐ ይሳቃኮ ዬዳ።
GEN 26:27 ይሳቅ ኡንቱንታ፥ “ህንተንቱ ካሰ ታና እጺደ፥ ህንተንቱ ቢታፐ ከስ የዴድታ፤ ሀእ ቃይ ታኮ አያ አካና የድቴ?” ያጌዳ።
GEN 26:28 ኡንቱንቱ አ፥ “መꬍና ጎዳይ ኔናና ደእያዋ ኑን ቆንጭያን በኤዶ። ሄዋ ድራዉ ጫቆ ጫቁ ኑ ግዶንነ ነ ግዶን ደአና ኮሼ ያገቶ። ኑን ኔና ቦችበይኮ፤ ሽን ኑን ነዉ ኬካተꬃ ጻላላ ኦꬂደ፥ ኔና ሳሮተꬃን ሞይዝ የዴዶ። ሄዋዳንካ ኔን ኑ ቦላ ኢታባ ኦና ማላ፥ አነ ኔናና ጫቁዋ ጫቀቶይተ። ሀእ ኔን መꬍና ጎዳይ አንጄዳዋ” ያጌድኖ።
GEN 26:30 ሄ ዎደ ይሳቅ ኡንቱንቶ ባላ ጊግስና፥ ሜድኖነ ኡሼድኖ።
GEN 26:31 ዎንተꬃ ጋላስ ዎንታ ጉራን ደንዲደ፥ ኡንቱንቱ እቱ እቱዋና ጫቀቴድኖ። ይሳቅ ኡንቱንታ ሞይዝና፥ ኡንቱንቱ አፐ ሳሮ ሻከቲደ ቤድኖ።
GEN 26:32 ሄ ጋላስ ይሳቃ ቆማቱ ዪደ፥ ባረንቱ ቦኬዳ ሃꬃ ኦላባ አዉ ኦዴድኖ፤ “ኑን ሃꬃ ደሜዶ” ያጌድኖ።
GEN 26:33 እ ሄ ሃꬃ ኦላ ሳበህ ጊደ ሱንꬄዳ፤ ሄዋ ድራዉ ሄ ካታማ ሱንꬃይ ሀቼ ጋካናዉ በርሳበህ ጌተቴ።
GEN 26:34 ኤሳ ላይꬃይ ኦይታሙዋ ግድያ ዎደ፥ ሂትያ ብኤዶ ናቶ ዮድቶነ ሂትያ ኤሎና ናቶ ባሰማቶ አኬዳ።
GEN 26:35 ኡንቱንቱ ይሳቃነ ርብቆ ካዮዪደ ደኤድኖ።
GEN 27:1 ይሳቅ ጭምና፥ አ አይፊ ጼላ እጼዳ ዎደ፥ ባረ ባይራትያ ናኣ ኤሳ ጼሲደ አ፥ “ታ ናአዉ” ያጌዳ። እ፥ “አቤ” ጊደ ኮዬዳ።
GEN 27:2 እ፥ “በአ፥ ሀእ ታን ጭማድ፤ ታን ሀይቃና ጋላሳ ኤርከ።
GEN 27:3 ያትያ ድራዉ፥ ሀእ ነ ሻንካትያ ዎንዳፍያነ ዙቢያ አካደ፥ ባዙዋ ባ፤ ዶኣ ታዉ ሻንካታደ፥ አሹዋ አካደ ያ።
GEN 27:4 ማልኦ ቁማ፥ ታን ዶስያዋ ካꬃደ አꬃ፤ ሄዌነ ታን ሀይቃናፐ ካሰ ኔና አንጃናሳ” ያጌዳ።
GEN 27:5 ርብቃ ይሳቅ ባረ ናኣ ኤሳዉ ኦድያ ዎደ ስሳዱ። ኤሳይ ዶኣ ሻንካቲደ አሀናዉ ባዙዋ ቤዳዋፐ ጉየ፥
GEN 27:6 ርብቃ ባረ ናኣ ያቆባ፥ “ነ አዉ ነ እሻ ኤሳዉ፥
GEN 27:7 ‘ዶኣ ሻንካታ አሃደ፥ ታዉ ማልኦ ቁማ ታን ማናዉ ካꬃ፤ ሄዌነ ታን ሀይቃናፐ ካሰታደ፥ መꬍና ጎዳ ስንꬃን ኔና አንጃናሳ’ ያግያዋ ታን ስሳድ።
GEN 27:8 ታ ናአዉ፥ ሀእ ታን ኔና አዛዝያዋ ሎይꬃደ ስሳ።
GEN 27:9 ዉድያ ጋርሳ ባደ፥ ላኡ ቦልትቦልታ ዴሻ ማራቱዋ ታዉ አካደ ያ፤ ታን ነ አቦው ማልኦ ቁማ እ ዶስያዋዳን ካꬃና።
GEN 27:10 ነ አዉ ሚደ ሀይቀናን ካሰቲደ ኔና አንጃና ማላ፥ አዉ አꬃሳ” ያጋዱ።
GEN 27:11 ሽን ያቆብ ባረ አቶ ርብቆ፥ “ታ እሻ ኤሳ ቦላን እስኪ ደኤ፤ ሽን ታ ቦላይ ሊቆ።
GEN 27:12 ታ አዉ ታና ኦይቂ በኦፐ ሽን? ታን አ ጭምያዋ አዉ ማላትና፥ ታን አንጁዋ ድራዉ ሸቃ ታ ቦላ አሀነንቶነ” ያጌዳ።
GEN 27:13 አ ዳያ አ፥ “ታ ናአዉ፥ ሄ ሸቃይ ታና ጋኮ። ታን ነዉ ኦድያዋ ኦꬃ፤ ባደ ዴሻ ማራቱዋ ታዉ አካደ ያ” ያጋዱ።
GEN 27:14 ብ አሂደ ባረ ዳይዉ እሜዳ፤ አ ዳያ ማልኦ ቁማ አ አዉ ዶስያዋዳን ካꬃዱ።
GEN 27:15 ሄዋፐ ጉየ፥ ርብቃ ሶን ባረ ማታን ደእያ ባረ ባይራ ናኣ ኤሳ ማዩዋ ሎኡዋ አሃደ፥ ባረ ቴፋ ናኣ ያቆባ ማይዛዱ።
GEN 27:16 ቃይ ሄ ዴሻቱዋ ጋልባ አ ኩሽያነ አ ሊቆ ቆꬍያ ማይዛዱ።
GEN 27:17 ባረ ካꬄዳ ማልኦ ቁማነ ኡክꬃ ባረ ናኣ ያቆባ ኩሽያን ዎꬃዱ።
GEN 27:18 ያትና እ ባረ አዉዋኮ ቢደ ገሊደ፥ “ታ አዎ” ያጌዳ። እ፥ “አቤ! ታ ናአዉ፥ ኔን ኦኔ?” ያጌዳ።
GEN 27:19 ያቆብ ባረ አዉዋ፥ “ታን ነ ባይራ ናኣ ኤሳ፤ ኔን ታና አዛዜዳዋዳን ታን ኦꬃድ፤ ደንዳ፤ ደንዳ ኡታደ፥ ታን ሻንካፐ አሄዳዋ ማ፤ ያታደ ታና አንጃ” ያጌዳ።
GEN 27:20 ይሳቅ ባረ ናኣ፥ “ታ ናአዉ፥ ዋታ ኤሌላ ደማድ?” ያጊደ ኦቼዳ። እ፥ “መꬍና ጎዳይ ነ ጾሳይ ታና ማዴዳ” ያጌዳ።
GEN 27:21 ይሳቅ ያቆባ፥ “ታ ናአዉ፥ ኔን ቱሙ ታ ናኣ ኤሰንቶነ ታን ኦይቃ በአናዉ አነ ታኮ ሺቃ” ያጌዳ።
GEN 27:22 ያቆብ ባረ አዉዋ ይሳቃኮ ሺቅና ኦይቂ በኢደ፥ “ሀ ቃላይ ያቆባ ቃላ፤ ሽን ኩሺ ኤሳ ኩሽያ” ያጌዳ።
GEN 27:23 አ ኩሺ አ እሻ ኤሳ ኩሽያዳን እስክያና ደእያ ድራዉ፥ ኤርቤና፤ እ ኤረናን አ አንጄዳ።
GEN 27:24 አ፥ “ቱሙ ኔን ታ ናኣ ኤሰዬ?” ያጊደ ኦቼዳ። እ፥ “ኤ፥ ታናቴ” ያጌዳ።
GEN 27:25 እ፥ “ታ ናአዉ፥ ታን ኔን ሻንካቴዳዋ ማናዉ ሃ አꬃ፤ ማደ ታን ኔና አንጃና” ያጌዳ። ያቆብ አꬅና፥ እ ሜዳ፤ ቃይ እ አዉ ዎይንያ ኤሳ አህና ኡሼዳ።
GEN 27:26 ሄዋፐ ጉየ አ አዉዋ ይሳቅ፥ “ታ ናአዉ፥ ሃያ፤ ሺቃደ ታና የራ” ያጌዳ።
GEN 27:27 ያቆብ ሺቂደ አ የሬዳ፤ ይሳቅ አ ማዩዋ ስንግ ስሲደ፥ ሀዋዳን ያጊደ አንጄዳ፤ “ታ ናኣ ፔኑ መꬍና ጎዳይ አንጄዳ ጎሻዳን ሳዌ።
GEN 27:28 ጾሳይ ሳሉዋ ጮኩዋነ ሳኣ ሽጫ፥ ካꬃነ ኦራꬃ ዎይንያ ኤሳ ዳርሲደ ነዉ እሞ።
GEN 27:29 ካዉተꬃቱ ነዉ ሞደትኖ፤ አሳቱ ነዉ ጉልባትኖ። ኔን ነ እሻቶ ጎዳ ግዳ፤ ነ አት ዛራቱ ነዉ ጉልባትኖ። ኔና ሸቂያዌ ሸቀቴዳዋ ግዶ፤ ኔና አንጅያዌ አንጀቴዳዋ ግዶ” ያጌዳ።
GEN 27:30 ይሳቅ ያቆባ አንጅ ዉርሴዳዋፐ ጉየ፥ ያቆብ ባረ አዉዋ ይሳቃ ስንꬃፐ ከሶዋን ኤሳይ ሻንካፐ ፑቱ ጌዳ።
GEN 27:31 እካ ቃይ ማልኦ ቁማ ካꬂደ፥ ባረ አዎ አꬄዳ። አ፥ “ታ አዎ፥ ደንዳ፤ ደንዳ ኡታደ፥ ታን ሻንካቴዳዋፐ ማ፤ ያታደ ታና አንጃ” ያጌዳ።
GEN 27:32 አ አዉ ይሳቅ አ፥ “ኔን ኦኔ?” ያጊደ ኦቼዳ። እ፥ “ታን ነ ናኣ፥ ነ ባይራ ናኣ ኤሳ” ያጌዳ።
GEN 27:33 ይሳቅ ዳጋሚደ ኮኮሪደ፤ “ያትና ዶኣ ሻንካቴዳዋ አኪደ ታዉ አꬄዳዌ ኦኔ? ታን ሀእ ኔን ያና ስንꬃን ማደ፥ አ አንጃ ድጋድ፤ ቱሙካ እ አንጀቴዳዋ ግዳናዋ” ያጌዳ።
GEN 27:34 ኤሳይ ባረ አዉዋ ቃላ ስሴዳ ዎደ፥ ባረ ቃላ ꬎቁ ኦꬂደ፥ ዳሮ ይባታ ዬኩዋ ዬኪደ ባረ አዉዋ፥ “ታና አንጃ፤ ታ አዎ፥ ታናካ አንጃ!” ያጌዳ።
GEN 27:35 ሽን እ፥ “ነ እሻይ ዪደ ጭሚደ፥ ነ አንጁዋ አክ ድጌዳ” ያጌዳ።
GEN 27:36 ኤሳይ፥ “አ ኤሪደ ያቆባ ሱንꬄዳ፤ እ ታና ጭሞደ፥ ሀዌ ላኤንꬁዋ፤ እ ታ ባይራተꬃ አኬዳ፤ ቃይ ሀእ ታ አንጁዋ አኬዳ” ያጌዳ። ቃይ እ፥ “ኔን ታዉ አንጁዋፐ አያነ አሻበይኪ?” ያጊደ ኦቼዳ።
GEN 27:37 ይሳቅ ኤሳ፥ “ታን አ ነዉ ጎዳ ኦꬃድ፤ አ እሻቱዋ ኡባካ አ ቆማቱዋ ኦꬃድ፤ ቃይ ታን ካꬃንነ ኦራꬃ ዎይንያ ኤሳን አ ምንሳድ። ያትና፥ ታ ናአዉ፥ ነዉ ታን አያ ኦꬆ?” ያጌዳ።
GEN 27:38 ኤሳይ ባረ አዉዋ፥ “ታ አዎ፥ ነዉ እት አንጆ ጻላላይ ደኢ? ታ አዎ፥ ታናካ ቃይ አንጃ” ያጌዳ። ሄዋፐ ጉየ፥ ኤሳይ ባረ ቃላ ꬎቁ ኦꬂደ ዬኬዳ።
GEN 27:39 አ አዉዋ ይሳቅ ዛሪደ፥ “ነ ደእያ ሀ ሳኣ ዱረተꬃፐ ሃካደ ደአና፤ ሳሉዋ ጮኩካ ነዉ ዎና፤
GEN 27:40 ኔን ነ ማሻን አቃና፤ ኔን ነ እሻዉ ሞደታና። ሽን ኔን አናና ኤቀትያ ዎደ፥ አ ሞርገ ምꬃ ነ ሞርግያፐ ኦላና” ያጌዳ።
GEN 27:41 ያቆባ አ አዉ አንጄዳ ድራዉ፥ ኤሳይ ባረ ኡሉዋን አ ሞርኬዳ፤ እ ባረ ዎዛናን፥ “ታ አዉ ሀያና ማቴዳ፤ ታን አዉ ካዮታ ስማደ፥ ታ እሻ ያቆባ ዎꬋና” ያጌዳ።
GEN 27:42 ሽን ርብቃ ሀ ባረ ባይራ ናኣ ኤሳ ቃላ ስሴዳ ድራዉ፥ ባረ ቴፋ ናኣ ያቆባ ጼስሳ አሃደ ሀዋዳን ያጋዱ፤ “ነ እሻይ ኤሳይ ኔና ዎꬊደ ሀሉዋ ከሳናዉ ሀልቼዳ።
GEN 27:43 ሀያና ታ ናአዉ፥ ታን ነዉ ኦዶዋ ኦꬃ። ደንዳ! ካራነን ደእያ ታ እሻ ላባናኮ ባቃታ!
GEN 27:44 ያታደ ነ እሻ ሀንቁ ዶቻና ጋካናዉ፥ አማሬዳ ዎድያ አናና ደአሻ።
GEN 27:45 ነ እሻይ ነዉ ሀንቀትያዋ አግያ ዎደነ፥ ኔን አ ቦላ ኦꬄዳዋ እ ዶግያ ዎደ፥ ታን ኪታደ ኔና ያፐ አህሳና። ታን እት ጋላስ ህንተንቱ ላኡዋፐ መላ ከሳና ኮይከ” ያጋዱ።
GEN 27:46 ሄዋፐ ጉየ ርብቃ ይሳቃ፥ “ኤሳይ አኬዳ ሂተቱዋ ማጫ ናና ጋሱዋን ታን ታ ደኡዋ ሸነታድ፤ ቃይ ያቆብካ ሀዋንቱ ማላ ሂተቱዋ ማጫ ናናቱዋፐ ማቻቶ አኮፐ፥ ታን ስም ሀይቃናዉ ኮያድ” ያጋዱ።
GEN 28:1 ሄዋ ድራዉ፥ ይሳቅ ያቆባ ጼሲደ ሀዋዳን አንጄዳነ አዛዜዳ፤ “ካናነ ጋድያ ማጫ ናናቱዋፐ ነዉ ማቻቶ አኮፓ።
GEN 28:2 ደንዳ! ነ ዳይ አዉዋ ባቱኤላኮ፥ ማስጰጾምያ ጋድያ ባደ ያፐ ነ ዳይ እሻ ላባና ማጫ ናናቱዋፐ እትኖ ነዉ ማቻቶ ኦꬃደ አካ።
GEN 28:3 ኡባ ዳንዳይያ ጾሳይ ኔና አንጆ፤ እ ኔ የለታ አሶ፤ ኔን እት ደረ አሳ ኬና ጋካናዉ ኔና ጮርሶ።
GEN 28:4 ኔን ሀእ በተተꬃን ኡቴዳ ሀ ቢታ ነዋ ኦꬃና ማላ ነዉነ ነ ዘረꬃዉ ጾሳይ አብራሃመ አንጁዋ እሞ” ያጌዳ።
GEN 28:5 ይሳቅ ያቆባ የዴዳ፤ ያቆብ ማስጰጾምያ ጋድያ ላባናኮ ቤዳ። ላባን ያቆባነ ኤሳ የሌዳ አት ርብቃ እሻነ ሶርያ ባቱኤላ ናኣ።
GEN 28:6 ይሳቅ ያቆባ አንጄዳዋነ፥ ያፐ ማቻቶ አካናዉ ማስጰጾምያ ጋድያ አ የዴዳዋ፥ ቃይ እ ያቆባ አንጄዳ ዎደ፥ “ካናነ ማጫ አሳ አኮፓ” ያጊደ አዛዜዳዋነ፥
GEN 28:7 ያቆብ ባረ አዉዋነ ባረ አቶነ አዛዘቲደ፥ ማስጰጾምያ ጋድያ ቤዳዋ ኤሳይ ኤሬዳ።
GEN 28:8 ኤሳይ ሄዋን ካናነ ቢታ ማጫውና ባረ አዉዋ ይሳቃ አይ ኬሻ ኢትንቶ አኬኬዳ።
GEN 28:9 ሄዋ ድራዉ ኤሳይ አብራሃመ ናኣ እስማኤለኮ ቢደ፥ አ ናቶ ማህላቶ ባረ ማቻቱዋ ቦላ ጉጂደ አኬዳ። እዛ ናባዮታ ምቻቶ።
GEN 28:10 ያቆብ በርሳበሄፐ ካራነ ባናዉ ደንዴዳ።
GEN 28:11 እ እት ሳኣ ጋክና አዋይ ዉልና፥ ያን ቃማ አቄዳ። ሄ ሳኣን ደእያ ሹቻቱዋፐ እቱዋ አኪደ፥ ባረ ሁጲያን ቦርኮቲደ ሄ ሳኣን ገምእሼዳ።
GEN 28:12 እ አኩሙዋ አኩመቴዳ፤ ሄ አኩሙዋን ጋይያ እቱ ቢታን ኤቂና፥ አዉ ጼራይ ሳሉዋ ጋክያዋን፥ ጾሳ ኪታንቻቱ ግእሺናነ ዎꬍሽን በኤዳ፤
GEN 28:13 ጋይያዉ ቦላ ጼራን መꬍና ጎዳይ ኤቂደ አ፥ “ታን መꬍና ጎዳ፥ ነ አዉዋ አብራሃማ ጾሳ፥ ይሳቃ ጾሳ። ሀ ኔን ግሴዳ ቢታ ነዉነ ነ ዘረꬃዉ እማና፤
GEN 28:14 ነ ዘረꬃይ ሳኣ ሻፍያዳን ዳራና፤ ኔን አዋይ ዉልያ ባጋናነ፥ አዋይ ዶልያ ባጋና፥ ሁጲሳናነ ህርክ ባጋና ደእያ ሳኣ ጋካናዉ አካና፤ ሳኣ ቦላን ደእያ አሳይ ኡባይ ነ ባጋናነ ነ ዘረꬃ ባጋና አንጀታና
GEN 28:15 ታን ኔናና ደአይ፤ ኔን ብያሳኣ ኡባን ታን ኔና ናጋና፤ ቃይ ታን ኔና ሀ ጋድያ ጉየ ዛራደ አሀና፤ ታን ነዉ ኦꬃና ጌዳዋ ኦꬃና ጋካናዉ ኔና የግከ” ያጌዳ።
GEN 28:16 ያቆብ ገምእሹዋፐ ቤጎቴዳ ዎደ፥ “መꬍና ጎዳይ ቱሙ ሀ ሳኣን ደኤ፤ ታን ኤራበይከፐ አትን” ያጌዳ።
GEN 28:17 እ ያዪደ፥ “ሀ ሳአይ ዎት ያሺ! ሀ ሳአይ ጾሳ ጎልያፐ አትን፥ አይነ ሀራ ሳኣ ግደና፤ ሀዌ ሳሉዋ ፐንግያ” ያጌዳ።
GEN 28:18 ዎንተꬃ ጋላስ ዎንታ ጉራን ያቆብ ደንዲደ፥ ባረ ቦርኮቴዳ ሹቻ አኪደ፥ ቱሳዳን ኤሲደ፥ ጾሳዉ ዱማያናዉ አ ቦላ ዛይትያ ትጌዳ።
GEN 28:19 ያቆብ ሄ ሳኣ ቤቴለ ጊደ ጼሴዳ። ሽን ሄ ካታማይ ሄዋፐ ካሰ ሎዛ ጌተቴ።
GEN 28:20 ያቆብ ሀዋዳን ያጊደ ሺቄዳ፤ “ታ አዉዋ ሶ ታን ሳሮ ስማና ማላ ጾሳይ ታናና ግዶፐ፥ ታን ብያ ሀ ቡሳን ታና ናጎፐነ ታዉ ምያ ቁማነ ማይያ ማዩዋ እሞፐ፥ መꬍና ጎዳይ ታ ጾሳ ግዳና፤
GEN 28:22 ታን ቱሳዳን ኤሴዳ ሀ ሹቻይ ጾሳ ጎልያ ግዳና። ኔን ታዉ እምያዋ ኡባፐ ታሙዋፐ እቱዋ ታን ነዉ እማና” ያጌዳ።
GEN 29:1 ሄዋፐ ጉየ፥ ያቆብ ደንድ ቢደ፥ አዋይ ዶልያ ባጋ አሳቱዋ ጋድያ ጋኬዳ።
GEN 29:2 እት ሃꬃ ኦላይ ደምባን ደእያዋ በኤዳ፤ ሄዙ ዶርሳ ዉዲ ቃይ ሄ ኦላ ማታን ግሴድኖ። አያዉ ጎፐ፥ ዉዲ ኡባይ ሃꬃ ኡሽያዌ ሄ ኦላፐ። ሄ ሃꬃ ኦላ ዶናን ደእያ ሹቻይ ዎልቃማ።
GEN 29:3 ዶርሳ ዉዲ ኡባይ ሄዋን ዳጋቴዳ ዎደ፥ ሄ ዉድያ ሄምያዋንቱ ሃꬃ ኦላ ዶናፐ ሄ ሹቻ ጎንዶርሲደ ዶርሳ ኡሺኖ። ሄ ሹቻ ኦላ ዶናን ዛሪደ ዎꬅኖ።
GEN 29:4 ያቆብ ኡንቱንታ፥ “ታ እሻቶ፥ ህንተንቱ ሀቃፐ የድተ?” ያጊደ ኦቼዳ። ኡንቱንቱ፥ “ኑን ካራነፐ ዬዶ” ያጌድኖ።
GEN 29:5 እ፥ “ናኮራ ናኣ ናኣ ላባና ህንተንቱ ኤሪተየ?” ያጌዳ። ኡንቱንቱ፥ “ኤ፥ አ ኤሬቶ” ያጌድኖ።
GEN 29:6 ያቆብ ኡንቱንታ፥ “እ ሎኦ ደኢ?” ያጊደ ኦቼዳ። ኡንቱንቱ፥ “ኤ፥ ሎአ፤ አ ናታ ራሄላ ዶርሳ አካደ የውኖ ሀኖ በአ” ያጌድኖ።
GEN 29:7 ያቆብ ኡንቱንታ፥ “በእተ፤ አዋይ ሀእ ዉልቤና፤ ዉድያ መሂ ሶ ሺቅያ ዎዲ ብሮ ጋክቤና፤ ዶርሳ ሀእ ኡሽ አፊደ፥ ሄምተ” ያጌዳ።
GEN 29:8 ሽን ኡንቱንቱ፥ “ዉዲ ኡባይ ሺቃና ጋካናዉ፥ ሹቻ ሃꬃ ኦላ ዶናፐ ጎንዶርሳና ጋካናዉ፥ ኑን ኡሻናዉ ዳንዳዮኮ። ሄዋፐ ጉየ፥ ኑን ዶርሳ ኡሻና” ያጌድኖ።
GEN 29:9 እ ብሮ ሃሳይሽን፥ ላባና ናታ ራሄላ ባረ አዉዋ ዶርሳቱዋ ላጋ አካደ ጋካዱ፤ አያዉ ጎፐ፥ እዛ ዶርሳ ሄንꬃንቻ።
GEN 29:10 ያቆብ ባረ አት እሻ ላባና ናቶ ራሄሎ በኤዳ ዎደነ፥ ባረ አት እሻ ላባና ዶርሳ በኤዳ ዎደ፥ ቢደ ኦላ ዶናፐ ሹቻ ጎንዶርሴዳ፤ ባረ አት እሻ ዶርሳቱዋ ሃꬃ ኡሼዳ።
GEN 29:11 ያቆብ ራሄሎ የሪደ፥ ናሸቻዉ ባረ ቃላ ꬎቂሲደ ዬኬዳ።
GEN 29:12 ያቆብ እዝዉ አዉዋ ዳቦነ ርብቅ ናኣ ግድያዋ ራሄልዉ ኦዴዳ። ሄዋ ድራዉ እዛ ዎጻ ባደ ባረ አዎ ኦዳዱ።
GEN 29:13 ላባን ባረ ምቻት ናኣ ያቆባ ዎርያ ስሴዳ ሳናካ፥ አናና ጋከታናዉ ዎጼዳ። አ እድም የሪደ፥ ባረ ሶ አፌዳ። ያን ያቆብ ሀኔዳዋ ኡባ ላባናዉ ኦዴዳ።
GEN 29:14 ላባን አ፥ “ኔን ቱሙ ታ አሾነ ታ ሱꬃ” ያጌዳ። ያቆብ አናና እት አግና ኩመንꬃ ኡቴዳ።
GEN 29:15 ሄዋፐ ጉየ ላባን አ፥ “ኔን ታዉ ዳቦ ግዴዳ ድራዉ፥ ታዉ ጮ መላ ኦꬃንዬ? አነ ነዉ አያ ጭጋናዉ በስንቶ ታዉ ኦዳ” ያጌዳ።
GEN 29:16 ላባናዉ ላኡ ማጫ ናናቱ ደኢኖ፤ ባይራት ሱንꬃይ ልዮ፥ ቴፋትዌ ራሄሎ።
GEN 29:17 ልያ አይፍያና ጩጫ፤ ሽን ራሄላ ጌሳንቻነ ማላ ሎአ።
GEN 29:18 ያቆብ ራሄሎ ሲቂደ አ፥ “ታን ነ ቴፋ ናት ራሄል ድራዉ ነዉ ላፑን ላይꬃ ኦꬃና” ያጌዳ።
GEN 29:19 ላባን፥ “እዞ ሀራ አሳዉ እማናፐ ነዉ እምያዌ ሎአ፤ ኔን ታናና ሀዋን ደአ” ያጌዳ።
GEN 29:20 ሄዋ ድራዉ ያቆብ ራሄሎ አካናዉ ላፑን ላይꬃ ኦꬄዳ፤ ሽን እ እዞ ሲቅያ ድራዉ፥ አዉ አማሬዳ ጋላሳ ማላቴዳ።
GEN 29:21 ሄዋፐ ጉየ ያቆብ ላባና፥ “ታ ማቻቶ ታዉ እማ፤ ታ ዎዲ ፖለቴዳ፤ ታን እዞ አካናዉ ኮያድ” ያጌዳ።
GEN 29:22 ሄዋ ድራዉ ላባን ሄዋን ደእያ አሳ ኡባ ጼሲደ፥ ቡላቻ ከሴዳ።
GEN 29:23 ሽን ሳአይ ቃምና፥ እ ባረ ናቶ ልዮ አፊደ ያቆባዉ እሜዳ። ያቆብ እዞ አኬዳ።
GEN 29:24 ቃይ ላባን ባረ ቆማቶ ዝልፖ ባረ ናት ልይዉ ዳንጋጽረ ግዳናዳን እሜዳ።
GEN 29:25 ሳአይ ዎንትና ጼልያ ዎደ፥ ሄኮ ልዮ! ያትና ያቆብ ላባና፥ “ሀዌ ኔን ታ ቦላ ኦꬄዳዌ አዬ? ታን ነዉ ኦꬄዳዌ ራሄል ድራሳ ግደኔየ? ታና አያዉ ጭማድ?” ያጌዳ።
GEN 29:26 ላባን አ፥ “ኑ ቢታን ባይራታ ደእሽን፥ ቴፋቶ አስናዉ እምያዌ ዎጋ ግደና።
GEN 29:27 ሄ ምሽራ ሳምንታ ዉርሳ፤ ቃይ ቴፋትያኖካ ኑን ነዉ እማና፤ ሄዋፐ ጉየ፥ ሀራ ላፑን ላይꬃ ታዉ ኦꬃሳ” ያጌዳ።
GEN 29:28 ያቆብ ሄዋዳን ሀኒደ ሄ ሳምንታ ዉርሴዳ፤ ሄዋፐ ጉየ፥ ላባን ባረ ናቶ ራሄሎ አዉ እሜዳ።
GEN 29:29 ቃይ ላባን ባረ ቆማቶ ባሎ ባረ ናት ራሄልዉ ዳንጋጽረ ግዳናዳን እሜዳ።
GEN 29:30 ያቆብ ራሄሎ አኬዳ። ራሄሎ ልይፐ አꬂደ ሲቄዳ። ሀራ ላፑን ላይꬃ ላባናዉ ኦꬄዳ።
GEN 29:31 መꬍና ጎዳይ ልያ ሲቀታቤናዋ በኢደ፥ እዝዉ የልያ ኡሉዋ ዶዬዳ፤ ሽን ራሄላ ማንꬃቶ።
GEN 29:32 ልያ ሻሃራደ አቱማ ናኣ የላዱ። አ ሱንꬃካ ሮቤላ ሱንꬃዱ፤ አያዉ ጎፐ እዛ፥ “መꬍና ጎዳይ ታ መቱዋ በኤዳ፤ ሀእ ቱሙ ታና ታ አስናይ ሲቃና” ያጋዱ።
GEN 29:33 እዛ ሀራካ ሻሃራደ አቱማ ናኣ የላዱ። እዛ፥ “መꬍና ጎዳይ ታን ሲቀታቤናዋ ስሴዳ ድራዉ፥ ታዉ ሀዋካ ጉጄዳ” ያጋደ፥ አ ስሞና ሱንꬃዱ።
GEN 29:34 አ ሀራካ ሻሃራደ አቱማ ናኣ የላዱ። እዛ፥ “ታን አዉ ሄዙ አቱማ ናና የሌዳ ድራዉ፥ ታ አስናይ ሀእ ታናና ዋጸታና” ያጋደ፥ አ ሌዊ ሱንꬃዱ።
GEN 29:35 አ ሀራካ ሻሃራደ አቱማ ናኣ የላዱ። እዛ፥ “ሀችዋን ታን መꬍና ጎዳ ጋላታና” ያጋዱ። ሄዋ ድራዉ አ ይሁዳ ሱንꬃዱ። ሄዋፐ ጉየ የሉዋ ኤሳዱ።
GEN 30:1 ራሄላ ያቆባዉ ናና የላቤናዋ በኤዳ ዎደ፥ ባረ ምቻቶ ቃናታዱ፤ ሄዋ ድራዉ ያቆባ፥ “ታዉ ናና እማ፤ ሄዌ ꬋዮፐ፥ ታን ሀይቃና” ያጋዱ።
GEN 30:2 ያቆብ ራሄሎ ሀንቀቲደ፥ “ታና ነዉ የሉዋ ድጌዳ ጾሳ ጋድየ?” ያጌዳ።
GEN 30:3 እዛ፥ “ታ ዳንጋጽራቶ ባሎ ህኖ በአ፤ እዛ ታ ድራዉ የላና ማላ ኔን እዞ አካ፤ ያቶፐ እዝ ባጋና ታንካ ናኣ ዳዮ ግዳና” ያጋዱ።
GEN 30:4 ባረ ዳንጋጽራቶ ባሎ ማቻቶ ኦꬂደ አካና ማላ፥ አዉ እማዱ፤ ያቆብ እዞ አኬዳ።
GEN 30:5 ባላ ሻሃራደ አቱማ ናኣ ያቆባዉ የላዱ።
GEN 30:6 ያትና ራሄላ፥ “ጾሳይ ታዉ ዳናቴዳ፤ ታ ዎሳካ ስሲደ፥ ታዉ አቱማ ናኣ እሜዳ” ያጋዱ። ሄዋ ድራዉ አ ዳና ሱንꬃዱ።
GEN 30:7 ራሄል ዳንጋጽራታ ባላ ሀራ ሻሃራደ፥ ያቆባዉ ላኤንꬁዋ አቱማ ናኣ የላዱ።
GEN 30:8 ራሄላ፥ “ታን ታ ምቻትና ዎልቃማ ባጽያ ባጸታደ ጾናድ” ያጋዱ። ሄዋ ድራዉ አ ንፍታሌማ ሱንꬃዱ።
GEN 30:9 ልያ ባረዉ የሉ ኤቄዳዋ በኣደ፥ ባረ ዳንጋጽራቶ ዝልፖ አፋደ ያቆብ እዞ አካና ማላ እማዱ።
GEN 30:10 ልያ ዳንጋጽራታ ዝልፓ አቱማ ናኣ ያቆባዉ የላዱ።
GEN 30:11 ልያ፥ “ላ ሀዌ አያ ሎኦ ካጬ!” ያጋዱ። ሄዋ ድራዉ ጋዳ ሱንꬃዱ።
GEN 30:12 ልያ ዳንጋጽራታ ዝልፓ ያቆባዉ ላኤንꬁዋ አቱማ ናኣ የላዱ።
GEN 30:13 ልያ፥ “ታን አይ ኬሻ ናሸታይታሻ! ማጫ አሳይ ታና ናሸትያኖ ጋና” ያጋዱ። ሄዋ ድራዉ አ አሴራ ሱንꬃዱ።
GEN 30:14 ዛርጋ ጫክያ አግናን ሮቤል ጋደ ቢደ፥ እንኮይያ ግያ ትማትምያ ማላትያ ቴራ ደሚደ፥ ባረ አት ልይዉ አሄዳ። ራሄላ ልዮ፥ “ነ ናኣ እንኮይያፐ ታዉ እማ” ያጋዱ።
GEN 30:15 ሽን ልያ፥ “ታ አስና ኔን ዎꬃ አኬዳዌ ግደናን እጽና፥ ቃይ ታ ናኣ እንኮይያ አካይ?” ያጋዱ። ራሄላ፥ “ያቶፐ፥ ነ ናኣ እንኮይያ ድራዉ ያቆብ ሀቼ ቃማ ኔናና አቆ” ያጋዱ።
GEN 30:16 ሄ ጋላሳ ኦማርስ ያቆብ ዎራፐ ዬዳ ዎደ፥ ልያ አ ሞካናዉ ከሳደ አ፥ “ኔን ታናና አቃና ኮሼ፤ አያዉ ጎፐ፥ ታን ታ ናኣ እንኮይያን ኔና ከራዉ አካ ድጋድ” ያጋዱ። ሄዋ ድራዉ እ ሄ ጋላሳ ቃማ እዝና አቄዳ።
GEN 30:17 ጾሳይ ልያ ዎሳ ስሴዳ፤ እዛ ሻሃራደ፥ እቼሻንꬃ አቱማ ናኣ ያቆባዉ የላዱ።
GEN 30:18 ልያ፥ “ታን ታ ዳንጋጽራቶ ታ አስናዉ እሜዳ ድራዉ፥ ጾሳይ ሄዋ ከራ ታዉ ጭጌዳ” ያጋዱ። ሄዋ ድራዉ አ ይሳኮራ ጋደ ሱንꬃዱ።
GEN 30:19 ልያ ሀራካ ሻሃራደ፥ ኡሱፑንꬃ አቱማ ናኣ ያቆባዉ የላዱ።
GEN 30:20 ልያ፥ “ጾሳይ ታዉ አልኦ እሞታ እሜዳ፤ ታን ታ አስናዉ ኡሱፑን ናና የሌዳ ድራዉ፥ ሀእ እ ታና ቦንቻናዋ” ያጋዱ። ሄዋ ድራዉ አ ዛብሎና ሱንꬃዱ።
GEN 30:21 ሄዋፐ ጉየ እት ማጫ ናቶ የላዱ፤ እዞ ዲኖ ሱንꬃዱ።
GEN 30:22 ጾሳይ ራሄሎ ሀሳዬዳ፤ እዝ ዎሳ ስሲደ እዝ የልያ ኡሉዋ ዶዬዳ።
GEN 30:23 እዛ ሻሃራደ አቱማ ናኣ የላዱ፤ “ጾሳይ ታ ዬላ ቃሬዳ።
GEN 30:24 መꬍና ጎዳይ ታዉ ሀራ አቱማ ናኣካ ጉጄረኔሻ” ያጋዱ። ሄዋ ድራዉ አ ዮሴፎ ሱንꬃዱ።
GEN 30:25 ራሄላ ዮሴፋ የሌዳዋፐ ጉየ፥ ያቆብ ላባና፥ “ታን ታ አዉዋ ጋድያ ስማና ማላ፥ ታና ሞይዛ።
GEN 30:26 ታን ኡንቱንቱ ድራዉ ነዉ ኦꬄዳ ታ ማቻቱዋነ ታ ናና ሀማ፤ ታን ባና፤ አያዉ ጎፐ፥ ታን ነዉ አይ ኬሻ ኦሱዋ ኦꬄደንቶ ኔን ኤራሳ” ያጌዳ።
GEN 30:27 ሽን ላባን አ፥ “ታን ነዉ እትባ ኦዳይ፤ መꬍና ጎዳይ ነ ጋሱዋን ታና አንጄዳዋ ታን በኣድ።
GEN 30:28 ነ ድርጉዋ ታዉ ኦዳ፤ ታን ነዉ ጭጋና” ያጌዳ።
GEN 30:29 ያቆብ፥ “ታን ነዉ ዋታ ኦꬄደንቶ፥ ነ መሂካ ዋን የለቴደንቶ ኔን ኤራሳ።
GEN 30:30 ታን ያናፐ ካሰ ነዉ ደእያ ጉꬃይ ሀእ ሎይꬅ ዳሬዳ፤ መꬍና ጎዳይ ኔና ታን አꬌዳ ሳኣን ኡባን አንጄዳ። ሽን ሀእ፥ ታን ታ ሶ አሳዉ ኦꬃናዌ አዉዴ?” ያጌዳ።
GEN 30:31 ላባን፥ “ታን ነዉ አያ እሞ?” ያጊደ አ ኦቼዳ። ያቆብ፥ “ታዉ አይነ እሞፓ፤ ሽን ኔን ታዉ እትባ ኦꬆፐ፥ ታን ነ ዉድያ ቃይካ ሄማናነ ናጋና።
GEN 30:32 ታን ሀቼ ነ ዉድያ ኡባ ግዱዋና አꬋና፤ ሄዋን ነ ዶርሳፐ ፑንጫርያ ዎይ ጋዛ ኡባ፥ ካረꬃ ዶርሳ ማራ ኡባነ ዴሻፐ ጋዛነ ፑንጫርያ ኡባ ታን ሻካና፤ ኡንቱንቱ ታ ድርጉዋ ግዳና።
GEN 30:33 ሄዋ ድራዉ ታ ጽሎተꬃይ ኔን ታዉ ጭጌዳ ድርጉዋ ፓይዳናዉ ስንꬃፐ ይያ ዎደ፥ ታዉ ማርካታና፤ ታ ዴሻፐ ጋዛ ዎይ ፑንጫረ ግደናዌ ዎይ ካረꬃ ግደና አይ ዶርሳ ማራይነ ታ ማታን ቤትንቶ፥ ዉኤቴዳዋዳን ፓይደታና” ያጌዳ።
GEN 30:34 ላብ፥ “ማያድ፤ ኔን ጌዳዋዳን ግዶ” ያጌዳ።
GEN 30:35 ሽን ሄ ጋላሳን ላብ ዳንጫ ዎይ ጋዛ ግዴዳ አቱማ ዴሻ ኡባ፥ ፑንጫረ ዎይ ጋዛ ግዴዳ ማጫ ዴሻ ኡባ፥ ቦꬃ ግዴዳ ኡባነ ካረꬃ ዶርሳ ማራ ኡባ ከሲደ፥ ባረ አቱማ ናና ሄንꬄዳ።
GEN 30:36 ያቲደ ሄ ዉድያና ሄዙ ጋላሳ ኦግያ ያቆባፐ ሃኪደ ቤዳ። ሽን ያቆብ አቴዳ ላባና ዉድያ ሄሜዳ።
GEN 30:37 ያቆብ ዴሻ ሎምያፐ፥ ጉማርያፐነ ጻንቃርሳፐ ቃየ ጋትማ ከሲደ፥ ፖቁዋ ፖቂ ፖቂደ፥ ግዶ ቦꬃ ባጋ ቃሪደ ጋዛዬዳ።
GEN 30:38 ዉዲ ሃꬃ ኡሻናዉ ይያ ሳኣ ኡባን፥ ዎንግርያን፥ ዉድያ ስንꬃን ፖቄዳ ጋትማቱዋ ዎꬄዳ። ካሆዋንቱ ሃꬃ ኡሻናዉ ዪደ፥
GEN 30:39 ሄ ጋትማቱዋ ስንꬃን ብራሴድኖ፤ ኡንቱንቱ ዳንጫ፥ ፑንጫረነ ጋዛ ማራቱዋ የሌድኖ።
GEN 30:40 ያቆብ ማራቱዋ ዉድያፐ ሻክ ዱማ ዎꬄዳ፤ አቴዳ ዉድያ ዳንጫነ ካረꬃ ግዴዳ ላባና መህያ ስንꬃ ዛሬዳ። ያቲደ ባረዉ ዉድያ ዱማዬዳ፤ ላባና መሄቱዋና ኡንቱንታ ጋꬅቤና።
GEN 30:41 ፓጻነ ምኖ ማጫዋንቱ ካህያ ዎደ አዉደነ፥ ኡንቱንቱ ሄ ጋትማቱዋ ማታን ብራሳና ማላ፥ ያቆብ ሄ ጋትማቱዋ ሃꬃ ዎንግርያን፥ ሚዛቱዋ ስንꬃን ዎꬄ።
GEN 30:42 ሽን መሄቱ ላፋ ግዶፐ፥ ኡንቱንቱ ስንꬃን ጋትማቱዋ ዎና። ሄዋ ድራዉ ላፍያ መሄቱ ላባዋ ግድና፥ ዳርያዋንቱ ያቆባዋ ግዴድኖ።
GEN 30:43 ሀዋዳን ሀኒደ፥ ያቆብ ሎይꬅ ዱረቲደ፥ ዳሮ ዉድያ፥ ማጫ ቆማቱዋነ አቱማ ቆማቱዋ፥ ዳሮ ጋሎቱዋነ ሀረቱዋ ሞዴዳ።
GEN 31:1 ያቆብ ላባና ናናይ ባረና፥ “ያቆብ ኑ አዉዋ ኡባ አክ ድጌዳ፤ ሀ ዱረታ ኡባ ኑ አዉዋፐ ደሜዳ” ግያዋ ስሴዳ።
GEN 31:2 ያቆብ ላባና ሶምእ ባረዉ ካሰዋ ማላ ግደናዋ በኤዳ።
GEN 31:3 ሄ ዎደ መꬍና ጎዳይ ያቆባ፥ “ኔን ነ አዎቱዋ ጋድያ፥ ነ ዳቦቱዋኮ ጉየ ስማ፤ ታን ኔናና ግዳና” ያጌዳ።
GEN 31:4 ያቆብ ራሄሎነ ልዮ ባረ ዉዲ ደእያ ሳኣ ደምባ ያና ማላ ኪቲደ ጼስሴዳ።
GEN 31:5 እ ኡንቱንታ፥ “ህንተንቱ አዉዋ ሶምእ ታዉ ካሰዋ ማላ ግደናዋ ታን በአይ፤ ሽን ታ አዉዋ ጾሳይ ታናና ደኤ።
GEN 31:6 ታን ታ ዎልቃ ኡባን ህንተንቱ አዉ ኦꬄዳዋ ህንተንቱ ኤሪታ፤
GEN 31:7 ሽን ህንተንቱ አዉ ታና ጭሚደ፥ ታ ድርጉዋ ታሙ ገደ ላሜዳ። ግዶፐነ ጾሳይ ታና እ ቆሄናዳን ድጌዳ።
GEN 31:8 እ፥ ‘ፑንጫረቱ ነ ድርጉዋ ግዳና’ ጊና፥ ዉዲ ኡባይ ፑንጫርያ የሌዳ፤ ቃይ እ፥ ‘ሻቻቱ ነ ድርጉዋ ግዳና’ ጊና፥ ዉዲ ኡባይ ሻቻ የሌዳ።
GEN 31:9 ጾሳይ ሀዋዳን ህንተንቱ አዉዋ መህያ ዎꬅ አኪደ ታዉ እሜዳ።
GEN 31:10 “መሄቱ ካህያ አግናን፥ ታን እት አኩሙዋ አኩመታድ፤ ሄ አኩሙዋን ታን ጼልያ ዎደ፥ ዉድያ ብራስያ ዴሻ ኮለቱ ዳንጫ፥ ፑንጫረነ ጋዛ።
GEN 31:11 ጾሳ ኪታንቻይ አኩሙዋን ታና፥ ‘ያቆባ’ ያጌዳ፤ ታን፥ አቤ ያጋደ ኮያድ።
GEN 31:12 ታና እ፥ ꬎቁ ጋደ ዉድያ ጻልያ ዴሻ ኮልያ ኡባ ሻቻ፥ ፑንጫርያነ ጋዛ በአ፤ አያዉ ጎፐ፥ ላብ ነ ቦላ ኦꬅያዋ ኡባ ታን በኣድ።
GEN 31:13 ኔን ኤሴዳ ሹቻ ኦካደ፥ ታዉ ሺቀቴዳ ቤቴለ ጾሳይ ታና ሀእ ደንዳ፤ ሀ ቢታፐ ከሳ፤ ጉየ ነ የለታ ጋድያ ስማ ያጌዳ” ያጌዳ።
GEN 31:14 ሄዋፐ ጉየ፥ ራሄላነ ልያ ሀዋዳን ያጊደ ዛሬድኖ፤ “ኑ አዉዋፐ ኑና ጋካናባይ አዬ?
GEN 31:15 እ ኑና አላጋዳን ጼሌ ግደኔ? እ ኑና ዛልእ አኬዳ፤ ዛልኢደ አኬዳዋካ ም ꬋይሴዳ።
GEN 31:16 ጾሳይ ኑ አዉዋፐ ዎꬅ አኬዳ ማጹ ኡባይ ቱሙካ ኑዋነ ኑ ናናዋ። ሄዋ ድራዉ ጾሳይ ነዉ ኦዴዳዋ ኡባ ኦꬃ” ያጌድኖ።
GEN 31:17 ያቆብ ካናነ ጋድያን ደእያ ባረ አዉዋ ይሳቃኮ ባናዉ ደንዴዳ፤ እ ባረ ናናነ ባረ ማቻቱዋ ጋሉዋ ቶግሴዳ፤ ዉድያ ኡባ ባረፐ ስንꬃና ላጊደ፥ ማስጰጾምያን ደኢደ እ ሺሼዳ ማጹዋ ኡባ አኪደ ቤዳ።
GEN 31:19 ላብ ባረ ዶርሳቱዋ እስክያ ቃንጻናዉ ብድጌዶሽን፥ ራሄላ ባረ አዉዋ ሶ ምስለቱዋ ዉኣዱ።
GEN 31:20 ቃይ ያቆብ ሶርያ ላባናዉ ባረ ባቃትያዋ ኦደናን ጭሜዳ።
GEN 31:21 እ ባረዉ ደእያዋ ኡባ አኪደ ባቃቴዳ፤ ኤፍራጺሳ ሻፋ ፕኒደ፥ ጋላኣደ ግያ ገዝያኮ ስሚደ ቤዳ።
GEN 31:22 ሄዘንꬃ ጋላሳን፥ ላብ ያቆብ ባቃት ብ ክቼዳዋ ስሴዳ።
GEN 31:23 ባረ ዳቦቱዋ ባረናና አኪደ፥ ላፑን ጋላሳ ኦግያ ያቆባ ጌዱዋ ካሊደ፥ ጋላኣደ ገዝያን አ ጋኬዳ።
GEN 31:24 ሄ ዎደ ጾሳይ ቃማ ሶርያ ላባናኮ አኩሙዋን ዪደ አ፥ “ኔን ያቆባ ቦላ ኢታ ግድና፥ ሎአ ግድና፥ አይነ ሃሳየናዳን ኔና ኤራ!” ያጌዳ።
GEN 31:25 ላብ ጋክያ ዎደ፥ ያቆብ ጋላኣደ ገዝያን ዱንካኒደ ኡቴዳ፤ ቃይ ላብነ አ ዳቦቱ ያን ዱንካኔድኖ።
GEN 31:26 ሄዋፐ ጉየ ላብ ያቆባ፥ “ኔን ሀዋዳን አያዉ ኦꬃዲ? ኔን ታና ጭማደ፥ ታ ማጫ ናና ኦላን ኦሞደቴዳዋዳን ላጋደ ከሳዳ።
GEN 31:27 ኔን አያዉ ቆሱዋን ታፐ ከሳ አካደ፥ ታና ጭማዲ? ታን ኔና ናሸቻንነ የꬃን፥ ካራቡዋንነ ዲꬃን ሞይዛና ማላ ታዉ አያዉ ኦዳበይኪ?
GEN 31:28 ኔን ሀራይ አቶ፥ ታ ናና ናናነ ታ ማጫ ናና ታን የራ አከና ማላ ድጋዳ። ኔን ኤያባ ኦꬃዳ።
GEN 31:29 ታን ኔና ገናናዉ ታዉ ዎልቃይ ደኤ፤ ሽን ነ አዉዋ ጾሳይ ዝኖ ቃማ ታና፥ ‘ያቆባ ቦላ ኢታ ግድና፥ ሎአ ግድና፥ አይነ ሃሳየናዳን ኔና ኤራ!’ ያጊደ ታዉ ኦዴዳ።
GEN 31:30 ሀእ ግዶፐነ፥ ኔን ነ አዉዋ ሶ ባናዉ ሎይꬃ ላሞቴዳ ድራዉ ከሳዳ። ሽን ታ ሶ ምስለቱዋ ኔን አያዉ ዉኣዲ?” ያጌዳ።
GEN 31:31 ያቆብ ላባና፥ “ኔን ነ ናና ታፐ ዎልቃን ዎꬃ አካንንቶነ ጋደ ቆፔዳ ድራዉነ ያዬዳ ድራዉ፥ ሀዋዳን ኦꬃድ።
GEN 31:32 ሽን ነ ሶ ምስለቱዋ ኦይቄዳ አሳ ኦናነ ኔን ደሞፐ፥ ሄ ኡራይ ሲፈቶ! ነዋ ግዴዳዌ ታ ማታን ቤትንቶ፥ ኑ ዳባቱዋ ስንꬃን ኮያ፤ ነዋ ግዶፐ አካ” ያጌዳ፤ አያዉ ጎፐ፥ ያቆብ ራሄላ ሄ ሶ ምስለቱዋ ዉኤዳዋ ኤርቤና።
GEN 31:33 ሄዋ ድራዉ ላብ ያቆባ ዱንካንያ ግዶ፥ ልያ ዱንካንያ ግዶን ላኡ ቆማቱዋ ዱንካንያ ግዶ ገሌዳ፤ ሽን አይነ ደምቤና። ልያ ዱንካንያፐ ከሲደ፥ ራሄል ዱንካንያ ገሌዳ።
GEN 31:34 ራሄላ ሶ ምስለቱዋ አካደ፥ ጋሉዋ ኮራ ጋርሳን ቆሳደ፥ አ ቦላ ኡታዱ። ላብ ዱንካንያን ደእያዋ ኡባ ቡሉቂ ኮዬዳ፤ ሽን አይነ ደምቤና።
GEN 31:35 ራሄላ ባረ አዉዋ፥ “ታ ጎዳዉ፥ ታና ሀንቀꬆፓ፤ ታን ነዉ ኤቃና ዳንዳይከ፤ ታዉ ፒላይ ይ ኡቴዳ” ያጋዱ። እ ኮዬዳ፤ ሽን ሶ ምስለቱዋ ደምቤና።
GEN 31:36 ያቆብ ላባና ሀንቀቲደ ዎቃሴዳ፤ ያቆብ ላባና፥ “ታን አያ ባይዛድታ? ሀዋ ኔን ታና ካላናዉ፥ ታን ኦꬄዳ ናጋራይ አዬ?
GEN 31:37 ሀእ ኔን ታ ሚሻ ኡባ ቡሉቃደ ኮያዳ፤ ነ ሶ ሚሻፐ አያ ደማድ? ኡንቱንቱ ኑ ላኡዋ ግዱዋን ፕርዳና ማላ፥ ታ ዳባቱዋ ስንꬃንነ ነ ዳባቱዋ ስንꬃን ሀዋን ዎꬃ።
GEN 31:38 “ታን ኔናና ላታሙ ላይꬃ ኩመንꬃ ደኣድ፤ ነ ዶርሳይካ ነ ዴሻይካ ቦሸትቤና፤ ዎይ ነ ዉድያፐ ጻቦትያ ማበይከ።
GEN 31:39 ዶአይ መንꬄዳዋነ ነዉ አሀበይከ፤ ሽን ሄዋ ታናን ፓይዳድ። ጋላስ ዉኤቴዳዋ ዎይ ቃማ ዉኤቴዳዋ ታና ጭግሳዳ።
GEN 31:40 ጋላሳ ሱሉ፥ ቃማ ሜጉ ታና ቆሄዳ፤ ገምእሹ ታፐ ꬋዬዳ።
GEN 31:41 ታን ሀዋዳን ነ ሶን ላታሙ ላይꬃ ደኣድ፤ ታማነ ኦይዱ ላይꬃ ነ ላኡ ማጫ ናና ድራዉነ ኡሱፑን ላይꬃ ነ ዉድያ ድራዉ ነዉ ኦꬃደ ደኣድ፤ ሽን ኔን ታ ድርጉዋ ታሙ ገደ ላማዳ።
GEN 31:42 ታ አዉዋ ጾሳይ፥ አብራሃመ ጾሳይ፥ ይሳቅ ያዬዳዌ ታናና ግድቤናዋ ግድንቶ፥ ስ ባይናን ኔን ታና መላ ኩሸ ከሳ የዳዳ፤ ሽን ጾሳይ ታ ቱጋነ ታ ኩሽያ ኦሱዋ በኢደ፥ ዝኖ ቃማ ኔና ሴሬዳ” ያጌዳ።
GEN 31:43 ላብ ያቆባ፥ “ማቻቱ ታ ማጫ ናና፤ ናናይካ ታ ናና፤ ዉዲካ ታ ዉድያ፤ ኔን በእያ ኡባይ ታዋ። ሀቼ ሀ ማጫ ናና ታዋንቱ ቦላነ ኡንቱንቱ የሌዳ ናና ቦላ አያ ኦꬃናዉ ዳንዳያይታ?
GEN 31:44 ሀእ ሃያ፤ ኔንነ ታን ጫቁዋ ጫቀቶይተ፤ ሄዌ ኔፐነ ታፐ ግዱዋን ማርካ ግዶ” ያጌዳ።
GEN 31:45 ሄዋ ድራዉ ያቆብ እት ሹቻ አኪደ ቱሳዳን ኤሴዳ።
GEN 31:46 እ ባረ ዳቦቱዋ፥ “ሹቻ ሺሽተ” ያጌዳ፤ ኡንቱንቱ ሹቻ ሺሺደ ኬሌድኖ፤ ሄ ኬላ ላንቂያን ሜድኖ።
GEN 31:47 ላብ ሄ ኬላ፥ ይጋር-ሳሃዱታ ጊደ ሱንꬄዳ፤ ቃይ ያቆብ አ ጭሜዳ ጊደ ሱንꬄዳ።
GEN 31:48 ላብ፥ “ሀ ኬላይ ኔፐነ ታፐ ግዱዋን ሀቼ ማርካ” ያጌዳ። ሄዋ ድራዉ አ ሱንꬃይ ጭሜዳ ጌተቴዳ።
GEN 31:49 ቃይ እ ሄ ሹቻ ቱሳ ምጽጳ ጊደ ሱንꬄዳ፤ አያዉ ጎፐ፥ ላብ፥ “ኑን እቱ እቱዋፐ ሃኪደ ደእያ ዎደ፥ መꬍና ጎዳይ ነ ግዱዋንነ ታ ግዱዋን ግዲደ ናጎ።
GEN 31:50 ኔን ታ ማጫ ናና ናቆፐ፥ ዎይ ኔን ታ ማጫ ናና ቦላ ሀራ ማቻቱዋ አኮፐ፥ ኑናና ሀእ ኦንነ ባይናዋ ግዶፐነ ነ ግዱዋንነ ታ ግዱዋን ጾሳይ ማርካ ግድያዋ ሀሳያ” ያጌዳ።
GEN 31:51 ላብ ቃይካ ያቆባ፥ “ኬለቴዳ ሹቻይ ሀዌሽ፤ ቃይ ታን ነ ግዱዋንነ ታ ግዱዋን ኤሴዳ ሹቻ ቱሳይ ሀዌሽ።
GEN 31:52 ታን ሀ ኬላፐ ኔና ገናናዉ ኔኮ አናዳን፥ ኔንካ ታና ገናናዉ ሀ ኬላፐነ ሀ ሹቻ ቱሳፐ አናዳን፥ ሀ ኬላይነ ሀ ሹቻ ቱሳይ ማርካ።
GEN 31:53 አብራሃመ ጾሳይ፥ ናኮራ ጾሳይ፥ ኡንቱንቱ አዉዋ ጾሳይ፥ ኑ ግዱዋን እ ፕርዶ” ያጌዳ። ያቆብ ባረ አዉ ይሳቅ ያዬዳዋ ሱንꬃን ጫቄዳ።
GEN 31:54 ያቆብ ደርያ ቦላን ያርሹዋ ያርሼዳ፤ ባረ ዳቦቱዋካ ቁማ ማናዉ ጼሴዳ። ኡንቱንቱ ሚደ ደርያ ቦላን አቄድኖ።
GEN 31:55 ዎንተꬃ ጋላስ ጉራን ላብ ደንዲደ፥ ባረ ናና ናናነ ባረ ማጫ ናና የሬዳ፤ ቃይ ኡንቱንታ አንጄዳ። ባረ ሶ ስሜዳ።
GEN 32:1 ያቆብ ደንዲደ ባረ ኦግያ ቢሽን፥ ጾሳ ኪታንቻቱ አናና ጋከቴድኖ።
GEN 32:2 ያቆብ ኡንቱንታ በኤዳ ዎደ፥ “ሀዌ ጾሳይ አቅያ ሳኣ” ያጊደ፥ ሄ ሳኣ ማህናይማ ጊደ ሱንꬄዳ።
GEN 32:3 ያቆብ ሰኢራ ግያ ሳኣን፥ ኤዶማ ቢታን ደእያ ባረ እሻ ኤሳኮ ኪታ ባረፐ ስንꬃዉ ኪቴዳ።
GEN 32:4 እ ኡንቱንታ ሀዋዳን ያጊደ አዛዜዳ፤ “ህንተንቱ ታ ጎዳ ኤሳዉ ጋናዌ ሀዋ፤ ‘ነ ቆማይ ያቆብ፥ “ታን ላባና ማታን ደኣደ ሀኖ ጋካናዉ ጋምኣድ።
GEN 32:5 ታዉ ሚዛይነ ሀሪ፥ ዶርሳይነ ዴሻይ፥ አቱማ ቆማቱነ ማጫ ቆማቱ ደኢኖ፤ ሀእ ታን ሀ ኪታ ታ ጎዳ ስንꬃን ናሸታና ማላ ኪታድ” ያጌዳ’ ያግተ” ያጌዳ።
GEN 32:6 ኪተቴዳዋንቱ ያቆባኮ ስሚደ አ፥ “ኑን ነ እሻ ኤሳኮ ቤዶ፤ ሀእ እ ቃይ ኔናና ጋከታናዉ ዬ፤ አናና ኦይዱ ጼቱ አሳይ ደኤ” ያጌድኖ።
GEN 32:7 ያቆብ ያዪደ ባትባቴዳ፤ ባረናና ደእያ አሳ ላኡ ጭታን ሻኬዳ፤ ቃይ ባረ ዶርሳ፥ ዴሻ፥ ሚዛነ ጋሉዋ ላኡ ጭታን ሻኬዳ።
GEN 32:8 እ፥ “ኤሳይ ዪደ እት ጭታ ኦልያዋ ግዶፐ፥ አቴዳ ጩጉ ከስ አኮፐነ” ያጊደ ቆፔዳ።
GEN 32:9 ሄ ዎደ ያቆብ ሀዋዳን ያጊደ ዎሴዳ፤ “አቤት መꬍና ጎዳዉ፥ ታ አዉዋ አብራሃመ ጾሳዉ፥ ታ አዉዋ ይሳቃ ጾሳዉ፥ ታና፥ ‘ነ ጋድያ፥ ነ ዳቦቱዋኮ ስማ፤ ታን ነዉ ሎኦባ ኦꬃና’ ጌዳዎ፥
GEN 32:10 ኔን ነ ቆማዉ ኦꬄዳ ኬካተꬃዉነ ቱማተꬃዉ ኡባዉ ታን በሰናዋ። ታን ሀ ዮርዳኖሳ ሻፋ ፕኔዳ ዎደ፥ ታዉ እት ጻምኣ ጻላላይ ደኤ፤ ሽን ሀእ ታን ላኡ ጩጎ ግዳድ።
GEN 32:11 ታን ኔና ዎሳይ፤ ታ እሻ ኤሳ ኩሽያፐ ታና አሻ፤ አያዉ ጎፐ፥ እ ዪደ፥ ታናነ ማጫዋንታ ኡንቱንቱ ናናቱዋካ ꬋይሳናዌንቶነ ጋደ ያያድ።
GEN 32:12 ሽን ኔን ታና፥ ‘ታን ነዉ ቱሙ ሎኦባ ኦꬃና፤ ታን ነ ዘረꬃነ ፓይዳናዉ ዳንዳየተና አባ ሻፍያ ኬሻ ኦꬃና’ ጌዳዋ ቆፓ” ያጌዳ።
GEN 32:13 ሄ ጋላሳ ቃማ እ ያን አቄዳ፤ ባረዉ ደእያዋ ኡባፐ ባረ እሻ ኤሳዉ እምያዋ ቆሪደ ከሴዳ፤
GEN 32:14 እ ከሴዳዋንቱ ላኡ ጼቱ ማጫ ዴሻቱዋነ ላታሙ ዴሻ ኮለቱዋ፥ ላኡ ጼቱ ማጫ ዶርሳቱዋነ ላታሙ ዶርሳ ኮለቱዋ፥ ሀታሙ ꬋንꬅያ ጋሎቱዋ ኡንቱንቱ ማራቱዋና፥ ኦይታሙ ማጫ ሚዛቱዋ፥ ታሙ ኮሩማ ቦራቱዋ፥ ላታሙ ማጫ ሀረቱዋነ ታሙ አቱማ ሀረቱዋ።
GEN 32:16 ሀዋንታ ዉድያን ዉድያን ሻክ፥ ባረ ቆማቱዋ ኩሽያን ዎꬂደ፥ ባረ ቆማቱዋ፥ “ታፐ ስንꬃዉ ቢደ፥ ዉድያ ዉድያፐ ሃኩዋን ሃኩዋን ላግተ” ያጌዳ።
GEN 32:17 ስንꬃን ካለꬅያዋ፥ “ታ እሻይ ኤሳይ ኔናና ጋከቲደ ኔና፥ ‘ኔን ኦሴ? ኔን ሀቃ ባይ? ነ ስንꬃን ደእያ መህያ ኡባይ ኦሴ?’ ያጊደ ኦችያዋ ግዶፐ፥
GEN 32:18 ኔን አዉ፥ ‘ሀዋንቱ ነ ቆማ ያቆባዋ፤ ኡንቱንቱ ታ ጎዳ ኤሳዉ እማናዉ የዴዳዋንታ፤ ቃይ እካ ኑፐ ጉየና ይደኤ’ ያጋ” ያጊደ አዛዜዳ።
GEN 32:19 ቃይ እ ላኤንꬃ ሄዛንꬁዋነ ዉድያ ካልያ ሀራቱዋ ኡባቱዋ ሀዋዳን አዛዜዳ፤ “ህንተንቱ ኤሳና ጋከትያ ዎደ፥ ሀንዳንካ ጊታ፤
GEN 32:20 ‘ነ ቆማ ያቆብ ኑፐ ጉየና ይደኤ’ ጌናን አጎፕተ” ያጌዳ። አያዉ ጎፐ እ፥ “ታን ታፐ ስንꬃዉ እማናዉ ኪቴዳዋን አ ዶሽሳና፤ ኦን ኤሪ፥ ሄዋፐ ጉየ ታን አናና ጋከትያ ዎደ፥ እ ታና ሞክ አካነንቶነ” ያጊደ ቆፔዳ።
GEN 32:21 ሄዋ ድራዉ ባረ እምያዋ ባረፐ ስንꬃዉ የዴዳ። ሽን እ ባረ ሁጲያዉ ሄ ጋላስ ቃማ ያን አቄዳ።
GEN 32:22 ሄ ጋላስ ቃማ ያቆብ ደንዲደ፥ ባረ ላኡ ማቻቱዋ፥ ባረ ላኡ ቆማቱዋነ ባረ ናና ታማነ እታቱዋ አኪደ፥ ያቦቃ ግያ ፕኑዋ ጋኬዳ፤ እ ኡንቱንታ ሻፋ ፕንꬄዳ፤ ባረዉ ደእያዋ ኡባካ ፕንꬂደ የዴዳ፤
GEN 32:24 ሽን ያቆብ ባረካ አቴዳ። ሄ ዎደ እት አሳይ ሳአይ ዎንታና ጋካናዉ አናና ባጸቴዳ።
GEN 32:25 ሄ አሳይ አ ጾናናዉ ዳንዳይቤናዋ በኤዳ ዎደ፥ ያቆባዉ ሙቄቻ መቀꬃ ቦቼዳ፤ አ ሙቄቻ መቀꬃይ ከስ ዎꬌዳ።
GEN 32:26 ያትና ብታኒ አ፥ “ሳአይ ዎንቴዳ ድራዉ፥ ታና የዳ” ያጌዳ። ሽን ያቆብ አ፥ “ኔን ታና አንጀናን ታን ኔና የድከ” ያጌዳ።
GEN 32:27 ብታኒ አ፥ “ነ ሱንꬃይ ኦኔ?” ያጊደ ኦቼዳ። እ፥ “ያቆባ” ያጊደ ዛሬዳ።
GEN 32:28 ብታኒ አ፥ “ሀዋፐ ስንꬃዉ ነ ሱንꬃይ እስራኤልያ ጌተቶፐ አትና፥ ያቆባ ጌተቶፖ፤ አያዉ ጎፐ፥ ኔን ጾሳናነ አሳና ባጸታደ ጾናዳ” ያጌዳ።
GEN 32:29 ያቆብ አ፥ “ነ ሱንꬃይ ኦኔ?” ያጊደ ኦቼዳ። ሽን ብታኒ፥ “ኔን ታ ሱንꬃ አያዉ ኦቻይ?” ያጌዳ ጊደ አ አንጄዳ።
GEN 32:30 ሄዋ ድራዉ ያቆብ ሄ ሳኣ ጲንኤላ ጊደ ሱንꬄዳ፤ አያዉ ጎፐ እ፥ “ታን ጾሳ ባዙዋን ጼላድ፤ ግዶፐነ ታን ፓጻ አታድ” ያጌዳ።
GEN 32:31 እ ጲንኤላፐ ደንድያ ዎደ፥ አ ቦላ ጻልቂ ዶሌዳ። እ ባረ ሙቄቻ መቀꬃ ድራዉ ዶጌ።
GEN 32:32 ያቆባ ሙቄቻ አሹዋ ማታን ቦሸቴዳ ድራዉ፥ እስራኤልያ አሳይ መህያ ሙቄቻ አሹዋ ሀቼ ጋካናዉ ሜና።
GEN 33:1 ያቆብ ꬎቁ ግ ጼሊደ፥ ኤሳይ ባረ ኦይዱ ጼቱ አሳና ይያዋ በኤዳ። ሄዋ ድራዉ ናና ልይዉ፥ ራሄልዉነ ላኡ ቆማቱዋኮ ሻኬዳ።
GEN 33:2 ቆማቱዋነ ኡንቱንቱ ናና ስንꬃን፥ ልዮነ እ ናና ኡንቱንቱ ጌዱዋን፥ ራሄሎነ ዮሴፋ ዉርሰꬃን ዎꬄዳ።
GEN 33:3 ሽን እ ባረ ሁጲያዉ ስንꬃዉ አꬊደ፥ ባረ እሻኮ ማቲደ፥ ሳኣ ጋክ ጋኪደ ላፑን ካላ ጎይኔዳ።
GEN 33:4 ሽን ኤሳይ አናና ጋከታናዉ ዎጺደ፥ አ ቆꬍያ ቆም የሬዳ። ኡንቱንቱ ዬኬድኖ።
GEN 33:5 ያትና ኤሳይ ꬎቁ ግ ጼሊደ፥ ማቻቱዋነ ናና በኤዳ፤ እ፥ “ሀ ኔናና ደእያዋንቱ ኦኔ?” ያጊደ ኦቼዳ። ያቆብ፥ “ኡንቱንቱ ጾሳይ ነ ቆማዉ ኬካተꬃን እሜዳ ናና” ያጌዳ።
GEN 33:6 ቆማቱ ባረንቱ ናናቱዋና ሺቂደ ጎይኔድኖ።
GEN 33:7 ሄዋፐ ጉየ፥ ልያነ እዝ ናናይ ዪደ ጎይኔድኖ፤ ዉርሰꬃን ዮሴፎነ ራሄላ ዪደ ጎይኔድኖ።
GEN 33:8 ኤሳይ፥ “ሀ ስንꬃን ታናና ጋከቴዳ ዉዲ ኡባይ ቃይ አዬ?” ያጊደ ኦቼዳ። እ፥ “ታ ጎዳዉ፥ ሄዌ ታን ነ ስንꬃን ናሸታናሳ” ያጌዳ።
GEN 33:9 ሽን ኤሳይ፥ “ታ እሻዉ፥ ታዉ ዳሮባይ ደኤ፤ ነዌ ኔሳ ግዶ” ያጌዳ።
GEN 33:10 ያቆብ፥ “ቱይት፥ ሀእ ታን ነ ስንꬃን ናሸቴዳዋ ግዶፐ፥ ሀ ታን እምያዋ ታፐ አካ። ኔን ታና ሞካ አኬዳ ድራዉ፥ ታን ነ ዴሙዋ በእያዌ ጾሳ ዴሙዋ በእያዋ ማላ።
GEN 33:11 ታን ነዉ አሄዳ ሀ እሙዋ አካ፤ አያዉ ጎፐ፥ ጾሳይ ኬኪደ እምና፥ ታዉ በሴዳ” ያጌዳ። ያቆብ ሾብያ ቶሌዳ ድራዉ፥ ኤሳይ ሄዋ አኬዳ።
GEN 33:12 ሄዋፐ ጉየ ኤሳይ፥ “አነ ደንዳ፤ ኑ ኦግያ ቦይተ፤ ታን ኔናና እትፐ ባና” ያጌዳ።
GEN 33:13 ሽን ያቆብ አ፥ “ታ ጎዳዉ፥ ናናይ ሹጋ ግድያዋ ኤራሳ፤ ቃይ ታን ባረንቱ ጋሎ ማራቱዋ ꬋንꬅያ ዶርሳቱዋነ ሚዛ ናጋና ኮሼ፤ አሳይ ኡንቱንቱ እት ጋላሳ ድርቢስ ላጎፐ፥ መህያ ኡባይ ሀይቃና።
GEN 33:14 ሄዋ ድራዉ፥ ታ ጎዳዉ፥ ነ ቆማፐ ስንꬃታደ ባ፤ ታን ሰኢራን ታ ጎዳ ጋካናዉ፥ ታ ስንꬃን ደእያ መህያ ሄመታ ኬናነ ናና ሄመታ ኬና ሎዳን ካላና” ያጌዳ።
GEN 33:15 ኤሳይ አ፥ “ያቶፐ ታን ታ አሳፐ አማሬዳዋ ነዉ አሻይ” ያጌዳ። ሽን ያቆብ አ፥ “ሄዌ አይሴ? ታን ታ ጎዳ ስንꬃን ናሸትያዌ ታዉ ግዳና” ያጌዳ።
GEN 33:16 ሄዋ ድራዉ ኤሳይ ሄ ጋላስ ኦግያን ገሊደ፥ ሰኢራ ስሜዳ።
GEN 33:17 ሽን ያቆብ ሱኮታ ቤዳ፤ ያን ባረዉ ጎልያ ኬጼዳ፤ ባረ መሄቶካ ዳስያ ዳሴዳ። ሄዋ ድራዉ ሄ ሳኣ ሱኮታ ጊደ ሱንꬄዳ።
GEN 33:18 ያቆብ ማስጰጾምያፐ ስሜዳ ዎደ፥ ካናነ ቢታን ደእያ ሰኬመ ግያ ካታማ ሳሮተꬃን ጋኬዳ፤ እ ሄ ካታማዉ ባዙዋን ኡቴዳ።
GEN 33:19 ባረ ዱንካንያ ꬎጌዳ ጋድያ ሸኬማ አዉዋ ሀሞራ ናናቱዋፐ ጼቱ ጻጋራ ብራን ሻሜዳ።
GEN 33:20 ያን ያርሽያ ሳኣ ኬጺደ አ፥ “ጾሳ፥ እስራኤልያ ጾሳ” ጊደ ሱንꬄዳ።
GEN 34:1 ልያ ያቆባዉ የሌዳ ናታ ዋና፥ ሄ ዎደ ሄ ጋድያ ማጫዋንታ በአናዉ ከሳዱ።
GEN 34:2 ሄ ጋድያ ሞድያ ህውያ ሀሞራ ናኣ ሸኬመ እዞ በኢደ፥ እዞ ሆር አፊደ ባይዜዳ።
GEN 34:3 አ ዎዛናይ ያቆባ ናቶ ዲኖ አሞቴዳ፤ እ እዞ ሲቄዳ፤ እዝዉ ሎእያዋ ሃሳዬዳ።
GEN 34:4 ሸኬመ ባረ አዉዋ ሀሞራ፥ “ታዉ ሀ ናቶ ማቼተꬃዉ ኦቻርክ” ያጌዳ።
GEN 34:5 ያቆብ ባረ ናታ ዳና ባዬዳዋ ስስያ ዎደ፥ አ አቱማ ናናይ ዎራን መህያና ደእኖ፤ ሄዋ ድራዉ ኡንቱንቱ ጋካናዉ ጮኡ ጌዳ።
GEN 34:6 ሄዋፐ ጉየ፥ ሸኬማ አዉዋ ሀሞር ያቆባና ሃሳያናዉ ዬዳ።
GEN 34:7 ያቆባ አቱማ ናናይ ሄዋ ስሴዳ ሳና ዎራፐ ዬድኖ፤ ኡንቱንቱ ካዮቴድኖነ ሀንቀቴድኖ፤ አያዉ ጎፐ፥ ሸኬመ ያቆባ ናቶ ሆር አፊደ ባይዝያዋ፥ እስራኤልያ ቦላ ፖኮባ፥ ኦꬃናዉ በሰናባ ኦꬄዳ።
GEN 34:8 ሽን ሀሞር ኡንቱንታ፥ “ታ ናአይ ሸኬመ ህንተንቱ ናትዉ ዳርስ ዳጋሜዳ፤ ሀያና እዞ አዉ ማቼተꬃዉ እሜርክቴ!
GEN 34:9 ኑናና አከትተነ ገለትተ፤ ህንተንቱ ማጫ ናና ኑዉ እምተ፤ ኑ ማጫ ናናነ ህንተንቶ አክተ።
GEN 34:10 ህንተንቱ ኑ ግዶን ኡታናዉ ዳንዳዪታ፤ ቢታይ ሎይꬅ አካ፤ አን ደእተ፤ ዛልእተ፤ አን ማጹዋ ደምተ” ያጌዳ።
GEN 34:11 ሄ ዎደ ሸኬመ ዲን አዉዋነ እ እሻቱዋ፥ “ታን ህንተንቱ ስንꬃን ናሸቶፐ፥ ህንተንቱ ኦችያዋ አያ ግዶፐነ እማና።
GEN 34:12 ህንተንቱ ምሽራ ናትዉ እምያዋነ ጭሎሻ ህንተንቱ ኮዮዋ ኬሻ ዳርሲደ ታና ኦችተ፤ ታን ህንተንቱ ታና ኦቼዳዋ አያነ እማና፤ ሽን ታን አካናዳን ናቶ ታዉ እሜርክቴ!” ያጌዳ።
GEN 34:13 ባረንቱ ምቻቶ ዲኖ ሸኬመ ቱንሴዳ ድራዉ፥ ያቆባ አቱማ ናናይ ሸኬማዉነ አ አዉዋ ሀሞራዉ ዎርዱዋ ኦዴድኖ፤
GEN 34:14 ኡንቱንታ ሀዋዳን ያጌድኖ፤ “ኑን ሄዋ ማላ ኦꬃና ዳንዳዮኮ፤ ኑን ኑ ምቻቶ ቃጻረትቤና አሳዉ እሞኮ፤ ሄዌ ኑና ካዉሽያዋ።
GEN 34:15 ኑን ህንተንቱ እትባ ኦꬆፐ ህንተንቶ፥ ‘ኤኖ’ ጋና፤ ሄዌ አዬ ጎፐ፥ ህንተንቱ ጋድያ አቱማ አሳይ ኡባይ ቃጻረቲደ ኑናዳን ሀኖፐ፥
GEN 34:16 ኑን ኑ ማጫ ናና ህንተንቶ እማናዉ ‘ኤኖ’ ጋና፤ ህንተንቱ ማጫ ናናካ ኑዉ አካና። ኑን ህንተንቱ ግዶን ኡቲደ፥ ህንተናና እት አሳ ግዳና።
GEN 34:17 ሽን ህንተንቱ ቃጻረታናዉ ኤኖ ጌናዋ ግዶፐ፥ ኑን ኑ ምቻቶ አኪደ ባና” ያጌድኖ።
GEN 34:18 ኡንቱንቱ ጌዳዌ ሀሞራዉነ አ ናኣ ሸኬማዉ ሎአ ማላቴዳ።
GEN 34:19 ሄ ዎዳላይ፥ ባረ አዉዋ ጎለን ደእያ ኡባፐ አꬍ ቦንቼቴዳዌ፥ ያቆባ ናትን ናሸቴዳ ድራዉ፥ ኡንቱንቱ ጌዳዋ ኦꬃናዉ ጋምእቤና።
GEN 34:20 ሄ ዎደ ሀሞርነ አ ናአይ ሸኬመ ባረንቱ ካታማ ጉታራ ቢደ፥ ባረንቱ ካታማ አሳዉ ሀዋዳን ያጊደ ኦዴድኖ፤
GEN 34:21 “ሀ አሳቱ ኑናና ስጋ፤ ኡንቱንቱ ኑ ቢታን ደኢኖነ ዛልኢኖ፤ ቢታይ ሎይꬅ አካ። ኡንቱንቱ ማጫ ናናካ ኑን አካና፤ ኡንቱንቱካ ኑ ማጫ ናና አካና።
GEN 34:22 ሽን ኑናና ኡንቱንቱ እት አሳዳን ደአናዉ ኑን እትባ ማየታናዉ ኮሼ፤ ሄዌነ፥ ኡንቱንቱ ቃጻረቴዳዋዳን ኑ አቱማ አሳይ ኡባይ ቃጻረታናዋ።
GEN 34:23 ኑን ሄዋዳን ኦꬆፐ፥ ኡንቱንቱ ሚዛይ፥ ኡንቱንቱ ማጹነ ኡንቱንቱ ሀራ መሂ ኡባይ ኑዋ ግደኔ? ሄዋ ድራዉ አነ ኑን ኡንቱንቱ ግያዋ ኤኖ ጎይተ፤ ኡንቱንቱካ ኑ ግዶን ደአና” ያጌድኖ።
GEN 34:24 ካታማ ጉታራ ሺቄዳ አሳቱ ኡባይ ሀሞራዉነ አ ናኣ ሸኬማዉ፥ “ኤኖ” ጌድኖ። ያትና ሄ ካታማ አቱማ አሳቱ ኡባይ ቃጻረቴድኖ።
GEN 34:25 ሄዘንꬆ ጋላስ፥ ኡንቱንቱ ኡባይ ባረንቱ ቃጻራ ማዱꬃን ሳከት ደእሽን፥ ያቆባ አቱማ ናናቱዋፐ ላኡ፥ ስሞንነ ሌዊ፥ ዲን እሻቱ፥ ባረንቱ ማሻ አኪደ፥ ኦንነ ኤረናን ካታማ ገሊደ፥ አቱማ አሳቱዋ ኡባ ዎꬌድኖ።
GEN 34:26 ሀሞራነ አ ናኣ ሸኬማ ማሻን ዎꬊደ፥ ባረንቱ ምቻቶ ዲኖ ሸኬማ ጎልያፐ አኪደ አፌድኖ።
GEN 34:27 ያቆባ አቱማ ናናይ ሄ አሃቱዋ ቦላ ገሊደ፥ ባረንቱ ምቻቶ ዲኖ ቱንሴዳ ካታማ ቦንቄድኖ።
GEN 34:28 ኡንቱንቱ ዶርሳ ዉድያ፥ ሚዛ ዉድያ፥ ሀርያ፥ ካታማ ግዶን ደእያዋነ ጋጻን ደእያዋ ኡባ አኬድኖ።
GEN 34:29 ኡንቱንቱ ማጹዋ ኡባ፥ ኡንቱንቱ ናና ኡባነ ማቻቱዋ ኡባ ኦሞዴድኖ፤ ጎለን ደኤዳዋ ኡባ ቦንቄድኖ።
GEN 34:30 ያቆብ ስሞናነ ሌዊያ፥ “ህንተንቱ ታ ቦላ መቱዋ አህ ክቼድታ፤ ሀ ጋድያን ደእያ ካናናቱነ ፓርዘቱ ታና እጻናዋንታ፤ ኑን ፓይዱዋን ጉꬃ፤ ኡንቱንቱ እትፐ ግዲደ ታ ቦላ ደንዶፐ፥ ታንነ ታ ሶ አሳይ ꬋያና” ያጌዳ።
GEN 34:31 ሽን ኡንቱንቱ፥ “ያትና እ ኑ ምቻቶ ሻርሙጻዳን ኦꬃና በሲ?” ያጌድኖ።
GEN 35:1 ጾሳይ ሄዋፐ ጉየ ያቆባ፥ “ደንዳደ ፑደ ቤቴለ ባደ ያን ደአ። ኔን ነ እሻ ኤሳፐ ባቃትያ ዎደ ነዉ ቆንጬዳ ጾሳዉ ያን ያርሽያ ሳኣ ኬጻ” ያጌዳ።
GEN 35:2 ያቆብ ባረ ሶ አሳነ ባረናና ደእያዋንታ ኡባ፥ “ህንተንቱ ግዱዋን ደእያ አላጋ ጾሳቱዋ ምስለቱዋ ድግተ፤ ህንተንቱ ቦላ ጌሽተ፤ ህንተንቱ ማዩዋነ ላምተ።
GEN 35:3 አነ ደንዲደ፥ ፑደ ቤቴለ ቦይተ፤ ታ መቱዋ ጋላስ ታና ስሴዳ፥ ታን ቤዳ ሳኣን ኡባን ታናና ግዴዳ ጾሳዉ፥ ታን ያን ያርሽያ ሳኣ ኬጻና” ያጌዳ።
GEN 35:4 ሄዋ ድራዉ ኡንቱንቱ ባረንቶ ደእያ አላጋ ጾሳቱዋ ምስለቱዋ ኡባነ ባረንቱ ሀይꬃን ደእያ ጉድቻ ኡባ ያቆባዉ እሜድኖ፤ ያቆብ ሄዋንታ ሰኬማን ደእያ ዎላ ጋርሳን ሞጌዳ።
GEN 35:5 ሄዋፐ ጉየ፥ ያቆብነ አ አቱማ ናናይ ደንዲደ ቢሽን፥ እት ኡራይነ ኡንቱንታ ኦይቃናዉ ካልቤና፤ አያዉ ጎፐ፥ ኡንቱንቱ ቢሽን፥ ኡንቱንቱ ዩሹዋን ደእያ ካታማ አሳ ኡባ ቦላ ጾሳ ዳጋማይ ዎꬌዳ።
GEN 35:6 ያቆብነ አናና ደእያ አሳይ ኡባይ ካናነ ጋድያን ደእያ (ቤቴለ ግያ) ሎዛ ጋኬድኖ።
GEN 35:7 ያን እ ያርሽያ ሳኣ ኬጼዳ፤ እ ሄ ሳኣ ኤል-ቤቴለ ጊደ ሱንꬄዳ፤ አያዉ ጎፐ፥ እ ባረ እሻፐ ባቃቲደ ብያ ዎደ፥ ጾሳይ አዉ ቆንጬዳ ሳአይ ሄዋ።
GEN 35:8 ርብቆ ድችያ ደቦራ ያን ሀይቃዱ፤ ቤቴለፐ ህርክና ደእያ ዎላ ጋርሳን እዛ ሞገታዱ፤ ሄዋ ድራዉ ሄ ምꬃ ሱንꬃይ ዬኩዋ ዎላ ጌተቴዳ።
GEN 35:9 ያቆብ ማስጰጾምያፐ ስሜዳዋፐ ጉየ፥ ጾሳይ አዉ ዛረꬅ ቆንጪደ፥ አ አንጄዳ፤
GEN 35:10 ጾሳይ አ፥ “ነ ሱንꬃይ ያቆባ፤ ሽን ሀዋፐ ስንꬃናዉ ኔን ኡባካ ያቆባ ጌተታካ፤ ነ ሱንꬃይ እስራኤልያ ግዳና” ያጊደ እ አ እስራኤልያ ሱንꬄዳ።
GEN 35:11 ቃይ ጾሳይ ያቆባ፥ “ታን ኡባ ዳንዳይያ ጾሳ፤ ኔን የለታ፤ ጮራታ፤ ካዉተꬃቱነ ካዉተꬃ አሳይ ኔፐ ከሳና፤ ካተቱካ ነ ጉልባታፐ ከሳና።
GEN 35:12 ታን አብራሃመዉነ ይሳቃዉ እሜዳ ቢታ፥ ቃይ ነዉ እማይ፤ ኔፐ ጉየና ታን ሀ ቢታ ነ ዘረꬃዉ እማና” ያጌዳ።
GEN 35:13 ሄዋፐ ጉየ፥ ጾሳይ አናና ሃሳዬዳ ሳኣፐ ፑደ ከሴዳ።
GEN 35:14 ያቆብ ጾሳይ ባረናና ሃሳዬዳ ሳኣን ሹቻ ኤሲደ፥ አ ቦላ ኡሻ ያርሹዋ ትጌዳ፤ ዛይትያካ ቦላ ትጌዳ።
GEN 35:15 ያቆብ ጾሳይ ባረናና ሃሳዬዳ ሳኣ “ቤቴለ” ጊደ ሱንꬄዳ።
GEN 35:16 ኡንቱንቱ ሄዋፐ ጉየ፥ ቤቴለፐ ደንዴድኖ። ኡንቱንቱ ኤፍራታ ጋካናዉ ላፋ አሽያ ዎደ፥ ራሄሎ የሉ ኦይቄዳ፤ የሉዋን እዛ ሎይꬃ ዋየታዱ።
GEN 35:17 የሉ እዞ ዋይሴዳ ዎደ እዞ የልስያና፥ “ያዮፓ፤ ሀዌካ አቱማ ናኣ” ያጋዱ።
GEN 35:18 ሽን እዛ ሀይቃደ፥ ሸምፑ ከስሽን፥ ባረ ናኣ ቤንኦና ሱንꬃዱ፤ ሽን አ አዉ አ ቢንያማ ሱንꬄዳ።
GEN 35:19 ሄዋፐ ጉየ፥ ራሄላ ሀይቃ ባሻዱ፤ ቤተሌመ ግያ ኤፍራታ አፍያ ኦግያ ዶናን ሞገታዱ።
GEN 35:20 ያቆብ እዝ ዱፉዋን ሀዉልትያ ሹቻ ኤሴዳ፤ ሄ ሀዉልቲ ሀቼ ጋካናዉ ራሄል ዱፉዋ ኤርሴ።
GEN 35:21 እስራኤሊ ሄዋፐ ደንዲደ፥ ኤደራ ግምቢያፐ ሄፍንꬃን ባረ ዱንካንያ ቶኬዳ።
GEN 35:22 እስራኤሊ ሄ ጋድያን ደእሽን፥ ሮቤል ቢደ፥ ባረ አዎ የሌዳ ቆማቲ ባልና ግሴዳ። እስራኤሊ ሀ የዉዋ ስሴዳ። ያቆባ አቱማ ናናይ ታማነ ላአ።
GEN 35:23 ልያ ናናይ ያቆባ ባይራ ናኣ ሮቤላ፥ ስሞና፥ ሌዋ፥ ይሁዳ፥ ይሳኮራነ ዛብሎና።
GEN 35:24 ራሄል አቱማ ናናይ ዮሴፋነ ቢንያማ።
GEN 35:25 ራሄል ዳንጋጽራት ባል አቱማ ናናይ ዳናነ ንፍታሌማ።
GEN 35:26 ልያ ዳንጋጽራት ዝልፕ አቱማ ናናይ ጋዳነ አሴራ። ሀዋንቱ ማስጰጾምያን ያቆባዉ የለቴዳ አ አቱማ ናና።
GEN 35:27 ያቆብ (ከብሮና ግያ) ቅርያት-አርባአ ማታን ማምረን ደእያ፥ ባረ አዉዋ ይሳቃ ሶ ዬዳ፤ ሄ ሳአይ ካሰ አብራሃመነ ይሳቅ ደኤዳ ሳኣ።
GEN 35:28 ይሳቅ ጼታነ ሆስፑን ታሙ ላይꬃ ደኤዳ፤
GEN 35:29 እ ዳሮ ዎድያ ደኢደ፥ ሎኦ ጭም ሀይቂደ ባረ ማይዛን ጋከቴዳ። አ ናናይ ኤሳይነ ያቆብ አ ሞጌድኖ።
GEN 36:1 ኤዶማ ግያ ኤሳ የለታይ ሀዋፐ ካሊደ ጻፈቴዳዋ።
GEN 36:2 ኤሳይ ካናነ ቢታ ማጫ ናናቱዋፐ ባረዉ ማቼቱዋ አኬዳ፤ ኡንቱንቱነ ሂትያ ኤሎና ናቶ አዶ፥ ሂውያ ጽባኦና ናአይ አን የሌዳ ኦሆሊባሞነ
GEN 36:3 እስማኤላ ናቶ፥ ናባዮታ ምቻቶ ባሰማቶ።
GEN 36:4 አዳ ኤሳዉ ኤልፋዛ የላዱ፤ ባሰማታካ ራኡኤላ የላዱ፤
GEN 36:5 ኦሆሊባማ ያኡሻ፥ ያእላማነ ቆራሀ የላዱ፤ ካናነ ጋድያን ኤሳዉ የለቴዳ አቱማ ናናይ ሀዋንታ።
GEN 36:6 ኤሳይ ባረ ማቼቱዋ፥ ባረ አቱማ ናናነ ማጫ ናና፥ ባረ ሶ አሳ ኡባ፥ ባረ ሚዛቱዋነ ባረ መህያ ኡባ ካናነ ጋድያን እ ሞዴዳዋ ኡባ አኪደ፥ ባረ እሻ ያቆባፐ ሃክያ ጋድያ ቤዳ።
GEN 36:7 ኡንቱንቱ ማጹ ዳሬዳ ድራዉ፥ ኡንቱንቱ እትፐ ደአናዉ ዳንዳይበይክኖ፤ ኡንቱንቱ መሂ ዳሬዳ ድራዉ፥ ኡንቱንቱ ደእያ ቢታይ ኡንቱንቱ መህያው ግዳናዉ ዳንዳይቤና።
GEN 36:8 ያትና ኤዶማ ግያ ኤሳይ ሰኢራ ግያ ገዝያን ኡቴዳ።
GEN 36:9 ሰኢራ ገዝያን ደኤዳ ኤዶማቱዋ አዉዋ ኤሳ የለታይ ሀዋፐ ካሊደ ጻፈቴዳዋ።
GEN 36:10 ሀዌ ኤሳ አቱማ ናና ሱንꬃ፤ ሄዋንቱነ ኤሳ ማቻት አድ ናኣ ኤልፋዛነ ኤሳ ማቻት ባሰማት ናኣ ራኡኤላ።
GEN 36:11 ኤልፋዛ ናናይ ተማና፥ ኦማራ፥ ጻፋ፥ ጋእታማነ ቃናዛ።
GEN 36:12 ቃይ ትምናአ ኤሳ ናኣ ኤልፋዛዉ ቆማቱዋ፤ እዛ ኤልፋዛዉ አማሌቃ የላዱ። ሀዋንቱ ኤሳ ማቻት አድ ናኣ ናና።
GEN 36:13 ራኡኤላ አቱማ ናናይ ናሃታ፥ ዛራሀ፥ ሻማነ ሚዛ፤ ሀዋንቱ ኤሳ ማቻት ባሰማት ናኣ ናና።
GEN 36:14 ጽባኦና ናአይ አን የሌዳ ኦሆሊባማ አቱማ ናናይ ሀዋንታ፤ እዛ ኤሳዉ ያኡሻ፥ ያእላማነ ቆራሀ የላዱ።
GEN 36:15 ኤሳ የለታ ካፓቱ ሀዋፐ ካሊደ ጻፈቴዳዋንታ። ኤሳዉ ባይራ ናኣ ኤልፋዛ አቱማ ናናይ፥ ካፑዋ ግዴዳዋንቱ ተማና፥ ኦማራ፥ ጻፋ፥ ቃናዛ፥
GEN 36:16 ቆራሀ፥ ጋእታማነ አማሌቃ፤ ኤዶማ ቢታን ኤልፋዝ የሌዳ ካፓቱ ሀዋንታ፤ ሀዋንቱ ኡባይ አድ ናኣ ናና።
GEN 36:17 ኤሳ ናኣ ራኡኤላ አቱማ ናናይ፥ ካፑዋ ግዴዳዋንቱ ናሃታ፥ ዛራሀ፥ ሻማነ ሚዛ፤ ኤዶማ ቢታን ራኡኤል የሌዳ ካፓቱ ሀዋንታ፤ ኡንቱንቱ ኤሳ ማቻት ባሰማት ናኣ ናና።
GEN 36:18 ኤሳ ማቻት ኦሆሊባም አቱማ ናናይ፥ ካፑዋ ግዴዳዋንቱ ያኡሻ፥ ያእላማነ ቆራሀ፤ ኡንቱንቱ አና ናት፥ ኤሳ ማቻት ኦሆሊባምፐ የለቴዳ ካፓቱዋ።
GEN 36:19 ኤዶማ ግያ ኤሳ አቱማ ናናይ ሀዋንታ፤ ኡንቱንቱ ካፓቱካ ሀዋንታ።
GEN 36:20 ኤዶማ ጋድያን ደእያ ሆርያ ሰኢራ አቱማ ናናይ ሀዋፐ ካሊደ ጻፈቴዳዋንታ፤ ሄዋንቱካ ሎጻና፥ ሾባላ፥ ጽባኦና፥ አና፥
GEN 36:21 ድሾና፥ ኤጼራነ ድሻና፤ ሄዋንቱ፥ ኤዶማ ጋድያን ደእያ ሰኢራ አቱማ ናናይ፥ ሆረቱዋ ካፓቱዋ።
GEN 36:22 ሎጻና አቱማ ናናይ ሆራነ ሄማማ፤ ሎጻና ምቻታ ትምናኦ።
GEN 36:23 ሾባላ አቱማ ናናይ አልዋና፥ ማናሃታ፥ ኤባላ፥ ሸፋነ ኦናማ።
GEN 36:24 ጽባኦና አቱማ ናናይ አያነ አና፤ ሀዌ አን ዎራን ባረ አዉዋ ጽባኦና ሀረቱዋ ሄሚደ ሃꬃ ቦልኡዋ ደሜዳዋ።
GEN 36:25 አና ናአይ ድሾና፤ ናታ ቃይ ኦሆሊባሞ።
GEN 36:26 ድሾና አቱማ ናናይ ሄምዳና፥ ኤሽባና፥ ይትራናነ ካራና።
GEN 36:27 ኤጼራ አቱማ ናናይ ብልሃና፥ ዛእዋናነ አቃና።
GEN 36:28 ድሻና አቱማ ናናይ ኡጻነ አራና።
GEN 36:29 ሆረቱዋ ካፓቱ ሀዋንታ፤ ሎጻና፥ ሾባላ፥ ጽባኦና፥ አና፥
GEN 36:30 ድሾና፥ ኤጼራነ ድሻና። ሀዋንቱ ሰኢራ ቢታን ባረንቱ ያራን ያራን ሻከቴዳ ሆረቱዋ ካፓቱዋ።
GEN 36:31 እስራኤላን ካቲ ካዉታናፐ ካሰ ኤዶማ ቢታን ካተቴዳ ካተቱ ሀዋፐ ካሊደ ጻፈቴዳዋንታ።
GEN 36:32 ባኦራ ናአይ በላእ ኤዶማን ካተቴዳ፤ አ ካታማ ሱንꬃይ ድናባ ጌተቴ።
GEN 36:33 በላእ ሀይቂና፥ ቦጽራፐ ዬዳ ዛራሀ ናአይ ዮባብ ካተቴዳ።
GEN 36:34 ዮባብ ሀይቂና፥ ተማና ቢታፐ ዬዳ ሁሻም ካተቴዳ።
GEN 36:35 ሁሻም ሀይቂና፥ ባዳዳ ናአይ ሀዳድ፥ ምድያማ አሳ ሞኣበ ጋድያን ጾኔዳዌ ካተቴዳ፤ አ ካታማ ሱንꬃይ አዊታ ጌተቴዳ።
GEN 36:36 ሀዳድ ሀይቂና፥ ማስሬቃፐ ዬዳ ሳምል ካተቴዳ።
GEN 36:37 ሳምል ሀይቂና፥ ሻፋ ማታን ደእያ ራሆቦታፐ ዬዳ ሻኡል ካተቴዳ።
GEN 36:38 ሻኡል ሀይቂና፥ አክቦራ ናአይ ባኣልሀናን ካተቴዳ።
GEN 36:39 አክቦራ ናኣ ባኣልሀናን ሀይቂና፥ ሀዳር ካተቴዳ፤ አ ካታማ ሱንꬃይ ፓኡ ጌተቴ፤ አ ማቻታ መዛሃባ ናታ ማጽሬዳ የሌዳ ማሄጻብኤሎ ጌተታዉ።
GEN 36:40 ኤሳ የለታ ካፓቱ ባረንቱ ያራን ያራን፥ ባረንቱ ሳኣን ኤለካ ባረንቱ ሱንꬃን ሱንꬃን ሀዋንታ፤ ትምናአ፥ አልዋ፥ የቴታ፥
GEN 36:41 ኦሆሊባማ፥ ኤላ፥ ፒኖና፥
GEN 36:42 ቃናዛ፥ ተማና፥ ምብጻራ፥
GEN 36:43 ማግድኤላነ እራማ። ሀዋንቱ ባረንቱ ሞድያ ቢታን፥ ባረንቱ ደእያ ሳኣን ደእያ ሳኣን ኤዶማ ካፓቱዋ። ሀዌ ኤሳይ፥ ኤዶማቱዋ አዉዋ።
GEN 37:1 ያቆብ ባረ አዉ ደኤዳ ካናነ ቢታን ኡቴዳ።
GEN 37:2 ያቆባ ናናይ ሀኔዳባይ ሀዋፐ ካሊደ ጻፈቴዳዋ። ዮሴፎ ታማነ ላፑን ላይꬃ ናኣ ግዴዳ ዎደ፥ ባረ አዎ ሀራ ማቼቱዋፐ፥ ባልፐነ ዝልፕፐ የለቴዳ ባረ እሻቱዋና ዉድያ ሄመ። ሄ ዎደ እ ባረ አዎ ኡንቱንቱ ኦꬄዳ ኢታባ ኦዴዳ።
GEN 37:3 እስራኤሊ ዮሴፋ ጭሚደ የሌዳ ድራዉ፥ ባረ ሀራ አቱማ ናና ኡባፐ አꬂደ ሲቄ። እ አዉ አሌቄዳ ማዩዋ ጊግሴዳ።
GEN 37:4 አ እሻቱ ባረንቱ አዉ አ ኡንቱንቱፐ አꬂደ ሲቅያዋ በኤዳ ዎደ፥ ኡንቱንቱ አ እጺደ፥ ሎኦ ቃላ አዉ ሃሳያናዉ ዳንዳይበይክኖ።
GEN 37:5 ዮሴፎ አኩሙዋ አኩመቲደ፥ ባረ እሻቶ ኦዴዳ፤ ኡንቱንቱ አ ያ ዳርሲደ እጼድኖ።
GEN 37:6 እ ኡንቱንታ፥ “ታን አኩመቴዳ አኩሙዋ ስስተ።
GEN 37:7 ኑን ጋደን ፖችያ ቃችሽን፥ ታ ምርቂ እት ኩꬃን ደንዲደ ስት ግ ኤቂሽና፥ ህንተንቱ ምርቀቱ ዩይ አꬊደ ታ ምርቂያዉ ጎይኔድኖ” ያጌዳ።
GEN 37:8 አ እሻቱ አ፥ “ኔን ኑ ቦላን ካተታና ሀናይዬ? ዎይ ኑና ቱሙ ሞዳና ሀናይዬ?” ያጌድኖ። ኡንቱንቱ አ አኩሙዋ ድራዉነ አ ኦዱዋ ድራዉ፥ ያ ዳርሲደ እጼድኖ።
GEN 37:9 ቃይ ዮሴፎ ሀራ አኩሙዋ አኩመቲደ፥ ባረ እሻቶ ኦዴዳ፤ “ስስተ፤ ታን ሀራ አኩሙዋካ አኩመታድ። ሄ አኩሙዋን አዋይ፥ አግናይነ ታማነ እት ጾልንተቱ ታዉ ጎይኒኖ” ያጌዳ።
GEN 37:10 ባረ አዎነ ባረ እሻቶ ሄ አኩሙዋ ኦዴዳ ዎደ፥ አ አዉ አ፥ “ሀዌ ኔን አኩመቴዳዌ አያ አኩሜ? ቱሙ ታን፥ ነ ዳያነ ነ እሻቱ ዪደ፥ ነ ስንꬃን ሳኣን ጉፋኒደ ነዉ ጎይናነየ?” ያጊደ ሴሬዳ።
GEN 37:11 አ እሻቱ አ ቃናቴድኖ፤ ሽን አ አዉ ሀ የዉዋ ባረ ዎዛናን ዎꬄዳ።
GEN 37:12 እት ጋላስ አ እሻቱ ሰኬማ ማታን ባረንቱ አዉዋ ዶርሳ ሄማናዉ ቤድኖ።
GEN 37:13 እስራኤሊ ዮሴፋ፥ “ነ እሻቱ ሰኬማን ዉድያ ሄምያዋ ኤራሳ። ሃያ፤ ታን ኔና ኡንቱንቱኮ ኪታና” ያጌዳ። ዮሴፎ፥ “ኤኖ” ያጌዳ።
GEN 37:14 እ አ፥ “ባ፤ ነ እሻቱዋነ ዉዲ ሳራ ግድያዋ በአ፤ ኡንቱንቱባ ታዉ ኦዳሳ” ያጌዳ። አ ከብሮና ድልባፐ ኪቴዳ። እ ሰኬማ ቤዳ።
GEN 37:15 ያን ደምባ ግዶን ያ ሃ ስመረትሽን፥ እት አሳይ አ ደሚደ፥ “ላ አያ ኮያይ?” ያጊደ ኦቼዳ።
GEN 37:16 እ፥ “ታ እሻቱዋ ኮያይ፤ ኡንቱንቱ ዉድያ ሄምያ ሳአይ ሀቃነንቶ ሀያና ታዉ ኦዳርኪ!” ያጌዳ።
GEN 37:17 ብታኒ፥ “ሀዋፐ ደንድ ክቼድኖ፤ ኡንቱንቱ፥ ‘ኑን ዶታና በቶ’ ጊሽን ስሳድ” ያጌዳ። ሄዋ ድራዉ፥ ዮሴፎ ባረ እሻቱዋ ጌዱዋ ቢደ፥ ኡንቱንታ ዶታናን ደሜዳ።
GEN 37:18 ሽን እ ሃኩዋን ደእሽን፥ ኡንቱንቱ አ በኤድኖ፤ እ ኡንቱንቱኮ ጋከናን ደእሽን፥ ኡንቱንቱ አ ዎꬋናዉ አ ቦላ ማቀቴድኖ።
GEN 37:19 እቱ እቱዋ፥ “በእተ! አኩሙዋው የ።
GEN 37:20 ሃይተ፤ አ ዎꬊደ፥ ሀ ኦላቱዋፐ እቱዋ ግዶ የጎይተ። ሄዋፐ ጉየ፥ ‘ኢታ ዶአይ አ ሜዳ’ ያጋና፤ ያቲደ አ አኩሙ አህያዋ በአና” ያጌድኖ።
GEN 37:21 ሮቤል ሄዋ ስሴዳ ዎደ፥ ኡንቱንቱ ኩሽያፐ አ አሻናዉ ኮዪደ፥ “አ ዎናን አጎይተ።
GEN 37:22 ሱꬃ ጉሶፕተ፤ አ ህንተንቱ ዎራን ደእያ ሀ ኦላ ግዶ ኦልተ፤ አ ቦላ ኩሽያ ዎꬆፕተ” ያጌዳ። ሮቤል ሀዋ አ ኡንቱንቱፐ አሺደ ጉየ አ አዉዋኮ የዳናዉ ጌዳ።
GEN 37:23 ዮሴፎ ባረ እሻቱዋኮ ጋኬዳ ዎደ፥ እ ማዬዳ አሌቄዳ ማዩዋ አፐ ቃር አኬድኖ፤
GEN 37:24 አ አፊደ ሃꬃይ ባይና መላ ኦላን የጌድኖ።
GEN 37:25 ኡንቱንቱ ባረንቱ ቁማ ማናዉ ኡት ደእሽን፥ እስማኤላ አሳቱ ግብጼ ባናዉ ጋላኣደፐ ይያዋንታ ꬎቁ ጊደ በኤድኖ፤ ኡንቱንቱ ባረንቱ ጋሉዋን ሳዉዋ፥ ባላሳነ ግያ ꬋልያነ ካርቢያ ጫን ዎꬄድኖ።
GEN 37:26 ይሁዳይ ባረ እሻቱዋ፥ “ኑን ኑ እሻ ዎꬊደ አ ሱꬃ ቆስያዋ ግዶፐ ኑና አያ ጎኢ?
GEN 37:27 ሃይተ፤ አ እስማኤላቶ ዛልኦይተ፤ አ ቦላ ኑ ኩሽያ ዎꬆኮ፤ አያዉ ጎፐ፥ እ ኑ እሻ፥ ኑ አሹዋ” ያጌዳ። አ እሻቱ ማየቴድኖ።
GEN 37:28 ሄዋ ድራዉ ምድያማ ቢታ ዛልአንቻቱ ሄዋና አꬍሽን፥ አ እሻቱ ዮሴፋ ኦላፐ ከሲደ፥ እስማኤላ አሳቶ ላታሙ ጻጋራ ብራን ዛልኤድኖ። ኡንቱንቱ ዮሴፋ ግብጼ ጋድያ አፌድኖ።
GEN 37:29 ሮቤል ኦላኮ ስሚደ፥ ዮሴፎ ያን ባይናዋ በኤዳ ዎደ፥ ካዮቲደ ባረ ማዩዋ ፖሼዳ።
GEN 37:30 እ ጉየ ባረ እሻቱዋኮ ቢደ፥ “ናአይ ያን ባዋ፤ ሀእ ታን ሀቃ ቦሻ!” ያጌዳ።
GEN 37:31 ሄዋፐ ጉየ ኡንቱንቱ ዮሴፎ ማዩዋ አኪደ፥ ዴሻ ኦርግያ ሹኪደ፥ ሄ ሱꬃን ናቄድኖ።
GEN 37:32 አሌቄዳ አ ማዩዋ ባረንቱ አዉዋኮ አፊደ አ፥ “ኑን ሀዋ ደሜዶ፤ ሀዌ ነ ናኣ ማየንቶነ አነ ጼላ” ያጌድኖ።
GEN 37:33 ማዩዋ እ ኤሪደ፥ “ሀዌ ታ ናኣ ማዩዋ! ዎራ ዶአይ አ ም ድጌዳ። ዮሴፎ ቱሙካ ዱጸረት ክቼዳ” ያጌዳ።
GEN 37:34 ያቆብ ካዮቲደ፥ ባረ ማዩዋ ፔꬌዳ፤ ባረ ጼሳን ዋሩዋ ዳንጪደ፥ ባረ ናአዉ ዳሮ ጋላሳ ዬኬዳ።
GEN 37:35 አ አቱማ ናናይነ ማጫ ናናይ ኡባይ አ ምንꬃናዉ ዬድኖ፤ ሽን እ ምነናን እጺደ፥ “ቱይት፥ ታን ዬካደ ታ ናኣኮ ባደ፥ ዱፉዋን ገላና” ያጊደ፥ አ አዉ አዉ ዬኬዳ።
GEN 37:36 ሄ ዎደ ሚድያማ ቢታ አሳቱ ዮሴፋ ግብጼ ካትያ ኦሳንቻ ጶጽፋራዉ ግብጼን ዛልኤድኖ፤ እ ናግያዋንቱ ካፑዋ።
GEN 38:1 ሄ ዎደ ይሁዳይ ባረ እሻቱዋፐ ሻከቲደ፥ አዱላማ ግያ ካታማን ደእያ ሂራ ግያ ብታንያና ደአናዉ ቤዳ።
GEN 38:2 ያን ይሁዳይ ሹአ ግያ ካናነ ናትና ጋከቴዳ፤ እ እዞ አኬዳ።
GEN 38:3 እዛ አዉ ሻሃራደ አቱማ ናኣ የላዱ፤ አ ኤራ ሱንꬃዱ።
GEN 38:4 ቃይካ ሻሃሮ ዎደ አቱማ ናኣ የላዱ፤ አ ኦናና ሱንꬃዱ።
GEN 38:5 ቃይ ጉጃደካ አቱማ ናኣ የላዱ፤ አ ሼላ ሱንꬃዱ። እዛ የሌዳዌ አክዚባ ግያ ቢታና።
GEN 38:6 ይሁዳይ ባረ ባይራ ናኣ ኤራዉ ትእማሮ ግያ ማቻቶ እሜዳ።
GEN 38:7 ይሁዳ ባይራ ናአይ፥ ኤር፥ መꬍና ጎዳ ስንꬃን ኢታ አሳ ግድያ ድራዉ፥ መꬍና ጎዳይ አ ዎꬌዳ።
GEN 38:8 ይሁዳይ ኦናና፥ “ነ እሻ ማቻትኮ ገላደ፥ እዞ አካ፤ ነ እሻዉ ናኣ የላደ አ ጼስሳ” ያጌዳ።
GEN 38:9 ሽን ኦናን የለትያ ናናይ ባረዋንታ ግደናዋ ኤሬዳ፤ ሄዋ ድራዉ ባረ እሻ ማቻትና ግስያ ዎደ አዉደነ፥ ባረ እሻዉ ናእ የለተና ማላ፥ ባረ ዘረꬃ ቢታን ጉሴ።
GEN 38:10 እ ኦꬄዳባይ መꬍና ጎዳ ስንꬃን ኢታባ ግዴዳ ድራዉ፥ መꬍና ጎዳይ አካ ዎꬌዳ።
GEN 38:11 ሄዋፐ ጉየ፥ ይሁዳይ ባረ ናኣ ማቻቶ ትእማሮ፥ “ታ ናአይ ሼል ድጫና ጋካናዉ ነ አዉዋ ሶ ባደ፥ አምኤተꬃን ደአሻ” ያጌዳ። ሄዋ እ አያዉ ጌደ ጎፐ፥ እካ ባረ እሻቱዋዳን ሀይቃነንቶነ ጊደ ህርጌዳ ድራሳ። ሄዋ ድራዉ ትእማራ ባደ ባረ አዉዋ ሶን ደኣዱ።
GEN 38:12 ዳሮ ዎድያፐ ጉየ ይሁዳ ማቻታ፥ ሹአ ናታ ሀይቃዱ። ይሁዳይ ባረ ካዩዋፐ ምነቴዳ ዎደ፥ ባረ ዶርሳ እስክያ ሜድያ አሳቱዋኮ ትምና ከሴዳ፤ ቃይ አ ላገ፥ አዱላምያ ሂር አናና ቤዳ።
GEN 38:13 አሳይ ትእማሮ፥ “በአ፤ ነ ቦሉ ይሁዳይ፥ ባረ ዶርሳቱዋ እስክያ ሜዳናዉ ትምና ከሴዳ” ያጊደ ኦዴዳ።
GEN 38:14 እዛ ባረ አምኤተꬃ ማዩዋ ቃራዱ፤ ባረና ባለꬃናዉ ሻሽያ አካደ ጉሎታዱ። ትምና አፍያ ኦግያ ዶናን ደእያ ኤናይማ ካታማ ፐንግያን ኡታዱ። ሄዋ እዛ ኦꬄዳዌ፥ ሼል ድጭ ጋክንካ እዛ አዉ ማቻቶ ግዳናዉ እመታቤናዋ ኤሬዳ ድራሳ።
GEN 38:15 ይሁዳይ እዞ በኤዳ ዎደ፥ ሻርሙጻቶ ጊደ ቆፔዳ፤ አያዉ ጎፐ፥ እዛ ባረ ዴሙዋ ጉሎታ ኡታዱ።
GEN 38:16 ባረ ናኣ ማቻቶ ግድያዋ ኤረናን ደኢደ፥ ኦግያ ጋጻ ኢኮ ሺቂደ እዞ፥ “ታናና ግሳርኪ!” ያጌዳ። እዛ፥ “ታን ኔናና ግሶፐ፥ ኔን ታዉ አያ እማኒ?” ያጋደ ኦቻዱ።
GEN 38:17 እ፥ “ታን ታ ዉድያፐ እት ዴሻ ማራ ነዉ የዳና” ያጌዳ። እዛ፥ “ኔን ሄዋ ታዉ የዳና ጋካናዉ አያ ኦꬃኒ?” ያጋዱ።
GEN 38:18 እ፥ “አያ ኦꬆ?” ያጌዳ። እዛ፥ “ነ ማታፋ ዎꬅያ ምግዱዋ፥ አ አꬅያ ሳቂያነ ነ ኩሽያን ደእያ ጋትማ ኦይꬃ” ያጋዱ። እ ሄዋንታ እሚደ፥ እዝና ግስና፥ እዛ አዉ ሻሃራዱ።
GEN 38:19 እዛ ሄዋፐ ደንዳደ ቤዳዋፐ ጉየ፥ ባረ ጉሎꬃ ሻሽያ ቃራደ፥ ባረ አምኤተꬃ ማዩዋ ማያዱ።
GEN 38:20 ይሁዳይ ባረ ኦይꬄዳዋ ሄ ምሽራትፐ ዛር አካናዉ ዴሻ ማራ ባረ ላግያ አዱላማ ቦላ እዝዉ ኪቴዳ፤ ሽን እ እዞ ደምቤና።
GEN 38:21 እ ሄ ቢታ አሳ፥ “ኤናይማ ካታማን፥ ኦግያ ዶናን ኡቴዳ ሻርሙጻ ምሽራታ ሀቃኔ?” ያጊደ ኦቼዳ። አሳይ፥ “ሻርሙጻ ማጫውና ሀዋን ኡባካ ባዋ” ያጌዳ።
GEN 38:22 እ ይሁዳኮ ስሚደ አ፥ “ታን እዞ ደማበይከ፤ ሄዋ ቦላካ ሄ ቢታ አሳይ፥ ‘ሻርሙጻ ማጫውና ሀዋን ኡባካ ባዋ’ ያጌዳ” ያጌዳ።
GEN 38:23 ይሁዳይ፥ “ባረ ኦይቄዳዋ ባረዉ አኩ፤ ሄዌ ꬋዮፐ፥ አሳይ ኑና ሚጫና። ስም ታን እዝዉ ዴሻ ማራ የዳድ፤ ሽን ኔን እዞ ደማበይካ” ያጌዳ።
GEN 38:24 ሄዙ አግና ኬሻፐ ጉየ አሳይ፥ “ነ ናኣ ማቻታ ትእማራ ሻርሙጻደ ሻሃራዱ” ያጊደ ይሁዳዉ ኦዴዳ። ይሁዳይ፥ “እዞ ካረ ከሲደ ታማን ጹግተ” ያጌዳ።
GEN 38:25 እዞ ካረ ከስያ ዎደ፥ “ታን ሻሃሬዳዌ ሀ ሚሻ ጎዳሳ፤ በአ፤ ሀ ማታፋ ዎꬅያ ምግዱ፥ አ አꬅያ ሳቂነ ጋትማይ ኦዌንቶ ኤራና ዳንዳዮፐ ኤራ” ያጋደ ባረ ቦሎ ኪታ ኪታዱ።
GEN 38:26 ይሁዳይ ሄ ሚሻቱዋ ኤሪደ፥ “ታፐ እዛ ጽላ፤ አያዉ ጎፐ፥ ታን እዞ ታ ናኣ ሼላዉ እማበይከ” ያጌዳ። ሄዋፐ ጉየ፥ እ እዝና ዛር ግስቤና።
GEN 38:27 እዛ የላና ሀንያ ዎደ፥ እዝ ኡሉዋን ማንተ አቱማ ናናይ ደኢኖ።
GEN 38:28 እዛ የልሺን፥ ኡንቱንቱፐ እቱ ባረ ኩሽያ ከሴዳ፤ ማርስያና፥ “በእተ፤ ሀዌ ኮይሮ ከሴዳ” ጋናዉ ዞኦ ቁንጩትያ አካደ አ ኩሽያን ቃቻዱ።
GEN 38:29 ሽን እ ባረ ኩሽያ ጉየ አኬዳ ዎደ፥ አ እሻይ ከሴዳ፤ እዛ፥ “ኔን ዋና ፖርꬁ ጋደ ከሳዲ!” ያጋዱ። ሄዋ ድራዉ፥ ፓሬሳ ጋደ አ ሱንꬃዱ።
GEN 38:30 ሄዋፐ ጉየ፥ አ ኩሽያን ዞኦ ቁንጩቲ ደእያ አ እሻይ ከሴዳ፤ አ ሱንꬃይ ዛራሀ ጌተቴዳ።
GEN 39:1 እስማኤላ አሳቱ ዮሴፋ ግብጼ አፍ ዎꬄድኖ። ግብጻዌ ጶጽፋር፥ ካትያ ኦሳንቻቱዋፐ እቱ፥ ናግያዋንቱ ካፑ ዮሴፎ እስማኤለቱዋፐ ሻሜዳ።
GEN 39:2 መꬍና ጎዳይ ዮሴፎና ደኤ፤ ሄዋ ድራዉ፥ እ ኦꬅያዋ ኡባ አዉ እንጀዬዳ፤ ያትና ባረ ጎዳ፥ ግብጻዊያ ሶን ደኤዳ።
GEN 39:3 መꬍና ጎዳይ አናና ደእያዋነ መꬍና ጎዳይ እ ኦꬄዳዋ ኡባ አዉ ሱርስያዋ ጶጽፋር በኤዳ ዎደ፥
GEN 39:4 ዮሴፎ አ ስንꬃን ናሸቴዳ፤ እ አዉ ኪተቴዳ። ጶጽፋር አ ባረ ጎለ አሳ ቦላ ሱንꬄዳ፤ ባረዉ ደእያዋ ኡባ አ ኩሽያን ዎꬄዳ።
GEN 39:5 ጶጽፋር ባረ ጎለን ደእያዋ ኡባ ቦላነ ባረ ማጹዋ ኡባ ቦላ ሱንꬄዳ ዎድያፐ ዶሚደ፥ መꬍና ጎዳይ ግብጼ ብታንያ ጎሊያ ዮሴፎ ድራዉ አንጄዳ። መꬍና ጎዳ አንጁ ጶጽፋራ ሶንነ ጋደን ደኤዳ ኡባባ ቦላ ዎꬌዳ።
GEN 39:6 ሄዋ ድራዉ ባረዉ ደእያ ኡባባ ዮሴፎዉ ሼꬌዳ፤ እ ባረ ምያ ቁማፐ አትና፥ አይነ ቆፐና። ዮሴፎ ጌሳንቻነ ማላ ሎኦ አሳ።
GEN 39:7 አማሬዳ ዎድያፐ ጉየ፥ አ ጎዳ ማቻታ ዮሴፋ ጼላ በኣደ፥ “ሃያ፤ ታናና ግሳ” ያጋዱ።
GEN 39:8 ሽን እ እጼዳ። ባረ ጎዳ ማቻቶ፥ “በአ፤ ታ ጎዳይ ታዉ ሼꬊደ ባረ ሶን ደእያባዉ አያዉነ ህርገና፤ ባረዉ ደእያዋ ኡባ ታ ኩሽያን ዎꬄዳ።
GEN 39:9 ሀ ሶን ታፐ ግታትያዌ ኦንነ ባዋ። ኔን አ ማቻቶ ግድያ ድራዉ ነ ጻላላፐ አትና፥ ታ ጎዳይ ታዉ እምቤናባይ ባዋ። ያትና ታን ዋታደ ሀዋ ማላ ዳሮ ኢታባ ሀናደ ጾሳ ቦላ ናጋራ ኦꬆ?” ያጌዳ።
GEN 39:10 እዛ ሀ የዉዋ ሀቼ ሀቼ ዮሴፎዉ ኦዶፐነ፥ እ እዝና ግሰናን ዎይ እዝ ማታን ኡተናን እጼዳ።
GEN 39:11 እት ጋላስ እ ባረ ኦሱዋ ኦꬃናዉ ሶ ገልያ ዎደ፥ ሶ ቆማቱዋፐ ኦንነ ሶን ባዋ።
GEN 39:12 እዛ ዮሴፎ አፍላ ኦይቃደ፥ “ታናና ግሳ” ያጋዱ። ሽን እ ባረ አፍላ እ ኩሽያን የጊደ፥ ሶፐ ካረ ዎጺደ ከሴዳ።
GEN 39:13 ዮሴፎ ባረ አፍላ እ ኩሽያን የጊደ፥ ሶፐ ካረ ዎጽ ከሶዋ እዛ በኤዳ ዎደ፥
GEN 39:14 ባረ ሶ ቆማቱዋ ጼሳደ ኡንቱንታ፥ “በእተ፤ ታ አስናይ አሄዳ ሀ እብራዌ ብታኒ ታና ባለꬅ ድጊደ አሼዳ፤ እ ታናና ግሳናዉ ሀዋ ገሌዳ፤ ሽን ታን ታ ኮሻ ꬎቂሳደ ዋሳድ።
GEN 39:15 ታን ዋስና ስሴዳ ዎደ፥ እ ባረ አፍላ ታ ማታን የጊደ፥ ሶፐ ካረ ዎጺደ ከሴዳ” ያጋዱ።
GEN 39:16 አ ጎዳይ ሶ ያና ጋካናዉ እዛ ዮሴፎ አፍላ ባረ ማታን ዎꬃዱ።
GEN 39:17 ሄዋፐ ጉየ፥ እዛ አዉ ሀዋዳን ያጋደ ኦዳዱ፤ “ሄዌ ኔን ኑዉ አሄዳ እብራዌ አይሊ ታናና ግሳናዉ ታኮ ገሌዳ፤
GEN 39:18 ሽን ታን ታ ቃላ ꬎቂሳደ ዋሶዌ፥ ባረ አፍላ ታ ማታን የጊደ፥ ሶፐ ካረ ዎጼዳ” ያጋዱ።
GEN 39:19 አ ጎዳይ ባረ ማቻታ፥ “ነ አይሊ ታና ሀዋዳን ኦꬄዳ” ያጋደ ኦዴዳ ቃላ ስሲደ፥ ሀንቁዋን ፐንቴዳ።
GEN 39:20 ዮሴፋ አ ጎዳይ አፊደ፥ ካትያ ቃሹዋ ሳአይ ደእያ ቃሾ ጎለን የጌዳ።
GEN 39:21 ሽን ዮሴፎ ያን ቃሾ ጎለን ደእያ ዎደ፥ መꬍና ጎዳይ አናና ደኤ። እ አዉ ቃረቴዳ፤ ቃሾ ጎለ ካፑዋ ስንꬃን አዉ ናሹዋ እሜዳ።
GEN 39:22 ያትና ቃሾ ጎለ ካፑ ቃሹዋ አሳ ኡባ ዮሴፎ ኩሽያን ዎꬄዳ፤ ሄዋን ኦሰትያዋ ኡባ ኦꬅያዌ አ።
GEN 39:23 ቃሾ ጎለ ካፑ ዮሴፎ ኩሽያን ደእያባዉ አያዉነ ህርገና፤ አያዉ ጎፐ፥ መꬍና ጎዳይ አናና ደኤ፤ እ ኦꬅያዋካ ኡባ አዉ እንጀዬዳ።
GEN 40:1 አማሬዳ ዎድያፐ ጉየ፥ ግብጼ ካትያው ኤሳ ትግያዌነ ኡክꬃ ኡክያዌ ባረንቱ ጎዳ ግብጼ ካትያ ናቄድኖ።
GEN 40:2 ካቲ ኤሳ ትግያዋንቱ ካፑዋነ ኡክꬃ ኡክያዋንቱ ካፑዋ ላኡዋካ ሎይꬅ ሀንቀቴዳ።
GEN 40:3 ዮሴፎ ቃሸቴዳ ቃሾ ጎለን፥ ናግያዋንቱ ካፑዋ ሶን ኡንቱንታ ዎꬄዳ።
GEN 40:4 ናግያዋንቱ ካፑ ኡንቱንታ ዮሴፎዉ ሼꬌዳ፤ እ ኡንቱንቶ ኦꬄ። ኡንቱንቱ ቃሾ ጎለን አማሬዳ ዎድያ ኡቴድኖ።
GEN 40:5 ግብጼ ካትያዉ ኤሳ ትግያዌነ ኡክꬃ ኡክያዌ፥ ቃሾ ጎለን ደእያ ላአቱካ፥ እት ቃማ ዱማ ዱማ አኩሙዋ አኩመቴድኖ። ቃይ አኩሞቶ ሁጲያን ሁጲያን ኡንቱንቱ ብለꬃይ ደኤ።
GEN 40:6 ዮሴፎ ዎንታ ኡንቱንቱኮ ገሌዳ ዎደ፥ ካዮት ኡቴዳዋንታ በኤዳ።
GEN 40:7 ሄዋ ድራዉ ባረ ጎዳ ሶን ባረናና ቃሾ ጎለን ደእያ ካትያ ኦሳንቻቱዋ፥ “ሀቼ ህንተንቱ ደሙ አያዉ ꬉሜዴ?” ያጊደ ኦቼዳ።
GEN 40:8 ኡንቱንቱ አ፥ “ኑን ላኡ አኩሙዋ አኩመቴዶ፤ ሽን ኑዉ ብልያዌ ꬋዬዳ” ያጌድኖ። ዮሴፎ ኡንቱንታ፥ “አኩሙዋ ብለꬃይ ጾሳዋ ግደኔየ? ህንተንቱ አኩሙዋ ታዉ ኦድተ” ያጌዳ።
GEN 40:9 ኤሳ ትግያዋንቱ ካፑ ባረ አኩሙዋ ዮሴፎዉ ሀዋዳን ያጊደ ኦዴዳ፤ “ታን ታ አኩሙዋን እት ዎይንያ ቱራ ታ ስንꬃን በኣድ።
GEN 40:10 ቃይ ሄ ዎይንያ ቱራዉ ሄዙ ታሺ ደኤ። እ ማራ የሊደ፥ ጪሻ ጪሺደ፥ ዉርጩዋ ዉርጬዳ፤ ዉርጩነ ቴሬዳ።
GEN 40:11 ካትያ ዋንጫይ ታ ኩሽያን ደኤ፤ ታን ዎይንያ ቴራ አካደ፥ ካትያ ዋንጫን ጉምኣደ፥ ሄ ዋንጫ አ ኩሽያን ዎꬃድ” ያጌዳ።
GEN 40:12 ዮሴፎ፥ “ሄዋ ብርሸꬃይ ሀዋ፤ ሄዙ ታሸቱ ሄዙ ጋላሳቱዋ።
GEN 40:13 ሄዙ ጋላሳ ግዱዋን ካቲ ኔና ደንꬃና፤ እ ኔና ካሰ ነ ሱንꬃተꬃዉ ዛራና፤ ካሰ ኔን ኤሳ ትግያ ዎደ ኦꬄዳዋዳን፥ ኔን ካትያ ዋንጫ አ ኩሽያን ዎꬃና።
GEN 40:14 ሽን ነዉ ሳአይ ሎኤዳ ዎደ ታና ዶጎፓ፤ ታዉ ሎአ፤ ታባ ካትያዉ ኦዳደ፥ ሀ ቃሾ ጎልያፐ ታና ከስሳ፤
GEN 40:15 አያዉ ጎፐ፥ ታና እብራዌቱዋ ቢታፐ ግዲደ አሄድኖ፤ ሀራይ አቶ ሀዋንካ ታና ቃሽስያዋ አይነ ኦꬃበይከ” ያጌዳ።
GEN 40:16 ኡክꬃ ኡክያዋንቱ ካፑ ዮሴፎ አኩሙዋ ሎይꬅ ብሌዳዋ በኤዳ ዎደ ዮሴፎ፥ “ታንካ አኩሙዋ አኩመታድ፤ ታ ሁጲያን ሄዙ ሳምፓ ኡክꬃይ ደኤ፤
GEN 40:17 ቦላ ባጋ ሳምፓን ግብጼ ካትያዉ ኡከቴዳ ኡባ ቆሞ ኡክꬃይ ደኤ። ሽን ካፉ ሄዋ ታ ሁጲያን ደእያ ሳምፓፐ ሜ” ያጌዳ።
GEN 40:18 ዮሴፎ፥ “ሄዋ ብርሸꬃይ ሀዋ፤ ሄዙ ሳምፓቱ ሄዙ ጋላሳቱዋ።
GEN 40:19 ሄዙ ጋላሳ ግዶን ካቲ ኔና ደንꬃና፤ ነ ቆꬍያ ሙጭሲደ ምꬃን ካቅሳና፤ ነ አሹዋካ ካፉ ማና” ያጌዳ።
GEN 40:20 ሄዘንꬆ ጋላሳን ግብጼ ካቲ ባረ የለቴዳ ጋላስ ባረ ኦሳንቻቱዋ ኡባዉ ባላ ጊግሴዳ። ኤሳ ትግያዋንቱ ካፑዋነ ኡክꬃ ኡክያዋንቱ ካፑዋ ደንꬂደ፥ ባረ ኦሳንቻቱዋ ግዶን ኤሴዳ።
GEN 40:21 ኤሳ ትግያዋንቱ ካፑዋ አ ሱንꬃተꬃዉ ዛርና፥ እ ካትያ ኩሽያን ዋንጫ ዎꬄዳ።
GEN 40:22 ሽን ካቲ ኡክꬃ ኡክያዋንቱ ካፑዋ ኡንቱንቱ አኩሙዋ ብለꬃ ዮሴፎ ኦዴዳዋዳንካ ካቅሴዳ።
GEN 40:23 ሽን ኤሳ ትግያዋንቱ ካፑ ዮሴፎ ሀሳይቤና፤ ዶጊሼዳ።
GEN 41:1 ላኡ ላይꬃ ኩመንꬃይ አꬌዳ ዎደ፥ ግብጼ ካቲ አኩሙዋ አኩመቴዳ፤ አኩሙዋን እ ናይለ ሻፋ ዶናን ኤቄዳ፤
GEN 41:2 ላፑን ኦርደነ ሞꬎ ሚዛቱ ናይለ ሻፋፐ ከስ ዎꬊደ፥ ማቃ ግዱዋን ምያዋንታ በኤዳ።
GEN 41:3 ኡንቱንቱፐ ስሚደ፥ ሀራ ላፑን ማላ ኢታነ ግልቃ ሚዛቱ ናይለ ሻፋፐ ከሴድኖ፤ ሻፋ ዶናን ደእያ ሀራ ሚዛቱ ማታን ኤቄድኖ።
GEN 41:4 ሄ ማላ ኢታነ ግልቃ ሚዛቱ ላፑን ኦርዳነ ሞꬎ ሚዛቱዋ ሜድኖ። ሄዋፐ ጉየ ካቲ ቤጎቴዳ።
GEN 41:5 እ ዛረꬅ ገምእሺደ፥ ላኤንꬆ አኩሙዋካ አኩመቴዳ፤ ላፑን ሎአነ ሙሩታ ትሻቱ እት አኑዋን ድጬድኖ።
GEN 41:6 ኡንቱንቱፐ ስሚደ፥ ጬጨዳነ አዋይ ዶልያ ባጋ ጫርኩዋን ሹሌዳ ሀራ ላፑን ትሻቱ ከሴድኖ።
GEN 41:7 ሄ ጬጬዳ ትሻቱ ሎአነ ሙሩታ ትሻቱዋ ምቴድኖ። ሄዋፐ ጉየ ካቲ ቤጎቲደ፥ አኩሙዋ ግድያዋ ኤሬዳ።
GEN 41:8 ሳአይ ዎንትና፥ አ ዎዛናይ ሻቢረቴዳ፤ ሄዋ ድራዉ ግብጼን ደእያ ብትያዋንቱ ኡባዉነ አꬌዳ ኤራንቻቱዋ ኡባዉ ኪቲደ ጼስሴዳ፤ ካቲ ኡንቱንቶ ባረ አኩሙዋ ኦዴዳ፤ ሽን አዉ ሄ አኩሙዋ ብርሽያዌ ꬋዬዳ።
GEN 41:9 ኤሳ ትግያዋንቱ ካፑ ሄ ዎደ ግብጼ ካትያ ሀዋዳን ያጌዳ፤ “ታን ታ ባይዙዋ ሀቼ ሀሳያይ።
GEN 41:10 እት ገደ ካቲ ባረ ቆማቶ ሀንቀቲደ፥ ታናነ ኡክꬃ ኡክያዋንቱ ካፑዋ ቃሾ ጎለን የጌዳ።
GEN 41:11 ያን ደኢደ ኑን ሁጲያን ሁጲያን አኩሙዋ አኩመቴዶ፤ አኩሞ ዱማ ዱማ ብርሸꬃይ ደኤ።
GEN 41:12 ሄ ዎደ ናግያዋንቱ ካፑ፥ ቆማይ፥ እብራዌ ዎዳላይ ኑናና ቃሾ ጎለን ደኤ። ኑን ኑ አኩሙዋ አዉ ኦዴዶ፤ እ ኑዉ ሁጲያን ሁጲያን አኩሙዋ ብርሼዳ።
GEN 41:13 ያንና ሄ የዎቱ እ ኑዉ ብሌዳዋዳንካ ሀኔድኖ። ሄዌ አዬ ጎፐ፥ ታን ታ ሱንꬃተꬃዉ ስማድ፤ ህንኮ ብታኒ ካቀቴዳ” ያጌዳ።
GEN 41:14 ግብጼ ካቲ ዮሴፎዉ ኪቲደ ጼስሴዳ። ኡንቱንቱ አ ቃሾ ጎልያፐ ኤለካ አሄድኖ። እ ሜደቲደ ባረ ማዩዋ ላሚደ፥ ካትያኮ ገሌዳ።
GEN 41:15 ካቲ ዮሴፎ፥ “ታን አኩሙዋ አኩመታድ፤ ሽን አ እቱነ ብላናዉ ዳንዳይቤና። ሽን ታን፥ ‘ዮሴፎ አኩሙዋ ስሶፐ፥ ብላናዉ ዳንዳዬ’ ግያዋ ስሳድ” ያጌዳ።
GEN 41:16 ዮሴፎ፥ “ታን ሄዋ ዳንዳይከ፤ ሽን ጾሳይ ካትያዉ ልከ ብርሸꬃ እማና” ያጌዳ።
GEN 41:17 ካቲ፥ “ታን ታ አኩሙዋን ናይለ ሻፋ ዶናን ኤቃ ደእሽን፥
GEN 41:18 ላፑን ኦርዳነ ሞꬎ ሚዛቱ ናይለ ሻፋፐ ከሲደ፥ ማቃ ግዱዋን ሚኖ።
GEN 41:19 ኡንቱንቱፐ ስሚደ፥ ሀራ ላፑን ማላ ኢታ፥ ግልቃነ ላፋ ሚዛቱ ከሴድኖ፤ ታን ሄዋ ማላ ማላ ኢታ ሚዛ ግብጼ ጋድያን ኡባካ በአ ኤርከ።
GEN 41:20 ማላ ኢታነ ላፋ ሚዛቱ ኮይሮዋንታ፥ ላፑን ሞꬎ ሚዛቱዋ ሜድኖ።
GEN 41:21 ሽን ኡንቱንታ ሜዳዋፐ ጉየና፥ ኡንቱንቱ ሜዳዋ ኦንነ ኤራናዉ ዳንዳይቤና፤ አያዉ ጎፐ፥ ኡንቱንቱ ማላይ ካሰዋዳንካ ኢት ኡቴዳ። ሄዋፐ ጉየ ታን ቤጎታድ።
GEN 41:22 “ታን ታ አኩሙዋን ቃይ ላፑን ሎአነ ሙሩታ ትሻቱዋ እት አኑዋን ድጬዳዋንታ በኣድ።
GEN 41:23 ኡንቱንቱፐ ስሚደ፥ ጬጨዳነ አዋይ ዶልያ ባጋ ጫርኩዋን ሹሌዳ ሀራ ላፑን ትሻቱ ከሴድኖ።
GEN 41:24 ሄ ጬጬዳ ትሻቱ ላፑን ሎኦ ትሻቱዋ ምቴድኖ። ታን ሀ አኩሙዋ ብትያዋንቶ ኦዳድ፤ ሽን ታዉ አኩሙዋ ብልያዌ ቤትቤና” ያጌዳ።
GEN 41:25 ሄዋፐ ጉየ ዮሴፎ ግብጼ ካትያ፥ “ካትያ አኩሞቱ እቱዋ። ጾሳይ ባረ ኦꬃና ሀንያዋ ካትያዉ ቆንጭሴዳ።
GEN 41:26 ሄ ላፑን ሎኦ ሚዛቱ ላፑን ላይꬃቱዋ፤ ቃይ ላፑን ሎኦ ትሻቱ ላፑን ላይꬃቱዋ፤ ሀ አኩሙ እቱዋ።
GEN 41:27 ሄ ላፑን ማላ ኢታነ ላፋ ሚዛቱ ላፑን ላይꬃቱዋ፤ ቃይ አዋይ ዶልያ ባጋ ጫርኩዋን ሹሌዳ፥ ጬጮ ላፑን ትሻቱ ላፑን ኮሻ ላይꬃቱዋ።
GEN 41:28 “ታን ካትያዉ ኦዴዳዋዳንካ፥ ጾሳይ ባረ ኦꬃና ሀንያዋ ካትያዉ በሴዳ።
GEN 41:29 ላፑን ዳሮ ካሎ ላይꬃቱ ግብጼ ቢታዉ ኡባዉ ያና፤
GEN 41:30 ሽን ላፑን ኮሻ ላይꬃይ ሄዋ ካላና። ሄ ዎደ ግብጼ ካሉ ኡባይ ዶገታና፤ ኮሻይ ቢታ ጺጻና።
GEN 41:31 ሄ ቢታ ካሉ ሀሳየተናን አታናዋ፤ አያዉ ጎፐ፥ ሄዋ ካሌዳ ኮሻይ ሎይꬅ ሱላና።
GEN 41:32 ላኡ ኦግያን ካትያዉ ሄ አኩሙ ቤቴዳዌ አያሴ ጎፐ፥ ሀ የዉዋ ጾሳይ ምንሲደ ቃቾ ድራሳ፤ ጾሳይ ሄዋ ኤለካ ኦꬃና።
GEN 41:33 “ሀእ ስም፥ ካቲ አꬌዳ ኤራንቻነ ጭንጫ አሳ ኮዪደ፥ ግብጼ ቢታን ሱንꬆ።
GEN 41:34 ካቲ ቢታን ሱንꬃቱዋ ላፑን ካሎ ላይꬃን ቡክያ ካꬃፐ እቼሹ ኩሽያፐ እቱዋ ሺሻናዉ ሱንꬆ።
GEN 41:35 ኡንቱንቱ ይያ ካሎ ላይꬃቱዋን ካꬃ ሺሺደ፥ ካትያ አዎተꬃን ምንጅኖ፤ ሄ ካꬃ ካታማቱዋን ናግኖ።
GEN 41:36 ቢታይ ኮሻን ꬋየና ማላ፥ ሀ ካꬃይ ግብጼ ቢታን ላፑን ላይꬃን ደንዳና ኮሻዉ ምንጀቲደ ደኦ” ያጌዳ።
GEN 41:37 ሀ የዉ ግብጼ ካትያዉነ አ ኦሳንቻቶ ሎአ ግዲደ ቤቴዳ።
GEN 41:38 ሄዋ ድራዉ ካቲ ኡንቱንታ፥ “ኑን ጾሳ አያናና ደእያ ሀዋ ማላ ሀራ አሳ ደማኔየ?” ያጊደ ኦቼዳ።
GEN 41:39 ሄዋፐ ጉየ ካቲ ዮሴፎ፥ “ጾሳይ ሀዋ ኡባ ኔና ኤርሴዳ ድራዉ፥ ነ ማላ አꬌዳ ኤራይነ ጭንጫተꬃይ ደእያዌ ኦንነ ባዋ።
GEN 41:40 ታን ኔና ታ ጎለን ሱንꬃይ፤ ታ አሳይ ኡባይ ነዉ አዛዘታና፤ ታን ኔፐ አꬍያዌ ታ ካዉተꬃ አራታ ጻላላና ግዶ” ያጌዳ።
GEN 41:41 ሄዋ ድራዉ ካቲ ዮሴፎ፥ “በአ፤ ታን ኔና ግብጼ ጋድያ ኡባ ቦላን ሱንꬃድ” ያጌዳ።
GEN 41:42 ሄዋፐ ጉየ፥ ካቲ ባረ ፓራምያ ምግዱዋ ባረ ብራꬍያፐ ከሲደ፥ ዮሴፎ ብራꬍያን ዎꬄዳ። ታልባፐ ዳደቴዳ ማዩዋ እ አ ማይዚደ፥ አ ቆꬍያንካ ዎርቃ ሳንሳላታ አꬄዳ።
GEN 41:43 ካቲ ባረ ላኤንꬆ ፓራ ጋርያ ዮሴፋ ቶግሴዳ፤ ቆማቱ፥ “ጎይንተ! ጎይንተ!” ያጊደ አፐ ስንꬃና ሀመቴድኖ። ሀዋዳን ኦꬂደ፥ ካቲ አ ግብጼ ቢታ ኡባ ቦላን ሱንꬄዳ።
GEN 41:44 ሄዋፐ ጉየ ካቲ ዮሴፎ፥ “ታን ካትያ፤ ሽን ኔን ደንꬆ ጌናን ግብጼ ቢታ ኡባን ኦንነ ኩሽያ ዎይ ገድያ ደንና” ያጌዳ።
GEN 41:45 ካቲ ዮሴፋ፥ “ጻፍናት-ፓእናሀ” ጊደ ሱንꬄዳ፤ እ አዉ ኦና ግያ ካታማ ቄስያ ጶጽፋራ ናቶ አስናቶ ማቼ ኦꬅ እሜዳ። ያትና ዮሴፎ ግብጼ ቢታ ኡባ ሳና አꬌዳ።
GEN 41:46 ዮሴፎ ግብጼ ካትያዉ ኦꬃናዉ ዶምያ ዎደ፥ አዉ ላይꬃይ ሀታማ። ቃይ ዮሴፎ ካትያ ስንꬃፐ ከሲደ፥ ግብጼ ቢታ ኡባ ግዱዋ ሀመቴዳ።
GEN 41:47 ሄ ላፑን ካሎ ላይꬃቱዋን ቢታይ ዳሮ ካꬃ ዶሌዳ።
GEN 41:48 ዮሴፎ ግብጼ ቢታን ሄ ላፑን ካሎ ላይꬃ ካꬃ ኡባ ሺሺደ፥ ካታማቱዋን ምንጄዳ። እት እት ካታማ ዩሹዋን ደእያ ጎሻ ካꬃ ኡባ ሄ ካታማቱዋን ምንጄዳ።
GEN 41:49 ዮሴፎ አባ ሻፍያ ኬሻ ዳሮ ካꬃ ምንጄዳ፤ ካꬃይ ዳርና፥ ማካናዉ ዳንዳይቤና ድራዉ፥ ማክ ማክ ቆልያዋ አግ ባሼዳ።
GEN 41:50 ኮሻ ላይꬃይ ያናፐ ካሰ፥ ኦና ካታማ ቄስያ ጶጽፋራ ናት አስናትፐ ዮሴፎ ላኡ አቱማ ናና የሌዳ።
GEN 41:51 ዮሴፎ ባረ ባይራ ናኣ ምናሳ ሱንꬄዳ።
GEN 41:52 ላኤንꬆ ናኣ ኤፍሬማ ሱንꬄዳ።
GEN 41:53 ግብጼ ቢታን ደእያ ሄ ላፑን ካሎ ላይꬃቱ ዉሬድኖ።
GEN 41:54 ቃይ ዮሴፎ ኦዴዳዋዳን ላፑን ኮሻ ላይꬃቱ ዶሜድኖ። ሀራ ቢታን ኡባን ኮሻይ ደንዴዳ፤ ሽን ግብጼ ቢታ ኡባን ካꬃይ ደኤ።
GEN 41:55 ግብጼ ቢታይ ኡባይ ኮሻቴዳ ዎደ፥ አሳይ ካꬃዉ ካትያ ዋሴዳ። ካቲ ግብጼ አሳ ኡባ፥ “ዮሴፎኮ ቢተ፤ እ ኦድያዋ ኦꬅተ” ያጌዳ።
GEN 41:56 ኮሻይ ግብጼ ቢታ ኡባ ጋኬዳ ዎደ፥ ዮሴፎ ካꬃ ምንጄዳ ጎልያ ኡባ ዶዪደ፥ ካꬃ ግብጼ አሳዉ ዛልኤዳ፤ አያዉ ጎፐ፥ ግብጼን ኮሻይ ፐንቴዳ።
GEN 41:57 ሳኣ ኡባን ኮሻይ ጺጽ ደእያ ድራዉ፥ ሳኣን ደእያ አሳይ ኡባይ ካꬃ ዮሴፎፐ ዎማናዉ ግብጼ ዬዳ።
GEN 42:1 ያቆብ ግብጼን ካꬃይ ደእያዋ ስሴዳ ዎደ፥ ባረ አቱማ ናና፥ “ህንተንቱ እቱ እቱዋ አያዉ ጼሊቴ?
GEN 42:2 በእተ! ግብጼን ካꬃይ ደእያዋ ታን ስሳድ፤ ያ ዱገ ቢደ፥ ኑን ሀይቀናን ፓጻ ደአና ማላ፥ ያፐ አማሬዳዋ ኑዉ ዎምተ” ያጌዳ።
GEN 42:3 ዮሴፎ እሻቱ ታማቱ ካꬃ ዎማናዉ ዱገ ግብጼ ቤድኖ።
GEN 42:4 ሽን ያቆብ ዮሴፎ እሻ ቢንያማ አ እሻቱዋና የድቤና፤ አያዉ ጎፐ፥ እ ቆሄታነንቶነ ጊደ ቆፔዳ።
GEN 42:5 ካናነ ቢታን ዎልቃማ ኮሻይ ደእያ ድራዉ፥ ካꬃ ዎማናዉ ዬዳዋንቱና እስራኤልያ አቱማ ናናይ ግብጼ ገሌድኖ።
GEN 42:6 ሄ ዎደ ዮሴፎ ሄ ቢታ አይስያዋንታነ ቢታን ደእያ አሳዉ ኡባዉ ካꬃ ዛልእያዋ፤ ሄዋ ድራዉ ዮሴፎ እሻቱ ጋኬዳ ዎደ፥ ባረንቱ ዴሙዋ ሳኣ ጋꬂደ አዉ ጎይኔድኖ።
GEN 42:7 ዮሴፎ ባረ እሻቱዋ በኦ ሳን ኤር አጌዳ፤ ሽን እ ኡንቱንታ ኤረናዋዳን ላመቴዳ፤ እ ኡንቱንታ፥ “ህንተንቱ ሀቃፐ ዬድቴ?” ያጊደ ኦቼዳ። ኡንቱንቱ፥ “ካꬃ ዎማናዉ፥ ካናነ ቢታፐ ዬዶ” ያጌድኖ።
GEN 42:8 ዮሴፎ ባረ እሻቱዋ ኤሬዳ፤ ሽን ኡንቱንቱ አ ኤርበይክኖ።
GEN 42:9 ሄዋፐ ጉየ፥ ዮሴፎ ኡንቱንቱዋ አኩመቴዳ ባረ አኩሙዋ ሀሳዪደ ኡንቱንታ፥ “ህንተንቱ ጌድ ጼልያ አሳ፤ ህንተንቱ ኑ ቢታን ናጉ ለፕያ ባጋይ ሀቃዌንቶ በአናዉ ዬድታ” ያጌዳ።
GEN 42:10 ኡንቱንቱ፥ “ቱይት፥ ኑ ጎዳዉ፥ ኑን ጌድ ጼልያ አሳ ግዶኮ፤ ኑን ነ ቆማቱ ካꬃ ዎማናዉ ዬዶ።
GEN 42:11 ኑን ኡባይካ እት አዉዋ ናና። ኑን ነ ቆማቱ አማነትያ አሳ” ያጌድኖ።
GEN 42:12 ዮሴፎ ኡንቱንታ፥ “ቱይት፤ ህንተንቱ ኑ ቢታን ናጉ ለፕያ ባጋይ ሀቃዌንቶ በአናዉ ዬድታ” ያጌዳ።
GEN 42:13 ሽን ኡንቱንቱ፥ “ኑን ነ ቆማቱ ታማነ ላኡ እሻቱዋነ ካናነ ቢታን ደእያ እት ብታንያ ናና። ዉርሰꬃ ꬋንꬃ ዱሱ ሀእ ኑ አቡና ደኤ፤ እቱ ꬋዬዳ” ያጌድኖ።
GEN 42:14 ዮሴፎ ኡንቱንታ፥ “ታን ህንተንቶ ኦዴዳዋዳንካ ህንተንቱ ቢታ ጌድያዋንታ።
GEN 42:15 ቃይ ህንተንቱ ፓጨታናዌ ሀዋና፤ ቱሙዋፐ ካቲ ሀይቆ፤ ህንተንቱ ዉርሰꬃ ቴፋ እሻይ ሀዋ ያና ꬋዮፐ፥ ህንተንቱ ሀዋፐ ቢክታ።
GEN 42:16 ህንተንቱ ኦድያዌ ቱማ ግድያዋ ፓጫናዉ፥ ህንተፐ እቱዋ ኪትተ፤ እ ህንተንቱ እሻ አኪደ ዮ፤ አቴዳዋንቱ ቃሾ ጎለን ጋምኢታ። ሄዋ ግዳና ꬋዮፐ፥ ካቲ ሀይቆ፤ ህንተንቱ ቢታ ጌድያዋንታ” ያጌዳ።
GEN 42:17 ኡንቱንታ ሄዙ ጋላሳዉ ቃሾ ጎለን የጌዳ።
GEN 42:18 ሄዘንꬆ ጋላሳን ዮሴፎ ኡንቱንታ፥ “ታን ጾሳዉ ያይያ አሳ፤ ህንተንቱ እትባ ኦꬆፐ፥ ፓጻ ደአና።
GEN 42:19 ህንተንቱ ቱሙካ አማነትያ አሳ ግዶፐ፥ ህንተንቱ እሻቱዋፐ እቱ ሀዋን ቃሾ ጎለን ደኦ፤ አቴዳዋንቱ ኮሻትያ ህንተንቱ ሶ አሳዉ ካꬃ አኪደ አፍተ፤
GEN 42:20 ሽን ህንተንቱ ቃላ ቱማያና ማላነ ህንተንቱ ሀይቀና ማላ ህንተንቱ ህንተንቱ ዉርሰꬃ ቴፋ እሻ ታኮ አሀና ኮሼ” ያጌዳ። ኡንቱንቱነ ሀ የዉዋ ማዬድኖ።
GEN 42:21 ኡንቱንቱ እቱ እቱዋ፥ “ቱሙ ኑን ኑ እሻዉ ኦꬄዳባይ ኑና ካኤ። እ ባረ ሸምፖ ሀንያባይ እጽና፥ ኑዉ ዋትዋትያ ዎደ፥ ኑን ስሲደ እጼዶ፤ ሀ ዋዪ ኑና ጋኬዳዌ ሄዋ ድራሳ” ያጌድኖ።
GEN 42:22 ሮቤል፥ “ታን ህንተንታ፥ ‘ናኣ ቦላ ናጋራ ኦꬆፕተ’ ጋደ ኦዳበይክታ? ሽን ህንተንቱ ስሰናን እጼድታ። ስም ሀእ፥ አ ሱꬃይ ኑና አቼ” ያጌዳ።
GEN 42:23 ኡንቱንቱ ግያባ ዮሴፎ ኤሬዳዋ ኡንቱንቱ አኬክበይክኖ፤ አያዉ ጎፐ፥ እ ኡንቱንቱና ዎካልያን ሃሳይያ ድራሳ።
GEN 42:24 እ ኡንቱንቱፐ ዎራ ስሚደ ዬኬዳ፤ ሽን ቃይ ኡንቱንቱኮ ስሚደ፥ ኡንቱንቶ ጉጂደ ሃሳዬዳ። እ ስሞና ኡንቱንቱፐ ዱꬅ አሺደ ኡንቱንቱ በእሽን ቃቼዳ።
GEN 42:25 ዮሴፎ ባረ ቆማቱዋ፥ “ካꬃ ኡንቱንቱ ኦጎሩዋ ኩንꬅተ፤ ኡንቱንቱ ብራካ ዛሪደ፥ ኡንቱንቱ ኦጎሩዋን ኦጎሩዋን ዎꬅተ፤ ቃይ ኡንቱንቱ ኦግያዉ ሽንቃ እምተ” ያጊደ አዛዜዳ።
GEN 42:26 እ ጌዳዋዳን ኦꬄዳዋፐ ጉየ፥ ዮሴፎ እሻቱ ካꬃ ባረንቱ ሀረቱዋን ጫኒደ፥ ደንዲደ ቤድኖ።
GEN 42:27 ኡንቱንቱ ቃማ አቃናዉ ስሜድኖ ኡንቱንቱፐ እቱ ባረ ሀርያዉ ካꬃፐ የጋናዉ ባረ ኦጎሩዋ ብሊደ፥ ሄ ኦጎሩዋ ዶናን ደእያ ባረ ብራ በኤዳ።
GEN 42:28 እ ባረ እሻቱዋ፥ “ታ ብራይ ታዉ ስሜዳ፤ ቱሙ ሀዋ በእተ! ታ ኦጎሩዋን ደኤ” ያጌዳ። ኡንቱንቱ ዎዛናይ ዳጋምና፥ ኮኮሪደ እቱ እቱዋኮ ስሚደ፥ “ጾሳይ ኑ ቦላ ኦꬄዳባይ ሀዌ አዬ?” ያጌድኖ።
GEN 42:29 ኡንቱንቱ ካናነ ቢታን ደእያ ባረንቱ አዉዋ ያቆባኮ ዬዳ ዎደ፥ ባረና ጋኬዳዋ ኡባ አዉ ኦዴድኖ።
GEN 42:30 ኡንቱንቱ አዉ፥ “ሄ ቢታዉ ጎዳ ግዴዳ ብታኒ ኑና ሀንቀቴዳ። ሄዋፐ ጉየ፥ እ ኑና ሄ ቢታ ገድያዋዳን ጎዳቴዳ።
GEN 42:31 ሽን ኑን አ፥ ‘ኑን አማነትያ አሳ፤ ቢታ ጌድያዋንታ ግዶኮ።
GEN 42:32 ኑን ታማነ ላኡ እሻቱ እት አዉዋ ናና፤ እቱ ꬋዬዳ፤ ዉርሰꬃ ቴፋይ ካናነ ቢታን ሀእ ኑ አቡና ደኤ’ ያጌዶ።
GEN 42:33 ሄ ቢታዉ ጎዳ ግዴዳ ብታኒ ኑና፥ ‘ህንተ አማነትያ አሳ ግድያዋ ታን ሀዋን ኤራና፤ ህንተንቱ እሻቱዋፐ እቱዋ ሀዋን ታ ማታን የጊደ፥ ኮሻትያ ህንተንቱ ሶ አሳዉ ካꬃ አኪደ ቢተ።
GEN 42:34 ህንተንቱ ቢታ ጌድያዋንታ ግደናን፥ አማነትያ አሳ ግድያዋ ታን ኤራና ማላ፥ ህንተንቱ ዉርሰꬃ ቴፋ እሻ ታኮ አክ ዪተ። ያቶፐ ታን ሃን አቴዳ ህንተንቱ እሻ ህንተንቶ ዛራደ እማና፤ ህንተነ ሀ ቢታን ዛልኢታ’ ጌዳ” ያጌድኖ።
GEN 42:35 ኡንቱንቱ ባረንቱ ኦጎሩዋፐ ካꬃ ቆሊደ፥ ባረንቱ ኦጎሩዋን ኦጎሩዋን ባረንቱ ብራ ቃሹዋና ኡቴዳዋ ደሜድኖ። ኡንቱንቱነ ኡንቱንቱ አዉ ሄ ቃሹዋና ደእያ ብራ በኢደ ያዬድኖ።
GEN 42:36 ኡንቱንቱ አዉዋ ያቆብ ኡንቱንታ፥ “ህንተንቱ ታና ታ ናናቱዋፐ መላ ከሴድታ፤ ዮሴፎ ባዋ፥ ስሞን ባዋ፤ ቃይ ህንተንቱ ቢንያማ አፋና ኮዪታ። ኡባባይ ታዉ ትራን ስት ጌዳ” ያጌዳ።
GEN 42:37 ሄዋፐ ጉየ ሮቤል ባረ አዉዋ፥ “ታን ቢንያማ ነዉ ዛራደ አሀና ꬋዮፐ፥ ታ አቱማ ናና ላኡዋካ ዎꬋ፤ ታና አማነታደ አ ታ ኩሽያን ዎꬃ፤ ቃይ ታን አ ዛራደ አሀና” ያጌዳ።
GEN 42:38 ሽን ያቆብ ኡንቱንታ፥ “ታ ናአይ ህንተናና ያ ዱገ ቤና፤ አ እሻይ ሀይቂና፥ አቴዳዌ አ ጻላላ፤ ህንተንቱ አፍሽን፥ ኦግያን ኢታባይ አ ጋክያዋ ግዶፐ፥ ህንተንቱ ታ ፑሉንꬃ ሁጲያ ካዩዋን ዱፉዋን የጊታ” ያጌዳ።
GEN 43:1 ሀእነ ኮሻይ ካናነ ቢታን ዎልቃሜዳ።
GEN 43:2 ያትና ኡንቱንቱ ግብጼፐ አሄዳ ካꬃ ኡባ ም ዉርስ ድግና፥ ኡንቱንቱ አዉ፥ “ቃይካ ጉየ ቢደ ኑዉ አማሬዳ ካꬃ ዎምተ” ያጌዳ።
GEN 43:3 ሽን ይሁዳይ አ፥ “ሄ ብታኒ ኑና፥ ‘ህንተ እሻይ ህንተናና ያና ꬋዮፐ፥ ታ ዴሙዋ ዛር በእክታ’ ያጊደ ሎይꬅ ኦዴዳ።
GEN 43:4 ኔን ኑ እሻ ኑናና የዶፐ፥ ኑን ዱገ ቢደ ነዉ ካꬃ ሻማና።
GEN 43:5 ሽን ኔን አ የደናዋ ግዶፐ፥ ኑን ዱገ ቦኮ፤ አያዉ ጎፐ፥ ሄ ብታኒ ኑና፥ ‘ህንተ እሻይ ህንተናና ያና ꬋዮፐ፥ ህንተንቱ ታ ዴሙዋ ዛር በእክታ’ ጌዳ” ያጌዳ።
GEN 43:6 እስራኤሊ፥ “ህንተንቱ፥ ‘ኑዉ ሀራ እሻይ ደኤ’ ጊደ ኦዲደ ሀ መቱዋ ታ ቦላ አያዉ አሄድቴ?” ያጌዳ።
GEN 43:7 ኡንቱንቱ አ፥ “ሄ ብታኒ ኑባነ ኑ ሶ አሳባ ሎይꬅ ኦቼዳ። እ ኑና፥ ‘ህንተ አዉ ሀእካ ፓጻ ደኢ? ህንተንቶ ሀራ እሻይ ደኢ?’ ያጊደ ኦቼዳ። ኑን እ ኦቼዳዋ አዉ ዛሬዶ። እ ኑና፥ ‘ህንተ እሻ ዱገ ሃ አህተ’ ጋናዋ ኑን አያን ኤራኔ?” ያጌድኖ።
GEN 43:8 ይሁዳይ ባረ አዉዋ እስራኤልያ፥ “ኑንካ ኔንካ ኑ ናናይካ ፓጻ ደአና ማላነ ሀይቀናን አታና ማላ፥ ናኣ ታናና የዳ፤ ኑን ኤለካ ባና።
GEN 43:9 ናኣ ታ ዋሰተꬃን እማ፤ አባን ታና ኦቻ፤ ታን አ ነዉ ሳሮ ዛራደ አሀና ꬋዮፐ፥ ታ ደኡዋ ኡባን ነ ሸቃይ ታና ጋኮ!
GEN 43:10 ኑን ጋምእቤናዋ ግድንቶ፥ ሀኖደ ላኤንꬁዋ ያ ጋኪደ ስማና ሽን” ያጌዳ።
GEN 43:11 ሄዋፐ ጉየ ኡንቱንቱ አዉ እስራኤለ ኡንቱንታ፥ “ሄዋ ግዶፐ፥ ያትተ፤ ሄ ብታንያዉ ኩሽያ ገንꬅያዋ ሀ ቢታን ዶሌዳዋ ኡባፐ ሎእያዋ ዶርተ፤ ሄዌነ ባላሳነ ግያ ꬋልያ፥ ኤሳ፥ ሳዉዋ፥ ካርቢያነ ታምረ ላዉዝያ ግያ ምꬃቱዋ ቴራ ህንተንቱ ኦጎሩዋን የጊደ አክ ቢተ።
GEN 43:12 ህንተንቱ ኦጎሩዋ ዶናን ስሜዳ ብራይ ባለꬄዳዋ ግዳናዉ ዳንዳይያ ድራዉ፥ ብራካ ላኡ ኩሸ ኦꬂደ አክ ቢተ።
GEN 43:13 ቃይ ህንተንቱ እሻነ አኪደ፥ ሄ ብታንያኮ ኤለካ ጉየ ቢተ።
GEN 43:14 እ ህንኮ ህንተንቱ እሻ የዳና ማላ፥ ቢንያመነ ህንተናና ያና ማላ፥ ኡባ ዳንዳይያ ጾሳይ ሄ ብታኒ ህንተንቶ ቃረታናዳን ኦꬆ። ታና ግዶፐ፥ ታ ናናቱዋፐ መላ አቶፐነ አታድ” ያጌዳ።
GEN 43:15 ሄዋ ድራዉ ሄ አሳቱ እሞታነ ላኡ ኩሸ ብራነ ቃይ ቢንያማነ አኬድኖ። ኡንቱንቱ ዱገ ግብጼ ቢደ፥ ዮሴፎ ስንꬃ ሺቄድኖ።
GEN 43:16 ዮሴፎ ቢንያማ ኡንቱንቱና በኤዳ ዎደ፥ ባረ ጎለ ካፑዋ፥ “ሄ አሳ ታ ሶ አካደ ባ፤ እት መህያ ሹካደ ጊግሳ፤ ኡንቱንቱ ሴታ ጋላሳን ላጻ ታናና ሚኖ” ያጊደ አዛዜዳ።
GEN 43:17 ያትና እ ዮሴፎ አዉ ኦዴዳዋዳን ሄ አሳ ዮሴፎ ሶ አፌዳ።
GEN 43:18 አሳቱ ዮሴፎ ሶ ቤዳ ድራዉ፥ ያዬድኖ፤ ኡንቱንቱ፥ “ኑን ሀዋ ዬዳዌ ኮይሮ ኦጎሩዋና ስሚደ ቤዳ ብራ ድራሳ፤ እ ኑና ዋꬋናዉ፥ አይለተꬃን ሞዳናዉነ ኑ ሀረቱዋ አካናዉ ሀኔዳ” ያጊደ ቆፔድኖ።
GEN 43:19 ሄዋ ድራዉ ኡንቱንቱ ዮሴፎ ጎለ ፐንግያ ጋኪደ፥ ጎልያ ካፑዋ ሃሳይሴድኖ፤
GEN 43:20 “ታ ጎዳዉ፥ ኑን ኮይሮ ካꬃ ዎማናዉ ሀዋ ዬዶ፤
GEN 43:21 ስሚደ ኑን ቃማ አቅያ ሳኣን ኦጎሩዋ ብሊደ፥ ሁጲያን ሁጲያን ኑ ብራይ ፓጨናን ኑ ኦጎሩዋ ዶናን ደእያዋ ደሜዶ፤ ሄዋ ድራዉ ሀእ ኑን አ ጉየ አኪደ ዬዶ።
GEN 43:22 ቃይ ኑን ካꬃ ዎማናዉ ሀራ ብራካ አሄዶ። ኑ ብራ ኑ ኦጎሩዋ ኦጎሩዋ ዶናን ኦን ዎꬄደንቶነ ኤሮኮ” ያጌድኖ።
GEN 43:23 እ ኡንቱንታ፥ “ሄዌ አይነ ባዋ፤ ያዮፕተ! ህንተንቱ ጾሳይ፥ ህንተንቱ አዉዋ ጾሳይ፥ ህንተንቱ ኦጎሩዋ ግዶን ህንተንቶ ብራ እሜዳ፤ ታን ህንተንቱ ብራ አካድ” ያጌዳ። ሄዋፐ ጉየ፥ እ ስሞና ኡንቱንቱኮ ከሴዳ።
GEN 43:24 ሄ ብታኒ ሄ አሳ ዮሴፎ ሶ አፊደ፥ ኡንቱንቱ ገድያዉ ሃꬃ አይና፥ ባረንቱ ገድያ ሜጨቴድኖ። ኡንቱንቱ ሀረቶ ሀርቁዋ የጌዳ።
GEN 43:25 ዮሴፎ ሴታ ጋላስ ዪና እማናዉ፥ ኡንቱንቱ ባረንቱ እሞታ አዉ ጊግሴድኖ፤ አያዉ ጎፐ፥ ኡንቱንቱ ያን ማናዋ ስስ ኡቴድኖ።
GEN 43:26 ዮሴፎ ባረ ሶ ገሌዳ ዎደ፥ ኡንቱንቱ ሶ አሄዳ ባረንቱ እምያዋ ሶን አዉ እሜድኖ፤ ኡንቱንቱ አ ስንꬃን ሳኣ ጋኪደ ጎይኔድኖ።
GEN 43:27 እ ኡንቱንቱ ሳሮተꬃ ኦች ስሚደ፥ “ህንተንቱ ታዉ ኦዴዳ ህንተንቱ አዉ ጭማይ ሎኤ? ሀእካ እ ፓጻ ደኢ?” ያጌዳ።
GEN 43:28 ኡንቱንቱ፥ “ኤ፥ ነ ቆማይ፥ ኑ አዉ ሀእካ ፓጻ ደኤ፤ እ ሎአ” ያጊደ ሆኪደ አዉ ጎይኔድኖ።
GEN 43:29 እ ባረ አት ናኣ ቢንያማ በኤዳ ዎደ ኡንቱንታ፥ “ህንተንቱ ኦዴዳ ዉርሰꬃ ቴፋ ህንተንቱ እሻይ ሀዌ?” ያጌዳ። ቃይ እ ቢንያማ፥ “ታ ናአዉ፥ ኔና ጾሳይ አንጆ” ያጌዳ።
GEN 43:30 ዮሴፎ አ እሻይ አዉ ጎምፓይ ምሸቴዳ ድራዉ፥ ዬካናዉ እት ሳኣ ላዉሁ ጌዳ። እ ባረ ዱማ ቆልኡዋ ገሊደ ያን ዬኬዳ።
GEN 43:31 እ ባረ ዴሙዋ ሜጨቶዋፐ ጉየ ከሲደ፥ ባረና ምንꬂደ፥ “ቁማ አꬅተ” ያጌዳ።
GEN 43:32 ኡንቱንቱ አዉ ዱማ፥ ሄ እሻቶ ዱማ፥ ሄዋን አናና ምያ ግብጼ አሳቶ ዱማ አꬄድኖ፤ አያዉ ጎፐ፥ ግብጼ አሳቱ እብራዌ አሳቱዋና እትፐ ሚክኖ። ሄዌ ግብጼ ቢታ አሳ ሸነይያዋ።
GEN 43:33 ኡንቱንቱ ዮሴፎ ስንꬃን ባይራይ ባረ ባይራተꬃዳን፥ ቴፋይ ባረ ቴፋተꬃዳን ማራን ኡቴድኖ። ኡንቱንቱ እቱ እቱዋ ጼሊደ፥ ኡንቱንታ ዎት ኡትሴድኖንቶ በኢደ ማላለቴድኖ።
GEN 43:34 ዮሴፎ ማዳፐ ኡንቱንቶ ቁማ ግሽያ ዎደ፥ ቢንያመዉ ጋኬዳዌ ሀራቱዋፐ እቼሹ ኩሽያ ዳሬ፤ ያትና ኡንቱንቱ ናሸቲደ አናና ሜድኖነ ኡሼድኖ።
GEN 44:1 ዮሴፎ ባረ ጎለ ካፑዋ፥ “ኔን ሀ አሳቱዋ ኦጎሩ አክያዋ ኬሻ ካꬃ ኡንቱንቶ ኩንꬃ፤ ኡንቱንቱ ኡባ ብራካ ኡንቱንቱ ኦጎሩዋ ኦጎሩዋ ዶናን ዎꬃ፤
GEN 44:2 ያታደ ዉርሰꬃ ቴፋ ኦጎሩዋ ዶናን ታ ብራ ዋንጫነ አ ካꬃ ብራ ዎꬃ” ያጊደ አዛዜዳ፤ እ ዮሴፎ ጌዳዋዳን ኦꬄዳ።
GEN 44:3 ሳአይ ዎንትና ሄ አሳቱ ባረንቱ ሀረቱዋ አኪደ ባናዉ ሞይዘቴድኖ።
GEN 44:4 ኡንቱንቱ ሄ ካታማፐ ከሲደ ሃክ ቤናን ደእሽን፥ ዮሴፎ ባረ ጎለ ካፑዋ፥ “ደንዳ! ሀ አሳቱዋ ጌዱዋ ካላ፤ ኔን ኡንቱንታ ጋኬዳ ዎደ ኡንቱንቱ፥ ‘ህንተ አያዉ ኬካ ኢታን ዛሬድቴ?
GEN 44:5 ሀዌ ታ ጎዳይ ኡሽያነ ቃይ ጹራባ ደምያ ዋንጫ ግደኔ? ሀዌ ህንተንቱ ኦꬄዳባይ ባላባ’ ያጋ” ያጌዳ።
GEN 44:6 እ ኡንቱንቱ ጌዱዋ ጋኪደ፥ ሀ ጌዳዋዳንካ ኡንቱንቶ ኦዴዳ።
GEN 44:7 ሽን ኡንቱንቱ፥ “ታ ጎዳይ ሀዋ ማላ ቃላ አያዉ ሃሳዪ? ሄዋ ማላ ኦꬅያዌ ኑፐ ነ ቆማቱዋፐ ሃኮ!
GEN 44:8 ኑን ሀራይ አቶ ኑ ኦጎሩዋ ዶናፐ ደሜዳ ብራ ካናነ ቢታፐ ጉየ ነዉ ዛር አሄዶ።
GEN 44:9 ነ ጎዳ ጎልያፐ ኑን ዎርቃ ዎይ ብራ ዎት ዉኤቶ? ነ ቆማቱዋ ግዶን ሄ ዋንጫይ ቤቴዳ ኡራይ ሀይቆ፤ ቃይ አቴዳ ኑን ኑ ጎዳዉ አይለ ግዳና” ያጌድኖ።
GEN 44:10 እ ኡንቱንታ፥ “ሄዋ ግዶፐ ሎአ፤ ህንተንቱ ጌዳዋዳን ዋንጫ አኬዳ ኦንነ ታ አይለ ግዳና፤ ህንኮ አቴዳ ህንተንቱ ቦርያፐ ሳሮ አታና” ያጌዳ።
GEN 44:11 ሄዋፐ ጉየ፥ ኡንቱንቱ ኤለካ ባረንቱ ኦጎሩዋ ኦጎሩዋ ሳኣን ዎꬂደ ብሌድኖ።
GEN 44:12 ሄ ካፑ ኡባፐ ባይራትያዋ ኦጎሩዋፐ ዶሚደ ዉርሰꬃ ቴፋ ጋካናዉ ኮዬዳ፤ ሄ ዋንጫ ቢንያማ ኦጎሩዋ ግዶፐ ደሜዳ።
GEN 44:13 ሄዋን ኡንቱንቱ ካዮቲደ፥ ባረንቱ ማዩዋ ፔꬌድኖ፤ ባረንቱ ኦጎሩዋ ባረንቱ ሀረቱዋን ጫኒደ፥ ጉየ ካታማ ስሜድኖ።
GEN 44:14 ይሁዳይ ባረ እሻቱዋና ዮሴፎኮ ገልያ ዎደ፥ ዮሴፎ ሶን ደኤ፤ ኡንቱንቱ አ ስንꬃን ሳኣን ጉፋኔድኖ።
GEN 44:15 ዮሴፎ ኡንቱንታ፥ “ህንተንቱ አያ ኢታባ ኦꬄድተ? ታ ማላ አሳይ ጹራባ ደምያዋ ኤርክቴየ?” ያጌዳ።
GEN 44:16 ይሁዳይ፥ “ታ ጎዳዉ ኑን አያ ጋኔ? ኑን አያ ሃሳያኔ? ዎይ ኑን ጽሉዋ ግድያዋ ዎት በሳኔ? ጾሳይ ነ አይለቱዋ ባይዙዋ ቆንጭስ ድጌዳ። ስም ኑንካ ሄ ዋንጫይ አፐ ቤቴዳዌካ ታ ጎዳዉ አይለ ግዴዳ” ያጌዳ።
GEN 44:17 ሽን ዮሴፎ፥ “ሀዋ ማላ ኦꬅያዌ ታፐ ሃኮ፤ ታ ዋንጫይ አፐ ቤቴዳ ብታንያ ጻላላይ ታ አይለ ግዳና። ህንኮ ህንተንቱ ህንተንቱ አዉዋኮ ጉየ ሳሮ ስምተ” ያጌዳ።
GEN 44:18 ይሁዳይ አኮ ሺቂደ አ፥ “ታ ጎዳዉ፥ ታን እት ቃላ ሃሳያና ማላ ኔና ዎሳይ፤ ታና ነ አይልያ ሀንቀቶፓ፤ አያዉ ጎፐ፥ ኔን ካትያ ማላ።
GEN 44:19 ኔን ታ ጎዳይ ኑና ነ አይለቱዋ፥ ‘ህንተንቶ አዉ ደኢየ ዎይ እሻይ ደኢ?’ ያጋደ ኦቻዳ።
GEN 44:20 ኑንካ፥ ‘ኑዉ ጭሜዳ አዉ ደኤ፤ እ ጭም ክቺደ የሌዳ ቴፋ ናአይካ ደኤ፤ ሄ ናኣ እሻይ ሀይቄዳ፤ ባረ አትዉ እት አ ጻላላይ አቴዳ፤ አ አዉ አ ሲቄ’ ያጌዳ።
GEN 44:21 “ኔን ነ አይለቱዋ፥ ‘ታን አ በአና ማላ ታዉ አህተ’ ያጋዳ።
GEN 44:22 ኑን ታ ጎዳ፥ ‘ሄ ናአይ ባረ አዉዋፐ ሻከታናዉ ዳንዳየና፤ ሻከቶፐ አ አዉ ሀይቃንታ’ ያጌዳ።
GEN 44:23 ሽን ኔን ነ አይለቱዋ፥ ‘ህንተ ቴፋ እሻይ ህንተናና ዱገ ያና ꬋዮፐ፥ ላኤንꬁዋ ታ ዴሙዋ በእክታ’ ያጋዳ።
GEN 44:24 ኑን ነ አይላቱ ኑ አዉዋኮ ስሚደ ቤዳ ዎደ፥ ታ ጎዳይ ጌዳዋ አዉ ኦዴዶ።
GEN 44:25 “ኑ አዉ፥ ‘ጉየ ቢደ አማሬዳ ካꬃ ዎምተ’ ያግና፥
GEN 44:26 ኑን አ፥ ‘ኑ ቴፋ እሻይ ኑናና ቦፐ አትን፥ ዱገ ባናዉ ዳንዳዮኮ፤ አያዉ ጎፐ፥ ኑ እሻይ ቴፋይ ኑናና ቤናዋ ግዶፐ፥ ኑን ሄ ብታንያ ዴሙዋ በአናዉ ዳንዳዮኮ’ ያጌዶ።
GEN 44:27 “ኑ አዉ ነ አይል ኑና፥ ‘ታ ማቻታ ራሄላ ታዉ ላኡ አቱማ ናና የሌዳዋ ህንተንቱ ኤሪታ፤
GEN 44:28 ኡንቱንቱፐ እቱ ታፐ ሻከቲደ ቢና፥ “ቱሙ አ ዶአይ ፑዘሬꬅ ሜዳ” ያጋድ፤ ሀቼ ጋካናዉ ታን አ በአበይከ።
GEN 44:29 ሀዋ ቃይ ህንተንቱ ታፐ ሻክ አፍና፥ ኢታባይ አ ጋኮፐ፥ ህንተንቱ ታ ፑሉንꬃ ሁጲያ ካዩዋን ዱፉዋን የጋና’ ያጌዳ።
GEN 44:30 “ሄዋ ድራዉ፥ ሀእ ታን ጉየ ነ አይልያ ታ አዉዋኮ ብያ ዎደ፥ ታ አዉ፥ ናኣ ባረ ሸምፑዋዳን ሲቅያዌ፥ ናአይ ኑናና ባይናዋ በኦፐ ሀይቂ አጋና። ኑን ነ አይለቱ ኑ አዉዋ ፑሉንꬃ ሁጲያ ካዩዋን ዱፉዋን የጌቶ።
GEN 44:32 ታን ነ አይል ናኣ ታ ዋሰተꬃን አካድ፤ ታን አ፥ ‘ታ አዎ፥ ታን አ ነዉ ሳሮ ዛራደ አሀና ꬋዮፐ፥ ታ ደኡዋ ኡባን ነ ሸቃይ ታና ጋኮ!’ ያጋ ዎꬃድ።
GEN 44:33 “ያቴዳ ድራዉ፥ ታን ነ አይል ታ ጎዳዉ ናኣ ድራዉ አይለታደ፥ ሀዋን አትና፥ ናአይ ባረ እሻቱዋና ጉየ ስሞ።
GEN 44:34 ናአይ ባይናን ታን ዋናደ ጉየ ታ አዉዋኮ ስማኔ? ቱይት፥ ታና ታ አዉ ሴለታና ሴላ በሶፓ” ያጌዳ።
GEN 45:1 ሄ ዎደ ዮሴፎ ሄ አሳ ኡባ ስንꬃን ገንጫና ዳንዳይቤና፤ “አሳ ኡባ ታ ስንꬃፐ ከስተ” ያጊደ ዋሴዳ። ሄዋ ድራዉ ዮሴፎ ባረና ባረ እሻቶ ኤርሴዳ ዎደ፥ አናና ኦንነ ባዋ።
GEN 45:2 እ ባረ ቃላ ꬎቂሲደ፥ ግብጼቱ አ ስሳና ጋካናዉ ሎይꬅ ዬኬዳ። ካትያ ሶ አሳይ ሄ ዎርያ ስሴዳ።
GEN 45:3 ዮሴፎ ባረ እሻቶ፥ “ታን ዮሴፋቴ! ታ አዉ ሀኖ ጋካናዉ ፓጻ ደኢየ?” ያጊደ ኦቼዳ። ሽን አ እሻቱ ሎይꬅ ዳጋሜዳ ድራዉ፥ አዉ ዛራና ዳንዳይበይክኖ።
GEN 45:4 ያትና ዮሴፎ ባረ እሻቱዋ፥ “ታኮ ሃ ሺቅተ” ያጌዳ። ኡንቱንቱ አኮ ሺቄድኖ፤ እ ኡንቱንታ፥ “ታን ህንተንቱ እሻ ዮሴፋ፤ ህንተንቱ ግብጼ ቢታዉ ዛልኤዳዋ።
GEN 45:5 ቃይ ህንተንቱ ታና ሀዎ ዛልኤዳ ድራዉ፥ ቁምኤቶፕተነ ካዮቶፕተ፤ አያዉ ጎፐ፥ ጾሳይ ታና ህንተፐ ስንꬃዉ ኪቴዳዌ አሳ ሸምፑዋ አሻናሳ።
GEN 45:6 ሀ ቢታ ኮሻይ ገሎደፐ ላኤንꬆ ላይꬃ፤ ቃይ ይያ እቼሹ ላይꬃቱዋን አሳይ ጎሸና ዎይ ጫከና።
GEN 45:7 ሽን ታን ሳኣን ህንተንቶ ዘረꬃ አሻና ማላነ ህንተንቱ ደኡዋ ዳርሳ አሻና ማላ፥ ጾሳይ ታና ህንተፐ ስንꬃዉ ኪቴዳ።
GEN 45:8 ስም ታና ሀ ሳኣ ኪቴዳዌ ጾሳ ግድያዋፐ አትና፥ ህንተንታ ግድክታ። እ ታና ግብጼ ካትያዉ አዉዋ፥ አዉ ደእያዋ ኡባዉ ጎዳነ ግብጼ ቢታ ሞድያዋ ኦꬄዳ።
GEN 45:9 “ሀእ ኤሌል ጉየ ታ አዉዋኮ ቢደ አ፥ ‘ነ ናአይ ዮሴፎ ሀዋዳን ያጌ፤ “ጾሳይ ታና ግብጼ ቢታ ኡባ ቦላን ጎዳ ከሴዳ፤ ኔን ታኮ ዱገ ሃያ፤ ጋምኦፓ።
GEN 45:10 ኔን ገሴመ ቢታን ኡታሳ፤ ቃይ ኔን፥ ነ ናናይ፥ ነ ናና ናናይ፥ ነ ዶርሳ ዉዲ፥ ነ ሚዛ ዉዲነ ነዉ ደእያባይ ኡባይ ታ ማታን ደኢታ።
GEN 45:11 ብሮ እቼሹ ኮሻ ላይꬃቱ አቴድኖ፤ ኔና፥ ነ ሶ አሳነ ነ መህያ ኮሻይ ኦይቀና ማላ፥ ታን ኔና ምዛና” ያጌዳ’ ያግተ” ያጌዳ።
GEN 45:12 ቃይካ ዮሴፎ ኡንቱንታ፥ “ህንተካ ታ እሻ ቢንያመካ፥ ሀ ህንተናና ሃሳይያዌ ቱሙ ታና ዮሴፋ ግድያዋ ህንተንቱ አይፍያን በኢታ።
GEN 45:13 ታዉ ግብጼ ቢታን ደእያ ቦንቹዋ ኡባነ ህንተንቱ በኤዳዋ ኡባ ታ አዎ ኦድተ፤ ታ አዉዋነ ኤለካ ሃ ዱገ አክ ዪተ” ያጌዳ።
GEN 45:14 ባረ እሻ ቢንያማ ቆꬍያ ቆም ዬኬዳ፤ ቢንያመካ ባረ እሻ ቆም ዬኬዳ።
GEN 45:15 ዮሴፎ ባረ እሻቱዋ ኡባ የሪደ፥ ኡንቱንቱ ቦላንካ ዬኬዳ። ሄዋፐ ጉየ፥ አ እሻቱ አናና ሃሳዬድኖ።
GEN 45:16 ዮሴፎ እሻቱ ዬዳ ዎሪ ካትያ ጎለ ጋኬዳ ዎደ፥ ካቲነ አ ኦሳንቻቱ ናሸቴድኖ።
GEN 45:17 ካቲ ዮሴፎ፥ “ኔን ነ እሻቱዋ ያትተ ጋ፤ ‘ህንተ መህያ ጫኒደ፥ ካናነ ጋድያ ስምተ፤
GEN 45:18 ህንተንቱ አዉዋነ ህንተንቱ ሶ አሳ አኪደ፥ ጉየ ታኮ ሃ አህተ። ታን ህንተንቶ ግብጼ ቢታን ኡባ ሳኣፐ ሎእያ ሳኣ እምና፥ ህንተንቱ ሀ ቢታ ሞꬉዋ ካሻና’ ያጋ።
GEN 45:19 ቃይካ ኔን ነ እሻቱዋ፥ ‘ፓራ ጋርያ ህንተንቱ ናናቱዋነ ህንተንቱ ማጫ አሳቱዋ አህያዋንታ ግብጼፐ አኪደ ቢተ፤ ህንተንቱ አዉዋነ አኪደ ዪተ።
GEN 45:20 ግብጼ ቢታን ደእያ ኡባፐ አꬍ ሎእያዌ ህንተሳ ግድያ ድራዉ፥ ህንተንቱ ማጹዋ ቆፖፕተ’ ያጋደ ኦዳ” ያጌዳ።
GEN 45:21 እስራኤልያ አቱማ ናናይ ጌዳዋዳን ኦꬄድኖ። ዮሴፎ ካቲ አዛዜዳዋዳን ፓራ ጋረቱዋነ ኦግያዉ ሽንቃ ኡንቱንቶ እሜዳ።
GEN 45:22 ኡንቱንቶ ኡባዉካ ሁጲያን ሁጲያን ኦራꬃ ማዩዋ እሜዳ፤ ሽን ቢንያመዉ ሄዙ ጼቱ ጻጋራ ብራነ እቼሹ ኩመንꬃ ማዩዋ እሜዳ።
GEN 45:23 እ ባረ አዎ የዴዳዌ ሀዋ፤ ግብጼን ደእያ ኡባባፐ ሎእያዋ ታሙ ሀርያን ጫኒደ፥ ቃይ ኦግያዉ ካꬃ፥ ኡክꬃነ ሀራ ሽንቃ ታሙ ማጫ ሀረቱዋን ጫኒደ የዴዳ።
GEN 45:24 ዮሴፎ ባረ እሻቱዋ ሞይዜዳ። ኡንቱንቱ ቢሽን እ ኡንቱንታ፥ “ኦግያን ቢደ ዋላቀቶፕተ” ያጌዳ።
GEN 45:25 ኡንቱንቱ ግብጼፐ ከሲደ ቤድኖ፤ ካናነ ቢታ ቢደ፥ ባረንቱ አዉዋ ያቆባኮ ጋኬድኖ።
GEN 45:26 ኡንቱንቱ አዉ ሀዋዳን ያጊደ ኦዴድኖ፤ “ዮሴፎ ፓጻ ደኤ! እ ሄዋፐነ ግብጼ ቢታ ኡባ ሞድያዋ” ያጌድኖ፤ ያቆባ ዳጋማይ ዎዛና ባይዜዳ ድራዉ፥ ኡንቱንታ አማንቤና።
GEN 45:27 ሽን ኡንቱንቱ ዮሴፎ ባረንቶ ኦዴዳዋ ኡባ አዉ ኦድናነ አ አክ አሀና ማላ ዮሴፎ ኪቴዳ ፓራ ጋረቱዋ እ በእና፥ ኡንቱንቱ አዉዋ ያቆባ ሸምፑ ስሜዳ።
GEN 45:28 እስራኤሊ፥ “ሄዌ ታዉ ግዴ፤ ታ ናኣ ዮሴፎ ሀኖ ጋካናዉ ፓጻ ደኤ! ታን ሀይቃናፐ ካሰ ባደ፥ አ በአና” ያጌዳ።
GEN 46:1 እስራኤሊ ባረዉ ደእያዋ ኡባ አክ ደንዲደ፥ በርሳበሀ ጋኬዳ፤ እ ባረ አዉዋ ይሳቃ ጾሳዉ ያርሹዋ ያርሼዳ።
GEN 46:2 ጾሳይ ቃማ አኩሙዋን አ፥ “ያቆባ፥ ያቆባ” ያጌዳ። እ፥ “አቤ” ጊደ ኮዬዳ።
GEN 46:3 አ፥ “ታን ጾሳ፥ ነ አዉዋ ጾሳ፤ ኔን ዱገ ግብጼ ባናዉ ያዮፓ፤ አያዉ ጎፐ፥ ታን ኔና ያን ዎልቃማ ካዉተꬃ ከሳና።
GEN 46:4 ታን ኔናና እትፐ ግብጼ ባና፤ ቃይ ታን ነ ዘረꬃ ያፐ ከሳና። ዮሴፎ ባረ ኩሽያን ነ አይፍያ ሺሻና” ያጌዳ።
GEN 46:5 ሄዋፐ ጉየ፥ ያቆብ በርሳበሄፐ ደንዴዳ፤ እስራኤልያ አቱማ ናናይ ባረንቱ አዉዋ ያቆባ፥ ባረንቱ ናናነ ባረንቱ ማቻቱዋ ግብጼ ካቲ ኡንቱንቶ ኪቴዳ ፓራ ጋርያን ዎꬂደ አፌድኖ።
GEN 46:6 ኡንቱንቱ ካናነ ቢታን ሞዴዳ ማጹዋነ መህያ ኡባ አፌድኖ። ያቆብነ አ ዘረꬃ ኡባይ አናና ግብጼ ቤድኖ።
GEN 46:7 እ ባረ አቱማ ናናነ ባረ ናና አቱማ ናና፥ ባረ ማጫ ናናነ ባረ ናና ማጫ ናና፥ ሄዌነ ባረ ዘረꬃ ኡባ ባረናና ግብጼ አፌዳ።
GEN 46:8 እስራኤላና ግብጼ ጋድያ ቤዳ እስራኤልያ ናና ሱንꬃይ ሀዋፐ ካሊደ ጻፈቴዳዋ። ያቆባ ባይራ ናአይ ሮቤላ፤
GEN 46:9 ሮቤላ አቱማ ናናይ ሀኖካ፥ ፓሉ፥ ሄጽሮናነ ካርማ።
GEN 46:10 ስሞና አቱማ ናናይ ይሙኤላ፥ ያሚና፥ ኦሃዳ፥ ያኪና፥ ጾሃራነ ካናነ ምሽራት ናኣ ሻኡላ።
GEN 46:11 ሌዊ አቱማ ናናይ ገርሾና፥ ቃሃታነ ማራራ።
GEN 46:12 ይሁዳ አቱማ ናናይ ኤራ፥ ኦናና፥ ሼላ፥ ፓሬሳነ ዛራሀ፤ ሽን ኤርነ ኦናን ካናነ ቢታን ሀይቄድኖ። ፓሬሳ አቱማ ናናይ ሄጽሮናነ ሀሙላ።
GEN 46:13 ይሳኮራ አቱማ ናናይ ቶላአ፥ ፑዋ፥ ያሹባነ ሽምሮና።
GEN 46:14 ዛብሎና አቱማ ናናይ ሰሬዳ፥ ኤሎናነ ያህላኤላ።
GEN 46:15 ሀዋንቱ ልያ ማስጰጾምያን ያቆባዉ የሌዳ አቱማ ናና፤ እ ማጫ ናታ ዲኖ። ሀዋንቱ አ ናናይነ ናና ናናይ ሙሊ ሀታማነ ሄዛ።
GEN 46:16 ጋደ አቱማ ናናይ ጻፎና፥ ሀጋ፥ ሹና፥ ኤጽቦና፥ ኤር፥ አሮዳነ አርኤላ።
GEN 46:17 አሴራ አቱማ ናናይ ይምና፥ ይሽዋ፥ ይሽዋሀነ ባሪአ፤ ኡንቱንቱ ምቻታ ሰራሆ። ባሪአ አቱማ ናናይ ሄቤራነ ማልክኤላ።
GEN 46:18 ላባን ባረ ናት ልዮ እሜዳ ዝልፓ ያቆባዉ የሌዳ ናናይ ሀዋንታ፤ ኡንቱንቱ ሙሊ ታማነ ኡሱፑና።
GEN 46:19 ያቆባ ማቻት ራሄል አቱማ ናናይ ዮሴፎነ ቢንያማ።
GEN 46:20 ኦና ካታማ ቄስያ ጶጽፋራ ናታ አስናታ ዮሴፎዉ ግብጼን ምናሳነ ኤፍሬማ የላዱ።
GEN 46:21 ቢንያማ ናናይ በላአ፥ በኬራ፥ አሽቤላ፥ ጌራ፥ ናእማና፥ ኤሀ፥ ሮሻ፥ ሙፒማ፥ ሁፒማነ አራዳ።
GEN 46:22 ያቆባዉ የለቴዳ ራሄል አቱማ ናናይ ሀዋንታ፤ ኡንቱንቱ ሙሊ ታማነ ኦይዳ።
GEN 46:23 ዳና አቱማ ናአይ ሁሺማ።
GEN 46:24 ንፍታሌማ አቱማ ናናይ ያህጽኤላ፥ ጉና፥ የጼራነ ሺሌማ።
GEN 46:25 ላባን ባረ ናት ራሄልዉ እሜዳ ባላ ያቆባዉ የሌዳ ናናይ ሀዋንታ፤ ኡንቱንቱ ሙሊ ላፑና።
GEN 46:26 ያቆባና ግብጼ ቤዳ፥ አ ጉልባታፐ የለቴዳዋንቱ፥ አ ናና ማቻቱዋ ጉጀናን፥ ሙሊ ኡሱፑን ታማነ ኡሱፑና።
GEN 46:27 ግብጼን ዮሴፎዉ የለቴዳ ላኡ ናና ጉጅና፥ ግብጼ ቤዳ ያቆባ ሶ አሳይ ሙሊ ላፑን ታማ።
GEN 46:28 ገሴመ ቢታን ሞካና ማላ፥ ያቆብ ይሁዳ ባረፐ ስንꬃዉ ዮሴፎኮ ኪቴዳ፤ ኡንቱንቱ ገሴመ ጋኬዳ ዎደ፥
GEN 46:29 ዮሴፎ ባረ ፓራ ጋርያ ጊግሲደ፥ ባረ አዉዋ እስራኤላና ጋከታናዉ ገሴመ ቤዳ። ዮሴፎ ባረ አዉዋ ደሜዳ ሳናካ አ ቆꬍያን ጻጸት ቆም፥ ዳሮ ዎድያ ዬኬዳ።
GEN 46:30 እስራኤሊ ዮሴፎ፥ “ኔን ፓጻ ደእሽን፥ ታን ነ አይፍያ በኤዳ ድራዉ፥ ሀእ ታን ሀይቂንቶነ አይነ ባዋ” ያጌዳ።
GEN 46:31 ሄዋፐ ጉየ፥ ዮሴፎ ባረ እሻቱዋነ ባረ አዉዋ ሶ አሳ፥ “ታን ግብጼ ካትያኮ ባና፤ አዉ፥ ‘ካናነ ቢታን ደእያ ታ እሻቱዋነ ታ አዉዋ ሶ አሳይ ታኮ ዬድኖ።
GEN 46:32 ኡንቱንቱ ዶርሳ ሄንꬃንቻ፤ ኡንቱንቱ መህያ ሄምኖ፤ ኡንቱንቱ ባረናና ባረንቱ ዶርሳቱዋ፥ ባረንቱ ምያቱዋነ ባረንቶ ደእያዋ ኡባ አኪደ ዬድኖ’ ያጋና።
GEN 46:33 ካቲ ህንተንታ ጼስሲደ፥ ‘ህንተ ኪታይ አዬ?’ ያጊደ ኦቾፐ፥
GEN 46:34 ህንተንቱ አዉ፥ ‘ኑን ነ ቆማቱ ናአተꬃፐ ዶሚደ፥ ኑ አዎቱዋዳን መህያ ሄሜቶ’ ያግተ። እ ህንተንታ ገሴመ ጋድያን ዎꬃናዋ፤ አያዉ ጎፐ፥ ዶርሳ ሄንꬃንቻ ኡባይ ግብጼ አሳን ካቴዳዋ” ያጌዳ።
GEN 47:1 ዮሴፎ ገሊደ ግብጼ ካትያዉ ሀዋዳን ያጊደ ኦዴዳ፤ “ታ አዉነ ታ እሻቱ፥ ባረንቱ ዶርሳ ዉድያና፥ ባረንቱ ምያ ዉድያናነ ባረንቶ ደእያዋ ኡባና ካናነ ቢታፐ ዪደ፥ ሀእ ገሴመ ቢታን ደእኖ” ያጌዳ።
GEN 47:2 እ ባረ እሻቱዋፐ እቼሻቱዋ ዶሪደ ካትያ ስንꬃ አꬄዳ።
GEN 47:3 ካቲ ሄ እሻቱዋ፥ “ህንተንቱ ኪታይ አዬ?” ያጊደ ኦቼዳ። ኡንቱንቱ ካትያዉ፥ “ኑን ነ ቆማቱ ኑ አዎቱዋዳንካ ዶርሳ ዉድያ ሄሜቶ” ያጊደ ዛሬድኖ።
GEN 47:4 ቃይ ኡንቱንቱ አዉ፥ “ካናነ ቢታን ኮሻይ ጺጽ ደእያ ድራዉነ ነ ቆማቱዋ መህያዉ ምያባይ አይነ ባይና ድራዉ፥ ኑን ሀዋን አማሬዳ ዎድያ ደአናዉ ዬዶ፤ ሀያና ኑና ነ ቆማቱዋ ገሴመን ዎꬃርኪ!” ያጌድኖ።
GEN 47:5 ካቲ ዮሴፎ፥ “ነ አዉነ ነ እሻቱ ኔኮ ዬድኖ።
GEN 47:6 ስም ግብጼ ቢታይ ነ ኩሽያን ደኤ፤ ሀ ጋድያን ኡባ ሳፐ አꬊደ ሎኢያሳን ነ አዉዋነ ነ እሻቱዋ ዎꬃ፤ ኡንቱንቱ ገሴመ ቢታን ደኢኖ። ኔን ኤርና፥ ኡንቱንቱ ግዶፐ ዱማ ኤራተꬃይ ደእያዋንቱ ደኦፐ፥ ሄዋንታ ታ መህያ ቦላ ሱንꬃ” ያጌዳ።
GEN 47:7 ሄዋፐ ጉየ፥ ዮሴፎ ባረ አዉዋ ያቆባ ገልሲደ፥ ካትያ ስንꬃ አꬄዳ። ያቆብ ግብጼ ካትያ አንጄዳዋፐ ጉየ፥
GEN 47:8 ካቲ ያቆባ፥ “ነዉ ዎይሳ ላይꬄ?” ያጊደ ኦቼዳ።
GEN 47:9 ያቆብ ካትያ፥ “ታን ዩያደ ደኤዳ ላይꬃይ ጼታነ ሀታማ፤ ታ ላይꬃይ በን ታ አዎቱ ዩዪደ ደኤዳ ላይꬃቱዋፐ ጉꬃነ መቱ ዳሬዳዋ” ያጌዳ።
GEN 47:10 ሄዋፐ ጉየ፥ ያቆብ ካትያ አንጂደ፥ አ ስንꬃፐ ካረ ከሴዳ።
GEN 47:11 ዮሴፎ ባረ አዉዋነ ባረ እሻቱዋ ግብጼ ቢታን ዎꬄዳ፤ ካቲ አዛዜዳዋዳን ግብጼ ቢታን ራምሳ ግያ ካታማ ማታን ደእያ፥ ኡባ ሳፐ አꬊደ ሎእያ ጋድያ ኡንቱንቶ እሜዳ።
GEN 47:12 ዮሴፎ ቃይ ባረ አዎ፥ ባረ እሻቶነ ባረ አዉዋ ሶ አሳ ኡባዉ ኡንቱንቱ ናና ፓይዱዋዳን ካꬃ እሜዳ።
GEN 47:13 ግዶፐነ ኮሻይ ጺጽ ደእያ ድራዉ፥ ሄ ቢታ ኡባን ካꬅ ባዋ። ሄ ኮሻን ግብጼነ ካናነ ቢታይ ላአቱካ ቆሄቴድኖ።
GEN 47:14 ዮሴፎ ግብጼ ካꬃ ዛልኢደ፥ ግብጼነ ካናነ ቢታቱዋን ደእያ ሚሻ ኡባ ሺሼዳ፤ ግብጼ ካትያ ጎለ ገልሴዳ።
GEN 47:15 ግብጼነ ካናነ ሻሉ ዉሬዳ ዎደ፥ ግብጼ አሳይ ኡባይ ዮሴፎኮ ዪደ አ፥ “ኑዉ ካꬃ እማ፤ ኑ ሻሉ ዉሬዳ ድራዉ፥ ኑን ነ ስንꬃን አያዉ ሀይቄቶ?” ያጌድኖ።
GEN 47:16 ዮሴፎ ኡንቱንታ፥ “ያቶፐ ህንተንቱ መህያ አክ ዪተ፤ ህንተንቱ ሻሉ ዉር ክቼዳዋ ግዶፐ፥ ታን ካꬃ ህንተንቱ መህያና ላማና” ያጌዳ።
GEN 47:17 ሄዋ ድራዉ ኡንቱንቱ ባረንቱ መህያ ዮሴፎዉ አሄድኖ። ዮሴፎ ኡንቱንቱ ፓራ፥ ዶርሳ፥ ዴሻ፥ ምያነ ሀርያ ካꬃና ላሜዳ፤ እ ሄ ላይꬃ ኡንቱንቱ መህያ ኡባና ካꬃ ላሚደ ኡንቱንታ ምዝ ሻቼዳ።
GEN 47:18 ሄ ላይꬃይ ዉርና፥ ኡንቱንቱ ላኤንꬃ ላይꬃን አኮ ዪደ አ፥ “ኑን ኑ ጎዳፐ ቆስያባይ ባዋ፤ ኑ ሚሻ ኡባይ ዉር ድግና፥ ኑ መህያካ ነዉ ሼꬊደ፥ ኑ ቦላፐነ ኑ ጋድያፐ አትን፥ ኑ ጎዳዉ አቴዳባይ ሀራባይ ባዋ።
GEN 47:19 ኑን ነ ስንꬃን አያዉ ሀይቄቶ? ኑ ጋዲካ አያዉ ꬋዪ? ኑናካ ኑ ጋድያካ ካꬃን ሻማ፤ ኑን ካትያዉ አይለታና፤ ኑ ጋዲካ አዋ ግዶ፤ ኑን ፓጻ አታና ማላ፥ ሀይቀና ማላነ ኑ ጋዲካ ኦጸና ማላ፥ ዘረꬃ ኑዉ እማ” ያጌድኖ።
GEN 47:20 ዮሴፎ ግብጼ ቢታ ኡባ ካትያዉ ሻሜዳ። ግብጼቱ ኡባይ ኮሻይ ጺጽ ደእያ ድራዉ፥ ባረንቱ ጋድያ ዛልኤድኖ፤ ጋዲ ካትያዋ ግዴዳ።
GEN 47:21 ዮሴፎ አሳ ኡባ ግብጼዉ ሀ ጋጻፐ ዶሚደ ህን ጋጻ ጋካናዉ ካትያዉ አይለ ከሴዳ።
GEN 47:22 ግዶፐነ እ ቄሳቱ ዋ ጋድያ ሻምቤና፤ አያዉ ጎፐ፥ ካቲ ቄሳቶ ካꬃ እሜዳ። ሄዋ ድራዉ ባረንቱ ጋድያ ዛልእበይክኖ።
GEN 47:23 ዮሴፎ አሳ፥ “ስም ሀቼ ታን ህንተናነ ህንተንቱ ጋድያ ካትያዉ ሻማድ። ዘረꬃ አፊደ፥ ጋደን ዘርተ።
GEN 47:24 ሽን ካꬃ ጫክ ገልስያ ዎደ፥ አይፌዳዋፐ እቼሹ ኩሽያፐ እት ኩሽያ ካትያዉ እምተ። እቼሹ ኩሽያፐ አቴዳ ኦይዱ ኩሺ ህንተንቱ ጋድያ ዘረꬃነ ህንተንቶ፥ ህንተንቱ ሶ አሳዉነ ህንተንቱ ናናዉ ቁማ ግዶ” ያጌዳ።
GEN 47:25 ኡንቱንቱ፥ “ኔን ኑና አሻዳ! ኑ ጎዳ ስንꬃን ኑን ሳባ ደሜሮኮሻ፤ ኑን ካትያዉ አይለታና” ያጌድኖ።
GEN 47:26 ሄዋ ድራዉ፥ ዮሴፎ ግብጼን ቢታፐ አይፌዳዋፐ እቼሹ ኩሽያፐ እቱዋ ካትያዉ እምያዋ ህግያ ከሴዳ። ሄ ህጊ ሀቼ ጋካናዉ ኤቂደ ደኤ። ካትያዋ ግድቤና ጋዲ ቄሳቱዋ ጋድያ ጻላላ።
GEN 47:27 እስራኤለቱ ግብጼ ቢታን ገሴመ ግያ ሳን ኡቴድኖ፤ ኡንቱንቱ ያን ማጹዋ ደሜድኖ፤ ኡንቱንቱ የለቴድኖነ ዳሮ ጮራቴድኖ።
GEN 47:28 ያቆብ ግብጼ ቢታን ታማነ ላፑን ላይꬃ ደኤዳ። ያቆብ ደኤዳ ላይꬃይ ጼታነ ኦይታማነ ላፑና።
GEN 47:29 እስራኤለ ሀይቂያ ዎዲ ማታትና፥ ባረ ናኣ ዮሴፋ ጼስሲደ ሀዋዳን ያጌዳ፤ “ታን ነ ስንꬃን ሳበቴዳዋ ግዶፐ፥ ነ ኩሽያ ታ ጉልባታን ዎꬃደ፥ አነ ገፓ።
GEN 47:30 ሽን ታን ታ ማይዛን ጋከትያ ዎደ፥ ታና ግብጼፐ አፋደ፥ ኡንቱንቱ ሞገቴዳ ሳኣን ሞጋ” ያጌዳ። ዮሴፎ፥ “ታን ኔና ኔን ጌዳዋዳን ኦꬃና” ያጌዳ።
GEN 47:31 ያቆብ አ፥ “አነ ታዉ ጫቃ” ያጌዳ። ዮሴፎ አዉ ጫቄዳ፤ ሄዋፐ ጉየ፥ እስራኤሊ ባረ ሂጻን ጉፋኒደ፥ ጾሳዉ ጎይኔዳ።
GEN 48:1 ሄዋፐ ጉየ አሳይ ዮሴፎዉ፥ “ነ አዉ ሳከቴዳ” ያጊደ ኦዴዳ። እ ባረ ላኡ አቱማ ናና ምናሳነ ኤፍሬማ አኪደ ቤዳ።
GEN 48:2 አሳይ ያቆባ፥ “በአ፤ ነ ናአይ ዮሴፎ ኔኮ ዬዳ” ያጌዳ፤ እስራኤሊ ምነቲደ ባረ ሂጻን ኡቴዳ።
GEN 48:3 ያቆብ ዮሴፎ፥ “ኡባ ዳንዳይያ ጾሳይ ካናነ ቢታን ሎዛ ግያ ሳኣን ታዉ ቆንጪደ፥ ያን ታና አንጄዳ።
GEN 48:4 እ ታና፥ ‘ታን ኔና የለትሳናነ ጮርሳና፤ ታን ኔና ዳሮ ደረ ኦꬃና። ሀ ቢታ ታን ኔፐ ጉየ፥ ነ ዘረꬃዉ መꬍና ላታ ኦꬃደ እማና’ ያጌዳ።
GEN 48:5 “ስም ሀእ፥ ነ ላኡ አቱማ ናናይ፥ ታን ኔኮ ሀዋ ያናፐ ካሰ ግብጼን ነዉ የለቴዳዋንቱ ታዋንታ፤ ኤፍሬምነ ምናሰ ታዉ ሮቤላነ ስሞና ማላ።
GEN 48:6 ኡንቱንቱፐ ጉየ ነዉ የለቴዳዋንቱ ነዋንታ፤ ኡንቱንቱ ላታና ቢታይ ኤፍሬማነ ምናሳ ሱንꬃን ግዶ።
GEN 48:7 ታን ማስጰጾምያፐ ስምሽን፥ ኤፍራታ ጋካናዉ ላፋ አሽያ ዎደ፥ ራሄላ ካናነ ቢታን ሀይቃዱ። ታን እዞ ቤተሌመ ግያ ኤፍራታ አፍያ ኦግያ ዶናን ሞጋድ” ያጌዳ።
GEN 48:8 እስራኤሊ ዮሴፎ አቱማ ናና ላአቱዋ በኤዳ ዎደ፥ “ሀዋንቱ ኦኔ?” ያጊደ ኦቼዳ።
GEN 48:9 ዮሴፎ ባረ አዉዋ፥ “ሀዋንቱ ጾሳይ ታዉ ሀዋን እሜዳ ታ ናና” ያጌዳ። እስራኤሊ፥ “ታን ኡንቱንታ አንጃና ማላ፥ ኡንቱንታ ታኮ ሃ ሺሻ” ያጌዳ።
GEN 48:10 እስራኤሊ ጭምና አ አይፊ ላባኔዳ ድራዉ፥ ጼላናዉ ዳንዳየና። ሄዋ ድራዉ ዮሴፎ ባረ አቱማ ናና አኮ ሺሽና፥ አ አዉ ኡንቱንታ እድሚደ የሬዳ።
GEN 48:11 እስራኤለ ዮሴፋ፥ “ታን ነ ዴሙዋ በአና ጋደ ቆፓበይከ፤ ሽን ጾሳይ ሄኮ ነ ናናካ ታና በሴዳ” ያጌዳ።
GEN 48:12 ዮሴፎ ኡንቱንታ አ ጉልባታፐ ደንꬂደ፥ ባረ ዴሙዋ ሳኣ ጋꬂደ ጎይኔዳ።
GEN 48:13 ዮሴፎ ባረ ላኡ አቱማ ናና፥ ኤፍሬማ ባረ ኡሸቻ ባጋን እስራኤልያዉ ሀድርሳ ባጋና፥ ምናሳ ባረ ሀድርሳ ባጋን እስራኤልያዉ ኡሸቻ ባጋና አኪደ፥ አኮ ሺሼዳ።
GEN 48:14 ኤፍሬመ ቴፋ ግዶፐነ፥ እስራኤሊ ባረ ኡሸቻ ኩሽያ የዲደ አ ሁጲያን ዎꬄዳ፤ ቃይ ምናሰ ባይራ ግዶፐነ፥ እስራኤሊ ባረ ኩሽያ የዲደ፥ ባረ ሀድርሳ ኩሽያ ምናሰ ሁጲያን ዎꬄዳ።
GEN 48:15 ሄዋፐ ጉየ፥ ያቆብ ዮሴፋ ሀዋዳን ያጊደ አንጄዳ፤ “ታ አዎቱ አብራሃመነ ይሳቅ አ ስንꬃን ሄመቴዳ ጾሳይ፥ ታ ደኡዋ ኡባን ሀቼ ጋካናዉ ታና ሄሜዳ ጾሳይ፥
GEN 48:16 ኢታባ ኡባፐ ታና አሼዳ ኪታንቻይ፥ ሀ ናና አንጆ። ታ ሱንꬃይነ ታ አዎቱዋ አብራሃማነ ይሳቃ ሱንꬃይ ኡንቱንቱን ጼሰቶ። ኡንቱንቱ ሳኣ ቦላን ጮራትኖ” ያጊደ አንጄዳ።
GEN 48:17 ዮሴፎ ባረ አዉ ባረ ኡሸቻ ኩሽያ ኤፍሬማ ሁጲያን ዎꬄዳዋ በኤዳ ዎደ ዶስቤና። ሄዋ ድራዉ፥ ኤፍሬማ ሁጲያፐ ደንꬂደ፥ ምናሰ ሁጲያን ዎꬃናዉ ባረ አዉዋ ኩሽያ ኦይቄዳ።
GEN 48:18 ዮሴፎ ባረ አዉዋ፥ “ታ አዎ፥ ሄዋ ግደና፤ ባይራይ ሀዋተ፤ ነ ኡሸቻ ኩሽያ ሀዋ ቦላ ዎꬃ” ያጌዳ።
GEN 48:19 ሽን አ አዉ እጺደ አ፥ “ታን ኤራይ፤ ታ ናአዉ፥ ታን ኤራይ፤ እካ ዎልቃማ ደረ ግዳና። ግዶፐነ አ ቴፋ እሻይ አፐ አꬍ ግታታና፤ አ ዘረꬃይካ ዳሪ ዎልቃማ ካዉተꬃ ግዳና” ያጌዳ።
GEN 48:20 እ ሄ ጋላስ ኡንቱንታ አንጂደ፥ “እስራኤላቱ አንጅያ ዎደ፥ ‘ጾሳይ ህንተንታ ኤፍሬመዳንነ ምናሰዳን ኦꬆ’ ያጊደ ህንተንቱ ሱንꬃን አንጃና” ያጌዳ። ኤፍሬማ ምናሰፐ ስንꬃዬዳ።
GEN 48:21 ሄዋፐ ጉየ እስራኤሊ ዮሴፎ፥ “ታን ሀያና ሀናይ፤ ሽን ጾሳይ ህንተናና ግዳና፤ ቃይ እ ህንተንቱ አዎቱዋ ጋድያ ህንተንታ ጉየ ዛራና።
GEN 48:22 ቃይ ኔና ነ እሻቱዋና ጋክያ ቢታፐ እት ሳማ ዳርሳደ ነዉ እማይ፤ ሄዌነ ታን አሞራቱዋፐ ታ ማሻንነ ታ ዎንዳፍያን አኬዳ ቢታ” ያጌዳ።
GEN 49:1 ሄዋፐ ጉየ፥ ያቆብ ባረ አቱማ ናና ጼስሲደ ሀዋዳን ያጌዳ፤ “ስንꬃፐ ህንተንቶ ሀናናባ ታን ህንተንቶ ኦዳና ማላ ሺቅተ።”
GEN 49:2 “ህንተንቶ ያቆባ ናናቶ፥ እትፐ ሺቂደ ስስተ፤ ህንተንቱ አዉ እስራኤሊ ህንተንቶ ኦድያዋ ሀይዝተ።
GEN 49:3 “ሮቤላ፥ ታ ባይራ ናአዉ፥ ኔን ታ ዎልቃ፤ ታ ምኖተꬃዉ ኮይሩዋ። ኔን ቦንቹዋንካ ዎልቃንካ ኡባፐ አꬍያዋ።
GEN 49:4 ኔን ድኡዋ ማላ፤ ኤቆሳአን ደአካ፤ ኔን ኡባፐ አꬍያዋ ግዳካ። አያዉ ጎፐ፥ ኔን ነ አዉዋ ግሱዋ ከሳዳ፤ ነ አዉዋ ግሱዋ ቱንሳዳ።
GEN 49:5 “ስሞንነ ሌዊ እሻቱዋ፤ ኡንቱንቱ ማሻይ ማካላተꬃዉ ኦላ ሚሻ።
GEN 49:6 ታን ኡንቱንቱ ዞረታን ገልከ፤ ታን ኡንቱንቱ ሺቁዋንካ ኡትከ፤ አያዉ ጎፐ፥ ኡንቱንቱ ባረንቱ ሀንቁዋን አሳ ዎꬌድኖ ባረና አካ አካ ጊና፥ ቦራቱዋ ቃንጼድኖ።
GEN 49:7 ኡንቱንቱ ሱሎ ሀንቁ ኡንቱንቱ መቀꬃ ኢታተꬃይነ ሸቀቴዳዋ ግዶ! ታን ኡንቱንታ ያቆባ አሳ ግዱዋን ላላና፤ እስራኤልያ ቢታን ትስክ ኦꬃና።
GEN 49:8 “ይሁዳዉ፥ ነ እሻቱ ኔና ጋላታና። ነ ኩሺ ነ ሞርከቱዋ ፕላንትያ ኦይቃና። ነ አዉዋ ናናይ ነዉ ሆኪደ ጎይናና።
GEN 49:9 ይሁዳዉ፥ ኔን ዎዳላ ጋሞ። ታ ናአዉ፥ ኔን ሻንካፐ ዎꬍ ስሚደ፥ ጮጎቲደ ግሴዳ ጋሙዋ ማላ። ኔን አሳ ቦሸረꬃናዉ ኮየና ማጫ ጋማት ማላ።
GEN 49:10 አይስያዌ ያና ጋካናዉ፥ ካዉተꬃ ጻምአይ ይሁዳፐ፥ ደርያ አይስያዋንቱ ጋትማይ አ ገድያ ግዶፐ ሻከተና። ቃይ ደርያ አሳይ አዉ አዛዘታና።
GEN 49:11 እ ባረ ሀርያ ዎይንያ አኑዋን፥ ባረ ሀረ ማራ ሙሩታ ዎይንያ ቱራን ቃቻና። እ ባረ አፍላ ዎይንያ ኤሳን፥ ባረ ማዩዋ ሱꬃ ማላትያ ዎይንያ ኤሳን ሜጫና።
GEN 49:12 አ አይፊ ዎይንያ ኤሳፐ አꬍ ዞአና፤ አ አቻይካ ማꬃፐ አꬍ ቦጻና።
GEN 49:13 “ዛብሎነ አባ ዶናን ደአና፤ እ አባ ዶናን ማርካባቱ ኤቂያ ሳኣ ግዳና፤ አ ዛዋይ ሲዶና ጋካናዋ።
GEN 49:14 “ይሳኮረ ምኖ ሀርያ፤ ጫንያ ላኡ ዶንያቱዋ ግዱዋን ግስ ባሼ
GEN 49:15 እ ባረ ሸምፕያሳ ሎአ ግድያዋነ ባረ ቢታይ ናሸችያዋ ግድያዋ በእያ ዎደ፥ ጫና ቶካናዉ ባረ ሀሽያ ሆክሲደ፥ አይለተꬃ ኦሱዋ ኦꬃና።
GEN 49:16 “ዳን እስራኤልያ ዛራቱዋፐ እቱዋ ግዴዳ ባረ አሳ ቦላ ዳናታናዋ።
GEN 49:17 ዳን ኦግያ ዶናን ደእያ ሾሻ፤ ፓራ ቶጌዳዌ ጉየ ኩንዳና ማላ ፓራ ግንድያ ዱክያ፥ ኦግያን ደእያ ሀሱዋ።
GEN 49:18 አቤት መꬍና ጎዳዉ፥ ታን ኔን አሻናዳን ናጋይ።
GEN 49:19 ጋድ ቦንቂያዋንቱን ደሸታናዋ፤ ሽን እካ ኡንቱንቱ ቃታማ ካሊደ ኡንቱንታ ቦንቃናዋ።
GEN 49:20 አሴራ ኡክꬃይ ኦርዱዋ፤ ካትያዉ እ ሎኦ ቁማ እማና።
GEN 49:21 ንፍታሌመ ቃሸተናን የዳ ደእያ፥ ሎኦ ማራቱዋ የልያ ገንእያ።
GEN 49:22 ዮሴፎ አይፍያና ዮንዶዴዳ ዎይንያ ቱራ። እ ፑልቱዋ ማታን ዮንዶዳ አይፍያና ደእያ፥ ዳሻይካ ጎዳፐ ቦላና ዛእያ ዎይንያ ቱራ።
GEN 49:23 ዎንዳፍያ ዱክያዋንቱ አ ቦላ ዶዴድኖ፤ ባረንቱ ዎንዳፍያንካ፥ ዱኬድኖነ ማይትሴድኖ።
GEN 49:24 አ ዎንዳፊ ምን ኡቴዳ፤ አ ዎልቃይካ ምኒደ ጋምኤዳ። ሄዌካ ያቆባ ጾሳ ዎልቃማ ኩሽያ ጋሱዋና፥ ነ ሄንꬃንቻ፥ እስራኤልያ ዛላ ጋሱዋና፥
GEN 49:25 ኔና ማድያ ነ አዎቱዋ ጾሳ ጋሱዋንነ፥ ኔና ቦላ ሳሉዋ አንጁዋን፥ ጋርሳ ጪማ አንጁዋን፥ ꬋንꬃ አንጁዋንነ የልያ ኡሉዋ አንጁዋን አንጅያ፥ ኡባ ዳንዳይያ ጾሳ ጋሱዋና።
GEN 49:26 ነ አዉዋ አንጁ በን ደረቱዋ አንጁዋፐካ መꬍናፐ ደእያ አንጁዋፐካ አꬌ። ሀዌ ኡባይ ዮሴፎ ሁጲያን፥ ባረ እሻቱዋ ግዱዋን ካፑዋ ግድያዋ ሊጲያን ሸምፖ።
GEN 49:27 ቢንያመ ቦንቂያ ዋልያ። ባረ ሻንካቴዳዋ ዎንታ ሜ፤ ባረ ኦሞዴዳዋ ኦማርስ ሻኬ” ያጌዳ።
GEN 49:28 ሀዋንቱ ታማነ ላኡ እስራኤልያ ዛራቱዋ፤ ቃይ ኡንቱንቱ አዉ ኡንቱንታ ሁጲያን ሁጲያን ኡንቱንቶ በስያ አንጁዋ አንጂደ ኡንቱንቶ ጌዳዌ ሀዋ።
GEN 49:29 ሄዋፐ ጉየ፥ እ ኡንቱንታ ሀዋዳን ያጊደ አዛዜዳ፤ “ታን ታ ማይዛ አሳቱዋን ጋከታናዉ ሀናይ፤ ታና ሂትያ ኤፍሮና ጋደን ደእያ ጎንጎሉዋን፥ ታ አዎቱዋና ሞግተ።
GEN 49:30 ሄዌካ ካናነ ቢታን፥ ማምረ ማታን ደእያ፥ ማክጴላ ግያ ጎንጎሉዋ፤ ሄዌ አብራሃመ ሂትያ ኤፍሮናፐ አ ጋድያና ሻሜዳ ጎንጎሉዋ።
GEN 49:31 አብራሃመነ አ ማቻታ ሳራ ያን ሞገቴድኖ፤ ይሳቅነ አ ማቻታ ርብቃ ያን ሞገቴድኖ፤ ታን ቃይ ልዮ ያን ሞጋድ።
GEN 49:32 ሄ ጋዲነ አን ደእያ ጎንጎሉ ሂተቱዋፐ ሻመቴዳዋ” ያጌዳ።
GEN 49:33 ያቆብ ባረ ናናዉ አዛዙዋ ዉርሴዳ ዎደ፥ ባረ ገድያ ፑደ ባረ ሂጻዉ ሺሽ አኪደ፥ ሀይቂ አጌዳ፤ ባረ ማይዛን ጋከቴዳ።
GEN 50:1 ዮሴፎ ባረ አዉዋ አሃ ቦላ ኩንዲደ፥ ዬኬዳነ አ የሬዳ።
GEN 50:2 ሄዋፐ ጉየ፥ ዮሴፎ ꬋልያ ሺሽያ ባረ ኦሳንቻቱዋ ባረ አዉዋ እስራኤልያ አሃ ሳዊያ ሽቱዋ ኦኪደ መልሳና ማላ አዛዜዳ፤ ኡንቱንቱ ኦኪደ መልሴድኖ።
GEN 50:3 ሽቱዋ ኦክያዌ ኦይታሙ ጋላሳ ኩመንꬃ ዉርሴዳ፤ አያዉ ጎፐ፥ ሄዌ ጋድያ ዎጋን ኦይታሙ ጋላሳ አኬዳ። ግብጼ አሳቱ አዉ ላፑን ታሙ ጋላሳ ዬኬድኖ።
GEN 50:4 ዬኩዋ ጋላሳቱ አꬌዳ ዎደ፥ ዮሴፎ ግብጼ ካትያ ጎለ አሳ፥ “ታን ህንተንቱ ስንꬃን ናሸቴዳዋ ግዶፐ፥ ህንተንቱ ካትያዉ ሀዋዳን ያጊደ ኦድተ፤
GEN 50:5 ‘ታ አዉ ታና እት ጫቁዋ ጫቂሴዳ፤ እ ታና፥ “ታን ሀያና ሀናይ፤ ታን ታዉ ካናነ ቢታን ቦኬዳ ጎንጎሎ ዱፉዋን ታና ሞጋ” ያጌዳ። ሄዋ ድራዉ ሀእ ታን ፑደ ባደ ታ አዉዋ ሞጋና ማላ የዳርኪ! ሄዋፐ ጉየ ታን ስማና’ ያግተ” ያጌዳ።
GEN 50:6 ካቲ፥ “እ ኔና ጫቂሴዳዋዳን ፑደ ባደ ነ አዉዋ ሞጋ” ያጌዳ።
GEN 50:7 ዮሴፎ ባረ አዉዋ ሞጋናዉ ፑደ ቤዳ። ካትያ ኦሳንቻቱ ኡባይ፥ አ ካትያ ጎለን ደእያ ዎልቃማ አሳይ ኡባይነ ግብጼ ቢታን ደእያ ዎልቃማ አሳይ ኡባይ ዮሴፋ ካሊደ ቤድኖ።
GEN 50:8 ቃይ ዮሴፎ ሶ አሳይ ኡባይ፥ አ እሻቱዋነ አ አዉዋ ሶ አሳይ ቤድኖ፤ ኡንቱንቱ ናናይ፥ ኡንቱንቱ ሚዛይነ ኡንቱንቱ ዶርሳ ዉዲ ጻላላይ ገሴመን አቴዳ።
GEN 50:9 ፓራ ጋረቱካ ፓራ አሳቱካ አናና ፑደ ቤድኖ፤ አ ካሊደ ቤዳ አሳይ ሎይꬅ ዳራ።
GEN 50:10 ኡንቱንቱ ዮርዳኖሳ ሻፋ ማታን ደእያ አጻደ ግያ ኡዱማ ጋኪደ፥ ባረንቱ ቃላ ꬎቁ ኦꬂደ፥ አዉ ዝላሌድኖነ ዬኬድኖ፤ ያን ዮሴፎ ባረ አዉዋ ዬኩዋን ላፑን ጋላሳ ኡቴዳ።
GEN 50:11 ሄ ቢታን ደእያ ካናነ አሳቱ አጻደ ግያ ኡዱማን ሄ ዬኩዋ በኤዳ ዎደ፥ “ግብጼቱ አያ ይባታ ዬኩዋ ዬክኖ!” ያጌድኖ። ሄዋ ድራዉ ዮርዳኖሳ ማታን ደእያ ሄ ሳአይ፥ አቤል-ምጽራይማ ጌተቴዳ።
GEN 50:12 ያቆባ ናናይ ባረንቱ አዉ ኡንቱንታ አዛዜዳዋዳን ኦꬄድኖ፤
GEN 50:13 ኡንቱንቱ አ አሃ ካናነ ጋድያ አፊደ፥ ማምረ ማታን ደእያ ማክጴላ ግያ ጎንጎሉዋን፥ አብራሃመ ሂትያ ኤፍሮናፐ ሞጎ ሻሜዳ ጋድያን አ ሞጌድኖ።
GEN 50:14 ዮሴፎ ባረ አዉዋ ሞጌዳዋፐ ጉየ፥ ባረ እሻቱዋናነ አ አዉዋ ሞጋናዉ አናና ቤዳ ሀራ አሳቱዋ ኡባቱዋና ግብጼ ስሜዳ።
GEN 50:15 ኡንቱንቱ አዉ ሀይቂ ድጌዳዋ በኢደ፥ ዮሴፎ እሻቱ ባረንቱ ግዱዋን፥ “ኦን ኤሪ ዮሴፎ ኑና ባረ ኡሉዋን ሞርኮፐነ ኑን አዉ ኦꬄዳ ኢታባ ኡባዉ ሀሉዋ ከሳና ኮዮፐ፥ ኑን ዋናኔ?” ያጌድኖ።
GEN 50:16 ሄዋ ድራዉ ዮሴፎኮ ሀዋ ማላ ኪታ ኪቴድኖ፤ “ነ አዉ ሀይቃናፐ ካሰ፤
GEN 50:17 ‘ህንተ ዮሴፎ፥ “ኔን ነ እሻቱዋ ናጋራነ ኡንቱንቱ ኔና ናቄዳ ኢታ ናቁዋ ሀያና አቶ ያጋ” ያጌዳ ጊደ ኦድተ’ ያጌዳ። ሄዋ ድራዉ ሀእ ሀያና፥ ኑ ናጋራ፥ ነ አዉዋ ጾሳ ቆማቱዋ ናጋራ አቶ ያጋ” ያጌድኖ። ኪታይ ባረኮ ጋኬዳ ዎደ፥ ዮሴፎ ዬኬዳ።
GEN 50:18 ሄዋፐ ጉየ አ እሻቱ ባረንቱ ሁጲያዉ አኮ ዪደ፥ አ ስንꬃን ጉፋኒደ፥ “ኑን ነ አይለቱዋ” ያጌድኖ።
GEN 50:19 ሽን ዮሴፎ ኡንቱንታ፥ “ያዮፕተ፤ ታና ህንተንቶ ጾሳ ጌድተየ?
GEN 50:20 ህንተንቱ ታዉ ኢታናዉ ኦꬄድታ፤ ሽን ሀቼዋዳን ዳሮ አሳይ ሀይቀናን አታና ማላ፥ ጾሳይ ሎኦተꬃዉ ሀዋ ኦꬄዳ።
GEN 50:21 ሄዋ ድራዉ ስም ህንተንቱ ያዮፕተ፤ ታን ህንተናነ ህንተንቱ ናና ምዛና” ያጊደ፥ እ ኡንቱንታ ምንꬂደ ሎኦ ቃላ ሃሳዬዳ።
GEN 50:22 ዮሴፎ ባረ አዉዋ ሶ አሳ ኡባና ግብጼን ጋምኤዳ፤ እ ጼታነ ታሙ ላይꬃ ደኤዳ፤
GEN 50:23 ኤፍሬማ ናና፥ ሄዘንꬃ የለታ በኤዳ፤ ቃይ ምናሰ ናኣ ማኪና ናናነ እ ባረ ናና ኦꬄዳ።
GEN 50:24 ሄዋፐ ጉየ ዮሴፎ ባረ እሻቱዋ፥ “ታን ሀያና ሀናይ፤ ሽን ጾሳይ ህንተንታ ማዳናዉ ቱሙ ጾሞሳና፤ እ ህንተንታ ሀ ቢታፐ ከሲደ፥ አብራሃመዉ፥ ይሳቃዉነ ያቆባዉ እማና ጊደ ጫቄዳ ቢታ አፋና” ያጌዳ።
GEN 50:25 ዮሴፎ እስራኤልያ ናና፥ “ጾሳይ ህንተንታ ማዳናዉ ቱሙ ጾሞስያ ዎደ፥ ህንተንቱ ታ መቀꬃ ሀ ቢታፐ ፑደ አኪደ ቢተ” ያጊደ ጫቂሴዳ።
GEN 50:26 ዮሴፎ ጼታነ ታሙ ላይꬃ ደኢደ ሀይቄዳ፤ ኡንቱንቱ ሽቱዋን አ አሃ ኦኪደ መልሴዳዋፐ ጉየ፥ ግብጼ ቢታን ሳጽንያን የጌድኖ።
EXO 1:1 ያቆባና ግብጼ ቤዳ እስራኤልያ አቱማ ናና ሱንꬃይ ሀዋፐ ካሊደ ጻፈቴዳ፤ ኡንቱንቱ ኡባይካ ባረንቱ ሶይ አሳ አኪደ ቤድኖ።
EXO 1:2 ሄዋንቱካ: ሮቤላ፥ ስሞና፥ ሌዋ፥ ይሁዳ፥
EXO 1:3 ይሳኮራ፥ ዛብሎና፥ ቢንያማ፥
EXO 1:4 ዳና፥ ንፍታሌማ፥ ጋዳነ አሴራ።
EXO 1:5 ያቆባ ዘረꬃቱ ኡባይ ላፑን ታማ፤ ዮሴፎ ካሰካ ግብጼ ብ ኡቴዳ።
EXO 1:6 ዮሴፎ፥ አ እሻቱነ ሄ የለታ ኡባይ ሀይቄዳ፤
EXO 1:7 ሽን እስራኤልያ ዘረꬃይ አይፌድኖነ ሎይꬅ ዳሬድኖ፤ ሄ ቢታ ኩማና ጋካናዉ ኡንቱንቱ ሎይꬅ ጮራቴድኖ።
EXO 1:8 ሄዋፐ ጉይያን፥ ዮሴፎ ኤረና ኦራꬃ ካቲ ግብጼ ጋድያን ደንዴዳ።
EXO 1:9 እ ባረ አሳ፥ “በእተ፤ ሀ እስራኤላቱ ኑፐ ሎይꬅ ጮራቴድኖነ ዎልቃሜድኖ።
EXO 1:10 ሃ ዪተ፥ አነ ኑን ኡንቱንታ ሂላን ኦይቆይተ፤ ሄዌ ꬋዮፐ ኡንቱንቱ ካሰዋፐ ያ ዳራና። ኦን ኤር ኦላይ ደንዶፐ፥ ኡንቱንቱ ኑ ሞርከቱዋና ዳንꬂደ፥ ኑና ኦላናነ ጋድያ የጊደ ከስ አኪደ ባናዋንታ” ያጌዳ።
EXO 1:11 ሄዋ ድራዉ፥ ዴጾ ኪታን ኡንቱንታ ቱጋያና ማላ፥ ኡንቱንቱ ቦላ መቀꬅ ባይና ካፖቱዋ ሱንꬄድኖ። ኡንቱንቱ ካትያዉ ፒቶማነ ራምሳ ጌተትያ ሚሻ ምንጅያ ካታማቱዋ ኬጼድኖ።
EXO 1:12 ሽን ግብጼቱ ኡንቱንታ ኡንኡዋ ዳርያ ዎደ፥ ኡንቱንቱ ጮራት የለቴድኖነ ቢታ ጋኬድኖ። ሄዋ ድራዉ፥ ግብጼቱ እስራኤላቶ ያዬድኖ፤
EXO 1:13 ቃረታይ ባይና ሀኖታን አይለተꬃን ኪትሴድኖ።
EXO 1:14 ቃረታይ ባይና ዎልቃማ ኪታን፥ ስምንቱዋንነ ጹብያ መꬉዋን፥ ቃይ ሾይቃን ኦꬅያ ኡባ ቆሞ ኪታን፥ ኡንቱንቱ ደኡዋ ጫምሴድኖ።
EXO 1:15 ግብጼ ካቲ እብራዌ ማጫዋንታ ማርስያ ጽፓሮነ ፑሆ ጌተትያ ላኡ ማጫዋንታ ሀዋዳን ያጌዳ፤
EXO 1:16 “እብራዌ ማጫ አሳቱ የልያ ዎደ ህንተንቱ ማርሲደ፥ የልሶዌ አቱማ ናኣ ግዶፐ፥ ዎꬍተ፤ ሽን ማጫ ናቶ ግዶፐ ዎꬎፕተ” ያጌዳ።
EXO 1:17 ሽን ማርስያዋንቱ ጾሳዉ ያዪደ፥ ግብጼ ካቲ ኡንቱንታ አዛዜዳዋዳን ኦꬅበይክኖ። ኡንቱንቱ አቱማ ናና ሸምፑዋና አሼድኖ።
EXO 1:18 ሄዋፐ ጉይያን ግብጼ ካቲ ሄ ማርስያዋንታ ጼሲደ፥ “ህንተንቱ አያዉ ሀዋዳን ኦꬂቴ? አቱማ ናና አያዉ ሸምፑዋና አጊቴ?” ያጊደ ኡንቱንታ ኦቼዳ።
EXO 1:19 ማርስያዋንቱ ዛሪደ፥ “እብራዌ ማጫ አሳቱ ግብጼ ማጫዋንቱ ማላ ግድክኖ፤ ኡንቱንቱ ምና ግድያ ድራዉ፥ ማርስያዋንቱ ጋካናፐ ካሰቲደ የል ድጊኖ” ያጌድኖ።
EXO 1:20 ሄዋ ድራዉ፥ ጾሳይ ማርስያዋንቶ ኬኬዳ። አሳ ፓይዱካ ጉጅ ጉጅ ቢደ፥ ካሰዋፐ ያ ጮራቴዳ።
EXO 1:21 ቃይ ማርስያዋንቱ ጾሳዉ ያዬዳ ድራዉ፥ ጾሳይ ኡንቱንቶ ሎኦባ ኦꬄዳ። እቶ እቶካ ሶ አሳ እሜዳ።
EXO 1:22 ሄዋፐ ጉይያን ካቲ ባረ አሳ ኡባ፥ “እብራዋቱዋፐ የለትያ አቱማ ናና ኡባ ናይለ ሻፋ ሃꬃን ኦልተ፤ ሽን ማጫ ናናይ የለቶፐ፥ ሸምፑዋና አግ ባሽተ” ያጊደ አዛዜዳ።
EXO 2:1 ሄ ዎደ እት ሌዊያ ቆሞ ግዴዳ ብታኒ ሌዋዌ ማጫውኖ አኬዳ፤
EXO 2:2 እዛ ሻሃራደ አቱማ ናኣ የላዱ። ናአይ ማላ ሎኦ ናኣ ግድያዋ እዛ በኣደ፥ ሄዙ አግና ቆሳዱ።
EXO 2:3 ሽን እዛ ሄዋፐ ዳሩዋ ቆሳናዉ ዳንዳየናዋ ኤራደ፥ ጫርያፐ ቁንኣ አዉ ዳዳዱ፤ ያታደ ሃꬃይ ገለና ማላ ሽድያን ማራጋደ፥ ናኣ አ ግዶን ዎꬃዱ፤ ናይለ ሻፋ ጌተትያ ሃꬃ ዶናን ጫርያ ግዶን ዎꬃዱ።
EXO 2:4 አ ምቻታ እ ሀንያባ በአናዉ ሃኩዋን ኤቃዱ።
EXO 2:5 ግብጼ ካትያ ናታ ቦላ ሜጨታናዉ ናይለ ግያ ሻፋ ዎꬋዱ፤ እዝ ማጫ ቆማቱ ሃꬃ ዶናን ያነ ሃነ ሀመቲኖ፤ እዛ ቁንኣ ጫርያ ግዶን በኣደ፥ ባደ አካ ያና ማላ ባረ ቆማቶ ኪታዱ፤
EXO 2:6 ቁንኣ ፖካደ፥ በእተ ሀዋን ቄር ናአይ ዬክ ደኤ፤ እዛ አዉ ቃረታደ፤ “ሀዌ እብራዌቱ ቄር ናናቱዋፐ እቱዋ” ያጋዱ።
EXO 2:7 ሄ ዎደ አ ምቻታ ካትያ ናቶ፥ “ነዉ ሀ ናኣ ꬋንꬃናዉ እብራዌ ማጫ አሳፐ እትኖ ጼሳናዉ ቦ?” ያጋደ ኦቻዱ።
EXO 2:8 እዛ፥ “ኤ፥ ባ” ያጋዱ። ናታ ባደ፥ ሄ ናኣ ዳዮ አሃዱ።
EXO 2:9 ካትያ ናታ ሄ ምሽራቶ፥ “ሀ ናኣ አፋደ፥ ታዉ ꬋንꬃሻ፤ ታን ነዉ ድርጉዋ ጭጋና” ያጋዱ። ምሽራታ ናኣ አፋደ፥ ꬋንꬃዱ።
EXO 2:10 ናአይ ድጭና፥ ካትያ ናትኮ አ አሃዱ፤ እ እዝዉ ናኣ ግዴዳ፤ “ታን ሃꬃፐ አ ከሳድ” ጋደ፥ ሙሳ ጋ ሱንꬃዱ።
EXO 2:11 ሙሴ ድጭ ዎጋ ግዲደ፥ እት ጋላስ ባረ አሳይ ደእያ ሳኣ ቢደ፤ ኡንቱንቱ ዴጾ ኪታ ኪተትሽን ጼሌዳ። ግብጼ ቢታ አሳ እቱ፥ እሻቱዋ ግዴዳ እብራዋቱዋፐ እቱዋ ዋꬍሽን በኤዳ።
EXO 2:12 እ ያ ሃ ጼልና፥ ኦንነ ባይናዋ በኢደ፥ ሄ ግብጼ ብታንያ፤ ዎꬊደ ሻፍያ ግዶን ቆሴዳ።
EXO 2:13 ዎንተꬃ ጋላስ ከሲደ፥ በእተ! ሀቼ ቃይ ላኡ እብራዌቱ ዋቲኖ። ናቄዳዋ እ፥ “ኔን ነ እሻ ግዴዳ እብራውያ አያዉ ደቻይ?” ያጊደ ኦቼዳ።
EXO 2:14 ሄ ብታኒ፥ “ኔና ኑ ቦላ ሞድያዋነ ዳና ኦꬅ ሱንꬄዳዌ ኦኔ? ኔን ሄ ግብጼ ብታንያ ዎꬌዳዋዳን፥ ታናካ ዎꬋናዉ ቆፓይ?” ያጌዳ። ሙሴ ሄ ዎደ፥ “ታን ኦꬄዳባይ ኤረት ድጌዳ” ያግ ቆፒደ ያዬዳ።
EXO 2:15 ካቲካ ሀዋ ስሴዳ ዎደ፥ ሙሳ ዎꬋናዉ ኮዬዳ፤ ሽን ሙሴ ካትያፐ ባቃቲደ፥ ሚድያማ ጋድያን ደአናዉ ቢደ ሃꬃ ኦላ ዶናን ኡቴዳ።
EXO 2:16 ሄ ዎደ ሚድያማ ቄሳቱዋፐ እቶ ላፑን ማጫ ናናይ ደኢኖ፤ ኡንቱንቱ ባረንቱ አዉዋ ዶርሳቱዋ ሃꬃ ኡሻናዉ ዎንግርያን ሃꬃ ዱቂ ኩንꬃናዉ ዬድኖ።
EXO 2:17 ሄንꬃንቻቱ ዪደ ማጫ ናና የደርሴድኖ፤ ሽን ሙሴ ደንድ ኤቂደ፥ ኡንቱንታ አሼዳነ ኡንቱንቱ ዶርሳቱዋ ሃꬃ ኡሼዳ።
EXO 2:18 ኡንቱንቱ ባረንቱ አዉዋ ዮቶረኮ ዬዳ ዎደ፥ “ሀቼ ዋን ኤለካ ዬድቴ?” ያጊደ ኦቼዳ።
EXO 2:19 ኡንቱንቱ ዛሪደ፥ “ግብጼ ጋደ አሳ እቱ ኑና ሄንꬃንቻቱዋፐ አሼዳ፤ እ ኑዉ ሃꬃካ ዱቂደ ዶርሳ ዉድያ ኡሼዳ” ያጌድኖ።
EXO 2:20 እ ባረ ማጫ ናና፥ “ያትና እ ሀቃን ደኢ? ህንተንቱ ሄ ብታንያ አያዉ አግ ባሼድቴ? አነ አ ጼሲደ፥ ምያባ ሾቢተ” ያጌዳ።
EXO 2:21 ሙሴ ሄ ብታንያና ያን ደአናዉ ማየቴዳ፤ ብታኒካ ባረ ናቶ ጽፓሮ ሙሴዉ ማቻቶ ኦꬂደ እሜዳ።
EXO 2:22 ጽፓራ አቱማ ናኣ የልና፥ ሙሴ አ፥ “ታን አሳ ጋድያን በተ ግዳድ” ያጊደ፥ ገርሾማ ግ ሱንꬄዳ።
EXO 2:23 ጮራ ላይꬃፐ ጉይያን፥ ግብጼ ካቲ ሀይቄዳ። እስራኤላቱ ባረንቱ አይለተꬃፐ ኡንኤቲደ ዋሴድኖ፤ ኡንቱንቱ ዋሴዳ ዋሱ ፑደ ጾሳኮ ጋኬዳ።
EXO 2:24 ጾሳይ ኡንቱንቱ ኡንኣ ዋሱዋ ስሲደ፥ እ አብራሃመና፥ ይሳቃናነ ያቆባና ጫቄዳ ጫቁዋ ሀሳዬዳ።
EXO 2:25 ሄዋ ድራዉ፥ ጾሳይ እስራኤላቱዋ ጼሊደ ኡንቱንቱ ድራዉ ቆፔዳ።
EXO 3:1 እት ዎደ ሙሴ ሚድያማ ጋደ ቄስያ፥ ባረ ቦሉዋ ዮቶራ ዶርሳቱዋ ሄሜ፤ እ ሄ ዉድያ ላግ አኪደ መላ ቢታ ጋጻ ጋካናዉ አፊደ ጾሳ ደርያ ሲና ጋኬዳ።
EXO 3:2 ሄ ሳኣን መꬍና ጎዳ ኪታንቻይ አጫን፥ ኤጽያ ታማ ላጩዋ ግዶን አዉ ቤቴዳ፤ አጫይ ታማን ጹገትንቶካ፥ ታማይ አጫ ሜናዋ ሙሴ በኤዳ።
EXO 3:3 ሄዋ ድራዉ፥ ሙሴ፥ “ታን ያ ባደ፥ አጫይ አያዉ ታማን ሜተትቤነንቶ ሀ ኦራꬃባ አነ በአና” ያጊደ ቆፔዳ።
EXO 3:4 እ በአናዉ ያ ቤዳዋ መꬍና ጎዳይ በኢደ አጫ ግዶፐ ጾሳይ አ፥ “ሙሴ! ሙሴ!” ያጊደ ጼሴዳ። ሙሴ፥ “አቤ” ጊደ ኮዬዳ።
EXO 3:5 ጾሳይ አ፥ “ሃ ሺቆፓ። ኔን ኤቄዳ ቢታይ ጌሻ ግድያ ድራዉ፥ ነ ገድያን ደእያ ጫማ ከሳ” ያጌዳ።
EXO 3:6 ቃይካ ጾሳይ አ፥ “ታን ነ አዉዋ ጾሳ፥ አብራሃሞ ጾሳ፥ ይሳቃ ጾሳ፥ ያቆባ ጾሳ” ያጌዳ። ሙሴ ጾሳ ጼላናዉ ያዬዳ ድራዉ፥ ባረ ዴሙዋ ገንꬄዳ።
EXO 3:7 መꬍና ጎዳይ ቃይካ ሀዋዳን ያጌዳ፤ “ታን ግብጼ ጋድያን ታ አሳይ ቱጋትያ ቱጋ ጌሻ በኣደ፥ ኡንቱንቱ ባረንቱ ካፖቱዋፐ ዋስያ ዋሱዋ ስሳደ፥ ታን ኡንቱንቱ መቱዋ ኡባ ꬊሻድ።
EXO 3:8 ሄዋ ድራዉ፥ ታን ኡንቱንታ ግብጼ ጋድያ አሳቱዋ ኩሽያፐ አሻናዉነ ሄ ጋድያፐ ኡንቱንታ ከሳደ፥ አኮነ ሎኦ ጋድያ አሀናዉ ዎꬋድ። ሄ ጋዲ ማꬃይነ ኤሳይ ጎግያ ቢታ፤ ሄ ጋድያን ካናነቱ፥ ሂተቱ፥ አሞራዋናቱ፥ ፓርዛዋናቱ፥ ሂዌቱነ ያቡሳዋናቱ ሀእ ደኢኖ።
EXO 3:9 ሀእ እስራኤለቱዋ ዋሱ ታኮ ጋኬዳ፤ ግብጼ ጋድያ አሳቱ ኡንቱንታ ናቂያ ናቁዋ ታን በኣድ፤
EXO 3:10 ሄዋ ድራዉ፥ ሀእ ባ፤ ታ አሳቱዋ፥ እስራኤላቱዋ ግብጼፐ ከሳና ማላ፥ ግብጼ ካትያኮ ታን ኔና ኪታይ” ያጌዳ።
EXO 3:11 ሽን ሙሴ ጾሳ፥ “ካትያኮ ባናዉነ እስራኤላቱዋ ግብጼፐ ከሳናዉ ታን ኦኔ?” ያጌዳ።
EXO 3:12 ጾሳይ አ፥ “ታን ኔናና ግዳና፤ ቃይ ታን ኔና ኪቴዳዎ ማላይ ሀዋ: ኔን ሄ አሳ ግብጼፐ ከሴዳ ዎደ፥ ሀ ደርያ ቦላን ህንተንቱ ጾሳዉ ጎይናንታ” ያጌዳ።
EXO 3:13 ሙሴ ጾሳ፥ “ግዶ ሽን፥ ታን እስራኤለቱዋኮ ባደ፥ ኡንቱንታ፥ ‘ህንተ አዎቱዋ ጾሳይ ታና ህንተንቱኮ ኪቴዳ’ ያግና፥ ኡንቱንቱ ታና፥ ‘አ ሱንꬃይ ኦኔ?’ ያጊደ ኦቾፐ፥ ሄ ዎደ ታን ኡንቱንቶ ዋጋ ኦዶ?” ያጌዳ።
EXO 3:14 ጾሳይ ሙሳ፥ “ታን ታና፤ ኔን እስራኤለቶ፥ ‘ታና ጌተትያዌ ህንተንቱኮ ታና ኪቴዳ’ ያጋ” ያጌዳ።
EXO 3:15 ጾሳይ ሙሳ ቃይ፥ “ኔን እስራኤላቶ፥ ‘መꬍና ጎዳይ ህንተንቱ አዎቱዋ ጾሳይ፥ አብራሃሞ ጾሳይ፥ ይሳቃ ጾሳይ፥ ያቆባ ጾሳይ፥ እ ታና ህንተንቱኮ ኪቴዳ’ ያጋ፤ ሀዌ የለታፐ የለታይ ጋካናዉ ታን ሀሳየትያ መꬍናዉ ታ ሱንꬃ።
EXO 3:16 “ስም፤ ባደ እስራኤልያ ጭማቱዋ ሺሻደ፥ ‘መꬍና ጎዳይ ህንተንቱ አዎቱዋ ጾሳይ፥ አብራሃሞ፥ ይሳቃነ ያቆባ ጾሳይ ታዉ ቆንጪደ፤ ታና፥ ታን ህንተንታ ጾሞሳድ፤ ግብጼን ህንተንቱ ቦላ ኦሰቴዳዋካ ታን በኣድ።
EXO 3:17 ታን ህንተንታ ግብጼ ጋድያ ቱጋፐ ከሳደ፥ ማꬃይነ ኤሳይ ጎግያ ካናነቱዋ፥ ሂተቱዋ፥ አሞራዋናቱዋ፥ ፓርዛዋናቱዋ፥ ሂዌቱዋነ ያቡሳዋናቱዋ ጋድያ አፋና ጋ ኡታድ።’
EXO 3:18 “እስራኤልያ ጭማቱ ነ ቃላ ስሳናዋንታ፤ ሄዋፐ ጉይያን ኔንነ ሄ ጭማቱ ግብጼ ካትያኮ ቢደ አ፥ ‘መꬍና ጎዳይ፥ እብራዌቱዋ ጾሳይ፥ ኑናና ጋከቴዳ። ሀእ ኑን ሄዙ ጋላሳ ኦግያ መላ ቢታ ሀመት ቢደ፥ መꬍና ጎዳ፥ ኑ ጾሳዉ፥ ያርሹዋ ያርሻና ማላ ኑና የዳ’ ያግተ።
EXO 3:19 ሽን ዎልቃማ ኩሺ፥ አ፥ ዎልቃን የድሳና ꬋዮፐ፥ ግብጼ ካቲ ህንተንታ የደናዋ ታን ኤራይ።
EXO 3:20 ሄዋ ድራዉ፥ ታን ታ ኩሽያ የዳደ፥ ኡንቱንቱ ግዶን ታን ኦꬅያ ታ ማላታቱዋ ኡባን ግብጼቱዋ ሾጫና። ሄዋፐ ጉይያን እ ህንተንታ የዳናዋ።
EXO 3:21 “ቃይ ታን ግብጼቱዋን ሀ አሳ ሳቢሳና፤ ያቶፐ ህንተንቱ ከስያ ዎደ ኩሸ መላ ከስክታ።
EXO 3:22 እብራዌ ማጫውና ኡባታ ባረ ግብጼ ሾራትኮነ ባረ ሶን ደእያ ግብጼ ማጫ አሳ ኦናነ ግዶፐ ኢኮ ቢደ፥ ብራ ሚሻቱዋ፥ ዎርቃ ሚሻቱዋነ አቱማ ናናይነ ማጫ ናናይ ማያና ማዮቱዋ ‘እምተ’ ጊደ ኦቻናዋንታ። ሄዋዳን ኦꬂደ ህንተንቱ ግብጼቱዋ ማጹዋ ቦንቃንታ” ያጌዳ።
EXO 4:1 ሙሴ ዛሪደ፥ “ኡንቱንቱ ታና አማነናን እጾፐ፥ ዎይ ታን ኦድያዋ ስሰናን እጺደ፥ ‘መꬍና ጎዳይ ነዉ ቆንጭቤና’ ጎፐ ዋኖ?” ያግ ዛሬዳ።
EXO 4:2 መꬍና ጎዳይ አ፥ “ሄ ነ ኩሽያን ደእያዌ አዬ?” ያጊደ ኦቼዳ። እካ “ጻምኣ” ያጌዳ።
EXO 4:3 መꬍና ጎዳይ አ፥ “አነ ሄ ጻምኣ ሳኣን ኦላ” ያጌዳ። ሙሴ ሄ ጻምኣ ሳኣን ኦሌዳ ዎደ ሾሻ ግዴዳ፤ ያትና፥ ሙሴ አፐ ዎጼዳ።
EXO 4:4 ሄዋፐ ጉይያን መꬍና ጎዳይ አ፥ “ነ ኩሽያ የዳደ፥ አ ዱፍያ ኦይቃ” ያጌዳ። ሙሴ የዲደ ሾሻ ኦይቂና፥ ሾሻይ አ ኩሽያን ስሚደ፥ ጻምአዉ ላመቴዳ።
EXO 4:5 መꬍና ጎዳይ፥ “ሀዌ ሀኔዳዌ፥ መꬍና ጎዳይ ነ አዎቱዋ ጾሳይ፥ አብራሃማ ጾሳይ፥ ይሳቃ ጾሳይነ ያቆባ ጾሳይ ነዉ ቆንጬዳዋ ኡንቱንቱ አማናናዳና” ያጌዳ።
EXO 4:6 ሄዋፐ ጉይያን መꬍና ጎዳይ አ፥ “ነ ኩሽያ ነ ሾጵያን የዳ” ያግና፥ ሙሴ ባረ ኩሽያ ሾጵያን የዴዳ፤ እ ከስ ጼሊደ፥ “ታ ኩሺ ኦሎቲደ ሻቻዳን ቦጼዳ” ያጌዳ።
EXO 4:7 ጾሳይ አ፥ “ነ ኩሽያ ነ ሾጵያን ዛራደ የዳ” ያጌዳ። ሙሴ ባረ ኩሽያ ባረ ሾጵያን ዛር የዲደ ከስያ ዎደ፥ “ታ ኩሺ ስሚደ ህንኮ ቦላ ማላ ግዴዳ” ያጌዳ።
EXO 4:8 ቃይካ መꬍና ጎዳይ አ፥ “ኡንቱንቱ ኔና አማነናን ꬋዮፐነ ኮይሮ ማላታ አማነናን እጾፐ፥ ላኤንꬆ ማላታ ኡንቱንቱ አማናናዋንታ።
EXO 4:9 ሽን ኡንቱንቱ ሀ ላኡ ማላታቱዋ አማነናን ꬋዮፐ፥ ዎይ ኔን ኦድያዋ ስሰናን እጾፐ፥ ናይለ ሻፋፐ ሃꬃ አካደ፥ መላ ቢታን ጉሳ፤ ኔን ሻፋፐ አኬዳ ሃꬃይ ቢታን ሱꬃ ግዳናዋ” ያጌዳ።
EXO 4:10 ሙሴ መꬍና ጎዳ፥ “አቤት መꬍና ጎዳዉ፥ ታን ሀዋፐ ካሰካ፥ ዎይ ኔን ነ ቆማዉ ሃሳዮደፐ ዶምና ታን ሃሳያናዉ ዳንዳይከ፤ ታን ዴዶታደ ሃሳያይ፤ ቃይ ታ እንጻርሳይካ ሉፋ” ያጌዳ።
EXO 4:11 መꬍና ጎዳይ አ፥ “አሳዉ ዶና መꬌዳዌ ኦኔ? አ ዱደ፥ ዎይ ቱለ ኦꬅያዌ ኦኔ? ጼልያዋነ ቆቃ ኦꬅያዌ ኦኔ? ታና መꬍና ጎዳ ግድክታየ?
EXO 4:12 ኔን ሀእ ባ፤ ታን ኔና ሃሳያናዳን ማዳና፤ ኔን ጋናባ ታን ኔና ታማርሳና” ያጌዳ።
EXO 4:13 ሽን ሙሴ፥ “አቤት ጎዳዉ፥ ሀያና፥ ሀዋ ኦꬃናዉ ሀራ አሳ ኪታርኪ!” ያጌዳ።
EXO 4:14 ሄዋፐ ጉይያን መꬍና ጎዳይ ሙሴዉ ሎይꬅ ሀንቀቲደ አ፥ “ሌዊያ ግዴዳ ነ እሻ አሮኔ? እ ሎኦ ሃሳያና ዳንዳይያዋ ታን ኤራይ፤ ሀእ እ ኔናና ጋከታናዉ ዪደ ኦግያ ቦላን ደኤ፤ እ ኔና በእያ ዎደ አ ዎዛናይ ናሸታናዋ።
EXO 4:15 ኔን፥ ‘ያጋ፤ ያጋ’ ጋደ አዉ ኦዳና፤ ታን ህንተንታ ላኡዋካ ሃሳያናዉ ማዳናነ ህንተንቱ ኦꬃናባ ታማርሳና።
EXO 4:16 እ አሳዉ ነ ድራ ሃሳያናዋ፤ ሄዌካ፥ እ ነዉ ዶና ማላ ግዳናዋ፥ ኔን አዉ ጾሳ ማላ ግዳናሳ ግያዋ።
EXO 4:17 ሽን ማላታቱዋ አን ኦꬃናዉ፥ ኔን ሀ ጻምኣ አካደ ባ” ያጌዳ።
EXO 4:18 ሄዋፐ ጉይያን ሙሴ ባረ ቦሉዋ ዮቶረኮ ስም ቢደ፥ “ሀኖ ጋካናዉ ሸምፑዋና ደእያ አሳይ ደኦፐ በአናዉ፥ ታን ጉየ ታ አሳኮ ግብጼ ቦ?” ያጌዳ። ዮቶረ ሙሳ፥ “ኤ ባ፤ ሳሮ ጋካ” ያጌዳ።
EXO 4:19 ሙሴ ሚድያማ ጋድያን ደእሽን መꬍና ጎዳይ አ፥ “ኔና ዎꬋናዉ ኮዬዳ አሳቱ ኡባይ ሀይቂ ድጌዳ ድራዉ፥ ጉየ ግብጼ ጋድያ ስማደ ባ” ያጌዳ።
EXO 4:20 ሙሴ ባረ ማቻቶነ ባረ አቱማ ናና ሀርያ ቶግስ አኪደ፥ ጉየ ግብጼ ስሙሳ ዶሜዳ፤ ሙሴ ጾሳ ጻምኣ ባረ ኩሽያን ኦይቂደ ቤዳ።
EXO 4:21 መꬍና ጎዳይ ሙሳ፥ “ኔን ግብጼ ስማደ ብያ ዎደ፥ ታን ነዉ እሜዳ ዎልቃን ኔን ኦꬃና ማላታቱዋ ኡባ ግብጼ ካትያ ስንꬃን ኔን ኦꬃናዋ ባሎፓ። ያትናካ አሳ እ የደና ማላ፥ ታን አ ዎዛና ዶንጭልሳና።
EXO 4:22 ሄ ዎደ ታን መꬍና ጎዳይ፥ ግያዋ ካትያዉ ሀዋዳን ያጋደ ኦዳ፤ ‘ “እስራኤሊ ታ ባይራ ናኣ።
EXO 4:23 እ ታዉ ጎይናና ማላ፥ ታ ናኣ ኔን የዳና ማላ፥ ታን ነዉ ኦዳድ፤ ሽን ኔን አ የደናን እጻዳ፤ ሄዋ ድራዉ፥ ታን ነ ባይራ አቱማ ናኣ ዎꬋና” ያጌ’ ያጋደ ኦዳ” ያጌዳ።
EXO 4:24 ኦግያን ሸምፕያሳን መꬍና ጎዳይ ሙሴና ጋከቴዳ፤ አ ዎꬋና ሀኔዳ።
EXO 4:25 አ ማቻታ ጽፓራ ሳልያ አካደ፥ ባረ ናኣ ቃጻራዱ። ሄ ሾኩዋን ሙሴ ገድያ ቦቻዱ። እዛ ሙሳ፥ “ኔን ታዉ ቱሙ ሱꬃ ምሽራ” ያጋዱ።
EXO 4:26 መꬍና ጎዳይ ሄዋ ድራዉ አ ዎናን አጌዳ። ሄ ዎደ ቃጻራ ማላታናዉ አ፥ “ኔን ታዉ ሱꬃ ምሽራ” ያጋዱ።
EXO 4:27 መꬍና ጎዳይ አሮና፥ “ኔን ሙሴና ጋከታናዉ መላ ቢታ ባ” ያጌዳ። እ ቢደ፥ ሙሴና ጾሳ ደርያን ጋከቲደ አ የሬዳ።
EXO 4:28 ሄዋፐ ጉይያን ሙሴ መꬍና ጎዳይ ባረ ቦላ ኪቴዳ ቃላ ኡባነ ኦꬃና ማላ፥ ባረና አዛዜዳ ኦራꬃ ማላታቱዋ ኡባ አሮናዉ ኦዴዳ።
EXO 4:29 ሙሴነ አሮነ ቢደ፥ እስራኤለቱዋ ጭማቱዋ ኡባ ሺሼድኖ።
EXO 4:30 አሮነ መꬍና ጎዳይ ሙሴዉ ኦዴዳ ቃላ ኡባ ኡንቱንቶ ኦዴዳ። ማላታቱዋካ ሄ አሳ ስንꬃን ኦꬄዳ።
EXO 4:31 ኡንቱንቱካ አማኔድኖ። መꬍና ጎዳይ ኡንቱንቶ ቆፔዳዋነ ኡንቱንቱ ቱጋ በኤዳዋ ስሴዳ ዎደ፥ ኡንቱንቱ ጉፋኒደ ጎይኔድኖ።
EXO 5:1 ሄዋፐ ጉይያን ሙሴነ አሮነ ግብጼ ካትያኮ ዪደ አ፥ “መꬍና ጎዳይ፥ እስራኤልያ ጾሳይ ሀዋዳን ያጌ፤ ‘ታ አሳይ ታዉ መላ ቢታን ባላ ቦንቻና ማላ፥ ኡንቱንታ የዳ’ ያጌ” ያጌድኖ።
EXO 5:2 ካቲ፥ “ታን አዉ አዛዘታደ እስራኤልያ የዳናዉ ሄ መꬍና ጎዳይ ኦኔ? ታን መꬍና ጎዳ ኤርከ፤ እስራኤልያካ የድከ” ያጌዳ።
EXO 5:3 ሄዋፐ ጉይያን ኡንቱንቱ፥ “እብራዌቱዋ ጾሳይ ኑናና ጋከቴዳ። ሀእ ኑን መꬍና ጎዳ፥ ኑ ጾሳዉ፥ ያርሹዋ ያርሻናዉ ሄዙ ጋላሳ ኦግያ መላ ቢታ ግዶ ባናዉ ኑና የዳርኪ፤ ሄዌ ꬋዮፐ፥ እ ኑና ኢታ ሀርግያን ዎይ ኦላን ዎꬋናዋ” ያጌድኖ።
EXO 5:4 ሽን ግብጼ ካቲ ያጌዳ፤ “ሙሴ! አሮና! አሳ አያዉ ኪታ ድጊቴ? ህንተንቱ ኪታዉ ስሚደ ቢተ” ያጌዳ።
EXO 5:5 ካቲ ሄ ዎደ፥ “በእተ፥ ሀ ጋድያን አሳይ ጮራቴዳ፤ ቃይ ህንተንቱ ኡንቱንታ ኪታ ድጊታ” ያጌዳ።
EXO 5:6 ካቲ ሄ ጋላስ ግብጼቱዋ ካፖቱዋነ እስራኤለቱዋ ዳጉዋ ሱንꬃቱዋ አዛዚደ፥
EXO 5:7 “ሀሮደዋዳን ጹብያ መꬍያ ኡቱላ አሳዉ እሞፕተ፤ ኡንቱንቱ ኡቱላ ባረንቶ ቢደ ሺሽኖ፤
EXO 5:8 ሽን ኡንቱንቱ ፓይዱዋን ካሰዋ ኬሻ ጹብያ መꬊደ፥ ሼꬋናዳን አዛዝተ፤ ሄ ፓይዱዋፐ ፓጭሶፕተ፤ አያዉ ጎፐ፥ ኡንቱንቱ አዛላ፤ ኡንቱንቱ፥ ‘ኑን ኑ ጾሳዉ ያርሹዋ ያርሻና ማላ፥ ኑና የዳርኪ’ ያጊደ ዋስያዌ ሀዋሳ።
EXO 5:9 ኡንቱንቱ ኪታን ሼካና ማላነ ዎርዱዋ ሃሳያ ስሰናን አጋና ማላ፥ ኡንቱንቶ ኦሱዋ ዴጽስተ” ያጊደ አዛዜዳ።
EXO 5:10 ሄዋፐ ጉይያን፥ ሄ ካፖቱነ ሄ ሱንꬃቱ ከሲደ አሳ፥ “ካቲ ሀዋዳን ያጌ፤ ‘ስም ታን ህንተንቶ ኡባካ ኡቱላ እምከ፤
EXO 5:11 ህንተንቱ ኡቱላ ደማና ዳንዳይያሳፐ ህንተንቱ ሁጲያዉ ሺሽተ፤ ሽን ህንተንቱ ሼꬍያ ጹብያ ፓይዱ ኡባካ ፓጨና’ ያጌዳ” ያጌድኖ።
EXO 5:12 አሳይ ኡቱላዉ ሀንያዋ ሺሻናዉ ግብጼ ቢታ ኡባን ላለቴዳ።
EXO 5:13 ግብጼቱዋ ካፖቱ ኡንቱንታ፥ “ህንተንቶ ኡቱላ እምያ ዎደ ህንተንቱ ሀቼ ሀቼ ኦꬅያዋ ኬሻ ኦꬅተ” ያጊደ ኡንቱንታ ጎደቴድኖ።
EXO 5:14 ግብጼቱዋ ካፖቱ እስራኤለቱዋ ዳጉዋ ሱንꬃቱዋ ዋꬊደ፥ “ህንተንቱ ካሰ ኦꬅያዋ ኬሻ ጹብያ ዝኖ ዎይ ሀቼ አያዉ ኦꬅ ዉርስበይክቴ?” ያጊደ ኦቼድኖ።
EXO 5:15 ሄዋፐ ጉይያን እስራኤልያ ሱንꬃቱ ቢደ ካትያዉ ማጋኔድኖ፤ ኡንቱንቱ ባረንቱ መቱዋፐ ደንዶዋን አ፥ “ኔን ነ ቆማቱዋ ሀዋዳን አያዉ ኦꬃይ?
EXO 5:16 ነ ቆማቶ ኡቱላ እምክኖ፤ ሽን፥ ‘ጹብያ መꬍተ’ ያጊኖ፤ ኑና ነ ቆማቱዋ ዋꬊኖ፤ ሽን ባላይ ነ አሳ ቦላና” ያጌድኖ።
EXO 5:17 ሽን ካቲ ኡንቱንታ፥ “ሀ አዛላቱ! ህንተንቱ አዛላ! ሄዋ ድራዉ፥ ህንተንቱ ዛር ዛሪደ፥ ‘ኑን መꬍና ጎዳዉ ያርሻና ባናዉ ኑና የዳርኪ’ ያጊታ።
EXO 5:18 ሀእ ቢተ፤ ኦꬅተ፤ ኡንቱንቱ ህንተንቶ አይ ኡቱላካ እምክኖ፤ ሽን ህንተንቱ ካሰዋ ኬሻ ጹብያ መꬊታ” ያጌዳ።
EXO 5:19 እስራኤላቱዋ ሱንꬃቱ፥ “ህንተንቱ ሀቼ ሀቼ መꬍያ ጹብያ ፓይዱዋ ካሰዋፐ ፓጭሶፕተ” ጌዳ ዎደ፥ ኡንቱንቱ መቱዋን ገሌዳዋ አኬኬድኖ።
EXO 5:20 ኡንቱንቱ ካትያ ማታፐ ከሲደ፥ ሙሴነ አሮነ ኡንቱንቱና ጋከታናዉ ናግያዋንታ ደሜድኖ።
EXO 5:21 ኡንቱንቱ፥ “ህንተና መꬍና ጎዳይ ጼሎ! ህንተንቱ ቦላ እ ፕርዶ! ህንተንቱ ኑና ካትያናነ አ ኦሳንቻቱዋን እጽሴድታ፤ ቃይ ኡንቱንቱ ኑና ዎꬋና ማላ፥ ማሻ ኡንቱንቱ ኩሽያን ዎꬄድታ” ያጌድኖ።
EXO 5:22 ሙሴ መꬍና ጎዳኮ ስሚደ፥ “አቤት ጎዳዉ፥ ኔን ሀ አሳ ቦላ መቱዋ አያዉ አሃዲ? ኔን ታና ኪቴዳዌ ሀዋሴ?
EXO 5:23 ታን ነ ሱንꬃን ካትያዉ ሃሳያናዉ ቤዳ ዎደፐ ዶምና፥ እ ሀ አሳ ቦላ መቱዋ አሄዳ። ቃይ ኔንካ ነ አሳ ሙለ አሻባካ” ያጌዳ።
EXO 6:1 ሄዋፐ ጉይያን መꬍና ጎዳይ ሙሳ፥ “ታን ግብጼ ካትያ ኦꬃናባ ኔን ሀእ በአና፤ ታ ዎልቃማ ኩሽያ ጋሱዋን እ ኡንቱንታ የዳናዋ፤ ታ ዎልቃማ ኩሽያ ጋሱዋን እ ኡንቱንታ ባረ ጋድያፐ ላጊደ ከሳና” ያጌዳ።
EXO 6:2 ጾሳይ ቃይካ ሙሳ፥ “ታን መꬍና ጎዳ፤
EXO 6:3 ታን አብራሃመዉ፥ ይሳቃዉነ ያቆባዉ ኡባ ዳንዳይያ ጾሳ ግዳደ ቆንጫድ፤ ሽን ታን፥ መꬍና ጎዳ ግያ ታ ሱንꬃን፥ ታናተꬃ ኡንቱንታ ኤርሳበይከ።
EXO 6:4 ቃይ ታን ኡንቱንቶ ኡንቱንቱ በተ ግዲደ ደኤዳ ካናነ ጋድያ እማናዉ ታ ቃላ ጫቁዋ ኡንቱንቱና ጫቀታድ።
EXO 6:5 ቃይካ ግብጼ አሳቱ አይለይያ እስራኤለቱዋ ኦልያ ታን ስሳደ፥ ታ ቃላ ጫቁዋ ሀሳያድ።
EXO 6:6 “ሄዋ ድራዉ፥ ኔን እስራኤላቱዋ፥ ‘ታን መꬍና ጎዳ፤ ታን ህንተንታ ግብጼቱዋ ናቁዋፐ ከሳና፤ ታን ህንተንታ ኡንቱንቱ አይለተꬃፐካ ላአ ከሳና፤ ቃይ ታን ታ ዎልቃማ ዎልቃን ግብጼቱዋ ቦላ ኢታ ፕርዳ አሃደ ህንተንታ ዎዛና።
EXO 6:7 ታን ህንተንታ ታ ሁጰ አሳዳን አካናነ ታን ህንተንቱ ጾሳ ግዳና። ሄ ዎደ ህንተንቱ ታን መꬍና ጎዳ ህንተንቱ ጾሳ ህንተንታ ግብጼቱዋ አይለተꬃፐ ከሴዳዋ ግድያዋ ኤራና።
EXO 6:8 ቃይ ታን አብራሃመዉ፥ ይሳቃዉነ ያቆባዉ እማናዉ ጫቄዳ ቢታዉ አሀና፤ ሄ ጋድያ ታን ህንተንቶ ጋደ ኦꬃደ እማና፤ ታን መꬍና ጎዳ ያጋ’ ” ያጌዳ።
EXO 6:9 ሙሴ ሀዋ እስራኤለቶ ኦዴዳ፤ ሽን ኡንቱንቱ አያናይ መኤዳ ጋሱዋንነ መቀꬅ ባይና አይለተꬃ ጋሱዋን አ ቃላ ስስበይክኖ።
EXO 6:10 ሄዋፐ ጉይያን መꬍና ጎዳይ ሙሳ፥
EXO 6:11 “ባደ ግብጼ ካትያ፥ ‘እስራኤለቱዋ ነ ጋድያፐ ከሳደ የዳ’ ያጋደ ኦዳ” ያጌዳ።
EXO 6:12 ሽን ሙሴ መꬍና ጎዳ፥ “ሀራይ አቶ እስራኤለቱ ታባ ስሰናን እጼድኖ ሽን ታን ዴዶትያ እንጻርሳን ሃሳይያዋ ካቲ ዎት ስሳኔ?” ያጌዳ።
EXO 6:13 መꬍና ጎዳይ ሙሳነ አሮና፥ “ቢደ፥ ህንተንቱ እስራኤልያ አሳ ግብጼፐ ከሳና ማላ፥ ታን ህንተንታ የዴዳዋ እስራኤልያ አሳዉነ ግብጼ ካትያዉ ኦድተ” ያጊደ አዛዜዳ።
EXO 6:14 ኡንቱንቱ ሶይ ሶይ ማይዛ አዎቱ ሀዋንታ። እስራኤልያዉ ባይራ ናኣ ሮቤላ አቱማ ናናይ፥ ሄኖካ፥ ፓሉ፥ ሄጽሮናነ ካርማ፤ ሀዋንቱ ሮቤላ ያራቱዋ።
EXO 6:15 ስሞና አቱማ ናናይ፥ ይሙኤላ፥ ያሚና፥ ኦሃዳ፥ ያኪና፥ ጾሃራነ ካናነ ጋደ ምሽራትፐ የለቴዳ ሻኡላ፤ ሀዋንቱ ስሞና ያራቱዋ።
EXO 6:16 ሌዊያ አቱማ ናናይ ባረንቱ የለታ ማራዳን ገርሾና፥ ቃሃታነ ማራራ። ሌዊ ጼታነ ሀታማነ ላፑን ላይꬃ ደኤዳ።
EXO 6:17 ገርሾና አቱማ ናናይ ባረንቱ ያራን ያራን ሊብናነ ሽምአ ጌተቲኖ።
EXO 6:18 ቃሃተ አቱማ ናናይ አምራማ፥ ይጽሃራ፥ ከብሮናነ ኡዝኤላ። ቃሃተ ጼታነ ሀታማነ ሄዙ ላይꬃ ደኤዳ።
EXO 6:19 ማራራ አቱማ ናናይ ማህላነ ሙሻ ግያዋንታ። ባረንቱ የለታ ማራን ሀዋፐ ቆሞና ጼገቴዳ ሌዊያ ያራቱ ሀዋንታ።
EXO 6:20 አምራመ ባረ አዉዋ ምቻቶ ዮከቤዶ አኬዳ። እዛ አሮናነ ሙሳ አዉ የላዱ። አምራመ ጼታነ ሀታማነ ላፑን ላይꬃ ደኤዳ።
EXO 6:21 ይጽሃራ አቱማ ናናይ፥ ቆራሀ፥ ነፌጋነ ዚክራ።
EXO 6:22 ኡዝኤላ አቱማ ናናይ፥ ምሻኤላ፥ ኤልጻፋናነ ሲትራ።
EXO 6:23 አሮነ አምናዳባ ናቶ፥ ናኣሶና ምቻቶ ኤልሼቦ አኬዳ። ያትና እዛ አዉ ናዳባ፥ አቢሀ፥ ኤልኣዛራነ እታማራ ጌተትያ አቱማ ናና የላዱ።
EXO 6:24 ቆረ አቱማ ናናይ፥ አሲራ፥ ኤልቃናነ አብያሳፋ፤ ሀዋንቱ ቆረ ያራቱዋ።
EXO 6:25 አሮና ናአይ ኤልኣዛረ ፑትኤላ ናናቱዋፐ እትኖ አኬዳ፤ እዛ አዉ ፒንሃሳ የላዱ። ሀዋንቱ ባረንቱ ያራን ያራን ሌዋቱዋ ጎልያ ማይዛ አሳቱዋ።
EXO 6:26 መꬍና ጎዳይ፥ “ግብጼ ጋድያፐ እስራኤላቱዋ ኦላዉ ጊጎ ጩጉዋዳን ጩጉዋዳን ከስተ” ያጌዳዌ ሀ ሙሳነ አሮና።
EXO 6:27 እስራኤላቱዋ ግብጼ ጋድያፐ ከስያዋ ግብጼ ካትያዉ ሃሳዬዳዋንቱ ኡንቱንታ። ሄዋንቱካ ሙሳነ አሮና።
EXO 6:28 መꬍና ጎዳይ ግብጼን ሙሴዉ ሃሳዬዳ ዎደ አ፥
EXO 6:29 “ታን መꬍና ጎዳ፤ ታን ነዉ ኦድያዋ ኡባ ኔን ግብጼ ካትያዉ ኦዳ” ያጌዳ።
EXO 6:30 ሽን ሙሴ መꬍና ጎዳ፥ “ታን ዴዶትያ እንጻርሳን ሃሳይያዋ ግድሽን፥ ካቲ ታን ኦድያዋ ዎት ስሳኔ?” ያጌዳ።
EXO 7:1 ሄዋፐ ጉይያን መꬍና ጎዳይ ሙሳ፥ “በአ፤ ታን ኔና ግብጼ ካትያዉ ጾሳ ማላ ኦꬃድ፤ ነ እሻይ አሮነ ነ ናብያዳን ግዳናዋ፤
EXO 7:2 ታን ኔና አዛዜዳ ኡባ ኔን አዉ ኦዳሳ፤ ነ እሻ አሮነ እስራኤላቱዋ ባረ ጋድያፐ ከስ የዳና ማላ፥ ካትያዉ ኦዴ።
EXO 7:3 ሽን ታን ካትያ ዎዛና ꬉልሳና፤ ታን ግብጼ ጋድያን ታ ጮራ ማላታነ ማላልስያባ ዳርሳደ ኦꬅንቶካ፥
EXO 7:4 እ ህንተንቱ ኦድያዋ ስሰና። ሄ ዎደ ታን ታ ኩሽያ ግብጼቱዋ ቦላ ደንꬃና፤ ታን ታ ጩጉዋ፥ ታ አሳ እስራኤልያ፥ ግብጼ አሳ ቦላን ዎልቃማ ፕርዳ አሃደ ከሳና።
EXO 7:5 ሄዋፐ ጉይያን ግብጼቱ፥ ታን ታ ኩሽያ ግብጼ ቦላ ደንꬃደ፥ እስራኤላቱዋ ኡንቱንቱ ግዶፐ ከሴዳ ዎደ፥ ታን መꬍና ጎዳ ግድያዋ ኡንቱንቱ ኤራናዋንታ” ያጌዳ።
EXO 7:6 ሙሴነ አሮነ ልከ መꬍና ጎዳይ ኡንቱንታ አዛዜዳዋዳን ኦꬄድኖ።
EXO 7:7 ኡንቱንቱ ካትያዉ ኦድያ ዎደ፥ ሙሴ ሆስፑን ታሙ ላይꬃ አሳ፤ አሮነ ቃይ ሆስፑን ታማነ ሄዙ ላይꬃ አሳ።
EXO 7:8 መꬍና ጎዳይ ሙሳነ አሮና ሀዋዳን ያጌዳ፤
EXO 7:9 “ካቲ ህንተንታ፥ ‘ጾሳይ ኦꬅያ ማላታ ታና በስተ’ ግያ ዎደ፥ ኔን አሮና፥ ‘ነ ጻምኣ አካደ፥ ካትያ ስንꬃን ኦላ’ ያጋ፤ ያቶፐ እ ሾሻ ከሳና” ያጌዳ።
EXO 7:10 ሙሴነ አሮነ ካትያኮ ገሊደ መꬍና ጎዳይ ኡንቱንታ አዛዜዳዋዳን ኦꬄድኖ፤ አሮነ ባረ ጻምኣ ካትያ ስንꬃንነ አ ኦሳንቻቱዋ ስንꬃን ኦልና ሾሻ ከሴዳ።
EXO 7:11 ሄዋፐ ጉይያን ካቲ ኤራንቻቱዋነ ብትያዋንታ ጼስስና ኡንቱንቱካ፥ ሀ ግብጼቱዋ ሻሬቾቱ ባረንቱ ꬋማሹዋን ሄዋዳን ኦꬄድኖ።
EXO 7:12 ኡንቱንቱ ኡባይካ ባረንቱ ጻምኣ ጻምኣ ኦልና፥ ጻምአቱ ሾሻ ከሴድኖ፤ ሽን አሮና ጻምአይ ኡንቱንቱ ጻምአቱዋ ምቴዳ።
EXO 7:13 ግዶፐነ መꬍና ጎዳይ ኦዴዳዋዳንካ ካትያ ዎዛናይ ዶንጭሌዳ፤ እ ኡንቱንቱ ኦዱዋ ስሰናን እጼዳ።
EXO 7:14 መꬍና ጎዳይ ሙሳ፥ “ካትያ ዎዛናይ ዶንጭሌዳ፤ አሳ እ የደናን እጼዳ።
EXO 7:15 ካቲ ሃꬃኮ ብያ ዎደ፥ ጉራደ ኔን አኮ ባደ አናና ጋከታናዉ ናይለ ሻፋ ዶናን ኤአ፤ ሾሻዉ ላመቴዳ ጻምኣ ኦይቃ አካደ ባ።
EXO 7:16 ኔን አ፥ ‘መꬍና ጎዳይ፥ እብራዌቱዋ ጾሳይ ኔና፥ መላ ቢታን ታዉ ጎይናና ማላ፥ ታ አሳ የዳ ያጊደ፥ ታና ኔኮ ኪቴዳ፤ ሽን ሀኖ ጋካናዉ ኔን ስሳበይካ።
EXO 7:17 መꬍና ጎዳይ፥ ታን መꬍና ጎዳ ግድያዋ ኔን ሀዋን ኤራና። ታን ናይለ ሻፋ ሃꬃ ታ ኩሽያን ደእያ ጻምአን ሾጭና ሃꬃይ ሱꬃዉ ላመታናዋ።
EXO 7:18 ናይለ ሻፋ ሞሊካ ሀይቃናዋ፤ ሻፋይካ ጽንቃናዋ፤ ግብጼቱ ሄ ሻፋ ሃꬃ ኡሻናዉ ዳንዳይክኖ’ ያጋደ ኦዳ” ያጌዳ።
EXO 7:19 መꬍና ጎዳይ ሙሳ ሀዋዳን ያጌዳ፤ “ኔን አሮና፥ ‘ነ ጻምኣ ኦይቃደ ግብጼ ሃꬃቱዋ ቦላ፥ ሻፋቱዋ ቦላ፥ ዜሬቶ ሃꬃቱዋ ቦላ፥ ድኡዋ ኦላ ቦላን ነ ኩሽያ ምጫ’ ያጋ፤ እ ምጭና ኡንቱንቱ ሱꬃዉ ላመታናዋ፤ ግብጼ ቢታ ኡባን፥ ሀራይ አትና፥ ምꬃፐነ ሹቻፐ ዎጪደ ከሴዳ ሃꬃ ትግያ ሚሻ ኡባ ጋርሳን ደእያ ሃꬃይ ሱꬃዉ ላመታና” ያጌዳ።
EXO 7:20 ሙሴነ አሮነ መꬍና ጎዳይ አዛዜዳዋዳን ኦꬄድኖ። ካትያ ስንꬃንነ አ ኦሳንቻቱዋ ስንꬃን እ ባረ ጻምኣ ደንꬂደ፥ ሻፋ ሃꬃ ሾጭና ሃꬃ ኡባይ ሱꬃዉ ላመቴዳ።
EXO 7:21 ሄ ሻፋ ሃꬃ ግዱዋን ደእያ ሞለቱ ሀይቄድኖ፤ ሻፋ ሃꬃይ ሎይꬅ ዜኤዳ ድራዉ፥ ግብጼ አሳይ ኡሻናዉ ዳንዳይቤና። ግብጼን ኡባ ሳን ሱꬃይ ኩሜዳ።
EXO 7:22 ግብጼ ሻሬቾቱካ ባረንቱ ꬋማሹዋን ሄዋዳን ኦꬄድኖ፤ መꬍና ጎዳይ ኦዴዳዋዳንካ ካትያ ዎዛናይ ዶንጭልና፥ ሙሴነ አሮነ ኦዴዳዋ ስሰናን እጼዳ።
EXO 7:23 ሄዋፐ ጉይያን ካቲ ሀዎ አይነ ህርገናን ባረ ሶ ስሚደ ቤዳ።
EXO 7:24 ግብጼ አሳይ ኡባይ ናይለ ሻፋ ሃꬃ ኡሻናዉ ዳንዳይቤና ድራዉ፥ ኡሽያ ሃꬃ ደማናዉ ናይለ ሻፋ ጋጻን ኦላ ቦኬድኖ።
EXO 7:25 መꬍና ጎዳይ ሃꬃ ሾጮደፐ ላፑን ጋላሳ ግዴዳ።
EXO 8:1 ሄዋፐ ጉይያን መꬍና ጎዳይ ሙሳ፥ “ባ፤ ግብጼ ካትያኮ ባደ፥ ‘መꬍና ጎዳይ ሀዋዳን ያጌ፤ “ታዉ ጎይናና ማላ፥ ታ አሳ የዳ።
EXO 8:2 ኔን ኡንቱንታ የደናን እጾፐ፥ ታን ነ ቢታ ኡባን ሸꬍያ ኩንꬃና።
EXO 8:3 ናይለ ሻፋን ሸꬊ ሾሀካታና። ኡንቱንቱ ሾሀካት ከሲደ ነ ሶ፥ ነ ስርጻ፥ ነ ግሱዋ ግዶ፥ ነ ኦሳንቻቱዋ ጎልያ ግዶ ገላና፤ ነ አሳ ቦላ ከሳና፤ ነ ጮጭያነ ነ ꬊልያ ዎꬅያ ከርያን ገላና።
EXO 8:4 ሸቱ ነ ቦላ፥ ነ አሳ ቦላነ ነ ኦሳንቻቱዋ ኡባ ቦላ ከሳና” ያጌ’ ያጋደ ኦዳ” ያጌዳ።
EXO 8:5 ሄዋፐ ጉይያን መꬍና ጎዳይ ሙሳ፥ “ኔን አሮና፥ ‘ነ ጻምኣ ኦይቃደ፥ ሻፋቱዋ ቦላ፥ ዜሬቶ ሃꬃቱዋ ቦላነ ድኡዋ ኦላ ቦላ ነ ኩሽያ ምጫደ ሸቱ ግብጼ ጋድያ ቦላን ከሳናዳን ኦꬃ’ ያጋደ ኦዳ” ያጌዳ።
EXO 8:6 አሮነ ግብጼ ሃꬃቱዋ ቦላ ባረ ኩሽያ ምጭና ሸቱ ከሲደ፥ ግብጼ ጋድያ ማዬድኖ።
EXO 8:7 ሻሬቻቱካ ባረንቱ ꬋማሹዋን ሄዋዳን ኦꬄድኖ፤ ኡንቱንቱካ ግብጼ ጋድያን ሸꬊ ከሳናዳን ኦꬄድኖ።
EXO 8:8 ካቲ ሙሳነ አሮና ጼስሲደ፥ “ሀ ሸቱዋ ታፐነ ታ አሳፐ ድጋና ማላ፥ መꬍና ጎዳ ህንተንቱ ዎስተ፤ ያቶፐ መꬍና ጎዳዉ ያርሹዋ ያርሻና ማላ፥ ታን አሳ የዳና” ያጌዳ።
EXO 8:9 ሙሴ ካትያ፥ “ካትያዉ ሸቱ ኔፐነ ነ ሶፐ ꬋያና ማላነ ናይለ ሻፋ ጻላላን አታና ማላ፥ ታን ነዉ፥ ነ ኦሳንቻቶነ ነ አሳዉ ዎሳና ዎድያ ኔን ኬራ” ያጌዳ።
EXO 8:10 ካቲ፥ “ዎንታ” ያጌዳ። ሙሴ፥ “መꬍና ጎዳ ኑ ጾሳ፥ ማላይ ኦንነ ባይናዋ ኔን ኤራና ማላ፥ ኔን ጌዳዋዳን ሀናናዋ።
EXO 8:11 ሄ ሸቱ ኔፐ፥ ነ ጎልያፐ፥ ነ ኦሳንቻቱዋፐነ ነ አሳፐ ꬋያናዋንታ፤ ኡንቱንቱካ ናይለ ሻፋ ጻላላን አታናዋንታ” ያጌዳ።
EXO 8:12 ሙሴነ አሮነ ካትያ ማታፐ ከሴድኖ፤ ካትያ ቦላ መꬍና ጎዳይ አሄዳ ሸቱዋባ ሙሴ መꬍና ጎዳኮ ዎሴዳ።
EXO 8:13 መꬍና ጎዳይ ሙሴ ኦቼዳዋዳን ኦꬄዳ፤ ሸቱ ሶን ካረንነ ደምባን ሀይቄድኖ።
EXO 8:14 ግብጼ አሳይ ኡንቱንታ ሺሽ ሺሺደ ዶሬድኖ፤ ቢታይ ሄዋ ጽንቁዋን ዜኤዳ።
EXO 8:15 ሽን ካቲ ሸቱ ባይናዋ በኤዳ ዎደ አ ዎዛናይ ዶንጭሌዳ፤ መꬍና ጎዳይ ኦዴዳዋዳንካ፥ እ ሙሴነ አሮነ ኦዴዳ ኦዱዋ ስሰናን እጼዳ።
EXO 8:16 መꬍና ጎዳይ ሄዋፐ ጉይያን፥ ሙሳ “ኔን አሮና፥ ‘ነ ጻምኣ ምጫደ፥ ቢታ ባና ሾጫ’ ያጋደ ኦዳ። ግብጼ ቢታ ኡባን ባናይ ጩቻ ከሳናዋ” ያጌዳ።
EXO 8:17 ኡንቱቱ ሄዋዳን ኦꬄድኖ፤ አሮነ ጻምኣ ኦይቂደ ባረ ኩሽያ ምጪደ፤ ባረ ጻምአን ቢታ ባና ሾጭና አሳነ፥ መህያ ቦላ ጩቻይ ዬዳ። ግብጼ ጋድያን ሀ ጋጻፐ ያ ጋጻ ጋካናዉ፥ ባና ኡባይ ጩቻ ከሴዳ።
EXO 8:18 ሻሬቻቱካ ባረንቱ ꬋማሹዋን ሄዋዳን ኦꬃናዉ ባጸቴድኖ፤ ሽን ዳንዳይበይክኖ። ጩቻይ አሳ ቦላነ፥ መህያ ቦላ ኩሜዳ።
EXO 8:19 ሻሬቻቱ ካትያ፥ “ሀዌ ጾሳ ኦሱዋ” ያጌድኖ። ሽን ካትያ ዎዛናይ ዶንጭሌዳ፤ ጾሳይ ጌዳዋዳንካ፥ እ ኡንቱንቱ ኦድያዋ ስሰናን እጼዳ።
EXO 8:20 መꬍና ጎዳይ ሙሳ፥ “ጉራን ደንዳደ፥ ካቲ ሻፋ ቢሽን አናና ጋከታደ ኔን አ፥ ‘መꬍና ጎዳይ ያጌ፤ “ታዉ ኦꬃና ማላ፥ ታ አሳ የዳ፤
EXO 8:21 ኔን ታ አሳ የደናን እጾፐ፥ ታን ነ ቦላ፥ ነ ኦሳንቻቱዋ ቦላ፥ ነ አሳ ቦላነ ነ ጎለቱዋ ግዶ ኡዱንጽያ ዉድያ የዳና፤ ግብጼቱዋ ጎለንነ ኡንቱንቱ ደእያ ቢታ ኡባን ኡዱንጺ ኩማናዋ።
EXO 8:22 ሽን ሄ ጋላስ ታ አሳይ በተ ግዲደ ደእያ ጎሸና ጋድያን ኡዱንጺ ኩመናዳን ታን ተኣደ፥ ኡንቱንቱ ቢታ ሻካና፤ ታን መꬍና ጎዳይ፥ ሀ ጋድያ ኡባን ደእያዋ ኔን ሄዋን ኤራና።
EXO 8:23 ታን ታ አሳነ ነ አሳ ሻካና፤ ሀ ዎልቃማ ማላታይ ዎንት ሀናና” ያጌ’ ያጋደ ኦዳ” ያጌዳ።
EXO 8:24 መꬍና ጎዳይ ሄዋፐ ጉይያን፥ ጌዳዋዳን ኦꬄዳ፤ ካትያ ሶንነ አ ኦሳንቻቱዋ ሶን ዳሮ ኡዱንጽያ ዉዲ ዬዳ፤ ግብጼ ጋድያ ኡባ ባይዜዳ።
EXO 8:25 ሄ ዎደ ካቲ ሙሳነ አሮና ጼስሲደ፥ “ቢተ፤ ሀ ጋድያን ህንተንቱ ጾሳዉ ያርሽተ” ያጌዳ።
EXO 8:26 ሽን ሙሴ፥ “ሄዌ ልከ ግደና፤ ኑን መꬍና ጎዳ ኑ ጾሳዉ ሺሽያ ያርሾቱ ግብጼቱዋ ሸነይያዋ ግዳናዋ፤ ኑን ኡንቱንታ ሸነይያ ያርሾቱዋ ኡንቱንቱ ጼልሽን ያርሾፐ፥ ኡንቱንቱ ኑና ሹቻን ጫድክኖ?
EXO 8:27 ኑን መꬍና ጎዳ፥ ኑ ጾሳዉ፥ ያርሾቱዋ ሺሻናዉ እ ኑና አዛዝያዋዳን፥ ሄዙ ጋላሳ ኦግያ መላ ቢታ ባና ኮሼ” ያጌዳ።
EXO 8:28 ካቲ፥ “መꬍና ጎዳዉ፥ ህንተንቱ ጾሳዉ፥ ህንተንቱ መላ ቢታ ቢደ ያርሻና ማላ፥ ታን ህንተንታ የዳና፤ ሽን ህንተንቱ ሃኪደ ቦፕተ፤ ታዉ ሀእ ዎስተ” ያጌዳ።
EXO 8:29 ሙሴ፥ “ታን ነ ማታፐ ከሶ ሳኣናካ መꬍና ጎዳ ዎሳና፤ ሀ ኡዱንጽያ ዉዲ ዎንት ካትያፐ፥ አ ኦሳንቻቱዋፐነ አ አሳፐ ክቻናዋ። ሽን መꬍና ጎዳዉ ያርሻናዉ አሳ የደናን እጻናዉ ካቲ ኑና ዛር ጭመና ማላ አኬኮ” ያጌዳ።
EXO 8:30 ሄዋፐ ጉይያን ሙሴ ካትያ ማታፐ ከሲደ፥ መꬍና ጎዳ ዎሴዳ።
EXO 8:31 መꬍና ጎዳይ ሙሴ ኦቼዳዋዳን ኦꬄዳ፤ ኡዱንꬅያ ካትያፐ፥ አ ኦሳንቻቱዋፐነ አ አሳፐ እቱነ አተናን ክቼዳ።
EXO 8:32 ሽን ሀእካ ቃይ ካትያ ዎዛናይ ዶንጭልና፥ አሳ የደናን እጼዳ።
EXO 9:1 መꬍና ጎዳይ ሙሳ ሀዋዳን ያጌዳ፤ “ግብጼ ካትያኮ ባደ፥ ‘መꬍና ጎዳይ፥ እብራዌቱዋ ጾሳይ ኔና፥ “ኡንቱንቱ ታዉ ጎይናና ማላ ታ አሳ የዳ” ያጌ።
EXO 9:2 ኔን የደናን እጻደ፥ ኡንቱንታ ኦይቃ ኡትያዋ ግዶፐ፥
EXO 9:3 መꬍና ጎዳ ኩሺ ደርያን ደእያ ነ መህያ ቦላ፥ ፓራቱዋ ቦላ፥ ሀረቱዋ ቦላ፥ ጋሎቱዋ ቦላ፥ ምያ ቦላ፥ ዶርሳቱዋ ቦላነ ዴሻቱዋ ቦላ ዎልቃማ ኢታ ሀርግያ የዳና።
EXO 9:4 ሽን ታን መꬍና ጎዳይ እስራኤልያ መህያ ግዱዋንነ ግብጼቱዋ መህያ ግዱዋን ሻኮታ መꬋና። እስራኤላቱ መህያፐ እቱነ ሀይቀና’ ያጋ” ያጌዳ።
EXO 9:5 መꬍና ጎዳይ ዎድያ ኬሪደ፥ “ታን ዎንት ሀዋ ሀ ጋድያ ቦላን ኦꬃና” ያጌዳ።
EXO 9:6 ዎንተꬃ ጋላስ መꬍና ጎዳይ ሄዋ ኦꬄዳ። ግብጼ አሳ መህያ ኡባይ ሀይቄዳ፤ ሽን እስራኤልያ አሳ መህያፐ እቱነ ሀይቂቤና።
EXO 9:7 ካቲ ሀ የዉዋ ፓጫናዉ አሳ ኪቲደ፥ እስራኤለቱዋ መህያፐ፥ ሀራይ አቶ፥ እቱነ ሀይቂቤናዋ ኤሬዳ። ግዶፐነ ካትያ ዎዛናይ ዶንጭሎ ሳኣፐ ስመናን እጽና፥ አሳ የደናን ድጌዳ።
EXO 9:8 ሜꬍና ጎዳይ ሄዋፐ ጉይያን፥ ሙሳነ አሮና፥ “ህንተንቱ ኩሽያ ኩንꬂደ ጮጭያፐ ብድንꬃ ኡጭተ፤ ሙሴ ካቲ ጼልሽን፥ ሄዋ ፑደ ጫርኮ ላሎ፤
EXO 9:9 ሄዌ ግብጼ ቢታ ኡባ ቦላ ሊቆ ባና ግዳናዋ፤ ግብጼ ቢታ ኡባን አሳ ቦላነ መህያ ቦላ ጊይያ ጺባይ ዎꬋናዋ” ያጌዳ።
EXO 9:10 ኡንቱንቱ ጮጭያፐ ብድንꬃ አኪደ፥ ካትያ ስንꬃን ኤቄድኖ፤ ሙሴ ሄዋ ፑደ ጫርኩዋን ላልና፥ አሳ ቦላነ መህያ ቦላ ጊይያ ጺባይ ዎꬍ አጌዳ።
EXO 9:11 ሻሬቻቱካ ኡንቱንቱ ቦላነ ግብጼ አሳ ኡባ ቦላ ዎꬌዳ ጺባይ ኤሱዋ ድግና፥ ሙሴ ስንꬃን ኤቃናዉ ዳንዳይበይክኖ።
EXO 9:12 ሽን መꬍና ጎዳይ ሙሴዉ ጌዳዋዳንካ፥ ካትያ ዎዛና ዶንጭልሴዳ ድራዉ፥ ሙሴነ አሮነ ኦድያዋ ካቲ ስሰናን እጼዳ።
EXO 9:13 ሄዋፐ ጉይያን መꬍና ጎዳይ ሙሳ፥ “ጉራን ደንዳ ባደ፥ ካትያና ጋከታደ አ፥ ‘መꬍና ጎዳይ፥ እብራዌቱዋ ጾሳይ ኔና፥ “ታዉ ጎይናና ማላ ታ አሳ የዳ።
EXO 9:14 ሄዌ ꬋዮፐ፥ ነ ቦላ፥ ነ ኦሳንቻቱዋ ቦላነ ነ አሳ ቦላ ታ ቦሻዉ ደእያ ኩመንꬃ ዎልቃ ታን ኪታና፤ ሳኣን ኡባን ታ ማል ባይናዋ ኔን ሄዋን ኤራናሳ።
EXO 9:15 ታን ሀኖደ ታ ኩሽያ የዳደ፥ ኔናነ ነ አሳ ኢታ ሀርግያን ሀ ሳኣ ቦላፐ ምልጽ ኡዳናሽን።
EXO 9:16 ታን ኔና ታ ዎልቃ በሳናዉነ ታ ሱንꬃይ ሳኣ ኡባ ቦላን ኦደታናዉ፥ ሄዎ ታን ኔና ካተ ኦꬃደ ዎꬃድ።
EXO 9:17 ኔን ሀእካ ኦቶረታደ፥ ታ አሳ የደናን እጻዳ።
EXO 9:18 ሄዋ ድራዉ፥ ታን ዎንት ሀኖደ ግብጼ ግብጼ ግዶደፐ ሀቼ ጋካናዉ ኡባካ ዎꬍ ኤረና፥ ዳሪ ዎልቃማ ሻቻ ቡክሳና።
EXO 9:19 ሀእ ኔን ነ መህያነ ጋደን ነዉ ደእያዋ ኡባ ኤለካ ሶ ገልሳናዳን አዛዛ፤ አያዉ ጎፐ፥ ሶይ ገለናን ብሮ ጋደን ደእያ አሳ ኡባ ቦላነ መህያ ኡባ ቦላ ሻቻይ ዎꬋናዋ፤ ኡንቱቱ ሀይቃና” ያጌ’ ያጋ” ያጌዳ።
EXO 9:20 ካትያ ኦሳንቻቱዋፐ መꬍና ጎዳ ቃላዉ ያዬዳዋንቱ ባረንቱ አይለቱዋነ ባረንቱ መህያ ኤሌሊደ ሶይ ገልሴድኖ።
EXO 9:21 ሽን መꬍና ጎዳ ቃላ ካꬌዳዋንቱ ባረንቱ አይለቱዋነ ባረንቱ መህያ ጋደን አግ ባሼድኖ።
EXO 9:22 ሄዋፐ ጉይያን መꬍና ጎዳይ ሙሳ፥ “ግብጼ ቢታ ኡባ ቦላን: አሳ ቦላ፥ መህያ ቦላነ ግብጼ ጎሻቱዋን ድጭያባ ኡባ ቦላ ሻቻይ ዎꬋናዳን፥ ነ ኩሽያ ሳሉዋ ደንꬃ” ያጌዳ።
EXO 9:23 ሙሴ ባረ ጋትማ ሳሉዋ ዛሪደ ደንꬄዳ ዎደ፥ ጾሳይ ጉጉንꬃነ ሻቻ የዴዳ፤ ዋልቃንꬃይካ ዱገ ሳአዉ ዋልቃሜዳ። ጾሳይ ግብጼ ጋድያን ሻቻ ያት ቡክሴዳ።
EXO 9:24 ሻቻይ ዎꬌዳ፤ ዋልቃንꬃይ ያነ ሃነ ዋልቃሜዳ፤ ግብጼ ጋድያን ካቲ ካተቶደፐ ዶምና፥ ግብጼ ቢታ ኡባን ዎꬌዳ ሻቻ ኡባፐ ሄዌ አꬍያ ኢታ ሻቻ።
EXO 9:25 ሄ ሻቻይ ግብጼ ቢታ ኡባ ጋደን ደእያ ኡባባ፥ አሳካ መህያካ ሾጬዳ፤ ጋደን ዶሌዳባ ኡባ ዱገ ዛሪደ ብዶዬዳ፤ ምꬃ ኡባ መንሬꬄዳ።
EXO 9:26 ሻቻይ ዎꬍቤና ጋዲ እስራኤላቱ ኡቴዳ ጎሸና ጋድያ ጻላላ።
EXO 9:27 ካቲ ኪት ሙሳነ አሮና ጼስሲደ፥ “ሀእ ስም፥ ታን ናጋራ ኦꬃድ፤ መꬍና ጎዳይ ቱማንቻ፤ ታንነ ታ አሳይ ባይዛንቻ።
EXO 9:28 ኑዉ ጉጉንꬃይነ ሻቻይ ዳሬዳ ድራዉ፥ መꬍና ጎዳ ዎስተ። ታን ህንተንታ የዳና፤ ስም ሀዋፐ ስንꬃን ህንተንቱ ሀዋን ጋምእክታ” ያጌዳ።
EXO 9:29 ሙሴ አ፥ “ታን ሀ ካታማፐ ከሴዳ ዎደ፥ ታን ዎሳናዉ ታ ኩሽያ መꬍና ጎዳኮ ምጫና፤ ያቶፐ ጉጉንꬃይ አጋናዋ፤ ቃይ ሻቻ ዎꬃይ ኤቃና፤ ሳአይ መꬍና ጎዳዋ ግድያዋ ኔን ሄዋን ኤራና።
EXO 9:30 ሽን ኔንነ ነ ኦሳንቻቱ መꬍና ጎዳዉ ጾሳዉ ሀእካ ያየናዋ ታን ኤራይ” ያጌዳ።
EXO 9:31 ታልባይ ጪሼዳ ድራዉነ ባንጋይ ትሼዳ ድራዉ፥ ታልባይነ ባንጋይ ሻቻን ባዬድኖ።
EXO 9:32 ሽን ዛርጋይነ ሞርገ ምꬃይ ካእያ ዎዲ ብራ ግዴዳ ድራዉ፥ ሻቻን ባይበይክኖ።
EXO 9:33 ሄዋፐ ጉይያን ሙሴ ካትያ ማታፐ ደንዲደ፥ ካታማፐ ጋጻ ከሴዳ። ባረ ኩሽያ መꬍና ጎዳኮ ምጬዳ፤ ያትና ጉጉንꬃይነ ሻቻይ አጌዳ፤ እራይካ ቢታ ቦላን ዱገ ትገትያዌ ኤቄዳ።
EXO 9:34 ሽን ካቲ እራይ፥ ሻቻይነ ጉጉንꬃይ አጌዳዋ በኤዳ ዎደ ዛሪደካ ናጋራ ኦꬄዳ፤ እካ አ ኦሳንቻቱካ ባረንቱ ዎዛና ዶንጭልሴድኖ።
EXO 9:35 መꬍና ጎዳይ ሙሴ ዶናን ሃሳዬዳዋዳንካ ካትያ ዎዛናይ ዶንጭልና፥ እስራኤላቱዋ እ የደናን እጼዳ።
EXO 10:1 ሄዋፐ ጉይያን ሙሳ መꬍና ጎዳይ ሀዋዳን ያጌዳ፤ “ግብጼ ካትያኮ ባ፤ አያዉ ጎፐ፥ ታን ግብጼቱዋ ግዶን ማላነ ዎልቃማ ማላታ ታ ዎታ ኦꬄደንቶ ህንተንቱ ህንተንቱ ናናዉነ ህንተንቱ ናና ናናቶ ኦዳና ማላ፥ ቃይ ህንተንቱካ ታን መꬍና ጎዳ ግድያዋ ኤራና ማላ፥ ታ ዎልቃማ ማላታ ኡንቱንቱ ግዶን ኦꬃናዉ አ ዎዛናነ አ ኦሳንቻቱዋ ዎዛና ታን ዶንጭልሳ ዎꬃድ” ያጌዳ።
EXO 10:3 ሙሴነ አሮነ ካትያኮ ገሊደ አ፥ “መꬍና ጎዳይ፥ እብራዌቱዋ ጾሳይ ኔና ሀዋዳን ያጌ፤ ‘ኔን ታዉ አዛዘተናን አዉደ ጋካናዉ እጻይ? ታዉ ጎይናና ማላ ታ አሳ የዳ።
EXO 10:4 ኔን ኡንቱንታ የደናን እጾፐ፥ ነ ቢታ ቦላ ታን ዎንት ቦልያ አሀና፤
EXO 10:5 ቦሊ ኦንነ ቢታ ደማናዉ ዳንዳየናዳን ቢታ ካማናዋ። ህንተንቶ ሻቻፐ አቴዳ ጉꬃባ፥ ጋደን ድጭያ ምꬃይካ አተናን ኡባ ማናዋ።
EXO 10:6 ነ ጎለን ነ ሱንꬃቱዋ ጎለንነ ግብጼ አሳ ኡባ ጎለን ኡንቱንቱ ኩማናዋንታ፤ ሄዌ ነ አዎቱዋ፥ ዎይ ነ ማይዛ አዎቱ ሀ ቢታን ኡቶደፐ ሀኖ ጋካናዉ ሙለ በእቤናባ’ ያጌ” ያጌድኖ። ሄዋፐ ጉይያን ሙሴ ካትያ ስንꬃፐ ከሲደ ቤዳ።
EXO 10:7 ካትያ ሱንꬃቱ ካትያ፥ “ሀ ብታኒ ኑዉ አዉደ ጋካናዉ መቱዋ ጋሶ ግዳናዌ? ኡንቱንቱ መꬍና ጎዳዉ፥ ባረንቱ ጾሳዉ፥ ጎይናና ማላ፥ ኔን አሳ የዳ፤ ግብጼ ቢታይ ባዬዳዋ ኔን ሀእካ አኬክኪ?” ያጌድኖ።
EXO 10:8 ሄዋ ድራዉ፥ ካቲ ሙሳነ አሮና ጉየ ዛሪደ፥ “ቢተ፤ መꬍና ጎዳዉ፥ ህንተንቱ ጾሳዉ ጎይንተ፤ ሽን ብያዋንቱ ኦና ኦኔ?” ያጌዳ።
EXO 10:9 ሙሴ፥ “ኑን ኑ ጭማ አሳነ ኑ ጉꬃ ናናቱዋና፥ ኑ ዶርሳ ዉደቱዋናነ ሚዛ ዉደቱዋና እትፐ ባና፤ አያዉ ጎፐ፥ ኑን ብያሳን መꬍና ጎዳ ባላ ቦንቻናዉ ኮሼ” ያጌዳ።
EXO 10:10 ካቲ፥ “ታን ህንተንታ ህንተንቱ ናናነ ህንተንቱ ማቼቱዋ የድያዋ ግዶፐ፥ መꬍና ጎዳይ ህንተንታ ናጋናዉ ኮሼ። ሽን በእተ፤ ህንተንቱ ህንተንቱ ዎዛናን ኢታባ ቆፔዳዌ ቆንጭያን ኤረቴ።
EXO 10:11 ቱይት፥ ህንተንቱ፥ ‘ጾሳዉ ጎይናና’ ጊደ ኦችያዋ ግዶፐ፥ አቱማ አሳ ጻላላይ ቢደ መꬍና ጎዳዉ ጎይንተ” ያጌዳ። ሄዋፐ ጉይያን ሙሰነ አሮነ ካትያ ስንꬃፐ የደርሰቲደ ከሴድኖ።
EXO 10:12 መꬍና ጎዳይ ሙሳ፥ “ቦሊ ግብጼ ጋድያን ከሳናዳን፥ ሻቻፐ አቲደ ጋደን ድጭያባ ኡባ ልምእ ኦꬃና ማላ፥ ነ ኩሽያ ግብጼ ጋድያ ቦላን ምጫ” ያጌዳ።
EXO 10:13 ሙሴ ባረ ጋትማ ግብጼ ጋድያ ቦላን ምጭና፥ መꬍና ጎዳይ አዋይ ዶልያ ባጋ ጫርኩዋ ሄ ጋላሳነ ቃማ ኡባ ሄ ጋድያ ቦላን ጫርክሴዳ፤ ዎንቴዳ ዎደ ሄ ጫርኩ ቦልያ አሄዳ።
EXO 10:14 ቦሊ ግብጼ ቢታ ኡባ ቦላ ሻምእ ጊደ፥ ቢታ ኡባ ሳን ከስ ኡቴዳ። ሀዋ ኬሻ ቦልያ ቦሻይ ሄ ቢታን ሀዋፐ ካሰና ሀንቤና፤ ዎይ ሀዋፐ ስንꬃዉነ ዛረꬂደ ሀነና።
EXO 10:15 ቢታይ ካረጻና ጋካናዉ ቦሊ ቢታ ኡባ ካሜዳ። ሄ ቦሊ ሻቻፐ አቲደ ጋደን ድጭያባ ኡባነ ምꬃ ቦላን ደእያ አይፍያ ኡባ ምልጽ ኦꬄዳ። ያትና ምꬃ ቦላን እርጻ ሀይꬃይ፥ ዎይ ጋደን አታክልቲ ግብጼ ቢታ ኡባን አያይነ አትቤና።
EXO 10:16 ካቲ ሙሳነ አሮና ኤለካ ጼስሲደ፥ “መꬍና ጎዳ ህንተንቱ ጾሳነ ህንተንታ ታን ናቃድ፤
EXO 10:17 ስም ህንተንቱ ታዉ ታ ናጋራ ሀ እት ገደ ጻላላዉ አቶ ጊተ፤ ሀ ዎꬍያ ቦሻ ታፐ ድጋና ማላ፥ መꬍና ጎዳ ህንተንቱ ጾሳ ዎስተ” ያጌዳ።
EXO 10:18 ሙሴ ካትያ ማታፐ ከሲደ፥ መꬍና ጎዳ ዎስና፤
EXO 10:19 መꬍና ጎዳይ ሄ ጫርኩዋ አዋይ ዉልያ ባጋ ዎልቃማ ጫርኮ ላምና ቦልያ ቶክ፥ ዞኦ አባኮ አፌዳ። ግብጼ ቢታ ኡባን እት ቦሊነ አትቤና።
EXO 10:20 ግዶፐነ፥ መꬍና ጎዳይ ካትያ ዎዛና ዶንጭልሴዳ ድራዉ፥ እስራኤላቱዋ የደናን እጼዳ።
EXO 10:21 መꬍና ጎዳይ ሙሳ፥ “ግብጼ ጋድያን አሳይ ቦች በአናዉ ዳንዳይያ ኬሻ ꬉማይ ꬉማና ማላ፥ ነ ኩሽያ ሳሉዋ ደንꬃ” ያጌዳ።
EXO 10:22 ሙሴ ባረ ኩሽያ ሳሉዋ ደንꬄዳ፤ ግብጼ ቢታ ኡባን ሄዙ ጋላሳ ኩመንꬃ ባራ ꬉማይ ꬉሜዳ።
EXO 10:23 ሄ ሄዙ ጋላሳቱዋን አሳይ ኦንነ እቱ እቱዋ በኤናን፥ ዎይ ባረ ሳኣፐ ደንዲደ ቤናን ታኬዳ። ሽን እስራኤለቱ ደእያ ሳኣን ኡባን ኡንቱንቶ ፖኡ ደኤ።
EXO 10:24 ካቲ ሙሳ ጼስሲደ፥ “ቢተ፤ መꬍና ጎዳዉ ጎይንተ፤ ህንተንቱ ማቼቱካ ህንተንቱ ናናይካ ህንተናና ባናዉ ዳንዳዪኖ። ህንተንቱ ዶርሳ ዉድያነ ህንተንቱ ሚዛ ዉድያ ጻላላ የጊደ ቢተ” ያጌዳ።
EXO 10:25 ሽን ሙሴ አ፥ “ኑን ያርሹዋነ ጹጊደ ያርሽያ ያርሹዋ መꬍና ጎዳ፥ ኑ ጾሳዉ፥ ሺሻናዉ፥ መህያ ኑዉ እማደ የድያዌ ኔና ጉሳካ?
EXO 10:26 ኑ መሂ ኡባይካ ኑናና ባናዉ ኮሼ፤ ቅንጫፍለ እቱነ ጉየ አተና። መꬍና ጎዳ፥ ኑ ጾሳዉ፥ ጎይንያ ጎይናዉ ሄ መህያፐ ዶሪደ አካናዉ ኮሼ፤ ኑን ያ ጋከናን ደኢደ፥ መህያፐ ሀቃዋ ሀቃዋ መꬍና ጎዳዉ ያርሻነንቶ ኤራናዉ ዳንዳዮኮ” ያጌዳ።
EXO 10:27 ሽን መꬍና ጎዳይ ካትያ ዎዛና ዶንጭልስና እ ኡንቱንታ የዳናዉ ኮይቤና።
EXO 10:28 ሄዋፐ ጉይያን ካቲ ሙሳ፥ “ታ ማታፐ ክቻ! ላኤንꬆ ታ ስንꬃን ለምእ ጋደ ኔና ኤራ! ኔን ታ አይፍያ ታ ዴሙዋ በኤዳ ጋላሳይካ ነዉ ሀይቆ” ያጌዳ።
EXO 10:29 ሙሴ አ፥ “ቱማካ፤ ኔን ጌዳዋዳን ታን ኔና ላኤንꬆ ኡባካ በእከ” ያጌዳ።
EXO 11:1 ሙሴዉ መꬍና ጎዳይ፥ “ታን ግብጼ ካትያ ቦላነ አ አሳ ቦላ እት ሀራ ቦሻ የዳና፤ ሄዋፐ ጉይያን እ ህንተንታ ሀ ጋድያፐ ከስ የዳናዋ፤ እ ህንተንታ እቱነ አተናን ኡባካ የደርሳናዋ።
EXO 11:2 እስራኤልያ አሳይ፥ ማጫዌ አቱማዌ ባረ ሾሮቱዋፐ ብራፐነ ዎርቃፐ መቴዳ ሚሻቱዋ ኦቻና ማላ፥ ኡንቱንቶ ኦዳ” ያጌዳ።
EXO 11:3 መꬍና ጎዳይ እስራኤልያ አሳቱ ግብጼቱዋ ስንꬃን ናሸታናዳን ኦꬄዳ። ቃይ ሙሴ ባረ ሁጲያዉካ ግብጼ ጋድያን ካትያ ኦሳንቻቱዋንነ አሳን ሎይꬅ ዳሮ ቦንቼቴዳ አሳዳን ጼለቴዳ።
EXO 11:4 ሙሴ ካትያ ሀዋዳን ያጌዳ፤ “መꬍና ጎዳይ ሀዋዳን ያጌ፤ ‘ቃማ ግዶ ብላህያን ታን ግብጼ ግዱዋና አꬋና፤
EXO 11:5 ግብጼ ጋድያን ደእያ ባይራ አቱማ ናናይ ኡባይ፥ ካዉተꬃ ኦይድያን ኡትያ ካትያ ባይራ ናኣፐ ዶሚደ፥ ዎጻን ጋጭያ ቆማት ባይራ ናኣ ጋካናዉ ባይራ የለቴዳ መሂካ አተናን ኡባይ ሀይቃናዋ።
EXO 11:6 ግብጼ ቢታ ኡባን ሀዋፐ ካሰ ባጋን ሀንቤናነ ስንꬃፐካ ሀነና ዎልቃማ ዬኩ ዬከታናዋ።
EXO 11:7 ሽን እስራኤላቱ ግዱዋን፥ አሳ ቦላ ዎይ መህያ ቦላ ካናይነ ቦጨና’ ያጌ። ሄ ዎደ መꬍና ጎዳይ ግብጼቱዋንነ እስራኤልያ ግዱዋን ሻኮታ መꬍያዋ ኔን ኤራናሳ።
EXO 11:8 ሀ ነ ኦሳንቻቱ ኡባይ ታኮ ዪደ፥ ታ ስንꬃን ጉፋን ጎይኒደ፥ ‘ከሳደ ባርኪ! ኔና ካልያ አሳይ ኡባይካ ቦ!’ ጋናዋንታ። ሄዋፐ ጉይያን ታን ባና” ያጌዳ። ሄዋፐ ጉይያን ሙሴ ሀንቁዋን ኤጸቲደ፥ ካትያ ስንꬃፐ ከሲደ ቤዳ።
EXO 11:9 ሙሴዉ መꬍና ጎዳይ ኮይሮ፥ “ታ ማላልስያ ማላታይ ግብጼ ጋድያን ዳራና ማላ፥ ካቲ ህንተንቱ ኦድያዋ ስሰናን እጻናዋ” ያግ ዎꬄዳ።
EXO 11:10 ሙሴነ አሮነ ሀ ማላልስያ ማላታ ኡባ ካትያ ስንꬃን ኦꬄድኖ፤ ሽን መꬍና ጎዳይ ካትያ ዎዛና ዶንጭልሴዳ፤ ያትና እ እስራኤላቱዋ ባረ ጋድያፐ የደናን እጼዳ።
EXO 12:1 መꬍና ጎዳይ ግብጼ ጋድያን ሙሳነ አሮና ሀዋዳን ያጌዳ፤
EXO 12:2 “ሀ አግናይ ህንተንቶ ላይꬃዉ ኮይሮ አግና ግዶ፤
EXO 12:3 እስራኤልያ አሳዉ ኡባዉ ሀዋ ኦድተ፤ ሀ አግናይ ገሌዳ ታማንꬃ ጋላሳን፥ እት አሳይ ባረ ሶይ አሳዉ እት ኮልያ ዶርሳ ዎይ እት ኮልያ ዴሻ አሆ።
EXO 12:4 ሄ ጎለ አሳ ፓይዱ ሄ ዶርሳ ዉርስ ማናዉ ጉጾፐ፥ እነ አዉ ኡባፐ ማታትያ ሾሩ ባረንቱ ሶ አሳ ፓይዲደ እት እት አሳይ ማናዉ ዳንዳይያ ኬሻ አኬኪደ፥ ሄ መህያ ሹኪደ እትፐ ሚኖ።
EXO 12:5 ህንተንቱ ዶር አክያ መሂ የለቶደፐ እት ላይꬃ ግዴዳዋ፥ አ ቦላን አይ ፓጫይነ ባይና አቱማዋ ግዶ። ህንተንቱ ዶርሳፐ ዎይ ዴሻፐ አካናዉ ዳንዳዪታ።
EXO 12:6 ሀ አግናዉ ታማነ ኦይደንꬆ ጋላሳ ጋካናዉ ኡንቱንታ ሄምተ፤ ሄ ጋላስ ኦማርስ እስራኤልያ አሳይ ኡባይ ኡንቱንታ ሹካናዉ ኮሼ።
EXO 12:7 ያቲደ ሱꬃፐ አማሬዳዋ አኪደ፥ ኡንቱንቱ ምያ ጎለዉ ላኡ ማቃንያነ ጉባንያ ኦክኖ፤
EXO 12:8 አሹዋ ሄ ጋላስ ቃማ ታማን ጺጽ ጺጺደ፥ ጫምያ ቦንጭያናነ ኡኬዳ ኡክꬃና ሚኖ።
EXO 12:9 አሹዋ ቃይያ ዎይ ዶይሲደ ሞፕተ፤ ሁጲያካ ገደቱዋካ ቃንꬃ ግዶ አሹዋካ ኡባ ቃንጸናን ሙምያ ጺጽተ፤
EXO 12:10 ሄ አሹዋፐ ሳአይ ዎንታና ጋካናዉ አይነ አሾፕተ፤ ሽን አማሬዳዌ አቶፐ፥ ሄዋ ጹጋናዉ ኮሼ።
EXO 12:11 ሙሳ ሚደ፥ ኦግያዉ ጊግያ ማዩዋ ማዪደ፥ ህንተንቱ ጫማ ህንተንቱ ገድያን ዎꬂደ፥ ህንተንቱ ጋትማ ህንተንቱ ኩሽያን ኦይቂደ ሚታ። ኤሌል ኤሌል ሚተ፤ ሀዌ መꬍና ጎዳ ፓስጋ።
EXO 12:12 “ታን ሄ ጋላስ ቃማና ግብጼን አꬋደ ባይራ የለቴዳ ኡባ፥ አሳካ፥ መህያካ ዎꬋና፤ ግብጼ ኤቃቱዋ ኡባ ቦላካ ታን ፕርዳና፤ ታን መꬍና ጎዳቴ።
EXO 12:13 ሄ ሱꬃይ ህንተንቱ ደእያ ጎልያ ኤርስያ ማላ ግዳናዋ። ታን ሄ ሱꬃ በኦ ዎደ፥ ህንተንታ አጋደ አꬋና፤ ታን ግብጼ ጋድያ ቦሻን ሾጭያ ዎደ፥ ህንተንታ አይ ቦሻይካ ቦቼና።
EXO 12:14 “ሀ ጋላሳይ ህንተንቶ ቆፕ ቆፕ ቦንችያ ጋላሳ ግዶ፤ ህንተንቱ የለታይ ኡባይ መꬍና ጎዳ ባላ ቦንችተ፤ ሀዋ ዎጋ ኦꬂደ ኡባ ዎደ ቦንችተ።
EXO 12:15 “ላፑን ጋላሳይ ጋካናዉ እርሹዋ የግቤና ኡክꬃ ሚተ፤ ሽን ኮይሮ ጋላስ እርሹዋ ህንተንቱ ሶፐ ድግተ። ሄ ኮይሮ ጋላሳፐ ዶሚደ ላፑንꬃ ጋላስ ጋካናዉ፥ እርሹዋና ደእያ ኡክꬃ ምያ አሳይ እስራኤልያ አሳ ግዶፐ ቦሄቶ።
EXO 12:16 ኮይሮ ጋላስ ጌሻ ሽቁዋ ሺቅተ፤ ሀራ ጌሻ ሽቁዋ ቃይ ላፑንꬃ ጋላሳን ሺቅተ፤ አሳይ ማናዉ ቁማ ካꬃናዋፐ አትና፥ ሀ ጋላሳ ኡባን አይነ ኦꬆፕተ፤ ህንተንቱ ኦꬃናባይ ሄዋ ጻላላ።
EXO 12:17 “እርሹ ገልቤና ኡክꬃ ባላ ቦንችተ፤ አያዉ ጎፐ፥ ታን ህንተንቱ ጩጉዋ ግብጼ ጋድያፐ ከሴዳዌ ሄ ጋላሳና። ሄ ጋላሳ፥ የለታፐ የለታይ ጋካናዉ ፕን ከስያ ዎጋ ኦꬂደ ቦንችተ።
EXO 12:18 ኮይሮ አግናን፥ ሄ አግናዉ ታማነ ኦይደንꬆ ጋላሳ ኦማርሳፐ ዶሚደ፥ ላታማነ እተንꬁዋ ኦማርስ ጋካናዉ እርሹ ገልቤና ኡክꬃ ሚተ።
EXO 12:19 ላፑን ጋላሳይ ጋካናዉ እርሹ ህንተንቱ ሶን ቤቶፖ፤ እርሹ ገሌዳዋ ምያ አሳይ በተ ግድና ዎይ ሄ ቢታ አሳ ግድና፥ እስራኤልያ ግዶፐ ቦሄቶ።
EXO 12:20 እርሹ ገሌዳዋ አያነ ሞፕተ፤ ህንተንቱ ደእያ ሳኣን ሀቃንካ እርሹ ገልቤና ኡክꬃ ማናዉ ኮሼ” ያጌዳ።
EXO 12:21 ሄዋፐ ጉይያን ሙሴ እስራኤልያ ጭማቱዋ ኡባ ጼስሲደ ኡንቱንታ ሀዋዳን ያጌዳ፤ “ህንተንቱ ኤለካ ቢደ፥ ህንተንቱ ሶ አሳዉ ፓስጋዉ ኮልያ፥ ዶርሳ ዎይ ዴሻ ሹክተ።
EXO 12:22 ህሶጵያ ጌተትያ ሀይꬃፐ ዳንክ አኪደ፥ ከርያን ደእያ ሱꬃን ናቂ ከሲደ፥ ሄ ሱꬃ ላኡ ማቃንያንነ ጉባንያ ኦክተ፤ ህንተንቱፐ እት አሳይነ ሳአይ ዎንታና ጋካናዉ ባረ ጎልያ ፐንግያፐ ካረ ከሶፖ።
EXO 12:23 መꬍና ጎዳይ ግብጼቱዋ ሾጭ ዎꬋናዉ ሄ ቢታና አꬍያ ዎደ፥ ሱꬃ ጉባንያንነ ላኡ ማቃንያን በአና፤ ያቲደ ካረና አꬋና፤ ዎꬍያዌ ህንተንቱ ሶ ገሊደ፥ ህንተንታ ዎናዳን አ ህንተንቱ ሶ ገልሰና።
EXO 12:24 “ህንተንቱ ሀ አዛዙዋ ህንተንቶነ ህንተንቱ ዘረꬃዉ ኡባ ዎደ ዎጋ ኦꬂደ አዛዘትተ።
EXO 12:25 መꬍና ጎዳይ ካሰ እማና ጌዳዋዳን እ እምያ ቢታ ህንተንቱ ገልያ ዎደ፥ ሀ ዎጋ ናግተ።
EXO 12:26 ህንተንቱ ናናይ ህንተንታ፥ ‘ሀ ቦንቾ ባላ ብርሸꬃይ አዬ?’ ያጊደ ኦችያ ዎደ፥
EXO 12:27 ህንተንቱ ኡንቱንታ፥ ‘ሀዌ ጾሳ ቦንቻናዉ ያርሽያ ፓስጋ ያርሹዋ፤ አያዉ ጎፐ፥ መꬍና ጎዳይ ግብጼ ጋድያን እስራኤልያ አሳ ጎልያ አግ አꬍ ቢደ፥ ግብጼቱዋ ዎꬊደ፥ ኑና አሼዳ ድራሳ’ ያግተ” ያጌዳ። ሄዋፐ ጉይያን አሳይ ጉልባቲደ ጎይኔዳ።
EXO 12:28 እስራኤላቱ መꬍና ጎዳይ ሙሳነ አሮና አዛዜዳዋዳን ኦꬄድኖ።
EXO 12:29 ቃማ ግዶ ብላህያን መꬍና ጎዳይ ግብጼን ባይራ የለቴዳ ኡባ፥ ካዉተꬃ ኦይድያን ኡቴዳ ካትያ ባይራ ናኣፐ ዶሚደ፥ ቃሾ ጎለን ደእያ ኦሞደቴዳዋንቱ ባይራ ናኣ ጋካናዉ፥ ቃይ ባይራ የለቴዳ መህያ ኡባ ድፕ ኦꬄዳ።
EXO 12:30 ካቲ፥ አ ኦሳንቻቱ ኡባይነ ግብጼ ጋድያ አሳይ ኡባይ ቃማ ደንዴድኖ። ግብጼ ጋድያን አሳይ ሀይቂቤና ጎሊ ኡባካ ባይና ድራዉ፥ አሳይ ኮሻ ꬎቁ ኦꬂደ ዎልቃማ ዬኩዋ ዬኬዳ።
EXO 12:31 ሄ ጋላስ ቃማ ካቲ ሙሳነ አሮና ጼሲደ፥ “ደንድተ! ህንተካ እስራኤልያ አሳይካ ታ አሳ ግዱዋፐ ከስ ቢደ ህንተንቱ ኦቼዳዋዳንካ መꬍና ጎዳዉ ጎይንተ!
EXO 12:32 ህንተንቱ ጌዳዋዳንካ ህንተንቱ ዶርሳ ዉድያነ ህንተንቱ መህያ ዉድያ አኪደ ቢተ! ቃይ ታዉካ ዎስተ” ያጌዳ።
EXO 12:33 ግብጼ አሳይ እስራኤላቱ ጋድያፐ ኤለካ ከሳና ማላ ድርቢሴድኖ። አያዉ ጎፐ፥ ኡንቱንቱ፥ “ሄዌ ꬋዮፐ፥ ኑን ኡባይካ ዉሬቶ” ያጌድኖ።
EXO 12:34 ሄዋ ድራዉ፥ እስራኤልያ አሳቱ ባረንቱ እርሹ ገልቤና ሙናቃ ከርያን ኩንꬂደ፥ ባረንቱ ማዩዋን ጻጺደ፥ ሀሽያን ቶኬድኖ።
EXO 12:35 እስራኤለቱ ሙሴ ኡንቱንታ አዛዜዳዋዳን፥ ግብጼቱዋ ብራ ሚሻቱዋ፥ ዎርቃ ሚሻቱዋነ ማዩዋ፥ “እምተ” ጊደ ኦቼድኖ።
EXO 12:36 መꬍና ጎዳይ ግብጼቱዋ ስንꬃን ሄ አሳይ ሳበታናዳን ኦꬅና፥ ግብጼቱ ኡንቱንቱ ኦቼዳዋ እሜድኖ። ሄዋዳን ያቲደ ኡንቱንቱ ግብጼ አሳቱዋ ማጹዋ ቦንቂ አኪደ ቤድኖ።
EXO 12:37 እስራኤላቱ ራምሳ ጌተትያ ካታማፐ ደንዲደ ሱኮታ ጌተትያ ሳኣ ገድያን ሀመቲደ ቤድኖ። አሳይ ናናነ ማጫዋንታ ጉጀናን ፓይድና፥ ኡሱፑን ጼቱ ሻአ።
EXO 12:38 ቃይ ኡንቱንቱና ሀራ ዳሮ አሳይ፥ ዳሮ መሂነ ዶርሳ ዴሻ ዉዲ ላገቲደ ቤዳ።
EXO 12:39 ግብጼፐ ኡንቱንቱ አኪደ ከሴዳ ሙናቃ እርሹ ገልቤና ኡክꬃ ኡኬድኖ፤ አያዉ ጎፐ፥ ኡንቱንቱ ግብጼፐ ድርባን ከሴድኖ፤ ባረንቶ ሽንቃ ካꬃናዉካ፥ ሙናቃይ ደንድና ኡካናዉካ ኡንቱንታ ጋꬅቤና።
EXO 12:40 እስራኤላቱ ግብጼ ጋድያን ደኤዳ ላይꬃይ ኦይዱ ጼታነ ሀታማ።
EXO 12:41 ሄ ኦይዱ ጼታነ ሀታሙ ላይꬃይ ዉርያ ሄ ዉርሰꬃ ጋላሳን፥ መꬍና ጎዳ ጩጉ ኡባይ ግብጼ ጋድያፐ ከሴዳ።
EXO 12:42 መꬍና ጎዳይ ባረ አሳ ናጊደ፥ ግብጼ ጋድያፐ ከስያ ዎደ ሳአይ ቃማ፤ ሄ ቃማይ የለታፐ የለታ ጋካናዉ፥ እስራኤልያ አሳይ ቤጎቲደ ናጊደ አቅያ፥ መꬍና ጎዳዉ ዱማቴዳ ቃማ።
EXO 12:43 መꬍና ጎዳይ ሙሳነ አሮና፥ “ፓስጋ ጋላሳ ቦንችያ ዎጋይ ሀዋ፤ በተ አሳይ አፐ ኡባካ ሞፖ።
EXO 12:44 ህንተንቱ ሻሉዋን ሻሜዳ አይሊ ህንተንቱ አ ቃጻሮዋፐ ጉይያን አፐ ሞ።
EXO 12:45 ሽን እማꬃተꬃን ህንተናና ጋምእያ እማꬃይነ ከራ ኦꬅያ እማꬃይ አፐ ኡባካ ሞፖ።
EXO 12:46 “ሀ ፓስጋ ህንተንቱ እት ጎለን ሚተ፤ ህንተንቱ ሄ አሹዋፐ አያነ ካረ ከሶፕተ። መቀꬃቱዋፐ እቱዋነ መንꬆፕተ።
EXO 12:47 እስራኤልያ ማባራይ ኡባይ ፓስጋ ቦንቻናዉ ኮሼ።
EXO 12:48 “በቲ ዪደ ህንተንቱ ግዶን ደእያ አሳይ መꬍና ጎዳ ፓስጋ ቦንቻናዉ ኮዮፐ፥ ኮይሮ ሄ አቱማ አሳይ ኡባይ ቃጻረቶ። ሄዋፐ ጉይያን እ ሄ ቢታን የለቴዳ አሳዳን ሺቂደ፥ ፓስጋ ቦንቻናዉ ዳንዳዬ። ሽን ቃጻረትቤና አሳይ ኡባካ አፐ ሞፖ።
EXO 12:49 ህንተንቱ ቢታን የለቴዳዎካ ህንተንቱ ግዶን በተ ግዲደ ደእያዋዉካ ሄ ዎጋይ እቱዋ” ያጌዳ።
EXO 12:50 እስራኤላቱ ኡባይ መꬍና ጎዳይ ሙሳነ አሮና አዛዜዳዋዳንካ ኦꬄድኖ።
EXO 12:51 ሄ ጋላስካ መꬍና ጎዳይ እስራኤላቱዋ ኡንቱንቱ ጩጉዋን ጩጉዋን ግብጼ ጋድያፐ ከሴዳ።
EXO 13:1 መꬍና ጎዳይ ሙሳ ሀዋዳን ያጌዳ፤
EXO 13:2 “ባይራ የለቴዳ አቱማዋ ኡባ ታዉ ዱማያ። እስራኤልያ አሳ ግዶን ኡሉዋፐ የለቴዳ ባይራ ኡባይ፥ መህያ ግድና አሳ ግድና፥ ኡባይካ ታዋ” ያጌዳ።
EXO 13:3 ሄዋፐ ጉይያን ሙሴ አሳ፥ “ግብጼፐ፥ አይለተꬃ ጋድያፐ ህንተንቱ ከሴዳ ጋላሳ፥ ሀ ጋላሳ ሀሳይተ፤ አያዉ ጎፐ፥ መꬍና ጎዳይ ባረ ዎልቃማ ኩሽያን ህንተንታ ከሴዳ፤ ሄዋ ድራዉ፥ እርሹ ገሌዳዋ ኡባካ ሞፕተ።
EXO 13:4 ህንተንቱ ሀቼ፥ ላይꬃዉ ኮይሮ ግዴዳ አቢባ አግናን ከሲታ።
EXO 13:5 መꬍና ጎዳይ ካናነቱዋ፥ ሂተቱዋ፥ አሞራዋናቱዋ፥ ሂዌቱዋነ ያቡሳዋናቱዋ ጋድያ ህንተንታ ጋꬅያ ዎደ፥ ህንተንቱ ሀ ፓስጋ ሀ አግናን ቦንቺታ። ሄ ቢታይ ጾሳይ ህንተዉ እማና ማላ፥ ካሰ ህንተንቱ አዋቶ ጫቂ ዎꬄዳ ቢታ። ሄ ቢታይ ማꬃይነ ኤሳይ ጎግያ ቢታ።
EXO 13:6 ህንተንቱ ላፑን ጋላሳይ ጋካናዉ እርሹ የገትቤና ኡክꬃ ማንታ፤ ላፑንꬃ ጋላሳይ መꬍና ጎዳ ባላ ግዳናዋ።
EXO 13:7 ሄ ላፑን ጋላሳቱዋን እርሹ የገትቤና ኡክꬃ ህንተንቱ ማና፤ ህንተንቱ ግዶን እርሹዋና ደእያባይ አያይነ ቤቶፖ፤ ነ ቢታ ዛዋን ሀቃንነ እርሹ ቤቶፖ።
EXO 13:8 “ሄ ጋላስ ኔን ነ ናአዉ፥ ‘ታን ሀዋ ኦꬅያዌ፥ ታን ግብጼፐ ከስያ ዎደ፥ መꬍና ጎዳይ ታዉ ኦꬄዳዋ ሀሳያናሳ’ ያጋደ ኦዳ።
EXO 13:9 መꬍና ጎዳይ ህንተንታ ባረ ዎልቃማ ኩሽያን ግብጼፐ ከሴዳ ድራዉ፥ መꬍና ጎዳ ዎጋይ ህንተንቱ ዶናፐ ዎናዳን፥ ሀ ቦንቼትያ ጋላሳይ ነ ኩሽያን ቃቼዳነ ነ ዴሙዋን ዎꬄዳ ሀሳይስያዋ ማላ ግዳና።
EXO 13:10 ሄዋ ድራዉ፥ ህንተንቱ ሀ ዎጋ ላይꬃን ላይꬃን አ ዎድያን ቦንችተ።
EXO 13:11 “መꬍና ጎዳይ ህንተንቱነ ህንተንቱ ማይዛ አዋቶ እማናዉ ጫቄዳዋዳን፥ እ ህንተንታ ካናነቱዋ ጋድያ ገልሲደ፥ ሄ ጋድያ ህንተንቶ እምያ ዎደ፥
EXO 13:12 ኡሉዋፐ ባይራ የለቴዳ ኡባ መꬍና ጎዳዉ ዱማያ፤ ነ ሚዛ ባይራ የለትያ አቱማዋ ኡባይ መꬍና ጎዳዋ።
EXO 13:13 ባይራ የለትያ ሀርያ ኡባ ዶርሳ ማራን ዎዛ አካ። ዎዘናዋ ግዶፐ፥ አ ሞርግያ መንꬃ፤ ነ አቱማ ናና ግዶን ባይራ የለቴዳዋንታ ኡባ ዎዛ።
EXO 13:14 ስንꬃና ያና ዎድያን ነ ናአይ ኔና፥ ‘ሀዌ አዬ?’ ያጊደ ኦቾፐ፥ ኔን አ፥ ‘መꬍና ጎዳይ ኑና ዎልቃማ ኩሽያን ግብጼፐ፥ አይለተꬃ ጋድያፐ ከሴዳ፤
EXO 13:15 ግብጼ ካቲ ዶንጭሊደ ኑና የደናን እጽና፥ መꬍና ጎዳይ ግብጼ ጋድያን ደእያ ባይራ ኡባ፥ አሳፐ ዶሚደ መህያ ባይራ ጋካናዉ ዎꬌዳ። ታን አት ኡሉዋፐ ኮይሮ የለቴዳ አቱማዋ ኡባ መꬍና ጎዳዉ ያርሽያዌነ ታ ባይራ አቱማ ናና ታን ዎዝያዌ ሄዋሳ’ ያጋ።
EXO 13:16 መꬍና ጎዳይ ኑና ባረ ዎልቃማ ኩሽያን ግብጼፐ ከሴዳዎ፥ ሀዌ ህንተንቶ ኩሽያን ቃቼዳነ ዴሙዋን ዎꬄዳ ማላ ማላ ግዳናዋ” ያጌዳ።
EXO 13:17 ካቲ አሳ የዴዳ ዎደ፥ ጾሳይ ኡንቱንታ ፕልስጼማ ቢታና አꬅያ ኦጊ ማታ ግዶፐነ ሄ ኦግያና ካለꬅቤና፤ አያዉ ጎፐ፥ ጾሳይ፥ “አሳይ ኦላ በኦፐ፥ ባረ ቆፋ ላሚደ፥ ጉየ ግብጼ ስመናዳን” ያጊደ ቆፔዳ።
EXO 13:18 ሄዋ ድራዉ፥ ጾሳይ አሳ መላ ቢታ ኦግያና ዩሺደ፥ ዞኦ አባኮ ካለꬄዳ። እስራኤለቱ ግብጼ ጋድያፐ ኦላዉ ጊጊደ ፑደ ከሴድኖ።
EXO 13:19 ዮሴፎ እስራኤልያ አሳ ጫቀꬅ ዎꬄዳ ድራዉ፥ ሙሴ አ መቀꬃ ባረናና አኪደ ቤዳ፤ ዮሴፎ ኡንቱንታ፥ “ጾሳይ ቱሙፐ ህንተንታ ማዳናዉ ያናዋ፤ ሄ ዎደ ህንተንቱ ታ መቀꬃ ሀ ሳኣፐ ፑደ ህንተናና አኪደ ቢተ” ያጊደ ኦድ ዎꬄዳ።
EXO 13:20 ኡንቱንቱ ሱኮተፐ ደንዲደ መላ ቢታ ዶናን ደእያ ኤታማን ኡቴድኖ።
EXO 13:21 መꬍና ጎዳይ ኡንቱንቱ ጋላስነ ቃማ ሀመታና ማላ፥ ጋላሳን ኡንቱንታ ኦግያ በሳናዉ ሻርያ ቱሳን፥ ቃማን ኡንቱንቶ ፖእሳና ማላ ታማ ቱሳን ኡንቱንታ ካለꬄዳ።
EXO 13:22 ጋላስ ሻርያ ቱሳይ ዎይ ቃማ ታማ ቱሳይ አሳ ስንꬃፐ ክችቤና።
EXO 14:1 ሄዋፐ ጉይያን ሙሳ መꬍና ጎዳይ፤ “ኡንቱንቱ ጉየ ስሚደ ምግዶላፐነ አባፐ ግዱዋን፥ ፕሃህሮታ ማታን ኡታናዳን ኦዳ፤ ኡንቱንቱ አባ ላንቂያን ባኣል-ጻፎና ስንꬃ መላ ቢታን ኡትኖ ያጌዳ።
EXO 14:3 ካቲ፥ ‘እስራኤላቱ መላ ቢታይ ጎርድና፥ ሀንያባ ꬋዪደ ቢታን ጮ ቶይላካቲኖ’ ያጊደ ቆፓናዋ።
EXO 14:4 ታን ካትያ ዎዛና ዶንጭልሳና፤ እ ኡንቱንታ የደርሳና፤ ታን ካትያንነ አ ኦላንቻቱዋ ኡባን ቦንቼታና፤ ግብጼቱካ ታን መꬍና ጎዳ ግድያዋ ኤራና” ያጌዳ። እስራኤላቱ እ ኦዴዳዋዳን ኦꬄድኖ።
EXO 14:5 አሳይ ባቃት ድጌዳዋ ግብጼ ካትያዉ ኦድና፥ እነ አ ሱንꬃቱ እስራኤላቶ ቆፔዳ ባረንቱ ቆፋ ላሚደ፥ “ኑን ሀዋ ዋቴቶ? ኑን እስራኤላቱዋ የዲደ፥ ኡንቱንቱ ኑዉ ኦꬅያ ዎልቃፐ መላ አቴዶ” ያጌድኖ።
EXO 14:6 ሄዋ ድራዉ፥ እ ባረ ፓራ ጋርያ ኮሪደ፥ ባረ ኦላንቻቱዋ ባረናና አኪደ ደንዴዳ።
EXO 14:7 እ ኡሱፑን ጼቱ ዶረቴዳ ፓራ ጋረቱዋ፥ ግብጼ ጋድያን ደእያ ሀራ ጋረቱዋ ኡባና፥ ኡንቱንቱ ኡባዉ ካፑዋ ካፑዋ ሱንꬂደ አኪደ ቤዳ።
EXO 14:8 መꬍና ጎዳይ ግብጼ ጋደ ካትያ፥ ዎዛና ꬉልስና፥ ጾሳ ዎልቃን ከሳ ቦላ ደእያ እስራኤልያ አሳ የደርሴዳ።
EXO 14:9 ሄዋፐ ጉይያን ግብጼ አሳቱ፥ ካትያ ፓራቱ ኡባይነ ፓራ ጋረቱ፥ ፓራ አሳቱነ ኦላንቻቱ እስራኤላቱዋ ካሊደ የደርሴድኖ። አባ ዶናን ባኣል-ጻፎና ስንꬃ ባዙዋን ደእያ ፕሃህሮታ ማታን ኡንቱንቱ ኡቴዳዋንታ ደሜድኖ።
EXO 14:10 ካቲ ማት ድግና፥ እስራኤላቱ ꬎቁ ግ ጼልያ ዎደ፥ ግብጼቱ ኡንቱንቱ ጌዱዋ ካሊደ ዬዳዋ በኤድኖ፤ ያቲደ ዳሮፐ ያዪደ፥ መꬍና ጎዳኮ ዋሴድኖ።
EXO 14:11 ኡንቱንቱ ሙሳ፥ “ኔን ኑና ግብጼን ዱፉ ꬋይና መላ ቢታን ሀይቃናዳን ከሳዲየ? ኑና ግብጼፐ አያዉ አሃድ?
EXO 14:12 ግብጼን ደኢደ ኑን፥ ‘ኑና አጋ ባሻ፤ ኑን ግብጼቶ ሞደታና’ ያጊደ ነዉ ኦድበይኮየ? መላ ቢታን ሀይቃናፐ ኡንቱንቶ ሞደትያዌ ኑዉ ሎአ ሽን” ያጌድኖ።
EXO 14:13 ሽን ሙሴ አሳ፥ “ያዮፕተ፤ ምን ኤቂተ፤ መꬍና ጎዳይ ሀቼ ህንተንታ አሽያ አሹዋ ህንተንቱ በአና። ሀቼ ህንተንቱ በእያ ግብጼቱዋ ላኤንꬆ ኡባካ በእክታ።
EXO 14:14 ህንተንቱ ድራዉ መꬍና ጎዳይ ኦለታናዋ፤ ህንተንቱፐ ኮየትያዌ ጮኡ ጉሳ ጻላላ” ያጌዳ።
EXO 14:15 መꬍና ጎዳይ ሙሳ፥ “ኔን ታኮ አያዉ ዋሳይ? እስራኤላቱ ስንꬃዉ ሀመታና ማላ ኦዳ።
EXO 14:16 ነ ጻምኣ ደንꬃደ አባ ቦላ ምጫ፤ ሃꬃይ ላኡ ከሲደ ሻከታናዋ፤ እስራኤላቱካ መላ ቢታና አባ ፕኒደ ባናዋንታ።
EXO 14:17 ታን ግብጼቱዋ ዎዛና ዶንጭልስና፥ ኡንቱንቱ ህንተንቱ ጌዱዋ ካሊደ አባን ገላናዋንታ። ታን ካትያነ አ ኦላንቻቱዋ ኡባ ቦላን፥ አ ፓራ ጋረቱዋነ አ ፓራ አሳቱዋ ቦላን ቦንቹዋ ታዉ ደማና።
EXO 14:18 ታን ካትያ ቦላን፥ አ ፓራ ጋረቱዋ ቦላንነ አ ፓራ አሳቱዋ ቦላን ታዉ ቦንቹዋ ደሜዳ ዎደ፥ ታን መꬍና ጎዳ ግድያዋ ግብጼቱ ኤራናዋንታ” ያጌዳ።
EXO 14:19 ሄዋፐ ጉይያን ጾሳ ኪታንቻይ፥ እስራኤልያ ኦላንቻቱዋፐ ስንꬃና ሀመትያዌ፥ ጉየ አꬊደ ኡንቱንቱፐ ጉየና ሀመቴዳ። ሻርያ ቱሳይካ ኡንቱንቱ ስንꬃን ደእያ ሳኣፐ ጉየ ባጋ ዩዪደ፥
EXO 14:20 ግብጼቱዋ ኦላንቻቱዋፐነ እስራኤለቱዋ ኦላንቻቱዋፐ ግዱዋን ኤቄዳ። ሄ ሻሪ ቃማ ኡባን እት ባጋና ꬉምሲደ፥ ህንኮ ባጋና ፖእሴዳ፤ ያትና ቃማ ኡባ እቱ እቱዋኮ ሺቅበይክኖ።
EXO 14:21 ሄዋፐ ጉይያን ሙሴ አባ ቦላን ባረ ኩሽያ ምጬዳ፤ መꬍና ጎዳይ ሄ ጋላስ ቃማ ኡባን አዋይ ዶልያ ባጋፐ ዎልቃማ ጫርኩዋ የዲደ፥ አባ ጉየ ዛሪደ መላ ቢታ ከሴዳ። ሃꬃይ ሻከቴዳ።
EXO 14:22 እስራኤለቱ አባ ግዱዋና መላ ቢታን ሀመቲደ፥ ሃꬃይ ኡንቱንቶ ኡሸቻናነ ሀድርሳና ጎዳዳን ኤቂና ቤድኖ።
EXO 14:23 ግብጼቱ ኡንቱንታ የደርሴድኖ፤ ካትያ ፓራ ኡባቱ፥ አ ፓራ ጋረቱነ አ ፓራ አሳቱ ኡንቱንታ ካሊደ፥ አባ ግዶ ገሌድኖ።
EXO 14:24 ብሮ ዎንታ ባካሊ ዶላናፐ ካሰቲደ፥ መꬍና ጎዳይ ታማነ ሻርያ ቱሳፐ ዱገ ዛሪደ፥ ግብጼቱዋ ኦላንቻቱዋ ጼሌዳ፤ ኡንቱንቱ ዎዛና ባይዜዳ።
EXO 14:25 ላጋይ ኡንቱንታ ዋይሳና ማላ፥ መꬍና ጎዳይ ኡንቱንቱ ፓራ ጋረቱዋ ጎማ ቃꬁዋ ድግና ግብጼቱ፥ “መꬍና ጎዳይ ኡንቱንታ ማዲደ ግብጻ ኦልያ ድራዉ፥ አነ ኑን እስራኤልያ አሳፐ ባቃቶይተ” ያጌድኖ።
EXO 14:26 መꬍና ጎዳይ ሙሳ፥ “ሃꬃይ ግብጼቱዋ ቦላ፥ ኡንቱንቱ ፓራ ጋረቱዋ ቦላነ ኡንቱንቱ ፓራ አሳቱዋ ቦላ ጉየ ጎጋና ማላ፥ ነ ኩሽያ አባ ቦላን ምጫ” ያጌዳ።
EXO 14:27 ሙሴ ባረ ኩሽያ አባ ቦላን ምጬዳ፤ ሳአይ ዎንትሽን፥ አባይ ባረ ካሰ ሳኣ ጉየ ስሜዳ፤ ግብጼቱ ያ አ ግዶ ባቃትሽን፥ መꬍና ጎዳይ ግብጼቱዋ አባ ግዱዋን አꬅ የጌዳ።
EXO 14:28 ሃꬃይ ጉየ ስሚደ፥ ፓራ ጋረቱዋ ፓራ አሳቱዋና እስራኤላቱዋ ካሊደ አባ ገሌዳ ካትያ ኦላንቻቱዋ ኡባ ምት ባሼዳ፤ ኡንቱንቱፐ እቱነ አትቤና።
EXO 14:29 ሽን እስራኤለቱ አባ ግዱዋና መላ ቢታን ሀመቲደ፥ ሃꬃይ ኡንቱንቶ ኡሸቻናነ ሀድርሳና ጎዳዳን ኤቂና ቤድኖ።
EXO 14:30 መꬍና ጎዳይ ሄ ጋላስ እስራኤልያ አሳ ግብጼቱዋ ኩሽያፐ ሀዋዳን አሼዳ። ቃይ እስራኤለቱ ግብጼቱ ሀይቂደ ግሴዳዋንታ አባ ዶናን በኤድኖ።
EXO 14:31 እስራኤላቱካ መꬍና ጎዳይ ግብጼቱዋ ቦላ በሴዳ ዎልቃማ ዎልቃ በኤዳ ዎደ፥ አሳይ መꬍና ጎዳዉ ያዪደ አካ አ ቆማ ሙሳካ አማኔዳ።
EXO 15:1 ሄ ዎደ ሙሴነ እስራኤልያ አሳይ ሀ የꬃ መꬍና ጎዳዉ የጼድኖ፤ “ቦንቹዋን ሎይꬅ ꬎቁ ꬎቁ ጌዳ ድራዉ፥ ታን መꬍና ጎዳዉ ማዝሙርያ የጻና። ፓራነ ፓራ ጋርያነ ቶጌዳዋንታ አባን ኦሌዳ።
EXO 15:2 መꬍና ጎዳይ ታ ዎልቃነ ታ ማዝሙርያ፤ እ ታና አሽያዋ ግዴዳ። እ ታ ጾሳ፤ ታን አ ሳባና። እ ታ አዉዋ ጾሳ፤ ታን አ ꬎቁ ꬎቁ ኦꬃና።
EXO 15:3 መꬍና ጎዳይ ኤረቴዳ ኦላንቻ፤ አ ሱንꬃይካ መꬍና ጎዳ።
EXO 15:4 ግብጼ ካትያ ፓራ ጋረቱዋነ አ ኦላንቻቱዋ አባን ኦሌዳ። ግብጼ ካትያ ካፓቱ፥ ኡባፐ አꬍ ሎእያዋንቱ ዞኦ አባን ሙከቴድኖ።
EXO 15:5 ጪሞ ሃꬃይ ኡንቱንታ ካሜዳ፤ ኡንቱንቱ ሹቻዳን ጪሙዋን ምተቴድኖ።
EXO 15:6 “አቤት መꬍና ጎዳዉ፥ ነ ኡሸቻ ኩሺ ዎልቃን ጎቤዳዋ፤ መꬍና ጎዳዉ፥ ነ ኡሸቻ ኩሺ ሞርክያ መንሬꬄዳ።
EXO 15:7 ነ ቦንቹዋ ግታተꬃን ኔናና ጋዳቴዳዋንታ ኦላዳ። ነ ኤጽያ ሀንቁዋ ኔን የድና፥ እ ኡንቱንታ ዳላዳን ሜዳ።
EXO 15:8 ነ ሲꬍያና ከስያ ሸምፑዋን ሃꬃይ ዶረቴዳ። ጎግያ ሃꬃይካ ጎዳዳን ምን ኤቄዳ፤ ጪሞ ሃꬃይ አባ ጎምፓን እርኪደ ምኔዳ።
EXO 15:9 “ሞርኪ፥ ‘ታን ኡንቱንታ የደርሳደ ኦይቃና። ታን ኡንቱንቱ ማጹዋ ሻካደ፥ ታ ኮዬዳዋ ኡባ አካና። ታን ታ ማሻ ሾዳደ፥ ኡንቱንታ ꬋይሳና’ ያጊደ ጬቀቴዳ።
EXO 15:10 “ሽን ነ ፔኑዋን ፑንና፥ አባይ ኡንቱንታ ካሜዳ። ኡንቱንቱ ዎልቃማ ሃꬃን ብራታይ ምተትያዋዳን ምተቴድኖ።
EXO 15:11 አቤት መꬍና ጎዳዉ፥ ጾሳቱዋ ግዶን ነ ማላይ ኦኔ? ጌሻተꬃን ቦንቼትያዌ፥ ቦንቹዋን ያየትያዌ፥ ማላልያባ ኦꬅያዌ ነ ማላይ ኦኔ?
EXO 15:12 ኔን ነ ኡሸቻ ኩሽያ ምጭና፥ ቢታይ ኡንቱንታ ምቴዳ።
EXO 15:13 “ኔን ዎዜዳ ነ አሳ አገና ነ ሲቁዋን ካለꬃዳ። ኔን ነ ዎልቃን ኡንቱንታ ኔን ደእያ ጌሻ ሳኣ ገልሳዳ።
EXO 15:14 ካዉተꬃቱ ሄዋ ስሲደ ኮኮሬድኖ። ፕልስጼማ ጋድያ አሳቱካ የሉ ኦይቄዳዋዳን ኡንኤቴድኖ።
EXO 15:15 ሄ ዎደ ኤዶማ ጋደ ካፓቱ ዳጋሜድኖ። ሞኣበ ጋድያ ሞድያዋንታ ያሻይ ኮኮርሴዳ። ካናነ አሳቱዋ ሸኒ ሀይቄዳ።
EXO 15:16 አቤት መꬍና ጎዳዉ ዳጋማይነ ያሻይ ኡንቱንታ ኦይቂና፥ ኡንቱንቱ ነ ዎልቃ ግታተꬃ በኢደ፥ ነ አሳይ አꬋና ጋካናዉ፥ ኔን ዎዜዳ አሳይ አꬋና ጋካናዉ፥ ሹቻዳን ሙሚደ ኤቂኖ።
EXO 15:17 አቤት መꬍና ጎዳዉ ኔን ኡንቱንታ አሃደ፥ ነ ቡዞ ጋደን ደእያ ደርያ ሁጲያን ቶከቴዳ ምꬃዳ ዎꬃ። ሄ ሳአይ ኔን ነዉ ደአናዉ ኦꬄዳ ሳኣ፥ ሄ ጌሻ ሳአይ ኔን ነ ኩሽያን ምንሳደ ኤሴዳ ሳኣ።
EXO 15:18 መꬍና ጎዳይ መꬍናፐ መꬍናዉ ካዉታናዋ።”
EXO 15:19 ግብጼ ካትያ ፓራቱ፥ አ ፓራ ጋረቱነ አ ፓራ አሳቱ አባን ገሌዳ ዎደ፥ መꬍና ጎዳይ ኡንቱንቱ ቦላ አባ ሃꬃ ጉየ ዛሪደ ኡንቱንቱ ቦላ አሄዳ፤ ሽን እስራኤላቱ አባ ግዱዋና መላ ቢታን ሀመቲደ ቤድኖ ያግ የጼድኖ።
EXO 15:20 አሮና ምቻታ፥ ናባታ ማይራማ ዳርቢያ አካዱ፤ ማጫ አሳይ ኡባይ ዳርቢያ ባቂደነ የጺደ እዞ ካሌድኖ።
EXO 15:21 ማይራማ ኡንቱንቶ የꬃ የጻደ፥ “መꬍና ጎዳይ ሎይꬅ ꬎቁ ꬎቁ ጌዳ ድራዉ፥ አዉ የጽተ። ፓራነ ፓራ ቶጌዳዋ እ አባን ኦሌዳ” ያጋደ የጻዱ።
EXO 15:22 ሄዋፐ ጉይያን ሙሴ እስራኤልያ ዞኦ አባፐ ካለꬅና፥ ኡንቱንቱ ሱር ጌተትያ መላ ቢታ ቤድኖ። ሄ መላ ቢታን ኡንቱንቱ ሃꬃ ደመናን ሄዙ ጋላሳ ሀመቴድኖ።
EXO 15:23 ኡንቱንቱ ማራ ግያ ሳኣ ጋኬዳ ዎደ፥ ማራ ሃꬃይ ጫሞ ግዴዳ ድራዉ፥ ኡሻናዉ ዳንዳይበይክኖ፤ ሄዋ ድራዉ፥ ሄ ሳአይ ማራ ጌተቴዳ።
EXO 15:24 ሄዋ ድራዉ፥ አሳይ፥ “ኑን አያ ኡሻኔ?” ያጊደ ሙሴ ቦላ ዙዙሜዳ።
EXO 15:25 ሙሴ መꬍና ጎዳዉ ዋሴዳ፤ መꬍና ጎዳይ አ እት ምꬃ በሴዳ፤ ሙሴ ሄ ምꬃ ሃꬃ ግዶ ኦልና፥ ሃꬃይ ማልኤዳ። መꬍና ጎዳይ ኡንቱንቶ ካለሰትያ ዎጋ እሜዳ፤ ያን ጾሳይ ኡንቱንታ ፓጬዳ።
EXO 15:26 እ ኡንቱንታ ሀዋዳን ያጌዳ፤ “መꬍና ጎዳይ ህንተንቱ ጾሳይ ኦድያዋ ምንሲደ ስሶፐነ አ አይፍያ ስንꬃን ልከባ ኦꬆፐ፥ ህንተንቱ አ አዛዙዋ ሀይዞፐነ አ ዎጋ ኡባ ናጎፐ፥ ታን ግብጼቱዋ ቦላ አሄዳ ሀርግያፐ እቱዋነ ህንተንቱ ቦላ አህከ፤ አያዉ ጎፐ፥ ታን ህንተንታ ፓꬅያ መꬍና ጎዳቴ” ያጌዳ።
EXO 15:27 ሄዋፐ ኡንቱንቱ ኤላማ ጋድያ ዬድኖ፤ ያን ታማነ ላኡ ሃꬃ ፑልቶቱነ ላፑን ታሙ ዛምባ ምꬃቱ ደኢኖ። ኡንቱንቱ ያን ሃꬃ ዶናን ኡቴድኖ።
EXO 16:1 ግብጼፐ ከሴዳ ላኤንꬆ አግናን፥ ታማነ እቼሻንꬆ ጋላሳን እስራኤልያ አሳ ኩመንꬃይ ኤሊማፐ ደንዲደ፥ ኤሊማፐነ ሲናፐ ግዱዋን ደእያ “ሲን” ጌተትያ መላ ቢታ ዬዳ።
EXO 16:2 እስራኤልያ አሳ ኡባይ መላ ቢታን ሙሴ ቦላነ አሮና ቦላ ዙዙሜድኖ።
EXO 16:3 እስራኤላቱ ኡንቱንታ፥ “ኑን ግብጼ ጋድያን መꬍና ጎዳ ኩሽያን ሀይቄዶ ግዴሮኮሻ! ያን ኑን ኑዋ አሹዋ ከርያ ዩይ አꬍ ኡቲደ፥ ኑን ኮዮ ቁማ ኡባ ሜዶ፤ ሽን ህንተንቱ ኑና ከሲደ፥ ኡባቱዋ ኮሻን ዎꬋናዉ መላ ቢታ አሄድቴ?” ያጌድኖ።
EXO 16:4 መꬍና ጎዳይ ሙሳ፥ “ታን ህንተንቶ ሳሉዋፐ ኡክꬃ ቡክሳና፤ አሳይ ኡባ ጋላስካ ከሲደ፥ ሀቼ ሀቼዉ ግድያዋ ጻላላ ማጻናዉ ኮሼ። አሳይ ታ አዛዙዋ ካልንቶ ካለነንቶ ታን ኡንቱንታ ሄዋን ፓጫና።
EXO 16:5 ኡሱፑንꬃ ጋላስ ኡንቱንቱ ሀሮደ ማጽያዎ ላኡ ኩሽያ ማጺደ፥ ካꬂኖ” ያጌዳ።
EXO 16:6 ሄዋ ድራዉ፥ ሙሴነ አሮነ እስራኤልያ አሳ ኡባዉ፥ “ህንተና ግብጼ ጋድያፐ ከሴዳ መꬍና ጎዳ ግድያዋ ኦማርስ ህንተንቱ ኤራና፤
EXO 16:7 ቃይ መꬍና ጎዳ ቦንቹዋ ዎንታ ህንተንቱ በአና፤ አያዉ ጎፐ፥ አ ቦላ ህንተንቱ ዙዙሜዳዋ እ ስሴዳ፤ ህንተንቱ ኑ ቦላ ዙዙማናዉ ኑን ኦኔ?” ያጌድኖ።
EXO 16:8 ሄዋፐ ጉይያን ሙሴ፥ “እ ህንተንቶ ማናዉ ኦማርስ አሹዋ እሚናነ ህንተንቱ ኮይያ ኡክꬃ ኡባ ህንተንቶ ዎንታ እምና፥ እ መꬍና ጎዳ ግድያዋ ህንተንቱ ሄዋን ኤራና። አያዉ ጎፐ፥ ህንተንቱ አ ቦላ ዙዙሜዳዋ እ ስሴዳ። ኑን ኦኔ? ህንተንቱ ኑ ቦላ ዙዙምክታ፤ ህንተንቱ መꬍና ጎዳ ቦላ ዙዙሚታ” ያጌዳ።
EXO 16:9 ሙሴ አሮና፥ “ኔን እስራኤልያ አሳ ኡባ፥ ‘መꬍና ጎዳይ ህንተንቱ ዙዙንꬃ ስሴዳ ድራዉ፥ መꬍና ጎዳ ስንꬃ ሃ ሺቅተ’ ያጋ” ያጌዳ።
EXO 16:10 አሮነ እስራኤልያ አሳ ኡባዉ ኦድያ ዎደ፥ ኡንቱንቱ መላ ቢታኮ ስሚደ ጼሌድኖ፤ ሄዋን መꬍና ጎዳ ቦንቹ ሻርያ ግዶን ቆንጭያዋ በኤድኖ።
EXO 16:11 መꬍና ጎዳይ ሙሳ፥ “ታን እስራኤላቱ ዙዙንꬃ ስሳድ፤ ኔን ኡንቱንቶ፥ ‘ኦማርሳን አሹዋ ህንተንቱ ማና፤ ዎንታ ኡክꬃ ህንተንቱ ካላና፤ ሄ ዎደ ህንተንቱ ታን መꬍና ጎዳ ህንተንቱ ጾሳ ግድያዋ ኤራና’ ያጋደ ኦዳ” ያጌዳ።
EXO 16:13 ሄ ጋላስ ኦማርሳን አሹ ሜተትያ ካፎቱ ዪደ፥ እስራኤልያ አሳይ ደእያ ሳኣ ማዬድኖ፤ ቃይ ዎንታ ኡንቱንቱ ዱንካነቱዋ ዩሹዋን ከተርሳይ ኩም ኡቴዳ።
EXO 16:14 ከተርሳይ ጽኤዳ ዎደ፥ ሳኣን ዎꬌዳ ሻቻ ማላትያ ሱፓ ፖቁ መላ ቢታ ቦላን ቤቴዳ።
EXO 16:15 እስራኤለቱ ሄዋ በኤዳ ዎደ፥ ኡንቱንቱ እቱ እቱዋ፥ “ሀዌ አዬ?” ያጌድኖ። አያዉ ጎፐ፥ ኡንቱንቱ እ አየንቶ ኤርበይክኖ። ያትና ሙሴ ኡንቱንታ፥ “ህንተንቶ ማናዉ መꬍና ጎዳይ እሜዳ ኡክꬃይ ሀዋ።
EXO 16:16 መꬍና ጎዳይ ሀዋዳን ያጊደ አዛዜዳ፤ ‘ጎለ አሳዉ አዎትያዌ፥ እቶ እቶ ማናዉ ኮሽያዋ ኬሻ ሺሾ፤ ህንተንቱ ዱንካንያ ግዶን ደእያ አሳይ ሁጲያን ሁጲያን ላኡ ጻሳ ግድያዋ አክተ’ ጌዳ” ያጌዳ።
EXO 16:17 እስራኤላቱ ሙሴ ኡንቱንቶ ኦዴዳዋዳን ኦꬄድኖ፤ እቱ ዳርሲደ፥ እቱ ላፈꬂደ ሺሼድኖ።
EXO 16:18 ኡንቱንቱ ጻሳን ማኬዳ ዎደ፥ ዳርሲደ ሺሼዳዎ ፓላህቤና፤ ላፋ ሺሼዳዎ ፓጭቤና፤ ኡባይካ ሁጲያን ሁጲያን ባረዉ ምያዋ ኬሻ ሺሼዳ።
EXO 16:19 ሄዋፐ ጉይያን ሙሴ ኡንቱንታ፥ “ኦንነ አፐ ዎንትዉ አሾፖ” ያጌዳ።
EXO 16:20 ግዶ ሽን ኡንቱንቱፐ እቱ እቱ ሙሴ ኦድያዋ አከናን አጊደ፥ ሄዋ ዎንታ ጋካናዉ ዎꬄድኖ፤ ሄዌ ጉጹኒደ ጽንቄዳ። ሄዋ ድራዉ፥ ሙሴ ኡንቱንታ ሀንቀቴዳ።
EXO 16:21 ዎንታ ዎንታ አሳይ ኡባይ ባረዉ ኮሽያዋ ሺሼዳ፤ አዋይ ሆእያ ዎደ ሳኣን አቴዳዌ ሲል አጌዳ።
EXO 16:22 ኡሱፑንꬃ ጋላሳን ኡንቱንቱ ካሰዋፐ ላኡ ኩሽያ ሺሼድኖ። ያትና ኡንቱንቱ ካፓቱ ኡባቱ ዪደ ሄዋ ሙሴዉ ኦዴድኖ።
EXO 16:23 እ ኡንቱንታ፥ “መꬍና ጎዳይ አዛዜዳዌ ሀዋ፤ ዎንት ኪታይ ባይና ሸምፖ ጋላሳ፥ መꬍና ጎዳዉ ጌሻ ሳምባታ። ሄዋ ድራዉ፥ ህንተንቱ ኡክያዋ ኡክተ፤ ህንተንቱ ዶይስያዋነ ዶይስተ፤ ፓላሄዳዋ ዎንትዉ አሽተ” ያጌዳ።
EXO 16:24 ሄዋ ድራዉ፥ ኡንቱንቱ ሙሴ አዛዜዳዋዳን ዎንትዉ ዎꬅና ጽንቂቤና ዎይ ጉጹንቤና።
EXO 16:25 “ሀቼ ሚተ፤ አያዉ ጎፐ፥ ሀቼ መꬍና ጎዳ ሳምባታ፤ ህንተንቱ አ ሀቼ ደምባን ደምክታ።
EXO 16:26 ህንተንቱ ኡሱፑን ጋላሳን አ ሺሻናዉ ዳንዳዪታ፤ ሽን ላፑንꬃ ጋላሳይ ሳምባታ። ሳምባታን አያይነ ደኤና” ያጌዳ።
EXO 16:27 ላፑንꬃ ጋላሳን እት እት አሳይ ሺሻናዉ ከሴዳ፤ ሽን ኡንቱንቱ አይነ ደምበይክኖ።
EXO 16:28 መꬍና ጎዳይ ሙሳ፥ “ታ አዛዛቱዋነ ታ ህግያ ናግያዋ አዉደ ጋካናዉ እጺቴ?
EXO 16:29 መꬍና ጎዳይ ህንተንቶ ሳምባታ እሜዳዋ አኬክተ፤ ኡሱፑንꬃ ጋላሳን እ ህንተንቶ ላኡ ጋላሳ ኡክꬃ እምያዌ ሄዋ ድራሳ። ላፑንꬃ ጋላስ ኡባይ ባረ ደእያ ሳኣን ደእያ ሳኣን ጋምኦ፤ ኦንነ ካረ ከሶፖ” ያጌዳ።
EXO 16:30 ሄዋ ድራዉ፥ አሳይ ላፑንꬃ ጋላሳን ሸምፔዳ።
EXO 16:31 እስራኤልያ አሳይ ሄ ኡክꬃ ማና ጊደ ሱንꬄዳ። ማናይ ዴቡዋ አይፍያዳን ቦꬃ፤ ኤሳና ኡኬዳ ኡክꬃዳን ማልኤ።
EXO 16:32 ሙሴ እስራኤልያ አሳ፥ “መꬍና ጎዳይ አዛዜዳዌ ሀዋ፤ ‘ታን ህንተንታ ግብጼ ጋድያፐ ከሴዳ ዎደ፥ ዎራን ምዜዳ ኡክꬃ ኡንቱንቱ በአና ማላ፥ ማናፐ ላኡ ጻሳ ግድያዋ ህንተንቱ ያና የለታዉ አሽ ዎꬅተ’ ያጊደ አዛዜዳ” ያጌዳ።
EXO 16:33 ሙሴ አሮና፥ “እት ጻሩዋ አካደ ላኡ ሊትሮ ኩመንꬃ ማና አን ቆላ፤ ያታደ ያና የለታዉ ምንጀታና ማላ፥ መꬍና ጎዳ ስንꬃን ዎꬃ” ያጌዳ።
EXO 16:34 መꬍና ጎዳይ ሙሳ አዛዜዳዋዳን ምንጀታና ማላ፥ አሮነ ማና ጾሳ ስንꬃን ዎꬄዳ።
EXO 16:35 እስራኤላቱ ባረንቱ ደእያ ጋደ ያና ጋካናዉ ኦይታሙ ላይꬃ ማና ሜድኖ፤ ኡንቱንቱ ካናነ ጋደ ባጋ ጋካናዉ ማና ሚደ ደኤድኖ።
EXO 16:36 አሳይ ማክያ ኤረቴዳ ቁንአይ ላኡ ጻሳፐ ታሙ ዳኩዋ ዳሬ።
EXO 17:1 እስራኤለቱዋ ማባራ ኡባይ መꬍና ጎዳይ አዛዜዳዋዳን፥ እት ሳኣፐ ሀራ ሳኣ ዩዪደ፥ ሲን መላ ቢታፐ ደንድ ቢደ፥ ራፍዲማ ጌተትያ ሳኣን ኡቴድኖ። ሽን አሳይ ኡሻናዉ ሃꬃይ ሄ ሳኣን ꬋዬዳ።
EXO 17:2 ኡንቱንቱ ሙሴና ዋላቀቲደ አ፥ “ኑዉ ኡሻናዉ ሃꬃ እማ” ያጌድኖ። ሙሴ ዛሪደ፥ “ህንተንቱ ታናና አያዉ ዋላቀቲቴ? መꬍና ጎዳ ህንተንቱ አያዉ ፓጪቴ?” ያጌዳ።
EXO 17:3 ሽን አሳይ ያን ሃꬃ ሳመቲደ፥ ሙሴ ቦላ ዙዙሜድኖ። ኡንቱንቱ አ፥ “ኔን ኑና፥ ኑ ናናነ ኑ መህያ ሳሙዋን ዎꬋናዉ ግብጼፐ ከሳደ ፑደ አያዉ አሃድ?” ያጌድኖ።
EXO 17:4 ሙሴ፥ “ታን ሀ አሳ ዋቶ? ኡንቱንቱ ታና ሹቻን ጫዳና ሀኒኖ” ያጊደ መꬍና ጎዳኮ ዋሴዳ።
EXO 17:5 መꬍና ጎዳይ ሙሳ፥ “ኔን አሳፐ ስንꬃዉ ሀመታ፤ እስራኤልያ አሳ ጭማቱዋፐ ኔናና አፋ፤ እን ኔን ናይለ ሻፋ ሃꬃ ሾጬዳ ጻምኣ ነ ኩሽያን ኦይቃደ ባ።
EXO 17:6 ታን ሲና ደርያ ዛላ ቦላ ነ ስንꬃን ኤቃና፤ ኔን ሄ ዛላ ሾጫ፤ አሳይ ኡሻናዉ አፐ ሃꬃይ ከሳናዋ” ያጌዳ። ሙሴ እስራኤልያ ጭማቱዋ ስንꬃን ሄዋዳን ኦꬄዳ።
EXO 17:7 እስራኤላቱ፥ “መꬍና ጎዳይ ኑ ግዶን ደኢየ ባዌ?” ያጊደ ዋላቀቴዳ ድራዉነ መꬍና ጎዳ ፓጬዳ ድራዉ፥ ሄ ሳአይ ማሳሀነ ማሪባ ጌተቲደ ሱንቴዳ።
EXO 17:8 አማሌቃቱ ዪደ፥ ራፊድማን እስራኤላቱዋና ኦላ ጋከቴድኖ።
EXO 17:9 ሙሴ ኢያሳ፥ “ኔን ኑዉ አሳ ዶራደ፥ ከሳደ አማሌቃቱዋና ኦለታ፤ ታን ዎንት ጾሳ ጻምኣ ኦይቃደ፥ ዞዝያ ሁጲያን ኤቃና” ያጌዳ።
EXO 17:10 ሄዋፐ ጉየ ኢያሱ ሙሴ ጌዳዋዳን፥ አማሌቃቱዋና ኦለቴዳ። ሙሴ፥ አሮነነ ሁር ዞዝያ ሁጲያ ከሴድኖ።
EXO 17:11 ሙሴ ባረ ኩሽያ ደንꬅ ጋምኤዳ ኬናን ኡባን እስራኤላቱ ጾኒኖ፤ ሽን እ ባረ ኩሽያ ዱገ ዎꬄዳ ዎደ አማሌቃቱ ጾኒኖ።
EXO 17:12 ሙሴ ኩሺ አርጋጬዳ ዎደ፥ ኡንቱንቱ ሹቻ አክ ዪደ፥ ሙሳ አ ቦላ ኡትሴድኖ። አሮነነ ሁር እቱ እት ባጋና እቱ ህንኮ ባጋና ግዲደ፥ አ ኩሽያ ስት ኦꬂደ ኦይቄድኖ። ያትና አዋይ ዉላና ጋካናዉ አ ኩሺ ስት ጊደ ታኬዳ።
EXO 17:13 ሄዋ ድራዉ፥ ኢያሱ አማሌቃቱዋ ኦላንቻቱዋ ማሻን ጾኔዳ።
EXO 17:14 ሄዋፐ ስምና፥ ሙሳ መꬍና ጎዳይ ሀዋዳን ያጌዳ፤ “ሀዌ ኡባ ገደ ቆፈታና ማላ ሀዋ ማጻፋን ጻፋ። ያታደ ኢያሳ ስሰናን አጎፓ፤ አያዉ ጎፐ፥ ሳሉዋፐ ጋርሳን ታን አማሌቃ አሳቱዋ ዛር ቆፈተናዳን ጭራና ꬋይሳና” ያጌዳ።
EXO 17:15 ሙሴ ያርሹዋ ያርሽያ ሳኣ ኬጺደ፥ “መꬍና ጎዳይ ታዉ ጾኑዋ እሜ” ጊደ ሱንꬄዳ።
EXO 17:16 እ ሀዋዳን ያጌዳ፤ “ኩሸቱ ፑደ መꬍና ጎዳ ካዉተꬃ አራታኮ ደንዴድኖ፤ የለታፐ የለታ ጋካናዉካ መꬍና ጎዳይ አማሌቃቱዋና ኦለታናዋ” ያጌዳ።
EXO 18:1 ሚድያማ ጋደ ቄሲ፥ ሙሴ ቦሉ ዮቶረ፥ ጾሳይ ሙሴዉነ አ አሳ እስራኤልያዉ ኦꬄዳባ ኡባነ መꬍና ጎዳይ እስራኤልያ ግብጼፐ ከሴዳዋ ስሴዳ።
EXO 18:2 ሄ ዎደ ሙሴ ቦሉ፥ ዮቶረ፥ ሙሴ አኮ የዲደ ቤዳ አ ማቻቶ ጽፓሮነ እዝ ላኡ ናና አሄዳ። ኡንቱንቱፐ እቱዋ ሱንꬃይ ገርሾማ፤ አያዉ ጎፐ፥ ሙሴ፥ “ታን አሳ ጋድያን በተ ግዳድ” ያጌዳ።
EXO 18:4 ላኤንꬁዋ ሱንꬃይ ኤልኣዛራ፤ አያዉ ጎፐ፥ እ፥ “ታ አዉዋ ጾሳይ ታና ማዴዳዋ፤ እ ታና ግብጼ ካትያ ማሻፐ አሼዳ” ያጌዳ።
EXO 18:5 ሙሴ ቦሉ ዮቶረ አ አቱማ ናናነ አ ማቻትና ጾሳ ደርያ ማታን ደእያ ሙሴኮ መላ ቢታ ዬዳ።
EXO 18:6 እ ሙሳ፥ “ታን፥ ነ ቦሉ ዮቶረ፥ ነ ማቻትናነ እዝ ላኡ ናናቱዋና ኔኮ ያይ” ያጊደ አኮ ኪት ዎꬄዳ።
EXO 18:7 ሄዋ ድራዉ፥ ሙሴ ባረ ቦሉዋና ጋከታናዉ ከሲደ፥ አዉ ጎይኔዳ፥ አ የሬዳ። ኡንቱንቱ እቱ እቱዋ ሳሮꬂደ፥ ዱንካንያ ግዶ ገሌድኖ።
EXO 18:8 መꬍና ጎዳይ እስራኤልያ አሳ ድራዉ፥ ካትያ ቦላነ ግብጼቱዋ ቦላ ኦꬄዳ ኡባ፥ ኦግያን ኡንቱንታ ጋኬዳ ዳቡራባ ኡባነ መꬍና ጎዳይ ኡንቱንታ አሼዳዋ ሙሴ ባረ ቦሎ ኦዴዳ።
EXO 18:9 እስራኤልያ አሳ ግብጼቱዋ ኩሽያፐ አሻናዉ መꬍና ጎዳይ ኦꬄዳ ሎኦ ኦሶቱዋባ ኡባ ስሲደ፥ ዮቶረ ናሸቴዳ።
EXO 18:10 ያቲደ “ህንተና ግብጼቱዋ ኩሽያፐነ ካትያ ኩሽያፐ አሼዳ መꬍና ጎዳይ፥ ግብጼቱዋ ኩሽያፐ አሳ ከስ አኬዳዌ፥ እ ጋላተቶ።
EXO 18:11 መꬍና ጎዳይ ሀራ ጾሳቱዋፐ ኡባፐ ዎልቃማ ግድያዋ ታን ሀእ ኤራድ፤ አያዉ ጎፐ፥ እ ሀ እስራኤልያ አሳ ቦላ ኦተረቴዳ ግብጼ ጾሳቱዋ ቦላ ሀዋ ኦꬄዳ” ያጌዳ።
EXO 18:12 ሄዋፐ ጉይያን ዮቶረ፥ ሙሴ ቦሉ፥ ሹከቲደ ፖሎ ጹገትያ እት መህያ ያርሹዋነ ሀራ ያርሾ ሹከቴዳ አሹ ሜተትያ መህያ ያርሹዋ ጾሳዉ አሄዳ፤ አሮነነ እስራኤልያ ጭማቱ ኡባይ ጾሳ ስንꬃን ሙሴ ቦሉዋና ቁማ ማናዉ ዬድኖ።
EXO 18:13 ዎንተꬃ ጋላስ ሙሴ አሳዉ ፕርዳናዉ ኡቴዳ፤ አሳይ ሙሴ ዩሹዋን ዎንታፐ ኦማርስ ጋካናዉ ኤቄዳ።
EXO 18:14 ሙሴ ቦሉ ሙሴ አሳዉ ኦꬅያዋ ኡባ በኢደ፥ “ኔን ሀ አሳዉ ኦꬅያዌ ሀዌ አዬ? አሳይ ኡባይ ዎንታፐ ዶሚደ ኦማርስ ጋካናዉ ነ ዩሹዋን ኤቂደእሽን፥ ኔን ኔረካ ዳናዳን አያዉ ኡታድ?” ያጌዳ።
EXO 18:15 ሙሴ ባረ ቦሉዋ፥ “አሳይ ጾሳ ሸንያ ኦቻናዉ ታኮ ይያ ድራሳ።
EXO 18:16 ኡንቱንቶ የዉ ደኦፐ ታኮ ዪኖ፤ ታን እት ኡራ ግዱዋንነ አ ሾሩዋ ግዱዋን ፕርዳይ፤ ጾሳ አዛዙዋነ ዎጋ ኡንቱንታ ኤርሳይ” ያጌዳ።
EXO 18:17 ሙሴ ቦሉ፥ “ሀዌ ኔን ኦꬅያባይ ሎኤና።
EXO 18:18 ኔንነ ኔናና ደእያ አሳይ ዳቡራ ጻላላ ግዲታ፤ ሀ ኪታይ ነዉ ሎይꬅ ዴጾ፤ ኔን ሀዋ ኔረካ ኦꬃናዉ ዳንዳያካ።
EXO 18:19 አነ ሀእ ታን ኦድያዋ ስሳ፤ ታን ኔና ዞራና፤ ጾሳይ ኔናና ግዶ። ኔን ሀ አሳ ድራዉ ጾሳ ስንꬃ አꬋ፤ ኔን ኡንቱንቱ የዉዋ ጾሳኮ አሀ።
EXO 18:20 አዛዙዋነ ዎጋ ኡንቱንታ ኔን ታማርሳ፤ ኡንቱንቱ ደአና ማራነ ኦꬃና ኦሱዋ ኡባ ኡንቱንታ በሳ።
EXO 18:21 ቃይ አሳ ኡባ ግዶን ዳንዳይያ አሳቱዋ፥ ጾሳዉ ያይያዋንታ፥ አማነቴዳዋንታነ ማጋንጻ ምያዋ እጽያዋንታ ዶራደ ኡንቱንቱፐ አሳዉ ሻኣ ካፓቱዋ፥ ጼቱዋ ካፓቱዋ፥ እሻታሙዋ ካፓቱዋነ ታሙዋ ካፓቱዋ ሱንꬃ።
EXO 18:22 ኡንቱንቱ ኡባ ዎደ አሳዉ ፕርድኖ፤ ሽን ዋይስያ የዉዋ ኡባ ኔኮ አህኖ፤ ዋይሰና የዉዋ ኡባ ኡንቱንቱ ዉርስኖ። ኡንቱንቱ ኔናና ሻከትያ ድራዉ፥ ቶኩ ነዉ ካዉሻናዋ።
EXO 18:23 ኔን ሄዋዳን ኦꬆፐነ ሀዌ ጾሳ አዛዞ ግዶፐ፥ ኔን ዳንዳያና። ቃይ ሀ አሳይ ኡባይካ ባረ አላሊ ፖለትና፥ ባረ ሶ ባረ ሶ ባናዋ” ያጌዳ።
EXO 18:24 ሙሴ ባረ ቦሉዋ ቃላ ስሴዳ፤ እ ጌዳዋ ኡባካ ኦꬄዳ።
EXO 18:25 ሙሴ እስራኤልያ ኡባ ግዶፐ ዳንዳይያ አሳቱዋ ዶሪደ አሳ ካለꬅያ ሻኣ ካፓቱዋ፥ ጼቱዋ ካፓቱዋ፥ እሻታሙዋ ካፓቱዋነ ታሙዋ ካፓቱዋ ሱንꬄዳ።
EXO 18:26 ኡንቱንቱ አሳዉ ኡባ ዎደ ፕርዴድኖ፤ ኡንቱንቱ ባረና ዴጼዳ የዉዋ ሙሴኮ አሄድኖ፤ ሽን ዴጸና የዉዋ ኡባ ኡንቱንቱ ዉርሴድኖ።
EXO 18:27 ሄዋፐ ጉይያን ሙሴ ባረ ቦሉዋ ሞይዝና ዮቶረ ባረ ጋድያ ስሜዳ።
EXO 19:1 እስራኤልያ አሳይ ግብጼፐ ከሴዳ ሄዘንꬃ አግናን ሄ ኮይሮ ጋላሳን ሲና መላ ቢታ ጋኬድኖ።
EXO 19:2 ኡንቱንቱ ራፊድመፐ ደንዲደ ሲና መላ ቢታ ቢደ፥ ሄዋን ደእያ ደርያ ስንꬃ መላ ቢታን ኡቴድኖ።
EXO 19:3 ሙሴ ጾሳኮ ፑደ ደርያ ሁጲያ ከስና፥ መꬍና ጎዳይ ደርያ ሁጲያን አ ጼሲደ፥ “ኔን ያቆባፐ የለቴዳ እስራኤልያ አሳዉ ሀዋዳን ያጋደ ኦዳ፤
EXO 19:4 ‘ታን ግብጼቱዋ ቦላ አያ ኦꬃድታንቶነ ቃይ አርጋንꬃ ቀፍያን ታን ህንተንታ ዋታ ቶካደ ታኮ አሃድታንቶነ ህንተንቱ ህንተንቱ ሁጲያዉ በኤድታ።
EXO 19:5 ስም ሀእ ህንተንቱ ታዉ ሎይꬅ አዛዘቶፐነ ታ ቃላ ጫቁዋ ናጎፐ፥ አሳ ኡባ ግዶን ህንተንቱ ታዉ ቡዞ ግዳና። ኩመንꬃ ሳአይ ታዋ ግዶፐነ
EXO 19:6 ህንተንቱ ታ ካዉተꬃ ቄሳቱዋነ ጌሻ አሳ ግዳና’ ያጋ፤ ኔን እስራኤላቶ ኦዳና ቃላይ ሀዋ” ያጌዳ።
EXO 19:7 ሙሴ ጉየ ስም ቢደ፥ አሳ ካለꬅያዋንታ ጼስ ሺሺደ፥ መꬍና ጎዳይ ኦዳ ጌዳ ሀ ቃላቱዋ ኡባ ኡንቱንቶ ኦዴዳ።
EXO 19:8 አሳይ ኡባይ እት ዶና ግዲደ፥ “መꬍና ጎዳይ ጌዳዋ ኡባ ኑን ኦꬃና” ያጌድኖ። ሙሴካ ኡንቱንቱ ጌዳዋ መꬍና ጎዳኮ አፌዳ።
EXO 19:9 መꬍና ጎዳይ ሙሳ፥ “ታን ኔናና ሃሳይሽን አሳይ ስሳናዳንነ ኡንቱንቱ ኔናን ኡባ ዎደካ አማነታናዳን፥ ታን ኔኮ ዎልቃማ ሻርያ ግዱዋና ያና” ያጌዳ። ሄዋፐ ጉይያን ሙሴ አሳይ ጌዳዋ መꬍና ጎዳዉ ኦዴዳ።
EXO 19:10 መꬍና ጎዳይ ሙሳ፥ “ኔን አሳኮ ባደ ሀቼነ ዎንት ኡንቱንቱ ጌያናዳን ኦዳ። ኡንቱንቱ ባረንቱ ማዩዋ ሜጪደ፤
EXO 19:11 ሄዘንꬆ ጋላሳዉ ጊግኖ። አያዉ ጎፐ፥ ሄዘንꬆ ጋላሳን አሳይ ኡባይ በእሽን፥ መꬍና ጎዳይ ሲና ደርያ ቦላን ዎꬋናዋ።
EXO 19:12 ኔን ሀ ደርያ ዩሹዋን አሳዉ ዛዋ ዎꬃደ ኡንቱንቶ፥ ‘ደርያ ፑደ ከሰናዳን ዎይ ደርያ ጻጱዋ ቦቼናዳን ህንተንታ ኤርተ። ደርያ ቦቼዳ ኦንነ ቱሙፐ ሀይቃናዋ።
EXO 19:13 ሄ ኡራይ ሹቻን ጫደቲደ ዎይ ዎንዳፍያን ጫደቲደ ሀይቆፐ አትን፤ እ ኩሽያን ቦሸቶፖ። መሄ፥ ዎይ አሳ ግዶፐነ እ ሸምፑዋና አተና’ ያጋ። ማላካታይ ፑነትያ ዎደ፥ ሄ ዎደ ኡንቱንቱ ደርያ ፑደ ከሳና ጎፐ ከስኖ” ያጌዳ።
EXO 19:14 ሙሴ ደርያፐ አሳኮ ዱገ ዎꬌዳዋፐ ጉይያን ኡንቱንታ ጌያናዳን ኦድና፥ ኡንቱንቱ ባረንቱ ማዩዋ ሜጬድኖ።
EXO 19:15 ሄዋፐ ጉይያን አሳ እ፥ “ሄዘንꬆ ጋላሳዉ ጊግተ፤ ማችያና አቆፕተ” ያጌዳ።
EXO 19:16 ሄዘንꬆ ጋላስ ዎንታ ጉጉንꬃ ጉንꬃይ ስሰቴዳ። ዋልቃንꬃይነ ዎልቃማ ሻሪ ደርያ ማዪደ ቤቴዳ፤ ማላካታይካ ፑነትያ ዎልቃማ ኮሻይ ስሰቴዳ። ሄዋ ድራዉ፥ ባረ ደእያ ሳኣን አሳይ ኡባይ ኮኮሬዳ።
EXO 19:17 ሄዋፐ ጉይያን ሙሴ አሳ ጾሳና ጋꬃናዉ ኡንቱንቱ ደእያ ዱንካንያፐ ከሴዳ፤ ኡንቱንቱ ደርያ ጋርሳ ደምባን ኤቄድኖ።
EXO 19:18 መꬍና ጎዳይ ሲና ደርያ ቦላን ታማና ዎꬌዳ ድራዉ፥ ሲና ደሪ ጩዋን ካመቴዳ። ዎልቃማ ጉዱዋፐ ጩዋይ ከስያዋዳን፥ አፐ ጩዋይ ፑደ ከሴዳ። አሳይ ኡባይ ሎይꬅ ኮኮሬዳ።
EXO 19:19 ማላካታ ፑኑ ሎይꬅ ዳር ዳር ቤዳ ዎደ፥ ሙሴ ሃሳይና፥ ጾሳ ኮሻይ አዉ ዛሪደ ሃሳዬዳ።
EXO 19:20 መꬍና ጎዳይ ሲና ደርያ ኪክያን ዎꬊደ፥ ሙሳ ፑደ ደርያዉ ኪክያ ጼስና ሙሴ ፑደ ከሴዳ።
EXO 19:21 መꬍና ጎዳይ አ፥ “ኔን ዱገ ባደ አሳይ መꬍና ጎዳ በአና ጊደ፥ ዛዋ አናዳንነ ኡንቱንቱፐ ዳሩ ሀይቀናዳን አሳ ሴራ።
EXO 19:22 ሀራይ አቶ መꬍና ጎዳ ማታ ሺቅያ ቄሳቱካ ባረና ጌሻናዉ ኮሼ፤ ሄዌ ꬋዮፐ፥ መꬍና ጎዳይ ኡንቱንታ ሙራና” ያጌዳ።
EXO 19:23 ሙሴ መꬍና ጎዳ፥ “አሳይ ደርያ ፑደ ያናዉ ዳንዳየና፤ አያዉ ጎፐ፥ ኔን ነ ሁጲያዉ፥ ‘ሀ ሳኣ ጌሻዳን ዱማዪደ፥ ሀ ደርያ ዩሹዋን ዛዋ ዎꬅተ’ ጋደ ኑዉ ኦዳ ዎꬃዳ” ያጌዳ።
EXO 19:24 መꬍና ጎዳይ አ፥ “ኔን ዱገ ባደ አሮና ኔናና ፑደ አካደ ያ። ቄሳቱዋነ አሳ መꬍና ጎዳይ ሙረናዳን፥ ኡንቱንቱ ዛዋ አꬊደ ፑደ መꬍና ጎዳኮ ዮፕኖ” ያጌዳ።
EXO 19:25 ሄዋ ድራዉ፥ ሙሴ ዱገ አሳኮ ዎꬊደ፥ ጾሳይ ጌዳዋ ኡንቱንቶ ኦዴዳ።
EXO 20:1 ጾሳይ ሀ ቃላቱዋ ኡባ ሀዋዳን ያጊደ ሃሳዬዳ፤
EXO 20:2 “ኔና ግብጼፐ አይለተꬃ ጋድያፐ ከሴዳ መꬍና ጎዳይ ነ ጾሳይ ታና።
EXO 20:3 “ታፐ አትና፥ ሀራ ጾሳዉ ጎይኖፓ።
EXO 20:4 “ቦላ ሳሉዋን ደእያ፥ ዎይ ጋርሳ ሳኣን ደእያ፥ ዎይ ሳኣፐ ጋርሳን ሃꬃ ግዶን ደእያ አያነ ማላትሳደ ነዉ ጎይንያ ምስለቱዋ ኦꬆፓ።
EXO 20:5 ኡንቱንቶ ሆኮፓ ዎይ ኡንቱንቶ ጎይኖፓ። አያዉ ጎፐ፥ ታን፥ መꬍና ጎዳይ ነ ጾሳይ ቃናታንቻ ጾሳ፤ ታና እጽያዋንታ አዎቱዋ ናጋራ ድራዉ፥ ናና ሄዘንꬆ የለታነ ኦይደንꬆ የለታ ጋካናዉ ሙርያዋ።
EXO 20:6 ቃይ ታና ሲቅያነ ታ አዛዙዋ ናግያዋንቶ ሻአ የለታይ ጋካናዉ ላመተና ሲቁዋ በስያ መꬍና ጎዳ።
EXO 20:7 “መꬍና ጎዳ ነ ጾሳ ሱንꬃ ጮ ደንꬆፓ፤ አያዉ ጎፐ፥ ጾሳይ ባረ ሱንꬃ ጮ ደንꬅያዋ ሙራና።
EXO 20:8 “ጌሻ ኦꬃደ፥ ሳምባታ ጋላሳ ናጋ።
EXO 20:9 ኔን ኦꬅያ ኦሱዋ ኡባ ኡሱፑን ጋላሳቱዋን ኦꬃ።
EXO 20:10 ሽን ላፑንꬃ ጋላሳይ መꬍና ጎዳ ነ ጾሳዉ ሳምባታ። ሄ ጋላስ አይ ኦሱዋነ ኦꬆፓ፤ ኔን፥ ዎይ ነ አቱማ ናአይ፥ ዎይ ነ ማጫ ናና፥ ዎይ ነ ማጫነ አቱማ ቆማቱ፥ ዎይ ነ ሚዛይ፥ ዎይ ህንተንቱና ደእያ እስራኤልያ ግደና አሳይ ሄ ጋላሳን አይ ኪታካ ኪተቶፖ።
EXO 20:11 አያዉ ጎፐ፥ ኡሱፑን ጋላሳ ግዶን መꬍና ጎዳይ ሳሉዋነ፥ ሳኣ፥ አባነ ኡንቱንቱ ግዶን ደእያ ኡባ መꬌዳ፤ ሽን ላፑንꬃ ጋላሳን ሸምፔዳ። ሄዋ ድራዉ፥ መꬍና ጎዳይ ሳምባታ ጋላሳ አንጄዳነ ጌሼዳ።
EXO 20:12 “መꬍና ጎዳይ ነ ጾሳይ ነዉ እምያ ቢታን ነ ላይꬃይ አዱቃና ማላ፥ ነ አባነ ነ ዳዮ ቦንቻ።
EXO 20:13 “አሳ ዎꬎፓ።
EXO 20:14 “ዎሹሞፓ።
EXO 20:15 “ዉኦፓ።
EXO 20:16 “ነ ሾሩዋ ቦላን ዎርዱዋ ማርካቶፓ።
EXO 20:17 “ነ ሾሩዋ ጎልያ አሞቶፓ፤ ነ ሾሩዋ ማቻቶ፥ ዎይ አ ቆማ፥ ዎይ አ ቆማቶ፥ ዎይ አ ቦራ፥ ዎይ አ ሀርያ፥ ዎይ አዉ ደእያዋ አያነ አሞቶፓ” ያጌዳ።
EXO 20:18 አሳይ ኡባይ ጉጉንꬃይ ጉጉምያዋነ ዋልቃንꬃይ ዎልቃምያዋ በኤዳ፤ ማላካታ ዋሱዋ ስሴዳ፤ ቃይ ደሪ ጩዋትያዋካ በኤዳ፤ አሳይ ያሻን ኮኮሪደ፥ ሃኩዋን ኤቄዳ።
EXO 20:19 ኡንቱንቱ ሙሳ፥ “ኔን ኑዉ ሃሳያ፤ ኑን ስሳና፤ ሽን ኑን ሀይቀናዳን፥ ጾሳይ ኑዉ ሃሳዮፖ” ያጌድኖ።
EXO 20:20 ሙሴ አሳ፥ “ጾሳይ ህንተንታ ፓጫናዉ፥ ናጋራ ህንተንቱ ኦና ማላ፥ አ ያሻይ ህንተንቱ ዎዛናን ደአናዳን፥ እ ዬዳ ድራዉ ያዮፕተ” ያጌዳ።
EXO 20:21 አሳይ ሃክ ኤቂደእሽን፥ ጾሳይ ደእያ ሳኣ ዎልቃማ ꬉማኮ ሙሴ ሺቄዳ።
EXO 20:22 ሄዋፐ ጉይያን፥ መꬍና ጎዳይ ሙሳ፥ “እስራኤልያ አሳዉ ሀዋዳን ያጋደ ኦዳ፤ ‘ታን ሳሉዋፐ ህንተንቶ ሃሳዬዳዋ ህንተንቱ ህንተንቱ ሁጲያዉ በኤድታ።
EXO 20:23 ታ ማታን አይ ኤቃነ ኦꬆፕተ፤ ብራ ኤቃ ዎይ ዎርቃ ኤቃ ህንተንቶ ኦꬆፕተ።
EXO 20:24 “ ‘ኔን ታዉ ያርሹዋ ያርሽያ ሳኣ ኡርቃፐ መꬋደ ነ ጹግያ ያርሹዋ፥ ነ እትፐተꬃ ያርሹዋ፥ ነ ዶርሳቱዋነ ነ ዴሻቱዋፐ ነ ሚዛቱዋ አ ቦላ ያርሻ። ታ ሱንꬃይ ቆፈታና ማላ ኦꬄዳ ሳኣ ኡባን፥ ታን ህንተንቱኮ ያደ፥ ህንተንታ አንጃና።
EXO 20:25 ኔን ታዉ ያርሹዋ ያርሽያ ሳኣ ሹቻፐ መꬎፐ፥ ማሰቴዳ ሹቻፐ መꬎፓ፤ አያዉ ጎፐ፥ ኔን ማስያ ሚሻን አ ቦቾፐ፥ ነ አ ቱንሳሳ።
EXO 20:26 ታ ያርሹዋ ሳኣ ፑደ ጋይያን ከሶፓ፤ አያዉ ጎፐ፥ ኔን ከስያ ዎደ፥ ነ ካሉ ቤተ’ ያጋደ ኦዳ።
EXO 21:1 “ኔን ኡንቱንቶ እማና ዎጋይ ሀዋ።
EXO 21:2 ኔን እብራዌ አይልያ ሻሞፐ፥ እ ነዉ ኡሱፑን ላይꬃ ኦꬆ፤ ሽን ላፑንꬃ ላይꬃን እ አይነ ቃንጸናን፥ አይለተꬃፐ ጮ ከሲደ ቦ።
EXO 21:3 እ ባረካ ዬዳዋ ግዶፐ ባረካ ቦ፤ ባረ ማቻትና ዬዳዋ ግዶፐ፥ አ ማቻታካ አናና ቡ።
EXO 21:4 አ ጎዳይ አዉ ማቻቶ እሜዳዋ ግዶፐነ ማቻታ አዉ አቱማ ናና ዎይ ማጫ ናና የሌዳዋ ግዶፐ፥ ሄ ማቻታነ እዝ ናናይ አ ጎዳዋ፤ እ ባረካ ከሲደ ቦ።
EXO 21:5 ሽን ሄ አይሊ፥ ‘ታን ታ ጎዳ፥ ታ ማቻቶነ ታ ናና ሲቃይ፤ ታን አይለተꬃፐ ከስከ ጎፐ፥’
EXO 21:6 አ ጎዳይ አ ፕርድያዋንቱ ስንꬃ አꬆ፤ ሄዋፐ ጉይያን ፐንገ ዎይ ፐንገ ማቃንያኮ አ አፊደ፥ አ ሀይꬃ ጎꬃን ሉኮ። ስም እ ባረ ደኡዋ ላይꬃ ኡባን አዉ አይልያ ግዳናዋ።
EXO 21:7 “አሳይ ባረ ማጫ ናቶ አይለተꬃዉ ዛልኦፐ፥ አቱማ አይለቱ አይለተꬃፐ ከስያዋዳን እዛ ከሱፑ።
EXO 21:8 እዛ ባረና ማቼተꬃዉ ዶሪደ አፌዳ ጎዳዉ ሎአና ꬋዮፐ፥ ጎዳይ እዞ ዎዝሳናዉ ኮሼ። እ እዝዉ አማነትቤና ድራዉ፥ እዞ አላጋዉ ዛልአናዉ አዉ ማታይ ባዋ።
EXO 21:9 እ እዞ ባረ ናአዉ እማናዉ ዶሮፐ፥ ማጫ ናትዉ በስያዋ እዝዉ ኦꬆ።
EXO 21:10 እ ባረዉ ሀራ ማቻቶ አኮፐ፥ ኮይሮ ማቻትዉ ቁማ፥ ማዩዋ ዎይ አስናተꬃነ ማቼተꬃ ማታ ፓጭሶፖ።
EXO 21:11 እ ሀ ሄዙባቱዋ እዝዉ እማና ꬋዮፐ፥ አይነ ሻሉዋ ጭገናን አይለተꬃፐ ከሳደ ቡ።
EXO 21:12 “አሳ ሾጪደ ዎꬍያ አሳ ቱሙፐ ዎꬋናዉ በሴ።
EXO 21:13 ሽን ኤሪደ ግደናን እ ዎꬍያ ዎደ፥ ታን፥ ጾሳይ ጮኡ ጌዳዋ ግዶፐ፥ እ ባቃታና ሳኣ ኡንቱንቶ ታን ጊግሳና።
EXO 21:14 ሽን ኦነ ቆፒደ ኤሪደ ሀራ ብታንያ ዎꬎፐ፥ ሄ ኡራ ታ ያርሹዋ ሳኣፐ ድጋደ፥ ሀራ ሳኣን ዎꬋ።
EXO 21:15 “ባረ አባ ዎይ ባረ ዳዮ ደችያ ኡራይ ኦንነ ቱሙፐ ሀይቆ።
EXO 21:16 “አሳ ዎልቃን ኦይቂደ ዛልእያ ኡራይ ዎይ ዎልቃን ኦይቄዳ አሳይ አ ኩሽያን ቤቴዳ አሳይ ቱሙፐ ሀይቃናዉ በሴ።
EXO 21:17 “ባረ አባ ዎይ ባረ ዳዮ ሸቂያዌ ቱሙፐ ሀይቆ።
EXO 21:18 “ላኡ አሳቱ ዋላቀቶፐ፥ እቱ የንኩዋ ሹቻን ጫዶፐ ዎይ ቦክሶፐ፥ ሄ ደሸቴዳዌ ሀይቀናን አቶዋ ግዶፐነ ሀርጊደ ግሱዋን ጋምኦፐ፥ ደንዲደ ጉፍያና ካረ ሄራን ሀመቶፐ፥ ሄ ደቼዳዌ ሀይቁዋፐ አቴ፤ ግዶፐነ እ አ ኪታ ድጌዳ ድራዉ፥ ሻሉዋ ጭጋናዉነ አ ፓꬃናዉ ማዳና ኮሼ።
EXO 21:20 “አሳይ ባረ አቱማ አይልያ ዎይ ማጫ አይላቶ ጻምአን ሾጮፐነ ሄዋ ጋሱዋን ሄ ኡራይ ሄ ጎዳ ኩሽያን ሀይቂንቶ፥ ሾጬዳዌ ቱሙፐ ሙረታናዉ በሴ።
EXO 21:21 ሽን ሄ ደሸቴዳዌ እት ዎይ ላኡ ጋላሳን ደንዶፐ፥ ሄ አይሊ አ ሚሻ ግድያ ድራዉ፥ እ ሙረተና።
EXO 21:22 “ላኡ አሳቱ እቱ እቱዋና ዋቲደ ሻሃራ ምሽራቶ ደቾፐነ እዛ ቦሸቶፐ፥ ሄዋፐ ሀራ ኢታ ደሸꬃይ ꬋዮፐ፥ ሄ ምሽራት አስናይ ኦቼዳዋነ ዳናቱ ፕርዴዳዋ አያነ ጭጎ።
EXO 21:23 ሽን እዝዉ ደሸꬃይ ዳሮፐ፥ ሸምፑ ሀይቂንቶ ሸምፑዋ፥
EXO 21:24 አይፍያ ድራዉ አይፍያ፥ አቻ ድራዉ አቻ፥ ኩሽያ ድራዉ ኩሽያ፥ ገድያ ድራዉ ገድያ፥
EXO 21:25 ጹገꬃ ድራዉ ጹገꬃ፥ ማዱꬃ ድራዉ ማዱꬃ፥ ቆኤዳ ድራዉ ቆኡዋ አካናዉ ኮሼ።
EXO 21:26 “እት አሳይ ባረ አቱማ አይልያዉ ዎይ ማጫ አይላትዉ አይፍያ ባቂደ ቶይሶፐ፥ ሄ አይፍያ ድራዉ አይለተꬃፐ ከስ የዶ።
EXO 21:27 ሄዋዳንካ፥ ባረ አይልያ አቻ ዎይ ባረ አይላት አቻ መንꬆፐ፥ ሄ አቻ ድራዉ አይለተꬃፐ ከስ የዶ።
EXO 21:28 “ቦራይ ማጫ አሳ ዎይ አቱማ አሳ ቃይጪደ ዎꬎፐ፥ ሄ ቦራይ ሹቻን ጫደቲደ ሀይቆ፤ አ አሹ ሜተቶፖ። ሽን ቦራ ጎዳይ ሙረቶፖ።
EXO 21:29 ሽን ቦራይ ካሰካ ቃይጭያ ሜዚ ደእያዋ ግዲና፥ አሳይ አ ጎዳዉ ኦድ ዎꬅና፥ አ ጎዳይ ቃቼናን እጽና፥ ቦራይ አቱማ አሳ ዎይ ማጫ አሳ ዎꬎፐ፥ ሄ ቦራይ ሹቻን ጫደቲደ ሀይቆ፤ ቃይ አ ጎዳይካ ሀይቆ።
EXO 21:30 ሽን እ ባረና ዎዛናዳን ኦሸቶፐ፥ ኡንቱንቱ ኦቼዳዋ አያነ ጭጊደ፥ ባረ ሸምፑዋ ዎዞ።
EXO 21:31 ቦራይ አቱማ ናኣ ዎይ ማጫ ናቶ ቃይጪደ ዎꬎፐካ፥ ፕርዳይ እት ማላ ግዶ።
EXO 21:32 ቦራይ አቱማ አይልያ ዎይ ማጫ አይላቶ ቃይጪደ ዎꬎፐ፥ ቦራ ጎዳይ አይልያ ጎዳዉ ሀታሙ ብራ ሳንትምያ ጭጎ። ቦራይ ሹቻን ጫደቲደ ሀይቆ።
EXO 21:33 “እት አሳይ ኦላ ቁምእያ ፖኪደ፥ ዎይ ኦላ ቦኪደ ቁምኤናን አጎፐ፥ ቦራይ ዎይ ሀሪ ሄ ኦላን ኩንዶፐ፥
EXO 21:34 ሄ ኦላ ጎዳይ መህያ ጋትያ ጭጎ። እ አ ጎዳዉ ጋትያ ጭጊደ፥ ሀይቄዳ መህያ ባረዉ አኮ።
EXO 21:35 “እት አሳ ቦራይ ሀራ ቦራ ቃይጪደ ዎꬎፐ፥ ፓጻ ቦራ ዛልኢደ፥ አ ጋትያነ ሀይቄዳ ቦራ ልክያን ሻክ አክኖ።
EXO 21:36 ሽን ሄ ቦራይ ቃይጭያዋ ግድያዌ ካሰት ኤረትሽን፥ አ ጎዳይ አ ቃቼናን አጌዳዋ ግዶፐ፥ አ ጎዳይ ቦራ ጭጎ። ያቲደ ሄ ሀይቄዳዋ ባረዉ አኮ።
EXO 22:1 “እት አሳይ ቦራ ዎይ ዶርሳ ዉኢደ ሹኮፐ፥ ዎይ ዛልኦፐ፥ ቦራ ድራዉ እቼሹ ቦራ፥ ዶርሳ ድራዉ ኦይዱ ዶርሳ ጭጎ።
EXO 22:2 “ካይሱ ጎልያ ቦኪደ ኦይቀቶፐነ ሾጨቲደ ሀይቂንቶ፥ ሾጬዳዌ ሱꬃ ጉሴዳዎ ኦሸተና።
EXO 22:3 ሽን ሄዌ ጻልቂ ዶል ክችና ሀኖፐ፥ እ ሄ ጉኬዳ ሱꬃ አጩዋን ኦሸቴ። ካይሱ ባረ ዉኤዳዋ ዛሮ፤ ሽን አዉ አያይነ ꬋዮፐ፥ ባረ ዉኤዳዋ ዛራናዉ እ ዛልኤቶ።
EXO 22:4 እ ዉኤዳ መሂ ፓጻ ደኢደ አ ኩሽያን ቤትንቶ፥ ቦራ፥ ዎይ ሀርያ፥ ዎይ ዶርሳ ግዶፐነ፥ እ ባረ ዉኤዳዋ ላኡ ኩሽያ አꬂደ ጭጎ።
EXO 22:5 “እት አሳይ ባረ መህያ ደምባን ዎይ ዎይንያ ቱራ ግዶን ሄምሽን፥ መሂ ሀራ አሳ ሾይቃፐ ሞፐ፥ እ ባረ ሾይቃፐ ዎይ ባረ ዎይንያ ቱራ ኡባፐ ሎእያዋ አፍላማ ጭጎ።
EXO 22:6 “ጻራጋይ ደንዲደ አጉንꬃ ቡራና ላኢደ፥ ዶርያን ደእያ ካꬃ፥ ዎይ ኤቁዋን ደእያ ካꬃ፥ ዎይ ጎሻ ኡባ ምያዋ ግዶፐ፥ ኮይሮ ጻራጋ ኦይꬄዳ ብታኒ አጫ ጭጎ።
EXO 22:7 “እት አሳይ ብራ ዎይ ሀራ ሚሻ ናግሳናዉ ባረ ሾሮ ሀዳራ እምና፥ ሾሩዋ ሶፐ ሄ ሚሻይ ዉኤቶፐነ ካይሱ ኦይቀትንቶ፥ ካይሱ ሄ ሚሻዉ ላኡ ኩሽያ አꬂደ ጭጎ።
EXO 22:8 ሽን ካይሱ ቤተናን ꬋዮፐ፥ ጎልያ ጎዳይ ፕርድያዋንቱኮ ሺቂደ ባረ ሾሩዋ ሚሻ ቦላ ባረ ኩሽያ ዎꬅቤናዋ ጫቆ።
EXO 22:9 “አሳይ አይ ሞቱዋንካ፥ ቦራ ጋሱዋን፥ ዎይ ሀርያ ጋሱዋን፥ ዎይ ዶርሳ ጋሱዋን፥ ዎይ ማዩዋ ጋሱዋን፥ ዎይ ሀራ ባዬዳዋ ጋሱዋን፥ ‘ሀዌ ታዋ’ ጊደ ሞተቶፐ፥ ላኡ ባጋይካ ባረንቱ ሞቱዋ ፕርድያዋንቱ ስንꬃ አꬅኖ፤ ፕርድያዋንቱ ባይዛንቻ ጌዳ ኡራይ ባረ ሾሮ ላኡ ኩሽያ አꬂደ ጭጎ።
EXO 22:10 “አሳይ ባረ ሾሮ ሀርያ፥ ዎይ ቦራ፥ ዎይ ዶርሳ፥ ዎይ ሀራ መህያ ናግሳናዉ ሀዳራ እምና ሀይቂንቶ፥ ዎይ ደሸትንቶ፥ ዎይ ኦንነ በኤናን ቦንቃንቻይ አፎፐ፥
EXO 22:11 ሀዳራ ናግያዌ ባረ ሾሩዋ መህያ ቦላ ባረ ኩሽያ ዎꬅቤናዋ መꬍና ጎዳ ስንꬃን ጫቂና፥ ኡንቱንቱ ግዶን ደእያ የዉ ማየቶ። ሄ መህያ ጎዳይ ጫቁዋ አኮ፤ ጭጋ እማናዉ ኮሸና።
EXO 22:12 ሽን መሂ ሾሩዋፐ ዉኤቴዳዋ ግዶፐ፥ እዛዎ ጭጎ።
EXO 22:13 ሄ መህያ ዶአይ መንሬꬂደ ሜዳዋ ግዶፐ፥ ማርካ ግዳናዳን ዶአይ ሚሽን አቴዳዋፐ አኪደ ዮ፤ ያቲደ መኤረቴዳ መህያ ድራዉ ጭጎፖ።
EXO 22:14 “አሳይ ባረ ሾሩዋፐ መህያ ጋርጾፐነ አ ጎዳይ ባይና ሳኣን ሄ መሂ ደሸቶፐ ዎይ ሀይቆፐ፥ ሄ መህያ ጭጎ።
EXO 22:15 ሽን አ ጎዳይ አናና ደኦፐ፥ ጋርጼዳዌ ጭጎፖ፤ ከራዉ አኬዳዋ ግዶፐ፥ ከራዉ ጭግያ ሻሉ አጩዋ ጭጌዳ።
EXO 22:16 “እት አሳይ አስናዉ ጊጋቤና ዎዶራቶ ጭሚደ፥ እዝና ግስያዋ ግዶፐ፥ እዞ ጭሎሺደ ባረዉ ማቻቶ ኦꬆ።
EXO 22:17 እዝ አቡ እዞ አዉ እማናዉ እጾፐ፥ ዎዶራቶ አክያ ኡራይ ጭሎሽያዋ ኬሻ ብራ እ አቦ እሞ።
EXO 22:18 “ብትያ ምሽራቶ ፓጻ ዎꬆፓ።
EXO 22:19 “መህያና ግስያ ኦንነ ቱሙፐ ሀይቆ።
EXO 22:20 “መꬍና ጎዳ ጻላላሳፐ አትና፥ ሀራ ጾሳዉ ያርሽያዌ ኦንነ ሙለ ꬋዮ።
EXO 22:21 በቲደ ዬዳ አሳ ቆሆፕተ ዎይ ኡንኦፕተ፤ አያዉ ጎፐ፥ ህንተንቱካ ግብጼ ጋድያን በተ ግዲደ ደኤድታ።
EXO 22:22 አስናይ ሀይቄዳ አምአቶነ አዉ ሀይቄዳ ህዬሳ ኡንኦፕተ።
EXO 22:23 ህንተንቱ ኡንቱንታ ኡንኤꬅና፥ ኡንቱንቱ ታኮ ዋሶፐ፥
EXO 22:24 ታን ኡንቱንቱ ዋሱዋ ቱሙፐ ስሳና፤ ሄ ዎደ ታ ሀንቁ ህንተንቱ ቦላ ደንዳና፤ ታን ህንተንታ ማሻን ዉርሳና፤ ህንተንቱ ማቻቱ አምኤ ህንተንቱ ናናይካ አዉ ሀይቆዋንታ ግዳናዋንታ።
EXO 22:25 “ህንተንቱ ግዶን ደእያ ታ አሳፐ እት ህዬሳዉ ሻሉዋ ታልኦፐ፥ ሻሉዋ ድቻዉ እምያ አሳዳን ሀኖፕተ፤ ኔን ድቻ አ ኦቾፓ።
EXO 22:26 ኔን አጩዋ ድራዉ ነ ላግያ ማዩዋ ኦይቆፐ፥ አዋይ ዉለናን ደእሽን አዉ ዛራ፤
EXO 22:27 አያዉ ጎፐ፥ እ ባረ ቦላ ካምያዌ ሄን ጻላላና፤ ሀራባ አያ ማዪደ አቃናዉ ዳንዳዪ? እ ታዉ ዋሶፐ፥ ታን ቃረትያዋ ግድያ ድራዉ፥ ስሳና።
EXO 22:28 “ጾሳ ቦላ ሸቃ ቃላ ሃሳዮፓ፥ ዎይ ነ ደርያ ሞድያዋ ሸቆፓ።
EXO 22:29 ነ ካꬃ ጼራፐነ ነ ዎይንያ ጉምኤꬃ ኩመንꬃፐ ታዉ ያርሹዋ ሺሻ። “ኔን ነ አቱማ ናና ግዶን ባይራትያ ናኣ ታዉ እማናዉ ኮሼ።
EXO 22:30 ሚዛፐካ ዶርሳፐካ ሄዋዳን ኦꬃ። ኡንቱንቱ ላፑን ጋላሳይ ጋካናዉ፥ ባረንቱ አየቱዋና አየቱዋና ጋምእኖ፤ ሆስፑንꬃ ጋላስ ኡንቱንታ ታዉ እማ።
EXO 22:31 “ህንተንቱ ታዉ ጌሻ አሳ ግዳናዉ ኮሼ፤ ሄዋ ድራዉ፥ ባዙዋ ዶአይ መንሬꬂደ ዎꬌዳ መህያ አሹዋ ሞፕተ፤ ሄዋ ካናዉ ኦልተ።
EXO 23:1 “ዎርዶ ኦዱዋ ፑኮፓ፤ ዎርዱዋ ማርካ ግዳደ፥ ኢታ አሳ ማዶፓ።
EXO 23:2 ኢታባ ኦꬃናዉ ጮራ አሳ ካሎፓ፤ ፕርዳ ጌላያናዉ ጮራ አሳና እታ ግዳደ ማርካቶፓ።
EXO 23:3 ህዬሳይ ፕርዳዉ ሺቆፐ፥ ሞቱዋን አ መቱዋ ጼላደ ማዶፓ።
EXO 23:4 “ነ ሞርክያ ቦራይ ዎይ ሀሪ ባዬዳዋ ደሞፐ፥ ዛራደ አዉ አፋ።
EXO 23:5 ኔና እጽስያ ብታንያ ሀሪ ጫናና ኩንዴዳዋ በኦፐ፥ ሄዋን አጎፓ፤ ማዳደ አናና ደንꬃ።
EXO 23:6 “ፕርዳ ዳባባን ማዳደ፥ ህዬሳ አሳ ፕርዳ ጌላዮፓ።
EXO 23:7 ዎርዶ የዉዋ ኡባፐ ሃካ፤ ጌሻ ዎይ ጽሉዋ ዎꬎፓ፤ አያዉ ጎፐ፥ ኮባ ኦꬄዳዋ ታን ሳሮ የድከ።
EXO 23:8 ማታይያ (ማጋንጻ) አኮፓ፤ አያዉ ጎፐ፥ ማታዪ ጼልያዋንቱ አይፍያ ቆቅሴነ ጽላቱዋ ቃላ ምርቄ።
EXO 23:9 “በትያ ናቆፕተ፤ በተ ግድያዌ አይ ኬሻ ካዮይንቶ ኤሪታ፤ አያዉ ጎፐ፥ ህንተንቱ ህንተንቱ ሁጲያዉ በተ ግዲደ ግብጼ ጋድያን ደኤድታ።
EXO 23:10 “ኔን ነ ጋድያ ኡሱፑን ላይꬃዉ ጎሻደ፥ ዘራደ ካꬃ ቆይጫ አካ።
EXO 23:11 ላፑንꬃ ላይꬃን ጋድያ ጎሸናን ሻቻ፤ ያቶፐ፥ ነ አሳ ግዶን ደእያ ህዬሳቱ ሄዋፐ ምያባ ደማና፤ ቃይ ኡንቱንቱፐ አትያዋ ዶአቱ ማና። ኔን ነ ዎይንያ ቱራካ ነ ዎጋራካ ሄዋዳን ኦꬃ።
EXO 23:12 ኡሱፑን ጋላሳ ነ ኪታ ኪተታ፤ ነ ቦራይነ ነ ሀሪ ሸምፓና ማላነ ነ ሶን የለቴዳ አይሊነ በቲ፥ ሸምፓና ማላ፥ ላፑንꬃ ጋላስ ኦሱዋ ኦꬆፓ።
EXO 23:13 “ታን ህንተንታ ጌዳዋ ኡባ ምንሲደ ኦꬅተ፤ ሀራ ጾሳቱዋ ሱንꬃ ጼሶፕተ፤ ህንተንቱ እንጻርሳፐ ሄዌ ስሰቶፖ።
EXO 23:14 “ላይꬃን ሄዙ ገደ ህንተንቱ ታዉ ባላ ቦንችተ።
EXO 23:15 ማጋገ ኡክꬃ ባላ ቦንችተ፤ ታን ህንተንታ አዛዜዳዋዳን፥ ላፑን ጋላሳ እርሹዋ የግቤና ኡክꬃ ሚተ፤ ህንተንቱ አቢባ ጌተትያ አግናን ኬሬዳ ጋላሳቱዋን ሀ ባላ ቦንችተ፤ አያዉ ጎፐ፥ ህንተንቱ ግብጼፐ ከሴዳዌ ሄ አግናና። “ህንተፐ እት አሳይነ ታ ስንꬃን መላ ኩሸ ቤቶፖ።
EXO 23:16 “ቃይ ህንተንቱ ህንተንቱ ጋደን ዘርና፥ ኮይሮ ጋኬዳ ካꬃ ጫክያ ዎደ፥ ካꬃ ጫክያ ባላ ቦንችተ። “ቃይካ ላይꬃ ዉርሰꬃን፥ ካꬃ አይፍያ ጋደፐ ሺሽያ ዎደ፥ ሺሹዋ ባላ ቦንችተ።
EXO 23:17 አቱማ አሳይ ኡባይ ኡባ ሞድያ መꬍና ጎዳ ስንꬃን ላይꬃን ሄዙ ገደ ቤቶ።
EXO 23:18 “ኔን ያርሹዋ ሱꬃ ታዉ ሺሻደ፥ እርሹዋ የጊደ ኡኬዳ ኡክꬃና ሺሾፓ። ታ ባላ ቦንችያ ጋላስ ያርሸቴዳ ሞꬉዋፐ ዎንታዉ አይነ አቶፖ።
EXO 23:19 ነ ጋደን ባይራ ካኤዳ ካꬃፐ ኡባፐ ሎእያዋ መꬍና ጎዳ ሶ፥ ነ ጾሳ ሶ አሀ። ዴሻ ማራ አ ዳይ ማꬃን ዶይሶፓ።
EXO 23:20 “ነ ኦግያን ኔና ናጋና ማላነ ታን ነዉ ጊግሴዳ ሳኣ ኔና አፋና ማላ፥ ታን ኪታንቻ ነ ስንꬃን ኪታና።
EXO 23:21 እ ኦድያዋ ሀይዛ አዉ አዛዘታ፤ አ ቦላ ማካሎፓ፤ ታ ሱንꬃይ አ ቦላ ደእያ ድራዉ፥ ህንተንቱ ናጋራ ኦꬅያዋ ግዶፐ፥ ህንተንቶ እ አቶ ጌና።
EXO 23:22 እ ኦድያዋ ህንተንቱ ምንሲደ ሀይዞፐነ ታን ኦድያዋ ኡባ ኦꬆፐ፥ ህንተንቱ ሞርከቱዋ ታን ሞርካና፤ ህንተናና ኤቀትያዋንቱና ታንካ ኤቀታና።
EXO 23:23 ታ ኪታንቻይ ህንተፐ ስንꬃና ቢደ፥ ህንተንታ አሞራዋናቱዋ ጋድያ፥ ሂተቱዋ ጋድያ፥ ፓርዛዋናቱዋ ጋድያ፥ ካናነቱዋ ጋድያ፥ ሂዌቱዋ ጋድያነ ያቡሳዋናቱዋ ጋድያ አሀና። ታን ኡንቱንቱ ኡባ ꬋይሳና።
EXO 23:24 ኡንቱንቱ ጾሳቱዋ ስንꬃን ሆኮፕተ፥ ዎይ ጎይኖፕተ፥ ዎይ ኡንቱንቱ ሀኑዋ ቁሎፕተ። ህንተንቱ ኡንቱንቱ ጾሳቱዋነ ኡንቱንቱ ሹቻ ምስለቱዋ መንሬꬃናዉ ኮሼ።
EXO 23:25 መꬍና ጎዳ፥ ህንተንቱ ጾሳዉ፥ ጎይንተ፤ ያቶፐ፥ እ ህንተንቱ ቁማነ ህንተንቱ ሃꬃ አንጃናዋ፤ ታን ሀርግያ ህንተንቱ ግዶፐ ድጋና።
EXO 23:26 ህንተንቱ ቢታን አይ ማጫ አሳይነ ቦሸተና፤ ማይነና። ታን ህንተንቱ ደአና ላይꬃ ፓይዱዋ አዱሳና።
EXO 23:27 “ታን ታ ያሻ ህንተንቱ ስንꬃን የዳና፤ ህንተናና ጋከትያ ካዉተꬃ ኡባ ዳጋንꬃና፤ ህንተንቱ ሞርከቱ ኡባይ ህንተንቶ ዞኪያ ዛሪደ፥ ባቃታናዳን ታን ኦꬃና።
EXO 23:28 ታን ህንተፐ ስንꬃዉ ዱክያ ካጅያ የዳና፤ ሂዌቱዋ፥ ካናነቱዋነ ሂተቱዋ ህንተንቱ ስንꬃፐ ላጋደ ከሳና።
EXO 23:29 ሽን ቢታይ መላ አተናዳንነ ባዙዋ ዶአይ ህንተንታ ዋይሰናዳን፥ እት ላይꬃን ኡንቱንታ የደርስከ።
EXO 23:30 ሽን ህንተንቱ ፓይዱዋን ዳሪደ፥ ሄ ጋድያ ላታና ጋካናዉ፥ ታን ኡንቱንታ ላፋ ላፋ ላጋደ ህንተንቱ ስንꬃፐ ከሳና።
EXO 23:31 ታን ህንተንቱ ዛዋ ዞኦ አባፐ ፕልስጼማ አባ፥ መላ ቢታፐ ኤፍራጺሳ ሻፋ ጋꬃና። ሄ ጋድያን ደእያ ኡባ ታን ህንተንቱ ኩሽያን አꬃደ እማና፤ ህንተንቱካ ኡንቱንታ ህንተንቱ ስንꬃፐ ላጊደ ከሳና።
EXO 23:32 ኡንቱንቱና ዎይ ኡንቱንቱ ጾሳቱዋና ጫቁዋ ዎꬆፕተ።
EXO 23:33 ኡንቱንታ ህንተንቱ ጋድያን ዎꬆፕተ፤ ሄዌ ꬋዮፐ ኡንቱንቱ ህንተንታ ታ ቦላ ናጋራ ኦስሳናዋንታ፤ አያዉ ጎፐ፥ ኡንቱንቱ ጾሳቶ ጎይንያዌ ቱሙፐ ህንተንቶ ጲረ ግዳናዋ” ያጌዳ።
EXO 24:1 ሄዋፐ ጉየ መꬍና ጎዳይ ሙሳ፥ “ኔን፥ አሮነ፥ ናዳበ፥ አቢህነ እስራኤልያፐ ላፑን ታሙ ጭማ አሳቱ መꬍና ጎዳኮ ደርያ ሁጲያ ፑደ ከሲደ ሃኩዋን ጎይንተ።
EXO 24:2 ሽን ሙሴ፥ ኔን ኔረካ መꬍና ጎዳኮ ሺቃ፤ ሀራ ጭማቱ ታ ማታ ዮፕኖ። ቃይ አሳይካ ኔናና ፑደ ከሶፖ” ያጌዳ።
EXO 24:3 ሙሴ ዪደ፥ መꬍና ጎዳ ቃላ ኡባነ አ ዎጋ ኡባ አሳዉ ኦድና አሳይ ኡባይ እት ቃላን፥ “መꬍና ጎዳይ ኦዴዳዋ ኡባ ኑን ኦꬃና” ያጌድኖ።
EXO 24:4 ሙሴ መꬍና ጎዳይ ኦዴዳዋ ኡባ ጻፌዳ። ዎንተꬃ ጋላስ ዎንታ ጉራን ደንዲደ፥ ደርያ ጻጱዋን ያርሽያ ሳኣ ግምቢደ እስራኤልያ አሳ ያራ ታማነ ላኡዋ ሱንꬃን፥ ታማነ ላኡ ሹቻ ቱሳ ኤሴዳ።
EXO 24:5 እ እስራኤላቱዋፐ ያላጋ አቱማ አሳ ኪትና፥ ኡንቱንቱ ቢደ ጹግያ ያርሹዋ ሺሼድኖ፤ ቃይ እትፐተꬃ ያርሾ ኮሩማቱዋ መꬍና ጎዳዉ ያርሼድኖ።
EXO 24:6 ሙሴ ሱꬃፐ ባጋ አኪደ ከርያን ትጌዳ፤ አቴዳ ባካ ሱꬃ እ ያርሽያ ሳኣን ጫጫፌዳ።
EXO 24:7 ሄዋፐ ጉይያን ቃላ ጫቁዋ ማጻፋ አኪደ፥ አሳዉ ናባቤዳ፤ ኡንቱንቱ፥ “መꬍና ጎዳይ ኦዴዳዋ ኡባ ኑን ኦꬃና፤ ኑን አዛዘታና” ያጌድኖ።
EXO 24:8 ሄዋፐ ጉይያን ሙሴ ሄ ሱꬃ አኪደ፥ አሳ ቦላ ጫጫፊደ ኡንቱንታ፥ “በእተ፥ መꬍና ጎዳይ ሀ ቃላ ኡባን ህንተናና ዎꬄዳ ቃላ ጫቁዋ ሱꬃይ ሀዋ” ያጌዳ።
EXO 24:9 ሙሴ፥ አሮነ፥ ናዳበ፥ አቢህነ እስራኤልያ ጭማቱዋፐ ላፑን ታሙ ፑደ ከሴድኖ።
EXO 24:10 እስራኤልያ ጾሳ በኤድኖ፤ አ ገድያፐ ጋርሳና ሳሉዋዳን ጌዬዳ ሳምፔርያ ጌተትያ ጶልያ ሹቻፐ ኦሰቴዳዋ ማላትያ ዉይግያ ማላባይ ደኤ።
EXO 24:11 ሽን ጾሳይ እስራኤልያ አሳ ካፓቱዋ ዎꬍቤና። ኡንቱንቱ ጾሳ በኤድኖ፤ አ ስንꬃን ሜድኖነ ኡሼድኖ።
EXO 24:12 መꬍና ጎዳይ ሙሳ፥ “ኔን ደርያ ፑደ ሃ ታኮ ከሳደ፥ ሀዋን ጋምአ፤ ያቶፐ ኔን ኡንቱንታ ታማርሳና ማላ፥ ታን ዎጋነ አዛዙዋ ጻፌዳ ሹቻ ነዉ እማና” ያጌዳ።
EXO 24:13 ሄዋፐ ጉይያን ሙሴ ባረ ቆማ ኢያሱና ባናዉ ደንዴዳ፤ ሙሴ ጾሳ ደርያ ፑደ ከሴዳ።
EXO 24:14 እስራኤልያ አሳ ጭማቱዋ እ፥ “ኑን ህንተንቱኮ ስማናዉ ሀዋን ደእሽተ፤ አሮነነ ሁር ሀዋን ህንተናና ደኢኖ፤ የዉ ደእያ ኦንነ ኡንቱንቱኮ ቦ” ያጌዳ።
EXO 24:15 ሙሴ ደርያ ፑደ ከሴዳ ዎደ፥ ሻሪ ደርያ ካሜዳ።
EXO 24:16 ቃይ መꬍና ጎዳ ቦንቹ ሲና ደርያ ቦላን ኡቴዳ፤ ሄ ሻሪ ኡሱፑን ጋላሳ ማዬዳ፤ ላፑንꬃ ጋላሳን ሄ ሻርያ ግዶፐ መꬍና ጎዳይ ሙሳ ጼሴዳ።
EXO 24:17 እስራኤላቶ መꬍና ጎዳ ቦንቹ ደርያ ሁጲያን ጹግያ ታማ ማላቲደ ቤቴዳ።
EXO 24:18 ሄዋፐ ጉይያን ሙሴ ሄ ሻርያ ግዶ ገሊደ፥ ደርያ ፑደ ከሲደ ደርያ ሁጲያን ኦይታሙ ጋላሳነ ኦይታሙ ቃማ ጋምኤዳ።
EXO 25:1 መꬍና ጎዳይ ሙሴዉ ሀዋዳን ያጌዳ፤
EXO 25:2 “ታዉ እምያዋ አሀናዳን ኔን እስራኤላቶ ኦዳ፤ ታዉ እማናዉ አ ዎዛናይ አ እማ እማ ግያ አሳ ኡባ እሞታ ኔን ታዉ አካ።
EXO 25:3 ህንተንቱ ኡንቱንቱፐ አካና እሞታይ ሀዋ: ዎርቃ፥ ብራ፥ ናሃስያ ብራታ፥
EXO 25:4 ሳሉዋ ማላትያ፥ ኦቻ ቴራ ማላትያነ፥ ዞኦ ሊቆ ቃጭና፥ ዴሻ እስክያ፥
EXO 25:5 ዶርሳ ኦርግያ ጋልባ ዞኦ ቃላምያን የግ ከሴዳዋ፥ ሀራ ጋልባ፥ ኦዶሩዋ፥
EXO 25:6 ጾምፕያዉ ዎጋራ ዛይትያ፥ ኦክያ ዛይትያነ እጻና ሳዌꬅያ ቅማምያ፤
EXO 25:7 ቄሳቱዋ ካፑዋ ኤፉድያንነ ትራን ዎꬅያዋን የግያ ማርግድያ ጌተትያ ሹቻቱዋነ ሀራ ጶልያ አልኦ ሹቻቱዋ አሆ።
EXO 25:8 “ያቲደ ታን ኡንቱንቱ ግዶን አቃናዳን፥ ኡንቱንቱ ታዉ ጌሻ ሳኣ ጊግስኖ።
EXO 25:9 ልከ ታን ኔና በሴዳ ሌምሱዋ ኡባዳን ጾሳ ዱንካንያነ አ ግዶን ደእያ ሚሻቱዋ ኦꬅተ።
EXO 25:10 “ኡንቱንቱ ኦዶሩዋ ምꬃፐ አዱሳተꬃይ ላኡ ዋꬋነ ባጋ፥ ጎምፓይ እት ዋꬋነ ባጋ፥ ጌሳይ ቃይ እት ዋꬋነ ባጋ ግዴዳ ታቦታ መꬍኖ።
EXO 25:11 ሶያነ ካርያ ዋላካይ ባይና ዎርቃን ሼሻ፤ አ ዩሹዋካ ዎርቃ ትገꬃን ዩሻ አꬃ።
EXO 25:12 ሄ ታቦታዉ ኦይዱ ዎርቃ ሳጋየቱዋ ትጋደ ኦይዱ ገደቱዋን እት ባጋና ላኡ ሳጋየቱዋ፥ ቃይ የንኮ ባጋና ላኡ ሳጋየቱዋ አꬃ።
EXO 25:13 ሄዋፐ ጉይያን ኦዶሩዋፐ ካሱዋ ከሳደ ዎርቃን ሼሻ።
EXO 25:14 ታቦታ ቶካናዉ፥ ታቦታ ምይያን ደእያ ሳጋየቱዋን ካሱዋ አꬃ።
EXO 25:15 ቶክያ ካሶቱ ታቦታ ሳጋየቱዋ ግዶን ደእኖ፤ ኡንቱንቱ ሄዋፐ ኡባካ ከሶፕኖ።
EXO 25:16 ታቦታ ግዶን ታን ነዉ እምያ፥ ታሙ አዛዛቱ ጻፈት ኡቴዳ ላኡ ማሰቴዳ ማርካተꬃ ሹቻቱዋ ዎꬃ።
EXO 25:17 “ዋላካይ ባይና ዎርቃፐ ላኡ ዋꬋነ ባጋ አዱቂያ፥ እት ዋꬋነ ባጋ አክያ አቶ ግያ ሳኣ ቁምእያ መꬋ።
EXO 25:18 ቁምእያዉ ዉርሰꬃ ላኡ ባጋ ጋጻን ላኡ ክሩቤልያ፥ ቆጸቴዳ ዎርቃፐ መꬋ።
EXO 25:19 እት ክሩብያ እት ባጋ ጋጻን፥ ላኤንꬆ ክሩብያ የንኮ ባጋ ጋጻን ላኡዋካ ቁምእያና ጋꬃ ኦይꬃደ መꬋ።
EXO 25:20 ክሩበቱ ባረንቱ ቀፍያ ደንꬂደ፥ አቶ ግያ ሳኣ ቁምእያ ባረንቱ ቀፍያን ኩዋይ ዎꬅኖ፤ ቃይ እቱ እቱዋኮ ስም ኡቲደ፥ ቁምእያ ጼልኖ።
EXO 25:21 ቁምእያ ታቦታዉ ቦላ ባጋን ዎꬃ፤ ቃይ ታን ነዉ እምያ አዛዛቱ ጻፈቲደ ማሰቴዳ ሹቻቱዋ ታቦታ ግዶን ዎꬃ።
EXO 25:22 ማርካተꬃ ታቦታ ቦላ ቁምእያ ቦላ ደእያ ላኡ ክሩበቱዋፐ ግዱዋን ታን ኔናና ጋከታደ እስራኤልያ አሳዉ ታን እምያ አዛዙዋ ኡባ ያን ነዉ እማና።
EXO 25:23 “ኦዶሩዋ ምꬃፐ አዱሳተꬃ ላኡ ዋꬋ፥ ጎምፓይ እት ዋꬋ፥ ጌሳይ ቃይ እት ዋꬋነ ባጋ ግድያ እት ጻርጴዛ መꬋ።
EXO 25:24 ያታደ ዋላካይ ባይና ዎርቃን ሼሻ፤ ቃይ አ ዩሹዋን ዎርቃ ትገꬃ ዩሻ አꬃ።
EXO 25:25 ሄዋዳንካ፥ ቃይ ጎምፓይ ታካ ግዴዳ ሻሽያ አ ቦላ ዩሻ አꬃ። ያታደ አ ቦላ ዎርቃ ትገꬃ ዩሻ።
EXO 25:26 ሄ ጻርጴዛዉ ኦይዱ ዎርቃ ሳጋየቱዋ መꬋደ፥ ጻርጴዛ ገደቱ ደእያ ኦይዱ ጋጻን ዎꬃ።
EXO 25:27 ጻርጴዛ ቶካናዉ ካሱዋ አꬅያ ሳጋየቱ ጻርጴዛዉ ሻሽያ ጋጻን ሺቂደ ደእኖ።
EXO 25:28 ሄ ቶክያ ካሱዋ ኦዶሩዋፐ ከሳደ፥ ዎርቃን ኡንቱንታ ሼሻ።
EXO 25:29 ሄዋዳንካ፥ ቃይ ሻታቱዋነ ጭልፓቱዋ፥ ዱቂያባቱዋነ ጹአቱዋ ዋላካይ ባይና ዎርቃፐ መꬋ።
EXO 25:30 ታ ስንꬃ አꬅያ ጌሻ ኡክꬃይ ኡባ ዎደካ ጻርጴዛ ቦላ ꬋዮፖ።
EXO 25:31 “ጾምፕያ ዎꬅያ ባላ ቆጸቴዳ ዋላካይ ባይና ዎርቃፐ መꬋ፤ ሄ ባላይ ኤቂያ ገዲካ፥ ቃይ ግዶ ቶማይካ ኡባይ ቆጸቴዳ ዎርቃፐ ኦሰታናዉ ኮሼ። አ ዋንጫቱ፥ አ ኩኩሞቱ አ ጪሻቱ ኡባይ አናና እትፐ ኦይቀት መታናዉ ኮሼ።
EXO 25:32 ምይያና ኡሱፑን ማራቱ አዉ ከሲኖ፤ ማራቱዋፐ ሄዛቱ እት ባጋና፥ ቃይ ሄዛቱ የንኮ ባጋና ደእኖ።
EXO 25:33 ኡሱፑን ማራቶካ ሁጲያን ሁጲያን ሄዙ ሄዙ ኩኩሙነ ጪሻይ ደእያ ላዉዝያ ጪሻ ማላትያ ዋንጫይ ደኦ።
EXO 25:34 ጾምፕያ ዎꬅያ ባላዉ ግዶ ቶማይ፥ ኩኩሞቱዋ ጪሻቱ ደእያ ላዉዝያ ጪሻ ማላትያ ኦይዱ ዋንጫይ ደኦ።
EXO 25:35 ላኡ ላኡ እትፐ ዋꬃን ደእያ ሄዙ ማራቱዋፐ ጋርሳና እት እት ኩኩሙ ደኦ።
EXO 25:36 ኩኩማቱነ ማራቱ ኡባይ ጾምፕያ ዎꬅያ ባላና እትፐ፥ ኦይቀት እቱዋ ግዲደ፥ ዋላካይ ባይና ዎርቃፐ ቆጸቲደ መትኖ።
EXO 25:37 “ሄዋፐ ጉይያን ጾምፕያ ዎꬅያ ባላዉ ላፑን ጾምፐቱዋ ጊግሳደ፥ ኡንቱንቱ ስንꬃ ግዶዉ ፖአና ማላ ꬎቁ ኦꬃደ ዎꬃ።
EXO 25:38 ጾምፕያ ቶይስያ ቃጰቱዋነ ኡንቱንታ ዎꬅያዋንታ ዋላካይ ባይና ዎርቃፐ መꬋ።
EXO 25:39 ጾምፕያ ዎꬅያ ባላይነ አን ጎኤትያ ሚሻ ኡባይ ሀታማነ እቼሹ ኪሎ ግራመ ግዴዳ ዋላካይ ባይና ዎርቃፐ መቲኖ።
EXO 25:40 አኬካ፤ ታን ኔና ደርያ ሁጲያን በሴዳዋዳን ኪተታ።
EXO 26:1 “ቃይ ሊቆ ፑቱዋፐ ሳሉዋ ማላትያ፥ ኦቻ ቴራ ማላትያነ ሾሎላ ዞኦ ቃጭናፐ ዳደቴዳ ታሙ ጋርዳቱዋ ጾሳ ዱንካንያ ጊግሳ። ሄ ጋርዳቱዋን እት ሂላን ክሩበቱዋ ምስልያ ዳድሳ።
EXO 26:2 ጋርዶቱ ኡባይ እት ልከ ግድኖ፤ ጌሳይ ላታማነ ሆስፑን ዋꬋ፤ ጎምፓይ ኦይዱ ዋꬋ ግዶ።
EXO 26:3 እቼሹ ጋርዳቱዋ እትፐ ጋꬃደ ስካ፤ የንኮ አቴዳ እቼሹ ጋርዳቱዋካ ኡንቱንቱዋዳን ኪተታ።
EXO 26:4 እትፐ ጋከቲደ ስከቴዳ ጋርዳቱዋፐ እት ጋርዱዋ ዉርሰꬃ ጋጻን ሳሉዋ ማላትያ ጫርቂያፐ ማጫራ መꬋ፤ ቃይ እትፐ ጋከት ስከቴዳ የንኮ ጋርዱዋንካ ሄዋዳን ኪተታ።
EXO 26:5 እትፐ ጋከቴዳ እት ጋርዱዋ ቦላ እሻታሙ ማጫራ፥ ቃይ እትፐ ጋከቴዳ የንኮ ጋርዱዋ ቦላካ እሻታሙ ማጫራ መꬋ፤ ሄ ማጫራቱ ኡባይካ እቱ እቶ ማራን ደእኖ።
EXO 26:6 ሄዋፐ ጉይያን ዎርቃፐ እሻታሙ ኦይቂያዋንታ መꬋደ ጾሳ ዱንካኒ እቱዋ ግዳና ማላ፥ ሄ ጋርዳቱዋ ጋጻ ጋጻ ሄ ኦይቂያዋንቱን ኦይꬃ።
EXO 26:7 “ቃጭናፐ መቴዳ ጾሳ ዱንካንያ ቦላና ካማና ማላ፥ ታማነ እት ጋርዳቱዋ ዴሻ እስክያፐ ዳዳደ፥ እት ዱንካንያ መꬋ።
EXO 26:8 ታማነ እት ጋርዳቱካ እት ልከ ግድኖ፤ እት እት ጋርዱዋ ጌሳይ ሀታሙ ዋꬋ፥ ጎምፓይ ኦይዱ ዋꬋ ግዶ።
EXO 26:9 እቼሹ ጋርዳቱዋ እት ባጋና፥ ኡሱፑን ጋርዳቱዋ ቃይ የንኮ ባጋና ጋꬃደ ስካ። ኡሱፑንꬃ ጋርዱ ዳኮቲደ፥ ዱንካንያዉ ስንꬃ ባጋና ዳቡለቶ።
EXO 26:10 ጋꬅ ስኬዳ ጋርዳቱዋፐ እት ጋርዱዋ ጋጻን እሻታሙ ማጫራ መꬋ፤ ቃይ ጋꬅ ስኬዳ የንኮ ጋርዳቱዋፐ ጋጻን እሻታሙ ማጫራ መꬋ።
EXO 26:11 እሻታሙ ናሃስያ ኦይቂያዋ መꬋደ፥ ማጫራቱዋ ግዶ ገልሳ፤ ያታደ ዱንካንያ እትፐ ጋꬃ ኦይꬃ። ያቶፐ ሀ ላኡ ኦይቀቴዳ ካምያዋንቱ እቱዋ ግዳና።
EXO 26:12 ሀ ዱንካንያ ጋርዳቱዋፐ ፓላሄዳ ባጋ ጋርዱ ጾሳ ዱንካንያዉ ጉየና ካቀቶ።
EXO 26:13 ዱንካንያ ጋርዶቱ ላኡ ባጋናካ እት እት ዋꬋ ኬሻ ፓላህኖ፤ ሄ ፓላሄዳዋንቱ ጾሳ ዱንካንያ ካማና ማላ፥ ላኡ ባጋ ምይያና ካቀትኖ።
EXO 26:14 “ዴሻ አጎዛፐ መቴዳ ዱንካንያ ቦላና ካማናዉ ዶርሳ ኦርግያ ጋልባ ዞኦ ቃላምያን የግ ከሴዳዋ ጊግሳ፤ ቃይ አ ቦላና ካማናዉ ቁምእያ ሀራ ጋልባፐ ጊግሳ።
EXO 26:15 “ጾሳ ዱንካንያ ጻጋግያዋንታ ስት ጌዳ ኦዶሩዋፐ ከሳ።
EXO 26:16 እት እት ጻጋግያዉ ጌሳይ ታሙ ዋꬋ፥ ጎምፓይ እት ዋꬋነ ባጋ ግዶ።
EXO 26:17 እት እት ጻጋግያዉ እቱዋ እቱዋና ጋꬅ ኦይꬅያ ላኡ ፖꬃ መꬋ። ጾሳ ዱንካንያ ጻጋገቱዋ ኡባካ ሄዋዳን ኪተታ፤
EXO 26:18 ጾሳ ዱንካንያዉ ገድሳ ባጋና ላታሙ ጻጋግያዋ መꬋ።
EXO 26:19 እት እት ጻጋግያዉ ላኡ ፖꬃይ ገልያ ኦይታሙ ሉኩዋ፥ ኡባካ ብራፐ ጊግሳ።
EXO 26:20 ጾሳ ዱንካንያዉ ሁጲሳ ባጋና፥ ላታሙ ጻጋግያዋ መꬋ።
EXO 26:21 እት እት ጻጋግያዉ ላኡ ገደቱ፥ ሙለ ኦይታሙ ገደቱ፥ ብራፐ ጊግኖ።
EXO 26:22 ቃይ ጾሳ ዱንካንያዉ ጉየ ጋጻን አዋይ ዉልያ ባጋና ኡሱፑን ጻጋግያ መꬋ።
EXO 26:23 ጉየን ደእያ ጋጻቶ ላኡ ጻጋግያ ጊግሳ።
EXO 26:24 ሄዋ ድራዉ፥ እት ጻጱዋን ላኡ ፖꬃ ጊጋ ጼራ ጋካናዉ እታ ግድ ምግዱዋን ኦይቀታናዉ በሴ፤ ላኡ ጋጻ ኦይꬅያ ጻጋጋቱካ ሀራ ጻጋጊ ኦሰቶዋዳን ኦሰታናዉ በሴ።
EXO 26:25 ሄዋ ድራዉ እት እት ጻጋግያዉ ጋርሳና ላኡ ላኡ ፖꬃይ ገልያ ሉካቱ ደኢኖ፤ ኡባና ሆስፑን ጻጋገቱነ ብራፐ ኦሰቴዳ ታማነ ኡሱፑን ፖꬃይ ገልያ ሉካቱ ደኢኖ።
EXO 26:26 “ቃይ ኦዶሮቱዋፐ ቱቁመትያ ሜጋ ከሳ። ጾሳ ዱንካንያዉ እት ባጋ ምይያን ደእያ ጻጋገቶ እቼሹ ቱቁመትያ ሜጋ፥
EXO 26:27 ቃይ የንኮ ባጋ ምይያን ደእያ ጻጋገቶ እቼሹ ቱቁመትያ ሜጋቱዋ ጊግሳ። ሄዋዳንካ፥ ጾሳ ዱንካንያዉ ጉየ አዋይ ዉልያ ባጋና ዉርሰꬃ ጋጻን ደእያ ጻጋገቶ እቼሹ ቱቁመትያ ሜጋ መꬋ።
EXO 26:28 ግዶ ቱቁመትያ ሜጋይ ጻጋገቶ ግዶ ሄራና ሀ ጋጻፐ ያ ጋጻ ጋካናዉ ፕን ከሳናዉ ኮሼ።
EXO 26:29 ጻጋገቱዋ ዎርቃን ሼሻደ፥ ቱቁመትያ ሜጋቱ አꬍያ ሳጋየቱዋ ዎርቃፐ መꬋ፤ ቃይ ቱቁመትያ ሜጋቱዋካ ዎርቃን ሼሻ።
EXO 26:30 ጾሳ ዱንካንያ ታን ኔና ደርያ ቦላን በሴዳዋዳን ኦꬃደ ቶካ።
EXO 26:31 “ሳሉዋ ማላትያ፥ ኦቻ ቴራ ማላትያነ ሾሎላ ዞኦ ቃጭናፐነ ሊቆ ሊኑዋፐ እት ጋርዱዋ ኪተታ፤ ሄ ጋርዱዋ ቦላ እት ሂላን ክሩበቱዋ ምስልያ ስክሳ።
EXO 26:32 ያታደ ዎርቃን ሼሼዳ ኦይዱ፥ ኦዶሩዋ ቱሳቱዋን ደእያ ዎርቃፐ ኦሰቴዳ ካቂያዋን ካቃ። ሄ ኦይዱ ቱሳቱ ብራፐ መꬌዳ ኦይዱ ፖꬃይ ገልያሳን ገልኖ።
EXO 26:33 ሄ ጋርዱዋ ጾሳ ዱንካንያ ካራን ደእያ ኦይቂያዋንቱፐ ጋርሳና ካቄዳ፥ ቃላ ጫቁዋ ታቦታ ጋርዱዋፐ ጉየ ባጋን ዎꬃ፤ ያቶፐ ሄ ጋርዱ ጌሻ ሳኣ ኡባፐ አꬌዳ ጌሻ ሳኣፐ ሻካና።
EXO 26:34 አቶ ግያ ሳኣ ቁምእያ ኡባፐ አꬌዳ ጌሻ ሳኣን ደእያ ቃላ ጫቁዋ ታቦታ ቦላ ዎꬃ።
EXO 26:35 ጻርጴዛ ጋርዱዋፐ ካረና፥ ጾሳ ዱንካንያን ጌሻ ሳኣ ግዱዋን ሁጲሳ ባጋን ዎꬃ፤ ጾምፕያ ዎꬅያ ባላ ቃይ አ ባጋን ገድሳ ባጋና ዎꬃ።
EXO 26:36 “ዱንካንያ ገልያ ፐንግያዉ ሳሉዋ ማላትያ፥ ኦቻ ቴራ ማላትያነ ሾሎላ ዞኦ ቃጭናፐነ ሊቆ ሊኑዋፐ ጽልፕያን አሌቅስያዋን ኦሰቴዳ ጋርዱዋ መꬋ።
EXO 26:37 ጋርዱዋ እቼሹ ቱሳቱዋ ኦዶሮቱዋፐ ከሳደ፥ ዎርቃን ሼሻ፤ ካቂያዋንቱካ ዎርቃፐ ኦሰቴዳዋንታ ግድኖ፤ ቱሳቶ ናሃስያ ብራታፐ ትጋደ እቼሹ ፖꬃቱ ገልያዋ መꬋ።
EXO 27:1 “ኦዶሩዋፐ ያርሽያ ሳኣ ኬጻ። ሄ ያርሽያ ሳአዉ ጌሳይ እቼሹ ዋꬋ ግዶ፤ ጎምፓይነ እት ልከ፥ እቼሹ እቼሹ ዋꬋ፤ ꬎቃተꬃይ ሄዙ ዋꬋ፥ ኦይዱ ጋጻና ደኦ።
EXO 27:2 ዉርሰꬃ ጋጻን ጋጻን እት እት ካጭያ መꬋ፤ ካጨቱ ያርሽያ ሳኣና እትፐ ኦይቀቲደ መትኖ። ያታደ ያርሽያ ሳኣ ናሃስያ ብራታን ሼሻ።
EXO 27:3 አን ጎኤትያ ሚሻቱዋ፥ ብድንꬃ ከስያ ባልደቱዋ፥ አካፋቱዋ፥ ሱꬃ ትግያ ኩይጻሮቱዋ፥ ቃጲያ፥ ሴልያባ ኦይቂያ ሚሻ ናሃስያ ብራታፐ መꬋ።
EXO 27:4 ያታደ ናሃስያ ብራታፐ ዛዝርያ መꬋ፤ ቃይ አ ኦይዱ ጋጻን ኦይዱ ሳጋየቱዋ መꬋ።
EXO 27:5 ያታደ ያርሽያ ሳአዉ ግዶ ባጋን ኦይꬃደ ዎꬃ
EXO 27:6 ኦዶሩዋፐ ያርሽያ ሳአዉ ካሶቱዋ ከሳደ፥ ናሃስያ ብራታን ሼሻ።
EXO 27:7 ያርሽያ ሳኣ ቶክያ ዎደ ማዳና ማላ፥ ሄ ካሱዋ ላኡ ምይያና ደእያ ሳጋየቱዋን አꬃ።
EXO 27:8 ታን ኔና ደርያ ቦላን በሴዳዋዳን፥ ያርሽያ ሳኣ ጻዉላፐ መꬊደ፥ ጎምፓ መላ ከስኖ።
EXO 27:9 “ጾሳ ዱንካንያዉ አሳይ ሺቅያ ዳባባ ጊግሳ። ዳባባይ ገድሳ ባጋና ጼቱ ዋꬋ አዱቆ፤ ሄ ዳባባዉ ሊቆ ሊኑዋፐ ዳደቴዳ ጋርዳቱዋ ጊግሳ።
EXO 27:10 አዉ ናሃስያ ብራታፐ ላታሙ ቱሳቱዋነ ቱሳቱ ኤቂያ ላታሙ ፖꬃይ ገልያ ሉኩዋ ኦꬃ፤ ኡንቱንቱ ሁጲያን ቃይ ብራፐ ካቂያዋንታነ ቱሳቱዋ ሁጲያን ቃችያዋንታ ኦꬃ።
EXO 27:11 ሄዋዳንካ፥ ዳባባዉ ሁጲሳ ባጋና ጼቱ ዋꬋ አዱቆ፤ ቃይ ላታሙ ቱሳቱዋናነ ሄ ቱሳቶ ላታሙ ናሃስያ ፖꬃይ ገልያ ሉኮቱዋና ደእያ ጋርዱ ደኦ። ያቲደ ብራፐ ኦሰቴዳ ካቂያዋንቱነ ቱሳቱዋ ሁጲያን ቃችያዋንቱ ዳባባዉ ደእኖ።
EXO 27:12 “ዳባባዉ አዋይ ዉልያ ባጋ ጎምፓይ እሻታሙ ዋꬋ አኮ፤ ታሙ ቱሳቱነ፥ ቱሳቶ ታሙ ፖꬃይ ገልያ ሉካቱ ደእያ ጋርዶቱ አዉ ደእኖ።
EXO 27:13 ቃይ አዋይ ዶልያ ባጋ ዳባባ ጎምፓይካ እሻታሙ ዋꬋ ግዶ።
EXO 27:14 ዳባባ ገልያ ሳኣፐ አዋይ ዶልያ ባጋና ታማነ እቼሹ ዋꬋ አዱቂያ ጋርዶቱ ደእኖ፤ ኡንቱንቶ ሄዙ ቱሳቱነ ሄዙ ፖꬃይ ገልያ ሉኮቱ ደእኖ።
EXO 27:15 ሄዋዳንካ፥ ህንኮ ባጋና ጋርዶቱ ታማነ እቼሹ ዋꬋ አዱቂያ ጋርዶቱ ደእኖ፤ ኡንቱንቶ ሄዙ ቱሳቱነ ቱሳቶ ሄዙ ፖꬃይ ገልያ ሉኮቱ ደእኖ።
EXO 27:16 “ዳባባ ገልያ ሳአዉ ላታሙ ዋꬋ አዱቂያ ጋርዱዋ ጊግሳ፤ ሄዌካ ሳሉዋ ማላትያ፥ ኦቻ ቴራ ማላትያነ፥ ሾሎላ ዞኦ ቃጭናፐነ ሊቆ ሊኑዋፐ ዳደቴዳዋ፥ ጽልፕያን አሌቅስያዋን ጊግሳ። ኦይዱ ቱሳቱዋነ ቱሳቶ ኦይዱ ፖꬃይ ገልያ ሉኮቱዋ ጊግሳ።
EXO 27:17 ዳባባ ዩሹዋን ደእያ ቱሳቱዋ ኡባዉ ብራፐ ኦሰቴዳ ቃችያዋንቱነ ካቂያዋንቱ፥ ናሃስያፐ ኦሰቴዳ ፖꬃይ ገልያ ሉኮቱ ደእኖ።
EXO 27:18 ዳባባይ አዱሳተꬃይ ጼቱ ዋꬋ፥ ጎምፓይ እሻታሙ ዋꬋ ግዶ፤ ፑድያ እቼሹ ዋꬋ ꬎቂያ ሊቁዋን ዳደቴዳ ሊኑዋፐ ኦሰቴዳ ጋርዶቱ ደእኖ፤ ያቲደ ቱሳቱዋ ናሃስያፐ ኦሰቴዳ ፖꬃይ ገልያ ሉኮቱ ግድኖ።
EXO 27:19 “ጾሳ ዱንካንያን ኦꬅያ ኦሶ ጎኤትያ ሚሻ ኡባይ፥ ኡንቱንቱ ጎአይ አያ ግዶፐነ፥ ጾሳ ዱንካንያ ꬎገቱ ኡባናነ ዳባባ ꬎገቱ ኡባናካ ጉጅና፥ ናሃስያ ብራታፐ መቲኖ።
EXO 27:20 “ጾምፒ ቶኤናን ኤጺደ ደአና ማላ፥ አዉ ኮሽያ ጽሎ ዛይትያ ዎጋራ ቴራ ጫዲደ ጉምእና ከሴዳዋ ነዉ አሀና ማላ፥ እስራኤላቱዋ አዛዛ።
EXO 27:21 አሮነነ አ ናናይ፥ ጾምፒ ጾሳ ስንꬃን ቃሜዳ ሳአይ ዎንታና ጋካናዉ ፖአና ማላ፥ መꬍና ጎዳ ዱንካንያ ግዶን፥ ማርካተꬃ ታቦታ ስንꬃን ደእያ ጋርዱዋፐ ካረና ኤꬅኖ። ሀዌ እስራኤልያ አሳዉ መꬍናዉ ዎꬆ ዎጋ ግዲደ ደኦ።
EXO 28:1 “ነ እሻ አሮናነ አ ናና ናዳባ፥ አቢሀ፥ ኤልኣዛራነ እታማራ ኔኮ አሃደ፤ ኡንቱንቱ ቄሳቱዋ ግዲደ ታዉ ኦꬃና ማላ፥ እስራኤልያ አሳ ግዶፐ ኡንቱንታ ዱማያ።
EXO 28:2 አዉ ቦንቹዋነ ፑላ እማና ማላ፥ ነ እሻ አሮናዉ ቄሳተꬃ ማዮቱዋ ጊግሳ።
EXO 28:3 ታን አꬌዳ ኤራ እሜዳ ኩሽያ ሂላ ኤርያ አሳ ኡባ ጼሳደ፥ አሮናዉ ማዮቱዋ ጊግሳና ማላ ኦዳ፤ እ ቄሴ ግዲደ፥ ታዉ ኦꬃናዉ ዱማታናዋ።
EXO 28:4 ኡንቱንቱ ጊግሳና ማዮቱካ ሀዋንታ: ትራን ዎꬅያዋ፥ ኤፉድያ፥ አዱሳ ማዩዋ፥ አሌቀቲደ ዳደቴዳ አዱሳ ሻምጭያ፥ ሻሽያነ ሀራ ዳንጩዋ። ነ እሻይ አሮነነ አ ናናይ ቄሳቱዋ ግዲደ ታዉ ኦꬂደ ጌሻ ማዮቱዋ ማያና ማላ፥ ስክያዋንቱ ጊግሲኖ።
EXO 28:5 ኩሽያ ሂላ ኤርያዋንቱካ ሀ ማዮቱዋ ጊግሳናዉ ዎርቃ፥ ሳሉዋ ማላትያ፥ ኦቻ ቴራ ማላትያነ ሾሎላ ዞኦ ቃጭናነ ሊቆ ሊኑዋ ጎኤትኖ።
EXO 28:6 “ኤፉድያ ጌተትያ ማዩዋ ዎርቃፐ፥ ሳሉዋ ማላትያ ቃጭናፐ፥ ኦቻ ቴራ ማላትያ ቃጭናፐ፥ ሾሎላ ዞኦ ቃጭናፐነ ሊቆ ሊኑዋ ቃጭናፐ ኩሽያ ሂላንቻቱ አሌቂሲደ ጊግሲኖ።
EXO 28:7 ላኡ ባጋይ ጋከቲደ እቱዋ ግዳና ማላ፥ ላኡ ሀሽያ ቦላ ጋꬂደ ኦይꬅያ ጫርቂ ደኦ።
EXO 28:8 ሂላንቻይ አሌቂሲደ ዳዴዳ ዳንጩካ ኤፉድያና እታ ግዲደ፥ ዎርቃፐ፥ ሳሉዋ ማላትያ፥ ኦቻ ቴራ ማላትያነ ሾሎላ ዞኦ ቃጭናፐነ ሌእስ ባቄዳ ሊኑዋፐ ኦሰቶ።
EXO 28:9 “ማርግድያ ጌተትያ ላኡ ሹቻቱዋ አሃደ፥ እስራኤልያ ናናቱዋ ሱንꬃ ኡንቱንቱ ቦላ ዎጫደ ጻፋ።
EXO 28:10 ኡንቱንቱ የለታ ማራዳን እት ሹቻ ቦላ ኡሱፑን ሱንꬃ፥ ህንኮ ሹቻ ቦላ ቃይ አቴዳ ኡሱፑናቱዋ ሱንꬃ ዎጫደ ጻፋ።
EXO 28:11 ማታፋ ቦላ ሱንꬃ ዎጪደ ጻፍያዋዳን፥ ሄ ላኡ ሹቻቱዋ ቦላ እስራኤልያ ናናቱዋ ሱንꬃ ዎጫደ ጻፋ፤ ሄ ሹቻቱዋ ዎርቃፐ መꬌዳ ሹቻ ኦይቂያዋ ቦላ ዎꬃ።
EXO 28:12 ያታደ ታማነ ላኡ እስራኤልያ ዘረꬃ ሀሳይያዋ ግዳና ማላ፥ ሀ ላኡ ሹቻቱዋ ኤፉድያና ኦይꬄዳ ሀሽያ ጫርቂያን ዎꬃ፤ ያቶፐ መꬍና ጎዳ ስንꬃን ኡባደ ቆፈታና ማላ፥ ሀ ሱንꬃቱዋ አሮነ ባረ ሀሽያን ቶኮ።
EXO 28:13 ሄ ሹቻቱዋ ኦይቂያዋ ዎርቃፐ መꬋ።
EXO 28:14 ቃይ ዋላካይ ባይና ዎርቃፐ ዎዶሩዋዳን ዶቄዳ ላኡ ሳንሳላታቱዋ ጊግሳደ፥ ሄ ላኡ ሹቻ ኦይቂያዋንቱና ጋꬃ ኦይꬃ።
EXO 28:15 “ጾሳ ሸኒ አየንቶ ኦቺደ ኤርያ ትራን ዎꬅያዋ ኩሽያ ሂላንቻን ኦስሳ። ሄ ትራን ዎꬅያዋ ኤፉድያ ዳዴዳዋዳን፥ ዎርቃፐ፥ ሳሉዋ ማላትያ፥ ኦቻ ቴራ ማላትያነ ሾሎላ ዞኦ ቃጭናፐነ ሊቆ ሊኑዋፐ ዳዳ።
EXO 28:16 አዉ ኦይዱ ጋጻይ ደኤ፤ ጌሳይካ ጎምፓይ እት እት ታካ ግዲደ ዳኮቶ።
EXO 28:17 ሄዋፐ ጉይያን አ ቦላ ኦይዱ ማራን አልኦ ሹቻቱዋ ዎꬃ፤ ኮይሮ ማራን ዎꬄዳ ሹቻይ፥ ሳርድዮና፥ ቶጳዝዮንያነ ጶልያ እንቁዋ።
EXO 28:18 ላኤንꬆ ማራን ባሉርያ፥ ሳምፔርያነ አልማዝያ ግያ አልኦ ሹቻቱዋ፤
EXO 28:19 ሄዘንꬆ ማራን ያክንትያ፥ ከልቀዶንያነ አመተስጽኖስያ፤
EXO 28:20 ኦይደንꬆ ማራን ብራል፥ ማርግድያ፥ ያስጲድያ። ሀዋንቱ ኡባይ ዎርቃፐ ኦሰቴዳ ሹቻ ኦይቂያዋ ቦላ ኡትኖ።
EXO 28:21 እስራኤልያ ናናቱዋ ሱንꬃ ፓይዱዋዳን፥ ሹቻቱዋ ፓይዱካ ታማነ ላኡዋ ግድኖ፤ እቱ እቱ ማታፋዳን ዎጨቲደ፥ ታማነ ላኡ ዛራቱዋ ሱንꬃይ ሄ ሹቻቱዋን ጻፈቶ።
EXO 28:22 “ትራን ዎꬅያዎ ዎዶሩዋዳን ዶቀቴዳ ሳንሳላታ ዋላካይ ባይና ዎርቃፐ መꬋ።
EXO 28:23 ላኡ ዎርቃ ምግዳቱዋ መꬋደ፥ ትራን ዎꬅያዎ ቆሞ ጋጻ ጋꬃደ ኦይꬃ ዎꬃ።
EXO 28:24 ሄ ላኡ ዎርቃ ሳንሳላታቱዋ ትራን ዎꬅያዎ ጋጻን ደእያ ምግዶቱዋና ጋꬃደ ኦይꬃ።
EXO 28:25 ሄ ሳንሳላታቶ የንኮ ባጋ ጼራ ቃይ ኤፉድያዉ ስንꬃ ባጋና፥ ሀሽያ ጫርቂያን ደእያ ሹቻ ኦይቂያዋንቱና ጋꬃ ቃቻ።
EXO 28:26 ቃይካ ላኡ ዎርቃ ምግዳቱዋ መꬋደ፥ ኤፉድያፐ ጋርሳን ካሊደ ደእያ ትራን ዎꬅያዎ ሶ ባጋና ደእያ ላኡ ጋጻ ጼራን አꬃ።
EXO 28:27 ሄዋዳንካ፥ ዎርቃፐ ሀራ ላኡ ምግዳቱዋ መꬋደ፤ ኤፉድያዉ ስንꬃ ባጋና፥ ሀሽያ ጫርቂያፐ ጋርሳ ባጋና፥ ኤፉድያ ጼሳን ቃችያዋፐ ቆሞና፥ ስኩ ጋከቴዳ ሳኣ ማታን ካረና ኡንቱንታ ኦይꬃ።
EXO 28:28 ትራን ዎꬅያዋን ደእያ ምግዳቱዋ ኤፉድያን ደእያ ምግዶቱዋና ጋꬂደ፥ ሳሉዋ ማላትያ ባቀꬃን ቃቻ፤ ያቶፐ፥ ትራን ዎꬅያዌ ጼሳፐ ቆሞና ደእያ ድራዉ፥ ቃሹ ሾልኤና።
EXO 28:29 “አሮነ ጌሻ ሳኣ ገልያ ዎደ፥ ሀ ትራን ዎꬅያ መꬍና ጎዳ ሸንያ በስያዌ ደእያ እስራኤልያ ዛራቱዋ ሱንꬃቱዋ ቶኮ። ያቶፐ ታን መꬍና ጎዳይ ኡባደ ታ አሳ ሀሳያና።
EXO 28:30 ቃይ ኡሪምያነ ቱሚምያ ጌተትያዋንታ ትራን ዎꬅያዋን የጋ። አሮነ መꬍና ጎዳ ስንꬃ አꬊደ፥ ባረ ትራን ዎꬅ አኪደ ገሎ። ታ ሸኒ አየንቶ እስራኤልያ አሳ ኤርሳና ማላ፥ እ ታ ስንꬃን ኦꬃናዉ ገልያ ዎደ ኡባን ባረ ትራ ኪስያፐ ꬋይሶፖ።
EXO 28:31 “ኤፉድያፐ ጋርሳና ማይያ አዱሳ ማዩዋ ኡባ ሳሉዋ ማላትያ ጫርቂያፐ ጊግሳ።
EXO 28:32 ሄ አዱሳ ማዮ ቆꬍያ አꬅያ ሳኣ መꬋ። ሄ ሳአይ ፔተናዳን፥ ዩሻ አꬃደ ጉጃ ጉጃ ስካ።
EXO 28:33 አዱሳ ማዩዋ ዱገ ባጋ ማጫራ ዩሹዋን ሳሉዋ ማላትያ፥ ኦቻ ቴራ ማላትያነ ሾሎላ ዞኦ ሮማንያ አይፍያ ቴራ ምስለቱዋ መꬋ። ያታደ ኡንቱንቱ ግዱዋን ዎርቃፐ ኦሰቴዳ ዳዋላቱዋ ዋላካን ኦꬃ።
EXO 28:34 ዎርቃ ዳዋላቱነ ሮማንያ ቴራ ምስለቱ ሄ አዱሳ ማዩዋ ዱገ ባጋ ጼራዉ ዩሹዋን ዋላካን አꬍኖ።
EXO 28:35 አሮነ ቄሳተꬃን ኦꬅያ ዎደ፥ ሀ አዱሳ ማዩዋ ማዮ፤ መꬍና ጎዳ ስንꬃ ጌሻ ሳኣ ገልያ ዎደነ ከስያ ዎደ፥ ዳዋላይ ዋሳና። ሄዋ ድራዉ እ ሀይቀና።
EXO 28:36 “ዋላካይ ባይና ዎርቃፐ እት አሌቁዋ መꬋደ ማታፋ ቦላ ዎጭያዋዳን፥ አ ቦላ ዎጫደ፥ ‘መꬍና ጎዳዉ ጌሻ ግዲደ ዱማቴዳ’ ያጋደ ጻፋ።
EXO 28:37 ሁጲያን ጻጽያ ሻሽያፐ ጻደና ዴሙዋን ቃቻና ማላ፥ ሳሉዋ ማላትያ ባቀꬃ አን አꬃ።
EXO 28:38 አሮነ አ ባረ ዴሙዋን ዎꬆ፤ ሄዋን እስራኤልያ አሳይ መꬍና ጎዳዉ ጌሻ ያርሾ እምያዋን ፓጫይ ደኦፐ፥ ሄ ባይዙዋ አሮነ ቶኬ። አሳይ አህያዋ ኡባ መꬍና ጎዳይ አካና ማላ፥ እ ሄዋ ኡባ ገደካ ባረ ደሙዋን ዎꬃናዉ ኮሼ።
EXO 28:39 “አሮና አዱሳ ሻምጭያ ሊቆ ሊኑዋፐ ዳዳ፤ ሁጲያን ጻጽያ ሻሽያካ ሊኑዋፐ ጊግሳ። ቃይ ዳንጩዋ ጽልፕያን አሌቅስያዋን ስክሳ።
EXO 28:40 አሮና ናናዉ ቦንቾነ አሌቆ ግዳና ማላ፥ አዱሳ ሻምጭያ፥ ዳንጮቱዋነ ሁጲያን ጻጽያ ሻሸቱዋ ጊግሳ።
EXO 28:41 ኔን ሀ ማዮቱዋ ነ እሻ አሮናነ አ ናና ማይዜዳዋፐ ጉይያን፥ ኡንቱንታ ቄሰተꬃን ሱንꬃደ ታዉ ኦꬃና ማላ ኦካደ ዱማያ።
EXO 28:42 “ኡንቱንቱ ካሉ ካመታና ማላ ጋርሳና ማይያ ማዩዋ፥ ጼሳፐ ቢደ ዎድርያ ጋካናዉ ካምያዋ፥ ሊቆ ሊኑዋ ቃጭናፐ ዳዳደ ጊግሳ።
EXO 28:43 አሮነነ አ ናናይ ጾሳ ዱንካንያ ገልያ ዎደ፥ ዎይ ያርሹዋ ያርሽያ ጌሻ ሳኣን ቄሳተꬃን ኦꬃናዉ ሺቅያ ዎደ፥ ሀ ማዮቱዋ ማይኖ። ሄዋዳን ሀኖፐ፥ ኡንቱንቱ ባረንቱ ቦላ ባይዙዋነ ሀይቁዋ አህክኖ። “ሀዌ አሮናዉነ አ ዛረቶ መꬍናዉ ዎጋ ግዶ።
EXO 29:1 “አሮነነ አ ናናይ ቄሳቱዋ ግዲደ ታዉ ኦꬃና ማላ፥ ኔን ኡንቱንታ ዱማያናዉ ሀዋዳን ኦꬃ፤ ትላ ቦላና ደእያ እት ኮሩማ፥ ላኡ ዶርሳ ኮለቱዋ አካ፤
EXO 29:2 ሙሩታ ዛርጋ ꬊልያ አካደ፥ እርሹዋ የገናን ኡክꬃ ኡካ፤ ቃይ እርሹዋ የገናን ዛይትያን ኮምፑዋ ኮምፓ፤ ሄዋዳንካ፥ እርሹዋ የገናን ሌኦ ኡክꬃ ኡካደ፥ ዛይትያ ኦካ።
EXO 29:3 ኔን ኡንቱንታ ሳምፓን ዎꬃደ፥ ኮሩማናነ ላኡ ዶርሳ ኮለቱዋና እትፐ ታዉ ሺሻ።
EXO 29:4 “ያታደ አሮናነ አ ናና ጾሳ ዱንካንያ ፐንገ አሃደ፥ ሃꬃን ኡንቱንታ ሜጫ።
EXO 29:5 ሄዋፐ ጉይያን ማዮቱዋ አካደ፥ አዱሳ ሻምጭያ፥ ኤፉድያ ጋርሳና ማይያ አዱሳ ማዩዋ፥ ኤፉድያነ ትራን ዎꬅያዋ አሮና ማይዛደ ኤፉድያ ሂላን ዳደቴዳ ዳንጩዋን ዳንጭሳ።
EXO 29:6 ሻሽያካ አ ሁጲያን ጻጻደ፥ ‘ጾሳዉ ጌሻ ግዲደ ዱማቴዳ’ ያግያዌ ጻፈቴዳ አሌቁዋ ስንꬃ ደሙዋን ሻሽያ ምይያን አꬃ።
EXO 29:7 ኦክያ ዛይትያካ አካደ፥ አ ሁጲያን ትጋደ ኦካ።
EXO 29:8 አ ናናካ አሃደ አዱሳ ሻምጭያ ማይዛ።
EXO 29:9 ሻሽያካ ኡንቱንቱ ሁጲያን ጻጻ። ሄዋፐ ጉይያን አሮናነ አ ናና ዳንጩዋ ዳንጭሳ። ቄሳተꬃይ ኡንቱንቶ መꬍና ዎጋ ግዶ። ስም አሮናነ አ ናና ያታደ ቄሳቱዋ ኦꬃሳ።
EXO 29:10 “ኮሩማ፥ ጾሳ ዱንካንያ ስንꬃ ኔን አህና፥ አሮነነ አ ናናይ አ ሁጲያን ባረንቱ ኩሽያ ዎꬂኖ።
EXO 29:11 ኮሩማ፥ መꬍና ጎዳ ዱንካንያ ገልያ ፐንግያን መꬍና ጎዳ ማታን ሹካ።
EXO 29:12 ኮሩማ ሱꬃፐ አማሬዳዋ ነ ብራꬍያን አካደ፥ ያርሽያ ሳኣ ቦላ ደእያ ካጨቱዋ ኦክሽን አቴዳዋ ያርሽያ ሳኣፐ ጋርሳ ባጋና ጉሳ።
EXO 29:13 ሄዋፐ ጉይያን ቃንꬃ አሹዋ ካሜዳ ሞꬍያ ኡባ፥ ትርያ ጼራ ቦላ ደእያ ሞꬍያ፥ ላኡ ክላሆቱዋነ ኡንቱንታ ካሜዳ ሞꬍያ አካደ፥ ያርሽያ ሳኣ ቦላ ጹጋ።
EXO 29:14 ሽን ኮሩማ አሹዋ፥ አ ጋልባነ አ ማራጭያን ደእያ ቶጪያ አሳይ ኡቶ ሄራፐ ሃሳደ ጹጋ፤ ሄዌ ናጋራ ድራዉ ያርሽያ ያርሹዋ።
EXO 29:15 “ላኡ ዶርሳ ኮለቱዋፐ እቱዋ ኔን አክና፥ አሮነነ አ ናናይ ባረንቱ ኩሽያ አ ሁጲያን ዎꬅኖ።
EXO 29:16 ያቶፐ ዶርሳ ኮልያ ሹካደ፥ ሱꬃ ያርሽያ ሳኣ ምይያን ኡባ ሳኣን ፑሻካ።
EXO 29:17 ዶርሳ ኮልያ አሹዋ ቃንጸሬꬃደ፥ ቃንꬃ አሹዋካ ገድያ ሜጫደ ሁጲያ ቦላነ ሀራ ቆሞ አሾቱዋ ቦላ ኡንቱንታ ዎꬃ፤
EXO 29:18 ሄዋፐ ጉይያን፥ ዶርሳ ኮልያ ኡባና ያርሽያ ሳኣን ጹጋ፤ ሄዌ መꬍና ጎዳዉ ጹገትያ ያርሹዋ፥ ሳዉዋ ቶሽኩ ግያ ያርሹዋነ መꬍና ጎዳዉ ታማን ያርሽያ ያርሹዋ።
EXO 29:19 “ቃይ የንኮ ዶርሳ ኮልያ አሮነነ አ ናናይ ባረንቱ ኩሽያ አ ሁጲያን ዎꬃና ማላ ኔን አሀ።
EXO 29:20 ሄ ዶርሳ ኮልያ ሹካደ፥ አ ሱꬃፐ አማሬዳዋ አካደ፥ አሮናዉነ አ ናናዉ ኡሸቻ ሀይꬃቱዋ ጼራ፥ ኡንቱንቱ ኡሸቻ ኩሸቶ ዎጋ ብራቱዋነ ኡንቱንቱ ኡሸቻ ገደቶ ዎጋ ብራቱዋ ኦካ፤ ሄዋፐ ጉይያን፥ አቴዳ ሱꬃ ያርሽያ ሳኣ ምይያን ኡባ ሳኣን ፑሻካ።
EXO 29:21 ያርሽያ ሳኣን ደእያ ሱꬃፐ አማሬዳዋነ ትግያ ዛይትያፐካ አማሬዳዋ አካ፥ አሮና ቦላነ አ ማዩዋ ቦላ፥ አ ናናቱዋ ቦላነ ኡንቱንቱ ማዩዋ ቦላ ፑሻካ። እነ አ ናናይ፥ ኡንቱንቱ ማዩ ጾሳ ኦሶ ዱማታናዋ።
EXO 29:22 “ሀ ዶርሳ ኮልያፐ ሞꬉዋ፥ ናስያ፥ ቃንꬃ አሹዋ ቦላ ደእያ ሞꬍያ፥ ትርያ ጼራ ቦላ ደእያ ሞꬍያ፥ ላኡ ክላሆቱዋ፥ ኡንቱንታ ካሜዳ ሞꬍያነ ኡሸቻ ባጋና ደእያ ጉየ ገድያ አካ፤ ሀዌ ቄሳተꬃ ሱንꬃ እምያ ዎደ ሹክያ ዶርሳ።
EXO 29:23 መꬍና ጎዳ ስንꬃን ዎꬄዳ እርሹ ገልቤና ኡክꬃ፥ ሳምፓፐ ዛይቲ ዋላከትቤና ኡክꬃ፥ ዛይትያና ኡኬዳ እት ኮምፑዋነ እት ሌኦ ኡክꬃ አካ።
EXO 29:24 ኔን ሀ ቁማ ኡባ አሮና ኩሽያንነ አ ናናቱዋ ኩሽያን ዎꬂደ ዉጻካናዳን ኦꬃ። ኡንቱንታ መꬍና ጎዳ ስንꬃን ፑደነ ዱገነ ቃꬅኖ።
EXO 29:25 ሄዋፐ ጉይያን ኡንቱንቱ ኩሽያፐ ሀዋንታ አካደ፥ ያርሽያ ሳኣ ቦላ ዎꬃደ፥ ጹግያ ያርሹዋና ጋꬃደ፥ መꬍና ጎዳዉ ሳዉዋ ቶሽኩ ጋናዳን፥ ያርሽያ ሳኣ ቦላ ታማን ጹጋ።
EXO 29:26 አሮነ ቄሳ ግዲደ ሱንትያ ዎደ ሹኬዳ ዶርሳ ኮልያ አንጎሱዋ አካደ፥ መꬍና ጎዳ ስንꬃን ቃꬅያ ያርሹዋዳን ቃꬃ፤ ሄዌ ኔና ጋክያ ነ ምያ ግሹዋ ግዳናዋ።
EXO 29:27 “ሄ ሹኬዳ ዶርሳ አሹዋ ቆሞቱዋፐ፥ ያርሹዋ ኦꬂደ ቃꬄዳ አንጎሱዋነ ጾሳ ስንꬃን ፑደ ቶኬዳ ገድያ ጌሻ፤ ሄዋንቱ አሮናዉነ አ ናናዉ ግሹዋ ግዳናዋንታ።
EXO 29:28 እስራኤላቱ መꬍና ጎዳዉ እምያ እትፐተꬃ ያርሹዋፐ ቃꬅያ ባጋዉ ዎጋይ፥ ኡባ ገደካ እስራኤልያ አሳፐ ሺቆደ አሮናዉነ አ ናናዉ ጋክያ ግሹዋ ግዶ።
EXO 29:29 “አሮና ቄሳተꬃ ጌሻ ማዩ አ ሀይቁዋፐ ጉይያን አ ዛረቶ ደኦ፤ ኡንቱንቱ ቄሳቱዋ ካፑዋ ግድያ ዎደ ሀ ማዩዋ ኦከታናዉነ ዱማታናዉ ማይኖ።
EXO 29:30 አ ናናቱዋፐ አ ሳኣን ቄሳቱዋ ግዲደ፥ ጌሻ ሳኣን ኦꬃናዉ ጾሳ ዱንካንያ ይያ ናአይ፥ ሄ ማዩዋ ላፑን ጋላሳዉ ማዮ።
EXO 29:31 “አሮነነ አ ናናይ ቄሳቱዋ ግዲደ ሱንትያ ዎደ ሹከቴዳ ዶርሳ ኮልያ አሹዋ አካደ፥ ጌሻ ሳኣን ዶይሳ።
EXO 29:32 አሮነነ አ ናናይ ዶርሳ ኦርግያ አሹዋካ ማሶፍያን ደእያ ኡክꬃ ጾሳ ዱንካንያ ገልያ ፐንግያን ሚኖ።
EXO 29:33 ኡንቱንቱ ቄሳቱዋ ግዲደ ሱንታናዉነ ዱማታናዉ ናጋራይ አቶ ጌተታናዳን ያርሸቴዳ ሀ ያርሾቱዋ ሚኖ። ሽን ሄ ያርሾቱ ጌሻ ግዴዳ ድራዉ፥ ሀራ አሳይ ኦነ ሞፖ።
EXO 29:34 ቄስያ ግዲደ ሱንትያ ዎደ ሹኬዳ ዶርሳ ኮልያ አሹዋፐ ዎይ ኡክꬃፐ ዎንታ ጋካናዉ ፓላሂደ አቆፐ፥ ታማን ጹገቶ፤ ጌሻ ግዴዳ ድራዉ ሜተቶፖ።
EXO 29:35 “አሮነነ አ ናናይ ቄሳቱዋ ግዲደ ሱንትያ ዎደ ዎꬅያ ዎጋ ልከ ታን ኔና አዛዜዳዋዳን ኦꬃደ፥ ላፑን ጋላሳ ጋርሳን ፖላ።
EXO 29:36 ናጋራይ አቶ ጌተታናዳን ሀቼ ሀቼ ናጋራ ያርሹዋዳን እት ኮሩማ ያርሻ። ሄዋን ያርሽያ ሳኣ ጌሻ፤ ያታደ ያርሽያ ሳኣ ዱማያናዉ ኦካ።
EXO 29:37 ያርሽያ ሳኣ ናጋራ አቶ ግያ ዎጋ ላፑን ጋላሳን ፖላደ፥ አ ዱማያ። ያቶፐ ያርሽያ ሳአይ ጌሻ ኡባፐ እቱዋ ግዴዳ ጌሻ። አ ቦችያ ኡባይካ ጌያና።
EXO 29:38 “ያርሽያ ሳኣን ኔን ሀቼ ሀቼ ሺሻና ያርሹ ሀዋ። የለቶደፐ እት ላይꬃ ግዴዳ ላኡ ዶርሳ ኦርገቱዋ ያርሻ።
EXO 29:39 ዶርሳ ኮለቱዋፐ እቱዋ ዎንታ፥ ቃይ ላኤንꬁዋ ኦማርስ ያርሻ።
EXO 29:40 ኮይሮ ዶርሳ ማራና እት ኪሎ ግራመ ግዴዳ ሙሩታ ዛርጋ ꬊልያ እት ሊትሮ ጉምኤቴዳ ዛይትያን ሙናቃደ ያርሻ፤ እት ሊትሮ ዎይንያ ኤሳካ ኡሻ ያርሹዋ ኦꬃደ ያርሻ።
EXO 29:41 ላኤንꬆ ዶርሳ ኦርግያ ኦማርስ ያርሻደ ዎንታዋ ኬሻ፥ ꬊልያ፥ ዛይትያነ ዎይንያ ኤሳ ሺሻ። ሄዌ መꬍና ጎዳዉ ታማን ያርሸትያ፥ ሳዉዋ ቶሽኩ ግያ ያርሹዋ ግዳናዋ።
EXO 29:42 “ሀ ጹግያ ያርሹ ይያ የለታ ኡባን ጾሳ ዱንካንያ ገልያ ፐንግያን መꬍና ጎዳ ስንꬃን ፓጭ ባይናን ያርሸታናዉ ኮሼ። ታን ያን ህንተንቱና ጋከታደ፥ ኔናና ሃሳያና።
EXO 29:43 ቃይ ያን ታን እስራኤላቱዋና ጋከታናዉ፥ ታ ቦንቹካ ሄ ሳኣ ዱማ ሳኣ ከሳና።
EXO 29:44 “ሄዋ ድራዉ፥ ታን ጾሳ ዱንካንያነ ያርሽያ ሳኣ ዱማያና፤ ኡንቱንቱ ታዉ ቄሳቱዋ ግዲደ ታዉ ኦꬃና ማላ፥ አሮናነ አ ናና ታን ዱማያና።
EXO 29:45 ያታደ ታን እስራኤለቱዋ ግዶን ደአና፤ ቃይ ታን ኡንቱንቱ ጾሳ ግዳና።
EXO 29:46 ታን ኡንቱንቱ ግዶን ደአና ማላ፥ ግብጼፐ ኡንቱንታ ከሴዳ መꬍና ጎዳ ኡንቱንቱ ጾሳ ግድያዋ ኡንቱንቱ ኤራና። ኤ፥ ታን መꬍና ጎዳ ኡንቱንቱ ጾሳ።
EXO 30:1 “እጻና ጩዋይያ ሚሻ ኦዶሮቱዋፐ መꬋ፤
EXO 30:2 አዉ ኦይዱ ጋጻይ ደኦ፤ አዱሳተꬃይ እት ዋꬋ፥ ጎምፓይ እት ዋꬋ፥ ጌሳይ ላኡ ዋꬋ ግዶ፤ ካጨቱካ አናና እቱዋ ግዲደ ኦይቀት መትኖ።
EXO 30:3 አዉ ቦላ ዶና፥ ኦይዱ ባጋ ኡባነ አ ካጨቱዋ ዋላካይ ባይና ዎርቃን ሼሻ፤ አ ዩሹዋንካ ዎርቃ ትገꬃ ዩሻ አꬃ።
EXO 30:4 ሄ ዎርቃ ትገꬃፐ ጋርሳና እጻና ጩዋይያ ሳጽንያዉ ዎርቃፐ ላኡ ሳጋየቱዋ መꬋ፤ ያታደ ያ ባጋናነ ሀ ባጋና ላኡዋ ላኡዋ ኦይꬃ። ሄዋንታ ቶክያ ዎደ ካሱዋ አꬃናዉ ማዳናሳ።
EXO 30:5 ካሶቱዋ ኦዶሮቱዋፐ ከሳደ፥ ኡንቱንታ ዎርቃን ሼሻ።
EXO 30:6 ሀ ያርሽያ ሚሻ ቃላ ጫቁዋ ታቦታ ስንꬃን ካቀቴዳ ጋርዱዋፐ ካረ ባጋና፥ ሄዋካ ታን ኔናና ጋከትያ ቃላ ጫቁዋ ታቦታ ቦላ ደእያ አቶ ግያ ሳኣ ቁምእያ ስንꬃን ዎꬃ።
EXO 30:7 “አሮነ ዎንታ ዎንታ ጾምፐቱዋ ጊግሳናዉ ይያ ዎደ፥ ሳዊያ እጻና ያርሽያ ሳኣን ጩዋዮ።
EXO 30:8 አሮነ ኦማርስ ጾምፐቱዋ ፖእስያ ዎደ፥ ዛረꬂደካ እጻና ጩዋዮ፤ ያቶፐ፥ እጻናይ መꬍና ጎዳ ስንꬃን ይያ የለታዉ ኡባደ ጩዋታና።
EXO 30:9 ሀ እጻና ጩውስያ ሚሻን ሀራ አይ እጻናነ፥ ዎይ ጹግያ ያርሹዋ፥ ዎይ ካꬃ ያርሹዋ ያርሾፓ፤ ኡሻ ያርሹዋካ አ ቦላ ትጎፖ።
EXO 30:10 አሮነ ላይꬃፐ እት ገደ ናጋራፐ ማረታናዉ ሹክያ መህያ ሱꬃ አኪደ፥ ሄ ያርሽያ ሳኣ ቦላ ደእያ ካጨቱዋ ቦላ ዎꬆ። ያቲደ ጌሽያ ዎጋ ፖሎ። ሀ ዎጋይ ስንꬃና ያና ዎደቱዋ ኡባን ላይꬃን ላይꬃን ፖለቶ። ሀ እጻናይ ጩውያ ሚሻይ መꬍና ጎዳዉ ዱማት ሎይꬅ ጌዬዳዋ ግዶ” ያጌዳ።
EXO 30:11 ሄዋፐ ጉይያን መꬍና ጎዳይ ሙሳ ሀዋዳን ያጌዳ፤
EXO 30:12 “ኔን እስራኤልያ አሳ ፓይዱዋን አካናዉ ኡንቱንታ ፓይድያ ዎደ፥ እት እት ኡራይ ፓይደቲደ፥ ባረ ሸምፑዋ ዎዛናዉ መꬍና ጎዳዉ ሻሉዋ ጭጎ። ኔን ኡንቱንታ ፓይድያ ዎደ፥ ኡንቱንቱ ቦላ ቦሻይ ዬና።
EXO 30:13 ፓይዱዋን ገልያ አሳይ ሁጲያን ሁጲያን ዱንካንያን ኤረትያ ሚዛና ልክያን ብራ ጭጎ። እት እት ኡራይ ሀዋ መꬍና ጎዳዉ እሞታ ኦꬂደ እሞ።
EXO 30:14 ፓይዱዋን ገልያ አሳይ ላይꬃይ ላታሙ ኩሜዳዌነ ሄዋፐ ቦላ ኡባይ፥ መꬍና ጎዳዉ እምያዋ አሆ።
EXO 30:15 ህንተንቱ ህንተንቱ ናጋራፐ ማረታናዉ መꬍና ጎዳዉ እሙዋ እምሽን፥ ዱሪካ ማንቁካ እት ልክያ እማናፐ አትና፥ ዱሪ ዳርሲደ ዎይ ማንቁ ላፈꬂደ እሞፖ።
EXO 30:16 ናጋራፐ ማረታናዉ ጭግያ ሻሉዋ እስራኤልያ አሳፐ አካደ፥ መꬍና ጎዳ ዱንካንያ ግዶ ኦሶ ፔሻ። ሀ ሻሉ ህንተንቱ ናጋራፐ ማረታናዉ፥ መꬍና ጎዳ ስንꬃን እስራኤልያ አሳዋ ሀሳይያዋ ግዳናዋ” ያጌዳ።
EXO 30:17 ሄዋፐ ጉይያን መꬍና ጎዳይ ሙሳ ሀዋዳን ያጌዳ፤
EXO 30:18 “ሜቻ ከርያነ አ ዎꬅያዋ ናሃስያፐ መꬋደ ጾሳ ዱንካንያፐነ ያርሽያ ሳኣፐ ግዱዋን ዎꬃ፤ አን ሃꬃ ትጋ።
EXO 30:19 አሮነነ አ ናናይ ባረንቱ ኩሽያነ ባረንቱ ገድያ ሜጨታና።
EXO 30:20 ኡንቱንቱ ሀይቀና ማላ፥ ጾሳ ዱንካንያ ገልያ ዎደ፥ አዉደነ ሄ ሃꬃን ሜጨትኖ። ቃይ መꬍና ጎዳዉ ታማን ያርሹዋ ያርሻናዉ ያርሽያ ሳኣ ማታ ሺቄዳ ዎደ፥
EXO 30:21 ኡንቱንቱ ሀይቀና ማላ፥ ባረንቱ ኩሽያነ ባረንቱ ገድያ ሜጨትኖ። ሀዌ አሮናዉነ አ ዛረቶ፥ ይያ የለታ ኡባዉ መꬍናዉ ዎጋ ግዳናዋ” ያጌዳ።
EXO 30:22 መꬍና ጎዳይ ሙሳ ሀዋዳን ያጌዳ፤
EXO 30:23 “ሙሩታ ቅማመቱዋ፥ ሄዋንቱካ፥ ኡሱፑን ኪሎ ግራመ ጉክያ ካርቢያ፥ ሄዙ ኪሎ ግራመ ሳዊያ ቃራፋ፥ ሄዙ ኪሎ ግራመ ሳዊያ ጉንጨቻነ
EXO 30:24 ኡሱፑን ኪሎ ግራመ ዝምባኑዋ አካ። ሀ ኡባይካ ዱንካንያን ኤረትያ ሚዛና ልክያን ግዶ። ሄዋ ቦላካ ኦይዱ ሊትሮ ዎጋራ ዛይትያ ጉጃ።
EXO 30:25 ሀዋንታ ሽቱዋ ኦꬅያ ኤራን ዋላካደ፥ ሳዊያ ጌሻ ኦክያ ዛይተ ከሳ።
EXO 30:26 ያታደ ጾሳ ዱንካንያ፥ ቃላ ጫቁዋ ታቦታ፥
EXO 30:27 ጻርጴዛነ አ ቦላ ዎꬅያ ሚሻ ኡባ፥ ጾምፕያ ዎꬅያ ባላነ አ ሚሻቱዋ፥ እጻና ጩዋይያ ሚሻ፥
EXO 30:28 ጹግያ ያርሹዋ ያርሽያ ሳኣነ አን ደእያ ኡባ ሚሻቱዋ፥ ሜቻ ከርያነ አ ዎꬅያዋ ኦካ።
EXO 30:29 ኡንቱንቱ ሎይꬅ ጌሻ ግዳና ማላ፥ ኔን ኡንቱንታ ዱማያ፤ ኡንቱንታ ቦችያዌ ኡባይካ ጌሻ ግዳናዋ።
EXO 30:30 “ሄዋፐ ጉይያን አሮነነ አ ናናይ ቄሳቱዋ ግዲደ ታዉ ኦꬃና ማላ፥ ኡንቱንታ ኦካደ ዱማያ፤
EXO 30:31 እስራኤልያ አሳዉ ሀዋዳን ያጋደ ኦዳ፤ ‘ሀዌ ይያ የለታዉካ ኦከትያ ታ ጌሻ ዛይተ ግዶ፤
EXO 30:32 ሀ ዛይትያ አሳ ቦላን ጉሶፓ፤ ቃይ አይ ዛይቲካ ሄዋ ኦꬄዳ ልክያን ኦꬆፓ። እ ጌሻ ግዴዳ ድራዉ፥ ህንተንቱካ አ ጌሻባዳን ቆፕተ።
EXO 30:33 ሀዋ ማላ ሽቱዋ ጊግስያ ኡራይነ ቄሳቱዋ ግደና ሀራ አሳ ኦክያ ኡራይ ኦንነ ባረ አሳ ግዶፐ ቦሄቶ’ ያጋ” ያጌዳ።
EXO 30:34 ሄዋፐ ጉየ መꬍና ጎዳይ ሙሳ ሀዋዳን ያጌዳ፤ “ሳዊያ ቅማመቱዋ: ምꬃ ጮሻ፥ ꬋꬍያ ጎለን ደእያ ሽቱዋ፥ ሳዊያ ሽድያነ ሳዊያ ጌሻ እጻና አካ፤ ኡንቱንቱ ኡባ ዴጹካ እት ልከ ግዶ።
EXO 30:35 ሽቱዋዳን ዋላከቴዳ እጻና ኦꬃደ፥ ኡንቱንቱን ጎኤታ፤ ዋላካይ ባይናዋነ ጌሻ ግዳናዳን፥ አን ማጽንያ የጋ።
EXO 30:36 አፐ አማሬዳዋ አካደ ሊቅሳደ ጫዳ፤ ያታደ ታን ኔናና ጋከትያ ጾሳ ዱንካንያ ግዶን ቃላ ጫቁዋ ታቦታ ስንꬃን ዎꬃ። እ ነዉ ሎይꬅ ጌሻ ግዳናዋ።
EXO 30:37 ሀዋ መꬌዳዋ ልክያን ሀራ እጻና መꬎፕተ። ሄዌ መꬍና ጎዳዉ ዱማ ጌሻ ግድያዋ ኤርተ።
EXO 30:38 ሀዋ ማላትያዋ መꬊደ፥ አ ሳዉዋ ስንጊደ ናሸታናዉ ኮይያ ኡራይ ደኦፐ፥ እ ባረ አሳ ግዶፐ ቦሄቶ” ያጌዳ።
EXO 31:1 መꬍና ጎዳይ ሙሳ ሀዋዳን ያጌዳ፤
EXO 31:2 “በአ፤ ታን ይሁዳ ዛረ ግዴዳ ሁራ ናኣ ናኣ፥ ኡራ ናኣ፥ ባጻልኤላ ዶራድ።
EXO 31:3 አ ታን ጾሳ አያናን፥ ሂላን፥ አኬካንነ ኦሱዋ ኡባ ኦꬅያ ኤራን ኩንꬃድ፤
EXO 31:4 ሄዌካ ሂላን ኪታ ሀልቹዋ ከሲደ፥ ዎርቃፐ፥ ብራፐነ ናሃስያፐ ዱማ ዱማባ እ ኦꬃናሳ።
EXO 31:5 ሄዋዳንካ፥ ሹቻ ማሲደ ጊግሳናዳንነ፥ ምꬃ ማሳናዉ ሀራ ኦሱዋ ኡባ እ ኦꬃናሳ።
EXO 31:6 “ሄዋ ቦላካ ቃይ አ ማዳና ማላ፥ ዳና ዛረ ግዴዳ አህሳማካ ናኣ ኦሆልኣባ ሱንꬃድ። ታን ኔና አዛዜዳዋ ኡባ ኡንቱንቱ ኦꬃና ማላ፥ ኩሽያ ሂላ ኤርያዋንቶ ኡባቶ ኤራ እማድ።
EXO 31:7 ኡንቱንቱ ኦꬃናዉ: ጾሳ ዱንካንያ፥ ቃላ ጫቁዋ ታቦታ፥ አ ቦላ ዎꬅያ አቶ ግያ ሳኣ ቁምእያ፥ ጾሳ ዱንካንያ ግዶን ጎኤትያ ሚሻ ኡባ፥
EXO 31:8 ጻርጴዛነ አ ሚሻቱዋ፥ ጾምፕያ ዎꬅያ ባላ ዋላካይ ባይና ዎርቃፐ ኦሰቴዳዋነ አ ሚሻ ኡባና፥ እጻና ጩውስያ ሚሻ፥
EXO 31:9 ጹግያ ያርሹዋ ያርሽያ ሳኣነ አ ሚሻ ኡባና፥ ሜጨትያ ከርያነ አ ዎꬅያዋና፥
EXO 31:10 ዳደቴዳ ማዩዋ፥ ቄሳቱዋ ኡባቱዋ ካፑ አሮነ ማያና ጌሻ ቄሳተꬃ ማዮቱዋነ አ አቱማ ናናይ ቄሳተꬃ ኦꬂደ ማያና ማዩዋ፥
EXO 31:11 ቃይ ኦከትያ ዛይትያነ ጌሻ ሳአዉ ሳዉዋ ቶሽኩ ግያ እጻና። ኡንቱንቱ ሀዋ ኡባ ታን ኔና አዛዜዳዋዳን ኦꬅኖ” ያጌዳ።
EXO 31:12 ሄዋፐ ጉይያን መꬍና ጎዳይ ሙሳ ሀዋዳን ያጊደ አዛዜዳ፤
EXO 31:13 “እስራኤልያ አሳ ኔን፥ ‘ታ ሳምባታ ቦንችተ። ሄዌ ታን መꬍና ጎዳይ ህንተንታ ታዉ ጌሻ ኦꬃደ ዶሬዳዋ በስያዋ ግዲደ፥ ያና የለታ ኡባዉ ታፐነ ህንተፐ ግዱዋን ማላታ ግዳናዋ።
EXO 31:14 ህንተንቶ እ ጌሻ ግድያ ድራዉ፥ ሳምባታ ቦንችተ። አ ቱንስያዌነ ሄ ጋላሳን ኦꬅያ አሳይ ኡባይ አሳ ግዶፐ ሀይቁዋን ቦሄቶ።
EXO 31:15 ኡሱፑን ጋላሳቱዋን ኔን ኦሱዋ ኦꬃ፤ ሽን ላፑንꬃ ጋላሳይ መꬍና ጎዳዉ ዱማቴዳ ሸምፖ ሳምባታ፤ ሳምባታ ጋላሳን አይ ኦሶነ ኦꬅያ ኦንነ ሀይቆ።
EXO 31:16 እስራኤላቱ ሀ ሳምባታ ጋላሳ የለታፐ የለታዉ መꬍና ቃላ ጫቁዋ ኦꬂደ ቦንችኖ።
EXO 31:17 መꬍና ጎዳይ ኡሱፑን ጋላሳቱዋን ሳሉዋነ ሳኣ መꬌዳ ድራዉነ ቃይ ላፑንꬃ ጋላሳን ታን ኪታ አጋደ ሸምፔዳ ድራዉ፥ ታ ግዱዋንነ እስራኤላቱ ግዱዋን ሀዌ መꬍናዉ ማላታ ግዳና’ ያጋ” ያጌዳ።
EXO 31:18 መꬍና ጎዳይ ሙሴዉ ሲና ደርያ ቦላን ሃሳይያዋ ዉርሴዳ ዎደ፥ ጾሳይ ባረ ብራꬍያን ጻፌዳ ታሙ አዛዙዋ ኦይቂደ ላኡ ማሰቴዳ ቃላ ጫቁዋ ሹቻቱዋ ሙሴዉ እሜዳ።
EXO 32:1 አሳይ ሙሴ ደርያፐ ዎናን ሎይꬅ ጋምኤዳዋ በኤዳ ዎደ፥ አሮና ዩሹዋን ሺቂደ፥ “ሃያ፤ ኔን ኑና ካለꬅያ ጾሳቱዋ ኑዉ መꬋ። ግብጼ ጋድያፐ ኑና ከሴዳ ሙሳ ግዶፐ፥ እ ዋኔደንቶነ ኑን ኤሮኮ!” ያጌድኖ።
EXO 32:2 አሮነ ኡንቱንታ፥ “ህንተንቱ ማቻቱዋ ሀይꬃንነ ህንተንቱ አቱማ ናናነ ማጫ ናናቱዋ ሀይꬃን ደእያ ዎርቃ ከሲደ፥ ታዉ አኪደ አህተ” ያጌዳ።
EXO 32:3 ሄዋፐ ጉይያን አሳይ ኡባይ ባረ ሀይꬃ ዎርቃ ከሲደ፥ አሮናዉ አሄድኖ።
EXO 32:4 እ ሄዋ ኡንቱንቱ ኩሽያፐ አኪደ፥ ሲልሴዳዋፐ ጉይያን ቆጽያባን ቆጺደ፥ ማራ ማላትያ ኤቃ ኦꬂደ መꬌዳ። አሳይ፥ “እስራኤላቶ፥ ህንተንታ ግብጼ ጋድያፐ ከሴዳ ህንተንቱ ጾሳቱ ሀዋንታ” ያጌዳ።
EXO 32:5 አሮነ ሀዋ በኤዳ ዎደ፥ ሄ ማራ ስንꬃን ያርሽያ ሳኣ ግምቢደ፥ “ዎንታ መꬍና ጎዳ ባላ ጋላሳ ግዳናዋ” ያጊደ ኤርሴዳ።
EXO 32:6 ሄዋ ድራዉ፥ ዎንተꬃ ጋላስ አሳይ ጉራን ደንዲደ፥ ጹግያ ያርሹዋ ሺሼዳ፤ እትፐተꬃ ያርሹዋካ ያርሼዳ። ያቲደ አሳይ ማናዉነ ኡሻናዉ ኡቴዳ። ም ኡሽ ስሚደ፥ ቃይ ዱራናዉ ደንዴዳ።
EXO 32:7 ያንና መꬍና ጎዳይ ሙሳ፥ “ኔን ኤለካ ዱገ ዎꬋ፤ አያዉ ጎፐ፥ ነ አሳይ፥ ኔን ግብጼፐ ከሳደ አሄዳዌ ናጋራ ኦꬂደ፥ ባረንቱ ሁጲያ ቱንሴድኖ።
EXO 32:8 ታን ኡንቱንታ አዛዜዳ ኦግያፐ ኡንቱንቱ ኤለካ ሸርእ ጌድኖ። ዎርቃ ሲልሴዳ ማራ ማላትሲደ፥ ባረንቶ ኤቃ መꬊደ አዉ ጎይኔድኖ፤ አዉ ያርሼድኖ። ኡንቱንቱ፥ ‘እስራኤላቶ፥ ህንተንታ ግብጼ ጋድያፐ ከሴዳ ህንተንቱ ጾሳቱ ሀዋንታ’ ያጌድኖ” ያጌዳ።
EXO 32:9 መꬍና ጎዳይ ሙሳ፥ “ታን ሀ አሳ በኣድ፤ ኡንቱንቱ ሞርጊ ꬉሌፋቴዳ አሳ።
EXO 32:10 ሀእ ታ ሀንቁ ኡንቱንቱ ቦላ ኤጽ ከስና፥ ታን ኡንቱንታ ባይዛናዋ ኔን ታና ድጎፓ። ያታደ ታን ኔና ዎልቃማ ካዉተꬃ ኦꬃና” ያጌዳ።
EXO 32:11 ሽን ሙሴ መꬍና ጎዳ ባረ ጾሳ ሀዋዳን ያጊደ ዎሴዳ፤ “አቤት መꬍና ጎዳዉ ኔን ነ ዎልቃማ ዎልቃንነ ነ ምኖ ኩሽያን ግብጼፐ ከሳደ አሄዳ ነ አሳ ቦላ ነ ሀንቁ አያዉ ኤጽ ከስ?
EXO 32:12 ግብጼቱ፥ ‘ጾሳይ ኡንቱንታ ደረቱዋ ቦላን ዎꬋናዉነ ጋድያፐ ፕት ꬋይሳናዉ፥ ኢታ ሀልቹዋን ከሴዳ’ አያዉ ግኖ? ነ ያሽያ ሀንቁዋፐ ስማ፤ ነ አሳ ꬋይሳናዉ ቆፖዋ አጋ ባሻ።
EXO 32:13 ነ አይለቱዋ አብራሃማ፥ ይሳቃነ ያቆባ ሀሳያ፤ ኔን ኡንቱንቶ፥ ‘ታን ህንተንቱ ዛርያ ሳሉዋ ጾልንተቱዋዳን ዳርሳና፤ ሀ ታን ህንተንቶ እማና ጌዳ ጋድያ ኡባካ ህንተንቱ ዛርያዉ እማና፤ ኡንቱንቱ ሄ ጋድያ መꬍናዉ ላታና’ ጋደ ነ ሁጲያን ኔን ጫቄዳ ቃላ ሀሳያ” ያጌዳ።
EXO 32:14 ሄዋ ድራዉ፥ መꬍና ጎዳይ ባረ አሳ ቦላ ኢታባ አሀናዉ ኦዴዳዋ አጊደ፥ ኡንቱንታ ማሬዳ።
EXO 32:15 ሄዋፐ ጉይያን ሙሴ ታሙ አዛዛቱ ኡንቱንቱን ጻፈት ኡቴዳ ላኡ ማርካተꬃ ሹቻቱዋ ባረ ኩሽያን ኦይቂደ፥ ደርያፐ ዱገ ዎꬌዳ። ሄ ሹቻቱ ላኡ ባጋናካ ጻፈቴድኖ።
EXO 32:16 ሄ ማሰቴዳ ሹቻቱዋ ጊግሴዳዌ ጾሳ፤ ሹቻ ቦላ ዎጪደ ጻፌዳዌካ ጾሳ።
EXO 32:17 ኢያሱ አሳ ጫቡዋ ስሴዳ ዎደ፥ ሙሳ ሀዋዳን ያጌዳ፤ “ዱንካኔዳ ሳኣን ኦላ ዋሱ ስሰቴ” ያጌዳ።
EXO 32:18 ሙሴ ዛሪደ፥ “ታን ስስያዌ ሀዌ የꬃፐ አትና፥ ጾኔዳዋንቱ ኮሻ ዎይ ጾነቴዳዋንቱ ኮሻ ግደና” ያጌዳ።
EXO 32:19 ሙሴ ዱንካኔዳ ሳኣ ማቴዳ ዎደ፥ ማራነ ዱሩዋ በኢደ ሎይꬅ ሀንቀቲደ ባረ ኩሽያን ኦይቆ ማርካተꬃ ሹቻቱዋ ደርያ ጻጱዋን ኦሊደ መንሬꬄዳ።
EXO 32:20 ኡንቱንቱ መꬌዳ ማራካ አኪደ፥ ታማን ጹጌዳ፤ ሄዋፐ ጉይያን ሊቃና ጋካናዉ ጋጪደ ሃꬃ ቦላ ላሊደ፥ እስራኤልያ አሳይ ኡሻናዳን ኦꬄዳ።
EXO 32:21 ሄዋፐ ጉይያን፥ ሙሴ አሮና፥ “ሀ አሳይ ኔና ዋትኔ ኔን ኡንቱንታ ሀዋ ማላ ዎልቃማ ናጋራዉ ካለꬄዳዌ?” ያጌዳ።
EXO 32:22 አሮንካ ዛሪደ፥ “ታ ጎዳዉ፥ ሀንቀቶፓ፤ ሀ አሳይ ኢታ ኦꬃናዉ አይ ኬሻ ኮይንቶ ኔን ኤራሳ።
EXO 32:23 ኡንቱንቱ ታና፥ ‘ኑና ካለꬅያ ጾሳቱዋ ኑዉ መꬋ። አያዉ ጎፐ፥ ሀ ኑና ግብጼፐ አሄዳ ሙሴ እ ዋኔደንቶነ ኑን ኤሮኮ!’ ያጌድኖ።
EXO 32:24 ታን ኡንቱንታ፥ ‘ህንተ ቦላ ደእያ ዎርቃ ከሲደ፥ ሀምተ’ ያጋድ። ሄዋፐ ጉይያን ኡንቱንቱ ታዉ እሜዳ ዎርቃ ታን ታማን የግና፥ ሀ ማራይ ከሴዳ” ያጌዳ።
EXO 32:25 አሮነ አሳ ገደ ጮ የድ አግና፥ አሳይ ባረ ሞርከቱዋ ስንꬃን ካዉሺደ ካቴዳዋ ሙሴ በኤዳ።
EXO 32:26 ሄዋ ድራዉ፥ ሙሴ ዱንካኔዳ ሳኣ ገልያ ፐንግያን ኤቂደ ሀዋዳን ያጌዳ፤ “መꬍና ጎዳ ባጋ ግዴዳ አሳይ ኦንነ ታኮ ዮ!” ያጌዳ። ሌዋቱ ኡባይ አኮ ሺቄድኖ።
EXO 32:27 ሄዋፐ ጉይያን እ ኡንቱንታ፥ “መꬍና ጎዳይ እስራኤልያ ጾሳይ ሀዋዳን ያጌ፤ ‘አሳይ ኡባይ ማሻ ባረ ጼሳን ጼሳን ዳንጮ፤ ዱንካኔዳ ሳኣን ጋጻፐ ጋጻ ጋካናዉ፥ ጉየዉነ ስንꬃዉነ ስመረቶ፤ እቱ እቱ ባረ እሻ፥ ባረ ላግያነ ባረ ሾሩዋ ዎꬎ ያጌ’ ” ያጌዳ።
EXO 32:28 ሌዋቱ ሙሴ አዛዜዳዋዳን ኦꬄድኖ፤ ሄ ጋላስ አሳፐ ሄዙ ሻኣ ኬሻይ ሀይቄዳ።
EXO 32:29 ሄዋፐ ጉይያን ሙሴ ሌዋቱዋ፥ “ሀቼ ህንተንቱ ጾሳዉ ዱማቴድታ፤ አያዉ ጎፐ፥ ህንተንቱ ህንተንቱ ናናነ ህንተንቱ እሻቱዋ ዎꬋናዉካ አዛዘቴድታ፤ ሀቼ መꬍና ጎዳይ ህንተንታ አንጃና” ያጌዳ።
EXO 32:30 ዎንትሳ ጋላስ ሙሴ አሳ፥ “ህንተንቱ ዎልቃማ ናጋራ ኦꬄድታ፤ ሽን ሀእ ታን መꬍና ጎዳኮ ፑደ ደርያ ከሳና፤ ህንተንቱ ናጋራ ታን አቶ ጊሳንታንቶነ” ያጌዳ።
EXO 32:31 ያትና ሙሴ መꬍና ጎዳኮ ስም ቢደ ሀዋዳን ያጌዳ፤ “ሀ አሳይ ዎልቃማ ናጋራ ኦꬄዳ፤ ኡንቱንቱ ባረንቶ ዎርቃፐ ጾሳቱዋ መꬌድኖ።
EXO 32:32 ሽን ሀያና፥ ሀእ ኡንቱንቱ ናጋራ አቶ ያጋ፤ ሄዌ ꬋዮፐ፥ ኔን ጻፌዳ ማዝጎብያፐ ታና ቁጫ” ያጌዳ።
EXO 32:33 መꬍና ጎዳይ ዛሪደ ሙሳ፥ “ታን ታ ማዝጋባፐ ቁጫናዌ ታ ቦላ ናጋራ ኦꬄዳ አሳቱዋ ሱንꬃ።
EXO 32:34 ሀእ ባደ፥ ሀ አሳ ታን ነዉ ኦዴዳ ሳኣ ካለꬃ፤ ታ ኪታንቻይካ ኔና ካለꬃና፤ ሽን ታን ሙራናዉ ዎዲ ጋክና፥ ኡንቱንታ ኡንቱንቱ ናጋራ ድራዉ ሙራና” ያጌዳ።
EXO 32:35 አሮነ ዎርቃፐ ማራ ምስልያ መꬋናዳን አሳይ ኦꬄዳ ድራዉ፥ መꬍና ጎዳይ አሳ ቦላ ዎልቃማ ቦሻ የዴዳ።
EXO 33:1 ሄዋፐ ጉይያን መꬍና ጎዳይ ሙሳ ሀዋዳን ያጌዳ፤ “ኔንነ ኔን ግብጼፐ ከሴዳ አሳይ ሀ ሳኣፐ ደንድተ፤ ‘ታን ህንተንቱ ያራቶ እማና’ ያጋደ ዎꬄዳ ጋድያ ቢተ። ሄ ጋዲ ታን አብራሃመዉ፥ ይሳቃዉነ ያቆባዉ እማና ያጋደ ጫቃ ዎꬄዳ ጋድያ።
EXO 33:2 ታን ህንተንቱ ስንꬃን ኪታንቻ ኪታደ፥ ካናነቱዋ፥ አሞረቱዋ፥ ሂተቱዋ፥ ፓርዘቱዋ፥ ሂዌቱዋነ ያቡሳቱዋ የደርሳና።
EXO 33:3 ማꬃይነ ኤሳይ ጎግያ ሄ ጋድያ ቢተ። ሽን ህንተንቱ ሞርጊ ꬉሌፋቶ አሳ ግዴዳ ድራዉ፥ ታን ህንተንታ ኦግያን ꬋይሳናዉ፥ ህንተናና ቢከ” ያጌዳ።
EXO 33:4 አሳይ ሄ ያሽያ ኦዱዋ ስሲደ ሎይꬅ ዬኬዳ። ሄ ዎድያፐ ዶሚደ ኡባይካ ባረ አሌቁዋ አꬅያዋ አግ ባሼዳ።
EXO 33:5 አያዉ ጎፐ፥ መꬍና ጎዳይ ሙሳ ሀዋዳን ያግ ዎꬄዳ፤ “እስራኤልያ ሀዋዳን ያጋ፤ ‘ህንተ ሞርጊ ꬉሌፋቶ አሳ። ታን ህንተናና ሀራይ አቶ ጉꬃ ዎድያ ብንቶካ፥ ታን ህንተንታ ꬋይሳና። ሀእ ስም ህንተንቱ አሌቁዋ ከስ ድግተ፤ ያቶፐ ታን ህንተንታ ኦꬃናባ ቃቻና’ ያጋ” ያጌዳ።
EXO 33:6 እስራኤላቱ ሲና ደርያፐ ዶሚደ ባረንቱ አሌቆቱዋ ከስ ዎꬄድኖ።
EXO 33:7 ሙሴ ዱንካንያ አክ አፊደ፥ አሳይ ዱንካኖ ሳኣፐ ካረና ሃሲደ ꬎጌዳ። ሄ ዱንካኒ፥ “ጋከትያ ዱንካንያ” ጌተቲደ ጼሰቴዳ። መꬍና ጎዳ ኦቻናዉ ኮይያ ኡባይ ዱንካኖ ሳኣፐ ካረና ደእያ ጋከትያ ዱንካንያ ቤ።
EXO 33:8 ሙሴ ሄ ዱንካንያ ቤዳ ዎደ፥ አዉደነ አሳይ ኡባይ ደንዲደ፥ ባረ ዱንካንያ ፐንግያን ፐንግያን ኤቄ፤ ሙሴ ሄ ዱንካንያ ገላና ጋካናዉ አ ጼሌ።
EXO 33:9 ሙሴ ጋከትያ ዱንካንያ ግዶ ገሌዳ ዎደ፥ ሻርያ ቱሳይ ዱገ ዎꬌ፤ መꬍና ጎዳይ ሙሴና ሻርያፐ ሃሳይሽን፥ ሄ ዱንካንያ ፐንግያን ጋምኤ።
EXO 33:10 ሻርያ ቱሳ ሄ ዱንካንያ ገልያ ፐንግያን በኤዳ ዎደ ኡባን፥ አሳይ ኡባይ ባረ ዱንካንያ ፐንግያን ፐንግያን ጾሳዉ ጎይኔ።
EXO 33:11 አሳይ ባረ ላግያና ሃሳይያዋዳን መꬍና ጎዳይ ሙሴና ስንꬃን ኤቂደ፥ ሃሳዬ። ሄዋፐ ጉይያን ሙሴ አሳይ ዱንካኔዳ ሳኣ ጉየ ስሜ፤ ሽን አ ማድያ ያላጋይ፥ ነዊ ናኣ ኢያሱ፥ ጋከትያ ዱንካንያፐ ሻከተና።
EXO 33:12 ሙሴ መꬍና ጎዳ ሀዋዳን ያጌዳ፤ “ኔን ታና፥ ‘ሀ አሳ ካለꬃ’ ያጋዳ፤ ሽን ታናና ኔን ኦና ኪታንንቶ፥ ታና ኤርሳበይካ። ኔን፥ ‘ታን ኔና ሱንꬃን ኤራይ፤ ቃይካ ኔን ታናን ናሸታዳ’ ያጋዳ።
EXO 33:13 ኔን ታና ናሼዳዋ ግዶፐ፥ ታን ኔና ኤራና ማላነ ስንꬃዉካ ኔና ናሸቻደ ደአና ማላ፥ ነ ኦግያ ታና በሳ። ሀ አሳይ ነ አሳ ግድያዋ ሀሳያ” ያጌዳ።
EXO 33:14 መꬍና ጎዳይ ዛሪደ፥ “ታን ኔናና ባና፤ ታን ኔና ሸምፕሳና” ያጌዳ።
EXO 33:15 ያትና ሙሴ አ፥ “ኔን ኑናና ቤናዋ ግዶፐ፥ ሀዋፐ ኑና የዶፓ።
EXO 33:16 ኔን ኑናና ቤናን ꬋዮፐ፥ ታናንነ ነ አሳን ኔን ናሸቴዳዋ አሳይ ኡባይ ዎት ኤራናዌ? ቢታ ኡባን ደእያ ሀራ አሳ ኡባፐ ታናነ ነ አሳ ዱማይያዌ ሀራባይ አዬ?” ያጌዳ።
EXO 33:17 መꬍና ጎዳይ ሙሳ፥ “ታን ኔናን ናሸቴዳ ድራዉነ ኔና ነ ሱንꬃን ኤርያ ድራዉ፥ ኔን ታና ኦቼዳ ሀ የዉዋ ታን ኦꬃና” ያጌዳ።
EXO 33:18 ያትና ሙሴ፥ “ነ ቦንቹዋ ታና በሳርኪ?” ያጌዳ።
EXO 33:19 መꬍና ጎዳይ፥ “ታን ታ ሎኦተꬃ ኡባ ነ ስንꬃና አꬃና፤ ታ ጌሻ ሱንꬃካ ነ ስንꬃን አዋያና። ታን መꬍና ጎዳ፤ ታን ሎአናዉ ኮይያዋንቶ ሎአና፤ ቃይ ቃረታናዉ ኮይያዋንቶካ ቃረታና።
EXO 33:20 ሽን ኔን ታ ዴሙዋ በአካ፤ አያዉ ጎፐ፥ ኦንነ ታና በኢደ ሸምፑዋና ደኤና” ያጌዳ።
EXO 33:21 ሄዋፐ ጉይያን መꬍና ጎዳይ፥ “ኔን ዛላ ቦላ ኤቃናዉ ሀዋን ታ ማታን ሳአይ ደኤ።
EXO 33:22 ታ ቦንቹ አꬍያ ዎደ፥ ታን ኔና ጳልቀቴዳ ዛላ ግዶን ዎꬃና፤ ታን አꬋና ጋካናዉ፥ ታ ኩሽያን ኔና ካማና።
EXO 33:23 ሄዋፐ ጉይያን ታን ታ ኩሽያ ድግና፥ ኔን ታ ዞኪያ በአናሳ፤ ሽን ታ ሶምእ በኤተና” ያጌዳ።
EXO 34:1 መꬍና ጎዳይ ሙሳ ሀዋዳን ያጌዳ፤ “ኮይሮዋንታ ማላትያ ላኡ ሹቻቱዋ ማሳደ ጊግሳ፤ ያቶፐ ታን ሄ ማሰቴዳ ሹቻቱዋ ቦላ ካሰ ኔን መንꬄዳ ሹቻቱዋ ቦላን ደእያ ቃላቱዋ ጻፋና።
EXO 34:2 ዎንታ ዎንታ ፑደ ሲና ደርያ ከሳናዉ ጊጋ፤ ያታደ ታና ያን ደርያ ሁጲያን ኤቃ ናጋ።
EXO 34:3 ኔናና ኦንነ ከሶፖ፤ ዎይ ደርያ ቦላ ሀቃንካ ቤቶፖ፤ ሀራይ አቶ ዶርሳ ዉዲ ዎይ መህያ ዉዲካ ደርያ ስንꬃን ሄመቶፖ” ያጌዳ።
EXO 34:4 ሄዋ ድራዉ፥ ሙሴ ኮይሮ ሹቻቱዋ ማላትያ ላኡ ሹቻቱዋ ማሲደ መꬍና ጎዳይ አዛዜዳዋዳን፥ ሹቻቱዋ ባረ ኩሽያን ኦይቂደ፥ ዎንታ ጉራና ፑደ ሲና ደርያ ከሴዳ።
EXO 34:5 መꬍና ጎዳይ ሻርያን ዱገ ዎꬊደ፥ አናና ያን ኤቄዳ፤ “ታን መꬍና ጎዳ” ያጊደ ባረ ሱንꬃ አዋዬዳ።
EXO 34:6 መꬍና ጎዳይ ሙሴ ስንꬃና ሀዋዳን ያጊደ አዋዪደ አꬌዳ፤ “ታን መꬍና ጎዳ፤ ታን መꬍና ጎዳ፤ ቃረታይነ ማሮተꬃይ ኩሜዳ ጾሳ፥ ዳንዳያንቻ፥ አገና ሲቁ ዳሬዳዋነ ዳሪ አማነትያዋ።
EXO 34:7 ታን ታ አገና ሲቁዋ ሻአቶ ናግያዋ፤ ኢታተꬃ፥ ማካላነ ናጋራ አቶ ያግያዋ። ግዶፐካ፥ ባይዞዋ ሙረናን አገናዋ፤ አዎቱዋ ናጋራ ድራዉ ናናነ ናናቱዋ ናና፥ ሄዘንꬆ የለታነ ኦይደንꬆ የለታ ጋካናዉ ሙርያዋ” ያጊደ አዋዬዳ።
EXO 34:8 ሄዋፐ ጉየ ሙሴ ኤለካ ቢታን ጉፋኒደ ጎይኔዳ፤
EXO 34:9 “አቤት ጎዳዉ፥ ኔን ታናን ናሸቴዳዋ ግዶፐ፥ ኑናና እትፐ ደንዳ። ሀዌ አሳይ ሞርጊ ꬉሌፋቴዳዋ ግዶፐነ፥ ኑ ኢታተꬃነ ኑ ናጋራ አቶ ያጋደ፥ ኑና ነ አሳ ኦꬃ” ያጌዳ።
EXO 34:10 ያትና መꬍና ጎዳይ ሀዋዳን ያጌዳ፤ “ታን ህንተናና ቃላ ጫቁዋ ገላድ፤ ሀዋፐ ካሰ ሳኣ ኡባን ደእያ ካዉተꬃ ኡባን ሀን ኤረና ማላልስያባ ነ አሳ ኡባ ስንꬃን ኦꬃና፤ ታን መꬍና ጎዳይ፥ ህንተንቶ ኦꬅያ ኪታይ አይ ኬሻ ማላልስያበንቶ ኔን ኡንቱንቱ ግዶን ደእያ አሳይ ኡባይ በአና።
EXO 34:11 ሀቼ ታን ህንተንታ አዛዝያ አዛዙዋ ናግተ፤ ህንተንቱ ስንꬃፐ አሞረቱዋ፥ ካናነቱዋ፥ ሂተቱዋ፥ ፓርዘቱዋ፥ ሂዌቱዋነ ያቡሳቱዋ ታን የደርሳና።
EXO 34:12 ኡንቱንቱ ህንተንቶ ጲረ ግደና ማላ፥ ህንተንቱ ብያ ጋድያን ደእያ አሳና ቃላ ጫቁዋ ገሎፕተ።
EXO 34:13 ኡንቱንቱ ያርሽያ ሳኣ ኮልተ፤ ኡንቱንቱ ጎይንያ ሹቻቱዋካ መንሬꬅተ፤ ቃይ አሼሮ ጌተትያ ኡንቱንቱ ማጫ ጾሳት ካሻ ቃንጸሬꬅ ኦልተ።
EXO 34:14 ታን መꬍና ጎዳይ ቃናትያ ጾሳ ግድያ ድራዉ፥ ታፐ ሀራ ጾሳቶ ጎይኖፕተ።
EXO 34:15 “ሄ ጋድያን ደእያ አሳቱዋና አያ ቃላ ጫቁዋካ ገሎፕተ፤ አያዉ ጎፐ፥ ኡንቱንቱ ታናን አማነተናን እጺደ ባረንቱ ጾሳቱዋ ካልያ ዎደነ ኡንቱንቶ ያርሽያ ዎደ፥ ኡንቱንቱ ህንተናካ ሾባና፤ ህንተንቱ ኡንቱንቱ ያርሾቱዋ ማና።
EXO 34:16 ቃይ ህንተንቱ ኡንቱንቱ ማጫ ናናቱዋፐ ዶሪደ፥ ህንተንቱ አቱማ ናናቶ እማና፤ ሄ ዎደ ሄ ማጫ ናናይ ታናን አማነተናን እጺደ፥ ባረንቱ ጾሳቱዋ ካሊደ፥ ህንተንቱ አቱማ ናናካ ባረንቱዋዳን ኦስሳናዋንታ።
EXO 34:17 “ህንተንቶ ጎይንያ ጾሳቱዋ አያፐካ ሲልሲደ መꬎፕተ።
EXO 34:18 “ማጋገ ኡክꬃ ባላ ቦንችተ፤ ታን ህንተንታ አዛዜዳዋዳን፥ ላፑን ጋላሳዉ እርሹ ገለናን ኡከቴዳ ኡክꬃ ሚተ፤ ሄዋካ ህንተንቱ ግብጼፐ ከሴዳ አቢባ አግናን ኦꬅተ።
EXO 34:19 “አት ኡሉዋፐ ባይራ የለትያ አቱማ ናኣ ኡባይ ታዋ፤ ህንተንቱ መህያ ኡባፐ ቦራ ግድና፥ ዎይ ዶርሳ ግድና፥ ባይራይ ታዋ፤
EXO 34:20 ኮይሮ የለቴዳ ሀርያ ማራ ዶርሳ ማራና ላማደ ዎዛ፤ ዎዛና ꬋዮፐ፥ አ ቆꬍያ መንꬃደ ዎꬋ። ነ ናናቱዋፐ ባይራ የለቴዳ አቱማ ናኣ ኡባ ዎዛ። “ኦንነ እምያዋ ኦይቀናን፥ መላ ኩሽያና ታ ስንꬃን ቤቶፖ።
EXO 34:21 “ኡሱፑን ጋላሳ ኦꬅተ፤ ሽን ላፑንꬃ ጋላሳን ሸምፕተ፤ ጎሽያ ዎድያን ቃይ ካꬃ ጫክያ ዎድያን ላፑንꬃ ጋላሳን ሸምፕተ።
EXO 34:22 “ባይራ ዘረቴዳ ዛርጋ ህንተንቱ ጫክያ ዎደ፥ ሳምንታቱዋ ባላ ቦንችተ፤ ላይꬃ ዉርሰꬃ ካꬃ ሺሽያ ዎደካ፥ ሺሹዋ ባላ ቦንችተ።
EXO 34:23 ላይꬃን ሄዙ ገደ እስራኤልያ አቱማ አሳይ ኡባይ ኡባ ሞድያ ጾሳ፥ እስራኤልያ መꬍና ጎዳ ስንꬃን ቤትኖ።
EXO 34:24 ካዉተꬃቱዋ ታን ህንተንቱ ስንꬃፐ የደርሳደ ከሳና፤ ያታደ ህንተንቱ ዛዋ ታን አሳና። መꬍና ጎዳ ህንተንቱ ጾሳ ስንꬃን ህንተንቱ ላይꬃን ሄዙ ገደ ቤታናዉ ፑደ ከስያ ዎደ፥ ኦንነ ህንተንቱ ጋድያ አሞተና።
EXO 34:25 “ህንተንቱ ታዉ ሱꬃ ያርሹዋ ያርሽያ ዎደ፥ እርሹዋ የጊደ ኡኬዳ ኡክꬃና ያርሾፕተ። ፓስጋ ቦንችያ ጋላሳዉ ያርሼዳ ያርሹዋፐ ዎንትዉ አያይነ አቶፖ።
EXO 34:26 “ህንተንቱ ጋደን ባይራ ካኤዳ ካꬃፐ ኮይሮ ሙሩታ መꬍና ጎዳ ህንተንቱ ጾሳ ጎልያ አህተ። “ዴሻ ማራ አ አት ማꬃን ዶይሶፕተ” ያጌዳ።
EXO 34:27 መꬍና ጎዳይ ሙሳ፥ “ታን ኔናናነ እስራኤልያ አሳና ቃላ ጫቁዋ ገልያዌ ሀ ቃላቱ ግያ ማራና ግድያ ድራዉ፥ ሀ ቃላቱዋ ጻፋ” ያጌዳ።
EXO 34:28 ሙሴ ቁማ ሜናንነ ሃꬃ ኡሸናን፥ ኦይታሙ ጋላሳነ ኦይታሙ ቃማ መꬍና ጎዳና ያን ጋምኤዳ፤ ቃላ ጫቁዋ ቃላቱዋ፥ ታሙ አዛዙዋ ማሰቴዳ ሹቻን ጻፌዳ።
EXO 34:29 ሙሴ ጾሳና ሃሳዪደ ጋምኤዳ ድራዉ፥ ሄ ላኡ ማርካተꬃ ሹቻቱዋ እ ባረ ኩሽያን ኦይቂደ ሲና ደርያፐ ዱገ ዎꬌዳ ዎደ፥ አ ሶምኢ ፖኤዳ፤ ሽን እ ሄዋ ኤርቤና።
EXO 34:30 አሮነነ እስራኤልያ አሳይ ኡባይ ሙሳ ጼሊደ፥ አ ሶምኢ ጶልያዋ በኤድኖ፤ ኡንቱንቱ አኮ ሺቃናዉ ያዬድኖ።
EXO 34:31 ሽን ሙሴ ኡንቱንታ ጼስና አሮነነ ሽቁዋ ካለꬅያ ካፓቱ ኡባይ አኮ ስሜድኖ፤ እ ኡንቱንታ ሃሳይሴዳ።
EXO 34:32 ሄዋፐ ጉይያን እስራኤልያ አሳይ ኡባይ አኮ ሺቅና መꬍና ጎዳይ አዉ ሲና ደርያን እሜዳ አዛዙዋ ኡባ እ ኡንቱንቶ እሜዳ።
EXO 34:33 ሙሴ ኡንቱንቶ ኦድያዋ ዉርሴዳ ዎደ፥ ባረ ዴሙዋ ናጻላን ካሜዳ።
EXO 34:34 ሽን ሙሴ መꬍና ጎዳ ስንꬃ አናና ሃሳያናዉ ገልያ ዎደ አዉደነ ከሳና ጋካናዉ፥ ናጻላ ባረ ሶምኡዋፐ ቃር ድጌ። ሄዋፐ ከሲደ፥ መꬍና ጎዳይ አዛዜዳዋ እስራኤልያ አሳዉ ኦዴ።
EXO 34:35 ኦድያ ዎደ፥ ኡንቱንቱ አ ሶምኢ ጶልያዋ በኤድኖ። ሄዋ ድራዉ፥ ሙሴ መꬍና ጎዳና ሃሳያናዉ ባና ጋካናዉ፥ ባረ ዴሙዋ ዛረꬂደካ ናጻላን ካሜ።
EXO 35:1 ሙሴ እስራኤልያ አሳ ሽቁዋ ኡባ ሺሺደ ሀዋዳን ያጌዳ፤ “ህንተንቱ ኦꬃና ማላ፥ መꬍና ጎዳይ አዛዜዳዌ ሀዋ:
EXO 35:2 ሳምንታ ግዶን ኡሱፑን ጋላሳ ኪታ ኪተትተ፤ ሽን ላፑንꬃ ጋላሳይ ህንተንቶ ጌሻ ጋላሳ፤ መꬍና ጎዳዉካ ሸምፖ ሳምባታ። ሄ ጋላሳን አይ ኦሶነ ኦꬅያ ኡራይ ኦንነ ሀይቃናዉ በሴ።
EXO 35:3 ሳምባታ ጋላሳን ህንተንቱ ሶን ሶን ታማ ኤꬆፕተ” ያጌዳ።
EXO 35:4 ሙሴ እስራኤልያ ማባራዉ ሙልያዉ ሀዋዳን ያጌዳ፤ “መꬍና ጎዳይ ሀዋዳን ያጊደ አዛዜዳ:
EXO 35:5 ህንተንቶ ደእያዋፐ መꬍና ጎዳዉ እምያዋ አህተ፤ መꬍና ጎዳዉ እምያዋ አሀናዉ ኮይያ ኦንነ ዎርቃ፥ ብራ፥ ናሃስያ፥
EXO 35:6 ሳሉዋ ማላትያ ቃጭና፥ ኦቻ ቴራ ማላትያ ቃጭና፥ ሾሎላ ዞኦ ቃጭናነ ሊቆ ሱፍያ፥ ዴሻ ጋልባ፥
EXO 35:7 ዶርሳ ኮልያ ጋልባ ዞኦ ቃላምያን የግ ከሴዳዋ፥ ቁምእያ፥ ኦዶሩዋ፥
EXO 35:8 ጾምፕያዉ ዎጋራ ዛይትያ፥ ኦከትያ ዛይትያነ እጻና ሳዌꬅያ ቅማምያ፤
EXO 35:9 ኤፉድያንነ ትራን ዎꬅያዋን የግያ ማርግድያ ጌተትያ ሹቻቱዋነ ሀራ ጶልያ አልኦ ሹቻቱዋ አሆ።
EXO 35:10 “ህንተንቱ ግዶን ደእያ ኩሽያ ሂላ ኤራንቻ ኡባቱ ዪደ፥ መꬍና ጎዳይ አዛዜዳ ኡባ ኦꬅኖ:
EXO 35:11 መꬍና ጎዳ ዱንካንያ፥ አ ካምያ ዱንካንያነ አ ካምያዋ፥ ኦይቂያዋ፥ ጻጋገቱዋ፥ ሽካላቱዋ፥ ቱሳቱዋነ ኡንቱንቱ ኤቂያ ሉኮቱዋ፥
EXO 35:12 ታቦታነ አ ቶክያ ካሱዋ፥ አቶ ግያ ሳኣ ቁምእያዋነ ታቦታ ገንꬅያ ጋርዱዋ፤
EXO 35:13 ጻርጴዛነ አ ቶክያ ካሱዋ፥ አ ሚሻቱዋ ኡባነ ጾሳ ስንꬃን ዎꬅያ ጌሻ ኡክꬃ፤
EXO 35:14 ጾምፕያ ዎꬅያ ባላነ አን ማራና ደእያ ጾምፐቱዋ፥ ሚሻቱዋ፥ ጾምፕያ ዛይትያ፥
EXO 35:15 እጻና ጩዋይያ ሳጽንያነ አ ቶክያ ካሱዋ፥ ኦከትያ ዛይትያነ ሳዊያ እጻና፥ ጾሳ ዱንካንያ ፐንግያ ጋርዱዋ፤
EXO 35:16 ጹግያ ያርሹዋ ያርሽያ ሳኣነ አ ናሃስያ ዛዝርያ፥ አ ቶክያ ካሶቱዋነ አ ሚሻቱዋ ኡባ፥ ናሃስያፐ ኦሰቴዳ ሜቻ ከርያነ አ ዎꬅያዋ፤
EXO 35:17 ሶይ ዳባባ ጎዳ ጋርዳቱዋ፥ ቱሳቱዋነ ኡንቱንቱ ገደቱዋ፥ ዳባባ ሶ ግዶ ገልያ ፐንግያ ጋርዱዋ፤
EXO 35:18 ጾሳ ዱንካንያ ꬎግያ ሽካላቱዋ፥ ዳባባ ግዶ ꬎገቱዋ ኡንቱንቱ ዎዶሮቱዋ፤
EXO 35:19 ጌሻ ሳኣን ኦꬂደ ጎኤታናዉ ዳደቴዳ ማዮቱዋ፥ ቄሲ አሮነ ማይያ ጌሻ ማዩዋ አ ናናይ ቄሰተꬃ ኪታ ኦꬂደ ማይያ ማዩዋ መꬍኖ” ያጌዳ።
EXO 35:20 ሄዋፐ ጉይያን እስራኤልያ ማባራይ ኡባይ ሙሴ ስንꬃፐ ከሴዳ።
EXO 35:21 እማናዉ ኮዬዳዋንቱነ ኡንቱንቱ ዎዛናይ ኡንቱንታ እማ እማ ጌዳዋንቱ ኡባይ ዬድኖ፤ መꬍና ጎዳ ዱንካንያዉ፥ አ ግዶን ኦꬅያ ኦሱዋ ኡባዉነ ጌሻ ማዮ ኮሽያዋ ኡባ አሄድኖ።
EXO 35:22 እማና ኮዬዳ አቱማዋ ኡባይነ ማጫዌ ኡባይ ዪደ፥ ዎርቃፐ መꬌዳ አሌቂያዋንታ፥ ሀይꬃ ጉድቻቱዋ፥ ምግዳቱዋ፥ ሀራ ዎርቃ አሌቂያዋንታ አሂደ መꬍና ጎዳዉ እሞታ ኦꬂደ እሜድኖ።
EXO 35:23 ሳሉዋ ማላትያ ቃጭናይ፥ ኦቻ ቴራ ማላትያ ቃጭናይ፥ ሾሎላ ዞኦ ቃጭናይ፥ ዎይ ሊኑዋ ጌተትያ ሊቆ ቃጭናይ፥ ዎይ ዴሻ አጎዛ፥ ዶርሳ ኦርግያ ጋልባ ዞኦ ቃላምያን የግ ከሴዳዌ፥ ዎይ ማንቻላይ ደእያ አሳይ ኡባይ አሄዳ።
EXO 35:24 ብራ ዎይ ናሃስያ እማናዉ ዳንዳይያ ኡባይ ባረንቱ እሙዋ መꬍና ጎዳዉ እሜድኖ፤ ቃይ ኦዶሩ ደእያ አሳይ ኡባይ ዱማ ዱማ ኦሶ ኦዶሩዋ አሄዳ።
EXO 35:25 ኩሽያ ሂላ ኤርያ ማጫ አሳይ ኡባይ ባረንቱ ኩሽያን ሱቄዳ ሳሉዋ ማላትያ ቃጭና፥ ኦቻ ቴራ ማላትያ ቃጭና፥ ሾሎላ ዞኦ ቃጭናነ ሊቆ ሊኑዋ አሄድኖ።
EXO 35:26 ቃይካ እሙዋ እማናዉ ኮዬዳ ማጫ አሳይ ኡባይ ዴሻ አጎዛ ዳዴድኖ።
EXO 35:27 ካፓቱ ኤፉድያንነ ትራን ዎꬅያዋን ዎꬅያ ማርግድያነ ሀራ ቦንቼቴዳ ሹቻቱዋ አሄድኖ።
EXO 35:28 ኡንቱንቱ ቃይካ ጾምፕያዉ፥ ሳዊያ እጻናዉነ ኦካናዉ ሀንያ ዎጋራ ዛይትያነ ቅማምያ አሄድኖ።
EXO 35:29 እስራኤላቱ አሳይ ኡባይ፥ አቱማዌነ ማጫዌ፥ ኡንቱንቱ ኦꬃናዳን መꬍና ጎዳይ ሙሴ ባጋና አዛዜዳ ኦሶ ሀንያ እሙዋ ኡባ ባረንቱ ሸንያን መꬍና ጎዳዉ አሄድኖ።
EXO 35:30 ሙሴ እስራኤልያ አሳ ሀዋዳን ያጌዳ፤ “በእተ፤ መꬍና ጎዳይ ይሁዳ ዛርያፐ ሁራ ናኣ ናኣ፥ ኡራ ናኣ፥ ባጻልኤላ ዶሬዳ።
EXO 35:31 መꬍና ጎዳይ አ ጾሳ አያናን፥ ሂላን፥ አኬካንነ ኦሱዋ ኡባ ኦꬅያ ኤራን ኩንꬄዳ።
EXO 35:32 ሄዌካ ሂላን ኪታ ሀልቹዋ ከሲደ፥ ዎርቃፐ፥ ብራፐነ ናሃስያፐ ዱማ ዱማባ እ ኡዳናሳ።
EXO 35:33 ሄዋዳንካ፥ አልኦ ሹቻ ማሲደ ጊግሳናሳ፤ ምꬃ ማሳናሳነ ኡባ ቆሞ ኦሱዋ ሂላን ኦꬃናሳ።
EXO 35:34 ሄዋ ቦላካ ቃይ አስነ ዳና ዛርያ አህሳማካ ናኣ ኦሆልኣባዉ፥ ሀራ አሳ ታማርስያ ኤራ እሜዳ።
EXO 35:35 ኡንቱንቱ ኡባ ቆሞ ኦሱዋ ኦꬃናዳን፥ ሂላን ኦꬅያዋንታ፥ ኦሱዋ ሀልቹዋ ከስያዋንታ፥ ሳሉዋ ማላትያ ቃጭናን፥ ኦቻ ቴራ ማላትያ ቃጭናን፥ ሾሎላ ዞኦ ቃጭናንነ ሊኑዋ ቃጭናን አሌቁዋ ዳድያዋንታነ ሸማይነቱዋ ግዳናዳን፥ ጾሳይ ኡንቱንቱ ኤራተꬃን ኩንꬄዳ። ኡንቱንቱ ኡባይካ ኡባ ቆሞ ኦሱዋ ሉጺደ ኤርያ ኤራንቻ ግዴድኖ።
EXO 36:1 “ሄዋ ድራዉ፥ ባጻልኤል፥ ኦሆልኣብነ መꬍና ጎዳ ዱንካንያ ኬጻና ማላነ ኦሶ ግድያ ኤራ መꬍና ጎዳይ እምና፥ ሉጼዳ አሳይ ኡባይ መꬍና ጎዳይ አዛዜዳዋዳን ኡባባ ኦꬃና” ያጌዳ።
EXO 36:2 ሄዋፐ ጉይያን ሙሴ ባሳልኤላ፥ ኦሆልኣባነ መꬍና ጎዳይ ዱማ ኤራ እሜዳዋንቱ ኦሱዋ ኦꬃናዉ ያና ኮይያ ኡባ ጼሲደ ሺሼዳ።
EXO 36:3 እስራኤልያ አሳይ ጾሳ ዱንካንያ ኦꬃናዉነ ኦሶ ግድያ እሞታ ኡባ ሙሴፐ አኬድኖ። ቃይ አሳይ ባረ ሸንያን ጮ እምያ እሞታ ዎንታ ዎንታ ጉጅ ጉጂደ አህያዋ አግቤና።
EXO 36:4 ያትና ጾሳ ዱንካንያ ኦꬅያ ኤራይ ኩሜዳ አሳይ ኡባይ ባረንቱ ኦሱዋ አግ ባሺደ፥
EXO 36:5 ሙሳ ሀዋዳን ያጌድኖ፤ “አሳይ መꬍና ጎዳይ አዛዜዳ ኦሶ ኮሽያዋፐ ሎይꬅ ዳርያዋ አሂደ ደኤ” ያጌድኖ።
EXO 36:6 ሙሴ ዱንካኔዳ ሳኣን ደእያ አሳዉ ሀዋዳን ያጊደ አዛዜዳ፤ “ላኤንꬆ አይ አቱማ አሳይካ አይ ማጫ አሳይካ ጾሳ ዱንካንያ ኦሶ እምያዋ እማናዉ አሆፖ” ያግና፥ አሳይ አህያዋ አግ ባሼዳ።
EXO 36:7 አያዉ ጎፐ፥ ኡንቱንቱ አሄዳ እሞታይ ኦሱዋ ኡባ ኦꬃናዉ ግዲደ ፓላሄ።
EXO 36:8 ኦሱዋ ኦꬅያዋንቱ ግዶፐ ሂላ ዳርያዋንቱ ኡባቱ ሊቆ ሊኑዋፐነ ሳሉዋ ማላትያ፥ ኦቻ ቴራ ማላትያነ ሾሎላ ዞኦ ቃጭናፐ ዳደቴዳ ታሙ ጋርዱቱዋፐ ጾሳ ዱንካንያ ጊግሴድኖ። ሄ ጋርዳቱዋን እት ሂላይ ክሩበቱዋ ምስልያ ዳዴዳ።
EXO 36:9 ጋርዶቱ ኡባይ እት ልከ ግዲደ፥ ጌሳይ ላታማነ ሆስፑን ዋꬋ፤ ጎምፓይ ኦይዱ ዋꬋ።
EXO 36:10 እቼሹ ጋርዳቱዋ እትፐ ጋꬂደ ስኬድኖ፤ ቃይ የንኮ አቴዳ እቼሹ ጋርዳቱዋካ ኡንቱንቱዋዳን ኦꬄድኖ።
EXO 36:11 እትፐ ጋꬂደ ስኬዳ ጋርዱቱዋፐ እት ጋርዱዋ ዉርሰꬃ ጋጻን ሳሉዋ ማላትያ ጫርቂያፐ ማጫራ መꬌድኖ። ቃይ እትፐ ጋከት ስከቴዳ የንኮ ጋርዱዋንካ ሄዋዳን ኦꬄድኖ።
EXO 36:12 ኡንቱንቱ እትፐ ጋከቴዳ እት ጋርዱዋ ቦላ እሻታሙ ማጫራ፥ ቃይ እትፐ ጋከቴዳ የንኮ ጋርዱዋ ቦላካ እሻታሙ ማጫራ መꬌድኖ። ሄ ማጫራቱ ኡባይካ እቱ እቶ ማራን ደኢኖ።
EXO 36:13 ሄዋፐ ጉይያን፥ ዎርቃፐ እሻታሙ ኦይቂያዋ መꬌድኖ። ዱንካኒ እቱዋ ግዳና ማላ፥ ሄ ጋርዳቱዋ ጋጻ ጋጻ ሄ ኦይቂያዋንቱን ኦይꬄድኖ።
EXO 36:14 ጾሳ ዱንካንያ ቦላና ካምያ ዱንካንያዉ ታማነ እት ጋርዳቱዋ ዴሻ አጎዛፐ ዳዴድኖ።
EXO 36:15 ታማነ እት ጋርዳቱካ እት ልከ፤ እት እት ጋርዱዋ ጌሳይ ሀታሙ ዋꬋ፥ ጎምፓይ ኦይዱ ዋꬋ።
EXO 36:16 እቼሹ ጋርዳቱዋ እት ባጋና፥ ኡሱፑን ጋርዳቱዋ ቃይ የንኮ ባጋና ጋꬂደ ስኬድኖ።
EXO 36:17 ሄዋፐ ጉይያን ጋꬅ ስኬዳ ጋርዳቱዋፐ እት ጋርዱዋ ጋጻን እሻታሙ ማጫራ መꬌድኖ። ቃይካ ጋꬅ ስኬዳ የንኮ ጋርዳቱዋፐ ዉርሰꬃ ጋርዱዋ ጋጻን እሻታሙ ማጫራ መꬌድኖ።
EXO 36:18 ላኡ ባጋና ደእያ ጋርዳቱዋ ጋꬂደ እት ዱንካነ ኦꬃናዉ ናሃስያፐ እሻታሙ ኦይቂያዋ መꬌድኖ።
EXO 36:19 ሄዋፐ ጉይያን ዱንካንያ ካማናዉ ዶርሳ ኦርግያ ጋልባ ዞኦ ቃላምያን የግ ከሴዳዋ ጊግሴድኖ፤ ቃይ አ ቦላና ካማናዉ ቁምእያ ጊግሴድኖ።
EXO 36:20 ጾሳ ዱንካንያ ጻጋግያዋንታ ስት ጌዳ ኦዶሮቱዋፐ ከሴድኖ።
EXO 36:21 እት እት ጻጋግያዉ ጌሳይ ታሙ ዋꬋ፤ ጎምፓይ እት ዋꬋነ ባጋ።
EXO 36:22 እት እት ጻጋግያዉ እቱዋ እቱዋና ጋꬅ ኦይꬅያ ላኡ ፖꬃቱዋ መꬌድኖ። ጾሳ ዱንካንያ ጻጋገቱዋ ኡባካ ሄዋዳን ኦꬄድኖ።
EXO 36:23 ጾሳ ዱንካንያዉ ገድሳ ባጋና ላታሙ ጻጋገቱዋ መꬌድኖ።
EXO 36:24 እት እት ጻጋግያዉ ላኡ ገደቱዋ፥ ኡባና ኦይታሙ ፖꬃይ ገልያ ሉካቱዋ ብራፐ ጊግሴድኖ።
EXO 36:25 ጾሳ ዱንካንያዉ ሁጲሳ ባጋና ላታሙ ጻጋገቱዋ መꬌድኖ።
EXO 36:26 እት እት ጻጋግያዉ ላኡ ፖꬃይ ገልያ ሉካቱዋ፥ ኡባና ኦይታሙ ፖꬃይ ገልያ ሉካቱዋ ብራፐ ጊግሴድኖ።
EXO 36:27 ጾሳ ዱንካንያዉ ጉየ ጋጻን አዋይ ዉልያ ባጋና ኡሱፑን ጻጋገቱዋ መꬌድኖ።
EXO 36:28 ጾሳ ዱንካንያ ጉየ ጋጻን ደእያ ጋጻቶ ላኡ ጻጋገቱዋ ጊግሴድኖ።
EXO 36:29 ሀ ላኡ ጋጻቱዋን ደእያ ጻጋገቱዋ ጻጱዋፐ ጼራ ጋካናዉ ዳቡላ ግድ ቢደ፥ ጼራን እት ሳጋይያን ገል ኦይቀቴድኖ። ኡንቱንቱ ላአቱካ ሄዋዳን ሀኔድኖ።
EXO 36:30 ሄዋ ድራዉ፥ እት እት ጻጋግያዉ ጋርሳና ላኡ ላኡ ገደቱ ደኢኖ፤ ኡባና ሆስፑን ጻጋገቱነ ብራፐ ኦሰቴዳ ታማነ ኡሱፑን ገደቱ ደኢኖ።
EXO 36:31 ቃይ ኡንቱንቱ ኦዶሮቱዋፐ ሽካላቱዋ ከሴድኖ፤ ጾሳ ዱንካንያዉ እት ባጋ ምይያን ደእያ ጻጋገቶ እቼሹ ሽካላቱዋ፥
EXO 36:32 ቃይ የንኮ ባጋ ምይያን ደእያ ጻጋገቶ እቼሹ ሽካላቱዋ ጊግሴድኖ። ሄዋዳንካ፥ ጾሳ ዱንካንያዉ ጉየ አዋይ ዉልያ ባጋና ዉርሰꬃ ጋጻን ደእያ ጻጋገቶ እቼሹ ሽካላቱዋ መꬌድኖ።
EXO 36:33 ግዶ ሽካሊ ጻጋገቶ ግዶ ሄራና፥ ሀ ጋጻፐ ያ ጋጻ ጋካናዉ ፕን ከሳናዳን ኦꬄድኖ።
EXO 36:34 ጻጋገቱዋ ዎርቃን ሼሺደ፥ ሽካላቱ አꬍያ ሳጋየቱዋ ዎርቃፐ መꬌድኖ፤ ቃይ ሽካላቱዋካ ዎርቃን ሼሼድኖ።
EXO 36:35 ሳሉዋ ማላትያ፥ ኦቻ ቴራ ማላትያነ፥ ሾሎላ ዞኦ ቃጭናፐነ ሊቆ ሊኑዋፐ እት ጋርዱዋ ኦꬄድኖ። ሄ አ ቦላ እት ሂላይ ክሩበቱዋ ምስልያ ስኬዳ።
EXO 36:36 ጋርዱዋ ኦይዱ ቱሳቱዋ ኦዶሩዋፐ ጊግሲደ፥ ዎርቃን ሼሼድኖ። ያቲደ ዎርቃ ካቂያዋንታ ኡንቱንቶ ጊግሴድኖ። ቃይ ቱሳቱዋ ኤስያ ኦይዱ ገደቱዋ ብራፐ መꬌድኖ።
EXO 36:37 ጾሳ ዱንካንያ ገልያ ፐንግያዉ ሳሉዋ ማላትያ፥ ኦቻ ቴራ ማላትያነ ሾሎላ ዞኦ ቃጭናፐነ ሊቆ ሊኑዋፐ ዳደቴዳዋ፥ ጽልፕያ አሌቅስያዋን ጋርዱዋ ጊግሴድኖ።
EXO 36:38 ቃይ ኡንቱንታ ካቂያ እቼሹ ቱሳቱዋ፥ ካቂያ ባላና ደእያዋንታ መꬌድኖ። ቱሳቱ ጉምቦቱዋነ ቃችያዋንታ ዎርቃን ሼሼድኖ። ቃይ ኡንቱንቱ ፖꬃይ ገልያ ሉኮቱዋ እቼሻቱዋካ ናሃስያፐ መꬌድኖ።
EXO 37:1 ባጻልኤል ኦዶሩዋ ምꬃፐ ታቦታ ጊግሴዳ። ሄ ታቦታይ አዱሳተꬃይ ላኡ ዋꬋነ ባጋ አዱቄ፤ ጎምፓይ እት ዋꬋነ ባጋ አኬ፤ ጌሳይካ እት ዋꬋነ ባጋ ꬎቄ።
EXO 37:2 ሄ ታቦታ ጊግሲደ፥ ሶያነ ካርያ ዋላካይ ባይና ዎርቃን ሼሼዳ፤ ዩሹዋካ ዎርቃ ትገꬃን ዩሽ አꬄዳ።
EXO 37:3 ቃይ ኦይዱ ዎርቃ ሳጋየቱዋ ትጊደ፥ ታቦታዉ ኦይዱ ገደቱዋን፥ እት ባጋና ላኡ ሳጋየቱዋ፥ ቃይ የንኮ ባጋና ላኡ ሳጋየቱዋ አꬄዳ።
EXO 37:4 ያቲደ ኦዶሮቱዋፐ ካሱዋ ከሲደ ኡንቱንታካ ዎርቃን ሼሼዳ።
EXO 37:5 ታቦታ ቶካናዉ፥ ታቦታ ምይያን ደእያ ሳጋየቱዋን ካሱዋ አꬄዳ።
EXO 37:6 ዋላካይ ባይና ዎርቃፐ ላኡ ዋꬋነ ባጋ አዱቂያ፥ እት ዋꬋነ ባጋ አክያ አቶ ግያ ሳኣ ቁምእያ መꬌዳ።
EXO 37:7 ቁምእያዉ ዉርሰꬃ ላኡ ባጋ ጋጻን ላኡ ክሩቤላቱዋ ቆጸቴዳ ዎርቃፐ መꬌዳ።
EXO 37:8 እት ክሩብያ እት ባጋ ጋጻን፥ ላኤንꬆ ክሩብያ የንኮ ባጋ ጋጻን፥ ላኡዋካ ቁምእያና ጋꬅ ኦይꬂደ መꬌዳ።
EXO 37:9 ክሩበቱ ባረንቱ ቀፍያ ደንꬂደ፥ አቶ ግያ ሳኣ ካምያ ቁምእያ ባረንቱ ቀፍያን ኩዋይ ዎꬄድኖ፤ ቃይ እቱ እቱዋኮ ስም ኡቲደ፥ ቁምእያ ጼሊኖ።
EXO 37:10 ቃይ አዱሳተꬃይ ላኡ ዋꬋ፥ ጎምፓይ እት ዋꬋ፥ ጌሳይካ እት ዋꬋነ ባጋ ግዴዳ ጻርጴዛ ኦዶሩዋፐ መꬌዳ።
EXO 37:11 ዋላካይ ባይና ዎርቃን ሼሼዳ። ዩሹዋካ ዎርቃ ትገꬃ ዩሽ አꬄዳ።
EXO 37:12 ሄዋዳንካ፥ ጎምፓይ ታካ ግዴዳ ሻሽያ አ ቦላ ዩሽ አꬄዳ። ያቲደ አ ቦላ ዎርቃ ትገꬃ ዩሼዳ።
EXO 37:13 ኦይዱ ዎርቃ ሳጋየቱዋ መꬊደ ኦይዱ ገደቱ መቴዳ ኦይዱ ጋጻቱዋና ኦይꬄዳ።
EXO 37:14 ጻርጴዛ ቶካናዉ ካሱዋ አꬅያ ሳጋየቱ ጻርጴዛዉ ሻሽያ ጋጻን ሺቂደ መቴድኖ።
EXO 37:15 ጻራጴዛ ቶክያ ካሶቱዋካ ኦዶሩዋፐ ከሲደ፥ ዎርቃን ሼሼዳ።
EXO 37:16 ሄዋዳንካ፥ ጻርጴዛ ቦላ ዎꬅያ ዱማ ዱማ ሚሻቱዋ ዋላካይ ባይና ዎርቃፐ መꬌዳ፤ ሄዋንቱካ ሳነቱዋነ ጭልፓቱዋ፥ ቃይ ኡሻ ያርሹዋ ትግያ ከረቱዋነ ጹአቱዋ።
EXO 37:17 ሄዋፐ ጉይያን እ ጾምፕያ ዎꬅያ ባላ ቆጸቴዳ ዋላካይ ባይና ዎርቃፐ መꬌዳ፤ ሄ ባላ ኤስያ ገድያካ፥ ግዶ ቶማካ ቆጼዳ ዎርቃፐ መꬌዳ። አ ኩኩሞቱዋ፥ አ ልጮቱዋን አ ጪሻቱዋ ኡባ አናና እትፐ ጾምፒደ መꬌዳ።
EXO 37:18 ምይያና ኡሱፑን ማራቱዋ መꬌዳ፤ ማራቱዋ ሄዛቱዋ እት ባጋና፥ ቃይ ሄዛቱዋ የንኮ ባጋና ከሴዳ።
EXO 37:19 ኡሱፑን ማራቶካ ሁጲያን ሁጲያን ሄዙ ሄዙ ኩኩሙነ ጪሻቱ ደእያ ላዉዝያ ጪሻ ማላትያ ዋንጫ መꬌዳ፤
EXO 37:20 ጾምፕያ ዎꬅያ ባላዉ ግዶ ቶማይ፥ ኩኩሞቱዋ ጪሻቱ ደእያ ጪሻ ማላትያ ኦይዱ ዋንጫን አሌቀት ኡቴዳ።
EXO 37:21 ላኡ ላኡ እትፐ ዋꬃን ደእያ ሄዙ ማራቱዋፐ ጋርሳና እት እት ኩኩማይ መት ኡቴዳ ኡባይካ ኡሱፑን ኩኩሞ።
EXO 37:22 ኩኩማቱነ ማራቱ ኡባይ ጾምፕያ ዎꬅያ ባላና እትፐ ኦይቀት እቱዋ ግዲደ፥ ዋላካይ ባይና ዎርቃፐ ቆጸቲደ መቴድኖ።
EXO 37:23 እ ቃይ ጾምፕያ ዎꬅያ ባላዉ ላፑን ጾምፐቱዋ፥ ጾምፕያ ቶይስያ ቃጰቱዋነ ኡንቱንታ ዎꬅያዋንታ ዋላካይ ባይና ዎርቃፐ መꬌዳ።
EXO 37:24 ጾምፕያ ዎꬅያ ባላነ አን ጎኤትያ ሚሻ ኡባ መꬋናዉ ሀታማነ እቼሹ ኪሎ ግራመ ግዴዳ ዋላካይ ባይና ዎርቃ ዉርሴዳ።
EXO 37:25 ቃይ እጻና ጩውስያ ሳኣ ኦዶሩዋፐ መꬌዳ። አዉ ኦይዱ ጋጻይ ደኤ፤ አዱሳተꬃይ እት ዋꬋ፤ ጎምፓይ እት ዋꬋ፥ ጌሳይ ላኡ ዋꬋ። አ ካጨቱካ አናና እቱዋ ግዲደ ኦይቀት መቴዳዋንታ።
EXO 37:26 አዉ ቦላ ዶና፥ ኦይዱ ባጋ ኡባነ አ ካጨቱዋ ዋላካይ ባይና ዎርቃን ሼሺደ፥ አ ዩሹዋካ ዎርቃ ትገꬃ ዩሽ አꬄዳ።
EXO 37:27 ሄ ዎርቃ ትገꬃፐ ጋርሳና እጻና ጩውስያ ሳጽንያ ዎርቃፐ ላኡ ሳጋየቱዋ መꬌዳ፤ ያቲደ ያ ባጋናነ ሀ ባጋና ላኡዋ ላኡዋ ኦይꬄዳ። ሄዋንቱ ቶክያ ዎደ ካሱዋ አꬃናዉ ማዳናዳና።
EXO 37:28 ካሶቱዋ ኦዶሩዋፐ ከሲደ፥ ኡንቱንታ ዎርቃን ሼሼዳ።
EXO 37:29 ቃይ ጌሻ ኦከትያ ዛይትያነ ሳዉዋ ቶሽኩ ግያ ሎኦ እጻና ሽቱዋ ኦꬅያ ኤራን ጊግሴዳ።
EXO 38:1 ኦዶሩዋፐ ጹግያ ያርሹዋ ያርሽያ ሳኣ ኬጼዳ። ሄ ያርሽያ ሳአዉ ጌሳይ ሄዙ ዋꬋ፥ ጎምፓይነ አዱሳተꬃይ እት ልከ፥ እቼሹ እቼሹ ዋꬋ ግዲደ፥ ኦይዱ ጋጻና ደእያዋ ኦꬄድኖ።
EXO 38:2 ኦይዱ ጋጻቱዋ ዉርሰꬃ ጋጻን ጋጻን እት እት ካጭያ መꬌዳ። ሄ ካጨቱ ያርሽያ ሳኣና እትፐ ኦይቀቲደ ኦሰቴድኖ። ያትና ያርሽያ ሳኣ ናሃስያ ብራታን ሼሼዳ።
EXO 38:3 አን ጎኤትያ ኡባ ሚሻቱዋ፥ ባልደቱዋ፥ አካፋቱዋ፥ ብድንꬃ ሺሽያ ኩይጻሮቱዋ፥ አሹዋ ኦይቂያ ዛምቤልያነ ታማ ጮጨቱዋ ኡባ ናሃስያ ብራታፐ መꬌዳ።
EXO 38:4 ያቲደ ናሃስያ ብራታፐ ዛዝርያ ያርሽያ ሳአዉ ጊግሲደ ያርሽያ ሳአዉ ዱገ ግዶ ባጋን ደእያ ሻሽያ ቦላ ዎꬄዳ።
EXO 38:5 ናሃስያ ብራታፐ መꬌዳ ዛዝርያዉ ኦይዱ ጋጻን ካሱዋ አꬃናዉ ኦይዱ ሳጋየቱዋ መꬌዳ።
EXO 38:6 ኦዶሩዋፐ ያርሽያ ሳአዉ ካሱዋ ከሲደ፥ ናሃስያ ብራታን ሼሼዳ።
EXO 38:7 ያርሽያ ሳኣ ቶክያ ዎደ ማዳና ማላ፥ ሀ ካሱዋ ላኡ ምይያና ደእያ ሳጋየቱዋን አꬄዳ። ያርሽያ ሳኣ ግዱዋ ኮፋ ከሲደ፥ ጻዉላፐ መꬌዳ።
EXO 38:8 ናሃስያ ብራታፐ ሜቻ ከርያነ አ ዎꬅያዋ መꬌዳ፤ ሄ ብራታይ ጋከꬃ ዱንካንያ ፐንግያን ኦꬅያ ማጫ አሳቱ አሄዳ ሄረጋፐ አከቴዳ።
EXO 38:9 ሄዋፐ ጉይያን ዳባባ ጊግሴዳ። ዳባባዉ ገድሳ ባጋ አዱሳተꬃዉ ጼቱ ዋꬋ ኦꬂደ፥ ሊቆ ሊኑዋፐ ዳደቴዳ ጋርዳቱዋ ጊግሴዳ።
EXO 38:10 አዉ ናሃስያ ብራታፐ ላታሙ ቱሳቱዋነ ቱሳቱ ኤቂያ ናሃስያ ሉካቱዋ ኦꬄዳ፤ ኡንቱንቱ ሁጲያን ቃይ ብራፐ መቴዳ ካቂያዋንታነ ቱሳቱዋ ሁጲያን ቃችያዋንታ ኦꬄዳ።
EXO 38:11 ዳባባዉ ሁጲሳ ባጋ አዱሳተꬃይ ጼቱ ዋꬋ አዱሳ፤ ቃይ ላታሙ ቱሳቱነ ሄ ቱሳቶ ላታሙ ናሃስያ ገደቱ ደኢኖ። ያቲደ ብራፐ መቴዳ ካቂያዋንቱነ ቱሳቱዋ ሁጲያን ቃችያዋንቱ ደኢኖ።
EXO 38:12 አዋይ ዉልያ ባጋ ዳባባ ጎምፓይ እሻታሙ ዋꬋ አካ ግዲደ፥ ታሙ ቱሳቱነ ቱሳቶ ታሙ ገደቱ ደእያ ጋርዳቱዋ ጊግሴዳ፤ ሄ ቱሳቱዋ ሁጲያን ብራፐ መቴዳ ካቂያዋንታነ ቱሳቱዋ ሁጲያን ቃችያዋንታ ኦꬄዳ።
EXO 38:13 ቃይ አዋይ ዶልያ ባጋ ዳባባ ጎምፓይ እሻታሙ ዋꬋ አካ።
EXO 38:14 ዳባባ ገልያ ሳኣፐ እት ባጋና ታማነ እቼሹ ዋꬋ አዱቂያ ጋርዶቱ፥ ሄዙ ቱሳቱነ ቱሳቶ ሄዙ ገደቱ ደኢኖ።
EXO 38:15 ሄዋዳንካ፥ ዳባባ ገልያ ሳኣፐ ህንኮ ባጋና፥ ታማነ እቼሹ ዋꬋ አዱቂያ ጋርዶቱ፥ ኡንቱንቶ ሄዙ ቱሳቱነ ቱሳቶ ሄዙ ገደቱ ደኢኖ።
EXO 38:16 ዳባባ ዩሹዋን ደእያ ጋርዶቱ ኡባይ ሊቆ ሊኑዋፐ ዳደቴዳዋንታ።
EXO 38:17 ሄ ቱሳቱዋ ገደቱ ናሃስያፐ፥ ካቂያዋንቱነ ቱሳቱዋ ሁጲያን ቃችያዋንቱ ብራፐ ኦሰቴድኖ፤ ኡንቱንቱ ሁጲ ብራን ሼሸቴዳ። ሄዋ ድራዉ፥ ዳባባ ዩሹዋን ደእያ ቱሳቱዋ ኡባ ሁጲያን ብራፐ ኦሰቴዳ ቃችያዋንቱ ደኢኖ።
EXO 38:18 ዳባባ ገልያ ሳኣን ካቂያ ጋርዱ ሳሉዋ ማላትያ ኦቻ ቴራ ማላትያነ ሾሎላ ዞኦ ቃጭናፐነ ሊቆ ሊኑዋፐ ዳድያዋ ጽልፕያን አሌቂስያዋን ጊግሴዳዋ። አዉ አዱሳተꬃይ ላታሙ ዋꬋ፤ ጌሳይ ዳባባ ጋርዳቱዋ ልከ፥ እቼሹ ዋꬋ።
EXO 38:19 ናሃስያ ብራታፐ ኦሰቴዳ ኦይዱ ቱሳቱነ ቱሳቶ ኦይዱ ገደቱ ደኢኖ። ኡንቱንቱ ካቂያዋንቱነ ቱሳቱዋ ሁጲያን ቃችያዋንቱ ብራፐ መቴድኖ፤ ኡንቱንቱ ሁጰቱካ ብራን ሼሸቴድኖ።
EXO 38:20 ጾሳ ዱንካንያ ሽካላቱ ኡባይነ አ ዩሹዋን ደእያ ዳባባ ሽካላቱ ኡባይ ናሃስያ ብራታፐ መቴዳዋንታ።
EXO 38:21 ጾሳ ዱንካንያዉ፥ ሄዌካ ቃላ ጫቁዋ ዱንካንያዉ፥ ጎኤቴዳ ሚሻቱዋ ሌዋቱ ፓይዴድኖ። ሄ ሚሻቱዋ ቄስያ አሮና ናኣ እታማራ ካፖተꬃ ጋርሳን ደእያ ሌዋቱ ማዝጋባን ጻፋናዳን ሙሴ አዛዜዳ።
EXO 38:22 ይሁዳ ዛረ ግዴዳ ሆራ ናኣ ናኣ፥ ኡራ ናኣ፥ ባጻልኤል መꬍና ጎዳይ ሙሳ አዛዜዳ ኡባ ኦꬄዳ።
EXO 38:23 ዳና ዛረ ግዴዳ አህሳማካ ናኣ ኦሆልኣብ አናና ደኤ፤ እ ኩሽያ ሂላንቻነ ኦꬅያባዉ ኮይሮ ሀልቹዋ ከስያዋ፤ ቃይ ሳሉዋ ማላትያ፥ ኦቻ ቴራ ማላትያነ ሾሎላ ዞኦ ቃጭናንነ ሊቆ ሊኑዋን ዳዲደ፥ ጽልፕያን አሌቂስያ አሳ።
EXO 38:24 ጾሳ ዱንካንያ ኦሶ ጾሳዉ እመቴዳ ዎርቃይ ጾሳ ዱንካንያን ኤረትያ ሚዛናን ዎꬅና፥ እት ሻአ ኪሎ ግራምያ ዴጼዳ።
EXO 38:25 ፓይዱዋን ደእያ ማባራ አሳፐ ቤቴዳ ብራይ ጾሳ ዱንካንያን ኤረትያ ሚዛናን ዎꬅና፥ 3,430 ኪሎ ግራምያ ዴጼዳ።
EXO 38:26 አሳ ፓይድያ ዎደ ፓይደቴዳ አቱማ አሳይ ኡባይ ሁጲያን ሁጲያን ጾሳ ዱንካንያን ኤረትያ ሚዛናን ዎꬅና፥ ኡሱፑን ግራመ ኬሻ እሜዳ። ፓይደቴዳ አሳይ ላታሙ ላይꬃ ኩሜዳዌነ ላታሙዋፐ ቦላና ደእያዌ ኡባይ 603,550.
EXO 38:27 ጾሳ ዱንካንያ ጋርዱዋ ኤሴዳ ጼቱ ፖꬃይ ገልያ ሉኮቱ 3,400 ኪሎ ግራመ ብራን ኦሰቴድኖ። ሄዌካ እት እት ገድያዉ ሀታማነ ኦይዱ ኪሎ ግራመ ብራ።
EXO 38:28 አቴዳ ሀታሙ ኪሎ ግራመ ትግያ ብራ ቱሳቱዋን ካቂያዋንታ መꬋናዉ፥ ቱሳቱዋ ሁጲያን ሼሻናዉነ ኡንቱንቱ ሁጲያን ቃችያዋንታ መꬋናዉ ጎኤቴድኖ።
EXO 38:29 ሄዋዳንካ፥ አሳይ ጾሳዉ አሄዳ ናሃስያ ብራታይ 2,425 ኪሎ ግራመ።
EXO 38:30 ሄ ናሃስያ ብራታፐ ጾሳ ዱንካንያ ገልያ ሳኣን ኤቂያ ቱሳቱዋ ገደቱ፥ ናሃስያ ያርሽያ ሳኣ ግያ ያርሽያ ሳአይ፥ አ ግዶን ሂጼዳ ናሃስያ ዛዝሪነ አ ግዶን ጎኤትያ ዱማ ዱማ ሚሻ ኡባይ መቴ።
EXO 38:31 ሄዋዳንካ፥ ቃይ ዳባባ ዩሹዋን ደእያ ድርሳነ ገልያ ሳኣ ፐንጊ ኤቄዳ ገደቱ፥ ቃይ ጾሳ ዱንካኒነ አ ዩሹዋን ደእያ ዳባባ ድርሳይ ꬎገቴዳ ሽካላቱ ኡባይ ሄ ናሃስያ ብራታፐ መቴድኖ።
EXO 39:1 ቄሳቱ ጾሳ ዱንካንያን ኦꬅያ ዎደ ጎኤትያ ማዩዋ፥ ሳሉዋ ማላትያ፥ ኦቻ ቴራ ማላትያነ ሾሎላ ዞኦ ቃጭናፐ ዳዴድኖ። አሮነ ማይያ ጌሻ ቄሳተꬃ ማዩዋካ መꬍና ጎዳይ ሙሳ አዛዜዳዋዳን ኦꬄድኖ።
EXO 39:2 እ ኤፉድያ፥ ዎርቃፐ፥ ሳሉዋ ማላትያ፥ ኦቻ ቴራ ማላትያነ ሾሎላ ዞኦ ቃጭናፐነ ሊቆ ሊኑዋፐ ዳዴዳ።
EXO 39:3 ኡንቱንቱ ዎርቃ ቆጺደ፥ ሌእያ ዬቻዳ፥ አፐ ቃራር ቃራሪደ፥ ቃጭና ከሴድኖ። ያቲደ ሳሉዋ ማላትያ፥ ኦቻ ቴራ ማላትያነ ሾሎላ ዞኦ ቃጭናነ ሊቆ ሊኑዋ ጋꬂደ፥ ኩሽያ ሂላንቻቱ ዳዴድኖ።
EXO 39:4 ላኡ ባጋይ ጋከቲደ እቱዋ ግዳና ማላ፥ ላኡ ሀሽያ ቦላ ጋꬂደ ኦይꬅያ ጫርቂያ ጊግሴድኖ።
EXO 39:5 መꬍና ጎዳይ ሙሳ አዛዜዳዋዳን፥ ሂላይ አሌቂሲደ ዳዴዳ ዳንጩካ ኤፉድያና እታ ግዲደ፥ ዎርቃፐ ሳሉዋ ማላትያ፥ ኦቻ ቴራ ማላትያነ ሾሎላ ዞኦ ቃጭናፐነ ሊቆ ሊኑዋፐ ዳደቴዳ።
EXO 39:6 ኡንቱንቱ ማርግድያ ጌተትያ ላኡ ሹቻቱዋ ጊግሲደ፥ ዎርቃፐ መꬌዳ ሹቻ ኦይቂያዋ ቦላ ማራና ዎꬄድኖ። ማታፋ ቦላ ሱንꬃ ዎጪደ ጻፍያዋዳን፥ ሄ ሹቻቱዋ ቦላ ታማነ ላኡ እስራኤልያ ናናቱዋ ሱንꬃ ዎጪደ ጻፌድኖ።
EXO 39:7 ጾሳይ ሙሳ አዛዜዳዋዳን፥ ታማነ ላኡ እስራኤልያ ዘረꬃ ሀሳይያዋ ግዳና ማላ፥ ሀ ሹቻቱዋ ኤፉድያና ኦይꬄዳ ሀሽያ ጫርቂያን ዎꬄዳ።
EXO 39:8 እ ትራን ዎꬅያዋ ኩሽያ ሂላንቻን ኦስሴዳ። ሄ ትራን ዎꬅያዋ ኤፉድያ ዎርቃፐ ዳዴዳዋዳን፥ ሳሉዋ ማላትያ፥ ኦቻ ቴራ ማላትያነ ሾሎላ ዞኦ ቃጭናፐነ ሊቆ ሊኑዋፐ ዳድሴዳ።
EXO 39:9 አዉ ኦይዱ ጋጻይ ደኤ፤ ጌሳይነ ጎምፓይ እት እት ታካ፤ ግዴዳዋ ዳኮዬድኖ።
EXO 39:10 ሄዋፐ ጉይያን አ ቦላ ኦይዱ ማራን አልኦ ሹቻቱዋ ዎꬄድኖ፤ ኮይሮ ማራን ዎꬄዳ ሹቻይ፥ ሳርድዮና፥ ቶጳዝዮንያነ ጶልያ እንቁዋ፤
EXO 39:11 ላኤንꬆ ማራን ባሉራ፥ ሳምፔርያነ አልማዝያ ጌተትያ አልኦ ሹቻቱዋ፤
EXO 39:12 ሄዘንꬆ ማራን ያክንትያ፥ ከልቀዶንያነ አመተስጽኖስያ፤
EXO 39:13 ኦይደንꬆ ማራን ብራል፥ ማርግድያነ ያስጲድያ። ሄዋንታ ኡባ ዎርቃፐ ኦሰቴዳ ሹቻ ኦይቂያዋ ቦላ ዎꬄድኖ።
EXO 39:14 እስራኤልያ ናናቱዋ ሱንꬃ ፓይዱዋዳን፥ ሹቻቱዋ ፓይዱካ ታማነ ላኡዋ፤ እቱ እቱ ማታፋዳን ዎጨቲደ፥ ታማነ ላኡ ዛራቱዋ ሱንꬃይ ሄ ሹቻቱዋን ጻፈቴዳ።
EXO 39:15 ትራን ዎꬅያዎ ዎዶሩዋዳን ዶቀቴዳ ሳንሳላታ ዋላካይ ባይና ዎርቃፐ መꬌድኖ።
EXO 39:16 ላኡ ዎርቃፐ መꬌዳ ሹቻ ኦይቂያዋንታ ኦꬄድኖ፤ ያቲደ ላኡ ዎርቃ ምግዳቱዋ መꬌዳዋንታ፥ ትራን ዎꬅያዎ ቆሞ ጋጻ ጋጻቱዋና ጋꬂደ ኦይሰꬄድኖ።
EXO 39:17 ሄ ላኡ ዎርቃ ሳንሳላታቱዋ ትራን ዎꬅያዎ ጋጻቱዋን ደእያ ምግዶቱዋና ጋꬅ ኦይꬄድኖ።
EXO 39:18 ሄ ሳንሳላታቶ ህንኮ ባጋ ጼራ ቃይ ኤፉድያዉ ስንꬃ ባጋና፥ ሀሽያ ጫርቂያን ደእያ ሹቻ ኦይቂያዋንቱና ጋꬅ ቃቼድኖ።
EXO 39:19 ቃይካ ላኡ ዎርቃ ምግዳቱዋ መꬊደ፥ ኤፉድያፐ ካሊደ ደእያ ትራን ዎꬅያዎ ሶይ ባጋና ደእያ ላኡ ጋጻቱዋ ጼራን አꬄድኖ።
EXO 39:20 ሄዋዳንካ፥ ዎርቃፐ ሀራ ላኡ ምግዳቱዋ መꬊደ፥ ኤፉድያዉ ስንꬃ ባጋና፥ ሀሽያ ጫርቂያፐ ጋርሳ ባጋና ኤፉድያ ጼሳን ቃችያዋፐ ቆሞና፥ ስኩ ጋከቴዳ ሳኣ ማታን ካረና ኡንቱንታ ኦይꬄድኖ።
EXO 39:21 መꬍና ጎዳይ ሙሳ አዛዜዳዋዳን፥ ትራን ዎꬅያዋን ደእያ ምግዳቱዋ ኤፉድያን ደእያ ምግዳቱዋና ጋꬂደ፥ ሳሉዋ ማላትያ ባቀꬃን ቃችና ትራን ዎꬅያዌ ጼሳፐ ቆሞና ደእያ ድራዉ፥ ቃሹ ሾልኤና።
EXO 39:22 ኤፉድያፐ ጋርሳና ማይያ አዱሳ ማዩዋ እ ሳሉዋ ማላትያ ጫርቂያፐ ጊግሴዳ፤ ሄዌ ሸማይንያ ኦሱዋ።
EXO 39:23 ሄ አዱሳ ማዮ ቆꬍያ አꬅያ ሳኣ መꬌድኖ፤ ሄ ሳአይ ፔተናዳን፥ ዩሽ አꬂደ ጉጅ ጉጅ ስኬድኖ።
EXO 39:24 ኡንቱንቱ አዱሳ ማዩዋ ዱገ ባጋ ማጫራ ዩሹዋን ሳሉዋ ማላትያ፥ ኦቻ ቴራ ማላትያነ ሾሎላ ዞኦ ዶቀቴዳ ሮማንያ ቴራ ምስለቱዋ መꬌድኖ።
EXO 39:25 ኡንቱንቱ ቃይ ዎርቃፐ ዳላቱዋ መꬊደ፥ አዱሳ ማዮ ዱገ ባጋ ጋጻ ዩሽ አꬂደ፥ ሮማንያ ምስለቱዋ ግዱዋን፥ ዋላካን አꬄድኖ።
EXO 39:26 አሮነ ሄ ማዮ ዱገ ባጋ ማጫራ ዩሽ አꬂደ፥ ዳላነ ሮማንያ ቴራ ምስልያ ዋላኪደ አꬄድኖ። ሄዌ መꬍና ጎዳይ ሙሳ አዛዜዳዋዳን፥ ኡንቱንቱ ጾሳ ዱንካንያ ኦሱዋ ኦꬂደ ማያናሳ።
EXO 39:27 ኡንቱንቱ አሮናዉነ አ ናናዉ ሼማይንያ ሊኑዋፐ አዱሳ ሻምጭያ ጊግሴድኖ።
EXO 39:28 ቃይ አሮነ ሁጲያን ጻጽያ ሻሽያ፥ አ ናናዉ ቆበቱዋነ ጋርሳና ማይያ ማዮቱዋ ሊቆ ሊኑዋፐ ዳዲደ ጊግሴድኖ።
EXO 39:29 ኡንቱንቱ መꬍና ጎዳይ ሙሳ አዛዜዳዋዳን ሳሉዋ ማላትያ፥ ኦቻ ቴራ ማላትያነ ሾሎላ ዞኦ ቃጭናፐነ ሊቆ ሊኑዋፐ ዳዲደ፥ ኩሽያ ሂላን አሌቂሲደ፥ ዳንጩዋ ጊግሴድኖ።
EXO 39:30 ኡንቱንቱ ጌሻ አለቁዋ ምስልያ ዋላካይ ባይና ዎርቃፐ መꬊደ፥ ማታፋ ቦላ ዎጭያዋዳን፥ አ ቦላ፥ “መꬍና ጎዳዉ ጌሻ ግዲደ ዱማቴዳ” ያግያዋ ዎጪደ ጻፌድኖ።
EXO 39:31 ሄዋፐ ጉይያን ሁጲያን ሻሽያፐ ጻደን ቃቻናዳን፥ መꬍና ጎዳይ ሙሳ አዛዜዳዋዳን ሳሉዋ ማላትያ ባቀꬃ አን አꬂደ ቃቼድኖ።
EXO 39:32 ጾሳ ዱንካንያ ኪታይ ኡባይ ፖለቴዳ። እስራኤላቱ ኡባባካ መꬍና ጎዳይ ሙሳ አዛዜዳዋዳን ኦꬄድኖ።
EXO 39:33 ሄዋፐ ጉይያን ኡንቱንቱ ጾሳ ዱንካንያ ሙሴኮ አሄድኖ፤ ሄዌካ: ዱንካንያነ አ ሚሻ ኡባ፥ ጋꬅ ኦይꬅያዋ፥ ጻጋገቱዋ፥ ሽካላቱዋነ፥ ቱሳቱ ኤቂያ ሳጽነቱዋ፥
EXO 39:34 ቦላ ካማደ ዶርሳ ኦርግያ ጋልባ ዞኦ ቃላምያን የግ ከሴዳዋ፥ ሀራ ጋልባፐ መꬌዳ ቁምእያ፥ ታቦታ ገንꬅያ ጋርዱዋ፥
EXO 39:35 ቃላ ጫቁዋ ታቦታ፥ አ ቶክያ ካሶቱዋነ አቶ ግያ ሳኣ ቁምእያ፥
EXO 39:36 ጻርጴዛነ አ ሚሻ ኡባ ጾሳ ስንꬃን ዎꬅያ ጌሻ ኡክꬃ፥
EXO 39:37 ዋላካይ ባይና ዎርቃፐ ኦሰቴዳ ጾምፕያ ዎꬅያ ባላነ አን ማራን ደእያ ጾምፐቱዋ፥ ኡንቱንቱ ሚሻቱዋ ኡባነ ጾምፕያ ዛይትያ፥
EXO 39:38 እጻና ጩዋይያ ዎርቃ ሳጽንያ፥ ኦከትያ ዛይትያ፥ ሳዊያ እጻና፥ ጾሳ ዱንካንያ ፐንግያ ጋርዱዋ፥
EXO 39:39 ናሃስያፐ ኦꬄዳ ያርሽያ ሳኣ፥ አ ናሃስያ ዛዝሪያና፥ አ ቶክያ ካሱዋ፥ አ ሚሻቱዋ ኡባ፥ ሜቻ ከርያነ አ ዎꬅያዋ፥
EXO 39:40 ዳባባ ገንꬅያ ጋርዳቱዋ፥ አ ቱሳቱዋ፥ ኡንቱንቱ ኤቂያ ሳጽነቱዋ፥ ዳባባ ገልያ ፐንገቱዋ ጋርዱዋ፥ ዳባባ ዎዶሮቱዋነ ሽካላቱዋ፥ ጾሳ ዱንካንያ መꬋናዉ ኮሽያ ሚሻቱዋ ኡባ፤
EXO 39:41 ቄሳቱ ጌሻ ሳኣን ኦꬂደ ጎኤታናዉ ዳደቴዳ ማዮቱዋ፥ አሮነ ጌሻ ማዩዋነ አ ናናይ ቄሳተꬃ ኦꬂደ ማይያ ማዮቱዋ።
EXO 39:42 እስራኤላቱ ኦሱዋ ኡባካ መꬍና ጎዳይ ሙሳ አዛዜዳዋዳን ኡባባ ኦꬄድኖ።
EXO 39:43 ሙሴ ኦሱዋ ኡባ ጾሞስ ጼሊደ፥ ኡንቱንቱ መꬍና ጎዳይ አዛዜዳዋዳን ኦꬄዳዋ በኤዳ። ሄዋ ድራዉ፥ ሙሴ ኡንቱንታ አንጄዳ።
EXO 40:1 ሄዋፐ ጉይያን መꬍና ጎዳይ ሙሳ፥
EXO 40:2 “ኮይሮ አግናዉ ኮይሮ ጋላስ፥ ኔን መꬍና ጎዳ ዱንካንያ ቶካ።
EXO 40:3 ቃላ ጫቁዋ ታቦታ አ ግዶን ዎꬃ፤ ሄ ታቦታ ጋርዱዋን ካማ።
EXO 40:4 ጻርጴዛ ገልሳደ፥ አ ቦላ ዎꬋናዉ ኮሽያባ ኡባ ጊግሳደ አ ቦላ ዎꬃ። ያታደ ጾምፐቱዋ ዎꬅያ ባላ ሶ ገልሳደ፥ አ ቦላ ጾምፐቱዋ ኤꬃ።
EXO 40:5 እጻና ጩዋይያ ዎርቃ ሳጽንያ ቃላ ጫቁዋ ታቦታፐ ስንꬃና ዎꬃደ፥ ጾሳ ዱንካንያ ገልያ ጋርዱዋ ሶታ።
EXO 40:6 “ጹግያ ያርሹዋ ያርሽያ ሳኣ ጾሳ ዱንካንያፐ ስንꬃና ዎꬃ።
EXO 40:7 ሜቻ ከርያ ጾሳ ዱንካንያፐነ ያርሽያ ሳኣፐ ግዱዋን ዎꬃደ፥ አን ሃꬃ ትጋ።
EXO 40:8 ጾሳ ዱንካንያፐ ካረና ዩሻ አꬃደ ዳባባ ጊግሳደ ዳባባ ገልያ ሳኣን ጋርዱዋ ሶታ።
EXO 40:9 “ኦክያ ዛይትያ አካደ፥ ጾሳ ዱንካንያነ አ ግዶን ደእያ ኡባባ ኦካ፤ አነ አ ግዶን ጎኤትያ ሚሻ ኡባ ዱማያ፤ ያቶፐ እ ጌሻ ግዳናዋ።
EXO 40:10 ሄዋፐ ጉይያን ጹግያ ያርሹዋ ያርሽያ ሳኣነ አዉ ጎኤትያ ሚሻ ኡባ ኦካ፤ ያርሽያ ሳኣ ዱማያ፤ ያቶፐ እ ኡባፐ አꬍያ ጌሻ ግዳናዋ።
EXO 40:11 ሜቻ ከርያነ አ ኡትስያ ሚሻ ኦካደ ኡንቱንታ ዱማያ።
EXO 40:12 “ኔን አሮናነ አ ናና ጾሳ ዱንካንያ ገልያ ፐንገ አሃደ፥ ሃꬃን ኡንቱንታ ሜጫ።
EXO 40:13 ሄዋፐ ጉይያን ቄሰተꬃ ጌሻ ማዩዋ አሮና ማይዛደ፥ እ ታዉ ቄሰተꬃን ኦꬃናዳን፥ አ ኦካደ ዱማያ።
EXO 40:14 አ አቱማ ናናካ አሃደ ሻምጭያ ማይዛ።
EXO 40:15 ኡንቱንቱ ታዉ ቄሰተꬃን ኦꬃናዳን፥ ኡንቱንቱ አዉዋ ኦኬዳዋዳን፥ ኡንቱንታካ ኦካ። ኡንቱንቱ ኦካይ ኡንቱንታካ ኡንቱንቱ ስንꬃ የለታ ኡባ ቄሳቱዋ ኦꬅያዋ” ያጌዳ።
EXO 40:16 ሙሴ ኡባባካ ጾሳይ ባረና አዛዜዳዋዳን ኦꬄዳ።
EXO 40:17 ሄዋ ድራዉ፥ ግብጼፐ ኡንቱንቱ ከሴዳ ላኤንꬃ ላይꬃን፥ ኮይሮ አግናዉ ኮይሮ ጋላሳን ጾሳ ዱንካኒ ቶኬቴዳ።
EXO 40:18 ሙሴ ጾሳ ዱንካንያ ኤስያ ዎደ፥ ሳጽነቱዋ ኡንቱንቱ ሳኣን ሳኣን ዎꬄዳ፤ ጻጋገቱዋነ ቱሳ አꬄዳ፤ ሽካላቱዋካ ገልሴዳ።
EXO 40:19 ሄዋፐ ጉየ ሙሴ መꬍና ጎዳይ አዛዜዳዋዳን፥ ሀ ኤሴዳዋ ቦላን ዱንካንያ ꬎጌዳ፤ ሄ ኤሱዋ ቦላን ካሙዋ ካሜዳ።
EXO 40:20 ያቲደ ታሙ አዛዛቱ ጻፈቴዳ ማርካተꬃ ቃላ አፊደ፥ ታቦታ ግዶን ዎꬄዳ፤ ቶክያ ካሱዋ ታቦታን አꬄዳ፤ አቶ ግያ ሳኣ ቁምእያ ታቦታ ቦላ ዎꬄዳ።
EXO 40:21 ሄዋፐ ጉይያን ታቦታ ጾሳ ዱንካንያ ገልሴዳ፤ ገንꬅያ ጋርዱዋ ሶቲደ፥ መꬍና ጎዳይ አዛዜዳዋዳን ቃላ ጫቁዋ ታቦታ ካሜዳ።
EXO 40:22 መꬍና ጎዳይ ሙሳ አዛዜዳዋዳን፥ ሙሴ ጻርጴዛ መꬍና ጎዳ ዱንካንያን ገልሲደ፥ ጋርዱዋፐ ካረና ሁጲሳ ባጋና ዎꬄዳ።
EXO 40:23 አ ቦላ መꬍና ጎዳ ስንꬃን ዎꬅያ ጌሻ ኡክꬃ ጊግሴዳ።
EXO 40:24 መꬍና ጎዳይ ሙሳ አዛዜዳዋዳን፥ ጾምፕያ ዎꬅያ ባላ ጾሳ ዱንካንያ ግዶ ገልሲደ፥ ጻርጴዛ ሄፍንꬃና፥ ጾሳ ዱንካንያዉ ገድሳ ባጋና ዎꬄዳ፤
EXO 40:25 ቃይ ጾምፐቱዋ መꬍና ጎዳ ስንꬃን ኦይꬄዳ።
EXO 40:26 መꬍና ጎዳይ አዛዜዳዋዳን፥ እጻና ጩዋይያ ዎርቃ ሳጽንያ ጾሳ ዱንካንያ ግዶን ጋርዱዋ ስንꬃ ባጋና ዎꬄዳ፤
EXO 40:27 አ ቦላ ሳዊያ እጻና ጩዋዬዳ።
EXO 40:28 ሄዋፐ ጉይያን ጾሳ ዱንካንያ ፐንግያን ጋርዱዋ ሶቴዳ።
EXO 40:29 ጹግያ ያርሹዋ ያርሽያ ሳኣ ጾሳ ዱንካንያ ገልያ ፐንግያ ምይያን ዎꬄዳ፤ አ ቦላ ጹግያ ያርሹዋነ ካꬃ ያርሹዋ መꬍና ጎዳይ አዛዜዳዋዳን ያርሼዳ።
EXO 40:30 ጾሳይ ሙሳ አዛዜዳዋዳን፥ ሜቻ ከርያ ጾሳ ዱንካንያፐነ ያርሽያ ሳኣፐ ግዱዋን ዎꬄዳ። ያቲደ ሜጨታናዉ ሃꬃ አን ትጌዳ።
EXO 40:31 ሙሴ፥ አሮነነ አ ናናይ ባረንቱ ኩሽያነ ገድያ አን ሜጨቲኖ።
EXO 40:32 መꬍና ጎዳይ ሙሳ አዛዜዳዋዳን፥ ኡንቱንቱ ጾሳ ዱንካንያ ገሌዳ ዎደ ዎይ ያርሽያ ሳኣኮ ሺቄዳ ዎደ አዉደነ ሜጨቲኖ።
EXO 40:33 ጾሳ ዱንካንያነ ያርሽያ ሳኣ ዩሽ አꬂደ ዳባባ ከሴዳ፤ ሄ ዳባባ ፐንግያን ጋርዱዋ ሶቴዳ። ሄዋዳን ኦꬂደ፥ ሙሴ ኦሱዋ ፖሌዳ።
EXO 40:34 ሄዋፐ ጉይያን ሻሪ ጾሳ ዱንካንያ ካሜዳ፤ መꬍና ጎዳ ቦንቹካ አ ኩሜዳ።
EXO 40:35 ሻሪ ጾሳ ዱንካንያ ቦላ ኡቴዳ ድራዉነ መꬍና ጎዳ ቦንቹ አ ግዶን ኩሜዳ ድራዉ፥ ሙሴ አ ግዶ ገላናዉ ዳንዳይቤና።
EXO 40:36 እስራኤላቱ ባረንቱ ኦግያ ኡባን፥ ሄ ሻሪ ጾሳ ዱንካንያፐ ደንድያ ዎደ አዉደነ አ ካሊደ ሀመታ ዶምኖ።
EXO 40:37 ሽን ሄ ሻሪ ደንዳና ꬋዮፐ፥ እ ደንድያ ጋላሳይ ጋካናዉ ኡንቱንቱካ ቃጽክኖ።
EXO 40:38 ኡንቱንቱ ኦግያ ኡባን መꬍና ጎዳ ሻሪ እስራኤልያ አሳይ ኡባይ በእሽን፥ ጋላስ ጋላስ ጾሳ ዱንካንያ ካሜነ ቃማ ቃማ ቃይ ታማይ ሄ ሻርያ ግዶን ኤጼ።
LEV 1:1 መꬍና ጎዳና ጋከትያ ዱንካንያ ግዶፐ መꬍና ጎዳይ ሙሳ ጼሲደ፥ ሀዋዳን ያጊደ ሃሳዬዳ፤
LEV 1:2 “እስራኤልያ አሳዉ ሀዋዳን ያጋደ ኦዳ፤ ‘ህንተፐ ኦንነ መꬍና ጎዳዉ ያርሹዋ ሺሽያ ዎደ፥ ሄ ባረ ሺሽያ ያርሹዋ ባረ መህያፐ ዎይ ባረ ዶርሳ ዎይ ዴሻ ዉድያፐ አሆ።
LEV 1:3 ሄ ያርሹ መህያ ዉድያፐ ጹግያ ያርሹዋ ግዶፐ፥ አቱማዋ ግዲደ፥ ትላ ቦላና ደእያዋ ግዶ። መꬍና ጎዳይ አካና ማላ፥ እ ሄ ያርሹዋ መꬍና ጎዳ ዱንካንያ ገልያ ፐንግያን ያርሾ።
LEV 1:4 ያርሹዋ ሺሽያ ብታኒ ጹጊደ ያርሻናዉ አሄዳ ባረ መህያ ሁጲያን ባረ ኩሽያ ዎꬆ። ሄዌ አ ናጋራ አቶ ጋናዉ ጾሳይ አኬዳ ያርሹዋ ግዳናዋ።
LEV 1:5 እ ኮሩማ መꬍና ጎዳ ስንꬃን ሹክና፤ አሮና ናናይ ቄሳቱ ሄ ሱꬃ አሂደ፥ መꬍና ጎዳ ዱንካንያ ገልያ ፐንግያን ደእያ ያርሽያ ሳኣ ምይያ ኡባን ጉስኖ።
LEV 1:6 ሄዋፐ ጉይያን፥ እ ጹግያ ያርሾ መህያ ጋልባ ቃሮ፤ አሹዋ አ ቆሙዋን ቆሙዋን ከሶ።
LEV 1:7 ቄስያ አሮና ናናይ ያርሽያ ሳኣ ቦላን ታማ ኤꬂደ፥ ምꬃ ዎꬅኖ።
LEV 1:8 ሄዋፐ ጉይያን፥ አሮና ናናይ ቄሳቱ ሄ ከሴዳ አሹዋ ሁጲያነ ሞꬉዋ ጉጂደ፥ ያርሽያ ሳኣ ቦላን ታማን ደእያ ምꬃ ቦላን ማሪደ ዎꬅኖ።
LEV 1:9 ሽን ሄ ብታኒ ቃንꬃ አሹዋነ ገደቱዋ ሃꬃን ሜጮ። ያቲደ ቄሲ ሄዋ ኡባካ አሂደ፥ ያርሽያ ሳኣ ቦላ ጹጎ፤ ሄዌ መꬍና ጎዳዉ ታማን ጹግያ፥ ሳዉዋ ቶሹኩ ግያ ያርሹዋ ግዳናዋ።
LEV 1:10 “ ‘ጹግያ ያርሾ እ እምያ እሙ ዶርሳ ዉድያፐ ዎይ ዴሻ ዉድያፐ አከትያዋ ግዶፐ፥ አቱማዋ ግዲደ፥ ትላ ቦላና ደእያዋ ግዶ።
LEV 1:11 ሄ መህያ ያርሽያ ሳኣፐ ሁጲሳ ባጋና መꬍና ጎዳ ስንꬃን ሹኮ። አሮና ናናይ ቄሳቱ አ ሱꬃ አኪደ፥ ያርሽያ ሳኣ ምይያ ኡባ ቦላን ጉስኖ።
LEV 1:12 ሄዋፐ ጉይያን፥ ሄ ብታኒ አ ቆሙዋን ቆሙዋን ከሴዳ አሹዋ ኡባ ቄሲ አኪደ፥ ሁጲያነ ሞꬉዋ ጉጂደ፥ ያርሽያ ሳኣ ቦላን ታማን ደእያ ምꬃ ቦላን ዎꬆ።
LEV 1:13 ሽን ቃንꬃ አሹዋነ ገደቱዋ ሃꬃን ሜጮ፤ ያቲደ ቄሲ ሄዋ ኡባ አሂደ ያርሽያ ሳኣ ቦላን ጹጎ፤ ሄዌ መꬍና ጎዳዉ ታማን ጹግያ፥ ሳዉዋ ቶሹኩ ግያ ያርሹዋ ግዳናዋ።
LEV 1:14 “ ‘መꬍና ጎዳዉ ያርሽያ ጹግያ ያርሹ ካፉዋ ግዶፐ፥ ሀራጵያ ማራ፥ ዎይ ዶጎሙዋ አሆ።
LEV 1:15 ቄሲ ሄዋ አኪደ፥ ቆꬍያ ምርቆ፤ ያቲደ ያርሽያ ሳኣ ቦላን ደእያ ታማን ጹጎ። አ ሱꬃይ ያርሽያ ሳኣ ቦላፐ ምይያና ዱገ ጎግ ጭንጎ፤
LEV 1:16 ኡሎ ግዱዋ ባለቱዋና ከሲደ፥ ያርሽያ ሳኣፐ አዋይ ዶልያ ባጋና፥ ብድንꬃ ቆልያ ሳኣን ኦሎ።
LEV 1:17 እ ሄ ካፉዋ ቀፈቱዋ ኦይቂደ ጳልቆ፥ ሽን ኡባና ዳኮፖ። ሄዋፐ ጉይያን፥ ቄሲ ያርሽያ ሳኣ ቦላን ደእያ ታማን ዎꬂደ ጹጎ፤ ሄዌ መꬍና ጎዳዉ ታማን ጹግያ፥ ሳዉዋ ቶሹኩ ግያ ያርሹዋ ግዳናዋ።
LEV 2:1 “ ‘ኦንነ ካꬃ ያርሹዋ መꬍና ጎዳዉ ሺሽያ ዎደ፥ ሄ ያርሹ ሊቆ ꬊልያ ግዶ፤ አ ቦላ ዎጋራ ዛይትያነ እጻና ጉጆ።
LEV 2:2 ሄዋ እ አሮና ናናቱዋኮ ቄሳቱዋኮ አሆ፤ ቄሳቱ ሄ ሊቆ ꬊልያፐነ ዛይትያፐ እት ኩሽያ ኩንꬅ አኪደ፥ እጻና ኡባና አክ፥ ሀሳይስያዋ ኦꬂደ፥ ያርሽያ ሳኣ ቦላ ታማን ጹጎ። ሄዌ መꬍና ጎዳዉ ታማን ጹግያ፥ ሳዉዋ ቶሹኩ ግያ ያርሹዋ ግዳናዋ።
LEV 2:3 ካꬃ ያርሹዋፐ አቴዳዌ አሮናሳነ አ ናናቱዋሳ። ሄዌ መꬍና ጎዳዉ ታማን ጹገትያ ጌሻ ያርሹዋ ኡባፐ እቱዋ ግዴዳ ጌሻ ያርሹዋ።
LEV 2:4 “ ‘ያርሾ ሺሽያ ኡክꬃይ ጮጭያን ካኤዳዋ ግዶፐ፥ ዛይትያን ሙናቄዳ ሊቆ ꬊልያፐ ኡከቴዳ እርሹ የገትቤና ኮምፖ፥ ዎይ ዛይትያን ኦከቴዳ፥ እርሹ የገትቤና ሌኦ ኡክꬃ ግዶ።
LEV 2:5 “ ‘ያርሾ ሺሽያ ኡክꬃይ ባሽያን ኡከቴዳዋ ግዶፐ፥ ዛይትያን ሙናቄዳ፥ እርሹ ባይና፥ ሊቆ ꬊልያፐ ጊጌዳዋ ግዶ።
LEV 2:6 አ መንꬂደ አ ቦላ ዛይትያ ትጎ፤ ሄዋ ካꬃ ያርሹዋ ኦꬂደ ሺሾ።
LEV 2:7 “ ‘ነ ያርሾ ሺሽያ ካꬃ ያርሹ ድስትያን ካኤዳዋ ግዶፐ፥ ዛይትያን ሙናቄዳ ሊቆ ꬊልያፐ ካኤዳዋ ግዶ።
LEV 2:8 ሀዋዳን ጊግሴዳ ካꬃ ያርሹዋ መꬍና ጎዳዉ አሀ፤ ቄስያዉ እማ። ቄሲ ሄዋ አኪደ ያርሽያ ሳኣ ሺሾ።
LEV 2:9 ቄሲ ሄ ካꬃ ያርሹዋፐ አኪደ፥ ሀሳይስያዋ ኦꬂደ፥ ያርሽያ ሳኣ ቦላን ጹግያ ያርሹዋዳን ታማን ጹጎ፤ ሄዌ መꬍና ጎዳዉ ታማን ጹግያ፥ ሳዉዋ ቶሹኩ ግያ ያርሹዋ ግዳናዋ።
LEV 2:10 ካꬃ ያርሹዋፐ አቴዳዌ አሮነሳነ አ ናናቱዋሳ። ሄዌ መꬍና ጎዳዉ ታማን ጹጌዳ፥ ጌሻ ያርሹዋ ኡባፐ እቱዋ ግዴዳ ጌሻ ያርሹዋ።
LEV 2:11 “ ‘ጾሳዉ ህንተ አህያ አይ ካꬃ ያርሹነ እርሹዋና ደእያዋ ግዶፖ፤ አያዉ ጎፐ ኔን እርሹዋ ዎይ ኤሳ እልሉዋ ጾሳዉ ታማን ጹጋደ ያርሻናዉ ኮሸና።
LEV 2:12 ህንተ ላይꬃን ላይꬃን ጫከትያ ካꬃፐ ጼራ ከሲደ፥ ጾሳዉ አሀናዉ ዳንዳዪታ፤ ሽን ሄዋ ሳዉዋ ቶሹኩ ግያ ያርሹዋ ኦꬂደ፥ ጾሳዉ ያርሽያ ሳኣ ቦላን ጹገተና።
LEV 2:13 ኔን ሺሽያ ካꬃ ያርሹዋ ኡባን ማጽንያ የጋ፤ አያዉ ጎፐ፥ ነ ጾሳ ቃላ ጫቁዋ ማጽንያ አጎፓ። ሄዋ ድራዉ ነ ካꬃ ያርሹዋ ኡባ ማጽንያን ማልኤꬃ።
LEV 2:14 ኔን ኮይሮ ካꬃፐ ጼራ ከሳደ መꬍና ጎዳዉ አህያ ዎደ፥ ሄ ካꬃይ ጺጸቲደ ሀርጸቴዳ ትሻ ካꬃ ግዳናዉ ኮሼ።
LEV 2:15 አ ቦላ ዛይትያ ትጋ፤ እጻናካ አን ዎꬃ፤ ሄዌ ካꬃ ያርሹዋ።
LEV 2:16 ቄሲ ሄ ዛይቲ ትገቴዳ ሀርጸቴዳ ካꬃፐ ሻኩዋ አኪደ፥ እጻና ኡባናካ ሀሳይስያዋ ኦꬂደ ታማን መꬍና ጎዳዉ ጹጎ።
LEV 3:1 “ ‘እት አሳይ እትፐተꬃ ያርሾ ባረ ዉድያፐ ማጫዋ ግድና አቱማዋ ግድና እት መህያ ሺሽያ ዎደ፥ ሄ መሂ ትላ ቦላና ደእያዋ መꬍና ጎዳ ስንꬃን ሺሾ።
LEV 3:2 ያርሻናዉ አሄዳ መህያ ሁጲያን ባረ ኩሽያ ዎꬂደ፥ ጾሳ ዱንካንያ ፐንግያን ሹኮ። ሄዋፐ ጉይያን፥ ቄሳቱ አሮና ናናይ ሱꬃ ያርሽያ ሳኣ ምይያ ኡባ ቦላን ጉሶ።
LEV 3:3 እትፐተꬃ ያርሹዋፐ ታማን ጹግያ ያርሹዋ ኦꬂደ መꬍና ጎዳዉ ሺሾ፤ ሄዌካ ቃንꬃ አሹዋ ማዬዳ ሀንዳ ኡባይነ አናና ጋꬅያ ሀንዳይ፥
LEV 3:4 ላኡ ክላሆቱዋ፥ ኡንቱንቱ ቦላ ደእያ ሀንዳ፥ ጋይልያ ማታን ደእያ ሀንዳነ ትርያ ጼራ ቦላ ደእያ ሀንዳ ክላሆቱዋና ጋꬂደ አኬ።
LEV 3:5 አሮና አቱማ ናናይ ሄዋ ሀራ ጹግያ ያርሹዋና ያርሽያ ሳኣ ቦላ ደእያ ምꬃ ቦላ ዎꬂደ ጹግኖ፤ ሄዌ መꬍና ጎዳዉ ታማን ጹግያ፥ ሳዉዋ ቶሹኩ ግያ ያርሹዋ ግዳናዋ።
LEV 3:6 “ ‘መꬍና ጎዳዉ እትፐተꬃ ያርሹዋ ሺሽያ ኡራይ ዶርሳ ግድና ዴሻ፥ ማጫዋ ግድና አቱማዋ ትላ ቦላና ደእያዋ ሺሾ።
LEV 3:7 እት ኡራይ ዶርሳ ማራ ያርሽያዋ ግዶፐ፥ መꬍና ጎዳ ስንꬃን ሺሾ፤
LEV 3:8 ባረ ኩሽያ አ ሁጲያን ዎꬂደ፥ ዱንካንያ ስንꬃን ሹኮ። ሄዋፐ ጉይያን፥ አሮና አቱማ ናናይ ሱꬃ ኦይቂደ፥ ያርሽያ ሳኣ ምይያ ኡባ ቦላን ጉስኖ።
LEV 3:9 እትፐተꬃ ያርሹዋፐ ታማን ጹግያ ያርሹዋ ኦꬂደ፥ መꬍና ጎዳዉ ሺሾ፤ ሄዌካ፥ ዚዝያፐ ቃንጼዳ ናስያ፥ ኡሎ ግዶ አሹዋ ማዬዳ ሞꬍያነ ሀዋንታ ጋꬅ ኦይꬅያ ሞꬍያ ኡባ፥
LEV 3:10 ላኡ ክላሆቱዋ፥ ኡንቱንቱ ቦላ ደእያ ሀንዳነ ጋይልያ ማታን ደእያ ሞꬍያ፥ ትርያ ጼራ ቦላ ደእያ ሞꬍያ ክላሆቱዋና ጋꬂደ አኬ።
LEV 3:11 ቄሲ ሄ ቁማ ያርሹዋ መꬍና ጎዳዉ ታማን ጹግያ ያርሽያ ሳኣ ቦላ ዎꬂደ ጹጎ።
LEV 3:12 “ ‘አ ያርሹ ዴሻ ግዶፐ፥ እ ሄዋ መꬍና ጎዳ ስንꬃን ሺሾ።
LEV 3:13 ያቲደ አ ሁጲያን ባረ ኩሽያ ዎꬂደ፥ ጾሳ ዱንካንያ ስንꬃን ሹኮ። ሄዋፐ ጉይያን፥ አሮና አቱማ ናናይ ሱꬃ ኦይቂደ፥ ያርሽያ ሳኣ ዩሹዋን ኡባን ጉሲኖ።
LEV 3:14 እ ሄ ያርሽያዋፐ አኪደ፥ ታማን ጹግያ ያርሹዋ ኦꬂደ መꬍና ጎዳዉ ሺሾ፤ ሄዌካ ቃንꬃ አሹዋ ማዬዳ ሀንዳ ኡባነ ሄ ሀንዳ ጋꬅ ኦይꬅያ ሀራ ሀንዳ፥
LEV 3:15 ላኡ ክላሆቱዋ፥ ኡንቱንቱ ቦላ ደእያ ሀንዳነ ጋይልያ ማታን ደእያ ሞꬍያነ ትርያ ጼራ ቦላ ደእያ ሞꬍያ ክላሆቱዋና ጋꬂደ አኬ።
LEV 3:16 ቄሲ ሄ ቁማ ታማን ጹግያ፥ ሳዉዋ ቶሹኩ ግያ ያርሹዋ ኦꬂደ ያርሽያ ሳኣ ቦላ ጹጎ። ሀንዳ ኡባይ መꬍና ጎዳሳ።
LEV 3:17 “ ‘ሀንዳነ ሱꬃ ህንተ ደእያ ሳኣን ሀቃንነ ሞፕተ። ሀዌ ህንተንቶነ ህንተ የለታዉ መꬍናዉ ናገትያ ዎጋ’ ያጋደ ኦዳ” ያጌዳ።
LEV 4:1 መꬍና ጎዳይ ሙሳ ሀዋዳን ያጌዳ፤
LEV 4:2 “ኔን እስራኤልያ አሳዉ ሀዋዳን ያጋደ ኦዳ፤ ‘ኦንነ ቆፐናን ናጋራ ኦꬆፐነ፥ መꬍና ጎዳ አዛዞቱዋፐ እቱዋ ሀቃዋነ መንꬆፐ፥ ሀዋፐ ካሊደ ደእያ ዎጋ ናጎ።
LEV 4:3 “ ‘ቄስያ ካፑ ናጋራ ኦꬆፐነ ሄ ናጋራይ አሳ ባይዛንቻ ከስያዋ ግዶፐ፥ እ ባረ ኦꬄዳ ናጋራ ድራዉ፥ ትላ ቦላና ደእያ ኮሩማ መꬍና ጎዳዉ ናጋራ ያርሹዋ ኦꬂደ አሆ።
LEV 4:4 ሄ ኮሩማ መꬍና ጎዳ ዱንካንያ ፐንገ አꬂደ፥ ኮሩማ ሁጲያን ባረ ኩሽያ ዎꬂደ፥ መꬍና ጎዳ ስንꬃን ሹኮ።
LEV 4:5 ቄስያ ካፑ ኮሩማ ሱꬃፐ አማሬዳዋ አኪደ፥ መꬍና ጎዳ ዱንካንያ አፎ።
LEV 4:6 ባረ ኩሽያ ብራꬍያ ሱꬃን ቱሽ ቱሽ ከሲደ፥ መꬍና ጎዳ ዱንካንያ ጋርዱዋ ስንꬃን መꬍና ጎዳ ስንꬃን ላፑ ገደ ዱኮ።
LEV 4:7 ሄዋፐ ጉይያን፥ ቄስያ ካፑ አማሬዳ ሱꬃ አኪደ፥ መꬍና ጎዳ ዱንካንያ ግዶን መꬍና ጎዳ ስንꬃን ሳዊያ እጻና ጩውስያ ሳጽንያ ቦላ ደእያ ካጨቱዋ ቦላ ጾክሶ። አቴዳ ሱꬃ ቃይ ጾሳ ዱንካንያ ገልያ ሳኣ ባጋና ደእያ ጹግያ ያርሹዋ ያርሽያ ሳኣፐ ጋርሳ ባጋና ደእያ ሳኣን ጉሶ።
LEV 4:8 ናጋራ ያርሾ ሹከቴዳ ሀ ኮሩማ ሞꬉዋ ኡባ፥ ቃንꬃ አሹዋ ማዬዳ ሀንዳነ ኡንቱንታ ጋꬅ ኦይꬅያ ሞꬉዋ፥
LEV 4:9 ላኡ ክላሆቱዋ፥ ኡንቱንታ ማዬዳ ሀንዳነ ጋይልያ ማታን ደእያ ሞꬍያነ ትርያ ጼራ ቦላ ደእያ ሞꬍያ ክላሆቱዋና እትፐ ከሲደ አኮ።
LEV 4:10 እትፐተꬃ ያርሾ ሹከቴዳ ኮሩማፐ አኬዳ ሞꬉዋዳን አኮ። ቄስያ ካፑ ጹግያ ያርሹዋ ያርሽያ ሳኣ ቦላን ጹጎ።
LEV 4:11 ሽን ኮሩማ ጋልባ፥ አ አሹዋ ኡባ፥ አ ሁጲያነ፥ አ ገደቱዋ፥ ቃንꬃ አሹዋ፥ ቶጭያ፥
LEV 4:12 ኮሩማ አሹዋፐ አቴዳዋ ኡባ ዱንካኔዳ ሳኣፐ ካረ ከሲደ፤ ብድንꬃ ቆልያ ዎጋዳን ጌሻ ግዴዳ ሳኣ አፎ፤ ያን ምꬃ ታማን ጹጎ።
LEV 4:13 “ ‘እስራኤልያ ማባራይ ኡባይ ቆፐናን ናጋራ ኦꬆፐነ፥ መꬍና ጎዳ አዛዞቱዋፐ እቱዋ ሀቃዋነ መንꬆፐ፥ ኡንቱንቱ ባይዛንቻ ግዲደ ፓይደታና።
LEV 4:14 ኡንቱንቱ ኦꬄዳ ናጋራይ ኤረትያ ዎደ፥ ናጋራ ያርሾ ሀንያ ኮሩማ ጾሳ ዱንካንያ ስንꬃ አህኖ።
LEV 4:15 ሄ ማባራ ጭማቱ መꬍና ጎዳ ስንꬃን ባረንቱ ኩሽያ ኮሩማ ሁጲያ ቦላን ዎꬂደ፥ ሄ ኮሩማ መꬍና ጎዳ ስንꬃን ሹክኖ።
LEV 4:16 ሄዋፐ ጉይያን፥ ቄስያ ካፑ ኮሩማ ሱꬃፐ ጉꬃ አኪደ፥ ጾሳ ዱንካንያ ግዶ ገሎ፤
LEV 4:17 እ ባረ ኩሽያ ብራꬍያ ሱꬃን ቱሽ ቱሽ ከሲደ፥ ጋርዱዋ ስንꬃ ባጋና መꬍና ጎዳ ስንꬃን ላፑ ገደ ዱኮ።
LEV 4:18 ቃይ አማሬዳ ሱꬃ አኪደ፥ መꬍና ጎዳ ዱንካንያ ግዶን ስንꬃን እጻና ጩውስያ ሳጽንያ ቦላ ደእያ ካጨቱዋ ቦላ ጾክሶ። አቴዳ ሱꬃ ቃይ መꬍና ጎዳ ዱንካንያ ገልያሳ ባጋና ደእያ ጹግያ ያርሹዋ ያርሽያ ሳኣፐ ጋርሳ ባጋና ደእያ ሳኣን ጉሶ።
LEV 4:19 ሞꬉዋ ኡባ አኪደ፥ ያርሽያ ሳኣ ቦላን ጹጎ።
LEV 4:20 ናጋራ ያርሾ ሹከቴዳ ኮሩማ ኦꬄዳዋዳን ሀ ኮሩማካ ኦꬆ። ሄዋዳን ኦꬂደ፥ ቄሲ ናጋራ አቶ ጊስያ ዎጋ ፖላና፤ አሳይካ ናጋራፐ ማረታናዋ።
LEV 4:21 ሄዋፐ ጉይያን፥ ኮሩማ ዱንካኔዳ ሳኣፐ ካረ ከሲደ፥ ካሰ ኮሩማ ጹጌዳዋዳን አካ ጹጎ፤ ሀዌ ማባራ ናጋራዉ ያርሽያ ያርሹዋ።
LEV 4:22 “ ‘አሳ ካለꬅያ ሱንꬃቱዋፐ እቱ ቆፐናን ናጋራ ኦꬆፐነ መꬍና ጎዳይ አ ጾሳይ አ አዛዜዳ አዛዙዋፐ እቱዋ ሀቃዋነ መንꬆፐ፥ ሄ ኡራይ ባይዛንቻ።
LEV 4:23 እ ባረ ኦꬄዳ ናጋራ ኤሬዳዋፐ ጉይያን፥ ትላ ቦላና ደእያ እት ዴሻ ኦርግያ አሆ።
LEV 4:24 ሄ ዴሻ ኦርግያ ሁጲያን ባረ ኩሽያ ዎꬂደ ጹግያ ያርሹ መꬍና ጎዳ ስንꬃን ሹከትያ ሳኣን ሹኮ፤ ሄዌ ናጋራ ያርሹዋ።
LEV 4:25 ቄስያ ካፑ ናጋራ ያርሹዋ ሱꬃ ግዶ ባረ ኩሽያ ብራꬍያ ቱሽ ቱሽ ከሲደ፥ ጹግያ ያርሹዋ ያርሽያ ሳኣ ቦላ ደእያ ካጨቱዋ ቦላ ጾክሶ፤ አቴዳ ሱꬃ ቃይ ጹግያ ያርሹዋ ያርሽያ ሳኣፐ ጋርሳ ባጋና ደእያ ሳኣን ጉሶ።
LEV 4:26 ሞꬉዋ ኡባ እትፐተꬃ ያርሹዋ ሞꬉዋ ያርሽያዋዳን ያርሽያ ሳኣ ቦላን ያርሾ። ሀዋዳን ኦꬂደ፥ ቄሲ ብታንያ ናጋራ አቶ ጊሴ፤ ብታኒካ ባረ ናጋራፐ ማረታናዋ።
LEV 4:27 “ ‘ሄ ማባራ አሳፐ እቱ ቆፐናን ናጋራ ኦꬆፐነ መꬍና ጎዳ አዛዙዋፐ እቱዋ ሀቃዋነ መንꬆፐ፥ ሄ ኡራይ ባይዛንቻ ግዲደ ፓይደቴ።
LEV 4:28 እ ባረ ኦꬄዳ ናጋራይ አዉ ኤረቴዳዋፐ ጉይያን፥ ትላ ቦላና ደእያ ማጫ ዴሻቶ ባረ ናጋራዉ አሆ።
LEV 4:29 ባረ ኩሽያ ናጋራ ያርሹዋ ኦꬂደ ሹክያ ዴሻት ሁጲያን ዎꬆ፤ ያቲደ ጹግያ ያርሹዋ ያርሽያ ሳኣን ናጋራ ያርሹዋ ኦꬂደ ሹኮ።
LEV 4:30 ሄዋፐ ጉይያን፥ ቄስያ ካፑ ሄ ዴሻት ሱꬃፐ ባረ ኩሽያ ብራꬍያን አኪደ፥ ጹግያ ያርሹዋ ያርሽያ ሳኣ ቦላ ደእያ ካጨቱዋ ቦላ ጾክሶ፤ አቴዳ ሱꬃ ኡባ ያርሽያ ሳኣፐ ጋርሳ ባጋና ደእያ ሳኣን ጉሶ።
LEV 4:31 ሞꬉዋ ኡባ እትፐተꬃ ያርሾ ሹኬዳ መህያፐ ከስያዋዳን፥ ሄ ዴሻት ሞꬉዋካ ቆሪደ ከስ አኪደ፥ ያርሽያ ሳኣ ቦላ ዎꬂደ፥ መꬍና ጎዳዉ ሳዉዋ ቶሹኩ ግያ ያርሹዋ ግዳና ማላ ጹጎ። ሄዋዳን ኦꬂደ፥ ቄሲ ሄ ብታንያ ናጋራ አቶ ጊሴ፤ ብታኒካ ባረ ናጋራፐ ማረቴ።
LEV 4:32 “ ‘ሄ ብታኒ ባረ ናጋራ ያርሾ ዶርሳ ሺሻናዉ ኮዮፐ፥ ትላ ቦላና ደእያ ማጫውኖ አሆ።
LEV 4:33 እ ባረ ኩሽያ ሄ ዶርሳት ሁጲያን ዎꬂደ ጹግያ ያርሾ ሹክያ መሂ ሹከትያ ሳኣን እዞ ሹኮ።
LEV 4:34 ሄዋፐ ጉይያን፥ ቄሲ ናጋራ ያርሹዋ ግዴዳ ሄ ዶርሳት ሱꬃን ባረ ብራꬍያ ቱሽ ቱሽ ከሲደ፥ ጹግያ ያርሹዋ ያርሽያ ሳኣ ቦላ ደእያ ካጨቱዋ ቦላ ጾክሶ፤ አቴዳ ሱꬃ ቃይ ያርሽያ ሳኣፐ ጋርሳ ባጋና ደእያ ሳኣን ጉሶ።
LEV 4:35 እትፐተꬃ ያርሾ ሹከቴዳ ሞꬉዋ ቃሪደ ከስያዋዳን፥ ሄ ዶርሳት ሞꬉዋካ ቃሪደ ከሶ። ያቲደ፥ ያርሽያ ሳኣ ቦላ መꬍና ጎዳዉ ታማን ጹግያ ያርሹዋ ቦላ ዎꬂደ ጹጎ። ሀዋዳን ኦꬂደ፥ ቄሲ ሄ ብታንያ ናጋራ አቶ ጊሴ። ብታኒካ ባረ ናጋራፐ ማረታናዋ።
LEV 5:1 “ ‘አይ አሳይነ ማርካዉ ጼሰቲደ ባረ በኤዳዋ ዎይ ባረ ኤሬዳዋ ጉታራን ማርካተናን እጾፐ፥ ሄዌ አዉ ናጋራ፤ ሄዋ ድራዉ እ ባረ ናጋራን ኦሸቴ።
LEV 5:2 “ ‘ቃይ አይ አሳይነ ኤረናን ደኢደ ቱናባ፥ ዶኣ ባኩታ ዎይ መህያ ባኩታ ዎይ ሳኣና ጎሸትያ ዶአቱዋ ባኩታ ቦቾፐ፥ ቱና ግድያዋ እ ኤሬዳ ዎድያፐ ዶሚደ ባይዛንቻ ግዴዳ።
LEV 5:3 “ ‘ቃይካ አይ አሳይነ ኤረናን ደኢደ፥ አሳ ቦላፐ ጎግያ ቱንስያባ አያ ግድናካ ቦቾፐ፥ ሄዌ ቱና ግድያዋ እ ኤሬዳ ዎድያፐ ዶሚደ ባይዛንቻ ግዴዳ።
LEV 5:4 “ ‘ዎይ ቃይ አይ አሳይነ ኢታባ ግድና ሎኦባ ኦꬃናዉ ኤለካ ጫቆፐነ ባረ ጫቄዳዋካ እ አኬከናን ꬋዮፐ፥ እ አኬኬዳ ዎድያፐ ዶሚደ ባይዛንቻ ግዴዳ።
LEV 5:5 “ ‘አይ አሳይነ ሀ ኦደቴዳ ባይዛቱዋፐ እቱዋ ኦꬄዳዋ ግዶፐ፥ ባረ ኦꬄዳ ናጋራ ፓጾ።
LEV 5:6 እ ባረ ኦꬄዳ ናጋራ ድራዉ መꬍና ጎዳዉ ባረ ዉድያ ግዶፐ ማጫ ዶርሳ ዎይ ማጫ ዴሻ ናጋራ ያርሹዋ ኦꬂደ ሺሾ። ቄሲ አኪደ፥ ሄ ብታንያ ናጋራ አቶ ጊሳናዋ።
LEV 5:7 “ ‘አሳይ ባረ ኦꬄዳ ናጋራዉ ያርሻናዉ፥ ዶርሳ ዎይ ዴሻ ሻማናዉ አዉ ሻሉ ግዳና ꬋዮፐ፥ ላኡ ሀራጰቱዋ፥ ዎይ ላኡ ዶጎማቱዋ፥ እቱዋ ናጋራ ያርሹዋ ኦꬂደ፥ ቃይ እቱዋ ጹግያ ያርሹዋ ኦꬂደ መꬍና ጎዳዉ አሆ።
LEV 5:8 እ ኡንቱንታ ቄስያዉ እሞ። ቄሲ ላኡ ሀራጰቱዋፐ እትንዉ ቆꬍያ ሙጨናን ጮ ምርቂደ፥ ናጋራ ያርሹዋ ኦꬂደ ያርሾ።
LEV 5:9 ያቲደ ሄ ናጋራ ያርሹዋ ሱꬃፐ አማሬዳዋ አኪደ፥ ያርሽያ ሳኣ ምይያን ጫጫፎ፤ አቴዳ ሱꬃ ያርሽያ ሳኣፐ ጋርሳ ባጋና ጉሶ፤ ሄዌ ናጋራ ያርሹዋ።
LEV 5:10 የንኮ ሀራጳቶ ቃይ ህጊ አዛዝያዋዳን፥ ጹግያ ያርሹዋ ኦꬂደ ጹጎ። ቄሲ ሄዋዳን ኦꬂደ፥ ብታኒ ኦꬄዳ ናጋራ አቶ ጊሳናዉ ያርሹዋ ያርሼ፤ ብታኒካ ባረ ናጋራፐ ማረታናዋ።
LEV 5:11 “ ‘ሽን እት ኡራዉ ላኡ ዎጋ ዶጎማቱዋ ዎይ ላኡ ሀራጰቱዋ አሀናዉ ሻሉ ግዳና ꬋዮፐ፥ ላኡ ኪሎ ግራመ ሊቆ ꬊልያ ባረ ናጋራዉ ሺሽያ ያርሹዋ ኦꬂደ አሆ። ሄ ꬊሊ ናጋራ ያርሹዋ ግድያ ድራዉ፥ ዎጋራ ዛይቲ ዎይ እጻናይ አን ጉጀቶፖ።
LEV 5:12 እ ሄዋ አሂደ ቄስያዉ እሞ፤ ቄሲ ሄ ꬊልያፐ እት ኩሽያ ኩንꬅ አኪደ፥ መꬍና ጎዳዉ ሺሽያ ሀራ ያርሹዋ ቦላ ዎꬂደ፥ ሀሳይስያዋ ኦꬂደ ያርሽያሳን ደእያ ታማን ጹጎ፤ ሄዌ ናጋራ ያርሹዋ።
LEV 5:13 ሀ ጌተቴዳዋንቱፐ ሀቃዋንነ ግዶ ብታኒ ኦꬄዳ ናጋራዉ ቄሲ ሀዋዳን ኦꬂደ፥ ብታኒ ኦꬄዳ ናጋራ አቶ ጊሴ፤ ብታኒካ ባረ ናጋራፐ ማረታናዋ። ካꬃ ያርሹዋዳንካ አቴዳዋ ቄሲ አኮ ያጋደ ኦዳ’ ” ያጌዳ።
LEV 5:14 መꬍና ጎዳይ ሙሴዉ ሀዋዳን ያጊደ ኦዴዳ፤
LEV 5:15 “ኦንነ መꬍና ጎዳዉ ጌሽ ዎꬄዳ ሚሻቱዋ ቦላ አማነተናን ꬋዮፐ ቃይ ኤረናን ናጋራ ኦꬆፐ፥ ባረ ናቆ ባረ ዉድያ ግዶፐ ትላ ቦላና ደእያ እት ዶርሳ ኦርግያ መꬍና ጎዳዉ አሆ። አ ጋቲካ መꬍና ጎዳ ዱንካንያን ኤረትያ ሚዛናን ዎꬅና ኤረቶ፤ ሄዌ ናቁዋ ያርሹዋ።
LEV 5:16 መꬍና ጎዳዉ ዱማይ ዎꬄዳ ሚሻቱዋ ቦላ እ ናጋራ ኦꬄዳ ድራዉ፥ እ ሄ ሚሻቱዋ ጋትያ ጭጎ፤ ካሰ ጋትያ ቦላ ጼቱዋፐ ላታሙ ኩሽያ ጉጂደ ቄስያዉ እሞ። ቄሲ ሄ ናቁዋ ያርሾ አሄዳ ዶርሳ ያርሺደ፥ ብታንያ ናጋራ አቶ ጊሴ፤ ብታኒካ ባረ ናቁዋፐ ማረታናዋ።
LEV 5:17 “አይ አሳይነ ኤረናን ደኢደ፥ መꬍና ጎዳይ፥ ‘ኦꬆፓ’ ጊደ አዛዜዳዋፐ እቱዋ ኦꬂደ ናጋራን ገሎፐ፥ እ ኤራና ꬋዮፐ ባይዛንቻ ግድያ ድራዉ፥ ባረ ናጋራን ኦሸቴ።
LEV 5:18 እ ባረ ዉድያፐ ትላ ቦላና ደእያ እት ዶርሳ ኦርግያ ናቁዋ ያርሾ ቄስያኮ አሆ። ሄ ዶርሳይ ናቆ ጭግያ ጋትያ ከስያዋ ግዶ፤ ያቶፐ ቄሲ ሄ ዶርሳ ያርሺደ፥ ብታንያ ናቁዋ አቶ ጊሴ፤ ብታኒካ ባረ ናቁዋፐ ማረቴ።
LEV 5:19 ሄዌ ናቁዋ ያርሹዋ። እ ቱሙካ መꬍና ጎዳ ናቄዳ” ያጌዳ።
LEV 6:1 መꬍና ጎዳይ ሙሴዉ ሀዋዳን ያጌዳ፤
LEV 6:2 “መꬍና ጎዳይ ኦንነ ናጋራ ኦꬂደ ባረ ሾሩዋ ዎርዶቲደ ጭሞፐ ሀዋፐ ካሊደ ደእያ ህገቱዋ እሜዳ: ሾሩዋ ማታን ሀዳራ ዎꬆባ ዎይ ኦይꬂደ ታልኤዳባ ካዶፐ፥ ዎይ አሳዋ ቦንቆፐ፥ ዎይ ባረ ሾሩዋ ቦላን ሱገꬃ ኦꬆፐ፥
LEV 6:3 ዎይ ባዬዳዋ ደሚደ ታ በአበይከ ጎፐነ ዎርዱዋን ጫቆፐ፥ ሀዋንታ ማላትያዋንቱፐ እቱዋ ኦꬆፐ፥
LEV 6:4 እ ሀቃዋነ ግዶ፥ ኦꬂደ፥ ሄዋን ናጋራንቻ ግዶፐ፥ ባረ ቦንቂ አኬዳዋ፥ ዎይ ኦይꬅና ካዲደ አኬዳዋ፥ ዎይ ሀዳራ እሜዳዋ ዎይ፥ ባይና ደሜዳዋ፥
LEV 6:5 ዎይ ዎርዱዋን ጫቂ አኬዳዋ ኡባካ አ ጎዳዉ ዛሮ። ቃይ ባረ ናቁዋ ያርሹዋ ያርሽያ ጋላስ ባረ አኬዳዋ ቦላ ጼቱዋፐ ላታሙ ኩሽያ ጉጂደ አ ጎዳዉ እሞ።
LEV 6:6 ቃይካ ባረ ናቁዋ ድራዉ መꬍና ጎዳዉ ያርሽያ ያርሾ ባረ ዉድያ ግዶፐ ትላ ቦላና ደእያ እት ዶርሳ ኦርግያ ቄስያኮ አሆ። ሄ ዶርሳ ጋቲ ሱረ ቆፈቴዳዋ ግዶ።
LEV 6:7 ቄሲ ሄ ዶርሳ መꬍና ጎዳ ስንꬃን ያርሺደ፥ ብታንያ ናቁዋ አቶ ጊሴ፤ ብታኒካ ባረ ናቁዋ ኡባፐ ማረታናዋ” ያጌዳ።
LEV 6:8 መꬍና ጎዳይ ሙሴዉ ሀዋዳን ያጊደ ኦዴዳ፤
LEV 6:9 “አሮናነ አ አቱማ ናናቱዋ ሀዋዳን ያጋደ አዛዛ፤ ‘ጹግያ ያርሾ ደእያ ዎጋይ ሀዋ: ጹግያ ያርሹ ቃማይ ዎንታና ጋካናዉ ያርሽያ ሳኣን ደኦ። ታማይካ ያርሽያ ሳኣን ኡባ ዎደ ኤጺደ ደኦ።
LEV 6:10 ቄሲ ሊኑዋፐ ዳደቴዳ ቃምሽያነ ሱርያ ማዪደ፥ ጹግያ ያርሹዋ ታማይ ም ስምና አቴዳ ብድንꬃ ደንꬂደ፥ ያርሽያ ሳ ምይያን ላሎ።
LEV 6:11 ሄዋፐ ጉይያን፥ ሄ ማዩዋ ቃር ዎꬅ ሀራ ማዩዋ ማዪደ፥ ሄ ብድንꬃ ዱንካኔዳ ሳኣፐ ጋጻ አፊደ፥ ህግያዳን ጌዬዳ ሳኣን ቆሎ።
LEV 6:12 ያርሽያ ሳኣ ቦላ ደእያ ታማይ ቶኤናን ኡባ ዎደ ኤጺደ ደኦ። ቄሲ ዎንታ ዎንታ ምꬃ አን ጉጅ ጉጂደ ዎꬆ። ጹግያ ያርሹዋካ ሄ ምꬃ ቦላ ማራን ዎꬂደ፥ እትፐተꬃ ያርሹዋ ሀንዳ አ ቦላ ጹጎ።
LEV 6:13 ታማይ ያርሽያ ሳኣ ቦላ ኡባ ዎደ ኤጺደ ደኦ፤ ቶአናዉ ኮሸና።
LEV 6:14 “ ‘ካꬃ ያርሾ እመቴዳ ዎጋይ ሀዋ: አሮና አቱማ ናና ግድያ ቄሳቱ ያርሽያ ሳኣፐ ስንꬃ ባጋና መꬍና ጎዳ ስንꬃን ሺሽኖ።
LEV 6:15 ቄሲ ሎኦ ꬊልያፐ ኮጵያዋነ ዛይትያ አኪደ፥ ካꬃ ያርሹዋ ቦላ ደእያ እጻና ኡባካ ደንꬂደ፥ መꬍና ጎዳዉ ሳዉዋ ቶሹኩ ግያ ያርሹዋ ኦꬂደ፥ ሀሳይስያዋ ግዳናዳን ያርሽያ ሳኣ ቦላ ጹጎ።
LEV 6:16 ሄዋፐ አቴዳዋ አሮንነ አ አቱማ ናናይ ሚኖ፤ ሄዋ ኡንቱንቱ እርሹ የገትቤና ኡክꬃ ኦꬅ ኡኪደ፥ ዱንካንያ ዳባባ ግዶን ደእያ ጌሻ ሳኣን ሚኖ።
LEV 6:17 ሄ ኡክꬃይ እርሹዋ የገናን ኡከቶ። ሄዋ ታዉ ታማን ጹግያ ያርሹዋፐ ኡንቱንታ ጋክያዋ ታን ኡንቱንቶ እማድ። ናጋራ ያርሹዋዳንነ ናቁዋ ያርሹዋዳን እካ ሎይꬂደ ጌሻ።
LEV 6:18 መꬍና ጎዳዉ ታማን ጹግያ ያርሹዋፐ ኡንቱንታ ጋክያዋ ግድያ ድራዉ፥ ይያ ላይꬃቱዋንካ አሮና ዛረ ግድያ አቱማዋንቱ ኡባይ ሄዋ ሚኖ። ሄ ያርሹዋ ቦችያ አያይነ ጌሻ ግዳና’ ያጋ” ያጌዳ።
LEV 6:19 መꬍና ጎዳይ ቃይካ ሙሴዉ ሀዋዳን ያጊደ ኦዴዳ፤
LEV 6:20 “አሮንነ አ አቱማ ናናቱዋፐ ቄሳተꬃ ካፖተꬃዉ ኦከትያ ጋላስ ላኡ ኪሎ ግራመ ግድያ ሎኦ ꬊልያ ካꬃ ያርሹዋ ኦꬂደ መꬍና ጎዳዉ አህኖ። ሄዋፐ ባጋ ዎንታ፥ ባጋ ኦማርስ ያርሽኖ።
LEV 6:21 ሄ ꬊሊ ዛይትያን ሙናቀት ሎኦ ዋላከቲደ ባሽያን ኡከቶ፤ ቡንቻደ፥ ሳዉዋ ቶሹኩ ግያ ካꬃ ያርሹዋ ኦꬃደ መꬍና ጎዳዉ ሺሻ።
LEV 6:22 ቃይ አሮና አቱማ ናናቱዋፐ አ ቄሰተꬃ ካፖተꬃ ኦሶ ኦከትያ ኡባይካ ሄ ዎጋ ኦꬅኖ። ሄዌ መꬍና ጎዳዉ ኡባ ገደ ያርሽያ ያርሹዋ ግዲደ ኡባና ጹገቶ።
LEV 6:23 ቄሲ ሺሽያ ካꬃ ያርሹዋፐ ጉየ አተናን ዉር ጹገቶ፤ አፐ አያይነ ሜተቶፖ” ያጌዳ።
LEV 6:24 መꬍና ጎዳይ ሙሴዉ ሀዋዳን ያጊደ ኦዴዳ፤
LEV 6:25 “አሮናሳነ አ አቱማ ናናቶ፥ ሀዋዳን ያጋ፤ ‘ናጋራ ያርሹዋ ዎጋይ ሀዋ: መꬍና ጎዳዉ ጹግያ ያርሾ ሺሽያ መሂ ሹከትያ ሳኣን ናጋራ ያርሾ ሺሽያ መሂካ ሄዋን ጾሳ ስንꬃን ሹከቶ፤ እካ ጌሻ ያርሹዋ ኡባፐ እቱዋ ግዴዳ ጌሻ ያርሹዋ።
LEV 6:26 ሄ ያርሹዋ ያርሽያ ቄሲ ዱንካንያ ዳባባ ግዶን ደእያ ጌሻ ሳኣን ሞ።
LEV 6:27 ሄ አሹዋ ቦችያ አያይነ ጌሻ ግዳናዋ፤ ቃይ ሹክሺን አይ ማዩዋ ቦላነ ሱꬃይ ꬋጨቶፐ፥ ሄ ማዩ ጌሻ ሳኣን ሜጨቶ።
LEV 6:28 አሹ ዶይሰቴዳ ኡርቃ ሚሻይ መኦ፤ ማዳብያ ብራታ ድስትያን ዶይሴዳዋ ግዶፐ፥ ሄ ድስትያ ቃጪደ ሃꬃን ሾክ ድጋናዉ ኮሼ።
LEV 6:29 ቄሳቱዋ ዛርያፐ አቱማ አሳ ግዴዳ ኦንነ ሄ አሹዋ ሞ፤ ሄ አሹ ጌሻ ኡባፐ እቱዋ ግዴዳ ሎይꬅ ጌሻ።
LEV 6:30 ግዶ ሽን ጌሻ ሳኣን ናጋራ አቶ ጊሳናዉ አ ሱꬃ አኪደ፥ ዱንካንያ ግዶ ገልሴዳ አይ መህያ አሹዋነ ማናዉ ኮሸና፤ እ ታማን ጹገታናዉ ኮሼ።
LEV 7:1 “ ‘ናቁዋ ያርሹዋ ዎጋይ ሀዋ: እካ ጌሻ ኡባፐ እቱዋ ግዴዳ ጌሻ ያርሹዋ።
LEV 7:2 ጹግያ ያርሾ ሺሽያ መህያ ሹክያ ሳኣን ናቁዋ ያርሹዋ መህያካ ሹክኖ፤ አ ሱꬃካ ያርሽያ ሳኣ ምየቱዋን ꬋጭኖ።
LEV 7:3 ቃይ አ ሀንዳ ኡባ: ሄዌካ ናስያ ሀንዳ፥ ቃንꬃ አሹዋ ማዬዳ ሀንዳ፥
LEV 7:4 ላኡ ክላሆቱዋ፥ ሽንጭያ ማታን ደእያ ኡንቱንቱ ማዬዳ ሀንዳነ ትርያ ጼራ ቦላ ደእያ ሞꬍያ ክላሆቱዋና እትፐ ያርሹዋ ኦꬂደ ሺሾ።
LEV 7:5 ታማን ጹጊደ መꬍና ጎዳዉ ያርሽያ ያርሹዋዳን፥ ሄ ሺቄዳ ሀንዳ ቄሲ ያርሽያ ሳኣ ቦላን ጹጎ፤ ሄዌ ናቁዋ ያርሹዋ።
LEV 7:6 ቄስያ ዛረ ግዴዳ አቱማ አሳይ ኡባይ ሄ ያርሹዋ አሹዋ ሞ። ሄ ያርሹ ጌሻ ያርሹዋ ኡባፐ እቱዋ ግድያ ድራዉ፥ ጌሻ ሳኣን ሞ።
LEV 7:7 “ ‘ናቁዋ ያርሹ ናጋራ ያርሹዋካ ማላ፤ ኡንቱንቱ ላኡዋ ዎጋይ እቱዋ። ሄዌነ ያርሸቴዳ መህያ አሹ ናጋራ አቶ ጊሳናዉ ያርሹዋ ያርሼዳ ቄስያዉ እመቴ።
LEV 7:8 ኦንነ ጹግያ ያርሹዋ አሆፐ ያርሽያ ቄሲ ሄ መህያ ጋልባ ባረዉ አኮ።
LEV 7:9 ጮጭያን ኮምፐቴዳ ካꬃ ያርሹዋ ኡባይነ ኦቱዋን ዶይሰቴዳ ዎይ ባሽያን ኡከቴዳ ኡባይካ ሄ ያርሹዋ ያርሼዳ ቄስያዉ እመቴ።
LEV 7:10 ቃይ ዛይትያን ሙናቀቴዳ ዎይ ሙናቀትቤና ካꬃ ያርሹዋ ኡባይ አሮና አቱማ ናናቶ ኡባዉ እመቴ፤ ኡንቱንቱ ሄዋ ቃራን ግሽ አክኖ።
LEV 7:11 “ ‘አሳይ እትፐተꬃ ያርሹዋ መꬍና ጎዳዉ ያርሽያ ዎደ አዉ ደእያ ዎጋይ ሀዋ:
LEV 7:12 እ ሺሽያ እትፐተꬃ ያርሹ ጋላታ ያርሹዋ ግዶፐ፥ ሄ ያርሹዋና እትፐ ዛይትያን ሙናቄዳ፥ እርሹዋ የገናን ኡኬዳ ኡክꬃ፥ ዛይትያን ኦከቴዳ፥ እርሹ ገልቤና ሌኦ ዳቡዋነ ዛይትያን ሎይꬅ ሙናቄዳ፥ ሊቆ ꬊልያፐ ኡከቴዳ ኮምፑዋ ሺሾ።
LEV 7:13 ሄ ጋላታዉ ሺሽያ እትፐተꬃ ያርሹዋና እትፐ እርሹዋ የጌዳ ሙናቃፐ ኡከቴዳ ኡክꬃካ እሞታ ኦꬂደ ሺሾ።
LEV 7:14 ቃይ ሄ ኡባ ቆሞ ኡክꬃቱዋፐካ እ እቱዋ እቱዋ ደንꬂደ፥ መꬍና ጎዳዉ ያርሹዋ ኦꬂደ አሆ። ሄዌ እትፐተꬃ ያርሹዋ ሱꬃ ጫጫፌዳ ቄስያዉ እመቶ።
LEV 7:15 ሄ መህያ አሹ ጋላታዉ ሺቅያ እትፐተꬃዉ ያርሸቴዳ ጋላስ ሜተቶ፤ ዎንታዉ አያይነ አቶፖ።
LEV 7:16 “ ‘ሽን አ ያርሹ ሺቄዳዋ ጋꬅያ ዎይ ባረ ዶሱዋን ጮ እምያ ያርሹዋ ግዶፐ፥ ሄ ያርሹዋ አሹ ሄ ያርሼዳ ጋላስ ሜተቶ፤ አፐ አትያዋ ቃይ ዎንተꬃ ጋላስካ ሜተቶ።
LEV 7:17 ሄ ያርሹዋ አሹዋፐ ፓላሂደ ሄዘንꬆ ጋላሳ ጋካናዉ ጋምእያዌ ደኦፐ፥ ሄዌ ታማን ጹገቶ።
LEV 7:18 እት አሳይ ሺሼዳ እትፐተꬃ ያርሹዋ አሹዋፐ ሀቃዌነ ሄዘንꬆ ጋላስ ሜተቶፐ፥ አ ያርሹ አከተና፤ እ ያርሼዳዋዳንካ ፓይደተና። ሄ ያርሹ ቱና፤ አፐ ሜዳ ኦንነ ባረ ናጋራን ኦሸቴ።
LEV 7:19 “ ‘ቱናባ አያነ ቦቼዳ አሹ ሜተቶፖ፤ እ ታማን ጹገታናዉ ኮሼ። አሹ ጌሻ አሹዋ ግዶፐ፥ ዎጋን ጌሻ ግድያ አሳይ ኦንነ ማና ጎፐ ሞ።
LEV 7:20 ሽን እት አሳይ ቱና ግድ ኡቲደ፥ መꬍና ጎዳዉ ሺሼዳ እትፐተꬃ ያርሹዋ አሹዋፐ ምያዋ ግዶፐ፥ ሄ አሳይ ባረ አሳ ግዶፐ ቦሄቶ።
LEV 7:21 ቃይ እት አሳይ ቱናባ አያነ ቦቾፐ አሳ ቱናተꬃ ግድና ዎይ ቱና መህያ ግድና፥ ዎይ ሀራ ሸነይያ ቱናባ ቦቾፐ ስሚደ መꬍና ጎዳዉ ያርሼዳ እትፐተꬃ ያርሹዋ አሹዋፐ ሞፐ፥ ሄ ኡራይ ባረ አሳ ግዶፐ ቦሄቶ’ ያጋ” ያጌዳ።
LEV 7:22 መꬍና ጎዳይ ሙሴዉ ሀዋዳን ያጊደ ኦዴዳ፤
LEV 7:23 “እስራኤልያ አሳዉ ሀዋዳን ያጋ፤ ‘ኮሩማ ዎይ ዶርሳ ዎይ ዴሻ አሹዋን ሞꬍያ ዛዋ ሙለካ ሞፕተ።
LEV 7:24 ሀይቄዳ መህያ ዎይ ዶአይ ዎꬌዳ መህያ ሞꬍያካ ሀራባዉ ጎኤትተፐ አትና፥ አፐ አያነ ሞፕተ።
LEV 7:25 አያዉ ጎፐ፥ መꬍና ጎዳዉ ታማን ጹግያ ያርሾ ሺሽያ መህያ ሞꬍያ ምያ ኦንነ ባረ አሳ ግዶፐ ቦሄቶ።
LEV 7:26 ህንተ ደእያ ሳኣን ሀቃን ግዶፐካ፥ ካፉዋ ሱꬃ፥ መህያ ሱꬃ ዎይ ሀራባ አያ ሱꬃነ ሞፕተ።
LEV 7:27 ሱꬃ ምያ አይ አሳይነ፥ ሄ አሳይ ባረ አሳ ግዶፐ ቦሄቶ’ ያጋ” ያጌዳ።
LEV 7:28 መꬍና ጎዳይ ሙሴዉ ሀዋዳን ያጊደ ኦዴዳ፤
LEV 7:29 “እስራኤልያ አሳዉ ሀዋዳን ያጋ፤ ‘መꬍና ጎዳዉ እትፐተꬃ ያርሹዋ ሺሽያ አይ አሳይነ ሄ እትፐተꬃ ያርሹዋፐ ሻኪደ፥ ባረ ሁጰ እሞታ ዱማዪደ መꬍና ጎዳዉ ሺሾ።
LEV 7:30 ሄዋ እ መꬍና ጎዳዉ ታማን ጹግያ ያርሹዋ ኦꬂደ፥ ባረ ኩሽያን አኪደ አሆ፤ ቃይ ሞꬉዋካ አንጎሱዋና አሆ፤ አንጎሱዋ ዉጻክያ ያርሹዋ ኦꬂደ፥ መꬍና ጎዳ ስንꬃን ቃꬆ።
LEV 7:31 ቄሲ ያርሽያ ሳኣ ቦላን ሞꬉዋ ጹጎ፤ ሽን አንጎሱ አሮናሳነ አ አቱማ ናናቶ እመቶ።
LEV 7:32 ህንተ እትፐተꬃ ያርሹዋፐ ኡሸቻ ገድያ እሞታ ኦꬂደ ቄስያዉ እምተ።
LEV 7:33 ሄዌ ኡሸቻ ገዲ አሮና አቱማ ናናቱዋፐ እትፐተꬃ ያርሹዋ ሱꬃነ ሞꬊድያ ያርሽያዎ አ ጋክያ አ ግሹዋ።
LEV 7:34 ታን እስራኤልያ አሳ እትፐተꬃ ያርሹዋፐ ቃꬄዳ አንጎሱዋነ ያርሾ ሺሼዳ ገድያ አካደ፥ ቄስያ አሮናሳነ አ አቱማ ናናቶ እማድ፤ ሄዌ ኡንቱንታ ጋክያ ኡንቱንቱ ግሹዋ ግድያ ድራዉ፥ እስራኤልያ አሳይ መꬍናዉ ሄዋ ኡንቱንቶ እሚደ ደአና’ ያጋደ ኦዳ” ያጌዳ።
LEV 7:35 አሮንነ አ አቱማ ናናይ ቄስያ ግዲደ፥ መꬍና ጎዳዉ ኦꬃናዉ ሱንቴዳ ጋላስ መꬍና ጎዳዉ ሺሼዳ ታማን ጹግያ ያርሹዋፐ ሄዌ ኡንቱንቶ ግሹዋ ግዲደ እመቴዳ።
LEV 7:36 መꬍና ጎዳይ ኡንቱንቱ ቄሰተꬃዉ ኦከቴዳ ጋላስ፥ ሄዋ ኡንቱንቶ እማና ማላ፥ እስራኤልያ አሳ ኡባ አዛዜዳ፤ ስንꬃ የለታን ኡባንካ ሀዌ ዎጋ ግዲደ ኦሰቴ።
LEV 7:37 ስም ሀዋንቱ፥ ጹግያ ያርሾ፥ ካꬃ ያርሾ፥ ናጋራ ያርሾ፥ ናቁዋ ያርሾ፥ ቄሳተꬃዉ ኦከትያ ዎደ ያርሽያ ያርሾነ እትፐተꬃ ያርሾ እመቴዳ ዎጋቱዋ።
LEV 7:38 ሀ ዎጋቱ እስራኤልያ አሳይ ሲና መላ ሳኣን ባረንቱ ያርሹዋ መꬍና ጎዳዉ ያርሻና ማላ መꬍና ጎዳይ አዛዜዳ ጋላስ፥ ሲና ደርያ ቦላን መꬍና ጎዳይ ሙሳ አዛዜዳ ዎጋቱዋ።
LEV 8:1 መꬍና ጎዳይ ሙሴዉ ሀዋዳን ያጊደ ኦዴዳ፤
LEV 8:2 “አሮናነ አ አቱማ ናናቱዋ ቃይ ኡንቱንቱና እትፐ፥ ቄሳተꬃ ማዩዋ፥ ኦክያ ዛይትያ፥ ናጋራ ያርሾ ሹክያ ኮሩማ፥ ላኡ ዶርሳ ኦርገቱዋነ፥ እርሹዋ የገናን ኡኬዳ ኡክꬃ ዎꬄዳ ማሶፍያ አካደ ያ።
LEV 8:3 ቃይ እስራኤልያ አሳ ኡባካ ጼሳደ፥ ዱንካንያ ካረ ሺሻ” ያጌዳ።
LEV 8:4 ሙሴ መꬍና ጎዳይ አዛዜዳዋዳን ኦꬄዳ፤ አሳይካ ኡባይ ዱንካንያ ካረን ሺቄዳ።
LEV 8:5 ሙሴ አሳዉ፥ “ኦꬃና ማላ መꬍና ጎዳይ አዛዜዳዌ ሀዋ” ያጌዳ።
LEV 8:6 ሙሴ አሮናነ አ አቱማ ናናቱዋ አሂደ፥ ሃꬃን ሜጬዳ።
LEV 8:7 አሮና ቃምሽያ ማይዜዳ፤ ዳንጩዋካ ዳንጭሴዳ። ቃይ አዱሳ ቃምሽያ ማይዚደ፥ አ ቦላን ኤፉድያ ማይዜዳ። ኤፉድያ ሂላቲደ ዳዴዳ ሳቂያን አሮናና ጋꬂደ ቃቼዳ።
LEV 8:8 ቃይ ትራን ዎꬅያዋ አሮና ቦላን አꬂደ፥ አ ግዶን ኡሪምያነ ቱሚምያ ዎꬄዳ።
LEV 8:9 ቃይካ አሮና ሁጲያን ሻሽያ ኤንጩርሳ ዎꬄዳ። መꬍና ጎዳይ ሙሳ አዛዜዳዋዳን ሄ ኤንጩርሳ ቦላን ስንꬃ ባጋና ዎርቃ ማዳልያ፥ ዎርቃፐ መꬌዳ ካላቻ ምስልያ ዎꬄዳ።
LEV 8:10 ያቶዋፐ ጉይያን ሙሴ ኦክያ ዛይትያ አኪደ፥ ዱንካንያነ ዱንካንያ ግዶን ደእያ ሚሻ ኡባ ኦኬዳ፤ ኡንቱንታ ጌሼዳ።
LEV 8:11 ቃይ ሄ ዛይትያፐ አኪደ፥ ያርሽያ ሳኣ ቦላ ላፑ ገደ ጫጫፌዳ፤ ያርሽያ ሳኣ፥ አ ሚሻቱዋ፥ ሜቻ ከርያነ አ ዎꬅያዋ፥ ጌሻናዉ ሄ ዛይትያን ኦኬዳ።
LEV 8:12 ቃይ ሄ ኦክያ ዛይትያፐ አማራ አሮና ሁጲያን ትጊደ፥ አ ጌሼዳ።
LEV 8:13 መꬍና ጎዳይ ሙሳ አዛዜዳዋዳን፥ ሙሴ አሮና አቱማ ናናቱዋ ስንꬃዉ አꬂደ፥ ቃምሽያ ማይዜዳ፤ ዳንጩዋን ዳንጭሴዳ። ኡንቱንቱ ሻሽያ ኤንጩርሳ ዎꬄዳ።
LEV 8:14 ሄዋፐ ጉይያን፥ ናጋራ ያርሾ ኮሩማ ሙሴ አꬄዳ፤ አሮንነ አ አቱማ ናናይ ሄ ኮሩማ ሁጲያን ባረንቱ ኩሽያ ዎꬄድኖ።
LEV 8:15 ሙሴ ሄ ኮሩማ ሹኬዳ፤ አ ሱꬃፐ ባረ ብራꬍያን አኪደ፥ ያርሽያ ሳኣ ካጨቱዋ ኦኪደ፥ ያርሽያ ሳኣ ጌሼዳ፤ ቃይ ያርሽያ ሳኣ ናጋራ አቶ ጊሳናዉ አቴዳ ሱꬃ አፐ ጋርሳና ጉሲደ፥ ጾሳዉ ጌሼዳ።
LEV 8:16 ቃንꬃ አሹዋ ካሜዳ ሀንዳ ኡባ፥ ትርያ ጼራ ቦላ ደእያ ሞꬍያ፥ ላኡ ክላሆቱዋነ ኡንቱንታ ካሜዳ ሀንዳ አኪደ፥ ሙሴ ያርሽያ ሳኣ ቦላን ዎꬂደ ጹጌዳ።
LEV 8:17 ሽን መꬍና ጎዳይ ሙሳ አዛዜዳዋዳን፥ ጋልባ፥ ኮሩማፐ አቴዳዋነ ቶጭያ ዱንካኔዳ ሳኣፐ ጋጻ ከሲደ፥ ታማን ጹጌዳ።
LEV 8:18 ያት ስሚደ ሙሴ ጹግያ ያርሾ ሀንያ ዶርሳ ኦርግያ አሄዳ፤ አሮንነ አ አቱማ ናናይ ሄ ዶርሳ ኦርግያ ሁጲያን ባረንቱ ኩሽያ ዎꬄድኖ።
LEV 8:19 ሙሴ ሄ ዶርሳ ኦርግያ ሹኬዳ፤ አ ሱꬃ ያርሽያ ሳኣ ምይያ ኡባን ጉሴዳ።
LEV 8:20 ቃይ ዶርሳ ኦርግያ አሹዋካ አ ቆሙዋን ቆሙዋን ቃንጼዳ፤ ቃንጸꬃ፥ ሁጲያነ ሞꬍያ ያርሽያ ሳኣ ቦላ ዎꬂደ ሙሴ ጹጌዳ።
LEV 8:21 ቃንꬃ አሹዋነ ገደቱዋ ሃꬃን ሜጮዋፐ ጉይያን፥ ዶርሳ ኡባና መꬍና ጎዳዉ ታማን ጹግያ፥ ሳዉዋ ቶሹኩ ግያ ያርሹዋ ኦꬂደ፥ መꬍና ጎዳይ ሙሳ አዛዜዳዋዳን ያርሽያ ሳኣ ቦላን ዎꬂደ ጹጌዳ።
LEV 8:22 ሄዋፐ ጉይያን፥ ቄሰተꬃዉ ኦከትያ ዎደ ሺሽያ ላኤንꬆ ዶርሳ ሙሴ አሄዳ፤ አሮንነ አ አቱማ ናናይ ሄ ዶርሳ ሁጲያን ባረንቱ ኩሽያ ዎꬄድኖ።
LEV 8:23 ሙሴ ሄ ዶርሳ ሹኬዳ፤ አ ሱꬃፐ አኪደ፥ አሮናዉ ኡሸቻ ሀይꬃ ጼራ፥ ኡሸቻ ኩሽያ ዎጋ ብራꬍያነ፥ ኡሸቻ ገድያ ዎጋ ብራꬍያ ኦኬዳ።
LEV 8:24 ቃይ ሙሴ አሮና አቱማ ናናቱዋካ ስንꬃዉ አሂደ፥ ሄ ሱꬃፐ አኪደ፥ ኡንቱንቱ ኡሸቻ ሀይꬃ ጼራ፥ ኡንቱንቱ ኡሸቻ ኩሽያ ዎጋ ብራꬍያነ ኡንቱንቱ ኡሸቻ ገድያ ዎጋ ብራꬍያ ኦኬዳ። ሄዋፐ ጉይያን፥ ሙሴ አቴዳ ሱꬃ ያርሽያ ሳኣ ምይያ ኡባን ጉሴዳ።
LEV 8:25 ያቲደ ሞꬉዋ፥ ናስያ፥ ቃንꬃ አሹዋ ማዬዳ ሞꬍያ፥ ትርያ ጼራ ቦላ ደእያ ሞꬍያ፥ ላኡ ክላሆቱዋነ ኡንቱንታ ማዬዳ ሀንዳነ ኡሸቻ ገድያ አኬዳ።
LEV 8:26 ቃይ እርሹዋ የገናን ኡኬዳ ኡክꬃ ዎꬅያ መꬍና ጎዳ ስንꬃን ደእያ ማሶፍያፐ እት ኮምፑዋ፥ ዛይትያና ኡኬዳ እት ኡክꬃነ እት ሌኦ ኡክꬃ አኪደ፥ ሀዋንታ ሞꬍያ ቦላንነ ኡሸቻ ገድያ ቦላን ዎꬄዳ።
LEV 8:27 እ ሀ ቁማ ኡባ አሮና ኩሽያንነ አ አቱማ ናናቱዋ ኩሽያን ዎꬄዳ፤ ኡንቱንቱ መꬍና ጎዳ ስንꬃን ቃꬅያ ያርሹዋ ኦꬂደ ቃꬄድኖ።
LEV 8:28 ሄዋፐ ጉይያን፥ ሙሴ ሄ ቁማ ኡንቱንቱ ኩሽያፐ አክ፥ ጹግያ ያርሹዋና ጋꬂደ፥ ቄሰተꬃዉ ኦከትያ ዎደ መꬍና ጎዳዉ ታማን ጹጊደ ሺሽያ፥ ሳዉዋ ቶሹኩ ግያ ያርሹዋዳን፥ ያርሽያ ሳኣ ቦላን ዎꬂደ ጹጌዳ።
LEV 8:29 ቃይ ሙሴ አንጎሱዋ አኪደ፥ ቃꬅያ ያርሹዋ ኦꬂደ መꬍና ጎዳ ስንꬃን ቃꬄዳ፤ መꬍና ጎዳይ ሙሳ አዛዜዳዋዳን፥ ቄሳተꬃዉ ኦከትያ ዎደ ያርሽያ ዶርሳ ኦርግያ አሹዋፐ ሄዌ ሙሳ ጋክያ አ ግሹዋ።
LEV 8:30 ሙሴ ኦክያ ዛይትያፐነ ያርሽያ ሳኣ ቦላን ደእያ ሱꬃፐ አኪደ፥ አሮና ቦላነ አ ማዩዋ ቦላ፥ ቃይ አ አቱማ ናናቱዋ ቦላነ፥ ኡንቱንቱ ማዩዋ ቦላካ ጫጫፌዳ፤ ያቲደ አሮናነ አ ማዩዋ ቃይ አ ናናቱዋነ አ ናናቱዋ ማዩዋካ ጌሼዳ።
LEV 8:31 ሙሴ አሮናነ አ አቱማ ናናቱዋ ሀዋዳን ያጌዳ፤ “አሹዋ ጋከትያ ዱንካንያ ካረን ዶይስተ፤ ‘አሮንነ አ ናናይ ሄዋ ሚኖ’ ያጋደ ታን አዛዜዳዋዳን፥ ቄሳተꬃዉ ኦከትያ ዎደ ሺሽያ ያርሹዋ ዎꬅያ ማሶፍያ ግዶን ደእያ ያርሹዋ ኡክꬃና ሄዋን ሚተ።
LEV 8:32 ሄ አሹዋፐነ ኡክꬃፐ ፓላሄዳዌ ደኦፐ ታማን ጹግተ።
LEV 8:33 ቄሳተꬃዉ ኦክያ ዎጋይ ላፑን ጋላሳ አክያ ድራዉ፥ ሄ ህንተ ቄሳተꬃዉ ኦከትያ ላፑን ጋላሳይ ዉራናዉ፥ ዱንካንያ ፐንገፐ ካረ ከሶፕተ።
LEV 8:34 ሀ ሀች ኦሰቴዳዌ መꬍና ጎዳይ አዛዝና፥ ህንተ ናጋራ አቶ ጊሳናዉ ኦሰቴዳ።
LEV 8:35 ዱንካንያ ፐንግያን ላፑን ጋላሳ ኩመንꬃ ጋላስነ ቃማነ ታክተ፤ መꬍና ጎዳ ዎጋካ ናግተ፤ እጾፐ ህንተ ሀይቃና። ታና መꬍና ጎዳይ አዛዜዳዌ ሀዋ” ያጌዳ።
LEV 8:36 አሮንነ አ ናናይ መꬍና ጎዳይ ሙሴ ባጋና አዛዜዳዋ ኡባ ኦꬄድኖ።
LEV 9:1 ሆስፑንꬃ ጋላሳን ሙሴ አሮናነ አ ናናቱዋ፥ ቃይ እስራኤልያ ጭማቱዋካ ጼሴዳ።
LEV 9:2 አሮና ሀዋዳን ያጌዳ፤ “ናጋራ ያርሾ እት ኮሩማ፥ ቃይ ጹግያ ያርሾ እት ዶርሳ ኦርግያ መꬍና ጎዳ ስንꬃ ሺሻ። መሄቱ ላኡካ ትላ ቦላና ደእያዋንታ ግድኖ።
LEV 9:3 ቃይ እስራኤልያ አሳ ሀዋዳን ያጋ፤ ‘መꬍና ጎዳይ ህንተንቶ ቆንጭያ ድራዉ፥ መꬍና ጎዳ ስንꬃን ያርሻናዉ፥ ናጋራ ያርሾ እት ዴሻ ኦርግያ፥ ጹግያ ያርሾ ትላ ቦላና ደእያ እት ላይꬃ ማራነ እት ላይꬃ ዶርሳ አሆ።
LEV 9:4 እትፐተꬃ ያርሾ እት ኮሩማ፥ እት ዶርሳ ኦርግያነ ዛይትያን ሙናቀቴዳ ካꬃ ያርሹዋ አህተ ያጋ’ ” ያጌዳ።
LEV 9:5 ኡንቱንቱ ሙሴ አዛዜዳዋ ኡባ ጾሳ ዱንካንያ ስንꬃ አሄድኖ፤ ያቲደ ማባራ ኡባይ ሺቂደ፥ መꬍና ጎዳ ስንꬃን ኤቄድኖ።
LEV 9:6 ሙሴ ኡንቱንታ፥ “መꬍና ጎዳ ቦንቹ ህንተንቶ ቆንጫና ማላ፥ ህንተ ኦꬃናዳን መꬍና ጎዳይ ህንተና አዛዜዳዌ ሀዋ” ያጌዳ።
LEV 9:7 ቃይ ሙሴ አሮናዉ ሀዋዳን ያጌዳ፤ “ያርሽያ ሳኮ ሃ ሺቃ፤ ነ ናጋራ ያርሹዋነ ነ ጹግያ ያርሹዋ ያርሻ፤ ያታደ ነ ሁጰ ናጋራነ ነ አሳ ናጋራካ አቶ ጊሳ። ቃይ መꬍና ጎዳይ አዛዜዳዋዳን፥ አሳይ ሺሽያ ያርሹዋ ያርሻደ፥ ኡንቱንቱ ናጋራካ አቶ ጊሳ” ያጌዳ።
LEV 9:8 አሮን ያርሽያ ሳኮ ዪደ፥ ባረ ሁጰ ናጋራዉ ያርሹዋ ኦꬅ ሺሼዳ ኮሩማ ሹኬዳ።
LEV 9:9 አሮና አቱማ ናናይ ሱꬃፐ አኪደ አዉ አሄድኖ፤ እ ባረ ኩሽያ ብራꬍያ ሄ ሱꬃን የድ ከሲደ፥ ያርሽያ ሳኣ ካጨቱዋ ቦቼዳ፤ አቴዳ ሱꬃካ ያርሽያ ሳኣፐ ጋርሳ ባጋና ጉሴዳ።
LEV 9:10 መꬍና ጎዳይ ሙሳ አዛዜዳዋዳን፥ ቃይ ሄ ናጋራ ያርሹዋ አሹዋፐ ሞꬉዋ፥ ክላሆቱዋነ ትርያ ጼራ ቦላ ደእያ ሞꬍያ ያርሽያ ሳኣ ቦላን ዎꬂደ ጹጌዳ።
LEV 9:11 ሽን አቴዳ አሹዋነ ጋልባ ዱንካኔዳ ሳኣፐ ካረ ከሲደ ጹጌዳ።
LEV 9:12 ሄዋፐ ጉይያን፥ አሮን ጹግያ ያርሹዋ ሹኬዳ፤ አ ናናይ ሱꬃ አኪደ አዉ አሄድኖ፤ እ ያርሽያ ሳኣ ምይያ ኡባን ጉሴዳ።
LEV 9:13 ቃይ ኡንቱንቱ ጹግያ ያርሹዋ ቆሙዋን ቆሙዋን ከሲደ፥ ሁጲያናካ አዉ አሄድኖ፤ እ ያርሽያ ሳኣ ቦላን ዎꬂደ ጹጌዳ።
LEV 9:14 ቃንꬃ አሹዋነ ገደቱዋካ ሃꬃን ሜጪደ፥ ያርሽያ ሳኣ ቦላን ደእያ ጹግያ ያርሹዋ ቦላን ዎꬂደ ጹጌዳ።
LEV 9:15 ሄዋፐ ጉይያን፥ አሮን አሳ ያርሹዋ ሺሼዳ፤ እ አሳ ናጋራ ያርሾ ግድያ ዴሻ ኦርግያ አኪደ ሹኬዳ፤ ካሰ ባረዋዳንካ ኡንቱንቱ ናጋራዉ ያርሼዳ።
LEV 9:16 ቃይ እ ጹግያ ያርሹዋ መህያ አሂደ፥ ዎጋይ አዛዝያዋዳን ኦꬂደ ያርሼዳ።
LEV 9:17 ካꬃ ያርሹዋካ ሺሼዳ፤ አፐ እት ኮጵያ ግድያዋ አኪደ፥ ዎንታ ዎንታ ጹግያ ያርሹዋፐ ሀራ አ ቦላን ዎꬂደ ጹጌዳ።
LEV 9:18 አሮን ቃይካ አሳ እትፐተꬃ ያርሾ ኮሩማነ ዶርሳ ኦርግያ ሹኬዳ፤ አ አቱማ ናናይ ሱꬃ አዉ አሄድኖ፤ እ ሄ ሱꬃ አኪደ፥ ያርሽያ ሳኣ ምይያ ኡባ ጉሴዳ።
LEV 9:19 ቃይ ኮሩማነ ዶርሳ ኦርግያ አሹዋፐ ሞꬉዋ፥ ናስያ፥ ቃንꬃ አሹዋ ማዬዳ ሀንዳ፥ ክላሆቱዋነ ትርያ ጼራ ቦላ ደእያ ሞꬍያ አሮና ናናይ አዉ አሄድኖ።
LEV 9:20 ኡንቱንቱ ሄ ሀንዳ አንጎሱዋ ቦላ ዎꬅና፥ አሮን ያርሽያ ሳኣ ቦላን ሄዋ ጹጌዳ።
LEV 9:21 ሽን ሙሴ አዛዜዳዋዳን፥ አሮን አንጎሶቱዋነ ኡሸቻ ገድያ ቃꬅያ ያርሹዋ ኦꬂደ፥ መꬍና ጎዳ ስንꬃን ቃꬄዳ።
LEV 9:22 ሄዋፐ ጉይያን፥ አሮን ባረ ኩሽያ አሳኮ ዛር ደንꬂደ ኡንቱንታ አንጄዳ። እ ናጋራ ያርሹዋ፥ ጹግያ ያርሹዋነ እትፐተꬃ ያርሹዋ ያርሾዋፐ ጉይያን፥ ያርሽያ ሳኣፐ ዱገ ዎꬌዳ።
LEV 9:23 ሙሴነ አሮን መꬍና ጎዳ ዱንካንያ ግዶ ገሌድኖ፤ ኡንቱንቱ ሄዋፐ ከሴዳ ዎደ፥ አሳ አንጄድኖ። ያትና መꬍና ጎዳ ቦንቹ አሳ ኡባዉ ቤቴዳ።
LEV 9:24 መꬍና ጎዳ ስንꬃፐ ታማይ ዎꬊደ፥ ያርሽያ ሳኣ ቦላን ደእያ ጹግያ ያርሹዋነ ሞꬍያ ሜዳ። አሳይ ኡባይ ሄዋ በኤዳ ዎደ እልሌዳ፤ ቃይ ኡንቱንቱ ባረንቱ ሶምኡዋን ሳኣ ቦቺደ ጉፋኔድኖ።
LEV 10:1 አሮና አቱማ ናናይ፥ ናዳብነ አብሁ፥ ባረንቱ እጻና ጩውስያ ሚሻ አኪደ፥ አ ቦላን ታማ ዎꬄድኖ፤ ታማ ቦላ ቃይ እጻና ቆሌድኖ፤ ያቲደ፥ መꬍና ጎዳይ ኡንቱንታ አዛዝቤና፥ ሀራ ታማ መꬍና ጎዳ ስንꬃን ሺሼድኖ።
LEV 10:2 ሄዋ ጋሱዋን መꬍና ጎዳ ስንꬃፐ ታማይ ዪደ፥ ኡንቱንታ ሜዳ፤ ኡንቱንቱካ መꬍና ጎዳ ስንꬃን ሀይቄድኖ።
LEV 10:3 ሄዋፐ ጉይያን፥ ሙሴ አሮና፥ “መꬍና ጎዳይ፥ “ ‘ታን ታ ማታ ሺቅያዋንታ ታ ጌሻተꬃ በሳና። ቃይ አሳ ኡባ ስንꬃን ታን ቦንቼታና’ ” ጊደ ሃሳዬዳዌ በአ ሀዋ ያጌዳ። አሮን ጮኡ ጌዳ።
LEV 10:4 ሙሴ አሮና አዉዋ እሻ ኡዝኤላ አቱማ ናናቱዋ፥ ምሻኤላነ ኤልጻፋና ጼጊደ፥ “ሃ ዪተ፤ ህንተ አዉዋ እሻ ናናቱዋ አሃ ጾሳ ዱንካንያ ስንꬃፐ ደንꬂደ፥ ዱንካኔዳ ሳኣፐ ጋጻ ከስተ” ያጌዳ።
LEV 10:5 ሄዋ ድራዉ ኡንቱንቱ ዪደ፥ ሙሴ አዛዜዳዋዳን፥ ባረንቱ ቄሰተꬃ ማዩዋና ኡንቱንቱ አሃ ቶኪደ፥ ዱንካኔዳ ሳኣፐ ጋጻ ከሴድኖ።
LEV 10:6 ሄዋፐ ጉይያን፥ ሙሴ አሮናነ አ አቱማ ናናቱዋ፥ ኤልኣዛራነ እታማራ ሀዋዳን ያጌዳ፤ “ህንተ ሀይቀና ማላነ፥ መꬍና ጎዳይ ማባራ ኡባ ቦላን ሀንቀተና ማላ፥ ህንተ ሁጲያ ሜድሶፕተ፤ ህንተ ማዩዋካ ፔꬎፕተ። ሽን ህንተ እሻቱ፥ እስራኤልያ አሳቱ፥ መꬍና ጎዳይ ባረ ኤꬄዳ ታማን ጹጌዳዋንቶ ዬካና ጎፐ ኡንቱንቱ ዬክኖ።
LEV 10:7 ቃይካ ህንተ ዱንካንያ ፐንግያፐ ካረ ከሶፐ ህንተ ሀይቃና፤ አያዉ ጎፐ ጾሳይ ኦክያ ዛይቲ ህንተ ቦላን ደኤ” ያጌዳ። ኡንቱንቱካ ሙሴ ጌዳዋዳን ኦꬄድኖ።
LEV 10:8 መꬍና ጎዳይ አሮና ሀዋዳን ያጌዳ፤
LEV 10:9 “ህንተ ሀይቀና ማላ፥ ዱንካንያ ግዶ ገልያ ዎደ፥ ኔንካ ነ ናናይካ ዎይንያ ኤሳ ዎይ ሀራ ማꬆይያ ኡሻ ኡሾፕተ፤ ሄዌ ስንꬃፐ ያና የለታዉካ መꬍናዉ ህገ ግዲደ ደአና።
LEV 10:10 ህንተ ጌሻነ ጌሻ ግደናባ ቃይ ቱናነ ቱና ግደናባ ሻኪደ ኤርተ።
LEV 10:11 መꬍና ጎዳይ ሙሴ ባጋና ኦዴዳ ዎጋ ኡባካ እስራኤልያ አሳ ታማርስተ” ያጌዳ።
LEV 10:12 ሙሴ አሮናነ አቴዳ አ አቱማ ናናቱዋ ኤልኣዛራነ እታማራ ሀዋዳን ያጌዳ፤ “መꬍና ጎዳዉ ታማን ጹግያ ያርሹዋፐ አቴዳ ካꬃ ያርሹዋ አኪደ፤ እርሹዋ የገናን ኡክተ፤ ያቲደ እ ሎይꬅ ጌሻ ግድያ ድራዉ፥ ያርሽያ ሳኣ ማታን አ ሚተ።
LEV 10:13 መꬍና ጎዳዉ ታማን ጹግያ ያርሹዋፐ ሄዌ ኔናነ ነ አቱማ ናናቱዋ ጋክያ ህንተ ግሹዋ ግድያ ድራዉ፥ ሄዋ ህንተ ጌሻ ሳኣን ሚተ፤ አያዉ ጎፐ፥ ጾሳይ ታና ሄዋዳን ኦꬃና ማላ አዛዜዳ።
LEV 10:14 ሽን ቃꬄዳ አንጎሱዋነ ሺቄዳ ገድያ ኔን፥ ነ አቱማ ናናይነ ነ ማጫ ናናይ ዎጋዳን ጌሻ ሳኣን ሚተ። አያዉ ጎፐ፥ ሄዌ እስራኤልያ አሳይ ሺሽያ እትፐተꬃ ያርሹዋፐ ኔናነ ነ አቱማ ናናቱዋ ጋክያ ህንተ ግሹዋ።
LEV 10:15 መꬍና ጎዳዉ ያርሼዳ ገድያነ ቃꬄዳ አንጎሱዋ አሳይ ታማን ጹግያ ሞꬍያና እትፐ ጋꬂደ፥ መꬍና ጎዳ ስንꬃን ቃꬅያ ያርሹዋዳን ቃꬃናዉ አሀና። መꬍና ጎዳይ አዛዜዳዋዳን፥ ሄዌ ነዉነ ኔናና ደእያ ነ አቱማ ናናቶ መꬍናዉ ህንተና ጋክያ ህንተ ግሹዋ ግዳናዋ” ያጌዳ።
LEV 10:16 ሙሴ ናጋራ ያርሹዋ ዴሻይ ዋኔደንቶነ ኤራናዉ ኮዪደ ኦቼዳ፤ እ ጹገት ድጌዳዋ ኤሬዳ ዎደ፥ አቴዳ አሮና አቱማ ናናቱዋ፥ ኤልኣዛራነ እታማራ ሀንቀቴዳ፤ ኡንቱንቱ፥
LEV 10:17 “ናጋራ ያርሹ ሎይꬅ ጌሻ ግዴዳዋንቱ ግዱዋፐ እቱዋ ግዴዳ ጌሻ፤ ቃይ ሄዌካ አሳ ናጋራ መꬍና ጎዳ ስንꬃን አቶ ጊሳና ማላ ህንተንቶ እመቴዳ፤ ያትና ህንተ አ ሎይꬅ ጌሻ ሳኣን አያዉ ምበይክቴ?
LEV 10:18 ሄ መህያ ሱꬃይ መꬍና ጎዳ ዱንካንያ ግዶ ገልቤናዋ ግዶደ፥ ታን ህንተና አዛዜዳዋዳን፥ ህንተ አ ሄ ጌሻ ሳኣን ማናዉ በሴ፤ ሽን አጌድታ” ያጌዳ።
LEV 10:19 አሮን ሙሳ፥ “በአ፤ አሳቱ ሀች ባረንቱ ናጋራ ያርሹዋነ ጹግያ ያርሹዋ መꬍና ጎዳ ስንꬃ አሄድኖ፤ ግዶፐነ ቃይ ሀዋ ማላባይ ታ ቦላ ጋኬዳ። ያትና ዎን ታን ናጋራ ያርሹዋ ሀች ሜዳዋ ግድንቶነ፥ መꬍና ጎዳይ ናሸታናዋ ሽን አቴዴሻ?” ያጌዳ።
LEV 10:20 ሙሴ ሄዋ ስሴዳ ዎደ፥ ሄ ዛሩ አ አሌዳ።
LEV 11:1 መꬍና ጎዳይ ሙሳነ አሮና ሀዋዳን ያጌዳ፤
LEV 11:2 “እስራኤልያ አሳዉ ሀዋዳን ያጊደ ኦድተ፤ ‘ቢታ ቦላን ደእያ መህያ ኡባፐ ህንተ ማና መሄቱነ ዶአቱ ሀዋንታ።
LEV 11:3 ጹጉንꬃይ ዉር ጳልቀቴዳዋንታነ ዋሞትያ መሄቱዋ ኡባ ሚተ።
LEV 11:4 ሽን ዋሞ ጻላላ ዋሞትያዋንታ ዎይ ቃይ ጹጉንꬃ ጻላላይ ጳልቀቴዳዋንታ ሞፕተ። ጋሉ ዋሞቴ ሽን ጹጉንꬃይ ጳልቀትቤና ድራዉ እ ህንተንቶ ቱና።
LEV 11:5 ጉፓሊ ዋሞቴ ሽን ጹጉንꬃይ ጳልቀትቤና ድራዉ እ ህንተንቶ ቱና።
LEV 11:6 ሀርባይን ዋሞቴ ሽን ሞፕተ፤ አያዉ ጎፐ፥ እ ዋሞትያዋ ግዶፐነ፥ አዉ ጹጉንꬃይ ጳልቀꬃ ግደና ድራዉ፥ እ ህንተንቶ ቱና።
LEV 11:7 ጉዱንꬃካ ሞፕተ፤ አያዉ ጎፐ፥ አዉ ጹጉንꬃይ ጳልቀꬃ ግዶፐነ፥ ዋሞተና ድራዉ፥ እ ህንተንቶ ቱና።
LEV 11:8 ህንተ ሀዋንቱ አሹዋ ሞፕተ፤ ኡንቱንቱ ባኩታካ ቦቾፕተ፤ ኡንቱንቱ ህንተንቶ ቱና።
LEV 11:9 “ ‘ሃꬃ ግዶን ደእያ መታቱዋ ኡባፐ ህንተ ማናዋንቱ ሀዋንታ። አባ ግዶን ግድና ዎይ ቃይ ጎግያ ሃꬃ ግዶን ግድና ደእያ ኡባፐ ሞልያ ማላ ቀፊነ ፖቁ ደእያ ኡባ ሚተ።
LEV 11:10 ሽን አባ ግዶን ዎይ ሻፋን ሻምእሻምእያ መታቱዋፐነ ሸምፑ ደእያ፥ ቃጽያ መታቱዋፐ ሞልያ ማላ ቀፊነ ፖቁ ባይና ኡባይ ህንተንቶ ቱና።
LEV 11:11 ሀዋንቱ ህንተንቶ ቱና፤ ኡንቱንቱ አሹዋ ሞፕተ፤ ኡንቱንቱ ባኩታካ ቦቾፕተ።
LEV 11:12 ቀፊነ ፖቁ ባይና ሃꬃ ግዶን ደእያ መታቱ ኡባይ ህንተንቶ ቱና።
LEV 11:13 “ ‘ካፎቱዋፐ ቱና ግድያ ድራዉ ህንተ ሜናዋንቱ ሀዋንታ: አርጋንꬃ፥ ባዙዋ አንኩዋ፥ ካረꬃ አንኩዋ፥
LEV 11:14 ጽንግልያ፥ ቆል ዛርያ ኡባ፥
LEV 11:15 ቁሩዋ ዛርያ ኡባ፥
LEV 11:16 ሶጎንያ፥ ሀዛዝያ፥ ሃꬃ ካፉዋ፥ ጋጭያ ዛርያ ኡባ፥
LEV 11:17 ቄር ጉቱዋ፥ ብዩዋ፥ ዎጋ ጉቱዋ፥
LEV 11:18 ሃꬃ ኩቱዋ፥ ሞልያ ካፉዋ፥ ባኩታ ምያ አንኩዋ፥
LEV 11:19 ሽማላነ ሳቢሳ ግያ ሃꬃ ካፎቱዋ ዛርያ ኡባ፥ ጅንጅላትያነ ሻልያ።
LEV 11:20 “ ‘ቀፍያና ደእያ ኦይዱ ገድያን ሀመትያ ቄር መታቱ ኡባይ ህንተንቶ ቱና።
LEV 11:21 ግዶፐነ፥ ቀፊ ደእያ ኦይዱ ገድያን ሀመትያዋንቱፐ ኡንቱንቱ ገድያፐ ቦላና ጉፓናዉ ማድያ ገዲ ደእያዋንታ ሚተ።
LEV 11:22 ሄዋንቱካ፥ ቦልያ ዛርያ ኡባ፥ ኡኩቦ ዛርያ ኡባነ ቡምቡረꬃ ዛርያ ኡባ።
LEV 11:23 ሽን ሀራ ቀፍያና ደእያ ኦይዱ ገዲ ደእያ መታቱ ኡባይ ህንተንቶ ቱና።
LEV 11:24 “ ‘ሀዋንቱ ህንተና ቱንሳና፤ ኡንቱንቱ ባኩታ ቦችያ ኡባይ ኦማርስ ጋካናዉ ቱና ግዳናዋ።
LEV 11:25 ሀዋንቱ ባኩታ ደንꬅያ ኦንነ ባረ ማዩዋ ሜጮ፤ ሽን ግዶፐነ ኦማርስ ጋካናዉ እ ቱና።
LEV 11:26 ጹጉንꬃይ ደኢደ ጳልቀꬃ ግደናዋንታ ዎይ ቃይ፥ ዋሞተናዋንቱ ኡባይ ህንተንቶ ቱና፤ ኡንቱንቱ አሃ ቦችያ ኦንካ ቃይ ቱና።
LEV 11:27 ኦይዱ ገደቱዋን ሀመትያ መህያ ኡባፐ አዳነቱዋ ግንድያ ማላ ግንድያን ሀመትያዋንቱ ህንተንቶ ቱና፤ ቃይ ኡንቱንቱ ባኩታ ቦችያ ኦንካ ኦማርስ ጋካናዉ ቱና።
LEV 11:28 ሄዋንቱ ባኩታ ደንꬅያ ኦንነ ባረ ማዩዋ ሜጮ፤ ሽን ግዶፐነ ኦማርስ ጋካናዉ እ ቱና። ኡንቱንቱካ ህንተንቶ ቱና።
LEV 11:29 “ ‘ሳኣና ሀመትያዋንቱፐ ሀዋንቱ ህንተንቶ ቱና: ኦጩ፥ ኤጨሪ፥ ዱማ ዱማ ቆሞ ዛሪ፥
LEV 11:30 ጌግ፥ ሀይላሹ፥ ኮርቺ፥ ዋካላይነ ሻቃንቻይ።
LEV 11:31 ሳኣና ሀመትያ ኡባቱዋፐ ህንተንቶ ቱና ግድያዋንቱ ሄዋንታ፤ ኡንቱንቱፐ ሀዬዳዋ ቦችያ ኡባይ ኦማርስ ጋካናዉ ቱና።
LEV 11:32 ኡንቱንቱፐ ሀይቄዳዌ አያ ቦላ ኩንዶፐካ ሄ ኡንቱንቱ አ ቦላ ኩንዴዳ ሚሻይ ቱና፤ ምꬃ ሚሻ ዎይ ማዩዋ ዎይ ጋልባ ዎይ ኬሻቱዋ ግድናካ፥ ጎኤትያ ሚሻ ኡባ ሃꬃ ግዶን ዎꬅተ፤ ሄዌ ኦማርስ ጋካናዉ ቱና፤ ሄዋፐ ጉይያን፥ ጌሻ ግዳናዋ።
LEV 11:33 ሀ ሳኣና ሀመትያዋንቱፐ እቱዋ ባኩታይ አይ ኡርቃ ሚሻ ግዶን ኩንዶፐካ፥ አ ግዶን ደእያባይ ኡባይ ቱና፤ ሄ ሚሻ መንꬅተ።
LEV 11:34 ሄ ሚሻ ግዶን ደእያ ሃꬃፐ ሜተትያ አይ ቁማ ቦላ ጾኮፐካ፥ ሄ ቁማይ ቱና፤ ቃይ ኡሽያባ አያነ ግዶ፥ ሄ ሚሻ ግዶን ደኦፐ፥ እካ ቱና።
LEV 11:35 ሀዋንቱ አሃይ አ ቦላ ኩንድያባይ አያ ግዶፐካ ቱና። ጮጭያ ዎይ ካꬅያ ኡርቃ ሚሻ ግዶፐካ መንꬅተ፤ ኡንቱንቱ ህንተንቶ ቱና።
LEV 11:36 ሀዋንቱ ባኩታይ ቦችያባይ ኡባይ ቱና ግዶፐነ፥ ፑልቱነ ሃꬃ ኦላይ ጌሻ።
LEV 11:37 ኡንቱንቱ ባኩታፐ እቱ ዘራናዉ ዎꬄዳ ዘረꬃ ካꬃ ቦላ ኩንዶፐ፥ ሄዌ ቱነና።
LEV 11:38 ሽን ሄ ዘረꬃ ቦላ ሃꬃይ ጉክ ስምና፥ ኡንቱንቱ ባኩታፐ እቱነ አ ቦላ ኩንዶፐ፥ ሄ ዘረꬃይ ህንተንቶ ቱና።
LEV 11:39 “ ‘ቃይ ህንተ ምያ መሄቱዋፐ እቱ ሀይቂና፥ አ ባኩታ ቦችያ ኦንነ ኦማርስ ጋካናዉ ቱና።
LEV 11:40 ኦንነ ሄ መህያ ባኩታፐ ሞፐ፥ ባረ ማዩዋ ሜጮ፤ ኦማርስ ጋካናዉ እ ቱና፤ ቃይ ኦንነ አ ባኩታ ቶኪደ ደንꬆፐ፥ ባረ ማዩዋ ሜጮ፤ ኦማርስ ጋካናዉ እ ቱና።
LEV 11:41 “ ‘ሳኣና ጎሸትያ መታ ኡባይ ህንተንቶ ቱና፤ አ ሞፕተ።
LEV 11:42 ኡሉዋን ጎሸትያዋ ግድና፥ ዎይ ኦይዱ ገድያን ሀመትያዋ ግድና፥ ዎይ ቃይ ዳሮ ገዲ ደእያዋ ግድናካ፥ ሳኣና ጎሸትያ መታ ኡባይ ቱና ግድያ ድራዉ አ ሞፕተ።
LEV 11:43 ሳኣና ጎሸትያ መታቱዋ ኡባን ሚደ ህንተ ሁጲያዉ ቱኖፕተ፤ ቃይ ኡንቱንቱን ህንተ አሳተꬃ ቱንሶፕተ።
LEV 11:44 ታን፥ መꬍና ጎዳይ፥ ህንተ ጾሳ። ታን ጌሻ ግድያ ድራዉ፥ ህንተካ ህንተና ዱማዪደ፥ ጌሻ ግድተ። ሳኣና ጎሸትያዋንቱን ህንተ አሳተꬃ ቱንሶፕተ።
LEV 11:45 አያዉ ጎፐ፥ ታን ህንተ ጾሳ ግዳናዉ፥ ህንተና ግብጼ ጋድያፐ ከሴዳ መꬍና ጎዳ። ሄዋ ድራዉ፥ ታን ጌሻ ግድያ ድራዉ፥ ህንተካ ጌሻ ግድተ ያግተ ያጌዳ።
LEV 11:46 “ ‘መሄቱዋ፥ ካፎቱዋ፥ ሃꬃ ግዶን ፓጻ ቃጽያ መታቱዋ ኡባቱነ ሳኣና ሀመትያ መታቱዋ ኡባቱዋ ዎጋይ ሀዋ።
LEV 11:47 ሄዌነ ህንተ ቱናነ ጌሻ፥ ቃይ ሸምፑ ደእያ መታቱዋፐ ምያዋንታነ ሜናዋንታ ሻኪደ ኤራናሳ።’ ”
LEV 12:1 መꬍና ጎዳይ ሙሳ ሀዋዳን ያጌዳ፤
LEV 12:2 “እስራኤልያ አሳዉ ሀዋዳን ያጋደ ኦዳ፤ ‘እት ማጫዉና ሻሃራደ አቱማ ናኣ የሎፐ፥ ባረ ፒላይ ዬዳ ዎደ እዛ ቱና ግድያዋዳንካ፥ ሄዋዳን እዛ ላፑን ጋላሳይ ጋካናዉ ቱና ግዳናኑ።
LEV 12:3 ሆስፑንꬃ ጋላስ ናአይ ቃጻረታናዉ ኮሼ።
LEV 12:4 ሄዋፐ ጉይያን፥ ማጫዉና ባረ ፒላ ሱꬃይ ጽአና ጋካናዉ፥ ሀታማነ ሄዙ ጋላሳ ጋምኡ፤ ቃይ ባረ ጌይያ ጋላሳቱ ዉራና ጋካናዉ፥ ጌሻባ አያነ ቦቹፑ፤ ጾሳ ጌሻ ሳኣካ ገሉፑ።
LEV 12:5 “ ‘ሽን እት ማጫዉና ማጫ ናቶ የሎፐ፥ ባረ ፒላይ ዬዳ ዎደ እዛ ቱና ግድያዋዳንካ፥ ሀዋዳን ላኡ ሳምንታ ጋካናዉ፥ እዛ ቱና ግዳና፤ ሄዋፐ ጉይያን፥ ባረ ፒላ ሱꬃይ ጽአና ጋካናዉ ኡሱፑን ታማነ ኡሱፑን ጋላሳ ጋምኡ።
LEV 12:6 “ ‘ማጫዉና አቱማ ናኣ ግድና ማጫ ናኣ ግድና የላደ፥ ባረ ጌይያ ዎድያ ዉርሶዋፐ ጉይያን፥ ጹግያ ያርሾ እት ላይꬃ ዶርሳነ ናጋራ ያርሾ ቃይ እት ሀራጵያ ማራ ዎይ እት ማራ ዶጎሙዋ ጾሳ ዱንካንያ ፐንግያን ደእያ ቄስያኮ አሁ።
LEV 12:7 ቄሲ ሄዋ መꬍና ጎዳ ስንꬃን ያርሺደ፥ እዝ ናጋራ አቶ ጊሴ፤ ያቶፐ እዛ ባረ የሉዋ ሱꬃ ጎገꬃፐ ጌያዉ። አቱማ ናኣ ዎይ ማጫ ናኣ የልያ ማጫዉን ዎጋይ ሄዋ።
LEV 12:8 “ ‘ሽን እት ላይꬃ ዶርሳ ኦርግያ አሀናዉ እዝዉ ሻሉ ግዳና ꬋዮፐ፥ ላኡ ማራ ዶጎማቱዋ ዎይ ላኡ ማራ ሀራጳቱዋ አሁ፤ ኡንቱንቱፐ እቱ ጹግያ ያርሹዋሳ፤ እቱ ቃይ ናጋራ ያርሹዋሳ፤ ያቶፐ ቄሲ ሄዋንታ ያርሺደ፥ እዝ ናጋራ አቶ ጊሴ፤ እዛካ ጌሻ ግዳዉ’ ያጋ” ያጌዳ።
LEV 13:1 መꬍና ጎዳይ ሙሳነ አሮና ሀዋዳን ያጌዳ፤
LEV 13:2 “አይ አሳ ቦላነ ጋፉ ቤቶፐ፥ ዎይ ꬉሳ ማዱꬃይ ዎይ እላሁ ከሶፐነ ቃይ ሄዌካ አ ጋልባን ዎልቃማ ጋልባ ሀርግያዉ ላመቶፐ፥ ሄ ብታንያ ቄስያ አሮናኮ ዎይ ቄስያ ግድያ አ አቱማ ናናቱዋፐ እቱዋኮ አህኖ።
LEV 13:3 ቄሲ አ ጋልባ ቦላን ደእያ ማዱꬃ በኦ። ሄ ማዱጼዳ ሳኣን ደእያ እስኪ ቦጾፐነ፥ ማዱꬃይካ ኦላቶፐ፥ ሄዌ ዎልቃማ ጋልባ ሀርገ። ቄሲ ሄዋ በኢደ፥ ሄ ብታኒ ቱና ግድያዋ ኤርሶ።
LEV 13:4 ሽን አ ጋልባ ቦላን ደእያ ሻቱ ቦጽንቶካ፥ ጋልባፐ ሉኪደ ኦላትቤናዋ ግዶፐነ ሄ ማዱꬃ ቦላን ደእያ እስኪ ቦጽቤናዋ ግዶፐ፥ ቄሲ ሄ ብታንያ ዱማ ክፍልያን ላፑን ጋላሳ ጎርዲደ ዎꬆ።
LEV 13:5 ላፑንꬃ ጋላሳን ቄሲ አ ዛረꬂደካ በኦ፤ እ በእያ ዎደ ማዱꬃይ ብታንያ ጋልባ ቦላን አከናን ካሰዋዳንካ ደኦፐ፥ ቄሲ ሄ ብታንያ ላኤንꬁዋካ ዱማ ክፍልያን ላፑን ጋላሳ ጎርዲደ ዎꬆ።
LEV 13:6 ቃይካ ላፑንꬃ ጋላሳን ቄሲ አ፤ በእያ ዎደ ማዱꬃይ አክያዋ አጊደ ꬋይ ꬋይ ቦፐነ ꬉሞፐ፥ ቄሲ እ ጌሻ ግድያዋ ኤርሶ። ሄዌ ሻቱዋፐ አትና ሀራባ ግደና፤ ሄዋ ድራዉ፥ እ ባረ ማዩዋ ሜጪደ ጌሻ ግዴ።
LEV 13:7 ሽን እ ጌያናዉ ባረና ቄስያ በሴዳዋፐ ጉይያን፥ ሄ ሻቱ አ ጋልባ ቦላን ያ አክ አክ ቦፐ፥ እ ላኤንꬁዋ ባረና በሳናዉ ቄስያኮ ቦ።
LEV 13:8 ቄሲካ አ በኦ፤ ሄ ሻቱ ብታንያ ጋልባ ቦላን ያ አክ አክ ቦፐ፥ ቄሲ እ ቱና ግድያዋ ኤርሶ፤ አያዉ ጎፐ ሄዌ ዎልቃማ ጋልባ ሀርግያ።
LEV 13:9 “ኦናነ ዎልቃማ ጋልባ ሀርጊ ኦይቆፐ፥ ቄስያኮ አ አህኖ።
LEV 13:10 ቄሲ አ በኦ፤ በእያ ዎደ አ ጋልባ ቦላን ቦꬃ ጋፉ ደኦፐ፥ ሄ ጋፉ እስክያካ ቦꬃዉ ላሞፐነ ሄ ጋፉዋ ግዶን አሹ ሙን ኡቴዳዋ ግዶፐ፥
LEV 13:11 ሄዌ አ ጋልባ ቦላን ጋምኤዳ ዎልቃማ ጋልባ ሀርግያ ግድያ ድራዉ፥ ቄሲ እ ቱና ግድያዋ ኤርሶ። እ ቱና ግድያዌ ኤረት ድጌዳ ድራዉ፥ አ ዱማ ክፍልያን ጎርዳናዉ ኮሸና።
LEV 13:12 “ቃይ ዎልቃማ ጋልባ ሀርጊ ብታንያ ጋልባ ቦላን አኪደ፥ ሁጲያፐ ገድያ ጋካናዉ ኡባን ማዬዳዋ ግዶፐ፥ ቄሲ በኦ።
LEV 13:13 ሄ ዎልቃማ ጋልባ ሀርጊ አ ቦላ ኡባ ማዮፐ፥ ቄሲ እ ጌሻ ግድያዋ ኤርሶ፤ አ ቦላይ ኡባናካ ላመቲደ ቦꬃ ግዴዳ ድራዉ፥ እ ጌሻ።
LEV 13:14 ሽን ሄ ማዱꬃ ግዶን ሙኔዳ አሹ ቤቶፐ እ ቱና።
LEV 13:15 ቄሲ ሄ ሙኔዳ አሹዋ፤ በኢደ ሄ ብታኒ ቱና ግድያዋ ኤርሶ። ሄ ሙኔዳ አሹ ዎልቃማ ጋልባ ሀርግያ ግድያ ድራዉ፥ እ ቱና።
LEV 13:16 ሽን ሄ ሙኔዳ አሹ ቃይካ ላመቲደ ቦጾፐ፥ ሄ ብታኒ ቄስያኮ ዮ።
LEV 13:17 ቄሲ አ በኦ፤ አ ማዱꬃይ ቦጼዳዋ ግዶፐ፥ ሄ ብታኒ ጌሻ ግድያዋ ቄሲ ኤርሶ፤ ያቶፐ እ ጌሻ ግዳናዋ።
LEV 13:18 “እት አሳ ቦላ ማዱꬃይ ዎꬊደ ፓጽና፥
LEV 13:19 አ ሳኣን ቦꬃ ጋፉ ቤቶፐ ዎይ ዞኤዳ እላሁ ከሶፐ፥ ሄ ኡራይ ባረና ቄስያ በሶ።
LEV 13:20 ቄሲ አ በኦ፤ ሄ ማዱꬃይ ኦላቶፐነ ማዱꬃ ቦላን ደእያ እስኪካ ላመቲደ ቦጾፐ፥ ሄ ብታኒ ቱና ግድያዋ ቄሲ ኤርሶ። ሄዌ ማዱꬃና ዶሜዳ ዎልቃማ ጋልባ ሀርግያ።
LEV 13:21 ሽን ቄሲ በእያ ዎደ፥ እስኪ ቦጽቤናዋ ግዶፐነ ማዱꬃይካ ጋልባ ሉኪደ ኦላትቤናዋ ግዶፐ፥ ቃይ ꬋይ ꬋይ ቦፐ፥ ቄሲ አ ዱማ ክፍልያን ላፑን ጋላሳ ጎርዲደ ዎꬆ።
LEV 13:22 ሄዌ አ ጋልባ ቦላን አክ አኪደ ቦፐ፥ ሄ ብታኒ ቱና ግድያዋ ቄሲ ኤርሶ፤ አያዉ ጎፐ፥ ሄዌ ጋልባ ሀርግያ።
LEV 13:23 ሽን ሄ እላሁ አክ አክ ቤናን እትሳ ጻላላን ደኦፐ፥ ሄዌ ማዱꬃይ ፓጼዳ ማላ ግድያ ድራዉ፥ ሄ ብታኒ ጌሻ ግድያዋ ቄሲ ኤርሶ።
LEV 13:24 “እት አሳ ጋልባ ታማይ ሞፐነ ሄ ሜዳ ሳኣን ቦጼዳ ዎይ ዞኤዳ እላሁ ከሶፐ፥
LEV 13:25 ቄሲ ሄ ሳኣ በኦ፤ አ ሳኣን ደእያ እስኪ ቦጾፐነ ማዱꬃይካ ሉኪደ ኦላቶፐ፥ ሄዌ ዎልቃማ ጋልባ ሀርግያ። እ ታማይ ሜዳሳና ከሴዳ፤ ሄዋ ድራዉ ቄሲ እ ቱና ግድያዋ ኤርሶ።
LEV 13:26 ሽን ቄሲ በእያ ዎደ፥ ሄ እላሁዋ ቦላን ደእያ እስኪ ቦጽቤናዋ ግዶፐነ ማዱꬃይካ ጋልባ ሉኪደ ኦላትቤናዋ ግዶፐ፥ ቃይ ꬋይ ꬋይ ቤዳዋ ግዶፐ፥ ቄሲ አ ዱማ ክፍልያን ላፑን ጋላሳ ጎርዲደ ዎꬆ።
LEV 13:27 ላፑንꬃ ጋላሳን ቄሲ አ በኦ፤ ሄ ዎደ ሄ ሳአይ አክ አክ ቦፐ፥ እ ቱና ግድያዋ ቄሲ ኤርሶ። ሄዌ ዎልቃማ ጋልባ ሀርግያ።
LEV 13:28 ሽን ሄ እላሁ ጋልባ ቦላን አከናን አጊደ እት ሳኣን ኡቶፐነ ኡባ ቃይ ꬋይ ꬋይ ቦፐ፥ ሄዌ ታማይ ሜዳሳን አቴዳ ማላ ግድያ ድራዉ፥ እ ጌሻ ግድያዋ ቄሲ ኤርሶ።
LEV 13:29 “እት አቱማ አሳዉ ዎይ ማጫ አሳዉ ሁጲያ ዎይ ጋጩዋ ቦላን ማዱꬃይ ከሶፐ፥
LEV 13:30 ቄሲ ሄ ማዱꬃ በኦ። እ በእያ ዎደ ማዱꬃይ ጋልባ ሉኪደ ኦላቶፐነ አ ቦላን ደእያ እስኪካ አድልያ ጪሻ ማላትያ ሌኦ ግዶፐ፥ ሄ ብታኒ ቱና ግድያዋ ቄሲ ኤርሶ። ሄዌ ሁጲያ ዎይ ጋጩዋ ቦላን ከስያ ቃጨቹዋነ ዎልቃማ ጋልባ ሀርግያ።
LEV 13:31 ቃይ ቄሲ ሄ ሀርግያ በእያ ዎደ፥ እ ጋልባ ሉኪደ ኦላትቤናዋ ግዶፐነ ካረꬃ እስኪካ አ ቦላ ꬋዮፐ፥ ሄ ቃጨቹዋ ሀርግያና ደእያ ብታንያ ቄሲ ዱማ ክፍልያን ላፑን ጋላሳ ጎርዲደ ዎꬆ።
LEV 13:32 ላፑንꬃ ጋላሳን ቄሲ ሄ ሀርግያ፤ በእያ ዎደ ቃጨቹዋ ሀርጊ አከናዋ ግዶፐ፥ አ ቦላን አድልያ ጪሻ ማላትያ እስኪ ባይናዋ ግዶፐነ፥ እካ ጋልባ ሉኪደ ኦላትቤናዋ ግዶፐ፥
LEV 13:33 ሄ ብታኒ ሄ ማዱꬃ ዩሹዋን ደእያ እስክያ ሜዶ፤ ቃጨችያ ሳኣን ደእያ እስክያ ማታ ሜዶፖ። ቄሲ ሄ ብታንያ ዱማ ክፍልያን ሀራ ላፑን ጋላሳ ጎርዲደ ዎꬆ።
LEV 13:34 ላፑንꬃ ጋላሳን ቄሲ ሄ ቃጨችያ ሳኣ በእያ ዎደ፤ ሄዌ ብታንያ ጋልባ ቦላን አካና ꬋዮፐ ጋልባ ሉኪደ ኦላታና ꬋዮፐ፥ ሄ ብታኒ ጌሻ ግድያዋ ቄሲ ኤርሶ። ብታኒካ ባረ ማዩዋ ሜጪደ፥ ጌሻ ግዴ።
LEV 13:35 ሽን እ ጌዬዳዋፐ ጉይያን፥ ቃጨችያዌ ሄ ብታንያ ጋልባ ቦላን አክ አክ ቦፐ፥
LEV 13:36 ቄሲ አ በእያ ዎደ ሄ ቃጨችያዌ አኬዳዋ ግዶፐ፥ ቄሲ አድልያ ጪሻ ማላትያ እስክያ ኮዮፖ፤ አያዉ ጎፐ፥ ሄ ብታኒ ቱኔዳ።
LEV 13:37 ሽን ቄሲ በእያ ዎደ፥ ሄ ቃጨችያሳይ አክቤናዋ ግዶፐነ ካረꬃ እስኪካ አ ቦላ ዶለዳዋ ግዶፐ፥ ሄ ቃጨችያሳይ ፓጼዳ። ሄ ብታኒካ ጌሻ ግድያ ድራዉ፥ እ ጌሻ ግድያዋ ቄሲ ኤርሶ።
LEV 13:38 “እት አቱማ አሳ ዎይ ማጫ አሳ ጋልባ ቦላ ቦꬃ እላሁ ከሶፐ፥
LEV 13:39 ቄሲ አ፤ በእያ ዎደ ሄ ኡንቱንቱ ጋልባ ቦላን ደእያ እላሁ ሾሎላ ቦꬃ ግዶፐ፥ ሄዌ ጋልባ ቦላን ጮ ከሴዳዋ፤ ሄ ብታኒካ ጌሻ።
LEV 13:40 “እት አሳዉ ሁጲያ ብናናይ ቆቆፈቶፐ፥ እ ቦኣ፤ ግዶፐ አትና እ ጌሻ።
LEV 13:41 ቃይ እት አሳዉ ሁጲያ ብናናይ ስንꬃና ቦአቶፐ፥ አ ቲሻይ ሜዳ፤ ግዶፐ አትና እ ጌሻ።
LEV 13:42 ሽን አ ቦኣ ዎይ አ ቲሻይ ሜዳሳ ቦላን ዞኦ ዎይ ቦꬃ ማዱꬃይ ከሶፐ፥ ሄዌ አ ቦኣን ዎይ ቲሻይ ሜዳሳን ከሴዳ ዎልቃማ ጋልባ ሀርግያ።
LEV 13:43 አ ቄሲ፤ በእያ ዎደ አ ቦኣ ዎይ ቲሻይ ሜዳሳ ቦላን ደእያ ማዱꬃይ ጋልባ ቦላን ከስያ ዎልቃማ ጋልባ ሀርግያዳን ዞኦ ግዶፐ፥
LEV 13:44 ሄ ብታኒ ቱሙካ ዎልቃማ ጋልባ ሀርጊ ሳክያ ሀርጋንቻ። እ ቱና ግድያ ድራዉ እ ቱና ግድያዋ ቄሲ ኤርሶ፤ አያዉ ጎፐ ሀርጊ አ ሁጲያን ደኤ።
LEV 13:45 “ዎልቃማ ጋልባ ሀርጊ ኦይቄዳ አሳይ ፔቴዳ ማዩዋ ማዮ፤ ባረ ሁጲያ ፕጾፖ፤ ባረ መተርሻካ ካሞ፤ ያቲደ፥ ባረ ቃላ ꬎቁ ኦꬂደ፥ ‘ታን ቱና፥ ታን ቱና!’ ያጎ።
LEV 13:46 ሄ ሀርጊ አ ቦላ ደኤዳ ኬሻን ኡባን እ ቱና። እ ቱና ግድያ ድራዉ፥ አሳፐ ሻከቲደ ዱንካኔዳ ሳኣፐ ካረና ባረካ ደኦ።
LEV 13:47 “አይ ማዩዋ ቦላነ ቦሮቄዳ ሳአይ ቤቶፐ፥ ሄ ማዩ ሱፈ ግድና ዎይ ሊኖ ግድና፥
LEV 13:48 ቃጭናፐ ዎይ ሻሉዋፐ ዳደቴዳ ሊኖ ዎይ ሱፈ ግድና፥ ጋልባ ዎይ ጋልባፐ ኦሰቴዳ ማዩዋ ግድና፥
LEV 13:49 ሄ ማዩዋ ቦላ ከሲደ ቦሮቁ ማታ ማላትያ ዎይ ዞኦ ማላ በሶፐ፥ እ ቃጭናፐ ዎይ ሻሉዋፐ ዳደቴዳዋ ግድና፥ ጋልባ ዎይ ጋልባፐ ኦሰቴዳ ማዩዋ ግድናካ፥ ሄዌ ቦሮቁ ከሴዳ ድራዉ፥ ሄዋ ቄስያ በሳናዉ ኮሼ።
LEV 13:50 ቄሲ ሄ ቦሮቁዋ በኢደ፥ ሄ ቦሮቁዋና ደእያ ማዩዋ ዱማ ክፍልያን ላፑን ጋላሳ ጎርዲደ ዎꬆ።
LEV 13:51 ላፑንꬃ ጋላሳን ቄሲ ሄ ማዩዋ በእያ ዎደ፤ ሄ ማዩዋ ቦላን አክ አክ ቦፐ፥ እ ቃጭና ዎይ ሻሎ ማዩዋ ግድና፥ ጋልባ ዎይ ጋልባፐ ኦሰቴዳ ማዮ ግድናካ፥ ሄዌ እቱዋፐ እቱዋ ኦይቂያ ቦሮቆ ግድያ ድራዉ፥ ሄ ማዩ ቱና።
LEV 13:52 ቃይ ሄ ማዩ ቃጭና ዎይ ሻሎ ማዮ ግድና፥ ሊኖ ዎይ ሱፈ ግድና፥ ጋልባፐ ኦሰቴዳዋ አያ ግድናካ፥ ቄሲ አ ጹጎ። ሄዌ እቱዋፐ እቱዋ ኦይቂያ ቦሮቆ ግድያ ድራዉ፥ እ ጹገታናዉ በሴ።
LEV 13:53 “ቃይካ ቄሲ በእያ ዎደ፥ ሄ ቦሮቁ ማዩዋ ቦላ አክቤናዋ ግዶፐ፥ እ ቃጭና ዎይ ሻሎ ማዮ ዎይ ጋልባፐ ኦሰቴዳዋ አያ ግድናካ፥
LEV 13:54 ሄ ቦሮቁ ደእያ ማዩዋ ሜጫናዳን ቄሲ አዛዞ። ሄዋፐ ጉይያን፥ ሄ ማዩዋ ዱማ ክፍልያን ሀራ ላፑን ጋላሳ ጎርዲደ ዎꬆ።
LEV 13:55 ሄ ቦሮቆ ሳአይ ደእያ ማዩዋ ሜጮዋፐ ጉይያን፥ ቃይካ ቄሲ በእያ ዎደ ሄ ቦሮቁ ባረ ማላ ላምቤናዋ ግዶፐ፥ እ አክ አክ ባና ꬋዮፐካ ቱና። ሄ ቦሮቆ ሳአይ ማዮ ጉየ ባጋና ዎይ ስንꬃ ባጋና ደእንካ፥ ሄ ማዩ ታማን ጹገታናዉ ኮሼ።
LEV 13:56 ሽን ሄ ማዩዋ ሜጭ ስምና ቄሲ በእያ ዎደ ቦሮቁ ꬋይ ꬋይ ቦፐ፥ እ ጋልባ ግድና፥ ቃጭና ዎይ ሻሎ ማዮ ግድናካ፥ ሄ ቦሮቁ ደእያ ሳኣ ቄሲ ዳኪደ ከስ ድጎ።
LEV 13:57 ሄዋፐ ጉይያን፥ ማዩዋ ቦላ ስሚደካ ከሶፐ፥ ሄ ማዩ ቃጭና ዎይ ሻሎ ማዮ ግድና፥ ጋልባፐ ኦሰቴዳዋ አያ ግድናካ፥ ሄዌ አክ አክ ብያ ቦሮቆ ሳ ግድያ ድራዉ፥ ሄ ቦሮቁ ደእያ ማዩ ታማን ጹገታናዉ በሴ።
LEV 13:58 ሽን ሜጨቴዳ ማዩ ቃጭና ዎይ ሻሎ ማዮ ግድና፥ ዎይ ጋልባፐ ኦሰቴዳ አያ ማዮ ግድናካ፥ ቦሮቆ ሳአይ አ ቦላፐ ꬋዮፐ፥ ሄ ማዩ ላኤንꬁዋ ሜጨቶ፤ ሄዋፐ ጉይያን፥ እ ጌሻ ግዴ።
LEV 13:59 “እት ማዩ ሱፈ ዎይ ሊኖ ግድና፥ ቃጭና ዎይ ሻሎ ማዮ ግድና፥ ዎይ ቃይ ጋልባፐ ኦሰቴዳዋ ግድናካ፥ ሄ ማዩዋ ጌሻ ዎይ ቱና ጊሳናዉ ዳንዳይያ ቦሮቆ ሳኣ ዎጋይ ሀዋ” ያጌዳ።
LEV 14:1 መꬍና ጎዳይ ሙሴዉ ሀዋዳን ያጊደ ኦዴዳ፤
LEV 14:2 “ዎልቃማ ጋልባ ሀርጊ ኦይቄዳ ብታኒ ጌይያ ጋላስ ኦꬃናዉ ኮሽያ ዎጋይ ሀዋ። ሄ ብታንያ ቄስያኮ አፋናዉ ኮሼ።
LEV 14:3 ቄሲ አሳይ ዱንካኔዳ ሳኣፐ ጋጻ ከሲደ፥ አ ሀርግያ በኦ። ሄ ዎደ ዎልቃማ ጋልባ ሀርጊ ብታንያ ቦላፐ ꬋዬዳዋ ግዶፐ፥
LEV 14:4 ቄሲ ፓጻ ደእያ ላኡ ጌሻ ካፎቱዋ፥ ጽድያ ምꬃ፥ ዞኦ ቃጭናነ ህሶጵያ ቦንጭያ ሄ ዎልቃማ ጋልባ ሀርግያፐ ጌይያ ብታንያ ድራዉ አሀናዳን ኡንቱንታ አዛዞ።
LEV 14:5 ሄዋፐ ጉይያን፥ ቃይ ቄሲ ላኡ ካፎቱዋፐ እቱዋ ከርያን ደእያ ፑልቶ ሃꬃ ቦላ ሹካናዳን አዛዞ።
LEV 14:6 ፓጻ ደእያ ካፉዋ፥ ቃይ ዝጋና፥ ዞኦ ቃጭናናነ ህሶጵያ ቦንጭያና አክ አፊደ፥ ከርያን ደእያ ፑልትያ ሃꬃ ቦላ ሹኬዳ ካፉዋ ሱꬃ ግዶ ናቆ።
LEV 14:7 ከሴዳ ሱꬃ ሄ ዎልቃማ ጋልባ ሀርግያፐ ፓጽያ ብታንያ ቦላ ላፑ ገደ ጫጫፎ፤ ያቲደ ሄ ብታኒ ጌሻ ግድያዋ ኤርሶ፤ ፓጻ ደእያ ካፉዋ ገደ ደምባ የዶ።
LEV 14:8 “ሄ ሀርግያፐ ጌዬዳ ብታኒ ባረ ማዩዋ ሜጮ፤ ባረ ቦላን ደእያ እስክያ ኡባ ሜደቶ፤ ባረ ቦላካ ሜጨቶ፤ ያቶፐ እ ጌሻ ግዳናዋ። ሄዋፐ ጉይያን፥ እ ዱንካኔዳ ሳኣ ዮ፤ ሽን ግዶፐነ ባረ ዱንካንያ ገለናን ላፑን ጋላሳ ካረና ጋምኦ።
LEV 14:9 ላፑንꬃ ጋላሳን ባረ ሁጲያ፥ ቡቻ፥ ጎማነ ባረ ቦላን ደእያ ሀራ እስክያ ኡባ ሜደቶ፤ ቃይ ባረ ማዩዋ ሜጮ፤ ባረ ቦላካ ሜጨቶ፤ ሄዋፐ ጉይያን፥ እ ጌሻ ግዳናዋ።
LEV 14:10 “ሆስፑንꬃ ጋላሳን ትላ ቦላና ደእያ ላኡ ዶርሳ ማራቱዋነ እት ላይꬃ ግዴዳ እት ዶርሳቶ አሆ፤ ቃይ ካꬃ ያርሾ ዛይትያን ሙናቀቴዳ ኡሱፑን ኪሎ ግራመ ꬊልያነ እት ሊትሮ ዎጋራ ዛይትያዉ ሄዘንꬆ ኩሽያ አሆ።
LEV 14:11 አ ጌሽያ ቄሲ ብታንያ እ አሄዳዋንቱና እትፐካ መꬍና ጎዳ ዱንካንያ ፐንገ መꬍና ጎዳ ስንꬃ ሺሾ።
LEV 14:12 “ቄሲካ ላኡ ዶርሳ ማራቱዋፐ እቱዋ አኪደ፥ ሊትሮ ሄዘንꬆ ኩሽያ ዛይትያና እትፐ ናቁዋ ያርሹዋ ኦꬂደ ሺሾ፤ ሄ ሺሼዳዋ ቃይ ቃꬅያ ያርሹዋ ኦꬂደ መꬍና ጎዳ ስንꬃን ቃꬆ።
LEV 14:13 ያቲደ እ ሄ ዶርሳ ማራ ናጋራ ያርሹዋነ ጹግያ ያርሹዋ ሹክያ ጌሻ ሳኣን ሹኮ፤ ናጋራ ያርሹዋዳን ናቁዋ ያርሹካ ቄስያዉ እመቴ፤ እካ ሎይꬅ ጌሻ።
LEV 14:14 ቄሲ ናቁዋ ያርሹዋ ሱꬃፐ ጉꬃ አኪደ፥ ሄ ጌይያ ብታንያዉ ኡሸቻ ባጋ ሀይꬃ ጼራ፥ ኡሸቻ ኩሽያዉ ዎጋ ብራꬍያነ ኡሸቻ ገድያዉ ዎጋ ብራꬍያ ኦኮ።
LEV 14:15 ሄዋፐ ጉይያን፥ ቄሲ ዎጋራ ዛይትያፐ ጉꬃ አኪደ፥ ባረ ሀድርሳ ኩሽያ ጎምፓን ትጎ።
LEV 14:16 “ሄ ሀድርሳ ኩሽያ ጎምፓን ደእያ ዎጋራ ዛይትያን ባረ ኡሸቻ ኩሽያ ብራꬍያ ናቂደ፥ መꬍና ጎዳ ስንꬃን ላፑ ገደ ጫጫፎ።
LEV 14:17 ያት ስሚደ ባረ ኩሽያ ጎምፓን አቴዳ ዛይትያፐ አኪደ፥ ጌይያ ብታንያዉ ኡሸቻ ሀይꬃ ጼራ፥ ኡሸቻ ኩሽያዉ ዎጋ ብራꬍያነ ኡሸቻ ገድያዉ ዎጋ ብራꬍያ ካሰ ናቁዋ ያርሹዋ ሱꬃ ኦከቴዳ ሳኣን ኦኮ።
LEV 14:18 ቃይ ባረ ኩሽያ ጎምፓን አቴዳ ዛይትያ ቄሲ ጌይያ ብታንያ ሁጲያን ጉሶ፤ ያቲደ መꬍና ጎዳ ስንꬃን ሄ ብታንያ ናጋራ አቶ ጊሶ።
LEV 14:19 “ሄዋፐ ጉይያን ቄሲ ባረ ቱናተꬃፐ ጌይያ ብታንያ ናጋራ አቶ ጊሳናዉ ናጋራ ያርሾ ሺሼዳ መህያ ሹኬ፤ ሄዋፐ ስሚደ ቃይ ጹግያ ያርሾ ሺሼዳ መህያ ያርሼ።
LEV 14:20 ቃይ ቄሲ ሄ ጹግያ ያርሹዋ ካꬃ ያርሹዋና እትፐ ያርሽያ ሳኣ ቦላን ዎꬂደ ጹጌ፤ ያቲደ ብታንያ ናጋራ አቶ ጊሴ፤ ብታኒካ ጌሻ ግዴ።
LEV 14:21 “ሽን ብታኒ ሄዋ ኡባ አሀናዉ ዳንዳየና ማንቆ ግዶፐ፥ ጾሳ ስንꬃን ቃꬂደ አ ናጋራ አቶ ጊሳናዉ፥ ባረ ናቁዋ ያርሾ እት ዶርሳ ማራ አሆ። ቃይ ካꬃ ያርሾካ ዎጋራ ዛይትያን ሙናቀቴዳ ላኡ ኪሎ ግራመ ሎኦ ꬊልያነ እት ሊትሮ ሄዘንꬆ ኩሽያ ዛይትያ እትፐ አሆ።
LEV 14:22 ቃይካ ባረዉ ዳንዳዬዳዋዳን ላኡ ማራ ሀራጰቱዋ ዎይ ላኡ ማራ ዶጎማቱዋ፥ እቱዋ ናጋራ ያርሾ፥ እቱዋ ቃይ ጹግያ ያርሾ አሆ።
LEV 14:23 “ሆስፑንꬃ ጋላሳን ባረ ናጋራፐ ጌያናዉ ብታኒ ሀዋንታ ቄስያኮ መꬍና ጎዳ ዱንካንያ ፐንገ መꬍና ጎዳ ስንꬃ አሆ።
LEV 14:24 ቄሲ ናቁዋ ያርሾ አሄዳ ዶርሳ ማራነ ልትሮ ሄዘንꬆ ኩሸ ዛይትያ አኪደ፥ ቃꬅያ ያርሹዋ ኦꬂደ መꬍና ጎዳ ስንꬃን ቃꬆ።
LEV 14:25 ያቲደ ናቁዋ ያርሾ አሄዳ ዶርሳ ማራ ሹኪደ ሄ ናቁዋ ያርሹዋ ሱꬃፐ ጉꬃ አኪደ፥ ሀ ጌይያ ብታንያዉ ኡሸቻ ሀይꬃ ጼራ፥ ኡሸቻ ኩሽያዉ ዎጋ ብራꬍያነ ኡሸቻ ገድያዉ ዎጋ ብራꬍያ ኦኮ።
LEV 14:26 ቃይ ቄሲ ዛይትያፐ ጉꬃ ባረ ሀድርሳ ኩሽያ ጎምፓን ትጎ።
LEV 14:27 ሄ ሀድርሳ ኩሽያ ጎምፓን ደእያ ዛይትያፐ ኡሸቻ ኩሽያ ጼራን ጉꬃ አኪደ፥ መꬍና ጎዳ ስንꬃን ላፑ ገደ ጫጫፎ።
LEV 14:28 ቃይካ ቄሲ ባረ ኩሽያ ጎምፓን ደእያ ዛይትያፐ ጉꬃ አኪደ፥ ጌይያ ብታንያዉ ኡሸቻ ሀይꬃ ጼራ፥ ኡሸቻ ኩሽያዉ ዎጋ ብራꬍያነ ኡሸቻ ገድያዉ ዎጋ ብራꬍያ ካሰ ናቁዋ ያርሹዋ ሱꬃ ኦከቴዳ ሳኣን ኦኮ።
LEV 14:29 ቃይ መꬍና ጎዳ ስንꬃን ብታንያ ናጋራ አቶ ጊሳናዉ፥ ቄሲ ባረ ኩሽያን አቴዳ ዛይትያ ጌይያ ብታንያ ሁጲያን ኦኮ።
LEV 14:30 ሄዋፐ ጉይያን፥ ሄ አዉ ባረዉ ዳንዳዬዳዋዳን ሀራጵያ ማራ ግድና ዎይ ማራ ዶጎሙዋ ግድና፥
LEV 14:31 እቱዋ ናጋራ ያርሾ ላኤንꬁዋ ቃይ ጹግያ ያርሾ ካꬃ ያርሹዋና እትፐ ያርሾ። ቃይ ቄሲካ ሄ ጌይያ ብታንያዉ መꬍና ጎዳ ስንꬃን አ ናጋራ አቶ ጊሶ።
LEV 14:32 ባረ ቦላን ደእያ ዎልቃማ ጋልባ ሀርግያፐ ጌያናዉ ኮሽያ ዎጋ ፖላናዉ ማንቆታይ ድጌዳ ኡራዉ ደእያ ዎጋይ ስም ሀዋ” ያጌዳ።
LEV 14:33 መꬍና ጎዳይ ሙሳነ አሮና ሀዋዳን ያጌዳ፥
LEV 14:34 “ታን ህንተንቶ አቆ ኦꬃደ እምያ ካናነ ቢታ ህንተ ገልያ ዎደ፥ ቃይ ሄ ጋድያን ደእያ ህንተ ኬꬃፐ እቱዋን ታን ቦሮቁዋ የድያ ዎደ፥
LEV 14:35 ሄ ጎልያዉ ቄስያኮ ቢደ፥ ‘ታ ሶን አያ ቦሮቀንቶ ደኤ’ ያጊደ ኦዶ።
LEV 14:36 ጎለን ደእያባይ ኡባይ ቱና ጌተተናዳን፥ ቄሲ ቦሮቁዋ በአናዉ ገላናፐ ካሰቲደ፥ ሶን ደእያዋ ኡባ ካረ ከሳናዳን አዛዞ፤ ያት ስምና ቄሲ በአናዉ ጎለ ገሎ።
LEV 14:37 ሄዋን በእያ ዎደ፥ ቦሮቆ ሳአይ ጎዳ ቦላን ማታ ማላትያ፥ ዎይ ዞኦ ማላ በሶፐነ ቃይ ጎዳፐ ኦላቲደ ግዶ ገሎፐ፥
LEV 14:38 ቄሲ ጎለፐ ካረ ከሲደ፥ ጎልያ ላፑን ጋላሳ ጋካናዉ ጎርዶ።
LEV 14:39 ላፑንꬃ ጋላሳን ቄሲ ሄ ጎልያ ዛረꬂደ፤ ጼልያ ዎደ ሄ ቦሮቁ ጎልያ ጎዳ ቦላን አኮፐ፥
LEV 14:40 ቦሮቁ ደእያ ሹቻቱዋ ኡባ ጎዳፐ ሾዲደ፥ ካታማፐ ጋጻ ያ ቱኔዳ ሳአዉ ኦላናዳን አዛዞ።
LEV 14:41 ቃይ ጎዳ ዱፌዳ ኡርቃ ሶ ባጋና ቦክሽን፥ ዩሽ አꬂደ ቆቆፋናዳን ኦꬆ፤ ያቲደ ሄ ቆቆፌዳ ኡርቃ ካታማፐ ጋጻን ደእያ ቱና ሳኣን ኦልኖ።
LEV 14:42 ሄዋፐ ጉይያን፥ ሄ ሾዴዳ ሹቻቱ ሳኣን ሀራ ሹቻቱዋ ዎꬅኖ፤ ቃይ ሀራ ኡርቃንካ ጎልያ ዱፍኖ።
LEV 14:43 “ሹቻቱዋ ሾድ ድግና፥ ቃይ ኡርቃካ ቆቆፊደ ሀራ ኡርቃ ዱፊ ስምና፥ ላኤንꬁዋ ስሚደ ቦሮቁ ጎልያ ግዶን አኮፐ፥
LEV 14:44 ቄሲ ሄዋ በእያ ዎደ፤ ቦሮቁ ሄ ጎልያ ግዶን አኮፐ፥ ሄዌ እቱዋፐ እቱዋ ኦይቂያ ቦሮቆ ግድያ ድራዉ፥ ሄ ጎሊ ቱና።
LEV 14:45 ሄዋ ድራዉ እ ሄ ጎልያ፥ አ ሹቻ፥ አ ምꬃነ እ ዱፈቴዳ ኡርቃ ኡባ ኮሎ፤ ሄዋንታ ካታማፐ ጋጻ አፊደ፥ ቱና ሳኣን ኦሎ።
LEV 14:46 ቃይ ሄ ጎሊ ጎርዳን ታክያ ዎድያን አ ግዶ ገልያ ኦንነ ሳአይ ቃማና ጋካናዉ ቱና።
LEV 14:47 ሄ ጎልያን ግስያ ኡራይ ዎይ ቁማ ምያ ኡራይ ባረ ማዩዋ ሜጮ።
LEV 14:48 “ሽን ቄሲ ዪደ ጼልያ ዎደ፥ ጎሊ ዱፈት ስምና ላኤንꬁዋ ስሚደ አካና ꬋዮፐ፥ ቦሮቁ ꬋዬዳ ድራዉ፥ ሄ ጎሊ ጌሻ ግድያዋ ቄሲ ኤርሶ።
LEV 14:49 ጎልያ ጌሻናዉ ላኡ ካፎቱዋ፥ ጽድያ ምꬃ፥ ዞኦ ቃጭናነ ህሶጵያ ቦንጭያ አሆ።
LEV 14:50 ካፎቱዋፐ እቱዋ ከርያን ደእያ ፑልቱዋ ሃꬃ ቦላን ሹኮ።
LEV 14:51 ሄዋፐ ጉይያን ጽድያ፥ ህሶጵያ ቦንጭያ፥ ዞኦ ቃጭናነ ፓጻ ደእያ ካፉዋ እትፐ አኪደ፥ ከርያን ደእያ ሹኬዳ ካፉዋ ሱꬃንነ ፑልቱዋ ሃꬃን የግ ከሲደ፥ ላፑ ገደ ሄ ጎልያ ጫጫፎ።
LEV 14:52 ያቲደ ሄ ጎልያ ቄሲ ካፉዋ ሱꬃን፥ ፑልቱዋ ሃꬃን፥ ፓጻ ደእያ ካፉዋን፥ ጽድያን፥ ህሶጵያ ቦንጭያንነ ዞኦ ቃጭናን ጌሾ።
LEV 14:53 ቃይ ፓጻ ደእያ ካፉዋ ካታማፐ ጋጻ ህን ደምባ የዶ። ሄዋዳን ኦꬂደ፥ ጎልያ ጌሽያ ዎጋ ፖሌ፤ ጎሊካ ጌሻ ግዴ።
LEV 14:54 “አይ ዎልቃማ ጋልባ ሀርገ ግዶፐካ ሀዌ ዎጋ፤ ቃጨችያዋ ግድና፥
LEV 14:55 ማዩዋ ቦላን ዎይ ጎልያ ቦላን ከስያ ቦሮቆ ግድና፥
LEV 14:56 ጋፉዋ ግድና፥ ꬉሳ ማዱꬃ ግድና ዎይ እላሁዋ ግድናካ፥
LEV 14:57 እትባይ ቱና ግድያዋነ ጌሻ ግድያዋ ኤርሳናዉ ዎልቃማ ጋልባ ሀርግያነ ቦሮቁዋ ዎጋይ ሀዋ” ያጌዳ።
LEV 15:1 መꬍና ጎዳይ ሙሳነ አሮና ሀዋዳን ያጌዳ፤
LEV 15:2 “እስራኤልያ አሳዉ ሀዋዳን ያጊደ ኦድተ፤ ‘አይ አሳ አቱንꬃፐ አያይኔካ ጎጎፐ፥ ሄ ጎግያባይ ቱና።
LEV 15:3 ሄ ጎግያዋፐ ደንዴዳዋን ሄ ኡራይ ቱና ግድያ ዎጋይ ሀዋ: ሄ ጎግያባይ አገናን ጎግናካ ዎይ ቃይ ጎግያዋ አግንቶካ ሄ አ ግዶን ደእያባይ አ ቱንሴ።
LEV 15:4 “ ‘አ ቦላፐ አያይኔካ ጎግያ አሳይ ግስያ አይ ግሱካ ቱና፤ ቃይ እ ኡትያባይ አያ ግዶፐካ ቱና።
LEV 15:5 አ ግሱዋ ቦችያ ኦንነ ባረ ማዩዋ ሜጮ፤ ባረ ቦላካ ሜጨቶ፤ ቃይ ኦማርስ ጋካናዉ እ ቱና።
LEV 15:6 ጎግያዋና ደእያ አሳይ ኡቴዳዋ ቦላ ኡትያ ኦንነ ባረ ማዩዋ ሜጮ፤ ባረ ቦላካ ሜጨቶ፤ ቃይ ኦማርስ ጋካናዉ እ ቱና።
LEV 15:7 “ ‘ጎግያባይ ደእያ አሳ ቦላ ቦችያ ኦንነ ባረ ማዩዋ ሜጮ፤ ባረ ቦላካ ሜጨቶ፤ ቃይ ኦማርስ ጋካናዉ እ ቱና።
LEV 15:8 “ ‘ጎግያባይ ደእያ አሳይ ጌሻ አሳ ቦላ ጩቾፐ፥ ሄ አሳይ ባረ ማዩዋ ሜጮ፤ ባረ ቦላካ ሜጨቶ፤ ቃይ ኦማርስ ጋካናዉ እ ቱና።
LEV 15:9 “ ‘ቃይ ጎግያባይ ደእያ አሳይ ኡትያ አይ ኮራይካ ቱና።
LEV 15:10 ባረፐ ጋርሳና ደእያዋ አያን ግዶፐካ ቦችያ ኦንነ ኦማርስ ጋካናዉ ቱና፤ ቃይ ሄዋንታ ማላትያዋንታ ቶክያ ኦንነ ባረ ማዩዋ ሜጮ፤ ባረ ቦላካ ሜጨቶ፤ ቃይ ኦማርስ ጋካናዉ እ ቱና።
LEV 15:11 “ ‘ጎግያዋና ደእያ አሳይ ባረ ኩሽያ ሜጨተናን ደኢደ ቦችያ አሳይ ኦንነ ባረ ማዩዋ ሜጮ፤ ባረ ቦላካ ሜጨቶ፤ ቃይ ኦማርስ ጋካናዉ እ ቱና።
LEV 15:12 “ ‘ቃይ ጎግያባይ ደእያ አሳይ ቦችያ ኡርቃ ሚሻ ኡባ መንꬅተ፤ ምꬃፐ ኦሰቴዳ ሚሻ ኡባይ ቃይ ሃꬃን ሜጨቶ።
LEV 15:13 “ ‘ጎግያባይ ደእያ አሳይ ሄ ጎግያዋፐ ጌይያ ዎደ፥ ባረዉ ላፑን ጋላሳ ፓይዶ። ባረ ማዩዋ ሜጮ፤ ባረ ቦላካ ፑልቱዋ ሃꬃን ሜጨቶ፤ ያቲደ እ ጌሻ ግዴ።
LEV 15:14 ሆስፑንꬃ ጋላስ ላኡ ማራ ሀራጰቱዋ ዎይ ላኡ ማራ ዶጎማቱዋ አኪደ፥ መꬍና ጎዳ ዱንካንያ ፐንግያ መꬍና ጎዳ ስንꬃ ዪደ፥ ቄስያዉ ኡንቱንታ እሞ።
LEV 15:15 ቄሲ ሀራጰቱዋፐ እቱዋ ናጋራ ያርሾ፥ ላኤንꬁዋ ቃይ ጹግያ ያርሾ ያርሼ፤ ያቲደ ቄሲ ብታንያ ቦላፐ ጎግያዋ ድራዉ መꬍና ጎዳ ስንꬃን አ ናጋራ አቶ ጊሴ።
LEV 15:16 “ ‘አይ አቱማ አሳይነ ባረ አቱማተꬃፐ ዘረꬃይ ጉኮፐ፥ ባረ ኩመንꬃ ቦላ ሃꬃን ሜጨቶ፤ ቃይ ኦማርስ ጋካናዉ እ ቱና።
LEV 15:17 አቱማተꬃፐ ጉኬዳ ዘረꬃይ ቦቼዳ ማዩዋ ኡባይ ዎይ ጋልባ ኡባይ ሃꬃን ሜጨቶ፤ ቃይ ኦማርስ ጋካናዉ እ ቱና።
LEV 15:18 ቃይ እት አቱማ አሳይ ማጫ አሳና ግስና፥ አ አቱማተꬃፐ ዘረꬃይ ጉኮፐ፥ ላኡካ ሃꬃን ሜጨትኖ፤ ቃይ ኦማርስ ጋካናዉ ኡንቱንቱ ቱና።
LEV 15:19 “ ‘ማጫ አሳዉ አግናን አግናን ይያ ፒላይ ዮፐ፥ ላፑን ጋላሳ ጋካናዉ እዛ ቱና፤ ቃይ እዞ ቦችያ ኦንነ ኦማርስ ጋካናዉ ቱና።
LEV 15:20 “ ‘ሄ ፒላ ዎደ እዛ ግስያዌ ኡባይ ቱና፤ ቃይ እዛ ኡትያዌ ኡባይካ ቱና።
LEV 15:21 እዛ ግስያ ግሱዋ ቦችያ ኡባይ ባረ ማዩዋ ሜጮ፤ ሃꬃንካ ሜጨቶ፤ ኦማርስ ጋካናዉ እ ቱና።
LEV 15:22 እዛ ኡትያዋ ቦችያ ኡባይ ባረ ማዩዋ ሜጮ፤ ባረ ቦላካ ሜጨቶ፤ ቃይ ኦማርስ ጋካናዉ እ ቱና።
LEV 15:23 እዛ ግስያ ግሱዋ ግድናካ ዎይ እዛ ኡትያዋ ቦችያ ኦንነ ኦማርስ ጋካናዉ ቱና።
LEV 15:24 “ ‘አይ አቱማ አሳይነ ሄ ፒላ ዎደ ኢናና ግሶፐ፥ ሄ ፒላይ ቃይ አ ቦቾፐ፥ ላፑን ጋላሳ ጋካናዉ እ ቱና፤ እ ግስያ ግሱ ኡባይካ ቱና።
LEV 15:25 “ ‘እት ማጫ ምሽራትዉ እዝ ፒላ ዎድያ ግደናን ሀራ ዎድያን ሱꬃይ ጎጎፐ፥ ዎይ ቃይ እዝ ፒላይካ ባረ ዎድያፐ አꬂደ ኤቀናን እጺደ ጎጎፐ፥ እ ኤቃና ጋካናዉ እዛ ቱና። ባረ ፒላ ዎድያን ቱና ግድያዋዳን፥ ሄ ዎደካ እዛ ቱና።
LEV 15:26 ሄ ሱꬃይ ኢፐ ጎግያ ዎድያን እዛ ግሴዳ ግሱ ኡባይ፥ ባረ ፒላ ዎደ እዛ ግሴዳ ግሱዋካ ማላ ቱና፤ ቃይ እዛ ኡትያባይ ኡባይካ ባረ ፒላ ዎደ እዛ ኡትያባይ ቱና ግድያዋዳን ቱና።
LEV 15:27 ቃይ ሄ ቱኔዳባቱዋ ቦችያ ኦንነ ቱና፤ እ ባረ ማዩዋ ሜጮ፤ ባረ ቦላካ ሜጨቶ፤ ቃይ ኦማርስ ጋካናዉ እ ቱና።
LEV 15:28 “ ‘እዝፐ ጎግያባይ ኤቆፐ፥ እዛ ሄ ዎድያፐ ዶማደ ላፑን ጋላሳ ፓይዱ፤ ሄዋፐ ጉይያን፥ እዛ ጌሻ ግዳና።
LEV 15:29 ሆስፑንꬃ ጋላሳን እዛ ላኡ ማራ ሀራጰቱዋ ዎይ ላኡ ማራ ዶጎማቱዋ አካደ፥ ጾሳ ዱንካንያ ፐንግያ ቄስያኮ አሁ።
LEV 15:30 ቄሲ ሀራጰቱዋፐ እቱዋ ናጋራ ያርሾ እቱዋ ቃይ ጹግያ ያርሾ ያርሾ። ያቲደ ቄሲ ኢፐ ጎግያዋ ቱናተꬃ ድራዉ መꬍና ጎዳ ስንꬃን እ ናጋራ አቶ ጊሴ።
LEV 15:31 “ ‘ባረንቱ ግዶን ደእያ ጾሳ ዱንካንያ ቱንሲደ እስራኤልያ አሳይ ሀይቀናዳን፥ ኔን ሀዋዳን ኦꬃደ ኡንቱንቱ ባረና ቱንስያዋፐ ሻከቲደ ደአናዳን ናጋ።
LEV 15:32 “ ‘አ ቦላፐ አያይኔካ ጎግያ አሳዉነ አ አቱማተꬃፐ ጉኬዳ ዘረꬃን ቱንያ አሳዉ፥
LEV 15:33 ቃይ ባረ ፒላ ጋሱዋን ቱንያ ማጫ አሳዉ፥ አቱማ ግድና ማጫዋ ግድና ጎግያባይ ደእያ አሳዉነ ቱኔዳ ማጫ አሳና ግስያ አቱማ አሳዉ እመቴዳ ዎጋይ ሄዋ’ ያግተ” ያጌዳ።
LEV 16:1 አሮና አቱማ ናናይ ላኡ መꬍና ጎዳ ስንꬃ ሺቂደ ሀይቄዳዋፐ ጉይያን፥ መꬍና ጎዳይ ሙሳ ሀዋዳን ያጌዳ።
LEV 16:2 “መꬍና ጎዳይ ሙሳ፥ ነ እሻይ አሮን ታቦታ ቦላን ደእያ አቶ ግያ ሳኣ ቁምእያ ስንꬃን ጋርዱዋፐ ጉየ ባጋና ደእያ ኡባፐ አꬌዳ ጌሻ ሳኣ ኡባ ዎደ ጮ ገለናዳን አዉ ኦዳ። ጮ ገሎፐ እ ሀይቃና፤ አያዉ ጎፐ፥ ታን ሻርያ ግዶና አቶ ግያ ሳኣ ቁምእያ ቦላን ቆንጫይ።
LEV 16:3 አሮን ናጋራ ያርሾ እት ኮሩማነ ቃይ ጹግያ ያርሾ እት ዶርሳ ኦርግያ አኪደ፥ ሄ ኡባፐ አꬌዳ ጌሻ ሳኣ ገሎ።
LEV 16:4 “አሮን ሊኑዋፐ ኦሰቴዳ ጌሻ ቃምሽያነ ሊኑዋፐ ኦሰቴዳ ጋርሳና ማይያ ማዩዋ ማዮ። ቃይ ሊኑዋፐ ኦሰቴዳ ዳንጩዋ ዳንጮ፤ ሄዋዳንካ ቃይ ባረ ሁጲያን ሊኑዋፐ ኦሰቴዳ ሻሽያ ኤንጩርሳ ዎꬆ። ሀዋንቱ ጌሻ ማዮቱዋ ግድያ ድራዉ፥ እ ባረ ቦላ ሃꬃን ሜጨት ክቺደ ማዮ።
LEV 16:5 “እስራኤልያ አሳ ማባራይ ናጋራ ያርሾ ላኡ ዴሻ ኮለቱዋ፥ ጹግያ ያርሾካ እት ዶርሳ ኮልያ አሮናዉ አይኖ።
LEV 16:6 አሮን ባረ ናጋራነ ባረ ሶ አሳ ናጋራ አቶ ጊሳናዉ ኮሩማ ያርሾ።
LEV 16:7 ሄዋፐ ጉይያን፥ ላኡ ዴሻ ኮለቱዋ አፊደ፥ መꬍና ጎዳ ዱንካንያ ፐንግያን መꬍና ጎዳ ስንꬃን ኤሶ።
LEV 16:8 ያቲደ ሄ ላኡ ዴሻቱዋን ሳማ የግና እቱ መꬍና ጎዳሳ፤ እቱ ቃይ ባዙዋ የድያዋ ግዴ።
LEV 16:9 አሮን መꬍና ጎዳዉ ሳማይ ከሴዳ ዴሻ አሂደ፥ ናጋራ ያርሾ ኦꬂደ ያርሾ።
LEV 16:10 ሽን ባዙዋ የድያ ሳማይ ከሴዳ ዴሻ ፓጻ ደእሽን መꬍና ጎዳዉ ሺሾ፤ ባዙዋ አ የደርስያ ዎደ፥ አሳ ናጋራ አቶ ጊሴ።
LEV 16:11 “አሮን ባረ ናጋራነ ባረ ሶ አሳ ናጋራ አቶ ጊሳናዉ፥ እት ኮሩማ ናጋራ ያርሹዋ ኦꬂደ ሺሾ። ያቲደ ባረ ናጋራ ያርሾ ሄ ኮሩማ ሹኮ።
LEV 16:12 ቃይ መꬍና ጎዳ ስንꬃን ደእያ ያርሽያ ሳኣፐ እጻና ጩውስያ ሚሻ ኩመንꬃ ቦንቁዋነ፥ ሊቅ ጋጨቴዳ ላኡ ኮጵያ ሳዊያ እጻና አኪደ፥ ጋርዱዋ ግዶ አሆ።
LEV 16:13 እ ሀይቀናዳን፥ እጻና ጩዋይ ታቦታ ቦላን ደእያ አቶ ግያ ሳኣ ቁምእያ ካማና ማላ፥ እጻና መꬍና ጎዳ ስንꬃን ደእያ ታማን ዎꬆ።
LEV 16:14 ቃይ ሄ ኦርግያ ሱꬃፐ ጉꬃ አኪደ፥ ባረ ብራꬍያ አን ናቂደ፥ አቶ ግያ ሳኣ ቁምእያዉ ስንꬃ ባጋ ጫጫፎ፤ ቃይ አቶ ግያ ሳኣ ቁምእያፐ ስንꬃ ባጋና ደእያ ሳኣካ ላፑ ገደ ጫጫፎ።
LEV 16:15 “ሄዋፐ ጉይያን አሳ ናጋራ ያርሾ ግድያ ዴሻ ሹኪደ፥ አ ሱꬃ ጋርዱዋ ግዶ አሆ፤ ኮሩማ ሱꬃ ጫጫፌዳዋዳን፥ አቶ ግያ ሳኣ ቁምእያ ስንꬃነ አቶ ግያ ሳኣ ቁምእያፐ ስንꬃ ባጋና ደእያ ሳኣ ጫጫፎ።
LEV 16:16 ያቲደ ኡባፐ አꬌዳ ጌሻ ሳኣ እስራኤልያ አሳ ቱናተꬃፐነ ናጋራፐ ጌሼ። ቃይ ኡንቱንቱ ቱናባ ኦꬅሽን፥ ኡንቱንቱ ግዶን ደእያ ጾሳ ዱንካንያካ ሄዋዳን ኦꬂደ ጌሾ።
LEV 16:17 እ ኡባፐ አꬌዳ ጌሻ ሳኣ ገሊደ፥ ባረ ናጋራ፥ ባረ ሶ አሳ ናጋራነ ኩመንꬃ እስራኤልያ አሳ ናጋራ አቶ ጊሲደ ከሳና ጋካናዉ፥ ኦንነ ጾሳ ዱንካንያ ግዶን ደኦፖ።
LEV 16:18 “ሄዋፐ ጉይያን እ መꬍና ጎዳ ስንꬃን ደእያ ያርሽያ ሳኣ ዪደ አ ናጋራ አቶ ጊሶ። ኮሩማ ሱꬃፐነ ዴሻ ሱꬃፐ ጉꬃ ጉꬃ አኪደ፥ ያርሽያ ሳኣ ዩሹዋን ደእያ ካጨቱዋ ኦኮ።
LEV 16:19 ቃይ ሄ ሱꬃፐ ጉꬃ ባረ ብራꬍያን አኪደ፥ ላፑ ገደ ያርሹዋ ሳኣ ቦላ ጫጫፊደ፥ እስራኤልያ አሳ ቱናተꬃፐ ሄ ያርሹዋ ሳኣ ጌሾ።
LEV 16:20 “አሮን ኡባፐ አꬌዳ ጌሻ ሳኣ፥ ጾሳ ዱንካንያነ ያርሽያ ሳኣ ጌሽያ ዎጋ ፖሌዳዋፐ ጉይያን፥ ፓጻ ደእያ ዴሻ ሺሾ።
LEV 16:21 አሮን ባረ ላኡ ኩሸቱዋ ፓጻ ደእያ ዴሻ ሁጲያን ዎꬂደ፥ እስራኤልያ አሳ ናቁዋ ኡባ፥ ኡንቱንቱ ማካላ ኡባ፥ ኡንቱንቱ ናጋራ ኡባ ፓጾ፤ ያቲደ ሄ ዴሻ ሁጲያን ሄዋ ቶሲደ ሄ ዴሻ አፋናዳን ጊግሴዳ አሳ ቦላን ባዙዋ የዶ።
LEV 16:22 እ ዴሻ ባዙዋ የድና፥ ዴሻይ ኡንቱንቱ ናጋራ ኡባ ቶኪደ፥ አሳይ ባይና ሳኣ ባዙዋ ቦ።
LEV 16:23 “ሄዋፐ ጉይያን፥ አሮን ጾሳ ዱንካንያ ቢደ ኡባፐ አꬌዳ ጌሻ ሳኣ ገሌዳ ዎደ፥ ካሰ ባረ ማዬዳ ሊኑዋፐ ኦሰቴዳ ማዩዋ ቃሪደ ሄዋን ዎꬆ።
LEV 16:24 ጌሻ ሳኣን እ ባረ ቦላ ሃꬃን ሜጨቲደ፥ ሀራ ማዩዋ ማዪደ ከሶ፤ ያቲደ ጹግያ ያርሹዋ ባረዋነ አሳዋ ያርሺደ፥ ባረ ናጋራነ አሳ ናጋራ አቶ ጊሴ።
LEV 16:25 ቃይ ሄዋዳንካ ናጋራ ያርሹዋ ሀንዳ ያርሽያ ሳኣ ቦላን ዎꬂደ ጹጎ።
LEV 16:26 “ዎራ የድያ ዴሻ አፌዳ ብታኒካ ባረ ማዩዋ ሜጮ፤ ባረ ቦላካ ሃꬃን ሜጨቶ። ያት ስሚደ ዱንካኔዳሳ ዮ።
LEV 16:27 “ናጋራ አቶ ጊሳናዉ አሮን ኡባፐ አꬍያ ጌሻ ሳኣ ገሌዳ ዎደ፥ ናጋራ ያርሹዋ ኮሩማ ሱꬃነ ዴሻ ሱꬃ አኪደ ገሌዳ፤ ሀእ ህንተ ሄ ኮሩማነ ሄ ዴሻነ ዱንካኔዳ ሳኣፐ ጋጻ ከስተ። ኡንቱንቱ ጋልባ፥ ኡንቱንቱ አሹዋነ ኡንቱንቱ ቶጭያ ታማን ጹግተ።
LEV 16:28 ሄዋ ታማን ጹጌዳ ብታኒ ባረ ማዩዋ ሜጮ፤ ባረ ቦላካ ሃꬃን ሜጨቶ፤ ሄዋፐ ጉይያን፥ ዱንካኔዳ ሳኣ ዮ።
LEV 16:29 “ሀዌ ህንተንቶ መꬍናዉካ ዎጋ ግዶ: ላፑንꬃ አግናይ ገሌዳ ታሙንꬃ ጋላሳን ህንተ ሁጲያ ካዉሽተ፤ እስራኤልያ አሳ ግድና ዎይ ቃይ ህንተ ግዶን ደእያ ሀራ ቢታ አሳ ግድናካ፥ አይ ኦሶነ ኦꬆፕተ።
LEV 16:30 አያዉ ጎፐ፥ ህንተና ጌሻናዉ፥ ህንተ ናጋራ አቶ ጊስያ ጋላሳይ ሄ ጋላሳ። ህንተካ መꬍና ጎዳ ስንꬃን ህንተ ናጋራ ኡባፐ ጌያና።
LEV 16:31 ሄዌ ህንተ ዋና ሸምፑዋ ሸምፕያ ሳምባታ ጋላሳ። ሄ ጋላሳን ህንተ ሁጲያ ካዉሽተ፤ ሄዌ ህንተንቶ መꬍናዉካ ዎጋ ግዶ።
LEV 16:32 ቃይ ባረ አዉዋ ኮታን ቄሰ ግዳናዳን ኦከትያዌነ ዱማትያ አሳይ ጌሻ ግዴዳ ሊኑዋፐ ዳደቴዳ ማዩዋ ማዪደ፥ ናጋራ አቶ ጊስያ ዎጋ ፖሎ።
LEV 16:33 እ ኡባፐ አꬍያ ጌሻ ሳኣ፥ ጾሳ ዱንካንያ፥ ያርሽያ ሳኣ፥ ቄሳቱ ዋነ እስራኤልያ አሳ ኡባ ጌሾ።
LEV 16:34 እስራኤልያ አሳ ናጋራ ኡባ አቶ ጊስያ ዎጋ ህንተ ላይꬃን ላይꬃን እት ገደ ኦꬃናዳን፥ ሀዌ ህንተንቶ መꬍናዉካ ዎጋ ግዶ” ያጌዳ። ሙሴ መꬍና ጎዳይ አዛዜዳዋዳን ኦꬄዳ።
LEV 17:1 መꬍና ጎዳይ ሙሳ ሀዋዳን ያጌዳ፤
LEV 17:2 “አሮናዉ አ አቱማ ናናቶነ እስራኤልያ አሳ ኡባዉ ሀዋዳን ያጋደ ኦዳ፤ ‘መꬍና ጎዳይ አዛዜዳዌ ሀዋ:
LEV 17:3 እስራኤልያ አሳፐ ኦንነ ቦራ ዎይ ዶርሳ ዎይ ዴሻ ዱንካኔዳ ሳኣን ዎይ ዱንካኔዳ ሳኣፐ ጋጻና ሹኪደ፥
LEV 17:4 መꬍና ጎዳዉ እሞታ ኦꬂደ እማናዉ መꬍና ጎዳ ዱንካንያ ፐንግያ መꬍና ጎዳ ስንꬃ አሀና ꬋዮፐ፥ ሄ ሱꬃን እ ኦሸቴ፤ ሄ አሳይ ሱꬃ ጉሴዳ። ሄዋ ድራዉ እ ባረ አሳ ግዶፐ ቦሄቶ።
LEV 17:5 ሄዋ ድራዉ እስራኤልያ አሳይ ባረንቱ ያርሹዋ መህያ ጮ ደምባን ሹክያዋ አጊደ፥ ሃ መꬍና ጎዳኮ፥ መꬍና ጎዳ ዱንካንያ ፐንግያን ደእያ ቄስያኮ አህኖ። ቄሲ ሄዋ አኪደ፥ መꬍና ጎዳዉ እትፐተꬃ ያርሹዋ ኦꬂደ ሹኮ።
LEV 17:6 ቃይ ቄሲ መꬍና ጎዳ ዱንካንያ ፐንግያን ደእያ መꬍና ጎዳዉ ያርሽያ ሳኣ ቦላን ሄ ሱꬃ ጫጫፎ፤ ሀንዳካ መꬍና ጎዳዉ ሳዉዋ ቶሹኩ ግያ ያርሹዋ ኦꬂደ ጹጎ።
LEV 17:7 እስራኤልያ አሳይ ጾሳ ካልያዋ አጊደ ካሌዳ ጻላሄቶ ላኤንꬆ ባረንቱ ያርሹዋ ያርሾፕኖ። ሀዌ ኡንቱንቶነ ይያ የለታ ኡባዉ መꬍናዉ ዎጋ ግዶ’ ያጋ።
LEV 17:8 “ኡንቱንታ ሀዋዳን ያጋ፤ ‘እስራኤልያ አሳፐ ግድና ዎይ ኡንቱንቱ ግዶን ደእያ ሀራ ቢታ አሳፐ ግድናካ፥ ኦንነ ጹግያ ያርሹዋ ዎይ ሀራ ያርሹዋ ሺሽያ ዎደ፥
LEV 17:9 መꬍና ጎዳዉ ያርሻናዉ መꬍና ጎዳ ዱንካንያ ፐንግያ አሀና ꬋዮፐ፥ ሄ አሳይ ባረ አሳ ግዶፐ ቦሄቶ።
LEV 17:10 “ ‘እስራኤልያ አሳፐ ዎይ ኡንቱንቱ ግዶን ደእያ ሀራ ቢታ አሳፐ ኦንነ ሱꬃ ሞፐ፥ ሄ ሱꬃ ምያ አሳ ቦላን ታን ታ ዴሙዋ ቱካና፤ ታን ሄ ብታንያ አሳ ግዶን ቦሀና።
LEV 17:11 አያዉ ጎፐ አሹዋ ማዬዳ ኡባ ደኡ አ ሱꬃ ግዶን ደኤ፤ ሱꬃይካ ቃይ ደኡዋ ሸምፑ አ ግዶን ደእያዋፐ ደንዴዳዋን ናጋራ አቶ ጊስያዋ ግድያ ድራዉ፥ ህንተ ናጋራ አቶ ጊሳናዳን፥ ታን ህንተንቶ ያርሽያ ሳኣ ቦላን ያርሻናዳን እማድ።
LEV 17:12 ሄዋ ድራዉ ታን እስራኤልያ አሳ፥ “ህንተፐ ዎይ ህንተ ግዶን ደእያ ሀራ ቢታ አሳፐ ኦንነ ሱꬃ ሞፖ” ያጋድ።
LEV 17:13 “ ‘እስራኤልያ አሳፐ ዎይ ኡንቱንቱ ግዶን ደእያ ሀራ ቢታ አሳፐ ኦንነ ምያ ዶኣ ዎይ ካፉዋ ሻንካቲደ ዎꬎፐ፥ አ ሱꬃ ሳኣን ጉሲደ፥ ቢታ ካሞ።
LEV 17:14 አያዉ ጎፐ አሹዋ ማዬዳ ኡባ ሸምፑ አ ሱꬃ ግዶና። ሄዋ ድራዉ ታን እስራኤልያ አሳ፥ “አሹዋ ማዬዳ መታ ኡባ ሸምፑካ አ ሱꬃ ግዶን ደእያ ድራዉ፥ ሱꬃ ሞፕተ፤ ቃይ ምያ ኦንነ ባረ አሳ ግዶፐ ቦሄቶ” ያጋድ።
LEV 17:15 “ ‘እስራኤልያ አሳ ግድና ዎይ ኡንቱንቱ ግዶን ደእያ ሀራ ቢታ አሳ ግድና፥ ኦንነ ባኩታ ዎይ ዶአይ ኦይቂደ ዎꬌዳ አሹዋ ሞፐ፥ ባረ ማዩዋ ሜጮ፤ ባረ ቦላካ ሜጨቶ፤ ያቲደ ኦማርስ ጋካናዉ እ ቱና። ሄዋፐ ጉይያን፥ እ ጌሻ።
LEV 17:16 ባረ ማዩዋ ሜጫና ꬋዮፐ፥ ባረ ቦላካ ሜጨታና ꬋዮፐ፥ እ ባረ ናጋራን ኦሸቴ’ ያጋ” ያጌዳ።
LEV 18:1 መꬍና ጎዳይ ሙሳ ሀዋዳን ያጌዳ፤
LEV 18:2 “እስራኤልያ አሳ ሀዋዳን ያጋ፤ ‘ታን፥ መꬍና ጎዳይ፥ ህንተ ጾሳ።
LEV 18:3 ህንተ ካሰ ደኤዳ ግብጼ ቢታ አሳይ ኦꬅያዋዳን ኦꬆፕተ፤ ዎይ ሀእ ታን ህንተና አፍያ ካናነ ቢታ አሳይ ኦꬅያዋዳንካ ኦꬆፕተ፤ ኡንቱንቱ ዎጋካ ካሎፕተ።
LEV 18:4 ህንተ ታ አዛዙዋ ኦꬅተ፤ ታ ዎጋካ ናግተ፤ ቃይ አን ቢተ። ታን፥ መꬍና ጎዳይ፥ ህንተ ጾሳ።
LEV 18:5 ሄዋ ድራዉ ታ አዛዙዋነ ታ ዎጋ ናጎፐ፥ ህንተ ፓጻ ደአና። ታን መꬍና ጎዳ።
LEV 18:6 “ ‘ህንተፐ ኦንነ አሹዋ አሙዋ ፖላናዉ ባረ ማታ ዳቡዋና ግሶፖ። ታን ጾሳ።
LEV 18:7 ነ አሹዋ አሙዋ ፖላናዉ ነ ዳይና ግሶፓ፤ ነ አዉዋ ካዉሾፓ። እዛ ነ ዳዮ፤ ኢናና ግሶፓ።
LEV 18:8 ነ አሹዋ አሙዋ ፖላናዉ ነ አዉዋ ማቻትና ግሶፓ፤ ነ አዉዋ ካዉሾፓ።
LEV 18:9 “ ‘ነ አሹዋ አሙዋ ፖላናዉ ነ ምቻትና ግሶፓ፤ ዎይ ቃይ ሶን የለቴዳ ዎይ ካረን የለቴዳ ነ አዉዋ ዎይ ነ ዳይ ናትናካ ግሶፓ።
LEV 18:10 “ ‘ነ አሹዋ አሙዋ ፖላናዉ ነ ናኣ ናትና ዎይ ነ ናት ናትና ግሶፓ። ነ ሁጲያዉ ኔና ካዉሻሳ።
LEV 18:11 ነ አሹዋ አሙዋ ፖላናዉ ነ አዉዋ ማቻት ናትና ግሶፓ፤ እዛ ነ ምቻቶ ግድያ ድራዉ ኢናና ግሶፓ።
LEV 18:12 ነ አሹዋ አሙዋ ፖላናዉ ነ አዉዋ ምቻትና ግሶፓ። እዛ ነ አዎ ማታ ዳቦ።
LEV 18:13 አሹዋ አሙዋ ፖላናዉ ነ ዳይ ምቻትና ግሶፓ፤ እዛ ነ ዳይዉ ማታ ዳቦ።
LEV 18:14 ነ አዉዋ እሻ ካሉዋ ቃራደ ነ አሹዋ አሙዋ ፖላናዉ አ ማቻትና ግሶፓ፤ እዛ ነ አዉዋ እሻ ማቻቶ።
LEV 18:15 ነ አሹዋ አሙዋ ፖላናዉ ነ ናኣ ማቻትና ግሶፓ፤ እዛ ነ ናኣ ማቻቶ ግድያ ድራዉ፥ ኢናና ግሶፓ።
LEV 18:16 ነ አሹዋ አሙዋ ፖላናዉ ነ እሻ ማቻትና ግሶፓ፤ ግሶፐ ነ እሻ ካዉሻሳ።
LEV 18:17 “ ‘ነ አሹዋ አሙዋ ፖላናዉ ምሽራትናነ እ ናትናነ ላኡዋና ግሶፓ። እ ናት ናትና ዎይ ቃይ እ ናኣ ናትናካ ግሶፓ፤ ኡንቱንቱ እዝዉ ማታ ዳቦ ግድያ ድራዉ፥ ሄዌ ሻርሙጻ።
LEV 18:18 “ ‘ነ ማቻታ ፓጻ ደእሽን፥ ነ ማቻት ምቻቶ አካደ ነ አሹዋ አሙዋ ፖላናዉ ኢናና ግሶፓ።
LEV 18:19 “ ‘ነ አሹዋ አሙዋ ፖላናዉ ፒላይ ዪና ቱና ኡቴዳ ምሽራትና ግሶፓ።
LEV 18:20 “ ‘ኔን ቱነናዳን ነ ሾሩዋ ማቻትና ግሶፓ።
LEV 18:21 “ ‘ነ ጾሳ ሱንꬃ ቱንሳናዉ ነ ናናቱዋፐ እቱዋነ ታማን ጹጊደ፥ ሞሎካ ግያ ኤቃዉ ያርሻናዳን እሞፓ። ታን መꬍና ጎዳ።
LEV 18:22 “ ‘ማጫ አሳና ግስያዋዳን አቱማ አሳና ግሶፓ፤ ሄዌ ሸነይያባ።
LEV 18:23 “ ‘ኔን ቱነናዳን አይ መህያናነ ግሶፓ፥ ቃይ ማጫ አሳይካ መህያና ግሳናዉ መህያ ስንꬃ አꬎፖ። ሄዌ ዎጋይ ባይናዋ።
LEV 18:24 “ ‘ታን ህንተ ስንꬃፐ የደርስያ ካዉተꬃቱ ሀ ኦሶቱዋን ቱኔዳ ድራዉ፥ ህንተ ሀዋንታ ማላትያዋቱዋን ቱኖፕተ።
LEV 18:25 ሀራይ አቶ ኡንቱንቱ ቢታይካ ቱኔዳ ድራዉ፥ አ ናጋራዉ ታን አ ሙራድ፤ ቢታይካ ባረናን ደእያዋንታ ጩቼዳ።
LEV 18:26 ሽን ህንተ ታ ህግያነ ታ አዛዙዋ ናግተፐ አትና፥ እስራኤልያ አሳ ግድና ዎይ ህንተ ግዶን ደእያ ሀራ ቢታ አሳፐ ኦንነ ሀዋ ማላ ቱና ኦሱዋ ኦꬆፕተ።
LEV 18:27 “ ‘ህንተፐ ካሰ ሀ ጋድያን ደኤዳ አሳቱ ሀዋ ማላ ቱናባ ኦꬄዳ ድራዉ፥ ቢታይ ቱኔዳ።
LEV 18:28 ህንተ ሀ ቢታ ቱንሶፐ፥ ህንተፐ ካሰ ደኤዳ ካዉተꬃቱዋ ሀ ቢታይ ጩቼዳዋዳን፥ ህንተናካ ጩቼናዳን ናገትተ።
LEV 18:29 ሄዋንታ ማላትያ ቱና ኦሶቱዋፐ እቱዋነ ኦꬅያ አሳይ ደኦፐ፥ ሄ አሳይ ባረ አሳ ግዶፐ ቦሄቶ።
LEV 18:30 “ ‘ሄዋ ድራዉ ህንተፐ ካሰ ደኤዳ አሳቱ ኦꬄዳ ቱና ኦሶቱዋ ኡባ ኦꬂደ ህንተ ቱነናዳን፥ ህንተ ታ አዛዙዋ ናግተ፤ ታን፥ መꬍና ጎዳይ፥ ህንተ ጾሳ’ ያጋ” ያጌዳ።
LEV 19:1 መꬍና ጎዳይ ሙሳ ሀዋዳን ያጌዳ፤
LEV 19:2 “እስራኤልያ አሳዉ ኡባዉ ሀዋዳን ያጋደ ኦዳ፤ ‘ታን፥ መꬍና ጎዳይ፥ ህንተ ጾሳይ ጌሻ ግድያ ድራዉ፥ ህንተካ ጌሻ ግድተ።
LEV 19:3 “ ‘ህንተፐ እቱነ አተናን ባረ አባነ ባረ ዳዮ ቦንቾ፤ ታ ሳምባታቱዋካ ቦንችተ። ታን፥ ጾሳይ፥ ህንተ ጾሳ።
LEV 19:4 “ ‘ታና አጊደ ኤቃቶ ጎይኖፕተ፤ ዎይ ቃይ ብራታፐ ሲልሴዳ፥ ጾሳቱዋ ህንተንቶ መꬎፕተ። ታን፥ መꬍና ጎዳይ፥ ህንተ ጾሳ።
LEV 19:5 “ ‘ህንተ እትፐተꬃ ያርሹዋ መꬍና ጎዳዉ ያርሽያ ዎደ፥ ሄ ያርሹ ህንተ ድራዉ አከታናዳን፥ በስያዋዳን ያርሽተ።
LEV 19:6 ሄ ያርሹ ህንተ ያርሼዳ ጋላሳን ዎይ ዎንተꬃ ጋላሳን ሜተቶ፤ ሄዘንꬆ ጋላሳይ ጋካናዉ አቴዳዌ ደኦፐ ሄዌ ጹገቶ።
LEV 19:7 ሄዛንꬆ ጋላሳን አ ሞፐ፥ ሄዌ ሸነይያባ፤ ታን ሄዋ አክከ።
LEV 19:8 ሄዋ ምያ ኦንነ ባረ ናጋራን ኦሸቴ፤ አያዉ ጎፐ፥ እ መꬍና ጎዳዉ ጌሻ ግዴዳዋ ቱንሴዳ። ሄ አሳይ ባረ አሳ ግዶፐ ቦሄቶ።
LEV 19:9 “ ‘ህንተ ጋድያን ሞኬዳ ካꬃ ህንተ ጫክያ ዎደ፥ ጋድያ ጋጻ ጋካናዉ ጫኮፕተ፤ ቃይ ጫካፐ ስምና ደእያ ቃርምያካ ቃርሞፕተ።
LEV 19:10 ነ ዎይንያ አይፍያ ሙለ ማጻደ ምꬃ ካሎዮፓ፤ ሳኣን ዎꬌዳ ዎይንያ አይፍያካ ማጾፓ፤ ሄዋ ህዬሳቶነ በተቶ አጋ። ታን፥ መꬍና ጎዳይ፥ ህንተ ጾሳ።
LEV 19:11 “ ‘ህንተ ዉኦፕተ። “ ‘ዎርዶቶፕተ። “ ‘እቱ እቱዋ ጭሞፕተ።
LEV 19:12 “ ‘ታ ሱንꬃን ዎርዱዋን ጫቆፕተ፤ ያቲደ ህንተ ጾሳ ሱንꬃ ቱንሶፕተ። ታን መꬍና ጎዳ።
LEV 19:13 “ ‘ነ ሾሩዋ ሱጎፓ፤ ዎይ ቦንቆፓ። “ ‘ከራ ኦꬅያ ብታንያ ድርጉዋ ድጋደ፥ እት ቃማነ ነ ማታን አይሶፓ።
LEV 19:14 “ ‘ቱልያ ሸቆፓ፤ ዎይ ቃይ ቆቅያ ስንꬃን ꬉቢያዋ ዎꬆፓ፤ ሽን ኔን ጾሳዉ ያያ። ታን መꬍና ጎዳ።
LEV 19:15 “ ‘ፕርዳ ፕርዳደ ደሽሶፓ፤ ህዬሳ አ ህዬሳተꬃ ድራዉ ማዳደ ፕርዶፓ፤ ዱርያካ አ ዱረተꬃ ድራዉ ያያደ አጎፓ። ሽን ነ ሾሮ ቱማተꬃን ፕርዳ።
LEV 19:16 “ ‘ነ አሳ ግዶን ኢታ ዝግርሳ አካደ ዩዮፓ። “ ‘ነ ሾሩዋ ዎꬍያዋ አያነ ኦꬆፓ። ታን መꬍና ጎዳ።
LEV 19:17 “ ‘ነ እሻ ነ ዎዛናን እጾፓ። “ ‘ነ ሾሩዋ ጋሱዋን ኔን ናጋራ ኦና ማላ፥ አ ሴራ።
LEV 19:18 “ ‘ኩሽያ ጭጎፓ፤ ቃይ ነ አሳፐ እቶነ ኡሉዋን ቅምያ ኦይቆፓ። ሽን ነ ሾሩዋ ነ ሁጲያዳን ሲቃ። ታን መꬍና ጎዳ።
LEV 19:19 “ ‘ታ አዛዞቱዋ ናጋ። “ ‘ነ መህያፐ እት ቆሞ መህያ ሀራ ቆሞ ዱማ መህያን ብራስሶፓ። “ ‘እት ሾይቃን ላኡ ቆሞ ዘረꬃ ዘሮፓ። “ ‘ቃይ ላኡ ቆሙዋፐ ዳደቴዳ ማዩዋ ማዮፓ።
LEV 19:20 “ ‘እት አሳይ ሀራ አሳ ገላናዉ ጊጋ ኡቴዳ ዳንጋጽራትና ግሶፐ፥ ቃይ ሄ ዳንጋጽራታካ ባረ ዳንጋጽረተꬃፐ ዎዘታቤናኖ ግዶፐ፥ ኡንቱንቱ ሙረታናዉ በሴ፤ ሽን እዛ ባረ ዳንጋጽረተꬃፐ ዎዘታቤና ድራዉ፥ ኡንቱንታ ዎꬋናዉ ኮሸና።
LEV 19:21 ግዶፐነ ሄ ብታኒ ባረ ናቁዋ ያርሾ ግድያ ዶርሳ ኦርግያ ጾሳ ዱንካንያኮ መꬍና ጎዳ ስንꬃ አሆ።
LEV 19:22 ቄሲ ሄ ናቁዋ ያርሹዋ ዶርሳ አኪደ፥ ብታኒ ኦꬄዳ ናጋራ መꬍና ጎዳ ስንꬃን አቶ ጊሴ፤ እ ኦꬄዳ ናጋራይካ አቶ ጌተታና።
LEV 19:23 “ ‘ህንተ ካናነ ቢታ ገልያ ዎደ፥ አይፍያ ምያ አይ ቆሞ ምꬃ ቶኮፐካ፥ ሄ ምꬃ አይፍያ ሜተተናዋዳን ፓይድተ፤ ሄዙ ላይꬃይ ዉራናዉ ሄ ምꬃ አይፊ ሜተተና፤ አ ሞፕተ።
LEV 19:24 ኦይደንꬆ ላይꬃን ሄ ምꬃ አይፊ ኡባይ መꬍና ጎዳዉ ጋላታ ሺሽያ ጌሻ ያርሹዋ ግዳናዋ።
LEV 19:25 ሽን ሄ ምꬃ አይፊ ህንተንቶ ሎይꬅ ዳራና ማላ፥ እቼሸንꬆ ላይꬃ አይፍያ ሚተ። ህንተ ሀዋዳን ኦꬆፐ፥ ህንተ ምꬃ አይፊ ዳራና። ታን መꬍና ጎዳይ ህንተ ጾሳ።
LEV 19:26 “ ‘ሱꬃይ አ ግዶን ደእያ አይ አሹዋካ ሞፕተ። “ ‘ካዮፕተ ዎይ ሻሬቾፕተ።
LEV 19:27 “ ‘ህንተ ሁጲያ ብናና ጋርሳና ዩሽ አꬂደ ቃንጾፕተ፤ ቃይ ህንተ ቡቻካ ዩሽ አꬂደ ቃንጾፕተ።
LEV 19:28 “ ‘ሀይቄዳ አሳ ድራዉ ህንተ ቦላ ቃንጸሬꬆፕተ፤ ዎይ ጫቻ ማላታ ህንተ ቦላን ከሶፕተ። ታን መꬍና ጎዳ።
LEV 19:29 “ ‘ቢታይ ዎዳላ ቱናተꬃን ኩሜዳዋ ግደና ማላ፥ ነ ናቶ ሻርሙጻ ኦሶ አꬃ እማደ ቱንሶፓ።
LEV 19:30 “ ‘ታ ሳምባታቱዋ ቦንችተ፤ ታዉ ጎይንያ ሳኣካ ቦንችተ። ታን መꬍና ጎዳ።
LEV 19:31 “ ‘ሞይትልያ ሃሳይስያዋንቱኮነ ሻሬቾቱዋኮ ቦፕተ፤ ህንተ ቱነና ማላ ኡንቱንታ ኮዮፕተ። ታን፥ መꬍና ጎዳይ፥ ህንተ ጾሳ።
LEV 19:32 “ ‘ፑሉሜዳ አሳነ ጭሜዳ አሳ በእያ ዎደ ኡቴዳ ሳኣፐ ደንዳ ኤቃ፤ ኡንቱንታ ቦንቻ፤ ነ ጾሳዉ ያያ። ታን መꬍና ጎዳ።
LEV 19:33 “ ‘ህንተ ጋድያን ህንተናና ደእያ በተቱዋ ቦላን ሱገꬃባ ኦꬆፕተ።
LEV 19:34 ህንተ ጋድያን ህንተናና ደእያ በተ አሳ ህንተ ቢታ አሳዳን ጼልተ፤ አ ህንተ ሁጲያዳን ሲቅተ። አያዉ ጎፐ፥ ህንተካ ካሰ ግብጼ ጋድያን በተ ግዲደ ደኤድታ። ታን፥ መꬍና ጎዳይ፥ ህንተ ጾሳ።
LEV 19:35 “ ‘ህንተ ጌሳ ልክያባን፥ ሚዛናን ዎꬂደ ልክያባንነ ማክያባን ዎርዶቶፕተ።
LEV 19:36 ህንተ ኪሉዋ ሚዛናይ፥ ህንተ ማክያባይነ ልክያ ሚሻቱ ኡባይ ልከ ግድኖ። ታን ህንተና ግብጼ ጋድያፐ ከሳደ አሄዳ መꬍና ጎዳ ህንተ ጾሳ።
LEV 19:37 ህንተ ታ ህግያነ ታ አዛዙዋ ኡባ ናግተነ ኦꬅተ። ታን መꬍና ጎዳ ያጋ’ ” ያጌዳ።
LEV 20:1 መꬍና ጎዳይ ሙሳ ሀዋዳን ያጌዳ፤
LEV 20:2 “እስራኤልያ አሳዉ ሀዋዳን ያጋደ ኦዳ፥ ‘እስራኤልያ አሳፐ ግድና፥ ዎይ በቲደ ዪደ እስራኤልያ ግዶን ደእያ ሀራ ቢታ አሳፐ ግድናካ፥ ኦንነ ባረ ናናቱዋፐ እቱዋ ሞሎካ ግያ ኤቃዉ አꬂደ እሞፐ፥ ሄ አሳይ ሀይቆ፤ ሄ ቢታ አሳይ አ ሹቻን ጫዲደ ዎꬎ።
LEV 20:3 ታን ሄ ብታንያ እጻና፤ አ አሳ ግዶፐ ሾዳደ አ ꬋይሳና። አያዉ ጎፐ፥ እ ባረ ናናቱዋፐ እቱዋ ሞሎካ ግያ ኤቃዉ እምያዋን፥ ታ ዱንካንያ ቱንሴዳ፤ ታ ጌሻ ሱንꬃካ ካዉሽሴዳ።
LEV 20:4 ሄ ብታኒ ባረ ናናቱዋፐ እቱዋ ሞሎካዉ እምያ ዎደ፥ ሄ ቢታ አሳይ በኢደ፥ ሸነኮ ጎፐ፥ ቃይ ብታንያካ ዎናን አጎፐ፥
LEV 20:5 ታን ታ ሁጲያዉ ሄ ብታንያነ ሄ ሶ አሳ እጻና፤ ሞሎከና ሻርሙጻናዉ አ ካልያ ኡባቱዋ ኡንቱንቱ አሳ ግዶፐ ቦህተ።
LEV 20:6 “ ‘አይ አሳይነ ታናን አማነተናን እጺደ፥ ሞይትልያ ሃሳይስያዋንታነ ሻሬቾቱዋ ኦቻናዉ ቦፐ፥ ታን አ እጻና፤ አ አሳ ግዶፐካ ꬋይሳና።
LEV 20:7 “ ‘ታን፥ መꬍና ጎዳይ፥ ህንተ ጾሳ ግድያ ድራዉ፥ ስም ህንተ ህንተና ዱማይተ፤ ቃይ ጌሻ ግድተ።
LEV 20:8 ታ ህግያ ናግተነ ኦꬅተ። ታን ህንተና ጌሽያ መꬍና ጎዳ።
LEV 20:9 “ ‘አይ አሳይነ ባረ አዉዋ ዎይ ባረ ዳዮ ሸቆፐ ሀይቆ። እ ባረ አዉዋ ዎይ ባረ ዳዮ ሸቄዳ ድራዉ፥ አ ሱꬃ አጩ አ ቦላና።
LEV 20:10 “ ‘እት አሳይ ባረ ሾሩዋ ማቻትና ግሶፐ፥ ሄ ግሴዳ ብታኒነ ምሽርታ ላኡካ ሀይቂኖ።
LEV 20:11 ባረ አዉዋ ማቻትና ግሴዳ አሳይ ባረ አዉዋ ካዉሽሴዳ፤ ኡንቱንቱ ላኡካ ሀይቂኖ። ኡንቱንቱ ሱꬃ አጩ ኡንቱንቱ ቦላና።
LEV 20:12 እት አሳይ ባረ ናኣ ማቻትና ግሶፐ፥ ኡንቱንቱ ላኡካ ሀይቂኖ። ኡንቱንቱ ቱናባ ኦꬄድኖ። ኡንቱንቱ ሱꬃ አጩ ኡንቱንቱ ቦላና።
LEV 20:13 “ ‘እት አቱማ አሳይ ማጫ አሳና ግስያዋዳን አቱማ አሳና ግሶፐ፥ ኡንቱንቱ ላኡካ ቱናባ ኦꬄዳ ድራዉ ሀይቂኖ። ኡንቱንቱ ሱꬃ አጩ ኡንቱንቱ ቦላና።
LEV 20:14 እት አሳይ ናቶነ አቶነ እትፐ አክያዋ ግዶፐ፥ ሄዌ ቱናባ፤ ህንተ ግዶን ቱናተꬃይ ደኤና ማላ፥ እነ ኡንቱንቱነ ታማን ጹገትኖ።
LEV 20:15 “ ‘እት አሳይ መህያና ግሶፐ፥ እ ሀይቆ፤ ሄ ማጫ መሀቶካ ዎꬍተ።
LEV 20:16 እት ማጫ አስ መህያና ግሶፐ ሄ ምሽራቶነ ሄ መህያ ላኡዋካ ዎꬍተ፤ ኡንቱንቱ ሀይቂኖ። ኡንቱንቱ ሱꬃ አጩ ኡንቱንቱ ቦላና።
LEV 20:17 “ ‘እት አሳይ ባረ ምቻቶ ባረ አዉዋ ናትና ዎይ ባረ ዳይ ናትና ግሶፐ፥ ሄዌ ፖኮባ። ኡንቱንቱ ባረንቱ አሳ ግዶፐ ቦሄትኖ። እ ባረ ምቻቶ ካዉሼዳ ድራዉ፥ እ ባረ ናጋራን ኦሸቴ።
LEV 20:18 እት አሳይ ፒላይ ዬዳ ማጫን ካሉዋ ቃሪደ ኢናና ግሶፐ፥ ኡንቱንቱ ላኡካ ባረንቱ አሳ ግዶፐ ቦሄትኖ። አያዉ ጎፐ እ እዝ ሱꬃይ ጎግያ ፑልቱዋ ካሎዬዳ፤ እዛካ ባረ ሱꬃይ ጎግያ ፑልቱዋ ካሎያዱ።
LEV 20:19 “ ‘ነ ዳይ ምቻትና ዎይ ነ አዉዋ ምቻትና ግሶፓ፤ አያዉ ጎፐ፥ ሄዋ ኦꬅያዌ ባረ ማታ ዳቡዋ ካዉሽያዋ። ህንተ ላኡካ ህንተ ናጋራን ኦሸታና።
LEV 20:20 እት አሳይ ባረ አዉዋ እሻ ማቻትና ግሶፐ፥ እ ባረ አዉዋ እሻ ካዉሽሴዳ። ኡንቱንቱ ባረንቱ ናጋራን ኦሸታና፤ ኡንቱንቱ ላኡካ ናኣ የለናን ሀይቃና።
LEV 20:21 እት አሳይ ባረ እሻ ማቻቶ አኮፐ፥ ሄዌ ቱናተꬃ። እ ባረ እሻ ካዉሽሴዳ፤ ኡንቱንቱ ላኡካ ናኣ የልክኖ።
LEV 20:22 “ ‘ስም ህንተ ደአናዳን፥ ታን ህንተና ገልስያ ቢታይ ህንተና ጩቼና ማላ፥ ህንተ ታ ህግያነ ታ አዛዙዋ ናግተነ ኦꬅተ።
LEV 20:23 ታን ህንተ ስንꬃፐ ꬋይስያ አሳቱዋ ደኡዋ ዎጋ ካሎፕተ። ኡንቱንቱ ሀዋ ኡባ ኦꬄዳ ድራዉ፥ ታን ኡንቱንታ ሸነታድ።
LEV 20:24 ሽን ታን ህንተና፥ “ኡንቱንቱ ቢታ ህንተ ላታና፤ ህንተ ሄ ቢታ ህንተዋ ኦꬃናዳን፥ ሄ ማꬃይነ ኤሳይ ጎግያ ቢታ ታን ህንተንቶ እማና” ያጋድ። ታን ህንተና ሀራ አሳቱዋፐ ዱማያ ከሴዳ መꬍና ጎዳ ህንተ ጾሳ።
LEV 20:25 “ ‘ሄዋ ድራዉ ህንተ ጌሻ ግዴዳ መሄቱዋነ ካፎቱዋ ጌሻ ግደናዋንቱፐ ሻኪደ ኤርተ። ታን ሀዋንቱ ህንተንቶ ቱና ጋ ዎꬄዳ መሄቱዋን፥ ካፎቱዋንነ ሳኣን ቃጸረትያባቱዋን ኡባን ህንተ ሁጲያ ቱንሶፕተ።
LEV 20:26 ታን መꬍና ጎዳይ ጌሻ ግድያ ድራዉነ ህንተ ታዋ ግዳና ማላ ህንተና ሀራ አሳፐ ዱማዬዳ ድራዉ፥ ህንተካ ታዉ ጌሻ ግድተ።
LEV 20:27 “ ‘እት አቱማ አሳይ ዎይ ማጫ አሳይ ሞይትልያና ሃሳይያዋ ዎይ ሻሬቾ ግዶፐ፥ ኡንቱንቱ ሀይቃናዉ በሰ። ኡንቱንቱ ሹቻን ጫደትኖ። ኡንቱንቱ ሱꬃ አጩ ኡንቱንቱ ቦላና’ ያጋ” ያጌዳ።
LEV 21:1 መꬍና ጎዳይ ሙሳ ሀዋዳን ያጌዳ፥ “ቄስያ ግድያ አሮና አቱማ ናናቶ ሀዋዳን ያጋደ ኦዳ፤ ‘ህንተፐ ኦንነ
LEV 21:2 ባረ ማታ ዳቦ፥ ባረ ዳይ፥ ባረ አዉዋ፥ ባረ አቱማ ናኣ፥ ባረ ማጫ ናት፥ ባረ እሻ፥
LEV 21:3 ዎይ አስና ገለናን፥ ደእያ ባረ ምቻት አሃ ግዳና ꬋዮፐ፥ ሀይቄዳ አሳ አሃ ኦዋነ ቦቺደ፥ ባረና ቱንሶፖ።
LEV 21:4 ቃይ አኩዋንነ ገሉዋን ዳቦቴዳ አሳ አሃ ቦቺደካ ባረና ቱንሶፖ።
LEV 21:5 “ ‘ቄሳቱ ሀይቄዳዎ ካዮታናዉ ባረንቱ ሁጲያ ሜደቶፕኖ፤ ባረንቱ ቡቻካ ቃንꬃን ቃንጾፕኖ፤ ዎይ ቃይ ባረንቱ ቦላካ ቃንጸሬꬆፕኖ።
LEV 21:6 ኡንቱንቱ ባረንቱ ጾሳዉ ጌሻ ግድኖ፤ ቃይ ባረንቱ ጾሳ ሱንꬃካ ቱንሶፕኖ። አያዉ ጎፐ ኡንቱንቱ መꬍና ጎዳዉ ታማን ጹጊደ ያርሽያ፥ ቁማ ያርሹዋ ሺሽያዋንታ፤ ሄዋ ድራዉ፥ ኡንቱንቱ ጌሻ ግዳናዉ በሴ።
LEV 21:7 “ ‘ቃይካ ቄሳቱ ሻርሙጻ ማጫ አሳ፥ ዎዶሮተꬃይ አከት ድጌዳ ማጫ አሳ፥ ዎይ አስናይ የዴዳ ማጫ አሳ አኮፕኖ። አያዉ ጎፐ፥ ቄሳቱ ባረንቱ ጾሳዉ ጌሻ።
LEV 21:8 ቄሲ ህንተ ጾሳዉ ቁማ ያርሹዋ ሺሽያዋ ግድያ ድራዉ፥ እ ሀራ አሳፐ ዱማቶ። ታን ህንተና ጌሽያ ህንተ መꬍና ጎዳይ ጌሻ ግድያ ድራዉ፥ እካ ጌሻ ግዶ።
LEV 21:9 አይ ቄስያ ናቶ ግዶፐካ ሻርሙጻደ ባረና ቱንሶፐ፥ ሄና ባረ አዉዋ ካዉሻዱ። እዛ ታማን ጹገታደ ሀይቁ።
LEV 21:10 “ ‘ቄስያ ኡባቱዋ ካፑ፥ አ ሁጲያን ኦከትያ ዛይቲ ጉኬዳ ድራዉነ እ ቄሰተꬃ ማዩዋ ማያናዉ ዱማቴዳ አሳ ግድያ ድራዉ፥ ባረ ሁጲያ ብናና ካሎ ዎꬆፖ፤ ዎይ ባረ ማዩዋካ ፔꬎፖ።
LEV 21:11 አይ አሃ ግዶፐካ፥ ደእያ ሳኣ እ ገሎፖ፤ ሀራይ አቶ ባረ አዉዋ ዎይ ባረ ዳይ አሃ ግዶፐካ፥ ባረና ሄዋን ቱንሶፖ።
LEV 21:12 አ ጌሻናዉ ኦክያ ጾሳ ዛይቲ አ ቦላን ደእያ ድራዉ፥ ቄሲ ጾሳ ዱንካንያፐ ከሶፖ፤ ጾሳ ዱንካንያካ ቱንሶፖ። ታን መꬍና ጎዳ።
LEV 21:13 “ ‘ቄሲ ዎዶሮ ማጫ ናቶ አኮ።
LEV 21:14 አስናይ ሀይቄዳ ምሽራቶ፥ ዎይ አስናይ የዴዳ ምሽራቶ፥ ዎይ ዎሹማ ምሽራቶ አኮፖ። ሽን ባረ አሳ ግዶፐ ዎዶሮ ማጫ ናቶ ዶሪደ አኮ።
LEV 21:15 ያናና ꬋዮፐ፥ እ ባረ አሳ ግዶን ባረ ዘረꬃ ግድያ ባረ ናናቱዋ ቱንሳና። ታን አ ጌሽያዌ፥ መꬍና ጎዳ ያጋ’ ” ያጌዳ።
LEV 21:16 መꬍና ጎዳይ ሙሳ፥ ሀዋዳን ያጌዳ፤
LEV 21:17 “ኔን አሮናዉ ሀዋዳን ያጋደ ኦዳ፤ ‘ስንꬃና ይያ ነ ዘረꬃፐ ቦላይ ትላ ግደና አሳይ ኦንነ ቁማ ያርሹዋ ታዉ እማናዉ ሺቆፖ።
LEV 21:18 አያዉ ጎፐ ቦላይ ትላ ግደና አሳይ ኦንነ ሺቃናዉ በሰና። ቆቃ፥ ዎይ ዎባ፥ ዎይ ደሙ ናርጰቴዳ፥ ዎይ ፓጫ ቦላይ ደእያ አሳይ፥
LEV 21:19 ዎይ ገድያ ዎይ ኩሽያ ስላይ፥
LEV 21:20 ዎይ ቁናይ፥ ዎይ ድንኪ፥ ዎይ አይፊ ሳክያ አሳይ፥ ዎይ ፑሱ ኦይቄዳ አሳይ፥ ዎይ እላሁ ኦይቄዳ አሳይ፥ ዎይ ጎይሮ ግድናካ ቦላይ ትላ ግደና አሳይ፥ ኦንነ ሺቆፖ።
LEV 21:21 ቄስያ አሮና ዛርያፐ ቦላይ ትላ ግደና አሳይ ኦንነ መꬍና ጎዳዉ ታማን ጹግያ ያርሹዋ ሺሻናዉ ሺቆፖ። አዉ ቦላይ ትላ ግደናዋ ግዶዋፐ ህን ባጋን፥ ባረ ጾሳዉ ቁማ ያርሹዋ ሺሻናዉ እ በሰና።
LEV 21:22 እ ጌሻ ቁማነ ቃይ ጌሻ ኡባፐ እቱዋ ግዴዳ ጌሻ ያርሹዋ ባረ ጾሳ ቁማካ ማናዉ ዳንዳዬ።
LEV 21:23 ሽን አዉ ቦላይ ትላ ግደና ድራዉ፥ እ ታ ዱንካንያ ቱንሰናዳን፥ ጋርዱዋኮ ዎይ ያርሽያ ሳኣኮ ሺቆፖ። አያዉ ጎፐ፥ ኡንቱንታ ጌሽያዌ ታን መꬍና ጎዳ ያጋ’ ” ያጌዳ።
LEV 21:24 ሙሴ አሮናዉ፥ አ አቱማ ናናዉነ እስራኤልያ አሳዉ ኡባዉ ሀዋ ኦዴዳ።
LEV 22:1 መꬍና ጎዳይ ሙሳ ሀዋዳን ያጌዳ፤
LEV 22:2 “ታ ጌሻ ሱንꬃ ኡንቱንቱ ቱንሰና ማላ፥ እስራኤልያ አሳይ ታዉ ዱማዬዳ እሞታ አሮንነ አ አቱማ ናናይ ቦንቹዋን አኪደ፥ ጌሻተꬃን ናጋና ማላ፥ ኡንቱንቶ ኦዳ። ታን መꬍና ጎዳ።
LEV 22:3 “ኡንቱንቶ ሀዋዳን ያጋ፤ ‘ስንꬃና ይያ የለታ ኡባን ህንተ ዛርያፐ ኦንነ ቱን ኡቲደ፥ እስራኤልያ አሳይ መꬍና ጎዳዉ ዱማዬዳ ጌሻ ያርሹዋኮ ሺቆፐ፥ ሄ አሳይ ታ ስንꬃፐ ቦሄቶ። ታን መꬍና ጎዳ።
LEV 22:4 “ ‘አሮና ዛርያፐ ዎልቃማ ጋልባ ሀርጊ ደእያ፥ ዎይ ቦላፐ አያይኔካ ጎግያ ኦንነ ጌያና ጋካናዉ፥ ጌሻ ያርሹዋፐ ሞፖ። አሃ ቦቺደ ቱኔዳዋ ዎይ አ አቱማተꬃፐ ዘረꬃይ ጉኬዳ ኡራ ቦችያ ኦንነ ቱና።
LEV 22:5 ዎይ ቃይ ሳኣና ጎሸትያ፥ ቱንስያዋንታ፥ ዎይ አይ ማላ ቱናተꬃ ግዶፐነ ቱንስያ አሳ ቦችያ ኡራይ፥
LEV 22:6 ዎይ ሄዋ ማላባ አያነ ቦችያ አሳይ፥ ኦማርስ ጋካናዉ እ ቱና፤ ባረ ቦላ ሃꬃን ሜጨተናን ደኢደ፥ ሄ ጌሻ ያርሹዋፐ እ ማናዉ ኮሸና።
LEV 22:7 አዋይ ዉልያ ዎደ እ ጌሻ ግዴ፤ ሄዋፐ ጉይያን፥ ሄ ጌሻ ያርሹዋፐ ባረና ጋክያዋ ሞ ጋሱካ ሄዌ አ ቁማ።
LEV 22:8 ባረዉ ሀይቄዳዋ ዎይ ዶአይ ዎꬌዳ መህያ አሹዋ ሞፖ፤ ሄዌ ቱንስያባ። ታን መꬍና ጎዳ።
LEV 22:9 “ ‘ቄሳቱ ታ ዎጋ፤ ናገናን እጾፐ፥ ኡንቱንቱ አ ቱንሲደ አ ናጋራን ሀይቃና። ኡንቱንታ ጌሽያዌ ታና መꬍና ጎዳ።
LEV 22:10 “ ‘ሄ ጌሻ ያርሹዋ ቄስያ ሶ አሳፐ አትና፥ ሀራ አሳይ ሞፖ፤ ቄስያ ሶ ዬዳ እማꬃ ግድና፥ ዎይ ቃጻረቲደ ኦꬅያ ቆማ ግድናካ ሞፖ።
LEV 22:11 ሽን ቄሲ ባረ ብራን ሻሜዳ አይልያ ዎይ አ ሶን የለቴዳ አይሊ ሄ ቁማፐ ሞ።
LEV 22:12 ቄስያ ግደና ሀራ አሳ ገሌዳ ቄስያ ናታ ሄ ጌሻ ያርሹዋፐ ሙፑ።
LEV 22:13 ሽን ቄስያ ናታ አስናይ ሀይቂና፥ ዎይ አስናይ የድና፥ ናኣ የለናን ካሰ ባረ ዎዶሮተꬃን ደእያዋዳን ስማደ ባረ አዉዋ ጎለ ዮፐ፥ አ ባረ አዉዋ ጋክያ ቁማፐ ሙ። ሽን ሀራ አሳይ ኦንነ ሄዋፐ ሞፖ።
LEV 22:14 “ ‘እት አሳይ ኤረናን ደኢደ ጌሻ ያርሹዋፐ ሞፐ፥ ሄ እ ሜዳ ቁማ ጋትያ ቦላ ጼቱዋፐ ላታሙ ኩሽያ ጉጂደ ቄስያዉ እሞ።
LEV 22:15 እስራኤልያ አሳይ መꬍና ጎዳዉ ያርሽያ ጌሻ ያርሹዋ ቄሳቱ ቱንሶፕኖ።
LEV 22:16 ኡንቱንቱ ባረንቱ አሄዳ ጌሻ ያርሹዋ ባረዉ ሚደ፥ ባረንቱ ናጋራን ኦሸታናዳን፥ ቄሳቱ ኦꬃናዉ ኮሸና። አያዉ ጎፐ፥ ኡንቱንታ ጌሽያዌ፥ ታን መꬍና ጎዳ ያጋ’ ” ያጌዳ።
LEV 22:17 መꬍና ጎዳይ ሙሳ ሀዋዳን ያጌዳ፥
LEV 22:18 “አሮናዉ፥ አ ናናቶነ እስራኤልያ አሳ ኡባዉ ሀዋዳን ያጋደ ኦዳ፤ ‘እስራኤልያ አሳፐ ግድና ዎይ ኡንቱንቱ ግዶን ደእያ በትያፐ ኦንነ መꬍና ጎዳዉ ጹግያ ያርሹዋ ባረ ዶሱዋን ጮ እምያ ዎይ ባረ ሺቆዋ ጋꬃናዉ ያርሽያ ዎደ፥
LEV 22:19 ሄ ያርሹ አከታና ማላ፥ ኮሩማፐ ዎይ ዶርሳፐ ዎይ ዴሻፐ ትላ ቦላና ደእያ አቱማዋ ግዶ።
LEV 22:20 ቦላይ ትላ ግደናዌ አያ ግዶፐነ አከተና ድራዉ፥ ሄዋ ሺሾፓ።
LEV 22:21 “ ‘ቃይ ኦና ግዶፐነ ባረ ሺቆዋ ጋꬃናዉ እትፐተꬃ ያርሹዋ ጾሳዉ ያርሽያ ዎደ፥ ዎይ ባረ መህያፐ ባረ ዶሱዋን ጮ እምያ እሞታ መꬍና ጎዳዉ ሺሽያ ዎደ፥ ሄዌ አከታና ማላ እ ትላ ቦላና ደእያዋ ግዶ።
LEV 22:22 ህንተ መህያፐ ቆቅያ፥ ዎይ መኡዋ፥ ዎይ ጉንዳ፥ ዎይ ጊይያ ማይꬃይ፥ ዎይ ፑሱ፥ ዎይ እላሁ ደእያዋ መꬍና ጎዳዉ ያርሾፕተ፤ ቃይ ታማን ጹግያ ያርሹዋ ኦꬂደካ ያርሽያ ሳኣ ቦላን መꬍና ጎዳዉ ሺሾፕተ።
LEV 22:23 አ ቦላን ፓጫ መታይ ዎይ ፓጫባይ ደእያ ኮሩማ ዎይ ዶርሳ እት አሳይ ባረ ዶሱዋን ጮ እምያ ያርሾ ሺሻናዉ ዳንዳዬ፤ ሽን ሺቁ ጋꬆ ግዶፐ፥ ሄዌ አከተና።
LEV 22:24 ሳንግሰቴዳዋ ዎይ ቆጸቴዳዋ ዎይ ካꬃይ ማይቴዳዋ ዎይ ቃንጸቴዳዋ መꬍና ጎዳዉ ያርሾፕተ። ህንተ ጋድያን ሄዋ ማላባ ኦꬆፕተ።
LEV 22:25 ህንተ ግዶን ደእያ አላጋ አሳቱዋፐ አኬዳ ሄዋ ማላ መህያካ ህንተ ጾሳዉ ቁማ ኦꬂደ ሺሾፕተ። ኡንቱንቱ ቦላይ ትላ ግደናዋ ጋሱዋን ኡንቱንቱን ፖኩ ደእያ ድራዉ፥ ኡንቱንቱ ህንተ ድራዉ አከትክኖ’ ያጋ” ያጌዳ።
LEV 22:26 ቃይካ መꬍና ጎዳይ ሙሳ ሀዋዳን ያጌዳ፥
LEV 22:27 “ሚዛ ማራይ ዎይ ዶርሳ ማራይ ዎይ ዴሻ ማራይ የለትያ ዎደ፥ ላፑን ጋላሳ ባረ ዳይና ጋምኦ። ሆስፑንꬃ ጋላሳፐ ዶሚደ፥ መꬍና ጎዳዉ ታማን ጹጊደ ሺሽያ ያርሾ ኦꬂደ ሺሻናዉ ዳንዳየቴ።
LEV 22:28 ምያቶ፥ ዶርሳቶ፥ ዎይ ዴሻቶ እ ማራና እት ጋላስ ሹኮፕተ።
LEV 22:29 “ህንተ ጋላታ ያርሹዋ መꬍና ጎዳዉ ሺሽያ ዎደ፥ ህንተ ያርሹ አከታናዳን ያርሽተ።
LEV 22:30 ሄ ያርሹ ሄ ጋላስካ ሜተታናዉ ኮሼ፤ አፐ አያነ ዎንትዉ አሾፕተ። ታን መꬍና ጎዳ።
LEV 22:31 “ታ አዛዙዋ ናግተነ ኦꬅተ። ታን መꬍና ጎዳ።
LEV 22:32 ቃይ ታ ጌሻ ሱንꬃ ህንተ ቱንሶፕተ፤ እስራኤልያ አሳ ግዶን ታን ጌሻ ግድያዌ ኤረታናዉ በሴ። ህንተና ጌሽያዌ፥ ታን መꬍና ጎዳ።
LEV 22:33 ህንተዉ ጾሳ ግዳናዉ፥ ህንተና ግብጼ ጋድያፐ ከሴዳዌ ታና። ታን መꬍና ጎዳ” ያጌዳ።
LEV 23:1 መꬍና ጎዳይ ሙሳ ሀዋዳን ያጌዳ፤
LEV 23:2 “እስራኤልያ አሳዉ ሀዋዳን ያጋደ ኦዳ፤ ‘ጌሻ ሺቁዋ ግ አዋዪደ፥ ህንተ ቦንቻናዉ በስያ ኬረቴዳ መꬍና ጎዳ ባላቱ ሀዋንታ።
LEV 23:3 “ ‘ህንተ ኡሱፑን ጋላሳ ኦሱዋ ኦꬂታ፤ ሽን ላፑንꬃ ጋላስ ህንተ ሸምፕያ ሳምባታ ጋላሳ፤ ሄ ጋላሳን ጌሻ ሺቁዋ ሺቅተ፤ አያ ኦሶነ ኦꬆፕተ፤ ህንተ ደእያ ሳኣን ኡባን ሄዌ መꬍና ጎዳዉ ሳምባታ።
LEV 23:4 “ ‘ኡንቱንቱ ዎድያን ዎድያን ጌሻ ሺቁዋ ኦꬅ አዋዪደ ህንተ ቦንቻናዉ በስያ መꬍና ጎዳ ባላቱ ሀዋንታ።
LEV 23:5 ኮይሮ አግናን ታማነ ኦይደንꬆ ጋላስ ሳአይ ኦማርስያ ዎደ፥ መꬍና ጎዳ ፓስጋይ ዶሜ።
LEV 23:6 “ ‘ቃይ ሄ አግናንካ ታማነ እቼሸንꬆ ጋላሳይ መꬍና ጎዳ ማጋገ ኡክꬃ ባላ ጋላሳ፤ ሄዋ ድራዉ ላፑን ጋላሳቱዋን እርሹ ገልቤና ኡክꬃ ሚተ።
LEV 23:7 ሄ ጋላሳቱዋፐ ኮይሮ ጋላሳን ጌሻ ሺቁዋ ሺቅተ፤ ዳቡርስያ ኦሱዋ አያነ ኦꬆፕተ።
LEV 23:8 ላፑን ጋላሳ ኡባ መꬍና ጎዳዉ ታማን ጹግያ ያርሹዋ ሺሽተ፤ ላፑንꬃ ጋላሳን ቃይ ጌሻ ሺቁዋ ሺቅተ፤ ዳቡርስያ ኦሱዋ አያነ ኦꬆፕተ’ ያጋ” ያጌዳ።
LEV 23:9 መꬍና ጎዳይ ሙሳ ሀዋዳን ያጌዳ፤
LEV 23:10 “እስራኤልያ አሳዉ ሀዋዳን ያጋደ ኦዳ፤ ‘ታን ህንተንቶ እምያ ቢታ ገሊደ፥ ህንተ ካꬃ ጫክያ ዎደ፥ ሄ ካꬃዉ ኮይሮ አይፍያ ምርቂያ ቄስያኮ አክ ዪተ።
LEV 23:11 መꬍና ጎዳይ ህንተዋ አካና ማላ፥ ሳምባታ ዎንተꬃ ጋላስ ቄሲ ሄ ምርቂያ ጾሳ ስንꬃን ቃꬆ።
LEV 23:12 ሄ ህንተ ምርቂያ ቃꬄዳ ጋላስ ትላ ቦላና ደእያ እት ላይꬃ ዶርሳ ኦርግያ ጹግያ ያርሹዋ ኦꬂደ መꬍና ጎዳዉ ሺሽተ።
LEV 23:13 ሄ ያርሹዋና እትፐ ዎጋራ ዛይትያን ሙናቀቴዳ ላኡ ኪሎ ግራመ ሎኦ ꬊልያ ካꬃ ያርሹዋ ኦꬂደ ሺሽተ፤ ሄዌ መꬍና ጎዳዉ ታማን ጹግያ፥ ሳዉዋ ቶሹኩ ግያ ያርሹዋ ግዳናዋ፤ ሄዋናካ ቃይ እትፐ እት ሊትሮ ግድያ ዎይንያ ኤሳ ሺሽተ።
LEV 23:14 ሀ ያርሹዋ ህንተ ህንተ ጾሳዉ ሺሽያ ጋላሳይ ጋካናዉ፥ ኦራꬃ ጋኬዳ ካꬃፐ ኡክꬃ፥ ዎይ ጺጻ ግድና፥ ቃይያ ግድናካ ሞፕተ። ሀዌ ህንተ ደእያ ሳኣን ኡባን ስንꬃና ይያ የለታዉ ኡባዉ መꬍናዉ ዎጋ።
LEV 23:15 “ ‘ህንተ ቃꬅያ ያርሹዋ ምርቂያ አሄዳ ሳምባታ ዎንተꬃፐ ዶሚደ፥ ላፑን ሳምንታ ኩመንꬃ ፓይድተ።
LEV 23:16 ላፑንꬃ ሳምባታ ዎንተꬃ ጋላሳይ ጋካናዉ፥ እሻታሙ ጋላሳ ፓይዲደ፥ ኦራꬃ ጋኬዳ ካꬃ ያርሹዋ መꬍና ጎዳዉ ሺሽተ።
LEV 23:17 ህንተ አቅያ ሳኣፐ ላኡ ኪሎ ግራመ ግድያ ሎኦ ꬊልያፐ እርሹዋ የጊደ ኡኬዳ ላኡ ኡክꬃ ቃꬃናዉ አክ ዪተ። ሄዌ ኮይሮ ጋኬዳ ካꬃ አይፍያፐ መꬍና ጎዳዉ ያርሹዋ ግዴ።
LEV 23:18 ሄ ኡክꬃና እትፐ ትላ ቦላና ደእያ እት ላይꬃ ግዴዳ ላፑን ዶርሳ ማራቱዋ፥ እት ኮሩማነ ላኡ ዶርሳ ኦርገቱዋ ሺሽተ። ካꬃ ያርሹዋናነ ኡሻ ያርሹዋና እትፐ መꬍና ጎዳዉ ታማን ጹግያ፥ ሳዉዋ ቶሹኩ ግያ ያርሹዋ ኦꬂደ ያርሽተ።
LEV 23:19 ቃይ እት ዴሻ ኦርግያ ናጋራ ያርሾ፥ እት ላይꬃ ግዴዳ ላኡ ዶርሳ ኦርገቱዋካ እትፐተꬃ ያርሾ ሺሽተ።
LEV 23:20 “ ‘ቄሲ ሄ ኮይሮ ጋኬዳ ካꬃ አይፍያ ኡክꬃነ ሄ ላኡ ዶርሳቱዋ ቃꬅያ ያርሹዋ ኦꬂደ፥ መꬍና ጎዳ ስንꬃን ቃꬄ፤ ሄዋንቱ መꬍና ጎዳዉ ጌሻ፤ ቃይ ቄስያዉካ ግሹዋ።
LEV 23:21 ሄ ጋላስካ አዋዪደ ጌሻ ሺቁዋ ሺቅተ፤ ዳቡርስያ ኦሶ አያነ ኦꬆፕተ። ሀዌ ህንተ ደእያ ሳን ኡባን ስንꬃና ይያ የለታዉ ኡባዉ መꬍናዉ ዎጋ።
LEV 23:22 “ ‘ህንተ ጋድያን ሞኬዳ ካꬃ ህንተ ጫክያ ዎደ፥ ህንተ ሾይቃ ጋጻ ጋካናዉ ጫኮፕተ፤ ጫክሽን አትያ ቃርምያካ ቆሮፕተ፤ ሄዋ ህዬሳቶነ በተቶ አግ ባሽተ። ታን፥ መꬍና ጎዳይ፥ ህንተ ጾሳ’ ያጋ” ያጌዳ።
LEV 23:23 መꬍና ጎዳይ ሙሳ ሀዋዳን ያጌዳ፥
LEV 23:24 “እስራኤልያ አሳዉ ሀዋዳን ያጋደ ኦዳ፤ ‘ላፑንꬃ አግናን ኮይሮ ጋላሳ ሸምፖ ጋላሳ ኦꬂደ ቦንችተ፤ ሀሳይሱዋ ማላካታይካ ፑነትያ ዎደ፥ ጌሻ ሺቁዋ ሺቅተ።
LEV 23:25 ሄ ጋላሳን መꬍና ጎዳዉ ታማን ጹግያ ያርሹዋ ሺሽተፐ አትና፥ ዳቡርስያ ኦሱዋ አያነ ኦꬆፕተ’ ያጋ” ያጌዳ።
LEV 23:26 መꬍና ጎዳይ ሙሳ ሀዋዳን ያጌዳ፥
LEV 23:27 “ሀ ላፑንꬃ አግናዉ ታማንꬃ ጋላሳይ ናጋራ አቶ ጊስያ ጋላሳ፤ ሄ ጋላስ ጌሻ ሺቁዋ ሺቅተ፤ ቃይ ህንተ ሁጲያ ካዉሽተ፤ ያቲደ መꬍና ጎዳዉ ታማን ጹግያ ያርሹዋ ሺሽተ።
LEV 23:28 ሄ ጋላሳይ መꬍና ጎዳ ህንተ ጾሳ ስንꬃን ህንተ ናጋራይ አቶ ጌተታና ማላ፥ ህንተ ናጋራ አቶ ጊስያ ጋላሳ ግድያ ድራዉ፥ ሄ ጋላስ አይ ኦሱዋነ ኦꬆፕተ።
LEV 23:29 ሄ ጋላስ ባረናተꬃ ካዉሸና አሳይ ኦንነ ባረ አሳ ግዶፐ ቦሄቶ።
LEV 23:30 ሄ ጋላስ አያ ኦሱዋ ግዶፐነ ኦꬅያ አሳ ታን አ አሳ ግዶፐ ꬋይሳና።
LEV 23:31 ሄ ጋላስ አይ ኦሱዋነ ኦꬆፕተ። ሀዌ ህንተ ደእያ ሳን ኡባን ስንꬃና ይያ የለታዉ ኡባዉ መꬍናዉ ዎጋ።
LEV 23:32 ሄዌ ህንተ ዋና ሸምፑዋ ሸምፕያ ሳምባታ ጋላሳ። ሄ ጋላሳን ህንተ ሁጲያ ካዉሽተ። ሄ አግናን ኡዱፑንꬃ ጋላሳን ኦማርሳፐ ዶሚደ፥ ታማንꬃ ጋላሳ ኦማርሳይ ጋካናዉ፥ ህንተ ሳምባታ ቦንችተ” ያጌዳ።
LEV 23:33 መꬍና ጎዳይ ሙሳ ሀዋዳን ያጌዳ፥
LEV 23:34 “እስራኤልያ አሳዉ ሀዋዳን ያጋደ ኦዳ፤ ‘ሀ ላፑንꬃ አግናን ታማነ እቼሸንꬆ ጋላሳፐ ዶሚደ፥ ላፑን ጋላሳይ መꬍና ጎዳዉ ዳስያ ባላ።
LEV 23:35 ሄ ጋላሳቱዋፐ ኮይሮ ጋላሳን ጌሻ ሺቁዋ ሺቅተ፤ ዳቡርስያ ኦሱዋ አያነ ኦꬆፕተ።
LEV 23:36 ላፑን ጋላሳን ኡባን መꬍና ጎዳዉ ታማን ጹግያ ያርሹዋ ሺሽተ፤ ሆስፑንꬃ ጋላሳን ቃይ ጌሻ ሺቁዋ ሺቅተ፤ መꬍና ጎዳዉ ታማን ያርሽያ ያርሹዋካ ሺሽተ። ሄ ጋላሳይ ህንተ ሺቁዋ ፖልያ ጋላሳ ግድያ ድራዉ፥ ዳቡርስያ ኦሱዋ አያነ ኦꬆፕተ።
LEV 23:37 “ ‘ታማን ጹግያ ያርሹዋነ ካꬃ ያርሹዋ፥ ቃይ ሀራ ያርሾቱዋ ኡባነ ኡሻ ያርሹዋ፥ ኮሽያዋ ኬና ኬሬዳ ጋላሳን መꬍና ጎዳዉ ሺሻናዉ፥ ህንተ ጌሻ ሺቁዋ ኦꬂደ አዋያና መꬍና ጎዳ ባላቱ ሀዋንታ።
LEV 23:38 ሀ ባላቱ መꬍና ጎዳ ሳምባታቱዋፐ፥ ህንተ እሞታ ኦꬂደ መꬍና ጎዳዉ እምያዋንቱፐ፥ ሺቁዋ ጋꬅያዋንቱፐነ ህንተ ህንተ ዶሱዋን ጮ እምያዉንቱፐ ዱማ።
LEV 23:39 “ ‘ላፑንꬃ አግናን ታማነ እቼሸንꬆ ጋላሳን ህንተ ጋድያን ሞኬዳዋ ጫኪደ ሺሼዳዋፐ ጉይያን፥ መꬍና ጎዳ ባላ ላፑን ጋላሳ ቦንችተ፤ ኮይሮ ጋላሳይነ ሆስፑንꬃ ጋላሳይ ህንተንቶ ዋና ሸምፖ ጋላሳ።
LEV 23:40 ኮይሮ ጋላሳን ሎኦ ምꬃ አይፍያፐ፥ ዛምባ ታሽያፐ፥ እርጻ ሀይꬃና ደእያ ምꬃ ታሽያፐነ ሻፋ ማታን ድጭያ ሌኦ ታሽያፐ አኪደ፥ መꬍና ጎዳ ህንተ ጾሳ ስንꬃን ናሸቲደ፥ ላፑን ጋላሳ ባላ ቦንችተ።
LEV 23:41 ሄ ባላ ላይꬃን ላይꬃን ላፑን ጋላሳ መꬍና ጎዳዉ ቦንችተ። ሄዌ ስንꬃና ይያ የለታዉ ኡባዉ መꬍናዉ ዎጋ። ህንተ ሄዋ ላፑንꬃ አግናን ቦንችተ።
LEV 23:42 ሄ ላፑን ጋላሳ ህንተ ዳስያን ደእተ፤ እስራኤልያ ቢታ አሳ ግድያ ኡባይ ዳስያን ደእተ።
LEV 23:43 ሄዌ ስንꬃና ይያ የለታይ ኡባይ እስራኤልያ አሳ ታን ግብጼፐ ከሴዳ ዎደ፥ ኡንቱንቱ ዳስያን ደአናዳን ኦꬄዳዋ ኤራናሳ። ታን መꬍና ጎዳ ህንተ ጾሳ’ ያጋ” ያጌዳ።
LEV 23:44 ሄዋዳን ኦꬂደ፥ ሙሴ መꬍና ጎዳ ባላቱዋ ቦንችያ ዎጋ እስራኤልያ አሳዉ ኦዴዳ።
LEV 24:1 መꬍና ጎዳይ ሙሳ ሀዋዳን ያጌዳ፥
LEV 24:2 “ጾምፒ ቶኤናን ኤጺደ ደአና ማላ፥ አሳይ ኮሽያ ዛይትያ ዎጋራ ቴራ ጫዲደ ጉምእና ከስያ ጌሻ ነዉ አሀና ማላ፥ እስራኤላቱዋ አዛዛ።
LEV 24:3 መꬍና ጎዳ ዱንካንያ ግዶን ደእያ ማርካተꬃ ጋርዱዋፐ ካረ ባጋና፥ ኦማርሳፐ ዎንታ ጋካናዉ፥ አሮን መꬍና ጎዳ ስንꬃን ሄ ጾምፕያ ኡባ ዎደ ኤꬆ። ስንꬃና ይያ የለታዉ ኡባዉ ሄዌ መꬍናዉ ዎጋ።
LEV 24:4 ጾምፕያ ዎꬅያ፥ ዋላካይ ባይና ዎርቃ ባላ ቦላ ደእያ ጾምፐቱ መꬍና ጎዳ ስንꬃን ኡባ ዎደ ኤጻናዳን አሮን ናጎ።
LEV 24:5 “ላታማነ ኦይዱ ኪሎ ግራመ ግድያ ሊቆ ꬊልያ አካደ ታማነ ላኡ ኡክꬃ ኡካ።
LEV 24:6 ሄ ኡክꬃቱዋ ኡሱፑናቱዋ እቱዋ እቱዋ ቦላ ኡሱፑናቱዋ እቱዋ እቱዋ ቦላን መꬍና ጎዳ ስንꬃን ደእያ ዋላካይ ባይና ዎርቃ ጻራጴዛ ቦላን ዎꬃ።
LEV 24:7 መꬍና ጎዳዉ ታማን ጹጋናዉ ሺሼዳ ቁማ ያርሹዋ ግድያዋ ኤርሳናዉ፥ ላኡ ማራቱዋ ማታን ማታን ጌሻ እጻና ሀሳይስያዋ ኦꬃደ ዎꬃ።
LEV 24:8 ሀ ኡክꬃ ሳምባታን ሳምባታን ኡባ ዎደ አሮን መꬍና ጎዳ ስንꬃን እስራኤልያ አሳ ድራዉ ዎꬆ። ሄዌ እስራኤልያ አሳይ ኡባ ዎደ ኦꬃናዉ ኮሽያ ቃላ ጫቁዋ።
LEV 24:9 ሄዌ አሮናዉነ አ አቱማ ናናቶ እመቶ፤ እ መꬍና ጎዳዉ ታማን ጹግያ ያርሹዋፐ ዎጋዳን አሮናነ አ ናናቱዋ ጋክያ ኡባፐ ጌሻ ግዴዳ ያርሹዋፐ እቱዋ ግድያ ጌሻ ያርሹዋ ግድያ ድራዉ፥ ኡንቱንቱ ሄዋ ጌሻ ሳኣን ሚኖ” ያጌዳ።
LEV 24:10 አታ እስራኤልያ አሳ፥ አዉ ቃይ ግብጼ አሳ ግድያ እት ብታኒ ደኤ። እት ጋላስ እ ሀራ እስራኤልያ አሳ ግድያ እቱዋና ዱንካኔዳ ሳኣን ዋቴዳ።
LEV 24:11 ሀ አዉ አታ እስራኤልያ አሳ ግዴዳ ብታኒ ዋታ ግዶን ጾሳ ሱንꬃ ሸቄዳ። ያትና አ ሙሴኮ አሄድኖ። ሄ ብታንያ አታ ዳና ያራ ግድያ ጺብራ ናቶ። እ ሱንꬃይካ ሻሎሚቶ።
LEV 24:12 ሀ ብታንያ ዋታነንቶ መꬍና ጎዳ ሸኒ ኡንቱንቶ ቆንጫና ጋካናዉ፥ ኡንቱንቱ አ ቃሾ ጎልያን ዎꬄድኖ።
LEV 24:13 መꬍና ጎዳይ ሙሳ ሀዋዳን ያጌዳ፥
LEV 24:14 “ሄ ሸቀዳ ብታንያ ዱንካኔዳ ሳኣፐ ጋጻ ከሳ፤ እ ሸቅሽን ስሴዳ አሳይ ኡባይ ባረንቱ ኩሽያ አ ሁጲያ ቦላን ዎꬅኖ፤ ያቶፐ እስራኤልያ አሳ ማባራይ ኡባይ አ ሹቻን ጫዲደ ዎꬎ።
LEV 24:15 እስራኤልያ አሳዉ ሀዋዳን ያጋደ ኦዳ፤ አይ አሳይነ ባረ ጾሳ ሸቆፐ፥ እ ባረ ናጋራን ኦሸቴ።
LEV 24:16 መꬍና ጎዳ ሱንꬃ ሸቂያ አሳይ ሀይቆ፤ እስራኤልያ አሳ ማባራይ ኡባይ አ ሹቻን ጫዶ። በቲደ ዬዳዋ ግድና ዎይ ቢታ አሳ ግድናካ መꬍና ጎዳ ሱንꬃ ሸቆፐ ሀይቆ።
LEV 24:17 “ ‘አሳ ዎꬍያ አሳይ ሀይቆ።
LEV 24:18 አሳ መህያ ዎꬍያ አሳይ ኦንነ ባረ ዎꬌዳ መህያ ድራዉ ፓጻ መህያ ጭጎ።
LEV 24:19 እት አሳይ ባረ ሾሩዋ ቆሆፐ፥ እ ኦꬄዳዋዳን አ ቦላንካ ኦሰቶ።
LEV 24:20 መንꬆፐ መኦ፤ አይፍያ ድራዉ አይፍያ፤ አቻ ድራዉ አቻ። አሳ ቦላን ቆሁዋ ጋꬄዳ ኦንካ እ ጋꬄዳ ቆሁዋ ማላይ አ ቦላንካ ጋኮ።
LEV 24:21 መህያ ዎꬌዳ አሳይ መህያ ጭጎ፤ ሽን አሳ ዎꬌዳ አሳይ ሀይቆ።
LEV 24:22 በትያዉካ እስራኤልያ አሳዉ ህጊ እት ማላ ግዶ፤ አያዉ ጎፐ ታን መꬍና ጎዳ ህንተ ጾሳ’ ያጋ” ያጌዳ።
LEV 24:23 ሄዋ ኡባ ሙሴ እስራኤልያ አሳዉ ኡባዉ ኦዴዳ፤ ኡንቱንቱ ሄ ሸቀዳ ብታንያ ዱንካኔዳ ሳኣፐ ጋጻ ከሲደ፥ ሹቻን ጫዲደ ዎꬌድኖ። ያቲደ እስራኤልያ አሳይ መꬍና ጎዳይ ሙሳ አዛዜዳዋዳን ኦꬄድኖ።
LEV 25:1 ሲና ደርያ ቦላን መꬍና ጎዳይ ሙሴዉ ሀዋዳን ያጌዳ፤
LEV 25:2 “ኔን እስራኤልያ አሳዉ ሀዋዳን ያጋደ ኦዳ፤ ‘ታን ህንተንቶ እምያ ቢታ ህንተ ገልያ ዎደ፥ ቢታይካ መꬍና ጎዳ ሳምባታ ቦንቾ።
LEV 25:3 ኡሱፑን ላይꬃ ኩመንꬃ ህንተ ሾይቃን ዘርተ፤ ቃይ ኡሱፑን ላይꬃ ኩመንꬃካ ህንተ ዎይንያ ቱራ ጼራ ጹንቂተ፤ አ አይፍያካ ማጽ አክተ።
LEV 25:4 ሽን ላፑንꬃ ላይꬃይ ቢታዉ ሸምፖ ሳምባታ፤ ሄዌ መꬍና ጎዳዉካ ሳምባታ። ሄ ላፑንꬃ ላይꬃን ህንተ ሾይቃን ዘሮፕተ፤ ህንተ ዎይንያ ጼራካ ጹንቆፕተ።
LEV 25:5 ህንተ ጋድያን አዛባ ግዲደ ሞክያዋካ ጫኮፕተ፤ ቃይ ጹንቀናን ደእሽን ጮ አይፌዳ ዎይንያካ ሺሾፕተ። ሄ ላይꬃይ ቢታዉ ኡባና ሸምፖ ላይꬃ ግዶ።
LEV 25:6 ሄ ሳምባታ ላይꬃን ቢታይ ኦሰታና ꬋዮፐ ህንተንቶ፥ ህንተ ማጫነ አቱማ ቆማቶ፥ ህንተንቶ ከራ ኦꬅያዋንቶ፥ በቲደ ዪደ ህንተናና ደእያዋንቶ፥ ህንተ መህያዉነ ህንተ ጋድያን ደእያ ዶአቶ ግድያ ቁማ እማና፤ ቢታይ ሞክያባይ ኡባይ ሜተቶ።
LEV 25:8 “ ‘ላይꬃቱዋ ግዶን ደእያ ላፑን ሳምባታቱዋ ፓይዳ፤ ላፑን ሳምባታቱዋ ላይꬃ ፓይዱ ላፑ ገደ ላፑና፤ ሄዌካ ኦይታማነ ኡዱፑን ላይꬃ።
LEV 25:9 ሄዋፐ ጉይያን፥ ላፑንꬃ አግናን፥ ታማንꬃ ጋላሳን ቦንቼትያ ናጋራ አቶ ጊስያ ጋላሳን ማላካታ ፑንያ አሳ ህንተ ጋድያን ኡባን ኪትተ።
LEV 25:10 እሻታማንꬆ ላይꬃ ዱማዪደ፥ ሄ ጋድያን ደእያ ኡባዉ ላአተꬃ አዋይተ። ሄዌ ህንተንቶ እሻታማንꬆ ላይꬃ ባላ። ሄ ዎድያን ህንተ ኡባይካ ህንተ ጋድያዉነ ህንተ ያራዉ ያራዉ ስምተ።
LEV 25:11 ሄ ላይꬃይ ህንተንቶ እሻታማንꬆ ላይꬃ ባላ። ሄ ላይꬃን ዘሮፕተ፤ አዛባ ግዲደ ሞኬዳዋካ ጫኮፕተ፤ ቃይ ህንተ አ ጼራ ጹንቀናን አይፌዳ ዎይንያ አይፍያካ ሺሾፕተ።
LEV 25:12 ሄዌ እሻታማንꬆ ላይꬃ ባላ ግድያ ድራዉ፥ እ ህንተንቶ ጌሻ፤ ጎሸናን ጮ ደምባን ሞኬዳዋ ሚተ።
LEV 25:13 “ ‘ሀ እሻታማንꬆ ላይꬃ ባላ ዎደ አሳይ ኡባይ ባረ ጋድያ ስሞ።
LEV 25:14 “ ‘ህንተ ህንተ ሾሩዋፐ ጋድያ ሻሞፐ፥ ዎይ ቃይ አዉ ዛልኦፐ፥ እቱ እቱዋ ጭሞፕተ።
LEV 25:15 ህንተ እሻታማንꬆ ላይꬃ ባላፐ ጉይያን ደእያ ላይꬃቱዋ ፓይዱዋዳን ህንተ ሾሩዋፐ ሻምተ፤ ህንተ ሾሩካ ቃይ ጋዲ ካꬃ ሞካናዉ ደእያ ላይꬃቱዋ ፓይዱዋዳን ዛልኦ።
LEV 25:16 ላይꬃቱዋ ፓይዱ ዳሮ ግዶፐ፥ ጋቲ ዳሬ፤ ላይꬃቱዋ ፓይዱ ጉጾፐ፥ ጋቲካ ጉጼ። አያዉ ጎፐ፥ ህንተ ጫካና ካꬃ ጫካ ፓይዱዋዳን ህንተ ሾሩ ህንተንቶ ዛልኤ።
LEV 25:17 ህንተ እቱ እቱዋ ጭሞፕተ፤ ሽን ህንተ ህንተ ጾሳዉ ያይተ። ታን መꬍና ጎዳይ፥ ህንተ ጾሳ።
LEV 25:18 “ ‘ታ አዛዙዋ ኦꬅተ፤ ታ ህግያካ ናግተነ ኦꬅተ፤ ያቶፐ ህንተ ሀ ጋድያን ሳሮተꬃን ደአና።
LEV 25:19 ቢታይ ባረ አይፍያ ህንተንቶ እማና፤ ህንተ ካላና ጋካናዉ ማና፤ ቃይ ሄ ቢታንካ ህንተ ሳሮተꬃን ደአና።
LEV 25:20 ህንተ፥ “ኑን ዘራና ꬋዮፐ፥ ቃይ ካꬃካ ጫኪደ ሺሻና ꬋዮፐ፥ ላፑንꬃ ላይꬃን አያ ማኔ?” ጎፐ፥
LEV 25:21 ታን ኡሱፑንꬃ ላይꬃን ታ አንጁዋ ህንተ ቦላን ኪታና፤ ያቶፐ ቢታይ ሄዙ ላይꬃዉ ግድያ አይፍያ አይፋና።
LEV 25:22 ሆስፑንꬃ ላይꬃን ህንተ ህንተ ጋድያን ዘርያ ዎደካ፥ ካሰ ሻቻ ካꬃ ማና፤ ቃይ ህንተ ዘርያ ካꬃ አይፍያ ኡዱፑንꬃ ላይꬃን ሺሻና ጋካናዉካ፥ ሻቻ ካꬃ ማና።
LEV 25:23 “ ‘ቢታይ ታዋ ግድያ ድራዉነ ህንተካ ሀ ጋድያን እማꬃነ በተ ግዲደ ደእያ ድራዉ፥ ቢታ ላኤንꬆ ስመናዳን ባይዞፕተ።
LEV 25:24 ህንተ ኦይቄዳ ጋድያን ኡባን ደእያ ጋድያ ጎዳቱ ዎዛና ማላ፥ ኡንቱንቱ ማታ ናጋናዉ ኮሼ።
LEV 25:25 “ ‘ነ እሻይ ህዬሲደ ባረ ጋድያፐ ዛልኦፐ፥ አዉ ማታትያ ዳቡ ዪደ፥ ሄ ጋድያ አዉ ዎዞ።
LEV 25:26 አዉ ሄ ጋድያ ዎዝያ ዳቡ ꬋዮፐ፥ ቃይ እካ ስም ዱረቲደ ዎዝያ ሚሻ ደሞፐ፥
LEV 25:27 ባረ ዛልኤዳ ዎድያፐ ዶሚደ ደእያ ላይꬃ ፓይዲደ፥ አቴዳ ላይꬃ ሚሻ ሻሜዳዎ ዛሮ፤ ያቲደ እ ባረ ጋድያዉ ስሞ።
LEV 25:28 ሽን አዉ ሄ ጋድያ ዎዛናዉ ግድያ ሻሉ ꬋዮፐ፥ እሻታማንꬆ ላይꬃ ባላይ ጋካናዉ ጋዲ ሻሜዳ ብታንያ ኩሽያን ጋምኦ፤ እሻታማንꬆ ላይꬃ ባላ ዎደ፥ አ ጋዲ አዉ ስሞ፤ እካ ባረ ጋድያዉ ስሞ።
LEV 25:29 “ ‘ግምበት ኡቴዳ ካታማ ግዶን እት አሳይ ደእያ ጎልያ ሀራ ኡራዉ ዛልኦፐ፥ እ ዛልኦሳፐ ቢደ እት ላይꬃ ጋካናዉ ደእያ ዎድያን ዛሪደ ዎዛናዉ አዉ ማታይ ደኤ።
LEV 25:30 እት ላይꬃ ኩመንꬃ ግዶን ዎዛና ꬋዮፐ፥ ሄ ግምበቴዳ ካታማ ግዶን ደእያ ጎሊ ሻሜዳዎ ናኣ ናአዉ መꬍናዉ አዋ ግዴ። እሻታማንꬆ ላይꬃ ባላ ዎደካ ስመና።
LEV 25:31 ሽን ግምበትቤና ሄራቱዋን ደእያ ጎለቱ ሾይቃ ማላ። ኡንቱንቱ ዎዘቲኖ፤ እሻታማንꬆ ላይꬃ ባላ ዎደካ ዛልኤዳዎ ስሚኖ።
LEV 25:32 “ ‘ግዶፐነ ሌዋቱዋ ካታማቱዋን ደእያ ባረንቱ ጎልያ ሌዋቱ ባረንቱ ኮዬዳ ዎድያን ዎዝ አካናዉ ዳንዳዪኖ።
LEV 25:33 ሌዋቱዋፐ እት አሳይ ኡንቱንቱ ካታማ ግዶን ደእያ ጎልያ ዛልኢደ ዎዛና ꬋዮፐ፥ ሄ ኡንቱንቱ ካታማ ግዶን ደእያ ጎሊ እሻታማንꬆ ላይꬃ ባላ ዎደ ስሜ። አያዉ ጎፐ፥ ሌዋቱዋ ካታማ ግዶን ደእያ ጎለቱ እስራኤልያ አሳ ግዶን ሌዋቶ አቆ።
LEV 25:34 ሽን ኡንቱንቱ ካታማ ዩሹዋን ኡንቱንቱ ኡባዉ እትፐ ደእያ ቢታይ ኡንቱንቶ መꬍናዉ አቆ ግድያ ድራዉ ዛልኤተና።
LEV 25:35 “ ‘ቃይ ነ እሻይ ህዬሲደ ባረና ዳንዳያና ꬋዮፐ፥ እማꬃዳንነ በትያዳን እ ኔናና ደአና ማላ፥ ኔን አ ማዳ።
LEV 25:36 ነ እሻ ኔናና ዎꬃናዉ አፐ ድቻ አኮፓ፤ ዎይ ዎꬍያ ሞፓ። ሽን ኔን ነ ጾሳዉ ያያ።
LEV 25:37 ነ ብራ አዉ ድቻዉ ታልኦፓ፤ ነ ቁማካ አዉ ዎꬍያን ዛልኦፓ።
LEV 25:38 ህንተዉ ካናነ ቢታ እማናዉነ ህንተ ጾሳ ግዳናዉ፥ ህንተና ግብጼ ጋድያፐ ከሴዳዌ፥ ታን መꬍና ጎዳይ፥ ህንተ ጾሳ።
LEV 25:39 “ ‘ነዉ ዳቦ ግድያ እስራኤልያ አሳይ ማንቂደ፥ ባረና ነዉ አይለተꬃዉ ዛልኦፐ፥ ኔን አ አይልያዳን ኦስሶፓ።
LEV 25:40 እ ከራ ኦꬅያ አሳዳንነ በትያዳን ኔናና ደኦ፤ እሻታማንꬆ ላይꬃ ባላይ ጋካናዉ እ ነዉ ኦꬆ።
LEV 25:41 ሄ ዎደ እ ባረ ናናቱዋናካ እትፐ ነ ጎለፐ ከሲደ ባረ ጎልያ አሳኮ ቦ፤ ባረ አዉዋ ጋድያኮካ ስሞ።
LEV 25:42 እስራኤላቱ ታን ግብጼ ጋድያፐ ከሴዳ ታ አይለቱዋ ግድያ ድራዉ፥ ኡንቱንቱ አይለተꬃዉ ዛልኤቶፕኖ።
LEV 25:43 ኔን ኡንቱንቶ መቀꬃ ኢታደ ሞዶፓ፤ ሽን ኔን ነ ጾሳዉ ያያ።
LEV 25:44 “ ‘ነዉ አቱማነ ማጫ አይለቱ ደአና ማላ ኮዮፐ፥ ነ ዩሹዋን ደእያ ካዉተꬃቱዋፐ ሻማ።
LEV 25:45 ቃይ ህንተ ጋድያን ደእያ በተቱዋፐነ ህንተ ጋድያን ደእሽን የለቴዳ ኡንቱንቱ ሶ አሳፐ ሻማናዉ ዳንዳዪታ፤ ኡንቱንቱ ህንተንቶ አቆ ግድኖ።
LEV 25:46 ህንተፐ ጉይያን ህንተ ናናይ ኡንቱንታ መꬍናዉ ላታና ማላ፥ ህንተ ናናዉ እምተ። ህንተ ኡንቱንቱፐ ኡባ ዎደካ አይልያ ሻማናዉ ዳንዳዪታ፤ ሽን ህንተ እሻ ግድያ እስራኤልያ አሳ መቀꬃ ኢሲደ ሞዶፕተ።
LEV 25:47 “ ‘ነ ማታን ደእያ እማꬃ ዎይ በተ አሳይ ዱረትና፥ ቃይ አ ማታን ደእያ ነ እሻይ ማንቂደ፥ ሄ ነ ማታን ደእያ እማꬃዉ ዎይ በትያዉ ዎይ እማꬃ ብታንያ ዛርያፐ እቶ ባረና ዛልኦፐ፥
LEV 25:48 እ ዛልኤት ስምና አ ዎዛናዉ ዳንዳየቴ፤ አ እሻቱዋፐ እቱ አ ዎዞ።
LEV 25:49 ዎይ አ አዉዋ እሻይ፥ ዎይ አ አዉዋ እሻ ናአይ አ ዎዞ፤ ዎይ አ ያራፐ አዉ ማታ ዳቦ ግድያ አሳይ አ ዎዞ፤ ዎይ ቃይ እ ባረ ሁጲያዉ ዱረቶፐ እ ባረና ዎዞ።
LEV 25:50 እ ባረና ሻሜዳ ብታንያና እትፐ ግዲደ፥ እ ባረና ዛልኤዳ ላይꬃፐ ዶሚደ እሻታማንꬆ ላይꬃ ባላይ ጋካናዉ ደእያ ላይꬃ ፓይዶ፤ አ ብልያ ጋቲ ሄ ላይꬃ ፓይዱዋ ኬሻ ግዶ። እ ባረና ሻሜዳዋና ጋምኤዳ ዎድያ ጋቲ እት አሳይ ከራ ኦꬂደ ደምያ ሚሻ ኬሻ ግዶ።
LEV 25:51 እሻታማንꬆ ላይꬃ ባላይ ጋካናዉ ብሮ ዳሮ ላይꬃይ አቴዳዋ ግዶፐ፥ ባረ ዛልኤቴዳ ጋትያፐ ሄ ላይꬃ ፓይዱዋን ባረና ዎዝያ ጋትያ ጭጎ።
LEV 25:52 ቃይ እሻታማንꬆ ላይꬃ ባላይ ጋካናዉ አቴዳ ላይꬃይ ጉꬃ ግዶፐ፥ ባረና ሻሜዳዋና እትፐ ፓይዲደ፥ ሄ ላይꬃ ፓይዱዋን ባረና ዎዝያ ጋትያ ጭጎ።
LEV 25:53 እ ላይꬃን ላይꬃን ከራ ኦꬅያ አሳዳን ባረና ሻሜዳዋና ደኦፐ አትና፥ ህንተ ጼሊደ እስራኤልያ አሳ ግድያ ብታንያ መቀꬃ ኢሲደ ሞዶፕተ።
LEV 25:54 “ ‘ሽን እ ሄዋ ማላ ኦግያን ዎዘታና ꬋዮፐ፥ እሻታማንꬆ ላይꬃ ባላይ ጋክያ ዎደ እነ አ ናናይ ቆማተꬃፐ ከስኖ።
LEV 25:55 አያዉ ጎፐ፥ እስራኤልያ አሳይ ታ ቆማቱዋቴ፤ ታን ግብጼ ጋድያፐ ከሴዳ ታ ቆማቱዋ። ታን፥ መꬍና ጎዳይ፥ ህንተ ጾሳ’ ያጋ” ያጌዳ።
LEV 26:1 መꬍና ጎዳይ ሀዋዳን ያጌ፤ “ህንተ ኡንቱንቶ ጎይናናዉ ኤቃቱዋ መꬎፕተ፤ ቃይ ሀዉልትያ፥ ማሰቴዳ ምስልያ ዎይ ማሰቴዳ ሹቻ ኤሶፕተ። ታን፥ መꬍና ጎዳይ፥ ህንተ ጾሳ።
LEV 26:2 ታ ሳምባታቱዋ ናግተ፤ ታ ዱንካንያ ቦንችተ፤ ታን መꬍና ጎዳ።
LEV 26:3 “ህንተ ታ ህግያን ቦፐ፥ ታ አዛዞቱዋካ ናጎፐነ ኦꬆፐ፥
LEV 26:4 ታን ህንተንቶ እራ ዎድያን ቡክሳና፤ ቢታይካ ካꬃ ዳርሲደ ሞካና፤ ደምባ ምꬃቱካ አይፍያ አይፋና።
LEV 26:5 ህንተ ካꬃ ቡክያ ዎድያፐ ቢደ ዎይንያ አይፍያ ማጽያ ዎዲ ጋካናዉ ካꬃ ቆጻና፤ ቃይ ዎይንያ አይፍያ ማጹካ ቢደ ካꬃ ዘርያ ዎዲ ጋካናዉ ዉረና። ህንተ ካላና ጋካናዉ ቁማ ማና፤ ቃይ ህንተ ህንተ ቢታንካ ሳሩዋን ደአና።
LEV 26:6 “ታን ቢታዉ ሳሮተꬃ እማና፤ ኦንነ ያሽሰናን ህንተ ግሳና። ኢታ ዶአቱዋ ታን ጋድያፐ ꬋይሳና፤ ህንተ ጋድያን ላኤንꬆ ኦላይ ደንደና።
LEV 26:7 ህንተ ሞርከቱዋ ህንተ የደርሳና፤ ህንተ ስንꬃን ኡንቱንቱ ማሻን ሀይቃና።
LEV 26:8 ህንተፐ እቼሹ ጼቱዋ የደርሳና፤ ቃይ ጼቱ ታሙ ሻኣ የደርሳና። ህንተ ሞርከቱ ህንተ ስንꬃን ማሻን ሀይቃና።
LEV 26:9 “ታን ታ ዴሙዋ ህንተኮ ዛራና፤ ህንተና አይፍሳና፤ ህንተና ዳርሳና። ቃይ ታን ታ ጫቁዋ ህንተናና ምንሳና።
LEV 26:10 ህንተ ሻቻ ካꬃ ማና፤ ቃይ ሀ ላይꬃ ካꬃ ዎꬃናዉ፥ ሻቻ ካꬃ ድጊደ ሳኣ ከሳና።
LEV 26:11 ታን ታ ደእያ ሳኣ ህንተ ግዶን ኦꬃና፤ ታን ህንተና ሻትከ።
LEV 26:12 ታን ህንተ ግዱዋን ሀመታና፤ ቃይ ህንተ ጾሳ ግዳና፤ ህንተካ ታ አሳ ግዳንታ።
LEV 26:13 ህንተ ግብጼቶ አይልያ ግደናዳን፥ ግብጼ ጋድያፐ ህንተና ከሴዳዌ ታን መꬍና ጎዳይ ህንተ ጾሳ። ታን ህንተ አይለተꬃ ሞርገ ምꬃ መንꬃድ፤ ቃይ ህንተካ ꬎቁ ጊደ ሄመታናዳን ኦꬃድ።
LEV 26:14 “ሽን ህንተ ታን ግያዋ ስሰናን እጾፐነ፥ ሀ አዛዞቱዋ ኡባካ ኦናን እጾፐ፥
LEV 26:15 ታ ዎጋ ህንተ ካꬎኦፐ፥ ቃይ ታ አዛዞቱዋ ኡባ ኦናን እጺደ ታ ጫቁዋ መንꬃናዉ ህንተ ታ ህግያ ሻቶፐ፥
LEV 26:16 ሄ ዎደ ታን ህንተ ቦላ ሀዋ ኦꬃና: ህንተ አኬከናን ደእሽን ያሻ፥ ግልቃተꬃ፥ ህንተ አይፍያ ጆልስያነ ህንተና ሎይꬅ ሀርግስያ ምሹዋ ህንተ ቦላ አሀና። ህንተ ዘረꬃ ዘራና፤ ሽን እ ሀዳ፤ አያዉ ጎፐ፥ ሄዋ ህንተ ሞርከቱ ማና።
LEV 26:17 ታን ታ ሶምኡዋ ህንተ ቦላ ቱካና፤ ህንተ ሞርከቱዋ ስንꬃን ህንተ ኩንዳና፤ ህንተና እጺያዋንቱ ህንተና ሞዳና፤ ቃይ ኦንነ የደርሰናን ህንተ ባቃታና።
LEV 26:18 “ሀዋ ኡባ ኦꬅናካ ህንተ ታና ስሰናን እጾፐ፥ ታን ህንተ ናጋራ ድራዉ ህንተ ሙራ ላፑን ዳኩዋ ጉጃና።
LEV 26:19 ህንተ ዎልቃ ኦቶሩዋ ታን መንꬃና፤ ሳሉዋ ብራታ ማላ ኦꬃና፤ ህንተ ቢታካ ናሃስያ ግያ ብራታ ማላ ኦꬃና።
LEV 26:20 ህንተ ዎልቃይ ሀዳሳን ዉራና፤ አያዉ ጎፐ፥ ህንተ ቢታይ ካꬃ ሞከና፤ ጋድያን ደእያ ምꬃቱካ አይፍያ አይፍክኖ።
LEV 26:21 “ህንተ ታዉ እጼዶ ጎፐነ ታን ግያዋካ ስሰናን እጾፐ፥ ህንተ ናጋራ ኬሻ ላፑን ዳኩዋ ቦሻ ታን ህንተ ቦላን አሀና።
LEV 26:22 ታን ህንተ ቦላ ባዙዋ ዶአቱዋ የዳና፤ ኡንቱንቱ ህንተ ናናቱዋ ቦንቃና፤ ህንተ መሄቱዋ ꬋይሳና፤ ህንተ ፓይዱዋካ ጉꬃና፤ ሄዋ ጋሱዋን ህንተ ሀመትያ ኦጊ ባዙዋ ግዳናዋ።
LEV 26:23 “ሀ ኡባ ሙራንካ ህንተ ታኮ ስመናን እጻድ ጊደ ቦፐ፥
LEV 26:24 ሄ ዎደ ታንካ ህንተንቶ እጻድ ጋና፤ ቃይ ህንተ ናጋራ ድራዉ ታን ታ ሁጲያዉ ህንተና ላፑን ዳኩዋ ሙራና።
LEV 26:25 ታ ጫቁዋ መንꬄዳ ሀሉዋ ከስያ ማሻ ታን ህንተ ቦላ አሀና፤ ህንተ ህንተ ካታማቱዋን ሺቆፐካ፥ ታን ህንተ ቦላን ኢታ ሀርግያ የዳና። ቃይ ህንተካ ህንተ ሞርከቱዋ ኩሽያን አꬊደ እመታና።
LEV 26:26 ህንተ ካꬃ ታን ꬋይስያ ዎደ፥ ታሙ ማጫ አሳቱ እት ባሽያን ኡክꬃ ኡካና፤ ሄዋካ ሚዛናን ልኪደ ሻካና፤ ህንተ ሄዋ ማና፥ ሽን ካልክታ።
LEV 26:27 “ሀ ኡባንካ ህንተ ታን ግያዋ ስሰናን እጻድ ጊደ ቦፐ፥
LEV 26:28 ሄ ዎደ ታንካ ህንተ ቦላ ሀንቁዋን ደንዳና፤ ህንተ ናጋራ ድራዉ ታን ታ ሁጲያዉ ህንተና ላፑን ዳኩዋ ሙራን።
LEV 26:29 ህንተ ህንተ አቱማ ናናቱዋነ ህንተ ማጫ ናናቱዋ አሹዋ ማና።
LEV 26:30 ህንተ ጎይንያ ꬎቃ ሳኣ ታን ኮላና፤ ህንተ እጻና ያርሽያ ሳኣካ ꬋይሳና። ታን ህንተ አሃ ህንተ ኤቃቱዋ አሃ ቦላን ኦላና፤ ታን ህንተና ሙለ ሻታና።
LEV 26:31 ታን ህንተ ካታማቱዋ መላ ኦꬃና፤ ህንተ ጎይንያ ሳአቱዋካ ኮለሬꬃና፤ ህንተ ሳዊያ ያርሹዋካ ስንግከ።
LEV 26:32 “ታን ህንተ ቢታ ꬋይሳና፤ ያቶፐ ሄ ህንተ ጋድያን ዪደ ኡትያ ሞርከቱካ ሄዋን ማላለታና።
LEV 26:33 ታን ህንተና ካዉተꬃቱዋ ግዶን ላላና፤ ህንተ ቦላንካ ታ ማሻ ሾዳና። ህንተ ቢታይ ባያና፤ ህንተ ካታማቱካ መላ ግዳና።
LEV 26:34 ሄ ህንተ ህንተ ሞርከቱዋ ጋድያን ደእያ ዎደ፥ ባዪደ ጮ ደእያ ህንተ ቢታይ ባረ ሳምባታቱዋ ቦንቺደ ናሸታና። ሄ ዎደ ህንተ ቢታይ ሸምፓናነ ባረ ሳምባታቱዋ ቦንቺደ ናሸታና።
LEV 26:35 ህንተ ሄ ጋድያን ደኤዳ ዎድያን ኡባን ህንተ ሳምባታቱዋን ደምቤና ሸምፑዋ ሀእ ባዪደ ጮ ደእያ ዎድያን ደማና።
LEV 26:36 “ህንተ ህንተ ሞርከቱዋ ጋድያን ደእያ ዎደ፥ ህንተፐ ሻከቲደ ጉየ አቲደ ደእያዋንቱ ዎዛናን ታን ያሻ የዳና፤ ጫርኩ ቃꬅያ ቦንጭያ ኮሻይ ኡንቱንታ ሻቢራና፤ ኡንቱንቱ ማሻፐ ባቃትያዋዳን ባቃታና፤ ቃይ ኡንቱንቱ ኦንነ የደርሰናን ኩንዳና።
LEV 26:37 ህንተና የደርስያዌ ባይናን ደእሽን፥ ህንተ ኦላፐ ባቃትያዋዳን እቱ እቱዋና ꬉበታና፤ ቃይ ህንተ ህንተ ሞርከቱዋ ስንꬃን ኤቃናዉካ ህንተንቶ አያ ዎልቂነ ደኤና።
LEV 26:38 ህንተ ካዉተꬃቱዋ ግዶን ባያና፤ ህንተ ሞርከቱዋ ቢታይካ ህንተና ምታና።
LEV 26:39 ህንተፐ ሻከቲደ ህንተ ሞርከቱዋ ጋድያን አቴዳዋንቱ ባረንቱ ናጋራ ጋሱዋንነ ባረንቱ አዎቱዋ ናጋራ ጋሱዋን ግልቃና።
LEV 26:40 “ሽን ኡንቱንቱ ታን ኡንቱንቶ እጼዳ ጋናዳንነ ኡንቱንቱ ሞርከቱዋ ቢታዉ ኡንቱንታ የዳናዳን ኦꬄዳ ባረንቱ ናጋራ፥ ባረንቱ ማይዛ አዎቱዋ ናጋራ፥ ኡንቱንቱ ታና ጭሜዳ ጭሙዋነ ኡንቱንቱ ታዉ እጻድ ጌዳዋ ፓጾፐ፥
LEV 26:41 ሄዋን ቃይ ኡንቱንቱ አዛዘተና ዎዛናይካ ዝቂ ጎፐነ ኡንቱንቱ ባረንቱ ናጋራ ሙራ አኮፐ፥
LEV 26:42 ሄ ዎደ ታን ያቆባና ጫቀቴዳ ታ ጫቁዋ ሀሳያና፤ ቃይ ይሳቃናነ አብራሃመና ጫቀቴዳ ታ ጫቁዋ ሀሳያና፤ ቢታካ ሀሳያና።
LEV 26:43 ኡንቱንቱ ꬋይ ድግና፥ ኡንቱንቱ ቢታይ መላ አታና፤ ሄ ኡንቱንቱ ꬋይና ባይያዋ ግዲደ ጮ ደእያ ዎድያን ቢታይ ባረ ሳምባታቱዋ ቦንቺደ ናሸታና። ኡንቱንቱ ታ አዛዙዋ ካꬌዳ ድራዉነ ኡንቱንቱ ሸምፑካ ታ ዎጋ ሻቴዳ ድራዉ፥ ኡንቱንቱ ባረንቱ ናጋራ ሙራ አካና።
LEV 26:44 “ግዶፐነ ኡንቱንቱ ባረንቱ ሞርከቱዋ ጋድያን ደእያ ዎደ፥ ኡንቱንቱ ኡባና ꬋያና ጋካናዉነ ኡንቱንቱና ደእያ ታ ጫቁዋካ መንꬃና ጋካናዉ፥ ታን ኡንቱንታ ኦልከ፤ ቃይ ሻትከ። ታን፥ መꬍና ጎዳይ፥ ኡንቱንቱ ጾሳ።
LEV 26:45 ታን ኡንቱንቱ ጾሳ ግዳናዉ፥ ካዉተꬃቱ ጼልሽን፥ ግብጼ ጋድያፐ ከሴዳ ኡንቱንቱ ማይዛ አዎቱዋና ታን ጫቀቴዳ ጫቁዋ ኡንቱንቱ ድራዉ ሀሳያና። ታን መꬍና ጎዳ።
LEV 26:46 “መꬍና ጎዳይ ሲና ደርያ ቦላን ሙሴ ባጋና ባረፐነ እስራኤልያ አሳፐ ግዱዋን ዎꬄዳ ዎጋቱ፥ አዛዞቱነ ህገቱ ሀዋንታ” ያጌዳ።
LEV 27:1 መꬍና ጎዳይ ሙሳ ሀዋዳን ያጌዳ፤
LEV 27:2 “እስራኤልያ አሳዉ ሀዋዳን ያጋደ ኦዳ፤ ‘እት አሳይ መꬍና ጎዳዉ እማናዉ ሺቆፐ፥ ኔን ቆፕያዋዳን ሄ አሳ ድራዉ ሚሻ ጭጎ።
LEV 27:3 ሄዌነ ላታሙ ላይꬃፐ ቢደ ኡሱፑን ታሙ ላይꬃ ጋካናዉ ደእያ አቱማዎ ኡሱፑን ጼቱ ግራምያ ዴጽያ ጻጋራ ብራ ጭጎ።
LEV 27:4 ማጫ አሳ ግዶፐ ቃይ ሀታሙ ጻጋራ ብራ ጭጎ።
LEV 27:5 ቃይ እቼሹ ላይꬃፐ ቢደ ላታሙ ላይꬃ ጋካናዉ ደእያ አቱማዎ ላታሙ ጻጋራ ብራነ ማጫንዉ ታሙ ጻጋራ ብራ ጭጎ።
LEV 27:6 ቃይካ እት አግናፐ ቢደ እቼሹ ላይꬃ ጋካናዉ ደእያ አቱማዎ እቼሹ ጻጋራ ብራነ ማጫንዉ ሄዙ ጻጋራ ብራ ጭጎ።
LEV 27:7 ሄዋዳንካ ቃይ ኡሱፑን ታሙ ላይꬃነ ሄዋፐ ቦላና ደእያ አቱማዎ ታማነ እቼሹ ጻጋራ ብራነ ማጫንዉ ታሙ ጻጋራ ብራ ጭጎ።
LEV 27:8 ቃይ ሺቄዳ ብታኒ ኔን ቆፕዳዋ ጭጋናዉ ዳንዳየና ዳሮ ማንቆ ግዶፐ፥ እ ባረ ሺቁዋ ጋꬃናዉ እሜዳ አሳ አሂደ ቄስያ ስንꬃን ኤሶፐ ሺቄዳ ብታኒ ጭጋናዉ ዳንዳይያዋ ኬና ቆፒደ ቄሲ ጋማቶ።
LEV 27:9 “ ‘እ ሺቀቴዳዌ አሳይ መꬍና ጎዳዉ ያርሽያ ሳኣ ማላ መህያ ያርሻናዉ ግዶፐ፥ ሄዋ ማላ አሳይ መꬍና ጎዳዉ እምያ መሂ ኡባይ ጌሻ።
LEV 27:10 እ ሄ መህያ ድራዉ ሀራ መህያ እሞፖ፤ ዎይ አ ሀራ መህያና ላሞፖ። ሎኡዋ ኢታና ዎይ ቃይ ኢታካ ሎኡዋና ላሞፖ፤ ሽን እ ላሞፐ፥ ኮይሮ መህያነ ላምያ እሜዳ መሂ ላኡካ ጌሻ።
LEV 27:11 እ ሺቀቴዳ መሂ መꬍና ጎዳዉ ያርሹዋ ኦꬂደ ሺሻናዉ ጌሻ ግደና መህያ ግዶፐ፥ ሄ ብታኒ ሄ መህያ ቄስያ ስንꬃ አሆ።
LEV 27:12 ሎኦ ግድና ኢታ ግድና፥ ቄሲ ሄ መህያ ጋማቶ፤ ያቶፐ ቄሲ ጋማቴዳዌ አ ጋትያ ግዶ።
LEV 27:13 ሽን ሄ መህያ ጎዳይ አ ዛሪደ ዎዛናዉ ኮዮፐ፥ ሄ መህያ ጋትያ ቦላ ጼቱዋፐ ላታሙ ኩሽያ ጉጆ።
LEV 27:14 “ ‘እት አሳይ ባረ ጎልያ ጌሻ ግዳናዳን መꬍና ጎዳዉ ዱማዮፐ፥ ሎኦ ግድና ኢታ ግድና፥ ቄሲ ሄ ጎልያ ጋማቶ። ያቶፐ ቄሲ ጋማቴዳዋዳን አ ጋቲ ሄዋዳንካ ግዶ።
LEV 27:15 ቃይ ባረ ጎልያ ጾሳዉ ጌሻ ኦꬅ ዱማዬዳ አሳይ ዛረꬂደ ዎዛናዉ ኮዮፐ፥ ሄ ጎልያ ጋትያ ቦላን ጼቱዋፐ ላታሙ ኩሽያ ጉጆ፤ ያቶፐ ጎሊ አሳ ግዴ።
LEV 27:16 “ ‘እት አሳይ ባረ ላታ ጋድያፐ ሻኪደ ጌሻ ኦꬅ መꬍና ጎዳዉ ዱማዮፐ፥ ሄ ጋድያ ጋቲ አን ዘርያ ዘረꬃን ቆፈቶ። ሄዌነ ላታሙ ኪሎ ግራመ ባንጋ ዘርያ ኬሻ ሾይቃ ግዶፐ፥ ታሙ ጻጋራ ብራ ጭጎ።
LEV 27:17 እ ባረ ጋድያ እሻታማንꬆ ላይꬃ ባላፐ ዶሚደ ጌሻ ኦꬅ ጾሳዉ ዱማዮፐ፥ ሄ ጋድያዉ ኩመንꬃ ጋትያ ጭጎ።
LEV 27:18 ሽን እ ባረ ጋድያ እሻታማንꬆ ላይꬃ ባላይ አꬍ ስምና ጌሻ ኦꬅ ጾሳዉ ዱማዮፐ፥ ካሊደ ደእያ እሻታማንꬆ ላይꬃ ባላይ ጋካናዉ ደእያ ዎድያ ቄሲ ፓይዶ፤ ያቶፐ አ ኩመንꬃ ጋትያፐ ዎꬌ።
LEV 27:19 ሄ ጋድያ ጌሻ ኦꬅ ጾሳዉ ዱማዬዳ አሳይ ዛረꬅ ዎዛናዉ ኮዮፐ፥ እ ጋማተቴዳ ሚሻ ቦላ ጼቱዋፐ ላታሙ ኩሽያ ጉጆ፤ ያቶፐ ጋዲ ስሚደ አዋ ግዴ።
LEV 27:20 ሽን እ ጋድያ ዛረꬂደ፥ ዎዛናፐ ካሰቲደ ሀራ አሳዉ ዛልኦፐ፥ ሄ ጋድያ ዎዛናዉ ዳንዳየና።
LEV 27:21 እሻታማንꬆ ላይꬃ ባላይ ጋክና ጋዲ የደቲያ ዎደ፥ ሄ ጋዲ ላኤንꬆ ጉየ አካናዋዳን መꬍና ጎዳዉ ጌሻ ግዴ። ሄ ግሹ ቄስያሳ።
LEV 27:22 “ ‘እት አሳይ ሀራ አሳፐ ሻሜዳ ጋድያ ጌሻ ኦꬅ መꬍና ጎዳዉ ዱማያናዉ ኮዮፐ፥
LEV 27:23 ካልያ እሻታማንꬆ ላይꬃ ባላይ ጋካናዉ ደእያ ጋትያ ቄሲ ጋማቶ፤ ብታኒ ሄ ጋላስካ ሄ ግምትያ ጭጎ፤ ሄ ሚሻይ መꬍና ጎዳዉ ዱማቴዳ ሚሻ ግዳናዋ።
LEV 27:24 እሻታማንꬆ ላይꬃ ባላይ ጋክያ ዎደ፥ ሄ ጋዲ ኮይሮ ላታን አኪደ ዛልኤዳ ብታንያዉ ስሜ።
LEV 27:25 “ ‘አ ጋቲ ጾሳ ዱንካንያን ኤረቲያ ሚዛናን ጋማተቴ።
LEV 27:26 “ ‘ሽን ኦንነ ባይራ የለቴዳ መህያ መꬍና ጎዳዉ ዱማዪደ ሺሻናዉ ዳንዳየና፤ አያዉ ጎፐ፥ እ ካሰካ መꬍና ጎዳሳ። ሚዛ ማራ ግድና ዎይ ዶርሳ ማራ ግድናካ እ መꬍና ጎዳዋ።
LEV 27:27 ሄ መሂ ጌሻ ግዳና ꬋዮፐ፥ ነ ጋማቴዳ ጋትያ ቦላ ጼቱዋፐ ላታሙ ኩሽያ ጉጂደ አ ጎዳይ ዛረꬂደ ዎዞ። እ ዎዛና ꬋዮፐ፥ ነ ጋማቴዳ ጋትያን ሀራ አሳዉ ዛልኤቴዳ።
LEV 27:28 “ ‘እት አሳይ ባረዋፐ መꬍና ጎዳዉ እሜዳዌ አያ ግዶፐካ፥ አሳ ግድና መህያ ግድና፥ ዎይ አ ላታን ጋኬዳ ጋደ ግድናካ፥ ዛልኤተናነ ዎዘተና። ዱማዬዳዌ ኡባባይ መꬍና ጎዳዉ ጌሻ ኡባፐ እቱዋ ግዴዳ ጌሻ ያርሹዋ።
LEV 27:29 አሳ ግዶፐ ሻከቲደ ꬋያናዳን እመቴዳ አሳይ ዎዘቶፖ፤ ሄ አሳይ ሀይቆ።
LEV 27:30 “ ‘ቢታ አስራታይ ኡባይ ጋድያፐ ሞኬዳ ካꬃ ግድና ዎይ ምꬃ አይፍያ ግድናካ መꬍና ጎዳሳ። ሄዌ መꬍና ጎዳዉ ጌሻ።
LEV 27:31 እት አሳይ ባረ አስራታ ዎዛናዉ ኮዮፐ፥ አ ጋትያ ቦላን ጼቱዋፐ ላታሙ ኩሽያ ጉጆ።
LEV 27:32 ሚዛ አስራታ ግድና፥ ዶርሳ አስራታ ግድና፥ ዎይ ዴሻ አስራታ ግድናካ፥ ሄንꬃንቻ ጋትማፐ ጋርሳና አꬍያ ሀቃዌነ ታሙንꬅ መꬍና ጎዳዉ ጌሻ።
LEV 27:33 ታሙንꬃ መህያ ኢታ ግድና ሎኦ ግድናካ ዶሮፖ፤ ዎይ አ ሀራና ላሞፖ። ላሞፐነ ኮይሮዌነ ላምያ እሜዳዌነ ላኡካ ጾሳዉ ጌሻ ግዲኖፐ አትና፥ ዛሪደ ዎዛናዉ ዳንዳየና’ ያጋ” ያጌዳ።
LEV 27:34 ሲና ደርያ ቦላን መꬍና ጎዳይ ሙሴ ባጋና እስራኤልያ አሳ አዛዜዳ አዛዞቱ ሀዋንታ።
NUM 1:1 ሲና መላ ቢታ፥ መꬍና ጎዳ ዱንካንያ ግዶን፥ እስራኤልያ አሳይ ግብጼ ጋድያፐ ከሴዳ ላኤንꬆ ላይꬃን፥ ላኤንꬆ አግናን፥ ሄ አግናዉ ኮይሮ ጋላሳን፥ መꬍና ጎዳይ ሙሳ ሀዋዳን ያጌዳ፤
NUM 1:2 “እስራኤልያ አሳ ኡባ ኡንቱንቱ ያራን ያራንነ ጎልያን ጎልያን ፓይዳደ፥ አቱማ አሳ ኡንቱንቱ ሱንꬃን ሱንꬃን ጻፋ።
NUM 1:3 ኔንነ አሮን የለቶደፐ ላታሙ ላይꬃነ ሄዋፐ ቦላና ደእያ እስራኤላቱዋ፥ ኦላ ባናዉ ዳንዳይያዋንታ ኡባቱዋ፥ ኡንቱንቱ ጭታን ጭታን ፓይድተ።
NUM 1:4 ዛርያፐ ዛርያፐ እት እት አሳይ ባረ ጎልያ አሳዉ ካፑዋ ግዲደ፥ ህንተና ማዶ።
NUM 1:5 ህንተና ማዳና አሳቱ ሱንꬃይ ሀዋፐ ካሊደ ደእያዋ: ዛርያ ጎልያ አሳ ካፑዋ ሮቤላ ሻደኡራ ናኣ ኤሊጹራ፥
NUM 1:6 ስሞና ጹሪሻዳያ ናኣ ሻሉምኤላ፥
NUM 1:7 ይሁዳ አምናዳባ ናኣ ናአሶና፥
NUM 1:8 ይሳኮራ ጹኣራ ናኣ ናታንኤላ፥
NUM 1:9 ዛብሎና ሄሎና ናኣ ኤልኣባ፥
NUM 1:10 ዮሴፎ ናናፐ ኤፍሬማ አምሁዳ ናኣ ኤልሻማአ፥ ምናሰ ፓዳጹራ ናኣ ጋማልኤላ፥
NUM 1:11 ቢንያማ ጊድኦና ናኣ አብዳና፥
NUM 1:12 ዳና አምሻዳያ ናኣ አህኤዘራ፥
NUM 1:13 አሴራ ኦክራና ናኣ ፓግኤላ፥
NUM 1:14 ጋዳ ዳኡኤላ ናኣ ኤልያሳፋ፥
NUM 1:15 ንፍታሌማ ኤናና ናኣ አህራአ፤
NUM 1:16 ሀ አሳቱ ባረንቱ አዎቱዋ ጎልያ አሳቱዋፐ ካለꬃናዉ፥ ዶረቴዳዋንታ፤ ኡንቱንቱ እስራኤልያ ያራቶ ካፓቱዋ” ያጌዳ።
NUM 1:17 ሙሴነ አሮን ሱንꬃይ ጼሰቴዳ ሀ አሳቱዋ አፌድኖ።
NUM 1:18 ላኤንꬃ አግናን ኮይሮ ጋላስ ኩመንꬃ ማባራ ጼሲደ፥ እትፐ ሺሼድኖ። አሳይ ባረ ያራን ያራንነ ባረ ጎልያን ጎልያን ኦዲደ፥ የለቶደፐ ላታሙ ላይꬃነ ሄዋፐ ቦላና ደእያ አቱማ አሳቱዋ ኡባ ሱንꬃይ ኡባና ጻፈቴዳ።
NUM 1:19 መꬍና ጎዳይ አ አዛዜዳዋዳን፥ ሙሴ ኡንቱንታ ሲና መላ ቢታን ፓይዴዳ።
NUM 1:20 ኦላዉ ባናዉ ዳንዳይያ አቱማ አሳቱ ኡባይ፥ ላታሙ ላይꬃነ ሄዋፐ ቦላና ደእያዋንቱ ፓይደቲደ፥ ሁጲያን ሁጲያን ጻፈቴድኖ። ኡንቱንቱ ባረንቱ ያራን ያራንነ ባረንቱ ጎልያን ጎልያን ሻከቲደ፥ ሀዋፐ ካሊደ ደእያ ፓይዱዋን ማዝጎበቴድኖ። ዛርያ ኦላንቻቱዋ ፓይዱዋ፤ ሮቤላ (እስራኤልያ ናኣ ባይራ) 46,500
NUM 1:22 ስሞና 59,300፤
NUM 1:24 ጋዳ 45,650፤
NUM 1:26 ይሁዳ 74,600፤
NUM 1:28 ይሳኮራ 54,400፤
NUM 1:30 ዛብሎና 57,400፤
NUM 1:32 ዮሴፎ ናኣ ኤፍሬማ 40,500፤
NUM 1:34 ዮሴፎ ናኣ ምናሳ 32,200፤
NUM 1:36 ቢንያማ 35,400፤
NUM 1:38 ዳና 62,700፤
NUM 1:40 አሴራ 41,500፤
NUM 1:42 ንፍታሌማ 53,400፤
NUM 1:44 ሙሴ፥ አሮንነ ታማነ ላኡ እስራኤልያ ዛራቱ ካፓቱ ፓይዴዳ አሳይ ሀዋ።
NUM 1:45 ኦላዉ ባናዉ ዳንዳይያ አቱማ አሳቱ ኡባይ ላታሙ ላይꬃነ ሄዋፐ ቦላና ደእያዋንቱ ባረንቱ አዉዋ ጎልያን ጎልያን ፓይደቴድኖ።
NUM 1:46 ሄዋንቱ ኡባና 603,550.
NUM 1:47 ሽን ሌዊያ ዛራቱ ሀ ፓይደቴዳ አሳና ፓይደትበይክኖ።
NUM 1:48 አያዉ ጎፐ፥ መꬍና ጎዳይ ሙሳ ሀዋዳን ያጌዳ፤
NUM 1:49 “ሌዊያ ዛራቱዋ ፓይዶፓ፤ ኡንቱንታ አቴዳ እስራኤላቱዋ ፓይዱዋን የጎፓ።
NUM 1:50 ሌዋቱዋ ጾሳ ዱንካንያ ቦላንነ አ ግዶን ደእያ ሚሻቱዋ ኡባ ቦላን ካፑዋ ኦꬃደ ሱንꬃ። ኡንቱንቱ ሄ ዱንካንያነ አ ግዶን ደእያ ሚሻቱዋ ቶክኖ፤ ኡንቱንቱ አ ግዶን ኦꬅኖነ አ ዩሹዋን ዱንካንኖ።
NUM 1:51 ጾሳ ዱንካኒ ሾደትያ ዎደ ሌዋቱ ሾድኖ፤ ጾሳ ዱንካኒ ኤቂያ ዎደካ ሌዋቱ ኤስኖ። ኡንቱንቱፐ ሀራይ ኦንነ አኮ ሺቆፐ፥ ሀይቆ።
NUM 1:52 እስራኤልያ አሳቱ ኡባይ ባረንቱ አርማን አርማንነ ባረንቱ ጭታን ጭታን ሻከቲደ፥ ባረንቱ ዱንካንያ ዱንካንኖ።
NUM 1:53 ሽን ጾሳ ሀንቁ እስራኤልያ ማባራ ቦላ ዎና ማላ፥ ሌዋቱ ጾሳ ማርካተꬃ ዱንካንያ ዩሹዋን ባረንቱ ዱንካንያ ዱንካንኖ፤ ሌዋቱ ጾሳ ዱንካንያን አዎትኖ” ያጌዳ።
NUM 1:54 እስራኤላቱ ሀዋ ኡባ መꬍና ጎዳይ ሙሳ አዛዜዳዋዳን ኦꬄድኖ።
NUM 2:1 መꬍና ጎዳይ ሙሳነ አሮና ሀዋዳን ያጌዳ፤
NUM 2:2 “እስራኤልያ አሳይ ባረንቱ ባጋ ባጋ ኤርስያ አርማነ ባረንቱ ያራ ያራ ኤርስያ ባንድራ ካሊደ፥ ጾሳ ዱንካንያፐ ጉꬃ ሃኪደ፥ አ ዩሹዋን ዱንካንኖ።
NUM 2:3 “አዋይ ዶልያ ባጋና ይሁዳ ባጋይ ባረንቱ አርማ ካሊደ ዱንካንኖ። ኡንቱንቱ ዛራቱዋ ሱንꬃይ፥ ዛራቱዋ ካፓቱዋ ሱንꬃይነ ኦላንቻቱዋ ፓይዱ ሀዋፐ ካሌ: ይሁዳ አምናዳባ ናኣ ናአሶና 74,600፤
NUM 2:5 ይሳኮራ ጹኣራ ናኣ ናታንኤላ 54,400፤
NUM 2:7 ዛብሎና ሄሎና ናኣ ኤልኣባ 57,400፤
NUM 2:9 ይሁዳ ባጋፐ ፓይደቴዳ ኦላንቻቱ ኡባና 186,400. ሀራ ሳኣ ብያ ዎደ ኡንቱንቱ ኮይሮ ከስያዋንታ።
NUM 2:10 “ቃይ ዱገሃ ባጋና ሮቤላ ባጋይ ባረንቱ አርማ ካሊደ ዱንካንኖ። ኡንቱንቱ ዛራቱ ሱንꬃይ፥ ዛራቱዋ ካፓቱዋ ሱንꬃይነ ኦላንቻቱዋ ፓይዱ ሀዋፐ ካሌ: ሮቤላ ሻደኡራ ናኣ ኤሊጹራ 46,500፤
NUM 2:12 ስሞና ጹሪሻዳያ ናኣ ሻሉምኤላ 59,300፤
NUM 2:14 ጋዳ ረኡኤላ ናኣ ኤልያሳፋ 45,650።
NUM 2:16 ሮቤላ ባጋፐ ፓይደቴዳ ኦላንቻቱ ኡባና 151,450 ሀራ ሳኣ ብያ ዎደ ኡንቱንቱ ላኤንꬆ ከስያዋንታ።
NUM 2:17 “ሄዋፐ ጉይያን፥ ጾሳ ዱንካኒነ ሌዊያ ዛራቱ ኮይሮ ከሲደ ላኡ ባጋፐነ ጉየፐ ከስያ ላኡ ባጋፐ ግዱዋን ከስኖ፤ ያቲደ ባረንቱ ዱንካኔዳ ማራን ማራንነ ባረንቱ ባንድራ ባንድራ ካሊደ ከስኖ።
NUM 2:18 “ቃይ አዋይ ዉልያ ባጋና ኤፍሬማ ባጋይ ባረንቱ አርማ ካሊደ ዱንካንኖ። ኡንቱንቱ ዛራቱዋ ሱንꬃይ፥ ዛራቱዋ ካፓቱዋ ሱንꬃይነ ኦላንቻቱዋ ፓይዱ ሀዋፐ ካሌ: ኤፍሬማ አምሁዳ ናኣ ኤልሻማአ 40,500፤
NUM 2:20 ምናሳ ፓዳጹራ ናኣ ጋማልኤላ 32,200፤
NUM 2:22 ቢንያማ ጊድኦና ናኣ አብዳና 35,400፤
NUM 2:24 ኤፍሬማ ባጋፐ ፓይደቴዳ ኦላንቻቱ ኡባና 108,100። ሀራ ሳኣ ብያ ዎደ፥ ኡንቱንቱ ሄዘንꬆ ከስያዋንታ።
NUM 2:25 “ቃይካ ሁጲሳ ባጋና ዳና ባጋይ ባረንቱ አርማ ካሊደ ዱንካንኖ። ኡንቱንቱ ዛራቱዋ ሱንꬃይ፥ ዛራቱዋ ካፓቱዋ ሱንꬃይነ ኦላንቻቱዋ ፓይዱ ሀዋፐ ካሌ: ዳና አምሻዳያ ናኣ አህኤዘራ 62,700፤
NUM 2:27 አሴራ ኦክራና ናኣ ፓግኤላ 41,500፤
NUM 2:29 ንፍታሌማ ኤናና ናኣ አህራአ 53,400፤
NUM 2:31 ዳና ባጋፐ ፓይደቴዳ ኦላንቻቱ ኡባና 157,600፤ ሀራ ሳኣ ብያ ዎደ ኡንቱንቱ ዉርሰꬃን ባረ ባንድራን ከስያዋንታ” ያጌዳ።
NUM 2:32 ባረ ያራን ያራን ሻከቲደ ፓይደቴዳ እስራኤልያ ኦላንቻቱ ኡባና 603,550.
NUM 2:33 ሽን መꬍና ጎዳይ ሙሳ አዛዜዳዋዳን፥ ሌዋቱ ሀራ እስራኤላቱዋና ፓይደትበይክኖ።
NUM 2:34 እስራኤላቱ መꬍና ጎዳይ ሙሳ አዛዜዳዋ ኡባባ ኦꬄድኖ። ስም ኡንቱንቱ ባረንቱ ባንድራ ካሊደ፥ ሄዋዳን ዱንካኔድኖ፤ ቃይ ባረንቱ ያራ ያራነ ባረንቱ ሶ አሳ አሳ ካሊደ፥ ሄዋዳን ከሴድኖ።
NUM 3:1 መꬍና ጎዳይ ሲና ደርያ ቦላን ሙሴና ሃሳዬዳ ዎደ ደእያ አሮናነ ሙሴ ጎልያ አሳይ ሀዋፐ ካሊደ ጻፈቴዳዋ።
NUM 3:2 አሮና አቱማ ናናቱዋ ሱንꬃይ ባይራይ ናዳባ፥ አቢሀ፥ ኤልኣዛራነ እታማራ።
NUM 3:3 ሄ አሮና አቱማ ናናይ ኡባይ ቄሰ ግዲደ ኦꬃናዉ ኦከቲደ ሱንቴድኖ።
NUM 3:4 ሽን ኡንቱንቱ ግዶፐ ናዳብነ አብሁ ሲና መላ ቢታን ጾሳይ አዛዝቤና ታማ ያርሺደ፥ መꬍና ጎዳ ስንꬃን ሀይቄድኖ፤ ኡንቱንቶ ናእ ባዋ። ሄዋ ድራዉ፥ ኡንቱንቱ አዉ አሮን ፓጻ ደኤዳ ላይꬃ ኡባን ኤልኣዛራነ እታማራ ጻላላይ ቄሰ ግዲደ ኦꬄድኖ።
NUM 3:5 መꬍና ጎዳይ ሙሳ ሀዋዳን ያጌዳ፤
NUM 3:6 “ሌዋቱዋ ሃ አካ ያደ ቄስያ አሮና ማዳና ማላ፥ ኡንቱንታ አ ስንꬃ ሺሻ።
NUM 3:7 ኡንቱንቱ አሮናዉነ እስራኤልያ ማባራዉ ኡባዉ ጾሳ ዱንካንያ ስንꬃን ዱማ ዱማ ኦሱዋ ኦꬅኖ።
NUM 3:8 ኡንቱንቱ ጾሳ ዱንካንያን ደእያ ሚሻ ኡባ አዎተꬃ አክኖ፤ እስራኤልያ አሳ ድራዉ ጾሳ ዱንካንያን ኦሶ ኡባ ኡንቱንቱ ኦꬅኖ።
NUM 3:9 ኔን ሌዋቱዋ አሮናነ አ አቱማ ናናቱዋ ማዳናዳን ሱንꬃ፤ ኡንቱንቱ እስራኤልያ ግዶፐ ኡባና አሮናዉ እመቴድኖ።
NUM 3:10 አሮናነ አ አቱማ ናናቱዋ ቄሰ ኦꬃደ ሱንꬃ። ኡንቱንቱፐ ሀራ አሳይ ኦንነ ጾሳ ዱንካንያኮ ሺቆፐ፥ ሀይቆ” ያጌዳ።
NUM 3:11 ቃይ መꬍና ጎዳይ ሙሳ ሀዋዳን ያጌዳ፤
NUM 3:12 “ታን እስራኤላቱዋ ማጫ አሳይ ባይራ የልያ አቱማ ናናቱዋ ኡባ ድራዉ እስራኤላቱዋ ግዶፐ ሌዋቱዋ አካድ። ሌዋቱ ታዋ፤
NUM 3:13 አያዉ ጎፐ፥ ባይራ የለቴዳ ኡባይ ታዋ። ታን ግብጼ ጋድያን ባይራ የለቴዳዋ ኡባ ዎꬌዳ ጋላሳን፥ እስራኤላቱዋን ባይራ የለቴዳዋ ኡባ፥ አሳ ግድና፥ መህያ ግድና፥ ታዉ ዱማያድ፤ ኡንቱንቱ ታዋ ግዳና። ታን መꬍና ጎዳ” ያጌዳ።
NUM 3:14 ቃይካ መꬍና ጎዳይ ሙሳ ሲና መላ ቢታን፥
NUM 3:15 “ኔን ሌዋቱዋ ኡንቱንቱ ሶ አሳን አሳንነ ኡንቱንቱ ያራን ያራን ፓይዳ፤ የለቶደፐ እት አግናነ ሄዋፐ ቦላና ደእያ አቱማዋንታ ኡባ ፓይዳ” ያጌዳ።
NUM 3:16 መꬍና ጎዳይ አዛዜዳዋዳን፥ ሙሴ ኡንቱንታ ፓይዴዳ።
NUM 3:17 ሌዊያ አቱማ ናናይ ገርሾና፥ ቃሃታነ ማራራ።
NUM 3:18 ገርሾና አቱማ ናናይ ሊብናነ ሽምአ።
NUM 3:19 ቃሃታ አቱማ ናናይ አምራማ፥ ይጽሃራ፥ ከብሮናነ ኡዝኤላ።
NUM 3:20 ማራራ አቱማ ናናይ ቃይ ማህላነ ሙሻ። ሌዋቱዋ ማይዛ አዎቱ ሀዋንታ።
NUM 3:21 ሊብና ያራቱነ ሽምአ ያራቱ ገርሾና ዛራቱዋ።
NUM 3:22 ኡንቱንቱፐ ፓይድና፥ የለቶደፐ እት አግናነ ሄዋፐ ቦላና ደእያ አቱማዋንቱ ኡባና 7,500.
NUM 3:23 ገርሾና ያራቱ ጾሳ ዱንካንያፐ ጉየ አዋይ ዉልያ ባጋና ዱንካኒኖ።
NUM 3:24 ገርሾና ያራቱዋ ሶ አሳ ካፑ ላኤላ ናኣ ኤልያሳፋ።
NUM 3:25 ገርሾና ያራቱ ጾሳ ዱንካንያ፥ ዱንካንያ ካምያዋንታ ገልያሳ ጋርዱዋ፥
NUM 3:26 ዳባባ ጋርዳቱዋ፥ ጾሳ ዱንካንያነ ያርሽያ ሳኣ ዩሹዋን ደእያ ዳባባ ገልያሳን ጋርዱዋ፥ ዎዶሮቱዋነ ኡንቱንቱ ጎኣና ጋከትያባቱዋ ኡባባ አዎተꬃ አኪኖ።
NUM 3:27 አምራማ ያራቱ፥ ይጽሃራ ያራቱ፥ ከብሮና ያራቱነ ኡዝኤላ ያራቱ ቃሃታ ዛራቱዋ።
NUM 3:28 የለቶደፐ እት አግናነ ሄዋፐ ቦላና ደእያ አቱማዋንቱ ኡባና 8,600. ቃሃታ ያራቱ ጾሳ ዱንካንያ አዎተꬃ አኪኖ።
NUM 3:29 ቃሃታ ያራቱ ጾሳ ዱንካንያፐ ገድሳ ባጋና ዱንካኒኖ።
NUM 3:30 ቃሃታ ያራቱዋ ሶ አሳ ካፑ ኡዝኤላ ናኣ ኤልጻፋና።
NUM 3:31 ኡንቱንቱ ታቦታ፥ ጻራጴዛ፥ ጾምፕያ ዎꬅያ ባላ፥ ያርሽያ ሳኣ፥ ኦꬅያ ዎደ ጎኤትያ ጾሳ ዱንካንያ ሚሻቱዋ፥ ጋርዱዋነ ኡንቱንቱ ጎኣና ጋከትያባቱዋ ኡባባ አዎተꬃ አኪኖ።
NUM 3:32 ሌዋቱዋ ካፓቱዋ ካፑ ቄስያ አሮና ናኣ ኤልኣዛራ፤ ጌሻ ሳኣ አዎትያዋንቱ ቦላ እ ሱንቴዳ።
NUM 3:33 ማህላ ያራቱነ ሙሻ ያራቱ ማራራ ዛራቱዋ።
NUM 3:34 ኡንቱንቱፐ ፓይድና፥ የለቶደፐ እት አግናነ ሄዋፐ ቦላና ደእያ አቱማዋንቱ ኡባና 6,200.
NUM 3:35 ማራራ ያራቱዋ ሶ አሳ ካፑ አብሀይላ ናኣ ጹሪኤላ። ማራራ ያራቱ ጾሳ ዱንካንያፐ ሁጲሳ ባጋና ዱንካኒኖ።
NUM 3:36 ማራራ ያራቱ ዱንካንያ ጻጋገቱዋ፥ ኩልቦቱዋ፥ ቱሳቱዋ፥ ገደቱዋ፥ ሄ ኦሶ ኮሽያ ሚሻቱዋ ኡባነ ኡንቱንቱ ጎኣና ጋከትያባቱዋ ኡባ አዎተꬃ አኪኖ።
NUM 3:37 ሄዋ ቦላካ ጉጂደ፥ ዩሹዋን ደእያ ዳባባ ቱሳቱዋነ ኡንቱንቱ ገደቱዋ፥ ሽካልያነ ዎዶሮቱዋ አዎተꬃ አኪኖ።
NUM 3:38 ቃይ ጾሳ ዱንካንያፐ ስንꬃ አዋይ ዶልያ ባጋና ሙሴ፥ አሮንነ አ አቱማ ናናይ ዱንካኒኖ። ኡንቱንቱ እስራኤላቱዋ ድራዉ ጾሳ ዱንካነ ግዶን ኦꬅያ ኦሱዋ አዎተꬃ አኪኖ። ሀራ አሳይ ጾሳ ዱንካንያኮ ሺቆፐ፥ ሀይቆ።
NUM 3:39 መꬍና ጎዳይ አዛዝና፥ ሙሴነ አሮን ፓይዴዳ አቱማ ሌዋቱ፥ የለቶደፐ እት አግናነ ሄዋፐ ቦላና ደእያ አቱማዋንቱ ኡባና 22,000.
NUM 3:40 መꬍና ጎዳይ ሙሳ፥ “እስራኤላቱዋ ባይራ አቱማ ናናቱዋ፥ የለቶደፐ እት አግናነ ሄዋፐ ቦላና ደእያዋንታ ኡባ ፓይዳደ ኡንቱንቱ ሱንꬃ ጻፋ።
NUM 3:41 እስራኤላቱዋን ባይራ የለቴዳ ኡባ ኮታዉ ሌዋቱዋ ታዉ አካ፤ ቃይ እስራኤላቱዋ መህያን ባይራ የለቴዳ ኡባ ኮታዉ ሌዋቱዋ መህያ ታዉ አካ። ታን መꬍና ጎዳ” ያጌዳ።
NUM 3:42 ሙሴ መꬍና ጎዳይ አ አዛዜዳዋዳን፥ እስራኤላቱዋን ባይራ የለቴዳ ኡባ ፓይዴዳ።
NUM 3:43 የለቶደፐ እት አግናነ ሄዋፐ ቦላና ደእያ ባይራ የለቴዳ አቱማዋንቱ፥ ሱንꬃይካ ጻፈቴዳዋንቱ ኡባና 22,273.
NUM 3:44 መꬍና ጎዳይ ሙሳ ቃይካ ሀዋዳን ያጌዳ፤
NUM 3:45 “ሌዋቱዋ እስራኤልያ አቱማዋንቱ ኡባ ኮታዉ አካ፤ ሌዋቱዋ መሄቱዋ እስራኤላቱዋ መህያ ኮታዉ አካ፤ ሌዋቱ ታዋ ግዳናዋንታ። ታን መꬍና ጎዳ።
NUM 3:46 ሌዋቱዋ ፓይዱዋፐ ዳርያ 273 ባይራ ግዲደ የለቴዳ እስራኤልያ አቱማ ናናቱዋ ዎዛናዉ፥
NUM 3:47 እቶ እቶ እቼሹ ጻጋራ ብራ ጾሳ ዱንካንያን ኤረቲያ ሚዛንያ ልክያን አካ፤ እት ጻጋራ ብራይ ላታሙ ጌራ ኬሻ።
NUM 3:48 ፓላሄዳ እስራኤላቱዋ ዎዝያ ሄ ሚሻ አሮናዉነ አ አቱማ ናናዉ እማ” ያጌዳ።
NUM 3:49 ሙሴ፥ ሌዋቱዋን ዎዘቴዳዋንቱፐ ፓላሄዳዋንታ ዎዝያ ሚሻ ሺሼዳ።
NUM 3:50 ባይራ የለቴዳ እስራኤላቱዋፐ 1,365 ጻጋራ ብራ ጾሳ ዱንካንያን ኤረቲያ ሚዛንያ ልክያን እ ሺሼዳ፤
NUM 3:51 መꬍና ጎዳይ አዛዜዳ አዛዙዋዳን፥ ሙሴ ዎዝያ ሚሻ አሮናዉነ አ አቱማ ናናዉ እሜዳ።
NUM 4:1 መꬍና ጎዳይ ሙሳነ አሮና ሀዋዳን ያጌዳ፤
NUM 4:2 “ሌዊያ ዛራቱዋን ቃሃታ ያራቱዋ ኡንቱንቱ ዳቡዋን ዳቡዋንነ ኡንቱንቱ ሶ አሳን አሳን ሻካደ ፓይዳ፤
NUM 4:3 የለቶደፐ ላይꬃይ ሀታሙዋፐ ቢደ እሻታሙዋ ጋኬዳ አቱማ አሳ ኡባ፥ ጾሳ ዱንካንያ ግዶን ኦꬃናዉ ይያዋንታ ፓይዳ።
NUM 4:4 ቃሃታ ያራቱ ጾሳ ዱንካንያ ግዶን ኦꬃና ኦሱ ሀዋ: ኡንቱንቱ ኡባፐ አꬌዳ ጌሻ ሚሻቱዋን አዎቲኖ።
NUM 4:5 “አሳይ ዱንካኔዳ ሳፐ ባናዉ ሀንያ ዎደ፥ አሮንነ አ አቱማ ናናይ ጾሳ ዱንካንያ ግዶ ገሊደ፥ ታቦታ ስንꬃ ጋርዱዋ ካቁዋፐ ዎꬅኖ፤ ሄ ጫቁዋ ታቦታ አን ካምኖ።
NUM 4:6 ሄ ካሜዳዋ ቦላካ ዎꬍያ እርባንያ ካምኖ፤ ሄዋ ቦላካ ቃይ ጉጂደ፥ ሳሉዋ ማላትያ ጫርቂያ ካምኖ፤ ቶክያ ካሶቱዋ ኡንቱንቱ ሳጋየቱዋን አꬅኖ።
NUM 4:7 “ጾሳ ስንꬃ ሺሽያ ኡክꬃ ዎꬅያ ጻራጴዛ ቦላን ሳሉዋ ማላትያ ጫርቂያ ሂጽኖ፤ አ ቦላ ሳነቱዋ፥ ጭልፓቱዋ፥ ጹአቱዋነ ኡሻ ያርሾ ጎኤትያ ኦቶቱዋ ዎꬅኖ፤ ቃይ ኡክꬃይ ኡባ ዎደካ አ ቦላፐ ꬋዮፖ።
NUM 4:8 ሄዋ ቦላን ዞኦ ጫርቂያ ሂጺደ፥ እርባንያ ቃይ አ ቦላ ካምኖ፤ ቶክያ ካሶቱዋ ሳጋየቱዋን አꬅኖ።
NUM 4:9 “ኡንቱንቱ ሳሉዋ ማላትያ ጫርቂያ አኪደ፥ ጾምፕያ ዎꬅያ ባላቱዋ ጾምፐቱዋና፥ ቶይስያ ቃጰቱዋና፥ ኡንቱንታ ዎꬅያባቱዋናነ ዛይትያ ትግያ ጻሮቱዋናካ ኡባ ካምኖ።
NUM 4:10 ያቲደ አካ ሚሻቱዋ ኡባካ እርባንያን ካሚደ፥ ቶክያ ሻንቻማ ቦላን ዎꬅኖ።
NUM 4:11 “እጻና ጩውስያ ዎርቃ ሳጽንያ ቦላን ሳሉዋ ማላትያ ጫርቂያ ሂጼዳዋ ቃይ እርባንያን ካምኖ፤ ቶክያ ካሶቱዋ ኡንቱንቱ ሳጋየቱዋን አꬅኖ።
NUM 4:12 ሄዋዳንካ፥ ቃይ ጾሳ ዱንካንያ ግዶን ጎኤትያ ሚሻቱዋ ኡባ አኪደ፥ ሳሉዋ ማላትያ ጫርቂያን ጻጽኖ፤ እርባንያን ካሚደ፥ ቶክያ ሻንቻማ ቦላን ዎꬅኖ።
NUM 4:13 “ያቲደ ናሃስያፐ ኦꬄዳ ያርሽያ ሳኣ ቦላ ደእያ ብድንꬃ ድጊደ አ ቦላ ኦቻ ቴራ ማላትያ ጫርቂያ ሂጽኖ።
NUM 4:14 አ ቦላ ያርሽያሳን ጎኤትያ ሚሻቱዋ ኡባ፥ ታማ ጮጨቱዋ፥ አሹዋ ቃጲያ ቃጰቱዋ፥ አካፋቱዋነ ካሽያ ኩይጻሮቱዋ ዎꬅኖ። እርባንያን ካምኖ፤ ቶክያ ካሶቱዋ ኡንቱንቱ ሳጋየቱዋን አꬅኖ።
NUM 4:15 “አሮንነ አ አቱማ ናናይ፥ ጌሻባቱዋነ ጌሻ ሚሻቱዋ ኡባ ካሚደ ማኮፐነ ዱንካኔዳ ሳኣፐ ደንድያ ዎዲ ጋኮፐ፥ ሄዋ ኡባ ቶካናዉ ቃሃታ ያራቱ ዪኖ። ሽን ጌሻ ሚሻቱዋ ኡንቱንቱ ቦቾፐ ሀይቂኖ። ጾሳ ዱንካንያ ግዶን ደእያ ሄ ሚሻ ቃሃታ ያራቱ ቶክኖ።
NUM 4:16 “ቄስያ አሮና ናአይ ኤልኣዛር ጾምፕያ ዛይትያዉ፥ ሳዊያ እጻናዉ፥ ሀች ሀች ያርሽያ ካꬃ ያርሹዋነ ኦክያ ዛይትያዉ፥ ቃይ ጾሳ ዱንካንያ ሙልያነ አ ግዶን ደእያ ዱማ ጌሻ ሚሻቱዋ ኡባ ቦላ አዋቶ” ያጌዳ።
NUM 4:17 ቃይ መꬍና ጎዳይ ሙሳነ አሮና ሀዋዳን ያጌዳ፤
NUM 4:18 “ቃሃታ ያራቱ ሌዊያ ዛራቱዋፐ ሀይቂደ ꬋየና ማላ ጼልተ።
NUM 4:19 ኡባፐ አꬌዳ ጌሻ ሚሻ ማታ ሺቅያ ዎደ፥ ኡንቱንቱ ሀይቀናን ፓጻ አቲደ ደአና ማላ፥ ኡንቱንቶ ሀዋዳን ኦꬅተ: አሮንነ አ አቱማ ናናይ ጾሳ ዱንካንያ ግዶ ገሊደ ቃሃታ ያራቱ ኡባይ ሁጲያን ሁጲያን ኦꬃና ኦሱዋነ ቶካና ቶኩዋ ሻክ ሻኪደ ግሽኖ።
NUM 4:20 ቃሃታ ያራቱ ሀይቀናዳን፥ ኡባፐ አꬍያ ጌሻቱዋ ቄሳቱ ጻጽሽን በአናዉ ግዱዋ ገሎፕኖ” ያጌዳ።
NUM 4:21 መꬍና ጎዳይ ሙሳ ሀዋዳን ያጌዳ፤
NUM 4:22 “ገርሾና ያራቱዋካ ኡንቱንቱ ዳቡዋን ዳቡዋንነ ኡንቱንቱ ሶ አሳን አሳን ሻካደ ፓይዳ፤
NUM 4:23 የለቶደፐ ላይꬃይ ሀታሙዋፐ ቢደ እሻታሙዋ ጋኬዳ አቱማ አሳ ኡባ፥ ጾሳ ዱንካንያ ግዶን ኦꬃናዉ ይያዋንታ ፓይዳ።
NUM 4:24 “ገርሾና ያራቱ ኦꬅያ ኦሱነ ቶክያ ቶኩ ሀዋ:
NUM 4:25 ኡንቱንቱ ጾሳ ዱንካንያ ጋርዳቱዋ፥ ጾሳ ዱንካንያ፥ አ ካምያባቱዋነ ቦላና ካምያ እርባንያ፥ ጾሳ ዱንካንያ ገልያሳን ሶትያ ጋርዱዋ ቶክኖ፤
NUM 4:26 ቃይ ጾሳ ዱንካንያነ ያርሽያ ሳኣ ዩይ አꬌዳ ዳባባ ጋርዳቱዋ፥ ዳባባ ገልያሳ ጋርዱዋ፥ ዎዶሮቱዋነ ኡንቱንቶ ጎእያ ሚሻቱዋ ኡባ ቶክኖ። ገርሾና ያራቱ ሀ ሚሻቱዋን ኦꬃናዉ በስያ ኦሱዋ ኡባ ኦꬅኖ።
NUM 4:27 ቶክያዋ ግድና፥ ሀራ ኦሱዋ ግድናካ ኡንቱንቱ ኦꬅያ ኦሱዋ ኡባይ አሮንነ አ አቱማ ናናይ ኡንቱንታ አዛዝና ኦሰትኖ። ኔን ኡንቱንቱ ቶካናዉ በስያባቱዋ ኡባ ኡንቱንቱ አዎተꬃ አዎተꬃዳን ኡንቱንቶ ግሻ።
NUM 4:28 ጾሳ ዱንካንያ ግዶን ገርሾና ያራቱ ኦꬃና ኦሱ ኡባይ ሀዋ። ኡንቱንቱ ኦꬃና ኦሱዋ ኡባይ ቄስያ አሮና ናኣ እታማራ አዎተꬃ ጋርሳና ግዳናዋ።
NUM 4:29 “ማራራ ያራቱዋ ኡንቱንቱ ዳቡዋን ዳቡዋንነ ኡንቱንቱ ሶ አሳን አሳን ሻካደ ፓይዳ፤
NUM 4:30 የለቶደፐ ላይꬃይ ሀታሙዋፐ ቢደ እሻታሙዋ ጋኬዳ አቱማ አሳ ኡባ፥ ጾሳ ዱንካንያ ግዶን ኦꬃናዉ ይያዋንታ ፓይዳ።
NUM 4:31 “ኡንቱንቱ ጾሳ ዱንካንያ ግዶን ኦꬃና ኦሶቱ ሀዋንታ: ኡንቱንታ ዱንካንያ ጻጋገቱዋ፥ ኩልቦቱዋ፥ ቱሳቱዋነ ገደቱዋ፥
NUM 4:32 ቃይካ ዳባባ ዩሹዋን ኤቂያ ቱሳቱዋ፥ ሄ ቱሳቱ ገደቱዋ፥ ቶልያ ጻጋገቱዋ፥ ዎዶሮቱዋ፥ ሄዋንቶ ኮሽያ ሚሻቱዋ ኡባነ ሄ ሚሻቱዋና ጋከትያባቱዋ ኡባ ቶክኖ። እት እት ኡራዉ እ ቶካናዋ ሻካደ ግሻ።
NUM 4:33 ጾሳ ዱንካንያ ግዶን ማራራ ያራቱ ኦꬃና ኦሱ ኡባና ሀዋ። ኡንቱንቱ ኦꬃና ኦሶ ኡባይ ቄስያ አሮና ናኣ እታማራ አዎተꬃ ጋርሳና ግዳናዋ” ያጌዳ።
NUM 4:34 ሙሴ አሮንነ ማባራ ካፓቱ ቃሃታ ያራቱዋ አቱማ አሳ ኡንቱንቱ ዳቡዋን ዳቡዋንነ ኡንቱንቱ ሶ አሳን አሳን ሻኪደ ፓይዴድኖ።
NUM 4:35 የለቶደፐ ላይꬃይ ሀታሙዋፐ ቢደ እሻታሙዋ ጋኬዳ አቱማ አሳቱ ኡባቱ፥ ጾሳ ዱንካንያ ግዶን ኦꬃናዉ ይያዋንቱ፥
NUM 4:36 ኡንቱንቱ ሶ አሳን አሳን ፓይድና ኡባና 2,750.
NUM 4:37 ቃሃታ ያራቱዋን ጾሳ ዱንካንያ ግዶን ኦꬄዳ አሳ ፓይዱ ሀዋ። መꬍና ጎዳይ ሙሴ ባጋና አዛዜዳዋዳን፥ ሙሴነ አሮን ኡንቱንታ ፓይዴድኖ።
NUM 4:38 ገርሾና ያራቱካ ባረንቱ ዳቡዋን ዳቡዋንነ ባረንቱ ሶ አሳን አሳን ሻከቲደ ፓይደቴድኖ።
NUM 4:39 የለቶደፐ ላይꬃይ ሀታሙዋፐ ቢደ እሻታሙዋ ጋኬዳ አቱማ አሳቱ ኡባቱ፥ ጾሳ ዱንካንያ ግዶን ኦꬃናዉ ይያዋንቱ፥
NUM 4:40 ኡንቱንቱ ሶ አሳን አሳን ፓይድና ኡባይ 2,630.
NUM 4:41 ገርሾና ያራቱዋን ጾሳ ዱንካንያ ግዶን ኦꬄዳ አሳ ፓይድና ሀዋ። መꬍና ጎዳይ ሙሴ ባጋና አዛዜዳዋዳን፥ ሙሴነ አሮን ኡንቱንታ ፓይዴድኖ።
NUM 4:42 ማራራ ያራቱካ ቃይ ዳቡዋን ዳቡዋንነ ባረንቱ ሶ አሳን አሳን ሻከቲደ ፓይደቴድኖ።
NUM 4:43 የለቶደፐ ላይꬃይ ሀታሙዋፐ ቢደ እሻታሙዋ ጋኬዳ አቱማ አሳቱ ኡባቱ፥ ጾሳ ዱንካንያ ግዶን ኦꬃናዉ ይያዋንቱ፥
NUM 4:44 ኡንቱንቱ ሶ አሳን አሳን ፓይድና ኡባይ 3,200.
NUM 4:45 ማራራ ያራቱዋ ፓይዱ ሀዋ። መꬍና ጎዳይ ሙሴ ባጋና አዛዜዳዋዳን፥ ሙሴነ አሮን ኡንቱንታ ፓይዴድኖ።
NUM 4:46 ሄዋ ኦꬂደ ሙሴ፥ አሮንነ እስራኤልያ ካፓቱ ሌዋቱዋ ኡባ፥ ኡንቱንቱ ያራን ያራንነ ኡንቱንቱ ሶ አሳን አሳን ሻኪደ ፓይዴድኖ።
NUM 4:47 የለቶደፐ ላይꬃይ ሀታሙዋፐ ቢደ እሻታሙዋ ጋኬዳ አቱማ አሳቱ ኡባቱ፥ ጾሳ ዱንካንያ ግዶን ኦሱዋ ኦꬃናዉነ አዉ ጎእያ ሚሻቱዋ ኡባ ቶካናዉ ዬዳዋንቱ
NUM 4:48 ኡባይ 8,580.
NUM 4:49 መꬍና ጎዳይ ሙሴ ባጋና አዛዜዳዋዳን፥ ኡንቱንቱ ሁጲያን ሁጲያን ኦꬃና ኦሱ ዎይ ቶካና ቶኩካ ኡንቱንቶ ኦደቴዳ። መꬍና ጎዳይ ሙሳ አዛዜዳዋዳን፥ ኡንቱንቱ ኡባይካ ፓይደቴድኖ።
NUM 5:1 መꬍና ጎዳይ ሙሳ ሀዋዳን ያጌዳ፦
NUM 5:2 “ኔን እስራኤላቱዋ፥ ‘ህንተ ግዶን ዎልቃማ ጋልባ ሀርጊ ኦይቄዳ ኡራ፥ ዎይ ቦላፐ አያይኔካ ጎግያ ኡራ፥ ዎይ አሃ ኦይቂደ ቱኔዳ ኡራ ኦናካ ህንተ ዱንካኔዳ ሳኣፐ ከስ ድግተ’ ያጋደ አዛዛ።
NUM 5:3 ሄዌ ማጫዋ አቱማዋ ግድናካ ከስኖ። ታን ኡንቱንቱ ግዱዋን ደእያ ኡንቱንቱ ዱንካኔዳሳ ሄዋንቱ ቱንሰና ማላ፥ ኡንቱንቱ ዱንካኔዳ ሳኣፐ ከሳ የዳ” ያጌዳ።
NUM 5:4 መꬍና ጎዳይ ሙሳ አዛዜዳዋዳን፥ እስራኤላቱ ኡንቱንቱ ኡባ ዱንካኔዳ ሳኣፐ ከሲደ የዴድኖ።
NUM 5:5 ሄዋፐ ጉይያን፥ መꬍና ጎዳይ ሙሳ ሀዋዳን ያጌዳ፤
NUM 5:6 “ኔን እስራኤላቱዋ ሀዋዳን ያጋ፤ ‘እት አቱማ አሳይ ዎይ እት ማጫ አሳይ አይ ኦግያንነ ሀራ አሳ ናቆፐነ ሄዋን መꬍና ጎዳዉ አማነተናን እጾፐ፥ ሄ ኡራይ ባይዛንቻ።
NUM 5:7 ሄዋ ድራዉ፥ እ ባረ ኦꬄዳ ናጋራ ፓጾ፤ ባረ ባይዜዳዋ ኩመንꬃ ዛሪደ ጭጎ፤ ሄዋ ቦላካ እቼሸንꬆ ኩሽያ ጉጂደ፥ ባረ ናቄዳ ኡራዉ አጮ።
NUM 5:8 ሽን ሄ ናቀቴዳ ኡራይ ሀይቄዳዋ ግዶፐነ፥ አጫ አካናዉ አዉ ማታ ዳቡ ꬋዮፐ፥ ሄ አጫይ መꬍና ጎዳሳ። ሄ አጭያ አጫይ ናቄዳ ኡራይ ማረታናዉ ያርሾ እምያ ዶርሳ ኦርግያና እትፐ ቄስያዉ እመቶ።
NUM 5:9 ቃይ እስራኤላቱ ቄስያዉ እምያ ጌሻ እሙዋ ኡባይ ሄ ቄስያሳ።
NUM 5:10 እት እት አሳይ እምያ እሞታይ ሄ እሜዳ ኡራባ፤ ሽን ቄስያዉ እ እምያ እሞታይ ሄ ቄስያሳ’ ያጋ” ያጌዳ።
NUM 5:11 ሄዋፐ ጉይያን መꬍና ጎዳይ ሙሳ፥
NUM 5:12 “ኔን እስራኤላቶ ሀዋዳን ያጋደ ኦዳ፤ ‘እት ኡራ ማቻታ ካረ ሀመታደ፥ አዉ አማነተናን እጻደ፥
NUM 5:13 ሀራ አቱማ አሳና ግሶፐ፥ ቃይ ሄዋ እዛ ባረ አስናፐ ቆሶፐ፥ ማርካይ ባይናዋ ግዶፐነ፥ እዛ ሻርሙጻደ ኦይቀተናን አቶፐ፥
NUM 5:14 እዛ ቱኔዳ ድራዉ፥ እ ጎልያዉ እዞ ስꬍያዋ ግዳናዉ ዳንዳዬ፤ ዎይ እዛ ቱነናን ደእሽን፥ እ ባረ ማቻቶ ስꬍያዋ ግዳናዉ ዳንዳዬ።
NUM 5:15 ያቶፐ፥ ሄ ብታኒ ባረ ማቻቶ ቄስያኮ አፎ፤ ቃይ እዝ ድራዉ ያርሻናዉ እት ኪሎ ግራመ ባንጋ ꬊልያ አፎ። ሽን ꬊልያ ቦላ ዛይትያ ትጎፖ፥ ዎይ እጻና አ ቦላ ዎꬆፖ፤ አያዉ ጎፐ፥ ሄ ꬊሊ እ ባረ ማቻቶ ስꬌዳ ድራዉ ያርሽያ ካꬃ ያርሾ፤ ቃይ ሄዌ ባይዙዋ ቆንጭስያ ያርሹዋ።
NUM 5:16 “ ‘ሄዋፐ ጉይያን፥ ቄሲ ሄ ምሽራቶ ሺሺደ፥ መꬍና ጎዳ ስንꬃን ኤሶ።
NUM 5:17 አንጀቴዳ ሃꬃ ኩይጻሩዋን አኮ። ሄዋፐ ጉይያን፥ ጾሳ ዱንካንያ ዉይግያን ደእያ ባና አኪደ፥ ሄ ሃꬃን ጉጆ።
NUM 5:18 ሄ ምሽራቶ መꬍና ጎዳ ስንꬃን ኤሶ፤ ሄዋፐ ጉይያን፥ ሄ ምሽራት ሁጲያ ብሎ፤ ስꬌዳ ድራዉ ያርሽያ እዝ ባይዙዋ ቆንጭስያ ካꬃ ያርሹዋ እዝ ኩሽያን ዎꬆ፤ ቃይ ሄ ቄሲ ባረ ኩሽያን ሸቃ አህያ ጫሞ ሃꬃ ኩይጻሩዋና ኦይቆ።
NUM 5:19 ምሽራቶ ሀዋዳን ያጊደ ጫቀꬆ፤ “ኔን ሀራ አቱማ አሳና ግሳቤናዋ ግዶፐነ፥ ነ አስና አጋደ ካረ ሀመታደ ቱናቤናዋ ግዶፐ፥ ሸቃ አህያ ሀ ጫሞ ሃꬃይ ነዉ ጎመቶፖ።
NUM 5:20 ሽን ኔን ነ አስና አጋደ ካረ ሀመታደ ቱኔዳዋ ግዶፐነ፥ ሀራ አቱማ አሳና ግሴዳዋ ግዶፐ፥
NUM 5:21 መꬍና ጎዳይ ነ የሉዋ ጎልያ ጉንድስያዋንነ ነ ኡሉዋካ ጋፍስያዋን፥ ነ አሳን ኔና ሸቅሶ።
NUM 5:22 ሀ ሸቃ አህያ ሃꬃይ ነ ኡሎ ግዶ ገሊደ ነ ኡሉዋ ጋፍሶ፤ ነ የሉዋ ኬꬃካ ጉንድሶ” ያጊደ ጫቀꬆ። “ ‘ምሽራታካ፥ “አመንእ፤ አመንእ” ያጉ።
NUM 5:23 “ ‘ሄዋፐ ጉይያን፥ ቄሲ ሀ ሸቃቱዋ ጻጸቴዳ ማጻፋን ጻፎ፤ ሸቃቱዋ ጫሞ ሃꬃ ግዶ ሜጮ።
NUM 5:24 ያቲደ ሸቃ አህያ ሄ ጫሞ ሃꬃ ምሽራቶ ኡሾ፤ ሸቃ አህያ ሃꬃይ ምሽራት ኡሉዋን ገሊደ፥ እዞ ጫሞ ሳኩዋ ሳካና።
NUM 5:25 ቄሲ ምሽራት ኩሽያፐ ስꬌዳ ድራዉ ያርሽያ ካꬃ ያርሹዋ አኪደ፥ ሄ ያርሹዋ መꬍና ጎዳ ስንꬃን ቃꬂደ፥ ያርሽያ ሳኣ አሆ።
NUM 5:26 ቄሲ ካꬃ ያርሹዋፐ ኮጵያዋ አኪደ ባይዛንቻ ግደከንቶ ቆንጭስያ ያርሹዋ ኦꬂደ፥ ያርሽያሳን ጹጎ። ሄዋፐ ጉይያን፥ ምሽራቶ ሄ ሃꬃ ኡሾ።
NUM 5:27 ሃꬃ እዞ ኡሼዳዋፐ ጉይያን፥ ሀዋዳን ሀናና: እዛ ባረ አስናዉ አማነታና ꬋያደ ቱኔዳዋ ግዶፐ፥ ሸቃ አህያ ሃꬃይ እ ኡሉዋን ገሊደ፥ እዞ ጫሞ ሳኩዋ ሳካና፤ እዝ ኡሉካ ጋፋና፤ እዝ የሉዋ ጎሊካ ጉንዳና። እዛ ባረ አሳን ሸቀቴዳኖ ግዳና።
NUM 5:28 ሽን እዛ ቱናቤና ጽሎ ማጫ አሳ ግዶፐ፥ አ ሳሮ አታደ ናናቱዋ የላና።
NUM 5:29 “ ‘እት አሳይ ባረ ማቻቶ ስꬍያ ዎደ ኦꬃና ዎጋይ ሀዋ። እዛ ካረ ሀመታደ ቱኖፐ፥ ዎይ እት አሳይ ባረ ማቻቶ ስꬎፐ፥ መꬍና ጎዳ ስንꬃን እዞ ኤሲደ ቄሲ ሀ ዎጋ ኡባ እዝ ቦላ ፖሎ።
NUM 5:31 አስናይ ባይዙዋ ኡባፐ ሳሮ አታና፤ ሽን ማጫውኖ ባረ ናጋራ ጋሱዋን ይያዋ ቶካና’ ያጋ” ያጌዳ።
NUM 6:1 መꬍና ጎዳይ ሙሳ ሀዋዳን ያጌዳ፥
NUM 6:2 “ኔን እስራኤልያ አሳዉ ሀዋዳን ያጋደ ኦዳ፤ ‘አቱማ አሳይ ዎይ ማጫ አሳይ ናዝራዌ ግዲደ፥ ባረና መꬍና ጎዳዉ ዱማያናዉ ገፖፐ፥
NUM 6:3 ዎይንያ ኤሳነ ሀራ ማꬆይያ ኡሻ ኡሾፖ፤ ዎይንያ አይፍያፐ አገትያ ጫላባነ ማꬆይያባ ኡሾፖ፤ ዎይንያ ቴራ ጉምኤዳዋ ኡሾፖ። ዎይ ዎይንያ ቴራ ሹጉዋ ግድና፥ መላ ግድናካ ሞፖ፤
NUM 6:4 እ ባረና ዱማዬዳ ዎድያን ኡባን፥ ዎይንያ ቱራፐ ቤትያዋ ኡባ፥ ዎይንያ ዘረꬃ ግድና፥ ዎይ ዎይንያ ፖቁዋ ግድናካ ሞፖ።
NUM 6:5 “ ‘እ ባረና መꬍና ጎዳዉ ዱማያናዉ ገፔዳ ዎድያን ኡባን፥ አ ሁጲ ሜደቶፖ ዎይ ቃንጸቶፖ። እ ባረ ሁጲያ ብናናካ አዱሲደ ድቾ። እ ባረና መꬍና ጎዳዉ ዱማዬዳ ዎዲ ፖለታና ጋካናዉ፥ ጌሻ ግዳናዉ ኮሼ።
NUM 6:6 “ ‘እ ባረና መꬍና ጎዳዉ ዱማዬዳ ዎድያን ኡባን አሃኮ ሺቆፖ።
NUM 6:7 ሀራይ አትና አ አዉ፥ ዎይ አ ዳያ፥ ዎይ አ እሻይ፥ ዎይ አ ምቻታ ሀይቆፐካ፥ እ ባረና ቱንሶፖ። አያዉ ጎፐ፥ እ ባረና ጾሳዉ ዱማዬዳዋ ኤርስያዌ ባረ ሁጲያና።
NUM 6:8 እ ባረና ጾሳዉ ዱማዬዳ ዎድያን ኡባን እ መꬍና ጎዳዉ ጌሻ።
NUM 6:9 “ ‘አሳይ አ ማታን አኬከናን ሀይቂና፥ ጾሳዉ ዱማዬዳ አ ሁጲ ቱኖፐ፥ ላፑን ጋላሳ ጋምኢደ፥ ባረ ጌይያ ሄ ላፑንꬃ ጋላስ ባረ ሁጲያ ሜደቶ።
NUM 6:10 ሆስፑንꬃ ጋላሳን ላኡ ሀራጰቱዋ ዎይ ላኡ ማራ ሀራጰቱዋ ጾሳ ዱንካንያ ፐንገ ቄስያዉ አሆ።
NUM 6:11 ቄሲ ሀራጰቱዋፐ እቱዋ ናጋራ ያርሾ፥ እቱዋ ቃይ ጹግያ ያርሾ ያርሾ። አያዉ ጎፐ፥ አሃይ አ ማታ ሺቄዳ ባይዙዋ ድራዉ፥ አዉ አቶ ጊሳናሳ። ሄ ጋላስ እ ባረ ሁጲያ ዎጋዳን ጌሾ፤
NUM 6:12 እ ባረና ካሰ ገፔዳ ዎድያ ኬና ባረና ጾሳዉ ዱማያናዉ ኮሼ። ያቲደ የለቶደፐ እት ላይꬃ ግድያ አቱማ ዶርሳ ናቆ እምያ ያርሹዋ ኦꬂደ ያርሾ። ሽን ሄዋፐ ካሰ እ ባረና ጾሳዉ ዱማዬዳ ጋላሳቱ ፓይደትክኖ፤ አያዉ ጎፐ፥ እ ባረና ዱማዬዳ ሄ ዎደቱዋ ግዶን ባረና ቱንስ ድጌዳ።
NUM 6:13 “ ‘ባረ ገፋ ዎድያ ዉርሴዳ ዎደ ባረና ጾሳዉ ዱማዬዳ ናዝራዊያ ዎጋይ ሀዋ: ጾሳ ዱንካንያ ፐንገ እ ሺቆ፤
NUM 6:14 መꬍና ጎዳዉ ትላ ቦላና ደእያ እት ላይꬃ አቱማ ዶርሳ ጹግያ ያርሾ፥ ትላ ቦላና ደእያ እት ላይꬃ ዶርሳቶ ናጋራ ያርሾነ ትላ ቦላና ደእያ ዶርሳ ኦርግያ እትፐተꬃ ያርሾ ሄ ሳኣ አሆ።
NUM 6:15 ቃይ ካꬃ ያርሹዋነ ኡሻ ያርሹዋ ኡንቱንቱና እትፐ ያርሻናዉ አሆ፤ ሄ ካꬃ ያርሹ እርሹ ገልቤናዋ ግዶ፤ ቃይ ዛይትያን ሙናቄዳ ሊቆ ꬊልያ ኮምፖቱዋነ ዛይትያ ኦከቴዳ ሌኦ ኡክꬃቱዋ ማሶፍያን አሆ።
NUM 6:16 “ ‘ቄሲ ሄዋ ኡባ ሺሺደ፥ ናጋራ ያርሹዋነ ጹግያ ያርሾ ኦꬂደ፥ መꬍና ጎዳዉ አ ድራዉ ያርሾ።
NUM 6:17 ቄሲ ዶርሳ ኦርግያ፥ እርሹ ገልቤና ኮምፖቱዋነ ኡክꬃቱዋ እትፐተꬃ ያርሹዋ ኦꬂደ፥ መꬍና ጎዳዉ ያርሾ። ቃይ ሄዋና እትፐ ካꬃ ያርሹዋነ ኡሻ ያርሹዋ ያርሾ።
NUM 6:18 ሄዋፐ ጉይያን፥ ናዝራዊ ጾሳዉ ዱማዬዳ ባረ ሁጲያ ጾሳ ዱንካንያ ፐንግያን ሜደቶ፤ ሜደቴዳ ብናና አፊደ፥ እትፐተꬃ ያርሹዋፐ ጋርሳ ባጋና ደእያ ታማን የጎ።
NUM 6:19 “ ‘ባረና ጾሳዉ ዱማዬዳ ናዝራዊ ባረ ሁጲያ ሜደቴዳዋፐ ጉይያን፥ ቄሲ ዶይሰቴዳ ዶርሳ ኦርግያ ምሳ፥ እርሹ ገልቤና እት ኮምፑዋነ እት ሌኦ ኡክꬃ አኪደ፥ ሀ ናዝራውያ ኩሽያን ዎꬆ።
NUM 6:20 ቄሲ ኡንቱንታ ቃꬅያ ያርሹዋ ኦꬂደ፥ መꬍና ጎዳ ስንꬃን ቃꬆ። ያቶፐ ሄዋንቱ ዉጻኬዳ አንጎሱዋናነ ያርሼዳ ገድያና ጌሻነ ቄስያሳ። ሄዋፐ ጉይያን፥ መꬍና ጎዳዉ ባረና ዱማዬዳ ናዝራዊ ዎይንያ ኤሳ ኡሻና ጎፐ ኡሾ።
NUM 6:21 “ ‘ስም ጾሳዉ ባረና ዱማያናዉ ገፔዳ ናዝራውያዉ ዎꬆ ዎጋይ ሀዋ: ባረና መꬍና ጎዳዉ ያርሻናዉ ኮሽያ ያርሾቱዋፐ አꬍያዋ እማናዉ ገፔዳዋ ግዶፐ፥ እ ባረ ገፔዳ ገፋ ኬና ጋꬃናዉ ኮሼ’ ያጋ” ያጌዳ።
NUM 6:22 መꬍና ጎዳይ ሙሳ ሀዋዳን ያጌዳ፤
NUM 6:23 “አሮናዉነ አ አቱማ ናናቶ ሀዋ ኦዳ፤ ‘እስራኤልያ አሳ ህንተ ሀዋዳን ያጊደ አንጅተ፦
NUM 6:24 “መꬍና ጎዳይ ህንተና አንጆነ ህንተና ናጎ፤
NUM 6:25 መꬍና ጎዳይ ህንተንቶ ባረ ሶምኡዋ ፖእሶነ ህንተንቶ ቃረቶ፤
NUM 6:26 መꬍና ጎዳይ ህንተና ባረ ኬካ አይፍያን ጼሎነ ህንተንቶ ሳሮተꬃ እሞ” ያጊደ አንጅተ’ ያጋ።
NUM 6:27 “ሀዋዳን ኡንቱንቱ እስራኤልያ አሳ ቦላ ታ ሱንꬃ ዎꬃና፥ ታን ኡንቱንታ አንጃና” ያጌዳ።
NUM 7:1 ሙሴ ጾሳ ዱንካንያ ቶሊደ ማኬዳ ዎደ፥ ሄ ዱንካንያነ አ ሚሻ ኡባ ኦኪደ ጌሼዳ፤ ቃይ ያርሽያ ሳነ አ ሚሻ ኡባካ ኦኪደ ጌሼዳ።
NUM 7:2 ሄዋፐ ጉይያን፥ እስራኤልያ አሳ ካለꬄዳዋንቱ፥ ሄዋንቱነ ዛራቱዋ ፓይዴዳ ሶ አሳ ካፖቱ እሞታ አሄድኖ።
NUM 7:3 መꬍና ጎዳዉ እሞታ ሺሼድኖ፤ ሄዋንቱካ ካመቴዳ ኡሱፑን ጋረቱዋ፥ ታማነ ላኡ ቦራቱዋ፥ ካፑዋን ካፑዋን እት እት ቦራነ ላኡ ላኡ ካፖቱ እት እት ጋርያ ጾሳ ዱንካንያ አሄድኖ።
NUM 7:4 መꬍና ጎዳይ ሙሳ ሀዋዳን ያጌዳ፤
NUM 7:5 “ጾሳ ዱንካንያ ኦሶ ጎአና ማላ፥ ኔን ሄዋንታ ኡንቱንቱፐ አካደ፥ ሌዋቶ ኡንቱንቱ ኦሶ ኦሶ ኮሽያዋዳን ሻካደ እማ” ያጌዳ።
NUM 7:6 ሙሴ ጋረቱዋነ ቦራቱዋ አኪደ፥ ሌዋቶ እሜዳ።
NUM 7:7 ገርሾና ያራቶ ኡንቱንቱ ኦሶ ኮሽያዋዳን ሻኪደ፥ ላኡ ጋረቱዋነ ኦይዱ ቦራቱዋ እሜዳ።
NUM 7:8 ቃይ ማራራ ያራቶ ኡንቱንቱ ኦሶ ኮሽያዋዳን ሻኪደ፥ ኦይዱ ጋረቱዋነ ሆስፑን ቦራቱዋ እሜዳ። ኡንቱንቱ ኡባይካ ቄስያ አሮና ናኣ እታማራ አዎተꬃ ጋርሳና።
NUM 7:9 ሽን ሙሴ ቃሃታ ያራቶ ሄዋፐ አያነ እምቤና፤ አያዉ ጎፐ፥ ኡንቱንቱ አዎተꬃን ደእያ ጌሻ ሚሻቱ ባረንቱ ሀሽያን ቶካናዉ ኮሽያዋንታ ግድያ ድራሳ።
NUM 7:10 ያርሽያ ሳ ሙሴ ኦኪደ ጌሼዳ ጋላሳን፥ ካፖቱ ያርሽያ ሳኣ አንጅሳናዉ ባረንቱ እሙዋ አኪደ፥ ሄ ያርሹዋ ሳኣ ስንꬃ አሄድኖ።
NUM 7:11 መꬍና ጎዳይ ሙሳ ካሰ፥ “እት እት ጋላስ እት ካፑ ያርሽያ ሳኣ አንጃናዉ ባረ እሙዋ ጾሳዉ እሞ” ያግ ዎꬄዳ።
NUM 7:12 ኮይሮ ጋላስ ባረ እሙዋ አሄዳዌ ይሁዳ ዛርያፐ አምናዳባ ናኣ ናአሶና።
NUM 7:13 ናአሶን አሄዳ እሙ ኤረቴዳ ሚዛናን ዎꬅና፥ እት ኪሎ ግራመነ ባጋ ዴጽያ ብራፐ መꬌዳ እት ከርያነ ሆስፑን ጼቱ ግራመ ዴጽያ ብራፐ መꬌዳ እት ኩይጻሩዋ፥ ላኡካ ካꬃ ያርሹዋ ያርሻናዉ ሊቆ ꬊሊ ዛይትያን ሙናቄዳዌ ኩሜዳዋንታ፤
NUM 7:14 ቃይ እት ጼታነ ታሙ ግራመ ዴጽያ ዎርቃፐ መꬌዳ፥ እጻናይ ኩሜዳ ሻታ፤
NUM 7:15 ጹግያ ያርሾ፥ እት ኮሩማ፥ እት ዶርሳ ኦርግያነ እት ላይꬃይ ኩሜዳ አቱማ ዶርሳ፤
NUM 7:16 ናጋራ ያርሾ እት ዴሻ ኦርግያ፤
NUM 7:17 እትፐተꬃ ያርሾ ላኡ ኮሩማቱዋ፥ እቼሹ ዶርሳ ኦርገቱዋ፥ እቼሹ ጋኬዳ ዴሻ ኦርገቱዋነ እት ላይꬃይ ኩሜዳ እቼሹ አቱማ ዶርሳቱዋ። አምናዳባ ናአይ ናአሶን አሄዳ እሙ ሀዋ።
NUM 7:18 ላኤንꬃ ጋላስ ይሳኮራ ዛራቱ ካፑ፥ ጹኣራ ናአይ ናታንኤል ባረ እሙዋ አሄዳ።
NUM 7:19 ናታንኤል አሄዳ እሙ ኤረቴዳ ሚዛናን ዎꬅና፥ እት ኪሎ ግራመነ ባጋ ዴጽያ ብራፐ መꬌዳ እት ከርያነ ሆስፑን ጼቱ ግራመ ዴጽያ ብራፐ መꬌዳ እት ኩይጻሩዋ፥ ላኡካ ካꬃ ያርሹዋ ያርሻናዉ ሊቆ ꬊሊ ዛይትያን ሙናቄዳዌ ኩሜዳዋንታ፤
NUM 7:20 ቃይ እት ጼታነ ታሙ ግራመ ዴጽያ ዎርቃፐ መꬌዳ፥ እጻናይ ኩሜዳ ሻታ፤
NUM 7:21 ጹግያ ያርሾ እት ኮሩማ፥ እት ዶርሳ ኦርግያነ እት ላይꬃይ ኩሜዳ አቱማ ዶርሳ፤
NUM 7:22 ናጋራ ያርሾ እት ዴሻ ኦርግያ፤
NUM 7:23 እትፐተꬃ ያርሾ ላኡ ኮሩማቱዋ፥ እቼሹ ዶርሳ ኦርገቱዋ፥ እቼሹ ጋኬዳ ዴሻ ኦርገቱዋነ እት ላይꬃይ ኩሜዳ እቼሹ አቱማ ዶርሳቱዋ። ጹኣራ ናአይ ናታንኤል አሄዳ እሙ ሀዋ።
NUM 7:24 ሄዘንꬃ ጋላስ ዛብሎና ዛራቱ ካፑ፥ ሄሎና ናአይ ኤልኣብ ባረ እሙዋ አሄዳ።
NUM 7:25 ኤልኣብ አሄዳ እሙ ኤረቴዳ ሚዛናን ዎꬅና፥ እት ኪሎ ግራመነ ባጋ ዴጽያ ብራፐ መꬌዳ እት ከርያነ ሆስፑን ጼቱ ግራመ ዴጽያ ብራፐ መꬌዳ እት ኩይጻሩዋ፥ ላኡካ ካꬃ ያርሹዋ ያርሻናዉ ሊቆ ꬊሊ ዛይትያን ሙናቀቴዳዌ ኩሜዳዋንታ፤
NUM 7:26 ቃይ እት ጼታነ ታሙ ግራመ ዴጽያ ዎርቃፐ መꬌዳ፥ እጻናይ ኩሜዳ ሻታ፤
NUM 7:27 ጹግያ ያርሾ እት ኮሩማ፥ እት ዶርሳ ኦርግያነ እት ላይꬃይ ኩሜዳ አቱማ ዶርሳ፤
NUM 7:28 ናጋራ ያርሾ እት ዴሻ ኦርግያ፥
NUM 7:29 እትፐተꬃ ያርሾ ላኡ ኮሩማቱዋ፥ እቼሹ ዶርሳ ኦርገቱዋ፥ እቼሹ ጋኬዳ ዴሻ ኦርገቱዋነ እት ላይꬃይ ኩሜዳ እቼሹ አቱማ ዶርሳቱዋ። ሄሎና ናአይ ኤልኣብ አሄዳ እሙ ሀዋ።
NUM 7:30 ኦይደንꬆ ጋላስ ሮቤላ ዛራቱ ካፑ ሻደኡራ ናአይ ኤሊጹር ባረ እሙዋ አሄዳ።
NUM 7:31 ኤሊጹር አሄዳ እሙ ኤረቴዳ ሚዛናን ዎꬅና፥ እት ኪሎ ግራመነ ባጋ ዴጽያ ብራፐ መꬌዳ እት ከርያነ ሆስፑን ጼቱ ግራመ ዴጽያ ብራፐ መꬌዳ እት ኩይጻሩዋ፥ ላኡካ ካꬃ ያርሹዋ ያርሻናዉ ሊቆ ꬊሊ ዛይትያን ሙናቄዳዌ ኩሜዳዋንታ፤
NUM 7:32 ቃይ እት ጼታነ ታሙ ግራመ ዴጽያ ዎርቃፐ መꬌዳ፥ እጻናይ ኩሜዳ ሻታ፤
NUM 7:33 ጹግያ ያርሾ እት ኮሩማ፥ እት ዶርሳ ኦርግያነ እት ላይꬃይ ኩሜዳ አቱማ ዶርሳ፤
NUM 7:34 ናጋራ ያርሾ እት ዴሻ ኦርግያ፤
NUM 7:35 እትፐተꬃ ያርሾ ላኡ ኮሩማቱዋ፥ እቼሹ ዶርሳ ኦርገቱዋ፥ እቼሹ ጋኬዳ ዴሻ ኦርገቱዋነ እት ላይꬃይ ኩሜዳ እቼሹ አቱማ ዶርሳቱዋ። ሻደኡራ ናአይ ኤሊጹር አሄዳ እሙ ሀዋ።
NUM 7:36 እቼሻንꬃ ጋላስ ስሞና ዛራቱ ካፑ፥ ጹሪሻዳያ ናአይ ሻሉምኤል ባረ እሙዋ አሄዳ።
NUM 7:37 ሻሉምኤል አሄዳ እሙ ኤረቴዳ ሚዛናን ዎꬅና፥ እት ኪሎ ግራመነ ባጋ ዴጽያ ብራፐ መꬌዳ እት ከርያነ ሆስፑን ጼቱ ግራመ ዴጽያ ብራፐ መꬌዳ እት ኩይጻሩዋ፥ ላኡካ ካꬃ ያርሹዋ ያርሻናዉ ሊቆ ꬊሊ ዛይትያን ሙናቄዳዌ ኩሜዳዋንታ፤
NUM 7:38 ቃይ እት ጼታነ ታሙ ግራመ ዴጽያ ዎርቃፐ መꬌዳ እጻናይ ኩሜዳ ሻታ፤
NUM 7:39 ጹግያ ያርሾ እት ኮሩማ፥ እት ዶርሳ ኦርግያነ፥ እት ላይꬃይ ኩሜዳ አቱማ ዶርሳ፤
NUM 7:40 ናጋራ ያርሾ እት ዴሻ ኦርግያ፤
NUM 7:41 እትፐተꬃ ያርሾ ላኡ ኮሩማቱዋ፥ እቼሹ ዶርሳ ኦርገቱዋ፥ እቼሹ ጋኬዳ ዴሻ ኦርገቱዋነ እት ላይꬃይ ኩሜዳ እቼሹ አቱማ ዶርሳቱዋ። ጹሪሻዳያ ናአይ ሻሉምኤል አሄዳ እሙ ሀዋ።
NUM 7:42 ኡሱፑንꬃ ጋላስ ጋዳ ዛራቱ ካፑ፥ ረኡኤላ ናአይ ኤልያሳፍ ባረ እሙዋ አሄዳ።
NUM 7:43 ኤልያሳፍ አሄዳ እሙ ኤረቴዳ ሚዛናን ዎꬅና፥ እት ኪሎ ግራመነ ባጋ ዴጽያ ብራፐ መꬌዳ እት ከርያነ ሆስፑን ጼቱ ግራመ ዴጽያ ብራፐ መꬌዳ እት ኩይጻሩዋ፥ ላኡካ ካꬃ ያርሹዋ ያርሻናዉ ሊቆ ꬊሊ ዛይትያን ሙናቄዳዌ ኩሜዳዋንታ፤
NUM 7:44 ቃይ እት ጼታነ ታሙ ግራመ ዴጽያ ዎርቃፐ መꬌዳ እጻናይ ኩሜዳ ሻታ፤
NUM 7:45 ጹግያ ያርሾ እት ኮሩማ፥ እት ዶርሳ ኦርግያነ እት ላይꬃይ ኩሜዳ አቱማ ዶርሳ፤
NUM 7:46 ናጋራ ያርሾ እት ዴሻ ኦርግያ፤
NUM 7:47 እትፐተꬃ ያርሾ ላኡ ኮሩማቱዋ፥ እቼሹ ዶርሳ ኦርገቱዋ፥ እቼሹ ጋኬዳ ዴሻ ኦርገቱዋነ እት ላይꬃይ ኩሜዳ እቼሹ አቱማ ዶርሳቱዋ። ረኡኤላ ናአይ ኤልያሳፍ አሄዳ እሙ ሀዋ።
NUM 7:48 ላፑንꬃ ጋላስ ኤፍሬማ ዛራቱዋ ካፑ አምሁዳ ናአይ ኤልሻማእ ባረ እሙዋ አሄዳ።
NUM 7:49 ኤልሻማእ አሄዳ እሙ ኤረቴዳ ሚዛናን ዎꬅና፥ እት ኪሎ ግራመነ ባጋ ዴጽያ ብራፐ መꬌዳ እት ከርያነ ሆስፑን ጼቱ ግራመ ዴጽያ ብራፐ መꬌዳ እት ኩይጻሩዋ፥ ላኡካ ካꬃ ያርሹዋ ያርሻናዉ ሊቆ ꬊሊ ዛይትያን ሙናቄዳዌ ኩሜዳዋንታ፤
NUM 7:50 ቃይ እት ጼታነ ታሙ ግራመ ዴጽያ ዎርቃፐ መꬌዳ እጻናይ ኩሜዳ ሻታ፤
NUM 7:51 ጹግያ ያርሾ እት ኮሩማ፥ እት ዶርሳ ኦርግያነ፥ እት ላይꬃይ ኩሜዳ አቱማ ዶርሳ፤
NUM 7:52 ናጋራ ያርሾ እት ዴሻ ኦርግያ፤
NUM 7:53 እትፐተꬃ ያርሾ ላኡ ኮሩማቱዋ፥ እቼሹ ዶርሳ ኦርገቱዋ፥ እቼሹ ጋኬዳ ዴሻ ኦርገቱዋነ እት ላይꬃይ ኩሜዳ እቼሹ አቱማ ዶርሳቱዋ። አምሁዳ ናኣ ኤልሻማአ እሙ ሀዋ።
NUM 7:54 ሆስፑንꬃ ጋላስ ምናሰ ዛራቱ ካፑ ፓዳጹራ ናአይ ጋማልኤል ባረ እሙዋ አሄዳ።
NUM 7:55 ጋማልኤል አሄዳ እሙ ኤረቴዳ ሚዛናን ዎꬅና፥ እት ኪሎ ግራመነ ባጋ ዴጽያ ብራፐ መꬌዳ እት ከርያነ ሆስፑን ጼቱ ግራመ ዴጽያ ብራፐ መꬌዳ እት ኩይጻሩዋ፥ ላኡካ ካꬃ ያርሹዋ ያርሻናዉ ልቆ ꬊሊ ዛይትያን ሙናቄዳዌ ኩሜዳዋንታ
NUM 7:56 ቃይ እት ጼታነ ታሙ ግራመ ዴጽያ ዎርቃፐ መꬌዳ እጻናይ ኩሜዳ ሻታ፤
NUM 7:57 ጹግያ ያርሾ እት ኮሩማ፥ እት ዶርሳ ኦርግያነ፥ እት ላይꬃይ ኩሜዳ አቱማ ዶርሳ፤
NUM 7:58 ናጋራ ያርሾ እት ዴሻ ኦርግያ፥
NUM 7:59 እትፐተꬃ ያርሾ ላኡ ኮሩማቱዋ፥ እቼሹ ዶርሳ ኦርገቱዋ፥ እቼሹ ጋኬዳ ዴሻ ኦርገቱዋነ እት ላይꬃይ ኩሜዳ እቼሹ አቱማ ዶርሳቱዋ። ፓዳጹራ ናአይ ጋማልኤል አሄዳ እሙ ሀዋ።
NUM 7:60 ኡዱፑንꬃ ጋላስ ቢንያማ ዛራቱ ካፑ ጊድኦና ናአይ አብዳን ባረ እሙዋ አሄዳ።
NUM 7:61 አብዳን አሄዳ እሙ ኤረቴዳ ሚዛናን ዎꬅና፥ እት ኪሎ ግራመነ ባጋ ዴጽያ ብራፐ መꬌዳ እት ከርያነ ሆስፑን ጼቱ ግራመ ዴጽያ ብራፐ መꬌዳ እት ኩይጻሩዋ፥ ላኡካ ካꬃ ያርሹዋ ያርሻናዉ ሊቆ ꬊሊ፥ ዛይትያን ሙናቄዳዌ ኩሜዳዋንታ፤
NUM 7:62 ቃይ እት ጼታነ ታሙ ግራመ ዴጽያ ዎርቃፐ መꬌዳ፥ እጻናይ ኩሜዳ ሻታ፤
NUM 7:63 ጹግያ ያርሾ እት ኮሩማ እት ዶርሳ ኦርግያነ፥ እት ላይꬃይ ኩሜዳ አቱማ ዶርሳ፤
NUM 7:64 ናጋራ ያርሾ እት ዴሻ ኦርግያ፤
NUM 7:65 እትፐተꬃ ያርሾ ላኡ ኮሩማቱዋ፥ እቼሹ ዶርሳ ኦርገቱዋ፥ እቼሹ ጋኬዳ ዴሻ ኦርገቱዋነ፥ እት ላይꬃይ ኩሜዳ እቼሹ አቱማ ዶርሳቱዋ። ጊድኦና ናአይ አብዳን አሄዳ እሙ ሀዋ።
NUM 7:66 ታማንꬃ ጋላስ ዳና ዛራቱ ካፑ አምሻዳያ ናአይ አህኤዘር ባረ እሙዋ አሄዳ።
NUM 7:67 አህኤዘር አሄዳ እሙ ኤረቴዳ ሚዛናን ዎꬅና፥ እት ኪሎ ግራመነ ባጋ ዴጽያ ብራፐ መꬌዳ እት ከርያነ ሆስፑን ጼቱ ግራመ ዴጽያ ብራፐ መꬌዳ እት ኩይጻሩዋ፥ ላኡካ ካꬃ ያርሹዋ ያርሻናዉ ሊቆ ꬊሊ፥ ዛይትያን ሙናቄዳዌ ኩሜዳዋንታ፤
NUM 7:68 ቃይ እት ጼታነ ታሙ ግራመ ዴጽያ ዎርቃፐ መꬌዳ፥ እጻናይ ኩሜዳ ሻታ።
NUM 7:69 ጹግያ ያርሾ እት ኮሩማ፥ እት ዶርሳ ኦርግያነ፥ እት ላይꬃይ ኩሜዳ አቱማ ዶርሳ፤
NUM 7:70 ናጋራ ያርሾ እት ዴሻ ኦርግያ፤
NUM 7:71 እትፐተꬃ ያርሾ ላኡ ኮሩማቱዋ፥ እቼሹ ዶርሳ ኦርገቱዋ፥ እቼሹ ጋኬዳ ዴሻ ኦርገቱዋነ እት ላይꬃይ ኩሜዳ እቼሹ አቱማ ዶርሳቱዋ። አምሻዳያ ናአይ አህኤዘር አሄዳ እሙ ሀዋ።
NUM 7:72 ታማነ እተንꬃ ጋላስ አሴራ ዛራቱ ካፑ ኦክራና ናአይ ፓግኤል ባረ ያርሹዋ አሄዳ።
NUM 7:73 ፓግኤል አሄዳ እሙ ኤረቴዳ ሚዛናን ዎꬅና፥ እት ኪሎ ግራመነ ባጋ ዴጽያ ብራፐ መꬌዳ እት ከርያነ ሆስፑን ጼቱ ግራመ ዴጽያ ብራፐ መꬌዳ እት ኩይጻሩዋ፥ ላኡካ ካꬃ ያርሾ ያርሻናዉ ሊቆ ꬊሊ፥ ዛይትያን ሙናቄዳዌ ኩሜዳዋንታ፤
NUM 7:74 ቃይ እት ጼታነ ታሙ ግራመ ዴጽያ ዎርቃፐ መꬌዳ ሻታ፥ እጻናይ ኩሜዳዋ፤
NUM 7:75 ጹግያ ያርሾ እት ኮሩማ፥ እት ዶርሳ ኦርግያነ እት ላይꬃይ ኩሜዳ አቱማ ዶርሳ፤
NUM 7:76 ናጋራ ያርሾ እት ዴሻ ኦርግያ፤
NUM 7:77 እትፐተꬃ ያርሾ ላኡ ኮሩማቱዋ፥ እቼሹ ዶርሳ ኦርገቱዋ፥ እቼሹ ጋኬዳ ዴሻ ኦርገቱዋነ እት ላይꬃይ ኩሜዳ እቼሹ አቱማ ዶርሳቱዋ። ኦክራና ናአይ ፓግኤል አሄዳ እሙ ሀዋ።
NUM 7:78 ታማነ ላኤንꬆ ጋላስ ንፍታሌማ ዛራቱ ካፑ ኤናና ናአይ አህራእ ባረ እሙዋ አሄዳ።
NUM 7:79 አህራእ አሄዳ እሙ ኤረቴዳ ሚዛናን ዎꬅና፥ እት ኪሎ ግራመነ ባጋ ዴጽያ ብራፐ መꬌዳ እት ከርያነ ሆስፑን ጼቱ ግራመ ዴጽያ ብራፐ መꬌዳ እት ኩይጻሩዋ፥ ላኡካ ካꬃ ያርሹዋ ያርሻናዉ ሊቆ ꬊሊ፥ ዛይትያን ሙናቄዳዌ ኩሜዳዋንታ፥
NUM 7:80 ቃይ እት ጼታነ ታሙ ግራመ ዴጽያ ዎርቃፐ መꬌዳ እት ሻታ፥ እጻናይ ኩሜዳዋ፤
NUM 7:81 ጹግያ ያርሾ እት ኮሩማ፥ እት ዶርሳ ኦርግያነ እት ላይꬃይ ኩሜዳ አቱማ ዶርሳ፤
NUM 7:82 ናጋራ ያርሾ እት ዴሻ ኦርግያ፥
NUM 7:83 እትፐተꬃ ያርሾ ላኡ ኮሩማቱዋ፥ እቼሹ ዶርሳ ኦርገቱዋ፥ እቼሹ ጋኬዳ ዴሻ ኦርገቱዋነ እት ላይꬃይ ኩሜዳ እቼሹ አቱማ ዶርሳቱዋ። ኤናና ናአይ አህራእ አሄዳ እሙ ሀዋ።
NUM 7:84 ያርሽያ ሳአይ ኦከቴዳ ዎደ፥ እስራኤላቱዋ ካፓቱ ያርሽያ ሳኣ አንጃናዉ አሄዳ እሞታይ ኡባና ሀዋንታ: ብራፐ መꬌዳ ታማነ ላኡ ከረቱዋ፥ ብራፐ መꬌዳ ታማነ ላኡ ኩይጻሮቱዋነ ዎርቃፐ መꬌዳ ታማነ ላኡ ሻተቱዋ፤
NUM 7:85 ብራፐ መꬌዳ እት እት ከሪ እት ኪሎ ግራመነ ባጋ ዴጼ፤ ብራፐ መꬌዳ እት እት ኩይጻሩ ሆስፑን ጼቱ ግራመ ዴጼ፤ ብራፐ መቴዳ ከርያነ ኩይጻሩ ኤረቴዳ ሚዛናን ዎꬅና፥ ኡባና ላታማነ ሆስፑን ኪሎ ግራመ ኬና ዴጺኖ።
NUM 7:86 ታማነ ላኡ ዎርቃ ሻታቱ ኤረቴዳ ሚዛናን ዎꬅና እቱ እቱ እት ጼታነ ታሙ ግራመ፥ ኡባና እት ክሎነ ሄዙ ጼቱ ግራመ ዴጺኖ። ኡንቱንቱን እጻናይ ኩም ኡቴዳ።
NUM 7:87 ካꬃ ያርሹዋና እትፐ ጹግያ ያርሾ አሄዳ መሂ ኡባና ታማነ ላኡ ኮሩማቱዋ፥ ታማነ ላኡ ዶርሳ ኦርገቱዋነ እት ላይꬃይ ኩሜዳ ታማነ ላኡ አቱማ ዶርሳቱዋ። ኡንቱንቱ ናጋራ ያርሾ አሄዳ ዴሻ ኦርገቱ ኡባና ታማነ ላአ።
NUM 7:88 ኡንቱንቱ እትፐተꬃ ያርሾ አሄዳ መሂ ኡባና ላታማነ ኦይዱ ኮሩማቱዋ፥ ኡሱፑን ታሙ ዶርሳ ኦርገቱዋ፥ ኡሱፑን ታሙ ጋኬዳ ዴሻ ኦርገቱዋነ እት ላይꬃይ ኩሜዳ ኡሱፑን ታሙ አቱማ ዶርሳቱዋ። ያርሽያ ሳአይ ኦከቴዳዋፐ ጉይያን፥ አንጆ አሄዳ እሞታይ ሀዋንታ።
NUM 7:89 ሙሴ መꬍና ጎዳና ሃሳያናዉ ጾሳ ዱንካንያ ገልያ ዎደ፥ ማርካተꬃ ታቦታ ቦላን ደእያ አቶ ግያ ሳኣ ቁምኡዋ ቦላን፥ ላኡ ክሩበቱዋፐ ግዱዋና መꬍና ጎዳይ ሃሳይያ ኮሻ ስሴዳ፤ እካ አናና ሃሳዬዳ።
NUM 8:1 መꬍና ጎዳይ ሙሳ፥
NUM 8:2 “ኔን አሮናዉ ሀዋዳን ያጋደ ኦዳ፤ ‘ኔን ላፑን ጾምፐቱዋ ዎꬅያ ዎደ ጾምፐቱ ጾምፕያ ዎꬅያ ባላቱዋፐ ስንꬃ ባጋና ደእያ ሄራቱዋ ፖኢኖ’ ያጋ” ያጌዳ።
NUM 8:3 እ ጌዳዋዳን አሮን ኦꬄዳ። መꬍና ጎዳይ ሙሳ አዛዜዳዋዳን፥ አሮን ጾምፐቱዋ ዎꬅያ ባላቱዋፐ ስንꬃ ባጋና ደእያ ሄራቱዋ ፖእሳናዳን ኦꬂደ፥ ባላቱዋን ዎꬄዳ።
NUM 8:4 ጾምፕያ ዎꬅያዌ ጋርሳ ገድያፐ ቦላ ጪሻና አሌቀቴዳ ባላቱዋ ጼራ ጋካናዉ ቆጸቴዳ ዎርቃፐ መቴዳ። ጾምፕያ ዎꬅያ ባላይ መꬍና ጎዳይ ሙሳ በሴዳ ሌምሱዋዳን ኦሰቴዳ።
NUM 8:5 ቃይ መꬍና ጎዳይ ሙሳ፥
NUM 8:6 “ሀራ እስራኤልያ አሳ ግዱዋፐ ሌዋቱዋ አካደ፥ ኡንቱንታ ዎጋዳን ጌሻ።
NUM 8:7 ኔን ኡንቱንታ ጌሻናዉ ሀዋዳን ኦꬃ: ጌሽያ ሃꬃ አካደ ኡንቱንታ ፑሻካ፤ ኡንቱንቱ ባረንቱ ቦላ ኡባ ሜደትኖ፤ ባረንቱ ማዩዋካ ሜጭኖ፤ ያቲደ ኡንቱንቱ ዎጋዳን ጌሻ ግዳና።
NUM 8:8 ሄዋፐ ጉይያን፥ ኡንቱንቱ ኮሩማ እቱዋነ ሊቆ ꬊልያ ዛይትያን ሙናቄዳዋ ካꬃ ያርሾ አክኖ፤ ኔን ቃይ ላኤንꬆ ኮሩማ ናጋራ ያርሾ አካ።
NUM 8:9 ያታደ ሌዋቱዋ ጾሳ ዱንካንያ ስንꬃ አያ፤ እስራኤልያ አሳ ማባራ ኡባ ሺሻ።
NUM 8:10 ኔን ሌዋቱዋ መꬍና ጎዳ ስንꬃ፥ አህና እስራኤልያ አሳይ ኡንቱንቱ ቦላ ባረንቱ ኩሽያ ዎꬅኖ።
NUM 8:11 ሌዋቱ መꬍና ጎዳ ኦሱዋ ኦꬃናዉ ጊጋና ማላ፥ አሮን እስራኤልያ አሳፐ ሌዋቱዋ ቃꬅያ ያርሹዋ ኦꬂደ፥ መꬍና ጎዳ ስንꬃ ሺሾ።
NUM 8:12 “ሌዋቱ ባረንቱ ኩሽያ ኮሩማቱ ሁጲያን ዎꬅኖ፤ እቱዋ ናጋራ ያርሹዋ ኦꬃደ፥ እቱዋ ቃይ ሌዋቱ አቶ ጌተታና ማላ፥ ጹግያ ያርሹዋ ኦꬃደ መꬍና ጎዳዉ ያርሻ።
NUM 8:13 ሌዋቱዋ አሮናነ አ አቱማ ናናቱ አዎተꬃ ጋርሳን ዎꬃ፤ ያታደ ኡንቱንታ ቃꬅያ ያርሹዋ ኦꬃደ፥ መꬍና ጎዳ ስንꬃ ሺሻ።
NUM 8:14 ሄዋዳን ኦꬃደ ሌዋቱዋ ሀራ እስራኤልያ አሳፐ ዱማያ፤ ዱማዮፐ ሌዋቱ ታዋ ግዳና።
NUM 8:15 “ኔን ሌዋቱዋ ጌሼዳዋፐነ ቃꬅያ ያርሹዋ ኦꬃደ ሺሼዳዋፐ ጉይያን፥ ጾሳ ዱንካንያን ባረንቱ ኦሱዋ ኦꬃናዉ ዪኖ።
NUM 8:16 እስራኤልያ አሳ ግዱዋፐ ኡንቱንቱ ታዉ ኡባና እመቴድኖ፤ እስራኤልያ ማጫ አሳፐ የለቴዳ ባይራ አቱማዋንቱ ኡባ ድራዉ ታን ሌዋቱዋ ታዉ አካድ።
NUM 8:17 እስራኤልያ አሳ ግዱዋን ባይራ የለቴዳዌ አሳ ግድና፥ መህያ ግድናካ ኡባይ ታዋ። ታን ግብጼ ጋድያን ባይራ ኡባ ዎꬌዳ ጋላሳን፥ ኡንቱንታ ታዉ ዱማያድ።
NUM 8:18 እስራኤልያ ባይራ አቱማዋንቱ ኡባ ድራዉ ታን ሌዋቱዋ አካድ።
NUM 8:19 እስራኤልያ አሳ ኡባ ግዱዋፐ ታን ሌዋቱዋ አሮናዉነ አሮና አቱማ ናናዉ እሙዋ ኦꬃደ እማድ። እስራኤልያ አሳይ ጋከትያ ዱንካንያ ሺቅያ ዎደ፥ ቦሻይ ኡንቱንታ ቦቼና ማላ፥ ሌዋቱ እስራኤልያ አሳ ግሻ ጋከትያ ዱንካንያን ባረንቱ ኦሱዋ ኦꬅኖነ ኡንቱንቱ ድራዉ አቶ ጌተትኖ” ያጌዳ።
NUM 8:20 መꬍና ጎዳይ ሙሳ ሌዋቱዋ ዱማያናዉ አዛዜዳዋዳን ሙሴ፥ አሮንነ እስራኤልያ አሳ ማባራይ ኡባይ ኦꬄድኖ።
NUM 8:21 ሌዋቱ ባረና ጌሼድኖ፤ ባረንቱ ማዩዋካ ሜጬድኖ። አሮን ኡንቱንቱ ቃꬅያ ያርሹዋ ኦꬂደ፥ መꬍና ጎዳ ስንꬃ ሺሼዳ፤ ኡንቱንታ ጌሻናዉ ኡንቱንታ አቶ ጊሴዳ።
NUM 8:22 ሄዋፐ ጉይያን፥ ሌዋቱ አሮናነ አሮና አቱማ ናናቱ አዎተꬃ ጋርሳን፥ ጋከትያ ዱንካንያ ግዶን ባረንቱ ኦሱዋ ኦꬃናዉ ዬድኖ። መꬍና ጎዳይ ሙሳ ሌዋቱዋ ዱማያናዉ አዛዜዳዋዳን ኡንቱንቱ ኦꬄድኖ።
NUM 8:23 ቃይካ መꬍና ጎዳይ ሙሳ ሀዋዳን ያጌዳ፤
NUM 8:24 “ሀዌ ሌዋቱዋ ጼልያ ዎጋ: ላይꬃይ ላታማነ እቼሻነ ሄዋፐ ቦላና ደእያ አቱማዋንቱ ኦሱዋ ኦꬃናዉ ጋከትያ ዱንካንያ ዪኖ።
NUM 8:25 ሽን ኡንቱንቱ ላይꬃይ እሻታሙዋ ግድያ ዎደ ኡንቱንቱ ባረንቱ ኦሱዋፐ ጹራታ ከስኖ፤ ስሚደ ላኤንꬆ ኦꬆፕኖ።
NUM 8:26 ኡንቱንቱ ጋከትያ ዱንካንያን ኦꬅያ ባረንቱ እሻቱዋ ኦꬅ ማዳና ጎፐ ማድኖፐ አትና፥ ኡንቱንቱ ባረካ አይ ኦሶነ ኦꬆፕኖ። ስም ኔን ሌዋቱዋ ኦሱዋ ሀዋዳን ኦስሳሳ” ያጌዳ።
NUM 9:1 እስራኤልያ አሳይ ግብጼፐ ከሴዳ ላኤንꬆ ላይꬃን ኮይሮ አግናን ሲና መላ ቢታን መꬍና ጎዳይ ሙሴዉ ሀዋዳን ያጊደ ሃሳዬዳ፤
NUM 9:2 “እስራኤልያ አሳይ ፓስጋ ባላ ኬሬዳ ጋላሳን ቦንቾ።
NUM 9:3 ሀ አግናን ታማነ ኦይደንꬆ ጋላሳን፥ አ ኬሬዳ ዎደ፥ አዋይ ዉላና ሀንያ ዎደ፥ አ ዎጋ ኡባዳንነ አ አዛዞ ኡባዳን ቦንቾ” ያጌዳ።
NUM 9:4 ሙሴ እስራኤልያ አሳይ ፓስጋ ባላ ቦንቻና ማላ፥ ኡንቱንቶ ኦዴዳ።
NUM 9:5 ኮይሮ አግናዉ ታማነ ኦይደንꬆ ጋላስ፥ አዋይ ዉላና ሀንያ ዎደ ሲና መላ ቢታን ኡንቱንቱ ፓስጋ ባላ ቦንቼድኖ። እስራኤልያ አሳይ መꬍና ጎዳይ ሙሳ አዛዜዳዋዳን ኡባባ ኦꬄዳ።
NUM 9:6 ሽን ኡንቱንቱፐ አማሬዳዋንቱ ሀይቄዳ አሳ አሃ ቦቺደ ቱኔዳ ድራዉ፥ ሄ ጋላስ ፓስጋ ባላ ቦንቻናዉ ዳንዳይበይክኖ። ሄዋ ድራዉ፥ ኡንቱንቱ ሙሴኮነ አሮናኮ ሄ ጋላስ ዪደ፥
NUM 9:7 ሙሳ፥ “ኑን ሀይቄዳ አሳ አሃ ቦቼዳ ድራዉ ቱኔዶ፤ ሽን ኬሬዳ ዎድያን ሀራ እስራኤልያ አሳና መꬍና ጎዳዉ ያርሹዋ ሺሽያዋ ኑን አያዉ ድገቴቶ?” ያጌድኖ።
NUM 9:8 ሙሴ ኡንቱንታ፥ “መꬍና ጎዳይ ህንተዋ ታዉ አዛዝያዋ ታን ስሳና ጋካናዉ ህንተ ታክሽተ” ያጌዳ።
NUM 9:9 ሄዋፐ ጉይያን መꬍና ጎዳይ ሙሳ፥
NUM 9:10 “ኔን እስራኤልያ አሳ ሀዋዳን ያጋ፤ ‘ህንተፐ ዎይ ህንተ ዛራቱዋፐ ኦንነ አሃ ቦቺደ ቱኖፐ፥ ዎይ ማንዳሬዳዋ ግዶፐ፥ እ መꬍና ጎዳዉ ፓስጋ ባላ ቦንቾ፤
NUM 9:11 ላኤንꬆ አግናን ታማነ ኦይደንꬆ ጋላስ አዋይ ዉላና ሀንያ ዎደ ፓስጋ ባላ ቦንቾ። ፓስጋ ዶርሳ እርሹ ገልቤና ኡክꬃናነ ጫሞ ቦንጭያና ሞ።
NUM 9:12 ሳአይ ዎንታናዉ ሄ ዶርሳፐ አያነ አሾፖ፤ ቃይ አ መቀꬃፐካ እቱዋነ መንꬆፖ። ፓስጋ ባላዉ አ ዎጋ ኡባ ኦꬆ።
NUM 9:13 ሽን ማንዳርቤና ጌሻ አሳይ ፓስጋ ቦንቼናን እጾፐ፥ ሄዋፐ ስንꬃዉ እ ታ አሳ ግዶፐ ቦሄቶ። አያዉ ጎፐ፥ መꬍና ጎዳ ያርሹዋ ኬሬዳ ዎድያን እ ሺሽቤና። ሄ አሳይ ባረ ናጋራይ አሄዳ መቱዋ አካናዉ በሰ።
NUM 9:14 “ ‘ህንተ ግዱዋን ደእያ በተ አሳይ ፓስጋ ባላ መꬍና ጎዳዉ ቦንቻና ኮዮፐ፥ ፓስጋ ዎጋዳን ቦንቾ። በትያዉካ ጋደ አሳዉካ እት ማላ ዎጋይ ደኦ’ ያጋ” ያጌዳ።
NUM 9:15 ዱንካኒ ቶለቴዳ ጋላስ ሻሪ ማርካተꬃ ዱንካንያ ማዬዳ፤ ኦማርሳፐ ዶሚደ፥ ዎንታና ጋካናዉ ዱንካንያፐ ቦላና ደእያ ሻሪ ታማ ማላቴ።
NUM 9:16 ሄዋዳን ኡባ ዎደ ጋላስ ጋላስ ሻሪ ማዬ፤ ቃማ ቃማ ሄ ሻሪ ታማዳን ፖኤ።
NUM 9:17 ሄ ሻሪ ዱንካንያ ቦላፐ ደንድያ ዎደ አዉደነ እስራኤላቱ ባረንቱ ዱንካኔዳ ሳኣፐ ደንዲኖ፤ ቃይ ሄ ሻሪ ዎꬍያ አይ ሳኣንነ እስራኤላቱ ዱንካኒኖ።
NUM 9:18 እስራኤላቱ መꬍና ጎዳ አዛዙዋን ደንድኖ፤ ሄዋዳንካ፥ መꬍና ጎዳ አዛዙዋን ዱንካኒኖ። ሻሪ ዱንካንያ ቦላን ጋምእያ ዎደ ኡባን ባረንቱ ዱንካኔዳሳን ጋምእኖ።
NUM 9:19 ሻሪ ዱንካንያ ቦላን ዳሮ ጋላሳ ጋምኦፐ፥ እስራኤላቱ መꬍና ጎዳ አዛዙዋ ናጊኖፐ አትና፥ ሀቃነ ቢክኖ።
NUM 9:20 እት እት ገደ ሻሪ ዱንካንያ ቦላን አማሬዳ ጋላሳ ጋምኤ። መꬍና ጎዳ አዛዙዋን ኡንቱንቱ ዱንካኒኖ፤ ቃይ ሄዋዳንካ፥ ጾሳ አዛዙዋን ኡንቱንቱ ደንድኖ።
NUM 9:21 እት እት ገደ ሻሪ ኦማርሳፐ ዎንታና ጋካናዉ ጻላላ ጋምኤ፤ ዎንትና ሻሪ ደንድያ ዎደ ኡንቱንቱካ ደንድኖ። ጋላሳ ግድና፥ ቃማ ግድና፥ ሻሪ ደንድያ ዎደ ኡንቱንቱካ ደንድኖ።
NUM 9:22 ሻሪ ዱንካንያ ቦላን ላኡ ጋላሳ ጋምእና፥ ዎይ እት አግና፥ ዎይ እት ላይꬃ ጋምእና፥ እስራኤላቱ ባረንቱ ዱንካኔዳሳን ጋምኢኖፐ አትና ቢክኖ። ሽን ሻሪ ደንድያ ዎደ ኡንቱንቱካ ደንድኖ።
NUM 9:23 ኡንቱንቱ መꬍና ጎዳ አዛዙዋን ዱንካኒኖነ ቃይ መꬍና ጎዳ አዛዙዋን ደንድኖ፤ መꬍና ጎዳይ ሙሴ ባጋና አዛዜዳዋዳን፥ ኡንቱንቱ መꬍና ጎዳ አዛዙዋ ናጌድኖ።
NUM 10:1 መꬍና ጎዳይ ሙሳ ሀዋዳን ያጌዳ፤
NUM 10:2 “ላኡ ጹሩምባቱዋ ብራፐ ቆጻደ ኦꬃ፤ ያታደ አሳ ሺቆ ጼጋናዉነ ቃይ ዱንካኔዳ ሳፐ ደንዳናዉ ደንꬃናዳን ፑና።
NUM 10:3 ሀ ላኡ ጹሩምባቱ ፑነትያ ዎደ፥ አሳይ ኡባይ ጋከትያ ዱንካንያ ፐንጊ ኔኮ ሺቆ።
NUM 10:4 ሽን እት ጹሩምባ ጻላላይ ፑነቶፐ፥ እስራኤልያ ዛራቱዋ ካፓቱ ነ ስንꬃ ሺቅኖ።
NUM 10:5 ኔን ጹሩምባ ꬎቁ ኦꬃደ ፑንያ ዎደ፥ አዋይ ዶልያ ባጋና ዱንካኔዳ ዛራቱ ደንድኖ።
NUM 10:6 ጹሩምባ ላኤንꬆ ꬎቁ ኦꬃደ ፑንያ ዎደ፥ ገድሳ ባጋና ዱንካኔዳ ዛራቱ ደንድኖ። ጹሩምባይ ꬎቁ ግ ፑነትያዌ ደንዳናዉ ማላ ግዶ።
NUM 10:7 ያአዉ አሳ ሺሻናዉ ጹሩምባ ፑና፤ ሽን ኮሻ ꬎቁ ኦꬃደ ፑኖፓ።
NUM 10:8 አሮና ናናይ ቄሳቱ ጹሩምባ ፑንኖ። ሀዌ ነዉነ ይያ የለታ ኡባዉ መꬍና ዎጋ ግዶ።
NUM 10:9 “ህንተ ጋድያን መቱዋ ደንꬅያ ህንተ ሞርክያና ህንተ ኦለታናዉ ከስያ ዎደ፥ ሄ ጹሩምባቱዋ ꬎቁ ኦꬂደ ፑንተ። ሄዋን መꬍና ጎዳይ ህንተ ጾሳይ ህንተና ሄ ዎደ ሀሳዪደ፥ ህንተ ሞርክያፐ ህንተና አሻና።
NUM 10:10 ሄዋዳንካ፥ ቃይ ህንተ ናሸትያ ጋላስ፥ ባላ ቦንቻናዉ ህንተ ኬሬዳ ጋላስነ አግናይ ጼርያ ባላን፥ ህንተ ጹግያ ያርሹዋ ያርሽያ ዎደነ ህንተ እትፐተꬃ ያርሹዋ ያርሽያ ዎደ ሄ ጹሩምባቱዋ ፑንተ፤ ሄዌ ጾሳ ስንꬃን ህንተና ሀሳይስያዋ ግዳና። ታን መꬍና ጎዳ፥ ህንተ ጾሳ” ያጌዳ።
NUM 10:11 ላኤንꬃ ላይꬃን ላኤንꬆ አግናን ላታማንꬃ ጋላስ፥ ሻሪ ማርካተꬃ ዱንካንያ ቦላፐ ደንዴዳ።
NUM 10:12 ሄዋፐ ጉይያን፥ እስራኤልያ አሳይ ሲና መላ ቢታፐ ደንዴዳ፤ ሻሪ ፓራና ግያ መላ ቢታ ጋኪደ ዎꬌዳ።
NUM 10:13 ኡንቱንቱ ሀ ኮይሮ ቡሳዉ መꬍና ጎዳይ ሙሴ ባጋና አዛዜዳዋዳን ደንዴድኖ።
NUM 10:14 ይሁዳ ዛራቱዋና ዱንካኔዳ ባጋይ ባረንቱ አርማ ኦይቂደ ኮይሮ ደንዴድኖ። ይሁዳ ዛራቱ ካፑ አምናዳባ ናኣ ናአሶና፤
NUM 10:15 ይሳኮራ ዛራቱ ካፑ ጹኣራ ናኣ ናታንኤላ፤
NUM 10:16 ዛብሎና ዛራቱ ካፑ ሄሎና ናኣ ኤልኣባ።
NUM 10:17 ሄዋፐ ጉይያን፥ ዱንካንያ ሾድና፥ ገርሾና ያራቱነ ማራራ ያራቱ ቶኪደ ደንዴድኖ።
NUM 10:18 ካሊደ ሮቤላ ዛራቱዋና ዱንካኔዳ ባጋይ ባረንቱ አርማ ኦይቂደ ደንዴዳ። ሮቤላ ዛራቱ ካፑ ሻደኡራ ናኣ ኤሊጹራ፤
NUM 10:19 ስሞና ዛራቱ ካፑ ጹሪሻዳያ ናኣ ሻሉምኤላ፤
NUM 10:20 ጋዳ ዛራቱ ካፑ ረኡኤላ ናኣ ኤልያሳፋ።
NUM 10:21 ሄዋፐ ጉይያን፥ ቃሃታ ያራቱ ጌሻ ሚሻቱዋ ቶኪደ ደንዴድኖ። ኡንቱንቱ ጋካናፐ ካሰቲደ፥ ዱንካኒ ቶለት ኡቴዳ።
NUM 10:22 ካሊደ ኤፍሬማ ዛራቱዋና ዱንካኔዳ ባጋይ ባረ አርማ ኦይቂደ ደንዴዳ። ኤፍሬማ ዛራቱ ካፑ አምሁዳ ናኣ ኤልሻማአ፤
NUM 10:23 ምናሰ ዛራቱ ካፑ ፓዳጹራ ናኣ ጋማልኤላ፤
NUM 10:24 ቢንያማ ዛራቱ ካፑ ጊድኦና ናኣ አብዳና።
NUM 10:25 ዉርሰꬃን፥ ሀ ጩጉዋ ኡባዉ ጉየ ባጋን ናግያ ዳና ዛራቱዋና ዱንካኔዳ ባጋይ ባረ አርማ ኦይቂደ ደንዴዳ። ዳና ዛራቱ ካፑ አምሻዳያ ናኣ አህኤዘራ፤
NUM 10:26 አሴራ ዛራቱ ካፑ ኦክራና ናኣ ፓግኤላ፤
NUM 10:27 ንፍታሌማ ዛራቱ ካፑ ኤናና ናኣ አህራአ።
NUM 10:28 እስራኤልያ አሳይ ባረ ባጋን ባጋን ደንዲደ ብያ ማራይ ሀዋዳና።
NUM 10:29 ሙሴ ምድያማ አሳ ግድያ ባረ ቦሉዋ ረኡኤላ ናኣ ሆባባ፥ “ኑን መꬍና ጎዳይ፥ ‘ታን ህንተንቶ እማና’ ጌዳ ሳኣ ቤቶ፤ መꬍና ጎዳይ እስራኤልያዉ ሎኦባ ኦꬃና ጌዳ ድራዉ፥ ኔን ኑናና ደንዳ። ኑን ነዉ ሎኦባ ኦꬃና” ያጌዳ።
NUM 10:30 ሆባብ፥ “ቱይት፥ ታን ቢከ፤ ታን ታ ቢታ ታ አሳኮ ባና” ያጌዳ።
NUM 10:31 ሙሴ አ፥ “ሀያና፥ ኑና የጋደ ቦፓርኪ! መላ ቢታን ኑን ዱንካናናዉ በስያሳ ኔን ኤራሳ፤ ኔን ኑ ብያ ኦግያ ኑና ካለꬃናዉካ ዳንዳያሳ።
NUM 10:32 ኔን ኑናና ቦፐ፥ መꬍና ጎዳይ ኑዉ እምያ አንጁዋ ኡባ ኑን ኔናና ሻካና” ያጌዳ።
NUM 10:33 ያትና ኡንቱንቱ መꬍና ጎዳ ደርያፐ ደንዲደ፥ ሄዙ ጋላሳ ኬሻ ኦግያ ቤድኖ። መꬍና ጎዳ ጫቁዋ ታቦታይ ኡንቱንቱ ሸምፕያ ሳኣ ደማናዉ ሄ ሄዙ ጋላሳን ኡንቱንቱፐ ስንꬃዉ ቤዳ።
NUM 10:34 ኡንቱንቱ ዱንካኔዳ ሳኣፐ ደንድያ ዎደ ኡባን፥ መꬍና ጎዳ ሻሪ ጋላስ ጋላስ ኡንቱንቱፐ ቦላና ደኤ።
NUM 10:35 ታቦታይ ደንድያ ዎደ ኡባን ሙሴ፥ “አቤት መꬍና ጎዳዉ፥ ደንዳ! ነ ሞርከቱ ላለትኖ፤ ኔና እጽያዋንቱካ ነ ስንꬃፐ ባቃትኖ” ያጌ።
NUM 10:36 ታቦታይ ሸምፕያ ዎደ ኡባን ሙሴ፥ “አቤት መꬍና ጎዳዉ፥ ሀ ዳሮ ሻአን ፓይደትያ እስራኤልያ አሳኮ ኔን ስማ” ያጌ።
NUM 11:1 አሳይ ባረ መቶ መꬍና ጎዳ ቦላ ዙዙሜዳ፤ ኡንቱንቱ ዙዙሚና ጾሳይ ስሲደ፥ ሀንቁዋ ኤጽ ከሴዳ። ያትና መꬍና ጎዳ ታማይ ኡንቱንቱ ግዱዋን ኤጺደ፥ ኡንቱንቱ ዱንካኔዳ ሳአዉ እት እት ጋጻ ባጋ ሜዳ።
NUM 11:2 ያትና አሳይ ሙሴዉ ዋስና፥ ሙሴ መꬍና ጎዳ ዎሴዳ። ታማይ ቶኤዳ።
NUM 11:3 መꬍና ጎዳ ታማይ ኡንቱንቱ ግዱዋን ኤጼዳ ድራዉ፥ ሄ ሳአይ ታብኤራ ጌተት ጼሰቴዳ።
NUM 11:4 እስራኤላቱዋና ደእያ ዱማ ዱማ ጋደ አሳይ ሀራ ቁማ ሎይꬅ አሞቴዳ። እስራኤልያ አሳይካ ቃይ ሀዋዳን ያጊደ ዬኩዋ ዶሜዳ፤ “ላ ኑን አሹዋ ሀቃፐ ደማኔ?
NUM 11:5 ኑን ግብጼ ጋድያን ሚሻ ጭገናን ጮ ምያ ሞልያ ሀሳዬቶ፤ ቃይ ቃይያ ምያ ፓራንጅያ ሌክያ፥ ዞልዶ ሌኪያ ማላትያ ማልእያ ሃꬃይ ኩሜዳ ሜሎንያ፥ አዱሳ ፓራንጅያ ሱንቁሩትያነ ቱሙዋ ሀሳዬቶ።
NUM 11:6 ሽን ሀእ ኑ ቆꬊ ጎርደቴዳ፤ ኑ አይፊካ ሀ ማናፐ አትና፥ ሀራባ አይነ በኤና” ያጌድኖ።
NUM 11:7 ማናይ ዴቡዋ አይፍያ ማላቴ፤ አ ማላይ ቦጽያ ምꬃ ጮሻ ማላቴ።
NUM 11:8 አሳይ ዩይ ዩይ አ ቆሬ፤ ዎጻን ጋጬ፥ ዎይ ኡዱላን ጫዴ፤ ኡንቱንቱ አ ኦቱዋን ፐንትሲደ፥ ባሽያን ኮምፒኖ። እ ዛይትያን ሙናቂደ ኡኬዳ ኡክꬃዳን ማልኤ።
NUM 11:9 ቃማ ዱንካኔዳሳን ጻሳይ ዎꬍያ ዎደ፥ ማናይ አናና ዎꬌ።
NUM 11:10 አሳይ ባረ ዱንካንያ ፐንግያን ፐንግያን ዬክሽን፥ ሙሴ ስሴዳ። መꬍና ጎዳ ሀንቁ ኤጽ ከሴዳ ድራዉ፥ ሙሴ ኡንኤቴዳ።
NUM 11:11 ሄዋ ድራዉ፥ ሙሴ መꬍና ጎዳ ሀዋዳን ያጊደ ኦቼዳ፤ “ኔን ታ ቦላ ነ ቆማ ቦላ አያዉ ሀ መቱዋ አሃዲ? ኔን ታናን አያዉ ናሸታበይኪ? ኔን ሀ አሳ ኡባ ቶኩዋ ታ ቦላ አያዉ ዎꬃዲ?
NUM 11:12 ሀ አሳ ኡባ ታን ሻሃራድታየ? ዎይ ኡንቱንታ ታን የላድታ? ‘ኔን ኡንቱንቱ ማይዛ አዋቶ፥ “ታን ህንተንቶ እማና” ጋደ ጫቄዳ ቢታ ጋꬃናዉ፥ ናናቱዋ ድችያና ꬋንꬅያ ናኣ ባረ ክዉዋን እድምያዋዳን፥ ኔን ኡንቱንታ ነ ክዉዋን እድማ’ ያጋደ ታዉ አያዉ ኦዳይ?
NUM 11:13 ሀ አሳዉ ኡባዉ ታን አሹዋ ሀቃፐ ደማኔ? ኡንቱንቱ ታና፥ ‘ምያ አሹዋ ኑዉ እማ’ ያጊደ ዬኪኖ።
NUM 11:14 ታን ሀ አሳ ኡባ ታረካ ቶካና ዳንዳይከ፤ ቶኩ ታዉ ሎይꬅ ዴጼ።
NUM 11:15 ስም ኔን ታና ሀዋዳን መቶታናዳን ኦꬃናዋፐ ታዉ ቃረታደ ታና ሀእ ዎꬋ ባሻ፤ ያቶፐ፥ ታን መቱዋፐ ሸምፓና” ያጌዳ።
NUM 11:16 መꬍና ጎዳይ ሙሳ፥ “እስራኤልያ ጭማቱዋፐ ካለꬅያዋንታነ ካፓቱዋ ግድያ፥ ኔን ኤርያ ላፑን ታሙ ጭማቱዋ ታዉ ሺሻ፤ ኡንቱንቱ ኔናና ያን ኤቃና ማላ፥ ጾሳ ዱንካንያኮ፥ ኡንቱንታ ኔን አያ።
NUM 11:17 ታን ዱገ ዎꬋደ ኔናና ያን ሃሳያና፤ ታን ኔናን ደእያ አያናፐ አካደ፥ ሄ አያና ኡንቱንቱ ቦላ ዎꬃና። ኔን ኔረካ ቶከና ማላ፥ ኡንቱንቱ አሳ ቶኩዋ ቶኪደ፥ ኔና ማዳና።
NUM 11:18 “ኔን አሳዉ ሀዋዳን ጋደ ኦዳ፥ ‘ዎንትዉ ህንተና ጌሽተ፤ ያቲደ ህንተ አሹዋ ማና። ህንተ፥ “ላ ኑን አሹዋ ሀቃፐ ደማኔ? ኑዉ ግብጼ ጋድያን ሳአይ ሎአ ሽን!” ያጊደ ዬኬዳዋ መꬍና ጎዳይ ስሴዳ። መꬍና ጎዳይ አሹዋ ሀእ ህንተንቶ እማና፤ እምና ህንተ ማና።
NUM 11:19 ህንተ ግዱዋን ደእያ መꬍና ጎዳ ህንተ ካꬌዳ ድራዉነ ህንተ፥ “ኑን ግብጼ ጋድያፐ አያዉ ከሴዶ?” ያጊደ አ ስንꬃን ዬኬዳ ድራዉ፥ ህንተ እት ጋላሳ፥ ዎይ ላኡ ጋላሳ፥ ዎይ እቼሹ ጋላሳ፥ ዎይ ታሙ ጋላሳ፥ ዎይ ላታሙ ጋላሳ ጻላላ አሹዋ ሚክታ፤ ሽን ህንተንቶ ሲꬍያና ከሳና ጋካናዉ፥ ህንተና ሳለꬃና ጋካናዉ፥ እት አግና ኩመንꬃ ህንተ አሹዋ ማና’ ያጋ” ያጌዳ።
NUM 11:21 ሽን ሙሴ ጾሳ፥ “በአ፥ ታን ኡሱፑን ጼቱ ሻአ ግድያ አሳ ግዱዋን ደአይ፤ ኔን፥ ‘እት አግና ኩመንꬃ ኡንቱንቱ ማናዉ ኡንቱንቶ ታን አሹዋ እማና’ ጋዳ።
NUM 11:22 ሚዛ ዉድያነ ዶርሳ ዉድያ ኡንቱንቶ ሹክና ካልሳኔ? አባን ደእያ ሞልያ ኡባ ሺሽያዋ ግድንቶነ፥ ኡንቱንቶ ግዳኔ?” ያጌዳ።
NUM 11:23 መꬍና ጎዳይ ሙሳ፥ “መꬍና ጎዳ ኩሺ ቃንꬄየ? ታን ነዉ ግያባይ ቱመንቶነ ዎርደንቶ ኔን ሀእ በአና” ያጌዳ።
NUM 11:24 ሙሴ ካረ ከሲደ፥ መꬍና ጎዳይ ጌዳዋ አሳዉ ኦዴዳ። እ እስራኤልያ ጭማቱዋፐ ላፑን ታሙ አሳ ሺሺደ፥ ዱንካንያ ዩሹዋን ኤሴዳ።
NUM 11:25 መꬍና ጎዳይ ሻሪያን ዱገ ዎꬊደ፥ አናና ሃሳዬዳ፤ ያቲደ አ ቦላን ደእያ አያናፐ አኪደ፥ ሄ ላፑን ታሙ ጭማቱዋ ቦላ ዎꬄዳ። አያናይ ኡንቱንቱ ቦላን ሸምፔዳ ዎደ፥ ኡንቱንቱ ትምቢትያ ኦዴድኖ። ሽን ሄዋፐ ጉይያን፥ ዛረꬂደ ትምቢትያ ኦድበይክኖ።
NUM 11:26 ሄ ላፑን ታሙ ጭማቱዋና ማዝጎብያን ጻፈቴዳ አሳቱ ኤልዳዳነ መዳዳ ግያ ላአቱ ዱንካኔዳሳን አቴድኖ፤ ዱንካንያኮ ይበይክኖ፤ ሽን ኡንቱንቱ ቦላካ አያናይ ዎꬍና፥ ዱንካኔዳሳን ትምቢትያ ኦዴድኖ።
NUM 11:27 እት ዎዳላይ ዎጽ ዪደ፥ ሙሳ፥ “ኤልዳድነ መዳድ ዱንካኔዳሳን ትምቢትያ ኦዲኖ” ያጊደ ኦዴዳ።
NUM 11:28 ባረ ያላጋተꬃፐ ዶሚደ፥ ሙሳ ማድያ ኔዌ ናአይ ኢያሱ ሙሳ፥ “ታ ጎዳዉ ሙሴ፥ ኔን ኡንቱንታ ተአ” ያጌዳ።
NUM 11:29 ሽን ሙሴ አ፥ “ታ ግሻታ ነ ምሸታይ? መꬍና ጎዳ አሳይ ኡባይ ትምቢትያ ኦድያዋነ መꬍና ጎዳይ ባረ አያና ኡንቱንቱ ቦላ ዎꬅያዋ ግዴረኔሻ!” ያጌዳ።
NUM 11:30 ሄዋፐ ጉይያን፥ ሙሴነ እስራኤልያ ጭማቱ ዱንካኔዳሳ ስሜድኖ።
NUM 11:31 ሄዋፐ ጉይያን፥ መꬍና ጎዳይ ጫርኩዋ ደንꬅና፥ አባ ባጋፐ አካ አሳይ ዱንካኔዳሳ ኡባ ዩሹዋኮ ጫርኩ አሄዳ፤ ሄ ካፎቱ ሳኣ ዶናና ጋድያፐ ፑደ ላኡ ዋꬋ ኬሻን ፓሌድኖ። ዪደ ኡንቱንቱ ዱንካኔዳሳ ኡባፐ ጋጻና፥ እት ጋላሳ ኦገ ኬና ሳኣን ኡቴድኖ።
NUM 11:32 ሄ ጋላሳ ኡባን፥ ሄ ቃማ ኡባንነ ዎንተꬃ ጋላሳ ኡባን አሳይ ካረ ከሲደ፥ ሀ አካቱዋ ኦይቂደ ሺሼዳ፤ ኡንቱንቱፐ ኦንነ እት ሻአ ኪሎ ግራመፐ ጉꬃ ሺሽቤና። ኡንቱንቱ ሄዋፐ ጉይያን፥ ዱንካኔዳሳ ዩሹዋ ኡባን መልሳናዉ ምጬድኖ።
NUM 11:33 ሽን አሹ ብሮ ኡንቱንቱ ማታን ደእሽን፥ ኡንቱንቱ ጮሚደ ምተናን ደእሽን፥ መꬍና ጎዳ ሀንቁ አሳ ቦላ ኤጽ ከሴዳ፤ ያትና መꬍና ጎዳይ አሳ ዎልቃማ ቦሻን ሾጬዳ።
NUM 11:34 ያትና ሄ ሳአይ ክብሮት ሀታባ (አሙዋ ዱፉዋ) ጌተት ሱንቴዳ፤ አያዉ ጎፐ፥ አሹዋ አሞቴዳ አሳ ኡንቱንቱ ሄ ሳኣን ሞጌድኖ።
NUM 11:35 አሳይ ሄዋፐ ደንዲደ ሀጸሮታ ግያሳ ቢደ፥ ያን ዱንካኔዳ።
NUM 12:1 ሙሴ ቶጵያ ቢታ ምሽራቶ አኬዳ። እ አኬዳ ቶጵያ ማጫን ድራዉ፥ ሚርያማነ አሮን ሙሳ ቦሬድኖ።
NUM 12:2 ኡንቱንቱ፥ “መꬍና ጎዳይ ሙሴ ባጋ ጻላላና ሃሳዬደየ? ቃይ እ ኑ ባጋና ሃሳይቤኔየ?” ያጌድኖ። መꬍና ጎዳይ ሄዋ ስሴዳ።
NUM 12:3 ሙሴ ጋድያን ሳኣን ኡባን ደእያ አሳ ኡባፐ አꬍያ አሽከ አሳ።
NUM 12:4 መꬍና ጎዳይ ኤለካ ሙሴዉ፥ አሮናዉነ ሚርያምዉ፥ “ህንተ ሄዙካ ጋከትያ ዱንካንያኮ ከስተ” ያጌዳ፤ ኡንቱንቱ ሄዙካ ከሴድኖ።
NUM 12:5 ጾሳይ ሻርያ ቱሳን ዱገ ዎꬌዳ፤ ዱንካንያ ፐንግያን ኤቂደ፥ አሮናነ ሚርያሞ ጼሴዳ። ኡንቱንቱ ላኡካ አ ስንꬃ ሺቅና፥
NUM 12:6 እ ኡንቱንታ፥ “ታ ኦድያዋ ስስተ: ህንተ ግዱዋን ትምቢትያ ኦድያዌ ደኦፐ፥ ታን መꬍና ጎዳይ ታና አዉ ሳጻን ቆንጭሳይ፤ ታን አዉ አኩሙዋን ኦዳይ።
NUM 12:7 ሽን ታ ቆማ ሙሴና ሄዋዳን ግደና፤ እ ታ ጎልያ ኡባን አማነቴዳዋ።
NUM 12:8 ታን ሙሴና ስንꬃ ስንꬃን ሃሳያይፐ አትና፥ ሌምሱዋን ሃሳይከ። እ መꬍና ጎዳ ማላ በኤ። ያትና ታ ቆማ ሙሳ ቦራናዉ ህንተ አያዉ ያይበይክቴ?” ያጌዳ።
NUM 12:9 መꬍና ጎዳ ሀንቁ ኡንቱንቱ ቦላ ኤጽ ከሴዳ፤ መꬍና ጎዳይ ቤዳ።
NUM 12:10 ሻሪ ዱንካንያ ቦላፐ ደንዴዳ ዎደ፥ ሚርያማ ዎልቃማ ጋልባ ሀርግያን ምልጽ ጋደ ቦጻዱ። አሮን ኢኮ ስሚደ ጼልያ ዎደ፥ ዎልቃማ ጋልባ ሀርግያን ኦይቀቴዳኖ በኤዳ።
NUM 12:11 ያትና እ ሙሳ፥ “ሀይ ታ ጎዳዉ፥ ኑን ኤያተꬃን ኦꬄዳ ናጋራዉ ኑና ሙሮፓ።
NUM 12:12 ባረ ዳይ ኡሉዋፐ ከስያ ዎደ፥ አ አሹዋፐ ባጋይ ሜተት ክችና፥ ሀይቂ ክቺደ የለቴዳ ጋጭኖ ናኣ ማላ ግዶፓረኬ” ያጌዳ።
NUM 12:13 ሙሴ፥ “ሀይ ጾሳዉ፥ እዞ ፓꬃርኪ!” ያጊደ መꬍና ጎዳዉ ዋሴዳ።
NUM 12:14 መꬍና ጎዳይ ሙሳ፥ “እ አዉ እ ሶምእያን ጩቻ ጩቼዳዋ ግድንቶነ፥ ላፑን ጋላሳ እዛ ዬላ ማያደ ኡታና ግደኬየ? ሄዋ ድራዉ፥ ኔን እዞ ላፑን ጋላሳ ዱንካኔዳ ሳኣፐ ጋጻ ባጋና ዱማ ሳኣን ኡትሳ፤ ሄዋፐ ጉይያን፥ ስማደ ዩ” ያጌዳ።
NUM 12:15 ያትና ሚርያማ አሳይ ዱንካኔዳ ሳኣፐ ጋጻ ከሳደ ላፑን ጋላሳ ኡታዱ። አ ስማና ጋካናዉ አሳይ ባናዉ ደንድቤና።
NUM 12:16 ሄዋፐ ጉይያን፥ አሳይ ሀጸሮታ ግያ ሳፐ ደንዲደ፥ ፓራና መላ ቢታ ዱንካኔዳ።
NUM 13:1 መꬍና ጎዳይ፥ ሙሳ፥
NUM 13:2 “ታን እስራኤላቶ እምያ ካናነ ቢታ ዎቻና ማላ፥ አማሬዳ አሳ ኪታ፤ ኡንቱንቱ ዛረ ኡባፐ እት እት ካፑዋ ኪታ” ያጌዳ።
NUM 13:3 ሙሴ መꬍና ጎዳ አዛዙዋን ፓራና መላ ቢታፐ ኡንቱንታ ኪቴዳ። ኡንቱንቱ ኡባይካ እስራኤልያ አሳ ካፓቱዋ።
NUM 13:4 ኡንቱንቱ ሱንꬃይ ሀዋፐ ካሊደ ጻፈቴዳዋ: ዛርያ ካፑዋ ሮቤላ ዛኩራ ናኣ ሻሙአ፤
NUM 13:5 ስሞና ሆራ ናኣ ሻፋጻ፤
NUM 13:6 ይሁዳ ይፉነ ናኣ ካሌባ፤
NUM 13:7 ይሳኮራ ዮሴፎ ናኣ ይግኣላ፤
NUM 13:8 ኤፍሬማ ኔዌ ናኣ ሆሼአ፤
NUM 13:9 ቢንያማ ራፉ ናኣ ፓልጻ፤
NUM 13:10 ዛብሎና ሶዳ ናኣ ጋድኤላ፤
NUM 13:11 ዮሴፎ ናኣ ምናሳ ሱሳ ናኣ ጋዳ፤
NUM 13:12 ዳና ጋማላ ናኣ አምኤላ፤
NUM 13:13 አሴራ ምካኤላ ናኣ ሳቱራ፤
NUM 13:14 ንፍታሌማ ዋፍሳ ናኣ ናህባ፤
NUM 13:15 ጋዳ ማካ ናኣ ገኡኤላ።
NUM 13:16 ሄ ቢታ ዎቻና ማላ፥ ሙሴ ኪቴዳ አሳቱ ሱንꬃይ ሀዋፐ ቆሞና ደእያዋ። ሙሴ ኔዌ ናኣ ሆሼአ ሱንꬃ ኢያሳ ያጊደ ሱንꬄዳ።
NUM 13:17 ኡንቱንቱ ካናነ ቢታ ዎቻና ማላ፥ ሙሴ ኡንቱንታ ኪትያ ዎደ ሀዋዳን ያጌዳ፤ “ሀዋፐ ኔጌባ መላ ቢታ ፑደ ከሲደ፥ ያፐ ሁጲሳ ባጋን ደእያ ገዘ ቢታ ቢተ።
NUM 13:18 ቢታይ አይ ማላ ቢተንቶነ በእተ፤ ሄ ጋድያን ደእያ አሳይ ምነንቶነ ላፈንቶ፥ ጉꬄንቶነ ዳረንቶ፥
NUM 13:19 ኡንቱንቱ ደእያ ቢታይ ሎኤንቶነ ኢተንቶ፥ ኡንቱንቱ ደእያ ካታማይነ አይ ማላ ካታመንቶ፥ ግምቢያን ድረት ኡቴደንቶ ድረትቤነንቶ፥
NUM 13:20 ቢታይ አይ ማላ ቱኤንቶነ ላደንቶ፥ ሄ ጋድያን ምꬃይ ደእንቶነ ባዌንቶ በእተ። ምንተ! ሄ ጋድያን ሞኬዳዋ አይፍያፐ አከናን ዮፕተ” ያጌዳ። ሄ ዎዲ ዎይንያ ቱራይ ኮይሮ አይፍያ አይፍያ ዎደ።
NUM 13:21 ኡንቱንቱ ፑደ ከሲደ፥ ጺና ግያ መላ ቢታፐ ዶሚደ፥ ቢደ ሀማታ ፕኑዋ ማታን ደእያ ራሆባ ጋካናዉ ሄ ቢታ ዎቼድኖ።
NUM 13:22 ኔጌባ ፑደ ከሲደ፥ ከብሮና ጋኬድኖ፤ ሄዋን አህማና፥ ሸሻያነ ታልማያ ጌተትያ አናቀ ዛራቱ ደኢኖ። ከብሮን ግብጼን ደእያ ጾኣነ ካታማፐ ላፑን ላይꬃ ካሰት ኬጸቴዳ።
NUM 13:23 ሄዋና አꬊደ፥ ኡንቱንቱ ኤሽኮላ ግያ ዛንጋራ ቢደ ጋኬዳ ዎደ፥ ዎይንያ ቱራ እቱዋፐ እት ዉርጩዋና ደእያ እት ታሽያ ቃንጼድኖ፤ ኡንቱንቱፐ ላኡ ካሱዋ ግዱዋን ገልስ ቶኬድኖ። ሄዋና ሮማንያነ ባላስያ ግያ ምꬃቱዋ አይፍያ አሄድኖ።
NUM 13:24 እስራኤልያ አሳቱ ሄዋፐ ቃንጼዳ ዎይንያ ቱራ ዉርጩዋ ድራዉ፥ ሄ ሳኣ ኤሽኮላ ዛንጋራ ጊደ ጼሴድኖ።
NUM 13:25 ኡንቱንቱ ሄ ቢታ ዎቺደ፥ ኦይታሙ ጋላሳፐ ጉይያን ስሜድኖ፤
NUM 13:26 ፓራና መላ ቢታን ቃዴሳ ግያ ሳን ደእያ ሙሴኮ፥ አሮነኮነ እስራኤልያ አሳ ማባራ ኡባኮ ዬድኖ። ባረንቱ በኤዳዋ ኡንቱንቶዉነ አሳ ኡባዉ ኦዴድኖ፤ ሄ ጋድያን አይፍያ አይፍያካ ኡንቱንታ በሴድኖ።
NUM 13:27 ኡንቱንቱ ሙሴዉ ሀዋዳን ያጊደ ኦዴድኖ፤ “ኔን ኑና ኪቴዳ ቢታ ኑን ቤዶ፤ ሄ ጋድያን ማꬃይነ ኤሳይ ጎጌ። አን አይፍያ አይፍያካ ሀዋ በአ።
NUM 13:28 ሽን ሄ ጋድያን ደእያ አሳይ ዎልቃማ፤ ኡንቱንቱ ካታማይካ ግምቢያ ድርሳን ድረት ኡቴዳዋነ ዎልቃማ። ኑን ቃይ አናቀ ዛራቱዋ ያን በኤዶ።
NUM 13:29 ኔጌባ አማሌቃ አሳቱ ደኢኖ፤ ገዝያን ሂተቱ፥ ያቡሳቱነ አሞራቱ ደኢኖ፤ ቃይ ካናነቱ ሜድተራነ አባ ዶናንነ ዮርዳኖሳ ሻፋ ጋጻን ደኢኖ” ያጌድኖ።
NUM 13:30 ካሌብ አሳ ሙሴ ስንꬃን ጮኡ ጊሲደ፥ “ኑን ቱሙ ጾናናዉ ዳንዳይያ ድራዉ፥ ፑደ ሀእ ከሲደ፥ ሄ ቢታ ኦሊደ አነ ኦይቆይተ” ያጌዳ።
NUM 13:31 ሽን ካሌበና ፑደ ቤዳ አሳቱ፥ “ሄ ቢታ አሳይ ኑፐ ምንያ ድራዉ፥ ኑን ኡንቱንታ ጾናናዉ ዳንዳዮኮ” ያጌድኖ።
NUM 13:32 ኡንቱንቱ ዩይ ዎቼዳ ቢታ እስራኤልያ አሳዉ ሀዋዳን ጊደ፥ ኢታ ኦዱዋ ኦዴድኖ፥ “ኑን ዎቼዳ ቢታይ ባረናን ደእያ አሳካ ምያዋ፤ አሳይ ኡባይካ ሎይꬅ አዱሳ።
NUM 13:33 ኑን ዎጋ አዱሳ አሳቱ ያራ ግድያ አናቀ ዛራቱዋ ያን በኤዶ፤ ኑን ኑ አይፍያን ኑና ጼልያ ዎደ ቡምቡረꬃ ማላቴቶ፤ ቃይ ኑን ኡንቱንቱ አይፍያን ሄዋካ ማላ” ያጌድኖ።
NUM 14:1 ሄ ጋላሳ ቃማ ማባራይ ኡባይ ባረንቱ ቃላ ꬎቂሲደ ዬኬድኖ።
NUM 14:2 እስራኤልያ አሳይ ኡባይ ሙሴ ቦላነ አሮና ቦላ ዙዙሜድኖ። ማባራይ ኩመንꬃይ ኡንቱንታ፥ “ኑን ግብጼ ጋድያን ደኢደ ሀይቄዳዋ ግዴሮኮ! ዎይ ኑን ሀ መላ ቢታን ሀይቄዳዋ ግዴሮኮ!
NUM 14:3 ማሻን ኑና ዎꬍ ዉርሳናዉ መꬍና ጎዳይ ሀ ቢታ ኑና አያዉ አሂ? ኑ ማቼቱነ ኑ ናናይ ኦሞደታና። ሄዋፐ ጉየ ግብጼ ቢታ ስምያዌ ኑዉ ኬከኔየ?” ያጌድኖ።
NUM 14:4 ቃይ ኡንቱንቱ እቱ እቱዋ፥ “ኑን ካለꬅያዋ ዶሪደ፥ ጉየ ግብጼ ስሜቶ” ያጌድኖ።
NUM 14:5 ሙሴነ አሮን ሄዋን ሺቄዳ እስራኤልያ አሳ ማባራ ኡባ ስንꬃን ሶምኡዋ ሳኣን ጋꬂደ ጉፋኔድኖ።
NUM 14:6 ሄ ቢታ ዎቼዳ አሳቱ ግዶፐ ኔዌ ናአይ ኢያሱነ ይፉነ ናአይ ካሌብ ባረንቱ ማዩዋ ፔꬌድኖ።
NUM 14:7 እስራኤልያ አሳ ማባራ ኡባዉ፥ “ኑን ካንꬅ ከሲደ ዎቼዳ ቢታይ ሎይꬅ ዳሮ ሎአ።
NUM 14:8 መꬍና ጎዳይ ኑናን ናሸትያዋ ግዶፐ፥ ማꬃይነ ኤሳይ ጎግያ ሄ ቢታዉ ኑና እ ገልሳና፤ ሄ ቢታ ኑዉ እ እማና።
NUM 14:9 ሄዋ ድራዉ፥ መꬍና ጎዳ ቦላ ማካላ ማካሎፕተ። ሄ ቢታ አሳዉ ያዮፕተ፤ ኡንቱንቱ ኑዉ ሃꬃ ኡሻካ ጋክክኖ። ኡንቱንቶ አምቦምያዌ ባዋ፤ ሽን መꬍና ጎዳይ ኑናና ደኤ። ህንተ ኡንቱንቶ ያዮፕተ!” ያጌድኖ።
NUM 14:10 ማባራይ ኡባይ ኡንቱንታ ሹቻን ጫዳናዉ ሃሳዬድኖ። ሄ ዎደ መꬍና ጎዳ ቦንቹ ጋከትያ ዱንካንያን እስራኤልያ አሳ ኡባዉ ቆንጬዳ።
NUM 14:11 መꬍና ጎዳይ ሙሳ፥ “ሀ አሳይ አዉደ ጋካናዉ ታና ካꬋኔ? ታን ኡንቱንቱ ግዱዋን ኦꬄዳ ማላታ ኡባ በኢደ፥ አዉደ ጋካናዉ ኡንቱንቱ ታናን አማነናን እጻኔ?
NUM 14:12 ታን ኡንቱንታ ኢታ ሀርግያን ሾጫደ ꬋይሳና፤ ያታደ ታን ኔና ኡንቱንቱፐ ዳርያነ ምንያ ካዉተꬃዉ አዉዋ ኦꬃና” ያጌዳ።
NUM 14:13 ሙሴ መꬍና ጎዳ ሀዋዳን ያጊደ ዎሴዳ፤ “ኔን ነ ዎልቃን ሀ አሳ ግብጼፐ ፑደ ከሴዳዋ ኤርያ ግብጼቱ ሀዋ ስሶፐ፥ ኡንቱንቱ ዋጋኔ?
NUM 14:14 ኡንቱንቱ ሀ ጋድያን ደእያዋንቶካ ሄዋ ኦዳና። አቤት መꬍና ጎዳዉ፥ ኔን ሀ አሳ ግዱዋን ደእያዋ ኡንቱንቱ ስሴድኖ። አቤት መꬍና ጎዳዉ፥ ኑን ኔና በኤዳዋ ኡንቱንቱ ኤሬድኖ፤ ነ ሻሪ ኡንቱንቱፐ ቦላና ታክያዋነ ጋላስ ሻርያ ቱሳን፥ ቃማ ታማ ቱሳን ኔን ኡንቱንቱ ስንꬃን ብያዋ በኤድኖ።
NUM 14:15 ሀእ ኔን ሀ አሳ ኡባ እት ኩꬃን ዎꬍያዋ ግዶፐ፥ ነ ካሰ ኦꬄዳዋ ስሴዳ ካዉተꬃቱ፥
NUM 14:16 መꬍና ጎዳይ ሀ አሳ፥ ‘ህንተዉ እማና ጊደ ጫቄዳ ቢታ ኡንቱንታ አፋናዉ ዳንዳይቤና ድራዉ፥ መላ ቢታን ኡንቱንታ ዎꬌዳ’ ያጊደ ሃሳያና።
NUM 14:17 “ሄዋ ድራዉ፥ ጎዳዉ፥ ኔን ነ ዎልቃ ኑና በሳ፤ ኔን ጋደ፥ ‘መꬍና ጎዳይ ዳንዳያንቻነ አገና ሲቁዋን ኩሜዳዋ፤ ናጋራነ ማካላ አቶ ግያዋ፤ ግዶፐነ፥ ባይዛንቻ ሙረናን አገናዋ፤ አዎቱዋ ናጋራ ድራዉ ናናቱዋ ሄዘንꬃነ ኦይደንꬆ የለታ ጋካናዉ ሙርያዋ’ ጋደ ኦዳ ዎꬄዳዋ ፖላ።
NUM 14:19 ሀ አሳይ ግብጼፐ ከሶደፐ ዶማደ ሀች ጋካናዉ ኔን አቶ ጌዳዋዳን፥ ነ አገና ሲቁዋ ዳሩዋን ሀ አሳ ናጋራ አቶ ጋርኪ!” ያጌዳ።
NUM 14:20 መꬍና ጎዳይ ሙሳ፥ “ኔን ኦቼዳዋዳን ታን ኡንቱንቶ አቶ ጋድ።
NUM 14:21 ሽን ታ ደኡዋን ጫቃይ፤ መꬍና ጎዳ ቦንቹ ሳኣ ኡባ ኩምያዋዳን፥
NUM 14:22 ሀ አሳፐ እቱነ ሄ ቢታ በኤና። ታ ቦንቹዋነ ግብጼ ቢታንነ መላ ቢታ ታን ኦꬄዳ ማላታ ሀ አሳቱ በኤድኖ፤ ሽን ኡንቱንቱ ታሙ ገደ ታና ፓጬድኖነ ታ ቃላ ስሰናን እጼድኖ። ሄዋ ድራዉ፥ ታን ኡንቱንቱ ማይዛ አዋቶ እማና ጋደ ጫቄዳ ቢታ ታና ካꬌዳዋንቱፐ እቱነ ሙለካ በኤና።
NUM 14:24 ሽን ታ ቆማይ ካሌብ ኡንቱንቱፐ ዱማትያ ድራዉነ እ ታና ፖሎ ዎዛናፐ ካሌዳ ድራዉ፥ ታን እ ካሰ ቤዳ ቢታ አ ጋꬃና፤ አ ዘረꬃይ ሄ ቢታ ላታና።
NUM 14:25 ሽን ሀእ አማሌቃቱነ ካናነቱ ዛንጋራን ደእያ ድራዉ፥ ዎንት ጉየ ስሚደ፥ ዞኦ አባኮ አፍያ ኦግያ ኦይቂደ መላ ቢታ ቢተ” ያጌዳ።
NUM 14:26 ቃይ መꬍና ጎዳይ ሙሳነ አሮና ሀዋዳን ያጌዳ፤
NUM 14:27 “ሀ ኢታ አሳይ ታ ቦላ አዉደ ጋካናዉ ዙዙማኔ? ታን እስራኤልያ አሳ ዙዙንꬃ ኡባ ስሳድ።
NUM 14:28 ሄዋ ድራዉ፥ ኔን ኡንቱንቶ ሀዋዳን ያጋደ ኦዳ፤ ‘ታ ደኡዋን ጫቃይ፤ ታን ህንተ ሃሳይሽን ታ ሀይꬃን ስሴዳዋ ህንተንቶ ኦꬃና። ታን መꬍና ጎዳይ ሄዋ ኦዳይ።
NUM 14:29 ህንተ አሃይ ሀ መላ ቢታን ኩንዳና፤ አያዉ ጎፐ፥ አሳ ፓይድያ ዎደ ፓይደቴዳ ላታሙ ላይꬃነ ሄዋፐ ቦላና ደእያ አሳይ ኡባይ ታ ቦላ ዙዙሜድታ።
NUM 14:30 ይፉነ ናኣ ካሌባፐነ ኔዌ ናኣ ኢያሱፐ አትና፥ ህንተፐ ኦንነ ታን ህንተና ዎꬃናዉ ጫቄዳ ሄ ቢታ ገለና።
NUM 14:31 ህንተ፥ “ኑ ናናይ ኦሞደታና” ጌዳ ህንተ ጉꬃ ናናቱዋ ሄ ህንተ ካꬌዳ ቢታ ገልሳና፤ ቢታይካ ኡንቱንቱሳ ግዳናዋ።
NUM 14:32 ሽን ህንተና ግዶፐ፥ ህንተ አሃይ ሀ መላ ቢታን ኩንዳና።
NUM 14:33 ህንተ አማነትቤና ድራዉ፥ ህንተ ዉርሰꬃ አሃይ ሀ መላ ቢታ ዉላና ጋካናዉ፥ ህንተ ናናይ ዋየቲደ፥ ሀ መላ ቢታ ኦይታሙ ላይꬃ ሄንꬃንቻ ግዲደ ዩያና።
NUM 14:34 ህንተ ሄ ቢታ ዎቼዳ ሄ ኦይታሙ ጋላሳ ፓይዱዋን፥ እት ጋላሳዉ እት ላይꬃ፥ ሄዌነ፥ ኦይታሙ ላይꬃዉ ህንተ ናጋራ ድራዉ ህንተ ዋየታና፤ ታን ህንተ ቦላ ደንድያዋ ህንተ ኤራና’ ያጋ ኦዳ።
NUM 14:35 ታን መꬍና ጎዳይ ሀዋ ኦዳይ። ታ ቦላ ሺቅ ኡቴዳ ሀ ኢታ ማባራ ቦላ ሀዋዳን ቱሙ ኦꬃና: ኡንቱንቱ ሀ መላ ቢታን ዉራና፤ ሀዋን ኡንቱንቱ ሀይቃና” ያጌዳ።
NUM 14:36 ሄ ቢታ ዎቻና ማላ፥ ሙሴ ኡንቱንታ ኪትና ቢደ ስሜዳ አሳቱ፥ ሄ ቢታ ኢታ ኦዱዋ ኦዲደ፥ ሙሴ ቦላ አሳይ ኡባይ ዙዙማና ማላ ኦꬄዳዋንቱ፥
NUM 14:37 ሄ ኢታ ኦዱዋ ኦዴዳ አሳቱ፥ መꬍና ጎዳ ስንꬃ ቦሻን ሀይቄድኖ።
NUM 14:38 ሄ ቢታ ዎቻናዉ ቤዳ አሳቱዋፐ ይፉነ ናአይ ካሌብነ ኔዌ ናአይ ኢያሱ ጻላላይ ፓጻ አቴድኖ።
NUM 14:39 ሙሴ ሀዋ እስራኤልያ አሳዉ ኡባዉ ኦዴዳ ዎደ፥ አሳይ ሎይꬅ ዬኬዳ።
NUM 14:40 ዎንተꬃ ጋላስ ዎንታ ጉራን ኡንቱንቱ ደንዲደ፥ ፑደ ገዘ ቢታ ከሲደ፥ “ኑን ናጋራ ኦꬄዶ፤ ሽን ሀእ ጾሳይ ኑዉ እማና ጌዳ ሳኣ ፑደ ከሳና” ያጌድኖ።
NUM 14:41 ሽን ሙሴ ኡንቱንታ፥ “መꬍና ጎዳ አዛዙዋ ህንተ አያዉ መንꬂቴ? ህንተዉ ሀነና።
NUM 14:42 መꬍና ጎዳይ ህንተናና ደኤና ድራዉ፥ ፑደ ከሶፕተ፤ ህንተ ሞርከቱ ህንተና ጾናና።
NUM 14:43 አማሌቃ አሳቱዋናነ ካናነ አሳቱዋና ህንተ ኦለታና፤ ህንተ ማሻን ሀይቃና። መꬍና ጎዳፐ ህንተ ዎራ ስሜዳ ድራዉ፥ መꬍና ጎዳይ ህንተናና ደኤና” ያጌዳ።
NUM 14:44 ሽን ኡንቱንቱ መꬍና ጎዳ ጫቁዋ ታቦታይነ ሙሴነ ዱንካኔዳ ሳኣፐ ደንዳና ꬋዮፐካ፥ ገዘ ቢታ ከሳናዉ ጻሊደ ደንዴድኖ።
NUM 14:45 ገዘ ጋድያን ደእያ አማሌቃ አሳቱነ ካናነ አሳቱ ዎꬊደ ኡንቱንቱ ኦላይ ጾኒደ፥ ሆርማ ጋካናዉ ኡንቱንታ የደርሴድኖ።
NUM 15:1 መꬍና ጎዳይ ሙሳ ሀዋዳን ያጌዳ፤
NUM 15:2 “እስራኤልያ አሳዉ ሀዋዳን ያጋ፤ ‘ህንተ ደአና ማላ፥ ታን ህንተንቶ እምያ ቢታ ገልያ ዎደ፥
NUM 15:3 መህያፐ ዎይ ዶርሳፐ፥ ጹግያ ያርሹዋ ግድና፥ ዎይ ሺቆዋ ጋꬃናዉ ያርሽያ ያርሹዋ ግድና፥ ዎይ መꬍና ጎዳይ ኬሬዳ ባላ ጋላሳቱዋን ህንተ ዶሱዋን ጮ እምያ ያርሹዋ ግድና፥ መꬍና ጎዳዉ ታማን ጹግያ፥ ሳዉዋ ቶሹኩ ግያ ያርሾቱዋ ያርሽተ።
NUM 15:4 ያርሹዋ ሺሽያ ኡራይ ካꬃ ያርሾ እት ኪሎ ግራመ ꬊልያ እት ሊትሮ ዎጋራ ዛይትያን ሙናቄዳዋካ መꬍና ጎዳዉ አሆ።
NUM 15:5 ቃይ ጹግያ ያርሾ፥ ዎይ ሀራ ያርሾ አህያ እት እት ዶርሳና እት ሊትሮ ዎይንያ ኤሳ ኡሻ ያርሹዋ ኦꬂደ ጊግስተ።
NUM 15:6 “ ‘ዶርሳ ኦርግያ ያርሻናዉ ሺሽያ ዎደ፥ ካꬃ ያርሾ ላኡ ኪሎ ግራመ ꬊልያ እት ሊትሮነ ባጋ ዎጋራ ዛይትያን ሙናቄዳዋነ
NUM 15:7 እት ሊትሮነ ባጋ ዎይንያ ኤሳ ኡሻ ያርሾ አህተ። መꬍና ጎዳዉ ሳዉዋ ቶሹኩ ግያ ያርሹዋ ያርሽተ።
NUM 15:8 “ ‘እት ኮሩማ ጹግያ ያርሹዋ፥ ዎይ ሺቁዋ ጋꬅያ ያርሹዋ፥ ዎይ እትፐተꬃ ያርሹዋ ኦꬂደ ያርሻናዉ መꬍና ጎዳዉ አህያ ዎደ፥
NUM 15:9 ኮሩማና እትፐ ካꬃ ያርሾ ሄዙ ኪሎ ግራመ ꬊልያ ላኡ ሊትሮ ዎጋራ ዛይትያን ሙናቄዳዋነ
NUM 15:10 ኡሻ ያርሾ ላኡ ሊትሮ ዎይንያ ኤሳካ አህተ። መꬍና ጎዳዉ ሳዉዋ ቶሹኩ ግያ ያርሹዋ ታማን ያርሽተ።
NUM 15:11 “ ‘እት እት ኮሩማ ቦራ፥ ዎይ እት እት ዶርሳ ኦርግያ፥ ዎይ ያላጋ ዴሻ ኦርግያ፥ ዎይ አቱማ ዶርሳ ማራ ያርሻናዉ ሺሽያ ዎደ፥ ካꬃ ያርሹነ ኡሻ ያርሹ ሀዋዳን እትፐ ሺቄ።
NUM 15:12 እት መህያፐ ዳሩ ሺቅያ ዎደ፥ ካꬃ ያርሹነ ኡሻ ያርሹ ሄዋዳን ዳሪደ ሺቄ።
NUM 15:13 እስራኤልያ አሳ ግድያ ኦንነ ታማን ጹግያ፥ ሳዉዋ ቶሹኩ ግያ ያርሹዋ መꬍና ጎዳዉ ሺሽያ ዎደ ኡባን፥ ሀዋዳን ኦꬃናዉ ኮሼ።
NUM 15:14 ስንꬃፐ ያና የለታን ህንተ ግዶን ደእያ በቲ ዎይ ሀራ አሳይ ኦንነ ጹግያ፥ ሳዉዋ ቶሹኩ ግያ ያርሹዋ መꬍና ጎዳዉ ሺሻናዉ ኮዮፐ፥ እካ ህንተ ኦꬅያዋዳን ኦꬃናዉ ኮሼ።
NUM 15:15 ህንተዉካ ህንተ ግዶን ደእያ በተቶካ ሀ ዎጋይ እቱዋ፤ ሀዌ ስንꬃፐ ያና የለታዉካ ኤቂደ ደእያ ዎጋ። ህንተካ በተቱካ መꬍና ጎዳ ስንꬃን እቱዋ።
NUM 15:16 ህንተዉካ ህንተ ግዶን ደእያ በተ አሳቶካ ህጊነ ዎጋይ እቱዋ ግዳና’ ያጋ” ያጌዳ።
NUM 15:17 ሄዋፐ ጉይያን፥ መꬍና ጎዳይ ሙሳ ሀዋዳን ያጌዳ፤
NUM 15:18 “እስራኤልያ አሳዉ ሀዋዳን ያጋደ ኦዳ፤ ‘ታን ህንተና አፍያ ቢታ ህንተ ገሊደ፥
NUM 15:19 ሄ ጋድያን ሞክያ ካꬃ ምያ ዎደ፥ ሄ ካꬃፐ ጼራ ከሲደ፥ ህንተ መꬍና ጎዳዉ ያርሹዋ ኦꬂደ ሺሽተ።
NUM 15:20 ሄዌካ፥ ባይራ ካኤዳ ካꬃፐ ኡኬዳ ኮይሮ ኮምፑዋ፥ ካꬃ ቡክያ ኡዱማፐ እምያ ያርሹዋ ኦꬂደ ሺሽተ።
NUM 15:21 ያና የለታ ኡባን ህንተ ህንተ ጋድያን ሞኬዳ ካꬃፐ ጼራ ከሴዳ ኮምፑዋ፥ መꬍና ጎዳዉ ያርሹዋ ኦꬂደ ሺሽተ።
NUM 15:22 “ ‘መꬍና ጎዳይ ኦዴዳ ሀ አዛዞቱዋ ኡባ ህንተ ኤራና ꬋዪደ፥ ናገናን አጎፐ፥
NUM 15:23 መꬍና ጎዳይ አ ባጋና ህንተና አዛዜዳ አዛዞቱዋ ኡባ፥ መꬍና ጎዳይ እሜዳ ጋላሳፐ ዶሚደ፥ ያና የለታ ጋካናዉ፥ ፓጨናን ናገናን አጎፐ፥
NUM 15:24 ቃይ ሄዋ ማባራይ ኤረናን ኦꬄዳዋ ግዶፐ፥ ማባራይ ኡባይ መꬍና ጎዳዉ እት ኮሩማ ጹግያ፥ ሳዉዋ ቶሹኩ ግያ ያርሹዋ ኦꬂደ፥ አዉ ዎጋይ አዛዝያዋዳን፥ ካꬃ ያርሹዋናነ ኡሻ ያርሹዋና ሺሾ፤ ቃይ ናጋራ ያርሹዋ ኦꬂደ፥ እት ዴሻ ኦርግያ ሺሾ።
NUM 15:25 ያቶፐ ቄሲ ኩመንꬃ እስራኤልያ ማባራ ናጋራ አቶ ጊስያ ዎጋ ፖሎ፤ ኡንቱንቱ ናጋራይ አቶ ጌተታና። አያዉ ጎፐ፥ ኡንቱንቱ ኤሪደ ኦꬅበይክኖ፤ ቃይ ኡንቱንቱ ባረንቱ ባይዙዋ ድራዉ፥ መꬍና ጎዳዉ ታማን ጹግያ ያርሹዋነ ባረንቱ ናጋራ ያርሹዋ ሺሼድኖ።
NUM 15:26 አሳይ ኡባይ ኤረናን ሄ ባይዙዋን ሀምባላቼቴዳ ድራዉ፥ ኩመንꬃ እስራኤልያ ማባራዉካ ኡንቱንቱ ግዶን ደእያ በተ አሳዉካ አቶ ጌተታና።
NUM 15:27 “ ‘እት አሳይ ባረካ ኤራና ꬋዪደ ናጋራ ኦꬆፐ፥ የለቶደፐ እት ላይꬃ ግድያ እት ዴሻቶ ናጋራ ያርሹዋ ኦꬂደ ሺሾ፤
NUM 15:28 ኤረናን ደኢደ ናጋራ ኦꬄዳ ኡራዉ ቄሲ መꬍና ጎዳ ስንꬃን ናጋራ አቶ ጊስያ ዎጋ ፖሎ፤ አ ናጋራይ አቶ ጌተታና።
NUM 15:29 ኤረናን ደኢደ ናጋራ ኦꬅያ አሳ ኡባዉ፥ የለታን እስራኤልያ አሳ ግድናካ በተ አሳ ግድናካ ሀ ህጊ እቱዋ።
NUM 15:30 “ ‘ሽን የለታን እስራኤልያ አሳ ግድናካ በተ አሳ ግድናካ ኤሪደ ኦቶሩዋን ናጋራ ኦꬅያ ኡራይ መꬍና ጎዳ ቦሬ። ሄ ኡራይ ባረ አሳ ግዶፐ ቦሄቶ።
NUM 15:31 ሄ አዉ መꬍና ጎዳ ቃላ ካꬌዳ ድራዉነ አ አዛዙዋ መንꬄዳ ድራዉ፥ እ ቱሙዋፐ አሳ ግዶፐ ቦሄታናዉ በሰ፤ አ ባይዙ አና’ ያጋ” ያጌዳ።
NUM 15:32 እት ጋላስ እስራኤልያ አሳይ መላ ቢታ ደእሽን፥ እት ብታኒ ሳምባታን ምꬃ ምጺደ ቤቴዳ።
NUM 15:33 ምꬃ እ ምጽሽን ደሜዳ አሳቱ ሙሴኮ፥ አሮነኮነ ኩመንꬃ ሽቁዋኮ አ አሄድኖ።
NUM 15:34 ኡንቱንቱ አ ኦꬃናዋ ኤርቤና ድራዉ፥ ቃሹዋን ታክሴድኖ።
NUM 15:35 ሄዋፐ ጉይያን መꬍና ጎዳይ ሙሳ፥ “ሀ ብታኒ ሀይቃናዉ በሰ፤ ኩመንꬃ ያአይ ባረንቱ ዱንካኔዳ ሳኣፐ ጋጻ ከሲደ፥ ሹቻን ጫዲደ አ ዎꬎ” ያጌዳ።
NUM 15:36 ኩመንꬃ ያአይ መꬍና ጎዳይ ሙሳ አዛዜዳዋዳን፥ ዱንካኔዳ ሳኣፐ ጋጻ ከሲደ፥ ሹቻን ጫዲደ አ ዎꬌዳ።
NUM 15:37 መꬍና ጎዳይ ሙሳ ሀዋዳን ያጌዳ፤
NUM 15:38 “እስራኤልያ አሳዉ ሀዋዳን ያጋደ ኦዳ፤ ‘ህንተካ ስንꬃፐ ያና የለታይካ ህንተ ማዩዋ ጋጻ ጼራን ጼራን ማጫራ ከስተ፤ ሄ ማጫራ ቦላ ሳሉዋ ማላትያ ቃጭና ስክተ።
NUM 15:39 ሄ ማጫራ ህንተ በእያ ዎደ ኡባን መꬍና ጎዳ አዛዞቱዋ ሀሳዪደ ፖልተ፤ ያቶፐ፥ ህንተ ህንተ አይፍያነ ህንተ ዎዛና አሙዋ ካሊደ፥ ታፐ ዎራ ስምክታ።
NUM 15:40 ሄ ማጫራ በእያዋን ህንተ ታ አዛዞቱዋ ኡባ ሀሳዪደ ፖላናነ ህንተ ህንተ ጾሳዉ ጌሻ ግዳና።
NUM 15:41 ታን መꬍና ጎዳ፥ ህንተ ጾሳቴ፤ ታን ህንተ ጾሳ ግዳናዉ፥ ህንተና ግብጼፐ ከሳድ። ታን መꬍና ጎዳ፥ ህንተ ጾሳ’ ያጋ” ያጌዳ።
NUM 16:1 ሌዊያ ዛርያፐ ቃሃታ ያራ ግድያ ይጽሃራ ናአይ ቆራህ፥ ሮቤላ ዛርያፐ ኤልኣባ ናናይ ዳታንነ አቢራምነ ቃይ ፐሌታ ናአይ ኦንስ፥
NUM 16:2 ሙሴ ቦላ ደንዴድኖ። ኡንቱንቱና ላኡ ጼታነ እሻታሙ እስራኤልያ አሳቱ ደኢኖ፤ ኡንቱንቱ ኤረቴዳ አሳነ ማባራን ዶረቴዳ ካለꬅያዋንታ።
NUM 16:3 ኡንቱንቱ ሙሴነ አሮና ስንꬃ ሺቂደ፥ ሀዋዳን ያጌድኖ፤ “ህንተ ዳርሴድታ! ማባራይ ኡባይ ሁጲያን ሁጲያን ጌሻ፤ መꬍና ጎዳይካ ኡንቱንቱ ግዱዋን ደኤ፤ ያትና መꬍና ጎዳ ማባራ ቦላ ህንተና አያዉ ꬎቁ ꬎቁ ኦꬂቴ?” ያጌድኖ።
NUM 16:4 ሙሴ ሀዋ ስሴዳ ዎደ ጾሳ ስንꬃን ሳኣን ጉፋኔዳ፤
NUM 16:5 ቆራሀነ አ ጭታ ኡባ፥ “ዎንት ዎንታ መꬍና ጎዳይ ኦን ናጋራንቼንቶነ ኦን ጌሸንቶ በሳና፤ እ ሄ ዶርያ አሳ ባረኮ ሺሻና።
NUM 16:6 ቆራሀ፥ ኔንነ ነ ጭታይ ኡባይ ሀዋ ኦꬅተ: ዎንት እጻና ጩዋይያዋንታ አኪደ፥
NUM 16:7 ቦንቁዋ አን ዎꬂደ፥ መꬍና ጎዳ ስንꬃን እጻና ጩዋይተ። መꬍና ጎዳይ ዶርያ አሳይ፥ እ ጌሻ ግዳናዋ። ሌዊያ ዛረቶ፥ ህንተ ዳርሴድታ” ያጌዳ።
NUM 16:8 ሙሴ ቃይካ ቆራሀ፥ “ህንተኖ ሌዊያ ዛረቶ፥ ስስተ!
NUM 16:9 እስራኤልያ መꬍና ጎዳይ ህንተና እስራኤልያ ማባራፐ ዱማዪደ፥ መꬍና ጎዳ ዱንካንያ ኦሱዋ ኦꬃና ማላነ አሳ ስንꬃን ሄ ኦሱዋ ኦꬃናዉ ህንተ ኤቃና ማላ፥ ባረኮ ሺሼዳዌ ህንተንቶ ጉጼዴ?
NUM 16:10 እ ህንተናነ ህንተ እሻቱዋ ሌዋቱዋ ኡባ ባረኮ ሺሼዳ፤ ቃይ ሀእ ህንተ ቄሰተꬃካ ካጄሊታ።
NUM 16:11 ኔንነ ነ ጭታይ ኡባይ አሮና ቦላ ዙዙምያዌ፥ እ ኦኔ? ህንተንቱ መꬍና ጎዳ ቦላ ማካሊታ” ያጌዳ።
NUM 16:12 ሄዋፐ ጉይያን፥ ሙሴ ኪቲደ ኤልኣባ ናናቱዋ፥ ዳታናነ አቢራማ ጼስሴዳ፤ ሽን ኡንቱንቱ አ፥ “ኑን ቦኮ!
NUM 16:13 ኔን መላ ቢታን ኑና ዎꬋናዉ ማꬃይነ ኤሳይ ጎግያ ጋድያፐ ከሴዳዌ ጉጼዴ? ቃይ ሀእ ኔን ኑ ቦላ ካፑዋ ግዳናዉ ኮያይ?
NUM 16:14 ሄዋ ቦላካ ቃይ ማꬃይነ ኤሳይ ጎግያ ቢታ ኔን ኑና ገልሳባካ፥ ዎይ ኔን ኑዉ ላታ ኦꬃደ ጋድያነ ዎይንያ ቱራ እማባካ፤ ኔን ሀ አሳ ጭማሳ። ኑን ቦኮ!” ያጌድኖ።
NUM 16:15 ሙሴ ሎይꬅ ሀንቀቲደ መꬍና ጎዳ፥ “ኡንቱንቱ ያርሽያ ያርሹዋ አኮፓ፤ ታን ኡንቱንቱፐ ሀርያ እቱዋነ አካበይከ፥ ዎይ ታን ኡንቱንቱፐ እት አሳነ ናቃበይከ” ያጌዳ።
NUM 16:16 ቃይ ሙሴ ቆራሀ፥ “ዎንት ኔን፥ ነ ጭታይ ኡባይነ አሮን መꬍና ጎዳ ስንꬃን ግድተ።
NUM 16:17 እት እት አሳይ ባረ እጻና ጩዋይያዋ ኡባና ላኡ ጼታነ እሻታሙዋ አኪደ፥ እጻና አን ዎꬂደ፥ መꬍና ጎዳ ስንꬃ ሽሾ። ቃይ ኔንነ አሮን ህንተ እጻና ጩዋይያዋንታ አህተ” ያጌዳ።
NUM 16:18 አሳይ ኡባይካ ባረ እጻና ጩዋይያዋ አኪደ፥ ቦንቁዋነ እጻና አን ዎꬄዳ፤ ጋከትያ ዱንካንያ ፐንግያን ሙሴናነ አሮናና ኤቄድኖ።
NUM 16:19 ቆራህ ኩመንꬃ ማባራ ጋከትያ ዱንካንያ ፐንግያን ሺሼዳ። ሄ ዎደ መꬍና ጎዳ ቦንቹ ኩመንꬃ ማባራዉ ቆንጬዳ።
NUM 16:20 መꬍና ጎዳይ ሙሳነ አሮና፥
NUM 16:21 “ታን እት ኩꬃን ሀ ማባራ ꬋይሳና ሀንያ ድራዉ፥ ኡንቱንቱፐ ሻከትተ” ያጌዳ።
NUM 16:22 ሽን ሙሴነ አሮን ሳኣን ጉፋኒደ፥ “አቤት ጾሳዉ፥ አሹዋ ማዬዳ አሳ ኡባ መꬌዳ ጾሳዉ፥ እት ኡራይ ናጋራ ኦꬆፐ፥ ኔን ኩመንꬃ ማባራ ሀንቀታይ?” ያጌድኖ።
NUM 16:23 ያትና መꬍና ጎዳይ ሙሳ፥
NUM 16:24 “ኔን ማባራ፥ ‘ቆራሀ፥ ዳታናነ አቢራማ ዱንካነቱዋፐ ክችተ’ ያጋደ ኦዳ” ያጌዳ።
NUM 16:25 ሙሴ ደንዲደ፥ ዳታነኮነ አቢራመኮ ቢና፥ እስራኤልያ ጭማቱ አ ካሌድኖ።
NUM 16:26 ማባራ እ፥ “ሀ ኢታ አሳቱ ዱንካነቱዋፐ ክችተ፤ ኡንቱንቱዋ ግዴዳዋ አያነ ቦቾፕተ። ሄንኮደ ኡንቱንቱ ናጋራ ኡባ ጋሱዋን ህንተካ ፕተት ꬋያና” ያጊደ ምንሲደ ኦዴዳ።
NUM 16:27 ኡንቱንቱ ቆራሀ፥ ዳታናነ አቢራማ ዱንካነቱዋፐ ክቼድኖ። ዳታንነ አቢራም ካረ ከሲደ፥ ባረንቱ ማቼቱዋና፥ ባረንቱ ናናቱዋና ባረንቱ ጉꬃ ናናቱዋና ባረንቱ ዱንካነቱዋ ፐንግያን ኤቄድኖ።
NUM 16:28 ሙሴ አሳ፥ “ታን ሀ ኦሶ ኡባ ኦꬃና ማላ፥ መꬍና ጎዳይ ታና ኪቴዳዋነ ታን ታ ሸንያን ኦናዋ ህንተ ሀዋን ኤራና።
NUM 16:29 ሀ አሳቱ አሳይ ሀይቂያዋዳን ሀይቆፐ፥ ዎይ አሳ ቦላ ጋክያዋ ጻላላይ ኡንቱንቱ ቦላ ጋኮፐ፥ መꬍና ጎዳይ ታና ኪትቤና።
NUM 16:30 ሽን መꬍና ጎዳይ ኡባና ኦራꬃባ ኦꬅና፥ ቢታይ ዶየቲደ ኡንቱንታነ ኡንቱንቶ ደእያዋ ኡባ ምት አጎፐ፥ ኡንቱንቱ ፓጻ ደኢደ ስኦልያ ዱገ ዎꬎፐ፥ ሄ ዎደ ሀ አሳቱ መꬍና ጎዳ ካꬌዳዋ ህንተ ኤራና” ያጌዳ።
NUM 16:31 እ ያጊደ ዉርሴዳ ዎደ፥ ኡንቱንቱ ኤቄዳ ቢታይ ጳልቀት ዎꬌዳ።
NUM 16:32 ቢታይ ዶየቲደ፥ ኡንቱንታነ ኡንቱንቱ ሶ አሳ፥ ቆራሀ ጭታ ኡባ ኡንቱንቶ ደእያዋ ኡባና ምት አጌዳ።
NUM 16:33 ያትና ኡንቱንቱ ባረዉ ደእያዋ ኡባና ፓጻ ደኢደ፥ ስኦልያ ዱገ ዎꬌድኖ። ቢታይካ ኡንቱንቱ ቦላ ጎርደት አጌዳ፤ ኡንቱንቱ ማባራ ግዶፐ ትፕ ጊደ ꬋይ አጌድኖ።
NUM 16:34 ኡንቱንቱ ዋሱዋን ኡንቱንቱ ማታን ደእያ እስራኤላቱ ኡባይ፥ “ቢታይ ኑናካ ቃይ ምታና ሀኔ!” ያጊድ ባቃቴድኖ።
NUM 16:35 ቃይ ታማይካ መꬍና ጎዳ ማታፐ ዪደ፥ እጻና ጩዋይያ ላኡ ጼታነ እሻታሙ አሳ ም አጌዳ።
NUM 16:36 ሄዋፐ ጉይያን መꬍና ጎዳይ ሙሳ፥
NUM 16:37 “ኔን ቄስያ አሮና ናኣ ኤልኣዛራዉ ያጋደ ኦዳ፥ ‘እጻና ጩዋይያባቱዋ ታማን ጹገቴዳ አሳ ግዶፐ አካ፤ ቦንቁዋ ጩዋይያባቱዋፐ ሃሳደ ላላ። ሄ እጻና ጩዋይያባቱ ጌሻ።
NUM 16:38 ባረ ናጋራ ድራዉ ሀይቄዳ ሀ አሳቱ እጻና ጩዋይያባቱዋ ሌእሳደ ቆጻደ፥ ያርሹዋ ሳጽንያ ካማ። ኡንቱንቱ ሄዋንታ መꬍና ጎዳ ስንꬃን ሺሼዳ ድራዉ፥ ሄዋንቱ ጌሻ፤ ሄዋንቱ እስራኤላቱዋ ሀሳይስያ ማላታ ግዳና’ ያጋ” ያጌዳ።
NUM 16:39 ቄሲ ኤልኣዛር ጹገቴዳ አሳቱ ሺሼዳ ናሃሰ ብራታፐ ኦሰቴዳ እጻና ጩዋይያባቱዋ አኪደ፥ ያርሹዋ ሳጽንያ ካማናዉ ሌእሲደ ቆጼዳ።
NUM 16:40 አሮና ዛረ ግደና ኦንነ መꬍና ጎዳ ስንꬃን እጻና ጩዋያናዉ ሺቀና ማላ፥ ቆራሀነ አ ጭታ ጋኬዳዌ አ ጋከና ማላ፥ እስራኤላቱዋ ሀሳይሳናዉ ሀዋንታ ኦꬄዳ። መꬍና ጎዳይ ሙሴ ባጋና ኤልኣዛራ አዛዜዳዋዳን ሀዌ ሀኔዳ።
NUM 16:41 ዎንተꬃ ጋላስ እስራኤልያ ማባራይ ኡባይ፥ “መꬍና ጎዳ አሳ ህንተ ዎꬌድታ” ያጊደ፥ ሙሴ ቦላነ አሮና ቦላ ዙዙሜድኖ።
NUM 16:42 ማባራይ ሙሴነ አሮና ቦላ ደንዳናዉ ሺቂደ፥ ጋከትያ ዱንካንያኮ ስም ጼልያ ዎደ፥ ሻሪ ጋከትያ ዱንካንያ ካምና፥ መꬍና ጎዳ ቦንቹ ቆንጬዳ።
NUM 16:43 ሄዋፐ ጉይያን፥ ሙሴነ አሮን ጋከትያ ዱንካንያ ስንꬃዉ ዬድኖ።
NUM 16:44 መꬍና ጎዳይ ሙሳ፥
NUM 16:45 “ሀ አሳ ግዱዋፐ ክችተ፤ ታን ኡንቱንታ እት ኩꬃን ꬋይሳ ባሻና” ያጌዳ። ኡንቱንቱ ሳኣን ጉፋኔድኖ።
NUM 16:46 ሙሴ አሮና፥ “ነ እጻና ጩዋይያዋ አካደ፥ ቦንቁዋ ያርሽያ ሳኣፐ አካደ፥ እጻና አን ዎꬃ፤ ኡንቱንቶ አቶ ጊሳናዉ ኤለካ ማባራኮ አፋ። አያዉ ጎፐ፥ መꬍና ጎዳ ሀንቁ አ ማታፐ ከስ ክቼዳ፤ ቦሻይካ ዶም ክቼዳ” ያጌዳ።
NUM 16:47 ሙሴ ጌዳዋዳን አሮን ባረ እጻና ጩዋይያዋ አኪደ፥ ማባራ ግዶ ዎጼዳ። ቦሻይ አሳ ግዱዋን ዶም ደእሽን፥ አሮን እጻና ጩዋዪደ፥ አሳዉ አቶ ጊሴዳ።
NUM 16:48 ያቲደ እ ሀይቄዳዋንቱፐነ ፓጻ ደእያዋንቱፐ ግዱዋን ኤቂና፥ ቦሻይ አግ አጌዳ።
NUM 16:49 ቆራሀ ጋሱዋን ሀይቄዳ አሳይ ፓይደተናን፥ ሀ ቦሻን ሀይቄዳዋንቱ 14,700.
NUM 16:50 ቦሻይ ኤቄዳዋፐ ጉይያን፥ አሮን ጋከትያ ዱንካንያ ፐንግያን ደእያ ሙሴኮ ስሜዳ።
NUM 17:1 መꬍና ጎዳይ ሙሳ ሀዋዳን ያጌዳ፤
NUM 17:2 “ኔን፥ ‘ህንተ ዛርያን ዛርያን ህንተ ካፓቱዋፐ ሁጲያን ሁጲያን እት እት ጻምኣ ኡባና ታማነ ላኡ ጻምኣ ታዉ እምተ’ ያጋደ እስራኤላቱዋፐ አካ። እት እት አሳ ሱንꬃ ጻምኣ ቦላን ጻፋ።
NUM 17:3 እት እት ዛርያ ካፖ እት ጻምኣ ግድያ ድራዉ፥ ሌዊያ ጻምአን አሮና ሱንꬃ ጻፋ።
NUM 17:4 ጋከትያ ዱንካንያ ግዶን ታን ኔናና ጋከትያ ማርካተꬃ ታቦታ ስንꬃን ዎꬃ።
NUM 17:5 ታን ዶርያ አሳ ጻምአይ አጫና፤ ሀዋዳን ኦꬃደ ህንተ ቦላን እስራኤላቱ ዙዙምያ ዙዙንꬃ ታን ሙለ ꬋይሳና” ያጌዳ።
NUM 17:6 ሙሴ እስራኤልያ አሳዉ ኦድና፥ ኡንቱንቱ ካፓቱ ታማነ ላኡ ጻምአቱዋ፥ እት እት ዛርያ ካፓቱ እት እት ጻምኣ አዉ እሜድኖ። ሄ ጻምአቱዋ ግዱዋን አሮና ጻምአይካ ደኤ።
NUM 17:7 ሙሴ ሄ ጻምኣ ኡባ ማርካተꬃ ዱንካንያ ግዶን መꬍና ጎዳ ስንꬃን ዎꬄዳ።
NUM 17:8 ዎንተꬃ ጋላስ ማርካተꬃ ዱንካንያ ግዶ ሙሴ ገሌዳ ዎደ፥ ሌዊያ ዛረ ግድያ አሮና ጻምአይ አጬዳዋ፥ ጉምቤዳዋ፥ ጪሼዳዋነ ጪሺደ ላዉዝያ ግያ ምꬃ አይፍያ አይፌዳዋ በኤዳ።
NUM 17:9 ሄዋፐ ጉይያን፥ ሙሴ ጻምኣ ኡባ መꬍና ጎዳ ስንꬃፐ እስራኤልያ አሳ ኡባኮ አሄዳ። አሳይ ኡንቱንታ በኤዳዋፐ ጉይያን፥ ካፓቱ ባረንቱ ጻምኣ ጻምኣ አኬድኖ።
NUM 17:10 መꬍና ጎዳይ ሙሳ፥ “አሮና ጻምኣ ታቦታ ስንꬃን ዛራ ዎꬃ። ሄዋ ማካሌዳዋንቱ ታ ቦላ ላኤንꬆ ዙዙሚደ ሀይቀናዳን፥ ኡንቱንቶ ማላታ ኦꬃደ ናጋ” ያጌዳ።
NUM 17:11 መꬍና ጎዳይ አዛዜዳዋዳን ሙሴ ኦꬄዳ።
NUM 17:12 እስራኤልያ አሳይ ሙሳ፥ “ኑን ሀይቃና፤ ꬋያና፤ ኑን ኡባይካ ꬋያና!
NUM 17:13 መꬍና ጎዳ ዱንካንያኮ፥ ሀራይ አቶ ማታ ሺቅያ ኡራይ ኦንነ ሀይቃና። ስም ኑን ኡባይካ ሀይቄቶ?” ያጌድኖ።
NUM 18:1 መꬍና ጎዳይ አሮና፥ “ኔን፥ ነ አቱማ ናናቱነ ሌዋቱ ጌሻ ሳኣ ኦሱዋን ፖለትያ ናጋራ ቶካና፤ ኔንነ ነ አቱማ ናናቱ ጻላላይ ህንተ ቄሰተꬃ ኦሱዋን ፖለትያ ናጋራ ቶካና።
NUM 18:2 ኔንነ ነ አቱማ ናናይ ማርካተꬃ ዱንካንያ ስንꬃን ኦꬅያ ዎደ፥ ኔናና ግዲደ ማዳና ማላ፥ ሌዊያ ዛረ ግድያ ነ ዳቦቱዋ አሀ።
NUM 18:3 ኡንቱንቱ ህንተፐ ጋርሳና ዱንካንያ ኦሶ ኡባ ኦꬅኖ፤ ሽን ኡንቱንቱካ ህንተካ እትፐ ሀይቀናዳን፥ ኡንቱንቱ ጌሻ ሳኣ ሚሻኮነ ያርሽያ ሳኮ ሺቆፕኖ።
NUM 18:4 ኡንቱንቱ ህንተናና እትፐ ግድኖ፤ ጋከትያ ዱንካንያን ደእያ ኦሶ ኡባ ኦꬅኖ። ሌዋቱዋፐ አትና፥ ሀራ ኡራይ ኦንነ ህንተኮ ሺቆፖ።
NUM 18:5 ላኤንꬁዋ እስራኤላቱዋ ቦላ ሀንቁ ዎና ማላ፥ ጌሻ ሳኣነ ያርሽያ ሳኣ ኦሱዋ ኦꬅተ።
NUM 18:6 ሌዋቱዋ ህንተ ዳቦቱዋ እስራኤላቱዋ ግዶፐ ታን ታ ሁጲያዉ ዶራድ። ኡንቱንቱ ጋከትያ ዱንካንያ ኦሱዋ ኦꬃናዉ ህንተንቶ እሙዋዳን እማደ፥ መꬍና ጎዳዉ ዱማያድ።
NUM 18:7 ሽን ኔንነ ነ አቱማ ናናቱ ጻላላይ ያርሽያ ሳኣ ኦሱዋ ኡባነ ጋርዱዋ ግዶን ደእያ ቄሰተꬃ ኦሶ ኡባ ኦꬅተ። ቄሰተꬃ ኦሱዋ ታን ህንተንቶ እሙዋዳን ኦꬃደ እማይ፤ ሀራ ኡራይ ኦንነ ጌሻ ሳኣኮ ሺቅያዌ ሀይቆ” ያጌዳ።
NUM 18:8 ሄዋፐ ጉይያን መꬍና ጎዳይ አሮና፥ “እስራኤላቱ ታዉ እምያ ጌሻ እሞታ ኡባ ታን ነዉ እማድ። ታን ነዉ ነ ድራውነ ነ አቱማ ናናዉ ኡንቱንቱ ድራዉ መꬍናዉ ግሻ ኦꬃደ እማድ።
NUM 18:9 ታዉ እምያ አꬌዳ ጌሻ እሙዋፐ ታማን ጹገተና ባጋይ ህንተሳ ግዳናዋ: ኡንቱንቱ ታዉ እምያ ጌሻ እሙዋ ኡባፐ ካꬃ ያርሹ፥ ዎይ ናጋራ ድራዉ ያርሽያ ያርሹ፥ ዎይ ናቁዋ ድራዉ ያርሽያ ያርሹ ኔሳነ ነ አቱማ ናናቱዋሳ ግዳናዋ።
NUM 18:10 ህንተ ሄዋ ጌሻ ሳኣን ሚተ፤ አቱማዌ ኡባይ ሄዋ ሞ፤ ሄዌ ህንተዉ ጌሻ ግዳናዋ።
NUM 18:11 “ሀዌ ቃይ ኔሳ። እስራኤላቱዋ ቃꬆ ያርሹዋ ኡባ ነዉ፥ ነ አቱማ ናናቶነ ነ ማጫ ናናዉ መꬍናዉ ግሻ ኦꬃደ እማይ፤ ህንተ ጎልያ አሳ ግዶን ዎጋዳን ጌሻ ግድያ ኡባይ ሄዋ ሞ።
NUM 18:12 “ኡንቱንቱ ታዉ እምያ ኮይሮ አይፍያፐ ሎኦ ዎጋራ ዛይትያ ኡባ፥ ያላጋ ዎይንያ ኤሳ ኡባነ ሙሩታ ካꬃ ኡባ መꬍና ጎዳዉ እማይ።
NUM 18:13 ኡንቱንቱ መꬍና ጎዳዉ አህያ ኡንቱንቱ ጋድያን ደእያ ኮይሮ ጋኬዳ አይፊ ህንተሳ፤ ህንተ ጎልያ አሳ ግዶን ዎጋዳን ጌሻ ግድያ ኡባይ ሄዋ ሞ።
NUM 18:14 “እስራኤልያን መꬍና ጎዳዉ ዱማቴዳባይ ኡባይ ህንተሳ።
NUM 18:15 ባይራ የለቴዳ አሳይ ዎይ መሂ፥ እስራኤላቱ መꬍና ጎዳዉ እሜዳዌ ህንተሳ። ሽን ባይራ የለቴዳ አሳነ ባይራ የለቴዳ ጌሻ ግደና መህያ ህንተ ዎዛናዉ በሰ።
NUM 18:16 እት አግና ናናቱዋ ዎዛናዉ ዱንካንያን ኤርቲያ ሚዛንያ (20 ጌራ) ልክያን እቼሹ ጻጋራ ብራ ዎዞ ጋትያ ቃንጽተ።
NUM 18:17 ሽን ሚዛ ባይራ፥ ዎይ ዶርሳ ባይራ፥ ዎይ ዴሻ ባይራ ህንተ ዎዛናዉ ኮሸና፤ ኡንቱንቱ ጌሻ። ኔን ኡንቱንቱ ሱꬃ ያርሽያ ሳኣ ቦላን ጫጫፋ፤ መꬍና ጎዳ ቶሹኩ ጊደ ሳዋና ማላ፥ ኡንቱንቱ ሞꬉዋ ታማን ጹጋ።
NUM 18:18 ኡንቱንቱፐ ቤትያ አሹ ዉጻኬዳ አንጎሱዋዳንነ ኡሸቻ ገድያዳን ህንተሳ።
NUM 18:19 እስራኤላቱ መꬍና ጎዳዉ እምያ ጌሻ ያርሹዋ ኡባ ነዉ፥ ነ አቱማ ናናቶነ ነ ማጫ ናናቶ መꬍናዉ ግሻ ኦꬃደ እማይ። ሀዌካ መꬍና ጎዳይ ኔናናነ ነ ዘረꬃቱዋና ጫቀትያ ማጽንያ ጫቁዋ” ያጌዳ።
NUM 18:20 ቃይካ መꬍና ጎዳይ አሮና፥ “ኡንቱንቱ ጋድያን ኔን አይነ ላታካ፤ ኡንቱንቱ ግዶን ኔና ጋክያ ሻኩ አያይካ ባዋ፤ እስራኤላቱዋ ግዶን ነ ላታይነ ኔና ጋክያ ሻኩ ታና” ያጌዳ።
NUM 18:21 ጾሳይ፥ “ሌዋቱ ጋከትያ ዱንካንያን ኦꬅያ ኦሱዋ ድራዉ፥ እስራኤላቱዋ አስራታ ኡባ ኡንቱንቶ እማድ።
NUM 18:22 ሀቼፐ ዶሚደ፥ እስራኤልያ አሳቱ ባረንቱ ናጋራን ሀይቀና ማላ፥ ጋከትያ ዱንካንያኮ ሺቆፕኖ።
NUM 18:23 ጋከትያ ዱንካንያ ኦሱዋ ኦꬅያዋንቱነ ሄዋን ፖለትያ ናጋራ ቶክያዋንቱ ሌዋቱዋ። ሀዌ የለታ ኡባዉ መꬍና ዎጋ። ሌዋቱ እስራኤልያ አሳ ግዱዋን አይነ ላትክኖ።
NUM 18:24 ሄዋ ድራዉ፥ እስራኤላቱ መꬍና ጎዳዉ እሙዋዳን እምያ አስራታ፥ ታን ሌዋቶ ኡንቱንታ ላታዳን እማድ። ታን ኡንቱንቱባ፥ ‘ኡንቱንቱ እስራኤልያ አሳ ግዱዋን አይነ ላትክኖ’ ያጌዳዌ ሄዋሳ” ያጌዳ።
NUM 18:25 ቃይ መꬍና ጎዳይ ሙሳ፥
NUM 18:26 “ኔን ሌዋቱዋ ሀዋዳን ያጋ፤ ‘ታን ህንተንቶ ላታዳን እሜዳ አስራታ ህንተ እስራኤልያ አሳፐ አክያ ዎደ፥ ህንተ ሄ አስራታፐ አስራታ መꬍና ጎዳዉ እምተ።
NUM 18:27 ህንተ እሙ ህንተንቶ ካꬃ ቡክያ ኡዱማ ካꬃዳንነ ጉምእያ ዎይንያ አይፍያዳን ፓይደቴ።
NUM 18:28 ቃይ ሀዋዳን እስራኤልያ አሳፐ ህንተ አክያ አስራታ ኡባፐ እሙዋ መꬍና ጎዳዉ እምተ፤ ሀ አስራታፐ መꬍና ጎዳ ድራዉ ቄስያ አሮናዉ ህንተ እማናዉ በሰ።
NUM 18:29 ህንተ አክያ እሞታ ኡባፐ፥ ሎእያዋነ ጌሻ መꬍና ጎዳዉ ግሹዋ ኦꬂደ፥ ህንተ እማናዉ በሴ’ ያጋ።
NUM 18:30 “ቃይ ኔን ሌዋቱዋ፥ ‘ኡባፐ ሎኦ እሙዋ ህንተ እሜዳዋፐ ጉይያን፥ አቴዳዌ ህንተንቶ ካꬃ ቡክያ ኡዱማ ካꬃዳንነ ጉምእያ ዎይንያ አይፍያዳን ፓይደታና።
NUM 18:31 ህንተነ ህንተ ጎልያ አሳይ ሄዋፐ አቴዳዋ ሀቃንነ ሚተ፤ አያዉ ጎፐ፥ ሄዌ ጋከትያ ዱንካንያን ህንተ ኦꬅያ ኦሶ ህንተ ድርጉዋ።
NUM 18:32 ሎኦ ባጋ ጾሳዉ እም ድጌዳዋፐ ጉይያን ህንተ ምያ ዎደ፥ ባይዛንቻ ግድክታ። ሽን ሎኦ ባጋ ሄ እሞታፐ ከሰናን ደኢደ፥ ህንተ እስራኤልያ አሳ እሞታ ቱንሰናዳን ናገትተ። ሄዋዳን ኦꬃና ꬋዮፐ፥ ህንተ ሀይቃና’ ያጋ” ያጌዳ።
NUM 19:1 መꬍና ጎዳይ ሙሳነ አሮና ሀዋዳን ያጌዳ፤
NUM 19:2 “መꬍና ጎዳይ ህግያን አዛዜዳ ዎጋይ ሀዋ: ትላ ቦላና ደእያ ዎይ ቦርስያባይ ባይና፥ እ ሞርግያን ሞርገ ምꬃይ ዎꬍቤና ዞኦ ኡሳቶ ነዉ አሀና ማላ፥ እስራኤልያ አሳዉ ኦድተ።
NUM 19:3 ቄስያ ኤልኣዛራዉ እዞ እምተ፤ እ እዞ ዱንካኔዳ ሳኣፐ ጋጻ አፍና፥ እት አሳይ እዞ አ ስንꬃን ሹኮ።
NUM 19:4 ቄስያ ኤልኣዛር እ ሱꬃፐ አማሬዳዋ ባረ ብራꬍያን አኪደ፥ ጋከትያ ዱንካንያዉ ስንꬃ ባጋና ላፑን ገደ ጫጫፎ።
NUM 19:5 እ ጼልሽን ኡሳታ ጹገቱ፤ እ ጋልባይ፥ አሹ፥ ሱꬃይነ ቶጪ ጹገቶ።
NUM 19:6 ቄሲ ዝጋ፥ ሂሶጵያ ታሽያነ ዞኦ ቁንጩትያ አኪደ፥ ኡሳቶ ጹግያ ታማን ኦሎ።
NUM 19:7 ሄዋፐ ጉይያን፥ ቄሲ ባረ ማዩዋ ሜጮ፤ ባረ ቦላካ ሃꬃን ሜጨቶ፤ ያትደ ዱንካኔዳሳ ገሎ፤ ሽን ኦማርሳ ጋካናዉ እ ዎጋዳን ቱና ግዳናዋ።
NUM 19:8 ሄ ኡሳቶ ጹጌዳዌ ቃይ ባረ ማዩዋ ሜጮ፤ ባረ ቦላካ ሃꬃን ሜጨቶ፤ እካ ቃይ ኦማርሳ ጋካናዉ ዎጋዳን ቱና ግዳናዋ።
NUM 19:9 “ሄዋፐ ጉይያን፥ ጌሻ አሳይ ኡሳታ ጹገቴዳ ብድንꬃ ሺሺደ፥ ዱንካኔዳ ሳኣፐ ጋጻና ጌሻ ሳኣን ዎꬆ። እስራኤልያ አሳይ ቱናተꬃፐ ጌይያ ሃꬃን ጎኤታናዉ ሄዋ ናግ ዎꬃና፤ ሄዌ ናጋራፐ ጌሻናሳ።
NUM 19:10 ቃይ ኡሳት ብድንꬃ ሺሼዳ አሳይ ባረ ማዩዋ ሜጮ፤ ኦማርስ ጋካናዉ እ ዎጋዳን ቱና ግዳናዋ። ሀ ዎጋይ እስራኤልያ አሳዉነ ኡንቱንቱ ግዱዋን ደእያ ሀራ ጋደ አሳዉ ላኦካ መꬍና ዎጋ ግዳናዋ።
NUM 19:11 “ሀይቄዳ አሳ አሃ ቦችያ ኦንነ ላፑን ጋላሳ ዎጋዳን ቱናና።
NUM 19:12 ሄ ቱናተꬃፐ ጌይያ ሃꬃን ሄዛንꬃ ጋላስነ ላፑንꬃ ጋላስ፥ እ ባረና ጌሾ፤ ሄዋፐ ጉይያን፥ እ ዎጋዳን ጌሻ ግዳናዋ፤ ሽን ሄዛንꬃ ጋላሳንነ ላፑንꬃ ጋላሳን ባረና ጌሻና ꬋዮፐ፥ እ ጌሻ ግደና።
NUM 19:13 ሀይቄዳ ኡራ አሃ ቦችያ ኦንነ ባረና ጌሸናን አጎፐ፥ መꬍና ጎዳ ዱንካንያ እ ቱንሴ፤ ሄ ኡራይ እስራኤልያ አሳ ግዶፐ ቦሄቶ። ቱናተꬃፐ ጌይያ ሃꬃይ አ ቦላን ጫጫፈትቤና ድራዉ፥ እ ቱና፤ አ ቱናተꬃይ አ ቦላን ጋምኤ።
NUM 19:14 “እት ኡራይ ዱንካንያ ግዶን ሀይቆፐ ደእያ ዎጋይ ሀዋ: ዱንካንያ ግዶ ገልያ ኦንነ፥ ቃይ ዱንካንያ ግዶን ደእያ ኡባይካ ላፑን ጋላሳ ቱና ግዳናዋ።
NUM 19:15 ሄዋዳንካ፥ ቁምኤተናን ዶያ ደእያ ሚሻ ኡባይ ቱና ግዳናዋ።
NUM 19:16 ቃይ ደምባን ማሻን ሀይቄዳ አሳ፥ ዎይ ጮ ሀይቄዳ አሃ፥ ዎይ አሳ መቀꬃ፥ ዎይ ዱፉዋ ቦችያ ኦንነ ላፑን ጋላሳ ቱና ግዳናዋ።
NUM 19:17 “ቱናተꬃፐ ጌሻናዉ ጹጌዳ ኡሳት ብድንꬃፐ አማሬዳዋ አካደ፥ ኦቱዋን ዎꬃደ፥ ፑልቶ ሃꬃ አን ትጋ፤
NUM 19:18 ጌሻ አሳይ ሂሶጵያ ቦንጭያ አኪደ፥ ሃꬃን ቱሽ ከሲደ፥ ዱንካንያ፥ ዱንካንያን ደእያ ሚሻ ኡባንነ ሄዋን ደእያ አሳ ኡባ ቦላን ጫጫፎ። ቃይ አሳ መቀꬃ፥ ዎይ ዱፉዋ፥ ዎይ ዎꬌዳ ኡራ፥ ዎይ ሀይቄዳ ኡራ ቦቼዳ አሳ ቦላ እ ጫጫፎ።
NUM 19:19 ጌሻ አሳይ ሄዘንꬃነ ላፑንꬃ ጋላሳን ቱኔዳ ኡራ ቦላን ጫጫፎ። እ ላፑንꬃ ጋላሳን ሄ ኡራ ቱናተꬃፐ ጌሾ፤ ሄ ጌዬዳ ብታኒ ባረ ማዩዋ ሜጮ፤ ባረ ቦላካ ሃꬃን ሜጨቶ፤ ሄ ጋላሳ ኦማርስ እ ጌሻ ግዳናዋ።
NUM 19:20 “ሽን ቱና ኡራይ ባረና ጌሸናዋ ግዶፐ፥ ሄ ኡራይ መꬍና ጎዳ ጌሻ ሳኣ ቱንሴዳ ድራዉ፥ እስራኤልያ አሳ ግዶፐ ቦሄቶ፤ ቱናተꬃፐ ጌይያ ሃꬃይ አ ቦላን ጫጫፈትቤና ድራዉ፥ እ ቱና።
NUM 19:21 ሀዌ ህንተንቶ መꬍና ዎጋ ግዳናዋ። ቃይ ቱናተꬃፐ ጌይያ ሃꬃ ጫጫፍያ አሳይ ባረ ማዩዋ ሜጮ፤ ቱናተꬃፐ ጌይያ ሃꬃ ቦችያ ኦንነካ ኦማርስ ጋካናዉ ቱና ግዳናዋ።
NUM 19:22 ቱና ኡራይ ቦችያ አያይነ ቱኔ። ቃይ ሄዋ ቦችያ ኦንነ ኦማርሳ ጋካናዉ ቱና ግዴ” ያጌዳ።
NUM 20:1 ኮይሮ አግናን እስራኤላቱ ኡባይ ጺና ግያ መላ ቢታ ጋኪደ፥ ቃዴሳ ግያ ሳን ዱንካኔድኖ። ሄዋን ሚርያማ ሀይቃደ ሞገታዱ።
NUM 20:2 ሄዋን አሳዉ ሃꬃይ ꬋይና፥ አሳይ ሺቂደ፥ ሙሴ ቦላነ አሮና ቦላ ደንዴዳ።
NUM 20:3 ኡንቱንቱ፥ “ኑ እሻቱ መꬍና ጎዳ ስንꬃን ሀይቄዳ ዎደ፥ ኑንካ ሀይቄዳዋ ግዴሮኮሻ!
NUM 20:4 ኑንነ ኑ መሂ ሀ መላ ቢታን ሀይቃናዳን፥ መꬍና ጎዳ አሳ ሀዋ ህንተ አያዉ አሄድቴ?
NUM 20:5 ሀ ዎልቃማ ሳኣ ኑና ግብጼፐ ፑደ አያዉ አሄድቴ? ሀዋን ካꬃ አይፊ፥ ዎይ ባላስያ፥ ዎይ ዎይንያ አይፊ፥ ዎይ ሮማኒ ባዋ፤ ቃይ ኡሽያ ሃꬃይካ ሀዋን ባዋ” ያጊደ ሙሴና ዋላቀቴድኖ።
NUM 20:6 ያትና ሙሴነ አሮን አሳ ማታፐ ጋከትያ ዱንካንያ ፐንገ ቢደ ጉፋኔድኖ፤ መꬍና ጎዳ ቦንቹ ኡንቱንቶ ቆንጬዳ።
NUM 20:7 መꬍና ጎዳይ ሙሳ፥
NUM 20:8 “ነ ጋትማ አካ፤ ኔንነ ነ እሻ አሮን ሺቁዋ ሺሽተ፤ ኡንቱንቱ ስንꬃን ዛላይ ሃꬃ ጎጋና ማላ ኦዳ። ዛላፐ ሃꬃ ህንተ ከሲደ፥ ሽቁዋነ ኡንቱንቱ መህያ ኡሻና” ያጌዳ።
NUM 20:9 መꬍና ጎዳይ አዛዜዳዋዳን፥ ሙሴ መꬍና ጎዳ ስንꬃፐ ጋትማ አኬዳ።
NUM 20:10 እነ አሮን ሺቁዋ ዛላ ስንꬃን ሺሼድኖ፤ ሙሴ ኡንቱንታ፥ “ህንተኖ ማካላንቻቶ፥ ስስተ፤ ሀ ዛላፐ ሃꬃ ህንተንቶ ኑን ቱሙ ከሳኔ?” ያጌዳ።
NUM 20:11 ሙሴ ባረ ኩሽያ ꬎቁ ኦꬂደ፥ ባረ ጋትማን ላኡ ገደ ዛላ ሾጭና፥ ሃꬃይ ꬉቂደ ከስና ያአይነ ኡንቱንቱ መሂ ኡሼዳ።
NUM 20:12 ሽን መꬍና ጎዳይ ሙሳነ አሮና፥ “እስራኤልያ አሳ ስንꬃን ህንተ ታ ጌሻተꬃ በሳናዉ አማነትቤና ድራዉ፥ ታን ኡንቱንቶ እምያ ቢታ ሀ አሳ ህንተ ገልስክታ” ያጌዳ።
NUM 20:13 እስራኤልያ አሳይ መꬍና ጎዳና ዋላቀቶዌ እ ባረ ጌሻተꬃ ኡንቱንቱ ግዶን ቆንጭሴዳሳይ ሀ ማሪባ ሃꬃና።
NUM 20:14 ሙሴ ቃዴሳፐ ኤዶማ ቢታ ካትያኮ፥ ባረ ኪተትያዋንታ ሀዋዳን ያጊደ ኪቴዳ፤ “ነ ዳቦ ግድያ እስራኤልያ አሳይ ሀዋዳን ያጌ፤ ‘ኑና ጋኬዳ መቱዋ ኡባ ኔን ኤራሳ።
NUM 20:15 ኑ ማይዛ አዎቱ ዱገ ግብጼ ዎꬌድኖ፤ ያን ኑን ዳሮ ላይꬃ ደኤዶ። ግብጼቱ ኑናነ ኑ አዎቱዋ ኡቅኔድኖ።
NUM 20:16 ኑን መꬍና ጎዳዉ ዋስና፥ ኑ ዋሱዋ ስሲደ፥ ኪታንቻ ኪቲደ፥ ኑና ግብጼፐ ከሴዳ። ሀእ ኑን ነ ቢታ ጋጻን ደእያ ቃዴሳ ካታማን ደኤቶ።
NUM 20:17 ሀያና፥ ኑና ነ ቢታና አꬃርኪ! ኑን አይ ጋደ ግዶፐካ ዎይ ዎይንያ ቱራ ግዶፐካ ቦቾኮ! ቃይ ኑን አይ ሃꬃ ኦላፐነ ሃꬃ ኡሾኮ። ኑን ካትያ ኦግያ ኦይቂደ ባና፤ ኑን ነ ቢታና አꬋና ጋካናዉ፥ ሀድርሳ ዎይ ኡሸቻ ጎኮ’ ያጌ” ያጌዳ።
NUM 20:18 ሽን ኤዶማ ካቲ፥ “ኑ ቢታና አꬅከ፤ ህንተ ሀዋና መንꬃና ካጄሎፐ፥ ኑን ደንዲደ ህንተና ማሻን ኦላና” ያጌድኖ።
NUM 20:19 እስራኤላቱ አ፥ “ኑን ካትያ ኦግያና ባና፤ ኑን ዎይ ኑ መሂ ህንተ ሃꬃ ኡሾፐ፥ ኑን ሄዎ ጋትያ ጭጋና። ኑን ገድያን አꬃ ጻላላ ኮዬቶ፤ ሀራባ አያነ ኮዮኮ” ያጌድኖ።
NUM 20:20 ኤዶማ ካቲ ዛረꬂደ፥ “ህንተና አꬅከ” ያጌዳ። ሄዋፐ ጉይያን፥ ዳሮነ ዎልቃማ ኦላንቻቱዋ አኪደ፥ እስራኤልያ አሳና ኦላ ጋከታናዉ ከሴዳ።
NUM 20:21 ኤዶማቱ ባረንቱ ቢታና እስራኤልያ አሳይ አꬋናዉ ድጌዳ ድራዉ፥ እስራኤልያ አሳይ ስሚደ ሀራ ኦግያ ቤዳ።
NUM 20:22 እስራኤልያ አሳይ ኡባይ ቃዴሳፐ ደንዲደ፥ ሆራ ግያ ደርያ ቤድኖ።
NUM 20:23 ኤዶማ ዛዋ ማታን ደእያ ሆራ ደርያን፥ መꬍና ጎዳይ ሙሳነ አሮና፥
NUM 20:24 “አሮን ሀይቂደ ባረ ማይዛን ጋከትያ ዎዲ ጋኬዳ። ማሪባ ሃꬃ ማታን ህንተ ላኡካ ታ አዛዙዋ ቦላ ማካሌዳ ድራዉ፥ እስራኤልያ አሳዉ ታን እምያ ቢታ እ ገለና።
NUM 20:25 አሮናነ አ ናኣ ኤልኣዛራ አካደ፥ ሆራ ደርያ አሀ።
NUM 20:26 አሮና ማዩዋ ቃራደ፥ አ ናኣ ኤልኣዛራ ማይዛ። አሮን ባረ ማይዛን ጋከታና፤ እ ያን ሀይቃና” ያጌዳ።
NUM 20:27 መꬍና ጎዳይ አዛዜዳዋዳን ሙሴ ኦꬄዳ፤ አሳይ ኡባይ ጼልሽን፥ ኡንቱንቱ ሆራ ደርያ ከሴድኖ።
NUM 20:28 ሙሴ አሮና ማዩዋ ቃሪደ፥ አ ናኣ ኤልኣዛራ ማይዜዳ። አሮን ሄ ደርያ ሁጲያን ሀይቄዳ። ሄዋፐ ጉይያን፥ ሙሴነ ኤልኣዛር ደርያፐ ዎꬌድኖ።
NUM 20:29 አሮን ሀይቄዳዋ አሳይ ኡባይ ኤሬዳ ዎደ፥ እስራኤልያ አሳይ ኡባይ አሮናዉ ሀታሙ ጋላሳ ዬኬዳ።
NUM 21:1 ኔጌባ መላ ቢታ፥ ካናነ ጋድያን ደእያ አራዳ ካቲ እስራኤልያ አሳይ አታርማ አፍያ ኦግያ ባጋና ይያዋ ስሴዳ ዎደ፥ እ እስራኤላቱዋና ኦላ ጋከቲደ፥ ኡንቱንቱፐ አማሬዳዋንታ ኦሞዴዳ።
NUM 21:2 ሄ ዎደ እስራኤልያ አሳይ፥ “ኔን ሀ አሳ ኑ ኩሽያን አꬃደ እሞፐ፥ ኑን ኡንቱንቱ ካታማቱዋ ኡባና ꬋይሳና” ያጊደ መꬍና ጎዳው ሺቄድኖ።
NUM 21:3 መꬍና ጎዳይ እስራኤልያ ቃላ ስሲደ፥ ሄ ካናነቱዋ ኡንቱንቶ አꬅ እሜዳ፤ ኡንቱንቱ ሄ ካናነቱዋነ ኡንቱንቱ ካታማቱዋ ኡባና ꬋይሴድኖ። ሄዋ ድራዉ፥ ሄ ሳአይ ሆርማ ጌተት ሱንቴዳ።
NUM 21:4 እስራኤልያ አሳይ ሆራ ደርያፐ ደንዲደ፥ ኤዶማ ቢታ ዩሹዋ ባናዉ ዞኦ አባ አፍያ ኦግያና ቤድኖ፤ ሽን ኦግያ ቦላን አሳዉ ዳንዳያይ ዉሬዳ።
NUM 21:5 አሳይ፥ “ኑን መላ ቢታን ሀይቃናዉ ግብጼፐ ፑደ ኑና አያዉ አሄድቴ? ቁም ባዋ፤ ሃꬃይ ባዋ፤ ሀ ኢታ ቁማይ ኑና ሸነዬዳ” ያጊደ ጾሳ ቦላነ ሙሴ ቦላ ዙዙሜድኖ።
NUM 21:6 መꬍና ጎዳይ አሳ ግዱዋን ማርዝያና ደእያ ሾሻቱዋ የዴዳ፤ ኡንቱንቱ ዱክና፥ ዳሮ እስራኤላቱ ሀይቄድኖ።
NUM 21:7 ኡንቱንቱ ሙሴኮ ዪደ አ፥ “ኑን መꬍና ጎዳ ቦላነ ነ ቦላ ዙዙሚደ፥ ናጋራ ኦꬄዶ። ኑፐ ሀ ሾሻ ሃሳና ማላ፥ ኔን መꬍና ጎዳ ዎሳ” ያጌድኖ። ሙሴ አሳ ድራዉ ዎሴዳ።
NUM 21:8 ሄዋፐ ጉይያን መꬍና ጎዳይ ሙሳ፥ “ኔን ሾሻ መꬋደ፥ ኡንቱንቱ ስንꬃን ምꬃ ቦላን ካቃ፤ ዱከቴዳ ኦንነ አ ጼሎፐ ፓጻና” ያጌዳ።
NUM 21:9 ሙሴ ናሃሰ ብራታፐ ሾሻ መꬊደ፥ ምꬃ ቦላን ካቄዳ። ሄዋፐ ጉይያን፥ ሾሻይ ዱኬዳ አሳይ ኡባይ ናሃስያ ሾሻ ጼሊደ ፓጼድኖ።
NUM 21:10 እስራኤልያ አሳይ ደንዲደ፥ ኦቦታ ግያ ሳን ዱንካኔድኖ።
NUM 21:11 ኦቦታፐ ደንዲደ፥ ሞኣባፐ ስንꬃና ደእያ ባዙዋን፥ አዋይ ዶልያ ባጋና፥ ላለቴዳ እየ አባርማ ካታማን ዱንካኔድኖ።
NUM 21:12 ሄዋፐ ደንዲደ፥ ዘሬዳ ዛንጋራን ዱንካኔድኖ።
NUM 21:13 ሄዋፐ ደንዲደ፥ አሞረቱ ቢታ ጋጻ ጋካናዉ ብያ መላ ቢታ ግዶን አርኖና ሻፋፐ ሄፍንꬃን ዱንካኔድኖ። አርኖና ሻፋይ ሞኣባ ቢታፐነ አሞረቱ ጋድያፐ ግዱዋን ደእያ ዛዋ።
NUM 21:14 ሄዋ ድራዉ፥ ጾሳ ኦላ ማጻፋን፥ “ሱፋ ሄራን ደእያ ዋሄባ ካታማነ አርኖና ሻፋ ዛንጋራ፥
NUM 21:15 ኤራ ካታማ ጋካናዉነ ሞኣባ ዛዋ ጋካናዉ ደእያ ዛንጋራ ዱገꬃ” ያገት ጻፈቴዳ።
NUM 21:16 ኡንቱንቱ ሄዋፐ ደንዲደ፥ ቤራ ግያሳ ቤድኖ፤ ሄዌ ጾሳይ ሙሳ፥ “አሳ ሺሻ፤ ታን ኡንቱንቶ ሃꬃ እማና” ያጊደ ኦዴዳ ሃꬃ ኦላ።
NUM 21:17 ሄዋን እስራኤልያ አሳይ ሀ ማዝሙርያ የጼዳ። “ሃꬃ ኦላዉ፥ ፑልታ!
NUM 21:18 ካፓቱ ቦኬዳ ሃꬃ ኦላዉ፥ አሳ ካለꬅያዋንቱ ኦላዉ፥ ካተቱዋ ጻምኣንነ ኡንቱንቱ ካዛራን ቦኬዳ ሃꬃ ኦላዉ አነ የጼቶ” ያጌዳ። ኡንቱንቱ ሄ ባዙዋፐ ማታና ግያሳ ቤድኖ፤
NUM 21:19 ማታናፐ ናህልኤላ፥ ናህልኤላፐ ባሞታ ግያሳ፥
NUM 21:20 ባሞታፐ ደንዲደ፥ ሞኣበን ደእያ ዛንጋራ ቤድኖ፤ ሀ ዛንጋራይ ፕስጋ ደርያፐ ጋርሳን ባዙዋ ማታን ደኤ።
NUM 21:21 ሄዋፐ ጉይያን፥ እስራኤልያ አሳይ አሞረ ቢታ ካትያ ስሆናኮ ኪተትያዋንታ ሀዋዳን ያጊደ ኪቴዳ፤
NUM 21:22 “ኑና ነ ቢታና አꬃርኪ! ኑን ነ ጋድያ ግዱዋ ዎይ ዎይንያ ቱራ ግዱዋ ገሎኮ፤ ቃይ ሃꬃ ኦላ ሀቃዋፐነ ኡሾኮ። ኑን ነ ቢታና አꬋና ጋካናዉ፥ ካትያ ኦግያና ባና” ያጌዳ።
NUM 21:23 ሽን ስሆን ባረ ቢታና እስራኤልያ አሳ አናን ድጌዳ፤ እ ባረ ኦላንቻቱዋ ኡባ ሺሺደ፥ እስራኤልያ አሳ ኦላናዉ መላ ቢታ ቤዳ፤ ያሃጻ ግያሳ ብ ጋኪደ፥ እስራኤልያ አሳና ኦለቴዳ።
NUM 21:24 ሽን እስራኤልያ አሳይ ኦላን አሞረቱዋፐ ዳሩዋ ዎꬊደ፥ ኡንቱንታ ቢታ አርኖና ሻፋፐ ዶሚደ፥ አሞናቱዋ ዛዋን ደእያ ያቦቃ ሻፋ ጋካናዉ ኦይቄዳ። አሞና አሳቱ ቢታ ዛዋይ ግምበት ኡቴዳ ድራዉ፥ ኡንቱንቱ ያ ገልበይክኖ።
NUM 21:25 ያትና እስራኤላቱ አሞረቱ ካታማቱዋ ኡባ ጾኒደ አኬድኖ። ቃይ ሀሰቦናነ አ ዩሹዋን ደእያ ቄር ካታማቱዋካ ኡባ ኦይቂደ፥ ያን ኡቴድኖ።
NUM 21:26 ሀሰቦና ካታማይ አሞረቱ ካትያ ስሆና ካታማ። ስሆን ሞኣባ ቢታ ካትያ ካሰዋ ኦሊደ፥ አርኖና ሻፋ ጋካናዉ አ ቢታ ኡባ አፐ አኬዳዋ።
NUM 21:27 ሄዋ ድራዉ፥ ሌምሱዋን ሀዋዳን ያጌድኖ፤ “ሀሰቦና ሃይተ፤ ሄ ካታማይ ዛረꬅ ኬጸቶ፤ ስሆና ዎልቃማ ካታማይ ዎꬍ ኤቂደ ኬጸቶ!
NUM 21:28 አያዉ ጎፐ፥ ታማይ ሀሰቦናፐ፥ ላጩ ስሆና ካታማፐ ከሴዳ፤ ሞኣበን ደእያ ኤራነ አርኖና ሻፋ ሄራን ገዝያን ደእያ ካፓቱዋ ሜዳ።
NUM 21:29 ሞኣባ፥ ነዉ አየ አና! ካሞሻዉ ጎይንያዋንቶ፥ ህንተ ꬋዬድታ። ህንተ ጾሳይ፥ ካሞሽ፥ ህንተ አቱማ ናናቱዋ ባቃታናዉ፥ ህንተ ማጫ ናናቱዋ ኦሞዶ፥ አሞረቱ ካትያ ስሆናዉ እሜዳ።
NUM 21:30 ህንተ ዘረꬃቱ ሀሰቦናፐ ዶሚደ፥ ድቦና ጋካናዉ ኡባና ꬋዬድኖ። መዳባ ማታን ደእያ ኖፋሀ ጋካናዉ ዉርሲደ ባይዜድኖ” ያጌድኖ።
NUM 21:31 ሄዋዳን ሀኒደ፥ እስራኤላቱ አሞረቱ ጋድያን ኡቴድኖ።
NUM 21:32 ቃይ ሙሴ ዎችያዋንታ ያእዜራ ግያ ካታማ የድና፥ እስራኤላቱ ሄ ካታማነ አ ሄራን ደእያ ቄር ካታማቱዋ ኦይቂደ፥ ሄዋን ደእያ አሞረቱዋ ከሲደ የደርሴድኖ።
NUM 21:33 ሄዋፐ ጉይያን፥ እስራኤላቱ ስሚደ፥ ባሳነ አፍያ ኦግያና ከሴድኖ። ባሳነ ካቲ ኦግ ባረ ኦላንቻቱዋ ኡባና ኤድራአ ግያ ካታማ ኡንቱንቱና ኦለታናዉ ከሴዳ።
NUM 21:34 ሽን መꬍና ጎዳይ ሙሳ፥ “አዉ ያዮፓ! አያዉ ጎፐ፥ ታን ካትያ ኦጋ አ አሳ ኡባናነ አ ቢታና ነ ኩሽያን አꬃደ እማድ። ሀሰቦናን ኡቲደ ሞዴዳ አሞረቱ ካትያ ስሆና ቦላ ኦꬄዳዋዳን፥ ኔን አ ቦላካ ኦꬃና” ያጌዳ።
NUM 21:35 እስራኤላቱ ኦጋ፥ አ አቱማ ናናቱዋነ አ አሳ ኡባ እቱዋነ ፓጻ አሸናን ዎꬌድኖ። ኡንቱንቱ አ ቢታ ላቴድኖ።
NUM 22:1 ሄዋፐ ጉይያን እስራኤልያ አሳይ ደንዲደ፥ እያርኮ ልክያን ዮርዳኖሳ ሄፍንꬃን ደእያ ሞኣባ ደምባን ዱንካኔዳ።
NUM 22:2 እስራኤልያ አሳይ አሞረቱ ቦላ ኦꬄዳዋ ኡባ ጽፖራ ናአይ ባላቅ ስሴዳ።
NUM 22:3 እስራኤልያ አሳይ ሎይꬅ ዳሮ ግዴዳ ድራዉ፥ ሞኣባቱ ሎይꬅ ዳጋሚደ ያዬድኖ።
NUM 22:4 ሞኣባቱ ምድያማ ጭማቱዋ፥ “ቦራይ ማታ ም ꬋይስያዋዳን ሀ ዉደ አሳይ ኑ ዩሹዋን ደእያ ኡባ ም ꬋይሳና” ያጌድኖ። ሄ ዎደ ሞኣባ ካቲ፥ ጽፖራ ናአይ ባላቅ
NUM 22:5 አማዋ ጋድያን ኤፍራጺሳ ሻፋ ማታን ፓቶራ ካታማን ደእያ ብኦራ ናኣ ባላማኮ አሳ ኪቴዳ። ባላቅ፥ “በአ፥ ግብጼፐ ዳሮ አሳይ ከሴዳ፤ ኡንቱንቱ ቢታ ኡባ ማዪደ፥ ታፐ ያ ባጋን ደኢኖ።
NUM 22:6 ኡንቱንቱ ታዉ ሎይꬅ ዎልቃምያ ድራዉ፥ ሀያና ሀእ ያደ፥ ኡንቱንታ ታዉ ሸቃርኪ! ኦን ኤሪ፥ ታን ኡንቱንታ ጾናናዉነ ጋድያፐ ከሳናዉ ዳንዳያነንቶነ። አያዉ ጎፐ፥ ኔን አንጄዳዌ አንጀቴዳዋነ ኔን ሸቄዳዌ ሸቀቴዳዋ ግድያዋ ታን ኤራይ” ያጌዳ።
NUM 22:7 ሞኣባ ጭማቱነ ምድያማ ጭማቱ ሸቂስያ ጋትያ አኪደ፥ ባላማኮ ቤድኖ። ባላቅ ጌዳዋ አዉ ኦዴድኖ።
NUM 22:8 ባላም ኡንቱንታ፥ “ሀቼ ቃማ ሀዋን አቅተ፤ መꬍና ጎዳይ ታዉ ኦድያዋ ታን ህንተንቶ ኦዳና” ያጌዳ። ሞኣባ ካፓቱ ባላማዋን ታኬድኖ።
NUM 22:9 ጾሳይ ባላማኮ ዪደ፥ “ሀዋንቱ ኔናና ደእያ አሳቱ ኦኔ?” ያጊደ ኦቼዳ።
NUM 22:10 ባላም ጾሳ፥ “ሞኣባ ካቲ፥ ጽፖራ ናአይ ባላቅ፥
NUM 22:11 ‘ግብጼፐ ዳሮ አሳይ ከሴዳ፤ ኡንቱንቱ ቢታ ኡባ ማዬድኖ። ሀእ ኔን ያደ፥ ኡንቱንታ ታዉ ሸቃርኪ! ኦን ኤሪ፥ ታን ኡንቱንታ ጾናናዉነ ጋድያፐ ከሳናዉ ዳንዳያነንቶነ’ ያጊደ ኡንቱንታ ታኮ ኪቴዳ” ያጌዳ።
NUM 22:12 ጾሳይ ባላማ፥ “ኔን ኡንቱንቱና ቦፓ። እስራኤላቱ አንጀቴዳዋንታ ግድያ ድራዉ፥ ኔን ሄ አሳ ሸቆፓ” ያጌዳ።
NUM 22:13 ዎንተꬃ ጋላስ ዎንታ ባላም ደንዲደ፥ ባላቃ ካፓቱዋ፥ “ታን ህንተናና ቤናዳን መꬍና ጎዳይ ድጌዳ ድራዉ፥ ህንተ ቢታ ስምተ” ያጌዳ።
NUM 22:14 ሞኣባ ካፓቱ ያፐ ደንዲደ፥ ባላቃኮ ስሚደ አ፥ “ባላም ኑናና ዬናን እጼዳ” ያጌድኖ።
NUM 22:15 ዛሪደካ ባላቅ ካሰዋንቱፐ አꬍ ቦንቼቴዳነ ፓይዱዋንካ ጮራቴዳ ሀራ ካፓቱዋ አኮ ኪቴዳ።
NUM 22:16 ኡንቱንቱ ባላማኮ ዪደ፥ “ጽፖራ ናአይ ባላቅ ኔና፥ ‘ኔን ታኮ ያናዋ ኔና አያይነ ተኦፖ።
NUM 22:17 አያዉ ጎፐ፥ ታን ነዉ ዳሮ ዎይቱዋ እማና፤ ኔን ግያዋ ኡባ አያነ ታን ኦꬃና። ያደ ሀ አሳ ታዉ ሸቃርኪ’ ” ያጊደ ኦዴድኖ።
NUM 22:18 ሽን ባላም ኡንቱንቶ፥ “ባላቅ ሀራይ አቶ ብራይነ ዎርቃይ ኩሜዳ ባረ ካትያ ጎልያ ታዉ እሜዳዋ ግድንቶነ፥ መꬍና ጎዳ ታ ጾሳ አዛዙዋፐ አꬋደ፥ ታን አያነ ፓጭሳናዉ ዎይ ጉጃናዉ ዳንዳይከ።
NUM 22:19 መꬍና ጎዳይ ታዉ ኦድያ ሀራባይ ደኦፐ ታን ኤራናዳን፥ ህንተካ ሀች ቃማ ሀዋን አቅተ” ያጌዳ።
NUM 22:20 ሄ ጋላሳ ቃማ ጾሳይ ባላማኮ ዪደ፥ “ሀ አሳይ ኔና ጼሳናዉ ዬዳ ድራዉ፥ ኔን ኡንቱንቱና ባ። ሽን ታን ነዉ ኦድያዋ ጻላላ ኦꬃ” ያጌዳ።
NUM 22:21 ዎንተꬃ ጋላስ ባላም ባረ ሀራቶ ኮሪደ፥ ሞኣባ ካፓቱዋና ቤዳ።
NUM 22:22 ሽን እ ብያ ዎደ ጾሳ ሀንቁ ኤጽ ከሴዳ፤ ያትና መꬍና ጎዳ ኪታንቻይ አ ተአናዉ ኦግያን ኤቄዳ። ሄ ዎደ ባላም ባረ ሀራቶ ቶጎዋን፥ አ ላኡ ቆማቱ አናና ደኢኖ።
NUM 22:23 መꬍና ጎዳ ኪታንቻይ ማሻ ዛረꬅ ኦይቂደ፥ ኦግያን ኤቄዳዋ ሀራታ በአኔ፥ ኦግያ አጋደ፥ ጎሻ ግዶ ገላዱ። ባላም ኦግያ ዛራናዉ ሀራቶ ሾጬዳ።
NUM 22:24 ያትና መꬍና ጎዳ ኪታንቻይ ላኡ ዎይንያ ቱራ ሳአቱዋፐ ግዱዋን፥ ያ ባጋናነ ሀ ባጋና ግምቢያን ድረት ኡቴዳ ኡንኦ ኦግያን ኤቄዳ።
NUM 22:25 ሀራታ መꬍና ጎዳ ኪታንቻ በኤዳ ዎደ፥ ግምቢያ ድርሳኮ ሺቃደ፥ ባላማ ገድያ ግምቢያ ድርሳና ዳራጻዱ፤ እ ሀራቶ ላኤንꬁዋካ ሾጬዳ።
NUM 22:26 ሄዋፐ ጉይያን፥ መꬍና ጎዳ ኪታንቻይ ስንꬃዉኮ አꬊደ፥ ሀድርሳ ባጋናካ ኡሸቻ ባጋና አꬍያ ሳአይ ባይና ኡንኦ ሳኣን ኤቄዳ።
NUM 22:27 ሀራታ መꬍና ጎዳ ኪታንቻ በኣደ፥ ባላም ቶጎዋን ግሳዱ። ባላም ሎይꬅ ሀንቀቲደ፥ ባረ ጻምአን ሀራቶ ቡኬዳ።
NUM 22:28 ሄዋፐ ጉይያን፥ መꬍና ጎዳይ ሀራት ዶና ዶይና፥ ሀራታ ባላማ፥ “ታን ነዉ አይ ኦꬅኔ ኔን ታና ሀ ሄዙ ገደ ቡኬዳዌ?” ያጋዱ።
NUM 22:29 ባላም ሀራቶ፥ “ኔን ታና ኤየꬄዳ ድራሳ። ታ ኩሽያን ማሻይ ደኤዳዋ ግድንቶነ፥ ታን ኔና ሀእ ዎꬋና ሽን!” ያጌዳ።
NUM 22:30 ሀራታ ባላማ፥ “ታን ነ ደኦ ኡባን ሀች ጋካናዉ ቶግያ ነ ሀራቶ ግድክታ? ታን ነዉ ሀዋዳን ሀና ኤራይታ?” ያጋዱ። ባላም፥ “ሀና ኤራካ” ያጌዳ።
NUM 22:31 ሄዋፐ ጉይያን፥ መꬍና ጎዳይ ባላማ አይፍያ ዶይና፥ መꬍና ጎዳ ኪታንቻይ ሾኩዋፐ ሾዴዳ ማሻ ኦይቂደ፥ ኦግያን ኤቄዳዋ በኤዳ። እ ልጭ ጊደ፥ ሶምኡዋ ሳኣ ጋꬂደ ጉፋኔዳ።
NUM 22:32 መꬍና ጎዳ ኪታንቻይ አ፥ “ነ ሀራቶ ሀ ሄዙ ገደ አያዉ ቡካዲ? ነ ኦጊ ታ ስንꬃን ጌላ ግድያ ድራዉ፥ ታን ኔና ተአናዉ ሀዋ ያድ።
NUM 22:33 ሀራታ ታና በኣደ፥ ታ ስንꬃፐ ሄዙ ገደ ዎራ ስማዱ። ሀራታ ዎራ ስማቤናዋ ግድንቶነ፥ ታን ኔና ሀኖደ ቱሙ ዎꬋ ድጋደ፥ ሀራቶ አሻና ሽን” ያጌዳ።
NUM 22:34 ባላም መꬍና ጎዳ ኪታንቻ ዛሪደ፥ “ታን ናጋራ ኦꬃድ። ኔን ታና ተአናዉ ኦግያ ቦላን ኤቄዳዋ ታን ኤራበይከ። ኔን ዶሳቤናባ ግዶፐ፥ ታን ሀእ ጉየ ስማና” ያጌዳ።
NUM 22:35 መꬍና ጎዳ ኪታንቻይ ባላማ፥ “ኔን ሀ አሳቱዋና ባ፤ ሽን ታን ነዉ ኦድያዋ ጻላላ ሃሳያ” ያጌዳ። ባላም ባላቃ ቢታ ካፓቱዋና ቤዳ።
NUM 22:36 ባላም ይያዋ ባላቅ ስሴዳ ዎደ፥ አርኖና ሻፋ ዛዋን ባረ ቢታ ጋጻን ደእያ ሞኣባቱዋ ካታማን አናና ጋከታናዉ ቤዳ።
NUM 22:37 ባላቅ ባላማ፥ “ኔን ኤለካ ያናዳን ታን ኪታበይክታ? ኔን አያዉ ታኮ ኤለካ ያበይኪ? ታን ነዉ ዎይታናዉ ቱሙ ዳንዳይክታ?” ያጌዳ።
NUM 22:38 ባላም ባላቃ፥ “በአ፥ ሀእ ታን ኔኮ ያድ፤ ሽን ታን አያነ ጋናዉ ቱሙ ዳንዳይከ። ጾሳይ ታና ሃሳይስያዋ ጻላላ ታን ሃሳያና” ያጌዳ።
NUM 22:39 ሄዋፐ ጉይያን፥ ባላም ባላቃና ቅርያት-ሁጾታ ግያ ካታማ ቤዳ።
NUM 22:40 ባላቅ ሚዛነ ዶርሳ ያርሺደ፥ አሹዋፐ አማሬዳዋ ባላማዉነ አናና ደእያ ካፓቶ እሜዳ።
NUM 22:41 ዎንተꬃ ጋላስ ዎንታ ባላቅ ባላማ አኪደ፥ ባሞት-ባኣል ግያሳ ፑደ ከሴዳ፤ ሄዋን ኤቂደ፥ ባላም እስራኤልያ አሳፐ ባጋ በኤዳ።
NUM 23:1 ባላም ባላቃ፥ “ሀዋን ኔን ታዉ ላፑን ያርሽያ ሳኣ ግምባ፤ ቃይ ላፑን ኮሩማ ቦራነ ላፑን ዶርሳ ኦርገቱዋ ኔን ታዉ ጊግሳ” ያጌዳ።
NUM 23:2 ባላም ጌዳዋዳን ባላቅ ኦꬄዳ፤ ኡንቱንቱ ላኡካ እት እት ያርሽያ ሳኣን እት ኮሩማ ቦራነ እት ዶርሳ ኦርግያ ያርሼድኖ።
NUM 23:3 ሄዋፐ ጉይያን፥ ባላም ባላቃ፥ “ኔን ነ ጹግያ ያርሹዋ ማታን ሀዋን ኤቃሻ፤ ታን ገደኮ ባይ። መꬍና ጎዳይ ታናና ጋከታናዉ ሀቀት ዬናን አገና። እ ታዉ ቆንጭስያዋ አያነ ታን ነዉ ኦዳና” ያጌዳ። ꬎቃ ዞዘትያ መላ ሳኣ ከሴዳ።
NUM 23:4 ሄዋን ጾሳይ ባላማና ጋከትና ባላም፥ “ታን ላፑን ያርሽያ ሳኣ ጊግሳድ፤ እት እት ያርሽያ ሳኣን እት ኮሩማ ቦራነ እት ዶርሳ ኦርግያ ያርሻድ” ያጌዳ።
NUM 23:5 ባላም ጋናባ መꬍና ጎዳይ አዉ ኦዲደ፥ “ኔን ባላቃኮ ስማደ፥ አዉ ሀ ትምቢትያ ኦዳ” ያጌዳ።
NUM 23:6 እ ባላቃኮ ስምያ ዎደ፥ ባላቅ ሞኣባ ካፓቱ ኡባና ባረ ጹግያ ያርሹዋ ማታን ኤቄዳ።
NUM 23:7 ሄዋፐ ጉይያን፥ ባላም ባረ ትምቢትያ ሀዋዳን ያጊደ ኦዴዳ፤ “ሞኣባ ካቲ አዋይ ዶልያ ባጋ ደረቱዋፐ፥ ሶርያ ጋድያፐ ታና ሀዋዳን ያጊደ አሄዳ፤ ‘ሃያ፤ ያቆባ ታዉ ሸቃ! እስራኤልያ አሳ፥ “ዉርተ!” ያጋ’ ያጌዳ።
NUM 23:8 ጾሳይ ሸቂቤናዋንታ ታን ዋታ ሸቆ? መꬍና ጎዳይ፥ ‘ዉርተ!’ ያግቤናዋንታ፥ ታን ዋታደ፥ ‘ዉርተ!’ ያጎ?
NUM 23:9 ታን ꬎቃ ዛላ ሁጲያን ኤቃደ ኡንቱንታ ጼላይ፤ ዞዝያን ኤቃደ ታን ኡንቱንታ በአይ። ኡንቱንቱ ባረካ ደእያ አሳ፤ ኡንቱንቱ ባረና ካዉተꬃቱዋፐ እቱዋዳን ፓይድክኖ።
NUM 23:10 ባናዳን ጮራቴዳ ያቆባ ዘረꬃ ኦን ፓይዳናዉ ዳንዳዪ? ሀራይ አቶ እስራኤልያ አሳዉ ኦይደንꬆ ኩሽያ ኦን ፓይዳናዉ ዳንዳዪ? ታ ሀይቁ ጽሎቱዋ ሀይቁዋ ማላ ግዶ፤ ታ ደኡዋ ዉርሰꬃይካ ኡንቱንቱዋዳን ሀኖ!” ያጌዳ።
NUM 23:11 ባላቅ ባላማ፥ “ኔን ታ ቦላ ኦꬅያባይ አዬ? ታን ኔና ታ ሞርከቱዋ ሸቃናዳን አሃድ፤ ሽን ኔን ኡንቱንታ አንጃዳፐ አትና፥ ሀራባ አይነ ኦꬃባካ!” ያጌዳ።
NUM 23:12 ባላም ዛሪደ፥ “ታን መꬍና ጎዳይ ታና ሃሳይስያዋፐ ሀራ ሃሳዮየ?” ያጌዳ።
NUM 23:13 ሄዋፐ ጉይያን፥ ባላቅ አ፥ “ኡንቱንቱ ኔን በአናዉ ዳንዳይያ ሀራሳ ታናና ደንዳ። ኔን ኡንቱንቱፐ አማሬዳዋ በአናፐ አትና፥ ኡንቱንታ ኡባ በአካ። ኔን ሄዋን ታዉ ኡንቱንታ ሸቃርኪ” ያጌዳ።
NUM 23:14 ፕስጋ ግያ ደርያ ሁጲያን ደእያ ጾፊማ ደምባ አኪደ አፌዳ። ሄዋን ላፑን ያርሽያ ሳኣ ግምቤዳ፤ እት እት ያርሽያ ሳኣን እት ኮሩማ ቦራነ እት ዶርሳ ኦርግያ ያርሼዳ።
NUM 23:15 ባላም ባላቃ፥ “ታን ህንና ጾሳና ጋከትያ ዎደ፥ ኔን ሀዋን ነ ጹግያ ያርሹዋ ማታን ኤቃሻ” ያጌዳ።
NUM 23:16 መꬍና ጎዳይ ባላማና ጋከቲደ ኪቲደ፥ “ኔን ባላቃኮ ስማደ፥ አዉ ሀ ትምቢትያ ኦዳ” ያጌዳ።
NUM 23:17 እ አኮ ስሚደ፥ ባረ ጹግያ ያርሹዋ ማታን ሞኣባ ቢታ ካፓቱና ኤቄዳዋ ደሜዳ። ባላቅ አ፥ “መꬍና ጎዳይ ኦድያባይ አዬ?” ያጌዳ።
NUM 23:18 ባላም ባረ ትምቢትያ ሀዋዳን ያጊደ ኦዴዳ፤ “ጽፖራ ናኣ ባላቃ ደንዳ ስሳ፤ ታን ኦድያዋ ስሳ!
NUM 23:19 ጾሳይ ዎርዶታናዉ አሳ ግደና፤ ባረ ቆፋ ላማናዉ እ አሳ ናኣ ግደና። እ ኦዲደ፥ ባረ ኦዴዳዋ ኦኔ? ዎይ እ ባረ ጌዳዋ ፖለኔ?
NUM 23:20 ታን አንጃናዉ አዛዙዋ አካድ። እ አንጅ ክቼዳ፤ ታን ሄዋ ላማናዉ ዳንዳይከ።
NUM 23:21 ያቆባ ዛርያዉ ኢታባይ ያናባይ፥ እስራኤልያ አሳዉ መቱ ጋካናባይ ታዉ ቤትቤና። መꬍና ጎዳይ ኡንቱንቱ ጾሳይ ኡንቱንቱና ደኤ፤ እ ኡንቱንቶ ካትያ ግድያዋ አዋዪኖ።
NUM 23:22 ጾሳይ ኡንቱንታ ግብጼፐ ከሴዳ፤ እ ምኖ መንꬃዳን ኡንቱንቶ ደኤ።
NUM 23:23 ያቆባ ቦላ ጋካና ብታይ ባዋ፤ እስራኤልያ አሳ ቆሀና ሙሩኑካ ባዋ። አሳይ ሀእ፥ ‘ያቆባዉነ እስራኤላዉ ጾሳይ ኦꬄዳዋ በእተ’ ያጋና።
NUM 23:24 ሀ አሳይ ማጫ ጋማትዳን ደንዴዳ። ባረ ኦይቄዳዋ ማና ጋካናዉነ፥ ባረ ዎꬌዳዋ ሱꬃ ኡሻና ጋካናዉ፥ ሸምፐና ጋሙዋዳን ኡንቱንቱ ኤቂ ደንድኖ” ያጌዳ።
NUM 23:25 ሄዋፐ ጉይያን፥ ባላቅ ባላማ፥ “ኔን ኡንቱንታ ሙለካ ሸቆፓነ ሙለካ አንጆፓ” ያጌዳ።
NUM 23:26 ባላም ዛሪደ፥ “መꬍና ጎዳይ ግያዋ ኡባ ኦꬃና ጋደ ታን ነዉ ኦዳበይክታ?” ያጌዳ።
NUM 23:27 ሄዋፐ ጉይያን፥ ባላቅ ባላማ፥ “ሃያ፤ ታን ኔና ሀራሳ አፋና። ኦን ኤሪ፥ ኔና ያ አፍና ጾሳይ ናሸቲደ፥ ኔና ኡንቱንታ ታዉ ሸቅሳነንቶ” ያጌዳ።
NUM 23:28 ባላቅ ባላማ መላ ቢታ ቦላና ዱገ ጼልያ ፓኦራ ደርያ ሁጲያ አፌዳ።
NUM 23:29 ባላም፥ “ኔን ሀዋን ታዉ ላፑን ያርሽያ ሳኣ ግምባ፤ ቃይ ላፑን ኮሩማ ቦራቱዋነ ላፑን ዶርሳ ኦርገቱዋ ታዉ ጊግሳ” ያጌዳ።
NUM 23:30 ባላም ጌዳዋዳን ባላቅ ኦꬄዳ፤ እት እት ያርሽያ ሳኣን እት ኮሩማ ቦራነ እት ዶርሳ ኦርግያ ያርሼዳ።
NUM 24:1 እስራኤልያ አንጅያዌ መꬍና ጎዳ ናሸቼዳዋ ባላም በኤዳ ዎደ፥ ካሰ እ ኦꬄዳዋዳን ሙሩናናዉ ኮይቤና፤ ሽን ባረ ሶምኡዋ መላ ቢታኮ ዛሬዳ።
NUM 24:2 ያቲዴ ꬎቁ ጊ ጼሊደ፥ እስራኤልያ አሳይ ባረ ዛርያን ዛርያን ዱንካን ኡቴዳዋ በኤዳ፤ ጾሳ አያናይ አ ቦላ ዎꬌዳ።
NUM 24:3 እ ባረ ትምቢትያ ሀዋዳን ያጊደ ኦዴዳ፤ “ብኦራ ናኣ ባላማ ትምቢቲ፥ አ አይፊ ትሽ ኦꬅ ጼልያዋ ትምቢቲ፥
NUM 24:4 ጾሳይ ግያዋ ስስያዋ ትምቢቲ፥ ልጭ ጊደ ጉፋንና፥ አ አይፊ ዶየቴዳዋነ ኡባ ዳንዳይያ ጾሳ ሳፃ በእያዋ ትምቢቲ ሀዋ።
NUM 24:5 ያቆባ ዛረቶ፥ ህንተ ዱንካነቱ፥ እስራኤልያ አሳዉ፥ ህንተ ደእያ ሳአቱካ፥ ዎት ሎኤ!
NUM 24:6 ኡንቱንቱ ምጨቴዳ ዎምባዳን፥ ሻፋ ዶናን ደእያ አታክልትያ ሳኣዳን፥ መꬍና ጎዳይ ቶኬዳ ጎዳረ ኡꬃዳንነ ሃꬃ ዶናን ደእያ ዝጋዳን ሀኒኖ።
NUM 24:7 ኡንቱንቶ ዳሮ ሃꬃይ ፑልታና፤ ኡንቱንቱ ዛረቶ ግድያ ሃꬃይ ደአና። ኡንቱንቱ ካቲ ካትያ አጋጋፐ ግታታና፤ ኡንቱንቱ ካዉተꬃይካ ቦንቼታና።
NUM 24:8 ጾሳይ ኡንቱንታ ግብጼፐ ከሴዳ፤ እ ምኖ መንꬃዳን ኡንቱንቶ ደኤ። ኡንቱንቱ ሞርከ ካዉተꬃ ምታና፤ ኡንቱንቱ መቀꬃካ ሊቅሳና፤ ኡንቱንቱ ባረንቱ ዎንዳፍያ ዙቢያን ኡንቱንታ ጫዳና።
NUM 24:9 እስራኤልያ አሳይ ጋሙዋዳን ግሴ። ማጫ ጋማትዳን ኡንቱንታ ደንꬃናዉ ኦን ጻላኔ? ህንተና አንጅያ ኡባይ አንጀቴዳዋ ግዳናዋ፤ ህንተና ሸቂያ ኡባይ ሸቀቴዳዋ ግዳናዋ” ያጌዳ።
NUM 24:10 ሄዋፐ ጉይያን፥ ባላቅ ባላማ ቦላ ሀንቁዋ ኤጽ ከሴዳ። ባላቅ ባረ ኩሽያ ዱኪደ ባላማ፥ “ታ ሞርከቱዋ ቃንጋናዳን ታን ኔና ጼሳድ፤ ሽን ኔን ሀ ሄዙ ገደካ ኡንቱንታ አንጃዳ።
NUM 24:11 ስም ሀእ ኔን ነ ጎለ ባቃታ፤ ‘ታን ነዉ ዳሮባ ዎይታና’ ጋድ፤ ሽን ኔን ዎይቱዋ አከናዳን መꬍና ጎዳይ ኔና ድጌዳ” ያጌዳ።
NUM 24:12 ባላም ባላቃ ዛሪደ፥ “ኔን ታኮ ኪቴዳዋንቱነ፥
NUM 24:13 ‘ባላቅ ሀራይ አቶ ባረ ብራይነ ዎርቃይ ኩሜዳ ባረ ካትያ ጎልያ ታዉ እሜዳዋ ግድንቶነ፥ መꬍና ጎዳይ ኦዴዳዋ አꬋደ፥ ሎኡዋ ዎይ ኢታ ታ ሸንያን ኦꬃናዉ ዳንዳይከ። ታን መꬍና ጎዳይ ግያዋ ጻላላ ጋና’ ያጋደ ነዉ ኦዳበይክታየ?” ያጌዳ።
NUM 24:14 ያጊደ፥ “ታን ሀእ ታ አሳኮ ባይ፤ ሽን ኔን ሃያ፤ ሀ አሳይ ዉርሰꬃ ዎድያን ነ አሳ ኦꬃናዋ ታን ነዉ ኦዳና” ያጌዳ።
NUM 24:15 እ ባረ ትምቢትያ ሀዋዳን ያጊደ ኦዴዳ፤ “ብኦራ ናኣ ባላማ ትምቢቲ፥ አ አይፊ ትሽ ኦꬂደ ጼልያዋ ትምቢቲ፥
NUM 24:16 ጾሳይ ግያዋ ስስያዋነ፥ ኡባፐ ꬎቂያ ጾሳፐ ግዴዳ ኤራተꬃይ ደእያዋ ትምቢቲ፥ ልጵ ጊደ ጉፋንና፥ አ አይፊ ዶየቴዳዋነ ኡባ ዳንዳይያ ጾሳ ሳፃ በእያዋ ትምቢቲ ሀዋ።
NUM 24:17 ታን አ በአይ፤ ሽን ዎዲ ሀአ ግደና፤ ታን አ ጼላይ፤ ሽን ማታን ግደና። ያቆባ ዛርያፐ ጾልንቲ ከሳና። እስራኤልያፐ ካተቱዋ ጻምአይ ከሳና። ሞኣባ አሳ ሶምኡዋ እ ጋጭ ቆላና። ሴተ አሳ ኡባ ሁጲያ እ ክንቻና።
NUM 24:18 ኤዶም ጾነታና፤ አ ሞርኪ ሰኢርካ ጾነታና፤ ሽን እስራኤሊ ምን ምኒደ ባና።
NUM 24:19 ያቆባፐ ሞድያዌ ከሳና፤ ኡንቱንቱ ካታማን ፓጻ አቴዳዋንታ ꬋይሳና” ያጌዳ።
NUM 24:20 ሄዋፐ ጉይያን፥ ባላም አማሌቃ አሳቱዋ በኢደ፥ ባረ ትምቢትያ ሀዋዳን ያጊደ ኦዴዳ፤ “ካዉተꬃቱዋ ግዶን አማሌቅ ኮይሮ፤ ሽን ኡንቱንቱ ዉርሰꬃይ ꬋዮ” ያጌዳ።
NUM 24:21 ቃይ ባላም ቄና አሳቱዋ በኢደ፥ ባረ ትምቢትያ ሀዋዳን ያጊደ ኦዴዳ፤ “ህንተ ደእያ ሳአይ ሳሮ ሳ ግዴ፤ ህንተ ጎሊ ዛላ ቦላን ኬጸቴዳ።
NUM 24:22 ሽን አሶረቱ ህንተና ኦሞድያ ዎደ፥ ህንተ ቄና አሳቱ ꬋያና” ያጌዳ።
NUM 24:23 ሄዋፐ ጉይያን፥ ባላም ባረ ትምቢትያ ሀዋዳን ያጊደ ኦዴዳ፤ “አየ አና! ጾሳይ ሀዋ ኦꬅያ ዎደ፥ ኦን ደአና ዳንዳዪ?
NUM 24:24 ማርካባቱ ክቲማ ሀሩሩዋፐ ያና፤ ኡንቱንቱ አሶረቱዋነ ኤቤራቱዋ ኡቁናና፤ ሽን ቃይ ኡንቱንቱካ ꬋያና” ያጌዳ።
NUM 24:25 ሄዋፐ ጉይያን፥ ባላም ደንዲደ፥ ባረ ጎለ ስሜዳ፤ ባላቅካ ባረ ኦግያ ቤዳ።
NUM 25:1 እስራኤላቱ ሺጽማ ግያ ሳን ዱንካኔዳ ዎደ፥ አሳይ ሞኣባ ቢታ ማቼቱዋና ሻርሙጹዋ ዶሜዳ።
NUM 25:2 ሄ ማጫ አሳቱ ባረንቱ ጾሳቱዋ ያርሹዋ ማናዉ ኡንቱንታ ሾቤድኖ፤ ኡንቱንቱ ሚደ፥ ኡንቱንቱ ጾሳቶ ጎይኔድኖ።
NUM 25:3 እስራኤላቱ ፓኦራ ባኣላ ግያ ኤቃ ካሌዳ ድራዉ፥ መꬍና ጎዳ ሀንቁ ኡንቱንቱ ቦላን ኤጽ ከሴዳ።
NUM 25:4 ያትና መꬍና ጎዳይ ሙሳ፥ “መꬍና ጎዳ ሀንቁ እስራኤልያፐ ዎራ ስማና ማላ፥ ሀ አሳ ካለꬅያዋንታ ኡባ አፋደ፥ ሴታ ጋላስ መꬍና ጎዳ ስንꬃን ካቃ” ያጌዳ።
NUM 25:5 ሙሴ እስራኤልያ ዳናቱዋ፥ “ፓኦራ ባኣላ ግያ ኤቃዉ ጎይኔዳ ህንተ አሳ ኡባ ህንተ ሁጲያን ሁጲያን ዎꬍተ” ያጌዳ።
NUM 25:6 ሙሴነ እስራኤልያ ማባራይ ኡባይ ጋከትያ ዱንካንያ ፐንግያን ዬክሽን፥ እስራኤላቱዋፐ እቱ ምድያማ ቢታ ምሽራቶ ኡንቱንቱ ስንꬃና አꬂደ፥ ባረ ጎልያ አሳኮ አሄዳ።
NUM 25:7 ቄስያ አሮና ናኣ ኤልኣዛራ ናአይ ፒንሃስ ሄዋ በኤዳ ዎደ፥ ማባራ ግዶፐ ደንዲደ፥ ቶራ ባረ ኩሽያን ኦይቂደ፥
NUM 25:8 ሄ እስራኤልያ ብታንያ ካሊደ፥ ዱንካንያ ግዶ ገሌዳ። እስራኤልያ ብታንያነ ምሽራቶነ ላኡዋካ ቶራን ጫዲደ፥ ካንꬅ ከሴዳ። ሄዋዳን ሀንና፥ ቦሻይ እስራኤላቱዋፐ ቃረቴዳ፤
NUM 25:9 ሽን ሄ ቦሻን ሀይቄዳ አሳይ ላታማነ ኦይዱ ሻአ።
NUM 25:10 ሄዋፐ ጉይያን፥ መꬍና ጎዳይ ሙሳ ሀዋዳን ያጌዳ፤
NUM 25:11 “ቄስያ አሮና ናኣ ኤልኣዛራ ናአይ ፒንሃስ እስራኤልያ አሳ ግዶን ታን ታ ቦንቾ ምሸትያዋዳን ምሸቴዳ ድራዉ፥ ኡንቱንቱ ቦላ ታን ሀንቀቴዳ ሀንቁ ዶቼዳ፤ ታንካ ኡንቱንታ ታ ሀንቁዋን ꬋይሳበይከ።
NUM 25:12 ሄዋ ድራዉ፥ ታን ታ ሳሮተꬃ ጫቁዋ አናና ጫቀትያዋ ፒንሃሳዉ ኔን ኦዳ።
NUM 25:13 እ ባረ ጾሳ ቦንቾ ምሸቴዳ ግሻዉነ እስራኤልያ አሳዉ አቶ ጊሴዳ ድራዉ፥ እነ አ ዘረꬃቱ መꬍናዉ ቄሰ ግዳናዋ” ያጌዳ።
NUM 25:14 ምድያማ ቢታ ምሽራትና ዎꬌዳ እስራኤልያ ብታንያ ሱንꬃይ ሳሉ ናኣ ዝምራ፤ ሳሉ ስሞና ዛራቱዋን እት ያራ ካፑዋ።
NUM 25:15 ሀይቄዳ ምድያማ ቢታ ምሽራት ሱንꬃይ ኮዝቦ፤ እ አዉ ጹር ምድያማቱ ያራ ካፑዋ።
NUM 25:16 መꬍና ጎዳይ ሙሳ ሀዋዳን ያጌዳ፤
NUM 25:17 “ምድያማ ቢታ አሳቱዋ ሞርክተ፤ ኡንቱንታ ዎꬍተ።
NUM 25:18 አያዉ ጎፐ፥ ኡንቱንቱ ህንተና ፓኦራን ጭሚደ፥ ህንተዉ ሞርከ ግዴድኖ፤ ቃይ ቦሻ ጋላስ ፓኦራን ዎꬌዳ ምሽራት፥ ምድያማቱ ያራ ካፑዋ ናት ኮዝብ ጋሱዋን ኡንቱንቱ ህንተና ሞርኬድኖ” ያጌዳ።
NUM 26:1 ቦሻፐ ጉይያን፥ መꬍና ጎዳይ ሙሳነ ቄስያ አሮና ናኣ ኤልኣዛራ፥
NUM 26:2 “የለቶደፐ ላታሙ ላይꬃነ ሄዋፐ ቦላና ደእያ እስራኤላቱዋ፥ ኦላዉ ባናዉ ዳንዳይያዋንታ ኡባቱዋ፥ ኡንቱንቱ ጎልያን ጎልያን ፓይድተ” ያጌዳ።
NUM 26:3 ሙሴነ ቄሲ ኤልኣዛር ዮርዳኖሳ ሻፋፐ ሄፍንꬃ ባጋና፥ እያርኮ ማታን፥ ሞኣባ ደምባን ኡንቱንቱና ሃሳዪደ፥
NUM 26:4 “መꬍና ጎዳይ ሙሳ አዛዜዳዋዳን፥ የለቶደፐ ላታሙ ላይꬃነ ሄዋፐ ቦላና ደእያ አሳ ፓይድተ” ያጌድኖ። ግብጼፐ ከሴዳ እስራኤላቱ ሀዋንታ፦
NUM 26:5 እስራኤልያ ባይራ ናኣ ሮቤላ ዛራቱ: ሀኖካ ያራቱዋ፥ ፓሉ ያራቱዋ፥
NUM 26:6 ሄጽሮና ያራቱዋነ ካርማ ያራቱዋ።
NUM 26:7 ሀዋንቱ ሮቤላ ዛራቱዋ፤ ኡንቱንቱ ኡባና 43,730።
NUM 26:8 ፓሉ ናአይ ኤልኣባ፤
NUM 26:9 ኤልኣባ አቱማ ናናይ ነሙኤላ፥ ዳታናነ አቢራማ፤ ሀ ዳታንነ አቢራም ማባራይ ዶሬዳዋንታ። ኡንቱንቱ ቆራሀነ አ ካልያዋንቱና ዙፐቲደ፥ ሙሴ ቦላ፥ አሮና ቦላነ መꬍና ጎዳ ቦላ ማካሌድኖ።
NUM 26:10 ቢታይ ዶየቲደ፥ ኡንቱንታ ቆራሃና እትፐ ምቴዳ፤ ኡንቱንታ ካልያ ላኡ ጼታነ እሻታሙ አሳ ታማይ ሚና ሀይቄድኖ። ያትና ኡንቱንቱ አሳይ በኢደ ዱጽያ ማላታ ግዴድኖ።
NUM 26:11 ሽን ቆራሀ አቱማ ናናይ ሄ ጋላስ ሀይቂበይክኖ።
NUM 26:12 ስሞና ዛራቱ ባረንቱ ያራን ያራን: ነሙኤላ ያራቱዋ፥ ያሚና ያራቱዋ፥ ያኪና ያራቱዋ፥
NUM 26:13 ዛራሀ ያራቱዋነ ሻኡላ ያራቱዋ።
NUM 26:14 ሀዋንቱ ስሞና ዛራቱዋ፤ ኡንቱንቱ ኡባና 22,200።
NUM 26:15 ጋዳ ዛራቱ ባረንቱ ያራን ያራን: ጻፎና ያራቱዋ፥ ሀጋ ያራቱዋ፥ ሹና ያራቱዋ፥
NUM 26:16 ኦዝና ያራቱዋ፥ ኤራ ያራቱዋ፥
NUM 26:17 አሮዳ ያራቱዋነ አርኤላ ያራቱዋ።
NUM 26:18 ሀዋንቱ ጋዳ ዛራቱዋ፤ ኡንቱንቱ ኡባና 40,500።
NUM 26:19 ይሁዳ አቱማ ናናይ ኤራነ ኦናና፤ ሽን ኡንቱንቱ ካናነ ጋድያን ሀይቄድኖ።
NUM 26:20 ይሁዳ ዛራቱ ባረንቱ ያራን ያራን: ሼላ ያራቱዋ፥ ፓሬሳ ያራቱዋነ ዛራሀ ያራቱዋ።
NUM 26:21 ፓሬሳ ዛራቱ ሄጽሮና ያራቱዋነ ሀሙላ ያራቱዋ።
NUM 26:22 ሀዋንቱ ይሁዳ ዛራቱዋ፤ ኡንቱንቱ ኡባና 76,500።
NUM 26:23 ይሳኮራ ዛራቱ ባረንቱ ያራን ያራን: ቶላአ ያራቱዋ፥ ፑዋ ያራቱዋ፥
NUM 26:24 ያሹባ ያራቱዋነ ሽምሮና ያራቱዋ።
NUM 26:25 ሀዋንቱ ይሳኮራ ዛራቱዋ፤ ኡንቱንቱ ኡባና 64,300።
NUM 26:26 ዛብሎና ዛራቱ ባረንቱ ያራን ያራን: ሰሬዳ ያራቱዋ፥ ኤሎና ያራቱዋነ ያህላኤላ ያራቱዋ።
NUM 26:27 ሀዋንቱ ዛብሎና ዛራቱዋ፤ ኡንቱንቱ ኡባና 60,500።
NUM 26:28 ምናሰነ ኤፍሬማ አዉዋ ዮሴፎ ዛራቱ ሀዋፐ ካሊደ ጻፈቴድኖ።
NUM 26:29 ምናሰ ዛራቱ ምናሰ ናኣ ማኪራ ያራቱዋ፥ ማኪር ናኣ ጋላኣደ ያራቱዋነ ጋላኣደ ናናቱ ያራቱዋ።
NUM 26:30 ጋላኣደ ዛራቱ እኤዘራ ያራቱዋ፥ ሄሌቃ ያራቱዋ፥
NUM 26:31 አስርኤላ ያራቱዋ፥ ሸኬማ ያራቱዋ፥
NUM 26:32 ሻምዳአ ያራቱዋነ ሄፌራ ያራቱዋ።
NUM 26:33 ሄፌራ ናአይ ጻሎፍሃድ ማጫ ናናቱ ጻላላ የሌዳ፤ አዉ አቱማ ናእ ባዋ። ጻሎፍሃዳ ማጫ ናናቱ ሱንꬃይ ማህሎ፥ ኖኦ፥ ሆግሎ፥ ምልኮነ ትርጾ።
NUM 26:34 ሀዋንቱ ምናሰ ዛራቱዋ፤ ኡንቱንቱ ኡባና 52,700።
NUM 26:35 ኤፍሬማ ዛራቱ ባረንቱ ያራን ያራን: ሹተላሀ ያራቱዋ፥ በኬራ ያራቱዋ፥ ታሃና ያራቱዋነ
NUM 26:36 ሹተላሀ ናኣ ኤራና ያራቱዋ።
NUM 26:37 ሀዋንቱ ኤፍሬማ ዛራቱዋ፤ ኡንቱንቱ ኡባና 32,500። ዮሴፎ ዛራቱ ባረንቱ ያራን ያራን ሄዋንታ።
NUM 26:38 ቢንያማ ዛራቱ ባረንቱ ያራን ያራን: በላአ ያራቱዋ፥ አሽቤላ ያራቱዋ፥ አህራማ ያራቱዋ፥
NUM 26:39 ሻፉፋማ ያራቱዋ፥ ሁፋማ ያራቱዋ፥
NUM 26:40 በላአ ናኣ አራዳ ያራቱዋነ በላአ ናኣ ናእማና ያራቱዋ።
NUM 26:41 ሀዋንቱ ቢንያማ ዛራቱዋ፤ ኡንቱንቱ ኡባና 45,600።
NUM 26:42 ዳና ዛራቱ ሹሃማ ያራቱዋ።
NUM 26:43 ሹሃማ ያራቱ ኡባና 64,400።
NUM 26:44 አሴራ ዛራቱ ባረንቱ ያራን ያራን: ይምና ያራቱዋ፥ ይሽዋሀ ያራቱዋ፥ ባሪአ ያራቱዋ፥
NUM 26:45 ባሪአ ናኣ ሄቤራ ያራቱዋነ ባሪአ ናኣ ማልክኤላ ያራቱዋ።
NUM 26:46 አሴራዉ ሰራሆ ግያ ማጫ ናታ ደአዉ።
NUM 26:47 ሀዋንቱ አሴራ ዛራቱዋ፤ ኡንቱንቱ ኡባና 53,400።
NUM 26:48 ንፍታሌማ ዛራቱ ባረንቱ ያራን ያራን: ያእዝኤላ ያራቱዋ፥ ጉና ያራቱዋ፥
NUM 26:49 የጼራ ያራቱዋነ ሽሌማ ያራቱዋ።
NUM 26:50 ሀዋንቱ ንፍታሌማ ዛራቱዋ፤ ኡንቱንቱ ኡባና 45,400።
NUM 26:51 ፓይደቴዳ እስራኤልያ አቱማ አሳይ ኡባና 601,730።
NUM 26:52 ቃይካ መꬍና ጎዳይ ሙሳ፥
NUM 26:53 “ሀ ዛረቶ ኡንቱንቱ ሱንꬃ ሱንꬃ ፓይዱዋዳን ቢታይ ሻከቲደ፥ ላታ ግዲደ ኡንቱንቶ እመቶ።
NUM 26:54 ፓይዱዋን ጮራቶ ኡንቱንቱ ጮራተꬃ ኬና፥ ፓይዱዋን ጉꬃቶ ኡንቱንቱ ጉꬃተꬃ ኬና ሻካደ እማ። ኡባይካ ጻፈቴዳ ባረንቱ ፓይዱዋ ኬና ኬና አክኖ።
NUM 26:55 ሽን ቢታይ ሳማን ሻከቶ፤ እት እት ዛሪ ላትያ ቢታይ ኡንቱንቱ አዉዋ ዛርያ ሱንꬃዳን ግዶ።
NUM 26:56 ላታ ኡባይ ፓይዱዋን ጮራቱዋፐነ ፓይዱዋን ጉꬃቱዋፐ ግዱዋን ኤጻን ሻከቶ” ያጌዳ።
NUM 26:57 ባረ ያራን ያራን ፓይደቴዳ ሌዋቱ ሀዋንታ: ገርሾና ያራቱዋ፥ ቃሃታ ያራቱዋነ ማራራ ያራቱዋ።
NUM 26:58 ሀዋንቱካ ቃይ ሌዋቱዋ ያራቱዋ: ሊብና ያራቱዋ፥ ከብሮና ያራቱዋ፥ ማህላ ያራቱዋ፥ ሙሻ ያራቱዋነ ቆራሀ ያራቱዋ። ቃሃት አምራማ የሌዳ።
NUM 26:59 አምራማ ማቻት ሱንꬃይ ዮከቤዶ፤ አ ግብጼን ሌዊያዉ የለቴዳ ናቶ። እዛ አምራማዉ አሮና፥ ሙሳነ ኡንቱንቱ ምቻቶ ሚርያሞ የላዱ።
NUM 26:60 አሮን ናዳባ፥ አቢሀ፥ ኤልኣዛራነ እታማራ የሌዳ።
NUM 26:61 ሽን መꬍና ጎዳይ አዛዝቤና ታማ አ ስንꬃን ያርሼዳ ዎደ፥ ናዳብነ አብሁ ሀይቄድኖ።
NUM 26:62 የለቶደፐ እት አግናነ ሄዋፐ ቦላና ደእያ ፓይደቴዳ አቱማ ሌዋቱ ኡባና ላታማነ ሄዙ ሻአ። እስራኤላቱዋ ግዱዋን ኡንቱንቶ ላትያ ቢታይ እመትቤና ድራዉ፥ ኡንቱንቱ እስራኤላቱዋና ፓይደትበይክኖ።
NUM 26:63 ዮርዳኖሳ ሻፋፐ ሄፍንꬃ ባጋና፥ እያርኮ ማታን፥ ሞኣባ ደምባን ሙሴነ ቄሲ ኤልኣዛር እስራኤላቱዋ ፓይዴዳ ዎደ፥ ፓይደቴዳ አሳይ ሀዋ።
NUM 26:64 ሙሴነ ቄሲ አሮን ካሰ ሲና መላ ቢታን እስራኤላቱዋ ፓይዴዳ ዎደ፥ ፓይደቴዳ አሳፐ ሀራይ አቶ መጽ እት አሳይነ አትቤና።
NUM 26:65 አያዉ ጎፐ፥ መꬍና ጎዳይ ሄ እስራኤላቱዋ ኦዲደ፥ “ኡንቱንቱ መላ ቢታን ቱሙ ሀይቃና” ያግ ዎꬄዳ። ይፉነ ናኣ ካሌባፐነ ኔዌ ናኣ ኢያሱፐ አትና፥ ሀራይ እት አሳይነ አትቤና።
NUM 27:1 ጻሎፍሃዳ ማጫ ናናይ ማህሎ፥ ኖኦ፥ ሆግሎ፥ ምልኮነ ትርጾ። ጻሎፍሃድ ሄፌራ ናኣ፤ ሄፌር ጋላኣደ ናኣ፤ ጋላኣደ ማክራ ናኣ፤ ማክር ምናሰ ናኣ፤ ምናሰ ዮሴፎ ናኣ።
NUM 27:2 ሀ ማጫ ናናይ ጋከትያ ዱንካንያ ፐንግያን ሙሴ ስንꬃን፥ ቄስያ ኤልኣዛራ ስንꬃን፥ ካፓቱ ስንꬃንነ ማባራ ኡባ ስንꬃን ኤቂደ፥ ሀዋዳን ያጌድኖ፤
NUM 27:3 “ኑ አዉ ባዙዋን ሀይቄዳ፤ እ ባረ ናጋራን ሀይቄዳፐ አትና፥ መꬍና ጎዳ ቦላ ደንዴዳ ቆራሀ ካልያዋንቱ ግዶን ደኤና። አዉ አቱማ ናእ ባዋ።
NUM 27:4 አቱማ ናእ አዉ ባይናዋ ግዶፐነ፥ ኑ አዉዋ ሱንꬃይ አ ዳቦቱዋ ግዱዋፐ አያዉ ꬋዪ? ኑ አዉዋ እሻንቱ ግዶን ኑዉ ላትያ ቢታ እማ” ያጌድኖ።
NUM 27:5 ሙሴ ኡንቱንቱ ኦሻ መꬍና ጎዳ ስንꬃ ሺሼዳ።
NUM 27:6 መꬍና ጎዳይ ሙሳ፥
NUM 27:7 “ጻሎፍሃዳ ማጫ ናናይ ኦቼዳዌ ልከ፤ ኡንቱንቱ አዉዋ እሻንቱ ግዶን ኔን ኡንቱንቶ ላትያ ቢታ እማ፤ አ ላታይ ኡንቱንታ ጋኮ።
NUM 27:8 ቃይ ኔን እስራኤላቱዋ ሀዋዳን ያጋ፤ ‘እት አሳይ አቱማ ናእ ባይናን ሀይቂያዋ ግዶፐ፥ አ ቢታ አ ማጫ ናእ ላቶ፤
NUM 27:9 ማጫ ናእካ አዉ ባይናዋ ግዶፐ፥ አ ቢታ አ እሻቱ ላትኖ፤
NUM 27:10 አዉ እሻቱ ባይናዋ ግዶፐ፥ አ አዉዋ እሻቱ ላትኖ፤
NUM 27:11 አ አዉዋ እሻቱካ ባይናዋ ግዶፐ፥ አ ዛርያፐ ኡባፐ ማታትያ ዳቡዋ ላትሳ። ታን መꬍና ጎዳይ ኔና ሙሳ አዛዜዳዋዳን፥ ሀዌ እስራኤላቶ ህገ ግዶ’ ያጋ” ያጌዳ።
NUM 27:12 ሄዋፐ ጉይያን፥ መꬍና ጎዳይ ሙሳ፥ “ፑደ አባርማ ደረቱዋ ከሳደ፥ ታን እስራኤልያ አሳዉ እሜዳ ቢታ በአ።
NUM 27:13 በኤዳዋፐ ጉይያን፥ ነ እሻ አሮነዳን ኔንካ ሀይቃደ፥ ነ ማይዛን ጋከታና።
NUM 27:14 አያዉ ጎፐ፥ ጺና ባዙዋን ደእያ ሃꬃን አሳይ ኡባይ ማካሌዳ ዎደ፥ ህንተ ላኡካ ኡንቱንቱ ስንꬃን ታና ጌሻዳን ቦንቻናዉ ታዉ አዛዘትበይክታ” ያጌዳ። ሄዌ ሃꬃይ ጺና መላ ቢታን፥ ቃዴሳን ደእያ ማሪባ ሃꬃ።
NUM 27:15 ሙሴ መꬍና ጎዳ ሀዋዳን ያጌዳ፤
NUM 27:16 “አቤት መꬍና ጎዳዉ፥ አሳ ኡባዉ ደኡዋ እምያ ጾሳዉ፥ ነ አሳይ፥ ጾሳ አሳይ ሄንꬃንቻይ ባይና ዉድያ ማላ ግደናዳን፥ ሀ አሳ ስንꬃን ከስያነ ገልያ፥ ኡንቱንቱካ ካለꬂደ ከስያነ ገልስያ፥ እት አሳ ሀ ማባራ ቦላ ሱንꬃርኪ” ያጌዳ።
NUM 27:18 መꬍና ጎዳይ ሙሳ፥ “አያናይ አን ደእያ ኔዌ ናኣ ኢያሳ አካደ፥ ነ ኩሽያ አ ቦላ ዎꬃ፤
NUM 27:19 ያታደ ቄስያ ኤልኣዛራ ስንꬃንነ ማባራ ኡባ ስንꬃን ኤሳደ፥ ኡንቱንቱ በእሽን ሱንꬃ።
NUM 27:20 እስራኤላቱዋ ማባራ ኡባይ አዉ አዛዘታናዳን፥ ነ ማታፐ አዉ ሻካደ እማ።
NUM 27:21 ቄስያ ኤልኣዛራ ስንꬃን እ ኤቆ፤ ኤልኣዛር ኡሪምያን አዉ መꬍና ጎዳ ሸንያ ኦቾ። ኢያሱነ እስራኤልያ ማባራይ ኡባይ ኤልኣዛራ አዛዙዋን ከስኖነ አ አዛዙዋን ገልኖ” ያጌዳ።
NUM 27:22 መꬍና ጎዳይ አዛዜዳዋዳን ሙሴ ኦꬄዳ፤ ኢያሳ አፊደ፥ ቄስያ ኤልኣዛራ ስንꬃንነ ማባራ ኡባ ስንꬃን ኤሴዳ።
NUM 27:23 መꬍና ጎዳይ ጾሳይ አዛዜዳዋዳን፥ ሙሴ ባረ ኩሽያ አ ቦላ ዎꬂደ፥ አ ሱንꬄዳ።
NUM 28:1 መꬍና ጎዳይ ሙሳ፥
NUM 28:2 “እስራኤላቱዋ ሀዋዳን ያጋደ አዛዛ፤ ‘ታ ቁማ፥ ታና ቶሹኩ ጊደ ሳዋና ማላ፥ ታማን ያርሽያ ታ ያርሹዋ ኬሬዳ ዎድያን ዎድያን ታዉ ናጊደ እምተ’ ያጋ።
NUM 28:3 ቃይ ኔን ኡንቱንታ፥ ‘መꬍና ጎዳዉ ታማን ያርሽያ ያርሹ ሀዋ: ትላ ቦላና ደእያ፥ እት ላይꬃ ግዴዳ ላኡ ዶርሳ ኦርገቱዋ ሀች ሀች ጹግያ ያርሾ ያርሽተ፤
NUM 28:4 ዶርሳ ኦርገቱዋፐ እቱዋ ዎንታ፥ ላኤንꬁዋ ኦማርስ ያርሽተ።
NUM 28:5 ቃይ ሄዋና እት ሊትሮ ግድያ ዛይትያን ሙናቀቴዳ እት ኪሎ ግራመ ሙሩታ ዛርጋ ꬊልያ ካꬃ ያርሾ ያርሽተ።
NUM 28:6 ሀዌ መꬍና ጎዳ ቶሹኩ ጊደ ሳዋና ማላ፥ ሲና ደርያ ቦላን አዛዘቴዳ፥ ሀች ሀች ታማን ጹግያ ያርሹዋ።
NUM 28:7 ሄዋና ያርሽያ ኡሻ ያርሹ እት ዶርሳ ኦርግያዉ እት ሊትሮ ግድያ ዎይንያ ኤሳ። ኡሻ ያርሹዋ ጌሻ ሳኣን መꬍና ጎዳዉ ጉስተ።
NUM 28:8 ኦማርስ ላኤንꬆ ዶርሳ ኦርግያ፥ ዎንታዋ ኦꬄዳዋዳን ኦꬂደ፥ ካꬃ ያርሹዋናነ ኡሻ ያርሹዋና መꬍና ጎዳ ቶሹኩ ጊደ ሳዋና ማላ፥ ታማን ያርሽተ።
NUM 28:9 “ ‘ሳምባታ ጋላሳን፥ ትላ ቦላና ደእያ እት ላይꬃ ግዴዳ ላኡ ዶርሳነ ዛይትያን ሙናቀቴዳ ላኡ ኪሎ ግራመ ግድያ ሙሩታ ꬊልያ ካꬃ ያርሹዋነ ኡሻ ያርሹዋ ኦꬂደ ያርሽተ።
NUM 28:10 ሀቼ ሀች ጹግያ ያርሹዋነ አ ኡሻ ያርሹዋ ቦላ፥ ሳምባታ ጋላሳ ኡባን ህንተ ያርሽያ ጹግያ ያርሹ ሀዋ።
NUM 28:11 “ ‘አግናይ ጼርያ ጋላሳ ኡባን፥ ላኡ ኮሩማቱዋ፥ እት ዶርሳ ኦርግያነ እት ላይꬃ ግዴዳ ላፑን ዶርሳ ኦርገቱዋ፥ ኡባይካ ትላ ቦላና ደእያዋንታ፥ ጹግያ ያርሹዋ ኦꬂደ፥ መꬍና ጎዳዉ ያርሽተ።
NUM 28:12 እት እት ኮሩማና ዛይትያን ሙናቀቴዳ ሄዙ ኪሎ ግራመ ግድያ ሙሩታ ዛርጋ ꬊልያ፥ እት ዶርሳ ኦርግያና ዛይትያን ሙናቀቴዳ ላኡ ኪሎ ግራመ ግድያ ሙሩታ ዛርጋ ꬊልያነ
NUM 28:13 ላፑን ዶርሳ ማራቱዋፐ እት እት ዶርሳ ማራና ዛይትያን ሙናቀቴዳ እት ኪሎ ግራመ ግድያ ሙሩታ ዛርጋ ꬊልያ ካꬃ ያርሹዋ ኦꬂደ፥ መꬍና ጎዳ ቶሹኩ ጊደ ሳዋና ማላ፥ ታማን ያርሽያ ያርሹዋ ያርሽተ።
NUM 28:14 ቃይ ኡሻ ያርሾ እት እት ኮሩማና ላኡ ሊትሮ ግድያ ዎይንያ ኤሳ፥ እት ዶርሳ ኦርግያና እት ሊትሮነ ባጋ ዎይንያ ኤሳነ እት እት ዶርሳ ማራና እት ሊትሮ ግድያ ዎይንያ ኤሳ ሺሽተ። ሀዌ ላይꬃ ግዶን አግናይ ጼርያ ጋላሳ ኡባን ያርሽያ ጹግያ ያርሹዋ።
NUM 28:15 ሀቼ ሀች ጹግያ ያርሹዋነ አ ኡሻ ያርሹዋ ቦላ፥ እት ዴሻ ኦርግያ ናጋራ ያርሹዋ ኦꬂደ፥ መꬍና ጎዳዉ ያርሽተ።
NUM 28:16 “ ‘ኮይሮ አግናን ታማነ ኦይደንꬆ ጋላሳይ መꬍና ጎዳ ፓስጋ ቦንችያ ጋላሳ ግዶ።
NUM 28:17 ቃይ ሄ አግናንካ ታማነ እቼሸንꬆ ጋላሳን ዶሚደ፥ ኡክꬃ ባላይ ቦንቼቴ፤ ሄዋ ድራዉ፥ ላፑን ጋላሳቱዋን እርሹ ገልቤና ኡክꬃ ሚተ።
NUM 28:18 ሄ ጋላሳቱዋፐ ኮይሮ ጋላሳን ጌሻ ሺቁዋ ሺቅተ፤ ዳቡርስያ ኦሶ አያነ ኦꬆፕተ።
NUM 28:19 ላኡ ኮሩማቱዋ፥ እት ዶርሳ ኦርግያነ እት ላይꬃ ግዴዳ ላፑን ዶርሳ ኦርገቱዋ፥ ኡባይካ ትላ ቦላና ደእያዋንታ፥ ታማን ያርሽያ ያርሹዋ ኦꬂደ፥ መꬍና ጎዳዉ ያርሽተ።
NUM 28:20 ካꬃ ያርሾ እት ኮሩማና ዛይትያን ሙናቀቴዳ ሄዙ ኪሎ ግራመ ግድያ ሙሩታ ዛርጋ ꬊልያ፥ እት ዶርሳ ኦርግያና ላኡ ኪሎ ግራመ ግድያ ꬊልያነ
NUM 28:21 ላፑን ዶርሳ ማራቱዋፐ እት እት ማራና እት ኪሎ ግራመ ꬊልያ ያርሽተ።
NUM 28:22 ቃይ እት ዴሻ ኦርግያ ናጋራ ያርሾ፥ ህንተ ናጋራ አቶ ጊሳናዉ ያርሽተ።
NUM 28:23 ሀቼ ሀች ዎንታ ጹግያ ያርሹዋነ አ ካꬃ ያርሹዋ ቦላ፥ ሳዉዋ ቶሹኩ ግያ ቁማ ታማን ያርሽያ ያርሹዋ ጉጂደ፥ መꬍና ጎዳዉ ያርሽተ። ላፑን ጋላሳዉ ሄዋዳን ኦꬅተ።
NUM 28:25 ላፑንꬃ ጋላሳን ቃይ ጌሻ ሺቁዋ ሺቅተ፤ ዳቡርስያ ኦሶ አያነ ኦꬆፕተ።
NUM 28:26 “ ‘ሳምንታቱ ባላ ጋላሳን ህንተ መꬍና ጎዳዉ ኦራꬃ ካꬃ ሺሽያ ዎደ፥ ጌሻ ሺቁዋ ሺቅተ፤ ዳቡርስያ ኦሶ አያነ ኦꬆፕተ።
NUM 28:27 ላኡ ኮሩማቱዋ፥ እት ዶርሳ ኦርግያነ እት ላይꬃ ግዴዳ ላፑን ዶርሳ ኦርገቱዋ ሳዉዋ ቶሹኩ ግያ ጹግያ ያርሹዋ ኦꬂደ፥ መꬍና ጎዳዉ ያርሽተ።
NUM 28:28 እት እት ኮሩማና ዛይትያን ሙናቀቴዳ ሄዙ ኪሎ ግራመ ግድያ ሙሩታ ዛርጋ ꬊልያ፥ እት ዶርሳ ኦርግያና ላኡ ኪሎ ግራመ ꬊልያነ
NUM 28:29 ላፑን ዶርሳ ማራቱዋፐ እት እት ማራና እት ኪሎ ግራመ ꬊልያ ካꬃ ያርሾ ያርሽተ።
NUM 28:30 ቃይ እት ዴሻ ኦርግያ ናጋራ አቶ ጊስያ ያርሹዋ ኦꬂደ ያርሽተ።
NUM 28:31 ሀቼ ሀች ጹግያ ያርሹዋነ አ ኡሻ ያርሹዋ ቦላ፥ ሀዋንታ ኡንቱንቱ ካꬃ ያርሹዋና ያርሽተ። መሄቱ ትላ ቦላና ደእያዋንታ ግድያዋ ጌሺደ ኤርተ።
NUM 29:1 “ ‘ላፑንꬃ አግናዉ ኮይሮ ጋላሳን፥ ጌሻ ሺቁዋ ሺቅተ። ዳቡርስያ ኦሶ አያነ ኦꬆፕተ። ሄ ጋላሳይ ጹሩምባይ ፑነትያ ጋላሳ።
NUM 29:2 መꬍና ጎዳዉ ሳዉዋ ቶሹኩ ጋና ማላ፥ ጹግያ ያርሾ፥ እት ኮሩማ፥ እት ዶርሳ ኦርግያነ እት ላይꬃ ግዴዳ ላፑን ዶርሳ ኦርገቱዋ፥ ኡባይካ ትላ ቦላና ደእያዋንታ፥ ያርሽተ።
NUM 29:3 ካꬃ ያርሾ እት ኮሩማና ዛይትያን ሙናቀቴዳ ሄዙ ኪሎ ግራመ ግድያ ሙሩታ ዛርጋ ꬊልያ፥ እት ዶርሳ ኦርግያና ላኡ ኪሎ ግራመ ꬊልያነ
NUM 29:4 ላፑን ዶርሳ ማራቱዋፐ እት እት ማራና እት ኪሎ ግራመ ꬊልያ ያርሽተ።
NUM 29:5 ቃይ እት ዴሻ ኦርግያ ናጋራ ያርሾ፥ ህንተ ናጋራ አቶ ጊሳናዉ ያርሽተ።
NUM 29:6 ሄዋንታ አግናይ ጼርያ ጋላሳን ጹግያ ያርሹዋ ቦላነ አ ካꬃ ያርሹዋ ቦላ፥ ሀች ሀች ጹግያ ያርሹዋ ቦላ፥ አ ካꬃ ያርሹዋ ቦላነ አ ኡሻ ያርሹዋ ቦላ ጉጂደ፥ ዎጋዳን ያርሽተ፤ ሀዋንቱ መꬍና ጎዳዉ ሳዉዋ ቶሹኩ ግያ፥ ታማን ያርሽያ ያርሾቱዋ።
NUM 29:7 “ ‘ሀ ላፑንꬃ አግናዉ ታማንꬃ ጋላሳን ጌሻ ሺቁዋ ሺቅተ፤ ህንተ ሁጲያ ካዉሽተ፤ አያ ኦሱዋካ ኦꬆፕተ።
NUM 29:8 ያቲደ መꬍና ጎዳ ቶሹኩ ጊደ ሳዋና ማላ፥ ጹግያ ያርሾ እት ኮሩማ፥ እት ዶርሳ ኦርግያነ እት ላይꬃ ግዴዳ ላፑን ዶርሳ ኦርገቱዋ፥ ኡባይካ ትላ ቦላና ደእያዋንታ፥ ያርሽተ።
NUM 29:9 ካꬃ ያርሾ እት ኮሩማና ዛይትያን ሙናቀቴዳ ሄዙ ኪሎ ግራመ ግድያ ሙሩታ ዛርጋ ꬊልያ፥ እት ዶርሳ ኦርግያና ላኡ ኪሎ ግራመ ꬊልያነ
NUM 29:10 ላፑን ዶርሳ ማራቱዋፐ እት እት ማራና እት ኪሎ ግራመ ꬊልያ ያርሽተ።
NUM 29:11 ቃይ ናጋራ ያርሾ እት ዴሻ ኦርግያ ያርሽተ። ሄዋንታ ናጋራ አቶ ጊስያ ያርሹዋ ቦላ፥ ሀች ሀች ጹግያ ያርሹዋ ቦላ፥ ኡንቱንቱ ካꬃ ያርሹዋ ቦላነ ኡንቱንቱ ኡሻ ያርሹዋ ቦላ ጉጂደ ያርሽተ።
NUM 29:12 “ ‘ላፑንꬃ አግናን ታማነ እቼሸንꬆ ጋላሳን፥ ጌሻ ሺቁዋ ሺቅተ፤ ዳቡርስያ ኦሶ አያነ ኦꬆፕተ። መꬍና ጎዳዉ ዳስያ ባላ ላፑን ጋላሳ ቦንችተ።
NUM 29:13 መꬍና ጎዳ ቶሹኩ ጊደ ሳዋና ማላ፥ ታማን ያርሽያ ታማነ ሄዙ ኮሩማቱዋ፥ ላኡ ዶርሳ ኦርገቱዋነ እት ላይꬃ ግዴዳ ታማነ ኦይዱ ዶርሳ ኦርገቱዋ፥ ኡባይካ ትላ ቦላና ደእያዋንታ፥ ያርሽተ።
NUM 29:14 ካꬃ ያርሾ ታማነ ሄዙ ኮሩማቱዋፐ እት እት ኮሩማና ዛይትያን ሙናቀቴዳ ሄዙ ኪሎ ግራመ ግድያ ሙሩታ ዛርጋ ꬊልያ፥ ላኡ ዶርሳ ኦርገቱዋፐ እት እት ኦርግያና ላኡ ኪሎ ግራመ ꬊልያነ
NUM 29:15 ታማነ ኦይዱ ዶርሳ ማራቱዋፐ እት እት ማራና እት ኪሎ ግራመ ꬊልያ ያርሽተ።
NUM 29:16 ቃይ ናጋራ ያርሾ እት ዴሻ ኦርግያ ያርሽተ። ሄዋንታ ሀች ሀች ጹግያ ያርሹዋ ቦላ፥ አ ካꬃ ያርሹዋ ቦላነ አ ኡሻ ያርሹዋ ቦላ ጉጂደ ያርሽተ።
NUM 29:17 “ ‘ላኤንꬃ ጋላሳን ታማነ ላኡ ኮሩማቱዋ፥ ላኡ ዶርሳ ኦርገቱዋነ እት ላይꬃ ግዴዳ ታማነ ኦይዱ ዶርሳ ኦርገቱዋ፥ ኡባይካ ትላ ቦላና ደእያዋንታ፥ ያርሽተ።
NUM 29:18 ኮሩማቱዋና፥ ዶርሳ ኦርገቱዋናነ ዶርሳ ማራቱዋና፥ ኡንቱንቱ ካꬃ ያርሹዋነ ኡንቱንቱ ኡሻ ያርሹዋ ዎጋይ አዛዝያ ፓይዱዋዳን ያርሽተ።
NUM 29:19 ቃይ ናጋራ ያርሾ እት ዴሻ ኦርግያ ያርሽተ። ሄዋንታ ሀች ሀች ጹግያ ያርሹዋ ቦላ፥ አ ካꬃ ያርሹዋ ቦላነ አ ኡሻ ያርሹዋ ቦላ ጉጂደ ያርሽተ።
NUM 29:20 “ ‘ሄዘንꬃ ጋላሳን፥ ታማነ እት ኮሩማቱዋ፥ ላኡ ዶርሳ ኦርገቱዋነ እት ላይꬃ ግዴዳ ታማነ ኦይዱ ዶርሳ ኦርገቱዋ፥ ኡባይካ ትላ ቦላና ደእያዋንታ፥ ያርሽተ።
NUM 29:21 ኮሩማቱዋና፥ ዶርሳ ኦርገቱዋናነ ዶርሳ ማራቱዋና፥ ኡንቱንቱ ካꬃ ያርሹዋነ ኡንቱንቱ ኡሻ ያርሹዋ ዎጋይ አዛዝያ ፓይዱዋዳን ያርሽተ።
NUM 29:22 ቃይ ናጋራ ያርሾ እት ዴሻ ኦርግያ ያርሽተ። ሄዋንታ ሀች ሀች ጹግያ ያርሹዋ ቦላ፥ አ ካꬃ ያርሹዋ ቦላነ አ ኡሻ ያርሹዋ ቦላ ጉጂደ ያርሽተ።
NUM 29:23 “ ‘ኦይደንꬆ ጋላሳን፥ ታሙ ኮሩማቱዋ፥ ላኡ ዶርሳ ኦርገቱዋነ እት ላይꬃ ግዴዳ ታማነ ኦይዱ ዶርሳ ኦርገቱዋ፥ ኡባይካ ትላ ቦላና ደእያዋንታ፥ ያርሽተ።
NUM 29:24 ኮሩማቱዋና፥ ዶርሳ ኦርገቱዋናነ ዶርሳ ማራቱዋና፥ ኡንቱንቱ ካꬃ ያርሹዋነ ኡንቱንቱ ኡሻ ያርሹዋ ዎጋይ አዛዝያ ፓይዱዋዳን ያርሽተ።
NUM 29:25 ቃይ ናጋራ ያርሾ እት ዴሻ ኦርግያ ያርሽተ። ሄዋንታ ሀች ሀች ጹግያ ያርሹዋ ቦላ፥ አ ካꬃ ያርሹዋ ቦላነ እዛ ኡሻ ያርሹዋ ቦላ ጉጂደ ያርሽተ።
NUM 29:26 “ ‘እቼሸንꬃ ጋላሳን፥ ኡዱፑን ኮሩማቱዋ፥ ላኡ ዶርሳ ኦርገቱዋነ፥ እት ላይꬃ ግዴዳ ታማነ ኦይዱ ዶርሳ ኦርገቱዋ፥ ኡባይካ ትላ ቦላና ደእያዋንታ፥ ያርሽተ።
NUM 29:27 ኮሩማቱዋና፥ ዶርሳ ኦርገቱዋናነ ዶርሳ ማራቱዋና ኡንቱንቱ ካꬃ ያርሹዋነ ኡንቱንቱ ኡሻ ያርሹዋ ዎጋይ አዛዝያ ፓይዱዋዳን ያርሽተ።
NUM 29:28 ቃይ ናጋራ ያርሾ እት ዴሻ ኦርግያ ያርሽተ። ሄዋንታ ሀች ሀች ጹግያ ያርሹዋ ቦላ፥ አ ካꬃ ያርሹዋ ቦላነ አ ኡሻ ያርሹዋ ቦላ ጉጂደ ያርሽተ።
NUM 29:29 “ ‘ኡሱፑንꬃ ጋላሳን፥ ሆስፑን ኮሩማቱዋ፥ ላኡ ዶርሳ ኦርገቱዋነ እት ላይꬃ ግዴዳ ታማነ ኦይዱ ዶርሳ ኦርገቱዋ፥ ኡባይካ ትላ ቦላና ደእያዋንታ፥ ያርሽተ።
NUM 29:30 ኮሩማቱዋና፥ ዶርሳ ኦርገቱዋናነ ዶርሳ ማራቱዋና ኡንቱንቱ ካꬃ ያርሹዋነ ኡንቱንቱ ኡሻ ያርሹዋ ዎጋይ አዛዝያ ፓይዱዋዳን ያርሽተ።
NUM 29:31 ቃይ ናጋራ ያርሾ እት ዴሻ ኦርግያ ያርሽተ። ሄዋንታ ሀች ሀች ጹግያ ያርሹዋ ቦላ፥ አ ካꬃ ያርሹዋ ቦላነ አ ኡሻ ያርሹዋ ቦላ ጉጂደ ያርሽተ።
NUM 29:32 “ ‘ላፑንꬃ ጋላሳን፥ ላፑን ኮሩማቱዋ፥ ላኡ ዶርሳ ኦርገቱዋነ እት ላይꬃ ግዴዳ ታማነ ኦይዱ ዶርሳ ኦርገቱዋ፥ ኡባይካ ትላ ቦላና ደእያዋንታ፥ ያርሽተ።
NUM 29:33 ኮሩማቱዋና፥ ዶርሳ ኦርገቱዋናነ ዶርሳ ማራቱዋና ኡንቱንቱ ካꬃ ያርሹዋነ ኡንቱንቱ ኡሻ ያርሹዋ ዎጋይ አዛዝያ ፓይዱዋዳን ያርሽተ።
NUM 29:34 ቃይ ናጋራ ያርሾ እት ዴሻ ኦርግያ ያርሽተ። ሄዋንታ ሀች ሀች ጹግያ ያርሹዋ ቦላ፥ አ ካꬃ ያርሹዋ ቦላነ አ ኡሻ ያርሹዋ ቦላ ጉጂደ ያርሽተ።
NUM 29:35 “ ‘ሆስፑንꬃ ጋላሳን ጌሻ ሺቁዋ ሺቅተ፤ ዳቡርስያ ኦሶ አያነ ኦꬆፕተ።
NUM 29:36 ታማን ያርሽያ ያርሹ መꬍና ጎዳ ቶሹኩ ጊደ ሳዋና ማላ፥ እት ኮሩማ፥ እት ዶርሳ ኦርግያነ እት ላይꬃ ግዴዳ ላፑን ዶርሳ ኦርገቱዋ፥ ኡባይካ ትላ ቦላና ደእያዋንታ፥ ያርሽተ።
NUM 29:37 ኮሩማና፥ ዶርሳ ኦርግያናነ ዶርሳ ማራቱዋና ኡንቱንቱ ካꬃ ያርሹዋነ ኡንቱንቱ ኡሻ ያርሹዋ ዎጋይ አዛዝያ ፓይዱዋዳን ሺሽተ።
NUM 29:38 ቃይ ናጋራ ያርሾ እት ዴሻ ኦርግያ ያርሽተ። ሄዋንታ ሀች ሀች ጹግያ ያርሹዋ ቦላ፥ አ ካꬃ ያርሹዋ ቦላነ አ ኡሻ ያርሹዋ ቦላ ጉጂደ ያርሽተ።
NUM 29:39 “ ‘ህንተ ሺቆዋ ጋꬃናዉ ያርሽያ ያርሾቱ ቦላነ ህንተ ህንተ ዶሱዋን ጮ እምያ ያርሾቱ ቦላ፥ ጹግያ ያርሹዋ፥ ካꬃ ያርሹዋ፥ ኡሻ ያርሹዋነ እትፐተꬃ ያርሹዋ፥ ሀዋንታ መꬍና ጎዳ ባላ ህንተ ቦንቻናዉ ኬሬዳ ዎድያን ዎድያን ያርሽተ’ ያጋ” ያጌዳ።
NUM 29:40 ሙሴ ባረና መꬍና ጎዳይ አዛዜዳዋ ኡባ እስራኤላቶ ኦዴዳ።
NUM 30:1 ሙሴ እስራኤልያ ዛራቱ ካፓቱዋ ሀዋዳን ያጌዳ፤ “መꬍና ጎዳይ አዛዝያዌ ሀዋ።
NUM 30:2 እት አሳይ መꬍና ጎዳዉ እትባ ኦꬃናዉ ገፖፐ፥ ዎይ እትባ አጋናዉ ጫቆፐ፥ ባረ ዶናፐ ከሴዳዋ ኡባ ፖሎፐ አትና፥ ባረ ቃላ ብሎፖ።
NUM 30:3 “ባረ አዉዋ ሶን ደእያ ዎዶሮ ናታ፥ መꬍና ጎዳዉ እትባ ኦꬃናዉ ገፖፐ፥ ዎይ እትባ አጋናዉ ጫቆፐ፥
NUM 30:4 እ አዉ እ ገፋ ዎይ እ ጫቁዋባ ስሲደ፥ እዞ አይነ ጌናን አጎፐ፥ አ ኦꬃናዉ ገፔዳዋ ኡባነ አጋናዉ ጫቄዳዋ ኡባ ፖሉ።
NUM 30:5 ሽን እ አዉ ሄዋ ስሲደ ጳልቆፐ፥ አ ገፔዳ ገፋይነ አጋናዉ ጫቄዳ ጫቁ ፖለተናን አቴ። እ አዉ እዞ ድጌዳ ድራዉ፥ መꬍና ጎዳይ እዝዉ አቶ ጋና።
NUM 30:6 “ገላቤና ማጫውና ገፓ ኡታደ፥ ዎይ እትባ አጋናዉ ኤለካ ባረ ዶናፐ ጫቃ ኡታደ አስና ገሎፐ፥
NUM 30:7 እ አስናይ ሄዋ ስሲደ፥ እዞ አይነ ጌናን አጎፐ፥ አ ኦꬃናዉ ገፔዳ ገፋነ እትባ አጋናዉ ጫቄዳ ጫቁዋ ፖሉ።
NUM 30:8 ሽን እ አስናይ ሄዋ ስሲደ ጳልቆፐ፥ አ ገፔዳ ገፋይ ዎይ እትባ አጋናዉ ኤለካ ጫቄዳ ጫቁ ፖለተናን አቴ። ሄዋ ድራዉ፥ መꬍና ጎዳይ እዝዉ አቶ ጋና።
NUM 30:9 “ሽን አምአታ ዎይ አስናይ የዴዳ ማጫውኖ ኦꬃናዉ ገፔዳዋ ዎይ እትባ አጋናዉ ጫቄዳዋ ፖሉ።
NUM 30:10 “ማቻታ ባረ አስና ሶን ደኣደ ገፖፐ፥ ዎይ እትባ አጋናዉ ጫቁዋ ጫቆፐ፥
NUM 30:11 እ አስናይ ሄዋ ስሲደ እዞ አይነ ጌናን አጎፐ፥ አ ገፔዳ ገፋነ እትባ አጋናዉ ጫቄዳ ጫቁዋ ኡባ ፖሉ።
NUM 30:12 ሽን እ አስናይ ሄዋ ስሲደ ጳልቆፐ፥ እ ገፋይ ዎይ አ አጋናዉ ጫቄዳ ጫቁ አያይነ ፖለቶፖ። እ አስናይ ድጌዳ ድራዉ፥ መꬍና ጎዳይ እዝዉ አቶ ጋና።
NUM 30:13 እ አስናይ አ ገፕያ ገፋ ኡባ ዎይ አ ባረና ዝቂ ኦꬃናዉ ጫቄዳዋ ኡባ ጳልቃናዉ ዎይ ኤኖ ጋናው ዳንዳዬ።
NUM 30:14 ሽን እ አስናይ ሄ ጋላስ ዎይ ዎንተꬃ ጋላስ ሄዋ አይነ ጌናን አጎፐ፥ እ ገፋ ኡባ ዎይ እ ጫቁዋ ኡባ ማዬ። እ ሄዋ ስሴዳ ጋላስ ጮኡ ጌዳዋዳን እ ገፋ ኡባ ዎይ እ ጫቁዋ ኡባ ማይ ኡቴዳ።
NUM 30:15 ሽን እ ሄዋ ስሴዳ አማሬዳ ዎድያፐ ጉይያን ጳልቆፐ፥ እ ጎሚ አ ጋኬ” ያጌዳ።
NUM 30:16 አስና ገላቤና፥ ባረ አዉዋ ሶን ደእያ ዎዶሮ ናታነ እ አዉዋ ግዱዋን ዎይ ማቻትነ አስና ግዱዋን ደአና ማላ፥ መꬍና ጎዳይ ሙሳ አዛዜዳ ገፋ ዎጋይ ሀዋ።
NUM 31:1 መꬍና ጎዳይ ሙሳ፥
NUM 31:2 “እስራኤልያ አሳ ድራዉ፥ ኔን ምድያማ አሳ ቦላ ጾሳ ሀሉዋ ከሳ፤ ሄዋፐ ጉይያን፥ ኔን ሀይቃና” ያጌዳ።
NUM 31:3 ሄዋ ድራዉ፥ ሙሴ አሳ፥ “ምድያማ አሳ ቦላ መꬍና ጎዳ ሀሉዋ ከሳና ማላ ኦላ ባናዉ፥ ህንተ አሳ ኦላ ሚሻ ዳንጭስተ።
NUM 31:4 እት እት እስራኤልያ ዛራቱዋፐ እት ሻአ አቱማ አሳ ኦላዉ የድተ” ያጌዳ።
NUM 31:5 እስራኤልያፐ ታማነ ላኡ ሻአ አቱማ አሳይ፥ እት እት ዛርያፐ እት ሻአ አሳይ፥ ኦላዉ ጊጌድኖ።
NUM 31:6 እት እት ዛርያፐ እት ሻአ አሳ ሙሴ ቄስያ ኤልኣዛራ ናኣ ፒንሃሳና ኦላዉ የዴዳ፤ ፒንሃስ ጌሻ ሚሻቱዋነ ማላታዉ ፑንያ ጹሩምባ ባረናና አኪደ ቤዳ።
NUM 31:7 መꬍና ጎዳይ ሙሳ አዛዜዳዋዳን፥ ኡንቱንቱ ምድያማ አሳና ኦለቲደ፥ አቱማ አሳ ኡባ ዎꬌድኖ።
NUM 31:8 ቃይ ምድያማ ካተቱዋ እቼሻቱዋ፥ ኤዋ፥ ረቄማ፥ ጹራ፥ ሁራነ ረባአ ግያዋንታ ዎꬌድኖ። ኡንቱንቱ ቃይ ብኦራ ናኣ ባላማካ ማሻን ሲፌድኖ።
NUM 31:9 እስራኤላቱ ምድያማ ማጫ አሳቱዋነ ናናቱዋ ኦሞዲደ፥ ኡንቱንቱ ሚዛ፥ ኡንቱንቱ ዶርሳ ዉድያነ ኡንቱንቱ ሚሻ ኡባ ቦንቄድኖ።
NUM 31:10 ምድያማ አሳቱ ደኤዳ ካታማቱዋ ኡባነ ኡንቱንቱ ሞꬃቱዋ ኡባ ታማን ጹጌድኖ።
NUM 31:11 ኡንቱንቱ አሳ፥ መህያነ ኦሞዴዳዋ ኡባ አክ አፌድኖ።
NUM 31:12 ኡንቱንቱ ኦሞዴዳ አሳቱዋነ ቦንቄዳባቱዋ ሙሴኮ፥ ቄስያ ኤልኣዛራኮነ እስራኤልያ ማባራኮ፥ ያርኮፐ ሄፍንꬃን፥ ዮርዳኖሳ ሻፋ ማታን ደእያ ሞኣባ ደምባን ኡንቱንቱ ዱንካኔዳሳ አሄድኖ።
NUM 31:13 ሙሴ፥ ቄሲ ኤልኣዛርነ ማባራ ካፓቱ ኡባይ ዱንካኔዳ ሳኣፐ ጋጻ ኡንቱንቱና ጋከታናዉ ከሴድኖ።
NUM 31:14 ኦላፐ ስሜዳ ጋዳዋቱ ቦላ፥ ሻላቃቱ ቦላነ ጼቱዋ ካፓቱ ቦላ ሙሴ ሀንቀቴዳ።
NUM 31:15 ሙሴ ኡንቱንታ ሀዋዳን ያጌዳ፤ “ማጫ አሳ ኡባ ህንተ አያዉ አሼድቴ?
NUM 31:16 ኡንቱንቱ ባላማ ዞርያን፥ ፓኦራ ግያ ሳን እስራኤልያ አሳይ መꬍና ጎዳ ናቂደ፥ ኤቃዉ ጎይናናዳን ኦꬄዳዋንታ፤ መꬍና ጎዳ አሳ ቦላ ቦሻይ ዬዳዌ ሄዋሳ።
NUM 31:17 ሄዋ ድራዉ፥ ሀእ አቱማ ናናቱዋ ኡባ ዎꬍተ፤ ቃይ አቱማ አሳና ግሴዳ ማጫ አሳ ኡባ ዎꬍተ።
NUM 31:18 ሽን አቱማ አሳና ግሳቤና ማጫ ናናቱዋ ኡባ ህንተንቶ አሽተ።
NUM 31:19 ህንተ ግዶፐ አሳ ዎꬌዳ ኡራይ ዎይ አሃ ቦቼዳ ኡራይ ኦንነ ዱንካኔዳ ሳኣፐ ጋጻን ላፑን ጋላሳ ኡቶ፤ ሄዛንꬃ ጋላስነ ላፑንꬃ ጋላስ ህንተናነ ህንተ ኦሞዴዳዋንታ ጌሽተ።
NUM 31:20 ቃይ ማዮ ኡባነ ጋልባፐ፥ ዴሻ እክሰፐነ ምꬃፐ ኦሰቴዳዋንታ ኡባ ጌሽተ” ያጌዳ።
NUM 31:21 ቄሲ ኤልኣዛር ኦላፐ ስሜዳ ኦላንቻቱዋ ሀዋዳን ያጌዳ፤ “መꬍና ጎዳይ ሙሴዉ እሜዳ ህግያ ማራይ ሀዋ:
NUM 31:22 ዎርቃ፥ ብራ፥ ናሃስያ፥ ብራታ፥ ቆርቆሩዋነ እርሳስያ ግያ ብራታ
NUM 31:23 ታማን ሜተተናባቱዋ ኡባ ታማ ግዶና አꬅና፥ ሄዌ ጌያና። ሽን ሄዌ ቃይ ቱናተꬃፐ ጌይያ ሃꬃን ጌያናዉ ኮሼ። ቃይ ታማን ሜተትያባቱዋ ኡባ ቱናተꬃፐ ጌይያ ሃꬃን ጌሻናዉ ኮሼ።
NUM 31:24 ላፑንꬃ ጋላስ ህንተ ማዩዋ ሜጭተ፤ ህንተካ ጌይተ። ሄዋፐ ጉይያን፥ ዱንካኔዳሳ ገልተ” ያጌዳ።
NUM 31:25 መꬍና ጎዳይ ሙሳ ሀዋዳን ያጌዳ፤
NUM 31:26 “ኔን፥ ቄሲ ኤልኣዛርነ ማባራ ካፓቱ ኦሞደቴዳ አሳነ መህያ ኡባ ፓይድተ።
NUM 31:27 ኦላን ኦለቴዳ ኦላንቻቶነ አቴዳ ማባራዉ ላኡ ከሲደ ሻክተ።
NUM 31:28 ኦለቴዳ ኦላንቻቱዋ ጋኬዳ ሻኩዋፐ፥ አሳ ግድና፥ ሚዛ ግድና፥ ሀረቱዋ፥ ዶርሳቱዋ ዎይ ዴሻቱዋ ግድና፥ እቼሹ ጼቱዋፐ እቱዋ መꬍና ጎዳዉ እሞታዳን እምተ።
NUM 31:29 ኡንቱንታ ጋኬዳ ባጋፐ አኬዳ ጊራ መꬍና ጎዳ ግሻዳን ቄስያ ኤልኣዛራዉ እምተ።
NUM 31:30 ህንኮ እስራኤላቱዋ ጋኬዳ ሻኩዋፐ፥ አሳ ግድና፥ ሚዛ ግድና፥ ሀረቱዋ፥ ዶርሳቱዋ፥ ዎይ ዴሻቱዋ ግድና፥ መህያ ኡባፐ እሻታሙዋፐ እቱዋ አኪደ ሄዋ መꬍና ጎዳ ዱንካንያዉ አዎትያ ሌዋቶ እምተ” ያጌዳ።
NUM 31:31 ሙሴነ ቄሲ ኤልኣዛር መꬍና ጎዳይ አዛዜዳዋዳን ኦꬄድኖ።
NUM 31:32 ኦላንቻቱ ባረንቶ አክና፥ አቴዳ ኦሞዱ 675,000 ዶርሳቱዋ፥ 72,000 ሚዛቱዋ፥ 61,000 ሀረቱዋነ አቱማ አሳና ግሳቤና 32,000 ማጫ ናናቱዋ።
NUM 31:36 ኦላን ኦለቴዳዋንታ ጋኬዳ ባጋ ሻኩ 337,500 ዶርሳቱዋ፤
NUM 31:37 ኡንቱንቱፐ መꬍና ጎዳዉ እሞታ ከሴዳዋንቱ 675.
NUM 31:38 ሚዛቱ 36,000፤ ኡንቱንቱፐ መꬍና ጎዳዉ እሞታ ከሴዳዋንቱ 72.
NUM 31:39 ሀረቱ 30,500 ኡንቱንቱፐ መꬍና ጎዳዉ እሞታ ከሴዳዋንቱ 61.
NUM 31:40 ማጫ አሳቱ 16,000 ኡንቱንቱፐ መꬍና ጎዳዉ እሞታ ከሴዳዋንቱ፥ 32.
NUM 31:41 መꬍና ጎዳይ ሙሳ አዛዜዳዋዳን፥ መꬍና ጎዳ ጋክያ እሞታ ሙሴ ቄስያ ኤልኣዛራዉ እሜዳ።
NUM 31:42 ኦላንቻቱ አሄዳ ኦሞዱዋ ሙሴ ላኡ ከሲደ ሻክና፥ እስራኤልያ ማባራ ጋኬዳ ሻኩ 337,500 ዶርሳቱዋ፥ 36,000 ሚዛቱዋ፥ 30,500 ሀረቱዋነ 16,000 ማጫ አሳቱዋ።
NUM 31:47 እስራኤልያ ማባራ ጋኬዳ ሻኩዋፐ እሻታሙ እሻታሙ አሳፐ እቱዋነ እሻታሙ እሻታሙ መህያፐ እቱዋ ሙሴ አኪደ፥ መꬍና ጎዳይ ባረና አዛዜዳዋዳን፥ መꬍና ጎዳ ዱንካንያዉ አዎትያ ሌዋቶ እሜዳ።
NUM 31:48 ሄዋፐ ጉይያን፥ ኦላ ጋዳዋቱ፥ ሻላቃቱነ ጼቱዋ ካፓቱ ሙሴኮ ዬድኖ።
NUM 31:49 ኡንቱንቱ ሙሳ፥ “ኑን ነ ቆማቱ ኑ አዛዙዋ ጋርሳን ደእያ ኦላንቻቱዋ ፓይድና፥ እቱነ ፓጭቤና።
NUM 31:50 መꬍና ጎዳይ ኑ ሸምፑዋ አሼዳ ድራዉ፥ ኑን ሁጲያን ሁጲያን አኬዳ ዎርቃ አሌቆቱዋ፥ ኩሽያ ሳጋየቱዋ፥ ገድያ አልቦቱዋ፥ ምግዶቱዋ፥ ሀይꬃ ሎታቱዋነ ቆꬍያን አꬅያ አሌቁዋ መꬍና ጎዳዉ እሙዋ አሄዶ” ያጌድኖ።
NUM 31:51 ሙሴነ ቄሲ ኤልኣዛር ዎርቃ አሌቆቱዋ ኡባ ኡንቱንቱፐ አኬድኖ።
NUM 31:52 ሻኣ ካፓቱነ ጼቱዋ ካፓቱ አሂደ መꬍና ጎዳዉ እሜዳ ዎርቃይ ኡባይ ላኡ ጼቱ ኪሎ ግራመ ግድያዋ።
NUM 31:53 ሽን እት እት ኦላንቻቱ ኡባይ ባረንቱ ኦሞዱዋ ኦሞዱዋ ባረዉ አኬድኖ።
NUM 31:54 ሙሴነ ቄሲ ኤልኣዛር ሻኣ ካፓቱዋፐነ ጼቱዋ ካፓቱዋፐ አኬዳ ዎርቃ መꬍና ጎዳ ስንꬃን እስራኤልያ አሳ ሀሳይሳና ማላ፥ መꬍና ጎዳ ዱንካንያ ግዱዋ ገልሴድኖ።
NUM 32:1 ሮቤላ ዛረቶነ ጋዳ ዛረቶ ሎይꬅ ዳሮ መሂ ደኤ። ኡንቱንቱ ያእዜራ ቢታይነ ጋላኣደ ቢታይ መህያዉ እንጀ ግድያዋ በኤድኖ።
NUM 32:2 ኡንቱንቱ ሙሴኮ፥ ቄስያ ኤልኣዛራኮነ ማባራ ካፓቱዋኮ ዪደ፥ ኡንቱንታ ሀዋዳን ያጌድኖ፤
NUM 32:3 “መꬍና ጎዳይ እስራኤልያ አሳን ጾንሴዳ ቢታቱ፥ አጻሮት፥ ድቦን፥ ያእዜር፥ ኒምር፥ ሀሰቦና፥ ኤልኣል፥ ሴብም፥ ናቦነ ባኦን መህያዉ እንጀ ቢታ፤ ኑዉ ህንተ ቆማቶ መሂ ደኤ።
NUM 32:5 ኑን ህንተና ናሸቼዳዋ ግዶፐ፥ ሀ ቢታቱ ኑ ህንተ ቆማቶ ላታ ጋደ ግዲደ እመትኖ። ኑና ዮርዳኖሳ ሻፋ ሄፍንꬃ ፕንꬆፕተ” ያጌድኖ።
NUM 32:6 ሙሴ ጋዳ ዛራቱዋነ ሮቤላ ዛራቱዋ ሀዋዳን ያጌዳ፤ “ሀራ እስራኤልያ አሳይ ኦላ ብያ ዎደ፥ ህንተ ሀዋን ኡቲቴ?
NUM 32:7 መꬍና ጎዳይ ኡንቱንቶ እሜዳ ቢታ እስራኤላቱ ፕነናዳን፥ ህንተ አያዉ ኡንቱንቱ ዎዛና ሹግሲቴ?
NUM 32:8 ቃዴሳ-ባርነፐ ሄ ቢታ ዎች ጼላናዉ ህንተ አዎቱዋ ታን የዴዳ ዎደ፥ ኡንቱንቱካ ሀዋዳን ኦꬄድኖ።
NUM 32:9 ዋኒደ ጎፐ፥ ኡንቱንቱ ኤሽኮላ ዛንጋራ ከሲደ፥ ሄ ቢታ ጼሌዳ ዎደ፥ እስራኤላቱ መꬍና ጎዳይ ኡንቱንቶ እሜዳ ቢታ ገለና ማላ፥ ኡንቱንቱ እስራኤላቱዋ ዎዛና ሹግሴድኖ።
NUM 32:10 መꬍና ጎዳይ ሄ ጋላስ ሀንቁዋ ኤጽ ከሲደ፥ ሀዋዳን ያጊደ ጫቄዳ፤
NUM 32:11 ‘መꬍና ጎዳ ባረንቱ ኩመንꬃ ዎዛናፐ ካሌዳ ቀኒዝያ ይፉነ ናኣ ካሌባፐነ ኔዌ ናኣ ኢያሱፐ አትና፥ የለቶደፐ ላታሙ ላይꬃነ ሄዋፐ ቦላና ደእያ አቱማ አሳን ግብጼ ጋድያፐ ከሴዳዋንቱፐ እቱነ፥ ታን አብራሃማዉ፥ ይሳቃዉነ ያቆባዉ እማናዉ ጫቄዳ ቢታ በኤና። አያዉ ጎፐ፥ ኡንቱንቱ ታና ባረንቱ ኩመንꬃ ዎዛናፐ ካልበይክኖ’ ያጊደ ጫቄዳ።
NUM 32:13 መꬍና ጎዳ ሀንቁ እስራኤልያ ቦላ ኤጽ ከሴዳ፤ ያትና ጾሳ ስንꬃን ኢታ ኦꬄዳ ሄ የለታ ኡባይ ዉር ꬋያና ጋካናዉ፥ መላ ቢታን ኦይታሙ ላይꬃ እ ኡንቱንታ ቶይላዬዳ።
NUM 32:14 ህንተኖ፥ ናጋራንቻ የለታቶ፥ መꬍና ጎዳይ እስራኤልያ ቦላ ጉጅ ሀንቁዋ ኤጽ ከሳናዳን፥ ህንተ ህንተ አዎቱዋ ሳኣን ሀእ ኤቄድታ።
NUM 32:15 ህንተ መꬍና ጎዳ ካልያዋ አጊደ ዎራ ስሞፐ፥ እ ቃይካ ባረ አሳ መላ ቢታን አግ ባሻና። ያቲደ ህንተ ሀ አሳ ኡባ ꬋይሳና” ያጌዳ።
NUM 32:16 ኡንቱንቱ ሙሴ ማታ ዪደ፥ አ ሀዋዳን ያጌድኖ፤ “ኑን ሀዋን ኑ መሄቶ ድርሳ፥ ኑ ናናዉ ካታማቱዋ ኬጻና።
NUM 32:17 ሽን ኑን ኦላ ሚሻ ዳንጪደ፥ እስራኤልያ አሳ ኡንቱንቱ ሳኣ ጋꬃና ጋካናዉ ኦለታናዉ ባና። ሄዋ ኬሻን፥ ሀ ጋድያን ደእያ አሳቱዋፐ ናገታናዉ፥ ኑ ናናይነ ማጫ አሳይ ግምበቲደ ኡቴዳ ካታማቱዋን ደእኖ።
NUM 32:18 እስራኤላቱ ኡባይ ባረንቱ ላታ ላታ አካና ጋካናዉ፥ ኑን ኑ ጎለ ስሞኮ።
NUM 32:19 ኑን ኑ ላታ ዮርዳኖሳ ሻፋፐ ሀፍንꬃ አዋይ ዶልያ ባጋና ላቴዳ ድራዉ፥ ኑን ዮርዳኖሳፐ ሄፍንꬃ ባጋና፥ ያን ኡንቱንቱና ላታ ላቶኮ” ያጌድኖ።
NUM 32:20 ሙሴ ኡንቱንቱ፥ “ህንተ ሀዋ ኦꬆፐ፥ ህንተ መꬍና ጎዳ ስንꬃን ኦላ ባናዉ ጊጎፐነ
NUM 32:21 ህንተ ኦላንቻቱ ኡባይ ኦላ ሚሻ ዳንጪደ፥ መꬍና ጎዳይ ባረ ሞርከቱዋ ባረ ስንꬃፐ የደርሳና ጋካናዉ፥ ዮርዳኖሳ ሻፋ ጾሳ ስንꬃን ፕኖፐ፥
NUM 32:22 መꬍና ጎዳይ ሄ ቢታ ጾኔዳዋፐ ጉይያን፥ ህንተ ስማናዉ ዳንዳዪታ። ያቶፐ፥ ህንተ ኦለታናዉ በስያ ኦላ መꬍና ጎዳዉነ እስራኤልያ አሳዉ ኦለቲደ ፖሌድታ ግያዋ። ቃይ ሄ ቢታይ መꬍና ጎዳ ስንꬃን ህንተንቶ ላታ ቢታ ግዳናዋ።
NUM 32:23 “ሽን ህንተ ሄዋዳን ኦናን እጾፐ፥ መꬍና ጎዳ ቦላ ናጋራ ኦꬂታ፤ ስም ህንተና ህንተ ናጋራይ ጋክያዋ ቱሙ ኤርተ።
NUM 32:24 ህንተ ህንተ ናናዉነ ማጫ አሳዉ ካታማቱዋ ኬጽተ፤ ህንተ ዶርሳ ዉድያዉካ ባሉዋ ጊግስተ፤ ሽን ህንተ ጌዳዋ አገናን ኦꬅተ” ያጌዳ።
NUM 32:25 ጋዳ ዛራቱነ ሮቤላ ዛራቱ ሙሳ፥ “ኑን ነ ቆማቱ ኔን ኑ ጎዳይ አዛዜዳዋዳን ኦꬃና።
NUM 32:26 ኑ ናናቱነ ኑ ማጫ አሳቱ፥ ኑ ዶርሳቱነ ኑ ሚዛቱ ሀዋን ጋላኣደ ካታማቱዋን ደእሽኖ።
NUM 32:27 ሽን ኑን ነ ቆማቱ፥ ኦላዉ ዳንጬዳ ኦላንቻቱ ኡባይ፥ ኔን ኑ ጎዳይ ግያዋዳን፥ ኦለታናዉ መꬍና ጎዳ ስንꬃን ዮርዳኖሳ ሻፋ ፕናና” ያጌድኖ።
NUM 32:28 ሄዋ ድራዉ፥ ሙሴ ቄስያ ኤልኣዛራ፥ ኔዌ ናኣ ኢያሳነ እስራኤልያ ዛራቱ ካፓቱዋ ኡንቱንቱዋ አዛዜዳ።
NUM 32:29 ሙሴ ኡንቱንታ ሀዋዳን ያጌዳ፤ “ጋዳ ዛራቱነ ሮቤላ ዛራቱ ኡባይ ኦላ ሚሻ ዳንጪደ፥ መꬍና ጎዳ ስንꬃን ህንተናና ዮርዳኖሳ ሻፋ ፕኖፐነ ህንተ ሄ ቢታ ጾኖፐ፥ ሄዋፐ ጉይያን፥ ጋላኣደ ቢታ ህንተ ኡንቱንታ ላትስተ።
NUM 32:30 ሽን ኡንቱንቱ ኦላ ሚሻ ዳንጪደ፥ ህንተናና ፕነናን እጾፐ፥ ኡንቱንቱ ካናነ ቢታ ህንተናና ላትኖ” ያጌዳ።
NUM 32:31 ጋዳ ዛራቱነ ሮቤላ ዛራቱ ዛሪደ፥ “ኑን ነ ቆማቱ መꬍና ጎዳይ ጌዳዋ ኦꬃና።
NUM 32:32 ኦላ ሚሻ ዳንጪደ፥ መꬍና ጎዳ ስንꬃን ኑን ካናነ ቢታ ገላናዉ ፕናና፤ ሽን ኑን ላትያ ላታይ ዮርዳኖሳፐ ሀፍንꬃ ባጋና ግዳናዋ” ያጌድኖ።
NUM 32:33 ሄዋ ድራዉ፥ ሙሴ ጋዳ ዛረቶ፥ ሮቤላ ዛረቶነ ዮሴፎ ናኣ ምናሰ ዛራቱዋፐ ባጋዉ አሞረቱ ካትያ ስሆና ካዉተꬃነ ባሳነ ካትያ ኦጋ ካዉተꬃ፥ ኡንቱንቱ ዩሹዋን ደእያ ካታማቱዋና እሜዳ።
NUM 32:34 ጋዳ ዛራቱ ድቦና፥ አጻሮታ፥ አሮኤራ
NUM 32:35 አጽሮት-ሾፋና፥ ያእዜራ፥ ዮግባሀ፥
NUM 32:36 ቤት-ኒምራነ ቤት-ሃራና ጌተትያ ግምቢያን ድረቴዳ ካታማቱዋ ዛረꬂደ ኬጼድኖ። ባረ ዶርሳቶካ ኡንቱንቱ ባሉዋ ጊግሴድኖ።
NUM 32:37 ሮቤላ ዛራቱካ ሀሰቦና፥ ኤልኣላ፥ ቅርያታይማነ፥
NUM 32:38 ናባ፥ ባኣል-ማኦናነ (ሄ ካታማቱዋፐ እቱ እቱ ሱንꬃ ላሜድኖ) ሲብማ ጌተትያ ካታማቱዋ ዛረꬅ ኬጼድኖ።
NUM 32:39 ምናሰ ናኣ ማክራ ያራቱ ጋላኣደ ቢደ፥ ኦላይ ኦይቂደ፥ ያን ደእያ አሞረቱዋ የደርሴድኖ።
NUM 32:40 ሄዋ ድራዉ፥ ምናሰ ናኣ ማክራ ያራቶ ሙሴ ጋላኣደ ቢታ እምና፥ ኡንቱንቱ ያን ደኤድኖ።
NUM 32:41 ምናሰ ዛረ ግድያ ያኢር ቢደ፥ ኡንቱንቱ ኦላይ ኦይቂደ፥ ሀቦት-ያኢራ ካታማቱዋ ያጊደ ሱንꬄዳ።
NUM 32:42 ኖባህ ቢደ፥ ቃናታ ካታማነ አ ዩሹዋን ደእያ ሄራቱዋ ኦላን ኦይቂደ፥ ባረ ሱንꬃን ኖባሀ ጊደ ጼሴዳ።
NUM 33:1 እስራኤላቱ ሙሴነ አሮን ካለꬅና፥ ባረንቱ ጩጉዋን ጩጉዋን ግብጼፐ ከሴዳ ዎደ፥ ያቲደ ሀመቴድኖ።
NUM 33:2 መꬍና ጎዳይ አዛዝና፥ ኡንቱንቱ ባና ቡሳ ዶሜዳ ሳኣ ሙሴ ጻፌዳ፤ ኡንቱንቱ ቡሳ ማራይ ሀዋ።
NUM 33:3 ኮይሮ አግናዉ ታማነ እቼሸንꬆ ጋላስ፥ ፓስጋ ቦንችያ ጋላሳፐ ካልያ ጋላስ ደንዲደ፥ ግብጼ አሳይ ኡባይ ጼልሽን፥ ያየናን ራምሳፐ ከሴድኖ።
NUM 33:4 ሄ ዎደ ግብጼ አሳይ መꬍና ጎዳይ ዎꬌዳ ባረንቱ ባይራ ናናቱዋ ሞጊኖ። ሀዋዳን ኦꬂደ፥ መꬍና ጎዳይ ኡንቱንቱ ጾሳቱዋ ቦላ ፕርዳ አሄዳ።
NUM 33:5 እስራኤላቱ ራምሳፐ ደንዲደ፥ ሱኮታ ግያ ሳኣን ዱንካኔድኖ።
NUM 33:6 ሱኮታፐ ደንዲደ፥ መላ ቢታ ጼራን ደእያ ኤታማን ዱንካኔድኖ።
NUM 33:7 ኤታማፐ ደንዲደ፥ ባኣል-ጻፎናፐ አዋይ ዶልያ ባጋና ደእያ ፕሃህሮታ ስሚደ፥ ምግዶላ ማታን ዱንካኔድኖ።
NUM 33:8 ፕሃህሮታፐ ደንዲደ፥ ዞኦ አባ ፕኒደ፥ መላ ቢታ ቤድኖ። ኤታማ መላ ቢታን ሄዙ ጋላሳ ኦግያ ሀመቲደ፥ ማራን ዱንካኔድኖ።
NUM 33:9 ማራፐ ደንዲደ፥ ታማነ ላኡ ፑልቶቱነ ላፑን ታሙ ዛምባቱ ደእያ ኤሊማ ቢደ፥ ያን ዱንካኔድኖ።
NUM 33:10 ኤሊማፐ ደንዲደ፥ ዞኦ አባ ማታን ዱንካኔድኖ።
NUM 33:11 ዞኦ አባ ላንቂያፐ ደንዲደ፥ ሲና መላ ቢታን ዱንካኔድኖ።
NUM 33:12 ሲና መላ ቢታፐ ደንዲደ፥ ዶፍቃን ዱንካኔድኖ።
NUM 33:13 ዶፍቃፐ ደንዲደ፥ አሉሻን ዱንካኔድኖ።
NUM 33:14 አሉሻፐ ደንዲደ፥ ራፊድማን ዱንካኔድኖ። ያን አሳዉ ኡሻናዉ ሃꬃይ ባዋ።
NUM 33:15 ራፊድማፐ ደንዲደ፥ ሲና መላ ቢታን ዱንካኔድኖ።
NUM 33:16 ሲና መላ ቢታፐ ደንዲደ፥ ክብሮት-ሀታባር (አሙዋ ዱፉዋ ግያ ሳን ዱንካኔድኖ)።
NUM 33:17 ክብሮት-ሀታባር (አሙዋ ዱፉዋ) ግያ ሳፐ ደንዲደ፥ ሀጸሮታን ዱንካኔድኖ።
NUM 33:18 ሀጸሮታፐ ደንዲደ፥ ሪትማን ዱንካኔድኖ።
NUM 33:19 ሪትማፐ ደንዲደ፥ ርሞን-ፐሬዛን ዱንካኔድኖ።
NUM 33:20 ርሞን-ፐሬዛፐ ደንዲደ፥ ሊብናን ዱንካኔድኖ።
NUM 33:21 ሊብናፐ ደንዲደ፥ ሪሳን ዱንካኔድኖ።
NUM 33:22 ሪሳፐ ደንዲደ፥ ቃሄላታን ዱንካኔድኖ።
NUM 33:23 ቃሄላታፐ ደንዲደ፥ ሸፋራ ደርያን ዱንካኔድኖ።
NUM 33:24 ሸፋራ ደርያፐ ደንዲደ፥ ሀራዳን ዱንካኔድኖ።
NUM 33:25 ሀራዳፐ ደንዲደ፥ ማቅሄሎታን ዱንካኔድኖ።
NUM 33:26 ማቅሄሎታፐ ደንዲደ፥ ታሃታን ዱንካኔድኖ።
NUM 33:27 ታሃታፐ ደንዲደ፥ ታራን ዱንካኔድኖ።
NUM 33:28 ታራፐ ደንዲደ፥ ሚትቃን ዱንካኔድኖ።
NUM 33:29 ሚትቃፐ ደንዲደ፥ ሀሽሞናን ዱንካኔድኖ።
NUM 33:30 ሀሽሞናፐ ደንዲደ፥ ሞሰሮታን ዱንካኔድኖ።
NUM 33:31 ሞሰሮታፐ ደንዲደ፥ በነ-ያእቃናን ዱንካኔድኖ።
NUM 33:32 በነ-ያእቃናፐ ደንዲደ፥ ሆር-ሀግድጋዳን ዱንካኔድኖ።
NUM 33:33 ሆር-ሀግድጋዳፐ ደንዲደ፥ ዮጽባታን ዱንካኔድኖ።
NUM 33:34 ዮጽባታፐ ደንዲደ፥ አብሮናን ዱንካኔድኖ።
NUM 33:35 አብሮናፐ ደንዲደ፥ ኤጽዮን-ጋብራን ዱንካኔድኖ።
NUM 33:36 ኤጽዮን-ጋብራፐ ደንዲደ፥ ጺና መላ ቢታን ደእያ ቃዴሳን ዱንካኔድኖ።
NUM 33:37 ቃዴሳፐ ደንዲደ፥ ኤዶማ ቢታ ዛዋን ደእያ ሆራ ደርያን ዱንካኔድኖ።
NUM 33:38 ቄሲ አሮን መꬍና ጎዳይ አዛዝና፥ ሆራ ደርያ ሁጲያ ከሴዳ፤ እስራኤላቱ ግብጼ ጋድያፐ ከሴዳ ኦይታሙንꬃ ላይꬃን፥ እቼሸንꬆ አግናን፥ አግናዉ ኮይሮ ጋላሳን ያን ሀይቄዳ።
NUM 33:39 አሮን ሆራ ደርያ ሁጲያን ሀይቂያ ዎደ፥ አ ላይꬃይ ጼታነ ላታማነ ሄዛ።
NUM 33:40 ኔጌባ መላ ቢታን፥ ካናነን ደእያ አራዳ ግያሳ ካቲ እስራኤልያ አሳ ዩሳ ስሴዳ።
NUM 33:41 እስራኤላቱ ሆራ ደርያፐ ደንዲደ፥ ጻልሞናን ዱንካኔድኖ።
NUM 33:42 ጻልሞናፐ ደንዲደ፥ ፑኖናን ዱንካኔድኖ።
NUM 33:43 ፑኖናፐ ደንዲደ፥ ኦቦታን ዱንካኔድኖ።
NUM 33:44 ኦቦታፐ ደንዲደ፥ ሞኣባ ቢታ ዛዋን ደእያ እየ አባርማን ዱንካኔድኖ።
NUM 33:45 እየ አባርማፐ ደንዲደ፥ ድቦና-ጋዳን ዱንካኔድኖ።
NUM 33:46 ድቦና-ጋዳፐ ደንዲደ፥ አልሞና-ድብላታይማን ዱንካኔድኖ።
NUM 33:47 አልሞና-ድብላታይማፐ ደንዲደ፥ ናቦ ደርያ ማታን አባርማ ደረቱዋን ዱንካኔድኖ።
NUM 33:48 አባርማ ደረቱዋፐ ደንዲደ፥ ያርኮፐ ሄፍንꬃና፥ ዮርዳኖሳ ሻፋ ማታን ደእያ ሞኣባ ደምባን ዱንካኔድኖ።
NUM 33:49 ዮርዳኖሳ ሻፋ ማታን ደእያ ሞኣባ ደምባን፥ ቤት-ያሽሞታፐነ አቤል-ሺጽማ ግዱዋን ዱንካኔድኖ።
NUM 33:50 እያርኮ ሄፍንꬃና፥ ዮርዳኖሳ ሻፋ ማታን ደእያ ሞኣባ ደምባን መꬍና ጎዳይ ሙሳ ሀዋዳን ያጌዳ፤
NUM 33:51 “እስራኤላቱዋ ኔን ያጋ፤ ‘ዮርዳኖሳ ሻፋ ፕኒደ፥ ካናነ ቢታ ህንተ ገልያ ዎደ፥
NUM 33:52 ሄ ጋድያን ደእያ አሳ ኡባ ህንተ ስንꬃፐ የደርስተ፤ ሹቻፐ ማሰቴዳ ኡንቱንቱ ምስለቱዋ ኡባነ ሲልሲደ መꬌዳ ኤቃቱዋ ኡባ ꬋይስተ። ኡንቱንቱ ጎይንያ ꬎቃ ሳኣ ኡባካ ላልተ።
NUM 33:53 ታን ህንተንቶ ሄ ቢታ ላታዉ እሜዳ ድራዉ፥ ሄ ቢታ ላቲደ፥ አን ደእተ።
NUM 33:54 ህንተ ዛርያን ዛርያን ሳማ ከሲደ፥ ቢታ ሻክተ። ፓይዱዋን ጮራትያ ዛረቶ ዳሮ ላታ እምተ፤ ፓይዱዋን ጉጽያ ዛረቶ ጉꬃ ላታ እምተ። ሳማን ኡንቱንታ ጋኬዳ ሀቃዌነ ኡንቱንቱዋ ግዳናዋ። ቢታ ህንተ ማይዛ አዎቱዋ ዛርያን ዛርያን ግሽ አኪታ።
NUM 33:55 “ ‘ሽን ሄ ጋድያን ደእያ አሳ ህንተ የደርሰናን አጎፐ፥ ህንተ አሼዳዋንቱ ህንተንቶ ህንተ አይፍያዉ ፕንጮ፥ ህንተ ምይያዉ አጉንꬃ ግዳና፤ ህንተ ደአና ጋድያን ኡንቱንቱ ህንተና ዋይሳና።
NUM 33:56 ህንተ ኡንቱንታ የደርሰናን አጎፐ፥ ኡንቱንቱ ቦላ ታን ኦꬃናዉ ቆፔዳዋ ህንተ ቦላ ኦꬃና’ ያጋደ ኦዳ” ያጌዳ።
NUM 34:1 መꬍና ጎዳይ ሙሳ ሀዋዳን ያጌዳ፤
NUM 34:2 “ኔን እስራኤላቱዋ ሀዋዳን ያጋደ አዛዛ፤ ‘ላታዳን ህንተና ጋክያ ካናነ ቢታ ዛዋይ ሀዋ።
NUM 34:3 ገድሳ ባጋና ህንተ ዛዋይ ጺና መላ ቢታነ ኤዶማ ዛዋ ግዳናዋ። አዋይ ዶልያ ባጋና ህንተ ገድሳ ዛዋይ ማጽንያ አባ ገድሳፐ ዶሜ፤
NUM 34:4 አቅራቢማ ፑደꬃና ገድሳ ባጋና ስሚደ፥ ጺና መላ ቢታ አꬊደ፥ ቃዴሳ-ባርነ ገድሳ ጋኬ፤ ሄዋፐ ሀዳር-አዳራ አꬊደ፥ አጽሞና ጋኬ።
NUM 34:5 አጽሞናፐ ግብጼ ሻፋኮ ስሚደ፥ ሜድተራነ አባ ጋኬ።
NUM 34:6 “ ‘አዋይ ዉልያ ባጋና ህንተ ዛዋይ ሜድተራነ አባ ጋጻ ግዳናዋ።
NUM 34:7 “ ‘ሁጲሳ ባጋና ህንተ ዛዋይ ሜድተራነ አባፐ ሆራ ደርያ ስት ኦꬅ ቢደ፥
NUM 34:8 ሆራ ደርያፐ ሌቦ-ሀማታ ፕኑዋ ጋካናሳ፤ ሄዋፐ ጻዳዳን ዛዋቴ።
NUM 34:9 ቃይ ዝፍሮነፐ ቢደ፥ ሀጻር-ኤናና ጋኬ። ሁጲሳ ባጋና ህንተ ዛዋይ ሀዋ ግዳናዋ።
NUM 34:10 “ ‘አዋይ ዶልያ ባጋና ህንተ ዛዋይ ሀጻር-ኤናናፐ ሻፋማ ጋካናዉ ስት ኦꬅ ቢደ፥
NUM 34:11 ሻፋማፐ ቢደ፥ አይናፐ አዋይ ዶልያ ባጋና ደእያ ርብላ ዎꬊደ፥ ጋሊላ አባፐ አዋይ ዶልያ ባጋና ደእያ ደርያ ጋኬ።
NUM 34:12 ሄዋፐ ዱገ ዮርዳኖሳ ሻፋ ዎꬍ ዛዋቲደ፥ ማጽንያ አባ ጋኬ። ህንተ ቢታ ዛዋይ ኡባ ባጋናካ ሀዋ’ ያጋ” ያጌዳ።
NUM 34:13 ሙሴ እስራኤላቱዋ ሀዋዳን ያጊደ አዛዜዳ፤ “ኤጻ የጊደ፥ ህንተ ላታና ማላ፥ ኡዱፑን ዛረቶነ ባጋ ዛረቶ ሄ ቢታይ እመታናዳን መꬍና ጎዳይ አዛዜዳ።
NUM 34:14 አያዉ ጎፐ፥ ሮቤላ ዛራቱ ጋዳ ዛራቱነ፥ ምናሰ ዛራቱዋፐ ባጋይ ባረንቱ ላታ እያርኮ ሄፍንꬃን ዮርዳኖሳ ሻፋፐ አዋይ ዶልያ ባጋና አኬድኖ” ያጌዳ።
NUM 34:16 መꬍና ጎዳይ ሙሳ ሀዋዳን ያጌዳ፤
NUM 34:17 “ሄ ቢታ ህንተንቶ ላታ ኦꬂደ፥ ሻክ እማና አሳቱ ሱንꬃይ ሀዋ፤ ቄስያ ኤልኣዛራነ ኔዌ ናኣ ኢያሳ።
NUM 34:18 ቃይ ቢታ ሻካናዉ ማዳና ማላ፥ ዛረ ኡባፐ እት እት ካፑዋ ሱንꬅተ።
NUM 34:19 ኡንቱንቱ ሱንꬃይ ሀዋፐ ካሊደ ደእያዋ። ዛርያ ካፑዋ ይሁዳ ይፉነ ናኣ ካሌባ፤
NUM 34:20 ስሞና አምሁዳ ናኣ ሻሉምኤላ፤
NUM 34:21 ቢንያማ ክስሎና ናኣ ኤልዳዳ፤
NUM 34:22 ዳና ዮግላ ናኣ ቡቃ፤
NUM 34:23 ዮሴፎ ናኣ ምናሰ ኤፎዳ ናኣ ሀንኤላ፤
NUM 34:24 ዮሴፎ ናኣ ኤፍሬማ ሽፍጻና ናኣ ቃሙኤላ፤
NUM 34:25 ዛብሎና ፓርናካ ናኣ ኤልጻፋና፤
NUM 34:26 ይሳኮራ አዛና ናኣ ፓልጽኤላ፤
NUM 34:27 አሴራ ሻሎማ ናኣ አህሁዳ፤
NUM 34:28 ንፍታሌማ አምሁዳ ናኣ ፓዳህኤላ፤
NUM 34:29 ካናነ ጋድያን እስራኤላቶ ላታ ሻክ እማና ማላ፥ መꬍና ጎዳይ አዛዜዳ አሳቱ ሀዋንታ” ያጌዳ።
NUM 35:1 እያርኮ ሄፍንꬃና፥ ዮርዳኖሳ ሻፋ ማታን ደእያ ሞኣባ ደምባን፥ መꬍና ጎዳይ ሙሳ ሀዋዳን ያጌዳ፤
NUM 35:2 “እስራኤላቱ ባረንቱ ላታፐ ሌዋቱዋ ደአና ካታማቱዋነ ኡንቱንቱ ዩሹዋን ደእያ ሄንꬃ ጋደቱዋ እማና ማላ፥ ኔን ኡንቱንታ አዛዛ።
NUM 35:3 ሄ ካታማቱዋን ኡንቱንቱ ደእኖ፤ ሄንꬃ ጋደቱ ኡንቱንቱ ሚዛሳ፥ ኡንቱንቱ ዶርሳሳነ ኡንቱንቱ ሀራ መህያ ኡባሳ ግድኖ።
NUM 35:4 ህንተ ሌዋቶ እማና ካታማ ዩሹዋን ደእያ ሄንꬃ ጋደቱ ካታማ ግምቢያ ድርሳፐ ካረኮ እት ሻአ ዋꬋ ግድኖ።
NUM 35:5 ካታማፐ ካረና፥ አዋይ ዶልያ ባጋና ላኡ ሻአ ዋꬋ፥ ገድሳ ባጋና ላኡ ሻአ ዋꬋ፥ አዋይ ዉልያ ባጋና ላኡ ሻአ ዋꬋነ ሁጲሳ ባጋና ላኡ ሻአ ዋꬋ ልክተ፤ ያቶፐ ካታማይ ግዶ ልክያን ደአና። ሌዋቱ ሄ ሄራ ባረንቱ ካታማዉ ሄንꬃ ጋደ ኦꬅኖ።
NUM 35:6 “ሌዋቶ ህንተ እማና ካታማቱ፥ አሳ ዎꬌዳ ኡራይ ባቃቲደ አትያ ኡሱፑን ካታማቱዋ፤ ሄዋንቱ ቦላ ጉጂደ፥ ኦይታማነ ላኡ ሀራ ካታማቱዋ ኡንቱንቶ እምተ።
NUM 35:7 ሌዋቶ ህንተ ኡባና ኦይታማነ ሆስፑን ካታማቱዋ ኡንቱንቱ ሄንꬃ ጋደቱዋና እትፐ እምተ።
NUM 35:8 እስራኤላቱዋ ላታፐ ሌዋቶ ህንተ እማና ካታማቱ እት እት ዛሪ ላቴዳዋ ኬሻ ግዳናዉ ኮሼ፤ ጮራ አሳይ ደእያ ዛርያፐ ጮራ ካታማቱዋ አኪተ፤ ሽን ፓይዱዋን ጉꬃ አሳይ ደእያ ዛርያፐ ጉꬃ ካታማቱዋ አኪተ” ያጌዳ።
NUM 35:9 ሄዋፐ ጉይያን፥ መꬍና ጎዳይ ሙሳ ሀዋዳን ያጌዳ፤
NUM 35:10 “ኔን እስራኤልያ አሳ ሀዋዳን ያጋ፤ ‘ዮርዳኖሳ ሻፋ ፕኒደ፥ ካናነ ቢታ ህንተ ገልያ ዎደ፥
NUM 35:11 ኤረናን አሳ ዎꬌዳ ኡራይ ባቃት ቢደ አታና ማላ፥ ካታማቱዋ ህንተንቶ ዶርተ።
NUM 35:12 ኤረናን አሳ ዎꬌዳዌ ሺቁዋ ስንꬃ ሙራናዉ ኤቃና ጋካናዉ፥ ሱꬃ አችያዌ አ ዎና ማላ፥ ሄ ካታማቱ ባቃት አትያሳ ግድኖ።
NUM 35:13 ሀ ህንተ እምያ ኡሱፑን ካታማቱ ህንተንቶ ባቃት አትያ ካታማቱዋ ግድኖ።
NUM 35:14 ዮርዳኖሳ ሻፋፐ ሀፍንꬃ ባጋና ሄዙ ካታማነ ካናነ ጋድያን ሄዙ ካታማቱዋ ህንተ ባቃት አታናዉ እምተ።
NUM 35:15 ሀ ኡሱፑን ካታማቱ ኤረናን አሳ ዎꬌዳ እስራኤላቱ፥ ሀራ ጋደ አሳቱነ ኡንቱንቱ ግዶን ደእያ በተቱ ባቃቲደ አትያሳ ግድኖ።
NUM 35:16 “ ‘እት አሳይ እት አሳ ብራታ ሚሻን ሾጭና፥ ሄ ኡራይ ሀይቆፐ፥ ሄዌ ሸምፑዋ ዎꬌዳዋ፤ ሸምፑዋ ዎꬌዳዌ ሀይቆ።
NUM 35:17 ቃይ ዎꬋና ዳንዳይያ ሹቻ ባረ ኩሽያን ኦይቄዳ አሳይ እት አሳ ሄ ሹቻን ጫድና፥ ሄ ኡራይ ሀይቆፐ፥ ሄዌ ሸምፑዋ ዎꬌዳዋ፤ ሸምፑዋ ዎꬌዳዌ ሀይቆ።
NUM 35:18 ቃይካ ዎꬋና ዳንዳይያ ምꬃ ባረ ኩሽያን ኦይቄዳ አሳይ እት አሳ ሄ ምꬃን ሾጭና፥ ሄ ኡራይ ሀይቆፐ፥ ሄዌ ሸምፑዋ ዎꬌዳዋ፤ ሸምፑዋ ዎꬌዳዌ ሀይቆ።
NUM 35:19 ሱꬃ አችያዌ ሄ ሸምፑዋ ዎꬌዳዋ ደሞፐ ዎꬎ።
NUM 35:20 “ ‘እት አሳይ እት አሳ ሞርኪደ ጫድና፥ ዎይ ዙጊድ እትባ አ ቦላ ኦልና፥ ሄ ኡራይ ሀይቆፐ፥
NUM 35:21 ዎይ ሞርኪደ ባረ ኩሽያን ቦክስና፥ ሄ ኡራይ ሀይቆፐ፥ እ ሸምፑዋ ዎꬌዳዋ፤ ሸምፑዋ ዎꬌዳዌ ሀይቆ። ሱꬃ አችያዌ ሸምፑዋ ዎꬌዳዋ ደሞፐ ዎꬎ።
NUM 35:22 “ ‘ሽን ሞርከተꬃይ ባይናን፥ እት አሳይ እት አሳ አኬከናን ሱጎፐ፥ ዎይ ዙጊድ ናገናን እትባ አ ቦላ ኦሎፐ፥
NUM 35:23 ዎይ አ ዎꬋና ዳንዳይያ ሹቻ እ በኤናን አ ቦላ የጎፐነ ሄ ኡራይ ሀይቆፐ፥ ሄዌ አ ሞርከ ግደና ድራዉነ አ ቆሀናዉ ሀልችቤና ድራዉ፥
NUM 35:24 ያአይ ኤረናን ዎꬌዳዋፐነ ሱꬃ አችያዋፐ ግዱዋን ሀ ዎጋቱዋዳን ፕርዶ።
NUM 35:25 ኤረናን ዎꬌዳዋ ሱꬃ አችያዋ ኩሽያፐ ያአይ አሺደ፥ እ ባቃቲደ አትያ ካታማ ዛሮ። ጌሻ ዛይትያን ኦከቲደ፥ ቄሲ ኡባቱ ካፑ ሀይቃና ጋካናዉ፥ እ ያን ደኦ።
NUM 35:26 “ ‘ሽን ኤረናን ዎꬌዳዌ ባቃቲደ አትያ ካታማ ዛዋፐ ካረ ከስያዋ ግዶፐነ፥
NUM 35:27 ባቃት አትያ ካታማፐ ካረና ሱꬃ አችያዌ አ ደሚደ ዎꬎፐ፥ እ ዎꬌዳዎ ኦሸተና።
NUM 35:28 አያዉ ጎፐ፥ ቄሲ ኡባቱ ካፑ ሀይቃና ጋካናዉ፥ ሄ ኤረናን ዎꬌዳዌ ባረ ባቃቴዳ ካታማን ኡታናዋሽን አጌዳ። ሽን ቄሰ ኡባቱ ካፑ ሀይቄዳዋፐ ጉይያን፥ ኤረናን ዎꬌዳዌ ባረ ላታ ጋደ ስማናዉ ዳንዳዬ።
NUM 35:29 “ ‘ህንተዉነ ብሮ የለታና የለታዉ፥ ህንተ ደኢያሳ ኡባን ሀዌ ህገ ግዶ።
NUM 35:30 “ ‘አሳ ዎꬌዳ ኦንነ ሸምፑዋ እ ዎꬌዳዋዳን ማርካቱ ማርካትና ሀይቆ፤ ሽን እት አሳ ጻላላይ ማርካትና፥ አይ አሳይነ ሀይቆፖ።
NUM 35:31 ሸምፑዋ ዎꬌዳ ድራዉ ሀይቃናዉ በስያ አሳ ፓጻ አሻናዉ አጫ አኮፕተ፤ እ ሀይቆ።
NUM 35:32 አትያ ካታማ ባቃቴዳ ኦፐነ ቄሰ ኡባቱ ካፑ ሀይቃናፐ ካሰ፥ እ ጉየ ስሚደ፥ ባረ ጋድያን ደአናዳን ኦꬃናዉ አጫ አኮፕተ።
NUM 35:33 “ ‘ሄዋዳን ኦꬂደ፥ ህንተ ደእያ ቢታ ቱንሶፕተ። አያዉ ጎፐ፥ ሱꬃ ጉስያዌ ቢታ ቱንሴ፤ ሱꬃ ጉሴዳዋ ሱꬃናፐ አትና፥ ቢታ አቶ ጊሳናዉ ሀራ ኦግያን ዳንዳየተና
NUM 35:34 ታን፥ መꬍና ጎዳይ፥ እስራኤልያ አሳ ግዱዋን ደእያ ድራዉ፥ ህንተ ደእያ ቢታ፥ ታንካ ደእያ ቢታ ቱንሶፕተ’ ያጋደ ኦዳ” ያጌዳ።
NUM 36:1 ዮሴፎ ዛራቱዋፐ፥ ምናሰ ናኣ ማኪራ ናኣ ጋላኣደ ያራቱዋ ካፓቱ ሙሴኮነ እስራኤላቱዋ ያራቱዋ ካፓቱዋኮ ዬድኖ።
NUM 36:2 ኡንቱንቱ ዪደ፥ “ኑ ጎዳዉ፥ እስራኤልያ አሳዉ ቢታ ኤጻን ሻካደ እማና ማላ፥ መꬍና ጎዳይ ኔና አዛዜዳ፤ ቃይ ጾሳይ ኑ እሻ ጻሎፍሃዳ ላታ አ ማጫ ናናዉ ኔን እማና ማላ፥ ኔና አዛዜዳ።
NUM 36:3 ሌምሶ ኡንቱንቱ ሀራ ዛረ ግድያ እስራኤልያ አሳ ገሎፐ፥ ኡንቱንቱ ላታይ ኑ አዎቱዋ ላታፐ አከቲደ፥ ኡንቱንቱ ገልያ ዛርያዉ ጉጀቴ። ሄዋ ድራዉ፥ ኑዉ ኤጻን እመቴዳ ላታይ ፓጫና።
NUM 36:4 ቃይ እስራኤላቶ እሻታማንꬆ ላይꬃ ባላይ ጋክያ ዎደ፥ ኡንቱንቱ ላታይ ኡንቱንቱ ገልያ አሳ ዛርያዉ ጉጀቴ፤ ኡንቱንቱ ላታይ ኑ አዎቱዋ ዛርያ ላታፐ ፓጫና” ያጌዳ።
NUM 36:5 ሄዋፐ ጉይያን፥ መꬍና ጎዳ ቃላዳን፥ ሙሴ እስራኤላቱዋ ሀዋዳን ያጊደ አዛዜዳ፤ “ዮሴፎ ዛራቱ ግያዌ ልከ።
NUM 36:6 መꬍና ጎዳይ ጻሎፍሃዳ ማጫ ናናቱዋባ አዛዜዳዌ ሀዋ፤ ኡንቱንቱ ባረንቱ ዶሴዳ አስና ገላናዉ ዳንዳዪኖ፤ ሽን ባረንቱ አዉዋ ዛርያፐ ግዳናዉ ኮሼ።
NUM 36:7 እስራኤላቱዋ ላታይ እት ዛርያፐ ሀራ ዛርያዉ አꬎፖ፤ እስራኤልያ ኡባይ ባረ ማይዛ አዎቱዋ ዛሪ ላቴዳ ቢታ ምንሲደ ኦይቆ።
NUM 36:8 እስራኤልያ አሳ ግዶን አይ ዛረፐ ግድናካ፥ ቢታ ላትያ ማጫ ናእ ኡባይ፥ እስራኤሊ ኡባይ ባረ ማይዛ አዎቱዋ ላታ ላታና ማላ፥ አ ባረ አዉዋ ዛረ ግድያ አሳ ገሉ።
NUM 36:9 ሄዋዳን ሀኒደ፥ ላታይ እት ዛርያፐ ሀራ ዛርያዉ ሙለካ አናን ደአና። ሄዋ ድራዉ፥ እስራኤልያ ኡባይ ባረ ማይዛ አዎቱዋ ዛሪ ላቴዳ ቢታ ምንሲደ ኦይቆ” ያጌዳ።
NUM 36:10 ጻሎፍሃዳ ማጫ ናናይ መꬍና ጎዳይ ሙሳ አዛዜዳዋዳን ኦꬄድኖ።
NUM 36:11 ጻሎፍሃዳ ማጫ ናናይ፥ ማህሎ፥ ትርጾ፥ ሆግሎ፥ ምልኮነ ኖኦ ጌተትያዋንቱ፥ ባረንቱ አዉዋ እሻንቱ ናናቱዋ ገሌድኖ።
NUM 36:12 ኡንቱንቱ ዮሴፎ ናኣ ምናሰ ናናቱ ዛርያ ግዶን አስና ገሌድኖ፤ ኡንቱንቱ ላታይ ኡንቱንቱ አዉዋ ዛርያዉነ ያራዉ አቴዳ።
NUM 36:13 ያርኮፐ ሄፍንꬃና፥ ዮርዳኖሳ ሻፋ ማታን ደእያ ሞኣባ ደምባን ሙሴ ባጋና መꬍና ጎዳይ እስራኤልያ አሳ አዛዜዳ ህገቱነ ዎጋቱ ሀዋንታ።
DEU 1:1 ሀ ማጻፋን ጻፈቴዳ ቃላ ኡባይ ዮርዳኖሳ ሻፋፐ ሄፍንꬃ አዋይ ዶልያ ባጋና ደእያ መላ ቢታን ኡንቱንቱ ደእሽን፥ ሙሴ እስራኤልያ አሳዉ ኦዴዳ ቃላ። ሙሴ ሀ ቃላ ኡንቱንቶ ኦድያ ዎደ፥ ኡንቱንቱ ሱፋ ጌተትያ ሳኣን ስንꬃ ባጋና፥ ፓራና ካታማዉ እት ባጋናነ ሄዋዳንካ ቃይ ቶፌላ፥ ላባና፥ ሀጸሮታነ ዲዛሃባ ጌተትያ ካታማቱዋ ግዱዋን ደእያ ዮርዳኖሳ ዛንጋራን ደኢኖ።
DEU 1:2 ኤዶማ ደርያ ኦግያና ቦፐ፥ ሲና ደርያፐ ቃዴሳ-ባርነ ጋካናዉ ገድያን ታማነ እት ጋላሳ ኦገ።
DEU 1:3 ግብጼፐ ኡንቱንቱ ከሴዳ ኦይታማንꬃ ላይꬃን፥ ታማነ እተንꬃ አግናን፥ አግናዉ ኮይሮ ጋላሳን፥ ሙሴ መꬍና ጎዳይ ኡንቱንቱዋ አ አዛዜዳዋ ኡባ እስራኤላቶ ኦዴዳ።
DEU 1:4 ሄዌ ሀሰቦና ካታማን ኡቲደ ካተቴዳ አሞረቱ ካዉዋ ስሆናነ፥ አስታሮታንነ ኤድራአን ኡቲደ ካተቴዳ ባሳነ ካትያ ኦጋ፥ ሙሴ ጾኔዳዋፐ ጉይያና።
DEU 1:5 አሳይ ዮርዳኖሳፐ አዋይ ዶልያ ባጋና ሞኣበን ደእሽን፥ ሙሴ ሀ ህግያ ሀዋዳን ያጊደ ቆንጭስያዋ ዶሜዳ።
DEU 1:6 “ኑን ሲና ደርያን ደእሽን፥ መꬍና ጎዳይ ኑ ጾሳይ ኑና ሀዋዳን ያጌዳ፤ ‘ህንተ ሀ ደርያ ቦላን ሎይꬅ ጋምኤድታ።
DEU 1:7 ዱንካንያ ኮሊደ ደንድተ፤ ደረትያ አሞረቱ ቢታነ አራባን ደእያ ኡንቱንቱ ሾሮ ቢታ ኡባ ቢተ፤ ሄዌካ ዮርዳኖሳ ዛንጋራ፥ ደረትያሳነ ባርጎትያ ቢታቱዋኮ፥ ገድሳ ባጋዉነ ሜድተራነ አባ ጋጻዉ አꬍተ። ካናነ ጋድያኮ ቢተ፤ ሊባኖሳ ደረቱዋ አꬊደ፥ ኤፍራጺሳ ሻፋ ጋካናዉ ቢተ።
DEU 1:8 በእተ፥ ታን ህንተንቶ ሀ ቢታ እማድ። ቢደ ህንተ አዋቶ፥ አብራሃማዉ፥ ይሳቃዉ፥ ያቆባዉነ፥ ኡንቱንቱፐ ጉይያን፥ ኡንቱንቱ ዛርያዉ እማናዉ መꬍና ጎዳይ ጫቄዳ ቢታ ላትተ’ ያጌዳ” ያጌዳ።
DEU 1:9 ቃይካ ሙሴ አሳዉ ሀዋዳን ያጌዳ፤ “ሄ ዎደ ታን ህንተንቶ ሀዋዳን ያጋደ ኦዳድ፤ ‘ታን ታረካ ህንተና ቶካናዉ ዳንዳይከ።
DEU 1:10 መꬍና ጎዳይ ህንተ ጾሳይ ህንተ ፓይዱዋ ሳሉዋ ጾልንትያዳን ዳርሴዳ።
DEU 1:11 መꬍና ጎዳይ ህንተ አዎቱዋ ጾሳይ፥ ህንተና ሀዋፐ ሻአ ገደ ጉጂደ ዳርሶነ እ ጌዳዋዳን ህንተና አንጆ።
DEU 1:12 ሽን ህንተ መቱዋ፥ ህንተ ፓሉማነ ህንተ ኦሻ ኡባ ታን ታረካ ቶካናዉ ዋና ዳንዳያይታ?
DEU 1:13 ህንተ ዛርያፐ ዛርያፐ አꬌዳ ኤራንቻ፥ አኬካንቻነ ኦሱዋ ሜዚ ደእያ አሳቱዋ ዶርተ፤ ታን ህንተ ቦላ ኡንቱንቱ ካፑዋ ሱንꬃና’ ያጋድ።
DEU 1:14 “ህንተካ ታና፥ ‘ኑን ኦꬃናዳን ኔን ጌዳዌ ሎአ’ ያጌድታ።
DEU 1:15 ሄዋ ድራዉ፥ ታን ህንተ ዛርያፐ ዛርያፐ አꬌዳ ኤራንቻነ ኦሱዋ ሜዚ ደእያ አሳቱዋ አካድ፤ ሻላቃ፥ ጼቱዋ ካፑዋ፥ እሻታሙዋ ካፑዋ፥ ታሙዋ ካፑዋነ ሞድያዋንታ ኦꬃደ ህንተ ዛርያን ዛርያን ህንተ ቦላን ሱንꬃድ።
DEU 1:16 “ያታደ ታን ኡንቱንታ፥ ‘ህንተ እሻንቱ ግዱዋን ደእያ ሞቱዋ ስስተ፤ ሄ ሞቱ እት እስራኤልያ አሳፐነ አ እሻፐ ግዱዋን ዎይ እስራኤልያ አሳፐነ ሀራ ጋደ አሳፐ ግዱዋን ደእያዋ ግዶፐካ፥ ስሲደ ጽሉዋ ፕርድተ።
DEU 1:17 ህንተ ፕርዳን እት ባጋ ማዶፕተ፤ ዎልቃማዋ ስስያዋዳንካ፥ ጉꬃዋካ ሄዋዳን ስስተ፤ አሳ ሶምኦ ያዮፕተ፤ አያዉ ጎፐ፥ ፕርዳይ ጾሳዋ። ቃይ ህንተንቶ ዳሮ ዴጾ ግዴዳ ሞቱዋ ታኮ አህተ፤ ሄዋ ታን ፕርዳና’ ያጋድ።
DEU 1:18 ቃይ ህንተካ ኦꬃናዋ ኡባ ታን ሄ ዎደ ህንተና አዛዛድ።
DEU 1:19 “ሄዋፐ ጉይያን፥ ኑን ሲና ደርያፐ ደንዴዶ፤ መꬍና ጎዳይ ኑ ጾሳይ ኑና አዛዜዳዋዳን፥ ደረትያ አሞረቱ ቢታ ብያ ኦግያን ደእያ ሄ ህንተ በኤዳ ግታነ ያሽያ መላ ቢታ አꬊደ፥ ቃዴሳ-ባርነ ጋኬዶ።
DEU 1:20 ሄ ዎደ ታን ህንተንቶ ሀዋዳን ያጋድ፤ ‘መꬍና ጎዳ ኑ ጾሳይ ኑና ላትስያ ደረትያ አሞረቱ ቢታ ሄኮ ሀእ ጋኬድታ።
DEU 1:21 በእተ፥ መꬍና ጎዳይ ህንተ ጾሳይ ሀ ቢታ ህንተንቶ እሜዳ። መꬍና ጎዳይ ህንተ አዎቱዋ ጾሳይ ህንተንቶ ኦዴዳዋዳን ከሲደ፥ ሀ ቢታ ላትተ፤ ያዮፕተ፤ ህዶታ አጎፕተ’ ያጋድ።
DEU 1:22 “ህንተ ኡባይ ታኮ ዪደ ታና፥ ‘ሄ ቢታ ዎቺደ፥ ኑን ባናዉ በስያ ኦግያባነ፥ ኑን ገላና ካታማቱዋ ኦዱዋ ኑዉ አህያ አሳቱዋ ኑፐ ስንꬃዉ የዶይተ’ ያጌድታ።
DEU 1:23 “ሄ ቆፋይ ታዉ ሎአ ማላቴዳ፤ ያትና፥ ህንተፐ ታማነ ላኡ አሳ፥ ዛርያፐ ዛርያፐ እት አሳ ዶራድ።
DEU 1:24 ኡንቱንቱ ቤድኖ፤ ሄ ደረትያ ቢታ ፑደ ከሴድኖ፤ ቃይ ኤሽኮላ ዛንጋራኮካ ቢደ፥ ቢታ ዎቼድኖ።
DEU 1:25 ሄ ጋድያን ሞክያባፐ አማሬዳ አይፍያ ባረንቱ ኩሽያን ኦይቂደ፥ ኑኮ አክ ዬድኖ፤ ቃይ፥ ‘መꬍና ጎዳ ኑ ጾሳይ ኑዉ እምያ ቢታይ ሎአ’ ያግያ ኦዱዋካ አሂደ ኦዴድኖ።
DEU 1:26 “ሽን ህንተ መꬍና ጎዳ ህንተ ጾሳ አዛዞ ማካሊደ፥ ከሰናን እጼድታ።
DEU 1:27 ህንተ ዱንካንያ ግዶን እቱ እቱዋና፥ ሀዋዳን ያጊደ ዙዙሜድታ፤ ‘መꬍና ጎዳይ ኑና እጼዳ ድራዉ፥ ꬋይሳናዉ አሞረ ቢታ አሳቱ ኩሽያን አꬂ እማናዉ፥ ግብጼ ጋድያፐ ከሴዳ።
DEU 1:28 ኑን ሀቃ ከሴቶ? ኑ እሻቱ “ሄ ጋድያን ደእያ አሳይ ኑፐ ዳሪኖነ አዱቂኖ። ካታማቱካ ግታነ ሳሉዋ ጋካናዉ ግምበቴዳዋንታ። ሄዋ ቦላካ ቃይ አናቀቱዋ ጌተትያ ዳሮ አዱሳ አሳቱዋ ያን በኤዶ” ያጊደ፥ ኑ ዎዛና እርጽሴድኖ ያጌድታ።
DEU 1:29 “ ‘ሄዋፐ ጉይያን፥ ታን ሀዋዳን ያጋድ፤ ኡንቱንቶ ያዮፕተ ዎይ ሻባረቶፕተ።
DEU 1:30 ህንተፐ ስንꬃና ብያ መꬍና ጎዳይ ህንተ ጾሳይ ካሰ ግብጼን ህንተ አይፍያ ስንꬃን እ ህንተንቶ ኦꬄዳዋዳን፥ ሀእካ ህንተንቶ እ ኦለታና።
DEU 1:31 ቃይ መላ ቢታን፥ ህንተ ሀ ሳኣ ጋካናዉ ዬዳ ኦገ ኡባን፥ አሳይ ባረ ናኣ ቶክያዋዳን፥ መꬍና ጎዳይ ህንተ ጾሳይ ህንተና ቶኬዳዋ በኤድታ’ ያጋድ።
DEU 1:32 “ሀ ኡባ ታ ኦድንካ፥ ህንተ ዱንካናና ሳኣ በሳናዉነ ህንተ ባና ኦግያ በሳናዉ ቃማ ታማ ቱሳን፥ ጋላስ ሻርያ ቱሳን ህንተና ካለꬄዳ መꬍና ጎዳ፥ ህንተ ጾሳን፥ አማንበይክታ።
DEU 1:34 “መꬍና ጎዳይ ህንተ ሃሳያ ስሲደ ሀንቀቴዳ፤ ሀዋዳን ያጊደ ጫቄዳ፤
DEU 1:35 ‘ታን ህንተ ማይዛ አዋቶ እማና ጋደ ጫቄዳ ሀ ሎኦ ቢታ፥ ሀ ኢታ የለታፐ እቱነ በኤና።
DEU 1:36 ሄ ቢታ በአናዌ ይፉነ ናኣ ካሌባ ጻላላ። እ የꬌዳ ቢታ አዉነ አ ዛርያዉ ታን እማና፤ አያዉ ጎፐ፥ እ ባረ ኩመንꬃ ዎዛናፐ መꬍና ጎዳ ካሌዳ’ ያጊደ ጫቄዳ።
DEU 1:37 “ህንተ ጋሱዋን መꬍና ጎዳይ ታ ቦላካ ሀንቀቲደ፥ ሀዋዳን ያጌዳ፤ ሙሴ፥ ሀራይ አቶ ኔንካ ሄ ቢታ ገላካ።
DEU 1:38 ሽን ኔና ማድያዌ፥ ኔዌ ናአይ ኢያሱ ሄ ቢታ ገላና። እ እስራኤልያ አሳ ሄ ቢታ ላትሳናዉ ደእያ ድራዉ፥ ኔን አ ምንꬃ።
DEU 1:39 ቃይ ህንተ፥ ‘ኑ ናናይ ኦሞደታና’ ጌዳ ጉꬃቱነ ኢታ ሎይꬅ ሻክ ኤርቤና ህንተ ናናይ ሄ ቢታ ገላና። ታን ሄ ቢታ ኡንቱንቶ እማና፤ ኡንቱንቱካ አ ላታና።
DEU 1:40 ሽን ህንተና ግዶፐ፥ ህንተ ጉየ ስሚደ፥ ዞኦ አባ አፍያ ኦግያ ኦይቂደ፥ መላ ቢታ ቢተ ያጌዳ።
DEU 1:41 “ህንተ ዛሪደ ታዉ ሀዋዳን ያጌድታ፤ ‘ኑን መꬍና ጎዳ ቦላ ናጋራ ኦꬄዶ፤ ሀእ ኑን መꬍና ጎዳይ ኑ ጾሳይ አዛዜዳዋዳን፥ ከሲደ ኦለታና’ ያጌድታ። ህንተ ኡባይ ኦላ ሚሻ ግጼድታ፤ ቃይ ገዘ ቢታ ከሲደ ኦለታናዋካ ላፋባዳን ቆፔድታ።
DEU 1:42 “ሽን መꬍና ጎዳይ ታና፥ ‘ታን ኡንቱንቱና ደኤና ድራዉ፥ ኡንቱንቱ ከሲደ ኦለተናዳን ኦዳ፤ ሄዌ ꬋዮፐ ኡንቱንቱ ሞርከቱ ኡንቱንታ ጾናና’ ያጌዳ።
DEU 1:43 ታን ህንተንቶ ኦዳድ፤ ሽን ህንተ መꬍና ጎዳ አዛዞ ማካሌድታፐ አትና፥ ታን ኦዴዳዋ ስስበይክታ፤ ያቲደ ህንተ ኦቶሩዋን ገዘ ቢታ ከሴድታ።
DEU 1:44 ያትና፥ ሄ ገዘ ጋድያን ደእያ አሞራቱ ህንተናና ኦላ ጋከቲደ፥ ህንተና ማꬃይ የደርስያዋዳን የደርሲደ፥ ሄ ኤዶማ ጋድያን ቢደ ሆርማ ጋካናዉ ሾጬድኖ።
DEU 1:45 ህንተካ ጉየ ስሚደ፥ መꬍና ጎዳ ስንꬃን ዬኬድታ፤ ሽን ጾሳይ ህንተ ዬኩዋ ስስቤና ዎይ ሀይዝቤና።
DEU 1:46 ያትን ቃዴሳን ሄ ህንተ ጋምኦ ኬሻ ጋላሳ ጋምኤድታ።
DEU 2:1 “ሄዋፐ ጉይያን ኑን፥ መꬍና ጎዳይ ታና አዛዜዳዋዳን፥ ዞኦ አባ አፍያ ኦግያ ኦይቂደ፥ ጉየ ስሚደ፥ መላ ቢታ ቤዶ፤ ሄዋን መቶቲደ፥ ደረትያ ኤዶማ ጋድያን ዳሮ ጋላሳ ዩዬዶ።
DEU 2:2 “ሄዋፐ ጉይያን፥ መꬍና ጎዳይ ታና ሀዋዳን ያጌዳ፤
DEU 2:3 ‘ሀ ደረትያ ቢታ ዩሻይ ህንተንቶ ግዳናዋ፤ ጉየ ስሚደ፥ ሁጲሳ ባጋ ቢተ።
DEU 2:4 አሳ ኔን ሀዋዳን ያጋደ አዛዛ፤ “ኤዶማን ደእያ ህንተ እሻቱዋ ግድያ ኤሳ ናናቱ ቢታና ህንተ አꬊታ። ኡንቱንቱ ህንተንቶ ያያና፤ ሽን ህንተ ሎይꬅ ናገትተ።
DEU 2:5 ታን ኡንቱንቱ ጋድያፐ ገዲ የꬍያ ሳ ኬሻነ ህንተንቶ እመና ድራዉ፥ ኡንቱንቱና ዋለቀቶፕተ፤ አያዉ ጎፐ፥ ታን ደረትያ ኤዶማ ቢታ ላታ ኦꬃደ ኤሳዉ እማ ድጋድ።
DEU 2:6 ህንተ ምያ ቁማነ ኡሽያ ሃꬃ፥ ኡንቱንቱፐ ሻሉዋን ሻምተ ያጋደ አዛዛ” ያጌዳ።
DEU 2:7 “ ‘መꬍና ጎዳይ ህንተ ጾሳይ ህንተ ኦꬄዳዋ ኡባ አንጄዳ፤ ህንተ ሀ ዎልቃማ መላ ቢታን ሀመትያ ዎደ፥ ህንተና ናጌዳ። ሀ ኦይታሙ ላይꬃ ኡባን መꬍና ጎዳይ ህንተ ጾሳይ ህንተናና ደኤዳ። አያነ ህንተንቶ ፓጭስቤና።
DEU 2:8 “ ‘ሄዋ ድራዉ፥ ኑን ኑ እሻቱዋ ግድያ ኤሳ ናናይ ደእያ ኤዶማ ቢታና አꬊደ ቤዶ። ቃይ ኤላታነ ኤጽዮን-ጋብራ ግያ ካታማቱዋፐ ደንዲደ፥ አራባኮ ጋꬅያ ኦግያ አጊደ፥ ሞኣባ መላ ቢታ አꬌዶ።
DEU 2:9 “ ‘መꬍና ጎዳይ ታና ሀዋዳን ያጌዳ፤ “ታን ኡንቱንቱ ጋድያፐ አያነ ህንተንቶ እመና ድራዉ፥ ሞኣባ አሳና ዋለቀቶፕተ ዎይ ኡንቱንታ ኦሎፕተ፤ አያዉ ጎፐ፥ ኤራ ካታማ ታን ላታ ኦꬃደ ሎጸ ዛረቶ እማ ድጋድ” ያጌዳ’ ያጌዳ።”
DEU 2:10 (ሄ ጋድያን ካሰ ምኖነ ጮራ ግዴዳ፥ ቃይ አናቀ ዛራቱዋዳን አዱሳ ግዴዳ ኤመታ ጌተትያ አሳቱ ደኤድኖ።
DEU 2:11 ኡንቱንቱ አናቀቱዋዳንካ ራፋየቱዋ ጌተቲኖ። ሽን ሞኣባ አሳይ ኡንቱንታ ኤመታ ጊደ ጼሴ።
DEU 2:12 ሆራ ቢታ አሳይ ቃይ ካሰ ኤዶማን ደኤዳ፤ ሽን እስራኤላቱ ላታናዳን መꬍና ጎዳይ ኡንቱንቶ እሜዳ ጋድያን ኡንቱንቱ ኦꬄዳዋዳን፥ ኤሳ ዛራቱ ሆራታ ኡንቱንቱ ጋድያፐ ሾዴድኖ፤ ቃይ ባረንቱ ስንꬃፐ ኡንቱንታ ꬋይሲደ፥ ኡንቱንቱ ሳኣን ኡቴድኖ።)
DEU 2:13 ሙሴ፥ “መꬍና ጎዳይ ኑና፥ ‘ሀእ ደንድተ፤ ዘሬዳ ሻፋ ፕንተ’ ያግና፥ ኑን ዘሬዳ ሻፋ ፕኔዶ።
DEU 2:14 ኑን ቃዴሳ-ባርነፐ ደንዲደ፥ ዘሬዳ ሻፋ ፕናና ጋካናዉ ደእያ ዎዲ ሀታማነ ሆስፑን ላይꬃ፤ ሄ ዎደ መꬍና ጎዳይ ኡንቱንቶ ጫቄዳዋዳን፥ ኦላዉ ጋኬዳ ሄ የለታ አቱማዋንቱ ኡባይ ዉሬድኖ።
DEU 2:15 ዱንካኔዳ ሳፐ ኡንቱንቱ ኡባና ድምእ ጊደ ꬋያና ጋካናዉ፥ መꬍና ጎዳ ኩሺ ኡንቱንቱ ቦላ ደኤ።
DEU 2:16 “ኦላዉ ጋኬዳ አቱማ አሳይ ኡባይ ኡባና ꬋዬዳዋፐነ አሳ ግዶፐ ሀይቂዴ ዉሬዳዋፐ ጉይያን፥
DEU 2:17 መꬍና ጎዳይ ታና ሀዋዳን ያጌዳ፤
DEU 2:18 ‘ኤራ ኦግያና ሀች ህንተ ሞኣባ ቢታ አꬊታ።
DEU 2:19 ህንተ አሞና አሳቱ ቢታ ጋክያ ዎደ፥ ኡንቱንታ ቃሰረꬆፕተ ዎይ ኡንቱንቱና ዋላቀቶፕተ። አያዉ ጎፐ፥ አሞና አሳቱ ጋድያፐ አያነ ታን ህንተንቶ ላታ ኦꬃደ እምከ። ታን ሄ ቢታ ሎጸ ዛርያዉ ላታ ኦꬃደ እማ ድጋድ’ ያጌዳ።
DEU 2:20 “(ሄ ቢታይ ካሰ ያን ደእያ አሳይ ጼሰትያ ሱንꬃን ራፋየቱዋ ቢታ ጌተቲደ ጼሰቴ። ቃይ አሞናቱ ኡንቱንታ ዛምዙሚም ጊደ ጼሲኖ።
DEU 2:21 ኡንቱንቱካ አናቀቱዋዳን አዱሳ፥ ምኖነ ጮራ ጋደ፤ ሽን መꬍና ጎዳይ ኡንቱንታ ꬋይስና፥ አሞናቱ ኡንቱንቱ ቢታ ላቲደ ኡቴድኖ።
DEU 2:22 መꬍና ጎዳይ ኤዶማን ደእያ ኤሳ ዛረቶ ኦꬄዳዋዳን፥ ኡንቱንቶካ ኦꬄዳ፤ ሄዌካ እ ሄ ጋድያን ደእያ ሆራታ ꬋይስና፥ ኤሳ ዛራቱ ኡንቱንቱ ቢታ ላቲደ ሀቼ ጋካናዉ ኡቴድኖ።
DEU 2:23 ጋዛ ጋካናዉ ደእያ ሄራቱዋን ደእያ አዎቱዋ ግዶፐ፥ ካፍቶራ ግያ ጋድያፐ ዬዳ ካፍቶረቱ ኡንቱንታ ꬋይሲደ፥ ኡንቱንቱ ሳኣን ኡቴድኖ።)
DEU 2:24 “ቃይካ ጾሳይ ኑና ሀዋዳን ያጌዳ፤ ‘ደንድተ፤ አርኖና ሻፋ ፕንተ። በእተ፥ አሞረ ቢታ አሳ ግድያ ሀሰቦና ካትያ ስሆናነ አ ቢታ ታን ህንተ ኩሽያን አꬃደ እማድ፤ አ ኦሊደ አ ቢታ ላትያዋዳን ዶምተ።
DEU 2:25 ሀቼፐ ዶሚደ ሳሉዋፐ ጋርሳና ደእያ አሳይ ኡባይ ህንተንቶ ያያናዳን ታን ኦꬃና፤ ኡንቱንቱ ህንተዋ ስስያ ዎደ ኡባን፥ ያሻን ኮኮራና’ ያጌዳ።
DEU 2:26 “ሄዋፐ ጉይያን፥ ቅደሞታ መላ ቢታፐ ሀሰቦና ካትያ ስሆናዉ ሳሮ ቃላ ኪተትያዋንቱ ቦላ ሀዋዳን ያጋደ ኪታድ፤
DEU 2:27 ‘ኑና ነ ቢታና አꬃርኪ! ኑን ዎጋ ኦገ ጻላ ኦይቂደ ባና፤ አፐ ኡሸቻ ዎይ ሀድርሳ ስሞኮ።
DEU 2:28 ኑን ምያ ቁማዉነ ኡሽያ ሃꬃው ሚሻ ቃንጻና። ኑ ኮይያዌ ነ ቢታና አꬋናዋ ጻላላ።
DEU 2:29 ኤዶማን ደእያ ኤሳ ዛራቱነ፥ ኤራን ደእያ ሞኣባ ዛራቱ ኑና አꬆዋዳን፥ መꬍና ጎዳይ ኑ ጾሳይ፥ ኑዉ እምያ ቢታዉ ዮርዳኖሳ ሻፋ ኑን ፕናና ጋካናዉ፥ ኦገ ጻላላና ኑና አꬃ’ ያጋድ።
DEU 2:30 “ሽን ሀሰቦና ካቲ ስሆን ኑና አናን ድጌዳ። አያዉ ጎፐ፥ መꬍና ጎዳይ ህንተ ጾሳይ ሀች ህንተ በእያዋዳን፥ አ ህንተ ኩሽያን አꬂደ እማናዉ አ ዎዛና ምንሲደ፥ አ ሞርግያ ዞዱ ኦꬄዳ።
DEU 2:31 “ሄዋፐ ጉይያን መꬍና ጎዳይ ታና፥ ‘በአ፥ ስሆናነ አ ቢታ ታን ነዉ እሙሳ ዶማድ፤ ሀእ ጾናደ፥ አ ቢታ ላታ’ ያጌዳ።
DEU 2:32 “ያትና፥ ስሆን ባረ አሳ ኡባ አኪደ፥ ያሃጻ ግያ ሳን ኑናና ኦለታናዉ ደንዴዳ።
DEU 2:33 ሽን መꬍና ጎዳይ ኑ ጾሳይ ኑዉ አ አꬅ እሜዳ፤ አ፥ አ አቱማ ናናቱዋነ አ አሳ ኡባ ኑን ዎꬌዶ።
DEU 2:34 ሄ ዎደ ኑን አ ካታማቱዋ ኡባ ኦሞዲደ፥ ሙለ ካታማቱዋካ፥ አን ደእያ አቱማ አሳና፥ ማጫ አሳናነ ናናቱዋና ꬋይሴዳ፤ አያነ አሽበይክኖ።
DEU 2:35 ኡንቱንቱ መህያነ ኑን ኦይቄዳ ካታማቱዋፐ ኦሞዴዳባቱዋ ጻላላ ኑዉ አኬዶ።
DEU 2:36 “አርኖና ዛንጋራ ጋጻን ደእያ አሮኤራፐነ ሄ ዛንጋራ ግዶን ደእያ ካታማፐ ዶሚደ ቢደ ጋላኣደ ቢታ ጋካናዉ፥ ኑዉ ምኔዳ እት ካታምነ ደእቤና። መꬍና ጎዳይ ኑ ጾሳይ ኡንቱንታ ኡባ ኑ ኩሽያን አꬅ እሜዳ።
DEU 2:37 ሽን ኑን አሞና ዛራቱዋ ጋድያኮ፥ ሄዌካ ያቦቃ ሻፋ ዶና ኡባኮ፥ ደረትያ ቢታ ካታማቱዋኮነ መꬍና ጎዳይ ኑ ጾሳይ ኑን ባናዳን አዛዝቤና ሳ ኡባኮ ሺቅበይኮ።
DEU 3:1 “ሄዋፐ ጉይያን ኑን ስሚደ፥ ባሳነ አፍያ ኦግያና ከሲደ፤ ያትና፥ ባሳነ ቢታ ካቲ ኦግ ባረ ኦላንቻቱዋ ኡባና ኤድራአ ግያ ካታማን ኑናና ኦለታናዉ ከሴዶ።
DEU 3:2 ሽን መꬍና ጎዳይ ታና፤ ‘አዉ ያዮፓ! አያዉ ጎፐ፥ ታን አ፥ አ ኦላንቻቱዋ ኡባናነ አ ቢታና ነ ኩሽያን አꬃደ እማድ። ሀሰቦናን ኡቲደ ካተቴዳ አሞረቱ ካትያ ስሆና ቦላ ኦꬄዳዋዳን፥ ኔን አ ቦላካ ኦꬃና’ ያጌዳ።
DEU 3:3 “ሄዋ ድራዉ፥ መꬍና ጎዳይ ኑ ጾሳይ ባሳነ ቢታ ካትያ ኦጋነ አ አሳ ኡባ ኑ ኩሽያን አꬂደ እሜዳ፤ ኑን ኡንቱንቱፐ እቱዋነ አሸናን ዉርስ ዎꬌዶ።
DEU 3:4 ሄ ዎደ ኑን አ ካታማቱዋ ኡባ ኦይቄዶ፤ ኑን ኦይቂቤና እት ካታማይካ ባዋ፤ ሄዋንቱካ ባሳነ ካትያ ኦግ አርጎባ ጋድያን አይስያ ኡሱፑን ታሙ ካታማቱዋ።
DEU 3:5 ሀ ካታማቱ ኡባይካ አዱሳ ግምቢያን ድረቴዳዋንታነ ፐንግያናነ ጎርድያ ምꬃና ደእያዋንታ። ቃይ ግምቢያ ድርሳይ ባይና ሎይꬅ ዳሮ ሞꬃቱካ ደኢኖ።
DEU 3:6 ሀሰቦና ቢታ ካትያ ስሆና ቦላ ኦꬄዳዋዳን፥ ኑን ኡንቱንታ ኡባና ꬋይሴዶ። ኡንቱንቱ ካታማቱዋ ኡባ፥ ኡንቱንቱን ደእያ አቱማዋና ማጫዋነ ናናቱዋናካ ሙለ ꬋይሴዶ።
DEU 3:7 ሽን መህያ ኡባነ ካታማቱዋፐ ቦንቄዳ ኦሞዱዋ ኦꬂደ፥ ኑዉ አኬዶ።
DEU 3:8 “ሄ ዎደ ኑን አርኖና ሻፋፐ ቢደ ሄርሞነ ደርያ ጋካናዉ ደእያ ቢታ ዮርዳኖሳ ሻፋፐ አዋይ ዶልያ ባጋና ደእያዋ ሄ ላኡ አሞረ ቢታ ካተቱዋፐ አኬዳ።
DEU 3:9 (ሲዶና ቢታ አሳይ ሄርሞነ ደርያ ስርዮነ ደርያ ጊደ ጼጊኖ፤ አሞረ ቢታ አሳይ ቃይ ሳኒራ ጊደ ጼጊኖ።)
DEU 3:10 ኑን ደምባ ጋድያን ደእያ ካታማቱዋ ኡባ፥ ጋላኣደ ቢታ ኡባ፥ ባሳነ ቢታ ኡባነ ባሳነ ጋድያን ኦግ ሞድያ ሳላካነ ኤድራአ ካታማቱዋ ጋካናዉ ደእያ ሳኣ ኦይቄዶ።
DEU 3:11 (ራፋየቱዋፐ አቴዳዌ ባሳነ ቢታ ካትያ ኦጋ ጻላላ። አ አርሳይ ብራታ አርሳ፤ ሄ አርሳይ ሀቼ ጋካናዉካ ራባ ጌተትያ አሞናቱዋ ካታማን ደኤ፤ አዉ ጌሳይ ኡዱፑን ዋꬋ፤ ጎምፓይካ ኦይዱ ዋꬋ።)
DEU 3:12 “ሄ ቢታ ኑን ላቴዳዋፐ ጉይያን፥ አርኖና ሻፋ ዶናን ደእያ አሮኤራ ካታማፐ ዶሚደ ደእያ ሳኣነ፥ ደረትያ ጋላኣደ ጋድያፐ ባጋ አ ካታማቱዋናካ ሮቤላ ዛረቶነ ጋዳ ዛረቶ ታን እማድ።
DEU 3:13 ጋላኣደፐ አቴዳዋነ ኦግ ሞድያ ባሳነ ቢታ ኡባ፥ ሄዌካ አርጎባ ካዉተꬃ ቃይ ምናሰ ዛርያፐ ባጋቶ እማድ። (ሄ ባሳነ ቢታይ ኡባይ ራፋየቱዋ ቢታ ጌተት ጼሰቴዳ።
DEU 3:14 ምናሰ ዛርያፐ ያኢር፥ ኩመንꬃ አርጎባ ቢታ ላቴዶ፤ ሄዌካ ጋሹራቱነ ማእካቱ ቢታ ጋጻ ጋካናዉ ደእያ ባሳነ ቢታ። እ ቄር ካታማቱዋ ባረ ሱንꬃን ጼሰታናዳን ኦꬄዳ፤ ሄዋ ድራዉ፥ ኡንቱንቱ ሀቼ ጋካናዉ፥ ሀቦት-ያኢራ ካታማቱዋ ጌተት ጼሰቲኖ።)
DEU 3:15 “ቃይ ጋላኣደ ቢታካ ምናሰ ዛረ ግድያ ማኪራሳዉ እማድ።
DEU 3:16 ሮቤላነ ጋዳ ዛርያዉ ጋላኣደፐ ቢደ አርኖና ሻፋ ማታ ጋካናዉ ደእያ ቢታ እማድ። ገድሳ ባጋና ኡንቱንቶ አርኖና ሻፋዉ ባጋይ ዛዋ፤ ቃይ ሁጲሳ ባጋና አሞናቱዋ ቢታ ጋጻ ግድያ ያቦቃ ሻፋይ ዛዋ።
DEU 3:17 አዋይ ዉልያ ባጋና፥ ኡንቱንቱ ዛዋይ አራባን ደእያ ዮርዳኖሳ ሻፋ ጋኬ፤ ሄዌካ ጋሊላ አባፐ ዶሚደ ፕስጋ ደርያ ጻጱዋን ደእያ ሀይቁዋ አባ፥ ሄዌነ ማጽንያ አባ ጋካናሳ።
DEU 3:18 “ሄ ዎደ ታን ህንተና ሀዋዳን ያጋደ አዛዛድ፤ ‘መꬍና ጎዳ ህንተ ጾሳይ ሀ ቢታ ህንተ ላታናዳን ህንተንቶ እሜዳ። ስም ህንተንቶ ደእያ ቶራንቻ አሳ ኡባ ኦላ ሚሻ ግጽሲደ፥ ህንተ እሻቱዋ ግድያ እስራኤልያ አሳፐ ስንꬃና ኦለታናዉ አꬍተ።
DEU 3:19 ህንተዉ ዳሮ መሂ ደእያዋ ታን ኤራይ፤ ሄዋ ድራዉ፥ ህንተ ማቼቱ፥ ህንተ ጉꬃ ናናይነ ህንተ መሂ ታን ህንተንቶ እሜዳ ካታማቱዋን ደእሽኖ።
DEU 3:20 ሄዌነ፥ መꬍና ጎዳይ ህንተና ሸምፕሴዳዋዳን፥ ህንተ እሻቱዋካ ሸምፕሳና ጋካናዉነ፥ ቃይ ዮርዳኖሳ ሻፋ ሄፍንꬃን፥ መꬍና ጎዳይ ህንተ ጾሳይ ኡንቱንቶ እምያ ቢታ ኡንቱንቱ አካና ጋካናሳ። ሄዋፐ ጉይያን፥ ህንተ ሁጲያን ሁጲያን፥ ታን ህንተንቶ እሜዳ ቢታ ስሚታ’ ያጋድ።
DEU 3:21 “ታን ሄ ዎደ ያሳ ሀዋዳን ያጋደ አዛዛድ፤ ‘መꬍና ጎዳይ፥ ህንተ ጾሳይ፥ ሀ ላኡ ካተቱ ቦላ ኦꬄዳዋ ኡባ ኔን ነ አይፍያን በኣዳ፤ ህንተ ኦይቃናዉ ብያ ካዉተꬃቱዋ ኡባ ቦላካ መꬍና ጎዳይ ሄዋዳን ኦꬃና።
DEU 3:22 ህንተ ድራዉ ኦለትያዌ፥ መꬍና ጎዳ ህንተ ጾሳ ግድያ ድራዉ፥ ኡንቱንቶ ያዮፕተ’ ያጋድ።
DEU 3:23 “ሄ ዎደ ታን ሀዋዳን ያጋደ መꬍና ጎዳ ሎይꬃደ ዎሳድ፤
DEU 3:24 ‘ኡባ ሞድያ መꬍና ጎዳዉ፥ ነ ግታተꬃነ ነ ምኖ ኩሽያ ታና፥ ነ ቆማ በሳናዉ ዶማዳ፤ አያዉ ጎፐ፥ ነዋዳን ሀዋ ማላ ኦሶቱዋነ ዎልቃማባ ኦꬃናዉ ዳንዳይያዌ ሳሉዋን ግድና ሳኣን አይ ጾሳይ ደኢ?
DEU 3:25 ጾሳዉ! ታን ባደ ዮርዳኖሳ ሻፋፐ፥ ሄፍንꬃን ደእያ ሄ ሎኦ ደረትያ ቢታነ ሊባኖሳ በአናዳን ታና የዳርኪ!’ ያጋድ።
DEU 3:26 “ሽን መꬍና ጎዳይ ህንተ ጋሱዋን ታና ሀንቀቲደ፥ ታዉ ስሰናን እጼዳ፤ መꬍና ጎዳይ ታና ሀዋዳን ያጌዳ፤ ‘ስም ነዉ ግዳናዋ፤ ሀ የዉዋ ደንꬃደ ላኤንꬆ ታዉ ሃሳዮፓ።
DEU 3:27 ሄዋ አጋደ ደንዳ፥ ፕስጋ ደርያ ሁጲያ ከሳ፤ ሄዋን ኤቃደ ቢታዉ አዋይ ዶልያ ባጋ፥ ሁጲሳ፥ ገድሳነ አዋይ ዉልያ ባጋ ነ አይፍያ ደንꬃደ ጼላ። አያዉ ጎፐ፥ ኔን ሀ ዮርዳኖሳ ሻፋ ሙለካ ፕናካ።
DEU 3:28 ማታ ኔን ኢያሱዉ አዛዙዋ እማ፤ አ ጻልሳነ ምንꬃ፤ አያዉ ጎፐ፥ እ ሀ አሳ ካለꬂደ ፕንꬃናነ ሀ ኔን በእያ ቢታ እ ኡንቱንታ ላትሳናዋ’ ያጌዳ።
DEU 3:29 “ሄዋ ድራዉ፥ ኑን ቤት-ፓኦራ ካታማ ስንꬃን ደእያ ዛንጋራን ጋምኤዶ” ያጌዳ።
DEU 4:1 ሄዋፐ ጉይያን፥ ሙሴ አሳ ሀዋዳን ያጌዳ፤ “ሀእካ እስራኤልያ አሳዉ፥ ህንተ ደኡዋን ደአናዳንነ መꬍና ጎዳይ፥ ህንተ ማይዛ አዎቱዋ ጾሳይ፥ ህንተንቶ እምያ ቢታ ህንተ ላታናዳን፥ ታን ህንተና ታማርስያ አዋዩዋነ ህግያ ስስተነ ኦꬅተ።
DEU 4:2 ታን ህንተና አዛዝያ መꬍና ጎዳ ህንተ ጾሳ አዛዙዋ ናግተፐ አትና፥ አ ቦላ አይነ ጉጆፕተ፤ ቃይ አፐ አይነ ፓጭሶፕተ።
DEU 4:3 ባኣል-ፓኦራ ደርያ ቦላን መꬍና ጎዳይ ኦꬄዳዋ ህንተ ህንተ አይፍያን በኤድታ፤ መꬍና ጎዳይ ህንተ ጾሳይ ባኣል-ፓኦራን ደእያ ባኣላዉ ጎይኔዳዋንታ ኡባ ህንተ ግዶፐ ꬋይሴዳ።
DEU 4:4 ሽን ህንተ መꬍና ጎዳዉ፥ ህንተ ጾሳዉ፥ አማነቴዳ ድራዉ፥ ሀች ጋካናዉ ኡባይካ ደኡዋን ደኢታ።
DEU 4:5 “በእተ፥ ህንተ ላታናዉ ገልያ ጋድያን ኦꬃና ማላ፥ መꬍና ጎዳይ፥ ታ ጾሳይ ታና አዛዜዳዋዳን፥ አዋዩዋነ ህግያ ታን ህንተና ታማርሳድ።
DEU 4:6 ህንተ ኡንቱንታ ናግተነ ኦꬅተ፤ ሄዋ ህንተ ኦꬆፐ፥ ህንተ አይ ኬሻ አꬌዳ ኤራንቼንቶነ ሀራ አሳይ ህንተና በአና። ኡንቱንቱ ሀ አዋዩዋባ ስስያ ዎደ፥ ‘ቱሙካ ሀ ዎልቃማ ካተተꬃይ አꬌዳ ኤራንቻነ አኬካንቻ ካዉተꬃ’ ያጋና።
DEU 4:7 “ኑን አ ጼስያ ዎደ አዉደነ፥ መꬍና ጎዳይ ኑ ጾሳይ ኑዉ ማታ ግድያዋዳን፥ ማታ ጾስ አዉ ደእያ አይ ዎልቃማ ካዉተꬃይ ደኢ?
DEU 4:8 ታን ሀች ህንተ ስንꬃን ዎꬅያ ሀ ህገ ኡባዳን ጽሎ ግዴዳ አዋዩነ ህጊ ደእያ ሀራ አይ ዎልቃማ ካዉተꬃይ ደኢ?
DEU 4:9 “ስም ህንተ ደእያ ላይꬃ ኡባን ሀ ህንተ በኤዳዋ ኡባ ዶገናዳንነ ህንተ ሁጲያፐ ꬋይሰናዳን ናገትተ፤ ህንተ ናናቱዋነ ህንተ ናናቱ ናናቱዋ ታማርስተ።
DEU 4:10 ሲና ደርያ ቦላን መꬍና ጎዳ ህንተ ጾሳ ስንꬃን ህንተ ኤቄዳ ዎደ፥ ጾሳይ ታና፥ ‘ሀ ሳኣን ደኤዳ ዎደ ኡባን፥ ኡንቱንቱ ታዉ ያይያዋ ታማራናዳንነ ባረንቱ ናናቱዋካ ሄዋ ታማርሳናዳን፥ ታን ታ ቃላ ኡንቱንታ ስሳና ማላ፥ አሳ ታኮ ሺሻ’ ጌዳዋ ሀሳይተ።
DEU 4:11 “ሄ ዎደ ህንተ ሺቂደ ደርያ ጻጱዋን ኤቄድታ፤ ሳሎ ግዱዋ ጋካናዉ፥ ሄ ደርያ ቦላን ታማይ ኤጼ፤ ሄ ደርያ ጻጱ ሳካና ꬉማንነ ሻራን ጎዘት ኡቴዳ።
DEU 4:12 መꬍና ጎዳይካ ታማ ግዶፐ ህንተንቶ ሃሳዬዳ፤ ህንተ አ ኮሻ ስሴድታፐ አትና፥ አ በእበይክታ።
DEU 4:13 ህንተ ኦꬃናዳን እ ህንተና አዛዜዳ ባረ ጫቁዋ ህንተንቶ ኦዴዳ፤ ሄዋንቱካ ታሙ አዛዞቱዋ። እ ኡንቱንቱ ላኡ ማሰቴዳ ሹቻቱ ቦላ ጻፌዳ።
DEU 4:14 ህንተ ላታናዉ ብያ ጋድያን ኦꬃናዳን፥ አዋዩዋነ ህግያ ህንተና ታማርሳና ማላ፥ መꬍና ጎዳይ ታና ሄ ዎደ አዛዜዳ።
DEU 4:15 “መꬍና ጎዳይ ሲና ደርያ ቦላን ታማ ግዶፐ ህንተንቶ ሃሳዬዳ ጋላስ፥ ህንተ አ በእቤና ድራዉ፥ ሎይꬅ ናገትተ።
DEU 4:16 አቱማ ዎይ ማጫ ማላን ኦሰቴዳዋ ግድና
DEU 4:17 ሳኣን ደእያ ዶኣ ኡባ ሌምሱዋ ግድና፥ ሳሉዋ ጉፋንꬁዋን ፓልያ ካፉዋ ኡባ ሌምሱዋ ግድና፥
DEU 4:18 ሳኣ ቦላን ቃጽያባቱ ሌምሱዋ ግድና፥ ቢታፐካ ጋርሳና ሃꬃ ግዶን ደእያ ሞልያ ሌምሱዋ ግድናካ፥ ህንተ ቱነናዳን ማሰቴዳዋ ህንተንቶ ጾሳ ኦꬂደ ጎይኖፕተ።
DEU 4:19 ቃይ ሳሉዋ ፑደ ጼሊደ፥ መꬍና ጎዳይ ህንተ ጾሳይ ሳሉዋፐ ጋርሳና ደእያ ካዉተꬃቶ ኡባዉ እሜዳ አዋ፥ አግና፥ ጾልንተቱዋነ ሳሉዋ መታቱዋ ኡባ በኢደ፥ ህንተ ኡንቱንቶ ጎይኒደ፥ ባለናዳን ናገትተ።
DEU 4:20 ሽን መꬍና ጎዳይ ህንተና ሀች ህንተ ግድያዋዳን፥ ባረዉ ዱማቴዳ አሳ ኦꬃናዉ ብራታ ጮጭያ ማላ ግድያ ግብጼፐ ከሲደ አሄዳ።
DEU 4:21 “ቃይ ህንተ ጋሱዋን መꬍና ጎዳይ ታና ሀንቀቲደ፤ ታን ዮርዳኖሳ ፕነናዳንነ፥ መꬍና ጎዳይ፥ ህንተ ጾሳይ፥ ላታ ኦꬂደ ህንተንቶ እምያ ሎኦ ቢታ ታን ገለናዳን ጫቄዳ።
DEU 4:22 ሄዋ ድራዉ፥ ታን ዮርዳኖሳ ሻፋ ፕነናን ሀ ጋድያን ሀይቃና፤ ሽን ህንተ ፕኒደ፥ ሄ ሎኦ ቢታ ላቲታ።
DEU 4:23 ሄዋ ድራዉ፥ መꬍና ጎዳይ ህንተ ጾሳይ ህንተናና ጫቀቴዳ ጫቁዋ ዶጎፕተ። ቃይ መꬍና ጎዳይ ህንተ ጾሳይ ህንተና ኦꬆፕተ ጌዳ አይ ማላን ማሰቴዳ ምስልያ ግዶፐነ ህንተንቶ ኤቃ ኦናዳን ናገትተ።
DEU 4:24 አያዉ ጎፐ፥ መꬍና ጎዳይ ህንተ ጾሳይ ምያ ታማነ ቃናትያ ጾሳ።
DEU 4:25 “ህንተ ናናቱዋነ፥ ናናቱ ናናቱዋ የሊደ ሄ ጋድያን አዱሳ ዎድያ ደእያ ዎደ፥ አይ ማላን ግዶፐነ ማሰቴዳ ምስልያዉ ጎይኒደ ቱኖፐ፥ ቃይ መꬍና ጎዳ ህንተ ጾሳ ሀንቀꬃናዉ አ ስንꬃን ኢታባ ኦꬆፐ፥
DEU 4:26 ህንተ ዮርዳኖሳ ሻፋ ፕኒደ ላታናዉ ብያ ጋድያፐ እቱነ አተናን፥ ኤለ ꬋያናዉ፥ ታን ህንተ ቦላን ሀች ሳሉዋነ ሳኣ ማርካያይ። ህንተ ኡባናካ ꬋያናፐ አትና፥ ሄ ጋድያን አዱሳ ዎድያ ደእክታ።
DEU 4:27 መꬍና ጎዳይ ህንተና ሀራ አሳ ግዶን ላላና፤ ሄ ህንተና መꬍና ጎዳይ ላልያ ካዉተꬃቱዋ ግዶን ህንተ ፓይዱ ጉꬃ ግዳናዋ።
DEU 4:28 ሄዋን ህንተ ምꬃፐነ ሹቻፐ አሳ ኩሽያን ጊጌዳ በኤና፥ ስሰና፥ ሜናነ ስንገና ጾሳቶ ጎይናና።
DEU 4:29 ሽን ሄዋን ደኢደ፥ ህንተ መꬍና ጎዳ፥ ህንተ ጾሳ ኮያና፤ ህንተ አ ህንተ ኩመንꬃ ዎዛናፐነ ህንተ ኩመንꬃ ሸምፑዋፐ ኮዮፐ ደማና።
DEU 4:30 ሀ ኡባ መቱዋ ግዶን ህንተ ኡንኤቲደ ደኢደ፥ ዎድያ ዉርሰꬃን መꬍና ጎዳኮ፥ ህንተ ጾሳኮ፥ ህንተ ስማናነ አ ቃላዉካ አዛዘታና።
DEU 4:31 መꬍና ጎዳይ ህንተ ጾሳይ ማሮተꬃን ኩሜዳ ጾሳ ግድያ ድራዉ፥ እ ህንተና አገና፤ ዎይ ꬋይሰና፤ ህንተ አዋቶ እ ጫቄዳ ጫቁዋካ ዶገና።
DEU 4:32 “ጾሳይ ጋድያን አሳ መꬌዳ ጋላሳፐ ዶሚደ፥ ህንተፐ ካሰ አꬌዳ ዎድያ አነ ፓይድተ፤ ሀዋ ማላ ግታባይ ሙለካ ሀን ኤርንቶ ዎይ ስሰት ኤርንቶ፥ ሳሎ ሀ ጋጻፐ ያ ጋጻ ጋካናዉ አነ ኦችተ።
DEU 4:33 ታማ ላጩዋ ግዶና ጾሳይ ስሲደ፥ ህንተ ꬋየናን ደኡዋን ደኤዳዋዳን፥ ጾሳይ ስሲደ፥ ደኡዋን ደኤዳ ሀራ አሳይ ደኢ?
DEU 4:34 ዎይ መꬍና ጎዳይ ህንተ ጾሳይ ህንተ ጼልሽን፥ ግብጼ ጋድያን ህንተንቶ ኦꬄዳዋዳን፥ ፓጭያን፥ ማላታን፥ ማላልስያዋን፥ ኦላን ዎልቃማ ኩሽያንነ ምጨቴዳ ቀስያን፥ ቃይ ዎልቃማ ያሻን ሀራ ካዉተꬃ ግዶ ገሊደ፥ እት ካዉተꬃ ባረዉ አካናዉ ባጸቴዳ ሀራ ጾስ ደኢ?
DEU 4:35 መꬍና ጎዳይ ጾሳ ግድያዋ ህንተ ኤራና ማላ፥ ሄዋ እ ህንተና በሴዳ፤ አፐ አትና ሀራይ ባዋ።
DEU 4:36 እ ህንተና ታማርሳናዉ ኮዬዳ ድራዉ፥ ባረ ኮሻ ሳሉዋፐ ህንተና ስሴዳ። ቃይ ሀ ሳኣን ባረ ዎልቃማ ታማ ህንተና በሴዳ፤ ሄ ታማ ግዶፐ ህንተ አ ቃላ ስሴድታ።
DEU 4:37 እ ሄዋ ኦꬄዳዌ ህንተ አዎቱዋ ሲቄዳዋፐ ደንዴዳዋን፥ ኡንቱንቱፐ ጉይያን የለትያ ኡንቱንቱ ዛራቱዋ ዶሬዳ ግሻሳ። ቃይ ህንተናካ ግብጼፐ ባረ ዎልቃማ ዎልቃን ከሴዳ ግሻሳ።
DEU 4:38 ሀቼ ህንተ በእያዋዳን፥ ህንተና ገልሳናዉነ ኡንቱንቱ ቢታ ህንተንቶ ላታ ኦꬂደ እማናዉ፥ ህንተፐ ዳርያነ ዎልቃምያ ካዉተꬃቱዋ ህንተ ስንꬃፐ የደርሴዳ።
DEU 4:39 “ስም ሄዋ ግዶፐ፥ ቦላ ሳሉዋን ግድና፥ ጋርሳ ሳኣን ግድና፥ መꬍና ጎዳይ ጾሳ ግድያዋ ኤርተ፤ ህንተ ዎዛናንካ ዎꬅተ፤ ሀራ ጾሳይ ባዋ።
DEU 4:40 ሄዋ ድራዉ፥ ህንተንቱነ ህንተፐ ጉይያን ህንተ ናናዉ ኡባባይ ሎኦ ግዳናዳን፥ ቃይ መꬍና ጎዳይ ህንተ ጾሳይ ህንተንቶ መꬍናዉ እምያ ጋድያን ህንተ ህንተረ አዱቃናዳን፥ ታን ሀች ህንተና አዛዝያ አዋዩዋነ ህግያ ናግተ” ያጌዳ።
DEU 4:41 ሄዋፐ ጉይያን፥ ሙሴ ዮርዳኖሳ ሄፍንꬃን አዋይ ዶልያ ባጋና ሄዙ ካታማቱዋ ዱማዬዳ።
DEU 4:42 ሄዋ እ ዱማዬዳዌ ካሰ ሞርከተꬃይ ባይናን ደእሽን፥ ኤረናን፥ ባረ ሾሩዋ ዎꬌዳ አሳይ ያ ባቃታናሳ። ሄ ካታማቱዋፐ እቶ ባቃቲደ፥ ሄ ብታኒ ባረ ሸምፑዋ አሻናዉ ዳንዳዬ።
DEU 4:43 ሄዋ ድራዉ፥ ሮቤላ ዛርያዉ መላ ቢታን ꬎቃሳን ደእያ ቤጸራ ካታማ፥ ጋዳ ዛርያዉ ጋላኣደን ደእያ ራሞታነ ምናሰ ዛርያዉ ባሳነን ደእያ ጎላና ካታማቱዋ ዱማዬዳ።
DEU 4:44 ሙሴ እስራኤልያ አሳዉ እሜዳ ጾሳ ህጊ ሀዋ።
DEU 4:45 ሀ ዎጋ፥ አዋዩዋነ ህግያ ኡንቱንቱ ግብጼፐ ከሲደ፥ ቤት-ፓኦራ ካታማ ስንꬃን ደእያ፥ ዮርዳኖሳፐ አዋይ ዶልያ ባጋና ደእያ ዛንጋራን ደእሽን፥ ኡንቱንቶ እሜዳ። ሄ ሳአይ ሀሰቦናን ኡቲደ አሞረ ሞድያ ካትያ ስሆና ቢታ ግዶና። ሙሴነ እስራኤልያ አሳይ ግብጼፐ ከሴዳ ዎደ፥ ስሆና ኦሊደ ጾኔድኖ።
DEU 4:47 ሄ ዎደ ኡንቱንቱ አ ቢታነ ባሳነ ካትያ ኦጋ ቢታ፥ ሄዌካ ቃይ ዮርዳኖሳፐ አዋይ ዶልያ ባጋና ደእያ ላኡ አሞረ ካተቱ ቢታ ላቴድኖ።
DEU 4:48 ሄ ቢታይ አርኖና ሻፋ ዶናን ደእያ አሮኤራ ካታማፐ ቢደ፥ ስርዮነ ደርያ ጋኬ፤ ሄ ስርዮነ ጌተት ጼሰትያ ደሪ ሄርሞነ ግያ ደርያ።
DEU 4:49 ቃይካ ሄ ቢታይ ዮርዳኖሳፐ አዋይ ዶልያ ባጋና ደእያ አራባ ቢታ ኡባ አኪደ ቢደ፥ ፕስጋ ደርያ ጻጱዋን ደእያ ሀይቁዋ አባ ጋኬ።
DEU 5:1 ሙሴ እስራኤልያ አሳ ኡባ እትፐ ጼሲደ፥ ሀዋዳን ያጌዳ፤ “ህንተኖ እስራኤልያ አሳዉ፥ ታን ሀች ህንተንቶ ኦድያ አዋዩዋነ ህግያ ስስተ፤ ህንተ ኡንቱንታ ታማርተነ ምንሲደ ኦꬅተ።
DEU 5:2 መꬍና ጎዳይ ኑ ጾሳይ ሲና ደርያ ቦላን ኑናና ጫቁዋ ጫቀቴዳ።
DEU 5:3 መꬍና ጎዳይ ሀ ጫቁዋ ጫቀቴዳዌ ኑ አዎቱዋ ጻላላና ግደና፤ ሀች ደኡዋን ደእያ ኑ ኡባናካ ጫቀቴዳ።
DEU 5:4 ሄ ደርያ ቦላን ኤጽያ ታማ ግዶን ግዲደ፥ መꬍና ጎዳይ ህንተ ስንꬃን ኤቂደ ህንተናና ሃሳዬዳ።
DEU 5:5 ታንካ ሄ ዎደ መꬍና ጎዳይ ግያዋ ህንተንቶ ኦዳናዉ፥ ጾሳፐነ ህንተፐ ግዱዋን ኤቃድ፤ አያዉ ጎፐ፥ ህንተ ታማዉ ያዪደ፥ ደርያ ፑደ ከስበይክታ። ጾሳይካ ሀዋዳን ያጌዳ፤
DEU 5:6 “ግብጼ ጋድያፐ አይለተꬃ ጎልያፐ ኔና ዎዜዳዌ ታን መꬍና ጎዳ ነ ጾሳ።
DEU 5:7 “ታፐ አትና፥ ሀራ ጾሳቱ ነዉ ደኦፕኖ።
DEU 5:8 “ቦላ ሳሉዋን ደእያዋ ግድና፥ ዎይ ጋርሳ ሳኣን ደእያዋ ግድና፥ ዎይ ሳኣፐ ጋርሳና ደእያ ሃꬃ ግዶን ደእያዋ ግድናካ፥ አያ ምስልያነ ነዉ ኤቃ ኦꬆፓ።
DEU 5:9 ኔን ኡንቱንቶ ሆኮፓ፤ ዎይ ኡንቱንቶ ጎይኖፓ፤ አያዉ ጎፐ፥ ታን ታና እጽያዋንታ አዎቱዋ ናጋራ ድራዉ፥ ናናቱዋ ሄዘንꬃነ ኦይደንꬃ የለታ ጋካናዉ ሙርያዋ፤ ታን፥ መꬍና ጎዳይ ነ ጾሳይ ቃናትያ ጾሳ።
DEU 5:10 ሽን ታን ታና ሲቅያዋንታነ ታ አዛዙዋ ናግያዋንታ ሻአ የለታ ጋካናዉ ታ አገና ሲቁዋ በሳይ።
DEU 5:11 “መꬍና ጎዳ ነ ጾሳ ሱንꬃ ጮ ጼሶፓ፤ አያዉ ጎፐ፥ መꬍና ጎዳይ ባረ ሱንꬃ ጮ ጼስያዋ ሙረናን አገና።
DEU 5:12 “መꬍና ጎዳይ ነ ጾሳይ ኔና አዛዜዳዋዳን፥ ጌሻ ኦꬃደ ሳምባታ ጋላሳ ናጋ።
DEU 5:13 ኔን ኦꬅያ ኦሶ ኡባ ኡሱፑን ጋላሳን ኦꬃ።
DEU 5:14 ሽን ላፑንꬃ ጋላሳይ መꬍና ጎዳዉ፥ ነ ጾሳዉ ሳምባታ። ሄ ጋላስ አይ ኦሶነ ኦꬆፓ፤ ኔን ዎይ ነ አቱማ ናአይ፥ ዎይ ነ ማጫ ናታ፥ ዎይ ነ ቆማይ፥ ዎይ ነ ቦራይ፥ ዎይ ነ ሀሪ፥ ዎይ ነ ሀራ መሄቱ፥ ዎይ ነ ካታማን ደእያ በቲ፥ ሄ ጋላስ አያ ኦሶነ ኦꬆፕተ። ኔን ሸምፕያዋዳን ነ አቱማነ ማጫ ቆማቱካ ሸምፕኖ።
DEU 5:15 ኔን ግብጼ ጋድያን አይልያ ግዳደ ደኤዳዋ ዶጎፓ፤ ቃይ መꬍና ጎዳይ ነ ጾሳይ ባረ ዎልቃማ ኩሽያንነ ባረ ምጨቴዳ ቀስያን ያፐ ኔና ከሴዳዋ ዶጎፓ። መꬍና ጎዳይ ነ ጾሳይ ሳምባታ ጋላሳ ኔን ናጋናዳን፥ ኔና አዛዜዳዌካ ሄዋ ግሻሳ።
DEU 5:16 “መꬍና ጎዳይ ነ ጾሳይ ነዉ እምያ ጋድያን ነ ኔረካ አዱቃና ማላነ ነዉ ሎአና ማላ፥ መꬍና ጎዳይ ነ ጾሳይ ኔና አዛዜዳዋዳን፥ ነ አዉዋነ ነ ዳዮ ቦንቻ።
DEU 5:17 “አሳ ዎꬎፓ።
DEU 5:18 “ሻርሙጾፓ።
DEU 5:19 “ዉኦፓ።
DEU 5:20 “ነ ሾሩዋ ቦላን ዎርዱዋ ማርካቶፓ።
DEU 5:21 “ነ ሾሩዋ ማቻቶ አሞቶፓ፤ አ ጎልያ፥ አ ሾይቃ፥ አ አቱማ ቆማ፥ ዎይ አ ማጫ ቆማቶ፥ ዎይ አ ቦራ፥ ዎይ አ ሀርያ፥ ዎይ አዉ ደእያዋ አያነ አሞቶፓ ያጌዳ።
DEU 5:22 “ደርያ ቦላን ታማ ግዶፐ፥ ሻርያ ግዶፐነ ጎርዴዳ ꬉማ ግዶፐ መꬍና ጎዳይ ꬎቁ ጌዳ ኮሻን ሺቁዋ ኡባዉ ኦዴዳ ቃላቱ ሀዋንታ፤ እ ኡንቱንቱ ቦላን አያነ ጉጅቤና። ቃይ ኡንቱንታ እ ላኡ ማሰቴዳ ሹቻቱ ቦላ ጻፊደ፥ ታዉ እሜዳ።
DEU 5:23 “ደሪ ታማን ጹገትሽን፥ ꬉማ ግዶፐ ኮሻ ህንተ ስሴዳ ዎደ፥ ህንተ ዛርያ ካፓቱነ ህንተ ጭማቱ ታኮ ዪደ፥
DEU 5:24 ሀዋዳን ያጌድታ፤ ‘በአ፥ ኑን መꬍና ጎዳ ኑ ጾሳ ኮሻ ታማ ግዶፐ ስሴዳ ዎደ፥ መꬍና ጎዳይ ኑ ጾሳይ ባረ ቦንቹዋነ ባረ አንጋ ኑና በሴዳ። ቃይ ኑን ጾሳይ አናና ሃሳዪደ አሳይ ደኡዋን ደአናዉ ዳንዳይያዋ ሀቼ በኤዶ።
DEU 5:25 ሽን ሀ ዎልቃማ ታማይ ኑና ꬋይሳናዉ ዳንዳዬ፤ ያትና፥ ኑን አያዉ ሀይቄቶ? መꬍና ጎዳ ኑ ጾሳ ቃላ ኑን ላኤንꬆ ስሶፐ፥ ኑን ሀይቄቶ።
DEU 5:26 አያዉ ጎፐ፥ አሹዋ ማዬዳዋን፥ ኑን ስሴዳዋዳን ታማ ግዶን ግዲደ ሃሳይሽን፥ ደኦ ጾሳ ቃላ ስሲደ፥ ፓጻ ደኤዳ አሳይ ኦኔ?
DEU 5:27 ሄዋ ድራዉ፥ ሙሴ! ኔን ሺቃደ፥ መꬍና ጎዳይ ኑ ጾሳይ ግያዋ ኡባ ስሳ፤ መꬍና ጎዳይ ኑ ጾሳይ ነዉ ኦድያዋ ኡባ ኔን ኑዉ ኦዳ፤ ኑንካ ስሲደ ኦꬃና’ ያጌድታ።
DEU 5:28 “ህንተ ታዉ ሃሳይሽን፥ መꬍና ጎዳይ ህንተ ግያዋ ስሲደ፥ መꬍና ጎዳይ ታና ሀዋዳን ያጌዳ፤ ‘ሀ አሳይ ነዉ ኦዴዳዋ ኡባ ስሳድ፤ ኡንቱንቱ ጌዳዋ ኡባ ልከ ጌድኖ።
DEU 5:29 ኡንቱንቱዉነ ኡንቱንቱ ናናዉ መꬍናዉ ኡባባይ ሎአ ግዳናዳን፥ ታዉ ያያናዉነ ታ አዛዞቱዋ ናጋናዉ ኡንቱንቶ ኡባቶካ ሀዋ ማላ ዎዛናይ ደእ ኤረኔሻ!
DEU 5:30 ሀእ ኔን ባደ፥ ኡንቱንቱ ባረንቱ ዱንካንያዉ ስማናዳን ኦዳ።
DEU 5:31 ሽን ኔን ሀዋን ታ ማታን ኤቃሻ፤ ኡንቱንቱ ላታናዳን ታን ኡንቱንቶ እምያ ጋድያን ኡንቱንቱ ኦꬃና ማላ፥ ኔን ኡንቱንታ ታማርሳና ታ አዛዙዋ፥ ታ አዋዩዋነ ታ ህግያ ኡባ ታን ነዉ ኦዳና’ ያጌዳ።
DEU 5:32 “ህንተኖ እስራኤልያ አሳዉ፥ ሄዋ ግዶፐ መꬍና ጎዳይ ህንተ ጾሳይ ህንተና አዛዜዳዋ ኡባ ኦꬃናዉ ናገትተ፤ አፐ ኡሸቻ ዎይ ሀድርሳ ጎፕተ።
DEU 5:33 ህንተ ደኡዋን ደአና ማላ፥ ኡባባይ ህንተንቶ እንጀታና ማላ፥ ቃይ ህንተ ላትያ ቢታንካ ህንተ አዱቂደ ደአና ማላ፥ መꬍና ጎዳይ ህንተ ጾሳይ ህንተና አዛዜዳ ኦገ ኡባን ሄመትተ።
DEU 6:1 “ህንተ ላታናዉ ብያ ጋድያን ህንተ ኦꬃናዳን ታን ህንተና ታማርሳና ማላ፥ መꬍና ጎዳይ ህንተ ጾሳይ ታና አዛዜዳ አዛዞቱ አዋዮቱነ ህገቱ ሀዋንታ።
DEU 6:2 ህንተ ላይꬃይ አዱሳ ግዳና ማላ፥ ህንተ፥ ህንተ ናናቱነ ህንተ ናናቱ ናናይካ ታን ሀች ህንተና አዛዝያ ጾሳ አዋዩዋነ ህግያ ናግያዋን ህንተ ላይꬃን ኡባን መꬍና ጎዳዉ፥ ህንተ ጾሳዉ ያይተ።
DEU 6:3 ህንተኖ እስራኤልያ አሳዉ፥ ኡባባይ ህንተንቶ ሎአ ግዳናዳንነ መꬍና ጎዳይ፥ ህንተ አዎቱዋ ጾሳይ፥ ህንተንቶ ጌዳዋዳን፥ ማꬃነ ኤሳ ጎግያ ጋድያን ህንተ ሎይꬅ ጮራታናዳን፥ ሀ ህገቱዋ ስስተነ ምንሲደ ኦꬅተ።
DEU 6:4 “ኔኖ እስራኤልያዉ፥ ስሳ፤ መꬍና ጎዳይ ኑ ጾሳይ እት መꬍና ጎዳ።
DEU 6:5 ኔን መꬍና ጎዳ ነ ጾሳ ነ ኩመንꬃ ዎዛናፐ፥ ነ ኩመንꬃ ሸምፑዋፐነ ነ ኩመንꬃ ዎልቃፐ ሲቃ።
DEU 6:6 ሀቼ ታን ኔና አዛዝያ ሀ አዛዞቱዋ ነ ዎዛናን ዎꬃ።
DEU 6:7 ሀ አዛዛቱዋ ኔን ነ ናናቱዋ ታማርሳ፤ ኔን ነ ሶን ኡትያ ዎደ፥ ኦግያን ሀመትያ ዎደ፥ ግስያ ዎደነ ደንድያ ዎደካ ኡንቱንታ ሃሳያ።
DEU 6:8 ማላታ ኦꬃደ ነ ኩሽያን ኡንቱንታ ቃቻ፤ ቃይ ነ ሶምእያንካ ማላታዳን ዎꬃ።
DEU 6:9 ነ ፐንግያ ማቃንያ ቦላንነ ነ ድርሳ ፐንግያ ቦላን ኔን ኡንቱንታ ጻፋ።
DEU 6:10 “መꬍና ጎዳይ ህንተ ጾሳይ ህንተንቶ እማና ጊደ ህንተ አዋቶ፥ አብራሃማዉ፥ ይሳቃዉነ ያቆባዉ ጫቄዳ፥ ህንተ ኬጽቤና ግታነ ሎኦ ካታማቱ ኩሜዳ ቢታ እማና። ህንተ ኩንꬅቤና ዱረታይ ኩሜዳ ጎለቱዋ፥ ህንተ ቦክቤና ኦላቱዋ፥ ህንተ ቶክቤና ዎይነቱዋነ ዛይትያ ዎጋራቱዋ ህንተንቶ እምያ ዎደ፥ ህንተካ ሚደ ካሌዳ ዎደ፥
DEU 6:12 ህንተና ግብጼፐ፥ አይለተꬃ ጋድያፐ ከሴዳ መꬍና ጎዳ ዶገናዳን ናገትተ።
DEU 6:13 መꬍና ጎዳዉ፥ ህንተ ጾሳዉ፥ ያይተ፤ አ ጻላላዉ ጎይንተ፤ አ ሱንꬃንካ ጫቂተ።
DEU 6:14 ህንተ ዩሹዋን ደእያ አሳይ ጎይንያ ሀራ ጾሳቶ ጎይኖፕተ።
DEU 6:15 አያዉ ጎፐ፥ ህንተ ግዶን ደእያ መꬍና ጎዳይ ህንተ ጾሳይ ቃናትያ ጾሳ፤ አ ሀንቁ ህንተ ቦላን ኤጽ ከሳና፤ እ ህንተና ቢታ ቦላፐካ ፕቲደ ꬋይሳና።
DEU 6:16 “ማሳሀን ህንተ አ ፓጬዳዋዳን፥ መꬍና ጎዳ ህንተ ጾሳ ፓጮፕተ።
DEU 6:17 መꬍና ጎዳይ ህንተ ጾሳይ ህንተና አዛዜዳ አ አዛዞቱዋ፥ አ ዎጋቱዋነ አ አዋዮቱዋ ምንሲደ ናግተ።
DEU 6:18 ህንተዉ ኡባባይ ሎአ ግዳና ማላ፥ መꬍና ጎዳ ስንꬃን ህንተ ልከባነ ሎኦባ ኦꬅተ። ያቶፐ፥ ህንተንቶ እማናዉ መꬍና ጎዳይ ህንተ አዋቶ ጫቄዳ፥ ሄ ሎኦ ቢታ ህንተ ላታና።
DEU 6:19 መꬍና ጎዳይ ባረ ጌዳዋዳን ህንተ ሞርከቱዋ ኡባ ህንተ ስንꬃፐ የደርሳና።
DEU 6:20 “ስንꬃፐ ህንተ ናናይ፥ መꬍና ጎዳይ ኑ ጾሳይ ህንተና አዛዜዳ ሀ ዎጋ፥ አዋዩዋነ ህግያ ብለꬃይ አዬ? ያጊደ ህንተና ኦችያ ዎደ፥
DEU 6:21 ህንተ ኡንቱንቶ ሀዋዳን ያጊደ ዛርተ፤ ‘ኑን ግብጼ ጋድያን ግብጼ ካትያ አይለቱዋ፤ ሽን መꬍና ጎዳይ ባረ ምኖ ኩሽያን ኑና ግብጼፐ ከሴዳ።
DEU 6:22 ቃይ መꬍና ጎዳይ ኑ ጼልሽን፥ ግብጼ ቢታ ቦላን፥ ግብጼ ካትያ ቦላንነ አ ሱንꬃቱዋ ኡባ ቦላን ግታነ ያሽያ ማላታቱዋነ ማላልስያባቱዋ ኦꬄዳ።
DEU 6:23 ሽን እ ኑ ማይዛ አዋቶ እማና ጊደ ጫቄዳ ቢታ ኑና ገልሲደ፥ ኑዉ እማናዉ ኑና ግብጼፐ ከሴዳ።
DEU 6:24 ያቲደ ሀች በእያዋዳን፥ ኑዉ ኡባ ዎደካ ሎአ ግዳና ማላነ ኑን ደኡዋን ደአና ማላ፥ መꬍና ጎዳይ ኑና ሀ አዋዮቱዋ ኡባ ናጋናዳንነ መꬍና ጎዳዉ፥ ኑ ጾሳዉ፥ ያያናዳን አዛዜዳ።
DEU 6:25 እ ኑና አዛዜዳዋዳን፥ መꬍና ጎዳ፥ ኑ ጾሳ፥ ስንꬃን ሀ አዛዞቱዋ ኡባ ምንሲደ ናጎፐ፥ ሄዌ ኑዉ ጽሎተꬃ ግዳና’ ያግተ።
DEU 7:1 “መꬍና ጎዳይ ህንተ ጾሳይ ህንተ ላታናዉ ብያ ቢታ ህንተና ገልስያ ዎደነ፥ ቃይ ህንተፐ ዎልቃምያነ ምንያ ላፑን ካዉተꬃቱዋ፥ ሄዋንቱካ ሂተቱዋ፥ ገርጌሰቱዋ፥ አሞረቱዋ፥ ካናነቱዋ፥ ፓርዘቱዋ፥ ሂዌቱዋነ ያቡሳቱዋ ህንተ ስንꬃፐ ꬎቆልያ ዎደ፥
DEU 7:2 ኡንቱንቱካ መꬍና ጎዳይ ህንተ ጾሳይ ህንተ ኩሽያን አꬅ እምና፥ ህንተ ኡንቱንታ ጾንያ ዎደ፥ ኡንቱንታ ኡባና ሱፑ ኦꬂደ ꬋይስተ። ኡንቱንቱና አያ ጫቁዋነ ጫቀቶፕተ። ኡንቱንቶ አይነ ቃረቶፕተ።
DEU 7:3 ህንተ ኡንቱንቱና አከቶፕተነ ገለቶፕተ። ህንተ ማጫ ናናቱዋ ኡንቱንቱ አቱማ ናናዉ እሞፕተ። ዎይ ኡንቱንቱ ማጫ ናናቱዋካ ህንተ አቱማ ናናዉ አኮፕተ።
DEU 7:4 አያዉ ጎፐ፥ ኡንቱንቱ ህንተ ናናቱዋ ታና ካልያዋፐ ሀራ ኤቃቱዋ ጎይናናዳን፥ ዎራ ዛራና። ሄ ዎደ መꬍና ጎዳ ሀንቁ ህንተ ቦላ ኤጽ ከሳና፤ ህንተናካ ኤለካ ꬋይስ ባሻና።
DEU 7:5 ሄዋ ድራዉ፥ ኡንቱንቱ ያርሽያ ሳኣ ኮልተ። ኡንቱንቱ ጎይንያ ሹቻቱዋ መንሬꬅተ። አሼሮ ግያ ማጫ ጾሳት ምስልያ ክንቼሬꬅተ፤ ኡንቱንቱ ማሰቴዳ ምስለቱዋካ ታማን ጹግተ።
DEU 7:6 አያዉ ጎፐ፥ ህንተ መꬍና ጎዳዉ፥ ህንተ ጾሳዉ፥ ጌሻ አሳ። መꬍና ጎዳይ ህንተ ጾሳይ ህንተና ባረዉ ዱማ አልኦ ሚሻ ግድያ አሳ ኦꬂደ፥ ቢታ ቦላን ደእያ አሳ ኡባፐ ዶሬዳ።
DEU 7:7 “መꬍና ጎዳይ ህንተና ሲቄዳዌነ ዶሬዳዌ ህንተ ሀራ አሳፐ ፓይዱዋን ዳሬዳ ግሻሳ ግደና። ህንተ ሀራ አሳ ኡባፐካ ፓይዱዋን ጉጽያዋንታ።
DEU 7:8 ሽን መꬍና ጎዳይ ህንተና ሲቄዳ ግሻዉነ ህንተ ማይዛ አዋቶ ጫቄዳ ጫቁዋ ናጌዳ ድራዉ፥ እ ህንተና አይለተꬃ ጋድያፐ፥ ግብጼ ካትያ ኩሽያፐ፥ ባረ ዎልቃማ ኩሽያን ከሴዳነ ዎዜዳ።
DEU 7:9 ሄዋ ድራዉ፥ መꬍና ጎዳይ ህንተ ጾሳይ ጾሳ ግድያዋ ኤርተ። እ ባረና ሲቅያዋንቶነ ባረ አዛዙዋ ናግያዋንቶ ሻአ የለታ ጋካናዉ፥ ባረ አገና ሲቁዋ ጫቁዋ ናግያ፥ አማነትያ ጾሳ።
DEU 7:10 ሽን እ ባረና እጽያዋንቶ ኡንቱንቱ ታልእያ ዛሬ፤ እ ኡንቱንቱ ታልእያ ዛራናዉ ጋምኤና።
DEU 7:11 ሄዋ ድራዉ፥ ታን ሀች ህንተንቶ እምያ አዛዞቱዋ፥ አዋዮቱዋነ ህገቱዋ ናግተ።
DEU 7:12 “ህንተ ሀ አዛዞቱዋ ስሲደ፥ ኡንቱንታ ምንስ ናጎፐ፥ መꬍና ጎዳይ ህንተ ጾሳይ ህንተ ማይዛ አዋቶ ጫቄዳዋዳን፥ ባረ አገና ሲቁዋ ጫቁዋ ህንተንቶ ናጋና።
DEU 7:13 እ ህንተና ሲቃና፤ ህንተና አንጃና፤ ህንተ ፓይዱዋ ዳርሳና። ቃይ እ ህንተንቶ እማናዉ ህንተ ማይዛ አዋቶ ጫቄዳ ጋድያን ህንተ ኡሉዋ አይፍያ፥ ህንተ ቢታ አይፍያ፥ ካꬃ፥ ዎይንያ፥ ዛይትያ፥ ህንተ መህያ ማራቱዋነ ህንተ ዶርሳ ማራቱዋ ጮርሲደ አንጃና።
DEU 7:14 ህንተ ሀራ አይ አሳፐነ አꬊደ አንጀቴዳዋንታ ግዳና። እቱነ አቱማ ግድና፥ ማጫ ግድና ማይነና። ህንተ መሂካ ማይነና።
DEU 7:15 መꬍና ጎዳይ ሀርገ ኡባፐ ህንተና ናጋና። ህንተ ኤርያ ግብጼ ቢታ ኢታ ሀርግያ ህንተ ቦላ አሄና፤ ሽን እ ህንተና እጽያ ኡባ ቦላን ሄ ሀርግያ አሀና።
DEU 7:16 መꬍና ጎዳይ ህንተ ጾሳይ ህንተንቶ አꬅ እምያ አሳ ኡባ ꬋይስተ፤ ኡንቱንቶ አይነ ቃረቶፕተ። ኡንቱንቱ ጾሳቱዋዉካ ጎይኖፕተ። አያዉ ጎፐ፥ ሄዌ ህንተንቶ ጲረ ግዳና።
DEU 7:17 “ህንተ ህንተ ዎዛናን፥ ‘ሀ ካዉተꬃቱ ኑፐ ምኒኖ፤ ያትና፥ ኑን ኡንቱንታ ዋቲደ የደርስ ከሳኔ?’ ጋናዉ ዳንዳዪታ።
DEU 7:18 ሽን ኡንቱንቶ ያዮፕተ። መꬍና ጎዳይ፥ ህንተ ጾሳይ፥ ግብጼ ካትያ ቦላነ ግብጼ ቢታ ኡባ ቦላ ኦꬄዳዋ ሀሳይተ።
DEU 7:19 መꬍና ጎዳይ ህንተ ጾሳይ ህንተና ግብጼፐ ከስያ ዎደ ኦꬄዳ ዎልቃማ ቦሻቱዋ፥ ማላታቱዋ፥ ማላልስያባቱዋ፥ አ ዎልቃማ ኩሽያነ አ ምጨቴዳ ቀስያ ህንተ ህንተ አይፍያን በኤድታ። ሀእ ህንተ ያይያ አሳ ኡባ ቦላንካ መꬍና ጎዳይ፥ ህንተ ጾሳይ ሄዋዳን ኦꬃና።
DEU 7:20 ቃይ ኡንቱንቱፐ አꬂደ ባቃቲደ፥ ህንተፐ ቆሰቴዳዋንቱካ ꬋያና ጋካናዉ፥ መꬍና ጎዳይ ህንተ ጾሳይ ኡንቱንቱ ግዶን ሻብረꬃ የዳና።
DEU 7:21 “ሄዋ ድራዉ፥ ህንተ ኡንቱንቶ ያዮፕተ፤ አያዉ ጎፐ፥ ህንተናና ደእያ መꬍና ጎዳይ፥ ህንተ ጾሳይ፥ ግታነ ያሽያ ጾሳ።
DEU 7:22 መꬍና ጎዳይ ህንተ ጾሳይ ሄ ካዉተꬃቱዋ ጉꬃ ጉꬃ ꬎቆሊደ፥ ህንተ ስንꬃፐ ꬋይሳና። ህንተ ኡንቱንታ ኡባ እት ኩꬃን ꬋይስክታ፤ ሄዋ ህንተ ኦꬆፐ፥ ጋድያን ደእያ ዶአቱ ዳሪደ፥ ህንተና ዋይሳና።
DEU 7:23 ሽን መꬍና ጎዳይ ህንተ ጾሳይ ኡንቱንታ ህንተ ኩሽያን አꬅ እማና፤ ኡንቱንቱ ꬋያና ጋካናዉ፥ እ ኡንቱንታ ሻቢራና።
DEU 7:24 ቃይ ኡንቱንቱ ካተቱዋካ እ ህንተ ኩሽያን አꬅ እማና። ህንተካ ኡንቱንቱ ሱንꬃ ሳሉዋፐ ጋርሳ ባጋፐ ፕቲደ ꬋይሳና። ኦንነ ህንተናና ኤቀት ዳንዳየና፤ ህንተ ኡንቱንታ ꬋይሳና።
DEU 7:25 “ማሰቴዳ ኡንቱንቱ ጾሳቱዋ ምስለቱዋ ታማን ጹግተ። ሄ ምስለቱዋ ቦላን ደእያ ብራ ዎይ ዎርቃ አሞቶፕተ። ሄዌ መꬍና ጎዳዉ፥ ህንተ ጾሳዉ፥ ቱና ግድያ ድራዉ፥ ህንተ አ ጲርያን ኦይቀተናዳን፥ አ ህንተንቶ አኮፕተ።
DEU 7:26 ህንተ ሄ ቱና ኤቃቱዋ ህንተ ጎለ ገልሲደ፥ ኡንቱንቱዳን ሸቀቴዳዋንታ ግዶፕተ። ህንተ ኡንቱንታ ኡባናካ እጽተነ ሻተትተ፤ አያዉ ጎፐ፥ ኡንቱንቱ ባረንቱ ሁጲያዉ ሸቀቴዳዋንታ።
DEU 8:1 “ህንተ ደኡዋን ደአና ማላ፥ ህንተ ፓይዱካ ዳራና ማላነ መꬍና ጎዳይ ካሰ ህንተ ማይዛ አዋቶ እማና ጊደ ጫቄዳ ቢታ ገሊደ፥ ህንተ ላታና ማላ፥ ሀች ታን ህንተና አዛዝያ አዛዙዋ ኡባ ምንሲደ ናግተ።
DEU 8:2 መꬍና ጎዳይ ነ ጾሳይ ነዉ እሜዳ አዛዙዋ ነ ናግንቶ ናገነንቶ፥ ነ ዎዛና ቆፋ ኤራናዉ፥ ኔና ፓጫናዉነ ኔና ዝቂ ኦꬃናዉ፥ ኦይታሙ ላይꬃ ኩመንꬃ እ ኔና ባዙዋን ካለꬄዳ ኦገ ኡባ ሀሳያ።
DEU 8:3 እ ኔና ዝቂ ኦꬄዳነ ኮሻይሴዳ፤ ሄዋፐ ስሚደ ኔና ግድና፥ ዎይ ነ ማይዛ አዎቱዋ ግድናካ፥ ኤረና ማና ኔና ምዜዳ። ሄዋ እ ኦꬄዳዌ አሳይ መꬍና ጎዳይ ሃሳይያ ቃላ ኡባናፐ አትና፥ ኡክꬃ ጻላላን ደኤናዋ ኔና ታማርሳናሳ።
DEU 8:4 ሀ ኦይታሙ ላይꬃቱዋ ግዶን ኔን ማዬዳ ማዩ ዉርቤና፤ ነ ገዲካ ጋፍቤና።
DEU 8:5 ያቶፐ፥ አሳይ ባረ ናኣ ሴርያዋዳን፥ መꬍና ጎዳይ ነ ጾሳይካ ኔና ሴርያዋ ነ ዎዛናን አኬካ።
DEU 8:6 “አ ኦግያን ሀመትያዋንነ አ ቦንችያዋን መꬍና ጎዳ ነ ጾሳ አዛዞቱዋ ናጋ።
DEU 8:7 አያዉ ጎፐ፥ መꬍና ጎዳይ ነ ጾሳይ ኔና ዛንጋራፐነ ደርያፐ ፑልትያ ቄር ሻፋቱነ ጎግያ ፑልቶቱ ደእያ ሎኦ ቢታ ገልሳናዉ አሄ።
DEU 8:8 ሄ ቢታይ ዛርጋይነ ባንጋይ፥ ዎይኒ፥ ባላሲነ ሮማኒ፥ ዎጋራ ዛይቲነ ኤሳይ ኩሜዳ ቢታ።
DEU 8:9 ቃይካ ሄ ቢታይ ኡክꬃይ ፓጨናን ኔን ምያ ቢታ፤ አያይነ ነዉ ፓጨና ቢታ። ሄ ቢታይ ሹቻይ ብራታ ግዴዳ ቢታ። ደርያፐካ ማዳብያ ግያ ብራታ ቦኪደ አክያ ቢታ።
DEU 8:10 ኔን ሄዋን ማደ ካላና፤ ያታደ፥ እ ነዉ እሜዳ ሎኦ ቢታ ድራዉ፥ መꬍና ጎዳ ነ ጾሳ ጋላታና።
DEU 8:11 “ታን ሀች ኔና አዛዝያ አ አዛዞቱዋ፥ አ ህገቱዋነ አ አዋዮቱዋ ናገናን አጋደ፥ መꬍና ጎዳ ነ ጾሳ ዶገናዳን፥ ናገታ።
DEU 8:12 ኔን ማደ ካልያ ዎደ፥ ሎኦ ጎልያ ኬጻደ አን ኡትያ ዎደ፥
DEU 8:13 ነ መህያነ ዶርሳ ዉዲ ዳርያ ዎደ፥ ነዉ ብራይነ ዎርቃይ ዳጋትያ ዎደ፥ ቃይ ነዉ ደኤዳባይ ኡባይ ዳርያ ዎደ፥
DEU 8:14 ሄ ዎደ ነ ዎዛናይ ኦቶረተናዳን፥ ኔንካ ግብጼ ጋድያፐ፥ አይለተꬃ ጎልያፐ ኔና ዎዜዳ መꬍና ጎዳ ነ ጾሳ ዶገናዳን ናገታ።
DEU 8:15 እ ኔና ማርዝያና ደእያ ሾሻይነ ማስማሱ ኩሜዳ፥ ሃꬃይ ባይና፥ ሄ ግታነ ያሽያ መላ ቢታና ካለꬄዳ፤ እ ነዉ መላ ባዙዋን ዛላፐ ሃꬃ ꬉሴዳ።
DEU 8:16 ነ ማይዛ አዎቱ ኤረና ማና መላ ቢታን ኔና ምዜዳዌ፥ ኔና ዝቂ ኡዳናሳነ ኔና ፓጫናሳ፤ እ ሄዋ ኦꬄዳዌ ዉርሰꬃን ነዉ ኡባባይ ሎኦ ግዳናዳና።
DEU 8:17 ኔን፥ ‘ታ ዎልቃይነ ታ ኩሽያ ምኖተꬃይ ሀ ዱረተꬃ ታዉ አሄዳ’ ጌናዳን ናገታ።
DEU 8:18 ሽን ኔን መꬍና ጎዳ ነ ጾሳ ሀሳያ፤ አያዉ ጎፐ፥ ሀች ኔን በእያዋዳን፥ ነ ማይዛ አዎቱዋና ጫቀቴዳ ጫቁዋ ምንꬃናዉ፥ ኔን ዱረታ ደማናዳን ነዉ ዎልቃ እሜዳዌ አቴ።
DEU 8:19 “ኔን መꬍና ጎዳ ነ ጾሳ ዶጎፐ፥ ሀራ ጾሳቱዋ ካሎፐ፥ ቃይ ኡንቱንቶ ኦꬆፐነ ጎይኖፐ፥ ኔን ቱሙ ꬋያናዋ ታን ሀች ማርካታይ።
DEU 8:20 መꬍና ጎዳዉ፥ ነ ጾሳዉ፥ ኔን አዛዘተናን እጼዳ ድራዉ፥ መꬍና ጎዳይ ነ ስንꬃፐ ꬋይሴዳ ካዉተꬃቱዋዳን ኔንካ ꬋያና።
DEU 9:1 “ህንተኖ እስራኤልያ አሳዉ ስስተ፤ ህንተ ህንተፐ ግታትያነ ዎልቃምያ ካዉተꬃቱዋ፥ ቃይ ዩሹዋ ግምቢ ሳሉዋ ጋኬዳ ዎልቃማ ካታማቱዋካ ላታናዉ ሀች ዮርዳኖሳ ፕኒታ።
DEU 9:2 ሄ ጋድያን ደእያ አሳይ ምኖነ አዱሳ፤ ኡንቱንቱ፥ ‘ኦንነ ኡንቱንቱና ኤቀታናዉ ዳንዳየና አናቀ ዛራቱዋ’ ጊሽና፥ ህንተ ስሴድታ።
DEU 9:3 ሽን ምያ ታማዳን ህንተፐ ስንꬃና ብያዌ መꬍና ጎዳ ህንተ ጾሳ ግድያዋ ሀች ኤርተ። እ ኡንቱንታ ꬋይሳናነ ህንተ ስንꬃን ኡንቱንታ ካዉሻና። መꬍና ጎዳይ ህንተንቶ ጌዳዋዳን ህንተ ኡንቱንታ የደርሲደ ከሳናነ ባሱዋናካ ꬋይሳና።
DEU 9:4 “መꬍና ጎዳይ ህንተ ጾሳይ ኡንቱንታ ህንተ ስንꬃፐ የደርሴዳዋፐ ጉይያን፥ ህንተ ህንተ ዎዛናን፥ ‘ኑን ጽሎ ግድያ ድራዉ፥ ሀ ቢታ ኑን ላታና ማላ፥ መꬍና ጎዳይ ኑና ገልሴዳ’ ያጎፕተ። መꬍና ጎዳይ ኡንቱንታ ህንተ ስንꬃፐ የደርሲደ ከስያዌ፥ ኡንቱንቱ ኢታ ግድያ ግሻሳ።
DEU 9:5 ህንተ ኡንቱንቱ ቢታ ላታናዉ ገልያዌ ህንተ ጽሎነ ሱረ ግድያ ድራሳ ግደና፤ ሽን ጾሳይ ህንተ ጾሳይ ኡንቱንታ ህንተ ስንꬃፐ የደርስያዌ ሀ ካዉተꬃቱ ኢታ ግድያ ድራሳነ በን ህንተ ማይዛ አዋቶ፥ አብራሃማዉ፥ ይሳቃዉነ ያቆባዉ ጫቄዳ ቃላ ናጋናሳ።
DEU 9:6 ስም ሄዋ ግዶፐ ህንተ ሀዋ አኬክተ፤ መꬍና ጎዳይ ህንተ ጾሳይ ሀ ሎኦ ቢታ ህንተና ላትስያዌ ህንተ ጽሎተꬃ ግሻሳ ግደና፤ አያዉ ጎፐ፥ ህንተ ሞርግያ ዞዱ ጌዳ አሳ።
DEU 9:7 “ህንተ መꬍና ጎዳ ህንተ ጾሳ መላ ቢታን ዎት ሀንቀꬄድተንቶ ዶጎፕተ፤ ህንተ ግብጼ ጋድያፐ ከሴዳ ጋላሳፐ ዶሚደ፥ ሀች ሀ ሳኣ ጋኬዳ ጋላሳይ ጋካናዉ፥ መꬍና ጎዳ ቦላ ማካሌድታ።
DEU 9:8 ሲና ደርያ ቦላካ መꬍና ጎዳይ ህንተና ꬋይሳናዉ ደንዳና ጋካናዉ፥ ህንተ መꬍና ጎዳ ሀንቀꬄድታ።
DEU 9:9 መꬍና ጎዳይ ህንተናና ጫቀቴዳ ጫቁ ጻፈቴዳ ማሰቴዳ ሹቻቱዋ አካናዉ ታን ደርያ ሁጲያ ከሴዳ ዎደ፥ ሄዋን ካꬃ ሜናንነ ሃꬃ ኡሸናን፥ ኦይታሙ ጋላሳነ ኦይታሙ ቃማ ጋምኣድ።
DEU 9:10 ሄዋፐ ጉይያን፥ ጾሳ ብራꬍያን ጻፈቴዳ ላኡ ማሰቴዳ ሹቻቱዋ መꬍና ጎዳይ ታዉ እሜዳ። ሄ ማሰቴዳ ሹቻቱ ቦላ ህንተ ሺቁዋ ኦꬄዳ ጋላስ ደርያ ቦላን ታማ ግዶን ግዲደ፥ መꬍና ጎዳይ ህንተንቶ ሃሳዬዳ ቃላቱ ኡባይ ጻፈት ኡቴድኖ።
DEU 9:11 ሄ ኦይታሙ ጋላሳፐነ ኦይታሙ ቃማፐ ጉይያን፥ መꬍና ጎዳይ ባረ ጫቁ ጻፈቴዳ ላኡ ማሰቴዳ ሹቻቱዋ ታዉ እሜዳ።
DEU 9:12 “ሄዋፐ ጉይያን፥ መꬍና ጎዳይ ታና ሀዋዳን ያጌዳ፤ ‘ሀዋፐ ኤለካ ዎꬋ፤ አያዉ ጎፐ፥ ኔን ግብጼፐ ከሴዳ ነ አሳይ ቱን ክቼዳ፤ ታን ኡንቱንታ አዛዜዳ አዛዙዋፐ ኤለካ ዎራ ስሚደ፥ ሲልሲደ መꬌዳ ኤቃ ባረንቶ ጎይናናዉ ጊግሴድኖ’ ያጌዳ።
DEU 9:13 “መꬍና ጎዳይ ቃይካ ታና፥ ‘ታን ሀ አሳ በኣድ፤ ኡንቱንቱ ቱሙካ ሞርግያ ዞዛ አሳ።
DEU 9:14 ያቶፐ፥ ታን ኡንቱንታ ꬋይሳናዋነ ኡንቱንቱ ሱንꬃካ ሳሉዋፐ ጋርሳ ባጋፐ ቁጫናዋ ታና ድጎፓ። ያታደ ኔና ኡንቱንቱፐ ምንያነ ጮራትያ ካዉተꬃ ከሳና’ ያጌዳ።
DEU 9:15 “ታን ጫቁዋ ቃላይ ጻፈቴዳ ላኡ ማሰቴዳ ሹቻቱዋ ላኡ ኩሽያን ቶካደ ደርያፐ ዎꬋአድ፤ ሄ ዎደ ደርያ ቦላ ታማ ላጩ ቤቴ።
DEU 9:16 ታ ጼልያ ዎደ፥ ህንተ መꬍና ጎዳ ህንተ ጾሳ ቦላ ናጋራ ኦꬄዳዋ በኣድ፤ ህንተ ሲልሲደ መꬌዳ ኮሩማ ምስልያ ህንተንቶ ኤቃ ኦꬂደ ጊግሴድታ። ህንተ መꬍና ጎዳይ ህንተና አዛዜዳ ኦግያፐ ኤለካ ዎራ ስሜድታ።
DEU 9:17 ያትና፥ ታን ታ ላኡ ኩሽያን ኦይቄዳ ላኡ ማሰቴዳ ሹቻቱዋ ኦላደ፥ ህንተ ጼልሽን መንꬃድ።
DEU 9:18 “ሄዋፐ ጉይያን፥ ታን ህንተ ኦꬄዳ ናጋራ ኡባ ድራዉ፥ ሄዌነ መꬍና ጎዳ ሀንቀꬃናዉ ህንተ አ ስንꬃን ኢታባ ኦꬄዳ ድራዉ፥ ካሰዋዳንካ ኦይታሙ ጋላሳነ ኦይታሙ ቃማ መꬍና ጎዳ ስንꬃን ጉፋናደ ጋምኣድ፤ ሄ ዎደ ታን ቁማ ማበይከ፤ ሃꬃካ ኡሻበይከ።
DEU 9:19 መꬍና ጎዳይ ህንተ ቦላን ሀንቀቴዳ አ ኤጽያ ሀንቆ ታን ያያድ፤ አያዉ ጎፐ፥ እ ህንተና ꬋይሳናዉ ጊጌዳ፤ ሽን መꬍና ጎዳይ ዛረꬂደካ ታዉ ስሴዳ።
DEU 9:20 ቃይ መꬍና ጎዳይ አሮናካ ꬋይሳናዉ ሎይꬅ ሀንቀቴዳ፤ ያትና፥ ሄ ዎደ ታን አሮናዉካ ዎሳድ።
DEU 9:21 ታን ህንተ መꬌዳ ሄ ናጋራን ኩሜዳ ኮሩማ ምስልያ አካደ፥ ታማን ጹጋድ፤ ያታደ አ ክንቼሬꬃደ እ ባናዳን ሊቃና ጋካናዉ ጋጫድ፤ ሄ ባና ደርያፐ ጎግያ ሃꬃን ኦላድ።
DEU 9:22 “ህንተ ቃይካ ታብኤራን፥ ማሳሃንነ ቅብሮተ-ሀታዋን (አሙዋ ዱፉዋን) መꬍና ጎዳ ሀንቀꬄድታ።
DEU 9:23 መꬍና ጎዳይ ህንተና፥ ‘ቢተ፥ ታን ህንተንቶ እሜዳ ቢታ ላትተ’ ያጊደ፥ ቃዴሳ-ባርነፐ የዴዳ ዎደካ፥ ህንተ መꬍና ጎዳ ህንተ ጾሳ አዛዙዋ እጺደ ማካሌድታ፤ አን አማነትበይክታ ዎይ አ ቃላዉካ አዛዘትበይክታ።
DEU 9:24 ታን ህንተና ኤሮደፐካ ዶሚደ፥ ህንተ መꬍና ጎዳ ቦላን ማካላንቻ።
DEU 9:25 “መꬍና ጎዳይ ህንተና ꬋይሳና ጌዳ ድራዉ፥ ታን ሄ ኦይታሙ ጋላሳነ ኦይታሙ ቃማ መꬍና ጎዳ ስንꬃን ጉፋናደ ጋምኣድ።
DEU 9:26 ታን መꬍና ጎዳ ሀዋዳን ያጋደ ዎሳድ፤ ‘አቤት ኡባ ሞድያ መꬍና ጎዳዉ፥ ኔን ነ ዎልቃማ ዎልቃን ዎዜዳነ ነ ምኖ ኩሽያን ግብጼፐ ከሴዳ፥ ነዉ ላታ ግድያ ነ አሳ ꬋይሶፓርኪ!
DEU 9:27 ነ ቆማቱዋ፥ አብራሃማ ይሳቃነ ያቆባ ቆፓ፤ ሀ አሳ ሞርግያ ዞዱ ኦꬅያዋ፥ ኡንቱንቱ ኢታተꬃነ ኡንቱንቱ ናጋራ ፓይዶፓ።
DEU 9:28 ሄዌ ꬋዮፐ፥ ኔን ኑና ያፐ ከሴዳ ግብጼ ቢታ አሳይ፥ “መꬍና ጎዳይ ኡንቱንታ ገልሳና ጌዳ ቢታ ገልሳናዉ ዳንዳይቤና ድራዉነ ኡንቱንታ እጼዳ ድራዉ፥ መላ ቢታን ዎꬋና ጊደ ከሴዳ” ያጋና።
DEU 9:29 ግዶ ሽን፥ ሀ አሳይ ኔን ነ ዎልቃማ ዎልቃንነ ነ ምጨቴዳ ቀስያን ግብጼፐ ከሴዳ ነ ላታ ግድያ ነ አሳቴ’ ያጋድ።
DEU 10:1 “ሄ ዎደ መꬍና ጎዳይ ታና ሀዋዳን ያጌዳ፤ ‘ኮይሮዋንቱ ማላ ላኡ ማሰቴዳ ሹቻቱዋ ጊግሳ። ያታደ ታኮ ደርያ ሃ ፑደ ከሳ፤ ቃይ ምꬃ ታቦታካ መꬋ።
DEU 10:2 ካሰ ኔን መንꬄዳ ማሰቴዳ ሹቻቱ ቦላ ደእያ ቃላቱዋ ሀ ማሰቴዳ ሹቻቱ ቦላ ታን ጻፋና፤ ኔንካ ኡንቱንታ ታቦታ ግዶን ዎꬃሳ’ ያጌዳ።
DEU 10:3 “ታን ኦዶሩዋፐ ታቦታ መꬋድ። ካሰዋንቱ ማላ ላኡ ማሰቴዳ ሹቻቱዋካ ጊግሳድ፤ ያታደ ሄ ላኡ ማሰቴዳ ሹቻቱዋ ታ ኩሽያን ኦይቃደ፥ ደርያ ፑደ ከሳድ።
DEU 10:4 ህንተ ሺቁዋ ኦꬄዳ ጋላስ፥ ደርያ ቦላን ታማ ግዶፐ መꬍና ጎዳይ ህንተንቶ ኦዴዳ ቃላቱዋ፥ ሄዋንቱካ ታሙ አዛዞቱዋ፥ ካሰ ጻፌዳዋዳንካ ሀ ማሰቴዳ ሹቻቱ ቦላ መꬍና ጎዳይ ጻፌዳ፤ ያቲደ እ ኡንቱንታ ታዉ እሜዳ።
DEU 10:5 ሄዋፐ ጉይያን፥ ታን ደርያፐ ዱገ ዎꬋደ፥ መꬍና ጎዳይ ታና አዛዜዳዋዳን፥ ሄ ማሰቴዳ ሹቻቱዋ ታን መꬌዳ ታቦታ ግዶን ዎꬃድ፤ ሀእካ ኡንቱንቱ ያን ደኢኖ።
DEU 10:6 “እስራኤልያ አሳይ ያእቃና አሳቱ ሃꬃ ኦላይ ደኢያሳፐ ደንዲደ፥ ሞሰር ቤድኖ። አሮን ያን ሀይቂደ ሞገቴዳ፤ አ ናአይ ኤልኣዛር አ ላቲደ፥ አ ሳኣን ቄስያ ከሴዳ።
DEU 10:7 ኡንቱንቱ ሄዋፐ ጉድጎዳ ግያሳ ቤድኖ፤ ያፐ ቃይ ጎግያ ሃꬃቱ ደእያ ቢታ ዮጽባታ ግያሳ ቤድኖ።
DEU 10:8 ሄ ዎደ፥ መꬍና ጎዳ ጫቁዋ ታቦታ ቶካና ማላ፥ መꬍና ጎዳዉ ኦꬃና ማላ፥ አ ስንꬃን ኤቃና ማላነ፥ ሀች ጋካናዉካ ኡንቱንቱ ኦꬅያዋዳን መꬍና ጎዳ ሱንꬃን አንጃና ማላ፥ ሌዊያ ዛራቱዋ መꬍና ጎዳይ ባረዉ ዱማዬዳ።
DEU 10:9 ሄዋ ድራዉ፥ ኡንቱንቱ እሻቱዋና ሻክና፥ ኡንቱንታ ጋክያባይ ዎይ ላታይ ሌዊያ ዛረቶ ባዋ፤ መꬍና ጎዳይ ህንተ ጾሳይ ኡንቱንቶ ኦዴዳዋዳንካ፥ ኡንቱንቱ ላታይ መꬍና ጎዳ።
DEU 10:10 “ታን ካሰዋዳንካ ኦይታሙ ጋላሳነ ኦይታሙ ቃማ ደርያ ቦላን ጋምኣድ፤ መꬍና ጎዳይ ሀእካ ታ ዎሳ ስሲደ፥ ህንተና ꬋይሳናዉ ኮይቤና።
DEU 10:11 መꬍና ጎዳይ ታና፥ ‘ታን እማና ጋደ ኡንቱንቱ አዋቶ ጫቃ ዎꬄዳ ቢታ ኡንቱንቱ ገላናዳንነ ላታናዳን፥ ሀ አሳፐ ስንꬃና ኡንቱንታ ካለꬃ’ ያጌዳ።
DEU 10:12 “እስራኤልያ አሳዉ፥ መꬍና ጎዳ ህንተ ጾሳይ ህንተፐ ኮይያዌ ሀዋ: መꬍና ጎዳዉ፥ ህንተ ጾሳዉ፥ ያይተ፤ አ ኦግያን ኡባን ሀመትተ፤ አ ሲቅተ፤ ህንተ ኩመንꬃ ዎዛናፐነ ኩመንꬃ ሸምፑዋፐ መꬍና ጎዳዉ፥ ህንተ ጾሳዉ ኦꬅተ።
DEU 10:13 ህንተዉ ሎአናዳን፥ ታን ሀች ህንተንቶ እምያ መꬍና ጎዳ አዛዞቱዋነ አዋዮቱዋ ናግተ።
DEU 10:14 “ሳሉነ ሳሉዋፐ ቦላና ደእያ ሳሎቱ፥ ቃይ ሳአይነ ሳኣን ደእያ ኡባባቱ ጾሳ ህንተ መꬍና ጎዳባቱዋ።
DEU 10:15 ግዶፐነ መꬍና ጎዳይ ህንተ ማይዛ አዎቱዋን ናሸቲደ፥ ኡንቱንታ ሲቄዳ፤ ቃይ ሀች ህንተ በእያዋዳን፥ ኡንቱንቱፐ ጉይያን ኡንቱንቱ ዘረꬃቱዋ ግድያ ህንተና ካዉተꬃቱዋ ኡባፐ ዶሬዳ።
DEU 10:16 ሄዋ ድራዉ፥ ህንተ ዎዛና ሾኩዋ ቃጻርተ፤ ቃይ ሀዋፐ ስንꬃናዉ ሞርግያ ዞዛ ግዶፕተ።
DEU 10:17 አያዉ ጎፐ፥ መꬍና ጎዳይ ህንተ ጾሳይ ጾሳቱዋ ጾሳነ ጎዳቱዋ ጎዳ። እ ዎልቃማ ጾሳ፤ እ ዎልቃማነ ያሽያ ጾሳ። እ ዴሙዋ ጼል ፕርደናዋነ ማጋንጻ አከናዋ።
DEU 10:18 እ አዉ ባይና ናናቶነ አምኤቶ ኡንቱንቱ ፕርዳ ከሴ፤ በትያካ ሲቂደ፥ ቁማነ ማዩዋ አዉ እሜ።
DEU 10:19 ህንተካ በተቱዋ ሲቅተ፤ አያዉ ጎፐ፥ ህንተ ህንተ ሁጲያዉካ በተ ግዲደ ግብጼን ደኤድታ።
DEU 10:20 መꬍና ጎዳዉ፥ ህንተ ጾሳዉ፥ ያይተ፤ አዉ ኦꬅተ፤ አናና ኦይቀትተ፤ አ ሱንꬃንካ ጫቂተ።
DEU 10:21 ህንተ ህንተ አይፍያን በኤዳ ሄ ግታነ ያሽያ ማላልስያባቱዋ፥ ህንተንቶ ኦꬄዳዌ እ ህንተ ጋላታቴ፤ ቃይ ህንተ ጾሳ።
DEU 10:22 ግብጼ ቢታ ዎꬌዳ ህንተ ማይዛ አዎቱ ኡባና ላፑን ታማ፤ ሀእ መꬍና ጎዳይ ህንተ ጾሳይ ህንተና ሳሉዋ ጾልንተቱዋዳን ጮራዬዳ።
DEU 11:1 “ስም መꬍና ጎዳ ህንተ ጾሳ ሲቅተ፤ እ ህንተፐ ኮይያ አ አዋዮቱዋ፥ አ ህገቱዋነ አ አዛዞቱዋ፥ ኡባ ዎደ ናግተ።
DEU 11:2 መꬍና ጎዳ ሴራ ህንተ ኤሬዳዋ ኬና አባ ህንተ ታማሬዳዋ ኡባ ሀች ሀሳይተ፤ ሄዋ ኤርያዋንቱ ህንተናፐ አትና፥ ህንተ ናናቱዋ ግድክኖ፤ መꬍና ጎዳ አንጋ፥ አ ዎልቃማ ኩሽያነ አ ምጨቴዳ ቀስያ፥
DEU 11:3 እ ኦꬄዳ ማላታቱዋነ እ ግብጼ ካትያ ቦላነ አ ቢታ ኡባ ቦላ ኦꬄዳዋ በኤድታ።
DEU 11:4 ቃይ ኡንቱንቱ ህንተና ካሊደ የደርሴዳ ዎደ፥ መꬍና ጎዳይ ግብጼ ቢታ ኦላንቻቱዋ፥ ኡንቱንቱ ፓራቱዋነ ፓራ ጋረቱዋ ዞኦ አባን ምትሲደ፥ ሀች ጋካናዉ፥ ኡንቱንታ ኡባና ꬋይሴዳዋ በኤድታ።
DEU 11:5 ህንተ ሀ ሳኣ ጋካናዉ፥ መላ ቢታን ጾሳይ ህንተንቶ ኦꬄዳዋ ህንተ ኤሪታ።
DEU 11:6 ቃይ ሮቤላ ዛርያፐ ኤልኣባ ናናቱዋ ግድያ ዳታና ቦላነ አቢራማ ቦላ ጾሳይ ኦꬄዳዋ ሀሳይተ። እስራኤልያ አሳይ ኡባይ ጼልሽን፥ ቢታይ ዶየቲደ፥ ኡንቱንታ፥ ኡንቱንቱ ሶ አሳ፥ ኡንቱንቱ ዱንካንያነ ኡንቱንቶ ደእያ ሸምፑዋና ደእያዋ ኡባ ምቴዳ።
DEU 11:7 ኤ! መꬍና ጎዳይ ኦꬄዳ ሀ ዎልቃማ ኦሶ ኡባ ህንተ አይፍያን በኤዳዋንቱ ህንተና።
DEU 11:8 “ሄዋ ድራዉ፥ ህንተ ምኖ ግዳናዳንነ ዮርዳኖሳ ፕኒደ ህንተ አካናዉ ብያ ቢታ ህንተ ላታናዳን፥ ታን ሀች ህንተና አዛዝያ አዛዙዋ ኡባ ናግተ።
DEU 11:9 ያቶፐ፥ መꬍና ጎዳይ ህንተ ማይዛ አዋቶነ ኡንቱንቱ ዛረቶ እማና ጊደ ጫቄዳ፥ ማꬃይነ ኤሳይ ጎግያ ጋድያን ህንተ አዱሳ ላይꬃ ደአና።
DEU 11:10 ህንተ ላታናዉ ገልያ ቢታይ ህንተ ከሲደ ዬዳ ግብጼ ቢታ ማላ ግደና፤ ግብጼን ህንተ ካꬃ ዘሪደ፥ ሾይቃ ኡባ አታክልትያ ሳኣዳን ገድያን ሃꬃ ኡሺታ።
DEU 11:11 ሽን ዮርዳኖሳ ፕኒደ ህንተ ላታናዉ ብያ፥ ቢታይ ዞዘቱነ ዛንጋራቱ ደእያ፥ ሳሉዋ እራን አልያ ቢታ።
DEU 11:12 ሄ ቢታይ መꬍና ጎዳይ ህንተ ጾሳይ ጾሞስያ ቢታ፤ ላይꬃ ዶመꬃፐ ቢደ ላይꬃ ዉርሰꬃ ጋካናዉ፥ መꬍና ጎዳ ህንተ ጾሳ አይፊ አ ቦላን ደእያ ቢታ።
DEU 11:13 “ሄዋ ድራዉ፥ ህንተ መꬍና ጎዳ ህንተ ጾሳ ሲቃናዳንነ ህንተ ህንተ ኩመንꬃ ዎዛናፐነ ህንተ ኩመንꬃ ሸምፑዋፐ አዉ ኦꬃናዳን፥ ታን ህንተንቶ ሀች እምያ አዛዞቱዋ ህንተ ፖሎፐ፥
DEU 11:14 ህንተ ካꬃ፥ ዎይንያነ ዛይትያ ፓጨናን ሺሻና ማላ፥ ኦፍንꬃ እራነ ባልጉዋ እራ፥ አ ዎድያን ዎድያን ጾሳይ ህንተ ጋድያን ቡክሳና።
DEU 11:15 ጾሳይ ህንተ መህያዉ ደምባን ማታ ዳርሳና። ቃይ ህንተካ ማናነ ካላና።
DEU 11:16 “ህንተ ዎዛናይ ባልና ዎራ ስሚደ፥ ህንተ ሀራ ጾሳቶ ኦናዳንነ ኡንቱንቶ ጎይነናዳን ናገትተ።
DEU 11:17 ሄዌ ꬋዮፐ፥ መꬍና ጎዳ ሀንቁ ህንተ ቦላ ኤጽ ከሳና፤ እራይ ቡከናዳንነ ቢታይካ ሞከናዳን እ ሳሉዋ ጎርዳና፤ ህንተካ መꬍና ጎዳይ ህንተንቶ እምያ ሎኦ ጋድያፐ ኤለካ ꬋያና።
DEU 11:18 “ስም፥ ሀ አዛዞቱዋ ታዋንታ፥ ህንተ ዎዛናንነ ህንተ ቆፋን ዎꬅተ። ማላታዳን ኡንቱንታ ህንተ ኩሽያን ቃችተ፤ ቃይ ማላታዳን ህንተ ሶምእያንካ ዎꬅተ።
DEU 11:19 ሄዋንታ ህንተ ናናቱዋካ ታማርስተ። ህንተ ሶን ደእያ ዎደ፥ ኦግያን ሀመትያ ዎደ፥ ግስያ ዎደነ ደንድያ ዎደካ፥ ኡንቱንቶ ኦድተ።
DEU 11:20 ህንተ ፐንግያ ቆስለꬃቱዋ ቦላንነ ህንተ ድርሳ ፐንግያ ቦላን ህንተ ኡንቱንታ ጻፍተ።
DEU 11:21 ያቶፐ፥ መꬍና ጎዳይ ህንተ ማይዛ አዋቶ እማና ጊደ ጫቄዳ ጋድያን ህንተ ላይꬃይነ ህንተ ናናቱ ላይꬃይ ሳኣፐ ቦላና ደእያ ሳሉ ደእያዋ ኬሻ ግዳናዋ።
DEU 11:22 “ህንተ መꬍና ጎዳ ህንተ ጾሳ ሲቃናዳን፥ አ ኦገ ኡባን ሀመታናዳንነ አዉ አማነታናዳን፥ ታን ሀች ህንተንቶ እምያ አዛዞቱዋ ህንተ ምንሲደ ናጎፐ፥
DEU 11:23 መꬍና ጎዳይ ሀ ካዉተꬃቱዋ ኡባ ህንተ ስንꬃፐ የደርሲደ ከሳና፤ ህንተካ ህንተፐ ግታትያነ ዎልቃምያ ካዉተꬃቱዋ ቢታ ዎꬅ አካና።
DEU 11:24 ህንተ ገድያን ህንተ የꬌዳ ቢታ ኡባይ ህንተሳ ግዳናዋ። ህንተ ዛዋይ መላ ቢታፐ ቢደ ሊባኖሳ ጋካናዉነ ኤፍራጺሳ ሻፋፐ ቢደ አዋይ ዉልያ ባጋ ሜድተራነ አባ ጋካናሳ ግዳናዋ።
DEU 11:25 ህንተናና አይ አሳይነ ኤቀታናዉ ዳንዳየና፤ መꬍና ጎዳይ ህንተ ጾሳይ ህንተንቶ ጌዳዋዳን፥ ህንተ ብያሳን ኡባን አሳይ ህንተና በኢደ ዳጋማናዳንነ ህንተዉ ያያናዳን ኦꬃና።
DEU 11:26 “በእተ፥ ሀች ታን ህንተ ስንꬃን አንጁዋነ ሸቃ ዎꬃይ።
DEU 11:27 ታን ሀች ህንተና አዛዝያ መꬍና ጎዳ ህንተ ጾሳ አዛዞቱዋ ናጎፐ፥ ህንተ አንጀታና።
DEU 11:28 ሽን ታን ህንተና ሀች አዛዝያ መꬍና ጎዳ ህንተ ጾሳ አዛዞቱዋ ናገናን እጺደ፥ ህንተ ኤርቤና ሀራ ጾሳቶ ጎይናናዉ አ ኦግያፐ ዎራ ስሞፐ፥ ህንተ ሸቀታና።
DEU 11:29 መꬍና ጎዳይ ህንተ ጾሳይ ህንተ ላታናዉ ብያ ቢታ ህንተና ገልስያ ዎደ፥ ጋሪዛማ ደርያን አንጁዋ ኤባላ ደርያ ቦላን ሸቃ አዋያና።
DEU 11:30 ሀ ላኡ ደረቱ ዮርዳኖሳ ሻፋፐ ሄፍንꬃና ኦግያፐ አዋይ ዉልያ ባጋን፥ አራባን ደእያ ካናነቱዋ ጋድያን ደኢኖ፤ ኡንቱንቱ ቃይ ገልጋላ ካታማ ስንꬃን ደእያ ሞረ ምꬃዉካ ማታን ደኢኖ።
DEU 11:31 ህንተ ሀእ መꬍና ጎዳይ ህንተ ጾሳይ ህንተንቶ እምያ ቢታ ላታናዉ ዮርዳኖሳ ሻፋ ፕናና ሀኒታ። ህንተ ሄ ቢታ አኪደ ያን ደእያ ዎደ፥
DEU 11:32 ታን ሀች ህንተንቶ እምያ አዋዮቱዋነ ህገቱዋ ኡባ ምንሲደ ናግተ።
DEU 12:1 “ህንተ ላታናዳን፥ መꬍና ጎዳይ ህንተ አዎቱዋ ጾሳይ ህንተንቶ እሜዳ ጋድያን ህንተ ደኤዳ ኬሻን ኡባን ህንተ ባለናን ኦꬃና አዋዮቱነ ህገቱ፥ ሀዋንታ።
DEU 12:2 ህንተ ላትያ ካዉተꬃቱ ደርያ ቦላን፥ ዞዚያ ቦላንነ ምꬃቱዋ ጻጱዋን ባረንቱ ጾሳቶ ጎይንያ ሳኣ ኡባ ኡባና ꬋይስተ።
DEU 12:3 ኡንቱንቱ ያርሽያ ሳኣ ኮልተ፤ ኡንቱንቱ ጎይንያ ሹቻቱዋካ መንሬꬅተ፤ አሼሮ ግያ ኡንቱንቱ ጾሳት ምስልያ ታማን ጹግተ፤ ማሰቴዳ ኡንቱንቱ ጾሳቱዋ ምስለቱዋ ꬋይስተ፤ ኡንቱንቱ ሱንꬃቱዋካ ሄ ሳአቱዋፐ ቁጭ ድግተ።
DEU 12:4 “መꬍና ጎዳ ህንተ ጾሳዉ ኡንቱንቱ ባረንቱ ጾሳዉ ጎይንያዋዳን ጎይኖፕተ።
DEU 12:5 መꬍና ጎዳይ ህንተ ጾሳይ ዛረ ኡባይ ደኢያሳፐ ባረ ሱንꬃይ ሄዋን ጼሰታናዳን ዶሬዳ ሳኣ ኮይተ። ሄ ሳኣ ህንተ ባናዉ ኮሼ።
DEU 12:6 ህንተ ህንተ ጹግያ ያርሹዋ፥ ሀራ ያርሹዋ፥ ህንተ አስራታ፥ ህንተ እሙዋ፥ ህንተ ሺቁዋ፥ ህንተ ዶሲደ እምያ እሙዋ፥ ህንተ መህያነ ዶርሳፐ ባይራ ሄ ሳኣ አህተ።
DEU 12:7 ሄዋን መꬍና ጎዳይ ህንተ ጾሳይ ደእያ ሳን ህንተነ ህንተ ሶ አሳይ ማና፤ ቃይ ህንተ ኩሺ ኦꬄዳባን ኡባንነ መꬍና ጎዳይ ህንተ ጾሳይ ህንተና አንጄዳባን ህንተ ናሸታና።
DEU 12:8 “ሀእ ሀዋን ህንተ ኦꬅያዋዳን፥ ሄ ዎደ ህንተ አይፍያን ሎአ ማላትያባ ኦꬅክታ።
DEU 12:9 አያዉ ጎፐ፥ መꬍና ጎዳይ ህንተ ጾሳይ ህንተንቶ እምያ ሸምፖ ቢታ ብሮን ጋክበይክታ።
DEU 12:10 ሽን ህንተ ዮርዳኖሳ ፕኒደ፥ መꬍና ጎዳይ ህንተ ጾሳይ እምያ ሄ ቢታ ላቲደ፥ ህንተ ያን ኡታና። ህንተና ዶዴዳ ሞርከቱዋፐ ህንተና እ ሸምፕስያ ድራዉ፥ ህንተ ዎፑ ጊደ ሄዋን ደአና።
DEU 12:11 ሄ ዎደ መꬍና ጎዳይ ህንተ ጾሳይ ባረ ሱንꬃይ ሄዋን ጼገታናዉ ዶሬዳ ሄ ሳኣ፥ ታን ህንተና አዛዝያዋ ኡባ፥ ጹግያ ያርሹዋ፥ ሀራ ያርሹዋ፥ ህንተ አስራታ፥ ህንተ እሙዋነ ህንተ መꬍና ጎዳዉ ሺቄዳዋ ኡባ ሄዎ አሂታ።
DEU 12:12 ህንተ፥ ህንተ አቱማነ ማጫ ናናይ፥ አቱማነ ማጫ ቆማቱነ ህንተናና ላታ አክቤና ህንተ ካታማን ደእያ ሌዋቱዋናካ እትፐ ሄዋን መꬍና ጎዳ ህንተ ጾሳ ስንꬃን ናሸትተ።
DEU 12:13 ህንተ ጹግያ ያርሹዋ ህንተ ኮዬዳ ሀቃንነ ጮ ያርሸናዳን ናገትተ።
DEU 12:14 ህንተ ህንተ ዛራቱ ደኢያሳ ኡባፐ እቱዋን፥ መꬍና ጎዳይ ዶሬዳ ሳኣን ህንተ ጹግያ ያርሾ ያርሽተ፤ ታን ህንተና አዛዝያዋ ኡባካ ሄዋን ኦꬅተ።
DEU 12:15 “ሽን ህንተ ደእያ ሳን ሀቃንነ ህንተ መህያፐ መꬍና ጎዳይ ህንተና አንጄዳዋዳን ሹኪደ ሚተ፤ ዎጋን ጌሻ አሳ ግድና ዎይ ጌየና አሳ ግድናካ ኡባይካ ጋራ አሹዋነ ገንእያ አሹዋ ምያዋዳን ህንተ መህያፐ ሹኪደ ሚተ።
DEU 12:16 ሽን ሱꬃ ሃꬃዳን ሳኣን ጉስተፐ አትና ሞፕተ።
DEU 12:17 “ህንተ ህንተ ካꬃፐ፥ ዎይንያፐነ ዛይትያፐ እምያ አስራታ፥ ህንተ መህያፐነ ዶርሳ ዉድያፐ ባይራ፥ ጾሳዉ እማናዉ ሺቄዳዋ ኡባነ ህንተ ህንተ ዶሱዋን ጮ እምያ እሙዋ ኡባ ህንተ ደእያ ሄራን ሙለካ ሞፕተ።
DEU 12:18 ሽን ህንተ፥ ህንተ አቱማነ ማጫ ናናይ፥ ህንተ አቱማነ ማጫ ቆማቱነ ህንተ ካታማቱዋን ደእያ ሌዋቱዋናካ እትፐ፥ መꬍና ጎዳይ ህንተ ጾሳይ ዶሬዳ ሳኣን መꬍና ጎዳ ህንተ ጾሳ ስንꬃን ሀ ያርሹዋ ኡባቱዋ ሚተ፤ ሄዋን ህንተ ዳቡራን ሺሼዳዋን መꬍና ጎዳ ህንተ ጾሳ ስንꬃን ናሸትተ።
DEU 12:19 ህንተ ህንተ ጋድያን ደእያ ላይꬃ ኡባን ሌዋቱዋ ሸነኮ ጌናዳን ናገትተ።
DEU 12:20 “እ ህንተንቶ ገሌዳ ቃላዳን መꬍና ጎዳይ ህንተ ጾሳይ ህንተ ዛዋ አስያ ዎደ፥ ህንተና አሹዋ ማናዉ ኮሽያ ዎደ፥ ህንተ ኮዬዳ ኬና ሚተ።
DEU 12:21 ሽን መꬍና ጎዳይ ህንተ ጾሳይ ባረ ሱንꬃይ ሄዋን ጼሰታናዳን ዶሬዳ ሄ እት ሳአይ ህንተንቶ ሃኮፐ፥ መꬍና ጎዳይ ህንተንቶ እሜዳ ህንተ መህያ ዎይ ዶርሳ ዉድያፐ ሀቃዋ ግድናካ፥ ታ ህንተና አዛዜዳዋዳን፥ ህንተ ኮዬዳ ኬና ህንተ ካታማን ሹኪደ ሚተ።
DEU 12:22 ዎጋን ጌሻ አሳ ግድና፥ ዎይ ጌየናዋ ግድናካ፥ አይ አስካ ጋራ ግድና፥ ገንእያ አሹዋ ካሰ ምያዋዳን ሞ።
DEU 12:23 ሽን ሱꬃይ ደእያ አሹዋ ሜናዳን ናገትተ፤ አያዉ ጎፐ፥ ሸምፑ ሱꬃን ደኤ፤ ሄዋ ድራዉ፥ ደኡዋ አሹዋና ሞፕተ።
DEU 12:24 ሱꬃ ሃꬃዳን ጋድያን ጉስተፐ አትና ኡሾፕተ።
DEU 12:25 ህንተ መꬍና ጎዳ ስንꬃን ህንተ ሎኦባ ኦꬅያዌ ህንተዉ፥ ህንተፐ ጉይያን፥ ህንተ ናናቶካ ሎኦ ግዳና ማላ፥ ሱꬃ ኡሾፕተ።
DEU 12:26 “ሽን ህንተ ዱማዬዳዋነ ሺቄዳዋ አኪደ፥ መꬍና ጎዳይ ዶሬዳ ሳአዉ ቢተ።
DEU 12:27 ቢደ ህንተ ጹግያ ያርሹዋ፥ አሹዋነ ሱꬃ፥ መꬍና ጎዳዉ፥ ህንተ ጾሳዉ፥ ያርሽያሳን ሺሽተ፤ ህንተ ያርሹዋ ሱꬃ መꬍና ጎዳዉ፥ ህንተ ጾሳዉ፥ ያርሽያ ሳኣ ማታን ጉስተ፤ አሹዋ ህንተ ሚተ።
DEU 12:28 ታን ህንተና አዛዝያ ዎጋ ምንሲደ ናግተ፤ ሄዋ ኦꬆፐ፥ ህንተንቶነ ህንተ ናናዉ ሎአ ግዳናዋ፤ አያዉ ጎፐ፥ ህንተ ልከባነ መꬍና ጎዳ ህንተ ጾሳ ናሸችያ ሎኦባ ኦꬂታ።
DEU 12:29 “ህንተ ላታናዉ ብያ ካዉተꬃ መꬍና ጎዳይ ህንተ ጾሳይ ህንተ ስንꬃፐ ꬋይስያ ዎደነ ህንተካ ኡንቱንቱ ቢታ ላቲደ ደእያ ዎደ፥
DEU 12:30 ኡንቱንቱ ህንተ ስንꬃፐ ꬋይክችና ህንተ ኡንቱንታ ካላናዉ፥ ኡንቱንታ ጲርያን ኦይቀተናዳን ናገትተ፤ ‘ኑንካ ኡንቱንቱዳን ጎይናናዉ፥ ሀ ካዉተꬃቱ ባረንቱ ጾሳቶ ዎት ጎይኒኖ’ ያጊደ፥ ካል ኦቼናዳን ናገትተ።
DEU 12:31 ኡንቱንቱ ባረንቱ ጾሳቶ ጎይንያ ዎደ፥ መꬍና ጎዳይ እጽያ ቱናባ ኡባ ኦꬅያ ድራዉ፥ ህንተ መꬍና ጎዳዉ፥ ህንተ ጾሳዉ፥ ሄዋዳን ጎይናናዉ በሰና። አያዉ ጎፐ፥ ኡንቱንቱ ሀራይ አቶ ባረንቱ የሌዳ አቱማነ ማጫ ናናቱዋ ባረንቱ ጾሳቶ ያርሺደ፥ ታማን ጹጊኖ።
DEU 12:32 “ስም ህንተ ታ ህንተና አዛዜዳዋ ኡባ ኦꬅተ፤ አ ቦላ አያነ ጉጆፕተ፤ አፐ አያነ ፓጭሶፕተ።
DEU 13:1 “ህንተ ግዶን ትምቢትያ ኦድያዌ ዎይ አኩሙዋ ብልያ አሳይ ደንዲደ፥ ማላታነ ማላልስያባ ኦꬆፐ፥
DEU 13:2 እ ኦዴዳ ማላታይ ዎይ ማላልስያባይ ቱሙ ግዲደ ፖለትና፥ እ ህንተና፥ ‘አነ ካሰ ህንተ ኤረና ሀራ ጾሳቶ ጎይኖይተ’ ያጎፐ፥
DEU 13:3 ህንተ አ ሙለካ ስሶፕተ። ህንተ አ ኩመንꬃ ዎዛናፐነ ኩመንꬃ ሸምፑዋፐ መꬍና ጎዳ ህንተ ጾሳ ዶስንቶነ ጊደ፥ ህንተና እ ፓጫናዉ ሄዋ ኦꬄ።
DEU 13:4 መꬍና ጎዳ ህንተ ጾሳ ካልተ፤ አዉ ያይተ፤ አ አዛዙዋ ናግተ፤ አ ቃላካ ስስተ፤ አዉ ጎይንተ፤ አፐ ዱጾፕተ።
DEU 13:5 ህንተና ግብጼፐ ከሲደ፥ አይለተꬃፐ ህንተና ዎዜዳ መꬍና ጎዳ ህንተ ጾሳ ቦላ ህንተ ማካላናዳን ታማርስያ ትምቢትያ ኦድያዋ፥ ዎይ አኩሙዋ ብልያዋ ዎꬍተ፤ ሄዋ ማላ አሳይ ህንተና መꬍና ጎዳ ህንተ ጾሳ አዛዙዋፐ ዎራ ባናዳን ኦꬅያ ድራዉ፥ ሄዋ ማላ ዎꬊደ፥ ኢታ ህንተ ግዶፐ ድግተ።
DEU 13:6 “ሀራይ አቶ ነ ዳይ ናአይ ነ እሻይ፥ ነ አቱማነ ማጫ ናእ፥ ነ ሲቅያ ነ ማቻታ፥ ዎይ ነ ሲቆ ላጊ ኔና፥ ‘ደንዳ፥ ካሰ ኔንነ ነ ማይዛ አዎቱ ጎይን ኤረና ጾሳዉ ጎይናና’ ጎፐ፥
DEU 13:7 ቢታዉ ሀ ጋጻፐ ያ ጋጻ ጋካናዉ ደእያ፥ ነ ዩሹዋ ኡባን ማታንነ ሃኩዋን ደእያ አሳይ ኡባይ ጎይንያ ጾሳቶ፥ ‘ደንዳ ቢደ ኡንቱንቶ ጎይናና’ ጊደ ባለꬆፐ፥
DEU 13:8 አዉ ኤኖ ጎፓ፤ እ ግያዋካ ስሶፓ። አዉ ቃረታደ አ ጉየ አሾፓ፤
DEU 13:9 አ ዎꬋናዉ ኮሼ። አ ዎꬋናዉ ኮይሮ ነ ዶማ፤ ሄዋፐ ጉይያን፥ አሳይ ኡባይ ባረ ኩሽያ አ ቦላ ዎꬂደ ዎꬎ።
DEU 13:10 እ ሀይቃና ጋካናዉ፥ ሹቻን ጫድተ፤ አያዉ ጎፐ፥ እ ህንተና ግብጼ ጋድያፐ፥ አይለተꬃ ጎልያፐ ከሴዳ መꬍና ጎዳፐ፥ ህንተ ጾሳፐ፥ ህንተና ሻካናዉ ኮዬዳ።
DEU 13:11 እስራኤልያ አሳይ ኡባይ ሄዋ ስሲደ ያያና፤ ቃይ ሄዋ ማላ ኢታባካ ላኤንꬆ ህንተ ግዶን ኦንነ ኦና።
DEU 13:12 “መꬍና ጎዳይ ህንተ ጾሳይ ህንተ ደአናዳን እምያ ካታማፐ እቱዋን ህንተ ደእያ ዎደ፥
DEU 13:13 ህንተ አሳ ግዶን ኢታቱ ደንዲደ፥ አሳ፥ ‘ደንድተ! ቢደ ህንተ ኤረና ጾሳቶ ጎይኔቶ’ ያጊደ ባለꬅያዋ ስሶፐ፥
DEU 13:14 ሄ የዉዋባ ኦችተ፤ ምንሲደ ፓይድተ። ቆርና ሄ ህንተ ግዶን ቱናባይ ኦሰቴዳዌ ቱማ ግዶፐ፥
DEU 13:15 ሄ ካታማን ደእያ አሳ ኡባ ማሻ ቃራን ዉርስተ፤ ሄ ካታማነ አን ደእያ መህያናካ አሸናን ꬋይስተ።
DEU 13:16 ሄ ካታማፐ ህንተ አኬዳ ኦሞዱዋ ኡባ ካታማ ዳባባ ሺሽተ። ሄ ካታማነ አ ኦሞዱዋ ኡባ መꬍና ጎዳዉ፥ ህንተ ጾሳዉ፥ ጹግያ ያርሹዋ ኦꬂደ ዉርስ ጹግተ። እ መꬍናዉካ ላኤንꬆ ኬጸተና፤ ላለቴዳ ሳ ግዲደ፥ ሄ ሳአይ አታና።
DEU 13:17 ቱና ጌተቴዳ ሚሻፐ አያይነ ህንተ ኩሽያን ቤቶፖ። ያቶፐ፥ መꬍና ጎዳይ ባረ ዎልቃማ ሀንቁዋፐ ስሚደ፥ ህንተና ማራና፤ እ ህንተንቶ ቃረታና። ካሰ ህንተ ማይዛ አዋቶ ጫቄዳ ጫቁዋዳን፥ ህንተ ፓይዱዋ ዳርሳና።
DEU 13:18 አያዉ ጎፐ፥ ታን ሀች ህንተና አዛዝያ አዛዞ ኡባ ህንተ ናግያዋን መꬍና ጎዳዉ፥ ህንተ ጾሳዉ አዛዘቶፐ፥ ቃይ መꬍና ጎዳ ህንተ ጾሳ ስንꬃንካ ልከ ግድያባ ኦꬆፐ፥ ሄ ጌዳዌ ህንተንቶ ቱሙ ፖለታና።
DEU 14:1 “ህንተ መꬍና ጎዳ ህንተ ጾሳ ናናቱዋ፤ ህንተ ሀይቄዳ አሳዉ ህንተና ጎምኦሮፕተነ ስንꬃ ባጋ ሁጲያ ሜዶፕተ።
DEU 14:2 አያዉ ጎፐ፥ ህንተ መꬍና ጎዳዉ፥ ህንተ ጾሳዉ፥ ጌሻ አሳ፤ መꬍና ጎዳይ ህንተና ባረዉ አልኦ ሚሻ ግዳናዳን፥ ጋድያን ደእያ አሳ ኡባፐ ዶሪደ ዎꬄዳ።
DEU 14:3 “ህንተ ቱናባ አያነ ሞፕተ።
DEU 14:4 ህንተ ማና መሄቱነ ዶአቱ ሀዋንታ፤ ቦራ፥ ዶርሳ፥ ዴሻ፥
DEU 14:5 ገንእያ፥ ዶግያ፥ ዋሻ፥ ዎራ ዴሻ፥ ጮጎሹዋ፥ ጋራነ ደርያ ዶርሳ።
DEU 14:6 ጹጉንꬃይ ዉር ጳልቀቴዳዋንታ፥ ዋሞትያ መሄቱዋነ ዶአቱዋ ኡባ ሚተ።
DEU 14:7 ሽን ዋሞትያዋንታ ግዲደ፥ ጹጉንꬃይ ጳልቀትቤናዋንታ ሞፕተ፤ ሄዋንቱካ ጋሉዋ፥ ሀርባይንያነ ጉፓልያ። ሀዋንቱ ዋሞቲኖ፤ ሽን ኡንቱንቱ ጹጉንꬃይ ጳልቀትቤና ድራዉ፥ ኡንቱንቱ ህንተንቶ ቱና።
DEU 14:8 ጉዱንꬃይካ ጹጉንꬃይ ጳልቀꬃ ግዶፐነ ዋሞተና ድራዉ፥ እ ህንተንቶ ቱና። አ አሹዋ ሞፕተ፤ አ ባኩታካ ቦቾፕተ።
DEU 14:9 “ሃꬃ ግዶን ደእያ መታቱዋ ኡባፐ ህንተ ማናዋንቱ ሀዋንታ፤ ሞልያ ማላ ቀፊነ ፖቁ ደእያ ኡባ ሚተ።
DEU 14:10 ሽን ሞልያዋ ማላ ቀፊነ ፖቁ ባይና ሀቃዋነ ሞፕተ። ሄዋንቱ ህንተንቶ ቱና።
DEU 14:11 “ጌሻ ግዴዳ ካፉዋ ኡባ ሚተ፤
DEU 14:12 ሽን ካፎቱዋፐ ህንተ ሜናዋንቱ ሀዋንታ: አርጋንꬃ፥ ባዙዋ አንኩዋ፥ ካረꬃ አንኩዋ፥
DEU 14:13 ጎሉዋ፥ ጽንግልያ ዛረ ኡባ፥
DEU 14:14 ቁሩዋ ዛረ ኡባ፥
DEU 14:15 ያንቻ፥ ጫንጭያ ጉቱዋ፥ ሃꬃ ካፉዋ፥ ጋጭያ ዛርያ ኡባ፥
DEU 14:16 ቄር ጉቱዋ፥ ዎጋ ጉቱዋ፥ ሃꬃ ኩቱዋ፥
DEU 14:17 ባዙዋ ጉቱዋ፥ ይንዱዋ፥ ጋንጋኑዋ፥ አዱሳ ቆꬊ ደእያ ሃꬃ ካፉዋ፥
DEU 14:18 ሳቢሳ ግያ ካፉዋ ዛረ ኡባ፥ ጅንጅላትያነ ሻልያ።
DEU 14:19 ቀፍያና ደእያ ቄር መታቱ ኡባይ ህንተንቶ ቱና፤ ኡንቱንታ ሞፕተ።
DEU 14:20 ሽን ሄ ቀፍያና ደእያባቱዋፐ ጌሻ ግድያዋንታ ሚተ።
DEU 14:21 “ህንተ መꬍና ጎዳዉ፥ ህንተ ጾሳዉ፥ ጌሻ አሳ ግድያ ድራዉ፥ ባኩቴዳዋ ኡባ አያነ ሞፕተ። ሄዋ ህንተ ካታማን ደእያ በተቱ ማናዳን ኡንቱንቶ እማናዉ ዳንዳዪታ፤ ዎይ ሀራ ቢታ አሳዉ ዛልአናዉ ዳንዳዪታ። “ዴሻ ማራ አ ዳይ ማꬃን ዶይሶፓ።
DEU 14:22 “ህንተ ህንተ ጋደፐ ላይꬃን ላይꬃን ጋክያ ካꬃ አይፍያ ኡባፐ አስራታ ከስተ።
DEU 14:23 ህንተ ኡባ ዎደ፥ መꬍና ጎዳዉ፥ ህንተ ጾሳዉ፥ ያይያዋ ታማራና ማላ፥ እ ባረ ሱንꬃይ ጼሰታና ማላ ዶሬዳ ሳኣን፥ መꬍና ጎዳ ህንተ ጾሳ ስንꬃን፥ ህንተ ካꬃ፥ ዎይንያ ኤሳነ ዛይትያ አስራታ፥ ህንተ ዶርሳፐነ መህያፐ ባይራ የለቴዳዋ ሄዋን ሚተ።
DEU 14:24 መꬍና ጎዳይ ህንተ ጾሳይ ባረ ሱንꬃይ ጼሰታና ማላ ዶሬዳ ሳአይ፥ ህንተ ደኢያሳፐ ሎይꬅ ሃኮ ግዶፐ፥ መꬍና ጎዳይ ህንተና አንጃና ማላ፥ ህንተ ህንተ አስራታ ያ ቶካናዉ ዳንዳየናን እጾፐ፥
DEU 14:25 ዛልእተ፤ ሄ ሚሻ ኩሽያን ኦይቂደ፥ መꬍና ጎዳይ ህንተ ጾሳይ ዶሬዳ ሳኣ ቢተ።
DEU 14:26 ቢደ ሄ ሻሉዋን ህንተ ኮዬዳዋ ሀቃዋነ፥ ሚዛ ግድና፥ ዶርሳ ግድና፥ ዎይንያ ኤሳ ግዶ፥ ዎይ ሀራ ምኖ ኡሻ፥ ዎይ ሀራ ህንተ ኮይያዋ አያነ ሻሚደ፥ ህንተነ ህንተ ሶ አሳይ ኡባይ መꬍና ጎዳ ህንተ ጾሳ ስንꬃን ሄዋ ሚተነ ናሸትተ።
DEU 14:27 “ሄዋ ህንተ ኦꬅያ ዎደ፥ ህንተ ካታማን ደእያ ሌዋቱዋ ዶጎፕተ፤ አያዉ ጎፐ፥ ኡንቱንቱ ህንተናና ግሽ አኬዳ ሀራ ላታይ ባዋ።
DEU 14:28 ሄዘንꬃ ላይꬃን ላይꬃን ኡባ ዎደ፥ ህንተ ካꬃ አስራታ አሂደ፥ ህንተ ካታማን ሺሽተ።
DEU 14:29 ሄዋ ህንተ ካታማን ደእያ ህንተናና ግሽ አኬዳ፥ ሀራ ላታይ ባይና ሌዋቱ፥ በተቱ፥ አዉ ባይና ናናቱነ አምኤ ማጫ አሳቱ ዪደ ሚኖ፤ ሚድካ ካልኖ። ያቶፐ፥ ህንተ ኦꬅያ ህንተ ኩሽያ ኦሶ ኡባን መꬍና ጎዳይ ህንተ ጾሳይ ህንተና አንጃና።
DEU 15:1 “ላፑንꬃ ላይꬃ ላይꬃ ዉርሰꬃን ህንተፐ ታልኤዳዋንቶ ኡንቱንቱ አጩዋ ማርተ።
DEU 15:2 ህንተ አጩዋ ማራና ዎጋይ ሀዋ: ባረ ላገ እስራኤልያዉ ታልኤዳ አይ አሳይነ ሄ አጩዋ ማሮ። መꬍና ጎዳ ማሮተꬃይ አዋየቴዳ ድራዉ፥ ታልኤዳዌ ባረ ላገ እስራኤላዉ ዎይ ባረ እሻዉ ታልኤዳባ ኦቾፖ።
DEU 15:3 ሀራ ቢታ አሳዉ ህንተ ታልኤዳ አጩዋ አካናዉ ዳንዳዪታ፤ ሽን ህንተ ህንተ ዛረቶ ታልኤዳባ ኡባ ማርተ።
DEU 15:4 “ህንተ መꬍና ጎዳ ህንተ ጾሳ ቃላዉ አዛዘቶፐ፥ ታን ሀች ህንተና አዛዝያ አዛዞ ኡባ ባለናን ኦꬆፐ፥ ህንተ ግዶን እት አሳይነ ህዬሰና። አያዉ ጎፐ፥ ህንተ ላታናዳን መꬍና ጎዳይ ህንተ ጾሳይ ህንተዉ አቆ ኦꬂደ እምያ ጋድያን መꬍና ጎዳይ ህንተና አንጃና።
DEU 15:6 መꬍና ጎዳይ ህንተ ጾሳይ ህንተንቶ ጌዳዋዳን፥ እ ህንተና አንጃና፤ ዳሮ ካዉተꬃይ ህንተፐ ታልአና፤ ሽን ህንተ እቱዋፐነ ታልእክታ። ቃይ ህንተ ካዉተꬃቱዋ ሞዳና፥ ሽን እቱነ ህንተና ሞደና።
DEU 15:7 “መꬍና ጎዳይ ህንተ ጾሳይ ህንተንቶ እምያ ጋድያን ደእያ ቄር ካታማቱዋፐ ሀቃዋንነ ደእያ ህንተ ላገ እስራኤላቱዋ ግዶን እት አሳይ ህዬሶፐ፥ አዉ መቀꬃ ኢቶፕተ፤ ቃይ ህንተ ኩሽያካ ሺሽ አኮፕተ።
DEU 15:8 ህንተ ኩሽያ አዉ ብርሽተ፤ አ ኮሽያዋ አያነ አዉ ታልእተ።
DEU 15:9 ‘አጩዋ ማርያ ላፑንꬃ ላይꬃይ ማቴዳ’ ጋደ፥ ህዬሳ እስራኤልያዉ ኢታ አይፍያን ጼላደ፥ አዉ አያነ ታልእያዋ ድጋናዉ ኢታ ቆፋይ ነ ዎዛናን ገለናዳን ናገታ። ሄዌ ꬋዮፐ፥ እ ኔፐ መꬍና ጎዳዉ ዋሳና፤ ሄዌ ነዉ ናጋራ ግዳናዋ።
DEU 15:10 ኔን አዉ ጮ እማ፤ ኔን አዉ እምያ ዎደ፥ ነ ዎዛናን አያዉ እማይታ ጎፓ፤ ያቶፐ፥ ህንተ ኦሶ ኡባን፥ ህንተ ኦይቄዳዋን የꬌዳባን ኡባን መꬍና ጎዳይ ህንተ ጾሳይ ህንተና አንጃና።
DEU 15:11 ሄ ጋድያን ኡባ ዎደካ ህዬስ ꬋየና ድራዉ፥ ታን ኔና እስራኤላቶ፥ ነ ጋድያን ደእያ ህዬሳቶነ መቶታንቻቶ ኬካ ግዳናዳን አዛዛይ።
DEU 15:12 “ኔን አቱማ ግድና ማጫ ግድና፥ ነ ዳቦ እስራኤልያ አሳ አይልያ ኦꬃደ ሻሞፐ፥ እ ነዉ ኡሱፑን ላይꬃ ኦꬆ፤ ላፑንꬃ ላይꬃን አይለተꬃፐ ከሳ የዳ።
DEU 15:13 ኔን አይለተꬃፐ አ ከሳ የድያ ዎደ፥ መላ ኩሸ የዶፓ።
DEU 15:14 ኔን ነ ዉድያፐ፥ ነ ኡዱማፐነ ነ ዎይንያ ጉምኢያሳፐ አዉ ኬካተꬃን እማ፤ መꬍና ጎዳይ ነ ጾሳይ ኔና አንጄዳዋ ኬና አዉ እማ።
DEU 15:15 ህንተካ ግብጼ ጋድያን ካሰ አይልያ ግዴዳዋነ መꬍና ጎዳይ ህንተ ጾሳይ ህንተና ያፐ ዎዜዳዋ ዶጎፕተ። ታን ህንተና ሀች አዛዝያዌ ሄዋሳ።
DEU 15:16 “ሽን ሄ አይልያ ኔናነ ነ ጎልያ አሳ ዶሴዳ ድራዉነ ኔናና አዉ ደኡ ሎኦ ግድያ ድራዉ፥ ‘ታን ነ ጎለፐ ከሳደ ቢከ’ ያጎፐ፥
DEU 15:17 ፐንገ አ አፋደ፥ ጎꬃ አካደ፥ አ ሀይꬃ ሉካ። ያቶፐ እ ነዉ መꬍናዉካ አይልያ ግዳናዋ። ቃይ አይልያ ግድያ ማጫንዉካ ሄዋዳን ኦꬃ።
DEU 15:18 አ ኔን አይለተꬃፐ ከሳ የድያ ዎደ፥ ኔን ቆሄቴዳዋዳን ቆፖፓ፤ አያዉ ጎፐ፥ እ ሀ ኡሱፑን ላይꬃ ግዶን ከራዉ ኦꬅያባይ ኦꬅያዎ ዳኩዋ ዳሩዋ ነዉ ኦꬄዳ። ሄዋ ድራዉ፥ ኔን ኦꬅያባን ኡባን መꬍና ጎዳይ ነ ጾሳይ ኔና አንጃና።
DEU 15:19 “ኔን ነ መህያፐነ ነ ዶርሳ ዉድያፐ ባይራ የለቴዳ አቱማዋ ኡባ መꬍና ጎዳዉ፥ ነ ጾሳዉ፥ ዱማያ። ነ ዱማዬዳ መህያፐ ባይራ የለቴዳዋ አያነ ጎኤቶፓ፤ ነ ዶርሳ ዉድያፐ ባይራ የለቴዳዋ እክስያካ ሜዶፓ።
DEU 15:20 ኔንነ ነ ሶ አሳይ ጾሳይ ዶርያ ሳኣን መꬍና ጎዳ ህንተ ጾሳ ስንꬃን ሄዋንታ ላይꬃን ላይꬃን ሚተ።
DEU 15:21 ሽን ነ ያርሽያ መህያ ቦላይ ትላና ꬋዮፐ፥ እ ስሌዳዋ ዎይ ቆቀ ግዶፐ፥ ዎይ ቃይ ሀራ ኢታ ፖኮባይ አ ቦላን ደኦፐ፥ ሄዋ መꬍና ጎዳዉ፥ ነ ጾሳዉ፥ ያርሾፓ።
DEU 15:22 ሄዋ ህንተ ደእያ ህንተ ካታማን ሚተ፤ ዎጋን ጌሻ አሳ ግድና፥ ዎይ ቱና አሳ ግድናካ ገንእያነ ጋራ አሹዋዳን ሞ።
DEU 15:23 ሽን ህንተ አ ሱꬃ ሃꬃዳን ሳኣን ጉስተፐ አትና፥ ሞፕተ።
DEU 16:1 “አቢባ አግናን መꬍና ጎዳ ህንተ ጾሳ ፓስጋ ባላ ቦንችተ፤ አያዉ ጎፐ፥ መꬍና ጎዳይ ህንተ ጾሳይ ህንተና አቢባ አግናን ቃማ ግብጼፐ ከሴዳ።
DEU 16:2 ህንተ ዶርሳ ዉድያፐነ መህያ ዉድያፐ መꬍና ጎዳይ ባረ ሱንꬃይ ጼሰታናዳን ዶርያ ሳኣን፥ መꬍና ጎዳዉ፥ ህንተ ጾሳዉ፥ ፓስጋዉ ያርሽተ።
DEU 16:3 ሄ ያርሹዋ ህንተ ምያ ዎደ፥ እርሹዋ የግ ኡኬዳ ኡክꬃና ሞፕተ፤ ሽን ላፑን ጋላሳ ኩመንꬃ እርሹዋ የግቤና ኡክꬃና ሚተ። ህንተ ግብጼፐ ኤለካ ከሴዳ ድራዉነ ህንተ ደእያ ላይꬃ ኡባን ህንተ ግብጼፐ ከሴዳ ጋላሳ ሀሳያናዳን፥ ሄ መቱዋ ኡክꬃ ሚተ።
DEU 16:4 ህንተ ጋድያን ኡባን ላፑን ጋላሳዉ አያ እርሹነ ቤቶፖ። ቃይ ህንተ ኮይሮ ጋላሳ ኦማርስ ያርሼዳ አሹዋፐ ዎንታዉ አያይነ አቶፖ።
DEU 16:5 “ህንተ ፓስጋ ያርሹዋ መꬍና ጎዳይ ህንተ ጾሳ ህንተንቶ እምያ አይ ካታማንነ ጮ ሹኮፕተ።
DEU 16:6 መꬍና ጎዳይ ህንተ ጾሳይ ባረ ሱንꬃይ ጼሰታናዳን ዶርያ ሳኣን ህንተ ፓስጋ ያርሹዋ ሹክተ፤ ቃይ አዋይ ዉልያ ዎደ ህንተ ግብጼፐ ከሴዳ ድራዉ፥ ሄ ሳትያን ሹክተ።
DEU 16:7 መꬍና ጎዳይ ህንተ ጾሳይ ዶርያ ሳኣን፥ ሄዋን ካꬂደ ሚተ፤ ያቲደ ሳአይ ዎንትያ ዎደ፥ ህንተ ዱንካንያ ዱንካንያ ቢተ።
DEU 16:8 ኡሱፑን ጋላሳ ኩመንꬃ እርሹዋ የግቤና ኡክꬃ ሚተ፤ ላፑንꬃ ጋላሳን መꬍና ጎዳዉ፥ ህንተ ጾሳዉ፥ ጎይናናዉ ጌሻ ሺቁዋ ሺቅተ፤ ሄ ጋላስ አያ ኦሶነ ኦꬆፕተ።
DEU 16:9 “ህንተ ካꬃ ጫካናዉ ኮይሮ ዶሜዳ ዎድያፐ ዶሚደ፥ ላፑን ሳምንታ ኩመንꬃ ፓይድተ።
DEU 16:10 ያቲደ መꬍና ጎዳይ ህንተ ጾሳይ ህንተና አንጄዳዋ ኬና ህንተ ህንተ ዶሱዋን ጮ እምያ እሙዋ አሂደ፥ መꬍና ጎዳዉ፥ ህንተ ጾሳዉ፥ ቆይቻ ባላ ቦንችተ።
DEU 16:11 ሄዋን ህንተ፥ ህንተ አቱማ ናናይ፥ ህንተ ማጫ ናናይ፥ ህንተ አቱማ ቆማቱነ ህንተ ማጫ ቆማቱ፥ ህንተ ካታማቱዋን ደእያ ሌዋቱ፥ በተቱ፥ አዉ ባይና ናናቱነ ህንተ ግዶን ደእያ አምኤቱ ኡባይ መꬍና ጎዳይ ህንተ ጾሳይ ባረ ሱንꬃይ ጼሰታናዳን ዶርያ ሳኣን፥ ናሸትተ።
DEU 16:12 ህንተ ግብጼ ጋድያን አይልያ ግዴዳዋ ሀሳዪደ፥ ሀ ዎጋ ባለናን ናግተ።
DEU 16:13 “ህንተ ኡዱማፐ ህንተ ካꬃ፥ ቃይ ዎይንያ የꬍያሳፐካ ህንተ ዎይንያ ሺሼዳዋፐ ጉይያን፥ ላፑን ጋላሳ ዳስያ ባላ ቦንችተ።
DEU 16:14 ህንተ፥ ህንተ አቱማ ናናቱነ ማጫ ናናይ፥ ህንተ አቱማ ቆማቱነ ማጫ ቆማቱ፥ ህንተ ካታማቱዋን ደእያ ሌዋቱ፥ በተቱ፥ አዉ ባይና ናናቱነ አምኤቱ ኡባይ ሀ ባላን ሎይꬅ ናሸትተ።
DEU 16:15 መꬍና ጎዳይ ዶርያ ሳኣን ላፑን ጋላሳ መꬍና ጎዳዉ፥ ህንተ ጾሳዉ፥ ባላ ቦንችተ፤ አያዉ ጎፐ፥ ህንተ ኡባይካ እትፐ ናሸታና ማላ፥ ህንተ አይፍሴዳባን ኡባንነ ህንተ ኩሺ ኦꬅያባን ኡባን መꬍና ጎዳይ ህንተ ጾሳይ ህንተና አንጃና።
DEU 16:16 “ህንተ ጋድያን አቱማ አሳ ግዴዳ ኡባይ ላይꬃን ሄዙ ገደ፥ ማጋገ ኡክꬃ ባላ ዎደ፥ ሳምንታቱዋ ባላ ዎደነ ዳስያ ባላ ዎደ፥ መꬍና ጎዳ ህንተ ጾሳ ስንꬃን እ ዶርያ ሳኣን ቤቶ። ኡንቱንቱ መꬍና ጎዳ ስንꬃ ዪደ፥ መላ ኩሸ ዮፕኖ።
DEU 16:17 መꬍና ጎዳይ ህንተ ጾሳይ አንጄዳዋ ኬና ኡባይካ ባረ ዳንዳይያዋ ኬና እሞ።
DEU 16:18 “ህንተ ዛራቱ ኡባዉ መꬍና ጎዳይ ህንተ ጾሳይ እምያ ካታማቱዋን ኡባን ህንተ ዳናቱዋነ ካፓቱዋ ሱንꬅተ፤ ኡንቱንቱካ አሳዉ ጽሎ ፕርዳ ፕርድኖ።
DEU 16:19 ጽሎ ፕርዳ ጌላዮፕተ፤ ሶምኡዋ ጼሊደ ማዶፕተ። ማጋንጻ አኮፕተ፤ አያዉ ጎፐ፥ ማጋንጻይ አꬌዳ ኤራንቻቱዋ አይፍያካ ቆቅሲደ፥ ጽሎቱዋ ቃላካ ጌላዬ።
DEU 16:20 ህንተ ደኡዋን ደአና ማላነ መꬍና ጎዳይ ህንተ ጾሳይ ህንተንቶ እምያ ቢታ ህንተ ላታና ማላ፥ ጽሎ ፕርዳ ፕርድተ።
DEU 16:21 “ህንተ መꬍና ጎዳዉ፥ ህንተ ጾሳዉ፥ ኬጽያ ያርሽያ ሳኣ ማታን አሼሮ ግያ ጾሳትዉ ምꬃፐ መቴዳ ምስልያ ማላ አያነ ኤሶፕተ።
DEU 16:22 ህንተ መꬍና ጎዳይ ህንተ ጾሳይ እጽያ ጎይንያ ሹቻ ህንተንቶ ኤሶፕተ።
DEU 17:1 “መꬍና ጎዳዉ፥ ህንተ ጾሳዉ፥ ትላ ቦላና ደኤና መህያ፥ ዎይ ህንተ ዶርሳ ያርሹዋ ኦꬂደ ሺሾፕተ፤ ሄዌ አ ስንꬃን ሸነይያባ።
DEU 17:2 “መꬍና ጎዳይ ህንተ ጾሳይ ህንተንቶ እምያ ካታማቱዋፐ ሀቃዋንካ አቱማዋ ግድና ማጫዋ ግድና አ ጫቁዋ ኮሊደ፥ መꬍና ጎዳ ህንተ ጾሳ ስንꬃን ኢታ ኦꬄዳ አሳይ ህንተ ግዶን ቤቶፐ፥
DEU 17:3 ቃይ ታ አዛዙዋ መንꬂደ፥ ሀራ ጾሳቶ ጎይኔዳ ኡራይ፥ አዋዉ፥ ዎይ አግናዉ፥ ዎይ ሳሉዋ ጾልንተቶ ጎይኔዳ ኡራይ ደኦፐ፥
DEU 17:4 ሄዋ ማላባ ህንተ ስሶፐ፥ ሄ የዉዋ ምንሲደ ፓይድተ። ህንተ ቆርና፥ ሄዋ ማላ ቱናባይ እስራኤልያ ግዶን ኦሰቴዳዌ ቱማነ ጌሻ ግዶፐ፥
DEU 17:5 ሄ ኢታ ኦꬄዳ ብታንያ ዎይ ምሽራቶ ህንተ ካታማፐ ጋጻ ከሲደ፥ ሹቻን ጫዲደ ዎꬍተ።
DEU 17:6 ሄ ዎꬍያ አሳይ ሀይቃናዉ በስያዌ ላኡ ዎይ ሄዙ ማርካይ ማርካትና ግዶ፤ እት አሳ ማርካ ቃላን አይ አሳይነ ሀይቆፖ።
DEU 17:7 አ ዎꬋናዉ ማርካቱ ኮይሮ ሹቻን አ ጫድኖ፤ ኡንቱንታ ካሊደ አሳይ ኡባይ አ ጫዶ። ሄዋዳን ኦꬂደ፥ ኢታ ህንተ ግዶፐ ድግተ።
DEU 17:8 “ህንተ ህንተ ካታማቱዋን ፕርዳናዉ ሎይꬅ ዴጽያ ሸምፑዋ ሞቱዋ ግድና፥ ሾቻ ማዱꬃ ሞቱዋ፥ ዎይ ቃይ ታዉ በሰ ግያ አቆ ሞቱዋ ግድናካ ደንዶፐ፥ ሄ ዎደ ህንተ መꬍና ጎዳይ ህንተ ጾሳይ ዶሬዳ ሳኣ አህተ።
DEU 17:9 ሄዋን ሌዋቱዋፐ ቄሰ ግድያዋኮነ ሄ ዎድያን ዳና ግዲደ ፕርድያዋኮ ሺሽተ፤ ሄ የዉዋ ኡንቱንቱ ፕርዳና።
DEU 17:10 መꬍና ጎዳይ ዶሬዳ ሳኣን ኡንቱንቱ ፕርዴዳዋዳን ኦꬅተ፤ ኡንቱንቱ ፕርዴዳዋፐ አሸናዳን ናገትተ።
DEU 17:11 ኡንቱንቱ ህንተና ታማርሴዳ ህግያዳንነ ኡንቱንቱ ኦዴዳ ፕርዳዳን ኦꬅተ፤ ኡንቱንቱ ፕርዴዳ ፕርዳፐ ኡሸቻነ ሀድርሳ አይነ ሸርእ ጎፕተ።
DEU 17:12 ሄዋን መꬍና ጎዳዉ፥ ህንተ ጾሳዉ፥ ኦꬅያ ዳናዉ፥ ዎይ ቄስያዉ አዛዘተናን እጺደ፥ ኦቶረትያ አሳይ ደኦፐ፥ ሄ አሳይ ሀይቆ፤ ሄዋዳን ኦꬂደ፥ ኢታ እስራኤልያ ግዶፐ ድግተ።
DEU 17:13 ሄዋፐ ጉይያን ሄዋ ስሲደ፥ አሳይ ኡባይ ያያና፤ ላኤንꬆ ኦቶረተና።
DEU 17:14 “መꬍና ጎዳይ ህንተ ጾሳይ ህንተንቶ እምያ ቢታ ላቲደ፥ ያን ደኡዋ ዶምያ ዎደ፥ ህንተ ዩሹዋን ደእያ ካዉተꬃቱዋዳን፥ ህንተካ፥ ‘አነ ኑንካ ኑ ቦላን ካትያ ካተዬቶ’ ያጊደ ቆፖፐ፥
DEU 17:15 ህንተ ካተያናዌ መꬍና ጎዳይ ህንተ ጾሳይ ህንተንቶ ዶሬዳዋ ግድያዋ ኤርተ። ሄዌካ ህንተ አሳ ግዶፐ ዶረቴዳዋ ግዶፐ አትና፥ ሀራ ቢታ አሳ ህንተ ቦላ ካተዮፕተ።
DEU 17:16 ሄ ካቲ ፓራ ዳሩዋ ሺሻናዉ በሰና፤ ቃይ አሳይካ ፓራ ጮራያናዉ ላኤንꬆ ግብጼ ስማናዳን ኦꬆፖ። አያዉ ጎፐ፥ መꬍና ጎዳይ፥ ‘ሄ ኦግያና ላኤንꬆ ሙለካ ስሞፕተ’ ያጌዳ።
DEU 17:17 አ ዎዛና ባለናዳን፥ ካቲ ጮራ ማጫ አሳ አኮፖ። ዎርቃካ ብራካ ዳሪ ሺሾፖ።
DEU 17:18 “እ ባረ ካዉተꬃ አራታን ኡትያ ዎደ፥ ሌዊያ ዛረ ግድያ ቄሳቱ ናግያ ማጻፋፐ ሀ ህግያ ዱቂደ ባረዉ አኮ።
DEU 17:19 እ ሀ ህግያ ቃላነ ዎጋ ናግያዋንነ ኡንቱንታ ኦꬅያዋን መꬍና ጎዳዉ፥ ባረ ጾሳዉ፥ ያይያዋ ታማራና ማላ፥ ሀ ማጻፋይ አናና ደኦ፤ እካ ሀ ማጻፋ ባረ ደኦ ላይꬃን ኡባን ናባቦ።
DEU 17:20 ያቶፐ፥ እ ባረ ዎዛናን፥ ‘ታን ታ ላገቱዋፐ አꬋይ’ ጊደ ባረ እሻቱዋ ቦላ ኦቶረተና። እካ ጾሳ ህግያፐ ሀድርሳነ ኡሸቻ ጌና። እ ባረ ካዉተꬃን አዱቂደ ደአና፤ አ ናናይካ እስራኤልያ ጋድያን ካትያ ግዳናዋ።
DEU 18:1 “ቄሰተꬃን ኦꬅያ ኩመንꬃ ሌዊያ ዛረቶ እስራኤልያ ግዶን ቢታ ላታይ ባዋ። ኡንቱንቱ አሳይ መꬍና ጎዳዉ ሺሽያ ታማን ጹግያ ያርሹዋፐ ሚደ ደእያዌ ኡንቱንቶ ላታ።
DEU 18:2 ኡንቱንቶ ኡንቱንቱ እሻንቱ ግዶን ላታይ ደኤና፤ መꬍና ጎዳይ ኡንቱንቶ ገፔዳዋዳንካ እ ኡንቱንቱ ላታ።
DEU 18:3 “ኮሩማ ዎይ ዶርሳ አሳይ ያርሾ ሺሼዳዋፐ ቄሳቶ በስያዌ ሀዋ: ምሳ፥ ላኡ ባጋ ጎጎንጩዋነ ኡሉዋ ግዶ አሹዋ ኡንቱንቶ እምኖ።
DEU 18:4 ህንተ ካꬃፐ፥ ዎይንያፐነ ዛይትያፐ ኮይሮ ጋኬዳ አይፍያነ ህንተ ዶርሳ እክስያፐ ባይራቱዋ ቄሳቶ እሚታ።
DEU 18:5 አያዉ ጎፐ፥ ኡንቱንቱነ ኡንቱንቱ ናናይ መꬍና ጎዳ ሱንꬃን ኤቂደ፥ መꬍናዉ ቄሴ ግዲደ ኦꬃና ማላ፥ ህንተ ዛርያ ኡባ ግዶፐ መꬍና ጎዳይ ህንተ ጾሳይ ኡንቱንታ ዶሬዳ።
DEU 18:6 “ሌዊያ ዛረ ግድያ እት አሳይ እስራኤልያ ጋድያን አይ ካታማፐነ ደንዲደ፥ መꬍና ጎዳይ ዶርያ ሳአዉ ዮፐ፥
DEU 18:7 እ ብያሳን ደእያ ሌዋቱ መꬍና ጎዳ ስንꬃን ኤቂደ ኦꬅያዋዳን፥ እካ መꬍና ጎዳ ባረ ጾሳ ስንꬃን ኤቂደ ኦꬆ።
DEU 18:8 ቃይ ባረ አዉዋ አቁዋ ባይዝና፥ ባረና ጋክያዋ አኬዳዋ ግዶፐካ፥ ሌዋቱ ጎኤትያዋ ኡባ ኡንቱንቱና ልከ ሻኪደ አኮ።
DEU 18:9 “መꬍና ጎዳይ ህንተ ጾሳይ ህንተንቶ እሜዳ ቢታ ገልያ ዎደ፥ ሄ ጋድያን ደእያ አሳይ ኦꬅያ ቱና ኦሱዋ ኦꬆፕተ።
DEU 18:10 ባረ አቱማ ናኣ ዎይ ማጫ ናቶ ያርሾ ጊደ፥ ታማን ጹግያ አይ አሳይነ ህንተ ግዶን ቤቶፖ። ብትያዌ፥ ማራጭያ ጼልያዌ፥ ሙሩንያዌነ ካጫ ኦድያዌ ቃይ ህንተ ግዶን ደኦፖ።
DEU 18:11 አያንቲያዌ፥ አያናቱዋ ጼግያዌ፥ ሻሬችያዌነ ሀይቄዳ አሳ አያና ጼግያዌ ህንተ ግዶን ደኦፖ።
DEU 18:12 ሄዋ ማላባ ኦꬅያ አይ አሳይነ መꬍና ጎዳ ማታን እጸቴዳ አሳ። ኡንቱንቱ ሄዋ ማላ ቱና ኦꬅያ ድራዉ፥ መꬍና ጎዳይ ህንተ ጾሳይ ሄ ካዉተꬃ ህንተ ስንꬃፐ የደርሳና።
DEU 18:13 ሽን ህንተ መꬍና ጎዳ ህንተ ጾሳ ስንꬃን ኩመንꬃ ፖኮባይ ባይናዋንታ ግድተ።
DEU 18:14 “ሀ ህንተ ላታናዉ ብያ ጋድያን ደእያ ካዉተꬃቱ ሙሩንያዋንቱነ ማራጭያ ጼልያዋንቱ ኦድያዋ ስስያዋንታ። ሽን ህንተ ሄዋ ኦናዳን መꬍና ጎዳይ ህንተ ጾሳይ ህንተና ተኤዳ።
DEU 18:15 መꬍና ጎዳይ ህንተ ጾሳይ፥ ህንተ ዛርያ ግዶፐ፥ ታ ማላ ትምቢትያ ኦድያዋ ህንተንቶ ደንꬃና። ህንተ እ ግያዋ ስስተ።
DEU 18:16 ህንተ ሲና ደርያ ቦላን ሺቄዳ ዎደ፥ መꬍና ጎዳ ህንተ ጾሳ ሀዋዳን ያጊደ ኦቼድታ፤ ‘ኑን ሀይቀናዳን፥ መꬍና ጎዳ ኑ ጾሳ ኮሻ ዛር ስሶኮ፤ ቃይ ሀ ዎልቃማ ታማካ ላኤንꬆ በኦኮ’ ያጌድታ።
DEU 18:17 “መꬍና ጎዳይ ታዉ ሀዋዳን ያጌዳ፤ ‘ኡንቱንቱ ጌዳዋ ኡባ ልከ ጌድኖ።
DEU 18:18 ታን ኡንቱንቱ ዛራቱ ግዶፐ፥ ነ ማላ ትምቢትያ ኦድያዋ ኡንቱንቶ ደንꬃና፤ ታ ቃላ አ ዶናን ዎꬃና፤ እካ ታን አ አዛዝያ ኡባ ኡንቱንቶ ኦዳና።
DEU 18:19 እ ታ ሱንꬃን ኦድያ ታ ቃላ ስሰና ኦስነ ሀሉዋ ታን ከሳና።
DEU 18:20 ሽን ታ አዛዛቤናዋ ጻሊደ ታ ሱንꬃን ኦድያዌ ዎይ ሀራ ጾሳቱዋ ሱንꬃን ኦድያ ሄ ትምቢትያ ኦድያዌ ሀይቆ’ ያጌዳ።
DEU 18:21 “ህንተ፥ ‘ትምቢትያ ኦድያዌ ኦድያ ቃላይ መꬍና ጎዳፐ ግደናዋ አያን ሻክ ኤራኔ?’ ያጎፐ፥
DEU 18:22 ሄ ትምቢትያ ኦድያዌ መꬍና ጎዳ ሱንꬃን፥ እ ኦዴዳ ቃላይ ፖለተናን እጾፐ፥ ሄዌ መꬍና ጎዳይ ኦድቤና ቃላ ግድያዋ ኤሪታ። ሄ ትምቢትያ ኦድያዌ ዎርዱዋን ኦዴዳ ድራዉ፥ አዉ ያዮፕተ።
DEU 19:1 “መꬍና ጎዳይ ህንተ ጾሳይ ህንተንቶ እምያ ጋድያን ደእያ ካዉተꬃ ꬋይስያ ዎደ፥ ቃይ ህንተካ ኡንቱንታ የደርሲደ፥ ኡንቱንቱ ካታማቱዋንነ ኡንቱንቱ ጎለቱዋን ደኡዋ ዶምያ ዎደ፥
DEU 19:2 መꬍና ጎዳይ ህንተ ጾሳይ ላታ ኦꬂደ እምያ ጋድያን ደእያ ካታማቱዋፐ ሄዙ ካታማቱዋ ህንተንቶ ዱማይተ።
DEU 19:3 መꬍና ጎዳይ ህንተ ጾሳይ ህንተንቶ ላታ ኦꬂደ እምያ ቢታ ሄዙ ከሲደ ሻክተ። ያቲደ አሳ ዎꬌዳ ኦንነ ሄ ካታማቱዋኮ ባቃታናዳን ኦግያ ጊግስተ።
DEU 19:4 “እት አሳይ ካሰ ሞርከተꬃይ ባይናን ደእሽን፥ ኤረናን ባረ ሾሩዋ ዎꬎፐ፥ እ ሄ ካታማቱዋፐ እቶ ባቃቲደ፥ ባረ ሸምፑዋ አሾ።
DEU 19:5 ላኡ አሳይ ምꬃ ቃንጻናዉ ዎራ ቢና፥ እቱ ምꬃ ቃንጽሽን፥ ቱትያፐ አይፊ ኮለት ዎꬊደ ህንኩዋ ዎꬎፐ፥ ሄ ዎꬌዳዌ ሀ ሄዙ ካታማቱዋፐ እቱዋ ባቃቲደ፥ ባረ ሸምፑዋ አሾ።
DEU 19:6 ቆሰት አትያ ካታማይ እቱዋ ጻላላ ግዶፐ፥ ዎጺደ ኤለካ ጋካናዉ ኦጊ አዱቄዳ ጋሱዋን ሱꬃ አችያዌ ሱልያ ሀንቁዋን ደንዲደ፥ የደርስ ጋኪደ፥ ሀይቃናዉ በሰናዋ ዎꬋናዉ ዳንዳዬ፤ አያዉ ጎፐ፥ እ ባረ ሾሩዋ ዎꬌዳዌ ካሰ ሞርከተꬃይ ደእያ ድራሳ ግደና።
DEU 19:7 ህንተ ሄዙ ካታማቱዋ ዱማይ ዎꬃናዳን፥ ታን ህንተና አዛዜዳዌ ሄዋሳ።
DEU 19:8 “መꬍና ጎዳይ ህንተ ጾሳይ ካሰ ህንተ ማይዛ አዋቶ ጫቄዳዋዳን ህንተ ዛዋ አሶፐ፥ ቃይ ህንተ ማይዛ አዋቶ እማና ጌዳ ቢታ ኡባ ህንተንቶ እሞፐ፥
DEU 19:9 ሀ ሄዙ ካታማቱዋፐ ሀራ ሄዙ ካታማቱዋ ጉጂታ። ሀቼ ታን ህንተና አዛዝያዋ ኡባ ህንተ ፖሎፐ፥ መꬍና ጎዳ ህንተ ጾሳ ዶሶፐነ እ ህንተና ታማርሴዳ ኦግያን ምኒደ ደኦፐ፥ ሀ ቢታይ ህንተንቶ እመታና።
DEU 19:10 ሄዋ ኦꬆፐ፥ መꬍና ጎዳይ ህንተ ጾሳይ ላታ ኦꬂደ ህንተንቶ እምያ ጋድያን ጌሻ አሳ ሱꬃይ ጉከና፤ ቃይ ህንተካ ሱꬃ ጉስያ ናጋራፐ አቲታ።
DEU 19:11 “ሽን እት አሳይ ባረ ሾሩዋ እጺደ፥ ዙግ ናጊደ አ ዎꬊደ፥ ሀ ካታማቱዋፐ እቶ ባቃቶፐ፥
DEU 19:12 አ ካታማ ጭማቱ እ ባቃቴዳ ካታማፐ ኪት አሂሲደ፥ ሀሉዋ ከሳናዉ አ ኮይያዎ አꬅ እምኖ።
DEU 19:13 አዉ አይነ ቃረቶፕተ፤ ህንተንቶ ኡባባይ ሎአ ግዳና ማላ፥ ጌሻ ሱꬃ ጉስያዋ እስራኤልያ ግዶፐ ꬋይስተ።
DEU 19:14 “መꬍና ጎዳይ ህንተ ጾሳይ ህንተ ላታናዳን እምያ ጋድያን፥ በን አሳይ ኤሴዳ ነ ሾሩዋ ቢታ ዛዋ ሾዶፓ።
DEU 19:15 “እት አሳ ባይዛንቻ ጋናዉ እት ማርካ ጻላላይ ግደና። ላኡ ዎይ ሄዙ ማርካይ ማርካትና፥ ሄ ሞቱ ፕርደታናዉ ኮሼ።
DEU 19:16 “እት አሳይ ሀራ ዎርዱዋን ሞታናዉ ደንዶፐ፥
DEU 19:17 ሄ ሞትያዌነ ሞተትያዌ ላኡካ መꬍና ጎዳ ስንꬃን፥ ቄሳቱ ዋ ስንꬃንነ ሄ ዎደ ፕርድያ ዳናቱዋ ስንꬃን ኤቂኖ።
DEU 19:18 ያቶፐ ዳናቱ ሄ የዉዋ ምንሲደ ብድኖ፤ ሄ ሞትያዌ ባረ እሻ ዎርዱዋን ሞቴዳዋ ግዶፐ፥
DEU 19:19 እ ሄ ሞቱዋን ባረ እሻ ሙርሳናዉ ቆፔዳ ሙራ ባረዉ ሙረቶ፤ ሄዋዳን ኦꬂደ፥ ሄዋ ማላ ኢታ ህንተ ግዶፐ ድግተ።
DEU 19:20 ያቶፐ፥ ሀራ አሳይ ሄዋ ስሲደ ያያና፤ ሄዋ ማላ ኢታ ኦሱዋ ላኤንꬆ ኦና።
DEU 19:21 ሄዋ ማላ ኢታ ኦꬄዳዎ አይነ ቃረቶፕተ፤ ሸምፑዋ ዎꬌዳዌ ሀይቆ፤ አይፍያ ድራዉ አይፍያ፤ አቻ ድራዉ አቻ፤ ኩሽያ ድራዉ ኩሽያ፤ ገድያ ድራውካ ገድያ።
DEU 20:1 “ህንተ ሞርክያና ኦለታናዉ ብያ ዎደ፥ ኡንቱንቱ ፓራቱ፥ ፓራ ጋረቱነ ኡንቱንቱ ኦላንቻቱ ህንተፐ ዳርና በኢደ፥ ኡንቱንቶ ያዮፕተ፤ አያዉ ጎፐ፥ ህንተና ግብጼፐ ከሴዳ መꬍና ጎዳይ ህንተ ጾሳይ ህንተናና ደኤ።
DEU 20:2 ህንተ ኦላ ዶማናፐ ካሰቲደ፥ ቄሲ ስንꬃዉ አꬊደ ሀዋዳን ያጎ፤
DEU 20:3 ‘ህንተኖ እስራኤልያ አሳቶ፥ ስስተ፤ ህንተ ሀች ህንተ ሞርክያና ኦለታናዉ ሀኒታ። ስም ህንተ ዎዛናይ ዳጋሞፖ፤ ያዮፕተ፤ ኡንቱንቱ ስንꬃን ኮኮሮፕተነ ሻባረቶፕተ።
DEU 20:4 አያዉ ጎፐ፥ መꬍና ጎዳይ ህንተ ጾሳይ ህንተናና ብያ ድራዉ፥ ህንተ ሞርክያ ኦሊደ፥ ህንተንቶ ጾኑዋ እማና’ ያጎ።
DEU 20:5 “ኦላ ጋዳዋቱ ኡንቱንታ ሀዋዳን ያግኖ፤ ‘ኦራꬃ ጎልያ ኬጺደ ገልቤና አሳይ ደኦፐ፥ እ ሀ ኦላን ሀይቂና፥ ሀራ አሳይ አ ጎልያ ገለናዳን፥ እ ጎለ ስሞ።
DEU 20:6 ዎይ ዎይንያ ቶኪደ፥ አ አይፍያን ናሸትቤና ኡራይ ደኦፐ፥ እ ሀ ኦላን ሀይቂና፥ ሀራ አሳይ አ ዎይንያ አይፍያን ናሸተናዳን፥ እ ባረ ጎለ ስሞ።
DEU 20:7 ማጫ አሳ ጊግሲደ አክቤና አሳይ ደኦፐ፥ እ ሀ ኦላን ሀይቂና፥ ሀራ አሳይ እዞ ማችያ አከናዳን፥ እ ባረ ጎለ ስሞ’ ያግኖ።
DEU 20:8 “ጋዳዋቱ ጉጂድካ አሳዉ ሀዋዳን ያግኖ፤ ‘ሀ አሳ ግዶን ያይያ አሳይነ ህርግያ አሳይ ኦንነ ደኦፐ፥ እ ባረ ላገቱዋ ዎዛናካ ያሻን ሴርሰናዳን እ ባረ ጎለ ስሞ’ ያግኖ።
DEU 20:9 ጋዳዋቱ ሀዋ አሳዉ ኦድ ዉርስያ ዎደ፥ ጭታዉ ጭታዉ ኦላ ጋዳዋቱዋ ዶርኖ።
DEU 20:10 “እት ካታማ ኦላናዉ ቢደ ህንተ አኮ ማትያ ዎደ፥ ኮይሮቲደ ሳሩዋን ኡንቱንቱ ኩሽያ እማናዳን ኦችተ።
DEU 20:11 ኡንቱንቱ ሳሩዋን ባረንቱ ኩሽያ እሚደ፥ ባረንቱ ግምቢያ ፐንግያ ዶዪደ ህንተና ገልሶፐ፥ ሄ ካታማን ደእያ አሳይ ኡባይ ህንተንቶ ሀጋዝኖነ ዴጾ ኦሱዋ ህንተንቶ ኦꬅኖ።
DEU 20:12 ሽን ሄ ካታማ አሳይ ህንተንቶ ሳሩዋን ኩሽያ እመናን እጺደ፥ ህንተናና ኦላዉ ጊጎፐ፥ ህንተ ሄ ካታማ ዩሹዋ ዶድተ።
DEU 20:13 መꬍና ጎዳይ ህንተ ጾሳይ ኡንቱንታ ህንተንቶ አꬅ እምያ ዎደ፥ ሄ ካታማን ደእያ አቱማ አሳ ኡባ ማሻን ዉርስተ።
DEU 20:14 ሽን ማጫ አሳ፥ ናናቱዋ፥ መህያነ ካታማ ግዶን ደእያ ኡባባ ኦሞዱዋ ኦꬂደ ህንተንቶ አኪተ። ቃይ መꬍና ጎዳይ ህንተ ጾሳይ ህንተንቶ እምያ ህንተ ሞርከቱዋ ኦሞዱዋን ጎኤትተ።
DEU 20:15 ህንተ ደኢያሳፐ ሃኪደ ደእያ ካታማቱዋካ ኦይቂያ ዎደ፥ ሄዋዳን ኦꬂታ።
DEU 20:16 “ሽን መꬍና ጎዳይ ህንተ ጾሳይ ህንተንቶ ላታ ኦꬂደ እምያ ጋድያን ሸምፑዋና ደእያዋ እትባነ አሸናን ዎꬍተ።
DEU 20:17 መꬍና ጎዳይ ህንተ ጾሳይ አዛዜዳዋዳን፥ ሂተቱዋ፥ አሞረቱዋ፥ ካናነቱዋ፥ ፓርዘቱዋ፥ ሂዌቱዋነ ያቡሳቱዋ ዉርሲደ ዎꬍተ።
DEU 20:18 ሄዌ ꬋዮፐ፥ ኡንቱንቱ ባረንቱ ጾሳቶ ጎይንያ ቱና ኦሱዋ ህንተ ኦꬃናዳን ህንተና ታማርሳና፤ ሄዋን ህንተ መꬍና ጎዳ ህንተ ጾሳ ቦላ ናጋራ ኦꬃና።
DEU 20:19 “ካታማ ኦይቃናዉ ዩሹዋ ዶድ፥ ዳሮ ጋላሳ ኦለቲደ ጋምእያ ዎደ፥ አን ደእያ አይፍያ እምያ ምꬃ ካልታን ቃንጾፕተ፤ ኡንቱንቱ አይፍያ ሚተፐ አትና፥ ኡንቱንታ ቃንጾፕተ። አያዉ ጎፐ፥ ህንተ ዩሹዋን ዶዲደ ኦልያዌ አሳፐ አትና፥ ደምባን ደእያ ምꬃ ግደና።
DEU 20:20 ሽን ህንተ ኤርያ አይፍያ እመና ሀራ ምꬃቱዋ ቃንጺደ፥ ህንተናና ኦለትያ ካታማይ ኩንዳና ጋካናዉ፥ ሄዋን ዶድያ ጌሱዋ ኬጽተ።
DEU 21:1 “ህንተ ላታናዳን መꬍና ጎዳይ ህንተ ጾሳይ ህንተንቶ እምያ ጋድያን፥ ኦን ዎꬌደንቶ ኤረና አሃይ ኩንዲደ ቤቶፐ፥
DEU 21:2 ህንተ ዳናቱነ ህንተ ጭማቱ ቢደ፥ ሄዋ ዩሹዋን ደእያ ካታማቱዋፐነ ሄ አሃፐ ግዱዋን ደእያ ሃኮተꬃ ልክኖ።
DEU 21:3 ሄዋፐ ጉይያን፥ አሃይ ኩንዴዳሳ ማታትያ ካታማ ጭማቱ፥ ኦሶ ጋካቤና፥ እ ሞርግያን ቃምባራይ ዎꬍቤና ኡሳቶ አክኖ።
DEU 21:4 ጎግያ ሃꬃይ ደእያ ጎሸትቤና ሳነ ዘረትቤና ዛንጋራ አፊደ፥ ሄ ኡሳት ሞርጊያ ምርቂደ መንꬅኖ።
DEU 21:5 ያቶፐ ሌዊያ ናናይ፥ ቄሳቱ ሄ ሳኣ እትፐ ቢኖ፤ አያዉ ጎፐ፥ ሀዋ ማላ ኢታ ሀይቁዋነ ሞቱዋ ሻኪደ ፕርዳናዉ፥ መꬍና ጎዳይ ህንተ ጾሳይ ባረ ስንꬃን ኦꬃናዉ፥ መꬍና ጎዳ ሱንꬃንካ አንጃናዉ ኡንቱንታ ዶሬዳ።
DEU 21:6 ሄዋፐ ጉይያን፥ ሄ አሃይ ኩንዴዳሳ ማታትያ ካታማ ጭማቱ ኡባይ፥ ዛንጋራን ሞርጊያ ምርቂደ ዎꬌዳ ኡሳት ቦላ ባረንቱ ኩሽያ ሜጨቲደ፥ ሀዋዳን ያግኖ፦
DEU 21:7 ‘ኑ ኩሺ ሀ ሱꬃ ጉስቤና፤ ኑ አይፊካ ሀዋ ኦꬄዳዋ በእቤና።
DEU 21:8 አቤት መꬍና ጎዳዉ፥ ኔን ዎዜዳ ነ አሳ፥ እስራኤልያ ማራ፤ ሀ ጌሻ ሱꬃ ነ አሳ ቦላ ናቁዋ ኦꬃደ ፓይዶፓ ያግኖ’። ሄ ሱꬃ ድራዉ፥ ኡንቱንቶ አቶ ጌተታና።
DEU 21:9 ህንተ መꬍና ጎዳ አይፍያ ስንꬃን ሄዋዳን ኦꬂደ፥ ጌሻ ሱꬃይ ጉኬዳ ናጋራ ህንተ ግዶፐ ድግተ።
DEU 21:10 “ህንተ ሞርክያና ህንተ ኦለታናዉ ከስና፥ መꬍና ጎዳይ፥ ህንተ ጾሳይ፥ ኡንቱንታ ህንተ ኩሽያን አꬅ እምና፥ ኡንቱንታ ኦሞድያ ዎደ፥
DEU 21:11 ኦሞደቴዳ አሳ ግዶን እት ማላንቻ ምሽራቶ በኣደ፥ እዞ አሞታደ፥ ማቼ ኡዳናዉ ኮዮፐ፥
DEU 21:12 ነ ጎለ አያ፤ እ ሁጲያ ሜዳ፤ እ ጹጉንꬃካ ጭጋ።
DEU 21:13 ኦሞደትያ ዎደ ደእያ ማዩዋ ቃራ ድጋደ፥ ነ ሶን ኡታደ፥ ባረ አዎነ ባረ ዳይዉ እት አግና ኩመንꬃ ካዮቱ። ሄዋፐ ጉይያን፥ እዞ አካ።
DEU 21:14 ያታ ስምና፥ እዝና ደእያዌ ኔና ናሸቼናን ꬋዮፐ፥ አ ባረ ኮዮሳ ባናዳን የዳ አጋ። ኔን እዞ ማቼ ኦꬃደ እትፐ አቄዳ ድራዉ፥ እዞ ሻሉዋን ዛልአናዉ ዎይ ካዉሻናዉ በሰና።
DEU 21:15 “እት አሳዉ እ ዶስያነ እጽያ ላኡ ማጫ አሳቱ ደኦፐ፥ ቃይ ሀ ላአቱካ አዉ አቱማ ናናቱዋ የሌዳዋንታ ግድሽን፥ ባይራ የለቴዳዌ ሀ እጽያ ማጫ ምሽራትፐ የለቴዳዋ ግዶፐ፥
DEU 21:16 ባረ ናናዉ ባረ አቁዋ እ ላትስያ ዎደ፥ እ እጽያንፐ የለቴዳ ባይራይ ደእሽን፥ እ ዶስያንፐ የለቴዳ ቴፋ ባይራያናዉ በሰና።
DEU 21:17 ሀራ ናናዉ እምያዋፐ ላኡ ኩሽያ አꬂ እምያዋን ሀ እጽያን ናአይ ባይራ ግድያዋ ኤርሳናዉ በሰ። አያዉ ጎፐ፥ ሄ ናአይ አዉ ኩሽያ ገድያ ጳልቄዳ ባይራ ግድያ ድራዉ፥ ባይራቱዋ እ አካናዉ በሰ።
DEU 21:18 “አዎነ አትዉ አዛዘተናን እጼዳ፥ ኡንቱንቱ ሴርናካ ስመና ሞርግያ ዞዳነ ማካላንቻ ግዲደ ስመና ናእ ደኦፐ፥
DEU 21:19 አዉነ አታ ሄ ካታማ ፐንግያን ደእያ ጭማቱዋኮ አ ኦይቂ አክ አህኖ።
DEU 21:20 ጭማቶ ሀዋዳን ያግኖ፤ ‘ሀዌ ኑ ናአይ ሞርግያ ዞዳነ ማካላንቻ፤ እ ኑዉ ሙለካ አዛዘተና፤ ሚሻ ላል ካእያዋነ ኡሻንቻ’ ያጊደ ኦድኖ።
DEU 21:21 ሄዋፐ ጉይያን፥ ሄ ካታማን ደእያ አቱማ አሳይ ኡባይ እ ሀይቃና ጋካናዉ፥ ሹቻን ጫዲደ አ ዎꬍኖ። ሄዋዳን ኦꬅያዋን ህንተ ግዶፐ ኢታ ꬋይስተ። ያቶፐ እስራኤልያ ኡባይ ሄዋ ስሲደ ያያና።
DEU 21:22 “እት አሳይ ሀይቁዋ ፕርድስያ ዳባ ኦꬅና፥ ህንተ አ ምꬃን ካቂ ዎꬎፐ፥
DEU 21:23 ሄ ካቀቴዳ ምꬃን አ አሃይ አቆፖ፤ አ ሄ ጋላስ ሞግተ። አያዉ ጎፐ፥ ምꬃ ቦላን ካቀት ሀይቂያ ኦንነ ጾሳን ሸቀቴዳዋ። መꬍና ጎዳይ ህንተ ጾሳይ ህንተንቶ ላታ ኦꬂደ እምያ ህንተ ቢታ ህንተ ቱንሶፕተ።
DEU 22:1 “እስራኤልያ አሳ ቦራይ ዎይ ዶርሳይ ባዪደ ዎራ ቢሺና በኦፐ፥ ሸነኮ ጋደ አጋ አጎፓ፤ አ ጎዳዉ ላጋ አሃደ እማ።
DEU 22:2 ሄ መህያ ጎዳይ ነ ሄራ ግዳና ꬋዮፐ፥ ዎይ አ ጎዳይ ኦነንቶ ኔን ኤራና ꬋዮፐ፥ አ ጎዳይ ኮዪደ ያና ጋካናዉ፥ ነ ጎለ አካደ አፋ፤ እ ዪደ፥ ደምያ ዎደ፥ አዉ እማ።
DEU 22:3 ሄዋዳን ሀርያ ግድና፥ ማዩዋ ዎይ አያነ ባዬዳዋ ደሞፐ፥ አ ጎዳዉ ዛራፐ አትና፥ ሸነኮ ጎፓ።
DEU 22:4 “እስራኤልያ አሳ ሀሪ ዎይ ቦራይ ኦግያን ኩንዴዳዋ በኦፐ፥ ማዳደ ደንꬃፐ አትና፥ ሸነኮ ጋደ አጋ አጎፓ።
DEU 22:5 “ማጫ አሳይ አቱማ አሳ ማዩዋ ማዮፕኖ፤ አቱማ አሳይካ ማጫ አሳ ማዩዋ ማዮፕኖ። አያዉ ጎፐ፥ ሄዋ ማላባ ኦꬅያ ኦናነ መꬍና ጎዳይ ህንተ ጾሳይ ሻቴ።
DEU 22:6 “ኦግያን ነ ቢሺና፥ ምꬃን ግድና፥ ሳኣን ባረ ማራ ዎይ ቁቁልያ ሀጳ ኡቴዳ ካፋቶ ደሞፐ፥ እዞ እ ማራና ጋꬃ ኦይቃደ ነ ጎለ አፎፓ።
DEU 22:7 ማራቱዋ አካ አፋናዉ ዳንዳያሳ፤ ሽን ዳዮ ባናዳን የዳ አጋ። ሄዋዳን ኦꬆፐ፥ ኔን ዱረታደ አዱሳ ላይꬃ ደአና።
DEU 22:8 “ኦራꬃ ጎልያ ኬጽያ ዎደ፥ ꬎቃ ካራፐ አሳይ ኩንድ ሀይቂና ነ ኦሸተናዳን፥ ዘምፒደ አትያዋ ጊግሳ።
DEU 22:9 “ነ ዎይንያ ሾይቃን ላኡ ቆሞ ካꬃ ዘሮፓ፤ ሄዋዳን ኦꬆፐ፥ ነ ዘሬዳ ካꬃይነ ዎይኒ ላኡካ ባያና።
DEU 22:10 “ቦራነ ሀርያ እትፐ ዋጻደ ጎሾፓ።
DEU 22:11 “ሱፍያፐነ ሊኑዋፐ ዋላካን ዳደቴዳ ማዩዋ ማዮፓ።
DEU 22:12 “ነ ማዬዳ ማዮ ኦይዱ ባጋናካ ማጫራይ ደኦ።
DEU 22:13 “እት አሳይ ማቻቶ አኪደ፥ እዝና አቅ ስሚደ፥ እዞ ዶሳና ꬋዮፐ፥
DEU 22:14 ‘ሀኖ ታ አካደ እዝና አቅያ ዎደ፥ ህጊ እዝዉ ባዋ’ ያጊደ እዞ ባይዚደ ሃሳዮፐ፥
DEU 22:15 ሄ ናት አዉነ ዳያ እ ህግያ ማላታ አክ አፊደ፥ ካታማ ፐንግያን ደእያ ጭማቱዋ በስኖ።
DEU 22:16 ናት አዉ ጭማቶ ሀዋዳን ያጊደ ኦዶ፥ ‘ታን ታ ናቶ ሀዎ ማቼ ኦꬃደ እማድ፤ ሽን እ እዞ እጼዳ።
DEU 22:17 እ፥ “ነ ናትን ህጊ ባዋ” ያጊደ እዞ ባይዚደ ሃሳየ፤ ሽን ታ ናት ህግያ ማላታ ሀዋ በእተ’ ያጊደ፥ እዝ ህግያ ኤርስያ ጫርቂያ በሶ።
DEU 22:18 ያትና ሄ ካታማ ጭማቱ አ ሙርኖ።
DEU 22:19 እ እስራኤልያ ዎዶራት ሱንꬃ ባይዜዳ ድራዉ፥ ጭማቱ አ ጼቱ ጻጋራ ብራ ሙሪደ፥ ሄዋ ናት አዎ እምኖ። ናታካ አዉ ማቼ ግዳደ ደኡ፤ ባረ ደኦ ላይꬃ ኡባን እ እዞ የዳናዉ በሰና።
DEU 22:20 “አ ሞቱ ቱማ ግዲደ፥ ናትን ዎዶሮተꬃይ ꬋዮፐ፥
DEU 22:21 ናቶ እዝ አዉዋ ካረ አሂደ፥ ሄ ካታማ አቱማ አሳይ እዞ ሹቻን ጫዲደ ዎꬎ። አያዉ ጎፐ፥ አ ባረ አዉዋ ሶን ደኣደ ሻርሙጻ ግዳደ፥ እስራኤልያ ግዶን ሀ ፖኮባ ኦꬃዱ፤ ሄዋዳን ኦꬂደ ህንተ ግዶፐ ኢታ ድግተ።
DEU 22:22 “አይ አሳይነ ሀራ አሳ ማጫ አሳና ሻርሙጺደ ኦይቀቶፐ፥ እካ አናና ሻርሙጼዳ ማጫ ምሽራታካ ሀይቂኖ። ሄዋዳን ኦꬂደ፥ ህንተ ግዶፐ ኢታ ድግተ።
DEU 22:23 “አይ አሳይነ ሀራዉ ጊጌዳ ዎዶራቶ ካታማ ግዶን ደሚደ እዝና ሻርሙጾፐ፥
DEU 22:24 ኡንቱንታ ላኡዋካ ካታማፐ ጋጻ ከሲደ፥ ሹቻን ጫዲደ ዎꬍተ። አያዉ ጎፐ፥ ናታ ካታማን ደኣደ፥ አሳይ አሻናዳን ዋሳበይኩ። እ ሀይቂያዌ ቃይ ሀራ አሳዉ ጊጋ ኡቴዳ ዎዶራቶ ባይዜዳ ግሻሳ። ሄዋዳን ኦꬅያዋን ህንተ ግዶፐ ኢታ ድግተ።
DEU 22:25 “እት አሳይ አሳዉ ጊጌዳ ዎዶራቶ አሳይ ባይና ሳኣን ዎልቃን ኦይቂደ፥ እዝና ግሶፐ፥ አ ጻላላይ ሀይቆ።
DEU 22:26 ናቶ አይነ ኦꬆፕተ፤ እዞ ዎꬋናዉ በስያ ናጋራ ኦꬃበይኩ። ሀዌ እት አሳይ ጮ ባረ ሾሩዋ ቦላ ደንዲደ፥ ዎꬍያ አሳ ፕርዳ ማላ ፕርዳ።
DEU 22:27 አያዉ ጎፐ፥ እ እዞ አሳይ ባይና ሳኣን ደሚደ ኦይቂና፥ ሄ ዎዶሮ ናታ ዋሳዱ፤ ሽን እዞ አሽያ አሳይ ደእቤና።
DEU 22:28 “አይ አሳይነ አሳዉ ጊጋቤና ዎዶራቶ ኦይቂደ፥ እ ህግያ አክ ድጊደ ኦይቀቶፐ፥
DEU 22:29 ናት አዎ እሻታሙ ጻጋራ ብራ ጭጎ። ያቲደ ናቶ ባረዉ ማቼ ኦꬆ። ባረ ደኦ ላይꬃ ኡባን እዞ የዶፖ።
DEU 22:30 “አይ አሳይነ ባረ አዉዋ ማቻቶ አኪደ፥ ባረ አዉዋ ካዉሾፖ።
DEU 23:1 “ሳንግሰቴዳ ዎይ ቃራተቴዳ አቱማ አሳይ፥ መꬍና ጎዳ ሺቁዋ ግዶን ቤቶፖ።
DEU 23:2 “ሻርሙጻን የለቴዳ አሳይ መꬍና ጎዳ አሳ ማባራ ገሎፖ፤ ሀራይ አቶ ቢደ ታማንꬃ የለታ ጋካናዉካ፥ አ ዛርያፐ ኦንነ መꬍና ጎዳ አሳ ማባራ ግዶ ገሎፖ።
DEU 23:3 “አሞና አሳ ግድና፥ ዎይ ሞኣባ አሳ ግድናካ፥ መꬍና ጎዳ አሳ ማባራ ገሎፖ፤ ሀራይ አቶ ቢደ ታማንꬃ የለታ ጋካናዉካ፥ ኡንቱንቱ አሳ ግዴዳ ኦንነ መꬍናዉካ መꬍና ጎዳ አሳ ማባራ ገሎፖ።
DEU 23:4 አያዉ ጎፐ፥ ህንተ ግብጼፐ ከሲደ ሄመትሽን፥ ኡንቱንቱ ህንተና ካꬃናነ ሃꬃና ሞክበይክኖ። ሄዋዳንካ፥ ማስጰጾምያን ፓቶራ ግያ ካታማን ደእያ ብኦራ ናኣ ባላም ህንተና ሸቃና ማላ ቃጻሬድኖ።
DEU 23:5 መꬍና ጎዳይ፥ ህንተ ጾሳይ፥ ባላም ግያዋ ስሳናዉ ኮይቤና፤ አ ሸቃ ህንተንቶ አንጆ ላሜዳ። አያዉ ጎፐ፥ መꬍና ጎዳይ ህንተ ጾሳይ ህንተና ሲቄ።
DEU 23:6 ህንተ ደኦ ላይꬃ ኡባን መꬍናዉካ ኡንቱንቱ ሳሮ ደአናዳንነ ኡንቱንቱ ዱረታናዳን አሞቶፕተ።
DEU 23:7 “ህንተዉ ኡንቱንቱ ዳቦ ግድያ ድራዉ፥ ኤዶማቱዋ ካꬊደ እጾፕተ፤ ቃይ ግብጼቱዋካ እጾፕተ። አያዉ ጎፐ፥ ህንተ ኡንቱንቱ ጋድያን በተ ግዲደ ደኤድታ።
DEU 23:8 ኡንቱንቶ ሄዘንꬆ የለታ ናናይ መꬍና ጎዳ አሳ ማባራ ገላናዉ ዳንዳዪኖ።
DEU 23:9 “ህንተ ህንተ ሞርክያ ኦላናዉ ከሲደ እትሳን ካምቡዋ መꬎ ዎደ፥ ህንተና ቱንስያዋፐ ኡባፐ ሻከትተ።
DEU 23:10 ቃማ አኩሙዋን ማጫ አሳና ጋከቴዳዋ ኤርስያ እርጻባይ አን ደእያ አይ አሳይነ ደኦፐ፥ ዱንካኔዳ ሳኣፐ ጋጻ ከሲደ ያን ጋምኦ።
DEU 23:11 ሳአይ ኦማርስያ ዎደ፥ ባረ ቦላ ሜጨቲደ፥ ለለምእያ ዎደ ዱንካኔዳሳ ስሞ።
DEU 23:12 “ህንተ ሼሻዉ ኡትያሳ ዱንካኔዳ ሳኣፐ ካረና ጊግስተ።
DEU 23:13 ሼሻዉ ኡትያሳ ቦካናዉ ዞሩዋ ህንተ ኦላ ሚሻና ጋꬅ ኦይቂተ፤ ሼሻዉ ኡት ስሚደ፥ ኦላን ቢታ ዛርተ።
DEU 23:14 አያዉ ጎፐ፥ መꬍና ጎዳይ ህንተ ጾሳይ ህንተና ናጋናዉነ ህንተ ሞርከቱዋ ህንተ ኩሽያን አꬅ እማናዉ፥ ህንተ ሄራን ያነ ሃነ ሀመቴ። ሄዋን እ ሸነይያባ አያነ በኢደ፥ ህንተፐ ዎራ ስመናዳን፥ ህንተ ሄራን ጌሻ ግዳናዉ ኮሼ።
DEU 23:15 “ባረ ጎዳፐ ባቃቲደ፥ ኔኮ ዬዳ አይልያ ዛራደ አ ጎዳዉ እሞፓ።
DEU 23:16 እ ህንተ ካታማቱዋፐ ባረ ኮዬዳዋን ደኦ፤ አ ኡቁኖፕተ።
DEU 23:17 “እስራኤልያ አሳፐ ኦንነ አቱማ ግድና፥ ማጫ ግድናካ፥ አላጋ ጾሳዉ ጎይንያዋንቱ ኦꬅያዋዳን፥ ሻርሙጽያዋ ግዶፖ።
DEU 23:18 ሄዋዳንካ፥ አቱማዋ ግድና፥ ማጫውኖ ግድና፥ ሻርሙጻን ደሜዳ ሚሻ ሺቁዋ ጋꬃናዉ መꬍና ጎዳ ህንተ ጾሳ ጎልያ አሆፕኖ። አያዉ ጎፐ፥ ኡንቱንቱ ላኡዋካ መꬍና ጎዳይ ህንተ ጾሳይ ሻቴ።
DEU 23:19 “ነ ዛረ ግድያ እስራኤልያ አሳዉ ሚሻ፥ ካꬃ ግድና ሀራባ ታልአደ ድቻ አኮፓ።
DEU 23:20 ሀራ ቢታ አሳፐ ድቻ ኦቻናዉ ዳንዳያሳ፤ ሽን ኔን ላታናዉ ገልያ ጋድያን ኔን ኦꬅያባን ኡባን መꬍና ጎዳይ ነ ጾሳይ ኔና አንጃና ማላ፥ ነ ዛረ ግድያ እስራኤልያ አሳዉ ድቻዉ ታልኦፓ።
DEU 23:21 “መꬍና ጎዳዉ፥ ነ ጾሳዉ፥ እማናዉ ገፔዳዋ እማናዉ ጋምኦፓ። መꬍና ጎዳይ ነ ጾሳይ ኔን ገፔዳዋ ኩመንꬃን ኔፐ ኮይያ ድራዉ፥ ፖላና ꬋዮፐ፥ ነዉ ናጋራ ግዳና።
DEU 23:22 ሽን ኔን ገፓና ꬋዮፐ፥ ሄዋን ነዉ ናጋራይ ባዋ።
DEU 23:23 መꬍና ጎዳዉ፥ ነ ጾሳዉ፥ እማና ጋደ ኔን ዶናን ሃሳዬዳዋ ነ ዶሱዋን እማና ጌዳ ድራዉ፥ ነ እንጻርሳን ሃሳዬዳዋ ፖላ።
DEU 23:24 “ነ ሾሩዋ ዎይንያ ግዱዋና አꬍያ ዎደ፥ ዎይንያፐ ነ ኮዬዳ ኬና ማፐ አትና፥ አፐ አያነ ነ ኦይቄዳ ሚሻን የጎፓ።
DEU 23:25 ነ ሾሩዋ ሾይቃና ካንꬅያ ዎደ፥ ሄ ሾይቃን ደእያ ትሻፐ ዱꬃደ ማፐ አትና፥ ነ ሾሩዋ ካꬃ ባጫን ጫካደ ጎለ አፎፓ።
DEU 24:1 “እት አሳይ ማቼ አክ ስሚደ፥ እት ኢታባ እ ቦላ ደሚደ እዞ እጾፐ፥ እዝዉ ፓራማ ጻፍ እሚደ፥ ባረ ጎለፐ ከሲደ የዶፐ፥
DEU 24:2 እዛ አ ጎለፐ ከሳደ፥ ሀራ አስና ገሎፐ፥
DEU 24:3 ሄ ላኤንꬆ አስናይካ እዞ ዶሰናን እጺደ፥ ፓራማ እዝዉ ጻፍ እሚደ፥ ባረ ጎለፐ እዞ ከሲደ የዶፐ፥ ዎይ እዞ አኬዳ ሄ ላኤንꬆ አስናይ ሀይቆፐ፥
DEU 24:4 አ ቱኔዳ ድራዉ፥ ኮይሮ ፓራሜዳ አስናይ ላኤንꬆ እዞ ዛሪደ አኮፖ። ሄዌ መꬍና ጎዳ ማታን እጸቴዳዋ፤ ቃይ ህንተካ መꬍና ጎዳይ ህንተ ጾሳይ ህንተንቶ እምያ ጋድያን ሀዋ ማላ ናጋራ ኦꬆፕተ።
DEU 24:5 “ኦራꬃ ማቼ አኬዳ አሳይ ኦላዉ ቦፖ፤ ሀራ ዴጾ ኦሱዋካ አዉ እሞፕተ። እት ላይꬃይ አꬋና ጋካናዉ፥ ሀቃነ ቤናን ባረ አኬዳ ማቻቶ ናሸቾ።
DEU 24:6 “አይ አሳይነ አጮ ዎጻ ዎይ ማይድያ ኦይቆፓ፤ አያዉ ጎፐ፥ ሄዌ ጎልያ አሳይ ጋጭያባ ꬋዪደ፥ ሀይቂኖ ግያዋ።
DEU 24:7 “ባረ እሻ ግድያ እስራኤልያ አሳ ዉእ አፊደ፥ አይልያ ከስያ አሳይ ዎይ ሀራዉ ዛልእያ አይ አሳይነ ሀይቆ። ሄዋዳን ኦꬅያዋን ህንተ ግዶፐ ኢታ ድጊታ።
DEU 24:8 “ዎልቃማ ጋልባ ሀርግያን ሳከትያ አሳዉ ሌዊያ ዛረ ግድያ ቄሳቱ ህንተና ታማርሴዳዋዳን ኡባባ ፖልተ፤ ታ ኡንቱንታ አዛዜዳዋ ሄዋዳን ኦꬃናዉ ናገትተ።
DEU 24:9 ህንተ ግብጼፐ ከሲደ ኦግያን ደእሽን፥ መꬍና ጎዳይ ህንተ ጾሳይ ሚርያም ቦላ ኦꬄዳዋ ሀሳይተ።
DEU 24:10 “ኔን ነ ሾሮ እትባ ታልኣደ፥ እ ኦይꬅያዋ ኦቻናዉ አ ጎለ ገሎፓ።
DEU 24:11 ኔን ካረን ኤቃ ደእሽን፥ ነ ታልኤዳ ብታኒ ኦይꬅያዋ ባረ ጎለፐ ከሲደ ነዉ እሞ።
DEU 24:12 እ ህዬሳ ግዶፐ፥ ነ አጮ ኦይቄዳ አ ማዩዋ ነ ሶን አይሶፓ።
DEU 24:13 እ ማዪደ አቃናዳን፥ ኦማርስ ዎደ አዉ ጉየ ዛራ፤ እ ሄዋን ኔና ጋላታና። ሄዌ መꬍና ጎዳ ነ ጾሳ ማታንካ ነዉ ጌሻተꬃ ግዳናዋ።
DEU 24:14 “ነ እሻ ግድያ እስራኤልያ አሳ ግድና፥ ዎይ ነ ቢታ ካታማፐ እቱዋን ደእያ ካረ ቢታ አሳ ህዬሳ ቃጻራደ ናቆፓ።
DEU 24:15 እ ሀች ኦꬄዳዋ ሀች አካናዉ ምንሲደ ኮይያ ድራዉ፥ አዋይ ዉለናን ሀች ጭጋ። ሄዌ ꬋዮፐ፥ መቶታንቻይ ኔፐ መꬍና ጎዳዉ ዋስና፥ ነዉ ናጋራ ግዳናዋ።
DEU 24:16 “ናናይ ኦꬄዳ ናጋራ ድራዉ፥ አዎቱዋ ዎꬋናዉ በሰና፤ ቃይ አዎቱ ኦꬄዳ ናጋራ ድራዉካ፥ ናናቱዋ ዎꬋናዉ በሰና። አሳይ ኡባይ ባረ ኦꬄዳ ናጋራን ናጋራን ሀይቃናዉ በሰ።
DEU 24:17 “ካረ ቢታ አሳቱ ፕርዳነ አዉ አታ ባይናዋንቱ ፕርዳ ደሽሶፓ፤ አምአት ማዩዋ አ ታልኤዳዎ ጋደ ኦይቆፓ።
DEU 24:18 ህንተካ ግብጼ ጋድያን አይልያ ግዴዳዋነ መꬍና ጎዳይ ህንተ ጾሳይ ህንተና ያፐ ዎዚደ ከሴዳዋ ሀሳይተ። ታን ሀዋ ህንተና አዛዝያዌ ሄዋ ድራሳ።
DEU 24:19 “ነ ሾይቃፐ ካꬃ ጫክያ ዎደ፥ ነ ዶጌዳ ምርቂያ ቆራናዉ ጉየ ቦፓ። መꬍና ጎዳይ ነ ጾሳይ ነ ኩሽያ ኦሶ ኡባን ኔና አንጃና ማላ፥ ሄዋ በትያዉ፥ አታ አዉ ባይና ናናቶነ አምኤቶ አጋ።
DEU 24:20 ነ ዎጋራ አይፍያ ማጽያ ዎደ፥ እቱነ አተናን ዉርሳደ ማጻናዉ ላኤንꬁዋ ጉየ ስሞፓ፤ አቴዳዋ በትያዉ፥ አታ አዉ ባይና ናናቶነ አምኤቶ አጋ።
DEU 24:21 ነ ዎይንያ አይፍያ ማጽያ ዎደ፥ አቴዳዋ ቃርማናዉ ላኤንꬁዋ ጉየ ቦፓ፤ ሄዋ በትያዉ፥ አታ አዉ ባይና ናናቶነ አምኤቶ አጋ።
DEU 24:22 ህንተካ ግብጼ ጋድያን አይልያ ግዲደ ደኤዳዋ ዶጎፕተ። ታን ሀዋ ህንተና አዛዝያዌ ሄዋ ድራሳ።
DEU 25:1 “ላኡ አሳቱ ዋላቀቲደ ፕርዳ ጎልያ ዮፐ፥ ዳናቱ ጌሻ ነ ልከ ጊደ፥ ናቄዳዋ ነ ባይዛንቻ ጊደ ፕርድኖ።
DEU 25:2 ባይዛንቻይ ዋꬉ በስያዋ ግዶፐ፥ ትራን ግስሲደ ዞክያ ሾጫናዉ ዳናይ አዛዞ፤ ያቶፐ ባይዛንቻይ ዳና ስንꬃን ባረ ባይዙዋ ኬና ሾጨቶ።
DEU 25:3 እ ኦይታሙዋ ጋካናዉ ሾጨቶፐ አትና፥ ሄዋፐ ዳሩዋ ሾጨቶፖ። ሄዋፐ ዳሩዋ አ ሾጮፐ፥ ነ እሻይ ነ ስንꬃን ካዉሻና።
DEU 25:4 “ኡዱማን ካꬃ የꬍያ ቦራ ዶና ቃቾፓ።
DEU 25:5 “እትፐ ደእያ እሻቱዋፐ እቱ ናኣ የለናን ሀይቆፐ፥ አ ማቻታ ሀራ ባደ ገሉፑ፤ እዝ አስና እሻይ እዞ አኮ፤ እዝዉ ኮሽያዋ ፖሎ።
DEU 25:6 ያቶፐ ሀ ሀይቄዳዋ ሱንꬃይ እስራኤልያፐ ፕተት ꬋየናዳን፥ አ ኮይሮ የልያ አቱማ ናአይ ሀ ሀይቄዳዋ ሱንꬃን ጼገቶ።
DEU 25:7 “ግዶ ሽን፥ እ ባረ እሻ ማቻቶ አካናዉ ኮያና ꬋዮፐ፥ እዛ ካታማ ፐንግያን ኡቴዳ ጭማቱዋኮ ባደ፥ ‘ታ አስና እሻይ ባረ እሻ ሱንꬃይ እስራኤልያን ደአናዉ ኮይቤና፤ ታና አኪደ፥ ታዉ ኮሽያዋ ኩንናን እጼዳ’ ያጋደ ማጋኑ።
DEU 25:8 ካታማ ጭማቱ አ ጼጊደ ኦችኖ፤ ሀእካ፥ ‘ታን እዞ አክከ’ ጊደ እጾፐ፥
DEU 25:9 ሄ ሀይቄዳዋ ማቻቶ ጭማቱዋ ስንꬃን አኮ ሺቃደ፥ አ ገድያ ጫማፐ እቱዋ ከሳደ፥ አ ሶምኡዋን ጩቻ ጩቻደ ሀዋዳን ያጉ፤ ‘ባረ እሻዉ ዘረꬃይ ደአናዉ ኮየና አሳ ቦላ፥ ሀዋ ማላ ካዉሻይ ጋካናዉ በሴ’ ያጉ።
DEU 25:10 አ ዛሪ እስራኤልያን፥ ‘ጫማ ከሴዳዋንቱ ሶያ’ ጌተት ጼገቲደ ደአና።
DEU 25:11 “ላኡ አሳቱ ዋትሽን፥ እቱዋ ማቻታ ያደ፥ ባረ አስና ሾጭያዋ ኩሽያፐ አሻናዉ፥ ባረ ኩሽያ የዳደ ህንኩዋ አቱማተꬃ ኦይቆፐ፥
DEU 25:12 እዝዉ አይነ ቃረተናን እ ኩሽያ ቃንጽተ።
DEU 25:13 “ነ ኬሻ ግዶን ዴጾነ ካዉሻ ግዴዳ ላኡ ሚዛናቱ ደኦፕኖ።
DEU 25:14 ነ ሶን ዳርሲደነ ጉꬂደ ልክያ ላኡ ማክያባይ ደኦፖ።
DEU 25:15 መꬍና ጎዳይ ነ ጾሳይ ነዉ እምያ ጋድያን አዱሳ ላይꬃ ነ ደአናዳን ኩመንꬃነ ልከ ሚዛናይነ ማክያባይ ነዉ ደኦ።
DEU 25:16 አያዉ ጎፐ፥ መꬍና ጎዳይ ነ ጾሳይ ሄዋ ማላባ ኦꬂደ፥ ባለꬅያ አሳ ኡባ ሻቴ።
DEU 25:17 “ህንተ ግብጼፐ ከሲደ ቢደ ደእሽን፥ አማሌቃቱ ህንተ ቦላ ኦꬄዳዋ ሀሳይተ።
DEU 25:18 ኡንቱንቱ ጾሳዉ ያየና አሳ፤ ህንተ ኦግያን ህንተናና ኤቀቴድኖ። ህንተ ሄመትሽን፥ ዳቡሪደ ጉየ አቴዳ አሳ ኡባ ዎꬌድኖ።
DEU 25:19 ሄዋ ድራዉ፥ መꬍና ጎዳይ ህንተ ጾሳይ ህንተና ሄ ቢታ ላትሲደ፥ ህንተ ዩሹዋን ደእያ ሞርከቱዋ ኡባፐ ህንተና ሸምፕስያ ዎደ፥ ሀ ጋድያን ኡንቱንታ ሀሳይያ አሳይ ꬋያና ጋካናዉ፥ አማሌቃቱዋ ኡባ ሳሉዋ ጉፋንꬃፐ ꬋይስተ፤ ሄዋ ኦꬃናዋ ሙለካ ዶጎፕተ።
DEU 26:1 “መꬍና ጎዳይ ህንተ ጾሳይ ህንተና ላትስያ ቢታ ገሊደ ኡትያ ዎደ፥
DEU 26:2 መꬍና ጎዳይ ህንተ ጾሳይ ህንተንቶ እምያ ጋድያን ሞኬዳ ካꬃ ኡባፐ ባይራትያዋ ቁንኣና መꬍና ጎዳይ ህንተ ጾሳይ ባረ ሱንꬃይ ሄዋን ጼሰታናዳን ዶሬዳ ሳአዉ አኪደ ቢተ።
DEU 26:3 ያቲደ ሄ ዎድያን አዎትያ ቄስያኮ ቢደ፥ ሀዋዳን ያግተ፤ ‘መꬍና ጎዳይ ኑ እማና ጊደ ካሰ ኑ ማይዛ አዋቶ ጫቄዳ ሳኣ ታና ገልሴዳ መꬍና ጎዳዉ፥ ኑ ጾሳዉ፥ ሀች ታን ማርካታይ’ ያጎ።
DEU 26:4 “ያቶፐ ቄሲ ካꬃይ ኩሜዳ ቁንኣ ነ ኩሽያፐ አኪደ፥ መꬍና ጎዳዉ፥ ነ ጾሳዉ ያርሽያ ሳኣ ስንꬃን ዎꬆ።
DEU 26:5 ሄዋፐ ጉይያን፥ መꬍና ጎዳ ነ ጾሳ ስንꬃን ሀዋዳን ያጋደ ሃሳያ፤ ‘ታ ማይዛ አዉ ደኢያሳ ꬋዪደ መቶቴዳ ሶርያ ቢታ አሳ፤ እ መቶቲደ፥ ፓይዱዋን ጉꬃ አሳቱዋና ግብጼ ዎꬊደ ያን ደኤዳ። ሄዋን ደኢደ እ ዎልቃማ ዎልቃማነ ፓይዱዋን ጮራ ጋደ ከሴዳ።
DEU 26:6 ሄዋ በኢደ፥ ግብጼቱ ኑዉ መቀꬃ ኢቴድኖ፤ ኑና ኡንኤꬄድኖ። ኑ ኦꬃናዳን ዴጾ ኦሱዋ ኑ ቦላ ጫኔድኖ።
DEU 26:7 ያትና፥ ኑን መꬍና ጎዳዉ፥ ኑ አዎቱዋ ጾሳዉ፥ ዋሴዶ። መꬍና ጎዳይ ኑ ዋሱዋ ስሴዳ፤ ኑ ኡንኡዋ፥ ኑ ዳቡራነ ኑ ኡቁና በኤዳ።
DEU 26:8 መꬍና ጎዳይ ባረ ዎልቃማ ኩሽያንነ ባረ ምጨቴዳ ቀስያን፥ ዎልቃማ ዳጋማን፥ ማላታንነ ማላልስያ ኦራꬃባ ኦꬅያዋን፥ ኑና ግብጼፐ ከሴዳ።
DEU 26:9 ሀ ሳኣ ኑና አሂደ፥ ማꬃነ ኤሳ ጎግያ ሀ ቢታ ኑዉ እሜዳ።
DEU 26:10 ሄኮ ታን መꬍና ጎዳይ እሜዳ ቢታ አይፍያፐ ኮይሩዋ አሃድ’ ያጋደ፥ ቁንኣ መꬍና ጎዳ ነ ጾሳ ስንꬃን ዎꬃደ፥ አ ስንꬃን ጎይና።
DEU 26:11 ነዉነ ነ ሶ አሳዉ መꬍና ጎዳይ ነ ጾሳይ እሜዳዋን ናሸቲደ፥ ጋላትተ፤ ሌዋቱነ ህንተ ግዶን ደእያ በተቱ ኡባይካ ህንተናና ናሸትኖ።
DEU 26:12 “አስራታ ከስያ ሄዛንꬃ ላይꬃን ላይꬃን ሞኬዳዋ ኡባፐ አስራታ ከሳደ ፖልያ ዎደ፥ ነ ካታማን ደእያ ሌዋቶ፥ በተቶ፥ አታ አዉ ባይናዋንቶነ አምኤቶ እማ፤ ያቶፐ ኡንቱንቱ ህንተ ካታማን ባረዉ ኮሽያ ካꬃ ማናነ ካላና።
DEU 26:13 ሄዋፐ ጉይያን መꬍና ጎዳዉ፥ ነ ጾሳዉ፥ ሀዋዳን ያጋ፤ ‘ታን ታ ጎለፐ ጾሳዉ ዱማቴዳ ካꬃ ከሳደ፥ ኔን ታና አዛዜዳ ነ አዛዙዋዳን ሌዋቶ፥ በተቶ፥ አታ አዉ ባይና ናናቶነ አምኤቶ እማድ። ታን ነ አዛዙዋፐ እቱዋነ መንꬃበይከ፤ ቃይ እቱዋነ ዶጋ አጋበይከ።
DEU 26:14 ታ ካዩዋ ዎደካ፥ ሄ አስራታፐ አይነ ማበይከ፤ ታን ዎጋን ጌሻ ግደና ዎደካ፥ አፐ ካረ ከሴዳዌካ ባዋ፤ ሀይቄዳ አሳዉካ አጫ ሄዋፐ ዎꬃበይከ። ታን መꬍና ጎዳዉ፥ ታ ጾሳዉ፥ አዛዘታድ፤ ቃይ ኔን ታና አዛዜዳዋ ኡባ ፖላድ።
DEU 26:15 ኔን ደእያ ጌሻ ሳኣፐ፥ ሳሉዋፐ ሃ ዱገ ጼላ፤ ነ ደርያ እስራኤላነ ካሰ ኑ ማይዛ አዋቶ ነ እማና ጋደ ጫቄዳዋዳን ኑዉ እሜዳ ሀ ማꬃይነ ኤሳይ ጎግያ ቢታ አንጃ’ ያጋ።
DEU 26:16 “ኔን ሀ አዋዮቱዋነ ዎጋቱዋ ናጋናዳን፥ መꬍና ጎዳይ ነ ጾሳይ ኔና ሀች አዛዜዳ፤ ሄዋ ድራዉ፥ ኔን ኡንቱንታ ነ ኩመንꬃ ዎዛናፐነ ኩመንꬃ ሸምፑዋፐ ናጋ።
DEU 26:17 መꬍና ጎዳይ ነዉ ጾሳ ግዴዳዋ፥ ነ አ ኦግያን ሀመትያዋ፥ አ ዎጋ፥ አ አዛዙዋነ አ ህግያ ኔን ፖልያዋ ሀች ኤርሳዳ።
DEU 26:18 ቃይ መꬍና ጎዳይካ ባረ ገሌዳ ቃላዳን ኔን አ አሳ ግድያዋ፥ አዉ ቡዞ ሚሻ ግድያዋነ ኔን አ አዛዞ ኡባ ናጋናዋ ኤርሴዳ።
DEU 26:19 ሄዋ ኔን ኦꬆፐ፥ እ መꬌዳ አሳ ኡባፐ ኔና ጋላታን፥ ሱንꬃንነ ቦንቹዋን ዎልቃማ ጋደ ኦꬃና መꬍና ጎዳይ ገሌዳ ቃላዳን ኔንካ አዉ ጌሻ ጋደ ግዳናዋ ሀች ኤርሴዳ” ያጌዳ።
DEU 27:1 ሄዋፐ ጉይያን፥ ሙሴ እስራኤልያ ጭማቱዋና ግዲደ፥ አሳ ሀዋዳን ያጌዳ፤ “ታን ሀች ህንተና አዛዝያ አዛዙዋ ናግተ።
DEU 27:2 ዮርዳኖሳ ሻፋ ፕኒደ፥ መꬍና ጎዳይ ህንተ ጾሳይ ህንተንቶ እምያ ቢታ ገልያ ዎደ፥ ዎልቃማ ሹቻቱዋ ኤሲደ፥ ቦሹንቻን ኦክተ።
DEU 27:3 መꬍና ጎዳይ ህንተ አዎቱዋ ጾሳይ ህንተንቶ እማና ጌዳዋዳን፥ ኤሳይነ ማꬃይ ጎግያ ቢታ፥ መꬍና ጎዳይ ህንተ ጾሳይ ህንተንቶ እምያ ቢታ ህንተ ፕንያ ዎደ፥ ሀ ህግያ ቃላቱዋ ኡባ ሄ ሹቻቱ ቦላ ጻፍተ።
DEU 27:4 ህንተ ዮርዳኖሳ ፕኔዳ ዎደ፥ ታን ህንተና ሀች አዛዜዳዋዳን፥ ሀ ሹቻቱዋ ኤባላ ደርያ ቦላን ኤሲደ፥ ኡንቱንታ ቦሹንቻን ኦክተ።
DEU 27:5 ሄ ሳኣን መꬍና ጎዳዉ፥ ህንተ ጾሳዉ፥ ብራታ ሚሻይ ቦችቤና ሹቻፐ ያርሽያ ሳኣ ኦꬅተ።
DEU 27:6 ሄ ህንተ መꬍና ጎዳዉ፥ ህንተ ጾሳዉ፥ ያርሽያ ሳኣ ማሰትቤና ሹቻፐ ኦꬅተ፤ ያቲደ ሄዋ ቦላን መꬍና ጎዳዉ፥ ህንተ ጾሳዉ፥ ጹግያ ያርሹዋ ሺሽተ።
DEU 27:7 እትፐተꬃ ያርሹዋካ፥ ሄዋን ሚደ፥ መꬍና ጎዳ ህንተ ጾሳ ስንꬃን ናሸትተ።
DEU 27:8 ሀ ህግያ ቃላቱዋ ኡባ ቆንጭያን ቤትያዋዳን ኦꬂደ፥ ሀ ህንተ ኤሴዳ ሹቻቱ ቦላ ጻፍተ” ያጌዳ።
DEU 27:9 ሙሴ ቃይካ ሌዊያ ግድያ ቄሳቱ ዋና እትፐ ግዲደ፥ እስራኤልያ አሳ ኡባዉ ሀዋዳን ያጌዳ፤ “ህንተኖ እስራኤልያ አሳዉ፥ ጮኡ ጊደ ስስተ! ሄኮ ሀች ህንተ መꬍና ጎዳ ህንተ ጾሳ አሳ ግዴድታ።
DEU 27:10 ሄዋ ድራዉ፥ ሀች ታን ህንተንቶ እምያ አዛዙዋነ አዋዩዋ ናግያዋን፥ መꬍና ጎዳ ህንተ ጾሳ ቃላዉ አዛዘትተ” ያጌዳ።
DEU 27:11 ሄ ጋላስካ ሙሴ አሳ ሀዋዳን ያጊደ አዛዜዳ፤
DEU 27:12 “ህንተ ዮርዳኖሳ ፕኔዳ ዎደ፥ ጋሪዛማ ደርያ ቦላ ኤቂደ አሳ አንጃናዋንታ: ስሞና፥ ሌዊያ፥ ይሁዳ፥ ይሳኮራ፥ ዮሴፎነ ቢንያማ ዛራቱዋ።
DEU 27:13 ቃይ አሳ ሸቃናዉ ኤባላ ደርያ ቦላ ኤቃናዋንቱ: ሮቤላ፥ ጋዳ፥ አሴራ፥ ዛብሎና፥ ዳናነ ንፍታሌማ ዛራቱዋ።
DEU 27:14 ሌዋቱ ባረንቱ ቃላ ꬎቁ ኦꬂደ፥ እስራኤልያ አሳዉ ሀዋዳን ያግኖ።
DEU 27:15 “ ‘መꬍና ጎዳ ስንꬃን ቱና ግዴዳዋ፥ ኩሽያ ሂላንቻይ ማሲደ ከሴዳ ምꬃ ግድና፥ ዎይ ብራታ ትጊደ መꬌዳ ኤቃ ግድና፥ አዉ ጌማን ጎይንያ አሳይ ሸቀቴዳዋ ግዶ’ ያግና፥ አሳይ ኡባይ፥ ‘አመንእ!’ ያጎ።
DEU 27:16 “ ‘ባረ አዉዋ ዎይ ባረ ዳዮ ካዉሽያ አሳይ ሸቀቴዳዋ ግዶ’ ያግና፥ አሳይ ኡባይ፥ ‘አመንእ!’ ያጎ።
DEU 27:17 “ ‘ባረ ሾሩዋ ዛዋ ሱግያ አሳይ ሸቀቴዳዋ ግዶ’ ያግና፥ አሳይ ኡባይ፥ ‘አመንእ!’ ያጎ።
DEU 27:18 “ ‘ቆቃይ ባናዉ በስያ ኦግያፐ ባላሳ ዛርያ አሳይ ሸቀቴዳዋ ግዶ’ ያግና፥ አሳይ ኡባይ፥ ‘አመንእ!’ ያጎ።
DEU 27:19 “ ‘በትያ፥ አታ አዉ ባይና ናናቱዋ ፕርዳነ አምአት ፕርዳ ገላየዳ አሳይ ሸቀቴዳዋ ግዶ’ ያግና፥ አሳይ ኡባይ፥ ‘አመንእ’ ያጎ።
DEU 27:20 “ ‘ባረ አዉዋ ማቻትና ግሲደ፥ ባረ አዉዋ ቦንቹዋ ካዉሽያ አሳይ ሸቀቴዳዋ ግዶ’ ያግና፥ አሳይ ኡባይ፥ ‘አመንእ!’ ያጎ።
DEU 27:21 “ ‘አይ መህያናካ ግስያ አሳይ ሸቀቴዳዋ ግዶ’ ያግና፥ አሳይ ኡባይ፥ ‘አመንእ!’ ያጎ።
DEU 27:22 “ ‘ባረ ምቻቶ ግድያ፥ አዉዋ ናትና ግድና፥ ባረ ዳይ ናትና ግስያ አሳይ ሸቀቴዳዋ ግዶ’ ያግና፥ አሳይ ኡባይ፥ ‘አመንእ!’ ያጎ።
DEU 27:23 “ ‘ባረ ቦሎታትና ግስያ አሳይ ሸቀቴዳዋ ግዶ’ ያግና፥ አሳይ ኡባይ፥ ‘አመንእ!’ ያጎ።
DEU 27:24 “ ‘ባረ ሾሩዋ ጌማን ዎꬍያ አሳይ ሸቀቴዳዋ ግዶ’ ያግና፥ አሳይ ኡባይ፥ ‘አመንእ!’ ያጎ።
DEU 27:25 “ ‘ሻሉዋን ሻመቲደ፥ ጽሎ አሳ ዎꬍያ አሳይ ሸቀቴዳዋ ግዶ’ ያግና፥ አሳይ ኡባይ፥ ‘አመንእ!’ ያጎ።
DEU 27:26 “ ‘ሀ ህግያ ቃላቱዋ ፖሊደ ምንሰና አሳይ ሸቀቴዳዋ ግዶ’ ያግና፥ “አሳይ ኡባይ ‘አመንእ!’ ” ያጎ።
DEU 28:1 “መꬍና ጎዳዉ፥ ነ ጾሳዉ፥ ፖሎ አዛዘቶፐ፥ ሀች ታን ነዉ እምያ አዛዙዋ ኡባ ሎይꬃደ ካሎፐ፥ መꬍና ጎዳይ ነ ጾሳይ ጋድያን ደእያ ካዉተꬃቱዋ ኡባፐ ኔና ꬎቁ ꬎቁ ኦꬃና።
DEU 28:2 መꬍና ጎዳዉ፥ ነ ጾሳዉ፥ ኔን አዛዘቶፐ፥ ሀዋፐ ካሊደ ደእያ አንጁ ኡባይ ነዋ ግዳናዋ።
DEU 28:3 “ኔን ካታማን አንጀቴዳዋ ግዳናዋ፤ ጋጻርያንካ አንጀቴዳዋ ግዳናዋ።
DEU 28:4 ነ ኡሉዋ አይፊ፥ ነ ሾይቃ አይፊ፥ ነ መህያ ማራቱነ ነ ዶርሳነ ነ ዴሻ ዉድያ ማራቱ፥ ጮራቲደ አንጀቴዳዋንታ ግዳና።
DEU 28:5 ነ ካꬃ ቁንአይነ ነ ሙናቃ ከሪ አንጀቴዳዋንታ ግዳናዋ።
DEU 28:6 ኔን ገላደካ ከሳደካ አንጀቴዳዋ ግዳና።
DEU 28:7 “ነ ቦላን ደንድያ ነ ሞርከቱዋ መꬍና ጎዳይ ነ ስንꬃን ጾነቴዳዋንታ ኦꬃና። ኡንቱንቱ ነ ቦላ እት ኦግያና ያና፤ ሽን ላፑን ኦግያና ነ ስንꬃፐ ባቃቲደ ꬋያና።
DEU 28:8 “መꬍና ጎዳይ ነ ኩሺ ኦይቄዳዋ ኡባነ ነ ድይያ አንጃና፤ መꬍና ጎዳይ ነ ጾሳይ ነዉ እ እምያ ጋድያን ኔና አንጃና።
DEU 28:9 “ኔን መꬍና ጎዳ ነ ጾሳ አዛዙዋ ናጎፐነ አ ኦግያን ሀመቶፐ፥ እ ነዉ ካሰ ጫቄዳዋዳን፥ መꬍና ጎዳይ ኔና ባረዉ ዱማቴዳ ጌሻ ጋደ ኦꬂደ ኤሳና።
DEU 28:10 ሄዋፐ ጉይያን፥ ጋድያን ደእያ አሳይ ኡባይ መꬍና ጎዳ ሱንꬃይ ኔናን ጼገቴዳዋ በኢደ ያያና።
DEU 28:11 መꬍና ጎዳይ ነዉ እማናዉ ካሰ ነ ማይዛ አዋቶ ጫቄዳ ሄ ጋድያን፥ ነ ኡሉዋ አይፍያ፥ ነ መህያ አይፍያነ፥ ነ ሾይቃ አይፍያ ዳርሲደ ኔና አንጃና።
DEU 28:12 “ነ ኩሽያ ኦሱዋ ኡባ አንጃናዉነ፥ መꬍና ጎዳይ ነ ቢታዉ እራ ዎድያን ቡክሳናዉ ባረ ምንጃ ጎልያ፥ ሳሉዋ ፐንግያ ነዉ ዶያና፤ ቃይ ኔን ዳሮ ካዉተꬃቶ ታልአናፐ አትና፥ ኦፐነ ሃ ታልአካ።
DEU 28:13 መꬍና ጎዳይ ኔና ሁጰ ከሳናፐ አትና፥ ጉየ ዱፈ ከሰና። ሀቼ ታን ነዉ እምያ፥ መꬍና ጎዳ ነ ጾሳ አዛዙዋ ስሳደ፥ ሄዋ ሎይꬃደ ካሎፐ፥ ኔን ቦላ ግዳናፐ አትና፥ ጋርሳ ግዳካ።
DEU 28:14 ታን ነዉ ሀች እሜዳ አዛዙዋፐ ሀድርሳነ ኡሸቻ ጋደ፥ ሀራ ጾሳቱዋ ካሎፓነ ኡንቱንቶ ኦꬆፓ።
DEU 28:15 “ሽን ኔን መꬍና ጎዳ ነ ጾሳ ቃላዉ አዛዘተናን እጻደ፥ ሀች ታን ኔና አዛዝያ ዎጋነ አዛዙዋ ኡባ ናገናን አጎፐ፥ ሀዋፐ ካሊደ ደእያ ሸቃቱ ኡባይ ነ ቦላ ያናነ ኔና ኡንቱንቱ ደማና።
DEU 28:16 “ኔን ካታማን ሸቀቴዳዋ ግዳና፤ ጋጻርያንካ ኔን ሸቀቴዳዋ ግዳና።
DEU 28:17 “ነ ካꬃ ቁንአይነ ነ ሙናቃ ከሪ ሸቀቴዳዋ ግዳና።
DEU 28:18 “ነ ኡሉዋ አይፊ፥ ነ ሾይቃ አይፊ፥ ነ መህያ ዉዲ፥ ነ ዶርሳነ ዴሻ ዉዲ ሸቀቴዳዋ ግዳና።
DEU 28:19 “ኔን ገላደካ ከሳደካ ሸቀቴዳዋ ግዳና።
DEU 28:20 “ኔን ነ ኢታ ኦሱዋን ታና አጌዳ ድራዉ፥ ኤለካ ኔን ꬋያና ጋካናዉ፥ ነ ኦꬅያ ኦሶ ኡባን መꬍና ጎዳይ ሸቃ፥ ሻቢርሳነ ሴራ የዳና።
DEU 28:21 ኔን ላታናዉ ብያ ጋድያፐ ꬋያና ጋካናዉ፥ መꬍና ጎዳይ ኢታ ሀርጊ ኔፐ ዱጸናዳን ኦꬃና።
DEU 28:22 መꬍና ጎዳይ ኔና ግልቃተꬃን፥ ምሹዋንነ ማዱꬃን፥ ጹግያ ሀርጊያንነ ኮሻን፥ ጫርኩዋንነ ዱማ ዱማ ካꬃ ሀርግያን ኔን ꬋያና ጋካናዉ ሾጫና።
DEU 28:23 ኔፐ ቦላና ነ ልክያን ደእያ ሳሉ ናሃሰ ብራታ ግዳናዋ፤ ነ ቢታይካ ብራታ ግዳናዋ።
DEU 28:24 መꬍና ጎዳይ ነ ጋድያን ቡክያ እራ ꬊልያነ ባና ከሳና፤ ኔን ጋድያፐ ꬋያና ጋካናዉ፥ ባናይ ሳሉዋፐ ዱገ ቡካና።
DEU 28:25 “መꬍና ጎዳይ ኔና ነ ሞርከቱዋን ጾንሳና፤ ኔን ኡንቱንታ ኦላናዉ እት ኦግያና ከሳና፤ ሽን ላፑን ኦግያና ነ ኡንቱንቱ ስንꬃፐ ባቃታና። ቢታን ደእያ ካዉተꬃ ኡባይ ነ ቦላ ጋኬዳዋ በኢደ፥ ያሻን ሻቢረታና።
DEU 28:26 ነ አሃይ ሳሉዋ ካፉዋ ኡባዉነ ባዙዋ ዶአዉ ቁማ ግዳና፤ ኡንቱንታ የደርስያባይካ ደኤና።
DEU 28:27 “መꬍና ጎዳይ ኔና ꬋሊ ባይና ግብጼ ማዱꬃን፥ ክጻን፥ እላሁዋንነ ፑሱዋን ኔና ሀርግሳና።
DEU 28:28 መꬍና ጎዳይ ኔና ጎሻን፥ ቆቀተꬃንነ ዳጋማን ሾጫና።
DEU 28:29 ጋላሳ ሴታን ኔን ቆቂ ꬉማን ታታፍያዋዳን ታታፋና፤ ነ ኦꬅያባይ ኡባይ ነዉ ጊገናን እጻና። ነ ደኦ ላይꬃ ኡባን ኡቁነታደነ ቦንቀታደ ደአና። ኔና ማድያ አሳካ ደማካ።
DEU 28:30 “ኔን ማጫ ናቶ ጊግሳና ሽን፥ ሀራይ እዞ ቦንቂደ አፋና። ጎልያ ኔን ኬጻና፤ ሽን አን ደአካ። ዎይንያ ነ ቶካና፤ ሽን አ አይፍያ ማካ።
DEU 28:31 ነ ቦራይ ነ ስንꬃን ሹከታና፤ ሽን አ አሹዋ ማካ። ነ ሀሪ ኔፐ ላገቲደ አከታና፤ ሽን ነዉ ጉየ ስመና። ነ ዶርሳይ ነ ሞርክያዉ እመታና፤ ሄዋ አሻናዉ ኔና ማድያዌ ባዋ።
DEU 28:32 ነ አይፍያ ስንꬃን ነ አቱማ ናናቱነ ማጫ ናናይ ሀራ ካዉተꬃዉ እመታና፤ ኡንቱንቱ ስምና በአና ጋደ ጼልሽን፥ ነ አይፊ ጋልጃና፤ ሄዋ ድጋናዉ ነዉ አይ ዎልቃይነ ደኤና።
DEU 28:33 ነ ቢታ አይፍያነ ነ ዳቡሬዳዋ ኡባ ነ ኤረና አሳይ ማና፤ ነ ደኦ ኡባን ኡቁነቴዳዋነ ናቀቴዳዋ ግዳና።
DEU 28:34 ነ በእያ ኢታይ ኔና ጎሻና።
DEU 28:35 መꬍና ጎዳይ ꬋሊ ባይና ኢታ ማዱꬃን ነ ጉልባታነ ነ ዎድርያ ሀርግሳና፤ የꬍያ ገድያፐ ሁጲያ ጋካናዉ፥ ኔና ሄ ማዱꬃን ሾጫና።
DEU 28:36 “መꬍና ጎዳይ ኔናነ ነ ካትያ፥ ኔና ግድና፥ ነ ማይዛ አዎቱዋ ግድናካ ኤርቤና አሳ ጋደ አፋና። ሄዋን ኔን ምꬃፐነ ሹቻፐ መቴዳ ሀራ ጾሳቶ ጎይናና።
DEU 28:37 መꬍና ጎዳይ ኔና ላልያ ሀራ ካዉተꬃቱዋ ኡባ ግዶን ፖራ ሀዋንቱዋ ጊደ፥ ቅሊጭያዋነ ካእያዋ ግዳናሳ።
DEU 28:38 “ኔን ዳሮ ካꬃ ነ ሾይቃን ዘራና፤ ሽን ቦሊ ም ድግና፥ ጉꬃ ካꬃ ሺሻና።
DEU 28:39 ዎይንያ ቶካደ፥ አ ኦꬃና፤ ሽን ጉጹኒ አ ም ድግና፥ አፐ አይነ ማጻካ፤ አጋደካ አፐ ኡሻካ።
DEU 28:40 ነ ቢታ ኡባን ዛይትያ ዎጋራይ ሞካና፤ ሽን አይፊ ቆቆፈት ክችና፥ ዎጋራ ዛይትያ ደማካ።
DEU 28:41 አቱማነ ማጫ ናናቱዋ ነ የላና፤ ሽን ኦላይ ኦሞድ አፍ ድግና፥ ኡንቱንቱ ኔናና ደእክኖ።
DEU 28:42 ነ ምꬃ ኡባነ ነ ቢታ አይፍያ ቦሊ ዉርሳና።
DEU 28:43 “ነ ግዶን ደእያ በቲ ነ ቦላ ꬎቁ ꬎቁ ጋና፤ ሽን ኔን ጉየ ያደ ዝቂ ዝቂ ጋና።
DEU 28:44 እ ነዉ ታልአናፐ አትና፥ ኔን አዉ ታልአካ፤ እ ሁጰ ግዳናዋ፤ ኔን ዱፈ ግዳናሳ።
DEU 28:45 “መꬍና ጎዳዉ፥ ነ ጾሳዉ፥ አዛዘተናን እጼዳ ድራዉነ እ አዛዜዳ አዛዙዋነ ዎጋ ናገናን እጼዳ ድራዉ፥ ኔን ꬋያና ጋካናዉ፥ ሀ ሸቃቱ ኡባይ ነ ቦላ ዎꬋና፤ ኔና ኡንቱንቱ የደርሳና።
DEU 28:46 ሀ ሸቃቱ ነ ቦላንነ ነ ዛራቱ ቦላን መꬍናዉ ማላታነ ማላልስያዋ ግዳናዋ።
DEU 28:47 ነዉ ሳአይ እንጀቴዳ ዎደ፥ መꬍና ጎዳዉ፥ ነ ጾሳዉ፥ ናሸቻንነ ጋላታን ጎይናባካ።
DEU 28:48 ሄዋ ድራዉ፥ ኔና ኮሻን፥ ሳሙዋን፥ ካሉዋንነ መቱዋን ኡባባ ꬋያደ፥ መꬍና ጎዳይ ነ ቦላ የድያ ነ ሞርከቶ ሞደታና፤ መꬍና ጎዳይ ኔና ꬋይሳና ጋካናዉ፥ ነ ሞርግያን ብራታ ሞርገ ምꬃ ዋጻና።
DEU 28:49 “መꬍና ጎዳይ ኔን ኡንቱንቱ ቃላ ኤረና ካዉተꬃ አንኩ ፓልያዋዳን ኤሌልሲደ፥ ቢታ ጋጻፐ፥ ሃኩዋፐ ነ ቦላ አሀና።
DEU 28:50 ኡንቱንቱ ሀንቁዋ ሶምኡዋና ደእያዋንታ፤ ጭማ ቦንቼናዋንታ፤ ጉꬃቶካ ቃረተናዋንታ።
DEU 28:51 ኔን ꬋያና ጋካናዉ፥ ነ መህያ ማራነ፥ ነ ቢታ አይፍያ ማና። ኡንቱንቱ ኔን ꬋያና ጋካናዉ፥ ነ ካꬃ፥ ነ ዎይንያ ኤሳ፥ ነ ዛይትያ፥ ነ ሚዛነ ነ ዶርሳ ዉድያ ዉርሳና።
DEU 28:52 ነ ጋድያን ደእያ ኔን አማነትያ፥ አዱሳ፥ ምኖ ድርሳቱ ሙለሳና ኮለታና ጋካናዉ፥ ነ ካታማ ዩሹዋን ዶዲደ፥ ኔና ኡንኤꬃና። መꬍና ጎዳይ ነ ጾሳይ ነዉ እሜዳ ቢታ ኡባ ዩሹዋን ዶዲደ ኔና ኡንኤꬃና።
DEU 28:53 “ነ ሞርከቱ ካታማ ዶዲደ ኔና ኡንኤꬅያ ዎደ፥ ምያዋ ꬋያደ፥ መꬍና ጎዳይ ነ ጾሳይ ነዉ እሜዳ፥ ነ ኡሉዋ አይፍያ ግድያ፥ ነ አቱማ ናናቱነ ነ ማጫ ናናቱ አሹዋ ኔን ማና።
DEU 28:54 ነ ግዶን ሀራይ አቶ ካሰ ሱረተꬃንነ አሽከተꬃን ደኤዳ ግያ አስካ ባረ እሻዉ፥ ባረ ሲቅያ ማቻትዉነ ባረ የሌዳ ናናቶ ቃረተና።
DEU 28:55 ሞርከቱ ካታማ ዶዲደ ኡንኤꬄዳዋፐ ደንዴዳዋን፥ ሀራባይ ማናዉ ባይና ድራዉ፥ ባረ ምያ ባረ ናናቱ አሹዋፐ ሀራዉ ኦስነ እመና።
DEU 28:56 ነ ግዶን ካሰ ሱረተꬃንነ አሽከተꬃን ደኣዱ ግያ፥ ባረ ዱረተꬃፐ ደንዴዳዋን ሳኣ የꬋናዉ ሻተትያ ማጫ ምሽራታካ፥ ባረ ሲቅያ አስናዉ ባረ አቱማነ ማጫ ናናቶ ቃረተናን፥
DEU 28:57 አ ባረ የሌዳ ናኣና ዬዳ ጉየባ ባረ ሲቅያ አስናካ ባረ የሌዳ ናናቱዋካ ጋናን፥ ኡዘታደ ጌማን ባረካ ማድጋና። አያዉ ጎፐ፥ ሞርኪ አ ደእያ ካታማ ዶዲደ እዞ ኡንኤꬄዳነ ቱጋዬዳ ድራዉ፥ እዝዉ ምያባይ ሀራባይ አያይነ ባዋ።
DEU 28:58 “ሀ ማጻፋን ጻፈቴዳ ህግያ ቃላቱዋ ኡባ ኔን ናጋና ꬋዮፐ፥ መꬍና ጎዳይ ነ ጾሳይ ማላልስያነ ያሽያ ሱንꬃ ቦንቼናን አጎፐ፥
DEU 28:59 ነ ቦላነ ነ ዛርያ ኡባ ቦላ መꬍና ጎዳይ ያሽያ ቦሻ፥ ስመና ባሻነ ꬋሊ ባይና ኢታ ሀርግያ ነ ቦላ የዳና።
DEU 28:60 “ካሰ ግብጼ አሳ ቦላ በኣደ፥ ኔን ያዬዳ ግብጼ ሀርግያ ኡባ ዛሪደ፥ ነ ቦላ አሀና፤ ሄ ሀርጊ ኔና የደና።
DEU 28:61 ቃይ ሀ ህግያ ማጻፋን ጻፈትቤና ሀርገ ኡባነ ቦሻ ኡባ ነ ꬋያና ጋካናዉ፥ መꬍና ጎዳይ ነ ቦላ አሀና።
DEU 28:62 መꬍና ጎዳ ህንተ ጾሳ ቃላ ስሰናን እጼዳ ድራዉ፥ ሳሉዋ ጾልንትያዳን ጮራቴዳ ህንተፐ ጉꬃይ አታና።
DEU 28:63 መꬍና ጎዳይ ህንተንቶ ሎኦባ ኦꬅያ ዎደነ ህንተ ፓይዱዋ ጮራይያ ዎደ ዶሴዳዋዳን፥ ሀእ ህንተ ቦላን ባሻ አህያ ዎደካ ህንተና ላልያ ዎደካ ናሸታና፤ ህንተ ላታናዉ ብያ ቢታፐካ ሾደቲደ ꬋያና።
DEU 28:64 “መꬍና ጎዳይ ህንተና ቢታዉ ሀ ጋጻፐ ያ ጋጻ ጋካናዉ፥ ቢታ ኡባን ላላና። ሄዋን ህንተና ግድና፥ ዎይ ህንተ ማይዛ አዎቱ ኤርቤና፥ ሀራ ምꬃነ ሹቻ ጾሳቶ ጎይናና።
DEU 28:65 ሄ ካዉተꬃቱዋ ግዶን ህንተ ዎፓ ደምክታ፤ ህንተ ገድያ ጫማይ የꬍያ ሳኣ ኬሻ ጋዲካ ህንተንቶ ደኤና። ሄዋን መꬍና ጎዳይ ህንተንቶ መቶባ ቆፋ ጻላላን ኩሜዳ ሁጲያ፥ አሞ ጻላላን ዳቡሬዳ አይፍያነ ህዶታ ቃንጹዋን ኩሜዳ ዎዛና እማና።
DEU 28:66 ህንተ ደኡ ኡባይ ህርጋና ግዳናዋ፤ ጋላስነ ቃማ ሻቢርሳንነ ሀይቁዋ ያሻን ኡንኤቲደ ደአና።
DEU 28:67 ህንተ ዎዛናን ኩሜዳ ያሻፐነ ህንተ አይፊ በእያ ፓላፐ ደንዴዳዋን፥ ህንተ ዎንትያ ዎደ፥ ‘አዉደ ቃማንዴሻ’ ቃይ ቃምያ ዎደ፥ ‘አዉደ ዎንታንዴሻ’ ያጋና።
DEU 28:68 ታን ህንተና፥ ‘ላኤንꬆ ሀ ኦግያ ቢክታ’ ጌዳ ኦግያና መꬍና ጎዳይ ህንተና ዛሪደ ማርካብያን ጉየ ግብጼ የዳና። ሄዋን ህንተ አይልያ ግዳናዉ፥ ህንተ ሞርከቶ ህንተና ዛልአናዉ ኮያና፤ ሽን ህንተና አይለያናዉካ ሻምያዋ ደምክታ” ያጌዳ።
DEU 29:1 መꬍና ጎዳይ ሲና ደርያን እስራኤላቱዋና ጫቀቴዳ ጫቁዋ ቃላ ቦላ ሀራ ሞኣበን ኡንቱንቱና ጫቀታናዉ ሙሳ አዛዜዳ ጫቁዋ ቃላቱ ሀዋንታ።
DEU 29:2 ሙሴ እስራኤልያ አሳ ኡባ ጼስ ሺሺደ፥ ኡንቱንቶ ኦድያባይ ሀዋ፦ “መꬍና ጎዳይ ህንተ ስንꬃን ግብጼ ካትያ ቦላ፥ አ ኦላንቻቱዋ ኡባ ቦላነ አ ቢታ ኡባ ቦላ ኦꬄዳዋነ ጋꬄዳዋ ህንተ አይፍያን በኤድታ።
DEU 29:3 ሄ ኢታ መቶቱዋ፥ ዎልቃማ ማላልስያዋንታነ ኦራꬃባቱዋ ህንተ አይፍያን በኤድታ።
DEU 29:4 ሽን ሀች ጋካናዉ፥ መꬍና ጎዳይ ህንተንቶ አኬክያ ዎዛና፥ ጼልያ አይፍያነ ስስያ ሀይꬃ እምቤና።
DEU 29:5 ጾሳይ ኦይታሙ ላይꬃ ኩመንꬃ ህንተና ቢታ ባዙዋን ካለꬅያ ዎደ፥ ህንተ ማዩ ህንተ ቦላፐ ዉርቤና፥ ህንተ ጫማይካ ህንተ ገድያፐ ዉርቤና።
DEU 29:6 ህንተ ምያ ኡክꬃይ፥ ኡሽያ ዎይንያ ኤሳይ፥ ዎይ ሀራ ማꬆይያ ኡሻይ ባዋ፤ ꬋዮፐካ መꬍና ጎዳይ ህንተንቶ ጾሳ ግድያዋ ኤርሳድ።
DEU 29:7 “ኑን ሀ ሳኣ ጋኬዳ ዎደ፥ ሀሰቦና ካቲ ስሆንነ ባሳነ ካቲ ኦግ ኑናና ኦለታናዉ ዬድኖ፤ ሽን ኑን ኡንቱንታ ጾኔዶ።
DEU 29:8 ኡንቱንቱ ቢታ አኪደ፥ ሮቤላነ ጋዳ ዛራቱ ቃይ ምናሰ ዛርያፐ ባጋዉ ላታ ኦꬂደ እሜዶ።
DEU 29:9 “ህንተ ኦይቆባይነ የꬎባይ ህንተንቶ አንጀታና ማላ፥ ሀ ጫቁዋ ቃላቱዋ አማነቲደ ፖልተ።
DEU 29:10 ሀቼ ህንተ ኡባይ፥ ዛርያ ካፓቱ፥ ጭማቱ፥ ሱንꬃቱነ እስራኤልያ አሳይ ኡባይ ሀዋን መꬍና ጎዳ ስንꬃን፥
DEU 29:11 ህንተ ናናቱዋና፥ ህንተ ማጫ አሳና ህንተ ግዶን ደእያ ካረ ቢታ አሳናነ ህንተ ሶን ምꬃ ቆርያነ ሃꬃ ትክያ ኦሳንቻቱዋና እትፐ፥ ሀዋን ኤቄድታ።
DEU 29:12 መꬍና ጎዳና፥ ህንተ ጾሳና፥ ቃላ ጫቁዋ ገላናዉ፥ መꬍና ጎዳና ጫቁዋን ማዬዳዋ ፖላናዉ ጊጊደ ሺቄድታ።
DEU 29:13 መꬍና ጎዳይ ህንተና ባረ አሳ ኦꬂደ ምንሳና፤ ህንተንቶነ በን ህንተ ማይዛ አዋቶ፥ አብራሃማዉ፥ ይሳቃዉነ ያቆባዉ ገሌዳ ጫቁዋ ቃላዳን፥ እ ህንተንቶ ጾሳ ግዳናዋ።
DEU 29:14 ታን ሀ ጫቁዋ ሚኖ ቃላ ጫቁዋ ኡዳ ዎꬅያዌ ህንተ ጻላላና ግዲደ፥
DEU 29:15 ሀቼ ሀዋን ኑናና መꬍና ጎዳ ኑ ጾሳ ስንꬃን ኤቄዳ ኑ ኡባናነ ስንꬃናዉ ያና ኑ የለታ ኡባና ዎꬃይ።
DEU 29:16 “ኑን ግብጼን ዋን ደኤደንቶነ ቃይ ሀዋ ጋካናዉ፥ ኦግያን ደእያ ካዉተꬃቱዋ ግዱዋና ዋን አꬊደ ዬደንቶ ኤሪታ።
DEU 29:17 ኡንቱንቱ ግዶን ደእያ ቱና ኤቃ፥ ማሴዳ ምꬃ፥ ሹቻ፥ ብራነ ዎርቃ ኤቃ ምስለቱዋ በኤድታ።
DEU 29:18 ሀ ህንተፐ ኦንነ አቱማዋ ግድና ማጫዋ ግድና፥ እት ጎልያ አሳ ግድና ዛረ ግድና፥ መꬍና ጎዳፐ፥ ኑ ጾሳፐ፥ ሸርእ ጊደ፥ ሀራ ካዉተꬃቱዋ ጾሳቶ ጎይነናዳን ናገትተ። ሄዋ ኦꬅያ አሳይ ጫምያነ ዎꬍያ አይፍያ አይፍያ ምꬃ ጻጱዋ ግዳናዋ።
DEU 29:19 “ሀ ጫቁዋ ቃላ ስሲደ፥ ባረ ዎዛናን፥ ‘ታ ሸንያን ታን ቦፐካ፥ አያ መቱነ ባዋ’ ያጊደ ባረና ጭሞፐ፥ ሄዋ ማላ አሳይ ሎኦቱዋ ቦላነ ኢታቱዋ ቦላ ባሻ አሀና።
DEU 29:20 መꬍና ጎዳ ሀንቁነ ቃናቲ ሄዋ ማላ አሳ ቦላ ኤጽ ከሳናፐ አትና፥ መꬍና ጎዳይ አ ማረና። ሀ ማጻፋን ጻፈቴዳ ሸቃ ኡባይ አ ቦላ ያና፤ ሳሉዋፐ ጋርሳ ባጋፐ አ ሱንꬃ መꬍና ጎዳይ ꬋይሳና።
DEU 29:21 መꬍና ጎዳይ ሀ ህግያ ማጻፋን ጻፈቴዳ ሸቃ ጫቁዋዳን ሄ አሳ እስራኤልያ አሳፐ ሻኪደ ꬋይሳና።
DEU 29:22 “ስንꬃፐ ይያ የለታይ፥ ህንተ ዛሪነ ሃኮ ደርያፐ ይያ ሀራ ቢታ አሳይ መꬍና ጎዳይ ህንተ ቦላ አሄዳ ቦሻነ ሀርግያ በአና።
DEU 29:23 ቢታ ኡባይ ዲንያንነ ማጽንያን ካመቲደ፥ አያ ጎአነ እመናዋ ግዳናዋ፤ አያነ ዘራናዉነ ሞክሳናዉ ዳንዳየተና፤ እን ማታይ ምꬃይ ድጨና። መꬍና ጎዳይ ባረ ሀንቁዋን ꬋይሴዳ ሶዶማዳንነ ጋሞራዳን፥ አዳማዳንነ ጻቦይማ ካታማቱዋዳን ሀናና።
DEU 29:24 ካዉተꬃ ኡባይ ሀዋዳን ያጋና፤ ‘መꬍና ጎዳይ ሀ ጋድያን ሀዋ ማላባ አያዉ ኦꬄዴ? ሀ ዎልቃማ ሀንቁዎ ጋሶ ግዴዳባይ አዬ?’ ያጋና።
DEU 29:25 “አሳይ ዛሪደ፥ ‘ኡንቱንቱ መꬍና ጎዳይ፥ ኡንቱንቱ አዎቱዋ ጾሳይ፥ ኡንቱንታ ግብጼፐ ከስያ ዎደ፥ ኡንቱንቱና ገሌዳ ጫቁዋ ቃላ መንꬄዳ ድራሳ።
DEU 29:26 ቃይ ኡንቱንቱ ቢደ፥ ኤረና ጾሳቶነ እ ኡንቱንታ ጎይኖፕተ ጌዳ ጾሳቶ ጎይኔድኖ።
DEU 29:27 ሄዋ ድራዉ፥ መꬍና ጎዳይ ሀንቀቲደ፥ ሀ ማጻፋን ጻፈቴዳ ሸቃ ኡባ ኡንቱንቱ ቦላ አሄዳ።
DEU 29:28 መꬍና ጎዳይ ዎልቃማ ሀንቁዋ ሀንቀቲደ፥ ኡንቱንቱ ጋድያፐ ኡንቱንታ ሾዲደ፥ ሀዋዳን ሀራ ቢታ የደርሴዳ’ ያጋና።
DEU 29:29 “ጹራ የዎቱ መꬍና ጎዳ ኑ ጾሳሳ፤ ሽን ኑን ሀ ህግያ ቃላ ኦꬃናዳን፥ ቆንጬዳ የዎቱ መꬍናዉ ኑሳነ ኑ ናናቱዋሳ።
DEU 30:1 “ሀ ታ ህንተ ስንꬃን ዎꬄዳ አንጁነ ሸቃይ ህንተ ቦላን ጋክያ ዎደ፥ መꬍና ጎዳይ ህንተ ጾሳይ ህንተና ላልያ ሀራ ካዉተꬃቱዋ ግዶን ደኢደ፥ ሀዋ ህንተ ሀሳያና።
DEU 30:2 ሄ ዎደ ህንተነ ህንተ ናናይ መꬍና ጎዳኮ፥ ህንተ ጾሳኮ፥ ስሚደ፥ ህንተ ኩመንꬃ ዎዛናፐነ ህንተ ኩመንꬃ ሸምፑዋፐ ታን ሀች ህንተና አዛዜዳ ቃላዉ አዛዘቶፐ፥
DEU 30:3 ሄዋን መꬍና ጎዳይ ህንተ ጾሳይ ህንተ ኦሞዱዋ ዛራና፤ እ ህንተንቶ ቃረታና። መꬍና ጎዳይ ህንተ ጾሳይ ህንተና ላሌዳ ካዉተꬃቱዋ ኡባ ግዶፐካ ዛሪደ ሺሻና።
DEU 30:4 ቢታ ጋጻ ጋካናዉ ላለቶፐካ፥ ሄዋፐ መꬍና ጎዳይ ህንተ ጾሳይ ህንተና ዛሪደ ሺሻና።
DEU 30:5 ህንተ አዎቱ ካሰ ላቴዳ ቢታ ህንተካ ላታናዳን ጾሳይ ህንተ ጾሳይ ህንተና ሄ ቢታዉ አሀና። ያን ህንተና ህንተ አዎቱዋፐ አꬂደ ዱረያናነ ህንተ ፓይዱዋ ዳርሳና።
DEU 30:6 “ህንተ ደኡዋን ደአና ማላነ መꬍና ጎዳ ህንተ ጾሳ ህንተ ኩመንꬃ ዎዛናፐነ ህንተ ኩመንꬃ ሸምፑዋፐ ሲቃናዳን፥ እ ህንተንቶነ ህንተ ናናዉ አዛዘትያ ዎዛና እማና።
DEU 30:7 መꬍና ጎዳይ ህንተ ጾሳይ ሀ ሸቃ ኡባ ህንተ ሞርከቱነ ህንተና የደርስያዋንቱ ቦላ አሀና።
DEU 30:8 ህንተካ ዛሪደ መꬍና ጎዳዉ፥ ህንተ ጾሳዉ፥ አዛዘታና፤ ታን ሀች ህንተና አዛዝያ አ አዛዙዋካ ናጋና።
DEU 30:9 ህንተ ሀ ህግያ ማጻፋን ጻፈቴዳ መꬍና ጎዳ ህንተ ጾሳ አዛዞቱዋነ አ ዎጋቱዋ ናጋናዉ መꬍና ጎዳዉ፥ ህንተ ጾሳዉ፥ አዛዘቶፐ፥ ቃይ ህንተ ህንተ ኩመንꬃ ዎዛናፐነ ህንተ ኩመንꬃ ሸምፑዋፐ መꬍና ጎዳኮ፥ ህንተ ጾሳኮ፥ ስሞፐ፥ እ ህንተና ህንተ ኩሽያ ኦሶ ኡባን፥ ህንተ ኡሉዋ አይፍያን፥ ህንተ መህያ አይፍያንነ ህንተ ቢታ አይፍያን ዳርሲደ አንጃና። አያዉ ጎፐ፥ ካሰ ህንተ አዎቱዋ አንጅያዋን ናሸቴዳዋዳን፥ መꬍና ጎዳይ ሀእ ህንተና አንጅያዋንካ ናሸታና።
DEU 30:11 “ታን ሀች ህንተና አዛዝያ ሀ አዛዙ ሄዋ ኬሻ ዴጾ ግደና፤ ህንተፐ ሃኮካ ግደና።
DEU 30:12 ህንተ፥ ‘ኑን ስሲደ አዛዘታናዳን፥ ሳሉዋ ከሲደ ኑዉ ዎꬃናዌ ኦኔ?’ ጌናዳን ሳሉዋን ደኤና።
DEU 30:13 ‘ኑን ስሲደ አዛዘታናዳን፥ ኑዉ አባ ፕኒደ አሀናዌ ኦኔ?’ ጌናዳን አባ ሄፍንꬃን ደኤና።
DEU 30:14 ቃላይ ህንተንቶ ሎይꬅ ማታን ደኤ፤ ህንተ ኦꬃናዳን፥ ቃላይ ህንተ ዎዛናንነ ህንተ ዶናን ደኤ።
DEU 30:15 “በእተ፥ ታን ሀች ህንተ ስንꬃን ደኡዋነ ሎኦተꬃ፥ ሀይቁዋነ ባሻ ዎꬃድ።
DEU 30:16 ህንተ መꬍና ጎዳ ህንተ ጾሳ ሲቅያዋን አ ኦግያን ሀመትያዋንነ አ አዛዙዋ፥ አ አዋዩዋነ አ ዎጋ ናግያዋን፥ ታን ሀች ህንተና አዛዝያ መꬍና ጎዳዉ፥ ህንተ ጾሳዉ፥ አዛዘቶፐ፥ ህንተ ደኡዋን ደአናነ ጮራታና፤ ቃይ ህንተ ላታናዉ ገልያ ጋድያን መꬍና ጎዳይ ህንተ ጾሳይ ህንተና አንጃና።
DEU 30:17 “ሽን ህንተ ዎዛናይ ዎራ ስምና፥ ህንተ አዛዘተናን እጾፐ፥ ሀራ ጾሳቶ ጎይኖፐ፥ ቃይ ኡንቱንቶ ኦꬆፐ፥
DEU 30:18 ህንተ ዉር ꬋያናዋ ታን ሀች ህንተንቶ ኦዳይ። ዮርዳኖሳ ፕኒደ፥ ህንተ ላታናዉ ብያ ጋድያን ህንተ ላይꬃይ አዱቀና።
DEU 30:19 “ታን ህንተ ስንꬃን ደኡዋነ ሀይቁዋ፥ አንጁዋነ ሸቃ ዎꬄዳዎ ሀች ሳሉዋነ ሳኣ ህንተ ቦላ ማርካያና፤ ስም ህንተነ ህንተ ዛሪ ደኡዋን ደአና ማላ፥ ደኡዋ ዶርተ።
DEU 30:20 መꬍና ጎዳ ህንተ ጾሳ ሲቅተ፤ አ ቃላ ስስተ፥ አዉ አዛዘትተ፤ አናና ኦይቀትተ። ሄዋዳን ሀኖፐ፥ መꬍና ጎዳይ ህንተዉ ደኡዋ። ካሰ ህንተ ማይዛ አዋቶ፥ አብራሃማዉ፥ ይሳቃዉነ ያቆባዉ እማናዉ ጫቄዳ ጋድያን ህንተነ ህንተ ናናይ አዱሳ ላይꬃ ደአና” ያጌዳ።
DEU 31:1 ሙሴ ጉጂድካ እስራኤልያ አሳዉ ሀዋዳን ያጌዳ፤
DEU 31:2 “ሀእ ታዉ ጼታነ ላታሙ ላይꬃ ግዴዳ ድራዉ፥ ሀዋፐ ስንꬃናዉ ህንተና ካለꬃናዉ ዳንዳይከ፤ ሄዋ ቦላካ መꬍና ጎዳይ ታና፥ ‘ኔን ዮርዳኖሳ ሄፍንꬃ ፕናካ’ ያጊደ ኦዴዳ።
DEU 31:3 መꬍና ጎዳይ ህንተ ጾሳይ ህንተ ስንꬃን ሀመቲደ ህንተና ካለꬃና። ሄዋን ደእያ ካዉተꬃቱዋ እ ዉርስያ ድራዉ፥ ኡንቱንቱ ቢታ ህንተ ላታና። ቃይ መꬍና ጎዳይ ጌዳዋዳን ኢያሱ ህንተና ካለꬃና።
DEU 31:4 መꬍና ጎዳይ አሞረ ካተቱዋ ስሆናነ ኦጋ ጾኒደ፥ ኡንቱንቱ ቢታ ꬋይሴዳዋዳን፥ ህንተ ሞርከቱዋካ ሄዋዳን ኦꬃና።
DEU 31:5 መꬍና ጎዳይ ኡንቱንታ ህንተንቶ አꬅ እማና፤ ህንተ ኡንቱንቱ ቦላ ታን ህንተና አዛዜዳዋዳን ኦꬃና።
DEU 31:6 ምንተ፤ አይነ ባዋ፤ ያዮፕተ። ኡንቱንታ በኢደ ዳጋሞፕተ። አያዉ ጎፐ፥ መꬍና ጎዳይ ህንተ ጾሳይ ህንተናና ግዳናዋ። እ ህንተና የገና ዎይ አገና” ያጌዳ።
DEU 31:7 ሄዋፐ ጉይያን፥ ሙሴ ኢያሳ ጼሲደ፥ እስራኤልያ አሳ ኡባ ስንꬃን ሃዋዳን ያጌዳ፥ “ምና፤ ገንጫ። አያዉ ጎፐ፥ ኔን ሀ አሳና እትፐ መꬍና ጎዳይ ኡንቱንቱ ማይዛ አዋቶ እማና ጊደ ጫቄዳ ቢታ ገልሳሳ፤ ሄ ቢታካ ኡንቱንታ ላትሳሳ።
DEU 31:8 እ መꬍና ጎዳይ ባረ ሁጲያዉ ኔናና ግዲደ ኔና ካለꬃና። እ ኔና ኦለና፤ አይነካ ኔና አገና። ሄዋ ድራዉ፥ ያዮፓ፤ ነ ዎዛናን ዳጋሞፓ” ያጌዳ።
DEU 31:9 ሙሴ ሀ ህግያ ጻፊደ፥ መꬍና ጎዳ ጫቁዋ ታቦታ ቶክያ ቄሰ ግድያ ሌዊያ ናናቶነ እስራኤልያ ጭማቶ ኡባዉ እሜዳ።
DEU 31:10 ሙሴ ኡንቱንታ ሀዋዳን ያጊደ አዛዜዳ፤ “አጩ ኡባይ አቶ ጌተትያ ላፑንꬃ ላይꬃ ዉርሰꬃን፥ ቦንቼትያ ዳስያ ባላ ጋላሳን፥
DEU 31:11 መꬍና ጎዳ ህንተ ጾሳ ስንꬃ እ ዶሬዳ ሳኣ አዉ ጎይናናዉ እስራኤልያ አሳይ ኡባይ ሺቅያ ዎደ፥ ኡንቱንቱ ስስያዋዳን ናባብተ።
DEU 31:12 ኡንቱንቱ ኡባይካ ስሲደ፥ መꬍና ጎዳዉ፥ ህንተ ጾሳዉ፥ ያይያዋ ታማራና ማላ፥ ሀ ህግያ ቃላ ኡባ አማነቲደ ፖላና ማላ፥ አሳ፥ አቱማነ ማጫ፥ ናናቱዋነ ህንተ ጋድያን ደእያ ካረ ቢታ አሳ እትፐ ሺሽተ።
DEU 31:13 ሀ ህግያ ቃላ ኤረና ኡንቱንቱ ናናይካ ዮርዳኖሳ ፕኒደ፥ ህንተ ላታናዉ ብያ ጋድያን ህንተ ደእያ ላይꬃ ኡባን ሀ ህግያ ስስኖ፤ መꬍና ጎዳዉ፥ ህንተ ጾሳዉ፥ ያይያዋ ታማርኖ” ያጌዳ።
DEU 31:14 ሄዋፐ ጉይያን፥ መꬍና ጎዳይ ሙሳ ሀዋዳን ያጌዳ፤ “በአ፥ ኔን ሀይቂያ ጋላሳይ ማቴዳ። እ ካለሰትያ አዛዙዋ አዉ ታን እማና ማላ፥ ኢያሳ ጼሳደ፥ ኔን አናና እትፐ ዱንካንያ ግዶ ገልተ” ያግና፥ ሙሴነ ኢያሱ ዱንካንያኮ ሺቄድኖ።
DEU 31:15 መꬍና ጎዳይ ሄ ዱንካንያን ሻርያ ቱሳን ኡንቱንቶ ቆንጬዳ፤ ሄ ሻርያ ቱሳይካ ዱንካንያ ፐንግያን ኤቄዳ።
DEU 31:16 መꬍና ጎዳይ ሙሳ ሀዋዳን ያጌዳ፤ “ኔን ማታን ሀይቃደ ነ አዎቱዋን ጋከታሳ። ኔፐ ጉይያን፥ ሀ አሳይ ታዉ አማነተናዋ ግዳና፤ ታን ኡንቱንቱና ዎꬄዳ ጫቁዋ መንꬃና። ኡንቱንቱ ታና አጊደ፥ ሻርሙጻቱዋዳን፥ ባረንቱ ላትያ ጋድያን ደእያ ኤቃቱዋ ካላና።
DEU 31:17 ሄዌ ሀንያ ዎደ፥ ታ ሀንቁ ኡንቱንቱ ቦላ ኤጽ ከሳና። ታንካ ኡንቱንታ አጋ አጋና፤ ታ ሶምኡዋ ኡንቱንቱፐ ዎራ ዛራና። ያትና፥ ኡንቱንቱ ꬋያና፤ ጮራ መቱነ ባሻይ ኡንቱንቱ ቦላ ያና። ሄ ዎድያን ኡንቱንቱ፥ ‘ቱሙ ሀ መቱ ጋኬዳዌ ኑ ጾሳይ ኑ ግዶን ባይናዋ ግሻሳ ግደኔ?’ ያጊደ ኦቻና።
DEU 31:18 ሀራ ጾሳቶ ጎይኒደ፥ ኡንቱንቱ ሀኔዳ ኢታባ ድራዉ፥ ታን ሄ ጋላስ ታ ሶምኡዋ ሙለካ ኡንቱንቱፐ ዎራ ዛራና።
DEU 31:19 “ሄዋ ድራዉ፥ ሀእ ሀ ማዝሙርያ ጻፋደ፥ እስራኤልያ አሳ ኡባ ታማርሳ። ሀ ማዝሙሪ ታዉ እስራኤልያ አሳ ቦላ ማርካ ግዳና ማላ፥ ኡንቱንታ የጽሳ።
DEU 31:20 ኡንቱንቱ ማይዛ አዋቶ ገሌዳ ቃላዳን፥ ማꬃይነ ኤሳይ ጎግያ ቢታ ታን ኡንቱንታ ገልሴዳዋፐ ጉይያንነ ኡንቱንቱ ም ካሊደ፥ ዎዛናይ ሙሜዳዋፐ ጉይያን፥ ሀራ ጾሳቶ ጎይኒደ፥ ታና ካꬋና፤ ታ ጫቁዋካ መንꬃና።
DEU 31:21 ዳሮ መቱነ ባሻይ ኡንቱንቱ ቦላ ጋኬዳ ዎደ፥ ሀ ማዝሙሪ ኡንቱንቱ ናናቱ ዶናፐ ድገተና ድራዉ፥ ኡንቱንቱ ቦላ ማርካ ግዳናዋ። አያዉ ጎፐ፥ ታን ጫቄዳ ቢታ ኡንቱንታ ብሮ ገልሰናን ደእሽን፥ ሃናናካ ኡንቱንቱ ቆፕያ ቆፋ ኤራክቻድ” ያጌዳ።
DEU 31:22 ሙሴ ሄ ጋላስ ሄ ማዝሙርያ ጻፊደ፥ እስራኤልያ አሳ ታማርሴዳ።
DEU 31:23 ሄዋፐ ጉይያን፥ መꬍና ጎዳይ ኔዌ ናኣ ኢያሳ ሀዋዳን ያጊደ አዛዜዳ፤ “ምና፥ ገንጫ፤ ታን ኡንቱንቶ እማናዉ ቃላ ገሌዳ ቢታ እስራኤልያ አሳ አፋደ ገልሳሳ። ታንካ ኔናና እትፐ ግዳና” ያጌዳ።
DEU 31:24 ሙሴ ሀ ህግያ ቃላቱዋ ኮይሮፐ ዉርሰꬃ ጋካናዉ፥ ጻፊደ ዉርሴዳዋፐ ጉይያን፥
DEU 31:25 መꬍና ጎዳ ጫቁዋ ታቦታ ቶክያ ሌዋቱዋ ሀዋዳን ያጊደ አዛዜዳ፤
DEU 31:26 “ህጊ ጻፈቴዳ ሀ ማጻፋ አፍተ፤ መꬍና ጎዳ ህንተ ጾሳ ጫቁዋ ታቦታ ማታን ዎꬅተ። ሄዋን እ ህንተ ቦላ ማርካ ግዳና ማላ ያን ዎꬅተ።
DEU 31:27 ህንተ ዎይሳ ማካላንቼንቶነ ዎይሳ ሞርግያ ꬉሌፈንቶ ታን ኤራይ። በእተ፥ ታ ህንተናና ደኤዳ ላይꬃ ኡባን ህንተ መꬍና ጎዳዉ ኢታ ማካላ፤ ሽን ታን ሀይቃ ክችና፥ ኡባ ዎይሳ ማካላንቴ?
DEU 31:28 ሄዋ ድራዉ፥ ሀዋ ኡባ ታ ኡንቱንቶ ኦዳናዉ፥ ሳሉዋነ ሳኣ ታ ኡንቱንቱ ቦላ ማርካያናዉ፥ ህንተ ዛርያ ካፓቱዋ ኡባነ ደርያ ካለꬅያ አሳ ኡባ ታዉ ሺሽተ።
DEU 31:29 ታ ሀይቄዳዋፐ ጉይያን፥ ህንተ ሙለ ኢታ አሳ ግዳናዋነ ታን ህንተና ታማርሴዳ አዛዙዋፐ ዎራ ስማናዋ ታን ኤራይ። እ ኦꬆፕተ ጌዳ ኢታባ ህንተ ኩሽያን ኦꬂደ፥ መꬍና ጎዳ ሀንቀꬅያ ድራዉ፥ ስንꬃፐ ይያ ዎድያን ህንተ ቦላ ኢታ ቦሻ አሀና” ያጌዳ።
DEU 31:30 ሄዋፐ ጉይያን፥ ሙሴ ሀ ማዝሙርያ ቃላቱ ዉራና ጋካናዉ፥ ሺቄዳ እስራኤልያ ሺቁዋ ኡባ ስሲደ ኦዴዳ።
DEU 32:1 ህንተኖ፥ ሳሎቶ፥ ታን ኦድያዋ ስስተ፤ ቢታይካ ታ ዶና ቃላ ስሶ።
DEU 32:2 ታ ትምርቲ እራዳን ቡኮ፤ ታ ቃላቱካ ከተርሳዳን፥ ጾኩ ማታ ቦላን ዎꬍያ ፑሰ እራዳንነ ጫርሻ ቦላን ዎꬍያ ፑስያዳን ዎꬎ።
DEU 32:3 ታን መꬍና ጎዳ ሱንꬃ አዋያና፤ ግታተꬃ ኑ ጾሳዉ እምተ።
DEU 32:4 እ ኑ ዛላቴ፥ አ ኦሱዋን ፖኩ ባዋ፤ አ ኦገ ኡባይካ ሱረ። ኑ ጾሳይ አማነትያዋነ ኢታተꬃይ ባይናዋ፤ እ ቱማንቻነ ሱረ።
DEU 32:5 ህንተ አማነተናነ አያዉነ ፓና፥ ናጋራንቻነ ባለꬅያ የለታ ግድያ ድራዉ፥ አ አሳ ግዳናዉ ህንተ በስክታ።
DEU 32:6 ህንተኖ ኤያነ አኬክ ባይና አሳዉ፥ ህንተ መꬍና ጎዳዉ እምያ ዛሩ ሀዌ? እ ህንተና መꬌዳ ህንተ አዉዋ ግደኔ? እ ህንተና መꬊደ፥ ምንስ ኤሴዳ።
DEU 32:7 ካሰ ዎድያ ቆፕተ፤ ዳሮ የለታቱ ላይꬃካ አኬክተ። ህንተ አዎቱዋ ኦችተ፤ ኡንቱንቱ ህንተና በሳና። ህንተ ጭማቱዋካ ኦችተ፤ ኡንቱንቱ ህንተንቶ ኦዳና።
DEU 32:8 ኡባፐ ዎልቃማይ ካዉተꬃቶ ኡንቱንቱ ደኢያሳ ላትሴዳ ዎደ፥ አሳ ናናቱዋ ኡንቱንቱ ዛርያን ዛርያን ሻኬዳ ዎደ፥ እስራኤልያ አሳ ፓይዱዋዳን፥ ኡንቱንቱ ዛዋ ኤሴዳ።
DEU 32:9 አያዉ ጎፐ፥ ሻኩዋን መꬍና ጎዳ ጋኬዳዌ እስራኤልያ፤ ያቆብካ አ ጋኬዳ ላታ።
DEU 32:10 ቢታ መላ ቢታን ኡንቱንቱ ሳሙዋን ደእሽን፥ ጫርኩዋ ጻላላይ ሱራግያሳን ብቻርሽን፥ ኡንቱንታ ደሜዳ። ያቲደ ባረ አይፍያ ቡሉዋዳን፥ ኡንቱንቶ ጎንዳለ ግዲደ፥ ኡንቱንታ ምንሲደ ናጌዳ።
DEU 32:11 አርጋንꬃይ ባረ ማራ ፓሉዋ ታማርስያዋዳን፥ ባረ ምጬዳ ቀፍያን ጋክ ኦይቂደ አሽያዋዳን፥ ሄዋዳን ጾሳይ ባረ ቀፍያን ሀጲደ ኡንቱንታ አሼዳ።
DEU 32:12 ሀራ አላጋ ጾስ ባይናን፥ መꬍና ጎዳ ጻላላይ ባረ አሳ ካለꬄዳ።
DEU 32:13 እ ቢታዉ ꬎቃ ሳኣ ኡንቱንታ ከሴዳ። ሾይቃን ሞኬዳ አይፍያ ኡንቱንታ ምዜዳ። ዛላ ጳልቀꬃፐ ኡንቱንታ ኤሳ ምዜዳ፤ ሹቻ ጋድያፐ ዛይትያ ምዜዳ።
DEU 32:14 ኡንቱንቱ መህያ ዉድያፐ መኤዳ ማꬃነ ዴሻ ዉድያፐካ ማꬃ፥ ዶርሳ አንቃራነ ጋልሳ ሜድኖ፤ ቃይ ባሳነ ዶርሳ ዉድያነ ዴሻ፥ ሎኦ ዛርጋ ሜድኖ፤ ሱꬃ ማላትያ ዎይንያ ኤሳካ ኡሼድኖ።
DEU 32:15 ያኒደ ይሽሩን ኦርዴዳ፤ ማካሌዳ፤ ም ሚደ፥ ቦቦርጬዳ። ባረና መꬌዳ ጾሳ አጌዳ፤ ባረ አቶተꬃ ዛላ ካꬌዳ።
DEU 32:16 ኡንቱንቱ አላጋ ጾሳቶ ጎይንያዋን አ ምሽሴድኖ፤ ባረንቱ ቱና ኤቃቱዋን አ ሀንቀꬄድኖ።
DEU 32:17 ጾሳ ግደና ጻላሄቶ፥ ካሰ ኡንቱንቱ ኤርቤና ጾሳቶ፥ ዝኖ ከሴዳዋንቶ፥ ኡንቱንቱ አዎቱ ያይቤና ጾሳቶ ያርሼድኖ።
DEU 32:18 ኡንቱንቱ ደኡዋ እሜዳ ዛላ ቆፕበይክኖ፤ ቃይ የል ድቼዳ ጾሳ ዶጌድኖ።
DEU 32:19 መꬍና ጎዳይ ሄዋ በኢደ፥ ኡንቱንቱ ቦላ ሀንቀቴዳ። አ አቱማነ ማጫ ናናቱዋ እጼዳ።
DEU 32:20 ያቲደ ሀዋዳን ያጌዳ፤ “ታን ታ ሶምኡዋ ኡንቱንቱፐ ገንꬃና፤ ኡንቱንቱ ጌላነ አማነተና አሳ ግድያ ድራዉ፥ ኡንቱንቱ ኦማርሳ ጮኡ ጋደ ጼላና።
DEU 32:21 ጾሳ ግደናዋን ታና ምሽሴድኖ፤ ባረንቱ ኤቃቱዋን ታና ሀንቀꬄድኖ። ታንካ ኡንቱንቱ ዛረ ግደናዋንቱን ምሽሳና፤ ኤያ አሳ ዛራቱዋን ታን ኡንቱንታ ሀንቀትሳና።
DEU 32:22 ታ ሀንቁ ታማዳን ኤጺደ፥ ጋድያን ደእያዋ ኡባ ጹጋና። ሄ ታማይ ስኦልያን ደእያዋናካ ጋꬂደ ጹጋና፤ ደርያ ባሱዋ ጋካናዉ፥ ሄ ታማይ ማና።
DEU 32:23 “ታን ኡንቱንቶ መቱዋ መቱዋ ቦላ ዶራና፤ ታ ዎንዳፍያን ኡንቱንታ ዱካና።
DEU 32:24 ኡንቱንቱ ኮሻን፥ ጹግያ ምሹዋንነ ኢታ ሀርግያን ዉራና። ኡንቱንቱ ቦላ መቶ ጋꬅያ ባዙዋ ዶአቱዋነ ኡንቱንታ ዱክያ አላጋ ሾሻቱዋ ኡንቱንቱ ቦላ የዳና።
DEU 32:25 ቶራይ ኦገ ኡባን ኡንቱንቱ ናናቱዋ ዉርሳና። ጎልያ ኡባን ሻቢርሳይነ ዳጋማይ ካተታና። ያላጋ አቱማዋንቱነ ማጫዋንቱ ዉራና፤ ጉꬃ ናናይካ ጭማቱካ አትክኖ።
DEU 32:26 ኡንቱንታ ታን ሃኮ ሳአ ላላና፤ ሄዋፐ ጉይያን፥ ኡንቱንታ ሀሳይያባይ ꬋያና።
DEU 32:27 ሽን ኡንቱንቱ ሞርከቱ፥ ‘ኑ ዎልቃይ ኡንቱንታ ጾኔዳ፤ ሀዋ ኡባ መꬍና ጎዳይ ኦꬅቤና’ ያጊደ ኦቶሩዋን ጬቀተናን አግክኖ ያጋደ ቆፓድ” ያጌዳ።
DEU 32:28 እስራኤልያ አሳይ ዞረት ባይና አሳ፤ አኬክ ኡንቱንቶ ባዋ።
DEU 32:29 ኡንቱንቱ ጾነቴዳዌ አያነንቶ በአናዉ ኡንቱንቶ እጸቴዳ፤ ባረንቱ ዉርሰꬃይካ አየንቶካ ኤርክኖ።
DEU 32:30 እት ሻአ አሳይ እት አሳን፥ ታሙ ሻአ አሳይ ላኡ አሳን፥ ዋን ጾነቴዴ? ኡንቱንቱ ዛላይ ኡንቱንታ ዛልኤዳ ግሻሳነ መꬍና ጎዳይ ኡንቱንታ አꬅ እሜዳ ድራሳ ግደኔ!
DEU 32:31 ኡንቱንቱ ሞርከቱ ባረንቱ ጾሳይ ላፋ ግድያዋነ እስራኤልያ ጾሳዳን ዎልቃማ ግደናዋ ኤሪኖ።
DEU 32:32 ኡንቱንቱ ዎይኒ ሶዶማ ዎይንያፐነ፥ ጋሞራ ሾይቃፐ ዬዳዋ። ኡንቱንቱ ቴራይ ማርዘ፤ ኡንቱንቱ ዉርጩካ ጫምያዋ።
DEU 32:33 ኡንቱንቱ ዎይንያ ኤሳይ ሾሻ ማርዘ፤ ዎꬍያ ማርዚ ደእያ ሀሱዋ።
DEU 32:34 ጾሳይ፥ ሀዋ ታን ናጋደ ታ ማዝጎብያን አታማበይክታ?
DEU 32:35 ኡንቱንቱ ባሻ ጋላሳይ ማታቴዳ፤ ኡንቱንቱ ቦላ ጋካናባይ ኤሌሌ። ሄ ዎደ ኡንቱንቱ ገዲ ꬉበታና። ታን ኡንቱንቶ ሀሉዋ ከሳናነ ኩሽያ ዛራና ያጌዳ።
DEU 32:36 ኡንቱንቱ ዎልቃይ ዳቡሬዳዋነ ኡንቱንታካ ማድያዌ ባይናዋ በኤዳ ዎደ፥ መꬍና ጎዳይ ባረ አሳዉ ፕርዳና፤ ባረ ቆማቶካ ቃረታና።
DEU 32:37 እ ኡንቱንታ ሀዋዳን ያጋና፤ ኡንቱንቱ አማነትያ ኡንቱንቱ ጾሳቱ ሀቃነ? ኡንቱንቱ ባቃቲደ አ ግዶን ቆሰትያ ኡንቱንቱ ዛላይ ሀቃነ?
DEU 32:38 ኡንቱንቱ ያርሹዋ ሞꬉዋ ሜዳዋንቱ፥ ኡንቱንቱ ኡሻ ያርሹዋ ዎይንያ ኤሳ ኡሼዳዋንቱ ሀእ ደንዲደ፥ አነ ኡንቱንታ ማድኖ፤ አነ ኡንቱንታ አሽኖ።
DEU 32:39 ጾሳይ ታናቴ። ታ ጻላላይ ጾሳ። ታፐ አትና፥ ሀራ ጾስ ባዋ። ዎꬍያዌ፥ ደኡዋካ እምያዌ ታና፤ ታን ማዱጽሳደ፥ ታን ፓꬃና፤ ታ ኩሽያፐ ኦንነ አሸና።
DEU 32:40 ታ ኩሽያ ፑደ ደንꬃደ ሀዋዳን ያጋና፤ “ታን መꬍናዉካ ደኦ።
DEU 32:41 ጶሉጶሉ ግያ ታ ማሻ ሌፋደ፥ ፕርዳናዉ ታ ኩሽያን ኦይቂያ ዎደ፥ ታ ሞርከቱዋ ቦላ ታ ሀሉዋ ከሳና፤ ታና እጽያዋንቶ ኡንቱንቱ ኩሽያ ዛራና።
DEU 32:42 ታ ዎንዳፈቱ ኡንቱንቱ ሱꬃን ማꬆታና፤ ታ ማሻይካ ኡንቱንቱ አሹዋ ማና። ታና እጽያ ኡባካ ማርከ። ሀራይ አቶ ማዱጼዳዋንቱነ ኦሞደቴዳዋንቱካ ሀይቃና” ያጋና ያጌዳ።
DEU 32:43 ህንተኖ ካዉተꬃቶ፥ ጾሳ አሳና ናሸትተ። እ ባረ ቆማቱ ሱꬃ አቻና፤ ባረ ሞርከቱዋ ቦላንካ ሀሉዋ ከሳና። ቢታን ደእያ ባረ አሳ ናጋራካ አቶ ጋና ያጌዳ።
DEU 32:44 ሙሴነ ኔዌ ናአይ ኢያሱ እስራኤልያ አሳ ስሲደ፥ ሀ ማዝሙርያ ቃላ ኡባ ሃሳዬድኖ።
DEU 32:45 ሙሴ ሀ ቃላ ኡባ እስራኤልያ አሳ ኡባዉ ኦድ ዉርሴዳ ዎደ፥
DEU 32:46 ኡንቱንታ ሀዋዳን ያጌዳ፤ “ሀ ህግያ ቃላ ኡባ ኡንቱንቱ ናጋናዳንነ ኦꬃናዳን ህንተ ናናቱዋ አዛዛና ማላ፥ ሀች ታ ህንተንቶ ማርካትያ ቃላ ኡባ ህንተ ዎዛናን ዎꬅተ።
DEU 32:47 ሀ ቃላይ ህንተንቶ ደኦፐ አትና፥ ጮ መላ ቃላ ግደና። ሀ ቃላ ናጎፐ፥ ህንተ ዮርዳኖሳ ፕኒደ ላታና ቢታንካ አዱሳ ላይꬃ ደአና” ያጌዳ።
DEU 32:48 ሄ ጋላሳንካ መꬍና ጎዳይ ሙሳ ሀዋዳን ያጌዳ፤
DEU 32:49 “ሞኣበን እያርኮ ካታማፐ ስንꬃ ባጋና ደእያ አባርማ ደረቱዋፐ እቱዋ፥ ህን ናቦ ደርያ ከሳ፤ ሄዋን እስራኤልያ አሳ ታ ላትሳና ካናነ ቢታ ሄፍንꬃ ጼላ።
DEU 32:50 ነ እሻ አሮን ሆራ ደርያን ሀይቂደ፥ ባረ ማይዛ አዎቱዋን ጋከቴዳዋዳን፥ ኔንካ ሀ ከሴዳ ደርያን ሀይቃደ፥ ነ ማይዛ አዎቱዋን ጋከታና።
DEU 32:51 አያዉ ጎፐ፥ ህንተ ላኡካ እስራኤልያ አሳ ስንꬃን ታዉ አማነትበይክታ፤ ጺና መላ ቢታን፥ ቃዴሳ ካታማ ማታን ደእያ ማሪባ ሃꬃ ማታን፥ ታ ጌሻተꬃ እስራኤልያ አሳ በስበይክታ።
DEU 32:52 ሄዋ ድራዉ፥ ቢታ ሃኩዋን ሄፍንꬃ ጼላናፐ አትና፥ ታን እስራኤልያ አሳ ላትሳና ቢታ ገላካ” ያጌዳ።
DEU 33:1 ጾሳ አሳ ግድያ ሙሴ ሀይቃናፐ ካሰቲደ፥ እስራኤልያ አሳ አንጄዳ አንጁዋ ቃላይ ሀዋ።
DEU 33:2 እ ሀዋዳን ያጌዳ፤ “መꬍና ጎዳይ ሲና ደርያፐ ዬዳ፤ ኤዶማፐ ኑ ቦላን ሃ ፖኤዳ፤ ፓራና ደርያፐ ባረ አሳዉ ፖኤዳ። ሻአን ፓይደትያ ኪታንቻቱ አናና ደኢኖ። አ ኡሸቻ ባጋና ታማ ላጩ ደኤ።
DEU 33:3 ጾሳዉ ኔን ነ አሳ ሲቃዳ። ጌሻቱ ኡባይ ነ ኩሽያን ደኢኖ፤ ነ ገድያ ጻጱዋን ጉልባቲደ ጎይኒኖ፤ ያቲደ ኔፐ አዛዙዋ አኪኖ።
DEU 33:4 ሙሴ እሜዳ ህጊ ያቆባ አሳዉ ላታ።
DEU 33:5 እስራኤልያ ዛራቱ ኡባይነ ይሹሩና ዛርያ ካፓቱ ሺቄዳ ዎደ፥ ጾሳይ ባረ አሳ፥ እስራኤልያ ቦላ ካተቴዳ።
DEU 33:6 “ሮቤል ሀይቆፖ፤ እ ፓጻ ደኦ። አ አሳይካ ፓይዱዋን ጮራቶ” ያጌዳ።
DEU 33:7 ሙሴ ይሁዳ ዛርያባ ሀዋዳን ያጌዳ፤ “አቤት መꬍና ጎዳዉ፥ ይሁዳ ዋሱዋ ስሳ፤ ሀራ ባረ ዳቦቱዋና ኡንቱንቱ ጋከታናዳን ኦꬃ። ኡንቱንቱ ኩሽያ ምንꬃ፤ ኡንቱንቱ ባረንቱ ሞርክያና ኦለትያ ዎደ፥ ኔን ኡንቱንታ ማዳ!” ያጌዳ።
DEU 33:8 ሙሴ ሌዊያ ዛርያባ ሀዋዳን ያጌዳ፤ “ነ ቱሚምነ ኡሪሚ ነ ዶሴዳ አሳሳ። ኔን ማሳሀን ፓጬዳ፥ ማሪባ ሃꬃን ፓሉመቴዳ አሳሳ።
DEU 33:9 ባረና የሌዳዋንቱፐ፥ ባረ እሻቱዋፐነ ባረንቱ ናናቱዋፐ አꬂደ፥ ኡንቱንቱ ነዉ አማነቴዳዌ አꬌ፤ ነ ጫቁዋ ቃላዉ ኡንቱንቱ አማነቴድኖ።
DEU 33:10 ኡንቱንቱ ነ ዎጋ ያቆባ፥ ነ ህግያካ እስራኤልያ ታማርሲኖ። ነ ስንꬃን እጻና ጩዋዪኖ፤ ነዉ ያርሽያሳን ኡባና ጹግያ ያርሹዋ ያርሺኖ።
DEU 33:11 አቤት መꬍና ጎዳዉ ኡንቱንቱ ኩሺ ኦꬄዳዋ አንጃ፤ ኡንቱንቱ ኦꬅያ ኡባባን ነ ናሸትያዋ ኡንቱንቶ ቆንጭሳ። ኡንቱንቱ ቦላ ደንድያዋ መንሬꬃ ኦላ፤ ኡንቱንቱ ሞርከቱዋ ላኤንꬆ ደንꬆፓ” ያጌዳ።
DEU 33:12 ቢንያማ ዛርያባ ሀዋዳን ያጌዳ፤ “መꬍና ጎዳይ ሲቄዳ አሳይ አን አማነቲደ ደኤ። ጋላሳ ኩመንꬃን ኡንቱንታ መꬍና ጎዳይ ናጌ፤ ባረ ሀሽያን ቶኪደ ሸምፕሴ” ያጌዳ።
DEU 33:13 ዮሴፎ ዛርያባ ሀዋዳን ያጌዳ፤ “መꬍና ጎዳይ እራ እምያዋን፥ ጋድያፐ ሃꬃ ፑልትስያዋን፥ ኡንቱንቱ ቢታ አንጆ።
DEU 33:14 አዋይ ካꬅያ ዶረቴዳ አይፍያንነ ዎድያን ዎድያን ካእያ አይፍያን አንጀቶ።
DEU 33:15 በንፐ ደእያ ኡንቱንቱ ደረቱነ ዞዜቱ ሎኦ አይፍያን አንጀትኖ።
DEU 33:16 ኡንቱንቱ ቢታይ ሎኦባ ጻላላ ኩሜዳዋ ግዶ፤ ቡራን ኤጽያ ታማ ግዶን ሃሳዬዳ፥ ጾሳፐ ቤትያ አንጆ ጻላላን ኩሜዳዋ ግዶ። ሀ አንጆቱ ኡባይ ዮሴፎ ዛርያ ጋክኖ፤ አያዉ ጎፐ፥ እ ባረ እሻንቱ ግዶን ካፑዋ።
DEU 33:17 ዮሴፎ ኮይሮ የለቴዳ ኮሩማዳን ምኖ፤ አ ካጨቱ መንꬃ ካጭያዳን ምኖ። አ ካጨቱ ሻአን ፓይደትያ ምናሰ ዛራቱዋ፤ ታሙ ሻአን ፓይደትያ ኤፍሬማ ዛራቱዋ። ሄ ካጨቱዋን እ ካዉተꬃቱዋ ቃይጫና፤ ቢታ ጋጻ ጋካናዉ ኡንቱንታ እ ሱጋና” ያጌዳ።
DEU 33:18 ዛብሎና ዛርያባ ሀዋዳን ያጌዳ፤ “ኔኖ ዛብሎና፥ ኔን ነ ከሳን ናሸታ፤ ይሳኮራ፥ ኔንካ ነ ዱንካንያን ናሸታ።
DEU 33:19 ኡንቱንቱ ካረ ጋደ አሳ ባረንቱ ደርያኮ ጼሳና፤ ሄዋን ኡንቱንቱ ጌሻተꬃ ያርሹዋ ያርሻና። ባረ አቁዋነ ባረንቱ ዱረተꬃ፥ አባፐነ አባ ማታ ሻፍያፐ ደማና” ያጌዳ።
DEU 33:20 ጋዳ ዛርያባ ሀዋዳን ያጌዳ፤ “ኡንቱንቱ ቢታ አሴዳ ጾሳይ ጋላተቶ፤ ጋድ ሞርክያ ሶምኡዋ መንꬃናዉ፥ ጋሙዋዳን ሻንካቴ።
DEU 33:21 ካፓቶ ጌዳ ሎኦ ቢታ ኡንቱንቱ አኬድኖ፤ እስራኤልያ ካፓቱ ሺቄዳ ዎደ፥ ኡንቱንቱ መꬍና ጎዳ ሸንያን ጌሻ ፕርዳ ፕርዴድኖ” ያጌዳ።
DEU 33:22 ዳነ ዛርያባ ሀዋዳን ያጌዳ፤ “ዳን ዎዳላ ጋሙዋ ማላ፤ እ ባሳነፐ ጉፒደ ከሳና” ያጌዳ።
DEU 33:23 ንፍታሌማ ዛርያባ ሀዋዳን ያጌዳ፤ “ንፍታሌም መꬍና ጎዳ አꬎ ኬካተꬃንነ አንጁዋን ዱረቴዳ፤ ኡንቱንቱ ቢታይ ጋሊላ አባፐ ቢደ ገድሳ ባጋ ጋኬ” ያጌዳ።
DEU 33:24 አሴራ ዛርያባ ሀዋዳን ያጌዳ፤ “አሴር ሀራ ዛራቱ ኡባፐ አꬊደ አንጀቴዳዋ። ባረ እሻቱዋንካ ዶሰቴዳዋ ግዶ። አ ቢታይ ዛይትያን ዱረቶ።
DEU 33:25 ኡንቱንቱ ካታማቱካ ብራታ ካርያን ጎርደቲደ ናገትኖ፤ ባረ ላይꬃ ኡባን እ ዎልቃማ ግድኖ።
DEU 33:26 “ኔኖ ይሽሩና፥ ሳሉዋፐ ህንተና ማዳናዉ፥ ባረ ግታተꬃን ሻራን ሀመትያ ህንተ ጾሳ ማላ ጾስ ባዋ።
DEU 33:27 መꬍና ጾሳይ ህንተንቶ ደኡዋ፤ አ መꬍና ኩሸቱ ህንተፐ ጋርሳና ደኢኖ። እ ህንተ ስንꬃፐ ህንተ ሞርከቱዋ የደርሴዳ፤ ህንተ ኡንቱንታ ዉርስ ꬋይሳናዳን ህንተንቶ ኦዴዳ።
DEU 33:28 ሄዋ ድራዉ፥ እስራኤልያ አሳይ፥ ቦችያዌ ባይናን ሳሮተꬃን ደአና፤ ያቆባ ፑልቱ ቁማይነ ዎይንያ ኤሳይ ኩሜዳ ጋድያን ደአና፥ ሳሉዋ እራይ ቡክያሳን ደአና።
DEU 33:29 ህንተኖ እስራኤልያ አሳዉ! ህንተ ዎት አንጀቴድቴ! መꬍና ጎዳይ አሼዳ ህንተ ማላይ ኦኔ? እ ህንተንቶ ጎንዳለነ ህንተና ማድያዋ፤ አን ህንተ ጾንያ ማሻ። ህንተ ሞርከቱ ህንተ ስንꬃን ጉፋናና፤ ህንተካ ኡንቱንቱ ጌሱዋ ላላና” ያጌዳ።
DEU 34:1 ሙሴ ሞኣባ ደምባፐ ደንዲደ፥ ናቦ ደርያ ሁጲያ፥ ቃይ ያርኮፐ አዋይ ዶልያ ባጋና ደእያ ፕስጋ ደርያ ሁጲያ ጋኬዳ። ሄዋን መꬍና ጎዳይ ዳና ጋካናዉ ደእያ ጋላኣደ ቢታ፥
DEU 34:2 ንፍታሌማ ቢታ ኡባ፥ ኤፍሬማነ ምናሰ ቢታ፥ አዋይ ዉልያ ባጋና ቢደ ሜድተራነ አባ ጋካናዉ ደእያ ይሁዳ ቢታነ
DEU 34:3 ገድሳ ባጋና ጾኣራፐ ደንዲደ፥ ዛምባይ ደእያ እያርኮ ካታማ፥ ዛንጋራን ደእያ ደምባ ኡባ በሴዳ።
DEU 34:4 መꬍና ጎዳይ ሙሳ ሀዋዳን ያጌዳ፤ “አብራሃመዉ ይሳቃዉነ ያቆባዉ፥ ‘ታን ህንተ ዛርያዉ እማና’ ያጋደ ጫቄዳ ቢታይ ሀዋ። ሀእ ኔን ነ አይፍያን በአናዳን ታን ኦꬃድ፤ ሽን ኔን ያ ፕናካ” ያጌዳ።
DEU 34:5 መꬍና ጎዳ ቆማ ሙሴ መꬍና ጎዳይ ጌዳዋዳን፥ ሄዋን ሞኣባ ጋድያን ሀይቄዳ።
DEU 34:6 መꬍና ጎዳይ ቤት-ፓኦራ ካታማፐ ስንꬃ ባጋን ሞኣባ ዛንጋራን አ ሞጌዳ፤ ሽን ሀች ጋካናዉ፥ እ ሞገቴዳ ሳኣ ኤርያ አሳይ ባዋ።
DEU 34:7 ሙሴ ሀይቂያ ዎደ፥ አ ላይꬃይ ጼታነ ላታማ፤ ሽን አዉ አይፊ እጽቤና፤ አ ዎልቃይካ እጽቤና።
DEU 34:8 እስራኤልያ አሳይ ሞኣባ ደምባን ሀታሙ ጋላሳ ሙሴዉ ዬኬድኖ። ሄዋፐ ጉይያን፥ ሙሴዉ ዬክያነ ካዮትያ ዎዲ ዉሬዳ።
DEU 34:9 ኔዌ ናአይ ኢያሱ አꬌዳ ኤራተꬃ አያናን ኩሜዳ፤ አያዉ ጎፐ፥ ሙሴ ባረ ኮታን እ ኦꬃናዳን፥ አ ቦላ ባረ ኩሽያ ዎꬄዳ። እስራኤልያ አሳይ ኢያሱዉ አዛዘቴዳ፤ መꬍና ጎዳይ ሙሴ ባጋና እሜዳ አዛዙዋካ ናጌዳ።
DEU 34:10 መꬍና ጎዳይ ሶምኡዋን ዱማዪደ ኤሬዳ ሙሴ ማላ ትምቢትያ ኦድያ አሳይ እስራኤልያን ሙለካ ደንድቤና።
DEU 34:11 መꬍና ጎዳይ ሙሳ ግብጼ ካትያኮ፥ አናና ኦꬅያ ካፓቱዋኮነ ኩመንꬃ አሳኮ የዲደ፥ አ ባጋና ኦራꬃባነ ማላልስያባ ኡባ ኦꬄዳ፥ ሙሴ ማላ ትምቢትያ ኦድያ ሀራ አሳይ ኦንነ ባዋ።
DEU 34:12 እስራኤልያ ኡባ ስንꬃን ዎልቃማ ዎልቃን ማላልስያባ ኦꬄዳ ሙሴ ማላ አሳይ ኦንነ ባዋ።
JOS 1:1 ጾሳ ቆማይ ሙሴ ሀይቄዳዋፐ ጉይያን፥ ጾሳይ ሙሳ ማድያ ነዌ ናኣ ኢያሳ፥ ሀዋዳን ያጌዳ፤
JOS 1:2 “ታ ቆማይ ሙሴ ሀይቄዳ። ሄዋ ድራዉ ኔንነ ሀ አሳይ ኡባይ ደንዲደ ታን እስራኤልያ አሳዉ እምያ ጋድያ ገላናዉ ሀዋ ዮርዳኖሳ ሻፋ ፕንተ።
JOS 1:3 ታን ሙሴዉ ኦዴዳዋዳን፥ ህንተንቱ ገዲ የꬍያ ሳኣ ኡባ ታን ህንተንቶ እማድ።
JOS 1:4 ህንተንቱ ዛዋይ ኔጌባ ባዙዋፐ ደንዲደ፥ ሊባኖሳ ደርያ ጋካናሳ፤ ኤፍራጺሳ ጌተትያ ዎጋ ሻፋፐ ደንዲደ፥ ሂተቱዋ ጋድያ ኡባና ጉጂደ፥ አዋይ ዉልያ ባጋና ደእያ ሜድትራነ አባ ጋካናሳ።
JOS 1:5 ኔን ደኤዳ ላይꬃ ኡባን አይ አሳይነ ኔና ኦለቲደ ተኤና። ታን ሙሴና ግዴዳዋዳን፥ ኔናናካ ግዳና፤ ታን ኔና ኡባካ የግከነ አግከ።
JOS 1:6 ምና፤ ጻላ! አያዉ ጎፐ፥ ታን ኡንቱንቱ ማይዛ አዋቶ እማና ጋደ ጫቄዳ ጋድያ ኔን ሀ አሳ ላትሳናሳ።
JOS 1:7 ምና፤ ሎይꬃ ጻላ! ታ ቆማይ ሙሴ ኔና አዛዜዳ ዎጋ ኡባ ምንሳደ ናጋ። ኔን ብያሳኣ ኡባን ነዉ ሱራና ማላ፥ አፐ ኡሸቻ ዎይ ሀድርሳ ቦፓ።
JOS 1:8 ሀ ዎጋ ማጻፋይ ነ ዶናፐ ሻከቶፖ፤ አን ጻፈቴዳዋ ኡባ ምንሳደ ናጋናዉ፥ ጋላስነ ቃማ አ ቆፓ። ያቶፐ፥ ነዉ ኡባባይካ እንጀታናነ ጊጋና።
JOS 1:9 ምና፤ ጻላ! ነ ብያሳኣ ኡባን ታን ጎዳይ ነ ጾሳይ ኔናና ደእያ ድራዉ፥ ያዮፓ! ህርጎፓ! ጋደ ታን ኔና አዛዛድ” ያጌዳ።
JOS 1:10 ሄዋፐ ጉየ ኢያሱ አሳ ካፓቱዋ ሀዋዳን ያጌዳ፤
JOS 1:11 “ቢተ፤ አሳይ ዱንካኖ ሳና አꬍ ቢደ፥ አሳ፥ ‘ህንተ ሽንቃ ጊግስተ፤ ሄዙ ጋላሳ ግዶን፥ ጾሳይ ህንተንቱ ጾሳይ ህንተንቶ እምያ ጋድያ ላታናዉ ዮርዳኖሳ ሻፋ ፕኒታ’ ያጊደ ኦድተ” ያጌዳ።
JOS 1:12 ኢያሱ፥ ሮቤላ ዘረꬃ፥ ጋደ ዛራቱዋነ ምናሰ ዛራቱዋፐ ባጋቱዋ ሀዋዳን ያጌዳ፤
JOS 1:13 “ጾሳ ቆማይ ሙሴ ህንተንታ አዛዜዳዋ ሀሳይተ። እ ህንተንታ፥ ‘ጾሳይ ህንተንቱ ጎዳይ ህንተንታ ሸምፕሳና፤ ሀ ቢታካ ህንተንቶ እማና’ ያጌዳ።
JOS 1:14 ህንተንቱ ማቻቱ፥ ህንተንቱ ናናይነ ህንተንቱ መሂ ዮርዳኖሳ ሻፋፐ ሀፍንꬃና ሙሴ ህንተንቶ እሜዳ ጋድያን ደእሽኖ። ሽን ህንተንቱ ኦላንቻቱ ባረንቱ ኦላ ሚሻ ኦይቂደ፥ ህንተንቱ ዳባቱዋፐ ስንꬃ ጼራን ኦለታናዉ ዮርዳኖሳ ሻፋ ፕንኖ። ጾሳይ ህንተንታ ሸምፕሴዳዋዳን፥ ኡንቱንታካ ሸምፕሳና ጋካናስነ ጾሳይ ህንተንቱ ጾሳይ ኡንቱንቱዉካ እምያ ጋድያ ኡንቱንቱ ላታና ጋካናዉ፥ ኡንቱንታ ማድተ። ሄዋፐ ጉይያን ስም ቢደ፥ ጾሳ ቆማይ ሙሴ ዮርዳኖሳ ሻፋፐ ሀፍንꬃን አዋይ ዶልያ ባጋና እሜዳ ህንተንቱ ጋድያን ደእተ” ያጌዳ።
JOS 1:16 ሄዋፐ ኡንቱንቱ ኢያሳ፥ “ኔን ኑና አዛዜዳዋ ኡባ ኑን ኦꬃና፤ ኔን ኪትያ ሳኣ ሀቃነ ባና።
JOS 1:17 ሙሴዉ ኡባባን አዛዘቴዳዋዳን፥ ነዉካ አዛዘታና። ጾሳይ ነ ጾሳይ ሙሴና እትፐ ግዴዳዋዳን፥ ኔናናካ እትፐ ግዶ።
JOS 1:18 ነ አዛዞ ማካልያዌነ ነ አዛዜዳዋ አያነ አዛዘተናን እጽያዌ ሀይቆ። ኔን ምና፤ ጻላ!” ያጌድኖ።
JOS 2:1 ነዌ ናአይ ኢያሱ ጋድያ ጌድያ ላኡ አሳቱዋ ሺጽማ ጌተትያ ሳኣፐ ቆሱዋን ኪቲደ ኡንቱንታ፥ “ቢተ፤ ጋድያ ጌድተ፤ ያርኮ ካታማ ቃይ ዱማ ጌድተ” ያጌዳ። ሄዋፐ ኡንቱንቱ ቢደ፥ ራኣቦ ጌተትያ ሻርሙጻት ሶ አቃናዉ ገሌድኖ።
JOS 2:2 ያርኮ ካቲ፥ “እስራኤልያ አሳፐ ኪተቴዳዋንቱ ሀ ጋድያ ጌዳናዉ ቃማ ዬድኖ” ግያ ኦዱዋ ስሴዳ።
JOS 2:3 ያርኮ ካቲ ራኣብዉ ሀዋዳን ያጊደ ኪቴዳ፤ “ነ ሶ ዪደ ገሌዳ አሳቱዋ ከሳደ እማ። አያዉ ጎፐ፥ ኡንቱንቱ ጋድያ ኡባ ጌዳናዉ ዬድኖ” ያጌዳ።
JOS 2:4 ሽን ምሽራታ ሄ ላኡ አሳቱዋ ቆሳ ድጋደ፥ ሀዋዳን ያጋዱ፤ “ኤ አሳቱ ታኮ ዬድኖ፤ ሽን ኡንቱንቱ ሀቃፐ ዬደንቶነ ታን ኤራበይከ።
JOS 2:5 ኦማርስ ካታማ ፐንግያ ጎርዳና ሀንያ ዎደ፥ ኡንቱንቱ ከሲደ ቤድኖ፤ ኡንቱንቱ ሀቃ ቤድኖንቶ ታን ኤርከ። ኤሌል ካልያዋ ግዶፐ፥ ህንተንቱ ኡንቱንታ ኦይቃንታ” ያጋዱ።
JOS 2:6 ሽን ራኣባ አሳቱዋ ጎልያ ቦላን ደምባዪደ ኦꬄዳ ሳኣ ከሳደ፥ ሱፍያ ጌተትያ ማዩዋ ከስያ ታልባ ዳላ ዶርያ ግዶን ኡንቱንታ ቆሳ ዎꬃዱ።
JOS 2:7 ያትና፥ አሳቱ ጌድያዋንታ ኮያናዉ ከሲደ፥ ዮርዳኖሳ ሻፋ ፕኑዋ አፍያ ኦግያ ኦይቂደ ቤድኖ። ኮይያዋንቱ ካታማፐ ከሶንን፥ ካታማ ፐንጊ ጎርደቴዳ።
JOS 2:8 ጌድያዋንቱ ገምእሻናፐ ካሰታደ፥ አ ኡንቱንቱኮ ፑደ ከሳደ፥ ኡንቱንታ ሀዋዳን ያጋዱ፤
JOS 2:9 “ጾሳይ ሀ ጋድያ ህንተንቶ እሜዳዌ፥ ህንተንቱ ኑና ዎልቃማ ያሻ ያሽያዋነ ሀ ጋድያን ደእያ አሳይ ኡባይ ህንተንቶ ህርጋ ሀይቂያዋ ታን ኤራይ።
JOS 2:10 አያዉ ጎፐ፥ ግብጼ ጋድያፐ ህንተንቱ ከሴዳ ዎደ፥ ህንተንቱ ስንꬃን ዞኦ አባ ጾሳይ ዎት መልሴደንቶነ ኑን ስሴዶ። ቃይ ዮርዳኖሳ ሻፋፐ አዋይ ዶልያ ባጋና ደእያ አሞረ ጋድያ ካተቱዋ ላአቱዋ፥ ስሆናነ ኦጋነ ህንተንቱ ዎት ኡባና ꬋይሴደንቶነ ስሴዶ።
JOS 2:11 ኑን ሄዋ ስሴዳ ዎደ፥ ኑ ዎዛናይ ኮልዴዳ፤ አሳይ ኡባይ ህንተንቶ ጻልያዋ አግ ባሼዳ። አያዉ ጎፐ፥ ጾሳይ ህንተንቱ ጾሳይ ቦላ ሳሉዋንካ ጋርሳ ሳኣንካ ጾሳ።
JOS 2:12 ሄዋ ድራዉ፥ ታን ህንተንቶ ኬኬዳዋዳን፥ ህንተንቱካ ታ አዉዋ ጎልያ አሳዉ ኬካናዳን ታዉ ጾሳን ሄዋዉካ አማንꬅያ ማላታ እምተ።
JOS 2:13 ታ አዉዋነ ታ ዳዮ፥ ታ እሻቱዋነ ታ ምቼቱዋ ኡንቱንቱሳ ግዴዳዋ ኡባ ፓጻ አግተ፤ ኑና ሀይቁዋፐ አሽተ” ያጋዱ።
JOS 2:14 ሄ አሳቱ፥ “ኑን ኦꬄዳዋ ኔን ኦደናን አግና፥ ኑን ነዉ ጫቄዳ ጫቁዋ ፖላና ꬋዮፐ፥ ጾሳይ ኑና ዎꬎ! ጾሳይ ሀ ጋድያ ኑዉ እምያ ዎደ፥ ኑን ነዉ አማነታናነ ኬካና” ያጌድኖ።
JOS 2:15 ራኣባ ደእያ ኬꬃይ ካታማ ድርሳና ኦይቀቲደ ኬጸት ኡቴዳ ድራዉ፥ ማስኮትያና ዎዶሩዋ ዱገ የዳደ፥ አን ዱገ ዎꬃዱ።
JOS 2:16 ራኣባ ኡንቱንታ፥ “ህንተና ኮይያዋንቱ ደመና ማላ፥ ደርያ ቢደ ኡንቱንቱ ስማና ጋካናዉ፥ ያን ሄዙ ጋላሳ ቆሰትሽተ። ሄዋፐ ጉይያን ህንተንቱ ብያሳኣ ቢተ” ያጋዱ።
JOS 2:17 አሳቱ እዞ፥ “ኑን ነ ጋድያ ገልያ ዎደ፥ ሀ ዞኦ ዎዶሩዋ ኔን ኑና ከሴዳ ማስኮትያን ቃቻና ꬋዮፐነ ነ አዉዋ፥ ነ ዳዮ፥ ነ እሻቱዋነ ነ ሶ አሳ ኡባ ኔኮ ሶ አሀና ꬋዮፐ፥ ኔን ኑና ጫቂሴዳ ጫቁ ኑዉ ጎመተና።
JOS 2:19 ኦንነ ነ ሶፐ ካረ ኦግያ ከሲደ ሀይቂንቶ፥ ሄዌ አ ጎመ፤ ኑን ሄዋን ኦሸቶኮ። ኔናና ሶን እትፐ ደእያዌ ኩሽያን ቦሸቶፐ፥ አ ሱꬃ ጎሚ ኑና ጋኮ።
JOS 2:20 ሽን ኑን ኦꬄዳዋ ኔን ኦዶፐ፥ ኔን ኑና ጫቀꬄዳ ጫቁ ኑዉ ጎመተና” ያጌድኖ።
JOS 2:21 ሄዋፐ ጉየ እዛ፥ “ህንተንቱ ጌዳዋዳን ሀኖ” ጋደ፥ ኡንቱንታ ሞይዛዱ። ኡንቱንቱ ቤዳዋፐ ጉይያን፥ ሄ ዞኦ ዎዶሩዋ ማስኮትያን ቃቻዱ።
JOS 2:22 ኡንቱንቱ ፑደ ገዝያ ቢደ፥ ያን ቆሰቴድኖ፤ የደርስያዋንቱ ያርኮ ስማና ጋካናዉ፥ ኡንቱንቱ ያን ሄዙ ጋላሳ ጋምኤድኖ። የደርስያዋንቱ ኦግያ ኡባን ኮዬድኖ፤ ሽን ኡንቱንታ ደምቤይክኖ።
JOS 2:23 ሄዋፐ ጉይያን ሄ ላኡ አሳቱ ደርያፐ ዎꬊደ፥ ዮርዳኖሳ ሻፋካ ፕኒደ፥ ነዌ ናኣ ኢያሱኮ ስሚደ ዬድኖ። ባረና ጋኬዳዋ ኡባ አዉ ኦዴድኖ።
JOS 2:24 ኡንቱንቱ ኢያሳ፥ “ጾሳይ ቱሙ ቢታ ኡባ ኑዉ አꬅ እሜዳ። ቃይ ጋድያን ደእያ አሳይ ኡባይ ኑዉ ያሻ ኮልዴዳ” ያጌድኖ።
JOS 3:1 ኢያሱነ እስራኤልያ አሳይ ዎንታ ጉራን ደንዴድኖ። ኡንቱንቱ ሺጽማ ጌተትያ ሳኣፐ ደንዲደ፥ ዮርዳኖሳ ሻፋኮ ቢደ ፕነናን ያን ጋምኤድኖ።
JOS 3:2 ሄዙ ጋላሳፐ ጉይያን፥ ካፓቱ ኡንቱንቱ ዱንካኔዳ ሳኣን ስመረቴድኖ።
JOS 3:3 አሳ ሀዋዳን ያጊደ አዛዜድኖ፤ “ጾሳ ህንተንቱ ጾሳ ቃላ ጫቁዋ ታቦታነ አ ቶኬዳ ሌዊያ ዛረ ቄሳቱ ዋ በእያ ዎደ፥ ህንተንቱ ዱንካኔዳ ሳኣፐ ደንዲደ፥ ኡንቱንታ ካልተ።
JOS 3:4 ህንተንቱ ካሰ ሀ ኦግያና ብ ኤረና ድራዉ፥ ህንተንቱ ባና ኦግያ ኡንቱንቱ ህንተንታ በሳና። ሽን ቃላ ጫቁዋ ታቦታኮ ሺቆፕተ፤ ቃላ ጫቁዋ ታቦታፐ ላኡ ሻአ ዋꬋ ግድያዋ ኬሻ ሃኩዋን ኤቂተ” ያጌድኖ።
JOS 3:5 ኢያሱ አሳ፥ “ህንተንቱ ሁጲያዉ ጌይተ፤ አያዉ ጎፐ፥ ጾሳይ ዎንት ህንተንቱ ግዶን ማላልስያባ ኦꬃናዋ” ያጌዳ።
JOS 3:6 ቃይ ኢያሱ ቄሳቱ ዋ፥ “ቃላ ጫቁዋ ታቦታ ቶኪደ፥ አሳፐ ስንꬃዉ አꬍተ” ያጊደ ኦዴዳ። ቃላ ጫቁዋ ታቦታ ቶኪደ፥ አሳፐ ስንꬃዉ አꬌድኖ።
JOS 3:7 ጾሳይ ኢያሳ፥ “ታን ሙሴና ግዴዳዋዳን፥ ኔናና ግዳናዋ እስራኤልያ አሳይ ኡባይ ኤራና ማላ፥ ሀቼ ኡንቱንቱ ስንꬃን ታን ኔና ꬎቁ ꬎቁ ኦꬃናዉ ዶማና።
JOS 3:8 ኔን ቃላ ጫቁዋ ታቦታ ቶክያ ቄሳቱ ዋ፥ ‘ዮርዳኖሳ ሻፋ ዶናዉ ጋክያ ዎደ፥ ሃꬃን ገሊደ ኤቂተ’ ያጋደ አዛዛ” ያጌዳ።
JOS 3:9 ኢያሱ እስራኤልያ አሳ፥ “ሃ ዪተ፤ ጾሳ ህንተንቱ ጾሳ ቃላ ስስተ።
JOS 3:10 ደኡዋ ጾሳይ ህንተንቱ ግዶን ደእያዋነ እ ቱሙፐ ካናነቱዋ፥ ሂተቱዋ፥ ሂዌቱዋ፥ ፓርዘቱዋ፥ ገርጌሰቱዋ፥ አሞረቱዋነ ያቡሳቱዋ ህንተንቱ ስንꬃፐ ከሳናዋ ህንተንቱ ኤራናዌ፥
JOS 3:11 ሳኣ ኡባ ጎዳ ቃላ ጫቁዋ ታቦታይ ህንተፐ ስንꬃቲደ፥ ዮርዳኖሳ ሻፋ ፕንያ ዎድያና።
JOS 3:12 ሀእ እስራኤልያ ዛራቱዋፐ ታማነ ላኡ አሳቱዋ ዶርተ፤ እት እት ዛርያፐ እት እት አሳ ግዶ።
JOS 3:13 ሳኣ ኡባ ጎዳ፥ ጾሳ ቃላ ጫቁዋ ታቦታ ቶኬዳ ቄሳቱዋ ገዲ ዮርዳኖሳ ሃꬃ ቦችያ ዎደ፥ ቆሞፐ ዱገ ጎግያ ዮርዳኖሳ ሃꬃይ ኤቃና፤ እት ሳኣ ሺቂደ ዶረታና” ያጌዳ።
JOS 3:14 አሳይ ዮርዳኖሳ ሻፋ ፕናናዉ ባረንቱ ዱንካንያፐ ከሴዳ ዎደ፥ ቃላ ጫቁዋ ታቦታ ቶኬዳ ቄሳቱ አሳፐ ስንꬃን ሀመቴድኖ።
JOS 3:15 ካꬃ ጫክያ ዎድያን ኡባን ዮርዳኖሳ ሻፋይ ኩንꬄዳ። ግዶፐነ፥ ቃላ ጫቁዋ ታቦታ ቶኬዳ ቄሳቱ ዮርዳኖሳ ሻፋ ጋክና፥ ኡንቱንቱ ገዲ ሃꬃ ጋጻ የꬌዳ ዎደ፥
JOS 3:16 ቆሞፐ ዱገ ጎግያ ሃꬃይ ኤቂ አጌዳ፤ ህን ዳርስ ሃኮ ሳን፥ ጻርታና ግያ ሳን ደእያ አዳማ ጌተትያ ካታማን እት ሳኣ ሺቂደ ዶረቴዳ። ዱገ አራባ ጋꬋን ደእያ ማጽነ አባዉ ጎግያ ሃꬃይ ቃይ ኡባይ ዱጺደ አት ባሼዳ። ያትና፥ አሳይ ያርኮ ካታማ ሄፍንꬃ ፕኔዳ።
JOS 3:17 እስራኤልያ አሳይ መላ ጋድያ የꬊደ ፕንያ ዎደ፥ አሳይ ኡባይ ፕኒደ ዉራና ጋካናዉ ጾሳ ቃላ ጫቁዋ ታቦታ ቶኬዳ ቄሳቱ ዮርዳኖሳ ሻፋ ግዶን መላ ቢታን ኤቄድኖ።
JOS 4:1 አሳይ ኡባይ ዮርዳኖሳ ሻፋ ፕኒደ ዉሬዳ ዎደ፥ ጾሳይ ኢያሳ፥
JOS 4:2 “እስራኤልያ አሳፐ ታማነ ላኡ አሳቱዋ ዶራ፤ እት እት ዛርያፐ እት እት አሳ ግዶ።
JOS 4:3 ያታደ ኡንቱንቱ፥ ‘ዮርዳኖሳ ሻፋ ግዶን ቄሳቱዋ ገዲ ኤቄዳ ሳኣፐ ታማነ ላኡ ሹቻቱዋ አክተ፤ ሄ ሹቻቱዋ ቶክ አፊደ፥ ሀቼ ቃማ ህንተንቱ አቅያ ሳኣን ዎꬅተ’ ያጋደ አዛዛ” ያጌዳ።
JOS 4:4 ኢያሱ እስራኤልያ ዛርያፐ እቱዋ እቱዋ አኪደ፥ ታማነ ላኡ አሳ ዶሬዳዋንታ ጼሴዳ።
JOS 4:5 ኡንቱንታ፥ “ጾሳ ህንተንቱ ጾሳ ቃላ ጫቁዋ ታቦታይ ደእያ ሳኣ ጉየ ዮርዳኖሳ ሻፋ ገሊደ እስራኤልያ ዛራቱዋ ፓይዱዋን፥ ኡባይካ እት እት ሹቻ ህንተንቱ ሀሽያን ቶክተ።
JOS 4:6 ሀ ሹቻቱ ጾሳይ ሀቼ ኦꬄዳዋ ህንተንታ ሀሳይስያ ማላታ ግድኖ። ዎደፐ ህንተንቱ ናናይ ህንተንታ፥ ‘ሀ ሹቻቱ አይባቤ?’ ያጊደ ኦችያ ዎደ፥
JOS 4:7 ህንተንቱ፥ ጾሳ ቃላ ጫቁዋ ታቦታ ስንꬃን ዮርዳኖሳ ሻፋይ ጎገꬃ አጊደ ኤቄዳዋ እስራኤልያ አሳ መꬍናዉ ሀሳይሲኖ። ቃላ ጫቁዋ ታቦታይ ፕንሽን፥ ዮርዳኖሳ ሃꬃይ ሻከቴዳ ያጊደ ኡንቱንቶ ኦድተ” ያጌዳ።
JOS 4:8 እስራኤላቱ ኢያሱ አዛዜዳዋዳን ኦꬄድኖ። ጾሳይ ኢያሶ ኦዴዳዋዳን፥ እስራኤልያ ዛራቱዋ ፓይዱዋን አሳቱ ታማነ ላኡ ሹቻቱዋ ዮርዳኖሳ ሻፋ ግዶፐ አኬድኖ፤ ቶክ አሂደ፥ ባረንቱ አቅያ ሳኣን ዎꬄድኖ።
JOS 4:9 ኢያሱ ቃላ ጫቁዋ ታቦታ ቶኬዳ ቄሳቱዋ ገዲ ዮርዳኖሳ ሻፋ ግዶን ኤቄዳ ሳኣን፥ ሀራ ታማነ ላኡ ሹቻቱዋ ኤሴዳ፤ ሄ ሹቻቱ ሀቼ ጋካናዉ ያን ደኢኖ።
JOS 4:10 ጾሳይ ኢያሳ አዛዜዳዋ ኡባ አሳይ ፖላና ጋካናዉ፥ ቃላ ጫቁዋ ታቦታ ቶኬዳ ቄሳቱ ዮርዳኖሳ ሻፋ ግዶን ኤቂደ ጋምኤድኖ፤ ሙሴ ኢያሳ አዛዜዳ አዛዙካ ሄዋ። አሳይ ኤሌሊደ ሻፋ ፕኔዳ።
JOS 4:11 አሳይ ኡባይ ፕኔዳዋፐ ጉይያን፥ ጾሳ ቃላ ጫቁዋ ታቦታይነ ቄሳቱ አሳይ ጼልሽን ፕኔድኖ።
JOS 4:12 ሙሴ አዛዜዳዋዳን፥ ሮቤላ ዛራቱ፥ ጋደ ዛራቱነ ምናሰ ዛራቱዋፐ ባጋይ ኦላ ሚሻ ኦይቂደ፥ እስራኤልያ አሳ ስንꬃና ፕን ኡቴድኖ።
JOS 4:13 ኡንቱንቱ ፓይዱ ኦይታሙ ሻአ ግድያዋ። ኡንቱንቱ ጾሳ ስንꬃን፥ ያርኮ ማታን ደእያ ደምባን ኦላዉ ሳልፔድኖ።
JOS 4:14 ሄ ጋላስ ጾሳይ ኢያሳ እስራኤልያ አሳ ኡባ ስንꬃን ꬎቁ ꬎቁ ኦꬄዳ። ሄዋ ድራዉ ሙሳ ቦንቼዳዋዳን ኢያሳካ አ ደኡዋ ላይꬃ ኡባን ቦንቼድኖ።
JOS 4:15 ጾሳይ ካሰ ኢያሳ፥
JOS 4:16 “ቃላ ጫቁዋ ታቦታ ቶኬዳ ቄሳቱ ዮርዳኖሳ ሻፋፐ ከሳናዳን አዛዛ” ያጊደ ኦድና፥
JOS 4:17 ኢያሱ ቄሳቱዋ፥ “ዮርዳኖሳ ሻፋፐ ከስተ” ያጊደ አዛዜዳ።
JOS 4:18 ጾሳ ቃላ ጫቁዋ ታቦታ ቶኬዳ ቄሳቱ ዮርዳኖሳ ሻፋ ግዶፐ ከሲደ መላ ቢታ ኡንቱንቱ የꬌዳዋን፥ ኤለካ ዮርዳኖሳ ሃꬃይ ባረ ሳኣ ስሚደ ካሰ ጎግያዋዳን ጋጻ ጋካናዉ ኩሚደ፥ ጎገꬃ ዶሜዳ።
JOS 4:19 አሳይ ኮይሮ አግናን ሄ አግናዉ ታማንꬃ ጋላሳን ዮርዳኖሳ ሻፋ ፕኒደ፥ ያርኮና አዋይ ዶልያ ባጋን ዛዋትያ ገልጋላን ዱንካኔድኖ።
JOS 4:20 ኢያሱ ዮርዳኖሳ ሻፋፐ አየቴዳ ታማነ ላኡ ሹቻቱዋ ገልጋላን ኤሴዳ።
JOS 4:21 እስራኤልያ አሳ ሀዋዳን ያጌዳ፤ “ዎደፐ ህንተንቱ ዛራቱ ባረንቱ አዎቱዋ፥ ‘ሀ ሹቻቱ አይባቤ?’ ያጊደ ኦችያ ዎደ፥
JOS 4:22 ‘እስራኤልያ አሳይ ዮርዳኖሳ ሻፋ መላ ቢታ የꬊደ ፕኔዳዋ ሀሳይስያዋንታ’ ያጊደ ኦድተ።
JOS 4:23 ኑን ፕናና ጋካናዉ፥ ጾሳይ ኑ ጾሳይ ዞኦ አባ ካሰ ኑ ስንꬃን መልሴዳዋዳን፥ ህንተንቱካ ፕናና ጋካናዉ፥ ጾሳይ ህንተንቱ ጾሳይ ዮርዳኖሳ ሻፋ ህንተንቱ ስንꬃን መልሴዳ።
JOS 4:24 ሄዋ እ ኦꬄዳዌ ሳኣን ደእያ አሳይ ኡባይ ጾሳ ዎልቃይ አይ ኬሻ ግተንቶ ኤራናዳንነ ህንተንቱካ ጾሳዉ፥ ህንተንቱ ጾሳዉ፥ መꬍናዉ ያያናዳና” ያጌዳ።
JOS 5:1 ዮርዳኖሳ ሻፋፐ አዋይ ዉልያ ባጋና ደእያ አሞራዋናቱዋ ካተቱነ ሜድትራነ አባ ላንቂያ ላንቂያ ኦይቂደ ደእያ ካናነቱ ካተቱ ኡባይ፥ እስራኤልያ አሳይ ፕናና ጋካናዉ ጾሳይ ዮርዳኖሳ ሻፋ ሃꬃ መልሴዳዋ ስሴዳ ዎደ፥ ኡንቱንቱ ዎዛናይ ኮልዴዳ። ኡንቱንቱ እስራኤልያ አሳና ጋከታናዉ ጻልበይክኖ።
JOS 5:2 ሄ ዎደ ጾሳይ ኢያሳ፥ “ሳልያ ጌተትያ ሹቻፐ ቃራ ማቅላ ጊግሳደ፥ እስራኤልያ አቱማ አሳ በንዋንቱዋዳን ሀእካ ቃጻራ” ያጌዳ።
JOS 5:3 ኢያሱ ሳልያ ጌተትያ ሹቻፐ ቃራ ማቅላ ጊግሲደ፥ ቃጻራ ደርያ ጌተትያ ሳኣን እስራኤልያ አሳ ቃጻሬዳ።
JOS 5:4 እ ሄዋ ኦꬄዳ ጋሱ: ግብጼፐ ከሴዳ አሳን ላይꬃይ ኦላዉ ጋኬዳ አቱማ አሳይ ኡባይ ግብጼፐ ቢደ ዎራን ሀይቄዳ።
JOS 5:5 ግብጼፐ ከሴዳ አቱማ አሳይ ኡባይ ቃጻረቴዳ፤ ሽን ዎራን ዩይያ ዎደ የለቴዳ አቱማ ናናይ እቱነ ቃጻረትቤና።
JOS 5:6 እስራኤልያ አሳይ ጾሳዉ አዛዘተናን እጼዳ ድራዉ፥ ግብጼፐ ከስያ ዎደ ላይꬃይ ኦላዉ ጋኬዳ አቱማ አሳይ ኡባይ ሀይቂደ ዉራና ጋካናዉ ዎራን ኦይታሙ ላይꬃ ዩዬዳ። ሄዌነ፥ ጾሳይ ኡንቱንታ፥ “ኤሳይነ ማꬃይ ጎግያ አራዳ ጋድያ፥ ታን ካሰ ህንተንቱ ማይዛ አዋቶ እማና ጌዳ ሄ ጋድያ ህንተንቱ በእክታ” ጌዳ ቃላይ ፖለታናዳና።
JOS 5:7 ሄዋ ድራዉ ጾሳይ ኡንቱንቱ ናና ኡንቱንቱ ሳኣን ደንꬄዳ፤ ኢያሱ ቃጻሬዳዋንቱካ ሄዋንታ። ኡንቱንቱ ቃጻረተናን ደእያዌ ኦግያን ቢደ ኡንቱንቱ ቃጻረትቤና ድራሳ።
JOS 5:8 አሳይ ኡባይ ቃጻረቴዳዋፐ ጉይያን፥ ኡንቱንቱ ማይꬃይ ፓጻና ጋካናዉ ባረንቱ ዱንካኔዳ ሳኣን ጋምኤድኖ።
JOS 5:9 ጾሳይ ኢያሳ፥ “ሀቼ ታን ግብጼቱዋ ቦርያ ህንተፐ ድጋድ” ያጌዳ። ሄ ሳኣ ሱንꬃይ ሀቼ ጋካናዉ ገልጋላ ጌተቴ።
JOS 5:10 እስራኤልያ አሳይ ያርኮ ደምባን ገልጋላ ግያ ሳን ዱንካኒደ፥ አግናዉ ታማነ ኦይደንꬆ ጋላስ ኦማርሴዳዋን ፓስጋ ባላ ቦንቼዳ።
JOS 5:11 ፓስጋፐ ጉይያን ዎንተꬃ ጋላስ፥ ቢታን ዶልያ ካꬃ አይፍያ እርሹ ገልቤና ኡክꬃነ ጺጸቴዳ ትሻ ሜዳ።
JOS 5:12 ሄ ቢታን ዶልያ ካꬃ ሜዳ ዎንተꬃ ጋላስ ማናይ ቡክያዋ አግ ባሼዳ። ሄዋፐ ጉይያን እስራኤልያ አሳይ ማና ደምቤና። ሄ ዎድያፐ ዶሚደ ኡንቱንቱ ካናነን ዶልያ ካꬃ ሚደ ደኤድኖ።
JOS 5:13 ኢያሱ ያርኮ ማታን ደእያ ዎደ፥ ꬎቁ ጊደ ጼሊደ፥ እት ብታኒ ማሻ ሾድ ኦይቂደ፥ ባረ ስንꬃን ኤቄዳዋ በኤዳ። ኢያሱ አኮ ሺቂደ፥ “ኔን ኑ ባጋ አሴየ ኑ ሞርከቱዋ ባጋ አሴ?” ያጌዳ።
JOS 5:14 ብታኒ፥ “ታን ኦ ባጋካ ግድከ። ሽን ታን ጾሳ ኦላንቻቱ ጋዳዋ ግዳደ ሀእ ያድ” ያጌዳ። ኢያሱ ሳኣን ኩንድ ጎይኒደ፥ “ታ ጎዳይ ባረ ቆማዉ ኦድያባይ አዬ?” ያጌዳ።
JOS 5:15 ጾሳ ኦላንቻቱዋ ጋዳዋይ፥ “ኔን ኤቄዳ ሳአይ ጌሻ ግዴዳ ድራዉ፥ ነ ገድያፐ ጫማ ከሳ” ያጌዳ። ኢያሱ እ ጌዳዋዳን ኦꬄዳ።
JOS 6:1 እስራኤልያ አሳዉ ያዬዳ ጋሱዋን ያርኮ ካታማ ድርሳ ፐንገቱ ጎርደቲደ ናገቲኖ፤ ካታማ ገላናዉነ ካታማፐ ከሳናዉ ዳንዳይያ ኦንነ ባዋ።
JOS 6:2 መꬍና ጎዳይ ኢያሳ፥ “ጼላ፥ ታን ያርኮ ካታማ አ ካትያና አ ምኖ ኦላንቻቱዋካ ነ ኩሽያን አꬃደ እማድ።
JOS 6:3 ኔንነ ነ ኦላንቻቱ ሳልፒደ፥ ኡሱፑን ጋላሳይ ጋካናዉ ሀቼ ሀቼ ካታማ ድርሳ እት ገደ ዩይ አꬍተ።
JOS 6:4 ቃይ ላፑን ቄሳቱ ዶርሳቱዋ ካጭያፐ ከሴዳ ላፑን ማላካታቱዋ ኦይቂደ፥ ጾሳ ቃላ ጫቁዋ ታቦታ ስንꬃና ሀመትኖ። ላፑንꬃ ጋላስ ቄሳቱ ማላካታቱዋ ፑንሽን፥ ኦላንቻቱ ሳልፒደ፥ እትፐ ካታማ ላፑ ገደ ዩይ አꬍተ።
JOS 6:5 ሄዋፐ ጉይያን ማልካታቱዋ ፑኑዋ ጎቺደ ፑንያዋ ስስያ ዎደ፥ ኤለካ አሳይ ኡባይ ባረ ቃላ ꬎቁ ኦꬂደ ዋሶ። ያቶፐ ካታማ ድርሳ ግምቢ ኩንድና አሳይ ኡባይ ስንꬃዉ ላዉሁ ጊደ ገላና” ያጌዳ።
JOS 6:6 ነዌ ናአይ ኢያሱ ቄሳቱ ዋ ጼጊደ፥ “መꬍና ጎዳ ቃላ ጫቁዋ ታቦታ ቶክተ፤ ህንተፐ ላፑን ቄሳቱ ላፑን ማላካታቱዋ ኦይቂደ፥ ቃላ ጫቁዋ ታቦታፐ ስንꬃዉ አꬊደ ሀመትኖ” ያጌዳ።
JOS 6:7 አሳ፥ “ስንꬃዉ ቢተ፤ ካታማ ዩይ አꬍተ፤ ኦላዉ ጊጌዳዋንቱካ መꬍና ጎዳ ቃላ ጫቁዋ ታቦታ ስንꬃን ሀመትኖ” ያጊደ አዛዜዳ።
JOS 6:8 ኢያሱ አሳዉ ሃሳዬዳዋዳን፥ ላፑን ቄሳቱ ላፑን ማላካታቱዋ መꬍና ጎዳ ስንꬃን ኦይቂደ፥ ፑኒደ ሀመቴድኖ፤ ቃይ መꬍና ጎዳ ቃላ ጫቁዋ ታቦታይ ኡንቱንታ ካሌዳ።
JOS 6:9 ኦላዉ ጊጌዳዋንቱ ማላካታቱዋ ፑንያ ቄሳቱዋ ስንꬃን ብያ ዎደ፥ ጉየና ናግያ ኦላንቻቱ ቃላ ጫቁዋ ታቦታ ጉየና ካሌድኖ። ሄ ዎድያ ኡባን ማላካታቱ ፑነቲኖ።
JOS 6:10 ሽን ኢያሱ አሳ፥ “ታን ህንተንታ፥ ‘ዋስተ!’ ጋና ጋላሳይ ጋካናዉ፥ ኦላ ዋሱዋ ዋሶፕተ፤ ህንተንቱ ቃላይ ስሰቶፖ፤ እት ቃላካ ቃቶፕተ። ግድን ሄ ዎደ ዋስተ!” ያጊደ አዛዜዳ።
JOS 6:11 ያቲደ መꬍና ጎዳ ቃላ ጫቁዋ ታቦታይ ቶከቲደ፥ ሄ ካታማ እት ገደ ዩይ አꬋናዳን ኦꬄዳ። ሄዋፐ ጉይያን አሳይ ባረ ዱንካኔዳ ሳኣ ስሚደ፥ ቃማ ያን አቄዳ።
JOS 6:12 ዎንተꬃ ጋላስ ኢያሱ ጉሪደ ደንዴዳ፤ ቄሳቱካ መꬍና ጎዳ ቃላ ጫቁዋ ታቦታ ቶኬድኖ።
JOS 6:13 ላፑን ማላካታቱዋ ኦይቂደ ላፑን ቄሳቱ ስንꬃዉ አꬊደ፥ ማላካታቱዋ ፑኒደ መꬍና ጎዳ ቃላ ጫቁዋ ታቦታ ስንꬃን ሀመቴድኖ። ኦላዉ ጊጌዳዋንቱ ህንቱቱፐ ስንꬃና ሀመቴድኖ፤ ጉየና ናግያ ኦላንቻቱካ መꬍና ጎዳ ቃላ ጫቁዋ ታቦታ ጉየና ካሌድኖ። ሄ ዎድያ ኡባን ማላካታቱ ፑነቲኖ።
JOS 6:14 ላኤንꬆ ጋላስ ካታማ እት ገደ ዩይ አꬊደ፥ ባረንቱ ዱንካኔዳ ሳኣ ስሜድኖ። ኡሱፑን ጋላሳ ጋካናዉ ሄዋዳን ሀኔድኖ።
JOS 6:15 ላፑንꬃ ጋላስ ጻልቂ ዶልያ ዎደ ደንዲደ፥ ካሰዋዳን ካታማ ላፑ ገደ ዩይ ዩይ አꬌድኖ። ካታማ ኡንቱንቱ ላፑ ገደ ዩይ ዩይ አꬌዳዌ ሄ ጋላስ ጻላላና።
JOS 6:16 ላፑንꬃ ዩሻን፥ ቄሳቱ ማላካታቱዋ ፑንያ ዎደ፥ ኢያሱ አሳ፥ “መꬍና ጎዳይ ካታማ ህንተንቶ አꬂደ እሜዳ ድራዉ፥ ዋስተ!
JOS 6:17 ካታማይነ ካታማ ግዶን ደእያባይ ኡባይ መꬍና ጎዳዉ ሸቀቶዋ ግዲደ፥ ꬋያናዉ በሰ። ኑን ጋድያ ጌዳናዉ ኪቴዳ አሳቱዋ ቆሳደ አሼዳ ድራዉ፥ ሻርሙጽያ ራኣባነ እ ሶን እዝና እትፐ ደእያ አሳ ጻላላይ አታናዋ።
JOS 6:18 ሽን ህንተንቱ ሸቃ ግዴዳባፐ አያነ አከናዳን ህንተንቱ ሁጲያዉ ናገትተ። ሸቃ ግዴዳባፐ ህንተንቱ አኮፐ፥ እስራኤላቱ ዱንካኔዳ ሳኣ ባይያ ሳኣ ኦꬃንታ፤ ያቲደ ሄ ሳአዉ መቱዋ አሀንታ።
JOS 6:19 ብራይነ ዎርቃይ ኡባይ፥ ቃይ ናሃስያፐነ ብራታፐ መቴዳ ሚሻቱ ኡባይ መꬍና ጎዳዉ ጌዬዳዋ ግድኖ። ኡንቱንቱ መꬍና ጎዳ ሚሻ ምንጅያ ሳኣን ደእኖ” ያጌዳ።
JOS 6:20 ሄዋ ድራዉ ማላካታቱ ፑነትና አሳይ ዋሴዳ። ማላካታቱ ፑኑዋን አሳይ ባረ ቃላ ꬎቁ ኦꬂደ ዋሴዳ፤ ኤለካ ካታማ ድርሳ ግምቢ ኩንድ አጌዳ! ሄዋፐ ጉይያን አሳይ ኡባይ ስንꬃዉ ላዉሁ ግ ገልነ ካታማ ኦይቂ አጌዳ።
JOS 6:21 ካታማን ሸምፑዋና ፓጻ ደኤዳዋ ኡባ፥ ማጫዋ አቱማዋ፥ ናናቱዋ ጭማ፥ ሚዛ፥ ዶርሳነ ሀርያ ኡባ ቃራ ማሻን ዉርስ ዎꬌዳ።
JOS 6:22 ኢያሱ ቢታ ጌዳናዉ ኪተቴዳ ላኡ አሳቱዋ፥ “ሻርሙጻት ራኣብ ሶ ቢደ ካሰ ህንተንቱ እዝዉ ጫቄዳዋዳን፥ እዞነ እዝዉ ደእያዋ ኡባ ጋጻ ከስተ” ያጌዳ።
JOS 6:23 ቢታ ጌዴዳ ዎዳላቱ ቢደ፥ ራኣቦ፥ እ አዉዋ፥ እ ዳዮ፥ እ እሻቱዋነ እዝዉ ደእያዋ ኡባ ጋጻ ከሴድኖ። እስራኤልያ አሳይ ዱንካኔዳ ሳኣፐ ጋጻና ዎꬄድኖ።
JOS 6:24 ሄዋፐ ጉይያን ካታማነ አ ግዶን ደእያዋ ኡባ ታማን ጹጌድኖ፤ ሽን ብራነ ዎርቃ ቃይ ናሃስያፐነ ብራታፐ መቴዳ ሚሻቱዋ መꬍና ጎዳ ሚሻ ምንጅያ ሳኣን ዎꬄድኖ።
JOS 6:25 ሽን ኢያሱ ሻርሙጻቶ ራኣቦ እ አዉዋ ሶ አሳናነ እዝዉ ደእያ ኡባባና ሀይቁዋፐ አሼዳ። አያዉ ጎፐ፥ ኢያሱ ያርኮ ካታማ ጌዳናዉ ኪቴዳ አሳቱዋ እዛ ካሰ ቆሳደ አሻዱ። እዝ ዛራቱ ሀቼ ጋካናዉ እስራኤልያ ቢታን ደኢኖ።
JOS 6:26 ሄ ዎደ ኢያሱ፦ “ደንዲደ ሀ ያርኮ ካታማ ዛረꬅ ኬጽያ ኡራይ፥ መꬍና ጎዳ ስንꬃን፥ ሸቀቴዳዋ ግዶ። ብሮ ባሱዋ ባስያ ዎደ፥ አ ባይራ ናአይ ሀይቆ። ፐንግያ ኤስያ ዎደ፥ አ ዉርሰꬃ ቴፋ ናአይ ሀይቆ” ያጊደ ሸቄዳ።
JOS 6:27 መꬍና ጎዳይ ኢያሱና ግዴዳ፤ ኢያሱ ዋሪ ቢታ ኡባ ጋኬዳ።
JOS 7:1 እስራኤልያ አሳይ ጾሳዉ አማነተናን እጺደ፥ ጺነ ግ ዎꬄዳባፐ አኬዳ። ሄዋ አኬዳዌ አካና፤ አካን ካርማ ናኣ፤ ካርም ዝምራ ናኣ፤ ዝምር ይሁዳ ዛርያ ግዴዳ ዛራሀ ናኣ። ያትና፥ ጾሳ ሀንቁ እስራኤልያ አሳ ቦላ ኤጼዳ።
JOS 7:2 ኢያሱ ያርኮን ደኢደ ቤቴለ ካታማፐ አዋይ ዶልያ ባጋና ቤት-አዌና ግያሳ ማታን ደእያ አይ ጌተትያ ካታማ አሳ ኪቲደ፥ “ቢተ፤ ሄ ቢታ ጌድተ” ያጌዳ። አሳቱ ቢደ፥ አይ ካታማ ጌዴድኖ።
JOS 7:3 ጌዴዳ አሳቱ ኢያሱኮ ስም ዪደ፥ “ኡባ አሳይ አይ ካታማ ኦላናዉ ባና ኮሸና፤ ላኡ ዎይ ሄዙ ሻአ አሳ የዳ። ያን አማሬዳ አሳይ ደእያ ድራዉ፥ አሳይ ኡባይ ዳቡሮፖ” ያጌድኖ።
JOS 7:4 ያትና፥ ሄዙ ሻአ ግድያ አሳቱ ኦለታናዉ አይ ካታማ ቤድኖ። ሽን ኡንቱንቱ አይ ካታማ አሳ ስንꬃፐ ባቃቴድኖ።
JOS 7:5 አይ ካታማ ድርሳ ፐንግያፐ ዶሚደ፥ ሹቻ ቆእያ ሳኣ ጋካናዉ እስራኤልያ አሳ የደርሴድኖ፤ ደርያ ዱገꬃን ሀታማነ ኡሱፑን ግድያ አሳ ዎꬌድኖ። ሄዋን አሳ ዎዛናይ ኮልዲደ፥ ሃꬃ ከሴዳ።
JOS 7:6 ሄዋፐ ጉይያን ኢያሱ ካዮቲደ፥ ባረ ማዩዋ ፔꬊደ ጾሳ ታቦታ ስንꬃን ኦማርስ ጋካናዉ ጉፋኔዳ። እስራኤልያ ጭማቱካ አዋዳን ሀኔድኖ፤ ባረንቱ ሁጲያንካ ባና ቆሌድኖ።
JOS 7:7 ሄዋፐ፥ ኢያሱ ሀዋዳን ያጌዳ፤ “ሀይ ፖራ! ኡባ ሞድያ ጾሳዉ፥ ኑና አሞረ አሳዉ አꬃ እማደ ዉርስሳናዉ አያዉ ዮርዳኖሳ ሻፋ ፕንꬃ አሃድ? ኑን ዮርዳኖሳ ሻፋፐ ሄፍንꬃ ባጋን አቴዶ ግዴሮኮ!
JOS 7:8 አቤት ጎዳዉ፥ እስራኤልያ አሳይ ጾነቲደ፥ ባረ ሞርከቱዋ ስንꬃፐ ባቃቶፐ፥ ታን ዋጎ?
JOS 7:9 ካናነቱነ ሀ ቢታን ደእያ አሳይ ኡባይ ሀ የዉዋ ስሲደ፥ ኑና ዶዳናዋንታ፤ ጋድያፐካ ꬋይሳናዋንታ። ስም፥ ነ ዎልቃማ ሱንꬃዉ ኔን ኦꬅያባይ አዬ?” ያጌዳ።
JOS 7:10 ጾሳይ ኢያሳ፥ “ደንዳ ኤአ! ሀዋዳን አያዉ ጉፋናድ?
JOS 7:11 እስራኤልያ አሳይ ናጋራ ኦꬄዳ፤ ታን ኡንቱንቱና ጫቀቴዳ ታ ጫቁዋ አꬌድኖ። ኡንቱንቱ ማጋራ ጌተቴዳ ሚሻቱዋፐ አኬድኖ፤ ዉኤድኖ፤ ዎርዶቴድኖ። ቃይ ሄ ሚሻ ኡንቱንቱ ባረንቱ ሚሻና ጋꬅ ዎꬄድኖ።
JOS 7:12 ሄዋ ድራዉ፥ እስራኤላቱ ባረንቱ ሞርከቱዋ ስንꬃን ኤቃናዉ ዳንዳይክኖ። ኡንቱንቱ ꬋያናዉ በስያ ድራዉ፥ ባረንቱ ሞርከቱዋ ስንꬃፐ ባቃቴድኖ። ማጋራ ጌተቴዳ ሚሻ ህንተንቱ ማታን ደእያዋ ህንተንቱ ꬋይሳና ꬋዮፐ፥ ሀዋፐ ስንꬃዉ ታን ህንተንቱና ግድከ።
JOS 7:13 “ደንዳ፤ አሳ ጌሻ። ኡንቱንቶ ሀዋዳን ያጋደ ኦዳ፤ ‘ዎንትዉ ህንተንቱ ሁጲያዉ ጌይተ። ጾሳይ እስራኤልያ ጾሳይ ህንተንታ፤ “እስራኤላቶ፥ ማጋራ ጌተቴዳ ሚሻይ ህንተንቱ ማታን ደኤ። ህንተንቱ ሄ ሚሻ ህንተንቱ ማታፐ ድጋና ጋካናዉ፥ ህንተንቱ ሞርከቱዋ ስንꬃን ኤቃናዉ ዳንዳይክታ” ያጌ።
JOS 7:14 ዎንታ ጉራ፥ ህንተንቱ ዛርያን ዛርያን ሺቅና ጾሳይ፥ “ሀዋ” ጌተትያ ዛሪ፥ ባረ ያራን ያራን ሺቃና፤ ቃይ ጾሳይ፥ “ሀዋ” ግያ ያራይ ባረ ሶ አሳን አሳን ሺቃና፤ ቃይ ጾሳይ፥ “ሀዋ” ግያ ሶ አሳይ እት እት አሳይ ታራን ታራን ሺቃና።
JOS 7:15 ሄዋፐ ጉይያን ማጋራ ጌተቴዳዋና ኦይቀቴዳ አሳይ፥ ባረዋ ኡባና ታማን ጹገታና። አያዉ ጎፐ፥ ጾሳ ቃላ ጫቁዋ እ አꬊደ፥ እስራኤልያ አሳ ግዶን ካዉሻባ ኦꬄዳ’ ያጋ” ያጌዳ።
JOS 7:16 ኢያሱ ዎንተꬃ ጋላስ ጉራን ደንዲደ፥ እስራኤልያ አሳ ዛርያን ዛርያን ሺሽና ይሁዳ ዛሪ አከቴዳ።
JOS 7:17 ይሁዳ ዛሪ ሺቅና፥ ዛራሀ ያራይ አከቴዳ፤ ዛራሀ ያራይ ሺቅና፥ ዝምራ ሶ አሳይ አከቴዳ።
JOS 7:18 ዝምራ ሶ አሳይ ሺቅና፥ ዉርሰꬃን ዝምራ ናኣ ናአይ፥ ካርማ ናአይ አካን አከቴዳ።
JOS 7:19 ሄዋፐ፥ ኢያሱ አካና፥ “ታ ናአዉ፥ ጾሳ እስራኤልያ ጾሳ ቦንቻ፤ አ ጋላታ። አነ ኔን ኦꬄዳዋ ታዉ ቆሰናን ኦዳ” ያጌዳ።
JOS 7:20 ሄዋፐ ጉየ አካን ኢያሳ፥ “ኤ ቱማ! ታን ጾሳ እስራኤልያ ጾሳ ናቃድ። ታን ኦꬄዳዌ ሀዋ:
JOS 7:21 ኑን ኦሞዴዳ ሚሻ ግዶን ታን እት ሎእያ ባብሎነ ጋድያ ካባ፥ ላኡ ጼቱ ጻጋራ ብራነ ባጋ ኪሎ ግድያ ዎርቃ በኣድ፤ አካናዉ አሞቴዳ ድራዉ አካድ። ያታደ ታ ዱንካንያ ግዶን ቢታ ጋርሳን ቆሳድ፤ ብራይካ ኡባፐ ጋርሳና ደኤ” ያጌዳ።
JOS 7:22 ኢያሱ አሳ ኪትና፥ ኡንቱንቱ ዱንካንያ ዎጺደ ገልያ ዎደ፥ ዱንካንያ ግዶን ሚሻ ቆስ ዎꬄዳዋ ደሜድኖ፤ ብራይካ ሚሻቱዋፐ ጋርሳና ደኤ።
JOS 7:23 ኪተቲደ ቤዳ አሳቱ ሚሻ ዱንካንያ ግዶፐ አኪደ፥ ኢያሱኮነ እስራኤልያ አሳ ኡባኮ አሄድኖ፤ ጾሳ ስንꬃን ዎꬄድኖ።
JOS 7:24 ሄዋፐ ጉይያን ኢያሱነ እስራኤልያ አሳይ ኡባይ አካና ብራ፥ ካባ፥ ዎርቃ፥ አ አቱማ ናናነ ማጫ ናና፥ አ ሚዛ፥ ሀረቱዋነ ዶርሳቱዋ፥ አ ዱንካንያነ አዉ ደእያዋ ኡባ አኪደ፥ መቱዋ ዎምባ ግያሳ አሄድኖ።
JOS 7:25 ኢያሱ አካና፥ “ሀ መቱዋ ኑ ቦላ አያዉ አሃድ? ጾሳይ ሀቼ ነ ቦላካ መቱዋ አሀና” ያጌዳ። እስራኤልያ አሳይ ኡባይ አካናነ አ ሶ አሳ ሹቻን ጫድ ዎꬊደ፥ አዉ ደእያዋ ኡባ ታማን ጹጌዳ።
JOS 7:26 ኡንቱንቱ አካና ቦላን ሀቼ ጋካናዉ ደእያ ዳሮ ሹቻ ኬሌድኖ። ያትና፥ ጾሳይ ባረ ኤጽያ ሀንቁዋ ዛሬዳ። ሀቼ ጋካናዉ ሄ ሳአይ መቱዋ ዎምባ ጌተቴዳዌ ሀዋሳ።
JOS 8:1 ጾሳይ ኢያሳ፥ “ያዮፓ፤ ህርጎፓ! ኦላንቻቱዋ ኡባ ኔናና አካደ፥ አይ ካታማ ኦላናዉ ከሳ። አይ ካታማ ካትያ፥ አ አሳ፥ አ ካታማነ አ ቢታ ታን ነ ኩሽያን አꬃደ እማድ።
JOS 8:2 ኔን እያርኮ ካታማነ አ ካትያ ꬋይሴዳዋዳን፥ ሄዋዳንካ አይ ካታማነ አ ካትያ ꬋይሳ። ሽን፥ ቦንቄዳ ኦሞዱዋነ ድኤዳ መህያ ህንተንቶ አክተ። ካታማፐ ጉየ ባጋና ሙጊደ ናግያ ኦላንቻቱዋ ዎꬃ” ያጌዳ።
JOS 8:3 ኢያሱነ ኦላንቻቱ ኡባይ አይ ካታማ ኦላናዉ ደንዴድኖ። ኢያሱ ባረ ኦላንቻቱዋ ግዶፐ ሀታሙ ሻአ ግድያ ምኖ ኦላንቻቱዋ ዶሪደ፥ ቃማን የዴዳ።
JOS 8:4 ኡንቱንታ ሀዋዳን ያጊደ አዛዜዳ፤ “ስስተ፥ ካታማፐ ጉየ ባጋና ሙጊደ ናግተ። ካታማፐ ሃኪደ ቦፕተ፤ ኡባይካ ጊጊደ ናግተ።
JOS 8:5 ታንነ ታናና ደእያ አሳይ ኡባይ ካታማኮ ሺቃና። ሄ ዎደ አይ ካታማ አሳይ ካሰዋዳንካ ኑና ኦላና ጊደ ከሳና፤ ኑን ኡንቱንቱፐ ባቃታና።
JOS 8:6 ካታማፐ ኡንቱንቱ ዉር ከሳና ጋካናዉ፥ ኑን ኡንቱንቶ ዎጻና፤ ያቶፐ ኡንቱንቱ፥ ‘ካሰዋዳንካ እስራኤላቱ ኑ ስንꬃፐ ባቃቲኖ’ ያጋና።
JOS 8:7 ሄ ዎደ ህንተንቱ ሙጌዳ ሳኣፐ ከስነ፥ ካታማ ኦይቂ አጋና፤ ጾሳይ ህንተንቱ ጾሳይ ካታማ ህንተንቱ ኩሽያን አꬅ እማና።
JOS 8:8 ካታማ ኦይቄዳዋፐ ጉይያን፥ ጾሳይ አዛዜዳዋዳን ታማን ጹግተ። ስም ታን ህንተንቶ ኦዳድ” ያጌዳ።
JOS 8:9 ኢያሱ ኦላንቻቱዋ የድና ኡንቱንቱ ሙግያ ሳኣ ቢደ አይ ካታማፐ አዋይ ዉልያ ባጋና ደእያ ቤቴለፐነ አይፐነ ግዱዋን ሙጊደ ናጌድኖ። ሽን ኢያሱ ሄ ጋላስ ቃማ አሳና እትፐ አቄዳ።
JOS 8:10 ዎንተꬃ ጋላስ ጉራን ኢያሱ ደንዲደ፥ ኦላንቻቱዋ ሳልፕሴዳ፤ ያቲደ እነ እስራኤልያ ጭማቱነ ኦላንቻቱዋ ካለꬂደ አይ ካታማ ቤድኖ።
JOS 8:11 አናና ደእያ ኦላንቻቱ ኡባይ ቢደ፥ አይ ካታማ ማቲደ ካታማፐ ሁጲሳ ባጋና ዱንካኔድኖ፤ ኡንቱንቱፐነ አይ ካታማፐነ ግዱዋን ዎምባይ ደኤ።
JOS 8:12 ኢያሱ እቼሹ ሻአ ኦላንቻቱዋ አፊደ፥ ካታማፐ አዋይ ዉልያ ባጋና፥ ቤቴለፐነ አይፐ ግዱዋን ሙጋናዳ ዎꬄዳ።
JOS 8:13 ካታማፐ ሁጲሳ ባጋና ደእያ ኦላንቻቱዋነ ካታማፐ አዋይ ዉልያ ባጋና ሙግ ኡቴዳ ኦላንቻቱዋ ኡባ ሳኣ ኦይꬄዳ። ሄ ጋላስ ቃማ ኢያሱ ሄ ዎምባን አቄዳ።
JOS 8:14 አይ ካታማ ካቲ ሄዋ በኤዳ ዎደ፥ እነ አ ኦላንቻቱነ ኡባይ ጉራን ኤሌል ደንዲደ፥ አራብያ ዱገ አፍያ ኦግያ ኦይቂደ፥ እስራኤልያ አሳና ኦላ ጋከታናዉ ዬድኖ፤ ሽን ካቲ ካታማፐ ጉየ ባጋና ሙግ ኡቴዳ ኦላንቻቱ ደእያዋ ኤርቤና።
JOS 8:15 ኢያሱነ እስራኤልያ ኡባይነ ጾነቴዳዋ ማላቲደ፥ ኡንቱንቱ ስንꬃፐ ባዙዋ ስሚደ ባቃቴድኖ።
JOS 8:16 አይ ካታማን ደእያ አሳይ ኡባይ ኡንቱንታ የደርሳናዉ ጼገቲደ ኢያሳ የደርሲደ ካታማፐ ሃኪደ ቤድኖ።
JOS 8:17 አይንነ ቤቴለን ደእያ አሳይ ኡባይ እስራኤልያ አሳ የደርሳናዉ ዉር ከስ ድግና፥ ካታማይ ናግያዌ ባይናን ጮ ዶያ አቴዳ።
JOS 8:18 ሄዋፐ ጉይያን መꬍና ጎዳይ ኢያሳ፥ “ነ ኩሽያን ደእያ ቶራ አይ ካታማኮ ዛራደ ደንꬃ። አያዉ ጎፐ፥ ታን አይ ካታማ ነ ኩሽያን አꬃደ እማና” ያጌዳ። ኢያሱ ባረ ቶራ ካታማኮ ዛሪደ ደንꬄዳ።
JOS 8:19 ኢያሱ ቶራ ያ ዛሪደ ደንꬄዳ ዎደ፥ ሙግ ደእያ ኦላንቻቱ ባረንቱ ሙጌዳ ሳኣፐ ኤሌል ደንዲደ፥ ካታማ ገል አጌድኖ። ኦይቂደ፤ ኤለካ ካታማ ታማን ኦይꬅ አጌድኖ።
JOS 8:20 አይ ካታማ አሳይ ጉየ ስሚደ ጼልያ ዎደ፥ ካታማ ጩዋይ ሳሉዋ ከሴዳዋ በኤድኖ፤ ሽን ያነ ሃነ ባቃታናዉ ዳንዳይበይክኖ። አያዉ ጎፐ፥ ባዙዋ ባቃቴዳ እስራኤልያ አሳይ ባረና የደርሴዳ ኡንቱንቱ ቦላ ጉየ ስሜዳ።
JOS 8:21 ኢያሱነ እስራኤልያ አሳይ ኡባይ ሙግ ኡቴዳ ኦላንቻቱ ካታማ ኦይቄዳዋነ ጩዋይ ሳሉዋ ከሴዳዋ በኤዳ ዎደ ጉየ ስሚደ፥ አይ ካታማ አሳ ዎꬌድኖ።
JOS 8:22 ሙግ ኡቴዳ ኦላንቻቱካ ካታማፐ ኡንቱንቱ ቦላ ከሴድኖ። ያትና፥ አይ ኦላንቻቱ እስራኤልያ ኦላንቻቱዋን ላኡ ባጋና ድረቴድኖ። እት አሳይነ ፓጻ አተናን ዎይ ከስ አከናን ኡባ ዎꬍ ዉርሴድኖ።
JOS 8:23 ሽን አይ ካታማ ካትያ ፓጻ ኦይቂደ፥ ኢያሱኮ አሄድኖ።
JOS 8:24 እስራኤልያ አሳይ አይ ካታማ አሳይ ኡንቱንታ የደርሴዳ ደምባን ቃራ ማሻን ሙሸሬꬅ ዉርሴዳዋፐ ጉይያን፥ ኡባይካ ጉየ አይ ካታማ ስሚደ፥ ካታማን አቴዳ አሳ ኡባ ቃራ ማሻን ዎꬌድኖ።
JOS 8:25 ሄ ጋላስ አይ ካታማ አሳይ አቱማዌነ ማጫዌ ኡባይ ዉር ሀይቄዳ፤ ሀይቄዳ አሳይ ኡባይ ታማነ ላኡ ሻአ።
JOS 8:26 ኢያሱ አይ ካታማን ደእያዋ ኡባ ሙለ ዉርሳና ጋካናዉ፥ ካታማኮ ማል ዎꬄዳ ቶራ ዱገ ዎꬅቤና።
JOS 8:27 ሽን መꬍና ጎዳይ ኢያሳ አዛዜዳዋዳን፥ እስራኤልያ አሳይ ሄ ካታማ መህያነ ደእያባ ባረንቶ አኬድኖ።
JOS 8:28 ኢያሱ አይ ካታማ ጹግና ሀቼ ጋካናዉ ሹቻ ኬላ ግዲደ አት አጌዳ።
JOS 8:29 አይ ካታማ ካትያ ኦማርስ ጋካናዉ ምꬃ ቦላን ካቄዳ። አዋይ ዉልያ ዎደ፥ ኢያሱ አዛዝና፥ አ አሃ ካቄዳ ምꬃፐ ዎꬂደ ካታማ ገልያ ፐንግያን ኦሌድኖ፤ አ ቦላን ዳሮ ሹቻ ኬሌድኖ። ሹቻይ ሀቼ ጋካናዉ ሄ ሳኣን ደኤ።
JOS 8:30 ሄዋፐ ጉይያን ኢያሱ ኤባላ ግያ ደርያ ቦላን መꬍና ጎዳዉ እስራኤልያ መꬍና ጎዳዉ ያርሹዋ ያርሽያ ሳኣ ግምቤዳ።
JOS 8:31 መꬍና ጎዳ ቆማይ ሙሴ እስራኤልያ አሳ አዛዜዳዋዳንነ ሙሴ ህግያ ማጻፋን ጎዳዉ፥ ያርሽያ ሳአይ ማሰትቤናነ ብራታይ ቦችቤና ሹቻፐ ግምበቴዳ። አን መꬍና ጎዳዉ ጹግያ ያርሹዋነ እትፐተꬃ ያርሹዋ ያርሼድኖ።
JOS 8:32 ሄ ሳኣን እስራኤልያ አሳይ ጼልሽን፥ ኢያሱ ሙሴ ህግያ ዱቆዋ ሹቻ ቦላን ጻፌዳ።
JOS 8:33 ሄ ዎደ፥ እስራኤልያ አሳይ ኡባይ፥ እስራኤልያ ዛራቱ፥ አላጋቱ፥ ጭማቱ፥ ጋዳዋቱነ ዳናቱ ኡባይ መꬍና ጎዳ ቃላ ጫቁዋ ታቦታ ቶኬዳ ሌዊያ ዛርያ ግድያ ቄሳቱዋ ስንꬃን ቃላ ጫቁዋ ታቦታፐ ኡሸቻ ባጋናነ ሀድርሳ ባጋና ኤቄድኖ። ኡንቱንቱፐ ባጋ አሳይ ባረንቱ ዞኪያ ጋሪዛማ ግያ ደርያኮ ዛርና፥ ባጋ አሳይ ኤባላ ግያ ደርያኮ ዛሪደ ኤቄድኖ። ኡንቱንቱ መꬍና ጎዳ ቆማይ ሙሴ ካሰ አዛዜዳዋዳን፥ እስራኤልያ አሳ አንጃናዉ ሄዋዳን ሀኔድኖ።
JOS 8:34 ሄዋፐ ጉይያን ህግያ ማጻፋን ጻፈቶዋዳን፥ ኢያሱ ህግያ ቃላ ኡባ፥ አንጁዋካ ሸቃካ ናባቤዳ።
JOS 8:35 ሙሴ አዛዜዳዋ ኡባፐ ኢያሱ ናባበናን አጌዳ እት ቃላይካ ባዋ። ኩመንꬃ እስራኤልያ ሺቆ፥ ማጫ አሳዉ፥ ናናቶ፥ ኡንቱንቱ ግዶን ደእያ አላጋቱዋናካ ኡባዉ ናባቤዳ።
JOS 9:1 ዮርዳኖሳ ሻፋፐ አዋይ ዉልያ ባጋና ደእያ ካተቱ ኡባይ፥ ገዝያን ደእያዋንቱ፥ ጋꬋን ደእያዋንቱ፥ ሜድትራነ አባ ባዙዋ ኦይቂ ቢደ ሊባኖሳ ጋካናዉ ደእያዋንቱ፥ ሂተቱዋ፥ አሞራዋናቱዋ፥ ካናነቱዋ፥ ፓርዛዋናቱዋ፥ ሂዌቱዋነ ያቡሳዋናቱዋ ካተቱ ኡባይ እስራኤልያ አሳይ ጾኔዳዋ ስሴድኖ።
JOS 9:2 ኢያሳነ እስራኤልያ አሳ ኦላናዉ ባናዉ እትፐ ሺቄድኖ።
JOS 9:3 ጋባኦና ካታማን ደእያ ሂዌቱ ኢያሱ ያርኮ ካታማንነ አይ ካታማን ኦꬄዳዋ ስሴዳ ዎደ፥
JOS 9:4 ጭማናዉ ኮዬድኖ። ኡንቱንቱ ሽንቃ ቃቺደ ጩርቃ ዶንያቱዋ ዳሳ ዎꬅ ስኬዳ ኤሳ ኦጎሮቱዋ ሀርያን ጫኒደ፥ ኢያሱኮ ኪተቴድኖ።
JOS 9:5 ኪተቴዳ አሳቱ ዉሬዳ ኤጫ ማዩዋ ማዪደ፥ ዎꬅ ስኬዳ ጫማ ባረንቱ ገድያን ዎꬄድኖ፤ ኡንቱንቱ ሽንቃዉ ጊደ ኦይቄዳ ቁማይ ኡባይ መሌዳዋነ ፑሉሜዳዋ።
JOS 9:6 ሄዋፐ ጉይያን ኡንቱንቱ ኢያሱ ዱንካኔዳ ሳኣ ገልጋላ ቢደ፥ አውነ እስራኤልያ አሳዉ፥ “ኑን ሃኮ ጋድያፐ ዬዶ። ሀይ ኑናና ሳሮ ደአና ማላ ቃላ ጫቁዋ ጫቃ” ያጌድኖ።
JOS 9:7 እስራኤልያ አሳይ ሂዌቱዋ፥ “ህንተንቱ ኑ ጋድያን ደእያ አሰንቶነ፥ አያን ኤሪደ ህንተናና ጫቀታኔ?” ያጌዳ።
JOS 9:8 ሄዋፐ ጉየ ኡንቱንቱ ኢያሳ፥ “ኑን ነ ቆማቱዋ” ያጌድኖ። ኢያሱ፥ “ህንተንቱ ኦኔ? ሀቃፐ ዬድቴ?” ያጊደ ኦቼዳ።
JOS 9:9 ሽን ኡንቱንቱ፥ “ኑን ነ ቆማቱ መꬍና ጎዳ ነ ጾሳ ዋርያ ስሲደ፥ ዳሮ ሃኮ ጋድያፐ ዬዶ። እ ግብጼ ጋድያን ኦꬄዳዋ ኡባ ኑን ስሴዶ።
JOS 9:10 ቃይ ዮርዳኖሳ ሻፋፐ ሄፍንꬃ አዋይ ዶልያ ባጋና ደእያ አሞራዋናቱዋ ካተቱዋ ላኡዋ፥ ሀሰቦና ካትያ ስሆናነ አስታሮታ ካታማን ደእያ ባሳነ ካትያ ኦጋ እ ኦꬄዳዋካ ስሴዶ።
JOS 9:11 ኑ ጋደ ጭማቱነ ኑ ቢታን ደእያ አሳይ ኡባይ ኑና፥ ‘ህንተ ባና ኦግያዉ ሽንቃ ኦይቂደ፥ ቢደ ኡንቱንቱና ጋከቲደ ኡንቱንታ፥ “ኑን ህንተንቱ ቆማቱዋ፤ ህንተንቱ ኑናና ሳሮ ደአና ማላ ጫቁዋ ጫቄርክተ” ያግተ’ ያጌድኖ።
JOS 9:12 “ኑን ህንተንቱኮ ያናዉ ኑ ሶፐ ሽንቃ አክያ ጋላስ፥ ሀ ኡክꬃይ ሆኡዋ፤ ሽን ሀእ መሌዳዋነ ፑሉሜዳዋ በእተ!
JOS 9:13 ሀዋንቱ ኤሳ ኦጎሮቱ ኑን ኩንꬅያ ዎደ ኦራꬃ፤ ሽን ሀእ ዳከቴዳዋ በእተ! ኦጊ ሃኮ ግዴዳዋ ጋሱዋን፥ ኑ ማዩነ ኑ ጫማይ ዉሬዳ” ያጌድኖ።
JOS 9:14 መꬍና ጎዳ ኦቼናን፥ እስራኤልያ አሳይ ኡንቱንቱ ሽንቃፐ አማሬዳዋ አኬዳ።
JOS 9:15 ያትና፥ ኢያሱ ኡንቱንቱ ፓጻ አቲደ ባረናና ሳሮ ደአና ማላ ጫቁዋ ኡንቱንቱና ጫቀቴዳ፤ ማባራ ካለꬅያዋንቱካ ሄ ጫቁዋ ቃላ አናዳን ጫቄድኖ።
JOS 9:16 ኡንቱንቱና ጫቁዋ ጫቀቴዳ ሄዘንꬆ ጋላሳፐ ጉይያን፥ ሀ አሳቱ ኡንቱንቱ ጋድያን ደእያ ሾሮ ግድያዋ እስራኤልያ አሳይ ስሴዳ።
JOS 9:17 እስራኤልያ አሳይ ሄዙ ጋላሳ ሀመቲደ፥ አሳቱ ደእያ ካታማቱዋ ጋኬድኖ። ኡንቱንቱ ካታማቱ ጋባኦና፥ ካፊራ፥ ባኤሮታነ ቅርያት-ይኣሪማ ጌተትኖ።
JOS 9:18 ሽን ማባራ ሱንꬃቱ ኡንቱንቶ መꬍና ጎዳ እስራኤልያ ጾሳ ሱንꬃን ጫቄዳ ድራዉ፥ ኡንቱንታ ዎꬍበይክኖ። ያትና፥ ኩመንꬃ ማባራይ ሱንꬃቱዋ ቦላን ዙዙሜዳ።
JOS 9:19 ሽን ካፓቱ ኡባይ ሀዋዳን ያጌድኖ፤ “ኑን ኡንቱንቶ መꬍና ጎዳ እስራኤልያ ጾሳ ሱንꬃን ጫቄዳ ድራዉ፥ ሀእ ስም ኡንቱንታ ቦቻናዉ ዳንዳዮኮ።
JOS 9:20 ሽን ኑን ኡንቱንታ ሀዋዳን ኦꬃና፤ ኑን ኡንቱንቶ ጫቄዳ ጫቁዋ ካድና ጾሳ ሀንቁ ኑ ቦላን ዎናዳን፥ ኡንቱንቱ ፓጻ ደእኖ።
JOS 9:21 ሽን ደኢደ ማባራዉ ኡባዉ ምꬃ ቃንጽያዋንታነ ሃꬃ ትክያዋንታ ግድኖ” ያጌድኖ። ሄዋ ድራዉ ጋባኦናቱዋ ሱንꬃቱ ጌዳዋዳን ሀኔድኖ።
JOS 9:22 ኢያሱ ጋባኦና አሳቱዋ ጼጊደ፥ “ኑ ጋድያን ደኢደ፥ ‘ኑን ዳሮ ሃኮ ጋድያፐ ዬዶ’ ጊደ፥ አያዉ ኑና ጭሜድቴ?
JOS 9:23 ህንተንቱ ሄዋ ሀኔዳ ድራዉ ሸቀቴድታ፤ ህንተንቱ መꬍናዉ ታ ጾሳ ጎለን ምꬃ ቃንጽያነ ሃꬃ ትክያ አይልያ ግዳና” ያጌዳ።
JOS 9:24 ኡንቱንቱ ኢያሱዉ ዛሪደ ሀዋዳን ያጌድኖ፤ “ኑን ነ ቆማቱ መꬍና ጎዳይ ሀ ጋድያ ኡባ ህንተንቶ እማናዳንነ አን ደእያ አሳ ኡባ ህንተንቱ ስንꬃፐ ꬋይሳናዳን ባረ ቆማ ሙሳ አዛዜዳዋ ጌሺደ ስሴዶ። ሄዋ ድራዉ ህንተፐ ኑ ሸምፖ ዳሮ ያዪደ ሀዋ ኦꬄዶ።
JOS 9:25 ሀእ ስም ኑን ነ ኩሽያን ደኤቶ። ኑና ነዉ ሎአነ ሱረ ማላት ቤቴዳዋዳን ኦꬃ” ያጊደ ዛሬድኖ።
JOS 9:26 ያትና፥ ኢያሱ ኡንቱንታ እስራኤልያ አሳይ ዎናዳን አሼዳ።
JOS 9:27 ሄ ጋላስ ኢያሱ ጋባኦና አሳቱዋ እስራኤልያ ማባራዉነ መꬍና ጎዳዉ ያርሽያ ሳአዉ ምꬃ ቃንጻናዳንነ ሃꬃ ትካናዳን ኦꬅና ኡንቱንቱ ሀቼ ጋካናዉ ጾሳይ አሳይ ባረዉ ጎይናናዳን ዶሬዳዌ ሳኣን ሀቃንነ ሄዋዳን ኦꬂደ ደኢኖ።
JOS 10:1 ኢያሱ ካሰ ያርኮ ካታማ ኦለቲደ ባይዜዳዋዳንነ ኡንቱንቱ ካትያ ዎꬌዳዋዳን፥ አይ ካታማ ኦለቲደ ኡባ ባይዜዳዋነ ኡንቱንቱ ካትያካ ዎꬌዳዋ የሩሳላመ ካትያ አዶንጸደቅ ስሴዳ። ቃይ ጋባኦና አሳይ እስራኤልያ አሳና ሳሮ ደአናዉ ጫቀቴዳዋነ ሀእ ኡንቱንቱና እትፐ ደእያዋ ስሴዳ።
JOS 10:2 አ አሳይካ ሎይꬅ ያዬዳ። አያዉ ጎፐ፥ ጋባኦና ካታማይ ካተቱዋ ካታማቱዋፐ እቱዋ ማላ ዎልቃማ ካታማ፤ ቃይ ሄ ካታማይ አይ ካታማፐ ዳሬ፤ አን ደእያ አቱማ አሳይካ ምና።
JOS 10:3 ያትና፥ የሩሳላመ ካትያ አዶንጸደቅ፥ ከብሮነ ካትያ ሆሃማዉ፥ ያርሙታ ካትያ ፒራማዉ፥ ላክሻ ካትያ ያፍአዉነ፥ ኤግሎና ካትያ ዳቢራዉ ሀዋዳን ያጊደ ኪቴዳ፤
JOS 10:4 “ጋባኦና ካታማ አሳይ ኢያሱናነ እስራኤልያ አሳና ሳሮ ደአናዉ ጫቀቴዳ ድራዉ፥ ኡንቱንቱና ኦለታናዉ ዪደ ታና ማዴርክቴ” ያጌዳ።
JOS 10:5 ሄዋፐ ጉይያን አሞራዋናቱዋ ካተቱ እቼሻቱ የሩሳላመ ካቲ፥ ከብሮነ ካቲ፥ ያርሙታ ካቲ፥ ላክሻ ካቲነ ኤግሎና ካቲ ባረንቱ ኦላንቻቱዋ እትፐ ጋꬄድኖ። ባረንቱ ኦላንቻቱዋ ኡባ አኪደ ፑደ ቢደ፥ ጋባኦና ካታማ ዶዲደ ኦሌድኖ።
JOS 10:6 ጋባኦና አሳይ ገልጋላን ዱንካኒደ ኢያሱኮ ኪቲደ፥ “ኑና ነ ቆማቱዋ አጎፓ፤ ኤለካ ኑኮ ያደ ኑና አሻ። ገዝያን ደእያ አሞራዋናቱዋ ካተቱ ኡባይ ኑና ኦላናዉ ባረንቱ ኦላንቻቱዋ እቱዋ ኦꬄዳ ድራዉ፥ ኔን ኑና ማዳ” ያጌድኖ።
JOS 10:7 ሄዋፐ ጉየ ኢያሱ፥ አናና ደእያ ኦላንቻቱ ኡባይነ ምኖ አሳቱ ኡባይ ገልጋላፐ ደንዲደ ቤድኖ።
JOS 10:8 መꬍና ጎዳይ ኢያሳ፥ “ኡንቱንቶ ያዮፓ! ታን ኡንቱንታ ነ ኩሽያን አꬃደ እማድ። ኡንቱንቱፐ እቱነ ኔናና ኤቀታናዉ ዳንዳየና” ያጌዳ።
JOS 10:9 ሄዋፐ ጉይያን ኢያሱ ገልጋላፐ ቃማ ኡባን ሀመቲደ አቂደ፥ ኡንቱንቱ አኬከናን ደእሽን ኡንቱንቱ ቦላ ዎራጄዳ።
JOS 10:10 መꬍና ጎዳይ እስራኤልያ አሳ ስንꬃን ህንቱቶ ዎዛና ካሃ ባይዜዳ፤ ያትና፥ እስራኤልያ አሳይ ኡንቱንቱፐ ዳሮ አሳ ጋባኦናን ዎꬌዳ። እስራኤላቱ ኡንቱንታ ቤት-ሆሮና አፍያ ኦግያ ኦይꬂደ ጎዲደ፥ አዜቃነ ማቄዳ ጋካናዉ ቡꬄድኖ።
JOS 10:11 ቤት-ሆሮናፐ ዱገ አዜቃ አፍያ ኦግያ ኦይቂደ ኡንቱንቱ እስራኤልያ አሳ ስንꬃፐ ባቃትሽን፥ መꬍና ጎዳይ ዎልቃማ ሻቻ ሳሉዋፐ ኡንቱንቱ ቦላን ቡክሴዳ። እስራኤልያ አሳይ ማሻን ዎꬌዳ አሳፐ፥ ሻቻይ ዎꬌዳ አሳይ ፓይዱዋን ዳሬዳ።
JOS 10:12 መꬍና ጎዳይ አሞረቱዋ፥ እስራኤልያ አሳዉ አꬅ እሜዳ ጋላስ፥ እስራኤልያ አሳ ስንꬃን ኢያሱ መꬍና ጎዳ፥ “አዋ አይፊ ጋባኦና ቦላን፥ ዉለናን ጋምኦ። አግናይካ አያሎና ዛንጋራ ቦላን ኤቆ” ያጌዳ።
JOS 10:13 ሄዋፐ ጉየ እስራኤልያ አሳይ ባረንቱ ሞርከቱዋ ጾናና ጋካናዉ፥ አዋይ ዉለናን ጋምኤዳ። አግናይካ ባረ ደእያ ሳኣፐ ቃጽቤና። ሄዌ ያሻራ ማጻፋን ጻፈት ኡቴዳ። አዋይ ሳሎ ግዶ ባጋን ቃጸናን ኤቄዳ፤ እት ጋላሳ ኡባ አዋይ ዉለናን ታኬዳ።
JOS 10:14 መꬍና ጎዳይ አሳይ ኦዴዳዋ ስሴዳ ሄ ጋላሳ ማላ ጋላሳይ ሄዋፐ ካሰ ግድናካ፥ ሄዋፐ ሃ ዶምና ኡባካ ሀንቤና። ቱሙካ መꬍና ጎዳይ እስራኤልያ አሳዉ ኦለቴዳ!
JOS 10:15 ሄዋፐ ጉይያን ኢያሱነ እስራኤልያ ኦላንቻቱ ኡባይ ባረንቱ ዱንካኔዳ ሳኣ ገልጋላ ስሜድኖ።
JOS 10:16 ሄ አሞራዋናቱዋ ካተቱ እቼሻቱ ባቃቲደ፥ ማቄዳ ካታማ ማታን ደእያ ጎንጎሉዋ ግዶን ቆሰቴድኖ።
JOS 10:17 እያሶ፥ “እቼሹ ካተቱ፥ ማቄዳ ካታማ ማታን ደእያ ጎንጎሉዋ ግዶን ቆሰቴዳዋንታ ደሜዶ” ያጊደ ኦዴድኖ።
JOS 10:18 ኢያሱ፥ “ዎልቃማ ሹቻቱዋ ጎንዶርሲደ፥ ጎንጎሉዋ ፐንግያ ጎርዲደ ኡንቱንታ ናጋና ማላ፥ አሳ ያን ዎꬅተ።
JOS 10:19 ሽን ህንተንቱ ያን ጋምኦፕተ፤ ህንተንቱ ሞርከቱዋ የደርሲደ፥ ጉየና ኡንቱንታ ኦልተ፥ ኡንቱንታ ኡንቱንቱ ካታማ ገልሶፕተ። መꬍና ጎዳይ ህንተንቱ ጾሳይ ኡንቱንታ ህንተንቱ ኩሽያን አꬂደ እሜዳ” ያጌዳ።
JOS 10:20 ባረንቱ ግምበቴዳ ካታማቱዋ ባቃቲደ ገሌዳ ላፋ አሳቱ አትና፥ ህንኮ አሳ ኡባ ኢያሱነ እስራኤልያ አሳይ ዉርስ ዎꬌድኖ።
JOS 10:21 ሄዋፐ ጉይያን፥ አሳይ ኡባይ ሳሩዋን ስሚደ፥ ኢያሱ ዱንካኒደ ደእያ ማቄዳ ግያሳ ዬዳ። ሄደፐ ዶምና እስራኤልያ አሳ ቦላን እት ቃላነ ቃቴዳ አሳይ ባዋ።
JOS 10:22 ሄዋፐ ኢያሱ፥ “ጎንጎሉዋ ፐንግያ ዶዪደ፥ ሄ እቼሹ ካተቱዋ ከሲደ፥ ታዉ ሃ አኪደ ዪተ” ያጌዳ።
JOS 10:23 ሄዋፐ ጉየ ጎንጎሉዋ ግዶፐ የሩሳላመ ካትያ፥ ከብሮነ ካትያ፥ ያርሙታ ካትያ፥ ላክሻ ካትያነ ኤግሎና ካትያ ከሲደ አኮ አሄድኖ።
JOS 10:24 ኡንቱንቱ ሄ ካተቱዋ ኢያሱኮ አሄዳ ዎደ፥ ኢያሱ እስራኤልያ አሳ ኡባ ባረኮ ጼሲደ ባረናና ቤዳ ኦላ ጋዳዋቱዋ፥ “ሃ ዪደ ህንተንቱ ገድያን ሀ ካተቱዋ ቆꬍያ የꬍተ” ያጌዳ። ሄዋፐ ዪደ ባረንቱ ገድያን ኡንቱንቱ ቆꬍያ የꬌድኖ።
JOS 10:25 ኢያሱ ኡንቱንታ፥ “ያዮፕተ፤ ህርጎፕተ፤ ምንተነ ጻልተ። ህንተንቱ ኦለትያ ህንተንቱ ሞርከቱዋ ኡባ መꬍና ጎዳይ ሀዋዳን ኦꬃና” ያጌዳ።
JOS 10:26 ሄዋፐ ጉይያን ኢያሱ እቼሹ ካተቱዋ ዎꬊደ እቼሹ ምꬃ ቦላን ካቄዳ፤ ኡንቱንቱ ኦማርስ ጋካናዉ ካቁዋን ፔሼድኖ።
JOS 10:27 አዋይ ዉልያ ዎደ፥ ኢያሱ አዛዝና ኡንቱንታ ምꬃፐ ዎꬄድኖ፤ ኡንቱንቱ ካሰ ቆሰቲደ ደኤዳ ጎንጎሉዋ ግዶ ኦሌድኖ። ያቲደ ጎንጎሉዋ ፐንግያ ዎልቃማ ዎልቃማ ሹቻቱዋ ጎንዶርሲደ ጎርዴድኖ። ሄ ሹቻቱ ሀቼ ጋካናስካ ያን ደኢኖ።
JOS 10:28 ሄ ጋላስ ኢያሱ ማቄዳ ካታማ ኦይቂደ ካታማ ኡባ ꬋይሴዳ፤ ካታማን ደእያ አሳ ኡባ እቱዋነ አሸናን ዉርስ ዎꬌዳ። እያርኮ ካታማ ካትያ ካሰ ዎꬌዳዋዳን፥ ማቄዳ ካታማ ካትያካ ዎꬌዳ።
JOS 10:29 ሄዋፐ ጉይያን ኢያሱነ አናና ደእያ አሳይ እስራኤልያ አሳይ ኡባይ ማቄዳ ካታማፐ ሊብና ግያ ካታማ ቢደ ኦሌድኖ፤
JOS 10:30 መꬍና ጎዳይ ሄ ካታማካ ካታማ ካትያካ እስራኤልያ አሳ ኩሽያን አꬂደ እሜዳ። ኢያሱ እቱዋነ አሸናን፥ ካታማን ደእያ አሳ ኡባ ቃራ ማሻን ቡሳኬዳ። ያርኮ ካታማ ካትያ ካሰ ዎꬌዳዋዳን፥ ሊብና ካታማ ካትያካ ዎꬌዳ።
JOS 10:31 ሄዋፐ ጉይያን ኢያሱነ አናና ደእያ እስራኤልያ አሳይ ኡባይ ሊብና ካታማፐ ላክሻ ካታማ ቢደ ሄ ካታማ ዶዲደ ኦሌድኖ።
JOS 10:32 መꬍና ጎዳይ ላክሻ ካታማ እስራኤልያ አሳ ኩሽያን አꬂደ እምና ኢያሱ ሄ ካታማ ላኤንꬆ ጋላሳን ኦይቄዳ። ሊብና ካታማ ኦꬄዳዋዳን ላክሻ ካታማካ ኦꬄዳ፤ ሄ ካታማን ደእያ አሳ ኡባ ቃራ ማሻን ቡሳኬዳ።
JOS 10:33 ሄ ዎደ፥ ገዜራ ካታማ ካትያ ሆራም፥ ላክሻ ካታማ ካትያ ማዳናዉ ዬዳ፤ ሽን ኢያሱ አካ አ አሳካ ጾኔዳ፤ ኡንቱንቱፐ እት አሳይነ ፓጻ አትቤና።
JOS 10:34 ሄዋፐ ስሚደ፥ ኢያሱነ አናና ደእያ እስራኤልያ አሳይ ኡባይ ላክሻ ካታማፐ ኤግሎና ካታማ ቢደ ሄ ካታማ ዶዲደ ኦሌድኖ።
JOS 10:35 ሄ ጋላስ ኤግሎና ካታማ ኦይቂደ ቃራ ማሻን ቡሳኬድኖ። ላክሻ ካታማ ኦꬄዳዋዳን፥ ኤግሎና ካታማን ደእያ አሳ ኡባ ዉርስ ዎꬌድኖ።
JOS 10:36 ሄዋፐ ጉይያን ኢያሱነ አናና ደእያ እስራኤልያ አሳይ ኡባይ ኤግሎናፐ ከብሮና ቢደ ከብሮና ኦሌድኖ።
JOS 10:37 ሄ ካታማ፥ ኡንቱንቱ ካትያነ ሄ ካታማ ዩሹዋን ደእያ ቄር ካታማቱዋ ኦይቄድኖ። ኡንቱንቱን ደእያ አሳ ኡባካ ቃራ ማሻን ቡሳኬድኖ። እት አሳካ አሽበይክኖ። ኢያሱ ኤግሎና ኦꬄዳዋዳን ሄ ካታማካ ኦꬄዳ፤ ኡንቱንቱን ደእያ አሳካ ዉርስ ዎꬌዳ።
JOS 10:38 ሄዋፐ ጉይያን ኢያሱነ አናና ደእያ እስራኤልያ አሳይ ኡባይ ዳቢራ ካታማ ስሚደ ኦሌድኖ።
JOS 10:39 ኡንቱንቱ ሄ ካታማካ፥ ካትያካ፥ ካታማ ዩሹዋን ደእያ ቄር ካታማቱዋካ ኡባ ኦይቂደ ኡንቱንቱን ደእያ አሳ ኡባ እቱዋነ አሸናን ዉርስ ዎꬌድኖ። ኢያሱ ከብሮና ካታማነ ሊብና ካታማነ አ ካትያ ኦꬄዳዋዳን፥ ዳቢራ ካታማነ አ ካትያ ኦꬄዳ።
JOS 10:40 ኢያሱ ቢታ ኡባ፥ ገዝያ፥ ኔጌባ ባዙዋ፥ ጋꬋ ጋድያነ ኡንቱንቱ ካተቱዋናካ ኦይቄዳ። መꬍና ጎዳይ እስራኤልያ ጾሳይ አዛዜዳዋዳን፥ ጋድያ ቦላን ፓጻ ሸምፑዋና ደእያ አሳ ኡባ እቱዋነ አሸናን ዉርስ ዎꬌዳ።
JOS 10:41 ኢያሱ ኡንቱንታ ቃዴሳ-ባርነፐ ዶሚደ ቢደ ጋዛ ጋካናዉ፥ ቃይ ጎሸና ቢታ ኡባፐ ዶሚደ ቢደ ጋባኦና ጋካናዉ ኡባ ጾኔዳ።
JOS 10:42 መꬍና ጎዳይ እስራኤልያ ጾሳይ እስራኤልያ አሳዉ ኦለቴዳ ጋሱዋን፥ ኢያሱ ሄ ካተቱዋ ኡባ ኡንቱንቱ ቢታናካ እት ገደ ኦላን ጾኔዳ።
JOS 10:43 ሄዋፐ ጉይያን ኢያሱነ እስራኤልያ አሳይ ኡባይ ባረንቱ ዱንካኔዳ ሳኣ ገልጋላ ስሜድኖ።
JOS 11:1 ሀጾራ ካታማ ካትያ ያብን እስራኤልያ አሳይ ጾኔዳዋ ስሴዳ ዎደ፥ ማዶና ካታማ ካትያ ዮባባዉ፥ ሽምሮና ካታማ ካትያዉ፥ አክሻፋ ካታማ ካትያዉ፥
JOS 11:2 ሁጲሳ ባጋና ገዝያን ደእያ ካተቶ፥ ጋሊላ አባፐ ገድሳ ዮርዳኖሳ ዎምባን ደእያ ካተቶ፥ አዋይ ዉልያ ባጋና ጋꬋን ደእያ ካተቶነ አዋይ ዉልያ ባጋና ደእያ ዶራ ካትያዉ አሳ ኪቴዳ።
JOS 11:3 ቃይ አዋይ ዶልያ ባጋናነ አዋይ ዉልያ ባጋና ደእያ ካናነቶ፥ አሞረቶ፥ ሂተቶ፥ ፓርዘቶ፥ ገዝያን ደእያ ያቡሳቶነ ምጽጳ ቢታን ሄርሞነ ደርያፐ ጋርሳና ደእያ ሂዌቶ ኪቴዳ።
JOS 11:4 ኡንቱንቱ ኡባይ ባረንቱ ኦላንቻቱዋ ደንꬂደ፥ እስራኤልያ ኦላናዉ እትፐ ጋከቴድኖ። ሄ ኦላንቻቱ ፓራቱዋናነ ፓራ ጋረቱዋና ጋከቲደ፥ ፓይድና ዉረና አባ ዶና ሻፍያዳን ጮራቴድኖ።
JOS 11:5 ሄ ካተቱ ኡባይ ባረንቱ ዎልቃ እትፐ ጋꬂደ፥ እስራኤልያ አሳ ኦላናዉ መሮማ ግያ ሃꬃ ማታን ዱንካኔድኖ።
JOS 11:6 መꬍና ጎዳይ ኢያሳ፥ “ኔን ኡንቱንቶ ያዮፓ! ታን ዎንት ሀኖደ ኡንቱንታ ኡባቱዋካ ዎꬋደ፥ እስራኤልያ አሳዉ አꬃደ እማና። ኔን ኡንቱንቱ ፓራቱዋ ኡባ ግልዳያና፤ ኡንቱንቱ ፓራቱዋ ጋረቱዋካ ታማን ጹጋና” ያጌዳ።
JOS 11:7 ኢያሱነ አ ኦላንቻቱ ኡባይ ኡንቱንቱ አኬከናን ደእሽን መሮማ ሃꬃ ማታን ኡንቱንቱ ቦላ ፑቱ ጊደ፥ ኡንቱንታ ኦሌድኖ።
JOS 11:8 መꬍና ጎዳይ ኡንቱንታ እስራኤላቱ ኩሽያን አꬂደ እሜዳ። ኡንቱንታ ጾኒደ፥ ዎልቃማ ሲዶና ግያ ጋድያ፥ ምስራፎታ-ማይማነ አዋይ ዶልያ ባጋና ደእያ ምጽጳ ዎምባ ጋካናዉ የደርሴድኖ። ኡንቱንቱፐ እት አሳነ አሸናን ዎꬌድኖ።
JOS 11:9 ኢያሱ መꬍና ጎዳይ አ አዛዜዳዋ ኡባ ኡንቱንቱ ቦላን ፖሌዳ፤ ኡንቱንቱ ፓራቱዋካ ግልዳዬዳ፤ ፓራ ጋረቱዋካ ታማን ጹጌዳ።
JOS 11:10 ሄዋፐ ጉይያን ኢያሱ ጉየ ስሚደ፥ ሀጾራ ግያ ካታማ ጾኒደ ኦይቂደ ሄ ካታማ ካትያ ማሻን ዎꬌዳ። ሄ ዎደ ሀጾራ ካታማይ ሄ ካዉተꬃ ኡባዉ ሁጰ ካታማ።
JOS 11:11 እስራኤልያ አሳይ ሄ ካታማን ደእያ አሳ ኡባ ቃራ ማሻን ዎꬌዳ። ሸምፑ ፓጻ ደእያዋ ኡባ እቱዋነ አሸናን ዉርስ ዎꬌድኖ። ኢያሱ ሀጾራ ካታማካ ታማን ጹጌዳ።
JOS 11:12 መꬍና ጎዳ ቆማይ ሙሴ አዛዜዳዋዳን፥ ኢያሱ ሄ ካተቱዋ ካታማቱዋነ ኡንቱንቱ ካተቱዋ ኡባ ኦሞዲደ አሳ ኡባ ቃራ ማሻን ዉርስ ዎꬌዳ።
JOS 11:13 ግዶፐነ፥ ኢያሱ ጹጌዳ ሀጾራ ካታማፐ አትና፥ እስራኤልያ አሳይ ዞዝያ ቦላን ኬጸቴዳ ካታማቱዋ ኡባ ጹግበይክኖ።
JOS 11:14 እስራኤልያ አሳይ ሄ ካታማቱዋፐ ቦንቄዳ ሚሻ ኡባነ መህያ ኡባ ባረንቶ አኬድኖ። ሽን አሳ ኡባ ꬋይሳና ጋካናዉ ቃራ ማሻን ዎꬌድኖ፤ ፓጻ ደእያዋ አያካ አሽበይክኖ።
JOS 11:15 መꬍና ጎዳይ ባረ ቆማ ሙሳ አዛዜዳዋዳን፥ ሙሴካ ኢያሳ አዛዜዳ። ኢያሱካ አዛዙዋ ፖሌዳ፤ መꬍና ጎዳይ ሙሴዉ አዛዜዳዋ ኡባፐ እ ኦናን አጌዳባይ አያይነ ባዋ።
JOS 11:16 ሄዋዳን ኦꬂደ ኢያሱ ሄ ጋድያ ኡባ፥ እስራኤልያ ዞዛቱዋ፥ ኔጌባ ባዙዋ ኡባ፥ ጎሸና ግያ ጋድያ ኡባ፥ አዋይ ዉልያ ባጋና ደእያ ዛንጋራነ አራብያ ጋꬋ አኬዳ።
JOS 11:17 ሄ ቢታይ ኤዶም ደእያ ሀላቃ ግያ ደርያፐ ዶም ቢደ፥ ሄርሞነ ደርያፐ ጋርሳ ባጋና ደእያ ሊባኖሳ ዎምባን ደእያ ባኣል-ጋዳ ጋካናዉ ደእያ ሳኣ ጋኬ። ኡንቱንቱ ካተቱዋ ኡባ ኢያሱ ኦሞዲደ ዎꬌዳ።
JOS 11:18 ኢያሱ ዳሮ ዎድያ ሄ ካተቱዋ ኡባና ኦለቲደ ጋምኤዳ።
JOS 11:19 ጋባኦናን ደእያ ሂዌቱዋፐ አትና፥ ሀራ ካታማይ እቱነ እስራኤላቱዋና ሳሮ ደአና ጫቁዋ ጫቀትቤና፤ እስራኤላቱ ሄ ካታማቱዋ ኡባ ኦላን ጾኒደ ኦይቄድኖ።
JOS 11:20 መꬍና ጎዳይ ሙሳ አዛዜዳዋዳን፥ ኢያሱ ኡንቱንታ ቃረት ባይናን እቱዋነ አሸናን ዉርስ ዎꬌዳ። አያዉ ጎፐ፥ ኡንቱንቱ እስራኤላቱዋና ኦለታናዳን መꬍና ጎዳይ ባረ ሁጲያዉ ኡንቱንቱ ዎዛና ሙምሴዳ።
JOS 11:21 ሄ ዎደ ኢያሱ ቢደ ገዝያን፥ ከብሮና ካታማን፥ ዳቢራ ካታማን፥ አናባ ካታማን፥ ይሁዳ ገዝያን ኡባንነ እስራኤልያ ገዝያን ኡባን ደእያ አናቀ ዘረꬃ አዱሳቱዋ ዎꬍ ዉርሴዳ። ኢያሱ ኡንቱንታነ ኡንቱንቱ ካታማ ኡባና ꬋይሴዳ።
JOS 11:22 አናቀ ዛራቱዋፐ እስራኤልያ ጋድያን ኦንነ አትቤና፤ ሽን አማሬዳዋንቱ ጋዛ፥ ጋተነ አሽዶዳ ካታማቱዋ ጻላላን አቴድኖ።
JOS 11:23 መꬍና ጎዳይ ሙሳ አዛዜዳዋዳን፥ ኢያሱ ጋድያ ኡባ ኦይቂደ እስራኤልያ አሳዉ ኡንቱንቱ ዛርያን ዛርያን ሻክ እሜዳ። ሄዋፐ ጉይያን ቢታይ ኦላፐ ሸምፔዳ።
JOS 12:1 እስራኤልያ አሳይ ዮርዳኖሳ ሻፋፐ አዋይ ዶልያ ባጋና ደእያ አርኖና ዛንጋራፐ ቢደ ሄርሞነ ደርያ ጋካናዉ፥ ቃይ አዋይ ዶልያ ባጋና አራብያ ጋꬋ ጋካናዉ ደእያ ጋድያ ካተቱዋ ኡባ ጾኒደ ዎꬅ አኬዳ። ሄ ጾነቴዳ ካተቱ ሀዋፐ ካሊደ ጻፈቴዳዋንታ።
JOS 12:2 ኡንቱንቱፐ እቱ፥ ሀሰቦና ካታማን ኡቴዳ አሞራዋናቱዋ ካትያ ስሆና። እ ሞዴዳ ሳአይ አርኖና ዛንጋራ ጋጻን ደእያ አሮኤራ ካታማፐ ደንዲደ፥ አሞናቱዋ ዛዋ ጋካናዉ ደእያ ያቦቃ ሻፋ ጋኬ፤ ሄ ሳአይ ጋላኣደ ግያ ቢታዉ ዛዋ።
JOS 12:3 እ ቃይ አዋይ ዶልያ ባጋና አራብያ ጋꬋፐ ባጋ አኪደ፥ ጋሊላ አባፐ ቢደ፥ ቤት-ያሽሞታ ካታማና አꬊደ፥ ፕስጋ ግያ ደርያፐ ጋርሳ ባጋና ደእያ ማጽነ አባ ጋካናዉ፥ ቢታቱዋ ሞዴዳ።
JOS 12:4 ሄዋዳንካ፥ ራፋየቱዋ ዛርያፐ ዉርሰꬃን አቴዳ ባሳነ ጋድያ ካትያ ኦጋ ጾኔዳ። ኦግ አስታሮታ ካታማንነ ኤድራአ ካታማን ደኤዳ።
JOS 12:5 እ ሞዴዳ ሳአይ ሄርሞነ ደርያ፥ ሳላካ ግያ ሳኣ፥ ባሳነ ጋድያ ኡባ ቢደ ጋሹራነ ማእካ አሳቱዋ ዛዋ ጋኬ፤ ቃይ ጋላኣደ ጋድያፐ ባጋ አኪደ፥ ቢደ ሀሰቦና ካትያ ስሆና ዛዋ ጋካናዉ ደእያ ጋድያ ጋኬ።
JOS 12:6 መꬍና ጎዳ ቆማይ ሙሴነ እስራኤልያ አሳይ ሀ ካተቱዋ ጾኔድኖ። መꬍና ጎዳ ቆማይ ሙሴ ኡንቱንቱ ቢታቱዋ ሮቤላ ዛረቶ፥ ጋደ ዛረቶነ ምናሰ ዛራቱዋፐ ባጋዉ ሻክ እሜዳ።
JOS 12:7 ኢያሱነ እስራኤልያ አሳይ ዮርዳኖሳ ሻፋፐ አዋይ ዉልያ ባጋ ጋድያን ደእያ ካተቱዋ ኡባ ጾኔድኖ። ሄ ቢታቱ ሊባኖሳ ዎምባን ደእያ ባኣል-ጋዳፐ ዶሚደ፥ ገድሳ ባጋና ኤዶማ ማታን ደእያ ሀላቃ ደርያ ጋኪኖ። ኢያሱ ሄ ቢታቱዋ ሻክ፥ እስራኤልያ ዛረቶ ላታ ጋደ ኦꬂደ እሜዳ።
JOS 12:8 ሄ ቢታቱ፥ ገዝያ፥ አዋይ ዉልያ ባጋና ደእያ ኦላትያ፥ ዮርዳኖሳ ጋꬋ፥ ይሁዳ ባዙዋነ ኔጌባ ባዙዋ። ሄ ቢታቱ ካሰ ሂተቱ፥ አሞራዋናቱ፥ ካናነቱ፥ ፓርዛዋናቱ፥ ሂዌቱነ ያቡሳዋናቱ ደኤዳ ሳኣ።
JOS 12:9 እስራኤልያ አሳይ ጾኔዳ ካተቱ ሀዋንታ፤ ያርኮ ካትያ፥ ቤቴለ ማታን ደእያ አይ ካትያ፥
JOS 12:10 የሩሳላመ ካትያ፥ ከብሮና ካትያ፥
JOS 12:11 ያርሙታ ካትያ፥ ላክሻ ካትያ፥
JOS 12:12 ኤግሎና ካትያ፥ ገዜራ ካትያ፥
JOS 12:13 ዳቢራ ካትያ፥ ገዴራ ካትያ፥
JOS 12:14 ሆርማ ካትያ፥ አራዳ ካትያ፥
JOS 12:15 ሊብና ካትያ፥ አዱላማ ካትያ፥
JOS 12:16 ማቄዳ ካትያ፥ ቤቴለ ካትያ፥
JOS 12:17 ታፑሀ ካትያ፥ ሄፌራ ካትያ፥
JOS 12:18 አፌቃ ካትያ፥ ላሻሮና ካትያ፥
JOS 12:19 ማዶና ካትያ፥ ሀጾራ ካትያ፥
JOS 12:20 ሽምሮን-ማሮና ካትያ፥ አክሻፋ ካትያ፥
JOS 12:21 ታእናካ ካትያ፥ ማግዶ ካትያ፥
JOS 12:22 ቃዴሳ ካትያ፥ ቃርመሎሳን ደእያ ዮቅናኣማ ካትያ፥
JOS 12:23 ዶራ ገዝያን ደእያ ዶራ ካትያ፥ ገልጋላን ደእያ ጎይማ ካትያነ
JOS 12:24 ትርጻ ካትያ። ኡንቱንቱ ኡባይ ሀታማነ እት ካተቱዋ።
JOS 13:1 ኢያሱ ጭሚደ፥ ላይꬃ ሎይꬅ ሱጌዳ ዎደ፥ መꬍና ጎዳይ አዉ፥ “ኔን ጭማዳ፤ ላይꬃካ ሎይꬃ ሱጋዳ። ሽን ኦይቀተናን አቴዳ ዳሮ ቢታይ ብሮ ደኤ።
JOS 13:2 ኦይቀትቤና ቢታቱ ሀዋንታ: ፕልስጼማቱዋ ጋድያነ ጋሹራቱዋ ጋድያ ኡባ።
JOS 13:3 ግብጼፐ አዋይ ዶልያ ባጋና ደእያ ሽሆራ ሻፋፐ ዶሚደ፥ ሁጲሳ ባጋና ደእያ ኤቅሮና ጋድያ ጋካናዉ ደእያ ቢታቱ ኡባይ ካናነ ጋድያን ፓይደቲኖ። እቼሹ ፕልስጼማ ካተቱ ሞድያ ካታማቱ ጋዛ፥ አሽዶዳ፥ አስቃሎና፥ ጋታነ ኤቅሮና ጌተትያ። አዎቱዋ ቢታይካ ብሮ ኦይቀትቤና።
JOS 13:4 ገድሳ ባጋና ካናነቱ ቢታይ ኡባይ፥ ሲዶናቶ ደእያ ማኣራ ግያ ሳፐ ደንዲደ ቢደ፥ አሞራዋናቱዋ ጋድያን ደእያ አፌቃ ካታማ ጋካናስካ ኦይቀትቤና።
JOS 13:5 ገባላቱ ቢታይ አዋይ ዶልያ ባጋና ሊባኖሳ ቢታይ ኡባይ፥ ሄርሞነ ደርያፐ ጋርሳ ባጋና ደእያ ባኣል-ጋዳ ካታማፐ ቢደ፥ ሀማታ ፕኑዋ ጋካናዉ ብሮ ኦይቀትቤና።
JOS 13:6 ሊባኖሳፐ ቢደ ምስራፎታ-ማይማ ጋካናዉ ደእያ ገዝያን ደእያ ሲዶናቱዋ ቢታይካ ኦይቀትቤና። ታን ታ ሁጲያዉ እስራኤልያ አሳ ስንꬃፐ ኡንቱንታ ላጋደ ከሳና። ታን ኔና አዛዜዳዋዳን፥ ኔን ሀ ቢታቱዋ እስራኤልያ አሳዉ ጋደ ኦꬃደ ሻካ።
JOS 13:7 ሀእ ኔን ሀ ጋድያ ኡዱፑን ዛረቶነ ምናሰ ዛራቱዋፐ ባጋዉ ሻካ” ያጌዳ።
JOS 13:8 ምናሰ ዛራቱዋፐ ባጋቱ፥ ሮቤላ ዛራቱነ ጋደ ዛራቱ መꬍና ጎዳ ቆማይ ሙሴ ዮርዳኖሳ ሻፋፐ ሄፍንꬃ አዋይ ዶልያ ባጋና ኡንቱንቶ ግሽ ዎꬄዳ ጋድያ አኬድኖ።
JOS 13:9 ኡንቱንቱ ቢታይ አርኖና ዛንጋራ ጋርሳን ደእያ አሮኤራ ካታማፐ ደንዲደ፥ ሄ ዛንጋራ ግዶን ደእያ ካታማ ኦይቂደ፥ መዳባ ግያ ገዝያ አꬍ ቢደ፥ ድቦና ጋኬ።
JOS 13:10 ቃይ ሀሰቦናን ኡቲደ ሞድያ አሞራዋናቱዋ ካትያ ስሆና ካታማቱዋ ኡባ ኦይቂ ቢደ፥ አሞናቱዋ ዛዋ ጋኬ።
JOS 13:11 ሄዋዳንካ፥ ቃይ ጋላኣደ ጋድያ፥ ጋሹራቱዋ ጋድያ፥ ማእካቱዋ ጋድያ፥ ሄርሞነ ደርያ ኡባነ ሳላካ ጋካናዉ ደእያ ባሳነ ጋድያ ጋኬ።
JOS 13:12 አስታሮታ ካታማንነ ኤድራአ ካታማን ደኢደ ሞድያ፥ ራፋየቱዋ ዛርያፐ ዉርሰꬃን አቴዳ ባሳነ ካትያ ኦጋ ጋድያ ኡባ ኦይቄዳ። ሙሴ ሄ አሳ ኡባ ጾኒደ፥ ኡንቱንቱ ጋድያፐ ላጊደ ከሴዳ።
JOS 13:13 ሽን እስራኤልያ አሳይ ጋሹራ አሳነ ማእካ አሳ ጋድያፐ ከስበይክኖ፤ ሄዋ ድራዉ ኡንቱንቱ ሀቼ ጋካናዉ እስራኤልያ አሳ ግዶን ደኢኖ።
JOS 13:14 ሙሴ ሌዊያ ዛራቱዋ ጻላላዉ ላትያ ጋድያ እምቤና። መꬍና ጎዳይ ሙሴዉ ጌዳዋዳን፥ መꬍና ጎዳይ እስራኤልያ ጾሳዉ ታማን ጹግያ ያርሹዋ ያርሽያዌ ኡንቱንቶ ላታ።
JOS 13:15 ሙሴ ሮቤላ ዛረቶ ኡንቱንቱ ያራን ያራን ጋድያ ሻክ እሜዳ።
JOS 13:16 ኡንቱንቱ ቢታይ አርኖና ዛንጋራ ጋጻን ደእያ አሮኤራ ካታማፐ ደንዲደ፥ ሄ ዛንጋራ ግዶን ደእያ ካታማ ኦይቂደ፥ መዳባ ገዝያ ጋኬ።
JOS 13:17 ቃይ ሀሰቦና፥ ገዝያን ደእያ ካታማቱዋ፥ ድቦና፥ ባሞት-ባኣላ፥ ቤትባኣል-መኦና፥
JOS 13:18 ያሃጻ፥ ቅደሞታ፥ መፋኣታ፥
JOS 13:19 ቅርያታይማ፥ ሲብማ፥ ዛንጋራ ግዶን ደእያ ደርያ ቦላ ደእያ ጼረታ-ሻሀራ፥
JOS 13:20 ቤት-ፓኦራ፥ ፕስጋ ደርያፐ ጋርሳና ደእያ ጋድያነ ቤት-ያሽሞታ ጌተትያ ካታማቱዋ ኡባ ጋኬ።
JOS 13:21 ሄዋዳንካ፥ ቃይ ገዝያን ደእያ ካታማቱዋነ ሀሰቦና ካታማ ሞዴዳ አሞራዋናቱዋ ካትያ ስሆና ጋድያ ኡባ ጋኬ። ሙሴ ካትያ ስሆናነ ምድያማቱዋ ካፓቱዋ ኤዋ፥ ረቄማ፥ ጹራ፥ ሁራነ ረባአ ጾኔዳ፤ ሀዋንቱ ስሆናፐ ጋርሳና ሄ ጋድያ ሞድያዋንታ።
JOS 13:22 እስራኤልያ አሳይ ኦላን ዎꬌዳ አሳፐ ሀራ፥ ሻሬቹዋ፥ ባኦራ ናኣ ባላኣማካ ማሻን ዎꬌድኖ።
JOS 13:23 ሮቤላ ዛራቱዋ ዛዋይ ዮርዳኖሳ ሻፋ። ሀ ካታማቱነ ኡንቱንቱ ሄራን ደእያ ሞꬃቱ፤ ሮቤላ ዘረꬃ ኡንቱንቱ ያራን ያራን ጋኬዳዋንታ።
JOS 13:24 ሙሴ ጋደ ዛረቶ ኡንቱንቱ ያራን ያራን ጋድያ ሻክ እሜዳ።
JOS 13:25 ኡንቱንቱ ጋዲ ያእዜራ፥ ጋላኣደን ደእያ ካታማቱዋ ኡባነ አሞናቱዋ ጋድያፐ ባጋ አኪደ፥ ራባፐ አዋይ ዶልያ ባጋና ደእያ አሮኤራ ጋኬ።
JOS 13:26 ሄዋዳንካ፥ ሀሰቦናፐ ደንዲደ፥ ራሞታ-ምጽጳነ በጾኒማ ጋኬ፤ ቃይ ማህናይማፐ ደንድ ቢደ፥ ሎዳባራ ዛዋ ጋኬ።
JOS 13:27 ዮርዳኖሳ ዎምባዉ ግዱዋን ሀሰቦና ካትያ ስሆና ካዉተꬃፐ አቴዳዉንታ፥ ቤት-ሀራማ፥ ቤት-ኒምራ፥ ሱኮታነ ጻፎና ጌተትያ ካታማቱዋ አኬዳ። አዋይ ዶልያ ባጋና ኡንቱንቱ ዛዋይ ዮርዳኖሳ ሻፋ ግዲደ ቢደ፥ ጋሊላ አባ ጋኬ።
JOS 13:28 ሄ ካታማቱነ ኡንቱንቱ ሄራን ደእያ ሞꬃቱ ጋደ ዛረቶ ኡንቱንቱ ያራን ያራን ጋኬዳዋንታ።
JOS 13:29 ሙሴ ምናሰ ዛራቱዋፐ ባካዉ ኡንቱንቱ ያራን ያራን ጋድያ ሻክ እሜዳ።
JOS 13:30 ኡንቱንቱ ቢታይ ማህናይማነ ባሳነ ጋድያ ኡባ ጻጽ ዋጼ፤ ባሳነ ካትያ ኦጋ ካዉተꬃ ኡባነ ባሳነን ደእያ ኡሱፑን ታሙ ያኢራ ካታማቱዋ ኦይቄ።
JOS 13:31 ቃይ ጋላኣደፐ ባካነ ባሳነን ኦጋ ካዉተꬃይ ሁጰ ግዴዳ አስታሮታነ ኤድራአ ጌተትያ ካታማቱዋ ጋኬ። ሄ ኡባይ ምናሰ ናኣ ማኪና ዛራቱዋፐ ባጋቶ፥ ኡንቱንቱ ያራን ያራን ጋኬዳዋ።
JOS 13:32 ዮርዳኖሳፐ ሄፍንꬃና፥ ያርኮፐ አዋይ ዶልያ ባጋና ደእያ ሞኣበ ደምባን ደኢደ ሙሴ ሻክ እሜዳ ጋዲ ሀዋ።
JOS 13:33 ሽን ሙሴ ሌዊያ ዛረቶ ላትያ ጋድያ እምቤና፤ ካሰ መꬍና ጎዳይ ኡንቱንቶ ጌዳዋዳን፥ መꬍና ጎዳይ እስራኤልያ ጾሳይ ኡንቱንቱ ላታ።
JOS 14:1 ቄስያ ኤልኣዛረ፥ ነዌ ናአይ ኢያሱነ እስራኤልያ ዛራቱዋ ካፓቱ፥ ካናነ ጋድያ ኡንቱንታ ያራን ያራን ሻክና፥ ኡንቱንቱ ጋኬዳ ሄራቱ ሀዋፐ ካሊደ ጻፈቴዳዋንታ።
JOS 14:2 መꬍና ጎዳይ ሙሴ ባጋና አዛዜዳዋዳን፥ ኡንቱንቱ ላታ ጋዲ ኡዱፑናነ ባጋ ግድያ ዛረቶ ሳማን ሻከቴዳ።
JOS 14:3 አያዉ ጎፐ፥ ሙሴ ላአነ ባጋ ግድያ ዛረቶ ዮርዳኖሳ ሻፋፐ ሄፍንꬃ አዋይ ዶልያ ባጋና ካሰ ጋድያ እም ዎꬄዳ፤ ሽን ሌዊያ ዛረቶ ኡንቱንቱ ግዱዋን ላታ ጋድያ እምቤና።
JOS 14:4 ዮሴፎ ናናይ ምናሳነ ኤፍሬማ ጌተቲደ ላኡ ዛረ ግዴድኖ። ሙሴ ሌዊያ ዛረቶ ላታ ጋድያ እምቤና፤ ሽን ሄዋ ግሻዉ ኡንቱንቶ ደእያ ካታማቱዋነ ኡንቱንቱ ባረንቱ መህያ ዉድያነ ዶርሳ ዉድያ ሄምያ ሄንꬃ ጋደቱዋ እሜዳ።
JOS 14:5 መꬍና ጎዳይ ሙሳ አዛዜዳዋዳን፥ እስራኤልያ አሳይ ጋድያ ሻክ አኬዳ።
JOS 14:6 እት ጋላስ ይሁዳ አሳይ ኢያሱኮ ገልጋል ሺቄድኖ። ኡንቱንቱፐ እቱ፥ ቀኒዝያ ይፉነ ናአይ ካሌብ ኢያሳ ሀዋዳን ያጌዳ፤ “ኑን ቃዴሳ-ባርነን ደእያ ዎደ፥ መꬍና ጎዳይ፥ ጾሳ አሳ ግድያ ሙሴዉ ነባነ ታባ ኦዴዳዋ ኤራሳ።
JOS 14:7 መꬍና ጎዳ ቆማይ ሙሴ ጋድያ ዎቻደ ያናዳን፥ ቃዴሳ-ባርነፐ ታና ኪትያ ዎደ፥ ታዉ ላይꬃይ ኦይታማ። ሄ ዎደ ታን አዉ አማነትያ ኦዱዋ አሃደ ኦዳድ።
JOS 14:8 ታን መꬍና ጎዳ ታ ጾሳ ፖሎ ካላድ፤ ሽን ታናና ቤዳ አሳቱ አሳ ዎዛና ያሻን ኮልድሴድኖ።
JOS 14:9 ሄ ጋላስ ሙሴ፥ ‘ኔን መꬍና ጎዳ ታ ጾሳ ፖሎ ካሌዳ ድራዉ፥ ነ ገዲ የꬌዳ ቢታይ መꬍናዉ ነዉነ ነ ዛርያዉ ላትያ ጋድያ ግዳናዋ’ ጊደ ጫቄዳ።
JOS 14:10 “አነ አኬካ፤ መꬍና ጎዳይ ሀ የዉዋ ሙሴዉ ሃሳዮደፐ፥ ኦይታማነ እቼሹ ላይꬃ ግዴዳ። ሄ ዎደፐ እስራኤልያ አሳይ ዎራን ስመረትሽን፥ ሀቼ ጋካናዉ ጾሳይ ታና ፓጻ ዎꬄዳ። በአ፥ ሀእ ታ ላይꬃይ ሆስፑን ታማነ እቼሻ ግዴዳ።
JOS 14:11 ግድናካ ሀእ ታዉ ደእያ ምኖተꬃይ በን ሙሴ ታና ኪትያ ዎደ ደእያ ምኖተꬃካ ማላ። ታን ሀእካ ኦለታናዉነ አያ ግዶፐነ ኦꬃናዉ በን ሄ ዎደዋዳን ዎልቃማ።
JOS 14:12 ሄዋ ድራዉ፥ መꬍና ጎዳይ ታዉ እማና ጌዳ ሀ ገዘ ጋድያ ሀእ ታዉ እማ። ሄ ዎደ፥ አናቀቱ ሄ ጋድያን ደእያዋነ ኡንቱንቱ ካታማቱካ ግታነ ግምበቴዳዋንታ ግድያዋ ኑን ሃሳይሽን ኔን ነ ሁጲያዉ ስሳዳ። ሽን መꬍና ጎዳይ ታናና ግዶፐ፥ እ ጌዳዋዳን፥ ታን ኡንቱንታ ሄ ጋድያፐ የደርሳና” ያጌዳ።
JOS 14:13 ሄዋፐ ጉየ ኢያሱ ይፉነ ናኣ ካሌባ አንጂደ፥ ከብሮና አዉ ላታ ኦꬂደ እሜዳ።
JOS 14:14 መꬍና ጎዳ እስራኤልያ ጾሳ ፖሎ ካሌዳ ድራዉ፥ ከብሮና ጋዲ ሄ ዎድያፐ ሀቼ ጋካናዉ፥ ቀኒዝያ ይፉነ ናኣ ካሌባዉ ላታ ቢታ ግዴዳ።
JOS 14:15 ካሰ ከብሮና ሱንꬃይ ቅርያት-አርባአ ጌተቴ፤ አርባአ ግያ ብታኒ አናቀቱዋ ኡባፐ አꬌዳ አሳ። ሄዋፐ ጉይያን፥ ሄ ጋዲ ኦላፐ ሸምፔዳ።
JOS 15:1 ይሁዳ ዛረቶ ኡንቱንቱ ያራን ያራን ሻክና ጋኬዳ ጋዲ ቢደ ኤዶማ ጋድያን ዛዋቲደ፥ ገድሳ ባጋ ጋጻን ደእያ ጺና ግያ ባዙዋ ዉርሰꬃ ጋኬ።
JOS 15:2 ገድሳ ባጋና ኡንቱንቱ ዛዋይ ማጽነ አባፐ ገድሳ ባጋ ዉርሰꬃፐ ዶሚደ፥
JOS 15:3 አክራቢማ ፕኑዋ አꬊደ፥ ጽና ባዙዋና ቢደ፥ ቃዴሳ-ባርነ ገድሳ ጋኬ። ቃይ ሄዋፐ ሻክ ቢደ፥ ሄጽሮናና አꬊደ፥ ፑደ አዳራ ጋኪደ፥ ቃርቃኮ ስሜ።
JOS 15:4 ሄዋፐ ቃይ አጽሞና አꬊደ፥ ግብጼ ሻፋን ጋከት ቢደ፥ ሜድትራነ አባን ዛዋቴ። ገድሳ ባጋና ደእያ ይሁዳ ዛዋይ ሀዋ።
JOS 15:5 አዋይ ዶልያ ባጋ ዛዋይ ማጽነ አባ ግዲደ፥ ዮርዳኖሳ ሻፋይ አን ገልያ ሳኣ ጋኬ። ሁጲሳ ዛዋይ ቃይ ዮርዳኖሳ ሻፋ ማጽነ አባን ገልያ ሳፐ ዶሚደ፥
JOS 15:6 ፑደ ቤት-ሆግላ ከሲደ፥ ቤት-አራብያ ዛንጋራፐ ሁጲሳና አꬊደ፥ ሮቤላ ናኣ ቦሃና ሹቻን ዛዋቴ።
JOS 15:7 ያቲደ ዛዋይ አሁረ (መቱዋ) ዎምባፐ ዳቢራ ካታማ ፑደ ከሲደ፥ ዎምባፐ ገድሳ ባጋና ደእያ አዱሚማ ፕኑዋ ስንꬃ ባዙዋን ደእያ ገልጋላኮ ሁጲያዉ ምርቀቴ። ሄዋፐ ቃይ ኤንሸሜሻ ግያ ፑልትያ አꬊደ፥ ኤንሮጌላ ግያ ሳን ዛዋቴ።
JOS 15:8 ሄዋፐ ህኖማ ዛንጋራ አꬊደ፥ ያቡሳዋናቱዋ ካታማይ የሩሳላመ ደእያ ደርያፐ ገድሳ ባጋና አꬊደ፥ ደርያ ሁጲያ ከሴዳ፤ ሄ ደሪ ህኖማ ዛንጋራፐ አዋይ ዉልያ ባጋናነ ራፋይማ ዎምባፐ ሁጲሳ ባጋና ደኤ።
JOS 15:9 ሄ ደርያ ሁጲያፐ ስንꬃዉ ቢደ፥ ነፍቶሀ ሃꬃ ፑልትያ አꬊደ፥ ኤፍሮና ደርያን ደእያ ካታማቱዋኮ ከሴዳ። ሄዋፐ ቃይ ዱገ ባኣላ ዎይ ቅርያት-ይኣሪማ ጌተትያ ካታማኮ ስሜ፤
JOS 15:10 ባኣላፐ ቃይ አዋይ ዉልያ ባጋና ደእያ ሰኢራ ደርያኮ ምርቀቴ። ሄዋፐ ቃይ ሁጲሳ ባጋ ይኣሪማ ዎይ ክሳሎና ጌተትያ ደርያ ጋኪደ፥ አፐ ዱገ ቤት-ሸመሻ ዎꬊደ፥ ትምና አꬊደ ቤ።
JOS 15:11 ሄ ዛዋይ ኤቅሮና ሁጲሳ ባጋና ደእያ ፑደꬃን ዛዋቲደ፥ ሽካሮናኮ ምርቀቴ፤ ሄዋፐ ባኣላ ደርያና አꬊደ፥ ያብንኤላን ዛዋቴ። ሄ ሁጲሳ ባጋ ዛዋይ ሜድትራነ አባን ዛዋቴ።
JOS 15:12 አዋይ ዉልያ ባጋና ደእያ ዛዋይ ሜድትራንያ አባዉ ጋጻን ዛዋቴ። ይሁዳ ዛራቱ ባረንቱ ያራን ያራን አኪደ ደኤዳዌ ሀ ዛዋቱ ዛርና ደእያ ሳአቱዋና።
JOS 15:13 መꬍና ጎዳይ አ አዛዜዳዋዳን፥ ኢያሱ ይፉነ ናኣ ካሌባ ጋክያ ግሹዋ ይሁዳ ጋድያፐ ቅርያት-አርባአ ጌተትያ ከብሮና እሜዳ። አርባእ አናቀ አዉዋ።
JOS 15:14 ካሌብ አናቀ ዘረꬃ፥ ሸሻያ፥ አህማናነ ታልማያ ጌተትያ ሄዙ ያራቱዋ ከብሮናፐ ከሴዳ።
JOS 15:15 ሄዋፐ ደንዲደ፥ ዳቢራ ግያ ካታማን ደእያ አሳ ኦላናዉ ቤዳ፤ ዳቢራ ካታማይ ካሰ ቅርያት-ሰፈራ ጌተቴ።
JOS 15:16 ካሌብ፥ “ቅርያት-ሰፈራ ኦለቲደ ኦይቂያ ኡራዉ ታን ታ ናቶ አክሶ እማና” ያጌዳ።
JOS 15:17 ካሌባ እሻ ቃናዛ ናአይ ኦትንኤል ሄ ካታማ ኦለቲደ ኦይቂና ካሌብ ባረ ናቶ አክሶ አዉ እሜዳ።
JOS 15:18 አክሳ ኦትንኤላ ገልያ ዎደ፥ እዝ አቡ እዝዉ ጋድያ እማናዳን ዎሳና ማላ ኦትንኤል እዞ ዞሬዳ። እዛ ባቁሉዋፐ ዎꬋዱ፤ ካሌብ እዞ፥ “አያ ኮያይ?” ያጊደ ኦቼዳ።
JOS 15:19 እዛ፥ “ታዉ ዎይቱዋ እማ። ኔን ካሰ ታዉ ነጌበን እሜዳ ቢታይ ግዴዳ ድራዉ፥ ሃꬃ ፑልቶቱዋ ታዉ እማርኪ” ያጋዱ። ካሌብ እዝዉ ክል ፑልቱዋካ ህርክ ፑልቱዋካ እሜዳ።
JOS 15:20 ይሁዳ ዛራቱ ባረንቱ ያራን ያራን ላቴዳ ላታቱ ሀዋፐ ካሊደ ጻፈቴዳዋንታ።
JOS 15:21 ገድሳ ባጋ ጋጻን ኤዶማ ዛዋ ማታን ደእያ ይሁዳ አሳ ካታማቱ ቃብጽኤላ፥ ኤዴራ፥ ያጉራ፥
JOS 15:22 ቂና፥ ድሞና፥ አድኣዳ፥
JOS 15:23 ቀዴሻ፥ ሀጾራ፥ ይትናና፥
JOS 15:24 ዚፋ፥ ጸለማ፥ ባኣሎታ፥
JOS 15:25 ሀጾር-ሀዳታ፥ ቅርዮት-ሄጽሮና ዎይ ሀጾራ፥
JOS 15:26 አማማ፥ ሻማአ፥ ሞላዳ፥
JOS 15:27 ሀጻር-ጋዳ፥ ሄሽሞና፥ ቤት-ጳሌጻ፥
JOS 15:28 ሀጻር-ሹኣላ፥ በርሳቤሀ፥ ቢዝዮትያ፥
JOS 15:29 ባኣላ፥ ኢዩማ፥ ኤጼማ፥
JOS 15:30 ኤልቶላዳ፥ ካሲላ፥ ሆርማ፥
JOS 15:31 ጽቅላጋ፥ ማድማና፥ ሳንሳና፥
JOS 15:32 ለባዎታ፥ ሽልሂማ፥ አይናነ ርሞና። ሀ ካታማቱ ባረንቱ ሞꬃቱዋና እትፐ ላታማነ ኡዱፑና።
JOS 15:33 ጋꬋን ደእያ ካታማቱ ኤሽታኦላ፥ ጾርአ፥ አሺና፥
JOS 15:34 ዛኖሀ፥ ኤንጋኒማ፥ ታፑሀ፥ ኤናማ፥
JOS 15:35 ያርሙታ፥ አዱላማ፥ ሶኮ፥ አዜቃ፥
JOS 15:36 ሻእራይማ፥ አድታይማ፥ ጋዴራነ ጋደሮታይማ። ሀ ካታማቱ ባረንቱ ሞꬃቱዋና እትፐ ታማነ ኦይዳ።
JOS 15:37 ቃይ ይሁዳ ካታማቱ ጽናና፥ ሀዳሻ፥ ምግዳላ-ጋዳ፥
JOS 15:38 ዲልኣና፥ ምስጳ፥ ዮቅትኤላ፥
JOS 15:39 ላክሻ፥ ቦጽቃታ፥ ኤግሎና፥
JOS 15:40 ካቦና፥ ላህማሳ፥ ክትሊሻ፥
JOS 15:41 ጋደሮታ፥ ቤት-ዳጎና፥ ናእማናነ ማቄዳ። ሀ ካታማቱ ባረንቱ ሞꬃቱዋና እትፐ ታማነ ኡሱፑና።
JOS 15:42 ቃይካ ሊብና፥ ኤቴራ፥ አሻና፥
JOS 15:43 ይፍታሀ፥ አሺና፥ ናጺባ፥
JOS 15:44 ቃኢላ፥ አክዚባነ ማሬሻ። ሀ ካታማቱ ባረንቱ ሞꬃቱዋና እትፐ ኡዱፑና።
JOS 15:45 ሄዋዳንካ፥ ቃይ ኤቅሮና ካታማ ባረ ሄራን ደእያ ቄር ካታማቱዋነ ሞꬃቱዋ ኡባ።
JOS 15:46 አሽዶዳ ኤለካ ኤቅሮናፐ ቢደ፥ ሜድትራንያ አባ ጋካናዉ ደእያ ካታማቱዋነ ኡንቱንቱ ሞꬃቱዋ ኡባ።
JOS 15:47 ቃይ አሽዶዳ ካታማነ አ ሞꬃቱዋ፥ ጋዛ ካታማነ አ ሞꬃቱዋ፥ ቢደ ግብጼ ሻፋነ ሜድትራንያ አባ ላንቂያ ጋካናዉ ደእያ ሳኣ።
JOS 15:48 ገዝያን ደእያ ካታማቱካ ሻሚራ፥ ያትራ፥ ሶኮ፥
JOS 15:49 ዳና፥ ቅርያት-ሳና ዎይ ዳቢራ፥
JOS 15:50 አናባ፥ ኤሽታሞአ፥ አኒማ፥
JOS 15:51 ጎሸና፥ ሆሎናነ ጊሎ። ሀ ካታማቱ ባረንቱ ሞꬃቱዋና እትፐ ታማነ እታ።
JOS 15:52 ቃይ አራባ ካታማ፥ ዱማ፥ ኤሽኣና፥
JOS 15:53 ያኒማ፥ ቤት-ታፑሀ፥ አፌቃ፥
JOS 15:54 ሁምጻ፥ ከብሮና ዎይ ቅርያት-አርባአነ ጽኦራ። ሀ ካታማቱ ባረንቱ ሞꬃቱዋና እትፐ ኡዱፑና።
JOS 15:55 ቃይካ ማኦና፥ ቃርመሎሳ፥ ዚፋ፥ ዩጻ፥
JOS 15:56 እዝራኤላ፥ ዮቅድኣማ፥ ዛኖሀ፥
JOS 15:57 ቃይና፥ ግብአነ ትምና። ሀ ካታማቱ ባረንቱ ሞꬃቱዋና እትፐ ታማ።
JOS 15:58 ቃይ ሀልሁላ፥ ቤትጹራ፥ ጋዶራ፥
JOS 15:59 ማእራታ፥ ቤት-አኖታነ ኤልትቆና። ሀ ካታማቱ ባረንቱ ሞꬃቱዋና እትፐ ኡሱፑና።
JOS 15:60 ሄዋዳንካ ቃይ ቅርያት-ባኣላ ዎይ ቅርያት-ይኣሪማነ ራባ። ሀ ካታማቱ ባረንቱ ሞꬃቱዋና እትፐ ላአ።
JOS 15:61 ዎራን ቃይ ቤት-አራባ፥ ምዲና፥ ሰካካ፥
JOS 15:62 ንብሻና፥ ማጽነ ካታማነ ኤንጋዳ። ሀ ካታማቱ ባረንቱ ሞꬃቱዋና እትፐ ኡሱፑና።
JOS 15:63 ግዶፐነ፥ ይሁዳ አሳይ የሩሳላመን ደእያ ያቡሳቱዋ ከሳናዉ ዳንዳይበይክኖ። ሄዋ ድራዉ ያቡሳዋናቱ ሀቼ ጋካናስካ ይሁዳ አሳና እትፐ የሩሳላመን ደኢኖ።
JOS 16:1 ዮሴፎ ዘረꬃቱዋ ጋኬዳ ቢታይ ገድሳ ባጋና ያርኮ ካታማ ማታን ደእያ ዮርዳኖሳ ሻፋን ዶሜ፤ ያርኮ ፑልቶቱዋፐ አዋይ ዶልያ ባጋ ጋጻፐ ደንድ ቢደ፥ ባዙዋ አꬊደ፥ ገዝያ ፑደ ከሲደ፥ ቢደ ቤቴለ ጋኬ።
JOS 16:2 ቤቴለፐ ደንዲደ፥ አርከቱዋ ጋድያን ደእያ አጻሮታ ካታማ አꬊደ፥ ሎዛ ጋኬ።
JOS 16:3 ሄዋፐ አዋይ ዉልያ ባጋ ያፍሌጻቱ ጋድያ ዱገ ዎꬊደ፥ ህርክ ቤት-ሆሮና ግያ ሳና አꬊደ፥ ሄዋፐ ገዜራና ቢደ፥ ሜድትራነ አባን ዛዋቴ።
JOS 16:4 ዮሴፎ ዘረꬃ ግድያ ምናሰ ዛራቱነ ኤፍሬማ ዛራቱ ባረና ጋክያ ጋድያ ላቴድኖ።
JOS 16:5 ኤፍሬማ ዘረꬃ ኡንቱንቱ ያራን ያራን ጋኬዳ ቢታይ ሀዋ፤ ኡንቱንታ ጋኬዳ ጋድያ ዛዋይ አዋይ ዶልያ ባጋና ደእያ አጻሮት-አዳራፐ ደንዲደ፥ ቆሙዋ ቤት-ሆሮና አꬌ፤
JOS 16:6 ሄዋፐ ስሚደ ሜድትራንያ አባን ዛዋቴ። ቃይ ሁጲሳ ባጋና ደእያ ዛዋይ ምክማታታፐ አዋይ ዶልያ ባጋ ታአናት-ሺሎኮ ስሚደ፥ አዋይ ዶልያ ባጋና ደእያ ያኖሀ ጋኬ።
JOS 16:7 ያኖሀፐ ዱገ አጻሮታነ ናአራታ ዎꬊደ፥ ያርኮ ጋኬ፤ ዉርሰꬃይ ዮርዳኖሳ ሻፋን ዛዋቴ።
JOS 16:8 ጋጻ ዛዋይ ታፑሀፐ ዶሚደ ቢደ፥ አዋይ ዉልያ ባጋና ደእያ ቃና ሻፋ ባዙዋ ኦይቂደ ቢደ፥ ሜድትራንያ አባን ዛዋቴ። ኤፍሬማ ዛራቱ ባረንቱ ያራን ያራን ላቴዳ ቢታይ ሀዋ።
JOS 16:9 ሄዌ ምናሰ ዛራቱዋ ጋድያፐ ኤፍሬማ ዛረቶ እሜዳ ካታማቱዋነ ኡንቱንቱ ሞꬃቱዋ ኡባ ጉጀናን ደእሺና።
JOS 16:10 ሽን ኤፍሬማ ዛራቱ ገዜራ ካታማን ደእያ ካናነ አሳቱዋ ከስበይክኖ። ያትና፥ ካናነ አሳቱ ሀቼ ጋካናዉ ኤፍሬማ ዛራቱዋ ግዶን ደኢኖ። ሽን ኤፍሬማ ዛራቱ ኡንቱንቱ አይለዪደ ኦስሲኖ።
JOS 17:1 ዮሴፎ ባይራ ናኣ ምናሰ ዛረቶ እመቴዳ ቢታይ ሀዋ። ጋላኣደ አዉ ማኪር ምናሰዉ ባይራ ናኣ፤ ማኪና ያራቱ ምኖ ኦላንቻ ግዴዳ ድራዉ፥ ጋላኣደነ ባሳነ ቢታቱዋ አኬድኖ።
JOS 17:2 ዮርዳኖሳ ሻፋፐ አዋይ ዉልያ ባጋና ደእያ ቢታይ የንኩዋ አቴዳ ምናሰ አሳዉ እመቴዳ፤ ሄ ያራቱካ አብኤዘራ፥ ሄሌቃ፥ አስርኤላ፥ ሸኬማ፥ ሄፌራነ ሻምዳአ። ዮሴፎ ናኣ ምናሰ ያራ ግድያ አቱማዋንቱ ሀዋንታ።
JOS 17:3 ጻሎፍሃድ ሄፌራ ናኣ፤ ሄፌር ጋላኣደ ናኣ፤ ጋላኣደ ማኪና ናኣ፤ ማኪር ምናሰ ናኣ። ጻሎፍሃዳዉ ማጫ ናናቱዋፐ አትና፥ አቱማ ናናይ ባዋ፤ አ ማጫ ናናይ ማህሎ፥ ኖኦ፥ ሆግሎ፥ ምልኮነ ትርጾ ጌተትኖ።
JOS 17:4 ኡንቱንቱ ቄስያ ኤልኣዛራኮ፥ ነዌ ናኣ ኢያሱኮነ ካፓቱዋኮ ሺቂደ፥ “ኑ ዳባቱ ግዶን ኑዉካ ጋድያ ግሹዋን እማና ማላ መꬍና ጎዳይ ሙሳ አዛዝ ዎꬄዳተነ” ያጌድኖ። ሄዋፐ ጉየ መꬍና ጎዳይ አዛዜዳዋዳን፥ ኡንቱንቱ አዉዋ እሻቱዋ ግዶን ኡንቱንቶካ ጋድያ እሜዳ።
JOS 17:5 ምናሰ ያራቱ ዮርዳኖሳ ሻፋፐ አዋይ ዶልያ ባጋና ደእያ ጋላኣደነ ባሳነ ቦላ ጉጂደ፥ ታሙ ሳማ ጋድያ አኬድኖ።
JOS 17:6 አያዉ ጎፐ፥ ምናሰ ዛራቱዋፐ ማጫ ናናይካ አቱማ ናናቱዋና እትፐ ሻክ አኬድኖ። ጋላኣደ ጋዲ አቴዳ ምናሰ ያራቱዋሳ ግዴዳ።
JOS 17:7 ምናሰ ያራቱ ጋድያ ዛዋይ አሴራ ጋድያፐ ዶሚደ፥ ሰኬማፐ አዋይ ዶልያ ባጋና ደእያ ምክማታታ ጋኬ። ሄ ዛዋይ ሄዋፐ ደንድ ቢደ፥ ገድሳ ባጋና ደእያ ታፑሀ አሳይ ደኢያሳ ጻጽ ዋጼ።
JOS 17:8 ታፑሀ ቢታይ ምናሰሳ፤ ሽን ምናሰ ዛዋን ደእያ ታፑሀ ካታማይ ባረ ሁጲያዉ ኤፍሬማ ዛራቱዋሳ።
JOS 17:9 ቃይ ሄ ዛዋይ ሄዋፐ ደንድ ቢደ፥ ቃና ሻፋን ዛዋቴ። ምናሰ ካታማቱዋ ግዱዋን ኤፍሬማሳ ግድያ ካታማቱካ ደኢኖ፤ ሽን ምናሰ ዛዋይ ቃና ሻፋፐ ሁጲሳ ባጋ ግዲደ፥ ቢደ ሜድትራንያ አባን ዛዋቴ።
JOS 17:10 ሻፋፐ ገድሳ ባጋና ደእያ ቢታይ ኤፍሬማሳ፤ ሁጲሳ ባጋና ደእያ ቢታይ ቃይ ምናሰሳ። ምናሰ ቢታዉ አዋይ ዉልያ ባጋ ዛዋይ ሜድትራነ አባ። ቃይ ሁጲሳ ባጋና አሴራ ጋድያ፥ አዋይ ዶልያ ባጋና ይሳኮራ ጋድያ ጋኬ።
JOS 17:11 ይሳኮራነ አሴራ ቢታቱዋ ግዱዋን ቤትሻና፥ ይብላኣማ፥ ዶራ፥ ኤንዶረ፥ ታእናካነ ማግዶ ጌተትያ ካታማቱ ባረንቱ ዩሹዋን ደእያ ሞꬃቱካ ምናሰሳ።
JOS 17:12 ሽን ምናሰ ዛራቱ ሄ ካታማቱዋን ደእያ አሳቱዋ ከሳናዉነ ካታማቱዋ ኦይቃናዉ ዳንዳይበይክኖ። ሄዋ ድራዉ ካናነ አሳቱ ያን ደኤድኖ።
JOS 17:13 እስራኤልያ አሳይ ምኔዳ ዎደ፥ ካናነ አሳቱዋ ዎልቃን ሀጋዝስያዋፐ አትና፥ ኡንቱንቱ ጋድያፐ ኡባይ ከስበይክኖ።
JOS 17:14 ዮሴፎ ዛራቱ ቢደ ኢያሳ፥ “ቢታ ላታ ግሹዋን ኑዉ አያዉ እት ሳማ ጻላላ እማድ? ኑን ፓይዱዋን ጮራ፤ አያዉ ጎፐ፥ መꬍና ጎዳይ ኑና አንጄዳ” ያጌድኖ።
JOS 17:15 ኢያሱ ኡንቱንታ፦ “ህንተንቱ ጮራ ግዶፐነ፥ ኤፍሬማ ገዚ ህንተንቶ ጉጾፐ፥ ፓርዘቱነ ራፋየቱ ደእያ ጋድያ ቢደ፥ ዎራ ህንተንቶ ቡꬅተ” ያጌዳ።
JOS 17:16 ዮሴፎ ዛራቱ፥ “ሀ ገዚ ኑ ግደና፤ ሄዋ ቦላካ ቃይ ቤትሻና ካታማን፥ አ ዩሹዋን ደእያ ሞꬃቱዋንነ እዝራኤላ ዎምባን ደእያ ካናነቶ ፓራቱ ጎችያ ብራታ ጋረቱ ደኢኖ” ያጌድኖ።
JOS 17:17 ኢያሱ ዮሴፎ ናና ኤፍሬማነ ምናሰ ዛረቶ፥ ሀዋዳን ያጌዳ፤ “ህንተንቱ ጮራነ ዳሮ ዎልቃማ፤ ህንተንቶ እት ሳማ ጻላላይ ግደና።
JOS 17:18 ሄዋ ድራዉ ገዘ ቢታካ ህንተንቱ አካና። ሄ ገዘ ዎራ ግዶፐነ ቡꬂደ ዉርሰꬃ ጋጻ ጋካናዉካ ህንተሳ ኦꬅተ። ካናነቶ ፓራቱ ጎችያ ብራታ ጋረቱ ደኦፐካ፥ ኡንቱንቱ ምኖ ግዶፐነ፥ ህንተንቱ ኡንቱንታ ከሳናዉ ዳንዳዪታ” ያጌዳ።
JOS 18:1 ቢታ ጾኒደ ኦይቄዳዋፐ ጉይያን፥ እስራኤልያ ማባራ ኡባይ ሴሎን ሺቂደ ጾሳዉ ጎይንያ ዱንካንያ ያን ኤሴዳ።
JOS 18:2 ሽን እስራኤልያ አሳፐ ጋድያ ሻክ አክቤና ላፑን ዛራቱ አቴድኖ።
JOS 18:3 ኢያሱ እስራኤልያ አሳ፥ “መꬍና ጎዳይ ህንተንቱ አዎቱዋ ጾሳይ ህንተንቶ እሜዳ ጋድያ ላተናን አዉደ ጋካናዉ ጋምአንቴ?
JOS 18:4 እት እት ዛርያፐ ሄዙ ሄዙ አሳቱዋ ዶርተ። እት እት ዛሪ ላታና ጋድያ ሀኖታ ኤራናዳን፥ ታን ኡንቱንታ ኪታና። ኡንቱንቱ ጋድያ ኡባ ቢደ ጌዲደ ሄ ቢታባ ጻፍ አኪደ፥ ታኮ ስም ያናዋንታ።
JOS 18:5 ኡንቱንቱ ሄ ጋድያ ላፑኑዋ ከሲደ ሻካና። ሽን ይሁዳ ዛራቱ ገድሳ ባጋና ደእያ ባረንቱ ጋድያን፥ ዮሴፎ ዛራቱካ ሁጲሳ ባጋና ደእያ ባረንቱ ጋድያን ደአና።
JOS 18:6 ሀ ላፑኑዋ ከስ ሻከቴዳ ጋድያ ሀኖታ ጻፌዳዋፐ ጉይያን፥ ታኮ አኪደ ዪና ታን መꬍና ጎዳ ኑ ጾሳ ስንꬃን ህንተንቶ ሳማ የጋና።
JOS 18:7 ግዶፐነ፥ ሌዊያ ዛራቱ ህንተናና ሳማን ላትክኖ፤ አያዉ ጎፐ፥ ኡንቱንቱ ቄሳቱዋ ግዲደ መꬍና ጎዳዉ ኦꬅያ ኪታይ ኡንቱንቱ ላታ። ጋደ ዛራቱ ሮቤላ ዛራቱነ ምናሰ ዛራቱዋፐ ባጋይ ዮርዳኖሳ ሻፋፐ አዋይ ዶልያ ባጋና፥ መꬍና ጎዳ ቆማይ ሙሴ ኡንቱንቶ እሜዳ ጋድያ ካሰት ላቴድኖ” ያጌዳ።
JOS 18:8 አሳቱ ጋድያ ሀኖታ ጻፋናዉ ባናፐ ካሰቲደ፥ ኢያሱ ኡንቱንታ፥ “ቢተ፤ ዩይ በኤዳዋ ጻፍተ። ያቲደ ታኮ ስም ዪተ። ሀዋን ሴሎን መꬍና ጎዳ ስንꬃን ታን ህንተንቶ ሳማ የጋና” ያጊደ አዛዜዳ።
JOS 18:9 አሳቱ ቢደ፥ ቢታ ኡባ ዩዬድኖ። ካታማቱዋ ኡባ ጻፊደ፥ ጋድያ ዋቲደ ላፑኑዋ ከስ ሻካነንቶ ኤርሴድኖ። ያቲደ ኢያሱ ዱንካኔዳ ሳኣ ሴሎ ስሜድኖ።
JOS 18:10 ሄዋፐ ጉይያን ኢያሱ መꬍና ጎዳ ስንꬃን ሴሎን ኡንቱንቶ ሳማ የጌዳ፤ ያን ኢያሱ እስራኤልያ አሳዉ ጋድያ ኡንቱንቱ ዛርያ ግሹዋዳን ሻክ እሜዳ።
JOS 18:11 ኮይሮ ሳማይ ቢንያማ ዘረꬃ ኡንቱንቱ ያራን ያራን ጋኬዳ። ኡንቱንታ ጋኬዳ ቢታይ ይሁዳ ዛራቱዋ ቢታፐነ ዮሴፎ ዛራቱዋ ጋድያፐ ግዱዋን ደኤዳ።
JOS 18:12 ሁጲሳ ባጋና ኡንቱንቱ ዛዋይ ዮርዳኖሳ ሻፋፐ ዶሚደ፥ ያርኮፐ ሁጲሳ ባጋና ደእያ ፑደꬃን ዛዋቴ፤ ሄዋፐ አዋይ ዉልያ ባጋና ገዝያ አꬊደ፥ ቤት-አዌና ዎራን ዛዋቴ።
JOS 18:13 ሄዋፐ ገድሳ ባጋ ስሚደ፥ ካሰ ሎዛ ጌተትያ ቤቴለ ፑደꬃ አꬊደ፥ አጻሮት-አዳራ ዱገꬃ አꬊደ፥ ህርክ ቤት-ሆሮናፐ ገድሳ ባጋን ደእያ ደርያን ዛዋቴ።
JOS 18:14 ሄ ዛዋይ ገድሳ ባጋና ቤት-ሆሮና ስንꬃን ደእያ ደርያፐ አዋይ ዉልያ ባጋ ምርቀቲደ፥ ቅርያት-ባኣላ ዎይ ቅርያት-ይኣሪማ ጌተትያ ይሁዳ ዛራቱዋ ካታማን ዛዋቴ። አዋይ ዉልያ ባጋና ደእያ ዛዋይ ሀዋ።
JOS 18:15 ገድሳ ባጋ ዛዋይ ቅርያት-ይኣሪማፐ ደንዲደ፥ ነፍቶሀ ሃꬃ ፑልታቱዋን ዛዋቴ።
JOS 18:16 ሄዋፐ ዛዋይ ዱገ ቢደ ራፋይማ ዛንጋራፐ ሁጲሳ ባጋን ደእያ ህኖማ ዛንጋራፐ ስንꬃ ባጋ ደርያ ገድሳና ዛዋቴ። ሄዋፐ ህኖማ ዛንጋራ አꬊደ ቢደ፥ ያቡሳዋናቱዋ ካታማ የሩሳላመዉነ ኤንሮጌላ ካታማ ገድሳ ባጋ ፑደꬃን ዛዋቴ።
JOS 18:17 ሄዋፐ ቃይ ሁጲሳ ባጋ ኤንሸሜሻኮ ምርቀቲደ፥ አዱሚማ ፑደꬃፐ ስንꬃ ባጋና ደእያ ጋልሎታን ዛዋቴ፤ ሄዋፐ ቃይ ሮቤላ ናኣ ቦሃና ሹቻዉ ዱገ ዎꬌ።
JOS 18:18 ሄዋፐ ቃይ ቤት-አራባ ሁጲሳ ባጋ ፑደꬃና አꬊደ፥ ዱገ አራብያ ዛንጋራ ዎꬌ።
JOS 18:19 ቤት-ሆግላ ፑደꬃፐ ሁጲሳ ባጋና አꬊደ፥ ዮርዳኖሳ ሻፋይ ጎጊደ ገልያሳ፥ ማጽንያ አባፐ ሁጲሳ ባጋ ጋጻ ጋኬ። ሄዌ ገድሳ ባጋ ዛዋ።
JOS 18:20 አዋይ ዶልያ ባጋና ደእያ ዛዋይ ዮርዳኖሳ ሻፋ። ቢንያማ ዛራቱ ላቴዳ ቢታይ ኡባ ሳናካ ዛዋቴዳ ዛዋቱ ሀዋንታ።
JOS 18:21 ቢንያማ ዛራቱ ባረንቱ ያራን ያራን አኬዳ ካታማቱ ያርኮ፥ ቤት-ሆግላ፥ ኤመቅ-ቃጺጻ፥
JOS 18:22 ቤት-አራባ፥ ጻማራይማ፥ ቤቴለ፥
JOS 18:23 አዊማ፥ ፓራ፥ ኦፍራ፥
JOS 18:24 ካፋር-አሞና፥ ኦፍናነ ገባአ። ኡንቱንቱ ኡባና ታማነ ላአ፤ ኡንቱንቱ ዩሹዋን ደእያ ሞꬃቱካ ኡንቱንቱን ጉጀቲኖ።
JOS 18:25 ቃይ ጋባኦና፥ ራማ፥ ባኤሮታ፥
JOS 18:26 ምጽጳ፥ ካፊራ፥ ሞጻ፥
JOS 18:27 ረቄማ፥ ይርጳኤላ፥ ታራላ፥
JOS 18:28 ጸላአ፥ ኤሌፋ፥ የሩሳላመ ጌተትያ ያቡሳዋናቱዋ ካታማ፥ ግብአነ ቅርያት-ይኣሪማ። ኡንቱንቱ ኡባና ታማነ ኦይዳ፤ ኡንቱንቱ ዩሹዋን ደእያ ሞꬃቱካ ኡንቱንቱን ጉጀቲኖ። ቢንያማ ዛራቱ ባረንቱ ያራን ያራን ላቴዳ ቢታይ ሀዋ።
JOS 19:1 ላኤንꬆ ሳማይ ስሞና ዘረꬃ ኡንቱንቱ ያራን ያራን ጋኬዳ። ኡንቱንታ ጋኬዳ ቢታይ ይሁዳ ዛራቱ ላቴዳ ጋድያ ግዱዋን ደኤ።
JOS 19:2 ኡንቱንቱ ላቴዳ ካታማቱ በርሳበሀ ዎይ ሸባአ፥ ሞላዳ፥
JOS 19:3 ሀጻር-ሹኣላ፥ ባላ፥ ኤጼማ፥
JOS 19:4 ኤልቶላዳ፥ ባቱላ፥ ሆርማ፥
JOS 19:5 ጽቅላጋ፥ ቤት-ማርካቦታ፥ ሀጻር-ሱሳ፥
JOS 19:6 ቤት-ላባኦታነ ሻሩሄና። ኡንቱንቱ ኡባና ታማነ ሄዛ፤ ኡንቱንቱ ዩሹዋን ደእያ ሞꬃቱ ኡንቱንቱን ጉጀቲኖ።
JOS 19:7 ቃይ አይና፥ ርሞና፥ ኤቴራነ አሻና። ኡንቱንቱ ኡባና ኦይዱ ካታማቱዋ፤ ኡንቱንቱ ዩሹዋን ደእያ ሞꬃቱካ ኡንቱንቱን ጉጀቲኖ።
JOS 19:8 ኔጌባ ዎራን ደእያ ባእላት-ባኤራ ዎይ ራማ ጋካናዉ፥ ሀ ካታማቱዋ ዩሹዋን ደእያ ሞꬃቱዋ ኡባ ላቴድኖ። ስሞና ዛራቱ ባረንቱ ያራን ያራን ላቴዳ ጋዲ ሀዋ።
JOS 19:9 ይሁዳ ዘረꬃ ጋኬዳ ቢታይ ኡንቱንቶ አኩዋ ዳሬዳ ድራዉ፥ አፐ ሻክና ስሞና ዛረቶ እመቴዳ።
JOS 19:10 ሄዘንꬆ ሳማይ ዛብሎና ዘረꬃ ኡንቱንቱ ያራን ያራን ጋኬዳ። ኡንቱንቱ ላቴዳ ጋዲ ሳሪዳ ግያ ካታማ ጋኬ።
JOS 19:11 ሄዋፐ ቃይ አዋይ ዉልያ ባጋ ቢደ ማርእላ አꬍ፥ ቢደ ዳባሼታ ቦቺደ ቢደ፥ ዮቅናኣማፐ አዋይ ዶልያ ባጋን ደእያ ሻፋ ጋኬ።
JOS 19:12 ሀራ ባጋና ቃይ ሳሪዳ ካታማፐ አዋይ ዶልያ ባጋ ስሚደ፥ ክስሎት-ታቦራ ጋኪደ፥ ዳብራታንነ ያፍአን ዛዋቴ።
JOS 19:13 ሄዋፐ ቃይ አዋይ ዶልያ ባጋና ጋተ-ሄፌራ፥ ኢት-ቃጺናነ ርሞና ጋኪደ፥ ኔአኮ ምርቀቴ።
JOS 19:14 ሁጲሳ ባጋና ዛዋይ ሀናቶና ስሚደ፥ ይፍታህኤላ ዛንጋራን ዛዋቴ።
JOS 19:15 ያን ቃጻታ፥ ናህላላ፥ ሽምሮና፥ ይዳላነ ቤተሌመ ጌተትያ ካታማቱካ ደኢኖ። ኡንቱንቱ ኡባና ታማነ ላአ፤ ኡንቱንቱ ዩሹዋን ደእያ ሞꬃቱካ ኡንቱንቱን ጉጀቲኖ።
JOS 19:16 ዛብሎና ዛራቱ ባረንቱ ያራን ያራን ላቴዳ ጋድያ ግዶን ደእያ ካታማቱነ ኡንቱንቱ ዩሹዋን ደእያ ሞꬃቱ ሀዋንታ።
JOS 19:17 ኦይደንꬆ ሳማይ ይሳኮራ ዘረꬃ ኡንቱንቱ ያራን ያራን ጋኬዳ።
JOS 19:18 ኡንቱንቱ ጋድያ ካታማቱ እዝራኤላ፥ ካሱሎታ፥ ሹኔማ፥
JOS 19:19 ሀፋራይማ፥ ሽኦና፥ አናሀራታ፥
JOS 19:20 ራቢታ፥ ቅሽዮና፥ አቤጻ፥
JOS 19:21 ረሜታ፥ ኤንጋኒማ፥ ኤንሃዳነ ቤት-ጳጼጻ።
JOS 19:22 ሄ ጋድያ ዛዋይ ታቦራ፥ ሻሀጹማነ ቤት-ሸመሻ ቦቺደ ቢደ፥ ዮርዳኖሳ ሻፋን ዛዋቴ። ኡንቱንቱ ኡባና ታማነ ኡሱፑና፤ ኡንቱንቱ ዩሹዋን ደእያ ሞꬃቱካ ኡንቱንቱን ጉጀቲኖ።
JOS 19:23 ይሳኮራ ዛራቱ ባረንቱ ያራን ያራን ላቴዳ ጋድያ ግዶን ደእያ ካታማቱነ ኡንቱንቱ ዩሹዋን ደእያ ሞꬃቱ ሀዋንታ።
JOS 19:24 እቼሸንꬆ ሳማይ አሴራ ዘረꬃ ኡንቱንቱ ያራን ያራን ጋኬዳ።
JOS 19:25 ኡንቱንቱ ጋድያ ካታማቱ ሄልቃታ፥ ሀላ፥ በጼና፥ አክሻፋ፥
JOS 19:26 አላመለካ፥ አምኣዳነ ምሽኣላ። አዋይ ዉልያ ባጋና ቃርመሎሳንነ ሽሆር-ልብናታን ዛዋቴ።
JOS 19:27 ቃይ አዋይ ዶልያ ባጋ ስም ቤት-ዳጎናኮ ምርቀቲደ፥ ዛብሎና ጋድያነ ይፍታህኤላ ዛንጋራ ቦች ቢደ፥ ቤት-ኤሜቃነ ናእኤላ ጋኬ። ቃይ ሁጲሳ ባጋና ካቡላ ጋኬ።
JOS 19:28 ሄዋፐ ቃይ ኤብሮና፥ ራሆባ፥ ሀሞናነ ቃና አꬊደ፥ ሲዶናን ዛዋቴ።
JOS 19:29 ሄዋፐ ቃይ ጋድያ ዛዋይ ራማ ስሚደ፥ ግምበቴዳ ጺሮሳ ካታማ ጋኬ። ሄዋፐ ቃይ ሆሳኮ ምርቀቲደ፥ ሜድትራነ አባን ዛዋቴ። ቃይ ማሀላባ፥ አክዚባ፥
JOS 19:30 ኡማ፥ አፌቃነ ራሆባ ጌተትያ ካታማቱካ ያን ደኢኖ። ኡንቱንቱ ኡባና ላታማነ ላኡዋ፤ ኡንቱንቱ ዩሹዋን ደእያ ሞꬃቱካ ኡንቱንቱን ጉጀቲኖ።
JOS 19:31 አሴራ ዛራቱ ባረንቱ ያራን ያራን ላቴዳ ጋድያን ደእያ ካታማቱነ ኡንቱንቱ ዩሹዋን ደእያ ሞꬃቱ ሀዋንታ።
JOS 19:32 ኡሱፑንꬃ ሳማይ ንፍታሌማ ዘረꬃ ኡንቱንቱ ያራን ያራን ጋኬዳ።
JOS 19:33 ኡንቱንቱ ዛዋይ ሄሌፋፐነ ዳእናኒማ ዎላፐ ዶሚደ፥ አዳም-ነቄባ፥ ያብንኤላነ ላቁማ አꬊደ ቢደ፥ ዉርሰꬃይ ዮርዳኖሳ ሻፋ ጋኬ።
JOS 19:34 ሄዋፐ ቃይ ዛዋይ አዋይ ዉልያ ባጋ አዝኖት-ታቦራኮ ምርቀቴ፤ ሄዋፐ ቃይ ሁቆቃ ስሚደ፥ ገድሳ ባጋና ዛብሎና ቢታንነ አዋይ ዉልያ ባጋና አሴራ ጋድያን ዛዋቲደ፥ አዋይ ዶልያ ባጋና ዮርዳኖሳ ሻፋ ጋኬ።
JOS 19:35 ግምበቴዳ ካታማቱ ጽዲማ፥ ጼራ፥ ሃማታ፥ ራቃታ፥ ክናሬታ፥
JOS 19:36 አዳማ፥ ራማ፥ ሀጾራ፥
JOS 19:37 ቀዴሻ፥ ኤድራአ፥ ኤንሀጾራ፥
JOS 19:38 ይርኦና፥ ምግዳልኤላ፥ ሆሬማ፥ ቤት-አናታነ ቤት-ሸመሻ። ኡንቱንቱ ኡባና ታማነ ኡዱፑና፤ ኡንቱንቱ ዩሹዋን ደእያ ሞꬃቱካ ኡንቱንቱን ጉጀቲኖ።
JOS 19:39 ንፍታሌማ ዛራቱ ባረንቱ ያራን ያራን ላቴዳ ጋድያን ደእያ ካታማቱነ ኡንቱንቱ ዩሹዋን ደእያ ሞꬃቱ ሀዋንታ።
JOS 19:40 ላፑንꬃ ሳማይ ዳና ዘረꬃ ኡንቱንቱ ያራን ያራን ጋኬዳ።
JOS 19:41 ኡንቱንቱ ላቴዳ ጋድያ ካታማቱ ጾርአ፥ ኤሽታኦላ፥ እርሸሜሻ፥
JOS 19:42 ሻአልቢማ፥ አያሎና፥ ይታላ፥
JOS 19:43 ኤሎና፥ ትምና፥ ኤቅሮና፥
JOS 19:44 ኤልታቀ፥ ግባቶና፥ ባእላታ፥
JOS 19:45 ይሁዳ፥ ባነባራቃ፥ ጋተ-ርሞና፥
JOS 19:46 መያርቆና፥ ራቆናነ ቃይ ዮጰ ካታማ ዩሹዋን ደእያ ሄራቱዋ።
JOS 19:47 ዳና ዛራቱ ጋድያ ላታናዉ እንጀተናዋ በኤዳ ዎደ፥ ቢደ ላይሻ ካታማ ኦለቲደ ጾኔድኖ፤ ጾኒደ ሄ ካታማን ደእያ አሳ ቃራ ማሻን ዎꬍ ዉርሲደ፥ ካታማ ባረንቱ አኪደ ያን ደኤድኖ። ሄ ካታማ ሱንꬃካ ላሚደ፥ ባረንቱ አዉዋ ዳና ሱንꬃን ዳና ጊደ ሱንꬄድኖ።
JOS 19:48 ዳና ዛራቱ ባረንቱ ያራን ያራን ላቴዳ ጋድያን ደእያ ካታማቱነ ኡንቱንቱ ዩሹዋን ደእያ ሞꬃቱ ሀዋንታ።
JOS 19:49 እስራኤልያ አሳይ ጋድያ ሻክ ዉርሴዳ ዎደ፥ ነዌ ናኣ ኢያሱ ላትያ ጋድያ ባረንቱ ግዶን እሜድኖ።
JOS 19:50 መꬍና ጎዳይ አዛዜዳዋዳን፥ ኢያሱ ኦችና፥ ኤፍሬማ ገዝያን ደእያ ትምናት-ሰራሀ ጌተትያ ካታማ አዉ እምና ካታማ ዎꬅ የግ ኬጺደ፥ ያን ደኤዳ።
JOS 19:51 ቄስያ ኤልኣዛረ፥ ነዌ ናአይ ኢያሱነ እስራኤልያ አሳ ዛረቶ ያራቱ ካፓቱ መꬍና ጎዳ ስንꬃን ሴሎን፥ መꬍና ጎዳ ዱንካንያ ፐንግያን ሳማ የጊደ፥ ግሼዳ ላታ ጋዲ ሀዋ። ኡንቱንቱ ጋድያ ያት ሻክ ፖሌድኖ።
JOS 20:1 ሄዋፐ ጉይያን መꬍና ጎዳይ ኢያሳ ሀዋዳን ያጌዳ፤
JOS 20:2 “እስራኤልያ አሳዉ ሀዋዳን ያጋ፤ ‘ታን ሙሴ ባጋና ህንተንታ አዛዜዳዋዳን፥ አሳይ ባቃት ቢደ አትያ ካታማቱዋ ዶርተ።
JOS 20:3 አይ አሳይነ አኬከናንነ ኤረናን አሳ ዎꬎፐ፥ ያ ባቃት ቢደ፥ ሱꬃ አችያዋፐ አታናዋ።
JOS 20:4 አሳ ዎꬌዳዌ ሄ ካታማቱዋፐ እቱዋኮ ባቃት ቢደ፥ ካታማ ገልያ ፐንግያን ኤቂደ፥ ሀኔዳባ ሄ ካታማ ጭማቶ ኦዶ። ኡንቱንቱ ባረንቱ ካታማ አፊደ፥ እ ደአና ሳኣ እምና፥ እ ኡንቱንቱና ያን ደኦ።
JOS 20:5 ሱꬃ አችያዌ አ ካሊደ ዮፐ፥ ሄ ካታማ ጭማቱ አ አꬂደ እሞፕኖ። አያዉ ጎፐ፥ ባረ ሾሩዋ እ ቆፒደ፥ ባረ ካሰ ሞርከተꬃ ድራዉ ዎꬍቤና።
JOS 20:6 ሽቁዋ ስንꬃን ፕርዳዉ እ ኤቃና ጋካናሽ ሄ ዎድያን ደእያ ቄሳቱዋ ኡባቱዋ ካፑ ሀይቃና ጋካናዉ፥ ሄ ካታማን ደኦ። ሄዋፐ ጉይያን፥ ባቃቲደ ከሴዳ ካታማ ጉየ ዛሪደ፥ ባረ ሶ ገሎ’ ያጋ” ያጌዳ።
JOS 20:7 ሄዋፐ ጉየ እስራኤልያ አሳይ ንፍታሌማ ገዝያን፥ ጋሊላን ደእያ ቀዴሻነ አ ሄንꬃ ጋደቱዋ፥ ኤፍሬማ ገዝያን ደእያ ሰኬማነ አ ሄንꬃ ጋደቱዋነ ይሁዳ ገዝያን ደእያ ቅርያት-አርባአ ዎይ ከብሮነ ዱማዬድኖ።
JOS 20:8 ዮርዳኖሳ ሻፋፐ ሄፍንꬃን፥ ያርኮፐ አዋይ ዶልያ ባጋ ዎራን፥ ꬎቃሳን ደእያ ሮቤላ ዛራቱዋ ጋድያፐ ቤጸራ፥ ጋደ ዛራቱዋ ጋድያፐ ጋላኣደን ደእያ ራሞታነ ምናሰ ዛራቱዋ ጋድያፐ ባሳነን ደእያ ጎላና ዱማዬድኖ።
JOS 20:9 እስራኤልያ አሳ ኡባዉነ ኡንቱንቱ ግዶን ደእያ በተቶ ዱማዬዳ ካታማቱ ሀዋንታ፤ ኤረናን ደኢደ አሳ ዎꬌዳ አይ አሳይነ፥ ሽቁዋ ስንꬃን ኤቃና ጋካናዉ፥ ሱꬃ አችያዋ ኩሽያን ሀይቀናዳን፥ ሄ ካታማቱዋፐ እቱዋኮ ባቃታናዉ ዳንዳዬ።
JOS 21:1 ሄዋፐ ጉይያን ሌዊያ ዛራቱዋ ያራቱ ካፓቱ ቄስያ ኤልኣዛራኮ፥ ነዌ ናኣ ኢያሱኮነ እስራኤልያ አሳ ዛረቶ ያራቱ ካፓቱዋኮ ሺቄድኖ።
JOS 21:2 ሄዋን ካናነ ጋድያን ደእያ ሴሎን ኡንቱንቱ ሀዋዳን ያጌድኖ፤ “ኑን ደአና ካታማቱዋነ ኑ መህያዉ ሄንꬃ ጋደቱዋ ኔን ኑ እማና ማላ መꬍና ጎዳይ ሙሴ ባጋና አዛዜዳ” ያጌድኖ።
JOS 21:3 ሄዋፐ ጉየ መꬍና ጎዳይ አዛዜዳዋዳን፥ እስራኤልያ አሳይ ሌዊያ ዛረቶ ሀ ካታማቱዋነ ሄንꬃ ጋደቱዋ ባረንቱ ጋድያፐ ግሺደ ኡንቱንቶ እሜድኖ።
JOS 21:4 ኮይሮ ሳማይ ቃሃታ ያራቶ ከሴዳ። ቄስያ አሮና ዛርያ ሌዋቱ ይሁዳ ዛራቱዋፐ፥ ስሞና ዛራቱዋፐነ ቢንያማ ዛራቱዋፐ ታማነ ሄዙ ካታማቱዋ ሳማን አኬድኖ።
JOS 21:5 አቴዳ ቃሃቱዋ ያራቱ ኤፍሬማ ዛራቱዋፐ፥ ዳና ዛራቱዋፐነ ምናሰ ዛራቱዋ ባጋፐ ታሙ ካታማቱዋ ሳማን አኬድኖ።
JOS 21:6 ገርሾና ያራቱ ይሳኮራ ዛራቱዋፐ፥ አሴራ ዛራቱዋፐ፥ ንፍታሌማ ዛራቱዋፐነ ባሳነን ደእያ ምናሰ ዛራቱዋ ባጋፐ ታማነ ሄዙ ካታማቱዋ ሳማን አኬድኖ።
JOS 21:7 ማራራ ያራቱ ሮቤላ ዛራቱዋፐ፥ ጋደ ዛራቱዋፐነ ዛብሎና ዛራቱዋፐ ታማነ ላኡ ካታማቱዋ አኬድኖ።
JOS 21:8 መꬍና ጎዳይ ሙሴ ባጋና አዛዜዳዋዳን፥ እስራኤልያ አሳይ ሀ ካታማቱዋነ ኡንቱንቱ ሄንꬃ ጋደቱዋ ሌዋቶ ሳማን ሻክ እሜድኖ።
JOS 21:9 ይሁዳ ዛራቱዋፐነ ስሞና ዛራቱዋፐ እስራኤልያ አሳይ አኪደ እሜዳ ካታማቱዋ ሱንꬃይ ሀዋፐ ካሊደ ጻፈቴዳ።
JOS 21:10 ኮይሮ ሳማይ ሌዊያ ዛራቱዋፐ የለቲደ፥ ቃሃታ ያራ ግዴዳ አሮና ዛረቶ ከስና፥ ኡንቱንቶ እሜዳ ካታማቱ ሀዋንታ:
JOS 21:11 እስራኤልያ አሳይ ይሁዳ ገዝያን ደእያ ቅርያት-አርባአ ዎይ ከብሮናነ አ ዩሹዋን ደእያ ሄንꬃ ጋደቱዋ ኡንቱንቶ እሜድኖ። (አርባእ አናቀ አዉዋ።)
JOS 21:12 ሽን ሄ ካታማ ዩሹዋን ደእያ ጋደቱዋነ ሞꬃቱዋ ይፉነ ናኣ ካሌባዉ ላታ ኦꬂደ እሜድኖ።
JOS 21:13 ቄስያ አሮና ዛረቶ አሳ ዎꬌዳ አሳይ ባቃት ቢደ አትያ ከብሮነ ካታማነ አ ሄንꬃ ጋደቱዋ፥ ሊብናነ አ ሄንꬃ ጋደቱዋ፥
JOS 21:14 ያትራነ አ ሄንꬃ ጋደቱዋ፥ ኤሽታሞአነ አ ሄንꬃ ጋደቱዋ፥
JOS 21:15 ሆሎናነ አ ሄንꬃ ጋደቱዋ፥ ዳቢራነ አ ሄንꬃ ጋደቱዋ፥
JOS 21:16 አይናነ አ ሄንꬃ ጋደቱዋ፥ ዩጻነ አ ሄንꬃ ጋደቱዋነ ቤት-ሸመሻነ አ ሄንꬃ ጋደቱዋ፥ ኡባና ኡዱፑን ካታማቱዋ ይሁዳ ዛራቱዋፐነ ስሞና ዛራቱዋፐ አኪደ እሜድኖ።
JOS 21:17 ቢንያማ ዛራቱዋፐ ጋባኦናነ አ ሄንꬃ ጋደቱዋ፥ ገባአነ አ ሄንꬃ ጋደቱዋ፥
JOS 21:18 አናቶታነ አ ሄንꬃ ጋደቱዋነ አልሞናነ አ ሄንꬃ ጋደቱዋ፥ ኡባና ኦይዱ ካታማቱዋ አኪደ እሜድኖ።
JOS 21:19 አሮና ዛርያ ቄሳቱዋ ካታማቱነ ኡንቱንቱ ሄንꬃ ጋደቱ ኡባና ታማነ ሄዛ።
JOS 21:20 አቴዳ ቃሃታ ያራቱ፥ ሌዊያ ዛረ ግድያዋንቱ ኤፍሬማ ዛራቱዋ ካታማቱዋፐ ሻክና አኬድኖ።
JOS 21:21 ኡንቱንቶ ኤፍሬማ ገዝያን ደእያ፥ አሳ ዎꬌዳ አሳይ ባቃት ቢደ አትያ ሰኬማነ አ ሄንꬃ ጋደቱዋ፥ ገዜራነ አ ሄንꬃ ጋደቱዋ፥
JOS 21:22 ቅብጻይማነ አ ሄንꬃ ጋደቱዋነ ቤት-ሆሮናነ አ ሄንꬃ ጋደቱዋ፥ ኡባና ኦይዱ ካታማቱዋ አኪደ እሜድኖ።
JOS 21:23 ዳና ዛራቱዋፐ ኤልታቀነ አ ሄንꬃ ጋደቱዋ፥ ግባቶናነ አ ሄንꬃ ጋደቱዋ፥
JOS 21:24 አያሎናነ አ ሄንꬃ ጋደቱዋነ ጋተ-ርሞናነ አ ሄንꬃ ጋደቱዋ፥ ኡባና ኦይዱ ካታማቱዋ አኪደ እሜድኖ።
JOS 21:25 ምናሰ ዛራቱዋ ባጋቱዋፐ ታእናካነ አ ሄንꬃ ጋደቱዋነ ጋተ-ርሞናነ አ ሄንꬃ ጋደቱዋ፥ ኡባና ላኡ ካታማቱዋ አኪደ እሜድኖ።
JOS 21:26 አቴዳ ቃሃታ ያራቱ ካታማቱነ ኡንቱንቱ ሄንꬃ ጋደቱ ኡባና ታማ።
JOS 21:27 ምናሰ ዛራቱዋ ባጋቱዋፐ አሳ ዎꬌዳ አሳይ ባቃት ቢደ አትያ፥ ባሳነን ደእያ ጎላና ካታማነ አ ሄንꬃ ጋደቱዋነ ባኤሽታራነ አ ሄንꬃ ጋደቱዋ፥ ኡባና ላኡ ካታማቱዋ አኪደ፥ ገርሾና ያራ ግድያ ሀራ ሌዋቶ እሜድኖ።
JOS 21:28 ይሳኮራ ዛራቱዋፐ ቅሽዮናነ አ ሄንꬃ ጋደቱዋ፥ ዳብራታነ አ ሄንꬃ ጋደቱዋ፥
JOS 21:29 ያርሙታነ አ ሄንꬃ ጋደቱዋነ ኤንጋኒማነ አ ሄንꬃ ጋደቱዋ፥ ኡባና ኦይዱ ካታማቱዋ አኪደ እሜድኖ።
JOS 21:30 አሴራ ዛራቱዋፐ ምሽኣላነ አ ሄንꬃ ጋደቱዋ፥ አብዶናነ አ ሄንꬃ ጋደቱዋ፥
JOS 21:31 ሄልቃታነ አ ሄንꬃ ጋደቱዋነ ራሆባነ አ ሄንꬃ ጋደቱዋ፥ ኡባና ኦይዱ ካታማቱዋ አኪደ እሜድኖ።
JOS 21:32 ሄዋዳንካ ንፍታሌማ ዛራቱዋፐ አሳ ዎꬌዳ አሳይ ባቃት ቢደ አትያ ጋሊላን ደእያ ቀዴሻነ አ ሄንꬃ ጋደቱዋ፥ ሀሞታነ አ ሄንꬃ ጋደቱዋ፥ ዶራነ አ ሄንꬃ ጋደቱዋነ ቃርታናነ አ ሄንꬃ ጋደቱዋ፥ ኡባና ኦይዱ ካታማቱዋ አኪደ፥ ኡንቱንቶ እሜድኖ።
JOS 21:33 ገርሾና ያራቱ ካታማቱነ ኡንቱንቱ አ ሄንꬃ ጋደቱ ኡባና ታማነ ሄዛ።
JOS 21:34 አቴዳ ማራራ ያራ ግድያ ሌዋቶ ዛብሎና ዛራቱዋፐ አሳ ዎꬌዳ አሳይ ባቃት ቢደ አትያ ዮቅናኣማነ አ ሄንꬃ ጋደቱዋ፥ ቃርታነ አ ሄንꬃ ጋደቱዋ፥ ዲምናነ አ ሄንꬃ ጋደቱዋነ ናህላላነ አ ሄንꬃ ጋደቱዋ፥ ኡባና ኦይዱ ካታማቱዋ አኪደ እሜድኖ።
JOS 21:36 ሮቤላ ዛራቱዋፐ ቤጸራነ አ ሄንꬃ ጋደቱዋ፥ ያሃጻነ አ ሄንꬃ ጋደቱዋ፥
JOS 21:37 ቅደሞታነ አ ሄንꬃ ጋደቱዋነ መፋኣታነ አ ሄንꬃ ጋደቱዋ፥ ኡባና ኦይዱ ካታማቱዋ አኪደ፥ ኡንቱንቶ እሜድኖ።
JOS 21:38 ቃይ ጋደ ዛራቱዋፐ አሳ ዎꬌዳ አሳይ ባቃት ቢደ አትያ፥ ጋላኣደን ደእያ ራሞታነ አ ሄንꬃ ጋደቱዋ፥ ማህናይማነ አ ሄንꬃ ጋደቱዋ፥
JOS 21:39 ሀሰቦናነ አ ሄንꬃ ጋደቱዋነ ያእዜራነ አ ሄንꬃ ጋደቱዋ፥ ኡባና ኦይዱ ካታማቱዋ አኪደ፥ ኡንቱንቶ እሜድኖ።
JOS 21:40 ማራራ ያራ ግድያ ሀራ ሌዋቶ ሻክና ጋኬዳ ካታማቱ ኡባና ታማነ ላአ።
JOS 21:41 እስራኤልያ አሳይ ላቴዳ ጋድያን ደእያ ሌዋቶ ኡባና ኦይታማነ ሆስፑን ካታማቱ ኡንቱንቱ ሄንꬃ ጋደቱዋና ደኢኖ።
JOS 21:42 ሄ ካታማቱዋ ኡባ ዩሹዋን ሄንꬃ ጋደቱ ደኢኖ።
JOS 21:43 ሄዋዳን ኦꬂደ፥ መꬍና ጎዳይ ኡንቱንቱ አዋቶ እማናዉ ጫቄዳ ጋድያ ኡባ እስራኤልያ አሳዉ እምና ኡንቱንቱ ላቲደ፥ ያን ደኤድኖ።
JOS 21:44 መꬍና ጎዳይ ኡንቱንቱ አዋቶ ጫቄዳዋዳን፥ ኡንቱንቱ ኡባ ባጋናካ ሸምፕሴዳ። መꬍና ጎዳይ ኡንቱንቱ ሞርከቱዋ ኡባ ኡንቱንቶ አꬅ እሜዳ ድራዉ፥ ኡንቱንቱ ሞርከቱዋፐ እቱነ ኡንቱንቱና ኤቀታናዉ ዳንዳይቤና።
JOS 21:45 መꬍና ጎዳይ እስራኤልያ አሳዉ እማና ጌዳ ሎኦ ቃላ ኡባ ፖሌዳፐ አትን እቱነ ሳኣን አትቤና።
JOS 22:1 ሄዋፐ ጉይያን ኢያሱ ሮቤላ ዘረꬃ፥ ጋደ ዛራቱዋነ ምናሰ ዛራቱዋፐ ባጋቱዋ ጼጊደ:
JOS 22:2 “መꬍና ጎዳ ቆማይ ሙሴ ህንተንታ አዛዜዳ ኡባ ፖሌድታ፤ ቃይ ታዉካ ኡባባን አዛዘቴድታ።
JOS 22:3 ዳሮ ዎድያፐ ሀቼ ጋካናዉ፥ ህንተንቱ ህንተንቱ እሻቱዋ ባሽበይክታ፤ መꬍና ጎዳይ ህንተንቱ ጾሳይ ህንተዉ እሜዳ ሀዳራ ፖሌድታ።
JOS 22:4 ስም መꬍና ጎዳይ ህንተንቱ ጾሳይ ኡንቱንቶ ጌዳ ቃላዳን፥ ህንተንቱ እሻቱዋ ሸምፕሴዳ። ሄዋ ድራዉ፥ መꬍና ጎዳ ቆማይ ሙሴ ህንተንቶ ዮርዳኖሳ ሻፋፐ ሄፍንꬃ ባጋና እሜዳ ላታ ጋድያን ደእያ ህንተንቱ ሶ ሶ ስምተ።
JOS 22:5 መꬍና ጎዳ ቆማይ ሙሴ ህንተንታ አዛዜዳ አዛዙዋነ ዎጋ ሎይꬅ ናግተ። መꬍና ጎዳ ህንተንቱ ጾሳ ሲቅተ፤ አ ኦግያ ኡባን ሀመትተ፤ አ አዛዙዋ አዛዘትተ፤ አናና ምን ኦይቀትተ፤ ህንተንቱ ኩመንꬃ ዎዛናፐነ ኩመንꬃ ሸምፑዋፐ አዉ ኦꬅተ” ያጌዳ።
JOS 22:6 ኢያሱ ኡንቱንታ አንጅ የዲደ፤ “በእተ፥ ህንተንቱ ሀእ ዳሮ መህያ፥ ብራ፥ ዎርቃ፥ ናሃስያ፥ ብራታነ ዳሮ ማዩዋ አኪደ ዱረቲደ፥ ህንተንቱ ጋድያ ስማና ሀኒታ። ሄዋ ድራዉ ህንተንቱ ሞርከቱዋፐ ኦሞዴዳዋ፥ ህንተንቱ እሻቱዋና ግሽ አክተ” ያጌዳ። ሄዋፐ ጉይያን ኡንቱንቱ ባረንቱ ሶ ሶ ቤድኖ። ሙሴ ምናሰ ዛራቱዋፐ ባጋቶ ባሳነን ጋድያ እም ዎꬄዳ፤ ሽን አቴዳ ምናሰ ዛራቱዋ ባጋቶ ኢያሱ ዮርዳኖሳ ሻፋፐ አዋይ ዉልያ ባጋን ሀራ ዛራቱዋና እትፐ ላትያ ቢታ እሜዳ።
JOS 22:9 ሮቤላ ዛራቱ፥ ጋደ ዛራቱነ ምናሰ ዛራቱዋ ባጋቱ ባረንቱ ላታ ጋድያ ስሚደ ቤድኖ። ጾሳይ ሙሴ ባጋና አዛዝና ላቴዳ ጋላኣደ ጋድያ ባናዉ፥ ካናነ ጋድያን ሴሎን ደእያ እስራኤልያ አሳፐ ሻከቴድኖ።
JOS 22:10 ሮቤላ ዛራቱ፥ ጋደ ዛራቱነ ምናሰ ዛራቱዋፐ ባጋቱ ዮርዳኖሳ ሻፋ ማታን ካናነ ጋድያን ደእያ ጋልሎታ ዬዳ ዎደ፥ ሻፋ ማታን ያርሹዋ ያርሽያ ዎልቃማ ሳኣ
JOS 22:11 ግምቢና፥ “ሮቤላ ዛራቱ፥ ጋደ ዛራቱነ ምናሰ ዛራቱዋፐ ባጋቱ ዮርዳኖሳ ማታን፥ ጋልሎታን፥ ካናነ ዛዋን፥ እስራኤላቱ ባጋና ያርሹዋ ሳኣ ግምቤድኖ” ግያዋ እስራኤላቱ ስሴድኖ።
JOS 22:12 ኩመንꬃ እስራኤልያ አሳ ያአይ ኡንቱንቱ ኦላናዉ ባናዉ ሴሎ ግያ ሳን እትፐ ሺቄዳ።
JOS 22:13 እስራኤልያ አሳይ ቄስያ ኤልኣዛራ ናኣ ፒንሃሳ፥ ጋላኣደ ጋድያን ደእያ ሮቤላ ዛራቱዋኮ፥ ጋደ ዛራቱዋኮነ ምናሰ ዛራቱዋፐ ባጋቱዋኮ ኪቴዳ።
JOS 22:14 እት እት ዛሪ ባረ ያራቱ ካፓቱዋፐ እት እት አሳ ዶሪደ፥ ታሙ አሳ ፒንሃሳና የዴዳ።
JOS 22:15 ኡንቱንቱ ሮቤላ ዛራቱ፥ ጋደ ዛራቱነ ምናሰ ዛራቱዋፐ ባጋቱ ደእያ ጋላኣደ ጋድያ ቢደ ኡንቱንታ፥
JOS 22:16 “መꬍና ጎዳ አሳይ ኩመንꬃ ያአይ ህንተንታ ሀዋዳን ያጌ፤ ‘እስራኤልያ ጾሳ ቦላ አያዉ ሀዋ ማላ ኢታባ ኦꬄድቴ? ዋኒደ ጎፐ፥ ህንተንቱ ሀራ ያርሹዋ ሳኣ ህንተንቶ ግምቢደ፥ መꬍና ጎዳ ቦላ ማካሌድታ! አ ካልያዋካ አጌዲታ!
JOS 22:17 ፓኦራን ኑን ኦꬄዳ ናጋራይ ኑዉ ግደኔ? እስራኤልያ ሽቁዋ ቦላ ቦሻይ ዎꬌዳዋ ግዶፐነ፥ ሀቼ ጋካናዉካ ኑን ሄ ናጋራፐ ጌይቦኮ።
JOS 22:18 መꬍና ጎዳ ካልያዋፐ ሀችካ ዎራ ስማነየ? “ ‘ህንተ ሀቼ መꬍና ጎዳ ቦላ ማካሎፐ፥ መꬍና ጎዳይ ዎንት ኩመንꬃ እስራኤልያ ሽቁዋ ሀንቀታናዋ።
JOS 22:19 ህንተንቱ ደእያ ጋዲ ቱኔዳዋ ግዶፐ፥ መꬍና ጎዳ ዱንካኒ ኤቄዳ ጋድያ ሃ ዪደ፥ ኑናና ጋድያ ሻክተ። ሽን ካሰፐ ደእያ መꬍና ጎዳ ኑ ጾሳ ያርሹዋ ሳአፐ ሀራ ያርሹዋ ሳኣ ግምቢደ፥ መꬍና ጎዳ ቦላ ማካሎፕተ፤ ዎይ ኑናካ ማካላንቻ ከሶፕተ።
JOS 22:20 ዛራሀ ዛረ አካን ናጋራ ግዶዋፐ አኪደ፥ ናጋራ ኦꬄዳ ድራዉ፥ ኩመንꬃ እስራኤልያ ሽቁዋ ቦላ ጾሳ ሀንቁ ዎꬍቤኔ? ባረ ናጋራ ጋሱዋን ሀይቄዳዌ አ ጻላላ ግደና’ ያጌ” ያጌድኖ።
JOS 22:21 ሄዋፐ ጉየ ሮቤላ ዛራቱ፥ ጋደ ዛራቱነ ምናሰ ዛራቱዋፐ ባጋቱ እስራኤልያ ያራቱ ካፓቶ ሀዋዳን ያጊደ ዛሬድኖ፤
JOS 22:22 “ዎልቃማይ መꬍና ጎዳ ጾሳ! ዎልቃማይ መꬍና ጎዳ ጾሳ! ኑን ሀዋ አያዉ ኦꬄደንቶ እ ኤሬዳ! ኑን አያዉ ኦꬄደንቶ ህንተንቱካ ኤራናዳን ኮዬቶ። ኑን መꬍና ጎዳ ቦላን ማካሌዳዋነ አዛዘተናን እጼዳዋ ግዶፐ፥ ሀቼ ኑና ፓጻ ዎꬆፕተ።
JOS 22:23 ኑን መꬍና ጎዳ ካልያዋ አጊደ፥ ጹግያ ያርሹዋ፥ ካꬃ ያርሹዋነ እትፐተꬃ ያርሹዋ ያርሻናዉነ ያርሽያ ሳኣ ግምቤዳዋ ግዶፐ፥ መꬍና ጎዳይ ኑና ሄ ኦሶ ኦቾ።
JOS 22:24 ኑን ሄዎ ግምቢቦኮ፤ ኑን ያርሹዋ ሳኣ ግምቤዳዌ፥ ስንꬃፐ ያና ላይꬃን ህንተንቱ ናናይ ኑ ናና፥ ‘ህንተና መꬍና ጎዳን እስራኤልያ ጾሳን አዬ ጋꬅያዌ?
JOS 22:25 ህንተንቶ፥ ሮቤላነ ጋደ ዛረቶ፥ መꬍና ጎዳይ ኑ ግዶንነ ህንተንቱ ግዶን ዮርዳኖሳ ሻፋ ዛዋዬዳ። መꬍና ጎዳን ህንተንታ ጋꬅያዌ ባዋ’ ያጋነንቶነ ጊደ ህርጌዳ ድራሳ። ሄዋዳን ኦꬂደ፥ ህንተንቱ ዛራቱ ኑ ዘረꬃ መꬍና ጎዳዉ ጎይነናዳን ተኤናን አግክኖ።
JOS 22:26 “ሄዋ ድራዉ ኑን ኑ ግዶን ያርሹዋ ሳኣ አነ ግምቦይተ ገዳ፤ ሽን ጹግያ ያርሹዋ ሳኣ ዎይ ሀራ ያርሹዋ ሳኣ ግደና።
JOS 22:27 ኑን ያርሹዋ ሳኣ ግምቤዳዌ ጹግያ ያርሹዋ፥ እትፐተꬃ ያርሹዋነ ሀራ ያርሹዋ ያርሺደ፥ መꬍና ጎዳዉ አ ዱንካንያን ጎይናና ማላ፥ ሀዌ ኑ ግዱዋንነ ህንተንቱ ግዱዋን፥ ቃይ ኑ ካልያ የለታ ግዱዋን ማርካ ግዳናሳ። ዎደፐ ህንተንቱ ዛራቱ ኑ ዘረꬃ፥ ‘ህንተና መꬍና ጎዳን ጋꬅያዌ አያይነ ባዋ’ ጋናዉ ዳንዳይክኖ።
JOS 22:28 ኡንቱንቱ ጌላዳን ኑና ዎይ ኑ የለታ ዎድያፐ ሄዋዳን ጎፐ፥ ኑን ኡንቱንቶ ዛሪደ፥ ‘ጾሳዉ ያርሽያ ሳኣ ሌምሱዋ ሀዋ በእተ። ሀዋ ኑ አዎቱ ጹግያ ያርሹዋነ ሀራ ያርሹዋ ያርሻናሳ ግደናን፥ ህንተፐነ ኑፐነ ግዱዋን ማርካ ግዳና ማላ ግምቤድኖ’ ያጋና።
JOS 22:29 መꬍና ጎዳ ቦላ ማካላናዌ ኑፐ ሃኮ! መꬍና ጎዳ ኑ ጾሳ ዱንካንያ ስንꬃን ኤቄዳ ያርሹዋ ሳፐ ሀራ፥ ጹግያ ያርሹዋ፥ ካꬃ ያርሹዋነ ሀራ ያርሹዋ ያርሽያ ሳኣ ግምቢደ፥ ሀቼ ዎራ ስምበይኮ” ያጊደ ዛሬድኖ።
JOS 22:30 ቄስያ ፒንሃስነ አናና ደእያ እስራኤልያ ያራቱ ካፓቱ፥ ሮቤላ፥ ጋዳነ ምናሰ ዛራቱ ኦዴዳዋ ስሲደ፥ ሎይꬅ ናሸቴድኖ።
JOS 22:31 ቄስያ ኤልኣዛራ ናአይ ፒንሃስ ሮቤላ፥ ጋዳነ ምናሰ ዛረቶ፥ “መꬍና ጎዳይ ኑ ግዶን ደእያዋ ኑን ሀቼ ኤሬዶ፤ አያዉ ጎፐ፥ ሀ የዉዋ ህንተንቱ መꬍና ጎዳ ቦላ ማካላናዉ ኦꬅበይክታ። ህንተንቱ ሀእ መꬍና ጎዳ ሙራፐ እስራኤልያ አሳ አሼድታ” ያጌዳ።
JOS 22:32 ሄዋፐ ጉይያን ቄስያ ኤልኣዛራ ናአይ ፒንሃስነ ካፓቱ ጋላኣደን ደእያ ሮቤላነ ጋደ ዛራቱዋ ማታፐ ካናነን ደእያ እስራኤልያ አሳኮ ስሚደ ሀኔዳባ ኡንቱንቶ ኦዴድኖ።
JOS 22:33 እስራኤልያ አሳይ ናሸቻን፥ ጾሳ ጋላቴድኖ። ቃይ ሮቤላ አሳቱነ ጋደ አሳቱ ደእያ ጋድያ ኦለቲደ ባይዛናዉ ባናዉ ሃሳይያዋካ አጌድኖ።
JOS 22:34 ሮቤላነ ጋደ ዛራቱ፥ “ሀ ያርሹዋ ሳአይ ጾሳ ጻላላይ ጾሳ ግድያዎ ኑ ኡባፐ ግዱዋን ማርካ ግዳናዋ” ያጌድኖ፤ ሄ ያርሹዋ ሳኣ ማርካ ሱንꬄድኖ።
JOS 23:1 ዳሮ ዎድያፐ ጉይያን፥ መꬍና ጎዳይ እስራኤልያ አሳ ኡንቱንቱ ዩሹዋን ደእያ ሞርከቱዋ ኡባፐ ሸምፕሴዳ። ሄ ዎደ ኢያሱ ጭሚደ፥ ዎድያ ሎይꬅ ሱጌዳ።
JOS 23:2 ያቴዳዌ እስራኤልያ አሳ ኡባ፥ ጭማቱዋ፥ ካፓቱዋ፥ ዳናቱዋነ ኦላ ጋዳዋቱዋ እትፐ ጼሲደ፥ ሀዋዳን ያጌዳ፤ “ታን ጭማደ፥ ዎድያ ሎይꬃ ሱጋድ።
JOS 23:3 መꬍና ጎዳይ ህንተንቱ ጾሳይ ህንተንቱ ድራዉ ሀ ካዉተꬃቱዋ ኡባ ኦꬄዳዋ ህንተንቱ ህንተንቱ ሁጲያዉ በኤድታ። ህንተንቶ ኦለቴዳዌ መꬍና ጎዳ ህንተንቱ ጾሳተነ።
JOS 23:4 በእተ፥ ዮርዳኖሳ ሻፋፐ ዶሚደ አዋይ ዉልያ ባጋና ደእያ ሜድትራነ አባ ጋካናዉ ደእያ፥ አቴዳ ካዉተꬃቱዋ ቢታ ኡባ፥ ታን ꬋይሴዳ ካዉተꬃቱ ቢታናካ ላታ ጋደ ኦꬃደ፥ ህንተንቱ ዛረቶ ሻካደ እማድ።
JOS 23:5 መꬍና ጎዳይ ህንተንቱ ጾሳይ ኡንቱንታ ሱጋናነ ህንተንቱ ስንꬃፐ ላግና መꬍና ጎዳይ ህንተንቱ ጾሳይ ጌዳዋዳን፥ ህንተንቱ ኡንቱንቱ ጋድያ ላታና።
JOS 23:6 “ሄዋ ድራዉ፥ ሙሴ ህግያ ማጻፋን ጻፈቴዳ ኡባ ናጋናዉነ ኦꬃናዉ ሎይꬅ ምንተ፤ አፐ ኡሸቻ ሀድርሳ ጎፕተ።
JOS 23:7 ሄዋን ህንተንቱ ግዶን አቴዳ ሀ ካዉተꬃቱዋና ዋላከቶፕተ። ኡንቱንቱ ጾሳቱዋ ሱንꬃ ደንꬆፕተ ዎይ ኡንቱንቱ ሱንꬃን ጫቆፕተ። ኡንቱንቶ ኦꬆፕተ ዎይ ኡንቱንቶ ጎይኖፕተ።
JOS 23:8 ሽን ሀቼ ጋካናዉ ህንተንቱ ኦꬄዳዋዳን፥ ጾሳ ህንተንቱ መꬍና ጎዳ ሎይꬅ ኦይክተ።
JOS 23:9 “አያዉ ጎፐ፥ መꬍና ጎዳይ ግታነ ምኖ ካዉተꬃቱዋ ህንተንቱ ስንꬃፐ ከሴዳ። ህንተና ግዶፐ፥ ሀቼ ጋካናዉ ኦንነ ህንተናና ኤቀታናዉ ዳንዳይቤና።
JOS 23:10 መꬍና ጎዳይ ህንተንቱ ጾሳይ ህንተንቶ ጌዳዋዳን፥ እ ባረ ሁጲያዉ ህንተንቶ ኦለትያ ድራዉ፥ ህንተፐ እት አሳይ ሻአ አሳ የደርሴዳ።
JOS 23:11 መꬍና ጎዳ ህንተንቱ ጾሳ ኡባ ገደ ሲቃናዋ ዶጎፕተ።
JOS 23:12 ህንተንቱ ጉየ ስሚደ፥ ካዉተꬃቱዋፐ ሀዋን ህንተንቱ ግዱዋን አቴዳ አሳና እቱዋ ግዶፐ፥ ኡንቱንቱ ማቻቱዋ ህንተንቶ፥ ህንተንቱ ማቻቱዋ ኡንቱንቶ እም ዋላከቶፐ፥
JOS 23:13 መꬍና ጎዳይ ህንተንቱ ጾሳይ ሀ ካዉተꬃቱዋ ህንተንቱ ስንꬃፐ የደርስያዋ አግ ባሻናዋ ጌሺደ ኤርተ። ሽን መꬍና ጎዳይ ህንተንቱ ጾሳይ እሜዳ ሀ ሎኦ ጋድያፐ ህንተንቱ ꬋያና ጋካናዉ፥ ኡንቱንቱ ህንተንቶ ጲረነ ግተ ግዳና፤ ህንተንቱ ዞክያዉ ልሶ፥ ህንተንቱ አይፍያዉካ አጉንꬃ ግዳና።
JOS 23:14 “ሀእ ስም ታን ሀይቃና ማታድ። መꬍና ጎዳይ ህንተንቱ ጾሳይ ህንተንቶ እማና ጌዳ ሎኦ ኡባፐ እትባይነ አትቤናዋ ህንተንቱ ኡባይ ህንተንቱ ዎዛናንነ ሸምፑዋን ኤሪታ። እ ህንተንቶ እማና ጌዳዋፐ እትባይነ አተናን፥ ኡባይ ፖለቴዳ።
JOS 23:15 መꬍና ጎዳይ ህንተንቱ ጾሳይ ህንተንቶ እማና ጌዳ ሎኦባይ ኡባይ አተናን ፖለቴዳዋዳን፥ መꬍና ጎዳይ ህንተንቱ ጾሳይ ህንተንቶ እሜዳ ሀ ሎኦ ጋድያፐ ህንተንታ ꬋይሳና ጋካናዉ፥ ኢታ ሙሩዋ ኡባካ ህንተንቱ ቦላን ሄዋዳን አሀና።
JOS 23:16 መꬍና ጎዳይ ህንተንቱ ጾሳይ ህንተናና ጫቀቴዳ ቃላ ጫቁዋ ህንተንቱ መንꬆፐ፥ ቢደ ሀራ ጾሳቶ ኦꬆፐነ ጎይኖፐ፥ መꬍና ጎዳ ሀንቁ ህንተንቱ ቦላ ኤጽ ከሳና፤ እ ህንተንቶ እሜዳ ሎኦ ቢታፐካ ህንተንቱ ኤለካ ꬋያና” ያጌዳ።
JOS 24:1 ሄዋፐ ጉይያን ኢያሱ እስራኤልያ ዛራቱዋ ኡባ ሰኬማ ጌተትያ ካታማን ሺሼዳ። ጭማቱዋ፥ ካፓቱዋ፥ ዳናቱዋነ ኦላ ጋዳዋቱዋ ኡባ ጼስና ኡንቱንቱ ጾሳ ስንꬃን ሺቄድኖ።
JOS 24:2 ኢያሱ አሳዉ ኡባዉ ሀዋዳን ያጌዳ፤ “መꬍና ጎዳይ እስራኤልያ ጾሳይ ሀዋዳን ያጌ፤ ‘በን ህንተንቱ አዎቱ ኤፍራጺሳ ሻፋፐ ሄፍንꬃን ደኤድኖ፤ ኡንቱንቱ ሀራ ጾሳቶ ኦꬄድኖ። ኡንቱንቱፐ እቱ አብራሃማነ ናኮራ አዉዋ ታራ።
JOS 24:3 ሄዋፐ ጉይያን ህንተንቱ አዉዋ አብራሃማ፥ ሄ ሻፋፐ ሄፍንꬃን ደእያ ጋድያፐ ጼሳደ፥ ካናነ ቢታ ኡባን ካለꬃድ። አ ዛርያካ ጮራያድ፤ ይሳቃካ አዉ እማድ።
JOS 24:4 ይሳቃዉካ ያቆባነ ኤሳ እማድ። ኤሳዉ ኤዶማ ገዝያ ላታናዳን እማድ፤ ሽን ያቆብነ አ ናናይ ዱገ ግብጼ ቤድኖ።
JOS 24:5 “ ‘ጉየፐ ሙሳነ አሮና ኪታደ ታን ያን ኦꬄዳዋን ግብጼ ጋድያ አሳ ቦሻን ሾጫድ፤ ሄዋፐ ጉይያን ህንተንታ ከሳድ።
JOS 24:6 ታን ህንተንቱ አዎቱዋ ግብጼፐ ከስና፥ ዞኦ አባኮ ዬድታ፤ ግብጼቱ ህንተንቱ አዎቱዋ ፓራቱ ጎችያ ጋረቱዋንነ ፓራዋቱዋን የደርሴድኖ።
JOS 24:7 ኡንቱንቱ መꬍና ጎዳዉ ዋሴዳ ዎደ፥ ኡንቱንቱፐነ ግብጼቱዋፐ ግዱዋን ꬉማ የጋድ፤ ያታደ፥ አባይ ኡንቱንቱ ቦላ ስማናዳንነ ኡንቱንቱ ሙካናዳን ኦꬃድ። ታን ግብጼቱዋ ቦላ ኦꬄዳዋ ህንተንቱ ህንተንቱ አይፍያን በኤድታ። ህንተካ ዎራን ዳሮ ዎድያ ደኤድታ።
JOS 24:8 “ ‘ሄዋፐ ጉይያን ዮርዳኖሳ ሻፋፐ አዋይ ዶልያ ባጋና ደእያ አሞራዋናቱዋ ጋድያ ታን ህንተንታ አሃድ። ኡንቱንቱ ህንተናና ኦለትና፥ ታን ኡንቱንታ ህንተንቱ ኩሽያን አꬃደ እማድ፤ ህንተንቱ ጋድያ ላቴድታ። ቃይ ታን ኡንቱንታ ህንተንቱ ስንꬃፐ ꬋይሳድ።
JOS 24:9 ሄዋፐ ጉይያን ጽፖራ ናአይ ባላቅ፥ ሞኣበ ጋድያ ካቲ ደንዲደ፥ እስራኤላቱዋና ኦለቴዳ። ባኦራ ናአይ ባላም ህንተንታ ሸቃናዳን፥ ኪቲደ ጼስሴዳ፤
JOS 24:10 ሽን ታን ባላመባ ስሳበይከ። ሄዋ ድራዉ እ ህንተንታ አንጄዳ፤ ያትና፥ ታን ህንተንታ ባላቃ ኩሽያፐ አሻድ።
JOS 24:11 “ ‘ዮርዳኖሳ ሻፋ ፕኒደ፥ ያርኮ ዬድታ፤ ያርኮ አሳይነ አሞራዋናቱ፥ ፓርዛዋናቱ፥ ካናነቱ፥ ሂተቱ፥ ገርጌሰቱ፥ ሂዌቱነ ያቡሳዋናቱ ህንተናና ኦለትና፥ ታን ኡንቱንታ ህንተንቱ ኩሽያን አꬃደ እማድ።
JOS 24:12 ካጅያ ህንተፐ ስንꬃዉ ኪታደ፥ አሞራዋናቱዋ ካተቱዋ ላአቱዋ ህንተንቱ ስንꬃፐ ከሳድ። ሀዌ ኡባይ ሀናናዉ ዳንዳዬዳዌ፥ ህንተንቱ ማሻንነ ህንተንቱ ዎንዳፍያን ግደና።
JOS 24:13 ህንተንቱ ጎሺደ ከስቤና ጋድያነ ህንተንቱ ኬጽቤና ካታማቱዋ ታን ህንተንቶ እምና፥ አን ደኢታ። ሀእ ህንተንቱ ቶክቤና ዎይንያ ቱራ አይፍያነ ዎጋራ አይፍያ ሚታ’ ያጌ።
JOS 24:14 “ሄዋ ድራዉ ሀእካ መꬍና ጎዳዉ ያይተ፤ ቱሙ ዎዛናፐ አማነቲደ አዉ ጎይንተ። ህንተንቱ ማይዛ አዎቱ ኤፍራጺሳ ሻፋፐ ሄፍንꬃንነ ግብጼን ጎይኔዳ አላጋ ጾሳቱዋ ዎራ ኦሊደ፥ መꬍና ጎዳዉ ጎይንተ።
JOS 24:15 መꬍና ጎዳዉ ጎይንያዌ ህንተንታ ኢቶፐ፥ ህንተንቱ አዎቱ ሻፋፐ ሄፍንꬃን ደኢደ ጎይኔዳ ጾሳቱዋ ግድና፥ ዎይ ሀእ ህንተንቱ ደእያ አሞረ ጋድያ አሳ ጾሳቱዋ ግድና፥ ህንተንቱ ጎይንያዋ ሀቼ ዶርተ። ሽን ታናነ ታ ጎልያ አሳ ግዶፐ፥ ኑን መꬍና ጎዳዉ ጎይናና” ያጌዳ።
JOS 24:16 አሳይ ዛሪደ፥ “መꬍና ጎዳ አግ ባሺደ፥ ሀራ ጾሳቶ ጎይናናዌ ኑፐ ሃኮ!
JOS 24:17 ግብጼ ጋድያፐ፥ አይለተꬃ ጎልያፐ፥ ኑናነ ኑ አዎቱዋ ከሲደ አሄዳዌ፥ ሄ ዎልቃማ ማላታቱዋ ኑ ጼልሽን ኦꬄዳዌ፥ ኑን ቤዳ ኦግያ ኡባንነ አꬌዳ ቢታቱዋ ኡባ ግዱዋን ኑና ናጌዳዌ፥ መꬍና ጎዳ ኑ ጾሳተነ።
JOS 24:18 ቃይ መꬍና ጎዳይ አሳ ኡባ፥ ሄ ጋድያን ደእያ አሞረ አሳቱዋናካ ኑ ስንꬃፐ ላጊደ ከሴዳ። ሄዋ ድራዉ ኑንካ መꬍና ጎዳዉ ጎይናና፤ አያዉ ጎፐ፥ እ ኑ ጾሳ” ያጌዳ።
JOS 24:19 ሽን ኢያሱ አሳ ሀዋዳን ያጌዳ፤ “ህንተንቱ መꬍና ጎዳዉ ጎይናናዉ ዳንዳይክታ። አያዉ ጎፐ፥ እ ጌሻ ጾሳ፤ እ ቃናትያ ጾሳ፤ እ ህንተንቱ ናቁዋ ዎይ ህንተንቱ ናጋራ አቶ ጌና።
JOS 24:20 ህንተንቱ መꬍና ጎዳ አጊደ፥ አላጋ ጾሳቶ ጎይኖፐ፥ እ ህንተንቶ ሎኦባ ኦꬄዳዋፐ ጉይያን፥ ስሚደ ህንተንታ ቆሀናነ ꬋይሳና” ያጌዳ።
JOS 24:21 አሳይ ኢያሳ፥ “ቱይት፥ ግደና! ኑን መꬍና ጎዳዉ ጎይናና” ያጌዳ።
JOS 24:22 ኢያሱ አሳ፥ “ህንተንቱ መꬍና ጎዳዉ ጎይንያዋ ዶሬዳዎ ህንተንቱ ሁጲያዉ ህንተንቱ ማርካ” ያጌዳ። ኡንቱንቱ፥ “ኤ ኑን ማርካ!” ያጌድኖ።
JOS 24:23 ኢያሱ፥ “ያቶፐ፥ ህንተንቱ ግዱዋን ደእያ አላጋ ጾሳቱዋ ድግተ፤ ህንተንቱ ዎዛና መꬍና ጎዳኮ፥ እስራኤልያ ጾሳኮ ዛርተ” ያጌዳ።
JOS 24:24 ኡንቱንቱ፥ “ኑን መꬍና ጎዳዉ፥ ኑ ጾሳዉ፥ ጎይናና፤ አ አዛዙዋካ ፖላና” ያጌድኖ።
JOS 24:25 ሄ ጋላስ ኢያሱ አሳና ቃላ ጫቁዋ ጫቀቴዳ፤ ሰኬማን ህግያነ ዎጋ ኡንቱንቶ ከሴዳ።
JOS 24:26 ኢያሱ ሄ ቃላቱዋ ጾሳ ህግያ ማጻፋን ጻፌዳ። ሄዋፐ ጉይያን፥ እት ዎልቃማ ሹቻ አኪደ፥ መꬍና ጎዳ ዱንካንያ ማታን ደእያ ዎላ ጋርሳን ኤሴዳ።
JOS 24:27 ኢያሱ አሳዉ ኡባዉ፥ “በእተ፥ መꬍና ጎዳይ ኑዉ ሃሳዬዳ ቃላ ኡባ ሀ ሹቻይ ስሴዳ ድራዉ፥ እ ኑ ቦላ ማርካ ግዳናዋ። ህንተንቱ ጾሳ ቦላን ማካሎፐ፥ ሀ ሹቻይ ህንተንቱ ቦላ ማርካ ግዳናዋ” ያጌዳ።
JOS 24:28 ሄዋፐ ጉይያን፥ ኢያሱ አሳ ኡባ የድና፥ ኡባይካ ባረ ላታ ጋድያ ጋድያ ስሚደ ቤዳ።
JOS 24:29 ሄዋፐ ጉይያን መꬍና ጎዳ ቆማይ፥ ነዌ ናአ ኢያሱ፥ ላይꬃይ ጼታነ ታሙዋ ግድና ሀይቄዳ።
JOS 24:30 አሳይ ጋኣሻ ደርያፐ ሁጲሳ ባጋን፥ ኤፍሬማ ገዝያን ደእያ አ ላታ ጋድያን፥ ትምናት-ሴራን ሞጌድኖ።
JOS 24:31 ኢያሱ ፓጻ ደኤዳ ዎደ ኡባንነ ኢያሱፐ ስምና ደኢደ፥ መꬍና ጎዳይ እስራኤላቶ ኦꬄዳ ኦሱዋ ኡባ ኤሬዳ ጭማቱዋ ዎደ ኡባን እስራኤላቱ መꬍና ጎዳዉ ጎይኔድኖ።
JOS 24:32 እስራኤልያ አሳይ ግብጼ ጋድያፐ አሄዳ ዮሴፎ መቀꬃ ሰኬማን ሞጌድኖ። ሄ ሳኣ ያቆብ ሸኬማ አዉዋ ሀሞራ ናናቱዋፐ ጼቱ ጻጋራ ብራን ሻሜዳ፤ ጉየፐ ዮሴፎ ዛራቱ ላቴድኖ።
JOS 24:33 አሮና ናአይ ኤልኣዛረ ሀይቄዳ፤ አ ናኣ ፒንሃሳዉ እመቴዳ ኤፍሬማ ገዝያን ደእያ ግብኣ ጌተትያ ካታማን ሞጌድኖ።
JDG 1:1 ኢያሱ ሀይቄዳዋፐ ጉይያን፥ እስራኤልያ አሳይ፥ “ካናነ ጋድያ አሳ ኦላናዉ ኑ ዛራቱዋፐ ኮይሮቲደ ከሳናዌ ኦኔ?” ያጊደ መꬍና ጎዳ ኦቼዳ።
JDG 1:2 መꬍና ጎዳይ፥ “ይሁዳ ዛራቱ ኮይሮቲደ ከስኖ። ታን ጋድያ ኡንቱንቱ ኩሽያን አꬃደ እማድ” ያጌዳ።
JDG 1:3 ይሁዳ አሳይ ባረንቱ ዳቦቱዋ፥ ስሞና ዘረꬃ፥ “ኑን ካናነቱዋና ኦለታና ማላ፥ ኑና ሻክና ጋኬዳ ሳኣ ኑናና ደንድተ። ሄዋፐ ጉይያን፥ ህንተንታ ሻክና ጋኬዳ ሳኣ ህንተናና እትፐ ባና” ያጌዳ። ስሞና ዛራቱነ ይሁዳ ዛራቱ ኦላዉ እትፐ ቤድኖ።
JDG 1:4 መꬍና ጎዳይ ካናነቱዋነ ፓርዘቱዋ ኡንቱንቱ ኩሽያን አꬂደ እሜዳ፤ በዜቃ ጌተትያ ካታማን ታሙ ሻአ አሳ ዎꬌድኖ።
JDG 1:5 በዜቃ ካታማን አዶን-ቤዘቃ ደሚደ፥ አናና ኦለቴድኖ፤ ካናነቱዋነ ፓርዘቱዋ ጾኔድኖ።
JDG 1:6 አዶን-ቤዘቅ ባቃቴዳዋ የደርስ ኦይቂደ፥ አ ኩሽያ ዎጋ ብራቱዋነ አ ገድያ ዎጋ ብራቱዋ ቃንጼድኖ።
JDG 1:7 አዶን-ቤዘቅ፥ “ኩሽያ ዎጋ ብራቱዋነ ገድያ ዎጋ ብራቱዋ ታን ጭጌዳ ላፑን ታሙ ካተቱ ታ ማሶፍያፐ ላለቴዳ ሱፓ ማጺደ ሚኖ። ታን ኡንቱንቱ ኦꬄዳዋዳን፥ ጾሳይ ታና ኦꬄዳ” ያጌዳ። አ የሩሳላመ አህና፥ ያን ሀይቄዳ።
JDG 1:8 ይሁዳ አሳይ የሩሳላመ ኦለቲደ ኦይቄዳ፤ አሳ ቃራ ማሻን ዎꬊደ፥ ካታማ ታማን ጹጌዳ።
JDG 1:9 ሄዋፐ ጉይያን፥ ይሁዳ አሳይ ገዝያን፥ ኔጌባ መላ ቢታንነ ጋꬋን ደእያ ካናነቱዋ ኦላናዉ ቤዳ።
JDG 1:10 ካሰ ቅርያት-አርባአ ጌተትያ ከብሮነ ካታማን ደእያ ካናነቱዋ ኦሌድኖ፤ ሸሻያ፥ አህማናነ ታልማያ ጌተትያ ያራቱዋ ጾኔድኖ።
JDG 1:11 ሄዋፐ ደንዲደ ይሁዳ አሳይ ዳቢራ ጌተትያ ካታማን ደእያ አሳ ኦላናዉ ቤዳ። ዳቢራ ካታማይ ካሰ ቅርያት-ሰፈራ ጌተቴ።
JDG 1:12 ካሌብ፥ “ቅርያት-ሰፈራ ኦለቲደ ኦይቂያ ኡራዉ ታን ታ ናቶ አክሶ እማና” ያጌዳ።
JDG 1:13 ካሌባ እሻ ቴፋ ቃናዛ ናአይ ኦትንኤል ሄ ካታማ ኦለቲደ ኦይቄዳ፤ ካሌብ ባረ ናቶ አክሶ አዉ እሜዳ።
JDG 1:14 አክሳ ኦትንኤላ ገልያ ዎደ፥ እ አዉ እዝዉ ጋድያ እማናዳን ዎሳና ማላ፥ ኦትንኤል እዞ ዞሬዳ። እዛ ባቁሉዋፐ ዎꬋዱ፤ ካሌብ እዞ፥ “አያ ኮያይ?” ያጊደ ኦቼዳ።
JDG 1:15 እዛ፥ “ታዉ ዎይቱዋ እማ። ኔን ካሰ ታዉ እሜዳ ጋዲ ዳሪ መላ ቢታ ግዴዳ ድራዉ፥ ሃꬃ ፑልቶቱዋ ታዉ እማርኪ” ያጋዱ። ካሌብ ክል ፑልቱዋካ ህርክ ፑልቱዋካ እዝዉ እሜዳ።
JDG 1:16 ሙሴ ቦሉዋ ዛራቱ ቄናት ይሁዳ አሳና ዛምባ ካታማ ጌተትያ ያርኮ ካታማፐ ደንዴድኖ፤ አራዳ ጌተትያ ካታማፐ ገድሳ ባጋና፥ ኔጌባን ደእያ ይሁዳ መላ ቢታ ቤድኖ፤ ያን አማሌቃቱዋና ኡቴድኖ።
JDG 1:17 ይሁዳ አሳይ ስሞና አሳና እትፐ ቢደ፥ ጻፋታ ጌተትያ ካታማን ደእያ ካናነቱዋ ጾኔዳ፤ ካታማ ኡባ ꬋይሴዳ። ሄዋ ድራዉ ሆርማ ያጊደ ሱንꬄድኖ።
JDG 1:18 ይሁዳ አሳይ ጉጂደካ ጋዛ፥ አስቃሎናነ ኤቅሮና ካታማቱዋ ኡንቱንቱ ዩሹዋን ደእያ ቢታቱዋናካ ኦይቄዳ።
JDG 1:19 መꬍና ጎዳይ ይሁዳ አሳና ደእያ ድራዉ፥ ገዘ ጋድያ ኡንቱንቱ ላቴድኖ፤ ሽን ደምባ ጋድያ አሳቶ ብራታፐ ኦሰቴዳ ኦላ ፓራ ጋረቱ ደእያ ድራዉ፥ ይሁዳ አሳይ ኡንቱንታ የደርሳናዉ ዳንዳይቤና።
JDG 1:20 ሙሴ ጌዳዋዳን፥ ከብሮነ ካታማ ካሌባዉ እሜድኖ፤ ካሌብ አናቀ ዛርያ ግድያ ሄዙ ያራቱዋ የደርሲደ ከሴዳ።
JDG 1:21 ሽን ቢንያማ ዛራቱ የሩሳላመን ደእያ ያቡሳቱዋ የደርስበይክኖ፤ ያትና፥ ያቡሳዋናቱ ቢንያማ ዛራቱዋና ሀቼ ጋካናዉ የሩሳላመን እትፐ ደኢኖ።
JDG 1:22 ዮሴፎ ናናቱዋ፥ ኤፍሬማነ ምናሰ ዛራቱ ቃይ ቤቴለ ካታማ ቦላን ዎራጄድኖ። ካሰ ሄ ካታማይ ሎዛ ጌተቴ። ዎራጅያ ዎደ መꬍና ጎዳይ ኡንቱንቱና ደኤ። ዮሴፎ ዛራቱ ቤቴለ ካታማ ጾሞስያ አሳቱዋ ኪቴድኖ፥
JDG 1:24 ኡንቱንቱ ካታማፐ ከስያ እት ብታንያ ደሚደ፥ “ካታማ ግዶ ዋን ገላናዉ ዳንዳየትንቶ ኑና በሶፐ፥ ኑን ነዉ ኬካና” ያጌድኖ።
JDG 1:25 እ ኡንቱንታ በሴዳ፤ ካታማን ደእያ አሳ ቃራ ማሻን ሙሸሬꬄድኖ፤ ሽን ሄ ብታንያነ አ ሶ አሳ ኡባ አሸድኖ።
JDG 1:26 ጉየፐ ሄ ብታኒ ሂተቱዋ ጋድያ ቢደ፥ ያን ካታማ ኬጼዳ፤ ሎዛ ያጊደ ሱንꬄዳ፤ ሀቼ ጋካናዉ ሄ ካታማይ ሄ ሱንꬃን ጼሰቴ።
JDG 1:27 ምናሰ ዛራቱ ቤትሻና፥ ታእናካ፥ ዶራ፥ ይብላኣማነ ማግዶ ካታማቱዋንነ ኡንቱንቱ ዩሹዋን ደእያ ሞꬃቱዋን ደእያ አሳቱዋ ከሲደ የደርሳናዉ ዳንዳይበይክኖ። ያትና፥ ካናነቱ ያን ደኡዋ ምንሴድኖ።
JDG 1:28 እስራኤልያ አሳይ ምኔዳ ዎደ፥ ካናነቱዋ ባረንቱ ዎልቃን ኦስሴድኖ፤ ሽን ኡንቱንታ ኡባና ጋድያፐ ከሲደ የደርስበይክኖ።
JDG 1:29 ኤፍሬማ ዛራቱካ ገዜራ ጌተትያ ካታማን ደእያ ካናነቱዋ ከሲደ የደርስበይክኖ፤ ያትና፥ ካናነ አሳቱ ያን ኡንቱንቱና እትፐ ደኤድኖ።
JDG 1:30 ዛብሎና ዛራቱ ቅትሮና ካታማንነ ናህላላ ካታማን ደእያ አሳቱዋ ከሲደ የደርስበይክኖ፤ ያትና፥ ካናነቱ ያን ኡንቱንቱና እትፐ ደኤድኖ። ሽን ዛብሎና ዛራቱ ኡንቱንቱ ባረንቱ ዎልቃን ኦስሰድኖ።
JDG 1:31 አሴራ ዛራቱካ አኮን፥ ሲዶናን፥ አህላባን፥ አክዚባን፥ ሄልባን፥ አፌቃንነ ራሆባን ደእያ አሳቱዋ ከሲደ የደርስበይክኖ።
JDG 1:32 ካናነቱ ከሰናን አጌዳ ድራዉ፥ አሴራ ዛራቱ ኡንቱንቱና ያን እትፐ ደኤድኖ።
JDG 1:33 ንፍታሌማ ዛራቱካ ቤት-ሸመሻ ካታማንነ ቤት-አናታ ካታማን ደእያ አሳቱዋ ከሲደ የደርስበይክኖ፤ ሽን ካናነቱዋና ያን እትፐ ደኤድኖ። ቤት-ሸመሻነ ቤት-አናታ ካታማ አሳቱዋ ባረንቶ ዎልቃን ኦስሴድኖ።
JDG 1:34 አሞራዋናቱ ዳና ዘረꬃ ፑደ ገዝያዉ የደርሴድኖ፤ ኡንቱንቱ ዱገ ደምባ ጋድያ ዎናዳን ተኤድኖ።
JDG 1:35 አሞራዋናቱ ሄሬሳ ደርያንነ አያሎናነ ሻአልቢማ ጌተትያ ካታማቱዋን ደኡዋ ምንሴድኖ፤ ሽን ኤፍሬማነ ምናሰ ዛራቱ ምን ምኒደ ቢደ፥ ባረንቶ ዎልቃን ኦስሴድኖ።
JDG 1:36 አሞራዋናቱዋ ጋድያ ዛዋይ ሰላአ ማታን ደእያ አክራቢማ ጌተትያ ፑደꬃፐ ዶሚደ፥ ሁጲሳ ባጋ ፕኑዋ ጋኬ።
JDG 2:1 መꬍና ጎዳ ኪታንቻይ ገልገላፐ ቦክማ ቢደ፥ እስራኤልያ አሳ ሀዋዳን ያጌዳ፤ “ታን ህንተንታ ግብጼፐ ከሳድ፤ በን ህንተንቱ ማይዛ አዋቶ እማና ጋደ ጫቄዳ ጋድያ ህንተንታ ገልሳድ። ህንተንታ ሀዋዳን ያጋድ፤ ‘ታን ህንተናና ጫቀቴዳ ጫቁዋ ኡባካ መንꬅከ፥
JDG 2:2 ህንተንቱ ሀ ጋድያን ደእያ አሳቱዋና ቃላ ጫቁዋ ገሎፕተ፤ ኡንቱንቱ ያርሽያ ሳኣ ኮልተ’ ያጋድ፤ ሽን ህንተንቱ ታዉ አዛዘትበይክታ። አያዉ ሄዋዳን ሀኔድቴ?
JDG 2:3 ሄዋ ድራዉ፥ ታን ኡንቱንታ፥ ህንተንቱ ስንꬃፐ የደርስከ፤ ኡንቱንቱ ህንተንቶ ሞርከ ግዳና፤ ኡንቱንቱ ጾሳቱካ ህንተንቶ ጲረ ግዳና ያጋይ” ያጌዳ።
JDG 2:4 መꬍና ጎዳ ኪታንቻይ ሄዋ እስራኤልያ አሳዉ ኡባዉ ሃሳዬዳ ዎደ፥ አሳይ ባረ ቃላ ꬎቁ ኦꬂደ ዬኬዳ።
JDG 2:5 ያቲደ ሄ ሳኣ ቦክማ ያጊደ ሱንꬄዳ፤ ሄዋን መꬍና ጎዳዉ ያርሹዋ ያርሼዳ።
JDG 2:6 ኢያሱ እስራኤልያ አሳ የዴዳዋፐ ጉይያን፥ አሳይ እቱ እቱ ባረና ሻክና ጋክያ ጋድያ አካናዉ ቤዳ።
JDG 2:7 ኢያሱ ደኡዋን ደኤዳ ላይꬃ ኡባን አሳይ መꬍና ጎዳዉ ኦꬄዳ፤ እ ሀይቄዳዋፐ ጉይያን፥ መꬍና ጎዳይ እስራኤልያ አሳዉ ኦꬄዳ ዎልቃማ ኦሱዋ ኡባ በኤዳ ጭማቱዋ ዎደ ኡባን መꬍና ጎዳዉ ኦꬅያዋ አግቤና።
JDG 2:8 መꬍና ጎዳ ቆማይ፥ ነዌ ናኣ ኢያሱ፥ ላይꬃይ ጼታነ ታሙዋ ግድና ሀይቄዳ፤
JDG 2:9 ጋኣሻ ደርያፐ ሁጲሳ ባጋን፥ ኤፍሬማ ገዝያን፥ ትምናት-ሰራሀ ግያ ሳን ደእያ አ ላታ ጋድያን ሞጌድኖ።
JDG 2:10 ሄ የለታ ኡባይ ሀይቂ ባረ ማይዛን ጋከቴዳዋፐ ጉይያን፥ መꬍና ጎዳ ዎይ እስራኤልያ አሳዉ እ ኦꬄዳዋ ኡባ ኤረና ሀራ የለታይ ደንዴዳ።
JDG 2:11 ሄዋፐ ጉይያን፥ እስራኤልያ አሳይ መꬍና ጎዳ ስንꬃን ኢታባ ኦꬄዳ፤ ባኣላ ጌተትያ ኤቃቶ ጎይኔድኖ።
JDG 2:12 ግብጼ ጋድያፐ ኡንቱንታ ከሴዳ መꬍና ጎዳ፥ ባረንቱ ማይዛ አዎቱዋ ጾሳ አግ ባሼድኖ፤ ባረንቱ ዩሹዋን ደእያ አሳቱዋ ኤቃቱዋኮ ስሚደ፥ ኡንቱንቶ ጎይኔድኖ፤ ሄዋን መꬍና ጎዳ ሀንቀꬄድኖ።
JDG 2:13 ቃይ አ አግ ባሺደ፥ ባኣላዉነ አስታሮታዉ ጎይኔድኖ።
JDG 2:14 ያትና፥ መꬍና ጎዳ ሀንቁ እስራኤልያ አሳ ቦላ ኤጽ ከሴዳ፤ ቦንቂያዋንቱ ቦንቃናዳን ኡንቱንታ በስ ባሼዳ፤ ኡንቱንቱ ዩሹዋን ደእያ ሞርከቶ ኡንቱንታ አꬂደ እሜዳ። ያትና፥ ኡንቱንቱ ባረንቱ ሞርከቱዋና ኤቀታናዉ ዳንዳይበይክኖ።
JDG 2:15 ኡንቱንቱ ኦለታናዉ ከሴዳ ዎደ ኡባን፥ መꬍና ጎዳይ ካሰ ኡንቱንቶ ጫቄዳዋዳን ኡንቱንቱ ጾነታና ማላ፥ እ ኡንቱንቱ ቦላ ደንዴዳ። ያትና፥ ኡንቱንቱ ሎይꬅ ዋየꬄድኖ።
JDG 2:16 ያትና፥ መꬍና ጎዳይ ዳናቱዋ ኡንቱንቶ ደንꬄዳ፤ ኡንቱንቱ እስራኤልያ አሳ ቦንቄዳዋንቱ ኩሽያፐ አሼድኖ።
JDG 2:17 ሽን እስራኤልያ አሳይ ፕርድያ ዳናቶ አዛዘትቤና፤ ኡንቱንቱ መꬍና ጎዳዉ አማነተናን እጼድኖ፤ ሀራ ጾሳቱዋኮ ስሚደ፥ ኡንቱንቶ ጎይኔድኖ። ኡንቱንቱ አዎቱ ሀመቴዳ ኦግያፐ ኤለካ ጉየ ስሜድኖ፤ ኡንቱንቱ ማይዛ አዎቱ ጾሳዉ አዛዘቴዳዋዳን፥ ኡንቱንቱ አዛዘትበይክኖ።
JDG 2:18 መꬍና ጎዳይ ኡንቱንቶ ፕርድያ ዳናቱዋ ደንꬄዳ ዎደ አዉደነ እ ሄ ፕርድያ ዳናቱዋና እትፐ ግዴዳ፤ ሄ ዳናይ ደኡዋን ደኤዳ ላይꬃ ኡባን ኡንቱንቱ ሞርከቱዋ ኩሽያፐ ኡንቱንታ አሼዳ። አያዉ ጎፐ፥ ኡቁናይነ ቱጋይ ዳርና፥ ኡንቱንቱ ዋስያዋ ስሲደ፥ መꬍና ጎዳይ ኡንቱንቶ ቃረቴዳ።
JDG 2:19 ሽን ፕርድያ ዳናይ ሀይቄዳዋፐ ጉይያን፥ አሳይ ጉየ ስሚደ፥ ካሰ ኡንቱንቱ አዎቱ ኦꬄዳ ኢታፐ አꬌዳ ኢታ ኦꬄድኖ፤ ኡንቱንቱ ሀራ ጾሳቱዋኮ ስሚደ፥ ኡንቱንቶ ጎይኔድኖ፤ ባረንቱ ኢታ ኦሱዋነ ደሻ ኦግያ አገናን እጼድኖ።
JDG 2:20 መꬍና ጎዳ ሀንቁ እስራኤልያ አሳ ቦላ ኤጽ ከሴዳ፤ ያትና፥ መꬍና ጎዳይ ሀዋዳን ያጌዳ፤ “ሀ አሳይ ታን ኡንቱንቱ ማይዛ አዋቶ ገሌዳ ጫቁዋ መንꬄዳ ድራዉነ ታዉ አዛዘተናን እጼዳ ድራዉ፥
JDG 2:21 ሀቼፐ ዶምና፥ ኢያሱ ሀይቄዳ ዎደ ቢታ ቦላን አቴዳ ጋደ አሳቱዋፐ እቱዋነ ታን ኡንቱንቱ ስንꬃፐ የደርሳደ ከስከ።
JDG 2:22 ሀ እስራኤልያ አሳይ ካሰ ባረንቱ ማይዛ አዎቱዋዳን ታ ኦግያ ካልንቶ፥ ዎይ ካለነንቶ ፓጫናዉ፥ መꬍና ጎዳይ ሄ አቴዳ ጋደ አሳቱዋን ጎኤታና” ያጌዳ።
JDG 2:23 ሄዋ ድራዉ፥ መꬍና ጎዳይ ሄ ጋደ አሳቱ ከሰናን ጋምአናዳን ኦꬄዳ። እ ኡንቱንታ ኤለካ የደርሲደ ከስቤና፤ ኢያሱዉካ ኡንቱንታ አꬂደ እምቤና።
JDG 3:1 ካሰ ካናነን አይ ኦላነ ኦለቲደ ሜዘትቤና እስራኤልያ አሳ ፓጫና ማላ፥ መꬍና ጎዳይ ሀ አሳቱዋ አሼዳ።
JDG 3:2 እ ሄዋ ኦꬄዳዌ፥ ሀዋፐ ካሰ ኦላ ኦለቲደ ሜዘትቤና እስራኤልያ የለታ ኦለትያ ሂላ ታማርሳናሳ።
JDG 3:3 ሄ አሳቱ ኦና ኦኔ ጎፐ፥ እቼሹ ፕልስጼማ ካታማቱዋ ሞድያ አሳቱዋ፥ ካናነቱዋ ኡባ፥ ሲዶና ካታማ አሳቱዋነ ባኣል-ሄርሞነ ጌተትያ ደርያፐ ዶሚደ፥ ሀማታ ፕኑዋ ጋካናዉ ልባኖሳ ደርያን ደእያ ሂዌቱዋ።
JDG 3:4 መꬍና ጎዳይ ሙሴ ባጋና ካሰ እስራኤልያ ማይዛ አሳ አዋቶ እሜዳ አዛዙዋ ኡንቱንቱ አዛዘትንቶ አዛዘተነንቶ ፓጭሳናዉ ኡንቱንታ አሼዳ።
JDG 3:5 ያትና፥ እስራኤልያ አሳይ ካናነቱዋና፥ ሂዌቱዋና፥ አሞረቱዋና፥ ፓርዘቱዋና፥ ሂተቱዋናነ ያቡሳቱዋና እትፐ ደኤዳ።
JDG 3:6 ኡንቱንቱ ማጫ ናና ባረንቶ አኬድኖ፤ ባረንቱ ማጫ ናናካ ኡንቱንቱ አቱማ ናናቶ እሜድኖ። ያቲደ ኡንቱንቱ ጾሳቶ ጎይኔድኖ።
JDG 3:7 እስራኤልያ አሳይ መꬍና ጎዳ ስንꬃን ኢታባ ኦꬄዳ። ኡንቱንቱ መꬍና ጎዳ ባረንቱ ጾሳ ዶጊደ፥ ባኣላነ አሼሮ ጌተትያ ጾሳቶ ጎይኔድኖ።
JDG 3:8 ሄዋ ድራዉ፥ መꬍና ጎዳ ሀንቁ እስራኤልያ አሳ ቦላ ኤጽ ከሴዳ፤ ያትና፥ መꬍና ጎዳይ ማስጰጾምያ ጋድያ ካትያ ኩሻን-ርሽአታይማ ኩሽያን ኡንቱንታ አꬂደ እሜዳ፤ ኡንቱንቱ አዉ ሆስፑን ላይꬃ ሞደቴድኖ።
JDG 3:9 ሽን እስራኤልያ አሳይ መꬍና ጎዳዉ ዋሴዳ ዎደ፥ ኡንቱንታ አሽያ ኡራ ኪቴዳ፤ እካ ካሌባ ቴፋ እሻ ቃናዛ ናኣ ኦትንኤላ ጌተቴ።
JDG 3:10 መꬍና ጎዳ አያናይ አ ቦላ ዎꬍና፥ እ እስራኤልያ ቦላ ፕርድያ ዳና ግዴዳ። ኦላ ኦለታናዉ ቤዳ፤ መꬍና ጎዳይ ማስጰጾምያ ጋድያ ካትያ ኩሻን-ርሽአታይማ አዉ አꬂደ እሜዳ፤ ኩሻን-ርሽአታይማ ጾኔዳ።
JDG 3:11 ያትና፥ ጋዲ ኦይታሙ ላይꬃ ዎፓ ደሜዳ። ሄዋፐ ጉይያን፥ ቃናዛ ናአይ ኦትንኤል ሀይቄዳ።
JDG 3:12 እስራኤልያ አሳይ ዛረꬂደካ መꬍና ጎዳ ስንꬃን ኢታባ ኦꬄዳ። መꬍና ጎዳ ስንꬃን ኡንቱንቱ ኢታባ ኦꬄዳ ድራዉ፥ መꬍና ጎዳይ ሞኣበ ካትያ ኤግሎን እስራኤልያ ቦላን ዎልቃማናዳን ኦꬄዳ።
JDG 3:13 ኤግሎን አሞናቱዋነ አማሌቃቱዋ ባረኮ ሺሽ ቢደ፥ እስራኤልያ አሳ ኦለቲደ ጾኔዳ፤ ዛምባ ካታማ ጌተትያ እያርኮ ካታማ ኦይቄዳ።
JDG 3:14 ያትና፥ እስራኤልያ አሳይ ሞኣበ ካትያ ኤግሎናዉ ታማነ ሆስፑን ላይꬃ ሞደቴዳ።
JDG 3:15 ሽን እስራኤልያ አሳይ መꬍና ጎዳዉ ዋሴዳ ዎደ፥ ኡንቱንታ አሽያ ኡራ ኪቴዳ፤ እካ ቢንያማ ዛርያፐ ጌራ ናኣ ኤሁዳ ጌተቴ፤ እ ሀድርሳ ኩሽያን ኦꬅያ አሳ። እስራኤልያ አሳይ ኤሁዳ ሞኣበ ካትያ ኤግሎናኮ ጊራና ኪቴዳ።
JDG 3:16 ኤሁድ ላኡ ባጋና ቃራቴዳ እት ዋꬋ ግዴዳ ማሻ ባረዉ ጊግሴዳ፤ ኡሸቻ ምይያ ባጋና ባረ ማዩዋ ግዶን ዳንጬዳ።
JDG 3:17 ሄዋፐ ጉይያን፥ ሞኣበ ካትያ ኤግሎናዉ ጊራ አክ አፊደ እሜዳ። ኤግሎን ሎይꬅ ኦርዶ አሳ።
JDG 3:18 ኤሁድ ጊራ ካትያዉ እሜዳዋፐ ጉይያን፥ ጊራ ቶኪደ ቤዳ አሳቱዋ ሞይዜዳ።
JDG 3:19 ሽን ኤሁድ ገልጋላ ማታን ደእያ ማሰቴዳ ሹቻቱዋ ማታፐ ኤግሎናኮ ጉየ ስም ቢደ፥ “ካትያዉ፥ ታን ነዉ ጹርያባይ ደኤ” ያጌዳ። ካቲ፥ “ጮኡ ጋ!” ያጌዳ፤ ሄዋፐ ጉይያን አ ናግያዋንቱ ኡባይ ካረ ከሴድኖ።
JDG 3:20 ሄ ዎደ ካቲ ፖቅያን ደእያ እት ክፍልያን ባረካ ኡት ደእሽን፥ ኤሁድ አኮ ሺቂደ፥ “ጾሳይ ነዉ ኪቴዳባይ ደኤ” ያጌዳ። ካቲ ባረ ኡቴዳ ሳኣፐ ኤቄዳ፤
JDG 3:21 ኤሁድ ባረ ሀድርሳ ኩሽያ የዲደ፥ ኡሸቻ ባጋ ምይያፐ ማሻ ሾዲደ፥ ካትያዉ ኡሉዋን ድርግንꬅ አጌዳ።
JDG 3:22 ያትና፥ ማሻዉ ቱቲ አተናን ኡሎ ግዶ ገልና፥ ሀንዳይ ካሜዳ። ኤሁድ ማሻ ካትያ ኡሉዋፐ ሾድቤና ድራዉ፥ ዞክያና ካንꬅ ከሴዳ።
JDG 3:23 ሄዋፐ ጉይያን ኤሁድ ካረ ከሲደ፥ ፖቅያን ደእያ ክፍልያ ፐንግያ ጎርዲደ፥ አ ቦላ ቁልፔዳ።
JDG 3:24 እ ብድጎዋፐ ጉይያን፥ ቆማቱ ዪደ፥ ፐንጊ ጎርደቴዳዋ በኤድኖ፤ ግዶ ክፍልያን ኡርቃ ሼሻዉ ኡተናን አገና ያጊደ ቆፔድኖ።
JDG 3:25 ኡንቱንቱ ናጉ ፖካና ጋካናዉ ሎይꬅ ናጌድኖ። ሽን ካቲ ፐንግያ ዶየናን እጽና፥ ቁልፕያ አኪደ ፐንግያ ዶዬድኖ፤ ባረንቱ ጎዳይ ሀይቂደ፥ ዉይግያን ኩንዴዳዋ በኤድኖ።
JDG 3:26 ኡንቱንቱ ናጊደ ጋምእ ደእሽን፥ ኤሁድ ከስ አኪደ፥ ማሰቴዳ ሹቻቱዋ አꬊደ፥ ሳኢራ ግያ ሳኣ ባቃቴዳ።
JDG 3:27 ኤፍሬማ ገዝያ ጋኬዳ ዎደ፥ እስራኤልያ አሳይ ኦላዉ ሺቃናዳን ማላካታ ፑኔዳ፤ አሳይ አ ካሊደ፥ ያፐ ዱገ ዎꬌዳ።
JDG 3:28 ኡንቱንታ፥ “ታና ካልተ፤ አያዉ ጎፐ፥ መꬍና ጎዳይ ህንተንቱ ሞርከቱዋ፥ ሞኣባቱዋ ህንተንቱ ኩሽያን አꬂደ እሜዳ” ያጌዳ። አ ካሊደ ዎꬊደ፥ ዮርዳኖሳ ሻፋ ፕንያ ሳአቱዋ ኦይቄድኖ፤ ሞኣበ አሳፐ እት ኡራይነ ሄዋና አናዳን ተኤድኖ።
JDG 3:29 ሄ ዎደ ሞኣበ አሳፐ ታሙ ሻአ ግድያ ዶረቴዳ ምኖ ኦላንቻቱዋ ዎꬌድኖ፤ እት አሳይነ ከስ አክ አትቤና።
JDG 3:30 ሄ ጋላስ ሞኣበ አሳይ እስራኤልያ አሳዉ ሞደቴዳ፤ ያትና ቢታይ ሆስፑን ታሙ ላይꬃ ዎፓ ደሜዳ።
JDG 3:31 ኤሁዳፐ ጉይያን፥ አናታ ናአይ ሻምጋር ደንዴዳ፤ ፕልስጼማ አሳፐ ኡሱፑን ጼቱዋ ቦራ ላግያ ዶቁዋን ዎꬊደ፥ እስራኤልያ አሳ አሼዳ።
JDG 4:1 ኤሁድ ሀይቄዳዋፐ ጉይያን፥ እስራኤልያ አሳይ መꬍና ጎዳ ስንꬃን ዛረꬂደካ ኢታባ ኦꬄዳ።
JDG 4:2 ሄዋ ድራዉ፥ መꬍና ጎዳይ ሀጾራ ጌተትያ ካታማን ካተቴዳ ካናነ ካትያ ያብናያዉ ኡንቱንታ አꬂደ እሜዳ፤ አ ኦላንቻቱዋ ጋዳዉ ስሳር ደርያ-ሀሮሼታ-ሀጎዪማ ጌተትያ ካታማን ደኤ።
JDG 4:3 ያብናያ ብራታፐ ኦሰቴዳ ኡዱፑን ጼቱ ፓራ ጋረቱ ደእያ ድራዉነ እ እስራኤልያ አሳ ቃረት ባይናን ላታሙ ላይꬃ ኡቁኔዳ ድራዉ፥ ኡንቱንቱ ማዱዋ ደማናዉ መꬍና ጎዳኮ ዋሴድኖ።
JDG 4:4 ሄ ዎደ ላፕዶታ ማቻታ ድቦራ፥ ትምቢትያ ኦድያና እስራኤልያ ቢታን ፕርድያ ዳናቶ።
JDG 4:5 ድቦራ ኤፍሬማ ገዝያን፥ ራማ ካታማፐነ ቤቴለ ካታማፐ ግዱዋን ደእያ ድቦር ዛምባ ጋርሳን ኡታደ ፕርዳዉ፤ እስራኤልያ አሳይ ባረ የዉዋ ፕርድሳናዉ ኢኮ ዬ።
JDG 4:6 እት ጋላስ ደቦራ አብኖኣማ ናኣ ባራቃ ንፍታሌማ ጋድያን ደእያ ቀዴሻ ካታማፐ ኪታደ ጼስሳዱ፤ “መꬍና ጎዳይ እስራኤልያ ጾሳይ ኔና ሀዋዳን ያጊደ አዛዜ፤ ‘ንፍታሌማ ዛርያፐነ ዛብሎና ዛርያፐ ታሙ ሻአ አሳ አካደ፥ ታቦራ ደርያ ባ።
JDG 4:7 ታን ያብና ኦላንቻቱዋ ጋዳዋይ ስሳር ፓራ ጋረቱዋነ ኦላንቻቱዋ አኪደ፥ ቂሾና ሻፋን ኔናና ኦላ ጋከታናዉ ያናዳን ኦꬃና፤ ታን ነዉ አ አꬃደ እማና’ ያጌ” ያጋዱ።
JDG 4:8 ያትና፥ ባራቅ፥ “ኔን ታናና ቦፐ፥ ታን ባና፤ ሽን ኔን ታናና ባና ꬋዮፐ፥ ታንካ ቢከ” ያጌዳ።
JDG 4:9 አ፥ “ኤኖ፥ ታን ኔናና ባና፤ ሽን መꬍና ጎዳይ ስሳራ ማጫ አሳ ኩሽያን አꬂደ እምያ ድራዉ፥ ሄ ቡሳይ ነዉ ቦንቾ ግደና” ያጋዱ። ደቦራ ደንዳደ፥ ባራቃና ቀዴሻ ባዱ።
JDG 4:10 ባራቅ ንፍታሌማነ ዛብሎና ዘረꬃ ቀዴሻ ጼስና፥ ታሙ ሻአ አሳይ አ ካሊደ ከሴዳ፤ ድቦራካ አናና ባዱ።
JDG 4:11 ሄ ዎደ ሄቤራ ጌተትያ እት ብታኒ ደኤ፤ እ ቄና አሳ፤ እ ሙሴ ቦሉዋ ሆባባ ያራ። እ ሀራ ቄናቱዋፐ ሻከቲደ፥ ቀዴሻኮ ሺቂደ፥ ዛእናኒማን ደእያ ዎላ ማታን ባረ ዱንካንያ ꬎጌዳ።
JDG 4:12 አብኖኣማ ናአይ ባራቅ ታቦራ ደርያ ቤዳዋ ስሳር ስሴዳ ዎደ፥
JDG 4:13 ብራታፐ ኦሰቴዳ ባረ ኡዱፑን ጼቱ ፓራ ጋረቱዋነ ባረናና ደእያ አሳ ኡባ ጼስሲደ፥ ሀሮሼታ-ሀጎዪማፐ ቂሾና ሻፋ ሺሼዳ።
JDG 4:14 ያትና፥ ድቦራ ባራቃ፥ “ደንዳ! ሀቼ መꬍና ጎዳይ ነ ኩሽያን ስሳራ አꬂደ እምያ ጋላሳ። በአ፥ መꬍና ጎዳይ ኔፐ ስንꬃቲደ ቤዳ” ያጋዱ። ሄዋፐ ጉየ ባራቅ ታሙ ሻአ አሳ ካለꬂደ፥ ታቦራ ደርያፐ ዎꬌዳ።
JDG 4:15 መꬍና ጎዳይ ስሳራ፥ አ ፓራ ጋረቱዋ ኡባነ አ ኦላንቻቱዋ ኡባ ቃራ ማሻን ባራቃ ስንꬃፐ ባቃትሴዳ። ያትና፥ ስሳር ባረ ፓራ ጋርያፐ ዎꬊደ፥ ገድያን ባቃቴዳ።
JDG 4:16 ባራቅ ሄ ፓራ ጋረቱዋነ ኦላንቻቱዋ ሀሮሼታ-ሀጎዪማ ጋካናዉ የደርሴዳ። ስሳራ ኦላንቻቱ ኡባይ ቃራ ማሻን ሀይቄድኖ፤ እት አሳይነ አትቤና።
JDG 4:17 ሄ ዎደ ሀጾራ ካትያ ያብን ቄና ሄቤራ ጎለ አሳና ሳሮ ደኤ። ሄዋ ድራዉ፥ ስሳር ገድያን ባቃቲደ፥ ቄና ሄቤራ ማቻት ያኤል ዱንካንያ ጋኬዳ።
JDG 4:18 ያኤላ ስሳራ ሞካናዉ ከሳደ፥ “ታ ጎዳዉ፥ ገላ፤ ሃ ገላ፤ ያዮፓ” ያጋዱ። ዱንካንያ ኢኮ ገልና፥ አ ባረ ቡሉኩዋን ካማዱ።
JDG 4:19 ስሳር፥ “ታና ሳሜ፤ ኡሽያ ጉꬃ ሃꬃ እማርኪ” ያጌዳ። ማꬃ ትግያ ሚሻ ፖካደ ኡሻዱ፤ ያታደ ዛራደ ካማዱ።
JDG 4:20 ሄዋፐ ጉይያን እ እዞ፥ “ዱንካንያ ፐንግያን ኤአ። አይ አሳይ ዪደ፥ ‘ሀዋን አሳይ ደኢ?’ ያጊደ ኦቾፐ፥ ‘ባዋ’ ጋ” ያጌዳ።
JDG 4:21 ስሳር ሎይꬅ ዳቡሬዳ ድራዉ፥ ገምእሹዋ ፓኑሬዳ። ሄቤራ ማቻታ ያኤላ ማዶሻነ ዱንካንያ ꬎግያ ሽካሊያ አካደ፥ ሎዳን አኮ ሺቃዱ፤ ሺቃደ ꬎግያ ሽካልያ ሀይꬃ ካርያን ኤሳደ፥ ማርቴሉዋን ꬍሻደ፥ ቢታና ስክና፥ ስሳር ሀይቄዳ።
JDG 4:22 ባራቅ ስሳራ ኮዪደ ዪና፥ ያኤላ አ ሞካናዉ ካረ ከሳደ፥ “ሃያ፤ ኔን ኮይያ ብታንያ ታን ኔና በሳና” ያጋዱ። እዝና ዱንካንያ ግዶ ገሊደ፥ ስሳራ ሀይꬃ ካርያን ꬎጉ ገልና፥ አ አሃይ ሳኣን ግሴዳዋ በኤዳ።
JDG 4:23 ሄ ጋላስ ጾሳይ እስራኤልያ አሳይ ካናነ ካትያ ያብና ጾናናዳን ኦꬄዳ።
JDG 4:24 እስራኤልያ አሳይ ካናነ ካትያ ያብና ቦላ ምን ምኒደ ቢደ፥ ዉርሰꬃን አ ꬋይሴዳ።
JDG 5:1 ሄ ጋላስ ድቦራነ አብኖኣማ ናአይ ባራቅ ሀ የꬃ የጼድኖ።
JDG 5:2 “እስራኤልያ አሳ ካለꬅያዋንቱ ካለꬄዳ ድራዉ፥ አሳይካ ዶሲደ፥ ባረ ሁጲያ አꬂደ እሜዳ ድራዉ፥ መꬍና ጎዳ ጋላትተ!
JDG 5:3 “ህንተንቶ ካተቶ፥ ሀዋ ስስተ! ህንተንቶ ደርያ ሞድያዋንቶ፥ ሀይዝተ! ታን መꬍና ጎዳዉ የጻና። መꬍና ጎዳዉ እስራኤልያ ጾሳዉ ጋላታ የꬃ የጻና።
JDG 5:4 አቤት መꬍና ጎዳዉ፥ ኔን ሰኢራ ደርያፐ ደንዴዳ ዎደ፥ ኔን ኤዶማ ቢታፐ ከሴዳ ዎደ፥ ቢታይ ቃጼዳ። ሳሉዋፐ እራይ ቡኬዳ፤ ኤ፥ ሃꬃይ ሻረቱዋፐ ዱገ ሶሶቴዳ።
JDG 5:5 መꬍና ጎዳ ስንꬃን ደረቱ ቃጼድኖ፤ ሀራይ አትና፥ ሲና ደሪካ መꬍና ጎዳ እስራኤልያ ጾሳ ስንꬃን ኮኮሬዳ።
JDG 5:6 “አናታ ናኣ ሻምጋና ዎደነ፥ ያኤላ ዎደ ጫና መህያ ላግያ፥ ዛልአንቻቱ ሄ ቢታና አꬍበይክኖ። ኦግያና ብያዋንቱካ ኦግያ አጊደ፥ ሎሱዋና ቤድኖ።
JDG 5:7 እስራኤልያ ካታማቱ አሳይ ደኤና ሳኣ ግዴድኖ። ታን ድቦራ፥ ታን እስራኤልያ አሳዉ፥ አቶ ግዳደ ደንዳና ጋካናዉ ኦንነ አትቤና።
JDG 5:8 እስራኤልያ አሳይ አላጋ ጾሳቱዋ ዶሬዳ ዎደ፥ ጋድያን ኦላይ ደንዴዳ። ኦይታሙ ሻአ እስራኤልያ ኦላንቻቱዋ ግዱዋን እት ጎንዳሊ ዎይ እት ቶር ቤትቤና።
JDG 5:9 ታ ዎዛናይ እስራኤልያ ኦላ ጋዳዋቱዋና ደኤ። አሳ ግዶን ዶሲደ ባረንታ አꬂደ እሜዳዋንቱና ደኤ። መꬍና ጎዳ ጋላትተ!
JDG 5:10 ህንተንቶ፥ ቦꬃ ሀረቱዋ ቶግያዋንቶ፥ ህንተንቶ፥ ግላስያ ቦላን ኡቴዳዋንቶ፥ ኦግያና ሀመትያዋንቶ፥ ሀዋ ስስተ!
JDG 5:11 ሃꬃ ኦላቱዋ ማታን ሺቄዳ የꬃንቻቱዋ የꬃ ስስተ። ኡንቱንቱ መꬍና ጎዳይ ጽሎተꬃ ኦሱዋባ የጺኖ፤ ቃይ እስራኤልያ ኦላንቻቱዋ ጽሎተꬃ ኦሱዋባ የጺኖ። “ሄዋፐ ጉይያን፥ መꬍና ጎዳ አሳይ ካታማ ገልያ ፐንገቱዋኮ ዱገ ዎꬌዳ።
JDG 5:12 ድቦሬ! ቤጎታ! ቤጎታ! ቤጎታ! ቤጎታደ ማዝሙርያ የጻ። ባራቃ፥ ደንዳ! ኔኖ፥ አብኖኣማ ናአዉ፥ ነ ኦሞዱዋ አካደ ያ።
JDG 5:13 “ሄዋፐ ጉይያን፥ አቴዳ አሳቱ ካፓቱዋኮ ዱገ ዎꬌድኖ። መꬍና ጎዳ አሳቱ ኦለታናዉ ጊጊደ ድቦርኮ ዬድኖ።
JDG 5:14 አማሌቃ ዛራቱ በን ደኤዳ ሳኣን ደእያ፥ ኤፍሬማ አሳቱ ዬድኖ። ቃይ ቢንያማ አሳቱ ኡንቱንታ ካሌድኖ። ካፓቱ ማክራ ዛራቱዋፐነ፥ ኦላ ጋዳዋቱ ዛብሎና ዛራቱዋፐ ዱገ ዎꬌድኖ።
JDG 5:15 ይሳኮራ ካፓቱ ድቦርና ዬድኖ፤ ኤ፥ ይሳኮራ አሳይነ ባራቅካ ዬዳ፤ ኡንቱንቱ አ ጌዱዋ ካሊደ፥ ዛንጋራ ገሌድኖ። ሽን ሮቤላ ዛራቱ ቆፋን ሻከቲደ፥ ያናዋ አጋናዋ ቃችበይክኖ።
JDG 5:16 ኡንቱንቱ አያዉ አቴድኖ? ዶርሳቱዋ ሄምያዋንቱ እምቢልታ ስሳናዉ አቴድኖየ? ሮቤላ ዛራቱ ቆፋን ሻከቲደ፥ ያናዋ አጋናዋ ቃችበይክኖ።
JDG 5:17 ጋላኣደ አሳቱ ዮርዳኖሳ ሻፋፐ ሄፍንꬃን አቴድኖ። ዳና ዛራቱ ማርካባቱ ማታን አቴድኖ። አሴራ ዛራቱ ባረንቱ ደእያ ሳኣን፥ ሜድትራነ አባ ላንቂያን አቴድኖ።
JDG 5:18 ዛብሎና ዛራቱ ባረንቱ ሸምፑዋ ሀይቆ አꬂደ እሜዳ አሳቱዋ። ንፍታሌማ ዛራቱካ ኡንቱንቱዋዳን ኦላ ደምባን ባረንቱ ሸምፑዋ አꬂደ እሜድኖ።
JDG 5:19 ካተቱ ዪደ፥ ማግዶ ፑልቶቱዋ ማታን ደእያ ታእናካን ኦለቴድኖ። ሄ ካናነ ካተቱ ያን ኦለቲደ፥ ኦሞዳናዉ አያ ብራነ ደምቤይክኖ።
JDG 5:20 ሳሉዋን ደእያ ጾልንተቱካ ኦለቴድኖ። ባረንቱ ዩይያ ዩሻን ኡንቱንቱ ስሳራና ኦለቴድኖ።
JDG 5:21 ቂሾና ሻፋይ፥ በንፐ፥ ኤረቴዳ ቂሾና ሻፋይ ኩንꬂደ፥ ሄ ካተቱዋ ሾኪደ አፌዳ። ታ ሸምፓቴ፥ ስም ምና፤ ስንꬃዉ ጋልፋ።
JDG 5:22 ሄዋፐ ጉይያን፥ ፓራ አሳቱ አንዳራሰቲደ ዬድኖ። ፓራቱ ባረንቱ ኮትያን ጋድያ ጊርሴድኖ።
JDG 5:23 መꬍና ጎዳ ኪታንቻይ፥ ‘መሮዛ ሸቂተ! ያን ደእያ አሳ ኢሲደ ሸቂተ! አያዉ ጎፐ፥ ኡንቱንቱ መꬍና ጎዳዉ ኤቃናዉ ይበይክኖ። አ ዎልቃማ ሞርከቱዋና ኦለታናዉ ከስበይክኖ’ ያጌዳ።
JDG 5:24 “ቄና ሄቤራ ማቻታ ያኤላ ማጫ አሳ ኡባፐ አንጀቴዳኖ ግዱ። ዱንካነ ግዶን ደእያ ማጫ አሳ ኡባፐ እዛ አንጀቴዳኖ ግዱ።
JDG 5:25 ስሳር እዞ ሃꬃ ኦችና፥ ማꬃ አዉ እማዱ። ሎኦ ቃራባን መኤዳ ማꬃ አሃዱ።
JDG 5:26 እት ኩሽያ የዳደ ዱንካንያ ሽካልያ፥ ኡሸቻ ኩሽያን ኦሳንቻቱዋ ማርቴሉዋ ኦይቃዱ። ስሳራ ሁጲያን ꬎጋዱ፤ ሀይꬃ ካርያና ካንꬃ ከሳዱ።
JDG 5:27 ያትና፥ እ ቦልቁ ጊደ ኩንዴዳ። እ ሄ እዝ ገድያ ማታን ቦልቁ ጊደ ኩንዴዳ። ሄ ኩንዴዳ ሳኣን ሀይቄዳ።
JDG 5:28 ስሳራ ዳያ ማስኮትያና ጼላዱ። ‘ታ ናኣ ፓራ ጋሪ አያዉ ጋምኤዴ? ፓራቱ ኤሌሊደ አያዉ ስምበይክኖ?’ ያጋደ ኦቻዱ።
JDG 5:29 እዝ አꬌዳ ኤራንቻ ማጫ አሳቱ እዝ ኦሻ ዛሬድኖ። ሽን እዛ ባረ ቆፋን ዛራ ዛራደካ ሀዋዳን ያጋዱ፤
JDG 5:30 ኡንቱንቱ ኦሞዲደ ሻክያዋ ደመናን አግክኖ። እት እት ኦላንቻ እት እት ዎይ ላኡ ላኡ ዎዶራቱ ጋከናን አግክኖ። ስሳራዉ ኡንቱንቱ ሎእያ ማዩዋ እማና፤ ቃይ ታዉካ ቆꬍያን ጻጻናዉ፥ ጽልፍያን አሌቀቲደ ሎእያ ማዮቱዋ ኡንቱንቱ አሀና ያጋዱ።
JDG 5:31 “አቤት መꬍና ጎዳዉ፥ ነ ሞርከቱ ኡባይ ሄዋዳን ሀይቂኖ! ሽን ነ ሲቃቱ ጉራ ዶልያ አዋዳን ጶልኖ፤ አዋይ ባረ ዎልቃን ከስያዋዳን” ያጌድኖ። ሄዋፐ ጉይያን፥ ጋዲ ኦይታሙ ላይꬃ ዎፓ ደሜዳ።
JDG 6:1 እስራኤልያ አሳይ መꬍና ጎዳ ስንꬃን ዛረꬂደ ኢታባ ኦꬄዳ። ሄዋ ድራዉ፥ መꬍና ጎዳይ ኡንቱንታ ሚድያማ አሳዉ አꬂደ እሜዳ። ላፑን ላይꬃ ኡንቱንታ ሞዴድኖ።
JDG 6:2 ምድያማ አሳይ እስራኤልያ አሳ ቦላ ምኔዳ፤ እስራኤልያ አሳይ ኡንቱንቱፐ አታናዉ ደርያ ቦላን ቆሰቲያሳ፥ ጎንጎሉዋነ ጌሱዋ ጊግሴዳ።
JDG 6:3 እስራኤልያ አሳይ ካꬃ ዘሬዳ ዎደ ኡባን፥ ሚድያማ አሳይ አማሌቃ አሳናነ አዋይ ዶልያ ባጋ ጋድያን ደእያ አሳና ዪደ ኡንቱንታ ኦሊኖ።
JDG 6:4 ኡንቱንቱ ሄ ጋድያን ዱንካኒደ፥ ጋዛ ካታማ ጋካናዉ፥ ጋድያ ኡባ ቦላን ዶሌዳባ ꬋይስኖ፤ ዶርሳ፥ መህያነ ሀርያ ላጊደ አፍያ ድራዉ፥ እስራኤልያ አሳዉ አያነ አሽክኖ።
JDG 6:5 ባረንቱ መህያነ ባረንቱ ዱንካንያ አኪደ፥ ቦሊ ይያዋዳን ጮራቲደ ዪኖ፤ ኡንቱንታነ ኡንቱንቱ ጋሎቱዋ ፓይዳናዉ ዳንዳየተና፤ ኡንቱንቱ ዪደ ጋድያ ባይዝኖ።
JDG 6:6 እስራኤልያ አሳይ ሚድያማ አሳ ጋሱዋን ካዉሼዳ፤ ያቲደ ማዱዋ ደማናዉ መꬍና ጎዳኮ ዋሴዳ።
JDG 6:7 ሚድያማ አሳ ጋሱዋን እስራኤልያ አሳይ መꬍና ጎዳኮ ዋሴዳ ዎደ፥
JDG 6:8 መꬍና ጎዳይ ኡንቱንቱኮ እት ትምቢትያ ኦድያዋ ኪቴዳ። ትምቢትያ ኦድያዌ ኡንቱንታ፥ “መꬍና ጎዳይ እስራኤልያ ጾሳይ ሀዋዳን ያጌ፤ ‘ግብጼፐ፥ አይለተꬃ ጋድያፐ ታን ህንተንታ ከሳድ።
JDG 6:9 ታን ህንተንታ ግብጼ አሳ ኩሽያፐነ ኡቁንያ አሳ ኡባ ኩሽያፐ አሻድ፤ ህንተንቱ ስንꬃፐካ ኡቁንያ አሳ የደርሳደ፥ ኡንቱንቱ ጋድያ ህንተንቶ እማድ።
JDG 6:10 ያታደ ታን ህንተንታ፥ “ታን መꬍና ጎዳ ህንተንቱ ጾሳተነ፤ ህንተንቱ ኡንቱንቱ ጋድያ ላቴዳ አሞራዋናቱዋ ጾሳቶ ጎይኖፕተ” ያጋደ ኦዳድ። ሽን ህንተንቱ ታ ቃላ ስሰናን እጼድታ’ ያጌ” ያጌዳ።
JDG 6:11 ሄዋፐ ጉይያን፥ መꬍና ጎዳ ኪታንቻይ ኦፍራ ግያ ሳን ደእያ አብኤዘራ ያራ ዮኣሻ ዎላ ጋርሳን ኡቴዳ። ሄ ዎደ ዮኣሻ ናአይ ጌዶን ምድያማ አሳፐ ቆሰታናዉ ዎይንያ ኤሳ ጉምኢያሳን ዛርጋ ቡኬ።
JDG 6:12 ሄዋን መꬍና ጎዳ ኪታንቻይ አዉ ቤቲደ፥ “ላ ነኖ፥ ምኖ ኦላንቻዉ፥ መꬍና ጎዳይ ኔናና ደኤ” ያጌዳ።
JDG 6:13 ጌዶን አ፥ “ሀይ ታ ጎዳዉ! መꬍና ጎዳይ ኑናና ደእያዋ ግዶፐ፥ ሀ መቱ ኡባይ ያትና ኑና አያዉ ጋኬዴ? ኑ አዎቱ፥ ‘መꬍና ጎዳይ ኑና ግብጼ ጋድያፐ ከሴዳ’ ያጊደ ኑዉ ኦዴዳ ማላልስያ አ ኦሶቱ ኡባይ ሀቃን ደኢኖ? ሽን ሀእ መꬍና ጎዳይ ኑና ሙለ አጊደ፥ ሚድያማ አሳዉ አꬂደ እሜዳ” ያጌዳ።
JDG 6:14 ሄዋፐ ጉይያን መꬍና ጎዳይ አኮ ስሚደ፥ “ነዉ ደእያ ዎልቃን ባደ፥ እስራኤልያ አሳ ሚድያማ አሳ ኩሽያፐ አሻ። በአ፥ ኔና ኪትያዌ ታና” ያጌዳ።
JDG 6:15 ጌዶን፥ “አቤት መꬍና ጎዳዉ፥ ታን እስራኤልያ አሳ ዋታደ አሾ? ታ ያራይ ምናሰ ዛራቱዋ ኡባፐ አꬌዳ ላፋ፤ ታንካ ታ አዉዋ ሶ አሳ ኡባፐ ጉꬃ” ያጊደ ዛሬዳ።
JDG 6:16 መꬍና ጎዳይ፥ “ቱሙፐ ታን ኔናና ግዳና፤ እት አሳ ሾጭያዋዳን፥ ኔን ሚድያማ አሳ ሾጫደ ጾናና” ያጌዳ።
JDG 6:17 ጌዶን፥ “ኔን ታናን ናሸቴዳዋ ግዶፐ፥ ታናና ሃሳይያዌ ኔን ቱሙፐ ጾሳ ግድያዋ ታን ኤራና ማላ፥ ማላታ ታና በሳ።
JDG 6:18 ታን ጉየ ስማ ባደ፥ ነዉ እምያዋ አሀና ጋካናዉ፥ ሀያና ሀዋፐ ቦፓ” ያጌዳ። መꬍና ጎዳይ፥ “ኔን ስማና ጋካናዉ፥ ታን ሀዋን ናጋና” ያጌዳ።
JDG 6:19 ጌዶን ባረ ሶ ገሊደ፥ ቦልትቦልታ ዴሻ ማራ ሹኪደ ካꬄዳ፤ እት ታሙ ኪሎ ግራመ ግድያ ꬊልያ አኪደ፥ እርሹዋ የገናን ኡክꬃ ኡኬዳ። አሹዋ ማሶፍያን ዎꬂደ፥ ጫባ ከርያን ትጌዳ፤ ኡባካ አኪደ አፊደ፥ ዎላ ጋርሳን ኡቴዳ ጾሳ ኪታንቻዉ ሺሼዳ።
JDG 6:20 ጾሳ ኪታንቻይ አ፥ “አሹዋነ እርሹ ገልቤና ኡክꬃ አካደ፥ ሀ ሹቻ ቦላ ዎꬃ፤ ጫባካ አ ቦላ ትጋ” ያጌዳ፤ ሄዋፐ ጉይያን ጌዶን ሄዋዳን ኦꬄዳ።
JDG 6:21 መꬍና ጎዳ ኪታንቻይ ባረ ኩሽያን ኦይቄዳ ጻምኣ ጼራን አሹዋካ እርሹ ገልቤና ኡክꬃ ቦቼዳ፤ ታማይ ሹቻ ግዶፐ ከሲደ፥ አሹዋካ እርሹ ገልቤና ኡክꬃ ሜዳ፤ ሄዋፐ ጉይያን፥ መꬍና ጎዳ ኪታንቻይ አ ስንꬃፐ ጌሜዳ።
JDG 6:22 ጌዶን በኤዳዌ መꬍና ጎዳ ኪታንቻ ግድያዋ አኬኬዳ ዎደ፥ “አየ አና! ኡባ ሞድያ መꬍና ጎዳዉ፥ ታን መꬍና ጎዳ ኪታንቻ ታ አይፍያን በኣድ!” ያጌዳ።
JDG 6:23 ሽን መꬍና ጎዳይ፥ “ሳሩ ነዉ ግዶ! ያዮፓ! ሀይቃካ” ያጌዳ።
JDG 6:24 ጌዶን መꬍና ጎዳዉ ያርሽያ ሳኣ ያን ጊግሲደ፥ ሄ ሳኣ መꬍና ጎዳይ ሳሮ ጾሳ ያጊደ ሱንꬄዳ። ሄ ያርሽያ ሳአይ አብኤዘራ ያራቱዋሳ ግድያ ኦፍራን ሀቼ ጋካናዉ ኤቂደ ደኤ።
JDG 6:25 ሄ ጋላስ ቃማ መꬍና ጎዳይ ጌዶና፥ “ነ አዉዋ ቦራ ላኤንꬁዋ፥ ላይꬃይ ላፑና ግዴዳዋ አካ። ነ አዉ ባኣላ ጌተትያ ኤቃዉ ያርሽያ ሳኣ ኮላ፤ አ ጋጻን ደእያ አሼሮ ጌተትያ ማጫ ጾሳቱ ምስልያካ ቃንጸሬꬃ የጋ።
JDG 6:26 ሀ ደርያ ሁጲያን መꬍና ጎዳዉ፥ ነ ጾሳዉ፥ ሹቻፐ ያርሽያ ሳኣ ሎይꬃደ ጊግሳ፤ ሄዋፐ ጉይያን፥ ኔን ቃንጸሬꬄዳ አሼሮ ጌተትያ ጾሳቱ ምስልያ ቆኡዋ ኤꬃደ፥ ላኤንꬆ ቦራ ኡባና ጹግያ ያርሹዋ ኡዳደ ያርሻ” ያጌዳ።
JDG 6:27 ጌዶን ባረ ቆማቱዋፐ ታማቱዋ አኪደ፥ መꬍና ጎዳይ አዉ ኦዴዳዋዳን ኦꬄዳ። ሽን እ ባረ አዉዋ ሶ አሳዉነ ካታማን ደእያ አሳዉ ያዬዳ ድራዉ፥ ሄዋ ጋላሳን ኦꬅያዋ አጊደ ቃማን ኦꬄዳ።
JDG 6:28 ዎንታ ጉራን ካታማ አሳይ ደንዴዳ ዎደ፥ ባኣላ ጌተትያ ኤቃዉ ያርሽያ ሳአይ ኮለት ክቼዳዋነ አ ላንቂያን ደእያ አሼር ምስሊ ቃንጸቲደ ዎꬌዳዋ በኤዳ። ቃይ ኡንቱንቱ ያርሽያ ሳአይ ጊጌዳዋነ አ ቦላ ላኤንꬆ ቦራይ ያርሸቴዳዋ በኤድኖ።
JDG 6:29 ባረንቱ ግዶን፥ “ላ ሀዋ ኦꬄዳዌ ኦኔ?” ያጊደ እቱ እቱዋ ኦቼድኖ። ኡንቱንቱ ዩይ ዩዪደ ኦቺደ፥ ሄዋ ኦꬄዳዌ ዮኣሻ ናኣ ጌዶና ግድያዋ ኤሬድኖ።
JDG 6:30 ሄዋፐ ጉይያን ካታማ አሳይ ዮኣሻ፥ “ባኣላ ጌተትያ ኤቃዉ ያርሽያ ሳኣ ኮሌዳ ድራዉነ አ ላንቂያን ደእያ አሼር ምስልያ ቃንጸረꬂደ የጌዳ ድራዉ፥ ኑን አ ዎꬋና ማላ፥ ነ ናኣ ሃ ከሳ” ያጌዳ።
JDG 6:31 ዮኣሽ ባረ ቦላን ደንዴዳ አሳ ኡባ፥ “ህንተንቱ ባኣላዉ ሞተቲቴ? ዎይ ህንተንቱ አ አሻናዉ አባካቴ? ህንተንቱ ግዶፐ አዉ ሞተትያ ኡራይ ደኦፐ፥ ሳአይ ዎንታናዉ እ ሀይቆ! ባኣል ጾሳ ግዶፐ፥ ባረ ያርሽያ ሳኣ ኮሌዳዋና እ ባረዉ ሞተቶ” ያጌዳ።
JDG 6:32 ያትና፥ ሄ ጋላስ ዮኣሽ፥ “ኮለቴዳዌ አዉ ያርሽያ ሳኣ ግዴዳ ድራዉ፥ አናና ባኣል ሞተቶ” ያጊደ ጌዶና ሱንꬃ የሩባኣላ ጊደ ሱንꬄዳ።
JDG 6:33 ሄዋፐ ጉይያን፥ ሚድያማ ጋድያ አሳይ፥ አማሌቃ ጋድያ አሳይነ አዋይ ዶልያ ባጋ ጋድያ አሳይ ኡባይ እትፐ ሺቂደ፥ ዮርዳኖሳ ሻፋ ፕኔድኖ፤ እዝራኤላ ግያ ዎምባን ዱንካኔድኖ።
JDG 6:34 ሄዋፐ ጉይያን፥ መꬍና ጎዳ አያናይ ጌዶና ቦላ ዎꬌዳ፤ አብኤዘራ ያራ ግድያ አሳይ ኡባይ ባረና ካላና ማላ፥ ኡንቱንታ ጼሳናዉ ማላካታ ፑኔዳ።
JDG 6:35 ምናሰ ዛራቱዋ ኡባዉ አሳ ኪቲደ፥ ባረና ካላና ማላ ኡንቱንታካ ጼስሴዳ። ቃይ አሴራ ዛረቶ፥ ዛብሎና ዛረቶነ ንፍታሌማ ዛረቶ አሳ ኪትና፥ ኡንቱንቱካ አናና ኦላ ባናዉ ከሴድኖ።
JDG 6:36 ሄዋፐ ጉይያን ጌዶን ጾሳ፥ “ታን እስራኤልያ አሳ አሻና ማላ፥ ኔን ታና ዶሬዳዋ ታዉ ኦዴዳዋ ግዶፐ፥
JDG 6:37 በአ፥ ዛርጋ ቡክያ ኡዱማን ዶርሳ አጎዛ ታን ዎꬃና፤ ከተርሳይ ሄ ዶርሳ አጎዛ ጻላላን ደእና፥ ቢታ ኡባይ መላ ግዶፐ፥ ኔን ኦዴዳዋዳን፥ እስራኤልያ አሳ ኔን ታ ኩሽያን አሻናዋ ታን ኤራና” ያጌዳ።
JDG 6:38 እ ጌዳዋዳን ሀኔዳ። ዎንተꬃ ጋላስ ጉራ ጉራና ደንዲደ፥ ዶርሳ አጎዛ ጉምኤዳ ዎደ፥ እት ኩይጻሮ ግድያ ሃꬃይ አፐ ከሴዳ።
JDG 6:39 ያትና፥ ጌዶን ቃይካ ጾሳ፥ “ሀያና ሀንቀቶፓ! ታን ኔና ጉጃደካ እት ገደ ኦቻይ፤ ዶርሳ አጎዛ ቦላ ሀራ ማላታ በሳናዳን ታን ኔና ኦቻይ። ሀእ ቃይ ዶርሳ አጎዛይ መላ ግድና፥ ቢታይ እርጺደ ከተርሳታናዳን ኡዳርኪ” ያጌዳ።
JDG 6:40 ሄ ጋላስ ቃማ ጾሳይ ሄ ማላታ ኦꬄዳ። ዎንተꬃ ጋላስ ጉራ ዶርሳ አጎዛ መላ ግድና፥ ቢታ ኡባይ እርጺደ ከተርሳቴዳ።
JDG 7:1 የሩባኣላ ጌተትያ ጌዶንነ አናና ደእያ አሳይ ኡባይ ዎንታ ጉራን ደንድ ቢደ፥ ሀሮዳ ጌተትያ ፑልትያ ማታን ዱንካኔዳ። ሚድያማ ጋደ አሳቱካ ህንቱቱፐ ሁጲሳ ባጋና ሞረ ጌተትያ ደርያ ማታን ደእያ ዎምባ ግዶን ዱንካኔድኖ።
JDG 7:2 መꬍና ጎዳይ ጌዶና ሀዋዳን ያጌዳ፤ “ሚድያማ አሳ ታን ህንተንቱ ኩሽያን አꬃደ እማናዉ፥ ኔናና ደእያ አሳይ ዳሬዳ፤ እስራኤልያ አሳይ፥ ‘ኑ ዎልቃን አቴዶ’ ጊደ ታ ቦላ ጬቀተና ማላ፥ ምድያማ አሳ ታን ኡንቱንቶ አꬃደ እምከ።
JDG 7:3 ሄዋ ድራዉ፥ ሀእ አሳዉ፥ ‘ያሻን ኮኮርያ አሳይ ኦንነ ደኦፐ፥ ጋላኣደ ደርያፐ ስሚደ፥ ጉየ ባረ ሶ ባረ ሶ ቦ’ ያጋደ አዋያ” ያጌዳ። ያትና፥ ላታማነ ላኡ ሻአ አሳይ ጉየ ስሜዳ፤ ታሙ ሻአ አሳይ አቴዳ።
JDG 7:4 ሄዋፐ ጉይያን መꬍና ጎዳይ ጌዶና፥ “ሀእካ አሳይ ዳሬዳ። ኔን ኡንቱንታ ዱገ ሃꬃዉ አፋ፤ ታን ኡንቱንታ ነዉ ያን ሻካና። ታን፥ ‘ሀዌ ኔናና ቦ’ ግያዌ ኔናና ቦ፤ ታን፥ ‘ሀዌ ኔናና ቦፖ’ ግያዌ ቦፖ” ያጌዳ።
JDG 7:5 ያትና፥ ጌዶን አሳ ሃꬃኮ አፌዳ። መꬍና ጎዳይ ጌዶና፥ “ሀ አሳ ግዶፐ ጉልባቲደ ሃꬃ ኡሽያዋንታነ፥ ካናዳን ሃꬃ እንጻርሳን ላባጭ ላባጭ ኦꬂደ ኡሽያዋንታ ሻካ” ያጌዳ።
JDG 7:6 ባረንቱ ኩሽያን ሃꬃ ኮጰቲደ ላባጭ ኦꬂደ ኡሼዳዋንቱ ፓይዱ ሄዙ ጼታ፤ ሽን አቴዳዋንቱ ኡባይ ሃꬃ ኡሻናዉ ጉልባቴድኖ።
JDG 7:7 መꬍና ጎዳይ ጌዶና፥ “ባረንቱ ኩሽያን ሃꬃ ኤቁዋን ኮጰቲደ ላባጭ ኦꬄዳ ሄዙ ጼቱ አሳቱዋን ታን ህንተንታ አሻና፤ ሚድያማ አሳቱዋ ህንተንቶ አꬃደ እማና። ሽን አቴዳ አሳይ ኡባይ ባረ ሶ ባረ ሶ ስሞ” ያጌዳ።
JDG 7:8 ያትና፥ ጌዶን አሳቱዋ ሽንቃነ ማላካታ አኬዳ ሄዙ ጼቱ አሳቱዋ ባረናና አሺደ፥ የንኮ አሳ ኡባ ኡንቱንቱ ሶ ኡንቱንቱ ሶ የዴዳ። ሀ ኡባባይ ሀንያ ዎደ፥ ሚድያማ ኦላንቻቱ ኡንቱቱፐ ህርክ ባጋና ዎምባን ዱንካኒደ ኡቴድኖ።
JDG 7:9 ሄ ጋላስ ቃማን መꬍና ጎዳይ ጌዶና፥ “ታን ነዉ አꬃደ እሜዳ ድራዉ፥ ደንዳደ ኡንቱንቱ ዱንካኔዳ ሳኣን ኡንቱንቱና ኦላ ጋከታ።
JDG 7:10 ኔን ባደ ኦላናዉ ያዮፐ፥ ነ ቆማ ፑራ አካደ፥ ኡንቱንቱ ዱንካኔዳ ሳኣ ዱገ ባደ፥
JDG 7:11 ኡንቱንቱ ግያዋ ስሳ። ሄዋፐ ጉይያን፥ ኔን ኡንቱንታ ኦላናዉ ምናና” ያጌዳ። ጌዶንነ አ ቆማይ ፑር፥ ምድያማቱ ዱንካኔዳ ሳኣ ጋጻን ናግያ ኦላንቻቱዋኮ ቤድኖ።
JDG 7:12 ሄ ዎደ ቦልያዳን ጮራቴዳ ሚድያማ አሳይ፥ አማሌቃ አሳይነ አዋይ ዶልያ ባጋና ደእያ አሳይ ኡባይ ዎምባ ግዶን ዱንካኒደ ኡቴድኖ። ኡንቱቱ ጋሎቱ አባ ዶናን ደእያ ሻፍያዳን ፓይዳናዉ ዳንዳየተናዋንታ።
JDG 7:13 ጌዶን ያ ጋክያ ዎደ፥ እት ብታኒ ባረ አኩመቴዳ አኩሙዋ ባረ ላግያዉ ኦዴ፤ “ስሳ፥ ታን አኩሙዋ አኩመታድ። እት ባንጋ ኡክꬃይ ጎንዶረቲደ፥ ሚድያማቱ ዱንካኔዳ ሳኣ ዬዳ። ጋኪደ ዱንካንያ ዶምኤዳ፤ ዱንካኒ አꬍ ዎꬊደ ምጨቴዳ” ያጌዳ።
JDG 7:14 ሄዋፐ ጉየ አ ላጊ ዛሪደ፥ “ሄዌ እስራኤልያ ዮኣሻ ናኣ ጌዶና ማሻፐ አትና፥ ሀራባ ግደና። ጾሳይ ሚድያማነ ምድያማቱዋና ደእያ ኦላንቻቱዋ ኡባ ጌዶናዉ አꬂደ እሜዳ” ያጌዳ።
JDG 7:15 ጌዶን ሄ ኦዴዳ አኩሙዋነ አኩሙዋ ብርሸꬃ ስሴዳ ዎደ፥ ጉልባቲደ ጾሳዉ ጎይኔዳ። ሄዋፐ ጉይያን፥ እስራኤላቱ ዱንካኔዳ ሳኣ ጉየ ስሚደ፥ “ደንድተ! መꬍና ጎዳይ ሚድያማ ኦላንቻቱዋ ህንተንቱ ኩሽያን አꬂደ እሜዳ!” ያጌዳ።
JDG 7:16 ሄዙ ጼቱ አሳቱዋ ሄዙ ጭታን ሻኬዳ፤ ኡንቱንቶ ሁጲያን ሁጲያን እት እት ማላካታነ ግዶን ኤጽያ ጾምፒ ደእያ እት እት ጻሩዋ እሜዳ።
JDG 7:17 ኡንቱንታ፦ “ታኮ ሃ ጼሊደ፥ ታን ኦꬅያዋ ኦꬅተ። ታን ኡንቱንቱ ዱንካኔዳ ሳኣ ማታ ጋካደ ኦꬅያዋዳን፥ ህንተንቱካ ኦꬅተ።
JDG 7:18 ታንነ ታናና ደእያዋንቱ ኡባቱ ማላካታ ፑንያ ዎደ፥ ህንተንቱካ ኡንቱንቱ ዱንካኔዳ ሳኣ ዩይ አꬊደ፥ ህንተንቱ ማላካታ ፑኒደ፥ ‘መꬍና ጎዳዉነ ጌዶናዉ!’ ያጊደ ዋስተ” ያጌዳ።
JDG 7:19 ቃማዉ ግዶ ግሹዋ ግዳናዉ ጉꬃ አትደእሽን፥ ናግያ ኦላንቻቱ ላመቴዳዋፐ ጉይያን፥ ጌዶንነ አናና ደእያ ጼቱ አሳቱ ቢደ፥ ሚድያማቱ ዱንካኔዳ ሳኣ ማታ ጋኪደ ባረንቱ ማላካታ ፑኔድኖ፤ ባረንቱ ኦይቄዳ ጻሩዋ ኡባካ መንꬄድኖ።
JDG 7:20 ሀራ ባጋና ደእያ ላኡ ጭታቱካ ባረንቱ ማላካታ ፑኒደ፥ ጻሮቱዋካ መንꬄድኖ፤ ሀድርሳ ኩሽያን ኤጽያ ጾምፕያ፥ ኡሸቻ ኩሽያን ማላካታ ኦይቂደ ፑኒደ፥ “መꬍና ጎዳዉነ ጌዶናዉ ማሻን ኦለቴቶ!” ያጊደ ዋሴድኖ።
JDG 7:21 አሳይ ኡባይ ሚድያማቱ ዱንካኔዳ ሳኣ ዩሹዋን ባረ ሳኣን ሳኣን ኤቂደእሽን፥ ሚድያማ ኦላንቻቱ ኡባይ ዋሲደ ባቃቴድኖ።
JDG 7:22 ጌዶና አሳይ ሄዙ ጼቱ ማላካታ ፑኔዳ ዎደ፥ ሞርከቱዋ ኦላንቻቱ ባረንቱ ማሻን እቱ እቱዋ ዎꬋናዳን መꬍና ጎዳይ ኦꬄዳ፤ ያትና፥ አቴዳ ኦላንቻቱ ጽሬራኮ ስሚደ፥ ቤትሺጻ ጌተትያ ካታማ ጋካናዉ፥ ሄዋፐካ አꬊደ፥ ጻባታ ማታን ደእያ አቤል-ማሆላ ጋካናዉ ባቃቴድኖ።
JDG 7:23 ሄዋፐ ጉይያን ጌዶን፥ ንፍታሌማ ዛርያፐ፥ አሴራ ዛርያፐነ ምናሰ ዛራቱዋ ኡባፐ እስራኤልያ አሳ ጼሲደ ሺሽና፥ ኡንቱንቱ ሚድያማቱዋ የደርሴድኖ።
JDG 7:24 ኤፍሬማ ገዝያን ደእያ አሳ ኡባኮ ጌዶን አሳ ኪቲደ፥ “ሚድያማ አሳ ኦላናዉ ዱገ ዎꬍተ፤ ቤትባና ጋካናዉ ደእያ ዮርዳኖሳ ሻፋነ አን ገልያ ቄር ሻፋቱዋ ኡንቱቱፐ ካሰቲደ ኦይቂተ” ያጌዳ። ሄዋፐ ጉየ ኤፍሬማ አሳይ ኡባይ ጼገት ሺቂደ፥ ቤትባራ ጋካናዉ ዮርዳኖሳ ሻፋነ አን ገልያ ቄር ሻፋቱዋ ኦይቄዳ።
JDG 7:25 ኦሬባነ ዛኤባ ጌተትያ ሚድያማቱዋ ካፓቱዋ ላኡዋ ኦሞዴድኖ፤ ኦሬባ ኦሬባ ዛላ ግያ ሳን ዎꬌድኖ፤ ዛኤባ ቃይ ዛኤባ ዎይንያ ጉምእያ ሳኣ ግያ ሳኣን ዎꬌድኖ። ሄዋፐ ጉየና አቴዳ ሚድያማቱዋ የደርሲደ፥ ኦሬባ ቆꬍያነ ዛኤባ ቆꬍያ ሙጬድኖ፤ ኡንቱንቱ ጉገቱዋ ጌዶናኮ አሄድኖ። ሄ ዎደ ጌዶን ዮርዳኖሳ ሻፋፐ ሄፍንꬃ አዋይ ዶልያ ባጋና ደኤዳ።
JDG 8:1 ሄዋፐ ጉይያን፥ ኤፍሬማ አሳይ ጌዶና፥ “ሚድያማቱዋ ኦላናዉ ባደ ኑና አያዉ ጼሳበይኪ? ኑና አያዉ ሀዋዳን ኦꬃዲ?” ያጊደ ሎይꬅ ፓሉመቴድኖ።
JDG 8:2 ሽን ጌዶን ዛሪደ፥ “ታን ኦꬄዳዋፐ ህንተንቱ ኦꬄዳዌ አነየ? ታ ያራቱ አብኤዘራቱ ሺሼዳ ሙለ ካꬃፐ ህንተንቱ ኤፍሬማ ዛራቱ ቆሬዳ ቃርሚ ኬከነየ?
JDG 8:3 ሚድያማቱዋ ካፓቱዋ፥ ኦሬባነ ዛኤባ ጾሳይ ህንተንቱ ኩሽያን አꬂደ እሜዳ። ህንተንቱ ኦꬄዳዋ ማላ፥ ታን አይ ኦꬃናዉ ዳንዳያይታ?” ያጌዳ። እ ሄዋዳን ጊና፥ ኡንቱንቱ ሀንቁዋፐ ዛርቤድኖ።
JDG 8:4 ጌዶንነ አናና ደእያ ሄዙ ጼቱ አሳይ ዮርዳኖሳ ሻፋ ዪደ ፕኔድኖ፤ ኡንቱንቱ አይ ዳቡሮፐካ፥ ባረንቱ ሞርከቱዋ የደርስያዋ አግበይክኖ።
JDG 8:5 የደርሲደ ሱኮታ ጋኬዳ ዎደ፥ ጌዶን ካታማ አሳ፥ “ታ አሳይ ዳቡሬዳ ድራዉ፥ ሀያና አማሬዳ ኡክꬃ እሜርክቴ። ታን ሚድያማቱዋ ካተቱዋ ዘባሀነ ጻልሙናአ የደርሳደ ደአይ” ያጌዳ።
JDG 8:6 ሄዋፐ ጉየ ሱኮታ ካታማ ካፓቱ፥ “ዘባሀነ ጻልሙናአ ኔን ኦሞዳበይካሽን፥ ነ ኦላንቻቶ አያዉ ኡክꬃ እማኔ?” ያጌድኖ።
JDG 8:7 ያትና፥ ጌዶን፥ “ሎአ አይነ ባዋ! መꬍና ጎዳይ ዘባሀነ ጻልሙናአ ታ ኩሽያን አꬂደ እምያ ዎደ፥ ታን መላ ቢታ አጉንꬃንነ ክንድቹዋን ህንተንታ ዋꬋና” ያጌዳ።
JDG 8:8 ሄዋፐ ፓኑኤላ ግያ ሳኣ ቤዳ፤ ያን ደእያ አሳካ ሄ ኦሻ ኦቼዳ። ሽን ፓኑኤላ አሳይካ ሱኮታ ካታማ አሳይ ዛሬዳዋዳን ዛሬዳ።
JDG 8:9 ያትና፥ ፓኑኤላ አሳካ፥ “ታን ጾናደ ሳሮ ስምያ ዎደ፥ ህንተንቱ ካታማ ናግያ ሀ አዱሳ ግምቢያ ላላና” ያጌዳ።
JDG 8:10 ዘባህነ ጻልሙናእ አዋይ ዶልያ ባጋፐ ዬዳ ኦላንቻቱዋፐ አቴዳ ባረንቱ ታማነ እቼሹ ሻአ ኦላንቻቱዋና ቃርቆራ ጌተትያ ካታማን ደኢኖ። ካሰ አዋይ ዶልያ ባጋፐ ዬዳ ኦላንቻቱዋፐ ማሻን ኦለትያ እት እት ጼታነ ላታሙ ሻአ ግድያ ኦላንቻቱ ኦላን ሀይቂ ዉሬድኖ።
JDG 8:11 ጌዶን ኖባሀፐነ ዮግባሀፐ አዋይ ዶልያ ባጋን ደእያ ዛላናቱዋ ጋጻ ኦግያና ቢደ፥ ሄዋን ደእያ ኦላንቻቱዋ ቦላ ኡንቱንቱ አኬከናን ደእሽን ዎራጄዳ፤
JDG 8:12 ኡንቱንቱ ኡባይ ዳጋሜድኖ። ሚድያማ ካተቱ ዘባህነ ጻልሙናእ ላአቱካ ባቃቴድኖ፤ ሽን ጌዶን ኡንቱንታ የደርስ ጋኪደ ኦሞዴዳ።
JDG 8:13 ዮኣሻ ናአይ ጌዶን ኦላፐ ሄሬሳ ፕኑዋና ስሜዳ።
JDG 8:14 ሱኮተፐ እት ዎዳላ ኦይቂደ ኦቼዳ። ዎዳላይ ሱኮታ ካፓቱነ ጭማቱዋ ላፑን ታማነ ላፑናቱዋ ሱንꬃ ጻፊደ አዉ እሜዳ።
JDG 8:15 ሄዋፐ ጉይያን፥ ጌዶን ሱኮታ አሳኮ ዪደ፥ “ ‘ዘባሀነ ጻልሙናአ ኔን ኦሞዳበይካሽን፥ ነ ዳቡሬዳ አሳዉ አያዉ ኡክꬃ እማኔ?’ ጊደ ህንተንቱ ታና ቅሊጬድታ፤ ሽን ዘባሀነ ጻልሙናአ ሀዋንታ በእተ” ያጌዳ።
JDG 8:16 ሄዋፐ ጉይያን፥ መላ ቢታ አጉንꬃንነ ክንድቹዋን ዋꬊደ፤ ሱኮታ ካፓቱዋ ቃጻዬዳ።
JDG 8:17 ቃይ ፓኑኤላን ካታማ ናግያ አዱሳ ግምቢያ ላሊደ፥ ካታማን ደእያ አቱማ አሳ ዎꬌዳ።
JDG 8:18 ያቲደ ጌዶን ዘባሀነ ጻልሙናአ፥ “ህንተንቱ ታቦራን ዎꬌዳ አሳቱ አይ ማሌ?” ያጊደ ኦቼዳ። ሽን ኡንቱንቱ፥ “ነ ማላ፤ ኡንቱንቱ ኡባይካ ካትያ ናና ማላትኖ” ያጊደ ዛሬድኖ።
JDG 8:19 ጌዶን፥ “ኡንቱንቱ ታ እሻቱዋ፤ ኡንቱንቱ ታ ዳይ ናና። መꬍና ጎዳይ ኤሮ! ህንተንቱ ኡንቱንታ ዎꬍቤናዋ ግድንቶ፥ ታንካ ህንተንታ ዎꬍከ ሽን” ያጌዳ።
JDG 8:20 ባረ ባይራ ናኣ የተራ፥ “ደንዳ ኤቃደ፥ ሀዋንታ ዎꬋ” ያጌዳ። ሄዋፐ ጉየ የተር ብሮ ያላጋ ግዴዳ ድራዉ ያዪደ፥ ባረ ማሻ ሾድቤና።
JDG 8:21 ሄዋፐ ጉይያን፥ ዘባህነ ጻልሙናእ ጌዶና፥ “ደንዳ ኤቃደ፥ ኔን ኑና ዎꬋ። አቱማ አሳ ኦሱዋ ኦꬃናዉ አቱማ አሳ ኮሼ” ያጌድኖ። ያትና፥ ጌዶን ደንዲደ፥ ኡንቱንታ ዎꬌዳ፤ ኡንቱንቱ ጋላቱዋ ቆꬍያን ደእያ አሌቁዋ ኡባ አኬዳ።
JDG 8:22 ሄዋፐ ጉይያን፥ እስራኤልያ አሳይ ጌዶና፥ “ኔን ኑና ሚድያማ አሳፐ አሼዳ ድራዉ፥ ኔን፥ ኔፐ ጉይያን ነ ናአይነ ነ ናኣ ናአይ ኑና ሞድተ” ያጌዳ።
JDG 8:23 ሄዋፐ ጉየ ጌዶን፥ “ታን ህንተንታ ሞድከ፤ ታ ናአይካ ህንተንታ ሞደና፤ መꬍና ጎዳይ ህንተንታ ሞዶ” ያጌዳ።
JDG 8:24 ኡንቱንታ፥ “አነ ታን ህንተንታ እትባ ኦቻይ: ህንተንቱ ኡባይ ኦሞዲደ አሄዳ ሀይꬃ ዎርቃ ታዉ እምተ” ያጌዳ። እስማኤላ አሳዳን፥ ሚድያማ ቢታ አሳቱካ ሀይꬃን ዎርቃ ዎꬂኖ።
JDG 8:25 እስራኤልያ አሳይ ዛሪደ፥ “ኤኖ፥ ኑ እማና” ያጌዳ። አፍላ ሂጺደ አሳይ ኡባይ ባረ ኦሞዴዳ ሀይꬃ ዎርቃ ሂጸቴዳ አፍላ ቦላን ዎꬄዳ።
JDG 8:26 ጌዶን አኬዳ ሀይꬃ ዎርቃይ ላታሙ ኪሎ ግራመ ዴጽያዋ። ሄዌነ፥ ሀራ አሌቂያዋንታ፥ ቆꬍያን አꬅያ ሀብልያ፥ ምድያማቱዋ ካተቱ ማይያ ኦቻ ቴራ ማላትያ ማዮቱዋነ ኡንቱንቱ ጋሎቱዋ ቆꬍያፐ አከቴዳ አሌቂያዋንታ ጉጀናና።
JDG 8:27 ጌዶን ዎርቃፐ ኤፉድያ ጊግሲደ፥ ባረ ደእያ ኦፍራ ካታማን ዎꬄዳ። ጉየፐ እስራኤልያ አሳይ ኡባይ ጾሳ አጊደ፥ ሄ ኤፉድያዉ ጎይኔዳ፤ ጌዶናዉነ አ ሶ አሳዉ ሄዌ ጲረ ግዴዳ።
JDG 8:28 ሄዋዳን ሀኒደ፥ ሚድያማ አሳይ እስራኤልያ አሳዉ ሞደቴዳ፤ ኡንቱንቱ እስራኤልያ አሳ ቦላ ላኤንꬁዋ ደንድበይክኖ። ጌዶን ሀይቃና ጋካናዉ፥ ኦይታሙ ላይꬃ ጋዲ ዎፓ ደሜዳ።
JDG 8:29 ዮኣሻ ናአይ፥ የሩባኣላ ጌተትያ ጌዶን ባረ ሶ ጉየ ቢደ፥ ባረ ጎለን ደኤዳ።
JDG 8:30 ጌዶን ጮራ ማችያ አኬዳ ድራዉ፥ አዉ ላፑን ታሙ አቱማ ናናይ የለቴድኖ።
JDG 8:31 ቃይ ሰኬማ ካታማን ደእያ ቆማታ አቱማ ናኣ አዉ የልና፥ ሱንꬃ አብመሌካ ያጊደ ሱንꬄዳ።
JDG 8:32 ዮኣሻ ናአይ ጌዶን ሎኦ ጭሚደ ሀይቄዳ፤ ባረ አዉዋ ዮኣሻ ዱፉዋን ሞገቴዳ። ሀ ዱፉ አብኤዘራ ያራቱ ደእያ ኦፍራ ካታማን ደኤ።
JDG 8:33 ጌዶን ሀይቄዳዋፐ ጉይያን፥ እስራኤልያ አሳይ ጾሳፐ ጉየ ስሚደ፥ ባኣላ ጌተትያ ጾሳቶ ጎይኔዳ፤ ባኣል-ባሪታ ጌተትያ ኤቃ ባረንቶ ጾሳ ኦꬄድኖ።
JDG 8:34 ያቲደ እስራኤልያ አሳይ ኡንቱንቱ ዩሹዋን ደእያ ሞርከቱዋ ኡባፐ ኡንቱንታ አሼዳ መꬍና ጎዳ ባረንቱ ጾሳ ሀሳይበይክኖ።
JDG 8:35 ቃይ ጌዶን እስራኤልያ አሳዉ ኦꬄዳ ሎኦ ኦሱዋ ኡባዉ፥ ኡንቱንቱ አ ሶ አሳዉ ኬካን ኩሽያ ዛርበይክኖ።
JDG 9:1 ጌዶና ናአይ አብመሌክ ሰኬማ ካታማን ደእያ ባረ ዳይ ዳቦቱዋኮ ቤዳ፤ ኡንቱንታነ ባረ ዳይ ዘረꬃ ኡባቱዋ ሀዋዳን ያጌዳ፤
JDG 9:2 “አነ ሰኬማ ካታማን ደእያ አሳ ኡባ ሀዋዳን ያጊደ ኦችተ፤ ‘ጌዶና ላፑን ታሙ ናናይ ኡባይ ህንተንታ ሞዶፐ ሎኤየ? ዎይ እት አሳይ ሞዶፐ ሎኤ?’ ያጊደ ኦችተ። ታን ህንተዉ አሹዋን ማታ ዳቦ ግድያዋ ቃይ ዶጎፕተ” ያጌዳ።
JDG 9:3 ሄዋፐ ጉየ እዝ ዳይ ዳቦቱ ሀ ቃላ ኡባ አ ድራዉ ሰኬማ ካታማ አሳዉ ኦዴድኖ፤ አብመሌክ ኡንቱንቶ ዳቦ ግዴዳ ድራዉ፥ ሰኬማ አሳይ አ ካላናዉ ቆፋ ቃቼዳ።
JDG 9:4 ያጊደ ኡንቱንቱ ባኣል-ባሪታ ኤቃ ጎልያፐ ላፑን ታሙ ጻጋራ ብራ አኪደ፥ አዉ እሜድኖ። አብመሌክ ሄ ብራን ሹፉሮቱዋነ ቦንቂያዋንታ ቃጻሪደ፥ ባረና ካላናዳን ኦꬄዳ።
JDG 9:5 ኦፍራ ግያ ሳን ደእያ ባረ አዉዋ ሶ ቢደ፥ ባረ እሻቱዋ፥ ጌዶና ናና ላፑን ታማቱዋ፥ እት ሹቻ ቦላን ሲፍሴዳ። ሽን ጌዶና ናአይ፥ ዉርሰꬃ ቴፋይ፥ ዮኣታመ ቆሰቲደ፥ ሀይቀናን አቴዳ።
JDG 9:6 ሄዋፐ ጉይያን፥ ሰኬማ አሳይነ ቤትሚሎ አሳይ እትፐ ሺቂደ፥ ሰኬማን ደእያ ጎይንያ ዎላ ቱሳኮ ቤድኖ፤ ያን አብመሌካ ካተዬድኖ።
JDG 9:7 ዮኣታመ ሄዋ ስሴዳ ዎደ፥ ቢደ ጋሪዛማ ደርያ ጼራ ከሲደ፥ ባረ ቃላ ꬎቁ ኦꬂደ፥ ሀዋዳን ያጊደ ዋሴዳ፤ “ህንተንቶ ሰኬማ አሳቶ፥ ህንተንቱ ታን ኦድያዋ ስስተ! ጾሳይካ ህንተንቱ ኦድያዋ ስሳናዋ።
JDG 9:8 “እት ጋላስ ምꬃቱ ኡባይ ሺቂደ፥ ባረንቱ ቦላ ካትያ ካተያናዉ ቢደ ዎጋራ፥ ‘ሃያ፥ ኑ ቦላ ካተታ’ ያጌድኖ።
JDG 9:9 ሽን አትክልትያ ሳአይ፥ ‘ታ ህንተንቱ ቦላ ካተታና ኮሽያዋ ግዶፐ፥ ጾሳቱዋነ አሳቱዋ ቦንችስያ ታ ዛይትያ እምያዋ አጋይ ግያዋ’ ያጊደ ዛሬዳ።
JDG 9:10 “ሄዋፐ ጉይያን፥ ምꬃቱ ባላስያ ጌተትያ ምꬃ፥ ‘ሃያ፥ ኑ ቦላ ካተታ’ ያጌድኖ።
JDG 9:11 ሽን ባላሲ፥ ‘ታ ህንተንቱ ቦላ ካተታና ኮሽያዋ ግዶፐ፥ ማልእያ ሎኦ አይፍያ አይፍያዋ አጋይ ግያዋ’ ያጊደ ዛሬዳ።
JDG 9:12 “ያትና፥ ምꬃቱ ዎይንያ ቱራ፥ ‘ሃያ፥ ኑ ቦላ ካተታ’ ያጌድኖ።
JDG 9:13 ሽን ዎይንያ ቱራይ፥ ‘ታ ህንተንቱ ቦላ ካተታና ኮሽያዋ ግዶፐ፥ ጾሳቱዋነ አሳቱዋ ናሸችያ ዎይንያ ኤሳ እምያዋ አጋይ ግያዋ’ ያጊደ ዛሬዳ።
JDG 9:14 “ያትና፥ ዉርሰꬃን ምꬃቱ ኡባይ ካሽያ፥ ‘ሃያ፥ ኑ ቦላ ካተታ’ ያጌድኖ።
JDG 9:15 ሄዋፐ ጉየ ካሺ፥ ‘ህንተ ቱሙፐ ታና ህንተንቱ ቦላ ካተያናዉ ኮዮፐ፥ ሃ ዪደ ታ ኩዋን ሸምፕተ። ሄዋ ህንተንቱ እጾፐ፥ ካሺያፐ ታማይ ከሲደ፥ ሊባኖሳ ዝጋቱዋ ሞ’ ያጌዳ።
JDG 9:16 “አብመሌካ ህንተንቱ ካተዬዳዌ ቱማተꬃንነ ሱረተꬃነ? ጌዶን ህንተንቶ ኦꬄዳዋ አኬኪደ፥ አ ጎለ አሳዉ በስያዋዳን ኩሽያ ዛሬድቴ?
JDG 9:17 ታ አዉ ህንተንቶ ኦለቴዳዋ አኬክተ፤ ሚድያማ አሳፐ ህንተንታ አሻና ያጊደ፥ ባረና ሀይቆ አꬂደ እሜዳ።
JDG 9:18 ሽን ህንተንቱ ሀቼ ታ አዉዋ ጎልያ አሳ ቦላን ደንዲደ፥ አ ላፑን ታሙ ናና እት ሹቻ ቦላን ሲፌድታ፤ ጌዶን ቆማትፐ የሌዳ አብመሌክ ህንተንቶ ዳቦ ግዴዳ ድራዉ፥ ሰኬማን ካተዬድታ።
JDG 9:19 ሀእ ስም ጌዶናዉነ አ ጎልያ አሳቶ ህንተንቱ ኦꬄዳ ኪታይ ቱማተꬃናነ ሱረተꬃና ግዶፐ፥ አብመሌካና እትፐ ናሸትተ፤ እካ ህንተናና ናሸቶ።
JDG 9:20 ሽን ሄዋ ግዳና ꬋዮፐ፥ አብመሌካፐ ታማይ ከሲደ፥ ሰኬማ አሳነ ቤትሚሎ አሳ ሞ፤ ሄዋዳንካ ቃይ፥ ሰኬማ አሳፐነ ቤትሚሎ አሳፐ ታማይ ከሲደ፥ አብመሌካ ሞ” ያጌዳ።
JDG 9:21 ዮኣታመ ባረ እሻ አብመሌካዉ ያዬዳ ድራዉ፥ ባቃቲደ ባኤራ ግያ ሳኣ ቢደ ያን ደኤዳ።
JDG 9:22 አብመሌክ እስራኤልያ ጋድያን ሄዙ ላይꬃ ካተቴዳ።
JDG 9:23 ሄዋፐ ጉይያን፥ ጾሳይ አብመሌካፐነ ሰኬማ አሳፐ ግዱዋን ኢታ አያና ኪቴዳ፤ ሰኬማ አሳይ አብመሌካ ቦላ አማነተናን እጺደ ደንዴዳ።
JDG 9:24 ጾሳይ ሄዋ ኦꬄዳዌ፥ አብመሌክ ባረ እሻቱዋ ዎꬌዳ ድራሳነ ጌዶና ላፑን ታሙ ናና ሱꬃ ሀሉዋ እ ጭገታናዳን ሰኬማ አሳይ አ ምንꬄዳ ድራሳ።
JDG 9:25 ሰኬማ አሳይ አማሬዳ አሳ ዶሪደ፥ ደርያ ጼራን አብመሌካ ቦላ ሙጊደ ኡታናዳን ኦꬄዳ። ሙግ ኡቴዳዋንቱ ኦግያና መንꬅያ አሳ ኡባ ቦንቄድኖ፤ አብመሌክ ሄዋ ኡባ ስሴዳ።
JDG 9:26 ሄዋፐ ጉይያን፥ ኤቤዳ ናአይ ጋኣል ባረ እሻቱዋና ሰኬማ ዬዳ፤ ሰኬማ አሳይ አን አማነቴዳ።
JDG 9:27 ኡባይካ ባረንቱ ጋደ ቢደ፥ ዎይንያ ቴራ ማጼድኖ፤ ዎይንያ ኤሳ አጊደ፥ ዎልቃማ ባላ ከሴድኖ። ባረንቱ ኤቃ ጎልያ ገሊደ፥ ያን ሚድነ ኡሺደ አብመሌካ ሸቄድኖ።
JDG 9:28 ኤቤዳ ናአይ ጋኣል፥ “ኑን ሰኬማ አሳይ ሞደታናዉ አብመሌክ ኦኔ? እ ጌዶና ናኣ ግደኔ? ዛቡልካ ሀ ካታማ ሞዳናዳን አብመሌክ ሱንꬄዳዋ ግደኔ? ሄዋፐ ሸኬማ አዉዋ ሀሞራ ዛረቶ አነ ሞደቴቶ።
JDG 9:29 ሀ አሳ ካለꬅያዌ ታና ግዳርክታሻ! ያትንቶ ታን አብመሌካ ድጋና ሽን። አብመሌካ ጼሳደ፥ ‘ነ ኦላንቻቱዋ ዳርሳ አካደ፥ ኦለታናዉ ሃያ’ ያጋና ሽን” ያጌዳ።
JDG 9:30 ኤቤዳ ናአይ ጋኣል ጌዳዋ ካታማ ሞድያ ዛቡል ስሴዳ ዎደ፥ ሀንቁዋ ኤጽ ከሴዳ፤
JDG 9:31 ያቲደ አሩማ ካታማን ደእያ አብመሌካኮ አሳ ኪቴዳ። ሄዋፐ፥ “ኤቤዳ ናአይ ጋኣልነ አ እሻቱ ሰኬማ ዬድኖ፤ ካታማን ደእያ አሳ ነ ቦላ ደንꬄድኖ።
JDG 9:32 ሄዋ ድራዉ፥ ኔንነ ኔናና ደእያ አሳይ ቃማን ደንዲደ፥ ሾይቃን ሙጊደ ናግተ።
JDG 9:33 ዎንታ ጉራ አዋይ ኬሲያ ዎደ፥ ኡንቱንቱ አኬከናን ካታማ ቦላ ዎራጅተ፤ ጋኣልነ አናና ደእያ አሳይ ህንተንታ ኦላናዉ ከስያ ዎደ፥ ህንተንቶ ሀኔዳ ኬሻ ምኒደ ኦለትተ” ያጌዳ።
JDG 9:34 አብመሌክነ አናና ደእያ አሳይ ኡባይ ቃማን ደንዲደ፥ ሰኬማፐ ካረና ኦይዱ ጭታን ሻከቲደ ሙጌድኖ።
JDG 9:35 አብመሌክነ አናና ደእያ አሳይ ኤቤዳ ናአይ ጋኣል ከሲደ፥ ካታማ ገልያ ፐንግያን ኤቄዳዋ በኢደ፥ ቆሰቴዳ ሳፐ ከሴድኖ።
JDG 9:36 ጋኣል አሳ በኤዳ ዎደ ዛቡላ፥ “ጼላ! አሳይ ደረቱዋ ሁጲያፐ ዎꬌ” ያጌዳ። ሄዋፐ ጉየ ዛቡል፥ “ሄዋንቱ አሳ ግድክኖ፤ ደረቱዋ ኤሹ አሳ ማላትያዋ በኣደ ጋዳ” ያጊደ ዛሬዳ።
JDG 9:37 ጋኣል ዛረꬂደ፥ “ጼላ! አሳይ ደርያዉ ግዱዋ ኦይቂደ ዎꬌ፤ ሀራ ጭታይ ቃይ ሻሬቻቱ ዎላይ ደእያ ኦግያና ዬ” ያጌዳ።
JDG 9:38 ያትና፥ ዛቡል ጋኣላ፥ “ ‘ኑን አዉ ሞደታናዉ አብመሌክ ኦኔ?’ ያጌዳ ነ ዶናይ ሀእ ሀቃ ቤዴ? ሀዋንቱ ኔን ካꬌዳ አሳቱዋ ግድክኖየ? ሀእ ከሳደ ኡንቱንቱና ኦለታ!” ያጌዳ።
JDG 9:39 ሄዋፐ ጉየ ጋኣል ሰኬማ አሳ ካለꬅ ከሲደ፥ አብመሌካና ኦለቴዳ።
JDG 9:40 አብመሌክ የደርስና፥ ጋኣል ባቃቴዳ፤ ካታማ ገልያ ፐንግያ ጋካናዉ ዳራቱ ደሸቲደ ኩንዴድኖ።
JDG 9:41 አብመሌክ አሩማን ደእና፥ ዛቡል ጋኣላነ አ እሻቱዋ ሰኬማፐ የደርሲደ ከሴዳ።
JDG 9:42 ዎንተꬃ ጋላስ ሰኬማ አሳይ ጎሻዉ ቤዳዋ አብመሌክ ስሴዳ፤
JDG 9:43 ባረ አሳ አኪደ፥ ሄዙ ጭታን ሻክ፥ ሾይቃን ሙጊደ ናጋናዳን ኦꬄዳ። ያቲደ አሳይ ካታማፐ ከስያዋ በኤዳ ዎደ፥ ኡንቱንታ ዎꬋናዉ ቆሰቴዳ ሳፐ ከሴዳ።
JDG 9:44 አብመሌክነ አናና ደእያ ጭታይ ስንꬃዉ ዎጽ ቢደ፥ ካታማ ገልያ ፐንግያን ኤቄድኖ፤ አቴዳ ላኡ ጭታቱ ጎሻን ደእያ አሳቱዋ ኦለቲደ ዎꬌድኖ።
JDG 9:45 ጋላሳ ኡባ አብመሌክ ካታማ አሳና ኦለቲደ ካታማ ኦይቄዳዋፐ ጉይያን፥ ካታማን ደእያ አሳ ኡባ ዎꬌዳ። ያቲደ ካታማ ክንቼዳ፤ ኡባ ጋድያ ቦላ ማጽንያ ዘሬዳ።
JDG 9:46 ሰኬማ አዱሳ ግምቢያ ግዱዋን ደእያ አሳይ ኡባይ ሄዋ ስሴዳ ዎደ፥ ኤል-ባሪታ ኤቃ ጎለን ደእያ ጌሱዋ ግዶ ገሌዳ።
JDG 9:47 ኡንቱንቱ ሄ ሳኣን ሺቄዳዋ አብመሌክ ስሴዳ።
JDG 9:48 እነ አናና ደእያ አሳይ ኡባይ ደርያ ጻልሞና ፑደ ከሴድኖ። አብመሌክ ካልታ አኪደ፥ ምꬃ ታሽያ ቃንጺደ፥ ባረ ሀሽያን ቶኬዳ፤ ባረናና ደእያ አሳቱዋ፥ “ታን ኦꬅሽን በኤዳዋ፥ ህንተንቱካ ኤለካ ሀእ ኦꬅተ” ያጌዳ።
JDG 9:49 ሄዋፐ ጉየ አሳይ ኡባይካ ምꬃ ታሽያ ቃንጽ አኪደ፥ አብመሌካ ካሌዳ፤ ሄ ታሸቱዋ ጌሱዋ ዩሹዋን ዘምፔስ ዎꬂደ፥ አሳይ አ ግዶን ደእሽን ታማ ኦይꬄድኖ፤ ያትና፥ ጌሱዋ ግዶን ደእያ አሳይ ኡባይ ሀይቂ ዉሬዳ። ሀይቄዳ አቱማ አሳነ ማጫ አሳ ፓይዱ እት ሻኣ ግዳናዋ።
JDG 9:50 ሄዋፐ ጉይያን፥ አብመሌክ ተበጻ ጌተትያ ካታማ ቢደ፥ ካታማ ዶዲደ ኦይቄዳ።
JDG 9:51 ሄ ካታማ ግዶን እት ምኖ አዱሳ ግምቢ ደኤ። ካታማ አሳይ ኡባይ፥ ማጫዌ አቱማዌ፥ ካለꬅያዋንቱ አተናን ሄ አዱሳ ግምቢያኮ ያ ዎጺደ፥ አ ግዶ ገሌድኖ፤ ፐንግያ ጎርዲደ፥ ግምቢያ ቦላ ደምባዪደ ኬጼድኖ ፑደ ከሴድኖ።
JDG 9:52 አብመሌክ ኦለቲደ አዱሳ ግምቢያ ጋኪደ፥ ታማን ጹጋናዉ ፐንግያኮ ሺቄዳ።
JDG 9:53 ሽን እት ምሽራታ አብመሌካ ሁጲያን ዎጻ ማይድያ ጎንዶርሳ ኦላደ፥ አ ጉግያ ሆምፑ ኦꬃዱ።
JDG 9:54 ባረ ኦላ ሚሻ ቶክያ ዎዳላ ኤለካ ጼጊደ፥ “ታና አሳይ፥ ‘ኤበላ ማጫውና ዎꬋዱ’ ጌና ማላ፥ ነ ማሻ ሾኩዋፐ ሾዳደ፥ ታና ዎꬋ” ያጌዳ። ሄዋፐ ጉየ ዎዳላይ ማሻን ጫዲና እ ሀይቄዳ።
JDG 9:55 እስራኤልያ አሳይ ኡባይ አብመሌክ ሀይቄዳዋ በኢደ፥ ባረ ሶ ባረ ሶ ቤዳ።
JDG 9:56 አብመሌክ ባረ እሻቱዋ ላፑን ታማቱዋ ዎꬊደ፥ ባረ አዉዋ ቦላ ኦꬄዳ ጎምያ ጾሳይ አ ቦላ ዛሬዳ።
JDG 9:57 ሄዋዳንካ፥ ጾሳይ ሰኬማ አሳ ኢታተꬃ ኡባ ኡንቱንቱ ቦላ ዛሬዳ። ሄዋዳን ሀኒደ፥ ጌዶና ናአይ ዮኣታመ ሸቄዳ ሸቃይ ኡንቱንታ ጋኬዳ።
JDG 10:1 አብመሌክ ሀይቄዳዋፐ ጉይያን፥ ዶዶ ናኣ ፑሀ ናአይ ቶላእ እስራኤልያ አሻናዉ ደንዴዳ። እ ይሳኮራ ዛርያ ግዴዳ፥ ኤፍሬማ ገዝያን ሻሚራ ግያ ሳን ደኤዳ።
JDG 10:2 ቶላእ እስራኤልያ አሳ ላታማነ ሄዙ ላይꬃዉ ፕርድያ ዳና ግዴዳ። ቶላእ ሀይቂደ፥ ሻሚራን ሞገቴዳ።
JDG 10:3 ቶላአፐ ካሊደ፥ ጋላኣድያ ያኢር ደንዴዳ፤ እስራኤልያ አሳ ላታማነ ላኡ ላይꬃዉ ፕርድያ ዳና ግዴዳ።
JDG 10:4 ሀታሙ ሀረቱዋ ቶግያ ሀታሙ አቱማ ናናይ ደኢኖ፤ ኡንቱንቶ ጋላኣደ ጋድያን ሀታሙ ካታማቱ ደኢኖ። ሄ ካታማቱ ሀቼ ጋካናዉ ሀቦት-ያኢራ ካታማቱዋ ጌተቲደ ጼሰቲኖ።
JDG 10:5 ያኢር ሀይቂደ፥ ቃሞናን ሞገቴዳ።
JDG 10:6 እስራኤልያ አሳይ መꬍና ጎዳ ስንꬃን ቃይካ ኢታባ ኦꬄዳ፤ ኡንቱንቱ ባኣላነ አስታሮታ ጌተትያ ኤቃቶነ ሶርያ ጾሳቶ፥ ሲዶና ጾሳቶ፥ ሞኣበ ጾሳቶ፥ አሞናቱዋ ጾሳቶነ ፕልስጼማ ጾሳቶ ጎይኔድኖ። ኡንቱንቱ መꬍና ጎዳ አግ ባሼድኖ፤ አዉ ጎይንያዋካ አጌድኖ።
JDG 10:7 ያትና፥ ጾሳይ እስራኤልያ አሳ ቦላ ሀንቀቲደ፥ ኡንቱንታ ፕልስጼማ አሳቶነ አሞና አሳቶ አꬂደ እሜዳ።
JDG 10:8 ሄ ላይꬃን እስራኤልያ አሳ ኡንቱንቱ ናቄድኖነ ኡቁኔድኖ። ዮርዳኖሳ ሻፋፐ ሄፍንꬃ አዋይ ዶልያ ባጋን፥ አሞራዋናቱ ካሰ ደኤዳ ጋላኣደ ጋድያን ደኤዳ እስራኤልያ አሳ ኡባ ኡንቱንቱ ታማነ ሆስፑን ላይꬃ ኡቁኔድኖ።
JDG 10:9 አሞና አሳቱ ቃይካ ይሁዳ፥ ቢንያማነ ኤፍሬማ ዘረꬃ ኦላናዉ ዮርዳኖሳ ሻፋ ፕኔድኖ፤ ያትና፥ እስራኤልያ አሳይ ሎይꬅ ኡንኤቴዳ።
JDG 10:10 ሄዋፐ ጉይያን እስራኤልያ አሳቱ፥ “ኑን ኔና ኑ መꬍና ጎዳ አጊደ፥ ባኣላ ኤቃቶ ጎይኒደ፥ ኔና ናቄዶ” ያጊደ ጾሳዉ ዋሴድኖ።
JDG 10:11 መꬍና ጎዳይ ኡንቱንቶ፥ “ግብጼቱ፥ አሞራዋናቱ፥ አሞናዋቱዋ፥ ፕልስጼማቱ፥
JDG 10:12 ሲዶናቱ፥ አማሌቃቱነ ማኦናቱ ህንተንታ ኡቁንና፥ ታዉ ዋሴድታ፤ ታን ህንተንታ ኡንቱንቱ ኩሽያፐ አሻበይክታ?
JDG 10:13 ሽን ህንተንቱ ታና አጊደ፥ ሀራ ጾሳቶ ጎይኔድታ። ሄዋ ድራዉ፥ ታን ህንተንታ ኡባካ አሽከ።
JDG 10:14 ቢደ ህንተንቱ ዶሬዳ ጾሳቶ ዋስተ። ህንተንቱ መቱዋ ዎድያን ኡንቱንቱ ህንተንታ አሺኖ” ያጊደ ዛሬዳ።
JDG 10:15 ሽን እስራኤልያ አሳይ ዛረꬂደ መꬍና ጎዳ፥ “ኑን ናጋራ ኦꬄዶ። ነዉ ሎኦ ማላትያዋ ኑ ቦላ ኪተታ፤ ሽን ሀያና፥ ሀቼ ኑና አሻ” ያጌዳ።
JDG 10:16 አላጋ ጾሳቱዋ ባረንቱ ግዶፐ ድጊደ፥ መꬍና ጎዳዉ ጎይኔድኖ። እስራኤልያ አሳይ ቱጋቴዳዎ ጾሳይካ ሴለቴዳ።
JDG 10:17 ሄዋፐ ጉይያን፥ አሞናቱዋ ኦላንቻቱ ኦላዉ ጊጊደ፥ ጋላኣደን ሺቄድኖ፤ እስራኤልያ አሳይካ እትፐ ሺቂደ፥ ጋላኣደን ምጽጳ ግያ ሳን ሺቄዳ።
JDG 10:18 ጋላኣደ ጋድያ አሳይነ ካፓቱ ባረንቱ ግዶን፥ “አሞናቱዋ ኦላንቻቱዋና ኮይሮቲደ ኦላ ጋከታናዌ ኦኔ? ሄ ኡራይ ጋላኣደ ጋድያን ደእያ አሳዉ ኡባዉ ካፑዋ ግዳናዋ” ያጌድኖ።
JDG 11:1 ጋላኣድያ ዮፍታሄ ምኖ ኦላንቻ። አ አዉ ጋላኣደ፤ ሽን አ ዳያ ሻርሙጽያ ማጫ አሳ።
JDG 11:2 ጋላኣደ አኬዳ ማቻታካ አዉ አቱማ ናና የላዱ። ኡንቱንቱ ድጭ ጋኬዳ ዎደ፥ ባረንቱ እሻ ዮፍታሀ፥ “ኔን ሀራ ምሽራት ናኣ ግዴዳ ድራዉ፥ ኑ አዉዋ ቢታፔ አያነ ላታካ” ያጊደ ሶይፔ የደርሴድኖ።
JDG 11:3 ያትና፥ ዮፍታሄ ባረ እሻቱዋፐ ባቃቲደ፥ ጾባ ጌተትያ ጋድያን ደኤዳ። ያን እ ደእሽን፥ አማሬዳ ሹፉሮ አሳቱ አኮ ሺቂደ፥ አ ካሌድኖ።
JDG 11:4 አማሬዳ ዎድያፐ ጉይያን፥ አሞናቱ እስራኤላቱዋና ኦለቴድኖ።
JDG 11:5 አሞናቱ እስራኤልያ አሳና ኦለቴዳ ዎደ፥ ጋላኣደ ጋድያ ጭማቱ ጾባ ጋድያፐ ዮፍታሀ ዛር አሀናዉ ቤድኖ።
JDG 11:6 ኡንቱንቱ አ፥ “ሃያ፥ አሞናቱዋ ኑን ኦላና ማላ፥ ያደ ኑዉ ጋዳዋ ግዳ” ያጌድኖ።
JDG 11:7 ሄዋፐ ጉየ ዮፍታሄ ጋላኣደ ጭማቱዋ፥ “ታና እጺደ፥ ታ አዉዋ ጎልያፐ የደርሴዳዌ ህንተንታ ግድክቴ? ሀእ መቱዋን ገሊደ፥ ታኮ አያዉ ዬድቴ?” ያጌዳ።
JDG 11:8 ሄዋፐ ጉየ ጋላኣደ ጭማቱ አ፥ “ግዶፐነ፥ ሀእ ኑን ኔኮ ስሜዶ፤ አያዉ ጎፐ፥ ኔን ኑናና ኦላ ባደ፥ አሞናቱዋ ኑ ኦላና ማላነ ጋላኣደ አሳ ኡባዉ ኔን ካፑዋ ግዳና ማላ፥ ኑን ኮዬቶ” ያጌድኖ።
JDG 11:9 ሄዋፐ ጉየ ዮፍታሄ፥ “አሞናቱዋና ኦለታናዉ ህንተንቱ ታና ጉየ ሶ ዛርና፥ መꬍና ጎዳይ ኡንቱንታ ታ ኩሽያን አꬂደ እሞፐ፥ ታን ቱሙ ህንተንቱ ካፑዋ ግዳና” ያጌዳ።
JDG 11:10 ጋላኣደ ጭማቱ ዮፍታሀ፥ “መꬍና ጎዳይ ኑ ግዱዋን ማርካ! ኔን ግያዋ ቱሙ ኑን ኦꬃና” ያጊደ ዛሬድኖ።
JDG 11:11 ያትና፥ ዮፍታሄ ጋላኣደ ጭማቱዋና ቤዳ፤ አ ባረንቱ ካፑዋነ ጋዳዋ ኦꬄድኖ። ዮፍታሄ ምጽጳን መꬍና ጎዳ ስንꬃን ሀ የዉዋ ኡባ ሃሳዬዳ።
JDG 11:12 ሄዋፐ ጉይያን፥ ዮፍታሄ አሞናቱዋ ካትያኮ አሳ ኪቲደ፥ “ኔን ኑ ጋድያ ቦላን ዎራጄዳዌ አያ ጋሱዋኔ?” ያጊደ ኦሽሴዳ።
JDG 11:13 ዮፍታሄ ኪቴዳ አሳቶ አሞናቱዋ ጋድያ ካቲ ዛሪደ፥ “እስራኤልያ አሳይ ግብጼ ጋድያፐ ከሴዳ ዎደ፥ አርኖና ሻፋፐ ዶሚደ፥ ያቦቃ ሻፋ ጋካናዉ፥ ቃይ ዮርዳኖሳ ሻፋ ጋካናዉ ደእያ ታ ጋድያ አኬዳ። ሀእ ታ ጋድያ ሳሩዋን ዛርተ” ያጌዳ።
JDG 11:14 ዮፍታሄ ላኤንꬁዋ አሞናቱዋ ካትያኮ አሳ ኪቴዳ።
JDG 11:15 ሀዋዳን ያጌዳ፤ “እስራኤልያ አሳይ ሞኣበ ጋድያ ዎይ አሞና ጋድያ አክቤና።
JDG 11:16 እስራኤልያ አሳይ ግብጼ ጋድያፐ ከሴዳ ዎደ፥ መላ ቢታ አꬍ ቢደ፥ ዞኦ አባ ጋኬዳ፤ ሄዋፐ ቃይ ቃዴሳ ግያ ሳኣ ዬዳ።
JDG 11:17 እስራኤልያ አሳይ ኤዶማ ጋድያ ካትያኮ አሳ ኪቲደ፥ ‘ነ ቢታና ኑና አꬃርኪ’ ያጌዳ፤ ሽን ኤዶማ ካቲ አናን እጼዳ። ሄዋዳንካ፥ ሞኣበ ካትያኮ ኪትና፥ እካ አናን እጼዳ። ያትና፥ እስራኤልያ አሳይ ቃዴሰን ጋምኤዳ።
JDG 11:18 “ሄዋፐ ጉይያን መላ ቢታና አꬊደ፥ ኡንቱንቱ ኤዶማነ ሞኣበ ቢታቱዋ ዩዪደ፥ ሞኣበ ጋድያፐ አዋይ ዶልያ ባጋና ዬድኖ፤ አርኖና ሻፋፐ ሄፍንꬃ ባጋና ደእያ ሳኣን ዱንካኔድኖ፤ ሽን አርኖና ሻፋይ ሞኣበ ዛዋ ግዴዳ ድራዉ፥ ሞኣበ ባጋ ፕንበይክኖ።
JDG 11:19 “ሄዋፐ ጉይያን፥ እስራኤልያ አሳይ ሃሰቦና ጌተትያ ካታማን ደእያ አሞራዋናቱዋ ካትያ ስሆናኮ አሳ ኪቲዴ ኡንቱንቱ፥ ‘ሀያና፥ ነ ቢታና ኑና ኑ ጋድያ አꬃርኪ’ ያጌድኖ።
JDG 11:20 ሽን ስሆን እስራኤልያ አሳ አꬃናዉ አማንቤና። እ ባረ አሳ ኡባ ሺሺደ፥ ያሃጻ ግያ ሳን ዱንካኒደ፥ እስራኤልያ አሳና ኦለቴዳ።
JDG 11:21 መꬍና ጎዳይ እስራኤልያ ጾሳይ ስሆናነ አ አሳ ኡባ እስራኤልያ አሳ ኩሽያን አꬂደ እምና፥ ኡንቱንታ ጾኔድኖ፤ ያን ደኤዳ አሞራዋናቱዋ ቢታ ኡባ ላቴድኖ።
JDG 11:22 አርኖና ሻፋፐ ቢደ፥ ያቦቃ ሻፋ ጋካናስነ መላ ቢታፐ ቢደ፥ ዮርዳኖሳ ሻፋ ጋካናዉ ደእያ አሞራዋናቱዋ ጋድያ ኡባ ኦሞዲደ አኬድኖ።
JDG 11:23 “ሄዋዳን ኦꬂደ፥ መꬍና ጎዳይ እስራኤልያ ጾሳይ ባረ አሳ እስራኤልያ ስንꬃፐ አሞራዋቱዋ የደርሲደ ꬋይሴዳ። ያትና፥ ኔን ነዉ አካናዉ ዋና ቆፓዲ?
JDG 11:24 ኔን ነ ጾሳይ ካሞሽ ነዉ እምያዋ አክኪ? ሄዋዳንካ፥ ኑን መꬍና ጎዳይ ኑ ጾሳይ ኑዉ እሜዳዋ ኡባ ላቲደ ደአና።
JDG 11:25 “ኔን ጽፖራ ናኣ ሞኣበ ካትያ ባላቃፐ ምናይ? እ እስራኤልያ አሳና ዋላቀቲደ ዎይ ኦለቴዴ?
JDG 11:26 “እስራኤልያ አሳይ ሃሰቦና፥ አሮኤራነ ኡንቱንቱ ዩሹዋን ደእያ ካታማቱዋ ኡባ፥ ሄዋዳንካ፥ ቃይ አርኖና ሻፋ ጋጻን ደእያ ካታማቱዋ ኡባ ላቲደ፥ ሄዙ ጼቱ ላይꬃ ደኤድኖ። ያትና፥ ሄ ዎደ አያዉ ዎꬅ አክበይክቴ?
JDG 11:27 ታን ታ ባጋና ህንተንታ አያነ ናቃበይከ፤ ሽን ታና ኦላ ኦላደ ናቂያዌ ኔና። ፕርድያ መꬍና ጎዳይ ሀቼ እስራኤልያ አሳፐነ አሞና አሳፐ ግዱዋን ፕርዶ” ያጌዳ።
JDG 11:28 ሽን ዮፍታሄ ኪቴዳ ኪታ አሞናቱዋ ካቲ ስሰናን እጼዳ።
JDG 11:29 ሄ ዎደ መꬍና ጎዳይ አያናይ ዮፍታሄ ቦላ ዎꬍና፥ ጋላኣደነ ምናሰ ቢታቱዋ ፕን ቢደ፥ ጋላኣደ ጋድያን ደእያ ምጽጳ ስሜዳ፤ ሄዋፐ ኦላንቻቱዋ ካለꬂደ፥ አሞናቱዋ ጋድያ ቤዳ።
JDG 11:30 መꬍና ጎዳ ሺቁዋ ሺቀቲደ፥ “ኔን አሞናቱዋ ታ ኩሽያን አꬃደ እሞፐ፥
JDG 11:31 ኦላን ጾናደ ታን ሶ ስምያ ዎደ፥ ታና ሞካናዉ ታ ሶፐ ከስያዌ አያነ ግድና ኔሳ፤ ታን አ ነዉ ጹግያ ያርሹዋ ኡዳደ ሺሻና” ያጌዳ።
JDG 11:32 ሄዋፐ ጉይያን፥ ዮፍታሄ አሞናቱዋ ኦላናዉ ያ ባጋ ሃꬃ ፕኒደ ቤዳ፤ መꬍና ጎዳይ ኡንቱንታ አ ኩሽያን አꬂደ እሜዳ።
JDG 11:33 አሮኤራፐ ዶሚደ፥ ቢደ ሚኒታነ አቤል-ካራሚማ ማታ ጋካናዉ፥ ላታሙ ካታማቱዋ ኦለቲደ ባይዜዳ፤ ዳሮ አሳ ዎꬍ ዉርሴዳ። ሄዋፐ ጉይያን፥ አሞናዋቱ እስራኤላቶ ሞደቴድኖ።
JDG 11:34 ዮፍታሄ ምጽጳን ደእያ ባረ ሶ ስሜዳ ዎደ፥ ኮይሮታደ አ ናታ ካባሩዋ ኦይቃደ የጻደነ ዱራደ አ ሞካናዉ ከሳዱ። አዉ ኢፐ ሀራ ናእ ባዋ።
JDG 11:35 እ እዞ በኤዳ ዎደ፥ ካዩዋን ባረ ማዩዋ ፔꬊደ፥ “ሀይ ፖራ ታ ናተ! ታና ካዉሻ ድጋዳ፤ ታና ጋክያ መቶ ኔን ጋሶ ግዳዳ። አያዉ ጎፐ፥ ታን መꬍና ጎዳዉ ሺቀታ ኡታድ፤ ሄዋ ሺቁዋ ጋናን አጋናዉ ዳንዳይከ!” ያጌዳ።
JDG 11:36 ሄዋፐ ጉየ ናታ፥ “ታ አዎ፥ ኔን መꬍና ጎዳው ሺቀቴዳዋ ግዶፐ፥ መꬍና ጎዳይ ነ ሞርከቱዋ፥ አሞናቱዋ ቦላ ነ ሀሉዋ ከሴዳ ድራዉ፥ ኔን ሺቀቴዳዋ ታ ቦላ ፖላ” ያጋዱ።
JDG 11:37 ቃይካ አ ባረ አዉዋ፥ “ታዉ እትባ ኦꬃርኪ። ታን ሙለ አስና ገለናን አትያ ድራዉ፥ ታ ላገꬃቱዋና ባደ ደረቱዋ ቦላ ታ ዎዶሮተꬃዉ ዬካና ማላ፥ ላኡ አግናዉ ታና የዳርኪ” ያጋደ ኦቻዱ።
JDG 11:38 እ፥ “ባ” ያጊደ፥ ላኡ አግናዉ የዴዳ፤ እዛ ባረ ላገꬃቱዋና ደርያ ሁጲያ ከሳደ ባረ ዎዶሮተꬃዉ ኡንቱንቱና ዬካዱ።
JDG 11:39 ላኡ አግናፐ ጉይያን፥ ባረ አዉዋኮ ስማደ ያዱ፤ ጾሳዉ ባረ ሺቀቴዳ ሺቁዋ ጋꬄዳ። እዛ ኡባካ አቱማ አሳን ጋከተናን አታዱ። ሄ ዎድያፐ ዶሚደ፥ እስራኤላቱ ማጫ ናናይ ላይꬃን ላይꬃን ኦይዱ ጋላሳ ባረንቱ ሶፐ ሃክ ቢደ፥ ጋላኣድያ ዮፍታሄ ናትዉ ዬክያዌነ ካዮትያዌ ሜዘ ግዴዳ።
JDG 12:1 ኤፍሬማ አሳይ ኦላ ባናዉ ጼገቲደ፥ ዮርዳኖሳ ሻፋ ፕኒደ፥ ጻፎና ጌተትያ ካታማ ጋኬዳ ዎደ፥ ዮፍታሀ፥ “አሞናቱዋ ኦላናዉ ዛዋ ፕናደ ባደ፥ ኔናና ባናዳን አያዉ ኑና ጼሳበይኪ? ኑንካ ነ ጎልያ ነ ቦላ ታማን ጹጋና” ያጌድኖ።
JDG 12:2 ሄዋፐ ጉየ ዮፍታሄ ኡንቱንታ፤ “ታንነ ታ አሳይ አሞናቱዋና ሎይꬅ ዋቴዳ ዎደ፥ ታን ህንተንታ ጼሳድ፤ ሽን ህንተንቱ ታና ኡንቱቱፐ አሽበይክታ።
JDG 12:3 ህንተንቱ ታና አሸናዋ በኤዳ ዎደ፥ ዛዋ ፕናደ ታ ሸምፖ ቃረተናን አሞናቱዋ ኦላናዉ ባድ፤ መꬍና ጎዳይ ኡንቱንታ ታ ኩሽያን አꬂደ እሜዳ። ያትና፥ ህንተንቱ ሀቼ አያዉ ታና ኦላናዉ ዬድቴ?” ያጌዳ።
JDG 12:4 ሄዋፐ ጉይያን፥ ዮፍታሄ ጋላኣደ አሳ ኡባ ሺሺደ፥ ኤፍሬማ አሳና ኦለቴዳ፤ ጋላኣደ አሳቱ ጾኔድኖ። አያዉ ጎፐ፥ ኤፍሬማ አሳይ ካሰ ኡንቱንታ፥ “ህንተንቱ ጋላኣደን ደእያ አሳቱ ካሰ ኤፍሬማ ዛራቱዋፐነ ምናሰ ዛራቱዋፐ በቲደ ዬዳዋንታፐ አትና፥ ሀራቱዋ ግድክታ” ያግ ዎꬄዳ።
JDG 12:5 ኤፍሬማ አሳይ ባቃተናዳን፥ ዮርዳኖሳ ሻፋ ፕኑዋ ኡባ ጋላኣደቱ ኦይቄድኖ፤ ባቃታናዉ ኮይያ ኤፍሬማ አሳይ ኦንነ ፕናናዉ ኦችያ ዎደ ጋላኣደቱ፥ “ኔን ኤፍሬማ አሴ?” ያጊደ ኦችና፥ “ግድከ” ጎፐ፥
JDG 12:6 “አነ፥ ‘ሽቦለቱዋ’ ጋ” ያጊኖ። ሽን እ፥ “ሽ” ግያ ፕዶልያ ሎይꬅ ጼጋናዉ ዳንዳየና ድራዉ፥ “ስቦለቱዋ” ያጌ። ሄ ዎደ ኦይቂደ፥ ዮርዳኖሳ ሻፋ ፕንያሳን ዎꬊኖ። ሄ ዎደ ያን ኤፍሬማ አሳፐ ኦይታማነ ላኡ ሻአ አሳይ ሀይቄዳ።
JDG 12:7 ዮፍታሄ እስራኤልያ አሳ ቦላን ዳናቲደ፥ ኡሱፑን ላይꬃ ፕርዴዳ። ሄዋፐ ጉይያን፥ ጋላኣድያ ዮፍታሄ ሀይቄዳ፤ ጋላኣደን ደእያ ባረ ካታማን ሞገቴዳ።
JDG 12:8 ዮፍታሄፐ ካሊደ፥ ቤተሌመ እብጻን እስራኤልያ አሳ ቦላ ፕርድያ ዳና ግዴዳ።
JDG 12:9 እብጻናዉ ሀታሙ አቱማዋ ናናይነ ሀታሙ ማጫ ናናይ ደኢኖ፤ እ ባረ ማጫ ናና ባረ ያራ ግደና አቱማ ናናቶ እሜዳ፤ ባረ አቱማ ናናቶካ ባረ ያራ ግደና ማጫ ናና ጊግሲደ አሄዳ። እብጻን እስራኤልያ ቦላ ላፑን ላይꬃ ዳናቲደ ፕርዴዳ።
JDG 12:10 ሄዋፐ ጉይያን ሀይቂደ፥ ቤተሌመ ካታማን ሞገቴዳ።
JDG 12:11 እብጻናፐ ካሊደ፥ ዛብሎንያ ኤሎን እስራኤልያ አሳ ቦላ ዳናቲደ፥ ታሙ ላይꬃ ፕርዴዳ።
JDG 12:12 ሄዋፐ ጉይያን ሀይቄዳ፤ ዛብሎና ጋድያን ደእያ አያሎና ካታማን ሞገቴዳ።
JDG 12:13 ኤሎናፐ ካሊደ፥ ህሌላ ናአይ አብዶን፥ ፕርኣቶና ግያ ሳን ደኤዳዌ፥ እስራኤልያ ቦላ ፕርድያ ዳና ግዴዳ።
JDG 12:14 አብዶናዉ ላፑን ታሙ ሀረቱዋ ቶግያ ኦይታሙ አቱማ ናናይነ ሀታሙ ናናቱዋ ናናይ ደኢኖ፤ አብዶን እስራኤልያ አሳ ቦላ ዳናቲደ፥ ሆስፑን ላይꬃ ፕርዴዳ።
JDG 12:15 ሄዋፐ ጉይያን፥ ህሌላ ናአይ አብዶን ሀይቄዳ፤ አማሌቃቱዋ ገዝያን ኤፍሬማ ጋድያን ደእያ ፕርኣቶናን ሞገቴዳ።
JDG 13:1 እስራኤልያ አሳይ መꬍና ጎዳ ስንꬃን ቃይካ ኢታባ ኦꬄዳ። ያትና፥ መꬍና ጎዳይ ኡንቱንታ ኦይታሙ ላይꬃዉ ፕልስጼማ አሳ ኩሽያን አꬂደ እሜዳ።
JDG 13:2 ሄ ዎደ ጾርአ ጌተትያ ካታማን ማኑሀ ጌተትያ እት ብታኒ ደኤ። እ ዳና ዛረ፤ አ ማቻታ ማንꬃቶ ግዴዳ ድራዉ፥ ናኣ የላበይኩ።
JDG 13:3 እት ጋላስ መꬍና ጎዳ ኪታንቻይ ሄ ማቻትዉ ቤቲደ፥ ሀዋዳን ያጌዳ፤ “በአ፥ ኔን ናኣ የላቤና ማንꬃቶ፤ ሽን ነዉ የሉ አታናዋ፤ ኔን አቱማ ናኣ የላና።
JDG 13:4 ሄዋ ድራዉ፥ ዎይንያ ኤሳ ዎይ ማꬆይያ ኡሻ ኡሸናዳንነ ቱናባ አያነ ሜናዳን ናገታ።
JDG 13:5 ነዉ የሉ አትና፥ ኔን አቱማ ናኣ የላና። ናአይ የለትያ ዎድያፐ ዶሚደ፥ ጾሳዉ ዱማቴዳ ናዝራዌ ግድያ ድራዉ፥ አ ብናና ኡባካ ሜዶፓ። እ እስራኤልያ ፕልስጼማ አሳ ኩሽያፐ አሻናዉ ዶማና” ያጌዳ።
JDG 13:6 ሄዋፐ ጉይያን ምሽራታ ባደ፥ ባረ አስናዉ ሀዋዳን ያጋደ ኦዳዱ፤ “ጾሳ አሳ እቱ ታኮ ዬዳ፤ አዉ ማላይካ ጾሳ ኪታንቻ ማላ ማላ ሎይꬅ ያሽያዋ። እ ሀቃፐ ዬደንቶካ ታን አ ኦቻበይከ፤ እካ ባረ ሱንꬃ ታዉ ኦድቤና።
JDG 13:7 ሽን እ ታና፥ ‘ነዉ የሉ አትና፥ ኔን አቱማ ናኣ የላና። ናአይ የለቶደፐ ዶሚደ ሀይቃና ጋካናዉ፥ ጾሳዉ ዱማቴዳ ናዝራዌ ግድያ ድራዉ፥ ዎይንያ ኤሳ ዎይ ማꬆይያ ኡሻ ኡሾፓ፤ አያነ ቱኔዳባ ሞፓ’ ያጌዳ” ያጋደ ኦዳዱ።
JDG 13:8 ሄዋፐ ጉይያን ማኑሄ፥ “አቤት መꬍና ጎዳዉ፥ ናአይ የለትያ ዎደ አያ ኦꬃናዉ ኮሽንቶ ኤርሳና ማላ፥ ኔን ካሰና ኪቴዳ ጾሳ አሳይ ኑኮ ስሚደ ያናዳን ኦꬃርኪ” ያጊደ ጾሳ ዎሴዳ።
JDG 13:9 መꬍና ጎዳይ ማኑሄ ዎሳ ስሴዳ። ማጫ ምሽራታ ጋደን ኡታ ደእሽን ላኤንꬁዋ ዬዳ፤ ሽን ሄ ዎደ እ አስናይ ማኑሄ እዝና ደኤና።
JDG 13:10 ማጫ ምሽራታ ኤለካ ባረ አስናኮ ባደ፥ “በአ፥ እን ጋላስ ታኮ ዬዳ ብታኒ ሀችካ ሀዋን ደኤ” ያጋዱ።
JDG 13:11 ሄዋፐ ጉየ ማኑሄ ኡቴዳ ሳፐ ደንዲደ፥ ባረ ማቻቶ ካሊደ ቤዳ፤ ጋኪደ፥ ብታንያ፥ “እን ታ ማቻትና ሃሳዬዳዌ ኔኔ?” ያጊደ ኦቼዳ። ብታኒ፥ “ኤ ታና” ያጌዳ።
JDG 13:12 ሄዋፐ ጉየ ማኑሄ፥ “ኔን ኦዴዳ ቃላይ ፖለትያ ዎደ፥ የለታና ናኣ ደኦነ ኦሶ ዎጋይ አዬ?” ያጊደ አ ኦቼዳ።
JDG 13:13 ሄዋ ድራዉ መꬍና ጎዳ ኪታንቻይ፥ “ነ ማቻታ ታን ኦዴዳ ኡባባፐ ናገቱ።
JDG 13:14 ዎይንያ ቱራፐ ከስያባ አያነ ሙፑ፤ ዎይንያ ኤሳ ዎይ ማꬆይያ ኡሻ ኡሹፑ፤ አያነ ቱኔዳባ ሙፑ። ታን እዞ አዛዜዳዋ ኡባ ፖሉ” ያጊደ ዛሬዳ።
JDG 13:15 ማኑሄ ቃይ መꬍና ጎዳ ኪታንቻ፥ “ኑን ነዉ እት ያላጋ ዴሻ ሹኪደ ጊግሳናዉ፥ ሀያና ታካርኪ” ያጌዳ።
JDG 13:16 መꬍና ጎዳ ኪታንቻይ ዛሪደ፥ “ታን ታክንቶካ፥ ነ ቁማ ሚከ። ሽን ኔን ጹግያ ያርሹዋ ጊግሳና ኮዮፐ፥ መꬍና ጎዳዉ ያርሻናዉ ዳንዳያሳ” ያጌዳ። እ መꬍና ጎዳ ኪታንቻ ግድያዋ ማኑሄ ኤርቤና።
JDG 13:17 ማኑሄ ቃይካ ጾሳ ኪታንቻ፥ “ኔን ኦዴዳ ቃላይ ፖለትያ ዎደ፥ ኑን ኔና ቦንቻና ማላ፥ ነ ሱንꬃይ ኦኔ?” ያጌዳ።
JDG 13:18 ጾሳ ኪታንቻይ አ፥ “ታ ሱንꬃይ ማላልስያዋ ግድያ ድራዉ፥ ኔን ታ ሱንꬃ አያዉ ኦቻይ?” ያጊደ ዛሬዳ።
JDG 13:19 ሄዋፐ ጉየ ማኑሄ ሄ ዴሻነ አ ካꬃ ያርሹዋ አኪደ፥ ዛላ ቦላ መꬍና ጎዳዉ ያርሼዳ። ማኑሄነ አ ማቻታ ጼልሽን፥ መꬍና ጎዳይ ማላልስያባ ኦꬄዳ።
JDG 13:20 ያርሹዋ ያርሽያ ሳፐ ታማ ላጩ ፑደ ፖሎላትሽን፥ መꬍና ጎዳ ኪታንቻይ ታማ ላጩዋ ግዱዋና ሳሉዋ ከሴዳ። ማኑሄነ አ ማቻታ ሄዋ በኢደ፥ ዴሙዋ ሳኣ ጋꬂደ ጉፋኔድኖ።
JDG 13:21 መꬍና ጎዳ ኪታንቻይ ማኑሄዉነ አ ማቻትዉ ላኤንꬁዋ ቤተናን አግና፥ እ መꬍና ጎዳ ኪታንቻ ግዴዳዋ ማኑሄ ሄ ዎደ አኬኬዳ።
JDG 13:22 ማኑሄ ባረ ማቻቶ፥ “ኑን ጾሳ በኤዳ ድራዉ፥ ኑን ሀይቂያዌ ጌሻ” ያጌዳ።
JDG 13:23 ሽን አ ዛራደ፥ “መꬍና ጎዳይ ኑና ዎꬋናዉ ኮዬዳዋ ግድንቶ፥ ጹግያ ያርሹዋነ ካꬃ ያርሹዋ ኑ ኩሽያፐ አከና፥ ዎይ ሄ ኡባባ ኑና በሰና፥ ዎይ ሀዋ ኑ ኦደና” ያጋዱ።
JDG 13:24 ማጫ ምሽራታ አቱማ ናኣ የላደ ሳምሶና ጋደ ሱንꬃዱ። ናአይካ ድጬዳ፤ መꬍና ጎዳይካ አ አንጄዳ።
JDG 13:25 ናአይ ጾርአፐነ ኤሽታኦላፐ ግዱዋን ደእያ ዳና ሞꬃን ደእሽን፥ መꬍና ጎዳ አያናይ አ ደንꬁዋ ዶሜዳ።
JDG 14:1 እት ጋላስ ሳምሶን ትምና ግያ ሳኣ ዎꬌዳ፤ ያን እት ፕልስጼማ ዎዶራቶ በኤዳ።
JDG 14:2 ሶይ ስሚደ ባረ አዉዋነ ባረ ዳዮ፥ “ታን ትምናን እት ፕልስጼማ ዎዶራቶ በኣድ፤ ሀእ እዞ ታዉ ኦቺደ እምተ” ያጌዳ።
JDG 14:3 ሽን አ አዉነ አታ አ፥ “ማቻቶ ኦቻናዉ ሀ ቃጻረትቤና ፕልስጼማቱዋኮ ባናዉ ኔና አያዉ ኮሼዴ? ኑ ዳባቱ ግዶን ዎይ ኑ አሳ ኡባ ግዶን ነዉ ሀንያ እት ማጫ ናኣ ደማናዉ ዳንዳያበይኪ?” ያጊደ ኦቼድኖ። ሽን ሳምሶን ባረ አዉዋ፥ “ታዉ እዛ ሎእያ ድራዉ፥ እዞ ጊግሳደ ታዉ እማ” ያጌዳ።
JDG 14:4 ፕልስጼማቱዋ ኦላናዉ መꬍና ጎዳይ ጋሱዋ ኮዪደ፥ ሀዋ ኡንቱንቱ ቦላ ኦꬅያዋ ሳምሶና አዉነ አታ ኤርበይክኖ። ሄ ዎደ ፕልስጼማቱ እስራኤልያ አሳ ሞዲኖ።
JDG 14:5 ሄዋፐ ጉይያን፥ ሳምሶን ባረ አዉዋናነ ባረ አትና ትምና ዎꬌዳ። ያን ዎይንያ ቱራ ግዱዋና እ አꬊደ ቢሽን፥ እት ዎዳላ ጋሙ ጉዲደ አ ቦላ ከሴዳ።
JDG 14:6 መꬍና ጎዳ አያናይ ሳምሶና ቦላን ዎልቃፐ ዎꬌዳ፤ ዴሻ ማራ ዱሰረꬅያዋዳን፥ ባረ ኩሽያን አያነ ኦይቀናን ጋሙዋ ዱሰረꬅ የጌዳ። ሄ ባረ ኦꬄዳዋ ባረ አዎነ ባረ አትዉ ኦድቤና።
JDG 14:7 ሄዋፐ ጉይያን ቢደ፥ ዎዶራቶ ሃሳይሴዳ፤ እዛ አዉ ሎኣዱ።
JDG 14:8 ጉꬃ ዎድያፐ ጉይያን፥ እዞ ቡላቻናዉ ያ ስሚደ ቤዳ፤ ባረ ዎꬌዳ ጋሙዋ በአናዉ ኦግያፐ ሸርእ ጊደ ብያ ዎደ፥ ጋሙዋ አሃ ግዶን ማꬃይ ኤሳ ኤሴዳዋ በኤዳ።
JDG 14:9 ኤሳፐ አማሬዳዋ ካሽ አኪደ፥ ኦግያን ሚደ ቤዳ። ባረ አዉዋኮነ ባረ ዳይኮ ጋኪደ፥ ባረ ኦይቄዳ ኤሳፐ አማሬዳዋ እምና፥ ኡንቱንቱካ ሜድኖ፤ ሽን ሳምሶን ሄ ኤሳ ጋሙዋ አሃ ግዶፐ አኬዳዋ ኡንቱንቶ ኦድቤና።
JDG 14:10 አ አዉ ምሽራት ሶ ቢና፥ ሳምሶን ያን ባላ ጊግሴዳ። ሄዋ ማላ ግብራይ ቡላቻዉ ካሰፐካ ኦꬅያ ዎጋ።
JDG 14:11 ሄ አሳይ አ በኤዳ ዎደ፥ አናና ጋምአናዳን ሀታሙ ዎዳላ ናና ዶሬዳ።
JDG 14:12 ሳምሶን ኡንቱንታ፥ “አነ ህንተንቱ ኤርንቶነ እት ቃንእሽያ ታን ህንተንታ ቃንእሻይ፤ ቡላቻ ባላይ ቦንቼትያ ላፑን ጋላሳ ግዱዋን ሀ ቃንእሽያ ብርሸꬃ ታዉ ህንተንቱ ኦድያዋ ግዶፐ፥ ታን ህንተዉ ሀታሙ ሱፍያ ቃምሸቱዋነ ሀታሙ ኩመንꬃ ማዮቱዋ እማና።
JDG 14:13 ሽን ህንተንቱ ታዉ ብርሸꬃ ኦዳናዉ ዳንዳያና ꬋዮፐ፥ ህንተንቱ ታዉ ሀታሙ ሱፍያ ቃምሸቱዋነ ሀታሙ ኩመንꬃ ማዮቱዋ እሚታ” ያጌዳ። ሄዋፐ ጉየ ኡንቱንቱ፥ “ኤኖ፥ ነ ቃንእሽያ አነ ኑ ኦዳ” ያጌድኖ።
JDG 14:14 እ ኡንቱንታ፥ “ምያዋፐ ምያባይ ቤቴዳ፤ ምኑዋ ግዶፐ ማልእያባይ ከሴዳ” ያጌዳ። ሄዛንꬆ ጋላስ ጋካናዉ ኡንቱንቱ ቃንእሽያ ብርሸꬃ እማናዉ ዳንዳይበይክኖ።
JDG 14:15 ኦይደንꬆ ጋላስ ኡንቱንቱ ሳምሶና ማቻቶ፥ “አነ ነ አስና ጭማደ ቃንእሽያ ብርሸꬃ እ ኑዉ ኦዳናዳን ኦꬃ። ሄዌ ꬋዮፐ፥ ኑን ኔናነ ነ አዉዋ ጎልያ ታማን ጹጋና። ህንተንቱ ኑና ጼሴዳዌ ኑና ማንቀꬃናሴ?” ያጌድኖ።
JDG 14:16 ያትና፥ ሳምሶና ማቻታ ዬካደ አኮ ሺቃደ፥ “ኔን ታና ሲቃካ! ኔን ታና ሎይꬃ እጻሳ! አያዉ ጎፐ፥ ኔን ታ ጋድያ አሳ ቃንእሽያ ቃንእሻደ፥ አ ብርሸꬃ ታዉ ኦዳበይካ” ያጋዱ። ሄዋፐ ጉየ እ ዛሪደ፥ “በአ፥ ሀዋ ታን ታ አዎካ ታ አትዉካ ኦዳበይከ። ያትና፥ ነዉ አያዉ ኦዶ?” ያጌዳ።
JDG 14:17 ሄዋፐ ጉየ ቡላቻ ባላይ ቦንቼትያ ላፑን ጋላሳ ኡባን ዬካደ ሸምፑዋ ድግና፥ ላፑንꬃ ጋላስ ቃንእሽያ ብርሸꬃ እዝዉ ኦዴዳ። አካ ባደ ባረ ጋደ አሳዉ ኦዳዱ።
JDG 14:18 ያትና፥ ላፑንꬃ ጋላስ አዋይ ዉላናፐ ካሰ ካታማ አሳቱ ባረ ዛሩዋ አኪደ ዪደ፥ ሳምሶና፥ “ኤሳፐ አꬊደ ማልእያባይ አዬ? ጋሙዋፐ አꬊደ ምንያባይ አዬ?” ያጌድኖ። ሄዋፐ ጉየ ሳምሶን ኡንቱንታ፥ “ህንተንቱ ታ ኡሳትን ጎሸናባ ግድንቶ፥ ታ ቃንእሽያ ብርሸꬃ ኤርክታ ሽን” ያጌዳ።
JDG 14:19 ሄዋፐ ጉይያን፥ መꬍና ጎዳ አያናይ አ ቦላን ዎልቃፐ ዎꬍና፥ አስቃሎና ካታማ ዎꬊደ፥ ሀታሙ አሳቱዋ ዎꬌዳ፤ ኡንቱንቱ ማዩዋ ቃር አኪደ፥ ቃንእሽያ ብሊደ አሳቶ አሂደ እሜዳ። ሀኔዳባን ኡባን ሀንቁዋ ኤጸቲደ፥ ባረ አዉዋ ሶ ስሚደ ቤዳ።
JDG 14:20 ሳምሶና ማቻታ አ ላግያዉ፥ አ ዋና ሚዝያዉ እመታዱ።
JDG 15:1 ጉꬃ ታክሽን፥ ዛርጋ ጫክያ ዎደ፥ ሳምሶን ባረ ማቻቶ በአናዉ እት አንቃራ ዴሻ አኪደ ቤዳ፤ እ አዉዋ፥ “ታን ታ ማቻታ ደእያ ክፍልያ ገላናዉ ኮያድ” ያጌዳ። ሽን እ ገለናዳን፥ እዝ አዉ ድጌዳ።
JDG 15:2 እዝ አዉ ሳምሶና፥ “ኔን እዞ ኡባ እጼዳዋ ማላትና፥ ነ ሚዝያዉ እማድ። ሽን እ ቴፋ ምቻታ ኢፐካ አꬋ ሎአ፤ እዝ ድራዉ እዞ አካ” ያጌዳ።
JDG 15:3 ሄዋፐ ጉየ ሳምሶን ኡንቱንቶ፥ “ሀእ ስም ፕልስጼማ ጋድያ አሳ ቦላ ታን ኢታባ ኦꬆፐ፥ ባይዛንቻ ግድከ” ያጌዳ።
JDG 15:4 ቢደ፥ ሄዙ ጼቱ ዎራካናቱዋ ኦይቂደ ላኡዋ ላኡዋ ዱፍያ እትፐ ጋꬂደ፥ ዱፈቱዋፐ ግዱዋን ዪጨቴዳ ጾምፕያ ዎꬂደ ቃቼዳ።
JDG 15:5 ሄዋፐ ጉይያን፥ ቃሸቴዳ ጾምፕያን ታማ ኦይꬂደ፥ ብሮ ጫከትቤና ፕልስጼማ አሳ ካꬃ ግዶ ዎራካናቱዋ የዴዳ፤ ጫከቴዳ ካꬃ፥ ኤቁዋን ደእያ ካꬃ፥ ዎይንያ ቱራቱዋነ ዎጋራ ጹጌዳ።
JDG 15:6 ፕልስጼማቱ፥ “ሀዋ ኦꬄዳዌ ኦኔ?” ያጊደ ኦቼድኖ። ሽን አሳይ፥ “ሳምሶን ኦꬄዳ፤ አያዉ ጎፐ፥ ትምና አሳ ግድያ አ ቦሉ፥ አ ማቻቶ አ ሚዝያዉ እሜዳ ድራሳ” ያጌዳ። ፕልስጼማቱ ቢደ፥ ኦዉነ እ አዉዋ ታማን ጹጌድኖ።
JDG 15:7 ሳምሶን ኡንቱንቶ፥ “ህንተንቱ ሄዋ ኦꬄዳ ድራዉ፥ ሀሉዋ ከሰናን አግከ” ያጌዳ።
JDG 15:8 ኡንቱንታ ዎልቃማ ሾቻ ሾጪደ፥ ዳሮቱዋ ዎꬌዳ። ሄዋፐ ጉይያን ቢደ፥ ኤጻማ ጌተትያ ኮሽያን ደእያ ዛላ ጎንጎሉዋ ግዶን ጋምኤዳ።
JDG 15:9 ሄዋፐ ጉይያን፥ ፕልስጼማ አሳይ ዪደ፥ ይሁዳን ዱንካኒደ ሌሀ ጌተትያ ካታማ ኦሌዳ።
JDG 15:10 ይሁዳ አሳይ ኡንቱንታ፥ “አያዉ ኑና ኦላናዉ ዬድቴ?” ያጊደ ኦቼዳ። ሽን ኡንቱንቱ፥ “ኑን ሳምሶና ኦይክ ቃቻናዉነ እ ኑ ቦላ ኦꬄዳዋዳን አ ቦላ ኦꬃናዉ ዬዶ” ያጊደ ዛሬድኖ።
JDG 15:11 ያትና፥ ይሁዳፐ ሄዙ ሻአ አሳቱ ኤጻማ ጌተትያ ሳኣን ደእያ ዛላ ጎንጎሉዋ ቢደ ሳምሶና፥ “ኑና ሞድያዋንቱ ፕልስጼማ አሳቱዋ ግድያዋ ኤርኪየ? ያትና፥ ኑ ቦላ ሀዋ አያ ኢታባ ኦꬃይ?” ያጌድኖ። ሄዋፐ ጉየ እ ዛሪደ፥ “ኡንቱንቱ ታ ቦላ ኦꬄዳዋዳን፥ ታንካ ኡንቱንቱ ቦላ ኦꬃድ” ያጌዳ።
JDG 15:12 ኡንቱንቱካ ዛረꬂደ፥ “ኑን ሀዋ ዬዳዌ ኔና ቃቺደ፥ ፕልስጼማቶ አꬂደ እማናሳ” ያጌድኖ። ሳምሶን ኡንቱንታ፥ “ህንተንቱ ህንተንቱ ሁጲያዉ ታና ዎናዳን ጫቂተ” ያጌዳ።
JDG 15:13 ኡንቱንቱ፥ “ኤኖ፥ ኑን ኔና ቃቺደ፥ ኡንቱንቶ አꬂደ እማናፐ አትና፥ ዎꬎኮ” ያጊደ አዉ ዛሬድኖ። ሄዋፐ ጉይያን፥ ላኡ ኦራꬃ ዎዶሩዋን ቃቺደ፥ ዛላ ጎንጎሉዋፐ ከሲደ አፌድኖ።
JDG 15:14 ሳምሶን ሌሀ ቤዳ ዎደ፥ ፕልስጼማ አሳቱ ናሸቻን ዋሲደ፥ አናና ጋከታናዉ ዬድኖ። መꬍና ጎዳ አያናይ አ ቦላ ዎልቃፐ ዎꬌዳ፤ አ ኩሽያ ቃች ዎꬄዳ ዎዶሩዋ፥ ሻሉ ታማ በኢደ ዱጽያዋዳን፥ ዱሰረꬅ የጌዳ።
JDG 15:15 ያቲደ ማታ ዎደ ሀይቄዳ እት ሀርያ ጎጎጩዋ ደም አኪደ፥ አን ሻአ አሳ ዎꬌዳ።
JDG 15:16 ሳምሶን ሀዋዳን ያጌዳ፤ “ሀርያ ጎጎጩዋን፥ ታን አሃ ቦላን አሃ ዶራድ። ሀርያ ጎጎጩዋን ሻአ አሳ ዎꬋድ” ያጌዳ።
JDG 15:17 ሃሳይያዋ ዉርሴዳዋፐ ጉይያን፥ ባረ ኦይቄዳ ጎጎጩዋ ኩሽያፐ ኦሊደ ሄ ሳኣ ራማት-ሌሀ ያጊደ ሱንꬄዳ።
JDG 15:18 ሄዋፐ ጉይያን፥ ሳምሶን ሎይꬅ ሳመቲደ፥ መꬍና ጎዳዉ ዋሲደ፥ “ኔን ሀዋ ማላ ዎልቃማ ጾኑዋ ታዉ ነ ቆማዉ እማዳ። ያትና፥ ታን ሀእ ሳሙዋን ሀይቆ? ቃይ ሀ ቃጻረትቤናዋንቱ ኩሽያን ኩንዶ?” ያጊደ ዋሴዳ።
JDG 15:19 ያግና ጾሳይ ሌሀን ደእያ ጋድያ ጳልቂና፥ አፐ ሃꬃይ ከሴዳ። ሳምሶን ሄ ሃꬃፐ ኡሺደ አሌዳ ድራዉ፥ አዉ ሸምፑ ስሜዳ። ያትና፥ ሄ ሳኣ አይን-ሀቆረ ያጊደ ሱንꬄዳ። ሄዌ ሀቼ ጋካናዉ ሌሀን ደኤ።
JDG 15:20 ፕልስጼማ አሳይ ጋድያ ሞዴዳ ዎደ፥ ሳምሶን እስራኤላን ላታሙ ላይꬃዉ ፕርድያ ዳና ግዴዳ።
JDG 16:1 እት ጋላስ ሳምሶን ጋዛ ጌተትያ ፕልስጼማቱዋ ካታማ ቤዳ፤ ያን እት ሻርሙጻ ምሽራቶ በኢደ፥ እዝና አቃናዉ እ ጎልያ ገሌዳ።
JDG 16:2 ጋዛ ካታማን ደእያ አሳይ ሳምሶን ኡንቱንቱ ካታማ ዬዳዋ ስሲደ፥ ካታማ ዩይ አꬊደ፥ ቃማ ኡባ ካታማ ፐንግያ ናጊደ አቄዳ፤ “ሳአይ ዎንታናዉ ናጊደ፥ ኑን አ ዎꬋና” ያጊደ ቃማ ኡባ ጮኡ ጌድኖ።
JDG 16:3 ሽን ሳምሶን ያን ግሴዳዌ ብላሄ ጋካናዉ ጻላላ። ብላሄ ደንዲደ፥ ካታማ ድርሳ ፐንግያ ኦይኪደ፥ ሳንቃ፥ ጉባንያ፥ ማቃንያነ ጎርድያ ሽካላቱዋ ሾዴዳ። ሄ ኡባካ ሀሽያን ቶኪደ፥ ከብሮናፐ ስንꬃ ባጋና ደእያ ደርያ ሁጲያ ከሴዳ።
JDG 16:4 ሄዋፐ ጉይያን፥ ሳምሶን ሶሬቃ ግያ ዛንጋራን ደእያ እት ዳሊሎ ግያ ምሽራቶ ሲቄዳ።
JDG 16:5 ያትና፥ ፕልስጼማቱዋ ካፓቱ ኢኮ ዪደ፥ “ኔን አ ጭማደ፥ ሄ ዎልቃ ኡባ አያፐ እ ደሜደንቶነ ቃይ ኑን አ ዎት ጾኒደ ቃቻናዉ ዳንዳይንቶ ኦቻ። እቱ እቱ ኑን ነዉ እት ሻአነ እት ጼቱ ጻጋራ ብራ እማና” ያጌድኖ።
JDG 16:6 ዳሊላ ሳምሶና፥ “ሀዋ ኬሻ ዎልቃ ኔን ሀቃፐ ደማድንቶ፥ ሀያና ታዉ ኦዳርኪ! እት አሳይ ኔና ቃቺደ፥ ዋቲደ ነ ዎልቃ ዳቡርሳናዉ ዳንዳዪ?” ያጋዱ።
JDG 16:7 ሳምሶን፥ “ታና ላፑን እርጻ ዳፎቱዋን አሳይ ቃቾፐ፥ ዳቡራደ፥ ሀራ አሳዳን ሀናና” ያጊደ ዛሬዳ።
JDG 16:8 ሄዋፐ ጉይያን፥ ፕልስጼማቱዋ ካፓቱ ዳሊልዉ ላፑን እርጻ ዳፎቱዋ አህና አ ሳምሶና ቃቻዱ።
JDG 16:9 ባረ ቆልኦን አሳ ቆሳ ዎꬃደ፥ “ሳምሶና፥ ፕልስጼማቱ ይክቼድኖ” ጋደ ጼሳዱ። ሽን ሻሉ ታማይ ኦይቂና ዱጸረትያዋዳን፥ ዳፎቱዋ ዱሰረꬅ የጌዳ። ያትና፥ እ ዋን ዎልቃሚንቶ ጹራይ ኤረትቤና።
JDG 16:10 ያትና፥ ዳሊላ ሳምሶና፥ “ሄኮ ኔን ታናን ካኣሳ፤ ኔን ታዉ ዎርዱዋ ኦዳዳ። ሀእካ ኔን ቃሸታናዌ አያነንቶ፥ ሀያና ታዉ ኦዳርኪ!” ያጋዱ።
JDG 16:11 እ እዞ፥ “አሳይ ጎኤትቤና ኦራꬃ ዎዶሩዋን ታና ቃቾፐ፥ ዳቡራደ፥ ሀራ አሳዳን ሀናና” ያጌዳ።
JDG 16:12 ዳሊላ ኦራꬃ ዎዶሩዋ አካደ፥ ሳምሶና ቃቻዱ። ቃይካ ባረ ቆልኦን አሳ ቆሳ ዎꬃደ፥ “ሳምሶና፥ ፕልስጼማቱ ይክቼድኖ” ያጋዱ። ሽን እ ዎዶሩዋ ቀስያፐ ሻሉዋዳን ዱሰረꬅ የጌዳ።
JDG 16:13 ያትና፥ ዳሊላ ሳምሶና፥ “ሀእ ጋካናዉ ኔን ታናን ካኣዳ፤ ኔን ታዉ ዎርዱዋ ኦዳዳ። ሀእካ ኔን ቃሸታናዌ አያነንቶ ሀያና ታዉ ኦዳርኪ!” ያጋዱ። ሄዋፐ ጉየ እ እዞ፥ “ታ ሁጲያ ላፑን ዳꬃ ብናና ቃጭናና ጋꬃደ፥ ሀርባን ዋላካደ፥ ሙኩካ ጾንጋ ጾንጋደ ዳዶፐ፥ ታን ዳቡራደ፥ ሀራ አሳዳን ሀናና” ያጌዳ።
JDG 16:14 ሄዋፐ ጉይያን፥ ሳምሶን ገምእሽሽን፥ ዳሊላ አ ሁጲያ ላፑን ዳꬃ ብናናናነ ቃጭናና ጋꬃ ዋላካደ ዳዳዱ። ሄዋፐ ጉይያን፥ “ሳምሶና፥ ፕልስጼማቱ ይክቼድኖ” ያጋዱ። ሄዋፐ ጉየ እ ገምእሹዋፐ ቤጎቲደ፥ ባረ ብናና ዳደቴዳ ማዩዋፐነ ሀርባፐ ሾድ አኬዳ።
JDG 16:15 ያትና አ፥ “ነ ዎዛናይ ታናና ደኤናን፥ ‘ታን ኔና ሲቃይ’ ዋታደ ጋይ? ታናን ሀዋና ሄዙ ገደ ካኣዳ። ኔን ሀ ዎልቃ አያፐ ደማድንቶ፥ ታዉ ኦዳባካ” ያጋዱ።
JDG 16:16 ሀቼ ሀቼ ዛራ ዛራ ኦቻደ ዋይስና፥ ሀንያባ ꬋዬዳ።
JDG 16:17 ያትና፥ “ታ አት ኡሉዋፐ ዶምና፥ ታን ጾሳዉ ዱማቴዳ ናዝራዌ አሳ ግዴዳ ድራዉ፥ ታ ሁጲያ ብናናይ ሜደት ኤረና። ታ ብናናይ ሜደቶፐ፥ ታ ዎልቃይ ታፐ ꬋይና፥ ታን ዳቡራደ፥ ሀራ አሳዳን ሀናና” ያጊደ፥ ባረ ዎዛናን ደእያዋ ኡባ እዝዉ ኦዴዳ።
JDG 16:18 ባረ ዎዛናን ደእያዋ ኡባ እ ኦዴዳዋ ዳሊላ በኤዳ ዎደ፥ “ባረ ዎዛናን ደእያዋ ኡባ ታዉ ኦዴዳ ድራዉ፥ አነ እት ገደ ስሚደ ዪተ” ያጋደ ፕልስጼማቱዋ ካፓቶ ኪታ የዳዱ። ኡንቱንቱ ብራ አኪደ፥ ኢኮ ዬድኖ።
JDG 16:19 ዳሊላ ሳምሶና ባረ ክዉዋን ገምእሽሳዱ፤ እት አሳ ጼስና ዪደ፥ አ ሁጲያ ላፑን ዳꬃ ብናና ሜዴዳ፤ አ ዎልቃይ አፐ ꬋዬዳ። ሄዋፐ ጉይያን፥ አ ዋይስያዋ ዶማዱ፤
JDG 16:20 “ሳምሶና፥ ፕልስጼማቱ ይክቼድኖ!” ያጋዱ። ገምእሹዋፐ ቤጎቲደ፥ ካሰዋዳን ዱሰሬꬃደ ባና ያጊደ ቆፔዳ፤ ሽን መꬍና ጎዳይ አፐ ሻከት ክቼዳዋ እ ኤርቤና።
JDG 16:21 ፕልስጼማቱ አ ኦይቄዳዋፐ ጉይያን፥ አ ላኡ አይፈቱዋ ዎጭ ከሲደ፥ ጋዛ ካታማ አፌድኖ። ሄዋፐ ካላ ናሃስያ ሳንሳላታን ቃቼድኖ፤ ቃሾ ጎለን ደእያ ዎጻን ካꬃ ጋጫናዳን ኦꬄድኖ።
JDG 16:22 ኡንቱንቱ አ ሁጲያ ብናና ሜዴዳዋፐ ጉይያን፥ ብናናይ ስሚደ ዶሉዋ ዶሜዳ።
JDG 16:23 ፕልስጼማቱዋ ካፓቱ፥ “ኑ ጾሳይ ኑ ሞርክያ ሳምሶና ኑ ኩሽያን አꬂደ እሜዳ” ያጊደ ባረንቱ ጾሳ ዳጎናዉ ዎልቃማ ያርሹዋ ያርሻናዉነ ናሸታናዉ እትፐ ሺቄድኖ።
JDG 16:24 አሳይ ኡባይ አ በኤዳ ዎደ፥ “ኑ ጋድያ ባይዜዳ፥ ኑ አሳፐ ዳሩዋ ዎꬌዳ ኑ ሞርክያ ኑ ጾሳይ ኑ ኩሽያን አꬂደ እሜዳ” ያጊደ ባረንቱ ጾሳ ጋላቴድኖ።
JDG 16:25 ኡንቱንቱ ሎይꬅ ናሸቴዳ ድራዉ፥ “ካኢደ ኑና ናሸቻና ማላ፥ ሳምሶና ጼስተ” ያጌድኖ። ሄዋፐ ጉየ ሳምሶና ቃሾ ጎልያፐ ጼሲደ አህና፥ እ ኡንቱንቱ ስንꬃን ካኤዳ፤ ካኤዳዋፐ ጉይያን፥ ቱሳቱዋፐ ግዱዋን ኤሴድኖ።
JDG 16:26 ሳምሶን አ ኩሽያ ኦይቂደ ካለꬅያ ናኣ፥ “ታን ኡንቱንቱን ዘምፓደ ኤቃና ማላ፥ ጎልያ ቶኬዳ ቱሳቱዋ ታና ቦሽሳ” ያጌዳ።
JDG 16:27 ጎልያ ግዱዋን አቱማ አሳቱነ ማጫ አሳቱ ኩም ኡቴድኖ፤ ቃይ ሄዋን ፕልስጼማቱዋ ካፓቱ ኡባቱካ ደኢኖ። ሳምሶን ካእሽን፥ ጎልያ ቦላን ደምባዪደ ኬጼዳ ሳኣን ኡቲደ፥ ሄዙ ሻአ ግድያ አቱማ አሳቱነ ማጫ አሳቱ በኢኖ።
JDG 16:28 ሄ ዎደ ሳምሶን መꬍና ጎዳ ዎሲደ፥ “አቤት ኡባ ሞድያ መꬍና ጎዳዉ፥ ሀይ ታና ሀሳያርኪ! አቤት ጾሳዉ፥ ፕልስጼማቱ ታ ላኡ አይፈቱዋ ከሴዳዋ፥ ሀሉዋ ታን ከሳናዳን፥ ሀይ ታና እት ገደ ምንꬃርኪ!” ያጌዳ።
JDG 16:29 ሳምሶን ጎልያ ቶኬዳ ግዶ ቱሳቱዋ ላኡዋካ ኦይቄዳ። ኡሸቻ ኩሽያን እቱዋ፥ ሀድርሳ ኩሽያን እቱዋ ኦይቄዳዋፐ ጉይያን፥
JDG 16:30 “አነ ታን ፕልስጼማቱዋና እትፐ ሀይቃይ!” ያጊደ ዋሴዳ። ባረዉ ደእያ ዎልቃ ኡባን ሱግና፥ ኬꬃይ ካፓቱ ቦላነ ግዱዋን ደእያ አሳ ኡባ ቦላ ኩንዴዳ። ሳምሶን ሀይቂደ ዎꬌዳ አሳይ፥ እ ፓጻ ደኢደ ዎꬌዳ አሳፐ ዳሬዳ።
JDG 16:31 ያትና፥ አ እሻቱነ አ ዳቦቱ ኡባይ ዪደ፥ አ አሃ አፌድኖ፤ ጾርአ ካታማፐነ ኤሽታኦላ ካታማፐ ግዱዋን፥ አ አዉዋ ማኑሄ ዱፉዋን ሞጌድኖ። ሳምሶን እስራኤላን ላታሙ ላይꬃ ዳናቲደ ፕርዴዳ።
JDG 17:1 ኤፍሬማ ገዝያን ሚካ ግያ እት ብታኒ ደኤ።
JDG 17:2 እት ጋላስ ሚክ ባረ አቶ፥ “ኔፐ እት አሳይ እት ሻአነ እት ጼቱ ጻጋራ ብራ ዉኤዳ ዎደ፥ ኔን ሄ ዉኤዳ ብታንያ ሸቂሽን ታን ስሳድ። በአ፥ ሄ ሚሻይ ታ ማታን ደኤ፤ ታን አካድ” ያጌዳ። ሄዋፐ ጉየ አ ዳያ፥ “ታ ናአዉ፥ ኔና መꬍና ጎዳይ አንጆ” ያጋዱ።
JDG 17:3 ሄዋፐ ጉየ ናአይ እት ሻአነ እት ጼቱ ጻጋራ ብራ ባረ አትዉ ዛሬዳ፤ አ ዳያ፥ “ሸቃይ ታ ናኣ ጋከናዳን፥ ታን ሀ ሚሻ ታ መꬍና ጎዳዉ ዱማያና። ያቶፐ ብራ ሲልሲደ፥ ምꬃፐ ማሰቲደ ጊጌዳ ኤቃ ምስልያ አን ሼሻናዉ ጎኤታና። ሄዋ ድራዉ፥ ብራ ታን ነዉ ዛራና” ያጋዱ።
JDG 17:4 ናአይ ባረ አትዉ ሻሉዋ ዛርና፥ አ ዳያ ሄ ጻጋራ ብራፐ ላኡ ጼቱዋ አካደ፥ ምꬃ ማሲደ ብራን ሼሽ ሼሺደ ኤቃ ምስልያ መꬍያ እት ሂላንቻዉ እማዱ፤ እ ኦꬄዳ ምስሊ ሚካ ሶን ደኤዳ።
JDG 17:5 ሄ ምካዉ ኤቃዉ ጎይንያ ኬꬃይ ደኤ። እ ኤፉድያነ ሶ ግዶ ኤቃ ምስለቱዋ ጊግሲደ፥ ሄ ጎለን ባረ ናናቱዋፐ እቱዋ ቄሳ ኦꬂደ ሱንꬄዳ።
JDG 17:6 ሄ ዎደ እስራኤልያ ጋድያን ካቲ ባዋ፤ አሳይ ኡባይ ባረዉ ልከ ማላቴዳዋ ጮ ኦꬄዳ።
JDG 17:7 ሄ ዎደ ይሁዳ ጋድያን ቤተሌመ ካታማን እት ዎዳላይ ደኤ፤ እ ሌዊያ ዛረ።
JDG 17:8 ሀ ብታኒ ባረዉ ደእያ ሳኣ ኮያናዉ ቤተሌመ ካታማፐ ደንዲደ ቤዳ፤ ኤፍሬማ ገዝያን ደእያ ሚካ ሶ ጋኬዳ።
JDG 17:9 ሚክ፥ “ሀቃፐ ያድ?” ያጌዳ። ሄዋፐ ጉየ ብታኒ፥ “ታን ይሁዳ ጋድያን ቤተሌመ ካታማፐ ያድ፤ ታን ሌዊያ ዛረ። ሀእ ታዉ ደእያ ሳኣ ኮያደ ደአይ” ያጊደ አዉ ዛሬዳ።
JDG 17:10 ምክ አ፥ “ታናና ደአ፤ ታዉ አዉዋነ ቄሰ ግዳ። ታን ነዉ ላይꬃን ላይꬃን ታሙ ጻጋራ ብራ፥ ኩመንꬃ ማዩዋነ ምያባ እማና” ያጌዳ።
JDG 17:11 ሌዊያ ዎዳላይ ምካና እትፐ ደአናዉ ጊጌዳ፤ ምካዉ የሌዳ ናኣዳን ሀኔዳ።
JDG 17:12 ምክ አ ባረ ቄሳ ኦꬂደ ሱንꬅና፥ አ ሶን ደኤዳ።
JDG 17:13 ምክ፥ “እት ሌዊ ታዉ ቄሰ ግዴዳ ድራዉ፥ መꬍና ጎዳይ ታዉ ኡባባ ሎይꬃናዋ ኤራይ” ያጌዳ።
JDG 18:1 ሄ ዎደ እስራኤልያ ጋድያን ካቲ ባዋ። ሄ ዎደ ጋካናዉ ዳና ዛረቶ እስራኤልያ ዛራቱዋ ግዱዋን ላቴዳ ጋዲ ባዋ። ሄዋ ድራዉ፥ ኡንቱንቱ ባረንቱ ደእያ ጋድያ ኮዪደ ደኢኖ።
JDG 18:2 ሄዋ ድራዉ፥ ዳና ዛራቱ ባረንቱ ዛራቱዋፐ እቼሹ ምኖ አሳቱዋ ዶሪደ፥ ጋድያ ዎቺደነ አኬኪደ ስማናዳን፥ ጾርአነ ኤሽታኦላ ጌተትያ ካታማቱዋፐ ኡንቱንታ ኪቴድኖ። ኡንቱንቱ ኤፍሬማ ገዝያ ጋኪደ፥ ምካ ሶን አቄድኖ።
JDG 18:3 ኡንቱንቱ ምካ ሶን ደኤዳ ዎደ፥ ሌዊያ ዛረ ግዴዳ ያላጋ አ ሃሳያን ኤሬድኖ። ኡንቱንቱ አኮ ሺቂደ፥ “ኔና ሀዋ አሄዳዌ ኦኔ? ሀዋ አያዉ ያድ? ሀዋን አያ ኦꬃይ?” ያጊደ ኦቼድኖ።
JDG 18:4 እ፥ “ምክ ታዉ ሀዋ ሀዋ ኦꬄዳ፤ እ ታዉ ድርጉዋ ጭግና፥ ታን አዉ ቄሰ ግዳደ ኦꬃይ” ያጊደ ኡንቱንቶ ዛሬዳ።
JDG 18:5 “ኑን ብያ ኦጊ ኑዉ ጊገናን አጋነንቶነ ሀያና አነ ኑዉ ጾሳ ኦቻርክ” ያጌድኖ።
JDG 18:6 ሄዋፐ ጉየ ቄሲ ኡንቱንቶ፥ “ሳሮ ጋክተ፤ ህንተንቱ ብያ ኦግያን መꬍና ጎዳይ ህንተናና ግዳናዋ” ያጊደ ዛሬዳ።
JDG 18:7 ሄዋፐ ጉይያን፥ እቼሹ አሳቱ ያፐ ደንዲደ፥ ላይሻ ጌተትያ ካታማ ቤድኖ፤ ያን ደእያ አሳይ ሲዶና ጋድያ አሳዳን ሳሩዋን ደእያዋ በኤድኖ፤ አሳቱ ኦናነ ስና ዎፓ አሳ፤ ኡንቱንቱ አያይነ ፓጨናን፥ ኡባባይ ኩሜዳ አሳ። ኦናናነ ጋከተናን ሲዶና ጋድያ አሳፐ ሃኪደ፥ ባረካ ዱማ ደኢኖ።
JDG 18:8 እቼሹ አሳቱ ጾርአነ ኤሽታኦላ ካታማቱዋን ደእያ ባረንቱ እሻቱዋኮ ስሜድኖ፤ ኡንቱንቱ እሻቱ፥ “አያ ኦዱዋ አኪደ ዬድቴ?” ያጌድኖ።
JDG 18:9 ሄዋፐ ጉየ ኡንቱንቱ ዛሪደ፥ “ቢታይ ሎይꬅ አራዳ ግድያዋ ኑን በኤዶ። ሄዋ ድራዉ ደንዲደ፥ ላይሻ ካታማን ደእያ አሳ ኦሌቶ! ሃዋን ኦሱዋ ꬋዪደ ጮ ኡቶፕተ፤ ኤለካ ቢደ ኦይቂተ።
JDG 18:10 ህንተንቱ ያ ቢደ፥ ኦናነ ስናን ሳሮ ኡቴዳ አሳኮ ጋካኒታ። አሳዉ ኮሽያ ኡባባይ ሄ ጋድያን ደኤ። ጾሳይ ሄ ጋድያ ህንተንቶ እሜዳ” ያጌድኖ።
JDG 18:11 ያትና፥ ዳና ዛራቱዋፐ ኡሱፑን ጼቱ አሳቱ ኦላ ሚሻ ኦይቂደ፥ ጾርአነ ኤሽታኦላ ካታማቱዋፐ ደንዲደ ቤድኖ።
JDG 18:12 ይሁዳ ጋድያን ደእያ ቅርያት-ይኣሪማ ጌተትያ ካታማፐ አዋይ ዉልያ ባጋና ኡቴድኖ። ሄዋ ድራዉ፥ ሄ ሳአይ ሀቼ ጋካናዉ ዳና ሞꬃ ጌተቲደ ሱንቴዳ።
JDG 18:13 ሄዋፐ ደንዲደ፥ ኤፍሬማ ገዝያን ደእያ ምካ ሶ ዬድኖ።
JDG 18:14 ላይሻ ጋድያ ዎቻናዉ ቤዳ እቼሹ አሳቱ ባረንቱ እሻቱዋ፥ “ሀ ሳኣን፥ ሀ ኬꬃቱዋፐ እቱዋን ኤፉዲ፥ ሶ ግዶ ኤቃ ምስለቱነ ምꬃፐ ማሰቲደ ብራን ሼሸቴዳ ምስሊ ደእያዋ ኤሪቴ? አነ አይ ኦꬃናዉ ኮሽንቶ ቆፕተ” ያጌድኖ።
JDG 18:15 ሄዋፐ ጉየ ኦግያፐ ስሚደ፥ ሌዊያ ዛረ ግዴዳ ያላጋ ቄሲ ደእያ ምካ ሶ ቢደ፥ አ ሳሮቴድኖ።
JDG 18:16 ሄ ዎደ ኡሱፑን ጼቱ ዳና አሳቱ ኦላ ሚሻ ኦይቂደ፥ ገልያ ፐንግያን ኤቄድኖ።
JDG 18:17 ኡንቱንቱ ሄ ቄስያና ያን ኤቂደእሽን፥ ጋድያ ዎቼዳ እቼሹ አሳቱ ምካ ሶ ገሊደ፥ ምꬃፐ ማሰቲደ ብራን ሼሸቴዳ ምስልያ፥ ኤፉድያነ ሶ ግዶ ኤቃ ምስለቱዋ አኬድኖ።
JDG 18:18 ሄ ዎደ ቄሲ ኡንቱንታ፥ “ዋቲቴ?” ያጌዳ።
JDG 18:19 ሄዋፐ ጉየ ኡንቱንቱ አ፥ “ሀይዛ! እት ቃላነ ቃቶፓ! ኑናና ባደ ኑዉ አዉዋነ ቄሰ ግዳ። እት ጎልያ አሳዉ ቄሰ ግድያዋፐ እስራኤልያ ግድያ እት ዛረ አሳዉ ቄሰ ግድያዌ ነዉ ኬከኔ?” ያጌድኖ።
JDG 18:20 ሄዋፐ ጉየ ቄሲ ናሸቲደ ኤፉድያ፥ ሶ ግዶ ኤቃ ምስለቱዋነ ምꬃፐ ማሰቴዳ ምስልያ አኪደ፥ አሳቱዋና እትፐ ቤዳ።
JDG 18:21 ሄዋፐ ደንዲደ፥ ባረንቱ ናና፥ ባረንቱ መህያነ ባረንቶ ደእያዋ ስንꬃን ዎꬂደ ቤድኖ።
JDG 18:22 ኡንቱንቱ ምካ ጎልያፐ ሃኪደ ቤዳዋፐ ጉይያን፥ ምክ ባረ ሾሩዋን ደእያ አሳቱዋ ጼስና፥ ኦላዉ ከሴድኖ፤ ዳና አሳቱዋ ካሊደ ጋኬድኖ።
JDG 18:23 ዋስና፥ ዳና አሳቱ ጉየ ስሚደ ምካ፥ “ዋናዲ? ሀ አሳ ኡባ አያዉ ሺሻዲ?” ያጊደ ኦቼድኖ።
JDG 18:24 ሽን ምክ ዛሪደ፥ “ታን መꬌዳ ታ ጾሳቱዋነ ታዉ ኦꬅያ ቄስያ አኪደ ይክቼድታ። ታዉ ሀራይ አዬ አቴዳዌ? ህንተንቱ ታና አያዉ፥ ‘ዋናዲ?’ ጊቴ?” ያጌዳ።
JDG 18:25 ዳና አሳቱ፥ “እት ቃላ ቃታደ ኔና ኤራ! ሀ ይሉዋና ደእያ አሳ ኔን ደንꬆፐ፥ ኡንቱንቱ ነ ቦላ ደንዳናነ ነ ሶ አሳ ኡባ ዉርሳና” ያጌድኖ።
JDG 18:26 ዳና አሳቱ ባረንቱ ኦግያ ቤድኖ። ምክካ ኡንቱንቱ ባረፐ ሎይꬅ ዎልቃምያዋ በኢደ፥ ባረ ሶ ስሚደ ቤዳ።
JDG 18:27 ዳና አሳቱ ምክ መꬌዳ ጾሳቱዋነ አ ቄስያ አኪደ፥ ላይሻ ካታማን ኦናነ ስናን ሳሮ ደእያ አሳቱዋኮ ቤድኖ፤ ካታማን ደእያ ኡባ ቃራ ማሻን ዎꬊደ፥ ካታማ ታማን ጹጌድኖ።
JDG 18:28 ላይሻ ካታማይ ሲዶና ካታማፐ ሃኪደ ደእያ ድራዉነ አሳይ ሀራ አሳና ጋከት ኤረና ድራዉ፥ ኡንቱንታ አሻናዉ ኦንነ ዳንዳይቤና። ላይሻ ካታማይ ቤት-ራሆባ ግያ ሳኣ ማታን ደእያ ዎምባ ግዶን ደኤ። ዳና አሳቱ ካታማ ዎꬅ የግ ኬጺደ፥ ያን ደኤድኖ።
JDG 18:29 ካታማ ሱንꬃካ በን ባረንቱ ማይዛ አዉዋ፥ ያቆባ ናኣ ዳና ሱንꬃን ላሚደ፥ ዳና ያጊደ ሱንꬄድኖ፤ ሽን ኮይሮ ሄ ካታማይ ላይሻ ጌተቴ።
JDG 18:30 ዳና አሳቱ ባረንቶ ሄ ማሰቴዳ ምስልያ ዎꬂደ፥ ሙሴ ናኣ ገርሾማፐ የለቴዳ ዮናታና ባረንቱ ቄሳቱዋ ኦꬄድኖ። አ ዛራቱ አሳይ ኦሞደቲደ ቤዳ ዎዲ ጋካናዉ፥ ያን ቄሳቱዋ ግዴድኖ።
JDG 18:31 ሄዋዳን ሀኒደ፥ ጾሳ ዱንካኒ ሴሎን ደኤዳ ላይꬃቱዋን ኡባን ምክ ማስሴዳ ምስለቱ ያን ጋምኤድኖ።
JDG 19:1 እስራኤልያ ጋድያን ካቲ ባይና ዎደ፥ ኤፍሬማ ገዝያን፥ ሃኮ ሳኣን ሌዊያ ዛረ ግድያ እት ብታኒ ደኤ። ሄ ብታኒ ይሁዳ ጋድያን ቤተሌመ ካታማፐ እት ናቶ ቆማቶ አሄዳ።
JDG 19:2 ሽን አዉ አማነተናን እጻደ፥ ይሁዳ ጋድያን ቤተሌመ ካታማን ደእያ ባረ አዉዋ ሶይ ባዱ፤ ያን ኦይዱ አገና ኡታዱ።
JDG 19:3 እ ጎዳይ እዝዉ ኦድ አማንꬃናዉነ፥ ሶይ ዛራናዉ ደንዲደ፥ ባረ ቆማነ ላኡ ሀረቱዋ አኪደ ቤዳ፤ አ ሞካ አካደ፥ ባረ አዉዋ ሶይ ገልሳዱ። እዝ አዉ አ በኤዳ ዎደ፥ ናሸቲደ ሞኬዳ።
JDG 19:4 ናት አዉ ብታንያ የደናን ድግና፥ ያን አናና ሚድነ ኡሺደ ሄዙ ጋላሳ ታኬዳ።
JDG 19:5 ኦይደንꬆ ጋላስ ዎንታ ጉራን ደንዲደ፥ ባናዉ ጊጌድኖ። ሽን ናት አዉ ባረ ናት ጎዳ፥ “ጉꬃ ቁማ ማደ፥ ምኔዳዋፐ ጉይያን ባሳ” ያጌዳ።
JDG 19:6 ሄዋፐ ጉየ ላኡ አቱማ አሳቱካ ኡቲደ፥ እትፐ ሜድኖነ ኡሼድኖነ። ሄዋፐ ጉይያን ናት አዉ አ፥ “ሀያና፥ ሀቼ ናሸታደ ሀዋን አቃ” ያጌዳ።
JDG 19:7 ሌዊያ ዛሪ ባናዉ ደንድና፥ ቤናን አቃና ማላ ዎሴዳ፤ እ አኪያ ቆማት አዉ አ ዎስና፥ ቃይካ ያን አቄዳ።
JDG 19:8 እቼሻንꬆ ጋላስ ባናዉ ዎንታ ጉራን ደንድና፥ ናት አዉ፥ “ሀያና፥ ምነታ ታካደ፥ ኦማርስ ባሳ” ያጌዳ። ሄዋፐ ጉየ ኡንቱንቱ ላአቱካ ቁማ እትፐ ሜድኖ።
JDG 19:9 ብታኒ ባረ አኪያ ቆማትናነ ባረ ቆማና ባናዉ ከስና፥ ናት አዉ ሀዋዳን ያጌዳ፤ “በእተ፥ ሳአይ ቃም ድጌዳ! ናሸቲደ ሀዋን አቅ አግተ። ዎንታ ጉራና ደንዲደ፥ ህንተንቱ ሶይ ቢታ” ያጌዳ።
JDG 19:10 ሽን እ ሄ ጋላስ ያን አቃናዉ ኮይቤና። ሄዋ ድራዉ፥ ደንዲደ ቤዳ፤ ያቡሳ ጌተትያ የሩሳላመ ካታማ ማታ ጋኬዳ፤ እ አኪያ ቆማታነ ላኡ ጫኔዳ ሀረቱ አናና ደኢኖ።
JDG 19:11 ኡንቱንቱ ያቡሳ ማትና፥ ሳአይ ሎይꬅ ኦማርሴዳ፤ ያትና፥ ቆማይ ባረ ጎዳ፥ “ብያዋ አጊደ አያዉ ሀ ያቡሳዋናቱዋ ካታማን አቆኮ?” ያጌዳ።
JDG 19:12 ሄዋፐ ጉየ አ ጎዳይ አዉ ዛሪደ፥ “ሀዋ እስራኤልያ አሳይ ባይና አላጋ ካታማ ቦኮ። ግብኣ ካታማ ጋካናዉ ኑን ባና” ያጌዳ።
JDG 19:13 ቃይ ዛረꬂደ ባረ ቆማ፥ “ሃያ፥ ኑን ግብኣ ካታማን ዎይ ራማ ካታማን አቅያ ሳኣ ደማና” ያጌዳ።
JDG 19:14 ያቲደ ባረንቱ ኦግያ ኦይቂደ ቤድኖ። ቢንያማ ጋድያን ደእያ ግብኣ ካታማ ማትና፥ አዋይ ኡንቱንቶ ዉሌዳ።
JDG 19:15 ኡንቱንቱ ግብኣ ካታማ ገሊደ አቃናዉ፥ ያ ቤድኖ፤ ካታማ አሳይ ሽቁዋ ኡትያ ሳኣን ኡቴድኖ፤ ሽን ያፐ ኡንቱንታ ባረ ሶይ አፊደ አይስያ አሳይ ቤትቤና።
JDG 19:16 ኡንቱንቱ ሄዋን ኡት ደእሽን፥ ጋደን ኦꬅያ ሳፐ ሳአይ ኦማርስና፥ ባረ ሶይ ስምያ እት ጭማ ብታኒ ኡንቱንቱ ማታና አꬌዳ። ሀ ብታኒ ካሰ ኤፍሬማ ገዝያፐ ዬዳ አሳ፤ ሽን ሀእ እ ደእያዌ ግብኣ ግያ ካታማና፤ ሄ ጋድያን ቢንያማ ዛርያፐ የለቴዳ አሳቱ ደኢኖ።
JDG 19:17 ሄ ጭማ ብታኒ ካታማ አሳይ ሽቁዋ ኡትያ ሳኣን ኡቴዳ ብታንያ በኢደ፥ “ሀቃፐ ያድ? ሀቃ ባይ?” ያጊደ ኦቼዳ።
JDG 19:18 ሌዊያ ዛሪ ዛሪድ፥ “ኑን ይሁዳ ጋድያን ደእያ ቤተሌመ ካታማፐ ዬዶ። ሀእ ኤፍሬማ ገዝያፐ ሄፍንꬃ ባጋን ደእያ ኑ ሶይ ቦይተ፤ ቃይ መꬍና ጎዳ ጎለካ ቦይተ። ያኔዳዋንቱ ኑና ባረ ሶይ አፊደ አይስያ አሳ ደምበይኮ።
JDG 19:19 ኑ ሀረቶ ኡቱላይነ ዳላይ ደኤ፤ ታዉ፥ ታ አኪያ ቆማትዉነ ታ ቆማዉ ግድያ ኡክꬃይነ ዎይንያ ኤሳይ ደኤ፤ ኑ ኮሽያዋ ኡባ ኦይቄዶ” ያጌዳ።
JDG 19:20 ሄዋፐ ጉየ ጭማ ብታኒ፥ “ሳሩ ህንተንቶ ግዶ፤ ህንተንቱ ኮይያዋ ኡባ ታን ህንተንቶ እማና፤ አያ ግዶፐነ፥ ሀ ካታማ አሳይ ሽቁዋ ኡትያ ሳኣን አቃናዉ ኮሸና” ያጌዳ።
JDG 19:21 ኡንቱንታ ባረ ሶይ አፌዳ፤ ኡንቱንቱ ሀረቶካ ምያባ የጌዳ። ሄዋፐ ጉይያን፥ እማꬃቱ ባረንቱ ገድያ ሜጨቲድ፥ ካዉዋ ሜድኖ።
JDG 19:22 ኡንቱንቱ ናሸትሽን፥ ካታማፐ ሹፉሮ አሳቱ ዪደ፥ ጎልያ ዩሹዋን ዶዲደ፥ ፐንግያ ቆጸꬃ ዶሜድኖ፤ ኡንቱንቱ ሄ ጎልያ ጎዳ፥ ሄ ጭማ ብታንያ፥ “ሄ ነ ሶ ገሌዳ ብታንያ ሃ ኬሳ፤ ኑን አናና ግሳናዉ ኮዬቶ!” ያጌድኖ።
JDG 19:23 ሄዋፐ ጉየ ጎልያ ጎዳይ ካረ ከሲደ ኡንቱንታ፥ “ሀይ ታ እሻቶ፥ ሄዋ ማላ ፓላባ ኦꬆፕተ፤ ሀ ብታኒ ታ እማꬃ።
JDG 19:24 በእተ፥ ታ ዎዶሮ ናታነ እ አኪያ ቆማታ ሀዋን ደኢኖ። ታን ኡንቱንታ ህንተንቶ ካረ ኬሳና፤ ያቶፐ ኡንቱንታ ህንተንቱ ኮዬዳዋ ኦꬅተ፤ ሽን ሀ ብታንያ ቦላ ሄዋ ማላ ኢታባ ኦꬆፕተ” ያጌዳ።
JDG 19:25 ሽን አሳቱ እ ጌዳዋ ስሰናን እጼድኖ። ያትና፥ ቢታኒ ባረ አኪያ ቆማቶ ካረ ኬሲደ፥ ኡንቱንቶ እሜዳ፤ ሳአይ ዎንታና ጋካናዉ፥ ቃማ ኡባ ካላን ካላን እዝና ዎልቃን ግሲደ፥ እዞ ፓጻ ካኢዴ አቄድኖ፤ ያቲደ ሳአይ ዎንታና ሀንሽን፥ እዞ የዴድኖ።
JDG 19:26 ሳአይ ዎንታናዉ ሆልጆጅ ዞእያ ዎደ ሄ ምሽራታ ያደ፥ እዝ ጎዳይ አቄዳ ጭማ ብታንያ ጎልያ ፐንግያን ኩንዳዱ፤ ጻልቂ ዶላና ጋካናዉ ሄዋን ግሳዱ።
JDG 19:27 ሄ ጋላስ ጉራ እ ጎዳይ ደንዲደ፥ ባረ ኦግያ ባናዉ ጎልያ ፐንግያ ዶዪደ ከሴዳ ዎደ፥ እ ማችያ ቆማታ ጎልያ ፐንግያን ባረ ኩሽያ ፐንገ ጎጭላ ቦላ ምጫደ፥ ግሴዳውኖ በኤዳ።
JDG 19:28 እዞ፥ “አነ ደንዳ፤ ቦይተ” ያጌዳ፤ ሽን እዛ አዉ አይነ ዛራበይኩ። ሄዋፐ ጉይያን፥ እዚ አሃ ሀርያን ጫኒደ፥ ባረ ሶይ ቤዳ።
JDG 19:29 ሶይ ጋኪደ፥ ማሻ አኪደ፥ ባረ አኪያ ቆማት አሃ ታማነ ላኡዋ ከሲደ ቃንጸሬꬄዳ። እት እት ግሹዋ እት ዛረዉ፥ ኡባና ታማነ ላኡ እስራኤልያ ዛረቶ የደዳ።
JDG 19:30 ሄዋ በኤዳ ኡባይ፥ “እስራኤልያ አሳይ ግብጼ ጋድያፔ ከሰዳሳፐ ሀቼ ጋካናዉ፥ ሀዋ ማላትያባይ ኡባካ ሀንቤና፤ ኑንካ በእበይኮ። አነ ሀዋ እትፐ አኬክ ዞረቶይቴ፥ እትባ ኦꬆይተ” ያጌድኖ።
JDG 20:1 ፑደሃ ዳናፐ ዱገሃ በርሳበሀ ጌተትያ ጋካናስነ ዶላሃ ጋላኣደን ዴእያ እስራኤልያ አሳይ ኡባይ እት አሳዳን ምጽጳ መꬍና ጎዳ ስንꬃን እትፐ ሺቄዳ።
JDG 20:2 ሄ ሺቄዳ ጾሳ አሳና እስራኤልያ ዛራቱዋ ኡባ ካፓቱካ ደኢኖ። ኡንቱንቱ ግዶን ማሻን ኦለታናዉ ዳንዳይያ ኦይዱ ጼቱ ሻአ ኦላንቻቱ ደኢኖ።
JDG 20:3 ሄ ዎደ እስራኤልያ አሳይ ምጽጳን ሺቄዳዋ ቢንያማ አሳቱ ስሴድኖ። እስራኤልያ አሳይ፥ “ሀ ኢታባይ አነ ዋኒደ ሀኔደንቶ፥ ኑ ኦድተ” ያጌዲኖ።
JDG 20:4 ሄዋፐ ጉየ ሀይቄዳ ቆማት ጎዳይ፥ ሌዊያ ዛሪ ኡንቱንቶ ሀዋዳን ያጊደ ዛሬዳ፤ “ታንነ ታ ቆማታ ቃማ አቃናዉ ቢንያማ ጋድያን ደእያ ግብኣ ግያ ካታማ ዬዶ።
JDG 20:5 ግብኣ ካታማ አሳቱ ታና ዎꬋናዉ ዪደ፥ ቃማን ጎልያ ዩይ አꬊደ ኤቄድኖ፤ ሽን ጉየፐ ታ ቆማቶ አኪደ፥ ዎልቃን እዝና ኡንቱንቱ ግስሽን፥ እዛ ሀይቃዱ።
JDG 20:6 ታን እ አሃ አካደ ቃንጸሬꬄዳዋፐ ጉይያን፥ ኡንቱንቱ ሀ ቱናባነ ፖኮባ እስራኤልያን ኦꬄዳ ድራዉ፥ እስራኤልያ አሳይ ላቴዳ ቢታ ኡባ እት እት ቃንጹዋ የዳዲ።
JDG 20:7 በእተ፥ ህንተንቱ ኡባይ እስራኤልያ አሳ፤ ዞረቲደ ህንተንቱ ፕርዳ እምተ” ያጌዳ።
JDG 20:8 ሄዋፐ ጉየ አሳይ ኡባይ እትፐ ደንድ ኤቂደ፥ “ኑ ግዶፐ ኦንነ ባረ ዱንካንያ ዎይ ባረ ጎልያ ጉየ ቤና።
JDG 20:9 ኑን ግብኣ ኦꬃናዌ ሀዋ፤ ሳማ የጊደ፥ ግብኣ ካታማ አሳ ኦላናዉ ባና አሳቱዋ ዶራና።
JDG 20:10 እስራኤልያ ዛሪያ ኡባፔ ኦላ ኦለታናዉ ብያ ኦላንቻቱዋፐ ጼቱዋፐ ታማቱ፥ ሻኣፐ ጼታቱ፥ ታሙ ሻኣፐ ቃይ ሻአቱ ሽንቃ አሳዉ ጊግስኖ። አቴዳ ኦላንቻቱ ቢንያማ ጋድያን ደእያ ግብኣ ካታማ ቢደ፥ ግብኣ አሳይ እስራኤልያ ቦላ ሀዋ ማላ ቱናባ ኦꬄዳዋ ሀሉዋ፥ ግብኣ ካታማን ደእያ አሳቱዋ ሙራና” ያጌድኖ።
JDG 20:11 እስራኤልያ አሳይ ኡባይ ካታማ ኦላናዉ እትፐ ሺቄዲኖ።
JDG 20:12 እስራኤልያ ዛራቱ ቢንያማ ዛራቱዋ ኡባዉ ሀዋዳን ያጊደ አሳ ኪቴድኖ፤ “ህንተንቱ ግዶን ሀኔዳ ሀ ኢታባይ አዬ?
JDG 20:13 ኑን ኡንቱንታ ዎꬊደ፥ እስራኤልያፐ ሀ ኢታ ꬋይሳና ማላ፥ ግብኣ ካታማን ደእያ ሄ ሹፉሮ አሳቱዋ ከሲደ፥ ኑ አꬂደ እምተ” ያጌድኖ። ሽን ቢንያማ አሳቱ እስራኤልያ አሳይ ኦድያዋ ስሰናን እጼድኖ።
JDG 20:14 ኡንቱንቱ እስራኤልያ አሳና ኦለታናዉ ባረንቱ ካታማቱዋፐ ከሲደ፥ እትፐ ግብኣ ካታማ ሺቄድኖ።
JDG 20:15 ሄ ጋላስካ ቢንያማ ካታማቱዋፐ ዬዳ ማሻን ኦለትያ ላታማነ ኡሱፑን ሻአ ኦላንቻቱዋ ሺሼድኖ። ሄዋ ፓይዱ ግብኣ ካታማን ደእያ አሳ ግዶፐ ዱማ ዶረቴዳ አሳቱዋ ጉጀናና። ግብአፐ ዶረቴዳዋንቱ ላፑን ጼታ።
JDG 20:16 ሄ ኡባቱዋ ግዶፐ ላፑን ጼቱ አሳቱ ሀድርሳ ኩሽያን ኦልያዋንታ፤ ሀ ኡባቱካ ያምባርሻን ሹቻ ኦሊደ፥ ሀራይ አቶ እት ብናናካ ሀልክኖ።
JDG 20:17 ቢንያማ አሳይ ባይናን፥ እስራኤልያ አሳይ ማሻን ኦለትያ ኦይዱ ጼቱ ሻአ ኦላንቻቱዋ ሺሼዳ፤ ሄ ኡባቱካ ኦላዉ ጊጌዳዋንታ።
JDG 20:18 እስራኤልያ አሳይ ደንዲደ፥ ቤቴለ ቤዳ፤ “ቢንያማ አሳ ኦላናዉ ኑፐ ስንꬃቲደ ከሳናዉ ኮሽያዌ ኦኔ?” ያጊደ ጾሳ ኦቼዳ። ሽን መꬍና ጎዳይ፥ “ይሁዳ ዛሪ ስንꬃቲደ ቦ” ያጌዳ።
JDG 20:19 ሄዋፐ ጉየ ዎንተꬃ ጋላስ ዎንታ ጉራን እስራኤልያ አሳይ ደንዲደ፥ ግብኣ ካታማ ማታን ዱንካኔዳ።
JDG 20:20 ሄዋፐ እስራኤልያ አሳይ ቢንያማ አሳና ኦለታናዉ ቤዳ፤ ግብኣ ካታማ ማታን ኡንቱንቱና ኦለታናዉ ሳልፔዳ።
JDG 20:21 ቢንያማ አሳቱ ግብኣ ካታማፐ ከሲደ፥ ሄ ጋላስ እስራኤልያፐ ላታማነ ላኡ ሻአ ኦላንቻቱዋ ዎꬌድኖ።
JDG 20:22 እስራኤልያ አሳይ ቢደ ሳአይ ቃማና ጋካናዉ፥ መꬍና ጎዳ ስንꬃን ዬኪደ፥ “ኑ እሻቱዋና፥ ቢንያማ አሳቱዋና ኦለታናዉ ላኤንꬁዋ ፑደ ባኔ?” ያጊደ መꬍና ጎዳ ኦቼዳ። ሽን መꬍና ጎዳይ፥ “ኤ፥ ኡንቱንቱና ኦለታናዉ ፑደ ቢተ” ያጌዳ። ሄዋፐ ጉየ እስራኤልያ አሳይ እቱ እቱዋ ምንꬂደ፥ ኮይሮ ጋላስ ኡንቱንቱ ኦላዉ ሳልፔዳ ሳኣን ላኤንꬁዋ ሳልፔድኖ።
JDG 20:24 ላኤንꬆ ጋላስ እስራኤልያ አሳይ ቢንያማ አሳና ኦለታናዉ ሺቄዳ።
JDG 20:25 ላኤንꬆ ጋላስካ ቢንያማ አሳይ ግብኣ ካታማፐ ከሲደ፥ እስራኤልያ አሳፐ ታማነ ሆስፑን ሻአ አሳቱዋ ዎꬌዳ፤ ኡባቱካ ማሻን ኦለትያዋንታ።
JDG 20:26 ሄዋፐ ጉይያን፥ እስራኤላቱ ኡባይ ቤቴለ ቢደ ዬኬድኖ፤ ያን ጾሚደ ሳአይ ቃማና ጋካናዉ፥ መꬍና ጎዳ ስንꬃን ኡቴድኖ፤ መꬍና ጎዳ ስንꬃን ጹግያ ያርሹዋነ እትፐተꬃ ያርሹዋ ሺሼድኖ።
JDG 20:27 ሄ ዎደ ጾሳ ቃላ ጫቁዋ ታቦታይ ቤቴለ ካታማን ደኤ፤ ሄ ታቦታ ናግያዌ አሮነ የሌዳ ኤልኣዛራ ናኣ ፒንሃሳ። እስራኤልያ አሳይ መꬍና ጎዳ፥ “ቢንያማ አሳ ግድያ ኑ እሻቱዋና ኦለታናዉ ቃይካ ፑደ ባኔየ ቦፓነ?” ያጊደ ኦቼዲኖ። ሽን መꬍና ጎዳይ፥ “ቢደ ኦለትተ! ታን ኡንቱንታ ዎንት ህንተንቱ ኩሽያን አꬃደ እማና” ያጌዳ።
JDG 20:29 ሄዋፐ ጉየ እስራኤልያ አሳይ አማሬዳ ኦላንቻቱዋ ግብኣ ካታማ ዩሹዋን ሙጊደ ናጋና ማላ ኦꬄዳ።
JDG 20:30 ሄዛንꬆ ጋላስ እስራኤልያ ኦላንቻቱ ካሰዋዳንካ ቢንያማ ኦላንቻቱዋ ኦላናዉ ቢደ፥ ግብኣ ካታማፐ ስንꬃ ባጋና ሳልፔድኖ።
JDG 20:31 ቢንያማ አሳቱ ኡንቱንቱና ኦለታናዉ ካታማፐ ከሲደ፥ ኡንቱንታ ካሊደ፥ ሃኪደ ቤድኖ። ካሰዋዳንካ ቤቴለነ ግብኣ አፍያ አኮ ኦገቱዋንነ ደምባቱዋን እስራኤልያ አሳፐ ሀታሙ ግድያ አሳቱዋ ዎꬌድኖ።
JDG 20:32 ቢንያማ አሳቱ፥ “ኑን ካሰዋዳንካ ኡንቱንታ ጾኔዶ!” ያጌድኖ። ሽን እስራኤልያ አሳቱ ካሰ፥ “ኡንቱንቱ ካታማፐ ሃኪደ፥ ኦገቱዋኮ ከሳና ማላ፥ አነ ኑን ባቃቶይተ” ያግ ዎꬄድኖ።
JDG 20:33 ያትና፥ እስራኤልያ አሳይ ኡባይ ባረንቱ ሳፐ ደንዲደ፥ ባኣል-ታማራ ግያ ሳን ሳልፕያ ዎደ፥ እስራኤላቱ ባረንቱ ሙግ ኡቴዳ ገባአ ደምባፐ ከሴድኖ፤
JDG 20:34 እስራኤልያ ኡባፐ ዶረቴዳ ታሙ ሻአ አሳቱ ግብኣ ቦላ ኦላ ደንꬄድኖ፤ ኦላይ ሎይꬅ ዎልቃሜዳ። ሄ ኡባይ ሀንያ ዎደ፥ ባረንቶ ባሻይ ማታቴዳዋ ቢንያማ አሳቱ አይነ ኤርቤይክኖ።
JDG 20:35 እስራኤላቱ ቢንያማ አሳቱዋ ቦላ ጾኑዋ ደማናዳን መꬍና ጎዳይ ኦꬄዳ። ሄ ጋላስ እስራኤልያ አሳይ ቢንያማ አሳፐ ላታማነ እቼሹ ሻአነ እት ጼቱ ኦላንቻቱዋ ዎꬌዳ፤ ኡባቱካ ማሻን ኦለትያዋንታ።
JDG 20:36 ሄዋ ድራዉ፥ እስራኤልያ አሳይ ባረንታ ጾኔዳዋ ቢንያማ አሳይ ኤሬዳ። እስራኤልያ አሳይ ግብኣ ካታማ ዩሹዋን ሙግ ኡቴዳ ኦላንቻቱዋን አማነቴዳ ድራዉ፥ ቢንያማ አሳን ጾነቴዳዋ ማላቲደ ጉየ ሺቄዳ።
JDG 20:37 ሙጊደ ናግያ ኦላንቻቱ ግብኣ ካታማ ኤለካ ዎጽ ገሊደ፥ ካታማ ግዶን ደሜዳ ኡባ ዎꬌድኖ።
JDG 20:38 ሙጊደ ናግያ እስራኤልያ ኦላንቻቱ ካታማ ግዶፐ ዳሮ ጩዋ ሻርያዳን ፑደ ደንꬃና ማላነ ሄዌ ማላታ ግዳና ማላ፥ ካሰ ሃሳይ ዎꬄድኖ። ሄዋ ድራዉ፥ ዳሮ ጩዋ ሻሪ ካታማፐ ከስያዋ በኤዳ ዎደ፥
JDG 20:39 ኦላ ደምባን ደእያ እስራኤልያ አሳቱ ባቃትያሳፐ ጉየ ስሚደ፥ ኡንቱንታ ኦሌድኖ። ቢንያማ አሳቱ እስራኤልያ አሳፐ ሀታሙ ግድያ አሳቱዋ ዎꬊደ፥ “ካሰዋዳን ሀእካ ኑን ኡንቱንታ ጾኔዶ” ያጌድኖ።
JDG 20:40 ሽን ማላታ ጩዋይ ካታማፐ ፑደ ከሳ ዶሜዳ፤ ቢንያማ አሳቱ ባረንቱ ጉየ ጼሎ ዎደ፥ ካታማይ ኡባና ታማን ጹገትና፥ ታማ ጩዋይ ፑደ ከስያዋ በኤድኖ።
JDG 20:41 ሄዋፐ ጉይያን፥ እስራኤላቱ ቢንያማ አሳቱዋ ቦላ ጉየ ስሜድኖ፤ ቢንያማ አሳቱ ዳጋሜድኖ፤ አያዉ ጎፐ፥ ኡንቱንቱ ዉራና ሀንያዋ ኤሬድኖ።
JDG 20:42 ሄዋ ድራዉ፥ ኡንቱንቱ እስራኤልያ አሳ ስንꬃፐ መላ ቢታ ስሚደ ባቃቴድኖ፤ ሽን ኦላይ ኡንቱንታ ካሊደ ጋኬዳ። ካታማቱዋፐ ከሴዳ እስራኤልያ ኦላንቻቱ ግዱዋን ኡንቱንታ ዎꬍ ዉርሴድኖ።
JDG 20:43 እስራኤላቱ ቢንያማ አሳቱዋ ዶዲደ፥ ግብኣ ካታማፐ አዋይ ዶልያ ባጋና ደእያ ሳኣ ጋካናዉ ካሊደ የደርሴድኖ፤ ጮራቱ ኦግያን ደእሽን ዎꬌድኖ።
JDG 20:44 ሄዋን ቢንያማ አሳፐ ታማነ ሆስፑን ሻአ ምኖ ኦላንቻቱ ሀይቄድኖ፤
JDG 20:45 ኡንቱቱፐ አቴዳዋንቱ ጉየ ስሚደ፥ መላ ቢታ አꬊደ፥ ርሞና ግያ ዛላኮ ባቃቴድኖ፤ እስራኤላቱ ኡንቱቱፐ እቼሹ ሻአ አሳቱዋ ኦግያን ዎꬌድኖ፤ ኡንቱንቱፐ አቴዳዋንታ ጊድኦማ ግያ ሳኣ ጋካናዉ የደርሲደ፥ ላኡ ሻኣ ዎꬌድኖ።
JDG 20:46 ሄ ጋላስ ቢንያማ ጋድያፐ ማሻን ኦለትያ ላታማነ እቼሹ ሻአ አሳቱ ሀይቄድኖ፤ ሄ ኡባቱካ ምኖ ኦላንቻቱዋ።
JDG 20:47 ሽን ኡሱፑን ጼቱ አሳቱ መላ ቢታ አꬊደ፥ ርሞና ዛላኮ ባቃቲደ፥ ያን ኦይዱ አገና ጋምኤድኖ።
JDG 20:48 እስራኤልያ አሳይ አቴዳ ቢንያማ አሳኮ ጉየ ዛሪደ፥ አቱማ አሳነ ማጫ አሳ፥ ናናነ መህያ ኡባ ዎꬌዲኖ፤ ደሜዳ ካታማቱዋ ኡባ ታማን ጹጌዲኖ።
JDG 21:1 እስራኤልያ አሳይ ምጽጳ ግያ ሳን ሺቄዳ ዎደ፥ “ኑ ግዶፐ ኦንነ ቢንያማ አሳዉ ባረ ናቶ ማቻቶ ኦꬂደ እመና” ያጊደ ጫቂ ዎꬄዳ።
JDG 21:2 እስራኤላቱ ቤቴለ ካታማ ቢደ፥ ያን ሳአይ ቃማና ጋካናዉ ጾሳ ስንꬃን ኡቲደ፥ ባረንቱ ቃላ ꬎቁ ኦꬂደ፥ ሴላ ዬኩዋ ዬኬድኖ።
JDG 21:3 ሄዋፐ “አቤት መꬍና ጎዳዉ፥ እስራኤልያ ጾሳዉ፥ ሀ የዉ አያዉ እስራኤላን ሀኔዴ? ሀቼ እስራኤልያ አሳ ግዶፐ እት ዛሪ አያዉ ፓጪ?” ያጌድኖ።
JDG 21:4 ዎንተꬃ ጋላስ ዎንታ ጉራና ኡንቱንቱ ደንዲደ፥ ያርሽያ ሳኣ ያን ጊግሲደ ጹግያ ያርሾቱዋነ እትፐተꬃ ያርሾቱዋ ሺሼድኖ።
JDG 21:5 ያቲደ እስራኤላቱ፥ “እስራኤልያ ዛርያ ኡባፐ መꬍና ጎዳ ስንꬃን ሺቅያሳ ይቤና ዛሪ ኦኔ?” ያጊደ ኦቼድኖ። ኡንቱንቱ ሄዋ ኦቼዳ ጋሶታይ፥ ምጽጳ ካታማን መꬍና ጎዳ ስንꬃን ሺቃናዉ ይቤና አሳይ ኦንነ፥ “እ ኡባና ሀይቆ” ያጊደ ካሰ ጫቄዳ ድራሳ።
JDG 21:6 እስራኤልያ አሳቱ ባረንቱ እሻቶ፥ ቢንያማ ዛረቶ ቃረቲደ፥ “ሀቼ እስራኤልያፐ እት ዛሪ ቦሄቴዳ።
JDG 21:7 ኑን ኑ ማጫ ናና ኡንቱንቶ እመናዳን መꬍና ጎዳን ጫቄዳ ድራዉ፥ ሀይቁዋፐ አቴዳ ቢንያማ ዛራቱ ማጫ አሳ አካና ማላ፥ ኑን አይ ኦꬃኔ?” ያጌድኖ።
JDG 21:8 ቃይካ ኡንቱንቱ፥ “እስራኤልያ ዛራቱዋፐ ምጽጳ ካታማን መꬍና ጎዳ ስንꬃ ይቤናዌ ኦኔ?” ያጊደ ኦቼድኖ። ጋላኣደን ደእያ ያቤሻ ግያ ካታማፐ እት አሳይነ ሺቁዋ ይቤናዋ ኤሬድኖ።
JDG 21:9 ኡንቱንቱ አሳ ፓይዴዳ ዎደ፥ ጋላኣደን ደእያ ያቤሻፐ እት አሳይነ ቤትቤና።
JDG 21:10 ሄዋ ድራዉ፥ ማባራይ ታማነ ላኡ ሻአ ምኖ ኦላንቻቱዋ ጋላኣደን ደእያ ያቤሻ ካታማ ኪቲደ፥ “ቢተ፤ ያቤሻን ደእያዋንታ ኡባ ማሻን ቡሳክተ፤ ማጫ አሳካ ጉꬃ ናናካ አሾፕተ።
JDG 21:11 ሀዋዳን ኦꬅተ፤ አቱማ አሳ ኡባነ አቱማ አሳና ግሴዳ ማጫ አሳ ኡባ ዎꬍተ” ያጊደ አዛዜድኖ።
JDG 21:12 ያቤሻ ካታማን ደእያ አሳ ግዶፐ አቱማ አሳና ግስቤና፥ ኦይዱ ጼቱ ዎዶሮ ማጫ ናና ደሚደ ካናነ ጋድያን፥ ሴሎን ደእያ ዱንካኔዳ ሳኣ አኪደ አሄድኖ።
JDG 21:13 ሄዋፐ ጉይያን፥ ኩመንꬃ ማባራይ ርሞና ዛላ ግያ ሳን ደእያ ቢንያማ አሳቱዋኮ ስጋ ኪቴድኖ።
JDG 21:14 ቢንያማ አሳቱ ስሚደ ዬድኖ። እስራኤልያ አሳይ ያቤሻ ካታማፐ ዎናን አሄዳ ዎዶሮ ናና ኡንቱንቶ እሜዳ። ሽን ዎዶሮ ናናይ አቱማ አሳ ኡባ ጋክበይክኖ።
JDG 21:15 እስራኤልያ ዛራቱዋ ግዶን ደእያ እትፐተꬃይ ዱጻናዳን መꬍና ጎዳይ ኦꬄዳ ድራዉ፥ አሳይ ቢንያማ አሳዉ ሎይꬅ ቃረቴዳ።
JDG 21:16 ማባራ ጭማቱ፥ “ቢንያማ ዛራቱዋፐ ማጫ ናናይ ሀይቂ ዉሬዳ ድራዉ፥ ሀይቁዋፐ አቴዳ አቱማ አሳዉ ኑን ማችያ ዎት እማኔ?
JDG 21:17 እስራኤልያ አሳ ግዶፐ ፕተት ባየና ማላ፥ ቢንያማ ዛራቱዋፐ አቴዳዋንቶ ላትያ ናናይ ደአናዉ ኮሼ።
JDG 21:18 ግዶፐነ፥ ኑን ኑ ማጫ ናናቱዋፐ ኡንቱንቶ እማናዉ ዳንዳዮኮ፤ አያዉ ጎፐ፥ እስራኤልያ አሳይ ካሰ፥ ‘ባረ ናቶ ቢንያማ ዛርያዉ እምያ ኡራይ ሸቀቴዳዋ ግዶ’ ያጊደ ጫቀꬅ ዎꬄዳ” ያጌድኖ።
JDG 21:19 ሄዋፐ ጉይያን፥ ማባራ ካለꬅያ ጭማቱ፥ “በእተ፥ ላይꬃን ላይꬃን ሴሎን መꬍና ጎዳ ቦንችያ ባላይ ማቴዳ” ያጌድኖ። ሴሎ ቤቴለፐ ሁጲሳ ባጋና፥ ላቦናፐ ገድሳ ባጋና፥ ቤቴለፐ ሰኬማ አፍያ ኦግያፐ አዋይ ዶልያ ባጋና ደኤ።
JDG 21:20 ሄ ማባራ ካለꬅያ ጭማቱ ቢንያማ አሳቱዋ ሀዋዳን ያጊደ አዛዜድኖ፤ “ቢተ፤ ዎይንያ ቱራ ግዱዋን ሙጊደ፥
JDG 21:21 ናግተ። ሴሎ ካታማ ማጫ ናናይ ባላ ጋላስ ካባሩዋ ኦይቂደ፥ የጺድነ ዱሪደ ይያ ዎደ፥ ህንተንቱ ዎይንያ ቱራ ግዶፐ ከስተ። ኡባይካ ሴሎ ማጫ ናናቱዋፐ ህንተንቶ ዳፊደ፥ ቢንያማ ጋድያ አኪደ ቢተ።
JDG 21:22 ኡንቱንቱ አዎቱ ዎይ ኡንቱንቱ እሻቱ ኑኮ ማጋናናዉ ይያ ዎደ፥ ኑን ኡንቱንታ፥ ‘ሀይ ሀያና፥ ኡንቱንታ ኑዉ እም አግተ፤ አያዉ ጎፐ፥ ኑን ኡንቱንታ ሁጲያን ሁጲያን ጋክያ ማጫ አሳ ኦላ ሳፐ ደምበይኮ። ህንተንቱ ዶሲደ እምቤና ድራዉ፥ ባይዛንቻ ግድክታ’ ያጋና” ያጌድኖ።
JDG 21:23 ቢንያማ አሳቱካ እስራኤልያ ጭማቱ ጌዳዋዳን ኦꬄድኖ፤ ኡባይካ ሴሎን ዱርያ ማጫ ናናቱዋፐ ባረንቱ ፓይዱዋ ኬሻቱዋ ዳፊደ አፌድኖ። ኡንቱንቱ ባረንቱ ላታ ጋድያ ስሚደ፥ ካታማቱዋ ዎꬅ የግ ኬጺደ፥ ያን ደኤድኖ።
JDG 21:24 ሄ ዎደ እስራኤልያ አሳይ ያፐ ብያ ዎደ፥ ኡባይካ ባረ ዛርያኮ ዛርያኮነ ባረ ሶ አሳኮ አሳኮ ቤዳ።
JDG 21:25 ሄ ዎደ እስራኤልያ ጋድያን ካቲ ባዋ፤ አሳይ ኡባይ ባረዉ ልከ ማላቴዳዋ ጮ ኦꬄ።
RUT 1:1 እስራኤልያ ጋደ ዳናቱ ሞድያ ዎደ፥ ሄ ጋድያን ኮሻይ ደንዴዳ። እት ብታንያ ባረ ማቻትናነ ባረ ላኡ ናናነ ይሁዳ ጋድያን ቤተሌመ ካታማፐ ደንዲደ፥ ሞኣበ ጋድያ በቴዳ።
RUT 1:2 ሄ ብታንያ ሱንꬃይ ኤልመሌካ፤ አ ማቻት ሱንꬃይ ኑሃሞ፤ አ ላኡ ናና ሱንꬃይ ማህሎናነ ኬልዎናነ። ኡንቱንቱ ይሁዳ ቤተሌመን ደእያ ኤፍራታ ያራ። ሄዋንቱ ሞኣበ ቢደ ያን ደኤድኖ።
RUT 1:3 ኑሃም አስናይ ኤልመሌክ ሀይቄዳ። እዛ ባረ ላኡ ናናቱዋን አታዱ።
RUT 1:4 ሄ ናናይ ሞኣበ ጋደ ማጫ ናናቱዋፐ ኦርፖነ ኡሩቶነ ጌተትያ ማቻቱዋ አኬድኖ። ሄዋን ታሙ ላይꬃ ግድያዋ ኡቲደ፥
RUT 1:5 ማህሎንነ ኬልዎንነ ላአቱካ ሀይቄድኖ። ኑሃማ ባረ አስናይካ ባረ ላኡ ናናይካ ሀይቅና ባረካ አታዱ።
RUT 1:6 አ ሞኣበን ደኣደ፥ መꬍና ጎዳይ ባረ አሳ እስራኤልያ ማሪደ፥ ካꬃ ኡንቱንቶ ጋꬄዳዋ ስሳዱ። ሞኣበ ጋድያፐ ስማናዉ ባረ ናና ማቻቱዋ ላአቱዋና ደንዳዱ፤
RUT 1:7 ባረ ናና ማቻቱዋ ላአቱዋና እትፐ ባረ ደኢያሳፐ ከሳዱ። ኡንቱንቱ ጉየ ይሁዳ ጋድያ አፍያ ኦግያን ገሌድኖ።
RUT 1:8 ኑሃማ ባረ ናና ማቻቱዋ፥ “ስምተ፤ ህንተንቱ ኡባይካ ህንተንቱ አት ሶ አት ሶ ቢተ። ህንተንቱ ሀይቄዳዋንቶነ ታዉነ ኬከዳዋዳን፥ መꬍና ጎዳይ ህንተንቶ ኬኮ።
RUT 1:9 ህንተንቱ ሁጲያን ሁጲያን ገልያ ሀራ አስናቱ ሶን መꬍና ጎዳይ ዎፓ እሞ” ያጋደ ኡንቱንታ የራዱ። ሽን ኡንቱንቱ ባረንቱ ቃላ ꬎቁ ኦꬂደ ዬኪደ፥
RUT 1:10 “ኑን ኔናና ነ አሳኮ ባና” ያጌድኖ።
RUT 1:11 ሽን ኑሃማ ኡንቱንታ፥ “ሀይ ታ ናቶ፥ ስምተ። ህንተንቱ ታናና አያዉ ቢቴ? ህንተንቶ አስና ግዳናዉ አቱማ ናና ታን ሀዋፐ ጉየ የላንታየ?
RUT 1:12 ታ ናቶ፥ ስምተ፤ ታን ሀራ አስና ገለናዳን ኤጫክቻድ። ዎን ታን የላና ጋይታንቶነ፥ ሀቼ ቃማ ኡባ አስና ገላደ፥ አቱማ ናና የላይታንቶነ፥
RUT 1:13 ሄዋንቱ ድጭ ጋካናዉ ናጋኒቴየ? ኡንቱንቱ ድራዉ ጊደ፥ አስና ገለናን አት አጋንቴየ? ታ ናቶ፥ ሄዌ ሀነናዋ ግድያዋ ህንተንቱ ኤሪታ። መꬍና ጎዳይ ታና መቶꬄዳዋ ድራዉ፥ ህንተንታ ጋኬዳባይ ታና ሎይꬅ ሴሌ” ያጋዱ።
RUT 1:14 ሄዋን ኡንቱንቱ ባረንቱ ቃላ ꬎቁ ኦꬂደ፥ ዬኬድኖ። ያትና ኦርፓ ባረ ቦሎታቶ የራ አካደ፥ ስማ አጋዱ። ሽን ኡሩታ ኦ ባቃ ኦይቃደ እጻዱ።
RUT 1:15 ኑሃማ ኦ፥ “በአ፥ ነ አስና እሻ ማቻታ ባረ አሳኮነ ባረ ጾሳኮነ ስማዱ። ኔንካ እዝና ስማደ ባ” ያጋዱ።
RUT 1:16 ኡሩታ ዛራደ፥ “ታን ኔፐ ሻከታናዳን ዎይ ኔና አጋደ ጉየ ስማናዳን ታና መቶꬆፓ። ኔን ብያሳኣ ሀቃነ ታን ባና፤ ኔን ደእያ ሳኣን ሀቃንነ ታን ደአና። ነ አሳይ ታ አሳ ግዳና፤ ነ ጾሳይ ታ ጾሳ ግዳና።
RUT 1:17 ኔን ሀይቂያ ሳኣን ታን ሀይቃና፤ ሄዋን ሞገታ አጋና። ሀይቆፐ አትን፥ ሀራባይ ታና ኔፐ ሻኮፐ፥ መꬍና ጎዳይ ታና ዎꬎ” ያጋዱ።
RUT 1:18 ኡሩታ እዝና ባናዉ ባረ ቆፋ ቃቼዳዋ ኑሃማ ኤራደ፥ ጮኡ ጋደ አጋ ባሻዱ።
RUT 1:19 ሄዋ ድራዉ፥ ላኡ ማጫ አሳቱ ቤተሌመ ጋካናዉ ቤድኖ። ኡንቱንቱ ቤተሌመ ጋክያ ዎደ፥ ሄ ካታማ አሳይ ኡባይ ኡንቱንቱባን ማላሌቴዳ። ቃይ ማጫ አሳቱ፥ “ሀና ኑሃሚ?” ያጌድኖ።
RUT 1:20 አ ዛራደ ኡንቱንታ፥ “ታና፥ ኑሃሞ ጎፕተ፤ ‘ጫመቴዳነ’ ጊተ። አያዉ ጎፐ፥ ኡባ ዳንዳይያ ጾሳይ ታ ደኡዋ ዳርስ ጫምሴዳ።
RUT 1:21 ታን ኩመንꬃን ከሳደ ባድ፤ ሽን መꬍና ጎዳይ ታና መላ ዛሬዳ። መꬍና ጎዳይ ታና ቱጋዪደ ኡባ ዳንዳይያ ጾሳይ ታናን ፓላባ ጋꬄዳ። ያትና፥ ታና አያዉ ኑሃመ ጊደ ጼሲቴ?” ያጋዱ።
RUT 1:22 ሄዋዳን ሀናደ፥ ኑሃማ ባረ ናኣ ማቻት ሞኣበ ኡሩትና ስማዱ። ኡንቱንቱ ቤተሌመ ጋኬዳዌ ባንጋ ጫካይ ዶመትያ ዎድያና።
RUT 2:1 ኑሃሚው እዝ አስና ኤልመሌካ ባጋና ዳቦትያ፥ ቦኤዛ ግያ እት ኤረቴዳ ዱረ ብታኒ ደኤ።
RUT 2:2 እት ጋላስ ሞኣባታ ኡሩታ ኑሃሞ፥ “ታዉ ቃረትያ አሳ ካላደ ቃርምያ ቆራናዉ ካꬃ ጫክያ ሳኣ ቦሻ?” ያጋዱ። እዛ፥ “ኤ ታ ናተ፥ ባ” ያጋዱ።
RUT 2:3 ኡሩታ ባደ፥ ካꬃ ጫክያ አሳ ጌዱዋፐ ቃርምያ ዶማዱ። ካጫዳን አ ቃርምያ ማጽያዋ ጋዲ ኤልመሌካ ዳቡዋ ቦኤዛ ጋደ።
RUT 2:4 ሄ ዎደንካ ቦኤዝ ቤተሌመ ካታማፐ ጋክ ዎꬌዳ፤ ካꬃ ጫክያ አሳ፥ “መꬍና ጎዳይ ህንተንቶ ዎልቃ እሞ” ያጌዳ። ኡንቱንቱካ ዛሪደ፥ “ኔናካ መꬍና ጎዳይ አንጆ” ያጌድኖ።
RUT 2:5 ያትና ቦኤዝ ካꬃ ጫክያዋንቱ ካፑዋ፥ “ሀና ያላጋ ማጫውና ኦኒ?” ያጊደ ኦቼዳ።
RUT 2:6 ጫክያዋንቱ ካፑ ዛሪደ፥ “ሀና ያላጋታ ኑሃምና ሞኣበ ጋድያፐ ዬዳ ሞኣበ ማጫ አሳ።
RUT 2:7 አ ታና፥ ‘ካꬃ ጫክያዋንቱ ጌዱዋ ካላደ ፖቻቱዋ ግዱዋፐ ቃርምያ ማጾ?’ ጋደ ኦቻዱ። ያቴዳና ዎንታ ዮደፐ ዶማደ ሀእ ጋካናዉ፥ ጉꬃነ ሸምፐናን ሀዋን ማጻደ ጋምኣዱ” ያጌዳ።
RUT 2:8 ቦኤዝ ኡሩቶ፥ “ታ ናተ፥ ስሳ፤ ቃርምያ ማጻናዉ ሀራ ጋደ ቦፓ። ቃይ ሀዋፐ ሀቃነ ቃጾፓ። ታ ማጫ ቆማቱዋና ሀዋን ፔሻ።
RUT 2:9 አሳይ ካꬃ ጫክያ ሳኣ ጼላ ጼላደ፥ ኡንቱንቱ ጌዱዋ ካላደ ማጻ። አቱማ ቆማቱ ኔና ቦቼናዳን ታን ኡንቱንቶ ኦዳድ። ቃይ ኔና ሳምያ ዎደ፥ አቱማ ቆማቱ ትክ ዎꬄዳ ሃꬃ ኦቱዋኮ ባደ ኡሻ” ያጌዳ።
RUT 2:10 ኡሩታ ሶምእ ሳኣ ጋካናዉ ሆካደ ዉትሻዱ፤ “ታን እማꬃ አሳ ግድክታ? ኔን ሀዋ ኬሻ ታዉ ቃረቴዳዌ አያ ድራሴ?” ያጋዱ።
RUT 2:11 ቦኤዝ ዛሪደ፥ “ነ አስናይ ሀይቆደፐ ዶምና፥ ኔን ነ ቦሎታትዉ ኦꬄዳ ኩመንꬃ ኡባ ታን ስሳድ። ኔን ነ አቶ፥ ነ አዉዋነ ነ የለቴዳ ጋዲያ አጋደ፥ ሀዋፐ ካሰ ነ ኤረና አሳና ደአናዉ ዬዳዋ ታን ጌሻደ ኤራድ።
RUT 2:12 ኔን ሀኔዳዋ ኩሽያ መꬍና ጎዳይ ነዉ ዛሮ። ኔን አ ቀፍያ ጋርሳን አታናዉ ዬዳ መꬍና ጎዳይ፥ እስራኤልያ ጾሳይ ነዉ ኩመንꬃባ እሞ” ያጌዳ።
RUT 2:13 ኡሩታ፥ “ታ ጎዳዉ፥ ኔን ታዉ ዳርሳ ቃረታዳ፤ ታን ነ ቆማቱፐ እቱዋ ጋክከ፥ ሽን ታዉ ሎኦባ ሃሳያደ፥ ታና ምንꬃዳ” ያጋዱ።
RUT 2:14 ላጻ ምያ ዎደ ቦኤዝ ኦ፥ “ሃ ሺቃ፤ ኡክꬃ አካደ ዎይንያ ኤሳ ጫላን ቱሻ ቱሻደ ማ” ያጌዳ። ካꬃ ጫክያዋንቱ ማታን ኡታዱ። እዝዉ ትሻ ጺጼዳዋካ እሜዳ፤ አ ማደ ካልና፥ ቁማይ ፓላሄዳ።
RUT 2:15 ቃይካ ቃርምያ ማጻናዉ አ ደንድያ ዎደ፥ ቦኤዝ ባረ ቆማቱዋ፥ “ፖቺያ ጋርሳፐካ አ ቆሮፐካ፥ ኦ ዬላዮፕተ።
RUT 2:16 ኡባ ፖቺያፐካ ሾዲደ፥ እዝዉ የግ አግተ፤ እዛ ማጹ፤ ኦ አማሳሎፕተ” ያጌዳ።
RUT 2:17 ሄዋን ኡሩታ ኦማርስ ጋካናዉ ቆራዱ። ባረ ማጻ ፔሾዋ አ ቡክና፥ ታሙ ኪሎ ግራመ ባንጋ ግድያዋ ከሴዳ።
RUT 2:18 አ ሄ ካꬃ ባአ አካደ፥ ካታማ ስማዱ፤ አይ ኬሻ ካꬃ ማጻደንቶ አ ባረ ቦሎታቶ በሳዱ። ቃይ ባረ ሚሽን ፓላሂደ አቴዳ ቁማ አሄዳዋ ከሳደ እዝዉ እማዱ።
RUT 2:19 ያትና፥ እዝ ቦሎታታ ኦ፥ “ሀቼ ሀዋ ሀቃፐ ማጻዲ? ሀቃን ኦꬃዲ? ነዉ ሀዋዳን ኬኬዳ ብታኒ አንጀቶ” ያጋዱ። እዛ ባረ ኦꬃ ፔሼዳ ጋድያ ጎዳባ ባረ ቦሎታትዉ ኦዳዱ። “ታን ሀቼ ኦꬃደ ፔሼዳ ጋድያ ጎዳ ሱንꬃይ ቦኤዛ” ያጋዱ።
RUT 2:20 ኑሃማ ዛራደ፥ “ሀይቄዳዋንቶካ ፓጻ ደእያዋንቶካ ባረ ኬካተꬃ አግቤና መꬍና ጎዳይ አንጆ” ያጋዱ። ጉጃደካ ኑሃማ ኦ፥ “ሄ ብታኒ ኑ ማታ ዳቡዋቴ፤ ኡባ ኑባ ዎዛናዉ ጋꬅያዋንቱፐካ እቱ አ” ያጋዱ።
RUT 2:21 ሞኣባታ ኡሩታ፥ “እ ኡባ ታና፥ ታ ካꬃይ ጫከቲደ ዉራና ጋካናዉ፥ ታ ኦሳንቻቱዋፐ ሻከተናን ቃርምያ ማጻ ያጌዳ” ያጋዱ።
RUT 2:22 ኑሃማ ባረ ናኣ ማቻቶ ኡሩቶ፥ “ታ ናተ፥ ቱሙካ ቦኤዛ ጋድያን ኦꬅያ ማጫ አሳቱዋና ቦፐ፥ ነዉ ሎአ። አያዉ ጎፐ፥ ሀራ አሳ ጋደ ቦፐ፥ ኔና አቱማ አሳይ ቦቻናዋ” ያጋዱ።
RUT 2:23 ሄዋ ድራዉ፥ ኡሩታ ቦኤዛ ማጫ ቆማቱዋኮ ሺቃደ፥ ባንጋነ ዛርጋ ጫካይ ዉራና ጋካናዉ፥ ቃርምያ ማጻደ ጋምኣዱ። ቃይ ባረ ቦሎታትና እትፐ ደኣዱ።
RUT 3:1 እት ጋላስ ኑሃማ ባረ ናኣ ማቻቶ፥ “ታ ናተ፥ ኔን ጊግና ደአናዉ፥ ታን ነዉ አስና ኮይንቶ ኢታኔ?
RUT 3:2 ኔን ኡንቱንቱና ጋምኤዳ ማጫ ቆማቱ አዉ ኪተትያ ቦኤዝ ኑዉ ማታ ዳቦ ግደኔ? ስሳ፥ እ ሀቼ ቃማ ኡዱማን ባንጋ ቡካናዋ።
RUT 3:3 ኔን ሜጨታ፤ ሽቱዋ ኦከታ። ያታደ ነ ሎኦ ማዩዋ ማያደ፥ ዱገ ኡዱማ ባ፤ ሽን ባደ ቦኤዝ ሚድነ ኡሽደ ስማና ጋካናዉ፥ አ አይፍያን ቤቶፓ።
RUT 3:4 እ ግስያ ዎደ፥ ሀቃን እ ግስንቶነ በኣደ፥ እ ገምእሾንን አ አፍላ ቃራደ፥ አ ገድሳና ግሳ ባሻ። ኔን ሀናናባ እ ነዉ ኦዳናዋ” ያጋዱ።
RUT 3:5 ኡሩታ፥ “ኔን ጌዳዋ ኡባ ታ ሀናና” ያጋዱ።
RUT 3:6 ሄዎ ኡሩታ ዱገ ኡዱማ ባደ፥ እዝ ቦሎታታ እዝዉ ኦዴዳባ ኡባ ሀናዱ።
RUT 3:7 ቦኤዝ ሚደ ኡሽደ ባረ ቦላ ፓሽክሴዳዋፐ ጉየ፥ ካꬃ ኡልያ ማታን አꬊደ ግሴዳ። ኡሩታ ሎዳን ሺቃደ፥ አ ገድያ ቃራደ፥ ገድሳና ግሳ አጋዱ።
RUT 3:8 ሄካ ብላሄ ግድያ ዎደ፥ ብታንያ እትባይ ዳጋንꬅና ቤጎቲደ፥ አꬍ ዎꬊደ፥ እት ማጫውና አ ገድሳና ግሴዳኖ ደሜዳ።
RUT 3:9 “ሀኔ፥ ኔን ኦኔ?” ያጊደ ኦቼዳ። እዛ፥ “ታን ነ ቆማቶ ኡሩቶ፤ ኔን ታ አስናዉ ማታ ዳቦ ግድያ ድራዉ፥ ታና አካ” ያጋዱ።
RUT 3:10 ቦኤዝ ዛሪደ፥ “ታ ናተ፥ መꬍና ጎዳይ ኔና አንጆ! ሀዌ ነ ኦሻይ ኔን ካሰ ነ ቦሎታትዉ ኦꬄዳ ኬካተꬃፐካ አꬌ፤ ኔን ማንቆ ዎይ ዱረ ግዴዳ ያላጋ አቱማ አሳ ኮያባካ።
RUT 3:11 ሀእ ስም ታ ናተ፥ ያዮፓ። ኔን ኦቼዳ ኡባ ነዉ ታን ኦꬃና። አያዉ ጎፐ፥ ታ ካታማን ደእያ አሳይ ኡባይ ኔን ሎኦባ ሀንያ ማጫ አሳ ግድያዋ ኤሬዳ።
RUT 3:12 ታን ማታ ዳቦ ግድያዌ ቱማ፤ ሽን ታፐ ማታ ዳርያዌ ደኤ።
RUT 3:13 ሀቼ ቃማ ሀዋን አቃ። ዎንትና እ ኔና አይሳናዉ ኮዮፐ፥ ሎአ፤ አኮ። ሽን እ አይሳናዉ ኮየናን እጾፐ፥ መꬍና ጎዳይ ኤሮ፥ ታን ኔና አካና። ሳአይ ዎንታናዉ ሀዋን ግሳሻ” ያጌዳ።
RUT 3:14 እዛ ቦኤዛ ገድሳና ሳአይ ዎንታናዉ ግሳዱ፤ ቦኤዝ፥ “ማጫውና ካꬃ ኡዱማ ዬዳዋ ኦንነ ኤሮፖ” ጌዳ ድራዉ፥ ኡሩታ አሳይ አሳ በኤና ዎድያን ደንዳዱ።
RUT 3:15 ቦኤዝ ኦ፥ “ነ ማዬዳ ቃምሽያ ሃ አሀዴ፥ ፕድ ኦꬃ ኦይቃ” ያጌዳ። አ ኦይቂና ላታሙ ኪሎ ግራመ ባንጋ ማክ ቆሊደ፥ ኦ ባእሴዳ። አ ባአደ ጉየ ካታማ ባዱ።
RUT 3:16 ኡሩታ ባረ ቦሎታትኮ ዪና፥ ኑሃማ ኦ፥ “ታ ናተ፥ ነባይ ዋኔዴ?” ያጋደ ኦቻዱ። ብታኒ እዚው ኦꬄዳባ ኡባ ኦዳዱ፤
RUT 3:17 “ ‘ነ ቦሎታትኮ መላ ኩሸ ቦፓ’ ጊደ ሀዋ ላታሙ ኪሎ ግራመ ባንጋ እሜዳ” ያጋዱ።
RUT 3:18 ያትና፥ ኑሃማ፥ “ታ ናተ፥ አይዴ ሀናናዌንቶ በአና ጋካናዉ ናጋ። ብታኒ ሀቼ ሀ የዉዋ ዉርሰናን ሸምፐና” ያጋዱ።
RUT 4:1 ቦኤዝ ካታማ ፐንግያ ማታን ደእያ ጉታራ ፑደ ከሲደ፥ ያን ኡቴዳ። እ ኦዴዳ ማታ ዳቡ ያና አꬌ። ቦኤዝ “ታ እሻዉ፥ ሃ ስማደ ሀዋን ኡታ” ያጌዳ። እ ስሚደ ኡቴዳ።
RUT 4:2 ቦኤዝ ሄ ካታማ ጭማቱዋፐ ታሙ አሳ ዶሪደ፥ “ሀዋን ኡትተ” ያጌዳ፤ ኡንቱንቱ ኡቴድኖ።
RUT 4:3 ቦኤዝ ባረ ማታ ዳቡዋ ሀዋዳን ያጌዳ፤ “ሞኣበ ጋድያፐ ስማደ ዬዳ ኑሃማ፥ ኑ እሻ ኤልመሌካ ጋድያ ባይዛዉ።
RUT 4:4 ሄዋ ድራዉ፥ ታን ነዉ፥ ሀዋን ኡቴዳ አሳ ስንꬃንነ ታ ካታማ ጭማቱዋ ስንꬃን፥ ‘ሻማ’ ጋደ ኦዳናዉ ቆፓድ። ኔን ዎዛናዉ ኮዮፐ ዎዛ፤ ኮያና ꬋዮፐ፥ ታን ኤራናዉ ታዉ ኦዳ። አያዉ ጎፐ፥ ዎዛናዉ ማታይ ደእያዌ ኔፐ ሀራ አሳይ ባዋ፤ ኔፐ ካላደ ታን ደአይ” ያጌዳ። እ፥ “ታን ዎዛና” ያጌዳ።
RUT 4:5 ቦኤዝ፥ “ጋድያ ናኦምፐ ሻምያ ጋላስ፥ አምአቶ ኡሩቶ አካሳ፤ ያቶፐ፥ ሀይቄዳዋ ሱንꬃይ አ ላታ ጋድያን ጼሰታናዋ” ያጌዳ።
RUT 4:6 ሀ ማታ ዳቡ፥ “ሄዋ ግዶፐ፥ ታን ዎዛናዉ ዳንዳይከ፤ አያዉ ጎፐ፥ ሄዌ ታና ታ ቡዞ ላታ ጋድያ ባይዝሳና። ሄዋ ኔን ነዉ ዎዛ፤ ታን ዳንዳይከ” ያጌዳ።
RUT 4:7 በን ዎደ እስራኤልያ ጋድያን ኦንነ አቁዋ ዎዞፐ ዎይ ላሞፐ፥ ዛልእያ ዱꬃናዉ እት ባጋይ ባረ ጫማ ገድያፐ ሾዲደ፥ ህንኮ ባጋዋ እሜዳ። እስራኤልያ ጋድያን እትባ እቱዋፐ እቶ ሼꬍያ ማራይ ሄዋ።
RUT 4:8 ሄዋ ድራዉ፥ ሄ ማታ ዳቡ ቦኤዛ፥ “ኔን ሻማ” ያጊደ፥ ባረ ጫማ ገድያፐ ሾዴዳ።
RUT 4:9 ያትና፥ ቦኤዝ ጭማቱዋነ አሳ ኡባ፥ “ታን ኤልመሌካዉነ ከልዎናዉነ ማእሎናዉ ደእያዋ ኡባ ናኦምፐ ሻሜዳዎ ሀቼ ህንተንቱ ማርካ።
RUT 4:10 ቃይ ሀይቄዳዋ ሱንꬃይ ኡንቱንቱ ሶ አሳ ሱንꬃ ግዶፐ ዎይ ካታማ አሳ ማዝጎባፐ ꬋየናዳን፥ አ ሱንꬃ አ ላታ ጋድያን ጼስሳናዉ ማእሎና አምአቶ ኡሩቶካ ታን አክያዎ ሀቼ ህንተንቱ ማርካ” ያጌዳ።
RUT 4:11 ፐንገ ጉታራን ደእያ ጭማቱነ አሳይ ኡባይ፥ “ኤ፥ ሀዎ ኑን ማርካ! መꬍና ጎዳይ ሀኖ ነ ሶ ይያ ማቻቶ፥ እስራኤልያ አሳዉ ማይዛ አቶ ግዴዳ ራሄልዳንነ ልያዳን ኦꬆ። ኔንካ ኤፍራታን ዱረ ግዴዳ ነ ሱንꬃይ ቤተሌመን ኤረቶ።
RUT 4:12 መꬍና ጎዳይ ሀ ሎአ ያላጋ ማቻትፐ ነዉ እምያ ዛርያን፥ ትእማራ ይሁዳዉ የሌዳ ፓሬሳ ጎለን ሀኖ” ያጌዳ።
RUT 4:13 ሄዋዳን ኦꬂደ፥ ቦኤዝ ኡሩቶ አኬዳ፤ አዉ ማቻቶ ግዳዱ። መꬍና ጎዳይ እዝዉ ኡሉዋን የሉዋ እምና፥ አቱማ ናኣ የላዱ።
RUT 4:14 ማጫ አሳቱ ኑሃሞ፥ “ሀቼ ኔና ሄማናዉ ነዉ ናኣ ናኣ ꬋይስቤና መꬍና ጎዳይ ጋላተቶ! አ ሱንꬃይ እስራኤልያን ኤረቶ!
RUT 4:15 እ ነዉ ሳኣ ኬክሳና፤ ኔን ኤጭያ ዎድያን ኔና እ ሄማና። አያዉ ጎፐ፥ ኔና ዶስያና፥ ላፑን አቱማ ናናፐካ አꬋ ነዉ ኬክያኖ፥ ነ ናኣ ማቻታ አ የላዱ” ያጌድኖ።
RUT 4:16 ኑሃማ ዬራ አካደ እድማዱ፤ ያታደ አ ድቻዱ።
RUT 4:17 እ ሾሩዋን ደእያ ማጫ አሳቱ፥ “ኑሃሚው አቱማ ናአይ የለቴዳ” ያጊደ አ ዮቤዳ ሱንꬄድኖ። ዮቤድ ዳዊተ አዉዋ እሰያ የሌዳዋ።
RUT 4:18 ፓሬሳ የለታይ ሀዋፐ ካሊደ ጻፈቴዳዋዳን: ፓሬስ ሄጽሮና የሌዳ፤
RUT 4:19 ሄጽሮን ራማ የሌዳ፤ ራም አምናዳባ የሌዳ፤
RUT 4:20 አምናዳበ ናአሶና የሌዳ፤ ናአሶነ ሳልሞና የሌዳ፤
RUT 4:21 ሳልሞነ ቦኤዛ የሌዳ፤ ቦኤዝ ዮቤዳ የሌዳ፤
RUT 4:22 ዮቤድ እሰያ የሌዳ፤ እሰይ ዳዊታ የሌዳ።
1SA 1:1 ኤፍሬማ ገዝያን፥ ራማ ጌተትያ ካታማን ደእያ፥ ኤፍሬማ ዛረነ ጹፋ ያራ ግዴዳ፥ ኤልቃና ጌተትያ እት ብታኒ ደኤ፤ እ ይሮሃማ ናኣ፤ ይሮሃም ኤልሁ ናኣ፤ ኤልሁ ቶሁ ናኣ፤ ቶሁ ጹፋ ናኣ።
1SA 1:2 ኤልቃናዉ ላኡ ማቻቱ ደኢኖ፤ እትን ሱንꬃይ ሃኖ፤ የንኮር ሱንꬃይ ፕኒኖ። ፕኒናዉ ናናይ ደኢኖ፤ ሽን ሃንዉ እት ናእካ ባዋ።
1SA 1:3 ኡባፐ ዎልቃማ መꬍና ጎዳዉ ጎይናናዉነ ያርሻናዉ ኤልቃን ላይꬃን ላይꬃን ባረ ካታማፐ ሴሎ ቤ። ኤልያ ናናይ ላኡ፥ ሆፍኒንነ ፒንሃስ ያን መꬍና ጎዳ ቄሳቱ ዋ።
1SA 1:4 ኤልቃን ያርሹዋ ያርሽያ ዎደ አዉደነ አሹዋፐ እት ኩሽያ ባረ ማቻት ፕኒንዉ፥ ቃይ እት እት ኩሽያ እ አቱማ ናናዉነ ማጫ ናናቶ ሁጲያን ሁጲያን እሜ።
1SA 1:5 መꬍና ጎዳይ ሃኖ የሉዋ ድግንቶካ፥ ኤልቃን እዞ ዶስያ ድራዉ፥ እዝዉ ላኡ ኩሽያ እሜ።
1SA 1:6 መꬍና ጎዳይ ሃንዉ ኡባና የሉዋ ድጌዳ ድራዉ፥ እዝ ላጋታ እዞ ሀንቀꬃዉነ ይሎያዉ።
1SA 1:7 ሀዌ ላይꬃፐ ላይꬃን ሀንያዋ፤ ሃና መꬍና ጎዳ ጎለ ቤዳ ዎደ አዉደነ እዝ ላጋታ እዞ ዬካና ጋካናዉ ቁማ ሙሳ እጻና ጋካናዉ ይሎያዉ።
1SA 1:8 እዝ አስናይ ኤልቃን እዞ፥ “ሃኔ፥ ኔን አያዉ ዬካይ? አያዉ ቁማ ሚኪ? ነ ዎዛናይ አያዉ ካዮቲ? ታን ነዉ ታሙ ናናቱዋፐ አꬍክታየ?” ያጌ።
1SA 1:9 እት ጋላስ ኡንቱንቱ ሴሎን ሜዳዋፐነ ኡሼዳዋፐ ጉይያን፥ ሃና ደንዳ ኤቃዱ። ኤቂያ ዎደ፥ መꬍና ጎዳ ጎልያ ፐንግያ ማታን ደእያ ኦይድያን ቄስያ ኤል ኡቴዳ።
1SA 1:10 ሃና ሎይꬃ ሴለታደ፥ ጫሞ ዬኩዋ ዬካደ መꬍና ጎዳ ዎሳዱ።
1SA 1:11 እዛ ሀዋዳን ያጋደ ቃንገꬃ ቃንገታዱ፤ “ኡባፐ ዎልቃማ መꬍና ጎዳዉ፥ ታና ነ ቆማቶ ጼላ! ታ ምሹዋ በኣደ፥ ታና ሀሳያ፤ ታና ነ ቆማቶ ዶጎፓ። ኔን ታዉ ነ ቆማትዉ አቱማ ናኣ እሞፐ፥ አ ደኡዋ ላይꬃ ኡባን ታን አ ነዉ እማና፤ አ ሁጲ ኡባካ ሜደተና” ያጋዱ።
1SA 1:12 ሃና መꬍና ጎዳ ዎሳ አዱሴዳ ዎደ፥ ኤል እ ዶና ጼሌ።
1SA 1:13 ሃና ባረ ዎዛና ግዶን ጾሳ ዎስያ ዎደ፥ እ መተርሻይ ቃጽያዋፐ አትና፥ እዝ ቃላይ ስሰተና፤ ሄዋ ድራዉ፥ ኤል እዞ ማꬆቴዳዋዳን ቆፔዳ።
1SA 1:14 ሄዋፐ እዞ፥ “ኔን አዉደ ጋካናዉ ማꬆታይ? ዎይንያ ኤሳ ነ ዶናፐ ድጋ” ያጌዳ።
1SA 1:15 ሄዋፐ ጉየ ሃና ሀዋዳን ያጋደ አዉ ዛራዱ፤ “ቱይት፥ ታ ጎዳዉ፥ ታን ሎይꬅ መቶታንቻ ማጫ አሳ፤ ታን ታ ሸምፑዋፐ መꬍና ጎዳ ዎሳይፐ አትና፥ ዎይንያ ኤሳ ዎይ ማꬆይያ ኡሻ ኡሻበይከ።
1SA 1:16 ታን ታ ቱጋነ ታ ምሹዋ ዳሩዋ ሀዋን ሃሳዬዳ ድራዉ፥ ታና ነ ቆማቶ ‘ፓና ማጫ አሳ’ ጋደ ቆፖፓ” ያጋዱ።
1SA 1:17 ሄዋፐ ጉየ ኤል እዝዉ ዛሪደ፥ “ሳሮተꬃን ባ፤ ኔን አ ዎሴዳዋ እስራኤልያ ጾሳይ ነዉ እሞ” ያጌዳ።
1SA 1:18 ሄዋፐ ጉየ ሃና፥ “ነ ቆማታ ነ ስንꬃን ናሹዋ ደሙ” ያጋዱ። ሄዋፐ ጉይያን፥ አ ባረ ኦግያ ባደ፥ ቁማ ማዱ፤ ሄዋፐ ስምና ሙለካ ካዮታበይኩ።
1SA 1:19 ዎንተꬃ ጋላስ ጉራና ደንዲደ፥ ኤልቃንነ አ ሶ አሳይ መꬍና ጎዳዉ ጎይኔዳዋፐ ጉይያን፥ ባረንቱ ሶ፥ ራማ ካታማ ስሜድኖ። ኤልቃን ባረ ማቻት ሃንና አቄዳ፤ መꬍና ጎዳይ እዞ ቆፔዳ፤
1SA 1:20 አ ሻሃሮ ዎደ ዎዲ ዉርና አቱማ ናኣ የላዱ። ሃና፥ “ታን መꬍና ጎዳ ዎስና ስሴዳ” ጋደ አ ሱንꬃ ሳሙኤኤላ ሱንꬃዱ።
1SA 1:21 ኤልቃን ባረ ሶ አሳ ኡባና ላይꬃ ያርሹዋ መꬍና ጎዳዉ ያርሻናዉነ ቃንጌዳዋ ጋꬃናዉ ሴሎ ቤዳ፤
1SA 1:22 ሽን ሃና ባበይኩ። አ ባረ አስና፥ “ታ ናአይ ꬋንꬃ ዱꬄዳዋፐ ጉይያን፥ ታን አ አፋደ፥ መꬍና ጎዳዉ እማና፤ መꬍናዉ እ ያን ደአናዋ” ያጋዱ።
1SA 1:23 እ አስናይ ኤልቃን፥ “ኔና ሎኦዋ ኦꬃ፤ አ ኔን ꬋንꬃ ዱꬃና ጋካናዉ ሶን ጋምአሻ፤ ያንናካ መꬍና ጎዳይ ባረ ቃላ ፖሎ” ያጌዳ። ሄዋፐ ጉየ ሃና ꬋንꬃ ዱꬃና ጋካናዉ ባረ ናኣ ꬋንꬃደ ሶን ጋምኣዱ።
1SA 1:24 ሃና እዝ ናአይ ꬋንꬃ ዱꬄዳዋፐ ጉይያን፥ ሳመላነ ሄዙ ላይꬃ ኮሩማ፥ ታሙ ኪሎ ግራመ ꬊልያነ ኦጎሩዋ ኩመንꬃ ዎይንያ ኤሳ አካደ መꬍና ጎዳ ጎልያ ሴሎ ባዱ፤ ናአይ ሄ ዎደ ጉꬃ።
1SA 1:25 ኡንቱንቱ ኮሩማ ሹኬዳዋፐ ጉይያን፥ ናኣ ኤልያኮ አፌድኖ።
1SA 1:26 ሃና ኤልያ፥ “ታ ጎዳዉ፥ ነ ደኡ ኤሮ! ነ ስንꬃን ኤቃደ መꬍና ጎዳ ዎሴዳ ምሽራታ ቱሙ ታናቴ።
1SA 1:27 ታን ሀ ናኣ የላናዉ ዎስና፥ መꬍና ጎዳይ ታን አ ዎሴዳዋ እሜዳ።
1SA 1:28 ሄዋ ድራዉ፥ ታን መꬍና ጎዳዉ አ እማድ፤ እ ባረ ደኦ ላይꬃ ኡባን መꬍና ጎዳዉ እመቴዳ” ያጋዱ። ሄዋፐ ጉይያን፥ ኡንቱንቱ መꬍና ጎዳዉ ያት ጎይኔድኖ።
1SA 2:1 ሃና ሀዋዳን ያጋደ ዎሳዱ፤ “ታ ዎዛናይ መꬍና ጎዳን ናሸቴ፤ መꬍና ጎዳን ታ ዎልቃይ ዳሬዳ። ታ ሞርከቱዋ ቦላን ታን ጬቀታደ ሃሳያይ፤ መꬍና ጎዳይ ታና አሼዳ ድራዉ፥ ታን ናሸታይ።
1SA 2:2 “መꬍና ጎዳ ማላ ጌሽ እቱነ ባዋ፤ አ ማል እቱነ ባዋ። ኑ ጾሳፐ አትና፥ ሀራ አትያ ዎጋ ዛላይ ባዋ።
1SA 2:3 “ኦቶሮ ሃሳያ አግተ፤ ኦቶሮ ቃላይ ህንተንቱ ዶናፐ ከሶፖ። አያዉ ጎፐ፥ መꬍና ጎዳይ ኤርያ ጾሳ፤ አሳ ኦሱዋ እ ይግ ጼሌ።
1SA 2:4 “ኦላንቻቱዋ ዎንዳፊ መኤዳ፤ ሽን ꬉበቴዳዋንቱ ዎልቃ ዳንጬድኖ።
1SA 2:5 ካል ኡቴዳዋንቱ ኮሻቲደ፥ ቁማዉ ሀራዉ ኦꬂኖ፤ ሽን ኮሻት ኡቴዳዋንቱ ሀእ ካሌድኖ። ማንꬃታ ላፑን ናና የላዱ፤ ሽን ጮራ ናና የሌዳና ዳቡራዱ።
1SA 2:6 “መꬍና ጎዳይ ዎꬌነ ፓꬄ፤ ቃይ እ ዱገ ስኦልያን የጌነ ፑደ ከሴ።
1SA 2:7 መꬍና ጎዳይ ማንቀꬄነ ዱረዬ፤ ቃይ እ ዝቂሴነ ꬎቂሴ።
1SA 2:8 እ ህዬሳቱዋ ባናፐ ደንꬄ። መቶታንቻቱዋካ ብድንꬃ ፕቱዋፐ ደንꬄ፤ ኡንቱንታ ካፓቱዋና ኡትሴ፤ ኡንቱንታ ቦንቾ አራታ ላትሴ። “አያዉ ጎፐ፥ ቢታ ባሳቱ መꬍና ጎዳሳ፤ እ ኡንቱንቱ ቦላን ሳኣ ኤሴዳ።
1SA 2:9 እ ጾሳ አሳቱዋ ገድያ ናጌ፤ ሽን ኢታቱዋ እ ꬉማን ጮኡ ኡዳና። “አሳይ ባረ ዎልቃን ጾነና፤
1SA 2:10 መꬍና ጎዳና ኤቀትያዋንቱ ሊቃና። እ ሳሉዋፐ ኡንቱንቱ ቦላ ጉጉንꬃዳን ጉማና፤ መꬍና ጎዳይ ሳኣን ደእያዋንታ ኡባ ፕርዳና። “እ ባረ ካትያዉ ዎልቃ እማና፤ እ ባረ ኦኬዳዎ ጾኑዋ እማና” ያጋደ ዎሳዱ።
1SA 2:11 ሄዋፐ ጉይያን፥ ኤልቃን ራማን ደእያ ባረ ሶይ ቤዳ፤ ሽን ናአይ ሳመል ቄስያ ኤልያፐ ጋርሳና መꬍና ጎዳዉ ኦꬄ።
1SA 2:12 ኤልያ አቱማ ናናይ ኢታ ናናቱዋ፤ ኡንቱንቱ መꬍና ጎዳ ኤርክኖ፥
1SA 2:13 ዎይ ያርሹዋ እምያ አሳዉ ቄሳቱ ኦꬅያ ዎጋ ናግክኖ። ሄዌነ፥ አሳይ ያርሹዋ ያርሽያ ዎደ፥ ቄስያ ቆማይ ሄዙ አቻ ብራታ ኮጫን አኬዳ፤ አሹ ብሮ ካእ ደእሽን፥
1SA 2:14 ዶይስያ ዎጋ ኦቱዋን ዎይ ከርያን ሄ ኮጫ የዲደ፥ ኮጫይ ኦይቂ ከስያ አይ ቆሞ አሹዋ ግዶፐነ አፊደ፥ ቄስያዉ እሜ። ያርሹዋ ያርሻናዉ ሴሎ ይያ እስራኤልያ አሳ ኡባ ኡንቱንቱ ሀዋዳን ኦꬂኖ።
1SA 2:15 ቃይ ሞꬉዋ ያርሽያ ሳኣን ጺጻናፐ ካሰቲደ፥ ቄስያ ቆማይ ያርሹዋ ያርሽያ ብታንያኮ ቢደ፥ “ቄሲ ቃየ አሹዋፐ አትና፥ ዶይሳ አሹዋ ኔፐ አከና ድራዉ፥ አዉ ጺጻናዉ አማሬዳ አሹዋ ሀማ” ያጌ።
1SA 2:16 ሄዋፐ ጉየ ብታኒ ዛሪደ፥ “ዎጋዳን ቄሳቱ ሞꬉዋ ኮይሮ ጹግኖ፤ ሄዋፐ ጉይያን፥ ኔን ኮይያዋ አካ” ያግያ ዎደ ቄስያ ቆማይ፥ “ቱይት፤ ታዉ ሀእ እማ፤ ኡባ ኔን ድጎፐ፥ ታን ኔፐ ዎልቃን አካና” ያጌ።
1SA 2:17 መꬍና ጎዳዉ እምያ ያርሹዋ ኤልያ ናናይ ካꬌዳ ድራዉ፥ ኡንቱንቱ ናጋራይ መꬍና ጎዳ ስንꬃን ሎይꬅ ዳሬዳ።
1SA 2:18 ሽን ሳመል ናአተꬃን ደኢደ፥ ሱፍያ ጌተትያ ክርያፐ ዳደቴዳ ኤፉደ ጌተትያ ማዩዋ ማዪደ፥ መꬍና ጎዳዉ ኦꬄ።
1SA 2:19 ሳመላ ዳያ ላይꬃን ላይꬃን ጉꬃ ቆልያ ጊግሳደ፥ ላይꬃ ያርሹዋ ያርሻናዉ ባረ አስናና ባደ ሳመላዉ አካደ ባዉ።
1SA 2:20 ኤል ኤልቃናነ አ ማቻቶ፥ “ነ ማቻታ መꬍና ጎዳዉ እሜዳ ናኣ ድራዉ መꬍና ጎዳይ ነዉ ሀ ምሽራትን ሀራ ናና እሞ” ያጊደ አንጄ፤ ያትና፥ ኡንቱንቱ ባረንቱ ሶይ ስሚኖ።
1SA 2:21 መꬍና ጎዳይ ሃኖ አንጅና፥ ሻሃራደ ሄዙ አቱማ ናናነ ላኡ ማጫ ናና የላዱ። ናአይ ሳመል መꬍና ጎዳ ስንꬃን ድጬዳ።
1SA 2:22 ኤል ሎይꬅ ኤጬዳ። አ ናናይ እስራኤልያ አሳ ኡባ ቦላ ኦꬄዳ ኡባባነ ቃይ ጾሳ ዱንካንያ ፐንግያን ጾሳዉ ኦꬅያ ማጫ አሳቱዋና ግሴዳዋ ስሴዳ።
1SA 2:23 ኡንቱንታ፥ “ህንተንቱ ሀዋ ማላ አያዉ ኦꬂቴ? ህንተንቱ ኢታ ኪታ ታን አሳ ኡባፐ ስሳይ።
1SA 2:24 ታ ናቶ፥ ሀዋ አግተ፤ መꬍና ጎዳ አሳይ ህንተንታ ግያዋ ታን ስሴዳዌ ሎኦባ ግደና።
1SA 2:25 እት አሳይ አሳ ናቆፐ፥ ጾሳይ አዉ ጋናታና፤ ሽን አሳይ መꬍና ጎዳ ናቆፐ፥ ኦኔ አዉ ጋናታናዌ?” ያጌዳ። መꬍና ጎዳይ፥ “ታን ኡንቱንታ ዎꬋና” ጌዳ ድራዉ፥ ኡንቱንቱ ባረንቱ አዉዋ ሴራ ስሰናን እጼድኖ።
1SA 2:26 ናአይ ሳመል ጾሳ ስንꬃንነ አሳ ስንꬃን ድጬዳነ ሳበቴዳ።
1SA 2:27 እት ጋላስ ጾሳ አሳይ ኤልያኮ ዪደ አ፥ “መꬍና ጎዳይ ሀዋዳን ያጌ፤ ‘ነ ማይዛ አዉ አሮነነ አ ሶ አሳይ ግብጼ ካትያ አይለተꬃን ደእያ ዎደ፥ ታን ኡንቱንቶ ቆንጫድ።
1SA 2:28 አሮነ ታ ያርሽያ ሳኣ ፑደ ከሳና ማላ፥ እጻና ጩዋያና ማላነ ታ ስንꬃን ኤፉድያ ማያና ማላ፥ ታዉ ቄስያ ኡዳደ እስራኤልያ ዛራቱዋ ኡባፐ አ ዶራድ። ቃይ እስራኤልያ አሳይ ታማን ያርሽያ ያርሹዋ ኡባ ታን ነ አዉዋ ዛርያዉ እማድ።
1SA 2:29 ታን ታ ደእያ ሳኣ ሺሻና ማላ አዛዜዳ ታ ያርሹዋነ እምያዋ ህንተንቱ አያዉ የꬍ ካኢቴ? ታ አሳይ እስራኤሊ፥ ታዉ ሺሼዳ ያርሹዋ ኡባፐ ሙሩትያዋ ህንተንቶ ሚደ ኦርድያዋን፥ ኔን ነ ናና ታፐ አꬃደ አያዉ ቦንቻድ?’ ያጌ።
1SA 2:30 “ሄዋ ድራዉ፥ መꬍና ጎዳይ እስራኤልያ ጾሳይ ሀዋዳን ያጌ፤ ‘ነ ዛሪነ ነ አዉዋ ዛሪ መꬍናዉ ታዉ ኦꬃና’ ጋድ፤ ሽን ሀእ፥ ሄዌ ታፐ ሃኮ! ታና ቦንችያዋንታ ታን ቦንቻና፤ ታና ካꬍያዋንታ ታን ካዉሻና።
1SA 2:31 ነ ዛርያን አሳይ ጭመና ማላ፥ ታን ነ ዎልቃነ ነ አዉዋ ዛርያ ዎልቃ ꬋይስያ ጋላሳቱ ያናዋ።
1SA 2:32 ኔን መቶታና፤ ታን እስራኤልያ አሳዉ እምያ አንጁዋ በኣደ ኔን ቃናታና፤ ሽን ነ ዛርያን ጭማና አሳይ ኦንነ ባዋ።
1SA 2:33 ታን ታ ያርሽያ ሳፐ ꬋይሰና አሳይ ደኦፐ፥ አ ጋሱዋን ነ አይፊ አፎጺደ ቆቃናነ ነ ዎዛናይካ ምሹዋ ጹገታና፤ ነ ዳሮ ዘረꬃ ኡባይ ያላጋተꬃን ደኢደ ሀይቃና።
1SA 2:34 “ነ ናናይ ላኡ ሆፍኒንነ ፒንሃስ እት ጋላስ ሀይቃና፤ ሄዌ ነዉ ማላታ ግዳናዋ።
1SA 2:35 ታን ታዉ አማነትያ ቄስያ፥ ታ ዎዛናዳንነ ታ ቆፋዳን ኦꬅያዋ ደንꬃና፤ ታን አ ዛራቱ ደእ በአናዳን ኦꬃና፤ ታን ዶሬዳዌ ካትያ ስንꬃን ኡንቱንቱ ኡባ ዎደ ኦꬃና።
1SA 2:36 ነ ዛርያን አቴዳ ኡባይ ጉꬃ ሚሻ ዎይ ባሶ ኡክꬃ ዎሳናዉ ዪደ፥ አ ስንꬃን ጉፋኒደ፥ ‘ታን ኡክꬃ ማና ማላ፥ ቄሳቱ ዋፐ እቱዋ ሳኣ ማላን ታና ዎꬃርኪ’ ያጋና ያጌ” ያጌዳ።
1SA 3:1 ናአይ ሳመል ኤልያፐ ጋርሳና መꬍና ጎዳዉ ኦꬄ፤ መꬍና ጎዳ ቃላይ ሄ ዎደ ሎይꬅ አልአ፤ ሳጻይነ ዳረና።
1SA 3:2 አይፊ ጼላናዉ ለፕና፥ ዋየት ጼልያ ኤል እት ጋላስ ቃማ ባረ ሳኣን ግሴዳ።
1SA 3:3 ሄ ዎደ ጾሳ ጾምፒ ብሮ ቶእቤና፤ ቃይ ጾሳ ታቦታይ ደእያ መꬍና ጎዳ ጎለን ሳመል ገምእሼ።
1SA 3:4 መꬍና ጎዳይ ሳመላ ጼሴዳ፤ ሳሜል፥ “አቤ!” ጊደ ኮዬዳ።
1SA 3:5 ኤልያኮ ዎጽ ቢደ፥ “ኔን ጼስና ሄኮ ያድ” ያጌዳ። ሽን ኤል፥ “ታን ኔና ጼሳበይከ፤ ባደ ግሳ” ያጌዳ፤ ሳመል ቢደ ግሴዳ።
1SA 3:6 ቃይካ መꬍና ጎዳይ፥ “ሳመላ” ያጊደ ላኤንꬁዋ ጼሴዳ፤ ሳሜል ደንዲደ፥ ኤልያኮ ቢደ፥ “ኔን ጼስና ሄኮ ያድ” ያጌዳ። ሽን ኤል፥ “ታ ናአዉ፥ ታን ኔና ጼሳበይከ፤ ባደ ግሳ” ያጌዳ።
1SA 3:7 ሳመል ሄዌ መꬍና ጎዳ ግድያዋ ኤርቤና፤ አያዉ ጎፐ፥ መꬍና ጎዳ ቃላይ ብሮ አዉ ቆንጭቤና።
1SA 3:8 መꬍና ጎዳይ ሳመላ ሄዘንꬁዋ ጼስና ደንዲደ፥ ኤልያኮ ቢደ፥ “ኔን ጼስና ሄኮ ያድ” ያጌዳ። ሄዋን መꬍና ጎዳይ ናኣ ጼስያዋ ኤል አኬኬዳ፤
1SA 3:9 “ባደ ግሳ፤ እ ኔና ጼስያዋ ግዶፐ፥ መꬍና ጎዳዉ፥ ኦዳ፤ ታን ነ ቆማይ ስሳይ ያጋ” ያጊደ ኦዴዳ፤ ሳመል ባረ ሳኣ ቢደ ግሴዳ።
1SA 3:10 ሄዋፐ ጉይያን፥ መꬍና ጎዳይ ዪደ ሄዋን ኤቂደ ካሰዋዳን፥ “ሳመላ፥ ሳመላ” ያጊደ ጼሴዳ። ሳመል፥ “ኦዳ፤ ታን ነ ቆማይ ስሳይ” ያጌዳ።
1SA 3:11 መꬍና ጎዳይ ሳመላ፥ “በአ! ስስያ አሳ ኡባዉ ሀይꬃዉ ኢትያ እትባ እስራኤልያ ቦላ ታን ኦꬃና ሀናይ።
1SA 3:12 ታን ኤልያ ሶይ አሳ ቦላ ሃሳዬዳ ኡባባ ሄ ጋላሳን ኮይሩዋፐ ዉርሰꬃ ጋካናዉ ኤልያ ቦላ አሀና።
1SA 3:13 ኤል ኤሬዳ ናጋራ ድራዉ፥ ታን አ ሶይ አሳ ቦላ መꬍናዉ ፕርዳናዋ አዉ ኦዳ ዎꬃድ፤ አያዉ ጎፐ፥ አ ናናይ ሸቅስያባ ኦꬅያ ዎደ፥ እ ኡንቱንታ ሴርቤና።
1SA 3:14 ሄዋ ድራዉ፥ ‘ኤልያ ሶይ አሳ ናጋራይ ያርሹዋንነ እሙዋን ኡባካ አቶ ጌተቶፖ’ ያጋደ ታን አ ሶይ አሳዉ ጫቃድ” ያጌዳ።
1SA 3:15 ሳመል ሳአይ ዎንታና ጋካናዉ ግሴዳ፤ ዎንትና ደንዲደ፥ መꬍና ጎዳ ጎልያ ፐንግያ ዶዬዳ። ሳመል ሳጻባ ኤልያዉ ኦዳናዉ ያዬዳ።
1SA 3:16 ኤል ሳመላ፥ “ታ ናአዉ ሳሜላ” ያጊደ ጼሴዳ። ሳመል፥ “አቤ” ጊደ ኮዬዳ።
1SA 3:17 ኤል ሀዋዳን ያጊደ ሳመላ ኦቼዳ፤ “ጾሳይ ነዉ ኦዴዳዌ አዬ? ታፐ አይነ ቆሶፓ፤ ኔን ጾሳይ ነዉ ኦዴዳዋፐ እትባነ ታፐ ቆሶፐ፥ ጾሳይ ሄዋዳን ነ ቦላ ኦꬆ” ያጌዳ።
1SA 3:18 ሄዋፐ ጉየ ሳመል አይነ ቆሰናን ኡባባ ኤልያዉ ኦዴዳ። ኤል፥ “እ መꬍና ጎዳይ፤ እ ባረና ሎኦዋ ኦꬆ” ያጌዳ።
1SA 3:19 ሳመል ድጭያ ዎደ መꬍና ጎዳይ አናና ደኤ፤ ሳመል ሃሳዬዳባፐ እት ቃላይነ ሳኣን ዎꬍቤና።
1SA 3:20 እስራኤልያ ዛዋን ዳናፐ ቢደ በርሳበሀ ጋካናዉ፥ ሳመል መꬍና ጎዳዉ ቱሙ ትምቢትያ ኦድያዋ ግድያዋ እስራኤልያ አሳይ ኡባይ ኤሬዳ።
1SA 3:21 መꬍና ጎዳይ ሴሎን ቆንጬ፤ ያን ባረ ቃላን ባረናተꬃ ሳመላዉ ቆንጭሴዳ። ሳመል ሃሳዬዳ ቃላይ እስራኤልያ ኡባ ጋኬዳ።
1SA 4:1 እስራኤላቱ ፕልስጼማቱዋና ኦለታናዉ ከሴድኖ፤ እስራኤላቱ ኤበንኤዘረን ሺቅና፥ ፕልስጼማቱ አፌቃን ሺቄድኖ።
1SA 4:2 ፕልስጼማቱ ጭታን ጭታን ግዲደ፥ እስራኤላቱዋና ኦለታናዉ ደንዴድኖ፤ ኦላይ ሱልና፥ ኦይዱ ሻአ እስራኤላቱዋ ዎꬌዳ ፕልስጼማቱዋን እስራኤላቱ ጾነቴድኖ።
1SA 4:3 ኦላንቻቱ ሺቄዳ ሳኣ ስሜዳ ዎደ፥ እስራኤልያ ጭማቱ፥ “ሀቼ መꬍና ጎዳይ ኑና ፕልስጼማቱዋን አያዉ ጾንሴዴ? ኑናና ባናዳንነ ኑና ኑ ሞርከቱዋ ኩሽያፐ አሻናዳን ጾሳ ቃላ ጫቁዋ ታቦታ ሴሎፐ አነ አሆይተ” ያጌድኖ።
1SA 4:4 ሄዋ ድራዉ፥ አሳይ ሴሎ ኪትና፥ ክሩበቱዋ ግዱዋን አራታን ኡትያ ኡባፐ ዎልቃማ መꬍና ጎዳ ቃላ ጫቁዋ ታቦታ አሄድኖ። ኤልያ ናናይ ላአቱ ሆፍኒንነ ፒንሃስ ጾሳ ቃላ ጫቁዋ ታቦታና ያን ደኢኖ።
1SA 4:5 መꬍና ጎዳ ቃላ ጫቁዋ ታቦታይ ሺቄዳ ሳኣ ጋኬዳ ዎደ፥ እስራኤላቱ ኡባይ ቢታይ ቃጻና ጋካናዉ ባረንቱ ቃላ ꬎቁ ኦꬂደ፥ “ጾሳ ቃላ ጫቁዋ ታቦታይ ጋኬዳ” ያጌድኖ።
1SA 4:6 እስራኤላቱዋ ጫቡዋ ፕልስጼማቱ ስሲደ፥ “ሀዌ እብራዌቱ ሺቄድኖ ሳን ስሰትያ፥ ዎልቃማ ዋላሳይ አዬ?” ያጌድኖ። መꬍና ጎዳ ታቦታይ ኡንቱንቱ ሺቄዳ ሳኣ ዬዳዋ ፕልስጼማቱ ኤሪደ ያዬድኖ።
1SA 4:7 ሀዋዳን ያጌድኖ፤ “ጾሳይ ኡንቱንቱ ሺቄዳ ሳኣ ዬዳ። አየ አና ኑኖ! ሀዋ ማላባይ ሀዋፐ ካሰ ሀን ኤረና።
1SA 4:8 አየ አና ኑኖ! ሀ ዎልቃማ ጾሳቱዋ ኩሽያፐ ኑና አሻናዌ ኦኔ? ሀ ጾሳቱ ግብጼቱዋ ዎራን ቦሻ ኡባን ሾጬዳዋንታ።
1SA 4:9 ህንተንቶ ፕልስጼማቶ፥ ምንተ! አሳዳን ኦለትተ! ሄዌ ꬋዮፐ፥ ህንተንቱ ኡንቱንታ ካሰ አይለተꬃን ሞዴዳዋዳን፥ ኡንቱንቱካ ህንተንታ ሞዳናዋንታ። ሄዋ ድራዉ፥ አሳዳን ኦለትተ!” ያጌድኖ።
1SA 4:10 ፕልስጼማቱ ኦለቲደ፥ እስራኤላቱዋ ጾኔድኖ፤ እስራኤላቱ ባረንቱ ዱንካንያኮ ባቃቴድኖ። ሄ ኦላን ዳሮ አሳይ ጎራኤቴዳ፤ እስራኤልያ ኦላንቻቱዋፐ ሀታሙ ሻአይ ሀይቄዳ።
1SA 4:11 ጾሳ ታቦታይ ኦሞደቴዳ፤ ኤልያ ናናይ ላኡ፥ ሆፍኒንነ ፒንሃስ ሀይቄድኖ።
1SA 4:12 ቢንያማ ዛረ ግዴዳ እት ብታኒ ኦላ ደምባፐ ዎጺደ፥ ሄ ጋላስ ሴሎ ጋኬዳ፤ ካዩዋ ኤርሳናዉ እ ባረ ማዩዋ ፔꬊደ፥ ባረ ሁጲያንካ ባና ላሌዳ።
1SA 4:13 ሄ ብታኒ ጋክያ ዎደ፥ ኤል ባረ ዎዛናን ጾሳ ታቦታባ ህርጌዳ ድራዉ፥ ናጊደ ኦግያ ዶናን ደእያ ባረ ኦይድያን ኡቴዳ። ብታኒ ካታማ ገሊደ፥ ሀኔዳባ ኦድና፥ ካታማይ ኡባይ ዋሱዋ ጹሌዳ።
1SA 4:14 ኤልካ ሄ ዋሱዋ ስሲደ፥ “ሀዌ አይባ ዋሴ?” ያጌዳ። ብታኒ ኤለካ ዪደ፥ ኤልያው ኦዴዳ፤
1SA 4:15 ኤል ኡዱፑን ታማነ ሆስፑን ላይꬃ ጭማ ግዴዳ፥ አይፊካ ጼላ አጊደ ጎልጄዳ አሳ።
1SA 4:16 ብታኒ ኤልያው፥ “ኦላ ደምባፐ ዬዳዌ ታና፤ ታን ሀቼ ያፐ ባቃታድ” ያጌዳ። ሄዋፐ ጉየ ኤል፥ “ታ ናአዉ፥ ያትና ዋኔዴ?” ያጊደ ኦቼዳ።
1SA 4:17 ኦዱዋ አሄዳ ብታኒ፥ “እስራኤላቱ ፕልስጼማቱዋ ስንꬃፐ ባቃቴድኖ፤ ዳሮ አሳይ ዉሬዳ፤ ነ ናናይ ላኡ ሆፍኒንነ ፒንሃስ ሀይቄድኖ፤ ጾሳ ታቦታይካ ኦሞደቴዳ” ያጌዳ።
1SA 4:18 ብታኒ ጾሳ ታቦታባ ኦዴዳ ዎደ፥ ፐንግያ ማታን ደእያ ባረ ኦይድያፐ ኤል ጉየ ኩንድና፤ ባርጋል መእና ሀይቄዳ፤ አያዉ ጎፐ፥ እ ጭማነ ኦርዱዋ። ኤል እስራኤልያ ጋድያን ኦይታሙ ላይꬃ ዳናቴዳ።
1SA 4:19 ኤልያ ናኣ ፒንሃሳ ማቻታ የላናዉ ዎዲ ጋኬዳ ሻሃራ። ጾሳ ታቦታይ ኦሞደቴዳዋነ ባረ ቦሉነ ባረ አስናይ ሀይቄዳዋ አ ስሴዳ ዎደ፥ ቆፐናን የሉ እዞ ኦይቂና የላዱ።
1SA 4:20 አ ሀይቃናዉ ማታቴዳ ዎደ፥ የልስያዋንቱ፥ “ኔን አቱማ ናኣ የሌዳ ድራዉ ያዮፓ” ያጌድኖ፤ ሽን ኡንቱንቶ አ አይነ ዛራበይኩ፤ ኡንቱንቱ ግያዋካ ሀይዛበይኩ።
1SA 4:21 አ ባረ ናኣ እካቦዳ ሱንꬃዱ፤ ጾሳ ታቦታይ ኦሞደቴዳ ድራዉነ ባረ ቦሉነ ባረ አስናይ ሀይቄዳ ድራዉ፥ “ቦንቹ እስራኤላቱዋፐ ሻከቴዳ” ያጋዱ።
1SA 4:22 አ፥ “ቦንቹ እስራኤላቱዋፐ ሻከቴዳ፤ አያዉ ጎፐ፥ ጾሳ ታቦታይ ኦሞደቴዳ” ያጋዱ።
1SA 5:1 ፕልስጼማቱ ጾሳ ታቦታ ኦሞዴዳዋፐ ጉይያን፥ ኤበንኤዜራፐ አሽዶዳ አፌድኖ።
1SA 5:2 ጾሳ ታቦታ አፊደ፥ ዳጎና ጌተትያ ኤቃ ጎልያ ገልሲደ፥ ዳጎና ማታን ኤሴድኖ።
1SA 5:3 አሽዶዳ አሳይ ዎንተꬃ ጋላስ ጉሪደ ደንዴዳ ዎደ፥ መꬍና ጎዳ ታቦታ ስንꬃን ዳጎን ባረ ዴሙዋን ቢታን ጉፋኔዳዋ በኤድኖ! ዳጎና ደንꬂደ፥ ካሰ ሳኣን ኤሴድኖ።
1SA 5:4 ቃይካ ዎንተꬃ ጋላስ ጉራና ደንዲ ዪደ፥ ኡንቱንቱ መꬍና ጎዳ ታቦታ ስንꬃን ዳጎን ባረ ዴሙዋን ቢታን ጉፋኔዳዋ በኤድኖ! ሄ ዎደ ዳጎና ሁጲያነ አ ላኡ ኩሺ መኤረቲደ፥ ፐንገ ጎጳን ደኤ፤ ህንኮ አሳተꬃይ አዌ ዱማ አቴዳ።
1SA 5:5 ሄዋ ድራዉ፥ ዳጎና ቄሳቱ ነ አሽዶዳን ደእያ ዳጎና ጎልያ ገልያ አሳቱ ኡባይ ዳጎና ፐንገ ጎጳ ሀቼ ጋካናስካ የꬍ ኤርክኖ።
1SA 5:6 አሽዶዳ ካታማ ቦላነ ሄዋ ሄራን ደእያ አሳ ቦላ መꬍና ጎዳ ኩሺ ዎልቃሜዳ፤ ጾሳይ ኡንቱንቱ ቦላን ቦሻ የዲደ፥ ጋፉዋ ሀርግያን ኡንቱንታ ሙሬዳ።
1SA 5:7 አሽዶዳ ካታማ አሳይ ሀኔዳባ በኤዳ ዎደ፥ “እስራኤልያ ጾሳ ኩሺ ኑ ቦላነ ኑ ጾሳ ዳጎና ቦላ ዎልቃሜዳ ድራዉ፥ እስራኤልያ ጾሳ ታቦታይ ኑ ማታን ጋምኦፖ” ያጌድኖ።
1SA 5:8 ፕልስጼማ ካፓቱዋ ኡባ ባረንቱኮ ጼስ ሺሺደ፥ “እስራኤልያ ጾሳ ታቦታ ዋታኔ?” ያጊደ ኦቼድኖ። ሽን ካፓቱ፥ “እስራኤልያ ጾሳ ታቦታይ ጋተ ጌተትያ ካታማ ቦ” ያጊደ ዛሬድኖ። ያትና፥ እስራኤልያ ጾሳ ታቦታ ጋተ አፌድኖ።
1SA 5:9 ሽን ታቦታይ ጋተ ጋኬዳዋፐ ጉይያን፥ መꬍና ጎዳ ኩሺ ሄ ካታማ ቦላ ዎልቃሚደ፥ ሎይꬅ ዎልቃማ ዳጋንꬁዋ ዳጋንꬄዳ፤ ያቲደ ካታማን ደእያ አሳ ናናቱዋፐ ጭማ ጋካናዉ ጋፉዋ ሀርግያን ሾጬዳ።
1SA 5:10 ሄዋ ድራዉ፥ ጾሳ ታቦታ ኤቅሮና ካታማ የዴድኖ። ጾሳ ታቦታይ ኤቅሮና ገልያ ዎደ፥ ኤቅሮና አሳቱ ሀዋዳን ያጊደ ዋሴድኖ፤ “ኑናነ ኑ አሳ ዎꬋናዉ እስራኤልያ ጾሳ ታቦታ ኑኮ አሄድኖ” ያጌድኖ።
1SA 5:11 ሄዋ ድራዉ፥ ፕልስጼማ ካፓቱዋ ጼስ ሺሺደ፥ “እስራኤልያ ጾሳ ታቦታ ሀዋፐ ድግተ፤ እ ጉየ ባረ ሳኣ ስሞ፤ ሄዌ ꬋዮፐ፥ ኑናነ ኑ አሳ ዎꬋና” ያጌድኖ። አያዉ ጎፐ፥ ካታማ ኡባን ሀይቁዋ ዳጋማይ ደኤ፤ ጾሳ ኩሺካ ካታማ ቦላ ዎልቃሜዳ።
1SA 5:12 ሀይቁዋፐ አቴዳ አሳቱ ጋፉዋ ሀርጌድኖ፤ ሄ ካታማ ዋሱነ ሳሉዋ ጋኬዳ።
1SA 6:1 መꬍና ጎዳ ታቦታይ ፕልስጼማ ቢታን ላፑን አግና ኡቴዳ።
1SA 6:2 ሄ ዎደ ፕልስጼማ አሳቱ ቄሳቱ ዋነ ሻሬቻቱዋ ጼሲደ፥ “መꬍና ጎዳ ታቦታ ኑን ዋታኔ? ኑን ጉየ አ ሳኣ አ ዎት የዳነንቶ፥ ኑዉ ኦድተ” ያጌድኖ።
1SA 6:3 ኡንቱንቱ፥ “እስራኤልያ ጾሳ ታቦታ ጉየ የድያዋ ግዶፐ፥ መላ የዶፕተ፤ አይ ሀኒደነ ህንተንቱ ባይዙዋ ያርሹዋ አዉ የድተ፤ ያቶፐ፥ ህንተንቱ ፓጻና፤ አ ኩሺ ህንተንቱ ቦላፐ አያዉ ክችቤነንቶካ ህንተንቱ ኤራና” ያጊደ ዛሬድኖ።
1SA 6:4 ፕልስጼማ አሳቱ፥ “ኑን አዉ የዳናዉ በስያ ባይዙዋ ያርሹ አዬ?” ያጊደ ኦቼድኖ። ሽን ኡንቱንቱ፥ “ህንተናነ ህንተንቱ ካፓቱዋ ጋኬዳ ቦሻይ እቱዋ ግድያ ድራዉ፥ ፕልስጼማ ካፓቱ ፓይዱዋዳን እቼሹ ዎርቃ ክጻቱዋነ እቼሹ ዎርቃ ኤጨረቱዋ የድተ።
1SA 6:5 ህንተንቱ ሄ ክጻነ ህንተንቱ ጋድያ ባይዝያ ሄ ኤጨረቱ ምስለቱዋ መꬊደ፥ እስራኤልያ ጾሳዉ ቦንቹዋ እምተ፤ ኦን ኤሪ ህንተንቱ ቦላፐ፥ ህንተንቱ ጾሳቱዋ ቦላፐነ ህንተንቱ ጋድያ ቦላፐ ባረ ኩሽያ እ ደንꬃናዋ።
1SA 6:6 ግብጼ አሳቱነ ኡንቱንቱ ካቲ ዞርያ አከናን እጼዳዋዳን፥ ህንተንቱ አያዉ ዞርያ አከናን እጺቴ? ጾሳይ ኡንቱንታ ኢሲደ ሙርና፥ ኡንቱንቱ እስራኤላቱዋ ባረንቱ ኦግያ ባና ማላ የድበይክኖየ?
1SA 6:7 “ሀእ እት ኦራꬃ ጋርያ ጊግስተ፤ ቃምባራይ ኡንቱንቱ ሞርግያን ዎꬍ ኤረና፥ ꬋንꬅያ ላኡ ሚዛቱዋ ሄ ጋርያን ዋጽተ፤ ሽን ማራቱዋ ኡንቱንቱፐ ዱꬂደ ሶይ አፍተ።
1SA 6:8 መꬍና ጎዳ ታቦታ አኪደ፥ ጋርያ ቦላን ዎꬅተ፤ ባይዙዋ ያርሾ ሺሼዳ ዎርቃ ሚሻ ሳጽንያ ግዶን የጊደ፥ ሳጽንያ ጾሳ ታቦታ ማታን ዎꬂደ፥ እ ባና ማላ የድተ።
1SA 6:9 ሽን እ ብያሳኣ ጼልተ፤ እ ባረ ዛዋ ኦይቂደ፥ ቤት-ሸመሽ ዛሪደ ብያዋ ግዶፐ፥ ሀ ዎልቃማ ቦሻ ኑ ቦላ አሄዳዌ መꬍና ጎዳ፤ ቤናዋ ግዶፐ፥ ሀዌ ኑ ቦላ ጮ ጋኬዳፐ አትና፥ ኑና ደቼዳዌ ጾሳ ኩሸ ግደናዋ ኑን ኤራና” ያጊደ ዛሬድኖ።
1SA 6:10 ኡንቱንቱ ሄዋዳን ኦꬄድኖ፤ ኡንቱንቱ ꬋንꬅያ ላኡ ሚዛቱዋ አኪደ፥ ጋርያን ዋጼድኖ፤ ሚዛቱ ማራቱዋካ ሶን ጎርዴድኖ።
1SA 6:11 ኡንቱንቱ መꬍና ጎዳ ታቦታነ ቃይ ዎርቃ ኤጨረቱዋነ ጋፉዋ ማላትስ መꬌዳ ምስለቱዋ የጌዳ ሳጽንያ ጋርያን ዎꬄድኖ።
1SA 6:12 ሄዋፐ ጉይያን፥ ሚዛቱ ቤት-ሸመሽ አፍያ ኦግያ ኦይቂ ስት ጊደ፥ “ህምባ!” ግ ዋሲደ ቤድኖ፤ ኡንቱንቱ ኦግያና ቢደ፥ ኡሸቻ ዎይ ሀድርሳ ስምበይክኖ፤ ፕልስጼማ ካፓቱ ሚዛቱ ጌዱዋ ካሊደ፥ ቤት-ሸመሻ ዛዋ ጋካናዉ ቤድኖ።
1SA 6:13 ቤት-ሸመሻ አሳቱ ሄ ዎደ ዎምባን ዛርጋ ጫኪኖ፤ ኡንቱንቱ ፑደ ꬎቁ ግ ጼሊደ፥ ታቦታ በኢደ ናሸቴድኖ።
1SA 6:14 ጋሪ ቤት-ሸመሽያ ኢያሱ ጋደ ጋኪደ፥ እት ዎልቃማ ዛላ ማታን ኤቄዳ፤ ኡንቱንቱ ጋርያ ምꬃ ቆኢደ፥ ጹግያ ያርሹዋዳን ሄ ሚዛቱዋ መꬍና ጎዳዉ ያርሼድኖ።
1SA 6:15 ሌዋቱ መꬍና ጎዳ ታቦታነ ዎርቃ ሚሻና ደእያ ሳጽንያ ጋርያፐ ደንꬂደ፥ ዎልቃማ ዛላ ቦላ ዎꬄድኖ። ሄ ጋላስ ቤት-ሸመሻ አሳቱ ጹግያ ያርሹዋ መꬍና ጎዳዉ ያርሼድኖ፤ ቃይ ሀራ ያርሾቱዋካ ያርሼድኖ።
1SA 6:16 ፕልስጼማ ካፓቱ እቼሻቱ ሀኔዳባ ኡባ በኢደ፥ ሄ ጋላስካ ኤቅሮና ስሜድኖ።
1SA 6:17 ፕልስጼማ አሳቱ ባይዙዋ ያርሹዋ መꬍና ጎዳዉ ኪቴዳ ዎርቃ ጋፋቱ አሽዶዳ፥ ጋዛ፥ አስቃሎና፥ ጋታነ ኤቅሮና ጌተትያ ኡንቱንታ እቼሹ ካታማቱዋ ሱንꬃን እቱዋ እቱዋ ኪቴዳዋንታ።
1SA 6:18 ዎርቃ ኤጨረቱ ፓይዱ ፕልስጼማ ካፓቱ እቼሻቶ ደእያ ግምበቴዳ ካታማቱነ ግምበትቤና ሞꬃቱ ኡባ ኬሻ። ኡንቱንቱ መꬍና ጎዳ ታቦታ ዎꬄዳ ዎልቃማ ዛላይ፥ ቤት-ሸመሽያ ኢያሱ ጋደን ደእያዌ ሀቼ ጋካናዉካ ሄዎ ማርካ ግዲደ ደኤ።
1SA 6:19 ሽን ጾሳይ ቤት-ሸመሻ አሳፐ አማሬዳዋንታ ሾጬዳ፤ ኡንቱንቱፐ ላፑን ታሙዋ ዎꬌዳ፤ አያዉ ጎፐ፥ ኡንቱንቱ መꬍና ጎዳ ታቦታ ግዶ ጼሌድኖ። መꬍና ጎዳይ ኡንቱንቱ አሳ ሱፑ ኦꬄዳ ድራዉ፥ አሳይ ዬኬዳ።
1SA 6:20 ሄዋ ድራዉ፥ ቤት-ሸመሻ አሳይ፥ “መꬍና ጎዳ ስንꬃን፥ ሀ ጌሻ ጾሳ ስንꬃን ኦን ኤቃናዉ ዳንዳዪ? ታቦታይነ ኑፐ ፑደ ኦኮ ባኔ?” ያጌዳ።
1SA 6:21 ቅርያት-ይኣሪማን ደእያ አሳቱዋኮ ኪታ የዲደ፥ “ፕልስጼማ አሳቱ መꬍና ጎዳ ታቦታ ዛሬድኖ፤ ዱገ ዪደ፥ አ ፑደ ኡንቱንቱኮ አኪደ ቢተ” ያጌድኖ።
1SA 7:1 ቂርያት-ይኣሪማ አሳቱ ዪደ፥ መꬍና ጎዳ ታቦታ አፊደ ደርያ ሁጲያን ደእያ አብናዳባ ሶይ አሄድኖ። መꬍና ጎዳ ታቦታ ናጋናዳን፥ አብናዳባ ናኣ ኤልኣዛራ ዱማዪደ ሱንꬄድኖ።
1SA 7:2 ታቦታይ ቂርያት-ይኣሪማን ዳሮ ዎድያ ጋምኤዳ፤ ሄዌነ፥ ላታሙ ላይꬃ ኬሻ ግድያዋ። እስራኤልያ አሳይ ኡባይ ካዮቲደ፥ መꬍና ጎዳኮ ዋሴድኖ።
1SA 7:3 ሳመል እስራኤልያ አሳዉ ኡባዉ፥ “ኩመንꬃ ዎዛናፐ ህንተንቱ መꬍና ጎዳኮ ስሞፐ፥ አላጋ ጾሳቱዋነ አስታሮታ ግያ ጾሳ ህንተንቱ ግዶፐ ድግተ፤ ህንተንቱ ሁጲያ መꬍና ጎዳዉ ሼꬍተ፤ አ ጻላላዉ ኪተትተ፤ ያቶፐ፥ እ ህንተንታ ፕልስጼማቱዋ ኩሽያፐ አሻናዋ” ያጊደ ሃሳዬዳ።
1SA 7:4 ሄዋ ድራዉ፥ እስራኤልያ አሳቱ ባኣላነ አስታሮታ ባረንቱ ግዶፐ ድጊደ፥ መꬍና ጎዳ ጻላላዉ ጎይኔድኖ።
1SA 7:5 ሄዋፐ ጉይያን፥ ሳመል እስራኤላቱዋ፥ “ኡባይካ ምጽጳ ሺቅተ፤ ታን ህንተንቶ ያን መꬍና ጎዳ ጋናታና” ያጌዳ።
1SA 7:6 ኡንቱንቱ ምጽጳ ሺቂደ ሃꬃ ዱቂደ፥ መꬍና ጎዳ ስንꬃን ትጌድኖ፤ ሄ ጋላስ ኡንቱንቱ ጾሚደ ሄ ሳኣን፥ “ኑን መꬍና ጎዳ ቦላ ናጋራ ኦꬄዶ” ያጊደ ፓጼድኖ። ምጽጳን ሳመል እስራኤልያ አሳ ቦላ ዳናቴዳ።
1SA 7:7 እስራኤላቱ ምጽጳን ሺቄዳዋ ፕልስጼማ አሳቱ ስሴዳ ዎደ፥ ኡንቱንቱ ካፓቱ እስራኤላቱዋ ኦላናዉ ፑደ ከሴድኖ። እስራኤላቱ ሄዋ ስሲደ፥ ፕልስጼማቶ ያዬድኖ።
1SA 7:8 እስራኤላቱ ሳመላ፥ “እ ፕልስጼማ አሳ ኩሽያፐ ኑና አሻና ማላ፥ ኔን ኑዉ መꬍና ጎዳኮ፥ ኑ ጾሳኮ፥ ዎስያዋ አጎፓ” ያጌድኖ።
1SA 7:9 ሳመል እት ꬋምያ ዶርሳ ማራ አኪደ፥ አሹዋ ዉርስ ጹግያ ያርሹዋዳን መꬍና ጎዳዉ ያርሺደ እስራኤላቱ ድራዉ መꬍና ጎዳዉ ዎስና መꬍና ጎዳይ አዉ ስሴዳ።
1SA 7:10 ሳመል ጹግያ ያርሹዋ ያርሽያ ዎደ፥ ፕልስጼማቱ እስራኤላቱዋና ኦለታናዉ ሺቄድኖ። ሽን ሄ ጋላስ ፕልስጼማቱዋ ቦላ መꬍና ጎዳይ ዎልቃማ ጉጉንꬃ ጉንꬂደ ዳጋንꬅና፥ ኡንቱንቱ እስራኤላቱ ስንꬃፐ ባቃቴድኖ።
1SA 7:11 እስራኤላቱ ምጽጳፐ ዎጽ ከሲደ፥ ፕልስጼማቱዋ የደርሲደ፥ ቤትካራፐ ጋርሳ ጋካናዉ ኦግያን ዎꬌድኖ።
1SA 7:12 ሄዋፐ ጉይያን፥ ሳመል እት ሹቻ አኪደ፥ ምጽጳፐነ ሼናፐ ግዱዋን ኤሲደ፥ “መꬍና ጎዳይ ሀእ ጋካናዉ ኑና ማዴዳ” ያጊደ ሄ ሳኣ ኤበንኤዜራ ሱንꬄዳ።
1SA 7:13 ፕልስጼማ አሳቱካ ጾነቴድኖ፤ ኡንቱንቱ እስራኤልያ ጋድያ ቦላ ላኤንꬁዋ ዎራጅበይክኖ። ሳመል ደኤዳ ላይꬃ ኡባን መꬍና ጎዳ ኩሺ ፕልስጼማ አሳ ቦላ ዎልቃሜዳ።
1SA 7:14 ፕልስጼማ አሳቱ ኤቅሮናፐ ጋተ ጋካናዉ እስራኤላቱዋፐ ኦሞዴዳ ካታማቱ እስራኤላቶ ስሜድኖ፤ እስራኤላቱካ ባረንቱ ካሰ ዛዋ ፕልስጼማ አሳቱዋ ኩሽያፐ ዎꬅ አኬድኖ። ቃይ እስራኤልያ አሳይነ አሞረ አሳይ ሳሮ ደኤዳ።
1SA 7:15 ሳመል ባረ ደኡዋ ላይꬃ ኡባን እስራኤልያ ቦላን ዳናቴዳ።
1SA 7:16 ሳመል ላይꬃን ላይꬃን ቤቴለ፥ ገልገላነ ምጽጳ እ ዩይያ ሳአቱዋ ኡባን እስራኤልያ ቦላን ዳናቴ።
1SA 7:17 አ ጎሊ ራማን ደእያ ድራዉ፥ ያ ስሚደ ሄ ሳኣን እስራኤልያ ቦላን ዳናቴ። እ ሄ ሳኣን መꬍና ጎዳዉ ያርሽያ ሳኣ ኪተቴዳ።
1SA 8:1 ሳመል ጭሜዳ ዎደ፥ ባረ ናና እስራኤልያ ቦላ ዳና ኦꬂደ ሱንꬄዳ።
1SA 8:2 አ ባይራ ናኣ ሱንꬃይ ዩኤላ፤ ቴፋ ናኣ ሱንꬃይ አቢያ፤ ሄ ናናይ በርሳቤሀን ዳናቲኖ።
1SA 8:3 አ ናናይ አ ኦግያን ሀመትበይክኖ። ኡንቱንቱ በሰና ጎኣ ደማናዉ ዎራ ስሜድኖ፤ ማታይያ አኪደ፥ ጽሎ ፕርዳ ምርቄድኖ።
1SA 8:4 ሄዋ ድራዉ፥ እስራኤልያ ጭማቱ ኡባይ እትፐ ሺቂደ፥ ሳመላኮ ራማ ካታማ ዪደ፥
1SA 8:5 “ሄኮ ኔን ጭማዳ፤ ነ ናናይ ነ ኦግያ ሀመትክኖ፤ ሀራ ካዉተꬃ ኡባዳን ኑና አይሳናዉ ካትያ ሀእ ኑዉ ሱንꬃ” ያጌድኖ።
1SA 8:6 ኡንቱንቱ፥ “ኑና አይሳናዉ ካትያ ኑዉ እማ” ጌዳ የዉ ሳመላ ናሸችቤና። ሄዋ ድራዉ፥ ሳመል መꬍና ጎዳ ዎሴዳ።
1SA 8:7 መꬍና ጎዳይ ሳመላ፥ “አሳይ ኔና ግያ ቃላ ኡባ ስሳ፤ አያዉ ጎፐ፥ ታን ኡንቱንቱ ቦላ ካተተናዳን፥ ኡንቱንቱ ታና እጼድኖፐ አትና፥ ኔና እጽበይክኖ።
1SA 8:8 ኡንቱንቱ ታን ግብጼፐ ከሴዳ ጋላሳፐ ዶሚደ፥ ሀቼ ጋካናዉ ታና አጊደ፥ ሀራ ጾሳቶ ጎይኒደ ደኤድኖ፤ ስም ሀእ ኡንቱንቱ ታ ቦላ ኦꬄዳዋ ኡባ ነ ቦላካ ኦꬅኖ።
1SA 8:9 ሀእካ ኡንቱንቱ ቃላ ስሳ፤ ሽን ኡንቱንታ ምንሳደ ሴራ፤ ኡንቱንቱ ቦላን ካተታና ካትያ ዎጋ ኡንቱንታ ኤርሳ” ያጌዳ።
1SA 8:10 ካትያ ኦቼዳ አሳዉ መꬍና ጎዳይ ኦዴዳ ቃላ ኡባ ሳመል ኦዴዳ።
1SA 8:11 እ ኡንቱንቶ ሀዋዳን ያጌዳ፤ “ህንተንቱ ቦላ ካተታና ካቲ ህንተንታ ኦꬃናባይ ሀዋ: ህንተንቱ አቱማ ናና አኪደ፥ ጋርያ አሳቱዋነ ፓራ አሳቱዋ ከሳና፤ ኡንቱንቱ አ ጋርያ ስንꬃን ዎጻና።
1SA 8:12 ኡንቱንቱፐ ሄዋ ሻላቃቱዋነ እሻታሙዋ ካፓቱዋ፥ ሀራቱዋ አ ጋድያ ጎሽያዋንታነ አ ካꬃ ጫክያዋንታ፥ ቃይ ሀራቱዋ አ ኦላ ሚሻነ አ ፓራ ጋረቱዋ ሚሻ ኦꬅያዋንታ ከሳና።
1SA 8:13 ህንተንቱ ማጫ ናናካ አፊደ፥ ባረዉ ሽቱዋ ጊግስያዋንታ፥ ካꬅያዋንታነ ኡክያዋንታ ከሳና።
1SA 8:14 ህንተንቱ ጎሻፐ፥ ዎይንያ ቱራ ሳፐነ ዎጋራ ሳፐ ኡባፐ ሎእያዋ አኪደ፥ ባረ ኦሳንቻቶ እማና።
1SA 8:15 ካꬃፐነ ዎይንያፐ ታሙዋፐ እት ኩሽያ እ አኪደ፥ ባረ ሱንꬃቶነ ባረ ኦሳንቻቶ እማና።
1SA 8:16 ህንተንቱ አቱማ ቆማቱዋፐነ ማጫ ቆማቱዋፐ፥ ቃይ ህንተንቱ ሚዛፐነ ሀርያፐ ሎእያዋንታ አኪደ፥ ባረ ኦሱዋ ኦስሳናዋንታ።
1SA 8:17 ህንተንቱ ዶርሳፐነ ዴሻፐ ታሙዋፐ እት ኩሽያ እ አካና፤ ህንተንቱካ አ ቆማቱዋ ግዳና።
1SA 8:18 ሄ ጋላስ ህንተንቱ ህንተንቶ ዶሬዳ ካትያፐ ዋሳና፤ ሽን ሄ ጋላስ መꬍና ጎዳይ ህንተንቱ ዋሱዋ ስሰና” ያጌዳ።
1SA 8:19 አሳይ ሳሜላ ቃላ ስሰናን እጺደ፥ “ቱይት! ቱይት! ኑዉ ካቲ ደኦ።
1SA 8:20 ያቶፐ፥ ኑንካ ሀራ ካዉተꬃቱ ኡባ ማላ ግዳና። ኑ ካቲ ኑና አይሳና፤ ኑ ስንꬃ አꬊደ፥ እ ኑ ድራዉ ኦለታናዋ” ያጌድኖ።
1SA 8:21 ሳመል አሳ ቃላ ኡባ ስሲደ መꬍና ጎዳዉ ኦዴዳ።
1SA 8:22 መꬍና ጎዳይ ሳመላ፥ “ኡንቱንቱ ቃላ ስሳ፤ ኡንቱንቱ ቦላ ካትያ ካዉꬃ” ያጌዳ። ሳመል እስራኤልያ አሳ፥ “አሳይ ኡባይ ባረ ካታማ ካታማ ስሞ” ያጌዳ።
1SA 9:1 ቢንያማ ዛርያፐ ቂሳ ግያ እት ብታኒ ደኤ፤ እ አቢኤላ ናኣ፤ አቢኤል ጻሮራ ናኣ፤ ጻሮር ባኮራታ ናኣ፤ ባኮራት ቢንያማ ዛርያ አፊሀ ናኣ፤ ሄ ብታኒ ዎልቃማ አሳ።
1SA 9:2 አዉ ሳኦላ ጌተትያ እት ዎዳላ ሎኦ ናአይ ደኤ፤ እስራኤላቱዋ ግዶን አፐ አꬍ ሎእያ አሳይ ባዋ፤ እ ሀሽያፐ ቆሞ ባጋን አሳ ኡባፐ አዱቄ።
1SA 9:3 እት ጋላስ ሳኦላ አዉዋ ቂሰ ሀረቱ ባይና ቂስ ባረ ናኣ ሳኦላ፥ “ቆማቱዋፐ እቱዋ አካደ፥ ሀረቱዋ ኮያናዉ ባ” ያጌዳ።
1SA 9:4 ኡንቱንቱ ኤፍሬማ ገዝያናነ ሻሊሻ ቢታና ኮዪደ አꬌድኖ፤ ሽን ሀረቱዋ ደምበይክኖ። ቃይ ሻእሊማ ቢታና አꬌድኖ፤ ሽን ሄዋንካ ሀረቱ ባዋ። ቢንያማ ቢታናካ አꬌድኖ፤ ሽን ያንካ ደምበይክኖ።
1SA 9:5 ኡንቱንቱ ጹፋ ቢታ ጋኬዳ ዎደ፥ ሳኦል ባረናና ደእያ ቆማ፥ “ሃያ፤ አነ ጉየ ስሞይተ፤ ሄዌ ꬋዮፐ፥ ታ አዉ ሀረቱዋባ ቆፕያዋ አጊደ፥ ኑዉ ህርጋናዋ” ያጌዳ።
1SA 9:6 ሽን ቆማይ፥ “በአ! ጾሳ አሳ እቱ ሀ ካታማን ደኤ። እ ቦንቼቴዳ አሳ፤ እ ኦድያ ኡባባይ ቱማቴ። አነ ሀእ ኑን ያ ቦይተ፤ ኦን ኤሪ ኑን ባና ኦግያ እ ኑዉ ኦዳነንቶነ” ያጌዳ።
1SA 9:7 ሳኦል ባረ ቆማ፥ “ኑን ብያዋ ግዶፐ፥ አዉ አይ እማኔ? ኮሮጁዋፐ ቁማይ ዉሬዳ፤ ኑን ጾሳ አሳዉ እምያባይ ባዋ። ኑዉ አያይ ደኢ?” ያጌዳ።
1SA 9:8 ሄዋፐ ጉየ ቆማይ ሳኦላዉ፥ “በአ፤ ታ ኩሽያን እት ጻጋራ ብራዉ ምሳይ ደኤ፤ ኑን ባና ኦግያ ጾሳ አሳይ ኑዉ ኦዳናዳን ሀ ብራ አዉ እማና” ያጊደ ዛሬዳ።
1SA 9:9 (በን ዎደ እስራኤልያ ቢታን እት አሳይ ጾሳ ኦቻናዉ ቢደ፥ “ሃይተ፤ አነ ጼልያዋኮ ቦይተ” ያጌ። አያዉ ጎፐ፥ ሀ ዎድያን ትምቢትያ ኦድያዌ በን ዎድያን ጼልያዋ ጌተቴ።)
1SA 9:10 ሳኦል ባረ ቆማ፥ “ሎአ፤ ደንዳ” ያግና፥ ጾሳ አሳይ ደእያ ካታማ ቤድኖ።
1SA 9:11 ካታማ ፑደꬃ ኡንቱንቱ ከስሽን፥ ሃꬃ ትካናዉ ይያ ዎዶራቱዋና ኦግያን ጋከቲደ ሄ ጌላዮቱዋ፥ “ጼልያዌ ሀዋን ደኢ?” ያጊደ ኦቼድኖ።
1SA 9:12 ኡንቱንቱ፥ “ኤ ደኤ፤ ሄዋ በእተ፤ እ ህንተፐ ስንꬃና ደኤ፤ ኤለካ አኮ ቢተ። አሳይ ሀቼ ጎይንያ ꬎቃ ሳኣን ያርሽያ ድራዉ፥ እ ኑ ካታማ ዬዳ።
1SA 9:13 ካታማ ኡንቱንቱ ገሌዳ ሳና፥ እ ማናዉ ጎይንያ ꬎቃ ሳኣ ከሰናን ደእሽን ደማና። እ ጋከናን ደእሽን፥ አሳይ ሙሳ ዶመና፤ አያዉ ጎፐ፥ ያርሹዋ እ አንጃናዉ ኮሼ። እ አንጄዳዋፐ ጉይያን፥ ሾበቴዳዋንቱ ማና። ፑደ ቢተ፤ ህንተንቱ አ ሀእ ደማና” ያጌድኖ።
1SA 9:14 ሄዋፐ ጉየ ኡንቱንቱ ካታማ ቤድኖ፤ ኡንቱንቱ ካታማ ገልያ ዎደ፥ ሳመል ጎይንያ ꬎቃ ሳኣ ፑደ ቢደ፥ ኡንቱንቱና ጋከታናዉ ይያዋ በኤድኖ።
1SA 9:15 ሳኦል ያናፐ ካሰ ጋላስ፥ ሳመላዉ መꬍና ጎዳይ ሀዋዳን ያጊደ ቆንጭስ ዎꬄዳ፤
1SA 9:16 “ዎንታ ሀኖደ ቢንያማ ጋድያፐ እት ብታንያ ታን ኔኮ የዳና፤ እ ታ አሳ እስራኤልያ ካለꬃና ማላ አ ኦካ፤ ታ አሳ ፕልስጼማ አሳቱዋ ኩሽያፐ እ አሻናዋ፤ አያዉ ጎፐ፥ ታ አሳ ዋሱ ታኮ ጋክና፥ ታን ኡንቱንታ ጼላድ” ያጌዳ።
1SA 9:17 ሳመል ሳኦላ በኤዳ ዎደ፥ መꬍና ጎዳይ ሳመላ፥ “በአ! ታን ነዉ ኦዴዳ ብታኒ ሀዋ፤ እ ታ አሳ ሞዳናዋ” ያጌዳ።
1SA 9:18 ሳኦል ፐንግያ ማታን ደእያ ሳመላኮ ሺቂደ፥ “ጼልያዋ ጎሊ ሀቃነንቶ ሀይ ታዉ ኦዳርኪ?” ያጌዳ።
1SA 9:19 ሳመል ሳኦላዉ፥ “ጼልያዌ ታና። ሀቼ ህንተንቱ ታናና ምያ ድራዉ፥ ታፐ ስንꬃቲደ፥ ፑደ ጎይንያ ꬎቃ ሳኣ ቢተ። ታን ኔና ዎንት ጉራና የዳና፤ ነ ዎዛናን ደእያ ኡባባ ታን ኦዳና።
1SA 9:20 ሄዙ ጋላሳፐ ካሰ ባዬዳ ነ ሀረቱዋ ግዶፐ፥ ኡንቱንቱ ቤቴዳ ድራዉ፥ ህርጎፓ። እስራኤልያ አሳይ ኡባይ አሞትያዌ ኦኔ? ኔናነ ነ አዉዋ ሶይ አሳ ግደኔ?” ያጌዳ።
1SA 9:21 ሳኦል ዛሪደ፥ “ሽን ታን እስራኤልያ ዛርያ ኡባፐ ላፍያ ቢንያማ ዛርያ ግድክታ? ታ ሶይ አሳይካ ቢንያማ ዛርያ ግዶን ጉጽያዋ ግደኔ? ኔን አያዉ ታዉ ሀዋ ማላ ሃሳያይ?” ያጌዳ።
1SA 9:22 ሄዋፐ ጉይያን፥ ሳመል ሳኦላነ አ ቆማ አፊደ፥ አኮ ዉይግያ ገልሲደ ሄ ሳኣን ሾበቴዳ ሀታሙ ግድያ አሳፐ ቆሞ ባጋና አራታን ኡትሴዳ።
1SA 9:23 ሳመል ቁማ ካꬅያዋ፥ “ነ ማታን ዎꬃሻ ጋደ ታን ነዉ እሜዳ አሹዋ ሀማ” ያጌዳ።
1SA 9:24 ሄዋፐ ጉየ ካꬅያዌ ሎኡዋነ አ ቦላን ደእያዋ አክ አሂደ፥ ሳኦላ ስንꬃን ዎꬄዳ። ሳመል ሳኦላ፥ “ነዉ አሼዳዌ ሀዋ፤ አካደ ማ። አያዉ ጎፐ፥ ታን እማꬃቱዋ ሾቦደፐ ዶማደ፥ ሀዋ ነዉ አሻድ” ያጌዳ። ሄ ጋላስ ሳኦል ሳመላና ሜዳ።
1SA 9:25 ኡንቱንቱ ጎይንያ ꬎቃ ሳፐ ዱገ ካታማ ዎꬍና፥ ሳመል ሳኦላዉ ጎልያ ቦላን ደምባዪደ ኦꬄዳ ሳኣን ግሱዋ ሂጽና ግሴዳ።
1SA 9:26 ኡንቱንቱ ጉራና ደንዴድኖ፤ ሳአይ ዎንትና፥ ሳመል ሳኦላ ሄ ጎልያ ቦላፐ ጼሲደ፥ “ጊጋ፤ ታን ኔና ሞይዛና” ያጌዳ። ሳኦል ጊግና፥ እነ ሳመልነ ላኡ እትፐ ኦግያ ከሴድኖ።
1SA 9:27 ኡንቱንቱ ካታማ ጋጻ ዎꬍሽን፥ ሳመል ሳኦላ፥ “ቆማይ ኑፐ ስንꬃዉ አꬋና ማላ ኦዳ” ያጌዳ፤ ቆማይ ስንꬃዉ አꬌዳ። ሳመል ሳኦላ፥ “ታን ነዉ ጾሳይ ጌዳዋ ኦዳና ማላ፥ ሀዋን ላፋ ታካሻ” ያጌዳ።
1SA 10:1 ሄ ዎደ ሳመል ትግያባና ዛይትያ አኪደ፥ ሳኦላ ሁጲያን ትጊደ ሳኦላ የሪደ፥ ሀዋዳን ያጌዳ፤ “ባረ አሳ እስራኤልያ ሞዳና ማላ መꬍና ጎዳይ ኔና ኦኬዳ ግደኔ? ኔን አ አሳ ካለꬃደ፥ ኡንቱንቱ ዩሹዋን ደእያ ሞርከቱዋ ኩሽያፐ ኡንቱንታ አሻና። አ አሳ ኔን ሞዳና ማላ፥ ጾሳይ ኔና ኦኬዳዎ ማላታይ ሀዋ።
1SA 10:2 ኔን ሀቼ ታፐ ሻከትያ ዎደ፥ ራሄል ዱፉዋ ማታን፥ ቢንያማ ዛዋን ደእያ ጸልጻሀ ግያ ሳኣን ላኡ አሳቱዋና ጋከታናሳ ኡንቱንቱ ኔና፥ ‘ኔን ኮሻ ቤዳ ሀረቱ ቤቴድኖ፤ ሀእ ነ አዉ ሀረቱዋ ቆፕያዋ አጊደ፥ “ታ ናአይ ꬋዬዳ፤ ሽን ዋኖሻ?” ያጊደ ነባ ህርጌ’ ያጊደ ኦዳናዋ።
1SA 10:3 “ኔን ሄ ሳፐ ደንዳደ፥ ታቦራ ጌተትያ ዎልቃማ ምꬃ ጋካናዉ ባናሳ፤ ኔን ቢሽን፥ ጾሳኮ ቤቴለ ብያ ሄዙ አሳቱ ኔናና ጋከታናዋንታ። ኡንቱንቱፐ እቱ ሄዙ ዴሻ ማራቱዋ ቶኬዳ፤ ላኤንꬁ ሄዙ ኡክꬃ ቶኬዳ፤ ሄዘንꬁ ኦጎሩዋ ኩሜዳ ዎይንያ ኤሳ ቶኬዳ።
1SA 10:4 ኡንቱንቱ ኔና ሳሮታና፤ ነዉ ላኡ ኡክꬃ ኡንቱንቱ እማና፤ ኔን ኡንቱንቱ ኩሽያፐ ሄ ኡክꬃ አካናሳ።
1SA 10:5 “ሄዋፐ ጉይያን፥ ኔን ፕልስጼማ ኦላንቻቱ ጭታይ ደእያ ጾሳ ግብኣ ግያ ካታማ ባና። ኔን ሄ ካታማ ጋክያ ዎደ፥ ዲꬃና ካራቡዋና፥ ፑላልያናነ ማስንቁዋና ካኢድነ ትምቢትያ ኦዲደ፥ ጎይንያ ꬎቃ ሳኣፐ ዱገ ዎꬍያ ትምቢትያ ኦድያዋንቱ ጩጉዋና ጋከታናሳ፤
1SA 10:6 መꬍና ጎዳ አያናይ ነ ቦላ ዎልቃፐ ዎꬍና ኔንካ ኡንቱንቱና ትምቢትያ ኦዳናሳ፤ ኔን ላመታደ ሀራ አሳ ግዳና።
1SA 10:7 ሀ ማላታቱ ፖለትያ ዎደ፥ ነ ኩሽያን ጋከቴዳባ አያነ ኦꬃ፤ አያዉ ጎፐ፥ ጾሳይ ኔናና ደኤ።
1SA 10:8 “ኔን ታፐ ስንꬃታደ ገልጋላ አꬋ። ታንካ ቱሙፐ ጹግያ ያርሹዋነ ሳሮተꬃ ያርሹዋ ያርሻናዉ ኔኮ ዱገ ባና። ታን ኔኮ ባደ ኔን ኦꬃናባ ኦዳና ጋካናዉ፥ ላፑን ጋላሳ ጋምኣሳ” ያጌዳ።
1SA 10:9 ሳኦል ሳመላፐ ሻከትሽን፥ ጾሳይ ሳኦላ ዎዛና ላሜዳ፤ ቃይ ሄ ማላታቱ ኡባይ ሄ ጋላሳ ሀኔድኖ።
1SA 10:10 ሳኦልነ ቆማይ ግብኣ ጋክና፥ ትምቢትያ ኦድያዋንቱ ጩጉ አናና ጋከቴዳ፤ ጾሳ አያናይ አ ቦላ ዎልቃፐ ዎꬌዳ፤ ኡንቱንቱ ግዶን ትምቢትያ ኦዴዳ።
1SA 10:11 ሳኦላ ካሰ ኤርያዋንቱ ኡባይ ትምቢትያ ኦድያዋንቱና ትምቢትያ ኦድያዋ በኢደ፥ እቱ እቱዋ፥ “ቂሳ ናአይ ዋን ክቼዴ? ቃይ ሳኦለካ ትምቢትያ ኦድያዋንቱ ዛቴየ?” ያጌድኖ።
1SA 10:12 ሄ ሳኣን ደእያ እት ብታኒ ኡንቱንቶ፥ “ኡንቱንቱ አዉ ኦኔ?” ያጊደ ዛሬዳ። ሄዋ ድራዉ፥ “ሳኦለካ ትምቢትያ ኦድያዋንቱ ዛቴየ?” ጉሳይ ቶሳ ግዴዳ።
1SA 10:13 ሳኦል ትምቢትያ ኦድያዋ ዉርሴዳዋፐ ጉይያን፥ ጎይንያ ꬎቃ ሳኣ ቤዳ።
1SA 10:14 ሳኦላ አዉዋ እሻይ ሳኦላነ ቆማ፥ “ሀቃ ቤድቴ?” ያጌዳ። ሳኦል፥ “ሀረቱዋ ኮሻ ቤዶ፤ ሀረቱ ቤተናን ꬋይና፥ ሳመላኮ ቤዶ” ያጌዳ።
1SA 10:15 ሳኦላ አዉዋ እሻይ፥ “ሀያና ሳመል ነዉ ጌዳዋ ታዉ ኦዳርኪ” ያጌዳ።
1SA 10:16 ሳኦል ባረ አዉዋ እሻዉ፥ “ሀረቱ ቤቴዳዋ ሳመል ኑዉ ጌሺደ ኦዴዳ” ያጌዳ፤ ሽን ሳመል፥ “ካትያ ግዳሳ” ጊደ አዉ ኦዴዳዋ ኦድቤና።
1SA 10:17 ሄዋፐ ጉይያን፥ ሳመል ምጽጳን እስራኤልያ አሳ መꬍና ጎዳኮ ጼስ ሺሼዳ።
1SA 10:18 ኡንቱንታ፥ “መꬍና ጎዳይ፥ እስራኤልያ ጾሳይ ሀዋዳን ያጌ፤ ‘ታን እስራኤልያ ግብጼፐ ከሳድ፤ ግብጼ አሳቱዋ ኩሽያፐነ ህንተንታ ናቂያ ካዉተꬃቱ ኡባ ኩሽያፐ ታን አሻድ’ ያጌ።
1SA 10:19 ሽን ሀቼ ህንተንቱ መቱዋፐነ ዋይያፐ ኡባፐ ህንተንታ አሽያ ህንተንቱ ጾሳ እጼድታ፤ ቱይት! ‘ኑ ቦላ ካትያ ካተያ’ ያጌድታ። ሄዋ ድራዉ፥ ሀእ ህንተንቱ ህንተንቱ ዛርያንነ ህንተንቱ ያራን ግዲደ፥ መꬍና ጎዳ ስንꬃ አꬍተ” ያጌዳ።
1SA 10:20 ሄዎ ሳመል እስራኤልያ ዛርያ ኡባ አꬂና፥ ሳማይ ቢንያማ ዛርያን ዎꬌዳ።
1SA 10:21 ቢንያማ ዛርያ ያራን ያራን አꬂና፥ ሳማይ ማጽራ ያራን ዎꬌዳ፤ ዉርሰꬃን ቂሳ ናአይ ሳኦል ዶረቴዳ። ኡንቱንቱ አ ኮዬድኖ፤ ሽን እ ቤትቤና።
1SA 10:22 ሄዋ ድራዉ ኡንቱንቱ መꬍና ጎዳ፥ “ብሮ ሀ ሳኣ ያና አሳይ ደኢ?” ያጊደ ኦቼድኖ። ሽን መꬍና ጎዳይ፥ “ኤ! ሳኦል ሚሻ ግዱዋን ቆሰት ኡቴዳ” ያጌዳ።
1SA 10:23 ኡንቱንቱ ዎጽ ቢደ፥ ያፐ አ ከስ አሄድኖ። አሳ ግዶን እ ኤቂያ ዎደ፥ ሀሽያፐ ቆሞ ባጋን አሳ ኡባፐ አዱቄ።
1SA 10:24 ሳመል አሳ ኡባዉ፥ “መꬍና ጎዳይ ዶሬዳ ብታንያ በኢቴ? ሀ አሳ ግዶን አ ማላትያባይ ኦንነ ቱሙ ባዋ” ያጌዳ። ሄዋፐ ጉየ አሳይ ኡባይ ባረ ቃላ ꬎቁ ኦꬂደ፥ “ካትያ ሸምፑ ጋምኦ” ያጌዳ።
1SA 10:25 ሄዋፐ ጉይያን፥ ሳመል ካዉተꬃ ዎጋ አሳዉ ኦዴዳ፤ ጻጸትያ ማጻፋን ሄ ዎጋ ጻፊደ፥ መꬍና ጎዳይ ስንꬃን ዎꬄዳ። ሳመል አሳ ኡባ ሁጲያን ሁጲያን አ ሶ አ ሶ የዴዳ።
1SA 10:26 ሳኦለካ ባረ ሶ ግብኣ ቤዳ፤ ጾሳይ ኡንቱንቱ ዎዛና ቦቼዳ ምኖ አሳቱ ሳኦላና ቤድኖ።
1SA 10:27 ሽን እት እት ጬጮ አሳቱ፥ “ሀ ብታኒ ኑና ዋቲደ አሻኔ?” ያጌድኖ፤ ኡንቱንቱ አ ካꬊደ፥ አዉ አይነ እሞታ እምበይክኖ። ሽን ሳኦል ጮኡ ጌዳ።
1SA 11:1 እት አግናፐ ጉይያን፥ አሞና ጋድያ ካቲ ናኦስ ደንዲደ፥ ጋላኣደን ደእያ ያቤሻ ካታማ ዶዲደ ኡቴዳ። ያቤሻ አሳይ ኡባይ አ፥ “ኔን ኑናና ቃላ ጫቁዋ ዎꬃ፤ ኑን ነዉ ሞደታና” ያጌዳ።
1SA 11:2 ናኦስ፥ “ታን እትባ ኦꬃናዉ ህንተንቱ ኤኖ ጎፐ፥ ህንተናና ቃላ ጫቁዋ ዎꬃና፤ ሄዌነ፥ ታን ህንተንቶ ኡባዉ ኡሸቻ አይፍያ ዎጫደ ከሳና፤ ያታደ እስራኤልያ ኡባ ካዉሻና” ያጌዳ።
1SA 11:3 ያቤሻ ጭማቱ ኡባይ ናኦሳ፥ “እስራኤልያ ቢታ ኡባዉ ኑን ኪታ የዳና ማላ፥ ላፑን ጋላሳ ታካሻርኪ፤ ኑና አሽያዌ ኦንነ ꬋዮፐ፥ ኑን ነዉ ኩሽያ እማና” ያጌድኖ።
1SA 11:4 ኪተቴዳዋንቱ ሳኦል ደኢያሳ ግብኣ ቢደ፥ ሀ የዉዋ አሳዉ ኦዴድኖ፤ አሳይ ኡባይ ባረ ቃላ ꬎቂሲደ ዬኬዳ።
1SA 11:5 ሄ ዎደ ሳኦል ባረ ቦራቱዋ ላጊደ ጎሻፐ ይያዌ፥ “አሳይ ዋኔዴ? አያዉ ዬኪ?” ያጊደ ኦቼዳ፤ ያቤሻ አሳይ ጌዳዋ አዉ ኦዴድኖ።
1SA 11:6 ሀ ቃላ ሳኦል ስሴዳ ዎደ፥ ጾሳ አያናይ አ ቦላን ዎልቃን ዎꬌዳ፤ ሳኦል ሀንቁዋ ፐንቴዳ።
1SA 11:7 ሳኦል ዋꬃ ቦራቱዋ አኪደ ሙጸሬꬂደ፥ ኪተቴዳዋንቱን እስራኤልያ ቢታ ኡባዉ የዲደ፥ “ሳኦላነ ሳመላ ካሊደ፥ ከሰና ኦ ቦራቱነ ሀዋዳን ሙጸታና” ያጌዳ። ሄዋፐ ጉይያን፥ መꬍና ጎዳ ዳጋማይ አሳ ቦላ ዎꬍና፥ ኡንቱንቱ እት አሳዳን ከሴድኖ።
1SA 11:8 ሳኦል በዜቃን ኡንቱንታ ሺሺደ ፓይዴዳ ዎደ፥ እስራኤልያ አሳይ ሄዙ ጼቱ ሻአ፤ ይሁዳ አሳይ ሀታሙ ሻአ።
1SA 11:9 ኡንቱንቱ ኪተት ዬዳዋንታ ሀዋዳን ያጌድኖ፤ “ቢደ ያቤሻ ጋላኣደ አሳቶ፥ ‘ዎንት አዋ ካዉቶ ዎደ፥ ኑን ህንተንታ አሻና’ ያጊደ ኦድተ” ያጌድኖ። ኪተቴዳዋንቱ ቢደ፥ ያቤሻ አሳቶ ሄዋ ኦዴድኖ፤ ኡንቱንቱካ ሎይꬅ ናሸቴድኖ።
1SA 11:10 ያቤሻ አሳቱ አሞና አሳቶ፥ “ኑን ዎንት ህንተንቶ ኩሽያ እማና፤ ህንተንቱ ኑና ዶስያዋዳን ኦꬃና ዳንዳዪታ” ያጌድኖ።
1SA 11:11 ዎንተꬃ ጋላስ ሳኦል ባረ አሳ ሄዙ ጩጉዋን ሻኬዳ፤ ኡንቱንቱ ሳአይ ዎንትያ ዎደ፥ አሞና አሳቱ ሺቄዳ ሳኣ ገሊደ፥ አዋይ ካዉታና ጋካናዉ አሞና አሳቱዋ ጎራኤድኖ፤ ጎራኤቱሳፐ አቴዳዋንቱ ላኡ አሳይ እትፐ ደኤናዳን ኡባይ ባረዉ ባረዉ ላለቴዳ።
1SA 11:12 ሄዋፐ ጉይያን፥ እስራኤልያ አሳይ ሳመላ፥ “ሳኦል ኑ ቦላ ካተታኔ? ያጌዳ አሳቱ ኦኔ? ኡንቱንቱ ኦነንቶ ከስተ፤ ኑን ኡንቱንታ ዎꬋና” ያጌዳ።
1SA 11:13 ሽን ሳኦል ኡንቱንታ፥ “እት አሳይነ ሀቼ ሀይቀና፤ አያዉ ጎፐ፥ መꬍና ጎዳይ እስራኤልያ አሼዳ ጋላሳይ ሀቻ” ያጊደ ዛሬዳ።
1SA 11:14 ሄዋፐ ጉይያን፥ ሳመል አሳ፥ “ሃይተ፤ ገልጋላ ቦይተ፤ ያን ሳኦል ካትያ ግድያዋ ዛረꬂደ ኤርሴቶ” ያጌዳ።
1SA 11:15 ሄዋ ድራዉ፥ አሳቱ ኡባይ ገልጋላ ቢደ፥ ገልጋላን፥ መꬍና ጎዳ ስንꬃን ሳኦል ካትያ ግድያዋ ኤርሴድኖ። ያን ሳሮተꬃ ያርሹዋ መꬍና ጎዳ ስንꬃን ያርሼድኖ፤ ሳኦልነ እስራኤልያ አሳይ ኡባይ ሄ ሳኣን ጾኑዋ ባላ ዎልቃማ ናሸቻን ቦንቼድኖ።
1SA 12:1 ሄዋፐ ጉይያን፥ ሳመል እስራኤልያ ኡባ ሀዋዳን ያጌዳ፤ “ህንተንቱ ታዉ ኦዴዳ ኡባባ ታን ስሳደ፥ ህንተንቱ ቦላ ካትያ ካተያድ።
1SA 12:2 ሀእ ዛር ህንተንታ ካለꬃናዉ ካቲ ደኤ። ታና ግዶፐ፥ ታን ዳሮ ደኣድነ ጭማድ፤ ታ ናናይ ህንተናና ደኢኖ። ታን ታ ያላጋተꬃፐ ሀቼ ጋካናዉ ህንተንታ ካለꬃድ።
1SA 12:3 ሄኮ ታን ሀዋን ኤቃድ፤ መꬍና ጎዳ ስንꬃንነ እ ኦኬዳ ካትያ ስንꬃን ታ ቦላ ማርካትተ። ታን ኦ ቦራ አካድታ? ኦ ሀርያ አካድታ? ኦና ጭማድታ? ኦና ኡቁናድታ? ታ አይፍያ ቆቅሳናዉ ኦ ኩሽያፐ ማጋንጻ ማድታ? ሀዋንቱፐ እቱዋነ ታን ኦꬄዳዋ ግዶፐ፥ ታን ጭጋና” ያጌዳ።
1SA 12:4 ሄዋፐ ጉየ ኡንቱንቱ ዛሪደ፥ “ኔን ኑና ጭማባካ፤ ዎይ ኑና ኡቁናባካ፤ ኔን አሳ ኩሽያፐ አያነ ማጋንጻ ማባካ” ያጌድኖ።
1SA 12:5 ሳመል ኡንቱንታ፥ “ህንተንቱ ታ ኩሽያን አያነ ደምቤናዎ መꬍና ጎዳይነ እ ኦኬዳ ካቲነ ሀቼ ህንተንቱ ቦላን ማርካ” ያጌዳ። ኡንቱንቱካ፥ “ኤ፥ እ ማርካ” ያጌድኖ።
1SA 12:6 ሳመል አሳ፥ “ሙሳነ አሮና ዶሬዳዌነ ህንተንቱ አዎቱዋ ግብጼፐ ከሴዳዌ መꬍና ጎዳ።
1SA 12:7 ሀእ ስም ህንተንቱነ ህንተንቱ አዋቶ መꬍና ጎዳይ ኦꬄዳ ጽሎ ኦሶ ኡባዉ ታን ህንተናና መꬍና ጎዳ ስንꬃን ሞተታናዳን፥ ሀዋን ኤቂተ።
1SA 12:8 ያቆብነ አ ሶ አሳይ ግብጼ ቢደ ደእሽን፥ ግብጼ አሳቱ ኡንቱንታ ናቄዳ ዎደ፥ ህንተንቱ አዎቱ መꬍና ጎዳዉ ዋሴድኖ፤ መꬍና ጎዳይ ሙሳነ አሮና ኪቴዳ፤ ኡንቱንቱ ህንተንቱ አዎቱዋ ግብጼፐ ከሲደ፥ ሀዋን ዎꬄድኖ።
1SA 12:9 “ሽን እስራኤልያ አሳቱ መꬍና ጎዳ ባረንቱ ጾሳ ዶጌድኖ፤ ጾሳይ ኡንቱንታ ሀጾራ ኦላንቻቱ ጋዳዋ ሲሳራ ኩሽያን፥ ፕልስጼማ አሳቱዋ ኩሽያንነ ሞኣበ ካትያ ኩሽያን አꬂደ እምና ኡንቱንታ ኦሌድኖ።
1SA 12:10 ኡንቱንቱ መꬍና ጎዳዉ፥ ‘ኑን ናጋራ ኦꬄዶ፤ ኑን መꬍና ጎዳ አጊደ፥ ባኣላዉነ አስታሮታዉ ጎይኔዶ። ሽን ሀእ ኔን ኑና ኑ ሞርከቱዋ ኩሽያፐ አሻ፤ ኑን ነዉ ጎይናና’ ያጊደ ዋሴድኖ።
1SA 12:11 መꬍና ጎዳይ ጌዶና፥ ባራቃ፥ ዮፍታሀነ ሳመላ ኪቲደ፥ ህንተንቱ ዩሹዋ ኡባን ደእያ ሞርከቱዋ ኩሽያፐ ህንተንታ አሼዳ፤ ያትና፥ ህንተንቱ ሳሮ ደኤድታ።
1SA 12:12 “አሞና አሳ ካትያ ናኦስ ህንተንቱኮ ዬዳዋ በኤዳ ዎደ፥ መꬍና ጎዳይ ህንተንቱ ጾሳይ ህንተንቱ ካትያ ግዶፐነ፥ ህንተንቱ ታና፥ ቱይት፥ ኑን ኑና ሞዳናዉ ካትያ ኮዬቶ ያጌድታ።
1SA 12:13 ሀእካ ህንተንቱ ዶሪደ ኦቼዳ ካቲ ሀዌሽ! በእተ፤ መꬍና ጎዳይ ህንተንቱ ቦላ ካትያ ዎꬄዳ።
1SA 12:14 መꬍና ጎዳዉ ህንተንቱ ያዮፐ፥ አዉ ኪተቶፐ፥ አ ቃላዉ አዛዘቶፐ፥ አ አዛዞ ማካለናን አጎፐነ ህንተንቱካ ህንተንቱ ቦላ ካተትያ ካቲካ ጾሳ ህንተንቱ ጾሳ ካሎፐ፥ ያቶፐ ሎአ።
1SA 12:15 ሽን መꬍና ጎዳ ቃላዉ ህንተንቱ አዛዘተናን ꬋዮፐነ አ አዛዞ ማካሎፐ፥ ጾሳ ፕርዳይ ካሰ ህንተንቱ አዎቱዋ ቦላ ዬዳዋዳን፥ ህንተንቱ ቦላካ ያናዋ።
1SA 12:16 “ስም ሀእ ኤቂ ባሽተ፤ መꬍና ጎዳይ ህንተንቱ አይፍያ ስንꬃን ኦꬅያ ሀ ግታባ በእተ!
1SA 12:17 ዛርጋ ጫካ ዎዲ ሀአ ግደኔየ? መꬍና ጎዳይ ጉጉንꬃነ እራ የዳና ማላ፥ ታን ጾሳዉ ዋሳና። ያትያዋ ግዶፐ፥ ካትያ ህንተንቱ ኦቼዳዌ መꬍና ጎዳ ስንꬃን ዎልቃማ ኢታተꬃ ግድያዋ ህንተንቱ ኤራናነ በአና” ያጌዳ።
1SA 12:18 ሳመል መꬍና ጎዳዉ ዋሴዳ፤ መꬍና ጎዳይ ሄ ጋላስ ጉጉንꬃነ እራ የዴዳ፤ ሄዋ ድራዉ፥ አሳይ ኡባይ መꬍና ጎዳነ ሳመላ ሎይꬅ ያዬዳ።
1SA 12:19 አሳይ ኡባይ ሳመላ፥ “ኑን ካትያ ኦቺደ፥ ኑ ናጋራ ኡባ ቦላ ሀ ኢታተꬃ ጉጄዳ ድራዉ፥ ኑን ነ ቆማቱ ሀይቀናዳን ኑዉ መꬍና ጎዳ ነ ጾሳ ዎሳርኪ” ያጌዳ።
1SA 12:20 ሄዋፐ ጉየ ሳመል አሳዉ ሀዋዳን ያጌዳ፤ “ያዮፕተ፤ ቱሙካ ህንተንቱ ሀ ኢታተꬃ ኡባ ኦꬄድታ፤ ሽን ህንተንቱ ኩመንꬃ ዎዛናፐ መꬍና ጎዳዉ ኪተትተፐ አትና፥ መꬍና ጎዳ ካልያዋ አጎፕተ።
1SA 12:21 ማደና፥ አሸናነ ፓꬄና ኤቃቱዋ ካሎፕተ፤ አያዉ ጎፐ፥ ሄዌ ፓናዋ።
1SA 12:22 መꬍና ጎዳይ ባረ ዎልቃማ ሱንꬃ ድራዉ ባረ አሳ አገና፤ አያዉ ጎፐ፥ መꬍና ጎዳይ ህንተንታ ባረ አሳ ኦꬃናዉ ናሸቴ።
1SA 12:23 ህንተንቱ ድራዉ ዎስያዋ አጋደ መꬍና ጎዳ ቦላ ናጋራ ኦꬃናዌ ታፐ ሃኮ፤ ታን ህንተንታ ሎኦነ ሱረ ኦግያ ታማርሳና።
1SA 12:24 መꬍና ጎዳዉ ያይተ፤ ህንተንቱ ኩመንꬃ ዎዛናፐ አማነቲደ፥ አዉ ኪተትተ፤ ህንተንቶ እ ኦꬄዳ ግታባ ሀሳይተ።
1SA 12:25 ሽን ህንተንቱ ኢታባ ዛር ዛሪደ ኦꬆፐ፥ ህንተንቱካ ህንተንቱ ካቲካ ꬋያና” ያጌዳ።
1SA 13:1 ሳኦል እስራኤልያ ቦላ ላኡ ላይꬃ ካተ ግዶዋፐ ጉይያን፥
1SA 13:2 እስራኤላቱ ግዶፐ ሄዙ አሳ ዶሬዳ፤ ላኡ ሻአይ ምክማሳን፥ ቤቴለ ገዝያን ሳኦላና ደኤ፤ እት ሻአይ ቃይ ቢንያማን ደእያ ግብአን ዮናታናና ደኤ፤ አቴዳ አሳ ሳኦል ኡንቱንቱ ሶ ሶ የዴዳ።
1SA 13:3 ዮናታን ገባአን ደእያ ፕልስጼማ ኦላንቻቱ ጭታ ቦላ ዎራጄዳ፤ ፕልስጼማ አሳቱ ሄዋ ስሴድኖ። ሄዋፐ ጉይያን ሳኦል፥ “እብራዌቱ ሀዋ ስሲኖ” ጊደ፥ ቢታ ኡባን ማላካታ ፑንሴዳ።
1SA 13:4 እስራኤልያ አሳይ ኡባይ፥ “ሳኦል ፕልስጼማ ኦላንቻቱ ጭታ ቦላ ዎራጄዳ፤ ሀእ እስራኤልያ አሳይ ፕልስጼማ አሳዉ ሸነይያባ ግዴዳ” ያግያ ኦዱዋ ስሴዳ። አሳይ ሳኦላኮ ገልጋላ ጼሰቲደ ሺቄዳ።
1SA 13:5 ፕልስጼማ አሳቱ እስራኤላቱዋ ኦላናዉ ሀታሙ ሻአ ፓራ ጋረቱዋና፥ ኡሱፑን ሻአ ፓራ አሳቱዋናነ አባ ዶናን ደእያ ሻፍያ ኬሻ ኦላንቻቱዋና ሺቄድኖ፤ ኡንቱንቱ ፑደ ቢደ፥ ቤት-አዌናፐ አዋይ ዶልያ ባጋና ደእያ ምክማሳን ሺቄድኖ።
1SA 13:6 እስራኤልያ ኦላንቻቱ ባረንቶ ሌሌዳዋነ ኡንቱንቱ ጭታይካ ሎይꬅ ኡንኤቴዳዋ በኢደ፥ ጎንጎሉዋ ግዶን፥ ቡራ ግዱዋን፥ ዛላቱ ግዱዋን፥ ካካ ግዶንነ ሃꬃዉ ቦኮ ኦላ ግዶን ቆሰቴድኖ።
1SA 13:7 እብራዋቱዋፐ አማሬዳዋንቱ ዮርዳኖሳ ሻፋ ፕኒደ፥ ጋዳነ ጋላኣደ ጋድያ ቤድኖ። ሽን ሳኦል ገልጋላን አቴዳ፤ አናና ደእያ ኦላንቻቱ ኡባይ ያሻዉ ኮኮሬድኖ።
1SA 13:8 ሳኦል ሳመል ኬሬዳ ላፑን ጋላሳ ጋምኤዳ፤ ሽን ሳመል ገልጋል ይቤና፤ ያትና፥ ሳኦላ አሳይ ላለትያዋ ዶሜዳ።
1SA 13:9 ሄዋ ድራዉ፥ ሳኦል፥ “ጹግያ ያርሹዋነ እትፐተꬃ ያርሹዋ ታዉ ሀምተ” ያጌዳ፤ አህና ሳኦል ጹግያ ያርሹዋ ያርሼዳ።
1SA 13:10 ሳኦል ጹግያ ያርሹዋ ፖሎ ሳናካ ሳመል ጋክ ዎꬌዳ። ያትና፥ ሳኦል ሳመላ ሞካናዉ ካረ ከሴዳ።
1SA 13:11 ሳመል ሳኦላ፥ “ሀዌ ኔን ኦꬄዳዌ አዬ?” ያጌዳ። ሳኦል፥ “አሳይ ላለትያዋ፥ ኔንካ ጌዳ ዎደ ያቤናዋነ ፕልስጼማቱ ምክማሳን ሺቄዳዋ ታን በኣደ፥
1SA 13:12 ‘ፕልስጼማቱ ታናና ኦለታናዉ ሀእ ገልጋላ ዎꬋናዋንታ፤ ታን መꬍና ጎዳ ማዱዋ ኦቻበይከ፤ ሄዋ ድራዉ፥ ጹግያ ያርሹዋ ታን ያርሻናዉ ኮሸ’ ጋደ ቆፓድ” ያጊደ ዛሬዳ።
1SA 13:13 ሳመል ሳኦላ፥ “ኔን ኤያባ ኦꬃዳ፤ መꬍና ጎዳይ ነ ጾሳይ ነዉ እሜዳ አዛዙዋ ናጋባካ። እ ሀቼ ነ ካዉተꬃ እስራኤልያ ቦላ መꬍናዉ ምንሳናዋሽን።
1SA 13:14 ስም ሀእ ነ ካዉተꬃይ ጋምኤና፤ ኔን መꬍና ጎዳ አዛዙዋ ናጋቤና ድራዉ፥ መꬍና ጎዳይ ባረ ዎዛናዳን ኦꬅያ አሳ ኮዬዳ፤ አ ባረ አሳ ሞዳናዳን ሱንꬄዳ” ያጌዳ።
1SA 13:15 ሄዋፐ ጉይያን፥ ሳመል ገልጋላፐ ደንዲደ፥ ቢንያማን ደእያ ግብኣ ቤዳ። ሳኦል ባረናና ደእያ አሳ ፓይዴዳ፤ አሳይ ኡሱፑን ጼቱ ኬሻ ግዴዳ።
1SA 13:16 ሳኦል፥ አ ናኣ ዮናታንነ ኡንቱንቱና ደእያ አሳይ ቢንያማን ደእያ ገባአን ሺቄድኖ፤ ፕልስጼማ አሳቱካ ምክማሳን ሺቄድኖ።
1SA 13:17 ፕልስጼማቱ ሺቄዳ ሳኣፐ ዎራጅያዋንቱ ሄዙ ጩጎ ግዲደ ከሴድኖ፤ ኡንቱቱፐ እት ጩጉ ሹኣላ ቢታን ደእያ ኦፍራኮ ስሚደ ቤዳ፤ ላኤንꬁ ቤት-ሆሮን ቤዳ፤
1SA 13:18 ሄዘንꬆ ጩጉ ባዙዋ ስንꬃዬዳ፥ ጻቦኢማ ዎምባ ዱገ ጼልያ ዛዋ ኦግያ ኦይቂደ ቤዳ።
1SA 13:19 ፕልስጼማ አሳቱ፥ “እብራዌቱ አዳነ ቶራ ቆጾፕኖ” ጌዳ ድራዉ፥ እስራኤልያ ቢታ ኡባን ብራታ ቆጽያዌ ቤትቤና።
1SA 13:20 ሄዋ ድራዉ፥ እስራኤልያ ኡባይ ባረንቱ ማራሻ ጼራ፥ ጎማ፥ ካልታነ ባጫ ፖሽሳናዉ ፕልስጼማ አሳቱዋኮ ቢኖ።
1SA 13:21 ማራሻ ጼራነ ሻልክያ ፖሽሳናዉ ሆስፑን ግራመ ዴጽያ ብራ ቃንጺኖ፤ ካልታ፥ ጎማነ ጲልጹዋ ፖሽሳናዉ ሄዎ ባጋ ቃንጺኖ።
1SA 13:22 ሄዋ ድራዉ፥ ሳኦላናነ ዮናታናና ደእያ አሳ ኡባ ኩሽያን ኦላ ጋላስ ቶራይነ ማሻይ ባዋ፤ ሽን ሳኦላዉነ አ ናኣ ዮናታናዉ ደኤ።
1SA 13:23 ፕልስጼማቱዋ ጩጉ ምክማሳ ፕኑዋ ባናዉ ከሴዳ።
1SA 14:1 እት ጋላስ ሳኦላ ናአይ ዮናታን ባረ ኦላ ሚሻ ቶክያ ዎዳላ ሀዋዳን ያጌዳ፤ “ሃያ፤ ሄፍንꬃ ባጋን ደእያ ፕልስጼማቱ ሺቄዳ ሳኣ አነ ቦይተ” ያጌዳ። ሽን ባረ አዎ ሀ የዉዋ ኦድቤና።
1SA 14:2 ሄ ዎደ ሳኦል ግብኣ ማታን ምግሮናን፥ ሮማነ ጌተትያ ምꬃ ጋርሳን ደኤ። አናና ኡሱፑን ጼቱ አሳቱነ
1SA 14:3 ኤፉድያ ማዬዳ ቄሲ፥ አኪይ ደኢኖ። አኪይ እካቦዳ እሻነ አህጹባ ናኣ፤ አህጹብ ሴሎን መꬍና ጎዳ ቄሰ ግዴዳ ኤላ ናአይ ፒንሃስ የሌዳዋ። ዮናታን ብ ክቼዳዋ አሳይ ኤርቤና።
1SA 14:4 ዮናታን ፕልስጼማቱ ሺቄዳ ሳኣ ጋካናዉ ፕናናዉ ቆፕያ ፕኑዋስ ላኡ ባጋናካ ጼራይ ጽንእ ጌዳ ዎልቃማ ዛላቱ ደኢኖ፤ እቱዋ ሱንꬃይ ቦዴጻ፤ ላኤንꬁዋ ሱንꬃይ ሴና።
1SA 14:5 ዛላቱዋፐ እቱ ፕንያ ሳ ሁጲሳ ባጋና ምክማሳዉ ስንꬃና ደእያ ዎደ፥ እቱ ቃይ ገድሳ ባጋና ገባአዉ ስንꬃና ደኤ።
1SA 14:6 ዮናታን ባረ ኦላ ሚሻ ቶክያ ዎዳላ ሀዋዳን ያጌዳ፤ “ሃያ፤ ሀ ቃጻረትቤናዋንቱ ሺቄዳ ሳኣ አነ ሄፍንꬃ ቦይተ። ኦን ኤሪ፥ መꬍና ጎዳይ ኑ ድራዉ ኦꬃነንቶነ፤ መꬍና ጎዳይ ዳሮ አሳን ግድና፥ ጉꬃ አሳን ግድና፥ አሻናዋ አ ድግያባይ አያይነ ባዋ” ያጌዳ።
1SA 14:7 አ ኦላ ሚሻ ቶክያዌ፥ “ኔን ቆፔዳዋ ኡባ ኦꬃ፤ ባ፤ ታ ኩመንꬃ ዎዛናፐ ታን ኔናና ደአይ” ያጌዳ።
1SA 14:8 ሄዋፐ ጉየ ዮናታን፥ “ያኖፐ ሃያ፤ ሄፍንꬃ አሳኮ ፕኒደ፥ አሳን በኤታና።
1SA 14:9 ኡንቱንቱ ኑና፥ ‘ኑን ህንተንቱኮ ባናዉ ሄዋን ናግተ’ ያጎፐ፥ ኑን ደእያ ሳኣን ታካናፐ አትና፥ ኡንቱንቱኮ ቦኮ።
1SA 14:10 ሽን ኡንቱንቱ፥ ‘ሃ ኑኮ ፑደ ከስተ ጎፐ፥ ኑን ፑደ ከሳና፤ አያዉ ጎፐ፥ ሄዌ መꬍና ጎዳይ ኡንቱንታ ኑ ኩሽያን አꬂደ እሜዳዎ ኑዉ ማላታ ግዳና’ ” ያጌዳ።
1SA 14:11 ያትና፥ ላአቱካ ፕልስጼማቱዋ ጌሶቱዋ ባረንታ በሴድኖ። ፕልስጼማቱ፥ “በእተ! እብራዌቱ ባረንቱ ቆሰቴዳ ኦላፐ ዙሚደ ከሲኖ” ያጌድኖ።
1SA 14:12 ሄዋፐ አሳቱ ዮናታናነ ኦላ ሚሻ ቶክያዋ ጼጊደ፥ “ሃ ኑኮ ፑደ ከስተ፤ ኑን ህንተንታ በሳና” ያጌድኖ። ሄዋ ድራዉ፥ ዮናታን ባረ ኦላ ሚሻ ቶክያዋ፥ “ታና ካላደ ሀ ፑደꬃ ከሳ። መꬍና ጎዳይ ኡንቱንታ እስራኤልያ ኩሽያን አꬂደ እም ድጌዳ” ያጌዳ።
1SA 14:13 ዮናታን ባረ ኦላ ሚሻ ቶክያዋ ካለꬂደ፥ ገድያንነ ኩሽያን ሀምቡሩጪደ ፑደꬃ ከሴዳ። ፕልስጼማቱ ዮናታና ኩሽያን ኩንዴድኖ፤ አ ኦላ ሚሻ ቶክያዌ ካል ካሊደ ኡንቱንታ ዎꬌዳ።
1SA 14:14 ሄ ኮይሮ ዎራጁዋን ዮናታንነ አ ኦላ ሚሻ ቶክያዌ እት ጎሻ ጋደን ላታሙ ግድያ አሳ ዎꬌድኖ።
1SA 14:15 ሄዋፐ ጉይያን፥ ጋጻ ቢታን ደእያ ፕልስጼማ አሳቱ ዳጋሜድኖ፤ ቆፐናዋ ኦልያዋንቱነ ሄራን ደእያ ኦላንቻቱ ያሻዉ ኮኮሬድኖ። ቢታይካ ቃጼዳ፤ ሄዌነ፥ ጾሳፐ ኪተቴዳ ዳጋማ።
1SA 14:16 ሳኦል ቢንያማ ቢታን፥ ግብአን ዎꬄዳ ዎችያ አሳቱ ጼሊደ፥ ፕልስጼማ ኦላንቻቱ ያና ሃና ፕስክ ጊደ ላለትያዋንታ በኤድኖ።
1SA 14:17 ያትና፥ ሳኦል ባረናና ደእያ አሳቱዋ፥ “አነ ኦላንቻቱዋ ሺሽተ፤ ኑ ግዶፐ ኦን ቤድኖንቶ በእተ” ያጌዳ። ኡንቱንቱ ሺሺደ ፓይድያ ዎደ፥ ዮናታንነ አ ኦላ ሚሻ ቶክያዌ ባይናዋ ቤኤድኖ።
1SA 14:18 ሳኦል ቄስያ አክያ፥ “ጾሳ ኦቻናዉ አነ ኤፉድያ ሃ አካደ ያ” ያጌዳ። ሄ ዎደ አኪ እስራኤልያ አሳ ስንꬃን ኤፉድያ ማዬ።
1SA 14:19 ሳኦል ቄስያና ሃሳይሽን፥ ፕልስጼማቱዋ ሄራን ዋላሳይ ዳር ዳር ቤዳ። ሄዋ ድራዉ፥ ሳኦል ቄስያ፥ “ኤፉድያፐ ነ ኩሽያ ከሳ ድጋ” ያጌዳ።
1SA 14:20 ሄዋፐ ጉይያን፥ ሳኦልነ አ አሳይ ኡባይ ሺቂደ፥ ኦላ ቤድኖ። ፕልስጼማ አሳቱ ኡባይ ሻቢረቲደ፥ ባረንቱ ማሻን እቱ እቱዋ ቡሳኪደ ደእያዋንታ ደሜድኖ።
1SA 14:21 ካሰ ፕልስጼማ አሳቱዋና ደኢደ፥ ኡንቱንቱና ፑደ ኡንቱንቱ ሺቄዳ ሳኣ ቤዳ። እብራዋቱካ ኡንቱንታ አጊደ፥ ሳኦላናነ ዮናታናና ደእያ እስራኤልያ አሳን ጋከቴድኖ።
1SA 14:22 ኤፍሬማ ገዝያን ቆሰት ኡቴዳ ሀራ እስራኤላቱካ ፕልስጼማቱ ባቃቲደ ደእያዋ ስሴድኖ። ኡንቱንቱካ የደርሱዋ ኡክያ አሳን ጋከቴድኖ።
1SA 14:23 መꬍና ጎዳይ ሄ ጋላስ እስራኤልያ አሳ አሼዳ። ቤት-አዌና ካታማፐ ሄፍንꬃ ጋካናዉካ ኦላይ ኦለቴዳ።
1SA 14:24 ሄ ጋላስ እስራኤልያ አሳቱ ኮሻን ላባኔድኖ፤ አያዉ ጎፐ፥ ሳኦል አሳ፥ “ሳአይ ቃመናን ደእሺናነ ታን ታ ሞርከቶ ሀሉዋ ከሰናን ደእሽን፥ ቁማ ምያ ኡራይ ሸቀቴዳዋ ግዶ” ያጊደ አሳ ጫቁዋን ቃቼዳ። ሄዋ ድራዉ፥ ኦላንቻቱዋፐ ቁማ ዶናኮ ሺሼዳ አሳይ ኦንነ ባዋ።
1SA 14:25 ኦላንቻቱ ኡባይ ኡባና ዎራ ግዶ ገልያ ዎደ፥ ሳኣን ኤሳይ ደኤ።
1SA 14:26 ኡንቱንቱ ዎራ ግዶን ኤሳይ ጎግያዋ በኤድኖ፤ ሽን ጫቁዋ ያዬዳ ድራዉ፥ እት አሳይነ ባረ ኩሽያ ዶናኮ ሺሽቤና።
1SA 14:27 ሽን ዮናታን ባረ አዉ አሳ ጫቁዋን ቃቼዳዋ ስስቤና። ሄዋ ድራዉ፥ ባረ ኩሽያን ደእያ ጻምኣ ጼራ እልሉዋን የድ ከሲደ፥ ላጬዳ፤ አ አይፊ ዶየቴዳ።
1SA 14:28 ሄዋፐ ጉይያን፥ ኦላንቻቱዋፐ እቱ አ፥ “ነ አዉ ኦላንቻቱዋ ኡባ፥ ‘ሀች ቁማ ምያ ኡራይ ሸቀቴዳዋ ግዶ’ ያጊደ፥ ጫቁዋን ቃች ዎꬄዳ፤ አሳይ ኡባይ ላባኔዳዌ ሀዋሳ” ያጌዳ።
1SA 14:29 ሄዋፐ ጉየ ዮናታን ሀዋዳን ያጌዳ፤ “ታ አዉ ቢታዉ መቶ መꬌዳ። ታን ሀ ኤሳፐ ላፋ ላጭና ታ አይፊ አይ ኬሻ ዶየቴደንቶ በአ።
1SA 14:30 አሳይ ባረ ሞርከቱዋፐ ኦሞዴዳዋፐ ሀቼ ሜዳባ ግድንቶ፥ አይባ ሎኤ ሽን፤ ኡንቱንቱ ዎꬋና ፕልስጼማቱዋ ፓይዱካ አይ ኬሻ ዳራናዋ ሽን” ያጌዳ።
1SA 14:31 ሄ ጋላስ እስራኤልያ አሳቱ ምክማሳፐ አያሎና ጋካናዉ፥ ፕልስጼማቱዋ ሾጭ ስሚደ ዳቡሬድኖ።
1SA 14:32 ኡንቱንቱ ኦሞዱዋ ጋዉሀዪደ፥ ዶርሳቱዋ፥ ሚዛቱዋነ ማራቱዋ አኬድኖ፤ ቢታን ጮ ሹኪደ፥ ሱꬃናካ ሜድኖ።
1SA 14:33 ሄዋፐ ጉይያን፥ እት አሳይ ሳኦላ፥ “በአ፤ አሳይ ሱꬃና ደእያ አሹዋ ሚደ፥ መꬍና ጎዳ ቦላ ናጋራ ኦꬄ” ያጌዳ። ሄዋፐ ጉየ እ ኡንቱንታ፥ “ህንተንቱ ናጋራ ኦꬄድታ፤ ዎጋ ሹቻ ኤለካ ሃ ታኮ ጎንዶርስተ” ያጌዳ።
1SA 14:34 ዛረꬂደካ፥ “ከሲደ አሳ ግዶ ቢተ፤ ኡንቱንታ ሀዋዳን ያግተ፤ ‘ሁጲያን ሁጲያን ህንተንቱ ቦራነ ዶርሳ ታዉ ሃ አኪደ ዪተ፤ ያቲደ ሀዋን ዎጋዳን ሹኪደ ሚተ። ሱꬃና ደእያ አሹዋ ሚደ፥ መꬍና ጎዳ ቦላ ናጋራ ኦꬆፕተ’ ያጋ” ያጌዳ። ሄዋ ድራዉ፥ ሄ ጋላስ ቃማ አሳቱ ኡባይ ባረ ቦራ ቦራ አሂደ፥ ያን ሹኬድኖ።
1SA 14:35 ሳኦል ሄ ሳኣን መꬍና ጎዳዉ ያርሽያ ሳኣ ግምቤዳ፤ ጾሳዉ ያርሽያ ሳኣ እ ግምቢሽን፥ ሄዌ አዉ ኮይሩዋ።
1SA 14:36 ሳኦል፥ “ሀ ቃማና ዱገ ፕልስጼማቱዋ ካሊደ አነ ቦይተ፤ ሳአይ ዎንታና ጋካናዉ፥ ኡንቱንቱዋ ኡባ ቦንቆይተ፤ ኡንቱንታካ እቱዋነ አሸናን ዎꬎይተ” ያጌዳ። ኡንቱንቱ፥ “ኤኖ፥ ኔና ሎኤዳባ ኡባ ኦꬃ” ያጊደ ዛሬድኖ። ሽን ቄሲ፥ “አነ ሀዋን ጾሳ ኦቼቶ” ያጌዳ።
1SA 14:37 ሄዋ ድራዉ፥ ሳኦል ጾሳ፥ “ፕልስጼማ አሳቱዋ ካላደ ቦ? ኔን ኡንቱንታ እስራኤላቱ ኩሽያን አꬃደ እማኒ?” ያጊደ ኦቼዳ። ሽን ሄ ጋላስ ጾሳይ አዉ ኦድቤና።
1SA 14:38 ያትና ሳኦል፥ “ኦላንቻቱዋ ካፓቶ፥ ኡባይ ሃይተ፤ ሀቼ አይባ ናጋራይ ኦሰቴደንቶነ አነ ቆሪደ ደሞይተ።
1SA 14:39 እስራኤልያ አሽያ መꬍና ጎዳይ ኤሮ! ታ ናኣ ዮናታና ግዶፐነ፥ ሀይቃናዉ በሰ” ያጌዳ። ሽን አሳፐ እት ኡራይነ ቃላ ቃትቤና።
1SA 14:40 ሄዋፐ ጉይያን፥ ሳኦል እስራኤልያ አሳ ኡባ፥ “ህንተንቱ ኡባይካ ያ ባጋን ኤቂተ፤ ታንነ ታ ናኣ ዮናታን ሀ ባጋን ኤቃና” ያጌዳ። ሄዋፐ ጉየ አሳቱ፥ “ኤኖ፥ ኔና ሎኦዋ ኦꬃ” ያጌድኖ።
1SA 14:41 ሄዋፐ ጉይያን፥ ሳኦል መꬍና ጎዳ እስራኤልያ ጾሳ፥ “ታዉ ልከ ዛሩዋ እማ” ያጊደ ዎሴዳ። ሳማይ ሳኦላ ቦላነ ዮናታና ቦላ ዎꬍና አሳይ ጌዬዳ።
1SA 14:42 ቃይ ሳኦል፥ “ታ ቦላነ ታ ናኣ ዮናታና ቦላ የግተ” ያጌዳ። ሄዋፐ ጉየ ሳማይ ዮናታና ቦላ ዎꬌዳ።
1SA 14:43 ሳኦል ዮናታና፥ “አነ ኔን ኦꬄዳዋ ኦዳ” ያጌዳ። ዮናታን፥ “ታን ጉꬃ ኤሳ እልሉዋ ታ ጻምኣ ጼራፐ ላጫድ። ሄኮ ታን ሀዋን ደአይ፤ ታን ሀይቃና” ያጌዳ።
1SA 14:44 ሳኦል ሀዋዳን ያጌዳ፤ “ዮናታና፥ ኔን ሀይቃና ꬋዮፐ፥ ጾሳይ ታና ዎꬎ!” ያጌዳ።
1SA 14:45 ሽን አሳይ ሳኦላ፥ “ዮናታን፥ እስራኤልያዉ ሀ ዎልቃማ ጾኑዋ አሄዳዌ ሀይቃኔ? ሄዌ ኡባካ ሀነና! ደኡዋ መꬍና ጎዳይ ኤሮ! አ ሁጲያፐ እት ብናናይነ ቢታን ዎና፤ አያዉ ጎፐ፥ እ ሀቼ ሀዋ ጾሳ ማዱዋን ኦꬄዳ” ያጌድኖ። ያቲደ አሳይ ዮናታና አሽና፥ እ ሀይቀናን አቴዳ።
1SA 14:46 ሄዋፐ ጉይያን፥ ሳኦል ፕልስጼማ አሳቱዋ የደርስያዋ አጌዳ፤ ኡንቱንቱ ባረንቱ ጋድያ ስሜድኖ።
1SA 14:47 ሳኦል እስራኤልያ ቦላ ካተ ግዶዋፐ ጉይያን፥ ኡባ ኤለካ ደእያ ባረ ሞርከቱዋ ኦሌዳ፤ ሄዋንቱካ: ሞኣባቱዋ፥ አሞናቱዋ፥ ኤዶማቱዋ፥ ጾባ ካተቱዋነ ፕልስጼማ አሳቱዋ። ባረ ቤዳ ሳኣን ኡባን ጾኔዳ።
1SA 14:48 እ ምኒደ ኦለቴዳ፤ አማሌቃ አሳቱዋ ጾኔዳ፤ እስራኤልያ አሳ ቦንቂያዋንቱ ኩሽያፐ አሼዳ።
1SA 14:49 ሳኦላ አቱማ ናናይ ዮናታና፥ ይሽዊነ ማልክሹአ፤ አዉ ባይራ ናት ሱንꬃይ መራቦ፤ ቴፋ ናት ሱንꬃይ ሚካሎ።
1SA 14:50 አ ማቻታ አህማኣጻ ናቶ አህኖኣሞ። አ ኦላንቻቱ ጋዳዋይ አ አዉዋ እሻ ኔራ ናኣ አባኔራ።
1SA 14:51 ሳኦላ አዉዋ ቂስነ አባኔራ አዉዋ ኔር አቢኤላ ናና።
1SA 14:52 ሳኦል ደኤዳ ላይꬃ ኡባን ፕልስጼማ አሳቱዋና ሱሎ ኦላ ኦለቲደ ደኤዳ። ምኖ አሳ ዎይ ጻላ አሳ ደሜዳ ዎደ ኡባን፥ እ ሄ ኡራ ባረ ኦላንቻቱዋን ጉጄ።
1SA 15:1 ሳመል ሳኦላ፥ “ባረ አሳ እስራኤልያ ቦላ ኔን ካተታናዳን ኦካናዉ መꬍና ጎዳይ ኪቴዳዌ ታና፤ መꬍና ጎዳ ቃላ ስሳ።
1SA 15:2 ኡባፐ ዎልቃማ መꬍና ጎዳይ ሀዋዳን ያጌ፤ ‘እስራኤላቱ ግብጼፐ ከሲደ ይያ ዎደ አማሌቃ አሳቱ ኦግያን ኡንቱንቱና ኤቀቴዳ ድራዉ፥ ታን አማሌቃ አሳቱዋ ሙራና።
1SA 15:3 ሀእ ባ፤ አማሌቃ አሳቱዋ ሾጫ፤ ኡንቱንቶ ደእያዋ ኡባ ኡባና ꬋይሳ፤ ኡንቱንታ አሾፓ፤ ኡንቱንታ ማጫዋ አቱማዋ፥ ꬋምያዋ ቁጭያዋ፥ ሚዛ ዶርሳ፥ ጋሉዋነ ሀርያ ዎꬋ’ ያጌ” ያጌዳ።
1SA 15:4 ሳኦል አሳ ጼጊደ፥ ጸሌማ ግያ ሳኣን ፓይድያ ዎደ እስራኤልያ ላኡ ጼቱ ሻአ፤ ይሁዳፐ ታሙ ሻአ አሳይ ደኤ።
1SA 15:5 ሳኦል አማሌቃቱዋ ካታማ ቢደ፥ እት ዛንጋራ ግዶን ጌመት ኡቴዳ።
1SA 15:6 ሳኦል ቄና አሳቱዋ፥ “ታን ህንተንታ አማሌቃ አሳቱዋና እትፐ ꬋይሰና ማላ፥ ደንድተ! ኡንቱንቱ ግዶፐ ከስተ! ሀዋፐ ክችተ! አያዉ ጎፐ፥ እስራኤላቱ ግብጼፐ ከስያ ዎደ፥ ህንተንቱ ኡንቱንታ ኡባዉ ሎይꬅ ዴጻ” ያጌዳ። ቄና አሳቱ አማሌቃ አሳቱዋ ግዶፐ ከሲደ ቤድኖ።
1SA 15:7 ሳኦል አማሌቃ አሳቱዋ ሀዊላፐ ዶሚደ፥ ግብጼ ስንꬃን ደእያ ሹራ ጋካናዉ ሾጬዳ።
1SA 15:8 አማሌቃቱዋ ካትያ አጋጋ ፓጻ ደእሽን፥ ሳኦል ኦሞዴዳ፤ አ አሳ ኡባ ቃራ ማሻን ዎꬍ ዉርሴዳ።
1SA 15:9 ሽን ሳኦልነ አ ኦላንቻቱ፥ አጋጋነ ኡባፐ ሎእያ ዶርሳቱዋ፥ ሚዛቱዋ፥ ቦልትቦልታ ማራቱዋ፥ ጋሎቱዋነ ሀራ ሎኦባቱዋ ኡባ አሸድኖ፤ ኡንቱንቱ ሀዋንታ ኡባና ዎꬍ ዉርሳናዉ ዶስበይክኖ፤ ሽን ኡንቱንቱ ላፋባነ ካቴዳዋ ኡባና ꬋይሴድኖ።
1SA 15:10 መꬍና ጎዳ ቃላይ ሳሜላኮ ሀዋዳን ያጊደ ዬዳ፤
1SA 15:11 “ታን ሳኦላ ካትያ ከሴዳዎ ካዮታይ፤ አያዉ ጎፐ፥ ሳኦል ታና ካልያዋ አጌዳ፤ ታ አዛዙዋ ኦꬅቤና” ያጌዳ። ሄዋፐ ጉየ ሳመል መቶቴዳ፤ ሄ ቃማ ኩመንꬃ መꬍና ጎዳኮ ዋሴዳ።
1SA 15:12 ዎንታ ጉራን ሳመል ደንዲደ፥ ሳኦላና ጋከታናዉ ቤዳ፤ ሽን አሳይ አዉ፥ “ሳኦል ቃርመሎሳ ካታማ ቤዳ፤ ያን ባረና ሀሳይስያ ሀዉልትያ ኤሴዳ፤ ሄዋፐ ስሚደ፥ ገልጋላ ዎꬌዳ” ያጊደ ኦዴዳ።
1SA 15:13 ሳመል ሳኦላኮ ጋኬዳ፤ ሳኦል ሳመላ፥ “መꬍና ጎዳይ ኔና አንጆ፤ ታን መꬍና ጎዳ አዛዙዋ ኦꬃድ” ያጌዳ።
1SA 15:14 ሽን ሳመል ሳኦላ፥ “ሀ ታን ስስያ ዶርሳ ዋሱነ ሚዛ ዋሱ አዬ?” ያጌዳ።
1SA 15:15 ሳኦል፥ “ኦላንቻቱ ሀዋንታ አማሌቃቱዋፐ አሄድኖ፤ ኡንቱንቱ መꬍና ጎዳዉ፥ ነ ጾሳዉ ያርሻናዉ፥ ኡባፐ ሎእያ ዶርሳቱዋነ ሚዛቱዋ አሸድኖ፤ ሽን ሀራቱዋ ሙልያካ ꬋይሴዶ” ያጌዳ።
1SA 15:16 ሳመል ሳኦላ፥ “አነ ኤቃ፤ መꬍና ጎዳይ ዝኖ ቃማ ታዉ ኦዴዳዋ ታን ነዉ ኦዳይ” ያጌዳ። ሄዋፐ ጉየ ሳኦል፥ “ኦዳ” ያጌዳ።
1SA 15:17 ሳመል ሳኦላ ያጌዳ፤ “ኔን ኔና ጼልና ጉꬃ ግዶፐነ፥ እስራኤልያ ዛረቶ ካትያ ግዳበይኪ? እስራኤልያ ቦላ ካተታና ማላ፥ መꬍና ጎዳይ ኔና ኦኬዳ።
1SA 15:18 ጾሳይ ኔና፥ ‘ባደ አማሌቃ አሳቱዋ ኢታቱዋ ኡባና ꬋይሳ፤ ኡንቱንቱ ዉራና ጋካናዉ ኡንቱንታ ኦላ’ ያጊደ ኪቴዳ።
1SA 15:19 ያትና፥ አያዉ መꬍና ጎዳዉ አዛዘታበይኪ? አያዉ ኦሞዶ ያረታደ መꬍና ጎዳ ጾሳ ስንꬃን ኢታባ ኦꬃዲ?” ያጌዳ።
1SA 15:20 ሳኦል፥ “ታን መꬍና ጎዳ ቃላዉ አዛዘታድ! መꬍና ጎዳይ ታና ኪቴዳዋዳን ባድ፤ አማሌቃ አሳቱዋ ዎꬋ ዉርሳድ፤ ኡንቱንቱ ካትያ አጋጋ አሃድ።
1SA 15:21 ሽን ኦላንቻቱ ኦሞዱዋፐ ዶርሳነ ሚዛ ኡባፐ ሎእያዋንታ፥ መꬍና ጎዳዉ፥ ነ ጾሳዉ፥ ገልጋላን ያርሻናዉ አኪደ ዬድኖ” ያጌዳ።
1SA 15:22 ሳመል ሳኦላ፥ “መꬍና ጎዳይ ባረ ቃላዉ አዛዘትያዋን ናሸትያዋ ኬሻ ጹግያ ያርሹዋንነ እሞታን ናሸቲ? በአ፤ አዛዘትያዌ ያርሽያዋፐ አꬌ፤ ቃይ ስስያዌ ዶርሳ ሞꬉዋፐ አꬌ።
1SA 15:23 አያዉ ጎፐ፥ ꬍብያዌ ሻሬችያ ናጋራ ማላ፤ ቃይ ኦቶረትያዌ ኤቃዉ ጎይንያ እታተꬃ ማላ። ኔን መꬍና ጎዳ ቃላ እጼዳ ድራዉ፥ እ ኔን ካትያ ግድያዋ እጼዳ” ያጌዳ።
1SA 15:24 ሳኦል ሳመላ፥ “ታን ናጋራ ኦꬃድ፤ መꬍና ጎዳ አዛዙዋነ ነ ቃላ ቶቻድ። ታን አሳዉ ያዬዳ ድራዉ፥ ኡንቱንቱ ጌዳዋ ኦꬃድ።
1SA 15:25 ሀይ ታ ናጋራ አቶ ጋርኪ፤ ታን መꬍና ጎዳዉ ጎይናና ማላ፥ ታናና ገልጋላ ደንዳርኪ” ያጌዳ።
1SA 15:26 ሳመል ሳኦላ፥ “ታን ኔናና ስማደ ቢከ! ኔን መꬍና ጎዳ ቃላ እጼዳ ድራዉ፥ ኔን እስራኤልያ ቦላ ካትያ ግድያዋ መꬍና ጎዳይ እጼዳ” ያጌዳ።
1SA 15:27 ሳመል ሳኦላ ማታፐ ባናዉ ደንድና፥ ሳኦል አ ማዩዋ ማጫራ ኦይቂና ማዩ ፔቴዳ።
1SA 15:28 ሳመል ሳኦላ፥ “መꬍና ጎዳይ ሀቼ እስራኤልያ ካዉተꬃ ኔፐ ፔꬊደ ኔፐ ሎእያ ነ ሾሮ እሜዳ።
1SA 15:29 እስራኤልያ ቦንቹ ዎርዶተና፥ ዎይ ባረ ቆፋ ላመና፤ አያዉ ጎፐ፥ ባረ ቃላ ላማናዉ እ አሳ ግደና” ያጌዳ።
1SA 15:30 ሳኦል ሳመላ፥ “ታን ናጋራ ኦꬃድ፤ ሽን ታ ጋድያ ጭማቱዋ ስንꬃንነ እስራኤልያ አሳ ስንꬃን ሀይ ታና ካዉሾፓርኪ፤ ታን መꬍና ጎዳዉ፥ ነ ጾሳዉ ጎይናናዳን፥ ኔን ታናና ደንዳርኪ” ያጊደ ዛሬዳ።
1SA 15:31 ሄዋ ድራዉ፥ ሳመል ሳኦላና እትፐ ገልጋላ ቤዳ፤ ሳኦል መꬍና ጎዳዉ ጎይኔዳ።
1SA 15:32 ሄዋፐ ጉይያን ሳመል፥ “አማሌቃቱዋ ካትያ አጋጋ ታኮ አህተ” ያጊደ አዛዜዳ። አጋግ ኮኮሪደ ሳሜላኮ ዬዳ፤ “ቱሙ ሀይቁ ሀዋዳን ጫሚ!” ያጌዳ።
1SA 15:33 ሳመል አጋጋ፥ “ነ ማሻይ ማጫዋንታ መላ አሾዋዳን፥ ነ ዳያካ ማጫዋንቱ ግዶን መላ አታና” ያጌዳ። ሳመል አጋጋ መꬍና ጎዳ ስንꬃን ገልጋላን ሲፌዳ።
1SA 15:34 ሄዋፐ ጉይያን፥ ሳመል ደንዲደ፥ ራማ ካታማ ቤዳ፤ ሳኦለካ ባረ ሶ ግብኣ ቤዳ።
1SA 15:35 ሳመል ሀይቃና ጋካናዉ፥ ሳኦላ በአናዉ ስሚደ ላኤንꬆ ብቤና፤ ግዶፐነ፥ ሳመል ሳኦላ ድራዉ ዬኬዳ። ሳኦላ እስራኤልያ ቦላ ካተዬዳዎ መꬍና ጎዳይ ካዮቴዳ።
1SA 16:1 መꬍና ጎዳይ ሳመላ፥ “እስራኤልያ ቦላ እ ካትያ ግደና ማላ፥ ታን እጻክቼዳ ሳኦላ ድራዉ፥ ኔን አዉደ ጋካናዉ ዬካይ? አነ ካጭያን ዛይትያ ኩንꬃደ ከሳ፤ ታን ኔና ቤታልሄምያ እሰያኮ ኪታይ፤ ካትያ ግዳና ማላ፥ ታን አ ናናቱዋ ግዶፐ እቱዋ ዶራ ዎꬃድ” ያጌዳ።
1SA 16:2 ሳመል፥ “ታን ዋናደ ቦ? ሳኦል ስሲደ ታና ዎꬋና” ያጌዳ። መꬍና ጎዳይ ሳመላ፥ “ኡሳቶ እትኖ አካ ባደ፥ ‘ታን መꬍና ጎዳዉ ያርሻናዉ ያድ’ ያጋ።
1SA 16:3 እሰያካ ያርሹዋ ሳኣ ጼሳ። ኔን ኦꬃናባ ታን ኔና በሳና፤ ታን ነዉ ኦድያዋ ታዉ ኦካ” ያጌዳ።
1SA 16:4 ሳመል መꬍና ጎዳይ ኦዴዳዋ ኦꬄዳ፤ ቤተሌመ ቤዳ። ቤተሌመ ካታማ ጭማቱ ኮኮሪደ አናና ጋከቴድኖ። ኡንቱንቱ አ፥ “ኔን ሳሮተꬃዉ ያድ?” ያጊደ ኦቼድኖ።
1SA 16:5 ሳመል፥ “ኤ፤ ሳሮተꬃዉ ያድ፤ ታን መꬍና ጎዳዉ ያርሻናዉ ያድ፤ ህንተንቱካ ጌይተ፤ ያቲደ ታናና ያርሹዋ ሳኣ ደንድተ” ያጌዳ፤ ቃይ እሰያነ አ ናና ጌሺደ፥ ያርሹዋ ሳኣ ኡንቱንታ ጼሴዳ።
1SA 16:6 ኡንቱንቱ ያርሹዋ ሳኣ ጋክያ ዎደ፥ ሳመል እሰያ ናኣ ኤልኣባ በኢደ፥ “ቱሙፐ መꬍና ጎዳይ ኦክያዌ ሀዋን መꬍና ጎዳ ስንꬃን ኤቄዳ” ያጊደ ቆፔዳ።
1SA 16:7 ሽን መꬍና ጎዳይ ሳመላ፥ “አ ማላ ዎይ አ ጌሳ አዱሳተꬃ ጼሎፓ፤ ታን አ እጻድ። አያዉ ጎፐ፥ ታን መꬍና ጎዳይ አሳይ ጼልያዋዳን ጼልከ፤ አሳይ ዴሙዋ ጼሌ፤ ሽን መꬍና ጎዳይ ዎዛና ጼሌ” ያጌዳ።
1SA 16:8 እሰይ አብናዳባ ጼሲደ፥ ሳመላ ስንꬃ አꬄዳ፤ ሳመል፥ “ቱይት፤ መꬍና ጎዳይ ሀዋካ ዶርቤና” ያጌዳ።
1SA 16:9 ያትና፥ እሰይ ሻማ አꬄዳ፤ ሳመል፥ “ቱይት፤ መꬍና ጎዳይ ሀዋካ ዶርቤና” ያጌዳ።
1SA 16:10 ሄዋዳን ኦꬂደ፥ እሰይ ባረ ናና ላፑኑዋ ሳመላ ስንꬃ አꬄዳ፤ ሽን ሳመል እሰያ፥ “መꬍና ጎዳይ ሀዋንታ ዶርቤና” ያጌዳ።
1SA 16:11 ሄዋ ድራዉ፥ እ እሰያ፥ “ነዉ ደእያ ናናይ ሀዋንቱ ጻላሌየ?” ያጊደ ኦቼዳ። እሰይ፥ “ኡባፐ ቴፋ ናአይ አቴዳ፤ ሽን እ ዶርሳቱዋ ሄሜ” ያጌዳ። ሳመል፥ “ኪታደ አ አህሳ፤ እ ያና ጋካናዉ ኑን ያርሾኮ” ያጌዳ።
1SA 16:12 እሰይ ኪቲደ፥ ናኣ አህሴዳ፤ ሄ ናአይ አርሳ፤ አይፍያና ሎእያ ማላ ሎአ። መꬍና ጎዳይ ሳመላ፥ “ደንዳ ኤቃደ ኦካ፤ ሀዌ አ” ያጌዳ።
1SA 16:13 ሳመል ካጭያ ዛይትያ አኪደ፥ አ እሻቱ ስንꬃን ዳዊታ ኦኬዳ። ሄ ጋላሳፐ ዶሚደ፥ መꬍና ጎዳ አያናይ ዳዊታ ቦላን ዎልቃፐ ዎꬌዳ። ሄዋፐ ጉይያን፥ ሳመል ደንዲደ፥ ራማ ካታማ ቤዳ።
1SA 16:14 መꬍና ጎዳ አያናይ ሳኦላፐ ሻከቴዳ፤ መꬍና ጎዳፐ ኪተቴዳ ኢታ አያናይ ሳኦላ ኡንኤꬄዳ።
1SA 16:15 ሳኦላ ቆማቱ አ፥ “ጾሳፐ ኪተቴዳ ኢታ አያናይ ኔና ኡንኤꬄ።
1SA 16:16 ኑ ጎዳይ ዲꬃ ሎይꬅ ዲጽያ አሳ ኮያና ማላ፥ ባረ ቆማቱዋ፥ ሀዋን ደእያዋንታ አዛዞ። ጾሳፐ ኪተቴዳ ኢታ አያናይ ኔና ኦይቂያ ዎደ፥ ሄ ብታን ዲꬃ ዲጻና፤ እ ዲጽና ነዉ ኬካና” ያጌድኖ።
1SA 16:17 ሳኦል ባረ ቆማቱዋ፥ “ዲꬃ ሎይꬂደ ዲጽያ አሳ ኮዪደ፥ ታዉ አኪደ ዪተ” ያጌዳ።
1SA 16:18 ቆማቱዋፐ እቱ ሳኦላ፥ “በአ፤ ቤታልሄምያ እሰያዉ ዲꬃ ሎይꬂደ ዲጽያ እት ናአይ ደኤ። ሄ ናአይ ጻላነ ቶራንቻ አሳ፤ ሃሳያዉ ጭንጫነ ማላ ሎአ አሳ፤ ቃይ መꬍና ጎዳይ አናና እትፐ ደኤ” ያጌዳ።
1SA 16:19 ያትና፥ ሳኦል እሰያኮ ኪቲደ፥ “ነ ዶርሳ ሄምያ ነ ናኣ ዳዊታ ታዉ የዳ” ያጌዳ።
1SA 16:20 ሄዋፐ ጉየ እሰይ ኡክꬃ፥ ኦጎሩዋ ዎይንያ ኤሳነ ጋሎ ዶርሳ ማራ እቱዋ ሀርያን ጫኒደ፥ ባረ ናኣ ዳዊታና ሳኦላዉ የዴዳ።
1SA 16:21 ዳዊተ ሳኦላኮ ዬዳ፤ አ ኪታን ገሌዳ። ሳኦል ዳዊታ ሎይꬅ ዶሴዳ፤ ዳዊተ ሳኦላዉ ኦላ ሚሻ ኦይቂያዋ ግዴዳ።
1SA 16:22 ያትና፥ ሳኦል እሰያዉ፥ “ዳዊተ ታዉ ኦꬂደ ጋምእሾ፤ ታን አ ዶሳድ” ያጊደ ኪቴዳ።
1SA 16:23 ሄዋፐ ስምና፥ ጾሳፐ ኪተቴዳ ኢታ አያናይ ሳኦላ ኦይቂያ ዎደ ኡባን፥ ዳዊተ ዲꬃ አኪደ ባረ ኩሽያን ዲጸ፤ ኢታ አያናይ አ የድያ ድራዉ፥ ሳኦላዉ ኬኬነ እ ፓጼ።
1SA 17:1 ፕልስጼማ አሳቱ ባረንቱ ኦላንቻቱዋ ይሁዳን ደእያ ሶኮ ጌተትያ ሳኣ ኦላዉ ሺሼድኖ፤ ሶኮፐነ አዜቃፐ ግዱዋን ደእያ ኤፈስጻሚማ ጌተትያ እት ሳኣን ሺቅ ኡቴድኖ።
1SA 17:2 ሳኦልነ እስራኤላቱ ኤላ ጌተትያ ዛንጋራን ሺቅ ኡቴድኖ፤ ፕልስጼማ አሳቱዋና ኦለታናዉ ሳልፕያን ከሴድኖ።
1SA 17:3 ፕልስጼማ ኦላንቻቱ እት ደርያን ሳልፕና፥ እስራኤላቱካ ሀራ ደርያን ሳልፔድኖ፤ ኡንቱንቱ ላኡዋ ዛንጋራይ ሻኬ።
1SA 17:4 ጋተ ካታማን ደእያ፥ ጎልያዳ ጌተትያ እት ቶራ ቃራ ብታኒ ፕልስጼማቱ ሺቄዳ ሳኣፐ ዬዳ፤ አ ጌሳይ ኡሱፑን ዋꬋነ ታካ።
1SA 17:5 እ እሻታማነ ላፑን ኪሎ ግራመ ዴጽያ ናሃስያ ብራታ ኮትያ ማዬዳ፤ ቃይ ናሃስያ ብራታ ቆጲያ ባረ ሁጲያን ዎꬄዳ።
1SA 17:6 ናሃስያ ብራታ ጋምባልያ ባረ ገድያን አꬄዳ፤ ባረ ሀሽያን ናሃስያ ብራታፐ ቆጸቴዳ ጽንቃ ቶኬዳ።
1SA 17:7 አ ቦድያ ቶማይ ሸማይንያ ዎንዳራሽያ ኬሻ፤ ቦድያ አይፊ ላፑን ኪሎ ግራመ ዴጼ፤ ጎንዳልያ ቶኬዳ እት ብታኒ አ ስንꬃን ሀመቴ።
1SA 17:8 ጎልያደ ኤቂደ፥ ቃላ ꬎቁ ኦꬂደ፥ እስራኤልያ ኦላንቻቶ ሀዋዳን ያጊደ ጬቄዳ፤ “ህንተንቱ ዋናና ጊደ ኦላዉ ሳልፔድቴ? ታን ፕልስጼማ አሳ ግድክታ? ቃይ ህንተንቱ ሳኦላ ቆማቱዋ ግድክቴ? አነ ህንተንቱ ግዶፐ እት አሳ ዶርተ፤ ሄ ብታኒ ታኮ ዎꬎ።
1SA 17:9 ሄ ብታኒ ታናና ኦለቲደ ታና ዎꬎፐ፥ ኑን ህንተንቱ ቆማቱዋ ግዳና፤ ሽን ታን አ ጾናደ ዎꬎፐ ህንተንቱ ኑ ቆማቱዋ ግዳናነ ኑዉ ሞደታና” ያጌዳ።
1SA 17:10 ቃይካ ሄ ፕልስጼመ ብታኒ፥ “ታን ሀቼ እስራኤልያ ኦላንቻቱዋ ናሳይ፤ ታዉ እት አሳ እምተ፤ አነ ላኡ ኦለቴቶ!” ያጌዳ።
1SA 17:11 ሳኦልነ እስራኤላቱ ፕልስጼምያ ቃላ ስሲደ፥ ዬላቴድኖነ ዳሮፐ ያዬድኖ።
1SA 17:12 ዳዊተ ይሁዳ ጋድያን ቤታልሄመን ደእያ ኤፍራታ እሰያ ናኣ። እሰያዉ ሆስፑን አቱማ ናናይ ደኢኖ፤ ሳኦል ካትያ ግዲደ ደእያ ዎደ፥ እሰይ ሎይꬅ ጭሜዳነ ዳሮ ደኤዳ አሳ።
1SA 17:13 እሰያ አቱማ ናናይ ባይራትያዋንቱ ሄዛቱ ሳኦላ ካሊደ ኦላ ቤድኖ፤ ኦላ ቤዳ አ ሄዙ ናናቱዋ ሱንꬃይ ሀዋ፤ ባይራይ ኤልኣባ፤ ቴፋይ አምናዳባ፤ ሄዘንꬁ ሻማ።
1SA 17:14 ዳዊተ ናናቱዋ ኡባፐ ቴፋ። ባይራ ሄዙ ናናይ ሳኦላ ካሌድኖ፤
1SA 17:15 ሽን ዳዊተ ባረ አዉዋ ዶርሳቱዋ ሄማናዉ ሳኦላ ማታፐ ቤተሌመ ስመረቴ።
1SA 17:16 ሄ ፕልስጼም ኦይታሙ ጋላሳ ጉራነ ኦማርስ ዪደ፥ እስራኤላቱዋ ናሴ።
1SA 17:17 እት ጋላስ እሰይ ባረ ናኣ ዳዊታዉ ሀዋዳን ያጌዳ፤ “ሀ ጺጸቴዳ ትሻፐ ታሙ ኪሎ ግራምያነ ሀ ታሙ ኡክꬃቱዋ አካደ፥ ነ እሻቶ አፋደ ነ እሻቱ ሺቄዳ ሳኣ ኤለካ ጋꬃ።
1SA 17:18 ሀ ታሙ ኑካ ፕላቱዋካ ኡንቱንቱ ሻላቃዉ አፋ፤ ነ እሻቱ ዋን ደእንቶ በኣደ፥ ኡንቱንቱ ሳሮ ደእያዎ ማላታ ኡንቱቱፐ አካደ ያ።
1SA 17:19 ካትያ ሳኦል፥ ነ እሻቱዋነ እስራኤልያ አሳይ ኡባይ፥ ፕልስጼማ አሳቱዋና ኦለቲደ፥ ኤላ ዛንጋራን ደኢኖ” ያጌዳ።
1SA 17:20 ዳዊተ ወንታ ጉራና ደንዲደ ዶርሳ ዉድያ ሀራ አሳ ሄንꬂደ፥ እሰይ አዛዜዳዋ ጫን አኪደ ቤዳ። እስራኤልያ ኦላንቻቱ ባረንቱ ቃላ ꬎቁ ኦꬂደ ጋርማሚደ ኦላዉ ሳልፕሽን፥ ዳዊተ ጋኬዳ።
1SA 17:21 እስራኤልያ አሳቱነ ፕልስጼማ አሳቱ እቱ እቱዋኮ ጼሊደ ሳልፔድኖ።
1SA 17:22 ዳዊተ ባረ አሄዳ ሚሻ ሽንቃ ናግያዋ ኩሽያን ዎꬂደ፥ ኦላ ሳልፕያ ዎጽ ቢደ፥ ባረ እሻቱዋ ሳሮቴዳ።
1SA 17:23 ዳዊተ ባረ እሻቱዋና ሃሳይሽን፥ ጋተፐ ዬዳ ቶራ ቃራይ፥ ፕልስጼምያ ጎልያደ ባረ ሳልፕያፐ ጋጻ ከሲደ፥ ሀሮደዋዳንካ እስራኤላቱዋ ናሴዳ፤ እ ናስያዋ ዳዊተ ስሴዳ።
1SA 17:24 እስራኤልያ አሳይ ኡባይ ሄ ብታንያ በኤዳ ዎደ፥ ሎይꬅ ያዪደ አፐ ባቃቴድኖ።
1SA 17:25 እስራኤልያ አሳይ እቱ እቱዋ፥ “ሀ ከስያ ብታንያ በኤድቴ? እ ቱሙዋፐ እስራኤልያ ናሳናዉ ከሴዳ! ሀ ብታንያ ዎꬍያ ኡራዉ ካትያ ሳኦል ዳሮ አቁዋ እማና፤ ቃይ ባረ ናቶካ አዉ እማና፤ አ አዉዋ ጎልያ አሳይ እስራኤላን ካትያ ጊራካ ጊረና” ያጌድኖ።
1SA 17:26 ዳዊተ ባረ ማታን ኤቄዳ አሳ፥ “ሀ ፕልስጼምያ ዎꬊደ፥ ሀ ዬላ እስራኤልያፐ ቁጭያ ኡራዉ አያይ ኦሰታኔ? ሀ ቃጻረትቤና ፕልስጼም፥ ደኡዋ ጾሳ ኦላንቻቱዋ ናስያዌ እ ኦኔ?” ያጊደ ኦቼዳ።
1SA 17:27 ሽን ኡንቱንቱ አ፥ “ሀ ብታንያ ዎꬍያ ኡራዉ ሀዌ ሀዌ ኦሰታና” ያጊደ ካሰዋዳንካ አዉ ዛሬድኖ።
1SA 17:28 ዳዊተ አሳና ሃሳይያዋ አ እሻይ ኡባፐ ባይራይ ኤልኣብ ስሲደ፥ ዳዊታ ቦላ ሀንቁዋ ኤጽ ከሴዳ፤ “ኔን ሀ ሳኣ አያዉ ያድ? ሄ አማሬዳ ዶርሳቱዋ ዎራን ኦናና የጋድ? ነ ኦቶሩዋነ ነ ዎዛና እታተꬃ ታን ኤራይ፤ ኔን ኦላ በአናዉ ያዳ” ያጌዳ።
1SA 17:29 ዳዊተ፥ “ታን ሀእ አይ ኦꬃድታ? ሀራይ አቶፐ ሃሳያናዉካ ዳንዳይክታ?” ያጌዳ።
1SA 17:30 ዳዊተ ባረ እሻ አጊደ፥ ሀራ አሳኮ ስሚደ፥ ካሰዋዳንካ ኦቼዳ፤ አሳይ አዉ ካሰዋዳንካ ዛሬዳ።
1SA 17:31 ዳዊተ ሃሳዬዳዋ ስሴዳ አሳቱ ሳኦላዉ ኦዴድኖ፤ ሳኦል ዳዊታ ጼስሴዳ።
1SA 17:32 ዳዊተ ሳኦላ፥ “ሀ ብታንያ ጋሱዋን ኦ ዎዛናይካ ያዮፖ፤ ታን ነ ቆማይ ባደ፥ ሀ ፕልስጼምያና ኦለታና” ያጌዳ።
1SA 17:33 ሳኦል ዳዊታ፥ “ሀ ፕልስጼምያና ኔን ኦለታናዉ ዳንዳያካ፤ አያዉ ጎፐ፥ ኔን ናኣ፤ ሽን ናአተꬃፐ ዶሚደ፥ እ ኦለቲደ ድጬዳ አሳ” ያጌዳ።
1SA 17:34 ሽን ዳዊተ ሳኦላ፥ “ታን ነ ቆማይ ታ አዉዋ ዶርሳቱዋ ሄማይ፤ ጋሙ ዎይ ባባንꬃ ማላትያ ዶአይ ዪደ ዉድያፐ ዶርሳ ኦይቂያ ዎደ፥
1SA 17:35 አ ካላደ ታን ባደ አ ዶናፐ ዎꬃ አካይ፤ ታኮ ስምያ ዎደ፥ ቡቻ ኦይቃደ፥ ሾጫ ዎꬋይ።
1SA 17:36 ታን ነ ቆማይ ጋሙዋነ ባባንꬃ ዎꬋድ፤ ሀ ቃጻረትቤና ፕልስጼም ደኡዋ ጾሳ ኦላንቻቱዋ ናሴዳ ድራዉ፥ እካ ኡንቱንቱፐ እቱዋዳን ሀናና።
1SA 17:37 ጋሙዋነ ባባንꬃ ጹጉንꬃፐ ታና አሼዳ መꬍና ጎዳይ ሀ ፕልስጼምያ ኩሽያፐካ አሻናዋ” ያጌዳ። ሳኦል ዳዊታ፥ “ባ፤ መꬍና ጎዳይ ኔናና ግዶ” ያጌዳ።
1SA 17:38 ሄዋፐ ጉይያን፥ ሳኦል ባረ ማዩዋ ዳዊታ ማይዜዳ፤ ዳዊታ ሁጲያን ናሃስያ ብራታ ቆጲያ ዎꬄዳ፤ ናሃስያ ብራታ ኮትያካ ዳዊታ ማይዜዳ።
1SA 17:39 ዳዊተ ባረ ኦላ ማዩዋ ቦላ ማሻ ዳንጬዳ፤ ሀመት በኤዳ፤ ሽን ዳንዳይቤና፤ አያዉ ጎፐ፥ ሄዋ ማላ ማዩዋ ማይ ኤረና። ሄዋፐ ጉይያን፥ ዳዊተ ሳኦላ፥ “ታን ሀዋ ማላ ማዩዋ ማያደ ሜዘታቤና ድራዉ፥ ሀዋና ባናዉ ዳንዳይከ” ያጊደ ኦላ ማዩዋ ኡባና ቃሬዳ።
1SA 17:40 ዳዊተ ባረ ሄንꬃ ጋትማ ኦይቂደ፥ ሻፋፐ ሙይላ ሹቻ እቼሻቱዋ ማጽ አኪደ፥ ባረ ቃርጪቱዋን የጌዳ፤ ባረ ያምባርሻ ኦይቂደ፥ ጎልያደኮ ማቴዳ።
1SA 17:41 ጎልያደካ ዳዊታኮ ሺቅ ሺቂደ ማታተዳ፤ ጎንዳልያ ቶክያ ብታኒ አ ስንꬃን ደኤ።
1SA 17:42 እ ዳዊታ ትሽ ኦꬅ ጼሊደ፥ ዳዊተ ናኣ ግዴዳዋነ ማላ ሎአነ አርሳ ግዴዳዋ በኢደ ካꬌዳ።
1SA 17:43 ዳዊታ፥ “ኔን ጋትማ ኦይቃደ ታ ቦላ ያናዉ፥ ታና ካና ጋድየ?” ያጌዳ፤ ባረ ጾሳቱዋ ሱንꬃን ዳዊታ ሸቄዳ።
1SA 17:44 እ ቃይካ ዳዊታ፥ “ሃያ፤ ታን ነ አሹዋ ሳሉዋ ካፎቶነ ሳኣ ዶአቶ እማና” ያጌዳ።
1SA 17:45 ዳዊተ ፕልስጼምያ፥ “ኔን ማሻ፥ ቦድያነ ጽንቃ ኦይቃደ ታ ቦላ ያሳ፤ ሽን ታን ኡባፐ ዎልቃማ መꬍና ጎዳ ሱንꬃን፥ ኔን ናሴዳ እስራኤልያ ኦላንቻቱ ጾሳ ሱንꬃን ነ ቦላ ያይ።
1SA 17:46 ሀቼ መꬍና ጎዳይ ኔና ታ ኩሽያን አꬅ እማና፤ ታን ኔና ሾጫና፤ ነ ቆꬍያካ ሙጫ ኦላና። ፕልስጼማ ኦላንቻቱዋ አሃ ሳሉዋ ካፎቱዋዉነ ሳኣ ዶአቶ ታን ሀቼ እማና፤ ያትና፥ እስራኤላን ጾሳይ ደእያዋ ሳኣን ደእያ አሳይ ኡባይ ኤራና።
1SA 17:47 መꬍና ጎዳይ ባረ አሳ አሻናዉ ቶራ ዎይ ማሻ ኮየናዋ ሀዋን ሺቄዳ አሳይ ኡባይ ኤራና፤ አያዉ ጎፐ፥ ኦላይ መꬍና ጎዳዋ። እ ህንተንታ ኡባ ኑ ኩሽያን አꬅ እማና” ያጌዳ።
1SA 17:48 ፕልስጼም ደንዲደ ቢደ፥ ዳዊታና ኦላ ጋከታናዉ ሺቄዳ ዎደ፥ ዳዊተ ኦለትያ ኦላዉ ኤለካ ዎጼዳ።
1SA 17:49 ዳዊተ ባረ ቃርጪትያ ግዶ ኩሽያ የዲደ፥ እት ሹቻ አኪደ ያምባርሻን ዎꬂደ ያምባሪደ፥ ፕልስጼምያ ዴሙዋ ጫዴዳ። ሹቻይ ብታንያዉ ዴሙዋ ግዶ ገሌዳ፤ ያትና፥ ብታኒ ቢታን ጉፋኒደ ኩንዴዳ።
1SA 17:50 ያቲደ ዳዊተ ፕልስጼምያ ያምባርሻንነ ሹቻን ጾኔዳ። ዳዊተ ባረ ኩሽያን ማሻይ ባይናን ፕልስጼምያ ጫዲደ ዎꬌዳ።
1SA 17:51 ዳዊተ ዎጺደ ቢደ፥ አ ቦላ ከስ ኤቂደ፥ ፕልስጼምያ ማሻ ኦይቂደ ሾኩዋ ግዶፐ ሾድ አኪደ፥ አ ቆꬍያ ሙጨዳ። ፕልስጼማ አሳቱ ባረንቱ ቶራ ቃራይ ሀይቄዳዋ በኤዳ ዎደ ባቃቴድኖ።
1SA 17:52 እስራኤልያ አሳይነ ይሁዳ አሳይ ደንዲደ ዋሲደ፥ ፕልስጼማ አሳቱዋ ጋተነ ኤቅሮና ካታማቱዋ ፐንገቱዋ ጋꬃናሽን የደርሴድኖ፤ ፕልስጼማ አሳ አሃይ ጋተነ ኤቅሮና ጋካናዉ፥ ሻእራይማ አፍያ ኦግያን ኡባን ኩንዴዳ።
1SA 17:53 እስራኤልያ አሳይ ፕልስጼማ አሳቱዋ የደርስ ስሚደ፥ ኡንቱንቱ ሺቄዳ ሳኣ ቦንቄድኖ።
1SA 17:54 ዳዊተ ፕልስጼምያ ቆꬍያ የሩሳላመ አሄዳ፤ ሽን ፕልስጼምያ ኦላ ሚሻ ባረ ዱንካንያ ግዶን ዎꬄዳ።
1SA 17:55 ዳዊተ ፕልስጼምያኮ ቢሽን፥ ሳኦል በኤዳ ዎደ፥ ኦላንቻቱ ካፑዋ አባኔራ፥ “አባኔራ፥ ሀ ዎዳላይ ኦ ናኤ?” ያጊደ ኦቼዳ። አባኔር ሳኦላ፥ “ካዎ፥ ነ ሸምፑ ኤሮ ታን አ ኤርከ” ያጊደ ዛሬዳ።
1SA 17:56 ካት ዛሪደ፥ “ያቶፐ ሀ ዎዳላይ ኦ ናኤንቶነ አነ ኦቻደ ጋካ” ያጌዳ።
1SA 17:57 ዳዊተ ፕልስጼምያ ዎꬊደ ስሜዳዋፐ ጉይያን፥ ሙጬዳ ፕልስጼምያ ሁጲያ ኦይቄዳ ሳና፥ አባኔር አ ሳኦላ ስንꬃ አኪደ አፌዳ።
1SA 17:58 ሳኦል አ፥ “ዎዳላዉ፥ ኔን ኦ ናኤ?” ያጊደ ኦቼዳ። ሽን ዳዊተ፥ “ታን ቤታልሄምያ ነ ቆማ እሰያ ናኣ” ያጊደ ዛሬዳ።
1SA 18:1 ዳዊተ ሳኦላና ሃሳይያዋ ዉርሴዳዋፐ ጉይያን፥ ሳኦላ ናኣ ዮናታን ዳዊታና ዳሮ ማታ ዳቦተꬃ መꬌዳ፤ ዮናታን ዳዊታ ባረ ሁጲያዳን ሲቄዳ።
1SA 18:2 ሄ ጋላሳፐ ዶሚደ፥ ሳኦል ዳዊታ ባረናና ዎꬄዳ፤ ባረ አዉዋ ሶ ጉየ ስመናዳን ድጌዳ።
1SA 18:3 ዮናታን ዳዊታ ባረ ሁጲያዳን ሲቅያ ድራዉ፥ አናና ቃላ ጫቁዋ ጫቀቴዳ።
1SA 18:4 ዮናታን ባረ ማዬዳ ካባ ቃሪደ፥ ባረ ኦላ ማዩዋና፥ ባረ ማሻና፥ ባረ ዎንዳፍያናነ ባረ ሳቂያና እትፐ ዳዊታዉ እሜዳ።
1SA 18:5 ሳኦል ኪቴዳ ኡባባ ዳዊተ ፖሊደ ኦꬅያ ድራዉ፥ ሳኦል ዳዊታ ባረ ኦላንቻቱ ግዶን ጋዳዋ ሱንꬄዳ፤ ሄዌ አሳ ኡባካ አ ኦላንቻቱዋካ ናሸቼዳ።
1SA 18:6 ዳዊተ ፕልስጼምያ ጎልያዳ ዎꬍና አሳይ ሶ ስምያ ዎደ፥ ማጫ አሳይ ናሸቻ የꬃ የጺድነ ዱሪደ፥ ካባሩዋ ባቂደነ ዲꬃ ዲጺደ፥ ካትያ ሳኦላ ሞካናዉ እስራኤልያ ካታማቱዋ ኡባቱዋፐ ከሴዳ።
1SA 18:7 ማጫዋንቱ ዱሪደ፥ “ሳኦል ሻኣ ዎꬌዳ፤ ዳዊተ ታሙ ሻኣ ዎꬌዳ” ያጊደ የጼድኖ።
1SA 18:8 ሳኦል ሀ የꬃይ ኢትና፥ ሎይꬅ ሀንቀቴዳ፤ ሳኦል ባረ ቆፋን፥ “ዳዊታ፥ ‘ታሙ ሻኣ ዎꬌዳ’ ጊደ፥ ታና፥ ‘እት ሻኣ ዎꬌዳ’ ጌድኖ፤ ያትና፥ ካዉተꬃፐ አትና አዉ አዬ አቴዳዌ?” ያጌዳ።
1SA 18:9 ሄ ጋላሳፐ ዶሚደ፥ ሳኦል ዳዊታ ቃናተ አይፍያን ጼሌዳ።
1SA 18:10 ዎንተꬃ ጋላሳ ኢታ አያናይ ጾሳፐ ኪተቲደ፥ ሳኦላ ኦይቄዳ፤ ሳኦል ባረ ሶን ኤሉመቴዳ። ዳዊተ ሀሮደዋዳን ዲꬃ ዲጼዳ፤ ሳኦል ቶራ ባረ ኩሽያን ኦይቂ ኡቴዳዌ፥
1SA 18:11 “ዳዊታ ጎዳና ጋꬃደ ስካድ” ጊደ ቶራ ጾንጌዳ። ሽን ዳዊተ ላኡ ጌደ አፐ ሀሌዳ።
1SA 18:12 መꬍና ጎዳይ ሳኦላ አጊደ ዳዊታና ደእያ ድራዉ፥ ሳኦል ዳዊታዉ ያዬዳ።
1SA 18:13 ሄዋ ድራዉ፥ ሳኦል ዳዊታ ባረ ስንꬃፐ ሃሲደ፥ ሻአ ኦላንቻቶ ካፑዋ ከሴዳ። ያትና፥ ዳዊተ ባረ ጭታ ኦላን ካለꬄዳ።
1SA 18:14 መꬍና ጎዳይ ዳዊታና እትፐ ደእያ ድራዉ፥ እ ኦꬅያባይ ኡባይ አዉ እንጀቴዳ።
1SA 18:15 ዳዊተ ኦꬅያባይ ኡባይ ሎይꬅ እንጀትያዋ ሳኦል በኢደ፥ አዉ ሎይꬅ ያዬዳ።
1SA 18:16 ሽን ዳዊተ ኡንቱንታ ኦላን ካለꬅያ ድራዉ፥ እስራኤላነ ይሁዳ አሳይ ኡባይ አ ሲቄድኖ።
1SA 18:17 ሄዋፐ ጉይያን፥ ሳኦል ዳዊታ፥ “ታ ናታ ባይራታ መራባ ሀናሽ፤ ታን ኦ ነዉ ማቸ ኦꬃደ እማና፤ ኔን ምኖ አሳ ግዳ፤ ያታደ መꬍና ጎዳ ኦላ ኦለታ” ያጌዳ። ሳኦል ባረ ዎዛናን፥ “ታን አ ቦችከ፤ ፕልስጼማ አሳቱ አ ዎꬋና” ያጊደ ቆፔዳ።
1SA 18:18 ሽን ዳዊተ ሳኦላ፥ “ካትያና ቦሎታናዉ ታን ኦኔ? ታ ሶ አሳይካ አዬ? ዎይ ታ አዉዋ ያራይካ እስራኤልያ አሳ ግዶን አዬ?” ያጌዳ።
1SA 18:19 ሽን ሳኦላ ናታ መራባ ዳዊታው እመትያ ዎዲ ጋክና፥ ማሆላ ካታማፐ ዬዳ፥ አድሪኤላ ጌተትያ እት ብታንያዉ እመታዱ።
1SA 18:20 ግዶፐነ፥ ሳኦላ ናታ ሚካላ ዳዊታ ሲቃዱ፤ ሳኦል ሄዋ ስሲደ ናሸቴዳ።
1SA 18:21 እ ባረ ዎዛናን፥ “አዉ ጲረ ግዳና ማላነ ፕልስጼማ አሳቱ አ ዎꬋና ማላ፥ ታን ሚካሎ ዳዊታዉ እማና” ያጊደ ቆፔዳ። ሄዋ ድራዉ፥ ሳኦል ዳዊታ፥ “ኔን ታናና ቦሎታናዉ ሀዌ ነዉ ላኤንꬆ ካጫ” ያጌዳ።
1SA 18:22 ቃይካ ሳኦል ባረ ቆማቱዋ ጼሲደ፥ “ካቲ ኔናን ናሸቴዳ፤ አ ቆማቱ ኡባይካ ኔና ዶሲኖ፤ ሀእ ኔን ካትያና ቦሎታ ያጊደ ጹራን ዳዊታዉ ኦድተ” ያጊደ አዛዜዳ።
1SA 18:23 ኡንቱንቱ እ ጌዳዋዳንካ ዳዊታዉ ኦዴድኖ፤ ሽን ዳዊተ ኡንቱንቶ፥ “ካትያና ቦሎታናዌ ህንተንቶ ላፋባ ማላቲየ? ታን ህዬሳነ ኤረተና አሳ” ያጊደ ዛሬዳ።
1SA 18:24 ሳኦላ ቆማቱ ዳዊተ ጌዳዋ ሳኦላዉ ኦዴድኖ።
1SA 18:25 ሳኦል ባረ ቆማቱዋ፥ “ዳዊታው ሀዋዳን ያጊደ ኦድተ፤ ‘ካቲ ባረ ሞርከቱዋ ሀሉዋ ከሳናዉ ጼቱ ፕልስጼማ አሳቱዋ ቃራቱዋፐ አትና፥ ኔፐ ሀራ ጭሎሻ ኮየና’ ያግተ” ያጌዳ። ሳኦል ሄዋ ጌዳዌ፥ “ዳዊተ ፕልስጼማቱዋ ኩሽያን ሀይቆ” ጊደ ቆፔዳ ድራሳ።
1SA 18:26 ሳኦላ ቆማቱ ሳኦል ጌዳዋ ዳዊታዉ ኦዴድኖ፤ ካትያና ቦሎትያዌ ዳዊታ ናሸቼዳ። ሄዋ ድራዉ፥ ቡላቻ ጋላሳይ ጋካናፐ ካሰቲደ፥
1SA 18:27 ዳዊተነ አ አሳይ ደንዲደ ቤድኖ፤ ፕልስጼማቱዋፐ ላኡ ጼቱ አሳ ዎꬌድኖ። ዳዊተ ካትያና ቦሎታናዉ ሄ አሳቱዋ ቃራቱዋ አሂደ፥ ካዎ ኩመንꬃ ፓይዲደ ሼዳ። ሄዋ ድራዉ፥ ሳኦል ባረ ናቶ ሚካሎ ዳዊታዉ እሜዳ።
1SA 18:28 ሳኦል መꬍና ጎዳይ ዳዊታና እትፐ ደእያዋነ አ ናታ ሚካላ ዳዊታ ሲቅያዋ ኤሬዳ።
1SA 18:29 ሄዋ ድራዉ፥ ሳኦል ዳዊታዉ ካሰዋፐ አꬂደ ያዬዳ። ሳኦል ባረ ደኡዋ ላይꬃ ኡባን ዳዊታዉ ሞርከ ግዴዳ።
1SA 18:30 ፕልስጼመ ካፓቱ ኦለታናዉ ከስያዋ አግበይክኖ፤ ሽን ኦላዉ ከሴዳ ፓይዱዋ ኡባን ሳኦላ ጋዳዋቱ ኡባፐ ጾኑ ሀንያዌ ዳዊተሳ፤ ሄዋ ድራዉ፥ እ ኤረቴዳ አሳ ግዴዳ።
1SA 19:1 ሳኦል ባረ ናኣ ዮናታናዉነ ባረ ቆማቱዋ ኡባዉ፥ “ዳዊታ ዎꬍተ” ያጊደ ኦዴዳ፤ ሽን ሳኦላ ናአይ ዮናታን ዳዊታ ሎይꬅ ሲቄዳ።
1SA 19:2 ሄዋ ድራዉ፥ ዮናታን ዳዊታዉ ሀዋዳን ያጊደ ኦዴዳ፤ “ታ አዉ ሳኦል ኔና ዎꬋናዉ ኮዬ፤ ዎንት ጉራ ነዉ ናገታ፤ እት ሳኣን ቆሰታደ ደአሻ።
1SA 19:3 ታን ታ አቡና ባደ፥ ኔን ቆሰቴዳ ጋደን ኤቃና፤ ታን ነባ አዉ ኦዳደ፥ አፐ ስሴዳባ ነዉ ኦዳና” ያጌዳ።
1SA 19:4 ዮናታን ዳዊተዋ ናሺደ፥ ባረ አዉዋ ሳኦላ ሀዋዳን ያጌዳ፤ “ካቲ ባረ ቆማ ዳዊታ ናቆፖ፤ አያዉ ጎፐ፥ እ ኔና ናቂቤና፤ እ ኦꬄዳባይ ኔና ሎይꬅ ጎኤዳ።
1SA 19:5 እ ፕልስጼምያ ዎꬍያ ዎደ ባረ ሸምፖ ቃረትቤና። መꬍና ጎዳይ እስራኤልያ ኡባዉ ዎልቃማ ጾኑዋ እሜዳ፤ ሄዋ በኣደ ኔንካ ናሸታዳ። ያትና፥ ኔን ጌሻ አሳ ናቃናዉ አያዉ ቆፓይ? ጋሱ ባይናን ዳዊታ ዎꬋናዉ አያዉ ኮያይ?” ያጌዳ።
1SA 19:6 ሳኦል ዮናታን ኦዴዳዋ ስሲደ፥ “መꬍና ጎዳይ ኤሮ፥ ታን ዳዊታ ዎꬍከ” ያጊደ ጫቄዳ።
1SA 19:7 ዮናታን ዳዊታ ጼሲደ፥ ሃሳዬዳዋ ኡባ ኦዴዳ። ያቲደ ዳዊታ ሳኦላኮ አሄዳ፤ ዳዊተ ሳኦላና ካሰዋዳንካ ደኤዳ።
1SA 19:8 ሀራ ኦላይካ ደንዴዳ፤ ዳዊተ ከሲደ ፕልስጼማ አሳቱዋና ኦለቴዳ፤ ኡንቱንታ ዎልቃማ ሾቻ ሾጭና፥ ኡንቱንቱ አ ስንꬃፐ ባቃቴድኖ።
1SA 19:9 ሄዋፐ ስሚደ፥ ሳኦል ቶራ ኦይቂደ ባረ ሶን ኡት ደእሽን፥ ኢታ አያናይ መꬍና ጎዳፐ ኪተቲደ አ ኦይቄዳ። ያትና፥ ዳዊተ ዲꬃ ዲጽሽን፥
1SA 19:10 ሳኦል ዳዊታ ጎዳና ጋꬂደ ዳንꬃናዉ (ኦይꬃናዉ) ቶራ ጾንጌዳ፤ ሽን ዳዊተ አፐ ሀሌዳ፤ ቶራይ ጎዳን ኤቄዳ። ሄ ጋላሳ ቃማ ዳዊተ ባቃቲደ ከስ አኬዳ።
1SA 19:11 ሄዋፐ ጉይያን፥ “ዳዊታ ጎልያ ናጊደ፥ ጉራ አ ዎꬍተ” ያጊደ ሳኦል አሳ ዳዊታ ሶ ኪቴዳ። ያትና፥ ዳዊታ ማቻታ ሚካላ፥ “ሀቼ ቃማ ኔን ነ ሸምፑዋ አሻና ꬋዮፐ፥ ዎንት ሀይቃሳ” ያጋደ ዳዊታዉ ኦዳዱ።
1SA 19:12 ሚካላ ዳዊታ ማስኮትያና ዎꬃዱ፤ ዳዊተ ባቃቲደ ከስ አኬዳ።
1SA 19:13 ሚካላ ሶ ምስልያ አካደ አርሳን ግስሳዱ፤ ሁጲሳና ዴሻ እስክያ ዎꬃዱ፤ ያታደ አፍላ ማይዛዱ።
1SA 19:14 ዳዊታ ኦሞዲደ አሀና ማላ፥ ሳኦል አሳ ኪቴዳ፤ ሚካላ፥ “ዳዊተ ሳከቴዳ” ያጋዱ።
1SA 19:15 ሄዋፐ ጉይያን፥ ዳዊታ በአና ማላ፥ ሳኦል ሄ አሳቱዋ ጉየ ኪቲደ፥ ሀዋዳን ያጌዳ፤ “ታን ዳዊታ ዎꬋናዳን አ አርሳና ቶኪደ አኪደ አህተ” ያጌዳ።
1SA 19:16 ሽን አሳቱ ሶ ገልያ ዎደ፥ ሄ ሶ ምስሊ አርሳን ግሴዳዋ ደሜድኖ፤ አ ሁጲሳና ዴሻ እስኪ ደኤ።
1SA 19:17 ሳኦል ሚካሎ፥ “ኔን አያዉ ሀዋዳን ኦꬃደ ታና ጭማድ? ታ ሞርኪ ከስ አካናዳን አያዉ ባቃትሳዲ?” ያጌዳ። ሄዋፐ ጉየ ሚካላ፥ “እ ታና፥ ‘ታና ከሳደ የዳ፤ ህና ꬋዮፐ፥ ታን ኔና ዎꬋና’ ያጌዳ” ያጋደ ዛራዱ።
1SA 19:18 ዳዊተ ባቃት አቲደ፥ ራማን ደእያ ሳሜላኮ ቤዳ፤ ሳኦል ባረና ኦꬄዳ ኡባባ ሳሜላዉ ኦዴዳ። እነ ሳመል ራማን ደእያ ናዮታ ግያ ሳኣን ቢደ ኡቴድኖ።
1SA 19:19 ሳኦል፥ “ዳዊተ ራማን ደእያ ናዮታን ደኤ” ያግያዋ ስሴዳ።
1SA 19:20 ዳዊታ ኦሞዳና ማላ፥ አሳ ያ ኪቴዳ። ሽን ትምቢትያ ኦድያዋንቱ ጭታይ ትምቢትያ ኦድሺንነ ሳሜልካ ኤቂደ ኡንቱንታ ካለꬅሽን ኡንቱንቱ በኤዳ ዎደ፥ ሳኦል የዴዳ አሳ ቦላ ጾሳ አያናይ ዎꬌዳ፤ ኡንቱንቱካ ትምቢትያ ኦዴድኖ።
1SA 19:21 ሳኦል ሄዋ ስሴዳ ዎደ፥ ሀራ አሳ የዴዳ፤ ኡንቱንቱካ ቃይ ትምቢትያ ኦዴድኖ። ሳኦል ሄዘንꬆ አሳ የዴዳ፤ ሄዋንቱካ ትምቢትያ ኦዴድኖ።
1SA 19:22 ያትና፥ እ ባረ ሁጲያዉ ራማ ባናዉ ደንዴዳ፤ ቢደ ሴኩን ደእያ ዎልቃማ ኦላ ጋኬዳ፤ “ሳመልነ ዳዊተነ ሀቃን ደኢኖ?” ያጊደ ኦቼዳ። ኡንቱንቱ፥ “ህን ራማን ደእያ ናዮታን ደኢኖ” ያጊደ ዛሬድኖ።
1SA 19:23 ሄዋ ድራዉ፥ ሳኦል ራማን ደእያ ናዮታ ቤዳ፤ ቃይ ጾሳ አያናይ አ ቦላካ ዎꬌዳ፤ ራማን ደእያ ናዮታ ጋካናዉ፥ ትምቢትያ ኦዲደ ቤዳ።
1SA 19:24 ብ ጋኪደ፥ ባረ ማዩዋ ቃሪደ፥ ሳመላ ስንꬃን ትምቢትያ ኦዴዳ፤ ሄ ጋላሳ ኡባነ ቃማ ኡባ ካሎ ግሴዳ። አሳይ፥ “ሳኦለካ ትምቢትያ ኦድያዋንቱ ዛቴየ?” ጉሳይ ሀዋሳ።
1SA 20:1 ሄዋፐ ጉይያን፥ ዳዊተ ራማን ደእያ ናዮታፐ ባቃቲደ፥ ዮናታናኮ ቤዳ፤ ዮናታና፥ “ታን አይ ኦꬃድታ? ታ ባይዙ አዬ? ነ አዉ ታና ዎꬋናዉ ኮይያዌ፥ ታን አ ዋታ ቆሂኔ?” ያጊደ ኦቼዳ።
1SA 20:2 ዮናታን፥ “ሄዌ ኔፐ ሃኮ! ኔን ሀይቃካ። በአ፥ ጉꬃባ ግዲና፥ ግታባ ግዲና፥ ታ አዉ ታዉ ኦደናን ደኢደ አያነ ኦና። ታ አዉ ሀ የዉዋ ታፐ አያዉ ቆስ? ሄዋዳን ግደና!” ያጊደ ዛሬዳ።
1SA 20:3 ሽን ዳዊተ ዮናታና፥ “ኔን ታና ሲቅያዋ ነ አዉ ሎይꬅ ኤሬዳ፤ ነ አዉ ባረዉ፥ ‘ዮናታን ሀ የዉዋ ኤሮፐ እ ካዮታና!’ ያጌዳ። ሽን መꬍና ጎዳይ ኤሮ፤ ነ ሸምፑ ኤሮ፤ ታፐነ ሀይቁዋፐ ግዱዋን መጽ እት ታንጉ አቴዳ” ያጊደ ጫቄዳ።
1SA 20:4 ዮናታን፥ “ኔን ኪተታ ጌዳዋ አያነ ታን ነዉ ኦꬃና” ያጌዳ።
1SA 20:5 ሄዋፐ ጉየ ዳዊተ ሀዋዳን ያጌዳ፤ “ስሳ፥ ዎንት አግና ጼሩዋ ቦንችያ ጋላሳ፤ ታን ካትያና ቁማ ማና ኮሼ። ሽን ታን ባደ ዎንት ፔሽና ኦማርስ ጋካናዉ፥ ጋደን ቆሰታና።
1SA 20:6 ነ አዉ ታና ኮዮፐ፥ ኔን አ፥ ‘ዳዊተንቱ ሶ አሳይ ኡባይ ላይꬃ ያርሹዋ ያርሽያ ዎደ ግድያ ድራዉ፥ ቤተሌመ ባረ ካታማ ኤለካ ባና ጊደ፥ ታና ኦቺደ ቤዳ’ ያጋ።
1SA 20:7 ሄዋፐ ጉየ እ፥ ‘ያኖፐ ሎአ’ ያጎፐ፥ ታዉ ነ ቆማዉ ሳሮ፤ ሽን እ ሀንቀቶፐ፥ እ ታና ቆሀናዉ ባረ ቆፋ ቃቼዳዋ ሄዋን ኤራ።
1SA 20:8 ኔና ግዶፐ፥ ኔን ታዉ ነ ቆማዉ ሎኦባ ኪተታ፤ አያዉ ጎፐ፥ ኔን ታናና ነ ቆማና መꬍና ጎዳ ስንꬃን ጫቀታዳ። ሽን ታናን ባይዙ ደኦፐ፥ ታና ኔን ዎꬋ! ነ አዎ ታና አꬃ እሞፓ” ያጌዳ።
1SA 20:9 ዮናታን፥ “ሄዌ ኔፐ ሃኮ! ታ አዉ ኔና ቆሀናዉ ባረ ቆፋ ቃቼዳዋ ታን ኤሬደንቶ፥ ነዉ ኦድክታየ?” ያጊደ ዛሬዳ።
1SA 20:10 ሄዋፐ ጉየ ዳዊተ፥ “ነ አዉ ነዉ ኢታ ዛሩዋ ዛሮፐ፥ ታዉ ኦዳናዌ ኦኔ?” ያጊደ ኦቼዳ።
1SA 20:11 ዮናታን፥ “ሃያ፤ ጋደ ቦይተ” ያጌዳ፤ ያትና፥ ላአቱካ ጋደ ቤድኖ።
1SA 20:12 ዮናታን ዳዊታ ሀዋዳን ያጌዳ፤ “መꬍና ጎዳይ እስራኤልያ ጾሳይ ኤሮ፥ ታን ዎንት ፔሽና ታ አዉዋ ቆራና። እ ነዉ ሎኡዋ ቆፖፐ፥ ታን ኪታደ ኔና ኤርሳና።
1SA 20:13 ሽን ታ አዉ ኔና ቆሀናዉ ኮዬዳዋ ግዶፐ፥ ቃይ ሄዋ ታን ኔና ኤርሰናን አጎፐነ ኔና ሳሩዋን ሞይዛ የደናን አጎፐ፥ መꬍና ጎዳይ ታዉ ኢቶ! መꬍና ጎዳይ ታ አቡና እትፐ ግዴዳዋዳን ኔናናካ እትፐ ግዶ።
1SA 20:14 ታና አሳይ ዎናዳን ታ ደኡዋ ላይꬃ ኡባን አገና ሲቁዋ፥ መꬍና ጎዳዋ ማላ ታዉ ኪተታ።
1SA 20:15 ቃይ ጎዳይ ዳዊታ ሞርከቱዋ ኡባ ጋድያፐ ꬎቆሌዳ ዎደካ፥ ታ ጎልያ አሳፐ ነ ሲቁዋ ሃሶፓ” ያጌዳ።
1SA 20:16 ሄዋ ድራዉ፥ ዮናታን፥ “መꬍና ጎዳይ ዳዊታ ሞርከቱዋ ኦቾ” ያጊደ ዳዊታ ጎልያ አሳና ቃላ ጫቁዋ ጫቀቴዳ።
1SA 20:17 ዮናታን ዳዊታ ባረ ሁጲያዳን ሲቄዳ ድራዉ፥ “ኔን ታና ቱሙ ሲቅያዋ ቆንጭሳናዉ አነ ታዉ ላኤንꬁዋ ጫቃ” ያጊደ ጫቂሴዳ።
1SA 20:18 ሄዋፐ ጉይያን፥ ዮናታን ዳዊታ፥ “ዎንታ አግና ጼሩዋ ቦንችያ ጋላሳ፤ ኔን ኡትያ ሳአይ መላ ደኦፐ፥ ኔን ባይናዌ ኤረታናዋ።
1SA 20:19 ዎንት ፔሽና ኦማርስ ባደ፥ ሀ መቱ ዶሜዳ ጋላስ ኔን ቆሰቴዳ ሳኣን ቆሰታ፤ ቆሰታደ ኤጸላ ግያ ዛላፐ ጉየና ታካሻ።
1SA 20:20 ታን አየንቶ ጾንግያዋ ማላታደ፥ አ ምይያና ሄዙ ፖꬃቱዋ ዎንዳፍያን ዱካና።
1SA 20:21 ሄዋፐ ጉይያን፥ ታ ቆማ፥ ‘ባደ ዙበቱዋ ኮያ’ ያጋደ ኪታና፤ ታን አ ኪታደ፥ ‘በአ፤ ዙበቱ ኔፐ ሀ ባጋና ደኢኖ፤ ታኮ አካደ ያ’ ያግያዋ ግዶፐ፥ ሃያ፤ አያዉ ጎፐ፥ መꬍና ጎዳይ ኤሮ፥ ነዉ ሳእ ሳሮ፤ ኔና አያይነ ቦቼና።
1SA 20:22 ሽን ታን ታ ቆማ፥ ‘በአ፤ ዙበቱ ኔፐ ህን ባጋና ደኢኖ’ ያግያዋ ግዶፐ፥ ኔን አጋደ ባ፤ አያዉ ጎፐ፥ መꬍና ጎዳይ ኔና ዎራ የዴዳ።
1SA 20:23 ኔንነ ታን ሃሳዬዳ ቃላ ጫቁዋ ግዶፐ፥ ሄዎ ኔፐነ ታፐ ግዱዋን መꬍና ጎዳይ መꬍናዉ ማርካ” ያጌዳ።
1SA 20:24 ሄዋ ድራዉ፥ ዳዊተ ጋደን ቆሰቴዳ። አግና ጼሩዋ ቦንችያ ጋላሳይ ጋኬዳ ዎደ፥ ካትያ ሳኦል ቁማ ማናዉ ዬዳ።
1SA 20:25 ሀሮደ ባረ ኡትያ ሳኣን ጎዳ ላንቂያን ኡቴዳ፤ ዮናታን አፐ ስንꬃ ባዙዋን ኡቴዳ፤ አባኔር ሳኦላ ላንቂያን ኡቴዳ፤ ሽን ዳዊታ ሳአይ መላ ደኤ።
1SA 20:26 ሳኦል ሄ ጋላሳ አይነ ግቤና፤ አያዉ ጎፐ፥ ሳኦል፥ “ዳዊተ አየንቶ ሀኔዳ፤ ሄ ጋላሳ ቦንቼናዳን ቱኔዳ፤ ቱማ እ ቱኔዳ” ያጊደ ቆፔዳ።
1SA 20:27 ሽን ዎንተꬃ ጋላስካ፥ አግናዉ ላኤንꬆ ጋላስ ዳዊታ ሳአይ መላ ደኤ። ሳኦል ባረ ናኣ ዮናታና፥ “እሰያ ናአይ ዝኖካ ሀችካ ቁማ ማናዉ አያዉ ይቤኔ?” ያጊደ ኦቼዳ።
1SA 20:28 ዮናታን፥ “ዳዊተ ቤተሌመ ባና ጊደ ታና ኦቼዳ፤
1SA 20:29 እ ታንካ፥ ‘ኑ ጎልያ አሳይ ካታማን ያርሹዋ ያርሽያ ድራዉነ ታ እሻይካ ታና አዛዜዳ ድራዉ፥ ሀይ ታና የዳርኪ፤ ኔን ታና ሲቅያዋ ግዶፐ፥ አነ ታን ታ እሻቱዋ በአናዉ ባይ’ ያጌዳ። ካትያ ማዳፐ ማናዉ እ ይቤናዌ ሄዋ ግሻሳ” ያጊደ ዛሬዳ።
1SA 20:30 ሳኦል ዮናታና ቦላ ሀንቁዋ ኤጽ ከሲደ ሀዋዳን ያጌዳ፤ “ላ ጌላነ ማካላንቻ ምሽራት ናአዉ፥ ኔን ነ ሁጲያዉ ካዉሻናዉነ ኔና የሌዳ ነ ዳዮ ካዉሻናዉ ኔን እሰያ ናኣ ባጋ ግዴዳዋ ታን ኤርክታየ?
1SA 20:31 እሰያ ናአይ ሀ ሳኣ ቦላን ደኤዳ ፔሻን ኡባን ኔን ዎይ ነ ካዉተꬃይ ኤቀና። ሀእ ኪታደ ታዉ አ አሂሳ፤ አያዉ ጎፐ፥ እ ሀይቃናዉ በሰ” ያጌዳ።
1SA 20:32 ሄዋፐ ጉየ ዮናታን ባረ አዉዋ ሳኦላ፥ “እ አያዉ ሀይቂ? እ ኦꬄዳባይ አዬ?” ያጊደ ኦቼዳ።
1SA 20:33 ሽን ሳኦል ዮናታና ዎꬋናዉ ቶራ አ ቦላ ጾንጌዳ። ሄዋ ድራዉ፥ ዮናታን ባረ አዉ ዳዊታ ዎꬋናዉ ቆፋ ቃቼዳዋ ኤሬዳ።
1SA 20:34 ሀንቁዋ ኤጸቲደ ማዳፐ ደንዴ ኤቄዳ፤ ባረ አዉ ዳዊታ ካዉሼዳ ድራዉ ዮናታን ካዮቲደ፥ ሄ አግናዉ ላኤንꬆ ጋላሳ ምቤና።
1SA 20:35 ዎንታ ዮናታን ዳዊታና ጋከታናዉ ጋደ ቢደ ባረናና እት ያላጋ ናኣ አኪደ ቤዳ።
1SA 20:36 ዮናታን ናኣ፥ “ታን ዎንዳፍያን ዱክያ ዙበቱዋ ዎጻደ ኮያ” ያጌዳ፤ ሄዋፐ ጉይያን ናአይ ዎጽያ ዎደ፥ ዙቢያ ሄፍንꬃ ዱኬዳ።
1SA 20:37 ናአይ ዮናታና ዙቢ ዎꬌዳ ሳኣ ጋኬዳ ዎደ፥ ዮናታን ናኣ ጼሲደ፥ “ዙቢ ኔፐ ህን ባጋና ደኤኔ?” ያጌዳ።
1SA 20:38 ቃይካ ዮናታን ናኣ፥ “ኤሌላ፤ ኤሌላደ ባ፤ ኤቆፓ!” ያጊደ ባረ ቃላ ꬎቁ ኦꬂደ ኦዴዳ። ሄ ናአይ ዙቢያ ማጺደ አኪደ፥ ባረ ጎዳኮ አሄዳ።
1SA 20:39 ናአይ ሀ የዉዋ አይነ ኤረና፤ ዮናታናነ ዳዊታ ጻላላይ ኤሪኖ።
1SA 20:40 ዮናታን ባረ ኦላ ሚሻ ናአዉ እሚደ፥ “ቶካ አካደ ካታማ አፋ” ያጌዳ።
1SA 20:41 ናአይ ቤዳዋፐ ጉይያን፥ ዳዊተ ሄ ዛላ ጉየፐ ከሴዳ፤ ዮናታና ስንꬃን ጉልባቲደ፥ ባረ ዴሙዋ ቢታ ቦሽሲደ ሄዙ ገደ ጎይኔዳ። ሄዋፐ ጉይያን፥ እቱ እቱዋና የረቲደ ዬኬድኖ፤ ሽን ዳዊተ ዮናታናፐ አꬉዋ ዬኬዳ።
1SA 20:42 ዮናታን ዳዊታ፥ “ሳሮ ባ፤ ‘ነ ግዶንነ ታ ግዶን፥ ነ ዘረꬃ ግዶንነ ታ ዘረꬃ ግዶን፥ መꬍና ጎዳይ መꬍናዉ ማርካ ግዶ’ ያጊደ ኑን ላኡ መꬍና ጎዳ ሱንꬃን ጫቀዶ” ያጌዳ። ሄዋፐ ጉይያን፥ ዳዊተ ደንዲደ ቤዳ፤ ዮናታንካ ካታማ ጉየ ስሜዳ።
1SA 21:1 ዳዊተ ቄስያ አብመሌካኮ ኖባ ካታማ ቤዳ፤ አብመሌክ ዳዊታና ጋከታናዉ ኮኮሪደ ዪደ፥ “ኔን አያዉ ኔረካ ደአይ? አያዉ ሀራ አሳይ ኔናና ደኤኔ?” ያጊደ ኦቼዳ።
1SA 21:2 ሽን ዳዊተ ቄስያ አብመሌካ፥ “ካቲ ታና፥ ‘ታን ኔና ኪቴዳ የዉዋነ አዛዜዳ አዛዙዋ ኦንነ ኤሮፖ’ ያጊደ ታና እትባ አዛዜዳ። ታ አሳቱ እት ሳኣን ታናና ጋከታናዳን ኦዳድ።
1SA 21:3 ሀእ ነ ኩሽያን አያይ ደኢ? እቼሹ ባሸ ኡክꬃ ዎይ ደኤዳዋ አያነ ታዉ እማርኪ” ያጌዳ።
1SA 21:4 ሄዋፐ ጉየ ቄሲ ዳዊታ፥ “አሳይ ኡባይ ምያ ኡክꬃይ ታዉ ባዋ፤ ሽን ጌሻ ኡክꬃይ ደኤ፤ ሄ አሳቱ ባረና ማጫ አሳፐ ናጌዳዋ ግዶፐ፥ ኡንቱንቱ ማናዉ ዳንዳዪኖ” ያጌዳ።
1SA 21:5 ሄዋፐ ጉየ ዳዊተ ቄስያ፥ “ቱማ ኑን ሀ ኪታው ከሶ ሳፐ ዶሚደ፥ ማጫ አሳፐ ናገቴዶ፤ ሀራይ አቶ ጌሻ ግደና ኪታ ዎደካ ኡንቱንቱ አሳተꬃይ ጌሻ፤ ሀቼ ኡባ አꬊደ ጌያናዉ ኮሸኔ!” ያጌዳ።
1SA 21:6 ሄዋ ድራዉ፥ ቄሲ ዳዊታዉ ጌሻ ኡክꬃ እሜዳ፤ አያዉ ጎፐ፥ ቄስያዉ ደእያዌ ሆእያ ኡክꬃ አ ሳኣን ዎꬃናዉ መꬍና ጎዳ ስንꬃፐ ደንꬄዳ ጌሻ ኡክꬃ ጻላላ።
1SA 21:7 ሳኦላ ቆማቱዋፐ እት ብታኒ ሄ ጋላሳ መꬍና ጎዳ ስንꬃን ናጊደ ደኤ፤ አ ሱንꬃይ ዶይቃ፤ እ ኤዶማ ቢታ አሳ፤ ሳኦላ መህያ ሄምያዋንቶ እ ካፑዋ።
1SA 21:8 ዳዊተ አብመሌካ፥ “ቶራይ ዎይ ማሻይ ነዉ ደአንዴሻ? ካትያ ኪታይ ኤሌልሶ ድራዉ፥ ታን ታ ማሻ ዎይ ሀራ ኦላ ሚሻ አሀበይከ” ያጊደ ኦቼዳ።
1SA 21:9 ሽን አብመሌክ፥ “ኔን ኤላ ዛንጋራን ዎꬌዳ ፕልስጼምያ ጎልያዳ ማሻይ ሀዋን ደኤ፤ ጩርቃን እ ጻጸቲደ፥ ኤፉድያ ጌተትያ ማዩዋፐ ጉየ ባጋና ደኤ። ኔን ኮይያዋ ግዶፐ አ አካ፤ አፐ አትና፥ ሀራ ማሻይ ሀዋን ባዋ” ያጊደ ዛሬዳ። ሄዋፐ ጉየ ዳዊተ፥ “ሄዋ ማላ ሀራ ማሻይ ባዋ፤ አ ታዉ ሀማ” ያጌዳ።
1SA 21:10 ሄ ጋላስ ዳዊተ ደንዲደ፥ ሳኦላፐ ባቃቲደ፥ ጋተ ካታማ ካትያ አኪሻኮ ቤዳ።
1SA 21:11 ሽን አኪሻ ኦሳንቻቱ፥ “ሀዌ ዳዊተ ባረ ቢታን ካትያ ግደኔየ? ቃይ ማጫ አሳቱ የጺድነ ዱሪደ፥ ‘ሳኦል ሻኣ ዎꬌዳ፤ ዳዊተ ታሙ ሻኣ ዎꬌዳ’ ያጊደ ሳቤዳ ብታንያ ግደኔየ?” ያጌድኖ።
1SA 21:12 ዳዊተ ኡንቱንቱ ሃሳያ ባረ ዎዛናን ኦይቂደ፥ ጋተ ካትያ አኪሻ ሎይꬅ ያዬዳ።
1SA 21:13 ሄዋ ድራዉ፥ ዳዊተ ኡንቱንቱ ስንꬃን ዎዛናይ ቦሸቴዳ አሳ ማላቴዳ፤ ኡንቱንቱ አ ኦይቃና ሀንያ ዎደ፥ ጎይያዋዳን ካረ ፐንግያ እፍꬃ ቃጨረꬄነ ቡቻና ዱገ ዛሪደ ሳሱዋ ሎካዬ።
1SA 21:14 አኪሽ ባረ ኦሳንቻቶ፥ “በእተ፤ ሀዌ ብታኒ ጎዬ። ህንተንቱ አያዉ አ ታኮ አሄድቴ?
1SA 21:15 ሀ ብታኒ ታ ስንꬃን ጎያናዳን ህንተንቱ አሄዳዌ፥ ታ ማታን ሀራይ ጎይያዌ ꬋይነየ? ሀ ብታኒ ታ ሶ ገላናዉ በሲየ?” ያጌዳ።
1SA 22:1 ዳዊተ ጋተ ካታማፐ ባቃቲደ፥ አዱላማ ካታማ ማታን ደእያ ጎንጎሉዋ ቤዳ፤ አ እሻቱዋነ አ አዉዋ ሶ አሳይ ኡባይ ሄዋ ስሴዳ ዎደ፥ ኡንቱንቱ ያ ዱገ አኮ ዎꬌድኖ።
1SA 22:2 መቶቴዳዋንቱ፥ ዎይ አጩዋን ገሌዳዋንቱ፥ ዎይ ሳአይ ኢቴዳዋንቱ ኡባቱ ዳዊታኮ ሺቄድኖ፤ እ ኡንቱንቶ ካፑዋ ግዴዳ። እት ኦይዱ ጼቱዋ ግድያ አሳይ አናና ደኤ።
1SA 22:3 ዳዊተ ሄ ሳፐ ደንዲደ፥ ሞኣበን ደእያ ምጽጳ ቤዳ፤ ሞኣበ ካትያ፥ “ጾሳይ ታዉ ኦꬃናባ ታን ኤራና ጋካናዉ ታ አቶነ ታ አዉዋ ነ ማታን ዎꬅሳርኪ” ያጊደ ዎሴዳ።
1SA 22:4 ሄዋ ድራዉ፥ ዳዊተ ኡንቱንታ ሞኣበ ካትያ ማታን ዎꬄዳ፤ ጌሱዋ ግዶን ዳዊተ ቆሰት ኡቴዳ ዎደ ኡባን ኡንቱንቱ ካትያ ማታን ደኤድኖ።
1SA 22:5 ሄዋፐ ጉይያን፥ ትምቢትያ ኦድያ ጋድ ዳዊታኮ ዪደ፥ “ጌሱዋ ግዶን ጋምኦፓ፤ ሀ ሳፐ ደንዳደ ይሁዳ ጋድያ ባ” ያጌዳ፤ ዳዊተ ሄ ሳፐ ሄረታ ዎራ ቤዳ።
1SA 22:6 ዳዊተነ አ አሳይ ቤቴዳዋ ሳኦል ስሴዳ፤ ሳኦል ግብኣ ካታማ ማታን ደእያ ደርያን፥ ታማርስካ ጌተትያ ምꬃ ጋርሳን ቶራ ኦይቂደ ኡቴዳ፤ አ ኦሳንቻቱ አ ዶዲደ ኤቄድኖ።
1SA 22:7 ሳኦል ኡንቱንታ፥ “ህንተንቶ፥ ቢንያማ አሳቶ፥ ስስተ! እሰያ ናአይ ጎሻነ ዎይንያ ቶክያ ሳኣ ህንተንቱ ኡባዉ እማኔ? ሻላቃቱዋነ ጼቱዋ ካፓቱዋ ኦꬂደ ህንተንታ ሱንꬃኔ?
1SA 22:8 ህንተንቱ ኡባይ ታ ቦላ ማቀቴድታ፤ ታ ናአይ እሰያ ናኣና ቃላ ጫቁዋ ጫቀቴዳዋ ኦንነ ታዉ ኦድቤና። ህንተፐ እት አሳይነ ታዉ ቃረተና፤ ሀቼዋዳንካ ታ ናአይ ታ ቆማ ታና ዎꬍሳናዉ ደንꬄዳዋ ኦንነ ታዉ ኦድቤና” ያጌዳ።
1SA 22:9 ሳኦላ ኦሳንቻቱዋና ኤቄዳ ኤዶምያ ዶይቅ ሳኦላ፥ “እሰያ ናአይ አህጹባ ናኣ አብመሌካኮ ኖባ ካታማ ቤዳዋ ታን በኣድ።
1SA 22:10 አብመሌክ ዳዊተ ኦꬃናባ መꬍና ጎዳ ኦቼዳ፤ ያቲደ ዳዊታዉ ሽንቃ እሜዳ፤ ቃይ ፕልስጼምያ ጎልያዳ ማሻካ አዉ እሜዳ” ያጌዳ።
1SA 22:11 ሄዋፐ ጉይያን፥ አህጹባ ናኣ ቄስያ አብመሌካነ ኖባ ካታማን ቄሳቱዋ ግዲደ ደእያ አ አዉዋ ሶ አሳ ኡባ ካቲ ጼስስና፥ ኡንቱንቱ ካትያኮ ዬድኖ።
1SA 22:12 ሳኦል አብመሌካ፥ “አህጹባ ናአዉ፥ ስሳ” ያጌዳ። አብመሌክ፥ “ኤሮ ታ ጎዳዉ” ያጌዳ።
1SA 22:13 ሳኦል አ፥ “ኔንነ እሰያ ናአይ ታ ቦላ አያዉ ማቀቴድተ? ኔን አዉ ኡክꬃነ ማሻ እማደ፥ እ ታና ዎꬋናዉ ደንዳና ማላ፥ አዉ ጾሳ አያዉ ኦቻዲ?” ያጌዳ።
1SA 22:14 አብመሌክ ካትያ፥ “ነ ቆማቱዋ ኡባ ግዱዋን ዳዊተዳን አማነትያዌ፥ ካትያና ቦሎቴዳዌ፥ ኔና ናግያዋንታ አዛዝያዌነ ነ ሶ አሳ ግዶን ሎይꬅ ቦንቼትያዌ ሀራይ ኦኔ?
1SA 22:15 ታን አዉ ጾሳ ኦችሽን፥ ሀዌ ታዉ ኮይሮ? ግደና! ካትያዉ፥ ታና ነ ቆማ ዎይ ታ አዉዋ ሶ አሳ ኡባ አይነ ሞቶፓ፤ አያዉ ጎፐ፥ ታን ነ ቆማይ ሀ የዉዋ ጉꬃ ግድና ዎልቃማ ግድናካ ሙለ ኤርከ” ያጌዳ።
1SA 22:16 ካቲ፥ “አብመሌካ፥ ኔንነ ነ አዉዋ ጎልያ አሳይ ኡባይ ሀይቃና” ያጌዳ።
1SA 22:17 ሄዋፐ ጉይያን፥ ሳኦል ባረ ማታን ኤቂደ ናግያዋንታ፥ “መꬍና ጎዳ ቄሳቱ ዋ ዎꬍተ፤ አያዉ ጎፐ፥ ኡንቱንቱካ ዳዊታ ማዴድኖ፤ ዳዊተ ባቃቴዳዋ ኤሪደ፥ ታዉ ኦድበይክኖ” ያጌዳ። ሽን ካትያ ኦሳንቻቱ መꬍና ጎዳ ቄሳቱዋ ቦላ ባረንቱ ኩሽያ ዎናን እጼድኖ።
1SA 22:18 ያትና ካቲ ዶይቃ፥ “ቄሳቱ ዋ ኔን ዎꬋ” ያጊደ አዛዜዳ። ኤዶምያ ዶይቅ ቄሳቱ ዋ ሾጬዳ፤ ሄ ጋላስ ኤፉድያ ማዬዳ ሆስፑን ታማነ እቼሹ ቄሳቱ ዋ እ ዎꬌዳ።
1SA 22:19 ሄዋ ቦላካ ቄሳቱዋ ካታማ፥ ኖባ ቃራ ማሻን ቡሳኬዳ፤ ሄ ካታማን ደእያ አቱማዋ፥ ማጫዋ፥ ናና፥ ቄር ናና፥ መሄቱዋ፥ ሀረቱዋነ ዶርሳቱዋ ቃራ ማሻን ዶይቅ ሱፑ ኦꬄዳ።
1SA 22:20 ሽን አህጹባ ናኣ አብመሌካ ናናቱዋፐ አብያታራ ጌተትያ እት ናአይ ከስ አኪደ፥ ዳዊታኮ ባቃቴዳ።
1SA 22:21 ሳኦል መꬍና ጎዳ ቄሳቱ ዋ ዎꬌዳዋ ዳዊታዉ ኦዴዳ።
1SA 22:22 ዳዊተ አብያታራ፥ “ኤዶምያ ዶይቅ ሄ ሳኣን ደእያዋ ታን በኤዳ ዎደ፥ እ ሳኦላዉ ኦዳናዋ ሄ ጋላስ ኤራድ። ነ አዉዋ ሶ አሳ ኡባ ሀይቆ ኦሸትያዌ ታና።
1SA 22:23 ስም ኔን ታናና ደአ፤ ያዮፓ። ኔና ዎꬋናዉ ኮይያ ኡራይ ታና ዎꬋናዉ ኮይያዋ፤ ሽን ኔን ታ ማታን ሳሮ ደአና” ያጌዳ።
1SA 23:1 “ፕልስጼማ አሳቱ ቃኢላ ካታማ ኦሊኖ፤ ካꬃካ ቦንቂኖ” ያግያ ኦዱዋ ዳዊተ ስሴዳ።
1SA 23:2 ዳዊተ መꬍና ጎዳ፥ “ታን ባደ ፕልስጼማ አሳቱዋ ኦሎ?” ያጊደ ኦቼዳ። መꬍና ጎዳይ ዳዊታ፥ “ባ፤ ፕልስጼማ አሳቱዋ ኦላ፤ ቃኢላ ካታማ አሻ” ያጌዳ።
1SA 23:3 ሽን ዳዊታ አሳቱ፥ “ኑን ሀዋን ይሁዳ ቢታን ደኢደነ ያዬቶ፤ ሽን ፕልስጼማ አሳቱዋና ኦለታናዉ ኑን ቃኢላ ካታማ ቢደ፥ ዋን አꬅ ያያኔሻ!” ያጌድኖ።
1SA 23:4 ሄዋ ድራዉ፥ ዳዊተ ዛረꬂደ መꬍና ጎዳ ኦቼዳ፤ መꬍና ጎዳይ አ፥ “ፕልስጼማ አሳቱዋ ታን ነዉ አꬃ እማና፤ ደንዳ፤ ቃኢላ ካታማ ባ” ያጌዳ።
1SA 23:5 ዳዊተነ አ አሳይ ቃኢላ ካታማ ቢደ፥ ፕልስጼማ አሳቱዋና ኦለቴድኖ፤ ኡንቱንቱ መህያ ኦሞዴድኖ። ኡንቱንቱፐ ዳሮ አሳ ዎꬊደ፥ ዳዊተ ቃኢላ ካታማ አሳ አሼዳ።
1SA 23:6 አብመሌካ ናአይ አብያታረ ዳዊታኮ ቃኢላ ካታማ ባቃትያ ዎደ፥ ኤፉድያ ጌተትያ ማዩዋ አኪደ ቤዳ።
1SA 23:7 ዳዊተ ቃኢላ ካታማ ቤዳዋ ሳኦል ስሲደ፥ “ጾሳይ ዳዊታ ታ ኩሽያን አꬅ እሜዳ፤ አያዉ ጎፐ፥ እፍꬃይነ ድርሳይ ደእያ ካታማ ገሊደ፥ ባረካ ቃሸቴዳ” ያጌዳ።
1SA 23:8 ቃኢላ ካታማ ቢደ፥ ዳዊታነ አ አሳ ዶዳና ማላ፥ ሳኦል ባረ ኦላንቻቱዋ ኡባ ጼሴዳ።
1SA 23:9 ሳኦል ባረ ቦላ ኢታባ ማቀቴዳዋ ዳዊተ ኤሬዳ፤ ቄስያ አብያታራ፥ “ኤፉድያ ሃ አካ ያ” ያጌዳ።
1SA 23:10 ሄዋፐ ጉይያን ዳዊተ፥ “አቤት መꬍና ጎዳዉ፥ እስራኤልያ ጾሳዉ፥ ታ ጋሱዋን ሳኦል ቃኢላ ካታማ ባይዛናዉ ማቀቴዳዋ ታን ነ ቆማይ ዉርሳደ ስሳድ።
1SA 23:11 ቃኢላ ካታማ አሳይ ታና ሳኦላዉ አꬂደ እማኔሻ? ታን ነ ቆማይ ስሴዳዋዳን ሳኦል ቱሙካ ሃ ያኔሻ? አቤት መꬍና ጎዳዉ፥ እስራኤልያ ጾሳዉ፥ ታዉ ነ ቆማዉ ኦዳርኪ” ያጌዳ። መꬍና ጎዳይ ዳዊታ፥ “ኤ፤ ሳኦል ያናዋ” ያጊደ ዛሬዳ።
1SA 23:12 ዳዊተ፥ “ቃኢላ ካታማ አሳቱ ታናነ ታ አሳ ሳኦላዉ አꬂደ እማኔሻ?” ያጊደ ዛረꬂደካ ኦቼዳ። መꬍና ጎዳይ፥ “ኤ፤ ኡንቱንቱ ህንተንታ አꬂደ እማና” ያጌዳ።
1SA 23:13 ዳዊተነ ኡሱፑን ጼቱ ግድያ አሳይ ቃኢላ ካታማፐ ከሲደ፥ እት ሳፐ እት ሳኣ ሄመታ ኦይቄድኖ። ዳዊተ ቃኢላ ካታማፐ ባቃቴዳዋ ሳኦል ስሴዳ ዎደ፥ ባናዉ ቆፔዳዋ አግ ባሼዳ።
1SA 23:14 ዳዊተ ባዙዋ ጌሶቱዋንነ ዚፋ ዎራን ደእያ ዞዘቱዋን ደኤዳ። ሳኦል አ ደማናዉ ኡባ ጋላስ ኮዬ፤ ሽን ጾሳይ አ ሳኦላ ኩሽያን አꬅ እምቤና።
1SA 23:15 ዳዊተ ዚፋ ዎራን ደእያ ሆሬሻ ግያ ሳን ደእሽን፥ ሳኦል ባረና ዎꬋናዉ ከሴዳዋ ዳዊተ ኤሬዳ።
1SA 23:16 ሳኦላ ናኣ ዮናታን ደንዲደ፥ ዳዊታኮ ሆሬሻ ቤዳ፤ ዳዊታ ጾሳን ዎልቃ ደማናዳን ምንꬂደ፥
1SA 23:17 “ያዮፓ፤ ታ አዉዋ ሳኦል ኔና ኩሽያንነ ቦቼና፤ ኔን እስራኤልያ ቦላ ካተታና፤ ታንካ ኔፐ ጋርሳና ሞዳና፤ ሀራይ አቶ ታ አዉ ሳኦለካ ሄዋ ኤሬዳ” ያጌዳ።
1SA 23:18 ኡንቱንቱ ላአቱካ መꬍና ጎዳ ስንꬃን እቱ እቱዋና ጫቀቴድኖ፤ ዳዊተ ሆሬሻን ጋምእና ዮናታን ባረ ሶ ቤዳ።
1SA 23:19 ዚፋ አሳቱ ሳኦላኮ ግብኣ ካታማ ቢደ፥ “ዳዊተ ያሰሞናፐ ገድሳ ባጋና ሀኪላ ደርያ ቦላ ሆሬሻ ጌሱዋን ኑ ማታን ቆሰት ኡቴዳ።
1SA 23:20 ኑ ካትያዉ፥ ሀእካ ኔን ዶሴዳ ዎደ ሃ ዱገ ዎꬋ፤ ያቶፐ፥ ኑን አ ነ ኩሽያን አꬅ እማና” ያጌድኖ።
1SA 23:21 ሳኦል ኡንቱንታ፥ “ህንተንቱ ታዉ ቃረቴዳ ድራዉ፥ ህንተንታ መꬍና ጎዳይ አንጆ።
1SA 23:22 ቢደ አነ ጉጂደካ ጌሽተ፤ ዳዊተ ዳሮ ገደ ሀቃ ብንቶነ ቃይ ያን ኦን አ በኤደንቶ፥ ጌሺደ ኤርተ፤ አያዉ ጎፐ፥ እ ሎይꬅ ጭንጫ ግያዋ ታን ስሳድ።
1SA 23:23 ዳዊተ ቆሰትያ ሳኣ ኡባ በኢደ፥ ሙሩታ የዉዋ አኪደ፥ ታኮ ስሚደ ዪተ። ሄዋፐ ጉይያን፥ ታን ህንተናና ባና፤ እ ሄ ሄራን ደኦፐ፥ ታን አ ኩመንꬃ ይሁዳ ያራ ግዶን ደማና ጋካናዉ ኮያና” ያጌዳ።
1SA 23:24 ሄዋ ድራዉ፥ ኡንቱንቱ ሳኦላፐ ስንꬃቲደ ዚፋ ቤድኖ። ዳዊተነ አ አሳይ ያሰሞናፐ ገድሳ ባጋና ደእያ ማኦና ዎራን አራባ ጌተትያ ጋꬋን ደኢኖ።
1SA 23:25 ሳኦልነ አ አሳይ ዳዊታ ኮያናዉ ቤድኖ። ዳዊተ ሄዋ ስሴዳ ዎደ፥ ዛላኮ ዎꬊደ፥ ማኦና ዎራን ኡቴዳ። ሳኦል ሄዋ ስሴዳ ዎደ ማኦና ባዙዋ ዳዊታ ኮዪደ ቤዳ።
1SA 23:26 ሳኦል ደርያፐ እት ባጋ ምይያና ቤ፤ ዳዊተነ አ አሳይ ህንኮ ባጋ ምይያና ቢኖ። ኡንቱንቱ ሳኦላፐ ባቃታናዉ ኤሌሊኖ፤ አያዉ ጎፐ፥ ሳኦልነ አ አሳቱ፥ ዳዊታነ አ አሳቱዋ ኦይቃናዉ ማት ኡቴድኖ።
1SA 23:27 ሽን ኪተቴዳዌ ሳኦላኮ ዪደ፥ “ሃያ! ፕልስጼማ አሳቱ ቢታ ቦላ ዎራጄድኖ” ያጌዳ።
1SA 23:28 ሳኦል ዳዊታ ኮይያዋ አጊደ፥ ፕልስጼማ አሳቱዋና ኦለታናዉ ቤዳ። ሄዋ ድራዉ፥ ሄ ሳአይ “ሻክያ ዛላ” ጌተቴዳ።
1SA 23:29 ዳዊተ ሄ ሳፐ ከሲደ፥ ኤንጋዳ ካታማ ማታን ደእያ ጌሶቱዋን ኡቴዳ።
1SA 24:1 ሳኦል ፕልስጼማ አሳቱዋ የደርስያ ሳፐ ስምና፥ “ዳዊተ ኤንጋዳ ካታማ ማታን ደእያ ዎራን ደኤ” ጊደ አዉ ኦዴድኖ።
1SA 24:2 እስራኤልያ ኡባ ግዶፐ ዶረቴዳ ሄዙ ሻአ አሳ ሳኦል አኪደ፥ ዳዊታነ አ አሳ ኮያናዉ፥ “ዎራ ዴሻቱ ጌስያ ዛላ” ግያ ሳኣ ማታ ቤዳ።
1SA 24:3 ሳኦል ኦግያ ዶናን ዶርሳ አቁዋ ማታን ደእያ ጎንጎሉዋኮ ዬዳ፤ ሼሻዉ ኡታናዉ ጎንጎሉዋ ግዶ ገሌዳ። ዳዊተነ አ አሳይ ጎንጎሎ ግዱዋኮ ሺቂደ ኡቴድኖ።
1SA 24:4 ዳዊታ አሳይ አ፥ “ሄኮ ታን ነ ሞርክያ ነ ኩሽያን አꬃ እማና፤ ኔን አ ነ ኮዬዳዋዳን ኦꬃና ያጊደ መꬍና ጎዳይ ነዉ ኦዴዳ ጋላሳይ ሀቻ” ያጌድኖ። ዳዊተ ሳኦላ ኤርሰናን ሺቂደ፥ ሳኦላ ማዩዋ ጼራፐ ቃንጽ አኬዳ።
1SA 24:5 ቃንጼዳዋፐ ጉይያን፥ ዳዊተ ባረ ዎዛናን ካዮቴዳ።
1SA 24:6 ዳዊተ ባረ አሳቱዋ፥ “መꬍና ጎዳይ ኦኪደ ካተዬዳ ታ ጎዳዉ ታን ሄዋ ኦꬃናዋ ዎይ አ ቦላ ታ ኩሽያ ደንꬃናዋ ጾሳይ ታፐ ሃሶ፤ አያዉ ጎፐ፥ ጾሳይ ኦኪደ ካተዬዳዌ አ” ያጌዳ።
1SA 24:7 ዳዊተ ሀዋዳን ሴሪደ፥ ሳኦላ ባረ አሳን ቦሽሰናን ድጌዳ። ሳኦል ጎንጎሉዋ ግዶፐ ከሲደ፥ ባረ ኦግያን ገሌዳ።
1SA 24:8 ሳኦል ቤዳዋፐ ጉይያን፥ ዳዊተ ጎንጎሉዋ ግዶፐ ከሲደ፥ ሳኦላ፥ “ታ ጎዳዉ፥ ካትያዉ!” ያጊደ ጼሴዳ፤ ሳኦል ጉየ ዛሪደ ጼሌዳ፤ ዳዊተ ቢታን ዱገ ጉፋኒደ፥ ሳኦላዉ ጎይኔዳ።
1SA 24:9 ያቲደ ዳዊተ ሳኦላ፥ “ዳዊተ ኔና ቆሀናዉ ኮዬ ግያ አሳቱዋ ቃላ ኔን አያዉ ስሳይ?
1SA 24:10 ሀ ጎንጎሉዋ ግዶን መꬍና ጎዳይ ኔና ሀቼ ታዉ አꬅ እሜዳዋ ኔን ነ አይፍያን በኣዳ፤ ታን ኔና ዎꬋናዳን አማሬዳዋንቱ ታና ደንꬄድኖ፤ ሽን ታን፥ መꬍና ጎዳይ ኦኪደ ካተዬዳዋ እ ግድያ ድራዉ፥ ታን ታ ጎዳ ቦላ ታ ኩሽያ ደንꬅከ ያጋደ ኔና አሻድ።
1SA 24:11 ታ አዎ፥ በአ፤ ታ ኩሽያን ደእያ ነ ማዩዋ ጼራ ሀዋ ጼላ! ነ ማዩዋ ጼራፐ ቃንጻ አካድ፤ ሽን ኔና ዎꬋበይከ፤ ታን ኔና ቆሀቤናዋነ ማካላቤናዋ አኬካደ ኤራ፤ ታን ኔና ቆሀበይከ፤ ሽን ኔን ታና ዎꬋናዉ ሻንካታሳ።
1SA 24:12 ነዋነ ታዋ መꬍና ጎዳይ ፕርዶ፤ መꬍና ጎዳይ ኔን ታና ቆሄዳዋ ሀሉዋ ከሶ፤ ሽን ታን ነ ቦላ ታ ኩሽያ ደንꬅከ።
1SA 24:13 በን ዎደ፥ ኢታ ኦꬅያዋንቱፐ ኢታባይ ከሴ ያግያ ሌምሱ ደኤ፤ ሄዋ ድራዉ፥ ታን ኔና ኩሽያንነ ቦችከ።
1SA 24:14 እስራኤልያ ካቲ ኦ ቦላ ከሴዴ? ኔን ኦና ኦይቃናዉ ኮያይ? ሀይቄዳ ካና ዎይ ካቶልያ ኮያይ?
1SA 24:15 መꬍና ጎዳይ ኑ ግዶን ዳናቶ፤ ነዋነ ታዋ እ ፕርዶ፤ ታ የዉዋ ጼሊደ፥ ታ ድራዉ እ ሞተቶ፤ ነ ኩሽያፐ ታና እ አሾ” ያጌዳ።
1SA 24:16 ዳዊተ ሳኦላዉ ሃሳይያዋ ዉርሴዳ ዎደ፥ ሳኦል ዳዊታ፥ “ታ ናአዉ ዳዊታ፥ ሄዌ ነ ቃሌ?” ያጌዳ፤ ሳኦል ባረ ቃላ ꬎቂሲደ ዬኬዳ።
1SA 24:17 ቃይካ ዳዊታ፥ “ኔን ታፐ አꬌዳ ጽሉዋ፤ አያዉ ጎፐ፥ ታን ነዉ ኢታባ ኦꬅና፥ ኔና ታዉ ሎኦባ ኦꬃዳ።
1SA 24:18 መꬍና ጎዳይ ታና ሀቼ ነዉ አꬅ እምናካ ኔን ታና ዎꬋቤና ድራዉ፥ ታዉ ኔን ኦꬄዳ ሎኦባ ታና በሳዳ።
1SA 24:19 አሳይ ባረ ሞርክያ ደሚደ ቆሄናን የዲየ? ኔን ታዉ ሀቼ ኦꬄዳ ኬካተꬃ ድራዉ፥ መꬍና ጎዳይ ኔና አንጆ።
1SA 24:20 ሀእካ ኔን እስራኤልያዉ ካትያ ግዳናዋነ እስራኤልያ ካዉተꬃይ ነ ማታ ጋርሳን ኤቃናዋ ታን ኤራይ።
1SA 24:21 ሀእ ስም ታፐ ጉይያን፥ ታ ዘረꬃ ኔን ዱናዳንነ ታ ሱንꬃካ ታ አዉዋ ጎልያፐ ቁጨናዳን መꬍና ጎዳ ሱንꬃን ታዉ ጫቃ” ያጌዳ።
1SA 24:22 ዳዊተ ሳኦላዉ ጫቄዳ። ሄዋፐ ጉይያን፥ ሳኦል ባረ ሶ ስሚደ ቤዳ፤ ዳዊተነ አ አሳይ ፑደ ጌሱዋ ቤድኖ።
1SA 25:1 ሳመል ሀይቂና እስራኤልያ አሳቱ ኡባይ ሺቂደ፥ አዉ ዬኬድኖ፤ ራማ ካታማን ደእያ አ ሶን ሞጌድኖ። ሄዋፐ ጉይያን፥ ዳዊተ ፓራና ባዙዋ ቤዳ።
1SA 25:2 ማኦናን እት ብታኒ ደኤ፤ ሄ ብታንያዉ አቁ ቃርመሎሳን ደኤ፤ እ ዳሮ ዱረ፤ እት ሻአ ዴሻቱነ ሄዙ ሻአ ዶርሳቱ አዉ ደኢኖ። እ ኡንቱንቱ እስክያ ቃርመሎሳ ካታማን ሜዴ።
1SA 25:3 ሄ ብታንያ ሱንꬃይ ናባላ፤ አ ማቻት ሱንꬃይ አብጋሎ። እዛ ኤራንቻነ ማላ ሎአ ማቻቶ፤ ሽን እ አስናይ መቀꬅ ባይና ኢታ አሳ። እ ካሌባ ያራ።
1SA 25:4 ዳዊተ ዎራን ደኢደ፥ ዶርሳ እስክያ ናባል ሜድያዋ ስሴዳ።
1SA 25:5 ዳዊተ ታሙ ዎዳላቱዋ ሀዋዳን ያጊደ ኪቴዳ፤ “ናባላኮ ቃርመሎሳ ካታማ ቢደ፥ ታ ሱንꬃን አ ሳሮትተ፤
1SA 25:6 ሳሮ ደአይ! ኔንካ ነ ጎልያ አሳይካ ሳሬ! ነዉ ጌዳዌ ኡባይ ሳሮ ደኢ!
1SA 25:7 “ኔን ዶርሳ እስክያ ሜድያዋ ታን ስሳድ፤ ነ ዶርሳ ሄምያዋንቱ ኑናና እትፐ ደኤዳ ዎደ፥ ኑን ኡንቱንታ ገንበይኮ፤ ኡንቱንቱ ቃርመሎሳ ካታማን ኡቴዳ ዎደ ኡባን ኡንቱንቱባፐ አያይነ ፓጭቤና።
1SA 25:8 ሄዋ ኔን ነ ቆማቱዋ ኦቾፐ፥ ኡንቱንቱ ነዉ ኦዳና። ኑን ሀቼ ሾብያ ጋላስ ኔኮ ዬዳ ድራዉ፥ ታ ዎዳላ አሳቶ ሀያና ሎአ፤ ነ ኩሽያን ደእያባፐ ነ ቆማቶነ ነ ናኣ ዳዊታዉ ሀያና እማ ያግተ” ያጊደ አዛዜዳ።
1SA 25:9 ዳዊታ አሳቱ ናባላኮ ጋኪደ፥ ዳዊታ ኪታ አዉ ኦዴድኖ፤ ሄዋን ናጌድኖ።
1SA 25:10 ናባል ዳዊታ ቆማቱዋ፥ “ዳዊተ ኦኔ? እሰያ ናአይ ኦኔ? ሀ ዎድያን ዳሮ ቆማቱ ባረንቱ ጎዳቱዋፐ ባቃቲኖ።
1SA 25:11 ታ ኡክꬃ፥ ታ ሃꬃነ ታ ዶርሳ ሜድያዋንቶ ሹከቴዳ አሹዋ ደንꬃደ፥ ሀ ኦነንቶነ ዬዳ ሳአይ ኤረተና አሳቶ አያዉ እሞ?” ያጌዳ።
1SA 25:12 ዳዊታ አሳቱ ስሚደ ጉየ ቤድኖ። ብ ጋኪደ ናባል ጌዳዋ ኡባ ዳዊታዉ ኦዴድኖ።
1SA 25:13 ዳዊተ ባረ አሳቱዋ፥ “ህንተንቱ ማሻ ማሻ ዳንጭተ” ያጌዳ፤ ሄዋፐ ጉይያን ኡባቱካ ባረንቱ ማሻ ማሻ ዳንጬድኖ፤ ዳዊተካ ባረ ማሻ ዳንጬዳ። ዳዊተ ኦይዱ ጼቱዋ ግድያ አሳቱዋና ፑደ ቤዳ፤ ላኡ ጼቱ አሳይ ኡንቱንቱዋ ናጊደ አቴዳ።
1SA 25:14 ቆማቱዋፐ እቱ ናባላ ማቻቶ አብጋሎ ሀዋዳን ያጌዳ፤ “ዳዊተ ዎራን ደኢደ ኑ ጎዳ፥ ‘ሳሮ’ ጋናዉ አሳ ኪቴዳ፤ ሽን እ ኡንቱንታ ቦሬዳ።
1SA 25:15 ግዶፐካ፥ ሀ አሳቱ ኑዉ ሎይꬅ ሎአ፤ ኡንቱንቱ ኑና ገንበይክኖ፤ ኑን ኡንቱንቱና እትፐ ደምባን ፔሼዳ ዎደ ኡባን ኑባፐ አያይነ ፓጭቤና።
1SA 25:16 ኑን ኑ ዶርሳ ዉድያ ኡንቱንቱ ማታን ሄምያ ዎደ፥ ቃማነ ጋላስ ኡንቱንቱ ኑዉ ድርሳ ግዴድኖ።
1SA 25:17 ሀያና ሀ የዉዋ ዋታነንቶነ ቆፓ፤ አያዉ ጎፐ፥ ኑ ጎዳ ቦላነ አ ሶ አሳ ቦላ ኮባባይ ከሳና ሀኔ። ኑ ጎዳይ ሄዋ ማላ መቀꬅ ባይና ኢታ አሳ ግዴዳ ድራዉ፥ ኦንነ አዉ ሃሳያናዉ ዳንዳየና” ያጌዳ።
1SA 25:18 አብጋላ ኤለካ ላኡ ጼቱ ኮምፖ ኡክꬃነ ላኡ ኦጎሩዋ ዎይንያ ኤሳ፥ ጺጸቴዳ ዶርሳቱዋ እቼሻቱዋ፥ ታማነ ላፑን ኪሎ ግራመ ትሻ ጺጻ፥ እት ጼቱ ዉርጮ ዎይንያ ቴራነ ባላስያ ባቀꬃ መላፐ ላኡ ጼቱዋ አካደ፥ ሀርያን ጫናዱ።
1SA 25:19 ያታደ ቆማቱዋ፥ “ህንተንቱ ታፐ ስንꬃዉ አꬊደ ቢተ፤ ታን ህንተንቱ ጌዱዋ ካላና” ያጋዱ፤ ሽን ባረ አስና ናባላዉ አይነ ኦዳበይኩ።
1SA 25:20 ባረ ሀርያ ቶጋደ ደርያና ዱገ ዛንጋራ ዎꬍያ ዎደ፥ ዳዊተነ አ አሳይ ኢኮ ስሚደ ዱገ ዎꬊኖ፤ እዛ ኡንቱንቱና ጋከታዱ።
1SA 25:21 ዳዊተ ባረ ዎዛናን፥ “አባፐ አያይነ ፓጨናዳን ታን ሀ ብታንያ አቁዋ ኡባ ናጌዳዌ ጮ መላ፤ ታን ሎኤዳዋ ኩሽያ እ ታዉ ኢታ ዛሬዳ።
1SA 25:22 ዎንታ ጉራ ጋካናዉ፥ ታን አባ ግዴዳ ኡባፐ እት አቱማዋነ ፓጻ አጎፐ፥ ጾስ ታና ፓጻ አጎፖ” ያጌዳ።
1SA 25:23 አብጋላ ዳዊታ በኤዳ ዎደ፥ ሀርያፐ ኤለካ ዎꬋአደ፥ ዳዊታ ስንꬃን ቢታን ጉፋናደ አዉ ዉትሻዱ።
1SA 25:24 እዛ አ ገድያን ኩንዳደ፥ “ሀይ ታ ጎዳዉ፥ ሀ ባይዙ ታ ጻላላሳ ግዶ! ታና ነ ቆማቶ ሃሳይሳርኪ፤ ታን ነ ቆማታ ሃሳይያዋ ስሳርኪ።
1SA 25:25 ሀ መቀꬅ ባይና ኢታ ብታንያባ፥ ናባላባ ስሶፓ፤ ‘ናባላ’ ጉሳይ ‘ኤያ’ ግያዋ፤ እ ባረ ሱንꬃዳንካ ኤያ። ታ ጎዳዉ፥ ኔን ኪቴዳ አሳቱዋ ታን ነ ቆማታ በአበይከ።
1SA 25:26 “መꬍና ጎዳይ ኤሮ! ነ ሸምፑ ኤሮ! ኔን ሱꬃ ጉሰናዳንነ ነ ኩሽያን ነ ሀሉዋ ከሰናዳን፥ ኔና ታ ጎዳ ተኤዳዌ መꬍና ጎዳ። ነ ሞርከቱነ ኔና ታ ጎዳ ቆሀናዉ ኮይያዋንቱ ናባላዳን ሀንኖ።
1SA 25:27 ሀ እሞታይ ታን ነ ቆማታ ነዉ ታ ጎዳዉ አሄዳዌ ኔና ካልያ አሳቶ እመቶ።
1SA 25:28 ሀይ ታ ጎዳዉ፥ ታን ነ ቆማታ ባሌዳ ባላ አቶ ያጋ! ኔን መꬍና ጎዳ ኦላ ኦለትያ ድራዉ፥ መꬍና ጎዳይ ኔናነ ነ ዘረꬃ ካተያና። ኔን ደኤዳ ላይꬃ ኡባን ኢታተꬃይ ነ ቦላ ቤቶፖ።
1SA 25:29 “አያ አሳይነ ኔና ዎꬋናዉ ኮዮፐ፥ እት ኡራይ ባረ አልኦ ሚሻ ናግያዋዳን፥ መꬍና ጎዳይ ነ ጾሳይ ኔና ሳሮ ናጋና። ሽን ሹቻ ያምባርሻን ኦልያዋዳን፥ እ ነ ሞርከቱዋ ደኡዋ ኦላና።
1SA 25:30 መꬍና ጎዳይ ታ ጎዳዉ ኦꬃናዉ ሃሳዬዳ ኬካተꬃ ኡባ ኦꬅያ ዎደነ እስራኤልያ ቦላ ካተይያ ዎደ፥
1SA 25:31 ጋሱ ባይናን ሱꬃ ጉሴዳዋን ዎይ ባረ ሀሉዋ ከሴዳዋን ታ ጎዳ ዎዛናይ ዳጋመናነ ህርገና። መꬍና ጎዳይ ነዉ ኬኬዳ ዎደ፥ ታና ነ ቆማቶ ዶጎፓ” ያጋዱ።
1SA 25:32 ዳዊተ አብጋሎ፥ “ኔና ታናና ጋከታናዉ ሀቼ ኪቴዳ መꬍና ጎዳይ፥ እስራኤልያ ጾሳይ ጋላተቶ።
1SA 25:33 ኔን ሎኦ ቆፔዳ ድራዉነ ታን አሳ ሱꬃ ጉሰናዳን ታ ኩሽያ ጭገተናዳን ድጌዳ ድራዉ፥ አንጀታ።
1SA 25:34 ሄዌ ባይናዋ ግዶፐ፥ ታን ኔና ቆሄናዳን ተኤዳ ደኡዋ መꬍና ጎዳይ፥ እስራኤልያ ጾሳይ ኤሮ! ኔን ታናና ጋከታናዉ ኤሌላደ ዬነንቶ፥ ሳአይ ዎንታና ጋካናዉ፥ ናባላባ ግድያ እት አቱማ አስነ ፓጻ አተና” ያጌዳ።
1SA 25:35 አብጋላ አዉ አሄዳዋ እ ኩሽያፐ ዳዊተ አኪደ፥ “ነ ሶ ሳሮ ጋካ። ታን ነ ቃላ ስሳድ፤ ነ ኦሻካ አካድ” ያጌዳ።
1SA 25:36 አብጋላ ስማደ ናባላኮ ይያ ዎደ፥ ካትያ ሶን ጊግያ ባላ ማላ ባላ ምዚደ ሶን ኡቴዳ፤ ናባል ሎይꬅ ማꬆቲደ፥ ባረ ዎዛናን ናሸቴ። ሄዋ ድራዉ፥ ሳአይ ዎንታናዉ፥ አብጋላ አዉ አያነ ቃታበይኩ።
1SA 25:37 ዎንታ ናባል ማꬁዋ ዛሬዳዋፐ ጉይያን፥ አ ማቻታነ ሀ የዉዋ ኡባ አዉ ኦዳዱ፤ ናባላ ዎዛናይ ዳቡርና እ ጆሉ ጌዳ።
1SA 25:38 ታሙ ጋላሳፐ ስምና፥ መꬍና ጎዳይ ናባላ ሾጭና፥ እ ሀይቄዳ።
1SA 25:39 ናባል ሀይቄዳዋ ዳዊተ ስሴዳ ዎደ፥ “መꬍና ጎዳይ ጋላተቶ! ናባል ታና ሸቄዳዋ ሀሉዋ እ ከሴዳ፤ ታን አ ቆማይ ኢታባ ኦናዳን ተኤዳ፤ ናባል ኦꬄዳ እታተꬃ መꬍና ጎዳይ አ ሁጲያን ዛሬዳ” ያጌዳ። ሄዋፐ ጉይያን፥ ዳዊተ አብጋሎ አካናዉ ኪታ የዲደ ኦሽሴዳ።
1SA 25:40 ዳዊታ ቆማቱ ቃርመሎሳ ካታማ አብጋልኮ ቢደ፥ “ኔን ዳዊታ ገላናዳን ኔና አኪደ ባናዉ እ ኑና ኔኮ ኪቴዳ” ያጌድኖ።
1SA 25:41 አብጋላ ቢታን ጉፋና ዉቱሻደ፥ “ታን ነ ቆማታ ነዉ ኪተታናዉነ ነ ቆማቱዋ ገድያ ሜጫናዉ ጊጋ ኡታድ” ያጋዱ።
1SA 25:42 አብጋላ ኤለካ ደንዳደ ባረ ሀርያ ቶጋዱ፤ እ ዳንጋጽረቱ እቼሻቱ እዞ ካሊደ ቤድኖ፤ ዳዊታ ቆማታ ባደ፥ ዳዊታ ገላዱ።
1SA 25:43 ዳዊተ ሀዋፐ ካሰ እዝራኤልያ አህኖኣሞካ አኬዳ፤ ኡንቱንቱ ላአቱካ አ ማቻቱዋ።
1SA 25:44 ሳኦል ዳዊታ ማቻቶ፥ ባረ ናቶ ሚካሎ ጋሊማ ካታማን የለቴዳ ላውሻ ናኣ ፓልጽኤላዉ እሜዳ።
1SA 26:1 ዚፋ አሳቱ ሳኦላኮ ግብኣ ካታማ ቢደ፥ “ዳዊተ ያሰሞና ስንꬃን ደእያ ሀኪላ ግያ ደርያን ቆሰት ኡቴዳ ግደኔ?” ያጌድኖ።
1SA 26:2 ሄዋፐ ጉየ ሳኦል ደንዲደ፥ እስራኤላቱዋፐ ዶረቴዳ ሄዙ ሻአ አሳቱዋ አኪደ፥ ዳዊታ ኮያናዉ ዚፋ ባዙዋ ቤዳ።
1SA 26:3 ሳኦል ያሰሞና ስንꬃን ደእያ ሀኪላ ደርያ ቦላ ኦግያ ጋጻን ዱንካኔዳ፤ ሽን ዳዊተ ሄ ዎራን ኡቴዳ። ሳኦል አ ካሊደ ያ ቤዳዋ ኤሪደ፥
1SA 26:4 ጌድያዋንታ የዲደ፥ ሳኦል ቱሙካ ሄ ሳኣ ጋኬዳዋ ጌሼዳ።
1SA 26:5 ዳዊተ ደንዲደ፥ ሳኦል ዱንካኔዳ ሳኣ ቤዳ፤ ሳኦልነ ኦላ ጋዳዋይ ኔራ ናኣ አባኔር ግሴዳ ሳኣ በኤዳ። ሳኦል ጌሱዋ ግዶን ግሴዳ፤ ኦላንቻቱ አ ዩሹዋን ደኢኖ።
1SA 26:6 ዳዊተ ሂትያ አብመሌካነ ጻሩያ ናኣ ዮኣባ እሻ አብሻያ፥ “ሳኦል ሺቄዳ ሳኣ ታናና ባናዌ ኦኔ?” ያጊደ ኦቼዳ። ሽን አብሻይ፥ “ታን ኔናና ባና” ያጌዳ።
1SA 26:7 ሄዋ ድራዉ፥ ዳዊተነ አብሻይ ሄ ጋላሳ ቃማ ኦላንቻቱዋኮ ይያ ዎደ፥ ሳኦል ባረ ቶራ ሁጲሳና ቢታን ኤሲደ፥ ጌሱዋ ግዶን ግሴዳዋ ደሜድኖ። አባኔርነ ኦላንቻቱ አ ዩይ አꬊደ ግሴድኖ።
1SA 26:8 አብሻይ ዳዊታ፥ “ጾሳይ ነ ሞርክያ ሀቼ ነ ኩሽያን አꬅ እሜዳ፤ ታን ታ ቶራን አ እት ገደ ቢታና ጋꬃደ ስካይ፤ ታን አ ላኡ ጌደ ጫዳናዉ ኮሸና” ያጌዳ።
1SA 26:9 ሽን ዳዊተ አብሻያ፥ “ኔን አ ዎꬎፓ፤ መꬍና ጎዳይ ኦኬዳ ካትያ ቦላ ባረ ኩሽያ ደንꬅያ ኦናነ ጾሳይ ሙራና” ያጌዳ።
1SA 26:10 ቃይካ እ አብሻያ፥ “መꬍና ጎዳይ ኤሮ! መꬍና ጎዳይ አ ሾጫናዋ ታን ኤራይ፤ ባረ ጋላሳይ ጋክና እ ሀይቃና፥ ዎይ ኦለታናዉ ቢደ እ ꬋያና።
1SA 26:11 መꬍና ጎዳይ ኦኬዳ ካትያ ቦላ ታን ኩሽያ ደንናዳን ታና መꬍና ጎዳይ ተኦ። አነ አ ሁጲሳን ደእያ ቶራነ ሃꬃ ኦቱዋ አካደ ደንዳ” ያጌዳ።
1SA 26:12 ሄዋፐ ጉየ ዳዊተ ሳኦላ ሁጲሳን ደእያ ቶራነ ሃꬃ ኦቱዋ አኬዳ፤ ኡንቱንቱ ቤድኖ። ሽን ኡንቱንታ ኦንነ በእቤና፥ ዎይ ኦንነ ኤርቤና፥ ዎይ ኦንነ ቤጎትቤና፤ መꬍና ጎዳይ ዎልቃማ ገምእሹዋ ኡንቱንቱ ቦላ የጌዳ ድራዉ፥ ኡባቱካ ገምእሹዋ ታይሮቴድኖ።
1SA 26:13 ዳዊተ ሄፍንꬃ ፕኒደ፥ ሀራ ደርያ ሁጲያን ኡንደና ሳኣን ሃኪደ ኤቄዳ።
1SA 26:14 ዳዊተ ሳኦላ ኦላንቻቱዋነ ኔራ ናኣ አባኔራ፥ “አባኔራ! አባኔራ! ታን ጼስያዋ ስስኪ?” ያጊደ ዋሴዳ። አባኔር፥ “ሀ ጼሲደ ካትያ ገምእሹዋ ድግያዌ ኦኔ?” ያጌዳ።
1SA 26:15 ሄዋፐ ጉየ ዳዊተ፥ “ኔን ዎዛናማ አሳ ግድኪየ? እስራኤልያ ግዶን ነ ማል ኦን ደኢ? ያትና፥ ካትያ ነ ጎዳ አያዉ ናግኪ? አያዉ ጎፐ፥ እት አሳይ ካትያ ነ ጎዳ ዎꬋናዉ ያ ቤዳ።
1SA 26:16 ኔን ኦꬄዳባይ ሎአ ግደና። መꬍና ጎዳይ ኤሮ! ኔንነ ነ ኦላንቻቱ መꬍና ጎዳይ ኦኬዳ ህንተንቱ ጎዳ ናግቤና ድራዉ፥ ኡንቱንቱ ሀይቃናዉ በሰ። ካትያ ቶራነ አ ሁጲሳን ደእያ ሃꬃ ኦቱዋ በአይ?” ያጌዳ።
1SA 26:17 ሳኦል ዳዊታ ቃላ ግድያዋ ኤሪደ፥ “ታ ናአዉ ዳዊታ፥ ሄዌ ነ ቃሌ?” ያጌዳ። ዳዊተ፥ “ኤ፤ ታ ጎዳዉ፥ ካትያዉ፥ ሄዌ ታ ቃላ” ያጌዳ።
1SA 26:18 ቃይካ እ ሳኦላ፥ “ታ ጎዳዉ፥ ታና ነ ቆማ ኔን አያዉ ካላይ? ታን አይ ኦꬃድታ? ታን አይ ባይዛድታ?
1SA 26:19 ሀእካ ታ ጎዳዉ፥ ካትያዉ፥ ኔን ታ ቃላ፥ ነ ቆማ ቃላ ስሳናዳን ታን ኔና ዎሳይ፤ መꬍና ጎዳይ ኔና ታ ቦላ ደንꬄዳዋ ግዶፐ፥ ያርሹዋ እ አኮ፤ ሽን አሳቱ ኔና ደንꬄዳዋ ግዶፐ፥ ኡንቱንቱ መꬍና ጎዳ ስንꬃን ሸቀቴዳዋንታ ግድኖ! አያዉ ጎፐ፥ ‘ባረ፤ ሀራ ጾሳቶ ጎይና’ ያጊደ፥ መꬍና ጎዳ ቢታን ታዉ ደእያ ኤጻፐ ኡንቱንቱ ታና ሀእ ከሴድኖ።
1SA 26:20 ሀእ ስም መꬍና ጎዳ ስንꬃፐ ሃኪደ ደእያ ቢታን ታ ሱꬃ ጉሶፓ፤ እት አሳይ አካ ሻንካታናዉ ደርያ ሁጲያ ከስያዋዳን፥ እስራኤልያ ካቲ እት ካቶልያ ኮያናዉ ከሴዳ” ያጌዳ።
1SA 26:21 ሳኦል ዳዊታ፥ “ታን ናጋራ ኦꬃድ። ታ ናአዉ ዳዊታ፥ ሃ ስማ! ሀቼ ቃማ ኔን ታና ሀይቁዋፐ አሼዳ ድራዉ፥ ታን ኔና ላኤንꬆ ገንከ። ቱሙፐ ታን ኤያባ ሀናድ፤ ዎልቃማ ባላ ባላድ” ያጌዳ።
1SA 26:22 ዳዊተ፥ “ካትያዉ፥ ነ ቶራይ ሀዌሽ፤ ነ አሳቱዋፐ እት አሳይ ዪደ አኮ።
1SA 26:23 አሳይ ሁጲያን ሁጲያን ጽሌዳባዉነ አማነቴዳባዉ መꬍና ጎዳይ አ ጋትያ ጭጌ። ኔና መꬍና ጎዳይ ሀቼ ታ ኩሽያን አꬂደ እሜዳ፤ ሽን መꬍና ጎዳይ ኦኬዳ ካትያ ቦላ ታን ታ ኩሽያ ደንꬃናዉ ዶሳበይከ።
1SA 26:24 ታን ቱሙ ሀቼ ኔና አሾዋዳን መꬍና ጎዳይ ታናካ አሾ፤ ቃይ መቱዋ ኡባፐ ታና ዎꬅ አኮ” ያጌዳ።
1SA 26:25 ሳኦል፥ “ታ ናአዉ ዳዊታ፥ ኔን አንጀታ። ኔን ግታባ ኦꬃና፤ ኔን ቱሙፐ ጾናና” ያጌዳ። ዳዊተ ባረ ኦግያ ቤዳ፤ ሳኦለካ ባረ ሶ ስሜዳ።
1SA 27:1 ዳዊተ ባረ ዎዛናን፥ “እት ጋላስ ታን ሳኦላ ኩሽያን ዳባታና፤ ታን ፕልስጼማ ጋድያ ባቃታናፐ አትና፥ ሀራባይ ታዉ ሎኤና። ያትና፥ ሳኦል እስራኤልያ ቢታ ኡባን ታና ኮይያዋ አጋና፤ ያቶፐ ታን አ ኩሽያፐ ከሳ አካና” ያጊደ ቆፔዳ።
1SA 27:2 ሄዋ ድራዉ፥ ዳዊተነ አናና ደእያ ኡሱፑን ጼቱ አሳቱ ደንዲደ፥ ጋተ ካትያ ማኦካ ናኣ አኪሻኮ ቤድኖ።
1SA 27:3 ዳዊተነ አ አሳይ አኪሻራ ጋተን ኡቴድኖ። አሳይ ኡባይ ባረ ሶ አሳ አሳ አኪደ ቤዳ፤ ዳዊተካ ባረ ማቻቱዋ፥ እዝራኤልያ አህኖኣሞነ ናባላ አምአታ፥ ቃርመሎስያ አብጋሎ አኪደ ቤዳ።
1SA 27:4 “ዳዊተ ጋተ ባቃቴዳ” ግያዋ ስሲደ፥ ሳኦል ላኤንꬁዋ አ ኮይያዋ አግ ባሼዳ።
1SA 27:5 ዳዊተ ካትያ አኪሻ፥ “ኔን ታናን ናሸቶፐ፥ ታን ያን ደአና ማላ፥ ነ ካዉተꬃን ደእያ ካታማቱዋፐ እትኖ ታዉ እማ። ታን ነ ቆማይ ካቲ ደእያ ካታማን ኔናና እትፐ አያዉ ኡታኔ?” ያጌዳ።
1SA 27:6 ሄ ጋላስ አኪሽ ጽቅላጋ ካታማ ዳዊታዉ እሜዳ፤ ሀቼ ጋካናዉካ ጽቅላጋ ካታማይ ይሁዳ ካተቱዋሳ ግዲደ አቴዳ።
1SA 27:7 ዳዊተ ፕልስጼማ ቢታን እት ላይꬃነ ኦይዱ አግና ደኤዳ።
1SA 27:8 ዳዊተነ አ አሳቱ ፑደ ቢደ፥ ጋሹራቱዋ፥ ግርዘቱዋነ አማሌቃቱዋ ኦሊኖ። በኒደፐ ዶሚደ፥ ሄ አሳቱ ሹራፐ ቢደ ግብጼ ጋካናዉ ደእያ ቢታን ደኤድኖ።
1SA 27:9 ዳዊተ ሄ ቢታ ኦልያ ዎደ አዉደነ ሄ ቢታን ደእያ ማጫዋ ግዲና፥ አቱማዋ ግዲና፥ ፓጻ አግቤና፤ ዶርሳነ ሚዛ፥ ሀርያነ ጋሉዋ፥ ማዩዋካ አኬዳ፤ ያቲደ አኪሻኮ ስሜ።
1SA 27:10 አኪሽ፥ “ሀቼ ሀቃን ሺቄድቴ?” ያጊደ ዳዊታ ኦቼ። ዳዊተ፥ “ኔጌባ ዎራን ደእያ ይሁዳ አሳቱ ቦላ፥ ዎይ ይራህማኤላ አሳቱ ቦላ፥ ዎይ ቄና አሳቱዋ ቦላ ሺቄዶ” ያጌ።
1SA 27:11 ኡንቱንቱፐ እት አሳይነ ጋተ ካታማ ዪደ፥ “ዳዊተ ሀዋ ኦꬄዳ” ጊደ ኦደና ማላ፥ ዳዊተነ አ አሳቱ ማጫዋ አቱማዋ አሸናን ዉርስ ዎꬊኖ። ዳዊተ ፕልስጼማ ቢታን ደኤዳ ዎደ ኡባን ሄዋዳን ኦꬄዳ።
1SA 27:12 አኪሽ ዳዊታን አማነቲደ፥ “ዳዊተ ባረ አሳን፥ እስራኤላን ሎይꬅ እጸቴዳ፤ ሄዋ ድራዉ፥ እ ታዉ መꬍናዉ ቆማ ግዳና” ያጊደ ቆፔዳ።
1SA 28:1 ሄ ዎደ ፕልስጼማ አሳቱ እስራኤላቱዋ ኦላናዉ ባረንቱ ኦላንቻቱዋ ሺሼድኖ። አኪሽ ዳዊታ፥ “ኔንነ ነ አሳቱ ታናና ኦላ ባናዋ ቱሙ ኤራ ኡታ” ያጌዳ።
1SA 28:2 ዳዊተ፥ “ሄዋ ግዶፐ፥ ታን ነ ቆማይ ኦꬃናባ ኔን በአና” ያጌዳ። አኪሽ፥ “ዳሮ ሎአ፤ ታን ኔና ታ ደኤዳ ላይꬃ ኡባን ታና ናግያዋ ከሳና” ያጌዳ።
1SA 28:3 ሀዋፐ ካሰ ባጋን ሳመል ሀይቂና፥ እስራኤልያ አሳቱ ኡባቱ አዉ ዬኪደ፥ አ ካታማን ራማን አ ሞጌድኖ። ሳኦል ሞይትልያ ጼስያዋንታነ ሻሬቻቱዋ እስራኤልያ ቢታፐ የደርሲደ ከስ ድጌዳ።
1SA 28:4 ፕልስጼማ ኦላንቻቱ ሺቂደ ዪደ፥ ሹኔማ ካታማን ኡቴድኖ፤ ሳኦለካ እስራኤልያ አሳ ኡባ ሺሺደ፥ ግልቦአ ደርያን ኡቴዳ።
1SA 28:5 ሳኦል ፕልስጼማ ኦላንቻቱዋ በኢደ ያዬዳ፤ አ ዎዛናይካ ሎይꬅ ዳጋሜዳ።
1SA 28:6 ሄዋ ድራዉ፥ እ አይ ኦꬃነንቶነ መꬍና ጎዳ ኦቼዳ፤ ሽን መꬍና ጎዳይ አኩሙዋን ግዲና፥ ዎይ ኡሪምያን ግዲና፥ ዎይ ትምቢትያ ኦድያዋንቱ ባጋና ግዲና፥ አዉ ኦድቤና።
1SA 28:7 ሄዋፐ ጉይያን፥ ሳኦል ባረ ቆማቱዋ፥ “ሞይትልያ ጼስያ ሻሬቻቱዋ ታዉ ኮይተ፤ ታን ኢኮ ባደ እዞ ኦቻና” ያጊደ አዛዜዳ። ሳኦላ ቆማቱ፥ “ሞይትልያ ጼስያ እት ሻሬቻታ ኤንዶረን ደአዉ” ያጌድኖ።
1SA 28:8 ሳኦል ባረና ኤርሰና ማላ ሀራ ማዩዋ ማዪደ፥ ላኡ አሳቱዋ አኪደ፥ ቃማ ሄ ሻሬቻትኮ ቤዳ፤ ምሽራቶ፥ “ሀያና ታዉ እት ሞይትልያ ጼሳርኪ፤ ታን ሱንꬃ ኦድያ አሳ ታዉ ደንꬃርኪ” ያጌዳ።
1SA 28:9 ሄዋፐ ጉየ ምሽራታ፥ “ሞይትልያ ጼስያዋንታነ ሻሬቻቱዋ እስራኤልያ ቢታፐ ሳኦል ዎት የደርስ ከሴደንቶ፥ ቱማ ኔን ኤራሳ። ታና ዎꬍሳናዉ ኔን ታዉ አያዉ ጲርያ የጋይ?” ያጋዱ።
1SA 28:10 ሳኦል ምሽራቶ፥ “መꬍና ጎዳይ ኤሮ! ኔን ሀዋ ድራዉ ሙሬታካ” ያጊደ መꬍና ጎዳን ጫቄዳ።
1SA 28:11 ያትና፥ ምሽራታ፥ “ታን ነዉ ኦና ደንꬆ?” ያጋደ ኦቻዱ። ሳኦል፥ “ሳመላ ታዉ ደንꬃ” ያጌዳ።
1SA 28:12 ሻሬቻታ ሳመላ በኣደ፥ ዋሱዋ ጹላዱ፤ ሳኦላ፥ “ኔን ታና አያዉ ጭማድ? ኔን ሳኦላ ግድኪ!” ያጋዱ።
1SA 28:13 ካቲ፥ “አይነ ባዋ፤ ያዮፓ! ነዉ አዬ ቤትያዌ?” ያጌዳ። ምሽራታ፥ “እት ሞይትሊ ቢታ ግዶፐ ከስያዌ ቤቴ” ያጋዱ።
1SA 28:14 ሳኦል ምሽራቶ፥ “እ አይ ማላቲ?” ያጌዳ። ምሽራታ፥ “አፍላ ማዬዳ እት ጭማ ብታኒ ከሴዳ” ያጋዱ። ሳኦል ሄ ብታኒ ሳመላ ግዴዳዋ ኤሪደ፥ አ ስንꬃን ሳኣን ግሲደ ጉፋኔዳ።
1SA 28:15 ሳመል ሳኦላ፥ “ታና ዱፉዋፐ ደንꬃደ አያዉ ሻባራይ?” ያጌዳ። ሄዋፐ ጉየ ሳኦል፥ “ታን ዳሮፐ ኡንኤታድ፤ አያዉ ጎፐ፥ ፕልስጼማ አሳቱ ታና ኦሊኖ፤ ጾሳይካ ታፐ ሻከቴዳ፤ ትምቢትያ ኦድያዋንቱ ባጋና ግዲና ዎይ አኩሙዋን ግድና፥ እ ታን ኦችያዋ ኦደና። ሄዋ ድራዉ፥ ታን ኦꬃናባ ኔን ታዉ ኦዳናዳን ኔና ጼሳድ” ያጌዳ።
1SA 28:16 ሳመል፥ “መꬍና ጎዳይ ሻከቲደ ነ ሞርክያ ግድክቾዋፐ አትና፥ ታና አያዉ ዞረታ በሳይ?
1SA 28:17 መꬍና ጎዳይ ታ ባጋና ካሰት ኦዴዳዋ ኦꬅ ክቼዳ፤ መꬍና ጎዳይ ካዉተꬃ ኔፐ ቦንቂ አኪደ፥ ነ ሾሮ ዳዊታዉ እም ድጌዳ።
1SA 28:18 ኔን መꬍና ጎዳዉ አዛዘታቤና ድራዉነ አ ሀንቁዋ ሱልያዋ አማሌቃ አሳቱዋ ቦላ ፖላቤና ድራዉ፥ መꬍና ጎዳይ ሀቼ ሀ የዉዋ ነ ቦላ ኦꬄ።
1SA 28:19 ኔናነ እስራኤልያ፥ መꬍና ጎዳይ ፕልስጼማ አሳቶ አꬅ እማና፤ ኔንነ ነ ናናይ ዎንት ታናን ጋከታናዉ፤ መꬍና ጎዳይ እስራኤልያ ኦላንቻቱዋ ፕልስጼማ አሳቶ አꬅ እማና” ያጌዳ።
1SA 28:20 ሳኦል ሳመላ ኦዱዋ ስሲደ ያዬዳ ድራዉ፥ ኤለካ ቢታን ዶልጩ ጊደ ኩንድ አጌዳ። ሳኦል ሄ ጋላሳ ኩመንꬃነ ቃማ ኩመንꬃ ቁማ ምቤና ድራዉ፥ አ ዎልቃይ እጼዳ።
1SA 28:21 ሄ ምሽራታ ሳኦላኮ ያደ፥ እ ሎይꬅ ኮኮርያዋ በኣደ፥ “ታን ነ ቆማታ ነዉ አዛዘታድ፤ ኔን ታና ኦቼዳዋ ታ ሸምፑዋ አጋደ ኦꬃድ።
1SA 28:22 ሀእ ታን ነ ቆማታ ግያዋ ሀያና ስሳ፤ ኔን ማደ፥ ምናደ ነ ኦግያ ባና ማላ፥ ታን ነዉ ጉꬃ ቁማ አꬃይ” ያጋዱ።
1SA 28:23 ሄዋፐ ጉየ ሳኦል፥ “ሚከ” ያጊደ እጼዳ። ሽን አ አሳቱ ሄ ምሽራትናካ ግዲደ ሾቤድኖ፤ ሳኦል ሾበቲደ ቢታፐ ደንዲደ፥ ግሱዋን ኡቴዳ።
1SA 28:24 ሄ ምሽራታ ኤለካ ባረ ሶን ደእያ ቦልትቦልታ ማራ ሹካ ባሻዱ፤ ꬊልያ አካ ሙናቃደ፥ እርሹዋ የገናን ኡክꬃ ኡካዱ።
1SA 28:25 ያታደ ሳኦላዉነ አ አሳቶ አꬅና፥ ኡንቱንቱ ሜድኖ። ሄ ጋላስ ቃማ ደንዲደ ቤድኖ።
1SA 29:1 ፕልስጼማ አሳቱ ባረንቱ ኦላንቻቱዋ ኡባ አፌቃን ሺሼድኖ። እስራኤላቱ እዝራኤላን ደእያ ሃꬃ ፑልትያ ማታን ኡቴድኖ።
1SA 29:2 ፕልስጼማቱዋ ካፓቱ ባረንቱ ጼታቱዋ ጭታንነ ሻአቱዋ ጭታን ሳልፔድኖ፤ ዳዊተነ አ አሳይ አኪሻራ እትፐ ጉየ ባጋና ሳልፔድኖ።
1SA 29:3 ፕልስጼማቱዋ ካፓቱ በኢደ፥ “ሀ እብራዌቱ ሀዋን አይ ኦꬂኖ?” ያጌድኖ። አኪሽ ፕልስጼማቱዋ ካፓቱዋ፥ “ሀዌ በን እስራኤልያ ካትያ ሳኦላ ቆማ ዳዊታ ግደኔ? እ ዳሮ ዎደፐ ታናና እትፐ ደኤ፤ እ ሳኦላ ካዲደ ከሶደፐ ሀኖ ጋካናዉ፥ ታን አን ባላ ደማበይከ” ያጌዳ።
1SA 29:4 ሽን ፕልስጼማቱዋ ካፓቶ አኪሻ ሀንቀቲደ፥ “ሀ ብታንያ ኔን አዉ እሜዳ ካታማ ጉየ ዛራ፤ እ ኑናና ኦላ ቦፐ እ ኑና ዛሪደ ኦላና። እ ባረ ጎዳና ስገꬃናዉ ኑ አሳቱዋ ቆꬍያ ሙጭያዋፐ ሀራ ሎእያባይ አዬ?
1SA 29:5 ቃይ ማጫ አሳቱ የጺድነ ዱሪደ፥ ‘ሳኦል ባረ ሻኣ ዎꬌዳ፤ ዳዊተ ባረ ታሙ ሻኣ ዎꬌዳ’ ያጊደ ሳቤዳዌ ሀ ዳዊታ ግደኔየ?” ያጌድኖ።
1SA 29:6 ሄዋ ድራዉ፥ አኪሽ ዳዊታ ጼሲደ፥ “መꬍና ጎዳይ ኤሮ! ኔን አማነትያ አሳ፤ ኔን ታናና ኦላዉ ባናዋ ታን ናሸታይ፤ ኔን ታኮ ዮደፐ ሀኖ ጋካናዉ፥ ታን ነ ቦላ ባላ ደማበይከ። ሽን ካፓቱ ኔን ኦላዉ ባናዋ ናሸትክኖ።
1SA 29:7 ኔን ሀእ ስማደ ሳሩዋን ባ፤ ፕልስጼማቱዋ ካፓቱዋ ናሸቼናዋ አይነ ኦꬆፓ” ያጌዳ።
1SA 29:8 ዳዊተ አኪሻ፥ “ታን አይ ኦꬃድታ? ታን ኔናና ደኦደፐ ሀኖ ጋካናዉ፥ ታናን ባላ ደማበይከ ጋዳ፤ ያትና፥ ካትያ ታ ጎዳ ሞርከቱዋና ባደ አያዉ ኦለትክታ?” ያጌዳ።
1SA 29:9 አኪሽ ዳዊታ፥ “ጾሳ ኪታንቻዳን ኔን ታዉ አማነትያዋ ግድያዋ ታን ኤራይ፤ ግዶፐነ፥ ፕልስጼማቱዋ ካፓቱ፥ ‘እ ኑናና ኦላ ቦፖ’ ያጌድኖ።
1SA 29:10 ሀእ ስም ዎንታና ደንዳደ፥ ኔናና ዬዳ ነ ጎዳ ቆማቱዋናካ እትፐ ሳአይ ዎንትያ ወደ ቢተ” ያጌዳ።
1SA 29:11 ዳዊተነ አ አሳቱ ፕልስጼማ ጋድያ ስማናዉ ዎንታ ጉራን ደንዴድኖ፤ ፕልስጼማ አሳቱካ ፑደ እዝራኤላ ቤድኖ።
1SA 30:1 ዳዊተነ አ አሳቱ ሄዘንꬆ ጋላስ ጽቅላጋ ካታማ ጋኬድኖ። አማሌቃ አሳቱ ኔጌባ ባዙዋነ ጽቅላጋ ካታማ ማዬድኖ፤ ጽቅላጋ ካታማ ታማን ጹጌድኖ።
1SA 30:2 ጽቅላጋ ካታማን ደእያ ማቻቱዋነ ናናቱዋፐ ጭማ ጋካናዉ ደእያ ኡባቱዋ ኦሞዴድኖ፤ ኡንቱንታ ኡባ አኪደ አፌድኖፐ አትና፥ እት አሳነ ዎꬍበይክኖ።
1SA 30:3 ዳዊተነ አ አሳቱ ጽቅላጋ ካታማ ጋክያ ዎደ፥ ካታማይ ታማን ጹገትክቼዳዋነ ቃይ ኡንቱንቱ ማጫ አሳቱ፥ ኡንቱንቱ አቱማ ናናይነ ኡንቱንቱ ማጫ ናናይ ኦሞደትክቼዳዋ በኤድኖ።
1SA 30:4 ያትና፥ ዳዊተነ አናና እትፐ ደእያ አሳይ ባረንቱ ዎልቃይ እጻና ጋካናዉ ዋሲደ ዬኬድኖ።
1SA 30:5 ዳዊታ ማጫ አሳቱ ላአቱ፥ እዝራኤልያ አህኖኣሞነ ቃርመሎስያ ናባላ አምአት አብጋላ ኦሞደቴድኖ።
1SA 30:6 አሳይ ዳዊታ ሹቻን ጫዳናዉ ሃሳዬዳ ድራዉ፥ ዳዊተ ሎይꬅ ቱጋቴዳ፤ አያዉ ጎፐ፥ አ አሳይ ኡባይ ባረ አቱማዋ ናናይነ ማጫ ናናቱዋ ድራዉ፥ ሎይꬅ ይሎቴዳ፤ ሽን ዳዊተ መꬍና ጎዳን ባረ ጾሳን ምነቴዳ።
1SA 30:7 ዳዊተ አብመሌካ ናኣ ቄስያ አብያታራ፥ “ኤፉድያ ሃ አካደ ያ” ያጌዳ፤ አብያታረ ኤፉድያ ዳዊታዉ አሄዳ።
1SA 30:8 ዳዊተ መꬍና ጎዳ፥ “ታን ሀ ማዬዳዋንቱ ጌዱዋ ካላደ ቦ? ቦፐ ታን ኡንቱንታ ጋካኔ?” ያጊደ ኦቼዳ። ጾሳይ፥ “ኤ፤ ኡንቱንታ ካላደ ባ፤ ኡንቱንታ ኔን ጋካናሳ፤ ኦሞደቴዳዋንታካ ዛራና” ያጌዳ።
1SA 30:9 ዳዊተነ አናና ደእያ ኡሱፑን ጼቱ አሳቱ ደንዲደ ብሶራ ሻፋ ጋክና፥ አሳፐ አማሬዳዋንቱ ያን አቴድኖ።
1SA 30:10 አያዉ ጎፐ፥ ላኡ ጼቱ አሳቱ ሻፋ ፕናናዉ ሎይꬅ ዳቡሬድኖ። ሽን ዳዊተነ ኦይዱ ጼቱ አሳቱ ፓና ካሌድኖ።
1SA 30:11 ሄዋፐ ጉይያን፥ አሳቱ እት ግብጻዊያ ደምባን ደሚደ፥ ዳዊታኮ አሄድኖ፤ አዉ ኡሻናዉ ሃꬃ፥ ማናዉካ ቁማ እምና ሜዳ።
1SA 30:12 ቃይ ባላስያ አይፍያ መላፐ ባካነ ላኡ ዉርጮ ዎይንያ ቴራ አዉ እሜድኖ፤ እ ሚደ ምኔዳ፤ አያዉ ጎፐ፥ እ ሄዙ ጋላስነ ሄዙ ቃማ ቁማ ምቤና ሃꬃካ ኡሽቤና።
1SA 30:13 ዳዊተ ሄ ብታንያ፥ “ኔን ኦሴ? ሀቃፐ ያድ?” ያጊደ ኦቼዳ። ሽን ብታኒ፥ “ታን አማሌቃ ብታንያዉ አይለቴዳ ግብጼ አሳ፤ ሄዙ ጋላሳፐ ካሰ ታን ሳከቴዳ ድራዉ፥ ታ ጎዳይ ታና የግ ባሼዳ።
1SA 30:14 ኑን ይሁዳ አሳቱዋ ቦላ፥ ካሪታ አሳቱዋ ቦላነ ካሌባ ያራቱዋ ቦላ ኔጌባ ዎራን ሺቄዶ፤ ጽቅላጋ ካታማካ ታማን ጹጌዳ” ያጌዳ።
1SA 30:15 ዳዊተ፥ “ኔን ታና ሄ ሺቄዳ ጭታኮ ካለꬃና ዳንዳያይ?” ያጊደ ኦቼዳ። እ፥ “ኔን ታና ዎናዳንነ ታ ጎዳዉ አꬃደ እመናዳን ታዉ ጾሳን ጫቃ፤ ያቶፐ፥ ታን ኔና ኡንቱንቱኮ ዱገ ካለꬃና” ያጌዳ።
1SA 30:16 ሄዋፐ ጉይያን፥ ብታኒ ዳዊታ ኡንቱንቱኮ ካለꬂደ ጋꬄዳ። ኡንቱንቱ ፕልስጼመ ቢታፐነ ይሁዳ ጋድያፐ ኦሞዴዳባይ ሎይꬅ ዳሮ ግዴዳ ድራዉ፥ ናሸቲደ ሚድነ ኡሺደ ቢታ ኡባን ላለት ኡቴድኖ።
1SA 30:17 ሄ ጋላስ ኦማርሳፐ ቢደ ዎንተꬃ ጋላሳ ኦማርሳይ ጋካናዉ፥ ዳዊተ ኡንቱንታ ሾጬዳ፤ ጋሉዋ ቶጊደ ባቃቴዳ ኦይዱ ጼቱ ያላጋቱዋፐ አትና፥ ሀራይ እት አሳይነ አቲደ ብቤና።
1SA 30:18 አማሌቃ አሳቱ አፌዳ ኡባባ፥ ባረ ላኡ ማጫ አሳቱዋናካ ጉጂደ፥ ዳዊተ ዎꬅ አኬዳ።
1SA 30:19 አሳቱ ኦሞድ አፌዳዋፐ አያይነ ፓጭቤና፤ ናናይ ዎይ ጭማይ፥ አቱማ ናናይ ዎይ ማጫ ናናይ፥ ኡንቱንቱ ኦሞድ አፌዳ ሀራባይ ኡባባይካ ፓጨናን ደኤ፤ ዳዊተ ኡባካ ዛሬዳ።
1SA 30:20 ቃይ ዳዊተ ዶርሳነ ምያ ዉድያ ኡባ ኦሞዴዳ፤ ዳዊታ አሳይ እ ኦሞዴዳ ዉድያ ህንኮ መህያፐ ስንꬃና ላጊደ፥ “ሀዌ ዳዊታ ኦሞዱዋ” ያጌዳ።
1SA 30:21 ሄዋፐ ጉይያን፥ ዳዊተ ባረና ካላናዉ ዳቡሪደ፥ ብሶራ ሻፋ ማታን አቴዳ ላኡ ጼቱ አሳቱዋኮ ዬዳ። ኡንቱንቱ ዳዊታነ አናና እትፐ ደእያ አሳቱዋ ሞካናዉ ከሴድኖ፤ ዳዊተነ አ አሳይ ኡንቱንቱኮ ሺቅና፥ ዳዊተ ኡንቱንታ ሳሮቴዳ።
1SA 30:22 ሽን ዳዊታና ቤዳዋንቱ ግዶፐ እት እት ፓꬄና ኢታ አሳቱ፥ “ኡንቱንቱ ኑናና ብቤና ድራዉ፥ ኑን ዛሪደ አሄዳዋፐ አያነ ኡንቱንቱና ሻኮኮ፤ ኡንቱንቱ ባረንቱ ናናነ ባረንቱ ማቻቱዋ አኪደ ቢኖ” ያጌድኖ።
1SA 30:23 ዳዊተ ኡንቱንታ፥ “ቱይት፤ ታ እሻቶ! መꬍና ጎዳይ ኑዉ እሜዳባን ህንተንቱ ሀዋዳን ኦꬃናዉ በሰና። እ ኑና ናጊደ፥ ኑ ቦላ ሺቄዳ ጭታ ኑዉ አꬂደ እሜዳ።
1SA 30:24 ህንተንቱ ግያዋ ኦንነ ማየና። ኦለታናዉ ቤዳዋንቱነ ኑባ ናጊደ ሀዋን ጋምኤዳዋንቱ እት ላገꬃ ሻካና፤ ኡባዌካ እት ማላ ግዳና” ያጌዳ።
1SA 30:25 ሄ ጋላሳፐ ዶሚደ፥ ሀቼ ጋካናዉ፥ ዳዊተ እስራኤልያ ቢታዉ ሄዋ ዎጋነ አዋዩዋ ኦꬂደ ዎꬄዳ።
1SA 30:26 ዳዊተ ጽቅላጋ ካታማ ጋኬዳ ዎደ፥ ባረ ዳቦ ይሁዳ ጭማቱዋ፥ “መꬍና ጎዳ ሞርከቱዋፐ ኦሞደቴዳዋፐ ታን ህንተንቶ እምያዋ ሄይተ” ያጊደ ኦሞዱዋፐ አማሬዳዋ የዴዳ።
1SA 30:27 እ ሄዋ ቤቴለ፥ ኔጌባን ደእያ ራሞታነ ያትራ ካታማቱዋን ደእያዋንቶ፥
1SA 30:28 አሮኤራ፥ ስፍሞታ፥ ኤሽታሞአነ
1SA 30:29 ራካላ ካታማቱዋን ደእያዋንቶ፥ ይራህማኤላ ካታማቱዋን ደእያዋንቶ፥ ቄና ካታማቱዋን ደእያዋንቶነ፥
1SA 30:30 ሆርማ፥ ቦርአሻና፥ አታካነ
1SA 30:31 ከብሮና ካታማቱዋን ደእያዋንቶ የዴዳ፤ እነ አ አሳቱ ዩዬዳ ሳአቱ ኡባዉ የዴዳ።
1SA 31:1 ፕልስጼማ አሳቱ እስራኤልያ አሳቱዋና ኦለቴድኖ፤ እስራኤልያ አሳቱ ፕልስጼማ አሳቱዋ ስንꬃፐ ባቃቴድኖ፤ ዳሮ እስራኤላቱ ግልቦአ ደርያን ሀይቄድኖ።
1SA 31:2 ፕልስጼማ አሳቱ ሳኦላነ አ አቱማዋ ናና የደርስ ጋኪደ፥ ሳኦላ ናና ዮናታና፥ አብናዳባነ ማልክሹአ ዎꬌድኖ።
1SA 31:3 ኦላይ ሳኦላ ዩይ አꬊደ ኡንኤꬄዳ፤ ዎንዳፍያ አሳቱ አ ደሜዳ ዎደ፥ ዙቢያን አ ጫዲደ፥ ሎይꬅ ማይትሴድኖ።
1SA 31:4 ሳኦል ባረ ኦላ ሚሻ ቶክያዋ፥ “ሀ ቃጻረትቤናዋንቱ ዪደ፥ ታና ጫዲደ ካኤናዳን፥ ነ ማሻን ጫዳደ፥ ታና ኔን ዎꬋ” ያጌዳ። ሽን አ ኦላ ሚሻ ቶክያዌ ሎይꬅ ያዬዳ ድራዉ እጼዳ፤ ሳኦል ባረ ማሻ ሳኣን ኤሲደ፥ አ ቦላ ኩንዴዳ።
1SA 31:5 አ ኦላ ሚሻ ቶክያዌ ሳኦል ሀይቄዳዋ በኢደ፥ እካ ባረ ማሻ ሳኣን ኤሲደ፥ አ ቦላ ኩንዲደ፥ ሳኦላና ሀይቂ አጌዳ።
1SA 31:6 ሀዋዳን ሀኒደ፥ ሳኦልነ አ ናናይ ሄዛቱ፥ አ ኦላ ሚሻ ቶክያዌነ አ አሳቱ ኡባይ ሄ ጋላሳ እትፐ ሀዬድኖ።
1SA 31:7 ዎምባፐነ ዮርዳኖሳ ሻፋፐ ሄፍንꬃ ባጋና ደእያ እስራኤልያ አሳቱ እስራኤልያ ኦላንቻቱ ባቃቴዳዋነ ሳኦልነ አ ናናይ ሀይቄዳዋ በኢደ፥ ኡንቱንቱካ ባረንቱ ካታማ አጊደ ባቃቴድኖ። ፕልስጼማ አሳቱ ዪደ፥ ሄ ካታማቱዋ ኦይቄድኖ።
1SA 31:8 ዎንተꬃ ጋላስ ፕልስጼማቱ አሃቱዋ ቦላፐ ኦላ ሚሻቱዋ ቃር አካናዉ ዪደ፥ ሳኦልነ አ ናናይ ሄዛቱ ግልቦአ ደርያን ሀይቂደ ግሴዳዋንታ ደሜድኖ።
1SA 31:9 ኡንቱንቱ ሳኦላ ቆꬍያ ሙጬድኖነ አ ኦላ ሚሻ ቃር አኬድኖ። ያቲደ ባረንቱ ꬋማሻቱዋ ጎለንነ ባረንቱ አሳ ግዶን ጾኑዋ አዋያና ማላ፥ ፕልስጼማ ቢታ ኡባዉ ኪታ የዴድኖ።
1SA 31:10 ሳኦላ ኦላ ሚሻ አስታሮታ ጌተትያ ኡንቱንቱ ጾሳት ጎልያ ግዶን ዎꬄድኖ፤ ሳኦላ አሃ ቤትሻና ጌተትያ ካታማ ግምቢያን ምስማርያን ꬍሺደ ሶቴድኖ።
1SA 31:11 ፕልስጼማ አሳቱ ሳኦላ ኦꬄዳዋ ጋላኣደን ደእያ ያቤሻ አሳቱ ስሴዳ ዎደ፥
1SA 31:12 ኡንቱንቱ ምኖ አሳቱ ኡባይ ቃማን ደንድ ቢደ፥ ሳኦላ አሃነ አ ናናቱዋ አሃ ቤትሻና ካታማ ግምቢያፐ ዎꬅ አኪደ፥ ያቤሻ ካታማ አሂደ ያን ጹጌድኖ።
1SA 31:13 ሄዋፐ ጉይያን፥ ኡንቱንቱ መቀꬃ ማጽ አኪደ፥ ያቤሻን ደእያ ታማርስካ ጌተትያ ምꬃ ጋርሳን ሞጌድኖ፤ ያቲደ ላፑን ጋላሳ ጾሜድኖ።
2SA 1:1 ሳኦል ሀይቄዳዋፐ ጉይያን፥ ዳዊተ አማሌቃ አሳቱዋ ጾኔዳ ሳፐ ስሜዳ፤ ጽቅላጋ ካታማን ላኡ ጋላሳ ታኬዳ።
2SA 1:2 ሄዛንꬆ ጋላስ እት ብታኒ ካዮ ባረ ማዩዋ ፔꬊደ፥ ባረ ሁጲያን ባና ላሊደ፥ ሳኦላ ሄራፐ ዬዳ። ዳዊተኮ እ ዬዳ ዎደ፥ ሳኣን ግሲደ ጎይኔዳ።
2SA 1:3 ዳዊተ አ፥ “ኔን ሀቃፐ ያድ?” ያጊደ ኦቼዳ። ሽን እ፥ “ታን እስራኤለቱዋ ሄራፐ ከሳ አካደ ያድ” ያጌዳ።
2SA 1:4 ዳዊተ አ፥ “አያይ ከሴደንቶ አነ ታዉ ኦዳ” ያጌዳ። እ ዳዊታ፥ “ኑ ኦላንቻቱ ኦላፐ ባቃቴድኖ፤ ኑ አሳፐ ዳራቱ ሀይቄድኖ፤ ቃይ ሳኦልነ አ ናአይ ዮናታን ሀይቄድኖ” ያጌዳ።
2SA 1:5 ኦዱዋ አሄዳ ዎዳላ ዳዊተ፥ “ሳኦልነ አ ናኣ ዮናታን ሀይቄዳዋ ኔን አያን ኤራይ?” ያጊደ ኦቼዳ።
2SA 1:6 ዎዳላይ፥ “ካጫዳን ታን ግልቦአ ደርያን ደእሽን፥ ሳኦል ባረ ቶራ ጉፈቲደ ኤቄዳዋ በኣድ፤ ፓራ ጋረቱነ ፓራ አሳቱ ሳኦላኮ ማታቴድኖ።
2SA 1:7 ሄ ዎደ ሳኦል ዩሽ ጼሊደ ታና በኤዳ፤ ታና ጼስና ታን፥ ‘አቤ!’ ያጋድ።
2SA 1:8 ሳኦል ታና፥ ‘ኔን ኦኔ?’ ያጊደ ኦቼዳ፤ ታን አዉ፥ ‘አማሌቃ አሳ’ ያጋደ ዛራድ።
2SA 1:9 ሄዋፐ ጉይያን ሳኦል ታና፥ ‘ታን ሎይꬅ ማዱንጻደ፥ ሀይቆ ማታ ኡታድ፤ ኔን ታ ቦላ ከሳ ኤቃደ ታና ዎꬋ’ ያጌዳ።
2SA 1:10 እ ኩንዴዳዋፐ ጉይያን፥ ሀይቁዋፐ አተናዋ ኤሬዳ ድራዉ፥ ታን አ ቦላ ከሳ ኤቃደ አ ዎꬋድ፤ አ ሁጲያን ደእያ ካላቻነ አ ቀስያን ደእያ ሳጋይያ አካደ ኔኮ ታ ጎዳኮ አሃድ” ያጌዳ።
2SA 1:11 ሄዋፐ ጉይያን፥ ዳዊተነ ዳዊታ አሳይ ካዮቲደ፥ ባረንቱ ማዩዋ ዳፊደ ፔꬌድኖ።
2SA 1:12 ኡንቱንቱ ሳኦል፥ ዮናታን፥ መꬍና ጎዳ ኦላንቻቱነ እስራኤልያ አሳይ ኦላን ዉሬዳ ድራዉ፥ ኦማርስ ጋካናዉ ካዮቴድኖ፥ ዬኬድኖነ ጾሜድኖ።
2SA 1:13 ኦዱዋ አሄዳ ዎዳላ ዳዊተ፥ “ኔን ሀቃ አሴ?” ያጊደ ኦቼዳ። ሽን እ ዳዊታ፥ “ታን በትያ አማሌቃ ብታንያ ናኣ” ያጌዳ።
2SA 1:14 ዳዊተ አ፥ “መꬍና ጎዳይ ኦኬዳ ካትያ ዎꬋናዉ ነ ኩሽያ ደንꬃደ፥ አያዉ ያያበይኪ?” ያጌዳ።
2SA 1:15 ዳዊተ ባረ አሳቱዋፐ እቱዋ ጼሲደ፥ “ባ፤ አ ዎꬋ!” ያጌዳ፤ እ አማሌቅያ ደቺደ ዎꬌዳ።
2SA 1:16 ዳዊተ አማሌቅያ፥ “መꬍና ጎዳይ ኦኬዳ ካትያ ታን ዎꬋድ ያጋደ ኔን ነ ዶናን ማርካቴዳ ድራዉ፥ ነ ሱꬃ ጎሚ ኔና ኦይቆ” ያጌዳ።
2SA 1:17 ዳዊተ ሳኦላዉነ አ ናኣ ዮናታናዉ ሀዋዳን ያግ ዝላሌዳ።
2SA 1:18 ይሁዳ አሳይካ “ዎንዳፍያ” ጌተትያ ሀ ዝላሳ ታማራና ማላ ዳዊተ አዛዜዳ፤ ሀ ዝላሳይ ያሻራ ማጻፋን ጻፈቴዳ።
2SA 1:19 “ኔኖ እስራኤለዉ፥ ነ ካፓቱ ነ ꬎቃ ግሹዋን ሀይቄድኖ። ዎልቃማቱ ዋን ኩንዴድኖሻ!
2SA 1:20 ሀዋ ጋተ ካታማን ኦዶፕተ፤ አስቃሎና ኦገቱዋንካ አዋዮፕተ። ሄዋ ስሶፐ፥ ፕልስጼማቱዋ ማጫ ናናይ ናሸታና፤ ሻማቱዋ ማጫ ናናይ ‘ሀሹ ጋና!’
2SA 1:21 “ህንተንቶ ግልቦአ ደረቶ፥ ህንተንቱ ቦላን እራይ ቡኮፖ፤ ከተርሳይካ ዎꬎፖ። ሄ ቢታ ጎሻይካ ካꬃ ሞኮፖ፤ አያዉ ጎፐ፥ ያን ዎልቃማ ጎንዳሊ ቱናባ ከሴዳ፤ ሳኦላ ጎንዳሊካ ዛይትያን ቁጨትያዋ አጌዳ።
2SA 1:22 ጎራኤቴዳዋንቱ ሱꬃፐነ፥ ዎልቃማቱዋ አሹዋፐ፥ ዮናታና ዎንዳፊ ጉየ ግቤና። ቃይ ሳኦላ ማሻይ ካለናን ስምቤና።
2SA 1:23 “ሳኦልነ ዮናታን አሳይ ሲቅያዋንታነ ሎእያዋንታ፤ ባረንቱ ሀይቁዋንካ ባረንቱ ፓጻንካ ሻከትበይክኖ። ኡንቱንቱ አርጋንꬃፐካ አꬊደ ኤሌልያዋንታ፤ ጋሙዋፐካ አꬊደ ምንያዋንታ።
2SA 1:24 “እስራኤልያ ማጫ አሳቶ፥ ሳኦላዉ፥ ህንተንታ ዞኦነ አሌቆ ማዩዋ ማይዜዳዋዎነ፥ ዎርቃን ህንተንቱ ማዩዋ አሌቂሴዳዎነ ዬክተ።
2SA 1:25 “ዎልቃማቱ ኦላን ዋን ኩንዴድኖሻ! ዮናታን ነ ꬎቃ ግሹዋን ጎራኤት ግሴዳ።
2SA 1:26 ታ እሻ ዮናታና፥ ታን ነዉ ካዮታይ፤ ነ ታዉ ዳሮፐ አልኡዋ። ኔን ታና ሲቅያ ሲቁ ማላልስያዋ፥ ማጫ አሳ ሲቁዋፐካ አꬊደ ማላልስያዋ።
2SA 1:27 “ዎልቃማቱ ዋን ኩንዴድኖሻ! ኦላ ሚሻይካ ዋን ድፕ ጌደ!” ያጊደ ዳዊተ ዝላሌዳ።
2SA 2:1 ሄዋፐ ጉይያን ዳዊተ፥ “ይሁዳ ካታማቱዋፐ እቱዋ ፑደ ቦ?” ያጊደ መꬍና ጎዳ ኦቼዳ። መꬍና ጎዳይ አ፥ “ኤ፤ ባ” ያጌዳ። ዳዊተ፥ “ሀቃ ቦ” ያጊደ ኦቼዳ። መꬍና ጎዳይ፥ “ከብሮነ ባ” ያጊደ ዛሬዳ።
2SA 2:2 ዳዊተ ባረ ማቼቱዋ ላአቱዋ፥ እዝራኤልያ አህኖኣሞነ ቃርመሎስያ፥ ናባላ አምአቶ አብጋሎነ አኪደ፥ ከብሮነ ካታማ ቤዳ።
2SA 2:3 ዳዊተ ባረናና ደእያ አሳቱዋካ ኡንቱንቱ ሶ አሳ ኡባና አህና፥ ከብሮነንነ አ ሄራን ደእያ ጉꬃ ካታማቱዋን ኡቴድኖ።
2SA 2:4 ይሁዳ አሳቱ ከብሮነ ካታማ ዪደ፥ ያን ኡንቱንቱ ዳዊታ ይሁዳ አሳ ቦላ ካተያናዉ ኦኬድኖ። ሳኦላ ሞጌዳዋንቱ ያቤሻ ግልኣደ ካታማ አሳቱዋ ግዴዳዋ ዳዊተ ስሴዳ ዎደ፥
2SA 2:5 አሳ ኪቲደ ኡንቱንታ፥ “ህንተንቱ ህንተንቱ ጎዳ ሳኦላ ሞጌዳ ኬካተꬃ ድራዉ፥ መꬍና ጎዳይ ህንተንታ አንጆ።
2SA 2:6 ሀእካ መꬍና ጎዳይ አገና ሲቁዋነ ቱማተꬃ ህንተንታ በሶ፤ ቃይ ህንተንቱ ሀ ኬካተꬃ ኦꬄዳ ድራዉ፥ ታንካ ህንተንቶ ሎኦተꬃን ኩሽያ ዛራና።
2SA 2:7 ሀእ ዛር ምንተ፤ ጻልተ፤ አያዉ ጎፐ፥ ህንተንቱ ጎዳይ ሳኦል ሀይቂክቼዳ፤ ቃይ ይሁዳ አሳቱ ታና ኦኪደ፥ ባረንቱ ቦላ ካተዬድኖ” ያጌዳ።
2SA 2:8 ሳኦላ ኦላንቻቱዋ ጋዳዋይ ኔራ ናኣ አባኔር ሳኦላ ናኣ እያቡስታ አኪደ፥ ማህናይማ ጌተትያ ሳኣ አፌዳ።
2SA 2:9 ሄዋፐ ካላ ጋላኣደ፥ አሴራ፥ እዝራኤላ፥ ኤፍሬማ፥ ቢንያማነ እስራኤልያ ቢታ ኡባ ቦላን ካተዬዳ።
2SA 2:10 ሳኦላ ናኣ እያቡስተ እስራኤልያ ቦላ ካተትያ ዎደ አዉ ኦይታሙ ላይꬃ፤ እ ላኡ ላይꬃ ካተቴዳ፤ ሽን፥ ይሁዳ አሳይ ዳዊታ ካሌዳ።
2SA 2:11 ዳዊተ ከብሮናን ይሁዳ አሳቱዋ ቦላ ላፑን ላይꬃነ ኡሱፑን አግና ካተቴዳ።
2SA 2:12 ኔራ ናኣ አባኔርነ ሳኦላ ናኣ እያቡስተ አሳይ ማህናይማፐ ጋባኦና ካታማ ቤድኖ።
2SA 2:13 ጻሩይ ናአይ እዮኣብነ ዳዊታ አሳይ ከስ ቢደ፥ ጋባኦና ዳጋቴዳ ሃꬃ ማታን ኡንቱንቱና ጋከቴድኖ፤ እት ጭታይ ዳጋቴዳ ሃꬃፐ ሄፍንꬃ ባጋና ኡትና፥ እት ጭታይ ሀፍንꬃ ባጋና ኡቴድኖ።
2SA 2:14 ያትና፥ አባኔር እዮኣባ፥ “አነ ዎዳላቱ ደንዲደ፥ ኑ ስንꬃን ኦላ ጋከትኖ” ያጌዳ። ሄዋፐ ጉየ ዮኣበ፥ “ኤኖ፥ ደንዲደ ጋከትኖ” ያጌዳ።
2SA 2:15 ሄዋ ድራዉ፥ ቢንያማ ባጋዉነ ሳኦላ ናኣ እያቡስተ ባጋዋ ታማነ ላኡ አሳቱ ፓይዱዋን ከሲደ፥ ዳዊታ ባጋዋ ኤቄዳ ታማነ ላኡ አሳቱዋና ኦላ ጋከቴድኖ።
2SA 2:16 እቱ እቱዋ ሁጲያ ኦይቂደ፥ ባረ ኦይቄዳዋ ምይያን ምይያን ማሻ ድርግንꬂደ፥ እትፐ ሀይቄድኖ፤ ሄዋ ድራዉ፥ ጋባኦናን ደእያ ሄ ሳአይ ሄልካት-ሀዙርም (ማሻ ጋድያ) ጌተቴ።
2SA 2:17 ሄ ጋላስ ዎልቃማ ኦላይ ኦለትና፥ ዳዊታ አሳይ አባኔራነ እስራኤልያ አሳነ ጾኔዳ።
2SA 2:18 ጻሩይ ናናይ ሄዙ ዮኣበ፥ አብሻይነ አሳሄል ሄ ሳኣን ደኢኖ፤ አሳሄል ገንእያዳን ኤሌሊደ ዎጼ።
2SA 2:19 አሳሄል ኡሸቻ ዎይ ሀድርሳ ጌናን አባኔራ የደርሱዋ ስኬዳ።
2SA 2:20 አባኔር ጉየ ዛር ጼሊደ፥ “አሳሄላ፥ ላ ኔኔ?” ያጊደ ኦቼዳ። አሳሄል፥ “ኤ ታና” ያጌዳ።
2SA 2:21 አባኔር አ፥ “እት ባጋ፥ ኡሸቻ ዎይ ሀድርሳ ስማ፤ አሳቱዋፐ እቱዋ ኦይቃደ አ ኦላ ሚሻ ቃራ አካ” ያጌዳ፤ ሽን አሳሄል አ የደርስያዋ አጋናዉ ኮይቤና።
2SA 2:22 ቃይካ አባኔር አሳሄላ፥ “ታን ኔና አያዉ ዎꬎኦ? ታና የደርስያዋ አጋ! ኔና ዎꬋደ፥ ታን ነ እሻ እዮኣባ ዴሙዋ ዎታደ ጼላኔ?” ያጊደ ሴሬዳ።
2SA 2:23 ሽን አሳሄል አ የደርስያዋ አገናን እጼዳ። ሄዋ ድራዉ፥ አባኔር ቶራ ጉየ ቱምኢደ፥ አሳሄላ ኡሉዋ ጫዴዳ፤ ቶራይ ዞክያና ፕን ከሴዳ፤ አሳሄል ሄ ሳኣን ኩንዲደ ሀይቄዳ። አሳሄል ሀይቄዳ ሳኣ ጋኬዳ አሳይ ኡባይ ሄዋን ኤቄዳ።
2SA 2:24 ሽን እዮኣብነ አብሻይ አባኔራ የደርሴድኖ፤ አዋይ ዉልያ ዎደ፥ ጋባኦና መላ ቢታ አፍያ ኦግያን ጊያሀ ካታማፐ ስንꬃ ባጋና ደእያ አማ ጌተትያ ዞዝያ ከሴድኖ።
2SA 2:25 ቢንያማ አሳቱ አባኔራ ጉየና ሺቄድኖ፤ ኡንቱንቱ እት ጭታ ግዲደ፥ እት ደርያ ሁጲያን ኤቄድኖ።
2SA 2:26 ሄዋፐ ጉይያን አባኔር እዮኣባ ጼሲደ፥ “መꬍናዉ ኦለቲደ ደአኔየ? ሀዋ ዉርሰꬃይ ጫሞ ግዳናዋ ኔን ኤርኪ? ነ አሳቱዋ፥ ‘ህንተ እሻቱዋ የደርስያዋ አግተ’ ጌናን አዉደ ጋꬃይ?” ያጌዳ።
2SA 2:27 እዮኣበ አባኔራ፥ “ጾሳይ ኤሮ! ኔን ሃሳየናን አጌዳዋ ግድንቶ፥ ታ አሳይ ባረ እሻቱዋ ሳአይ ዎንታና ጋካናዉ የደርሳና ሽን” ያጌዳ።
2SA 2:28 ሄዋ ድራዉ፥ እዮኣበ ኡልቱዋ ፑኔዳ፤ አሳይ ኡባይ ኤቄዳ። እስራኤላቱዋካ ዛረꬂደ የደርስበይክኖ ዎይ ኦልበይክኖ።
2SA 2:29 አባኔርነ አ አሳይ ሄ ጋላሳ ቃማ ኡባ ሳልፒደ አራባ ጋራራ ቤድኖ፤ ዮርዳኖሳ ሻፋ ፕኔድኖ። ጉራና ሀመቲደ ማህናይማ ስሜድኖ።
2SA 2:30 እዮኣበ አባኔራ የደርስያዋ ባሺደ፥ ባረ አሳ ኡባ እት ሳኣ ሺሼዳ፤ ጼልያ ዎደ፥ አሳሄል ባይናን ዳዊታ አሳፐ ታማነ ኡዱፑን አሳይ ፓጬዳ።
2SA 2:31 ሽን ዳዊታ አሳይ አባኔራ አሳፐነ ቢንያማ ዛራቱዋፐ ሄዙ ጼታነ ኡሱፑን ታሙ አሳቱዋ ዎꬌድኖ።
2SA 2:32 አሳሄላ አሃ አኪደ፥ ቤተሌመ ካታማን ደእያ አ አዉዋ ዱፉዋን ሞጌድኖ፤ እዮኣብነ አ አሳይ ቃማ ሀመቲደ አቄድኖ፤ ዎንቱማꬃን ከብሮነ ካታማ ጋኬድኖ።
2SA 3:1 ሳኦላ አሳይነ ዳዊታ አሳይ ዳሮ ዎድያ ኦለቴድኖ፤ ዳዊተ ኦላን ምን ምኒደ ብያ ዎደ፥ ሳኦላ አሳይ ዳቡር ዳቡር ቤዳ።
2SA 3:2 ከብሮነ ካታማን ዳዊታዉ ናናይ የለቴድኖ፤ እዝራኤልያ አህኖኣማ የሌዳ ባይራ ናአይ አምኖና፤
2SA 3:3 ቃርመሎስያ ናባላ አምአታ አብጋላ የሌዳ ናአይ ክልኣብ ላኤንꬁዋ፤ ጋሹራ ካትያ ታልማያ ናታ ማእካ የሌዳ አበሴሎም ሄዘንꬁዋ።
2SA 3:4 ኦይደንꬁ ሀጊት ናኣ አዶንያ፤ እቼሸንꬁ አቢጻል ናኣ ሻፋጽያ።
2SA 3:5 ኡሱፑንꬁ ዳዊታ ማቻት ኤግል ናኣ ይትራኣማ፤ ሀ ናናይ ኡባይ ከብሮናን ዳዊታዉ የለቴድኖ።
2SA 3:6 ሳኦላ አሳናነ ዳዊታ አሳና ኦለትያ ዎደ፥ አባኔር ሳኦላ አሳቱዋ ግዶን ምን ምኒደ ቤዳ።
2SA 3:7 ሳኦላዉ አታ ናታ ርጽፎ ጌተትያ እት ጋራዳታ ደአዉ፤ እያቡስተ አባኔራ፥ “ታ አዉዋ ጋራዳትና አያዉ አቃዲ?” ያጊደ ኦቼዳ።
2SA 3:8 አባኔር አ ሃሳያን ዳርስ ይሎቲደ ያቡስታ፥ “ታና ኔን ይሁዳ ካና ሁጰ ጋድየ? ሀቼ ታን ነ አዉዋ ሳኦላዉ፥ አ እሻቶነ አ ዳቦቶ ሎኣድ፤ ታን ኔና ዳዊታ ኩሽያን አꬃደ እማበይከ። ሽን ሀእ ኔን ታና ሀ ምሽራት ጋሱዋን ሞታዳ!
2SA 3:9 ሳኦላ ዛርያፐ ካዉተꬃ ዎꬅ አኪደ፥ ዳነፐ ቢደ በርሳበሀ ጋካናዉ፥ እስራኤልያ ቦላነ ይሁዳ ቦላ፥ ዳዊታ ካዉተꬃ ኤሳናዉ መꬍና ጎዳይ ጫቂ ዎꬄዳ ሀ የዉዋ ታን ኦꬃና ꬋዮፐ፥ ጾሳይ አባኔራ ጉፋንꬆ” ያጌዳ።
2SA 3:11 እያቡስተ አባኔራዉ ያዬዳ ድራዉ፥ ሀራ ቃላ ቃትቤና።
2SA 3:12 አባኔር ከብሮናን ደእያ ዳዊተኮ፥ “ቢታይ ኦሴ? ኔን ታናና ቃላ ጫቁዋ ጫቃ፤ እስራኤልያ አሳይ ኡባይ ኔኮ ስማናዳን ታን ኔና ማዳና” ያጊደ ኪታ የዴዳ።
2SA 3:13 ዳዊተ፥ “ሎኦ! ታን ኔናና ቃላ ጫቁዋ ዎꬃና። ሽን ታን ኔና እትባ ኦቻይ፤ ኔን ታና በአናዉ ይያ ዎደ፥ ሳኦላ ናቶ ሚካሎ ታዉ አከናን ዮፓ” ያጌዳ።
2SA 3:14 ሄዋፐ ጉይያን፥ ዳዊተ ሳኦላ ናኣ እያቡሰቱዋኮ ኪቲደ፥ “ጼቱ ፕልስጼማቱዋ ቃራቱዋ ጭሎሻደ አኬዳ ታ ማቻቶ ሚካሎ ታዉ እማ” ያጌዳ።
2SA 3:15 እያቡስተ ኪታ የዲደ፥ እ አስና ላውሻ ናኣ ፓልጽኤላፐ ዎꬅ አኪደ አህሴዳ።
2SA 3:16 እ አስናይ ባሁሪማ ካታማ ጋካናዉ ዬኪደ እ ጌዱዋ ካሌዳ፤ አባኔር አ፥ “ጉየ ስማደ ሶ ባ” ያጌዳ፤ ብታኒ ጉየ ስሚደ ቤዳ።
2SA 3:17 አባኔር እስራኤልያ ጭማቱዋኮ ቢደ፥ ሀዋዳን ያጌዳ፤ “ዳዊተ ህንተንቱ ቦላ ካተታና ማላ፥ ዳሮ ዎድያ አሞቴድታ፤
2SA 3:18 አነ ሄኮ ሀእ ፖልተ! አያዉ ጎፐ፥ መꬍና ጎዳይ፥ ‘ታ አሳ እስራኤልያ፥ ታን ፕልስጼማ አሳቱዋ ኩሽያፐነ ኡንቱንቱ ሞርክያ ኡባቱዋ ኩሽያፐ ታ ቆማ ዳዊታ ባጋና አሻና’ ጌዳዋ ሀሳይተ” ያጌዳ።
2SA 3:19 አባኔር ቢንያማ ዛረቶ ዱማ ሃሳዬዳ፤ ሄዋፐ ጉይያን፥ እስራኤልያ አሳይነ ቢንያማ አሳይ ኡባይ ኦꬃናዉ ኮዮዋ ኡባባ ዳዊታዉ ኦዳናዉ ከብሮነ ካታማ ቤዳ።
2SA 3:20 አባኔር ባረናና ላታሙ አሳቱዋ አኪደ፥ ከብሮነ ካታማ ቢና፥ ዳዊተ አስነ አ አሳዉ እሞታ ማኬዳ።
2SA 3:21 ሄዋፐ ጉይያን አባኔር ዳዊታ፥ “ኡንቱንቱ ኔናና ቃላ ጫቁዋ ጫቀታናዳንነ ነ ዎዛናይ አሞትያ ኡባ ሞዳናዳን፥ ታን ባደ እስራኤልያ አሳ ኡባ ካትያዉ ታ ጎዳዉ ሺሻይ” ያጌዳ፤ ዳዊተ አባኔራ ሞይዚደ ሳሮ የዴዳ።
2SA 3:22 ሄ ዎደ ዳዊታ አሳይነ እዮኣበ ኦላፐ ዳሮባ ኦሞዲደ ስሜድኖ፤ ሽን አባኔር ከብሮነ ካታማን ዳዊታና ደኤና፤ አያዉ ጎፐ፥ ዳዊተ የድና እ ሳሮ ቤዳ።
2SA 3:23 እዮኣብነ አናና ደእያ ኦላንቻቱ ጋክያ ዎደ፥ አሳይ እዮኣባ፥ “ኔራ ናኣ አባኔር ካትያ ዳዊታኮ ዪና፥ ካቲ አ የድና፥ እ ሳሮ ቤዳ” ያጊደ ኦዴዳ።
2SA 3:24 ሄዋ ድራዉ፥ እዮኣበ ካትያኮ ቢደ፥ “ዋናዲ! አባኔር ኔኮ ዪና፥ አያዉ ሳሮ የዳድ? ሄኮ እ ቤዳ!
2SA 3:25 ኔራ ናአይ አባኔር ኔና ጭማናዉ፥ ኔን ገልያሳነ ከስያ ሳኣ በአናዉነ ኔን ኦꬅያ ኡባባ ኤራናዉ ዬዳ” ያጌዳ።
2SA 3:26 እዮኣበ ዳዊታ ስንꬃፐ ከሲደ፥ አባኔራ ጌዱዋ ኪታ የዴዳ፤ ኡንቱንቱ አ ሲራ ሃꬃ ኦላ ምያፐ ጉየ ዛሬድኖ፤ ሽን ዳዊተ ሀ የዉዋ ኤረና።
2SA 3:27 አባኔር ከብሮነ ካታማ ጉየ ስሚደ ዬዳ ዎደ፥ እዮኣበ አናና ዱማ ሃሳያናዋዳን ድርሳ ፐንግያ አ አፌዳ፤ ባረ እሻ አሳሄላ ሱꬃ አቻናዉ አባኔራ ኡሉዋ ጫዴዳ፤ አባኔር ሄ ሳኣን ሀይቄዳ።
2SA 3:28 ዳዊተ ሀ የዉዋ ስሴዳዋፐ ጉይያን፥ “ታንነ ታ ካዉተꬃይ ኔራ ናኣ አባኔራ ሱꬃን መꬍና ጎዳ ስንꬃን መꬍናዉካ ኦሸቶኮ።
2SA 3:29 አ ሱꬃይ እዮኣባነ አ አዉዋ ሶ አሳ ኡባ ኦቾ፤ አሹዋ ቦላ ማዱꬃይ ደእያ አሳይ፥ ዎይ ጋልባይ ሎይꬅ ሳክያ አሳይ፥ ዎይ ዎቢያ አሳይ፥ ዎይ ማሻን ሀይቂያ አሳይ፥ ዎይ ኮሻቴዳ አሳይ እዮኣባ ዛርያን ኡባካ ꬋዮፖ!” ያጌዳ።
2SA 3:30 ሄዋዳን ኦꬂደ፥ ጋባኦና ካታማን ከሴዳ ኦላን ባረንቱ እሻ አሳሄላ አባኔር ዎꬌዳ ድራዉ፥ እዮኣብነ አ እሻ አብሻይ አባኔራ ዎꬌድኖ።
2SA 3:31 ዳዊተ እዮኣባነ አናና ደእያ አሳ ኡባ፥ “ህንተንቱ ማዩዋ ፔꬍተ፤ ማቅያ ማይተ፤ አባኔራ ሻንቻማ ስንꬃን ሀመቲደ ዬክተ” ያጌዳ። ካቲ ዳዊተ ሻንቻማ ካሊደ ቤዳ።
2SA 3:32 አባኔር ከብሮናን ሞገቴዳ፤ ካቲ ባረ ቃላ ꬎቂሲደ ዱፉዋን ዬኬዳ፤ አሳይ ኡባይካ ዬኬዳ።
2SA 3:33 ካቲ አባኔራዉ፥ “አባኔር ኤያ አሳዳን ሀይቃናዉ በሲ?
2SA 3:34 አ ኩሺ ቃሸት ቤና፤ አ ገዲካ ሳንሳላታን ቃሸት ቤና። አሳይ ኢታ አሳቱዋ ኩሽያን ሀይቂያዋዳን እ ሀይቄዳ” ያጊደ ዝላሌዳ። አሳይ ኡባይ አባኔራዉ ዛረꬂደካ ዬኬዳ።
2SA 3:35 ሳአይ ፖኦ ደእሽን፥ ዳዊተ ኡክꬃ ማናዳን ሾባናዉ አሳይ ኡባይ አኮ ዬዳ፤ ሽን ዳዊተ፥ “አዋ አይፊ ዉለናን ደእሽን፥ ኡክꬃ ዎይ ሀራባ ባረናና በኦፐ፥ ጾሳይ ታና ዎꬎ” ያጊደ ጫቄዳ።
2SA 3:36 ካቲ ኦꬄዳዋ አሳይ ኡባይ በኢደ ናሸቴዳ፤ ቱሙካ ካቲ ኦꬄዳ ኡባባይ አሳ ኡባ ናሸቼዳ።
2SA 3:37 ሄዋ ድራዉ፥ ሄ ጋላስ ዳዊታ አሳይ ኡባይነ እስራኤልያ አሳይ ኡባይ ካቲ ኔራ ናኣ አባኔራ ዎꬍስቤናዋ አኬኬድኖ።
2SA 3:38 ካቲ ባረ ቆማቱዋ ሀዋዳን ያጌዳ፤ “እስራኤልያ ቢታን ዎልቃማ አሳይነ ካፑ ሀይቄዳዋ ህንተንቱ አኬክክቴ?
2SA 3:39 ታን ኦከቴዳ ካትያ ግዶፐነ፥ ሀቼ ታዉ ምዪ ፓጬዳ። ሀዋንቱ ጻሩይ ናናይ ታዉ ምኔድኖ፤ ኢታ ኦꬄዳዋንቶ መꬍና ጎዳይ ኡንቱንቱ ኦሱዋዳን ዛሮ” ያጌዳ።
2SA 4:1 ሳኦላ ናአይ ያቡስተ አባኔር ከብሮናን ሀይቄዳዋ ስሴዳ ዎደ፥ አ ዎዛናይ ያዬዳ፤ እስራኤልያ አሳይ ኡባይካ ዳጋሜዳ።
2SA 4:2 ሳኦላ ናኣ ያቡስተዉ ጩጉዋ ካለꬅያ ላኡ ካፓቱ ደኢኖ፤ እቱዋ ሱንꬃይ ባኣና፤ የንኩዋ ሱንꬃይ ረካባ፤ ኡንቱንቱ ቢንያማ ዛርያ ግዴዳ ባኤሮትያ ርሞና ናና። ባኤሮታ ካታማይ ቢንያማ ባጋዳን ፓይደቴ፤
2SA 4:3 አያዉ ጎፐ፥ ባኤሮታን ደኤዳ አሳቱ ግታይማ ጋድያ ባቃቲደ፥ ሄደፐ ሀቼ ጋካናዉ በትያዳን ያን ደኤድኖ።
2SA 4:4 ሳኦላ ናኣ ዮናታናዉ ላኡ ገዲ ስሌዳ ናአይ ደኤ፤ ሳኦላነ ዮናታና ዎሪ እዝራኤልያፐ ጋኬዳ ዎደ፥ እ እቼሹ ላይꬃ ናኣ፤ ሄ ናኣ ድችያና አ አካደ ባቃታዱ፤ ሽን አ ባቃታናዉ ድርቢሽን፥ ናአይ ኩንዲደ ስላ ከሴዳ፤ ሄ ናኣ ሱንꬃይ ማንፍቦሼታ።
2SA 4:5 ባኤሮትያ ርሞና ናናይ ረካብነ ባኣን ያቡስተ ሶ ባናዉ ከሴድኖ፤ ኡንቱንቱ ቢደ ሴታ ጋላስ ጋኬድኖ፤ እ አዋፐ ሸምፔ።
2SA 4:6 ኡንቱንቱ ሶይ ገሊደ ዛርጋ አክያዋ ማላቲደ ያቡስታ ኡሉዋን ጫድና ሀይቄዳ። ረካብነ አ እሻ ባኣን ሌላን ገሌድኖ።
2SA 4:7 ኡንቱንቱ ሶይ ገልያ ዎደ፥ ያቡስተ ቆልኦን አርሳን ግሴዳዋ ደሚደ፥ አ ኡሉዋ ጫዲደ ዎꬌድኖ፤ አ ቆꬍያፐ ሙጬድኖ፤ ሙጬዳ ሁጲያ አኪደ፥ አራባ ጋራራ አፍያ ኦግያ ኦይቂደ፥ ቃማ ኡባ ሀመቴድኖ።
2SA 4:8 ያቡስተ ሁጲያ ከብሮናን ደእያ ዳዊተዉ አሂደ ካትያ፥ “ኔና ዎꬋናዉ ኮዬዳ ነ ሞርክያ ሳኦላ ናኣ ያቡስተ ሁጲያ ሀዋ በአ፤ ሳኦላ ቦላንነ አ ናኣ ቦላን ካትያ ኑ ጎዳ ሀሉዋ መꬍና ጎዳይ ሀቼ ከሴዳ” ያጌድኖ።
2SA 4:9 ሽን ባኤሮትያ ርሞና ናና ረካባነ አ እሻ ባኣና ዳዊተ ሀዋዳን ያጌዳ፤ “መቱዋ ኡባፐ ታና አሼዳ መꬍና ጎዳይ ኤሮ!
2SA 4:10 እት ብታኒ ታኮ ዪደ፥ ምሽራቹዋ ኦድያዋዳን፥ ‘ሳኦል ሀይቄዳ’ ያጊደ ታዉ ኦድና፥ ታን አ ጽቅላጋን ኦይቃደ ዎꬍሳድ፤ ታን አ ምሽራቾ እሜዳ ጋቲ ሄዋ።
2SA 4:11 ባረ ሶን ባረ አርሳን ግሴዳ ጽሎ ብታንያ ዎꬌዳ ኢታ አሳቶ አ ሀሉዋ ከስያዌ አይ ኬሻ ኢታንዴሻ! አ ሱꬃ ታን ህንተንቱ ኩሽያፐ ሀእ አቻና፤ ህንተንታ ታን ቢታ ቦላፐ ꬋይሳና!” ያጌዳ።
2SA 4:12 ረካባነ ባኣና ዎꬋናዳን ዳዊተ ባረ ኦላንቻቱዋ አዛዜዳ፤ ኦላንቻቱ ኡንቱንታ ዎꬌድኖ፤ ኡንቱንቱ ኩሽያነ ገድያ ቃንጽ ድጊደ፥ ዳልባንꬃ ሃꬃ ማታን ከብሮነ ካታማን ካቄድኖ። ያቡስተ ሁጲያ አኪደ አፊደ፥ አባኔራ ዱፉዋን ከብሮናን ሞጌድኖ።
2SA 5:1 እስራኤልያ ዛርያ ኡባቱ ዳዊታኮ ከብሮነ ካታማ ዪደ፥ “ኑን ነ አሾነ ነ ሱꬃ።
2SA 5:2 ካሰ ሳኦል ኑዉ ካትያ ግዲደ ደእያ ዎደካ፥ እስራኤልያ አሳ ኦላዉ ካለꬄዳዌ ኔና። መꬍና ጎዳይ ኔና፥ ‘ኔን ታ አሳ እስራኤልያ ሄማና፤ ኔን ኡንቱንቱ ቦላ ካተታና’ ያግ ዎꬄዳ” ያጌድኖ።
2SA 5:3 ሄዋ ድራዉ፥ እስራኤልያ ጭማቱ ኡባይ ዳዊታኮ ከብሮነ ካታማ ዬድኖ፤ እ ኡንቱንቱና ከብሮናን መꬍና ጎዳይ ስንꬃን ቃላ ጫቁዋ ጫቀቴዳ፤ እስራኤልያ ቦላ ካተታናዳን ዳዊታ ኡንቱንቱ ኦኬድኖ።
2SA 5:4 ዳዊተ ካተትያ ዎደ አዉ ሀታሙ ላይꬃ፤ ኦይታሙ ላይꬃ እ ካተቴዳ።
2SA 5:5 ከብሮነ ካታማን ይሁዳ ቦላ ላፑን ላይꬃነ ኡሱፑን አግና እ ካተቴዳ፤ የሩሳላመን እስራኤልያ ኡባቱዋ ቦላነ ይሁዳ ቦላ ሀታማነ ሄዙ ላይꬃ ካተቴዳ።
2SA 5:6 የሩሳላመን ደእያ ያቡሳ አሳቱዋ ኦላናዉ ዳዊተነ ዳዊታ አሳይ ቤድኖ፤ ያቡሳ አሳቱ፥ “ዳዊተ ሀ ካታማ ገላናዉ ዳንዳየና” ጊደ ቆፔድኖ። ያቲደ ኡንቱንቱ አ፥ “ኔን ሀ ሳኣ ገላካ፤ ሀራይ አቶ ሽን፥ ቆቀቱዋነ ዎባቱ ኔና ተአናዉ ዳንዳዪኖ” ያጌድኖ።
2SA 5:7 ግዶፐነ፥ ዳዊተ ጽዮነን ደእያ ኡንቱንቱ ጌሱዋ ኦይቄዳ፤ ጽዮነ ዳዊታ ካታማ ጌተቴዳ።
2SA 5:8 ሄ ጋላስ ዳዊተ ባረ አሳ፥ “ያቡሳ አሳቱዋ ጾንያ አሳይ ኦንነ ዳዊታ ሞርከቱ፥ ሄ ‘ዎባቱነ ቆቃቱ’ ደእያ ሳኣ ጋካናዉ፥ ሃꬃይ ጎጊደ ከስያ ጾእያና ገላናዉ ኮሼ” ያጌዳ። ሄዋ ድራዉ፥ “ቆቀቱነ ዎባቱ ካትያ ጎልያ ገልክኖ” ጌተቴዳ።
2SA 5:9 ዳዊተ ሄ ጌሱዋ ኦይቂደ፥ ያን ደኤዳ፤ ሄ ጌሱዋ ዳዊታ ካታማ ያጊደ ሱንꬄዳ። ዳዊተ ሚሎፐ ዶሚደ፥ ሄ ካታማ ዩሽ አꬂደ ግምቢሴዳ።
2SA 5:10 ኡባፐ ዎልቃማ መꬍና ጎዳ ጾሳይ አናና ደእያ ድራዉ፥ ዳዊተ ምን ምኒደ ቤዳ።
2SA 5:11 ጺሮሳ ካቲ ኪራም ዳዊታዉ አሳ ኪቴዳ። ዝጋ ሙደꬃ፥ አናጸቱዋነ ሹቻ ማስያዋንታ አዉ የዴዳ፤ አሳቱ ዳዊታዉ ጎልያ ኬጼድኖ።
2SA 5:12 መꬍና ጎዳይ እስራኤልያ ቦላ አ ካትያ ኦꬂደ ኤሴዳዋነ ባረ አሳ እስራኤልያ ድራዉ አ ካዉተꬃ ꬎቁ ኦꬂደ ቦንቼዳዋ ዳዊተ ኤሬዳ።
2SA 5:13 ዳዊተ ከብሮናፐ የሩሳላመ ዬዳዋፐ ጉይያን፥ ሀራ ጋራዳቱዋነ ሀራ ማቼቱዋ ጉጂደ አኬዳ። ሀራ ማጫ ናናይነ አቱማ ናናይ አዉ የለቴድኖ።
2SA 5:14 ያን አዉ የለቴዳ አቱማ ናና ሱንꬃይ ሻሙአ፥ ሾባባ፥ ናታና፥ ሶሎሞና፥
2SA 5:15 ይብሃራ፥ ኤልሹአ፥ ነፌጋ፥ ያፍአ፥
2SA 5:16 ኤልሻማአ፥ ኤልያዳአነ ኤልፈሌጻ።
2SA 5:17 ዳዊተ እስራኤልያ ቦላ ካትያ ግዲደ ኦከቴዳዋ ፕልስጼማ አሳቱ ስሴዳ ዎደ፥ ኡንቱንቱ ኡባይ ዳዊታ ኮያናዉ ከሴድኖ፤ ሽን ዳዊተ ሄዋ ስሲደ፥ ዱገ ግምቢያ ግዶ ቤዳ።
2SA 5:18 ፕልስጼማቱ ቃይካ ቢደ፥ ራፋይማ ዎምባን ላለቲደ ኡቴድኖ።
2SA 5:19 ሄዋ ድራዉ፥ ዳዊተ መꬍና ጎዳዉ፥ “ታን ባደ ፕልስጼማቱዋ ኦሎ? ኔን ኡንቱንታ ታዉ አꬃ እማኒ?” ያጊደ ኦቼዳ። መꬍና ጎዳይ ዳዊታ፥ “ኤ ኦላ። ታን ኡንቱንታ ነዉ አꬃ እማና” ያጌዳ።
2SA 5:20 ዳዊተ ባኣል-ፓራጺማ ግያ ሳኣ ቢደ፥ ያን ኡንቱንታ ጾኔዳ። ያቲደ ዳዊተ፥ “ሃꬃ ድኡ ꬉስ አꬍያዋዳን መꬍና ጎዳይ ታ ሞርከቱዋ ግዱዋና ታና አꬄዳ” ያጌዳ። ሄዋ ድራዉ፥ ሄ ሳኣ ሱንꬃይ ባኣል-ፓራጺማ ጌተቴዳ።
2SA 5:21 ፕልስጼማቱ ባረንቱ ኤቃቱዋ ሄ ሳኣን የጊደ ቤድኖ። ያትና ዳዊተነ አ አሳይ ሄ ኤቃቱዋ አኪደ አፌድኖ።
2SA 5:22 ፕልስጼማቱ ጉየ ስሚደ ቢደ፥ ላኤንꬁዋ ራፋይማ ዎምባን ላለት ኡቴድኖ።
2SA 5:23 ዳዊተ መꬍና ጎዳ ላኤንꬁዋካ ኦችና፥ ጾሳይ አ፥ “ስት ጋደ ፑደ ኡንቱንቱ ቦላ ቦፓ፤ ኡንቱንቱ ጉየና ዩያ አꬋ፥ ቦእያ ምꬃፐ ስንꬃ ባጋና ኦላናዉ ጊጋ።
2SA 5:24 ቦእያ ሁጲያን ኦላ ኮሻ ኔን ስስያ ዎደ ኤሌላ። አያዉ ጎፐ፥ ሄዌ ፕልስጼማ ኦላንቻቱዋ ሾጫናዉ መꬍና ጎዳይ ኔፐ ስንꬃዉ አꬌዳ ግያዋ” ያጌዳ።
2SA 5:25 ዳዊተ መꬍና ጎዳይ አዛዜዳዋዳን ኦꬄዳ፤ ገባአፐ ቢደ ገዜራ ጋካናዉ፥ ፕልስጼማ ኦላንቻቱዋ ዳዊተ ዎꬌዳ።
2SA 6:1 እስራኤልያ ግዶፐ ዶረቴዳ ሀታሙ ሻአ አሳቱዋ ዳዊተ ላኤንꬁዋ ጼሲደ ሺሼዳ።
2SA 6:2 እነ አ አሳይ ኡባይ ይሁዳን ደእያ ባኣላ (ቅርያትይ-አርም) ጌተትያ ካታማፐ ደንዲደ፥ ክሩበቱዋፐ ግዱዋን ባረ ካዉተꬃ አራታ ቦላ ኡቴዳ ኡባፐ ዎልቃማ መꬍና ጎዳ ሱንꬃን ጼሰቴዳ ጾሳ ታቦታ ያፐ አሀናዉ ቤድኖ።
2SA 6:3 ኡንቱንቱ ጾሳ ታቦታ ኦራꬃ ጋርያን ዎꬂደ፥ ዞዝያ ሁጲያን ደእያ አብናዳባ ሶፐ አሄድኖ፤ አብናዳባ ናናይ ኡዝነ አህዮይ ኦራꬃ ጋርያ ካለꬅኖ።
2SA 6:4 ያፐ ጾሳ ታቦታ አህያ ዎደ፥ አህዮ ታቦታፐ ስንꬃና ሀመቴ።
2SA 6:5 ዳዊተነ እስራኤልያ አሳይ ኡባይ ዲꬃነ ማስንቁዋ ዲጺደ፥ ካባሩዋ ባቂደነ ዳዋላነ ሻሾራ ቃꬂደ፥ ባረንቶ ኩመንꬃ ዎልቃን መꬍና ጎዳ ስንꬃን ናሸቲደ ቦንቼድኖ።
2SA 6:6 ናኮና ካꬃ ቡክያ ኡዱማ ጋክያ ዎደ፥ ቦራቱ ꬉበትና፥ ኡዝ ባረ ኩሽያ የዲደ፥ ጾሳ ታቦታ ኦይቄዳ።
2SA 6:7 ኡዝ ታቦታ ቦቼዳ ድራዉ፥ መꬍና ጎዳ ሀንቁ ኡዛ ቦላ ኤጽ ከሴዳ። ጾሳይ አ ሾጭና፥ ሄ ሳኣን ጾሳ ታቦታ ምይያን ኤለካ እ ሀይቂ አጌዳ።
2SA 6:8 ጾሳ ሀንቁ ኡዛ ሾጬዳ ድራዉ፥ ዳዊተ ይሎቴዳ። ሄ ሳአይ ሀቼ ጋካናዉ፥ ፐሬዝ-ኡዛ (ኡዝ መኤዳ ሳኣ) ጌተቴ።
2SA 6:9 ሄ ጋላስ ዳዊተ መꬍና ጎዳዉ ያዪደ፥ “መꬍና ጎዳ ታቦታይ ታኮ ስም ዋን ያኔ?” ያጌዳ።
2SA 6:10 ሄዋ ድራዉ፥ ዳዊተ ጾሳ ታቦታ ባረናና ዳዊታ ካታማ አሀናዉ ኮይቤና፤ ሄዋ አጊደ ግታትያ ኦቤድ-ኤዶማ ግያ ብታንያ ሶ አፌዳ።
2SA 6:11 መꬍና ጎዳ ታቦታይ ግታትያ ኦቤድ-ኤዶማ ሶን ሄዙ አግና ጋምኤዳ፤ መꬍና ጎዳይ አነ አ ሶ አሳ ኡባ አንጄዳ።
2SA 6:12 ሄዋፐ ስሚደ፥ “ጾሳ ታቦታ ድራዉ፥ መꬍና ጎዳይ ኦቤድ-ኤዶማ ሶ አሳነ አዉ ደእያ ኡባባ አንጄዳ” ያግያዋ ካቲ ዳዊተ ስሴዳ፤ ሄዋ ድራዉ፥ ዳዊተ ኦቤድ-ኤዶማ ሶ ቢደ፥ ጾሳ ታቦታ ዳዊታ ካታማ ናሸቻን አሄዳ።
2SA 6:13 መꬍና ጎዳ ታቦታ ቶኬዳ አሳቱ ኡሱፑኑዋ ታንጌዳ ፓይዱዋን ፓይዱዋን ኡንቱንታ ኤሲደ፥ እት ኮሩማነ እት ቦልትቦልታ ማራ ዳዊተ ያርሼዳ።
2SA 6:14 ዳዊተ ሱፍያ ግያ ቃጭናፐ ዳደቴዳ ኤፉድያ ማዪደ፥ ባረዉ ደእያ ዎልቃ ኡባን መꬍና ጎዳ ስንꬃን ዱሬዳ።
2SA 6:15 እነ እስራኤልያ አሳቱ ኡባቱ ናሸቻን ሆምቦጪድነ ኡልቱዋ ፑኒደ መꬍና ጎዳ ታቦታ ዳዊታ ካታማ አሄድኖ።
2SA 6:16 መꬍና ጎዳ ታቦታይ ዳዊታ ካታማ ገልያ ዎደ፥ ሳኦላ ናታ መልኮላ ማስኮትያና ጼላደ፥ ካቲ ዳዊተ መꬍና ጎዳ ስንꬃን ጉፕሺንነ ዱርሽና በኣዱ፤ ዳዊታ ባረ ዎዛናን ካꬋዱ።
2SA 6:17 ዳዊተ መꬍና ጎዳ ታቦታ ዎꬃናዉ ꬎጌዳ ዱንካንያ ግዶን ታቦታ አሂደ ዎꬄድኖ፤ ዳዊተ ጹግያ ያርሹዋነ እትፐተꬃ ያርሹዋ መꬍና ጎዳዉ ያርሼዳ።
2SA 6:18 ዳዊተ ጹግያ ያርሹዋነ እትፐተꬃ ያርሹዋ ያርሽያዋ ፖሌዳዋፐ ጉይያን፥ ኡባፐ ዎልቃማ መꬍና ጎዳ ሱንꬃን አሳ አንጄዳ።
2SA 6:19 እስራኤልያ አሳዉ ኡባዉ፥ ማጫዎ አቱማዎ ሁጲያን ሁጲያን እት እት ኮምፖ ኡክꬃ፥ እት እት ሙጾ አሹዋካ ዎይንያ ቴራ መላፐ ኑከቴዳ እት እት ኡክꬃ ግሼዳ። ሄዋፐ ጉይያን አሳይ ኡባይ ባረ ሶ ባረ ሶ ስሜዳ።
2SA 6:20 ዳዊተ ባረ ሶ አሳ አንጃናዉ ሶ ስሜዳ ዎደ፥ ሳኦላ ናታ መልኮላ አ ሞካናዉ ከሳደ፥ “ሹፉሮ አሳቱ ካሎ ሀመትያዋዳን፥ ሀቼ እስራኤልያ ካቲ ባረ ቆማቱዋ ማጫ ቆማቱዋ ስንꬃን ካሎቲደ፥ አያ ቦንቼቴደ!” ያጋዱ።
2SA 6:21 ዳዊተ፥ “ነ አዉዋፐነ አ ሶ አሳፐ አꬂደ፥ ባረ አሳ እስራኤልያ ካለꬃናዳን ታና ዶሬዳ መꬍና ጎዳ ስንꬃን ዱራድ። ታን መꬍና ጎዳ ቦንቻናዉ ዱርያዋ አግከ።
2SA 6:22 ታን ሀዋፐ አꬃደ ብሮካ ታና ቶቻና፤ ታን ታ ሁጲያ ዝቂ ኦꬃና። ሽን ኔን ጌዳ ማጫ ቆማቱዋ ስንꬃን ታን ቦንቼታና” ያጌዳ።
2SA 6:23 ሄዋ ድራዉ፥ ሳኦላ ናታ ሚካላ ሀይቃና ጋካናዉ፥ ናኣ የላበይኩ።
2SA 7:1 ካቲ ዳዊተ ባረ ካትያ ጎለን ኡቴዳዋፐ ጉይያንነ መꬍና ጎዳይ አ፥ አ ሞርከቱዋ ኡባፐ ሸምፕሴዳዋፐ ጉይያን፥
2SA 7:2 ትምቢትያ ኦድያ ናታና፥ “ታን ዝጋፐ ኬጸቴዳ ጎለን ደአይ፤ ሽን ጾሳ ታቦታይ ዱንካንያን ደኤ” ያጌዳ።
2SA 7:3 ናታን ዳዊታ፥ “ኦꬃናዉ ነ ዎዛናይ ቆፔዳዋ ኡባ ኪተታ፤ መꬍና ጎዳይ ኔናና ደኤ” ያጌዳ።
2SA 7:4 ሽን ሄ ጋላሳ ቃማ መꬍና ጎዳ ቃላይ ናታናኮ ዪደ፥
2SA 7:5 “ባ፤ ታ ቆማ ዳዊታ ሀዋዳን ያጋ፤ መꬍና ጎዳይ ሀዋዳን ያጌ፤ ‘ታን ደአና ጎልያ ኬጻናዌ ታና ጋደ ቆፓይ?
2SA 7:6 አያዉ ጎፐ፥ ታን እስራኤላቱዋ ግብጼ ጋድያፐ ከሴዳ ጋላሳፐ ዶማደ ሀቼ ጋካናዉ ጎለን ደአበይከ፤ ታን ዱንካንያን ያነ ሃነ ዩያደ ደኣድ።
2SA 7:7 ታን እስራኤልያ አሳ ኡባና ዩዬዳ ሳኣ ኡባን፥ ታ አሳ እስራኤልያ ሄማና ማላ፥ ታን ሱንꬄዳዋንቱፐ እቱዋነ ታዉ ዝጋ ጎልያ አያዉ ኬጻበይኪ? ጋደ ኦቻበይከ’ ” ያጌ ያጋ።
2SA 7:8 “ሄዋ ድራዉ፥ ሀእካ ታ ቆማ ዳዊታዉ ኦዳ፤ ‘ኡባፐ ዎልቃማ መꬍና ጎዳይ ኔና ሀዋዳን ያጌ፤ “ታን ኔና ሄንꬃ ጋደፐ፥ ዶርሳ ሄምያ ሳፐ ደንꬃደ፥ ታ አሳ እስራኤልያ ካለꬃናዳን አካድ።
2SA 7:9 ኔን ቤዳ ሳኣ ኡባን ታን ኔናና ግዳድ፤ ነ ሞርከቱዋ ኡባ ታን ነ ስንꬃፐ ድጋድ። ሀእ ስም ታን ሀ ሳኣን ኤረቴዳ ዎልቃማ አሳቱዋ ሱንꬃዳን ነ ሱንꬃ ግታያና።
2SA 7:10 ቃይ ታን ታ አሳዉ እስራኤልያዉ ሳኣ እማደ፥ ኡንቱንታ ሄ ሳኣን ቶካና። ሄዋ ድራዉ፥ ኡንቱንቱ ባረንቱ ሳኣን ደአና፤ ላኤንꬆ ኡንቱንቱ ሻባረትክኖ። በን ዎድያንነ ታ አሳ እስራኤልያ ቦላ ዳናትያዋንታ ታን ሱንꬄዳ ዎድያዳን፥ ኢታቱ ኡንቱንታ ዛረꬂደ ናቂክኖ። ቃይ ታን ኔና ነ ሞርከቱዋ ኡባፐ ሸምፕሳና። “ ‘ “ሄዋ ቦላንካ መꬍና ጎዳይ ባረ ሁጲያዉ ነ ዛራቱ ደአናዳን ነዉ ጎልያ ኬጻናዋ ኦዴ።
2SA 7:12 ነ ላይꬃይ ዉርና ሀይቃደ፥ ነ ማይዛ አዎቱዋን ጋከትያ ዎደ፥ ነ ጉልባታፐ የለቴዳ ናኣ ታን ደንꬃና፤ አ ካዉተꬃ ምንሳና።
2SA 7:13 ታ ሱንꬃዉ ጎልያ ኬጻናዌ አ፤ ታን አ ካዉተꬃ አራታ መꬍናዉ ምንሳ ኤሳና።
2SA 7:14 ታን አዉ አዉዋ ግዳና፤ እካ ታዉ ናኣ ግዳናዋ። እ ባልያ ዎደ፥ ታን አ አሳ ጻምአን፥ አሳይ ሾጭያ ልሱዋን አ ሴራና።
2SA 7:15 ሽን ታን ነ ስንꬃፐ ድጌዳ ሳኦላፐ ታ ሲቁ አከቴዳዋዳን፥ አፐ ኡባካ አከተና።
2SA 7:16 ነ ዛራቱነ ነ ካዉተꬃይ ታ ስንꬃን መꬍናዉ ጋምአና፤ ነ ካዉተꬃ አራታይካ መꬍናዉ ምን ኤቃና” ያጌ’ ያጋ” ያጌዳ።
2SA 7:17 ናታን ጾሳይ አዉ ሳጻን ቆንጭሴዳ ቃላ ኡባ ዳዊታዉ ኦዴዳ።
2SA 7:18 ሄዋፐ ጉይያን፥ ካቲ ዳዊተ ዱንካንያ ገሊደ፥ መꬍና ጎዳ ስንꬃን ኡቴዳ። ሀዋዳን ያጊደ ዎሴዳ፤ “አቤት ኡባ ሞድያ መꬍና ጎዳዉ፥ ኔን ሀዋ ኡባ ታዉ ኦꬃናዉ ታን ኦኔ? ታ ሶ አሳይካ አዬ?
2SA 7:19 አቤት ኡባ ሞድያ መꬍና ጎዳዉ፥ ሀዌ ነ አይፍያ ስንꬃን ጉꬃ ማላትና፥ ስንꬃፐ ነ ቆማ ዛረቶ ሀናናዋካ ሃሳያዳ። ኡባ ሞድያ መꬍና ጎዳዉ፥ ሀዌ ኔን አሳዉ ኦዉካ ኦꬅያ ኦሱዋ ግደና።
2SA 7:20 “ሀዋፐ አꬍያዋ ታን ዳዊተ ነዉ አይ ጋናዉ ዳንዳያይታ? ኡባ ሞድያ መꬍና ጎዳዉ፥ ኔን ታና ነ ቆማ ኤራሳ።
2SA 7:21 ኔን ነ ቃላ ድራዉ፥ ነ ዎዛና ቆፋዳን ሀ ዎጋባ ኦꬃደ፥ ታና ነ ቆማ ኤርሳዳ።
2SA 7:22 “አቤት ኡባ ሞድያ መꬍና ጎዳዉ፥ ኔን አይ ኬሻ ግቴሻ! ነ ማል እቱነ ባዋ፤ ኑን ኑ ሀይꬃን ስሴዳዋዳንካ፥ ኔፐ አትና ሀራ ጾሳይ ባዋ።
2SA 7:23 ኔን ነ አሳ ኦꬃናዉ ዎዜዳ ነ አሳ እስራኤልያ ማላትያ ሀራ ካዉተꬅ ሳኣ ቦላን ባዋ። ኔን ኡንቱንቶ ኦꬄዳ ግታነ ማላልስያ ኦሶቱ ጋሱዋን ነ ሱንꬃይ ቢታን ሳኣን ኤረቴዳ። ኔን ነ አሳ ስንꬃፐ ሀራ ካዉተꬃቱዋነ ኡንቱንቱ ጾሳቱዋ ላጋዳ።
2SA 7:24 ኔን ነ አሳ እስራኤልያ መꬍናዉ ነዋ ኦꬃዳ። አቤት መꬍና ጎዳዉ፥ ኔንካ ኡንቱንቱ ጾሳ ግዳዳ።
2SA 7:25 “መꬍና ጎዳ ጾሳዉ፥ ስም ሀእ ኔን ነ ቆማዉነ አ ዘረꬃዉ ኦꬃና ጌዳዋ መꬍናዉ ናጋ፤ ኔን ኦꬃና ጌዳዋዳንካ ኪተታ።
2SA 7:26 ሄዋን ነ ሱንꬃይ መꬍናዉ ግታታና፤ አሳይካ ኔና፥ ‘ኡባፐ ዎልቃማ ጾሳይ እስራኤልያ ጾሳ’ ያጋና። ነ ቆማ ዳዊታ ዛራቱካ ነ ስንꬃን ምኒደ ኤቃና።
2SA 7:27 “አቤት ኡባፐ ዎልቃማ መꬍና ጎዳዉ፥ እስራኤልያ ጾሳዉ፥ ኔን ሀዋ፥ ‘ታን ነ ዛራቱ ደአናዳን ኦꬃና’ ያጋደ ታዉ ነ ቆማዉ ቆንጫዳ፤ ሄዋ ድራዉ፥ ታን ነ ቆማይ ኔና ሀ ዎሳ ዎሳናዉ ጻላድ።
2SA 7:28 አቤት ኡባ ሞድያ መꬍና ጎዳዉ፥ ኔን ጾሳቴ! ነ ቃላይካ አማነትያዋ፤ ኔን ሀ ሎኦ ቃላ ታዉ ነ ቆማዉ ኦꬃና ጋዳ።
2SA 7:29 ነ ስንꬃን ያ መꬍናዉ ጋምአናዳን፥ ነ ቆማ ዛርያ አንጃናዉ ህዶታዳ። አያዉ ጎፐ፥ አቤት ኡባ ሞድያ መꬍና ጎዳዉ፥ ሄዋ ሃሳያዳ፤ ቃይ ነ አንጁዋን ነ ቆማ ዛራቱ መꬍናዉካ አንጀታና” ያጋ ዎꬃዳ።
2SA 8:1 ሄዋፐ ጉይያን፥ ካቲ ዳዊተ ፕልስጼማቱዋ ጾኒደ ሞዴዳ፤ ያቲደ መተግኣማ ግያ ካታማ ፕልስጼማ አሳቱዋ ኩሽያፐ ዎꬅ አኬዳ።
2SA 8:2 ቃይ ሞኣበ አሳቱዋካ ዳዊተ ጾኔዳ። ጋድያን እ ኡንቱንታ ግስሲደ ዎዶሩዋን ልኬዳ፤ ላኡ ዎዶሩዋን ልከቴዳ ኡባቱዋ ዎꬌዳ፤ ሄዘንꬆ ዎዶሩዋን ልከቴዳዋንታ ፓጻ አጌዳ። ያትና ሞኣበ አሳቱ ዳዊታዉ ሞደቲደ ጊራ ጊሬድኖ።
2SA 8:3 ራሆባ ናአይ፥ ጾባ ካቲ ሀዳድኤዘረ ኤፍራጺሳ ሻፋ ማታን ደእያ ባረ ዛዋ ዛር አካናዉ ቢደ፥ ዳዊታና ኦለትና፥ ዳዊተ አ ጾኔዳ።
2SA 8:4 ዳዊተ አ አሳፐ እት ሻአነ ላፑን ጼቱ ፓራአ አሳቱዋና ላታሙ ሻአ ገድያ አሳቱዋ ኦሞዴዳ። ዳዊተ ጋረቱዋ ጎቻናዉ ጼቱ ፓራቱዋ አሺደ፥ ሀራ ፓራቱዋ ኡባዉ ጋዱዋ ቃንጼዳ።
2SA 8:5 ዳማስቆ ካታማን ደእያ ሶርያ ኦላንቻቱ ጾባ ካትያ ሀዳድኤዘራ ማዳናዉ ዬዳ ዎደ፥ ዳዊተ ኡንቱቱፐ ላታማነ ላኡ ሻአቱዋ ዎꬌዳ።
2SA 8:6 ሄዋፐ ጉይያን፥ ዳዊተ ሶርያ ካዉተꬃንነ ዳማስቆ ካታማን ኦላንቻቱዋ ጌሱዋ መꬌዳ። ያትና ሶርያ አሳቱ ዳዊታዉ ሞደቲደ፥ ጊራ ጊሬድኖ። ዳዊተ ቤዳ ሳኣ ኡባን መꬍና ጎዳይ አዉ ጾኑዋ እሜዳ።
2SA 8:7 ሀዳድኤዘራ ኦላ ጋዳዋቱ ኦይቂያ ዎርቃ ጎንዳልያ ዳዊተ አኪደ፥ የሩሳላመ አሄዳ።
2SA 8:8 በጻሀነ በሮታያ ጌተትያ ሀዳድኤዘራ ካታማቱዋፐ ካቲ ዳዊተ ናሃስያ ግያ ብራታ ሎይꬅ ዳሩዋ አኬዳ።
2SA 8:9 ሀዳድኤዘራ ኦላንቻቱዋ ኡባ ዳዊተ ጾኔዳዋ ሀማታ ካቲ ቶእ ስሴዳ።
2SA 8:10 ሀዳድኤዘራ ኦለቲደ ጾኔዳ ድራዉ፥ አ ሀሹ ጋናዉነ ሳሮታናዉ ባረ ናኣ ዮራማ ካትያ ዳዊታኮ ኪቴዳ። አያዉ ጎፐ፥ ሀዳድኤዘረ ቶኣራ ኦለቲደ ጋምኤዳ። ዮራመ ዪደ ዎርቃፐ፥ ብራፐነ ናሃስያፐ መቴዳ ሚሻቱዋ ዳዊታዉ አሄዳ።
2SA 8:11 ካቲ ዳዊተ ሀ ሚሻቱዋ መꬍና ጎዳዉ ዱማይ ዎꬄዳ። ቃይ ዳዊተ ባረ ጾኔዳ ካዉተꬃቱዋፐ ኡባፐ፥ ሶርያፐ፥ ሞኣበፐ፥ አሞና አሳቱዋፐ፥ ፕልስጼማ አሳቱዋፐነ አማሌቃ አሳቱዋፐ አኬዳ ዎርቃነ ብራ ራሆባ ናኣ፥ ጾባ ካትያ ሀዳድኤዘረፐ አኬዳ ኦሞዱዋ ካሰዋዳንካ ጾሳዉ ዱማይ ዎꬄዳ።
2SA 8:13 ማጽንያ ዛንጋራን ታማነ ሆስፑን ሻአ ኤዶማ አሳቱዋ ዳዊተ ዎꬍ ስሜዳዋፐ ጉይያን፥ እ ሀይꬃቴዳ።
2SA 8:14 ዳዊተ ኤዶማ ቢታ ኡባን ኦላንቻቱ ጌሱዋ መꬌዳ፤ ያትና ሄ ቢታ አሳይ ኡባይ ዳዊታዉ ሞደቴዳ። ዳዊተ ቤዳ ሳኣ ኡባን መꬍና ጎዳይ አዉ ጾኑዋ እሜዳ።
2SA 8:15 ሄዋዳን ኦꬂደ፥ ዳዊተ እስራኤልያ ኡባ ቦላ ካተቴዳ፤ ባረ አሳ ኡባ ጽሎተꬃንነ ሱረ ፕርዳን አኬዳ።
2SA 8:16 ጻሩይ ናአይ ዮኣበ ኦላንቻቱ ጋዳዋ፤ አህሉዳ ናአይ ዮሳፌጸ ሀኔዳባ ጻፍያዋ።
2SA 8:17 አህጹባ ናአይ ጻዶቅነ አብያታራ ናአይ አብመሌክ ቄሳቱ ዋ፤ ሳራይ ቃይ ጻፍያ፤
2SA 8:18 ዮዳሄ ናአይ ባናይ ካልታዋቱዋነ ፈልታዋቱዋ (ካትያ ናግያዋንቱ) ቦላ ካፑዋ። ዳዊታ አቱማ ናናይ ቄሳቱዋ።
2SA 9:1 እት ጋላስ ዳዊተ፥ “ዮናታና ድራዉ፥ ታን አዉ ኬካናዳን ሀኖ ጋካናዉ ሳኦላ ቃንꬃፐ አቴዳ አሳይ ደኢሻ?” ያጊደ ኦቼዳ።
2SA 9:2 ሄ ዎደ ጺባ ግያ እት ቆማይ ሳኦላ ሶን ደኤ፤ እ ዳዊታ ስንꬃ ያናዳን ጼሴድኖ፤ ዪና ካቲ አ፥ “ኔን ጺቤ?” ያጊደ ኦቼዳ። እካ፥ “ኤ ታን ጺባ፥ ነ ቆማ” ያጌዳ።
2SA 9:3 ሄዋፐ ጉየ ካቲ አ፥ “ጾሳ ኬካተꬃ ታን ኬካናዳን፥ ሳኦላ ቃንꬃፐ ፓላሄዳ እት አሳይነ ባዌ?” ያጌዳ። ጺብ ካትያ፥ “ዮናታና ናናቱዋፐ እቱ ሀኖ ጋካናዉ ደኤ፤ ሄ ናአዉ ላኡ ገደቱካ ስላ” ያጌዳ።
2SA 9:4 ካቲ፥ “እ ሀቃን ደኢ?” ያጌዳ። ጺብ፥ “ሎዳባራ ግያ ሳኣን አምኤላ ናኣ ማክራ ሶን ደኤ” ያጌዳ።
2SA 9:5 ሄዋፐ ጉየ ካትያ ዳዊተ ኪቲደ፥ ሎዳባራፐ አምኤላ ናኣ ማክራ ሶፐ አህሴዳ።
2SA 9:6 ሳኦላ ናኣ ዮናታና ናአይ ማንፍቦሼተ ዳዊታኮ ዬዳ፤ ይ ጋኪደ፥ ዳዊታ ስንꬃን ጾነታድ ጊደ ግሴዳ። ያትና፥ ዳዊተ አ፥ “ማንፍቦሼታ!” ያጊደ ጼሴዳ። እ፥ “አቤ ታ ጎዳዉ፥ ታን ነ ቆማ” ያጌዳ።
2SA 9:7 ዳዊተ አ፥ “ያዮፓ፤ ነ አዉዋ ዮናታና ድራዉ፥ ታን ነዉ ኬካና። ነ አዉዋ አዉዋ ሳኦላ ጋድያ ኡባ ታን ነዉ ዛራና፤ ቃይ ኔን ኡባ ዎደ ታ ማሶፍያፐ ማና” ያጌዳ።
2SA 9:8 ሄዋፐ ጉየ ማንፍቦሼተ ላኤንꬁዋ ግሲደ፥ “ሀይቄዳ ካና ማላ ታና ኔን ዶሳደ ጼላናዉ፥ ነ ቆማይ ታን ኦኔ?” ያጌዳ።
2SA 9:9 ካቲ፥ ሳኦላ ቆማ ጺባ ጼሲደ፥ “ሳኦለዋነ ሳኦላ ሶ አሳዋ ግዴዳዋ ኡባ ታን ነ ጎዳ ናኣ ናአዉ እማድ።
2SA 9:10 ነ ጎዳ ናኣ ናአይ ማናዳን ኔን፥ ነ ናናይነ ነ ቆማቱ አዉ ጋድያ ጎሽተ፤ ዶልያ ካꬃ አዉ አህተ። ግዶፐካ፥ ነ ጎዳ ናኣ ናአይ ማንፍቦሼተ ኡባ ዎደ ታ ማሶፍያፐ ማና” ያጌዳ። ጺባዉ ታማነ እቼሹ አቱማ ናናይነ ላታሙ ቆማቱ ደኢኖ።
2SA 9:11 ጺብ ካትያ፥ “ኔን ታ ጎዳይ ካቲ ነ ቆማ አዛዜዳ ኡባባ ታን ነ ቆማይ ፖላና” ያጌዳ። ሄዋ ድራዉ፥ ማንፍቦሼተ ካትያ ናናቱዋፐ እቱዋዳን ካትያ ማሶፍያፐ ሜዳ።
2SA 9:12 ማንፍቦሼታዉ ሚካ ግያ ጉꬃ ናአይ ደኤ። ጺባ ሶን ደእያ አሳቱ ኡባቱ ማንፍቦሼታዉ ቆማ ግዴድኖ።
2SA 9:13 ማንፍቦሼተ ኡባ ዎደ ካትያ ማሶፍያፐ ምያ ድራዉ፥ እ የሩሳላመን ደኤ። አ ገዲ ላአቱካ ስላ።
2SA 10:1 ሄዋፐ ጉይያን፥ አሞናቱዋ ካትያ ናኦስ ሀይቄዳ፤ አ ናአይ ሀኑን አ ኮታን ካተቴዳ።
2SA 10:2 ዳዊተ፥ “አ አዉ ታዉ ኬከዳዋዳን ናኦሳ ናኣ ሀኑናዉ ታንካ ኬካና” ያጌዳ። ሄዋ ድራዉ፥ አ ምንꬃናዉ ዳዊተ ባረ አሳ አኮ ኪቴዳ። ዳዊታ አሳይ አሞና ጋድያ ጋኬዳ ዎደ፥
2SA 10:3 አሞና አሳ ካፓቱ ባረንቱ ጎዳ ሀኑና፥ “ዳዊተ ኔና ምንꬃናዉ ሀ አሳቱዋ ኪቴዳዌ ነ አዉዋ ቦንቹዋ ድራሳ ጋድየ? እ ባረ አሳ ኪቴዳዌ ሀ ካታማ ጼላናሳ፥ ዎቻናሳነ ኦለቲደ ጾናናሳ” ያጌድኖ።
2SA 10:4 ሀኑን ዳዊተ ኪቴዳዋንታ ኦይቂደ፥ ኡንቱንቱ ቡቻፐ ባጋ ሜዴዳ፤ ኡንቱንቱ ማዩዋካ ኡትያ ዱልያ ባጋፐ ቃንጽ አኪደ፥ ኡንቱንታ የዴዳ።
2SA 10:5 ሄዋ ድራዉ፥ አሳቱ ዳሮ ዬላቴድኖ። ዳዊተ ሄዋ ስሲደ፥ እ ኡንቱንቱና ጋከትያ አሳ ኪቴዳ፤ ኡንቱንቱኮ ኪቲደ፥ “ህንተንቱ ቡቻይ ድጫና ጋካናዉ፥ ያርኮ ካታማን ደእሽተ፤ ሄዋፐ ጉይያን ሃ ዪተ” ያጌዳ።
2SA 10:6 አሞናቱ ባረንቱ ኪታን ዳዊተ ኡንቱንታ ሞርካናዳን ኦꬄዳዋ ኤሬዳ ዎደ፥ ቤት-ራሆባነ ጾባ ካታማቱዋን ደእያ ሶርያ አሳቱዋፐ ላታሙ ሻአ ገድያ አሳቱዋ፥ ቶባ ጋድያፐ ታማነ ላኡ ሻአ አሳቱዋነ ማእካ ቢታ ካትያፐ እት ሻአ አሳቱዋ ቃጻሬድኖ።
2SA 10:7 ዳዊተ ሄዋ ስሴዳ ዎደ፥ ዮኣባነ ደእያ ኦላንቻቱዋ ኡባ ኡንቱንቱ ቦላ የዴዳ።
2SA 10:8 አሞናቱ ከሲደ፥ ካታማ ፐንግያን ኦላዉ ሳልፔድኖ፤ ጾባፐነ ራሆባፐ ዬዳ ሶርያ አሳቱ፥ ቶባ አሳቱነ ማእካ አሳቱ ደምባን ባረካ ደኢኖ።
2SA 10:9 ዮኣበ ባረና ኦላይ ስንꬃናነ ጉየና ዶዴዳዋ በኤዳ፤ እስራኤላቱ ግዶፐ ኡባፐ ምንያ ኦላንቻቱዋ ዶር አኪደ፥ ሶርያ አሳቱዋ ስንꬃን ሳልፕሴዳ።
2SA 10:10 አቴዳ አሳቱዋ ባረ እሻይ አብሻይ አዛዛና ማላ ኦꬂደ፥ አሞና አሳቱዋ ስንꬃን ሳልፕሴዳ።
2SA 10:11 ዮኣበ ባረ እሻ፥ “ሶርያ አሳቱ ታዉ ዎልቃሞፐ፥ ኔን ያደ፥ ታና ማዳ። ቃይ አሞና አሳቱ ነዉ ዎልቃሞፐ፥ ታን ያደ፥ ኔና ማዳና።
2SA 10:12 ስም ምና! ኑ አሳ ድራዉነ ኑ ጾሳ ካታማቱዋ ድራዉ፥ አነ ምን ኦለቶይተ። መꬍና ጎዳይ ባረና ሎእያዋ ኦꬆ” ያጌዳ።
2SA 10:13 ሄዋፐ ጉይያን፥ ዮኣብነ አናና ደእያ አሳይ ሶርያ አሳቱዋና ኦለታናዉ ላዉሁ ጌድኖ። ያትና፥ ሶርያ አሳቱ አ ስንꬃፐ ባቃቴድኖ።
2SA 10:14 ሶርያ አሳቱ ባቃቴዳዋ አሞና አሳቱ በኤዳ ዎደ፥ ኡንቱንቱካ አብሻያ ስንꬃፐ ባቃቲደ፥ ካታማ ገሌድኖ። ዮኣበ አሞና አሳቱዋና ኦለትያዋ አጊደ፥ የሩሳላመ ስሜዳ።
2SA 10:15 ሶርያ አሳቱ እስራኤልያ አሳቱ ኡንቱንታ ጾኔዳዋ ኤሬዳ ዎደ፥ ባረንቱ ኦላንቻቱዋ ኡባ ዛሪደ ሺሼድኖ።
2SA 10:16 ካቲ ሀዳድኤዘረ ሶርያ አሳቱዋ ኤፍራጺሳ ሻፋፐ ሄፍንꬃ ባጋፐ ኪቲደ አህሴዳ፤ ሄላማ ቤድኖ። ሀዳድኤዘራ ኦላንቻቱ ጋዳዋይ ሾባክ ኡንቱንታ ካለꬄ።
2SA 10:17 ዳዊተ ሄዋ ስሴዳ ዎደ፥ እስራኤልያ ኦላንቻቱዋ ሺሺደ፥ ዮርዳኖሳ ሻፋ ፕኔዳ፤ ሄላማ ጋኬዳ። ሶርያ አሳቱ ዳዊታና ጋከታናዉ ሳልፒደ፥ አናና ኦለቴድኖ።
2SA 10:18 ሽን ሶርያ አሳቱ እስራኤላቱ ስንꬃፐ ባቃቴድኖ፤ ዳዊተ ሶርያ ኦላንቻቱዋፐ ፓራ ጋርያ ላግያ ላፑን ጼቱ አሳቱዋነ ኦይታሙ ሻአ ፓራ አሳቱዋ ዎꬌዳ፤ ኡንቱንቱ ኦላ ጋዳዉዋ ሾባካካ ሾጭና፥ ሄ ሳኣን ሀይቄዳ።
2SA 10:19 ሀዳድኤዘራዉ ሞደቲደ ደእያ ካተቱ እስራኤላቱ ኡንቱንታ ጾኔዳዋ ኤሬዳ ዎደ፥ እስራኤላቱዋና ስገቲደ፥ ኡንቱንቶ ሞደቴድኖ። ሄዋፐ ስሚደ፥ ሶርያ አሳቱ አሞና አሳቱዋ ማዳናዉ ያዬድኖ።
2SA 11:1 ኦፍንꬃን፥ ካተቱ ኦላዉ ከስያ ዎደ፥ ዳዊተ ባረ አሳናነ እስራኤልያ ኦላንቻቱዋና ዮኣባ የዴዳ። ቢደ አሞና ቢታ ባይዜድኖ፤ ራባ ካታማ ዶዴድኖ፤ ሽን ዳዊተ የሩሳላመን ታኬዳ።
2SA 11:2 እት ጋላሳ ኦማርስ ዳዊተ ባረ ግሱዋፐ ደንዲደ፥ ካትያ ጎልያ ቦላን ደምባዪደ ኦꬄዳ ሳኣን ሀመቴዳ፤ ቦላ ሜጨትያ እት ምሽራቶ በኤዳ፤ ሄ ምሽራታ ዳሮ ማላ ሎአ።
2SA 11:3 ዳዊተ አሳ ኪቲደ፥ አ ኦነንቶ ኦሽሴዳ፤ ሄ ምሽራታ፥ “ሀና ኤሊኣማ ናቶ ሂትያ ኦርዮና ማቻቶ በርሳቤሆ” ያጌዳ።
2SA 11:4 ዳዊተ አሳ ኪቲደ፥ እዞ ጼስስ አህሲደ፥ እዝና አቄዳ። ሄ ዎደ ሄ ምሽራታ ፒላይ ዪደ አꬍና፥ ጌዮ ሳና ደአዉ። ሄዋፐ ጉይያን፥ አ ባረ ሶ ስማደ ባዱ።
2SA 11:5 ምሽራትዉ ሻሃራይ አትና፥ ዳዊታኮ ኪታ የዳደ፥ “ታዉ ሻሃራይ አቴዳ” ያጋዱ።
2SA 11:6 ሄዋፐ ጉይያን ዳዊተ፥ “ሂትያ ኦርዮና ታዉ ሃ የዳ” ያጊደ እዮኣበዉ ኪቴዳ፤ እዮኣበ ኦርዮና ዳዊታዉ የዴዳ።
2SA 11:7 ኦርዮን ዪና ዳዊተ አ፥ “እዮኣበ አይ ማሌ? ኦላንቻቱካ አይ ማሌ? ቃይ ኦላይ ዋኒ?” ያጊደ ኦቼዳ።
2SA 11:8 ሄዋፐ ጉይያን ዳዊተ ኦርዮና፥ “ሶይ ባ፤ ባደ ሸምፓ አካ” ያጌዳ፤ ሄዋፐ ጉይያን ኦርዮን ካትያ ጎልያፐ ከሲደ ቤዳ፤ ካቲ ኦርዮናዉ አየንቶ እምያዋ አ ጌዱዋ የዴዳ።
2SA 11:9 ሽን ኦርዮን ሶ ቤናን ካትያ ጎልያ ድርሳ ፐንግያን ባረ ጎዳ ቆማቱዋ ኡባና ግስ አቄዳ።
2SA 11:10 “ኦርዮን ባረ ሶ ብቤና” ግያዋ ዳዊተ ስሴዳ፤ ኦርዮና፥ “ኔን ሃኮ ሳፐ ያዳ ግድኪ? ነ ሶ አያዉ ባበይኪ?” ያጊደ ኦቼዳ።
2SA 11:11 ኦርዮን ዳዊታ፥ “ታቦታይ፥ እስራኤልያ አሳይ፥ ይሁዳ አሳይ፥ ታ ጎዳ እዮኣብነ ታ ጎዳ አሳይ ደምባን ዱንካንያን ደኢኖ። ያትና ታን ዋናደ ሶ ባደ ሞ፥ ኡሾ፥ ቃይ ታ ማቻትና አቆ? ነ ሸምፑ ኤሮ! ታን ሀዋ ማላ ኦꬅከ” ያጊደ ዛሬዳ።
2SA 11:12 ሄዋፐ ጉየ ዳዊተ ኦርዮና፥ “እት ጋላሳ ሀዋን ጋምአ፤ ዎንት ኔና ጉየ የዳና” ያጌዳ፤ ኦርዮን ሄ ጋላስነ ዎንተꬃ ጋላስ የሩሳላመን ታኬዳ።
2SA 11:13 ዳዊተ ሾቢና፥ ኦርዮን አናና ሜዳነ ኡሼዳነ። ዳዊተ አ ማꬆዬዳ። ሽን ሄ ኦማርስ ኦርዮን ባረ ሶ ቤናን፥ ባረ ግሱዋ ሂጺደ፥ ባረ ጎዳ ቆማቱዋ ግዶን አቄዳ።
2SA 11:14 ዎንትና ጉራ ዳዊተ እዮኣባዉ ዳብዳቢያ ጻፊደ፥ ኦርዮና ቦላ የዴዳ።
2SA 11:15 ዳዊተ ዳብዳቢያን እዮኣባ፥ “ኦላይ ተኡዋ ዳርያ ሳኣን፥ ስንꬃ ባጋና ኦርዮና ዎꬃ፤ ሄዋፐ ጉይያን፥ እ ሾጨቲደ ሀይቃና ማላ፥ አ ማታፐ ክችተ” ያጌዳ።
2SA 11:16 እዮኣበ ሄ ካታማ ዶዲደ፥ ሞርክያ ኦላንቻቱዋፐ ምኖቱ ደእያ ሳኣ ኤሪደ፥ ኦርዮና ያን ዎꬄዳ።
2SA 11:17 ካታማ አሳቱ ከሲደ ዮኣባና ኦለትና፥ ዳዊታ ኦላንቻቱዋፐ አማራቱ ሀይቄድኖ፤ ሂትያ ኦርዮንካ ሀይቄዳ።
2SA 11:18 እዮኣበ ኦላን ሀኔዳባ ኡባ ዳዊታዉ ኪቴዳ።
2SA 11:19 ብያ ብታንያ እዮኣበ፥ “ኦላን ሀኔዳባ ኡባ ኔን ካትያዉ ኦዳ ዉርስሽን፥
2SA 11:20 ኦን ኤሪ፥ ካቲ ሀንቁዋ ኤጽ ከሳና፤ ሀንቀቲደ ኔና፥ ‘ህንተ ኡንቱንቱና ኦለታናዉ ካታማኮ አያዉ ሎይꬅ ሺቄድቴ? ኡንቱንቱ ግምቢያ ጼራና ዎንዳፍያን ዱካናዋ ኤርበይክተየ?
2SA 11:21 ጌዶና ናኣ አብመሌካ ኦን ዎꬌዴ? ጋጭያ ማይድያ ግምቢያ ጼራና ዱገ ኦላደ፥ ተበጻ ግያ ሳኣን እት ማጫውና ዎꬋዱ ግደኬ? ያትና፥ ህንተንቱ ግምቢያኮ አያዉ ሺቄድቴ?’ ያጊደ ኦችያዋ ግዶፐ ኔን ካትያ፥ ‘ነ ቆማይ፥ ሂትያ ኦርዮንካ ሀይቄዳ’ ያጋ” ያጊደ አዛዜዳ።
2SA 11:22 ኪተቴዳዌ ደንዲደ ብ ጋኪደ፥ እዮኣበ ባረና ኪቴዳዋ ኡባ ዳዊታዉ ኦዴዳ።
2SA 11:23 ብታኒ ዳዊታ፥ “ኑ ሞርከቱ ኑፐ ዎልቃ ሜድኖ፤ ኑናና ኦለታናዉ ካታማፐ ጋጻ ደምባ ከሴድኖ፤ ሽን ኑን ኡንቱንቱ ካታማ ፐንግያ ጋካናዉ፥ ጉየ ዛሪደ የደርሴዶ።
2SA 11:24 ሄዋፐ ጉይያን፥ ዎንዳፍያ ዱክያዋንቱ ግምቢያ ጼራና ነ ቆማቱዋ ቦላ ዱኬድኖ፤ ካትያ አሳቱዋፐ አማሬዳዋንቱ ሀይቄድኖ፤ ቃይ ነ ቆማይ፥ ሂትያ ኦርዮንካ ሀይቄዳ” ያጌዳ።
2SA 11:25 ዳዊተ ኪተቲደ ዬዳዋ፥ “ኔን እዮኣባ ሀዋዳን ያጋ፤ ‘ሀዎ ሀንቀቶፓ፤ አያዉ ጎፐ፥ ማሻይ እት ገደ ሀዋ፥ እት ገደ ቃይ ሀራ ዎꬌዳ፤ ካታማ ኦላደ ኦይቃናዉ ምና’ ያጋደ አ ምንꬃ” ያጌዳ።
2SA 11:26 ኦርዮና ማቻታ ባረ አስናይ ሀይቄዳዋ ስሴዳ ዎደ፥ አዉ ዬካዱ።
2SA 11:27 እዛ ካዮትያ ዎዲ ፖለቶዋፐ ጉይያን፥ ዳዊተ እዞ ባረ ሶ ኪቲደ አህሴዳ። እዛ አዉ ማቻቶ ግዳዱ፤ ያታደ አዉ አቱማ ናኣ የላዱ። ሽን ዳዊተ ኦꬄዳ ኪታይ መꬍና ጎዳ ስንꬃን ኢታባ ግዴዳ።
2SA 12:1 መꬍና ጎዳይ ናታና ዳዊታኮ ኪቴዳ፤ ናታን አኮ ዪደ፥ ሀዋዳን ያጌዳ፤ “እት ካታማን ላኡ አሳቱ ደኢኖ፤ ኡንቱቱፐ እቱ ዱረ፤ ቃይ እቱ ማንቁዋ።
2SA 12:2 ዱረ ብታንያዉ ዳሮ ዶርሳይነ ሚዛይ ደኤ፤
2SA 12:3 ሽን ማንቆ ብታንያዉ እ ሻሚደ ሄምያ እት ዶርሳ ማራትፐ ሀራባይ አያይነ ባዋ። ሄ ዶርሳታ አናናነ አ ናናቱዋና ድጫዱ፤ እዛ አ ቁማፐ ማዉ፤ አ ዋንጫፐ ኡሻዉነ አ ክዉዋን ግሳዉ። ሄ ዶርሳታ አዉ ማጫ ናኣ ማላ።
2SA 12:4 “እት ጋላስ እት እማꬃይ ሄ ዱረ ብታንያ ሶ ዬዳ፤ ሽን ዱሪ ባረ ዶርሳፐ ዎይ ባረ ሚዛፐ አኪደ ሹኪደ፥ ባረ ሶ ዬዳ እማꬃ ሞካናዉ ኮይቤና። እ ሄ ማንቆ ብታንያ ዶርሳቶ አኪደ፥ ሄ ሶ ዬዳ እማꬃ ምዝያዋ ካꬄዳ” ያጌዳ።
2SA 12:5 ዳዊተ ሄ ዱረ ብታንያ ቦላ ሀንቁዋ ኤጽ ከሲደ ናታና፥ “መꬍና ጎዳይ ኤሮ! ሀዋ ኦꬄዳ ብታኒ ሀይቃናዉ በሰ።
2SA 12:6 ቃይ እ ሄ ዶርሳ ማራት ድራዉ ኦይዱ ኩሽያ አꬂደ ጭጋናዉ ኮሼ፤ አያዉ ጎፐ፥ ቃረታ ꬋዪደ እ ሄዋ ኦꬄዳ” ያጌዳ።
2SA 12:7 ናታን ዳዊታ፥ “ሄ ብታኒ ኔና! መꬍና ጎዳይ እስራኤልያ ጾሳይ ሀዋዳን ያጌ፤ ‘ታን ኔና እስራኤልያ ቦላ ኦካደ ካተያድ፤ ሳኦላ ኩሽያፐካ ታን ኔና አሻድ፤
2SA 12:8 ታን ነ ጎዳ ጎልያ ነዉ እማድ፤ ነ ጎዳ ማጫ አሳቱዋካ ነ ክዉዋን የጋድ፤ እስራኤልያ ጎልያ አሳነ ይሁዳ ጎልያ አሳ ታን ነዉ እማድ። ሀዌ ኡባይካ ጉጾፐ፥ ታን ነዉ ሀራካ ጉጃ እማና ሽን።
2SA 12:9 ሀዋ ማላ ኢታባ አ ስንꬃን ኦꬃደ፥ አያዉ መꬍና ጎዳ ቃላ ካꬋዲ? ሂትያ ኦርዮና ማሻን ዎꬋዳ፤ ያታደ አ ማቻቶ ነዉ አካዳ። ኤ፥ አሞና አሳቱዋ ማሻን አ ዎꬋዳ።
2SA 12:10 ኔን ታና ካꬋደ፥ ሂትያ ኦርዮና ማቻቶ ነዉ አኬዳ ድራዉ፥ ነ ዛርያፐ ማሻይ ኡባካ ሻከተና’ ያጌ።
2SA 12:11 “ሄዋ ድራዉ መꬍና ጎዳይ፥ ‘ታን ነ ሶ አሳ ግዶፐ ነ ቦላ ኢታባ አሀና፤ ነ ማቻቱዋ ኔን ጼልሽን ደንꬃደ፥ ነዉ ማታትያ ኡራዉ እማና፤ ሴታ ጋላሳን ሄ ብታኒ ነ ማጫ አሳቱዋና ግሳናዋ።
2SA 12:12 ኔን ሄዋ ጌማን ኦꬃዳ፤ ሽን ታን ሀዋ ሴታ ጋላስ እስራኤልያ አሳ ኡባ ስንꬃን ኦꬃና’ ያጌ” ያጌዳ።
2SA 12:13 ዳዊተ ናታና፥ “ታን መꬍና ጎዳ ቦላ ናጋራ ኦꬃ ክቻድ” ያጌዳ። ናታን፥ “መꬍና ጎዳይካ ነ ናጋራ አቶ ግ ድጌዳ፤ ኔን ሀይቃካ።
2SA 12:14 ኔን ሀዋ ኡዳደ፥ መꬍና ጎዳ ሞርከቱ አ ካꬋናዳን ኦꬄዳ ድራዉ፥ ነዉ የለቴዳ ናአይ ሀይቃና” ያጌዳ።
2SA 12:15 ናታን ባረ ሶ ቤዳዋፐ ጉይያን፥ ኦርዮና ማቻታ ዳዊታዉ የሌዳ ናኣ መꬍና ጎዳይ ሾጭና እ ሀርጌዳ።
2SA 12:16 ዳዊተ ሀ ናአዉ ጾሳ ዎሴዳ፤ ዳዊተ ካꬃ ሜናን ጾሜዳነ ባረ ሶ ገሊደ፥ ቃማ ቃማ ቢታን ግስ አቄዳ።
2SA 12:17 አ ሶ ጭማቱ አ ቢታፐ ደንꬃናዉ አ ማታን ኤቄድኖ፤ ሽን ቢታፐ ደንደናን እጼዳ፤ እ ኡንቱንቱና ቁማ ምቤና።
2SA 12:18 ላፑንꬃ ጋላስ ናአይ ሀይቄዳ። ዳዊታ ቆማቱ ናኣ ሀይቁዋ ኦዳናዉ ያዬድኖ፤ “ናአይ ፓጻ ደእሽን ኑን ዳዊታ ሃሳይሴዶ፤ ሽን ስሰናን እጼዳ። ያትና፥ ናአይ ሀይቄዳዋ ኑን አዉ ዋቲደ ኦዳናዉ ዳንዳየቶ? ኦን ኤሪ፥ እ ባረና ቆሀነንቶነ” ያጌድኖ።
2SA 12:19 ባረ ቆማቱ እቱ እቱዋና ሳሱከትያዋ ዳዊተ በኤዳ ዎደ፥ ቄር ናአይ ሀይቄዳዋ ኤሬዳ። ዳዊተ ኡንቱንታ፥ “ቄር ናአይ ሀይቄዴ?” ያጊደ ኦቼዳ። ኡንቱንቱ፥ “ኤ ሀይቄዳ” ያጌድኖ።
2SA 12:20 ዳዊተ ቢታፐ ደንድ ኤቄዳ። ሜጨቲደ፥ ኦከቲደነ ባረ ማዩዋ ላሚደ፥ መꬍና ጎዳ ጎልያ ገሌዳ፤ ጎይኔዳ። ሄዋፐ ጉይያን ባረ ሶ ቢደ፥ ቁማ ኦችና ኡንቱንቱ አ ስንꬃ አꬄድኖ፤ ቁማ ሜዳ።
2SA 12:21 አ ቆማቱ አ፥ “ኔን ሀዋዳን አያዉ ሀናድ? ናአይ ፓጻ ደእሽን ጾማዳነ ዬካዳ፤ ሽን ናአይ ሀይቂና ደንዳደ፥ ቁማ ማዳ!” ያጌድኖ።
2SA 12:22 ዳዊተ ኡንቱንታ፥ “ናአይ ፓጻ ደእሽን ታን ጾማድነ ዬካድ፤ አያዉ ጎፐ፥ ‘ኦን ኤሪ፥ መꬍና ጎዳይ ታና ማርና፥ ናአይ ፓጻነንቶነ’ ያጋደ ቆፓድ።
2SA 12:23 ሽን ናአይ ሀእ ሀይቂና፥ ታን አያዉ ጾሞ? ታን ናኣ ጉየ ዛራና ዳንዳያይታ? ታን አኮ ባናፐ አትና፥ እ ታኮ ስመና” ያጌዳ።
2SA 12:24 ሄዋፐ ጉይያን፥ ዳዊተ ባረ ማቻቶ በርሳቤሆ ምንꬄዳ። ዳዊተ ኢኮ ገሊደ እዝና አቄዳ፤ ያትና፥ አ አዉ አቱማ ናኣ የላዱ፤ ናኣ ሶሎሞና ሱንꬄዳ፤ መꬍና ጎዳይ ሄ ናኣ ሲቄዳ።
2SA 12:25 መꬍና ጎዳይ ናኣ ሲቄዳ ድራዉ፥ ናኣ “ይዲድያ” ጊደ ሱንꬃና ማላ፥ ትምቢትያ ኦድያ ናታና ቦላ ኪቴዳ።
2SA 12:26 ሄ ዎደ ዮኣበ አሞናቱዋ ካታማ ራባ ኦለቲደ፥ ካትያ ጌሱዋ ኦይቄዳ።
2SA 12:27 እዮኣበ ዳዊታኮ ኪታ የዲደ፥ “ታን ራባ ካታማ ኦላደ፥ ሃꬃ ዱቂያ ሳኣ ኦይቃድ።
2SA 12:28 ሄዋ ድራዉ፥ አቴዳ ኦላንቻቱዋ ሺሻደ ካታማ ኦላደ ኦይቃ። ሄዌ ꬋዮፐ፥ ታን ካታማ ኦይቃይ። ያቶፐ፥ እ ታ ሱንꬃን ጼገታና” ያጌዳ።
2SA 12:29 ዳዊተ ባረ ኦላንቻቱዋ ኡባ ሺሺደ፥ ራባ ካታማ ቢደ፥ ኦለቲደ ኦይቄዳ።
2SA 12:30 ኡንቱንቱ ካትያ ካላቻካ አ ሁጲያፐ አኬዳ። ሄ ዎርቃ ካላቻይ ሀታማነ ኦይዱ ኪሎ ግራምያ ዴጼ፤ አ ግዶን አልኦ ሹቻይ ደኤ። ሄ ካላቻ ዳዊታ ሁጲያን ዎꬄዳ። ካታማፐ ሎይꬅ ዳሮ ኦሞዱዋ ዳዊተ ኦሞዲደ አሄዳ።
2SA 12:31 ሄ ካታማ አሳ ያፐ ከሲደ፥ ማጋዝያን፥ ብራታ ሻልክያንነ ብራታ ካልታን ኦꬃናዳን ኦꬄዳ፤ ቃይ ኡንቱንታ ኡርቃፐ ጹብያ መꬋናዳን ኦꬄዳ። አሞናቱዋ ካታማቱዋ ኡባን ደእያ አሳ እ ሄዋዳን ኦꬄዳ። ሄዋፐ ጉይያን፥ ዳዊተነ አ ኦላንቻቱ ኡባይ የሩሳላመ ስሜድኖ።
2SA 13:1 እት ዎደ ሀዋዳን ሀኔዳ። ዳዊታ ናኣ አበሰሎማዉ ታማሮ ግያ እት ማላ ሎኦ ምቻታ ደአዉ፤ ዳዊታ ናአይ አምኖን ታማሮ ሲቄዳ።
2SA 13:2 አ ምቻታ ታማራ ዎዶሮ ግዴዳ ድራዉነ እ እዞ አይነ ኦꬃናዉ ዳንዳየናባ አዉ ማላቴዳ ድራዉ፥ አምኖን ታማሮ ቆፒደ ግልቄዳ።
2SA 13:3 ሽን አምኖናዉ ዳዊታ እሻ ሻማ ናኣ ዮናዳባ ጌተትያ ላጊ ደኤ፤ ዮናዳብ ዳሮ ሂላንቻ አሳ።
2SA 13:4 ዮናዳብ አምኖና፥ “ኔን ካትያ ናኣ፤ ያትና፥ ጋላስ ጋላስ አያዉ ግልቃይ? ኔን ታዉ አያዉ ኦድኪ?” ያጊደ ኦቼዳ። ሽን አምኖን አ፥ “ታ እሻ አበሰሎማ ምቻቶ ታማሮ ታን ዶሳይ” ያጌዳ።
2SA 13:5 ዮናዳብ አምኖና፥ “ባ፤ ሳከትያዋ ማላታደ ግሱዋን ግሳ ባሻ። ነ አዉ ኔና በአናዉ ይያ ዎደ፥ ‘ታ ምቻታ ታማራ ያደ ታዉ ምያባ እሙ፤ ታን እዞ ጼልሽን ቁማ ታ ስንꬃን ካꬃደ ታና ባርሱ’ ያጋደ ኦቻ” ያጌዳ።
2SA 13:6 አምኖን ሳከቴዳዋ ማላት ቢደ ግሱዋን ግሴዳ። ካቲ አ በአናዉ ዬዳ ዎደ፥ አምኖን አ፥ “ታ ምቻታ ታማራ ያደ፥ ታዉ እት ሎኦ ኡክꬃ ታ ጼልሽን ኡካንቶነ ታን እ ኩሽያፐ ምንቶ ዶሳይ ሽን” ያጌዳ።
2SA 13:7 ዳዊተ ታማርኮ ካትያ ሶ ኪቲደ፥ “ነ እሻ አምኖና ሶ ሀእ ባደ፥ አዉ ቁማ ካꬃ” ያጌዳ።
2SA 13:8 ታማራ ባረ እሻ አምኖና ሶ ባዱ፤ ሄ ዎደ እ ግሴዳ። ታማራ አማሬዳ ꬊልያ ሙናቃደ፥ አምኖን ጼልሽን ኡክꬃ ኡካዱ።
2SA 13:9 ታማራ ባሽያፐ ኡክꬃ ከሳደ አዉ አꬃዱ፤ ሽን እ ሜናን እጼዳ። አምኖን፥ “አሳ ኡባ ሀዋፐ ከስ ድግተ” ያጌዳ፤ አሳይ ኡባይ አ ማታፐ ከሴዳ።
2SA 13:10 ሄዋፐ ስሚደ አምኖን ታማሮ፥ “ታን ነ ኩሽያፐ ማናዳን ቁማ ሃ ታ ሲርጻ አካደ ያ” ያጌዳ፤ ታማራ ባረ ኡኬዳ ኡክꬃ አካደ፥ ባረ እሻ አምኖና ሲርሳ ገልሳዱ።
2SA 13:11 ታማራ ቁማ አኮ ሺሼዳ ዎደ፥ እዞ ኦይቂደ፥ “ታ ምቻተ፥ ሃያ! ታናና ግሳ” ያጌዳ።
2SA 13:12 እዛ፥ “ታ እሻዉ፥ ክቻ ሀነና! ታና ዎልቃንꬆፓ! ሀዋ ማላባይ እስራኤልያ ቢታን ኦሰታናዉ በሰናባ፤ ሀዋ ማላ ኢታባ ኦꬆፓ።
2SA 13:13 ታ ፖኩዋ ታን ዋታደ ገንꬃናዉ ዳንዳያይታ? ቃይ ኔንካ እስራኤልያ ግዶን ካዉሻ አሳ ግዳና። ሀያና ካትያ ሀእ ኦቻ። እ ታን ኔና ገላናዉ ድገና” ያጋዱ።
2SA 13:14 ሽን እዛ ኦድያዋ ስሰናን እጼዳ። እ ኢፐ ዎልቃማ ግድያ ድራዉ፥ እዞ ዎልቃን ኦይቂደ ባይዜዳ።
2SA 13:15 ሄዋፐ ጉይያን፥ አምኖን እዞ ሎይꬅ እጼዳ፤ ካሰ እዞ ሲቄዳዋፐ አꬂደ እጼዳ። አምኖን እዞ፥ “ከሳ! ከሳደ ባ!” ያጌዳ።
2SA 13:16 እዛ፥ “ቢከ! ኔን ታና ሀእ ካረ የደርስያ ባላይ ኔን ሀኖ ጋካናዉ ታ ቦላ ኦꬄዳ ባላፐ አꬌ” ያጋዱ። ሽን እ እዝዉ ስሰናን እጼዳ።
2SA 13:17 አምኖን ባረ ቆማ ጼሲደ፥ “ሀ ምሽራቶ ታ ስንꬃፐ ከሳ፤ እዞ ካረ ከሳ ድጋደ፥ ካርያ ጎርዳ” ያጌዳ።
2SA 13:18 ቆማይ ምሽራቶ ካረ ከሲደ፥ ካርያ ጎርዴዳ። አ ዳሮ አሌቁዋና ደእያ ማዩዋ ማያዱ፤ አያዉ ጎፐ፥ ካትያ ማጫ ናናይ ዎዶራቱ ሄዋ ማላ ማዩዋ ማዪኖ።
2SA 13:19 ታማራ ብድንꬃ ባረ ሁጲያን ቆላደ፥ ባረ ማዬዳ አሌቁዋና ደእያ ማዩዋ ፔꬋዱ፤ ባረ ሁጲያ ኦይቃደ፥ ዋሱዋ ጹላደ ባዱ።
2SA 13:20 እ እሻ አበሴሎም እዞ በኤዳ ዎደ፥ “ነ እሻይ አምኖን ኔና ባይዜዴ? ታ ምቻተ፥ ኔን ሀእ ጮኡ ጋ። እ ነ እሻ፤ ሀ የዉዋ ኔን ኡሉዋን ኦይቆፓ” ያጌዳ። ሄዋ ድራዉ፥ ታማራ ካዮታደ ባረ እሻ አበሰሎማ ሶን፥ አሳን ጋከተናን ደኣዱ።
2SA 13:21 ካቲ ዳዊተ ሀ የዉዋ ስሴዳ ዎደ፥ ሎይꬅ ሀንቀቴዳ።
2SA 13:22 አበሴሎም አምኖናዉ ማልኡዋ ጫሙዋካ ቃትቤና። ባረ ምቻቶ ታማሮ ባይዜዳ ድራዉ፥ አምኖና ሞርኬዳ።
2SA 13:23 ላኡ ላይꬃፐ ጉይያን፥ ኤፍሬማ ዛዋ ማታን ባኦል-ሀጾራ ግያ ሳኣን አበሴሎም ዶርሳ እስክያ ሜድሴ፤ ካትያ ናናይ ኡባይ ሄ ሳኣ ያናዳን አበሴሎም ኡንቱንታ ጼሴዳ።
2SA 13:24 አበሴሎም ካትያኮ ዪደ፥ “ታ ካትያዉ፥ ታን ነ ቆማይ ታ ዶርሳቱዋ እስክያ ሜድሳይ፤ ኔንነ ነ ኦሳንቻቱ ኑናና ደንዴርክተ!” ያጌዳ።
2SA 13:25 ካቲ አበሰሎማ፥ “ቱይት ታ ናአዉ! ኑን ኡባይ ቦፐ፥ ነዉ ቶኮ ግዳናዋ” ያጌዳ። አበሴሎም ካትያ ዳሮፐ ሾቤዳ፤ ካቲ ቡሳ እጼዳ፤ ሽን አበሰሎማ አንጄዳ።
2SA 13:26 አበሴሎም ካትያ፥ “ኔን ባና ꬋዮፐ፥ ታ እሻ አምኖን ኑናና ቦ” ያጌዳ። ካቲ፥ “እ ኔናና አያዉ ባኔ?” ያጌዳ።
2SA 13:27 ሽን አበሴሎም ሾቢደ አገናን እጽና፥ ዳዊተ አምኖናነ ባረ አቱማ ናና የንኮቱዋ አናና የዴዳ።
2SA 13:28 አበሴሎም ባረ ቆማቱዋ፥ “ስስተ! አምኖን ዎይንያ ኤሳ ኡሺደ ካልያ ዎደነ ታን ህንተንታ፥ ‘አምኖና ሾጭተ’ ያግያ ዎደ፥ ህንተንቱ አ ዎꬍተ። ያዮፕተ! ህንተና አዛዜዳዌ ታና። ምንተ! ጻልተ!” ያጊደ አዛዜዳ።
2SA 13:29 አበሰሎማ ቆማቱ እ አዛዜዳዋዳን አምኖና ኦꬄድኖ። ሄዋፐ ጉይያን፥ ካትያ አቱማ ናናይ ኡባቱ ደንዲደ፥ ባረንቱ ባቁሉዋ ባቁሉዋ ቶጊደ ባቃቴድኖ።
2SA 13:30 ኡንቱንቱ ብሮ ኦግያን ደእሽን፥ “አበሴሎም ካትያ ናና ኡባ ዉርሴዳ፤ ኡንቱቱፐ እቱነ አትቤና” ጌተትያ ኦዱ ዳዊታኮ ጋኬዳ።
2SA 13:31 ካቲ ደንድ ኤቂደ፥ ካዮ ባረ ማዩዋ ፔꬌዳ፤ ያቲደ ቢታን ግሴዳ። አ ቆማቱ ኡባቱካ ባረንቱ ማዩዋ ፔꬊደ፥ አ ማታን ኤቄድኖ።
2SA 13:32 ዳዊታ እሻ ሻማ ናአይ ዮናዳብ፥ “ታ ጎዳዉ፥ ኡንቱንቱ ካትያ ናና ኡባ ዎꬍ ድጌድኖ ጋደ ቆፖፓ፤ አምኖና ጻላላይ ሀይቄዳ። አያዉ ጎፐ፥ አምኖን ባረ ምቻቶ ታማሮ ባይዜዳ ጋላሳፐ ዶሚደ፥ አበሴሎም አ ቦላን ፖላናዉ ሀልቼዳዋ ግዴዳ።
2SA 13:33 ሀእካ ታ ጎዳይ ካቲ ባረ ዎዛናን፥ ‘ካትያ ናናይ ኡባቱ ሀይቄድኖ’ ያጊደ ኦዴዳ ኦዱዋ ቱማ ጎፖ፤ አምኖና ጻላላይ ሀይቄዳ” ያጌዳ።
2SA 13:34 ሄ ዎደ አበሴሎም ባቃቴዳ። ናግያ ብታኒ ꬎቁ ጊደ ጼልያ ዎደ፥ ባረፐ አዋይ ዉልያ ባጋና ደእያ ኦግያና ደርያ ላንቂያ ኦይቂደ፥ ጮራ አሳይ ይያዋ በኢደ ካትያዉ ኦዴዳ።
2SA 13:35 ሄ ዎደ ዮናዳብ ካትያ፥ “በአ! ታን ነ ቆማይ ኦዴዳዋዳን ካትያ ናናይ ዬድኖ” ያጌዳ።
2SA 13:36 እ ሃሳዪደ ዉርስና ካትያ ናናይ ገሊደ ባረንቱ ቃላ ꬎቁ ኦꬂደ ዋሴድኖ። ቃይ ካቲነ አ ኦሳንቻቱ ኡባይ ይባታ ዬኩዋ ዬኬድኖ።
2SA 13:37 አበሴሎም ባቃቲደ፥ አምሁዳ ናኣ ታልማያኮ፥ ጋሹራ ቢታ ካትያኮ ቤዳ፤ ሽን ካቲ ዳዊተ ኡባ ጋላስ ባረ ናአዉ ዬኬዳ።
2SA 13:38 አበሴሎም ባቃቲደ ጋሹራ ጋድያ ቤዳዋፐ ጉይያን፥ ያን ሄዙ ላይꬃ ደኤዳ።
2SA 13:39 ካቲ ዳዊተ አበሰሎማ በአናዉ አሞቴዳ፤ አያዉ ጎፐ፥ አምኖና ሀይቆ ካዮትያዋፐ እ ምነቴዳ።
2SA 14:1 ጻሩይ ናአይ እዮኣበ ካቲ ዳዊተ አበሰሎማ ላሞቴዳዋ ኤሬዳ።
2SA 14:2 ሄዋ ድራዉ፥ ዮኣበ ታቆአ ካታማ ኪቲደ፥ ያፐ እት ኤራንቻ ምሽራቶ አህሲደ እዞ፥ “ኔን ካዮትያ አሳዳን ሀና፤ ካዩዋ ማዩዋ ማያ፤ ሽጭስያዋ ኦከቶፓ፤ ዳሮ ዎደፐ ዶሚደ፥ ሀይቄዳ አሳዉ ካዮትያ ማጫ አሳዳን ሀና።
2SA 14:3 ያታደ ካትያኮ ባደ ሀ ቃላቱዋ አዉ ኦዳ” ያጌዳ። እዮኣበ አ ካትያዉ ኦዳናዋ እዝዉ ኦዴዳ።
2SA 14:4 ታቆአ ካታማ ምሽራታ ካትያኮ ቤዳ ዎደ፥ ቢታን ግሳ ጉፋናደ፥ “ካትያዉ፥ ታና ማዳርኪ!” ያጋዱ።
2SA 14:5 ካቲ እዞ፥ “ኔና አዬ መቴዳዌ?” ያጊደ ኦቼዳ። እዛ፥ “ታን አስናይ ሀይቄዳ ማጫ አሳ።
2SA 14:6 ታዉ ነ ቆማትዉ ላኡ አቱማ ናናይ ደኢኖ። ኡንቱንቱ እቱ እቱዋና ደምባን ዋቴድኖ፤ ኡንቱንታ ሻካናዉ እት አሳይነ ꬋይና፥ እቱ የንኩዋ ሾጪደ ዎꬌዳ።
2SA 14:7 ሀእ ታ ዳቦቱ ኡባይ ታ ቦላ ደንዲደ፥ ‘ባረ እሻ እ ዎꬌዳ ድራዉ፥ ኑን አ ዎꬋናዳን ባረ እሻ ዎꬌዳዋ ኑዉ ሀማ፤ ያቲደ ኑን ላትያዋ ꬋይሳና ያጌድኖ።’ ያቶፐ፥ ኡንቱንቱ ታዉ ላታዉ አቴዳ እት ጺፋ ቶይሲኖ፤ ታ አስና ሱንꬃካ አ ዘረꬃ ቢታፐ ꬋይሲኖ” ያጋዱ።
2SA 14:8 ካቲ ሄ ምሽራቶ፥ “ነ ሶ ባ፤ ታን ነዉ አዛዛና” ያጌዳ።
2SA 14:9 ሽን ታቆአ ካታማ ምሽራታ ካትያ፥ “ታ ጎዳዉ ካትያዉ፥ ጎሚ ታናነ ታ አዉዋ ጎልያ አሳ ኦይቆ፤ ሽን ካቲነ አ ካዉተꬃ አራታይ ጌሻ ግዶ” ያጋዱ።
2SA 14:10 ካቲ ምሽራቶ፥ “ነ ቦላ ቃላ ቃትያ ኦናነ ታኮ አሀ፤ እ ኔና ላኤንꬆ ቦቼና” ያጌዳ።
2SA 14:11 ምሽራታ ካትያ፥ “ሱꬃ አችያዌ ባሻ ቦላ ባሻ ጉጀናዳንነ ታ ናኣካ ዎናዳን ካቲ መꬍና ጎዳ ባረ ጾሳ ሱንꬃን ታዉ ጫቆ” ያጋዱ። ካቲ እዞ፥ “መꬍና ጎዳይ ኤሮ! ነ ናኣ ሁጲያ ብናናፐ እቱካ ቢታን ዎና” ያጌዳ።
2SA 14:12 ሄዋፐ ጉይያን፥ ምሽራታ ካትያ፥ “ታ ጎዳ ካትያዉ ታን እት ቃላ ሃሳያይ” ያጋዱ። ካቲ፥ “ሃሳያ” ያጌዳ።
2SA 14:13 ሄ ምሽራታ ካትያ፥ “ያትና፥ ኔን ጾሳ አሳ ቦላ ሀዋ ማላ አያዉ ኦꬃዲ? ካቲ የደርሰዳ ባረ ናኣ ጉየ ዛርቤና ድራዉ፥ ባረ ሃሳዬዳ ቃላዉ ካቲ ባይዛንቻ ግደኔ?
2SA 14:14 ኑን ኡባይ ሀይቃና፤ ቢታን ጉኬዳ ሃꬃይ ስመናዋዳን፥ ኑን ላኤንꬆ ስሞኮ። ሽን ጾሳይ ቦሄቴዳ አሳይ ኡባካ ꬋየና ማላ፥ አዉ ኦግያ ጊግሴፐ አትና፥ እ ጮ ꬋያናዳን ኮየና።
2SA 14:15 “ታና አሳይ ያሽስያ ድራዉ፥ ታ ጎዳዉ ካትያዉ ታን ሀዋ ኦዳናዉ ሀእ ያድ። ታን ነ ቆማታ፥ ‘ታን ካትያዉ ሃሳያና፤ ኦን ኤሪ፥ ታን አ ቆማታ ኦችያዋ ካቲ ፖላነንቶነ፤
2SA 14:16 ጾሳይ ኑዉ እሜዳ ላታፐ ታናነ ታ ናኣ ꬋይሳናዉ ኮይያ አሳ ኩሽያፐ ካቲ ስሲደ አሻነንቶነ’ ያጋደ ቆፓይ።
2SA 14:17 ቃይካ ታን ነ ቆማ፥ ‘ሎኡዋነ ኢታ ሻካናዉ ታ ጎዳይ ካቲ ጾሳ ኪታንቻ ማላ ግድያ ድራዉ፥ ታ ጎዳ ካትያ ቃላይ ታና ዎፕሶ። መꬍና ጎዳይ ነ ጾሳይ ኔናና ግዶ’ ያጋይ” ያጋዱ።
2SA 14:18 ካቲ ምሽራትዉ፥ “ታን ኔና ኦቻና ሀንያባ ዛሩዋ ኔን ታፐ ቆሶፓ” ያጌዳ። ምሽራታ፥ “ታ ጎዳይ ካቲ ሃሳዮ” ያጋዱ።
2SA 14:19 ካቲ ምሽራቶ፥ “ሄዋን ኡባን እዮኣባ ኩሺ ኔናና ደኢ?” ያጊደ ኦቼዳ። ምሽራታ፥ “ታ ጎዳዉ ካትያዉ፥ ነ ሸምፑ ኤሮ! ኔን ታ ጎዳይ ካቲ ሃሳዬዳ ኡባባፐ ኡሸቻ ዎይ ሀድርሳ ጋናዉ ዳንዳይያ እት አስካ ባዋ። ኤ፤ ሀዋ ታና አዛዜዳዌ፥ ታ ዶናን፥ ነ ቆማት ዶናን ሀዋ ዎꬄዳዌ ነ ቆማ እዮኣባ።
2SA 14:20 ሀእ ደእያ ሀኖታ ላማናዉ ነ ቆማይ እዮኣበ ሀዋ ኦꬄዳ። ጾሳ ኪታንቻዉ ደእያ አꬌዳ ኤራ ማላይ ታ ጎዳዉ ደኤ፤ ቢታን ሀንያዋ ኡባባ እ ኤሬዳ” ያጋዱ።
2SA 14:21 ካቲ እዮኣባ፥ “ዳሮ ሎአ! ታን ሀዋ ኦꬃና! ባ፤ ሄ ያላጋ ብታንያ አበሰሎማ አካደ ያ” ያጌዳ።
2SA 14:22 እዮኣበ ካትያ ስንꬃን ግስ ጉፋኒደ፥ ካትያ ሀዋዳን ያጊደ አንጄዳ፤ “ታ ጎዳዉ ካትያዉ፥ ነ ስንꬃን ናሸቴዳዋ ነ ቆማይ ሀቼ ኤሬዳ፤ አያዉ ጎፐ፥ ካቲ ባረ ቆማይ ኦቼዳዋ ስሴዳ” ያጌዳ።
2SA 14:23 ሄዋፐ ጉይያን፥ ዮኣበ ደንዲደ ጋሹራ ጋድያ ቢደ አበሰሎማ የሩሳላመ አክ ዬዳ።
2SA 14:24 ሽን ካቲ፥ “እ ባረ ሶ ባናዉ በሰ፤ እ ታ ዴሙዋ በኦፖ” ያጌዳ፤ አበሴሎም ባረ ሶ ቤዳ፤ ካትያ ዴሙዋካ በእቤና።
2SA 14:25 እስራኤልያ ኡባ ግዶን ማላ ሎኡነ አበሴሎማዳን ሳበቴዳ እት አሳይነ ባዋ። አ ሁጲያፐ ቢደ ገድያ ጹጉንꬃይ ጋካናዉካ አን ካꬍያባይ ባዋ።
2SA 14:26 እ ባረና ዴጽያ ዎደ ባረ ሁጲያ ብናና ቃንጽሴ፤ ባረ ሁጲያ ብናና ቃንጽስያ ዎደ ኡባን ሚዛንያን ዎꬂደ ማዛኔ፤ ካትያ ሚዛና ልክያን ላኡ ክሎነ ሄዙ ጼቱ ግራምያ ዴጼ።
2SA 14:27 አበሰሎማዉ ሄዙ አቱማ ናናይነ እት ማጫ ናታ የለቴድኖ፤ ማጫ ናት ሱንꬃይ ታማሮ፤ ሄ ናታ ማላ ሎኦ ማጫ አሳ ግዳዱ።
2SA 14:28 አበሴሎም ላኡ ላይꬃ ኩመንꬃ ካትያ ዴሙዋ በኤናን የሩሳላመን ደኤዳ።
2SA 14:29 “ታን ኔና ካትያኮ ኪታና ማላ፥ ታኮ ሃያ” ያጊደ አበሴሎም እዮኣባዉ ኪቴዳ፤ ሽን እዮኣበ ዬናን እጼዳ። ላኤንꬁዋካ ኪቴዳ፤ ሽን እዮኣበ አኮ ዬናን እጼዳ።
2SA 14:30 ሄዋፐ ጉይያን፥ አበሴሎም ባረ ቆማቱዋ፥ “ስስተ! ታ ጎሻ ማታን እዮኣባዉ ጎሻይ ደኤ፤ አዉ ሄዋን ባንጋይ ደኤ። ቢደ ታማ ኦይꬅተ” ያጌዳ። አበሰሎማ ቆማቱ እዮኣባ ባንጋ ታማ ኦይꬄድኖ።
2SA 14:31 ያትና፥ እዮኣበ ደንዲደ፥ አበሰሎማ ሶ ቢደ “ነ ቆማቱ ታ ባንጋ አያዉ ታማ ኦይꬄድኖ?” ያጌዳ።
2SA 14:32 አበሴሎም እዮኣባ፥ “ኔን ታን ኪትና ዬናን እጼዳ ድራሳ። ኔን ካትያኮ ባደ፥ ‘አበሰሎም ሀዋዳን ያጌ፤ “ታን ጋሹራ ጋድያፐ አያዉ ያድታ? ታን ሀኖ ጋካናስካ ያን ደኤዳዋ ግድንቶ ታዉ ሎአ ሽን” ያጌ’ ጋደ ታዉ ኦቻናዳን ኮያድ። ሀእካ ታን ካትያ ዴሙዋ በአናዉ ኮያድ፤ ታን ባይዛንቻ ግዶፐ፥ እ ታና ዎꬎ” ያጌዳ።
2SA 14:33 እዮኣበ ካትያኮ ቢደ፥ አበሴሎም ጌዳዋ ኦዴዳ። ካቲ አበሰሎማ ጼስስና አበሴሎም ሶ ገሊደ፥ ካትያ ስንꬃን ሳኣን ግሲደ ጎይኔዳ፤ ያትና፥ ካቲ አበሰሎማ የሬዳ።
2SA 15:1 ሄዋፐ ጉይያን፥ አበሴሎም ፓራ ጋርያ፥ ፓራቱዋነ ባረ ስንꬃን ዎጻናዉ እሻታሙ አሳቱዋ ጊግሴዳ።
2SA 15:2 አበሴሎም ዎንታ ጉራና ደንዲደ፥ ካታማ ፐንገ አፍያ ኦግያ ዶናን ኤቄ። ሞቱ ደእያ አይ አሳይነ ካትያ ስንꬃ ፕርዳዉ ዬዳ ዎደ፥ አበሴሎም ሄ ብታንያ ጼሲደ፥ “ኔን ሀቃ ካታማፐ ያድ?” ያጊደ ኦቼ። ሄ ብታኒ፥ “ታን ነ ቆማይ እስራኤልያ ዛራቱዋፐ እቱዋፐ ያድ” ያጊደ አዉ ዛሬ።
2SA 15:3 አበሴሎም አ፥ “በአ! ነ የዉ ሎአነ ሱረ፤ ሽን ካትያ ባጋፐ ነዉ ስስያዌ ባዋ” ያጌ።
2SA 15:4 አበሴሎም ጉጂደካ፥ “ታን እስራኤልያ ቢታን ፕርዳናዉ ሱንቴዳዋ ግዳርክታሻ! ሄዋ ግድንቶ፥ ሞቱ ዎይ የዉ ደእያ ኡባይ ታኮ ዪና፥ ታን አዉ ሱረ ፕርዳ ፕርዳና ሽን” ያጌ።
2SA 15:5 ኦንነ አኮ ዪደ አዉ ሆክያ ዎደ፥ አበሴሎም ባረ ኩሽያ የዲደ፥ ሄ ኡራ ኦይቂደ የሬ።
2SA 15:6 ፕርደታናዉ ካትያኮ ይያ እስራኤለቱዋ ኡባዉ አበሴሎም ሄዋዳን ሀኔዳ፤ ያቲደ እስራኤልያ አሳ ዎዛና አበሴሎም ዉኤዳ።
2SA 15:7 ኦይዱ ላይꬃፐ ጉይያን፥ አበሴሎም ካትያ፥ “ታን መꬍና ጎዳዉ ሺቄዳዋ ጋꬃናዉ ከብሮነ ጋድያ ባና።
2SA 15:8 ታን ነ ቆማይ ጋሹራ ጋድያን ሶርያ ቢታን ደኣደ፥ ‘ታና መꬍና ጎዳይ የሩሳላመ ጉየ አፍያዋ ግዶፐ፥ ከብሮነ ካታማን ታን መꬍና ጎዳዉ ጎይናና’ ያጋደ ሺቃ ኡታድ” ያጌዳ።
2SA 15:9 ካቲ አበሰሎማ፥ “ሳሮ ባ” ያግና፥ እ ደንዲደ ከብሮነ ካታማ ቤዳ።
2SA 15:10 ሽን አበሴሎም እስራኤልያ ዛራቱዋ ኡባኮ ቆሱዋን ኪታ የዲደ፥ “ማላካታ ፑና ህንተንቱ ስሴዳ ዎደ፥ ‘አበሰሎም ከብሮናን ካተቴዳ’ ያግተ” ያጌዳ።
2SA 15:11 አበሴሎም ጼስና፥ የሩሳላመፐ አናና እትፐ ቤዳ እማꬃቱ ላኡ ጼቱ አሳ፤ ሄ አሳቱ አይነ ኤረናን ጮ አሽከተꬃን ቤድኖ።
2SA 15:12 አበሴሎም ያርሹዋ ያርሺደ፥ ዳዊታ ዞርያ አክጾፌላ ጊሎ ካታማፐ ጼስሴዳ፤ ካትያ ቦላ ደንዴዳ ማቁ ጎቤዳ፤ አበሰሎማ ካልያዋንቱካ ጮራት ጮራት ቤድኖ።
2SA 15:13 እት ኪተቴዳዌ ዪደ ዳዊታ፥ “እስራኤልያ አሳ ዎዛናይ አበሰሎማኮ ስም ክቼዳ” ያጌዳ።
2SA 15:14 ሄዋፐ ጉይያን፥ ዳዊተ ባረናና እትፐ የሩሳላመን ደእያ ባረ ኦሳንቻቱዋ፥ “ደንድተ! ኑን ባቃቶይተ! ሄዌ ꬋዮፐ፥ ኑ ግዶፐ አይ አሳይነ አበሰሎማፐ ከስ አከና። ኑን ኤሌሊደ ባና ኮሼ፤ ሄዌ ꬋዮፐ፥ እ ኤሌል ዪደ ኑና ꬋይሳና፤ ኑ ካታማ ማሻን ቡሳካና” ያጌዳ።
2SA 15:15 ካትያ ኦሳንቻቱ አ፥ “ኔን ኑ ጎዳይ ካቲ ዶሬዳ ኡባባ ኑን ነ ቆማቱ ኦꬃናዉ ጊግ ኡቴዶ” ያጌድኖ።
2SA 15:16 ካቲ ከሲደ ቤዳ፤ አ ሶ አሳይ ኡባይ አናና እትፐ ቤዳ፤ ሽን ባረ ጎልያ ናጋናዳን ታሙ ባኮቱዋ አሼዳ።
2SA 15:17 ካቲ ከስና፥ አሳይ ኡባይ አናና ቤዳ፤ ካታማዉ ዉርሰꬃ ጎልያ ላንቂያን ኤቄድኖ።
2SA 15:18 አ ኦሳንቻቱ ኡባይ አፐ ስንꬃና ሳልፒደ አꬌድኖ፤ ኡንቱንታ ካሊደ ካትያ ናግያዋንቱ (ካልታዋቱነ ፓልታዋቱ) ሳልፔድኖ፤ ቃይ ኡንቱንታ ካሊደ ጋተ ካታማፐ ዬዳ ኡሱፑን ጼቱ አሳቱ፥ ካትያ ስንꬃና ሳልፒደ አꬌድኖ።
2SA 15:19 ካቲ ጋትያ እታያ፥ “ኔን ኑናና አያዉ ያይ? ጉየ ስማደ፥ ካትያ አበሰሎማና ደአሻ። ኔን አሳ ቢታ አሳ፤ ኔን በተ።
2SA 15:20 ኔን ሳኣ ዝኖ ያዳ፤ ታን ታ ሁጲያዉ ብያሳኣ ኤረናን ደኣደ፥ ኔና ሀቼ ዋታደ ታናና ዩሾ? ጉየ ስማ፤ ነ ጋደ አሳቱዋካ ኔናና አፋ። ጾሳይ ነዉ ኬኮነ አማነቶ!” ያጌዳ።
2SA 15:21 እታይ ካትያ፥ “መꬍና ጎዳይ ኤሮ! ታ ጎዳይ ካቲ ኤሮ! ታ ጎዳይ ካቲ ደእያ ሳኣን ሀቃን ግድናካ፥ እ ታዉ ሀይቆ ግድና፥ ፓጻ ግድናካ፥ ታን ነ ቆማይ ኔናና ደአና” ያጌዳ።
2SA 15:22 ዳዊተ እታያ፥ “ሎአ! ባደ ሳልፓ” ያጌዳ፤ ግታትያ እታይ ባረ አሳቱዋ ኡባናነ ባረ ሶ አሳ ኡባና ሳልፔዳ።
2SA 15:23 ሄ ኡባ አሳይ አꬍሽን፥ ሄ ጋደ አሳይ ኡባይ ባረንቱ ቃላ ꬎቂሲደ ዬኬድኖ፤ ካቲ ቀድሮና ሻፋ ፕኔዳ፤ አሳይ ኡባይካ ባዙዋ ስሚደ ቤዳ።
2SA 15:24 ቄስያ ጻዶቅካ ሄ ሳኣን ደኤ፤ ጾሳ ቃላ ጫቁዋ ታቦታ ቶክያ ሌዋቱካ አናና እትፐ ደኢኖ። አሳይ ኡባይ ካታማፐ ከስ ዉራና ጋካናዉ፥ ጾሳ ታቦታ ቢታን ዎꬅና፥ ቄስያ አብያታረ ያርሹዋ ያርሼዳ።
2SA 15:25 ሄዋፐ ጉይያን ካቲ ጻዶቃ፥ “ጾሳ ታቦታ ካታማ ጉየ አፋ። መꬍና ጎዳይ ታናን ናሸትያዋ ግዶፐ፥ ታና እ ዛረꬅ አሂደ፥ ባረ ታቦታነ ባረ ደእያ ሳኣ ላኤንꬁዋ በሳና።
2SA 15:26 ሽን እ፥ ታን ኔናን ናሸትከ ጎፐ፥ ‘እ ባረና ሎእያዋ ኦꬆ፤’ ታን ሀዋን ደአይ” ያጌዳ።
2SA 15:27 ቃይካ ካቲ ቄስያ ጻዶቃ፥ “ስሳ፤ ኔን ነ ናኣ አህማኣጻነ አብያታራ ናኣ ዮናታና አኬዳ ካታማ ሳሮ ባ።
2SA 15:28 ህንተንቱ ታና ኤርሳናዉ ቃላ ኪታና ጋካናዉ፥ ታን ዎራን ደእያ ሻፋ ፕኑዋን ደአሻና” ያጌዳ።
2SA 15:29 ሄዋ ድራዉ፥ ጻዶቅነ አብያታረ ጾሳ ታቦታ የሩሳላመ ጉየ አፌድኖ፤ ያን ደኤድኖ።
2SA 15:30 ሽን ዳዊተ ዬኪደ ዳብረ ዛይተ ፑደꬃ ከሴዳ። እ ካዮ ባረ ሁጲያ ጉሎት ኡቴዳ፤ እ መላ ገድያን ሀመቴዳ፤ አናና ደእያ አሳቱካ ጉሎት ዬኪደ ፑደꬃ ከሴድኖ።
2SA 15:31 አሳይ ዳዊታው፥ “አክጾፌልካ አበሰሎማና ማቀትያዋንቱ ግዶን ደኤ” ያጊደ ኦዴድኖ። ዳዊተ፥ “አቤት መꬍና ጎዳዉ፥ አክጾፌላ ዞርያ ኤያተꬃዉ ላማ” ያጊደ ዎሴዳ።
2SA 15:32 ዳዊተ አሳይ ጾሳዉ ጎይንያ ሳኣ፥ ደርያ ሁጲያ ጋኬዳ ዎደ፥ አርክያ ሁሻይ ካዮ ባረ ማዩዋ ፔꬊደ፥ ባረ ሁጲያንካ ባና ቆሊደ፥ ዳዊታና ጋከታናዉ ዬዳ።
2SA 15:33 ዳዊተ አ፥ “ኔን ታናና ብያዋ ግዶፐ፥ ኔን ታዉ ቶኮ ከሳና።
2SA 15:34 ሽን ኔን ካታማ ጉየ ስማደ አበሰሎማ፥ ‘ካትያዉ፥ ታን ነ ቆማ ግዳና፤ ሀዋፐ ካሰ ነ አዉዋ ቆማ ግዴዳዋዳንካ ነዉካ ቆማ ግዳና’ ያጎፐ፥ አክጾፌላ ዞርያ ሀልሳደ ታና ማዳና።
2SA 15:35 ቄሳቱ ጻዶቅነ አብያታረ ኔናና ያን እትፐ ደአናዋ ግድክኖ? ኔን ካትያ ሶን ስስያዋ ኡባ ኡንቱንቶ ኦዳ።
2SA 15:36 ጻዶቃ ናኣ አህማኣጽነ አብያታራ ናኣ ዮናታን ያን ኡንቱንቱና ደኢኖ፤ ኔን ስስያዋ አያነ ኡንቱንቱ ቦላ ታዉ ኪታ” ያጌዳ።
2SA 15:37 አበሴሎም የሩሳላመ ገልሽን፥ ዳዊታ ላጊ ሁሻይካ ካታማ ጋኬዳ።
2SA 16:1 ዳዊተ ደርያ ሁጲያፐ ሄፍንꬃ ባጋና አꬍሽን፥ ጺባ ጌተትያ ማንፍቦሼታ ቆማይ አናና ጋከቴዳ፤ ላኡ ጼቱ ባሶ ኡክꬃ፥ ዎይንያ ቴራ ኡክꬃ ጼቱዋ፥ ባላስያ ቴራ ኡክꬃ ጼቱዋነ እት ኦጎሩዋ ዎይንያ ኤሳ ላኡ ሀረቱዋን ጫኔዳ።
2SA 16:2 ካቲ ጺባ፥ “ሀዋ አያዉ አሃድ?” ያጊደ ኦቼዳ። ጺብ፥ “ሀረቱ ካትያ ሶ አሳይ ቶጋናዉ፤ ኡክꬃይነ ዱማ ዱማ አይፍያ አሳቱ ማናዳና፤ ቃይ ዎይንያ ኤሳይ ዎራን ዳቡርያዋንታ ኡሻናዉ” ያጌዳ።
2SA 16:3 ሄዋፐ ጉይያን ካቲ ጺባ፥ “ነ ጎዳ ናኣ ናአይ ሀቃን ደኢ?” ያጊደ ኦቼዳ። ጺብ፥ “እ፥ ‘እስራኤልያ አሳይ ታ አዉዋ አዉዋ ካዉተꬃ ሀቼ ታዉ ዛር እማና’ ያጊደ የሩሳላመን ኡቴዳ” ያጌዳ።
2SA 16:4 ካቲ ጺባ፥ “በአ! ማንፍቦሼታዉ ደእያባይ ኡባይ ሀእ ኔሳ” ያጌዳ። ጺብ፥ “ኤኖ ታ ጎዳዉ ካትያዉ! ታን ቢታን ጉፋናይ፤ ታን ኔና ናሸችያዋ ኦꬃና” ያጌዳ።
2SA 16:5 ካቲ ዳዊተ ባሁሪማ ጌተትያ ካታማ ዬዳ ዎደ፥ ሳኦላ ዳቦ ግድያ እት ብታኒ ሄዋፐ ከሴዳ። አ ሱንꬃይ ጌራ ናኣ ሽምአ። እ ዳዊታ ሸቂደ ከሴዳ።
2SA 16:6 ዳዊታ ቦላነ ካትያ ኦሳንቻቱ ቦላ ሹቻ ኦሌ፤ እ ሄዋ ኦꬅያ ዎደ፥ ኦላንቻቱ ኡባይነ ካትያ ናግያዋንቱ ኡሸቻናነ ሀድርሳና ካትያ ዳዊታ ዶድ ዎꬄድኖ።
2SA 16:7 ሽምእ ዳዊታ ሸቂደ፥ “ክቻ፤ ክቻ! ሀ ሱꬃ ጉስያዌ! ሀ ፓናዌ!
2SA 16:8 ኔን ሳኦላ ካዉተꬃ ዉኣደ ካተታዳ፤ ኔን ጉሴዳ ሳኦላ አሳ ሱꬃ ኡባ መꬍና ጎዳይ ነ ቦላ ዛሬዳ፤ ቃይ መꬍና ጎዳይ ካዉተꬃ ነ ናኣ አበሰሎማዉ ሼꬌዳ። ኔን ሱꬃ ጉሴዳ አሳ ግድያ ድራዉ፥ ኔን ꬋይያ ዎዲ ጋኬዳ” ያጌዳ።
2SA 16:9 ሄዋፐ ጉይያን፥ ጻሩይ ናአይ አብሻይ ካትያ፥ “ሀ ካና ባኩታይ ታ ጎዳ ካትያ አያዉ ሸቂ? ታን ባደ አ ቆꬍያ ሙጫይ” ያጌዳ።
2SA 16:10 ካቲ፥ “ህንተንቶ፥ ጻሩይ ናቶ፥ ህንተንታ ጋꬅያዌ አዬ? መꬍና ጎዳይ አ፥ ዳዊታ ሸቃ ያጌዳ ድራዉ እ ሸቂያዋ ግዶፐ፥ ‘ኔን አያዉ ሀዋ ኦꬃይ?’ ያጊደ ኦቻናዉ ዳንዳይያዌ ኦኔ?” ያጌዳ።
2SA 16:11 ሄዋፐ ጉይያን፥ ዳዊተ አብሻያነ ባረ ቆማቱዋ ኡባቱዋ፥ “ታ ናአይ፥ ታ አሹ፥ ታና ዎꬋናዉ ኮዬ፤ ያትና፥ ሀ ቢንያማ አሳይ ዎት አጊቴ! አ ቦቾፕተ፤ እ ባሽና ሸቆ! አያዉ ጎፐ፥ መꬍና ጎዳይ አ አዛዜዳ።
2SA 16:12 ኦን ኤሪ፥ መꬍና ጎዳይ ታ መቱዋ በኢደ፥ ታን ሀቼ አክያ ሸቃ ድራዉ ታዉ ኬካ ዛራነንቶነ” ያጌዳ።
2SA 16:13 ዳዊተነ አ አሳይ ኦግያ ኦይቂደ ቢኖ። ሽምእካ ደርያፐ ህን ባጋና፥ ዳዊታ ሄራና ቢደ አ ሸቄነ ሹቻ አ ቦላ ኦሌ፤ ባናካ አ ቦላ ላሌ።
2SA 16:14 ካቲነ አናና ደእያ አሳቱ ባረንቱ ብያሳኣ ዳቡሪደ ጋኬድኖ። ካቲ ያን ሸምፔዳ።
2SA 16:15 አበሰሎምነ እስራኤልያ አሳቱ ኡባይ የሩሳላመ ገሌድኖ፤ አክጾፌልካ ኡንቱንቱና እትፐ ደኤ።
2SA 16:16 ዳዊታ ላጊ አርክያ ሁሻይ አበሰሎማኮ ዪደ፥ “ካትያ ሸምፑ ጋምኦ! ካትያ ሸምፑ ጋምኦ!” ያጌዳ።
2SA 16:17 አበሴሎም ሁሻያ፥ “ኔን ነ ላግያ ሲቄዳ ሲቁ ሀዌካ? ነ ላግያና አያዉ ባበይኪ?” ያጌዳ።
2SA 16:18 ሁሻይ አበሰሎማ፥ “ቱይት! መꬍና ጎዳይነ ሀ አሳይ ቃይ እስራኤልያ አሳይ ኡባይነ ዶሬዳዎ ታን አቃና፤ ታን አናና አታና።
2SA 16:19 ሄዋፐካ ቃይ ታን ኦዉ ኦꬃኔ? አ ናአዉ ኦꬃናዉ በስክታየ? ታን ነ አዎ ኦꬄዳዋዳን ሀእ ነዉካ ኦꬃና” ያጌዳ።
2SA 16:20 አበሴሎም አክጾፌላ፥ “ኔን አነ ኑና ዞራ፤ ኑን አይ ኦꬃነ?” ያጌዳ።
2SA 16:21 አክጾፌል አበሰሎማ፥ “ካትያ ጎልያ ናጋናዉ አቴዳ ነ አዉዋ ባኮቱዋና ባደ ግሳ፤ ኔን ነ አዉዋ ሲꬍያን ጽንቄዳዋ እስራኤልያ አሳይ ኡባይ ስሳና፤ ኔናና እትፐ ደእያ ኡባቱዋ ኩሺ ሄዋን ምናና” ያጌዳ።
2SA 16:22 ካትያ ጎልያ ቦላን ደምባዪደ ኦꬄዳ ሳኣን፥ አበሰሎማዉ ዱንካንያ ቶሌድኖ፤ አሳይ ኡባይ ጼልሽን አበሴሎም ገሊደ፥ ባረ አዉዋ ባኮቱዋና ግሴዳ።
2SA 16:23 ሄ ጋላሳቱዋን አክጾፌል አ ዞሬዳ ዞርያ እት አሳይ ጾሳ ኦቺደ አክያ ዞርያ ማላ። ዳዊተነ አበሰሎምነ ላአቱካ አክጾፌላ ዞርያ ኡባ አኬዳዌ ሀዋዳና።
2SA 17:1 ሄዋፐ ጉይያን አክጾፌል አበሰሎማ፥ “ሀቼ ቃማ ታን ታማነ ላኡ ሻአ አሳቱዋ ዶራደ፥ ዳዊታ የደርሳደ ኦይቃናዉ ከሳይ።
2SA 17:2 እ ዳቡርናነ ጻላልና፥ ታን አ ቦላ ከሳና። ታን አ ዳጋንꬃና፤ ሄዋን አናና ደእያ አሳይ ኡባይካ ባቃታና፤ ታን ካትያ ጻላላ ሾጫና።
2SA 17:3 ያታደ ታን አሳ ኡባ ኔኮ ዛራና። ኔን እት አሳ ጻላላ ዎꬋናዉ ኮያሳ፤ ሀራ አሳይ ሳሮ አታና” ያጌዳ።
2SA 17:4 አክጾፌላ ዞሪ አበሰሎማነ እስራኤልያ ጭማቱዋ ኡባ ናሸቼዳ።
2SA 17:5 ሄዋፐ ጉይያን አበሴሎም፥ “አርክያ ሁሻያ ቃይ ጼስተ፤ አነ እ ግያዋ ስሶይተ” ያጌዳ።
2SA 17:6 ሁሻይ አኮ ዬዳ ዎደ፥ አበሴሎም አ፥ “አክጾፌል ዞሬዳ ዞሪ ሀዋ፤ ኑን እ ግያዋ ኦꬃናዉ በሲ? በሰናዋ ግዶፐ፥ ነ ቆፋይ አዬ?” ያጌዳ።
2SA 17:7 ሁሻይ አበሰሎማ፥ “አክጾፌል ዞሬዳ ዞሪ ሀ ዎድያን ሎአ ግደና።
2SA 17:8 ነ አዉነ ነ አዉዋ አሳቱ ምኖ ኦላንቻቱዋ ግድያዋነ ባረ ማራቱዋ ቦንቀቴዳ ማህያ ማላ ያሽያዋንታ ግድያዋ ኔን ኤራሳ። ነ አዉ ኦላዉ ሜዘ አሳ፤ እ ቃማ ባረ ኦላንቻቱዋናካ አቀና።
2SA 17:9 በአ፥ እ ሀኖደ ጎንጎሉዋ ግዶን ዎይ ሀራ ሳኣን ቆሰት ኡቴዳ። እ ህንተንቱ ጭታ ቦላ ኮይሮ ደንዶፐ፥ ሄዋ ስሴዳ አሳይ ኦንነ፥ ‘አበሰሎማ ካል ቤዳ አሳቱ ሾጨቴድኖ’ ያጋና።
2SA 17:10 ነ አዉ ቶራ ቃራ ግድያዋነ አናና ደእያ አሳቱካ ምኖ ግድያዋ እስራኤልያ አሳይ ኡባይ ኤርያ ድራዉ፥ ሀራይ አቶ ጋሙዋዳን ጻልያ ምኖቱ ዎዛናይካ ያሻን ሴራና።
2SA 17:11 “ሽን ታን ኔና ዞርያዌ ሀዋ፤ እስራኤልያ ዛዋን ዳናፐ ቢደ በርሳበሀ ጋካናዉ ደእያ እስራኤልያ ኡባ፥ አባ ዶናን ደእያ ሻፍያ ኬሻ ኔኮ ሺሻ፤ ያታደ ኔን ነ ሁጲያዉ ኡንቱንታ ኦላዉ ካለꬃ።
2SA 17:12 ያቶፐ ኑን አ ደሜዳ ሀቃንነ ሾጫና፤ ከተርሳይ ሳኣን ዎꬍያዋዳን ኑን አ ቦላ ዎꬋና። አ ግድናካ ዎይ አናና ደእያ አሳ ግድናካ እቱነ ፓጻ አተና።
2SA 17:13 እ ካታማ ግዶ ገሎፐካ፥ እስራኤልያ አሳይ ኡባይ ዎዶሩዋ ሄ ካታማ አሂደ፥ ካታማ ግዶን እት ሹቻይካ ቤተናዳን ኑን ሄ ካታማ ዛንጋራዉ ዱገ ጎቻና” ያጌዳ።
2SA 17:14 አበሰሎምነ እስራኤልያ አሳይ ኡባይ፥ “አርክያ ሁሻያ ዞሪ አክጾፌላ ዞርያፐ ሎአ” ያጌድኖ። ሄዌ ሀኔዳዌ፥ መꬍና ጎዳይ አበሰሎማ ቦላ ኢታባ አሀና ማላ፥ አክጾፌላ ዞርያ ሎኡዋ ሀልሳናዉ ቃቼዳ ድራሳ።
2SA 17:15 ሄዋፐ ጉይያን፥ ሁሻይ ቄሳቱ ዋ ጻዶቃነ አብያታራ፥ “አክጾፌል አበሰሎማነ እስራኤልያ ጭማቱዋ ሀዋ ሀዋ ጊደ ዞሬዳ፤ ታንካ ኡንቱንታ ሀዋ ሀዋ ጋደ ዞራድ።
2SA 17:16 ሀእካ ዳዊታኮ ኤለካ ኪቲደ፥ ‘ባዙዋ ፕኑዋን ሀቼ ቃማ አቆፓ፤ ሄፍንꬃ ፕና ክቻ! ህና ꬋዮፐ፥ ካቲነ አናና ደእያ አሳይ ኡባይ ꬋያና’ ያጊደ ኦድተ” ያጌዳ።
2SA 17:17 ዮናታንነ አህማኣጽ ቆንጭያን የሩሳላመ ካታማ ገልሽን ኡንቱንታ አሳይ በኤና ማላ፥ ኤንሮጌላ ግያ ሳኣን ኡቲደ ናጋናዉነ እት ቆማታ ያ ያደ ኡንቱንቶ ኦድና፥ ኡንቱንቱ ቢደ ካትያ ዳዊታዉ ኦዳናዉ ቆፔድኖ።
2SA 17:18 ሽን እት ዎዳላይ ኡንቱንታ በኤዳ፤ አበሰሎማዉ ኦዴዳ። ሄዋ ድራዉ፥ ኡንቱንቱ ላአቱካ ሄ ሳፐ ኤለካ ክች ቢደ፥ ባሁሪማ ካታማን እት ብታንያ ሶ ጋኬድኖ። ሄ ብታንያዉ ድርሳፐ ሶ ባጋና ሃꬃ ኦላይ ደኤ፤ ኡንቱንቱ ሄ ኦላ ግዶ ዱገ ገሌድኖ።
2SA 17:19 አያይነ ኤረተናዳን ብታንያ ማቻታ ካምያዋ አካደ ኦላ ዶናን ሂጻዱ፤ ያታደ አ ቦላ ካꬃ ምጫዱ።
2SA 17:20 አበሰሎማ ቆማቱ ብታንያ ሶ ዪደ ምሽራቶ፥ “አህማኣጽነ ዮናታን ሀቃን ደኢኖ?” ያጊደ ኦቼድኖ። ምሽራታ፥ “ኡንቱንቱ ሻፋ ፕኒደ ቤድኖ” ያጋዱ፤ ኡንቱንቱ ኮይና ቤተናን ꬋይና፥ የሩሳላመ አጊደ ስሜድኖ።
2SA 17:21 ሄ አሳቱ ቤዳዋፐ ጉይያን፥ ላኡ አሳቱ ኦላፐ ከሲደ፥ ካትያ ዳዊታዉ ኦዳናዉ ቤድኖ፤ ዳዊታ፥ “ኤሌል ደንዲደ ሻፋ ፕንተ፤ አያዉ ጎፐ፥ አክጾፌል ህንተንቱ ቦላ ሀዋ ሀዋ ጊደ ዞር ዎꬄዳ” ያጌድኖ።
2SA 17:22 ዳዊተነ አናና እትፐ ደእያ አሳይ ኡባይ ዮርዳኖሳ ፕኒደ ቤድኖ። ዎንትያ ዎደ ዮርዳኖሳ ፕነናን አቴዳ እት አሳይነ ባዋ።
2SA 17:23 አክጾፌል ባረ ዞሪ አከትቤናዋ በኤዳ ዎደ፥ ባረ ሀርያ ኮሪደ፥ ባረ ደእያ ካታማ ቤዳ፤ አክጾፌል ባረ ሶያ ጊግሲደ፥ ባረካ ሱለቲደ ሀይቄዳ፤ ባረ አዉዋ ዱፉዋን ሞገቴዳ።
2SA 17:24 ዳዊተ ማህናይማ ካታማ ጋኬዳ ዎደ፥ አበሰሎምነ አናና ደእያ አሳይ ኡባይ ዮርዳኖሳ ሻፋ ፕኔድኖ።
2SA 17:25 አበሴሎም ባረ ኦላንቻቱ ቦላ እዮኣባ ኮታን አማሳ ሱንꬄዳ። አማስ እስራኤልያ የተራ ናኣ፤ የተር አብጋሎ አኬዳዋ፤ አብጋላ ናኦሳ ናትዉነ እዮኣባ ዳይ ጻሩይ ምቻቶ።
2SA 17:26 እስራኤላቱነ አበሴሎም ጋላኣደ ቢታን ኡቴድኖ።
2SA 17:27 ዳዊተ ማህናይማ ካታማ ጋክያ ዎደ፥ አሞና ጋድያፐ ራባፐ ዬዳ ናኦሳ ናአይ ሾቢ፥ ሎዳባራ ካታማፐ ዬዳ አምኤላ ናአይ ማኪርነ ሮጋሊማ ካታማፐ ዬዳ ጋላኣድያ ባርዝላይ
2SA 17:28 ሂጽያዋንታ፥ ሳምፓቱዋነ ኡርቃ ሚሻቱዋ አሄድኖ። ቃይ ኡንቱንቱ ዛርጋነ ባንጋ፥ ꬊልያነ ሻሻ፥ ባኤላነ ምስርያ፥
2SA 17:29 ኤሳነ መኤዳ ማꬃ፥ ሚዛ ማꬃ ፕላነ ዶርሳ ዳዊተነ አ አሳይ ማናዳን አኪደ ዬድኖ። ሄዋ ኡንቱንቱ አሄዳዌ፥ “አሳይ ዎራን ኮሻቴዳ፥ ዳቡሬነ ሳመቴ” ጊደ ቆፔዳ ድራሳ።
2SA 18:1 ዳዊተ ባረ አሳቱዋ ኡባ እትፐ ሺሺደ ሻላቃቱዋነ ጼቱዋ ካፓቱዋ ኡንቱንቱ ቦላ ሱንꬄዳ።
2SA 18:2 ዳዊተ አሳ ሄዙ ጩጉዋን ሻኬዳ፤ እት ጩጉዋ እዮኣበ አዛዜዳ፤ ላኤንꬆ ጩጉዋ እዮኣባ እሻይ፥ ጻሩይ ናአይ አብሻይ አዛዜዳ፤ ሄዘንꬆ ጩጉዋ ቃይ ጋትያ እታይ አዛዜዳ። ካቲ አሳ፥ “ታን ታ ሁጲያዉካ ህንተናና እትፐ ባና” ያጌዳ።
2SA 18:3 ሽን አሳይ አ፥ “ኔን ባናዉ በሰና! ኑን ባቃትንቶነ፥ ኡንቱንቱ ኑባ ኮይክኖ፤ ሀራይ አቶ ኑን ባጋይ ሀይቂንቶነ፥ ኑባ ኡንቱንቱ ጉዳ ጊክኖ። ሽን ኔን ኑፐ ታሙ ሻአቱዋፐ ዳራሳ፤ ሄዋ ድራዉ፥ ኔን ካታማን ኡታደ፥ ኑዉ ማዱዋ ኪቶፐ ሎአ” ያጌዳ።
2SA 18:4 ካቲ ኡንቱንታ፥ “ህንተና ሎኤዳባ ታን ኦꬃና” ያጌዳ። ዳዊተ ድርሳ ፐንግያን ኤቂደእሽን፥ አሳይ ኡባይ ጼቱ ጼቱ፥ ሻአይ ሻአይ ባረ ጩጉዋን ጩጉዋን ሳልፒደ ከሴዳ።
2SA 18:5 ያትና፥ ካቲ እዮኣባ አብሻያነ እታያ፥ “ታ ድራዉ ጊደ፥ ሄ ያላጋ ብታንያ አበሰሎማ ቆሆፕተ” ያጊደ አዛዜዳ። ካቲ አበሰሎማባ ጋዳዋቱ ኡባዉ ኦድያ ዎደ፥ ኦላንቻቱ ኡባይ ስሴድኖ።
2SA 18:6 ዳዊታ ኦላንቻቱ እስራኤላቱዋና ኦለታናዉ ጋጻርያን ሳልፔድኖ፤ ኦላ ሳአይ ኤፍሬማ ዎራና።
2SA 18:7 ሄ ሳኣን ዳዊታ ኦላንቻቱ እስራኤልያ ኦላንቻቱዋ ጾኔድኖ፤ ሄ ጋላስ ሎይꬅ ዳሮ አሳይ፥ ላታሙ ሻአ አሳይ ሀይቄዳ።
2SA 18:8 ኦላይ ጋጻርያ ኡባ ጋኬዳ፤ ሄ ጋላስ ዎራይ ዉርሴዳ አሳይ ማሻይ ዉርሴዳ አሳፐ ዳራ።
2SA 18:9 አበሴሎም አኬከናን ደኢደ ዳዊታ አሳቱዋና ጋከቴዳ፤ አበሴሎም ባረ ባቁሉዋ ቶጊደ፥ ዳሮ ዳሻይ ደእያ ዎላ ጋርሳ ባቁሉ ገሌዳ፤ አበሰሎማ ሁጲ ዎላ ባላን ኦይቀቴዳ። አበሴሎም ሳኣፐነ ሳሉዋፐ ግዱዋን ካቀት ደእሽን፥ እ ቶጌዳ ባቁሉ ስንꬃዉ ብ አጌዳ።
2SA 18:10 አሳፐ እቱ ሄዋ በኢደ እዮኣባ፥ “በአ! አበሴሎም እት ዎላ ቦላ ካቀቴዳዋ ታን በኣድ” ያጊደ ኦዴዳ።
2SA 18:11 እዮኣበ ባረዉ ኦዴዳ ብታንያ፥ “ሄ? በኣድ ጋይ? አያዉ ቢታዉ ዱገ ሾጫበይኪ? ኔን ሾጬዳዋ ግድንቶ፥ ታን ነዉ ታሙ ጻጋራ ብራነ እት ሳቂያ እማናዋ ሽን” ያጌዳ።
2SA 18:12 ብታኒ፥ “ኔን ሻአ ጻጋራ ብራ ታ ኩሽያን ዎꬅንቶካ፥ ታን ካትያ ናኣ ቦላ ታ ኩሽያ ደንꬅከ! ኑን ኡባይ ስስሽን፥ ካቲ ኔናነ አብሻያ እታያ፥ ‘ታ ድራዉ ጊደ፥ ያላጋ ብታንያ አበሰሎማ አሽተ’ ያጊደ አዛዜዳ።
2SA 18:13 ታን ካትያ አዛዙዋ ሻራደ አበሰሎማ ዎꬌዳዋ ግድንቶ፥ ካቲ ኡባባ ስስያዋዳን ሄዋካ ስሳናዌ አተና። ኔን ሄ ዎደ ታፐ ሃኩዋን ኤቃና” ያጌዳ።
2SA 18:14 እዮኣበ አ፥ “ታን ኔናና ሀዋዳን ጋምእከ” ያጌዳ፤ ሄዙ ቶራ ባረ ኩሽያን አኪደ፥ አበሴሎም ዎላን ካቀቲደ ፓጻ ደእያዋ ዎዛና አይፍያን ጫዴዳ።
2SA 18:15 እዮኣባ ኦላ ሚሻ ቶክያ ታማቱ አበሰሎማ ዶዲደ፥ ሾጭ ዎꬌድኖ።
2SA 18:16 ሄዋፐ ጉይያን፥ እዮኣበ ኦላ ኤሳናዉ ማላካታ ፑኔዳ፤ አሳይ እስራኤላቱዋ የደርስያዋ አጌዳ።
2SA 18:17 ኡንቱንቱ አበሰሎማ አክ አፊደ፥ ዎራን ደእያ ዎልቃማ ኦላ ግዶን የጊደ፥ ዳሮ ሹቻ አ ቦላ ዶሬድኖ። ሄ ዎደ እስራኤልያ አሳይ ኡባይ ባረ ሶ ባረ ሶ ባቃቴዳ።
2SA 18:18 አበሴሎም ፓጻ ደኢደ፥ “ታ ሱንꬃ ሀሳይስያ ናእ ታዉ ባዋ” ያጊደ፥ ባረና ሀሳይስያ ሹቻ ማሴዳ ቱሳ ካትያ ሀዉልትያ ኤሴዳ፤ ሄ ቱሳ ባረ ሱንꬃን ጼሴዳ። ሀቼ ጋካናዉ፥ ሄ ቱሳይ “አበሰሎማ ቱሳ” ጌተቴ።
2SA 18:19 ሄዋፐ ጉይያን፥ ጻዶቃ ናኣ አህማኣጽ እዮኣባ፥ “አ ሞርከቱዋ ኩሽያፐ መꬍና ጎዳይ አ አሼዳ ምሽራቹዋ ስሳናዉ፥ ታን ካትያኮ ዎጻ ባደ ኦዳይ” ያጌዳ።
2SA 18:20 እዮኣበ አህማኣጻ፥ “ቱይት! ሀቼ ኔን ምሽራቹዋ ኦድያ ጋላሳ ግደና፤ ሀራ ጋላስ ኦዳናዉ ዳንዳያሳ። ካትያ ናአይ ሀቼ ሀይቄዳ ድራዉ፥ ኔን ሀቼ ኦዳናዉ ኮሸና” ያጌዳ።
2SA 18:21 እዮኣበ ቶጵያ አሳ ግድያ እት ብታንያ ጼሲደ፥ “ባ፤ ኔን በኤዳዋ ካትያዉ ኦዳ” ያጌዳ፤ ሄ ብታኒ እዮኣባዉ ጎይኒደ ዎጼዳ።
2SA 18:22 ጻዶቃ ናአይ አህማኣጽ ላኤንꬁዋ እዮኣባ፥ “አይነ ሀኖ፤ ታን ሀ ቶጵያ ብታንያ ጌዱዋ ዎጻይ” ያጌዳ። እዮኣበ፥ “ታ ናአዉ፥ ነዉ ዎይታ አህያ ኦዱ ባይናሽን፥ ኔን አያዉ ዎጻናዉ ኮያይ?” ያጌዳ።
2SA 18:23 አህማኣጽ እዮኣባ፥ “አይነ ሀኖ፤ ታን ዎጻናዉ ኮያድ” ያጌዳ። እዮኣበ አ፥ “ያኖፐ ዎጻ” ያጌዳ። ሄዋ ድራዉ፥ አህማኣጽ ደምባ ኦግያ ኦይቂደ ዎጼዳ፤ ቶጵያ ብታንያ የጊደ አꬌዳ።
2SA 18:24 ግምቢያ ፐንግያዉ ካረ ዶየትያ ሳንቃፐነ ሶ ዶየትያ ሳንቃፐ ግዱዋን አኮ ሳኣን ዳዊተ ኡት ደእሽን፥ ናግያ ብታኒ ግምቢያና ኦይቀቴዳ ፐንግያ ጼራ ሁጲያ ፑደ ከሴዳ፤ ጼሊደ፥ እት ብታኒ ባረካ ዎጽያዋ በኤዳ።
2SA 18:25 ናግያ ብታኒ ካትያ ጼሲደ ኦዴዳ። ካቲ፥ “እ ባረካ ደኦፐ፥ ምሽራቹዋ አኪደ ዬ” ያጌዳ። ዎጽያ ብታኒ ኡንቱንቱኮ ማቲደ ዬዳ።
2SA 18:26 ናግያዌ ሀራ አስካ ዎጽያዋ በኤዳ፤ ፐንግያ ናግያ ብታንያ፥ “በአ! ሀራ ብታኒካ ባረካ ዎጼ” ያጌዳ። ካቲ፥ “ሀ ብታኒካ ቃይ ምሽራቹዋ አኪደ ዬ” ያጌዳ።
2SA 18:27 ናግያዌ፥ “ኮይሮ ብታንያ ዎꬃይ ጻዶቃ ናኣ አህማኣጻ ዎꬃ ታዉ ማላቴ” ያጌዳ። ካቲ፥ “እ ሎኦ አሳ፤ እ ሎኦ ኦዱዋና ዬ” ያጌዳ።
2SA 18:28 አህማኣጽ ካትያ ጼሲደ፥ “ኡባባይካ ሎኦ!” ያጌዳ። ካትያ ስንꬃን ግስ ጉፋኒደ፥ “ታ ጎዳ ካትያ ቦላ ባረንቱ ኩሽያ ደንꬄዳ አሳቱዋ ነዉ አꬂደ እሜዳ መꬍና ጎዳይ ነ ጾሳይ ጋላተቶ” ያጌዳ።
2SA 18:29 ካቲ፥ “ያላጋ ብታኒ አበሴሎም ሳሬ?” ያጊደ ኦቼዳ። አህማኣጽ፥ “እዮኣበ ታና ኪታና ሀንያ ዎደ፥ ዎልቃማ ጉሩባይ ደእያዋ በኣድ፤ ሽን እ አዬንቶነ ታን ኤራበይከ” ያጌዳ።
2SA 18:30 ካቲ አ፥ “ያ ሺቃ ኤአ” ያጌዳ፤ እ ያቶፐ ሺቂደ ኤቄዳ።
2SA 18:31 ሄዋፐ ጉይያን፥ ቶጵያ ብታኒ ጋኪደ ካትያዉ፥ “ታ ጎዳዉ ካትያዉ፥ ምሽራቹዋ! ነ ቦላ ደንዴዳዋንቱ ኡባ ኩሽያፐ መꬍና ጎዳይ ሀቼ ኔና አሼዳ” ያጌዳ።
2SA 18:32 ካቲ ቶጵያ ብታንያ፥ “ያላጋ ብታኒ አበሴሎም ሳሬ?” ያጊደ ኦቼዳ። ቶጵያ ብታኒ ካትያ፥ “ታ ጎዳዉ ካትያዉ፥ ነ ሞርከቱነ ነ ቦላ ኢታባ ኦꬃናዉ ደንድያዋንቱ ኡባቱ ሄ ያላጋ ብታንያዳን ሀንኖ” ያጌዳ።
2SA 18:33 ካቲ ዳሮፐ ካዮቴዳ፤ ግምቢያ ፐንግያ ሁጲያን ደእያ ጎልያ ገሊደ ዬኬዳ፤ ካቲ ቢደ፥ “አየ ታ ናአዉ አበሰሎማ! ታ ናአዉ! ታ ናአዉ አበሰሎማ! ነ ድራዉ ታን ሀይቃርክታሻ! አየ ታ ናአዉ አበሰሎማ! ታ ናአዉ!” ያጊደ ዬኬዳ።
2SA 19:1 “አበሰሎማዉ ካቲ ዬኬነ ዝላሌ” ያጊደ እዮኣባዉ ኦዴድኖ።
2SA 19:2 ኦላንቻቱ ኡባይ፥ “ካቲ ባረ ናአዉ ዬኬ” ግያዋ ስሴዳ ድራዉ፥ ሄ ጋላስ ኡንቱንቱ ኡባይ ጾኔዳ ጾኑ ዬኮ ላመቴዳ።
2SA 19:3 ኦላፐ ባቃቲደ ዬላቴዳ ኦላንቻቱዋዳን፥ አሳይ ሄ ጋላስ ዉኤቲደ ካታማ ገሌዳ።
2SA 19:4 ካቲ ባረ ዴሙዋ ጉሎቴዳ፥ ባረ ቃላ ꬎቂሲደ፥ “አየ ታ ናአዉ አበሰሎማ! አየ አበሰሎማ ታ ናአዉ! ታ ናአዉ!” ያጊደ ዝላሌዳ።
2SA 19:5 ሄዋፐ ጉይያን፥ እዮኣበ ሄ ጎልያ ቢደ ካትያ፥ “ነ ሸምፑዋ፥ ነ አቱማ ናናቱዋን ነ ማጫ ናናቱዋ ሸምፑዋ፥ ነ ማቼቻቱዋነ ነ ባኮቱዋ ሸምፑዋ ሀቼ አሼዳ ነ አሳ ኡባ ኔን ሀቼ ካዉሻዳ።
2SA 19:6 ኔና እጽያዋንታ ኔን ሲቃሳ፤ ኔና ሲቅያዋንታ ኔን እጻሳ። ነ ኦላንቻቱነ ኡንቱንቱ ካፓቱ ነዉ አያነ ግደናዋ ኔን ሀቼ ቆንጭሳዳ። ኑን ኡባይ ሀይቂና፥ አበሴሎም ሀቼ ፓጻ አቴደንቶ፥ ኔን ናሸታናዋ ታን በኣድ።
2SA 19:7 ሀእ ደንዳ! ካረ ከሳደ ነ አሳ ምንꬃ። መꬍና ጎዳይ ኤሮ! ኔን ከሳና ꬋዮፐ፥ ሀቼ ቃማ ኔናና እት አሳይነ አተና። ነ ያላጋተꬃፐ ሀቼ ጋካናዉ፥ ኔና ጋኬዳ ኢታ ኡባፐ ሀዌ ነዉ አꬍያ ኢታ ግዳና” ያጌዳ።
2SA 19:8 ካቲ ደንዲደ ግምቢያ ፐንግያን ኡቴዳ። “ካቲ ፐንግያን ኡቴዳ” ግያዋ አሳቱ ኡባይ ስሴዳ ዎደ፥ ካትያ ስንꬃ ዬድኖ። ሄ ዎደ እስራኤልያ አሳቱ ኡባይ ባረንቱ ሶ ባረንቱ ሶ ባቃቴድኖ።
2SA 19:9 እስራኤልያ ዛራቱ ኡባይ እቱ እቱዋና ሀዋዳን ያጊደ ፓሉመቲኖ፤ “ካቲ ዳዊተ ኑና ኑ ሞርከቱዋ ኩሽያፐ አሼዳ፤ ኑና ፕልስጼማ አሳቱዋ ኩሽያፐ ዎꬅ አኬዳ፤ ሽን እ ሀእ አበሰሎማ ጋሱዋን ቢታ አጊደ ባቃቴዳ።
2SA 19:10 ኑ ቦላ ካተታናዳን ኑን ኦኬዳ አበሴሎም ኦላን ሀይቂክቼዳ። ያትና፥ ካትያ ጉየ አሀናዉ ህንተንቱ አያዉ ጮኡ ጌድቴ?” ያጌድኖ።
2SA 19:11 ካቲ ዳዊተ ቄሳቶ ጻዶቃዉነ አብያታራዉ ኪታ የዲደ፥ “ይሁዳ ጭማቱዋ ሀዋዳን ያግተ፤ ‘ዳዊተ ሀዋዳን ያጌ፤ “እስራኤልያ አሳይ ኡባይ ሃሳይያዌ ካትያ ጋኬዳ። ካትያ አ ጎልያ ዛር አሀናዉ ህንተንቱ አያዉ ሀራቱዋፐ ጉየ አቲቴ?
2SA 19:12 ህንተንቱ ታ እሻቱዋ፤ ህንተንቱ ታ አሾነ ታ ሱꬃ። ያትና፥ ካትያ ጉየ ዛር አሀናዉ ህንተንቱ አያዉ ሀራቱዋፐ ጉየ አቲቴ?” ያጌ’ ያግተ።
2SA 19:13 ቃይ አማሳዮዉካ፥ ‘ዳዊተ ኔና፥ “ኔን ታ አሾነ ታ ሱꬃ ግድኪ? ሀችፐ ዶምና፥ ታን ኔና እዮኣባ ሳኣን ታ ኦላንቻቶ ጋዳዋ ከሳና ꬋዮፐ፥ ጾሳይ ታና ዎꬎ!” ያጌ’ ያግተ” ያጌዳ።
2SA 19:14 ካትያ ሃሳያይ ይሁዳ አሳቱዋ ኡባ ዎዛና እቱዋ ኦꬂደ ማይዜዳ። ሄዋ ድራዉ፥ ኡንቱንቱ ካትያኮ ኪቲደ፥ “ኔንካ ነ አሳይ ኡባይካ ሃ ስምተ” ያጌድኖ።
2SA 19:15 ካቲ ስሚደ፥ ዮርዳኖሳ ሻፋ ጋካናዉ ዬዳ። ይሁዳ አሳቱ ካትያ ሞካናዉነ ዮርዳኖሳ ሻፋ ፕንꬃናዉ፥ ገልጋላ ግያ ሳኣ ዬድኖ።
2SA 19:16 ባሁሪማ ካታማፐ ዬዳ ቢንያማ ዛሪ፥ ጌራ ናአይ ሽምእ ዳዊታ ሞካናዉ ኤሌሊደ፥ ይሁዳ አሳቱዋና ቤዳ።
2SA 19:17 አናና ቢንያማ ዛረ ግዴዳ ሻአ አሳቱ፥ ሳኦላ ሶ ቆማይ ጺብ፥ አ ናናይ ታማነ እቼሻቱነ አ ቆማቱ ላታማቱ ደኢኖ። ኡንቱንቱ ካቲ ደእያ ሳኣ ዮርዳኖሳ ሻፋ ጃሚደ ቤድኖ።
2SA 19:18 ካትያ ሶ አሳ ፕንꬃናዉነ ካትያ ናሸችያዋ ኦꬃናዉ ፕኑዋና ፕኒደ ቤድኖ። ጌራ ናአይ ሽምእ ዮርዳኖሳ ሻፋ ፕኔዳ ዎደ፥ ካትያ ስንꬃን ጉፋኒደ፥
2SA 19:19 ሀዋዳን ያጌዳ፤ “ታ ባይዙዋ ካቲ አቶ ጎ። ታ ጎዳይ ካቲ የሩሳላመፐ ከስያ ጋላስ ታን ነ ቆማይ ባሌዳ ባላ ኔን ሀሳዮፓ። ሄዋ ነ ኡሉዋን ኦይቆፓ።
2SA 19:20 አያዉ ጎፐ፥ ነ ቆማይ ታን ናጋራ ኦꬄዳዋ ኤራይ፤ ሽን ኔና ታ ጎዳ ካትያ ሞካናዉ፥ ዮሴፎ ሶ አሳ ኡባፐ ኮይሮታደ ታን ሀቼ ያድ” ያጌዳ።
2SA 19:21 ሄዋፐ ጉይያን፥ ጻሩይ ናአይ አብሻይ፥ “ሽምእ መꬍና ጎዳይ ኦኬዳ ካትያ ሸቄዳ ድራዉ፥ እ ሀይቃናዉ በሰኔየ?” ያጌዳ።
2SA 19:22 ዳዊተ አብሻያ፥ “ህንተንቶ፥ ጻሩይ ናቶ፥ ህንተንታ ጋꬅያዌ አዬ? ህንተንቱ ሀቼ ታዉ ሞርከ ግዲቴ! ሀቼ እስራኤላን አይ አሳይነ ሀይቀና! ሀቼ እስራኤልያ ካቲ ታናቴ!” ያጌዳ።
2SA 19:23 ካቲ ሽምአ፥ “ኔን ሀይቃካ” ያጊደ አዉ ጫቄዳ።
2SA 19:24 ቃይ ሳኦላ ናአይ ማንፍቦሼተ ካትያ ሞካናዉ ዱገ ዎꬌዳ። ካቲ ቤዳ ጋላሳፐ ዶሚደ፥ እ ሳሮተꬃን ጉየ ስምያ ጋላስ ጋካናዉካ፥ ማንፍቦሼተ ባረ ገድያ ሜጭቤና፤ ባረ ቡቻ ሜድቤና፤ ቃይ ባረ ማዩዋካ ሜጭቤና።
2SA 19:25 ማንፍቦሼተ ካትያና ጋከታናዉ የሩሳላመፐ ዬዳ ዎደ፥ ካቲ አ፥ “ማንፍቦሼታ፥ ኔን ታናና አያዉ ባበይኪ?” ያጊደ ኦቼዳ።
2SA 19:26 እ፥ “ታ ጎዳዉ ካትያዉ፥ ታን ነ ቆማይ ስላ ግድያ ድራዉ፥ ‘ታን ቶጋደ ካትያና ባናዳን ታ ሀርያ ኮራ’ ያጋድ። ሽን ታ ቆማይ ጺብ ታና ጭሜዳ፤
2SA 19:27 ታና ነ ቆማ ታ ጎዳዉ ካትያዉ ዝግሬዳ። ኔን ታ ጎዳይ ካቲ ጾሳ ኪታንቻ ማላ፤ ሄዋ ድራዉ፥ ኔና ናሸችያዋ ኪተታ።
2SA 19:28 ታ አዉዋ አዉዋ አሳይ ኡባይ ሀራባ ግደናን፥ ታ ጎዳይ ካቲ በን ዎꬋናዉ በስያ አሳ፤ ሽን ታን ነ ቆማይ ነ ማዳፐ ምያዋንቱና ማናዳን ኔን ታዉ ሳኣ እማዳ። ያትና፥ ታን ሀዋፐ አꬍያዋ ካትያ ኦቻናዉ ታዉ አይባ ማታይ ደኢ?” ያጌዳ።
2SA 19:29 ካቲ አ፥ “ኔን ዳሮባ ሃሳያናዉ ኮሸና። ኔንነ ጺብ ጋድያ ሻክ አካና ማላ ታን አዛዛይ” ያጌዳ።
2SA 19:30 ማንፍቦሼተ ካትያ፥ “ታ ጎዳይ ካቲ ሳሮ ሶ ስማፐ አትና፥ ኡባባካ ጺብ አኮ” ያጌዳ።
2SA 19:31 ጋላኣድያ ባርዝላይ ካትያና እትፐ ዮርዳኖሳ ሻፋ ፕናናዉነ ያፐ አ ሞይዛናዉ ሮጋሊማ ግያ ሳፐ ዬዳ።
2SA 19:32 ባርዝላይ ላይꬃይ ሆስፑን ታሙዋ ግዴዳ ጭማ አሳ። እ ዳሮ ዱረ አሳ ግድያ ድራዉ፥ ካቲ ማህናይማ ካታማን ደእያ ዎደ፥ ካትያዉ ኮሽያዋ እሜዳ።
2SA 19:33 ካቲ ባርዝላያ፥ “ኔን ታናና የሩሳላመ ደንዳ፤ ታን ኔው ያን ኮሽያዋ እማና” ያጌዳ።
2SA 19:34 ሽን ባርዝላይ ካትያ፥ “ታን ሀዋፐ ስንꬃን ዳሮ ላይꬃ ደእከ፤ ያትና፥ ታን ካትያና የሩሳላመ አያዉ ቦ?
2SA 19:35 ታን ሀእ ሆስፑን ታሙ ላይꬃ አሳ፤ ታን ሀእ ኢታነ ሎኡዋ ሻካደ ኤራናዉ ዳንዳያይታ? ታን ነ ቆማይ ታ ምያዋነ ኡሽያዋ ማልኡዋ ሻካደ ኤራናዉ ዳንዳያይታ? አቱማዋንቱነ ማጫዋንቱ የጽያ የꬃ ታን ስሳናዉ ዳንዳያይታ? ያትና፥ ታን ነ ቆማይ ታ ጎዳዉ ካትያዉ አያዉ ጉጃ ቶኮ ግዶ?
2SA 19:36 ታን ነ ቆማይ ዮርዳኖሳ ሻፋ ፕናደ ኔና ላፋ ሞይዛና። ሽን ካቲ ታዉ ሄዋዳን ኩሸ ዛራናዉ አያዉ ኮሺ?
2SA 19:37 ታን ታ አዉዋነ ታ ዳይ ዱፉዋ ማታን ታ ካታማን ሀይቃና ማላ ስማይ። ታ ናአይ ክምሃም ሀዌሽ፤ ታ ጎዳና ካትያና እትፐ እ ቦ፤ ኔና ናሸችያዋ ኔን አዉ ኪተታ” ያጌዳ።
2SA 19:38 ካቲ፥ “ክምሃም ታናና ፕኖ፤ ኔና ናሸችያዋ ታን አዉ ኦꬃና። ቃይ ኔን ታና ኦችያዋ አያነ ታን ነዉ ኦꬃና” ያጌዳ።
2SA 19:39 ሄዋፐ ጉይያን፥ አሳይ ኡባይ ዮርዳኖሳ ሻፋ ፕኔዳ፤ ካቲካ ፕኔዳ። ባርዝላያ የሪደ አንጄዳ፤ ያትና፥ ባርዝላይ ባረ ሶ ስሜዳ።
2SA 19:40 ካቲ ፕኒደ ገልጋላ ብያ ዎደ፥ ክምሃምካ አናና እትፐ ቤዳ። ይሁዳ ኦላንቻቱ ኡባቱነ እስራኤልያ ኦላንቻቱዋፐ ባጋቱ ካትያና እትፐ ቤድኖ።
2SA 19:41 ሄዋፐ ጉይያን፥ እስራኤላቱ ኡባይ ካትያኮ ቢደ፥ “ኑ እሻቱ ይሁዳ አሳቱ ካትያነ አ ሶ አሳ አያዉ ዉኤድኖ? ቃይ አ አሳ ኡባና እትፐ ዮርዳኖሳ ሻፋ አያዉ ፕንꬄድኖ?” ያጌድኖ።
2SA 19:42 ይሁዳ አሳቱ ኡባይ እስራኤላቱዋ፥ “ካቲ ኑዉ ማታ ዳቦ ግድያ ድራዉ፥ ኑን ሀዋ ኦꬄዶ፤ ያትና፥ ህንተንቱ ሄዎ አያዉ ሀንቀትተ? ኑን ካትያ ቁማፐ አየንቶ ሜድኖየ? ዎይ ኑን አፐ አየንቶ ኑዉ አኬዶየ?” ያጌድኖ።
2SA 19:43 እስራኤልያ አሳቱ ይሁዳ አሳቱዋ፥ “ካትያፐ ታሙ ኩሺ ኑና ጋꬄ፤ ሄዋ ድራዉ፥ ዳዊታ ማታን ኑዉ ህንተፐ አꬎ ማታይ ደኤ! ያትና፥ ህንተንቱ ኑና አያዉ ካꬌድቴ? ኑ ካትያ ጉየ ዛሪደ አሀናዉ ካሰቲደ ሃሳዬዳዌ ኑና ግዶኮ?” ያጌድኖ። ሽን እስራኤልያ አሳቱዋፐ ይሁዳ አሳቱ ሃሳያ ሎይꬅ ዎልቃንꬄድኖ።
2SA 20:1 ቢንያማ ዛረ ግድያ ቢክራ ናአይ ሸባአ ጌተትያ እት ሾር ባይና ብታኒ ያን ደኤ። ሄ ብታኒ ማላካታ ፑኒደ፥ “ኑን ዳዊታና አክያ ኤጻይ ባዋ! እሰያ ናኣና ኑን ላታናባይ ባዋ! እስራኤልያ አሳቶ፥ ኡባይካ ህንተንቱ ሶ ህንተንቱ ሶ ገልተ!” ያጌዳ።
2SA 20:2 እስራኤልያ አሳቱ ኡባይ ዳዊታ አጊደ፥ ቢክራ ናኣ ሸባኣና ቤድኖ። ሽን ይሁዳ አሳቱ አማነቲደ፥ ዮርዳኖሳፐ የሩሳላመ ጋካናዉ፥ ባረንቱ ካትያ ካሌድኖ።
2SA 20:3 ዳዊተ ባረ ሶ የሩሳላመ ስሜዳ ዎደ፥ ካትያ ጎልያ ናጋናዉ አሼዳ ታሙ ባኮቱዋ አክ አፊደ፥ እት ጎለን ናግስ ዎꬄዳ፤ ኡንቱንቶ ኮሽያዋ እሜዳ፤ ሽን እ ኡንቱንቱና አቅቤና። ኡንቱንቱ ሄ ጎለን ናገቲደ፥ ባረንቱ ሀይቁዋ ጋላሳይ ጋካናዉ አምእያዳን ደኤድኖ።
2SA 20:4 ሄዋፐ ጉይያን ካቲ አማሳ፥ “ይሁዳ አሳ ኡባ ሄዙ ጋላሳን ታዉ ጼሳደ ሺሻ፤ ያታደ ኔንካ ነ ሁጲያዉ ኡንቱንቱና ሺቃ” ያጌዳ።
2SA 20:5 አማስ ይሁዳ አሳቱዋ ጼሳናዉ ቤዳ፤ ሽን ካቲ አዉ ኬሬዳ ጋላሳፐ ጋምኤዳ።
2SA 20:6 ዳዊተ አብሻያ፥ “ሀእ ቢክራ ናኣ ሸባእ አበሰሎማዋፐካ አꬂደ ኑና ቆሀናዋ። ነ ጎዳ ቆማቱዋ አካደ ኔን አ ቃታማ ካላ። ሄዌ ꬋዮፐ፥ እ ግምበቴዳ ካታማቱዋ ደሚደ ኑፐ ከስ አካና” ያጌዳ።
2SA 20:7 እዮኣባ አሳቱ፥ ካትያ ናግያዋንቱነ ምኖ ኦላንቻቱ ኡባይ አብሻያና ቢክራ ናኣ ሸባአ የደርሳናው የሩሳላመፐ ከሲደ ቤድኖ።
2SA 20:8 ኡንቱንቱ ቢደ ጋባኦናን ደእያ ዎጋ ዛላ ጋክያ ዎደ፥ አማስ ኡንቱንቱና ጋከታናዉ ዬዳ፤ እዮኣበ ኦላ ማዩዋ ማይ ኡቴዳ፤ ባረ ጼሳን ማሻ ሾኩዋና አꬅ ዎꬄዳ ሳቂያ ዳንጬዳ። እ ስንꬃዉኮ ታንግሽን፥ ሄ ማሻይ ሾኩዋፐ ከስ አኪደ ዎꬌዳ።
2SA 20:9 እዮኣበ አማሳ፥ “ታ እሻዉ፥ ኔን ሳሮ ደአይ?” ያጌዳ፤ እዮኣበ አማሳ የራናዉ ባረ ኡሸቻ ኩሽያን አ ቡቻ ኦይቄዳ።
2SA 20:10 ሽን አማስ እዮኣባ ሀድርሳ ኩሽያን ደእያ ማሻ በእቤና፤ ሄዋ ድራዉ፥ አፐ ናገትቤና። እዮኣበ አ ኡሉዋ ጫዲደ፥ አ ማራጭያ ቢታን ቆቆፌዳ፤ ላኤንꬁዋ ጫደተናንካ አማስ ኤለካ ሀይቂ ባሼዳ። ሄዋፐ ጉይያን፥ እዮኣብነ አ እሻ አብሻይ ቢክራ ናኣ ሸባአ ቃታማ ካሌድኖ።
2SA 20:11 እዮኣባ አሳቱዋፐ እቱ አማሳ አሀ ማታን ኤቂደ፥ “እዮኣባ ዶስያዌነ ዳዊተዋ ግድያዌ ኦንነ እዮኣባ ካሎ” ያጌዳ።
2SA 20:12 አማስ ኦግያ ግዶ ባጋን ኩንዲደ፥ ባረ ሱꬃን ባዪደ ግሴዳ። ኦላንቻቱ ኡባይ ዪደ፥ ሄ ሳኣን ኤቄዳዋ ሄ ብታኒ በኤዳ ሳናካ አማሳ አሃ ኦግያፐ ጋጻ ሾይቃዉ ጎች የጊደ፥ አ ቦላ ማዩዋ ኦሌዳ።
2SA 20:13 አማሳ ኦግያፐ ድጌዳዋፐ ጉይያን፥ ቢክራ ናኣ ሸባአ ፓና ካላናዉ ኦላንቻቱ ኡባይ እዮኣባና ቤድኖ።
2SA 20:14 ሸባእ እስራኤልያ ዛራቱዋ ኡባ ቢታና አꬊደ፥ አቤል-ቤትማእካ ግያ ካታማ ጋኬዳ። ቤራቱዋ ቢታና አꬍሽን፥ አሳይ ኡባይ ሺቂደ አ ካሌዳ።
2SA 20:15 እዮኣባና ደእያ አሳቱ ኡባይ ጋኪደ፥ ሸባአ አቤል-ቤትማእካ ካታማን ዩይ አꬊደ ዶዴድኖ። ኡንቱንቱ ካታማ ግምቢያን ዘምፕሲደ ቢታ ዶሬድኖ። ቃይ እዮኣባና ደእያ አሳቱ ኡባይ ግምቢያ ኮላናዉ ቦክኖ። ኡንቱንቱ ቦክሽን፥
2SA 20:16 ካታማፐ እት ኤራንቻ ምሽራታ ኡንቱንታ ጼሳደ፥ “ስስተ! ስስተ! ቢደ፥ እዮኣባ ጼግተ። ታን አዉ ኦድያባይ ደኤ” ያጋዱ። እ ምሽራትኮ ቢና አ፥
2SA 20:17 “ኔን እዮኣቤ?” ያጋደ ኦቻዱ። እ፥ “ኤ፥ ታና” ያጌዳ። ምሽራታ አ፥ “ታን ነ ቆማታ ግያዋ ስሳ” ያጋዱ። እዮኣበ፥ “ታን ስሳይ” ያጌዳ።
2SA 20:18 ምሽራታ እዮኣባ፥ “በን ዎደ አሳይ ‘አቤላ ካታማፐ ነ ኦሻዉ ዛሩዋ ደማ’ ያጌ፤ ሄዋን የዉ ዉሬ።
2SA 20:19 እስራኤልያ ግዶን ሳሮ ደእያ አማነትያ አሳይ ኑና። እስራኤልያ ቢታን ደእያ አየ ካታማ ኔን ባይዛናዉ ማላሳ። ኔን መꬍና ጎዳ ቡዞ ቢታ አያዉ ꬋይሳናዉ ኮያይ?” ያጋደ ሃሳያዱ።
2SA 20:20 እዮኣበ እዞ፥ “ሄዌ ታፐ ሃኮ! ባይዝያዌ ዎይ ꬋይስያዌ ታፐ ሃኮ!
2SA 20:21 የዉ ሄዋ ግደና፤ ኤፍሬማ ገዝያፐ ቢክራ ናኣ ሸባአ ጌተትያ እት ብታኒ ካትያ ዳዊታ ቦላ ባረ ኩሽያ ደንꬄዳ። ሄ ብታንያ ታዉ ሼꬍተ፤ ያቶፐ፥ ታን ካታማፐ ባና” ያጌዳ። ምሽራታ እዮኣባ፥ “አ ሁጲ ግምቢያ ጼራና ነዉ ኦለታና” ያጋዱ።
2SA 20:22 ሄዋፐ ጉይያን፥ ምሽራታ ባረ ኤራ ዞርያና አሳ ኡባኮ ባዱ። ሄዋ ድራዉ፥ አሳይ ቢክራ ናኣ ሸባአ ቆꬍያፐ ሁጲያ እዮኣባዉ ኦሌዳ። ያትና፥ እዮኣበ ማላካታ ፑኔዳ፤ አሳይ ኡባይ ካታማፐ ከሲደ፥ ባረ ሶ ባረ ሶ ቤዳ፤ እዮኣበ ካትያኮ የሩሳላመ ስሜዳ።
2SA 20:23 እዮኣበ እስራኤልያ ኦላንቻቱ ኡባዉ ጋዳዋ፤ ዮዳሄ ናአይ ባናይ ዳዊታ ናግያ ኦላንቻቱ ካፑዋ።
2SA 20:24 አዶንራም ዎልቃን ጮ ኦꬅያዋንቱ ካፑዋ፤ አህሉዳ ናአይ ዮሳፌጸ ሀኔዳባ ጻፍያዋ።
2SA 20:25 ሱስ ዋና ጻፍያ፤ ጻዶቅነ አብያታረ ቄሳቱ ዋ።
2SA 20:26 ያኢራ ካታማ አሳ ግድያ እርካ ዳዊታዉ ቄሳቱዋ።
2SA 21:1 ዳዊተ ካተቴዳ ዎደ፥ ሄዙ ላይꬃ ኩመንꬃ ቢታይ ኮሻቴዳ። ሄዋ ድራዉ፥ ዳዊተ መꬍና ጎዳ ኦቼዳ፤ መꬍና ጎዳይ አ፥ “ሄዌ ሀኔዳዌ ሳኦላ አሳይ ጉሴዳ ሱꬃ ድራሳ፤ አያዉ ጎፐ፥ እ ጋባኦና አሳቱዋ ዎꬌዳ” ያጌዳ።
2SA 21:2 ሄዋ ድራዉ፥ ካቲ ጋባኦና አሳቱዋ ጼሲደ ሃሳይሴዳ። ጋባኦና አሳቱ እስራኤልያ ዛርያ ግድክኖ፤ ኡንቱንቱ አሞረ ቢታ አሳቱዋፐ አቴዳዋንታ። እስራኤላቱ ኡንቱንታ አሻናዉ ኡንቱንቱና ጫቀቴድኖ፤ ሽን ሳኦል እስራኤልያዉነ ይሁዳዉ ምሸቴዳ ድራዉ፥ ኡንቱንታ ኡባና ꬋይሳናዉ ዶሜዳ።
2SA 21:3 ዳዊተ ጋባኦና አሳቱዋ፥ “ታን ህንተንቶ አያ ኦꬆ? መꬍና ጎዳ ቡዞ ቢታ ህንተንቱ አንጃና ማላ፥ ታን ህንተንቶ አያ አጮ?” ያጌዳ።
2SA 21:4 ጋባኦና አሳቱ ዛሪደ ካትያ፥ “ኑፐነ ሳኦላፐ ግዱዋን፥ ዎይ ኑፐነ ሳኦላ ጎልያ አሳፐ ግዱዋን ደእያ የዉ ዎርቃ ዎይ ብራ የዉዋ ግደና፤ ቃይ ኑን እስራኤልያ ግዶን እት ኡራነ ዎꬋናዉ ኑዉ ማታይ ባዋ” ያጌድኖ። ዳዊተ ኡንቱንታ፥ “ያትና፥ ታን ህንተንቶ አያ ኦꬃናዉ ኮዪቴ?” ያጊደ ኦቼዳ።
2SA 21:5 ኡንቱንቱ ካትያ፥ “ሳኦል ኑና ꬋይሴዳ፤ ኑፐ አይ አሳይነ እስራኤልያ ዛዋን ሀቃንነ ፓጻ አተናዳን ማቀቴዳ።
2SA 21:6 ሄዋ ድራዉ፥ ሳኦላ ያራፐ ላፑን አቱማ አሳቱዋ ኑዉ አꬃደ እማ፤ መꬍና ጎዳይ ዶሪደ ካተዬዳ ሳኦላ ካታማን ግብአን መꬍና ጎዳ ስንꬃን ኑን ኡንቱንታ ካቃና” ያጌድኖ። ካቲ ኡንቱንታ፥ “ታን ኡንቱንታ ህንተንቶ አꬃደ እማና” ያጌዳ።
2SA 21:7 ሳኦላ ናአይ ዮናታንነ ዳዊተ መꬍና ጎዳ ስንꬃን ጫቄዳ ጫቁዋ ድራዉ፥ ሳኦላ ናኣ ዮናታና ናኣ ማንፍቦሼታ ካቲ አሼዳ።
2SA 21:8 ሽን ዳዊተ አታ ናታ ርጽፋ ሳኦላዉ የሌዳ ላኡ አቱማ ናና፥ አርሞናነ ማንፍቦሼታ፥ ቃይ ሳኦላ ናታ መራባ ማሆላ ካታማፐ ዬዳ ባርዝላያ ናኣ አድሪኤላዉ የሌዳ እቼሹ ናና አኬዳ።
2SA 21:9 ጋባኦና አሳቶ አꬂደ እሜዳ፤ ኡንቱንቱ ኡንቱንታ መꬍና ጎዳ ስንꬃን ደርያ ሁጲያን ካቄድኖ፤ ላፑናቱካ እትፐ ሀይቄድኖ፤ ካꬃ ጫካን፥ ባንጋ ጫካይ ዶምያ ዎድያን ኡንቱንታ ዎꬌድኖ።
2SA 21:10 አታ ናታ ርጽፋ ማቅያ አካደ፥ ዛላ ቦላ ባረዉ ሂጻዱ፤ ካꬃ ጫክያ አግናይ ዶምያ ጋላሳፐ ቢደ አሃቱዋ ቦላ እራይ ሳሉዋፐ ዎꬋናዋ ጋካናዉ፥ ጋላስ ሳሉዋ ካፎቱ ዎይ ቃማ ሳኣ ዶአቱ ቦቼናዳን ናጋዱ።
2SA 21:11 ሳኦላ ባካታ፥ አታ ናታ ርጽፋ ኦꬄዳዌ ዳዊታዉ ኦደቴዳ።
2SA 21:12 ዳዊተ ቢደ፥ ሳኦላ መቀꬃነ አ ናኣ ዮናታና መቀꬃ ጋላኣደን ደእያ ያቤሻ ካታማ አሳቱዋፐ አኬዳ። ፕልስጼማ አሳቱ ሳኦላነ አ ናና ግልቦአ ደርያን ዎꬊደ፥ ቤትሻና ጉታራን ካቄዳዋፐ ጉይያን፥ ሄ ጉታራፐ ጋላኣደን ደእያ ያቤሻ አሳቱ ቆሱዋን አኬድኖ።
2SA 21:13 ዳዊተ ሳኦላ መቀꬃነ አ ናኣ ዮናታና መቀꬃ ሄ ሳፐ አሄዳ፤ ቃይ ሱለቴዳ ላፑን አሳቱዋፐ መቀꬃካ ሺሼድኖ።
2SA 21:14 ሳኦላ መቀꬃነ አ ናኣ ዮናታና መቀꬃ ቢንያማ ቢታን ጸላአ ካታማን ደእያ አ አዉዋ ቂሳ ዱፉዋን ሞጌድኖ። ካቲ አዛዜዳዋ ኡባ ኡንቱንቱ ፖሌድኖ፤ ሄዋፐ ጉይያን፥ ኡንቱንቱ ሄ ቢታዉ ዎሴዳ ዎሳ ጾሳይ ስሴዳ።
2SA 21:15 ፕልስጼማ አሳቱዋናነ እስራኤልያ አሳቱዋና ላኤንꬁዋ ኦላይ ደንዴዳ፤ ዳዊተ ባረ አሳቱዋና ቤዳ። ፕልስጼማቱዋና ኦለቲደ ዳዊተ ዳቡሬዳ።
2SA 21:16 አዱሳ ምኖ አሳቱዋ ያራፐ ግድያ ይሽብባኖባ ግያ እት ብታኒ ደኤ፤ እ ኦይቄዳ ቶራይ ሄዙ ኪሎ ግራመነ ባጋ ዴጽያ፥ ናሃስያ ጌተትያ ብራታፐ ቆጸቴዳዋ፤ እ ኦራꬃ ማሻ ዳንጭ ኡቴዳ። ያቴዳዌ “ታን ዳዊታ ዎꬋና” ጌዳ፤
2SA 21:17 ሽን ጻሩይ ናአይ አብሻይ ዳዊታ አሼዳ፤ ፕልስጼምያ ሾጪደ ዎꬌዳ። ሄዋፐ ጉይያን ዳዊታ አሳቱ ዳዊታ፥ “እስራኤልያ ጾምፒ ቶኤናዳን ኔን ላኤንꬆ ኡባካ ኑናና ኦላዉ ባካ” ያጊደ ጫቄድኖ።
2SA 21:18 ሄዋፐ ጉይያን፥ ጎባ ጌተትያ ሳኣን ፕልስጼማ አሳቱዋና ኦላይ ኦለቴዳ፤ ሁሻፐ ዬዳ ስባካይ አዱሳ ምኖ አሳቱዋ ያራፐ ግድያ ሳፋ ዎꬌዳ።
2SA 21:19 ቃይካ ሄ ሳኣን ፕልስጼማ አሳቱዋና ሀራ ኦላይ ኦለቴዳ፤ ቤተሌመፐ ዬዳ ያኢራ ናአይ ኤልሀናን፥ ቶራ ቶማይ ሸማይንያ ዎንዳራሽያ ኬሻቶ፥ ጋተ ካታማፐ ዬዳ ጎልያዳ ዎꬌዳ።
2SA 21:20 ቃይካ ጋተ ካታማን ሀራ ኦላይ ኦለቴዳ። ሄ ሳኣን እት ዎጋ አዱሳ ብታኒ ደኤ። ሄ ብታንያዉ እት እት ኩሽያን ኡሱፑን ብራቱ፥ እት እት ገድያንካ ኡሱፑን ብራቱ፥ ኡባና ላታማነ ኦይዱ ብራቱ ደኢኖ። እካ አዱሳ ምኖ አሳቱዋ ያራፐ ግድያ አሳ።
2SA 21:21 ሄ ብታኒ እስራኤልያ ናሴዳ ዎደ፥ ዳዊታ እሻ ሻማ ናአይ ዮናታን አ ዎꬌዳ።
2SA 21:22 ሄ ኦይዳቱ ጋተ ካታማን ደእያ አዱሳ ምኖ አሳቱዋ ያራቱዋ። ኡንቱንታ ዳዊተነ አ አሳቱ ዎꬌድኖ።
2SA 22:1 መꬍና ጎዳይ አ ሞርከቱዋ ኡባ ኩሽያፐነ ሳኦላ ኩሽያፐ አሼዳ ጋላስ ዳዊተ መꬍና ጎዳዉ ሀ የꬃ የጼዳ።
2SA 22:2 “መꬍና ጎዳይ ታዉ ዎጋ ዛላ፤ ታን ኦላፐ ናገትያ ሚጻ፤ እ ታና አሽያዋ።
2SA 22:3 ታ ጾሳይ ታን አኮ ባቃትያ ታ ዎጋ ዛላ። እ ታ ጎንዳልያ፤ እ ታና አሽያ ዎልቃማ። እ ታን ቆሰታ አትያ ሳኣ፤ እ ታና ማካላንቻ አሳቱዋፐ አሼ።
2SA 22:4 ጋላታይ በስያ መꬍና ጎዳ ታን ጼሳይ፤ እ ታ ሞርከቱዋፐ ታና አሼ።
2SA 22:5 “ሀይቁዋ ቤታይ ታ ሄራን ስርመቴ፤ ባሻይ ድኡዋዳን ታና ሙኬዳ።
2SA 22:6 ዱፉዋ ዎዶሩ ታና ቃቻና ሀኔ፤ ሀይቁ ጲርያዳን ታና ኦይቄዳ።
2SA 22:7 ታና መቱ ኢስና መꬍና ጎዳ ጼሳድ፤ ‘ታና ማዳ’ ጋደ ታ ጾሳዉ ዋሳድ። እ ባረ ጌሻ ጎልያን ታ ኮሻ ስሴዳ፤ ታን ዋሴዳ ዋሱ አ ሀይꬃን ዎꬌዳ።
2SA 22:8 “ጾሳይ ሀንቀቴዳ ድራዉ፥ ቢታይ ዪቂዪቂደ ቃጼዳ፤ ደረቱዋ ጻጱ ጋጅ ጋጅ ኮኮሬዳ።
2SA 22:9 አ ሲꬍያፐ ሀንቁዋ ጩዋይ ጩዋቴዳ፤ አ ዶናፐ ምያ ታማ ላጩነ ጹግያ ቦንቁ ከሴዳ።
2SA 22:10 ሳሉዋ እ ጳልቂደ፥ ዱገ ዎꬌዳ። ሄ ዎደ አ ገድያፐ ጋርሳና መꬌዳ ሻሪ ደኤ።
2SA 22:11 ቀፍያና ደእያ ኪታንቻቱዋን፥ ክሩበቱዋን ኡቲደ ፓሌዳ፤ ጫርኩዋ ቀፍያ ቦላን ቤቴዳ።
2SA 22:12 ባረና ꬉማን ካሜዳ፤ አ ዱንካኒ እራና መꬌዳ ሻርያ።
2SA 22:13 አ ስንꬃን ደእያ ዎልቃማ ፖኡዋፐ ታማ ላጩ ከሴዳ።
2SA 22:14 “ቃይ መꬍና ጎዳይ ጉጉንꬃዳን ሳሉዋፐ ጉሜዳ። ኡባፐ ꬎቂያ ጾሳይ ባረ ኮሻ ስሴዳ።
2SA 22:15 ባረ ዎንዳፍያ አዳ የዲደ፥ ባረ ሞርከቱዋ ላሌዳ። ዋልቃንꬃ ፖኡዋ ኪቲደ፥ ኡንቱንታ የደርሴዳ።
2SA 22:16 መꬍና ጎዳይ ሴሬዳ ዎደነ፥ ሀንቀቲደ ፔኑቄዳ ዎደ፥ አባ ሃꬃይ ግሴዳ ቢታይ በቴዳ። ቃይ ሳኣ ባሱካ ቆንጬዳ።
2SA 22:17 “ጾሳይ ቦላፐ ኩሽያ ዱገ የዲደ፥ ታና ኦይቄዳ፤ ጪማ ሃꬃፐ ታና ከሴዳ።
2SA 22:18 እ ታና ታ ዎልቃማ ሞርክያፐነ ታና እጽያዋንቱፐ አሼዳ፤ አያዉ ጎፐ፥ ኡንቱንቱ ታዉ ሎይꬅ ዳሮ ዎልቃማ።
2SA 22:19 ታ ዋይያ ጋላስ፥ ኡንቱንቱ ታ ቦላ ደንዴድኖ፤ ሽን መꬍና ጎዳይ ታና ዘምፕስያዋ።
2SA 22:20 እ ታና አኮ ሳኣ ከሴዳ፤ ታናን ናሸቴዳ ድራዉ፥ ታና አሼዳ።
2SA 22:21 “ታ ጽሎተꬃዳን መꬍና ጎዳይ ታዉ ጭጌዳ፤ ታ ኩሽያ ጌሻተꬃዳን እ ታዉ ዛሬዳ።
2SA 22:22 ታን መꬍና ጎዳ ኦግያ ካላድ፤ ታን ታ ጾሳ አጋደ ዎራ ባበይከ።
2SA 22:23 ታን አ ህግያ ኡባ ናጋድ፤ አ ዎጋ ፖልያዋ አጋበይከ።
2SA 22:24 ታን አ ስንꬃን ሱረ ደኣድ፤ ታን ታና ናጋራፐ ናጋድ።
2SA 22:25 ሄዋ ድራዉ፥ መꬍና ጎዳይ ታዉ ታ ጽሎተꬃዳንነ ታ ጌሻተꬃዳን ዛሬዳ።
2SA 22:26 “አቤት ጾሳዉ፥ አማነትያዋንቶ ኔን አማነትያዋ፤ ሱረቶ ኔንካ ሱረ።
2SA 22:27 ጌሻቶ ኔንካ ጌሻ፤ ሽን ጌላቶ ኔን ጭንጫ።
2SA 22:28 ባረንታ ዝቂስያዋንታ አሻሳ፤ ሽን ባረንታ ꬎቂስያዋንታ ዝቂሳናዉ ኔን ኡንቱንታ ጼላሳ።
2SA 22:29 አቤት መꬍና ጎዳዉ፥ ታ ጾምፒ ኔና፤ መꬍና ጎዳይ ፖእስና፥ ታ ꬉማይ ክቼ።
2SA 22:30 ነ ማዱዋን ታን ታ ሞርከ ኦላንቻቱ ቦላ ዎራጃይ፤ ታ ጾሳን ታን ኡንቱንታ ሚጻ ጼራና ጉፓ አꬋይ።
2SA 22:31 ጾሳ ኦጊ ሱረ። መꬍና ጎዳ ቃላይ አማነትያዋ። አኮ ባቃትያ ኡባቶ እ ጎንዳለ።
2SA 22:32 መꬍና ጎዳፐ አትና፥ ሀራ ጾስ ባዋ፤ ኑ ጾሳፐ አትና፥ ሀራ ዎጋ ዛል ባዋ።
2SA 22:33 ታዉ ዎልቃ እምያዌነ ታ ኦግያ ሳሮ ኦꬅያዌ ጾሳቴ።
2SA 22:34 እ ታ ገድያ ገንእያ ገድያዳን ምንሴ። ታና ꬎቃ ግሹዋን ሳሮተꬃን ዎꬄ።
2SA 22:35 እ ታ ኩሽያ ኦላ ሜዘዬ፤ ሄዋ ድራዉ፥ ታን ታ ቀስያን፥ ናሃስያ ግያ ብራታ ዎንዳፍያን ዳፋደ ዱካይ።
2SA 22:36 “ታና አሽያ ነ ጎንዳልያ ኔን ታዉ እማዳ፤ ነ ሎኦ ኦካይ ታና ግታዬ።
2SA 22:37 ታን ሀመትያ ሳኣ አሳሳ፤ ሄዋ ድራዉ፥ ታ ገዲ ሀልጽቤና።
2SA 22:38 ታ ሞርከቱዋ ታን የደርሳደ መንሬꬃድ፤ ታን ኡንቱንታ ꬋይሰናን ደኣደ ጉየ ስማበይከ።
2SA 22:39 ታን ኡንቱንታ ላኤንꬆ ደንደናዳን ሾጫድ፤ ኡንቱንቱ ታ ገድያን ኩንዴድኖ።
2SA 22:40 ኦላዉ ታና ዎልቃ ዳንጭሳዳ፤ ታናና ጋዳትያዋንታ ታዉ ጉልባትሳዳ።
2SA 22:41 ታ ሞርከቱዋ ታ ስንꬃፐ ጉየ ባቃትሳዳ፤ ታና እጽያዋንታ ታን ꬋይሳድ።
2SA 22:42 ባረንታ ማድያዋ ኮዬድኖ፤ ሽን ኦንነ ኡንቱንታ አሽቤና። መꬍና ጎዳካ ኡንቱንቱ ጼሴድኖ፤ ሽን እ ኡንቱንቶ ኮይቤና።
2SA 22:43 ታን ኡንቱንታ ባናዳን ሊቅሳድ፤ ኦግያን ደእያ ኡርቃዳንካ ኡንቱንታ ድርጸሬꬃደ የꬋድ።
2SA 22:44 “ታ አሳ ማካላፐ ታና አሻዳ። ካዉተꬃቱዋ ቦላ ሱንꬃደ፥ ታና ናጋዳ፤ ታን ኤረና አሳይ ታዉ ሞደቴዳ።
2SA 22:45 አላጋ ጋደ አሳይካ ታ ስንꬃን ጉልባቴ። ኡንቱንቱ ታ ዋርያ ስሲደ፥ ታዉ አዛዘቲኖ።
2SA 22:46 ኡንቱንቱ ዎዛና ካሃ ባዪኖ። ባረንቱ ናገትያ ሚጻፐ ኮኮሪደ ዪኖ።
2SA 22:47 “መꬍና ጎዳይ ደኤ! ጾሳይ፥ ታ ዎጋ ዛላይ ጋላተቶ። ጾሳይ፥ ታና አሽያ ዛላይ፥ ꬎቁ ꬎቁ ጎ።
2SA 22:48 እ ታ ሀሉዋ ከስያ ጾሳ፤ ካዉተꬃቱዋ ታፐ ጋርሳና ዎꬅያዋ።
2SA 22:49 ታ ሞርከቱዋፐ ታና ከስ አክያዋ። አቤት ጾሳዉ፥ ኔን ታናና ጋዳትያዋንቱ ቦላን ታና ꬎቁ ꬎቁ ኦꬃሳ። ማካላንቻ አሳቱዋፐ ኔን ታና አሻሳ።
2SA 22:50 ሄዋ ድራዉ፥ ታን መꬍና ጎዳ ካዉተꬃቱዋ ግዶን ጋላታና፤ ታን ነ ሱንꬃካ ሳባና።
2SA 22:51 “ጾሳይ ባረ ካትያዉ ጾኑዋ ቦላን ጾኑዋ እሜ። ባረ ኦኬዳዎ፥ ዳዊተዉነ አ ዘረꬃዉ፥ አገና ሲቁዋ መꬍናዉ በሰ” ያጊደ የጼዳ።
2SA 23:1 ሀዋንቱ ዳዊተ ዉርሰꬃን ሃሳዬዳ ቃላቱዋ። እሰያ ናአይ ዳዊተ ሃሳዬ፤ ጾሳይ ꬎቁ ꬎቁ ኦꬄዳዌ፥ ያቆባ ጾሳይ ኦኪደ ካተዬዳዌ፥ እስራኤላን ሎኦ ማዝሙርያ ከሴዳዌ ሀዋዳን ያጌ፦
2SA 23:2 “መꬍና ጎዳ አያናይ ታ ባጋና ሃሳዬ፤ አ ቃላይ ታ እንጻርሳን ደኤ።
2SA 23:3 እስራኤልያ ጾሳይ ሃሳዬዳ፤ እስራኤልያ ዛላይ ታና ሀዋዳን ያጌዳ፤ ‘ጽሎተꬃን ጋድያ ሞድያ ካቲ፥ ጾሳዉ ያዪደ ካተትያ ካቲ፥
2SA 23:4 ሻሪ ባይና ጉራን ዶልያ ጻልቂያ ፖኡዋ ማላ። ሄ ኡራይ እራይ ቡክ ስምና፥ ቢታፐ ማታ ዶልስያ ቦቃልሳ ማላ’ ያጌዳ።
2SA 23:5 “ቱሙ ታ ጎልያ አሳይ ጾሳ ስንꬃን ሱረ። እ ታናና መꬍና ቃላ ጫቁዋ ጫቀቴዳ፤ ኡባባይካ ሀ ቃላ ጫቁዋ ግዶን ጊጊደነ ምኒደ ኡቴዳ። ጾሳይ ታዉ ጾኑዋ እማና፤ ቃይ ታን አሞቴዳዋ ኡባ እ ቱሙፐ ፖላና።
2SA 23:6 ሽን ኢታ አሳቱ ኡባይ ኩሽያን ሺሻናዉ ሀነና አጉንꬃቱዋዳን ዎራ ኦለታና።
2SA 23:7 አጉንꬃቱዋ ቦችያ ኦንነ ብራታ ዎይ ቶራ ቶማ ባረ ኩሽያን ኦይቃናዉ ኮሼ። ሄ አጉንꬃይ ባረንቱ ደእያ ሳኣን ኤጻና” ያጌዳ።
2SA 23:8 ዳዊታ አሳቱዋ ምኖቱ ሱንꬃይ ሀዋፐ ካሊደ ጻፈቴዳ። ኡንቱንቱፐ ሄዛቱ ሎይꬅ ኤረቴዳዋንታ። ሄዛቱዋፐ ኮይሩ ታህክሞናፐ ዬዳ ዮሸብ-ባሸቤታ ጌተቴ፤ እ እት ገደ ኦላን ባረ ቶራን ሆስፑን ጼቱ አሳ ዎꬌዳ።
2SA 23:9 ሄዙ ምኖ አሳቱዋ ግዶን አ ካሊደ ደእያዌ አሆህያ ዶዶ ናኣ ኤልኣዛራ። እት ጋላስ እነ ዳዊተ ኦላዉ ሺቄዳ ፕልስጼማቱዋ ናሴድኖ፤ ሄዋፐ ጉይያን፥ እስራኤልያ አሳይ ጉየ ስሜዳ።
2SA 23:10 ሽን እ ባረ ሳኣን ምን ኤቂደ፥ አ ኩሺ ጻላሊደ፥ ማሻና ኦይቀታና ጋካናዉ፥ ፕልስጼማ አሳቱዋ ሾጬዳ። ሄ ጋላስ መꬍና ጎዳይ ዎልቃማ ጾኑዋ እሜዳ። ኦላይ ኤቂና፥ ኦላንቻቱ ኤልኣዛራኮ ስሚደ ዬድኖ፤ ሽን ኡንቱንቱ ሀይቄዳ ፕልስጼማቱዋፐ ኦላ ማዩዋ ቃሬድኖፐ አትና፥ ሀራባ ኦꬅበይክኖ።
2SA 23:11 አፐ ካልያዌ ቃይ ሃራራፐ ዬዳ አገ ናኣ ሻማ። እት ጋላስ ፕልስጼማ አሳቱ ምስሪ ኩም ኡቴዳ ሾይቃን ሺቄድኖ፤ እስራኤልያ አሳቱ ኡንቱንቱ ስንꬃፐ ባቃቴድኖ።
2SA 23:12 ሽን ሻም ሾይቃዉ ግዶ ባዙዋን ምን ኤቂደ ኦለቴዳ። ፕልስጼማ አሳቱዋ ሾጪደ ድፕ ኦꬄዳ። መꬍና ጎዳይ ዎልቃማ ጾኑዋ እሜዳ።
2SA 23:13 ካꬃ ጫካን ሀታሙ ምኖ አሳቱዋፐ ሄዛቱ ዳዊታኮ አዱላማ ካታማ ማታን ደእያ ጎንጎሉዋ ቤድኖ። ሄ ዎደ ፕልስጼማ ኦላንቻቱ ራፋይማ ዎምባን ሺቅ ኡቴድኖ።
2SA 23:14 ሄ ዎደ ዳዊተ ጌሱዋ ግዶን ደኤ፤ ፕልስጼማ ኦላንቻቱ ጭታይ ቃይ ቤታልሄመን ደኤ።
2SA 23:15 ዳዊተ ሃꬃ ኡሻናዉ አሞቲደ፥ “ቤተሌመ ካታማ ፐንግያ ላንቂያን ደእያ ፑልቱዋ ሃꬃፐ ታና ኦን ኡሻንዴሻ!” ያጌዳ።
2SA 23:16 ሄዙ ምኖ አሳቱ ፕልስጼማ ኦላንቻቱ ሞꬃ አꬊደ፥ ቤተሌመ ካታማ ፐንግያን ደእያ ፑልቱዋፐ ሃꬃ ዱቂደ ዳዊታዉ አሄድኖ። ሽን እ ኡሸናን እጼዳ፤ መꬍና ጎዳ ስንꬃን ትጊደ፥
2SA 23:17 “አቤት መꬍና ጎዳዉ፥ ሀዋ ኡሻናዌ ታፐ ሃኮ! ሀ ሃꬃይ ባረንቱ ሸምፑዋ ሸነኮ ጊደ ጻሊደ ቤዳ አሳቱዋ ሱꬃ ግደኔ?” ያጊደ ኡሸናን እጼዳ። ሀ ሄዙ ምኖ አሳቱ ሀዋ ኦꬄድኖ።
2SA 23:18 ጻሩይ ናኣ እዮኣባ እሻይ አብሻይ ሀታማቶ ካፑዋ፤ እ ሄዙ ጼቱ አሳቱዋ ባረ ቶራን ኦለቲደ ዎꬌዳ፤ ያቲደ እካ ሀራ ሄዛቱዋዳን ኤረቴዳ።
2SA 23:19 እ ሀታማቱዋፐ አꬊደ ቦንቼቴዳ አሳ፤ እ ኡንቱንቶ ካፑዋ ግዴዳ። ግዶፐነ፥ እ ሄ ሄዛቱዋ ፓይዱዋን ባዋ።
2SA 23:20 ቃይ ቃብጽኤላፐ ዬዳ ዮዳሄ ናአይ ባናይካ ምኖ አሳ። እ ምኖ ኦሳቱዋ ኦꬄዳ። እ ላኡ ኤረቴዳ ሞኣበ አሳቱዋ ዎꬌዳ። ቃይ ሻቻይ ዳርያ እት ጋላስ ኦላ ዱገ ገሊደ፥ ጋሙዋ ዎꬌዳ።
2SA 23:21 ቃይ ግብጼ ብታንያ እት ዎልቃማ ዎꬌዳ፤ ግብጼ ብታኒ ቶራ ኦይቄዳ፤ ሽን እ ዱላ ኦይቂደ አ ቦላ ቤዳ፤ አ ኩሽያፐ ቶራ ቦንቂ አኪደ፥ አ ቶራን አ ዎꬌዳ።
2SA 23:22 ዮዳሄ ናአይ ባናይ ሀዋንታ ኦꬄዳ። አ ሱንꬃይካ ሄ ሄዛቱዋዳን ኤረቴዳ።
2SA 23:23 እ ሀታማቱዋ ግዶን ዳሮ ቦንቼቴዳ፤ ሽን እ ሄዛቱዋ ፓይዱዋን ባዋ። ዳዊተ አ ባረና ናግያ ኦላንቻቶ ካፑዋ ከሴዳ።
2SA 23:24 ሄ ሀታማቱዋ ግዶን ደእያዋንቱ: ዮኣባ እሻ አሳሄላ፥ ቤተሌመፐ ዬዳ ዶዶ ናኣ ኤልሀናና፥
2SA 23:25 ሀሮዳፐ ዬዳ ሻማነ ኤሊቃ፥
2SA 23:26 ፓልጻ ያራ ግድያ ሄሌጻ፥ ታቆአፐ ዬዳ እቄሻ ናኣ እራ፥
2SA 23:27 አናቶታፐ ዬዳ አብኤዘራ፥ ሁሻፐ ዬዳ ማቡናያ፥
2SA 23:28 አሆሀ ያራ ግድያ ጻልሞና፥
2SA 23:29 ናጾፋፐ ዬዳ ማህራያነ ባኣና ናኣ ሄሌባ፥ ቢንያማ ቢታፐ፥ ግብአፐ ዬዳ ርባያ ናኣ እታያ፥
2SA 23:30 ፕርኣቶናፐ ዬዳ ባናያ፥ ጋኣሻ ዛንጋራ ማታፐ ዬዳ ህዳያ፥
2SA 23:31 አራባፐ ዬዳ አብአልቦና፥ ባህሩማፐ ዬዳ አዝማዌታ፥
2SA 23:32 ሻአልቦናፐ ዬዳ ኤልያህባ፥ ያሼና ናና፥ ዮናታና፥
2SA 23:33 ሃራራፐ ዬዳ ሻማ፥ ሃራራፐ ዬዳ ሻራራ ናኣ አህኣማ፥
2SA 23:34 ማእካፐ ዬዳ አሀሳባያ ናኣ ኤልፈሌጻ፥ ጊሎፐ ዬዳ አክጾፌላ ናኣ ኤሊኣማ፥
2SA 23:35 ቃርመሎሳፐ ዬዳ ሄጽራ፥ አራባ ካታማፐ ዬዳ ፓአራያ፥
2SA 23:36 ጾባ ካታማፐ ዬዳ ናታና ናኣ ይግኣላ፥ ጋዳፐ ዬዳ ባና፥
2SA 23:37 አሞናፐ ዬዳ ጸለቃ፥ ጻሩይ ናኣ ዮኣባ ኦላ ሚሻ ቶክያ ባኤሮታፐ ዬዳ ናህራያ፥
2SA 23:38 ያትራ ያራ ግድያ እራ፥ ያትራ ያራ ግድያ ጋሬባነ
2SA 23:39 ሂትያ ኦርዮና። ኡንቱንቱ ኡባና ሀታማነ ላፑና።
2SA 24:1 ቃይካ መꬍና ጎዳ ሀንቁ እስራኤልያ ቦላ ኤጽ ከሴዳ፤ ያትና፥ ጾሳይ ዳዊታ ኡንቱንቱ ቦላ ደንꬂደ፥ “ባ፤ እስራኤላነ ይሁዳ አሳ ፓይዳ” ያጌዳ።
2SA 24:2 ሄዋ ድራዉ፥ ካቲ እዮኣባነ አናና ደእያ ኦላንቻቱዋ ካፓቱዋ ሀዋዳን ያጌዳ፤ “እስራኤልያ ዛራቱዋ ግዶ ዳናፐ ቢደ በርሳበሀ ጋካናዉ ቢደ ኡንቱንቱ አፑነንቶ ታን ኤራና ማላ፥ እስራኤልያ አሳ ፓይድተ” ያጌዳ።
2SA 24:3 ሽን እዮኣበ ካትያ፥ “መꬍና ጎዳይ ነ ጾሳይ ሀ ደእያ አሳ ቦላ ጼቱ ኩሽያ ጉጆ! ሄዋ ነ አይፊ፥ ታ ጎዳ ካትያ አይፊ በኦ! ሽን ታ ጎዳይ ካቲ አያዉ ሄዋ ማላ ኦꬃናዉ ኮዪ?” ያጌዳ።
2SA 24:4 ሽን ካትያ ቃላይ እዮኣባነ ኦላንቻቱ ካፓቱዋ ጾኔዳ። ኡንቱንቱ ካትያ ስንꬃፐ ከሲደ፥ እስራኤልያ አሳ ፓይዳናዉ ቤድኖ።
2SA 24:5 ኡንቱንቱ ዮርዳኖሳ ሻፋ ፕኔዳዋፐ ጉይያን፥ ዛንጋራፐ ገድሳ ባጋን ደእያ አሮኤራ ካታማን ኡቴድኖ፤ ሄዋፐ ቃይ ጋደ አꬊደ ያእዜራ ጋኬድኖ።
2SA 24:6 ሄዋፐ ጉይያን፥ ኡንቱንቱ ጋላኣደነ ሂተቱዋ ቢታን ደእያ ቃዴሳ ቤድኖ፤ ሄ ሳፐ ቃይ ዳና ካታማ ቤድኖ፤ ሄዋና ሲዶና ካታማ ቤድኖ።
2SA 24:7 ሄ ሳፐ ደንዲደ፥ ጺሮሳ ካታማ ጌሱዋነ ሂዌቱዋነ ካናነቱ ካታማ ኡባ ቤድኖ። ዉርሰꬃን ቃይ ይሁዳ ኔጌባን ደእያ በርሳበሀ ካታማ ቤድኖ።
2SA 24:8 ኡንቱንቱ ቢታ ኡባ ዩዪደ፥ ኡዱፑን አግናነ ላታሙ ጋላሳ ጋምኤዳዋፐ ጉይያን፥ የሩሳላመ ካታማ ስሜድኖ።
2SA 24:9 እዮኣበ ፓይዴዳ አሳ ፓይዱዋ ካትያ ኤርሴዳዋዳን እስራኤላን ማሻን ኦለታናዉ ዳንዳይያ ሆስፑን ጼቱ ሻአ፤ ምኖ ኦላንቻቱ ደኢኖ፤ ይሁዳን ቃይ እቼሹ ጼቱ ሻአይ ደኢኖ።
2SA 24:10 አሳ ፓይዴዳዋፐ ጉይያን፥ ዳዊታ ዎዛናይ ሻበረቴዳ፤ ሄዋ ድራዉ፥ ዳዊተ መꬍና ጎዳ፥ “ታን ሀ ኪታን ዎልቃማ ናጋራ ኦꬃድ። ሽን ሀእ አቤት መꬍና ጎዳዉ፥ ታን ኔና ዎሳይ፤ ታ ባይዙዋ፥ ነ ቆማ ባይዙዋ ቁጫ። ታን ዳሮ ኤያባ ሀናድ” ያጌዳ።
2SA 24:11 ዎንተꬃ ጋላስ ጉራ፥ ዳዊተ ግሱዋፐ ደንዴዳ ዎደ፥ ዳዊታዉ ትምቢትያ ኦድያ ጋዳኮ መꬍና ጎዳ ቃላይ ዪደ፥
2SA 24:12 “ባ፤ ዳዊታ፥ ‘መꬍና ጎዳይ ኔና፥ “ታን ኔና ሄዙባፐ ዶሩዋ በሳይ፤ ታን ነ ቦላ ፖላናዉ ታዉ ኡንቱቱፐ እቱዋ ዶራ” ያጌ’ ያጋ” ያጌዳ።
2SA 24:13 ጋድ ዳዊታኮ ቢደ፥ “ሄዙ ላይꬃ ነ ቢታይ ኮሻታናዋ ዶራይ? ዎይ ነ ሞርከቱ ኔና የደርስሽን፥ ሄዙ አግና ኔን ኡንቱንቱ ስንꬃፐ ባቃታናዋ ዶራይ? ዎይ ነ ቢታ ቦላ ሄዙ ጋላሳ ኢታ ሀርጊ ያናዋ ዶራይ? አነ ሀእ ቆፋ ቃቻደ፥ ታን ታና ኪቴዳዎ ዛርያዋ ኦዳ” ያጌዳ።
2SA 24:14 ሄዋፐ ጉይያን ዳዊተ ጋደ፥ “ታን ሎይꬅ ኡንኤታድ። መꬍና ጎዳ ማሮተꬃይ ዎልቃማ ግድያ ድራዉ፥ ኑን አነ አ ኩሽያን ኩንዶይተ፤ ታና አሳቱዋ ኩሽያን ኩንድሶፓ” ያጌዳ።
2SA 24:15 ሄዋ ድራዉ፥ ዎንታፐ ቢደ ባረ ጌዳ ጋላሳይ ጋካናዉ፥ መꬍና ጎዳይ እስራኤልያ ቢታን ኢታ ሀርግያ ኪቴዳ፤ እስራኤልያ ዛዋን ዳናፐ ቢደ በርሳበሀ ጋካናዉ፥ ላፑን ታሙ ሻአ አሳይ ሀይቄዳ።
2SA 24:16 የሩሳላመ ካታማ ꬋይሳናዉ ኪታንቻይ ባረ ኩሽያ የዴዳ ዎደ፥ መꬍና ጎዳይ ሄ ጋኬዳ ቦሻዉ ካዮቴዳ፤ አሳ ሾጭያ ኪታንቻ፥ “አጋ! ሄዌ ግዳና!” ያጌዳ። መꬍና ጎዳ ኪታንቻይ ሄ ዎደ ያቡስያ ኦርና ኡዱማን ደኤ።
2SA 24:17 አሳ ሾጭያ ኪታንቻ ዳዊተ በኤዳ ዎደ፥ መꬍና ጎዳ፥ “በአ! ናጋራ ኦꬄዳዌ ታና፤ ታን ባይዛድ! ሀ ዶርሳቱ፥ ኡንቱንቱ አይ ኦꬄድኖ? ሀያና፥ ታናነ ታ አዉዋ ሶ አሳ ኔን ሙራና ማላ ታን ዎሳይ” ያጌዳ።
2SA 24:18 ሄ ጋላስ ጋድ ዳዊታኮ ዪደ፥ “ባ፤ ፑደ ያቡስያ ኦርና ኡዱማ ባደ፥ መꬍና ጎዳዉ ያርሽያ ሳኣ ያን ግምባ” ያጌዳ።
2SA 24:19 ዳዊተ መꬍና ጎዳይ ጋደ ባጋና አዛዜዳዋዳን ፑደ ቤዳ።
2SA 24:20 ኦርን ዱገ ጼልያ ዎደ፥ ካቲነ አ አሳቱ ባረኮ ይያዋንታ በኤዳ፤ ጋጻ ከሲደ፥ ባረ ዴሙዋ ሳኣ ጋꬂደ፥ ካትያዉ ጎይኔዳ።
2SA 24:21 ዝጊደ ኦርን፥ “ታ ጎዳይ ካቲ ባረ ቆማኮ፥ ታኮ አያዉ ዬዴ?” ያጌዳ። ዳዊተ፥ “አሳ ቦላፐ ቦሻይ ክቻናዳን ታን መꬍና ጎዳዉ ያርሽያ ሳኣ ግምባናዉ፥ ነ ኡዱማ ሻማናዉ ያድ” ያጌዳ።
2SA 24:22 ኦርን፥ “ታ ጎዳይ ካቲ ባረ ኮዬዳዋ አያነ አኪደ ያርሾ! በአ፤ ጹግያ ያርሾ ቦራቱ፥ ኤꬅያ ምꬃዉ ቃይ ካꬃ ቡክያ ሚሻቱነ ቦራ ሞርገ ምꬃቱ ሀዋንቱሽ።
2SA 24:23 ካትያዉ፥ ሀዋ ኡባ ታን ኦርን ካትያዉ እማይ” ያጌዳ። ቃይካ ኦርን ካትያ፥ “መꬍና ጎዳይ ነ ጾሳይ ነ ያርሹዋ አኮ” ያጌዳ።
2SA 24:24 ሽን ካቲ ኦርና፥ “ቱይት፥ ሃኮ! ታን ቱሙፐ ሚሻን ሻማና፤ አያዉ ጎፐ፥ ሚሻ አክቤና ጹግያ ያርሹዋ ታን መꬍና ጎዳዉ፥ ታ ጾሳዉ፥ ያርሽከ” ያጌዳ። ሄዋ ድራዉ፥ ካቲ ኡዱማፐ ቦራቱዋ ኦርናፐ እሻታሙ ጻጋራ ብራን ሻሜዳ።
2SA 24:25 ዳዊተ ሄ ሳኣን ያርሽያ ሳኣ ግምቢደ፥ ጹግያ ያርሹዋነ እትፐተꬃ ያርሹዋ መꬍና ጎዳዉ ያርሼዳ፤ ያትና፥ መꬍና ጎዳይ ሄ ቢታ ድራዉ ዎሰቲደ ዎሳ ስሲደ፥ ቦሻ እስራኤልያፐ ድጌዳ።
1KI 1:1 ካቲ ዳዊተ ጭሚደ ዎድያ ሎይꬅ ሱጌዳ። ያቴዳዎ ቆማቱ ማዩዋ አ ቦላ ኩርናካ አ ሆኤናን እጼዳ።
1KI 1:2 ሄዋ ድራዉ፥ አ ኦሳንቻቱ አ፥ “ካትያ ማታን ደአና ማላነ አ ናጋና ማላ፥ እት ዎዶሮ ናቶ ኑን ነዉ ኮያና፤ ኑ ጎዳ ካትያ ሆኤꬃናዉ እዛ አ ምይያን ግሳናዉ ዳንዳያዉ” ያጌድኖ።
1KI 1:3 ኡንቱንቱ እስራኤልያ ቢታን ኡባን ኮዪደ አብሻጎ ጌተትያ እት ማላ ሎኦ ዎዶራቶ ሹኔማ ጌተትያ ካታማፐ ደሚደ እዞ ካትያዉ አሄድኖ።
1KI 1:4 ሄ ወዶራታ ሎይꬃ ማላ ሎኦ ናኣ። እዛ ካትያ ናጋዱነ አዉ ኦꬃዱ፤ ሽን ካቲ እዝና ግሱዋን ጋከት ኤረና።
1KI 1:5 ሀጊት ናአይ አዶንያስ፥ “ታን ካተታናዉ ኮያድ” ያግ ደንዲደ ፓራ ጋረቱዋነ ፓራቱዋ ባረ ስንꬃን ዎጽያ እሻታሙ አሳና ጊግሴዳ።
1KI 1:6 አ አዉ አባን ገሊደ፥ “አያዉ ሀዋ ኦꬃይ?” ጊደ ኡባካ አ ኦች ኤረና። አዶንያስካ ቃይ ማላ ሎይꬅ ሎኦ አሳ፤ እ አበሰሎማ ካሊደ የለቴዳ።
1KI 1:7 አዶንያስ ጻሩይ ናኣ ዮኣባነ ቄስያ አብያታራ ሀ የዉዋ ዞረታ በሴዳ፤ ኡንቱንቱ አ ማዳናዉ ማዬድኖ።
1KI 1:8 ሽን ቄስያ ጻዶቀ፥ ዮዳሄ ናአይ ባናይ፥ ትምቢትያ ኦድያ ናታን፥ ሽምእ፥ ሬእነ ዳዊታ ናግያዋንቱ አዶንያሳና ባዋ።
1KI 1:9 እት ጋላስ አዶንያስ ኤንሮጌላ ካታማ ማታን ዞሄሌታ ዛላ ጌተትያ ሳኣን ዶርሳቱዋ፥ መሄቱዋነ ቦልትቦልታ ማራቱዋ ያርሼዳ። ካትያ ናና ባረ እሻቱዋ ኡባነ ካትያዉ ኦꬅያ ይሁዳ አሳቱዋ ኡባ ባረ ያርሽያ ሳኣ ጼሴዳ፤
1KI 1:10 ሽን ትምቢትያ ኦድያ ናታና፥ ባናያ፥ ካትያ ናግያዋንታነ ባረ እሻ ሶሎሞና ጼስቤና።
1KI 1:11 ሄዋፐ ጉይያን፥ ናታን ሶሎሞነ ዳዮ በርሳቤሆ ሀዋዳን ያጊደ ኦቼዳ፤ “ኑ ጎዳይ ዳዊተ ኤረናን ደእሽን፥ ሀጊት ናአይ አዶንያስ ካተቴዳዋ ኔን ስሳበይኪየ?
1KI 1:12 ያቶፐ፥ ሀእ ኔን ነ ሸምፑዋነ ነ ናኣ ሶሎሞነ ሸምፑዋ ዋታደ አሻንንቶ ኔና ታን አነ ዞራይ።
1KI 1:13 ካትያ ዳዊታኮ ገላደ ሀዋዳን ያጋ፤ ‘ታ ጎዳዉ ካትያዉ፥ ታዉ ነ ቆማትዉ፥ “ቱማ፥ ታፐ ጉይያን ነ ናአይ ሶሎሞነ ካተታና፤ ታ ካዉተꬃ አራታን እ ኡታናዋ” ያጋደ ጫቃበይኪ? ያትና፥ አዶንያስ አያዉ ካተቴዴ?’ ያጋ።
1KI 1:14 ኔን ካትያና ሃሳያደ ያን ደእሽን ታን ገላደ፥ ነ ሃሳያ ማይዛደ ሃሳያና” ያጌዳ።
1KI 1:15 በርሳባ ጭሜዳ ካትያ ሃሳይሳናዉ እ ደእያ እልፕንያ ገላዱ፤ ሹኔማ ካታማፐ ዬዳ አብሻጋ ካትያ ናጋናዉ።
1KI 1:16 በርሳባ ካትያ ስንꬃን ኩንዳ ጉፋናዱ። ካቲ፥ “አያ ኮያዲ?” ያጊደ ኦቼዳ።
1KI 1:17 እዛ፥ “ታ ጎዳዉ፥ ታዉ ነ ቆማትዉ፥ ‘ታፐ ጉይያን ነ ናአይ ሶሎሞነ ካተታና፤ ታ ካዉተꬃ አራታንካ እ ኡታናዋ’ ጋደ መꬍና ጎዳን፥ ነ ጾሳን፥ ኔን ጫቃዳ።
1KI 1:18 ሽን ሀእ አዶንያስ ካተቴዳ፤ ኔን ታ ጎዳይ ካቲ ሄዋ ኤራካ።
1KI 1:19 እ ሎይꬅ ዳሮ መሄቱዋ፥ ቦልትቦልታ ማራቱዋነ ዶርሳቱዋ ያርሺደ ካትያ ናና ኡባ፥ ቄስያ አብያታራነ ኦላ ጋዳዋ ዮኣባ ጼሴዳ፤ ሽን ነ ቆማ ሶሎሞና ጼስቤና።
1KI 1:20 ታ ጎዳዉ ካትያዉ፥ ታ ጎዳፐ ካትያፐ ጉይያን ኦን ነ ካዉተꬃ አራታን ኡታነንቶ ኤራናዉ እስራኤልያ አሳ ኡባ አይፊ ኔና ጼል ኡቴዳ።
1KI 1:21 ሄዌ ꬋዮፐ፥ ታ ጎዳይ ካቲ ሀይቂደ ባረ ማይዛን ጋከትያ ዎደ፥ ታንነ ታ ናአይ ሶሎሞነ ዳባ ኦꬄዳ አሳዳን ፓይደታና” ያጋዱ።
1KI 1:22 በርሳባ ብሮ ካትያና ሃሳይሽን፥ ትምቢትያ ኦድያ ናታን ካትያ ጎልያ ጋኬዳ።
1KI 1:23 ካትያዉ፥ “ትምቢትያ ኦድያ ናታን ዬዳ” ያጊደ ኦዴድኖ። ያትና፥ ናታን ካትያ ስንꬃ አꬊደ፥ ባረ ዴሙዋ ሳኣ ጋꬂደ ጎይኔዳ።
1KI 1:24 ሄዋፐ ጉይያን ናታን፥ “ታ ጎዳዉ ካትያዉ፥ ኔፐ ጉይያን አዶንያስ ካተታናዳንነ ነ ካዉተꬃ አራታን ኡታናዳን ኦዳዲየ?
1KI 1:25 ሀቼ እ ዱገ ቢደ ሎይꬅ ዳሮ መሄቱዋ፥ ቦልትቦልታ ማራቱዋነ ዶርሳቱዋ ያርሺደ ካትያ ናና ኡባ፥ ኦላ ጋዳዋቱዋነ ቄስያ አብያታራ ጼሴዳ። ኡንቱንቱ ሀእ አናና ሚድነ ኡሺደ፥ ‘ካቲ አዶንያስ መꬍናዉ ደኦ!’ ያግ ደኢኖ።
1KI 1:26 ሽን ታና ነ ቆማ፥ ቄስያ ሳዶቃ፥ ዮዳሄ ናኣ ባናያነ ነ ቆማ ሶሎሞና ጼስቤና።
1KI 1:27 ሀዌ ታ ጎዳ ካትያፐ ጉይያን አ ካዉተꬃ አራታን ኦን ኡታነንቶ ባረ ቆማቱዋ ኤርሰናን ደኢደ ታ ጎዳይ ካቲ ኦꬄዳቤየ?” ያጌዳ።
1KI 1:28 ካቲ ዳዊተ፥ “በርሳቤሆ ታዉ ጼስተ” ያጌዳ፤ ካቲ ደእያ ሳኣ ገላደ አ ስንꬃን ኤቃዱ።
1KI 1:29 ሄ ዎደ ካቲ እዝዉ ሀዋዳን ያጊደ ጫቄዳ፤ “ታና መቶ ኡባፐ አሼዳ መꬍና ጎዳይ ኤሮ!
1KI 1:30 መꬍና ጎዳን፥ እስራኤልያ ጾሳን ታን ነዉ ጫቄዳ ጫቁዋ ቱሙ ሀቼ ፖላና፤ ታፐ ጉይያን ነ ናአይ ሶሎሞነ ካተታና፤ ታ ካዉተꬃ አራታን፥ ታ ሳኣን እ ኡታናዋ” ያጌዳ።
1KI 1:31 በርሳባ ባረ ዴሙዋ ሳኣ ጋꬃደ ካትያ ስንꬃን ዉቱሻደ ካትያ፥ “ታ ጎዳይ፥ ካቲ ዳዊተ መꬍናዉ ደኦ!” ያጋዱ።
1KI 1:32 ሄዋፐ ጉይያን ካቲ ዳዊተ፥ “ታዉ ቄስያ ሳዶቃ፥ ትምቢትያ ኦድያ ናታናነ ዮዳሄ ናኣ ባናያ ጼሲደ ገልስተ” ያጌዳ። ኡንቱንቱ ገሊደ፥ ካትያ ስንꬃ አꬌድኖ።
1KI 1:33 እ ኡንቱንታ፥ “ታ ቆማቱዋ ህንተናና አክ ቢደ፥ ታ ናኣ ሶሎሞና ታን ቶግያ ባቁሉዋ ቶግሲደ፥ ዱገ ግዮነ ፑልትያ አፍተ።
1KI 1:34 ቄስያ ሳዶቅነ ትምቢትያ ኦድያ ናታን አ ኦኪደ እስራኤልያ አሳ ቦላን ካዉꬅኖ። ሄዋፐ ጉይያን ማላካታ ፑኒደ፥ ህንተንቱ ቃላ ꬎቁ ኦꬂደ፥ ‘ካቲ ሶሎሞነ መꬍናዉ ደኦ!’ ያግተ።
1KI 1:35 ሄዋፐ ጉይያን ህንተንቱ አ ገደኒደ አናና ፑደ ቢተ፤ እ ዪደ ታ ካዉተꬃ አራታን ኡቲደ፥ ታ ሳኣን ካተቶ። ታን እስራኤላነ ይሁዳ ሞድያዋ ኡዳደ አ ሱንꬃድ” ያጌዳ።
1KI 1:36 ዮዳሄ ናኣ ባናይ ካትያዉ ዛሪደ፥ “አመንእ! መꬍና ጎዳይ፥ ታ ጎዳ ካትያ ጾሳይካ ሄዋ ጎ!
1KI 1:37 መꬍና ጎዳይ ታ ጎዳና ካትያና ግዴዳዋዳን ሶሎሞነናካ ግዶ፤ ያትና፥ አ ካዉተꬃ አራታ ታ ጎዳ ካትያ ዳዊታ ካዉተꬃ አራታፐካ አꬂደ ግታዮ” ያጌዳ።
1KI 1:38 ሄዋ ድራዉ፥ ቄስያ ሳዶቀ፥ ትምቢትያ ኦድያ ናታን፥ ዮዳሄ ናአይ ባናይነ ካትያ ናግያዋንቱ ሶሎሞና ካቲ ዳዊተ ቶግያ ባቁሉዋ ቶግሲደ፥ ግዮነ አፌድኖ።
1KI 1:39 ቄስያ ሳዶቀ ጾሳ ዱንካንያፐ ዛይትያ ካጭያን ትግ አኪደ፥ ሶሎሞና ኦኪደ ካተዬዳ። ሄዋፐ ጉይያን ኡንቱንቱ ኡሉዱድያ ፑንና፥ አሳይ ኡባይ ባረ ቃላ ꬎቁ ኦꬂደ፥ “ካትያ ሶሎሞነ መꬍናዉ ደኦ!” ያጌዳ።
1KI 1:40 አሳይ ኡባይካ አ ካሊደ ፑደ ቤዳ፤ ኡንቱንቱ ሱሱሊያ ፑን ፑኒደ ካኢደ ሎይꬅ ናሸቴድኖ። ሄ ሆምቦጨꬃን ቢታይ ቃጼዳ።
1KI 1:41 አዶንያስነ አናና ደእያ እማꬃቱ ባላ ም ዉርሲደ ሀዋ ስሴድኖ። ኡሉዱድያ ፑኑዋ ስሲደ ዮኣበ፥ “ሀ ካታማን ኮሹምያ ዋላሳይ ኡባይ አይባቤ?” ያጊደ ኦቼዳ።
1KI 1:42 እ ብሮ ሃሳይሽን ቄስያ አብያታራ ናአይ ዮናታን ጋክ ዎꬌዳ። አዶንያስ፥ “አነ ሃ ገላ። ነ ማላ ሎኦ አሳይ ሎኦ ኦዱዋ አሄናን አገና” ያጌዳ።
1KI 1:43 ዮናታን፥ “ቱይት፥ ታን ሎኦ ኦዱዋ አሀበይከ! ኑ ጎዳይ ካቲ ዳዊተ ሶሎሞና ካተዬዳ።
1KI 1:44 አ ገደናና ማላ ካቲ ቄስያ ሳዶቃ፥ ትምቢትያ ኦድያ ናታና፥ ዮዳሄ ናኣ ባናያነ ካትያ ናግያዋንታ አናና የዴዳ፤ ኡንቱንቱ ካቲ ቶግያ ባቁሉዋ አ ቶግሴድኖ።
1KI 1:45 ቄስያ ሳዶቅነ ትምቢትያ ኦድያ ናታን፥ ግዮነ ሻፋን አ ኦኪደ ካተዬድኖ፤ ሄዋፐካ ኡንቱንቱ ሆምቦጪደ ፑደ ቤድኖ፤ ሄዎ ካታማይካ ኮሹሜ። ሀእ ህንተንቱ ስስያ ዋላሳይ ሄዋ።
1KI 1:46 ሄዋ ቦላካ ሶሎሞነ ካዉተꬃ አራታን ኡቴዳ።
1KI 1:47 ቃይ ካትያ ኦሳንቻቱካ ኑ ጎዳ ካትያ ዳዊታ፥ ‘ነ ጾሳይ ሶሎሞና ዋርያ ነዋፐካ አꬅ ዋረዮ! አ ካዉተꬃ አራታ ነዋፐካ አꬅ ግታዮ!’ ያጊደ አንጄድኖ። ካቲ ባረ አርሳን ደኢደ ሆኪደ ጾሳዉ ጎይኒደ፥
1KI 1:48 ‘ታ ካዉተꬃ አራታን ኡቲደ ታ ሳኣን ካተትያዋ ታና ሀቼ ታ አይፍያን በሴዳ መꬍና ጎዳይ እስራኤልያ ጾሳይ ጋላተቶ!’ ያጌዳ” ያጌዳ።
1KI 1:49 ሄዋ ስሲደ፥ አዶንያስ እማꬃቱ ኡባይ ዳጋም ደንዲደ፥ ላለቴድኖ።
1KI 1:50 አዶንያስ ሶሎሞናዉ ያይ ቢደ፥ ያርሽያ ሳኣ ካጨቱዋ ኦይቄዳ።
1KI 1:51 አሳይ ሶሎሞና፥ “አዶንያስ ካትያ ሶሎሞናዉ ያዪደ፥ ያርሽያ ሳኣ ካጨቱዋ ኦይቂደ፥ ካቲ ሶሎሞነ ታና ባረ ቆማ ማሻን ዎናዳን ታዉ ሀቼ ጫቆ ያጌ” ያጊደ ኦዴድኖ።
1KI 1:52 ሶሎሞነ ዛሪደ፥ “እ ባረ ሀኑዋ ሎይꬃናዋ ግዶፐ፥ ሀራይ አትና አ ሁጲያፐ እት ብናናይነ ቦሸተና፤ ሽን አን ኢታተꬃይ ቤትንቶ፥ እ ሀይቃና” ያጌዳ።
1KI 1:53 ሄዋፐ ጉይያን ካቲ ሶሎሞነ አሳ ኪትና፥ ኡንቱንቱ ያርሹዋ ያርሽያ ሳኣፐ ዱገ አ ዎꬄድኖ። አዶንያስ ዪደ፥ ሶሎሞናዉ ጎይኔዳ፤ ያትና፥ ሶሎሞነ አ፥ “ነ ሶ ባ” ያጌዳ።
1KI 2:1 ዳዊተ ሀይቂያ ዎዲ ማትና፥ ባረ ናኣ ሶሎሞና ሀዋዳን ያጊደ አዛዜዳ፤
1KI 2:2 “ታን ሀይቂያ ዎዲ ማቴዳ። ሄዋ ድራዉ፥ ምና፤ ገንቻ አሳ ግዳ።
1KI 2:3 መꬍና ጎዳይ ነ ጾሳይ አዛዜዳዋ ናጋ፤ አ ኦግያን ሀመታ፤ ሙሴ ህግያን ጻፈቴዳዋዳን አ አዋዩዋ፥ አ አዛዙዋ፥ አ ህግያነ አ ዎጋ ናጋ። ያቶፐ፥ ኔን ኦꬅያባይ ኡባይነ ኔን ብያሳኣ ኡባይ ነዉ እንጀታናዋ።
1KI 2:4 ቃይ መꬍና ጎዳይ ታና፥ ‘ነ ዘረꬃቱ ባረንቱ ደኡዋን ናገቲደ ደኦፐ፥ ኡንቱንቱ ታ ስንꬃን ባረንቱ ኩመንꬃ ዎዛናፐነ ባረንቱ ኩመንꬃ ሸምፑዋፐ አማነቲደ ሀመቶፐ፥ እስራኤልያ ካዉተꬃ አራታን ኡትያ አሳይ ነዉ ኡባካ ꬋየና’ ያጌዳ ህዶታ ቃላ ታዉ ፖላና።
1KI 2:5 “ቃይ ጻሩይ ናአይ ዮኣበ እስራኤልያ ኦላ ጋዳዋቱዋ ላኡዋ፥ ኔራ ናኣ አባኔራነ የተራ ናኣ አማሳ ዎꬊደ፥ እ ታና ኦꬄዳዋ ኔን አኬካሳ። ሄዌነ፥ ኡንቱንቱ ኦላ ዎደ ዎꬌዳዋ ሀሉዋ ኡንቱንታ ስጋ ዎደ ዎꬊደ፥ ሄ ሱꬃን ባረ ጼሳ ሳቂያነ ባረ ገድያ ጫማ አሌቄዳ።
1KI 2:6 ኔን አ ነ አꬌዳ ኤራተꬃዳን ኪተታ፤ ባረዉ ማታ እ ጭሚደ ሳሮ ሀይቃናዳን ኦꬆፓ።
1KI 2:7 “ሽን ጋላኣደ ጌተትያ ቢታን ደእያ ባርዝላያ ናናዉ ሎአ፤ ኡንቱንቱ ነ ማዳን ምያ አሳና ሚኖ። አያዉ ጎፐ፥ ታን ነ እሻ አበሰሎማፐ ባቃትያ ዎደ፥ ኡንቱንቱ ታ ባጋ ግዴድኖ።
1KI 2:8 “ታን ማህናይማ ካታማ ቤዳ ዎደ፥ ታና ኢታ ሸቃ ሸቄዳ ቢንያማ ጋድያን ባሁሪማ ካታማፐ ዬዳ ጌራ ናኣ ሽምእ ኔናና ደእያዋ ሀሳያ። እ ታናና ጋከታናዉ ዮርዳኖሳ ሻፋ ዱገ ዬዳ ዎደ፥ ‘ታን ኔና ዎꬍከ’ ጋደ መꬍና ጎዳን አዉ ጫቃድ።
1KI 2:9 ሽን ሀእ ኔን አ ጽሎ አሳዳን ፓይዶፓ። ኔን አꬌዳ ኤራይ ደእያ አሳ፤ ኔን አ ዋታነንቶ ኤራሳ። ኔን ሄ ጭማ ብታንያ ሀይቁዋን ሙራ” ያጌዳ።
1KI 2:10 ሄዋፐ ጉይያን ዳዊተ ሀይቂደ፥ ባረ ማይዛን ጋከቴዳ፤ ያቲደ ዳዊታ ካታማን ሞገቴዳ።
1KI 2:11 ዳዊተ እስራኤልያ ቦላ ኦይታሙ ላይꬃ ካተቴዳ፤ ከብሮናን ላፑን ላይꬃ፥ የሩሳላመን ሀታማነ ሄዙ ላይꬃ ካተቴዳ።
1KI 2:12 ሶሎሞንነ ባረ አዉዋ ዳዊታ ካዉተꬃ አራታን ኡቴዳ፤ አ ካዉተꬃይካ ሎይꬅ ምኔዳ።
1KI 2:13 ሀጊት ናአይ አዶንያስ፥ ሶሎሞና ዳይ በርሳብኮ ቤዳ፤ በርሳባ፥ “ኔን ታኮ ሳሩዋን ያድ?” ያጋደ አ ኦቻዱ። እ፥ “ኤ፤ ሳሩዋን ያድ” ያጊደ ዛሬዳ።
1KI 2:14 ሄዋፐ ጉይያን ጉጂደካ፥ “ታን ኔና ኦችያዌ ደኤ” ያጌዳ። እዛ፥ “ኦቻ” ያጋዱ።
1KI 2:15 እ ሀዋዳን ያጌዳ፤ “ካተታናዉ በስያዌ ታና ግዴዳዋነ እስራኤልያ አሳይ ኡባይ ታና ባረንቱ ካትያዳን ጼሌዳዋ ኔን ነ ሁጲያዉ ኤራሳ። ሽን የዎቱ ላመትና ካዉተꬃይ ታ እሻዉ ዩዬዳ፤ ሄዌነ፥ አዉ መꬍና ጎዳፐ ዬዳ።
1KI 2:16 ሀእ ታን ኔና እትባ ኦቻና። ሀያና ታዉ እጾፓ” ያጌዳ። እዛ፥ “ኦቻ” ያጋዱ።
1KI 2:17 እ፥ “ካቲ ሶሎሞነ ነዉ እጻድ ጌና፤ ሄዋ ድራዉ፥ ሹኔማ ካታማፐ ዬዳ አብሻጎ ግያ ዎዶራቶ ታን አካናዳን እ እዞ ታዉ እማና ማላ፥ ሀያና አ ታዉ ኦቻርክ” ያጌዳ።
1KI 2:18 በርሳባ፥ “ዳሮ ሎአ፤ ታን ሄዋ ነ ድራ ካትያዉ ኦዳና” ያጋዱ።
1KI 2:19 ሄዋ ድራዉ፥ በርሳባ አዶንያ ኪታ ኦዳናዉ ሶሎሞነኮ ገልና፥ ካቲ እዞ ሞካናዉ ደንድ ኤቂደ፥ እዝዉ ጎይን ስሚደ ባረ ካዉተꬃ አራታን ኡቴዳ። ቃይ ባረ አትዉ ሀራ ካዉተꬃ አራታ አህሲደ፥ አን ባረፐ ኡሸቻ ባጋና ኡትሴዳ።
1KI 2:20 ኡቴዳዋፐ ጉይያን፥ “ኔና ታን እት ጉꬃባ ኦችያዌ ደኤ። ሀያና ታዉ እጾፓ” ያጋዱ። ካቲ ዛሪደ እዞ፥ “ታ ዳዬ፥ ኦቻ። ታን እጽከ” ያጌዳ።
1KI 2:21 አ፥ “ሹኔማ ካታማፐ ዬዳ አብሻጎ ነ እሻይ አዶንያስ አካና ማላ አዉ እማርኪ” ያጋዱ።
1KI 2:22 ካቲ ሶሎሞነ ዛሪደ ባረ ዳዮ፥ “ሹኔማ ካታማፐ ዬዳ አብሻጎ ኔን አዶንያሳዉ አያዉ ኦቻይ? እ ታ ባይራ ግደኔ? ኔን አዉ ካዉተꬃካ ኦቻናዋ ሽን አጋዳ! ኤ፥ ኔን አዉ፥ ቄስያ አብያታራዉነ ጻሩይ ናኣ ዮኣባዉ ካዉተꬃካ ኦቻናዋ አጋዳ!” ያጌዳ።
1KI 2:23 ካቲ ሶሎሞነ ጾሳን ጫቂደ፥ “አዶንያስ ሀዋ ኦቼዳ ድራዉ ታን አ ዎꬋና ꬋዮፐ፥ መꬍና ጎዳይ ታና ዎꬎ!
1KI 2:24 ሀእ ስም ታና ታ አዉዋ ዳዊታ ካዉተꬃ አራታን ኡትሲደ፥ ታ ካዉተꬃ ሎይꬅ ኤሲደ፥ ታ ዛራቱ ደኤናዳን ኦꬄዳ መꬍና ጎዳይ ኤሮ! አዶንያሳ ሀቼ ዎꬋና!” ያጌዳ።
1KI 2:25 ካቲ ሶሎሞነ ዮዳሄ ናኣ ባናያ አዛዝና፥ እ ቢደ አዶንያሳ ሾጪደ ዎꬌዳ።
1KI 2:26 ሄዋፐ ጉይያን፥ ካቲ ሶሎሞነ ቄስያ አብያታራ ሀዋዳን ያጌዳ፤ “ኔን አናቶታን ደእያ ነ ጋደ ጉየ ባ። ኔን ሀይቃናዉ በሳሳ፤ ሽን ኔና ታን ሀእ ዎꬍከ። አያዉ ጎፐ፥ ኔን ታ አዉዋ ዳዊታ ስንꬃን ኡባ ሞድያ መꬍና ጎዳ ታቦታ ቶካደ፤ ቃይ ታ አዉዋ መቱዋ ኡባ አናና መቶታዳ” ያጌዳ።
1KI 2:27 ያቲደ ሶሎሞነ አብያታራ መꬍና ጎዳ ቄሳቱዋ ግድያ ሳኣፐ ድጊደ፥ መꬍና ጎዳይ ሴሎን ኤልያ ጎልያ አሳዋ ኦዴዳዋ ፖሌዳ።
1KI 2:28 አበሰሎማ ማዳና ꬋይንቶነ አዶንያስ ማዴዳ ዮኣባኮ ሀ ኦዱ ጋኬዳ። መꬍና ጎዳ ዱንካንያዉ እ ባቃት ቢደ፥ ያርሽያ ሳኣ ካጨቱዋ ኦይቄዳ።
1KI 2:29 ዮኣበ መꬍና ጎዳ ዱንካንያዉ ባቃቲደ ቢደ፥ ያርሽያ ሳኣ ምይያን ደእያዋ ካትያ ሶሎሞናዉ ኦዴድኖ። ሶሎሞነ ዮዳሄ ናኣ ባናያ፥ “ባደ አ ዎꬋ!” ጊደ አዛዜዳ።
1KI 2:30 ባናይ መꬍና ጎዳ ዱንካንያ ግዶ ገሊደ ዮኣባ፥ “ካቲ ኔና፥ ‘ሀዋፐ ከሳ’ ያጌ” ያጌዳ። ሽን እ ዛሪደ፥ “ከስከ! ታን ሀዋን ሀይቃና” ያጌዳ። ባናይ ካትያዉ፥ “ዮኣበ ታዉ ሀዋ ሀዋ ጊደ ዛሬዳ” ጊደ ኦዴዳ።
1KI 2:31 ካቲ ባናያ፥ “እ ጌዳዋዳን አ ኪተታ፤ አ ዎꬋደ ሞጋ! ያቶፐ፥ ዮኣበ ጽሎ አሳቱዋ ሱꬃ ጉሴዳ ዳባፐ ታናነ ታ አዉዋ ጎልያ አሳ ጌሻሳ።
1KI 2:32 እ ጉሴዳ ሱꬃ አጩዋ መꬍና ጎዳይ አዉ ጭጋና። አያዉ ጎፐ፥ እ ታ አዉ ዳዊተ ኤረናን ደእሽን ላኡ አሳቱዋ ማሻን ዎꬌዳ፤ እስራኤልያ ኦላ ጋዳዋይ ኔራ ናአይ አባኔርነ ይሁዳ ኦላ ጋዳዋይ የተራ ናአይ አማስ፥ ኡንቱንቱ ላአቱካ አፐ ኬካነ ሱርያ ዳሮ አሳ።
1KI 2:33 ዮኣበ ሀ አሳቱዋ ዎꬌዳ ድራዉ፥ ኡንቱንቱ ሱꬃ ዳባይ መꬍናዉ ዮኣባ ሁጲያንነ አ ዘረꬃቱዋ ሁጲያን ዎꬎ። ዳዊታ ቦላነ አ ጎልያ አሳ ቦላ፥ አ ዘረꬃቱዋ ቦላነ አ ካዉተꬃ አራታ ቦላ መꬍናዉ መꬍና ጎዳ ሳሮተꬃይ ግዶ” ያጌዳ።
1KI 2:34 ሄዋ ድራዉ፥ ዮዳሄ ናአይ ባናይ ፑደ ከሲደ፥ ዮኣባ ሾጪደ ዎꬌዳ፤ እ ዎራን ደእያ ባረ ጋደን ሞገቴዳ።
1KI 2:35 ካቲ ዮዳሄ ናኣ ባናያ ዮኣባ ሳኣን ኦላ ጋዳዋ ኦꬂደ ሱንꬄዳ፤ ቃይ አብያታራ ኮታን ቄስያ ሳዶቃ ሱንꬄዳ።
1KI 2:36 ሄዋፐ ጉይያን ካቲ ሶሎሞነ ሽምአዮ ኪቲደ ሀዋዳን ያጌዳ፤ “ነዉ የሩሳላመን ጎልያ ኬጻደ፥ ያን ደአ፤ ሀራሳ ሀቃነ ቦፓ።
1KI 2:37 ኔን ካታማፐ ከሳደ፥ ቀድሮና ዛንጋራ ፕኔዳ ጋላስ ሀይቃናዋ ኤራ። ነ ሱꬃ ጎሚ ኔና ኦይቃና” ያጌዳ።
1KI 2:38 ሽምእ ዛሪደ ካትያ፥ “ኔን ግያዌ ሎአ፤ ታን ነ ቆማይ ኔን ታ ጎዳይ ካቲ ጌዳዋዳን ኦꬃና” ያጌዳ። ሽምእ የሩሳላመን ዳሮ ዎድያ ደኤዳ።
1KI 2:39 ሽን ሄዙ ላይꬃፐ ጉይያን፥ ሽምአ ቆማቱዋፐ ላአቱ በቲደ፥ ማእካ ናኣ፥ ጋተ ካትያ አኪሻኮ ቢና፥ “ነ ቆማቱ ጋተን ደኢኖ” ጊደ ሽምአዉ ኦዴድኖ።
1KI 2:40 እ ባረ ሀርያ ኮሪደ፥ ባረ ቆማቱዋ ኮያናዉ አኪሻኮ ጋተ ቤዳ፤ ጋተፐ ባረ ቆማቱዋ ዛሪደ አሄዳ።
1KI 2:41 ሽምእ የሩሳላመፐ ጋተ ካታማ ቢደ ስሜዳዋ ሶሎሞነ ስሴዳ ዎደ፥
1KI 2:42 ሽምአ ጼስሲደ ሀዋዳን ያጌዳ፤ “ ‘ኔን ያፐ ደንዳደ ሀራሳ ሀቃነ ቤዳ ጋላስ፥ ሀይቂያዋ ኤራ’ ጋደ ታን ኔና መꬍና ጎዳን ጫቀꬃደ ሴራበይክታ? ሄ ዎደ ኔን ‘ነ ግያዌ ሎአ፤ ኤኖ፥ ታን አዛዘታና’ ጋዳ።
1KI 2:43 ያትና፥ መꬍና ጎዳዉ ጫቄዳ ጫቁዋነ ታ አዛዙዋ አያዉ ናጋበይኪ?” ያጌዳ።
1KI 2:44 ቃይካ ካቲ ሽምአ፥ “ታ አዉዋ ዳዊታ ቦላ ኔን ኦꬄዳ ኢታ ኪታ ኡባ ነ ዎዛናይ ኤሬዳ። ሀእ ስም ነ ኢታ ኪታ መꬍና ጎዳይ ነዉ ዛራና።
1KI 2:45 ሽን ካቲ ሶሎሞነ አንጀታና፤ ዳዊታ ካዉተꬃ አራታይካ መꬍና ጎዳ ስንꬃን መꬍናዉ ሳሮ ደአና” ያጌዳ።
1KI 2:46 ካቲ ዮዳሄ ናኣ ባናያ አዛዜዳ፤ ባናይ ቢደ፥ ሽምአ ሾጪደ ዎꬌዳ። ያትና፥ ካዉተꬃይ ሶሎሞነ ኩሽያን ምኒደ ኤቄዳ።
1KI 3:1 ሶሎሞነ ግብጼ ካትያና ዙፐቲደ፥ አ ናቶ ባረዉ ማቼ ኦꬅ አኪደ ባረ ካትያ ጎልያ፥ መꬍና ጎዳ ጌሻ ጎልያነ የሩሳላመ ዩሹዋ ድርሳ ግምቢደ ፖላናዉ፥ እዞ ዳዊታ ካታማ አሄዳ።
1KI 3:2 መꬍና ጎዳ ሱንꬃዉ ጌሻ ጎሊ ብሮ ኬጸትቤና ድራዉ፥ አሳይ ሄ ዎደ ጎይንያ ꬎቃ ግሹዋን ያርሺደ ታኬዳ።
1KI 3:3 ሶሎሞነ መꬍና ጎዳ ሲቅያዋ ባረ አዉዋ ዳዊታ ዎጋን ሀመትያዋዳን ኤርሴዳ፤ ሽን ጎይንያ ꬎቃ ግሹዋን ያርሼዳነ እጻና ጩውሴዳ።
1KI 3:4 ካቲ ያርሹዋ ያርሻናዉ ጋባኦና ቤዳ፤ አያዉ ጎፐ፥ ሄ ሳአይ ሀራ ኡባፐ አꬍ ኮሽያ ጎይንያ ꬎቃ ሳኣ። ሶሎሞነ ሻአ መህያ አሂደ፥ ሄ ያርሽያ ሳኣን ጹግያ ያርሹዋ ያርሼዳ።
1KI 3:5 መꬍና ጎዳይ ሶሎሞናዉ ጋባኦናን ቃማ አኩሙዋን ቆንጬዳ። ጾሳይ አ፥ “ታን ነዉ አያ እማናዳን ኮያይ?” ያጌዳ።
1KI 3:6 ሶሎሞነ፥ “ነ ቆማይ ታ አዉ ዳዊተ ነዉ አማነትያ ጽሉዋነ ሱረ አሳ ግድያ ድራዉ፥ ኔን አገና ሲቁዋን አ ሲቃደ። ኔን ሀ ዎልቃማ ሲቁዋ አገናን ሲቃደ፥ ሀቼ ሀ ጋላስ አ ካዉተꬃ አራታን ኡትያ አቱማ ናኣ አዉ እማዳ።
1KI 3:7 “ሀእካ አቤት መꬍና ጎዳ፥ ታ ጾሳዉ፥ ኔን ታና ነ ቆማ፥ ታ አዉዋ ዳዊታ ሳኣን ካተያዳ። ሽን ታን ጉꬃ ናኣ ግድያ ድራዉ፥ አሳ ዋታ ካለꬃነንቶ ታን ኤርከ።
1KI 3:8 ታን ነ ቆማይ ኔን ዶሬዳ አሳ ግዶን፥ ፓይዱ ባይና አሳ ግዶን ደአይ።
1KI 3:9 ሄዋ ድራዉ፥ ታን ነ አሳ አይሳናዉነ ሎኡዋነ ኢታ ሻካደ ኤራናዉ ታዉ ነ ቆማዉ አኬካ ዎዛና እማ። ሄዌ ꬋዮፐ፥ ሀ ነ ዎልቃማ አሳ ኦን ካለꬃናዉ ዳንዳዪ?” ያጌዳ።
1KI 3:10 ሶሎሞነ ሄዋ ኦቼዳ ድራዉ፥ ጾሳይ ናሸቴዳ።
1KI 3:11 ሄዋ ድራዉ፥ ጾሳይ አ ሀዋዳን ያጌዳ፤ “ኔን ነዉ ላይꬃይ አዱቃናዉ፥ ዎይ ዱረ ግዳናዉ፥ ዎይ ነ ሞርከቱ ሀይቃናዉ ኦቼናን አጋደ፥ ሀዋ አሳ ሱረ ፕርዳን አይስያ አꬌዳ ኤራ ኦቼዳ ድራዉ፥
1KI 3:12 ኔን ኦቼዳዋ ታን ኦꬃና። በአ፥ ኔፐ ካሰ ነ ማል ባይናዋዳን ኔፐ ዶምና ነ ማል ደንደናዋዳን፥ አꬌዳ ኤራተꬃነ አኬካ ዎዛና ታን ነዉ እማና።
1KI 3:13 ቃይ ኔን ኦቻቤናባካ ታን ነዉ እማና፤ ኔን ደኤዳ ላይꬃ ኡባን ካተቱዋ ግዶን ነ ኬሻ ካቲ ደኤናዳን፥ ዱረታነ ቦንቹዋ ታን ነዉ እማና።
1KI 3:14 ኔን ነ አዉ ዳዊተ ሀመቴዳዋዳን ታ ኦግያን ሀመቶፐ፥ ታ ዎጋዉነ ታ አዛዞ አዛዘቶፐ፥ ታን ነ ላይꬃ አዱሳና” ያጌዳ።
1KI 3:15 ሄዋፐ ጉይያን ሶሎሞነ ቤጎቲደ ሄዌ አኩሙዋ ግድያዋ አኬኬዳ። እ የሩሳላመ ስም ቢደ፥ ጾሳ ቃላ ጫቁዋ ታቦታ ስንꬃን ኤቂደ ጹግያ ያርሹዋነ እትፐተꬃ ያርሹዋ ያርሼዳ። ያቲደ ባረ ኦሳንቻቱ ኡባዉ ባላ ከሴዳ።
1KI 3:16 እት ጋላስ ላኡ ሻርሙጻቱ ካትያ ሶሎሞነኮ ዪደ፥ አ ስንꬃን ኤቄድኖ።
1KI 3:17 ኡንቱቱፐ እትና ሀዋዳን ያጋዱ፤ “ታ ጎዳዉ፥ ታንነ ሀ ምሽራታ እት ጎለን ደኤቶ። ያን እዛ ታናና እትፐ ደእሽን፥ ታን እት ናኣ የላድ።
1KI 3:18 ታ ናአይ የለቴዳ ሄዘንꬆ ጋላስ ሀ ምሽራታካ እት ናኣ የላዱ። ሄ ጎለን ኑ ላኡዋፐ ሀራ አሳይ ኦንነ ባዋ።
1KI 3:19 “እት ጋላስ ቃማ እዛ አ ቦላ ግሴዳ ድራዉ፥ ሀ ምሽራት ናአይ ሀይቄዳ።
1KI 3:20 አ ቃማ ብላሄ ደንዳደ፥ ታን ነ ቆማታ ገምእሻ ደእሽን፥ ታ ናኣ ታ ምይያፐ አካደ አ ባረ ክዉዋን ዎꬃደ፥ ባረ ሀይቄዳ ናኣ ታ ክዉዋን ዎꬃዱ።
1KI 3:21 ጉራን ታን ታ ናኣ ꬋንꬃናዉ ደንዴዳ ዎደ፥ ሀይቂክቼዳ! ሽን ታን ዎንታ ፖኡዋን ትሽ ኡዳደ ጼልያ ዎደ፥ ታን የሌዳ ናኣ ግደና” ያጋዱ።
1KI 3:22 የንኮ ምሽራታ ሀዋዳን ያጋዱ፤ “ቱይት! ደኡዋን ደእያዌ ታ ናኣ፤ ሀይቄዳዌ ነዋ” ያጋዱ። ሽን ኮይሮ ምሽራታ ዛራደ፥ “ቱይት፥ ሀይቄዳዌ ነ ናኣ፤ ፓጻ ደእያዌ ታ ናኣ” ያጋዱ። ሄዋዳን ጊደ ኡንቱንቱ ካትያ ስንꬃን ፓሉመቴድኖ።
1KI 3:23 ካቲ ሶሎሞነ ሀዋዳን ያጌዳ፤ “ሀ ምሽራታ፥ ‘ፓጻ ደእያ ናአይ ታዋ፤ ሀይቄዳዌ ነዋ’ ያጋዉ፤ የንኮራካ፥ ‘ቱይት! ነ ናአይ ሀይቄዳዋ፤ ታ ናአይ ፓጻ ደእያዋ’ ያጋዉ” ያጌዳ።
1KI 3:24 ካቲ፥ “ታዉ ማሻ አኪደ ዪተ” ያጌዳ፤ ኡንቱንቱ አዉ ማሻ አሄድኖ።
1KI 3:25 ካቲ፥ “ደኡዋን ደእያ ናኣ ላኡ ከሲደ ጳልቂተ፤ እት ባጋ ሀንዉ እምተ፤ እት ባጋ ዬንዉ እምተ” ያጊደ አዛዜዳ።
1KI 3:26 ሀ ፓጻ ደእያ ናአይ ኢዋ ግዴዳ ምሽራታ ባረ ናአዉ ምሸታደ ካትያ፥ “ሀይ ታ ጎዳዉ፥ ፓጻ ደእያ ናኣ እዝዉ እማ! አ ዎꬎፓ!” ያጋዱ። ሽን የንኮራ፥ “ታዉካ ነዉካ ግዶፖ፤ ላኡ ከሲደ ጳልቀቶ” ያጋዱ።
1KI 3:27 ሄዋፐ ጉይያን ካቲ፥ “ሀ ፓጻ ደእያ ናኣ ሀ ኮይሮ ምሽራትዉ እምተ፤ ናኣ ዎꬎፕተ። ሀና ናኣ ዳዮ!” ያጊደ ፕርዴዳ።
1KI 3:28 እስራኤልያ አሳይ ኡባይ ካቲ ፕርዴዳ ፕርዳ ስሴዳ ዎደ፥ ኡንቱንቱ ካትያ ሎይꬅ ቦንቼድኖ። አያዉ ጎፐ፥ አሳዉ ጽሎተꬃን ፕርዳናዉ አዉ አꬌዳ ኤራተꬃይ ጾሳፐ እመቴዳዋ በኤድኖ።
1KI 4:1 ካቲ ሶሎሞነ እስራኤልያ ቢታ ኡባ ቦላ ካተቴዳ።
1KI 4:2 እ ሱንꬄዳ ካፓቱ ሀዋፐ ካሊደ ጻፈቴዳዋንታ። ሳዶቃ ናአይ አዛርያስ ቄሳ፤
1KI 4:3 ሺሻ ናናይ ኤልሆሬፍነ አኪይ ዋና ጻፈቱዋ፤ አህሉዳ ናአይ ዮሳፌጸ ሀኔዳባ ጻፍያዋ፤
1KI 4:4 ዮዳሄ ናአይ ባናይ ኦላ ጋዳዋ፤ ሳዶቅነ አብያታረ ቄሳቱ ዋ፤
1KI 4:5 ናታና ናአይ አዛርያስ ደርያ ሄምያዋንቱ ካፑዋ፤ ናታና ናአይ ዛቡድ ቄሰነ ካትያ ዱማ ዞርያዋ፤
1KI 4:6 አህሻር ካትያ ጎልያ ካፑዋ፤ አብዳ ናአይ አዶንራም ጎሻንቻቱዋ ካፑዋ።
1KI 4:7 ቃይ ሶሎሞናዉ እስራኤልያ ቢታን ኡባን ታማነ ላኡ ደረቱዋ ሄምያዋንቱ ደኢኖ፤ ኡንቱንቱ ካትያዉነ ካትያ ሶን ደእያ አሳ ኡባዉ ምያ ካꬃ አህያዋንታ። ኡንቱንቱፐ እቱ እቱ ላይꬃ ግዶን እት እት አግና ካꬃ አሄ።
1KI 4:8 ኡንቱንቱ ሱንꬃይ ሀዋፐ ካሊደ ጻፈቴዳ። በንሁር ኤፍሬማ ገዝያ ሄምያዋ።
1KI 4:9 በንደቃር ማቃጻ፥ ሻአልቢማ፥ ቤት-ሸመሻነ ኤሎን-ቤትሀናና ካታማቱዋ ሄምያዋ።
1KI 4:10 በንሄሴድ አሩቦታ ቢታ ሄምያዋ፤ ሶኮ ቢታይ ሄፌራ ቢታይ ኡባይካ አዋ።
1KI 4:11 በናብናዳብ ዶራ ግያ ቢታ ኡባ ሄምያዋ፤ እ ሶሎሞና ናቶ ጻፋቶ አኬዳዋ።
1KI 4:12 አህሉዳ ናአይ ባኣና ታእናካነ ማግዶ ግያ ካታማቱዋ፥ እዝራኤልያፐ ጋርሳን ጻርታና ማታን ደእያ ቤትሻና ቢታ ኡባ፥ ቤትሻናፐ ቢደ አቤል-ማሆላና አꬊደ፥ ዮቅማኣማ ሄፍንꬃ ጋካናዉ ደእያ ካታማቱዋ ሄምያዋ።
1KI 4:13 በንገቤር ጋላኣደን ራሞታ ግያ ካታማ፥ ጋላኣደን ምናሰ ናኣ ያኢራ ካታማቱዋነ፥ ዩሹዋን ግምቤነ ግምቢያ ፐንገቱዋን ናሃስያ ብራታ ሽካላቱ ደእያ ኡሱፑን ታሙ ዎልቃማ ካታማቱዋና ደእያ፥ አርጎባ ግያ ቢታ ሄምያዋ አርጎብ ባሳነን ደኤ።
1KI 4:14 እዶ ናአይ አህናዳብ ማህናይማ ግያ ቢታ ሄምያዋ።
1KI 4:15 አህማኣጽ ንፍታሌማ ቢታ ሄምያዋ፤ እ ሶሎሞና ናቶ ባሰማቶ አኬዳ።
1KI 4:16 ሁሻያ ናአይ ባኣን አሴራ ጋድያነ ባኣሎታ ካታማ ሄምያዋ።
1KI 4:17 ፓሩሀ ናአይ ዮሳፌጸ ይሳኮራ ቢታ ሄምያዋ።
1KI 4:18 ኤልያ ናአይ ሽምእ ቢንያማ ቢታ ሄምያዋ።
1KI 4:19 ኡራ ናአይ ገቤር ጋላኣደ ቢታን አሞራዋናቱዋ ካቲ ስሆንነ ባሳነ ካቲ ኦግ ካተቴዳ ቢታቱዋ ሄምያዋ፤ ሄ ቢታቱዋ ሄምያዌ አ ጻላላ።
1KI 4:20 ይሁዳ አሳይነ እስራኤልያ አሳይ አባ ዶና ሻፍያዳን ጮራቴድኖ፤ ኡንቱንቱ ሚድነ ኡሺደ ናሸቲደ ደኢኖ።
1KI 4:21 ሶሎሞነ ኤፍራጺሳ ሻፋፐ ዶሚደ ፕልስጼማ ጋድያ ጋካናዉ፥ ሄዋፐካ ግብጼ ዛዋ ጋካናዉ ደእያ ካዉተꬃቱዋ ኡባ ሞዴዳ። ሄ ቢታ አሳቱ አዉ ጊራ ጊሬድኖ፤ ኡንቱንቱ አ ደኡዋ ላይꬃ ኡባን አዉ ሞደቴድኖ።
1KI 4:22 ሶሎሞናዉ ሀቼ ሀቼ ቁማዉ እሻታሙ ኮንታለ ሙሩታ ꬊልያ፥ ጼቱ ኮንታለ ꬊልያ፥
1KI 4:23 ꬊክና ሞꬌዳ ታሙ ቦራቱዋ፥ የዳን ሜዳ ላታሙ ቦራቱዋነ ጼቱ ዶርሳቱዋ፥ ኡንቱንቱ ቦላካ ጋራቱዋ፥ ገንኤቱዋነ ኦርዶ ኩቶቱዋ ኮሼ።
1KI 4:24 ሶሎሞነ ኤፍራጺሳ ሻፋፐ አዋይ ዉልያ ባጋና ደእያ ካዉተꬃቱዋ ኡባ ትፍሳሀ ካታማፐ ዶሚደ ጋዛ ካታማ ጋካናዉ ሞዴዳ፤ ባረ ዩሹዋን ደእያ ቢታ ኡባናካ ሳሮ ደኤዳ።
1KI 4:25 አ ደኡዋ ላይꬃ ኡባን ይሁዳ አሳይነ እስራኤልያ አሳይ ዳናፐ ቢደ በርሳበሀ ጋካናዉ፥ ኡባይ ባረ ዎይንያ ቱራ ኩዋንነ ባረ ባላስያ ኩዋን ሳሮ ደኤዳ።
1KI 4:26 ሶሎሞናዉ ኦላ ፓራ ጋረቱዋ ጎችያ ኦይታሙ ሻአ ጋጻታ ፓራቱነ ታማነ ላኡ ሻአ ፓራ አሳቱ ደኢኖ።
1KI 4:27 ሄ ደርያ ሄምያዋንቱ ባረንቱ አግናን አግናን ካቲ ሶሎሞንነ አ ማዳን ማናዉ ዬዳ አሳይ ኡባይ ምያባ ሺሼድኖ። ኡንቱንቱ ሄዋፐ አያነ ፓጭስበይክኖ።
1KI 4:28 ኡንቱንቱ ቃይ ጋርያ ፓራቱነ የንኮ ፓራቱ ማናዉ ባንጋነ ዳላ ባረንታ ጋኬዳዋ ጋኬዳዋ አሂደ አ ዎꬅያ ሳኣን ዎꬄድኖ።
1KI 4:29 ጾሳይ ሶሎሞናዉ አꬌዳ ኤራ፥ አኬካነ ዛዋይ ባይና አኮ ቆፋ እሜዳ።
1KI 4:30 ሶሎሞና አꬌዳ ኤራተꬃይ አዋይ ዶልያ ባጋና ደእያ አሳ ኡባ አꬌዳ ኤራተꬃፐነ ግብጼቱዋ አꬌዳ ኤራተꬃ ኡባፐ አꬌዳ።
1KI 4:31 እ አሳ ኡባፐ አꬌዳ ኤራንቻ፤ ቃይ እ ኤዝራህያ ኤታናፐካ፥ ማሆላ ናናቱዋ ሄማናፐ፥ ካልኮላፐነ ዳርዳአፐካ አꬌዳ ኤራንቻ። አ ዎሪ ዩሹዋን ደእያ ካዉተꬃቱዋ ኡባ ጋኬዳ።
1KI 4:32 እ ሄዙ ሻአ ሌምሳቱዋ ሃሳዬዳ፤ ቃይ አ የꬃቱ እት ሻአነ እቼሻ።
1KI 4:33 ሶሎሞነ ሊባኖሳ ዝጋፐ ዶሚደ፥ ጎልያ ግምቢያ ቦላ ሞክያ ሂሶጵያ ግያ ምꬃ ጋካናዉ፥ ምꬃባ ኦዴዳ፤ ሄዋዳንካ ቃይ መሄቱዋባ፥ ዶአቱዋባ፥ ካፎቱዋባ፥ ሳኣና ጎሸትያ መታቱዋባነ ሞለቱዋባ ታማርሴዳ።
1KI 4:34 አ አꬌዳ ኤራ ስሴዳ ሳኣን ደእያ ካተቱ ኡባይ ኪትና፥ ካዉተꬃ ኡባፐ አሳይ ሶሎሞና አꬌዳ ኤራ ስሳናዉ ዬዳ።
1KI 5:1 ጺሮሳ ካቲ ኪራም ዳዊታና ኡባ ገደ ሲቀቲደ ጋምኤዳ ድራዉ፥ ሶሎሞነ ባረ አዉዋ ዳዊታ ኮታን ካተታናዉ ኦከቴዳዋ ስሲደ፥ ባረ ኦሳንቻቱዋ ሶሎሞነኮ ኪቴዳ።
1KI 5:2 ሶሎሞነካ ኪራማዉ ዛሪደ ሀዋዳን ያጊደ ኪቴዳ፤
1KI 5:3 “መꬍና ጎዳይ አ ሞርከቱዋ አ ገድያፐ ጋርሳና ሞድሳና ጋካናዉ፥ ታ አዉዋ ዳዊታ ቦላ ኡባ ሳና ደንዴዳ ኦላ ጋሱዋን፥ መꬍና ጎዳ ባረ ጾሳ ሱንꬃዉ ጌሻ ጎልያ እ ኬጽቤናዋ ኔን ኤራሳ።
1KI 5:4 ሽን ሀእ መꬍና ጎዳይ ታ ጾሳይ ታዉ ኡባ ሳና ሸምፑዋ እሜዳ፤ ታዉ አያ ሞርኪካ ዎይ ኢታባይካ ባዋ።
1KI 5:5 መꬍና ጎዳይ ታ አዉዋ ዳዊታዉ፥ ‘ታን ነ ኮታን፥ ነ ካዉተꬃ አራታን ካተይያ ነ ናአይ ታ ሱንꬃዉ ጌሻ ጎልያ ኬጻና’ ጌዳዋዳንካ፥ ታን መꬍና ጎዳ ታ ጾሳ ሱንꬃዉ ጌሻ ጎልያ ኬጻናዉ ቆፓዲ።
1KI 5:6 ሄዋ ድራዉ፥ ሊባኖሳፐ ዝጋ ታዉ ቃንጽያ አሳቱዋ አዛዛ፤ ታ አሳቱ ነ አሳቱዋና ኦꬃናዋንታ። ያቶፐ ነ አሳቶ ኔን ጭጋ ጌዳ ድርጉዋ አያ ግዶፐነ፥ ታን ጭጋና። ሲዶና አሳቱዋዳን ምꬃ ቃንጹዋ ሂላ ኑ አሳይ ኤረናዋ ኔን ኤራሳ” ያጌዳ።
1KI 5:7 ኪራም ሶሎሞና ኪታ ስሲደ ሎይꬅ ናሸቲደ፥ “ሀ ዎልቃማ ካዉተꬃ ሞዳና ማላ፥ ዳዊታዉ ሀ አꬌዳ ኤራንቻ ናኣ እሜዳ መꬍና ጎዳይ ጋላተቶ” ያጌዳ።
1KI 5:8 ሄዋፐ ጉይያን ኪራም ሶሎሞናዉ ሀዋዳን ያጊደ ኪቴዳ፤ “ኔን ታዉ ኪቴዳ ኪታይ ታና ጋኬዳ። ኔን ኮዬዳዋ ኡባ ታን ኦꬃና፤ ዝጋ ሙደꬃነ ጽድያ ሙደꬃ ታን ነዉ ሺሻና።
1KI 5:9 ታ አሳቱ ነ ሙደꬃ ሊባኖሳፐ ዱገ አባዉ ኬዛናዋንታ። ታን ቃሽሳደ፥ አባ ቦላና ቶከቲደ ኔን ማላቶ ሳኣ ጋካናዳን ኦꬃና፤ ታን ያን ብልሳደ ያፐ አፍሳና። ሄዋፐ ጉይያን ኔን ነ ባጋና ታ ካትያ ጎለን ደእያ አሳዉ ምያባ ኪትያዋን ታ ኮይያዋ ፖላናሳ” ያጌዳ።
1KI 5:10 ሄዋዳን ኦꬂደ ኪራም ሶሎሞነ ኮዮዋ ኬሻ ዝጋ ሙደꬃነ ጽድያ ሙደꬃ ኡባ እሜዳ።
1KI 5:11 ሶሎሞነካ ካትያ ጎለን ደእያ አሳይ ማናዉ ላታሙ ሻአ ኮንታለ ዛርጋነ ኦይዱ ጼቱ ሻአ ሊትሮ ጌሻ ዎጋራ ዛይትያ ላይꬃን ላይꬃን ፓጨናን ኪራማዉ እሜዳ።
1KI 5:12 መꬍና ጎዳይ ሶሎሞናዉ እማና ጌዳዋዳን፥ አዉ አꬌዳ ኤራ እሜዳ። ኪራመነ ሶሎሞነ ባረንቱ ግዶን ሳሮ ደኤድኖ፤ ኡንቱንቱ ላኡ ባረንቱ ግዶን ቃላ ጫቁዋ ጫቀቴድኖ።
1KI 5:13 ካቲ ሶሎሞነ እስራኤልያ ኡባፐ ሀታሙ ሻአ ጎሻንቻቱዋ ዶሪደ ከሴዳ።
1KI 5:14 አዶንራማ ግያ ብታንያ ኡንቱንቱ ቦላ ካፑዋ ኦꬂደ ሱንꬄዳ። ጋባራቱዋካ ታሙ ሻኣ ታሙ ሻኣ ሻክ፥ ሄዙ ጭታ ከሴዳ፤ እት እት ጭታይ ታራን ታራን ቢደ፥ እት አግና ሊባኖሳን ኦꬃናዳንነ ላኡ አግና ባረንቱ ሶን ደአናዳን ቆፔዳ።
1KI 5:15 ሶሎሞናዉ ቶኩዋ ቶክያ ላፑን ታሙ ሻአ አሳቱነ ሹቻ ቆእያ ሆስፑን ታሙ ሻአ አሳቱ ገዝያን ደኢኖ።
1KI 5:16 ሀዋንቱ ካፑዋ ግዲደ አሳ ኪታ ኦስስያ ሄዙ ሻአነ ሄዙ ጼቱ አሳቱዋ ጊግሴዳ።
1KI 5:17 ኦሳንቻቱ ካቲ ሶሎሞነ አዛዝና፥ ጌሻ ጎልያዉ ባሶ ግዳና ማላ ዎጋ ሙሩታ ሹቻቱዋ ቆኢደ ማሴድኖ።
1KI 5:18 ሶሎሞና አሳቱነ ኪራማ አሳቱ ኩሽያ ሂላ ኤርያዋንቱ፥ ጌባላ አሳቱዋናካ ግዲደ፥ ጌሻ ጎልያ ኬጻናዉ ምꬃ ቃንጺደነ ሹቻ ቆኢደ ጊግሴድኖ።
1KI 6:1 እስራኤልያ አሳይ ግብጼ ጋድያፐ ከሴዳ ኦይዱ ጼታነ ሆስፑን ታማንꬃ ላይꬃን፥ ሶሎሞነ እስራኤልያ ቦላ ካዉቴዳ ኦይደንꬆ ላይꬃን፥ ዚፋ ግያ ላኤንꬆ አግናን፥ ሶሎሞነ መꬍና ጎዳ ጌሻ ጎልያ ኬጻናዉ ዶሜዳ።
1KI 6:2 ሶሎሞነ መꬍና ጎዳዉ ኬጼዳ ጌሻ ጎሊ ጌሳይ ኡሱፑን ታሙ ዋꬋ አዱሳ፤ ጎምፓይ ላታሙ ዋꬋ አካ፤ ጌሳይ ሀታሙ ዋꬋ ꬎቃ።
1KI 6:3 ጌሻ ጎልያ ገልያ ሳኣን ደእያ ባራንዳይ ቦከት ገሌዳ ኦላይ ጌሻ ጎልያ ጎምፓ ኬሻ ላታሙ ዋꬋ፤ ጎልያ ጎምፓይ ጌሻ ጎልያ ገልያ ሳኣ ጋካናዉ ታሙ ዋꬋ።
1KI 6:4 ጌሻ ጎልያዉ ሶ ባጋና አኪደ፥ ካረ ባጋና ጹሜዳ ማስኮተቱ ደኢኖ።
1KI 6:5 ሄ ጎልያ ዩሹዋን ሀራ ክፍለቱዋ ኬጼዳ፤ ሄ ሻካቱ ሄዙ ፖቀቱ ደእያዋንታ፤ ሜጋ የግያ ምꬃይ ጌሻ ሳኣ ግዶ ገለና ማላ፥ ኮይሮ ጎዳና ኦይሰꬂደ ሹቻ ዎꬂደ፥ ግምቢያዉ ህርክ ዉርሰꬃ ኦርድሴዳ። ሄዋ ጋሱዋን ጋርሳ ኮይሮ ፖቂ እቼሹ ዋꬋ አካ፤ ላኤንꬆ ፖቂ ኡሱፑን ዋꬋ አካ፤ ሄዘንꬆ ፖቂ ላፑን ዋꬋ አካ።
1KI 6:7 ጌሻ ጎሊ ህን ቆኢያሳን ማሰቴዳ ሹቻ ጻላላን ግምበቴዳ፤ ያትና፥ ጌሻ ጎሊ ግምበቴዳ ዎደ፥ ድጅኑዋ፥ ካልታ፥ ዎይ ሀራ አይ ብራታ ኮሻይነ ጌሻ ጎልያን ስሰትቤና።
1KI 6:8 ኡባፐ ጋርሳና ደእያ ፖቅያ ገልያ ፐንጊ ጌሻ ጎልያፐ ገድሳ ባጋና ደኤ፤ ሄ ሳፐ ላኤንꬆ ፖቅያዉነ ሄዘንꬆ ፖቅያዉ ባናዉ የꬍ ከስያ ደꬃቱ ደኢኖ።
1KI 6:9 ሄዋዳን ኦꬂደ፥ ሶሎሞነ ጎልያ ኬጺደ ፖሌዳ፤ ያቲደ ዝጋ ጻዉላነ ማሰꬃ ቦላና ካሜዳ።
1KI 6:10 ቃይ ጌሻ ጎልያ ዩሹዋን ፖቀቱዋ ኬጺደ ፖሌዳ፤ ኡንቱንቱ ꬎቃተꬃይ እቱዋዌ እቱዋዌ እቼሹ ዋꬋ ግዲደ፥ ጎዳና ዝጋ ጻዉላን ኦይቀቴድኖ።
1KI 6:11 መꬍና ጎዳ ቃላይ ሶሎሞነኮ ዬዳ፤ ሶሎሞና፥
1KI 6:12 “ሀ ኔን ኬጽያ ጌሻ ጎልያ ግዶፐ፥ ኔን ታ አዋዩዋ ካሎፐ፥ ታ ዎጋ ኦꬆፐ፥ ታ አዛዙዋ ኡባ ናጎፐነ አዛዘቶፐ፥ ታን ነ አዉዋ ዳዊታዉ እሜዳ ህዶታ ነ ባጋና ፖላና።
1KI 6:13 ያታደ ታን እስራኤልያ አሳ ግዶን ደአና፤ ታን ታ አሳ እስራኤልያ አግከ” ያጌዳ።
1KI 6:14 ሶሎሞነ ጌሻ ጎልያ ኬጺደ ፖሌዳ።
1KI 6:15 ጌሻ ጎልያዉ ሶ ባጋ ጎዳ፥ ዉይግያፐ ቢደ ካራ ጋካናዉ ዝጋ ጻዉላ ልቅ ካሜዳ፤ ቃይ ዉይግያንካ ጽድያ ጻዉላ ሂጼዳ።
1KI 6:16 ጌሻ ጎልያ ግዶን ኡባፐ አꬍያ ጌሻ ሳኣ ግያ ቆልኡዋ መꬋናዉ፥ ጉየ ባጋና ላታሙ ዋꬋ ግድያ ሳኣ ሻኬዳ፤ ዉይግያፐ ካራ ጋካናዉ ዝጋ ጻዉላ ጎዳ ኤሴዳ።
1KI 6:17 ሄ ቆልኡዋፐ ስንꬃ ባጋና ደእያ ዉይግያ ጌሳይ ኦይታሙ ዋꬋ አዱሳ።
1KI 6:18 ጌሻ ጎልያዉ ሶ ባጋይ ማሴዳ ጎስያነ ጪሼዳ ጪሻ ምስልያ መꬌዳ ዝጋ ጻዉላን ልቅ ካመቴዳ፤ ኡባባይካ ዝጋ፤ አይ ሹችነ ቤተና።
1KI 6:19 ሶሎሞነ መꬍና ጎዳ ቃላ ጫቁዋ ታቦታ ዎꬃናዉ ጌሻ ጎልያ ግዶን ኡባፐ አꬍያ ጌሻ ሳኣ ጊግሴዳ።
1KI 6:20 ኡባፐ አꬍያ ጌሻ ሳአይ ላታሙ ዋꬋ አዱሳ፥ ላታሙ ዋꬋ አኮነ ላታሙ ዋꬋ ꬎቃ። ሶሎሞነ ሄ ቆልኦ ሶ ባጋ ዋላካይ ባይና ዎርቃን ሼሼዳ። ቃይ ያርሽያ ሳአይካ ዝጋ ጻዉላን ካመቴዳ።
1KI 6:21 ሶሎሞነ ጌሻ ጎልያ ግዱዋ ዋላካይ ባይና ዎርቃን ሼሼዳ፤ ዎርቃ ሼሼዳ ቆልኡዋ ገልያ ፐንግያዉ ቦላ ጉባንያ ያነ ሃነ ጋክያ ዎርቃ ሳንሳላታ አሌቂሴዳ።
1KI 6:22 ያቲደ ጎልያ ግዶ ኡባ ዎርቃን ሼሼዳ፤ ቃይ ኡባፐ አꬍያ ጌሻ ሳኣ ስንꬃን ደእያ ያርሽያ ሳኣ ዎርቃን ሼሼዳ።
1KI 6:23 ኡባፐ አꬍያ ጌሻ ሳኣን ዎꬃናዉ እቱ እቱ ታሙ ዋꬋ አዱቂያ ዎጋራፐ ላኡ ክሩበቱዋ ምስለቱዋ ማሲደ ጊግሴዳ።
1KI 6:24 ኮይሮ ክሩብያ ቀፊ እቱ እቼሹ ዋꬋ፤ ላኤንꬁ ቃይ እቼሹ ዋꬋ፤ ኮይሮ ቀፍያ ጼራፐ ቢደ ላኤንꬆ ቀፍያ ጼራ ጋካናዉ ታሙ ዋꬋ።
1KI 6:25 ላኤንꬆ ክሩቢካ ታሙ ዋꬋ፤ ላኡ ክሩበቱዋ መꬋይነ ማላይ እት ማላ።
1KI 6:26 እት ክሩብያ ጌሳይ ታሙ ዋꬋ፤ ላኤንꬁካ ሄዋ ኬሻ።
1KI 6:27 ሶሎሞነ ጌሻ ጎልያን ደእያ ኡባፐ አꬍያ ጌሻ ሳኣን ክሩበላ ዎꬄዳ። ኡንቱንቱ ቀፊ ምጨት ኡቴዳ፤ እት ክሩብያ ቀፊ እት ባጋ ጎዳ ቦችያ ዎደ፥ ህንኮ ክሩብያ ቀፊ ቃይ ህንኮ ባጋ ጎዳ ቦቼ፤ ኡንቱንቱ ላኡዋ ቀፈቱካ ሶ ግዶን እቱ እቱዋ ቦቺኖ።
1KI 6:28 ሶሎሞነ ክሩበቱዋካ ዎርቃን ሼሼዳ።
1KI 6:29 ቆልኡዋነ ዉይግያ ጎዳ ኡባ ክሩበላ፥ ዛምባነ ጪሼዳ ጪሻ ምስልያ ማሴዳዋን አሌቂሴ።
1KI 6:30 ጌሻ ጎልያዉ ሶ ግዶ ክፍልያ ዉይግያካ ካረ ባጋ ክፍልያ ዉይግያካ ዎርቃን ሼሼዳ።
1KI 6:31 ኡባፐ አꬍያ ጌሻ ሳኣ ገልያ ፐንግያዉ ዎጋራ ምꬃፐ ሳንቃቱዋ ከሴዳ። ቆስለꬃቱ እቼሹ ባጋና ዞዚ ደእያዋንታ።
1KI 6:32 ዎጋራ ምꬃፐ ኦሰቴዳ ላኡ ሳንቃቱ ቦላን ክሩቤላ፥ ዛምባነ ጪሼዳ ጪሻ ምስልያ ማሲደ፥ ሳንቃቱዋ፥ ክሩበቱዋነ ዛምባ ዎርቃን ሼሼዳ።
1KI 6:33 ሄዋዳንካ፥ ጌሻ ጎልያ ዉይግያ ገልያ ፐንግያዉ ዎጋራፐ ከሴዳ ኦይዱ ዞዝያና ደእያ ቆስለꬃ ኤሴዳ።
1KI 6:34 እ ቃይ ሄ ፐንግያዉ እት እት ሳንቃይ ግዱዋን ዳኮቲደ ዶየትያ ላኡ ሳንቃቱዋ ከሴዳ።
1KI 6:35 ክሩበቱዋ፥ ዛምባነ ጪሼዳ ጪሻ ምስለቱዋ ኡንቱንቱ ቦላ ማሴዳ፤ ሄ ማሰቴዳዋንቱ ቦላ ዎርቃ እት ማላ ኦꬂደ ሼሼዳ።
1KI 6:36 ሶ ባጋና ደእያ ጉታራ ግምቤዳ፤ ሄ ግምቢ ማሰቴዳ ሹቻ ሄዛቱዋ፥ እቱዋ እቱዋ ቦላ ዎꬂደ፥ እት ዝጋ ማሰꬃ ኡንቱንቱ ቦላ ዎꬂደ ግምቤዳዋ።
1KI 6:37 መꬍና ጎዳ ጌሻ ጎልያ ባሱ ሶሎሞነ ካዉቴዳ ኦይደንꬃ ላይꬃን፥ ዚፋ ግያ ላኤንꬆ አግናን ባሰቴዳ።
1KI 6:38 ሶሎሞነ ካዉቴዳ ታማነ እተንꬅያ ላይꬃን፥ ቡላ ግያ ሆስፑንꬃ አግናን ጌሻ ጎሊ ሀልቼዳዋዳን ኡባና ኬጸቲደ ፖለቴዳ። ሶሎሞነ ጌሻ ጎልያ ላፑን ላይꬃን ኬጺደ ዉርሴዳ።
1KI 7:1 ሶሎሞነ ባረ ጎልያ ታማነ ሄዙ ላይꬃን ኬጺደ ዉርሴዳ።
1KI 7:2 ሊባኖሳ ዎራ ጎልያ ጌተትያ ጎልያ ሶሎሞነ ኬጼዳ፤ ሄ ጎልያ አዱሳተꬃይ ጼቱ ዋꬋ፤ ጎምፓይ እሻታሙ ዋꬋ፤ ጌሳይ ሀታሙ ዋꬋ። ዝጋ ቱቀቱ ኦይዱ ማራን ኤቄድኖ፤ ቃይ ማሰቴዳ ዝጋ ሙደꬃቱ ኡንቱንቱ ቦላ ዎꬌድኖ፤
1KI 7:3 ሙደꬃቱ ሄዙ ማራን፥ እት እት ማራን ታማነ እቼሹ ሙደꬃቱ ደኢኖ፤ ኡንቱንቱ ኡባና ኦይታማነ እቼሻ።
1KI 7:4 ሄ ጎልያዉ ማስኮተቱ ሄዙ ማራን ደኢኖ፤ ኡንቱንቱ እቱ እቶ ስንꬃ ባጋን ደኢኖ።
1KI 7:5 ፐንገቱነ ማስኮተቱ ኦይዱ ዞዝያና ደኢኖ፤ ማስኮተቱ ሄዙ ማራን ግዲደ፥ እቱ እቶ ስንꬃ ባጋን ደኢኖ።
1KI 7:6 ሶሎሞነ ቱቀቱ ጎልያ ጌተትያ ጎልያካ ኬጼዳ፤ ሄ ጎልያ ኣዱሳተꬃይ እሻታሙ ዋꬋ፤ ጎምፓይ ሀታሙ ዋꬋ። ሄ ጎልያ ስንꬃን ዳሮ ቱቅያን ዘምፔዳነ ቦላና ካራን ካመቴዳ ባራንዳይ ደኤ።
1KI 7:7 ቃይ እ ፕርዳዉ ካዉተꬃ አራታይ ደእያ ፕርዳ ጎልያካ ኬጼዳ፤ ሄ ኬꬃይ ዉይግያፐ ቢደ ካራ ጋካናዉ ዝጋን ካመት ኡቴዳ።
1KI 7:8 ፕርዳ ጎልያፐ ጉየን ደእያ ሀራ ዳባባን ባረዉ ደአናዉ ካትያ ጎልያ የንኮ ጎለቱዋዳን ኦꬂደ ኬጼዳ፤ ባረ ማቻትዉ፥ ግብጼ ካትያ ናትዉካ ሄ ጎልያ ማላ ጎልያ ኬጼዳ።
1KI 7:9 ሀ ጎለቱ ኡባይ፥ ካረፐ ዶሚደ ቢደ ድርሳፐ ሶና ደእያ ዎልቃማ ጉታራ ጋካናዉ፥ ባሱዋፐ ዶሚደ ካራ ጋካናዉ፥ ልኪደ ማሴዳነ ሶናነ ካረና ሶፊደ ጊግሴዳ አልኦ ሹቻፐ ኦሰቴድኖ።
1KI 7:10 ግምቢ ሂጸቴዳዌ ታሙ ዋꬋ ዎይ ሆስፑን ዋꬋ ግድያ ሎአ ማሰቴዳ ዎልቃማ ሹቻና።
1KI 7:11 ሄዋፐ ቦላ ባጋና ልከቲደ ማሰቴዳ አልኦ ሹቻይነ ዝጋ ሙደꬃይ ደኤ።
1KI 7:12 ዎልቃማ ዳባባ ዩሹዋን ደእያ ግምቢ መꬍና ጎዳ ጌሻ ጎልያዳንነ ባራንዳዳን ማሰቴዳ ሹቻ ሄዛቱዋ፥ እቱዋ እቱዋ ቦላ ዎꬂደ፥ እት ዝጋ ማሰꬃ ኡንቱንቱ ቦላ ዎꬂደ ግምቤዳዋ።
1KI 7:13 ካቲ ሶሎሞነ ኪቲደ፥ ሁራማ ግያ ብታንያ ቂሮሳ ካታማፐ አሂሴዳ።
1KI 7:14 ሁራማ አታ አምኤ፤ አ ንፍታሌማ ዛረ አሳ። አ አዉ ቂሮሳ አሳ። ሁራም ናሃስያ ግያ ብራታ መꬍያ ሂላይ ደእያ አሳ፤ እ ናሃስያፐ ቆጺደ ከስያዋን ኡባን ሎይꬅ ሎሄዳ አሳ፤ ሶሎሞነኮ እ ዪደ፥ አ ኦሱዋ ኡባ ኦꬄዳ።
1KI 7:15 ሁራም እቱዋ እቱዋ ጌሳይ ታማነ ሆስፑን ዋꬋ አዱቂደ፥ ዩሹ ታማነ ላኡ ዋꬋ አኬዳ ላኡ ቱሳቱዋ ናሃስያ ሲልሲደ ትጊደ ከሴዳ። ቱሳቶ ግዱ ኮፋ።
1KI 7:16 ሄዋዳንካ፥ ቱሳቱዋ ሁጲያን ዎꬃናዉ ላኡ ጉምቦቱዋ ናሃስያፐ ሲልሲደ፥ መꬌዳ፤ እት እት ጉምቡ እቼሹ ዋꬋ አዱቄ።
1KI 7:17 ቱሳ ሁጲያን ደእያ እት እት ጉምቦቱዋ ግትያዳን ኦꬄዳ ላፑን ሳንሳላታ ቃጽቃሎቱዋንነ ላኡ ማራና ሮማነ ግያ ቴራ ምስለቱዋን አሌቂስ ዎꬄዳ።
1KI 7:19 ባራንዳን ኤቄዳ ቱሳቱዋ ቦላ ደእያ ጉምቦቱ ጪሻ ማላን መቴድኖ፤ ኡንቱንቱ ጌሳይ ኦይዱ ዋꬋ።
1KI 7:20 ላኡ ቱቀቱ ሁጲያን ደእያ ጉምቦቱዋን ሙሉሙቀቱ ኡቴዳ ሳፐ ቦላ ባጋና፥ ሳንሳላታ ቃጽቃሉዋፐ ካሊደ፥ ላኡ ጼቱ ሮማነ ቴራ ምስለቱ ላኡ ማራን ዩይ አꬊደ ደኢኖ።
1KI 7:21 ሁራም ሄ ላኡ ቱሳቱዋ ጌሻ ጎልያ ባራንዳ ማታን ኤሴዳ። ኡሸቻ ባጋና ኤቄዳ ቱሳ ያኪና ሱንꬄዳ፤ ሀድርሳ ባጋና ኤቄዳ ቱሳ ቃይ ቦኤዛ ሱንꬄዳ።
1KI 7:22 ቱሳቱ ሁጲያን ደእያ ጉምቦቱ ጪሻ ማላቲደ መቴድኖ። ሄዋዳን ሀኒደ ቱሳቱዋ ኪታይ ፖለቴዳ።
1KI 7:23 ሁራም አባ ሳኒያ ግያ እት ሎይꬅ ዎልቃማ ዎንግርያ ናሃስያ ብራታፐ ሲልሲደ ትግ መꬌዳ። ሄ አባ ዎንግርያ ዶናይ ሀ ጋጻፐ ያ ጋጻ ጋካናዉ ታሙ ዋꬋ፤ ጌሳይ እቼሹ ዋꬋ፤ ዩሹ ቃይ ሀታሙ ዋꬋ።
1KI 7:24 አባ ዎንግርያ ዶናን ካረ ባጋና ዝቂ ጊደ፥ አናና ኦይቀቲደ መቴዳ ጎሰቱዋ ምስለቱ ደኢኖ፤ ሄ ጎሰቱዋ ምስለቱ ላኡ ማራን፥ እት እት ዋꬋን ታሙ ታሙ ዩይ አꬊደ ሹሸቴድኖ።
1KI 7:25 ሄ አባ ሳኒ ናሃስያ ብራታፐ መቴዳ ታማነ ላኡ ቦራቱዋ ምስለቱ ዞክያን ኡቴዳ። ቦራቱዋ ምስለቱዋፐ ሄዛቱ ሁጲሳ ባጋ፥ ሄዛቱ አዋይ ዉልያ ባጋ፥ ሄዛቱ ገድሳ ባጋ፥ ሄዛቱ ቃይ አዋይ ዶልያ ባጋ ስሚደ ጼልያዋ ማላቲኖ። አባ ሳኒ ኡንቱንቱ ቦላ ኡቴዳ፤ ኡንቱንቶ ጉየ ባጋይ ግዱዋኮ ስም ኡቴዳ።
1KI 7:26 አባ ሳኒ እት ታካ ኬሻ ኦርዱዋ፤ አ ዶናይ ዋንጫ ዶና ማላ፤ ቃይ ጪሻይ ጪሼዳዋካ ማላቴ። ሄ አባ ሳኒ ኦይታሙ ሻአ ሊትሮ ግድያ ሃꬃ ኦይቂያዋ።
1KI 7:27 ሁራም ቃይ ታሙ ጋረቱዋ ናሃስያ ብራታፐ መꬌዳ። ሄ ጋረቱ እቱ እቱ ኦይዱ ዋꬋ አዱሳ፤ ኦይዱ ዋꬋ አኮነ ሄዙ ዋꬋ ꬎቃ።
1KI 7:28 ሄ ጋረቱ ሀዋዳን ኦሰቴድኖ፤ ፑደ ኤቄዳ ኦይዱ ብራታቱዋ ቦላ ፕድ ጊደ ሎቻ ናሃስያ ብራታቱ ኦይቀት ኡቴድኖ።
1KI 7:29 ሄ ብራታቱዋ ቦላ ጋሞቱዋ፥ ቦራቱዋነ ክሩበላ ማላትሲደ መꬌዳ ምስለቱ ደኢኖ፤ ጋሞቱዋነ ቦራቱዋ ምስለቱዋፐ ሁጲሳናነ ህርክ ባጋና ደእያ ብራታቱዋ ቦላ ቃይ ቆጺደ መꬌዳ ጪሻ ኤንጩርሳ ምስለቱ ደኢኖ።
1KI 7:30 እት እት ጋርያዉ ናሃስያፐ ኦꬄዳ ኦይዱ ይንግርያዋንቱነ ይንግርያዋንታ ጋꬅ ዋጽያ ናሃስያ ካሶቱ ደኢኖ። ሄዋዳንካ፥ ኦይዱ ዞዘቱን ከርያ ዘምፕስያባቱ ደኢኖ። ሄ ዘምፕስያባቱ ጪሻ ኤንጩርሳ ማላትያ ምስለቱዋን አሌቀት ኡቴድኖ።
1KI 7:31 ጋርያ ዘምፕስያባቱ ሁጲያን ይንግርያዋንቱ ኡቴዳ ሻሺ ደኤ፤ ሄ ሻሺ ጋርያ ጼራፐ ፑደ እት ዋꬋ ግድያዋ ꬎቁ ጊደ፥ ዱገ ባጋ ዋꬋ ግድያዋ ዝቂ ጊደ መቴ። ሄ ሻሽያዉ ዶናይ ዩይ አꬊደ ምስልያን አሌቀት ኡቴዳ።
1KI 7:32 ይንግርያዋንቱ ጌሳይ እት ዋꬋነ ባጋ፤ ይንግርያዋንቱ ሎቻ ናሃስያ ብራታቶ ጋርሳ ባጋና ደኢኖ። እርዝዞቱ ኦይቀት ኡቴዳ ካሶቱ ጋርያና ኦይቀት ኡቴድኖ።
1KI 7:33 ይንግርያዋንቱ ኦላ ፓራ ጋርያ ይንግርያዋንቱዳን መቴድኖ፤ ይንግርያዋንታ ጋꬂደ ኦይቂያ ካሶቱ፥ ቻርከቱነ ቅንቂረተቱ ኡባይካ ናሃስያፐ ትገቲደ ኦሰቴድኖ።
1KI 7:34 ሄ ጋረቱዋ ኡባ ዞዘቶካ ኡንቱንቱ ህርክ ባጋና ህርክባጋና ኡንቱንቱና እቱዋ ግድ ኦይቀቲደ፥ ናሃስያፐ መቴዳ ዘምፖቱ ደኢኖ።
1KI 7:35 እት እት ጋርያ ሁጲያ ዩሹዋን እት ዋꬋዉ ባጋ አዱቂያ ሻሺ ደኤ፤ ዘምፖቱነ ሎቻ ናሃሰቱ ጋርያና ኦይቀቲደ፥ እቱዋ ግዲደ ኦሰቴድኖ።
1KI 7:36 ሀ ዘምፖቱዋፐነ ሎቻ ናሃሰቱዋፐ ግዱዋን ደእያ ካሎ ሳአቱ ኡባይ ክሩበቱዋ፥ ጋሞቱዋነ ዛምባቱዋ ምስለቱዋን አሌቀት ኡቴድኖ፤ ቃይ ኡንቱንቱ ዩሹ ጪሻ ኤንጩርሳ ምስልያን አሌቀት ኡቴዳ።
1KI 7:37 ስም ታሙ ጋረቱካ ሀዋዳን ኦሰቴድኖ፤ ሲልሲደ ኡንቱንቱ ትጌዳ ሚሻይ እቱዋ ግድያ ድራዉ፥ ኡንቱንቱ ጌሳይካ ኡንቱንቱ ያራይካ እት ማላ።
1KI 7:38 ሁራም ሜጨትያ ታሙ ከረቱዋ ናሃስያፐ መꬌዳ፤ እት እት ከርያ ጎምፓይ ኦይዱ ዋꬋ አኮ ግዲደ፥ ሆስፑን ጼቱ ሊትሮ ሃꬃ ኦይቄ፤ ታሙ ጋረቶ ሁጲያን ሁጲያን እት እት ሜጨትያ ከሪ ደኤ።
1KI 7:39 ሁራም ጋረቱዋ እቼሻቱዋ ጌሻ ጎልያዉ ሁጲሳ ባጋና፥ እቼሻቱዋ ቃይ ጌሻ ጎልያዉ ገድሳ ባጋና ዎꬄዳ፤ ቃይ ናሃስያፐ ኦሰቴዳ አባ ሳኒያ ጌሻ ጎልያፐ ገድሳ አዋይ ዶልያ ባጋ ዛሪደ ኤሴዳ።
1KI 7:40 ቃይ ሁራም ከረቱዋ፥ አካፋቱዋነ ኩይጻሮቱዋ መꬌዳ፤ ያቲደ ካትያ ሶሎሞናዉ መꬍና ጎዳ ጌሻ ጎልያ ኪታ ኦꬂደ ፖሌዳ።
1KI 7:41 እ ኦꬄዳ ኦሶቱካ: ላኡ ቱሳቱ፥ ቱሳቱዋ ሁጲያን ዎꬅያ ሳይነ ማላ ላኡ ጉምቦቱዋ፥ ቱሳቱዋ ቦላ ደእያ ላኡ ጉምቦቱዋ አሌቂስያ ላኡ ግተ ማላ ሳንሳላታቱዋ፥
1KI 7:42 እት እት ጉምቡዋ ቦላ ላኡ ማራን ናሃስያፐ፥ መቴዳ እት እት ጼቱ ሮማነ ቴራ ምስለቱዋ፥ ኡባና ኦይዱ ጼቱ ሮማነ ቴራ ምስለቱዋ፥
1KI 7:43 ታሙ ጋረቱዋ፥ ጋረቱዋ ቦላን ዎꬍያ፥ ሜጨትያ ታሙ ከረቱዋ፥
1KI 7:44 አባ ሳኒያነ አፐ ጋርሳን ደእያ፥ ታማነ ላኡ ቦራቱዋ ምስለቱዋ፥
1KI 7:45 ከረቱዋ፥ አካፋቱዋነ ኩይጻሮቱዋ። ሁራም ካትያ ሶሎሞናዉ መꬍና ጎዳ ጌሻ ጎልያ ኦሶ መꬌዳ ሀ ሚሻቱዋ ኡባ ቁጨቴዳ ናሃስያፐ መꬌዳ።
1KI 7:46 ካቲ ሶሎሞነ ሱኮታፐነ ጻርታናፐ ግዱዋን፥ ዮርዳኖሳ ደምባን ደእያ፥ ናሃስያ ብራታ ሲልስያ ሳኣን ሀዋንታ ኡባ ኦስሴዳ።
1KI 7:47 ናሃስያ ብራታፐ መቴዳ ሀ ሚሻ ኡባይ ሎይꬅ ዳራ ግዴዳ ድራዉ፥ ሶሎሞነ አ ማዛንስቤና፤ ሄዋ ድራዉ፥ ዎይሳ ዴጽንቶ ልኪ ኤረትቤና።
1KI 7:48 ቃይካ ሶሎሞነ መꬍና ጎዳ ጌሻ ጎልያ ግዶን ደእያ ሚሻቱዋ ኡባ ዎርቃፐ መꬍሴዳ። ሄዋንቱካ: ዎርቃፐ ኦꬄዳ ያርሽያ ሳኣ፥ ስንꬃን ዎꬅያ ኡክꬃይ ኡትያ ጻርጴዛ፥
1KI 7:49 ኡባፐ አꬍያ ጌሻ ሳኣፐ፥ ስንꬃን ኡሸቻ ባጋናነ ሀድርሳ ባጋና ኤቄዳ፥ እቼሹ እቼሹ ጾምፕያ ዎꬅያ ባላቱዋ፥ ጪሻቱዋ፥ ጾምፕያ ቶይስያ ቃጲያ፥
1KI 7:50 ጹአቱዋ፥ ጾምፕያ ቶይስያዋንታ፥ ኩይጻሮቱዋ፥ እጻና ጩዋይያባቱዋ፥ ታማ አክያ ሚሻቱዋነ፥ ኡባፐ አꬍያ ጌሻ ሳኣ ጌተትያ ቆልኡዋ ፐንገቱዋነ፥ ጌሻ ጎልያዉ ካረ ባጋ ፐንገቱዋ ኦይቄዳ ማጻፋቱዋ። ሀ ሚሻቱ ኡባይ ዎርቃፐ ኦሰቴድኖ።
1KI 7:51 ካቲ ሶሎሞነ መꬍና ጎዳ ጌሻ ጎልያ ኪታ ኡባ ፖሌዳዋፐ ጉይያን፥ አ አዉ ዳዊተ መꬍና ጎዳዉ ዱማዪደ ዎꬄዳ ብራ፥ ዎርቃነ ሀራ ሚሻቱዋካ ኡባ አሂደ፥ ጌሻ ጎልያ ሚሻ ምንጅያሳን ዎꬄዳ።
1KI 8:1 ሄዋፐ ጉይያን ካቲ ሶሎሞነ መꬍና ጎዳ ታቦታ ዳዊታ ካታማፐ፥ ጽዮነፐ ከሲደ፥ ጌሻ ጎልያ አሀናዳን፥ እስራኤልያ ጭማቱዋ፥ ዛራቱዋ ኡባ ካፓቱዋነ እስራኤልያ ጎልያ አሳቱዋ ካለꬅያዋንታ የሩሳላመ ካታማ ሺሼዳ።
1KI 8:2 ኤታኒማ ጌተትያ ላፑንꬃ አግናን፥ ዳስያ ባላይ ቦንቼትያ ዎደ፥ እስራኤልያ አሳይ ኡባይ ካትያ ሶሎሞነኮ ሺቄዳ።
1KI 8:3 እስራኤልያ ጭማቱ ኡባይ ጋክና፥ ቄሳቱ ታቦታ ደንꬄድኖ።
1KI 8:4 ሌዋቱነ ቄሳቱ፥ መꬍና ጎዳ ታቦታ፥ ዱንካንያነ ዱንካንያ ግዶን ደእያ ጌሻ ሚሻቱዋ ኡባ ቶኪደ አሄድኖ።
1KI 8:5 ካቲ ሶሎሞንነ አናና ደእያ እስራኤልያ ያአይ ኩመንꬃይ ታቦታ ስንꬃን ሺቂደ፥ ፓይዳናዉ ዳንዳየተና ጮራ ዶርሳነ መህያ ያርሼድኖ።
1KI 8:6 ሄዋፐ ጉይያን ቄሳቱ መꬍና ጎዳ ቃላ ጫቁዋ ታቦታ ጌሻ ጎልያዉ ግዶ ጌሻ ቆልኡዋ፥ ኡባፐ አꬌዳ ጌሻ ሳኣ ግያ ሳኣ አሂደ፥ ክሩበቱዋ ምስለቱ ቀፈቱዋፐ ጋርሳ ባጋና ዎꬄድኖ።
1KI 8:7 ምጨት ኡቴዳ ክሩበቱዋ ቀፈቱ ታቦታነ ታቦታ ቶክያ ካሱዋ ካሜድኖ።
1KI 8:8 ካሶቱ ሎይꬅ አዱሳ ግድያ ድራዉ፥ ኡንቱንቱ ጼራይ ኡባፐ አꬍያ ጌሻ ሳኣ ስንꬃን ደእያ ጌሻ ሳኣን ቤታናዉ ዳንዳዬ፤ ሽን ጌሻ ሳኣፐ ካረና ቤታናዉ ዳንዳየና። ኡንቱንቱ ሀቼ ጋካናዉ ሄ ሳኣን ደኢኖ።
1KI 8:9 እስራኤልያ አሳይ ግብጼ ጋድያፐ ከሴዳ ዎደ፥ መꬍና ጎዳይ ኡንቱንቱና ቃላ ጫቁዋ ጫቀቴዳ ሲና ደርያን ሙሴ ዎꬄዳ ላኡ ማሰቴዳ ሹቻቱዋፐ አትና፥ ታቦታ ግዶን ሀራባይ አያይነ ባዋ።
1KI 8:10 ቄሳቱ ጌሻ ሳኣፐ ከስና፥ ሻሪ መꬍና ጎዳ ጌሻ ጎልያ ኩሜዳ።
1KI 8:11 ሄ ሻርያ ጋሱዋን ቄሳቱ ባረንቱ ኪታ ኦꬃናዉ ዳንዳይበይክኖ፤ አያዉ ጎፐ፥ መꬍና ጎዳ ቦንቹ አ ጌሻ ጎልያ ኩም ኡቴዳ።
1KI 8:12 ሄዋፐ ጉይያን ሶሎሞነ ሀዋዳን ያጌዳ፤ “አቤት መꬍና ጎዳዉ፥ ኔን፥ ‘ታን ꬉማ ሻርያን ደአና’ ያጋ ዎꬃዳ።
1KI 8:13 ታን ቱሙፐ ነዉ ሎኦ ጌሻ ጎልያ፥ ኔን አን መꬍናዉ ደአናሳ ኬጻድ” ያጌዳ።
1KI 8:14 እስራኤልያ ያአይ ኩመንꬃይ ኤቂደእሽን፥ ካቲ ኡንቱንቱኮ ስሚደ፥ ሀዋዳን ያጊደ ኡንቱንታ አንጄዳ፤
1KI 8:15 “መꬍና ጎዳይ እስራኤልያ ጾሳይ ጋላተቶ! ታ አዉዋ ዳዊታዉ ባረ ዶናን ኦዴዳ ህዶታ ባረ ኩሽያን ፖሌዳ። ሄ እ ኦዴዳ ህዶታይ፥
1KI 8:16 ‘ታን ታ አሳ እስራኤልያ ግብጼፐ ከሳደ አሄዳ ጋላሳፐ ዶምና፥ ታ ሱንꬃይ አን ደአና ማላ፥ ጌሻ ጎልያ ኬጻናዉ እስራኤልያ ዛራቱዋ ግዶን አይ ካታማነ ዶራበይከ፤ ሽን ታ አሳ እስራኤልያ ካለꬃና ማላ፥ ታን ዳዊታ ዶራድ’ ያጌዳ።
1KI 8:17 “ታ አዉ ዳዊተ መꬍና ጎዳ እስራኤልያ ጾሳ ሱንꬃዉ ጌሻ ጎልያ ኬጻናዉ ባረ ዎዛናን ቆፔዳ።
1KI 8:18 ሽን መꬍና ጎዳይ ታ አዉዋ ዳዊታ፥ ‘ኔን ታ ሱንꬃዉ ጌሻ ጎልያ ኬጻናዉ ነ ዎዛናን ቆፔዳ ድራዉ፥ ሎኦባ ኦꬃዳ።
1KI 8:19 ግዶፐነ፥ ጌሻ ጎልያ ኬጻናዌ ኔና ግዳካ፤ ታ ሱንꬃዉ ጌሻ ጎልያ ኬጻናዌ ነ ጉልባታፐ የለታና ነ ናኣ’ ያጌዳ።
1KI 8:20 “ሀእካ መꬍና ጎዳይ ባረ እማና ጌዳ ህዶታ ቃላ ፖሌዳ። መꬍና ጎዳይ ካሰ እሜዳ ህዶታዳንካ ታን ታ አዉዋ ዳዊታ ሳኣን ካተታድነ ሀእ እስራኤልያ ካዉተꬃ አራታን ኡታድ። ቃይ መꬍና ጎዳ እስራኤልያ ጾሳ ሱንꬃዉ ጌሻ ጎልያ ኬጻድ።
1KI 8:21 መꬍና ጎዳይ ኑ አዎቱዋ ግብጼፐ ከሴዳ ዎደ ኡንቱንቱና ጫቀቴዳ ጫቁ ደእያ ታቦታዉካ አ ግዶን ሳኣ እንጀያድ” ያጌዳ።
1KI 8:22 ሄዋፐ ጉይያን ሶሎሞነ መꬍና ጎዳዉ ያርሽያ ሳኣ ስንꬃን፥ እስራኤልያ ያአይ ኩመንꬃይ ደእያ ሳኣን ኤቂደ፥ ባረ ኩሽያ ሳሉዋ ዛር ምጪደ፥
1KI 8:23 ሀዋዳን ያጊደ ዎሴዳ፤ “አቤት መꬍና ጎዳዉ፥ እስራኤልያ ጾሳዉ፥ ቦላ ሳሉዋን ዎይ ጋርሳ ሳኣን ነ ማላ ጾስ ባዋ። ኔን ነ ቃላ ጫቁዋ ናጋሳ፤ ባረ ኩመንꬃ ዎዛናፐ ነ ስንꬃን ሀመቴዳ ነ ቆማቱዋ አገና ሲቁዋን ሲቃሳ።
1KI 8:24 ነ ቆማዉ፥ ታ አዉዋ ዳዊታዉ ኔን ኦꬃና ጋደ ሃሳዬዳ ቃላ ናጋዳ፤ ኔን ካሰ ነ ዶናን ሃሳዬዳዋ ነ ኩሽያን ሀቼ ፖላዳ።
1KI 8:25 “ሀእካ አቤት መꬍና ጎዳ፥ እስራኤልያ ጾሳዉ፥ ኔን ነ ቆማዉ፥ ታ አዉዋ ዳዊታዉ፥ ‘ኔን ታ ስንꬃን ሀመቴዳዋዳን ነ ናናይካ ታ ስንꬃን ሀመታና ማላ ባረንቱ ኦግያ ናጎፐ፥ ታ ስንꬃን እስራኤልያ ካዉተꬃ አራታን ኡትያ አሳ ኔን ኡባካ ꬋያካ’ ያጌዳ ቃላ ፖላ።
1KI 8:26 አቤት እስራኤልያ ጾሳዉ፥ ኔን ነ ቆማዉ፥ ታ አዉዋ ዳዊታዉ ሃሳዬዳ ነ ቃላ ሀእካ አጎፓ።
1KI 8:27 “ሽን ጾሳይ ቱሙ ሳኣን ደአኔየ? በአ፥ ሳሎቱ፥ ኡባፐ ꬎቃን ደእያ ሳሉካ ነዉ ግዳናዉ ዳንዳየና። ያትና፥ ሀ ታን ኬጼዳ ጌሻ ጎሊ ነዉ አይ ኬሻ ጉጻንዴሻ!
1KI 8:28 ግዶፐነ፥ አቤት መꬍና ጎዳዉ፥ ታ ጾሳዉ፥ ታን ነ ቆማይ ሀቼ ዎስያዋነ ዋትዋትያዋ ኔን ሀይዛ።
1KI 8:29 ኔን፥ ‘ታ ሱንꬃይ ሄ ሳኣን ደአና’ ጌዳ ሀ ጌሻ ጎልያ ነ አይፊ ቃማነ ጋላስ ጼሎ። ታን ነ ቆማይ ሀ ሳኣኮ ስማደ፥ ዎስያ ዎሳ ኔን ስሳ።
1KI 8:30 ታን ነ ቆማይነ ነ አሳይ እስራኤሊ ሀ ጌሻ ጎልያኮ ስሚደ፥ ዋትዋትያ ዋትዋቱዋ ኔን ስሳ። ኔን ደእያ ሳን ሳሉዋን ስሳደ፥ ኑዉ አቶ ያጋ።
1KI 8:31 “እት አሳይ ባረ ሾሩዋ ናቂና፥ አ ጫቀꬃናዉ ሀ ጌሻ ጎልያ አይና፥ አ ግዶን ደእያ ያርሽያ ሳኣ ስንꬃን እ ጫቆፐ፥
1KI 8:32 ኔን ሳሉዋን ስሳደ፤ ኪተታ። ነ ቆማቱዋ ግዱዋን ፕርዳ። ባይዛንቻቱዋ ቦላ ፕርዳደ፥ እ ኦꬄዳዋ አ ቦላ ዛራ፤ ጽሉዋ ሻትንꬃደ፥ አዉ አ ጽሎተꬃዳን ዛራ።
1KI 8:33 “ነ አሳይ እስራኤሊ ነ ቦላ ናጋራ ኦꬄዳ ጋሱዋን ሞርክያን ጾነቲደ፥ ኡንቱንቱ ኔኮ ስሚደ፥ ነ ሱንꬃ ጼሲደ፥ ሀ ጌሻ ጎልያን ኔና ዎሶፐነ ነዉ ዋትዋቶፐ፥
1KI 8:34 ኔን ሳሉዋን ስሳ። ነ አሳ እስራኤልያ ናጋራ አቶ ያጋ፤ ያታደ ኔን ካሰ ኡንቱንቱ ማይዛ አዋቶ እሜዳ ቢታዉ ኡንቱንታ ጉየ ዛራ።
1KI 8:35 “ነ አሳይ ነ ቦላ ናጋራ ኦꬄዳ ጋሱዋን ሳሎቱ ጎርደትናነ እራይ ቡከናን እጽና፥ ኡንቱንቱ ሀ ሳኣ ስሚደ፥ ዎሶፐነ ኔን ኡንቱንታ ኡንኤꬄዳ ድራዉ ነ ሱንꬃ ጼሲደ፥ ባረንቱ ናጋራፐ ስሞፐ፥ ኔን ሳሉዋን ስሳ።
1KI 8:36 ነ ቆማቱዋ ናጋራ፥ ነ አሳ እስራኤልያ ናጋራ አቶ ያጋ። ኡንቱንቱ ሀመታናዉ በስያ ሎኦ ኦግያ ኡንቱንታ ታማርሳ፤ ያታደ ኔን ነ አሳ ላትሴዳ ቢታን እራ ቡክሳ።
1KI 8:37 “ቢታ ቦላን ኮሻይ ዎይ ኢታ ሀርጊ ዪና፥ ዎይ ካꬃ ጹግ ꬋይስያ ጫርኩ ዎይ ቦሊ ዎይ ቡምቡረꬃይ ቢታ ቦላን ዪና፥ ዎይ ሞርኪ ኡንቱንቱ ካታማቱዋ ዶድና፥ ዎይ አይ ማላ ባሻይ ዎይ ሀርጊ ዪና፥
1KI 8:38 ነ አሳ እስራኤልያፐ ኦንነ ኔና ዎሶፐነ ነዉ ዋትዋቶፐ፥ ቃይ አይ አሳይነ ባረ ዎዛናን ኡንኤꬅያዋ ኤሪደ፥ ሀ ጌሻ ጎልያኮ ስሚደ፥ ባረ ኩሽያ ምጮፐ፥
1KI 8:39 ኔን ደእያ ሳኣን ሳሉዋን ስሳ። ኡንቱንቱ ናጋራ አቶ ያጋ፤ ያታደ ኡንቱንቶ ኪተታ። ኔን አሳ ዎዛና ኤርያዋዳንካ፥ አሳ ኡባዉ አ ኦሱዋዳን ኦሱዋዳን እማ። አያዉ ጎፐ፥ አሳ ኡባ ዎዛና ኤርያዌ ነ ጻላላ።
1KI 8:40 ያቶፐ፥ ኔን ኑ ማይዛ አዋቶ እሜዳ ቢታን ደእያ ዎደ ኡባን፥ ኡንቱንቱ ነዉ ያያና።
1KI 8:41 “ሄዋዳንካ፥ ነ አሳ እስራኤልያ ግደና ካረ ቢታ አሳይ ነ ዎልቃማ ሱንꬃዋነ ኔን ነ አሳዉ ኦꬄዳ ማላልስያ ኦሶቱዋባ ስሲደ፥ ሃኮ ጋድያፐ ዪደ፥ ሀ ጌሻ ጎልያኮ ስሚደ፥ ኔና ዎሶፐ፥
1KI 8:43 ኔን ደእያ ሳኣን ሳሉዋን ስሳ። ነ አሳቱ እስራኤላቱ ኤርያዋዳን፥ ሳኣን ደእያ አሳይ ኡባይ ነ ሱንꬃ ኤራና ማላነ ነዉ ያያና ማላ፥ ቃይ ታን ኬጼዳ ሀ ጌሻ ጎሊ፥ ነዉ ጎይንያ ሳኣ ግዴዳዋ ኡንቱንቱ ኤራና ማላ፥ ሄ ካረ ቢታ አሳይ ኔና ዎስያዋ አዉ ፖላ።
1KI 8:44 “ነ አሳቱ ባረንቱ ሞርከቱዋ ኦላና ማላ ኔን ኪቴዳ ሳኣ ሀቃነ ቢደ፥ ኡንቱንቱ ኔን ዶሬዳ ሀ ካታማኮነ ታን ነ ሱንꬃዉ ኬጼዳ ጌሻ ጎልያኮ ስሚደ፥ ኔና መꬍና ጎዳ ዎሶፐ፥
1KI 8:45 ኡንቱንቱ ዎሳነ ዋትዋቱዋ ሳሉዋን ኔን ስሳ፤ ኡንቱንቶ ጾኑዋ እማ።
1KI 8:46 “ናጋራ ኦና አሳይ ባይናዋዳንካ፥ ኡንቱንቱ ነ ቦላ ናጋራ ኦꬅና፥ ኔን ኡንቱንቶ ሀንቀታደ ሞርከቶ ኡንቱንታ አꬃደ እምና ሞርከቱካ ኡንቱንታ ኦሞዲደ፥ ሃክና ማትናካ ባረንቱ ጋድያ አኪደ አፍና፥
1KI 8:47 ኡንቱንቱ ሄ ኦሞደቴዳ ቢታን ደኢደ፥ ባረንቱ ዎዛናን ናጋራፐ ስሞፐ፥ ሄ ኦሞደቴዳ ቢታን ኡንቱንቱ ደኢደ፥ ‘ኑን ናጋራ ኦꬄዶ፤ ኑን ባይዜዶ፤ ኑን ኢታባ ሀኔዶ’ ያጊደ ነዉ ዋትዋቶፐ፥
1KI 8:48 ባረና ኦሞዲደ አፌዳ ሞርከቱዋ ቢታን ደኢደ፥ ኡንቱንቱ ባረንቱ ኩመንꬃ ዎዛናፐነ ባረንቱ ኩመንꬃ ቆፋፐ ኔኮ ስሞፐ፥ ኔን ኡንቱንቱ ማይዛ አዋቶ እሜዳ ኡንቱንቱ ቢታኮ፥ ኔን ዶሬዳ ካታማኮነ ታን ነ ሱንꬃዉ ኬጼዳ ጌሻ ጎልያኮ ስሚደ፥ ኔና ዎሶፐ፥ ያቶፐ፥
1KI 8:49 ኡንቱንቱ ዎሳነ ኡንቱንቱ ዋትዋቱዋ ኔን ደእያ ሳኣን ሳሉዋን ስሳ። ኡንቱንቶ ፕርዳ።
1KI 8:50 ነ አሳይ ነ ቦላ ኦꬄዳ ናጋራነ ባይዜዳ ባይዙዋ አቶ ያጋ፤ ኡንቱንቱ ኦሞዲደ አፌዳ አሳቱ ኡንቱንቶ ቃረታናዳን ኦꬃ።
1KI 8:51 አያዉ ጎፐ፥ ኡንቱንቱ ሄ ብራታ ሲልስያ ጮጭያ ማላ ጋድያፐ፥ ግብጼፐ ኔን ከሴዳ ነ አሳቱዋነ ነ ቡዞቱዋ።
1KI 8:52 “ታን ነ ቆማይነ ነ አሳይ እስራኤሊ ዋትዋትያዋ ነ አይፊ ጼሎ፤ ቃይ ኡንቱንቱ ዋስያ ዎደ አዉደነ ኔን ኡንቱንቶ አላ።
1KI 8:53 አያዉ ጎፐ፥ አቤት ኡባ ሞድያ መꬍና ጎዳዉ፥ ኔን ካሰ ኑ አዎቱዋ ግብጼፐ ከስያ ዎደ ነ ቆማ ሙሴ ባጋና ኦዴዳዋዳን፥ ኡንቱንታ ኔን ሳኣን ደእያ ካዉተꬃቱ ኡባ ግዶፐ ነ ቡዞ ኦꬃናዉ ዱማያዳ” ያጊደ ዎሴዳ።
1KI 8:54 ሶሎሞነ መꬍና ጎዳ ዎሳነ ዋትዋቱዋ ፖሌዳዋፐ ጉይያን፥ ባረ ኩሽያ ሳሉዋ ምጪደ መꬍና ጎዳ ያርሹዋ ሳኣ ስንꬃን ጉልባቴዳ ሳኣፐ ደንድ ኤቄዳ።
1KI 8:55 እስራኤልያ ሽቁዋ ኡባ ባረ ቃላ ꬎቂሲደ፥ ሀዋዳን ያጊደ አንጄዳ፤
1KI 8:56 “እ ካሰ ሃሳዬዳ ባረ ቃላዳን ባረ አሳ እስራኤልያ ሸምፕሴዳ መꬍና ጎዳይ ጋላተቶ፤ እ ባረ ቆማ ሙሴ ባጋና እሜዳ ሎኦ ህዶታይ ኡባይ ፖለቴዳ።
1KI 8:57 መꬍና ጎዳይ ኑ ጾሳይ ካሰ ኑ አዎቱዋና ደኤዳዋዳን፥ ኑናናካ ደኦ፤ እ ኑና ኡባካ አጎፖ ዎይ የጎፖ።
1KI 8:58 ኑን አ ኦግያን ኡባን ሀመታና ማላነ እ ኑ አዋቶ እሜዳ አዛዙዋ፥ ዎጋቱዋነ ህግያ ናጋና ማላ፥ ኑ ዎዛና ባረኮ ዛሮ።
1KI 8:59 ሀቼ ሀቼ ደኦ ኮሽያዋዳን፥ ጾሳይ ታና ባረ ቆማነ ባረ አሳ እስራኤልያ ማዳና ማላ፥ ታን መꬍና ጎዳ ስንꬃን ዎሳደ ጌዳ ሀ ቃላቱ ቃማነ ጋላስ መꬍና ጎዳኮ፥ ኑ ጾሳኮ፥ ሺቅኖ።
1KI 8:60 ሄዌነ፥ ሳኣን ደእያ አሳይ ኡባይ መꬍና ጎዳይ ጾሳ ግድያዋነ አፐ አትና ሀራ ጾስ ባይናዋ ኤራናዳና።
1KI 8:61 ሀቼዋዳንካ ህንተንቱ አ ዎጋዳን ሀመታናዉነ አዉ አዛዘታናዉ መꬍና ጎዳዉ፥ ኑ ጾሳዉ፥ ህንተንቱ ዎዛናይ አማነትያዋ ግዶ” ያጊደ አንጄዳ።
1KI 8:62 ሄዋፐ ጉይያን ካቲነ እስራኤልያ አሳይ ኡባይ እትፐ መꬍና ጎዳ ስንꬃን ያርሹዋ ያርሼድኖ።
1KI 8:63 ሶሎሞነ መꬍና ጎዳዉ እትፐተꬃ ያርሹዋ ያርሻናዉ ላታማነ ላኡ ሻአ ቦራቱዋነ ጼታነ ላታሙ ሻአ ዶርሳቱዋ ሺሼዳ። ሄዋዳን ኦꬂደ ካቲነ እስራኤልያ አሳይ ኡባይ መꬍና ጎዳ ጌሻ ጎልያ አንጅሴድኖ።
1KI 8:64 ካቲ ሶሎሞነ ጌሻ ጎልያዉ ስንꬃ ባዙዋን ደእያ ግዶ ዳባባ ሄ ጋላስ ዱማዬዳ። ሄ ሳኣን ጹግያ ያርሹዋ፥ ካꬃ ያርሹዋነ እትፐተꬃ ያርሹዋፐ ሞꬉዋ ያርሼዳ። እ ሄዋ ኦꬄዳዌ መꬍና ጎዳ ስንꬃን ደእያ፥ ናሃስያ ግያ ብራታፐ ኦሰቴዳ ያርሽያ ሳአይ ጹግያ ያርሹዋ፥ ካꬃ ያርሹዋነ እትፐተꬃ ያርሹዋፐ ሞꬉዋ ያርሻናዉ ጉጼዳ ድራሳ።
1KI 8:65 ሄ ዎደ ሶሎሞንነ እስራኤልያ አሳይ ኡባይ ላፑን ጋላሳዉ ዳስያ ባላ ቦንቼዳ፤ እስራኤልያ ዛዋን ሀማታ ፕኑዋፐ ቢደ ግብጼ ሻፋ ጋካናዉ ደእያ ጮራ አሳይ መꬍና ጎዳ ስንꬃን ባላ ቦንቻናዉ ሺቄዳ።
1KI 8:66 ዎንተꬃ ጋላስ ካቲ አሳ ሞይዜዳ፤ አሳይ ካትያ አንጂደ፥ መꬍና ጎዳይ ባረ ቆማ ዳዊተዉነ ባረ አሳ እስራኤልያዉ ኦꬄዳ ኬካተꬃን ናሸቲደነ ዎዛናፐ ፓሽኪደ፥ ባረ ሶ ባረ ሶ ቤዳ።
1KI 9:1 ሶሎሞነ መꬍና ጎዳ ጌሻ ጎልያነ ካትያ ጎልያ ኬጺደ ማኬዳዋፐነ ኦꬃናዉ አሞቴዳ አሙዋ ኡባ ፖሌዳዋፐ ጉይያን፥
1KI 9:2 ጋባኦና ካታማን ካሰ ቆንጬዳዋዳን፥ መꬍና ጎዳይ ላኤንꬁዋ አዉ ቆንጬዳ።
1KI 9:3 መꬍና ጎዳይ አ ሀዋዳን ያጌዳ፤ “ኔን ታ ስንꬃን ዎሴዳ ዎሳነ ዋትዋቴዳ ዋትዋቱዋ ታን ስሳድ። ኔን ኬጼዳ ጌሻ ጎሊ መꬍናዉ ታ ሱንꬃይ አን ጼሰታና ማላ ኡዳደ ታን ጌሻድ፤ ታ አይፊነ ታ ዎዛናይ ኡባ ዎደ ሀ ጌሻ ጎልያን ደአናዋ።
1KI 9:4 “ኔና ግዶፐ፥ ኔን ነ አዉ ዳዊተ ሀመቴዳዋዳን ቦርስያባይ ባይናን ሱረተꬃን ታ ስንꬃን ሀመቶፐ፥ ታን አዛዜዳዋ ኡባ ኦꬆፐነ ታ ዎጋነ ታ ህግያ ናጎፐ፥
1KI 9:5 ታን ነ አዉዋ ዳዊታዉ፥ ‘እስራኤልያ ካዉተꬃ አራታን ኡትያ አሳ ኔን ኡባካ ꬋያካ’ ጌዳዋዳን፥ ነ ካዉተꬃ አራታ እስራኤልያ ቦላ መꬍናዉ ምንሳደ ኤሳና።
1KI 9:6 “ሽን ኔን ዎይ ነ ናናይ ታና ካልያዋ አጊደ ዎራ ስሞፐ፥ ታን ህንተንታ አዛዜዳ ታ አዛዙዋነ ታ ዎጋ ናገናን ꬋዮፐነ ሀራ ጾሳቶ ኦꬃናዉነ ጎይናናዉ ቦፐ፥
1KI 9:7 ያቶፐ፥ እስራኤልያ አሳ ታን ካሰ ኡንቱንቶ እሜዳ ቢታፐ ꬎቆላና፤ ታን ታ ሱንꬃዉ ጌሼዳ ሀ ጌሻ ጎልያካ አጋ አጋና። እስራኤላቱ አሳ ኡባ ግዶን ቶሳዉነ ቅሊጮ ግዳናዋንታ።
1KI 9:8 ሀ ጌሻ ጎሊ ኮለቴዳባይ ኬለቴዳ ሳኣ ግዳናዋ፤ ማታና አꬍያ አሳይ ኡባይ ዳጋሚድነ ‘ፖራ!’ ጊደ፥ ‘መꬍና ጎዳይ ሀ ጋድያነ ሀ ጌሻ ጎልያ አያዉ ሀዋዳን ኦꬄዴ?’ ያጋና።
1KI 9:9 አሳይ፥ ኡንቱንቱ ማይዛ አዎቱዋ ግብጼፐ ከሴዳ መꬍና ጎዳ ባረንቱ ጾሳ ኡንቱንቱ አጊደ፥ ሀራ ጾሳቱዋ ካሌዳ ድራስነ ኡንቱንቱዋ ኦꬂደ ጎይኔዳ ድራስ፥ መꬍና ጎዳይ ኡንቱንቱ ቦላ ሀ ኢታባ ኡባ አሄዳ ያጊደ ዛራና” ያጌዳ።
1KI 9:10 ሶሎሞነ ሀ ላኡ ጎልያ፥ መꬍና ጎዳ ጌሻ ጎልያነ ካትያ ጎልያ ኬጼዳ ላታማንꬃ ላይꬃ ዉርሰꬃን፥
1KI 9:11 ጺሮሳ ካቲ ኪራም እ ኮይያ ጺዳ፥ ዝጋነ ዎርቃ ኡባ እሜዳ ድራዉ፥ ጋሊላን ደእያ ላታሙ ካታማቱዋ ሶሎሞነ አዉ እሜዳ።
1KI 9:12 ሽን ኪራም ጺሮሳ ካታማፐ ከሲደ፥ ሶሎሞነ አዉ እሜዳ ካታማቱዋ በአናዉ ቤዳ ዎደ፥ ካታማቱ አ ናሸችበይክኖ።
1KI 9:13 ያትና፥ ኪራም ሶሎሞና፥ “ታ እሻዉ፥ ሀዋንቱ ኔን ታዉ እሜዳዋንቱ አያ ካታማቴ?” ያጌዳ። ሄዋ ድራዉ፥ እ ሄ ካታማቱዋ፥ “ፓና ቢታ” ያጊደ ሱንꬄዳ። ሄ ሄራይ ሀቼ ጋካናዉካ ሄ ሱንꬃን ጼሰቴ።
1KI 9:14 ኪራም ኦይዱ ሻአ ኪሎ ግራመ ዴጽያ ዎርቃ ካትያ ሶሎሞናዉ የድ ዎꬄዳ።
1KI 9:15 መꬍና ጎዳ ጌሻ ጎልያ፥ ባረ ጎልያ፥ ሚሎ፥ የሩሳላመ ካታማ ግምቢያነ ሀጾራ፥ ማግዶነ ገዜራ ካታማቱዋ ግምባናዉ ካትያ ሶሎሞናዉ ጋባራቱ ደኢኖ።
1KI 9:16 ግብጼ ቢታ ካቲ ካሰ ገዜራ ካታማ ኦይቂደ ካታማ ታማን ጹጌዳ። ካታማን ደእያ ካናነ አሳቱዋካ ዎꬌዳ፤ ያቲደ ሶሎሞነ አኬዳ ባረ ናትዉ ዎይታ ኦꬂደ እሜዳ፤
1KI 9:17 ሶሎሞነ ገዜራ ካታማ ዎꬅ ኬጼዳ። ሄዋዳንካ ቃይ፥ ሶሎሞነ ህርክ ቤት-ሆሮና፥
1KI 9:18 ባእላታ፥ ይሁዳ ዎራን ደእያ ታማራ ካታማ፥
1KI 9:19 ሚሻ ምንጅያ ካታማቱዋ ኡባ፥ ባረ ፓራቱዋነ ፓራ ጋረቱዋ ዎꬅያ ካታማቱዋነ የሩሳላመን፥ ልባኖሳንነ ባረ ሞድያ ቢታን ኡባን ኬጻናዉ አሞቴዳ ኡባ ኬጼዳ።
1KI 9:20 አሞራቱፐ፥ ሂተቱፐ፥ ፓርዘቱዋፐ፥ ሂዌቱዋፐነ ያቡሳቱዋፐ አቴዳ አሳቱ ኡባይ እስራኤልያ አሳ ግድክኖ፤
1KI 9:21 ኡንቱንቱ እስራኤልያ አሳቱ ቢታፐ ዉርስ ꬋይሳናዉ ዳንዳየናን አግና፥ ሄ ቢታን አቴዳ አሳቱዋፐ ዘረꬃቱዋ። ሶሎሞነ ኡንቱንታ ጋባረተꬃ ኦስሴዳ፤ ኡንቱንቱ ሀቼ ጋካናዉካ ጋባረተꬃን ኦꬅኖ።
1KI 9:22 ሽን ሶሎሞነ እስራኤልያ አሳቱዋፐ ኦናነ አይለይቤና፤ ኡንቱንቱ አዉ ኦሳንቻቱዋ፥ ኦላንቻቱዋ፥ ኦላንቻቱ ካፓቱዋነ ጋዳዋቱዋ፥ ፓራ ጋረቱዋ ላግያዋንቱ ካፓቱዋነ ፓራ አሳቱዋ ግዲደ ኦꬄድኖ።
1KI 9:23 ሄዋዳንካ ቃይ፥ ኡንቱንቱ ሶሎሞና ኪታ ኪተትያዋንቱ ካፓቱዋ፤ ኡንቱንቱፐ እቼሹ ጼታነ እሻታማቱ ኦሱዋ ኦꬅያ ጎሻንቻቱዋ ጼሊደ ኦስሲኖ።
1KI 9:24 ግብጼ ካትያ ናታ ዳዊታ ካታማፐ ሶሎሞነ እዝዉ ኬጽሴዳ ጎልያ ፑደ ቤዳዋፐ ጉይያን፥ እ ሚሎ ግምቤዳ።
1KI 9:25 ሶሎሞነ መꬍና ጎዳዉ ግምቤዳ ያርሹዋ ሳኣን ጹግያ ያርሹዋነ እትፐተꬃ ያርሹዋ ላይꬃን ሄዙ ገደ ያርሼ፤ መꬍና ጎዳ ስንꬃን እጻናካ ጩዋዬ። ያቲደ ጌሻ ጎልያ ፖሌዳ።
1KI 9:26 ሄዋፐ ጉይያን ካቲ ሶሎሞነ ኤዶማ ቢታን ዞኦ አባ ዶናን፥ ኤላታ ጌተትያ ካታማ ማታን ደእያ ኤጽዮን-ጋብራን ማርካባቱዋ መꬌዳ።
1KI 9:27 ካቲ ኪራም ሶሎሞነ አሳቱዋና ኦꬃና ማላ ማርካብያ ላጉዋ ሎሄዳ ባረ አሳቱዋ ኪቴዳ።
1KI 9:28 ኡንቱንቱ ኦፍራ ጋድያ ቤድኖ፤ ያፐ ታማነ ኦይዱ ሻአ ኪሎ ግራምያፐ ዳርያ ዎርቃ ካትያ ሶሎሞናዉ አኪደ ዬድኖ።
1KI 10:1 ሳባ ካታታ መꬍና ጎዳ ሱንꬃን ዋረቴዳ ሶሎሞና ዋርያ ስሳደ፥ ዴጽያ ኦሻቱዋ አካደ፥ አ ፓጫናዉ ደንዳዱ።
1KI 10:2 ሳዉዋ፥ ሎይꬅ ዳሮ ዎርቃነ አልኦ ሹቻ ጫነቴዳ ዳሮ ጋሎቱዋ ጩጉዋና ሎይꬅ ዳሮ አጃባና የሩሳላመ ጋካደ፥ ሶሎሞና ስንꬃ አꬋአዱ። ባረ ዎዛናን ደእያዋ ኡባ ሶሎሞናዉ ኦዳዱ።
1KI 10:3 ሶሎሞነ አ ኦቼዳዋ ኡባ ኦዴዳ፤ እዝዉ ብርሸናን አፐ ጌም አቴዳባይ አያይነ ባዋ።
1KI 10:4 ሳባ ካታታ ሶሎሞና አꬌዳ ኤራ፥ እ ኬጼዳ ካትያ ጎልያ፥
1KI 10:5 አ ማዳን ሺቅያ ቁማ፥ አ ኦሳንቻቱ ኡትያ ኡተꬃ፥ አ ቆማቱ ኦꬅያ ኦሱዋነ ማይያ ማዩዋ፥ አ ኤሳ ትግያዋንታነ መꬍና ጎዳ ጌሻ ጎልያን እ ጹግያ ያርሹዋ በኤዳ ዎደ፥ እዝ ዎዛናይ ጋገቴዳ።
1KI 10:6 ሄዋፐ ጉይያን እዛ ካትያ፥ “ነዋነ ነ አꬌዳ ኤራተꬃባ ታን ታ ጋደን ደኣደ ስሴዳዌ ቱማ።
1KI 10:7 ሽን ታን ያደ፥ ታ አይፍያ ብራናን በአና ጋካናዉ ኡንቱንቱ ታዉ ኦዴዳዋ አማናበይከ። ታዉ አሳይ ኦዴዳዌ ባጋነ ጋከና፤ አꬌዳ ኤራተꬃንካ ዱረተꬃንካ ታን ስሴዳዋፐ ሎይꬅ ዳሬ።
1KI 10:8 ኡባ ዎደ ነ ስንꬃን ኤቂደ፥ ነ አꬌዳ ኤራ ስስያ ነ አሳቱነ ነ ኦሳንቻቱ አያ ናሸቲኖሻ!
1KI 10:9 ኔናን ናሸቲደ፥ ኔና እስራኤልያ ካዉተꬃ አራታን ኡትሴዳ መꬍና ጎዳይ ነ ጾሳይ ጋላተቶ! መꬍና ጎዳይ እስራኤልያ አሳ መꬍናዉ ሲቄዳ ድራዉ፥ ኔን ሱረ ፕርዳነ ጽሎተꬃ ኦꬃና ማላ እ ኔና ካተዬዳ” ያጋዱ።
1KI 10:10 ካታታ ኦይዱ ሻአ ኪሎ ግራመ ዴጽያ ዎርቃ፥ ሎይꬅ ዳሮ ሳዉዋነ አልኦ ሹቻ ካትያዉ እማዱ። ሳባ ካታታ ካትያ ሶሎሞናዉ እሜዳዋ ኬሻ ዳሮ ሳዉዋ ሄዋፐ ስምና ኦንነ አህቤና።
1KI 10:11 (ካትያ ኪራማ ማርካባቱ፥ ኦፍራፐ ዎርቃ አሄዳዋንቱ ያፐካ ሳንዳለ ጌተትያ ሎይꬅ ዳሮ ምꬃነ አልኦ ሹቻ አሄድኖ።
1KI 10:12 ካቲ ሶሎሞነ ሄ ሳንዳልያፐ መꬍና ጎዳ ጌሻ ጎልያነ ካትያ ጎልያ ቱቀቱዋ፥ ማዝሙርያ የጽያዋንቶ ዲꬃነ ማስንቁዋ መꬍሴዳ። ሄዋ ማላ ሳንዳሊ ሄ ጋላሳፐ ሃ ስምና ይነ ኤረና፥ ቤትነ ኤረና።)
1KI 10:13 ካቲ ሶሎሞነ እማናዉ በስያ እሞታፐ ሀራ፥ ሳባ ካታታ አሞታደ አ ኦቼዳዋ ኡባ እዝዉ እሜዳ። ሄዋፐ ጉይያን ሳባ ካታታ ባረ አጃባና ደንዳደ፥ ባረ ጋደ ስማዱ።
1KI 10:14 ሶሎሞነ ላይꬃን ላይꬃን አክያ ዎርቃይ ላታማነ ሄዙ ሻአ ኪሎ ግራመ ዴጽያዋ።
1KI 10:15 ሄዌ ዛልአንቻቱዋፐ አኬዳ ቃራጻነ አራባ ቢታ ካተቱዋ ኡባፐነ እስራኤልያ ቢታ ሞድያዋንቱፐ አኬዳ ጊራ ቦላ ጉጃ።
1KI 10:16 ሶሎሞነ ላኡ ጼቱ ዎጋ ጎንዳለቱዋ ቆጼዳ ዎርቃፐ መꬍሴዳ፤ እት እት ጎንዳልያን ላፑን ኪሎ ግራመ ግድያ ዎርቃይ ገሌዳ።
1KI 10:17 ቃይካ እ ሄዙ ጼቱ ቄር ጎንዳለቱዋ ቆጼዳ ዎርቃፐ መꬍሴዳ፤ እት እት ቄር ጎንዳልያን ላኡ ኪሎ ግራመ ግድያ ዎርቃይ ገሌዳ። ካቲ ሄ ጎንዳለቱዋ ሊባኖሳ ዎራ ጎልያ ጌተትያ ጎለን ዎꬄዳ።
1KI 10:18 ቃይካ ካቲ እት ዎልቃማ ካዉተꬃ አራታ ዳንጋርሳ ዛልያፐ መꬍሴዳ፥ ሙሩታ ዎርቃን ሼሼዳ።
1KI 10:19 ካዉታ አራታይ ደእያ ሳኣ ፑደ ከሳናዉ የꬍያ ኡሱፑን ደꬃቱ ደኢኖ። ሄ አራታዉ ጉየ ባጋይ ጻꬃ። አራታዉ ላኡ ባጋናካ ቀስያ ዘምፕስያ ሳአቱ ደኢኖ፤ ሄ ላኡ ሳአቱ ላንቂያንካ ኤቄዳ እት እት ጋሙዋ ምስሊ ደኤ።
1KI 10:20 ሄ አራታ ፑደ ከስያ ኡሱፑን ደꬃቱዋን ያ ባጋናነ ሀ ባጋና እት እት ጋሙዋ ምስሊ፥ ኡባና ታማነ ላኡ ምስለቱ ደኢኖ። ሀዋ ማላ ካዉተꬃ አራታይ ሀራ ካዉተꬃን ሀቃንነ ኦሰትቤና።
1KI 10:21 ካቲ ሶሎሞነ ኡሻ ኡሽያ ሚሻ ኡባይ ዎርቃፐ መቴዳ፤ ሊባኖሳ ዎራ ጎለን ደእያ ሚሻ ኡባይካ ሙሩታ ዎርቃፐ መቴዳ። እትባይነ ብራፐ መትቤና፤ አያዉ ጎፐ፥ ሶሎሞነ ዎደ ብራይ ኡባካ ጎእያባዳን ፓይደት ኤረና።
1KI 10:22 ካትያዉ ኪራማ ማርካባቱዋና ዛልእያ ዎልቃማ ማርካባቱ አባን ደኢኖ። ሄ ማርካባቱ ዎርቃነ ብራ፥ ዳንጋርሳ አቻ፥ ገለሾቱዋነ ቃረቱዋ ጫን አኪደ፥ ሄዙ ላይꬃፐ እት ገደ ዪኖ።
1KI 10:23 ካቲ ሶሎሞነ ዱረተꬃንነ አꬌዳ ኤራተꬃን ሳኣን ደእያ ካተቱዋ ኡባፐ ዳሬዳ።
1KI 10:24 ሳኣን ደእያ አሳይ ኡባይ አ ስንꬃ አꬋናዉነ ጾሳይ አ ዎዛናን ዎꬄዳ አꬌዳ ኤራ ስሳናዉ ኮዬ።
1KI 10:25 ላይꬃፐ ላይꬃን ይያ ኡባይ አዉ እማናዉ ዎርቃነ ብራ ሚሻቱዋ፥ ማዮቱዋ፥ ኦላ ሚሻቱዋነ ሳዉዋ፥ ፓራቱዋነ ባቁሎቱዋ አኪደ ዬ።
1KI 10:26 ሶሎሞነ ፓራ ጋረቱዋነ ፓራቱዋ ሺሼዳ፤ አዉ እት ሻአነ ኦይዱ ጼቱ ፓራ ጋረቱነ ታማነ ላኡ ሻአ ፓራቱ ደኢኖ። እ ኡንቱንቱ ፓራ ጋረቱዋ ካታማቱዋንነ ባረናና የሩሳላመን ዎꬄዳ።
1KI 10:27 ካቲ የሩሳላመን ብራይ ሹቻዳን ኬለታናዳን፥ ዝጋይካ ጋꬋን ድጭያ ኤꬃዳን ጮራታናዳን ኦꬄዳ።
1KI 10:28 ሶሎሞነ ፓራቱ ግብጼፐነ ቃዌ ጌተትያ ቢታፐ ዬድኖ። ካትያ ዛልአንቻቱ ኡንቱንቱ ቃዌፐ ሻሉዋን ሻሚደ አሂኖ።
1KI 10:29 ኡንቱንቱ እት እት ፓራ ጋርያ ኡሱፑን ጼቱ ጻጋራ ብራን፥ እት እት ፓራ ጼታነ እሻታሙ ጻጋራ ብራን ግብጼፐ ሻሚደ አሂኖ፤ ኡንቱንቱካ ሂተቱዋ ካተቶ ኡባቶነ ሶርያ ካተቶ ዛልኢኖ።
1KI 11:1 ካቲ ሶሎሞነ ዳሮ አላጋ ቢታ ማጫዋንታ ሲቄዳ፤ ሄዋንቱነ ግብጼ ካትያ ናት ቦላ ጉጅና ሞኣባቱዋ፥ አሞናቱዋ፥ ኤዶማቱዋ፥ ሲዶናቱዋነ ሂተቱዋ ማጫዋንታ።
1KI 11:2 ኡንቱንቱ፥ “ህንተንቱ ሀ አሳቱዋና አኩዋን ገሉዋን ዋላከቶፕተ፤ አያዉ ጎፐ፥ ኡንቱንቱ ህንተንቱ ዎዛና ቱሙፐ ባረንቱ ኤቃ ጾሳቱዋኮ ዛራና” ያጊደ መꬍና ጎዳይ እስራኤልያ አሳዉ ኦዴዳ ካዉተꬃቱ ማጫዋንታ፤ ሽን ሶሎሞነ ኡንቱንቱና ሲቁዋን ቃሸቴዳ።
1KI 11:3 ሶሎሞናዉ ካተቱዋ ናና ግድያ ላፑን ጼቱ ማቼቱነ ሄዙ ጼቱ ማችያዳን አዉ ደእያ ማጫዋንቱ ደኢኖ። አ ማቻቱ አ ዎዛና ጾሳፐ ሃሴድኖ።
1KI 11:4 ሶሎሞነ ጭም ጭሚደ ቢሽን፥ አ ማቻቱ አ ዎዛና ሀራ ጾሳቱዋኮ ዛሬድኖ፤ ያትና፥ አ አዉዋ ዳዊተ ኩመንꬃ ዎዛናፐ ሲቄዳዋዳን፥ መꬍና ጎዳ ባረ ጾሳ እ ሲቅቤና።
1KI 11:5 ሶሎሞነ አስታሮታ ጌተትያ ሲዶናቱዋ ጾሳትዉነ ሞሎካ ጌተትያ አሞናቱዋ ጾሳዉ፥ ሸነይያዎ ጎይኔዳ።
1KI 11:6 ያቲደ ሶሎሞነ መꬍና ጎዳ ስንꬃን ኢታባ ኦꬄዳ፤ አ አዉዋ ዳዊተ ካሌዳዋዳን፥ መꬍና ጎዳ ፖሎ ካልቤና።
1KI 11:7 ሄዋፐ ጉይያን ሶሎሞነ ካሞሻ ጌተትያ ቱና ኤቃዉነ አሞናቱ ኤቅያ፥ ሞሎካ ጌተትያ ቱና ኤቃዉ የሩሳላመ ካታማፐ አዋይ ዶልያ ባጋን ደእያ ደርያ ሁጲያን ጎይንያ ꬎቃ ሳኣ ኬጼዳ።
1KI 11:8 አላጋ ቢታፐ አኬዳ ባረ ማቻቱዋ ኡባዉካ እ ሄዋዳን ጊግሴዳ፤ ኡንቱንቱ ባረንቱ ጾሳቶ ያን እጻና ጩዋዬድኖነ ያርሹዋ ያርሼድኖ።
1KI 11:9 አዉ ላኡ ገደ ቆንጬዳ መꬍና ጎዳፐ እስራኤልያ ጾሳፐ ሶሎሞነ ዎዛናይ ዎራ ስሜዳ ድራዉ፥ መꬍና ጎዳይ አ ሀንቀቴዳ።
1KI 11:10 ሀራ ጾሳቱዋ ካለናዳን ጾሳይ ሶሎሞና አዛዜዳ፤ ግዶፐነ፥ ሶሎሞነ መꬍና ጎዳ አዛዙዋ ናግቤና።
1KI 11:11 ሄዋ ድራዉ፥ መꬍና ጎዳይ ሶሎሞና ሀዋዳን ያጌዳ፤ “ኔን ሀዋዳን ሀኔዳ ድራዉ፥ ታን ኔና አዛዜዳ ታ ጫቁዋነ ታ ዎጋነ ኔን ናገናን እጼዳ ድራዉ፥ ታን ነ ካዉተꬃ ኔፐ ቦንቃ አካደ፥ ነ ቆማቱዋፐ እቶ እማና።
1KI 11:12 ግዶፐነ፥ ነ አዉዋ ዳዊታ ድራዉ ታን ሀዋ ኔን ፓጻ ደእያ ላይꬃን ቦንቃ አክከ፤ ነ ናኣ ኩሽያፐ ቦንቃ አካና።
1KI 11:13 ሄዋካ ቃይ ካዉተꬃ ኡባ አፐ ዳፋ አክከ፤ ታ ቆማ ዳዊታ ድራዉነ ታን ዶሬዳ ካታማ የሩሳላመ ድራዉ እት ዛርያ አዉ እማና” ያጌዳ።
1KI 11:14 ሄዋፐ ጉይያን መꬍና ጎዳይ ኤዶምያ ሀዳዳ፥ ኤዶማ ቢታ ካተቱዋ ዛርያ ግዴዳዋ ሞርከ ኦꬂደ ሶሎሞና ቦላ ደንꬄዳ።
1KI 11:15 ሀዋፐ ካሰ ባጋን ዳዊተ ኤዶማ አሳቱዋና ኦለቴዳ ዎደ፥ ሀይቄዳዋንታ ሞግሳናዉ ፑደ ቤዳ ኦላ ጋዳዋይ ዮኣበ፥ ኤዶማን ደእያ አቱማ አሳ ኡባ ዎꬍ ዉርሴዳ።
1KI 11:16 ኤዶማን ደእያ አቱማ አሳ ኡባ ꬋይሳና ጋካናዉ ዮኣብነ እስራኤልያ አሳይ ኡባይ ያን ኡሱፑን አግና ኡቴዳ።
1KI 11:17 ሽን ሄ ዎደ ጉꬃ ናኣ ግዴዳ ሀዳድ፥ አ አዎ ኦꬄዳ ኤዶማ ኦሳንቻቱዋፐ አማሬዳዋንቱና ግብጼ ጋድያ ባቃቴዳ።
1KI 11:18 ኡንቱንቱ ምድያማፐ ደንዲደ፥ ፓራና ቤድኖ፤ ፓራናፐ ባረናና አሳ አኪደ ግብጼ ጋድያ፥ ግብጼ ካትያኮ ቤድኖ። ካቲ ሀዳዳዉ እት ጎልያነ ጋድያ እሚደ፥ ቁማ አዉ አዛዜዳ።
1KI 11:19 ሀዳድ ካትያ ሎይꬅ ናሸቼዳ፤ ካቲ ባረ ማቻት፥ ካታት ጻፍኔስ ምቻቶ አዉ ማቻቶ ኦꬂደ እሜዳ።
1KI 11:20 ጻፍኔስ ምቻታ አዉ ጋኑባታ ጌተትያ ናኣ የላዱ። ጻፍኔሳ አ ካትያ ጎለን ድቻዱ፤ ጋኑባት ያን ካትያ ናናቱዋና እትፐ ደኤዳ።
1KI 11:21 ሀዳድ ግብጼን ደኢደ ዳዊተ ሀይቂደ ባረ ማይዛን ጋከቴዳዋነ ኦላ ጋዳዋይ ዮኣብካ ሀይቄዳዋ ስሴዳ፤ ሀዳድ ካትያዉ፥ “ታን ታ ጋድያ ስማና ማላ ታና የዳ” ያጌዳ።
1KI 11:22 ካቲ አ፥ “ነዉ ሀዋን አያይ ፓጭኔ ኔን ነ ጋድያ ባናዉ ኮይያዌ?” ያጊደ ኦቼዳ። ሀዳድ፥ “ታዉ አያይነ ፓጭቤና፤ ሽን ታን ባና” ያጌዳ።
1KI 11:23 ሄዋዳንካ ቃይ፥ ጾሳይ ኤልያዳአ ናኣ ራዞና ግያዋ ሶሎሞነ ቦላ ሞርክያ ኦꬂደ ደንꬄዳ፤ ራዞን ጾባ ካትያ ሀዳድኤዘረፐ ባቃቴዳ።
1KI 11:24 ዳዊተ ጾባ ቢታ ኦላንቻቱዋ ꬋይሴዳ ዎደ፥ ራዞን ባረዉ አሳ ሺሺደ፥ ፓንጋቱዋ ካፑዋ ግዴዳ፤ ፓንጋቱ ዳማስቆ ቢደ፥ ሄ ካታማ ኦይቂደ፥ ያን ኡቲደ፥ ራዞና ካተዬድኖ።
1KI 11:25 ሀዳድ መꬌዳ መቱዋ ቦላካ ጉጂደ፥ ሶሎሞነ ደኤዳ ኬናን ኡባን ራዞን እስራኤለቶ ሞርክያ ግዴዳ፤ ያቲደ እ ሶርያን ካዉቲደ እስራኤልያ አሳ ሞርኬዳ።
1KI 11:26 ሄዋ ቦላካ ናባጻ ናአይ እዮርባም ሶሎሞና ቦላ ማካሊደ ደንዴዳ፤ እ ሶሎሞና ቆማቱዋፐ እቱዋ። እ ኤፍሬማ ቢታን ጻሬዳፐ የዳ አሳ፤ አ ዳያካ ጽሩኦ ጌተትያ አምአቶ።
1KI 11:27 ካትያ ቦላ እ ማካል ደንዴዳ ታርኪ ሀዋፐ ካሊደ ጻፈቴዳዋዳና። ሶሎሞነ ሚሎ ግምቤዳነ ባረ አዉዋ ዳዊታ ካታማ ዩሹዋ ግምቢያን ደእያ ካሎ ሳኣ ኩንꬄዳ።
1KI 11:28 እዮርባም ምኖ አሳ፤ ሶሎሞነ ሀ ዎዳላይ ባረ ኪታ ዎት ሎይꬅ ኦꬅንቶ በኤዳ፤ ምናሰነ ኤፍሬማ ቢታን ኦꬅያ ጎሻንቻቱ ኡባ ቦላ አ ካፑዋ ኦꬂደ ሱንꬄዳ።
1KI 11:29 እት ጋላስ እዮርባም የሩሳላመ ካታማፐ ከሲደ ቤ፤ ሴሎፐ ዬዳ፥ ትምቢትያ ኦድያ አኪይ አናና ኦግያን ጋከቴዳ። አኪይ ሄ ዎደ ኦራꬃ ማዩዋ ማይ ኡቴዳ። ደምባን ኡንቱንቱ ላኡዋ ጻላላይ ደኢኖ።
1KI 11:30 አኪይ ባረ ማዬዳ ኦራꬃ ማዩዋ ኦይቂደ፥ ታማነ ላኡ ከሲደ ፔꬌዳ።
1KI 11:31 እዮርባማ ሀዋዳን ያጌዳ፤ “ታሙ ፔꬃቱዋ ነዉ አካ። አያዉ ጎፐ፥ መꬍና ጎዳይ እስራኤልያ ጾሳይ ሀዋዳን ያጌ፤ ‘በአ፥ ታን ካዉተꬃ ሶሎሞና ኩሽያፐ ፔꬋደ፥ ታሙ ዘረꬃ ነዉ እማና ሀናይ።
1KI 11:32 ሽን ታ ቆማ ዳዊታ ድራዉነ እስራኤልያ ዛራቱዋ ኡባ ግዶፐ ታን ዶሬዳ የሩሳላመ ካታማ ድራዉ፥ እት ዛርያ አዉ አጋና።
1KI 11:33 ታን ሀዋ ኦꬃና ጋሱ፥ ሶሎሞነ ታና አጊደ ሲዶናቱዋ ጾሳት አስታሮትዉ፥ ሞኣባቱዋ ጾሳ ካሞሻዉነ አሞናቱዋ ጾሳ ሞሎካዉ ጎይኔዳ ድራሳነ ታ ኦግያን ሀመተናን፥ ታ ስንꬃን ሱረባ ሀነናንነ አ አዉ ዳዊተ ናጌዳዋዳን ታ ዎጋቱዋነ ታ ህግያ ናገናን እጼዳ ድራሳ።
1KI 11:34 “ ‘ግዶፐነ፥ ታን ካዉተꬃ ሶሎሞና ኩሽያፐ ዉርሳ አክከ፤ ታን ዶሬዳነ ታ አዛዙዋነ ታ ዎጋ ናጌዳ ታ ቆማ ዳዊታ ድራዉ፥ ሶሎሞነ ፓጻ ደኤዳ ኬሻን ኡባን እ ሞዳናዳን ኦꬃድ።
1KI 11:35 ሄዋፐ ጉይያን ታን ካዉተꬃ አ ናኣ ኩሽያፐ አካደ ታሙ ዘረꬃ ነዉ እማና።
1KI 11:36 ታ ሱንꬃይ አን ጼሰታና ማላ፥ ታን ዶሬዳ የሩሳላመ ካታማን ኡባ ዎደካ ታ ቆማ ዳዊታ ዘረꬃይ ካተታና ማላ፥ ታን እት ዛርያ አ ናአዉ እማና።
1KI 11:37 “ ‘ኔና ግዶፐ፥ ታን ኔና አካና፤ ነ ዎዛናይ አሞቴዳ ኡባ ኔን ሞዳና፤ ኔን እስራኤልያ ቦላ ካተታና።
1KI 11:38 ታን ኔና አዛዝያዋ ኔን ኦꬆፐ፥ ታ ኦግያን ሀመቶፐነ ታ ቆማይ ዳዊተ ናጌዳዋዳን ታ ዎጋቱዋነ ታ አዛዙዋ ናጋደ ታ ስንꬃን ሱረባ ሀኖፐ፥ ታን ኔናና ግዳና፤ ዳዊታዉ ኦꬄዳዋዳንካ ነ ዛራቱ ደእ በአናዳን ኦꬃና፤ እስራኤልያካ ታን ነዉ እማና።
1KI 11:39 ሶሎሞና ናጋራ ድራዉ ዳዊታ ዘረꬃቱዋ ታን ሙራና፤ ሽን መꬍናዉ ግደና’ ያጌ” ያጌዳ።
1KI 11:40 ሶሎሞነ እዮርባማ ዎꬋናዉ ካጄሌዳ፤ ሽን እዮርባም ግብጼ ጋድያ ካትያ ሺሻቃኮ ባቃቲደ ቤዳ፤ ሶሎሞነ ሀይቃና ጋካናዉ ግብጼን ታኬዳ።
1KI 11:41 ሶሎሞነ ሀኔዳ ሀራባይ፥ እ ኦꬄዳባይ ኡባይ፥ አ አꬌዳ ኤራተꬃባይ ሶሎሞና ታርክያ ማጻፋን ጻፈት ኡቴዳ።
1KI 11:42 ሶሎሞነ እስራኤልያ ኡባ ቦላ የሩሳላመን ኦይታሙ ላይꬃ ካተቴዳ።
1KI 11:43 ሄዋፐ ጉይያን ሶሎሞነ ሀይቂደ፥ ባረ ማይዛን ጋከቴዳ፤ ባረ አዉዋ ዳዊታ ካታማን ሞገቴዳ። አ ናአይ ሮብኣመ አ ኮታን ካተቴዳ።
1KI 12:1 እስራኤልያ አሳይ ኡባይ ሮብኣማ ካተያናዉ ሰኬማ ካታማ ቤዳ ድራዉ፥ እካ ያ ቤዳ።
1KI 12:2 ናባጻ ናአይ እዮርባም፥ ካትያ ሶሎሞነፐ ባቃቲደ ግብጼን ደእያዌ ሀዋ ስሴዳ ዎደ፥ ግብጼፐ ስሚደ ዬዳ።
1KI 12:3 እስራኤልያ አሳይ እዮርባማዉ ኪቲደ ጼስስና፥ እነ እስራኤልያ ማባራይ ኡባይ ሮብኣማኮ ቢደ፥
1KI 12:4 “ነ አዉ ኑና ዴጾ ሞርገ ምꬃ ቶሴዳ፤ ሽን ሀእ ኔን እ ኑና ኦስስያ ዎልቃማ ኦሱዋነ ዴጾ ሞርገ ምꬃ ኑዉ ካዉሽሳርኪ። ያቶፐ፥ ኑን ነዉ ሞደታና” ያጌድኖ።
1KI 12:5 ሮብኣመ ኡንቱንቶ፥ “ቢተ፤ ሄዘንꬆ ጋላስ ስሚደ ታኮ ዪተ” ያጌዳ፤ አሳይ ቤዳ።
1KI 12:6 ሄዋፐ ጉይያን ካቲ ሮብኣመ አ አዉ ሶሎሞነ ፓጻ ደእያ ዎደ፥ ሶሎሞና ዞሬዳ ጭማቱዋ ዞረታ በሴዳ። እ ኡንቱንታ፥ “ሀ አሳዉ ዋጋደ ዛራ ጊቴ?” ያጊደ ኦቼዳ።
1KI 12:7 ጭማቱ ሮብኣማ፥ “ሀቼ ኔን አሳዉ ቆማ ግዳደ ኦꬆፐነ ኡንቱንቱ ኦችያዎ ኔን ሎኦ ቃላ ዛሮፐ፥ ኡባ ገደ ኡንቱንቱ ነዉ ቆማ ግዳናዋንታ” ያጌድኖ።
1KI 12:8 ሽን ሮብኣመ ጭማቱ ዞሬዳ ዞርያ አጊደ፥ አናና ድጪደ አዉ ኦꬅያ ያላጋ አሳቱዋ ዞረታ በሴዳ።
1KI 12:9 እ ኡንቱንታ፥ “ህንተንቱ ታና ዞርያዌ አዬ? ‘ነ አዉ ኑና ቶሴዳ ዴጾ ሞርገ ምꬃ ኑዉ ካዉሽሳርኪ’ ያግያ ሀ ደርያዉ ዋጋደ ዛሮ?” ያጊደ ኦቼዳ።
1KI 12:10 ሽን አናና ድጬዳ ያላጋቱ፥ “ ‘ነ አዉ ኑና ዴጾ ሞርገ ምꬃ ቶሴዳ፤ ሽን ኔን ኑዉ ካዉሽሳርኪ’ ያግያ አሳዉ፥ ‘ታ ቄር ብራꬊ ታ አዉዋ ጼሳፐ ኦርዴ።
1KI 12:11 ታ አዉ ህንተንቱ ሞርገ ምꬃ ዴጽሴዳ፤ ሽን ታን ሄዋፐካ አꬃደ ዴጽሳና። ታ አዉ ህንተንታ ልሱዋን ዋꬌዳ፤ ሽን ታን ህንተንታ ማስማሱዋዳን ዱክያ ልሱዋን ዋꬋና’ ያጋደ ዛራ” ያጌድኖ።
1KI 12:12 ሄዋፐ ጉይያን ካቲ ሮብኣመ፥ “ሄዘንꬆ ጋላስ ስሚደ ታኮ ዪተ” ጌዳዋዳንካ፥ እዮርባምነ አሳይ ኡባይ ሄዘንꬆ ጋላስ ስሚደ ዬድኖ።
1KI 12:13 ካቲ ኡንቱንቶ ሀንቆ ዛሩዋ ዛሬዳ። ጭማቱዋ ዞርያ አግ ባሺደ፥
1KI 12:14 ያላጋቱ ዞሬዳ ዞርያ ካሌዳ። ያቲደ ሀዋዳን ያጌዳ፤ “ታ አዉ ህንተንቱ ሞርገ ምꬃ ዴጽሴዳ፤ ሽን ታን ሄዋፐካ አꬃደ ዴጽሳና። ታ አዉ ህንተንታ ልሱዋን ዋꬌዳ፤ ሽን ታን ህንተንታ ማስማሱዋዳን ዱክያ ልሱዋን ዋꬋና” ያጊደ ዛሬዳ።
1KI 12:15 ካቲ አሳይ ግያዋ ስሰናን እጼዳ፤ አያዉ ጎፐ፥ መꬍና ጎዳይ ሴሎፐ ዬዳ አኪያ ባጋና ካሰ ናባጻ ናኣ እዮርባማዉ ኦዴዳ ቃላይ ፖለታናዳን ሀዌ መꬍና ጎዳፐ ሀኔዳ።
1KI 12:16 እስራኤልያ አሳይ ኡባይ ካቲ ኡንቱንቱ ግያዋ ስሰናን እጼዳዋ በኢደ፥ ካትያ ሀዋዳን ያጌድኖ፤ “ዳዊተዋፐ ኑና ጋክያባይ አዬ? እሰያ ናኣፐ ኑን ላታናዌ ባዋ! እስራኤልያ አሳዉ፥ ህንተንቱ ሶ ህንተንቱ ሶ ስምተ! ሀእ ስም ሮብኣመ ባረዉ ናገቶ!” ያጌድኖ። እስራኤልያ አሳይ ኡባይ ባረንቱ ሶ ባረንቱ ሶ ስሜድኖ።
1KI 12:17 ሽን ሮብኣመ ይሁዳ ካታማቱዋን ደእያ እስራኤልያ አሳ ቦላ ካተቴዳ።
1KI 12:18 ሄዋፐ ጉይያን ካቲ ሮብኣመ ባረ ጋባራቱዋ ካፑዋ አዶንራማ እስራኤልያ አሳኮ ኪቴዳ፤ ኡንቱንቱ ሹቻን ጫዲደ ዎꬌድኖ። ያትና፥ ካቲ ሮብኣመ ባረ ፓራ ጋርያን ኤለካ ከስ ኡቲደ፥ የሩሳላመ ባቃቴዳ።
1KI 12:19 ሄዋፐ ዶሚደ ሀቼ ጋካናዉ እስራኤልያ ዛራቱ ታማቱ ዳዊታ ዛርያፐ ካተቴዳ ካተቱዋ ቦላ ማካሌድኖ።
1KI 12:20 እዮርባም ግብጼፐ ስሜዳዋ እስራኤልያ አሳይ ኡባይ ስሴዳ ዎደ፥ አ ባረንቱ ያአዉ ጼስሲደ፥ እስራኤልያ ቦላ ካተዬድኖ፤ ዳዊታ ዛርያፐ ካተቴዳ ካተቶ አማነቲደ አቴዳዌ ይሁዳ ዛርያ ጻላላ።
1KI 12:21 ሶሎሞና ናአይ ሮብኣመ የሩሳላመ ካታማ ጋኬዳ ዎደ፥ እስራኤልያ ቢታ አሳና ኦለቲደ፥ ካዉተꬃ ባረዉ ዛራና ማላ፥ ይሁዳ ዛርያፐነ ቢንያማ ዛርያፐ ዶረቴዳ እት ጼታነ ሆስፑን ታሙ ሻአ ኦላንቻቱዋ ሺሼዳ።
1KI 12:22 ሽን ጾሳ ቃላይ፥ ጾሳ አሳ ግድያ ሻማእያኮ ዪደ፥
1KI 12:23 “ሶሎሞና ናኣ፥ ይሁዳ ካትያ ሮብኣማዉ፥ ይሁዳነ ቢንያማ ዛረቶነ አቴዳ አሳ ኡባዉ ሀዋዳን ያጋ፤
1KI 12:24 ‘መꬍና ጎዳይ ህንተንታ፥ “ህንተንቱ ዳቦቱዋና፥ እስራኤላቱዋና ኦለታናዉ ቦፕተ። ሀዋ ታን ኦꬄዳ ድራዉ፥ ህንተንቱ ኡባይካ ህንተንቱ ሶ ህንተንቱ ሶ ስምተ” ያጌ’ ያጋደ ኦዳ” ያጌዳ። ኡንቱንቱ መꬍና ጎዳ ቃላ ስሲደ፥ ስሚደ ሶ ቤድኖ።
1KI 12:25 ሄዋፐ ጉይያን እዮርባም ኤፍሬማ ገዝያን ደእያ ሰኬማ ጌሶ ኦꬅ ግምቢደ፥ ያን ደኤዳ፤ ሄዋፐ ከስ ቢደ ጲንኤላ ግምቤዳ።
1KI 12:26 እዮርባም ባረ ዎዛናን፥ “ካዉተꬃይ ዳዊታ ዛርያዉ ስማና።
1KI 12:27 ሀ አሳይ መꬍና ጎዳ ጌሻ ጎልያን ያርሹዋ ያርሻናዉ የሩሳላመ ካታማ ብያዋ ግዶፐ፥ ኡንቱንቱ ቃይካ ባረንቱ ጎዳኮ፥ ካትያ ሮብኣማኮ ስማና። ኡንቱንቱ ታና ዎꬊደ፥ ይሁዳ ካትያ ሮብኣማኮ ስማና” ያጊደ ቆፔዳ።
1KI 12:28 ሄዋ ድራዉ፥ ካቲ ዞረቴዳዋፐ ጉይያን ዎርቃፐ ላኡ ማራቱዋ ምስለቱዋ መꬊደ አሳዉ፥ “ህንተንቱ ሀዋፐ የሩሳላመ ቤዳዋ ኬሻይ ግዳናዋ። ህንተንቶ እስራኤልያ አሳቶ፥ ህንተንታ ግብጼፐ ከሴዳ ህንተንቱ ጾሳቱ ሀዋንቱሽ!” ያጌዳ።
1KI 12:29 ኡንቱንቱፐ እቱዋ ቤቴለን፥ እቱዋ ቃይ ዳናን ዎꬄዳ።
1KI 12:30 ሀ የዉ ኡንቱንቶ ናጋራቴዳ፤ አያዉ ጎፐ፥ እት ማራ ምስልያዉ ጎይናናዉ አሳይ ዳና ጋካናዉ ቤዳ።
1KI 12:31 እዮርባም ደርያ ሁጲያን ጎይንያ ꬎቃ ሳኣ ጊግሲደ ሌዊያ ዛርያ ግዳና ꬋዮፐካ፥ ኡባ ቆሞ አሳፐ ቄሳቱዋ ኦꬂደ ሱንꬄዳ።
1KI 12:32 ይሁዳን ቦንችያዋዳን ሆስፑንꬃ አግናን ታማነ እቼሻንꬃ ጋላሳን ባላይ ቦንቼታናዳን፥ እዮርባም ጋላሳ ኬሬዳ፤ ያርሹዋ ያርሼዳ። እ ሀዋዳን ሀኔዳ፤ ቤቴለ ቤዳ፤ ባረ መꬌዳ ማራ ምስልያዉ ያርሹዋ ያርሼዳ። ቃይ ባረ መꬌዳ ጎይንያ ꬎቃ ግሹዋን ቄሳቱ ዋ ቤቴለን ሱንꬂደ ዎꬄዳ።
1KI 12:33 እ ባረ ሁጲያዉ ዶሬዳ ሆስፑንꬃ አግናን፥ ሄ አግናዉ ታማነ እቼሻንꬆ ጋላስ ቤቴለ ቤዳ፤ ሄ ጋላሳይ እስራኤልያ አሳዉ ባላ ግዳናዳን አዋዬዳ። ያቲደ እጻና ጩዋያናዉ ፑደ ያርሽያ ሳኣ ከሴዳ።
1KI 13:1 እዮርባም እጻና ጩዋያናዉ ያርሹዋ ያርሽያ ሳኣ ማታን ኤቂደእሽን፥ መꬍና ጎዳ ቃላን ኪተቴዳ፥ ጾሳ አሳ ጌተትያ እት ብታኒ ይሁዳፐ ዬዳ።
1KI 13:2 መꬍና ጎዳይ አዛዝና ሄ ያርሽያ ሳኣ ቦላ ሀዋዳን ያጊደ ዋሴዳ፤ “ያርሽያ ሳአዉ፥ ያርሽያ ሳአዉ፥ መꬍና ጎዳይ ኔና ሀዋዳን ያጌ፤ ‘ዳዊታ ዛርያዉ ዮስያሳ ጌተትያ እት ናአይ የለታናዋ። ሄ ናአይ ሀእ ሀዋን ያርሺደ ደእያ ꬎቃ ሳአቱ ቄሳቱ ዋ ነ ቦላ ያርሻና፤ ነ ቦላ አሳ መቀꬃይ ጹገታና’ ያጌ” ያጊደ ዋሴዳ።
1KI 13:3 ሄ ጋላስ ጾሳ አሳይ ማላታ እሚደ፥ “መꬍና ጎዳይ ኦዴዳ ማላታይ ሀዋ፤ ሀ ያርሽያ ሳአይ ጳልቀታና፤ አ ቦላን ደእያ ብድንꬃይካ ዎራ ላለታናዋ” ያጌዳ።
1KI 13:4 ካቲ እዮርባም ጾሳ አሳይ ቤቴለን ደእያ ያርሽያ ሳኣ ቦላ ዋሴዳዋ ስሴዳ ዎደ፥ ያርሽያ ሳኣፐ ባረ ኩሽያ የዲደ፥ “ሄ ብታንያ ኦይቂተ!” ያጌዳ። ሽን እ ብታንያዉ የዴዳ ኩሺ ኤለካ ጺጊደ ስሌዳ፤ ሄዋ ድራዉ፥ ባረ ኩሽያ ጉየ ዛሪደ አካናዉ ዳንዳይቤና።
1KI 13:5 ቃይ ጾሳ አሳይ መꬍና ጎዳ ቃላን እሜዳ ማላታዳን ያርሽያ ሳአይ ጳልቀት ዎꬍና፥ አ ቦላን ደእያ ብድንꬃይካ ዎራ ላለቴዳ።
1KI 13:6 ያትና፥ ካቲ እዮርባም ጾሳ አሳ፥ “ታ ኩሺ ካሰዋዳን ሀናና ማላ ታዉ ጋናታደ መꬍና ጎዳ ነ ጾሳ ዎሳርኪ!” ያጌዳ። ሄዋ ድራዉ፥ ጾሳ አሳይ ካትያዉ ጋናቲደ መꬍና ጎዳ ዎስና፥ ካትያ ኩሺ ስሚደ ካሰዋዳን ሀኔዳ።
1KI 13:7 ካቲ ጾሳ አሳ፥ “ታናና ታ ሶ ደንዳ፤ ቁማ ማ። ቃይ ታን ነዉ እሞታ እማና” ያጌዳ።
1KI 13:8 ሽን ጾሳ አሳይ ካትያዉ ሀዋዳን ያጊደ ዛሬዳ፤ “ሀራይ አትና ኔን ነ አቆ ባጋ ታዉ እምንቶካ፥ ታን ኔናና ቢከ፤ ሀዋን ኡክꬃካ ሚከ፥ ሃꬃካ ኡሽከ።
1KI 13:9 አያዉ ጎፐ፥ መꬍና ጎዳ ቃላይ ታና፥ ‘ኔን ኡክꬃካ ሞፓ፥ ሃꬃካ ኡሾፓ፥ ነ ዬዳ ኦግያናካ ስማደ ቦፓ’ ያጊደ አዛዜዳ” ያጌዳ።
1KI 13:10 ሄዋ ድራዉ፥ ብታኒ ሀራ ኦግያና ቤዳ፤ እ ቤቴለ ዬዳ ኦግያና ስሚደ ብቤና።
1KI 13:11 ትምቢትያ ኦድያ እት ጭማ ብታኒ ቤቴለ ካታማን ደኤ። ቤቴለን ሄ ጋላስ ጾሳ አሳይ ኦꬄዳ ኡባባ ሄ ጭማ ብታንያ ናናይ ዪደ ኦዴድኖ፤ ቃይ ሄ ብታኒ ካትያዉ ኦዴዳ ቃላ ኡንቱንቱ ባረንቱ አዎ ኦዴድኖ።
1KI 13:12 አዉ ኡንቱንታ፥ “ሀቃ ኦግያና ቤዴ?” ያጌዳ፤ ይሁዳፐ ዬዳ ጾሳ አሳይ ቤዳ ኦግያ አዉ ማላቴድኖ።
1KI 13:13 ሄዋፐ ጉይያን እ ባረ ናና፥ “ታዉ አነ ሀርያ ኮርተ” ያጌዳ፤ ኡንቱንቱ አዉ ሀርያ ኮርና ቶጌዳ።
1KI 13:14 ጾሳ አሳ ጌዱዋ ካሊደ ቤዳ፤ እት ዎላ ኩዋን ኡቴዳዋ ደሚደ፥ “ይሁዳፐ ዬዳ ጾሳ አሳይ ኔኔየ?” ያጌዳ። ብታኒ፥ “ኤ ታና” ያጌዳ።
1KI 13:15 ትምቢትያ ኦድያ ጭማ ብታኒ አ፥ “ቁማ ማናዉ ታ ሶ ታናና ደንዳ” ያጌዳ።
1KI 13:16 ጾሳ አሳይ ዛሪደ፥ “ታን ጉየ ስማደ ኔናና ባናዉ፥ ዎይ ሀ ኮሽያን ኔናና ኡክꬃ ማናዉ፥ ዎይ ሃꬃ ኡሻናዉ ዳንዳይከ።
1KI 13:17 አያዉ ጎፐ፥ መꬍና ጎዳይ ቃላይ ታና፥ ‘ኔን ሄ ሳኣን ኡክꬃካ ሞፓ፥ ሃꬃካ ኡሾፓ፥ ነ ዬዳ ኦግያናካ ስማደ ቦፓ’ ያጊደ አዛዜዳ” ያጌዳ።
1KI 13:18 ትምቢትያ ኦድያ ጭማ ብታኒ፥ “ታንካ ኔናዳን ትምቢትያ ኦድያዋ። ኪታንቻይ መꬍና ጎዳይ ቃላን ታና፥ ‘ኡክꬃ እ ማና ማላነ ሃꬃ ኡሻና ማላ፥ አ ዛራደ ነ ሶ ኔናና አካደ ያ’ ያጌዳ” ያጌዳ። ሽን ጭማ ብታኒ ሄዋ አዉ ዎርዱዋ ኦዴዳ።
1KI 13:19 ሄዋ ድራዉ፥ ጾሳ አሳይ አናና ስሚደ፥ አ ሶን ሜዳነ ኡሼዳነ።
1KI 13:20 ኡንቱንቱ ማዳን ኡት ደእሽን፥ መꬍና ጎዳ ቃላይ ብታንያ ጉየ ዛሬዳ ትምቢትያ ኦድያ ጭማ ብታንያኮ ዬዳ።
1KI 13:21 ብታኒ ይሁዳፐ ዬዳ ጾሳ አሳዉ ባረ ቃላ ꬎቁ ኦꬂደ፥ “መꬍና ጎዳይ ሀዋዳን ያጌ፤ ‘ኔን መꬍና ጎዳ ቃላ እጻዳ፤ መꬍና ጎዳይ ነ ጾሳይ ኔና አዛዜዳ አዛዙዋካ ናጋባካ።
1KI 13:22 ኔን ጾሳይ፥ “ሄ ሳኣን ሞፓ ዎይ ኡሾፓ” ጌዳ ሳኣ ጉየ ስማደ ባደ፥ ያን ኡክꬃ ማዳ፤ ሃꬃካ ኡሻዳ። ሄዋ ድራዉ፥ ነ አሃይ ነ አዎቱዋ ዱፉዋን ሞገተና’ ያጌ” ያጌዳ።
1KI 13:23 ጾሳ አሳይ ምያዋነ ኡሽያዋ ፖሌዳዋፐ ጉይያን፥ ትምቢትያ ኦድያዌ ባረ ጉየ ዛሪደ አሄዳ ብታንያዉ ሀርያ ኮሬዳ።
1KI 13:24 እ ኦግያን ቢሽን ጋሙ አናና ጋከቲደ፥ አ ዎꬌዳ። አሃይ ኦግያን ፓንጋራሬዳ፤ ሀሪነ ጋሙነ ላአቱካ አሃ ምይያን ኤቄድኖ።
1KI 13:25 ሄ ኦግያና አꬍያ አሳይ አሃይ ፓንጋራሬዳዋነ ጋሙ አሃ ምይያን ኤቄዳዋ በኤዳ፤ ቢደ ትምቢትያ ኦድያ ጭማ ብታኒ ደእያ ካታማን ኦዴዳ።
1KI 13:26 ብያ ሳፐ ብታንያ ጉየ ዛሬዳ ትምቢትያ ኦድያ ጭማ ብታኒ ሄዋ ስሴዳ ዎደ ሀዋዳን ያጌዳ፤ “ሄዌ ቃላዉ አዛዘተናን እጼዳ ጾሳ አሳ። ሄዋ ድራዉ፥ መꬍና ጎዳ ቃላይ አዉ ካሰቲደ ኦዴዳዋዳን፥ መꬍና ጎዳይ ጋሙዋን አ ጋꬄዳ፤ ያትና፥ ጋሙ አ መንሬꬂደ ዎꬌዳ” ያጌዳ።
1KI 13:27 ሄዋፐ ጉይያን ጭማ ብታኒ ባረ ናና፥ “ታዉ ሀርያ ኮርተ” ያጌዳ። ኡንቱንቱ አዉ ሀርያ ኮሬድኖ፤
1KI 13:28 ብታኒ ከሲደ ቤዳ። ኦግያን ፓንጋራሬዳ አሃነ አሃ ማታን ኤቄዳ ሀርያነ ጋሙዋ ደሜዳ፤ ጋሙ አሃ ምቤና ዎይ ሀርያካ መንꬅቤና።
1KI 13:29 ትምቢትያ ኦድያ ጭማ ብታኒ ጾሳ አሳ አሃ ደንꬂደ፥ ሀርያ ዞክያን ዎꬂደ፥ ዬካናዉነ ሞጋናዉ ጉየ ባረ ካታማ አኪደ አሄዳ።
1KI 13:30 ባረዉ ማክ ዎꬄዳ ዱፉዋን አሃ ዎꬄዳ፤ አ ቦላ፥ “አየ ታ እሻዉ! አየ ታ እሻዉ!” ያጊደ ዬኬድኖ።
1KI 13:31 ሞግ ስሚደ ባረ ናና ሀዋዳን ያጌዳ፤ “ታን ሀይቂያ ዎደ፥ ጾሳ አሳይ ሞገቴዳ ዱፉዋን ታና ሞግተ፤ ታ መቀꬃቱዋካ አ መቀꬃቱዋ ጋጻን ዎꬅተ።
1KI 13:32 አያዉ ጎፐ፥ ቤቴለ ካታማን ደእያ ያርሽያ ሳኣ ቦላነ ሳማርያ ካታማቱዋን ደእያ ጎይንያ ꬎቃ ሳአቱ ቦላ መꬍና ጎዳይ አዛዝና ሄ ብታኒ ዋሶዌ ቱሙ ፖለታና” ያጌዳ።
1KI 13:33 ሄዋፐ ጉየና እዮርባም ባረ ኢታ ኦግያፐ ስምቤና፤ ሽን ጎይንያ ꬎቃ ሳቶ ኡባ ቆሞ አሳፐ ቄሳቱ ዋ ጉጂደ ሱንꬄዳ፤ ቄሳቱዋ ግዳናዉ ኮይያ ኦናነ ጎይንያ ꬎቃ ሳኣን ዎꬄዳ።
1KI 13:34 እዮርባማ ጎልያ አሳ ኡንጋናዉነ ቢታ ቦላፐ ꬋይሳናዉ ጋꬄዳ ናጋራይ ሄዋ።
1KI 14:1 ሄ ዎደ እዮርባማ ናአይ አቢ ሀርጌዳ።
1KI 14:2 ያትና፥ እዮርባም ባረ ማቻቶ፥ “ደንዳደ ኔን እዮርባማ ማቻቶ ግድያዋ ኦንነ ኤረና ማላ፥ ነ ማዩዋ ላማ፤ ሴሎ ባ። ታን ሀ አሳ ቦላ ካተታናዋ ታዉ ኦዴዳ ትምቢትያ ኦድያ አኪ ያን ደኤ።
1KI 14:3 ታሙ ኡክꬃ፥ አማሬዳ ኮምፑዋነ እት ኦቱዋ ኤሳ አዉ አካደ አኮ ባ። ሀ ሀርጌዳ ናአይ ሀናናባ እ ነዉ ኦዳና” ያጌዳ።
1KI 14:4 እዮርባማ ማቻታ እ ጌዳዋዳን ኦꬃዱ፤ ደንዳደ አክያ ሶ ሴሎ ባዱ። አኪ ጼላናዉ ዳንዳየና፤ እ ጭሜዳ ድራዉ፥ አ አይፊ ደመና።
1KI 14:5 ሽን መꬍና ጎዳይ አክያ፥ “እዮርባማ ማቻታ ባረ ናኣ ሀርግያዋ ኔና ኦቻናዉ ያዉ። ኔን እዝዉ ሀዋ ሀዋ ያጋደ ኦዳ። አ ያ ጋካደ ሀራ ማጫ አሳ ማላታናኑ” ያጌዳ።
1KI 14:6 ሄዋ ድራዉ፥ አኪ ማቻታ ፐንግያን ድእ ድእያዋ ስሲደ ሀዋዳን ያጌዳ፤ “እዮርባማ ማቻቴ፥ አነ ሃ ገላ። አያዉ ሀዋዳን ሀራ አሳ ማላታድ? ታን ኢታ ዎርያ ነዉ ኦዳናዉ ኪተታድ።
1KI 14:7 ኔን እዮርባመኮ ባደ ሀዋዳን ያጋ፤ ‘መꬍና ጎዳይ እስራኤልያ ጾሳይ ኔና፥ “ታን ኔና አሳ ግዶፐ ꬎቂሳድ፤ ታ አሳ እስራኤልያ ቦላ ኔና ካተያድ።
1KI 14:8 ታን ዳዊታ ዛርያፐ ካዉተꬃ ዎꬃ አካደ፥ ነዉ እማድ። ሽን ኔን ታ ቆማ ዳዊታ ማላ ግዳካ፤ እ ታ አዛዙዋ ናጌዳነ ታ ስንꬃን ሱረባ ጻላላ ኦꬂደ፥ ባረ ኩመንꬃ ዎዛናን ታና ካሌዳ።
1KI 14:9 ኔፐ ካሰ ደኤዳ ኡባቱ ኦꬄዳዋፐ ዳርያ ኢታ ኔን ኦꬃዳ፤ ኔን ነዉ ሀራ ጾሳቱዋ፥ ሴርሴዳ ብራታፐ ኤቃቱዋ መꬋዳ። ያታደ ታና ሀንቀꬃዳ፤ ታና ኔፐ ጉየ አꬃዳ።
1KI 14:10 “ ‘ “ሄዋ ጋሱዋን ታን እዮርባማ ጎልያ አሳዉ ኢታ አሀና። እስራኤልያ ቢታን እዮርባማ ጎልያ አሳፐ አይልያ ግድና ላአ ግዲና፥ እት አቱማ አሳይነ አተናን ꬎቆላና። እት ኡራይ ኦሻይ ዉራና ጋካናዉ ከስያዋዳን፥ እዮርባማ ጎልያ አሳ ታን ዉርሳ ከሳና።
1KI 14:11 እዮርባማ ዛርያ ግዲደ ካታማን ሀይቂያ ኦናነ ካናቱ ማና፤ ጋጻርያን ሀይቂያዋንታ ቃይ ሳሉዋ ካፎቱ ማና። ታን መꬍና ጎዳይ ሀዋ ኦዳድ!” ያጌዳ’ ያጋ።
1KI 14:12 “ኔና ግዶፐ፥ ሀእ ኔን ደንዳደ ነ ሶ ባ። ነ ገዲ ካታማ ገልያ ዎደ፥ ናአይ ሀይቃና።
1KI 14:13 እስራኤልያ ኡባይ ናአዉ ዬኪደ ሞጋና፤ እዮርባማ ጎልያ አሳን መꬍና ጎዳ እስራኤልያ ጾሳ ስንꬃን ሀ ናኣን ሎኦባይ ቤቴዳ ድራዉ፥ እዮርባማ ጎልያ አሳፐ አ ጻላላይ ዱፉዋን ሞገታና።
1KI 14:14 “ሄዋፐ ጉይያን እዮርባማ ጎልያ አሳ ꬎቆል ꬋይስያ ካትያ መꬍና ጎዳይ ባረዉ እስራኤልያ ቦላ ደንꬃና።
1KI 14:15 ሃꬃ ግዶን ዎሹ ቃጽያዋዳን፥ መꬍና ጎዳይ ሄ ዎደ እስራኤላቱዋ ሾጪደ ቃꬃና። አሼሮ ግያ ጾሳትዉ ኡንቱንቱ ምስልያ ኤሲደ፥ መꬍና ጎዳ ሀንቀꬄዳ ድራዉ፥ ኡንቱንታ አዋቶ እ እሜዳ ሎኦ ቢታፐ ኡንቱንታ ድጋና፤ ያቲደ ኡንቱንታ ኤፍራጺሳ ሻፋፐ ሄፍንꬃን ላላና።
1KI 14:16 እዮርባም ኦꬄዳ ናጋራ ድራዉነ እስራኤልያ አሳ እ ኦስሴዳ ናጋራ ድራዉ፥ ጾሳይ እስራኤልያ አግ ባሻና” ያጌዳ።
1KI 14:17 ሄዋፐ ጉይያን እዮርባማ ማቻታ ደንዳደ ባደ ትርጻ ጋካዱ። ጎልያ ፐንገ ጎጭላ የꬊና ናአይ ሀይቂ አጌዳ።
1KI 14:18 ባረ ቆማ ትምቢትያ ኦድያ አክያ ባጋና መꬍና ጎዳይ ኦዴዳዋዳንካ አ ሞጌድኖ፤ እስራኤልያ አሳይ ኡባይ አዉ ዬኬዳ።
1KI 14:19 እዮርባም ሀኔዳ ሀራባይ፥ አ ኦላቱነ አ አይሱዋ ማራቱ እስራኤልያ ካተቱ ታርክያ ማጻፋቱዋን ጻፈት ኡቴዳ።
1KI 14:20 እዮርባም ላታማነ ላኡ ላይꬃ ካዉቴዳ። ሄዋፐ ጉይያን ሀይቂደ ባረ ማይዛን ጋከቴዳ። አ ኮታን አ ናአይ ናዳበ ካዉቴዳ።
1KI 14:21 ሶሎሞና ናኣ ሮብኣመ ይሁዳን ካዉቴዳ፤ ሮብኣመ ካተትያ ዎደ ላይꬃይ አዉ ኦይታማነ እታ። መꬍና ጎዳይ ባረ ሱንꬃ ዎꬃናዉ እስራኤልያ ዛራቱዋ ካታማቱዋ ኡባ ግዶፐ ዶሬዳ የሩሳላመ ካታማን ሮብኣመ ታማነ ላፑን ላይꬃ ካተቴዳ። አ ዳይ ሱንꬃይ ናእሞ፤ እዛ አሞና ጋደ አሳ።
1KI 14:22 ይሁዳ አሳቱ መꬍና ጎዳ ስንꬃን ኢታባ ኦꬄድኖ፤ ባረንቱ ኦꬄዳ ናጋራን ኡንቱንቱ ባረንቱ አዎቱዋፐ አꬂደ አ ቃናትሴድኖ።
1KI 14:23 ሄዋ ቦላካ ቃይ ኡንቱንቱ ባረንቶ ጎይንያ ꬎቃ ሳኣ፥ ኤቃ ሹቻቱዋነ አሼሮ ጌተትያ ጾሳቱዋ ምስለቱዋ ꬎቃ ደረቱዋ ኡባ ቦላነ እርጻ ምꬃቱዋ ኡባ ጋርሳን ኤሴድኖ።
1KI 14:24 ሀራይ አትና ኡንቱንቱ ጎይንያ ግሹዋን ጎይኑዋ ዎጋ ኦꬂደ አቱማ አሳቱ አቱማ አሳቱዋና ሻርሙጽያዋንቱ ደኢኖ። መꬍና ጎዳይ እስራኤላቱ ስንꬃፐ ከሲደ የደርሴዳ ጋደ አሳቱ ሜዘቴዳ፥ ሄ ሸነይያ ኦሶቱዋ ኡባ እስራኤልያ አሳቱ ኦꬄድኖ።
1KI 14:25 ሮብኣመ ካተቴዳ እቼሻንꬆ ላይꬃን ግብጼ ካቲ ሺሻቅ የሩሳላመ ካታማ ቆሄዳ።
1KI 14:26 መꬍና ጎዳ ጌሻ ጎልያንነ ካትያ ጎለን ደእያ ሚሻ፥ ሶሎሞነ ቆጽሴዳ ዎርቃ ጎንዳለቱዋና ኡባ ቦንቂ አኪደ ቤዳ።
1KI 14:27 ያትና፥ ካቲ ሮብኣመ ሄ ጎንዳለቱዋ ድራዉ ናሃስያ ብራታፐ ሀራ ጎንዳለቱዋ መꬍሴዳ፤ ኡንቱንቱ ናጊደ ዎꬃና ማላ ካትያ ጎልያ ፐንግያ ናግያዋንቱ ካፓቶ እሜዳ።
1KI 14:28 ካቲ መꬍና ጎዳ ጌሻ ጎልያ ብያ ዎደ ኡባን፥ ናግያዋንቱ ጎንዳለቱዋ ኦይቄድኖ። ሄዋፐ ስሚደ ኡንቱንቱ ዛሪደ፥ ናግያዋንቱ ጎለን ዎꬂኖ።
1KI 14:29 ሮብኣመ ሀኔዳ ሀራባይነ እ ኦꬄዳባይ ኡባይ ይሁዳ ካተቱዋ ታርክያ ማጻፋን ጻፈት ኡቴዳ።
1KI 14:30 ሮብኣምነ እዮርባም ኡባ ዎደ ኦለቲደ ደኤድኖ።
1KI 14:31 ሮብኣመ ሀይቂደ ባረ ማይዛን ጋከቴዳ፤ እ ዳዊታ ካታማን ደእያ ባረ አዎቱዋ ዱፉዋን ሞገቴዳ። አ ዳይ ሱንꬃይ ናእሞ፤ እዛ አሞና ጋድያ አሳ። ሮብኣማ ኮታን አ ናአይ አቢ ካተቴዳ።
1KI 15:1 ናባጻ ናኣ እዮርባም ካተቴዳ ታማነ ሆስፑንꬃ ላይꬃን አቢይ ይሁዳን ካተቴዳ።
1KI 15:2 አቢይ የሩሳላመን ሄዙ ላይꬃ ካተቴዳ። አ ዳያ አበሰሎማ ናት ናቶ፤ እ ሱንꬃይ ማእኮ።
1KI 15:3 አፐ ካሰ አ አዉ ኦꬄዳ ናጋራቱዋ ኡባ ኦꬄዳ፤ አ ዎዛናይ አ አዉዋ አዉዋ አዉዋ ዳዊታ ዎዛናይ ፖሎ ግዴዳዋዳን መꬍና ጎዳዉ፥ ባረ ጾሳዉ ፖሎ ግድቤና።
1KI 15:4 ግዶፐነ፥ አፐ ጉይያን የሩሳላመን ካተታና ማላነ የሩሳላመ ሳሮተꬃ ናጋና ማላ፥ መꬍና ጎዳይ አ ጾሳይ ዳዊታ ድራዉ አቢያዉ እት አቱማ ናኣ እሜዳ።
1KI 15:5 ጾሳይ ሀዋ ኦꬄዳ ጋሶታይ፥ ዳዊተ መꬍና ጎዳ ስንꬃን ሱረባ ኦꬄዳ፤ ሂትያ ኦርዮና ቦላ ናጋራ ኦꬆንፐ አትና፥ ባረ ደኡዋ ላይꬃ ኡባን መꬍና ጎዳ አዛዞቱዋፐ እትባነ ናገናን አግቤና።
1KI 15:6 አቢይ ደኤዳ ላይꬃ ኡባን ሮብኣማ አሳናነ እዮርባማ አሳና ኦለቲደ ደኤድኖ።
1KI 15:7 አቢይ ሀኔዳ ሀራባይነ እ ኦꬄዳባይ ኡባይ ይሁዳ ካተቱ ታርክያ ማጻፋን ጻፈት ኡቴዳ። አቢይነ እዮርባም ኦለቲደ ደኤድኖ።
1KI 15:8 አቢይ ሀይቂደ ባረ ማይዛን ጋከቴዳ፤ እ ዳዊታ ካታማን ሞገቴዳ። አ ሳኣን አ ናአይ አሳይ ካተቴዳ።
1KI 15:9 እስራኤልያ ካቲ እዮርባም ካተቴዳ ላታማንꬆ ላይꬃን አሲ ይሁዳን ካተቴዳ።
1KI 15:10 አሲ የሩሳላመን ኦይታማነ እት ላይꬃ ካተቴዳ። አ አዉዋ ዳይ ሱንꬃይ ማእኮ፤ አ አበሰሎማ ናቶ።
1KI 15:11 አሲ ባረ ማይዛ አዉ ዳዊተ ኦꬄዳዋዳን፥ መꬍና ጎዳ ስንꬃን ሱረባ ኦꬄዳ።
1KI 15:12 ጎይኖ ዎጋ ኦꬂደ አቱማ አሲ ሻርሙጽያ አቱማ አሳቱዋ አሳይ ባረ ቢታፐ ꬋይሴዳ፤ አፐ ካሰ ደኤዳ ካተቱ መꬌዳ ኤቃ ምስለቱዋ ኡባ ꬎቆለረꬂደ ኦሌዳ።
1KI 15:13 አ አዉዋ ዳያ ማእካካ አሼሮ ግያ ጾሳትዉ ቱና ኤቃ ምስልያ መꬌዳ ድራዉ፥ ካትያ አቶ አ ጌተትያ ቦንቹዋፐ እዞ ድጌዳ። አሲ ሄ ኤቃ ምስልያ ቃንጸሬꬂደ፥ ቀድሮና ዛንጋራን ጹጌዳ።
1KI 15:14 አሲ ጎይንያ ꬎቃ ሳኣ ꬋይሰናን አጎፐነ፥ እ ባረ ደኤዳ ላይꬃ ኡባን መꬍና ጎዳዉ ዎዛናፐ አማነትያ አሳ ግዲደ ደኤዳ።
1KI 15:15 እነ አ አዉ ጾሳዉ ዱማይ ዎꬄዳ ብራ፥ ዎርቃነ ሀራ ሚሻቱዋ አሂደ፥ ጾሳ ጌሻ ጎልያ ግዶን ዎꬄዳ።
1KI 15:16 ይሁዳ ካቲ አስነ እስራኤልያ ካቲ ባእሽ፥ ባረንቱ ካተቴዳ ላይꬃ ኡባን ኦለቴድኖ።
1KI 15:17 እስራኤልያ ካቲ ባእሽ ይሁዳ ቦላ ዎራጄዳ፤ ማዪደ ይሁዳ ካትያ አሳ ቢታፐ ኦንነ ገለናዳንነ ከሰናዳን ተአናዉ ራማ ካታማ ዩሹዋ ምንሲደ ግምቤዳ።
1KI 15:18 ሄዋ ጋሱዋን ካቲ አሳይ መꬍና ጎዳ ጌሻ ጎልያንነ ባረ ካትያ ጎለን አቴዳ ዎርቃነ ብራ ኡባ ከሲደ፥ ባረ ኦሳንቻቱ ኩሽያን ዎꬄዳ። ሄዝያና ናኣ ናኣ፥ ጻብርሞና ናአዉ፥ ዳማስቆ ካታማን ደእያ ሶርያ ካትያ በንሀዳዳዉ፥ እሞታ ኦꬂደ የዲደ ሀዋዳን ያጌዳ፦
1KI 15:19 “ካሰ ታ አዉዋናነ ነ አቡና ጫቀቴዳዋዳን፥ አነ ታናናነ ኔናና ጫቀቶይተ። በአ፥ ሀዋ ብራነ ዎርቃ ታን ነዉ እሞታ እማናዉ የዳድ። እስራኤልያ ካቲ ባእሽ ባረ ኦላንቻቱዋ ታ ጋድያፐ ከሳና ማላ፥ ኔን ካሰ አናና ጫቀቴዳ ጫቁዋ ኮላ” ያጌዳ።
1KI 15:20 በንሀዳድ ካቲ አሲ ጌዳዋ ማዪደ፥ ባረ ኦላ ጋዳዎቱዋ እስራኤልያ ካታማቱዋ ኦላናዉ የዴዳ። ኡንቱንቱ አይኖ፥ ዳናነ አቤል-ቤትማእካ ጌተትያ ካታማቱዋ፥ ጋሊላ አባ ማታን ደእያ ቢታ፥ ንፍታሌማ ቢታናካ ጉጂደ ኡባ ጾኔድኖ።
1KI 15:21 ካቲ ባእሽ ሄዋ ስሲደ፥ ራማ ካታማ ግምቢያዋ አጊደ፥ ትርጻ ካታማ ቤዳ።
1KI 15:22 ሄዋፐ ጉይያን ካቲ አሲ ይሁዳን ደእያ አሳ ኡባ አዛዚና እቱነ አተናን ደንዲደ፥ ባእሽ ካሰ ያን ጎኤትያ ሹቻነ ምꬃ ራማፐ ኬዜድኖ። ካቲ አሲ ምጽጳነ ቢንያማ ቢታን ደእያ ገባአ አን ምንሲደ ግምቤዳ።
1KI 15:23 አሲ ሀኔዳ ሀራባይ፥ አ ምኖተꬃ ኡባይ፥ እ ኦꬄዳባይ ኡባይነ እ ኬጼዳ ካታማቱ ይሁዳ ካተቱ ታርክያ ማጻፋን ጻፈት ኡቴድኖ። ሽን እ ጭሜዳ ዎደ ገድያ ሳከቴዳ።
1KI 15:24 አሲ ሀይቂደ፥ ባረ ማይዛን ጋከቴዳ፤ ባረ ማይዛ አዉዋ ዳዊታ ካታማን ሞገቴዳ። አ ናአይ ዮሳፌጸ አ ሳኣን ካተቴዳ።
1KI 15:25 ይሁዳ ካቲ አሲ ካተቴዳ ላኤንꬆ ላይꬅ እዮርባማ ናአይ ናዳበ እስራኤላን ካተቴዳ፤ እ እስራኤልያ ቢታን ላኡ ላይꬃ ካተቴዳ።
1KI 15:26 ናዳበ ካሰ ባረ አዉዋ ኦግያነ እስራኤልያ አሳ እ ኦስሴዳ አ ናጋራ ኦግያን ሀመቲደ፥ መꬍና ጎዳ ስንꬃን ኢታባ ኦꬄዳ።
1KI 15:27 ይሳኮራ ዛርያ ግዴዳ አኪያ ናአይ ባእሽ ናዳባ ቦላ ማቀቴዳ። ሄ ዎደ ናዳብነ አ ኦላንቻቱ ፕልስጼማን ደእያ ግባቶና ካታማ ዶዲደ ደኢኖ።
1KI 15:28 ይሁዳ ካቲ አሲ ካተቴዳ ሄዘንꬆ ላይꬃን ባእሽ ናዳባ ዎꬍደ፤ አ ሳኣን እ ባረዉ ካተቴዳ።
1KI 15:29 ባእሽ ካዉተꬃ ዶሞ ሳናካ እዮርባማ ሶ አሳ ኡባ ዎꬍ ዉርሴዳ፤ መꬍና ጎዳይ ሴሎፐ ዬዳ ባረ ቆማ ትምቢትያ ኦድያ አኪያ ባጋና ኦዴዳዋዳንካ እዮርባማ ጎልያ አሳይ ኡባይ ሀይቂ ዉሬዳ።
1KI 15:30 ሄዌ ሀኔዳዌ እዮርባም ባረ ሁጲያዉ ኦꬄዳ ናጋራ ድራሳ፥ እስራኤልያ አሳ እ ኦስሴዳ ናጋራ ድራሳነ መꬍና ጎዳ እስራኤልያ ጾሳ ሀንቀꬄዳ ድራሳ።
1KI 15:31 ናዳበ ሀኔዳ ሀራባይነ እ ኦꬄዳባይ ኡባይ እስራኤልያ ካተቱ ታርክያ ማጻፋን ጻፈት ኡቴዳ።
1KI 15:32 ይሁዳ ካትያ አስነ እስራኤልያ ካትያ ባእሽ ባረንቱ ካዉተꬃ ላይꬃ ኡባን ኦለቲደ ደኤድኖ።
1KI 15:33 ይሁዳ ካቲ አሲ ካተቴዳ ሄዘንꬆ ላይꬃን አኪያ ናአይ ባእሽ እስራኤልያ አሳ ኡባ ቦላ ካተቴዳ፤ እ ትርጻ ካታማን ላታማነ ኦይዱ ላይꬃ ካተቴዳ።
1KI 15:34 እዮርባም እስራኤልያ አሳ ኦስሴዳ ናጋራ ኦꬂደነ አ ኦግያን ሀመቲደ፥ ባእሽ መꬍና ጎዳ ስንꬃን ኢታባ ኦꬄዳ።
1KI 16:1 ሀናና ናኣ ዬሁ ባጋና መꬍና ጎዳ ቃላይ ባእሻባ ሀዋዳን ያጊደ ዬዳ፤
1KI 16:2 “ታን ኔና ባናፐ ደንꬃደ ታ አሳ እስራኤልያ ቦላ ካፑዋ ከሳድ፤ ሽን ኔን እዮርባማ ኦግያን ሀመታዳ። ቃይ ታ አሳ እስራኤልያ ናጋራ ኦስሳደ፥ ኡንቱንቱ ናጋራን ታና ሀንቀꬃዳ።
1KI 16:3 ሄዋ ድራዉ፥ በአ! ታን ባእሻነ አ ጎልያ አሳ ፕታና ሀናይ። ባእሻ፥ ታን ነ ጎልያ አሳ ናባጻ ናኣ እዮርባማ ጎልያ አሳዳን ኦꬃና።
1KI 16:4 ባእሻ ዛርያ ግዲደ፥ ካታማን ሀይቂያ ኦናነ ካናይ ማና፤ ቃይ ጋጻርያን ሀይቂያ ኦናነ ሳሉዋ ካፎቱ ማና” ያጌዳ።
1KI 16:5 ባእሽ ሀኔዳ ሀራባይ፥ እ ኦꬄዳባይነ አ ምኖተꬃ እስራኤልያ ካተቱ ታርክያ ማጻፋን ጻፈት ኡቴዳ።
1KI 16:6 ባእሽ ሀይቂደ ባረ ማይዛን ጋከቴዳ፤ ትርጻ ካታማን ሞገቴዳ። አ ናአይ ኤል አ ሳኣን ካተቴዳ።
1KI 16:7 መꬍና ጎዳይ ትምቢትያ ኦድያ ዬሁ ባጋና ባእሻ ቦላነ አ ሶ አሳ ቦላ ሄ ትምቢትያ ኦዴዳ ጋሱ ባእሽ ኦꬄዳ ናጋራ ድራሳነ እዮርባምነ አ ሶ አሳይ ኦꬄዳዋዳን፥ ኢታባ ኦꬂደ፥ መꬍና ጎዳ ሀንቀꬄዳ ድራሳ። ቃይ እ እዮርባማ ሶ አሳ ኡባ ዎꬍ ዉርሴዳ ድራሳ።
1KI 16:8 ይሁዳ ካቲ አሲ ካተቴዳ ላታማነ ኡሱፑንꬃ ላይꬃን ባእሻ ናአይ ኤል እስራኤላን ካተቴዳ። ትርጻ ካታማን እ ላኡ ላይꬃ ካተቴዳ።
1KI 16:9 ካትያ ኦላ ጋዳዋቱዋፐ እቱዋ ግዲደ፥ አ ፓራ ጋረቱዋፐ ባጋ አዛዝያ ዝምር ካትያ ቦላ ማቀቴዳ። ካቲ ኤል ሄ ዎደ ትርጻን ደእያ ካትያ ጎለዉ አዎትያ አርጻ ሶን ትርጻን ማꬆት ኡቴዳ።
1KI 16:10 ይሁዳ ካቲ አሲ ካተቴዳ ላታማነ ላፑንꬃ ላይꬃን ዝምር አርጻ ሶ ገሊደ ካትያ ዎꬍደ፤ አ ሳኣን ባረዉ ካተቴዳ።
1KI 16:11 ዝምር ካዉቲደ፥ ካዉተꬃ አራታን ኡቶሳናካ ባእሻ ሶ አሳ ኡባ ዎꬌዳ። ባእሻዉ ዳቦ ግዲና ላገꬃ ግዲና እት አቱማ አሳነ ፓጻ አሽቤና።
1KI 16:12 ትምቢትያ ኦድያ ዬሁ ባጋና መꬍና ጎዳይ ባእሻ ቦላ ሃሳዬዳ ቃላዳን ዝምር ባእሻ ሶ አሳ ኡባ ዎꬍ ꬋይሴዳ።
1KI 16:13 ሄዌ ሀኔዳዌ ባእሽነ አ ናአይ ኤል ባረንቱ ኤቃዉ ጎይኒደ፥ ኦꬄዳ ናጋራ ኡባ ጋሱዋንነ እስራኤልያ አሳ ኦስሴዳ ናጋራ ጋሱዋን፥ መꬍና ጎዳ፥ እስራኤልያ ጾሳ ሀንቀꬄዳ ድራሳ።
1KI 16:14 ኤል ሀኔዳ ሀራባይነ እ ኦꬄዳባይ ኡባይ እስራኤልያ ካተቱ ታርክያ ማጻፋን ጻፈት ኡቴዳ።
1KI 16:15 ይሁዳ ካቲ አሲ ካተቴዳ ላታማነ ላፑንꬃ ላይꬃን ዝምር ትርጻን ላፑን ጋላሳ ጻላላ ካተቴዳ። ሄ ዎደ እስራኤልያ ኦላንቻቱ ግባቶና ጌተትያ ፕልስጼማ ካታማ ዶዲደ ኡቴድኖ።
1KI 16:16 ዶድ ኡቴዳ እስራኤላቱ ዝምር ካትያ ቦላ ማቀቲደ አ ዎꬌዳዋ ስሴዳ ዎደ፥ ኦላ ጋዳዋ ኦምራ ሄ ጋላስካ ሄ ሳኣን እስራኤልያ ካትያ ከሲደ ካተዬድኖ።
1KI 16:17 ኦምርነ አናና ደእያ እስራኤልያ አሳይ ኡባይ ግባቶና ካታማፐ ከሲደ ቢደ፥ ትርጻ ካታማ ዶዴድኖ።
1KI 16:18 ካታማይ ኦይቀትክቼዳዋ በኤዳ ዎደ፥ ዝምር ካትያ ጎልያ ግዶን ደእያ ጌሱዋ ገሊደ፥ ካትያ ጎለን ታማ ኦይꬄዳ፤ ያቲደ እካ ሀይቄዳ።
1KI 16:19 ሄዌ ሀኔዳዌ እዮርባም ኦꬄዳ ናጋራነ እስራኤልያ አሳ ኦስሴዳ ናጋራ ካሊደ፥ ዝምር መꬍና ጎዳ ስንꬃን ኢታባ ኦꬄዳ ድራሳ።
1KI 16:20 ዝምር ሀኔዳ ሀራባይነ እ ማቄዳ ማቁ እስራኤልያ ካተቱ ታርክያ ማጻፋን ጻፈት ኡቴዳ።
1KI 16:21 ሄ ዎደ እስራኤልያ አሳይ ላኡ ከሲደ ሻከቴዳ። አሳፐ ባጋይ ግናታ ናኣ ቲብና ካተያናዉ ኮይና፥ ባጋይ ቃይ ኦምራ ካተያናዉ ኮዬዳ።
1KI 16:22 ሽን ኦምራ ማድያ አሳይ ግናታ ናኣ ቲብና ማድያ አሳፐ ምኔዳ። ሄዋ ድራዉ፥ ቲብን ሀይቂና ኦምር ካተቴዳ።
1KI 16:23 ይሁዳ ካቲ አሳይ ካተቴዳ ሀታማነ እተንꬃ ላይꬃን ኦምር እስራኤልያ አሳ ቦላ ካተቴዳ። ታማነ ላኡ ላይꬃ ሞዴዳ፤ ሄዋፐ ኡሱፑን ላይꬃ ትርጻን ሞዴዳ።
1KI 16:24 ኦምር ሳማርያ ግያ ደርያ ሸሜራ ጌተትያ ብታንያፐ ኡሱፑን ሻአ ጻጋራ ብራን ሻሜዳ፤ እት ካታማ አን ኬጼዳ። ያቲደ ሄ ካታማ ካሰ ሄ ደርያ ጎዳ ሱንꬃን ሳማርያ ጊደ ሱንꬄዳ።
1KI 16:25 ሽን ኦምር መꬍና ጎዳ ስንꬃን ኢታባ ኦꬄዳ፤ እ ባረፐ ካሰ ደኤዳ ካተቱዋ ኡባቱዋፐካ አꬍያ ናጋራ ኦꬄዳ።
1KI 16:26 ናባጻ ናአይ እዮርባም ኦꬄዳ ናጋራነ እስራኤልያ አሳ ኦስሴዳ ናጋራ ኦምር ካሌዳ፤ ሄ ኤቃዉ ጎይንያ ሀኖታይ መꬍና ጎዳ እስራኤልያ ጾሳ ሀንቀꬄዳ።
1KI 16:27 ኦምር ሀኔዳ ሀራባይ፥ እ ኦꬄዳባይነ አ ምኖተꬃ እስራኤልያ ካተቱ ታርክያ ማጻፋን ጻፈት ኡቴዳ።
1KI 16:28 ኦምር ሀይቂደ ባረ ማይዛን ጋከቴዳ፤ ሳማርያ ካታማን ሞገቴዳ። አ ናአይ አካብ አ ኮታን ካተቴዳ።
1KI 16:29 ይሁዳ ካቲ አሳይ ካተቴዳ ሀታማነ ሆስፑንꬃ ላይꬃን ኦምራ ናአይ አካብ እስራኤላን ካተቴዳ፤ ኦምራ ናአይ አካብ ሳማርያ ካታማን እስራኤልያ ቦላ ላታማነ ላኡ ላይꬃ ካተቴዳ።
1KI 16:30 ኦምራ ናአይ አካብ ባረፐ ካሰ ዎደ ደኤዳ ካተቱዋ ኡባቱዋፐካ አꬍያ ኢታባ መꬍና ጎዳ ስንꬃን ኦꬄዳ።
1KI 16:31 ናባጻ ናአይ እዮርባም ኦꬄዳ ናጋራ ኦꬅያዋ ላፋባ ጊደ ቆፕያዋ ጻላላ ግደናን ሲዶናቱዋ ካትያ ኤትባኣላ ናቶ ኤልዛቤሎ ባረዉ ማቾ ኦꬅ አኪደ፥ ባኣላ ጌተትያ ኤቃዉ ኦꬃናዉነ ጎይናናዉ ዶሜዳ።
1KI 16:32 ሳማርያ ካታማን እ ኬጽሴዳ ባኣላ ኤቃ ጎለን ባኣላዉ ያርሽያ ሳኣ ኬጼዳ።
1KI 16:33 ቃይ አካብ አሼሮ ጌተትያ ጾሳት ምስልያ ኤሲደ፥ ባረፐ ካሰ ደኤዳ ካተቱዋ ኡባቱዋፐ አꬂደ መꬍና ጎዳ እስራኤልያ ጾሳ ሀንቀꬅያ ናጋራ ኦꬄዳ።
1KI 16:34 አካባ ካዉተꬃ ዎደ ቤቴለፐ ዬዳ ሂኤላ ጌተትያ እት ብታኒ ያርኮ ካታማ ዛረꬂደ ኬጼዳ። ነዊ ናኣ ኢያሱ ባጋና መꬍና ጎዳይ ኦዴዳዋዳን፥ ሂኤል ያርኮ ኬጻናዉ ባስያ ዎደ፥ አቢራማ ጌተትያ አ ባይራ ናአይ ሀይቄዳ፤ ቃይ ፐንግያ አꬅያ ዎደ ሳጉባ ጌተትያ አ ዉርሰꬃ ቴፋ ናአይ ሀይቄዳ።
1KI 17:1 ጋላኣደን ትሽበ ግያ ሳፐ ዬዳ፥ ትምቢትያ ኦድያ ኤላሳ ጌተትያ እት ብታኒ ካትያ አካባ ሀዋዳን ያጌዳ፤ “ታን አዉ ኦꬅያ መꬍና ጎዳይ እስራኤልያ ጾሳይ ኤሮ! ሀ ስንꬃና ይያ ላይꬃቱዋን ታን ኦደናን ደእሽን፥ ሳኣን እራይ ቡከና ዎይ ከተርሳይ ቤተና” ያጌዳ።
1KI 17:2 ሄዋፐ ስሚደ መꬍና ጎዳ ቃላይ ትምቢትያ ኦድያ ኤላሳኮ ዪደ አ ሀዋዳን ያጌዳ፤
1KI 17:3 “ሀዋፐ ደንዳደ አዋይ ዶልያ ባጋ ባ፤ ያን ዮርዳኖሳ ሻፋፐ አዋይ ዶልያ ባጋና ደእያ ካሪታ ሻፋ ማታን ቆሰታ።
1KI 17:4 ኔን ሄ ሻፋፐ ሃꬃ ኡሻና፤ ቁራቱ ኔና ሄ ሳኣን ቁማ ምዛናዳን ታን ኡንቱንታ አዛዛድ” ያጌዳ።
1KI 17:5 ኤላስ መꬍና ጎዳይ ጌዳዋ ኦꬄዳ፤ ዮርዳኖሳ ሻፋፐ አዋይ ዶልያ ባጋና ደእያ ካሪታ ሻፋ ቢደ፥ ያን ኡቴዳ።
1KI 17:6 ዎንታነ ኦማርስ ቁራቱ ኡክꬃነ አሹዋ ኤላሳዉ አሂኖ፤ ሃꬃካ ሻፋፐ ኡሼ።
1KI 17:7 ጋድያን እራይ ቡከና ድራዉ፥ ጉꬃ ዎድያፐ ጉይያን ሻፋይ መሌዳ።
1KI 17:8 ሄዋፐ ጉይያን መꬍና ጎዳ ቃላይ ኤላሳኮ ዪደ፥ አ ሀዋዳን ያጌዳ፤
1KI 17:9 “ሀ ሳፐ ደንዳደ፥ ሲዶና ማታን ደእያ ስራፍታ ባ፤ ያን ደአሻ። እት አምኤ ምሽራታ ኔና ቁማ ምዛናዳን ታን አዛዛድ” ያጌዳ።
1KI 17:10 ኤላስ ደንዲደ ስራፍታ ቤዳ፤ እ ካታማ ፐንግያኮ ጋክያ ዎደ፥ እት አምኤ ምሽራታ ምꬃ ምጻዉ። ኤላስ ምሽራቶ ጼሲደ፥ “ሀያና፥ ታዉ ኡሻናዉ ሃꬃ ቡልያን አካ ያርኪ” ያጌዳ።
1KI 17:11 ምሽራታ ሃꬃ አሀናዉ ቢሽን እ ጼሲደ፥ “ሀያና ጉꬃ ባሶ ኡክꬃካ አካደ ያርኪ” ያጌዳ።
1KI 17:12 ምሽራታ አዉ፥ “መꬍና ጎዳይ ነ ጾሳይ ኤሮ! ታዉ ኡክꬃይ ባዋ። ታዉ ኦቱዋን እት ኩቻ ꬊሊነ ጻሩዋን ጉꬃ ዛይተ ጻላላይ ደኤ። ታን ሀዋ ዬዳዌ ጉꬃ ምꬃ ምጻደ፥ ሶ ስማደ፥ ህኖካ ታዉነ ታ ናአዉ እት ገደ ኡካናሳነ ሚደ ሀይቃናሳ” ያጋዱ።
1KI 17:13 ኤላስ ምሽራትዉ፥ “አየነ ባዋ፥ ያዮፓ፤ ባደ ኔና ጌዳዋዳን ኦꬃ። ሽን ካሰታደ ነ ꬍልያፐ ጉꬃ ኮምፑዋ ኮምፓደ ታዉ አካ ያ፤ ሄዋፐ ስማደ ነዉነ ነ ናአዉ ኮምፓ።
1KI 17:14 አያዉ ጎፐ፥ መꬍና ጎዳይ እስራኤልያ ጾሳይ፥ ‘ሳኣ ቦላን መꬍና ጎዳይ እራ ቡክሳና ጋካናዉ፥ ꬊሊ ኦቱዋፐ ዉረና፤ ዛይቲካ ጻሩዋፐ ዉረና’ ያጌ” ያጌዳ።
1KI 17:15 ሄዋ ድራዉ፥ ምሽራታ ባደ፥ ኤላስ ኦዴዳዋዳን ኦꬃዱ፤ ሄዋን ኤላስ፥ ምሽራታነ እ ሶ አሳይ ኡባ ጋላስ ቁማ ሜድኖ።
1KI 17:16 አያዉ ጎፐ፥ መꬍና ጎዳይ ኤላሳ ባጋና ኦዴዳ ቃላ ናጊደ፥ ኦቱዋፐ ꬊሊ ዉርቤናነ ጻሩዋፐ ዛይቲካ ዉርቤና።
1KI 17:17 ጉꬃ ዎድያፐ ጉይያን ሄ ጎልያ ጎዳት ናአይ ሀርጌዳ፤ ሀርጊ ጎብ ጎብ ቢና፥ ዉርሰꬃን ናአይ ሸምፑዋ ተኤቲደ ሀይቄዳ።
1KI 17:18 ያትና፥ ምሽራታ ኤላሳ፥ “ጾሳ አሳው፥ ኔን ታና ሞርክያባይ አያነ? ኔን ታ ናጋራ ሀሳይሳደ ታ ናኣ ዎꬋናዉ ያድ?” ያጋዱ።
1KI 17:19 ኤላስ እዞ፥ “ነ ናኣ ታዉ ሀማ” ያጌዳ። ናኣ እ ክዉዋፐ አኪደ፥ ፑደ ባረ ደእያ ፖቅያ አፊደ ባረ አርሳን ግስሴዳ።
1KI 17:20 ያቲደ መꬍና ጎዳዉ ሀዋዳን ያጊደ ዋሴዳ፤ “አቤት መꬍና ጎዳዉ፥ ታ ጾሳዉ፥ ቃይ ሀ ታን ደእያ ምሽራት አምአት ናኣ ዎꬋደ፥ እ ቦላካ መቱዋ አያይ?” ያጌዳ።
1KI 17:21 ሄዋፐ ስሚደ ናኣ ቦላ ሄዙ ገደ ዛቁሊደ፥ መꬍና ጎዳዉ ሀዋዳን ያጊደ ዋሴዳ፤ “አቤት መꬍና ጎዳዉ፥ ታ ጾሳዉ፥ ሀ ናኣ ሸምፑዋ ዛራ” ያጌዳ።
1KI 17:22 መꬍና ጎዳይ ኤላሳ ዋሱዋ ስሴዳ። ናኣ ሸምፑካ ስምና፥ ናአይ ፓጼዳ።
1KI 17:23 ኤላስ ናኣ አኪደ ፖቅያፐ ዱገ ዎꬌዳ፤ ናኣ አትዉ እሚደ ሀዋዳን ያጌዳ፤ “በአ፥ ነ ናአይ ፓጼዳ” ያጌዳ።
1KI 17:24 ሄዋፐ ጉይያን ምሽራታ ኤላሳ፥ “ኔን ጾሳ አሳ ግዴዳዋነ ነ ዶናፐ ኦደትያ መꬍና ጎዳ ቃላይ ቱማ ግዴዳዋ ታን ሀእ ኤራድ” ያጋዱ።
1KI 18:1 እራይ ꬋዮደፐ ሄዘንꬆ ላይꬃን፥ ኡንደና አግናይ አꬍና መꬍና ጎዳይ ኤላሳ፥ “ባ፤ ካትያ አካባዉ ቤታ። ታን ሀ ቢታን እራ ቡክሳና” ያጌዳ።
1KI 18:2 ኤላስ አካባዉ ቤታናዉ ደንዲደ ቤዳ። ሄ ዎደ ሳማርያን ዎልቃማ ኮሻይ ደኤ።
1KI 18:3 አካብ ባረ ጎለዉ አዎትያ ኦባድያ ጼሴዳ። ኦባድ መꬍና ጎዳ ምንሲደ አማንያ አሳ።
1KI 18:4 ኤልዛቤላ መꬍና ጎዳ ሱንꬃን ትምቢትያ ኦድያዋንታ ዎꬍስያ ዎደ፥ ኦባድ ኡንቱንቱፐ ጼታቱዋ አኪደ፥ እሻታሙዋ እሻታሙዋ ሻክ፥ ጎንጎሎቱዋ ግዶን ቆሲደ፥ ካꬃ ምዚደ ሃꬃካ ኡሺደ ዎꬄዳ።
1KI 18:5 አካብ ኦባድያ ጼሲደ፥ “ጋድያን ሳኣን ፑልቱ ደእያ ሳኣ ኡባነ ሻፋ ፑልቱዋ ኡባ ባ። ኦን ኤሪ፥ ኑን ማታ ደሚደ ፓራቱዋነ ባቁሎቱዋ ዎናን አሻናዌንቶነ” ያጌዳ።
1KI 18:6 ኡንቱንቱ ቢታ ሻክ ሻክ አክና፥ አካብ እት ኦግያ ኦይቂደ ባረካ ቤዳ፤ ቃይ ኦባደካ ሀራ ኦግያ ኦይቂደ ባረካ ቤዳ።
1KI 18:7 ኦባድይ ባረ ኦግያ ኦይቂደ ቢሽን፥ ኤላስ አናና ጋከቴዳ። ኦባድ ኤላሳ ኤሪደ ባረ ዴሙዋን ጉፋኒደ፥ “ታ ጎዳዉ ኤላሳ፥ ሀዌ ኔኔየ?” ያጌዳ።
1KI 18:8 ኤላስ አዉ፥ “ኤ ታና። ኔን ባደ፥ ‘ኤላስ ሀዋን ደኤ’ ያጋደ ነ ጎዳዉ ኦዳ” ያጌዳ።
1KI 18:9 ኦባድ ኤላሳዉ፥ “ታን ኔና አይ ናቂኔ ኔን ታና ነ ቆማ ሀይቆ ጋደ አካባ ኩሽያን አꬃ እምያዌ?
1KI 18:10 መꬍና ጎዳይ ነ ጾሳይ ኤሮ! ታ ጎዳይ ኔና ኮይሳናዉ ኪትቤና ደሪ ዎይ ካዉተꬅ ኡባካ ባዋ። ኡንቱንቱ፥ ‘ኤላስ ሀዋን ባዋ’ ያግያ ዎደ፥ ኔን ሄዋን ባይናዌ ቱማ ግድያዋ ኤራናዉ አካብ ደርያ ሞድያዋንታ ጫቂሴዳ።
1KI 18:11 ሀእ ኔን ታና፥ ባደ ነ ጎዳዉ፥ ‘ኤላስ ሀዋን ደኤ’ ያጋደ ኦዳ ያጋሳ።
1KI 18:12 ታን ኔና የጋደ ቦዋን፥ መꬍና ጎዳ አያናይ ኔና ደንꬂደ፥ ታን ኤረና ሳኣ አፋና። ታን አካባዉ ኦድና፥ እ ኔና ደማና ꬋዮፐ፥ ታና ዎꬋና። ታን ነ ቆማይ ናአተꬃደፐ ዶማደ መꬍና ጎዳዉ ያይያ አሳ።
1KI 18:13 ኤልዛቤላ መꬍና ጎዳ ሱንꬃን ትምቢትያ ኦድያዋንታ ዎꬍስያ ዎደ፥ ታን መꬍና ጎዳ ናባቱዋፐ ጼቱዋ አካደ፥ እሻታሙዋ እሻታሙዋ እት ጎንጎሉዋን ቆሳደ፥ ቁማ ምዛድነ ሃꬃካ ኡሻድ። ያትና፥ ሀ ታን ኦꬄዳባይ ነዉ ታ ጎዳዉ ኦደትቤኔየ?
1KI 18:14 ሀእ ቃይ ኔን ታና፥ ባደ ነ ጎዳዉ፥ ‘ኤላስ ሀዋን ደኤ’ ያጋደ ኦዳ ያጋሳ። ኦዶፐ እ ታና ዎꬋና” ያጌዳ።
1KI 18:15 ኤላስ አ፥ “ታን አዉ አዛዘትያ፥ ኡባፐ ዎልቃማ መꬍና ጎዳይ ኤሮ! ቱማ ታን ሀቼ አካባዉ ቤታና” ያጌዳ።
1KI 18:16 ኦባድ አካባና ጋከታናዉ ቤዳ፤ አካባዉ ኦዴዳ። አካብ ኤላሳና ጋከታናዉ ቤዳ።
1KI 18:17 አካብ ኤላሳ በኤዳ ዎደ፥ “እስራኤልያ ጋድያ አꬃ የግያዌ፥ ላ ሀዌ ኔኔ?” ያጌዳ።
1KI 18:18 ኤላስ አካባ፥ “እስራኤልያ ቢታ አꬅ የግያዌ ታና ግድከ። መꬍና ጎዳ አዛዙዋ አጊደ፥ ባኣላ ኤቃቶ ጎይኒደ፥ ቢታ አꬅ የግያዌ ኔናነ ነ አዉዋ ሶ አሳ።
1KI 18:19 ሀእ እስራኤልያ አሳ ኡባ ቃርመሎሳ ደርያ ታኮ ሺሻ፤ ቃይ ኤልዛቤል ማዳፐ ምያ ትምቢትያ ኦድያዋንታ ኡባ ኡንቱንቱና እትፐ ሄ ሳኣ ሺሻ። ሄዋንቱካ ባኣላ ሱንꬃን ትምቢትያ ኦድያ ኦይዱ ጼታነ እሻታማቱዋነ አሼር ሱንꬃን ትምቢትያ ኦድያ ኦይዱ ጼታቱዋ” ያጌዳ።
1KI 18:20 ሄዋ ድራዉ፥ አካብ ኪቲደ፥ እስራኤልያ አሳ ኡባነ ትምቢትያ ኦድያዋንታ ቃርመሎሳ ደርያ ሺሼዳ።
1KI 18:21 ኤላስ ሺቄዳ አሳኮ ቢደ፥ “አዉደ ጋካናዉ ላኡ ቆፋን ባንቴ? መꬍና ጎዳይ ጾሳ ግዶፐ፥ አ ካልተ፤ ግደናን ባኣላ ግዶፐ፥ እን አካ ካልተ” ያጌዳ። አሳይ አዉ ቃላነ ቃተናን ጮኡ ጌዳ።
1KI 18:22 ሄዋፐ ጉይያን ኤላስ አሳዉ ሀዋዳን ያጌዳ፤ “መꬍና ጎዳ ሱንꬃን ትምቢትያ ኦድያዋንቱፐ ታ ጻላላይ አታድ፤ ሽን ባኣላ ሱንꬃን ትምቢትያ ኦድያዋንቱ ኦይዱ ጼታነ እሻታማ።
1KI 18:23 አነ ኑዉ ላኡ ኮሩማ ቦራቱ እመትኖ። ሄ ኮሩማቱዋፐ እቱዋ ኡንቱንቱ ዶርኖ፤ ኮሩማ ሹኪደ ቃንጸሬꬅኖ፤ ያቲደ አሹዋ ምꬃ ቦላ ዎꬅኖ፤ ሽን ታማ ኤꬆፕኖ። ታንካ ላኤንꬆ ኮሩማ ጊግሳደ፥ ምꬃ ቦላ ዎꬃና፤ ታንካ ታማ ኤꬅከ።
1KI 18:24 ህንተንቱ ህንተንቱ ጾሳ ሱንꬃ ጼስተ፤ ታንካ መꬍና ጎዳ ሱንꬃ ጼሳና። ኮዪደ፥ ያርሹዋ ምያ ታማ ኪትያ ጾሳይ ጾሳ ግዶ” ያጌዳ። አሳይ፥ “ሀዌ ሎኦ ቆፋ” ያጊደ ማዬዳ።
1KI 18:25 ሄዋ ድራዉ፥ ኤላስ ባኣላ ሱንꬃን ትምቢትያ ኦድያዋንታ፥ “ህንተንቱ ጮራ ግድያ ድራዉ፥ እት ኮሩማ ዶር አኪደ፥ ካሰቲደ ጊግስተ። ያቲደ ህንተንቱ ጾሳ ሱንꬃ ጼስተ፤ ሽን አን ታማ ኤꬆፕተ” ያጌዳ።
1KI 18:26 ኡንቱንቱ ባረንቶ እመቴዳ ኮሩማ አኪደ ጊግሴድኖ። ዎንታፐ ሴታ ጋላስ ጋካናዉ፥ ባኣላ ሱንꬃ ጼሲደ፥ “ሀይ ባኣላ፥ ኑ ዎሳ ስሳ” ያጊደ ዎሴድኖ። ሽን ስሰትያ ኮሻይ ባዋ፤ እት አሳይነ ኮይቤና። ያትና፥ ባረንቱ ጊግሴዳ ያርሽያ ሳኣ ዩይ አꬊደ ዱሬድኖ።
1KI 18:27 ሳአይ ሴታ ጋላሳ ግድና፥ ኤላስ ኡንቱንቱ ቦላ፥ “ህንተንቱ ቃላ ꬎቁ ኦꬂደ ዎስተ! እ ጾሳ ግደኔ! ኦን ኤሪ፥ እ ቆፋን ሼኬደንቶ፥ ዎይ አዉ ኪታይ ዳሬደንቶ፥ ዎይ ሄራ ከሴደንቶ፥ ዎይ ገምእሼዳዋ ግዶፐ ደንꬃናዉ ኮሼ!” ያጊደ ቅሊጬዳ።
1KI 18:28 ያግና ባረንቱ ቃላ ꬎቁ ኦꬂደ ዎሴድኖ። ቃይ ካሰ ባረንቱ ጎይንያ ዎጋዳን ባረንቱ ቦላና ሱꬃይ ጎጋና ጋካናዉ ቶራንነ ማሻን ባረንታ ጫዴድኖ።
1KI 18:29 ያርሹዋ ሺሽያ ኦማርሳይ ጋካናዉ ኡንቱንቱ ሄዋዳን ሀኒደ፥ ትምቢትያ ኦዲኖ፤ ሽን ስሰትያ ኮሻይ ባዋ። ኡንቱንቱባ ሀይዚደ ዛሮ እምያባይ እቱነ ባዋ።
1KI 18:30 ያትና፥ ኤላስ አሳ ኡባዉ፥ “ሃ ታኮ ሺቅተ” ያጌዳ። አሳይ አኮ ሺቅና፥ መꬍና ጎዳዉ ያርሽያ ሳአይ ኮለት ክቼዳዋ ዛረꬂደ ግምቤዳ።
1KI 18:31 መꬍና ጎዳ ቃላይ ያቆባኮ ዪደ፥ “ነ ሱንꬃይ እስራኤልያ ግዳናዋ” ያጊደ ኦዴዳ ያቆባ ናና ዛራቱዋ ፓይዱዋዳን ኤላስ ታማነ ላኡ ሹቻቱዋ አኬዳ።
1KI 18:32 መꬍና ጎዳ ሱንꬃዉ ሄ ሹቻቱዋን ያርሽያ ሳኣ ግምቤዳ። ታማነ ኦይዱ ባꬃ ሃꬃ ትግና አክያ ኦላ ያርሽያ ሳኣ ዩሹዋን ቦኬዳ።
1KI 18:33 ሄዋፐ ጉይያን ያርሽያ ሳኣ ቦላ ምꬃ ጊግስ ዎꬂደ፥ ኮሩማ አሹዋ አ ቆሙዋን ቆሙዋን ቃንጸረꬂደ፥ ምꬃ ቦላ ዎꬄዳ። አሳቱዋ፥ “ኦይዱ ባꬃቱዋን ሃꬃ ኩንꬂደ፥ ጹጋና ያርሹዋ ቦላነ ምꬃ ቦላ ጉስተ” ያጌዳ፤ ኡንቱንቱ ጉሴድኖ።
1KI 18:34 ያትና፥ ኤላስ አሳቱዋ፥ “ላኤንꬁዋካ ጉጅተ” ያጌዳ፤ ኡንቱንቱ ላኤንꬁዋ ጉጄድኖ። ቃይካ ኤላስ አሳቱዋ፥ “ሄዘንꬁዋካ ጉጅተ” ያጌዳ፤ ሄዘንꬁዋካ ጉጄድኖ።
1KI 18:35 ሃꬃይ ያርሽያ ሳኣ ዩሹዋን ጎጊደ ኦላን ሃꬃይ ኩሜዳ።
1KI 18:36 ኦማርሳ ያርሹዋ ሺሽያ ዎዲ ጋክና፥ ትምቢትያ ኦድያ ኤላስ ያርሽያ ሳኣ ሺቂደ ሀዋዳን ያጊደ ዎሴዳ፤ “አቤት መꬍና ጎዳዉ፥ አብራሃማ ጾሳዉ፥ ይሳቃ ጾሳዉ፥ እስራኤልያ ጾሳዉ፥ ኔን እስራኤልያ ቢታን ጾሳ ግድያዌነ፥ ታንካ ነ ቆማ ግድያዌነ፥ ቃይ ታን ሀዋ ኡባ ነ ቃላን ኦꬅያዌ ሀቼ ኤረቶ።
1KI 18:37 አቤት መꬍና ጎዳዉ፥ ኮያ! ኔን መꬍና ጎዳይ ጾሳ ግድያዋነ ኔን ኡንቱንቱ ዎዛና ኔኮ ዛራደ ደእያዋ ሀ አሳቱ ኤራናዳን ኔን ታዉ ኮያ!” ያጌዳ።
1KI 18:38 መꬍና ጎዳ ታማይ ዎꬊደ፥ ጹግያ ያርሹዋ፥ ምꬃ፥ ሹቻነ ቢታ ሜዳ፤ ኦላ ግዶን ደእያ ሃꬃካ ላጬዳ።
1KI 18:39 አሳይ ኡባይ ሄዋ በኤዳ ዎደ፥ ባረንቱ ዴሙዋን ጉፋኒደ፥ “መꬍና ጎዳይ ጾሳ! መꬍና ጎዳ ጻላላይ ጾሳ!” ያጌድኖ።
1KI 18:40 ሄዋፐ ጉይያን ኤላስ ኡንቱንታ፥ “ባኣላ ሱንꬃን ትምቢትያ ኦድያዋንታ ኦይቂተ። ኡንቱንቱፐ እት አሳይነ ከስ አኪደ ቦፖ” ያጌዳ። ኡንቱንታ ኦይቄድኖ፤ ኤላስ ኡንቱንታ ቂሾና ሻፋ አፊደ ዎꬌዳ።
1KI 18:41 ኤላስ አካባ፥ “ከሳደ ባ፤ ማ ኡሻ። አያዉ ጎፐ፥ ዎልቃማ እራ ጉንꬃይ ስሰቴ” ያጌዳ።
1KI 18:42 ሄዋ ድራዉ፥ አካብ ማናዉነ ኡሻናዉ ቤዳ። ሽን ኤላስ ቃርመሎሳ ደርያ ጼራ ከሴዳ፤ ባረ ዴሙዋ ባረ ጉልባታቱ ግዶ ዱገ ገልሲደ ጉፋኔዳ።
1KI 18:43 ሄዋፐ ጉይያን ኤላስ ባረ ቆማ፥ “ባ፤ ፑደ ከሳደ አነ አባኮ ዛራደ ጼላ” ያጌዳ። አ ቆማይ ብ ጼሊደ አዉ፥ “አያይነ ባዋ” ያጌዳ። ኤላስ ባረ ቆማ ላፑን ካላ፥ “ቃይካ አነ ጼላ” ያጌዳ። ቆማይ ላፑ ገደ ጼሌዳ።
1KI 18:44 ላፑን ገደ ጼላና፥ “በአ፥ አሳ ኩሽያ ኬሻ ሻሪ አባፐ ከሴዳ” ያጌዳ። ኤላስ ባረ ቆማ፥ “ባ፤ አካባ፥ ‘እራይ ኔና ቡሳ ድገናዳን፥ ነ ፓራ ጋርያን ኡታደ፥ ዱገ ነ ሶ ዎꬋ’ ያጋ” ያጌዳ።
1KI 18:45 ጉꬃ ኬሻ ጋምእሽን፥ ሳሉ ሻርያን ꬉሜዳ፤ ጫርኩካ ጫርኬዳ፤ ዎልቃማ እራይካ ቡኬዳ። አካብ ፓራ ጋርያን ኡቲደ እዝራኤላ ካታማ ቤዳ።
1KI 18:46 መꬍና ጎዳ ዎልቃይ ኤላሳ ቦላ ዎꬌዳ፤ ኤላስ ካባ ሳቂያን ፑደ ስርቂደ፥ እዝራኤላ ካታማ ጋካናዉ አካባፐ ስንꬃቲደ ዎጼዳ።
1KI 19:1 ኤላስ ኦꬄዳዋ ኡባነ ባኣላ ሱንꬃን ትምቢትያ ኦድያዋንታ ኡባ ማሻን እ ዎት ዎꬌደንቶ አካብ ኤልዛቤልዉ ኦዴዳ።
1KI 19:2 ኤልዛቤላ፥ “ኔን ሄ ትምቢትያ ኦድያዋንታ ኦꬄዳዋዳን፥ ዎንት ሀኖደ ታን ኔና ኦꬃና ꬋዮፐ፥ ጾሳቱ ታና ዎꬋና” ያጋደ ኤላሳዉ ኪታዱ።
1KI 19:3 ኤላስ ባረ ሸምፖ ያዪደ፥ ይሁዳ ቢታን ደእያ በርሳበሀ ዬዳ። ባረ ቆማ ሄዋን የጊደ፥
1KI 19:4 ባረካ እት ጋላሳ ኦግያ ዎራን ሀመቴዳ። ቢደ እት ሳንካራ ኩዋን ኡቲደ፥ “አቤት መꬍና ጎዳዉ፥ ታዉ ግዳናዋ፤ ታን ታ ማይዛ አዎቱዋፐ ኬክከ። ታ ሸምፑዋ አካ” ያጊደ ሀይቃናዉ ዎሴዳ።
1KI 19:5 ሄዋፐ ጉይያን ሳንካራ ኩዋን ዛቁሊደ ገምእሼዳ፤ እት ኪታንቻይ አ ቦቺደ፥ “ደንዳደ ማ” ያጌዳ።
1KI 19:6 እ ጼልያ ዎደ፥ ሆኦ ሹቻ ምሹዋን ኡከቴዳ ኮምፖ ኡክꬃይነ ኦቱዋ ሃꬃይ አ ሁጲሳን ደእያዋ በኤዳ። ሚደ ኡሼዳነ፤ ያቲደ ጉየ ግሴዳ።
1KI 19:7 መꬍና ጎዳ ኪታንቻይ ላኤንꬁዋ ዪደ ኤላሳ ቦቺደ፥ “ኔን ባና ኦጊ ዳሮ አዱሳ ግድያ ድራዉ፥ ደንዳደ ማ” ያጌዳ።
1KI 19:8 ኤላስ ደንዲደ ሜዳነ ኡሼዳነ። ሄ እ ሜዳ ቁማ ዎልቃን ጾሳ ደርያ ሲና ጋካናዉ፥ ኦይታሙ ጋላሳነ ኦይታሙ ቃማ ሀመቴዳ።
1KI 19:9 ሄ ሳኣን ደእያ ጎንጎሉዋ ግዶ ገሊደ አቄዳ። መꬍና ጎዳይ አ፥ “ኤላሳ፤ ሀዋን አይ ኦꬃይ?” ያጌዳ።
1KI 19:10 ኤላስ፥ “ኡባፐ ዎልቃማ መꬍና ጎዳዉ ጾሳዉ ታን ዳሮፐ ምሸታድ። አያዉ ጎፐ፥ እስራኤልያ አሳይ ኔናና ጫቀቴዳ ጫቁዋ መንꬄዳ፤ ነዉ ያርሽያ ሳኣካ ክንቼዳ፤ ነ ሱንꬃን ትምቢትያ ኦድያዋንታካ ማሻን ዎꬌዳ። ያትና፥ ታን ታረካ አታድ፤ ሀእ ኡንቱንቱ ታ ሸምፑዋካ አካናዉ ኮይኖ” ያጌዳ።
1KI 19:11 መꬍና ጎዳይ አ፥ “ሄዋፐ ከሳ ባደ፥ ደርያ ሁጲያን ታ ስንꬃን ኤአ” ያጌዳ። ኤላስ ኤቂደእሽን መꬍና ጎዳይ አ ማታና አꬌዳ። ሄ ዎደ ምኖ ዎልቃማ ጫርኩ ደርያ ጳልቀሬꬄዳ፤ ዛላቱዋካ ክንቼሬꬄዳ፤ ሽን መꬍና ጎዳይ ሄ ጫርኩዋ ግዶን ባዋ። ጫርኩዋፐ ስምና ቢታይ ቃጼዳ፤ ሽን መꬍና ጎዳይ ሄ ቢታ ጋጻንካ ባዋ።
1KI 19:12 ቢታ ጋጻፐ ስምና ታማይ ከሴዳ፤ ሽን መꬍና ጎዳይ ታማ ግዱዋን ባዋ። ታማፐ ስምና ሳሱከꬃይ ስሰቴዳ።
1KI 19:13 ኤላስ ሄ ሳሱከꬃ ስሴዳ ዎደ፥ ባረ ዴሙዋ ካባን ካሜዳ። ያቲደ ካረ ከሲደ ጎንጎሉዋ ፐንግያን ኤቄዳ። ኤላሳኮ ኮሻይ ዪደ፥ “ኤላሳ፥ ሀዋን አይ ኦꬃይ?” ያጌዳ።
1KI 19:14 ኤላስ፥ “ኡባፐ ዎልቃማ መꬍና ጎዳ ጾሳዉ ታን ዳሮፐ ምሸታድ። አያዉ ጎፐ፥ እስራኤልያ አሳይ ኔናና ጫቀቴዳ ጫቁዋ አꬌዳ፤ ነዉ ያርሽያ ሳካ ክንቼዳ፤ ነ ሱንꬃን ትምቢትያ ኦድያዋንታካ ማሻን ዎꬌዳ። ያትና፥ ታን ታረካ አታድ፤ ሀእ ኡንቱንቱ ታ ሸምፑዋካ አካናዉ ኮይኖ” ያጌዳ።
1KI 19:15 መꬍና ጎዳይ ኤላሳ፥ “ኔን ዬዳ ሳኣና ስማደ፥ ዳማስቆ ባዙዋ ባ። ያ ጋካደ፥ ሀዛኤል ሶርያ ቦላ ካተታናዳን ኦካ።
1KI 19:16 ቃይ ንምሻ ናአይ ዬሁ እስራኤልያ ቦላ ካተታናዳን ኦካ። ነ ሳኣን ትምቢትያ ኦዳናዳን አቤል ማሆላፐ ዬዳ ሻፋጻ ናኣ ኤልሳአ ኦካ።
1KI 19:17 ሀዛኤላ ማሻፐ ከስ አክያ ኡባ ዬሁ ዎꬋና፤ ቃይ ዬሁ ማሻፐ ከስ አክያ ኡባ ኤልሳእ ዎꬋና።
1KI 19:18 ባኣላዉ ጉልባትቤና ዎይ ባረንቱ ዶናን ባኣላ ኤቃ የርቤና ላፑን ሻአ አሳ ታን እስራኤልያን ታዉ አሻና” ያጌዳ።
1KI 19:19 ኤላስ ሄ ሳፐ ደንድ ቢደ፥ ሻፋጻ ናአይ ኤልሳእ ታማነ ላኡ ዋꬃ ቦራን ጋድያ ጎሽያዋ ደሜዳ፤ ታማነ ላኤንꬃ ዋꬃ ኤልሳእ ባረ ሁጲያዉ ኦይቂደ ጎሼ። ኤላስ አ ማታና አꬊደ፥ ባረ ካባ አ ማይዜዳ።
1KI 19:20 ኤልሳእ ቦራቱዋ የግ አግ፥ ኤላሳ ጌዱዋ ዎጺደ፥ “ታን ታ አዉዋነ ታ ዳዮ ሳሩዋን ጋደ፥ የራ አካደ፥ ሄዋፐ ስማደ፥ ኔና ካላና” ያጌዳ። ኤላስ ኤልሳአ፥ “ባ። ታን ነዉ አይ ኦꬃድታ?” ያጌዳ።
1KI 19:21 ሄዋ ድራዉ፥ ኤልሳእ አጊደ ጉየ ስሚደ ዋꬃ ቦራቱዋ ሹኬዳ፤ ቦራ ሚሻ ጳልቂ ኤꬂደ አሹዋ ዶይሴዳ፤ አሹዋ አꬅና አሳይ ሜዳ። ሄዋፐ ጉይያን ደንድ ቢደ፥ ኤላሳዉ ኦꬄዳ።
1KI 20:1 ሶርያ ካቲ በንሀዳድ ባረ ኦላንቻቱዋ ኡባ እትፐ ሺሼዳ። ሀታማነ ላኡ ካተቱዋን፥ ኡንቱንታ ፓራቱዋንነ ፓራ ጋረቱዋን ማደቲደ፥ ፑደ ቢደ ሳማርያ ካታማ ዶዴዳ፤ አ ቦላ ዎራጄዳ።
1KI 20:2 እስራኤልያ ካትያ አካባዉ ካታማ ግዶ አሳ ኪቲደ ሀዋዳን ያጌዳ፤
1KI 20:3 “በንሀዳድ፥ ‘ነ ብራይነ ነ ዎርቃይ ታዋ ነ ማቼቱዋፐነ ነ ናናቱዋፐ ሎኡዋ ዳርያዋንቱ ታዋ’ ያጌ” ያጌዳ።
1KI 20:4 እስራኤልያ ካቲ ዛሪደ፥ “ኤ፥ ታ ጎዳዉ ካትያዉ፥ ኔን ጌዳዋካ ማላ፤ ታንካ ታዉ ደእያባይካ ኡባይ ነባ” ያጌዳ።
1KI 20:5 ቃይካ ኪተቴዳ አሳቱ ላኤንꬁዋ ዪደ፥ “ኔና በንሀዳድ፥ ‘ታን ካሰ ኔና፥ “ነ ብራነ ነ ዎርቃ፥ ነ ማቼቱዋነ ነ ናና ታዉ እማ” ጋደ ኪታድ።
1KI 20:6 ሽን ዎንት ሀኖደ ነ ጎልያነ ነ ኦሳንቻቱ ጎልያ ፕልግ ጼላና ማላ ታ ኦሳንቻቱዋ የዳና። ኡንቱንቱ ኔን ሎኦባ ጋደ ዎꬄዳዋ ኡባ አኪደ አፋናዋ’ ያጌ” ያጌድኖ።
1KI 20:7 እስራኤልያ ካቲ ሄ ቢታ ጭማቱዋ ኡባ ጼስ ሺሺደ፥ “ሀ ብታኒ ኑና ባይዛናዉ ኮይያዋ በእተ። እ ታ ማቻቱዋነ ታ ናና፥ ታ ብራነ ታ ዎርቃ አካናዉ ኪቴዳ፤ ታን አዉ እጻበይከ” ያጌዳ።
1KI 20:8 ጭማቱካ አሳይካ ኡባይ አካባ፥ “እ ኦድያዋ ስሶፓ! ዎይ አዉ፥ ‘ኤኖ’ ጎፓ!” ያጌድኖ።
1KI 20:9 ሄዋ ድራዉ፥ በንሀዳድ ኪቴዳዋንቶ አካብ፥ “ህንተንቱ ታ ጎዳዉ ካትያዉ፥ ‘ኔን ኮይሮ ኪቴዳ ኪታ ታን ፖላና፤ ሽን ሀ ኪታ ታን ፖላናዉ ዳንዳይከ’ ያጌ ጊደ ኦድተ” ያጌዳ። ኪተቲደ ዬዳዋንቱ ቢደ ሄዋ በንሀዳዳዉ ኦዴድኖ።
1KI 20:10 ሄዋፐ ጉይያን በንሀዳድ ሀራ ኪታ የዲደ፥ “ታና ካልያ አሳ ሳማርያ ካታማ ባናይ እት እት ኩቻ ጋኮፐ፥ ጾሳቱ ታና ዎꬋና” ያጌዳ።
1KI 20:11 እስራኤልያ ካቲ ኪተቲደ ዬዳዋንታ፥ “ቱሙ ኦላንቻይ ኦላፐ ስሚደ ገሬረፐ አትና፥ ብሮ ቢደ ገሬረና ያጊደ ኦድተ” ያጌዳ።
1KI 20:12 በንሀዳድነ ካተቱ፥ ባረንቱ ዱንካንያ ግዶን ኡሻ ኡሺደ ሄዋ ስሴዳ ዎደ፥ ካቲ ባረ ኦላንቻቱዋ፥ “ኦላናዉ ሳልፕተ” ያጊደ አዛዜዳ። ኡንቱንቱ ካታማ ኦላናዉ ሳልፔድኖ።
1KI 20:13 ሄ ዎደ ትምቢትያ ኦድያ እት ብታኒ እስራኤልያ ካትያ አካባኮ ዪደ፥ “መꬍና ጎዳይ ኔና ሀዋዳን ያጌ፤ ‘ሀ ከንቼቻ ኦላንቻቱዋ ኡባ በአይ? ታን ሀቼ ኡንቱንታ ነ ኩሽያን አꬃደ እማና፤ ታን መꬍና ጎዳ ግድያዋ ኔን ሄዋን ኤራና’ ያጌ” ያጌዳ።
1KI 20:14 አካብ፥ “ኦላ ዶማናዌ ኦኔ?” ያጌዳ። ትምቢትያ ኦድያዌ፥ “አዉራጃ ሞድያዋንቱ አዛዝያ ያላጋ ኦላንቻቱ ዶማና” ያጌዳ። ካቲ፥ “አትያ ኦላንቻቱዋ ኦኔ አዛዛናዌ?” ያጌዳ። ትምቢትያ ኦድያዌ፥ መꬍና ጎዳይ ያጌ፤ “ኔን አዛዛና” ያጌዳ።
1KI 20:15 ሄዋ ድራዉ፥ አካብ አዉራጃ ሞድያዋንቱ አዛዝያ ያላጋ ኦላንቻቱዋ፥ ላኡ ጼታነ ሀታማነ ላአቱዋ ሺሼዳ። ቃይ አቴዳ እስራኤልያ አሳ፥ ላፑን ሻኣ ሺሼዳ።
1KI 20:16 በንሀዳድ ባረና ማዴዳ ሀታማነ ላኡ ካተቱዋና እትፐ ዱንካንያን ኡቲደ ኡሻን ማꬆት ደእሽን፥ ሴታ ጋላስ እስራኤልያ ኦላንቻቱ ኦላዉ ከሴድኖ።
1KI 20:17 አዉራጃ ሞድያዋንቱ አዛዝያ ያላጋ ኦላንቻቱ ኮይሮ ከሲደ ቤድኖ። በንሀዳድ ጾሞስያዋንታ ኪትና፥ ኡንቱንቱ ስሚደ አዉ፥ “ሳማርያፐ አሳይ ከስ ዪደ ደኤ” ያጊደ ኦዴዳ።
1KI 20:18 እ፥ “ኡንቱንቱ ስጋዉ ዮፐካ ኦላዉ ዮፐካ፥ ኡንቱንታ ፓጻ ኦይቂተ” ያጌዳ።
1KI 20:19 አዉራጃ ሞድያዋንቱ አዛዝያ ያላጋ ኦላንቻቱ ሳልፒደ፥ ካታማፐ ጋጻ ከሴድኖ፤ እስራኤልያ ኦላንቻቱካ ኡንቱንታ ካሊደ ከሴድኖ።
1KI 20:20 ኡባይካ ሁጲያን ሁጲያን ባረናና ኦላ ጋከቴዳ ሞርክያ ዎꬌድኖ። ያትና፥ ሶርያ አሳቱ ባቃቴድኖ፤ እስራኤልያ አሳቱ ካሊደ የደርሴድኖ። ቃይ ሶርያ ካቲ በንሀዳድ ባረ ፓራ አሳቱዋና ባረ ፓራን ከስ አኪደ ቤዳ።
1KI 20:21 እስራኤልያ ካቲ ኦላዉ ከሲደ፥ ፓራቱዋነ ፓራ ጋረቱዋ ኦሞዴዳ፤ ሶርያ አሳቱዋካ ዎꬉዋ ቡꬄዳ።
1KI 20:22 ሄዋፐ ጉይያን ትምቢትያ ኦድያዌ እስራኤልያ ካትያኮ ዪደ፥ “ባ፤ ነ ባጋ ምንሳ። ኦሰታናዉ በስያብ አየንቶ አኬካ። አያዉ ጎፐ፥ ይያ ላይꬅ ቦንያን ሶርያ ካቲ ኔና ላኤንꬁዋ ኦላና” ያጌዳ።
1KI 20:23 ሄዋዳን ደእሽን ሶርያ ካትያ ኦሳንቻቱ አ ሀዋዳን ያጊደ ዞሬድኖ፤ “ኡንቱንቱ ጾሳቱ ደረቱዋ ጾሳቱዋ፤ ኡንቱንቱ ኑዉ ዎልቃሜዳዌካ ሀዋሳ። ሽን ኑን ኡንቱንቱና ደምባን ኦላ ጋከትንቶ፥ ኑን ቱሙ ኡንቱቱፐ ምናና።
1KI 20:24 እትባ ሀና፤ ካተቱዋ ኡባ ኡንቱንቱ አዛዝያ ሳፐ ድጋደ፥ ሀራ ካፓቱዋ ኡንቱንቱ ሳኣን ዎꬃ።
1KI 20:25 ኑን እስራኤላቱዋና ደምባን ኦለታናዉነ ጾናናዉ ዳንዳያና ማላ፥ ነዉ ካሰ ዉሬዳ ኦላንቻቱ ሳኣን ኦላንቻቱዋ፥ ፓራቱዋ ሳኣን ፓራቱዋ፥ ፓራ ጋረቱዋ ሳኣን ፓራ ጋረቱዋ ዎꬃደ፥ ደንꬃናዉ ኮሼ” ያጌድኖ። እካ ኡንቱንቱ ዞርያ ማዪደ፥ ሄዋዳን ኦꬄዳ።
1KI 20:26 ይያ ላይꬅ ቦንያን በንሀዳድ ሶርያ ኦላንቻቱዋ ሺሺደ፥ እስራኤላቱዋና ኦለታናዉ አፌቃ ግያ ካታማ ቤዳ።
1KI 20:27 እስራኤልያ ኦላንቻቱካ ሺቂደ፥ ሽንቃነ ኦላ ሚሻ አኪደ፥ ኡንቱንቱና ኦላ ጋከታናዉ ላኡ ጭታ ግዲደ ከሴድኖ። እስራኤላቱ ላኡ ጉꬃ ዴሻ ዉድያ ማላቲደ፥ ኡንቱንቱኮ ስሚደ ኡቴድኖ፤ ሽን ሶረቱ ጋጻርያ ኡባ ማዬድኖ።
1KI 20:28 ጾሳ አሳ ግያ እት ብታኒ ፑደ ዪደ፥ እስራኤልያ ካትያ፥ “መꬍና ጎዳይ ሀዋዳን ያጌ፤ ‘ሶርያ አሳቱ፥ “ጾሳይ ደረቱዋ ጾሳ ግድያዋፐ አትና ደምባቱዋ ጾሳ ግደና” ያጌዳ ድራዉ፥ ሀ ከንቼቻ ኦላንቻቱዋ ኡባ ታን ነ ኩሽያን አꬃ እማና። ሄ ዎደ ታን መꬍና ጎዳ ግድያዋ ኔንነ ነ አሳይ ኤራና’ ያጌ” ያጌዳ።
1KI 20:29 ሶረቱነ እስራኤላቱ እቱ እቱዋኮ ስሚደ ሳልፒደ፥ ላፑን ጋላሳ ጋምኤድኖ። ላፑንꬃ ጋላሳን ኦላ ጋከቴድኖ፤ እስራኤላቱ እት ጋላሳን ሶርያ አሳፐ ጼቱ ሻአ ገድሳ አሳቱዋ ዎꬌድኖ።
1KI 20:30 ኡንቱንቱፐ አቴዳዋንቱ ከስ አክ ቢደ፥ አፌቃ ካታማ ገሌድኖ። ላታማነ ላፑን ሻአ አሳ ቦላ ካታማ ዩሹዋ ግምቢ ኩንዲደ ያን ዎꬌዳ። በንሀዳድካ ሄ ካታማዉ ባቃቲደ፥ እት ቆልኡዋን ቆሰቴዳ።
1KI 20:31 አ ኦሳንቻቱ አ፥ “እስራኤልያ ካተቱ ማርያዋንታ ግድያዋ ኑን ስሴዶ። ዋሩዋ ኑ ዞክያን ማዪደ፥ ዎዶሩዋ ኑ ቆꬍያን ጻጺደ፥ አነ እስራኤልያ ካትያኮ ቦይተ። ኦን ኤሪ፥ እ ኔና ፓጻ አሻናዌንቶነ” ያጌድኖ።
1KI 20:32 ዋሩዋ ባረንቱ ዞክያን ማዪደ፥ ዎዶሩዋ ባረንቱ ቆꬍያን ጻጺደ፥ እስራኤልያ ካትያኮ ቤድኖ። አ፥ “ነ ቆማይ በንሀዳድ ኔና፥ ‘ሀይ ታና ዎꬎፓርኪ’ ያጌ” ያጌድኖ። ካቲ፥ “እ ሀኖ ጋካናስካ ፓጻ ደኢ? እ ታ እሻ” ያጌዳ።
1KI 20:33 አሳቱ ሎኦ ማላታዳን አ ሃሳያ ኤሌል አኪደ፥ “ኤ፥ ነ እሻይ በንሀዳድ ፓጻ ደኤ” ያጌድኖ። እ ኡንቱንታ፥ “ቢደ አ ታኮ አኪደ ዪተ” ያጌዳ። በንሀዳድ ከሲደ ዪና፥ አካብ አ ፑደ ባረ ፓራ ጋርያ ቦላ ከሲደ ኡትሴዳ።
1KI 20:34 ያትና፥ በንሀዳድ አካባ ሀዋዳን ያጌዳ፤ “ታ አዉ ነ አዉዋፐ አኬዳ ካታማቱዋ ታን ነዉ ዛራና። ታ አዉ ሳማርያን ገያ ኤሴዳዋዳን ኔንካ ዳማስቆ ካታማን ገያ ኤሳና” ያጌዳ። አካብ አ፥ “ታን ሀ ጫቁዋን ኔና የዳና” ያጌዳ። አናና ጫቁዋ ጫቀቲደ አ የዴዳ።
1KI 20:35 ትምቢትያ ኦድያዋንቱ ጩጉዋፐ እት ብታኒ መꬍና ጎዳ ቃላን አዛዘቲደ እት ባረ ላግያ፥ “ታና ሾጫ” ያጌዳ፤ ሽን ሄ ብታኒ ሾጨናን እጼዳ።
1KI 20:36 ትምቢትያ ኦድያዌ አ፥ “ኔን መꬍና ጎዳዉ አዛዘተናን እጼዳ ድራዉ፥ ኔን ታፐ ሻከታደ ቢና ኤለካ ኔና ጋሙ ዎꬋና” ያጌዳ። ብታኒ ትምቢትያ ኦድያዋፐ ሻከት ብና ኤለካ ጋሙ ጋከቲደ ዎꬍ ባሼዳ።
1KI 20:37 ትምቢትያ ኦድያዌ ቃይካ ሀራ እት ብታንያ ደሚደ፥ “ታና ሾጫ” ያጌዳ። ብታኒ አ ሾጬዳ፤ ትምቢትያ ኦድያዌ ማዱንጼዳ።
1KI 20:38 ቢደ፥ ካትያ ናጊደ ኦግያ ዶናን ኤቄዳ። ኤረተናን አታናዉ ባረ ዴሙዋ ጎዜዳ።
1KI 20:39 ካቲ ኦግያና አꬍያ ዎደ፥ ትምቢትያ ኦድያዌ ካትያ ጼሲደ ሀዋዳን ያጌዳ፤ “ታን ነ ቆማይ ኦላን ኦለትሽን እት ብታኒ ታኮ ዪደ፥ ‘ሀ ኦሞደቴዳ ብታንያ ናጋ። ሀ ብታኒ ባቃትያዋ ግዶፐ፥ ነ ሸምፑ አ ሸምፑዋና ጋደ፥ ዎይ ሄዙ ሻአ ጻጋራ ብራ ጭጋሳ’ ያጌዳ።
1KI 20:40 ታን ነ ቆማይ ኪታይ ዳርና፥ ያነ ሃነ ጊሽን፥ ብታኒ ከስ አኪደ ብ ክቼዳ” ያጌዳ። እስራኤልያ ካቲ፥ “ኔን ኔረካ ፕርዳዳ፤ ነ ፕርዳይካ ሄዋ ግዳናዋ” ያጌዳ።
1KI 20:41 ትምቢትያ ኦድያዌ ባረ ዴሙዋ ጎዜዳ ጫርቂያ ፖሽ የጌዳ። ፔꬍና እ ትምቢትያ ኦድያዋንቱፐ እቱዋ ግድያዋ ካቲ ኤለካ ኤሬዳ።
1KI 20:42 ትምቢትያ ኦድያዌ ካትያዉ፥ “መꬍና ጎዳይ፥ ‘ታን፥ “እ ሀይቃና በሰ” ጌዳ ብታንያ ኔን የዳ አጋዳ። ሄዋ ድራዉ፥ ነ ሸምፑ አ ሸምፖ ኮታ ጊዳና፤ ነ አሳይ አ አሳ ኮታ ግዳና’ ያጌ” ያጌዳ።
1KI 20:43 እስራኤልያ ካቲ ሀንቀቲድነ ላንጪደ፥ ባረ ሶ ሳማርያ ካታማ ቤዳ።
1KI 21:1 እዝራኤልያ ናቡተዉ ሳማርያ ካትያ አካባ ጎልያ ማታን እዝራኤላን ዎይንያ ቱራ ሳአይ ደኤ።
1KI 21:2 አካብ ናቡታ፥ “ታ ጎልያ ማታን ደእያ ድራዉ፥ ታን ታዉ አታክልትያ ሳኣ ኦꬃናዉ ታዉ ነ ዎይንያ ቱራ ሳኣ እማ። አ ድራዉ ነዉ ታን ሀራ ሎኦ ዎይንያ ቱራ ሳኣ እማና፤ ዎይ ኔን ዶሶፐ፥ አ ጋትያ ታን ነዉ ጭጋና” ያጌዳ።
1KI 21:3 ናቡተ አካባዉ፥ “ታን ታ አዎቱዋፐ ላቴዳ ጋድያ ታና ነዉ እምስያባፐ መꬍና ጎዳይ አሾ” ያጌዳ።
1KI 21:4 እዝራኤልያ ናቡተ፥ “ታን ታ አዎቱዋፐ ላቴዳ ጋድያ ነዉ እምከ” ጌዳ ድራዉ፥ አካብ ይሎቲደነ ላንጪደ ባረ ሶ ቤዳ። ባረ ግሱዋን ጎዳኮ ስም ግሲደ፥ ቁማ ሜናን እጼዳ።
1KI 21:5 አ ማቻታ ኤልዛቤላ አኮ ገላደ፥ “ኔን ሀዋ ኬና አያዉ ሀንቀታዲ? አያዉ ቁማ ሜናን እጻይ?” ያጋደ ኦቻዱ።
1KI 21:6 አካብ እዝዉ፥ “እዝራኤልያ ናቡታ ታን፥ ‘ነ ዎይንያ ቱራ ሳኣ ታዉ ዛልአ፤ ዎይ ነ ዶሶፐ፥ አ ድራዉ ታን ነዉ ሀራ ዎይንያ ቱራ ሳኣ እማና’ ያግና፥ እ፥ ‘ታ ዎይንያ ሳኣ ነዉ እምከ’ ያጌዳ። ታን ሄዋ ድራዉ ሀንቀታድ” ያጌዳ።
1KI 21:7 ማቻታ ኤልዛቤላ አ፥ “ኔን እስራኤልያ ቦላ ካትያ ግዳደ ሀዋዳን ሀናይ? ደንዳደ ማ! ዎዛናፐ ናሸታ! እዝራኤልያ ናቡተ ዎይንያ ቱራ ሳኣ ታን ነዉ እማና” ያጋዱ።
1KI 21:8 ሄዋ ድራዉ፥ ማቻታ አካባ ሱንꬃን ዳብዳበቱዋ አ ማታፋን አታማደ ናቡተና እትፐ ካታማን ደእያ ጭማቶነ ዎልቃማ አሳቶ ኪታዱ።
1KI 21:9 ሄ ዳብዳበቱዋ ሀዋዳን ያጋደ ጻፋዱ፤ “እት ጋላሳዉ ጾማ አዋይተ፤ ያቲደ አሳ ግዱዋን ናቡታ ቦንቾ ሳኣን ኡትስተ።
1KI 21:10 ላኡ ፓና አሳቱዋ አ ስንꬃን ኡትስተ። ሄ አሳቱ፥ ‘ናቡተ ጾሳነ ካትያ ቦሬዳ ያጊደ ማርካታናዳን ኦꬅተ። ሄዋፐ ጉይያን ጋጻ ከሲደ፥ ሹቻን ጫድ ዎꬍተ’ ” ያጋደ ጻፋዱ።
1KI 21:11 ሄዋ ድራዉ፥ ናቡተና እትፐ ካታማን ደእያ ጭማቱነ ዎልቃማ አሳቱ ኤልዛቤላ ኡንቱንቶ ጻፌዳ ዳብዳበቱዋን ጌዳዋዳን ኦꬄድኖ።
1KI 21:12 ኡንቱንቱ ጾማ አዋዪደ፥ ናቡታ አሳ ግዶን ቦንቾ ሳኣን ኡትሴድኖ።
1KI 21:13 ሄዋፐ ጉይያን ላኡ ፓꬄና አሳቱ ዪደ፥ አኮ ስም ኡቲደ፥ አሳ ስንꬃን፥ “ናቡተ ጾሳነ ካትያ ቦሬዳ” ያጊደ ዎርዱዋ ማርካቴድኖ። ናቡታ ካታማፐ ጋጻ ከሲደ፥ ሹቻን ጫዲደ ዎꬌድኖ።
1KI 21:14 ሄዋፐ ጉይያን ጭማቱ ኤልዛቤልኮ ኪቲደ፥ “ናቡተ ሹቻን ጫደቲደ ሀይቄዳ” ያጌድኖ።
1KI 21:15 ናቡተ ሹቻን ጫደቲደ ሀይቄዳዋ ኤልዛቤላ ስሶ ሳናካ፥ አካባ፥ “እዝራኤልያ ናቡተ ነዉ ሻሉዋን ዛልአናዉ እጼዳ ዎይንያ ቱራ ሳኣ ደንዳ ባደ፥ ነዉ አካ። እ ሀእ ፓጻ ባዋ፤ ሀይቂክቼዳ” ያጋዱ።
1KI 21:16 እዝራኤልያ ናቡተ ሀይቄዳዋ አካብ ስሲደ፥ ናቡተ ዎይንያ ቱራ ሳኣ ባረዉ አካናዉ ደንዲደ፥ ዱገ ቤዳ።
1KI 21:17 ሄዋፐ ጉይያን ትሽቢያ ኤላሳኮ መꬍና ጎዳ ቃላይ ዪደ፥
1KI 21:18 “ሳማርያን ካተቴዳ እስራኤልያ ካትያ አካባና ጋከታናዉ ዱገ ዎꬋ። እ ሀእ ናቡተ ዎይንያ ቱራ ሳኣ አካናዉ ቢደ፥ ያን ደኤ።
1KI 21:19 ኔን አ ሀዋዳን ያጋ፤ ‘መꬍና ጎዳይ ኔና፥ “ብታንያ ዎꬋደ፥ አ ጋድያ ነዉ አካዳ ግድኪ?” ያጌ’ ያጋ። ቃይካ አ፥ ‘መꬍና ጎዳይ ኔና፥ “ናቡተ ሱꬃ ካናቱ ላጬዳ ሳኣን ነ ሱꬃካ ካናቱ ላጫና” ያጌ’ ያጋ” ያጌዳ።
1KI 21:20 ሄዋፐ ጉይያን አካብ ኤላሳ፥ “ሀይ ታ ሞርክያዉ፥ ታና ደማድጋዲ?” ያጌዳ። “ኤ፥ ታን ኔና ደማ ድጋድ፤ አያዉ ጎፐ፥ ኔን መꬍና ጎዳ ስንꬃን ኢታባ ኦꬃናዉ፥ ነ ሁጲያ ናጋራዉ ዛልኣዳ።
1KI 21:21 ጾሳይ ኔና ሀዋዳን ያጌ፤ ‘ስሳ፥ ታን ነ ቦላ ኢታባ አሀና። ታን ነ ዘረꬃ ꬋይሳና፤ ታን እስራኤልያ ቢታን አካባ ጎልያ አሳፐ አይልያ ግድና ሎኡዋ ግድና፥ እት አቱማ አስነ አተናን ꬎቆላና።
1KI 21:22 ታን ነ ሶ አሳ ናባጻ ናኣ እዮርባማ ሶ አሳዳንነ አኪያ ናኣ ባእሻ ሶ አሳዳን ኦꬃና። አያዉ ጎፐ፥ ኔን እስራኤልያ አሳ ናጋራ ኦስሳደ፥ ታና ሀንቀꬃዳ’ ያጌ።
1KI 21:23 ቃይ መꬍና ጎዳይ ኤልዛቤልባ ኦዲደ፥ ‘እዝራኤላ ካታማ ግምቢያ ምይያን ካናቱ ኤልዛቤሎ ማና’ ያጌ።
1KI 21:24 አካባ ዛርያ ግዴዳ ካታማን ሀይቂያ ኦናነ ካናይ ማና፤ ቃይ ጋጻርያን ሀይቂያ ኦናነ ሳሉዋ ካፎቱ ማና” ያጌዳ።
1KI 21:25 ባረ ማቻታ ኤልዛቤላ ደንꬅና፥ መꬍና ጎዳ ስንꬃን ኢታባ ኦꬃናዉ ባረ ሁጲያ ናጋራዉ ዛልኤዳ፥ አካባ ማላ አሳይ ኡባካ ባዋ።
1KI 21:26 መꬍና ጎዳይ እስራኤልያ አሳ ስንꬃፐ ላጊደ ከሴዳ አሞረቱዋዳን ኤቃዉ ጎይንያዋን አካብ አꬍያ ሸነይያባ ሀኔዳ።
1KI 21:27 አካብ ሀ ሃሳያ ስሴዳ ዎደ፥ ባረ ማዩዋ ፔꬊደ፥ ዋሩዋ ማዬዳ፤ ያቲደ ጾሜ። ዋሩዋ ማዮሳና ግሴዳ፤ ካዮቲደ ሀመቴዳ።
1KI 21:28 ሄዋፐ ጉይያን መꬍና ጎዳ ቃላይ ትሽቢያ ኤላሳኮ ዪደ፥
1KI 21:29 “አካብ ባረ ሁጲያ ታ ስንꬃን ካዉሼዳዋ በኣዲ? እ ታ ስንꬃን ባረ ሁጲያ ካዉሼዳ ድራዉ፥ ታን ሀ ባሻ አ ዎድያን አህከ። ሽን ታን አ ናኣ ዎድያን አ ሶ አሳ ቦላ ሀ ባሻ አሀና” ያጌዳ።
1KI 22:1 ሶሪነ እስራኤሊ ኦለተናን ሄዙ ላይꬃ ሳሮ ደኤድኖ።
1KI 22:2 ሄዛንꬆ ላይꬃን ይሁዳ ካቲ ዮሳፌጸ እስራኤልያ ካትያ በአናዉ ቤዳ።
1KI 22:3 እስራኤልያ ካቲ ባረ ቆማቶ፥ “ጋላኣደን ደእያ ራሞታ ካታማይ ኑዋ ግድያዋነ ኑን ሀኖ ጋꬃናዉ ሄ ካታማ ሶርያ ካትያፐ ዎꬅ አካናዉ አይነ ኦꬅቤናዋ ኤርክቴ?” ያጌዳ።
1KI 22:4 ቃይካ እ ዮሳፌጻ፥ “ጋላኣደን ደእያ ራሞታ ካታማ ኦላናዉ ታናና ባኒ?” ያጌዳ። ዮሳፌጸ እስራኤልያ ካትያ፥ “ኤ፥ ኔን ኦላ ባናዉ ጊግያ ዎደ አዉደነ፥ ታን ጊጋና። ታ ኦላንቻቱ ነ ኦላንቻቱዋ ማላ፤ ታ ፓራቱካ ነ ፓራቱዋ ማላ” ያጌዳ።
1KI 22:5 ቃይካ ዮሳፌጸ እስራኤልያ ካትያ፥ “ግዶፐነ፥ ኔን ካሰታደ መꬍና ጎዳ ኦቻ” ያጌዳ።
1KI 22:6 እስራኤልያ ካቲ ትምቢትያ ኦድያ ኦይዱ ጼቱዋ አሳቱዋ እትፐ ሺሺደ፥ “ጋላኣደን ደእያ ራሞታ ካታማ ኦላናዉ ቦ ቦፖ?” ያጊደ ኡንቱንታ ኦቼዳ። ኡንቱንቱ፥ “ባ፤ አያዉ ጎፐ፥ ጾሳይ ሄ ካታማ ካትያ ነ ኩሽያን አꬂደ እማና” ያጌድኖ።
1KI 22:7 ሽን ዮሳፌጸ፥ “ኑን መꬍና ጎዳ ኦቻናዉ ዳንዳይያ ትምቢትያ ኦድያ ሀራ አሳይ ሀዋን ባዌ?” ያጌዳ።
1KI 22:8 እስራኤልያ ካቲ ዮሳፌጻዉ ዛሪደ፥ “ኑን አ ባጋና መꬍና ጎዳ ኦቻናዉ ዳንዳይያ እት ሀራ ብታኒ ደኤ፤ እ ይምላ ናኣ ምካሳ። ሽን ታን አ እጻይ፤ አያዉ ጎፐ፥ እ ኡባ ዎደካ ታዋ ኢታባ ኦዴፐ አትና ሎኦባ ኦድ ኤረና” ያጌዳ። ዮሳፌጸ እስራኤልያ ካትያ፥ “ካቲ ሄዋዳን ጎፖ!” ያጌዳ።
1KI 22:9 ሄዋፐ ጉይያን እስራኤልያ ካቲ ባረ ኦሳንቻቱዋፐ እቱዋ ጼሲደ፥ “ይምላ ናኣ ምካሳ ኤለካ አካደ ያ” ያጌዳ።
1KI 22:10 እስራኤልያ ካቲነ ይሁዳ ካቲ ዮሳፌጸ ባረንቱ ካዉተꬃ ማዩዋ ማዪደ፥ ሳማርያ ካታማ ገልያ ፐንግያ ማታን ደእያ ኡዱማን ባረንቱ ካዉተꬃ አራታን ኡቴድኖ፤ ትምቢትያ ኦድያ ኡባቱ ኡንቱንቱ ስንꬃን ትምቢትያ ኦዲኖ።
1KI 22:11 ኡንቱንቱፐ እቱ፥ ካናእና ናአይ ጽድቂ ብራታፐ ካጨቱዋ ጊግሲደ፥ አካባ፥ “መꬍና ጎዳይ ሀዋዳን ያጌ፤ ‘ሶረቱ ꬋያና ጋካናዉ ኔን ኡንቱንታ ሀ ካጨቱዋን ቃይጫና’ ያጌ” ያጌዳ።
1KI 22:12 ትምቢትያ ኦድያ ሀራ ኡባቱካ፥ “ጋላኣደን ደእያ ራሞታ ካታማ ባደ ኦላ፤ ኦላደካ ጾና። አያዉ ጎፐ፥ መꬍና ጎዳይ ሄ ካታማ ካትያ ኩሽያን አꬂደ እማና” ያጊደ ኦዴድኖ።
1KI 22:13 ሄዋፐ ጉይያን ምካሳ ጼሳናዉ ኪተት ቤዳ ብታኒ አ፥ “በአ፥ ትምቢትያ ኦድያ ኡባቱ እት ዶና ግዲደ፥ ‘ካቲ ሀ ኦላ ጾናና’ ያጊደ ኦዴድኖ። ሄዋ ድራዉ፥ ሀያና ነ ኦዱካ ኡንቱንቱፐ እቱዋ ማላ ግዶ፤ ኔንካ ሎኦባ ኦዳ” ያጌዳ።
1KI 22:14 ሽን ምካስ ሄ ብታንያ፥ “መꬍና ጎዳይ ኤሮ! መꬍና ጎዳይ ታዉ ኦድያዋ ታን ኦዳና” ያጌዳ።
1KI 22:15 ምካስ ካትያኮ ዬዳ ዎደ፥ ካቲ አ፥ “ምካሳ፥ ኑን ጋላኣደን ደእያ ራሞታ ካታማ ኦላናዉ ባኔየ ቦፓነ?” ያጊደ ኦቼዳ። ምካስ ካትያ፥ “ባደ ኦላ፤ ኦላደካ ጾና። መꬍና ጎዳይ ሄ ካታማ ካትያ ኩሽያን አꬂደ እማና” ያጌዳ።
1KI 22:16 ካቲ አ፥ “ኔን መꬍና ጎዳ ሱንꬃን ቱሙዋፐ አትና ሀራባ ታዉ ኦደናዳን ታን ኔና አፑ ገደ ጫቀꬃናዉ ኮሺ?” ያጌዳ።
1KI 22:17 እ፥ “እስራኤልያ ኦላንቻቱ ኡባይ ሄንꬃንቻይ ባይና ዶርሳቱዋዳን ደርያን ላለቴዳዋንታ ታን በኣድ። መꬍና ጎዳይ ኡንቱንታ፥ ‘ሀዋንቶ ጎዳይ ባዋ። ኡንቱንቱ ኡባይካ ባረንቱ ሶ ባረንቱ ሶ ሳሮ ቢኖ’ ያጌ” ያጌዳ።
1KI 22:18 እስራኤልያ ካቲ ዮሳፌጻ፥ “ ‘እ ታዋ ኢታባ ኦዴፐ አትና፥ ሎኦባ ኦድ ኤረና’ ጋደ፥ ታን ነዉ ኦዳበይክታ?” ያጌዳ።
1KI 22:19 ምካስ ጉጂደካ ሀዋዳን ያጌዳ፤ “ስም መꬍና ጎዳይ ግያዋ ስሳ! መꬍና ጎዳይ ባረ ካዉተꬃ አራታን ኡትና፥ ሳሉዋ ኦላንቻቱ ኡባይ አ ኡሸቻናነ ሀድርሳና ኤቄዳዋንታ ታን በኣድ።
1KI 22:20 መꬍና ጎዳይ፥ አካበ ጋላኣደን ደእያ ራሞታ ካታማ ቢደ፥ ያን ሀይቃናዳን ባለꬃናዌ ኦኔ? ያጌዳ። እቱ ሀዋዳን ግያ ዎደ፥ ሀራይ ቃይ ሄዋዳን ጌዳ።
1KI 22:21 ሄዋፐ ጉይያን ኢታ አያናይ ከሲደ መꬍና ጎዳ ስንꬃን ኤቂደ፥ ‘ታን አ ባለꬃና’ ያጌዳ።
1KI 22:22 “መꬍና ጎዳይ አያና፥ ዋታ ባለꬃን? ያጌዳ። “አያናይ፥ ‘ታን ከሳ ባደ፥ አዉ ትምቢትያ ኦድያዋንቱ ኡባቱዋ ዶናን ዎርዶትያ አያና ግዳና’ ያጌዳ። “መꬍና ጎዳይ፥ ‘ኤ፥ ኔን አ ባለꬃና፤ ነዉ ሄዌ ሀናና። ባደ ባለꬃ’ ያጌዳ” ያጌዳ።
1KI 22:23 ምካስ ጉጂደካ፥ “ሄዋ ድራዉ፥ መꬍና ጎዳይ ነዉ ትምቢትያ ኦድያዋንቱ ሀዋንቱ ኡባቱዋ ዶናን ዎርዶትያ አያና ዎꬄዳ፤ አያዉ ጎፐ፥ መꬍና ጎዳይ ነ ቦላ ባሻ አሀናዉ ቃቼዳ” ያጌዳ።
1KI 22:24 ሄዋፐ ጉይያን ካናእና ናአይ ጽድቂ ሺቂደ፥ ምካሳ ሻይያ ባቂደ፥ “መꬍና ጎዳ አያናይ ታ ማታፐ ዋኒደ ነዉ ኦዳናዉ ቤዴ?” ያጌዳ።
1KI 22:25 ምካስ አ፥ “ኔን ቆሰታናዉ ቆልኦ ገልያ ጋላስ ሄዋ ደማና” ያጌዳ።
1KI 22:26 ሄዋፐ ጉይያን እስራኤልያ ካቲ ባረ ኦላንቻቱዋፐ እቱዋ አዛዚደ፥ “ምካሳ ኦይቃደ ካታማ ሞድያ አሞናዉነ ታ ናኣ ዮኣሻዉ አፋደ እማ።
1KI 22:27 ኡንቱንታ፥ ካቲ ህንተንታ፥ ‘ሀ ብታንያ ቃሾ ጎለን ቃቺደ ታን ሳሮ ስማና ጋካናዉ፥ ጉꬃ ኡክꬃፐነ ሃꬃፐ ሀራባ አያነ አዉ እሞፕተ’ ያጌ ያጋ” ያጌዳ።
1KI 22:28 ምካስ አ፥ “ቱሙ ኔን ሳሮ ስምያዋ ግዶፐ፥ መꬍና ጎዳይ ታናን ሃሳይቤና” ያጌዳ። ቃይካ ምካስ፥ “አሳዉ ኡባዉ፥ ታን ኦዴዳዋ አኬክተ” ያጌዳ።
1KI 22:29 ሄዋፐ ጉይያን እስራኤልያ ካቲነ ይሁዳ ካቲ ዮሳፌጸ ጋላኣደን ደእያ ራሞታ ካታማ ቤድኖ።
1KI 22:30 እስራኤልያ ካቲ ዮሳፌጻ፥ “ታን ማዩዋ ላማደ፥ ሀራ አሳ ማላታደ፥ ኦላዉ ገላና፤ ሽን ኔን ነ ካትያ ማዩዋ ማያ” ያጌዳ። እስራኤልያ ካቲ ማዩዋ ላሚደ፥ ሀራ አሳ ማላቲደ፥ ኦላዉ ገሌዳ።
1KI 22:31 ሶርያ ካቲ ባረ ፓራ ጋረቱዋ አዛዝያ ሀታማነ ላኡ አሳቱዋ፥ “ግታትና ጉጽና ሀራ አሳ ኦናናካ ኦለቶፕተ፤ እስራኤልያ ካትያ ጻላላና ኦለትተ” ያጊደ አዛዜዳ።
1KI 22:32 ፓራ ጋርያ አዛዝያዋንቱ ዮሳፌጻ በኤዳ ዎደ፥ “ቱማ ሀዌ እስራኤልያ ካትያ” ያጌድኖ። አናና ኦለታናዉ ስሜድኖ፤ ዮሳፌጸ ዋሴዳ።
1KI 22:33 ፓራ ጋረቱዋ አዛዝያዋንቱ እ እስራኤልያ ካትያ ግደናዋ በኢደ፥ አ የደርስያዋ አግ አጌድኖ።
1KI 22:34 እት ብታኒ ጮ ባረ ዎንዳፍያን ኦላንቻቱ ቦላ ዱኪደ፥ እስራኤልያ ካትያ ኦላ ማዩ ጋከትያ ሄራና ጫዴዳ። እስራኤልያ ካቲ ባረ ጋርያ ላግያ ብታንያ፥ “ጋርያ ጉየ ዛራደ፥ ታና ኦላ ግዱዋፐ ከሳ። አያዉ ጎፐ፥ ታን ኢታ ጫቻ ጫደታክቻድ” ያጌዳ።
1KI 22:35 ሄ ጋላስ ኦላይ ሱልያ ዎደ፥ እስራኤልያ ካቲ አካብ ባረ ፓራ ጋርያ ግዶን ዘምፒደ፥ ሶረቱዋ ስንꬃን ታኬዳ። አ ጫቻ ሱꬃይ ፓራ ጋርያ ግዶ ጉክና፥ ሄ ኦማርስካ እ ሀይቂ ባሼዳ።
1KI 22:36 አዋይ ዉላናዉ ማትሽና ኦላንቻቱ ግዶን፥ “አሳይ ኡባይ ባረ ካታማ ባረ ካታማ ቦ! አሳይ ኡባይ ባረ ጋድያ ባረ ጋድያ ቦ!” ያግያ አዛዙ ከሴዳ።
1KI 22:37 ሄዋፐ ጉይያን ኡንቱንቱ ካትያ ሳማርያ ካታማ አሂደ ያን ሞጌድኖ።
1KI 22:38 ሻርሙጻቱ ሜጨትያ፥ ዳጋት ኡቴዳ ሳማርያ ሃꬃን ኡንቱንቱ ጋርያ ሜጬድኖ። መꬍና ጎዳይ ካሰ ሃሳዬዳ ቃላዳንካ፥ አ ሱꬃ ካናቱ ላጬድኖ።
1KI 22:39 አካብ ሀኔዳ ሀራባይ፥ እ ኦꬄዳባይ ኡባይ፥ ዳንጋርሳ ዛልያን ካትያ ጎልያ እ ኬጼዳባይነ እ ግምቤዳ ካታማቱዋባይ ኡባይ እስራኤልያ ካተቱ ታርክያ ማጻፋን ጻፈት ኡቴዳ።
1KI 22:40 አካብ ሀይቂደ ባረ ማይዛን ጋከቴዳ፤ አ ሳኣን አ ናአይ አካዝያስ ካተቴዳ።
1KI 22:41 እስራኤልያ ካቲ አካብ ካተቴዳ ኦይደንꬆ ላይꬃን አሳ ናአይ ዮሳፌጸ ይሁዳን ካተቴዳ።
1KI 22:42 እ ካተትያ ዎደ ላይꬃይ አዉ ሀታማነ እቼሻ፤ እ የሩሳላመን ላታማነ እቼሹ ላይꬃ ካተቴዳ። አ ዳያ ሺልሀ ናቶ አዙቦ ጌተታዉ።
1KI 22:43 ዮሳፌጸ ባረ አዉዋ አሳ ኦግያን ኡባን ሀመቴዳ፤ እ ሄ ኦግያፐ ሸርእ ግቤና፤ መꬍና ጎዳ ስንꬃን ሱረባ ኦꬄዳ። ግዶፐነ፥ ጎይንያ ꬎቃ ሳኣ ꬋይስቤና፤ አሳይ ሄ ግሹዋን ያርሹዋ ያርሽያዋነ እጻና ጩዋይያዋ አግቤና።
1KI 22:44 ዮሳፌጽካ እስራኤልያ ካትያና ስገቴዳ።
1KI 22:45 ዮሳፌጸ ሀኔዳ ሀራባይ፥ አ ምኖተꬃይነ እ ኦለቴዳ ኦላይ ይሁዳ ካተቱ ታርክያ ማጻፋን ጻፈት ኡቴዳ።
1KI 22:46 ጎይኖ ዎጋ ኦꬂደ አቱማዋንቱ አቱማዋንቱና ሻርሙጽያዋንታ፥ አ አዉ አሳይ ካተቴዳ ዎድያፐ አቴዳዉንታ ጋድያፐ ꬋይሴዳ።
1KI 22:47 ሄ ዎደ ኤዶማ ቢታን ካቲ ባዋ፤ ሄ ቢታ ሱንቴዳ ካፑ ሞዴዳ።
1KI 22:48 ኦፊራ ጋድያ ቢደ ዎራ አሀናዳን ዮሳፌጸ ዎልቃማ ማርካባቱዋ መꬌዳ፤ ሽን ሄ ማርካባቱ ኤጽዮን-ጋብራን መኤረቴድኖፐ አትና ኡባካ ብበይክኖ።
1KI 22:49 ሄ ዎደ አካባ ናአይ አካዝያስ ዮሳፌጻ፥ “ታ ቆማቱዋና ነ ቆማቱዋ እትፐ ማርካብያን ቢኖ” ያጌዳ፤ ሽን ዮሳፌጸ እጼዳ።
1KI 22:50 ዮሳፌጸ ሀይቂደ ባረ ማይዛን ጋከቴዳ። ባረ ማይዛ አዉዋ ዳዊታ ካታማን ሞገቴዳ። አ ሳኣን አ ናአይ ዮራመ ካተቴዳ።
1KI 22:51 ይሁዳ ካቲ ዮሳፌጸ ካተቴዳ ታማነ ላፑንꬃ ላይꬃን አካባ ናአይ አካዝያስ እስራኤልያ ቦላ ሳማርያን ካተቴዳ፤ እስራኤልያ ቦላ ላኡ ላይꬃ ካተቴዳ።
1KI 22:52 አካዝያስ መꬍና ጎዳ ስንꬃን ኢታባ ኦꬄዳ፤ ባረ አዉዋነ ባረ ዳይ ኦግያንነ እስራኤልያ አሳ ናጋራ ኦስሴዳ ናባጻ ናኣ እዮርባማ ኦግያን ሀመቴዳ።
1KI 22:53 አካዝያስ ባኣላዉ ኦꬄዳነ ጎይኔዳ። አ አዉ ካሰ ኦꬄዳዋዳን፥ መꬍና ጎዳ፥ እስራኤልያ ጾሳ እ ሀንቀꬄዳ።
2KI 1:1 አካብ ሀይቄዳዋፐ ጉይያን፥ ሞኣበ ቢታ አሳይ እስራኤልያ ቦላ ደንዴዳ።
2KI 1:2 ሄ ዎደ ካቲ አካዝያስ ሳማርያ ካታማን ቦላ ፖቅያ ባራንዳፐ ኩንዲደ ደሸቴዳ። ሄዋ ድራዉ አሳቱዋ፥ “ቢተ፤ ታን ሀ ደሸꬃፐ ፓጻነንቶ፥ አጋነንቶ፥ ኤቅሮና ካታማ ጾሳ ብኤል-ዘቡላ አነ ታዉ ኦችተ” ያጊደ ኪቴዳ።
2KI 1:3 ሽን መꬍና ጎዳ ኪታንቻይ ትስቢያ ኤላሳ ሀዋዳን ያጌዳ፤ “ባ፤ ፑደ ባደ፥ ሳማርያ ካቲ ኪቴዳ አሳቱዋና ጋከታ። ኡንቱንታ፥ ‘ህንተ ኤቅሮና ካታማ ጾሳ ብኤል-ዘቡላ ኦቻናዉ ቤዳዌ፥ እስራኤልያን ጾሳይ ꬋይኔየ?’ ያጋ።
2KI 1:4 ሄዋ ድራዉ፥ መꬍና ጎዳይ ሀዋዳን ያጌ፤ ‘ካትያዉ፥ ኔን ሀይቃናፐ አትና፥ ሀ ግሴዳ ግሱዋፐ ደንዳካ’ ያጌ” ያጌዳ። ኤላስ ቢደ፥ ኡንቱንቶ ኦዴዳ።
2KI 1:5 ኪቴዳ አሳቱ ካትያኮ ጉየ ስምና፥ እ ኡንቱንታ፥ “አያዉ ስሜድቴ?” ያጊደ ኦቼዳ።
2KI 1:6 ሽን ኡንቱንቱ አዉ ሀዋዳን ያጊደ ዛሬድኖ፥ “እት ብታኒ ኑናና ጋከታናዉ ዪደ፥ ህንተና ኪቴዳ ካትያኮ ስሚደ ቢተ።” አዉ ሀዋዳን ያግተ “መꬍና ጎዳይ ኔና፥ ‘ኤቅሮና ጾሳ ብኤል-ዘቡላ ኦሽሳናዉ ኔን አሳ ኪትያዌ፥ እስራኤልያን ጾስ ꬋይኔየ? ሄዋ ድራዉ፥ ኔን ሀይቃናፐ አትና፥ ሀ ግሴዳ ግሱዋፐ ደንዳካ ያጌ’ ያግተ ያጌዳ” ያጌድኖ።
2KI 1:7 ካቲ ኡንቱንታ፥ “ህንተንቱና ጋከታናዉ ዪደ፥ ሀ የዉዋ ህንተንቶ ኦዴዳ ብታኒ አይ ማላ አሴ?” ያጊደ ኦቼዳ።
2KI 1:8 ኡንቱንቱ፥ “መህያ እስክያን ዳደቴዳ ካባ ማዪደ፥ ባረ ጼሳን ዳፉዋ ዳንጬ” ያጊደ ዛሬድኖ። እ፥ “ሄዌ ትስቢያ ኤላሳ” ያጌዳ።
2KI 1:9 ሄዋፐ ጉይያን፥ ካቲ እሻታሙዋ ካፑዋ አ እሻታሙ ኦላንቻቱዋና ኪቴዳ። ካፑ ደርያ ሁጲያን ኡቴዳ ኤላሳኮ ፑደ ከሲደ፥ “ጾሳ አሳዉ፥ ካቲ ኔና፥ ‘ዱገ ዎꬋ’ ያጌ” ያጌዳ።
2KI 1:10 ሽን ኤላስ እሻታሙዋ ካፖ፥ “ታን ጾሳ አሳ ግዶፐ፥ ታማይ ሳሉዋፐ ዎꬊደ፥ ኔናነ ነ እሻታማቱዋነ ሞ” ያጊደ ዛሬዳ። ታማይ ሳሉዋፐ ዎꬊደ፥ እሻታሙዋ ካፑዋነ አ እሻታማቱዋነ ሜዳ።
2KI 1:11 ቃይ ካቲ ሀራ እሻታሙ ኦላንቻቱዋና ሀራ እሻታሙዋ ካፑዋ ኤላሳኮ ኪቴዳ። እሻታሙዋ ካፑ ኤላሳ፥ “ጾሳ አሳዉ፥ ካቲ ኔና፥ ኤለካ ዱገ ዎꬋ ያጌ” ያጌዳ።
2KI 1:12 ኤላስ አዉ፥ “ታን ጾሳ አሳ ግዶፐ፥ ታማይ ሳሉዋፐ ዎꬊደ፥ ኔናነ ነ እሻታማቱዋነ ሞ” ያጌዳ። ጾሳ ታማይ ሳሉዋፐ ዎꬊደ፥ እሻታሙዋ ካፑዋነ አ እሻታማቱዋነ ሜዳ።
2KI 1:13 ቃይካ ካቲ እሻታሙ ኦላንቻቱዋና ሀራ ሄዘንꬆ እሻታሙዋ ካፑዋ ኪቴዳ። እሻታሙዋ ካፑ ፑደ ከሲደ፥ ኤላሳ ስንꬃን ጉልባቲደ፥ “ጾሳ አሳዉ፥ ሀያና፥ ታናነ ታናና ደእያ ሀ እሻታሙ አሳቱዋ ማራ! ኑ ሸምፑዋካ ሀይቁዋፐ አሻ!
2KI 1:14 ታማይ ሳሉዋፐ ዎꬊደ፥ ካሰ እሻታማቱዋ ካፑዋ አሳነ ኡንቱንታ እሻታማቱዋ ኡባነ ሜዳ። ሽን ሀእ ታና ማራ!” ያጊደ ዎሴዳ።
2KI 1:15 መꬍና ጎዳ ኪታንቻይ ኤላሳዉ፥ “ያዮፓ! አናና ዱገ ዎꬋ” ያጌዳ። ኤላስ ደንዲደ፥ አናና ዱገ ዎꬌዳ።
2KI 1:16 እ ካትያዉ፥ “መꬍና ጎዳይ ኔና ሀዋዳን ያጌ፤ ‘ነዉ ኦቻናዉ እስራኤልያን ጾስ ꬋይኔ፥ ኔን ኤቅሮና ጾሳ ብኤል-ዘቡላ ኦቻናዉ አሳ ኪቴዳዌ? ኔን ሀዋ ኦꬄዳ ድራዉ፥ ሀይቃና! ነ ግሴዳ ግሱዋፐካ ደንዳካ’ ያጌ” ያጌዳ።
2KI 1:17 ኤላስ ሃሳዬዳ መꬍና ጎዳ ቃላዳንካ አካዝያስ ሀይቄዳ፤ አካዝያሳዉ አቱማ ናእ ባይና ድራዉ፥ አ እሻይ ዮራመ አ ኮታን ካተቴዳ፤ ሄዌ ሀኔዳዌ ዮሳፌጻ ናአይ ዮራመ ይሁዳን ካዉቴዳ ላኤንꬆ ላይꬃና።
2KI 1:18 አካዝያስ ሀኔዳ ሀራባይነ እ ኦꬄዳባይ ኡባይ እስራኤልያ ካተቱ ታርክያ ማጻፋን ጻፈት ኡቴዳ።
2KI 2:1 መꬍና ጎዳይ ኤላሳ ጎትያን ሳሉዋ አፋናዉ ሀንያ ዎደ፥ ኤላስነ ኤልሳእ ገልጋላፐ ደንዲደ ቤድኖ።
2KI 2:2 ኤላስ ኤልሳአ፥ “መꬍና ጎዳይ ታና ቤቴለ ካታማ ኪቴዳ ድራዉ፥ ሀያና ኔን ሀዋን ታካሻ” ያጌዳ። ሽን ኤልሳእ፥ “መꬍና ጎዳይ ኤሮ! ነ ሸምፑ ኤሮ! ታን ኔፐ ሻከትከ” ያጌዳ። ኡንቱንቱካ ዱገ ቤቴለ ዎꬌድኖ።
2KI 2:3 ቤቴለን ደእያ ትምቢትያ ኦድያዋንቱ ጭታይ ኤልሳአኮ ከሲደ፥ “መꬍና ጎዳይ ሀቼ ነ ጎዳ ኔፐ ሻክ አፋናዋ ኔን ኤራይ?” ያጊደ ኦቼድኖ። ኤልሳእ፥ “ኤ ኤራይ። ሽን ህንተንቱ ጮኡ ጊተ” ያጊደ ዛሬዳ።
2KI 2:4 ሄዋፐ ጉይያን፥ ኤላስ ኤልሳአ፥ “መꬍና ጎዳይ ታና ያርኮ ኪቴዳ ድራዉ፥ ሀያና ኔን ሀዋን ታካሻ” ያጌዳ። ሽን ኤልሳእ፥ “መꬍና ጎዳይ ኤሮ! ነ ሸምፑ ኤሮ! ታን ኔፐ ሻከትከ” ያጊደ ዛሬዳ። ሄዋ ድራዉ፥ ኡንቱንቱ ያርኮ ቤድኖ።
2KI 2:5 ያርኮን ደእያ ትምቢትያ ኦድያዋንቱ ጭታይ ኤልሳአኮ ከሲደ፥ “መꬍና ጎዳይ ሀቼ ነ ጎዳ ኔፐ ሻክ አፋናዋ ኔን ኤራይ?” ያጊደ ኦቼድኖ። እ፥ “ኤ ኤራይ። ሽን ህንተንቱ ጮኡ ጊተ” ያጊደ ዛሬዳ።
2KI 2:6 ሄዋፐ ጉይያን፥ ኤላስ ኤልሳአ፥ “መꬍና ጎዳይ ታና ዮርዳኖሳ ሻፋ ኪቴዳ ድራዉ፥ ሀያና ኔን ሀዋን ታካሻ” ያጌዳ። ኤልሳእ፥ “መꬍና ጎዳይ ኤሮ! ነ ሸምፑ ኤሮ! ታን ኔፐ ሻከትከ” ያጌዳ። ኡንቱንቱ ላአቱካ እትፐ ቤድኖ።
2KI 2:7 ትምቢትያ ኦድያዋንቱፐ እሻታሙ አሳቱ ኡንቱንታ ካሊደ፥ ዮርዳኖሳ ሻፋ ጋካናዉ ቤድኖ። ኤላስነ ኤልሳእ ሻፋ ዶናን ኤቂደእሽን፥ ትምቢትያ ኦድያዋንቱ ኡንቱንቱፐ ላፋ ሃኪደ ኤቄድኖ።
2KI 2:8 ሄ ዎደ ኤላስ ባረ ካባ አኪደ ጻጺደ፥ አን ሃꬃ ሾጬዳ። ሃꬃይ ያነ ሃነ ሻከቴዳ፤ መላ ቢታ የꬊደ ፕኔድኖ።
2KI 2:9 ኤላስ ኤልሳአ፥ “ታን ኔፐ አከታክቻናፐ ካሰታደ፥ ነዉ አያ ኦꬃና ማላ ኮያይ? አነ ኦዳ” ያጌዳ። ኤልሳእ፥ “ታን ኔና ኮችያ ዎደ፥ ነ አያናይ ታዉ ላኡ ዳኩዋ ግዳና ማላ፥ ታን ኔና ዎሳይ” ያጊደ ዛሬዳ።
2KI 2:10 ኤልሳአ፥ “ኔን መትያ ኦሻ ኦቻዳ። ሽን ታን ኔፐ ሻከታ ሳሉዋ ብያ ዎደ ኔን ታና ጼልያዋ ግዶፐ፥ ሄዌ ነዉ ሀናና። ሄዌ ꬋዮፐ ሀነና” ያጌዳ።
2KI 2:11 ሄዋፐ ጉይያን፥ ኡንቱንቱ እትፐ ሃሳዪድ ሀመትሽን፥ ታማ ፓራቱነ ኡንቱንቱ ጎችያ ታማ ጋሪ አኬከናን ፑቱ ጊደ፥ ኡንቱንቱ ላኡዋፐ ግዱዋን ገሊደ፥ ሻኬዳ። ኤላስ ጎትያን ሳሉዋ ከሴዳ።
2KI 2:12 ኤልሳእ ሄዋ በኢደ፥ “ታ አዎ፥ ታ አዎ! ኔን እስራኤልያ አሳዉ ዎልቃነ ጎንዳለ ሽን!” ያጊደ ዋሴዳ። ሄዋፐ ስሚደ፥ እ ኤላሳ ኡባካ በእቤና። ኤልሳእ ሄዋን ካዮቲደ፥ ባረ ማዩዋ ላኡ ከሲደ፥ ፖሽ ኦሌዳ።
2KI 2:13 ያቲደ ኤላሳፐ ዎꬌዳ ካባ እ ደንꬂደ፥ ጉየ ስሜዳ፤ ዮርዳኖሳ ሻፋ ዶናን ኤቄዳ።
2KI 2:14 ኤላሳፐ ዎꬌዳ ካባ አኪደ፥ ሃꬃ አን ሾጪደ፥ “መꬍና ጎዳይ ኤላሳ ጾሳይ ሀቃን ደኢ?” ያጌዳ። ኤልሳእ ሃꬃ ሾጬዳ ዎደ፥ ሃꬃይ ያነ ሃነ ሻከቴዳ፤ ሻፋ ፕኔዳ።
2KI 2:15 ያርኮፐ ዬዳ ትምቢትያ ኦድያዋንቱ ጭታይ ኤልሳአ በኤዳ ዎደ፥ “ኤላሳ አያናይ ኤልሳአ ቦላ ሸምፔዳ” ያጌድኖ። ኡንቱንቱ አናና ጋከታናዉ ዪደ፥ አ ስንꬃን ሳኣን ጉፋኔድኖ።
2KI 2:16 ያቲደ ኡንቱንቱ አ፥ “በአ፥ ኑን ነ ቆማቱ እሻታሙ ምኖ አሳቱ ሀዋን ደኤቶ። ሀያና ኑን ነ ጎዳ ኮያናዉ ባና። ኦን ኤሪ፥ መꬍና ጎዳ አያናይ አ አኪደ፥ እት ደርያ ሁጲያን ዎይ ዛንጋራ ግዶን የጌደንቶነ” ያጌድኖ። ኤልሳእ፥ “ሀነና፥ ቦፕተ!” ያጌዳ።
2KI 2:17 ሽን እጻድ ጋናዌ አ ዬላያና ጋካናዉ፥ ኡንቱንቱ አ ዎሲደ አገናን እጽና፥ “ቢተ” ያጌዳ። ኡንቱንቱ እሻታሙ ቤድኖ። ሄዙ ጋላሳ ኮዪደ፥ አ ደምቤይክኖ።
2KI 2:18 ኤልሳእ ያርኮን ታክ ደእሽን፥ ኡንቱንቱ አኮ ስሚደ ዪና፥ “ዎን ታን ህንተንታ ‘ቦፕተ’ ያጋበይክታ?” ያጌዳ።
2KI 2:19 ሄዋፐ ጉይያን፥ ያርኮ ካታማን ደእያ አሳቱ ኤልሳአ፥ “ኔን ኑ ጎዳይ በእያዋዳን ሀ ካታማይ ደእያ ሳአይ ሎአ። ሽን ሃꬃይ ኢታ፤ ቃይ ቢታይካ አይፈና” ያጌድኖ።
2KI 2:20 እ ኡንቱንታ፥ “አነ ኦራꬃ ከርያን ማጽንያ ቆሊደ፥ ታዉ አኪደ ዪተ” ያጊደ አዛዜዳ፤ አዉ አሄድኖ።
2KI 2:21 ኤልሳእ ፑልትያ ቢደ፥ ማጽንያ አን የጊደ፥ “መꬍና ጎዳይ፥ ‘ታን ሀ ሃꬃ ፓꬃድ፤ ሀዋፐ ስንꬃናዉ ሀ ሃꬃይ ሀይቁዋስ ጋሶ ግደና፤ ቢታይካ አይፋናዋ’ ያጌ” ያጌዳ።
2KI 2:22 ኤልሳእ ሃሳዬዳዋዳንካ ሀቼ ጋካናዉ፥ ሄ ሃꬃይ ጽሎ ግዴዳ።
2KI 2:23 ኤልሳእ ያፐ ደንዲደ፥ ፑደ ቤቴለ ከሴዳ። እ ኦግያን ቢሽን፥ ያላጋ አቱማ ናናይ ካታማፐ ከሲደ፥ “ላ ሀ ሁጲያና ቦአዉ፥ ፑደ ከሳ! ላ ሀ ሁጲያና ቦአዉ፥ ፑደ ከሳ!” ያጊደ አ ቦላ ቅሊጬድኖ።
2KI 2:24 ጉየ ስም ጼሊደ፥ ኡንቱንታ መꬍና ጎዳ ሱንꬃን ሸቄዳ። ያትና ባባንꬃ ጌተትያ ላኡ ማጫ ዶአቱ ዎራፐ ከሲደ፥ ናናቱዋፐ ኦይታማነ ላኡ ያላጋቱዋ ፑዘረꬂደ ዎꬌድኖ።
2KI 2:25 ኤልሳእ ሄዋፐ ደንዲደ፥ ቃርመሎሳ ደርያ ቤዳ፤ ቃይ ሄዋፐካ ሳማርያ ስሜዳ።
2KI 3:1 ይሁዳ ካቲ ዮሳፌጸ ካተቴዳ ታማነ ሆስፑንꬃ ላይꬃን አካባ ናአይ ዮራመ ሳማርያን እስራኤልያ ቦላ ካተቴዳ፤ እ ታማነ ላኡ ላይꬃ ካተቴዳ።
2KI 3:2 እ መꬍና ጎዳ ስንꬃን ኢታ ኦꬄዳ። ሽን ባረ አዉዋነ ባረ ዳይ ኤልዛቤል ኬሻ ኢታ ግደና፤ አያዉ ጎፐ፥ አ አዉ ኦꬄዳ ባኣላ ኤቃ እ ꬎቆሌዳ።
2KI 3:3 ግዶፐነ ናባጻ ናአይ እዮርባም እስራኤልያ አሳ ኦስሴዳ ናጋራ እ ካሌዳፐ አትና ꬋይስቤና።
2KI 3:4 ሞኣበ ቢታ ካቲ ሜሻእ ዶርሳ ሄሜ። እ እስራኤልያ ካትያዉ ጼቱ ሻአ ቦልትቦልታ ዶርሳቱዋነ ጼቱ ሻአ ኮልያ ዶርሳቱዋ እስክያ ላይꬃን ላይꬃን ጊሬ።
2KI 3:5 ሽን እስራኤልያ ካትያ አካብ ሀይቄዳዋፐ ጉይያን፥ ሞኣበ ካቲ ሜሻእ እስራኤልያ ቦላ ማካሌዳ።
2KI 3:6 ሄ ዎደ ካቲ ዮራመ ሳማርያፐ ከሲደ፥ እስራኤልያ ኡባ ሺሼዳ።
2KI 3:7 ቃይ ይሁዳ ካትያ ዮሳፌጻኮ ኪታ የዲደ፥ “ሞኣበ ካቲ ታ ቦላ ማካሌዳ፤ ሞኣበና ኦለታናዉ ኔን ታናና ባኒ?” ያጌዳ። ዮሳፌጸ፥ “ኤ ታን ባና። ታን ነ ማላ፤ ታ አሳይካ ነ አሳ ማላ፤ ቃይ ታ ፓራቱካ ነ ፓራቱዋ ማላ” ያጊደ ዛሬዳ።
2KI 3:8 ዮሳፌጸ ቃይ፥ “ኑን ሀቃ ኦግያና ቢደ ኡንቱንታ ኦላኔ?” ያጊደ ኦቼዳ። ካትያ ዮራመ፥ “ኤዶማ ዎራን ደእያ ኦግያና ቢደ ኦላና” ያጊደ ዛሬዳ።
2KI 3:9 ሄዋ ድራዉ፥ እስራኤልያ ካቲ፥ ይሁዳ ካቲነ ኤዶማ ካቲ ኦላዉ ከሴድኖ። ኡንቱንቱ ላፑን ጋላሳ ኦግያ ዩዬዳዋፐ ጉይያን፥ ኦላንቻቶካ ኡንቱንታ ካሌዳ መህያዉካ አይ ሃꬅነ ባዋ።
2KI 3:10 ሄ ዎደ እስራኤልያ ካቲ፥ “አየ አና! መꬍና ጎዳይ ኑና ሀ ሄዙ ካተቱዋ እትፐ ሞኣበ ካትያዉ አꬂደ እማናዉ ጼሴዳ” ያጌዳ።
2KI 3:11 ሽን ዮሳፌጸ፥ “ኑን አ ባጋና መꬍና ጎዳ ኦቻናዳን ሀዋን ትምቢትያ ኦድያዌ ባዌ?” ያጊደ ኦቼዳ። እስራኤልያ ካትያ ኦላ ጋዳዋቱዋፐ እቱ፥ “ኤላሳ ማዲደ ደኤዳ ሻፋጻ ናአይ ኤልሳእ ሀዋን ደኤ” ያጊደ ዛሬዳ።
2KI 3:12 ዮሳፌጸ፥ “ኤ፥ እ ቱሙ ትምቢትያ ኦድያዋ” ያጌዳ። ሄዋፐ ጉይያን፥ እስራኤልያ ካቲ፥ ዮሳፌጽነ ኤዶማ ካቲነ ኤልሳአኮ ዱገ ዎꬌድኖ።
2KI 3:13 ኤልሳእ እስራኤልያ ካትያ፥ “ታናናነ ኔናና አዬ ጋꬅያዌ? ባ፤ ባደ ነ አዉነ ነ ዳያነ ኦቼዳ ትምቢትያ ኦድያዋንታ ኦቻ” ያጌዳ። እስራኤልያ ካቲ ዛሪደ፥ “ቱይት፥ አያዉ ጎፐ፥ ሀ ሄዙ ካተቱዋካ እትፐ ሞኣበ ካትያዉ አꬂደ እማናዉ ኑና ጼሴዳዌ መꬍና ጎዳቴ!” ያጌዳ።
2KI 3:14 ኤልሳእ፥ “ታን አዉ ኦꬅያ ኡባፐ ዎልቃማ መꬍና ጎዳይ ኤሮ! ይሁዳ ካትያ ዮሳፌጻ ድራይ ባይናዋ ግድንቶ፥ ታን ኔና አይፍያንነ ጼልከነ በእከ ሽን።
2KI 3:15 አነ ታዉ ሀእ ዲꬃ ዲጽያዋ አህተ” ያጌዳ። ዲጽያዌ ዲጽሽን፥ መꬍና ጎዳ ዎልቃይ አ ቦላ ዎꬌዳ።
2KI 3:16 ኤልሳእ፥ “መꬍና ጎዳይ፥ ‘ሀ መላ ዛንጋራ ኡባን ኦላ ቦክተ’ ያጌ።
2KI 3:17 አያዉ ጎፐ፥ መꬍና ጎዳይ፥ ጫርኩዋ ዎይ እራ በእክታ፤ ሽን ሀ ቦኬዳ ዛንጋራን ሃꬃይ ኩማና፤ ህንተንቱ፥ ህንተንቱ ሚዛይነ ህንተንቱ ሀራ መሂ ኡሻና ያጌ።
2KI 3:18 ሀዌ መꬍና ጎዳ ስንꬃን ላፋባ፤ ቃይ መꬍና ጎዳይ ሞኣባካ ህንተንቶ አꬂደ እማና።
2KI 3:19 ግምበቴዳ ካታማቱዋነ ዎልቃማ ካታማቱዋ ኡባ ህንተንቱ ጾናና። ሎኦ ምꬃቱዋ ኡባካ ቃንጻና፤ ሃꬃ ፑልቶቱዋ ኡባቱዋካ ህንተንቱ ባራና፤ አራዳ ሾይቃቱዋ ኡባ ቦላን ሹቻ ላሊደ ባይዛና” ያጌዳ።
2KI 3:20 ዎንተꬃ ጋላስ ዎንታ ያርሹዋ ያርሽያ ዎዲ ጋክና፥ ኤዶማ ባጋና ሃꬃይ ጎጌዳ፤ ሃꬃይ ቢታን ኤሌዳ።
2KI 3:21 ሞኣበ ቢታ አሳይ ሄዙ ካተቱ ኡንቱንታ ኦላናዉ ዬዳዋ ስሴዳ። ናናይ፥ ጭማይ ኦላ ሚሻ ቶካናዉ ዳንዳይያ አሳይ ኡባይ ጼሰት ዪደ፥ ባረንቱ ቢታ ዛዋ ናጌድኖ።
2KI 3:22 ኡንቱንቱ ዎንታ ጉራና ደንድያ ዎደ፥ ሃꬃ ቦላ ዎꬌዳ ጻልቂ ዞኢደ፥ ኡንቱንቶ ሱꬃ ማላቲደ ቤቴዳ።
2KI 3:23 ያትና ኡንቱንቱ፥ “በእተ፥ ሀዌ ሱꬃ! ካተቱ ባረንቱ ግዶን እቱ እቱዋና ኦለቲደ፥ ሀይቂ ዉሬድኖ። ሞኣበ አሳዉ፥ አነ ቢደ፥ ኡንቱንታ አቁዋ ቆጭሬቶ” ያጌድኖ።
2KI 3:24 ሞኣበ ቢታ አሳይ እስራኤላቱ አቁዋ ቤዳ፤ እስራኤላቱ ደንዲደ፥ ኡንቱንታ ሾጬድኖ። ኡንቱንቱ ጋድያ ቦላን ማዬድኖ፤ ሞኣበ አሳ ዎꬌድኖ።
2KI 3:25 ካታማቱዋካ ኦለቲደ ባይዜድኖ። አሳይ ኡባይ ሁጲያን ሁጲያን እት እት ሹቻ አኪደ፥ አራዳ ሾይቃቱ ኡባቱ ካመታና ጋካናዉ፥ ኡንቱንቱ ቦላ ኦሌዳ። ፑልቶ ኡባ ባሪደ፥ ሎኦ ምꬃ ኡባካ ቃንጼድኖ። ቂርሄሬሳ ጌተትያ እት ካታማ ግምበ ጻላላይ ኤቁዋን አቴዳ፤ ሽን ያምባርሻን ኦልያ አሳቱ ሄ ካታማካ ዶዲደ ሾጬድኖ።
2KI 3:26 ሞኣበ ካቲ ኦላይ ባረ ቦላ ጎቤዳዋ በኤዳ ዎደ፥ ማሻ ዳንጪደ ላፑን ጼቱ አሳቱዋ አኬዳ። ኦላ ግዱዋን ዳኪደ፥ ኤዶማ ካትያኮ ፕናናዉ ደንዴዳ፤ ሽን አዉ ሀነናን እጼዳ።
2KI 3:27 ሄዋፐ ጉይያን፥ ባረ ሳኣን ካተታናዉ ደእያ ባረ ባይራ ናኣ አኪደ፥ ካታማ ግምቢያ ቦላን ታማን ጹጊደ ያርሼዳ። ሞኣባቱ እስራኤላቱ ቦላ ሀንቁዋ ሱሌድኖ። ያትና እስራኤላቱ ሄ ካታማ አጊደ፥ ባረንቱ ጋድያ ስሜድኖ።
2KI 4:1 ትምቢትያ ኦድያዋንቱፐ እቱዋ ማቻታ ኤልሳአኮ ባደ፥ “ነ ቆማይ ታ አስናይ ሀይቄዳ። እ መꬍና ጎዳዉ ያይያ አሳ ግድያዋ ኔን ኤራሳ። ሽን ሀእ አ አጮ ታ ናና ላኡዋ ባረዉ አይለ ከሳናዉ ዬዳ” ያጋደ አዉ ዋሳዱ።
2KI 4:2 ኤልሳእ እዝዉ፥ “ያትና ታን ነዉ አይ ኦꬆ? ነ ሶን አያይ ደኢ? አነ ታዉ ኦዳ” ያጌዳ። ምሽራታ፥ “ታዉ ነ ቆማትዉ እት ኦቱዋን ዛይቲ ደእያዋፐ አትና፥ ሀራባይ አያይነ ባዋ” ያጋዱ።
2KI 4:3 ኤልሳእ እዞ፥ “ባ፤ ነ ሾሮቱዋ ኡባፐ መላ ኦቶቱዋ ጋርጻ። ላፋ ጋርጾፓ።
2KI 4:4 ሄዋፐ ጉይያን፥ ሶ ገላደ፥ ነ ቦላነ ነ ናናቱዋ ቦላ እፍꬃ ጎርዳ። ኦቶቱዋ ኡባን ዛይትያ ትጋ፤ ዛይቲ ኩሜዳ ኦቱዋ ኦቱዋ እት ባጋ ዛራ” ያጌዳ።
2KI 4:5 ምሽራታ ባደ፥ ካርያ ባረ ቦላነ ባረ ናናቱዋ ቦላ ጎርዳዱ። ኡንቱንቱ እዝዉ ኦቶቱዋ ሺሽና፥ አ ዛይትያ ትገꬃ ኦይቃዱ።
2KI 4:6 ኦቱዋ ኡባይ ኩሜዳ ዎደ፥ ምሽራታ ባረ ናኣ፥ “አነ ታዉ ሀራ ኦቱዋ አካደ ያ” ያጋዱ። ሽን ናአይ ዛሪደ፥ “ሀር እት ኦቱነ አትቤና” ያጌዳ። ሄዋፐ ጉይያን፥ ዛይቲ ጎግያዋ አግ ባሼዳ።
2KI 4:7 ምሽራታ ስማደ ባደ፥ ኤልሳኤዉ ኦዳዱ። እ፥ “ባደ ዛይትያ ዛልኣደ፥ ነ አጩዋ ጭጋ። አቴዳዋን ኔንነ ነ ናናይነ ጎኤቲደ ደአናዉ ዳንዳዪታ” ያጌዳ።
2KI 4:8 እት ጋላስ ኤልሳእ እት ዱረ ምሽራታ ደእያ ሹኔማ ጌተትያ ካታማ ቤዳ። ምሽራታ አ ሾባደ፥ ቁማ ምዛዱ። ሄ ጋላሳፐ ዶሚደ፥ እ ሄዋና አꬍያ ዎደ ኡባን፥ ቁማ ማናዉ እ ሶ ገሌ።
2KI 4:9 አ ባረ አስና፥ “ሀ ኡባ ዎደ ኑ ማታና አꬍያ ብታኒ ጾሳ አሳ ግድያዋ ታን ኤራይ።
2KI 4:10 ሄዋ ድራዉ፥ አነ እት ጉꬃ ክፍልያ ቦላ ፖቅያን አዉ ኬጾይተ፤ አ ግዱዋን ግሱዋ፥ አራታ፥ ጻራጴዛነ ጾምፕያ ዎꬆይተ። ሄዋፐ ጉይያን፥ እ ኑኮ ዬዳ ዎደ ኡባን፥ ሄዋን ገላና ዳንዳዬ” ያጋዱ።
2KI 4:11 እት ጋላስ ኤልሳእ ሹኔማ ካታማ ዪደ፥ ባረ ክፍልያ ፑደ ከሲደ፥ ያን ሸምፔዳ።
2KI 4:12 ሄዋፐ ጉይያን፥ ባረ ቆማ ግያዛ፥ “ባ፤ ሄ ምሽራቶ ጼሳ” ያጌዳ፤ ግያዝ ጼስና፥ አ ያደ ኤልሳአ ስንꬃን ኤቃዱ።
2KI 4:13 ኤልሳእ ግያዛ፥ “ሀ ምሽራቴ ‘ኔን ኑ ድራዉ፥ ሀዋ ኡባ መቶታዳ። ያትና ኑን ነዉ አይ ኦꬃነ? ነዉ ኑን ቢደ፥ ካትያ ዎይ ኦላ ጋዳዋ ሃሳይስያብ ደኢ?’ ያጋደ እዞ ኦቻ” ያጌዳ። ምሽራታ፥ “ታን ሀዋን ታ አሳ ግዶን ደእሽን፥ ታና መትያባይ ባዋ” ያጋዱ።
2KI 4:14 ሄዋፐ ጉይያን፥ ኤልሳእ ግያዛ፥ “ያትና ኑን እዝዉ አይ ኦꬃኔ?” ያጊደ ኦቼዳ። ግያዝ፥ “እዝዉ ናእ ባዋ፤ እ አስናይካ ጭሜዳ” ያጌዳ።
2KI 4:15 ኤልሳእ፥ “ምሽራቶ ቃይካ ጼሳ” ያጌዳ። እዞ ጼሴዳ፤ እዛ ያደ፥ ፐንግያን ኤቃዱ።
2KI 4:16 ኤልሳእ ምሽራቶ፥ “ላይꬅ ሀኖደ ኔን አቱማ ናኣ እድማና” ያጌዳ። ምሽራታ፥ “ሀይ ታ ጎዳዉ፥ ኔን ጾሳ አሳ ግድኪ፥ ታዉ ዎርዶቶፓ!” ያጋዱ።
2KI 4:17 ሽን ምሽራታ ሻሃራዱ፤ ኤልሳእ እዝዉ ኦዴዳዋዳን ላይꬃን ሄ ዎደ አቱማ ናኣ የላዱ።
2KI 4:18 ሄ ናአይ ድጬዳ፤ እት ጋላስ ካꬃ ጫክያ አሳቱዋና ደእያ ባረ አዉዋኮ ቤዳ።
2KI 4:19 ባረ አዎ፥ “ዎ ታ ሁጲያዉ! ዎ ታ ሁጲያዉ!” ያጌዳ። አ አዉ እት ቆማዉ፥ “ቶካደ አ ዳይኮ አፋ” ያጊደ ኦዴዳ።
2KI 4:20 ቆማይ ናኣ አኪደ፥ አትኮ አፍና ጋላሳ ሴታይ ጋካናዉ ናአይ ባረ ዳይ ክዉዋን ኡቴዳ፤ ሄዋፐ ጉይያን፥ ናአይ ሀይቂ አጌዳ።
2KI 4:21 ምሽራታ ናኣ ፑደ አፋደ፥ ጾሳ አሳ አርሳን ግስሳዱ። ያታደ አ ቦላ እፍꬃ ጎርዳደ ባዱ።
2KI 4:22 ሄዋፐ ጉይያን፥ ባረ አስና ጼሳደ፥ “ታን ጾሳ አሳኮ ኤለካ ባደ ያና ማላ፥ ቆማቱዋፐ እቱዋነ ሀረቱዋፐ እቱዋነ ታዉ የዳ” ያጋዱ።
2KI 4:23 እ፥ “ሀቼ አግና ጼሩዋ ጋላሳ ዎይ ሳምባታ ግደናባ፥ አዬ ኔና አኮ አፍያዌ?” ያጌዳ። አ፥ “አያይነ ባዋ” ያጋዱ።
2KI 4:24 ሄዋፐ ጉይያን፥ ሀርያ ኮራደ፥ ባረ ቆማዉ፥ “ሀርያ ላጋ! ታን ነዉ ኦዳና ጋካናዉ፥ ሎዳን ላጎፓ” ያጋዱ።
2KI 4:25 ምሽራታ ሄዋፐ ደንዳደ፥ ቃርመሎሳ ደርያን ደእያ ጾሳ አሳኮ ባዱ። ኤልሳእ ምሽራታ ይያኖ ሃኩዋን በኢደ፥ ባረ ቆማ ግያዛዉ፥ “በአ፥ ሹኔማ ካታማን ደእያ ምሽራታ ያዉ።
2KI 4:26 ኦ ሞካናዉ ዎጻ ባደ፥ ‘ኔን ሳሬ? ነ አስናይ ሳሬ? ነ ናአይ ሳሬ?’ ያጋደ ኦቻ” ያጌዳ። ምሽራታ፥ “ኑን ኡባይካ ሳራ” ያጋዱ።
2KI 4:27 ምሽራታ ደርያ ቦላን ደእያ መꬍና ጎዳ አሳኮ ጋኬዳ ዎደ፥ ሆካደ አ ገድያ ኦይቃዱ። ግያዝ ምሽራቶ ድጋናዉ ሺቄዳ፤ ሽን ጾሳ ብታኒ አ፥ “አጋ! አ ዎልቃማ መቱዋን ደአዉ፤ ሽን መꬍና ጎዳይ ታፐ ሄዋ ገንꬄዳ። እ መቱዋ ታዉ ኦድቤና” ያጌዳ።
2KI 4:28 ሄዋፐ ጉይያን ምሽራታ፥ “ታ ጎዳዉ፥ ኔን ታዉ ናኣ እማናዳን ታን ኔና ኦቻድታ? ታን ኔና፥ ‘ታና ጮ መላ ቃቃዮፓ’ ያጋበይክታ?” ያጋዱ።
2KI 4:29 ኤልሳእ ግያዛ፥ “ነ አዱሳ ማዩዋ ነ ሳቂያን ስርቃ፤ ያታደ ታ ጋትማ አካደ ኤሌላ፥ ኦግያን ኦናናነ ጋከቶፐ፥ ሳሮቶፓ፤ ኦንነ ኔና ሳሮቶፐ፥ ዛራደ ሳሮቶፓ። ታ ጋትማ ናኣ ዴሙዋን ዎꬃ” ያጌዳ።
2KI 4:30 ሽን ናኣ ዳያ፥ “መꬍና ጎዳይ ኤሮ! ነ ሸምፑ ኤሮ! ታን ኔና የጋደ ቢከ” ያጋዱ። ኤልሳእ ደንዲደ፥ እዞ ካሌዳ።
2KI 4:31 ግያዝ ኡንቱቱፐ ስንꬃቲደ ቢደ ጋትማ ናኣ ዴሙዋን ዎꬄዳ፤ ሽን ኮሻይ ዎይ ሸምፑ ባዋ። ያትና ግያዝ ኤልሳኤና ጋከታናዉ ስም ዪደ፥ “ናአይ ቤጎትቤና” ያጊደ ኦዴዳ።
2KI 4:32 ኤልሳእ ሶ ገሊደ፥ ሄ ናኣ አሃይ አ አርሳን ግሴዳዋ በኤዳ።
2KI 4:33 ባረ ቦላነ ናኣ ቦላነ ካርያ ጎርዲደ፥ መꬍና ጎዳ ዎሴዳ።
2KI 4:34 ሄዋፐ ጉይያን፥ ናኣ አሃ ቦላ ከሲደ፥ ባረ ዶና አ ዶናን፥ ባረ አይፍያ አ አይፍያን፥ ባረ ኩሸቱዋካ አ ኩሸቱዋን ጋꬅ ዎꬂደ ግሴዳ። ናኣ ቦላይ ሆኤዳ።
2KI 4:35 ኤልሳእ ደንዲደ፥ ሶ ግዶን ያነ ሃነ ስመረቴዳ። ላኤንꬁዋካ ስሚደ፥ ናኣ ቦላ ጮጎቲደ ግሴዳ። ያትና ናአይ ላፑ ገደ ሄꬍሼዳዋፐ ጉይያን ጼሌዳ።
2KI 4:36 ያትና ኤልሳእ ግያዛ ጼሲደ፥ “አነ ሀ ሹኔማቶ ጼሳ” ያጌዳ። ግያዝ እዞ ጼሴዳ። እዛ ዬዳ ዎደ፥ ኤልሳእ እዞ፥ “ነ ናኣ አካ” ያጌዳ።
2KI 4:37 ሄዋፐ ጉይያን፥ ምሽራታ ኤልሳአ ገድያን ኩንዳደ፥ ቢታን ጉፋናዱ። ያታደ ባረ ናኣ አካደ ካረ ከሳዱ።
2KI 4:38 ኤልሳእ ገልጋላ ስሚደ ዬዳ ዎደ፥ ቢታይ ኮሻት ኡቴዳ። ትምቢትያ ኦድያዋንቱ ጭታይ አ ስንꬃን ኡት ደእሽን፥ እ ባረ ቆማ፥ “ዎጋ ከርያ ታማን ዎꬃደ፥ ሀ አሳቶ ዎጽያ ካꬃ” ያጌዳ።
2KI 4:39 ኡንቱንቱፐ እቱ ሳንꬃ ማላትያ ቦንጨቱዋ ማጺደ አሀናዉ ጋደ ቤዳ። ዶልያ ጎስያ ቱራ ደሜዳ፤ ቶካናዉ ዳንዳይያዋ ኬሻ ዳሮ ጎስያ አኪደ ዬዳ። እ አየንቶ ኤረናን አንጬዳ፥ ከርያን የጌዳ።
2KI 4:40 አሳቱ ማና ማላ፥ ዎጽያ ትጌድኖ። ኡንቱንቱ ዎጽያ ቱሽ አ ም በኤዳ ዎደ፥ “ጾሳ አሶ፥ ሀ ከርያን ዎꬍያባይ ደኤ!” ያጊደ ዋሴድኖ። አሳቱ ማናዉ ዳንዳይበይክኖ።
2KI 4:41 ኤልሳእ፥ “ያቶፐ ታዉ ꬊልያ አኪደ ዪተ” ያጌዳ። ሄ ꬊልያ ከርያን ቆሊደ፥ “አሳይ ማናዳን ዎጽያ ትግተ” ያጌዳ። ሄዋፐ ስሚደ፥ ከርያን ኢታባይ ቤትቤና።
2KI 4:42 ኮይሮ ጋኬዳ ካꬃፐ ኡከቴዳ ላታሙ፥ ባንጋ ኮምፑዋ፥ ትሻ ካꬃና እትፐ ባረ ኦጎሩዋን የግ አኪደ፥ ጾሳ አሳዉ አህያ እት ብታኒ ባኣል-ሻሊሻ ግያ ሳኣፐ ዬዳ። ኤልሳእ ባረ ቆማ፥ “ማናዉ አሳዉ አꬃ” ያጌዳ።
2KI 4:43 አ ቆማይ፥ “ታን ጼቱ አሳ ስንꬃ ሀዋ ዋታ አꬆ?” ያጊደ ኦቼዳ። ሽን ኤልሳእ፥ “ማናዉ አሳዉ አꬃ፤ አያዉ ጎፐ፥ መꬍና ጎዳይ ኡንቱንቱ ሚና ዶካይካ አታናዋ ያጌ” ያጌዳ።
2KI 4:44 ሄዋ ድራዉ፥ ቆማይ ኡንቱንቱ ስንꬃ አꬂና፥ ኡንቱንቱ ሜድኖ። መꬍና ጎዳይ ጌዳዋዳን፥ ዶካይ አቴዳ።
2KI 5:1 ሶርያ ካትያ ኦላ ጋዳዉ ንእማነ ባረ ጎዳን ዳሮፐ ዶሰቴዳነ ቦንቼቴዳ አሳ። አያዉ ጎፐ፥ አ ባጋና መꬍና ጎዳይ ሶርያ ኦላንቻቶ ጾኑዋ እሜዳ። ንእማነ ቶራዉ ቃራ አሳ፤ ግዶፐነ ዎልቃማ ኦሉዋ ሀርጊ አ ኦይቂ ኡቴዳ።
2KI 5:2 እት ዎደ ሶርያ ቢታፐ ኦሞድያዋንቱ እስራኤልያ ጋድያ ቤዳዋን፥ እት ጉꬃ ናቶ እስራኤልያፐ ኦሞዴድኖ። ሄ ናታ ንእማና ማቻትዉ ቆማ ግዳዱ።
2KI 5:3 ሄ ናታ ባረ ጎዳቶ፥ “ታ ጎዳይ ሳማርያን ደእያ ትምቢትያ ኦድያዋና ጋከቴዳባ ግዴረኔ! ያትንቶ እ አ ፓꬃና ሽን” ያጋዱ።
2KI 5:4 ንእማነ ባረ ጎዳኮ ቢደ፥ እስራኤልያፐ ዬዳ ናታ ጌዳዋ አዉ ኦዴዳ።
2KI 5:5 ሶርያ ካቲ ንእማና፥ “ባ፥ ታን እስራኤልያ ካትያዉ ዳብዳቢያካ ኪታና” ያጊደ ዛሬዳ። ያትና ንእማነ ሀታሙ ሻአ ጻጋራ ብራ፥ ኡሱፑን ሻአ ዎርቃ ሳንትምያነ ታሙ ኩመንꬃ ማዩዋ አኪደ ቤዳ።
2KI 5:6 እስራኤልያ ካትያዉ እ አኪደ አፌዳ ዳብዳቢ፥ “ሀ ዎልቃማ ኦሉዋ ሀርግያፐ ኔን ታ ቆማ ንእማና ፓꬃና ማላ፥ ሀ ዳብዳቢያና ታን አ ኔኮ ኪታድ” ያግያዋ።
2KI 5:7 እስራኤልያ ካቲ ዳብዳቢያ ናባቤዳ፤ ኤለካ ዳጋሚደ፥ ባረ ማዩዋ ፔꬊደ፥ ሀዋዳን ያጌዳ፥ “ታን አ ዎꬋናዉነ ፓꬃናዉነ ጾሴየ? ታን እት አሳ አ ዎልቃማ ኦሉዋ ሀርግያፐ ፓꬃና ማላ፥ ሀ ብታኒ ታኮ አያዉ ኪቲ? እ ታናና ዋላቀታናዉ ጋሱዋ ኮይያዋ በእተ” ያጌዳ።
2KI 5:8 ጾሳ አሳ ግድያ ኤልሳእ እስራኤልያ ካቲ ባረ ማዩዋ ፔꬌዳዋ ስሴዳ ዎደ፥ አኮ አሳ ኪቲደ፥ “ነ ማዩዋ አያዉ ፔꬋዲ? አ ሃ ታኮ የዳ፤ እስራኤልያን ትምቢትያ ኦድያዌ ደእያዋ ታን አ ኤርሳና” ያጌዳ።
2KI 5:9 ንእማነ ባረ ፓራቱዋነ ፓራ ጋረቱዋ አኪደ ቤዳ፤ ኤልሳአ ካረን ኤቄዳ።
2KI 5:10 ኤልሳእ አኮ አሳ ኪቲደ፥ “ባ፥ ዮርዳኖሳ ሻፋን ላፑ ገደ ሙከታ፤ ነ ሀርግያፐ ኔን ፓጻናነ ጌያናነ” ያጊደ አዛዜዳ።
2KI 5:11 ሽን ንእማነ ሀንቀት ደንዲደ፥ “በእተ፥ ታን፥ ቱሙካ እ ታኮ ይ ኤቂደ፥ መꬍና ጎዳ ባረ ጾሳ ሱንꬃ ጼሲደ፥ ቃይ ባረ ኩሽያ ሄ ጸለቁዋ ቦላን ቃꬂደ፥ ታና ሀ ዎልቃማ ኦሉዋ ሀርግያፐ ፓꬄ ያጋደ ቆፓድ።
2KI 5:12 ዳማስቆ ሻፋቱ፥ አባንነ ፓርፋር እስራኤልያን ደእያ ሻፋ ኡባፐ ኬክክኖየ? ያትና ታን ኡንቱንቱን ሙከታደ ጌያ ክችክታ?” ያጌዳ። ሀንቀቲደ፥ ጉየ ስሜዳ።
2KI 5:13 አ ካልያዋንቱ አኮ ሺቂደ፥ “ኑ አዎ፥ ትምቢትያ ኦድያዌ ኔን ግታባ ኦꬃናዳን ነዉ ኦድንቶ፥ ዎን ኔን ኦꬅኪየ? ያትና እ ኔና፥ ‘ባደ ሙከታደ ጌያ’ ያጌዳባይ አያ ዴጺ?” ያጌድኖ።
2KI 5:14 ያትና እ ዱገ ዎꬊደ፥ ጾሳ ብታኒ አዉ ኦዴዳዋዳን ዮርዳኖሳ ሻፋን ላፑ ገደ ሙከቲደ ጌዬዳ። አ ቦላይ ቄር ናኣ ቦላዳን ሀኒደ ፓጼዳ፤ ጌዬዳ።
2KI 5:15 ሄዋፐ ጉይያን፥ ንእማንነ አናና ዬዳ አሳይ ኡባይ ኤልሳአኮ ጉየ ቤዳ። ንእማነ አ ስንꬃን ኤቂደ፥ “እስራኤልያ ቢታናፐ አትና፥ ሳኣ ኡባን ጾስ ባይናዋ ታን ሀእ ኤራድ። ሀያና ሀእ ታን ነ ቆማይ እምያ እሙዋ አካ!” ያጌዳ።
2KI 5:16 ኤልሳእ፥ “ታን አዉ ኦꬅያ መꬍና ጎዳይ ኤሮ! ታን ኔፐ አያነ አክከ” ያጌዳ። ኤልሳእ እሙዋ አካናዳን ናእማነ ዎስናካ፥ እጼዳ።
2KI 5:17 ሄዋፐ ጉይያን ንእማነ፥ “አካና ꬋይያዋ ግዶፐ፥ ኔን ታዉ ላኡ ባቁሉዋ ጫና ቢታ እማናዳን ታን ኔና ዎሳይ። አያዉ ጎፐ፥ ታን ነ ቆማይ ሀቼፐ ህን ባጋን ጹግያ ያርሹዋ መꬍና ጎዳዉ ያርሻናፐ አትና፥ ሀራ ጾሳቶ ያርሽከ።
2KI 5:18 ሽን መꬍና ጎዳይ ታዉ ነ ቆማዉ እትባ አቶ ጎ። ታ ካቲ ርሞና ግያ ኤቃዉ ጎይናናዉ ገልያ ዎደ፥ ታንካ አ አጃባደ ገላደ ጎይናናዉ ኮሼ። መꬍና ጎዳይ ታዉ ነ ቆማዉ ሄዋ አቶ ጎ” ያጌዳ።
2KI 5:19 ኤልሳእ፥ “ሳሩዋን ጋካ!” ያጌዳ። ንእማነ ደንዲደ ቤዳ። እ ላፋ ዛርዳኢደ ቢሽን፥
2KI 5:20 ጾሳ አሳ ግዴዳ ኤልሳአ ቆማይ ግያዝ፥ “ታ ጎዳይ ኤልሳእ ሶሪ ንእማነ አሄዳዋፐ አያካ አከናን ጮ የዴዳ። መꬍና ጎዳይ ኤሮ! ታን አ ጌዱዋ ዎጻደ፥ አፐ እትባ አካና” ያጊደ ቆፔዳ።
2KI 5:21 ሄዋ ድራዉ፥ ግያዝ ናእማና ካሌዳ። ባረ ጌዱዋ ዎጽያዋ ንእማነ በኢደ፥ አናና ጋከታናዉ ፓራ ጋርያፐ ዎꬊደ፥ “አዬሻ፥ ሳራ ግደኔ?” ያጊደ ኦቼዳ።
2KI 5:22 ግያዝ፥ “አየነ ባዋ፤ ሳራ! ሽን ታና ታ ጎዳይ፥ ‘ “ኤፍሬማ ገዝያፐ ትምቢትያ ኦድያዋንቱ ዛታ ግድያ ላኡ ዎዳላቱ ሀእ ታኮ ዬድኖ። ሀያና ኡንቱንቶ ሄዙ ሻአ ጻጋራ ብራነ ላኡ ኩመንꬃ ማዩዋነ እማ” ጋደ አ ኦቻ’ ያጊደ ኪቴዳ” ያጌዳ።
2KI 5:23 ንእማነ ግያዛ፥ “ያቶፐ ሀያና ኡሱፑን ሻአ ጻጋራ ብራ አካ” ያጌዳ። ንእማነ ግያዛ ሾቢደ፥ ሄ ብራ ላኡ ቃርጪታን የጊደ፥ ላኡ ኩመንꬃ ማዩዋና ላኡ ቆማቱዋ ቶሲደ፥ ግያዛፐ ስንꬃዉ የዴዳ።
2KI 5:24 ግያዝ ደእያ ደርያ ኡንቱንቱ ጋክና፥ ብራነ ማዩዋነ ኡንቱንቱፐ አኪደ፥ ሶ ገልሴዳ። ያቲደ ኡንቱንታ ሞይዝና፥ ኡንቱንቱ ቤድኖ።
2KI 5:25 ሄዋፐ ጉይያን፥ ሶ ገሊደ፥ ባረ ጎዳ ኤልሳአ ስንꬃን ኤቄዳ። ኤልሳእ ግያዛ፥ “ሀቃ ባድ?” ያጊደ ኦቼዳ። ግያዝ፥ “ታን ነ ቆማይ ሀቃነ ባበይከ” ያጊደ ዛሬዳ።
2KI 5:26 ሽን ኤልሳእ ዛሪደ፥ “ብታኒ ኔናና ጋከታናዉ ፓራ ጋርያፐ ዎꬍያ ዎደ፥ ታ አያናይ ኔናና ደኤ ግደኔ? ሀዌ ሚሻነ ማዩዋ፥ ዎይ ዎጋራነ ዎይንያ ቱራ ሳኣ፥ ዎይ ዶርሳ ዉድያነ ሚዛ ዉድያ፥ ዎይ አቱማ ቆማነ ማጫ ቆማ አክያ ዎዴየ?
2KI 5:27 ሄዋ ድራዉ፥ ንእማና ኦይቀዳ ዎልቃማ ኦሉዋ ሀርጊ ኔናነ ነ ዘረꬃ ኡባ መꬍ መꬍናዉ ኦይቃናዋ” ያጌዳ። ግያዝ ኤልሳአ ስንꬃፐ ከሲደ ቢሽን፥ ሄ ሀርጊ አ ኦይቂና፥ አ ጋልባይ ሻቻዳን ቦጽ ባሼዳ።
2KI 6:1 ትምቢትያ ኦድያዋንቱ ጭታይ ኤልሳአ፥ “ሀዋ በአ! ኑን ደእያ ሳአይ ኑና ዳሮፐ ኡንኤ።
2KI 6:2 ኑን ኡባቱካ ምꬃ ቃንጻናዉ ዮርዳኖሳ ሻፋ አነ ቦይተ። ያን ኑዉ ደእያ ሳኣ አነ ኬጾይተ” ያጌድኖ። ኤልሳእ፥ “ቢተ” ያጌዳ።
2KI 6:3 ትምቢትያ ኦድያዋንቱፐ እቱ፥ “ሀያና ኔንካ ነ ቆማቱዋና ኑናና ደንዳርኪ?” ያጌዳ። ኤልሳእ፥ “ኤኖ ባና” ያጊደ ዛሬዳ፤
2KI 6:4 ያቲደ ኡንቱንቱና እትፐ ቤዳ። ኡንቱንቱ ዮርዳኖሳ ጋኬዳ ዎደ፥ ምꬃ ቃንጹዋ ዶሜድኖ።
2KI 6:5 ሽን ኡንቱንቱፐ እቱ ምꬃ ቃንጽሺና፥ ቤጽያ አይፊ ከስ አኪደ፥ ሃꬃ ግዶን ገሌዳ። ሄ ብታኒ፥ “ሀይ ታ ጎዳዉ፥ ታን ጋርጻ አኬዳዋ፤ ሽን ዋኖሻ!” ያጊደ ዋሴዳ።
2KI 6:6 ጾሳ ብታኒ፥ “ሀቃን ገሌዴ?” ያጊደ ኦቼዳ፤ ብታኒ ገሌዳ ሳኣ በሴዳ። ኤልሳእ ጋትማ ቃንጺደ፥ ሃꬃን ኦሌዳ፤ ቤጽያ አይፊ ሃꬃ ቦላ ከሴዳ።
2KI 6:7 ሄዋፐ ጉይያን፥ ኤልሳእ ብታንያ፥ “ከሳደ አካ” ያጌዳ። ብታኒ ባረ ኩሽያ የዲደ አኬዳ።
2KI 6:8 ሶርያ ቢታ ካቲ እስራኤላቱዋና ኦለቲደ ደኤ። ያቴዳዌ ባረ ኦላ ጋዳዋቱዋና ዞረቲደ፥ “ታን ህቃሳን፥ ህቃሳን ጌሱዋ መꬋና” ያጌዳ።
2KI 6:9 ጾሳ አሳይ ኤልሳእ እስራኤልያ ካትያኮ አሳ ኪቲደ፥ “ሶርያ አሳቱ ሄ ሳኣ ዱገ ዎꬍያ ድራዉ፥ ሄ ሳኣና አꬎፓ” ያጌዳ።
2KI 6:10 ሄዋ ድራዉ፥ እስራኤልያ ካቲ ጾሳ ብታኒ ማላቴዳ ሳኣ ኪቲደ፥ ያን ደእያ አሳይ ናገታናዳን ሀሳይሴዳ። ካትያ ናገታና ማላ፥ ኤልሳእ ዎድያን ዎድያን ሀሳይሴዳ።
2KI 6:11 ሀ የዉ ሶርያ ካትያ ሎይꬅ ሀንቀꬄዳ፤ ያትና እ ባረ ኦላ ጋዳዋቱዋ ጼሲደ፥ “ኑ ግዶን እስራኤልያ ካትያ ባጋ ግዴዳዌ ኦነንቶ አነ ታዉ ኦድተ” ያጊደ ኦቼዳ።
2KI 6:12 አ ኦላ ጋዳዋቱዋፐ እቱ፥ “ታ ጎዳዉ፥ ካትያዉ፥ ኑ ግዶን ሄዋ ኦꬅያዌ ኦንነ ባዋ። ሽን ነ ሲርጻን ደኣደ ኔን ሃሳይያዋ ኡባ እስራኤላን ደእያ ትምቢትያ ኦድያ ኤልሳእ እስራኤልያ ካትያዉ ኦዴዳ” ያጌዳ።
2KI 6:13 ካቲ፥ “ታን አሳ ኪታደ አ ኦሞዳናዳን፥ ቢደ ሀቃን ደእንቶነ ኮይተ” ያጌዳ። ጉየፐ ኡንቱንቱ፥ “እ ዶታና ጌተትያ ካታማን ደኤ” ያጊደ ኦዴድኖ።
2KI 6:14 ካቲ ዳሮ ኦላንቻቱዋ ፓራቱዋናነ ፓራ ጋረቱዋና ያ የዴዳ። ሄ የዴዳዋንቱ ቃማ ዪደ፥ ካታማ ዶዴድኖ።
2KI 6:15 ጾሳ አሳ ኤልሳአ ቆማይ ዎንተꬃ ጋላስ ጉራና ደንዲደ፥ ካረ ከስያ ዎደ፥ ኦላንቻቱ ፓራቱዋናነ ፓራ ጋረቱዋና ካታማ ዶድ ዎꬄድኖ። ሄ ቆማይ፥ “አየ አና ኑኖ! ታ ጎዳዉ፥ ኑን ዋናኔ?” ያጊደ ኦቼዳ።
2KI 6:16 እ፥ “ያዮፓ! ኑናና ደእያዋንቱ ኡንቱንቱና ደእያዋንቱፐ ዳሪኖ” ያጊደ ዛሬዳ።
2KI 6:17 ሄዋፐ ጉይያን ኤልሳእ፥ “አቤት መꬍና ጎዳዉ፥ እ በአናዳን አ አይፍያ ዶያ” ያጊደ ዎሴዳ። መꬍና ጎዳይ ኤልሳአ ቆማ አይፍያ ዶይና፥ ኤልሳአ ዩሹዋ ኡባን ደእያ ታማ ፓራቱነ ፓራ ጋረቱነ ደርያ ማዬዳዋንታ በኤዳ።
2KI 6:18 ሶረቱ አ ቦላ ዬዳ ዎደ ኤልሳእ፥ “ሀ አሳ አይፍያ ቆቅሳርኪ” ያጊደ መꬍና ጎዳ ዎሴዳ። ኤልሳእ ዎሴዳዋዳን መꬍና ጎዳይ ኡንቱንቱ አይፍያ ቆቅሴዳ።
2KI 6:19 ሄዋፐ ጉይያን፥ ኤልሳእ ኡንቱንታ፥ “ኦጊ ሀዋ ግደና፤ ካታማይካ ሀዋ ግደና። ህንተንቱ ኮይያ አሳ ታን ህንተንታ በሳና፤ ታና ካልተ” ያጌዳ። ኡንቱንታ ካለꬂደ፥ ሳማርያ ካታማ አፌዳ።
2KI 6:20 ኡንቱንቱ ሳማርያ ካታማ ገሎሳናካ ኤልሳእ፥ “አቤት መꬍና ጎዳዉ፥ ሀ አሳቱ ጼላናዳን ኡንቱንቱ አይፍያ ዶያ” ያጌዳ። መꬍና ጎዳይ ኡንቱንቱ አይፍያ ዶይና፥ ኡንቱንቱ ሳማርያ ግዶን ደእያዋ በኤድኖ።
2KI 6:21 እስራኤልያ ካቲ ኡንቱንታ በኤዳ ዎደ ኤልሳአ፥ “ታ አዎ፥ ታን ኡንቱንታ ዎꬎ? ታን ኡንቱንታ ዎꬎ?” ያጊደ ኦቼዳ።
2KI 6:22 ኤልሳእ፥ “ቱይት ዎꬎፓ! ሀዋንቱ አትና፥ ኔን ነ ማሻንነ ነ ዎንዳፍያን ኦሞዴዳዋንታካ ዎꬋናዉ በሰና። ኡንቱንቱ ሚደ ኡሺደ ባረንቱ ጎዳኮ ባናዳን፥ ኡክꬃነ ሃꬃነ ኡንቱንቱ ስንꬃ አꬃ” ያጌዳ።
2KI 6:23 ሄዋ ድራዉ፥ እስራኤልያ ካቲ ኡንቱንቶ ባላ ጊግሴዳ። ኡንቱንቱ ሜዳዋፐነ ኡሼዳዋፐነ ጉይያን፥ እ ኡንቱንታ የድና፥ ባረንቱ ጎዳኮ ስሜድኖ። ሄ ዎድያፐ ዶምና፥ ሶረቱ እስራኤላቱ ቦላን ይያዋ አግ ባሼድኖ።
2KI 6:24 ሄዋፐ ጉይያን፥ ሶርያ ካቲ በንሀዳድ ባረ ኦላንቻቱዋ ኡባ ሺሽ፥ ቢደ ሳማርያ ካታማ ዶዴዳ።
2KI 6:25 ኡንቱንቱ ዶዴዳ ጋሱዋን ሳማርያ ካታማን ዎልቃማ ኮሻይ ገሌዳ፤ እት ሀርያ ሁጲ ሆስፑን ታሙ ጻጋራ ብራን፥ ላኡ ጼቱ ግራመ ግድያ ሀራጰቱዋ ሽአይ እቼሹ ጻጋራ ብራን ዛልኤቴዳ።
2KI 6:26 እስራኤልያ ካቲ ካታማ ድርሳ ግምቢያ ቦላና አꬍሽን፥ እት ምሽራታ፥ “ታ ጎዳዉ፥ ካትያዉ፥ ታና ማዳርኪ” ያጋደ ዋሳዱ።
2KI 6:27 ካቲ እዞ፥ “ኔና መꬍና ጎዳይ ማደናን እጾፐ፥ ታን ነዉ ማዱዋ ሀቃፐ ደማናዉ ዳንዳያይታ? ካꬃ ቡክያ ኡዱማፔየ፥ ዎይንያ አይፍያ ጉምእያ ሳኣፔ?” ያጌዳ።
2KI 6:28 ቃይ እ እዞ፥ “ኔን ዋናዲ?” ያጊደ ኦቼዳ። ምሽራታ ዛራደ፥ “ሀ ምሽራታ ታና፥ ‘ሀች ነ ናኣ ማናዉ አካደ ያ፤ ቃይ ዎንት ኑን ታ ናኣ ማና’ ያጋዱ።
2KI 6:29 ሄዋ ድራዉ፥ ታ ናኣ ዶይሲደ ሜዶ፤ ዎንተꬃ ጋላስ ታን እዞ፥ ‘ኑን ማናዉ ነ ናኣ አካደ ያ’ ያጋድ። ሽን አ ባረ ናኣ ቆሳዱ” ያጋዱ።
2KI 6:30 ካቲ ምሽራታ ኦዴዳዋ ስሲደ፥ ባረ ማዩዋ ፖሽ ኦሌዳ። ያቲደ እ ግምቢያ ቦላና አꬍሽን፥ ጋርሳ ባጋና እ ማዬዳ ዋሩዋ አሳይ በኤዳ።
2KI 6:31 ሄዋፐ ጉየ ካቲ፥ “ሻፋጻ ናኣ ኤልሳአ ጉግ አ ቦላ ሀቼ ፔሾፐ፥ ጾስ ታና ዎꬎ!” ያጌዳ።
2KI 6:32 ሄ ዎደ ኤልሳእ ባረ ሶን ኡቴዳ፤ ጭማቱካ አናና እትፐ ደኢኖ። ካቲ ባረፐ ስንꬃዉ አሳ ኪቴዳ፤ ሽን ሄ ብታኒ ጋካናዉ፥ ኤልሳእ ጭማቱዋ፥ “ሀ ሸምፑዋ ዎꬍያዌ ታ ቆꬍያ ሙጭሳናዉ አሳ ኪቴዳዋ ህንተንቱ በኢቴ? ሄ ኪተቴዳዌ ዬዳ ዎደ፥ እፍꬃ ጎርዲደ ገልሶፕተ። አ ጎዳይካ አ ካሊደ ዪደ ደኤ” ያጌዳ።
2KI 6:33 እ ጭማቱዋና ሃሳይሽን፥ ኪተቴዳዌ አኮ ዬዳ። ካቲካ ዪደ፥ “ሀ መቱ መꬍና ጎዳፐ ዬዳ። ያትና ታን ሀዋፐ ዳሩዋ መꬍና ጎዳ አያዉ ናጋይታ?” ያጌዳ።
2KI 7:1 ሄዋፐ ጉየ ኤልሳእ፥ “መꬍና ጎዳ ቃላ ስሳ! መꬍና ጎዳይ ሀዋዳን ያጌ፥ ዎንት ሀኖደ ሄዙ ኪሎ ግራመ ዛርጋ ꬊሊ ዎይ ኡሱፑን ኪሎ ግራመ ባንጋይ ሳማርያ ካታማ ፐንግያን እት ጻጋራ ብራን ዛልኤታና ያጌ” ያጌዳ።
2KI 7:2 ካትያዉ ማታትያ ካፑ ጾሳ አሳዉ፥ “በአ፥ መꬍና ጎዳይ ሳሎቱዋ ማስኮትያ ዶይንቶነ ሄዌ ሀነና” ያጌዳ። ኤልሳእ ዛሪደ፥ “ኔን ሄዋ ነ አይፍያን በአና፤ ሽን አፐ አይነ ማካ” ያጌዳ።
2KI 7:3 ካታማ ገልያ ፐንግያን ዎልቃማ ኦሉዋ ሀርጊ ኦይቄዳ ኦይዱ አሳቱ ደኢኖ። ኡንቱንቱ እቱ እቱዋ፥ “ኑን ሀይቃና ጋካናዉ፥ ሀዋን አያዉ ጋምኤቶ?
2KI 7:4 ኑን ካታማ ገላና ጎፐ፥ ኮሻይ ደእያ ድራዉ፥ ኑን ያን ሀይቃና። ቃይ ሀዋን ጋምኦፐካ ሀይቃና። ሄዋ ድራዉ፥ ሶረቱዋ ጌሱዋ አነ ቦይተ። ኡንቱንቱ ኑና አሾፐ አታና፤ ኡንቱንቱ ዎꬎፐ ሀይቃና” ያጌድኖ።
2KI 7:5 ሳአይ ቃሜዳ ዎደ ደንዲደ፥ ሶረቱዋ ጌሱዋ ቤድኖ። ኡንቱንቱ ቢደ ጌሱዋ ጋክያ ዎደ፥ እት አሳይነ ያን ባዋ!
2KI 7:6 አያዉ ጎፐ፥ ጾሳይ ፓራ ጋረቱዋነ ፓራቱዋ ጉራባነ ዳሮ ኦላንቻቱ ኮሻ ሶርያ አሳቱ ስሴዳ። ያትና ኡንቱንቱ እቱ እቱዋ፥ “ስስተ፥ እስራኤልያ ካቲ ኑና ኦልሳናዉ፥ ሂተቱዋነ ግብጼቱዋ ካተቱዋ ደርያ ቃንጺደ አሄዳ” ያጌድኖ።
2KI 7:7 ሄዋ ድራዉ፥ ኡንቱንቱ ደንዲደ፥ ባረንቱ ጌሱዋ፥ ባረንቱ ዱንካንያ፥ ባረንቱ ፓራቱዋነ ባረንቱ ሀረቱዋነ ኡባ የግ ባሺደ፥ ሳአይ ቃሜዳዋን ባረንቱ ሸምፑዋ አሻናዉ ባቃቴድኖ።
2KI 7:8 ሄ ዎልቃማ ኦሉዋ ሀርጊ ኦይቄዳ አሳቱ ሶረቱዋ ጌሱዋ ጋኪደ፥ ኡንቱንቱ ዱንካነቱዋፐ እቱዋ ገሌድኖ። ሜድኖነ ኡሼድኖነ፤ ቃይ ብራ፥ ዎርቃነ ማዩዋ አክ አፊደ ቆሴድኖ። ላኤንꬁዋ ስሚደ፥ ሀራ ዱንካንያ ገሌድኖ፤ አፐ አኬዳዋካ ቆሴድኖ።
2KI 7:9 ሄዋፐ ጉይያን፥ ኡንቱንቱ እቱ እቱዋ፥ “ኑን ሎኦባ ኦꬅበይኮ። ሀቼ ምሽራቹዋ ጋላሳ፤ ሽን ኑን ጮኡ ጌዶ። ሳአይ ዎንታና ጋካናዉ፥ ጮኡ ጊደ ኡቶፐ፥ ኑን ሙረታና። አነ ሀእ ኤለካ ቢደ፥ ካትያ ሶይ አሳዉ ኦዴቶ” ያጌድኖ።
2KI 7:10 ሄዋ ድራዉ፥ ኡንቱንቱ ቢደ፥ ካታማ ፐንግያ ናግያዋንታ ጼሲደ፥ ሀዋዳን ያጌድኖ፤ “ኑን ሶረቱዋ ጌሱዋ ቤዶ፤ ሽን እት አሳይ ዎይ አሳ ኮሻይነ ሄ ሳኣን ባዋ። ቃሸት ኡቴዳ ፓራቱዋ ጻላላይነ ሀረቱነ ደኢኖ፤ ቃይ ኡንቱንቱ አጊደ ቤዳ ዱንካነቱካ ደኢኖ” ያጌድኖ።
2KI 7:11 ፐንግያ ናግያዋንቱ ጼሲደ፥ ካትያ ሶይ አሳዉ ኦዴድኖ።
2KI 7:12 ካቲ ቃማ ደንዲደ ባረ ካፓቶ፥ “ሶረቱ ኑና ኦꬄዳዋ ታን ህንተንቶ ኦዳና። ኑን ኮሻትያዋ ኡንቱንቱ ኤሪኖ። ሄዋ ድራዉ፥ ባረንቱ ጌሱዋፐ ከሲደ፥ ጋጻርያን ቆሰቲደ፥ ኡንቱንቱ ካታማፐ ካረ ከስና፥ ኑን ኡንቱንታ ሸምፑዋና ኦይቂደ፥ ካታማ ገላና ያጊደ ቆፔድኖ” ያጌዳ።
2KI 7:13 ካትያ ካፓቱዋፐ እቱ፥ ሀዋዳን ያጌዳ፤ “ሀ ካታማን አቴዳ አሳይ ካሰ ሀይቄዳ አሳካ ማላ፤ ሀይቁዋፐ አተና። ሄዋ ድራዉ፥ ሀኔዳባ ኤራናዉ አነ አሳ ዶሮይተ። አቴዳ እቼሹ ፓራቱዋና አነ ኡንቱንቱ ሶረቱ ዱንካኔዳሳ የዶይተ” ያጌዳ።
2KI 7:14 ሄዋ ድራዉ፥ ኡንቱንቱ ፓራይ ጎችያ ላኡ ጋረቱዋነ ኡንቱንቱ ፓራቱዋነ ዶሬድኖ። ካቲ ኡንቱንታ ሶርያ ኦላንቻቱ ጌዱዋ የዴዳ። ካቲ ቶግያዋንታ፥ “ቢደ ሀኔዳባ በእተ” ያጊደ አዛዜዳ።
2KI 7:15 ኡንቱንቱ ሶረቱዋ ጌዱዋ ካሊደ፥ ዮርዳኖሳ ሻፋ ጋካናዉ ቤድኖ። ሶርያ አሳቱ ባቃቲደ ኦሌዳ ማዩነ ኦላ ሚሻይነ ኦግያን ኩሜዳ። ኪተት ቤዳ አሳቱ ጉየ ስሚደ፥ ካትያዉ ኦዴድኖ።
2KI 7:16 ሄዋፐ ጉይያን፥ አሳይ ቢደ፥ ሶረቱዋ ጌሱዋ ቦንቄዳ። መꬍና ጎዳይ ጌዳዋዳን ሄዙ ኪሎ ግራመ ዛርጋ ꬊሊ ዎይ ኡሱፑን ኪሎ ግራመ ባንጋይ እት ጻጋራ ብራን ዛልኤቴዳ።
2KI 7:17 ካቲ ባረዉ ማታትያ ካፑዋ ፐንግያ ናግያዋንቱ ካፑዋ ከሲደ ሱንꬄዳ፤ ሽን አሳይ አ ፐንግያን ድርጼዳ። ካቲ ኤልሳአኮ ቤዳ ዎደ፥ ኤልሳእ ሀ ካፑዋ ቦላ ኦዴዳዋዳን፥ ብታኒ ሀይቄዳ።
2KI 7:18 አያዉ ጎፐ፥ ጾሳ አሳይ ኤልሳእ ካሰ ካትያዉ፥ “ዎንታ ሀኖደ ሄዙ ኪሎ ግራመ ዛርጋ ꬊሊ ዎይ ኡሱፑን ኪሎ ግራመ ባንጋይ ሳማርያ ካታማን እት ጻጋራ ብራን ዛልኤታናዋ” ያጌዳ።
2KI 7:19 ሄ ዎደ ሄ ካፑ ኤልሳኤዉ፥ “በአ፥ መꬍና ጎዳይ ሳሎቱዋ ማስኮትያ ዶይንቶነ ሄዌ ሀነና” ያጊደ ዛሬዳ። ኤልሳእ፥ “ኔን ሄዋ ነ አይፍያን በአና፤ ሽን አፐ አይነ ማካ” ያጊደ ዛሬዳ።
2KI 7:20 ያትና ኤልሳእ ኦዴዳዋዳን፥ ሄ ብታኒ አሳይ ፐንግያን ድርጽና ሀይቄዳ።
2KI 8:1 ኤልሳእ እ ናኣ ሀይቄዳዋ ፓꬄዳ ምሽራቶ እት ዎደ፥ “ነ ሶይ አሳ አካደ ሀዋፐ ባ፤ ኔን ዳንዳይያ ሳኣን ሀቃንነ ጋምአሻ። አያዉ ጎፐ፥ መꬍና ጎዳይ ላፑን ላይꬃ ጋምእያ ኮሻ ሀ ጋድያ ቦላ አዋይ ድጌዳ” ያጌዳ።
2KI 8:2 ምሽራታ ኤልሳእ ኦዴዳዋዳን ባረ ሶይ አሳና ባደ፥ ፕልስጼማ ቢታን ላፑን ላይꬃ ደኣዱ።
2KI 8:3 ላፑንꬃ ላይꬃ ዉርሰꬃን ምሽራታ ፕልስጼማ ጋድያፐ ስማዱ። ባረ ኬꬃነ ባረ ጋድያነ ኦቻናዉ ካትያኮ ባዱ።
2KI 8:4 ሄ ዎደ ካቲ ጾሳ አሳ ኤልሳአ ቆማ ግያዛና ሃሳዪደ፥ “ኤልሳእ ኦꬄዳ ዎልቃማ ኦሱዋ ኡባ ታዉ አነ ኦዳ” ያጌዳ።
2KI 8:5 ኤልሳእ ሀይቄዳ ናኣ ዋቲደ ፓꬄደንቶ፥ ግያዝ ካትያዉ ኦድሽን፥ ኤልሳእ ናኣ ፓꬄዳ ምሽራታ ባረ ኬꬃነ ባረ ጋድያነ ኦቻናዉ ያዱ። ግያዝ፥ “ታ ጎዳዉ፥ ካትያዉ፥ ምሽራታካ ሀኖ፤ ኤልሳእ ሀይቁዋፐ ፓꬄዳ እ ናአይካ ሀዋ” ያጌዳ።
2KI 8:6 ካቲ ምሽራቶ አባ ኦችና፥ አዉ ኦዳዱ። ሄዋ ድራዉ፥ ካቲ ካፑዋ ጼሲደ፥ “ሀ ምሽራትዋ ግዴዳ ኡባባነ ቃይ ኢዛ አጋ ቤዳ ዎድያፐ ሀቼ ጋካናዉ፥ እ ጋደን ዶልያ ኡባባ እዝዉ ዛራ” ያጊደ አዛዜዳ።
2KI 8:7 ኤልሳእ ዳማስቆ ካታማ ቤዳ፤ ጋክያ ዎደ፥ ሶርያ ካቲ በንሀዳድ ሀርግያዎ፥ “ጾሳ አሳይ ሀዋ ዬዳ” ያጊደ ኦዴድኖ።
2KI 8:8 ካቲ ሀዛኤላ፥ “እምያዋ ኦይቃደ፥ ጾሳ አሳና ጋከታናዉ ባ። አ ባጋና፥ ‘ታን ሀ ሀርግያፐ ፓጻኔ?’ ያጋደ መꬍና ጎዳ ኦቻ” ያጌዳ።
2KI 8:9 ሄዋ ድራዉ፥ ሀዛኤል ዳማስቆን ደእያ ዱማ ዱማ ቆሞ ሙሩታባፐ ኦይታሙ ጋሉዋን ጫን አኪደ፥ ኤልሳኤና ጋከታናዉ ቤዳ። ኤልሳአ ስንꬃን ኤቂደ፥ “ነ ናአይ ሶርያ ካቲ በንሀዳድ፥ ‘ታን ሀ ሀርግያፐ ፓጻኔ?’ ያጊደ፥ ኔና ኦቻናዳን ታና ኔኮ ኪቴዳ” ያጌዳ።
2KI 8:10 ኤልሳእ ሀዛኤላዉ፥ “ኔን ባደ አዉ፥ ‘ቱማ ኔን ፓጻና’ ያጋ። ሽን እ ቱማ ሀይቃናዋ ታና መꬍና ጎዳይ በሴዳ” ያጌዳ።
2KI 8:11 ሄዋፐ ጉይያን፥ ሀዛኤል ዬላታና ጋካናዉ፥ ኤልሳእ አ ትሽ ኦꬂደ ጼሊደ ዬኬዳ።
2KI 8:12 ሀዛኤል፥ “ታ ጎዳይ አያዉ ዬኪ?” ያጊደ ኦቼዳ። ኤልሳእ፥ “ኔን እስራኤልያ አሳ ቦላ ኦꬃና ኢታባ ታን ኤርያ ድራዉ ዬካይ። ኡንቱንቱ ካታማቱዋ ኔን ታማን ጹጋና፤ ኡንቱንቱ ዎዳላቱዋ ኔን ማሻን ዎꬋና። ቃይ ኡንቱንቱ ቄር ናናቱዋካ ኔን ሹቻን መንሬꬃና፤ ኡንቱንቱ ሻሃራ ማጫዋንቱ ኡሉዋካ ኔን ዳካና” ያጊደ ዛሬዳ።
2KI 8:13 ሀዛኤል ዛሪደ፥ “ታን ነ ቆማይ፥ ፓና ላፋ፥ ሀዋ ማላ ዎልቃማባ ኦꬃናዉ ዋታደ ዳንዳያይታ?” ያጌዳ። ኤልሳእ ዛሪደ፥ “ኔን ሶርያ ቢታን ካተታናዋ ታና መꬍና ጎዳይ በሴዳ” ያጌዳ።
2KI 8:14 ሄዋፐ ጉይያን፥ ሀዛኤል ኤልሳኤፐ ሻከቲደ፥ ባረ ጎዳኮ ስሚደ ቤዳ። በንሀዳድ አ፥ “ኤልሳእ ኔና ዋጌዴ?” ያጊደ ኦቼዳ። ሀዛኤል፥ “ኔን ቱሙፐ ፓጻና ያጊደ ታዉ ኦዴዳ” ያጌዳ።
2KI 8:15 ሽን ዎንተꬃ ጋላስ ሀዛኤል ቡሉኩዋ አኪደ፥ ሃꬃን ያካክሲደ፥ ካትያ አን ቱጬዳ፤ ካቲ ሀይቄዳ። ሀዛኤል አ ሳኣን ባረዉ ካተቴዳ።
2KI 8:16 አካባ ናአይ፥ እስራኤልያ ካቲ ዮራመ ካተቴዳ እቼሻንꬆ ላይꬃን፥ ይሁዳ ካትያ ዮሳፌጻ ናአይ የሆራመ ይሁዳን ካተቴዳ።
2KI 8:17 የሆራመ ካተትያ ዎደ ላይꬃይ አዉ ሀታማነ ላአ፤ እ የሩሳላመን ሆስፑን ላይꬃ ካተቴዳ።
2KI 8:18 የሆራመ አካባ ናቶ ማቻቶ አኬዳ ድራዉ፥ አካባ ሶይ አሳይ ሀመቴዳዋዳንካ ካሰ እስራኤልያ ካተቱዋ ኦግያን እ ሀመቴዳ፤ መꬍና ጎዳ ስንꬃንካ ኢታባ ኦꬄዳ።
2KI 8:19 ግዶፐነ ባረ ቆማ ዳዊታ ድራዉ፥ መꬍና ጎዳይ ይሁዳ ꬋይሳናዉ ኮይቤና፤ ዳዊታ ዘረꬃይ መꬍናዉ ካተታናዉ ጾሳይ ሂዶታ እም ዎꬄዳ።
2KI 8:20 የሆራመ ካተቴዳ ዎደ፥ ኤዶማ አሳይ ይሁዳ ካትያ ቦላ ማካሊደ፥ ባረንቶ ካትያ ካተዬድኖ።
2KI 8:21 ሄዋ ድራዉ፥ የሆራመ ባረ ፓራ ጋረቱዋ ኡባና ጻኢራ ግያ ሳኣ ቤዳ። ኤዶማ አሳቱ አነ አ ፓራ ጋረቱዋ ካፓቱዋነ ዶዴድኖ፤ ሽን የሆራመ ቃማ ደንዲደ፥ ዶዳ ዱሰረꬂደ አꬌዳ። አ ኦላንቻቱካ ባቃቲደ፥ ጉየ ሶ ስሜድኖ።
2KI 8:22 ሄ ዎድያፐ ዶሚደ ሀቼ ጋካናዉ፥ ኤዶማ አሳይ ይሁዳ አሳዉ ሞደትቤና። ሊብና አሳይ ቃይ ሄ ዎደ ማካሌዳ።
2KI 8:23 የሆራመ ሀኔዳ ሀራባይነ እ ኦꬄዳባይ ኡባይ ይሁዳ ካተቱ ታርክያ ማጻፋን ጻፈት ኡቴዳ።
2KI 8:24 የሆራመ ሀይቂደ፥ ባረ ማይዛን ጋከቴዳ። ማይዛ አዎቱዋና ዳዊታ ካታማን ሞገቴዳ። አ ሳኣን አ ናአይ አካዝያስ ካተቴዳ።
2KI 8:25 አካባ ናአይ፥ እስራኤልያ ካቲ ዮራመ ካተቴዳ ታማነ ላኤንꬆ ላይꬃን፥ ይሁዳ ካትያ የሆራማ ናአይ አካዝያስ ይሁዳን ካተቴዳ።
2KI 8:26 አካዝያስ ካተቴዳ ዎደ፥ ላይꬃይ አዉ ላታማነ ላአ፤ እ የሩሳላመን እት ላይꬃ ካተቴዳ። አ አት ሱንꬃይ አታሎ፤ አ እስራኤልያ ካትያ ኦምራዉ ናኣ ናቶ።
2KI 8:27 አካባ ሶይ አሳ ኦግያ እ ሀመቴዳ፤ አካባ ሶይ አሳይ ኦꬄዳዋዳን፥ መꬍና ጎዳ ስንꬃን ኢታባ ኦꬄዳ። እ ሄዋ ሀኔዳዌ ኡንቱንቶ ቦሉዋ ግዴዳ ግሻሳ።
2KI 8:28 አካዝያስ ሶርያ ካትያ ሀዛኤላን ደእያ ራሞታ-ጋላኣደ ግያ ካታማን ኦለታናዉ ቢደ፥ አካባ ናኣ ዮራማና እትፐ ቤዳ። ሶርያ አሳቱ ዮራማ ጫዴድኖ።
2KI 8:29 ዮራመ ሶርያ ካትያ ሀዛኤላና ኦለትያ ዎደ፥ ሶርያ አሳቱ ጫዴዳ ጫቻ ፓꬅ አካናዉ እዝራኤላ ካታማ ስሜዳ። ሄዋፐ ጉይያን፥ ዮራማ ናአይ፥ ይሁዳ ካቲ አካዝያስ አካባ ናኣ ዮራመ ጫደቴዳዋ ኦቻናዉ ዱገ እዝራኤላ ካታማ ቤዳ።
2KI 9:1 ትምቢትያ ኦድያ ኤልሳእ ትምቢትያ ኦድያዋንቱ ጭታፐ እት ብታንያ ጼሲደ፥ ሀዋዳን ያጌዳ፤ “ነ ካባ ነ ሳቂያን ስርቃደ ሀ ጻሩዋ ዛይትያ አካደ፥ ራሞታ-ጋላኣደ ግያ ካታማ ባ።
2KI 9:2 ጋካደ፥ ዮሳፌጻ ናኣ፥ ንምሻዉ ናኣ ናኣ እያ ኮያ። ደማደ፥ አ ላገቱዋፐ አ ጋጻ ከሳደ፥ ቆልኦ ገልሳ።
2KI 9:3 ሄዋፐ ጉይያን፥ ጻሩዋ ዛይትያ አካደ፥ አ ሁጲያን ትጋደ፥ ‘ኔና መꬍና ጎዳይ፥ “ኔን እስራኤልያ ቦላ ካተታናዳን ታን ኔና ኦካይ” ያጌ’ ያጋ። ያታደ ካርያ ዶያደ፥ ባቃታፐ አትና፥ ጋምኦፓ” ያጌዳ።
2KI 9:4 ሄዋ ድራዉ፥ ትምቢትያ ኦድያ ዎዳላይ ራሞታ-ጋላኣደ ካታማ ቤዳ።
2KI 9:5 እ ያ ጋኬዳ ዎደ፥ ኦላ ጋዳዋቱ እትፐ ዞረትያዋንታ ደሚደ፥ “ኦላ ጋዳዋዉ፥ ታን ነዉ ኦድያባይ ደኤ” ያጌዳ። ኢዩ፥ “ኑ ግዶፐ ኦስ ኦዳንቴ?” ያጊደ ኦቼዳ። ትምቢትያ ኦድያዌ፥ “ኦላ ጋዳዋዉ፥ ነዉ ኦዳና” ያጊደ ዛሬዳ።
2KI 9:6 ኢዩ ደንዲደ ሶ ገልና፥ ትምቢትያ ኦድያዌ አ ሁጲያን ዛይትያ ትጊደ፥ “መꬍና ጎዳይ እስራኤልያ ጾሳይ ኔና ሀዋዳን ያጌ፥ ‘ኔን መꬍና ጎዳ አሳ ቦላ፥ እስራኤልያ ቦላ ካተታናዳን ታን ኔና ኦካይ።
2KI 9:7 ኔን ነ ጎዳ አካባ ዛርያ ꬋይሳና። አያዉ ጎፐ፥ ታን ኤልዛቤላ ጉሴዳ ትምቢትያ ኦድያ መꬍና ጎዳ ቆማቱዋ ሱꬃነ ታ ሀራ ቆማቱዋ ሱꬃ ሀሉዋ ከሳና።
2KI 9:8 አካባ ዛርያ ኡባይ ꬋያና፤ ታን እስራኤላን አካባ ዛርያፐ አይልያ ግድና፥ ዎማኑዋ ግድና፥ አቱማዋ ኡባ ꬎቆላና።
2KI 9:9 አካባ ዛርያ ናባጻ ናኣ እዮርባማ ዛርያዳንነ አኪያ ናኣ ባእሻ ዛርያዳን ታን ኦꬃና።
2KI 9:10 ኤልዛቤሎ ግዶፐ፥ እዝራኤላ ጎሻን እዞ ካናቱ ማና፤ ኦንነ እዞ ሞገና’ ያጌ” ያጌዳ። ሄዋ ኦዴዳዋፐ ጉይያን፥ ካርያ ዶይ የግነ ዎꬃ ላሲሼዳ።
2KI 9:11 ኢዩ ባረ ላገꬃ ግዴዳ ኦላ ጋዳዋቱዋኮ ቤዳ ዎደ፥ ኡንቱቱፐ እቱ አ፥ “ሳአይ ሳሬ? ሀ ጎይያ ብታኒ ኔኮ አያዉ ዬዴ?” ያጊደ ኦቼዳ። ኢዩ ኡንቱንቶ፥ “ሀ ብታንያነ አ ሃሳያነ ህንተንቱ ኤሪታ” ያጌዳ።
2KI 9:12 ኡንቱንቱ፥ “ሀዌ ዎርዱዋ። አነ ኔን ኑዉ ኦዳ” ያጌድኖ። ኢዩ፥ “እ ታዉ፥ መꬍና ጎዳይ ኔና፥ ‘ኔን እስራኤልያ ቦላ ካተታናዳን ታን ኔና ኦካድ’ ያጌ ያጌዳ” ያጌዳ።
2KI 9:13 ሄ ዎደ ኡንቱንቱ ኤለካ ባረንቱ ማዩዋ አኪደ፥ ኢዩ የꬊደ ከስያ ደꬃን ዎꬄድኖ፤ ሂጺደ ማላካታ ፑኔድኖ። ባረንቱ ቃላካ ꬎቁ ኦꬂደ፥ “ኢዩ ካተቴዳ!” ያጌድኖ።
2KI 9:14 ያትና ዮሳፌጻ ናአይ፥ ንምሻዉ ናኣ ናአይ ኢዩ ዮራማ ቦላ ማቀቴዳ። ሄዌ ሀንያ ዎደ፥ ዮራምነ እስራኤልያ አሳይ ኡባይ ሶርያ ካትያ ሀዛኤላፐ ጋላኣደን ደእያ ራሞታ ግያ ካታማ ናጋናዉ ብድጌድኖ።
2KI 9:15 ሽን ኡንቱንቱፐካ ካቲ ዮራመ ሶርያ ካትያ ሀዛኤላና ኦለቴዳ ዎደ፥ ሶርያ ጋደ አሳቱ አ ጫዴዳ ጫቻ ꬋለታናዉ እዝራኤላ ካታማ ይክቼዳ። ያትና ኢዩ ጋዳዋቱዋ፥ “ህንተንቱ ቆፋይ ሄዋ ግዶፐ፥ ሀ ካታማፐ እት አሳይነ ከስ ቢደ፥ እዝራኤላ ካታማን ሀ ኦዱዋ ኦደናዳን ተእተ” ያጌዳ።
2KI 9:16 ሄዋፐ ጉይያን፥ ኢዩ ፓራ ጋርያን ከስ ኡቲደ፥ እዝራኤላ ካታማ ቤዳ። አያዉ ጎፐ፥ ዮራመ ፓጽቤናዌ ያን ሸምፔ። ቃይ ይሁዳ ካቲ አካዝያስ አ ኦቻናዉ ያ ዱገ ብ ኡቴዳ።
2KI 9:17 እዝራኤላ ካታማ ግምቢያ ቦላ ኤቂደ ዎችያዌ ጼሲደ፥ “እት ጭታይ ይያዌ ታዉ ቤቴ” ያጌዳ። ዮራመ፥ “ኡንቱንቱና ጋከታናዳን እት ፓራ አሳ የዳ። ፓራዉ ቢደ፥ ‘ሳአይ ሳሬ?’ ያጎ” ያጌዳ።
2KI 9:18 ፓራዉ ኢዩና ጋከታናዉ ቢደ፥ “ካቲ ኔና፥ ‘ሳአይ ሳሬ?’ ያጌ” ያጌዳ። ኢዩ፥ “ሳሮባን ኔና ጋꬅያዌ ባዋ። ታ ጉየ አꬋ ታና ካላ” ያጊደ ዛሬዳ። ያትና ዎችያዌ ካትያ፥ “ኪተቴዳዌ ኡንቱንቱኮ ጋኬዳ፤ ሽን ጉየ ስምቤና” ያጊደ ኦዴዳ።
2KI 9:19 ሄዋ ድራዉ፥ ካቲ ላኤንꬆ ፓራዉዋ ኡንቱንቱኮ ኪቴዳ። እ ኡንቱንቱኮ ዪደ፥ “ካቲ ህንተንታ፥ ‘ሳእ ሳሬ?’ ያጌ” ያጌዳ። ኢዩ ብታንያ፥ “ሳሮባን ኔና ጋꬅያዌ ባዋ። ታ ጉየ አꬋ ታና ካላ” ያጌዳ።
2KI 9:20 ዎችያዌ፥ “ላኤንꬆ ፓራዉ ኡንቱንቱኮ ጋኬዳ፤ ሽን ጉየ ዛሪደ ዬና። ቃይ ጋርያ ላጋይ ንምሻ ናኣ ናኣ ኢዩ ላጉዋ ማላ፤ እ ጎይያ አሳዳን ላጌ” ያጊደ ኦዴዳ።
2KI 9:21 ሄዋፐ ጉይያን፥ ካቲ ዮራመ፥ “ታዉ ፓራ ጋርያ ዋጽተ” ያጊደ አዛዜዳ። ፓራ ጋርያ ዋጼድኖ። እስራኤልያ ካቲ ዮራምነ ይሁዳ ካቲ አካዝያስ ባረንቱ ጋርያን ጋርያን ኡቲደ፥ ኢዩና ጋከታናዉ ቤድኖ። እዝራኤልያ ናቡተ ጋደን አ ደሜድኖ።
2KI 9:22 ዮራመ እያ በኤዳ ዎደ፥ “ኢዩ፥ ሳእ ሳሬ?” ያጊደ ኦቼዳ። ኢዩ፥ “ነ ዳይ ኤልዛቤል ኤቃ ጎይናይነ ብታይነ ሄዋ ኬና ዳር ደእሽን፥ ሳሮተꬃይ ዋን ደአናዉ ዳንዳዪ?” ያጊደ ዛሬዳ።
2KI 9:23 ያቶዋን ዮራመ ባረ ፓራ ጋርያ ጉየ ዛሪደ ባቃቴዳ። አካዝያሳ ጼሲደ፥ “አካዝያሳ፥ ሀዌ ማካላ!” ያጌዳ።
2KI 9:24 ሄዋፐ ጉይያን፥ ኢዩ ባረ ዎንዳፍያን ባረ ኩመንꬃ ዎልቃፐ ዳፊደ፥ ዮራማ ላኡ ካትሳፐ ግዱዋን ዱኬዳ። ዎንዳፊ አ ዎዛናና አꬊደ ከስና፥ ባረ ጋርያ ግዶ ኩንዴዳ።
2KI 9:25 ኢዩ ብድቃራ፥ “ዮራማ ደንꬃደ፥ ካሰ እዝራኤልያ ናቡተ ጋደን ኦላ። ነነ ታነ እትፐ ዮራማ አዉዋ አካባ ካል ቶጊደ ቢሽን፥ መꬍና ጎዳይ አ ቦላ ትምቢትያ ጊደ ኦዴዳዋ ሀሳያ።
2KI 9:26 ሄ ዎደ መꬍና ጎዳይ፥ ‘ናቡተ ሱꬃነ አ አቱማዋ ናናቱዋ ሱꬃ ታን ዝኖ በኣድ፤ ሄዋ አጩዋ ታን ኔና ቱሙ ሀ ጋደን ጭግሳና’ ያጌዳ። ሀእ ስም መꬍና ጎዳይ ጌዳዋዳን፥ ዮራማ ደንꬃደ፥ ሀ ጋደን ኦላ” ያጌዳ።
2KI 9:27 ይሁዳ ካቲ አካዝያስ ሄዋ በኤዳ ዎደ፥ ቤት-ሀጋና ግያ ካታማ ባቃቲደ ቤዳ። ኢዩ አ ካሊደ የደርሲደ፥ “አካ ዱክተ!” ያጌዳ። ኡንቱንቱ አ ካሊደ፥ ይብላኣማ ካታማ ኤለካ ደእያ ጉራ ግያ ፑደꬃን አ ጋርያ ቦላ ዱኬድኖ። ያትና እ ማግዶ ጌተትያ ካታማ ባቃቲደ፥ ያን ሀይቄዳ።
2KI 9:28 አ ካልያዋንቱ ጋርያን አ አኪደ፥ የሩሳላመ አፌድኖ፤ አ ማይዛ አዎቱዋና ዳዊታ ካታማን ሞጌድኖ።
2KI 9:29 አካባ ናአይ ዮራመ ካተቴዳ ታማነ እተንꬅያ ላይꬃን አካዝያስ ይሁዳን ካተቴዳ።
2KI 9:30 ሄዋፐ ጉይያን፥ ኢዩ እዝራኤላ ካታማ ቤዳ። ኤልዛቤላ ሄዋ ስሴዳ ዎደ፥ ባረ አይፍያ ኦካደ፥ ባረ ሁጲያካ ፕጻደ፥ ማስኮትያና ዱገ ኦግያ ጼላዱ።
2KI 9:31 ኢዩ ፐንግያና ገልሽን፥ “ላ ነ ጎዳ ዎꬌዳ ዝምራ፥ ሀዋ ሳሮ ያድ?” ያጋዱ።
2KI 9:32 ኢዩ ፑደ ማስኮትያኮ ጼሊደ፥ “ላ ታ ባጋ ግዳናዌ ኦኔ? አነ ኦኔ?” ያጌዳ። ላኡ ዎይ ሄዙ ሱንꬃቱ አኮ ጼሌድኖ።
2KI 9:33 ኢዩ፥ “ኦ ዱገ ኦል አግተ!” ያጌዳ። ኡንቱንቱ እዞ ዱገ ኦሌድኖ። ያትና እ ሱꬃይ ጎዳ ቦላነ ፓራቱዋ ቦላነ ጫጫፈቴዳ፤ ፓራቱ ባረንቱ ገድያን እዞ የꬌድኖ።
2KI 9:34 ሄዋፐ ጉይያን፥ ኢዩ ካትያ ጎልያ ገሊደ፥ ሜዳነ ኡሼዳነ። ያቲደ እ፥ “ሀ ሸቀቴዳ ምሽራቶ አፊደ ሞግተ፤ አያ ግዶፐነ አ ካትያ ናኣ” ያጌዳ።
2KI 9:35 ሽን ኡንቱንቱ እዞ ሞጋናዉ ቢደ፥ እዝዉ ጉግያፐ፥ ገደቱዋፐነ ኩሸቱዋፐ አትና፥ ሀራባ ደምቤይክኖ።
2KI 9:36 ሄዋ ድራዉ፥ ኡንቱንቱ ስሚደ፥ ኢዩዉ ኦዴድኖ፤ እ፥ “መꬍና ጎዳይ ባረ ቆማ ተስቢያ ኤላሳ ባጋና፥ ‘እዝራኤላን ደእያ ጋደን ኤልዛቤል አሹዋ ካናቱ ማና።
2KI 9:37 አቴዳዌካ እዝራኤላን ደእያ ጋድያን ፕቶ ማላ ግዳናዋ። ሄዋ ድራዉ ኦንነ፥ “ሀና ኤልዛቤሎ” ጋናዉ ዳንዳየና’ ያጊደ ኦዴዳ ቃላይ ሀዋ” ያጌዳ።
2KI 10:1 አካባዉ ሳማርያ ካታማን ላፑን ታሙ አቱማ ናናይ ደኢኖ። ሄዋ ድራዉ ኢዩ ዳብዳቢያ ጻፊደ፥ ሄ ካታማ ካፓቶ፥ ጭማቶነ አካባ ዘረꬃ ድችያዋንቶ ሳማርያ ካታማ ኪቴዳ። ሄ ዳብዳቢያን እ፥
2KI 10:2 “ስም ህንተንቱ ጎዳ ዛራቱ ህንተናና ደእያ ድራዉ፥ ቃይ ፓራቱነ ፓራ ጋረቱ፥ ዩሹ ግምበቴዳ ካታማቱነ ኦላ ሚሻቱ ህንተንቶ ደእያ ድራዉ፥ ሀ ዳብዳቢ ህንተንታ ጋኮ ኤለካ፥
2KI 10:3 ህንተንቱ ጎዳ ናናቱዋፐ እት ፓጻተꬃ ዳርያዋ ዶሪደ፥ አ አዉዋ ካዉተꬃ አራታን ኡትስተ። ያቲደ ህንተንቱ ጎዳ ጎለዉ ኦለትተ” ያጌዳ።
2KI 10:4 ሽን ኡንቱንቱ ዳሮፐ ያዪደ፥ “በእተ፥ ላኡ ካተቱ አ ስንꬃን ኤቃናዉ ዳንዳይበይክኖ! ያትና ኑን ዋን ኤቃኔ?” ያጌድኖ።
2KI 10:5 ሄዋ ድራዉ፥ ካትያ ጎለዉ አዎትያዌ፥ ካታማ ካፑ፥ ጭማቱነ አካባ ዘረꬃ ድችያዋንቱ ኢዩዉ ሀዋዳን ያጊደ ኪቴድኖ፤ “ኑን ነ ቆማቱዋ፤ ኔን ግያዋ ኡባ ኑን ኦꬃና። ኑ ቦላ ኦናነ ካተዮኮ። ኔና ሎኤዳባ አያነ ኦꬃ” ያጊደ ኪቴድኖ።
2KI 10:6 ኢዩ ኡንቱንቶ ላኤንꬆ ዳብዳቢያ ጻፊደ፥ “ህንተንቱ ታ ባጋ ግዲደ፥ ታዉ አዛዘታናዉ ጊጌዳዋ ግዶፐ፥ ህንተንቱ ጎዳ ናና ቆꬍያ ሙጭተ፤ ኡንቱንቱ ጉግያ አኪደ፥ ዎንት ሀኖደ እዝራኤላ ካታማ ዪተ” ያጌዳ። ካትያ ዛራቱ ላፑን ታማቱካ ባረና ድችያ፥ ሄ ካታማን ኤረቴዳ አሳቱዋና ደኢኖ።
2KI 10:7 ሄ ካትያ ዘረꬃ ድችያ አሳቱዋኮ ዳብዳቢ ጋኬዳ ዎደ፥ ካትያ ዘረꬃ ላፑን ታማቱዋካ ዎꬌድኖ። ኡንቱንቱ ቆꬍያ ሙጪደ፥ ኡንቱንቱ ጉግያ ቁንኣን ቆስ አꬂደ፥ እዝራኤላ ካታማን ደእያ ኢዩዉ የዴድኖ።
2KI 10:8 ኪተቴዳ አሳቱ፥ “ኡንቱንቱ ካትያ ዛራቱዋ ጉገቱዋ አኪደ ዬድኖ” ያጊደ ኢዩዉ ኦዴዳ። ኢዩ፥ “ዎንታ ጉራ ጋካናዉ፥ ካታማ ገልያ ፐንግያን ኡንቱንታ ላኡሳን ዶሪደ ዎꬅተ” ያጊደ አዛዜዳ።
2KI 10:9 ዎንተꬃ ጋላስ ጉራ ኢዩ ካረ ከሲደ፥ አሳ ኡባ ስንꬃን ኤቂደ፥ “ህንተንቱ ጽላ። ታ ጎዳ ቦላ ማቀታደ ዎꬌዳዌ ታና። ሽን ሀዋንታ ኡባ ዎꬌዳዌ ኦኔ?
2KI 10:10 ያቶፐ ስም መꬍና ጎዳይ አካባ ዛራቱዋ ቦላ ኦዴዳዋፐ እት ቃላይነ ሳኣን ዎናዋ ህንተዉ ኤርተ። አያዉ ጎፐ፥ መꬍና ጎዳይ ባረ ቆማ ኤላሳ ባጋና ኦዴዳዋ ፖሌዳ” ያጌዳ።
2KI 10:11 ሄዋ ድራዉ፥ ኢዩ እዝራኤላን አቴዳ አካባ ዘረꬃ፥ አ ዎልቃማ አሳቱዋ፥ አ ላገꬃቱዋነ አ ቄሳቱ ዋ ኡባ፥ አዉ አያነ አሸናን ዎꬍ ዉርሴዳ።
2KI 10:12 ሄዋፐ ጉይያን፥ ኢዩ ደንዲደ፥ ሳማርያ ቤዳ። ሄንꬃንቻቱ ሞꬃ ግያ ሳኣ ጋኪደ፥
2KI 10:13 ይሁዳ ካትያ አካዝያሳ ዳቦቱዋና ጋከቴዳ። ኢ፥ “ህንተንቱ ኦኔ?” ያጊደ ኦቼዳ። ኡንቱንቱ፥ “ኑን አካዝያሳ ዳቦቱዋ፤ ኑን ካትያ ዛራቱዋነ ካታት ኤልዛቤል ናናነ ሳሮታናዉ ቤቶ” ያጌድኖ።
2KI 10:14 ኢዩ ባረ አሳቱዋ፥ “ኡንቱንቱ ፓጻ ኦይቂተ” ያጊደ አዛዜዳ። ኡንቱንታ ፓጻ ኦይቂደ፥ ሄንꬃንቻቱ ሞꬃን ደእያ ሃꬃ ኦላ ማታን ኡንቱንታ ኦይታማነ ላአቱዋካ ዎꬌድኖ፤ እ ኡንቱንቱፐ እቱዋነ አሽቤና።
2KI 10:15 ኢዩ ሄ ሳኣፐ ደንድ ዪደ፥ ረካባ ናኣ ዮናዳባና ጋከቴዳ። አ ሳሮꬂደ፥ “ታ ቆፋይነ ነ ቆፋይ እቱዋ። ያትና ታ ባጋ ግዳኒ?” ያጌዳ። ዮናዳብ፥ “ኤ ግዳና” ያጊደ ዛሬዳ። እ “አነ ታ ኩሽያ ኦይቃ” ያጌዳ። አ ኩሽያ ኦይቄዳዋ ፑደ ጋርያ ቦላ ከሲደ፥
2KI 10:16 “ታናና ደንዳ። ታን መꬍና ጎዳዉ ምሸትያዋ በአ” ያጌዳ። አ ባረ ጋርያን ኡትሴዳ።
2KI 10:17 ኢዩ ሳማርያ ዬዳ ዎደ፥ አካባ ዛርያፐ አቴዳ ኡባ ዎꬌዳ፤ መꬍና ጎዳይ ኤላሳዉ ኦዴዳ ቃላዳን ኡንቱንታ ꬋይሴዳ።
2KI 10:18 ሄዋፐ ጉይያን፥ ኢዩ አሳ ኡባ እትፐ ሺሺደ፥ “አካብ ባኣላዉ ጉꬃ ኬሻ ጎይኔዳ፤ ሽን ታን አፐ ዳሮ ጎይናና።
2KI 10:19 ሀእ ስም ባኣላ ሱንꬃን ትምቢትያ ኦድያ ኡባቱዋ፥ አዉ ጎይንያዋንታ ኡባቱዋነ አ ቄሳቱ ዋ ኡባቱዋ ታዉ ጼሲደ ሺሽተ። ኡንቱንቱፐ እት አሳይነ ፓጨናዳን ጼልተ። አያዉ ጎፐ፥ ታን ባኣላዉ ዳሮ ያርሹዋ ያርሻናዉ ሀናይ። ሄ ሳኣ ዬናን አግያ አሳይ ፓጻ ደኤና” ያጌዳ። ሽን ኢዩ ባኣላዉ ጎይንያዋንታ ጭሚደ ꬋይሳናዉ ሄዋ ኦꬄዳ።
2KI 10:20 ኢዩ፥ “ባኣላዉ ጎይናና ጋላሳ አዋይተ” ያጌዳ። ኡንቱንቱ አዋዬድኖ።
2KI 10:21 ሄዋፐ ጉይያን፥ ኢዩ እስራኤልያ ቢታ ኡባ ኪትና፥ ባኣላዉ ጎይንያዋንቱፐ እት አሳይነ አተናን ኡባቱ ዬድኖ፤ ኡባይካ ባኣላ ኤቃ ጎልያ ሀ ጋጻፐ ያ ጋጻ ጋካናዉ፥ ቅልጽ ጊደ ኩሜድኖ።
2KI 10:22 ኢዩ ጎይንያዋንቱ ማዮ አዎትያ እት ብታንያ፥ “ባኣላዉ ጎይንያዋንቱ ኡባዉ ማዩዋ አሃ” ያጌዳ። ብታኒ ኡንቱንቶ ማዩዋ አሄዳ።
2KI 10:23 ሄዋፐ ጉይያን፥ ኢዩነ ረካባ ናአይ ዮናዳብነ ባኣላ ኤቃ ጎልያ ገሌድኖ። ኢዩ ባኣላዉ ጎይንያዋንታ፥ “ባኣላዉ ጎይንያዋንቱፐ አትና፥ መꬍና ጎዳ ቆማቱዋፐ እት አሳይነ ህንተንቱ ግዶን ደኦፐ ጼልተ” ያጌዳ።
2KI 10:24 ሄዋፐ ጉይያን፥ ኡንቱንቱ ጹግያ ያርሾቱዋነ ሀራ ያርሾቱዋነ ያርሻናዉ ግዶ ገሌድኖ። ኢዩ ባኣላ ኤቃ ጎልያፐ ካረና ሆስፑን ታሙ አሳቱዋ ጊግስ ዎꬄዳ። ያቲደ፥ “ህንተፐ እት ኡራይ ታን ህንተንቱ ኩሽያን ዎꬅያ አሳቱዋፐ እቱዋ የዶፐ፥ አ ሸምፑ ሄ ኡራ ሸምፖ ግዴ” ያጌዳ።
2KI 10:25 ኢዩ ጹግያ ያርሹዋ ያርሽያዋ ፖሎሳና፥ ናግያዋንታነ ካፓቱዋነ፥ “ግዶ ገሊደ፥ ኡንቱንታ ዎꬍተ። ኡንቱንቱፐ እት አሳይነ ከስ አኮፖ” ያጊደ አዛዜዳ። ኡንቱንታ ማሻን ሱፑ ኦꬅ ዉርሴድኖ። ያቲደ ናግያዋንቱነ ካፓቱነ ኡንቱንቱ አሃ ካረ ኦሌድኖ። ሄዋፐ ጉይያን፥ ባኣላ ኤቃ ጎልያ ቆልኦ ገሌድኖ።
2KI 10:26 ባኣላ ኤቃ ጎልያፐ ኤቃ ቱሳቱዋ ከሲደ ጹጌድኖ።
2KI 10:27 ቃይካ ባኣላዉ ጎይንያ ኤቃ ሹቻ ክንቼሬꬄድኖ፤ ባኣላ ኤቃ ጎልያካ ኮሌድኖ። ያቲደ ሄ ሳኣ ሼሻ ጎልያ ከሴድኖ፤ ሀቼ ጋካናስካ ሄ ሳአይ ሼሻ ጎልያ ግዲደ አቴዳ።
2KI 10:28 ሄዋዳን ኦꬂደ፥ ኢዩ ባኣላ እስራኤልያፐ ꬋይሴዳ።
2KI 10:29 ግዶፐነ ናባጻ ናአይ እዮርባም እስራኤልያ አሳ ኦስሴዳ ናጋራ ኦꬅያዋ እ አግቤና። ቤቴለንነ ዳናን እዮርባም ኤሴዳ ዎርቃ ማራቱዋ ምስለቶ እ ባረ ሁጲያዉ ጎይኔዳ።
2KI 10:30 ሄዋፐ ስምና፥ መꬍና ጎዳይ እያ፥ “ኔን ታ ስንꬃን ልከ ግዴዳዋ ኦꬃደ ፖሌዳ ግሻዉነ ታ ቆፋን ደእያዋ ኡባ ኔን አካባ ዛራቱዋ ቦላ ኦꬄዳ ድራዉ፥ ነ ዛራቱ ኦይደንꬆ የለታ ጋካናዉ፥ እስራኤልያ ካዉተꬃ አራታን ኡታናዋንታ” ያጌዳ።
2KI 10:31 ሄዋ ጊድ ኡትናካ፥ ኢዩ መꬍና ጎዳ እስራኤልያ ጾሳ ህግያ ባረ ኩመንꬃ ዎዛናፐ ምንሲደ ናግቤና፤ ቃይ እዮርባም እስራኤልያ ናና ኦስሴዳ ናጋራ ኦꬅያዋ አግቤና።
2KI 10:32 ሄ ዎድያን መꬍና ጎዳይ እስራኤልያ ቢታ ጹንꬃናዉ ዶሜዳ። ሶርያ ካቲ አዛኤል እስራኤልያ ጋድያፐ ዳሮ ሳኣ ጾኔዳ።
2KI 10:33 ዮርዳኖሳ ሻፋፐ አዋይ ዶልያ ባጋና ደእያ ጋላኣደነ ባሳነ ቢታ ኡባ ኦይቄዳ። ሄ ቢታቱ አርኖና ሻፋ ማታን ደእያ አሮኤራ ካታማፐ ዶሚደ፥ ሮቤላ ጋድያ፥ ጋደ ጋድያነ ምናሰ ጋድያ ጋኪኖ።
2KI 10:34 ኢዩ ሀኔዳ ሀራባይ፥ እ ኦꬄዳባይ ኡባይነ አ ምኖተꬃ ኡባይ እስራኤልያ ካተቱ ታርክያ ማጻፋን ጻፈት ኡቴዳ።
2KI 10:35 ሄዋፐ ጉይያን፥ ኢዩ ሀይቂደ፥ ባረ ማይዛን ጋከቴዳ፤ እ ሳማርያን ሞገቴዳ። አ ሳኣን አ ናአይ ዮአካዝ ካተቴዳ።
2KI 10:36 ኢዩ ሳማርያ ካታማን እስራኤልያ ጋድያ ቦላ ላታማነ ሆስፑን ላይꬃ ካተቴዳ።
2KI 11:1 አካዝያሳ አታ አታላ ባረ ናአይ ሀይቄዳዋ በኤዳ ዎደ፥ ደንዳደ ካትያ ዛርያ ኡባ ꬋይሳዱ።
2KI 11:2 ሽን ካትያ ዮራማ ናታ፥ አካዝያሳ ምቻታ ይሆሸባአ፥ ሀይቃናዉ ደእያ ካትያ ናናቱዋ ግዶፐ አካዝያሳ ናኣ ዮኣሻ ዉኣደ አካዱ። አነ አ ꬋንꬅያኖነ ሂጻ ጎለን ቆሳደ፥ አታላ ዎናዳን አሻዱ።
2KI 11:3 አታላ ጋድያ ሞድያ ዎደ ኡባን፥ ናአይ ይሆሸባእ ማታን መꬍና ጎዳ ጌሻ ጎልያን ኡሱፑን ላይꬃ ቆሰቲደ ደኤዳ።
2KI 11:4 ላፑንꬃ ላይꬃን ዮዳሄ ካትያ ናግያዋንቱነ ካትያ ጎልያ ናግያዋንቱ ካፓቶ ኪቲደ፥ ባረኮ መꬍና ጎዳ ጌሻ ጎልያ አህሴዳ። ኡንቱንቱና ቃላ ጫቁዋ ጫቀቲደ፥ ኡንቱንቱ መꬍና ጎዳ ጌሻ ጎልያን ጫቂሴዳ። ሄዋፐ ጉይያን፥ ኡንቱንቱ ካትያ ናኣ ዮኣሻ በሴዳ።
2KI 11:5 እ ኡንቱንታ፥ “ህንተንቱ ኦꬃናባይ ሀዋ። ሳምባታን ናጎ ገልያ ካላይ ጋኬዳ ህንተንቱ ሄዙ ጭታፐ እት ጭታይ ካትያ ጎልያ ናጎ፤
2KI 11:6 እት ጭታይ ሱር ግያ ፐንግያ ናጎ፤ ቃይ እት ጭታይ ናግያዋንቱፐ ጉየ ባጋና ደእያ ፐንግያ ናጎ።
2KI 11:7 ቃይካ ሳምባታን ናጉዋፐ ሃ ከስያ የንኮ ላኡ ጩጎቱዋ ኩመንꬃቱ ካትያዉ ጌሻ ጎልያ ናግኖ።
2KI 11:8 ኦላ ሚሻ ኦይቂደ፥ ካትያ ግዶዪደ፥ ካቲ ከስያ ዎደነ ገልያ ዎደ ኡባን አናና እትፐ ደእኖ። ህንተኮ ሺቅያ ኦናካ ዎꬍተ” ያጌዳ።
2KI 11:9 ሄ ካፓቱ ቄሲ ዮዳሄ አዛዜዳዋ ኡባ ኦꬄድኖ። ኡንቱንቱ ኡባይካ ሳምባታ ጋላሳን ናጉዋ ካላይ ጋኬዳዋንታካ ናጉዋ ካላን ፖሌዳዋንታካ አኪደ፥ ቄስያ ዮዳሄኮ ዬድኖ።
2KI 11:10 ቄሲ መꬍና ጎዳ ጌሻ ጎልያን ደእያ፥ በን ካትያ ዳዊታ ጎንዳለቱዋነ ቶራቱዋነ ኡባ ካፓቶ እሜዳ።
2KI 11:11 ናግያዋንቱ እቱ እቱ ኦላ ሚሻቱዋ ባረንቱ ኩሽያን ኦይቂደ፥ ጌሻ ጎልያፐ ሀድርሳ ባጋፐ ዶሚደ፥ ኡሸቻ ባጋ ጋካናዉ፥ ያርሽያ ሳኣ ማታንነ ጌሻ ጎልያ ማታን ካትያ ዩሹዋን ኤቄድኖ።
2KI 11:12 ሄዋፐ ጉይያን፥ ዮዳሄ ካትያ ናኣ ካረ ከሲደ፥ አ ሁጲያን ካላቻ ዎꬄዳ። ካዉተꬃ ካለꬅያ ህግያ ማጻፋፐ ዱቂደ እቱዋ አዉ እሚደ፥ ኦኪደ ካተዬዳ። ካዉነ አሳይ ኩሽያ ባቂደ፥ ባረ ቃላ ꬎቁ ኦꬂደ፥ “ካቲ ሸምፑ ጋምኦ!” ያጌዳ።
2KI 11:13 ካታታ አታላ ናግያዋንቱ ጫቡዋነ አሳ ጫቡዋነ ስሴዳ ዎደ፥ አሳኮ መꬍና ጎዳ ጌሻ ጎልያ ባዱ።
2KI 11:14 ካቲ ካሰ ካተቱ ሀንያዋዳን ቱሳ ማታን ኤቄዳዋ በኣዱ። ካፓቱነ ጹሩምባ ፑንያዋንቱ ካትያ ማታን ደኢኖ፤ ሄ ቢታ አሳይ ኡባይ ናሸቲደ፥ ጹሩምባ ፑኔ። አታላ ባረ ማዩዋ ፔꬋደ፥ “ሀዌ ማካላ! ሀዌ ማካላ!” ያጋደ ዋሳዱ።
2KI 11:15 ቄሲ ዮዳሄ ኦላንቻቱ ካፓቱዋ፥ “አታሎ መꬍና ጎዳ ጌሻ ጎልያን ዎꬎፕተ! እዞ ያናነ ሃናነ ሳልፒደ ሳልፐቱዋ ግዱዋን ዎꬂደ፥ ካረ ከስተ። እዞ አሻናዉ ካጄልያ አሳይ ደኦፐ ዎꬍተ!” ያጌዳ።
2KI 11:16 ሄዋ ድራዉ፥ ኡንቱንቱ እዞ ኦይቂደ፥ ካትያ ጎልያ አፌድኖ፤ ፓራ ፐንግያን እዞ ዎꬌድኖ።
2KI 11:17 ሄዋፐ ጉይያን፥ አሳይ መꬍና ጎዳ አሳ ግዳና ማላ፥ ዮዳሄ ካቲነ አሳይ መꬍና ጎዳና ቃላ ጫቁዋ ገላና ማላ ኦꬄዳ። ቃይ ካትያፐነ አሳፐነ ግዱዋንካ ቃላ ጫቁዋ ገልሴዳ።
2KI 11:18 ሄ ዎደ ይሁዳ አሳይ ኡባይ ባኣላ ኤቃ ጎልያ ቢደ፥ ሄ ጎልያ ክንቼዳ፤ ያርሽያ ሳአቱዋነ አ ምስለቱዋ ክንቼሬꬄዳ። ቃይ ማታና ግያ ባኣላ ቄስያ ያርሽያ ሳአቱ ስንꬃን ዎꬌድኖ። ሄዋፐ ስምና፥ ቄስያ ዮዳሄ መꬍና ጎዳ ጌሻ ጎልያን ናግያዋንታ ዎꬄዳ።
2KI 11:19 ባረናና ጋዳዋቱዋ፥ ካትያ ናግያዋንታ፥ ካትያ ጎልያ ናግያዋንታነ ይሁዳ አሳ ኡባ አክና፥ ኡንቱንቱ ካትያ መꬍና ጎዳ ጌሻ ጎልያፐ ዱገ አሂደ፥ ናግያዋንቱ ፐንግያ ግያ ፐንግያ ባጋና ካትያ ጎለ እትፐ ገሌድኖ። ካቲ ባረ ካዉተꬃ አራታን ኡቴዳ።
2KI 11:20 ያትና ይሁዳ አሳይ ኡባይ ናሸቴዳ። አታላ ካትያ ጎለን ማሻን ሀይቄዳዋፐ ጉይያን፥ ካታማይካ ዎፑ ጌዳ።
2KI 11:21 ዮኣሽ ካተትያ ዎደ ላፑን ላይꬃ ናኣ።
2KI 12:1 ኢዩ እስራኤልያ ቢታን ካተቴዳ ላፑንꬃ ላይꬃን፥ እዮኣስ ይሁዳን ካተቴዳ፤ እ የሩሳላመን ኦይታሙ ላይꬃ ካተቴዳ። አ አት ሱንꬃይ ጺብያ፤ አ በርሳበሀ ካታማፐ ዬዳ አሳ።
2KI 12:2 ቄሲ ዮዳሄ አ ታማርሴዳነ ዞሬዳ ድራዉ፥ እ ደኤዳ ላይꬃ ኡባን እዮኣስ መꬍና ጎዳ ስንꬃን ሱረባ ኦꬄዳ።
2KI 12:3 ግዶፐነ አሳይ ጎይንያ ꬎቃ ሳኣ ꬋይስቤና፤ አሳይካ ሄ ግሹዋን ያርሹዋ ያርሽያዋነ እጻና ጩዋይያዋ አግቤና።
2KI 12:4 እዮኣስ ቄሳቱ ዋ ጼሲደ፥ “መꬍና ጎዳ ጌሻ ጎልያ ይያ ጌሻ ሚሻ ኡባ ሺሽተ። ሄዌካ ሁጲያ ፓይዱዋ ዎደ እመትያ ሚሻነ አሳይ ባረ ሸንያን ጌሻ ጎልያዉ አህያ ሚሻ።
2KI 12:5 ያቶፐ ቄሳቱ ኡባይ ሄ ሚሻ አህያ እት እት አሳቱዋፐ ባረንቶ አኪደ፥ ጌሻ ጎልያ ግዶን ኮለቴዳ ሳኣ ኡባ ኦራꬅኖ” ያጌዳ።
2KI 12:6 ሽን ካቲ እዮኣስ ካተቴዳ ላታማነ ሄዘንꬆ ላይꬅ ጋካናዉ፥ ቄሳቱ መꬍና ጎዳ ጌሻ ጎልያ ኦራꬅበይክኖ።
2KI 12:7 ሄዋ ድራዉ፥ ካትያ እዮኣስ ቄስያ ዮዳሀነ ሀራ ቄሳቱ ዋነ ጼሲደ፥ “ጌሻ ጎልያ ግዶን ኮለቴዳ ሳኣ አያዉ ኦራꬅክቴ? ሚሻ ጌሻ ጎልያ ኦራꬃናዉ እምተፐ አትና፥ ህንተንቶ እመትያ ሻሉዋ ኦይቆፕተ” ያጌዳ።
2KI 12:8 ቄሳቱ፥ “አሳፐ ሀራ ሚሻ አኮኮ፤ ጌሻ ጎልያ ግዶን ኮለቴዳ ሳአቱዋካ ኦራꬆኮ” ያጊደ ጊጌድኖ።
2KI 12:9 ሄዋፐ ጉይያን፥ ቄስያ ዮዳሄ ሳጽነ እቱዋ አኪደ፥ አ ቁምእያን ጾእያ ሉኬዳ፤ ያርሽያ ሳኣ ማታን መꬍና ጎዳ ጌሻ ጎልያ ገልያሳን ኡሸቻ ባጋና ዎꬄዳ። ገልያ ሳኣ ናግያ ቄሳቱ መꬍና ጎዳ ጌሻ ጎልያ ዬዳ ሚሻ ኡባ ሳጽንያ ግዶን የጊኖ።
2KI 12:10 ሳጽንያ ግዶን ዳሮ ሚሻይ ዳጋቴዳዋ ኡንቱንቱ በኤዳ ዎደ ኡባን፥ ካትያ ጻፊነ ቄሳቱዋ ኡባቱዋ ካፑ ዪኖ፤ መꬍና ጎዳ ጌሻ ጎልያ ዬዳ ሚሻ ፓይዲደ፥ ቃርጪታቱዋን ቆሊኖ።
2KI 12:11 ፓይደቴዳ ሚሻ ልክያ ኤሬዳዋፐ ጉይያን፥ ጌሻ ጎልያ ኦሱዋ ዎቻናዉ ሱንቴዳ አሳቶ እሚኖ። ኡንቱንቱ ሚሻ አኪደ፥ መꬍና ጎዳ ጌሻ ጎልያን አናጸቶነ ግምቢያዋንቶ እሚኖ።
2KI 12:12 ቃይ ሹቻ ማስያዋንቶነ ሹቻ ቆእያዋንቶ ቃንጺኖ። ቃይካ መꬍና ጎዳ ጌሻ ጎልያ ኦራꬃናዉ ሳንቃነ ሹቻነ ኮሽያ ሀራባቱዋ ሻሚኖ።
2KI 12:13 ሽን ጌሻ ጎልያ ዬዳ ሚሻፐ መꬍና ጎዳ ጌሻ ጎልያዉ ብራ ቡርጩቆቱዋ፥ ኦይቂያዋ፥ ከረቱዋነ ጹሩምባቱዋ ዎይ ዎርቃፐነ ብራፐነ መትያ ሀራ ጌሻ ሚሻቱዋ ኦꬃናዉ ከስበይክኖ።
2KI 12:14 ሄ ሚሻ ኡባይ ጌሻ ጎልያ ኦራꬅያ አሳዉ ጭገቲኖ።
2KI 12:15 ጌሻ ጎልያ ኦሱዋ ዎቻናዉ ሱንቴዳ አሳቱዋ ኦንነ፥ “ሚሻን አያ አያ ኦꬄድቴ?” ጊደ ኦችቤና፤ አያዉ ጎፐ፥ አሳቱ አማንꬅያዋንታ።
2KI 12:16 ባይዙዋ ድራዉነ ናጋራ ድራዉ ያርሽያ ያርሾ ጭገትያ ሚሻይ ቄሳቶ ገሌፐ አትና፥ መꬍና ጎዳ ጌሻ ጎልያ ኦራꬅያ ሚሻ ሳጽንያን ገለና።
2KI 12:17 ሄ ዎደ ሶርያ ካቲ አዛኤል ቢደ፥ ጋተ ካታማ ኦለቲደ ኦይቄዳ። ያቲደ የሩሳላመ ኦላናዉ ስሜዳ።
2KI 12:18 ሽን ይሁዳ ካቲ እዮኣስ አፐ ካሰ ካተቴዳ ይሁዳ ካተቱ ዮሳፌጸ፥ ዮራምነ አካዝያስ መꬍና ጎዳዉ ዱማይ ዎꬄዳ ሚሻቱዋ፥ ቃይ እ ባረ ሁጲያዉ እሜዳ እሞታነ መꬍና ጎዳ ጌሻ ጎልያነ ካትያ ጎልያ ሚሻ ምንጅያሳን ደእያ ዎርቃ ኡባ አኬዳ። ሶርያ ካትያዉ አዛኤላዉ የዴዳ፤ አዛኤል የሩሳላመ ኦላናዋ አግ ባሼዳ።
2KI 12:19 ካቲ እዮኣስ ሀኔዳ ሀራባይነ እ ኦꬄዳባይ ኡባይ ይሁዳ ካተቱ ታርክያ ማጻፋን ጻፈት ኡቴዳ።
2KI 12:20 ሄዋፐ ጉይያን፥ አ ኦሳንቻቱ አ ቦላ ማቀቲደ፥ ሲላ ግያ ሳኣ አፍያ ኦግያን ሚሎ ግያ ሳን ደእያ ጎለን ዎꬌድኖ።
2KI 12:21 አ ኦሳንቻቱ ሽምኣታ ናኣ ዮዛካራነ ሾሜራ ናኣ ይሆዛባዳ። እዮኣስ ዳዊታ ካታማን ባረ ማይዛ አዎቱዋ ዱፉዋን ሞገቴዳ፤ አ ሳኣን አ ናአይ አመስያስ ካተቴዳ።
2KI 13:1 አካዝያሳ ናአይ፥ ይሁዳ ካቲ እዮኣስ ካተቴዳ ላታማነ ሄዘንꬆ ላይꬃን፥ ኢዩ ናአይ እዮአካዝ ሳማርያ ካታማን እስራኤልያ ቦላ ካተቴዳ፤ እ ታማነ ላፑን ላይꬃ ካተቴዳ።
2KI 13:2 ናባጻ ናአይ እዮርባም እስራኤልያ አሳ ኦስሴዳ ናጋራ ካሊደ፥ እዮአካዝ መꬍና ጎዳ ስንꬃን ኢታባ ኦꬄዳ፤ እ ሄ ናጋራ ኦꬅያዋ አግቤና።
2KI 13:3 ሄዋ ድራዉ፥ መꬍና ጎዳ ሀንቁ እስራኤልያ ቦላ ፐንቴዳ፤ መꬍና ጎዳይ ኡንቱንቱ ዳሮ ዎድያዉ ሶርያ ካትያ ሀዛኤላዉነ አ ናኣ በንሀዳዳዉ ዛር ዛሪደ አꬅ እሜዳ።
2KI 13:4 ሄዋፐ ጉይያን፥ እዮአካዝ መꬍና ጎዳ ዎሴዳ። መꬍና ጎዳይ አዉ ስሴዳ፤ አያዉ ጎፐ፥ ሶርያ ካቲ እስራኤልያ አያ ማላ ኢታ ኡቁና ኡቁኔደንቶ መꬍና ጎዳይ በኤዳ።
2KI 13:5 መꬍና ጎዳይ እስራኤልያ አሳ አሽያዋ እሜዳ፤ ኡንቱንቱ ሶርያ አሳቱዋ ኩሽያፐ ከስ አኬድኖ። ያቲደ እስራኤልያ አሳይ ካሰዋዳንካ ባረ ሶን ሳሩዋን ደኤዳ።
2KI 13:6 ግዶፐካ እስራኤልያ አሳይ እዮርባማ ሶይ አሳይ ኦስሴዳ ናጋራፐ ስምቤና፤ ኡንቱንቱ ሄ ናጋራ ኦꬅያዋ አግበይክኖ። ቃይ አሼሮ ግያ ጾሳቱ ምስሊ ሳማርያን ኤቆ ሳኣን አቴዳ።
2KI 13:7 እዮአካዛዉ እሻታሙ ፓራ አሳቱዋፐ ታሙ ጋረቱዋፐነ፥ ታሙ ሻአ ገድያ ኦላንቻቱዋፐ አትና፥ ሀራ ኦላንቻይ አትቤና። አያዉ ጎፐ፥ ሶርያ ካቲ ኡንቱንታ ꬋይሴዳ፤ እ ኡንቱንታ ኡዱማን ደእያ ሱላዳን ኦꬄዳ።
2KI 13:8 እዮአካዝ ሀኔዳ ሀራባይ፥ እ ኦꬄዳባይ ኡባይነ አ ምኖተꬃ እስራኤልያ ካተቱዋ ታርክያ ማጻፋን ጻፈት ኡቴዳ።
2KI 13:9 እዮአካዝ ሀይቂደ፥ ባረ ማይዛን ጋከቴዳ፤ አ ሳኣን አ ናአይ እዮኣስ ካተቴዳ።
2KI 13:10 ይሁዳ ካቲ እዮኣስ ካተቴዳ ሀታማነ ላፑንꬃ ላይꬃን፥ እዮሳካዛ ናአይ እዮኣስ ሳማርያን እስራኤልያ ቦላ ካተቴዳ፤ እ ታማነ ኡሱፑን ላይꬃ ካተቴዳ።
2KI 13:11 እዮኣስ መꬍና ጎዳ ስንꬃን ኢታባ ኦꬄዳ። ናባጻ ናአይ እዮርባም እስራኤልያ አሳ ኦስሴዳ ናጋራፐ እቱዋነ አሸናን ኦꬄዳ፤ እ ሄ ናጋራ ኦꬅያዋ አግቤና።
2KI 13:12 እዮኣስ ሀኔዳ ሀራባይ፥ እ ኦꬄዳባይ ኡባይነ ይሁዳ ካትያ አመስያሳና ኦለቴዳ ምኖተꬃ እስራኤልያ ካተቱዋ ታርክያ ማጻፋን ጻፈት ኡቴዳ።
2KI 13:13 እዮኣስ ሀይቂደ፥ ባረ ማይዛን ጋከቴዳ፤ ሳማርያን እስራኤልያ ካተቱዋና ሞገቴዳ። አ ሳኣን አ ናአይ እዮርባም ካተቴዳ።
2KI 13:14 ኤልሳእ ባረና ዎꬍያ ሀርግያ ሀርግያ ዎደ፥ እስራኤልያ ካቲ እዮኣስ አ በአናዉ ቢደ፥ “ታ አዎ፤ ታ አዎ! ኔን እስራኤልያ አሳዉ ዎልቃነ ጎንዳለ!” ያጊደ ዬኬዳ።
2KI 13:15 ኤልሳእ፥ “ዎንዳፍያነ ፖꬃቱዋ አካ ያ” ያጌዳ፤ አስ አሄዳ።
2KI 13:16 ሄዋፐ ጉይያን፥ ኤልሳእ እስራኤልያ ካትያ፥ “ዎንዳፍያ ጊግሳ ኦይቃ” ያጌዳ፤ ዎንዳፍያን እ ጊግስ ኦይቂ ደእሽን፥ ኤልሳእ ባረ ኩሽያ ካትያ ኩሽያ ቦላ ዎꬄዳ።
2KI 13:17 “አዋይ ዶልያ ባጋ ማስኮትያ ዶያ” ያግና ዶዬዳ። ኤልሳእ፥ “ፖꬃ ዎንዳፍያን ዱካ” ያጌዳ፤ እካ ዱኬዳ። ኤልሳእ፥ “ሀዌ መꬍና ጎዳ ፖꬃ! ሀዌ ሶርያ አሳቱዋ ጾንያ ፖꬃ! ኔን ሶርያ አሳቱዋ አፌቃ ካታማን ጾናና ጋካናዉ ኦላና” ያጌዳ።
2KI 13:18 ሄዋፐ ጉይያን ኤልሳእ ካትያ፥ “ፖꬃቱዋ አካ” ያግና አኬዳ። ኤልሳእ፥ “ኡንቱንቱን ቢታ ጫዳ” ያጌዳ። ሄዙ ገደ ቢታ ጫዲደ አግ ባሼዳ።
2KI 13:19 ያትና ጾሳ አሳይ ካትያ ሀንቀቲደ፥ “እቼሹ ገደ ዎይ ኡሱፑን ገደ ቢታ ጫዴዳዋ ግድንቶ፥ ኔን ሶርያ አሳቱዋ ጾናደ ኡባ ባይዛናዋ ሽን! ኔን ሀእ ኡንቱንታ ሄዙ ገደ ጻላላ ጾናና” ያጌዳ።
2KI 13:20 ኤልሳእ ሀይቂና አሃዉ ጊጌዳ ጎንጎሉዋን ዎꬌዳ። ሞኣበ ጋድያፐ ኦላንቻቱ እስራኤልያ ቢታ ቦላ ላይꬃን ላይꬃን ዶዲኖ።
2KI 13:21 እት ጋላስ አማሬዳ እስራኤልያ አሳቱ እት ብታንያ አሃ ሞጊደ፥ ሞኣበ ቢታ ጭታ በኤድኖ። ብታንያ አሃ ኤልሳአ ሞጉዋ ጎንጎሉዋ ግዶ ኦሊደ ባቃቴድኖ። ያትና አሃይ ኤልሳአ መቀꬃ ቦላ ዎꬌዳ፤ ሄ ማንእያን ፓጽነ ደንድ ኤቄዳ።
2KI 13:22 እዮአካዝ ካተቴዳ ላይꬃን ኡባን ሶርያ ካቲ አዛኤል እስራኤልያ ኡቁኔዳ።
2KI 13:23 ሽን መꬍና ጎዳይ አብራሃመና፥ ይሳቃናነ ያቆባና ጫቀቴዳ ቃላ ጫቁዋ ድራዉ፥ ኡንቱንቶ ኬኬዳ፥ ቃረቴዳነ ቆፔዳ። ሀቼ ጋካናዉካ እ ኡንቱንታ ꬋይስቤና ዎይ ባረ ስንꬃፐ ድግቤና።
2KI 13:24 ሶርያ ካቲ አዛኤል ሀይቂና፥ አ ሳኣን አ ናአይ በንሀዳድ ካተቴዳ።
2KI 13:25 ሄዋፐ ጉይያን፥ አዛኤል አ አዉዋ እዮአካዘፐ ኦላን ኦይቄዳ ካታማቱዋ ዮአካዛ ናአይ ዮኣስ አዛኤላ ናኣ በንሀዳዳፐ ዎꬅ አኬዳ። እዮኣስ አ ሄዙ ገደ ጾኒደ፥ እስራኤልያ ካታማቱዋ ዛሬዳ።
2KI 14:1 እዮአካዛ ናአይ፥ እስራኤልያ ካቲ እዮኣስ ካተቴዳ ላኤንꬆ ላይꬃን፥ ይሁዳ ካትያ ዮኣሻ ናአይ አመስያስ ካተቴዳ።
2KI 14:2 እ ካተትያ ዎደ ላይꬃይ አዉ ላታማነ እቼሻ፤ እ የሩሳላመን ላታማነ ኡዱፑን ላይꬃ ካተቴዳ። አ አት ሱንꬃይ ይሆኣድኖ፤ እዛ የሩሳላመ አሳ።
2KI 14:3 አመስያስ መꬍና ጎዳይ ስንꬃን ሱረባ ኦꬄዳ፤ ሽን አ ማይዛ አዉ ዳዊተ ኦꬄዳዋዳን ኦꬅቤና። ኡባባካ እ ባረ አዉዋ እዮኣሳ ቁሌዳ።
2KI 14:4 አሳይ ጎይንያ ꬎቃ ሳኣ ꬋይስቤና፤ አሳይካ ሄ ግሹዋን ያርሹዋ ያርሽያዋነ እጻና ጩዋይያዋ አግቤና።
2KI 14:5 አመስያስ ካዉተꬃ ባረ ኩሽያን ሎይꬅ ኦይቄዳ ሳናካ፥ ካሰ ካትያ ባረ አዉዋ ዮኣሻ ዎꬌዳ ኦሳንቻቱዋ ዎꬌዳ።
2KI 14:6 ሙሴ ህግያ ማጻፋን ጻፈቴዳዋዳን፥ መꬍና ጎዳይ፥ “ናናቱ ኦꬄዳ ናጋራ ድራዉ፥ አዎቱዋ ዎꬋናዉ በሰና፤ ቃይ አዎቱ ኦꬄዳ ናጋራ ድራዉካ፥ ናና ዎꬋናዉ በሰና። አሳይ ኡባይ ባረ ኦꬄዳ ናጋራን ናጋራን ሀይቃናዉ በሰ ያጊደ አዛዜዳዋዳንካ፥ ዎꬌዳዋንቱ ናና ዎꬍቤና።”
2KI 14:7 አመስያስ ማጽነ ዛንጋራ ግያ ሳኣን ታሙ ሻአ ኤዶማ ቢታ አሳ ዎꬊደ ሰላአ ግያ ካታማካ ኦላን ኦይቄዳ። ዮቅትኤላ ያጊደ ሱንꬄዳ፤ ሀቼ ጋካናዉ ሀ ሱንꬃን ጼሰቴ።
2KI 14:8 ሄዋፐ ጉይያን፥ አመስያስ ኢዩ ናኣ ናኣ፥ እዮአካዛ ናኣ፥ እስራኤልያ ካትያ እዮኣሳዉ አሳ ኪቲደ፥ “ሃያ፤ አነ ላኡ ኦላ ጋከቴቶ” ያጊደ ናሴዳ።
2KI 14:9 ሽን እስራኤልያ ካቲ ዮኣሽ ይሁዳ ካትያ አመስያሳ ሀዋዳን ያጌዳ፤ “ሊባኖሳን ደእያ ክንድቹ ሊባኖሳን ደእያ ዝጋዉ ኪቲደ፥ ‘ነ ናቶ ታ ናአዉ እማ’ ያጌዳ። ሽን ሊባኖሳን ደእያ እት ዶአይ ሄዋና አꬊደ፥ ሄ ካሽያ የꬌዳ።
2KI 14:10 ኤ፥ ኔን ቱሙካ ኤዶማ ቢታ አሳ ጾናዳ፤ ሄዋን ሀእ ኦቶረታሳ። ኔን ነ ጾኑዋን ናሸታደ፥ ነ ሶን ዎፑ ጋደ ኡታ አጋ። ነ ቦላነ ነ ቢታ ይሁዳ ቦላ መቱዋነ ባሻነ አህያዋ አያዉ ደንꬃይ?” ያጊደ ዛሬዳ።
2KI 14:11 ሽን አመስያስ ስሳ እጼዳ። ሄዋ ድራዉ፥ እስራኤልያ ካቲ ዮኣሽ ኦላናዉ ከስና፥ እነ ይሁዳ ካቲ አመስያስነ ይሁዳን ደእያ ቤት-ሸመሻ ግያ ካታማን ኦላ ጋከቴድኖ።
2KI 14:12 እስራኤልያ አሳይ ይሁዳ አሳ ጾኔዳ፤ ይሁዳ አሳይ ኡባይ ባቃቲደ፥ ባረ ሶ ባረ ሶ ቤዳ።
2KI 14:13 እስራኤልያ ካቲ እዮኣስ አካዝያሳ ናኣ ናኣ፥ እዮኣሳ ናኣ፥ ይሁዳ ካትያ አመስያሳ ቤት-ሸመሻ ካታማን ኦሞዴዳ። ሄዋፐ ጉይያን፥ ዮኣሽ የሩሳላመ ቢደ፥ የሩሳላመ ድርሳ ግምቢያ፥ ኤፍሬማ ፐንግያፐ ቢደ፥ ዞዝያ ፐንግያ ጋካናዉ ደእያ ኦይዱ ጼቱ ዋꬋ ግዴዳ፥ ሳኣ ላሌዳ።
2KI 14:14 መꬍና ጎዳ ጌሻ ጎልያንነ ካትያ ጎልያ ሚሻ ምንጅያሳን ደእያ ዎርቃ፥ ብራነ ሻሉዋ ኡባ አኬዳ፤ ቃይ ዋብያዉ ኦይቀቴዳ አሳቱዋካ አኪደ፥ ሳማርያ ስሜዳ።
2KI 14:15 እዮኣስ ሀኔዳ ሀራባይ፥ እ ኦꬄዳባይ፥ አ ምኖተꬃይነ ይሁዳ ካትያ አመስያሳና እ ኦለቴዳባይ እስራኤልያ ካተቱዋ ታርክያ ማጻፋን ጻፈት ኡቴዳ።
2KI 14:16 እዮኣስ ሀይቂደ፥ ባረ ማይዛን ጋከቴዳ፤ እ ሳማርያ ካታማን እስራኤልያ ካተቱዋና ሞገቴዳ። አ ሳኣን አ ናአይ እዮርባም ካተቴዳ።
2KI 14:17 እዮአካዛ ናአይ፥ እስራኤልያ ካቲ እዮኣስ ሀይቄዳዋፐ ጉይያን፥ እዮኣሳ ናአይ፥ ይሁዳ ካቲ አመስያስ ታማነ እቼሹ ላይꬃ ደኤዳ።
2KI 14:18 አመስያስ ሀኔዳ ሀራባይ ይሁዳ ካተቱዋ ታርክያ ማጻፋን ጻፈት ኡቴዳ።
2KI 14:19 አመስያሳ ዎꬋናዉ አሳይ የሩሳላመን ማቀቴዳ፤ ያትና እ ላክሻ ግያ ካታማ ባቃቴዳ። ሽን ኡንቱንቱ አ ጌዱዋ ላክሻ ካታማ አሳ ኪትና፥ አ ያን ዎꬌድኖ።
2KI 14:20 አ አሃ ፓራን ጫን አሂደ፥ ዳዊታ ካታማን የሩሳላመን አ ማይዛ አዎቱዋና ሞጌድኖ።
2KI 14:21 ሄዋፐ ጉይያን፥ ይሁዳ አሳይ ኡባይ ታማነ ኡሱፑን ላይꬃ ናኣ ኦዝያና አ አዉዋ አመስያሳ ሳኣን ካተዬዳ።
2KI 14:22 አ አዉ አመስያስ ሀይቄዳዋፐ ጉይያን፥ እ ኦዝያነ ኤላታ ግያ ካታማ ዛረꬅ ኬጺደ፥ ይሁዳን ኦራꬄዳ።
2KI 14:23 ዮኣሻ ናአይ፥ ይሁዳ ካቲ አመስያስ ካተቴዳ ታማነ እቼሻንꬆ ላይꬃን፥ እስራኤልያ ካትያ ዮኣሻ ናአይ እዮርባም ሳማርያን ካተቴዳ፤ እ ኦይታማነ እት ላይꬃ ካተቴዳ።
2KI 14:24 እዮርባም መꬍና ጎዳ ስንꬃን ኢታባ ኦꬄዳ፤ ናባጻ ናአይ እዮርባም እስራኤልያ አሳ ኦስሴዳ ናጋራ ኡባ ኦꬅያዋ አግቤና።
2KI 14:25 ጋተ-ሄፌርያ አሚታያ ናኣ ትምቢትያ ኦድያ ባረ ቆማ ዮናሳ ባጋና መꬍና ጎዳይ እስራኤልያ ጾሳይ ባረ ቃላን ሃሳዬዳዋዳን፥ ሀማታ ፕኑዋ ግያ ሳፐ ዶሚደ፥ ማጽንያ አባ ጋካናዉ ደእያ እስራኤልያ ዛዋ ዮኣሻ ናአይ እዮርባም ጾኒደ ዛሬዳ።
2KI 14:26 አያዉ ጎፐ፥ እስራኤላን ደእያ አሳይ ኡባይ አይልያ ግድና፥ ዎማኑዋ ግድና፥ አያ ኬሻ ቱጋ ቱጋቴደንቶ፥ መꬍና ጎዳይ በኤዳ፤ ኡንቱንታ ማድያባይ ኦንነ ባዋ።
2KI 14:27 መꬍና ጎዳይ እስራኤልያ አሳ ሱንꬃ ሳሉዋፐ ጋርሳን ꬋይሳና ያግቤና። ሄዋ ድራዉ፥ መꬍና ጎዳይ ኡንቱንታ እዮኣሳ ናኣ እዮርባማ ባጋና አሼዳ።
2KI 14:28 እዮርባም ሀኔዳ ሀራባይ፥ እ ኦꬄዳባይ ኡባይ፥ እ ኦለቴዳዌነ ይሁዳ ባጋ ግዴዳ ዳማስቆ ካታማነ ሀማታ ካታማ እስራኤልያዉ ዛሬዳባይ እስራኤልያ ካተቱ ታርክያ ማጻፋን ጻፈት ኡቴዳ።
2KI 14:29 እዮርባም ሀይቂደ፥ ባረ ማይዛ አዎቱዋን እስራኤልያ ካተቱዋን ጋከቴዳ፤ አ ሳኣን አ ናአይ ዛካራስ ካተቴዳ።
2KI 15:1 እስራኤልያ ካቲ እዮርባም ካተቴዳ ላታማነ ላፑንꬃ ላይꬃን፥ ይሁዳ ካትያ አመስያሳ ናአይ ኦዝያን ካተቴዳ።
2KI 15:2 እ ካተቴዳ ዎደ፥ ላይꬃይ አዉ ታማነ ኡሱፑና፤ እ የሩሳላመን እሻታማነ ላኡ ላይꬃ ካተቴዳ። አ አት ሱንꬃይ ይኮሎ፤ እዛ የሩሳላመ አሳ።
2KI 15:3 አ አዉ አመስያስ ኦꬄዳዋዳን፥ እካ መꬍና ጎዳ ስንꬃን ሱረባ ኦꬄዳ።
2KI 15:4 ግዶፐነ አሳይ ጎይንያ ꬎቃ ሳኣ ꬋይስቤና፤ ሄ ድራዉ ያርሹዋ ያርሽያዋነ እጻና ጩዋይያዋ አግቤና።
2KI 15:5 መꬍና ጎዳይ ኦዝያና ዎልቃማ ኦሉዋ ሀርግያን ኦይꬄዳ፤ ሀይቃና ጋካናስካ ሄ ሀርጊ አ የድቤና ድራዉ፥ ዱማ ጎለን ባረካ ደኤዳ። ሄ ዎደ ካትያ ናአይ እዮኣታመ ካትያ ጎለን ደኢደ፥ ሄ ቢታ አሳ ሞዴዳ።
2KI 15:6 ኦዝያነ ሀኔዳ ሀራባይነ እ ኦꬄዳባይ ኡባይ ይሁዳ ካተቱዋ ታርክያ ማጻፋን ጻፈት ኡቴዳ።
2KI 15:7 ኦዝያነ ሀይቂደ፥ ባረ ማይዛን ጋከቴዳ፤ ዳዊታ ካታማን ባረ ማይዛ አዎቱዋና ሞገቴዳ። አ ኮታን አ ናአይ ዮኣታመ ካተቴዳ።
2KI 15:8 ይሁዳ ካቲ ኦዝያነ ካተቴዳ ሀታማነ ሆስፑንꬃ ላይꬃን፥ እዮርባማ ናአይ ዛካራስ እስራኤልያ አሳ ቦላ ሳማርያ ካታማን ካተቴዳ፤ እ ኡሱፑን አግና ካተቴዳ።
2KI 15:9 አ ማይዛ አዎቱ ኦꬄዳዋዳን፥ እካ መꬍና ጎዳ ስንꬃን ኢታባ ኦꬄዳ፤ ናባጻ ናአይ እዮርባም እስራኤልያ አሳ ኦስሴዳ ናጋራ ኦꬅያዋ አግቤና።
2KI 15:10 ሄዋፐ ጉይያን፥ ያቤሻ ናአይ ሻሉም ዛካራሳ ቦላ ማቀት ደንዲደ፥ ይብላኣማ ግያ ሳን ዎꬊደ አ ኮታን ባረዉ ካተቴዳ።
2KI 15:11 ዛካራስ ሀኔዳ ሀራባይነ እ ኦꬄዳባይ ኡባይ እስራኤልያ ካተቱዋ ታርክያ ማጻፋን ጻፈት ኡቴዳ።
2KI 15:12 ሀዋዳን ሀኒደ፥ መꬍና ጎዳይ ኢዩዉ፥ “ነ ዛሪ ኦይደንꬆ የለታ ጋካናዉ፥ እስራኤልያ ካዉተꬃ አራታን ኡታናዋ” ያጊደ ኦዴዳ ቃላይ ፖለቴዳ።
2KI 15:13 ይሁዳ ካቲ ኦዝያነ ካተቴዳ ሀታማነ ኡዱፑንꬃ ላይꬃን፥ ያቤሻ ናአይ ሻሉም ካተቴዳ፤ እ ሳማርያን እት አግና ካተቴዳ።
2KI 15:14 ሄዋፐ ጉይያን፥ ጋደ ናአይ ምናሄም ትርጻ ግያ ካታማፐ ሳማርያ ቤዳ። ሳማርያን ደእያ ያቤሻ ናኣ ሻሉማ ዎꬊደ አ ኮታን ባረዉ ካተቴዳ።
2KI 15:15 ሻሉም ሀኔዳ ሀራባይነ እ ማቀቴዳ ማቁ እስራኤልያ ካተቱዋ ታርክያ ማጻፋን ጻፈት ኡቴዳ።
2KI 15:16 ሄ ዎደ ምናሄም ትርጻ ካታማፐ ደንዲደ፥ ትፍሳሀ ግያ ካታማ፥ ካታማን ደእያ አሳነ ካታማ ሄራን ደእያ ቢታቱዋ ኡባ ኦሌዳ። ኡንቱንቱ ባረንቱ ካታማ ድርሳ ፐንግያ አዉ ዶየናን እጼዳ ድራዉ፥ ትፍሳሀ ካታማ ኦለቲደ ባይዜዳ፤ ቃይ ሄ ካታማን ደእያ ሻሃራ ማጫ አሳ ኡሉዋ ኡባ ጳልቂ የጌዳ።
2KI 15:17 ይሁዳ ካቲ ኦዝያነ ካተቴዳ ሀታማነ ኡዱፑንꬃ ላይꬃን፥ ጋደ ናአይ ምናሄም እስራኤልያ ቦላ ካተቴዳ፤ እ ሳማርያን ታሙ ላይꬃ ካተቴዳ።
2KI 15:18 እ መꬍና ጎዳ ስንꬃን ኢታባ ኦꬄዳ፤ ናባጻ ናአይ እዮርባም እስራኤልያ አሳ ኦስሴዳ ናጋራ ኦꬅያዋ አግቤና።
2KI 15:19 ሄዋፐ ጉይያን፥ አሶረ ጋድያ ካቲ ትግላት-ፓለሴር እስራኤልያ ቢታን ዶዴዳ። ምናሄመ ካዉተꬃን ባረና ምንሳና ማላነ ማዳና ማላ፥ ትግላት-ፓለሴራዉ ሀታማነ ኦይዱ ሻአ ኪሎ ግራመ ጻጋራ ብራ እሜዳ።
2KI 15:20 ምናሄም ሄ ሚሻ እስራኤልያ አሳ ዎልቃን ጭግሴዳ፤ አሶረ ቢታ ካትያዉ እማናዉ ዱረ አሳ ኡባይ እቱ እቱ እሻታሙ ጻጋራ ብራ ፔꬌድኖ። ሄዋዳን ኦꬅና፥ አሶረ ካቲ እስራኤልያ ቢታ አጊደ፥ ባረ ጋድያ ስሜዳ።
2KI 15:21 ምናሄም ሀኔዳ ሀራባይነ እ ኦꬄዳባይ ኡባይ እስራኤልያ ካተቱ ታርክያ ማጻፋን ጻፈት ኡቴዳ።
2KI 15:22 ምናሄም ሀይቂደ፥ ባረ ማይዛን ጋከቴዳ፤ አ ኮታን አ ናአይ ፓቃህ ካተቴዳ።
2KI 15:23 ይሁዳ ካቲ ኦዝያነ ካተቴዳ እሻታማንꬃ ላይꬃን፥ ምናሄማ ናአይ ፓቃህ እስራኤልያ ቦላ ሳማርያን ካተቴዳ፤ እ ላኡ ላይꬃ ካተቴዳ።
2KI 15:24 ፓቃህ መꬍና ጎዳ ስንꬃን ኢታባ ኦꬄዳ፤ ናባጻ ናአይ እዮርባም እስራኤልያ አሳ ኦስሴዳ ናጋራ ኦꬅያዋ አግቤና።
2KI 15:25 አ ኦላ ጋዳዋቱዋፐ እቱ፥ ራማልያ ናአይ ፓቁሀ ግያዌ አ ቦላ ማቀቲደ ደንዴዳ። ጋላኣደ አሳፐ እሻታሙ አቱማ አሳ ባረናና አክ ቢደ፥ ሳማርያ ካታማን ካትያ ጎለን ደእያ ጌሱዋ ገሌዳ። ፓቁህ ፓቃሀ አርጎባራካ ሃርያናካ እትፐ ዎꬊደ አ ኮታን ባረዉ ካተቴዳ።
2KI 15:26 ፓቃህ ሀኔዳ ሀራባይነ እ ኦꬄዳባይ ኡባይ እስራኤልያ ካተቱዋ ታርክያ ማጻፋን ጻፈት ኡቴዳ።
2KI 15:27 ይሁዳ ካቲ ኦዝያነ ካተቴዳ እሻታማነ ላኤንꬆ ላይꬃን፥ ራማልያ ናአይ ፓቁህ እስራኤልያ ቦላ ሳማርያን ካተቴዳ፤ እ ላታሙ ላይꬃ ካተቴዳ።
2KI 15:28 ፓቁህ መꬍና ጎዳ ስንꬃን ኢታባ ኦꬄዳ፤ ናባጻ ናአይ እዮርባም እስራኤልያ አሳ ኦስሴዳ ናጋራ ኦꬅያዋ አግቤና።
2KI 15:29 እስራኤልያ ካትያ ፓቁሀ ዎድያን አሶረ ካቲ ትግላት-ፓለሴር ዪደ አይኖ፥ አቤል-ቤትማእካ፥ ያኖሀ፥ ቀዴሻነ ሀጾራ ጌተትያ ካታማቱዋ ኦለቲደ ኦይቄዳ፤ ቃይካ ጋላኣደ፥ ጋሊላነ ንፍታሌማ ቢታቱዋ ኡባ ኦለቲደ፥ አሳ አሶረ ጋድያ ኦሞዲደ አፌዳ።
2KI 15:30 ኦዝያና ናአይ ዮኣታመ ካተቴዳ ላታማንꬃ ላይꬃን፥ ኤልያ ናአይ ሆሼእ ራማልያ ናኣ ፓቁሀ ቦላ ማቀት ዎꬊደ አ ሳኣን ባረዉ ካተቴዳ።
2KI 15:31 ፓቁህ ሀኔዳ ሀራባይነ እ ኦꬄዳባይ ኡባይ እስራኤልያ ካተቱ ታርክያ ማጻፋን ጻፈት ኡቴዳ።
2KI 15:32 ራማልያ ናአይ፥ እስራኤልያ ካቲ ፓቁህ ካተቴዳ ላኤንꬆ ላይꬃን፥ ይሁዳ ካትያ ኦዝያና ናአይ እዮኣታመ ካተቴዳ።
2KI 15:33 እዮኣታመ ካተትያ ዎደ አዉ ላይꬃይ ላታማነ እቼሻ፤ እ የሩሳላመን ታማነ ኡሱፑን ላይꬃ ካተቴዳ። አ አት ሱንꬃይ ያሩሾ፤ ያሩሻ ጻዶቃ ናቶ።
2KI 15:34 ባረ አዉ ኦዝያነ ኦꬄዳዋዳን፥ እዮኣታምካ መꬍና ጎዳ ስንꬃን ሱረባ ኦꬄዳ።
2KI 15:35 ግዶፐነ አሳይ ጎይንያ ꬎቃ ሳኣ ꬋይስቤና፤ ሄ ድራዉ ያርሹዋ ያርሽያዋነ እጻና ጩዋይያዋ አግቤና። እዮኣታመ መꬍና ጎዳ ጌሻ ጎልያ ገልያ ቆሞ ባጋ ፐንግያ ዛረꬂደ ኦꬄዳ።
2KI 15:36 እዮኣታመ ሀኔዳ ሀራባይነ እ ኦꬄዳባይ ኡባይ ይሁዳ ካተቱዋ ታርክያ ማጻፋን ጻፈት ኡቴዳ።
2KI 15:37 ሄ ዎድያን መꬍና ጎዳይ ሶርያ ካትያ ራጺናነ ራማልያ ናኣ፥ እስራኤልያ ካትያ ፓቁሀ ይሁዳ ቢታ ኦልሳናዉ ዶሜዳ።
2KI 15:38 እዮኣታመ ሀይቂደ፥ ባረ ማይዛን ጋከቴዳ፤ ባረ ማይዛ አዉዋ ዳዊታ ካታማን ባረ ማይዛ አዎቱዋና ሞገቴዳ። አ ሳኣን አ ናአይ አካዝ ካተቴዳ።
2KI 16:1 ራማልያ ናአይ ፓቁህ ካተቴዳ ታማነ ላፑንꬃ ላይꬃን፥ እዮኣታማ ናአይ አካዝ ይሁዳን ካተቴዳ።
2KI 16:2 እ ካተትያ ዎደ ላይꬃይ አዉ ላታማ፤ የሩሳላመን እ ታማነ ኡሱፑን ላይꬃ ካተቴዳ። አ ማይዛ አዉ ዳዊተ ሱረባ ኦꬄዳዋዳን፥ መꬍና ጎዳ ባረ ጾሳ ስንꬃን እ ሱረባ ኦꬅቤና።
2KI 16:3 እ ካሰ ደኤዳ እስራኤልያ ካተቱዋ ኦግያን ሀመቴዳ። ቃይ መꬍና ጎዳይ እስራኤልያ አሳ ስንꬃፐ ላጊደ ከሴዳ አሳቱ ደኡዋ ዎጋ፥ ሄ ሸነይያዋ ቁሊደ፥ ባረ የሌዳ ናኣ አዳ ታማን ጹጊደ፥ ኤቃዉ ያርሼዳ።
2KI 16:4 አካዝ አሳይ ጎይንያ ꬎቃ ድራዉነ፥ ደረቱዋ ሁጲያንነ ዳሻ ምꬃ ኡባ ጋርሳን ያርሹዋ ያርሼዳነ እጻና ጩዋዬዳ።
2KI 16:5 ሄዋፐ ጉይያን፥ ሶርያ ካቲ ራጺንነ ራማልያ ናአይ፥ እስራኤልያ ካቲ ፓቁህ የሩሳላመ ኦላናዉ ዪደ ዶዴድኖ፤ ሽን አካዛ ጾናናዉ ዳንዳይበይክኖ።
2KI 16:6 ሄ ዎደ ሶርያ ካቲ ራጺን ኤላታ ግያ ካታማ ዛሪደ አኪደ፥ ይሁዳ አሳ ላጊደ ከሴዳ። ያትና ኤዶማ አሳቱ ኤላታ ካታማ ዪደ፥ ሀቼ ጋካናዉ ያን ደኢኖ።
2KI 16:7 ሄዋ ድራዉ፥ አካዝ አሶረ ካትያ ትግላት-ፓለሴራዉ ኪታ የዲደ፥ “ታን ነ ናኣነ ነ ቆማ። ሀያና ሃያ፤ ታና ኦልያ ሶርያ ካትያ ኩሽያፐነ እስራኤልያ ካትያ ኩሽያፐ ታና አሻ” ያጌዳ።
2KI 16:8 ቃይ አካዝ መꬍና ጎዳ ጌሻ ጎልያንነ ካትያ ጎልያ ሚሻ ምንጅያሳን ደእያ ብራነ ዎርቃ አኪደ፥ አሶረ ካትያዉ እሞ ኦꬂደ የዴዳ።
2KI 16:9 አካዝ ጌዳዋ አሶረ ካቲ ማዪደ፥ ዳማስቆ ካታማ ኦለቲደ ኦይቄዳ። አሳ ኦሞዲደ፥ ቂራ ግያ ሳኣ አፌዳ፤ ካትያ ራጺናካ ዎꬌዳ።
2KI 16:10 ሄዋፐ ጉይያን፥ ካቲ አካዝ አሶረ ካትያ ትግላት-ፓለሴራና ጋከታናዉ ዳማስቆ ቤዳ። ዳማስቆን ደእያ ያርሽያ ሳኣ በኢደ አ ማላትያ ያርሽያ ሳኣ ኬጻና ማላ፥ ሄ ያርሽያ ሳኣ ምስልያነ ኬጽያ ሀኖታ ቄስያ ኦርዮናዉ ኪቴዳ።
2KI 16:11 ሄዋ ድራዉ፥ ካቲ አካዝ ዳማስቆፐ ስሚደ ያናዉ፥ ቄስያ ኦርዮን ሄ ሌምሱዋ ማላትያ ያርሽያ ሳኣ ጊግሴዳ።
2KI 16:12 ካቲ ዳማስቆፐ ስሜዳ ዎደ፥ ያርሽያ ሳአይ ኦሰቲደ ፖለቴዳዋ በእ ያርሽያ ሳኮ ሺቂደ፥
2KI 16:13 ባረ ጹግያ ያርሹዋነ ባረ ካꬃ ያርሹዋ ያርሼዳ። ቃይ ባረ ኡሻ ያርሹዋ ጉሴዳ፤ ባረ እትፐተꬃ ያርሹዋ ሱꬃካ ያርሽያ ሳኣ ቦላ ጫጫፌዳ።
2KI 16:14 ናሃስያ ግያ ብራታፐ ኦꬂደ፥ መꬍና ጎዳዉ ዱማይ ዎꬄዳ ያርሽያ ሳአይ ኦራꬃ ያርሽያ ሳፐነ ጌሻ ጎልያፐ ግዱዋን ደኤ። ያትና አካዝ ሄ ኤጫ ያርሽያ ሳኣ ደንꬂደ፥ ባረ ኦስሴዳ ኦራꬃ ያርሽያ ሳፐ ሁጲሳ ባጋና ዎꬄዳ።
2KI 16:15 ሄዋፐ ጉይያን፥ ካቲ አካዝ ቄስያ ኦርዮና ሀዋዳን ያጊደ አዛዜዳ፤ “ሀ ዎጋ ኦራꬃ ያርሽያ ሳኣ ዎንታ ጹግያ ያርሹዋ፥ ኦማርስ ሺሽያ ካꬃ ያርሹዋ፥ ካቲ ሺሽያ ጹግያ ያርሹዋነ ካꬃ ያርሹዋ፥ አሳይ ኡባይ ሺሽያ ጹግያ ያርሹዋ፥ ኡንቱንታ ካꬃ ያርሹዋነ ኡንቱንታ ኡሻ ያርሹዋ ያርሽያ ሳኣ ኦꬃ። የንኮ ናሃስያፐ መቴዳ ያርሽያ ሳኣ ታን ታዉ ኦችያ ሳኣ ከሳና” ያጌዳ።
2KI 16:16 ቄስያ ኦርዮን ካቲ አካዝ አዛዜዳዋዳን መꬌዳ።
2KI 16:17 ካቲ አካዝ ጌሻ ጎልያ ግዶን ጎኤትያ፥ ናሃስያ ብራታፐ መቴዳ ጋረቱዋ ሎቻ ብራታ ቃንጺደ፥ ምይያፐ ድጊደ ሜጨትያ ከረቱዋ ጋረቱዋ ቦላፐ ደንꬄዳ። ቃይ አባ ሳኒያ፥ አ ዘምፕሴዳ ናሃስያ ቦራቱዋ ምስለቱዋ ቦላፐ ደንꬂደ፥ ሹቻ ባሱዋ ቦላ ዎꬄዳ።
2KI 16:18 አሶረ ካትያ ድራዉ፥ አካዝ ባረ ካዉተꬃ አራታ ካሰ ዎꬅያ ሳፐ ድጌዳ። ቃይ አፐ ካሰ ደኤዳ ካተቱዋ መꬍና ጎዳ ጌሻ ጎልያ ገልያ ፐንግያ ጎርዴዳ።
2KI 16:19 ካቲ አካዝ ሀኔዳ ሀራባይነ እ ኦꬄዳባይ ኡባይ ይሁዳ ካተቱዋ ታርክያ ማጻፋን ጻፈት ኡቴዳ።
2KI 16:20 አካዝ ሀይቂደ፥ ባረ ማይዛን ጋከቴዳ፤ ዳዊታ ካታማን ባረ ማይዛ አዎቱዋና ሞገቴዳ። አ ኮታን አ ናአይ ህዝቂያሰ ካተቴዳ።
2KI 17:1 ይሁዳ ካቲ አካዝ ካተቴዳ ታማነ ላኤንꬆ ላይꬃን፥ ኤልያ ናአይ ሆሴእ እስራኤልያ ቦላ ሳማርያ ካታማን ካተቴዳ፤ እ ኡዱፑን ላይꬃ ካተቴዳ።
2KI 17:2 መꬍና ጎዳ ስንꬃን እ ኢታባ ኦꬄዳ፤ ግዶፐነ አፐ ካሰ ደኤዳ እስራኤልያ ካተቱ ኦꬄዳዋ ኬሻ ኢታ ኦꬅቤና።
2KI 17:3 አሶረ ካቲ ሻልማንኤሰር ዪደ፥ አናና ኦላ ጋከቴዳ፤ ሆሴእ ጾነቲደ፥ አዉ ጊራ ጊሬዳ።
2KI 17:4 ሽን አማሬዳ ላይꬃፐ ስምና፥ ካቲ ሆሴእ ሶእ ግያ ግብጼ ካትያዉ ኪታ የዲደ፥ ባረና ማዳና ማላ ኦቼዳ። ያቲደ ካሰዋዳን አሶረ ካትያዉ ጊርያዋ አግ ባሼዳ። ካቲ ሻልማንኤሰር ሄዋ ስሲደ፥ አ ኦይꬂደ፥ ቃሾ ጎልያ ገልሴዳ።
2KI 17:5 ሄዋፐ ጉይያን፥ አሶረ ካቲ እስራኤልያ ቢታ ኡባ ቦላ ማዪደ፥ ሳማርያ ካታማ ዶዴዳ፤ ሄዙ ላይꬃ ጋꬄዳ።
2KI 17:6 ሆሴእ ካተቴዳ ኡዱፑንꬃ ላይꬃን አሶረ ካቲ ሳማርያ ካታማ ኦሞዴዳ። እስራኤልያ አሳ አኪደ፥ አሶረ ጋድያ አፌዳ። ሄዋፐ ካላ ኡንቱንቱ ሄዋ ሀላሀ ካታማን፥ ሄዋ ሜዶናቱዋ ካታማቱዋን፥ ሀራቱዋ ቃይ ጎዛና ቢታን ደእያ ሀቦራ ሻፋ ማታን ዎꬄዳ።
2KI 17:7 ሀዌ ኡባይ ሀኔዳዌ፥ እስራኤልያ አሳይ መꬍና ጎዳ ባረንቱ ጾሳ ቦላ፥ ኡንቱንቱ ግብጼፐ፥ ግብጼ ካትያ ኩሽያፐ ከሴዳዋ ቦላ ናጋራ ኦꬄዳ ጋሱዋና። ቃይ ኡንቱንቱ ሀራ ጾሳቶ ጎይኒደ፥
2KI 17:8 መꬍና ጎዳይ ኡንቱንቱ ስንꬃፐ ላጊደ ከሴዳ ጋደ አሳቱ ደኤዳ ደኡዋ ዎጋ ካሌዳ ጋሱዋና። ሄዋ ቦላካ ቃይ እስራኤልያ ካተቱ ዶሜዳ ኢታ ዎጋ ካሌዳ ጋሱዋና።
2KI 17:9 እስራኤልያ አሳይ መꬍና ጎዳ ባረንቱ ጾሳ ቦላ ኢታባ ጌማን ኦꬄድኖ፤ ቄር ጉꬃ ሞꬃፐ ቢደ፥ ዎጋ ዎልቃማ ካታማ ጋካናዉ ደእያ ግሹዋን ኡባን ባረንቱ ጎይንያ ꬎቃ ሳኣ መꬌድኖ።
2KI 17:10 ቃይ ኡንቱንቱ ኤቃ ሹቻቱዋነ አሼሮ ግያ ጾሳት ምስለቱዋ ደርያ ሁጲያ ኡባንነ ዳሻ ምꬃ ኡባ ጋርሳን ኤሴድኖ።
2KI 17:11 ቃይካ ኡንቱንቱ መꬍና ጎዳይ በን ኡንቱንቱ ስንꬃፐ ላጊደ ከሴዳ ጋደ አሳቱ ኦꬄዳዋዳን፥ ꬎቃ ሳኣ ኡባን እጻና ጩዋዬድኖ። ኡንቱንቱ መꬍና ጎዳ ሀንቀꬅያ ኢታባ ኦꬄድኖ።
2KI 17:12 መꬍና ጎዳይ ኡንቱንታ፥ “ኤቃዉ ጎይኖፕተ” ግ ዎꬅና፥ ኡንቱንቱ ኤቃዉ ጎይኔድኖ።
2KI 17:13 መꬍና ጎዳይ እስራኤልያ አሳነ ይሁዳ አሳ ባረ ትምቢትያ ኦድያ ኡባቱዋ ባጋናነ ሳጻን በእያ ኡባቱዋ ባጋና፥ “ህንተና ኤርተ! ህንተንቱ ኢታ ኦግያፐ ስምተ፤ ታን ትምቢትያ ኦድያ ታ ቆማቱዋ ባጋና፥ ህንተንቱ አዎቱ አዛዘታናዳን እሜዳ ህግያን ደእያ ዎጋነ አዋዩዋ ኡባ ናግተ” ያግ ዎꬄዳ።
2KI 17:14 ሽን ኡንቱንቱ ስሰናን እጼድኖ። መꬍና ጎዳ ባረንቱ ጾሳ አማነትቤና ባረንቱ አዎቱዋዳን ሞርግያ ምንሴድኖ።
2KI 17:15 ኡንቱንቱ አ ዎጋ፥ እ ኡንቱንቱ አዎቱዋና ጫቀቴዳ ጫቁዋነ አ ሴራ ካꬌድኖ። ኡንቱንቱ ሹፉሮ ኤቃቶ ጎይኒደ፥ ባረንቱ ሁጲያዉካ ሹፉሮ ግዴድኖ። መꬍና ጎዳይ ኡንቱንታ፥ “ህንተንቱ ዩሹዋን ደእያ ደረ አሳቱ ኦꬅያዋዳን ኦꬆፕተ” ግ ዎꬅና እጺደ፥ ኡንቱንቱ ኡንቱንቱ ደኡዋ ዎጋ ካሌድኖ።
2KI 17:16 መꬍና ጎዳ ባረንቱ ጾሳ አዛዙዋ ኡባ አግ አጌድኖ። ማራ ማላትያ፥ ላኡ ጎይንያ ምስለቱዋነ አሼሮ ግያ ጾሳቱ ምስልያ መꬌድኖ። ሳሉዋን ደእያ ጾልንትያ ኡባዉ ጎይኔድኖነ ባኣላ ግያ ኤቃዉ ኦꬄድኖ።
2KI 17:17 ኡንቱንቱ ባረንቱ አቱማ ናናነ ማጫ ናና ታማን ጹጊደ ያርሼድኖ። ካይያዋነ ሞይትልያ ሃሳይስያዋ ዶዬድኖ። ሄዋዳን ኢታባ ኦꬃናዉ ባረንቱ ሁጲያ ዛልኢደ፥ መꬍና ጎዳ ሀንቀꬄድኖ።
2KI 17:18 ሄዋ ድራዉ፥ መꬍና ጎዳይ እስራኤልያ አሳ ሎይꬅ ሀንቀቴዳ፤ ኡንቱንታ ባረ ስንꬃፐ ድጌዳ። ይሁዳ ዛርያ ጻላላይ አቴዳ።
2KI 17:19 ሽን ይሁዳ አሳቱካ መꬍና ጎዳ ባረንቱ ጾሳ አዛዙዋ ናግበይክኖ፤ ኡንቱንቱ እስራኤልያ አሳይ ዶሜዳ ደኡዋ ዎጋ ካሌድኖ።
2KI 17:20 ሄዋ ጋሱዋን መꬍና ጎዳይ እስራኤልያ ዘረꬃ ኡባ አግ ባሼዳ። እ ኡንቱንቱ ቱጋዪደ፥ ባረ ስንꬃፐ ድጋና ጋካናዉ፥ ኡንቱንታ ቦንቅክያዋንቱ ኩሽያን የግ ባሼዳ።
2KI 17:21 መꬍና ጎዳይ እስራኤልያ አሳ ዳዊታ ዘረꬃቱዋ ካዉተꬃፐ በን ሻኬዳ ዎደ፥ እስራኤልያ አሳይ ናባጻ ናኣ እዮርባማ ባረንቶ ካተዬድኖ። ሄዋፐ ጉይያን፥ እስራኤልያ አሳይ መꬍና ጎዳ ካለናዳን እዮርባም ድጌዳ፤ እ ኡንቱንታ ዎልቃማ ናጋራ ኦስሴዳ።
2KI 17:22 መꬍና ጎዳይ ትምቢትያ ኦድያ ባረ ቆማቱዋ ኡባቱዋ ባጋና ካሰ ኦድ ዎꬄዳዋዳን፥ ባረ ስንꬃፐ ድጋና ጋካናዉ፥ እስራኤልያ አሳይ እዮርባም ኦꬄዳ ናጋራ ኡባ ኦꬄዳ። ሄዋ ድራዉ፥ እስራኤልያ አሳይ ባረንቱ የለቴዳ ጋድያፐ ኦሞደቲደ፥ አሶረ ጋድያ ቤድኖ፤ ኡንቱንቱ ሀኖ ጋካናስካ ያን ደኢኖ።
2KI 17:24 ሄዋፐ ጉይያን፥ አሶረ ካቲ ባብሎነ ቢታን ደእያ ኩታ፥ ኢዋ፥ ሀማታነ ሳፋርዋይማ ጌተትያ ካታማቱዋን ደእያ አሳ አሂደ እስራኤልያ አሳ ሳኣን ሳማርያ ካታማቱዋን ዎꬄዳ። ኡንቱንቱ ሄ ካታማቱዋ ላቲደ፥ ኡንቱንቱን ደኤድኖ።
2KI 17:25 ኡንቱንቱ ኮይሮ ያን ደኡሳ ዶሜዳ ዎደ፥ መꬍና ጎዳዉ ጎይንቤይክኖ። ሄዋ ጋሱዋን መꬍና ጎዳይ ኡንቱንቱ ግዶ ጋሞቱዋ የዴዳ፤ ጋሞቱ ኡንቱንቱ ግዶፐ አማሬዳዋንታ መንሬꬂደ ዎꬌድኖ።
2KI 17:26 ያትና አሶረ ካትያ፥ “ኔን ደንꬃ አፋደ ሳማርያ ካታማቱዋን ዎꬄዳ አሳይ ሄ ቢታ ጾሳ ዎጋ ኤረና። ኤረናዋ ጋሱዋን እ ኡንቱንታ መንሬꬅ ዎꬍያ ጋሞቱዋ ኡንቱንቱ ቦላ የዴዳ” ያጊደ ኦዴድኖ።
2KI 17:27 አሶረ ካቲ፥ “ህንተንቱ ሳማርያፐ ኦሞዲደ አሄዳ ቄሳቱ ዋፐ እቱዋ ዛሪደ፥ ያ የድተ። እ ያን ደኢደ፥ ሄ ቢታ ጾሳ ዎጋ ኡንቱንታ ታማርሶ” ያጊደ አዛዜዳ።
2KI 17:28 ሄዋ ድራዉ፥ ሳማርያፐ ኦሞዲደ አፌዳ ቄሳቱ ዋፐ እቱ ቤቴለን ደአናዉ ዬዳ፤ መꬍና ጎዳዉ ጎይንያ ዎጋ ኡንቱንታ ታማርሴዳ።
2KI 17:29 ግዶፐነ ሳማርያ ዪደ ኡቴዳ አሳይ ባረዉ ጎይንያ ኤቃ ምስለቱዋ ባረ ደእያ ሳኣን ደእያ ሳኣን መꬌዳ። ሳማርያ አሳይ ኬጼዳ ጎይንያ ꬎቃ ግሹዋን ዎꬄዳ።
2KI 17:30 ሄዋ ማራን ባብሎነ አሳይ ሱኮት-ባኖባ ግያ ኤቃ ምስለቱዋ መꬌዳ። ኩታ አሳይ ነርጋላ ግያ ኤቃ ምስለቱዋ መꬌዳ። ሀማታ አሳይ ቃይ እሺማ ግያ ኤቃ ምስለቱዋ መꬌዳ።
2KI 17:31 ኢዋ አሳይ ንብሃዛነ ታርታቃ ጌተትያ ꬋማሻቱዋ ምስለቱዋ መꬌዳ። ሳፋርዋይማ አሳይ ቃይ አድራመሌካነ አናመለካ ጌተትያ ባረንቱ ጾሳቶ ባረንቱ ናና ታማን ጹጊደ ያርሼዳ።
2KI 17:32 ኡንቱንቱ መꬍና ጎዳዉ ያዬድኖ፤ ሽን ባረንቱ ግዶፐ ዱማ ዱማ አሳ ዶሪደ፥ ያርሽያ ꬎቃ ግሹዋን ቄሳቱዋ ኦꬂደ ሱንꬄድኖ።
2KI 17:33 ኡንቱንቱ መꬍና ጎዳዉ ያዬድኖ፤ ሽን ባረንቱ ዬዳ ቢታ ቢታ አሳ ሜዝያ ካሊደ፥ ባረንቱ ጾሳቶካ ጎይኔድኖ።
2KI 17:34 ኡንቱንቱ ሀቼ ጋካናስካ ካሰ ባረንቱ ሜዝያዳን ኦꬂኖ። ኡንቱንቱ ቱሙፐ መꬍና ጎዳዉ ያይክኖ ዎይ መꬍና ጎዳይ እስራኤልያ ጊደ ሱንꬄዳ ያቆባ ዘረꬃዉ እሜዳ አዋዩዋነ ዎጋ፥ ህግያነ አዛዙዋ ናግክኖ።
2KI 17:35 መꬍና ጎዳይ እስራኤልያ አሳና በን ጫቀቴዳ ዎደ፥ ኡንቱንታ ሀዋዳን ያጊደ አዛዜዳ፤ “ሀራ ጾሳቶ ጎይኖፕተ፤ ኡንቱንቶ ጉልባቶፕተ፤ ኡንቱንቶ ኦꬆፕተ ዎይ ኡንቱንቶ ያርሾፕተ።
2KI 17:36 ሽን ግብጼፐ ህንተንታ ባረ ዎልቃማ ዎልቃንነ ባረ ምጨቴዳ ኩሽያን ከሴዳ መꬍና ጎዳዉ ኦꬅተ፤ አዉ ጉልባትተ፤ አዉ ያርሹዋ ያርሽተ።
2KI 17:37 ታን መꬍና ጎዳይ ህንተንቶ ጻፌዳ አዋዩዋነ ዎጋ፥ ህግያነ አዛዙዋ ኡባ ዎደ ናግተ፤ ሀራ ጾሳቶ ጎይኖፕተ።
2KI 17:38 ታን ህንተናና ጫቀቴዳ ጫቁዋ ዶጎፕተ፤ ሀራ ጾሳቶካ ጎይኖፕተ።
2KI 17:39 ሄዋ አጊደ፥ መꬍና ጎዳዉ ህንተንቱ ጾሳዉ ጎይንተ። ህንተንቱ ሞርከቱዋ ኡባፐ ህንተንታ አሻናዌ ታና” ያጊደ አዛዜዳ።
2KI 17:40 ኡንቱንቱ አዉ ኤኖ ገናን እጺደ፥ ካሰ ባረንቱ ዶያካ ባቂ ኦይቄድኖ።
2KI 17:41 ሄ አሳቱ መꬍና ጎዳዉ ያዪደካ፥ እት ባጋና ባረንቱ ኤቃ ምስለቶ ጎይኒኖ። ሀቼ ጋካናስካ ኡንቱንቱ ዘረꬃይ ኡንቱንቱ አዎቱ ጎይንያዋዳን ጎይኒደ ደኤ።
2KI 18:1 ኤልያ ናአይ ሆሴእ እስራኤላን ካተቴዳ ሄዘንꬆ ላይꬃን ይሁዳ ካትያ አካዛ ናአይ ህዝቂያሰ ካተቴዳ።
2KI 18:2 እ ካተትያ ዎደ ላይꬃይ አዉ ላታማነ እቼሻ፤ የሩሳላመን እ ላታማነ ኡዱፑን ላይꬃ ካተቴዳ። አ አት ሱንꬃይ አቢ ጌተቴ፤ እዛ ዛካራሳ ናቶ።
2KI 18:3 አ ማይዛ አዉዋ ዳዊተ ኦꬄዳዋዳን፥ ህዝቂያስካ መꬍና ጎዳ ስንꬃን ሱረባ ኦꬄዳ።
2KI 18:4 አሳይ ጎይንያ ꬎቃ ሳኣ እ ድጌዳ። ኤቃ ቱሳቱዋ መንሬꬄዳ። አሼሮ ግያ ጾሳት ምስልያ ቃንጽ ኦሌዳ። ቃይ ሙሴ ናሃስያፐ መꬌዳ ሾሻካ መንሬꬄዳ። አያዉ ጎፐ፥ ሄ ዎዲ ጋካናዉካ እስራኤልያ አሳይ አዉ እጻና ጩዋዪደ ታኬዳ። ሄ ሾሻ ሱንꬃይ ነሁሽታና።
2KI 18:5 ህዝቂያሰ መꬍና ጎዳ እስራኤልያ ጾሳ አማኔዳ፤ ይሁዳ ካተቱዋ ኡባ ግዶን አ ማላ ካቲ አፐ ካሰ ግድና፥ አፐ ጉየ ግድና ቤትቤና።
2KI 18:6 አያዉ ጎፐ፥ መꬍና ጎዳዉ እ አማነቴዳ፤ መꬍና ጎዳ ካልያዋ አግቤና፤ መꬍና ጎዳይ ሙሳ አዛዜዳ አዛዙዋ ናጌዳ።
2KI 18:7 መꬍና ጎዳይ አናና እትፐ ግዴዳ፤ ያትና እ ኦꬅያባይ ኡባይ አዉ እንጀቴዳ። እ አሶረ ካትያ ቦላ ማካሌዳ፤ አዉ ሞደተናን እጼዳ።
2KI 18:8 እ ፕልስጼማ አሳና ኦለቴዳ፤ ቀር ጉꬃ ሞꬃፐ ቢደ፥ ዎጋ ዎልቃማ ካታማ ጋካናዉ፥ ጋዛካ አ ዩሹዋን ደእያ ቢታቱካ አተናን ኡንቱንቱ ደእያ ሳኣ ኡባ ጾኔዳ።
2KI 18:9 ካቲ ህዝቂያሰ ካተቴዳ ኦይደንꬆ ላይꬃን፥ ኤልያ ናአይ እስራኤልያ ካቲ ሆሼእ ካተቴዳ ላፑንꬃ ላይꬃን፥ አሶረ ካቲ ሳልማንኤሰር እስራኤልያ ቦላ መቱዋ ጋꬃናዉ ዶዴዳ፤ ሳማርያ ካታማካ ዶዴዳ።
2KI 18:10 ሄዘንꬆ ላይꬅ ሶርያ አሳይ ሳማርያ ካታማ ጾኔዳ። ያትና ህዝቂያሰ ካተቴዳ ኡሱፑንꬃ ላይꬃን፥ እስራኤልያ ካቲ ሆሴእ ካተቴዳ ኡዱፑንꬃ ላይꬃን፥ ሳማርያ ካታማይ ጾነቴዳ።
2KI 18:11 አሶረ ካቲ እስራኤልያ አሳ አሶረ ጋድያ አፌዳ። ሄዋፐ ካላ ኡንቱንታ ሄዋ ሀላሀ ካታማን፥ ሄዋ ሜዶናቱዋ ካታማን፥ ሀራቱዋ ቃይ ጎዛና ቢታን ደእያ ሀቦራ ሻፋ ኤለካ ዎꬄዳ።
2KI 18:12 ሀዌ ሀኔዳዌ ኡንቱንቱ መꬍና ጎዳዉ ባረንቱ ጾሳዉ አዛዘተናን እጺደ፥ መꬍና ጎዳ ቃላ ጫቁዋ፥ መꬍና ጎዳ ቆማይ ሙሴ አዛዜዳ አዛዙዋ ኡባ መንꬄዳ ጋሱዋና። ኡንቱንቱ አ አዛዙዋ ስሳናዉካ አዛዘታናዉካ ኮይቤይክኖ።
2KI 18:13 ካቲ ህዝቂያሰ ካተቴዳ ታማነ ኦይደንꬆ ላይꬃን፥ አሶረ ካቲ ሳናክሬበ ግምበቱ ኡቴዳ ይሁዳ ካታማቱዋ ኡባ ኦለቲደ ኦይቄዳ።
2KI 18:14 ያትና ይሁዳ ካቲ ህዝቂያሰ ላክሻ ካታማን ደእያ አሶረ ካትያ ሳናክሬማዉ ኪታ የዲደ፥ “ታን ባይዛድ። ሀያና ታ ቢታ የዳደ ከሳ። ኔን ታና ኦቼዳዋ አያነ ታ እማና” ያጌዳ። አሶረ ካቲ ይሁዳ ካትያ ህዝቂያሳ፥ “ኔን ታሙ ሻአ ኪሎ ግራመ ብራነ እት ሻአ ኪሎ ግራመ ዎርቃ ታዉ የዳ” ያጌዳ።
2KI 18:15 ህዝቂያሰ መꬍና ጎዳ ጌሻ ጎልያንነ ካትያ ጎልያ ሚሻ ምንጅያሳን ደኤዳ ብራ ኡባ አዉ የዴዳ።
2KI 18:16 ሄ ዎደ ይሁዳ ካቲ ህዝቂያሰ መꬍና ጎዳ ጌሻ ጎልያ ፐንግያ ሳንቃቱዋ ማይ ኡቴዳ ዎርቃነ ቃይ እ ባረ ሁጲያዉ ሄ ፐንገ ቆስለꬃቱዋ ማይዝ ዎꬄዳ ዎርቃ ፖቂ ቃሪደ፥ አሶረ ካትያዉ የዴዳ።
2KI 18:17 ሄዋፐ ጉይያን፥ አሶረ ካቲ ሄዙ ኦላ ጋዳዋቱዋ ጮራ ኦላንቻቱዋና ላክሻ ግያ ካታማፐ ካትያ ህዝቂያሳኮ የሩሳላመ የዴዳ። ኡንቱንቱ ቢደ፥ የሩሳላመ ጋኬድኖ፤ ማዩዋ ሜጭያዋ ጋደ አፍያ ኦግያፐ ቆሞ ባጋና ደእያ፥ ዳጋቴዳ ሃꬃይ ጎግያ ቦይያ ምይያን ኤቄድኖ።
2KI 18:18 ያቲደ ኡንቱንቱ ካትያ ጼሴድኖ። ህልቂያ ናአይ ካትያ ጎለን አዎትያ ኤልያቂመ፥ ዋና ጻፊ ሼብንነ አሳፋ ናአይ ታርክያ ጻፍያ ዮኣህ አኮ ካረ ከሴድኖ።
2KI 18:19 አሶረቱ ጋዳዋይ ኡንቱንታ፥ “ህዝቂያሳዉ ሀዋዳን ያጊደ ኦድተ፤ ‘አሶረ ካቲ፥ ዎልቃማይ ኔና ሀዋዳን ያጌ፤ ኔን ሀዋ ኬና አያን አማነታድ?’
2KI 18:20 ኔን ጮ መላ፥ ‘ኦላ ኦለታናዉ ታዉ አꬌዳ ኤራይነ ዎልቃይነ ደኤ’ ያጋሳ። ሽን ኔን ኦናን አማነታደ ታ ቦላ ሀዋ ማካላዲ?
2KI 18:21 ኔን ግብጼ ካትያ ማዳና ጋደ ቆፔዳዋ ግዶፐ፥ መኤዳ ማቃ ጋትማን ጉፈትያ አሳ ማላ። አያዉ ጎፐ፥ ጋትማይ መእና፥ ፕንጩ ኩሽያ ጫዴነ ማዱንጽሴ። ግብጼ ካቲ ባረናን አማነትያ አሳ ኡባዉ ሄዋ ማላ።
2KI 18:22 “ሽን ኔን ታዉ፥ ‘ኑን መꬍና ጎዳን ኑ ጾሳን አማነቴቶ’ ያጎፐ፥ ህዝቂያሰ ይሁዳ አሳነ የሩሳላመ አሳ፥ ‘ህንተ የሩሳላመን ደእያ ያርሽያ ሳኣን ጎይናናዉ ኮሸ’ ጊደ፥ አዉ ጎይንያ ꬎቃ ሳአቱዋነ ያርሹዋ ሳኣ ድጌዳ ጾሳ እ ግደኔ?
2KI 18:23 “አነ ሀእ ሃያ! ታ ጎዳ አሶረ ካትያና ናሰታ። ኔን ቶጋናዉ ዳንዳይያ፥ ግድያ አሳ ደሞፐ፥ ላኡ ሻአ ፓራቱዋ ታን ነዉ እማና።
2KI 18:24 ኔን ግብጼቱ ፓራ አሳቱዋና ፓራ ጋረቱዋ ታዉ የዳና ጋደ አማኖፐነ፥ ታ ጎዳ ኦላንቻቱ ካፓቱዋፐ እት ላፍያዋካ ዛራናዉ ዳንዳያካ።
2KI 18:25 ሄዋ ቦላካ ቃይ፥ ታን ሀእ ቱሙ መꬍና ጎዳ አዛዙ ባይናን ሀ ቢታ ꬋይሳናዉ ከሳድታ? መꬍና ጎዳይ ባረ ሁጲያዉ ታና፥ ኔረካ፥ ሄ ቢታ ባደ፥ ኦላደ ባይዛ ያጊደ ኦዴዳ ያጌ ያግተ” ያጌዳ።
2KI 18:26 ሄዋፐ ጉይያን፥ ህልቂያ ናአይ ኤልያቂመ፥ ሼብንነ ዮኣህ አሶረቱ ጋዳዋ ሀዋዳን ያጌድኖ፤ “ኑን ብርሸꬃ ኤርያ ድራዉ፥ ሀያና ኔን ኑዉ ነ ቆማቶ ሶርያ ቃላን ኦዳ። ድርሳ ግምቢያ ሁጲያን ደእያ አሳይ ስሰና ማላ፥ እብራዌꬆ ቃላን ኑዉ ኦዶፓ” ያጌድኖ።
2KI 18:27 ሽን ጋዳዋይ ዛረꬂደ፥ “ሀ ቃላቱዋ ታን ህንተዉነ ህንተንቱ ጎዳ ጻላላዉ ኦዳናዉ ታና ታ ጎዳይ ኪቴዴየ? ህንተንቱና እትፐ ባረንቱ ሽኣ ማናዉነ ባረንቱ ሼሻ ኡሻናዉ ደእያ፥ ሀ ድርሳ ግምቢያ ቦላ ኡቴዳ አሳና ኡባዉ ኦዳናሳ ግደኔየ?” ያጌዳ።
2KI 18:28 ሄዋፐ ጉይያን፥ አሶረቱ ጋዳዋይ ደንድ ኤቂደ፥ ባረ ቃላ ꬎቁ ኦꬂደ፥ እብራዌꬆ ቃላን ሀዋዳን ያጌዳ፤ “አሶረ ካቲ ዎልቃማይ ህንተንታ ግያዋ ስስተ!
2KI 18:29 ካቲ ህንተንታ ሀዋዳን ያጌ፤ ‘ህዝቂያስ ህንተንታ ጭሞፖ፤ አያዉ ጎፐ፥ እ ህንተንታ ታ ኩሽያፐ ዎꬅ አካናዉ ዳንዳየና።
2KI 18:30 እ ህንተንታ፥ መꬍና ጎዳይ ቱማ ኑና አሻናዋ፤ ሀ ካታማይካ አሶረ ካትያ ኩሽያን ገለና’ ያጊደ ህንተንታ መꬍና ጎዳን አማንꬆፖ” ያጌ።
2KI 18:31 “ኤ፥ ህንተንቱ ህዝቂያሰ ኦድያዋ ስሶፕተ። አሶረ ካቲ ህንተንታ፥ ‘ታናና ስገትተ፤ ሃ ታኮ ከስተ። ያቶፐ ህንተንቱ ኡባይካ ህንተንቱ ዎይንያ ቴራፐነ ህንተንቱ ባላስያ ቴራፐ ሚሻና፤ ህንተንቱ ቦኬዳ ኦላፐካ ሃꬃ ኡሽሻና።
2KI 18:32 ሄዋፐ ጉይያን፥ ታን ያደ፥ ህንተንታ ህንተንቱ ቢታ ማላትያ ጋድያ አካደ አፋና። ሄ ቢታይ ካꬃይነ ዎይንያ ኤሳ ኡክꬃይነ ዎይንያ አታክልቲ ኩሜዳ ቢታ፤ ዎጋራይነ ማꬃ ኤሳይነ ኩሜዳ ቢታ። ህንተንቱ ታዉ አዛዘቶፐ፥ ፓጻ ደአና፤ ሀይቂክታ’ ያጌ። “ህዝቂያሰ ህንተንታ፥ ‘መꬍና ጎዳይ ኑና አሻና’ ያጊደ ጭምያዋ ስሶፕተ።
2KI 18:33 አይሁዳ ግደና አሳ ጾሳቱዋፐ ባረ ቢታ አሶረ ካትያ ኩሽያፐ አሼዳ ጾስ ደኢየ?
2KI 18:34 ሀማታ ጾሳቱነ አርፋደ ጾሳቱ ሀቃን ደኢኖ? ሳፋርዋይማ፥ ሄናአነ ኢዋ ጾሳቱ ሀቃን ደኢኖ? ኡንቱንቱ ሳማርያ ታ ኩሽያፐ ዎꬅ አኬድኖ?
2KI 18:35 ሀ ቢታቱዋ ጾሳቱዋ ኡባ ግዶን ባረ ቢታ ታ ኩሽያፐ አያ ጾስ አሼዳዋ ሽን፥ መꬍና ጎዳይ የሩሳላመ ታ ኩሽያፐ አሻኔ?” ያጌዳ።
2KI 18:36 ሽን አሳይ እት ቃላነ አዉ ዉርሰናን ጮኡ ጌዳ። አያዉ ጎፐ፥ ካቲ ኡንቱንታ፥ “አዉ አይነ ዛሪደ ኦዶፕተ” ያግ ዎꬄዳ።
2KI 18:37 ሄዋፐ ጉይያን፥ ህልቂያ ናአይ ካትያ ጎለን አዎትያ ኤልያቂመ፥ ዋና ጻፊ ሼብንነ ታርክያ ጻፊ አሳፋ ናአይ ዮኣህ ባረንቱ ማዩዋ ፔꬊደ፥ ህዝቂያሳኮ ቤድኖ፤ አሶረቱ ጋዳዋይ ጌዳዋ ኡባ አዉ ኦዴድኖ።
2KI 19:1 ካቲ ህዝቂያሰ ሄዋ ስሴዳ ዎደ፥ ባረ ማዩዋ ፔꬊደ ዋሩዋ ማዪደ፥ መꬍና ጎዳ ጌሻ ጎልያ ገሌዳ።
2KI 19:2 ካትያ ጎለን አዎትያ ኤልያቂመ፥ ዋና ጻፊ ሼብንነ ካለꬅያ ቄሳቱ ዋሩዋ ማዪደ፥ አሞጻ ናኣ ትምቢትያ ኦድያ ኢስያሳ ኮ ባና ማላ ኪቴዳ።
2KI 19:3 ኡንቱንቱ ኢስያሳ ኮ ቢደ፥ “ህዝቂያሰ ሀዋዳን ያጌ፤ ‘ሀች ጋላሳይ መቶ ጋላሳ፥ ሴራ ጋላሳነ ዬላ ጋላሳ። ሄዌካ ናአይ የለታናዉ ዎዲ ጋክና፥ ባንካደ የላናዉ ምሽራትዉ ዎልቃይ ꬋይያዋ ማላ።
2KI 19:4 ደኡዋ መꬍና ጎዳ ሸቃናዳን፥ አ ጎዳይ፥ አሶረ ካቲ፥ ኪቴዳ ጋዳዋ ቃላ ኡባ መꬍና ጎዳይ፥ ነ ጾሳይ ስሰናን አገና። ቃይ መꬍና ጎዳይ፥ ነ ጾሳይ ሄ ስሴዳ ቦሪያ ቃላ ጋሱዋን አ ሙረናን አገና። ሄዋ ድራዉ፥ ኑ አሳ ግዶን ፓላህ አታናዋንቶ ዎሳ!’ ያጌ” ያጌድኖ።
2KI 19:5 ካትያ ህዝቂያሳ ቆማቱ ኢስያሳ ኮ ዬዳ ዎደ፥
2KI 19:6 እሳያሰ ኡንቱንታ ሀዋዳን ያጌዳ፤ “ህንተንቱ ጎዳዉ ሀዋዳን ያጊደ ኦድተ፤ ‘መꬍና ጎዳይ ኔና፥ “አሶረ ካትያ ቆማቱ ታና ሸቅሽን፥ ኔን ስሴዳ ሸቃ ቃላዉ ያዮፓ።
2KI 19:7 በአ፥ ኦዱዋ ስሲደ፥ እ ባረ ጋድያ ስማና ማላ፥ ታን አ ግዶን ኢታ አያና ዎꬃና። ያታደ እ ባረ ጋድያ ቢደ፥ ያን ማሻን ሀይቃናዳን ታን አ ኦꬃና” ያጌ’ ያግተ” ያጌዳ።
2KI 19:8 አሶረ ካቲ ላክሻ ካታማፐ ደንዲደ ብ ክቼዳዋ አሶረቱ ጋዳዋይ ስሲደ፥ ጉየ ስሜዳ። ካቲ ሊብና ካታማን ኦለትያዋ ደሜዳ።
2KI 19:9 ካቲ ሳናክሬመ፥ “ቶጵያ ካቲ ትርሃቅ ኔና ኦላናዉ ዬዳ” ያግያ ኦዱዋ ስሴዳ። ህዝቂያሳዉ ሀዋዳን ያጊደ ኪቴዳ፤
2KI 19:10 “ይሁዳ ካትያ ህዝቂያሳ፥ ኔን አማነትያ ጾሳይ ኔና፥ ‘የሩሳላመ አሶረ ካትያ ኩሽያን ገለና’ ያጊደ ጭሞፖ።
2KI 19:11 በአ፥ አሶረ ካተቱ ቢታቱዋ ኡባ ሙለ ꬋይሲደ፥ ኡንቱንቱ ኦꬄዳዋ ኔን ስሳዳ። ያትና ኔን አታይ?
2KI 19:12 በን ታ ማይዛ አዎቱ ባይዜዳ ቢታቱዋ ጾሳቱ፥ ሄዋንቱነ ጎዛና፥ ካራነነ ረጼፋ ቢታቱዋ ጾሳቱነ ታላሳራን ደእያ ኤደነ አሳ ጾሳቱ ሄ ቢታቱዋ ባሻፐ አሼድኖ?
2KI 19:13 ሀማታ ካቲ፥ አርፋደ ካቲ፥ ሳፋርዋይማ ካቲ፥ ሄናአ ካቲነ ኢዋ ካቲ ሀቃን ደኢኖ?” ያጊደ ኪቴዳ።
2KI 19:14 ህዝቂያሰ ዳብዳቢያ አኪየዳ አሳቱዋፐ አኪደ ናባቤዳ። ዳብዳቢያ መꬍና ጎዳ ጌሻ ጎልያ አክ አፊደ፥ መꬍና ጎዳ ስንꬃን ምጬዳ።
2KI 19:15 ያቲደ መꬍና ጎዳ ሀዋዳን ያጊደ ዎሴዳ፤ “አቤት መꬍና ጎዳዉ፥ ክሩበቱዋፐ ግዱዋን ኡትያ እስራኤልያ ጾሳዉ፥ ሳኣ ካዉተꬃቱ ኡባ ቦላ ነ ጻላላይ ጾሳ። ሳሉዋነ ሳኣ ኔን መꬋዳ።
2KI 19:16 አቤት መꬍና ጎዳዉ፥ ነ ሀይꬃ ሃ የጋደ ስሳ። አቤት መꬍና ጎዳዉ፥ ነ አይፍያ ፖካደ ጼላ። ኔና፥ ደኡዋ ጾሳ ሸቃናዉ ሳናክሬመ ኪቴዳ ቃላ ስሳ።
2KI 19:17 አቤት መꬍና ጎዳዉ፥ አሶረ ቢታ ካተቱ ካዉተꬃቱዋነ ኡንቱንቱ ቢታ ባይዜዳዌ ኤ ቱማ።
2KI 19:18 ኡንቱንቱ ጾሳቱዋ ታማን ጹግ ꬋይሴድኖ፤ አያዉ ጎፐ፥ ኡንቱንቱ ጾሳቱ ዎንካ አሳ ኩሺ ማሲደ ከሴዳ ምꬃነ ሹቻነ ግድያ ድራዉ፥ ቱሙ ጾሳቱዋ ግድክኖ፤ ሄዋ ድራዉ፥ ኡንቱንቱ ኡንቱንታ ꬋይሴድኖ።
2KI 19:19 አቤት መꬍና ጎዳዉ፥ ነ ጻላላይ ጾሳ ግድያዋ ሳኣ ካዉተꬃቱ ኡባይ ኤራና ማላ፥ ሀእ ስም፥ መꬍና ጎዳዉ፥ ኑ ጾሳዉ፥ ኔን ኑና አ ኩሽያፐ ዎꬃ አካ!” ያጊደ ዎሴዳ።
2KI 19:20 ሄዋፐ ጉይያን፥ አሞጻ ናአይ እሳያሰ ህዝቂያሳዉ ሀዋዳን ያጊደ ኪቴዳ፤ “መꬍና ጎዳይ እስራኤልያ ጾሳይ ሀዋዳን ያጌ፤ ‘ኔን አሶረ ካትያ ሳናክሬማ ጋሱዋን ታና ዎሴዳ ዎሳ ስሳድ’ ያጌ።
2KI 19:21 መꬍና ጎዳይ ሳናክሬባዋ ሀዋዳን ያጊደ ሃሳዬ፤ “ ‘ጽዮነን ደእያ ዎዶራታ ኔና ካꬋዉ፤ የሩሳላመ ዎዶራታ ባረ ሁጲያ ቃꬃደ፥ ኔና ቆሳዉ።
2KI 19:22 “ ‘ኔን ሸቄዳዌነ ቶቼዳዌ ኦኔ? ኔን እዝ ቦላን ነ ቃላ ꬎቁ ኦꬃደ ሃሳያዲ? ቃይ ኦቶሩዋን ኦና ꬎቁ ጋደ ጼላዲ? ሄዋ ኔን ኦꬄዳዌ ታ ቦላና፥ እስራኤልያ ጌሻ ቦላና ግደኔ!
2KI 19:23 ኔን ኪቴዳ አሳቱዋ ባጋና፥ መꬍና ጎዳ ሸቃዳ። ቃይ ሀዋዳን ያጋዳ፤ “ታን ታዉ ደእያ ጮራ ፓራ ጋረቱዋን ꬎቃ ደረቱዋ ሁጲያ፥ ሊባኖሳ ደርያ ኪክያ ከሳድ። ኡባፐ አዱቂያ ዝጋቱዋነ፥ ኡባፐ ሎእያ ጽደቱዋ ቃንጻድ። ታን አዉ ዉርሰꬃ ጋጻነ ሎኦ ዎራ ጋካድ።
2KI 19:24 ታን አላጋ ቢታቱነ ሃꬃ ኦላቱዋ ቦካደ፥ ሃꬃ ኡንቱንቱፐ ኡሻድ። ግብጼ ቢታን ጎግያ ሃꬃ ኡባ ታን ታ ገድያ ጎምፓን የꬋደ መልሳድ” ያጋዳ።
2KI 19:25 “ ‘ዳሮ ዎድያፐ ካሰ ኔን ግምበቴዳ ካታማቱዋ ቆቆፋደ፥ ሹቻ ኬላ ከሳና ማላ፥ ታን ቆፋ ቃቻ ዎꬄዳዋ ኔን ኤራበይኪ? ታን ሀእ ፖልያ ሀልቾቱዋ በን ሀልቻ ዎꬃድ።
2KI 19:26 ሄዋ ድራዉ፥ ኡንቱንቱ አሳዉ ዎልቃይ እጽና፥ ኡንቱንቱ ካዉሼድኖነ ዬላቴድኖ። ኡንቱንቱ ጋደ ማታ ማላ፤ ጎሻን ዶልያ ጫርሻ ማላ። ኡንቱንቱ ጎልያ ሁጲያን ሞክያ ሻራፋዳንነ ካኤናን ደእሽን፥ ሌጊ ሜዳ ካꬃዳን ሀኔድኖ።
2KI 19:27 “ ‘ሽን ኔን ኡትያሳ፥ ከስያሳ፥ ገልያሳነ ታ ቦላ ኔን ሀንቀቴዳ ሀንቁዋ ታን ኤራይ።
2KI 19:28 ኔን ታ ቦላ ሀንቀቴዳ ድራዉነ፥ ነ ኦቶሩዋካ ታን ስሴዳ ድራዉ፥ ታን ነ ሲꬍያን ታ ዳፉዋ አꬃና፤ ነ ዶናንካ ታ ብጻላ ባርሳና። ያታደ ነ ዬዳ ኦግያና ታን ኔና ጉየ ዛራና’ ያጌ” ያጌዳ።
2KI 19:29 ሄዋፐ ጉይያን፥ እሳያሰ ካትያ ህዝቂያሳ ሀዋዳን ያጌዳ፤ “ሀዌ ፖለታናዉ ነዉ ማላታይ ሀዋ: ሀ ላይꬅ ህንተንቱ ዘረናን ዶልያ ካꬃ ማና፤ ላይꬅ ቃይ ሀ ላይꬅ ሞኬዳዋ አዛባ ማና። ሽን ካላ ላይꬅ ህንተንቱ ህንተንቱ ሁጲያዉ ዘርተነ ቆይጭተ፤ ዎይንያ ቱራካ ቶክተነ አ ቴራ ሚተ።
2KI 19:30 ይሁዳ አሳ አተꬃቱ ጻጱዋ ዱገ የዲደ፥ ቦላን አይፍያ አይፍያ ምꬃ ማላ ግዳና።
2KI 19:31 አያዉ ጎፐ፥ ዉሪደ አቴዳዋንቱ የሩሳላመፐ፥ ፓላሄዳዋንቱካ ጽዮነፐ ከሳና። ኡባፐ ዎልቃማ መꬍና ጎዳ ምሹ ሄዋ ኦꬂደ ፖላና።
2KI 19:32 “ሄዋ ድራዉ፥ አሶረ ካዉዋ መꬍና ጎዳይ ሀዋዳን ያጌ፤ ‘አሶረ ካቲ ሀ ካታማ ገለና፤ ዎይ ሀዋን ባረ ዎንዳፍያን ዱከና። እ ባረ ጎንዳልያ ኦይቂደ፥ ሀ ካታማ ስንꬃ አና፤ ዎይ ቃይ ካታማ ዩሹዋ ቢታ ዶርያን ድረና።
2KI 19:33 አሶረ ካቲ ባረ ዬዳ ኦግያና ጉየ ስማና፤ እ ሀ ካታማ ገለና። ታን መꬍና ጎዳይ ሀዋ ኦዳድ።
2KI 19:34 ታን ታ ቦንቹዋ ድራዉነ ታ ቆማ ዳዊታ ድራዉ፥ ሀ ካታማ ቦሽሰናን አሻ አካና’ ያጌ” ያጌዳ።
2KI 19:35 ሄ ጋላስ ቃማ መꬍና ጎዳ ኪታንቻይ ከሲደ፥ አሶረ አሳይ ዱንካኔዳ ሳኣን እት ጼታነ ሆስፑን ታማነ እቼሹ ሻአ አቱማ አሳ ዎꬌዳ። ያትና አሳይ ዎንታ ደንዲደ በእያ ዎደ፥ ሀይቄዳ አሳ አሃይ ሄዋን ኩሜዳ።
2KI 19:36 ሄዋ ድራዉ፥ አሶረ ካቲ ሳናክሬመ ደንዲደ፥ ጉየ ስም ቢደ፥ ናናዌ ካታማን ኡቴዳ።
2KI 19:37 እት ጋላስ ሳናክሬመ ባረ ጾሳ ንስሮካ ኤቃ ጎለን ጎይኒደ ደእሽን፥ አ ናናይ አድራመሌክነ ሳርኤጸር ማሻን አ ዎꬌድኖ። አራራተ ግያ ጋድያ ባቃቴድኖ። አ ናአይ አሳርህ-ሀዶን አ ሳኣን ካዉቴዳ።
2KI 20:1 ሄ ዎደ ካቲ ህዝቂያሰ ሀርጊደ፥ ሀያና ማቴዳ። ያን ደእሽን አሞጻ ናአይ ትምቢትያ ኦድያ እሳያሰ አኮ ቢደ፥ “መꬍና ጎዳይ ኔና፥ ‘ኔን ሀይቃሳፐ አትና ፓጻካ፤ ሄዋ ድራዉ፥ ነ ጎልያ ጊግሳ’ ያጌ” ያጌዳ።
2KI 20:2 ህዝቂያሰ ጎዳኮ ስም ግሲደ፥ መꬍና ጎዳ ዎሲደ፥
2KI 20:3 “አቤት መꬍና ጎዳዉ፥ ታን ነ ስንꬃን ቱማተꬃንነ ኩመንꬃ ዎዛናን ሀመቴዳዋነ ቃይ ኔና ናሸችያዋ ኦꬄዳዋ ታዉ ኔን ሀሳያና ማላ፥ ታን ኔና ዎሳይ” ያጊደ ዎሴዳ። ህዝቂያሰ ሎይꬅ ሴለቲደ ዬኬዳ።
2KI 20:4 እሳያሰ ካትያ ስንꬃፐ ከሴዳ፤ ካትያ ጎልያ ዳባባፐ አꬊደ ብ ክቼናን ደእሽን፥ መꬍና ጎዳ ቃላይ ሀዋዳን ያጊደ፥ አኮ ዬዳ፥
2KI 20:5 “ጉየ ስማደ ባደ ታ አሳ ካለꬅያ ህዝቂያሳዉ ሀዋዳን ያጋደ ኦዳ፤ ‘መꬍና ጎዳይ፥ ነ ማይዛ አዉዋ ዳዊታ ጾሳይ ሀዋዳን ያጌ፡ “ታን ነ ዎሳ ስሳድ፤ ነ አፎꬃካ በኣድ። ታን ኔና ፓꬃና፤ ሄዙ ጋላሳፐ ጉይያን፥ ኔን ፑደ መꬍና ጎዳ ጌሻ ጎልያ ባና።
2KI 20:6 ነ ላይꬃ ቦላ ታን ነዉ ታማነ እቼሹ ላይꬃ ጉጃና። ታን ኔናነ ሀ ካታማነ አሶረ ቢታ ካትያ ኩሽያፐ አሻና። ታን ታ ቦንቹዋ ድራዉነ ታ ቆማ ዳዊታ ድራዉ፥ ሀ ካታማዉ ኦለታደ አሻና” ያጌ’ ያጋ” ያጌዳ።
2KI 20:7 ሄዋፐ ጉይያን እሳያሰ፥ “ባላስያ ቴራ ዳጺደ፥ አ ጋፉዋ ቦላ ዎꬅተ። ያቶፐ እ ፓጻናዋ” ያጌዳ።
2KI 20:8 ህዝቂያሰ ኢስያሳ፥ “መꬍና ጎዳይ ታና ፓꬃናዎነ ታን ሄዘንꬆ ጋላስ መꬍና ጎዳ ጌሻ ጎልያ ፑደ ባናዎ ማላታይ አዬ?” ያጊደ ኦቼዳ።
2KI 20:9 እሳያሰ፥ “መꬍና ጎዳይ ባረ ጌዳ ቃላ ፖላናዉ ነዉ መꬍና ጎዳይ ማላታ እማና። ስም ኔን ሀዋፐ ሀቃዋ ዶራይ? ሀዌ ኩዋይ ታሙ ታንጉዋ ስንꬃዉ ባናዋ ዶራይየ፥ ታሙ ታንጉዋ ሀዋፐ ጉየ ስማናዋ ዶራይ?” ያጊደ ኦቼዳ።
2KI 20:10 ያትና ህዝቂያሰ አ፥ “ኩዋይ ስንꬃዉ ባናዌ መተና፤ ሄዋፐ ኩዋይ ጉየ ስማናዳን ኪተታ” ያጌዳ።
2KI 20:11 ሄዋፐ ጉይያን፥ ትምቢትያ ኦድያ እሳያሰ መꬍና ጎዳ ዎሴዳ፤ መꬍና ጎዳይ ካቲ አካዝ ግምቢሲደ ደꬃቱዋ ኩዋዬዳ ኩዋ ታሙ ደꬃቱዋ ሄ ሳፐ ጉየ ዛሬዳ።
2KI 20:12 ሄ ዎደ ባላዳና ናአይ፥ ባብሎነ ካቲ፥ ማሮዳክ ባላዳን ህዝቂያሰ ሀርጌዳዋ ስሴዳ ድራዉ፥ ዳብዳቢያነ እሞታ ህዝቂያሳዉ የዴዳ።
2KI 20:13 ህዝቂያሰ ኪተቲደ ዬዳ አሳቱዋ ሞኬዳ። ያቲደ ባረ ሚሻ ምንጅያ ጎለን ደእያ ብራ፥ ዎርቃ፥ ሳዉዋ፥ አልኦ ዛይትያ፥ ባረ ኦላ ሚሻነ ባረ ሚሻ ምንጅያ ጎለን ደእያዋ ኡባ ኡንቱንታ በሴዳ። ባረ ሶን ዎይ ባረ ካዉተꬃ ግዶን ደእያዋ ኡባፐ ህዝቂያሰ ኡንቱንታ በሰናን አጌዳባይ አያይነ ባዋ።
2KI 20:14 ሄዋፐ ጉይያን፥ ትምቢትያ ኦድያ እሳያሰ ካትያ ህዝቂያሳኮ ዪደ፥ “ሀ አሳቱ ዋጌድኖ? ኡንቱንቱ ሀቃፐ ዬድኖ?” ያጊደ ኦቼዳ። ህዝቂያሰ፥ “ኡንቱንቱ ታኮ ሃኮ ጋድያፐ፥ ባብሎነፐ ዬድኖ” ያጌዳ።
2KI 20:15 እሳያሰ ቃይካ፥ “ኡንቱንቱ ነ ሶን አያ አያ በኤድኖ?” ያጌዳ። ህዝቂያሰ፥ “ኡንቱንቱ ታ ሶን ደእያ ኡባባ በኤድኖ፤ ታ ሚሻ ምንጅያ ጎለን ደእያባፐ ታን ኡንቱንታ በሳቤናባይ አያይነ ባዋ” ያጌዳ።
2KI 20:16 ሄዋፐ ጉይያን፥ እሳያሰ ህዝቂያሳ፥ “መꬍና ጎዳይ ግያዋ ስሳ።
2KI 20:17 መꬍና ጎዳይ ሀዋዳን ያጌ፡ ‘ነ ካትያ ጎለን ደእያባይ ኡባባይነ ነ ማይዛ አዎቱ ሀቼ ጋካናዉ ሺሼዳባይ ኡባባይ ሙለ ኦሞደቲደ፥ ባብሎነ ጋድያ ባና ጋላሳቱ ያና፤ አፐ አያይነ አተና።
2KI 20:18 ቃይ ነዉ የለታናዋ፥ ነ አሾነ ሱꬃነ ግድያ ነ አቱማ ዛራቱዋፐካ ኦሞደቲደ ባና፤ ባብሎነ ካትያ ጎለን ጎይረቲደ ኦꬃና’ ያጌ” ያጌዳ።
2KI 20:19 ህዝቂያሰ ዛሪደ፥ “ኔን ኦዴዳ መꬍና ጎዳ ቃላይ ሎአ” ያጌዳ። አያዉ ጎፐ፥ ህዝቂያሰ፥ “ታን ደኤዳ ላይꬃን ሳሩነ ዎፓይ ደአናዋ ግደኔ” ያጊደ ቆፔዳ።
2KI 20:20 ህዝቂያሰ ሀኔዳ ሀራባይ፥ አ ምኖተꬃይነ ሃꬃ ዜሪደ፥ ቢታ ግዱዋና ዋሩዋን ካታማ እ ገልሴዳባይ ይሁዳ ካተቱዋ ታርክያ ማጻፋን ጻፈት ኡቴዳ።
2KI 20:21 ህዝቂያሰ ሀይቂደ፥ ባረ ማይዛን ጋከቴዳ፤ አ ኮሽያን አ ናአይ ምናሰ ካተቴዳ።
2KI 21:1 ምናሰ ካተትያ ዎደ ላይꬃይ አዉ ታማነ ላኣ፤ እ የሩሳላመን እሻታማነ እቼሹ ላይꬃ ካተቴዳ። አ አት ሱንꬃይ ሄፍጺቦ።
2KI 21:2 መꬍና ጎዳይ እስራኤልያ አሳ ስንꬃፐ ላጊደ ከሴዳ አሳቱዋ ደኡዋ ዎጋ፥ ሄ ሸነይያዋ ቁሊደ፥ ምናሰ መꬍና ጎዳ ስንꬃን ኢታባ ኦꬄዳ።
2KI 21:3 አ አዉ ህዝቂያሰ ላሌዳ፥ ጎይንያ ꬎቃ ሳኣ እ ዛረꬂደ ኬጼዳ፤ እስራኤልያ ካቲ አካብ ኦꬄዳዋዳን፥ ባኣላ ግያ ጾሳዉ ያርሽያ ሳአቱዋነ አሼሮ ግያ ጾሳት ምስለቱዋ መꬌዳ። ቃይ ሳሉዋ ጾልንተቶ ኡባዉካ ጎይኔዳነ ኡንቱንቶ ኦꬄዳ።
2KI 21:4 መꬍና ጎዳይ ካሰ፥ “ታን ታ ሱንꬃ የሩሳላመን ጼስሳና” ያግ ዎꬄዳ መꬍና ጎዳ ጌሻ ጎልያን ሀራ ጾሳቶ ያርሽያ ሳኣ ጊግሴዳ።
2KI 21:5 መꬍና ጎዳ ጌሻ ጎልያን ደእያ ላኡ ዳባባቱዋን ሳሉዋ ጾልንተቶ ኡባዉ ያርሽያ ሳኣ ጊግሴዳ።
2KI 21:6 ባረ የሌዳ ናኣ ታማን ጹጊደ ያርሼዳ። እ ባረ ሁጲያዉካ ብትያዋነ ሙሩንያዋ ግዲደ፥ ሻሬቾቱዋነ ሞይትልያ ሃሳይስያዋንታ ዞርያ ኦቼዳ። መꬍና ጎዳ ስንꬃን ዳሮ ኢታባ ኦꬂደ፥ አ ሀንቀꬄዳ።
2KI 21:7 አሼሮ ግያ ጾሳት ምስልያ፥ ማሰት ከሴዳዋ አሂደ፥ መꬍና ጎዳ ጌሻ ጎልያ ግዶን ኤሴዳ። ሄ ጌሻ ጎሊ፥ መꬍና ጎዳይ ዳዊታነ አ ናኣ ሶሎሞና፥ “እስራኤልያ ዛርያ ኡባ ግዶፐ ታን ዶሬዳ ሀ ጌሻ ጎልያንነ የሩሳላመን ታን ታ ሱንꬃ መꬍናዉ ጼስሳና።
2KI 21:8 እስራኤልያ አሳ ታን አዛዜዳ አዛዙዋ ኡባነ ታ ቆማይ ሙሴ ኡንቱንቶ እሜዳ ህግያ ኡባ ናጊደ ኦꬆፐ፥ ታን ኡንቱንቱ ማይዛ አዋቶ እሜዳ ጋድያፐ ኡንቱንታ ደንꬃደ ቶይላይከ” ያጌዳ።
2KI 21:9 ሽን አሳይ ስሰናን እጼዳ። መꬍና ጎዳ እስራኤልያ አሳ ስንꬃፐ ꬋይሴዳ ጋደ አሳዋፐካ አꬍያ ኢታ ኦꬃና ማላ፥ ምናሰ ኡንቱንታ ባለꬄዳ።
2KI 21:10 መꬍና ጎዳይ ትምቢትያ ኦድያ ባረ ቆማቱዋ ባጋና ሀዋዳን ያጌዳ፤
2KI 21:11 “ይሁዳ ካቲ ምናሰ ሀ ቱና ኪታ ኦꬄዳ፤ ባረፐ ካሰ ደኤዳ አሞረ አሳ ኡባ ናጋራፐካ አꬍያ ኢታ ኦꬄዳ፤ ይሁዳ አሳ ባረ መꬌዳ ኤቃ ምስልያዉ ጎይንሲደ፥ ናጋራ ኦስሴዳ። እ ሄዋ ኦꬄዳ ድራዉ፥
2KI 21:12 ታን መꬍና ጎዳይ እስራኤልያ ጾሳይ ሀዋዳን ያጋይ፤ ‘ስስያ አሳ ኡባ ሀይꬃዉ ኢትያ ባሻ ታን የሩሳላመ ቦላነ ይሁዳ ቦላ አሀና ሀናይ።
2KI 21:13 ታን ሳማርያ ቦላ ጎቼዳ ዎዶሩዋ፥ የሩሳላመ ቦላ ጎቻና፤ አካባ ሶይ አሳ ቦላ የዴዳ ቱምቢያካ፥ የሩሳላመ ቦላ የዳና። እት አሳይ ከርያ ቁጭ ጉፋንꬂደ መልስያዋዳን፥ ታን የሩሳላመ ቁጫደ ጉፋንꬃና።
2KI 21:14 ታ ላታቱዋፐ አቴዳዉንታ ታን ኦላና፤ ታን ኡንቱንታ ኡንቱንቱ ሞርከቱዋ ኩሽያን አꬃደ እማና። ኡንቱንቱ ሞርከቱ ኡባይ ኡንቱንታ ኦይቃናነ ቦንቃና።
2KI 21:15 ኡንቱንቱ ማይዛ አዎቱ ግብጼፐ ከሶደፐ ዶም፥ ሀቼ ጋካናዉ፥ ኡንቱንቱ ታ ስንꬃን ኢታባ ኦꬄዳ ድራዉነ ታና ሀንቀꬄዳ ድራዉ፥ ታን ሀዋዳን ኦꬃና’ ያጋይ” ያጌዳ።
2KI 21:16 ምናሰ ይሁዳ አሳ መꬍና ጎዳ ስንꬃን ናጋራ ኦስሴዳዋ ቦላካ ጉጂደ፥ ጽሎ አሳ ዎꬌዳ፤ የሩሳላመን ሀ ጋጻፐ ያ ጋጻ ጋካናዉ፥ ሱꬃ ኩንꬄዳ።
2KI 21:17 ምናሰ ሀኔዳ ሀራባይ፥ እ ኦꬄዳባይ ኡባይነ እ ኦꬄዳ ናጋራባይ ይሁዳ ካተቱ ታርክያ ማጻፋን ጻፈት ኡቴዳ።
2KI 21:18 ምናሰ ሀይቂደ፥ ባረ ማይዛን ጋከቴዳ፤ ያቲደ ባረ ጎልያ ማታን ደእያ ኡዛ አታክልትያ ሳኣ ግያ ሳኣን ሞገቴዳ። አ ኮታን አ ናአይ አሞነ ካተቴዳ።
2KI 21:19 አሞነ ካተትያ ዎደ፥ ላይꬃይ አዉ ላታማነ ላኣ፤ እ የሩሳላመን ላኡ ላይꬃ ካተቴዳ። አ ዳይ ሱንꬃይ ማሹለሜቶ፤ እዛ ያጽባ ካታማን ደእያ ሀሩጻ ናቶ።
2KI 21:20 አ አዉ ምናሰ ኦꬄዳዋዳን፥ አሞንካ መꬍና ጎዳ ስንꬃን ኢታባ ኦꬄዳ።
2KI 21:21 እ ባረ አዉ ሀመቴዳ ኦግያን ኡባን ሀመቴዳ፤ ባረ አዉ ኦꬄዳ ኤቃቶ እካ ኦꬄዳነ ኡንቱንቶ ጎይኔዳ።
2KI 21:22 መꬍና ጎዳ፥ ባረ ማይዛ አዎቱዋ መꬍና ጎዳ አግ ባሼዳ፤ መꬍና ጎዳ ኦግያንካ እ ሀመትቤና።
2KI 21:23 አሞና ኦሳንቻቱ አ ቦላ ማቀቲደ፥ አ ካትያ ጎለን አ ዎꬌድኖ።
2KI 21:24 ሄዋፐ ጉይያን፥ ይሁዳ አሳቱ ካትያ አሞና ቦላ ማቀቴዳ ኡባቱዋ ዎꬌድኖ። አሞና ኮታን አ ናኣ ዮስያሳ ካተዬድኖ።
2KI 21:25 አሞነ ሀኔዳ ሀራባይነ እ ኦꬄዳባይ ኡባይ ይሁዳ ካተቱ ታርክያ ማጻፋን ጻፈት ኡቴዳ።
2KI 21:26 አሞነ ኡዛ አታክልትያ ሳኣ ግያ ሳኣን ደእያ ባረ ዱፉዋን ሞገቴዳ፤ አ ኮታን አ ናአይ ኢዮስያሰ ካተቴዳ።
2KI 22:1 እዮስያሰ ካተትያ ዎደ፥ ላይꬃይ አዉ ሆስፑና፤ እ የሩሳላመን ሀታማነ እት ላይꬃ ካተቴዳ። አ ዳይ ሱንꬃይ ይዲዶ፤ እዛ ቦጽቃታ ግያ ካታማን ደእያ አዳያ ናቶ።
2KI 22:2 እዮስያሰ መꬍና ጎዳ ስንꬃን ሱረባ ኦꬄዳ፤ ኡሸቻ ሀድርሳ ጌናን ባረ ማይዛ አዉዋ ዳዊታ ኦግያን ኡባን ሀመቴዳ።
2KI 22:3 ካቲ እዮስያሰ ባረ ካተቴዳ ታማነ ሆስፑንꬃ ላይꬃን፥ ማሹላማ ናኣ ናኣ፥ አጻልያ ናኣ፥ ዋና ጻፍያ ሳፋና መꬍና ጎዳ ጌሻ ጎልያ ሀዋዳን ያጊደ ኪቴዳ፤
2KI 22:4 “አሳይ መꬍና ጎዳ ጌሻ ጎልያ አህና፥ ጌሻ ጎልያ ፐንግያ ናግያዋንቱ አሳፐ ሺሼዳ ሻሉዋ ፓይዳናዳን፥ ቄሳቱዋ ኡባቱዋ ካፑዋ ህልቂያኮ ባ።
2KI 22:5 ቄስያ ኡባቱዋ ካፑ ሚሻ መꬍና ጎዳ ጌሻ ጎልያ ኦራꬅስያ ካፓቶ እማና ማላ ኦዳ። ኡንቱንቱካ ጌሻ ጎልያ ኦራꬅያ ኦሳንቻቶ፥
2KI 22:6 አናጸቶ ግምቢያዋንቶነ ሹቻ ማስያዋንቶ ጭግኖ። ቃይ ጌሻ ጎልያ ኦራꬃናዉ፥ ምꬃነ ቆኤቴዳ ሹቻ ሻምያዋንቶ ጭግኖ።
2KI 22:7 ሄ ኪታ ዎችያዋንቱ አማነትያ አሳ ግድያ ድራዉ፥ ኡንቱንቱ ኩሽያን ገሌዳ ሚሻን አያ አያ ኦꬄደንቶ፥ ኡንቱንታ ኦቻናዉ ኮሸና” ያጌዳ።
2KI 22:8 ሄዋፐ ጉይያን፥ ቄሳቱዋ ኡባቱዋ ካፑ ህልቂ ዋና ጻፍያ ሳፋና፥ “ህግያ ማጻፋ መꬍና ጎዳ ጌሻ ጎልያን ደማድ” ያጌዳ። ማጻፋ ሳፋናዉ እሜዳ፤ ሳፋን አኪደ ናባቤዳ።
2KI 22:9 ዋና ጻፊ ሳፋን ካትያኮ ስም ቢደ፥ “መꬍና ጎዳ ጌሻ ጎልያን ደእያ ሻሉዋ ነ ኦሳንቻቱ ዉርስ አኪደ፥ ጌሻ ጎልያ ኦራꬅስያ ካፓቶ እሜድኖ” ያጊደ ኦዴዳ።
2KI 22:10 ቃይካ ዋና ጻፊ ሳፋን ካትያ፥ “ቄሲ ህልቂ ታዉ ማጻፋ እሜዳ” ያጊደ ካትያ ስንꬃን ሄ ማጻፋ ናባቤዳ።
2KI 22:11 ካቲ ህግያ ማጻፋን ደእያ ቃላ ስሴዳ ዎደ፥ ካዮቲደ ባረ ማዩዋ ፔꬌዳ።
2KI 22:12 ሄዋፐ ጉይያን፥ ካቲ ቄስያ ህልቂያ፥ ሳፋና ናኣ አህቃማ፥ ምካያ ናኣ አክቦራ፥ ዋና ጻፍያ ሳፋናነ ካትያ ኦሳንቻ አሳያ ሀዋዳን ያጊደ አዛዜዳ፤
2KI 22:13 “ቢተ፤ ታ ድራዉ፥ ሀ አሳ ድራውነ ይሁዳ ኡባ ድራዉ፥ ሀ በቴዳ ማጻፋ ቃላዋ አነ መꬍና ጎዳ ኦችተ። አያዉ ጎፐ፥ ኑዉ ጻፈቴዳ ኡባባ ኦꬃናዉ፥ ኑ ማይዛ አዎቱ ሀ ማጻፋ ቃላዉ አዛዘትቤና ድራዉ፥ ኑ ቦላ ሱሌዳ መꬍና ጎዳ ሀንቁ ሎይꬅ ዳራ” ያጌዳ።
2KI 22:14 ቄሲ ህልቂ፥ አህቃም፥ አክቦር፥ ሳፋንነ አሳይ ትምቢትያ ኦድያ ሁልዶ ግያ ምሽራቶ ኦቻናዉ ቤድኖ። ሁልዳ ሀርሃሳ ናኣ ቲቅዋ ናኣ፥ ጌሻ ጎልያ ማዩዋ ናግያ ሻሉማ ምሽራቶ። አ የሩሳላመን ላኤንꬆ ሹቻን ደአዉ። ሄ ቤዳ አሳቱ እዝና ሃሳዬድኖ።
2KI 22:15 ሁልዳ ኡንቱንታ፥ “መꬍና ጎዳይ እስራኤልያ ጾሳይ፥ ‘ህንተና ታኮ ኪቴዳ ብታንያዉ ኦድተ ያጌ።’
2KI 22:16 መꬍና ጎዳይ ሀዋዳን ያጌ፤ ‘በእተ፥ ይሁዳ ካቲ ናባቤዳ ማጻፋን ጻፈቴዳ ኢታ ቃላ ኡባ ታን ሀ ሳኣ ቦላነ ሀ ሳኣን ደእያ አሳ ቦላ አሀና ሀናይ።
2KI 22:17 ኡንቱንቱ ታና አጊደ፥ ሀራ ጾሳቶ እጻና ጩዋዬድኖ፤ ያቲደ ኡንቱንቱ ባረንቱ ኩሽያን ኦꬄዳዋን ኡባን ታና ሀንቀꬄድኖ። ሄዋ ድራዉ፥ ታ ሀንቁ ሀ ሳኣ ቦላ ኤጽ ከሴዳ፤ ቶአናዉ ዳንዳየና’ ያጌ።
2KI 22:18 “መꬍና ጎዳ ኦቻናዉ ህንተንታ ኪቴዳ ካትያ ሀዋዳን ያግተ፤ ‘መꬍና ጎዳይ እስራኤልያ ጾሳይ ኔን ስሴዳ ቃላ ሀዋዳን ያጌ፤’
2KI 22:19 ታን ሀ ሳኣ ቦላነ ሀ ሳኣን ደእያ አሳ ቦላ፥ ‘ታን ህንተንታ ꬋይሳናነ ባይዛ ከሳና’ ጋደ ሃሳዬዳዋ ኔን ስሴዳ ዎደ፥ ነ ዎዛናይ ሹግና፥ መꬍና ጎዳ ስንꬃን ነ ሁጲያ ካዉሼዳ ድራዉነ ነ ማዩዋ ፔꬋደ፥ ታ ስንꬃን ዬኬዳ ድራዉ፥ ታን ነ ዎሳ ስሳድ ያጌ መꬍና ጎዳይ።
2KI 22:20 ሄዋ ድራዉ፥ ታን ኔና ሳሩዋን ነ ማይዛን ጋꬃና፤ ኔን ሳሮ ሞገታና። ታን ሀ ሳኣ ቦላነ ሀ ሳኣን ደእያ አሳ ቦላ አሀና ኢታባ ነ አይፊ በኤና ያጌ ያግተ” ያጋዱ። ሄዋፐ ጉየ ኡንቱንቱ ቢደ፥ ሀ ሃሳየቴዳባ ካትያዉ ኦዴድኖ።
2KI 23:1 ሄዋፐ ጉይያን፥ ካቲ ኢዮስያሰ ኪቲደ፥ ይሁዳ ጭማቱዋነ የሩሳላመ ጭማቱዋ ኡባ እ ሺሼዳ።
2KI 23:2 ካቲ መꬍና ጎዳ ጌሻ ጎልያ ፑደ ከሴዳ፤ ይሁዳ አሳይ ኡባይ፥ የሩሳላመን ደእያ አሳይ ኡባይ፥ ቄሳቱነ ትምቢትያ ኦድያዋንቱ፥ ጉꬃፐ ዎጋ ጋካናዉ፥ አሳይ ኡባይ አናና እትፐ መꬍና ጎዳ ጌሻ ጎልያ ፑደ ከሴድኖ። መꬍና ጎዳ ጌሻ ጎልያፐ ቤቴዳ ቃላ ጫቁዋ ማጻፋ ቃላ ኡባ ካቲ ኡንቱንቱ ስስሽን ናባቤዳ።
2KI 23:3 ሄዋፐ ጉይያን፥ ካቲ ቱሳ ማታን ኤቂደ፥ ኡንቱንቱ መꬍና ጎዳ ኦግያን ሀመታናዉነ፥ አ ህግያ፥ አ ዎጋነ አ አዛዙዋ ባረ ኩመንꬃ ዎዛናንነ ባረ ኩመንꬃ ሸምፑዋን ናጋናዉ፥ ቃይ ሀ ማጻፋን ጻፈቴዳ ጫቁዋዳን ኦꬃናዉ መꬍና ጎዳ ስንꬃን ገፔዳ። ያትና አሳይ ኡባይካ ጫቁዋ ናጋናዉ ገፔዳ።
2KI 23:4 ሄዋፐ ጉይያን፥ ካቲ ቄሳቱዋ ኡባቱዋ ካፑዋ ህልቂያ፥ አፐ ጋርሳና ደእያ ቄሳቱ ዋነ ፐንግያ ናግያዋንታ ባኣላዉ፥ አሼሮነ ሳሉዋ ጾልንተቶ ጎይናናዉ ጊግሴዳ ሚሻቱዋ ኡባ መꬍና ጎዳ ጌሻ ጎልያፐ ከሳናዳን አዛዜዳ። ካቲ ሄዋንታ የሩሳላመፐ ጋጻ ከሲደ፥ ቀድሮና ዛንጋራን ጹጌዳ፤ ብድንꬃ ቤቴለ አፌዳ።
2KI 23:5 ይሁዳ ካታማቱዋንነ የሩሳላመ ዩሹዋን ደእያ ꬎቃ ግሹዋን ኡባን እጻና ጩዋያናዳን ይሁዳ ካተቱ ሱንꬄዳ ꬋማሻቱዋ ቄሳቱ ዋ ኡባ ኦሱዋፐ ከሴዳ። ባኣላዉ፥ አዋዉ፥ አግናዉ፥ ጾልንተቶነ ሳሉዋን ደእያ ሀራ መታቶ እጻና ጩዋይያዋንታ ኡባ ድጌዳ።
2KI 23:6 አሼሮ ግያ ጾሳት ምስልያ መꬍና ጎዳ ጌሻ ጎልያፐ አኪደ፥ የሩሳላመ ካታማፐ ጋጻ ከሲደ፥ ቀድሮና ዛንጋራ አፌዳ። ሄዋፐ ካላ ያን ጹጌዳዋ ሊቅስ ጋጪደ፥ ꬊለ ከሴዳ። ያቲደ ሄ ባና ጋደ አሳ ማካና ቦላ ላሌዳ።
2KI 23:7 መꬍና ጎዳ ጌሻ ጎልያ ግዶን ጎይኖ ዎጋ ኦꬂደ፥ አቱማ አሳቱ አቱማ አሳቱዋና ሻርሙጸትያ ጎልያ ክንቼዳ፤ ሄ ጎለቱዋን ማጫ አሳይ አሼሮ ግያ ጾሳትዉ ጋርዱዋ ሱቄ።
2KI 23:8 እዮስያሰ ቄሳቱ ዋ ኡባ ይሁዳ ካታማቱዋፐ አሄዳ፤ ካሰ ቄሳቱ እጻና ጩዋዬዳ ꬎቃ ሳኣ፥ ገባአፐ ቢደ በርሳበሀ ጋካናዉ ደእያዋንታ ቱንሴዳ። ካታማ ሞድያ ኢያሱ ፐንግያ ግያ ፐንግያ ገልያ ሳፐ ሀድርሳ ባጋና ደእያ ጎይንያ ሳአቱዋካ ቆቆፌዳ።
2KI 23:9 ꬎቃ ሳኣ ቄሳቱ የሩሳላመን መꬍና ጎዳዉ ያርሽያ ሳኣ ፑደ ዪክኖ፤ ሽን ኡንቱንቱ ሀራ ቄሳቱ ዋና እትፐ እርሹ ገልቤና ኡክꬃ ሚኖ።
2KI 23:10 ካቲ እዮስያሰ ህኖማ ዛንጋራን ደእያ ቶፌታ ጌተትያ ያርሹዋ ሳኣ ቱንሴዳ። ያቲደ ሞሎካ ግያ ጾሳዉ እት አሳይነ ባረ አቱማ ናኣ ዎይ ባረ ማጫ ናቶ ታማን ያርሸናዳን ድጌዳ።
2KI 23:11 ይሁዳ ካተቱ መꬍና ጎዳ ጌሻ ጎልያ ገልያ ፐንግያን አዋዉ ዱማይ ዎꬄዳ ፓራቱዋ ድጌዳ። አዋ ፓራቱ ናታን-መለካ ግያ ካፑዋ ክፍልያ ማታን ደእያ ዳባባን ደኢኖ። ሄዋፐ ጉይያን፥ አዋዉ ዱማይ ዎꬄዳ ፓራ ጋረቱዋ እዮስያሰ ታማን ጹጌዳ።
2KI 23:12 አካዛ ጎልያ ፖቅያ ቦላን ይሁዳ ካተቱ ጊግስሴዳ ያርሹዋ ሳአቱዋነ ምናሰ መꬍና ጎዳ ጌሻ ጎልያዉ ደእያ ላኡ ዳባባቱዋ ግዶን ጊግሴዳ ያርሽያ ሳአቱዋ ካቲ እዮስያሰ ክንቼዳ። ኡንቱንታ ሄ ሳፐ ድጊደ ክንቼሬꬄዳ፤ ሱፓ ቀድሮና ዛንጋራን ኦሌዳ።
2KI 23:13 ቃይካ ካቲ የሩሳላመ ካታማፐ አዋይ ዶልያ ባጋና ዳብረ ዛይተ ጌተትያ ደርያፐ ገድሳ ባጋን ደእያ ቱናተꬃ ꬎቃ ደርያ። ሄ ꬎቃ ሳአቱ እስራኤልያ ካቲ ሶሎሞነ ሲዶናቱዋ ጾሳት አስታሮትዉ፥ ሞኣባቱዋ ጾሳ ካሞሻዉነ፥ አሞናቱዋ ጾሳ ሞሎካዉ፥ ሄ ቱና ጾሳቶ ጎይናናዉ ጊግሴዳ ꬎቃ ሳኣ።
2KI 23:14 ካቲ ኢዮስያሰ ጎይንያ ሹቻ ቱሳቱዋካ መንሬꬂደ፥ አሴሮ ጌተትያ ጾሳት ምስለቱዋካ ቃንጸሬꬄዳ። ያቲደ ኡንቱንቱ ኤቄዳ ኮሽያን ሀይቄዳ አሳ መቀꬃ ኩንꬄዳ።
2KI 23:15 ቃይ እስራኤልያ አሳ ናጋራ ኦስሴዳ ናባጻ ናአይ እዮርባም ቤቴለን ꬎቃ ሳኣን ጊግሴዳ ያርሽያ ሳኣ ካቲ እዮስያሰ ክንቼዳ። ሄ ያርሽያ ሳኣ ሹቻቱዋካ መንሬꬂደ፥ ꬊለ ከሴዳ፤ አሼር ምስልያካ ጹጌዳ።
2KI 23:16 ሄዋፐ ጉይያን፥ እዮስያሰ ዩሹዋ ጼሊደ፥ ደርያ ጋጻን ደእያ ሞጉዋ ጎንጎሉዋ በኤዳ፤ መቀꬃቱዋ ጎንጎሉዋፐ ከሲደ፥ ያርሽያ ሳኣ ቦላ ዎꬂደ፥ ታማን ጹጌዳ። ያቲደ ያርሽያ ሳኣ ቱንሴዳ። ሄዌ ሀኔዳዌ መꬍና ጎዳ አሳይ ካሰ አዋዬዳ መꬍና ጎዳ ቃላ ማራና።
2KI 23:17 ሄዋፐ ጉይያን ካቲ፥ “ሀ ቤትያዌ ኦ ዱፌ?” ያጊደ ኦቼዳ። ቤቴለ ካታማ አሳቱ፥ “ይሁዳፐ ዪደ፥ ቤቴለ ያርሽያ ሳኣ ቦላ ሀእ ኔን ኦꬃ ስምያዌ ፖለታናዋ ካሰቲደ ኦዴዳ መꬍና ጎዳ አሳ ዱፉዋ” ያጊደ ኦዴድኖ።
2KI 23:18 ካቲ፥ “አግ ባሽተ፤ እት አሳይነ አ መቀꬃ ሳፐ ቃꬆፖ” ያጌዳ። ሄዋ ድራዉ፥ ሳማርያፐ ዬዳ ትምቢትያ ኦድያ ብታንያ መቀꬃና እትፐ አ መቀꬃ ቦቼናን አግ ባሼድኖ።
2KI 23:19 እስራኤልያ ካተቱ ሳማርያ ካታማቱዋን ኦስሲደ፥ መꬍና ጎዳ ሀንቀꬄዳ፥ ጎይንያ ꬎቃ ሳኣ እዮስያሰ ድጌዳ፤ ቤቴለን ኦꬄዳዋዳን፥ ኡንቱንታካ ኦꬄዳ።
2KI 23:20 እ ሄ ꬎቃ ግሹዋን ኦꬅያ ቄሳቱ ዋ ኡባ ያርሽያ ሳኣ ቦላ ዎꬌዳ፤ ቃይ ሄ ያርሽያ ሳኣ ቦላ አሳ መቀꬃ ጹጌዳ። ሄዋ ኡባ ኦꬂደ፥ የሩሳላመ ስሜዳ።
2KI 23:21 ሄዋፐ ጉይያን፥ ካቲ አሳ ኡባ፥ “ሀ ቃላ ጫቁዋ ማጻፋን ጻፈቴዳዋዳን መꬍና ጎዳዉ ህንተንቱ ጾሳዉ ፓስጋ ባላ ቦንችተ” ያጊደ አዛዜዳ።
2KI 23:22 እስራኤልያ ሞድያ ዳናቱ ዎድያፐ ዶሚደ፥ እስራኤልያ ካተቱዋ ዎድያንነ ይሁዳ ካተቱዋ ዎድያን ኡባን ሀዋ ማላ ፓስጋ ባላይ ኡባካ ቦንቼት ኤረና።
2KI 23:23 ሽን ካቲ እዮስያሰ ካተቴዳ ታማነ ሆስፑንꬃ ላይꬃን የሩሳላመ ካታማን መꬍና ጎዳ ቦንቻናዉ ሀ ፓስጋ ባላይ መꬍና ጎዳዉ ቦንቼቴዳ።
2KI 23:24 ቃይ ቄሳቱዋ ኡባ ካፑ ህልቂ መꬍና ጎዳ ጌሻ ጎልያን ቤቴዳ ማጻፋን ጻፈቴዳ ህግያ ቃላ ምንሳናዳን፥ ኢታ አያና ጼስያዋንታነ ሻሬቻቱዋ፥ ሶይ ግዶ ኤቃ ምስለቱዋ፥ ኤቃ ሚሻቱዋነ ይሁዳ ቢታንነ የሩሳላመ ካታማን ቤቴዳ ሀራ ሸነይያባቱዋ ኡባ እዮስያሰ ꬋይሴዳ።
2KI 23:25 ሙሴ ህግያዳን ባረ ኩመንꬃ ዎዛናን፥ ባረ ኩመንꬃ ሸምፑዋንነ፥ ባረ ኩመንꬃ ዎልቃን መꬍና ጎዳኮ ስሜዳባን እዮስያሳ ማላ ካቲ፥ አፐ ካሰ ግዲና፥ አፐ ጉየ ግድና፥ ኡባካ ደንድቤና።
2KI 23:26 ግዶፐነ ምናሰ መꬍና ጎዳ ሀንቀꬃናዉ ኦꬄዳ ኢታ ኦሱዋ ኡባ ድራዉ፥ መꬍና ጎዳይ ይሁዳ ቦላ ሀንቀቴዳ ባረ ሀንቁዋ ታማይ ስምቤና።
2KI 23:27 ሄዋ ድራዉ መꬍና ጎዳይ፥ “ታን እስራኤልያ ታ ስንꬃፐ ድጌዳዋዳን፥ ይሁዳካ ታ ስንꬃፐ ድጋና፤ ታን ዶሬዳ ካታማ፥ የሩሳላመነ ታን፥ ‘ታ ሱንꬃይ ሀዋን ደአና’ ጌዳ ሀ ጌሻ ጎልያ ድጋና” ያጌዳ።
2KI 23:28 እዮስያሰ ሀኔዳ ሀራባይነ እ ኦꬄዳባይ ኡባይ ይሁዳ ካተቱዋ ታርክያ ማጻፋን ጻፈት ኡቴዳ።
2KI 23:29 እዮስያሳ ዎደ ግብጼ ካቲ ናኮይ፥ አሶረ ቢታ ካትያ ኦላን ኤቃናዉ ኤፍራጺሳ ሻፋ ቤዳ። ካቲ እዮስያሰ አናና ኦለታናዉ ባረ ኦላንቻቱዋ አኪደ ከሴዳ፤ ሽን ካቲ ናኮይ አናና ማግዶን ጋከቲደ፥ አ ዎꬌዳ።
2KI 23:30 አ ቆማቱ አ አሃ ፓራ ጋርያን ዎꬂደ፥ ማግዶፐ የሩሳላመ አሄድኖ፤ አ ዱፉዋን አ ሞጌድኖ። ሄዋፐ ጉይያን፥ ሄ ቢታ አሳቱ እዮስያሳ ናኣ እዮአካዛ ዶሬድኖ፤ አ አዉዋ ኮታን አ ኦኪደ ካተዬድኖ።
2KI 23:31 እዮአካዝ ካተትያ ዎደ፥ ላይꬃይ አዉ ላታማነ ሄዛ፤ እ የሩሳላመን ሄዙ አግና ካተቴዳ። አ ዳይ ሱንꬃይ ሀሙጻሎ፤ እዛ ሊብና ካታማን ደእያ ኤርማሳ ናቶ።
2KI 23:32 ባረ ማይዛ አዎቱ ኦꬄዳዋዳን፥ እዮአካዝ መꬍና ጎዳ ስንꬃን ኢታባ ኦꬄዳ።
2KI 23:33 እዮአካዝ የሩሳላመን ካተተናዳን ግብጼ ካቲ ናኮይ ሀማታ ጌተትያ ጋድያን ርብላ ግያ ሳን አ ቃቼዳ። ሄዙ ሻአነ ኦይዱ ጼቱ ኪሎ ግራመ ዴጽያ ጻጋራ ብራነ ሀታማነ ኦይዱ ኪሎ ግራመ ዴጽያ ዎርቃ ይሁዳ አሳ ጊርሴዳ።
2KI 23:34 ካትያ ናኮይ እዮስያሳ ናኣ ኤልያቄማ አ አዉዋ ኮታን ካተዬዳ፤ ያቲደ አ ሱንꬃ እዮኣቄማ ያጊደ ላሜዳ። ሽን እዮአካዛ ግብጼ አፌዳ፤ እዮአካዝ ያን ሀይቄዳ።
2KI 23:35 ያትና እዮኣቄም ካቲ ናኮይ ኦቼዳ ጊራ ብራነ ዎርቃነ አዉ እሜዳ። ሄ ጊራ ጭጋናዉ ዮኣቄም ሄ ቢታ አሳይ ደምያ ኬሻ ብራፐነ ዎርቃፐ ጊራ ሺሼዳ።
2KI 23:36 እዮኣቄም ካተትያ ዎደ ላይꬃይ አዉ ላታማነ እቼሻ፤ እ የሩሳላመን ታማነ እት ላይꬃ ካተቴዳ። አ ዳይ ሱንꬃይ ዛብዶ፤ እዛ ሩማ ካታማን ደእያ ፓዳያ ናቶ።
2KI 23:37 እዮኣቄም ባረ ማይዛ አዎቱ ኦꬄዳዋዳን፥ መꬍና ጎዳ ስንꬃን ኢታባ ኦꬄዳ።
2KI 24:1 እዮኣቄማ ዎደ ባብሎነ ቢታ ካትያ ናቡካዳናጾረ ይሁዳ ቦላ ዎራጄዳ። ያትና እዮኣቄም አዉ ሄዙ ላይꬃ ሞደቴዳ። ሄዋፐ ጉይያን ዛሪደ፥ ናቡካዳናጾራ ቦላ ማካሌዳ።
2KI 24:2 መꬍና ጎዳይ ባብሎነ ቢታ ጩጉዋ፥ ሶርያ ቢታ ጩጉዋ፥ ሞኣበ ቢታ ጩጉዋነ አሞና ቢታ ጩጉዋ እዮኣቄማ ቦላ የዴዳ፤ ትምቢትያ ኦድያ ባረ ቆማቱዋ ባጋና መꬍና ጎዳይ ካሰ ሃሳዬዳዋዳን፥ ይሁዳ ቢታ ባይዛናዳን ሀዋንታ የዴዳ።
2KI 24:3 ካቲ ምናሰ ኦꬄዳ ናጋራ ኡባ ድራዉ፥ ቃይ ጽሎ አሳ ሱꬃ እ ጉሲደ፥ የሩሳላመን ኩንꬄዳ ድራዉ፥ መꬍና ጎዳይ ይሁዳ አሳ ባረ ስንꬃፐ ድጋናዉ ሀ ባሻ የዴዳ፤ መꬍና ጎዳይ ምናሰዉ ሄ ናጋራ አቶ ጋናዉ ኮይቤና።
2KI 24:5 እዮኣቄም ሀኔዳ ሀራባይነ እ ኦꬄዳባይ ኡባይ ይሁዳ ካተቱዋ ታርክያ ማጻፋን ጻፈት ኡቴዳ።
2KI 24:6 እዮኣቄም ሀይቂደ፥ ባረ ማይዛን ጋከቴዳ። አ ኮታን አ ናአይ እኮንያነ ካተቴዳ።
2KI 24:7 ግብጼ ቢታ ካቲ ላኤንꬆ ባረ ጋድያፐ ደንዲደ፥ ኦላዉ ይቤና፤ አያዉ ጎፐ፥ ግብጼ ሻፋፐ ዶሚደ፥ ቢደ ኤፍራጺሳ ሻፋ ጋካናዉ፥ ግብጼ ካቲ ሞዴዳ ቢታ ኡባ ባብሎነ ካቲ አክ ድጌዳ።
2KI 24:8 ዮኣኪነ ካተትያ ዎደ ላይꬃይ አዉ ታማነ ሆስፑና፤ ዮኣኪነ የሩሳላመን ሄዙ አግና ካተቴዳ። አ ዳይ ሱንꬃይ ነሁሽታ፤ እዛ የሩሳላምያ ኤልናታና ናቶ።
2KI 24:9 ዮኣኪነ ባረ አዉ ኦꬄዳዋዳን፥ መꬍና ጎዳ ስንꬃን ኢታባ ኦꬄዳ።
2KI 24:10 ሄ ዎደ ባብሎነ ካትያ ናቡካዳናጾራ ኦላንቻቱ የሩሳላመ ዪደ፥ ካታማ ዶድ ዎꬄድኖ።
2KI 24:11 ባብሎነ ካቲ ናቡካዳናጾረ ሄ ካታማ ዬዳ።
2KI 24:12 ይሁዳ ካቲ ዮኣኪነ፥ አ ዳያ፥ አ ቆማቱ፥ አ ካፓቱነ ካትያ ጎልያ ኦሳንቻቱ ኡባቱ ባብሎነ ካትያዉ ኩሽያ እሜድኖ። ዮኣኪነ ካተቴዳ ሆስፑንꬃ ላይꬃን፥ ባብሎነ ካቲ ዮኣኪና ቃቼዳ።
2KI 24:13 መꬍና ጎዳ ጌሻ ጎልያንነ ካትያ ጎለን ደእያ ማጹዋ ኡባ ሄ ሳፐ ደንꬂደ አፌዳ። መꬍና ጎዳይ ካሰ ሃሳዬዳዋዳን ካቲ ሶሎሞነ መꬍና ጎዳ ጌሻ ጎልያን ጊግሴዳ ዎርቃ ሚሻቱዋ ኡባ ባብሎነ ካቲ ቃንጸሬꬄዳ።
2KI 24:14 ናቡካዳናጾረ የሩሳላመ አሳ፥ ካፓቱዋ ኡባ፥ ኦላንቻቱዋ ኡባ፥ ኩሽያ ሂላንቻቱዋ ኡባነ ብራታ ቆጽያዋንታ ኡባ፥ ሙለ ታሙ ሻአ አሳ፥ የሩሳላመፐ ኦሞዲደ አፌዳ፤ ቢታን ህዬሳ አሳ ጻላላይ አቴዳ።
2KI 24:15 ናቡካዳናጾረ ዮኣኪና ኦሞዲደ፥ ባብሎነ አፌዳ፤ አናና ካታቶ አ ዳዮ፥ አ ማቻቱዋ፥ አ ኦሳንቻቱዋነ ቢታን ደእያ ዎልቃማ አሳ ኡባ አኪደ ቤዳ።
2KI 24:16 ሄ አሳፐ ላፑን ሻአቱ ኦላንቻቱዋ፤ እት ሻአ አሳቱ ዱማ ዱማ ኩሽያ ሂላንቻቱዋ፤ ኡንቱንቱ ኡባይካ ምናነ ኦላ ኦለታናዉ ዳንዳይያዋንታ። እ ሄ ኡባቱዋ ባብሎና አፌዳ።
2KI 24:17 ሄዋፐ ጉይያን፥ ባብሎነ ካቲ ዮኣኪና ኮታን አ አዉዋ እሻ ማታንያ ካተዬዳ። አ ሱንꬃ ሰደቅያሳ ያጊደ ላሜዳ።
2KI 24:18 ሰደቂያስ ካተትያ ዎደ፥ ላይꬃይ አዉ ላታማነ እታ፤ የሩሳላመን እ ታማነ እት ላይꬃ ካተቴዳ። አ ዳይ ሱንꬃይ ሀሙጻሎ፤ እዛ ሊብና ካታማን ደእያ ኤርማሳ ናቶ።
2KI 24:19 እዮኣቄም ኦꬄዳዋዳን፥ ሰደቅያስካ መꬍና ጎዳ ስንꬃን ኢታባ ኦꬄዳ።
2KI 24:20 መꬍና ጎዳይ ሀንቀቴዳ ድራዉ፥ የሩሳላመ አሳ ቦላነ ይሁዳ አሳ ቦላ ሀዌ ሀኔዳ፤ ዉርሰꬃን ኡንቱንታ እ ባረ ስንꬃፐ ድጌዳ። ሰደቅያስ ባብሎነ ካትያ ቦላ ማካሌዳ።
2KI 25:1 ሰደቅያስ ካተቴዳ ኡዱፑንꬃ ላይꬅ፥ ታማንꬃ አግናን፥ ታማንꬃ ጋላስ፥ ባብሎነ ካቲ ናቡካዳናጾረ ባረ ኦላንቻቱዋ ኡባ አኪደ ዪደ፥ የሩሳላመ ዶዴዳ። አ ዩሹዋንካ ቢታ ኬላ ድረዳ።
2KI 25:2 ሰደቅያስ ካተቴዳ ታማነ እተንꬅያ ላይꬃ ጋካናዉ፥ ካታማይ ዶደቲደ ጋምኤዳ።
2KI 25:3 ሄዋ ጋሱዋን ቢታን ኮሻይ ሱልና፥ ሄ ላይꬅ ኦይደንꬆ አግናን፥ ኡዱፑንꬃ ጋላሳን ሄ ጋድያ አሳዉ ምያባይ ꬋዬዳ።
2KI 25:4 ያን ደእሽን ካታማ ዩሹዋ ግምቢ እት ባጋና ኮለቴዳ። ባብሎነ አሳይ ካታማ ዩይ አꬊደ ናጎፐካ፥ ይሁዳ ካትያ ኦላንቻቱ ሙለ ኡባይ ቃማ ካትያ አታክልትያ ሳኣ አፍያ ኦግያ ኦይቂደ፥ ላኡ ድርሳ ግምበቱዋ እትፐ ጋꬅያ ፐንግያና ከሲደ ባቃቴድኖ። ኡንቱንቱ አራባ ድልባኮ ስሚደ ቤድኖ፤
2KI 25:5 ሽን ባብሎነ ኦላንቻቱ ካትያ የደርሲደ፥ ያርኮ ደምባ ጋꬂደ ኦይቄድኖ። አ ኦላንቻቱ ኡባይ አፐ ሻከቲደ ላለቴድኖ።
2KI 25:6 ሄዋፐ ጉይያን፥ ኡንቱንቱ አ ርብላ ካታማን ደእያ ናቡካዳናጾራኮ አፌድኖ። ባብሎነ ካቲ ያን ሰደቅያሳ ቦላ ፕርዴዳ።
2KI 25:7 ሰደቅያሳ ናና ሰደቅያስ ጼልሽን ዎꬌድኖ። ሄዋፐ ጉይያን፥ አ አይፈቱዋ ዎጭ ከሲደ፥ ሳንሳላታን አ ቃቼድኖ፤ ያቲደ ባብሎነ ጋድያ አኪደ አፌድኖ።
2KI 25:8 ናቡካዳናጾረ ባብሎነን ካተቴዳ ታማነ ኡዱፑንꬃ ላይꬅ፥ እቼሻንꬃ አግናን፥ ላፑንꬃ ጋላስ ካትያ ኦሳንቻቱዋፐ እቱ፥ ካትያ ናግያዋንቱ ካፑ ናቡዛራዳን የሩሳላመ ገሌዳ።
2KI 25:9 መꬍና ጎዳ ጌሻ ጎልያ፥ ካትያ ጎልያነ የሩሳላመን ደእያ ጎልያ ኡባ ጹጌዳ፤ ዎልቃማ ጎልያ ግያ ጎልያ ኡባ ኤꬅ ዉርሴዳ።
2KI 25:10 ባብሎነ ኦላንቻቱ ኡባይ ካትያ ናግያዋንቱ ካፑዋ አዛዙዋን የሩሳላመ ካታማ ዩሹዋን ደእያ ድርሳ ግምቢያ ኡባ ኮሌድኖ።
2KI 25:11 ናቡዛራዳን ካታማን አቴዳ አሳቱዋነ ይሁዳን አቴዳ አሳቱዋ፥ ካዲደ ባብሎነ ኦላንቻቱዋን ጋከቴዳ አሳቱዋናካ ኡባ ኦይቂደ፥ ኦሞዶ አፌዳ።
2KI 25:12 ሽን ናቡዛራዳን ዉርሰꬃ ህዬሳቱዋፐ አማሬዳዋንታ ዎይንያ ቱራ ቶካናዳንነ ጋድያ ጎሻናዳን ይሁዳን አሼዳ።
2KI 25:13 ባብሎነ አሳቱ መꬍና ጎዳ ጌሻ ጎልያን ደእያ ናሃስያፐ መꬌዳ ቱሳቱዋ፥ ሚሻቱዋ ዎꬅያ ጋረቱዋነ አባ ሳኒያ መንሬꬄድኖ፤ ናሃስያ ኡባ ባብሎነ አፌድኖ።
2KI 25:14 ሄዋዳንካ ቃይ ከረቱዋ፥ አካፋቱዋ፥ ጾምፕያ ሻሉዋ ጼራ ፕትያባቱዋ፥ ጭልፓቱዋነ ያርሽያ ዎደ ጎኤትያ ናሃስያ ሚሻቱዋ ኡባ አኪደ አፌድኖ።
2KI 25:15 ካትያ ናግያዋንቱ ካፑ ናቡዛራዳን ሙሩታ ብራፐነ ሙሩታ ዎርቃፐ መቴዳ ታማ ካሽያ ሻታቱዋካ ኩይጻሮቱዋካ ኡባ አኪደ አፌዳ።
2KI 25:16 ካቲ ሶሎሞነ መꬍና ጎዳ ጌሻ ጎልያን ኦሰትያባቶ መꬌዳ ላኡ ቱሳቱ፥ አባ ሳኒነ ጋረቱ መቴዳ ናሃስያ ብራታይ ሚዛናን ልካናዉ ዳንዳየተናዋ ኬሻ ዳራ።
2KI 25:17 ላኡ ቱሳቱ እት ማላ ግዲደ፥ እቱዋ እቱዋ ጌሳይ ታማነ ሆስፑን ዋꬋ፤ ቃይ እት እት ቱሳ ሁጲያን ደእያ ጉምቦቱ ሄዙ ዋꬋ አዱሳ። ሄ ጉምቦቱዋ ዩሹ ናሃስያ ቃጽቃሎቱዋንነ ናሃስያፐ መꬌዳ ሮማነ ጌተትያ ቴራ ምስለቱዋን አሌቀት ኡቴዳ።
2KI 25:18 ካትያ ናግያዋንቱ ካፑ ናቡዛራዳን ቄሳቱዋ ኡባቱዋ ካፑ ሳራያ፥ አፐ ካልያ ቄስያ ጻፋንያነ ፐንግያ ናግያ ሀራ ሄዙ አሳቱዋ ኦይቄዳ።
2KI 25:19 ቃይ ሄ ዎደ ጋካናዉ፥ ካታማን ደእያ አሳፐ ይሁዳ ኦላ ጋዳዋ፥ ካትያ ዞርያዋንቱፐ እቼሹ አሳቱዋ፥ ኦላ ጋዳዋ ጻፍያ፥ ሄዌነ ኦላንቻቱዋ አሳ ግዶፐ ቆሪደ ከስያዋነ ሀራ ኡሱፑን ታሙ ዎልቃማ አሳቱዋ አፌዳ።
2KI 25:20 ካፑ ናቡዛራዳን ኡንቱንቱ ኡባ አኪደ፥ ባብሎነ ካትያኮ ርብላ ካታማ አፌዳ።
2KI 25:21 ያን ርብላ ካታማን፥ ሀማታ ጋድያን ባብሎነ ካቲ ኡንቱንታ ኡባ ዎꬍሴዳ። ሄዋዳን ሀኒደ፥ ይሁዳ አሳይ ባረ ጋድያፐ ኦሞደት ደንዲደ ቤዳ።
2KI 25:22 ሄዋፐ ጉይያን፥ ካቲ ናቡካዳናጾረ ሳፋና ናኣ ናኣ፥ አህቃማ ናኣ ገዳልያ፥ ባብሎነ ቤናን ይሁዳን አቴዳ አሳ ሞድያ ካፑዋ ኦꬂደ ሱንꬄዳ።
2KI 25:23 ኩሽያ እምቤና ይሁዳ ኦላ ጋዳዋቱነ ኦላንቻቱ ሄዋ ስሲደ፥ ምስጳን ደእያ ገዳልያን ቢደ ጋከቴድኖ። ሄ ጋዳዋቱ ናታንያ ናኣ እስማኤላ፥ ቃሬሀ ናኣ ዮሀናና፥ ናጾፋ ካታማፐ ዬዳ ታንሁሜታ ናኣ ሳራያነ ማእካፐ ዬዳ እት ብታንያ ናኣ ያዛንያ።
2KI 25:24 ገዳሊ ኡንቱንቶነ ኡንቱንቱ ኦላንቻቶ ጫቂደ፥ ሀዋዳን ያጌዳ፤ “ሀዋንቶ ባብሎነ ካፓቶ ያዮፕተ። ሀ ጋድያን ደእተ፤ ያቲደ ባብሎነ ካትያዉ ሞደትተ። ያቶፐ ሙለ ኡባባይ ህንተዉ ሎአ ግዳናዋ” ያጌዳ።
2KI 25:25 ሽን ላፑንꬃ አግናን ካትያ ዛርያ ግዴዳ ኤልሻማአ ናኣ ናታንያ ናአይ እስማኤለ ታሙ አሳና ምጽጳ ቢደ፥ ገዳልያነ አናና ደእያ ይሁዳ አሳነ ባብሎነ አሳ ኡባ ዎꬌዳ።
2KI 25:26 ሄዋፐ ጉይያን፥ ባብሎነ አሳዉ ያዪደ፥ ይሁዳ አሳይ፥ ቄራይ ዎጋይ አተናን፥ ኦላ ጋዳዋቱዋናካ ኡባይ ግብጼ ጋድያ ባቃቴድኖ።
2KI 25:27 ኤዊል-ማሮዳክ ካተቴዳ ላይꬅ ይሁዳ ካትያ እኮንያና ቃሹዋፐ ብሊደ ማሬዳ። ሄዌ ሀኔዳዌ እኮንያነ ኦሞደት ቃሸቲደ ቤዳ ሀታማነ ላፑንꬃ ላይꬅ፥ ታማነ ላኤንꬃ አግናን፥ ላታማነ ላፑንꬃ ጋላሳና።
2KI 25:28 ኤዊል-ማሮዳክ እኮንያናና ማልኦ ቃላ ሃሳዪደ፥ ባብሎነን ኦሞዱዋን ደእያ ሀራ ካተቱዋ ኡባፐ አꬂደ፥ አ ቦንቼዳ።
2KI 25:29 ሄዋ ድራዉ፥ እኮንያነ ቃሾ ጎለን ማዬዳ ማዩዋ ላሜዳ። እ አቴዳ ባረ ደኡዋ ላይꬃ ኡባን ካትያ ማዳፐ ሜዳ።
2KI 25:30 ሀቼ ሀቼ አዉ ኮሽያዋ ኡባ ባብሎነ ካቲ እሜዳ።
1CH 1:1 አዳመ ሴታ የሌዳ፤ ሴተ ሄኖሳ የሌዳ፤ ሄኖስ ቃይናና የሌዳ፤
1CH 1:2 ቃይናን ማላልኤላ የሌዳ፤ ማላልኤል ያሬዳ የሌዳ፤
1CH 1:3 ያሬድ ሄኖካ የሌዳ፤ ሄኖክ ማቱሳላ የሌዳ፤ ማቱሳል ላሜካ የሌዳ፤
1CH 1:4 ላሜክ ኖሀ የሌዳ። ኖሄ ሴማ፥ ካማነ ያፌታ የሌዳ።
1CH 1:5 ያፌታ አቱማ ናናይ ጎመራ፥ ማጎጋ፥ ማዳያ፥ ያዋና፥ ቱባላ፥ መሸካነ ቲራሳ።
1CH 1:6 ጎመራ አቱማ ናናይ አሽካናዛ፥ ሪፋታነ ቶጋርማ።
1CH 1:7 ያዋና አቱማ ናናይ ኤሊሻ፥ ታርሴሳ፥ ክቲማነ ሮዳ።
1CH 1:8 ካማ አቱማ ናናይ ኩሻ፥ ምጽራይማ፥ ፑጻነ ካናና።
1CH 1:9 ኩሻ አቱማ ናናይ ሳባ፥ ሀዊላ፥ ሳብታ፥ ራእማነ ሳብታካ። ራእማ አቱማ ናናይ ሳባነ ዳዳና።
1CH 1:10 ቃይ ኩሽ ናምሩዳ የሌዳ። ናምሩድ ሳኣን ዎልቃማ ኦላንቻ ግዴዳ።
1CH 1:11 ምጽራይም ሉደታ፥ አናመታ፥ ላሃበታ፥ ናፍቱሄታ፥
1CH 1:12 ፓትሮሳታ፥ ካስሉሄታነ ፕልስጼማ ዘረꬃ የሌዳ ካፍቶረታ የሌዳ።
1CH 1:13 ካናነ ባይራ ናኣ ሲዶናነ አ ቴፋ ሄታ የሌዳ፤
1CH 1:14 ቃይ ካናነ ያቡሳቱዋ፥ አሞረቱዋ፥ ገርጌሰቱዋ፥
1CH 1:15 ሂዌቱዋ፥ አርቀታ፥ ሲናታ፥
1CH 1:16 አርዋደታ፥ ጻማረታነ ሀማታታ የሌዳ።
1CH 1:17 ሴማ አቱማ ናናይ ኤላማ፥ አሶራ፥ አርፋክሳዳ፥ ሉዳ፥ አራማ፥ ኡጻ፥ ሁላ፥ ገቴራነ መሸካ።
1CH 1:18 አርፋክሳድ ሸላሀ የሌዳ፤ ሸላህ ኤቦራ የሌዳ።
1CH 1:19 ኤቦር ላኡ ናና የሌዳ፤ እቱ የለቴዳ ዎደ ሳአይ ሻከቴዳ ድራዉ፥ አ ሱንꬃይ ፔሌጋ ጌተቴዳ፤ አ እሻ ሱንꬃይ ዮቅጻና።
1CH 1:20 ዮቅጻን አልሞዳዳ፥ ሸሌፋ፥ ሀጻርማዌታ፥ የራሀ፥
1CH 1:21 ሀዶራማ፥ ኡዛላ፥ ዲቅላ፥
1CH 1:22 ኤባላ፥ አብማኤላ፥ ሳባ፥
1CH 1:23 ኦፊራ፥ ሀዊላነ ዮባባ የሌዳ። ሀዋንቱ ኡባቱ ዮቅጻና ዘረꬃ።
1CH 1:24 ሴማፐ ቢደ፥ አብራሃማ ጋካናዉ ደእያ የለታይ ሀዋፐ ካሊደ ጻፈቴዳዋ: ሴማ፥ አርፋክሳዳ፥ ሸላሀ፥
1CH 1:25 ኤቦራ፥ ፔሌጋ፥ ራአ፥
1CH 1:26 ሳሩጋ፥ ናኮራ፥ ታራነ
1CH 1:27 አብራሃማ ጌተቲደ ጼሰትያ አብራማ።
1CH 1:28 አብራሃማ አቱማ ናናይ ይሳቃነ እስማኤላ።
1CH 1:29 ኡንቱንቱ የለታይ ሀዋፐ ካሊደ ጻፈቴዳ። እስማኤላ ባይራይ ናባዮታ፤ ሄዋፐ ስምና ቄዳረ፥ አድብኤል፥ ምብሳም፥
1CH 1:30 ምሽማእ፥ ዱም፥ ማስ፥ ሀዳድ፥ ቴም፥
1CH 1:31 ይጹር፥ ናፊሽነ ቄድም የለቴድኖ። ሀዋንቱ እስማኤላ ናና።
1CH 1:32 አብራሃማ ቆማቱ ቃጹር አቱማ ናናይ ዚምራና፥ ዮቅሻና፥ ማዳና፥ ምድያማ፥ ይሽባቃነ ሹሀ። ዮቅሻና አቱማ ናናይ ሳባነ ዳዳና።
1CH 1:33 ምድያማ አቱማ ናናይ ኤፋ፥ ኤፌራ፥ ሀኖካ፥ አቢዳአነ ኤልዳአ። ሀዋንቱ ኡባቱ ቃጹር ዘረꬃ።
1CH 1:34 አብራሃመ ይሳቃ የሌዳ። ይሳቃ አቱማ ናናይ ኤሳነ እስራኤልያ።
1CH 1:35 ኤሳ አቱማ ናናይ ኤልፋዛ፥ ራኡኤላ፥ ይኡሻ፥ ያእላማነ ቆራሀ።
1CH 1:36 ኤልፋዛ አቱማ ናናይ ተማና፥ ኦማራ፥ ጻፋ፥ ጋእታማ፥ ቃናዛ፥ ትምናአነ አማሌቃ።
1CH 1:37 ራኡኤላ አቱማ ናናይ ናሃታ፥ ዛራሀ፥ ሻማነ ሚዛ።
1CH 1:38 ኤዶማን ኮይሮ ደኤዳ ሰኢራ አቱማ ናናይ ሎጻና፥ ሾባላ፥ ጽባኦና፥ አና፥ ድሾና፥ ኤጼራነ ድሻና።
1CH 1:39 ሎጻና አቱማ ናናይ ሆራነ ሆማማ፤ ሎጻና ምቻታ ትምናኦ።
1CH 1:40 ሾባላ አቱማ ናናይ አልዋና፥ ማናሃታ፥ ኤባላ፥ ሸፋነ ኦናማ። ጽባኦና አቱማ ናናይ አያነ አና።
1CH 1:41 አና ናአይ ድሾና። ድሾና አቱማ ናናይ ሄምዳና፥ ኤሽባና፥ ይትራናነ ካራና።
1CH 1:42 ኤጼራ አቱማ ናናይ ብልሃና፥ ዛእዋናነ አቃና። ድሻና አቱማ ናናይ ኡጻነ አራና።
1CH 1:43 እስራኤላን አያ ካቲ ካዉታናፐ ካሰ ኤዶማ ቢታን ካተቴዳ ካተቱ ሀዋፐ ካሊደ ጻፈቴዳዋንታ። ባኦራ ናአይ በላእ ካተቴዳ፤ አ ካታማ ሱንꬃይ ድናባ።
1CH 1:44 በላእ ሀይቂና፥ ቦጽራፐ ዬዳ ዛራሀ ናአይ ዮባብ አ ኮታን ካተቴዳ።
1CH 1:45 ዮባብ ሀይቂና፥ ተማና ጋድያፐ ዬዳ ሁሻም አ ኮታን ካተቴዳ።
1CH 1:46 ሁሻም ሀይቂና፥ ሞኣበ ጋድያን ምድያማቱዋ ጾኔዳ ባዳዳ ናኣ ሀዳድ አ ኮታን ካተቴዳ፤ አ ካታማ ሱንꬃይ አዊታ።
1CH 1:47 ሀዳድ ሀይቂና፥ ማስሬቃፐ ዬዳ ሳምል አ ኮታን ካተቴዳ።
1CH 1:48 ሳምል ሀይቂና፥ ሻፋ ማታን ደእያ ራሆቦታፐ ዬዳ ሻኡል አ ኮታን ካተቴዳ።
1CH 1:49 ሻኡል ሀይቂና፥ አክቦራ ናአይ ባኣልሀናን አ ኮታን ካተቴዳ።
1CH 1:50 ባኣልሀናን ሀይቂና፥ ሀዳድ አ ኮታን ካተቴዳ፤ አ ካታማ ሱንꬃይ ፓአ። አ ማቻታ መዛሃባ ናት ማጽሬድ ናቶ ማሄጻብኤሎ።
1CH 1:51 ሄዋፐ ጉይያን፥ ሀዳድ ሀይቄዳ። ኤዶማ ዛራቱዋ ካፓቱ ሀዋንታ: ትምናአ፥ አልዋ፥ የቴታ፥
1CH 1:52 ኦሆሊባማ፥ ኤልያ፥ ፒኖና፥
1CH 1:53 ቃናዛ፥ ተማና፥ ምብጻራ፥
1CH 1:54 ማግድኤላነ እራማ። ሀዋንቱ ኤዶማ ካፓቱዋ።
1CH 2:1 እስራኤልያ አቱማ ናናይ ሀዋንታ: ሮቤላ፥ ስሞና፥ ሌዊያ፥ ይሁዳ፥ ይሳኮራ፥ ዛብሎና፥
1CH 2:2 ዳና፥ ዮሴፋ፥ ቢንያማ፥ ንፍታሌማ፥ ጋዳነ አሴራ።
1CH 2:3 ካናነ ባትሹእፐ ይሁዳይ የሌዳ ሄዙ አቱማ ናናይ ኤራ፥ ኦናናነ ሼላ። ይሁዳ ናአይ ባይራይ፥ ኤር መꬍና ጎዳ ስንꬃን ኢታባ ኦꬄዳ ድራዉ፥ መꬍና ጎዳይ አ ዎꬌዳ።
1CH 2:4 ይሁዳ ናኣ ማቻታ ትእማራ ይሁዳዉ ፓሬሳነ ዛራሀ የላዱ። ይሁዳዉ ኡባና እቼሹ አቱማ ናናይ ደኢኖ።
1CH 2:5 ፓሬሳ አቱማ ናናይ ሄጽሮናነ ሀሙላ።
1CH 2:6 ዛራሀ አቱማ ናናይ ዝምራ፥ ኤታና፥ ሄማና፥ ካልኮላነ ዳርዳአ፤ ኡንቱንቱ ኡባና እቼሻ።
1CH 2:7 ዛራሀ ዘረꬃፐ ግዴዳ ካርማ ናአይ አካን ጺንያ ጌተት ኡቴዳ ሚሻ ኦሞዱዋ አኪደ፥ እስራኤልያ አሳ ዋይሴዳዋ።
1CH 2:8 ኤታና ናአይ አዛርያ።
1CH 2:9 ሄጽሮነ የሌዳ ናናይ ይራህማኤላ፥ ራማነ ካሌባ።
1CH 2:10 ራመ አምናዳባ የሌዳ። አምናዳበ ይሁዳ ዛራቱዋ ካፑዋ ናአሶና የሌዳ።
1CH 2:11 ናአሶነ ሳልሞና የሌዳ፤ ሳልሞን ቦኤዛ የሌዳ፤
1CH 2:12 ቦኤዘ ዮቤዳ የሌዳ፤ ዮቤድ እሰያ የሌዳ።
1CH 2:13 እሰይ ባረ ባይራ ናኣ ኤልኣባ፥ ላኤንꬆ ናኣ አምናዳባ፥ ሄዘንꬆ ናኣ ሻማ፥
1CH 2:14 ኦይደንꬆ ናኣ ናታንኤላ፥ እቼሻንꬆ ናኣ ራዳያ፥
1CH 2:15 ኡሱፑንꬆ ናኣ ኦጼማነ ላፑንꬃ ናአይ ዳዊታ የሌዳ።
1CH 2:16 እሰያ ማጫ ናናይ ጻሩዮነ አብጋሎ። ጻሩይ ናናይ ሄዛቱ አብሻያ፥ ዮኣባነ አሳሄላ።
1CH 2:17 አብጋላ አማሳ የላዱ፤ አማሳ አዉ እስማኤልያ የተራ።
1CH 2:18 ሄጽሮና ናአይ ካሌብ ባረ ማቻት አዙብና፥ ይሪኦቶ ጌተትያ ናቶ የሌዳ። ይሪኦታ የሼራ፥ ሾባባነ አርዶና የላዱ።
1CH 2:19 አዙባ ሀይቂና፥ ካሌብ ኤፍራቶ አኬዳ፤ ኤፍራታ ሁራ የላዱ።
1CH 2:20 ሁር ኡራ የሌዳ፤ ኡር ባጻልኤላ የሌዳ።
1CH 2:21 ሄጽሮነ ኡሱፑን ታሙ ላይꬃፐ ጉይያን፥ ጋላኣደ አዉዋ ማክራ ናቶ አኪደ፥ ሳጉባ የሌዳ።
1CH 2:22 ሳጉብ ያኢራ የሌዳ። ያኢር በን ጋላኣደ ጋድያን ላታማነ ሄዙ ካታማቱዋ ሞዴዳ።
1CH 2:23 ሽን ጋሹራነ ሶርያ ካተቱ ሀቦት-ያኢራ ካታማቱዋ ቃናታነ አ ሄራቱዋ ኡሱፑን ታሙ ካታማቱዋ ኦለቲደ ኦይቄድኖ፤ ያን ደኤዳ አሳይ ኡባይ ጋላኣደ አዉዋ ማክራ ዛርያ።
1CH 2:24 ሄጽሮነ ካሌባ ኤፍራታ ግያ ሳን ሀይቄዳዋፐ ጉይያን፥ ሄጽሮና ማቻታ አቢያ ታቆአ አዉዋ አሽሁራ የላዱ።
1CH 2:25 ሄጽሮና ናኣ ባይራ ይራህማኤላ ናአይ ባይራይ ራማ፤ ቴፋቱ ቡና፥ ኦሬና፥ ኦጼማነ አኪያ።
1CH 2:26 ይራህማኤላዉ አታሮ ጌተትያ ሀራ ማቻታ ደአዉ፤ አታራ ኦናማ ዳዮ።
1CH 2:27 ይራህማኤላ ናኣ ባይራ ራማ ናናይ ማኣጻ፥ ያሚናነ ኤቄራ።
1CH 2:28 ኦናማ ናናይ ሻማያነ ያደ። ሻማያ ናናይ ናዳባነ አብሹራ።
1CH 2:29 አብሹራ ማቻታ አብሀይላ አህባናነ ሞሊዳ የላዱ።
1CH 2:30 ናዳባ አቱማ ናናይ ሰለዳነ አፋይማ፤ ሰለድ ናኣ የለናን ሀይቄዳ።
1CH 2:31 አፋይማ ናአይ ይሽአ፤ ይሽአ ናአይ ሼሻና፤ ሼሻና ናአይ አህላያ።
1CH 2:32 ሻማያ እሻ ያደ ናናይ የተራነ ዮናታና፤ የተር ናኣ የለናን ሀይቄዳ።
1CH 2:33 ዮናታና ናናይ ፐሌታነ ዛዛ። ሀዋንቱ ይራህማኤላ ዘረꬃ።
1CH 2:34 ሼሻናዉ ማጫዋፐ አትና፥ አቱማ ናናይ ባዋ። ሼሻናዉ ያርሀአ ጌተትያ ቆማይ ግብጼ ጋድያፐ ዬዳዌ ደኤ።
1CH 2:35 ሼሻን ባረ ቆማ ያርሀአዉ ባረ ማጫ ናናቱዋፐ እትኖ እምና ናታ አታያ የላዱ።
1CH 2:36 አታይ ናታና የሌዳ፤ ናታን ዛባዳ የሌዳ፤
1CH 2:37 ዛባድ ኤፍላላ የሌዳ፤ ኤፍላል ዮቤዳ የሌዳ፤
1CH 2:38 ዮቤድ ዬሀ የሌዳ፤ ዬሁ አዛርያ የሌዳ፤
1CH 2:39 አዛሪ ሄሌጻ የሌዳ፤ ሄሌጽ ኤልኣሳ የሌዳ፤
1CH 2:40 ኤልኣስ ስስማያ የሌዳ፤ ስስማይ ሻሉማ የሌዳ፤
1CH 2:41 ሻሉም ይቃምያ የሌዳ፤ ይቃመ ኤልሻማአ የሌዳ።
1CH 2:42 ይራህማኤላ እሻ ካሌባ ናአይ ባይራይ ሜሻ። ሜሻ ናአይ ዚፋ፤ ዚፋ ናአይ ማሬሻ፤ ማሬሻ ናአይ ከብሮና።
1CH 2:43 ከብሮነ ናናይ ቆራሀ፥ ታፑሀ፥ ረቄማነ ሸማአ።
1CH 2:44 ሸማእ ዮርቃኣማ አዉዋ ራሃማ የሌዳ። ረቄም ሻማያ የሌዳ።
1CH 2:45 ሻማያ ናአይ ማኦና። ማኦን ቤትጹራ የሌዳ።
1CH 2:46 ካሌባ ቆማታ ኤፋ ሃራና፥ ሞጻነ ጋዜዛ የላዱ፤ ሃራን ጋዜዛ የሌዳ።
1CH 2:47 ያህዳያ ናናይ ረጌማ፥ ዮኣታማ፥ ገሻና፥ ፐሌጻ፥ ኤፋነ ሻኣፋ።
1CH 2:48 ካሌባ ቆማታ ማእካ ሸቤራነ ትርሃና የላዱ።
1CH 2:49 ቃይካ ማእካ ሻኣፋነ ሻዋ የላዱ። ሻኣፍ ማድማና የሌዳ። ሻው ማክቤናነ ግባአ የሌዳ። ካሌባ ናታ አክሶ።
1CH 2:50 ካሌባ ናናይ ሀራቱ ሀዋፐ ካሊደ ጻፈቴድኖ። ካሌብ ባረ ባይራ ናኣ ሁራ ባረ ማቻት ኤፍራትን የሌዳ። ሁራ ናናይ ቅርያት-ይኣሪማ አዉዋ ሾባላ፥
1CH 2:51 ቤታልሄማ አዉዋ ሳልሞናነ ቤት-ጋዴራ አዉዋ ሀሬፋ።
1CH 2:52 ቅርያት-ይኣሪማ አዉዋ ሾባላ ያራቱ ሀሮኤታታነ ማኑሆታ ያራቱዋፐ ባጋቱዋ።
1CH 2:53 ቅርያት-ይኣሪማ ያራቱ ያትራታ፥ ፑታታ፥ ሹማታታነ ምሽራአታ። ጾርአትነ ኤሽታኦላት ሀዋንቱፐ የለቴድኖ።
1CH 2:54 ቤታልሄማ አዉዋ ሳልሞና ያራቱ ናጾፋታ፥ አጽሮት-ቤታዮኣባታ፥ ማኑሆታ ያራቱዋፐ አትያ ባጋቱዋነ ጾርአታ።
1CH 2:55 ያቤጻ ካታማን ደእያ ጻፍያዋንቱ ያራቱ ቃይ ትርአታ፥ ሽምኣታታነ ሱካታ። ሀዋንቱ ረካባቱ አዉዋ ሃማቱዋፐ የለቴዳ ቄናታ።
1CH 3:1 ከብሮነ ካታማን ዳዊተ የሌዳ ናናይ፤ እዝራኤልያ አህኖኣማ የሌዳ አ ባይራይ አምኖና። ቃርመሎስያ አብጋላ የሌዳ አ ላኤንꬆ ናአይ ዳኔላ።
1CH 3:2 ጋሹራ ጋድያ ካትያ ታልማያ ናታ ማእካ የሌዳ አ ሄዘንꬆ ናአይ አበሰሎማ። ሀጊታ የሌዳ አ ኦይደንꬆ ናአይ አዶንያና።
1CH 3:3 አቢጻላ የሌዳ አ እቼሻንꬆ ናአይ ሻፋጽያ። አ ማቻታ ኤግላ የሌዳ አ ኡሱፑንꬃ ናአይ ይትራኣማ።
1CH 3:4 ዳዊተ ሄ ኡሱፑን ናና ከብሮናን የሌዳ። ዳዊተ ከብሮናን ላፑን ላይꬃነ ኡሱፑን አግና ካተቴዳ። ቃይ የሩሳላመን ሀታማነ ሄዙ ላይꬃ ካተቴዳ።
1CH 3:5 ዳዊተ የሩሳላመን የሌዳ ናናይ ኦይዳቱ አምኤላ ናታ በርሳባ የሌዳ ሽምአ፥ ሾባባ፥ ናታናነ ሶሎሞና።
1CH 3:6 ቃይ ሀራ ኡዱፑን አቱማ ናናይ ይብሃራ፥ ኤልሻማአ፥ ኤልፈሌጻ፥
1CH 3:7 ኖጋሀ፥ ነፌጋ፥ ያፍአ፥
1CH 3:8 ኤልሻማአ፥ ኤልያዳአነ ኤልፈሌጻ።
1CH 3:9 ሀ አቱማ ናና ኡባ ቦላካ ዳዊታዉ ሀራ ማቻቱዋፐ የለቴዳ አቱማ ናናይ ደኢኖ፤ ቃይ ታማራ ሀ አቱማ ናና ምቻቶ።
1CH 3:10 ካትያ ሶሎሞነ ናአይ ሮብኣማ፤ ሮብኣማ ናአይ አቢያ፤ አቢያ ናአይ አሳ፤ አሳ ናአይ ዮሳፌጻ፤
1CH 3:11 ዮሳፌጻ ናአይ ዮራማ፤ ዮራማ ናአይ አካዝያሳ፤ አካዝያሳ ናአይ ዮኣሻ፤
1CH 3:12 ዮኣሻ ናአይ አመስያሳ፤ አመስያሳ ናአይ ኦዝያና፤ ኦዝያና ናአይ ዮኣታማ፤
1CH 3:13 ዮኣታማ ናአይ አካዛ፤ አካዛ ናአይ ህዝቂያሳ፤ ህዝቂያሳ ናአይ ምናሳ፤
1CH 3:14 ምናሰ ናአይ አሞና፤ አሞና ናአይ ዮስያሳ።
1CH 3:15 ዮስያሳ ናአይ ባይራይ ዮሀናና፤ ላኤንꬁ ዮኣቄማ፤ ሄዘንꬁ ሰደቅያሳ፤ ኦይደንꬁ ሻሉማ።
1CH 3:16 ዮኣቄማ ናናይ ዮኣኪናነ ሰደቅያሳ።
1CH 3:17 ኦሞደቲደ ባብሎነ ቤዳ ዮኣኪና አቱማ ናናይ ሳላትያላ፥
1CH 3:18 ማልክራማ፥ ፓዳያ፥ ሸናጻራ፥ ይቃምያ፥ ሆሻማአነ ናዳብያ።
1CH 3:19 ፓዳያ አቱማ ናናይ ዛሩባቤላነ ሽምአ። ዛሩባቤላ አቱማ ናናይ ማሹላማነ ሀናንያ፤ ኡንቱንቱ ምቻታ ሻሎሚቶ።
1CH 3:20 ሀዋንቱ ቦላን ሀራ እቼሹ አቱማ ናናይ ዛሩባቤላዉ ደኢኖ፤ ኡንቱንቱካ ሃሹባ፥ ኦሄላ፥ በረክያ፥ ሀሳድያነ ዩሻብ-ሄሴዳ።
1CH 3:21 ሀናንያ አቱማ ናናይ ፓላጽያነ ይሻእያ። ይሻእያ ናአይ ራፋያ፤ ራፋያ ናአይ አርናና፤ አርናና ናአይ ኦባድያ፤ ኦባድያ ናአይ ሻካንያ፤
1CH 3:22 ሻካንያዉ ኡሱፑን ናናይ ደኤ፤ ሻማእያ ግያ አ ናአይነ ናኣ ናናቱ፥ ሀጹኡሻ፥ ይግኣላ፥ ባርያሀ፥ ናኣርያነ ሻፋጻ።
1CH 3:23 ናኣርያ ናናይ ሄዛቱ ኤልዮኤናያ፥ ህዝቃነ አዝርቃማ።
1CH 3:24 ኤልዮኤናያ ናናይ ላፑናቱ ሆዳዊያ፥ ኤልያሽባ፥ ፓላያ፥ አቁባ፥ ዮሀናና፥ ዳላያነ አናና።
1CH 4:1 ይሁዳ ዛራቱ ፓሬሳ፥ ሄጽሮና፥ ካርማ፥ ሁራነ ሾባላ።
1CH 4:2 ሾባላ ናአይ ራኣይ ያሃታ የሌዳ፤ ያሃት አሁማያነ ላሃዳ የሌዳ። ሀዋንቱ ጾርአቱ ያራቱዋ።
1CH 4:3 ሁር ባረ ዳይ ኤፍራትዉ ባይራ ናኣ፤ ሁር ቤታልሄማ የሌዳ። ኤጻማ አቱማ ናናይ እዝራኤላ፥ ዩሽማነ ይድባሻ፤ ኡንቱንቱ ምቻታ ሀጽለልፖኖ። ፓኑኤል ጋዶራ የሌዳ። ኤጼር ሁሻ የሌዳ። ሀዋንቱ ሁራ ያራቱዋ።
1CH 4:5 ታቆአ አዉዋ አሽሁራዉ ሄሎነ ናእሮ ጌተትያ ላኡ ማጫ አሳቱ ደኢኖ።
1CH 4:6 ናእራ አሁዛማ፥ ሄፌራ፥ ተምናነ አሀሽታራ አሽሁራዉ የላዱ፤ ሀዋንቱ ናእር ናና።
1CH 4:7 ሄላ ጼረታ፥ ጾሃራነ ኤትናና አሽሁራዉ የላዱ።
1CH 4:8 ቆጽ አኑባ፥ ጾቤባነ ሀሩማ ናኣ አሀርሄላ ያራቱዋ የሌዳ።
1CH 4:9 ያቤጽ ባረ እሻቱዋ ኡባፐ አꬍ ቦንቼቴ። አ ዳያ፥ “ታን አ ኢታ የሉዋን የሌዳ ድራዉ፥ አ ሱንꬃይ ያቤጻ” ጋደ ሱንꬃዱ።
1CH 4:10 ያቤጽ እስራኤልያ ጾሳ ጼሲደ፥ “አቤት ጾሳዉ፥ ሀይ ታና ኔን አንጃ፤ ታ ጋድያካ አሳ። ታናና እትፐ ግዳ፤ ታና ሳከናዳን ታና ቆህያባፐ ኔን ናጋ” ያጊደ ዎሴዳ። ጾሳይ አ ዎሳ ስሴዳ።
1CH 4:11 ሹሀ እሻይ ካሉብ ማሂራ የሌዳ፤ ማሂር ኤሽቶና የሌዳ።
1CH 4:12 ኤሽቶን ቤትራፋ፥ ፓሴሀነ ታህና የሌዳ። ታህን እር-ናሃሻ ካታማ አሳ የሌዳ። ሀዋንቱ ሬካ ጋድያን ደኤድኖ።
1CH 4:13 ቃናዛ ናናይ ኦትንኤላነ ሳራያ፤ ኦትንኤላ ናናይ ሀታታነ ማኦኖታያ።
1CH 4:14 ማኦኖታይ ኦፍራ የሌዳ። ሳራይ ዮኣባ የሌዳ። ዮኣበ ጀ-ሀራሺማ የሌዳ፤ ኩሽያ ሂላንቻቱዋ ግድያ አሳቱዋ የሌዳ።
1CH 4:15 ይፉነ ናኣ ካሌባ ናናይ እራ፥ ኤልያነ ናኣማ። ኤልያ ናአይ ቃናዛ።
1CH 4:16 ይሃልኤላ ናናይ ዚፋ፥ ዚፋሀ፥ ቲራያነ አሳርኤላ።
1CH 4:17 ኤዝራ ናናይ የተራ፥ መረዳ፥ ኤፌራነ ያሎና። መረድ ግብጼ ካትያ ናቶ ቢቶ አክና እዛ ሚርያሞ፥ ሻማያነ ይሽባ አዉ የላዱ። ይሽብ ኤሽታሞአ የሌዳ።
1CH 4:18 ይሁዳ ጋድያፐ አኬዳ ማቻታ ጋዶራ አዉዋ የሬዳ፥ ሶኮ አዉዋ ሄቤራነ ዛኖሀ አዉዋ ያቂትኤላ መረዳዉ የላዱ።
1CH 4:19 ናሃማ ምቻት፥ ሆድያ ማቻት ናናይ ጋርማን ደኤዳ ቃኢላ አዉዋነ ማእካን ደኤዳ ኤሽታሞአ አዉዋ።
1CH 4:20 ሽሞና ናናይ አምኖና፥ ሪና፥ በንሀናናነ ቲሎና። ይሽአ ናናይ ዞሄታነ በንዞሄታ።
1CH 4:21 ይሁዳ ናኣ ሼላ ዛራቱ ሌካ አዉዋ ኤራ፥ ማሬሻ አዉዋ ላእዳነ ቤት-አሽቤአ ካታማን ደእያ ሱፍያ ጌተትያ ማዩዋ ዳድያዋንቱ ያራቱዋ።
1CH 4:22 ሀራቱ ቃይ ዮቂማ፥ ዮኣሻ፥ ያሹብልሄማ፥ ሞኣበ ጋድያ ሞዴዳ ሳራፋነ ኮዜባ ካታማን ደኤዳ አሳቱዋ። ሀ የለታ ማዝጎባይ በን ዎደፐካ ደእያዋ።
1CH 4:23 ሀዋንቱ ናጻኢማንነ ጋዴራን ደኤዳ ኡርቃ መꬍያ አሳቱዋ። ኡንቱንቱ ካትያ ኪታ ኦꬃናዉ አናና እትፐ ደኤድኖ።
1CH 4:24 ስሞና ናናይ ነሙኤላ፥ ያሚና፥ ያሪባ፥ ዛራሀነ ሻኡላ።
1CH 4:25 ሻኡላ ናአይ ሻሉማ፤ ሻሉማ ናአይ ምብሳማ፤ ምብሳማ ናአይ ምሽማአ፤
1CH 4:26 ምሽማአ ናአይ ሀሙኤላ፤ ሀሙኤላ ናአይ ዛኩራ፤ ዛኩራ ናአይ ሽምአ።
1CH 4:27 ሽምአዉ ታማነ ኡሱፑን አቱማ ናናይነ ኡሱፑን ማጫ ናናይ ደኢኖ፤ ሽን አ እሻቶ ጮራ ናናይ ባዋ። ይሁዳ ዛራቱዋዳን ስሞና ዛራቱ ጮራትበይክኖ።
1CH 4:28 ስሞና ዛራቱ በርሳበሀ ካታማንነ ሞላዳ፥ ሀጻር-ሹኣላ፥
1CH 4:29 ባላ፥ ኤጼማ፥ ቶላዳ፥
1CH 4:30 ባቱኤላ፥ ሆርማ፥ ጽቅላጋ፥
1CH 4:31 ቤት-ማርካቦታ፥ ሆጻር-ሱሲማ፥ ቤትቢራነ ሻእራይማ ካታማቱዋን ደኤድኖ። ዳዊተ ካተታና ጋካናዉ ሀዋንቱ ኡንቱንቱ ካታማቱዋ ግዲደ ደኤድኖ።
1CH 4:32 ቃይ ኡንቱንቱ ሞꬃቱ ኤጻማ፥ አይና፥ ርሞና፥ ቶኬናነ አሻና። ኡንቱንቱ ኡባና እቼሹ ካታማቱዋ።
1CH 4:33 ባኣላታ ጋካናዉ፥ ሀ ካታማቱዋ ዩሹዋን ደእያ ሞꬃቱ ኡባይ ኡንቱንቱን ጉጀቲኖ። ሀዋንታ ኡንቱንቱ ደኤዳ ሳኣ ኡንቱንቱ ባረንቱ የለታ ማራን ማዝጎብያን ጻፊደ ኦይቄድኖ።
1CH 4:34 ስሞና ያራቱ ካፓቱ ሀዋፐ ካሊደ ጻፈቴዳዋንታ። ኡንቱንቱ ማሾባባ፥ ያምሌካ፥ አመስያሳ ናኣ ዮሻ፥
1CH 4:35 ዩኤላነ ዮሺብያ ናኣ ዬሀ። ዬሁ አዉዋ አዉ አሳኤላ ናኣ ሳራያ።
1CH 4:36 ሀራ ካፓቱ ቃይ ኤልዮኤናያ፥ ያእኮባ፥ ያሾሃያ፥ አሳያ፥ አዲኤላ፥ ያሽምኤላ፥ ባናያነ
1CH 4:37 ዚዛ። ዚዝ ሽፍአ ናኣ፤ ሽፍእ አሎና ናኣ፤ አሎን ያዳያ ናኣ፤ ያዳይ ሺምራ ናኣ፤ ሺምር ሻማእያ ናኣ።
1CH 4:38 ስሞና ያራቱ ካፓቱ ሀዋንታ። ኡንቱንቱ አዎቱዋ ዘረꬃይ ሎይꬅ ጮራቴዳ።
1CH 4:39 ኡንቱንቱ ባረንቱ መህያዉ ሄምያ ሳኣ ኮያናዉ ጋዶራ ገልያ ሳኣ ማታን ደእያ ዎምባዉ አዋይ ዶልያ ባጋና ደእያ ሳኣ ጋካናዉ ቤድኖ።
1CH 4:40 እት ሎይꬅ አራዴዳ ሎኦ ሄምያ ሳኣ ደሜድኖ፤ ሄ ቢታይ ዎፓይነ ሳሮተꬃይ ኩሜዳ አኮ ቢታ። በን ዎደ ሄ ጋድያን ደኤዳዋንቱ ካማ ዘረꬃቱዋ።
1CH 4:41 ሀዋፐ ቆሞ ባጋና ሱንꬃይ ጻፈቴዳ ስሞና ዛራቱ ይሁዳ ካትያ ህዝቂያሳ ዎደ ጋዶራ ጋድያ ቢደ፥ ያን ደእያ ካማ ዘረꬃቱዋነ ማኡና አሳቱዋ ኦለቲደ ꬋይሴድኖ። ሄ ጋድያን ኡንቱንቱ መህያዉ ሄምያ ሳአይ ደእያ ድራዉ፥ ስሞና ዛራቱ ሀቼ ጋꬃናዉ ያን ኡቴድኖ።
1CH 4:42 ስሞና ዛራቱዋፐ እቼሹ ጼቱ አሳቱ ሰኢራ ደርያኮ ቤድኖ። ኡንቱንቱ ካፓቱ ፓላጽያ፥ ናኣርያ፥ ራፋያነ ኡዝኤላ፤ ኡንቱንቱ ይሽአ ናና።
1CH 4:43 አማሌቃ አሳቱዋፐ ካሰ ባቃት አቴዳዉንታ ስሞና አሳቱ ꬋይሴድኖ። ኡንቱንቱ ሀቼ ጋካናዉ ሄ ቢታን ደኢኖ።
1CH 5:1 እስራኤልያ ናኣ ባይራ ሮቤላ የለታይ ሀዋፐ ካሊደ ጻፈቴዳዋ። ሮቤል ባይራ ናኣ፤ ሽን ባረ አዉዋ ግሱዋ እ ቱንሴዳ ድራዉ፥ ባይራተꬃዉ በስያባይ እስራኤልያ ናኣ ዮሴፎ ናናዉ እመቴዳ። ሄዋ ድራዉ፥ እ የለታን ባይራ ግዴዳዌ ጻፈትቤና።
1CH 5:2 ይሁዳይ ባረ እሻቱዋፐ ምኔዳ፤ አ ባይራተꬃይ ዮሴፎ እመቴዳዋ ግዶፐነ፥ እስራኤልያ አሳ ሞድያዌ ይሁዳፐ ከሴዳ።
1CH 5:3 እስራኤልያ ናኣ ባይራ ሮቤላ አቱማ ናናይ ሀኖካ፥ ፓላ፥ ሄጽሮናነ ካርማ።
1CH 5:4 ዩኤላ ናአይ ሻማእያ፤ ሻማእያ ናአይ ጎጋ፤ ጎጋ ናአይ ሽምአ፤
1CH 5:5 ሽምአ ናአይ ሚክያሳ፤ ሚክያሳ ናአይ ራኣያ፤ ራኣያ ናአይ ባኣላ።
1CH 5:6 ባኣላ ናአይ አሶረ ካትያ ትግላት-ፓለሴር ኦሞዲደ አፌዳ ባኤራ፤ ባኤር ሮቤላ ዛራቱዋ ካፑዋ።
1CH 5:7 ባኤራ ዳቦቱ፥ ባረንቱ የለታ ማዝጎብያን ጻፈቴዳ ሮቤላ ያራቱ ካፓቱ ይእኤላ፥ ዛካራሳነ
1CH 5:8 በላአ። በላእ አዛዛ ናኣ፤ አዛዚ ሸማአ ናኣ፤ ሸማእ ዩኤላ ዛርያ። ዩኤላ ዛራቱ አሮኤራ ካታማን፥ ናቦ ቢታንነ ባኣል-ማኦና ጋድያን ደኤድኖ።
1CH 5:9 ሮቤላ ዛራቱዋ መሂ ጋላኣደን ጮራቴዳ ድራዉ፥ ኡንቱንቱ ያፐ አዋይ ዶልያ ባጋ ቢደ፥ ኤፍራጺሳ ሻፋ ጋካናዉ ምጨቴዳ መላ ቢታን ኡቴድኖ።
1CH 5:10 ሳኦላ ላይꬃን አጋራቱዋ ያራቱዋና ሮቤላ ያራቱ ኦለትና፥ ሮቤላ ያራቱ ጾኔድኖ። ጋላኣደፐ አዋይ ዶልያ ባጋና ደእያ አጋራቱዋ ያራቱ ጋድያን ኡቴድኖ።
1CH 5:11 ጋደ ዛራቱ ሮቤላ ዛራቱዋፐ ሁጲሳ ባጋን፥ ሳላካ ጋካናዉ ደእያ ባሳነ ጋድያን ኡቴድኖ።
1CH 5:12 ዩኤል ኮይሮ ያራቶ ካፑዋ፤ ሻፋም ላኤንꬆ ያራቶ ካፑዋ። ያእናይነ ሻፋጽ ባሳነን ኡቴዳ ያራቶ ካፓቱዋ።
1CH 5:13 ኡንቱንቱ ዳቦቱ፥ ላፑን ያራቱዋ ካፓቱ፥ ምካኤላ፥ ማሹላማ፥ ሳባ፥ ዮራያ፥ ያእካና፥ ዚአነ ኤቤራ።
1CH 5:14 ሀዋንቱ አብሀይላ ናናይ ቡዛ ዘረꬃ። ቡዝ ያህዳ የሌዳ፤ ያህድ የሽሻያ የሌዳ፤ የሽሻይ ምካኤላ የሌዳ፤ ምካኤል ጋላኣደ የሌዳ፤ ጋላኣደ ያሮሀ የሌዳ፤ ያሮህ ሁራ የሌዳ፤ ሁር አብሀይላ የሌዳ።
1CH 5:15 ኡንቱንቱ አዎቱዋ ሶ ካፑ ጉና ናኣ ናኣ አብድኤላ ናኣ አሀ።
1CH 5:16 ኡንቱንቱ ጋላኣደንነ ባሳነን ሄ ቢታቱዋ ካታማቱዋንነ ሳሮና ጋድያን መሂ ሄመትያ ግሹዋን ኡቴድኖ።
1CH 5:17 ሀዋንቱ ኡባ የለታይ ይሁዳ ካትያ ዮኣታማ ዎደነ እስራኤልያ ካትያ እዮርባማ ዎደ የለታ ማዝጎብያን ጻፈቴዳ።
1CH 5:18 ሮቤላ ዛራቱዋፐ፥ ጋደ ዛራቱዋፐነ ምናሰ ዛራቱዋፐ ባጋቱዋፐ ኦላንቻቱ፥ ዎልቃማቱ፥ ጎንዳልያነ ማሻ ኦይቂያዋንቱ፥ ዎንዳፍያን ዱካን ሎሄዳዋንቱነ ኦላ ሳልፕያ ኤርያዋንቱ ኦይታማነ ኦይዱ ሻአነ ላፑን ጼታነ ኡሱፑን ታማ።
1CH 5:19 ኡንቱንቱ አጋራቱዋ ያራቱዋና፥ ይጹራቱዋና፥ ናፊሻቱዋነ ኖዳባቱዋና ኦለቴድኖ።
1CH 5:20 ኡንቱንቱ ሄ አሳቱዋና ኦለቲደ፥ ጾሳኮ ዋሴዳ ድራዉ፥ ማዱዋ ደሜድኖ። ኡንቱንቱ ጾሳን አማነቴዳ ድራዉ፥ እ ኡንቱንቶ ዎሰቴዳ። ሄዋ ድራዉ፥ አጋራቱዋ ያራቱዋነ ኡንቱንቱና ደእያ ሀራቱ ኡንቱንቱ ኩሽያን ገሌድኖ።
1CH 5:21 ባረንቱ ሞርከቱዋፐ እሻታሙ ሻአ ጋሎቱዋ፥ ላኡ ጼታነ እሻታሙ ሻአ ዶርሳቱዋ፥ ላኡ ሻአ ሀረቱዋነ ጼቱ ሻአ አሳቱዋ ኦሞዲደ አፌድኖ።
1CH 5:22 ኦላይ ጾሳዋ ግዴዳ ድራዉ፥ ዳራቱ ሀይቄድኖ። ጾኔዳዋንቱ ኦሞዱዋ ዎዲ ጋካናስካ ሄ አሳቱዋ ኮሽያን ኡቴድኖ።
1CH 5:23 ምናሰ ዛራቱዋፐ ባካ ያራቱ ባሳነፐ ዶሚደ፥ ባኣል-ሄርሞነ፥ ሳኒራነ ሄርሞነ ደርያ ጋካናዉ ደእያ ሄ ቢታቱዋን ኡቴድኖ፤ ኡንቱንቱ ሄ ግሹዋን ጮራቴድኖ።
1CH 5:24 ኡንቱንቱ አዎቱዋ ሶይ ካፓቱ ኤፌራ፥ ይሽአ፥ ኤልኤላ፥ አዝርኤላ፥ ኤርማሳ፥ ሆዳዊያነ ያህድኤላ። ሀዋንቱ ኡንቱንቱ አዉዋ ጎለን ኤረቴዳ፥ ጻላነ ዎልቃማ አሳቱዋ።
1CH 5:25 ሽን ሀ ዛራቱ ባረንቱ አዎቱዋ ጾሳ ናቀድኖ፤ ጾሳይ ኡንቱንቱ ስንꬃፐ ꬋይሴዳ ሄ ጋድያ አሳቱዋ ጾሳቱዋና ሻርሙጼድኖ።
1CH 5:26 ሄዋ ድራዉ፥ እስራኤልያ ጾሳይ ትግላት-ፓለሴራ ዎይ ፑላ ጌተትያ አሶረ ካትያ አያና ደንꬄዳ። ያቲደ ሮቤላ ዘረꬃ፥ ጋደ ዛራቱዋነ ምናሰ ዛራቱዋፐ ባጋቱዋ ኦሞዲደ፥ ሀላሀ፥ ሀቦራነ ሃራ ቢታቱዋነ ጎዛና ሻፋ አፌዳ። ኡንቱንቱ ሀቼ ጋካናዉ ያን ደኢኖ።
1CH 6:1 ሌዊያ ናናይ ገርሾና፥ ቃሃታነ ማራራ።
1CH 6:2 ቃሃታ ናናይ አምራማ፥ ይጽሃራ፥ ከብሮናነ ኡዝኤላ።
1CH 6:3 አምራማ ናናይ አሮና፥ ሙሳነ ሚርያሞ። አሮና ናናይ ናዳባ፥ አቢሀ፥ ኤልኣዛራነ እታማራ።
1CH 6:4 ኤልኣዛረ ፒንሃሳ የሌዳ፤ ፒንሃስ አብሹአ የሌዳ፤ አብሹእ ቡቃ የሌዳ፤
1CH 6:5 ቡቅ ኡዛ የሌዳ፤
1CH 6:6 ኡዝ ዛራህያ የሌዳ፤ ዛራሄ ማራዮታ የሌዳ፤
1CH 6:7 ማራዮት አማርያ የሌዳ፤ አማር አህጹባ የሌዳ፤
1CH 6:8 አህጹብ ጻዶቃ የሌዳ፤ ጻዶቀ አህማኣቃ የሌዳ፤
1CH 6:9 አህማኣጽ አዛርያሳ የሌዳ፤ አዛርያስ ዮሀናና የሌዳ፤
1CH 6:10 ዮሀናን አዛርያሳ የሌዳ። ሶሎሞነ የሩሳላመን ኬጽሴዳ ጌሻ ጎልያ ኦꬄዳ ቄሲ አዛርያሳ።
1CH 6:11 አዛርያስ አማርያ የሌዳ፤ አማር አህጹባ የሌዳ፤
1CH 6:12 አህጹብ ጻዶቃ የሌዳ፤ ጻዶቀ ሻሉማ የሌዳ፤
1CH 6:13 ሻሉም ህልቂያ የሌዳ፤ ህልቂ አዛርያሳ የሌዳ፤
1CH 6:14 አዛርያስ ሳራያ የሌዳ፤ ሳራይ ዮጸዴቃ የሌዳ።
1CH 6:15 መꬍና ጎዳይ ይሁዳነ የሩሳላመ ናቡካዳናጾራን ኦሞድሴዳ ዎደ ዮጸዴቅካ ኦሞደቲደ ቤዳ።
1CH 6:16 ሌዊያ ናናይ ገርሾና፥ ቃሃታነ ማራራ።
1CH 6:17 ገርሾና ናናቱዋ ሱንꬃይ ሊብናነ ሽምአ።
1CH 6:18 ቃሃታ ናናይ አምራማ፥ ይጽሃራ፥ ከብሮናነ ኡዝኤላ።
1CH 6:19 ማራራ ናናይ ማህላነ ሙሻ። ባረንቱ አዉዋ ጎለን ጎለን ጻፈቴዳ ሌዋቱ ያራቱ ሀዋንታ።
1CH 6:20 ገርሾና ናአይ ሊብና፤ ሊብና ናአይ ያሃታ፤ ያሃታ ናአይ ዚማ።
1CH 6:21 ዚማ ናአይ ዮኣሀ፤ ዮኣሀ ናአይ እዳ፤ እዶ ናአይ ዛራሀ፤ ዛራሀ ናአይ ያአትራያ።
1CH 6:22 ቃሃታ ናአይ አምናዳባ፤ አምናዳባ ናአይ ቆራሀ፤ ቆራሀ ናአይ አሲራ፤
1CH 6:23 አሲራ ናአይ ኤልቃና፤ ኤልቃና ናአይ ኤብያሳፋ፤ ኤብያሳፋ ናአይ አሲራ፤
1CH 6:24 አሲራ ናአይ ታሃታ፤ ታሃታ ናአይ ኡርኤላ፤ ኡርኤላ ናአይ ኡዝያና፤ ኡዝያና ናአይ ሻኡላ።
1CH 6:25 ኤልቃና ናናይ አማሳያነ አህሞታ።
1CH 6:26 አህሞታ ናአይ ኤልቃና፤ ኤልቃና ናአይ ጾፋያ፤ ጾፋያ ናአይ ናሃታ፤
1CH 6:27 ናሃታ ናአይ ኤልኣባ፤ ኤልኣባ ናአይ ይሮሃማ፤ ይሮሃማ ናአይ ኤልቃና።
1CH 6:28 ሳመላ ናአይ ባይራይ ዩኤላ፤ ቴፋይ አቢያ።
1CH 6:29 ማራራ ናአይ ማህላ፤ ማህላ ናአይ ሊብና፤ ሊብና ናአይ ሽምአ፤ ሽምአ ናአይ ኡዛ፤
1CH 6:30 ኡዛ ናአይ ሽምአ፤ ሽምአ ናአይ ሀጊያ፤ ሀጊያ ናአይ አሳያ።
1CH 6:31 ዳዊተ ታቦታ የሩሳላመ አሄዳዋፐ ጉይያን፥ ማዝሙርያ የጻናዳን መꬍና ጎዳዉ ጎለን ሱንꬄዳዋንቱ ሀዋፐ ካሊደ ጻፈቴድኖ።
1CH 6:32 ሶሎሞነ የሩሳላመን መꬍና ጎዳ ጌሻ ጎልያ ኬጻና ጋካናዉ፥ ጾሳ ታቦታይ ደእያ ዱንካንያ ስንꬃን ኡንቱንቱ ማዝሙርያ የጺደ፥ ካላን ካላን ኦꬅኖ።
1CH 6:33 ባረንቱ ናናቱዋና እትፐ የጼዳዋንቱ ሀዋፐ ካሊደ ጻፈቴዳዋንታ። ቃሃታ ያራቱዋፐ የጽያዌ ሄማና። ሄማን ዩኤላ ናኣ፤ ዩኤል ሳመላ ናኣ፤
1CH 6:34 ሳመል ኤልቃና ናኣ፤ ኤልቃን ይሮሃማ ናኣ፤ ይሮሃም ኤልኤላ ናኣ፤ ኤልኤል ቶሀ ናኣ፤
1CH 6:35 ቶህ ጹፋ ናኣ፤ ጹፍ ኤልቃና ናኣ፤ ኤልቃን ማሃታ ናኣ፤ ማሃት አማሳያ ናኣ፤
1CH 6:36 አማሳይ ኤልቃና ናኣ፤ ኤልቃን ዩኤላ ናኣ፤ ዩኤል አዛርያሳ ናኣ፤ አዛርያስ ጻፋንያ ናኣ፤
1CH 6:37 ጻፋኒ ታሃታ ናኣ፤ ታሃት አሲራ ናኣ፤ አሲር ኤብያሳፋ ናኣ፤ ኤብያሳፍ ቆራሀ ናኣ፤
1CH 6:38 ቆራህ ይጽሃራ ናኣ፤ ይጽሃር ቃሃታ ናኣ፤ ቃሃት ሌዊያ ናኣ፤ ሌዊ እስራኤልያ ናኣ።
1CH 6:39 አ ዳቡ አሳፈ አ ኡሸቻ ባጋና ኤቄ። አሳፈ በረክያ ናኣ፤ በረኪ ሽምአ ናኣ፤
1CH 6:40 ሽምእ ምካኤላ ናኣ፤ ምካኤል ባእሴያ ናኣ፤ ባእሴይ ማልክያ ናኣ፤
1CH 6:41 ማልኪ ኤታና ናኣ፤ ኤታን ዛራሀ ናኣ፤ ዛራህ አዳያ ናኣ፤
1CH 6:42 አዳይ ኤታና ናኣ፤ ኤታን ዚማ ናኣ፤ ዚም ሽምአ ናኣ፤
1CH 6:43 ሽምእ ያሃታ ናኣ፤ ያሃት ገርሾና ናኣ፤ ገርሾን ሌዊያ ናኣ።
1CH 6:44 ኡንቱንቱፐ ሀድርሳ ባጋና ኡንቱንቱ ዳቦቱ፥ ማራራ ያራቱ ኤቂኖ። ኤታን ቂሻ ናኣ፤ ቂሽ አብዳ ናኣ፤ አብድ ማሉካ ናኣ፤
1CH 6:45 ማሉክ ሀሻብያ ናኣ፤ ሀሻቢ አመስያሳ ናኣ፤ አመስያስ ህልቂያ ናኣ፤
1CH 6:46 ህልቂ አሞጻ ናኣ፤ አሞጽ ባና ናኣ፤ ባን ሸሜራ ናኣ፤
1CH 6:47 ሸሜር ማህላ ናኣ፤ ማህል ሙሻ ናኣ፤ ሙሽ ማራራ ናኣ፤ ማራር ሌዊያ ናኣ።
1CH 6:48 ኡንቱንቱ ዳቦቱ ሌዋቱ ጾሳ ዱንካንያዉ ኦꬃናዉ ሱንቴድኖ።
1CH 6:49 ሽን አሮነነ አሮና ዘረꬃቱ እጻና ጩዋዪኖ፤ ያርሽያ ሳኣን ጹግያ ያርሹዋካ ያርሺኖ። ጾሳ ቆማይ ሙሴ አዛዜዳዋዳን፥ ኡባፐ አꬍያ ጌሻ ሳኣን ጎይንያ ጎይኖ ኡባዉነ ጾሳይ እስራኤልያ ናጋራ አቶ ጌተትያ ያርሾ አዎተꬃይ ኡንቱንቶ ደኤ።
1CH 6:50 አሮና የለታይ ሀዋፐ ካሊደ ጻፈቴዳዋ። አሮና ናአይ ኤልኣዛራ፤ ኤልኣዛራ ናአይ ፒንሃሳ፤ ፒንሃሳ ናአይ አብሹአ፤
1CH 6:51 አብሹአ ናአይ ቡቃ፤ ቡቃ ናአይ ኡዛ፤ ኡዛ ናአይ ዛራህያ።
1CH 6:52 ዛራህያ ናአይ ማራዮታ፤ ማራዮታ ናአይ አማርያ፤ አማርያ ናአይ አህጹባ፤
1CH 6:53 አህጹባ ናአይ ጻዶቃ፤ ጻዶቃ ናአይ አህማኣጻ።
1CH 6:54 አሮና ዛራቱ ባረንቱ ዛዋ ግዶን ደአናዉ ኡንቱንቱ ኡተꬃዳን ኡንቱንቶ እመቴዳ ሳአቱ ሀዋፐ ካሊደ ጻፈቴዳዋንታ። ቃሃታ ያራቱ ኮይሮ ሳማ አኬድኖ።
1CH 6:55 ሄ ሳማን ይሁዳን ደእያ ከብሮነ ካታማነ ከብሮነ ዩሹዋን ደእያ ሄንꬃ ጋደቱዋ ኡንቱንቶ እሜድኖ፤
1CH 6:56 ሽን ካታማ ጎሻነ ካታማ ዩሹዋን ደእያ ሞꬃቱዋ ይፉነ ናኣ ካሌባዉ እሜድኖ።
1CH 6:57 አሮና ናናዉ አሳይ ባቃት ቢደ አትያ ካታማ፥ ከብሮነነ ሀራ ካታማቱዋ ያትራ፥ ሊብናነ ኤሽታሞአ አ ሄንꬃ ጋደቱዋ፥
1CH 6:58 ሂለናነ አ ሄንꬃ ጋደቱዋ፥ ዳቢራነ አ ሄንꬃ ጋደቱዋ፥
1CH 6:59 አሻናነ አ ሄንꬃ ጋደቱዋነ ቤት-ሸመሻነ አ ሄንꬃ ጋደቱዋ እሜድኖ።
1CH 6:60 ቃይ ቢንያማ ዛራቱዋፐ ገባአነ አ ሄንꬃ ጋደቱዋ፥ አለሜቱዋነ አ ሄንꬃ ጋደቱዋነ አናቶታነ አ ሄንꬃ ጋደቱዋ እሜድኖ። አሮና ናናዉ እመቴዳ ካታማቱ ኡባና ታማነ ሄዛ።
1CH 6:61 ምናሰ ያራቱ ባጋቱ ጋድያፐ ታሙ ካታማቱዋ አቴዳ ቃሃታ ያራቶ ሳማን እሜድኖ።
1CH 6:62 ይሳኮራ ዛራቱዋ ጋድያፐ፥ አሴራ ዛራቱዋ ጋድያፐ፥ ንፍታሌማ ዛራቱዋ ቢታፐነ ባሳነን ደእያ ምናሰ ያራቱ ጋድያፐ ታማነ ሄዙ ካታማቱዋ ገርሾና ያራቶ ሳማን እሜድኖ።
1CH 6:63 ሮቤላ ዛራቱዋ ጋድያፐ፥ ጋደ ዛራቱዋ ቢታፐነ ዛብሎና ዛራቱዋ ጋድያፐ ታማነ ላኡ ካታማቱዋ ማራራ ያራቶ ሳማን እሜድኖ።
1CH 6:64 ሄዋዳን ኦꬂደ፥ እስራኤልያ አሳይ ሌዋቶ ሀ ካታማቱዋነ ካታማቱዋ ሄራን ደእያ ሄንꬃ ጋደቱዋ እሜዳ።
1CH 6:65 ቃይ ይሁዳ ዛራቱዋ ጋድያፐ፥ ስሞና ዛራቱዋ ቢታፐነ ቢንያማ ዛራቱዋ ጋድያፐ፥ ሀዋፐ ቆሞ ባጋና ባረንቱ ሱንꬃን ጻፈቴዳ ካታማቱዋ ኡንቱንቶ ሳማን እሜዳ።
1CH 6:66 ቃሃታ ያራቱዋፐ አማሬዳዋንቱ ባረንቱ ካታማቱዋ ኤፍሬማ ዛራቱዋ ካታማቱዋፐ አኬድኖ።
1CH 6:67 ኡንቱንቶ አሳይ ባቃት ቢደ አትያ ካታማቱዋ፥ ኤፍሬማ ገዝያን ደእያ ሰኬማነ አ ሄንꬃ ጋደቱዋ፥ ገዜራነ አ ሄንꬃ ጋደቱዋ፥
1CH 6:68 ዮቅማኣማነ አ ሄንꬃ ጋደቱዋ፥ ቤት-ሆሮናነ አ ሄንꬃ ጋደቱዋ፥
1CH 6:69 አያሎናነ አ ሄንꬃ ጋደቱዋነ ጋተ-ርሞናነ አ ሄንꬃ ጋደቱዋ እሜድኖ።
1CH 6:70 ምናሰ ዛራቱዋ ባጋቱዋፐ አኔራነ አ ሄንꬃ ጋደቱዋነ ብልኣማነ አ ሄንꬃ ጋደቱዋ አኪደ፥ ቃሃታ ያራቱዋፐ አቴዳዋንቶ እሜድኖ።
1CH 6:71 ምናሰ ዛራቱዋ ባጋቱዋፐ ባሳነን ደእያ ጎላናነ አ ሄንꬃ ጋደቱዋነ አስታሮታነ አ ሄንꬃ ጋደቱዋ አኪደ፥ ገርሾና ያራቶ እሜድኖ።
1CH 6:72 ቃይ ይሳኮራ ዛራቱዋፐ ቃዴሳነ አ ሄንꬃ ጋደቱዋ፥ ዳብራታነ አ ሄንꬃ ጋደቱዋ፥
1CH 6:73 ራሞታነ አ ሄንꬃ ጋደቱዋነ አኔማነ አ ሄንꬃ ጋደቱዋ አኪደ፥ ኡንቱንቶ እሜድኖ።
1CH 6:74 ቃይካ አሴራ ዛራቱዋፐ ማሻላነ አ ሄንꬃ ጋደቱዋ፥ አብዶናነ አ ሄንꬃ ጋደቱዋ፥
1CH 6:75 ሁቆቃነ አ ሄንꬃ ጋደቱዋነ ራሆባነ አ ሄንꬃ ጋደቱዋ አኪደ፥ ኡንቱንቶ እሜድኖ።
1CH 6:76 ሄዋዳንካ ንፍታሌማ ዛራቱዋፐ ጋሊላን ደእያ ቀዴሻነ አ ሄንꬃ ጋደቱዋ፥ ሀሞናነ አ ሄንꬃ ጋደቱዋነ ቅርያታይማነ አ ሄንꬃ ጋደቱዋ አኪደ፥ ኡንቱንቶ እሜድኖ።
1CH 6:77 አቴዳ ማራራ ያራቶ ዛብሎና ዛራቱዋፐ ርሞናነ አ ሄንꬃ ጋደቱዋነ ታቦራነ አ ሄንꬃ ጋደቱዋ አኪደ እሜድኖ።
1CH 6:78 ቃይ ሮቤላ ዛራቱዋፐ ያርኮ ባጋን፥ ዮርዳኖሳፐ ሄፍንꬃን አዋይ ዶልያ ባጋና፥ መላ ቢታን ደእያ ቤኤራነ አ ሄንꬃ ጋደቱዋ፥ ያህአነ አ ሄንꬃ ጋደቱዋ፥
1CH 6:79 ቅደሞታነ አ ሄንꬃ ጋደቱዋነ መፋኣታነ አ ሄንꬃ ጋደቱዋ አኪደ፥ ኡንቱንቶ እሜድኖ።
1CH 6:80 ቃይካ ጋደ ዛራቱዋፐ ጋላኣደን ደእያ ራሞታነ አ ሄንꬃ ጋደቱዋ፥ ማህናይማነ አ ሄንꬃ ጋደቱዋ፥
1CH 6:81 ሀሰቦናነ አ ሄንꬃ ጋደቱዋነ ያእዜራነ አ ሄንꬃ ጋደቱዋ አኪደ ኡንቱንቶ እሜድኖ።
1CH 7:1 ይሳኮራዉ ኦይዱ ናናይ ደኢኖ፤ ኡንቱንቱካ ቶላአ፥ ፑዋ፥ ያሹባነ ሽምሮና።
1CH 7:2 ቶላአ ናናይ ኡዛ፥ ራፋያ፥ ይሪኤላ፥ ያህማያ፥ ይብሳማነ ሳሜላ፤ ኡንቱንቱ ቶላአ ያራቱ ካፓቱዋ። ኡንቱንቱ ዎልቃማነ ጻላ አሳቱዋ። ዳዊታ ዎደ ኡንቱንታ ፓይዱ ላታማነ ላኡ ሻአነ ኡሱፑን ጼታ።
1CH 7:3 ኡዛ ናአይ ይዝራህያ። ይዝራህያ ናናይ ምካኤላ፥ ኦባድያ፥ ዩኤላነ ይሽያ፤ ሀ እቼሻቱካ ሶይ አሳ ካፓቱዋ።
1CH 7:4 ባረንቱ አዎቱዋ ሶይ አሳ የለታዳን ኦላዉ ጊጌዳ ኦላንቻቱ ሀታማነ ኡሱፑን ሻአ፤ አያዉ ጎፐ፥ ኡንቱንቶ ጮራ ማቼቱነ ጮራ ናናይ ደኢኖ።
1CH 7:5 ይሳኮራ ዛራቱዋፐ ኦላንቻቱ ባረንቱ የለታ ማዝጎብያን ፓይደቲደ፥ ኡባና ሆስፑን ታማነ ላፑን ሻአ ግዴድኖ።
1CH 7:6 ቢንያማዉ ሄዙ ናናይ ደኢኖ፤ ኡንቱንቱካ በላአ፥ በኬራነ ይድኤላ።
1CH 7:7 በላአ ናናይ ኤጽቦና፥ ኡዛ፥ ኡዝኤላ፥ ያርሞታነ እራ፤ ሀ እቼሻቱካ ሶይ አሳ ካፓቱዋ። ኡንቱንቱ ዎልቃማነ ጻላ አሳቱዋ። ባረንቱ የለታዳን ፓይደቴዳ ኦላንቻቱ ላታማነ ላኡ ሻአነ ሀታማነ ኦይዳ ግዴድኖ።
1CH 7:8 በኬራ ናናይ ዛሚራ፥ ዮኣሻ፥ ኤልኤዛራ፥ ኤልዮኤናያ፥ ኦምራ፥ ያርሞታ፥ አቢያ፥ አናቶታነ አለሜታ፤ ሀዋንቱ ኡባቱ በኬራ ናና።
1CH 7:9 ባረንቱ የለታ ማዝጎብያዳን ፓይደቴዳ ዎልቃማነ ጻላ አሳቱ ላታሙ ሻአነ ላኡ ጼታ ግዴድኖ።
1CH 7:10 ይድኤላ ናአይ ብልሃና። ብልሃና ናናይ ይኡሻ፥ ቢንያማ፥ ኤሁዳ፥ ካናእና፥ ዘታና፥ ታርሴሳነ አህሻሃራ፤
1CH 7:11 ሀዋንቱ ኡባቱ ይድኤላ ናና። ኡንቱንቱ ሶይ አሳ ካፓቱዋነ ዎልቃማነ ጻላ አሳቱዋ። ባረንቱ የለታዳን ፓይደቴዳ ኦላንቻቱ ታማነ ላፑን ሻአነ ላኡ ጼታ።
1CH 7:12 ቃይ ሹፊምነ ሁፊም እራ ናና። ሁሺም ዳና ናኣ።
1CH 7:13 ንፍታሌማ ናናይ ያህጽኤላ፥ ጉና፥ የጼራነ ሻሉማ፤ ሀዋንቱ ባል ናና ናና።
1CH 7:14 ምናሰ ዛራቱ ሀዋፐ ካሊደ ጻፈቴዳዋንታ። ምናሰ ሶርያ ጋድያፐ አኬዳ ቁባታታ የሌዳ አቱማ ናናይ አስርኤላነ ጋላኣደ አዉዋ ማኪና።
1CH 7:15 ማኪር ሁፊማስነ ሹፊማስ እት እት ማችያ ኦቺደ እሜዳ። ማኪና ምቻት ሱንꬃይ ማእኮ። ማኪና ናአይ ቴፋይ ጻሎፍሃዳ። ጻሎፍሃድ ማጫ ናናቱዋ ጻላላ የሌዳ።
1CH 7:16 ማኪና ማቻታ ማእካ አዉ ናና የላዱ። ባይራ ናኣ ፐረሻ ሱንꬃዱ፤ ፐረሻ እሻ ሱንꬃይ ሸሬሻ። ፐረሻ ናናይ ኡላማነ ራቄማ።
1CH 7:17 ኡላማ ናአይ ባዳና። ሀዋንቱ ምናሰ ናኣ ናኣ፥ ማኪና ናኣ ጋላኣደ ዘረꬃ።
1CH 7:18 ጋላኣደ ምቻታ ሀሞለኬታ እሾዳ፥ አብኤዘራነ ማህላ የላዱ።
1CH 7:19 ሻምዳአ ናናይ አህያና፥ ሸኬማ፥ ሊቅሀነ አንኣማ።
1CH 7:20 ኤፍሬማ ናአይ ሹተላሀ፤ ሹተላሀ ናአይ በሬዳ፤ በሬዳ ናአይ ታሃታ፤ ታሃታ ናአይ ኤልኣዳ፤ ኤልኣዳ ናአይ ታሃታ፤
1CH 7:21 ታሃታ ናአይ ዛባዳ፤ ዛባዳ ናአይ ሹተላሀ። ኤፍሬማዉ ኤዴራነ ኤልኣዳ ጌተትያ ሀራ ላኡ ናናይ ደኢኖ። ኡንቱንቱ ጋተ ካታማ አሳቱዋ መህያ ዉእሽን፥ አሳይ ኡንቱንታ ኦይቂደ ዎꬌዳ።
1CH 7:22 ሄዋ ድራዉ፥ ኡንቱንቱ አዉ ኤፍሬመ ዳሮ ዎድያ ካዮቴዳ፤ ካዮትና አ እሻቱ አ ምንꬃናዉ ዬድኖ።
1CH 7:23 ሄዋፐ ጉይያን፥ እ ባረ ማቻትና ጋከቴዳ፤ እዛ ሻሃራደ አቱማ ናኣ የላዱ። ኤፍሬማ ሶ ጋኬዳ ኢታ መቱዋ ድራዉ፥ እ ባረ ናኣ ባሪአ ሱንꬄዳ።
1CH 7:24 ኤፍሬማዉ ሸኢሮ ግያ ናታ ደአዉ፤ ህርክ ቤት-ሆሮና፥ ቆሙዋ ቤት-ሆሮናነ ኡዘንሸኢራ ጌተትያ ካታማቱዋ ሄ ናታ ኬጻዱ።
1CH 7:25 ኤፍሬማ አቱማ ናአይ ረፋሀ፤ ረፋሀ ናአይ ረሼፋ፤ ረሼፋ ናአይ ተላሀ፤ ተላሀ ናአይ ታሃና፤
1CH 7:26 ታሃና ናአይ ላእዳና፤ ላእዳና ናአይ አምሁዳ፤ አምሁዳ ናአይ ኤልሻማአ፤
1CH 7:27 ኤልሻማአ ናአይ ናዋ፤ ነዌ ናአይ ኢያሳ።
1CH 7:28 ኤፍሬማ ዛራቱዋ ቢታይ ኡንቱንቱ ደኢያሳይ ቤቴለነ ቤቴለ ሞꬃቱዋ፥ አዋይ ዶልያ ባጋና ደእያ ናእራና፥ አዋይ ዶልያ ባጋና ደእያ ገዜራነ ገዜራ ሞꬃቱዋ፥ ሸኬማነ ሸኬማ ሞꬃቱዋነ አያነ አያ ሞꬃቱዋ።
1CH 7:29 ቃይ ምናሰ ዛራቱዋ ቢታ ዛዋን ደእያ ቤትሻናነ ቤትሻና ሞꬃቱዋ፥ ታእናካነ ታእናካ ሞꬃቱዋ፥ ማግዶነ ማግዶ ሞꬃቱዋነ ዶራነ ዶራ ሞꬃቱዋ። እስራኤልያ ናኣ ዮሴፎ ዛራቱ ሀ ካታማቱዋን ደኤድኖ።
1CH 7:30 አሴራ አቱማ ናናይ ይምና፥ ይሽዋሀ፥ ይሽዋነ ባሪአ፤ ኡንቱንቱ ምቻታ ሰራሆ።
1CH 7:31 ባሪአ አቱማ ናናይ ሄቤራነ ብርዛውታ አዉዋ ማልክኤላ።
1CH 7:32 ሄቤር ያፍሌጻ፥ ሾሜራነ ሆታማ የሌዳ፤ ኡንቱንቱ ምቻት ሱንꬃይ ሹኦ።
1CH 7:33 ያፍሌጻ አቱማ ናናይ ፓሳካ፥ ብምሃላነ አሽዋታ፤ ሀዋንቱ ያፍሌጻ ናና።
1CH 7:34 ያፍሌጻ እሻ ሾሜራ አቱማ ናናይ አሀ፥ ሮህጋ፥ ያሁባነ አራማ።
1CH 7:35 አ እሻ ሆታማ አቱማ ናናይ ጾፋሀ፥ ይምናአ፥ ሸሌሻነ አማላ።
1CH 7:36 ጾፋሀ አቱማ ናናይ ሱሀ፥ ሀርኔፈራ፥ ሹኣላ፥ ቤራ፥ ይምራ፥
1CH 7:37 ቤጸራ፥ ሆዳ፥ ሻማ፥ ሽልሻ፥ ይትራናነ ባኤራ።
1CH 7:38 የተራ አቱማ ናናይ ይፉና፥ ፕስፓነ አራ።
1CH 7:39 ኡላ አቱማ ናናይ አራሀ፥ ሀንኤላነ ሪጽያ።
1CH 7:40 ሀዋንቱ ኡባቱ አሴራ ዘረꬃ። ኡንቱንቱ ባረንቱ አዎቱዋ ሶይ አሳ ካፓቱዋነ ዶረቴዳ ዎልቃማነ ጻላ አሳቱዋ። ባረንቱ የለታዳን ፓይደቴዳ ኦላንቻቱ ላታማነ ኡሱፑን ሻኣ ግዴድኖ።
1CH 8:1 ቢንያማ ናአይ ባይራይ በላአ፤ ቴፋይ አሽቤላ፤ ሄዘንꬁ አህራሀ፤
1CH 8:2 ኦይደንꬁ ኖሀ፤ እቼሸንꬁ ራፋ።
1CH 8:3 በላአ አቱማ ናናይ አዳራ፥ ጌራ፥ አብሁዳ፥
1CH 8:4 አብሹአ፥ ናእማና፥ አሆሀ፥
1CH 8:5 ጌራ፥ ሻፉፋማነ ሁራማ።
1CH 8:6 ኤሁዳ አቱማ ናናይ ናእማና፥ አኪያነ ጌራ። ኡንቱንቱ ገባአን ደኤዳ ባረንቱ አዎቱዋ ሶይ አሳ ካፓቱዋ። ሄዋፐ ጉይያን፥ ኡንቱንቱ ማናሃታ ጋድያ ኦሞደት ቤድኖ። ኡንቱንቱ ካፑ ጌር ኡዛነ አህሁዳ አዉዋ።
1CH 8:8 ሻሀራም ባረ ማቻቱዋ ሁሺሞነ ባእሮ የዴዳዋፐ ጉይያን፥ ሞኣበ ጋድያን አቱማ ናና የሌዳ።
1CH 8:9 ሻሀራም ባረ ማቻት ሆዴሽን ዮባባ፥ ጺብያ፥ ሜሻ፥ ማልካማ፥
1CH 8:10 ያኡጻ፥ ሳክያነ ምርማ የሌዳ። አ ናናይ ኡባይ ሶይ አሳ ካፓቱዋ ግዴድኖ።
1CH 8:11 እ ባረ ማቻት ሁሺምን፥ አህጹባነ ኤልፓኣላ የሌዳ።
1CH 8:12 ኤልፓኣላ አቱማ ናናይ ኤቤራ፥ ምሻኣማነ ሸመዳ። ሸመድ ኦናነ ሎዳ ካታማቱዋነ ኡንቱንቱ ሄራን ደእያ ሞꬃቱዋ ኬጼዳ።
1CH 8:13 ቃይ ሻሀራም ባሪአነ ሸማአ የሌዳ። ኡንቱንቱ አያሎና ካታማን ደእያ ባረንቱ ሶይ አሳ ካፓቱዋ። ኡንቱንቱ ጋተ ካታማን ደእያ አሳ የደርሴድኖ።
1CH 8:14 ቃይካ ሻሀራም አህያ፥ ሻሻቃ፥ ይረሞታ የሌዳ።
1CH 8:15 ዛባደ፥ አራድ፥ ኤዴር፥
1CH 8:16 ምካኤል፥ ይሽፕነ ዮህ ባሪአ አቱማ ናና።
1CH 8:17 ዛባደ፥ ማሹላም፥ ህዝቂ፥ ሄቤር፥
1CH 8:18 ይሽማራይ፥ ዩዝሊእነ ዮባብ ኤልፓኣላ አቱማ ናና።
1CH 8:19 ያቂም፥ ዚክር፥ ዛብድ፥
1CH 8:20 ኤልኤናይ፥ ጽልታይ፥ ኤልኤል፥
1CH 8:21 አዳይ፥ ባራይነ ሺምራት ሽምአ አቱማ ናና።
1CH 8:22 ይሽጳን፥ ኤቤር፥ ኤልኤል፥
1CH 8:23 አብዶን፥ ዚክር፥ ሀናን፥
1CH 8:24 ሀናንያ፥ ኤላም፥ አንቶቲ፥
1CH 8:25 ይፍዳይነ ፓኑኤል ሻሻቃ አቱማ ናና።
1CH 8:26 ሻምሻራይ፥ ሻሃር፥ አታሊ፥
1CH 8:27 ያእሬሺ፥ ኤላስነ ዚክር ይሮሃማ አቱማ ናና።
1CH 8:28 ሀዋንቱ ባረንቱ የለታን የሩሳላመን ኡቴዳ ባረንቱ ሶይ አሳ ካፓቱዋ።
1CH 8:29 ጋባኦና አዉ ይእኤል ጋባኦና ካታማን ደኤዳ። አ ማቻት ሱንꬃይ ማእኮ።
1CH 8:30 አ ናአይ ባይራይ አብዶና፤ አ አቱማ ናናይ ሀራቱ ጹራ፥ ቂሳ፥ ባኣላ፥ ናዳባ፥
1CH 8:31 ጋዶራ፥ አህያ፥ ዘከራነ
1CH 8:32 ምቅሎታ። ምቅሎት ሽምአ የሌዳ። ሀዋንቱ ቃይ የሩሳላመን ደእያ ባረንቱ ዳባቱ ማታን ደኤድኖ።
1CH 8:33 ኔር ቂሳ የሌዳ፤ ቂስ ሳኦላ የሌዳ። ሳኦል ዮናታና፥ ማልክሹአ፥ አብናዳባነ ኤሽባኣላ የሌዳ።
1CH 8:34 ዮናታና ናአይ ማሪባኣላ፤ ማሪባኣል ሚክያሳ የሌዳ።
1CH 8:35 ሚክያሳ አቱማ ናናይ ፕቶና፥ መለካ፥ ታሬአነ አካዛ።
1CH 8:36 አካዝ ያሆኣዳ የሌዳ። ያሆኣድ አለሜታ፥ አዝማዌቱዋነ ዝምራ የሌዳ። ዝምር ሞጻ የሌዳ፤
1CH 8:37 ሞጽ ቢንአ የሌዳ፤ ቢንእ ራፋ የሌዳ፤ ራፍ ኤልኣሳ የሌዳ፤ ኤልኣስ አጼላ የሌዳ።
1CH 8:38 አጼላዉ ኡሱፑን አቱማ ናናይ ደኢኖ። ኡንቱንቱ ሱንꬃይ አዝርቃማ፥ ቦከራ፥ እስማኤላ፥ ሻኣርያ፥ ኦባድያነ ሀናና፤ ሀዋንቱ ኡባይ አጼላ ናና።
1CH 8:39 አጼላ እሻ ኤሼቃዉ ሄዙ ናናይ ደኢኖ። አ ናአይ ባይራይ ኡላማ፤ ቴፋይ ይኡሻ፤ ሄዘንꬁ ኤልፈሌጻ።
1CH 8:40 ኡላማ ናናይ ዎልቃማነ ጻላ አሳቱዋ፤ ኡንቱንቱ ዎንዳፍያ አሳቱዋ። ኡላማዉ ጼታነ እሻታሙዋ ግድያ ናናይነ ናና ናናይ ደኢኖ። ሀዋንቱ ኡባቱ ቢንያማ ዘረꬃ።
1CH 9:1 እስራኤልያ አሳይ ኡባይ ባረ የለታን የለታን ጻፈቴዳ፤ ሀ ታርኪ እስራኤልያ ካተቱ ማጻፋን ደኤ። ይሁዳ አሳይ አማነትቤና ድራዉ፥ ባብሎነ ጋድያ ኦሞደት ቤድኖ።
1CH 9:2 ኮይሮ ስሜዳ እስራኤልያ አሳይ፥ ቄሳቱ፥ ሌዋቱነ ጌሻ ጎልያን ኦꬅያዋንቱ ባረንቱ ሳአቱዋንነ ባረንቱ ካታማቱዋን ኡቴድኖ።
1CH 9:3 ይሁዳ ዛራቱዋፐ፥ ቢንያማ ዛራቱዋፐ፥ ኤፍሬማ ዛራቱዋፐነ ምናሰ ዛራቱዋፐ አማሬዳዋንቱ የሩሳላመን ደኤድኖ።
1CH 9:4 ይሁዳ ናኣ ፓሬሳ ያራቱዋፐ ኡታይ የሩሳላመን ኡቴዳዋንቱ ካፑዋ። ኡታይ አምሁዳ ናኣ፤ አምሁድ ኦምራ ናኣ፤ ኦምር እምራ ናኣ፤ እምር ባና ናኣ።
1CH 9:5 ይሁዳ ናኣ ሼላ ያራቱዋፐ አሳይነ አ ናናይ የሩሳላመን ኡቴዳዋንቱ ካፓቱዋ።
1CH 9:6 ይሁዳ ናኣ ዛራሀ ያራቱዋፐ ይኡኤል የሩሳላመን ኡቴዳዋንቱ ካፑዋ። ይሁዳ ዛራቱ ፓይድና ኡባና ኡሱፑን ጼታነ ኡዱፑን ታማ።
1CH 9:7 ቢንያማ ያራቱ ካፓቱ ሀዋፐ ካሊደ ጻፈቴድኖ። ካፑ ሳሉ ማሹላማ ናኣ፤ ማሹላም ሆዳዊያ ናኣ፤ ሆዳዊ ሀሳኑአ ናኣ። ካፑ ይብናይ ይሮሃማ ናኣ። ካፑ ኤል ኡዛ ናኣ፤ ኡዝ ሚክራ ናኣ። ካፑ ማሹላም ሻፋያ ናኣ፤ ሻፋጽ ራኡኤላ ናኣ፤ ራኡኤል ይብንያ ናኣ። ቢንያማ ዛራቱ ፓይድና ኡባና ኡዱፑን ጼታነ እሻታማነ ኡሱፑና።
1CH 9:10 የሩሳላመን ደኤዳ ቄሳቱ ሀዋፐ ካሊደ ጻፈቴዳዋንታ። ኡንቱንቱ ያዳያ፥ ይሆያርባ፥ ያኪናነ
1CH 9:11 ጾሳ ጌሻ ጎልያን ካፖትያ አዛርያሳ። አዛርያስ ህልቂያ ናኣ፤ ህልቂ ማሹላማ ናኣ፤ ማሹላም ጻዶቃ ናኣ፤ ጻዶቀ ማራዮታ ናኣ፤ ማራዮት አህጹባ ናኣ።
1CH 9:12 ሀራቱ ቃይ ይሮሃማ ናኣ አዳያነ አዲኤላ ናኣ ማእሳያ። ይሮሃም ፓሽሁራ ናኣ፤ ፓሽሁር ማልክያ ናኣ። አዲኤል ያህዜራ ናኣ፤ ያህዜር ማሹላማ ናኣ፤ ማሹላም ማሽለሚታ ናኣ፤ ማሽለሚት እሜራ ናኣ።
1CH 9:13 ባረንቱ ሶይ አሳዉ ካፖትያ ቄሳቱ እት ሻአነ ላፑን ጼታነ ኡሱፑን ታማ። ሀዋንቱ ጾሳ ጌሻ ጎልያን ኦꬃናዉ ዳንዳይያ አሳቱዋ።
1CH 9:14 የሩሳላመን ደኤዳ ሌዋቱ ሀዋፐ ካሊደ ጻፈቴዳዋንታ። ሃሹባ ናአይ ሻማኤ ማራራ ያራ። ሀሹብ አዝርቃማ ናኣ፤ አዝርቃም ሀሻብያ ናኣ።
1CH 9:15 ሀራቱ ቃይ ባቅባቃራ፥ ሄሬሻ፥ ጋላላነ ማታንያ። ማታኔ ሚካ ናኣ፤ ሚክ ዚክራ ናኣ፤ ዚክር አሳፋ ናኣ።
1CH 9:16 ሀራቱ ቃይ ናጾፋ አሳቱዋ ሞꬃቱዋን ኡቴዳ ኦባድያነ በረክያ። ኦባድ ሻማእያ ናኣ፤ ሻማኤ ጋላላ ናኣ፤ ጋላል ይዱቱና ናኣ። በረኪ አሳ ናኣ፤ አሳይ ኤልቃና ናኣ።
1CH 9:17 ጌሻ ጎልያ ፐንግያ ናግያዋንቱ ሻሉማ፥ አቁባ፥ ጻልሞና፥ አህማናነ ኡንቱንቱ ዳቦቱዋ። ሻሉም ኡንቱንቱ ካፑዋ።
1CH 9:18 ሀ ያራቱ ካሰ አዋይ ዶልያ ባጋና ደእያ፥ ካትያ ፐንግያ ግያ ፐንግያ ናጌድኖ። ሄዋፐ ካሰ ኡንቱንቱ ሌዋቱ ዱንካንያ ዎደ ናጌድኖ።
1CH 9:19 ሻሉም ኤብያሳፋ ናኣ ቆረ ናኣ፤ እ ቆራሀ ያራ አሳ። ቆራሀ ያራቱ ካሰ መꬍና ጎዳ ዱንካንያ ናጌዳዋዳን፥ ሻሉምነ ቆራሀ ያራ ግድያ አ ዳቦቱ ጌሻ ጎልያ ገልያ ፐንግያ ናጊኖ።
1CH 9:20 ኤልኣዛራ ናአይ ፒንሃስ በን ዎደ ቆራሀ ያራቱ ካፑዋ፤ መꬍና ጎዳይ አናና ደኤዳ።
1CH 9:21 ማሸለምያ ናአይ ዛካራስ ጋከትያ ዱንካንያ ገልያ ፐንግያ ናጌዳ።
1CH 9:22 ፐንግያ ናጋናዉ ዶረቴዳዋንቱ ኡባና ላኡ ጼታነ ታማነ ላኡዋ፤ ሀዋንቱ ባረንቱ ሞꬃን ሞꬃን ፓይደቲደ ጻፈቴድኖ። ኡንቱንቱ ያራቶ ሀ አዎተꬃ እሜዳዋንቱ ካትያ ዳዊታነ ትምቢትያ ኦድያ ሳመላ።
1CH 9:23 ሄዋ ድራዉ፥ ኡንቱንቱነ ኡንቱንቱ ናናይ መꬍና ጎዳ ጌሻ ጎልያ ገልያ ፐንግያ ናጊኖ።
1CH 9:24 ኦይዱ ዞዘቱን ዉላሃንነ፥ ዶላሃን፥ ሁጲሳንነ ገድሳና እት እት ፐንጊ ደኤ፤ ሄ ፐንገቱዋ ናግያዋንቱካ ደኢኖ።
1CH 9:25 ሄ ሞꬃን ደእያ ኡንቱንቱ ዳቦቱ ላፑንꬃ ላፑንꬃ ጋላሳን ላመት ናጊደ፥ ኡንቱንታ ማድኖ።
1CH 9:26 ፐንግያ ናግያ ኦይዱ ካፓቱ ሌዋቱዋ፤ ኡንቱንቱ ጾሳ ጌሻ ጎልያዉ፥ አ ግዶ ክፍለቶነ ክፍለቱ ግዱዋን ደእያ ሚሻቶ አዎቲኖ።
1CH 9:27 ጾሳ ጌሻ ጎልያ ናግያዋንቱነ ቃይ ጉራ ጉራ ካርያ ዶይያዋንቱ ኡንቱንታ ግድያ ድራዉ፥ ያን አቂኖ።
1CH 9:28 ሌዋቱዋፐ አማሬዳዋንቱ ጎይንያ ዎደ ጎኤትያ ሚሻቶ አዎቲኖ፤ ሄ ሚሻቱዋ ካረ ከስያ ዎደነ ሶ ገልስያ ዎደ ኡንቱንቱ ፓይዲኖ።
1CH 9:29 ቃይ ኡንቱቱፐ እቱ እቱ ጌሻ ጎልያ ግዱዋን ጎኤትያ ሀራ ሚሻቶ፥ ሊቆ ꬊልያዉ፥ ዎይንያ ኤሳዉ፥ ዛይትያዉ፥ እጻናዉነ ሳዎቶ አዎቲኖ።
1CH 9:30 ሽን ቄሳቱዋ ናናቱዋፐ እቱ እቱ ሳዉዋ ልኪ ልኪደ ዋላኪኖ።
1CH 9:31 ቆራሀ ያራቱዋፐ ሻሉማ ባይራ ናአይ ማቲተ ያርሹዋ ኡክꬃ ኡክያዎ አዎቴ።
1CH 9:32 ቃሃታ ያራ ግድያ ኡንቱንቱ ዳባቱዋፐ አማሬዳዋንቱ ቃይ ሳምባታን ሳምባታን ጻርጴዛን ዎꬅያ ኡክꬃ ጊግስያ አዎተꬃ ኦይቄድኖ።
1CH 9:33 ሌዋቱ ዛራቱዋፐ አማሬዳ ካፓቱ ጌሻ ጎልያን የጽያዋንታ። ቃማካ ጋላስካ ኡንቱንቱ ኦꬅያ ድራዉ፥ ሀራ ኦሱዋ ኦናን፥ ኤሻ ጎልያ ድርሳ ግዶን ደእያ ጎለቱዋን ደኢኖ።
1CH 9:34 ሌዊያ ዛራቱዋ ሶይ አሳ ካፓቱ ኡባይ ሀዋፐ ቆሞና ጻፈቴዳዋንታ፤ ኡንቱንቱ የሩሳላመን ደኤድኖ።
1CH 9:35 ጋባኦና አዉ ይእኤል ጋባኦና ካታማን ደኤዳ። አ ማቻት ሱንꬃይ ማእኮ።
1CH 9:36 አ ናአይ ባይራይ አብዶና፤ አ ናናይ ሀራቱ ጹራ፥ ቂሳ፥ ባኣላ፥ ኔራ፥ ናዳባ፥
1CH 9:37 ጋዶራ፥ አህያ፥ ዛካራሳ ምቅሎታ።
1CH 9:38 ምቅሎት ሽምአ የሌዳ። ሀዋንቱ ቃይ የሩሳላመን ደእያ ባረንቱ ዳባቱ ማታን ደኤድኖ።
1CH 9:39 ኔር ቂሳ የሌዳ፤ ቂስ ሳኦላ የሌዳ። ሳኦል ዮናታና፥ ማልክሹአ፥ አብናዳባነ ኤሽባኣላ የሌዳ።
1CH 9:40 ዮናታና ናአይ ማሪባኣላ፤ ማሪባኣል ሚክያሳ የሌዳ።
1CH 9:41 ሚክያሳ ናናይ ፕቶና፥ መለካ፥ ታሬአነ አካዛ።
1CH 9:42 አካዝ ያኢራ የሌዳ። ያኢር አለሜታ፥ አዝማዌቱዋነ ዝምራ የሌዳ። ዝምር ሞጻ የሌዳ፤
1CH 9:43 ሞጽ ቢንአ የሌዳ፤ ቢንእ ራፋያ የሌዳ፤ ራፋይ ኤልኣሳ የሌዳ፤ ኤልኣስ አጼላ የሌዳ።
1CH 9:44 አጼላዉ ኡሱፑን አቱማ ናናይ ደኢኖ። ኡንቱንቱ ሱንꬃይ አዝርቃማ፥ ቦከራ፥ እስማኤላ፥ ሻኣርያ፥ ኦባድያነ ሀናና፤ ሀዋንቱ ኡባይ አጼላ ናና።
1CH 10:1 ፕልስጼማ አሳቱ እስራኤልያ አሳቱዋና ኦለቴድኖ። እስራኤልያ አሳቱ ፕልስጼማ አሳቱዋ ስንꬃፐ ባቃቴድኖ። ዳሮ እስራኤላቱ ግልቦአ ደርያን ሀይቄድኖ።
1CH 10:2 ፕልስጼማ አሳቱ ሳኦላነ አ አቱማ ናና የደርስ ጋኪደ፥ ሳኦላ ናና ዮናታና፥ አብናዳባነ ማልክሹአ ዎꬌድኖ።
1CH 10:3 ኦላይ ሳኦላ ዩይ አꬊደ ኡንኤቴዳ፤ ዎንዳፍያ አሳቱ ሳኦላ ደሜዳ ዎደ፥ ዙቢያን አ ጫዲደ ማዱንጽሴድኖ።
1CH 10:4 ሳኦል ባረ ኦላ ሚሻ ቶክያዋ፥ “ሀ ቃጻረትቤና ፕልስጼማቱ ዪደ፥ ታ ቦላ ካኤናዳን፥ ነ ማሻን ጫዳደ፥ ታና ኔን ዎꬋ” ያጌዳ። ሽን አ ኦላ ሚሻ ቶክያዌ ሎይꬅ ያዬዳ ድራዉ እጼዳ፤ ሳኦል ባረ ማሻ ሳኣን ኤሲደ፥ አ ቦላ ኩንዴዳ።
1CH 10:5 አ ኦላ ሻሉዋ ቶክያዌ ሳኦል ሀይቄዳዋ ብእደ፥ እካ ባረ ማሻ ሳኣን ኤሲደ፥ አ ቦላ ኩንዲደ፥ ሀይቂ አጌዳ።
1CH 10:6 ሀዋዳን ሀኒደ፥ ሳኦል፥ አ ናናይ ሄዙነ አ ሶይ አሳይ ኡባይ ሄ ጋላስ እትፐ ሀይቄድኖ።
1CH 10:7 ዎምባን ደእያ እስራኤልያ አሳቱ ኡባይ ባረንቱ ኦላንቻቱ ባቃቴዳዋነ ሳኦልነ አ ናናይ ሀይቄዳዋ ስሰዳ ዎደ፥ ኡንቱንቱካ ባረንቱ ካታማቱዋ አጊደ ባቃቴድኖ። ባቃትና ፕልስጼማ አሳቱ ዪደ፥ ሄ ካታማቱዋን ደኤድኖ።
1CH 10:8 ዎንተꬃ ጋላስ ፕልስጼማቱ አሃቱዋ ቦላፐ ኦላ ሚሻቱዋ ቃር አካናዉ ዪደ፥ ሳኦልነ አ ናናይ ግልቦአ ደርያን ሀይቂደ፥ ግሴዳዋንታ ደሜድኖ።
1CH 10:9 ኡንቱንቱ ሳኦላ ቆꬍያ ሙጬድኖነ አ ኦላ ሻሉዋ ቃር አኬድኖ። ያቲደ ባረንቱ ኤቃቱዋ ጎለንነ ባረንቱ አሳ ግዱዋን ጾኑዋ አዋያና ማላ፥ ፕልስጼማ ቢታዉ ኡባዉ አሳ ኪታ የዴድኖ።
1CH 10:10 ኡንቱንቱ ሳኦላ ኦላ ሚሻ ባረንቱ ጾሳቱዋ ጎለቱዋፐ እቱዋን ዎꬄድኖ፤ አ ጉግያካ ባረንቱ ጾሳ ዳጎና ኤቃ ጎለን ካቄድኖ።
1CH 10:11 ፕልስጼማ አሳቱ ሳኦላ ኦꬄዳዋ ኡባ ጋላኣደን ደእያ ያቤሻ ካታማ አሳቱ ስሴዳ ዎደ፥
1CH 10:12 ኡንቱንቱ ምኖ አሳቱ ኡባይ ቢደ፥ ሳኦላ አሃነ አ ናና አሃ አኪደ፥ ያቤሻ ካታማ አሄድኖ። ያቤሻን ደእያ ዎላ ጋርሳን ኡንቱንቱ መቀꬃ ሞጌድኖ፤ ያቲደ ላፑን ጋላሳ ጾሜድኖ።
1CH 10:13 ሳኦል መꬍና ጎዳዉ አማነትቤና ድራዉ ሀይቄዳ። መꬍና ጎዳ ቃላ እ ናግቤና፤ መꬍና ጎዳና ዞረትያዋ አጊደ፥ ሞይትልያ ጼስያ አሳና ዞረቴዳ። ሄዋ ድራዉ፥ መꬍና ጎዳይ አ ዎꬊደ፥ አ ካዉተꬃ እሰያ ናኣ ዳዊታዉ አꬂደ እሜዳ።
1CH 11:1 ሄዋፐ ጉይያን፥ እስራኤልያ አሳይ ኡባይ እትፐ ከብሮናን ደእያ ዳዊታኮ ሺቂደ፥ “ኑን ነ ሱꬃነ ነ አሹዋ።
1CH 11:2 ካሰ ሳኦል ካትያ ግዲደ ደእያ ዎደካ፥ እስራኤልያ አሳ ኦላዉ ካለꬄዳዌ ኔና። መꬍና ጎዳይ ነ ጾሳይ ኔና፥ ‘ታ አሳ እስራኤልያ ኔን ሄማና፤ ኡንቱንቱ ቦላካ ኔን ካተታና’ ያጌዳ” ያጌዳ።
1CH 11:3 ሄዋ ድራዉ፥ እስራኤልያ ጭማቱ ኡባይ ካትያ ዳዊታኮ ከብሮነ ካታማ ዬድኖ፤ እ ኡንቱንቱና ከብሮናን መꬍና ጎዳ ስንꬃን ቃላ ጫቁዋ ጫቀቴዳ። መꬍና ጎዳይ ሳመላ ባጋና ሃሳዬዳ ቃላዳን፥ ዳዊተ እስራኤልያ ቦላ ካተታናዳን ኡንቱንቱ አ ኦኬድኖ።
1CH 11:4 ዳዊተነ እስራኤልያ አሳይ ኡባይ የሩሳላመ ካታማ ቤድኖ። ሄ ዎደ ያቡሳ አሳቱ ሄ ሳኣን ደእያ ድራዉ፥ ሄ ካታማይ ያቡሳ ጌተቴ።
1CH 11:5 ያቡሳ አሳቱ ዳዊታ፥ “ኔን ሀ ካታማ ገላናዉ ኡባካ ዳንዳያካ” ያጌድኖ። ግዶፐነ፥ ዳዊተ ጽዮነን ደእያ ኡንቱንቱ ጌሳቱዋ ኦይቄዳ፤ ጽዮነ ዳዊታ ካታማ ጌተቴዳ።
1CH 11:6 ዳዊተ ባረ ኦላንቻቱዋ፥ “ያቡሳ አሳቱ ካሰት ኦልያ ኦንነ ኦላ ጋዳዋ ግዳናዋ” ያጌዳ። ጻሩይ ናአይ ዮኣበ ካሰት ቢደ ኦሌዳ፤ ያቲደ ጋዳዋ ግዴዳ።
1CH 11:7 ዳዊተ ሄ ጌሱዋን ደኤዳ፤ ሄዋ ድራዉ፥ ሄ ካታማይ ዳዊታ ካታማ ጌተቴዳ።
1CH 11:8 ዳዊተ ሚሎፐ ዶሚደ፥ ሄ ካታማ ዛረꬂደ ኬጼዳ፤ አቴዳ ካታማ ቃይ ዮኣበ ዛረꬂደ ኬጼዳ።
1CH 11:9 ኡባፐ ዎልቃማ መꬍና ጎዳይ አናና ደእያ ድራዉ፥ ዳዊተ ምን ምኒደ ቤዳ።
1CH 11:10 ዳዊታ አሳቱ ምኖቱ ሀዋፐ ካሊደ ጻፈቴድኖ። መꬍና ጎዳይ እስራኤልያባ ሃሳዬዳዋዳን፥ ዳዊተ ካተታና ማላ፥ ሀ አሳቱ እስራኤልያ አሳና ግዲደ፥ ሎይꬅ ማዴድኖ። ቃይ አ ካዉተꬃካ ምንሴድኖ።
1CH 11:11 ዳዊታ አሳቱ ምኖቱ ሀዋፐ ካሊደ ጻፈቴዳዋንታ። ኡንቱንቱፐ ሄዛቱ ሎይꬅ ኤረቴዳዋንታ። ሄዛቱዋፐ ኮይሩ ሀክሞናፐ ዬዳ ያሾብኣማ፤ ያሾብኣም እት ገደ ኦላን ሄዙ ጼቱ አሳ ባረ ቶራን ዎꬌዳ።
1CH 11:12 ሄዙ ምኖ አሳቱዋ ግዶን አ ካሊደ ደእያዌ አሆህያ ዶዶ ናኣ ኤልኣዛራ።
1CH 11:13 ፕልስጼማ አሳቱ ኦለታናዉ ፓስዳምማ ግያ ሳኣ ሺቄዳ ዎደ፥ ኤልኣዛረ ዳዊታና እትፐ ደኤ። እስራኤልያ ኦላንቻቱ ፕልስጼማ አሳቱዋ ስንꬃፐ ባቃትያ ዎደ፥ ኤልኣዛረ ባንጋ ሾይቃን ደኤ። እነ ዳዊተነ ሾይቃ ግዱዋን ኤቂደ፥ ፕልስጼማ አሳቱዋና ኦለቴድኖ። መꬍና ጎዳይ ዎልቃማ ጾኑዋ እሚደ፥ ኡንቱንቱ አሼዳ።
1CH 11:15 ፕልስጼማ ኦላንቻቱ ራፋይማ ዎምባን ዱንካኔዳ ዎደ፥ ሀታሙ ካፓቱዋፐ ሄዛቱ ዳዊተ ደእያ አዱላማ ጎንጎሉዋን ደእያ ዛላኮ ዬድኖ።
1CH 11:16 ሄ ዎደ ዳዊተ ጌሱዋ ግዶን ደኤ፤ ፕልስጼማ ኦላንቻቱ ጩጉ ቤታልሄመን ደኤ።
1CH 11:17 ዳዊተ ሃꬃ ኡሻናዉ አሞቲደ፥ “ቤተሌመ ካታማ ፐንግያ ምይያን ደእያ ፑልቱዋ ሃꬃፐ ታና ኦን ኡሻንዴሻ!” ያጌዳ።
1CH 11:18 ሄዙ ምኖ አሳቱ ፕልስጼማ አሳቱ ዱንካኔዳ ሳኣ ፕን ቢደ፥ ቤተሌመ ካታማ ፐንግያን ደእያ ፑልቱዋፐ ሃꬃ ዱቂደ፥ ዳዊታዉ አሄድኖ። ሽን ዳዊተ ኡሸናን እጼዳ፤ እ ሄ ሃꬃ መꬍና ጎዳ ስንꬃን ትጌዳ።
1CH 11:19 “ሀዋ ኡሻናዌ ታፐ ሃኮ! ባረንቱ ሸምፑዋ ኦለቲደ ቤዳ ሀ አሳቱዋ ሱꬃ ታን ኡሾ? አያዉ ጎፐ፥ ኡንቱንቱ ባረንቱ ሸምፑዋ አꬅ እሚደ፥ ሃꬃ አሄድኖ” ያጌዳ። ሄዋ ድራዉ፥ ዳዊተ ሄ ሃꬃ ኡሽቤና። ሄ ሄዙ ምኖ አሳቱ ሄዋ ኦꬄድኖ።
1CH 11:20 ዮኣባ እሻይ አብሻይ ሄዛቶ ካፑዋ። እ ባረ ቶራን ሄዙ ጼቱ አሳቱዋ ኦለቲደ ዎꬌዳ። ያቲደ እካ ሀራ ሄዛቱዋዳን ኤረቴዳ።
1CH 11:21 እ ላኤንꬆ ሄዛቱዋፐ አꬍ ቦንቼቴዳ አሳ፤ እ ኡንቱንቶ ካፖ ግዴዳ። ሽን እ ሄ ኮይሮ ሄዛቱዋና ቃራ ግደና።
1CH 11:22 ቃብጽኤላፐ ዬዳ ዮዳሄ ናአይ ባናይ ምኖ አሳ፤ ምኖ ኦሳቱዋ ኦꬄዳ። እ ላኡ ኤረቴዳ ሞኣበ ጋድያ አሳቱ ዎꬌዳ። ቃይ ሻቻይ ዳሬዳ እት ጋላስ ኦላ ግዶ ገሊደ፥ ጋሙዋ ዎꬌዳ።
1CH 11:23 ባናይ ጌሳይ እቼሹ ዋꬋ ጋክያ ግብጼ ጋደ ብታንያ አዱሳ ዎꬌዳ። ግብጼ ብታንያ ኩሽያን ሸማይንያ ዎንዳራሽያ ኬሻ ቶራይ ደኤ፤ ሽን ባናይ ጋትማ ኦይቂደ፥ ብታንያኮ ቤዳ። ሄ ብታንያ ኩሽያፐ ቶራ ወꬂ አኪደ፥ አ ቶራን አ ዎꬌዳ።
1CH 11:24 ዮዳሄ ናአይ ባናይ ሀዋንታ ኦꬄዳ። አ ሱንꬃይካ ሄ ሄዛቱዋዳን ኤረቴዳ።
1CH 11:25 እ ሀታማቱዋ ግዶን ዳሮ ቦንቼቴዳ፤ ሽን እ ሄዛቱዋና ጉጀተና። ዳዊተ አ ባረና ናግያ ኦላንቻቶ ካፑዋ ከሴዳ።
1CH 11:26 ምኖ አሳቱ ዮኣባ እሻ አሳሄላ፥ ቤተሌመፐ ዬዳ ዶዶ ናኣ ኤልሀናና፥
1CH 11:27 ሀሮዳፐ ዬዳ ሻሞታ፥ ፕሎናፐ ዬዳ ሄሌጻ፥
1CH 11:28 ታቆአፐ ዬዳ እቄሻ ናኣ እራ፥ አናቶታፐ ዬዳ አብኤዘራ፥
1CH 11:29 ሁሻፐ ዬዳ ስባካያ፥ አሆህያ እላያ፥
1CH 11:30 ናጾፋፐ ዬዳ ማህራያ፥ ናጾፋፐ ዬዳ ባኣና ናኣ ሄሌዳ፥
1CH 11:31 ቢንያማ ጋድያን ደእያ ግብኣ ካታማፐ ዬዳ ርባያ ናኣ እታያ፥ ፕርኣቶናፐ ዬዳ ባናያ፥
1CH 11:32 ጋኣሻ ዛንጋራ ማታፐ ዬዳ ሁራያ፥ አራባፐ ዬዳ አቢኤላ፥
1CH 11:33 ባህሩማፐ ዬዳ አዝማዌታ፥ ሻአልቦናፐ ዬዳ ኤልያህባ፥
1CH 11:34 ጊዞናፐ ዬዳ ሀሼማ፥ ሃራራፐ ዬዳ ሻገ ናኣ ዮናታና፥
1CH 11:35 ሃራራፐ ዬዳ ሳካራ ናኣ አህኣማ፥ ኡራ ናኣ ኤልፋላ፥
1CH 11:36 ማኬራፐ ዬዳ ሄፌራ፥ ፕሎናፐ ዬዳ አኪያ፥
1CH 11:37 ቃርመሎሳፐ ዬዳ ሄጽራ፥ ኤዝባያ ናኣ ናእራያ፥
1CH 11:38 ናታና እሻ ዩኤላ፥ ሃግራ ናኣ ምብሃራ፥
1CH 11:39 አሞናፐ ዬዳ ጸለቃ፥ ጻሩይ ናኣ ዮኣባ ኦላ ሚሻ ቶክያ ባኤሮታፐ ዬዳ ናህራያ፥
1CH 11:40 ያትራ ያራ ግድያ እራ፥ ያትራ ያራ ግድያ ጋሬባ፥
1CH 11:41 ሂትያ ኡርዮና፥ አህላያ ናኣ ዛባዳነ
1CH 11:42 ሮቤላ ዛርያ ግድያ ሺዛ ናኣ አዲና። እ ሮቤላ ዛራቱዋ ካፑዋ፤ አናና እትፐ ሀታሙ አሳቱ ደኢኖ።
1CH 11:43 ሀራ ምኖ አሳቱ ቃይ ማእካ ናኣ ሀናና፥ ምታናፐ ዬዳ ዮሻፋጻ፥
1CH 11:44 አሽታራፐ ዬዳ ኦዝያና፥ አሮኤራፐ ዬዳ ሆታማ ናና ሻማአነ ይእኤላ፥
1CH 11:45 ሺምራ ናኣ ይድኤላነ አ እሻ ቲጻፐ ዬዳ ዮሀ፥
1CH 11:46 ማሃዋፐ ዬዳ ኤልኤላ፥ ኤልናኣማ ናና ይሪባያነ ዮሻውያ፥ ሞኣበ ጋድያፐ ዬዳ ይትማ፥
1CH 11:47 ጾባ ካታማፐ ዬዳ ኤልኤላ፥ ዮቤዳነ ያእስኤላ።
1CH 12:1 ዳዊተ ቂሳ ናኣ ሳኦላፐ ባቃት ቢደ፥ ጽቅላጋን ኡቴዳ ዎደ፥ አኮ ዬዳ አሳቱ ሀዋፐ ካሊደ ጻፈቴዳዋንታ። ኡንቱንቱ ካሰ ዳዊታ ኦላን ማዴዳ ምኖ አሳቱዋ ግዶን ደኢኖ።
1CH 12:2 ኡንቱንቱ ዎንዳፍያ አሳቱዋ፤ ቃይ ባረንቱ ኡሸቻ ኩሽያንነ ሀድርሳ ኩሽያን ሹቻ ያምባርሻን ኦላናዉ ዳንዳዪኖ። ኡንቱንቱ ቢንያማ ዛርያ ግድያ ሳኦላ ዳቦቱዋ።
1CH 12:3 ኡንቱንቱ ካፑ አህኤዘራ፤ አህኤዘራፐ ስምና ዮኣሻ፤ ኡንቱንቱ ግብአፐ ዬዳ ሻማአ ናና። ሀራቱ ቃይ አዝማዌታ ናና ግድያ ይዝኤላነ ፐሌጻ፥ ባራካ፥ አናቶታፐ ዬዳ ዬሀ፥
1CH 12:4 ሀታማቱዋ ግዶን ዎልቃማ ግዲደ፥ ኡንቱንታ ካለꬅያ ጋባኦናፐ ዬዳ ይሽማእያ፥ ኤርማሳ፥ ያሃዝኤላ፥ ዮሀናና፥ ገዴራፐ ዬዳ ዮዛባዳ፥
1CH 12:5 ኤልኡዛያ፥ ያርሞታ፥ ባኣልያ፥ ሻማርያ፥ ሀሪፋፐ ዬዳ ሻፋጽያ፥
1CH 12:6 ቆራሀ ያራቱዋ ግድያ ኤልቃና፥ ይሽያ፥ አዛርኤላ፥ ዮኤዘራነ ያሾብኣማ፥
1CH 12:7 ጋዶራፐ ዬዳ ይሮሃማ ናና ዮኤላነ ዛባድያ።
1CH 12:8 ዳዊተ መላ ቢታን ደእያ ባቃት አትያ ሳኣን ኡት ደእሽን፥ ጋደ ዛርያፐ አሳቱ አኮ ዬድኖ። ኡንቱንቱ ምኖ አሳቱዋነ ኦላዉ ጊጌዳዋንታ፤ ቃይ ጎንዳልያነ ቶራ ኦይቃናዉ ዳንዳይያዋንታ። ኡንቱንቱ ሶምእ ጋሙዋ ዴሙዋ ማላቴ፤ ኡንቱንቱ ደረቱዋ ሁጲያን ጉፕያ ገንእያዳን ኤሌሊኖ።
1CH 12:9 ኡንቱንቱ ካፑ ኤጼራ፤ ላኤንꬁ ኦባድያ፤ ሄዘንꬁ ኤልኣባ፤
1CH 12:10 ኦይደንꬁ ምሽማና፤ እቼሸንꬁ ኤርማሳ፤
1CH 12:11 ኡሱፑንꬁ አታያ፤ ላፑንꬁ ኤልኤላ፤
1CH 12:12 ሆስፑንꬁ ዮሀናና፤ ኡዱፑንꬁ ኤልዛባዳ፤
1CH 12:13 ታማንꬁ ኤርማሳ፤ ታማነ እተንꬁ ማክባናያ።
1CH 12:14 ሀዋንቱ ጋደ ዛርያ ኦላንቻቶ ካፓቱዋ። ኡንቱንቱፐ ላፍያዋንቱ ጼቶ ካፓቱዋ፤ ምንያዋንቱ ሻአ ካፓቱዋ።
1CH 12:15 ዮርዳኖሳ ሻፋይ፥ ጋጻፐ ጋጻ ጋካናዉ ኩም ክጼዳ ኮይሮ አግናን ፕኔዳዋንቱ ሀዋንታ። ኡንቱንቱ ዎምባን አዋይ ዶልያ ባጋናነ አዋይ ዉልያ ባጋናነ ኡቴዳ አሳ ኡባ የደርሴድኖ።
1CH 12:16 ቢንያማ ዛራቱዋፐነ ይሁዳ ዛራቱዋፐ አማሬዳ አሳቱ ዳዊታኮ ጌሱዋ ዬድኖ።
1CH 12:17 ዳዊተ ኡንቱንቱና ጋከታናዉ ከሲደ፥ ሀዋዳን ያጌዳ፤ “ህንተንቱ ታና ማዳናዉ ሳሩዋን ታኮ ዬዳዋ ግዶፐ፥ ታ ዎዛናይ ህንተናና እትፐ ግዳናዋ። ሽን ህንተንቱ ታና ታ ሞርከቶ አꬅ እማናዉ ዬዳዋ ግዶፐ፥ ህንተንታ ኤርተ! ታን ኦꬄዳ ኢታባይ ባይና ድራዉ፥ ኑ አዎቱዋ ጾሳይ ሄዋ በኦ፤ እ ህንተንታ ፕርዶ!” ያጌዳ።
1CH 12:18 ሄዋፐ ጉይያን፥ ሀታማቱዋ ካፑዋ አማሳያ ቦላ ጾሳ አያናይ ዎꬍና፥ “ዳዊታ፥ ኑን ነዋንታ! እሰያ ናአዉ፥ ኑን ኔናና እትፐ ደኤቶ! ሳሩ ነዉ ግዶ! ኔና ማድያዋንቱስካ ሳሮተꬃይ ግዶ! ነ ጾሳይ ኔና ማዴ” ያጌዳ። ዳዊተ ኡንቱንታ አኪደ፥ ባረ ኦላንቻቶ ካፓቱዋ ኦꬄዳ።
1CH 12:19 ዳዊተ ፕልስጼማቱዋና እትፐ ግዲደ፥ ሳኦላ ኦላናዉ ቤዳ ዎደ፥ ምናሰ ዛርያፐ አማሬዳ አሳቱ ዳዊታን ጋከቴድኖ። ሽን ፕልስጼማ አሳቱዋ ካፓቱ ዳዊተነ ዳዊታ አሳይ ባረናና ቤናዳን ድጌድኖ። ፕልስጼማ አሳቱ ሎይꬅ ዞረቴዳዋፐ ጉይያን፥ ኡንቱንታ ጉየ የዴድኖ፤ አያዉ ጎፐ፥ ዳዊተነ ዳዊታ አሳይ ኡንቱንቱ ካትያ ሳኦላዉ አꬅ እማነንቶነ ጊደ ያዬድኖ።
1CH 12:20 ዳዊተ ጽቅላጋ ካታማ ስምሽን፥ ምናሰ ዛርያፐ ዳዊታ ማዳናዉ ከሴዳ ሻላቃቱ አድናሀ፥ ዮዛባዳ፥ ይድኤላ፥ ምካኤላ፥ ዮዛባዳ፥ ኤልሀነ ጽልታያ።
1CH 12:21 ኡንቱንቱ ኡባይካ ጻላነ ዎልቃማ አሳ ግድያ ድራዉ፥ ዳዊተ ጩጉዋ ካልያ ዎደ፥ ኡንቱንቱ አ ማዴድኖ።
1CH 12:22 ዳዊታ ኦላንቻቱ ጾሳ ኦላንቻቱዋዳን ጮራና ጋካናዉ፥ አ ማድያ አሳይ ጋላስ ጋላስ ጉጀቴ።
1CH 12:23 መꬍና ጎዳይ ሃሳዬዳዋዳን ሳኦላ ካዉተꬃ ዳዊታዉ ዛራናዉ ኦላዉ ዳንጭ ጊጊደ፥ ከብሮናን ደእያ ዳዊታኮ ዬዳ ኦላንቻቱ ፓይዱ ሀዋፐ ካሊደ ጻፈቴዳዋ።
1CH 12:24 ጎንዳልያነ ቶራ ኦይቂደ፥ ኦላዉ ዳንጭ ጊጌዳ ይሁዳ ዛራቱ ኡሱፑን ሻአነ ሆስፑን ጼታ።
1CH 12:25 ስሞና ዛርያፐ ኦላዉ ጊጌዳ ጻላነ ዎልቃማ ኦላንቻቱ ላፑን ሻአነ እት ጼታ።
1CH 12:26 ሌዊያ ዛርያፐ ኦይዱ ሻአነ ኡሱፑን ጼታ።
1CH 12:27 አሮና ዛራቱዋ ካፑ ዮዳሀ፤ ዮዳሄና እትፐ ሄዙ ሻአነ ላፑን ጼቱ አሳቱ ደኢኖ።
1CH 12:28 ቃይ ጻዶቀ ያላጋ ጻላነ ዎልቃማ አሳ፤ ጻዶቃ አዉዋ ጎልያ አሳፐ ላታማነ ላኡ ካፓቱ አናና እትፐ ደኢኖ።
1CH 12:29 ቢንያማ ዛርያ ግዴዳ ሳኦላ ዳቦቱ ሄዙ ሻአ አሳ። ሽን ቢንያማ ዛርያፐ ዳርያ ባጋ አሳይ ሳኦላ ጎልያ አሳዉ ሄ ዎዲ ጋካናዉ አማነትያዋንታ።
1CH 12:30 ኤፍሬማ ዛርያፐ ባረንቱ አዎቱዋ ጎልያ አሳን ኤረቴዳ ጻላነ ዎልቃማ አሳቱ ላታሙ ሻአነ ሆስፑን ጼታ።
1CH 12:31 ዳዊታ ካተያናዉ ባናዉ ዶረቴዳ ምናሰ ዛርያፐ ባጋቱ ታማነ ሆስፑን ሻአ።
1CH 12:32 ቃይ እስራኤልያ አሳይ አያ ኦꬃናዉ በስንቶ፥ ዎድያባ ሻክ ኤርያ አኬካንቻ አሳቱ፥ ይሳኮራ ዛርያዉ ካፓቱ ላኡ ጼታ፤ ኡንቱንቱ ዳቦቱ ኡባይ ኡንቱንቶ አዛዘቲኖ።
1CH 12:33 ኦላ ሻሉዋ ኡባ ኦይቂደ፥ ባረንቱ ኩመንꬃ ዎዛናን ዳዊታ ማዳናዉ ጊጌዳ ኦላንቻቱዋን ዛብሎና ዛርያ አሳቱ እሻታሙ ሻአ።
1CH 12:34 ንፍታሌማ ዛርያፐ እት ሻአ ካፓቱ ደኢኖ፤ ጎንዳልያነ ቶራ ኦይቂያ ሀታማነ ላፑን ሻአ አሳቱ ኡንቱንቱና እትፐ ደኢኖ።
1CH 12:35 ዳና ዛርያፐ ኦላዉ ጊጌዳ አሳቱ ላታማነ ሆስፑን ሻአነ ኡሱፑን ጼታ።
1CH 12:36 ኦላዉ ከሳናዉ አሴራ ዛርያፐ ጊጌዳዋንቱ ኦይታሙ ሻአ።
1CH 12:37 ዮርዳኖሳ ሻፋፐ ሄፍንꬃ አዋይ ዶልያ ባጋን ደእያ ሮቤላ ዛርያፐ፥ ጋደ ዛርያፐነ ምናሰ ዛርያ ባጋፐ ኦላ ሻሉዋ ኡባ ኦይቂደ ዬዳ አሳቱ እት ጼታነ ላታሙ ሻአ።
1CH 12:38 ሀ ኦላዉ ጊጌዳ ኦላንቻቱ ኡባይ ዳዊታ እስራኤልያ ቦላ ካተያናዉ ባረንቱ ቆፋ ቃቺደ፥ ከብሮነ ካታማ ዬድኖ። ቃይ እስራኤልያፐ አቴዳዋንቱካ ካተያናዉ ዳዊታ ካተዪደ እት ዎዛና ግዴድኖ።
1CH 12:39 ኡንቱንቱ ዳቦቱ ኡንቱንቶ ኮሽያዋ ጊግስ ዎꬄዳ ድራዉ፥ ሚድነ ኡሺደ ዳዊታና ሄዙ ጋላሳ ኡቴድኖ።
1CH 12:40 እስራኤልያ አሳዉ ናሸቻ ግድያ ድራዉ፥ ሁጲሳ ባጋና ደእያ ይሳኮራፐ፥ ዛብሎናፐነ ንፍታሌማፐ አሳቱ ዳሮ ቁማ አሄድኖ። ꬊልያ፥ ባላስያ ኡክꬃ፥ ዎይንያ ቴራ፥ ዎይንያ ኤሳነ ዛይትያ ሀርያን፥ ባቁሉዋን፥ ጋሉዋንነ ቦራን ጫኒደ አሄድኖ፤ ቃይካ ኡንቱንቱ ሚዛነ ዶርሳ ሹኪደ ማናዉ አኪደ ዬድኖ።
1CH 13:1 ሄዋፐ ጉይያን፥ ዳዊተ ሱንꬃቱዋና፤ ሻላቃቱዋናነ ጼቱዋ ካፓቱዋና ዞረቴዳ።
1CH 13:2 እስራኤልያ አሳ ኡባ፥ “ህንተንቶ ሎአ ማላትያባ ግዶፐነ፥ መꬍና ጎዳ ኑ ጾሳ ሸነ ግዶፐ፥ እስራኤልያ ቢታ ጋጻን ደእያ ኑ ዳቦቱ፥ ቄሳቱ ነ ባረንቱ ካታማን ደእያ ሌዋቱ ኑናና እትፐ ሺቃናዳን አሳ ኪቶይተ።
1CH 13:3 ሳኦል ካተቴዳ ዎደ ሸነኮ ጊና፥ ዶገቲደ አቴዳ ኑ ጾሳ ታቦታ አነ ዛሪደ አሆይተ” ያጌዳ።
1CH 13:4 ዳዊተ ኦዴዳ የዉ ሱረ ግዴዳ ድራዉ፥ አሳይ ኡባይ ማዬዳ።
1CH 13:5 ሄዋ ድራዉ፥ ዳዊተ ጾሳ ታቦታ ቅርያት-ይኣሪማፐ አሀና ማላ፥ ግብጼ ዛዋፐ ሽሆራ ሻፋፐ ዶሚደ፥ ሀማታ ፕኑዋ ጋካናዉ ደእያ እስራኤልያ አሳ ኡባ ሺሼዳ።
1CH 13:6 ዳዊተነ እስራኤልያ አሳይ ኡባይ ክሩበቱዋፐ ግዱዋን ባረ ካዉተꬃ አራታ ቦላ ኡቴዳ ጾሳ ሱንꬃን ጼሰቴዳ ጾሳ ታቦታ አሀናዉ ይሁዳ ቢታን ደእያ ባኣላ ጌተትያ ቅርያት-ይኣሪማ ካታማ ቤድኖ።
1CH 13:7 ጾሳ መꬍና ጎዳ ታቦታ ቦራይ ጎችያ ኦራꬃ ጋርያን ዎꬂደ፥ አብናዳባ ሶፐ አሄድኖ፤ ኡዝነ አህዮይ ጋርያ ላጊኖ።
1CH 13:8 ዳዊተነ እስራኤልያ አሳይ ኡባይ ዲꬃነ ማስንቁዋ ዲጺደ፥ ካባሩዋ ባቂደ፥ ዳላ ቃꬂደነ ጹሩምባ ፑኒደ፥ ባረንቱ ኩመንꬃ ዎልቃን ጾሳ ስንꬃን ናሸቲደ ቦንቼድኖ።
1CH 13:9 ኡንቱንቱ ኪዶና ግያ ሳን ደእያ ካꬃ ቡክያ ኡዱማ ጋክያ ዎደ፥ ቦራቱ ꬉበትና፥ ኡዝ ታቦታ ኦይቃናዉ ባረ ኩሽያ የዴዳ።
1CH 13:10 አ ኩሺ ታቦታ ቦቼዳ ድራዉ፥ መꬍና ጎዳ ሀንቁ ኡዛ ቦላ ኤጽ ከሴዳ። ሄዋ ድራዉ፥ ጾሳይ አ ሾጭና፥ እ ሄ ሳኣን ጾሳ ስንꬃን ሀይቂ አጌዳ።
1CH 13:11 መꬍና ጎዳይ ሀንቀቲደ ኡዛ ዎꬌዳ ድራዉ፥ ዳዊተ ይሎቴዳ። ሀቼ ጋካናዉ፥ ሄ ሳአይ ፔረዝ ኡዛ ጌተቲደ ጼሰቴዳ። ኡዝ ሾጨቶ ሳኣ ጌተቴ።
1CH 13:12 ሄ ጋላስ ዳዊተ ጾሳዉ ያዬዳ ድራ፥ “ጾሳ ታቦታ ታኮ ዋታ አሀናዉ ዳንዳያይታ?” ያጌዳ።
1CH 13:13 ሄዋ ድራዉ፥ ታቦታ ባረናና ዳዊታ ካታማ አፍቤና። ሽን ጋትያ ኦቤድ-ኤዶማ ጌተትያ ብታንያ ሶ አፌዳ።
1CH 13:14 ጾሳ ታቦታይ ኦቤድ-ኤዶማ ጎለን አ ጎልያ አሳና ሄዙ አግና ጋምኤዳ። መꬍና ጎዳይ አ ጎልያ አሳነ አዉ ደእያ ኡባባ አንጄዳ።
1CH 14:1 ጺሮሳ ካቲ ኪራም ዳዊታዉ አሳቱዋ ኪቴዳ። ኪተቴዳ አሳቱዋና ጎልያ ኬጻናዳን ዝጋ ሙደꬃነ ቃይ ሹቻ ማስያዋንታነ አናጸቱዋ አዉ የዴዳ።
1CH 14:2 መꬍና ጎዳይ እስራኤልያ ቦላ አ ካትያ ኦꬂደ ኤሴዳዋነ ባረ አሳ እስራኤልያ ድራዉ፥ አ ካዉተꬃ ꬎቁ ኦꬂደ ቦንቼዳዋ ዳዊተ ኤሬዳ።
1CH 14:3 ሄዋፐ ጉይያን፥ ዳዊተ የሩሳላመን ሀራ ማጫ አሳ ጉጅ አኪደ፥ አቱማዋ ናናነ ማጫ ናና የሌዳ።
1CH 14:4 ዳዊተ የሩሳላመን የሌዳ አቱማ ናናይ ሻሙአ፥ ሾባባ፥ ናታና፥ ሶሎሞነ፥
1CH 14:5 ይብሃራ፥ ኤልሹአ፥ ኤልፓሌጻ፥
1CH 14:6 ኖጋሀ፥ ነፌጋ፥ ያፍአ፥
1CH 14:7 ኤልሻማአ፥ በኤልያዳነ ኤልፈሌጻ።
1CH 14:8 ዳዊተ እስራኤልያ ኡባ ቦላ ካትያ ግዲደ ኦከቴዳዋ ፕልስጼማ አሳይ ስሴዳ ዎደ፥ ኡንቱንቱ ኡባይ ዳዊታ ኮያናዉ ከሴድኖ። ዳዊተ ኡንቱንቱ ከሴዳዋ ስሲደ፥ ኡንቱንቱና ኦለታናዉ ከሴዳ።
1CH 14:9 ፕልስጼማ አሳይ ራፋይማ ዎምባ ዪደ ቦንቄድኖ።
1CH 14:10 ዳዊተ ጾሳ፥ “ታን ባደ ፕልስጼማቱዋ ኦሎ? ኔን ኡንቱንቱ ታዉ አꬃ እማኒ?” ያጊደ ኦቼዳ። ሽን መꬍና ጎዳይ አ፥ “ባደ ኦላ። ታን ኡንቱንታ ነዉ አꬃ እማና” ያጌዳ።
1CH 14:11 ዳዊተነ አ አሳይ ባኣል-ፓራጺማ ግያ ሳኣ ቢደ፥ ያን ኡንቱንታ ጾኔድኖ። ዳዊተ፥ “ሃꬃ ድኡ ꬉስ አꬍያዋዳን ጾሳይ ታ ሞርከቱዋ ግዱዋና ታና አꬄዳ” ያጌዳ። ሄዋ ድራዉ፥ ሄ ሳኣ ሱንꬃይ ባኣል-ፓራጺማ ጌተቴዳ።
1CH 14:12 ፕልስጼማቱ ባረንቱ ኤቃቱዋ ሄ ሳኣን የጊደ ቤድኖ። ያትና ዳዊተ አዛዚደ፥ ኡንቱንቱ ኤቃቱዋ ታማን ጹግሴዳ።
1CH 14:13 ፕልስጼማ አሳቱ ላኤንꬁዋ ሀ ዎምባ ስም ዪደ ቦንቄድኖ።
1CH 14:14 ዳዊተ ጾሳ ላኤንꬁዋ ኦቼዳ። ሽን ጾሳይ አ፥ “ኔን ኡንቱንቱ ጌዱዋ ቦፓ። ኡንቱንቱ ጉየና ዩያ አꬋአደ ቦእያ ምꬃፐ ስንꬃ ባጋና ኦላናዉ ጊጋ።
1CH 14:15 ቦእያ ምꬃፐ ሁጲያን ሳልፕያ ኮሻ ኔን ስስያ ዎደ፥ ኦላናዉ ከሳ። አያዉ ጎፐ፥ ሄዌ ፕልስጼማ ኦላንቻቱዋ ሾጫናዉ ጾሳይ ኔፐ ስንꬃዉ አꬌዳ ግያዋ” ያጌዳ።
1CH 14:16 ጾሳይ አዛዜዳዋዳን ዳዊተ ኦꬄዳ። ጋባኦናፐ ቢደ ገዜራ ጋካናዉ፥ እስራኤልያ አሳይ ፕልስጼማ ኦላንቻቱዋ ዎꬌዳ።
1CH 14:17 ሄዋፐ ጉይያን፥ ዳዊታ ዎሪ ቢታ ኡባ ጋኬዳ። ካዉተꬃቱ ኡባይ ዳዊታዉ ያያናዳን መꬍና ጎዳይ ኦꬄዳ።
1CH 15:1 ዳዊተ ባረ ካታማን ባረዉ ጎልያ ኬጼዳ፤ ጾሳ ታቦታዉካ ሳኣ ጊግሲደ፥ ዱንካንያ ኤሴዳ።
1CH 15:2 ሄዋፐ ጉይያን ዳዊተ፥ “ጾሳ ታቦታ ቶካናዳንነ መꬍ መꬍናዉ መꬍና ጎዳዉ ኦꬃናዉ መꬍና ጎዳይ ዶሬዳ ሌዋቱዋፐ አትና፥ ኦንነ ጾሳ ታቦታ ቶካናዉ በሰና” ያጌዳ።
1CH 15:3 ዳዊተ መꬍና ጎዳ ታቦታዉ ጊግሴዳ ሳኣ ታቦታ አሀናዳን፥ እስራኤልያ አሳ ኡባ የሩሳላመን ሺሼዳ።
1CH 15:4 ቃይ ዳዊተ አሮና ዛራቱዋነ ሌዋቱዋ ጼሲደ ሺሼዳ።
1CH 15:5 ቃሃታ ያራቱዋፐ ካፑ ኡርኤልነ እት ጼታነ ላታሙ አ ዳቦቱ ዬድኖ።
1CH 15:6 ማራራ ያራቱዋፐ ካፑ አሳይነ ላኡ ጼታነ ላታሙ አ ዳቦቱ ዬድኖ።
1CH 15:7 ገርሾና ያራቱዋፐ ካፑ ዩኤልነ ጼታነ ሀታሙ አ ዳቦቱ ዬድኖ።
1CH 15:8 ኤልጻፋና ያራቱዋፐ ካፑ ሻማኤነ ላኡ ጼቱ አ ዳቦቱ ዬድኖ።
1CH 15:9 ከብሮነ ያራቱዋፐ ካፑ ኤልኤልነ ሆስፑን ታሙ አ ዳቦቱ ዬድኖ።
1CH 15:10 ኡዝኤላ ያራቱዋፐ ካፑ አምናዳብነ ጼታነ ታማነ ላኡ አ ዳቦቱ ዬድኖ።
1CH 15:11 ሄዋፐ ጉይያን፥ ዳዊተ ቄሳቱ ዋ ጻዶቃነ አብያታራ፥ ቃይ ሌዋቱዋ ኡርኤላ፥ አሳያ፥ ዩኤላ፥ ሻማእያ፥ ኤልኤላነ አምናዳባ ጼስሴዳ።
1CH 15:12 ኡንቱንታ፥ “ህንተንቱ ሌዋቱ ዛረቶ ካፓቱዋ። ጾሳ እስራኤልያ መꬍና ጎዳ ታቦታ ታን ጊግሳ ዎꬄዳ ሳኣ አሀናዉ ህንተነ ህንተንቱ ዳቦቱ ጌይተ።
1CH 15:13 ህንተንቱ ሌዋቱ ኮይሮ ጾሳ ታቦታ ቶክቤና ድራዉነ ኑን አ ዎጋዳን ዎት አፋነንቶ ጾሳ ኦችቤና ድራዉ፥ መꬍና ጎዳይ ኑ ጾሳይ ኑና ሙሬዳ” ያጌዳ።
1CH 15:14 ሄዋፐ ጉይያን፥ መꬍና ጎዳ እስራኤልያ ጾሳ ታቦታ አሀናዉ ቄሳቱ ነ ሌዋቱ ባረንታ ጌሼድኖ።
1CH 15:15 መꬍና ጎዳይ ሙሴ ባጋና ካሰ አዛዜዳዋዳን፥ ሌዋቱ ጾሳ ታቦታ ካሱዋና ባረንቱ ሀሽያን ቶኬድኖ።
1CH 15:16 ሄዋፐ ጉይያን፥ ዲꬃነ ማስንቁዋ ዲጺደ፥ ዳላ ቃꬂደ፥ ናሸችያ የꬃ የጻና ማላ፥ ሌዋቱዋ ካለꬅያዋንቱ ባረንቱ ዳቦቱዋ ሱንꬃናዳን ዳዊተ አዛዜዳ።
1CH 15:17 ሌዋቱ ዩኤላ ናኣ ሄማና፥ አ ዳባቱዋፐ በረክያ ናኣ አሳፋነ ኡንቱንቱ ዳባቱዋፐ ማራራ ያራ ቁሳያ ናኣ ኤታና ሱንꬄድኖ።
1CH 15:18 ቃይ ላኤንꬆ ካላን ዛካራሳ፥ ያእዝኤላ፥ ሻምራሞታ፥ ይህኤላ፥ ኡና፥ ኤልኣባ፥ ባናያ፥ ማእሴያ፥ ማቲትያ፥ ኤልፋላ፥ ሚቅኔያነ ፐንግያ ናግያዋንታ ኦቤድ-ኤዶማነ ይእኤላ ሱንꬄድኖ።
1CH 15:19 ናሃስያ ዳላ ꬎቁ ኦꬂደ ቃꬃናዳን ሄማን፥ አሳፍነ ኤታን ሱንቴድኖ።
1CH 15:20 ቃይ ዛካራስ፥ ያእዝኤል፥ ሻምራሞት፥ ይህኤል፥ ኡን፥ ኤልኣብ፥ ማእሴይነ ባናይ ዲꬃ ሌኡዋን ዲጺኖ።
1CH 15:21 ማቲተ፥ ኤልፋል፥ ሚቅኔይ፥ ኦቤድ-ኤዶም፥ ይእኤልነ አዛዚ ዲꬃ ኦርድያን ዲጺኖ።
1CH 15:22 ሌዋቱ ካፑ ካናነ ማዝሙርያ ካለꬃናዉ ሱንቴዳ፤ እ ኤራንቻ ግድያ ድራዉ፥ ኡንቱንታ ታማርሴ።
1CH 15:23 በረኬነ ኤልቃን ታቦታ ዱንካንያ ፐንግያ ናጋናዉ ዶረቴድኖ።
1CH 15:24 ቃይ ቄሳቱ ሻባኔ፥ ዮሻፋጽ፥ ናታንኤል፥ አማሳይ፥ ዛካራስ፥ ባናይነ ኤልኤዛር ጾሳ ታቦታ ስንꬃን ጹሩምባ ፑናናዉ ዶረቴድኖ። ኦቤድ-ኤዶምነ የህያ ታቦታ ፐንግያ ናጋናዉ ዶረቴድኖ።
1CH 15:25 ሄዋፐ ጉይያን ዳዊተ፥ እስራኤልያ ጭማቱነ ሻአ ካፓቱ መꬍና ጎዳ ቃላ ጫቁዋ ታቦታ ኦቤድ-ኤዶማ ሶፐ አሀናዉ ናሸቲደ ቤድኖ።
1CH 15:26 መꬍና ጎዳ ቃላ ጫቁዋ ታቦታ ቶኬዳ ሌዋቱዋ ጾሳይ ማዴዳ ድራዉ፥ ኡንቱንቱ ላፑን ኮሩማቱዋነ ላፑን ዶርሳ ኦርገቱዋ ያርሼድኖ።
1CH 15:27 ዳዊተ፥ ታቦታ ቶኬዳ ሌዋቱ ኡባይ፥ ማዝሙርያ የጽያዋንቱነ ማዝሙርያ የጽያዋንቱ ካፑ ካናነ ሱፍያ ጌተትያ ቃጭናፐ ዳደቴዳ ማዩዋ ማዬድኖ። ዳዊተካ ቃይ ሊኑዋፐ ዳደቴዳ ኤፉድያ ጌተትያ ማዩዋ ማዬዳ።
1CH 15:28 ሀዋዳን ኦꬂደ፥ እስራኤልያ ኡባይ ሆምቦጪደ፥ ጹሩምባነ ማላካታ ፑኒደ፥ ዳላ ቃꬂደነ፥ ዲꬃነ ማስንቁዋ ዲጺደ፥ መꬍና ጎዳ ቃላ ጫቁዋ ታቦታ አሄድኖ።
1CH 15:29 መꬍና ጎዳ ቃላ ጫቁዋ ታቦታይ ዳዊታ ካታማ ገሌዳ ዎደ፥ ሳኦላ ናታ ሚካላ ማስኮትያና ጼላደ፥ ካቲ ዳዊተ ናሸቲደ ዱርሺንነ ካእሽን በኣዱ፤ ዳዊታ ባረ ዎዛናን ካꬋዱ።
1CH 16:1 ኡንቱንቱ ጾሳ ታቦታ አሂደ፥ ዳዊተ ታቦታ ዎꬃናዉ ꬎጌዳ ዱንካንያ ግዱዋን ዎꬄድኖ። ጹግያ ያርሹዋነ እትፐተꬃ ያርሹዋ መꬍና ጎዳዉ ያርሼድኖ።
1CH 16:2 ዳዊተ ጹግያ ያርሹዋነ እትፐተꬃ ያርሹዋ ያርሺደ ፖሌዳዋፐ ጉይያን፥ መꬍና ጎዳ ሱንꬃን አሳ አንጄዳ።
1CH 16:3 እስራኤልያ አሳዉ ኡባዉ፥ ማጫንዉነ አቱማዎ፥ ሁጲያን ሁጲያን እት እት ኮምፖ ኡክꬃ፥ እት እት ሙጾ አሹዋካ ዎይንያ ቴራ መላፐ እት እት ኡክꬃ ግሼዳ።
1CH 16:4 መꬍና ጎዳ ታቦታ ስንꬃን ኦꬃናዳንነ መꬍና ጎዳ እስራኤልያ ጾሳ ሳባናዳን፥ ጋላታናዳንነ ቦንቻናዳን፥ አማሬዳ ሌዋቱዋ ዳዊተ ሱንꬄዳ።
1CH 16:5 ሌዋቱ ካፑ አሳፋ፤ አሳፋ ካሊደ ላኤንꬆ ካፑ ዛካራሳ። ዛካራሳ ካሊደ ደእያዋንቱ ይእኤላ፥ ሻምራሞታ፥ ይህኤላ፥ ማቲትያ፥ ኤልኣባ፥ ባናያ፥ ኦቤድ-ኤዶማነ የኤላ። ኡንቱንቱ ማስንቁዋነ ዲꬃ ዲጻናዉ ሱንቴድኖ፤ ሽን አሳፈ ዳላ ቃꬃናዉ ሱንቴዳ።
1CH 16:6 ቄስያ ባናይነ ያሃእኤል ጾሳ ቃላ ጫቁዋ ታቦታ ስንꬃን ኡባ ዎደ ጹሩምባ ፑናናዉ ሱንቴድኖ።
1CH 16:7 ሄ ጋላስ ዳዊተ ካሰቲደ፥ አሳፍነ አ ዳቦቱ መꬍና ጎዳ ሳባናዳን ኡንቱንቶ እሜዳ።
1CH 16:8 መꬍና ጎዳ ጋላትተ፤ አ ሱንꬃ ጼስተ። እ ኦꬄዳዋ ካዉተꬃቱ ግዱዋን ኤርስተ።
1CH 16:9 አ ሳቢተ፤ ጋላታ የꬃ አዉ የጽተ። አ ማላልስያ ኪታ ኡባ ኦድተ።
1CH 16:10 አ ጌሻ ሱንꬃን ጬቀትተ፤ መꬍና ጎዳ ኮይያዋንቱ ዎዛናቱ ናሸትኖ።
1CH 16:11 መꬍና ጎዳነ አ ዎልቃ ጾሞስተ፤ ኡባደ አ ስንꬃ ኮይተ።
1CH 16:12 ህንተንቶ፥ አ ቆማ አብራሃማ ዘረꬃቶ፥ ዶረቴዳ ያቆባ ናቶ፥ እ ኦꬄዳ ማላልስያባ፥ አ ማላታነ እ ፕርዴዳ ፕርዳ ሀሳይተ።
1CH 16:14 እ መꬍና ጎዳ ኑ ጾሳ፤ አ ፕርዳይካ ሳኣ ኡባ ቦላና።
1CH 16:15 እ ባረ ቃላ ጫቁዋ መꬍናዉ፥ ባረ አዛዜዳ ቃላ ሻአ የለታ ጋካናዉ ናጌ።
1CH 16:16 ሄዌነ፥ እ አብራሃመና ጫቀቴዳ ጫቁዋ፥ ይሳቃዉ ጫቄዳ ጫቁዋ።
1CH 16:17 ያቆባዉ ዎጋ፥ እስራኤልያዉካ መꬍና ጫቁዋ ኦꬂደ ምንꬄዳዋ።
1CH 16:18 እ፥ “ነዉ ካናነ ቢታ እማና፤ እ ነ ዘረꬃቶ ላታ ግዳናዋ” ያጌዳ።
1CH 16:19 ጾሳ አሳቱ ፓይዱዋን ጉꬃነ ካናነ ቢታን በተ ግዲደ ደእያ ዎደ፥
1CH 16:20 እት አሳፐ ሀራ አሳ፥ እት ካተተꬃፐ ሀራ ካዉተꬃ ዩዬድኖ።
1CH 16:21 ጾሳይ ኡንቱንታ ኦንነ ናቃናዉ እምቤና፤ ኡንቱንቱ ድራዉ ካተቱዋ ሴሪደ፥
1CH 16:22 “ታን ኦኬዳዋ ቦቾፕተ፤ ታ ትምቢትያ ኦድያዋንታ ቆሆፕተ” ያጌዳ።
1CH 16:23 ሳኣን ደእያ አሳዉ፥ ኡባይካ መꬍና ጎዳዉ የጽተ፤ እ አሽያ ምሽራቹዋ ሀቼ ሀቼ ኦድተ።
1CH 16:24 ካዉተꬃቱ ግዱዋን አ ቦንቹዋ፥ አሳ ኡባ ግዶን አ ማላልስያ ኦሱዋባ አዋይተ።
1CH 16:25 መꬍና ጎዳይ ዎልቃማ፤ አꬎ ጋላታይ አዉ በሴ። ጾሳቱዋ ኡባፐ አꬊደ፥ እ ያየታናዉ በሰ።
1CH 16:26 ሀራ አሳ ጾሳቱ ኡባይ ኤቃቱዋ፤ ሽን መꬍና ጎዳይ ሳሉዋ መꬌዳ ጾሳ።
1CH 16:27 ቦንቹነ አንጋይ አ ዩሹዋን ደኤ፤ ምኖተꬃይነ ናሸቻይ እ ደእያ ሳኣን ደኤ።
1CH 16:28 ህንተንቶ፥ አሳ ዛረቶ ኡባዉ፥ መꬍና ጎዳዋ ኦድተ፤ “ቦንቹነ ዎልቃይ መꬍና ጎዳዋ” ጊደ ኦድተ።
1CH 16:29 “ቦንቹ አ ሱንꬃሳ” ጊደ መꬍና ጎዳዋ ኦድተ። ያርሹዋ አኪደ፥ አ ስንꬃ ዪተ። አ ጌሻተꬃ ፑላን መꬍና ጎዳዉ ጎይንተ።
1CH 16:30 ጋድያን ደእያ አሳዉ ኡባዉ፥ አ ስንꬃን ኮኮርተ። ሳአይ ምን ኤቄዳ፤ ኡባካ ቃጸና።
1CH 16:31 ሳሎቱ ናሸትኖ፤ ሳአይካ ሀሹ ጎ! ካዉተꬃቱ ግዶን ኡንቱንቱ፥ “መꬍና ጎዳይ ካተቴዳ!” ያግኖ።
1CH 16:32 አባይነ አ ግዶን ኩሜዳባቱ ጉምኖ። ሾይቃይነ ሾይቃን ደእያባቱ ኡባቱ ናሸትኖ።
1CH 16:33 ሄዋፐ ጉይያን ዎራን ደእያ ምꬃ ኡባይ የጻና፤ ናሸቻን መꬍና ጎዳ ስንꬃን የጻና። አያዉ ጎፐ፥ እ ሳኣ ቦላን ፕርዳናዉ ዬ።
1CH 16:34 ጾሳይ ሎአ ግድያ ድራዉነ መꬍና ጎዳ ጋላትተ። አገና አ ሲቁ መꬍናዋ ግድያ ድራዉ፥ ጋላትተ።
1CH 16:35 ሄዋፐ ጉይያን ህንተንቱ፥ “አቤት ኑና አሽያ ጾሳዉ፥ ኑና አሻ። ኑን ነ ጌሻ ሱንꬃ ጋላታናዳንነ ነ ቦንቹዋን ጬቀታናዳን፥ ካዉተꬃቱ ግዶፐ ሺሻደ አሻ” ያግተ።
1CH 16:36 መꬍና ጎዳዉ፥ እስራኤልያ ጾሳዉ ጋላታይ ግዶ። መꬍናፐ መꬍና ጋካናዉ ጋላተቶ! ሄዋፐ ጉይያን አሳይ ኡባይ፥ “አመንእ” ጊደ፥ መꬍና ጎዳ ጋላቴዳ።
1CH 16:37 መꬍና ጎዳ ቃላ ጫቁዋ ታቦታ ስንꬃን ሀቼ ሀቼ ጎይናዉ ኮሽያዋ ኡባ ዎደ ኡንቱንቱ ኦꬃናዳን፥ ዳዊተ አሳፋነ አ ዳቦቱዋ ዎꬄዳ።
1CH 16:38 እ ቃይ ኦቤድ-ኤዶማነ አ ዳቦቱዋ ኡሱፑን ታማነ ሆስፑንꬃ ኡንቱንቱና ኦꬃናዳን ዎꬄዳ፤ ይዱቱና ናኣ ኦቤድ-ኤዶማነ ሆሳ ፐንግያ ናጋናዳን ዎꬄዳ።
1CH 16:39 ቄሲ ጻዶቅነ አናና ኦꬅያ ቄሳቱ ጋባኦናን ደእያ ꬎቃ ሳኣን፥ መꬍና ጎዳ ዱንካንያ ስንꬃን ኦꬃናዳን ያን አቴድኖ።
1CH 16:40 መꬍና ጎዳይ እስራኤልያዉ እሜዳ ህግያን ጻፈቴዳዋዳን፥ ኡንቱንቱ ዎንታነ ኦማርስ ኡባ ዎደ ጹግያ ያርሹዋ ያርሽያ ሳኣን መꬍና ጎዳዉ ያርሺኖ።
1CH 16:41 አገና አ ሲቁ መꬍናዋ ግድያ ድራዉ፥ መꬍና ጎዳ የꬃን ጋላታናዳን ሄማና፥ ይዱቱናነ ዶረቴዳ ሀራቱዋ ዳዊተ ኡንቱንቱና እትፐ ዎꬄዳ።
1CH 16:42 ሄማንነ ይዱቱን ጹሩምባ ፑኒኖ፥ ዳላ ቃꬂኖነ ጋላታ ማዝሙርያ የጺደ ካእያ ሀራ ሚሻቱዋ ካኢኖ። ይዱቱና አቱማ ናናይ ፐንግያ ናጋናዉ ሱንቴድኖ።
1CH 16:43 ሄዋፐ ጉይያን፥ አሳይ ኡባይ ባረ ሶ ባረ ሶ ቤዳ። ዳዊተካ ባረ ሶይ አሳ አንጃናዉ ስሜዳ።
1CH 17:1 ዳዊተ ባረ ካትያ ጎለን ደኢደ፥ ትምቢትያ ኦድያ ናታና፥ “ታን ዝጋፐ ኬጸቴዳ ጎለን ደአይ፤ ሽን መꬍና ጎዳ ቃላ ጫቁዋ ታቦታይ ዱንካንያ ጋርሳና” ያጌዳ።
1CH 17:2 ናታን ዳዊታ፥ “ኦꬃናዉ ነ ዎዛናይ ቆፔዳዋ ኡባ ኪተታ፤ ጾሳይ ኔናና ደኤ” ያጌዳ።
1CH 17:3 ሽን ሄ ጋላሳ ቃማ ጾሳ ቃላይ ናታናኮ ዪደ፥
1CH 17:4 “ባ፤ ታ ቆማ ዳዊታ ሀዋዳን ያጋ፤ ‘መꬍና ጎዳይ ሀዋዳን ያጌ፤ ታን ደአና ጎልያ ኬጻናዌ ኔና ግዳካ።
1CH 17:5 አያዉ ጎፐ፥ ታን እስራኤላቱዋ ግብጼፐ ከሴዳ ጋላሳፐ ዶማደ ሀቼ ጋካናዉ፥ ጎለን ደአበይከ፤ ታን ዱንካንያፐ ዱንካንያዉ፥ ቃይ እት ሳፐ ሀራ ሳአዉ ዩያደ ደኣድ።
1CH 17:6 ታን እስራኤልያ አሳ ኡባና ዩዬዳ ሳኣ ኡባን፥ ታ አሳ ሄማናዉ ታን አዛዜዳ እስራኤልያ ዳናቱዋፐ ኦስነ፥ ታዉ ዝጋ ጎልያ አያዉ ኬጻበይኪ? ጋደ ኦቻበይከ’ ያጌ” ያጋ።
1CH 17:7 “ሄዋ ድራዉ፥ ሀእካ ታ ቆማ ዳዊታ፥ ‘ኡባፐ ዎልቃማ መꬍና ጎዳይ ኔና ሀዋዳን ያጌ፤ “ታን ኔና ሄንꬃ ጋደፐ፥ ዶርሳ ሄምያ ሳፐ ደንꬃደ፥ ታ አሳ እስራኤልያ ካለꬃናዳን አካድ።
1CH 17:8 ኔን ቤዳ ሳኣ ኡባን ታን ኔናና እትፐ ግዳድ፤ ነ ሞርከቱዋ ኡባ ነ ስንꬃፐ ድጋድ። ሀእ ስም ታን ሀ ሳኣን ኤረቴዳ ዎልቃማ አሳቱዋፐ ሱንꬃዳን ነ ሱንꬃ ግታያና።
1CH 17:9 ቃይ ታን ታ አሳዉ፥ እስራኤልያዉ ሳኣ እማደ፥ ኡንቱንታ ሄ ሳኣን ቶካና። ሄዋ ድራዉ፥ ኡንቱንቱ ባረንቱ ሳኣን ደአናዋንታ፤ ኡንቱንቱ ላኤንꬆ ሻባረትክኖ። ካሰ ታን ታ አሳ እስራኤልያ ቦላ የለታቱዋ ሱንꬄዳ ዎድያፐ ዶምና ናቄዳዋዳን፥ ላኤንꬆ ኢታ አሳቱ ኡንቱንታ ናቂክኖ። ታን ነ ሞርከቱዋ ኡባ ነዉ ሞድሳና። “ ‘ “ሄዋ ቦላንካ መꬍና ጎዳይ ባረ ሁጲያዉ ነ ዛራቱ ደአናዳን ኦꬃናዋ ነዉ ኦዴዳ።
1CH 17:11 ነ ላይꬃይ ዉርና፥ ሀይቃዳ ነ ማይዛ አዎቱዋን ጋከትያ ዎደ፥ ታን ኔፐ ጉይያን ነ ዛርያ፥ ነ ናናቱዋፐ እቱዋ ደንꬃደ፥ አ ካዉተꬃ ምንሳና።
1CH 17:12 ታዉ ጎልያ ኬጻናዌ አ፤ ታን አ ካዉተꬃ አራታ መꬍናዉ ምንሳ ኤሳና።
1CH 17:13 ታን አዉ አዉዋ ግዳና፤ እካ ታዉ ናኣ ግዳና። ኔፐ ካሰ ካተቴዳ ሳኦላፐ ታን ታ ሲቁዋ አካ ድጌዳዋዳን፥ ታን አፐ ኡባካ አክከ።
1CH 17:14 ታን አ ታ አሳ ቦላነ ታ ካዉተꬃ ቦላ መꬍናዉ ሱንꬃና፤ አ ካዉተꬃ አራታይካ መꬍናዉ ምን ኤቃና” ያጌ’ ያጋ” ያጌዳ።
1CH 17:15 ናታን ጾሳይ አዉ ሳጻን ቆንጭሴዳ ቃላ ኡባ ሀዋዳን ዳዊታዉ ኦዴዳ።
1CH 17:16 ሄዋፐ ጉይያን፥ ካቲ ዳዊተ ዱንካንያ ገሊደ፥ መꬍና ጎዳ ስንꬃን ኡቴዳ። ሀዋዳን ያጊደ ዎሴዳ፤ “አቤት መꬍና ጎዳዉ፥ ጾሳዉ፥ ኔን ሀዋ ኡባ ታዉ ኦꬃናዉ ታን ኦኔ? ታ ሶይ አሳይካ አዬ?
1CH 17:17 አቤት መꬍና ጎዳዉ፥ ሀዌ ነ አይፍያ ስንꬃን ጉꬃ ማላትና፥ ነ ቆማ ዛራቱ ስንꬃፐ ያናዋ ላይꬃቱዋን ትምቢትያ ኦዳዳ። ታና ቃይ ዎልቃማ አሳ ከሳዳ።
1CH 17:18 ኔን ታና ነ ቆማ ቦንቼዳ ድራዉ፥ ታን ዳዊተ ስም አያ ጋናዉ ዳንዳያይታ? ኔን ታና ነ ቆማ ኤራሳ።
1CH 17:19 አቤት መꬍና ጎዳዉ፥ ነ ቆማ ድራዉ፥ ነ ዎዛና ቆፋዳን ሀ ግታባ ኡባ ኦꬃደ፥ ሀ ግታተꬃ ኡባ ታና ኤርሳዳ።
1CH 17:20 “አቤት መꬍና ጎዳዉ፥ ነ ማል እቱነ ባዋ። ኑን ኑ ሀይꬃን ስሴዳዋዳን፥ ኔፐ አትና፥ ሀራ ጾስ ባዋ።
1CH 17:21 ኔን ነ አሳ ኦꬃናዉ ዎዜዳ ነ አሳ እስራኤልያ ማላትያ ሀራ ካዉተꬅ ሳኣ ቦላን ባዋ። ኔን ኦꬄዳ ግታነ ማላልስያ ኦሶቱ ጋሱዋን ነ ሱንꬃይ ቢታን ሳኣን ኤረቴዳ። ኔን ግብጼፐ ዎዜዳ ነ አሳ ስንꬃፐ ካዉተꬃቱዋ ላጋዳ።
1CH 17:22 ኔን ነ አሳ እስራኤልያ መꬍናዉ ነባ ኦꬃዳ። አቤት መꬍና ጎዳዉ፥ ኔንካ ኡንቱንቱ ጾሳ ግዳዳ።
1CH 17:23 “አቤት መꬍና ጎዳዉ፥ ኔን ነ ቆማባነ አ ዘረꬃባ ሃሳዬዳዌ መꬍናዉ ምን ኤቆ፤ ኔን ኦꬃና ጌዳዋዳንካ ኪተታ።
1CH 17:24 ‘ኡባፐ ዎልቃማ መꬍና ጎዳዉ፥ እስራኤልያ ጾሳይ ቱሙዋፐ እስራኤልያዉ ጾሳ’ ጌተታናዳን ነ ሱንꬃይ መꬍናዉ ምን ኤቃናነ ግታታና። ነ ቆማ ዳዊታ ዛራቱ ነ ስንꬃን ምን ኤቃና።
1CH 17:25 “አቤት ታ ጾሳዉ፥ ‘ታን ነዉ ጎልያ ኬጻና ጋደ’ ኔን ታዉ ነ ቆማዉ ቆንጫዳ። ሄዋ ድራዉ፥ ታን ነ ቆማይ ሀ ዎሳ ኔና ዎሳናዉ ጻላድ።
1CH 17:26 አቤት መꬍና ጎዳዉ፥ ኔን ጾሳቴ! ኔን ሀ ሎኦ ቃላ ታዉ ነ ቆማዉ ኦꬃና ጋዳ።
1CH 17:27 ነ ስንꬃን ያ መꬍናዉ ጋምአናዳን፥ ነ ቆማ ዛርያ አንጃናዉ ናሸታ። አቤት መꬍና ጎዳዉ፥ ኔን አንጄዳዌ መꬍናዉ አንጀተዳዋ ግዳና” ያጊደ ዎሴዳ።
1CH 18:1 ሄዋፐ ጉይያን፥ ዳዊተ ፕልስጼማቱዋ ጾኒደ ሞዴዳ፤ ያቲደ ጋተ ጌተትያ ካታማነ አ ሞꬃቱዋ ፕልስጼማ አሳቱዋ ኩሽያፐ ዎꬅ አኬዳ።
1CH 18:2 ቃይ ዳዊተ ሞኣበ ጋድያ አሳቱዋ ጾንና፥ ኡንቱንቱ አዉ ሞደቴድኖ፤ ጊራ ጊሬድኖ።
1CH 18:3 ሀማታ ካታማ ማታን ደእያ ጾባ ቢታ ካቲ ሀዳድኤዘረ፥ ባረ ካዉተꬃ ኤፍራጺሳ ሻፋ ጋካናዉ አሳናዉ ቢሽን፥ ዳዊተ አ ጾኔዳ።
1CH 18:4 ዳዊተ ሀዳድኤዘረፐ እት ሻአ ፓራ ጋረቱዋ፥ ላፑን ሻአ ፓራ አሳቱዋና ላታሙ ሻአ ገድሳ አሳቱዋ ኦሞዴዳ። ዳዊተ ጼቱ ጋረቶ ግዴዳ ፓራቱዋ አሺደ፥ ሀራ ፓራቱዋ ኡባዉ ጋዱዋ ግልዳዬዳ።
1CH 18:5 ዳማስቆ ካታማን ደእያ ሶረቱ ጾባ ቢታ ካትያ ሀዳድኤዘራ ማዳናዉ ዬዳ ዎደ፥ ዳዊተ ኡንቱንቱፐ ላታማነ ላኡ ሻአ አሳ ዎꬌዳ።
1CH 18:6 ሄዋፐ ጉይያን፥ ሶርያ ቢታን ዳማስቆ ካታማን ኦላንቻቱዋ ጌሶቱዋ መꬌዳ። ያትና፥ ሶርያ አሳቱ ዳዊታዉ ሞደቲደ፥ ጊራ ጊሬድኖ። ዳዊተ ቤዳ ሳኣ ኡባን መꬍና ጎዳይ አዉ ጾኑዋ እሜዳ።
1CH 18:7 ካቲ ዳዊተ ሀዳድኤዘራ ኦሳንቻቱ ቶኬዳ ዎርቃ ጎንዳለቱዋ አኪደ፥ የሩሳላመ አፌዳ።
1CH 18:8 ቃይ ዳዊተ ሀዳድኤዘረ ሞድያ ጸባሀነ ኩና ካታማቱዋፐ ናሃስያ ግያ ብራታ ሎይꬅ ዳሩዋ አኬዳ። ሄዋፐ ስሚደ፥ ሶሎሞነ ሄ ናሃስያ ብራታፐ አባ ሳኒያ፥ ቱሳቱዋነ ዱማ ዱማ ሚሻቱዋ መꬌዳ።
1CH 18:9 ዳዊተ ጾባ ቢታ ካትያ ሀዳድኤዘራ ኦላንቻቱዋ ኡባ ጾኔዳዋ ሀማታ ካቲ ቶእ ስሴዳ።
1CH 18:10 ሀዳድኤዘራ ኦለቲደ ጾኔዳ ድራዉ፥ አ ሀሹ ጋናዉነ ሳሮታናዉ ባረ ናኣ ሀዶራማ ካትያ ዳዊታኮ ኪቴዳ። አያዉ ጎፐ፥ ሀዳድኤዘረ ቶኣራ ኦለቲደ ጋምኤዳ። ሀዶራም ዎርቃፐ፥ ብራፐነ ናሃስያፐ መꬌዳ ሚሻቱዋ አኪደ ዬዳ።
1CH 18:11 ካቲ ዳዊተ ኤዶማፐ፥ ሞኣበፐ፥ አሞና አሳቱዋፐ፥ ፕልስጼማቱዋፐነ አማሌቃ አሳቱዋፐ ኦሞድ አኬዳ ብራነ ዎርቃ ሀ ሚሻቱዋና እትፐ ጋꬂደ፥ መꬍና ጎዳዉ ዱማዪደ ዎꬄዳ።
1CH 18:12 ጻሩይ ናአይ አብሻይ ኤዶማ አሳፐ ታማነ ሆስፑን ሻአቱዋ ማጽነ ዎምባን ዎꬌዳ።
1CH 18:13 ሄዋፐ ጉይያን፥ ዳዊተ ኤዶማን ኦላንቻቱዋ ጌሶቱዋ መꬌዳ፤ ያትና፥ ሄ ጋድያ አሳይ ኡባይ ዳዊታዉ ሞደቴዳ። ዳዊተ ቤዳ ሳኣ ኡባን መꬍና ጎዳይ አዉ ጾኑዋ እሜዳ።
1CH 18:14 ሄዋዳን ኦꬂደ፥ ዳዊተ እስራኤልያ ኡባ ቦላ ካተቴዳ፤ ባረ አሳ ኡባ ጽሎተꬃንነ ሱረ ፕርዳን አኬዳ።
1CH 18:15 ጻሩይ ናአይ ዮኣበ ኦላ ጋዳዋ፤ አህሉዳ ናአይ ዮሳፌጸ ሀኔዳባ ጻፍያዋ፤
1CH 18:16 አህጹባ ናአይ ጻዶቅነ አብያታራ ናአይ አብመሌክ ቄሳቱ ዋ፤ ሻብሻ ዋና ጻፍያ፤
1CH 18:17 ዮዳሄ ናአይ ባናይ ዳዊታ ናግያ ኦላንቻቱዋ ካፑዋ፤ ዳዊታ አቱማዋ ናናይ አ ካዉተꬃን ꬎቃ ሳኣ ኦይቂደ ካፓቱዋ።
1CH 19:1 ሄዋፐ ጉይያን፥ አሞናቱዋ ካቲ ናኦስ ሀይቄዳ፤ አ ናአይ አ ኮታን ካተቴዳ።
1CH 19:2 ዳዊተ፥ “አ አዉ ናኦስ ታዉ ኬኬዳ ድራዉ፥ ታን አ ናኣ ሀኑናዉ ኬካና” ያጌዳ። ሀኑና አዉ ሀይቄዳ ድራዉ፥ ዳዊተ አ ምንꬃናዉ አሳ ኪቴዳ። ዳዊተ ኪቴዳዋንቱ ሀኑና ምንꬃናዉ አሞና ጋድያ ጋኬዳ ዎደ፥
1CH 19:3 አሞና አሳ ካፓቱ ሀኑና፥ “ዳዊተ ኔና ምንꬃናዉ ሀ አሳቱዋ ኪቴዳዌ ነ አዉዋ ቦንቹዋ ድራሳ ጋድየ? እ ባረ አሳ ኪቴዳዌ ሀ ካታማ ጼላናሳ፥ ዎቻናሳነ ኦለቲደ ጾናናሳ” ያጌድኖ።
1CH 19:4 ሀኑን ዳዊተ ኪቴዳ አሳቱዋ ኦይቂደ፥ ኡንቱንቱ ቡቻ ሜዴዳ፤ ኡንቱንቱ ማዩዋካ ኡትያ ዱልያ ባጋፐ ቃንጽ አኪደ፥ ኡንቱንታ የዴዳ።
1CH 19:5 ሄዋ ድራዉ፥ አሳቱ ዳሮ ዬላቴድኖ። ዳዊተ ሄዋ ስሲደ፥ እ ኡንቱንቱና ጋከትያ አሳ ኪቴዳ። ሄዋፐ፥ “ህንተንቱ ቡቻይ ድጫናሽን፥ ያርኮ ካታማን ደእሽተ፤ ሄዋፐ ጉይያን ሃ ዪተ” ያጌዳ።
1CH 19:6 አሞናቱ ባረንቱ ኪታን ዳዊተ ኡንቱንታ ሞርካናዳን ኦꬄዳዋ ኤሬዳ ዎደ፥ ሀኑንነ አሞናቱ ማስጰጾምያፐነ ሶርያን ደእያ ማእካነ ጾባ ጌተትያ ካታማቱዋፐ ፓራ ጋረቱዋነ ፓራ አሳቱዋ ቃጻራናዉ ሀታማነ ኦይዱ ሻአ ኪሎ ግራመ ዴጽያ ጻጋራ ብራ የዴድኖ።
1CH 19:7 ሀታማነ ላኡ ሻአ ፓራ ጋረቱዋ፥ ፓራ አሳቱዋ፥ ማእካ ካትያነ አ ኦላንቻቱዋ ቃጻሬድኖ፤ ቃጻርና ዪደ፥ መዳባን ዱንካኔድኖ። ቃይ አሞናቱ ባረንቱ ካታማፐ ሺቂደ፥ ኦላዉ ጊጌድኖ።
1CH 19:8 ዳዊተ ሄዋ ስሴዳ ዎደ፥ ዮኣባነ ኦላንቻቱዋ ኡባ የዴዳ።
1CH 19:9 አሞናቱ ከሲደ፥ ካታማ ፐንግያን ኦላዉ ሳልፔድኖ። ኡንቱንታ ማዳናዉ ዬዳ ካተቱካ ባረንቱ ሳኣ ኦይቂደ፥ ደምባን ሺቄድኖ።
1CH 19:10 ዮኣበ ባረና ኦላይ ስንꬃናነ ጉየና ዶዴዳዋ በኤዳ ዎደ፥ እስራኤላቱ ግዶፐ ኡባፐ ምንያ ኦላንቻቱዋ ዶር አኪደ፥ ሶርያ አሳቱዋ ስንꬃን ሳልፕሴዳ።
1CH 19:11 አቴዳ አሳቱዋፐ ባረ እሻይ አብሻይ አዛዛና ማላ ኦꬂደ፥ አሞና አሳቱዋ ስንꬃን ሳልፔድኖ።
1CH 19:12 ዮኣበ ባረ እሻ አብሻያ፥ “ሶርያ አሳቱ ታዉ ዎልቃሞፐ፥ ኔን ያደ ታና ማዳ። ቃይ አሞና አሳቱ ነዉ ዎልቃሞፐ፥ ታን ያደ ኔና ማዳና።
1CH 19:13 ስም ምና! ኑ አሳ ድራዉነ ኑ ጾሳ ካታማቱዋ ድራዉ፥ አነ ምን ኦለቶይተ። መꬍና ጎዳይ ባረና ሎእያዋ ኦꬆ” ያጌዳ።
1CH 19:14 ሄዋፐ ጉይያን፥ ዮኣብነ አናና ደእያ አሳይ ሶርያ አሳቱዋና ኦለታናዉ ላዉሁ ጌድኖ። ያትና፥ ሶርያ አሳቱ አ ስንꬃፐ ባቃቴድኖ።
1CH 19:15 ሶርያ አሳቱ ባቃቴዳዋ አሞና አሳቱ በኤዳ ዎደ፥ ኡንቱንቱካ አ እሻ አብሻያ ስንꬃፐ ባቃቲደ፥ ካታማ ገሌድኖ። ሄዋፐ ጉይያን፥ ዮኣበ የሩሳላመ ስሜዳ።
1CH 19:16 ሶርያ አሳቱ እስራኤልያ አሳቱ ኡንቱንታ ጾኔዳዋ ኤሬዳ ዎደ፥ አሳ ኪቲደ ኤፍራጺሳ ሻፋፐ ሄፍንꬃና ደእያ ሶርያ አሳቱዋ አህሴድኖ። ሀዳድኤዘራ ኦላ ጋዳዉ ሾባክ ኡንቱንታ ካለꬄ።
1CH 19:17 ዳዊተ ሄዋ ስሴዳ ዎደ፥ እስራኤልያ ኦላንቻቱዋ ሺሺደ፥ ዮርዳኖሳ ሻፋ ፕኔዳ፤ ሶርያ አሳቱዋና ኦለታናዉ ኡንቱንቱ ስንꬃን ሳልፔድኖ። ዳዊተ ኡንቱንቱና ኦለታናዉ ሳልፕና፥ ኡንቱንቱካ አናና ኦለቴድኖ።
1CH 19:18 ሶርያ አሳቱ እስራኤላቱ ስንꬃፐ ባቃቴድኖ፤ ዳዊተ ሶርያ አሳቱዋፐ ፓራ ጋርያ ላግያ ላፑን ሻአ አሳቱዋነ ኦይታሙ ሻአ ገድያ አሳቱዋ ዎꬌዳ፤ ኡንቱንቱ ኦላ ጋዳዋ ሾባካካ ዎꬌዳ።
1CH 19:19 ሀዳድኤዘራ ኦላንቻቱ እስራኤላቱዋን ጾነቴዳዋ ኤሬዳ ዎደ፥ ዳዊታና ስገቲደ፥ አዉ ሞደቴድኖ። ሄዋፐ ስምና፥ ሶርያ አሳይ አሞና አሳ ማዳናዉ ዶስቤና።
1CH 20:1 ኦፍንꬃን፥ ካተቱ ኦላዉ ከስያ ዎደ፥ ዮኣበ ኦላንቻቱዋ ካለꬂደ፥ አሞና ጋድያ ዎራጄዳ፤ ማዪደ ራባ ካታማ ዶዴዳ። ሽን ዳዊተ የሩሳላመን ታኬዳ፤ ዮኣበ ራባ ካታማ ኦለቲደ ባይዜዳ።
1CH 20:2 ሄዋፐ ጉይያን ዳዊተ ዪደ፥ ኡንቱንቱ ካትያ ዎርቃ ካላቻ አ ሁጲያፐ አኬዳ። ካላቻይ ማዛንያ ዎደ ሀታማነ ኦይዱ ኪሎ ግራመ ግዴዳ፤ አ ግዱዋን እንቁዋ ጌተትያ አልኦ ሹቻይ ደኤ። ሄ ካላቻ አክደ፥ ዳዊታ ሁጲያን ዎꬄዳ። ቃይ ዳዊተ ሄ ካታማፐ ሎይꬅ ዳሮ ኦሞዱዋ አኬዳ።
1CH 20:3 ያቲደ ካታማን ደእያ አሳ ከሲደ፥ ማጋዝያን፥ ጎማንነ ካልታን ኦስሴዳ። አሞና ካታማቱዋን ደእያ አሳ ኡባካ ሄዋዳን ኦስሴዳ። ሄዋፐ ጉይያን፥ ዳዊተነ አ አሳይ ኡባይ የሩሳላመ ስሜዳ።
1CH 20:4 ሄዋፐ ስሚደ፥ ፕልስጼማ አሳቱዋና ገዜራን ኦላይ ደንዴዳ፤ ሁሻፐ ዬዳ ስባካይ አዱሳ ምኖ አሳቱዋ ያራፐ ግዴዳ ስፓያ ዎꬌዳ። ያትና፥ ፕልስጼማቱ ጾነቴድኖ።
1CH 20:5 ሄዋፐ ዶምና ፕልስጼማ አሳቱዋና ሀራ ኦላይ ደንዴዳ፤ ያኢራ ናአይ ኤልሀናን ቶራ ቶማይ ሸማይንያ ዋንዳራሻ ኬሻቶ፥ ጋተ ካታማፐ ዬዳ ጎልያዳ እሻ ላህማ ዎꬌዳ።
1CH 20:6 ቃይካ ሀራ ኦላይ ጋተ ካታማን ደንዴዳ። ሄ ሳኣን እት ዎጋ አዱሳ ብታኒ ደኤ። ሄ ብታንያዉ እት እት ኩሽያን ኡሱፑን ብራቱ፥ እት እት ገድያንካ ኡሱፑን ብራቱ፥ ኡባና ላታማነ ኦይዱ ብራቱ ደኢኖ። ሄ ብታኒ አዱሳ ምኖ አሳቱዋ ያራፐ ግዴዳ አሳ።
1CH 20:7 ሄ ብታኒ እስራኤላቱዋ ናሴዳ ዎደ፥ ዳዊታ እሻ ሻማ ናአይ ዮናታን አ ዎꬌዳ።
1CH 20:8 ሀዋንቱ ጋተ ካታማን ደእያ አዱሳ ምኖ አሳቱዋ ያራቱዋ፤ ኡንቱንቱ ኡባይ ዳዊታ ኩሽያንነ አ አሳ ኩሽያን ሀይቄድኖ።
1CH 21:1 ሴጻናይ እስራኤልያ ቦላ መቱዋ አሀናዉ ኮዪደ፥ ዳዊተ እስራኤልያ አሳ ፓይዳናዳን ደንꬄዳ።
1CH 21:2 ዳዊተ ዮኣባነ ኦላንቻቱ ካፓቱዋ ሀዋዳን ያጌዳ፤ “ዳናፐ በርሳበሀ ጋካናዉ ቢተ፤ እስራኤልያ አሳ ፓይድተ። ያቲደ አሳ ፓይዱ አፑነንቶ ታና ኤርስተ” ያጌዳ።
1CH 21:3 ሽን ዮኣበ አ፥ “መꬍና ጎዳይ ሀ ደእያ ባረ አሳ ቦላ ጼቱ ኩሽያ ጉጆ! ታ ጎዳዉ፥ ካትያዉ፥ ኡንቱንቱ ኡባይ ታ ጎዳ ቆማቱዋ ግድክኖየ? ታ ጎዳይ ሄዋ ማላ ኦꬃናዉ አያዉ ኮዪ? እስራኤልያ ካዉተꬃ አያዉ ባይዛንቻ ከሲ?” ያጌዳ።
1CH 21:4 ሽን ካትያ ቃላይ ዮኣባ ጾኔዳ። ዮኣበ ከሲደ፥ እስራኤልያ ቢታ ኡባ ዩዬዳ፤ የሩሳላመ ስሜዳ።
1CH 21:5 ዮኣበ ፓይዴኤዳ አሳ ፓይዱዋ ዳዊታዉ እሜዳ። እስራኤልያ ቢታን ኡባን ማሻን ኦለታናዉ ዳንዳይያ እት ሚሎነነ እት ጼቱ ሻአ ምኖ አሳቱ ደኢኖ። ቃይ ይሁዳ ቢታን ማሻን ኦለታናዉ ዳንዳይያ ኦይዱ ጼታነ ላፑን ታሙ ሻአ ምኖ አሳቱ ደኢኖ።
1CH 21:6 ዮኣበ ካትያ አዛዙዋ ሸነቴዳ ድራዉ፥ ሌዋቱዋነ ቢንያማ ዘረꬃ ፓይዱዋን ጉጅቤና።
1CH 21:7 ጾሳይ ሀ የዉዋን ናሸትቤና ድራዉ፥ እስራኤልያ ሙሬዳ።
1CH 21:8 ያትና ዳዊተ ጾሳ፥ “ታን ሀ ኪታን ዎልቃማ ናጋራ ኦꬃድ። ሽን ሀእ ኔና ዎሳይ፤ ታ ባይዙዋ፥ ነ ቆማ ባይዙዋ ቁጫ። ታን ዳሮ ኤያባ ሀናድ” ያጌዳ።
1CH 21:9 መꬍና ጎዳይ ዳዊታዉ ትምቢትያ ኦድያ ጋዳ ሀዋዳን ያጊደ ሃሳይሴዳ፤
1CH 21:10 “ባደ፤ ዳዊታ፥ ‘መꬍና ጎዳይ ኔና፥ “ታን ኔና ሄዙባፐ ዶሩዋ በሳይ፤ ታን ነ ቦላ ፖላናዉ ታዉ ኡንቱቱፐ እቱዋ ዶራ” ያጌ’ ያጋ” ያጌዳ።
1CH 21:11 ጋድ ዳዊታኮ ቢደ አ፥ “መꬍና ጎዳይ ኔና፥ ‘ሀዋንቱፐ እቱዋ ዶራ: ሄዙ ላይꬃ ኮሻ ዶራይ? ዎይ ነ ሞርከቱ ኔና የደርስሽን፥ ሄዙ አግና ኡንቱንቱ ስንꬃፐ ባቃታናዋ ዶራይ? ዎይ መꬍና ጎዳ ማሻይ ነ ጋድያ ሄዙ ጋላሳ ሾጫናዋነ ሄዋናካ ቃይ እስራኤልያ ጋድያ ፕን ከሳናሽን ሀይቁዋ ኢታ ሀርግያን ሾጭያ ኪታንቻ እ ኪትያዋ ዶራይ?’ ያጌ። አነ ሀእ ቃቻደ፥ ታን ታና ኪቴዳዎ ዛርያዋ ኦዳ” ያጌዳ።
1CH 21:13 ዳዊተ ጋዳ፥ “ታን ሎይꬅ ኡንኤታድ። መꬍና ጎዳ ማሮተꬃይ ሎይꬅ ዎልቃማ ግድያ ድራዉ፥ አነ ታን አ ኩሽያን ኩንዳና፤ ታን አሳ ኩሽያን ኩንድከ” ያጌዳ።
1CH 21:14 ሄዋ ድራዉ፥ መꬍና ጎዳይ እስራኤልያ ቦላ ኢታ ሀርግያ የድና፥ ላፑን ታሙ ሻአ እስራኤልያ አሳቱ ሀይቄድኖ።
1CH 21:15 ሄዋፐ ጉይያን፥ መꬍና ጎዳይ የሩሳላመ ባይዛናዉ ኪታንቻ ኪቴዳ። ሽን ኪታንቻይ የሩሳላመ ባይዛናዉ ማታ ኡት ደእሽን፥ መꬍና ጎዳይ ያቲደ ካዮቴዳ። ካዮቲደ ባይዝያ ኪታንቻ፥ “አጋ! ሄዌ ግዳናዋ!” ያጌዳ። ሄ ዎደ ጾሳ ኪታንቻይ ያቡስያ ኦርና ኡዱማ ማታን ኤቄዳ።
1CH 21:16 መꬍና ጎዳ ኪታንቻይ ባረ ማሻ ባረ ኩሽያን ኦይቂደ፥ የሩሳላመ ባይዛናዉ ሳኣፐነ ሳሉዋፐ ግዱዋን ኤቄዳዋ ዳዊተ በኤዳ። ሄዋፐ ጉይያን፥ ዳዊተነ ጭማቱ ዋሩዋ ማዪደ፥ ባረንቱ ዴሙዋን ጉፋኔድኖ።
1CH 21:17 ዳዊተ ጾሳ፥ “አሳይ ፓይደታናዳን ኦꬄዳዌ ታና ግድክታየ? ናቄዳዌነ ኢታባ ኦꬄዳዌ ታና። ሽን ሀ ዶርሳቱ፥ ኡንቱንቱ አያ ኦꬄድኖ? አቤት መꬍና ጎዳ፥ ታ ጾሳዉ፥ ሀያና ነ ኩሺ ታናነ ታ አዉዋ ሶይ አሳ ሙሮ። ነ ኩሺ ነ አሳ ሙሮፖ!” ያጌዳ።
1CH 21:18 ሄዋፐ ጉይያን፥ መꬍና ጎዳ ኪታንቻይ ጋደ ሀዋዳን ያጊደ አዛዜዳ፤ “ዳዊተ ፑደ ያቡስያ ኦርና ኡዱማ ቢደ፥ መꬍና ጎዳዉ ያርሽያ ሳኣ ያን ግምባናዳን ኦዳ” ያጌዳ።
1CH 21:19 መꬍና ጎዳይ ናብያ ጋደ ባጋና ጌዳ ቃላዳን ዳዊተ ቤዳ።
1CH 21:20 ሄ ዎደ ኦርንነ አ ኦይዱ አቱማ ናናይ ኡዱማን ዛርጋ ቡኪኖ። ጉየ ስም ጼሊደ፥ ኪታንቻ በኤድኖ፤ አናና ደእያ ናናይ ቆሰቴድኖ።
1CH 21:21 ዳዊተ ኦርናኮ ዬዳ ዎደ፥ ኦርን አ በኢደ፥ ኡዱማፐ ጋጻ ከሲደ፥ ባረ ዴሙዋ ሳኣ ጋꬂደ፥ ዳዊታዉ ጎይኔዳ።
1CH 21:22 ሄዋፐ ጉይያን፥ ዳዊተ ኦርና፥ “ቦሻይ አሳ ቦላፐ ክቻና ማላ፥ ታን መꬍና ጎዳዉ ያርሽያ ሳኣ ኬጻናዉ ነ ኡዱማ ታዉ ዛልኣርኪ። ታን ነዉ ኩመንꬃ ጋትያ ጭጋና” ያጌዳ።
1CH 21:23 ኦርን ዳዊታ፥ “ነዉ አካ፤ ታ ጎዳይ ካቲ ባረና ናሸችያዋ ኦꬆ። በአ፥ ጹግያ ያርሾ ቦራ፥ ኤꬃናዉ ካꬃ ቡክያ ሚሻነ ካꬃ ያርሾ ዛርጋ ታን እማና። ታን ሀ ኡባካ ነዉ እማና” ያጌዳ።
1CH 21:24 ሽን ካቲ ዳዊተ ኦርና፥ “ቱይት፥ ቺ! ታን ኩመንꬃ ጋትያ ቃንጻደ ሻማና። አያዉ ጎፐ፥ ታን ነባ መꬍና ጎዳዉ አክከ፤ ቃይ ታን ሚሻ ከሳቤናዋ ጹግያ ያርሹዋ ኦꬃደ ያርሽከ” ያጌዳ።
1CH 21:25 ሄዋ ድራዉ፥ ዳዊተ ሄ ኡዱማዉ ኡሱፑን ጼቱ ዎርቃ ሳንትምያ እሜዳ።
1CH 21:26 ሄዋፐ ጉይያን፥ ዳዊተ ሄ ኮሽያን መꬍና ጎዳዉ ያርሹዋ ያርሽያ ሳኣ ኬጼዳ። ያቲደ ጹግያ ያርሹዋነ እትፐተꬃ ያርሹዋ ያርሼዳ፤ መꬍና ጎዳ ዎስና፥ መꬍና ጎዳይ ጹግያ ያርሹዋ ቦላ ሳሉዋፐ ታማ የዲደ፥ አዉ ዛሬዳ።
1CH 21:27 ሄዋፐ ጉይያን፥ መꬍና ጎዳይ ኪታንቻ አዛዝና፥ ኪታንቻይ ባረ ማሻ ሾኮ ዛሬዳ።
1CH 21:28 ዳዊተ መꬍና ጎዳይ አ ዎሳዉ ዛሬዳዋ በኢደ፥ ያቡስያ ኦርና ኡዱማን ላኤንꬁዋ ያርሼዳ።
1CH 21:29 ሙሴ መላ ቢታን ጊግሴዳ መꬍና ጎዳ ዱንካኒነ ጹግያ ያርሹዋ ያርሽያ ሳአይ ሄ ዎደ ጋባኦናን ጎይንያ ꬎቃ ሳኣን ደኤ።
1CH 21:30 ሽን ዳዊተ መꬍና ጎዳ ኪታንቻ ማሻዉ ያዬዳ ድራዉ፥ ጾሳ ኦቻናዉ ሄ ሳኣ ባናዉ ዳንዳይቤና።
1CH 22:1 ሄዋ ድራዉ፥ ዳዊተ፥ “መꬍና ጎዳ ጾሳ ጌሻ ጎልያ ሀዋን ደአናዋ፤ እስራኤልያ አሳይ ጹግያ ያርሹዋ ያርሻና ሳአይ ሀዋ ግዳናዋ” ያጌዳ።
1CH 22:2 ሄዋ ድራዉ፥ ዳዊተ እስራኤልያ ቢታን ደእያ ሀራ ቢታ አሳቱዋ ሺሻናዳን አዛዜዳ። ጾሳ ጌሻ ጎልያ ኬጻናዉ ሹቻ ማስያዋንቱ ሹቻ ማሲደ ሎይꬃናዉ ኡንቱንቱ ግዶፐ ሱንꬄዳ።
1CH 22:3 ዳዊተ ፐንግያ ሳንቃ ኦꬃናዉ ምስማርያዉነ ማጻፍያዉ ሀንያ ጮራ ብራታነ ማዛናናዉ ዳንዳየተና፥ ዛው ባይና ናሃስያ ብራታ ጊግሴዳ።
1CH 22:4 ሲዶና አሳቱነ ጺሮሳ አሳቱ ዳዊታዉ ዝጋ አህያ ድራዉ፥ ዳዊተ ፓይዱ ባይና ዝጋ ጊግሴዳ።
1CH 22:5 ዳዊተ፥ “ታ ናአይ ሶሎሞነ ኦሱዋ ሜዘትቤናነ ያላጋ ናኣ። መꬍና ጎዳዉ ኬጸትያ ጌሻ ጎልያ ቢታ ኡባን ኤረቴዳነ ቦንቼቴዳ፥ ሎኦ ጎልያ ግዳናዉ በሰ። ሄዋ ድራዉ፥ አዉ ኮሽያዋ ታን ጊግሳና” ያጌዳ። ዳዊተ ሀይቃናፐ ካሰቲደ ዳሮባ ጊግስ ዎꬄዳ።
1CH 22:6 ሄዋፐ ጉይያን፥ ዳዊተ ባረ ናኣ ሶሎሞና ጼሲደ፥ መꬍና ጎዳዉ እስራኤልያ ጾሳዉ ጌሻ ጎልያ ኬጻናዳን አዛዜዳ።
1CH 22:7 ዳዊተ ሶሎሞና፥ “ታ ናአዉ፥ ታን መꬍና ጎዳ ታ ጾሳ ሱንꬃዉ ጌሻ ጎልያ ኬጻናዉ ታ ዎዛናን ቆፓድ።
1CH 22:8 ሽን መꬍና ጎዳ ቃላይ ታና፥ ‘ኔን ዳሮ ሱꬃ ጉሳዳ፤ ቃይ ዳሮ ኦላካ ኦለታዳ። ኔን ሀ ሳኣ ቦላን ታ ስንꬃን ዳሮ ሱꬃ ጉሴዳ ድራዉ፥ ታ ሱንꬃዉ ጌሻ ጎልያ ኬጻካ።
1CH 22:9 በአ፤ ነዉ እት ሳሮ ናእ የለታናዋ። አ ዩሹዋን ደእያ ሞርከቱዋ ኡባና ታን አ ሳሮ ኦꬃና። አ ሱንꬃይ ሶሎሞና፤ ታን እ ካተቴዳ ላይꬃን እስራኤልያ አሳዉ ሳሮተꬃነ ዎፓ እማና።
1CH 22:10 እ ታ ሱንꬃዉ ጌሻ ጎልያ ኬጻና። እ ታ ናኣ ግዳናዋ፤ ታንካ አዉ አዉዋ ግዳና። አ ካዉተꬃ አራታ እስራኤላን መꬍናዉ ምንሳ ኤሳና’ ያጌዳ።
1CH 22:11 “ሀእካ ታ ናአዉ፥ መꬍና ጎዳይ ኔናና ግዶ። ጾሳይ ካሰ ነባ ሃሳዬዳዋዳን፥ መꬍና ጎዳ ነ ጾሳይ ጌሻ ጎልያ ኬጻናዋ ኔና ፖልሶ።
1CH 22:12 መꬍና ጎዳይ ኔና እስራኤልያ አሳ ቦላ ካትያ ኦꬅያ ዎደ፥ መꬍና ጎዳ ነ ጾሳ ህግያ ናጋናዳን፥ ጾሳይ ነዉ አꬌዳ ኤራተꬃነ አኬካ እሞ።
1CH 22:13 መꬍና ጎዳይ ሙሴ ባጋና እስራኤልያ አዛዜዳ አዛዙዋነ ዎጋ ናግያዋ ግዶፐ፥ ኡባይ ነዉ ሀናና። አይነ ባዋ ምና! ያዮፓ ዎይ ዳጋሞፓ!
1CH 22:14 ታን ዳሮ ቱጋን መꬍና ጎዳ ጌሻ ጎልያ ኬጻናዉ ሄዙ ሻአነ ኦይዱ ጼቱ ኪሎ ግራመ ዴጽያ ዎርቃነ ሀታማነ ኦይዱ ሻአ ኪሎ ግራመ ዴጽያ ብራ ሺሻይ፤ ቃይ ዛዋይ ባይና ናሃስያነ ብራታ ሺሻይ፤ ቃይካ ምꬃነ ሹቻ ጊግሳድ። ግዶፐካ፥ ኔን ሄዋ ቦላ ሀራ ጉጃናዉ ኮሼ።
1CH 22:15 ነ ማታን ዳሮ ኦሳንቻቱ ደኢኖ፤ ሹቻ ቆእያዋንቱነ ማስያዋንቱ፥ አናጸቱነ ኡባ ኪታ ኦꬃናዉ ዳንዳይያ ኤራንቻ አሳቱ ደኢኖ።
1CH 22:16 ኡንቱንቱ ኦꬅያ ዎርቃዉ፥ ብራዉ፥ ናሃስያዉነ ብራታዉ ዛዋይ ባዋ። ሀእ ኔን ኪታ ዶማ። መꬍና ጎዳይ ኔናና ግዶ” ያጌዳ።
1CH 22:17 ዳዊተ እስራኤልያ ካለꬅያዋንቱ ኡባይ ባረ ናኣ ሶሎሞና ማዳናዳን ሀዋዳን ያጊደ አዛዜዳ፤
1CH 22:18 “መꬍና ጎዳይ ህንተንቱ ጾሳይ ህንተናና ደኤኔየ? እ ህንተንታ ኡባ ሳና ሸምፕስቤኔ? ሀ ቢታን ደእያዋንታ እ ታ ኩሽያን አꬅ እሜዳ ድራዉ፥ ሀ ቢታይ መꬍና ጎዳዉነ አ አሳዉ ሞደቴዳ።
1CH 22:19 ሀእካ መꬍና ጎዳ ህንተንቱ ጾሳ ኮያናዉ ህንተንቱ ዎዛናነ ህንተንቱ ሸምፑዋ እምተ። መꬍና ጎዳ ሱንꬃዉ ኬጸቴዳ ጌሻ ጎልያ ግዶን መꬍና ጎዳ ቃላ ጫቁዋ ታቦታነ ጾሳ ጌሻ ሚሻቱዋ አሂደ ዎꬃናዳን፥ ህንተንቱ ደንዲደ፥ መꬍና ጎዳ ጾሳ ጌሻ ጎልያ ኬጽተ” ያጌዳ።
1CH 23:1 ዳዊተ ጭሜዳ ዎደ፥ ባረ ናኣ ሶሎሞና እስራኤልያ ቦላ ካተዬዳ።
1CH 23:2 ዳዊተ እስራኤልያ ካለꬅያዋንታ ኡባቱዋ፥ ቄሳቱ ዋነ ሌዋቱዋ እትፐ ሺሼዳ።
1CH 23:3 ሀታሙ ላይꬃነ ሄዋፐ ቦላና ደእያ ሌዋቱ ፓይደቴድኖ፤ ኡንቱንቱ ኡባና ሀታማነ ሆስፑን ሻአ አቱማ አሳ ግዴድኖ።
1CH 23:4 ሀዋንቱ ግዶፐ መꬍና ጎዳ ጌሻ ጎልያዉ አዎትያ ላታማነ ኦይዱ ሻአቱዋ ካቲ ዎꬄዳ። ቃይ ካፓቱዋነ ፕርዳ የለታቱዋ ኡሱፑን ሻአቱዋ ዎꬄዳ።
1CH 23:5 ፐንግያ ናግያዋንታ ኦይዱ ሻአቱዋ ዎꬄዳ። መꬍና ጎዳ ጋላታናዉ ዳዊተ መꬌዳ የꬃ ሚሻን ጾሳ ጋላትያዋንታ ኦይዱ ሻአቱዋ ዎꬄዳ።
1CH 23:6 ዳዊተ ሌዊ የሌዳ አቱማ ናና ገርሾና፥ ቃሃታነ ማራራ ኡንቱንታ ያራን ያራን ሄዙ ጭታን ሻኬዳ።
1CH 23:7 ገርሾን የሌዳ አቱማ ናናይ ላእዳናነ ሽምአ።
1CH 23:8 ላእዳና አቱማ ናናይ ሄዛ፤ ኡንቱንቱካ ይህኤላ፥ ዘታማነ ዩኤላ።
1CH 23:9 ሽምአ አቱማ ናናይ ሄዛቱ ሻሎሞታ፥ ሀዚኤላነ ሃራና፤ ሀዋንቱ ላእዳና ያራቶ ካፓቱዋ።
1CH 23:10 ሽምአ አቱማ ናናይ ኦይዳቱ፥ ባረንቱ የለታ የለታ ማራን ያሃታ፥ ዚዛ፥ ይኡሻነ ባሪአ።
1CH 23:11 ያሀት ባይራ ዚዝ ቴፋ ሽን ይኡሻዉነ ባሪአስ ናናይ ዳረና፤ ሄዋ ድራዉ፥ ኡንቱንቱ እት ያራዳን ፓይደቴድኖ።
1CH 23:12 ቃሃታ ናናይ ኦይዳቱ አምራማ፥ ይጽሃራ፥ ከብሮናነ ኡዝኤላ።
1CH 23:13 አምራማ አቱማ ናናይ አሮናነ ሙሳ። አሮነነ አ ዘረꬃይ ኡባፐ አꬎ ጌሻ ግዴዳዋ ጾሳዉ ዱማያናዳን ዱማቴድኖ። ኡንቱንቱ መꬍና ጎዳ ስንꬃን እጻና ጩዋያናዉ፥ ጾሳዉ ኦꬃናዉነ ጾሳ ሱንꬃን አሳ አንጃናዉ መꬍናዉ ዱማቴድኖ።
1CH 23:14 ጾሳ አሳ ግድያ ሙሴ ናናይ ሌዊያ ዛራቱዋና ጋꬆ ፓይደቴድኖ።
1CH 23:15 ሙሴ ናናይ ገርሾማነ ኤልኤዛራ።
1CH 23:16 ገርሾማ ናናቱዋ ግዶፐ ካፑ ሻቡኤላ።
1CH 23:17 ኤልኤዛራ ናአይ ራሃብ ካፑዋ። ኤልኤዛራዉ ሀራ ናእ ባዋ፤ ሽን ራሃብያ ናናይ ሎይꬅ ጮራ።
1CH 23:18 ይጽሃራ ናናቱዋ ካፑ ሻሎሚታ።
1CH 23:19 ከብሮነ ናአይ ባይራይ ይሪያ፤ ላኤንꬁ አማርያ፤ ሄዘንꬁ ያሃዝኤላ፤ ኦይደንꬁ ይቃምኣማ።
1CH 23:20 ኡዝኤላ ናአይ ባይራይ ሚክያሳ፤ ላኤንꬁ ይሽያ።
1CH 23:21 ማራራ ናናይ ማህላነ ሙሻ። ማህላ ናናይ ኤልኣዛራነ ቂሻ።
1CH 23:22 ኤልኣዛረ ማጫ ናናቱዋፐ አትና፥ አቱማ ናና የለናን ሀይቄዳ። ሄዋ ድራዉ፥ ኡንቱንቱ እሻቱ ቂሻ ናናይ ኡንቱንታ አኬድኖ።
1CH 23:23 ሙሻ ናናይ ሄዛቱ ማህላ፥ ኤዴራነ ይረሞታ።
1CH 23:24 ሌዊያ የለታን ባረንቱ ዛርያንነ ጎለን ባረንቱ ሱንꬃን ማዝጋበቴዳዋንቱ ሀዋንታ፤ ላታሙ ላይꬃነ ሄዋፐ ቦላና ደእያ ሌዊያ ዛራቱ ኡባይ መꬍና ጎዳ ጌሻ ጎልያን ኦꬄድኖ።
1CH 23:25 ዳዊተ፥ “መꬍና ጎዳይ እስራኤልያ ጾሳይ ባረ አሳ ሸምፕሴዳ። ጾሳይ የሩሳላመን መꬍናዉ ደአና።
1CH 23:26 ሄዋ ድራዉ፥ ዱንካንያነ አ ግዶን ጎኤትያ ሚሻቱዋ ሀዋፐ ስንꬃናዉ ሌዋቱ ቶካናዉ ኮሸና” ያጌዳ።
1CH 23:27 ዳዊተ ዉርሰꬃን አዛዜዳ አዛዙዋዳንካ ላታሙ ላይꬃነ ሄዋፐ ቦላና ደእያ ሌዋቱ ፓይደቴድኖ።
1CH 23:28 ኡንቱንቱ መꬍና ጎዳ ጌሻ ጎልያን ኦꬅያ አሮና ዘረꬃቱዋ ማድኖ። ጾሳ ጌሻ ጎልያን ላኡ ዳባባቱዋን ኦꬅኖ፤ ምይያን ደእያ ክፍለቱዋን፥ ጌሻ ሚሻ ኡባ ቱነናዳንነ ሀራ ኦሱዋ ኡባ ፖሊኖ።
1CH 23:29 ቃይ ኡንቱንቱ ጾሳ ስንꬃን ዎꬅያ ኦይꬃዉ፥ ካꬃ ያርሾ፥ ሺሽያ ꬊልያዉ፥ እርሹ ገልቤና ኦይꬃዉነ ዛይትያን ሙናቀትያ ꬊልያዉ አዎቲኖ፤ ኡንቱንቱ ማክያባዉነ ልክያባዉ ኡባዉ አዎቲኖ።
1CH 23:30 ቃይ ኡንቱንቱ ኡባ ጋላስ ዎንታነ ኦማርስ፥ መꬍና ጎዳዉ ጹግያ ያርሹ ያርሸትያ ሳምባታ ጋላስ፥ አግናይ ጼርያ ዎደነ ህግያን ጻፈቴዳ ሀራ ባላ ጋላሳቱ ጋክያ ዎደ፥ መꬍና ጎዳ ጋላታናዉነ ቦንቻናዉ ሱንቴድኖ።
1CH 23:32 ጋከትያ ዱንካንያነ መꬍና ጎዳ ጌሻ ሳኣ ናጋናዳንነ አሮና ዘረꬃቱዋፐ ጋርሳና ኡንቱንታ ማዳናዳን መꬍና ጎዳ ጌሻ ጎልያ አዎተꬃይ ሌዋቶ እመቴዳ።
1CH 24:1 አሮና ዛራቱዋ ኦሱ ሀዋፐ ካሊደ ጻፈቴዳዋንታ። አሮና ናናይ ናዳባ፥ አቢሀ፥ ኤልኣዛራነ እታማራ።
1CH 24:2 ሽን ናዳብነ አቢሁ ናኣ የለናን ባረንቱ አዉዋፐ ካሰ ሀይቄድኖ። ሄዋ ድራዉ፥ ኤልኣዛርነ እታማር ቄሳቱዋ ግዴድኖ።
1CH 24:3 ዳዊተ አሮና ዘረꬃ ኡንቱንቱ ኦሱዋዳን ኦሱዋዳን ጭታን ሻኬዳ። ኤልኣዛራ ያራፐ ጻዶቅነ እታማራ ያራፐ አብመሌክ ዳዊታ ማዴድኖ።
1CH 24:4 ኤልኣዛራ ያራቱ 16 ጩጉዋን ሻከትና፥ እታማራ ያራቱ ቃይ ሆስፑን ጩጉዋን ሻከቴድኖ። ኤልኣዛራ ያራቱ ካፓቱ እታማራ ያራቱ ካፓቱዋፐካ ዳር ቤቴዳ ድራዉ፥ ሄዋዳን ሀኔዳ።
1CH 24:5 ኤልኣዛራ ያራቱ ግዶንነ እታማራ ያራቱ ግዶን ጌሻ ጎልያዉ ካፓቱነ ጾሳ ኦሶ ካፓቱ ደእያ ድራዉ፥ ሀዋንቱነ ህንኮቱነ ኪታ ሳማን ሻኬድኖ።
1CH 24:6 ኤልኣዛራ ያራቱነ እታማራ ያራቱ ባረንቱ ካላ ሳማ ከሴድኖ። ሌዊያ ዛርያ ግዴዳ ናታንኤላ ናአይ ጻፊ ሻማኤ ኡንቱንታ ማዝጋቤዳ። ካቲነ አ ካፓቱ፥ ቄስያ ጻዶቅነ አብያታራ ናአይ አብመሌክ፥ ቄሳቱዋ ያራቱ ካፓቱነ ሌዋቱ ያራቱ ካፓቱ ኡባቱ ሀ የዎ ማርካ።
1CH 24:7 ሀ አሳቱ ሳማ ከስና፥ ኮይሮ ሳማይ ይሆያርባ ጋኬዳ። ላኤንꬆ ያዳያ ጋኬዳ።
1CH 24:8 ሄዘንꬁ ሀሪማ ጋኬዳ። ኦይደንꬁ ሳኦርማ ጋኬዳ።
1CH 24:9 እቼሸንꬆ ማልክያ ጋኬዳ። ኡሱፑንꬁ ምያሚና ጋኬዳ።
1CH 24:10 ላፑንꬁ ሀቆጻ ጋኬዳ። ሆስፑንꬁ አቢያ ጋኬዳ።
1CH 24:11 ኡዱፑንꬁ ኢያሳ ጋኬዳ። ታማንꬁ ሻካንያ ጋኬዳ።
1CH 24:12 ታማነ እተንꬁ ኤልያሽባ ጋኬዳ። ታማነ ላኤንꬁ ያቂማ ጋኬዳ።
1CH 24:13 ታማነ ሄዘንꬁ ሁፓ ጋኬዳ። ታማነ ኦይደንꬁ የሸካኣባ ጋኬዳ።
1CH 24:14 ታማነ እቼሸንꬁ ብልጋ ጋኬዳ። ታማነ ኡሱፑንꬁ እሜራ ጋኬዳ።
1CH 24:15 ታማነ ላፑንꬁ ሄዚራ ጋኬዳ። ታማነ ሆስፑንꬁ ሀፕጼጻ ጋኬዳ።
1CH 24:16 ታማነ ኡዱፑንꬁ ፓታህያ ጋኬዳ። ላታማንꬁ ይሄዝቄላ ጋኬዳ።
1CH 24:17 ላታማነ እተንꬁ ያኪና ጋኬዳ። ላታማነ ላኤንꬁ ጋሙላ ጋኬዳ።
1CH 24:18 ላታማነ ሄዘንꬁ ዳላያ ጋኬዳ። ላታማነ ኦይደንꬁ ማኣዝያ ጋኬዳ።
1CH 24:19 መꬍና ጎዳይ እስራኤልያ ጾሳይ ኡንቱንቱ ማይዛ አዉዋ አሮና ባጋና አዛዜዳዋዳን፥ ኡንቱንቱ መꬍና ጎዳ ጌሻ ጎልያ ገሊደ፥ ካላን ካላን ኦꬃናዉ ጻፈቴድኖ።
1CH 24:20 ሌዊያ ዛራቱዋ ካፓቱ ሀራቱ ሀዋፐ ካሊደ ጻፈቴዳዋንታ። የህዳይ ሻቡኤላ ባጋና አምራማ ዛርያ።
1CH 24:21 ይሸ ራሃብያ ዛሪ ካፑዋ።
1CH 24:22 ያሃት ሻሎሚታ ባጋና ይጽሃራ ዛርያ።
1CH 24:23 ይሪይ፥ አማር፥ ያሃዝኤልነ ይቃምኣም ከብሮነ ዛርያ፤ ኡንቱንቱ ባረንቱ የለታ ማራን ጻፈቴድኖ።
1CH 24:24 ሻሚር ሚክያሳ ባጋና ኡዝኤላ ዛርያ።
1CH 24:25 ዛካራስ ሚክያሳ እሻ ይሽያ ባጋና ኡዝኤላ ዛርያ።
1CH 24:26 ማህል፥ ሙሽነ ያእዘ ማራራ ዘረꬃ።
1CH 24:27 ያእዝያ ናናይ ሄዛቱ ሾሃማ፥ ዛኩራነ ኢብራ።
1CH 24:28 ማህላ ናናይ ላአቱ ኤልኣዛራነ ቂሻ። ኤልኣዛራዉ አቱማ ናእ ባዋ።
1CH 24:29 ቂሻዉ ይራህማኤላ ጌተትያ እት አቱማ ናአይ ደኤ።
1CH 24:30 ሙሻዉ ማህላ፥ ኤዴራነ ይረሞታ ጌተትያ ሄዙ አቱማ ናናይ ደኢኖ። ሀዋንቱ ሌዊያ ዛራቱዋ ካፓቱዋ።
1CH 24:31 ካሰ ኡንቱንቱ ዳቦቱ፥ አሮና ዛርያ ቄሳቱ ኦꬄዳዋዳን፥ ሌዊያ ዛራቱዋ ካፓቱነ ቴፋትያ እሻቱዋፐ እቱ ሳማ የጌ። እጻይ ከስያ ዎደ ካቲ ዳዊተ፥ ጻዶቀ፥ አብመሌክ፥ ቄሳቱዋ ካፓቱነ ሌዋቱ ካፓቱ ማርካ።
1CH 25:1 ዳዊተነ ኦላ ጋዳዋቱ አሳፋ ናናቱዋፐ፥ ሄማና ናናቱዋፐነ ይዱቱና ናናቱዋፐ ማስንቁዋን ዲꬃንነ ዳላን ትምቢትያ ኦድያዋንቱ ኦሶ ኦꬃናዳን ዱማዬድኖ። ባረንቶ እመቴዳ ኪታ ኦꬅና፥ ሱንꬃይ ማዝጋበቴዳ አሳቱ ሀዋንታ።
1CH 25:2 አሳፋ ናናይ ዛኩራ፥ ዮሴፎ፥ ናታንያነ አሳርኤላ። አሳፋ ናናይ ካቲ አዛዝና፥ ትምቢትያ ኦድያ አሳፋፐ ጋርሳና አዛዘቲኖ።
1CH 25:3 ይዱቱና ናናይ ጋዳልያ፥ ጻራ፥ ይሻእያ፥ ሽምአ፥ ሀሻብያነ ማቲትያ። ሀ ኡሱፑናቱ ማስንቁዋን ትምቢትያ ኦዲደ፥ መꬍና ጎዳ ጋላቲድነ ቦንቺደ፥ ባረንቱ አዉዋ ይዱቱናፐ ጋርሳና አዛዘቴድኖ።
1CH 25:4 ሄማና ናናይ ቡቂያ፥ ማታንያ፥ ኡዝኤላ፥ ሻቡኤላ፥ ያርሞታ፥ ሀናንያ፥ ሀናና፥ ኤልኣታ፥ ግዳልታ፥ ሮማምትኤዘራ፥ ዮሽባቃሻ፥ ማሎታ፥ ሆቲራነ ማህዝኣታ።
1CH 25:5 ሀዋንቱ ኡባይ ካትያዉ ትምቢትያ ኦድያ ሄማና ናና። ጾሳይ ካሰ እማና ጌዳዋዳን፥ ሄማና ꬎቁ ꬎቁ ኦꬃና ማላ፥ ሀ ታማነ ኦይዱ አቱማ ናናነ ሄዙ ማጫ ናና አዉ እሜዳ።
1CH 25:6 ሀዋንቱ ኡባይ መꬍና ጎዳ ጌሻ ጎልያን ዳላ ቃꬃናዉ፥ ዲꬃነ ማስንቁዋ ዲጺደነ የጺደ ጎይናናዉ፥ ባረንቱ አዉዋፐ ጋርሳና ደኢኖ። አሳፈ፥ ይዱቱንነ ሄማን ካትያ አዛዙዋን ደኢኖ።
1CH 25:7 ሀዋንቱ ላታማነ ኦይዱ አሳቱ ዳሮ ኤራይ ደእያ አሳቱዋ። ኡንቱንቱ ዳቦቱ፤ መꬍና ጎዳዉ የꬃን ሎሄዳዋንታ፤ ኡንቱንቱ ኡባና ላኡ ጼታነ ሆስፑን ታማነ ሆስፑና።
1CH 25:8 ኡንቱንቱ ባረንቱ ኪታ ሻክ ኤራናዉ ዳሩ ጉꬃይ፥ አስታማሪ ታማሪ፥ ኡባይካ ላገꬃ ሳማ የጌድኖ።
1CH 25:9 ኮይሮ ሳማይ አሳፋ ናኣ ዮሴፎ ጋኬዳ፤ እ፥ አ ናናይነ አ ዳቦቱ ኡባና ታማነ ላኡዋ። ላኤንꬆ ሳማይ ጋዳልያ ጋኬዳ፤ እ፥ አ ናናይነ አ ዳቦቱ ኡባና ታማነ ላኡዋ።
1CH 25:10 ሄዛንꬆ ሳማይ ዛኩራ ጋኬዳ፤ እ፥ አ ናናይነ አ ዳቦቱ ኡባና ታማነ ላኡዋ።
1CH 25:11 ኦይደንꬆ ሳማይ ጻራ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ።
1CH 25:12 እቼሸንꬆ ሳማይ ናታንያ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ።
1CH 25:13 ኡሱፑንꬃ ሳማይ ቡቂያ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ።
1CH 25:14 ላፑንꬃ ሳማይ አሳርኤላ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ።
1CH 25:15 ሆስፑንꬃ ሳማይ ይሻእያ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ።
1CH 25:16 ኡዱፑንꬃ ሳማይ ማታንያ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ።
1CH 25:17 ታማንꬃ ሳማይ ሽምአ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ።
1CH 25:18 ታማነ እተንꬅያ ሳማይ ኡዝኤላ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ።
1CH 25:19 ታማነ ላኤንꬃ ሳማይ ሀሻብያ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ።
1CH 25:20 ታማነ ሄዘንꬃ ሳማይ ሻቡኤላ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ።
1CH 25:21 ታማነ ኦይደንꬆ ሳማይ ማቲትያ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ።
1CH 25:22 ታማነ እቼሻንꬃ ሳማይ ያርሞታ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ።
1CH 25:23 ታማነ ኡሱፑንꬃ ሳማይ ሀናንያ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ።
1CH 25:24 ታማነ ላፑንꬃ ሳማይ ዮሽባቃሻ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ።
1CH 25:25 ታማነ ሆስፑንꬃ ሳማይ ሀናና ጋኬዳ፤ እ፥ አ ናናይነ አ ዳቦቱ ኡባና ታማነ ላኣ።
1CH 25:26 ታማነ ኡዱፑንꬃ ሳማይ ማሎታ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ።
1CH 25:27 ላታማንꬃ ሳማይ ኤልኣታ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ።
1CH 25:28 ላታማነ እተንꬅያ ሳማይ ሆቲራ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ።
1CH 25:29 ላታማነ ላኤንꬃ ሳማይ ግዳልታ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ።
1CH 25:30 ላታማነ ሄዘንꬃ ሳማይ ማህዝኣታ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ።
1CH 25:31 ላታማነ ኦይደንꬆ ሳማይ ሮማምትኤዘራ ጋኬዳ፤ እ፥ አ ናናይነ አ ዳቦቱ ኡባና ታማነ ላኣ።
1CH 26:1 ጌሻ ጎልያ ፐንግያ ናግያዋንቱ ሀዋፐ ካሊደ ጻፈቴዳዋንታ። ኮይሩ ቆራሀ ያራፐ አሳፋ ባጋና ቆረ ናኣ ማሸለምያ።
1CH 26:2 ማሸለሜ ላፑን አቱማ ናና የሌዳ፤ ኡንቱንቱ ባረንቱ የለታ ማራን ዛካራሳ፥ ይድኤላ፥ ዛባድያ፥ ያትንኤላ፥
1CH 26:3 ኤላማ፥ ያሆሀናናነ ኤልያሆኤናያ።
1CH 26:4 ጾሳይ ኦቤድ-ኤዶማካ አንጄዳ ድራዉ፥ እ ሆስፑን አቱማ ናና የሌዳ። ኡንቱንቱ ባረንቱ የለታ ማራን ሻማእያ፥ ይሆዛባዳ፥ ዮኣሀ፥ ሳካራ፥ ናታንኤላ፥
1CH 26:5 አምኤላ፥ ይሳኮራነ ፓኡልታያ።
1CH 26:6 ቃይ ኦቤድ-ኤዶማ ናአይ ሻማኤካ ኡሱፑን አቱማ ናና የሌዳ፤ ኡንቱንቱ ምኖ አሳ ግዴዳ ድራዉ፥ ባረንቱ አዉዋ ጎለን ካፑዋ ግዴድኖ።
1CH 26:7 ሻማእያ ናናይ ኦትና፥ ራፋኤላ፥ ዮቤዳነ ኤልዛባዳ፤ ኡንቱንቱ እሻቱ ኤልሁነ ሳማከ አꬌዳ ምኖ አሳቱዋ።
1CH 26:8 ሀዋንቱ ኡባቱ ኦቤድ-ኤዶማ ዘረꬃ፤ ኡንቱንቱ፥ ኡንቱንቱ ናናይነ ኡንቱንቱ ዳቦቱ ኦሶ ምኖ። ኦቤድ-ኤዶማ ዛራቱ ኡባና ኡሱፑን ታማነ ላኣ።
1CH 26:9 ማሸለምያዉ ምኖ ናናይነ ምኖ ዳቦቱ ደኢኖ፤ ኡንቱንቱ ኡባና ታማነ ሆስፑና።
1CH 26:10 ማራራ ያራፐ ሆሳዮካ ናናይ ደኢኖ። ሺምር ባይራ ናኣ ግደና፤ ሽን አ አዉ አ ካፑዋ ኦꬄዳ።
1CH 26:11 አ እሻቱ ህልቂያ፥ ጻባልያነ ዛካራሳ። ሆሳ ናናይነ አ ዳቦቱ ኡባና ታማነ ሄዛ።
1CH 26:12 ጌሻ ጎልያ ፐንግያ ናግያዋንቱ ባረንቱ ጎልያ አሳ ካፓቱዋና፥ ጩጉዋን ጩጉዋን ሻከቴድኖ። ሀራ ሌዋቱዋዳን ኡንቱንታካ መꬍና ጎዳ ጌሻ ጎልያ ኪታይ ግሹዋን ጋኬዳ።
1CH 26:13 ፐንግያ ኡባ ናጋናዉ ባረንቱ ጎለን ጎለን ጉꬃይ ግታይ ሳማ ከሴድኖ።
1CH 26:14 አዋይ ዶልያ ፐንግያ ግያ ፐንግያ ናግያ ሳማይ ሸሌምያ ጋኬዳ። ሎኦ ዞርያ አ ናኣ ዛካራሳ ሁጲሳ ፐንግያ ጌተትያ ፐንግያ ናግያ ሳማይ ጋኬዳ።
1CH 26:15 ኦቤድ-ኤዶማ ገድሳ ፐንግያ ግያ ፐንግያ ናግያ ሳማይ ጋኬዳ። አ ናና ሚሻ ምንጅያ ጎልያ ናግያ ሳማይ ጋኬዳ።
1CH 26:16 አዋይ ዉልያ ፐንግያነ ቦላ ኦግያ ባጋና ደእያ ሻለኮታ ፐንግያ ጌተትያ ፐንገቱዋ ናግያ ሳማይ ሹፊማነ ሆሳ ጋኬዳ። ናጉ ካላን ካላን ጋኬ።
1CH 26:17 ጋላሳን ጋላሳን አዋይ ዶልያ ባጋና ኡሱፑን ሌዋቱ ናጊኖ። ሁጲሳ ባጋና ኦይዳቱ ናጊኖ። ገድሳ ባጋና ኦይዳቱ ናጊኖ። ቃይ ላኡ ላኡ ሚሻ ምንጅያ ጎልያ ናጊኖ።
1CH 26:18 አዋይ ዉልያ ባጋና ዳባባዉ አፍያ ኦግያ ኦይዳቱ ናጊኖ። ቃይ ዳባባ ግዱዋ ላአቱ ናጊኖ።
1CH 26:19 ስም ቆራሀ ያራቶነ ማራራ ያራቶ እመቴዳ ፐንገ ናጎ ኪታይ ሀዋ።
1CH 26:20 አኪያ ጌተትያ ሌዊ ጾሳ ጌሻ ጎልያን ደእያ ሻሉዋነ ጾሳዉ ዱማይ ዎꬄዳ እሞታ ናጋናዉ ሱንቴዳ።
1CH 26:21 ገርሾና ናኣ ላእዳና ያራፐ ይህኤል ዱማ ዱማ ጎልያ አሳዉ አዎቴ።
1CH 26:22 ይህኤላ ናናይ ዘታማነ አ እሻ ዩኤላ፤ ኡንቱንቱ መꬍና ጎዳ ጌሻ ጎልያን ደእያ ሚሻ ናጋናዉ ሱንቴድኖ።
1CH 26:23 አምራማ ያራቶ፥ ይጽሃራ ያራቶ፥ ከብሮና ያራቶ ኡዝኤላ ያራቶ ኪታይ ሻከት እመቴዳ።
1CH 26:24 ሙሴ ናኣ ገርሾማ ያራ ግድያ ሻቡኤል ጌሻ ጎልያን ደእያ ሚሻ ናግያዋንቱ ካፓቱ ቦላ ሱንቴዳ።
1CH 26:25 እ ገርሾማ እሻ ኤልኤዛራ ባጋና ሻሎሚታዉ ዳቦቴ። ኤልኤዛር ራሃብያ የሌዳ፤ ራሃቢ ይሻእያ የሌዳ፤ ይሻኢ ዮራማ የሌዳ፤ ዮራመ ዚክራ የሌዳ፤ ዚክር ሻሎሚታ የሌዳ።
1CH 26:26 ካቲ ዳዊተ፥ አዎቱዋ ጎልያ አሳ ካፓቱ፥ ሻአ ካፓቱ፥ ጼቱዋ ካፓቱነ ኦላ ጋዳዋቱ ጾሳዉ ዱማይ ዎꬄዳ ሻሉዋ ኡባ ቦላ ሻሎሚትነ አ ዳቦቱ ሱንቴድኖ።
1CH 26:27 ሀ ሻሉዋ መꬍና ጎዳ ጌሻ ጎልያ ኦራꬃናዉ ዱማይ ዎꬄዳ አሳቱ ሀ ሚሻ ካሰ ኦላፐ ኦሞድ ዎꬄድኖ።
1CH 26:28 ቃይ ትምቢትያ ኦድያ ሳመል፥ ቂሳ ናአይ ሳኦል፥ ኔራ ናአይ አባኔርነ ጻሩይ ናአይ ዮኣበ ካሰ ዱማይ ዎꬄዳ እሞታ ኡባ ሻሎሚትነ አ ዳቦቱ ናጊኖ።
1CH 26:29 ይጽሃራ ያራቱዋፐ ካናነነ አ ናናይ ጌሻ ጎልያፐ ካረና ደእያ ኪታን እስራኤልያ አሳ አይሳናዉነ ዳናታናዉ ሱንቴድኖ።
1CH 26:30 ከብሮነ ያራቱዋፐ ሀሻቤነ አ ዳቦቱ፥ እት ሻአነ ላፑን ጼቱ ምኖ አሳቱ፥ መꬍና ጎዳ ኦሱዋ ኡባዉነ ካትያ ኦሱዋ ኡባዉ ዮርዳኖሳ ሻፋፐ ሄፍንꬃን አዋይ ዉልያ ባጋና ደእያ እስራኤልያ አሳ ቦላ ሱንቴድኖ።
1CH 26:31 ከብሮነ ያራቱዋፐ ካፖትያዌ ይሪያ። ዳዊተ ካተቴዳ ኦይታማንꬆ ላይꬃን ኮይና፥ ኡንቱንቱ አሳ ግዶፐ ምኖ አሳቱ ጋላኣደ ቢታን ያእዜራ ጌተትያ ኮሽያን ቤቴድኖ።
1CH 26:32 አዎቱዋ ጎልያ አሳዉ ካፖትያ ይሪያ ዳቦቱ ምኖቱ ላኡ ሻአነ ላፑን ጼታ። ካቲ ዳዊተ ጾሳ ኦሱዋ ኡባዉነ ካትያ ኦሱዋ ኡባዉ ኡንቱንቱ ሮቤላ ዛራቱዋ ቢታ ቦላ፥ ጋደ ዛራቱዋ ቢታ ቦላነ ምናሰ ዛራቱዋፐ ባጋቱ ቢታ ቦላ ሱንꬄዳ።
1CH 27:1 ባረንቱ ጩጉዋን ጩጉዋን ካዉተꬃ አይሴዳ እስራኤልያ ጎልያ አሳቱዋ ካፓቱ፥ ሻኣ ካፓቱነ ጼቱዋ ካፓቱ ሀዋፐ ካሊደ ጻፈቴዳዋንታ። እት እት ጩጉዋን ላታማነ ኦይዱ ሻአ አሳቱ ደኢኖ። እት እት ጩጉ ላይꬃ ግዶን እት እት አግናዉ ካላን ካላን ካዉተꬃ ኪታ ኦꬃናዉ ከሴ።
1CH 27:2 ኮይሮ አግናን ከስያ ጩጉዋ ካለꬅያዌ ዛብድኤላ ናኣ ያሾብኣማ፤ አ ጩጉዋን ላታማነ ኦይዱ ሻአ አሳይ ደኤ።
1CH 27:3 ያሾብኣም ፓሬሳ ዘረꬃ፤ እ ኮይሮ አግናዉ ኦላንቻቱ ካፓቱዋ ጋዳዉዋ።
1CH 27:4 ላኤንꬆ አግናን ከስያ ጩጉዋ ካለꬅያዌ አሆህያ ዶዳያ፤ አ ጩጉዋን ላታማነ ኦይዱ ሻአ አሳይ ደኤ። አፐ ካልያዌ ምቅሎታ።
1CH 27:5 ሄዛንꬆ አግናን ከስያ ጩጉዋ ካለꬅያዌ ቄስያ ዮዳሄ ናኣ ባናያ፤ አ ጩጉዋን ላታማነ ኦይዱ ሻአ አሳይ ደኤ።
1CH 27:6 ባናይ ሀታሙ ኤረቴዳ አሳቱዋ ግዶን ምኖ አሳ ግዲደ፥ ሀታማቶ ካፖቴዳ። አ ሳኣን አ ናአይ አምዛባድ ካፖቴዳ።
1CH 27:7 ኦይደንꬆ አግናን ከስያ ጩጉዋ ካለꬅያዌ ዮኣባ እሻ አሳሄላ፤ አ ጩጉዋን ላታማነ ኦይዱ ሻአ አሳይ ደኤ። አ ኮታን አ ናአይ ዛባደ ካፖቴዳ።
1CH 27:8 እቼሸንꬆ አግናን ከስያ ጩጉዋ ካለꬅያዌ ይጽሃራ ያራፐ ሻምሁታ፤ አ ጩጉዋን ላታማነ ኦይዱ ሻአ አሳይ ደኤ።
1CH 27:9 ኡሱፑንꬃ አግናን ከስያ ጩጉዋ ካለꬅያዌ ታቆአፐ ዬዳ እቄሻ ናኣ እራ፤ አ ጩጉዋን ላታማነ ኦይዱ ሻአ አሳይ ደኤ።
1CH 27:10 ላፑንꬃ አግናን ከስያ ጩጉዋ ካለꬅያዌ ኤፍሬማ ዛርያፐ ፕሎናፐ ዬዳ ሄሌጻ፤ አ ጩጉዋን ላታማነ ኦይዱ ሻአ አሳይ ደኤ።
1CH 27:11 ሆስፑንꬃ አግናን ከስያ ጩጉዋ ካለꬅያዌ ሁሻፐ ዬዳ ስባካያ፤ አ ጩጉዋን ላታማነ ኦይዱ ሻአ አሳይ ደኤ። ስባካይ ይሁዳ ዛረነ ዛራሀ ያራ።
1CH 27:12 ኡዱፑንꬃ አግናን ከስያ ጩጉዋ ካለꬅያዌ ቢንያማ ዛረ ግዴዳ አናቶትያ አብኤዘራ፤ አ ጩጉዋን ላታማነ ኦይዱ ሻአ አሳይ ደኤ።
1CH 27:13 ታማንꬃ አግናን ከስያ ጩጉዋ ካለꬅያዌ ናጾፋፐ ዬዳ፥ ዛራሀ ያራ ግዴዳ ማህራያ፤ አ ጩጉዋን ላታማነ ኦይዱ ሻአ አሳይ ደኤ።
1CH 27:14 ታማነ እተንꬅያ አግናን ከስያ ጩጉዋ ካለꬅያዌ ፕርኣቶናፐ ዬዳ፥ ኤፍሬማ ዛርያ ግዴዳ ባናያ፤ አ ጩጉዋን ላታማነ ኦይዱ ሻአ አሳይ ደኤ።
1CH 27:15 ታማነ ላኤንꬆ አግናን ከስያ ጩጉዋ ካለꬅያዌ ናጾፋፐ ዬዳ፥ ኦትንኤላ ያራ ግዴዳ ሄልዳያ፤ አ ጩጉዋን ላታማነ ኦይዱ ሻአ አሳይ ደኤ።
1CH 27:16 እስራኤልያ ዘረꬃ አይሳናዉ ሱንቴዳዋንቱ ሀዋፐ ካሊደ ጻፈቴዳዋንታ። ሮቤላ ዛርያ አይስያዌ ዚክራ ናኣ ኤልኤዛራ። ስሞና ዛርያ አይስያዌ ማእካ ናኣ ሻፋጽያ።
1CH 27:17 ሌዊያ ዛርያ አይስያዌ ቃሙኤላ ናኣ ሀሻብያ። አሮና ዛርያ አይስያዌ ጻዶቃ።
1CH 27:18 ይሁዳ ዛርያ አይስያዌ ዳዊታ እሻ ኤልሀ። ይሳኮራ ዛርያ አይስያዌ ምካኤላ ናኣ ኦምራ።
1CH 27:19 ዛብሎና ዛርያ አይስያዌ ኦባድያ ናኣ ይሽማእያ። ንፍታሌማ ዛርያ አይስያዌ አዝርኤላ ናኣ ያርሞታ።
1CH 27:20 ኤፍሬማ ዛርያ አይስያዌ አዛዝያ ናኣ ሆሼአ። ዮርዳኖሳ ሻፋፐ አዋይ ዉልያ ባጋን ደእያ ምናሰ ዛራቱዋፐ ባጋ አይስያዌ ፓዳያ ናኣ ዩኤላ።
1CH 27:21 ዮርዳኖሳ ሻፋፐ አዋይ ዶልያ ባጋ ጋላኣደን ደእያ ምናሰ ዛራቱዋፐ ባጋ አይስያዌ ዛካራሳ ናኣ እዳ። ቢንያማ ዛርያ አይስያዌ አባኔራ ናኣ ያእስኤላ።
1CH 27:22 ዳና ዛርያ አይስያዌ ይሮሃማ ናኣ አዛርኤላ። ሀዋንቱ እስራኤልያ ዘረꬃ አይስያዋንታ።
1CH 27:23 መꬍና ጎዳይ እስራኤልያ አሳ ሳሉዋ ጾልንትያዳን ጮርሳና ጌዳ ድራዉ፥ ዳዊተ ላታሙ ላይꬃነ ላታሙ ላይꬃፐ ጋርሳና ደእያዋንታ ፓይዱዋን ገልስቤና።
1CH 27:24 ጻሩይ ናአይ ዮኣበ አሳ ፓይዱዋ ዶሜዳ፤ ሽን ፓይድ ዉርስቤና። አሳ ፓይዴዳ ጋሱዋን ጾሳይ እስራኤልያ አሳ ቦላ ሀንቀቴዳ። ሄዋ ድራዉ፥ ኡንቱንቱ ፓይዱ ካትያ ዳዊታ ታርክያ ማዝጎባን ጻፈትቤና።
1CH 27:25 ካትያ ሚሻ ምንጅያ ሳአዉ አዎትያዌ አዲኤላ ናኣ አዝማዌታ። ጋጻርያን፥ ካታማቱዋንነ ሞꬃቱዋን፥ ዎችያ ሳ ደእያ ሚሻዉ አዎትያዌ ኦዝያና ናኣ ዮናታና።
1CH 27:26 ቢታ ጎሽያ ጎሻንቻቱዋ ቦላ አዎትያዌ ካሉባ ናኣ ኤዝራ።
1CH 27:27 ዎይንያ ቱራ ሳአቶ አዎትያዌ ራማፐ ዬዳ ሽምአ። ዎይንያ ኤሳ ምንጅያ ሳአዉ አዎትያዌ ሻፋማፐ ዬዳ ዛብዳ።
1CH 27:28 አዋይ ዉልያ ባጋ ገዝያን ደእያ ዎጋራዉነ ኡንቱንቶ አዎትያዌ ገዴራፐ ዬዳ ባኣልሀናና። ዛይትያ ምንጅያ ሳአዉ አዎትያዌ ዮኣሻ።
1CH 27:29 ሳሮና ደምባን ሄመትያ ሚዛዉ አዎትያዌ ሳሮንያ ሺጽራያ። ዎምባን ሄመትያ ሚዛዉ አዎትያዌ አድላያ ናኣ ሻፋጻ።
1CH 27:30 ጋሎቶ አዎትያዌ እስማኤልያ ኦቢላ። ሀረቶ አዎትያዌ መሮኖትያ የህዳያ።
1CH 27:31 ዶርሳቶነ ዴሻቶ አዎትያዌ አጋር ዛርያፐ ያዚዛ። ሀዋንቱ ኡባይ ዳዊታ አቁዋ ቦላ አዎቴዳዋንታ።
1CH 27:32 ዳዊታ አዉዋ እሻይ ዮናታን ጻፊ፥ አኬካንቻ አሳነ ካትያ ዞርያ አሳ። ሀክሞና ናአይ ይህኤል ካትያ ናና ናጌ።
1CH 27:33 አክጾፌል ቃይ ካትያ ዞርያዋ። አርክያ ሁሻይ ካቲ ሲቅያ አሳ።
1CH 27:34 አክጾፌል ሀይቂና፥ አ ኮሽያን ባናያ ናአይ ዮዳሄነ አብያታረ ካትያ ዞርያዋንታ፤ ዮኣበ ካትያ ኦላ ጋዳዋ።
1CH 28:1 እስራኤልያ ካፓቱ ኡባይ የሩሳላመን ሺቃናዳን ካቲ ዳዊተ አዛዜዳ፤ ሄዋ ድራዉ፥ ዛራቱዋ ካፖቱ፥ ካትያ ኦሳንቻቱ ካፓቱ፥ ሻአ ካፓቱ፥ ጼቱዋ ካፓቱ፥ ካትያዉ ካትያ ናናዉ ደእያ አቆነ መህያዉ አዎትያዋንቱ፥ ካትያ ጎለን ኦꬅያ ካፓቱ፥ ኤረቴዳ ምኖ አሳቱነ ዎልቃማ አሳቱ ኡባይ የሩሳላመን ሺቄድኖ።
1CH 28:2 ካቲ ዳዊተ ደንድ ኤቂደ፥ ሀዋዳን ያጌዳ፤ “ታ እሻቶ፥ ታ አሳቶ፥ ስስተ! መꬍና ጎዳ ቃላ ጫቁዋ ታቦታ ዎꬅያነ ኑ ጾሳ ገዲ ሸምፕያ ጌሻ ጎልያ ኬጻናዉ ታ ዎዛናን ቆፓድ፤ ኬጻናዉ ኮሽያዋንታካ ጊግሳድ።
1CH 28:3 ሽን ጾሳይ ታና፥ ‘ኔን ኦላንቻነ ሱꬃ ጉሴዳ አሳ ግድያ ድራዉ፥ ታ ሱንꬃዉ ጎልያ ኬጻካ’ ያጌዳ።
1CH 28:4 ታን እስራኤልያ ቦላ መꬍናዉ ካተታናዳን፥ መꬍና ጎዳይ እስራኤልያ ጾሳይ ታ አዉዋ ጎልያ አሳ ኡባፐ ታና ዶሬዳ። ካለꬃናዳን ኮይሮ ይሁዳ ዛርያ ዶሬዳ፤ ይሁዳ ዛርያፐ ታ አዉዋ ሶይ አሳ ዶሬዳ፤ ታ አዉዋ ናና ግዶፐ ታና ዶሪደ፥ እስራኤልያ ኡባ ቦላ ካተያናዉ ናሸቴዳ።
1CH 28:5 መꬍና ጎዳይ ታዉ ጮራ ናና እሜዳ፤ ታ ናና ኡባፐ መꬍና ጎዳ ካዉተꬃ አራታን ኡቲደ፥ እስራኤልያ ቦላ ካተታናዳን ታ ናኣ ሶሎሞና ዶሬዳ።
1CH 28:6 “ጾሳይ ታና፥ ‘ታ ጌሻ ጎልያነ ታ ዳባባ ኬጻናዌ ነ ናኣ ሶሎሞና። አያዉ ጎፐ፥ እ ታዉ ናኣ ግዳናዳን ታን አ ዶራድ፤ ታንካ አዉ አዉዋ ግዳናዋ።
1CH 28:7 እ ሀእ ኦꬅያዋዳን ስንꬃፐካ ታ አዛዙዋነ ታ ህግያ ምኒደ ናጎፐ፥ ታን አ ካዉተꬃ መꬍናዉ ምንꬃና’ ያጌዳ።
1CH 28:8 ሄዋ ድራዉ፥ ሀእካ መꬍና ጎዳ ያአይ፥ እስራኤልያ አሳይ ኡባይ በእሺናነ ኑ ጾሳይ ስስሽን፥ መꬍና ጎዳ ህንተንቱ ጾሳ አዛዙዋ ኡባ ህንተንቱ ምንሲደ ናጋና ማላ፥ ታን ህንተንቶ ኦዳይ። ያቶፐ፥ ህንተንቱ ሀ ሎኦ ቢታ ላታናነ ህንተንቱ ናናካ መꬍናዉ ላትሳናዋ።
1CH 28:9 “ሶሎሞና፥ ታ ናአዉ፥ ነ አዉዋ ጾሳ ኤራ። ነ ኩመንꬃ ዎዛናንነ ነ ኤኖ ግያ ቆፋን አዉ ኪተታ። አያዉ ጎፐ፥ መꬍና ጎዳይ ዎዛና ኡባ ቆሬ፤ ቆፋን ደእያ ሀልቹዋ ኡባካ ኤሬዳ። ኔን አ ኮዮፐ፥ እ ነዉ ቤታና፤ ሽን ኔን አ አጎፐ፥ እ ኔና መꬍናዉ አግ ባሻና።
1CH 28:10 ሀእካ ጌሻ ጎልያ ኬጻናዉ መꬍና ጎዳይ ኔና ዶሬዳዋ ዶጎፓ። ምናደ ኪታ ኪተታ” ያጌዳ።
1CH 28:11 ሄዋፐ ጉይያን፥ ዳዊተ ባረ ናኣ ሶሎሞናዉ ጌሻ ጎልያ ኬጽያ ሀልቹዋ እሜዳ፤ ባራንዳ ሀልቹዋ፥ ሚሻ ምንጅያ ሳኣ ሀልቹዋ፥ ቦላ ክፍልያነ ግዶ ክፍልያ ሀልቹዋነ ናጋራይ አቶ ጌተትያ ሳኣ ቁምእያ ዎꬅያ ክፍልያ ሀልቹዋ እሜዳ።
1CH 28:12 ቃይካ ዳዊተ አዉ መꬍና ጎዳ ጌሻ ጎልያ ዳባባ ኬጻናዉ ባረ ቆፋን ደእያ ሀልቹዋ፥ አ ዩሹዋን ደእያ ኡባ ክፍለቱ ሀልቹዋነ ጾሳ ጌሻ ጎልያ ሚሻ ምንጅያ ሳአቱነ ጾሳዉ ዱማይ ዎꬄዳ እሞታ ምንጅያ ሳአቱ ሀልቹዋ እሜዳ።
1CH 28:13 ሄዋዳንካ ዳዊተ ቄሳቱ ነ ሌዋቱ ጩጎቱ ባረንቱ ኪታ ኦꬃና ማራ፥ መꬍና ጎዳ ጌሻ ጎልያ ኪታ ኦꬃና ማራነ ጌሻ ጎልያ ሚሻቱዋ ናግያ ማራ ኦድያ ሀልቹዋ አዉ እሜዳ።
1CH 28:14 ቃይካ ዳዊተ ሀዋፐ ካሊደ ጻፈቴዳ ዱማ ዱማ ሚሻቱዋ መꬋናዉ ዎይሳ ኬሻ ዴጽያ ዎርቃነ ዎይሳ ኬሻ ዴጽያ ብራ ኮሽንቶ ጻፊደ፥ ሶሎሞናዉ እሜዳ።
1CH 28:15 ሄዋንቱካ፥ ዎርቃ ጾምፐቱዋ ዎꬅያ ባላነ ዎርቃ ጾምፐቱዋ፥ ብራ ጾምፐቱዋ ዎꬅያ ባላነ ብራ ጾምፐቱዋ፥
1CH 28:16 ጾሳ ስንꬃን ኡክꬃ ዎꬅያ ዎርቃ ጻርጴዛቱዋ፥ ብራ ጻርጴዛቱዋ፥
1CH 28:17 ዎርቃ ኦይቂያዋ፥ ዎርቃ ከረቱዋ፥ ዎርቃ ዋንጫቱዋ፥ ዎርቃ ኩይጻሮቱዋ፥ ብራ ኩይጻሮቱዋነ
1CH 28:18 እጻና ጩዋይያ ጌሻ ዎርቃ ሳጽንያ። መꬍና ጎዳ ቃላ ጫቁዋ ታቦታ ቦላ ባረንቱ ቀፍያ ምጪደ ካምያ፥ ክሩበላ ዎꬅያ ዎርቃ ጋርያ ጊግስያ ሀልቹዋካ አዉ እሜዳ።
1CH 28:19 ዳዊተ፥ “መꬍና ጎዳይ ባረ ኩሽያ ታ ቦላ ዎꬂደ፥ ሀ ጻፈቴዳ ሀልቹዋ ኡባ ታና ኤርሴዳ” ያጌዳ።
1CH 28:20 ሄዋፐ ጉይያን፥ ዳዊተ ባረ ናኣ ሶሎሞና፥ “አይነ ባዋ፤ ምና! ኦሱዋ ኦꬃ! መꬍና ጎዳይ ጾሳይ፥ ታ ጾሳይ ኔናና ደእያ ድራዉ፥ ያዮፓ፤ ዳጋሞፓ! መꬍና ጎዳ ጌሻ ጎልያ ኪታይ ፖለታና ጋካናዉ፥ ጾሳይ ኔና የገናነ አገና።
1CH 28:21 ጾሳ ጌሻ ጎልያን ደእያ ኦሱዋ ኡባዉ ቄሳቱ ነ ሌዋቱ ሱንት ኡቴድኖ። ኩሽያ ሂላ ኤራይ ደእያ አሳይ ኡባይ ኔና ኦሱዋ ኡባን ማዳና። ካፓቱነ አሳይ ኡባይ ነዉ ኡባባንካ አዛዘታና” ያጌዳ።
1CH 29:1 ሄዋፐ ጉይያን፥ ካቲ ዳዊተ ሺቄዳ አሳዉ ኡባዉ ሀዋዳን ያጌዳ፤ “ጾሳይ ዶሬዳዌ ታ ናኣ ሶሎሞና፤ እ ያላጋነ ኦሶካ ሜዘትቤና። ሀ ኬጸታና ኬꬃይ አሳ ጎልያ ግደናን መꬍና ጎዳ ጾሳ ጌሻ ጎልያ ግድያ ድራዉ፥ ኪታይ ዎልቃማ።
1CH 29:2 ታን ታዉ ደእያ ዎልቃ ኬሻ ታ ጾሳ ጌሻ ጎልያዉ ዎርቃን ኦሰታናባዉ ዎርቃ፥ ብራን ኦሰታናባዉ ብራ፥ ናሃስያን ኦሰታናባዉ ናሃስያ፥ ብራታን ኦሰታናባዉ ብራታነ ምꬃን ኦሰታናባዉ ምꬃ ጊግሳ ዎꬃድ። ቃይ ማርግድያ፥ እብናባራድያ፥ ዱማ ዱማ ማላና ደእያ አሌቆ ሹቻቱዋ፥ አልኦ ሹቻቱዋነ እንቆቱዋ ጊግሳ ዎꬃድ።
1CH 29:3 ታ ጾሳ ጌሻ ጎልያ ታን ሎይꬃ ሲቅያ ድራዉ፥ ታን ታ ጾሳ ጌሻ ጎልያዉ ጊግሴዳዋፐ ሀራ ታዉ ቡዞ ደእያ ዎርቃፐነ ብራፐ ጌሻ ጌሻ ጎልያዉ እማድ።
1CH 29:4 ጌሻ ጎልያ ጎዳ ማይዛናዉ ጼቱ ሻአ ኪሎ ግራመ ዴጽያ ጌሻ ዎርቃነ ላኡ ጼታነ ኦይታሙ ሻአ ኪሎ ግራመ ዴጽያ ጌሻ ብራ እማድ።
1CH 29:5 ኩሽያ ሂላቱ ኦꬃና ኦሱዋ ኡባዉ፥ ዎርቃን ኦሰታናባዉ ዎርቃ፥ ብራን ኦሰታናባዉ ብራ፥ እማድ። ያትና፥ ህንተፐ ሀቼ ባረ ሸንያን መꬍና ጎዳዉ ኬኪደ እማናዌ ኦኔ?” ያጌዳ።
1CH 29:6 እስራኤልያ ጎልያ አሳቱዋ ካፓቱ፥ ዛራቱዋ ካፓቱ፥ ሻኣ ካፓቱ፥ ጼቱዋ ካፓቱነ ካትያ ኦሳንቻቱ ካፓቱ ባረንቱ ሸንያን ባረንቶ ደእያዋ እሜድኖ።
1CH 29:7 ኡንቱንቱ ጾሳ ጌሻ ጎልያ ኦሶ እት ጼታነ ላፑን ታሙ ሻአ ኪሎ ግራመ ዴጽያ ዎርቃ፥ ሄዙ ጼታነ ኦይታሙ ሻአ ኪሎ ግራመ ዴጽያ ብራ፥ ኡሱፑን ጼታነ ላታሙ ሻአ ኪሎ ግራመ ዴጽያ ናሃስያ ብራታነ ሄዙ ሚልዮነነ ኦይዱ ጼቱ ሻአ ኪሎ ግራመ ዴጽያ ብራታ እሜድኖ።
1CH 29:8 አልኦ ሹቻይ ደእያ አሳይ ኡባይ ሚሻ ናግያ ሌዊያ ገርሾና ያራ ግድያ ይህኤላ ባጋና መꬍና ጎዳ ጌሻ ጎልያ ሚሻ ምንጅያ ጎለዉ እሜዳ።
1CH 29:9 አሳይ ባረ ሸንያን ባረ ኩመንꬃ ዎዛናን መꬍና ጎዳዉ እሜዳ ድራዉ ናሸቴዳ፤ ካቲ ዳዊተካ ሎይꬅ ናሸቴዳ።
1CH 29:10 ሄዋ ድራዉ፥ ዳዊተ ሽቁዋ ኡባ ስንꬃን ሀዋዳን ያጊደ፥ መꬍና ጎዳ ጋላቴዳ፤ “አቤት መꬍና ጎዳዉ፥ ኑ አዉዋ እስራኤልያ ጾሳዉ፥ ኔን መꬍናፐ መꬍናዉ ጋላቲታ።
1CH 29:11 አቤት መꬍና ጎዳዉ፥ ሳሉዋንነ ሳኣን ደእያ ኡባባይ ነዋ! ግታተꬃይ፥ ዎልቃይ፥ ቦንቹ፥ ጾኑነ አንጋይ ነዋ! አቤት መꬍና ጎዳዉ፥ ማታይ ነዋ፤ ኔን ኡባፐ ቦላነ ሁጰ።
1CH 29:12 ዱረታይነ ቦንቹ ኔፐ ዬ፤ ኔን ኡባባ ሞዳሳ። ዎልቃይነ ምኖታይ ነ ኩሽያና፤ ኔን አሳ ኡባ ꬎቂሳናዉነ ምንሳናዉ ዳንዳያሳ።
1CH 29:13 ሀእካ ኑ ጾሳዉ፥ ኑን ኔና ጋላቴቶ፤ ነ ቦንቾ ሱንꬃካ ሳቤቶ።
1CH 29:14 “ኑን ሀዋ ኬሻባ እማናዉ ታነ ታ አሳይነ ኦኔ? አያዉ ጎፐ፥ ኡባባይ ኔፐ ዬ፤ ኑን ነ ኩሽያፐ አኬዳዋ ነዉ ዛረꬅ እሜዳ።
1CH 29:15 ካሰ ኑ አዎቱዋ ኡባዳን ኑንካ ነ ስንꬃን በተነ እማꬃ። ሀ ሳኣ ቦላን ኑ ደኡዋ ላይꬃይ ኩዋዳን አꬍያዋ፤ ኑን ሀይቆፐ አታናዉ ዳንዳዮኮ።
1CH 29:16 አቤት መꬍና ጎዳዉ፥ ኑ ጾሳዉ፥ ነ ጌሻ ሱንꬃዉ ኑን ጌሻ ጎልያ ኬጻናዉ ሺሼዳ ኡባይ ነ ኩሽያፐ ዬዳዋ፤ ሀዌ ኡባይ ነባ።
1CH 29:17 “ታ ጾሳዉ፥ ኔን ዎዛና ፓጭያዋነ ሱረተꬃ ዶስያዋ ታን ኤራይ። ታን ታ ዎዛና ሱረተꬃን ታ ሸንያን ሀዋ ኡባ እማድ። ሀ ሳኣን ደእያ ነ አሳይካ ነዉ ባረ ሸንያን ናሸቻን እሜዳዌ ታን በኣድ።
1CH 29:18 አቤት መꬍና ጎዳዉ፥ ኑ ማይዛ አዎቱዋ አብራሃማ፥ ይሳቃነ እስራኤልያ ጾሳዉ፥ ነ አሳ ዎዛናን ሀ ዎልቃማ ሲቁዋ መꬍናዉ ናጋ፤ ኡንቱንቱ ዎዛናካ ኔኮ ሺሻ።
1CH 29:19 ነ ዎጋ፥ ነ አዛዙዋነ ነ ህግያ ናጋናዳንነ ታን ሀልቻደ ጊግሳ ዎꬄዳባን ጌሻ ጎልያ እ ኬጻናዳን ታ ናኣ ሶሎሞናዉ ኩመንꬃ ዎዛና እማ” ያጊደ ጋላቴዳ።
1CH 29:20 ሄዋፐ ጉይያን፥ ዳዊተ ያአዉ ኡባዉ፥ “መꬍና ጎዳ ህንተንቱ ጾሳ ጋላትተ” ያጌዳ። ያአይ ኡባይ መꬍና ጎዳ ባረንቱ አዎቱዋ ጾሳ ጋላቴድኖ። መꬍና ጎዳዉ ጉፋኒደ ጎይኔድኖነ ካትያዉካ ኩንዳ ጊደ ጉፋኔድኖ።
1CH 29:21 ዎንተꬃ ጋላስ አሳይ መꬍና ጎዳዉ ያርሹዋ ያርሼዳ። ቃይ ጹግያ ያርሹዋካ ጾሳዉ ያርሼዳ፤ እት ሻአ ኮሩማቱዋ፥ እት ሻአ ዶርሳ ኦርገቱዋ፥ እት ሻአ ዶርሳ ማራቱዋ፥ ኡሻ ያርሹዋነ ዳሮ ያርሾቱዋ ያርሼዳ።
1CH 29:22 አሳይ ሄ ጋላስ መꬍና ጎዳ ስንꬃን ሎይꬅ ናሸትደ፥ ሜዳነ ኡሼዳነ። ያቲደ አሳይ ካትያ ዳዊታ ናኣ ሶሎሞና ላኤንꬁዋ ዛይትያ ኦኪደ፥ አ ካዉተꬃን ምንሴዳ። ጻዶቃካ ቄሰ ግዳናዳን መꬍና ጎዳ ስንꬃን ኦኬዳ።
1CH 29:23 ሄዋፐ ጉይያን፥ ሶሎሞነ ባረ አዉዋ ዳዊታ ኮሽያን መꬍና ጎዳ ካዉተꬃ አራታን ኡቴዳ። አዉ ኡባባይ ሀኔዳ፤ እስራኤልያ ኡባይካ አዉ አዛዘቴዳ።
1CH 29:24 ካፓቱ ኡባይ፥ ምኖ አሳቱነ ካትያ ዳዊታ ናናይ ካትያ ሶሎሞናዉ አዛዘታናዉ ቃላ ገሌድኖ።
1CH 29:25 መꬍና ጎዳይ ሶሎሞና እስራኤልያ አሳ ኡባ ስንꬃን ꬎቁ ꬎቁ ኦꬄዳ፤ አፐ ካሰ እስራኤልያ ካተቶ እመትቤና ቦንቹዋ ሶሎሞናዉ እሜዳ።
1CH 29:26 እሰያ ናአይ ዳዊተ እስራኤልያ ኡባ ቦላ ካተቴዳ።
1CH 29:27 ዳዊተ እስራኤልያ ቦላ ኦይታሙ ላይꬃ ካተቴዳ፤ ከብሮናን እ ላፑን ላይꬃ ካተቴዳ፤ የሩሳላመን ሀታማነ ሄዙ ላይꬃ ካተቴዳ።
1CH 29:28 ዳዊተ ዳሮ ላይꬃ ደኢደ፥ ዱረቲደ፥ ቦንቼቲደ፥ ሎኦ ጭሚደ ሀይቄዳ። አ ኮታን አ ናአይ ሶሎሞነ ካተቴዳ።
1CH 29:29 ዳዊተ ኮይሮፐ ዶሚደ ዉርሰꬃ ጋካናዉ ኦꬄዳባይ፥ ትምቢትያ ኦድያ ሳመላ ታርክያ ማጻፋን፥ ትምቢትያ ኦድያ ናታና ታርክያ ማጻፋንነ ትምቢትያ ኦድያ ጋደ ታርክያ ማጻፋን ጻፈት ኡቴዳ።
1CH 29:30 እ ዎት ሞዴደንቶነ እ ዋኔዳ ዎልቃማ አሳኮ፥ እ ሀኔዳባይ፥ እስራኤልያ አሳይነ ሄራን ደእያ ካዉተꬃቱ ኡባይ ሀኔዳባይ ሄ ማጻፋቱዋን ጻፈት ኡቴዳ።
2CH 1:1 ዳዊታ ናአይ ካቲ ሶሎሞነ ባረ ካዉተꬃ ምንሴዳ። መꬍና ጎዳይ አ ጾሳይ አናና ግዲደ፥ አ ሎይꬅ ግታዬዳ።
2CH 1:2 ሶሎሞነ እስራኤልያ ኡባ፥ ሻኣ ካፓቱዋ፥ ጼቱዋ ካፓቱዋ፥ ዳናቱዋ፥ እስራኤልያ አሳ ካለꬅያ ኡባቱዋነ ጎልያ አሳቱዋ ካፓቱዋ ጼሲደ ሺሼዳ።
2CH 1:3 ሄዋፐ ጉይያን፥ ሶሎሞንነ ሺቄዳ አሳይ ኡባይ ጋባኦናን ደእያ ጎይንያ ꬎቃ ሳኣ ቤድኖ፤ አያዉ ጎፐ፥ መꬍና ጎዳ ቆማይ ሙሴ መላ ቢታን መꬎ ጾሳ ዱንካኒ ያን ደኤዳ።
2CH 1:4 ካሰ ዳዊተ ጾሳ ታቦታዉ የሩሳላመን ዱንካንያ ጊግሴዳ፥ ጾሳ ታቦታ ቅርያት-ይኣሪማ ካታማፐ ሄ ጊግስ ዎꬄዳ ሳአዉ አህ ዎꬄዳ።
2CH 1:5 ሁራ ናኣ ኡራ ናአይ ባጻልኤል ናሃስያ ብራታፐ ኦꬄዳ ያርሽያ ሳአይ ጋባኦናን መꬍና ጎዳ ዱንካንያ ስንꬃን ደኤ። ሶሎሞንነ ሄ ሺቄዳ አሳይ ጾሳ ሄዋን ኮዬድኖ።
2CH 1:6 ሶሎሞነ መꬍና ጎዳ ዱንካንያ ስንꬃን ደእያ ናሃስያፐ ኦሰቴዳ ያርሽያ ሳኮ፥ ጾሳ ስንꬃ ቢደ፥ እት ሻአ ጹግያ ያርሹዋ ያርሼዳ።
2CH 1:7 ሄ ጋላሳ ቃማ ጾሳይ ሶሎሞናዉ ቆንጪደ፥ “ታን ነዉ አያ እማናዉ ኮያይ?” ያጌዳ።
2CH 1:8 ሶሎሞነ ጾሳ፥ “ኔን ታ አዉዋ ዳዊታ አገና ዎልቃማ ሲቁዋን ሲቃደ፤ ያታደ ታና አ ኮታን ካተያዳ።
2CH 1:9 ሀእካ አቤት መꬍና ጎዳዉ፥ ጾሳዉ፥ ኔን ታ አዉዋ ዳዊታዉ ካሰ ጌዳ ቃላይ ፖለቶ። ኔን ታና ሳኣን ደእያ ባናዳን ጮራቴዳ አሳ ቦላ ካተዬዳ ድራዉ፥
2CH 1:10 ታን ሀ አሳ ካለꬃናዉ ኔን ታዉ አꬌዳ ኤራተꬃነ አኬካ እማ። ሄዌ ꬋዮፐ፥ ሀ ነ ዎልቃማ አሳ ኦን አይሳናዉ ዳንዳዪ?” ያጌዳ።
2CH 1:11 ጾሳይ ሶሎሞና ሀዋዳን ያጌዳ፤ “ኔን ዱረ ግዳናዉ፥ ዎይ አቁዋ ደማናዉ፥ ዎይ ቦንቼታናዉ፥ ዎይ ነ ሞርከቱ ሀይቃናዉ፥ ዎይ ነዉ ላይꬃይ አዱቃናዉ ኦቼናን አጋደ፥ ታን ኔና ካተዬዳ ታ አሳ አይስያ አꬌዳ ኤራተꬃነ አኬካ ኦቼዳ ድራዉ፥
2CH 1:12 ታን ነዉ አꬌዳ ኤራተꬃነ አኬካ እማና። ቃይ ኔፐ ካሰ ደኤዳ ካተቶ ዎይ ኔፐ ጉይያን ያና ካተቶካ ባይና ዱረታ፥ አቁዋነ ቦንቹዋ ታን ነዉ እማና” ያጌዳ።
2CH 1:13 ሄዋፐ ጉይያን፥ ሶሎሞነ ጾሳ ዱንካኒ ጋባኦናን ደእያ፥ ጎይንያ ꬎቃ ሳፐ ስሚደ፥ የሩሳላመ ቤዳ፤ እስራኤልያ ቦላ ካተቴዳ።
2CH 1:14 ሶሎሞነ ፓራ ጋረቱዋነ ፓራቱዋ ሺሼዳ። አዉ እት ሻአነ ኦይዱ ጼቱ ፓራ ጋረቱነ ታማነ ላኡ ሻአ ፓራቱ ደኢኖ። እ ኡንቱንቱ ፓራ ጋረቱዋ ካታማቱዋንነ ባረናና የሩሳላመን ዎꬄዳ።
2CH 1:15 ካቲ ዎርቃይነ ብራይ የሩሳላመን ሹቻዳን ኬለታናዳን፥ ዝጋይካ ጋꬋን ድጭያ ኤꬃዳን ጮራታናዳን ኦꬄዳ።
2CH 1:16 ሶሎሞነ ፓራቱ ግብጼፐነ ቃዌ ጌተትያ ጋድያፐ ዬድኖ። ካትያ ዛልአንቻቱ ኡንቱንታ ቃዌፐ ሻሉዋን ሻሚደ አሂኖ።
2CH 1:17 ኡንቱንቱ እት እት ፓራ ጋርያ ኡሱፑን ጼቱ ጻጋራ ብራን፥ እት እት ፓራ እት ጼታነ እሻታሙ ጻጋራ ብራን ግብጼፐ ሻሚደ አሂኖ፤ ሂተቱዋ ካተቱዋ ኡባቶነ ሶርያ ካተቶ ዛልኢኖ።
2CH 2:1 ሶሎሞነ መꬍና ጎዳ ሱንꬃዉ ጌሻ ጎልያነ ባረዉ ካትያ ጎልያ ኬጻናዉ ሀልቼዳ።
2CH 2:2 ሄዋ ድራዉ፥ ሶሎሞነ ቶክያዋ ቶሳናዉ ላፑን ታሙ ሻአ አሳቱዋነ ገዝያን ሹቻ ቆአናዉ ሆስፑን ታሙ ሻአ አሳቱዋ ዶሬዳ፤ ቃይ ኡንቱንታ ዎችያ ሄዙ ሻአነ ኡሱፑን ጼቱ አሳቱዋ ኡንቱንቱ ቦላ ሱንꬄዳ።
2CH 2:3 ሄዋፐ ጉይያን፥ ሶሎሞነ ጺሮሳ ካትያ ኪራማዉ ኪታ ኪቲደ፥ “ታ አዉ ዳዊተ ባረዉ ካትያ ጎልያ ኬጻናዉ ኔን ዝጋ የዴዳዋዳን፥ ታዉካ የዳ።
2CH 2:4 ሀእ ታን መꬍና ጎዳ ታ ጾሳ ሱንꬃዉ ጌሻ ጎልያ ኬጻናዉ ሀናይ። ታን ሳዉዋ ቶሽኩ ግያ እጻና ጩዋያናዉ፥ ኡባ ዎደ ጾሳ ስንꬃን ኡክꬃ ዎꬃናዉነ ኡባ ገደ ጉራነ ኦማርሳ፥ ሳምባታ ጋላሳቱዋን፥ አግናይ ጼርያ ዎደቱዋንነ ጾሳ ኑ ጾሳ ባላ ጋላሳቱዋን ጹግያ ያርሹዋ ያርሻናዉ፥ ሄ ጌሻ ጎልያ ዱማያና። እስራኤልያ አሳይ መꬍናዉ ኦꬃናዳን አዛዘቴዳ ኦሶቱ ሀዋንታ።
2CH 2:5 “ኑ ጾሳይ ሀራ ጾሳቱዋ ኡባፐ ዎልቃማ ግድያ ድራዉ፥ ታን ኬጻናዉ ሀንያ ጌሻ ጎሊ ዎልቃማ።
2CH 2:6 ሽን አዉ ጌሻ ጎልያ ኬጻናዉ ዳንዳይያዌ ኦኔ? አያዉ ጎፐ፥ ሳሉዋፐ ꬎቃ ሳሉካ አዉ ግዳናዉ ዳንዳየና! ያትና፥ ታን አ ስንꬃን ያርሹዋ ያርሻናፐ አትና፥ ታን አዉ ጌሻ ጎልያ ኬጻናዉ ኦኔ?
2CH 2:7 “ሀእካ አሌቂያዋንታ ከስያ ኪታ፥ ዎርቃ፥ ብራ፥ ናሃስያነ ብራታ ሲልሲደ ትግያ ኦሱዋነ ዞኦ ማዩዋ፥ ኦቻ ቴራ ማላትያ ማዩዋነ ሳሉዋ ማላትያ ማዩዋ ጊግስያ ኪታ ኤራተꬃይ ደእያ አሳ ታዉ የዳ። ታ አዉ ዳዊተ ይሁዳንነ የሩሳላመን ደእያ ኩሽያ ሂላ ኤርያዋንታ ዶር ዎꬄዳ፤ እ ኡንቱንቱና እትፐ ኦꬃና።
2CH 2:8 ሊባኖሳን ደእያ ነ አሳቱ ምꬃ ዎት ቃንጽንቶ ኤርያዋ ታን ኤራይ። ሄዋ ድራዉ፥ ኔን ታዉ ሊባኖሳፐ ዝጋ፥ ጽድያነ ሳንዳልያ የዳ። ታ አሳቱ ነ አሳቱዋና ግዲደ፥
2CH 2:9 ታዉ ዳሮ ምꬃ ጊግሳና። አያዉ ጎፐ፥ ታን ከጽያ ጌሻ ጎሊ ግታነ ማላልስያዋ።
2CH 2:10 ምꬃ ቃንጽያ ነ ቆማቶ ታን ላታሙ ሻአ ኮንታለ ዛርጋነ ላታሙ ሻአ ኮንታለ ባንጋ፥ ቃይ ኦይዱ ጼቱ ሻአ ሊትሮ ዎይንያ ኤሳነ ኦይዱ ጼቱ ሻአ ሊትሮ ዎጋራ ዛይትያ እማና” ያጌዳ።
2CH 2:11 ጺሮሳ ካትያ ኪራም ሶሎሞናዉ ዳብዳቢያ ኪቲደ፥ “መꬍና ጎዳይ ባረ አሳ ሲቅያ ድራዉ፥ እ ኔና ኡንቱንቱ ቦላ ካተዬዳ” ያጌዳ።
2CH 2:12 ኪራም ቃይካ፥ “መꬍና ጎዳዉ ጌሻ ጎልያነ ባረዉ ካትያ ጎልያ ኬጻናዳን አꬌዳ ኤራንቻ፥ አኬካንቻነ ጭንጫ ናኣ ካትያ ዳዊታዉ እሜዳ፥ ሳሉዋ ሳኣ መꬌዳ መꬍና ጎዳይ፥ እስራኤልያ ጾሳይ ጋላተቶ።
2CH 2:13 “ሀእካ ታን ነዉ ሁራማ ጌተትያ ሂላንቻነ አኬካንቻ ብታንያ የዳድ።
2CH 2:14 አ አታ ዳና ዛርያ፤ ቃይ አ አዉ ጺሮሳ ጋድያ አሳ። እ ዎርቃ፥ ብራ፥ ናሃስያ፥ ብራታ፥ ሹቻነ ምꬃ ኦꬅያ አሳ፤ ቃይ ኦቻ ቴራ ማላትያ ማዩዋ፥ ሳሉዋ ማላትያ ማዩዋ፥ ዞኦ ማዩዋነ ሱፍያ ጌተትያ ማዩዋ ጊግስያ ኪታ ኤሬዳ። ቃይካ እ ዱማ ዱማ አሌቂያዋንታ ከሲደ፥ ኦዴዳዋዳን ኡባባ ኦꬃናዉ ዳንዳዬ። ሄዋ ድራዉ፥ ኩሽያ ሂላን ሎሄዳ ነ አሳቱዋናነ ካሰ ነ አዎ፥ ዳዊታዉ ኦꬄዳ አሳቱዋና አ ኦስሳ።
2CH 2:15 “ሀእካ ኔን ታ ጎዳይ እማና ጌዳ ዛርጋነ ባንጋ፥ ዛይትያነ ዎይንያ ኤሳ ታ ቆማቶ የዳ።
2CH 2:16 ኔን ሊባኖሳፐ ኮዮ ምꬃ ኬሻ ኑን ቃንጺደ ቃሽሲደ፥ አባ ቦላና ቶከቲደ፥ ኔኮ ዮጰ ባናዳን ኦꬃና። ያቶፐ ኔን ያፐ የሩሳላመ ጋካናዉ አፍሳና” ያጌዳ።
2CH 2:17 አ አዉ ዳዊተ ካሰ ፓይዴዳዋዳን፥ ሶሎሞነ እስራኤልያ ቢታን ደእያ ካረ ቢታ አሳ ኡባ ፓይዴዳ፤ ኡንቱንቱ 153,600 ግዴድኖ።
2CH 2:18 ሶሎሞነ ሄ አሳፐ 70,000 ቶክያዋ ቶሳናዉ፥ 80,000 ገዝያን ሹቻ ቆአናዉ ዶሬዳ፤ ቃይ ኡንቱንታ ዎቻናዉ 3,600 አሳቱዋ ሱንꬄዳ።
2CH 3:1 ሶሎሞነ አዉ ዳዊተ መꬍና ጎዳ ጌሻ ጎል ኬጸታና ሳኣ ሞርያ ግያ ደርያን የሩሳላመን ጊግስ ዎꬄዳ። ሄ ሳአይ መꬍና ጎዳይ ዳዊታዉ ባረና በሴዳ፥ ያቡስያ ኦርና ኡዱማ።
2CH 3:2 ሶሎሞነ ባረ ካተቴዳ ኦይደንꬆ ላይꬃን፥ ላኤንꬆ አግናን፥ ላኤንꬆ ጋላሳን ጌሻ ጎልያ ኬጻናዉ ዶሜዳ።
2CH 3:3 ሶሎሞነ ጾሳ ጌሻ ጎልያ ኬጻናዉ ባሴዳ ባሱዋ ጌሳይ ኡሱፑን ታሙ ዋꬋ፤ ጎምፓይ ላታሙ ዋꬋ።
2CH 3:4 ጌሻ ጎልያ ገልያ ሳኣን ደእያ ባራንዳ ጎምፓይ ጌሻ ጎልያ ጎምፓካ ኬሻ ላታሙ ዋꬋ፤ ጌሳይ ላታሙ ዋꬋ። አ ግዱዋ ጌሻ ዎርቃን ሼሼዳ። 3:4 ላታሙ ዋꬋ: እብራዌꬁ እት ጼታነ ላታሙ ዋꬋ ጌ።
2CH 3:5 ዉይገ አዳራሽያ ጽድያ ጻላላን ልቅ ካሜዳ፤ ሙሩታ ዎርቃን ሼሼዳ፤ ያቲደ ዛምባ ምስልያንነ ሳንሳላታን አሌቂሴዳ።
2CH 3:6 ጌሻ ጎልያ አልኦ ሹቻን አሌቂሴ፤ እ አሌቂሴዳ ዎርቃይ ፓርዋይማ ጋድያፐ ዬዳ ዎርቃ።
2CH 3:7 ማረቱዋ፥ ግምበቱዋ፥ ቆስለꬃንነ ፐንገቱዋ ዎርቃን ሼሼዳ፤ ቃይ ጎዳ ቦላ ክሩበቱዋ ምስልያ ማሴዳ።
2CH 3:8 ሶሎሞነ ኡባፐ አꬍያ ጌሻ ሳኣ ኬጼዳ። ሄ ሳኣ ጌሳይ ጌሻ ጎልያ ጎምፓዳን ላታሙ ዋꬋ፤ ጎምፓይ ላታሙ ዋꬋ። ሄ ሳኣ ጎዳ ላታሙ ሻአ ኪሎ ግራመ ጻልታ ዎርቃን ሼሼዳ።
2CH 3:9 ኡንቱንቱ ጎኤቴዳ ምስማሪ እቼሹ ጼታነ ላፑን ታሙ ግራመ ዎርቃፐ መቴዳ። ፖቅያን ደእያ ክፍለቱዋካ ዎርቃን ሼሼዳ።
2CH 3:10 ሶሎሞነ ኡባፐ አꬍያ ጌሻ ሳኣን ላኡ ክሩበቱዋ ምስለቱዋ ማስ ጊግሲደ፥ ዎርቃን ሼሼዳ።
2CH 3:11 ሄ ክሩበቱዋ ቀፊ ምጨቴዳ፥ ላታሙ ዋꬋ፤ ኮይሮ ክሩብያዉ ኮይሮ ቀፊ እቼሹ ዋꬋ ግዲደ፥ ጌሻ ጎልያ ጎዳ ቦቼ፤ ላኤንꬆ ቀፊካ እቼሹ ዋꬋ ግዲደ፥ ሀራ ክሩብያ ቀፍያ ቦቼ።
2CH 3:12 ላኤንꬆ ክሩብያዉ ኮይሮ ቀፊ እቼሹ ዋꬋ ግዲደ፥ ጌሻ ጎልያ ጎዳ ቦቼ፤ ላኤንꬆ ቀፊካ እቼሹ ዋꬋ ግዲደ፥ ኮይሮ ክሩብያ ቀፍያ ቦቼ።
2CH 3:13 ሀ ላኡ ክሩበቱዋ ቀፊ ምጨቴዳ፥ ላታሙ ዋꬋ ግዴዳ፤ ኡንቱንቱ ባረንቱ ዴሙዋ ጌሻ ሳኣኮ ዛሪደ፥ ባረንቱ ገድያን ኤቄድኖ።
2CH 3:14 ሶሎሞነ ሳሉዋ ማላትያ ማዩዋፐ፥ ኦቻ ቴራ ማላትያ ማዩዋፐ፥ ዞኦ ማዩዋፐነ ሱፍያ ቃጭናፐ ዳደቴዳ ማዩዋፐ ጋርዱዋ ኦꬂደ፥ አ ቦላ ክሩበቱዋ ምስለቱዋ መꬌዳ።
2CH 3:15 ሶሎሞነ ጌሻ ጎልያ ስንꬃን እቱዋ እቱዋ ጌሳይ ሀታማነ እቼሹ ዋꬋ አዱቂያ ላኡ ቱሳቱዋ መꬍሴዳ፥ ኡንቱንቱ ሁጲያን እቼሹ ዋꬋ ጉምቡዋ ዎꬄዳ።
2CH 3:16 ቃይ ሳንሳላታ ግትያዳን መꬍሴዳ፥ ቱሳቱዋ ሁጲያን ዎꬄዳ፤ ያቲደ ሮማነ ጌተትያ ቴራ ምስለቱዋ ጼታቱዋ መꬍሴዳ፥ ሳንሳላታ ቦላ ዎꬄዳ።
2CH 3:17 ቱሳቱዋፐ እቱዋ ጌሻ ጎልያ ስንꬃን ኡሸቻ ባጋና፥ ላኤንꬁዋ ቃይ ሀድርሳ ባጋና ኤሴዳ። ኡሸቻ ባጋና ደእያ ቱሳ ያኪና ሱንꬄዳ፤ ሀድርሳ ባጋና ደእያ ቱሳ ቦኤዛ ሱንꬄዳ።
2CH 4:1 ሄዋፐ ጉይያን፥ ሶሎሞነ ጌሳይ ላታሙ ዋꬋ፥ ጎምፓይ ላታሙ ዋꬋ፥ ጌሳይ ታሙ ዋꬋ ግድያ ያርሽያ ሳኣ ናሃስያ ብራታፐ ኦስሴዳ።
2CH 4:2 ቃይ ናሃስያ ብራታ ሲልሲደ፥ ዶናይ ያ ጋጻፐ ሀ ጋጻ ጋካናዉ ታሙ ዋꬋ፥ ጌሳይ እቼሹ ዋꬋነ ዩሹ ሀታሙ ዋꬋ ግድያ አባ ግያ ሳኒያ መꬍሴዳ።
2CH 4:3 አባ ሳኒያ ዶናን ካረ ባጋና ዝቂ ጊደ፥ አናና ኦይቀቲደ መቴዳ ምስለቱ ደኢኖ፤ ሄ ምስለቱ ላኡ ማራን ደእያ ቦራቱዋ ምስለቱዋ።
2CH 4:4 ሄ አባ ሳኒ ናሃስያ ብራታፐ መቴዳ ታማነ ላኡ ቦራቱዋ ምስለቱ ዞክያን ኡቴዳ። ቦራቱዋፐ ሄዛቱ ሁጲሳ ባጋ፥ ሄዛቱ አዋይ ዉልያ ባጋ፥ ሄዛቱ ገድሳ ባጋ፥ ሄዛቱ ቃይ አዋይ ዶልያ ባጋ ስሚደ ጼልያዋ ማላትኖ። አባ ሳኒ ኡንቱንቱ ቦላ ኡቴዳ፤ ኡንቱንቶ ጉየ ባጋይ ግዱዋኮ ስም ኡቴዳ።
2CH 4:5 አባ ሳኒ እት ታካ ኬሻ ኦርዱዋ፤ አ ዶናይ ዋንጫ ዶና ማላ፤ ቃይ ጪሻይ ጪሼዳዋካ ማላቴ። ሄ አባ ሳኒ ኡሱፑን ታሙ ሻአ ሊትሮ ግድያ ሃꬃ ኦይቂያዋ።
2CH 4:6 ሶሎሞነ ቃይካ ሜጨትያ ታሙ ከረቱዋ መꬍሴዳ፤ መꬍሴዳ እቼሻቱዋ ገድሳ ባጋና፥ ቃይ እቼሻቱዋ ሁጲሳ ባጋና ዎꬄዳ። ኡንቱንቱን ጹግያ ያርሹዋ አሹ ሜጨቴ፤ ሽን አባ ሳኒያ ሃꬃን ቄሳቱ ሜጨትኖ።
2CH 4:7 ሄዋፐ ጉይያን፥ ሶሎሞነ ኡንቱንቶ እመቴዳ ሀልቹዋዳን ጾምፕያ ዎꬅያ ባላቱዋ ታማቱዋ ዎርቃፐ ኦስሲደ፥ እቼሻቱዋ ኡሸቻ ባጋና፥ እቼሻቱዋ ሀድርሳ ባጋና ጌሻ ጎልያ ግዶን ዎꬄዳ።
2CH 4:8 ቃይካ እ ታሙ ጻርጴዛቱዋ ኦꬂደ፥ እቼሻቱዋ ኡሸቻ ባጋና፥ እቼሻቱዋ ሀድርሳ ባጋና ጌሻ ጎልያ ግዶን ዎꬄዳ። ቃይ ጼቱ ኩይጻሮቱዋካ ዎርቃፐ መꬍሴዳ።
2CH 4:9 ሶሎሞነ ቄሳቶ ግዶ ዳባባነ ካረ ባጋ ዎልቃማ ዳባባ ጊግሴዳ፤ ዳባባዉ ፐንገቱዋ ጊግሲደ፥ ፐንገቱዋ ናሃስያ ብራታን ሼሼዳ።
2CH 4:10 አባ ሳኒያ ጌሻ ጎልያፐ ገድሳ አዋይ ዶልያ ባጋ ዎꬄዳ።
2CH 4:11 ሁራም ከረቱዋ፥ አካፋቱዋነ ኩይጻሮቱዋ መꬌዳ፤ ያቲደ ሁራም ካትያ ሶሎሞናዉ ጾሳ ጌሻ ጎልያን ኪታ ኦꬂደ ፖሌዳ።
2CH 4:12 እ ኦꬄዳ ኦሶቱካ ላኡ ቱሳቱዋ፥ ቱሳቱዋ ሁጲያን ዎꬅያ ሳአይነ ማላ ላኡ ጉምቦቱዋ፥ ቱሳቱዋ ቦላይ ደእያ ላኡ ጉምቦቱዋ አሌቂስያ ላኡ ግተ ማላ ሳንሳላታቱዋ፥
2CH 4:13 እት እት ጉምቡዋ ቦላ ላኡ ማራን ናሃስያፐ መቴዳ እት እት ጼቱ ሮማነ ቴራ ምስለቱዋ፥ ኡባና ኦይዱ ጼቱ ሮማነ ቴራ ምስለቱዋ፥
2CH 4:14 ታሙ ጋረቱዋ፥ ጋረቱዋ ቦላን ዎꬍያ፥ ሜጨትያ ታሙ ከረቱዋ፥
2CH 4:15 አባ ሳኒያነ አፐ ጋርሳን ደእያ ታማነ ላኡ ቦራቱዋ ምስለቱዋ፥
2CH 4:16 ከረቱዋ፥ አካፋቱዋ፥ ዛምቤልያነ ሀራ ሚሻቱዋ ኡባ። ሁራም ካትያ ሶሎሞናዉ መꬍና ጎዳ ጌሻ ጎልያ ኦሶ መꬌዳ ሀ ሚሻቱዋ ኡባ ቁጨቴዳ ናሃስያፐ መꬌዳ።
2CH 4:17 ካቲ ሶሎሞነ ሱኮታፐነ ጻሬዳፐ ግዱዋን፥ ዮርዳኖሳ ደምባን ደእያ ናሃስያ ብራታ ሲልስያ ሳኣን ሀዋንታ ኡባ ኦስሴዳ።
2CH 4:18 ናሃስያ ብራታፐ መቴዳ ሀ ሚሻይ ኡባይ ሎይꬅ ዳሮ ግዴዳ ድራዉ፥ ዎይሳ ዴጽንቶ፥ ልኪ ኤረትቤና።
2CH 4:19 ቃይካ ሶሎሞነ ጾሳ ጌሻ ጎልያ ደእያ ሚሻቱዋ ዎርቃፐ ኡባ መꬍሴዳ። ሄዋንቱካ ዎርቃፐ ኦꬄዳ ያርሽያ ሳኣ፥ ጾሳ ስንꬃን ዎꬅያ ኡክꬃይ ኡትያ ጻራጴዛ፥
2CH 4:20 ኡንቱንቶ ዎꬄዳ ዎጋዳን ኡባፐ አꬍያ ጌሻ ሳኣ ስንꬃን ፖአናዳን ጾምፕያ ዎꬅያ ዎርቃ ባላቱዋ፥ ኡንቱንቱ ዎርቃ ጾምፐቱዋ፥
2CH 4:21 ጌሻ ዎርቃፐ ኦꬄዳ ጪሻ ምስለቱዋ፥ ጾምፕያ ቶይስያ ቃጰቱዋ።
2CH 4:22 ጾምፕያ ቶይስያ ቃጰቱዋ፥ ኩይጻሮቱዋ፥ እጻና ጩዋይያባቱዋነ ታማ አክያ ሚሻቱዋ። ሀ ሚሻቱ ኡባይ ጌሻ ዎርቃፐ ኦሰቴድኖ። ጌሻ ጎልያዉ ካረ ባጋ ፐንገቱዋነ ኡባፐ አꬍያ ጌሻ ሳኣ ገልያ ፐንገቱዋ ዎርቃን ሼሼዳ።
2CH 5:1 ሶሎሞነ መꬍና ጎዳ ጌሻ ጎልያ ኪታ ኡባ ፖሌዳዋፐ ጉይያን፥ አ አዉ ዳዊተ ጾሳዉ ዱማይ ዎꬄዳ ብራ፥ ዎርቃነ ሀራ ሚሻቱዋ ኡባ አሂደ፥ ጾሳ ጌሻ ጎልያ ሚሻ ምንጅያሳን ዎꬄዳ።
2CH 5:2 ሄዋፐ ጉይያን፥ ካቲ ሶሎሞነ መꬍና ጎዳ ቃላ ጫቁዋ ታቦታ ዳዊታ ካታማፐ፥ ጽዮነፐ አሀናዳን እስራኤልያ ጭማቱዋ፥ ዛራቱዋ ኡባ ካፓቱዋነ እስራኤልያ ጎልያ አሳቱዋ ካለꬅያዋንታ የሩሳላመ ካታማ ሺሼዳ።
2CH 5:3 እስራኤልያ አሳይ ኡባይ ላፑንꬃ አግናን፥ ዳስያ ባላይ ቦንቼትያ ዎደ፥ ካትያኮ ሺቄዳ።
2CH 5:4 እስራኤልያ ጭማቱ ኡባይ ጋካናዉ፥ ሌዋቱ ታቦታ ደንꬄድኖ።
2CH 5:5 ሌዋቱነ ቄሳቱ ታቦታ፥ ጾሳ ጋከትያ ዱንካንያነ ዱንካንያ ግዶን ደእያ ጌሻ ሚሻቱዋ ኡባ ቶኪደ አሄድኖ።
2CH 5:6 ካቲ ሶሎሞንነ አናና እትፐ ደእያ እስራኤልያ ያአይ ኩመንꬃይ ታቦታ ስንꬃን ሺቂደ፥ ፓይዳናዉ ዳንዳየተና፥ ጮራ ዶርሳነ መህያ ያርሼድኖ።
2CH 5:7 ሄዋፐ ጉይያን፥ ቄሳቱ መꬍና ጎዳ ቃላ ጫቁዋ ታቦታ ጌሻ ጎልያዉ ግዶ ጌሻ ቆልኡዋ፥ ኡባፐ አꬍያ ጌሻ ሳኣ ግያ ሳኣ አሂደ፥ ክሩበቱዋ ምስለቱ ቀፈቱዋፐ ጋርሳ ባጋና ዎꬄድኖ።
2CH 5:8 ምጨት ኡቴዳ ክሩበቱዋ ቀፈቱ ታቦታነ ታቦታ ቶክያ ካሱዋ ካሜድኖ።
2CH 5:9 ካሶቱ ሎይꬅ አዱሳ ግድያ ድራዉ፥ ኡንቱንቱ ጼራይ ኡባፐ አꬍያ ጌሻ ሳኣ ስንꬃን ደእያ ጌሻ ሳኣን ቤታናዉ ዳንዳዬ፤ ሽን ጌሻ ሳኣፐ ካረና ቤተና። ኡንቱንቱ ሀቼ ጋካናዉ፥ ሄ ሳኣን ደኢኖ።
2CH 5:10 እስራኤልያ አሳይ ግብጼ ጋድያፐ ከሴዳ ዎደ፥ መꬍና ጎዳይ ኡንቱንቱና ቃላ ጫቁዋ ጫቀቴዳ ሲና ደርያን ሙሴ ዎꬄዳ ላኡ ማሰቴዳ ሹቻቱዋፐ አትና፥ ታቦታ ግዶን ሀራባይ አያይነ ባዋ።
2CH 5:11 ሄ ሳኣን ደእያ ቄሳቱ ኡባቱ ባረንቱ ኦꬅያ ሳኣን ሳኣን ሻከተናን፥ እትፐ ባረንታ መꬍና ጎዳዉ ዱማይ ዎꬄድኖ። ማዝሙርያ የጽያ ሌዋቱ ኡባቱ፥ አሳፈ፥ ሄማንነ ይዱቱን፥ ኡንቱንቱ ናናይነ ኡንቱንቱ ዳቦቱ ሱፍያ ግያ ማዩዋ ማዬድኖ። ሄ ማዩዋ ማዪደ፥ ዳላቱዋ፥ ዲꬃቱዋነ ማስንቆቱዋ ኦይቂደ፥ ያርሽያ ሳፐ አዋይ ዶልያ ባጋና ኤቄድኖ፤ ጼታነ ላታሙ ቄሳቱ ጹሩምባቱዋ ፑናናዉ ኡንቱንቱና እትፐ ኤቄድኖ። ኡንቱንቱ ኡባይ ጹሩምባቱዋ ፑኒደ፥ ዳላቱዋ ቃꬂደ፥ ዲꬃቱዋ ዲጺደነ ሀራ ካእያ ሚሻቱዋን ካኢደ፥ “መꬍና ጎዳይ ሎአ! አገና አ ሲቁ መꬍናዋ” ያጊደ መꬍና ጎዳ ሳቤድኖ። ቄሳቱ ጌሻ ጎልያፐ ከስያ ዎደ፥ ሻሪ ጾሳ ጌሻ ጎልያ ኩሜዳ፤ ሄ ሻርያ ጋሱዋን ቄሳቱ ባረንቱ ኦሱዋ ኦꬃናዉ ዳንዳይበይክኖ፤ አያዉ ጎፐ፥ ጾሳ ቦንቹ ጾሳ ጌሻ ጎልያ ኩም ኡቴዳ።
2CH 6:1 ሄዋፐ ጉይያን፥ ሶሎሞነ ሀዋዳን ያጌዳ፤ “አቤት መꬍና ጎዳዉ፥ ኔን፥ ‘ታን ꬉማ ሻርያን ደአና’ ያጋ ዎꬃዳ።
2CH 6:2 ሽን ታን ነዉ ሎኦ ጌሻ ጎልያ፥ ኔን አን መꬍናዉ ደአና ሳኣ ኬጻድ” ያጌዳ።
2CH 6:3 እስራኤልያ ያአይ ኩመንꬃይ ኤቂደእሽን፥ ካቲ ኡንቱንቱኮ ስሚደ፥ ኡንቱንታ ሀዋዳን ያጊደ አንጄዳ፤
2CH 6:4 “መꬍና ጎዳይ እስራኤልያ ጾሳይ ጋላተቶ! ታ አዉዋ ዳዊታዉ ባረ ዶናን ኦዴዳ ህዶታ ባረ ኩሽያን ፖሌዳ። ሄ እ ኦዴዳ ናሸቻይ፥
2CH 6:5 ‘ታን ታ አሳ እስራኤልያ ግብጼፐ ከሳደ አሄዳ ጋላሳፐ ዶምና፥ ታ ሱንꬃይ አን ጼሰታናዋ ማላ፥ ጌሻ ጎልያ ኬጻናዉ እስራኤልያ ዛራቱዋ ግዶን አያ ካታማነ ዶራበይከ፤ ዎይ እ ታ አሳ እስራኤልያ ካለꬃና ማላ፥ ኦናነ ዶራበይከ።
2CH 6:6 ሽን ሀእ ታ ሱንꬃይ የሩሳላመን ጼሰታና ማላ፥ ታን የሩሳላመ ዶራድ፤ ቃይ ታ አሳ እስራኤልያ ካለꬃና ማላ፥ ዳዊታ ዶራድ’ ያጌዳ።
2CH 6:7 “ታ አዉ ዳዊተ መꬍና ጎዳዉ እስራኤልያ ጾሳ ሱንꬃዉ ጌሻ ጎልያ ኬጻናዉ ባረ ዎዛናን ቆፔዳ።
2CH 6:8 ሽን መꬍና ጎዳይ ታ አዉዋ ዳዊታ፥ ‘ኔን ታ ሱንꬃዉ ጌሻ ጎልያ ኬጻናዉ ነ ዎዛናን ቆፔዳ ድራዉ፥ ሎኦባ ኦꬃዳ።
2CH 6:9 ግዶፐነ፥ ጌሻ ጎልያ ኬጻናዌ ኔና ግዳካ፤ ታ ሱንꬃዉ ጌሻ ጎልያ ኬጻናዌ ነ ጉልባታፐ የለታና ነ ናኣ’ ያጌዳ።
2CH 6:10 “ሀእካ መꬍና ጎዳይ ባረ ጌዳ ህዶታ ቃላ ፖሌዳ። መꬍና ጎዳይ ካሰ እሜዳ ናሸቻዳንካ፥ ታን ታ አዉዋ ዳዊታ ሳኣን ካተታናዉነ ሀእ እስራኤልያ ካዉተꬃ አራታን ኡታድ። ቃይ መꬍና ጎዳ እስራኤልያ ጾሳ ሱንꬃዉ ጌሻ ጎልያ ኬጻድ።
2CH 6:11 መꬍና ጎዳይ እስራኤልያ አሳና ጫቀቴዳ ጫቁ ጻፈቴዳ ማሰቴዳ ሹቻቱ ደእያ ታቦታካ አ ግዶን ዎꬃድ” ያጌዳ።
2CH 6:12 ሶሎሞነ አኮተꬃይ እቼሹ ዋꬋ፥ ጎምፓይ እቼሹ ዋꬋነ ቃይ ጌሳይ ሄዙ ዋꬋ ግዴዳ ማድራክያ ናሃስያ ብራታፐ ጊግሲደ፥ ካረ ዳባባ ግዶን ኤስ ዎꬄዳ። ሄዋፐ ጉይያን፥ ሶሎሞነ መꬍና ጎዳዉ ያርሽያ ሳኣ ስንꬃን፥ እስራኤልያ ያአይ ኩመንꬃይ ደእያ ሳኣን ኤቂደ፥ ባረ ኩሽያ ሳሉዋ ዛሪደ ምጬዳ፤ እስራኤልያ ሽቁዋ ኩመንꬃ ስንꬃን ጉልባቴዳ።
2CH 6:14 ያቲደ ሀዋዳን ያጊደ ዎሴዳ፤ “አቤት መꬍና ጎዳዉ፥ እስራኤልያ ጾሳዉ፥ ሳሉዋን ዎይ ሳኣን ነ ማላ ጾስ ባዋ። ኔን ነ ቃላ ጫቁዋ ናጋሳ፤ ባረንቱ ኩመንꬃ ዎዛናፐ ነ ስንꬃን ሀመቴዳ ነ ቆማቱዋ አገና ሲቁዋን ሲቃሳ።
2CH 6:15 ነ ቆማዉ፥ ታ አዉዋ ዳዊታዉ ኔን ኦꬃና ጋደ ሃሳዬዳ ቃላ ናጋዳ፤ ኔን ካሰ ነ ዶናን ሃሳዬዳዋ ነ ኩሽያን ሀቼ ፖላዳ።
2CH 6:16 “ሀእካ አቤት መꬍና ጎዳዉ፥ እስራኤልያ ጾሳዉ፥ ኔን ነ ቆማዉ፥ ታ አዉዋ ዳዊታዉ፥ ‘ኔን ታ ስንꬃን ሀመቴዳዋዳን ነ ናናይካ ታ ህግያን ሀመታናዉ ባረንቱ ኦግያ ናጎፐ፥ እስራኤልያ ካዉተꬃ አራታን ኡትያ አሳ ኔን ኡባካ ꬋያካ’ ያጌዳ ቃላ ፖላ።
2CH 6:17 አቤት መꬍና ጎዳዉ፥ እስራኤልያ ጾሳዉ፥ ኔን ነ ቆማ ዳዊታዉ ሃሳዬዳ ነ ቃላይ ሀእካ ፖለቶ።
2CH 6:18 “ሽን ጾሳይ ቱሙ፥ አሳና እትፐ ሀ ሳኣን ደአኔየ? በአ፥ ሳሎቱ፥ ኡባፐ ꬎቃን ደእያ ሳሎቱካ ነዉ ግዳናዉ ዳንዳይክኖ። ያትና፥ ሀ ታን ኬጼዳ ጌሻ ጎሊ ነዉ አያ ኬሻ ጉጻንዴሻ!
2CH 6:19 ግዶፐነ፥ አቤት መꬍና ጎዳዉ፥ ታ ጾሳዉ፥ ታ ዎሳ፥ ነ ቆማ ዎሳነ ዋትዋቱዋ ኔን ሀይዛ። ታን ነ ቆማይ ነ ስንꬃን ዎስያ ዎሳነ ዋሱዋ ኔን ስሳ።
2CH 6:20 ኔን ‘ታ ሱንꬃይ ሄ ሳኣን ጼሰታና’ ጌዳ ሀ ጌሻ ጎልያኮ፥ ነ አይፊ ቃማነ ጋላስ ጼሎ። ታን ነ ቆማይ ሀ ጌሻ ጎልያኮ ስማደ፥ ዎስያ ዎሳ ኔን ስሳ።
2CH 6:21 ታን ነ ቆማይነ ነ አሳይ እስራኤሊ ሀ ጌሻ ጎልያኮ ስሚደ፥ ዎትዋትያ ዋትዋቱዋ ኔን ስሳ። ኔን ደእያ ሳኣን ሳሉዋን ስሳደ፥ ኑዉ አቶ ያጋ።
2CH 6:22 “እት አሳይ ባረ ሾሩዋ የዲደ ጰ ጊና፥ አ ጫቀꬃናዉ ሀ ጌሻ ጎልያ አህና፥ አ ግዶን ደእያ ያርሽያ ሳኣ ስንꬃን እ ጫቆፐ፥
2CH 6:23 ኔን ሳሉዋን ስሳደ ኪተታ። ነ ቆማቱዋ ግዱዋን ፕርዳ። ባይዛንችቱዋ ቦላ ፕርዳደ፥ እ ኦꬄዳዋ አ ቦላ ዛራ፤ ጽሉዋ ሻትንꬃደ፥ አዉ አ ጽሎተꬃዳን ዛራ።
2CH 6:24 “ነ አሳይ እስራኤሊ ነ ቦላ ናጋራ ኦꬄዳ ጋሱዋን ሞርክያን ጾነቲደ፥ ኡንቱንቱ ኔኮ ስሚደ፥ ነ ሱንꬃ ጼሲደ፥ ሀ ጌሻ ጎልያን ኔና ዎሶፐነ ነዉ ዋትዋቶፐ፥
2CH 6:25 ኔን ሳሉዋን ስሳ። ስሳደ ነ አሳ እስራኤልያ ናጋራ አቶ ያጋ፤ ያታደ ኔን ካሰ ኡንቱንቱዉነ ኡንቱንቱ ማይዛ አዋቶ እሜዳ ቢታዉ ኡንቱንቱ ጉየ ዛራ።
2CH 6:26 “ነ አሳይ ነ ቦላ ናጋራ ኦꬄዳ ጋሱዋን ሳሉ ጎርደትናነ እራይ ቡከናን እጽና፥ ኡንቱንቱ ሀ ሳኣ ስሚደ፥ ዎሶፐነ ኔን ኡንቱንቱ ዎሳን ኡንኤꬄዳ ድራዉ፥ ነ ሱንꬃ ጼሲደ፥ ባረንቱ ናጋራፐ ስሞፐ፥
2CH 6:27 ኔን ሳሉዋን ስሳ። ነ ቆማቱዋ ናጋራ፥ ነ አሳ እስራኤልያ ናጋራ አቶ ያጋ። ኡንቱንቱ ሀመታናዉ በስያ ሎኦ ኦግያ ኡንቱንታ ታማርሳ፤ ያታደ ኔን ነ አሳ ላትሴዳ ጋድያን እራ ቡክሳ።
2CH 6:28 “ቢታ ቦላን ኮሻይ ዎይ ኢታ ሀርጊ ዪና፥ ዎይ ካꬃ ሌጊ፥ ዎይ ሌሹ፥ ዎይ ቦሊ፥ ዎይ ቡምቡረꬃይ ባይዝና፥ ዎይ ሞርኪ ኡንቱንቱ ካታማቱዋ ዶድና፥ ዎይ አያ ማላ ባሻይ ዎይ ሀርጊ ዪና፥
2CH 6:29 ነ አሳ እስራኤልያፐ ኦንነ ዎይ ነ አሳይ ኡባይ ኔና ዎሶፐነ ነዉ ዋትዋቶፐ፥ ቃይ አያ አሳይነ ባረ ዎዛናን ኡንኤትያባነ ካዮትያባ ኤሪደ፥ ሀ ጌሻ ጎልያኮ ስሚደ፥ ባረ ኩሽያ ምጮፐ፥
2CH 6:30 ኔን ደእያ ሳኣን ሳሉዋን ስሳ። ኡንቱንቱ ናጋራ አቶ ያጋ፤ ያታደ ኡንቱንቶ ኪተታ። ኔን አሳ ዎዛና ኤርያዋዳንካ አሳ ኡባዉ አ ኦሱዋዳን ኦሱዋዳን እማ። አያዉ ጎፐ፥ አሳ ኡባ ዎዛና ኤርያዌ ነ ጻላላ።
2CH 6:31 ያቶፐ፥ ኔን ኑ ማይዛ አዋቶ እሜዳ ጋድያን ባረንቱ ደእያ ዎደ ኡባን፥ ኡንቱንቱ ነዉ ያዪደ፥ ነ ኦግያን ሀመታና።
2CH 6:32 “ሄዋዳንካ፥ ነ አሳ እስራኤልያ ግደና ካረ ቢታ አሳይ ነ ዎልቃማ ሱንꬃ ድራዉነ ኔን ነ አሳዉ ኦꬄዳ ማላልስያ ኦሶቱ ድራዉ፥ ሃኮ ጋድያፐ ዪደ፥ ሀ ጌሻ ጎልያኮ ስሚደ ዎሶፐ፥
2CH 6:33 ኔን ደእያ ሳኣን ሳሉዋን ስሳ። ሄ ካረ ጋድያ አሳይ ኦችያዋ ኡባ ኪተታ። ሀ ሳኣ አሳይ ኡባይ ነ ሱንꬃ ኤራናዳን፥ ነ አሳ እስራኤልያዳን ነዉ ያያናዳንነ ታን ኬጼዳ ሀ ጌሻ ጎሊ ነዉ ጎይንያ ሳኣ ግድያዋ ኡንቱንቱ ኤራናዳን ካረ ጋድያ አሳይ ኔና ዎስያዋ ኡባ ፖላ።
2CH 6:34 “ነ አሳቱ ባረንቱ ሞርከቱዋ ኦላና ማላ፥ ኔን ኪቴዳ ሳኣ ሀቃነ ቢደ፥ ኡንቱንቱ ኔን ዶሬዳ ሀ ካታማኮነ ታን ነ ሱንꬃዉ ኬጼዳ ጌሻ ጎልያኮ ስሚደ፥ ኔና ዎሶፐ፥
2CH 6:35 ኡንቱንቱ ዎሳነ ዋትዋቱዋ ሳሉዋን ኔን ስሳ፤ ኡንቱንቶ ጾኑዋ እማ።
2CH 6:36 “ናጋራ ኦና አሳይ ባይናዋዳንካ፥ ኡንቱንቱ ነ ቦላ ናጋራ ኦꬅና፥ ኔን ኡንቱንቶ ሀንቀታደ ሞርከቶ አꬃ እምና፥ ሞርከቱካ ኡንቱንታ ኦሞዲደ፥ ሃክና ማትናካ ባረንቱ ጋድያ አኪደ አፍና፥
2CH 6:37 ኡንቱንቱ ሄ ኦሞደቴዳ ቢታን ደኢደ፥ ባረንቱ ዎዛናን ናጋራፐ ስሞፐ፥ ቃይ ሄ ኦሞደቴዳ ጋድያን ደኢደ፥ ‘ኑን ናጋራ ኦꬄዳ፤ ኑን ባይዜዶ፤ ኑን ኢታባ ሀኔዶ’ ያጊደ ነዉ ዋትዋቶፐ፥
2CH 6:38 ባረንታ ኦሞዲደ አፌዳ ሞርከቱዋ ቢታን ደኢደ፥ ኡንቱንቱ ባረንቱ ኩመንꬃ ዎዛናፐነ ባረንቱ ኩመንꬃ ቆፋፐ ኔኮ ስሞፐ፥ ኔን ኡንቱንቱ ማይዛ አዋቶ እሜዳ ኡንቱንቱ ቢታኮ፥ ኔን ዶሬዳ ካታማኮነ ታን ነ ሱንꬃዉ ኬጼዳ ጌሻ ጎልያኮ ስሚደ፥ ኔና ዎሶፐ፥
2CH 6:39 ያቶፐ፥ ኡንቱንቱ ዎሳነ ዋትዋቱዋ ኔን ደእያ ሳኣን ሳሉዋን ስሳ። ስሳደ ኡንቱንቶ ፕርዳ፤ ነ ቦላ ናጋራ ኦꬄዳ ነ አሳዉ አቶ ያጋ።
2CH 6:40 “ሀእካ አቤት ታ ጾሳዉ፥ ሀ ሳኣን ዎስያ ዎሳ ነ አይፊ ጼሎ፤ ነ ሀይꬃይካ ስሶ።
2CH 6:41 ሄዋ ድራዉ፥ አቤት መꬍና ጎዳዉ፥ ጾሳዉ፥ ደንዳ! ነ ዎልቃዉ ማላታ ግዴዳ ነ ታቦታና ነ ሸምፕያ ሳኣ ገላ። አቤት መꬍና ጎዳዉ፥ ጾሳዉ፥ ነ ቄሳቱ አቶተꬃ ማዪኖ፤ ነ ጌሻ አሳቱካ ነ ኬካተꬃን ናሸትኖ።
2CH 6:42 አቤት መꬍና ጎዳዉ፥ ጾሳዉ፥ ኔን ኦኬዳ ካትያ አጎፓ። ነ ቆማ ዳዊታዉ አገና ነ ሲቁዋ ሀሳያ” ያጌዳ።
2CH 7:1 ሶሎሞነ ዎሳ በꬄዳ ዎደ፥ ሳሉዋፐ ታማይ ዎꬊደ፥ ጹግያ ያርሹዋነ ሀራ ያርሹዋ ሜዳ። ያትና፥ መꬍና ጎዳ ቦንቹ ጌሻ ጎልያ ኩሜዳ።
2CH 7:2 መꬍና ጎዳ ቦንቹ ጌሻ ጎልያ ኩሜዳ ድራዉ፥ ቄሳቱ መꬍና ጎዳ ጌሻ ጎልያ ገላናዉ ዳንዳይበይክኖ።
2CH 7:3 እስራኤልያ አሳይ ኡባይ ታማይ ሳሉዋፐ ዎꬍሺናነ መꬍና ጎዳ ቦንቹ ጌሻ ጎልያ ኩምሽና በኤዳ ዎደ፥ ባረንቱ ዴሙዋ ቢታ ጋꬅ ጉፋኒደ ጎይኔድኖ፤ “መꬍና ጎዳይ ሎአ! አገና አ ሲቁ መꬍናዋ” ያጊደ ጾሳ ጋላቴድኖ።
2CH 7:4 ሄዋፐ ጉይያን፥ ካቲነ አሳይ ኡባይ መꬍና ጎዳ ስንꬃን ያርሹዋ ያርሼድኖ።
2CH 7:5 ካቲ ሶሎሞነ ላታማነ ላኡ ሻአ ኮሩማቱዋነ ጼታነ ላታሙ ሻአ ዶርሳቱዋ ያርሼዳ። ሄዋዳን ኦꬂደ፥ ካቲነ አሳይ ኡባይ መꬍና ጎዳ ጌሻ ጎልያ አንጅሴድኖ።
2CH 7:6 ቄሳቱ ባረንቶ ጊጌዳ ሳኣን ኤቂና፥ ሌዋቱ ቃይ ካቲ ዳዊተ መꬍና ጎዳ ሳባናዉ ካሰ ኦꬄዳ፥ ማዝሙርያ የጽያ ሚሻ ኦይቂደ፥ ኡንቱንቱ ስንꬃን ኤቂደ፥ “አገና አ ሲቁ መꬍናዋ” ያጊደ የጺደ፥ መꬍና ጎዳ ጋላቴድኖ። ቄሳቱ ሌዋቱ ስንꬃን ኤቂደ፥ ጹሩምባቱዋ ፑኔድኖ፤ ፑንሽን እስራኤልያ አሳይ ኡባይ ኤቄዳ።
2CH 7:7 ሶሎሞነ መꬍና ጎዳ ጌሻ ጎልያ ስንꬃን ደእያ ግዶ ዳባባ ዱማዬዳ። ሄ ሳኣን ጹግያ ያርሹዋነ እትፐተꬃ ያርሹዋፐ ሞꬉዋ ያርሼዳ። እ ሄዋ ኦꬄዳዌ ጾሳ ስንꬃን ደእያ፥ ናሃስያ ጌተትያ ብራታፐ ኦሰቴዳ ያርሽያ ሳአይ ጹግያ ያርሹዋ፥ ካꬃ ያርሹዋነ እትፐተꬃ ያርሹዋፐ ሞꬉዋ ያርሻናዉ ጉጼዳ ድራሳ።
2CH 7:8 ሄ ዎደ ሶሎሞንነ እስራኤልያ አሳይ ኡባይ ዳስያ ባላ ላፑን ጋላሳዉ ቦንቼድኖ፤ እስራኤልያ ዛዋን ሀማታ ፕኑዋፐ ቢደ፥ ግብጼ ሻፋ ጋካናዉ ደእያ ጮራ አሳይ ሄ ሳኣ ሺቄዳ።
2CH 7:9 አሳይ ያርሽያ ሳኣ አንጅስያ ባላ ላፑን ጋላሳ፥ ቃይ ዳስያ ባላ ሀራ ላፑን ጋላሳ ቦንቼዳ። ሆስፑንꬃ ጋላሳን ጌሻ ያአዉ አሳይ ሺቄዳ።
2CH 7:10 ሄዋፐ ጉይያን፥ ሶሎሞነ ላፑንꬃ አግናን፥ ላታማነ ሄዘንꬆ ጋላስ አሳ ሞይዜዳ፤ መꬍና ጎዳይ ዳዊታዉ፥ ሶሎሞነዉነ ባረ አሳ እስራኤልያዉ ኦꬄዳ ኬካተꬃን አሳይ ናሸቲደነ ዎዛናፐ ፓሽኪደ፥ ባረ ሶ ባረ ሶ ቤዳ።
2CH 7:11 ሶሎሞነ መꬍና ጎዳ ጌሻ ጎልያነ ካትያ ጎልያ ኬጺደ ዉርሴዳ፤ ሶሎሞነ መꬍና ጎዳ ጌሻ ጎልያንነ ባረ ካትያ ጎለን ኦꬃናዉ ባረ ዎዛናን ቆፔዳዋ ኡባ ፖሌዳ።
2CH 7:12 መꬍና ጎዳይ ሶሎሞናዉ ቃማ ቤቲደ፥ ሀዋዳን ያጌዳ፤ “ታን ነ ዎሳ ስሳድ፤ ታን ሀ ሳኣ ታዉ ያርሹ ያርሸትያ ጌሻ ጎልያ ግዳናዳን ዶራድ።
2CH 7:13 ታን እራይ ቡከናዳን ሳሉዋ ጎርድና፥ ዎይ ሳኣ ካꬃ ማናዳን ቦልያ አዛዝና፥ ዎይ ታ አሳ ግዶን ኢታ ሀርግያ የድና፥
2CH 7:14 ታ ሱንꬃን ጼሰቴዳ ታ አሳቱ ባረንቱ አሳተꬃ ካዉሺደ ዎሶፐ፥ ኡንቱንቱ ታና ኮዮፐነ ባረንቱ ኢታ ኦግያፐ ስሞፐ፥ ታን ሳሉዋን ኡንቱንቱ ዎሳ ስሳና። ኡንቱንቱ ናጋራ አቶ ጋና፤ ኡንቱንቱ ቢታካ ፓꬃና።
2CH 7:15 ሀእካ ሀ ሳኣን ዎሰትያ ዎሳ ታ አይፊ ጼላና፤ ታ ሀይꬃይካ ስሳና።
2CH 7:16 ሀእካ ሀ ጌሻ ጎሊ መꬍናዉ ታ ሱንꬃይ አን ደአና ማላ ኦꬃደ ታን ዶራድ፤ ዶራደካ ጌሻድ። ታ አይፊነ ታ ዎዛናይ ኡባ ዎደ ሀ ጌሻ ጎልያን ደአና።
2CH 7:17 “ኔና ግዶፐ፥ ኔን ነ አዉ ዳዊተ ሀመቴዳዋዳን ታ ስንꬃን ሀመቶፐ፥ ታን አዛዜዳዋ ኡባ ኦꬆፐነ ታ ዎጋነ ታ ህግያ ናጎፐ፥
2CH 7:18 ታን ነ አዉዋ ዳዊታና፥ ‘እስራኤልያ ሞድያ አሳ ኔን ኡባካ ꬋያካ’ ያጋደ ጫቀቴዳዋዳን፥ ነ ካዉተꬃ አራታ ምንሳ ኤሳና።
2CH 7:19 “ሽን ህንተንቱ እስራኤልያ አሳቱ ዎራ ስሞፐ፥ ታን ህንተንታ አዛዜዳ ታ አዛዙዋነ ታ ዎጋ አግ ባሾፐነ ሀራ ጾሳቶ ኦꬃናዉነ ጎይናናዉ ቦፐ፥
2CH 7:20 ያቶፐ፥ ታን ካሰ ህንተንቶ እሜዳ ጋድያፐ ህንተንታ ꬎቆላና፤ ታን ታ ሱንꬃዉ ጌሼዳ ሀ ጌሻ ጎልያካ አጋና። ታን ሀ ጌሻ ጎልያ አሳ ኡባ ግዶን ቶስያባነ ቅሊጭያባ ኦꬃና።
2CH 7:21 ሀእ ሎይꬅ ቦንቼቴዳ ሀ ጌሻ ጎልያ ማታና መንꬅያ አሳይ ኡባይ ዳጋሚደ፥ ‘መꬍና ጎዳይ ሀ ጋድያነ ሀ ጌሻ ጎልያ አያዉ ሀዋዳን ኦꬄዴ?’ ያጋና።
2CH 7:22 አሳይ፥ ኡንቱንታ ማይዛ አዎቱዋ ግብጼፐ ከሴዳ መꬍና ጎዳ ባረንቱ ጾሳ ኡንቱንቱ አጊደ፥ ሀራ ጾሳቱዋ ካሌዳ ድራዉነ ኡንቱንቶ ኦꬂደ ጎይኔዳ ድራዉ፥ ጾሳይ ኡንቱንቱ ቦላ ሀ ኢታባ ኡባ አሄዳ ያጊደ ዛራና” ያጌዳ።
2CH 8:1 ሶሎሞነ መꬍና ጎዳ ጌሻ ጎልያነ ባረ ካትያ ጎልያ ኬጼዳ ላታማንꬃ ላይꬃ ዉርሰꬃን፥
2CH 8:2 ካቲ ኪራም ዛሪደ እሜዳ ካታማቱዋ ሶሎሞነ ዎꬅ የጊደ ኬጼዳ፤ እስራኤልያ አሳ ሄ ካታማቱዋን ዎꬄዳ።
2CH 8:3 ሄዋፐ ጉይያን፥ ሶሎሞነ ሀማት-ጾባ ጌተትያ ቢታ ቢደ፥ ሄ ቢታ ኦሞዴዳ።
2CH 8:4 ያቲደ መላ ቢታን ደእያ ታጽሞራ ጌተትያ ካታማነ ሻሉዋ ኡባ ምንጅያ ካታማቱዋ ሀማታ ጋድያን ኬጼዳ።
2CH 8:5 ሄዋዳንካ፥ ሶሎሞነ ክል ቤት-ሆሮናነ ህርክ ቤት-ሆሮና ጌተትያ ካታማቱዋ ዛረꬂደ ኬጼዳ፤ ሄ ካታማቱ ድርሳይ፥ ፐንጊነ ጎርዳ ደእያ ድረት ኡቴዳ ካታማቱዋ።
2CH 8:6 ባእላታ ካታማ፥ ሻሉዋ ምንጅያ ካታማቱዋ ኡባ፥ ባረ ፓራቱዋነ ፓራ ጋረቱዋ ዎꬅያ ካታማቱዋ ኡባነ እ ኬጻናዉ አሞቴዳ ኡባ የሩሳላመን ልባኖሳንነ ባረ ሞድያ ቢታ ኡባን ኬጼዳ።
2CH 8:7 ሂተቱፐ፥ አሞራቱፐ፥ ፓርዘቱዋፐ፥ ሂዌቱዋፐነ ያቡሳቱዋፐ አቴዳ አሳቱ ኡባይ እስራኤልያ አሳ ግድክኖ፤
2CH 8:8 ኡንቱንቱ እስራኤልያ አሳቱ ጋድያፐ ዉርስ ꬋይሰናን አግና፥ ሄ ጋድያን አቴዳ አሳቱዋ ዘረꬃቱዋ። ሶሎሞነ ኡንቱንቱ አይለተꬃን ኦስሴዳ፤ ኡንቱንቱ ሀቼ ጋካናስካ አይለተꬃን ኦꬅኖ።
2CH 8:9 ሽን ሶሎሞነ ባረ ኦሶ እስራኤልያ አሳፐ ኦናነ አይለይቤና፤ ኡንቱንቱ አዉ ኦላንቻቱዋ፥ ኦላ ጋዳዎቱዋ፥ ፓራ ጋረቱዋ ላግያዋንቱ ካፓቱዋነ ፓራ አሳቱዋ ግዲደ ኦꬄድኖ።
2CH 8:10 ሄዋዳንካ፥ ቃይ ኡንቱንቱ ካትያ ሶሎሞነ ኪታ ኦꬅያዋንቱ ካፓቱዋ። ኡንቱንቱፐ ላኡ ጼታነ እሻታማቱ ኪታ ኦꬅያ ኦሳንቻቱዋ ጼሊደ ኦስሴድኖ።
2CH 8:11 ሄዋፐ ጉይያን ሶሎሞነ “መꬍና ጎዳ ታቦታይ ገሌዳ ሳአይ ጌሻ ግድያ ድራዉ፥ ታ ማቻታነ እስራኤልያ ካትያ ዳዊታ ጎለን ደአናዉ በሱኩ” ያጌዳ፤ ግብጼ ካትያ ናቶ ዳዊታ ካታማፐ ደንꬂደ፥ እ እዝዉ ኬጽ ዎꬄዳ ካትያ ጎልያ አሄዳ።
2CH 8:12 ሶሎሞነ ሄ ዎደ ጌሻ ጎልያ ባራንዳ ስንꬃን መꬍና ጎዳዉ ኬጼዳ ያርሽያ ሳኣን ጹግያ ያርሹዋ መꬍና ጎዳዉ ያርሼ።
2CH 8:13 ሙሴ ህጊ አዛዝያዋዳን ሀቼ ሀቼስ በስያ ጹግያ ያርሹዋ ያርሼ። ሶሎሞነ ሳምባታን ሳምባታንነ አግናይ ጼርያ ዎድያን ዎድያን፥ ቃይ ላይꬃፐ ሄዙ ገደነ ቦንችያ ባላቱዋን (እርሹ ገልቤና ኡክꬃ ባላን፥ ሳምንታቱዋ ባላንነ ዳስያ ባላን) ጾሳዉ ያርሹዋ ያርሼ።
2CH 8:14 አ አዉ ዳዊተ ካሰ አዛዜዳዋዳን፥ ቄሳቱ ዋ ኡንቱንቱ ኪታን ኪታን ሻክ ሱንꬄዳ፤ ቃይ ጋላስ ጋላስ ማዝሙርያን ሳባናዉነ ቄሳቱ ዋ ማዳናዉ ሌዋቱዋ ሻክ ሱንꬄዳ። ቃይካ ጾሳ አሳ ግዴዳ ዳዊተ አዛዜዳዋዳን፥ ፐንገ ኡባ ካላን ካላን ናጋናዳን ፐንግያ ናግያዋንታ ሻክ ሱንꬄዳ።
2CH 8:15 ሄዋዳንካ፥ ካሰ ዳዊተ ሚሻ ምንጅያ ሳኣባነ ሀራ አላለቱዋ ቄሳቱ ዋነ ሌዋቱዋ አዛዜዳዋዳን፥ እቱነ አተናን ኡባይካ ፖለቴዳ።
2CH 8:16 ሶሎሞነ ሀልቼዳ ኦሱዋ ኡባይ ኦሰቲደ ዉሬዳ፤ መꬍና ጎዳ ጌሻ ጎሊ ባሰቴዳ ዎድያፐ ዶሚደ፥ መꬍና ጎዳ ጌሻ ጎሊ ፖለታና ጋካናዉካ ኦሱዋ ኡባይ ሎኦ ኦሰቴዳ።
2CH 8:17 ሄዋፐ ጉይያን፥ ካቲ ሶሎሞነ ኤዶማ ቢታን ዞኦ አባ ዶናን ደእያ ኤጽዮን-ጋብራነ ኤላታ ጌተትያ ካታማቱዋ ቤዳ።
2CH 8:18 ካትያ ኪራም ማርካበቱዋነ ማርካብያ ላጉዋን ሎሄዳ ባረ አሳቱዋ ሶሎሞናዉ የዴዳ፤ ኡንቱንቱ ሶሎሞነ አሳቱዋና እትፐ ኦፊራ ጋድያ ቤድኖ፤ ያፐ ታማነ እቼሹ ሻአ ኪሎ ግራመ ዴጽያ ዎርቃ ካትያ ሶሎሞናዉ አኪደ ዬድኖ።
2CH 9:1 ሳባ ካታታ ሶሎሞነ ዋርያ ስሳደ፥ ዴጾ ኦሻቱዋ አካደ፥ አ ፓጫናዉ ደንዳዱ። ደንዳደ ሳዉዋ፥ ሎይꬅ ዳሮ ዎርቃነ አልኦ ሹቻ ጫነቴዳ ዳሮ ጋሎቱዋ ጩጉዋና ሎይꬅ ዳሮ አጃባና የሩሳላመ ጋካደ፥ ሶሎሞነ ስንꬃ አꬋአዱ። ባረ ዎዛናን ደእያዋ ኡባ ሶሎሞናዉ ኦዳዱ።
2CH 9:2 ሶሎሞነ እዛ ኦቼዳዋ ኡባ ኦዴዳ፤ እ እዝዉ ብርሸናን አፐ ጌም አቴዳባይ አያይነ ባዋ።
2CH 9:3 ሳባ ካታታ ሶሎሞነ አꬌዳ ኤራ፥ እ ኬጼዳ ካትያ ጎልያ፥
2CH 9:4 አ ማዳን ሺቅያ ቁማ፥ አ ኦሳንቻቱ ኡትያ ኡተꬃ፥ አ ካልያዋንቱ ኦꬅያ ኦሱዋነ ማይያ ማዩዋ፥ አ ኤሳ ትግያዋንቱ ማይያ ማዩዋነ መꬍና ጎዳ ጌሻ ጎልያን እ ጹግያ ያርሹዋ በኤዳ ዎደ፥ እ ዎዛናይ ጋገቴዳ።
2CH 9:5 ሄዋፐ ጉይያን፥ አ ካትያ፥ “ነዋነ ነ አꬌዳ ኤራተꬃባ ታን ታ ጋደን ደኣደ ስሴዳዌ ቱማ።
2CH 9:6 ሽን ታን ያደ ታ አይፍያ ብራናን በአና ጋካናዉ፥ ኡንቱንቱ ታዉ ኦዴዳዋ አማናበይከ። ነ አꬌዳ ኤራ ግታተꬃዉ ባካነ ታዉ ኦድበይክኖ፤ ታን ስሴዳዋፐ ኔን ሎይꬃ ꬎቃሳ።
2CH 9:7 ኡባ ዎደ ነ ስንꬃን ኤቂደ፥ ነ አꬌዳ ኤራ ስስያ ነ አሳቱነ ነ ኦሳንቻቱ አያ ቃደተድኖሻ!
2CH 9:8 ኔናን ናሸቲደ፥ ኔና ባረ ካዉተꬃ አራታን ኡትሴዳ መꬍና ጎዳይ ነ ጾሳይ ጋላተቶ! ነ መꬍና ጎዳይ እስራኤልያ አሳ ሲቄዳ ድራዉነ መꬍናዉ ሎይꬅ ኤሳናዉ ኮዮዋ ድራዉ፥ ኔን ሱረ ፕርዳነ ጽሎተꬃ ኦꬃና ማላ፥ እ ኔና ኡንቱንቱ ቦላ ካተዬዳ” ያጋዱ።
2CH 9:9 ያጋደ ካታታ 4,000 ኪሎ ግራመ ዴጽያ ዎርቃ፥ ሎይꬅ ዳሮ ሳዉዋነ አልኦ ሹቻ ካትያዉ እማዱ፤ ሳባ ካታታ ካትያ ሶሎሞናዉ እሜዳ ሳዉዋ ማላትያ ሳዉ ኡባካ ባዋ።
2CH 9:10 (ኦፊራፐ ዎርቃ አሄዳ፥ ኪራማ አሳቱነ ሶሎሞነ አሳቱ ያፐካ ሳንዳለ ግያ ምꬃነ አልኦ ሹቻ አሄድኖ።
2CH 9:11 ካቲ ሶሎሞነ ሄ ሳንዳልያፐ መꬍና ጎዳ ጌሻ ጎልያ፥ ካትያ ጎልያ ገልያ ሳአዉ ድꬃቱዋነ ማዝሙርያ የጽያዋንቶ ማስንቁዋነ ዲꬃ መꬍሴዳ። ሄዋ ማላትያባይ ይሁዳ ቢታን ካሰ ቤት ኤረና።)
2CH 9:12 ካቲ ሶሎሞነ ሳባ ካታታ አሞታደ አ ኦቼዳዋ ኡባ እዝዉ እሜዳ። አ አዉ አሄዳዋፐ ዳሩዋ እ እዝዉ እሜዳ። ሄዋፐ ጉይያን፥ ሳባ ካታታ ባረ አጃባና ደንዳደ፥ ባረ ጋድያ ስማዱ።
2CH 9:13 ሶሎሞነ ላይꬃን ላይꬃን አክያ ዎርቃይ ላታማነ ሄዙ ሻአ ኪሎ ግራመ ዴጽያዋ።
2CH 9:14 ሄዌ ዛልአንቻቱዋፐ አኬዳ ቃራጻነ አራባ ጋድያ ካተቱዋ ኡባፐነ እስራኤልያ ጋድያ ሞድያዋንቱፐ አኬዳ ዎርቃነ ብራ ጉጀናና።
2CH 9:15 ካቲ ሶሎሞነ ላኡ ጼቱ ዎጋ ጎንዳለቱዋ ቆጼዳ ዎርቃፐ መꬍሴዳ፤ እት እት ጎንዳልያን ላፑን ኪሎ ግራመ ግድያ ዎርቃይ ገሌዳ።
2CH 9:16 ቃይካ እ ሄዙ ጼቱ ቄር ጎንዳለቱዋ ቆጼዳ ዎርቃፐ መꬍሴዳ፤ እት እት ቄር ጎንዳልያን ላኡ ኪሎ ግራመ ግድያ ዎርቃይ ገሌዳ። ካቲ ሄ ጎንዳለቱዋ ሊባኖሳ ዎራ ጎልያ ጌተትያ ጎለን ዎꬄዳ።
2CH 9:17 ቃይካ ካቲ ዳንጋርሳ ዛልያፐ እት ዎልቃማ ካዉተꬃ አራታ መꬍሴዳ፥ ጌሻ ዎርቃን ሼሼዳ።
2CH 9:18 ካዉታ አራታይ ደእያ ሳኣ ፑደ ከሳናዉ የꬍያ ኡሱፑን ድꬃቱ ደኢኖ። ገድያን የꬋናዉ ካዉተꬃ አራታና ጋꬂደ፥ ዎርቃፐ ኦꬄዳ ኦይዲ ደኤ። አራታዉ ላኡ ባጋናካ ቀስያ ዘምፕስያ ሳአቱ ደኢኖ፤ ሄ ላኡ ሳአቱ ላንቂያንካ ያ ባጋናነ ሀ ባጋና ኤቄዳ እት እት ጋሙዋ ምስሊ ደኤ።
2CH 9:19 ሄ አራታ ፑደ ከስያ ኡሱፑን ደꬃቱዋን ያ ባጋናነ ሀ ባጋና እት እት ጋሙዋ ምስሊ፥ ኡባና ታማነ ላኡ ምስለቱ ደኢኖ። ሀዋ ማላ ካዉተꬃ አራታይ ሀራ ካዉተꬃን ሀቃንነ ኦሰትቤና።
2CH 9:20 ካቲ ሶሎሞነ ኡሻ ኡሽያ ሚሻ ኡባይ ዎርቃፐ ኦሰቴዳ፤ ሊባኖሳ ዎራ ጎለን ደእያ ሻሉዋ ኡባይካ ሙሩታ ዎርቃፐ ኦሰቴዳ። ሶሎሞነ ዎደ ብራይ ኡባካ ጎእያባዳን ፓይደት ኤረና።
2CH 9:21 ካትያዉ ኪራማ ማርካባቱዋና ዛልእያ ዎልቃማ ማርካባቱ አባን ደኢኖ። ሄ ማርካባቱ ዎርቃነ ብራ፥ ዳንጋርሳ አቻ፥ ቃረቱዋነ ገለሾቱዋ ጫን አኪደ፥ ሄዙ ላይꬃፐ እት ገደ ስሚኖ።
2CH 9:22 ካቲ ሶሎሞነ ዱረተꬃንነ አꬌዳ ኤራተꬃን ሳኣን ደእያ ካተቱዋ ኡባፐ ዳሬ።
2CH 9:23 ሳኣን ደእያ ካተቱ ኡባይ አ ስንꬃ አꬋናዉነ ጾሳይ አ ዎዛናን ዎꬄዳ አꬌዳ ኤራ ስሳናዉ ኮይኖ።
2CH 9:24 ላይꬃፐ ላይꬃን ይያ ኡባይ አዉ እማናዉ ዎርቃነ ብራ ሚሻቱዋ፥ ማዮቱዋ፥ ኦላ ሚሻቱዋነ ሳዉዋ፥ ፓራቱዋነ ባቁሎቱዋ አኪደ ዬ።
2CH 9:25 ሶሎሞናዉ ፓራቶነ ጋረቶ 4,000 ጋጻታይ ደኤ፤ ቃይ 12,000 ፓራቱ አዉ ደኢኖ። ሶሎሞነ ሄዋንታ ፓራ ጋረቱዋ ካታማቱዋንነ ባረናና የሩሳላመን ዎꬄዳ።
2CH 9:26 ሶሎሞነ ኤፍራጺሳ ሻፋፐ ዶሚደ፥ ፕልስጼማ ጋድያነ ግብጼ ዛዋ ጋካናዉ ደእያ ካተቱዋ ኡባ ሞዴዳ።
2CH 9:27 ካቲ የሩሳላመን ብራይ ሹቻዳን ኬለታናዳን፥ ዝጋይካ ጋꬋን ድጭያ ኤꬃዳን ጮራታናዳን ኦꬄዳ።
2CH 9:28 ሶሎሞናዉ ፓራቱዋ ግብጼፐነ ሀራ ቢታ ኡባፐ አሂኖ።
2CH 9:29 ኮይሮፐ ዉርሰꬃ ጋካናዉ ሶሎሞነ ሀኔዳ ሀራባይ ትምቢትያ ኦድያ ናታና ታርክያ ማጻፋን፥ ሴሎፐ ዬዳ አኪይ ትምቢትያ ኦዴዳ ማጻፋንነ ናባጻ ናኣ እዮርባማዋ ትምቢትያ ኦዴዳ እዱ በኤዳ ሳፃ ማጻፋን ጻፈት ኡቴዳ።
2CH 9:30 ሶሎሞነ እስራኤልያ ኡባ ቦላ የሩሳላመን ኦይታሙ ላይꬃ ካተቴዳ።
2CH 9:31 ሄዋፐ ጉይያን፥ ሶሎሞነ ሀይቂደ፥ ባረ ማይዛን ጋከቴዳ፤ ባረ አዉዋ ዳዊታ ካታማን ሞገቴዳ። አ ናአይ ሮብኣመ አ ኮታን ካተቴዳ።
2CH 10:1 እስራኤልያ አሳይ ኡባይ ሮብኣማ ካተያናዉ ሰኬማ ካታማ ቤዳ ድራዉ፥ እካ ያ ቤዳ።
2CH 10:2 ናባጻ ናአይ እዮርባም፥ ካትያ ሶሎሞነፐ ባቃቲደ ግብጼን ደእያዌ ሀዋ ስሴዳ ዎደ፥ ግብጼፐ ስሚደ ዬዳ።
2CH 10:3 እስራኤልያ አሳይ ኡባይ እዮርባማዉ ኪቲደ ጼስስና፥ እነ እስራኤልያ ያአይ ኡባይ ሮብኣማኮ ቤዳ፤
2CH 10:4 “ነ አዉ ኑና ዴጾ ሞርገ ምꬃ ቶሴዳ፤ ሽን ሀእ ኔን እ ኑና ኦስስያ ዎልቃማ ኦሱዋነ ዴጾ ሞርገ ምꬃ ኑዉ ካዉሽሳርኪ። ያቶፐ፥ ኑን ነዉ ኦꬃና” ያጌድኖ።
2CH 10:5 ሮብኣመ ኡንቱንታ፥ “ቢተ፤ ሄዘንꬆ ጋላስ ስሚደ፥ ታኮ ዪተ” ያጌዳ። ሄዋፐ ጉየ አሳይ ስሚደ ቤዳ።
2CH 10:6 ሄዋፐ ጉይያን፥ ካቲ ሮብኣመ አ አዉ ሶሎሞነ ፓጻ ደእያ ዎደ፥ ሶሎሞነ ዞሬዳ ጭማቱዋ ዞረታ በሴዳ። እ ኡንቱንታ፥ “ሀ አሳዉ ዋጋደ ዛራ ጊቴ?” ያጊደ ኦቼዳ።
2CH 10:7 ሽን ጭማቱ ሮብኣማ፥ “ኔን ሀ አሳዉ ኬኮፐ፥ ኡንቱንታ ናሸቾፐነ ኡንቱንቶ ሎኦ ቃላ ዛሮፐ፥ ኡንቱንቱ ኡባ ገደ ነዉ ቆማ ግዳናዋንታ” ያጌድኖ።
2CH 10:8 ሽን ሮብኣመ ጭማቱ ዞሬዳ ዞርያ አጊደ፥ አናና ድጪደ፥ አዉ ኦꬅያ ያላጋ አሳቱዋ ዞረታ በሴዳ።
2CH 10:9 እ ኡንቱንታ፥ “ህንተንቱ ታና ዞርያዌ አዬ? ‘ነ አዉ ኑና ቶሴዳ ዴጾ ሞርገ ምꬃ ኑዉ ካዉሽሳርኪ’ ያግያ ሀ አሳዉ ዋጋደ ዛሮ?” ያጊደ ኦቼዳ።
2CH 10:10 ሽን አናና ድጬዳ ያላጋቱ፥ “ ‘ነ አዉ ኑና ዴጾ ሞርገ ምꬃ ቶሴዳ፤ ሽን ኔን ኑዉ ካዉሽሳርኪ’ ያግያ አሳዉ፥ ‘ታ ቄር ብራꬊ ታ አዉዋ ጼሳፐ ኦርዴ።
2CH 10:11 ታ አዉ ህንተንቱ ሞርገ ምꬃ ዴጸꬄዳ፤ ሽን ታን ሄዋፐካ አꬃደ ዴጸꬃና። ታ አዉ ህንተንታ ልሱዋን ዋꬌዳ፤ ሽን ታን ህንተንታ ማስማሱዋዳን ዱክያ ልሱዋን ዋꬋና’ ያጋደ ዛራ” ያጌድኖ።
2CH 10:12 ሄዋፐ ጉይያን፥ ካቲ ሮብኣመ፥ “ሄዛንꬆ ጋላስ ስሚደ፥ ታኮ ዪተ” ጌዳዋዳንካ፥ እዮርባምነ አሳይ ኡባይ ሄዘንꬆ ጋላስ ስሚደ ዬድኖ።
2CH 10:13 ካቲ ሮብኣመ ኡንቱንቶ ሀንቆ ዛሩዋ ዛሬዳ። ጭማቱዋ ዞርያ አግ ባሺደ፥
2CH 10:14 ያላጋቱ ዞሬዳ ዞርያ ካሌዳ። ያቲደ ሀዋዳን ያጌዳ፤ “ታ አዉ ህንተንቱ ሞርገ ምꬃ ዴጸꬄዳ፤ ሽን ታን ሄዋፐካ አꬃደ ዴጸꬃና። ታ አዉ ህንተንታ ልሱዋን ዋꬌዳ፤ ሽን ታን ህንተንታ ማስማሱዋዳን ዱክያ ልሱዋን ዋꬋና” ያጊደ ዛሬዳ።
2CH 10:15 ካቲ አሳይ ግያዋ ስሰናን እጼዳ፤ አያዉ ጎፐ፥ መꬍና ጎዳይ ሴሎፐ ዬዳ አኪያ ባጋና ካሰ ናባጻ ናኣ እዮርባማዉ ኦዴዳ ቃላይ ፖለታናዳን ሀዌ ጾሳፐ ሀኔዳ።
2CH 10:16 እስራኤልያ አሳይ ኡባይ ካቲ ኡንቱንቱ ግያዋ ስሰናን እጼዳ። ያቲደ፥ ካትያ ሀዋዳን ያጌድኖ፦ “ዳዊተዋፐ ኑና ጋክያባይ አዬ? እሰያ ናኣፐ ኑን ላታናዌ ባዋ! እስራኤልያ አሳዉ፥ ህንተንቱ ሶ ህንተንቱ ሶ ቢተ! ስም ሮብኣመ ባረዉ ናገቶ!” ያጌድኖ። ሄዋ ድራዉ፥ እስራኤልያ አሳይ ኡባይ ባረንቱ ሶ ባረንቱ ሶ ቤድኖ።
2CH 10:17 ሽን ሮብኣመ ይሁዳ ቢታን ደእያ እስራኤልያ አሳ ቦላ ካተቴዳ።
2CH 10:18 ሄዋፐ ጉይያን፥ ካቲ ሮብኣመ ባረ አይለቱዋ ካፑዋ አዶንራማ እስራኤልያ አሳኮ ኪቴዳ፤ ኡንቱንቱ አ ሹቻን ጫዲደ ዎꬌድኖ። ያትና፥ ካቲ ሮብኣመ ባረ ፓራ ጋርያን ኤለካ ከስ ኡቲደ፥ የሩሳላመ ባቃቴዳ።
2CH 10:19 ሄደፐ ዶሚደ፥ ሀቼ ጋካናዉ፥ እስራኤልያ ዛራቱ ታማቱ ዳዊታ ዛርያፐ ካተቴዳ ካተቱዋ ቦላ ማካሌድኖ።
2CH 11:1 ሮብኣመ የሩሳላመ ካታማ ጋኬዳ ዎደ፥ እስራኤልያ ቢታ አሳና ኦለቲደ፥ ካዉተꬃ ባረዉ ዛራና ማላ፥ ይሁዳ ዛርያፐነ ቢንያማ ዛርያፐ ዶረቴዳ እት ጼታነ ሆስፑን ታሙ ሻአ ኦላንቻቱዋ ሺሼዳ።
2CH 11:2 ሽን መꬍና ጎዳ ቃላይ ጾሳ አሳ ግድያ ሻማእያኮ ዬዳ፤
2CH 11:3 “ሶሎሞና ናኣ ይሁዳ ካትያ ሮብኣማዉነ ይሁዳንነ ቢንያማን ደእያ እስራኤልያ አሳ ኡባዉ ሀዋዳን ያጋ፤
2CH 11:4 ‘መꬍና ጎዳይ ህንተንታ፥ “ህንተንቱ እሻቱዋና፥ እስራኤላቱዋና ኦለታናዉ ቦፕተ። ሀዋ ታን ኦꬄዳ ድራዉ፥ ህንተንቱ ኡባይካ ህንተንቱ ሶ ህንተንቱ ሶ ስምተ” ያጌ’ ያጋደ ኦዳ” ያጌዳ። ኡንቱንቱ መꬍና ጎዳ ቃላ ስሲደ፥ እዮርባማ ኦላናዉ ብያዋ አጊደ ስሜድኖ።
2CH 11:5 ሮብኣመ የሩሳላመን ኡቲደ፥ ሀዋፐ ካሊደ ጻፈቴዳ ይሁዳነ ቢንያማ ካታማቶ ጌሱዋ ግምቤዳ።
2CH 11:6 ሄ ካታማቱካ ቤተሌመ፥ ኤጻማ፥ ታቆአ፥
2CH 11:7 ቤትጹራ፥ ሶኮ፥ አዱላማ፥
2CH 11:8 ጋተ፥ ማሬሻ፥ ዚፋ፥
2CH 11:9 አዶራይማ፥ ላክሻ፥ አዜቃ፥
2CH 11:10 ጾርአ፥ አያሎናነ ከብሮና።
2CH 11:11 ሮብኣመ ካታማቱዋ ጌሱዋ ምንሲደ፥ ካፓቱዋ ኡንቱንቱን ዎꬄዳ፤ ቃይ ቁማ፥ ዛይትያነ ዎይንያ ኤሳ ኡንቱንቱን ዎꬄዳ።
2CH 11:12 ሄ ግምበቴዳ ካታማቱዋ ኡባን ጎንዳለቱዋነ ቶራቱዋ ዎꬄዳ፤ ያቲደ ኡንቱንታ ሎይꬅ ምንሴዳ። ሄዋዳን ኦꬂደ፥ ይሁዳነ ቢንያማ ቢታቱዋ ሞዲደ ደኤዳ።
2CH 11:13 እስራኤልያ ኡባን ደእያ ቄሳቱ ነ ሌዋቱ ኡባይ ባረንቱ ደእያ ሳኣፐ ሮብኣማኮ ዬድኖ።
2CH 11:14 ሌዋቱ ባረንቱ ሄንꬃ ጋድያነ ባረንቱ ሳኣ አጊደ፥ ይሁዳነ የሩሳላመ ዬድኖ። አያዉ ጎፐ፥ ኡንቱንቱ ቄሰ ግዲደ መꬍና ጎዳዉ ኦናዳን፥ እዮርባምነ አ ናናይ ድጌድኖ።
2CH 11:15 እዮርባም ጎይንያ ꬎቃ ግሹዋን ሀራ ቄሳቱ ዋ ሱንꬄዳ፤ ኡንቱንቱ ጻላሄቶነ እ መꬌዳ ማራቱዋ ምስለቶ ቄሰ ግዲደ ኦꬄድኖ።
2CH 11:16 ሌዋቱ ዬዳዋፐ ጉይያን፥ እስራኤልያ ዛራቱዋ ኡባፐ መꬍና ጎዳዉ፥ እስራኤልያ ጾሳዉ ባረንቱ ዎዛናፐ ጎይናናዉ ኮይያዋንቱ መꬍና ጎዳዉ፥ ባረንቱ አዎቱዋ ጾሳዉ ያርሹዋ ያርሻናዉ ኡንቱንቱ ጌዱዋ ካሊደ፥ የሩሳላመ ዬድኖ።
2CH 11:17 ኡንቱንቱ ዩሳይ ይሁዳ ካዉተꬃ ምንሴዳ፤ ኡንቱንቱ ሄዙ ላይꬃ ኩመንꬃ ሶሎሞነ ናኣ ሮብኣማ ማዴድኖ። ኡንቱንቱ ካትያ ዳዊታ ኦግያነ ካትያ ሶሎሞነ ኦግያ ካሊደ፥ ሄዙ ላይꬃ ሳሮ ደኤድኖ።
2CH 11:18 ሮብኣመ ማህላቶ ግያ ምሽራቶ አኬዳ። ማህላት አዉ ዳዊታ ናኣ ያርሞታ፤ እ ዳያ እሰያ ናኣ ኤልኣባ ናቶ አብሀይሎ።
2CH 11:19 ማህላታ ሮብኣማዉ ይኡሻ፥ ሻማርያነ ዛሃማ ጌተትያ አቱማ ናና የላዱ።
2CH 11:20 ሄዋፐ ጉይያን፥ አበሰሎማ ናት ናቶ ማእኮ አኬዳ፤ ማእካ ሮብኣማዉ አቢያ፥ አታያ፥ ዚዛነ ሻሎሚታ የላዱ።
2CH 11:21 ሮብኣመ ባረ ማቼቱዋፐነ ባረ ባኮቱዋ ኡባፐ አበሰሎማ ናት ናቶ ማእኮ አꬎ ሲቄ። አዉ ታማነ ሆስፑን ማጫ አሳቱነ ኡሱፑን ታሙ ባኮቱ ደኢኖ። እ ላታማነ ሆስፑን አቱማ ናናነ ኡሱፑን ታሙ ማጫ ናና የሌዳ።
2CH 11:22 ሮብኣመ ማእክ ናኣ አቢያ ባረፐ ጉይያን ካተያናዉ ቆፔዳ ድራዉ፥ አ እሻቱዋ ቦላ ካፑዋ ኦꬂደ ሱንꬄዳ።
2CH 11:23 ሮብኣመ ጭንጪደ፥ ባረ አቱማ ናና ይሁዳነ ቢንያማ ቢታቱዋ ኡባን ደእያ ግምበቴዳ ካታማቱዋ ኡባን ሻክ ሻክ ዎꬄዳ፤ ኡንቱንቶ ዳሮ ካꬃ እሜዳ። ቃይ ኡንቱንቶ ጮራ ማጫ አሳ እሜዳ።
2CH 12:1 ሮብኣማ ካዉተꬃይ ምን ኤቄዳ ዎደ፥ እነ እስራኤልያ አሳይ ኡባይ መꬍና ጎዳ ህግያ አግ ባሼድኖ።
2CH 12:2 ኡንቱንቱ መꬍና ጎዳዉ አማነተናን እጼዳ ድራዉ፥ ሮብኣመ ካተቴዳ እቼሻንꬆ ላይꬃን ግብጼ ካቲ ሺሻቅ የሩሳላመ ካታማ ቦላ ዎራጄዳ።
2CH 12:3 አናና እትፐ ግብጼፐ ዬዳዌ እት ሻአነ ላኡ ጼቱ ፓራ ጋረቱዋ፥ ኡሱፑን ታሙ ሻአ ፓራ አሳቱዋና ፓይዱ ባይና ሊብያ ኦላንቻቱዋ፥ ሱካ ኦላንቻቱዋነ ቶጵያ ኦላንቻቱዋ።
2CH 12:4 ካቲ ሺሻቅ ግምበቴዳ ይሁዳ ካታማቱዋ ኦሞዲደ፥ የሩሳላመ ካታማ ዬዳ።
2CH 12:5 ሄዋፐ ጉይያን፥ ትምቢትያ ኦድያ ሻማኤ ሮብኣማኮነ ሺሻቃፐ ባቃቲደ፥ የሩሳላመን ሺቅ ኡቴዳ ይሁዳ ካለꬅያዋንቱኮ ዪደ፥ “መꬍና ጎዳይ ሀዋዳን ያጌ፤ ‘ህንተ ታና አጌዳ ድራዉ፥ ታንካ ህንተንታ ሺሻቃ ኩሽያን አጋድ’ ያጌ” ያጌዳ።
2CH 12:6 እስራኤልያ ካለꬅያዋንቱነ ካቲ ሮብኣመ ባረንታ ካዉሺደ፥ “መꬍና ጎዳይ ጽሉዋ” ያጌድኖ።
2CH 12:7 ኡንቱንቱ ባረንታ ካዉሼዳዋ መꬍና ጎዳይ በኤዳ ዎደ፥ ሻማእያ መꬍና ጎዳይ ሀዋዳን ያጌዳ፤ “ኡንቱንቱ ባረንታ ካዉሼዳ ድራዉ፥ ታን ኡንቱንታ ዉርሳ ꬋይስከ፤ ታን ኡንቱንታ አሻና። ታ ሀንቁ ሺሻቃ ባጋና የሩሳላመ ቦላ ትገተና።
2CH 12:8 ግዶፐነ፥ ኡንቱንቱ ታዉ ሞደትያዋንነ ሀራ ቢታቱዋ ካተቶ ሞደትያዋን ደእያ ዱማተꬃ ኤራና ማላ፥ ኡንቱንቱ ሺሻቃዉ ሞደታና” ያጌዳ።
2CH 12:9 ሄዋ ድራዉ፥ ግብጼ ካቲ ሺሻቅ የሩሳላመ ካታማ ኦለቲደ፥ መꬍና ጎዳ ጌሻ ጎልያንነ ካትያ ጎለን ደእያ ሚሻ ኡባ አኬዳ። ቃይ ሶሎሞነ ዎርቃፐ ኦስሴዳ ጎንዳለቱዋካ አኪደ አፌዳ።
2CH 12:10 እ አፌዳ ዎርቃ ጎንዳለቱዋ ድራዉ፥ ካቲ ሮብኣመ ናሃስያ ብራታፐ ሀራ ጎንዳለቱዋ ኦስሴዳ፤ ካትያ ጎልያ ፐንግያ ናግያዋንቱ ካፑዋ ኩሽያን ዎꬄዳ።
2CH 12:11 ካቲ መꬍና ጎዳ ጌሻ ጎልያ ገልያ ዎደ ኡባን፥ ፐንግያ ናግያዋንቱ ዪደ፥ ሄ ጎንዳለቱዋ ኦይቄድኖ። ሄዋፐ ስሚደ፥ ኡንቱንቱ ዛሪደ፥ ናግያዋንቱ ጎለን ዎꬅኖ።
2CH 12:12 ሮብኣመ ባረና ካዉሼዳ ድራዉ፥ እ ዉር ꬋየናዳን መꬍና ጎዳ ሀንቁ አፐ ክቼዳ። ኡባ ይሁዳ ቢታዉ ሙልያዉ ሳአይ እንጀቴዳ።
2CH 12:13 ካቲ ሮብኣመ ባረና ምንሲደ፥ የሩሳላመን ካተቴዳ። ሮብኣመ ካተቴዳ ዎደ አ ላይꬃይ ኦይታማነ እታ፤ መꬍና ጎዳይ ባረ ሱንꬃ ያን ዎꬃናዉ እስራኤልያ ቢታ ኡባፐ ዶሬዳ የሩሳላመ ካታማን ታማነ ላፑን ላይꬃ ካተቴዳ። ሮብኣማ አታ አሞንያ ናእሞ።
2CH 12:14 ሮብኣመ መꬍና ጎዳዉ ዎዛናፐ ጎይናናዉ ኮይቤና ድራዉ፥ ኢታባ ኦꬄዳ።
2CH 12:15 ሮብኣመ ኮይሮፐ ዉርሰꬃ ጋካናዉ ሀኔዳባይነ አ የለታ ማራይ ትምቢትያ ኦድያ ሻማእያ ታርክያ ማጻፋንነ እዱ በኤዳ ሳፃ ማጻፋን ጻፈት ኡቴዳ። ሮብኣምነ እዮርባም ኡባ ዎደ ኦለቲደ ደኤድኖ።
2CH 12:16 ሮብኣመ ሀይቂደ፥ ባረ ማይዛን ጋከቴዳ፤ እ ዳዊታ ካታማን ሞገቴዳ። አ ኮታን አ ናአይ አቢይ ካተቴዳ።
2CH 13:1 ካቲ እዮርባም ካተቴዳ ታማነ ሆስፑንꬃ ላይꬃን አቢይ ይሁዳን ካተቴዳ።
2CH 13:2 አቢይ የሩሳላመን ሄዙ ላይꬃ ካተቴዳ። አ ዳይ ሱንꬃይ ምካዮ፤ ምካያ ግብአፐ ዬዳ ኡርኤላ ናቶ። አቢይነ እዮርባም ኦለቲደ ደኤድኖ።
2CH 13:3 አቢይ ዶረቴዳ 400,000 ምኖ ኦላንቻቱዋ አኪደ፥ ኦላናዉ ከሴዳ፤ እዮርባምካ ዶረቴዳ 800,000 ምኖ ኦላንቻቱዋ አኪደ፥ አቢያና ኦለታናዉ ከሴዳ።
2CH 13:4 ሄዋፐ ጉይያን፥ አቢይ ኤፍሬማ ገዝያን ደእያ ጻማራይማ ጌተትያ ደርያ ሁጲያን ኤቂደ፥ ሀዋዳን ያጌዳ፤ “ህንተንቶ፥ እዮርባማነ እስራኤልያ አሳቶ፥ ኡባይካ ታን ግያዋ ስስተ!
2CH 13:5 መꬍና ጎዳይ እስራኤልያ ጾሳይ ዳዊተነ አ ዘረꬃይ እስራኤልያ ቦላ መꬍናዉ ካተታናዳን፥ ዳዊታና እ ላመተና ቃላ ጫቁዋ ጫቀቴዳዋ ህንተንቱ ኤርክቴየ?
2CH 13:6 ሽን ዳዊታ ናኣ ሶሎሞነ ቆማይ፥ ናባጻ ናአይ እዮርባም ደንዲደ፥ ባረ ጎዳ ቦላ ማካሌዳ።
2CH 13:7 ሮብኣመ ያላጋነ ዳቡራንቻ ግዲደ፥ ኡንቱንቱና ኤቀታናዉ ዳንዳየና ዎደ፥ ፓꬄና ሹፉሮ አሳቱ እዮርባመኮ ሺቂደ፥ ሶሎሞነ ናኣ ሮብኣማ ቦላ ምኔድኖ።
2CH 13:8 “ሀእካ መꬍና ጎዳይ ዳዊታ ዘረꬃቶ እሜዳ ካዉተꬃና ህንተንቱ ጋዳታናዉ ቆፒታ። ህንተንቱ ሄዋ ቆፔዳዌ ህንተንቱ ሎይꬅ ጮራ አሳ ግድያ ድራሳነ ህንተንቶ ጾሳቱዋ ግዳና ማላ፥ እዮርባም ዎርቃፐ መꬍሴዳ ማራቱ ህንተናና ደእያ ድራሳ።
2CH 13:9 አሮና ዛርያ ግዲደ፥ መꬍና ጎዳዉ ኦꬅያ ቄሳቱ ዋነ ሌዋቱዋ ህንተንቱ የደርሴድታ። ያትና ሀራ ጋድያ አሳይ ኦꬅያዋዳን ህንተንቶ ሀራ ቄሳቱ ዋ ሱንꬄድታ። ባረና ዱማያናዉ እት ኮሩማ ላፑን ዶርሳ ኦርገቱዋ አኪደ ይያ ኦንነ ዎርዱዋ ጾሳቶ ቄሰ ግዳና።
2CH 13:10 “ሽን ኑና ግዶፐ፥ መꬍና ጎዳይ ኑ ጾሳ፤ ኑን አ አግበይኮ። አሮና ዛርያ ግዲደ መꬍና ጎዳዉ ኦꬅያ ቄሳቱ ኑዉ ደኢኖ፤ ቃይ ሌዋቱ ኡንቱንታ ማድኖ።
2CH 13:11 ኡንቱንቱ ኡባ ጋላስ ዎንታነ ኦማርስ መꬍና ጎዳዉ ጹግያ ያርሹዋ ያርሺኖነ ሳዊያ እጻና ጩዋዪኖ። መꬍና ጎዳ ስንꬃን ዎꬅያ ኡክꬃ ጌሻ ጻርጴዛን ዎꬂኖ። ኦማርስ ኦማርስ ፖእሳናዳን ዎርቃፐ ኦꬄዳ ጾምፐቱዋ ዎꬅያ ባላን ዎꬂደ ጊግሲኖ። አያዉ ጎፐ፥ ኑን ጾሳ ኑ ጾሳ አዛዙዋ ናጌቶ፤ ሽን ህንተንቱ አ አጌድታ።
2CH 13:12 በእተ፥ ጾሳይ ኑናና ደኤ፤ እ ኑና ካለꬅያዋ። ኦላ ጹሩምባ ፑንያ አ ቄሳቱ ካ ኑናና ደኢኖ፤ ኑን ህንተናና ኦላ ዶማናዉ ጹሩምባካ ኡንቱንቱ ፑናና። እስራኤልያ አሳዉ፥ መꬍና ጎዳና ህንተንቱ አዎቱዋ ጾሳና ኦለቶፕተ! አያዉ ጎፐ፥ ህንተንቱ አ ጾናናዉ ዳንዳይክታ” ያጌዳ።
2CH 13:13 እ ሃሳይሽን፥ እዮርባም ባረ ኦላንቻቱዋፐ እት ጩጉዋ ህንቱቱፐ ጉየና ዙጊደ ናጋና ማላ የዴዳ። እስራኤልያ ኦላንቻቱ ይሁዳ ኦላንቻቱ ስንꬃን ደእያ ዎደ፥ ዙጊደ ናግያ ኦላንቻቱ ህንቱቱፐ ጉየና ደኢኖ።
2CH 13:14 ይሁዳ ኦላንቻቱ ጉየ ስም ጼልያ ዎደ፥ ኡንቱንታ ኦላናዉ ዬዳዋንቱ ጉየናነ ስንꬃና ደእያዋ በኤድኖ። መꬍና ጎዳዉ ዋሴድኖ፤ ቄሳቱ ካ ጹሩምባ ፑኔድኖ።
2CH 13:15 ሄዋፐ ጉይያን፥ ይሁዳ ኦላንቻቱ ኦላ ዋሱዋ ዋሴድኖ። ኡንቱንቱ ኦላ ዋሱዋ ዋሴዳ ዎደ፥ ጾሳይ እዮርባማነ እስራኤልያ አሳ ኡባ አቢያ ስንꬃንነ ይሁዳ ስንꬃን ጾኔዳ።
2CH 13:16 እስራኤልያ ኦላንቻቱ ይሁዳ ኦላንቻቱ ስንꬃፐ ባቃትና፥ ጾሳይ ኡንቱንቱ ይሁዳ ኦላንቻቱ ኩሽያን አꬂደ እሜዳ።
2CH 13:17 አቢይነ አ ኦላንቻቱ ኡንቱንታ ሱፑ ኦꬂደ ዉርሴድኖ፤ ያትና፥ እቼሹ ጼቱ ሻአ ዶረቴዳ እስራኤልያ ኦላንቻቱ ሀይቄድኖ።
2CH 13:18 እስራኤልያ አሳይ ሄ ዎደ ጾነቴዳ፤ ይሁዳ አሳይ መꬍና ጎዳን፥ ባረንቱ አዎቱዋ ጾሳን አማነቴዳ ድራዉ፥ ኡንቱንታ ጾኔድኖ።
2CH 13:19 አቢይ እዮርባማ የደርሲደ፥ አፐ ቤቴለ ካታማ፥ ይሻና ካታማነ ኤፍሮና ካታማ ኡንቱንቱ ሞꬃቱዋና ኦይቄዳ።
2CH 13:20 አቢይ ደኤዳ ላይꬃን ኡባን እዮርባም ስሚደ ምንቤና። መꬍና ጎዳይ እዮርባማ ደችና ሀይቄዳ።
2CH 13:21 ሽን አቢይ ምን ምን ቤዳ። አቢይ ታማነ ኦይዱ ማጫ አሳ አኪደ፥ ላታማነ ላኡ አቱማ ናናነ ታማነ ኡሱፑን ማጫ ናና የሌዳ።
2CH 13:22 አቢይ ኦꬄዳ ሀራባይ፥ እ ሀኔዳባይነ እ ጌዳዌ ኡባይ ትምቢትያ ኦድያ እዶ ታርክያ ማጻፋን ጻፈት ኡቴዳ።
2CH 14:1 አቢይ ሀይቂደ፥ ባረ ማይዛን ጋከቴዳ፤ ዳዊታ ካታማን አ ሞጌድኖ። አ ኮታን አ ናአይ አሳይ ካተቴዳ። እ ካተቴዳ ዎደ ጋዲ ታሙ ላይꬃ ዎፓ ደሜዳ።
2CH 14:2 አስ መꬍና ጎዳ ባረ ጾሳ ስንꬃን ሎኦባነ ሱረባ ኦꬄዳ።
2CH 14:3 አስ አላጋ ጾሳቶ ያርሽያ ሳአቱዋነ ጎይንያ ꬎቃ ሳኣ ኮሌዳ። ጎይናናዉ ሹቻፐ ኦꬄዳ ቱሳቱዋካ መንሬꬄዳ፤ አሼሮ ጌተትያ ጾሳት ምስለቱዋካ ቃንጸሬꬅ ኦሌዳ።
2CH 14:4 ይሁዳ አሳይ መꬍና ጎዳ ባረንቱ አዎቱዋ ጾሳ ኮያናዳንነ አ ህግያነ አ አዛዙዋ ናጋናዳን አሳይ አዛዜዳ።
2CH 14:5 ቃይ ጎይንያ ꬎቃ ሳአቱዋነ እጻና ጩዋይያ ሳኣ ይሁዳ ካታማ ኡባፐ ꬋይሴዳ። አ ካዉተꬃ ላይꬃን ቢታይ ዎፓ ደሜዳ።
2CH 14:6 ካቲ አሳይ ይሁዳን ደእያ ካታማቶ ጌሶቱዋ መꬌዳ። መꬍና ጎዳይ አ ሸምፕሴዳ ድራዉ፥ ቢታይካ ሸምፔዳ፤ ሄ ላይꬃቱዋን አናና ኦንነ ኦለትቤና።
2CH 14:7 አሳይ ይሁዳ አሳ ሀዋዳን ያጌዳ፤ “አነ ኑን ሀ ካታማቱዋ ኬጾይተ፤ ኡንቱንቱ ዩሹዋን ሚጻቱዋ መꬎይተ። ኡንቱንቱ ቦላ አዱሳ ግምበቱዋ፥ ፐንገቱዋነ ፐንገቱዋ ጎርድያ ሽካላቱዋ ከሴቶ። ኑን መꬍና ጎዳ ኑ ጾሳ ኮዮዋ ድራዉ፥ ቢታይ ሀእካ ኑሳ። ኑን አ ኮዬዶ፤ እ ኑዉ ኡባ ባጋና ዎፓ እሜዳ” ያጌዳ። ሄዋ ድራዉ፥ ኡንቱንቱ ካታማቱዋ ኬጺደ ፖሌድኖ።
2CH 14:8 አሳዉ ዎጋ ጎንዳለቱዋነ ቶራቱዋ ኦይቂያ 300,000 ኦላንቻቱ ይሁዳ ዛርያፐ ደኢኖ፤ ቃይ ቄር ጎንዳለቱዋ ኦይቂያዋንቱነ ዎንዳፍያን ዱክያዋንቱ ላኡ ጼታነ ሆስፑን ታሙ ሻአ ኦላንቻቱ ቢንያማ ዛርያፐ ደኢኖ። ሀዋንቱ ኡባይካ ምኖ አሳቱዋ።
2CH 14:9 ዘራሀ ጌተትያ እት ቶጵያ አሳይ እት ሚሎነ ኦላንቻቱዋነ ሄዙ ጼቱ ፓራ ጋረቱዋ አኪደ፥ ይሁዳ ኦላናዉ ዪደ፥ ማሬሻ ጋኬዳ።
2CH 14:10 አስካ አናና ኦለታናዉ ከሴዳ፤ ከሲደ ባረ ኦላንቻቱዋ ማሬሻ ማታን ደእያ ጻፋታ ዎምባን ሳልፕሴዳ።
2CH 14:11 ሄዋፐ ጉይያን፥ አስ መꬍና ጎዳ ባረ ጾሳ ዎሲደ፥ “አቤት መꬍና ጎዳዉ፥ ዎልቃይ ባይና ኦላንቻቱ ዎልቃማ ኦላንቻቱዋ ጾናናዳን ማድያዌ ኔፐ አትና፥ ሀራይ ባዋ! አቤት መꬍና ጎዳዉ፥ ኑ ጾሳዉ፥ ኑን ኔናን አማነቲደ፥ ሀ ጮራ ኦላንቻቱዋና ነ ሱንꬃን ኦለታናዉ ዬዳ ድራዉ፥ ኔን ኑና ማዳ። አቤት መꬍና ጎዳዉ፥ ኔን ኑ ጾሳ፤ ኔና አሳይ ጾነና” ያጌዳ።
2CH 14:12 ሄዋ ድራዉ፥ መꬍና ጎዳይ አሳ ስንꬃንነ ይሁዳ ኦላንቻቱ ስንꬃን ቶጵያ ኦላንቻቱዋ ሾጬዳ፤ ቶጵያ ኦላንቻቱ ባቃቴድኖ።
2CH 14:13 አስነ አናና ደእያ አሳይ ኡንቱንታ ጋራራ ጋካናዉ የደርሴድኖ። ቶጵያ ኦላንቻቱዋፐ ዳሩ ሀይቄዳ ድራዉ፥ ኡንቱንቱ ስሚደ ምናናዉነ ኦለታናዉ ዳንዳይበይክኖ። ሄዋዳን ሀኒደ፥ ቶጵያ ኦላንቻቱ መꬍና ጎዳንነ አ ኦላንቻቱዋን ጾነቴድኖ። ካትያ አሳ ኦላንቻቱካ ዳሮባ ኦሞዴድኖ።
2CH 14:14 ሄዋ ሄራን ደእያ አሳይ መꬍና ጎዳይ ኦꬄዳዋ ያቲደ፥ ዳሮ ዳጋሜዳ። አሳ ኦላንቻቱካ ጋራራ ዩሹዋን ደእያ ካታማቱዋ ኡባ ቦንቂደ ꬋይሴድኖ።
2CH 14:15 ቃይ መህያ ሄምያዋንቱ ሞꬃቱዋ ኦለቲደ፥ ዳሮ ዶርሳ፥ ዴሻነ ጋሉዋ ድኢደ፥ የሩሳላመ ስሜድኖ።
2CH 15:1 ኦዴዳ ናኣ አዛርያሳ ቦላ ጾሳ አያናይ ዎꬌዳ፤
2CH 15:2 አሳና ጋከታናዉ ቢደ፥ ሀዋዳን ያጌዳ፤ “አሳ፥ ኔን፥ ይሁዳ አሳይነ ቢንያማ አሳይ ኡባይ ስስተ! ህንተንቱ መꬍና ጎዳና እትፐ ደእያ ዎደ ኡባን እካ ህንተናና ደኤ። ህንተንቱ አ ኮዮፐ፥ እ ህንተንቶ ቤታና፤ ሽን ህንተንቱ አ አጎፐ፥ እካ ህንተንታ አጋና።
2CH 15:3 እስራኤልያ አሳይ ቱሙ ጾሳይ፥ ታማርስያ ቄሲነ ህጊ ባይናን ዳሮ ዎድያ ደኤዳ።
2CH 15:4 ሽን ባረንታ መቱ ጋኬዳ ዎደ፥ ኡንቱንቱ መꬍና ጎዳኮ፥ እስራኤልያ ጾሳኮ ስሚደ፥ አ ኮዬድኖ፤ እ ኡንቱንቶ ቤቴዳ።
2CH 15:5 ሄ ዎድያን ካረ ከስያዎነ ሶ ገልያዎ ሳሮተꬃይ ባዋ፤ አያዉ ጎፐ፥ ጋድያ ኡባ ቦላን ደእያ አሳይ ዳሮ ሻባረቴ።
2CH 15:6 ጾሳይ ኡንቱንታ ዱማ ዱማ መቱዋን የጌዳ ድራዉ፥ ደሪ ደርያ፥ ካታማይካ ካታማ ኡንኤꬄ።
2CH 15:7 ሽን ህንተንቱ ምንተ፤ ላፎፕተ! አያዉ ጎፐ፥ ህንተንቱ ኦꬄዳ ኦሶ ጋቲ ደኤ” ያጌዳ።
2CH 15:8 ኦዴዳ ናአይ ትምቢትያ ኦድያ አዛርያስ ኦዴዳ ቃላ ስሴዳ ዎደ፥ አሳይ ምኔዳ። አሳይ ይሁዳነ ቢንያማ ቢታቱዋ ኡባፐነ ኤፍሬማ ገዝያን እ ኦሞዲደ ኦይቄዳ ካታማቱዋፐ ሸነይያ ኤቃ ምስለቱዋ ꬋይሴዳ። ሄዋፐ ጉይያን፥ መꬍና ጎዳ ጌሻ ጎልያ ስንꬃን ደእያ መꬍና ጎዳዉ ያርሽያ ሳካ ኦራꬄዳ።
2CH 15:9 መꬍና ጎዳይ አ ጾሳይ አናና ደእያዋ በኤዳ ድራዉ፥ ዳሮ አሳይ እስራኤልያፐ አኮ ዬዳ፤ ይሁዳ አሳነ ቢንያማ አሳ ኡባ፥ ኡንቱንቱና ደእያ ኤፍሬማ ዘረꬃ፥ ምናሰ ዛራቱዋነ ስሞና ዘረꬃ አሳይ ሺሼዳ።
2CH 15:10 አሳይ ካተቴዳ ታማነ እቼሻንꬆ ላይꬃን፥ ሄዘንꬆ አግናን ሄ አሳይ የሩሳላመን ሺቄዳ።
2CH 15:11 ሄ ጋላስ ኦሞድ አሄዳዋፐ ላፑን ጼቱ ኮሩማቱዋነ ላፑን ሻአ ዶርሳቱዋ መꬍና ጎዳዉ ያርሼድኖ።
2CH 15:12 መꬍና ጎዳ ባረንቱ አዎቱዋ ጾሳ ባረንቱ ኩመንꬃ ዎዛናንነ ባረንቱ ኩመንꬃ ሸምፑዋን ኮያናዉ ቃላ ገሌድኖ።
2CH 15:13 “መꬍና ጎዳ እስራኤልያ ጾሳ ኮየና አሳይ፥ ጉꬃ ግድና ዎልቃማ ግድና፥ አቱማ ግድና ማጫ ግድና፥ ሀይቆ” ጊደ ጫቀቴድኖ።
2CH 15:14 ሄዋ ቦላንካ ማላካታነ ጹሩምባ ፑኒደ፥ ባረንቱ ቃላ ꬎቁ ኦꬂደ፥ መꬍና ጎዳዉ ጫቄድኖ።
2CH 15:15 ይሁዳ አሳይ ኡባይ ባረንቱ ኩመንꬃ ዎዛናን ሀ ጫቁዋ ጫቄዳ ድራዉ፥ ናሸቴድኖ። አያዉ ጎፐ፥ ጾሳ ኡንቱንቱ ላሞቲደ ኮይና፥ እ ኡንቱንቶ ቤቴዳ። መꬍና ጎዳይ ኡንቱንቶ ኡባ ባጋናካ ዎፓ እሜዳ።
2CH 15:16 ካቲ አሳይ ባረ አዉዋ ዳያ ማእካ አሼሮ ግያ ጾሳትዉ ሸነይያ ኤቃ ምስልያ መꬌዳ ድራዉ፥ ካትያ አቶ አ ጌተትያ ቦንቹዋፐ እዞ ድጌዳ። አሳይ ሄ ኤቃ ምስልያ ቃንጸሬꬅ ሱፓዪደ፥ ቀድሮና ዛንጋራን ጹጌዳ።
2CH 15:17 ጎይንያ ꬎቃ ሳኣ አሳይ እስራኤልያ ጋድያፐ ꬋይሰናን አጎፐነ፥ እ ባረ ደኤዳ ላይꬃ ኡባን መꬍና ጎዳዉ ዎዛናፐ አማነትያ አሳ ግዲደ ደኤዳ።
2CH 15:18 እነ አ አዉ ጾሳዉ ዱማይ ዎꬄዳ ብራነ ዎርቃ ሀራ ሚሻቱዋ አሂደ፥ ጾሳ ጌሻ ጎልያ ግዶን ዎꬄዳ።
2CH 15:19 አሳይ ካተቴዳ ሀታማነ እቼሻንꬆ ላይꬃይ ጋካናዉ ኦላይ ባዋ።
2CH 16:1 አሳይ ካተቴዳ ሀታማነ ኡሱፑንꬃ ላይꬃን እስራኤልያ ካቲ ባእሽ ይሁዳ ቦላ ዎራጄዳ፤ ይሁዳ ካትያ አሳኮ ኦንነ ገለናዳንነ ከሰናዳን ተአናዉ ራማ ካታማ ዩሹዋ ምንሲደ ግምቤዳ።
2CH 16:2 ሄዋ ጋሱዋን ካቲ አስ መꬍና ጎዳ ጌሻ ጎልያነ ባረ ካትያ ጎልያ ሚሻ ምንጅያ ሳኣፐ ዎርቃነ ብራ አኬዳ። አኪደ ዳማስቆ ካታማን ደእያ ሶርያ ካትያ በንሀዳዳዉ ሀዋዳን ያጊደ የዴዳ፤ “ካሰ ታ አቡናነ ነ አቡና ጫቀቴዳዋዳን፥ አነ ታናናነ ኔናና ጫቀቶይተ። በአ፥ ታን ነዉ ብራነ ዎርቃ የዳድ። እስራኤልያ ካቲ ባእሽ ባረ ኦላንቻቱዋ ታ ጋድያፐ ከሳና ማላ፥ ኔን ካሰ አናና ጫቀቴዳ ጫቁዋ ኮላ” ያጌዳ።
2CH 16:4 በንሀዳድ ካቲ አሳይ ጌዳዋ ማዪደ፥ ባረ ኦላ ጋዳዎቱዋ እስራኤልያ ካታማቱዋ ኦላናዉ የዴዳ። ኡንቱንቱ አይኖ፥ ዳናነ አቤል-ቤትማእካ ጌተትያ ካታማቱዋነ ንፍታሌማ ጋድያን ደእያ ሻሉዋ ምንጅያ ካታማቱዋ ኡባ ጾኔድኖ።
2CH 16:5 ባእሽ ሄዋ ስሲደ፥ ራማ ካታማ ግምቢያዋ አግ ባሼዳ።
2CH 16:6 ሄዋፐ ጉይያን፥ ካቲ አሳይ ይሁዳ አሳ ኡባ ሺሼዳ፤ አሳይ ባእሽ ካሰ ያን ጎኤትያ ሹቻነ ምꬃ ራማፐ ኬዜድኖ። እ ገባአነ ምጽጳ ጌተትያ ካታማቱዋ አን ምንሲደ ግምቤዳ።
2CH 16:7 ሄ ዎደ ትምቢትያ ኦድያ ሀናን ይሁዳ ካትያ አሳኮ ዪደ፥ “ኔን ሶርያ ካትያን አማነታደ፥ መꬍና ጎዳን፥ ነ ጾሳን፥ አማነታቤና ድራዉ፥ ሶርያ ካትያ ኦላንቻቱ ነ ኩሽያፐ ከስ አኬድኖ።
2CH 16:8 ቶጵያ አሳቱነ ሊብያ አሳቱ፥ ጮራ ፓራ ጋረቱነ ፓራቱ ደእያ ዳሮ ኦላንቻቱዋ ግድክኖየ? ሽን ኔን መꬍና ጎዳን አማነቴዳ ድራዉ፥ ጾሳይ ኡንቱንታ ነ ኩሽያን አꬅ እሜዳ።
2CH 16:9 አያዉ ጎፐ፥ ባረ ኩመንꬃ ዎዛናፐ ጾሳን አማነትያ አሳ ምንꬃናዉ መꬍና ጎዳ አይፊ ሳኣ ቦላን ኡባሳ ጼሌ። ኔን ሀ የዉዋን ኤያዳ፤ ሄዋ ድራዉ፥ ሀቼፐ ዶምና፥ ኔፐ ኦላይ ሻከተና” ያጌዳ።
2CH 16:10 አሳይ ትምቢትያ ኦድያዋ ቦላ ዳሮ ሀንቀቴዳ፤ ቃሾ ጎለን የጌዳ። ቃይ አሳይ ሄ ዎደ አሳፐ አማሬዳዋ መቶꬄዳ።
2CH 16:11 አሳይ ኦꬄዳባይ ኮይሮፐ ዉርሰꬃ ጋካናዉ ይሁዳ ካተቱነ እስራኤልያ ካተቱ ታርክያ ማጻፋን ጻፈት ኡቴዳ።
2CH 16:12 አሳይ ካተቴዳ ሀታማነ ኡዱፑንꬃ ላይꬃን ገድያ ሳከቴዳ፤ አዉ ሳኩ ሎይꬅ ዳሮፐካ፥ እ አክማቱዋ ኮዬዳፐ አትና፥ መꬍና ጎዳ ኮይቤና።
2CH 16:13 አሳይ ባረ ካተቴዳ ኦይታማነ እተንꬅያ ላይꬃን ሀይቂደ፥ ባረ ማይዛን ጋከቴዳ።
2CH 16:14 ኡንቱንቱ አ አሃ ዱፉዋን ዱማ ዱማ ሽቱነ ሳዉ ደእያ ግሱዋ ቦላ ዎꬄድኖ። ኡንቱንቱ አ ቦንቾ ዳሮ ምꬃ ዶሪደ፥ ታማ ኤꬂደ፥ ዳሮፐ ዬኬድኖ። አሳይ ባረዉ ዳዊታ ካታማን ሹቻ ዎጪደ ጊግሴዳ ዱፉዋን አ ሞጌድኖ።
2CH 17:1 አሳ ናአይ ዮሳፌጸ አ ኮታን ካተቴዳ፤ ዮሳፌጸ እስራኤልያ ኦላናዉ ባረና ምንሴዳ።
2CH 17:2 ግምበት ኡቴዳ ይሁዳ ካታማቱዋ ኡባን ኦላንቻቱዋ ዎꬄዳ፤ ቃይ ይሁዳ ቢታንነ አ አዉ አሳይ ኦሞዴዳ ኤፍሬማ ጋድያ ካታማቱዋን ኦላንቻቱ ጌሱዋ መꬌዳ።
2CH 17:3 መꬍና ጎዳይ ዮሳፌጻ አንጄዳ፤ አያዉ ጎፐ፥ አ አዉ ኮይሮ ካትያ ግዴዳ ዎደ፥ ጾሳዉ አማነቴዳዋዳን፥ እካ አማነቴዳ። ባኣላ ኤቃ ምስልያዉ ጎይነናን እጼዳ። ዮሳፌጸ ባረ አዉዋ ኦግያን ሀመቲደ፥ ጾሳ አዛዙዋ ፖሌዳ። እ እስራኤልያ ካተቱ ኦꬄዳ ኢታ ኪታ ኦꬅቤና።
2CH 17:5 ሄዋ ድራዉ፥ መꬍና ጎዳይ አ ይሁዳ ካዉተꬃን ሎይꬅ ኤሴዳ። ይሁዳ አሳይ ኡባይ ዮሳፌጻዉ እሙዋ አሄድኖ፤ ያትና፥ እ ሎይꬅ ዱረቴዳነ ቦንቼቴዳ።
2CH 17:6 ዮሳፌጸ መꬍና ጎዳዉ ዎዛናፐ ኦꬅያ አሳ ግዴዳ። ሄዋ ቦላንካ ጎይንያ ꬎቃ ሳአቱዋነ አሼሮ ግያ ጾሳት ኤቃ ምስለቱዋ ይሁዳ ጋድያፐ ꬋይሴዳ።
2CH 17:7 ዮሳፌጸ ባረ ካተቴዳ ሄዘንꬆ ላይꬅ ይሁዳ ካታማቱዋን ታማርሳናዳን ባረ ኦሳንቻቱዋ በንሀይላ፥ ኦባድያ፥ ዛካራሳ ናታንኤላነ ምካያ ኪቴዳ።
2CH 17:8 ቃይ ኡንቱንቱና እትፐ ሌዋቱዋ ሻማእያ፥ ናታንያ፥ ዛባድያ፥ አሳሄላ፥ ሻምራሞታ፥ ዮናታና፥ አዶንያ፥ ጾቢያነ ጾባዶንያ የዴዳ፤ ቃይካ ቄሳቱ ዋ ኤልሻማአነ ዮራማ ኡንቱንቱና እትፐ ኪቴዳ።
2CH 17:9 ኡንቱንቱ ኡባይ መꬍና ጎዳ ህግያ ማጻፋ ባረናና አኪደ፥ ይሁዳ ቢታን ደእያ ካታማቱዋ ኡባ ቢደ፥ ያን አሳ ታማርሴድኖ።
2CH 17:10 ይሁዳ ቢታ ዩሹዋን ደእያ ካዉተꬃቱዋ ኡባ መꬍና ጎዳይ ያሽስና፥ ኡንቱንቱ ዮሳፌጻና ኦለትበይክኖ።
2CH 17:11 ፕልስጼማ አሳቱዋፐ አማሬዳዋንቱ እሙዋነ ብራ ጊራ ዮሳፌጻዉ አሄድኖ፤ ቃይ አራባቱካ አዉ ላፑን ሻአነ ላፑን ጼቱ ዶርሳ ኦርገቱዋነ ላፑን ሻአነ ላፑን ጼቱ ዴሻ ኦርገቱዋ አሄድኖ።
2CH 17:12 ሄዋ ድራዉ፥ ዮሳፌጸ ሎይꬅ ምን ምን ቤዳ። እ ይሁዳን ጌሶቱዋነ ምንጅያዋ ዎꬅያ ካታማቱዋ ኬጼዳ።
2CH 17:13 እ ሄ ካታማቱዋን ዳሮባ ምንጄዳ። የሩሳላመን አዉ ምኖ ኦላንቻቱ ደኢኖ።
2CH 17:14 ኡንቱንቱ ባረንቱ አዎቱዋ ጎለን ጎለን ሀዋፐ ካሊደ ጻፈቴድኖ። ይሁዳ ዛርያፐ ሻላቃይ አድናሀ፤ አናና 300,000 ምኖ ኦላንቻቱ ደኢኖ።
2CH 17:15 አድናሀ ካሊደ ደእያ ካፑ ዮሀናና፤ አናና 280,000 ምኖ ኦላንቻቱ ደኢኖ።
2CH 17:16 መꬍና ጎዳዉ ባረ ሸንያን ከሴዳ አማሳይ አ ካሊደ ደእያ ሄዘንꬆ ካፑዋ፤ እ ዚክራ ናኣ። አማሳያና 200,000 ምኖ ኦላንቻቱ ደኢኖ።
2CH 17:17 ቢንያማ ዛርያፐ ካፑ ምኖ ኦላንቻ ኤልያዳአ፤ አናና ዎንዳፍያነ ጎንዳልያ ኦይቂያ 200,000 ኦላንቻቱ ደኢኖ።
2CH 17:18 ኤልያዳአ ካሊደ ደእያ ካፑ ይሆዛባዳ፤ አናና ኦላ ባናዉ ዳንጬዳ 180,000 ኦላንቻቱ ደኢኖ።
2CH 17:19 ሀ ኡባ ኦላንቻቱ ካትያዉ የሩሳላመን ኦꬄዳዋንታ፤ ሀዋንቱ ፓይዱ ይሁዳን ደእያ ግምበቴዳ ካታማቱዋን ኡባን ካቲ ዎꬄዳ ኦላንቻቱዋ ጉጀና።
2CH 18:1 ዮሳፌጸ ሎይꬅ ዱረቴዳነ ቦንቼቴዳ፤ ቃይ አካባናካ ቦሎቴዳ።
2CH 18:2 አማሬዳ ላይꬃፐ ጉይያን፥ ዮሳፌጸ አካባ በአናዉ ሳማርያ ቤዳ። አካብ አዉነ አናና እትፐ ደእያ አሳዉ ዳሮ ዶርሳቱዋነ ቦራቱዋ ሹኬዳ። ያቲደ ዮሳፌጸ ጋላኣደን ደእያ ራሞታ ጌተትያ ካታማ ኦላናዉ ባረናና ባናዳን ማይዜዳ።
2CH 18:3 እስራኤልያ ካቲ አካብ ይሁዳ ካትያ ዮሳፌጻ፥ “ጋላኣደን ደእያ ራሞታ ኦላናዉ ታናና ባኒ?” ያጊደ ኦቼዳ። ዮሳፌጸ፥ “ኤ፥ ኔን ኦላ ባናዉ ጊግያ ዎደ አዉደነ ታን ጊጋና። ታ ኦላንቻቱ ነ ኦላንቻቱ ማላ፤ ኑን ኔናና ኦላናዉ ባና” ያጌዳ።
2CH 18:4 ቃይካ ዮሳፌጸ እስራኤልያ ካትያ፥ “ግዶፐነ፥ ኔን ካሰታደ መꬍና ጎዳ ኦቻ” ያጌዳ።
2CH 18:5 እስራኤልያ ካቲ ትምቢትያ ኦድያ ኦይዱ ጼቱ አሳቱዋ ሺሺደ፥ “ታን ጋላኣደን ደእያ ራሞታ ካታማ ኦላናዉ ቦ ቦፖ?” ያጊደ ኡንቱንታ ኦቼዳ። ኡንቱንቱ፥ “ባ፤ አያዉ ጎፐ፥ ጾሳይ ሄ ካታማ ካትያ ኩሽያን አꬂደ እማና” ያጌድኖ።
2CH 18:6 ሽን ዮሳፌጸ፥ “ኑን መꬍና ጎዳ ኦቻናዉ ዳንዳይያ ትምቢትያ ኦድያ ሀራ አሳይ ሀዋን ባዌ?” ያጌዳ።
2CH 18:7 እስራኤልያ ካቲ ዮሳፌጻዉ ዛሪደ፥ “ኑን አ ባጋና መꬍና ጎዳ ኦቻናዉ ዳንዳይያ እት ሀራ ብታኒ ደኤ፤ እ ይምላ ናኣ ምካያ። ሽን ታን አ እጻይ፤ አያዉ ጎፐ፥ እ ኡባ ዎደካ ታዋ ኢታባ ኦዴፐ አትና፥ ሎኦባ ኦድ ኤረና” ያጌዳ። ዮሳፌጸ፥ “ካቲ ሄዋዳን ጎፖ!” ያጌዳ።
2CH 18:8 ሄዋፐ ጉይያን፥ እስራኤልያ ካቲ ባረ ኦሳንቻቱዋፐ እቱዋ ጼሲደ፥ “ይምላ ናኣ ምካያ ኤለካ አካደ ያ” ያጌዳ።
2CH 18:9 እስራኤልያ ካቲነ ይሁዳ ካቲ ዮሳፌጸ፥ ባረንቱ ካዉተꬃ ማዩዋ ማዪደ፥ ሳማርያ ካታማ ገልያ ፐንግያን ባረንቱ ካዉተꬃ አራታን ኡቴድኖ፤ ትምቢትያ ኦድያ ኡባቱ ኡንቱንቱ ስንꬃን ትምቢትያ ኦዲኖ።
2CH 18:10 ኡንቱንቱፐ እቱ፥ ካናእና ናአይ ጽድቂ ብራታፐ ካጨቱዋ ጊግሲደ፥ አካባ፥ “መꬍና ጎዳይ ሀዋዳን ያጌ፤ ‘ሶረቱ ꬋያና ጋካናዉ፥ ኔን ኡንቱንታ ሀ ካጨቱዋን ቃይጫና’ ያጌ” ያጌዳ።
2CH 18:11 ትምቢትያ ኦድያ ሀራ ኡባቱካ፥ “ጋላኣደን ደእያ ራሞታ ካታማ ባደ ኦላ፤ ጾና። አያዉ ጎፐ፥ መꬍና ጎዳይ ሄ ካታማ ካትያ ኩሽያን አꬂደ እማና” ያጊደ ኦዴድኖ።
2CH 18:12 ሄዋፐ ጉይያን፥ ምካያ ጼሳናዉ ኪተት ቤዳ ብታኒ አ፥ “በአ፥ ትምቢትያ ኦድያ ኡባቱ እት ቃላ ግዲደ፥ ካቲ ሀ ኦላ ጾናና ያጊደ ኦዴድኖ። ሄዋ ድራዉ፥ ሀያና ነ ኦዱካ ኡንቱቱፐ እቱዋ ማላ ግዶ፤ ኔንካ ሎኦባ ኦዳ” ያጌዳ።
2CH 18:13 ሽን ምካይ ሄ ብታንያ፥ “መꬍና ጎዳይ ኤሮ! ታ ጾሳይ ኦድያባ ታን ኦዳና” ያጌዳ።
2CH 18:14 ምካይ ካትያኮ ዬዳ ዎደ፥ ካቲ አ፥ “ምካያ፥ ኑን ጋላኣደን ደእያ ራሞታ ኦላናዉ ባኔየ ቦፓነ?” ያጊደ ኦቼዳ። ምካይ ካትያ፥ “ባ፤ ባደ ኦላ፤ ኦላደካ ጾና። አያዉ ጎፐ፥ ኡንቱንቱ ነ ኩሽያን አꬍ እመታና” ያጌዳ።
2CH 18:15 ካቲ አ፥ “ኔን መꬍና ጎዳ ሱንꬃን ቱሙዋፐ አትና፥ ሀራባ ታዉ ኦደናዳን ታን ኔና አፑን ገደ ጫቀታናዉ ኮሺ?” ያጌዳ።
2CH 18:16 እ፥ “እስራኤልያ ኦላንቻቱ ኡባይ ሄንꬃንቻይ ባይና ዶርሳዳን ደርያን ላለቴዳዋንታ ታን በኣድ። መꬍና ጎዳይ ኡንቱንታ፥ ‘ሀዋንቶ ጎዳይ ባዋ። ኡንቱንቱ ኡባይካ ባረንቱ ሶ ባረንቱ ሶ ሳሮ ቢኖ’ ያጌ” ያጌዳ።
2CH 18:17 ያትና፥ እስራኤልያ ካቲ ዮሳፌጻ፥ “ ‘እ ታዋ ኢታባ ኦዴፐ አትና፥ ሎኦባ ኦድ ኤረና’ ጋደ ታን ነዉ ኦዳበይክታ?” ያጌዳ።
2CH 18:18 ምካይ ጉጂደካ ሀዋዳን ያጌዳ፤ “ስም መꬍና ጎዳይ ግያዋ ስሳ! መꬍና ጎዳይ ባረ ካዉተꬃ አራታን ኡትና፥ ሳሉዋ ኦላንቻቱ ኡባይ አ ኡሸቻናነ አ ሀድርሳና ኤቄዳዋንታ ታን በኣድ።
2CH 18:19 መꬍና ጎዳይ፥ ‘እስራኤልያ ካቲ አካብ ጋላኣደን ደእያ ራሞታ ካታማ ቢደ፥ ያን ሀይቃናዳን አ ባለꬃናዌ ኦኔ?’ ያጌዳ። እቱ ሀዋዳን ግያ ዎደ፥ ሀራይ ቃይ ሄዋዳን ጌዳ።
2CH 18:20 ሄዋፐ ጉይያን፥ አያናይ ከሲደ መꬍና ጎዳ ስንꬃን ኤቂደ፥ ‘ታን አ ባለꬃና’ ያጌዳ።” መꬍና ጎዳይ፥ “ዋታ ባለꬃን?” ያጌዳ።
2CH 18:21 አያናይ፥ “ታን ከሳደ ባደ፥ አዉ ትምቢትያ ኦድያዋንቱ ኡባቱዋ ዶናን ዎርዶትያ አያና ግዳና” ያጌዳ። መꬍና ጎዳይ፥ “ኤ፥ ኔን አ ባለꬃና፤ ነዉ ሄዌ ሀናና። ባ፤ ባለꬃ ያጌዳ” ያጌዳ።
2CH 18:22 ቃይካ እ፥ “ሄዋ ድራዉ፥ መꬍና ጎዳይ ነዉ ትምቢትያ ኦድያዋንቱ ሀዋንቱ ዶናን ዎርዶትያ አያና ዎꬄዳ፤ አያዉ ጎፐ፥ መꬍና ጎዳይ ነ ቦላ ባሻ አሀናዉ ቃቼዳ” ያጌዳ።
2CH 18:23 ሄዋፐ ጉይያን፥ ካናእና ናአይ ጽድቂ ሺቂደ፥ ምካያ ሻይያ ባቂደ፥ “መꬍና ጎዳ አያናይ ታ ማታፐ ዋኒደ ነዉ ኦዳናዉ ቤዴ?” ያጌዳ።
2CH 18:24 ምካይ አ፥ “ኔን ቆሰታናዉ ቆልኦ ገልያ ጋላስ ሄዋ ደማና” ያጌዳ።
2CH 18:25 ሄዋፐ ጉይያን፥ እስራኤልያ ካቲ ባረ ኦላንቻቱዋፐ እቱዋ አዛዚደ፥ “ምካያ ኦይቃ፤ ካታማ ሞድያ አሞናዉነ ታ ናኣ ዮኣሻዉ አፋደ እማ።
2CH 18:26 ኡንቱንታ፥ ካቲ ህንተንታ ሀ ብታንያ ቃሾ ጎለን ቃችተ። ታን ሳሮ ስማና ጋካናዉ፥ ጉꬃ ኡክꬃፐነ ሃꬃፐ ሀራባ አያነ አዉ እሞፕተ” ያጌ ያጋ ያጌዳ።
2CH 18:27 ምካይ አ፥ “ቱሙ ኔን ሳሮ ስምያዋ ግዶፐ፥ መꬍና ጎዳይ ታናን ሃሳይቤና” ያጌዳ። ቃይካ ምካይ፥ “አሳዉ ኡባዉ፥ ታን ኦዴዳዋ አኬክተ” ያጌዳ።
2CH 18:28 ሄዋፐ ጉይያን፥ እስራኤልያ ካቲነ ይሁዳ ካቲ ዮሳፌጸ ጋላኣደን ደእያ ራሞታ ካታማ ቤድኖ።
2CH 18:29 እስራኤልያ ካቲ ዮሳፌጻ፥ “ታን ታ ማዩዋ ላማደ፥ ሀራ አሳ ማላታደ፥ ኦላዉ ገላና፤ ሽን ኔን ነ ካትያ ማዩዋ ማያ” ያጌዳ። እስራኤልያ ካቲ ባረ ማዩዋ ላሚደ፥ ሀራ አሳ ማላቲደ ኦላዉ ገሌዳ።
2CH 18:30 ሶርያ ካቲ ባረ ፓራ ጋረቱዋ አዛዝያ አሳቱዋ፥ “ግታትና ጉጽና፥ ሀራ አሳ ኦናናካ ኦለቶፕተ፤ እስራኤልያ ካትያ ጻላላና ኦለትተ” ያጊደ አዛዜዳ።
2CH 18:31 ፓራ ጋረቱዋ አዛዝያዋንቱ ዮሳፌጻ በኤዳ ዎደ፥ “ሀዌ እስራኤልያ ካትያ” ያጌድኖ። አናና ኦለታናዉ ስሜድኖ። ዮሳፌጸ ዋሴዳ፤ መꬍና ጎዳይ ጾሳይ አ ማዲደ፥ ኡንቱንታ ጉየ ዛሬዳ።
2CH 18:32 ፓራ ጋረቱዋ አዛዝያዋንቱ እ እስራኤልያ ካትያ ግደናዋ በኢደ፥ አ የደርስያዋ አግ አጌድኖ።
2CH 18:33 እት ብታኒ ጮ ባረ ዎንዳፍያን ኦላንቻቱ ቦላ ዱኪደ፥ እስራኤልያ ካትያ ኦላ ማዩ ጋከትያ ሄራና ጫዴዳ። ካቲ ባረ ጋርያ ላግያ ብታንያ፥ “ጋርያ ጉየ ዛራደ፥ ታና ኦላ ግዶፐ ከሳ። አያዉ ጎፐ፥ ታን ኢታ ጫቻ ጫደታክቻድ” ያጌዳ።
2CH 18:34 ሄ ጋላስ ኦላይ ሱልያ ዎደ፥ እስራኤልያ ካቲ አካብ ባረ ፓራ ጋርያ ግዶን ዘምፒደ፥ ኦማርስ ጋካናዉ፥ ሶረቱዋ ስንꬃን ታኬዳ። አዋይ ዉልያ ዎደ፥ እ ሀይቄዳ።
2CH 19:1 ሄዋፐ ጉይያን፥ ካቲ ዮሳፌጸ ባረ ሶ የሩሳላመ ሳሮ ስሜዳ።
2CH 19:2 ትምቢትያ ኦድያ ሀናና ናአይ ዬሁ አናና ጋከታናዉ ከሲደ፥ ካትያ ዮሳፌጻ፥ “ኔን ኢታቱዋ ማዳናዉ ዎይ መꬍና ጎዳ እጽያዋንታ ሲቃናዉ በሲ? ሄዋ ድራዉ፥ መꬍና ጎዳ ሀንቁ ነ ቦላ ዬዳ።
2CH 19:3 ግዶፐነ፥ አሼሮ ግያ ኤቃት ምስለቱዋ ጋድያፐ ድጌዳ ድራዉነ ጾሳ ኮያናዉ ነ ዎዛና ጊግሴዳ ድራዉ፥ ኔን ሎኦባ ኦꬃዳ” ያጌዳ።
2CH 19:4 ዮሳፌጸ የሩሳላመን ደኤዳ። ቃይ ዮሳፌጸ በርሳበሄፐ ዶሚደ፥ ኤፍሬማ ገዝያ ጋካናዉ፥ አሳ ግዶን ዩዪደ፥ መꬍና ጎዳ፥ ኡንቱንቱ አዎቱዋ ጾሳኮ፥ ኡንቱንታ ዛሬዳ።
2CH 19:5 ይሁዳ ቢታን ደእያ ግምበቴዳ ካታማቱዋ ኡባን ዳናቱዋ ሱንꬄዳ።
2CH 19:6 እ ዳናቶ፥ “ህንተንቱ ኦꬅያባን ህንተንታ ኤርተ። አያዉ ጎፐ፥ ህንተንቱ አሳዉ ፕርድክታ፤ መꬍና ጎዳዉ ፕርዲታ። ህንተንቱ ፕርድያ ዎደ፥ እ ህንተናና ደኤ።
2CH 19:7 ሀእካ ህንተንቱ መꬍና ጎዳዉ ያይተ፤ ህንተንቱ ኦꬅያባን ህንተንታ ኤርተ። አያዉ ጎፐ፥ መꬍና ጎዳ ኑ ጾሳ ማታን ናቁ፥ አሳ ስንꬃ ጼሊደ ማድያዌነ ማጋንጻ ምያዌ ባዋ” ያጌዳ።
2CH 19:8 መꬍና ጎዳ ህግያ አꬍያዋነ አሳ ግዶን ደንድያ የዉዋ ፕርዳናዳን ሌዋቱዋፐ፥ ቄሳቱ ዋፐነ እስራኤልያ አሳ አዎቱዋ ጎልያ ካፓቱዋፐ አማሬዳ አሳቱዋ ዮሳፌጸ የሩሳላመን ሱንꬄዳ።
2CH 19:9 ሄዋፐ ጉይያን፥ ዮሳፌጸ ኡንቱንታ ሀዋዳን ያጊደ አዛዜዳ፤ “መꬍና ጎዳዉ ያዪደ፥ አማነትያዋንነ ኩመንꬃ ዎዛናን ኦꬅተ።
2CH 19:10 ባረንቱ ካታማን ደእያ ህንተንቱ እሻቱ ሸምፑ የዉዋ፥ ዎይ ህግያዋ፥ ዎይ አዛዙዋ፥ ዎይ አዋዩዋባ፥ ዎይ ፕርዳባ ህንተንቱኮ አሆፐ፥ ኡንቱንቱ መꬍና ጎዳ ስንꬃን ባይዛንቻ ግደናዳንነ አ ሀንቁ ህንተንቱ ቦላነ ህንተንቱ እሻቱዋ ቦላ ዬናዳን ኡንቱንታ ሴርተ። ህንተንቱ ኡንቱንታ ሴሮፐ፥ ህንተንቱ ህንተንቱ ሁጲያዉ ባይዛንቻ ግድክታ።
2CH 19:11 መꬍና ጎዳ ባጋ የዉዋ ኡባዉ አዎትያዌ ቄሳቱዋ ካፑዋ አማርያ፤ ቃይ ካትያ ባጋ የዉዋ ኡባዉ አዎትያዌ ይሁዳ ዛራቱዋ ካፑዋ እስማኤላ ናኣ ዛባድያ። ሌዋቱ ህንተንቱ ስንꬃን ካፑዋ ግዳናዋ። ህንተንቱ ምኒደ ኦꬅተ። ሱረባ ሀንያዋንቱና መꬍና ጎዳይ እትፐ ግዶ” ያጌዳ።
2CH 20:1 ሄዋፐ ጉይያን፥ ሞኣባቱነ አሞናቱ ቃይ ኡንቱንቱና እትፐ ማኡናቱ ዮሳፌጻ ቦላ ማዬድኖ።
2CH 20:2 ያትና፥ አማሬዳ አሳቱ ዪደ ዮሳፌጻዉ፥ “ማጽነ አባፐ ሄፍንꬃና ደእያ ሶርያፐ ዳሮ ኦላንቻቱ ኔና ኦላናዉ ዬድኖ። በአ፥ ኡንቱንቱ ሀጻጾን-ታማራን ደኢኖ” ያጊደ ኦዴድኖ። (ሀጻጾን-ታማር ኤንጋዳዉ ሀራ ሱንꬃ።)
2CH 20:3 ያትና፥ ዮሳፌጸ ያዪደ፥ መꬍና ጎዳ ኦቻናዉ ባረ ቆፋ ቃቼዳ፤ ይሁዳ ጋድያን ኡባን ጾማ አዋዬዳ።
2CH 20:4 ይሁዳ አሳይ ኡባይ መꬍና ጎዳፐ ማዱዋ ኮያናዉ እትፐ ሺቄዳ፤ ኡንቱንቱ መꬍና ጎዳፐ ማዱዋ ኮያናዉ ይሁዳ ካታማቱዋ ኡባፐ ዬድኖ።
2CH 20:5 ዮሳፌጸ ይሁዳነ የሩሳላመ ሽቁዋ ግዶን፥ መꬍና ጎዳ ጌሻ ጎልያን ደእያ ኦራꬃ ዳባባ ስንꬃን ኤቄዳ።
2CH 20:6 ሀዋዳን ያጌዳ፥ “አቤት መꬍና ጎዳዉ፥ ኑ አዎቱዋ ጾሳዉ፥ ሳሉዋን ደእያ ጾሳይ ኔና! ሳኣን ደእያ ካዉተꬃቱዋ ኡባ ሞድያዌ ኔና! ግታተꬃይነ ዎልቃይ ነ ኩሽያን ደእያ ድራዉ፥ ኔናና ኤቀታናዉ ዳንዳዬዳባይ ባዋ።
2CH 20:7 አቤት ኑ ጾሳዉ፥ ካሰ ሀ ቢታን ደእያዋንታ ነ አሳ እስራኤልያ ስንꬃፐ የደርሳደ፥ ነ ሲቁዋ አብራሃማ ዘረꬃቶ መꬍናዉ እሜዳዌ ኔና!
2CH 20:8 ኡንቱንቱ ሀ ጋድያን ደኤድኖ፤ ኡንቱንቱ ሀዋን ነ ሱንꬃዉ ጌሻ ጎልያ ኬጺደ፥
2CH 20:9 ‘ኑ ቦላ ኢታባይ፥ ዎይ ኦላይ፥ ዎይ ኢታ ሀርጊ፥ ዎይ ኮሻይ ይንቶ፥ ኑን ነ ሱንꬃይ ደእያ ሀ ጌሻ ጎልያ ስንꬃንነ ነ ስንꬃን ኤቂደ፥ ኑ መቱዋን ኔኮ ዋሳና። ኔን ኑ ዋሱዋ ስሳደ፥ ኑና አሻና’ ያጌድኖ።
2CH 20:10 “ሀእካ አሞናቱ፥ ሞኣባቱነ ኤዶማቱ ኑ ቦላ ማዬድኖ። በን ኑ አዎቱ ግብጼፐ ከሴዳ ዎደ፥ ኔን ኡንቱንቱ ሄ ቢታቱዋ ገለናዳን ድጋዳ፤ ሄዋ ድራዉ፥ ኑ አዎቱ ሄ ቢታቱነ ዩዪደ አꬌድኖፐ አትና፥ ኡንቱንታ ꬋይስበይክኖ።
2CH 20:11 ኑን ኦꬄዳባዉ ኡንቱንቱ ኑዉ ዛሬዳባ በአ። ኔን ኑዉ እሜዳ ላታ ጋድያፐ ኡንቱንቱ ኑና የደርሳናዉ ዬድኖ።
2CH 20:12 አቤት ኑ ጾሳዉ፥ ኔን ኡንቱንቱ ቦላ ፕርድኪ? አያዉ ጎፐ፥ ኑና ኦላናዉ ዬዳ ሀ ዳሮ ኦላንቻቱዋና ኦለታናዉ ኑዉ ዎልቃይ ባዋ። ኑን ኦꬃናባካ ኤሮኮ፤ ሽን ኑ አይፈቱ ኔና ጼልኖ” ያጌዳ።
2CH 20:13 ይሁዳ አሳይ ኡባይ ባረንቱ ቄር ናናቱዋና፥ ባረንቱ ማጫ አሳቱዋናነ ባረንቱ ናናቱዋና እትፐ ግዲደ፥ መꬍና ጎዳ ስንꬃን ኤቄድኖ።
2CH 20:14 ሄዋፐ ጉይያን፥ ዛካራሳ ናአይ ያሃዝኤል ሽቁዋ ግዶን ኤቂደእሽን፥ መꬍና ጎዳ አያናይ አ ቦላ ዎꬌዳ። ዛካራስ ባናያ ናኣ፤ ባናይ ይእኤላ ናኣ፤ ይእኤል ማታንያ ናኣ፤ ማታኔ ሌዊያ ዛረነ አሳፋ ያራ።
2CH 20:15 ጾሳ አያናይ ያሃዝኤላ ቦላ ዎꬍና፥ ሀዋዳን ያጌዳ፤ “ካትያዉ ዮሳፌጻ፥ ይሁዳንነ የሩሳላመን ደእያ አሳዉ፥ ኡባይካ ስስተ! መꬍና ጎዳይ ህንተንታ ሀዋዳን ያጌ፤ ‘ሀ ዳሮ ኦላንቻቱ ጋሱዋን ያዮፕተነ ዳጋሞፕተ። አያዉ ጎፐ፥ ኦላይ ጾሳዋፐ አትና፥ ህንተንቱዋ ግደና።
2CH 20:16 ህንተንቱ ዎንት ኡንቱንታ ቦላ ከስተ። ጺጻ ግያ ፑደꬃን ይሩኤላ መላ ቢታን ደእያ ዛንጋራ ዉርሰꬃን ህንተንቱ ኡንቱንታ ደማና።
2CH 20:17 ሀ ኦላ ኦለትያዋንቱ ህንተንታ ግድክታ። ህንተንቱ ሳኣ ሳኣ ኦይቂ ኤቂደ፥ መꬍና ጎዳይ ህንተንታ አሽያዋ በኢታ’ ያጌ። ይሁዳ አሳዉ፥ የሩሳላመ አሳዉ፥ ያዮፕተነ ዳጋሞፕተ! ኡንቱንቱና ኦለታናዉ ዎንት ከስተ። መꬍና ጎዳይ ህንተናና ግዳናዋ” ያጌዳ።
2CH 20:18 ዮሳፌጸ ዴሙዋ ሳኣ ጋꬂደ ጎይኔዳ፤ ሄዋዳንካ፥ ይሁዳ አሳይ ኡባይነ የሩሳላመን ደእያ አሳይ ኡባይ መꬍና ጎዳ ስንꬃን ኩንዲደ፥ እስራኤልያ ጾሳዉ ጎይኔድኖ።
2CH 20:19 ቃሃታ ያራፐነ ቆራሀ ያራፐ አማሬዳ ሌዋቱ ኤቂደ፥ ባረንቱ ቃላ ꬎቁ ኦꬂደ፥ መꬍና ጎዳ እስራኤልያ ጾሳ ጋላቴድኖ።
2CH 20:20 ኡንቱንቱ ጉራ ጉራን ደንዲደ፥ ታቆአ መላ ቢታ ባናዉ ከሴድኖ፤ ኡንቱንቱ ከሴዳ ዎደ ዮሳፌጸ ደንድ ኤቂደ፥ “ይሁዳንነ የሩሳላመን ደእያ አሳዉ፥ ታን ግያዋ ስስተ። መꬍና ጎዳን፥ ህንተንቱ ጾሳን፥ አማነትተ፤ ህንተንቱ ምናና። ቃይ ትምቢትያ ኦድያዋንቱንካ አማነትተ፤ የዉዋ ኡባይ ህንተንቶ እንጀታናዋ” ያጌዳ።
2CH 20:21 ዮሳፌጸ አሳና ዞረቴዳዋፐ ጉይያን፥ ማዝሙርያ የጽያዋንታነ መꬍና ጎዳ ጋላትያዋንታ ሱንꬄዳ። ኡንቱንቱ ባኣላ ጋላሳ ማዩዋ ማዪደ፥ ኦላንቻቱ ስንꬃና አꬊደ፥ “መꬍና ጎዳ ጋላትተ! አገና አ ሲቁ መꬍናዋ” ያግ ያጊደ የጻናዳን አዛዜዳ።
2CH 20:22 ኡንቱንቱ ማዝሙርያ የጽያዋነ ጋላትያዋ ዶሜዳ ዎደ፥ ይሁዳ ኦላናዉ ዬዳ አሞናቱዋ ቦላ፥ ሞኣባቱዋ ቦላነ ኤዶማቱዋ ቦላ መꬍና ጎዳይ ሻቢርሳ የዴዳ።
2CH 20:23 አሞናቱነ ሞኣባቱ ኤዶማቱዋ ቦላ ደንዲደ፥ ኡንቱንታ ኡባና ꬋይሴድኖ። ኡንቱንቱ ኤዶማቱዋ ꬋይሴዳዋፐ ጉይያን፥ ባረንቱ ግዶን እቱ እቱዋ ꬋይሴድኖ።
2CH 20:24 ይሁዳ አሳይ መላ ቢታን ደእያ ዎችያ ሳኣ ዬዳ ዎደ፥ ባረንቱ ሞርከቱ ደእያ ሳኣ ጼሌድኖ፤ ኡንቱንቱ አሃይ ቢታን ግሴዳዋ በኤድኖ። ኡንቱንቱፐ እት አሳይነ ከስ አኪደ ብቤና።
2CH 20:25 ሄዋፐ ጉይያን፥ ዮሳፌጽነ አ አሳይ ኦሞዱዋ አካናዉ ቢደ፥ ዳሮ መሄቱዋ፥ ሽንቃቱዋ፥ ኦላ ሚሻቱዋ፥ ማዮቱዋነ ሀራ አልኦ ሚሻቱዋ ደሜድኖ። ሽን ኦሞዱዋ ኡባባ ቶክ አፋናዉ ዳንዳይበይክኖ። ኦሞደዳባይ ሎይꬅ ዳሮ ግዴዳ ድራዉ፥ ሄዋ ሺሻናዉ ሄዙ ጋላሳ አኬዳ።
2CH 20:26 ሄዋፐ ጉይያን፥ ኡንቱንቱ ኦይደንꬆ ጋላስ በራካ ዎምባ ግያ ሳን ሺቄድኖ፤ ሄ ሳኣን መꬍና ጎዳ ጋላቴድኖ። ሄዋ ድራዉ፥ ኡንቱንቱ ሄ ሳኣ ጋላታ ዎምባ ያጊደ ሱንꬄድኖ።
2CH 20:27 ሄዋፐ ጉይያን፥ ይሁዳ አሳይ ኡባይነ የሩሳላመ አሳይ ኡባይ፥ ዮሳፌጸ ካለꬅና፥ መꬍና ጎዳይ ሞርከቱዋ ቦላ ጾኑዋ እም ናሸችና የሩሳላመ ስሜዳ።
2CH 20:28 ኡንቱንቱ የሩሳላመ ጋኪደ፥ ዲꬃና፥ ማስንቁዋናነ ጹሩምባና መꬍና ጎዳ ጌሻ ጎልያ ገሌድኖ።
2CH 20:29 እስራኤልያ ሞርከቱዋ መꬍና ጎዳይ አላጋ ቢታን ደእያ ካዉተꬃቱ ኡባይ ስሴዳ ዎደ፥ ኡንቱንቱ ጾሳዉ ያዬድኖ።
2CH 20:30 ያቲደ ጾሳይ ዮሳፌጻዉ ኡባ ባጋና ሸምፑዋ እሜዳ ድራዉ፥ አ ካዉተꬃይ ሳሮተꬃ ደሜዳ።
2CH 20:31 ዮሳፌጸ ይሁዳን ካተትያ ዎደ፥ አ ላይꬃይ ሀታማነ እቼሻ፤ እ የሩሳላመን ላታማነ እቼሹ ላይꬃ ካተቴዳ። አ አታ ሺልሀ ናቶ አዙቦ ጌተታዉ።
2CH 20:32 ዮሳፌጸ ባረ አዉዋ አሳ ኦግያን ሀመቴዳ፤ እ ሄ ኦግያፐ ሸርእ ግቤና፤ መꬍና ጎዳ ስንꬃን እ ሱረባ ኦꬄዳ።
2CH 20:33 ግዶፐነ፥ ጎይንያ ꬎቃ ሳኣ ꬋይስቤና፤ አሳይ ብሮ ባረ ኩመንꬃ ዎዛናፐ ባረ ማይዛ አዎቱዋ ጾሳኮ ስምቤና።
2CH 20:34 ዮሳፌጸ ሀኔዳ ሀራባይ፥ ኮይሮፐ ዉርሰꬃ ጋካናዉ እስራኤልያ ካተቱ ታርክያ ማጻፋን፥ ሀናና ናኣ ዬሁ ታርክያ ግዶን ጻፈት ኡቴዳ።
2CH 20:35 እት ዎደ፥ ይሁዳ ካቲ ዮሳፌጸ ኢታባ ኦꬄዳ እስራኤልያ ካትያ አካዝያሳና እትፐተꬃ ኦꬄዳ።
2CH 20:36 ያቲደ ዮሳፌጸ አናና ዛልእያ ዎልቃማ ማርካባቱዋ መꬋናዉ ማየቴዳ። ሄ ማርካባቱዋ ኤጽዮን-ጋብራ ካታማን መꬍሴድኖ።
2CH 20:37 ሄዋፐ ጉይያን፥ ማሬሻፐ ዬዳ ዶዳዋ ናአይ ኤልኤዛር፥ “ኔን አካዝያሳና እትፐተꬃ ኦꬄዳ ድራዉ፥ ኔን ኦꬄዳ ኪታ መꬍና ጎዳይ ꬋይሳና” ያጊደ፥ ዮሳፌጻ ቦላ ትምቢትያ ኦዴዳ። ሄዋ ድራዉ፥ ማርካባቱ መኤድኖ፤ ኡንቱንቱ ሀቃነ ባናዉ ዳንዳይበይክኖ።
2CH 21:1 ሄዋፐ ጉይያን፥ ዮሳፌጸ ሀይቂደ፥ ባረ ማይዛን ጋከቴዳ። ዳዊታ ካታማን ባረ ማይዛ አዎቱዋና ሞገቴዳ። አ ኮታን አ ናአይ ዮራመ ካተቴዳ።
2CH 21:2 ዮራማ እሻቱ አዛርያሳ፥ ይህኤላ፥ ዛካራሳ፥ አዛርያሳ፥ ምካኤላነ ሻፋጽያ፤ ሀዋንቱ ኡባይ ይሁዳ ካትያ ዮሳፌጻ ናና።
2CH 21:3 ኡንቱንቱ አዉ ዮሳፌጸ ኡንቱንቶ ዳሮ ብራ፥ ዎርቃነ አልኦ ሻሉዋ እሜዳ፤ ቃይ ግምበቴዳ ይሁዳ ካታማቱዋካ እሜዳ። ሽን ዮራመ ባረ አዎ ባይራ ናኣ ግድያ ድራዉ፥ ካዉተꬃ አዉ እሜዳ።
2CH 21:4 ዮራመ ባረ አዉዋ ካዉተꬃ አኪደ ምኔዳ ዎደ፥ ባረ እሻቱዋ ኡባቱዋነ እት እት እስራኤልያ ካፓቱዋ ማሻን ዎꬌዳ።
2CH 21:5 ዮራመ ካተትያ ዎደ፥ ላይꬃይ አዉ ሀታማነ ላኡዋ፤ እ የሩሳላመን ሆስፑን ላይꬃ ካተቴዳ።
2CH 21:6 ዮራመ አካባ ናቶ አኬዳ ድራዉ፥ አካባ ሶይ አሳይ ሀመቴዳዋዳንካ ካሰ እስራኤልያ ካተቱዋ ኦግያን ሀመቴዳ፤ መꬍና ጎዳ ስንꬃንካ ኢታባ ኦꬄዳ።
2CH 21:7 ግዶፐነ፥ መꬍና ጎዳይ ካሰ ዳዊታና ጫቀቴዳ ጫቁዋ ድራዉ፥ ዳዊታ ዘረꬃ ꬋይሳናዉ ኮይቤና። ዳዊታ ዘረꬃይ መꬍናዉ ካተታናዉ መꬍና ጎዳይ ሂዶታ እም ዎꬄዳ።
2CH 21:8 ዮራመ ካተቴዳ ዎደ፥ ኤዶማ አሳይ ይሁዳ ካትያ ቦላ ማካሊደ፥ ባረንቶ ካትያ ካተዬድኖ።
2CH 21:9 ሄዋ ድራዉ፥ ዮራመ ባረ ኦላ ጋዳዋቱዋናነ ባረ ፓራ ጋረቱዋ ኡባና እትፐ ኤዶማ ጋድያ ኦላናዉ ቤዳ፤ ኤዶማ አሳይ አነ አ ፓራ ጋረቱዋ ካፓቱዋ ዶዴድኖ። ሽን ዮራምነ አ አሳይ ቃማ ደንዲደ፥ ዶዳ አꬊደ ባቃቴድኖ።
2CH 21:10 ሄ ዎድያፐ ዶሚደ፥ ሀቼ ጋካናዉ፥ ኤዶማ አሳይ ይሁዳ አሳዉ ሞደትቤና። ዮራመ መꬍና ጎዳ ባረ አዎቱዋ ጾሳ አጌዳ ድራዉ፥ ሊብና አሳይ ቃይ ሄ ዎደ ይሁዳ ካትያ ቦላ ማካሌዳ።
2CH 21:11 ዮራመ ቃይ ይሁዳ ገዝያን ጎይንያ ꬎቃ ሳኣ ጊግሴዳ፤ የሩሳላመን ደእያ አሳይ ሻርሙጻናዳን ኦꬄዳ፤ ይሁዳ አሳካ ባለꬄዳ።
2CH 21:12 ሄዋፐ ጉይያን፥ ትምቢትያ ኦድያ ኤላስ ዮራማዉ ዳብዳቢያ ሀዋዳን ያጊደ ኪቴዳ፤ “መꬍና ጎዳይ፥ ነ ማይዛ አዉዋ ዳዊታ ጾሳይ፥ ‘ኔን ነ አዉዋ ዮሳፌጻ ኦግያን ዎይ ይሁዳ ካትያ አሳ ኦግያን ሀመትያዋ አጋደ፥
2CH 21:13 እስራኤልያ ካተቱዋ ኦግያን ሀመታዳ። አካባ ሶይ አሳይ ኦꬄዳዋዳን፥ ይሁዳንነ የሩሳላመን ደእያዋንቱ ሻርሙጻናዳን ኦꬃዳ። ቃይካ ኔፐ ኬክያ፥ ነ አዉዋ ጎለን ደእያ ነ እሻቱዋ ዎꬋዳ።
2CH 21:14 ሄዋ ድራዉ፥ መꬍና ጎዳይ ነ አሳ፥ ነ ናና፥ ነ ማቻቱዋነ ነዉ ደእያ ኡባባ ዎልቃማ ቦሻን ሾጫና።
2CH 21:15 ኔና ማራጭያ ሀርጊ ኦይቂና፥ ነዉ ሳኩ ያ ጎብ ጎቢደ ባና’ ያጌ” ያጌዳ።
2CH 21:16 ሄዋፐ ጉይያን፥ መꬍና ጎዳይ ፕልስጼማቱዋነ ቶጵያ ማታን ደእያ አራባቱዋ ዮራማ ኦላናዳን ደንꬄዳ።
2CH 21:17 ያትና፥ ኡንቱንቱ ይሁዳ ቦላ ማዬድኖ፤ ካትያ ጎለን ደእያ ሚሻ ኡባ፥ ካትያ አቱማ ናናነ አ ማጫዋንታ ኦሞዴድኖ። አ ናና ኡባፐ ቴፋ አካዝያሳፐ አትና፥ ሀራ እት ናአይነ አዉ አትቤና።
2CH 21:18 ሄ ኡባፐ ጉይያን፥ ፓጻናዉ ዳንዳየና ማራጭያ ሀርግያን ዮራማ መꬍና ጎዳይ ሾጬዳ።
2CH 21:19 ላኡ ላይꬃ ግዶን ሀርጊ አ ቦላ ጎቤዳ፤ አ ማራጪ ካረ ከሴዳ፤ ያትና፥ ሎይꬅ ሳከቲደ ሀይቄዳ። አ ሞግያ ዎደ አሳይ ካሰ አ ማይዛ አዋቶ ኦꬄዳዋዳን፥ አ ቦንቾ ምꬃ ዶሪደ፥ ታማ ኤꬅቤና።
2CH 21:20 ዮራመ ካተትያ ዎደ፥ ላይꬃይ አዉ ሀታማነ ላኣ፤ እ የሩሳላመን ሆስፑን ላይꬃ ካተቴዳ። እ ሀይቂያ ዎደ ኦንነ ካዮትቤና። ዮራመ ዳዊታ ካታማን ሞገቴዳፐ አትና፥ ካተቱዋ ማካናን ሞገትቤና።
2CH 22:1 አራባቱ ዪደ ዮራማዉ ባይራ ናና ኡባቱዋ ዎꬌዳ ድራዉ፥ የሩሳላመ አሳይ ዮራማ ናኣ ኡባፐ ቴፋ አካዝያሳ አ ኮታን ካተዬድኖ። ሄዋ ድራዉ፥ ዮራማ ናአይ አካዝያስ ካዉተꬃ ዶሜዳ።
2CH 22:2 አካዝያስ ካተትያ ዎደ፥ ላይꬃይ አዉ ኦይታማነ ላኣ፤ እ የሩሳላመን እት ላይꬃ ካተቴዳ። አ አት ሱንꬃይ አታሎ፤ አ ኦምራዉ ናኣ ናቶ።
2CH 22:3 አካዝያስ ኢታተꬃን ባናዳን አ አታ አ ዞሬዳ ድራዉ፥ እካ አካባ ሶይ አሳ ኦግያን ሀመቴዳ።
2CH 22:4 አ አዉ ሀይቄዳዋፐ ጉይያን፥ አካባ ሶይ አሳይካ አ ዞርያ ድራዉ፥ አካባ ሶይ አሳዳን እካ መꬍና ጎዳ ስንꬃን ኢታባ ኦꬄዳ። ያቲደ አ ꬋዮ ጋሶ ግዴድኖ።
2CH 22:5 አካዝያስ አካባ ሶይ አሳ ዞርያ ካሊደ፥ አካባ ናኣ እስራኤልያ ካትያ ዮራማና እትፐ፥ ሶርያ ካትያ ሀዛኤላ ኦላናዉ ጋላኣደን ደእያ ራሞታ ጌተትያ ካታማ ቤዳ። ሶርያ አሳቱ ዮራማ ጫዴድኖ።
2CH 22:6 ሶርያ ካትያ ሀዛኤላና እ ኦለትያ ዎደ፥ ሶርያ አሳቱ አ ራሞታን ጫዴዳ ጫቻ ፓꬅ አካናዉ እዝራኤላ ካታማ ስሜዳ። ሄዋፐ ጉይያን፥ ዮራማ ናአይ፥ ይሁዳ ካቲ አካዝያስ አካባ ናኣ ዮራማ ጫደቴዳዋ ኦቻናዉ ዱገ እዝራኤላ ካታማ ቤዳ።
2CH 22:7 አካዝያስ ዮራማኮ ቤዳዌ አካዝያሳዉ ሀይቆ ግዳናዳን መꬍና ጎዳይ ኦꬄዳ። አካዝያስ ዮራማ በእሽን፥ አካባ ዛርያ ꬋይሳናዳን መꬍና ጎዳይ ዶሬዳ ንምሻ ናኣ ዬሀ ሞካናዉ ላኡ እትፐ ከሴድኖ።
2CH 22:8 ዬሁ አካባ ዛርያ ቦላ ፕርድያዋ ፖሌዳ ዎደ፥ ይሁዳ ካፓቱዋነ አካዝያሳ ማድያ አ እሻቱዋ ናና ደሚደ ዎꬌዳ።
2CH 22:9 ቃይ ዬሁ አካዝያሳ ኮዬዳ፤ ሳማርያን ቆሰት ኡቴዳዋ አ አሳቱ ደሜድኖ፤ ዬሁኮ አሂደ ዎꬊደ፥ “ባረ ኩመንꬃ ዎዛናፐ መꬍና ጎዳ ኮዬዳ ዮሳፌጻ ናኣ” ያጊደ ሞጌድኖ። ሄዋ ድራዉ፥ አካዝያሳ ሶ አሳፐ ካዉተꬃ ኦይቃናዉ ዳንዳይያዌ ኦንነ ባዋ።
2CH 22:10 አካዝያሳ ዳያ አታላ ባረ ናአይ ሀይቄዳዋ በኤዳ ዎደ፥ ደንዳደ ይሁዳ ካትያ ዛርያ ኡባ ꬋይሳዱ።
2CH 22:11 ሽን ካትያ ናታ ይሆሸባአ፥ ሀይቃናዉ ደእያ ካትያ ናና ግዶፐ አካዝያሳ ናኣ ዮኣሻ ዉኣደ አካዱ። አነ አ ꬋንꬅያኖ ሂጻ ጎለን ቆሳዱ። ሄዋዳን ኦꬃደ፥ አታላ ናኣ ዎናዳን፥ ካትያ ዮራማ ናታ፥ አካዝያሳ ምቻታ፥ ቄስያ ዮዳሄ ማቻታ፥ ይሆሸባአ አ ቆሳዱ።
2CH 22:12 አታላ ቢታ ሞድያ ዎደ ኡባን፥ ናአይ ኡንቱንቱ ማታን ጾሳ ጌሻ ጎልያን ኡሱፑን ላይꬃ ቆሰቲደ ኡቴዳ።
2CH 23:1 ላፑንꬃ ላይꬃን ዮዳሄ ምኒደ፥ ጼቱዋ ካፓቱዋ ይሮሃማ ናኣ አዛርያሳ፥ ያሆሀናና ናኣ እስማኤላ፥ ዮቤዳ ናኣ አዛርያሳ፥ አዳያ ናኣ ማእሴያነ ዚክራ ናኣ ኤልሻፋጻ ሺሺደ፥ ኡንቱንቱና ቃላ ጫቁዋ ጫቀቴዳ።
2CH 23:2 ኡንቱንቱ ይሁዳ ቢታ ኡባ ዩዪደ፥ ይሁዳ ካታማቱዋን ደእያ ሌዋቱዋነ እስራኤልያ ያራቱ ካፓቱዋ ኡባ አኪደ፥ የሩሳላመ ዬድኖ።
2CH 23:3 ሄዋፐ ጉይያን፥ ሄ ሺቄዳ አሳይ ኡባይ ጾሳ ጌሻ ጎልያን ካትያና ቃላ ጫቁዋ ጫቄድኖ። ዮዳሄ ሄ አሳ፥ “ካትያ ናኣ ሀዋ በእተ! መꬍና ጎዳይ ካሰ ዳዊታ ዘረꬃባ ሃሳዬዳዋዳን እ ካተቶ።
2CH 23:4 ህንተንቱ ኦꬃናዉ በስያባይ ሀዋ: ሳምባታ ጋላሳን ሀ ጌሻ ጎልያ ገልያ ቄሳቱ ዋፐነ ሌዋቱዋፐ ሄዙ ኩሽያፐ እት ኩሺ ፐንግያ ናግተ፤
2CH 23:5 ቃይ ሄዙ ኩሽያፐ እት ኩሺ ካትያ ጎለን ደእተ፤ ሄዙ ኩሽያፐ እት ኩሺ ቃይ ባሱዋ ፐንግያን ደእተ። አሳይ ኡባይ መꬍና ጎዳ ጌሻ ጎልያ ዳባባ ሺቆ።
2CH 23:6 ቄሳቱ ዋፐነ ኦꬅያ ሌዋቱዋፐ አትና፥ ኦንነ መꬍና ጎዳ ጌሻ ጎልያ ገሎፖ። ኡንቱንቱ ጌሻ ግድያ ድራዉ፥ ገልኖ፤ ሽን ሀራ አሳይ ኡባይ መꬍና ጎዳ አዛዙዋ ናጊደ፥ ጌሻ ጎልያፐ ካረና ደእኖ።
2CH 23:7 “ሌዋቱ ኡባይ ባረንቱ ኦላ ሚሻ ባረንቱ ኩሽያን ኩሽያን ኦይቂደ፥ ካትያ ግዶዪደ፥ ካቲ ከስያ ዎደነ ገልያ ዎደ ኡባን አናና እትፐ ደእኖ። ጌሻ ጎልያ ገልያ ኦናነ ዎꬍተ” ያጌዳ።
2CH 23:8 ሌዋቱነ ይሁዳ አሳይ ኡባይ ቄሲ ዮዳሄ አዛዜዳዋ ኡባ ኦꬄድኖ። ቄሲ ዮዳሄ ሳምባታን ኦሱዋፐ ከሳናዉ በስያ ሌዋቱዋ ከሲደ የድቤና። ሄዋ ድራዉ፥ ናጉዋ ካላይ ጋኬዳዋንቱካ ናጉዋ ካላን ፖሌዳዋንቱካ ኡባይ ያን ደኢኖ። ሄዋን ካፓቶ አካናዉ ግድያ አሳይ ደኤ።
2CH 23:9 ሄዋፐ ጉይያን፥ ቄሲ ዮዳሄ ጾሳ ጌሻ ጎልያን ደእያ፥ በን ካትያ ዳዊታ ቶራቱዋ፥ ዎጋ ጎንዳለቱዋነ ቄር ጎንዳለቱዋ ካፓቶ እሜዳ።
2CH 23:10 አሳይ ኡባይ ኦላ ሚሻ ባረ ኩሽያን ባረ ኩሽያን ኦይቂደ፥ ጌሻ ጎልያዉ ኡሸቻ ባጋፐ ሀድርሳ ባጋ ጋካናዉ፥ ያርሽያ ሳኣ ማታንነ ጌሻ ጎልያ ማታን ካትያ ዩሹዋን ኤቃናዳን ቄሲ ዮዳሄ ኦꬄዳ።
2CH 23:11 ሄዋፐ ጉይያን፥ ዮዳሄ ካትያ ናኣ ዮኣሻ ካረ ከሲደ፥ አ ሁጲያን ካላቻ ዎꬄዳ፤ ካዉታ ህግያ ማጻፋ አዉ እሚደ ካተዬዳ። ዮዳሄነ አ ናናይ ዮኣሻ ኦኪደ፥ “ካቲ ሸምፑዋ ጋምኦ!” ያጌድኖ።
2CH 23:12 አሳይ ዎጺደነ ካትያ ሳቢደ ሆምቦጭያዋ አታላ ስሴዳ ዎደ፥ አሳኮ መꬍና ጎዳ ጌሻ ጎልያ ባዱ።
2CH 23:13 ካቲ ፐንግያን ባረ ቱሳ ማታን ኤቄዳዋ በኣዱ። ካፓቱነ ጹሩምባ ፑንያዋንቱ ካትያ ማታን ደኢኖ፤ ይሁዳ አሳይ ኡባይ ናሸቲደ፥ ጹሩምባ ፑኒኖ፤ ማዝሙርያ የጽያዋንቱካ ስንꬃዉ አꬊደ፥ ባረንቶ ደእያ የꬃ ሚሻን ጋላቲኖ። አታላ ባረ ማዩዋ ፔꬋደ፥ “ሀዌ ማካላ! ሀዌ ማካላ!” ያጋደ ዋሳዱ።
2CH 23:14 ቄሲ ዮዳሄ ኦላንቻቱ ካፓቱዋ፥ “አታሎ መꬍና ጎዳ ጌሻ ጎልያን ዎꬎፕተ! ኦ ያናነ ሃና ሳልፒደ ሳልፐቱዋ ግዱዋን ዎꬂደ፥ ካረ ከስተ፤ እዞ አሻናዉ ካጄልያ አሳይ ደኦፐ ዎꬍተ!” ያጌዳ።
2CH 23:15 ሄዋ ድራዉ፥ ኡንቱንቱ እዞ ኦይቂደ፥ ካትያ ጎልያ አፌድኖ፤ ፓራ ፐንግያን እዞ ዎꬌድኖ።
2CH 23:16 ሄዋፐ ጉይያን፥ ዮዳሄ እ ባረ ሁጲያዉ፥ አሳይ ኡባይነ ካቲ መꬍና ጎዳ አሳ ግዳናዳን ቃላ ጫቁዋ ዎꬄዳ።
2CH 23:17 ሄ ዎደ አሳይ ኡባይ ባኣላ ኤቃ ጎልያ ቢደ፥ ሄ ጎልያ ክንቼዳ፤ ያርሽያ ሳአቱዋነ ምስለቱዋ ክንቼሬꬄዳ። ቃይ ማታና ግያ ባኣላ ቄስያ ያርሽያ ሳአቱ ስንꬃን ዎꬌድኖ።
2CH 23:18 ዮዳሄ ቄሳቱ ዋነ ሌዋቱዋ መꬍና ጎዳ ጌሻ ጎልያ ኦሶ ካፑዋ ኦꬂደ ሱንꬄዳ። ኡንቱንቱ ኪታይ ሙሴ ህግያን ጻፈቴዳዋዳን መꬍና ጎዳዉ ጹግያ ያርሹዋ ያርሽያዋነ ካቲ ዳዊተ ኦዴዳዋዳን ማዝሙርያ የጽያዋነ ባላ ቦንችስያዋ።
2CH 23:19 ህግያን ጻፈቴዳዋዳን ቱና አሳይ እቱነ ገለናዳን ዮዳሄ መꬍና ጎዳ ጌሻ ጎልያ ፐንግያን ናግያዋንታ ዎꬄዳ።
2CH 23:20 ዮዳሄ ጼቱዋ ካፓቱዋ፥ ዎልቃማ አሳቱ፥ ደርያ ሞድያዋንታነ ሄ ቢታ አሳ ኡባ ባረናና አኪደ፥ ካትያ መꬍና ጎዳ ጌሻ ጎልያፐ ዱገ ዎꬄዳ። ቆሞ ባጋ ፐንግያና ካትያ ጎልያ ገሌድኖ፤ ካትያ ካዉተꬃ አራታን ኡትሴድኖ።
2CH 23:21 ያትና ይሁዳ አሳይ ኡባይ ናሸቴዳ። አታላ ካትያ ጎለን ማሻን ሀይቄዳዋፐ ጉይያን፥ ካታማይ ዎፑ ጌዳ።
2CH 24:1 ዮኣሽ ካተትያ ዎደ፥ ላይꬃይ አዉ ላፑና፤ እ የሩሳላመን ኦይታሙ ላይꬃ ካተቴዳ። አ ዳይ ሱንꬃይ ጺብያ፤ አ በርሳበሀ ካታማፐ ዬዳ አሳ።
2CH 24:2 ቄሲ ዮዳሄ ደኤዳ ላይꬃ ኡባን ዮኣሽ መꬍና ጎዳ ስንꬃን ሱረባ ኦꬄዳ።
2CH 24:3 ዮዳሄ ዮኣሻዉ ላኡ ማጫዋንታ እሜዳ፤ ኡንቱንቱ አዉ አቱማ ናናነ ማጫ ናና የሌድኖ።
2CH 24:4 ሄዋፐ ጉይያን፥ ዮኣሽ መꬍና ጎዳ ጌሻ ጎልያ ኦራꬃናዉ ቆፔዳ።
2CH 24:5 ዮኣሽ ቄሳቱ ዋነ ሌዋቱዋ ሺሺደ፥ “ይሁዳ ካታማቱዋ ቢደ፥ ህንተንቱ ጾሳ ጌሻ ጎልያ ላይꬃን ላይꬃን ኦራꬃናዉ እስራኤልያ ኡባፐ ሻሉዋ ሺሽተ፤ ሀ የዉዋ ኤለካ ኦꬅተ” ያጌዳ። ሽን ሌዋቱ ኤለካ ኦꬅበይክኖ።
2CH 24:6 ሄዋ ድራዉ፥ ካቲ ቄሰ ኡባቱዋ ካፑዋ ዮዳሀ ጼሲደ፥ “የሩሳላመ አሳፐነ ይሁዳ አሳፐ ጊራ ሺሻናዉ አያዉ ሌዋቱዋ ኪታበይኪ? መꬍና ጎዳ አሽካሪ ሙሴነ እስራኤልያ አሳይ ጾሳ ዱንካንያ ኦሶ ጊራይ ሺቃናዳን በን ማይ ኡቴድኖ።
2CH 24:7 ሄ ኢታ ምሽራቶ አታሎ ካልያ አሳቱ ጾሳ ጌሻ ጎልያ ባይዝድጌድኖ፤ ኡንቱንቱ ጾሳ ጌሻ ጎልያን ደእያ ጌሻ ሻሉዋ ኡባ አኪደ፥ ባኣላዉ ጎይናናዉ ጎኤቴድኖ” ያጌዳ።
2CH 24:8 ሄዋ ድራዉ፥ ካቲ ሌዋቱዋ አዛዝና፥ ኡንቱንቱ ሳጽንያ ጊግሲደ፥ መꬍና ጎዳ ጌሻ ጎልያ ፐንግያፐ ካረ ባጋና ዎꬄድኖ።
2CH 24:9 ጾሳ ቆማይ ሙሴ መላ ቢታን ደኢደ፥ እስራኤልያ አሳፐ ሺሻናዳን አዛዜዳ ጊራ መꬍና ጎዳዉ አሀና ማላ፥ ይሁዳንነ የሩሳላመን ሌዋቱ አዋዬድኖ።
2CH 24:10 ካፓቱነ አሳይ ኡባይ ናሸቲደ፥ ጊራይ ሳጽንያ ኩማና ጋካናዉ፥ አን የጌድኖ።
2CH 24:11 ሳጽኒ ሌዋቱ ባጋና ካትያ ኦሳንቻቱዋኮ ጋክና፥ ሳጽንያ ግዱዋን ዳሮ ሚሻይ ዳጋቴዳዋ ኡንቱንቱ በኤዳ ዎደ ኡባን፥ ካትያ ጻፊነ ቄሰ ኡባቱዋ ካፑ ሱንꬄዳ ብታኒ ዪኖ፤ ሳጽንያፐ ሚሻ ከሲኖ፤ ሳጽንያ ሳኣን ዛር ዎꬅኖ። ኡንቱንቱ ኡባ ጋላስ ሄዋዳን ኦꬂደ፥ ዳሮ ሻሉዋ ዳጋዬድኖ።
2CH 24:12 ሄ ሚሻ ካቲነ ዮዳሄ መꬍና ጎዳ ጌሻ ጎልያ ኪታ ዎቻናዉ ሱንቴዳ አሳቶ እሚኖ። ኡንቱንቱ መꬍና ጎዳ ጌሻ ጎልያ ኦራꬃናዉ ሹቻ ማስያዋንታነ አናጸቱዋ፥ ቃይ ጾሳ ጌሻ ጎልያ ኦራꬃናዉ ብራታነ ናሃስያ ኦሳንቻቱዋ ቃጻሬድኖ።
2CH 24:13 ኦሳንቻቱ ጾሳ ጌሻ ጎሊ ባዬዳዋ ምን ኦꬂደ፥ ባረንቱ ኩሽያን ካሰዋዳን ኦራጽሴድኖ።
2CH 24:14 ኦሳንቻቱ ጌሻ ጎልያ ኦራጽሱዋ ፖሌዳ ዎደ፥ ፓላሄዳ ዎርቃነ ብራ ካትያኮነ ዮዳሄኮ አሄድኖ። ያትና ኡንቱንቱ ሄ ዎርቃንነ ብራን መꬍና ጎዳ ጌሻ ጎልያ ግዶ ኦሶ ማድያ ሚሻቱዋ፥ ጹግያ ያርሾ ሀንያ ሳነቱዋነ ሀራ ዱማ ዱማ ሚሻቱዋ ኦስሴድኖ። ዮዳሄ ደኤዳ ላይꬃን መꬍና ጎዳ ጌሻ ጎልያን ጹግያ ያርሹዋ ኡባ ዎደ ኡንቱንቱ ያርሺኖ።
2CH 24:15 ዮዳሄ ሎይꬅ ጭሚደ ሀይቄዳ፤ እ ሀይቂያ ዎደ አ ላይꬃይ ጼታነ ሀታማ።
2CH 24:16 ዮዳሄ እስራኤላን ጾሳዉነ ጾሳ ጌሻ ጎልያዉ ሎኦባ ኦꬄዳ ድራዉ፥ ዳዊታ ካታማን ካተቱዋ ማካናን አ ሞጌድኖ።
2CH 24:17 ዮዳሄ ሀይቄዳዋፐ ጉይያን፥ ይሁዳ ካፓቱ ዪደ፥ ጉፋኔድኖ። ያትና፥ ካቲ ኡንቱንቱ ዞርያ ስሴዳ።
2CH 24:18 ኡንቱንቱ መꬍና ጎዳ ባረንቱ ማይዛ አዎቱዋ ጾሳ ጌሻ ጎልያ አጊደ፥ አሼር ምስለቶነ ኤቃቶ ጎይኔድኖ። ኡንቱንቱ ኦꬄዳ ባላ ድራዉ፥ ይሁዳ ቦላነ የሩሳላመ ቦላ ጾሳ ሀንቁ ዎꬌዳ።
2CH 24:19 አሳይ ባረኮ ስማናዳን መꬍና ጎዳይ ትምቢትያ ኦድያዋንታ ኡንቱንቱኮ ኪቴዳ፤ ትምቢትያ ኦድያዋንቱ ኡንቱንቱ ቦላ ማርካቴድኖ፤ ሽን ኡንቱንቱ ስሰናን እጼድኖ።
2CH 24:20 ሄዋፐ ጉይያን፥ ቄስያ ዮዳሄ ናኣ ዛካራሳ ቦላ ጾሳ አያናይ ዎꬌዳ፤ ዛካራስ አሳ ስንꬃን ኤቂደ፥ “ጾሳይ ሀዋዳን ያጌ፤ ‘ህንተ መꬍና ጎዳ አዛዙዋ ፖልያዋ አያዉ እጺቴ? ሄዌ ህንተንቶ ኢታ። ህንተንቱ መꬍና ጎዳ አጌዳ ድራዉ፥ እካ ህንተንታ አጌዳ’ ያጌ” ያጌዳ።
2CH 24:21 ሄዋፐ ጉየ አሳይ አ ቦላ ማቀቴዳ። ካቲ ኡንቱንቱ አዛዝና፥ መꬍና ጎዳ ጌሻ ጎልያ ዳባባን አ ሹቻን ጫዲደ ዎꬌድኖ።
2CH 24:22 ካቲ ዮኣሽ ዛካራሳ አዉ ዮዳሄ ባረዉ ኦꬄዳ ኬካተꬃ ሀሳየናን አጊደ፥ አ ናኣ ዛካራሳ ዎꬍሴዳ። ዛካራስ ሀይቂደ፥ “መꬍና ጎዳይ ሀዋ በኢደ፥ ሀሉዋ ከሶ” ያጌዳ።
2CH 24:23 ሄ ላይꬃይ ላመትያ ዎደ፥ ሶርያ ኦላንቻቱ ዮኣሻ ኦላናዉ ዬድኖ። ይሁዳ ቦላነ የሩሳላመ ቦላ ማዪደ፥ አሳ ካፓቱዋ ኡባ ዎꬊደ፥ ኡንቱቱፐ ኦሞዴዳዋ ኡባ ዳማስቆን ደእያ ባረንቱ ካትያዉ የዴድኖ።
2CH 24:24 ሶርያ ኦላንቻቱ ፓይዱዋን ጉꬃ፤ ሽን ይሁዳ አሳይ መꬍና ጎዳ ባረንቱ አዎቱዋ ጾሳ አጌዳ ድራዉ፥ መꬍና ጎዳይ ሎይꬅ ዳሮ ግዴዳ ኡንቱንቱ ኦላንቻቱዋ ሶርያ ኦላንቻቱ ኩሽያን አꬂደ እሜዳ። ኡንቱንቱ ሀዋዳን ኦꬂደ፥ ዮኣሻ ሙሬድኖ።
2CH 24:25 ሶርያ ኦላንቻቱ አፐ ሻከትያ ዎደ፥ ዮኣሽ ሎይꬅ ማዱንጽ ኡቴዳ። ቄስያ ዮዳሄ ናኣ ሱꬃ ድራዉ፥ አ ኦሳንቻቱ አ ቦላ ማቀቲደ፥ እ ባረ ግሱዋን ግስ ደእሽን ዎꬌድኖ። እ ሀይቂና፥ ዳዊታ ካታማን አ ሞጌድኖ፤ ሽን ካተቱዋ ማካናን አ ሞግበይክኖ።
2CH 24:26 ዮኣሻ ቦላ ማቀቴዳዋንቱ አሞኒ ሽምኣት ናኣ ዛባዳነ ሞኣበ ሺምሪት ናኣ ይሆዛባዳ።
2CH 24:27 ዮኣሻ ናናቱዋባይ፥ አ ቦላ ትምቢትያ ኦዴዳ ዳሮባይነ ጾሳ ጌሻ ጎልያ እ ኦራጽሴዳባይ ካተቱ ታርክያ ማጻፋን ጻፈት ኡቴዳ። ዮኣሽ ሀይቂና፥ አ ሳኣን አ ናአይ አመስያስ ካተቴዳ።
2CH 25:1 አመስያስ ካተትያ ዎደ፥ ላይꬃይ አዉ ላታማነ እቼሻ፤ እ የሩሳላመን ላታማነ ኡዱፑን ላይꬃ ካተቴዳ። አ ዳይ ሱንꬃይ ይሆኣድኖ፤ አ የሩሳላመ አሳ።
2CH 25:2 አመስያስ መꬍና ጎዳ ስንꬃን ሱረባ ኦꬄዳ፤ ሽን ኩመንꬃ ዎዛናፐ ግደና።
2CH 25:3 አመስያስ ካዉተꬃ ሎይꬅ ኦይቄዳ ሳና፥ ባረ አዉዋ ዎꬌዳ ኦሳንቻቱዋ ዎꬌዳ።
2CH 25:4 ሙሴ ህግያ ማጻፋን ጻፈቴዳዋዳን፥ መꬍና ጎዳይ፥ “ናናቱ ኦꬄዳ ናጋራ ድራዉ፥ አዎቱዋ ዎꬋናዉ በሰና፤ ቃይ አዎቱ ኦꬄዳ ናጋራ ድራዉካ፥ ናና ዎꬋናዉ በሰና። አሳይ ኡባይ ባረ ኦꬄዳ ናጋራን ናጋራን ሀይቃናዉ በሰ” ያጊደ አዛዜዳዋዳን፥ ዎꬌዳዋንቱ ናና ዎꬍቤና።
2CH 25:5 አመስያስ ይሁዳ አሳ ሺሺደ፥ ባረንቱ አዎቱዋ ጎለን ጎለን ሻኣ ካፓቱዋነ ጼቱዋ ካፓቱ ሱንꬃተꬃ ግዶን ዎꬄዳ። እ ላታሙ ላይꬃነ ላታሙ ላይꬃፐ ቦላና ደእያ ይሁዳ ዛራቱዋነ ቢንያማ ዘረꬃ ኡባ ፓይዴዳ፤ ጎንዳልያነ ቶራ ኦይቂደ፥ ኦላዉ ጊጌዳ ሄዙ ጼቱ ሻአ ዶረቴዳ አሳቱዋ ደሜዳ።
2CH 25:6 ቃይ እስራኤልያፐ ጼቱ ሻአ ምኖ አሳቱዋ ሄዙ ሻአነ ኦይዱ ጼቱ ኪሎ ግራመ ዴጽያ ብራን አመስያስ ቃጻሬዳ።
2CH 25:7 ሽን ጾሳ አሳ ጌተትያ እት ብታኒ አመስያሳኮ ዪደ፥ “ካትያዉ፥ መꬍና ጎዳይ እስራኤልያናነ ኤፍሬማ አሳና ባዋ ድራዉ፥ እስራኤልያ ኦላንቻቱ ኔናና ቦፕኖ።
2CH 25:8 ኔን፥ ኡንቱንቱ ታና ምንሳና ጋደ ቆፖፐ፥ ጾሳይ ኔና ነ ሞርከቱዋ ስንꬃን ካዉሻና። አያዉ ጎፐ፥ ኤቃናዉ ዎይ ካዉሻናዉ ጾሳዉ ዎልቃይ ደኤ” ያጌዳ።
2CH 25:9 አመስያስ ጾሳ አሳ፥ “ታን እስራኤልያ ኦላንቻቶ ጭጌዳ ሄ ብራይ ኡባይ ዋናኔ?” ያጌዳ። ጾሳ አሳይ፥ “መꬍና ጎዳይ ነዉ ሄዋፐ አꬂደ እማናዉ ዳንዳዬ” ያጌዳ።
2CH 25:10 ሄዋ ድራዉ፥ አመስያስ ኤፍሬማፐ ባረኮ ዬዶ ኦላንቻቱ ባረንቱ ሶ ሶ ባናዳን ሞይዜዳ። ኡንቱንቱ ይሁዳ አሳ ቦላ ሎይꬅ ሀንቀቲደ፥ ባረንቱ ሶ ሶ ስሜድኖ።
2CH 25:11 ሄዋፐ ጉይያን፥ አመስያስ ባረና ምንሲደ፥ ባረ ኦላንቻቱዋ ካለꬂደ፥ ማጽነ ዎምባ ቤዳ፤ አ ኦላንቻቱ ኤዶማ አሳፐ ታሙ ሻኣ ዎꬌድኖ።
2CH 25:12 ቃይ ኡንቱንቱ ታሙ ሻአ ኦላንቻቱዋ ፓጻ ኦሞዴድኖ፤ ኡንቱንታ አፉዋ ዶናዉ አፌድኖ፤ ሄ አፉዋን ዱገ ኦልና፥ ህርክን ደእያ ሹቻን አሳቱ ኡባይ መኤረቲደ ዉሬድኖ።
2CH 25:13 ሽን ሄ ዎደ አመስያስ ባረናና ኦላዉ ቤናዳን ጉየ የዴዳ እስራኤልያ ኦላንቻቱ ሳማርያፐ ቢደ፥ ቤት-ሆሮና ጋካናዉ ደእያ ይሁዳ ካታማቱዋ ኦሌድኖ። ኡንቱንቱ ይሁዳ አሳፐ ሄዙ ሻኣ ዎꬊደ፥ ዳሮ ኦሞዱዋ አኬድኖ።
2CH 25:14 አመስያስ ኤዶማ አሳቱዋ ዎꬍ ስሚደ፥ ኤዶማ አሳ ጾሳቱዋ ምስለቱዋ አኪደ ዬዳ። ሄ ምስለቱ ባረዋንታ ግዳናዳን ኤሲደ፥ ኡንቱንቶ ጎይኔዳነ እጻና ጩዋዬዳ።
2CH 25:15 ሄዋ ድራዉ፥ መꬍና ጎዳ ሀንቁ አመስያሳ ቦላ ኤጽ ከሴዳ፤ ያትና፥ ጾሳይ እት ትምቢትያ ኦድያዋ አመስያሳኮ ኪቴዳ። ቢደ፥ “ባረንቱ አሳ ነ ኩሽያፐ አሻናዉ ዳንዳይቤና ጾሳቶ ኔን አያዉ ጎይናዲ?” ያጌዳ።
2CH 25:16 ትምቢትያ ኦድያዌ ሃሳይሽን፥ ካቲ፥ “ኔን ካትያና ዞረታናዳን ኑን ኔና ሱንꬄዶየ? አጋ! ኔን አያዉ ሀይቃናዉ ኮያይ?” ያጌዳ። ትምቢትያ ኦድያዌ አግ አኪደ፥ “ኔን ሀዋ ኦꬄዳ ድራዉነ ታን ኔና ዞሬዳዋ ስሳቤና ድራዉ፥ ጾሳይ ኔና ꬋይሳናዉ ቃቼዳዋ ሀእ ታን ኤራድ” ያጌዳ።
2CH 25:17 ሄዋፐ ጉይያን፥ ይሁዳ ካቲ አመስያስ ባረና ዞርያ አሳቱዋና ዞረቲደ፥ እስራኤልያ ካትያ ዬሁ ናኣ ናኣ፥ ዮአካዛ ናኣ፥ ዮኣሻዉ አሳ ኪቲደ፥ “ሃያ፤ አነ ላኡ ኦላ ጋከቶይተ” ያጊደ ናሴዳ።
2CH 25:18 እስራኤልያ ካቲ ዮኣሽ ይሁዳ ካትያ አመስያሳ ሀዋዳን ያጌዳ፤ “ሊባኖሳን ደእያ ክንድቹ ሊባኖሳን ደእያ ዝጋዉ ኪቲደ፥ ‘ነ ናቶ ታ ናአዉ እማ’ ያጌዳ። ሽን ሊባኖሳን ደእያ እት ዶአይ ሄዋና አꬊደ፥ ሄ ካሽያ የꬌዳ።
2CH 25:19 ኔንካ፥ ‘በአ፥ ኤዶማ ቢታ አሳ ጾናድ’ ያጋደ ነ ዎዛናን ኦቶሩዋን ኩማዳ። ሽን ሀእ ኔን ነ ሶን ዎፑ ጋደ ኡታ አጋ። ነ ቦላነ ነ ጋድያ ይሁዳ ቦላ መቱዋነ ባሻ አህያዋ አያዉ ደንꬃይ?” ያጊደ ዛሬዳ።
2CH 25:20 ሽን አመስያስ ስሳ እጼዳ። ኡንቱንቱ ኤዶማ ጾሳቶ ጎይኔዳ ድራዉ፥ ጾሳይ ኡንቱንታ ኡንቱንቱ ሞርከቱዋ ኩሽያን አꬂደ እማናዉ ኮዬዳ።
2CH 25:21 ሄዋ ድራዉ፥ እስራኤልያ ካትያ ዮኣሽ ኦላናዉ ከስና፥ እነ ይሁዳ ካቲ አመስያስ ይሁዳን ደእያ ቤት-ሸመሻ ጌተትያ ካታማን ኦላ ጋከቴድኖ።
2CH 25:22 እስራኤልያ አሳይ ይሁዳ አሳ ጾኔዳ፤ ይሁዳ አሳይ ኡባይ ባቃቲደ፥ ባረ ሶ ባረ ሶ ቤዳ።
2CH 25:23 ሄዋፐ ጉይያን፥ እስራኤልያ ካቲ ዮኣሽ አካዝያሳ ናኣ ናኣ፥ ዮኣሻ ናኣ፥ ይሁዳ ካትያ አመስያሳ ቤት-ሸመሻን ኦሞዲደ፥ የሩሳላመ አሄዳ። ያቲደ የሩሳላመ ድርሳ ግምቢያ፥ ኤፍሬማ ፐንግያፐ ቢደ ዞዝያ ፐንግያ ጋካናዉ ደእያ፥ ኦይዱ ጼቱ ዋꬋ ግድያ ሳኣ ላሌዳ።
2CH 25:24 ላሊደ ጾሳ ጌሻ ጎልያን ደእያ ዎርቃነ ብራ ኡባ፥ ኦቤድ-ኤዶማ ዘረꬃይ ናግያ ሚሻነ ካትያ ጎለን ደእያ ሻሉዋ ኡባ አኬዳ፤ ቃይ ዋብያዉ ኦይቀቴዳ አሳቱዋካ አኪደ፥ ሳማርያ ስሜዳ።
2CH 25:25 ዮአካዛ ናአይ፥ እስራኤልያ ካቲ ዮኣሽ ሀይቄዳዋፐ ጉይያን፥ ዮኣሻ ናአይ ይሁዳ ካቲ አመስያስ ታማነ እቼሹ ላይꬃ ደኤዳ።
2CH 25:26 አመስያስ ኦꬄዳባይ ኡባይ፥ ኮይሮፐ ዉርሰꬃ ጋካናዉ፥ ይሁዳ ካተቱዋነ እስራኤልያ ካተቱዋ ታርክያ ማጻፋን ጻፈት ኡቴዳ።
2CH 25:27 አመስያስ መꬍና ጎዳ ካልያዋ አጌዳዋፐ ጉይያን፥ ኡንቱንቱ አ ቦላ የሩሳላመን ማቀቴድኖ። እ ላክሻ ካታማ ባቃቴዳ። ሽን ኡንቱንቱ አ ጌዱዋ ላክሻ አሳ ኪትና፥ አ ያን ዎꬌድኖ።
2CH 25:28 አ አሃ ፓራን ጫን አሂደ፥ ዳዊታ ካታማን አ ማይዛ አዎቱዋና ሞጌድኖ።
2CH 26:1 ሄዋፐ ጉይያን፥ ይሁዳ አሳይ ኡባይ ታማነ ኡሱፑን ላይꬃ ግድያ ናኣ፥ ኦዝያና አ አዉዋ አመስያሳ ኮታን ካተዬዳ።
2CH 26:2 አ አዉ አመስያስ ሀይቄዳዋፐ ጉየ፥ እ ኤላታ ጌተትያ ካታማ ዛረꬅ ኬጺደ፥ ይሁዳን ኦራꬄዳ።
2CH 26:3 ኦዝያነ ካተትያ ዎደ፥ ላይꬃይ አዉ ታማነ ኡሱፑና፤ እ የሩሳላመን እሻታማነ ላኡ ላይꬃ ካተቴዳ። አ ዳይ ሱንꬃይ ይኮሎ፤ አ የሩሳላመ አሳ።
2CH 26:4 አ አዉ አመስያስ ኦꬄዳዋዳን፥ እካ መꬍና ጎዳ ስንꬃን ሱረባ ኦꬄዳ።
2CH 26:5 ጾሳ ያሻተꬃ ባረና ታማርሴዳ ዛካራስ ፓጻ ደኤዳ ዎድያን፥ ጾሳዉ እ አማነቲደ ኦꬄዳ። መꬍና ጎዳዉ እ ኦꬄዳ ዎደ ኡባን፥ ጾሳይ አ አንጄዳ።
2CH 26:6 ኦዝያነ ፕልስጼማቱዋና ኦለታናዉ ከሲደ፥ ጋተ ካታማ ዩሹዋ ግምቢያ፥ ያብነ ካታማ ዩሹዋ ግምቢያነ አሽዶዳ ግምቢያ ላሌዳ፤ ያቲደ አሽዶዳ ካታማ ማታንነ ፕልስጼማቱዋ ግዶን ካታማቱዋ ኬጼዳ።
2CH 26:7 ኦዝያነ ፕልስጼማቱዋ፥ ጉርባኣላን ደእያ አራባቱዋነ ማኡናቱዋ ጾናናዳን ጾሳይ አ ማዴዳ።
2CH 26:8 አሞና አሳቱ ኦዝያናዉ ጊሬድኖ። ኦዝያነ ሎይꬅ ምኔዳ ድራዉ፥ አ ዎሪ ግብጼ ዛዋ ጋካናዉ ስሰቴዳ።
2CH 26:9 ቃይ ኦዝያነ ዞዝያ ፐንግያ ማታን፥ ዛንጋራ ፐንግያ ማታንነ ድርሳይ ሶኮ ባቂያ ዞዝያ ማታን አዱሳ ግምበቱዋ ግምቢሲደ፥ የሩሳላመ ጌሶቱዋ ምንሴዳ።
2CH 26:10 አዉ ጮራ መሂ ደእያ ድራዉ፥ መላ ቢታቱዋን አዱሳ ግምቢያ ግምቤዳ፤ ዳሮ ኦላካ ቦኬዳ። እ ቃይ ጎሻ ዶስያ ድራዉ፥ ዞዘቱዋንነ አራዳ ጋድያን አዉ ዳሮ ጎሻንቻቱነ ዎይንያ ቱራ ቶክያዋንቱ ደኢኖ።
2CH 26:11 ቃይካ ኦዝያናዉ ኦላዉ ጊጌዳ ሎይꬅ ዳሮ ኦላንቻቱ ደኢኖ። ኦላንቻቱ ጻፊ ይእኤልነ ካፑ ማእሴይ ኦላንቻቱ ሱንꬃ ማዝጎብያን ጻፌድኖ። ኡንቱንቱ ካፑ ጋዳዋ ሀናንያ።
2CH 26:12 ባረንቱ አዎቱዋ ጎለዉ ካፖትያ ምኖ አሳቱ ላኡ ሻአነ ኡሱፑን ጼታ።
2CH 26:13 ካትያ ሞርከቱዋና ኦለቲደ፥ ባረንቱ ኩመንꬃ ዎልቃን ካትያ ማዳናዉ ከስያ ሄዙ ጼታነ ላፑን ሻአነ እቼሹ ጼቱ ኦላንቻቱ ኡንቱንቱ ኩሽያን ደኢኖ።
2CH 26:14 ኦዝያነ ኦላንቻቱ ኡባዉ ጎንዳልያ፥ ቶራ፥ ሁጲያን ዎꬅያ ብራታ ቆጲያ፥ ትራን ማይያ ኦላ ሚሻ፥ ዎንዳፍያን፥ ያምባርሻነ ሙሉሙቀ ሹቻ ጊግሴዳ።
2CH 26:15 የሩሳላመን ደእያ ኩሺ ሂላ ኤርያ አሳቱዋ ካቲ ኦዝያነ አዛዚደ፥ ዎችያ አዱሳ ግምበቱዋፐነ ካታማ ድርሳ ግምቢያ ዞዘቱዋፐ፥ ዎንዳፍያን ዎንዳፈቱዋ ዱክያ ሚሻቱዋነ ዎልቃማ ዎልቃማ ሹቻቱዋ ፕጺደ ኦልያ ሚሻቱዋ መꬍሴዳ። ጾሳይ አ ማድና፥ እ ሎይꬅ ምኔዳ፤ አ ዎሪካ ኡባሳ ጋኪደ ስሰቴዳ።
2CH 26:16 ሽን ኦዝያነ ምኔዳ ዎደ ኦቶረቴዳ፤ አ ኩንደꬃዉ ካለꬄዳ። ኦዝያነ መꬍና ጎዳ ባረ ጾሳ የዴዳ፤ እ እጻና ጩዋይያ ሳጽንያን እጻና ጩዋያናዉ መꬍና ጎዳ ጌሻ ጎልያ ገሌዳ።
2CH 26:17 ቄሲ አዛርያስነ መꬍና ጎዳ ቄሳቱ ሆስፑን ታማቱ አ ጌዱዋ ካሊደ ገሌድኖ፤ ሄ ቄሳቱ ምኖ አሳቱዋ።
2CH 26:18 ቄሳቱ ካትያ ኦዝያና ተኢደ፥ “ኦዝያና፥ ኔን መꬍና ጎዳዉ እጻና ጩዋያናዉ በሳካ። እጻና ጩዋይያዌ በስያዌ፥ እጻና ጩዋያናዉ ጌይ ኡቴዳ፥ አሮና ዘረꬃ ግድያ ቄሳቱዋ ጻላላሳ። ሀ ጌሻ ሳኣፐ ከሳ! አያዉ ጎፐ፥ ኔን መታ ኡባ ጎዳ ናቃዳ፤ ኔን አፐ ቦንቾ ደማካ” ያጌድኖ።
2CH 26:19 ሽን ኦዝያነ እጻና ጩዋያናዉ እጻና ጩዋይያ ሚሻ ባረ ኩሽያን ኦይቂ ኡቲደ ሀንቀቴዳ። ኦዝያነ ቄሳቱ ዋ ሀንቀቲደ፥ መꬍና ጎዳ ጌሻ ጎልያን እጻና ጩዋይያ ሳጽንያ ማታን ቄሳቱዋ ስንꬃን ኤቂደእሽን፥ አ ዴሙዋ ዎልቃማ ባሩዋ ሀርጊ ኦይቄዳ።
2CH 26:20 ቄስያ ካፑ አዛርያስነ ሀራ ቄሳቱ ኡባይ አኮ ጼልያ ዎደ፥ አ ዴሙዋ ዎልቃማ ባሩዋ ሀርጊ ኦይቄዳዋ በኢደ፥ አ ኤለካ ጌሻ ጎልያፐ ከሴድኖ። እካ መꬍና ጎዳይ አ ሙሬዳዋ ኤሬዳ ድራዉ፥ ኤለካ ሄዋፐ ከሲደ ቤዳ።
2CH 26:21 ካቲ ኦዝያነ ሀያና ጋካናስካ ሄ ሀርግያና ደኤዳ፤ መꬍና ጎዳ ጌሻ ጎልያ ገልያሳፐካ ኤቄዳ። ሄ ሀርግያ ጋሱዋን ዱማ ጎለን ባረካ ደኤዳ። ሄ ዎደ አ ናአይ ዮኣታመ ካትያ ጎለን ደኢደ፥ ሄ ጋድያ አሳ ሞዴዳ።
2CH 26:22 ካቲ ኦዝያነ ሀኔዳ ሀራባ ኡባ ኮይሮፐ ዉርሰꬃ ጋካናዉ አሞጻ ናአይ፥ ትምቢትያ ኦድያ እሳያሰ ጻፍ ዎꬄዳ።
2CH 26:23 ኦዝያነ ሀይቂደ፥ ባረ ማይዛን ጋከቴዳ። ያትና፥ አሳይ አ፥ “ዎልቃማ ባሩዋ ሀርግያን ኦይቀቴዳዋ” ጊደ፥ ካተቱዋ ማካና ማታን አ ሞጌድኖ። እ ሀይቂና፥ አ ሳኣን አ ናአይ ዮኣታመ ካተቴዳ።
2CH 27:1 ዮኣታመ ካተትያ ዎደ፥ ላይꬃይ አዉ ላታማነ እቼሻ፤ እ የሩሳላመን ታማነ ኡሱፑን ላይꬃ ካተቴዳ። አ ዳይ ሱንꬃይ ያሩሾ፤ እዛ ጻዶቃ ናቶ።
2CH 27:2 ባረ አዉ ኦዝያነ ኦꬄዳዋዳን፥ ዮኣታምካ መꬍና ጎዳ ስንꬃን ሱረባ ኦꬄዳ፤ ሽን እ አ አዉ መꬍና ጎዳ ጌሻ ጎልያ ገሌዳዋዳን ገልቤና። ግዶፐነ፥ አሳይ ናጋራ ኦꬅያዋ አግቤና።
2CH 27:3 ዮኣታመ መꬍና ጎዳ ጌሻ ጎልያ ገልያ ቆሞ ፐንግያ ዛረꬂደ ኦꬄዳ፤ ቃይ የሩሳላመ ካታማ ግምቢያን ኦፌላ ግያ ሳኣን ዳሮ ኪታ ኦꬄዳ።
2CH 27:4 ይሁዳ ገዝያን ካታማቱዋ ኬጼዳ፤ ዎራይ ዳርያ ደርያን ጌሱዋነ አዱሳ ግምቢያ ግምቤዳ።
2CH 27:5 ዮኣታመ አሞና ካትያና ኦለቲደ ጾኔዳ። አሞናቱ ሄ ላይꬅ ሄዙ ሻአነ ኦይዱ ጼቱ ኪሎ ግራመ ዴጽያ ብራ፥ ታሙ ሻአ ኮንታለ ግድያ ዛርጋነ ታሙ ሻአ ኮንታለ ግድያ ባንጋ አዉ ጊሬድኖ። አሞናቱ ላኤንꬆ ላይꬃይነ ሄዘንꬆ ላይꬃን ሄዋዳንካ አሂደ፥ አዉ ጊሬድኖ።
2CH 27:6 ዮኣታመ መꬍና ጎዳ ባረ ጾሳ ስንꬃን ሱረ ሄመቴዳ ድራዉ፥ ሎይꬅ ምኔዳ።
2CH 27:7 ዮኣታመ ሀኔዳ ሀራባይ፥ እ ኦለቴዳ ኦላባይ ኡባይነ እ ኦꬄዳባይ ኡባይ እስራኤልያ ካተቱነ ይሁዳ ካተቱ ታርክያ ማጻፋን ጻፈት ኡቴዳ።
2CH 27:8 ዮኣታመ ካተትያ ዎደ፥ ላይꬃይ አዉ ላታማነ እቼሻ፤ እ የሩሳላመን ታማነ ኡሱፑን ላይꬃ ካተቴዳ።
2CH 27:9 ዮኣታመ ሀይቂደ፥ ባረ ማይዛን ጋከቴዳ። ኡንቱንቱ አ ዳዊታ ካታማን ሞጌድኖ። አ ሳኣን አ ናአይ አካዝ ካተቴዳ።
2CH 28:1 አካዝ ካተትያ ዎደ፥ ላይꬃይ አዉ ላታማ፤ እ የሩሳላመን ታማነ ኡሱፑን ላይꬃ ካተቴዳ። አካዝ ባረ ማይዛ አዉ ዳዊተ ሱረባ ኦꬄዳዋዳን፥ መꬍና ጎዳ ስንꬃን እ ሱረባ ኦꬅቤና፤
2CH 28:2 እ ካሰ ደኤዳ እስራኤልያ ካተቱዋ ኦግያን ሀመቴዳ። ባኣላዉ ጎይናናዳን ናሃስያ ሲልሲደ፥ ምስልያ መꬌዳ።
2CH 28:3 ቃይ ህኖማ ዛንጋራን እጻና ጩዋዬዳ፤ መꬍና ጎዳይ እስራኤልያ አሳ ስንꬃፐ ላጊደ ከሴዳ አሳቱዋ ደኡዋ ዎጋ፥ ሄ ሸነይያዋ ቁሊደ፥ ባረ አቱማ ናና ታማን ጹጊደ፥ ኤቃዉ ያርሼዳ።
2CH 28:4 አካዝ አሳይ ጎይንያ ꬎቃ ግሹዋን፥ ደረቱዋ ሁጲያንነ ዳሻ ምꬃ ኡባ ጋርሳን ያርሹዋ ያርሼዳነ እጻና ጩዋዬዳ።
2CH 28:5 ሄዋ ድራዉ፥ መꬍና ጎዳይ አ ጾሳይ አ ሶርያ ካትያ ኩሽያን አꬅ እሜዳ። ኡንቱንቱ አ ጾኒደ፥ አ አሳፐ ዳሮ አሳ ኦሞዲደ፥ ዳማስቆ አፌድኖ። ቃይካ ጾሳይ አ እስራኤልያ ካትያ ኩሽያዉ አꬅ እምና፥ ካቲ ኢታ ሾቻ ሾጬዳ።
2CH 28:6 ይሁዳ አሳይ መꬍና ጎዳ ባረንቱ ማይዛ አዎቱዋ ጾሳ አጌዳ ድራዉ፥ ራማልያ ናአይ ፓቁህ ይሁዳ ኦላንቻቱዋፐ ጼታነ ላታሙ ሻአ ምኖ አሳቱዋ እት ጋላስ ዎꬌዳ።
2CH 28:7 ኤፍሬማ ዛርያ ግድያ ምኖ ኦላንቻይ ዚክር ካትያ ናኣ ማእሴያ፥ ካትያ ጎለዉ አዎትያ አዝርቃማነ ካትያ ካሊደ ደእያ ኤልቃና ዎꬌዳ።
2CH 28:8 እስራኤልያ አሳይ ባረንቱ ዳባቱዋፐ ላኡ ጼቱ ሻአ ማጫ አሳ፥ አቱማ ናናነ ማጫ ናና ኦሞዴድኖ፤ ቃይ ኡንቱንቱ ሎይꬅ ዳሮ ኦሞዱዋ አኪደ፥ ሳማርያ አፌድኖ።
2CH 28:9 መꬍና ጎዳ ሱንꬃን ትምቢትያ ኦድያ ኦዴዳ ግያ እት ብታኒ ሳማርያን ደኤ። ኦዴድ ሳማርያ ይያ ኦላንቻቱዋና ጋከታናዉ ከሲደ፥ ሀዋዳን ያጌዳ፤ “በእተ፥ መꬍና ጎዳይ፥ ህንተንቱ አዎቱዋ ጾሳይ ይሁዳ ሀንቀቴዳ ድራዉ፥ ህንተንቱ ኩሽያን አꬅ እሜዳ። ሽን ህንተንቱካ ሳሉዋ ጋኬዳ ሀንቁዋን ኡንቱንታ ሲፌድታ።
2CH 28:10 ሀእካ ይሁዳ አሳይነ የሩሳላመ አሳይ ህንተንቶ ማጫነ አቱማ አይልያ ግዲደ፥ ሞደታናዳን ቆፒታ። ህንተካ ኡንቱንቱዋዳን ሀኒደ፥ መꬍና ጎዳ ህንተንቱ ጾሳ ናቄድታ ግድክቴ?
2CH 28:11 ሄዋ ድራዉ፥ ሀእ ህንተንቱ ታን ግያዋ ስስተ። መꬍና ጎዳ ሀንቁ ህንተንቱ ቦላ ዎꬌዳ ድራዉ፥ ህንተንቱ ኦሞዲደ ቃቼዳ ህንተንቱ ዳቦቱዋ የዲሽተ” ያጌዳ።
2CH 28:12 ሄዋፐ ጉይያን፥ ኤፍሬማ ዛራቱዋ ካፓቱዋፐ ኦይዳቱ፥ ዮሀናና ናአይ አዛርያስ፥ ማሽለሞታ ናአይ በረኪ፥ ሻሉማ ናአይ ይህዝቀነ ሀድላያ ናአይ አማስ ኦላፐ ስሜዳዋንቱ ቦላ ደንዴድኖ።
2CH 28:13 ሄዋፐ፥ “ሄ ኦሞደቴዳ አሳቱዋ ህንተንቱ ሀዋ አሆፐ፥ ካሰ ኑን መꬍና ጎዳ ቦላ ኦꬄዳ ናጋራነ ናቁዋ ቦላ ሀራ ናቁዋ ጉጂታ። ኑ ናቁ ካሰካ ዳር ኡቴዳ ድራዉ፥ እስራኤልያ ቦላ ጾሳ ሀንቁ ዎꬌዳ” ያጌድኖ።
2CH 28:14 ሄዋ ድራዉ፥ ኦላንቻቱ ኦሞደቴዳ አሳቱዋነ ኦሞደቴዳ ሚሻ ካፓቱ ስንꬃንነ ኩመንꬃ ሽቁዋ ስንꬃን ሼꬌድኖ።
2CH 28:15 ሄዋፐ ጉይያን፥ ሱንꬃይ ሀዋፐ ቆሞና ጻፈቴዳ አሳቱ ደንድ ኤቂደ፥ ኦሞደቴዳ አሳቱዋ አኬድኖ። ኡንቱንቱ ግዶን ካሎ ደእያዋንታ ኦሞደቴዳዋፐ ማይዜድኖ፤ ኡንቱንቱ ሄ አሳቶ ማዩዋነ ጫማ እሜድኖ። ቃይ ኡንቱንቱ ምዜድኖነ ኡሸድኖ፤ ኡንቱንቱ ማዱꬃካ ዛይትያ ኦኬድኖ። ኡንቱንቱ ግዶን ዳቡሬዳ ኡባቱዋ ሀርያ ቶግሲደ፥ ኡንቱንቱ እሻቱዋኮ፥ ዛምባይ ደእያ ያርኮ ካታማ አሄድኖ። ሄዋፐ ጉይያን፥ ኡንቱንቱ ሳማርያ ስሜድኖ።
2CH 28:16 ሄ ዎደ ካቲ አካዝ አሶረ ካቲ ባረና ማዳናዳን ኪታ ኪቴዳ።
2CH 28:17 አያዉ ጎፐ፥ ኤዶማ አሳቱ ላኤንꬁዋ ይሁዳ ቦላ ማዪደ፥ ዳሮ አሳ ኦሞዲደ አፌድኖ።
2CH 28:18 ፕልስጼማ አሳቱ ቃይ ይሁዳ ባርጉዋነ ኔጌባ ዎራን ደእያ ካታማቱዋ ኦለቲደ ቤት-ሸመሻ፥ አያሎና፥ ጋደሮታ፥ ሶኮ፥ ትምና፥ ጊምዞነ ኡንቱንቱ ዩሹዋን ደእያ ሞꬃቱዋ ማይ ኦይቂደ፥ ያን ደኤድኖ።
2CH 28:19 ይሁዳ ካቲ አካዝ ይሁዳ አሳ ናጋራ ኦስሴዳ ግሻዉነ መꬍና ጎዳዉ አማነትቤና ድራዉ፥ መꬍና ጎዳይ ይሁዳ ካዉሼዳ።
2CH 28:20 ሄዋ ድራዉ፥ አሶረ ካቲ ትግላት-ፓለሴር አካዛኮ ዪደ፥ አ ቱጋዬዳፐ አትና ማድቤና።
2CH 28:21 አካዝ መꬍና ጎዳ ጌሻ ጎልያፐ፥ ካትያ ጎልያፐነ አሳ ካፓቱዋፐ ዳሮባ አኪደ፥ አሶረ ካትያዉ እሜዳ። ሽን ሄዋ ኦꬄዳዌካ አ አይነ ጎእቤና።
2CH 28:22 ካቲ አካዝ ባረ ሁጲያዉ ባረ ቱጋ ዎደ መꬍና ጎዳዉ አማነተና ሀኖታ ካሰዋፐ ጉጅ ጉጂደ ቤዳ።
2CH 28:23 ባረና ጾኔዳ ዳማስቆ ጾሳቶ ያርሺደ፥ “ሶርያ ካተቱዋ ጾሳቱ ኡንቱንቱ ማዴዳ ድራዉ፥ ታናካ ኡንቱንቱ ማዳናዳን ታን ኡንቱንቶ ያርሻና” ያጌዳ። ሽን ሄ ጾሳቱ አስነ እስራኤልያ አሳ ኡባዉ ባሻ አሄድኖ።
2CH 28:24 አካዝ መꬍና ጎዳ ጌሻ ጎልያ ሻሉዋ ኡባ እት ሳኣ ሺሺደ ክንቼሬꬄዳ። ጾሳ ጌሻ ጎልያ ፐንገቱዋ ጎርዴዳ። ያቲደ የሩሳላመን ኡባ ሳን ባረዉ ያርሽያ ሳኣ ኤሴዳ።
2CH 28:25 አካዝ ሀራ ጾሳቶ እጻና ጩዋያናዉ ይሁዳን ደእያ ካታማቱዋ ኡባን ጎይንያ ꬎቃ ሳኣ መꬌዳ። ያቲደ መꬍና ጎዳ ባረ አዎቱዋ ጾሳ ሀንቀꬄዳ።
2CH 28:26 አካዝ ሀኔዳ ሀራባይነ እ ኦꬄዳባይ ኡባይ ኮይሮፐ ዉርሰꬃ ጋካናዉ ይሁዳ ካተቱነ እስራኤልያ ካተቱዋ ታርክያ ማጻፋን ጻፈት ኡቴዳ።
2CH 28:27 አካዝ ሀይቂደ፥ ባረ ማይዛን ጋከቴዳ። የሩሳላመ ካታማን አ ሞጌድኖ፤ ሽን እስራኤልያ ካተቱዋ ማካናን ሞግበይክኖ። አ ሳኣን አ ናአይ ህዝቂያሰ ካተቴዳ።
2CH 29:1 ህዝቂያሰ ካተትያ ዎደ፥ ላይꬃይ አዉ ላታማነ እቼሻ፤ እ የሩሳላመን ላታማነ ኡዱፑን ላይꬃ ካተቴዳ። አ አት ሱንꬃይ አቢያ፤ አ ዛካራሳ ናቶ።
2CH 29:2 አ ማይዛ አዉ ዳዊተ ኦꬄዳዋዳን፥ ህዝቂያስካ መꬍና ጎዳ ስንꬃን ሱረባ ኦꬄዳ።
2CH 29:3 ህዝቂያሰ ባረ ካተቴዳ ኮይሮ ላይꬃን፥ ኮይሮ አግናን፥ መꬍና ጎዳ ጌሻ ጎልያ ፐንገቱዋ ዶዪደ ኦራꬄዳ።
2CH 29:4 ቄሳቱ ዋነ ሌዋቱዋ አህሲደ፥ ጌሻ ጎልያዉ አዋይ ዶልያ ባጋና ደእያ ዳባባን ሺሼዳ።
2CH 29:5 ሀዋዳን ያጌዳ፤ “ሌዋቶ፥ ታን ግያዋ ስስተ! ሀእ ህንተንቱ ሁጲያዉ ጌይተ፤ መꬍና ጎዳ ህንተንቱ አዎቱዋ ጾሳ ጌሻ ጎልያካ ጌሽተ። ጌሻ ጎልያ ቱንስያባ ኡባ ድግተ።
2CH 29:6 አያዉ ጎፐ፥ ካሰ ኑ አዎቱ አማነትበይክኖ፤ መꬍና ጎዳ ኑ ጾሳ ስንꬃን ኢታባ ኦꬄድኖ። ኡንቱንቱ መꬍና ጎዳ አጊደ፥ ጾሳይ ደእያ ሳኣፐ ባረንቱ ዴሙዋ ዎራ ዛሪደ፥ ባረንቱ ዞኪያ አኮ ዛሬድኖ።
2CH 29:7 ኡንቱንቱ ቃይ ጌሻ ጎልያ ፐንገቱዋ ጎርዴድኖ፤ ጾምፕያካ ቶይሴድኖ። ጌሻ ጎልያን እስራኤልያ ጾሳዉ እጻና ጩዋይበይክኖ፥ ዎይ ጹግያ ያርሹዋ ያርሽበይክኖ።
2CH 29:8 ሄዋ ድራዉ፥ መꬍና ጎዳ ሀንቁ ይሁዳ ቦላነ የሩሳላመ ቦላ ዎꬌዳ። ህንተንቱ አይፍያን ህንተንቱ በእያዋዳን፥ ጾሳይ ኡንቱንቱ ህንተንቶ ያሻ፥ ዳጋማነ ‘ፖራ!’ ግያዋ ኦꬄዳ።
2CH 29:9 ሄዋ ጋሱዋን ኑ አዎቱ ማሻን ሀይቄድኖ፤ ኑ አቱማ ናናይ፥ ኑ ማጫ ናናይነ ኑ ማቻቱ ኦሞደቴድኖ።
2CH 29:10 “መꬍና ጎዳ ሀንቁ ኤጽያዌ ኑ ቦላፐ ክቻና ማላ፥ ታን መꬍና ጎዳና፥ እስራኤልያ ጾሳና ቃላ ጫቁዋ ጫቀታናዉ ታ ዎዛናን ቆፓይ።
2CH 29:11 ታ ናቶ፥ ህንተንቱ መꬍና ጎዳ ስንꬃን ኤቂደ፥ አዉ ኦꬅያ ኦሳንቻ ግዲደ፥ እጻና ጩዋያናዳን ህንተንታ እ ዶሬዳ ድራዉ፥ ሸነኮ ጎፕተ” ያጌዳ።
2CH 29:12 ሄ ሳኣን ደእያ ሌዋቱ ሀዋፐ ካሊደ ጻፈቴዳዋንታ፦ ቃሃታ ያራፐ አማሳያ ናኣ ማሃታነ አዛርያሳ ናኣ ዩኤላ። ማራራ ያራፐ አብድ ናኣ ቂሳነ ይሃልኤላ ናኣ አዛርያሳ። ገርሾና ያራፐ ዚማ ናኣ ዮኣሀነ ዮኣሀ ናኣ ኤዴና።
2CH 29:13 ኤልጻፋና ያራፐ ሺምራነ ይኡኤላ። አሳፋ ያራፐ ዛካራሳነ ማታንያ።
2CH 29:14 ሄማና ያራፐ ይህኤላነ ሽምአ። ይዱቱና ያራፐ ሻማእያነ ኡዝኤላ።
2CH 29:15 ኡንቱንቱ ባረንቱ ዳቦቱዋ፥ ሌዋቱዋ፥ ሺሽና፥ ኡንቱንቱ ኡባይካ ባረንቱ ሁጲያዉ ጌዬድኖ። ካቲ ኡንቱንታ አዛዝና፥ መꬍና ጎዳ ህግያን ጻፈቴዳዋዳን ኡንቱንቱ መꬍና ጎዳ ጌሻ ጎልያ ጌሹሳ ዶሜድኖ።
2CH 29:16 ሄዋ ድራዉ፥ ቄሳቱ መꬍና ጎዳ ጌሻ ጎልያ ጌሻናዉ ግዶ ገሌድኖ፤ መꬍና ጎዳ ጌሻ ጎልያ ግዶን ደእያ ቱናባ ኡባ ከሲደ፥ መꬍና ጎዳ ጌሻ ጎልያ ዳባባ አሄድኖ። ሌዋቱ አኪደ፥ ቀድሮና ዛንጋራን ኦሌድኖ።
2CH 29:17 ኡንቱንቱ ኮይሮ አግናን፥ ኮይሮ ጋላስ ጌሻ ጎልያ ጌሽያዋ ዶሜድኖ፤ ሄ አግናዉ ሆስፑንꬃ ጋላስ መꬍና ጎዳ ባራንዳ ጋኬድኖ። ሀራ ሆስፑን ጋላሳን መꬍና ጎዳ ጌሻ ጎልያ ጌሼድኖ። ኮይሮ አግናዉ ታማነ ኡሱፑንꬃ ጋላስ ኡንቱንቱ ሄ ኦሱዋ ፖሌድኖ።
2CH 29:18 ሄዋፐ ጉይያን፥ ኡንቱንቱ ካትያ ህዝቂያሳኮ ገሊደ፥ “ኑን መꬍና ጎዳ ጌሻ ጎልያ ኡባ፥ ጹግያ ያርሹዋ ያርሽያ ሳነ ሄ ያርሽያ ሳኣን ጎኤትያ ሻሉዋ ኡባ፥ ኡክꬃ ጻራጴዛነ ሄ ጻርጴዛን ደእያ ሚሻቱዋ ኡባ ጌሼዶ።
2CH 29:19 ቃይ ካቲ አካዝ ካተቲደ ደእያ ዎደ፥ ጾሳዉ አማነተናን አጊደ፥ አፌዳ ሻሉዋ ኡባ ኑን ዛሪደ ጌሼዶ። በአ፥ ኑን ጌሼዳ ሚሻይ ኡባይ መꬍና ጎዳዉ ያርሹዋ ያርሽያ ሳኣ ስንꬃን ደኤ” ያጌድኖ።
2CH 29:20 ካቲ ህዝቂያሰ ዎንተꬃ ጋላስ ጉራን ደንዲደ፥ ካታማ ካፓቱዋ ሺሺደ፥ ኡንቱንቱና እትፐ መꬍና ጎዳዉ ጌሻ ጎልያ ቤዳ።
2CH 29:21 ኡንቱንቱ ካዉተꬃ ድራዉ፥ ጌሻ ጎልያ ድራዉነ ይሁዳ አሳ ድራዉ፥ ላፑን ኮሩማቱዋ፥ ላፑን ዶርሳ ኦርገቱዋ፥ ላፑን ዶርሳ ማራቱዋነ ቃይ ላፑን ዴሻ ኦርገቱዋ ናጋራ ያርሾ አሄድኖ። አሮና ዘረꬃ ግድያ ቄሳቱ፥ መꬍና ጎዳዉ ያርሹዋ ያርሽያ ሳኣን ሄዋንታ ያርሻናዳን ካቲ አዛዜዳ።
2CH 29:22 ቄሳቱ ኮሩማቱዋ ሹኪደ፥ ኡንቱንቱ ሱꬃ ያርሽያ ሳኣ ቦላ ጫጫፌድኖ። ቃይ ዶርሳ ኦርገቱዋ ሹኪደ፥ ኡንቱንቱ ሱꬃ ያርሽያ ሳኣ ቦላ ጫጫፌድኖ። ቃይካ ዶርሳ ማራቱዋ ሹኪደ፥ ኡንቱንቱ ሱꬃ ያርሽያ ሳኣ ቦላ ጫጫፌድኖ።
2CH 29:23 ናጋራ ያርሾ ሀንያ ዴሻ ኦርገቱዋ ካትያ ስንꬃነ ሺቄዳ አሳ ስንꬃ አሄድኖ፤ አህና ኡንቱንቱ ኡባይ ባረንቱ ኩሽያ ዴሻቱዋ ቦላ ዎꬄድኖ።
2CH 29:24 ቄሳቱ ዴሻቱዋ ሹኪደ፥ እስራኤልያ አሳ ኡባ ናጋራይ አቶ ጌተታናዋ ማላ፥ ኡንቱንቱ ሱꬃ ያርሽያ ሳኣ ቦላ ያርሼድኖ። አያዉ ጎፐ፥ ካቲ ኡንቱንቱ ጹግያ ያርሹዋነ ናጋራ ያርሹዋ ያርሻናዳን አዛዜዳ ድራሳ።
2CH 29:25 ሄዋፐ ጉይያን፥ መꬍና ጎዳይ ካትያዉ ናብያ ጋደ ባጋናነ ትምቢትያ ኦድያ ናታና ባጋና ካትያ ዳዊታ አዛዜዳ አዛዙዋ ህዝቂያሰ ካሊደ፥ ሌዋቱዋ ዳላ፥ ዲꬃነ ማስንቁዋ ኦይꬂደ፥ መꬍና ጎዳ ጌሻ ጎልያን ኤሴዳ።
2CH 29:26 ሌዋቱ ዳዊተ ካሰ የꬃ የጼዳ ሚሻቱዋ ኦይቂና፥ ቄሳቱ ቃይ ጹሩምባቱዋ ኦይቂደ ኤቄድኖ።
2CH 29:27 ሄ ዎደ ኡንቱንቱ ጹግያ ያርሹዋ ያርሻናዳን ህዝቂያሰ አዛዜዳ። ጹግያ ያርሹዋ ያርሽያዌ ዶመቴዳ ዎደ፥ ጹሩምባቱዋንነ እስራኤልያ ካትያ ዳዊታ የꬃ ሚሻቱዋን መꬍና ጎዳዉ የꬃይ ዶመቴዳ።
2CH 29:28 ጹግያ ያርሹዋ ያርሽያዌ ፖለታና ጋካናዉ፥ ኩመንꬃ ያአይ ጾሳዉ ጎይኔ፤ የꬃ የጽያዋንቱካ የጺኖ፤ ጹሩምባ ፑንያዋንቱካ ፑኒኖ።
2CH 29:29 ቄሳቱ ያርሹዋ ያርሽያዋ ፖሌዳ ዎደ፥ ካቲነ አናና ደእያ አሳይ ኡባይ ጉልባቲደ ጎይኔድኖ።
2CH 29:30 ካቲ ዳዊተነ ትምቢትያ ኦድያ አሳፈ ጻፌዳ ጋላታ ማዝሙርያ መꬍና ጎዳዉ የጻናዳን ካቲ ህዝቂያስነ ካፓቱ ሌዋቱዋ አዛዜድኖ፤ ሌዋቱ ናሸቻን ጋላቲደ፥ ጉልባቲደ ጎይኔድኖ።
2CH 29:31 ሄዋፐ ጉይያን፥ ህዝቂያሰ አሳ፥ “ሀእ ህንተንቱ ህንተንታ መꬍና ጎዳዉ ዱማዬድታ። ህንተንቱ ሺቂደ፥ ያርሹዋነ ጋላታ ያርሹዋ መꬍና ጎዳ ጌሻ ጎልያ አህተ” ያጌዳ። ሄዋፐ ጉየ ሺቄዳ አሳይ ያርሹዋነ ጋላታ ያርሹዋ አሄድኖ፤ ቃይ ኮዬዳ አሳቱ ጹግያ ያርሹዋ አሄድኖ።
2CH 29:32 ሄ ሺቄዳ አሳይ አሄዳ ጹግያ ያርሹዋ ፓይዱ ላፑን ታሙ ኮሩማቱዋ፥ ጼቱ ዶርሳ ኦርገቱዋነ ላኡ ጼቱ ዶርሳ ማራቱዋ፤ ሄዋንቱ ኡባይ መꬍና ጎዳዉ ጹግያ ያርሾቱዋ።
2CH 29:33 ቃይ እትፐተꬃ ያርሾቱ ኡሱፑን ጼቱ ኮሩማቱዋነ ሄዙ ሻአ ዶርሳቱዋ።
2CH 29:34 ሽን ጹግያ ያርሹዋ ኡባ ሹኪደ፥ ጋልባ ቃራናዉ ደእያ ቄሳቱ ፓይዱዋን ሎይꬅ ጉꬃ። ሄዋ ድራዉ፥ ኪታይ ዉራና ጋካናዉነ ሀራ ቄሳቱ ባረንቱ ሁጲያዉ ጌያና ጋካናዉ፥ ኡንቱንቱ ዳቦቱ፥ ሌዋቱ ኡንቱንታ ማዴድኖ። (ባረንቱ ሁጲያዉ ጌይያዋን ሌዋቱ ቄሳቱ ዋፐ አꬊደ አማነቲኖ።)
2CH 29:35 ጹግያ ያርሹዋ፥ እትፐተꬃ ያርሹዋ ሀንዳነ ጹግያ ያርሹዋና እትፐ ያርሸትያ ኡሻ ያርሹዋ ኡባ ኡንቱንቱ ያርሺኖ። ሄዋዳን ሀኒደ፥ መꬍና ጎዳ ጌሻ ጎልያ ኪታይ ላኤንꬁዋ ዶሜዳ።
2CH 29:36 ሄዋፐ ጉይያን፥ ህዝቂያስነ አሳይ ኡባይ ሄ ኦሱዋ ኤለካ ፖላናዳን ጾሳይ ኡንቱንታ ማዴዳ ድራዉ፥ ሎይꬅ ናሸቴድኖ።
2CH 30:1 መꬍና ጎዳ እስራኤልያ ጾሳ ፓስጋ ባላ ቦንቻናዉ፥ የሩሳላመን ደእያ መꬍና ጎዳ ጌሻ ጎልያ እስራኤልያ አሳይ ኡባይነ ይሁዳ አሳይ ኡባይ ያናዳን ህዝቂያሰ ኪቴዳ፤ ቃይ ኤፍሬማ አሳዉነ ምናሰ አሳዉ ዳብዳቢያ ጻፌዳ።
2CH 30:2 ካቲ፥ ካፓቱነ፥ የሩሳላመን ሺቄዳ አሳይ ኡባይ ፓስጋ ባላ ላኤንꬆ አግናን ቦንቻናዉ ቆፋ ቃቼድኖ።
2CH 30:3 ፓይድና ግድያ ቄሳቱ ባረንቱ ሁጲያዉ ጌይቤና ድራዉነ ዳሮ አሳይካ የሩሳላመን ሺቅቤና ድራዉ፥ አሳይ ፓስጋ አ ዎድያን፥ ኮይሮ አግናን ቦንቻናዉ ዳንዳይቤና።
2CH 30:4 ሄ ቆፋይ ካትያነ ሺቄዳ አሳዉ ሎኦ ቆፋ ግዴዳ።
2CH 30:5 ሄዋ ድራዉ፥ መꬍና ጎዳ እስራኤልያ ጾሳ ፓስጋ የሩሳላመን ቦንቻናዉ በርሳበሄፐ ዶሚደ ዳና ጋካናዉ ደእያ እስራኤልያ አሳይ ኡባይ ያናዳን አዋያናዉ ቆፋ ቃቼድኖ። አያዉ ጎፐ፥ ሀ ፓስጋ ባላባይ ካሰ ህግያን ጻፈቴዳዋዳን ዳሮ አሳይ ቦንችቤና።
2CH 30:6 ካቲነ ካትያ ካፓቱ አዛዝና፥ ኪተቴዳዋንቱ እስራኤልያ ቢታ ኡባነ ይሁዳ ጋድያ ኡባ ሀዋዳን ያግያ ዳብዳቢያ አኪደ አፌድኖ፤ “እስራኤልያ አሳዉ፥ አሶረ ጋድያ ካተቱዋ ኩሽያፐ ከስ አኪደ፥ ህንተንቱ ቢታን አቴዳ ህንተንቱኮ እ ስማናዳን፥ ህንተንቱካ መꬍና ጎዳኮ፥ አብራሃማ፥ ይሳቃነ እስራኤልያ ጾሳኮ ስምተ!
2CH 30:7 ባረንቱ መꬍና ጎዳዉ፥ ባረንቱ አዎቱዋ ጾሳዉ አማነትቤና ህንተንቱ አዎቱዋዳንነ ህንተንቱ እሻቱዋዳን ሀኖፕተ። ህንተንቱ ኤርያዋዳን ጾሳይ ኡንቱንቱ ዎልቃማ ሙሩዋ ሙሬዳ።
2CH 30:8 ህንተንቱ መꬍና ጎዳዉ አዛዘትተፐ አትና፥ ካሰ ህንተንቱ አዎቱዋዳን ህንተንቱ ሞርግያ ጋፍሶፕተ! ጾሳይ መꬍናዉ ጌሼዳ ጌሻ ጎልያ ሃ ዪተ። ጾሳ ሀንቁ ኤጽያዌ ህንተንቱ ቦላፐ ክቻናዳን፥ መꬍና ጎዳዉ፥ ህንተንቱ ጾሳዉ፥ ጎይንተ።
2CH 30:9 ህንተንቱ መꬍና ጎዳኮ ስሞፐ፥ ህንተንቱ እሻቱዋነ ህንተንቱ ናናይ ባረንታ ኦሞዴዳዋንቱ ስንꬃን ማሮታ ደሚደ፥ ሀ ጋድያ ስማና። አያዉ ጎፐ፥ መꬍና ጎዳይ ህንተንቱ ጾሳይ ቃረትያዋነ ማርያዋ። ህንተንቱ አኮ ስሞፐ፥ ባረ ስንꬃ ህንተፐ ዎራ ዛረና” ያግያዋ።
2CH 30:10 ኪተቴዳዋንቱ ኤፍሬማ ጋድያነ ምናሰ ቢታ አꬊደ፥ ዛብሎና ቢታ ጋካናዉ ካታማፐ ካታማ ቤድኖ። ሽን ሄ ካታማቱዋን ደእያ አሳቱ ኡንቱንቱ ካꬊደ፥ ኡንቱንቱ ቦላ ሚጬድኖነ ቅሊጬድኖ።
2CH 30:11 ግዶፐነ፥ አሴራ አሳቱዋፐ፥ ምናሰ አሳቱዋፐነ ዛብሎና አሳቱዋፐ አማሬዳ አሳቱ ባረንታ ካዉሺደ፥ የሩሳላመ ዬድኖ።
2CH 30:12 ካቲነ ካትያ ኦሳንቻቱ መꬍና ጎዳ ቃላ ማራን አዛዜዳዋ፥ ይሁዳ አሳይ እት ዎዛናን አዛዘታናዳን፥ ጾሳ ኩሺ ይሁዳ አሳ ቦላ ደኤዳ።
2CH 30:13 ላኤንꬆ አግናን እርሹ ገልቤና ኡክꬃ ባላ ቦንቻናዉ ሎይꬅ ዳሮ አሳይ የሩሳላመን ሺቄዳ።
2CH 30:14 ኡንቱንቱ ደንዲደ፥ የሩሳላመን ደእያ ያርሽያ ሳኣ ቆሊደ፥ እጻና ጩዋይያ ሚሻ ኡባ ድጊደ፥ ቀድሮና ዛንጋራን ኦሌድኖ።
2CH 30:15 ሄዋፐ ጉይያን፥ ላኤንꬆ አግናን፥ ታማነ ኦይደንꬆ ጋላስ ፓስጋ ዶርሳ ሹኬድኖ። ባረንቱ ሁጲያዉ ጌይቤና ቄሳቱ ነ ሌዋቱ ዬላቲደ፥ ባረንቱ ሁጲያዉ ጌዬድኖ፤ ያቲደ ጹግያ ያርሹዋ መꬍና ጎዳ ጌሻ ጎልያ አሄድኖ።
2CH 30:16 ጾሳ አሳ ግድያ ሙሴ ህግያዳን፥ ጌሻ ጎልያ ግዱዋን ባረንቱ ሳኣን ሳኣን ኤቄድኖ፤ ቄሳቱ ሌዋቱ ኩሽያፐ አኬዳ ሱꬃ ጫጫፌድኖ።
2CH 30:17 ሄ ሽቁዋ ግዶን ጌይቤና ዳሮ አሳቱ ደኢኖ። ሄዋ ድራዉ፥ ፓስጋ ዶርሳቱዋ መꬍና ጎዳዉ ሹካናዉ ዳንዳይክኖ፤ ሌዋቱ ኡንቱንቱ ኮታን ፓስጋ ዶርሳ ሹኪደ መꬍና ጎዳዉ ሺሼድኖ።
2CH 30:18 ኤፍሬማ ዛርያፐ፥ ምናሰ ዛርያፐ፥ ይሳኮራ ዛርያፐነ ዛብሎና ዛርያፐ ዳሮ አሳቱ ህጊ አዛዝያዋዳን ባረንቱ ሁጲያዉ ጌይቤናዋ ግዶፐነ፥ ፓስጋ ባላ ሜድኖ። ሄዋ ድራዉ፥ ካቲ ህዝቂያሰ ኡንቱንቶ ዎሲደ፥ “አቤት፥ አሳ ኡባዉ ሎኦ መꬍና ጎዳዉ፥ ሀዋንቱ ህጊ አዛዝያዋዳን ባረንቱ ሁጲያዉ ጌይቤናዋ ግዶፐነ፥ ኡንቱንቱ ነዉ፥ መꬍና ጎዳዉ፥ ባረንቱ አዎቱዋ ጾሳዉ ጎይኒኖ። ሄዋ ድራዉ፥ ኔን ኡንቱንቶ አቶ ያጋ” ያጊደ ዎሴዳ።
2CH 30:20 መꬍና ጎዳይ ህዝቂያሳ ዎሳ ስሲደ፥ ኡንቱንታ ፓꬄዳ።
2CH 30:21 የሩሳላመን ሺቄዳ እስራኤልያ አሳይ እርሹ ገልቤና ኡክꬃ ባላ ዎልቃማ ናሸቻን ላፑን ጋላስ ቦንቼዳ። ሌዋቱነ ቄሳቱ የꬃ ሚሻን የጺደ፥ ጋላስ ጋላስ መꬍና ጎዳ ጋላቲኖ።
2CH 30:22 ሄዋፐ ጉይያን፥ ህዝቂያሰ መꬍና ጎዳ ኪታን አኬካንቻ ግድያ ሌዋቶ ሃሳዪደ፥ ኡንቱንቱ ምንꬄዳ። አሳይ ኡባይ እትፐተꬃ ያርሹዋ ያርሺደ፥ መꬍና ጎዳ ባረንቱ አዎቱዋ ጾሳ ጋላቲደ፥ ሚድነ ኡሺደ፥ ባላ ላፑን ጋላስ ቦንቼድኖ።
2CH 30:23 ኩመንꬃ ያአይ ባላ ሀራ ላፑን ጋላሳ ጉጂደ ቦንቻናዉ ማዬዳ፤ አሳይ ላፑን ጋላስ ባላ ናሸትደ ቦንቼዳ።
2CH 30:24 አያዉ ጎፐ፥ ይሁዳ ካቲ ህዝቂያሰ ያርሹዋ ያርሻናዉ፥ ሻአ ኮሩማቱዋ፥ ላፑን ሻአ ዶርሳቱዋነ ዴሻቱዋ ያአዉ እሜዳ፤ ቃይ ካፓቱ ሻአ ኮሩማቱዋነ ታሙ ሻአ ዶርሳቱዋ ያአዉ እሜድኖ። ሎይꬅ ዳሮ ቄሳቱ ካ ባረንቱ ሁጲያዉ ጌዬድኖ።
2CH 30:25 ኩመንꬃ ይሁዳ ያአይ፥ ቄሳቱ፥ ሌዋቱ፥ እስራኤልያፐ ዬዳ አሳይ ኡባይነ ካሰ እስራኤልያ ጋድያፐ ዪደ፥ ይሁዳ ቢታን ደኤዳ አሳይ ኡባይ ናሸቴዳ።
2CH 30:26 ዳዊታ ናኣ፥ እስራኤልያ ካትያ ሶሎሞነ ዎድያፐ ዶምና፥ ሀቼ ጋካናዉ፥ የሩሳላመን ሀዋ ማላትያ ባል ቦንቼት ኤረና ድራዉ፥ የሩሳላመን አሳይ ሎይꬅ ናሸቴዳ።
2CH 30:27 ሄዋፐ ጉይያን፥ ቄሳቱ ነ ሌዋቱ ደንዲደ፥ ጾሳይ አሳ አንጃና ማላ ዎሴድኖ፤ ጾሳይ ሳሉዋን፥ ባረ ደእያ ጌሻ ሳኣን ኡንቱንቱ ዎሳ ስሴዳ።
2CH 31:1 ሀዌ ኡባይ ፖለቴዳ ዎደ፥ ሄ ሳኣን ደእያ እስራኤልያ ኡባቱ ይሁዳ ካታማቱዋ ቢደ፥ ደእያዋ ኡባ ꬋይሳና ጋካናዉ፥ ኤቃ ቱሳቱዋ ክንቼሬꬄድኖ፤ አሼሮ ግያ ጾሳት ምስልያ ቃንጽ ኦሌድኖ፤ ይሁዳ ቢታንነ ቢንያማ ጋድያን ኡባን፥ ቃይ ኤፍሬማ ቢታንነ ምናሰ ቢታን ደእያ ጎይንያ ꬎቃ ሳአቱዋነ ያርሽያ ሳኣ ላሌድኖ። ኡንቱንቱ ሄዋንታ ኡባ ꬋይሴዳዋፐ ጉይያን፥ እስራኤልያ አሳይ ኡባይ ባረንቱ ካታማ ካታማነ ባረንቱ ሶ ሶ ስሜድኖ።
2CH 31:2 ህዝቂያሰ ቄሳቱ ዋነ ሌዋቱዋ ኡንቱንቱ ኦሱዋ ማራን ጩጉዋን ጩጉዋን ሻክ ኤሴዳ። ኡንቱንቱ ኪታይ ጹግያ ያርሹዋነ እትፐተꬃ ያርሹዋ ጾሳዉ ያርሽያዋነ ጌሻ ጎልያ ፐንግያን መꬍና ጎዳ ጋላትያዋነ ሳቢያዋ።
2CH 31:3 መꬍና ጎዳ ህግያን ጻፈቴዳዋዳን ጉራነ ኦማርስ፥ ሳምባታን፥ አግናይ ጼርያ ዎድያንነ ባላ ጋላሳቱዋን ያርሽያ፥ ጹግያ ያርሾ ኮሽያ መሄቱዋ ካቲ ባረፐ እሜዳ።
2CH 31:4 መꬍና ጎዳ ህግያን ጻፈቴዳዋዳን፥ ቄሳቱ ነ ሌዋቱ ጾሳ ኪታ ኦꬃና ማላ፥ ኡንቱንቶ በስያዋ እማናዳን የሩሳላመን ደእያ አሳ ካቲ አዛዜዳ።
2CH 31:5 ህዝቂያሰ ሄዋ አዛዞ ሳናካ፥ እስራኤልያ አሳይ ካꬃፐ፥ ዎይንያ ኤሳፐ፥ ዛይትያፐ፥ ማꬃ ኤሳፐነ ጎሻን ሞኬዳባፐ ጼራ ጾሳዉ ዳርሲደ እሜድኖ፤ ባረንቶ ደእያ ኡባባፐካ አስራታ መꬍና ጎዳዉ ከሴድኖ።
2CH 31:6 ይሁዳ ካታማቱዋን ደእያ እስራኤልያ አሳይነ ይሁዳ አሳይ ቦራፐነ ዶርሳፐ አስራታነ መꬍና ጎዳዉ፥ ባረንቱ ጾሳዉ፥ ዱማይ ዎꬄዳዋ አሂደ ዶሬድኖ።
2CH 31:7 ኡንቱንቱ ሄዘንꬆ አግናን ዶረꬃ ዶሚደ፥ ላፑንꬃ አግናን ፖሌድኖ።
2CH 31:8 ህዝቂያስነ ካፓቱ ዶረቴዳዋ በኤዳ ዎደ፥ ኡንቱንቱ መꬍና ጎዳነ ጾሳ አሳ እስራኤልያ ጋላቴድኖ።
2CH 31:9 ሄዋፐ ጉይያን፥ ህዝቂያሰ ዶሪደ ዎꬄዳ እሙዋባ ቄሳቱ ዋነ ሌዋቱዋ ኦቼዳ።
2CH 31:10 ጻዶቃ ያራ ግድያ ቄሰ ኡባቱዋ ካፑ አዛርያስ ህዝቂያሳ፥ “አሳይ ባረንቱ እሙዋ መꬍና ጎዳ ጌሻ ጎልያ አህያዋ ዶምና፥ ኑን ሚደ ካሌዶ። መꬍና ጎዳይ ባረ አሳ አንጄዳ ድራዉ፥ ሀዌ ሎይꬅ ዳሩ አቴዳ” ያጌዳ።
2CH 31:11 ሄዋፐ ጉይያን፥ ህዝቂያሰ መꬍና ጎዳ ጌሻ ጎልያን አየንቶ ምንጅያ ክፍለቱዋ ጊግሳናዳን አሳ አዛዝና አሳይ ጊግሴዳ።
2CH 31:12 አሳይ እሙዋ፥ ባረዉ ደእያዋፐ አስራታነ ጾሳዉ ዱማይ ዎꬄዳዋ አማነት እሚደ፥ ሄ ክፍለቱዋ ገልሴድኖ። ሌዊ ኮናኒ ኡንቱንቱ ቦላ ሱንቴዳ፤ አ እሻይ ሽምእ አ ካሊደ ሱንቴዳ።
2CH 31:13 ካቲ ህዝቂያስነ ጾሳ ጌሻ ጎልያን ካፖትያ አዛርያስ አዛዝና፥ ይህኤል፥ አዛዚ፥ ናሃት፥ አሳሄል፥ ያርሞት፥ ዮዛባድ፥ ኤልኤል፥ ይስማከ፥ ማሃትነ ባናይ ሱንቴድኖ፤ ኡንቱንቱ ኮናንያነ አ እሻ ሽምአ አዎተꬃፐ ጋርሳና ኦꬃናዉ ሱንቴድኖ።
2CH 31:14 ሌዊያ ይምና ናአይ ቆሪ፥ አዋይ ዶልያ ባጋ ፐንግያ ናግያዌ፥ አሳይ መꬍና ጎዳዉ ባረ ሸንያን ጮ አሄዳ እሙዋነ ዱማይ ዎꬄዳዋ አካናዉነ ሻክ ሻክ እማናዉ ሱንቴዳ።
2CH 31:15 ቄሳቱ ደእያ ካታማቱዋን ዎጋፐ ላፋ ጋካናዉ ደእያ ባረንቱ እሻቶ አማነቲደ፥ ኡንቱንቱ ኦሱዋዳን ኦሱዋዳን ሻክ ሻክ እማናዳን ኤደን፥ ምንያምን፥ ኢያሱ፥ ሻማኤ፥ አማረነ ሻካነ ቆረፐ ጋርሳና ሱንቴድኖ።
2CH 31:16 ባረንቱ ጩጉዋን ጩጉዋን ባረንቱ ኪታ ጋላስ ጋላስ መꬍና ጎዳ ጌሻ ጎልያን ኦꬅያዋንቶ፥ ላይꬃይ ሄዙዋ ጋኬዳነ ሄዙዋፐ ቦላ ግዴዳ አቱማ አሳ ኡባዉ ኡንቱንቱ ጋክያዋ ጋክያዋ ሻክ እሜድኖ።
2CH 31:17 ባረንቱ አዎቱዋ ጎለን ጎለን ፓይደት ኡቴዳ ቄሳቶካ እሜድኖ። ቃይ ላይꬃይ ላታሙ ጋኬዳነ ላታሙዋፐ ቦላ ግዴዳ ሌዋቶ ባረንቱ ኦሱዋዳን ኦሱዋዳን ባረንቱ ጩጉዋን ጩጉዋን ሻክተ ፓይደቴዳዋንቱ ኡንቱንቱ ጋክያዋ ሻክ እሜድኖ።
2CH 31:18 ቄሳቱ ነ ሌዋቱ ባረንቱ የለታዳን የለታዳን ፓይደትያ ዎደ፥ ኡንቱንቱ ባረንቱ ጉꬃ ናናቱዋና፥ ባረንቱ ማጫ አሳቱዋና፥ ባረንቱ ማጫ ናናነ ባረንቱ አቱማ ናናቱዋና እትፐ ጻፈቴድኖ፤ አያዉ ጎፐ፥ ኡንቱንቱ አማነቲደ፥ ባረንቱ ሁጲያዉ ጌዬድኖ።
2CH 31:19 ቃይ ባረንቱ ካታማቱዋ ዩሹዋን ደእያ ሄንꬃ ጋደቱዋን ዎይ ሀራ ካታማቱዋን ደእያ አሮና ያራ ግዴዳ ቄሳቶ፥ ቄሳቱዋ ዛርያ ግድያ አቱማ አሳቱዋፐ ኡባዉነ ባረንቱ የለታዳን ፓይደቴዳ ሌዋቱ ኡባዉ ኡንቱንቱ ጋክያ ቁማ ሻካናዉ አሳቱ ሱንቴድኖ።
2CH 31:20 ካቲ ህዝቂያሰ መꬍና ጎዳ ባረ ጾሳ ስንꬃን ሎኦ ሱረነ ቱማ ግዴዳዋ ይሁዳ ጋድያ ኡባን ኦꬄዳ።
2CH 31:21 ህዝቂያሰ ጾሳ ጌሻ ጎልያዉ ኦꬄዳ ኦሱዋ ኡባን፥ ህግያንነ አዛዙዋን ጻፈቴዳዋዳን ጾሳ ባረ ኩመንꬃ ዎዛናፐ ኮዮዋ ድራዉ፥ አዉ ኡባባይ እንጀቴዳ።
2CH 32:1 ካቲ ህዝቂያሰ ጾሳዉ አማነቲደ ኦꬄዳ ሀ ኦሱዋፐ ጉይያን፥ አሶረ ካቲ ሳናክሬበ ይሁዳ ጋድያ ቦላ ዶዴዳ፤ ባረዉ ኦይቃናዉ ቆፒደ፥ ግምበቱ ኡቴዳ ካታማቱዋ ዶዴዳ።
2CH 32:2 ሳናክሬበ የሩሳላመን ኦላናዉ ዬዳዋ ህዝቂያሰ በኤዳ ዎደ፥
2CH 32:3 ካታማፐ ካረና ጎግያ ፑልቱዋ ሃꬃ ዜራናዉ ባረ ኦሳንቻቱዋነ ባረ ምኖ አሳቱዋ ዞረታ በሴዳ፤ ኡንቱንቱ አ ማዴድኖ።
2CH 32:4 ሄዋ ድራዉ፥ ኡንቱንቱ ዳሮ አሳ ሺሺደ፥ ሄዋ ሄራን ደእያ ፑልቶቱዋ ኡባነ ጎግያ ሻፋ ባሬድኖ። “አሶረ ካተቱ ዪደ፥ አያ ሃꬃነ ደሞፕኖ” ያጌድኖ።
2CH 32:5 ሄዋፐ ጉይያን፥ ህዝቂያሰ ምን ኦꬂደ፥ ላለቴዳ ድርሳ ግምቢያ ኡባ ዛረꬂደ ግምቤዳ፤ ያቲደ አ ቦላ አዱሳ ግምቢያ ግምቤዳ። ሄ ድርሳ ግምቢያፐ ካረ ባጋና ሀራ ድርሳ ግምቢያ ግምቤዳ፤ ቃይ ዳዊታ ካታማን ደእያ ሚሎ ግያ ሳኣ ምንሴዳ። ዳሮ ኦላ ሚሻካ ጎንዳልያካ መꬌዳ።
2CH 32:6 ያቲደ ኦላንቻቱ ካፓቱዋ አሳ ቦላ ሱንꬄዳ፤ ኡንቱንቱ ኡባ ካታማ ፐንግያ ኤለካ ደእያ ጉታራን ሺሺደ፥
2CH 32:7 “ሀያና ምንተ! አሶረ ካትያና ደእያዋፐ ኑናና ደእያዌ አꬌ። ሄዋ ድራዉ፥ አሶረ ካትያዉነ አናና ደእያ ዳሮ ኦላንቻቶ ያዮፕተ! ዳጋሞፕተ!
2CH 32:8 አናና አሳ ዎልቃይ ደኤ፤ ሽን ኑናና መꬍና ጎዳይ ኑ ጾሳይ ኑና ማዳናዉነ ኑዉ ኦለታናዉ ደኤ” ያጊደ ኡንቱንታ ምንꬄዳ። ይሁዳ ካቲ ህዝቂያሰ ሃሳዬዳባን አሳይ ምነቴዳ።
2CH 32:9 ሄዋፐ ጉይያን፥ አሶረ ካቲ ሳናክሬበ ባረ ኦላንቻቱ ኡባና እትፐ ላክሻ ካታማ ዶድሽን፥ ይሁዳ ካትያ ህዝቂያሳኮነ የሩሳላመን ደእያ ይሁዳ አሳ ኡባኮ፥ ኦሳንቻቱዋ ኪቴዳ።
2CH 32:10 ሄዌኔ፥ “አሶረ ካቲ ሳናክሬበ፥ ‘ህንተኖ፥ ሀ ዶደት ኡቴዳ የሩሳላመ ካታማን ደእያ አሳቶ፥ ኦናን አማነቴድቴ?
2CH 32:11 ህዝቂያሰ ህንተንታ፥ “አሶረ ካትያ ኩሽያፐ መꬍና ጎዳይ ኑ ጾሳይ ኑና አሻናዋ” ያጌ፤ ሽን እ ህንተንታ ሄዋዳን ባለꬂደ፥ ኮሻንነ ሳሙዋን ዎꬋናዉ ሀኔ።
2CH 32:12 ሀ ጾሳቶ ጎይንያ ꬎቃ ሳአቱዋነ ያርሽያ ሳኣ ድጊደ፥ ይሁዳነ የሩሳላመ አሳ፥ “ህንተንቱ እት ያርሽያ ሳኣ ስንꬃን ጎይንተ፤ ቃይ ህንተንቱ ያርሹዋካ አ ቦላ ጹግተ” ያግያዌ ሀ ህዝቂያሳ ግደኔ?
2CH 32:13 “ ‘ታንነ ታ አዎቱ ሀራ ካዉተꬃቱ አሳ ኡባ ቦላ ኦꬄዳዋ ህንተንቱ ኤርበይክተ? ሄ ካዉተꬃቱ ጾሳቱ ባረንቱ ጋድያ ታ ኩሽያፐ አሻናዉ ዳንዳዬድኖ?
2CH 32:14 ታ አዎቱ ꬋይሴዳ ሀ ካዉተꬃቱ ጾሳቱዋ ኡባ ግዶን ባረ አሳ ታ ኩሽያፐ አሻናዉ ዳንዳዬዳዌ ኦኔ? ያትና፥ ህንተንቱ ጾሳይ ህንተንታ ታ ኩሽያፐ ዎት አሻናዉ ዳንዳዪ?
2CH 32:15 ሄዋ ድራዉ፥ ሀእካ፥ ህዝቂያሰ ህንተንታ ባለꬆፖ ዎይ ሀዋዳን ጭሞፖ። ህንተንቱ ህዝቂያሳ አማኖፕተ። አያዉ ጎፐ፥ አ አሳ ታ ኩሽያፐ ዎይ ታ አዎቱዋ ኩሽያፐ፥ ጋደ አሳ ጾሳቱ ዎይ ካዉተꬃ ጾሳቱ አሻናዉ ዳንዳይበይክኖ። ያትና፥ ሄዌ ህንተንቱ ጾሳይ ህንተንታ ታ ኩሽያፐ አሻናዉ ዋን ዳንዳዪ?’ ያጌ” ያጌድኖ።
2CH 32:16 ሳናክሬባ ኦሳንቻቱ መታ ኡባ ጎዳ ቦላነ አ ቆማ ህዝቂያሳ ቦላ ሀራ ጮራባካ ሃሳዬድኖ።
2CH 32:17 ሳናክሬበ ቃይካ መꬍና ጎዳ እስራኤልያ ጾሳ ቅሊጫናዉነ አ ቦላ ሃሳያናዉ ዳብዳቢያ ጻፊደ፥ “ሳኣ ቦላን ደእያ ካዉተꬃቱ ጾሳቱ ባረንቱ አሳ ታ ኩሽያፐ አሽቤናዋዳን፥ ህዝቂያሳ ጾሳይካ ባረ አሳ ታ ኩሽያፐ አሸና” ያጊደ ጻፌዳ።
2CH 32:18 ሳናክሬባ ኦሳንቻቱ ካታማ ኦሞዳናዉ ኮዪደ፥ ድርሳ ግምቢያ ቦላ ኡቴዳ የሩሳላመ አሳ ያሽሳናዉነ ዳጋንꬃናዉ ባረንቱ ቃላ ꬎቁ ኦꬂደ፥ እብራዌꬁዋን ኡንቱንቱ ቦላ ዋሴድኖ።
2CH 32:19 አሳ ኩሽያን ኦሰቴዳ፥ ሀ ሳኣን ደእያ ሀራ አሳቱዋፐ ጾሳቱዋ ቦላ ሃሳይያዋዳን፥ የሩሳላመ ጾሳ ቦላካ ሃሳዬድኖ።
2CH 32:20 ሄዋፐ ጉይያን፥ ካቲ ህዝቂያስነ አሞጻ ናአይ፥ ትምቢትያ ኦድያ እሳያሰ ሀዋ ድራዉ፥ ጾሳ ዎሴድኖ፤ ኡንቱንቱ ሳሉዋ ፑደ ዋሴድኖ።
2CH 32:21 አሶረ ካቲ ዱንካኔዳ ሳኣን ደእያ ኦላንቻቱዋ ኡባቱዋ፥ ጋዳዋቱዋነ ካፓቱዋ ꬋይስያ ኪታንቻ መꬍና ጎዳይ ኪቴዳ። ሄዋ ድራዉ፥ አሶረ ካቲ ካዉሺደ፥ ባረ ጋድያ ስሜዳ። ስሚደ፥ ባረ ጾሳ ጎልያ ገሌዳ ዎደ፥ አ ናናይ አ ሄ ሳኣን ማሻን ዎꬌድኖ።
2CH 32:22 ሄዋዳን ኦꬂደ፥ መꬍና ጎዳይ ህዝቂያሳነ የሩሳላመን ደእያ አሳ አሶረ ካትያ ሳናክሬባ ኩሽያፐነ ሀራ ሞርከቱዋ ኡባቱዋ ኩሽያፐ አሼዳ፤ ኡንቱንቱ ሾሮ ቢታቱዋ ኡባባፐ ኡንቱንቱ ሸምፕሴዳ።
2CH 32:23 ዳሮ አሳቱ መꬍና ጎዳዉ እሞታ እሜድኖ፤ ይሁዳ ካትያ ህዝቂያሳዉካ አልኦ ሚሻ አሄድኖ። ሄ ዎድያፐ ዶሚደ፥ ካዉተꬃ ኡባይ ህዝቂያሳ ሎይꬅ ቦንቼዳ።
2CH 32:24 ሄ ዎደ ህዝቂያሰ ሀርጊደ፥ ሀይቃና ማቴዳ፤ ያቲደ መꬍና ጎዳ ዎሴዳ። ጾሳይ አዉ ዎሰቴዳ፤ አ ፓꬃናዉ ማላታ እሜዳ።
2CH 32:25 ሽን ህዝቂያሰ ኦቶረቴዳ ድራዉ፥ ጾሳይ አዉ ኬኬዳ ኬካተꬃዉ አ ጋላትቤና። ሄዋ ድራዉ፥ አ ቦላ፥ ይሁዳ ቦላነ የሩሳላመ ቦላ መꬍና ጎዳ ሀንቁ ዎꬌዳ።
2CH 32:26 ግዶፐነ፥ ዉርሰꬃን ህዝቂያሰ ባረ ኦቶሩዋ አጊደ፥ የሩሳላመ አሳቱዋና እትፐ ባረናተꬃ ካዉሼዳ። ሄዋ ድራዉ፥ ህዝቂያሳ ዎድያን መꬍና ጎዳ ሀንቁ ኡንቱንቱ ቦላ ዎꬍቤና።
2CH 32:27 ህዝቂያሳዉ ሎይꬅ ዳሮ ዱረተꬃይነ ቦንቹ ደኤዳ፤ ህዝቂያሰ ባረ ብራዉ፥ ዎርቃዉ፥ አልኦ ሹቻዉ፥ ሳዎ፥ ጎንዳልያዉነ ሀራ አልኦ ሚሻ ኡባዉ ሚሻ ምንጅያ ሳኣ ኬጼዳ።
2CH 32:28 ካꬃ፥ ዎይንያ ኤሳነ ዛይትያ ዎꬅያ ሳአቱዋካ ኬጼዳ። ዱማ ዱማ መሂ ኤቂያ አቆቱዋነ ዶርሳ ዉዲ ኤቂያ አቁዋ ኦꬄዳ።
2CH 32:29 ጾሳይ አዉ ሎይꬅ ዳሮ ዱረታ እሜዳ ድራዉ፥ ባረዉ ካታማቱዋ ኬጼዳ፤ ዶርሳ ዉድያነ መህያ ዉድያ ዳሩዋ ሺሼዳ።
2CH 32:30 ሀ ህዝቂያስካ ቆሞ ባጋና ደእያ ግዮነ ሃꬃ ፑልትያ ዜሪደ፥ ዳዊታ ካታማዉ አዋይ ዉልያ ባጋ ዛሪደ፥ ሃꬃ የዴዳ። ህዝቂያሰ ኦꬄዳባይ ኡባይ ሎኦ ፖለቴዳ።
2CH 32:31 ሽን ይሁዳ ቢታን ሀኔዳ ማላልስያ ማላታባ ኦቻናዉ ባብሎነ ሞድያዋንቱ ኪቴዳ አሳቱ ህዝቂያሳኮ ዬዳ ዎደ፥ ጾሳይ አ ፓጫናዉነ አ ዎዛናን ደእያዋ ኡባ ኤራናዉ አ የድ በሴዳ።
2CH 32:32 ህዝቂያሰ ሀኔዳ ሀራባይነ ጾሳዉ እ ኦꬄዳ ሎኦ ኦሱዋባይ አሞጻ ናኣ፥ ትምቢትያ ኦድያ ኢስያሳ ሳፃ ማጻፋንነ ይሁዳ ካተቱነ እስራኤልያ ካተቱ ታርክያ ማጻፋን ጻፈት ኡቴዳ።
2CH 32:33 ህዝቂያሰ ሀይቂደ፥ ባረ ማይዛን ጋከቴዳ፤ ቆሞ ባጋና ደእያ ዳዊታ ዘረꬃቱዋ ማካናን አ ሞጌድኖ። እ ሀይቂና፥ ይሁዳ አሳይ ኡባይነ የሩሳላመን ደእያ አሳይ አ ቦንቼድኖ። አ ኮታን አ ናአይ ምናሰ ካተቴዳ።
2CH 33:1 ምናሰ ካተትያ ዎደ፥ ላይꬃይ አዉ ታማነ ላኣ፤ እ የሩሳላመን እሻታማነ እቼሹ ላይꬃ ካተቴዳ።
2CH 33:2 መꬍና ጎዳይ እስራኤልያ አሳ ስንꬃፐ ላጊደ ከሴዳ አሳቱዋፐ ደኡዋ ዎጋ፥ ሄ ሸነይያዋ ቁሊደ፥ እካ መꬍና ጎዳ ስንꬃን ኢታባ ኦꬄዳ።
2CH 33:3 ምናሰ ባረ አዉ ህዝቂያሰ ላሌዳ፥ ጎይንያ ꬎቃ ሳኣ ዛረꬂደ ኬጼዳ፤ ባኣላዉ ያርሽያ ሳአቱዋነ አሼሮ ጌተትያ ጾሳት ምስለቱዋ መꬌዳ። ቃይ ሳሉዋ ጾልንተቱዋ ኡባቶካ ጎይኔዳነ ኡንቱንቶ ኦꬄዳ።
2CH 33:4 መꬍና ጎዳይ ካሰ፥ “ታ ሱንꬃይ መꬍናዉ የሩሳላመን ደአናዋ” ያግ ዎꬄዳ መꬍና ጎዳ ጌሻ ጎልያን ምናሰ ሀራ ጾሳቶ ያርሽያ ሳኣ ጊግሴዳ።
2CH 33:5 መꬍና ጎዳ ጌሻ ጎልያን ደእያ ላኡ ዳባባቱዋን ሳሉዋ ጾልንተቶ ኡባዉ ያርሽያ ሳኣ ጊግሴዳ።
2CH 33:6 ህኖማ ዛንጋራን ባረ አቱማ ናና ታማን ጹጊደ ያርሼዳ። እ ባረ ሁጲያዉካ ብትያዋነ ሙሩንያዋ ግዲደ፥ ሻሬቾቱዋነ ሞይትልያ ሃሳይስያዋንታ ዞርያ ኦቼዳ። መꬍና ጎዳ ስንꬃን እ ዳሮ ኢታባ ኦꬂደ፥ አ ሀንቀꬄዳ።
2CH 33:7 ሄዋፐ ጉይያን፥ ባረ መꬌዳ ኤቃ ምስልያ ጾሳ ጌሻ ጎልያ ግዶን ኤሴዳ። ሄ ጌሻ ጎሊ፥ ጾሳይ ዳዊተዉነ አ ናኣ ሶሎሞናዉ፥ “እስራኤልያ ዛርያ ኡባ ግዶፐ ታን ዶሬዳ ሀ ጌሻ ጎልያንነ የሩሳላመን ታን ታ ሱንꬃ መꬍናዉ ጼስሳና።
2CH 33:8 ታን እስራኤልያ አሳ አዛዜዳ አዛዙዋ ኡባነ ሙሴ ባጋና እመቴዳ ህግያ፥ ዎጋነ ፕርዳ ኡባ ኡንቱንቱ ናጊደ ኦꬆፐ፥ ታን ኡንቱንቱ ማይዛ አዋቶ እሜዳ ጋድያፐ ኡንቱንቱ ቃታማ ሾድስከ” ያግ ዎꬄዳ ጌሻ ጎልያ።
2CH 33:9 ሽን ምናሰ ይሁዳ አሳነ የሩሳላመ አሳ ባለꬄዳ፤ ያትና፥ ኡንቱንቱ መꬍና ጎዳይ እስራኤልያ አሳ ስንꬃፐ ꬋይሴዳ ደሪ አሳዋፐ አꬍያ ኢታ ኦꬄድኖ።
2CH 33:10 መꬍና ጎዳይ ምናሰዉነ አ አሳዉ ሃሳዬዳ፤ ሽን ኡንቱንቱ አ ሃሳያ ስሰናን እጼድኖ።
2CH 33:11 ሄዋ ድራዉ፥ መꬍና ጎዳይ አሶረ ካትያ ኦላ ጋዳዎቱዋ ኡንቱንቱ ቦላ ደንꬄዳ፤ ኡንቱንቱ ምናሰ ሲꬍያን ዳፉዋ አꬂደ ኦይቄድኖ፤ ናሃስያ ሳንሳላታን ቃቺደ፥ ባብሎነ ጋድያ አፌድኖ።
2CH 33:12 ምናሰ ቱጋቴዳ ዎደ፥ መꬍና ጎዳ ባረ ጾሳ ማዱዋ ዎሴዳ፤ ባረ አዎቱዋ ጾሳ ስንꬃን ባረናተꬃ ሎይꬅ ካዉሼዳ።
2CH 33:13 ምናሰ ጾሳ ዎሴዳ ዎደ፥ መꬍና ጎዳይ አዉ ዎሰቴዳ፤ አ ዋትዋቱዋካ ስሴዳ። የሩሳላመን አ ካዉተꬃን ዛረꬅ ዎꬄዳ። መꬍና ጎዳይ ጾሳ ግድያዋ ምናሰ ሄዋን ኤሬዳ።
2CH 33:14 ሄዋፐ ጉይያን፥ ምናሰ ግዮነ ፑልቱዋ ኤለካ ደኢያሳፐ ዶሚደ፥ ኦፌላ ጌተትያ ሳኣና አꬊደ ቢደ፥ ሞልያ ፐንግያ ጌተትያ ፐንግያ ጋካናዉ፥ ካሰዋፐ ካረ ባጋና ሀራ ድርሳ ግምቢያ ግምቤዳ። ሄ ግምቢ ዳዊታ ካታማፐ አዋይ ዉልያ ባጋና ደእያ ዛንጋራን ደኤ። ይሁዳ ካታማቱዋ ኡባን ኦላ ጋዳዎቱዋ ዎꬄዳ።
2CH 33:15 አላጋ ጾሳቱዋነ ኤቃ ምስልያ መꬍና ጎዳ ጌሻ ጎልያፐ ድጌዳ፤ ጌሻ ጎሊ ደእያ ደርያ ቦላነ የሩሳላመን እ ኦꬄዳ ያርሽያ ሳኣ ኡባ ኮሊደ፥ ሄ ካታማፐ ካረ ከሲደ ኦሌዳ።
2CH 33:16 ምናሰ ቃይ መꬍና ጎዳዉ ያርሽያ ሳኣ ኦራጽሲደ፥ እትፐተꬃ ያርሹዋነ ጋላታ ያርሹዋ አን ያርሼዳ። ይሁዳ አሳካ መꬍና ጎዳዉ እስራኤልያ ጾሳዉ ጎይናናዳን አዛዜዳ።
2CH 33:17 አሳይ ጎይንያ ꬎቃ ግሹዋን ያርሹዋ ያርሽያዋ አጋና ꬋዮፐካ፥ ኡንቱንቱ ያርሽያዌ መꬍና ጎዳ ባረንቱ ጾሳ ጻላላሳ።
2CH 33:18 ምናሰ ሀኔዳ ሀራባይ፥ እ ባረ ጾሳ ዎሴዳ ዎሳይነ መꬍና ጎዳ እስራኤልያ ጾሳ ሱንꬃን ትምቢትያ ኦድያዋንቱ አዉ ኦዴዳባይ እስራኤልያ ካተቱ ታርክያ ማጻፋን ጻፈት ኡቴዳ።
2CH 33:19 ቃይ አ ዎሳይነ ጾሳይ አዉ ዎሰቴዳባይ፥ እ ኦꬄዳ ናጋራይነ ናቁ ኡባይ፥ ምናሰ ባረና ካዉሻናፐ ካሰ ኦꬄዳ ጎይንያ ꬎቃ ሳአቱነ አሼር ምስለቱዋነ ባረ ጎይንያ ኤቃቱዋ እ ኤሴዳ ሳአቱ ኡባይ ትምቢትያ ኦድያዋንቱ ታርክያ ማጻፋን ጻፈት ኡቴድኖ።
2CH 33:20 ምናሰ ሀይቂደ፥ ባረ ማይዛን ጋከቴዳ፤ ያትና፥ ምናሳ አ ካትያ ጎለን ሞጌድኖ። አ ኮታን አ ናአይ አሞነ ካተቴዳ።
2CH 33:21 አሞነ ካተትያ ዎደ፥ ላይꬃይ አዉ ላታማነ ላኣ፤ እ የሩሳላመን ላኡ ላይꬃ ካተቴዳ።
2CH 33:22 አ አዉ ምናሰ ኦꬄዳዋዳን፥ እካ መꬍና ጎዳ ስንꬃን ኢታባ ኦꬄዳ። አ አዉ ምናሰ ኦስሴዳ ምስለቱ ኡባዉ ያርሼዳነ ኡንቱንቶ ኦꬄዳ።
2CH 33:23 ሽን አ አዉ ምናሰ ባረናተꬃ ካዉሼዳዋዳን፥ እ ባረናተꬃ መꬍና ጎዳ ስንꬃን ካዉሽቤና፤ አሞነ ናቁዋ ያ ያ ዳርሴ።
2CH 33:24 አሞና ኦሳንቻቱ አ ቦላ ማቀቲደ፥ አ ካትያ ጎለን አ ዎꬌድኖ።
2CH 33:25 ሄዋፐ ጉይያን፥ ይሁዳ አሳቱ ካትያ አሞና ቦላ ማቀቴዳ ኡባቱዋ ዎꬌድኖ። አሞና ሳኣን አ ናኣ ዮስያሳ ካተዬድኖ።
2CH 34:1 ዮስያሰ ካተትያ ዎደ፥ ላይꬃይ አዉ ሆስፑና፤ እ የሩሳላመን ሀታማነ እት ላይꬃ ካተቴዳ።
2CH 34:2 ዮስያሰ መꬍና ጎዳ ስንꬃን ሱረባ ኦꬄዳ፤ ኡሸቻ ሀድርሳ ጌናን፥ ባረ ማይዛ አዉዋ ዳዊታ ኦግያን ሀመቴዳ።
2CH 34:3 እ ካተቴዳ ሆስፑንꬃ ላይꬃን ብሮ ያላጋ ደኢደ፥ ባረ ማይዛ አዉዋ ዳዊታ ጾሳዉ ጎይናናዉ ዶሜዳ፤ ቃይካ እ ካተቴዳ ታማነ ላኤንꬆ ላይꬃን ይሁዳንነ የሩሳላመን ደእያ ጎይንያ ꬎቃ ሳአቱዋነ አሼሮ ግያ ጾሳት ምስለቱዋነ ማስ ጊግሴዳነ ሲልሴዳ መꬌዳ ምስለቱዋ ꬋይስያዋ ዶሜዳ።
2CH 34:4 እ ኤቂደ አዛዝና፥ ባኣላዉ ያርሽያ ሳኣ ላሌድኖ፤ ኡንቱቱፐ ቦላና ደእያ እጻና ጩዋይያዋንታካ ቃንጸሬꬄድኖ። አሼር ምስለቱዋ፥ ማስ ጊግሴዳ ኤቃቱዋነ ሲልሴዳ መꬌዳ ምስለቱዋ ክንቼሬꬅ ሊቅሲደ፥ ꬊለ ከሴድኖ፤ ያቲደ ሄ ꬊልያ ኡንቱንቶ ጎይንያ አሳቱዋ ዱፉዋን ላሌድኖ።
2CH 34:5 ቃይ ዮስያሰ ኡንቱንቱ ቄሳቱዋ መቀꬃ ሄ ያርሽያ ሳአቱ ቦላን ጹጌዳ፤ ያቲደ ይሁዳነ የሩሳላመ ጌሼዳ።
2CH 34:6 ምናሰ ቢታን፥ ኤፍሬማ ቢታንነ ስሞና ቢታን፥ ቢደ ንፍታሌማ ጋድያ ጋካናዉ ደእያ ካታማቱዋነ ባዬዳ ሳኣ ኡባ ሄዋዳን ኦꬂደ ጌሼዳ።
2CH 34:7 ዮስያሰ ያርሽያ ሳኣ ላሌዳ፤ አሼር ምስለቱዋካ ሀራ ኤቃ ምስለቱዋካ ክንቼሬꬂደ ሊቅሴዳ። እስራኤልያ ቢታን ኡባን እጻና ጩዋይያባቱዋ ኡባ ቃንጸሬꬄዳ። ሄዋፐ ጉይያን፥ ዮስያሰ የሩሳላመ ስሜዳ።
2CH 34:8 ዮስያሰ ካተቴዳ ታማነ ሆስፑንꬃ ላይꬃን፥ ጋድያነ ጌሻ ጎልያ ጌሼዳዋፐ ጉይያን፥ መꬍና ጎዳ ባረ ጾሳ ጌሻ ጎልያ ኦራጽሳና ማላ፥ አጻልያ ናኣ ሳፋና፥ የሩሳላመ ካታማ ሞድያ ማእሴያነ ዮአካዛ ናኣ፥ ዋና ጻፍያ ዮኣሀ ኪቴዳ።
2CH 34:9 ኪተቴዳዋንቱ ቄሰ ኡባቱዋ ካፑዋ ህልቂያኮ ዬድኖ። ፐንግያ ናግያ ሌዋቱ ምናሰፐ፥ ኤፍሬማፐ፥ አቴዳ እስራኤልያ አሳ ኡባፐ፥ ይሁዳፐ፥ ቢንያመፐነ የሩሳላመን ደእያዋንቱፐ ካሰ ሺሺደ፥ ጾሳ ጌሻ ጎልያ አሄዳ ሚሻ ህልቂያዉ እሜድኖ።
2CH 34:10 ሄዋፐ ጉይያን፥ ኡንቱንቱ መꬍና ጎዳ ጌሻ ጎልያ ኦራꬅስያ ካፓቶ እሜድኖ። ኡንቱንቱ ጌሻ ጎልያ ኦራጽሳናዳንነ ዎꬅ የጊደ ኬጻናዳን ኦሳንቻቶ እሜድኖ።
2CH 34:11 ቃይ ይሁዳ ካተቱ ባይዝሴዳ ጌሻ ጎልያ ሎይꬅሳናዉ ሄ ሻሉዋን አናጸቱነ ግምቢያዋንታ ምꬃነ ሹቻ ሻማናዳን እሜድኖ።
2CH 34:12 ኦሱዋ ኦꬅያ አሳቱ አማነቴዳዋንታ። ኡንቱንቱ ቦላ ሱንቴዳ ኦይዱ ሌዋቱ፥ ማራራ ያራፐ ያሃታነ ኦባድያነ፥ ቃሃታ ያራፐ ማሹላማነ ዛካራሳ። የꬃ ሚሻ ኤርያ ሌዋቱ ኡባይ
2CH 34:13 ቶክያ አሳቱዋ ቦላነ ዱማ ዱማ ኪታ ኦꬅያዋንቱ ቦላ ሱንቴድኖ። ቃይ ሀራ ሌዋቱ ጻፈቱዋ፥ ካፓቱዋነ ፐንግያ ናግያዋንታ ግዴድኖ።
2CH 34:14 ኡንቱንቱ መꬍና ጎዳ ጌሻ ጎልያ ዬዳ ሻሉዋ ከስያ ዎደ፥ ቄሲ ህልቂ መꬍና ጎዳይ ሙሴ ባጋና እሜዳ ህግያ ማጻፋ ደሜዳ።
2CH 34:15 ህልቂ ዋና ጻፍያ ሳፋና፥ “ታን መꬍና ጎዳ ጌሻ ጎልያፐ ህግያ ማጻፋ ደማድ” ያጌዳ። ሄ ማጻፋ ሳፋናዉ እሜዳ።
2CH 34:16 ሳፋን ሄ ማጻፋ ካትያኮ አሂደ፥ “ነ ኦሳንቻቱ አዛዘቴዳ አዛዙዋ ኡባ ኦꬅኖ።
2CH 34:17 መꬍና ጎዳ ጌሻ ጎልያን ደእያ ሻሉዋ ዉርስ አኪደ፥ ኦራꬅስያ ካፓቶነ ኦራꬅያ ኦሳንቻቶ እሜድኖ” ያጊደ ኦዴዳ።
2CH 34:18 ቃይካ ዋና ጻፊ ሳፋን ካትያ፥ “ቄሲ ህልቂ ታዉ ማጻፋ እሜዳ” ያጌዳ፤ ሳፋን ማጻፋ ካትያ ስንꬃን ናባቤዳ።
2CH 34:19 ካቲ ህግያ ቃላ ስሴዳ ዎደ፥ ካዮቲደ ባረ ማዩዋ ፔꬌዳ።
2CH 34:20 ሄዋፐ ጉይያን፥ ካቲ ህልቂያ፥ ሳፋና ናኣ አህቃማ፥ ምካያ ናኣ አብዶና፥ ዋና ጻፍያ ሳፋናነ ካትያ ኦሳንቻ አሳያ ሀዋዳን ያጊደ አዛዜዳ፤
2CH 34:21 “ቢተ፤ ቢደ ታ ድራዉነ እስራኤልያንነ ይሁዳን አቴዳዋንቱ ድራዉ፥ ሀ ቤቴዳ ማጻፋ ቃላዋ አነ መꬍና ጎዳ ኦችተ። አያዉ ጎፐ፥ ሀ ማጻፋን ጻፈቴዳ ኡባባ ኦꬃናዉ፥ ኑ ማይዛ አዎቱ መꬍና ጎዳ ቃላ ናግቤና ድራዉ፥ ኑ ቦላ ትገቴዳ መꬍና ጎዳ ሀንቁ ሎይꬅ ዳሮ” ያጌዳ።
2CH 34:22 ህልቂነ ካቲ ኪቴዳ አሳቱ ትምቢትያ ኦድያ ሁልድኮ ቤድኖ። ሁልዳ ሀርሃሳ ናኣ ቲቅዋ ናኣ፥ ጌሻ ጎልያ ማዩዋ ናግያ ሻሉማ ማቻቶ። አ የሩሳላመን ላኤንꬆ ሹቻን ደኣዱ። ሄ ቤዳ አሳቱ እዝዉ ሀ የዉዋ ኦዴድኖ።
2CH 34:23 ሁልዳ ኡንቱንታ፥ “መꬍና ጎዳይ እስራኤልያ ጾሳይ፥ ‘ህንተና ታኮ ኪቴዳ ብታንያዉ ኦድተ’ ያጌ።
2CH 34:24 መꬍና ጎዳይ ሀዋዳን ያጌ፤ ‘በእተ፥ ይሁዳ ካትያ ስንꬃን ናባበቴዳ ማጻፋን ጻፈቴዳ ኢታ ሸቃ ኡባ፥ ሀ ሳኣ ቦላነ ሀ ሳኣን ደእያ አሳ ቦላ አሀና ሀናይ።
2CH 34:25 ኡንቱንቱ ታና አጊደ፥ ሀራ ጾሳቶ እጻና ጩዋዬድኖ፤ ያቲደ ኡንቱንቱ ባረንቱ ኩሽያን ኦꬄዳዋን ኡባን ታና ሀንቀꬄድኖ። ሄዋ ድራዉ፥ ታ ሀንቁ ሀ ሳኣ ቦላ ትገታና፤ እ ኡባካ ተኤተና’ ያጌ።
2CH 34:26 “መꬍና ጎዳ ኦቻናዉ ህንተንታ ኪቴዳ ይሁዳ ካትያ ሀዋዳን ያግተ፤ ‘መꬍና ጎዳይ እስራኤልያ ጾሳይ ኔን ስሴዳ ቃላዋ ሀዋዳን ያጌ፤
2CH 34:27 “ሀ ሳኣ ቦላነ ሀ ሳኣን ደእያ አሳ ቦላ መꬍና ጎዳይ ሃሳዬዳዋ ኔን ስሴዳ ዎደ፥ ነ ዎዛናይ ሹግና፥ ታ ስንꬃን ነ ሁጲያ ካዉሼዳ ድራዉነ ነ ማዩዋ ፔꬋደ፥ ታ ስንꬃን ዬኬዳ ድራዉ፥ ታን ነ ዎሳ ስሳድ።
2CH 34:28 ሄዋ ድራዉ፥ ታን ኔና ነ ማይዛን ጋꬃና፤ ኔን ሳሮ ሞገታና። ታን ሀ ሳኣ ቦላነ ሀ ሳኣን ደእያ አሳ ቦላ አሀና ኢታባ ነ አይፊ በኤና” ያጌ’ ያግተ” ያጋዱ። ሄዋፐ ጉየ ኡንቱንቱ ቢደ፥ ሀ ሃሳየቴዳባ ካትያዉ ኦዴድኖ።
2CH 34:29 ሄዋፐ ጉይያን፥ ካቲ ዮስያሰ ኪቲደ፥ ይሁዳ ጭማቱዋነ የሩሳላመ ጭማቱዋ ኡባ ሺሼዳ።
2CH 34:30 ካቲ መꬍና ጎዳዉ ጌሻ ጎልያ ፑደ ከሴዳ፤ ይሁዳ አሳይ ኡባይ፥ የሩሳላመን ደእያ አሳይ፥ ቄሳቱ ነ ሌዋቱ፥ ጉꬃፐ ዳሩዋ ጋካናዉ ደእያ አሳይ ኡባይ አናና እትፐ ፑደ ከሴድኖ። መꬍና ጎዳ ጌሻ ጎልያፐ ቤቴዳ ቃላ ጫቁዋ ማጻፋ ቃላ ኡባ ካቲ ኡንቱንቱ ስስሽን ናባቤዳ።
2CH 34:31 ሄዋፐ ጉይያን፥ ካቲ ባረ ሳኣን ኤቂደ፥ መꬍና ጎዳ ኦግያን ሀመታናዉነ መꬍና ጎዳ ህግያ፥ አ ዎጋነ አ አዛዙዋ ባረ ኩመንꬃ ዎዛናንነ ባረ ኩመንꬃ ሸምፑዋን ናጋናዉ፥ ቃይ ሀ ማጻፋን ጻፈቴዳ ጫቁዋዳን ኦꬃናዉ ጾሳ ስንꬃን ገፔዳ።
2CH 34:32 የሩሳላመንነ ቢንያማን ደእያ አሳ ኡባ ሄ ቃላ ጫቁዋ ናጋናዳን ገፍሴዳ፤ የሩሳላመን ደእያ አሳይ ጾሳ፥ ባረንቱ ማይዛ አዎቱዋ ጾሳ ጫቁ ግያዋዳን ኦꬄድኖ።
2CH 34:33 ዮስያሰ እስራኤልያ አሳዉ ደእያ ጋድያፐ ቱናባ ኡባ ድጌዳ። ያን ደእያ ኡባቱ መꬍና ጎዳዉ፥ ባረንቱ ጾሳዉ፥ ኦꬃናዳን ኦꬄዳ። ዮስያሰ ደኤዳ ላይꬃ ኡባን፥ ኡንቱንቱ መꬍና ጎዳ ባረንቱ ማይዛ አዎቱዋ ጾሳ ካልያዋ አግበይክኖ።
2CH 35:1 ሄዋፐ ጉይያን፥ ዮስያሰ የሩሳላመን መꬍና ጎዳዉ ፓስጋ ባላ ቦንቼዳ። ኮይሮ አግናን ታማነ ኦይደንꬆ ጋላስ ፓስጋ ዶርሳ ማራ ሹኬድኖ።
2CH 35:2 ዮስያሰ ቄሳቱ ዋ ኡንቱንታ ኪታን ኪታን ሱንꬄዳ፤ ኡንቱንቱ መꬍና ጎዳ ጌሻ ጎልያ ኪታን ምንꬄዳ።
2CH 35:3 መꬍና ጎዳዉ ጌሻ ግዲደ፥ እስራኤልያ ኡባ ታማርስያ ሌዋቱዋ እ ሀዋዳን ያጌዳ፤ “ጌሻ ታቦታ ዳዊታ ናአይ፥ እስራኤልያ ካቲ ሶሎሞነ ኬጽሴዳ ጌሻ ጎልያን ዎꬅተ። ሀዋፐ ስንꬃን ታቦታ ህንተንቱ ሀሽያን ቶካናዉ ኮሸና። ሀእካ ጾሳዉ፥ ህንተንቱ መꬍና ጎዳዉነ፥ አ አሳ እስራኤልያዉ ኦꬅተ።
2CH 35:4 እስራኤልያ ካቲ ዳዊተነ አ ናአይ ሶሎሞነ ጻፎዋዳን፥ ህንተንቱ ጩጉዋን ጩጉዋንነ ህንተንቱ አዎቱዋ ጎለን ጎለን ህንተንታ ጊግስተ።
2CH 35:5 “ህንተንቱ ሌዋቱ ህንተንቱ ዳቦቱዋ፥ እስራኤልያ ዛራቱዋ ያራቱዋ ማዳና ማላ፥ ህንተንቱ ያራን ያራን ሻከቲደ፥ ጌሻ ጎልያ ግዱዋን ኤቂተ፤
2CH 35:6 ፓስጋ ዶርሳ ማራቱዋካ ሹክተ። ህንተንቱ ሁጲያዉካ ጌይተ፤ መꬍና ጎዳይ ሙሴ ባጋና ሃሳዬዳ ቃላ ኡንቱንቱ ኦꬃናዳን ህንተንቱ ዳቦቶ ዶርሳ ማራቱዋ ጊግስተ” ያጌዳ።
2CH 35:7 ዮስያሰ ፓስጋ ያርሾ ሀናናዳን ሄ ሳኣን ደእያ አሳዉ ሀታሙ ሻአ ዶርሳ ማራቱዋነ ዴሻ ማራቱዋ እሜዳ፤ ቃይ ሄዙ ሻአ ኮሩማቱዋካ እሜዳ። ሀዋንታ ኡባ ካቲ ባረ ዉድያፐ እሜዳ።
2CH 35:8 ካቲ ሱንꬄዳ ካፓቱካ አሳዉ፥ ቄሳቱ ዉነ ሌዋቶ ባረንቱባ ባረንቱ ሸንያን እሜድኖ። ጾሳ ጌሻ ጎልያ ካፓቱ ህልቂ፥ ዛካራስነ ይህኤል ፓስጋ ያርሾ ሀንያ ላኡ ሻአነ ኡሱፑን ጼቱ ዶርሳ ማራቱዋነ ዴሻ ማራቱዋ ቄሳቶ እሜድኖ፤ ቃይ ሄዙ ጼቱ ኮሩማቱዋካ እሜድኖ።
2CH 35:9 ሌዋቱ ካፓቱ ኮናኒነ አ እሻቱ ሻማኤነ ናታንኤል፥ ቃይ ሀሻቢ፥ ይእኤልነ ዮዛባድ ፓስጋ ያርሾ ሀንያ እቼሹ ሻአ ዶርሳ ማራቱዋነ ዴሻ ማራቱዋ ሌዋቶ እሜድኖ፤ ቃይ እቼሹ ጼቱ ኮሩማቱዋካ እሜድኖ።
2CH 35:10 ፓስጋ ባላዉ ኡባባይ ጊጌዳ፤ ካትያ አዛዙዋዳን ቄሳቱ ባረንቱ ሳኣን ሳኣን፥ ሌዋቱካ ባረንቱ ጩጉዋን ጩጉዋን ኤቄድኖ።
2CH 35:11 ፓስጋ ዶርሳ ማራቱ ሹከትያ ዎደ፥ ሌዋቱ ጋልባ ቃርሽን፥ ቄሳቱ ሱꬃ አኪደ፥ ያርሽያ ሳኣ ቦላ ጫጫፌድኖ።
2CH 35:12 ሄዋፐ ጉይያን፥ ጹግያ ያርሾ ጊጌዳ ዶርሳቱዋ አሹዋ ሌዋቱ ባረ ጎልያ አሳን አሳን ሻከት ኡቴዳ እስራኤልያ ዛራቱዋ ያራቶ እሜድኖ። ሌዋቱ ሄዋ እሜዳዌ ሙሴ ማጻፋን ጻፈቴዳዋዳን አሳይ መꬍና ጎዳዉ ያርሻናሳ። ኡንቱንቱ ኮሩማቱዋካ ሄዋዳን ኦꬄድኖ።
2CH 35:13 ሌዋቱ ዎጋይ አዛዝያዋዳን ሹከቴዳ ፓስጋ ዶርሳ ማራቱዋ አሹዋ ታማን ጺጼድኖ፤ ጌሻ ያርሾቱዋ ጻሩዋን፥ ኦቱዋንነ ድስትያን ዶይሴድኖ። ያቲደ ካኤዳዋ እስራኤልያ ዛራቱዋ ያራቱ ኡባዉ ኤለካ ሻክ ሻክ እሜድኖ።
2CH 35:14 ሄዋፐ ጉይያን፥ ሌዋቱ ባረንቱዉነ አሮና ዘረꬃ ግድያ ቄሳቶ ፓስጋ ያርሹዋ ጊግሴድኖ። አያዉ ጎፐ፥ ሄ ቄሳቱ ጹግያ ያርሹዋነ ሞꬉዋ ያርሹዋ ያርሺደ፥ ቃማ ጋካናዉ ኦꬅኖ።
2CH 35:15 ዳዊተ፥ አሳፈ፥ ሄማንነ ካትያዉ ትምቢትያ ኦድያ ይዱቱን ካሰ አዛዜዳዋዳን፥ አሳፋ ያራቱ፥ ማዝሙርያ የጽያዋንቱ ባረንቱ ሳኣን ደኢኖ። ፐንግያ ናግያዋንቱካ ባረንቱ ናግያ ፐንግያ ፐንግያ ናጊኖ። ኡንቱንቱ ዳቦቱ፥ ሌዋቱ ኡንቱንቶ ጊግሴዳ ድራዉ፥ ኡንቱንቱ ባረንቱ ኪታ አግበይክኖ።
2CH 35:16 መꬍና ጎዳዉ ኦꬅያ ኪታይ ኡባይ፥ ፓስጋ ባላ ቦንችያዌነ ጹግያ ያርሹዋ መꬍና ጎዳዉ ያርሽያ ሳኣ ቦላ ያርሽያዌ፥ ካቲ ዮስያሰ አዛዜዳዋዳን ሀኒደ፥ ሄ ጋላስ ጊጌዳ።
2CH 35:17 ሄዋን ሺቄዳ እስራኤልያ አሳይ ሄ ጋላስ ፓስጋ ባላ ቦንቼዳ፤ ኡንቱንቱ እርሹ ገልቤና ኡክꬃ ባላካ ላፑን ጋላስ ቦንቼድኖ።
2CH 35:18 ትምቢትያ ኦድያ ሳመላ ዎድያፐ ዶምና፥ ሄዋ ማላ ፓስጋ ባላይ እስራኤላን ቦንቼት ኤረና። ዮስያሰ፥ ቄሳቱ ነ ሌዋቱ፥ ሄ ኮሽያን ሺቄዳ ይሁዳ አሳይ፥ እስራኤልያ አሳይ ኡባይነ የሩሳላመን ደእያ አሳይ ቦንቼዳዋ ማላ ፓስጋ ባላ ካሰ እስራኤልያ ካተቱዋፐ ቦንቼዳዌ እቱነ ባዋ።
2CH 35:19 ሀ ፓስጋ ባላይ ዮስያሰ ካተቴዳ ታማነ ሆስፑንꬃ ላይꬃን ቦንቼቴዳ።
2CH 35:20 ሀ ኡባፐ ጉይያን፥ ዮስያሰ ጌሻ ጎልያ ጊግሴዳ ዎደ፥ ግብጼ ካቲ ናኮይ ኤፍራጺሳ ሻፋ ኤለካ ደእያ ካርካሚሻ ግያ ካታማን ኦለታናዉ ቤዳ። ዮስያሰ አ ተአናዉ ከሴዳ።
2CH 35:21 ሽን ናኮይ ዮስያሳኮ አሳ ኪቲደ፥ “ይሁዳ ካትያዉ፥ ታናነ ኔና ዋላስያዌ አዬ? ታን ዬዳዌ ታ ሞርከቱዋ ኦላናሳፐ አትና፥ ኔና ኦላናሳ ግደና። ታ ሞርከቱዋ ታን ኤለካ ኦላናዳን ጾሳይ ታና አዛዜዳ። ጾሳይ ኔና ꬋይሰናዳን፥ ታናና ደእያ ጾሳና ጋዳትያዋ አጋ” ያጌዳ።
2CH 35:22 ግዶፐነ፥ ዮስያሰ ጾሳይ ናኮ ባጋና ኦዴዳዋ ስሰናንነ ጉየ ስመናን እጼዳ። ሞርከቱ ባረና ኤረና ማላ፥ ባረ ካዉተꬃ ማዩዋ ላሜዳ፤ ማግዶ ደምባ ኦለታናዉ ገሌዳ።
2CH 35:23 ዎንዳፍያ አሳቱ ካትያ ዮስያሳ ዱኪደ ጫዴድኖ። ካቲ ባረ ቆማቶ፥ “ታን ሎይꬅ ጫደታድ፤ ታና ኦላ ግዶፐ ከስተ” ያጌዳ።
2CH 35:24 ቆማቱ ዮስያሳ ፓራ ጋርያፐ ደንꬂደ፥ አዉ ደእያ ላኤንꬆ ፓራ ጋርያን ዎꬂደ፥ አ የሩሳላመ አሄድኖ። እ ያን ሀይቄዳ፤ ባረ ማይዛ አዎቱዋ ማካናን ሞገቴዳ። ይሁዳ አሳይነ የሩሳላመ አሳይ ኡባይ አዉ ዬኬዳ።
2CH 35:25 ኤርማስ ዮስያሳዉ ዝላልያ ዝላሳ ከሲደ ጻፌዳ፤ ዬኩዋ ዬክያ ማጫ አሳቱነ አቱማ አሳቱ ዮስያሳ ቆፕ ቆፒደ ዬክያ ዎደ፥ ሀ ኤርማስ ከሴዳ ዝላሳ ዝላልያዌ እስራኤልያ ቢታን ዎጋ ግዴዳ። ሄ ዝላሳይ እስራኤላቱ ዬኩዋ ዝላሳ ማጻፋን ጻፈት ኡቴዳ።
2CH 35:26 ዮስያሰ ሀኔዳ ሀራባይ፥ መꬍና ጎዳ ህግያን ጻፈቴዳዋዳን እ ኦꬄዳ ሎኦ ኦሱዋባይነ
2CH 35:27 ኮይሮፐ ዉርሰꬃ ጋካናዉ እ ፖሌዳባይ ኡባይ እስራኤልያ ካተቱነ ይሁዳ ካተቱ ታርክያ ማጻፋን ጻፈት ኡቴዳ።
2CH 36:1 ሄዋፐ ጉይያን፥ ሄ ቢታ አሳይ ዮስያሳ ናኣ ዮአካዛ ዶሬድኖ፤ አ አዉዋ ሳኣን የሩሳላመን ካተዬድኖ።
2CH 36:2 ዮአካዝ ካተትያ ዎደ፥ ላይꬃይ አዉ ላታማነ ሄዛ፤ እ የሩሳላመን ሄዙ አግና ካተቴዳ።
2CH 36:3 ሄዋፐ ጉይያን፥ ግብጼ ካቲ ዮአካዛ የሩሳላመ ካተተꬃፐ ዎꬄዳ፤ ሄዙ ሻአነ ኦይዱ ጼቱ ኪሎ ግራመ ዴጽያ ጻጋራ ብራነ ሀታማነ ኦይዱ ኪሎ ግራመ ዴጽያ ዎርቃ ይሁዳ አሳ ጊርሴዳ።
2CH 36:4 ግብጼ ካቲ ዮአካዛ እሻ ኤልያቅማ ይሁዳ ቦላነ የሩሳላመ ቦላ ካተዬዳ፤ አ ሱንꬃ ዮኣቄማ ያጊደ ላሜዳ። ያቲደ ዮኣቄማ እሻ ዮአካዛ ግብጼ አፌዳ።
2CH 36:5 ዮኣቄም ካተትያ ዎደ፥ ላይꬃይ አዉ ላታማነ እቼሻ፤ እ የሩሳላመን ታማነ እት ላይꬃ ካተቴዳ። መꬍና ጎዳ ባረ ጾሳ ስንꬃን ኢታባ ኦꬄዳ።
2CH 36:6 ባብሎነ ካቲ ናቡካዳናጾረ አ ኦለቲደ፥ ባብሎነ አፋናዉ ናሃስያ ሳንሳላታን ቃቼዳ።
2CH 36:7 ናቡካዳናጾረ ቃይ መꬍና ጎዳ ጌሽሳ ጎልያፐ ሻሉዋ አኪደ፥ ባብሎነ አፊደ፥ ባረ ካትያ ጎለን ዎꬄዳ።
2CH 36:8 ዮኣቄም ሀኔዳ ሀራባይ፥ እ ኦꬄዳ ቱናባይነ እ ኦꬄዳ ኢታባይ ኡባይ እስራኤልያ ካተቱነ ይሁዳ ካተቱ ታርክያ ማጻፋን ጻፈት ኡቴዳ። እ ሀይቂና፥ አ ኮታን አ ናአይ ዮኣኪነ ካተቴዳ።
2CH 36:9 ዮኣኪነ ካተትያ ዎደ፥ ላይꬃይ አዉ ሆስፑና፤ እ የሩሳላመን ሄዙ አግናነ ታሙ ጋላሳ ካተቴዳ። መꬍና ጎዳ ስንꬃን እ ኢታባ ኦꬄዳ።
2CH 36:10 ላይꬃይ ላመትያ ዎደ ካቲ ናቡካዳናጾረ አሳ ኪቲደ፥ ዮኣኪናነ መꬍና ጎዳ ጌሻ ጎልያን ደእያ አልኦ ሚሻቱዋ አናና እትፐ ባብሎነ አህሴዳ። ያቲደ አ አዉዋ እሻ ሰደቅያሳ ይሁዳ ቦላነ የሩሳላመ ቦላ ካተዬዳ።
2CH 36:11 ሰደቅያስ ካተትያ ዎደ፥ ላይꬃይ አዉ ላታማነ እታ፤ እ የሩሳላመን ታማነ እት ላይꬃ ካተቴዳ።
2CH 36:12 መꬍና ጎዳ ባረ ጾሳ ስንꬃን እ ኢታባ ኦꬄዳ፤ ቃይ መꬍና ጎዳ ሱንꬃን ትምቢትያ ኦድያ ኤርማሳ ስንꬃን ባረና ካዉሽቤና።
2CH 36:13 ሰደቅያስ አማነታናዳን ባረና ጾሳ ሱንꬃን ጫቀꬄዳ ናቡካዳናጾራ ቦላ ማካሌዳ። መꬍና ጎዳኮ እስራኤልያ ጾሳኮ ስምያዋ አጊደ፥ ባረ ሞርግያ ዞዝሴዳ፤ ባረ ዎዛናካ ሙምሴዳ።
2CH 36:14 ቃይ ይሁዳ አሳይነ ኡንቱንታ ካለꬅያ ቄሳቱ፥ ኡባካ አማነተናዋንታ ግዴድኖ። ኡንቱንቱ ሀራ ካዉተꬃ አሳይ ኦꬅያ ሸነይያ ኦሳቱዋ ቁሊደ፥ መꬍና ጎዳይ የሩሳላመን ጌሼዳ አ ጌሻ ጎልያካ ቱንሴድኖ።
2CH 36:15 መꬍና ጎዳይ፥ ኡንቱንቱ ማይዛ አዎቱዋ ጾሳይ ባረ አሳዉነ ባረ ጌሻ ጎልያዉ ቃረትያ ድራዉ፥ ባረ ትምቢትያ ኦድያዋንታ ኡንቱንቶ ዛር ዛሪደ ኪቴዳ።
2CH 36:16 ሽን መꬍና ጎዳ ሀንቁ ኡንቱንቱ ቦላ ዎꬋናዋ ጋካናዉነ ኡንቱንቶ ከስ አክያ ሳአይ ꬋያና ጋካናዉ፥ ኡንቱንቱ ጾሳይ ኪቴዳዋንቱ ቦላ ቅሊጬድኖ፥ አ ቃላ ካꬌድኖነ ትምቢትያ ኦድያዋንቱ ቦላ ሚጬድኖ።
2CH 36:17 ሄዋ ድራዉ፥ ጾሳይ ባብሎነ ካትያ ኡንቱንቱ ቦላ ደንꬂደ አሄዳ። ያትና ኡንቱንቱ ያላጋ አቱማ አሳ ጌሻ ጎልያ ግዶን ማሻን ዎꬌዳ፤ ያላጋ አቱማ አሳቶ፥ ዎይ ጌላዮቶ፥ ዎይ ጭማቶ፥ ቃረተናን፥ ጾሳይ ኡንቱንታ ኡባ ናቡካዳናጾራ ኩሽያን አꬂደ እሜዳ።
2CH 36:18 ባብሎነ ካቲ ጾሳ ጌሻ ጎልያን ደእያ ሚሻቱዋ ኡባ፥ ዳሩዋነ ላፋ፥ መꬍና ጎዳ ጌሻ ጎልያን ደእያ ሚሻ፥ ካትያ ሚሻነ አ ኦሳንቻቱ ሚሻ ኡባ አኪደ፥ ባብሎነ አፌዳ።
2CH 36:19 ሄዋፐ ጉይያን፥ ባብሎነ ኦላንቻቱ ጾሳ ጌሻ ጎልያ ታማን ጹጊደ፥ የሩሳላመ ድርሳ ግምቢያካ ላሌድኖ። ካትያ ጎልያ ኡባ ታማን ጹጊደ፥ ያን ደእያ አልኦ ሻሉዋ ኡባ ꬋይሴድኖ።
2CH 36:20 ካቲ ማሻፐ ፓላሂደ አቴዳዋንታ ኦሞዲደ ባብሎነ አፌዳ። ፓርሰ ካዉተꬃይ ዎልቃማና ጋካናዉ፥ ኡንቱንቱ አዉነ አ ናናዉ ቆማ ግዴድኖ።
2CH 36:21 ሄዋን መꬍና ጎዳይ ትምቢትያ ኦድያ ኤርማሳ ባጋና ኦዴዳ ቃላይ ፖለቴዳ። ዉርሰꬃን ቢታይ ላፑን ታሙ ላይꬃ ኩመንꬃ አሳይ ባይና ሳኣ ግዲደ ሸምፔዳ፤ ሄዌነ፥ ላፑንꬃ ላፑንꬃ ላይꬃ ሳምባታ ኦꬂደ፥ ጋድያ ሸምፕስያዋ አሳይ አጌዳ ግሻሳ።
2CH 36:22 ፓርሰ ካቲ ቂሮስ ካተቴዳ ኮይሮ ላይꬃን፥ ትምቢትያ ኦድያ ኤርማሳ ባጋና መꬍና ጎዳይ ሃሳዬዳዋ ፖሌዳ። ፓርሰ ካቲ ቂሮስ ባረ ካዉተꬃ ግዶን ኡባ ሳን ሀዋዳን ያጊደ አዋያናዳንነ ጻፊደ ዎꬃናዳን መꬍና ጎዳይ አ አያና ደንꬄዳ፤
2CH 36:23 “ፓርሰ ካቲ ቂሮስ ሀዋዳን ያጌ፤ ‘መꬍና ጎዳይ፥ ሳሉዋ ጾሳይ ሀ ሳኣ ካዉተꬃቱዋ ኡባ ታዉ እሜዳ፤ ቃይ ይሁዳን ደእያ የሩሳላመን ታን አዉ ጌሻ ጎልያ ኬጻናዳን ታና ሱንꬄዳ። መꬍና ጎዳ አሳ ግዴዳ ኦንነ ያ ቦ። መꬍና ጎዳይ አ ጾሳይ አናና ግዶ!’ ያጌ” ያጌዳ።
EZR 1:1 ፓርሰ ካቲ ቂሮስ ካተቴዳ ኮይሮ ላይꬃን፥ ትምቢትያ ኦድያ ኤርማሳ ባጋና መꬍና ጎዳይ ሃሳዬዳዋ ፖሌዳ። ፓርሰ ካቲ ቂሮስ ባረ ካዉተꬃ ግዶን ኡባ ሳን ሀዋዳን ያጊደ አዋያናዳንነ ጻፊደ ዎꬃናዳን መꬍና ጎዳይ አ አያና ደንꬄዳ፤
EZR 1:2 “ፓርሰ ካቲ ቂሮስ ሀዋዳን ያጌ፤ ‘መꬍና ጎዳይ ሳሉዋ ጾሳይ ሳኣ ካዉተꬃቱዋ ኡባ ታዉ እሜዳ፤ ቃይ ይሁዳን ደእያ የሩሳላመን ታን አዉ ጌሻ ጎልያ ኬጻናዳን ታና ሱንꬄዳ።
EZR 1:3 ጾሳ አሳ ግዴዳ ኦንነ ያ ቦ። አ ጾሳይ አናና ግዶ! ህንተንቱ ይሁዳን ደእያ የሩሳላመ ቢደ፥ ያን የሩሳላመን ደእያ መꬍና ጎዳ፥ እስራኤልያ ጾሳ ጌሻ ጎልያ ዛረꬂደ ኬጽተ።
EZR 1:4 ዱማ ዱማ ቢታን ደእያ አሳይ ኡባይ አይሁዳቱዋፐ አቴዳዋንቱ ብራ፥ ዎርቃ፥ ዱማ ዱማ ሚሻቱዋነ መህያ እሚደ ማድኖ፤ ቃይ የሩሳላመን ደእያ ጾሳ ጎለውካ ባረንቱ ሸንያን እምያ እሞታ እምኖ’ ያጌዳ” ያጌ።
EZR 1:5 ሄዋፐ ጉይያን፥ ይሁዳ ዛራቱነ ቢንያማ ዛራቱዋ ካፓቱ፥ ቄሳቱ ነ ሌዋቱ፥ ቃይ ጾሳይ ኡንቱንቱ ዎዛና ደንꬄዳ ኡባቱ የሩሳላመን መꬍና ጎዳ ጎልያ ኬጻናዉ ባናዉ ደንዴድኖ።
EZR 1:6 ቃይ ኡንቱንቱ ሾሩዋን ደእያዋንቱካ ባረንቱ ሸንያን እሜዳዋ ቦላ ጉጂደ፥ ብራ ሚሻነ ዎርቃ ሻሉዋ፥ ሀራ ዱማ ዱማ ሚሻቱዋነ መህያ እሚደ፥ ኡንቱንታ ማዴድኖ።
EZR 1:7 ሄዋ ቦላካ ቃይ ካቲ ቂሮስ ናቡካዳናጾረ የሩሳላመፐ አፊደ ባረ ጾሳቱዋ ጎለን ዎꬄዳ መꬍና ጎዳ ጎልያ ሚሻቱዋ እሜዳ።
EZR 1:8 ፓርሰ ካቲ ቂሮስ ሚሻቱዋ ዎꬅያ ጎልያ ካፑዋ ምትረዳታን ከስሲድነ ፓይድሲደ፥ ይሁዳ ሞድያ ሸሽባጻራ ኩሽያን ሼዳ።
EZR 1:9 ስሜዳ ሚሻ ፓይዱ ሀዋ: ሀታሙ ዎርቃ ሳነቱዋ፥ እት ሻአ ብራ ሳነቱዋ፥ ላታማነ ኡዱፑን ጎሎዶቱዋ፥
EZR 1:10 ዎርቃፐ ኦሰቴዳ ሀታሙ ሚሻቱዋ፥ ብራፐ ኦሰቴዳ ኦይዱ ጼታነ ታሙ ሚሻቱዋነ እት ሻአ ሀራ ዱማ ዱማ ሚሻቱዋ።
EZR 1:11 ዎርቃ ሚሻቱነ ብራ ሚሻ ፓይዱ ኡባና እቼሹ ሻአነ ኦይዱ ጼታ፤ ሀ ሚሻቱዋ ኡባ ኦሞዱዋን ቤዳ አሳይ ባብሎነፐ የሩሳላመ ስምያ ዎደ ሸሽባጻር አኪደ ዬዳ።
EZR 2:1 ባብሎነ ካቲ ናቡካዳናጾረ ኦሞዲደ፥ ባረ ጋድያ አፌዳ አሳፐ ፑደ ባረንቱ ካታማ ካታማ፥ የሩሳላመነ ይሁዳ ስሜዳ አሳቱ ሀዋፐ ካልያዋንታ።
EZR 2:2 ኡንቱንቱ ዛሩባቤላ፥ ኢያሳ፥ ናህምያ፥ ሳራያ፥ ራኤላያ፥ ማርድክዮሳ፥ ብልሻና፥ ምስፓራ፥ ብግዋያ፥ ረሁማነ ባኣና። ኦሞዱዋፐ ስሜዳ እስራኤልያ አሳ ፓይዱ ሀዋ።
EZR 2:3 ፓርኦሻ ያራቱ 2,172.
EZR 2:4 ሻፋጽያ ያራቱ 372.
EZR 2:5 አራሀ ያራቱ 775.
EZR 2:6 ኢያሱነ ዮኣባ ናና ግድያ ፓሀት-ሞኣባ ያራቱ 2,812.
EZR 2:7 ኤላማ ያራቱ 1,254.
EZR 2:8 ዛቱ ያራቱ 945.
EZR 2:9 ዛካያ ያራቱ 760.
EZR 2:10 ባና ያራቱ 642.
EZR 2:11 በባያ ያራቱ 623.
EZR 2:12 አዝጋዳ ያራቱ 1,222.
EZR 2:13 አዶንቃማ ያራቱ 666.
EZR 2:14 ብግዋያ ያራቱ 2,056.
EZR 2:15 አዲና ያራቱ 454.
EZR 2:16 ህዝቂያሳ ያራ ግድያ አጼራ ያራቱ 98.
EZR 2:17 በጻያ ያራቱ 323.
EZR 2:18 ዮራ ያራቱ 112.
EZR 2:19 ሀሹማ ያራቱ 223.
EZR 2:20 ግባራ ያራቱ 95.
EZR 2:21 ቤተሌመ አሳይ 123.
EZR 2:22 ናጾፋ ካታማ አሳይ 56.
EZR 2:23 አናቶታ ካታማ አሳይ 128.
EZR 2:24 አዝማዌታ ካታማ አሳይ 42.
EZR 2:25 ቅርያት-ይኣሪማ፥ ካፊራነ ባኤሮታ ካታማቱዋ አሳይ 743.
EZR 2:26 ራማነ ገባአ ካታማቱዋ አሳይ 621.
EZR 2:27 ምክማሳ ካታማ አሳይ 122.
EZR 2:28 ቤቴለነ አታ ካታማቱዋ አሳይ 223.
EZR 2:29 ናቦ ካታማ አሳይ 52.
EZR 2:30 ማግቢሻ ካታማ አሳይ 156.
EZR 2:31 ላኤንꬆ ኤላማ ካታማ አሳይ 1,254.
EZR 2:32 ሀሪማ ካታማ አሳይ 320.
EZR 2:33 ሎዳ፥ ሀዲዳነ ኦኖ ካታማቱዋ አሳይ 725.
EZR 2:34 እያርኮ ካታማ አሳይ 345.
EZR 2:35 ሳናአ ካታማ አሳይ 3,630.
EZR 2:36 ሀዋንቱ ኦሞዱዋፐ ስሜዳ ቄሳቱ ዋ: ኢያሱ ያራ ግድያ ያዳያ ያራቱ 973፤
EZR 2:37 እሜራ ያራቱ 1,052፤
EZR 2:38 ፓሽሁራ ያራቱ 1,247፤
EZR 2:39 ሀሪማ ያራቱ 1,017።
EZR 2:40 ሀዋንቱ ኦሞዱዋፐ ስሜዳ ሌዋቱዋ: ሆዳዊያ ያራ ግድያ ኢያሱነ ቃድምኤላ ያራቱ 74፤
EZR 2:41 አሳፋ ያራ ግድያ ማዝሙርያ የጽያዋንቱ 128፤
EZR 2:42 ፐንግያ ናግያ ሻሉማ፥ አጼራ፥ ጻልሞና፥ አቁባ፥ ሀጺጻነ ሾባያ ያራቱ 139.
EZR 2:43 ጌሻ ጎልያን ኦꬅያ ቆማቱዋ ያራቱዋ: ጺሀ ያራቱዋ፥ ሀሱፋ ያራቱዋ፥ ጻባኦታ ያራቱዋ፥
EZR 2:44 ቄሮሳ ያራቱዋ፥ ስኣሀ ያራቱዋ፥ ፓዶና ያራቱዋ፥
EZR 2:45 ላባና ያራቱዋ፥ ሀጋባ ያራቱዋ፥ አቁባ ያራቱዋ፥
EZR 2:46 ሀጋባ ያራቱዋ፥ ሻምላያ ያራቱዋ፥ ሀናና ያራቱዋ፥
EZR 2:47 ግዴላ ያራቱዋ፥ ጋሃራ ያራቱዋ፥ ራኣያ ያራቱዋ፥
EZR 2:48 ራጺና ያራቱዋ፥ ናቆዳ ያራቱዋ፥ ጋዛማ ያራቱዋ፥
EZR 2:49 ኡዛ ያራቱዋ፥ ፓሴሀ ያራቱዋ፥ በሳያ ያራቱዋ፥
EZR 2:50 አስና ያራቱዋ፥ መኡኒማ ያራቱዋ፥ ናፍሲማ ያራቱዋ፥
EZR 2:51 ባቅቡቃ ያራቱዋ፥ ሀቁፋ ያራቱዋ፥ ሀርሁራ ያራቱዋ፥
EZR 2:52 ባጽሉታ ያራቱዋ፥ ማሂዳ ያራቱዋ፥ ሀርሻ ያራቱዋ፥
EZR 2:53 ባርቆሳ ያራቱዋ፥ ስሳራ ያራቱዋ፥ ተማሀ ያራቱዋ፥
EZR 2:54 ናጺሀ ያራቱዋነ ሀጺፋ ያራቱዋ።
EZR 2:55 ሶሎሞነ ቆማቱዋ ያራቱዋ: ሶጻያ ያራቱዋ፥ ሀሶፈሬታ ያራቱዋ፥ ፓሩዳ ያራቱዋ፥
EZR 2:56 ያእላ ያራቱዋ፥ ዳርቆና ያራቱዋ፥ ግዴላ ያራቱዋ፥
EZR 2:57 ሻፋጽያ ያራቱዋ፥ ሀጺላ ያራቱዋ፥ ፖከረት-ሀጻባይማ ያራቱዋነ አማ ያራቱዋ።
EZR 2:58 ጌሻ ጎልያን ኦꬅያ ቆማቱዋ ያራቱነ ሶሎሞነ ቆማቱዋ ያራቱዋ ፓይዱ ኡባና ሄዙ ጼታነ ኡዱፑን ታማነ ላኡዋ።
EZR 2:59 ሀራቱካ ቃይ ተልመላሀ፥ ተልሀርሻ፥ ካሩባ፥ አዳናነ እሜራ ግያ ካታማቱዋፐ የሩሳላመ ፑደ ቤድኖ። ሽን ኡንቱንቱ፤ ባረንቱ አዎቱ እስራኤልያ ሼሻ ግድያዋ ኤርሳናዉ ዳንዳይበይክኖ።
EZR 2:60 ሄዋንቱ ዳላያ፥ ጾቢያነ ናቆዳ ያራቱዋ፤ ኡንቱንቱ ፓይዱካ ኡባና ኡሱፑን ጼታነ እሻታማነ ላኡዋ።
EZR 2:61 ቄሳቱ ዋፐ ሀባያ ያራቱ፥ ሀቆጻ ያራቱነ ባርዝላያ ያራቱ ስሜድኖ። ሀዌ ባርዝላያ ግያዌ ጋላኣደ ቢታ አሳ ግድያ ባርዝላያ ናቶ አኪደ፥ ባረ ቦሉዋ ሱንꬃን ጼሰቴዳ።
EZR 2:62 ሀዋንቱ ባረንቱ የለታ ጻጱዋ ኤራናዉ የለታ ማጻፋን ኮዬድኖ፥ ሽን ደምበይክኖ። ሄዋ ድራዉ፥ ኡንቱንቱ ቱናዳን ፓይደቲደ፥ ቄሰተꬃን ኦናዳንነ ቄሰ ግደናዳን ድገቴድኖ።
EZR 2:63 ቃይ ኡሪምያንነ ቱሚምያን ሻክ ፕርድያ ቄሲ ደንዳና ጋካናዉ፥ ኡንቱንቱ ጌሻ ቁማፐ ማናዉ ዳንዳየናዋ አይሁዳቱዋ ሞድያዌ ኡንቱንታ አዛዜዳ።
EZR 2:64 ኦሞዱዋፐ ይሁዳ ቢታ ስሜዳ አሳ ፓይዱ ኡባና 42,360.
EZR 2:65 ሄዋ ቦላካ ቃይ 7,337 አቱማ ቆማቱነ ማጫ ቆማቱነ 200 አቱማዋነ ማጫ ማዝሙርያ የጽያዋንቱካ ስሜድኖ።
EZR 2:66 ኡንቱንቱ ፓራቱዋ ፓይዱ 736፤ ኡንቱንቱ ባቁሎቱ 245፤
EZR 2:67 ኡንቱንቱ ጋሎቱ 435፤ ኡንቱንቱ ሀረቱ ቃይ 6,720.
EZR 2:68 ኡንቱንቱ የሩሳላመን ካሰ መꬍና ጎዳ ጎሊ ደእያ ሳኣ ጋኬዳ ዎደ፥ ያራቱ ካፓቱዋፐ አማሬዳዋንቱ መꬍና ጎዳ ጎሊ ካሰ ባረ ሳኣን ኬጸታና ማላ፥ ባረንቱ ሸንያን እሞታ እሜድኖ።
EZR 2:69 እቱ እቱ ባረዉ ዳንዳይያዋ ኬሻ ኬሻ ሀ ጾሳ ጎልያ ኦሶ እሜዳ፤ ኡንቱንቱ ኡባና 500 ኪሎ ግራምያ ዴጽያ ዎርቃ፥ 2,800 ኪሎ ግራምያ ዴጽያ ብራነ 100 ቄሳቱዋ ማዩዋ እሜድኖ።
EZR 2:70 ሄዋፐ ጉይያን ቄሳቱ፥ ሌዋቱነ አሳፐ አማሬዳዋንቱ የሩሳላመን ኡቴድኖ፤ ማዝሙርያ የጽያዋንቱ፥ ፐንግያ ናግያዋንቱነ ጌሻ ጎልያን ኦꬅያ ቆማቱ የሩሳላመ ዩሹዋን ደእያ ካታማቱዋን ኡቴድኖ፤ ቃይ አቴዳ እስራኤልያ አሳቱ ኡባይ ባረንቱ ካታማቱዋን ካታማቱዋን ኡቴድኖ።
EZR 3:1 ላፑንꬃ አግናይ ጋክያ ዎደ እስራኤልያ አሳይ ባረንቱ ካታማ ካታማ ስሜድኖ፥ ኡንቱንቱ ኡባይ እት አሳዳን የሩሳላመን ሺቄድኖ።
EZR 3:2 ዮጸዴቃ ናኣ ኢያሱነ አ ካልያ ቄሳቱ ቃይ ሳላትያላ ናኣ ዛሩባቤልነ አ ዳቦቱ ጾሳ አሳ ሙሴ ህግያን ካሰ ጻፈቴዳዋዳን ጹግያ ያርሹዋ ያርሻናዉ፥ እስራኤልያ ጾሳዉ ያርሽያ ሳኣ ጊግሴድኖ።
EZR 3:3 ኡንቱንቱ ሄ ጋድያን ደእያ አሳዉ ያዮፐነ፥ አገናን ያርሹዋ ያርሽያ ሳኣ ካሰ እ ኮለቴዳ ሳኣን ዛረꬂደ ኬጼድኖ። ጊግሲደ፥ ጹግያ ያርሹዋ መꬍና ጎዳዉ ዎንታነ ኦማርስ ኡባ ዎደ ያርሼድኖ።
EZR 3:4 ካሰ ጻፈቴዳዋዳንካ ኡንቱንቱ ዳስያ ባላ ቦንቼድኖ፤ ጹግያ ያርሹዋካ ሀቼዉ ሀቼዉ በስያዋ ፓይዱዋ ፓጭሰናን ያርሼድኖ።
EZR 3:5 ቃይ ኡባ ዎደ ያርሽያ ጹግያ ያርሹዋ፥ አግናይ ጼርያ ዎደ ያርሽያ ያርሹዋነ መꬍና ጎዳ ጌሻ ባላቱዋን ያርሽያ ያርሹዋ ኡባካ ያርሼድኖ። ሄዋ ቦላካ አሳይ ባረ ሸንያን መꬍና ጎዳዉ እሜዳ እሞታ ኡባካ ያርሼድኖ።
EZR 3:6 ላፑንꬃ አግናን ኮይሮ ጋላሳን ኡንቱንቱ መꬍና ጎዳዉ ጹግያ ያርሹዋ ያርሽያዋ ዶሜድኖ፤ ሽን ሄ ዎደ መꬍና ጎዳ ጌሻ ጎልያ ኬጽያ ባሱ ብሮ ባሰትቤና።
EZR 3:7 ሄዋፐ ጉይያን፥ ሹቻ ማስያዋንቶነ አናጸቶ ሻሉዋ ግሺደ ቃጻሬድኖ። ፓርሰ ካቲ ቂሮስ ኡንቱንቶ አዛዜዳ ድራዉ፥ ሊባኖሳፐ ዝጋ አባ ፕንꬂደ፥ ዮጰ አሀናዉ ሲዶናነ ጺሮሳ ቢታ አሳዉ ቁማ፥ ኡሻነ ዛይትያ እሜድኖ።
EZR 3:8 ሄዋፐ ጉይያን፥ ኡንቱንቱ የሩሳላመን ደእያ ጾሳ ጎሊ ደእያ ሳኣ ጋኬዳ ላኤንꬆ ላይꬃን ላኤንꬆ አግናን፥ ሳላትያላ ናአይ ዛሩባቤለ፥ ዮጸዴቃ ናኣ ኢያሱነ ኡንቱንቱ ዳቦቱ፥ ቄሳቱ፥ ሌዋቱነ ኦሞዱዋፐ ስሚደ፥ የሩሳላመ ዬዳ አሳይ ኡባይ ኪታ ዶሜድኖ። ቃይ መꬍና ጎዳ ጎልያ ኪታ አዎተꬃን ጼላና ማላ፥ ላታሙ ላይꬃ ግዴዳዋንታነ ላታሙ ላይꬃፐ አꬌዳ ሌዋቱዋ ሱንꬄድኖ።
EZR 3:9 ሌዊያ ዛርያ ግድያ ኢያሱ፥ አ ናናይነ አ ዳቦቱ፥ ሆዳዊያ ያራ ግድያ ቃድምኤልነ አ ናናይ እትፐ ግዲደ፥ ጾሳ ጎልያ ኪታ አዎተꬃን ጼሌድኖ፤ ቃይ ሄናዳዳ ያራ ግድያ ሌዋቱካ ኡንቱንቱ ማዴድኖ።
EZR 3:10 ግምቢያዋንቱ መꬍና ጎዳ ጌሻ ጎልያ ግምባናዉ ባሱዋ ባስ ዉርሴዳ ዎደ፥ ቄሳቱ ባረንቱ ማዩዋ ማይ ጹሩምባ ኦይቂደ፥ ቃይ አቱማ አሳ ግድያ አሳፋ ያራቱዋ፥ ሌዋቱካ፥ ዳላ ኦይቂደ፥ እስራኤልያ ካትያ ዳዊታ ዎጋዳን መꬍና ጎዳ ጋላታናዉ ኤቄድኖ።
EZR 3:11 ኡንቱንቱ መꬍና ጎዳ ጋላቲድነ ቃንጸናን ማዝሙርያን ሳቢደ፥ ሀዋዳን ያጊደ፥ አዉ የጼድኖ፤ “መꬍና ጎዳይ ሎአ፤ እ እስራኤልያ ሲቅያ ሲቁ መꬍናዋ” ያጌድኖ። ቃይ መꬍና ጎዳ ጎልያ ባሱ ባሰቴዳ ድራዉ፥ አሳይ ኡባይ ባረንቱ ቃላ ꬎቁ ኦꬂደ ሆምቦጪደ፥ መꬍና ጎዳ ጋላቴድኖ።
EZR 3:12 ሽን ካሰ ጎልያ በኤዳ ጭማ ቄሳቱ ዋፐ፥ ጭማ ሌዋቱዋፐነ ጭማ ጎልያ ካፓቱዋፐ ዳራቱ ሀእ ጌሻ ጎልያ ግምባናዉ ባሰቴዳ ባሱዋ በኤዳ ዎደ፥ ባረንቱ ቃላ ꬎቁ ኦꬂደ ዬኬድኖ፤ ሀራቱ ማታ ናሸቲደ ሆምቦጬድኖ።
EZR 3:13 ሄዋ ድራዉ፥ ናሸቲደ ሆምቦጭያዋ ዬክያዋፐ ሻክ ኤራናዉ ዳንዳየትቤና። አያዉ ጎፐ፥ ኡንቱንቱ ሎይꬅ ኮሹምያ ድራዉ፥ ኡንቱንቱ ኮሹንቻይካ ሃኮ ሳን ስሰቴ።
EZR 4:1 ኦሞዱዋፐ ስሜዳ አሳቱ መꬍና ጎዳዉ፥ እስራኤልያ ጾሳዉ ጌሻ ጎልያ ኬጽያዋ ይሁዳነ ቢንያማ ሞርከቱ ስሴድኖ።
EZR 4:2 ዛሩባቤላኮነ ጎልያ ካፓቱዋኮ ዪደ፥ ሀዋዳን ያጌድኖ፤ “አሶረ ካቲ አስራዶን ኑና ሀ ሳአዉ አሄዳ ጋላሳፐ ዶሚደ፥ ኑንካ ህንተንቱ ጾሳ ኮዬቶነ ያርሼቶ። ሄዋ ድራዉ፥ ኑንካ ህንተናና እትፐ አነ ኬጾይተ” ያጌድኖ።
EZR 4:3 ሽን ዛሩባቤለ፥ ኢያሱነ እስራኤልያ ዛራቱዋ ካፓቱ ኡንቱንቶ ዛሪደ፥ ሀዋዳን ያጌድኖ፤ “ኑ ጎልያ ኬጻናዉ ኑዉነ ህንተንቶ አይ እትፐተꬅነ ባዋ። ሽን ፓርሰ ካቲ ቂሮስ አዛዜዳዋዳን፥ ኑ ጻላላይ መꬍና ጎዳዉ እስራኤልያ ጾሳዉ ኬጻና” ያጌድኖ።
EZR 4:4 ሄዋፐ ጉይያን፥ ይሁዳ ቢታ አሳቱ ኬጸናዳን፥ ሄ ጋድያን ደእያ አሳቱ ሀሽያ ሾጬድኖነ ያሽሴድኖ።
EZR 4:5 ቃይ ፓርሰ ካትያ ቂሮሳ ላይꬃይ ዉራናዉነ አፐ ስሚደ ዳርዮስ ፓርሰን ካተቴዳ ዎዲ ጋካናዉ፥ ኡንቱንቱ ይሁዳ አሳቱዋ ዞረታ ላላናዉ ዞረትያዋንታ ማታዬድኖ።
EZR 4:6 አርጸክስሰ ካዉተꬃ ዶመꬃን፥ ኡንቱንቱ ይሁዳነ የሩሳላመ አሳ ሞታናዉ ፓይልያ ዶዬድኖ።
EZR 4:7 አርጸክስሰ ካተት ደእሽን፥ ብሽላም፥ ምትረዳት፥ ጻብኤልነ ኡንቱንቱና እትፐ ኦꬅያዋንቱና ግዲደ፥ ፓርሰ ካትያ አርጸክስሳዉ ዳብዳቢያ ጻፌድኖ፤ ሄ ዳብዳቢ ሶርያ ጋደ ፕዶልያንነ ቃላን ጻፈቴዳ።
EZR 4:8 ዎታዳራ ሞድያ ረሁምነ ጻፍያ ሽምሻይ የሩሳላመባ ሀዋዳን ያጊደ፥ ካትያ አርጸክስሳዉ ዳብዳቢያ ጻፌድኖ፤
EZR 4:9 “ሀ ዳብዳቢ ቢታ ሞድያ ረሁማፐ፥ ጻፍያ ሽምሻያፐ፥ በን ኤላማ ቢታን ደእያ ሱሳፐ፥ ኤሬካፐነ ባብሎነፐ ዬዳ ፕርድያነ ዳናትያ ኡንቱንቱ ያራቱዋፐነ
EZR 4:10 ግታነ ቦንቼቴዳ ካትያ አሳናፋር ኦሞድ አሂደ፥ ሳማርያንነ ኤፍራጺሳ ሻፋፐ አዋይ ዉልያ ባጋ ጋድያን ዎꬄዳ አሳ ኡባፐ ጻፌቴዳ” ያጌድኖ።
EZR 4:11 ኡንቱንቱ አዉ ኪቴዳ ዳብዳቢ ሀዋዳን ያጌ፤ “ካትያ አርጸክስሳዉ፥ ኤፍራጺሳ ሻፋፐ አዋይ ዉልያ ባጋ ጋድያን ደእያ ነ ቆማቱዋፐ፦
EZR 4:12 “ካትያዉ፥ ነ ማታፐ ሃ ኑኮ ዬዳ አይሁዳቱ የሩሳላመ ቢደ፥ ሄ ማካላንቻነ ኢታ ካታማ ዛሪደ ኬጽ ደእያዋ ኤራ። አ ግምቢያ ኦራጽሲኖ፤ አ ጻጱዋካ ኦራጽሲኖ።
EZR 4:13 ቃይ ካትያዉ፥ ሀ ካታማይ ኬጸትያባ ግዶፐነ አ ግምቢያካ ኦራጽስያባ ግዶፐ፥ ሄዋፐ ጉይያን፥ ኡንቱንቱ ጊራነ ቃራጻ ቃንጸናዋ ኤራ። ሄዋፐ ደንዴዳዋን ካትያ ጎለዉ ገልያ ሚሻይ ፓጫ ግዳና።
EZR 4:14 ኑን ካቲ ሱንꬅና ኦꬅያዋንታ ግድያ ግሻዉነ ካቲ ካዉሽሽን በአናዉ ኮየና ድራዉ፥ ሀዋ ኔን ኤራና ማላ ጊደ ኪቴቶ።
EZR 4:15 ሄዋ ድራዉ፥ ካሰ ነ አዎቱዋ ታርክያ ማጻፋይ ኮየቲደ ጼለቶ፤ ሄዋን ጻፈቴዳዋፐ ኔን ሀ ካታማይ በንፐካ ዶሚደ፥ ማካላንቻ ካታማ ግድያዋነ ካተቶነ ቢታቶ መቱዋ መꬌዳዋ ግድያዋ ኤራናዉ ዳንዳያሳ። ሄዋፐ ደንዴዳዋን እ ኮለቴዳ።
EZR 4:16 ሄዋ ድራዉ፥ ሀ ካታማይ ኬጸትያዋ ግዶፐነ አ ግምቢያካ ኦራጽስያዋ ግዶፐ፥ ኤፍራጺሳ ሻፋፐ አዋይ ዉልያ ባጋ ቢታይ ነ ኩሽያፐ ከሴዳዋ ኤራ” ያጌድኖ።
EZR 4:17 ካቲ ሀዋዳን ያግያ ዛሩዋ ኡንቱንቶ የዴዳ፤ “ዎታዳራቱዋ ሞድያ ረሁማ፥ ጻፍያ ሽምሻያ፥ ሳማርያንነ ኤፍራጺሳ ሻፋፐ አዋይ ዉልያ ባጋ ጋድያን ደእያ ኡንቱንቱና ኦꬅያ አሳ ኡባዉ፥ ህንተንታ ሳሮ ጋይ።
EZR 4:18 ህንተንቱ ታዉ የዴዳ ዳብዳቢ ብለቲደ ናባበቴዳ።
EZR 4:19 ታን አዛዝና፥ ካሰ ታርኪ ኮየቲደ ጼለቴዳ፤ ሀ ካታማይ በንፐካ ዶሚደ፥ ካተቶ ማካላንቻ ግድያዌነ መቱዋ መꬍያዋንቱ ደእያ ሳኣ ግድያዌ ኤረቴዳ።
EZR 4:20 የሩሳላመን ዎልቃማ ካተቱ ካዉቴድኖ፤ ኤፍራጺሳ ሻፋፐ አዋይ ዉልያ ባጋ ቢታፐካ ሄ ካተቱ ጊራነ ቃራጻ አኬድኖ።
EZR 4:21 ሄዋ ድራዉ፥ ታን ኡንቱንቶ ኦꬅተ ግያ አዛዙዋ እማና ጋካናዉ፥ ሀ አሳቱ ሄ ካታማ ኬጽያዋ ኤሳና ማላ ኦድተ።
EZR 4:22 ህንተንቱ ሀ የዉዋ ሸነኮ ጌና ማላ ናገትተ። አያዉ ጎፐ፥ ካተቶ መቱዋ ዳርሳናዉ ኮሸና” ያጊደ ኪቴዳ።
EZR 4:23 ካትያ አርጸክሲሳ ዳብዳቢ ረሁማዉ፥ ጻፍያ ሽምሻያዉነ ኡንቱንቱና ኦꬅያ ኡባቶ ናባበቴዳ ዎደ፥ የሩሳላመን ደእያ አይሁዳ አሳቱዋኮ ኤሌል ቢደ፥ ኡንቱንቱ ኬጽያዋ ዎልቃን ተኤድኖ።
EZR 4:24 የሩሳላመን ደእያ ጾሳ ጎልያ ኪታይ ፓርሳ ካቲ ዳርዮሰ ካተቴዳ ላኤንꬆ ላይꬃይ ጋካናዉ፥ ኤቆ ሳኣን አት አጌዳ።
EZR 5:1 ሄ ዎድያን ትምቢትያ ኦድያዋንቱ ሃገነ እዶ ናአይ ዛካራስ ይሁዳንነ የሩሳላመን ደእያ አይሁዳ አሳቶ እስራኤልያ ጾሳ ሱንꬃን ትምቢትያ ኦዴድኖ።
EZR 5:2 ሳላትያላ ናአይ ዛሩብ-ባቤልነ ዮጸዴቃ ናአይ ኢያሱ ደንዲደ፥ የሩሳላመን ደእያ ጾሳ ጎልያ ዛረꬂደ ኬጻናዉ ዶሜድኖ። ትምቢትያ ኦድያዋንቱካ ኡንቱንቱና እትፐ ግዲደ፥ ኡንቱንታ ማዴድኖ።
EZR 5:3 ሄ ዎደ፥ ኤፍራጺሳ ሻፋፐ አዋይ ዉልያ ባጋ ቢታ ሞድያ ታታናያ ግያዌ፥ ሻታርቦዝና ግያዌነ ኡንቱንቱና ኦꬅያዋንቱ ዪደ፥ “ህንተንቱ ሀ ጎልያ ኬጻና ማላነ ፖላና ማላ፥ ህንተንቶ ኦኔ ኦዴዳዌ?” ያጊደ ኦቼድኖ።
EZR 5:4 ኡንቱንቱ ቃይ፥ “ሀዋ ግምቢያ አሳቱዋ ሱንꬃይ ኦና ኦኔ?” ያጊደ ኦቼድኖ።
EZR 5:5 ሽን ሄ የዉ ዳርዮሳኮ ጋክና፥ አ ማታፐ ዳብዳቢ ጻፈቲደ ያና ጋካናዉ፥ ኡንቱንቱ ባረንቱ ኦሱዋ አግበይክኖ፤ አያዉ ጎፐ፥ ኡንቱንቱ ጾሳ አይፊ አይሁዳ ጭማቱዋ ቦላን ደኤ።
EZR 5:6 ኤፍራጺሳ ሻፋፐ አዋይ ዉልያ ባጋ ቢታ ሞድያ ታታናይ፥ ሻታርቦዝንነ ኡንቱንቱና ኦꬅያዋንቱ ካትያ ዳርዮሳዉ ኪቴዳ ዳብዳቢ
EZR 5:7 ሀዋዳን ያጌ፦ “ካትያ ዳርዮሳ፥ ኩመንꬃ ሳሮተꬃይ ነዉ ግዶ!
EZR 5:8 “ኑን ይሁዳ ጋድያን ደእያ ዎልቃማ ጾሳ ጎልያኮ ቤዶ። ሄ ሹቻን ኬጸቴዳ፤ ቃይ ግምቢያ ጋርሳንካ ምꬃይ ዎꬌዳ። ኦሱካ ዎልቃማ አኬካንነ ኤሌል ኦሰቲደ ደኤ።
EZR 5:9 “ኡንቱንቱ ጭማቱዋ ኑን ሀዋዳን ያጊደ ኦቼዶ፤ ‘ሀ ጎልያ ኬጻና ማላነ ፖላና ማላ፥ ህንተንቶ ኦኔ ኦዴዳዌ?’ ያጊደ ኦቼዶ።
EZR 5:10 ቃይ ነዉ ጻፊደ ኤርሳና ማላ፥ ኡንቱንታ ሀ ኪታን ካለꬅያዋንቱ ሱንꬃይካ ኦነንቶ ኦቼዶ።
EZR 5:11 “ኡንቱንቱ ሀዋዳን ያጊደ ዛሬድኖ፤ ‘ኑን ሳሉዋነ ሳኣ ጾሳ ቆማቱዋ፤ ቃይ ኑን እስራኤልያ ካትያ ግታይ ዳሮ ላይꬃፐ ካሰ ባጋን ኬጽ ፖሌዳ ጌሻ ጎልያ ዛረꬅ ኬጸቶ።
EZR 5:12 ኑ አዎቱ ሳሉዋ ጾሳ ሀንቀꬄዳ ድራዉ፥ እ ኡንቱንታ ባብሎነ ካትያ ናቡካዳናጾራ ኩሽያን አꬅ እምና፥ እ ሀ ጎልያ ኮል አጌዳ፤ አሳካ ባብሎነ ጋድያ ኦሞዶ አኪደ ቤዳ።
EZR 5:13 “ ‘ሽን ባብሎነ ካቲ ቂሮስ ባረ ካተቴዳ ኮይሮ ላይꬃን፥ ጾሳ ጎልያ፥ ሀዋ ዛረꬅ ኬጻና ማላ፥ አዋዩዋ ከሴዳ።
EZR 5:14 ናቡካዳናጾረ የሩሳላመን ደእያ ጾሳ ጎልያፐ አክ አፊደ፥ ባብሎነ ቢታን ደእያ ባረ ጾሳቱዋ ጎለን ዎꬄዳ ዎርቃነ ብራ ሚሻቱዋካ ቂሮስ ዛሪደ የዴዳ። “ ‘ሄ ሚሻቱ ካቲ ቂሮስ ይሁዳ ቢታ ሞዳና ማላ ዶሬዳ ሸሽባጻራ ኩሽያን ሼቴድኖ።
EZR 5:15 ካቲ ቂሮስ አ ሀዋዳን ያጌዳ፤ “ሀ ሚሻቱዋ አካ አፋደ የሩሳላመን ደእያ ጌሻ ጎልያን ዎꬃ፤ ቃይ ጾሳ ጎልያካ ካሰ እ ደእያ ሳኣን ኬጻ” ያጌዳ።
EZR 5:16 ሄዋፐ ጉይያን፥ ሸሽባጻር ዪደ፥ ጾሳ ጎልያ የሩሳላመን ባሴዳ። እ ሀእካ ዉርቤናዋ ግዶፐነ፥ ሄ ዎደፐ ዶሚደ፥ ኬጸቲደ ደኤ’ ያጌድኖ።
EZR 5:17 “ሀእ ስም ሀ የዉ ካትያ ናሸችያባ ግዶፐ፥ አነ ካቲ ቂሮስ ሀ ጎልያ የሩሳላመን ኬጻና ማላ፥ ቱሙካ አዋዩዋ ከሴደንቶ ኤራናዉ ካሰ አꬌዳ ባብሎነ ካተቱዋ ታርክያ ማዝጎባይ ኮየቲደ ጼለቶ። ሄዋፐ ጉይያን፥ ካቲ ኑን ሀ የዉዋ ዋታናዉ በስንቶ ቃቼዳ ቆፋ ኑዉ ኪቶ” ያጊደ ጻፌድኖ።
EZR 6:1 ሄዋ ድራዉ፥ ካቲ ዳርዮስ አዛዝና፥ ባብሎነ ሚሻቱዋ ዎꬅያ ጎለን ደእያ ታርክያ ማዝጋባቱዋ ኡንቱንቱ ኮዬድኖ።
EZR 6:2 ሽን ባብሎነ ካታማን ግደናን ደእሽን፥ ሜዶና ጋድያን ደእያ አህምታ ግያ ካታማን እት ጻጸቶ ማጻፋይ ቤቴዳ። ሄ ማጻፋን ጻፈቴዳባይ ሀዋዳን ያጌ፤ “ዎደናዉ ዶገተናዳን፥ ካቲ ቂሮስ ባረ ካተቴዳ ኮይሮ ላይꬃን፥ የሩሳላመን ደእያ ጾሳ ጎልያ ድራዉ፥ ሀዋዳን ያግያ አዋዩዋ ከሴዳ፤ ጾሳ ጎልያ ግድያ፥ ያርሹዋ ያርሽያ ሳአይ ዛረꬂደ ኬጸቶ፤ አ ባሱካ ባሰቶ። ሄ ጌሻ ጎሊ ኡሱፑን ታሙ ዋꬋ አዱሳነ ኡሱፑን ታሙ ዋꬋ አካ ግዶ።
EZR 6:4 ቃይ ሄዙ ማራን ዎልቃማ ሹቻይ ዎꬍና፥ ሄ ማራቱዋ ቦላን ቦላና እት ማራ ምꬃይ ዎꬎ። ሄዎ ኮሽያ ሚሻይ ኡባይ ካትያ ጎለን ሚሻ ዎꬅያ ጎልያፐ እመቶ።
EZR 6:5 ናቡካዳናጾረ፤ ‘የሩሳላመን ደእያ ጾሳ ጎልያፐ ባብሎነ አሄዳ ጾሳ ጌሻ ጎልያ ዎርቃነ ብራ ሚሻቱ ጾሳ ጎልያዉ ጉየ የሩሳላመ ስሚደ፤ ጾሳ ጌሻ ጎልያን ደእኖ’ ያጌዳ።
EZR 6:6 “ህንተንቶ ኤፍራጺሳ ሻፋፐ አዋይ ዉልያ ባጋ ቢታ ሞድያ ታታናያ፥ ሻታርቦዝናነ ኡንቱንቱና ኦꬅያ ኡባደ፥ ሄ ጎልያኮ ሺቆፕተ።
EZR 6:7 ሀ አሳቱ ኬጽያ ጾሳ ጎልያ ኦሶ ꬉበ ግዶፕተ። አይሁዳቱዋ ሞድያዌነ አይሁዳ ጭማቱ ጾሳ ጎልያ ካሰ እ ደእያ ሳኣን ዛሪደ ኬጽኖ።
EZR 6:8 “ቃይ ሀ አይሁዳ ጭማቱ ጾሳ ጎልያ ኬጽያ ዎደ፥ ኡንቱንቱ ኦꬅያ ኪታይ ኤቀና ማላ፥ ኡንቱንቶ ኮሽያ ሻሉዋ ኡባ ኤፍራጺሳ ሻፋፐ አዋይ ዉልያ ባጋ ቢታፐ ሺሼዳ ካትያ ጊራ ሚሻፐ ህንተንቱ ኡንቱንቶ እማና ማላ፥ ታን አዛዛድ።
EZR 6:9 የሩሳላመን ደእያ ቄሳቱ ሳሉዋ ጾሳዉ ጹግያ ያርሹዋ ያርሻናዉ ኮሽያባይ ኮሩማቱዋ ግድና፥ ዶርሳ ኮልያ ግድና ቃይ ዶርሳ ማራቱዋ ግዶፐነ ኡንቱንቶ እምተ። ቃይ አያነ ፓጭሰናን ኡንቱንቱ ኮይያ ዛርጋ፥ ማጽንያ፥ ዎይንያ ኤሳነ ዛይትያ ኡንቱንቶ ሀቼ ሀቼ እምተ።
EZR 6:10 ሄዋ ህንተንቱ እምያዌ ኡንቱንቱ ሳሉዋ ጾሳ ሎይꬅ ናሸችያ ያርሹዋ ያርሻናሳነ ካትያነ አ ናና ደኡዋ ድራዉካ ዎሳናዳና።
EZR 6:11 “ሀ አዋዩዋ ላምያ ኦንነ ደኦፐ፥ ‘አ ጎልያ ቱሳ ሾዲደ፥ ሄ ቱሳ ጼራ ፖጼዳዋን ሉከቲደ ሀይቆ፤ አ ኬꬃይካ ፕቱዋ ኦልያ ሳኣ ግዶ’ ጋደ ጉጃደካ አዛዛድ።
EZR 6:12 ሀ አዛዙዋ ላማናዉነ ቃይ የሩሳላመን ደእያ ጾሳ ጎልያ ኮላናዉ ኩሽያ ደንꬅያ አይ ካትያ ዎይ አሳ ግድና፥ ባረ ሱንꬃይ ጼሰታና ማላ የሩሳላመ ዶሬዳ ጾሳይ አ ꬋይሶ። ታን ዳርዮስ ሀዋ አዛዛድ። ሀ የዉዋ አሳይ ኡባይ ምኖተꬃን ፖሎ” ያጌ።
EZR 6:13 ሄዋፐ ጉይያን፥ ኤፍራጺሳ ሻፋፐ አዋይ ዉልያ ባጋ ቢታ ሞድያ ታታናይ፥ ሻታርቦዝንነ ኡንቱንቱና ኦꬅያ ኡባቱ ካቲ ዳርዮስ አዛዜዳዋዳን ምኖተꬃን ኦꬂደ ፖሌድኖ።
EZR 6:14 ሄዋ ድራዉ፥ አይሁዳ ጭማቱ ባረንቱ ኪታ አገናን ኦꬄድኖ፤ ቃይ ትምቢትያ ኦድያዌ ሀዌነ እዶ ናአይ ዛካራስ ኦዴዳ ቃላንካ ምንሴድኖ። እስራኤልያ ጾሳይ አዛዜዳዋዳንነ ፓርሰ ቢታ ካተቱ ቂሮስ፥ ዳርዮስነ አርጸክሲሰ አዋዬዳዋዳን ጌሻ ጎሊ ኬጸቲደ ዉሬዳ።
EZR 6:15 ዳርዮስ ካተቴዳ ኡሱፑንꬃ ላይꬃን አዳረ ጌተትያ አግናን ሄዘንꬆ ጋላሳን፥ ጎልያ ኪታይ ፖለቴዳ።
EZR 6:16 ሄዋፐ ጉይያን፥ እስራኤልያ አሳይ፥ ቄሳቱ፥ ሌዋቱነ ኦሞዱዋፐ ስሜዳ አሳይ ኡባይ ጾሳ ጎልያ አንጁዋ ባላ ናሸቻን ቦንቼድኖ።
EZR 6:17 ሄ ጾሳ ጎልያ አንጁዋ ባላ ቦንችያ ዎደ፥ ኡንቱንቱ እት ጼቱ ኮሩማቱዋ፥ ላኡ ጼቱ ዶርሳ ኦርገቱዋነ ኦይዱ ጼቱ ዶርሳ ማራቱዋ ያርሼድኖ፤ ቃይ ናጋራ ያርሾ ታማነ ላኡ እስራኤልያ ዛራቱዋ ፓይዱዋን ታማነ ላኡ ዴሻ ኦርገቱዋካ ያርሼድኖ።
EZR 6:18 ሙሴ ማጻፋን ጻፈቴዳዋዳን፥ የሩሳላመን ደእያ ጾሳዉ ኦꬃና ማላ፥ ቄሳቱ ዋ ባረንቱ ማራዳንነ ሌዋቱዋካ ኡንቱንቱ ዘረꬃዳን ዎꬄድኖ።
EZR 6:19 ኦሞዱዋፐ ስሜዳ አሳቱ ኮይሮ አግናን ታማነ ኦይደንꬆ ጋላሳን ፓስጋ ባላ ቦንቼድኖ።
EZR 6:20 ቃይ ቄሳቱ ነ ሌዋቱ ባረና ጌሼድኖ፤ ሄዋ ድራዉ፥ ኡንቱንቱ ኡባይካ ጌሻ። ሄዋፐ ጉይያን፥ ሌዋቱ ኦሞዱዋፐ ስሜዳ ኡባዉ፥ ቄሳቶነ ባረንቱ ሁጲያዉ ፓስጋ ዶርሳ ሹኬድኖ።
EZR 6:21 ኦሞዱዋፐ ስሜዳ እስራኤልያ አሳይነ አይሁዳ ግደና አሳቱ ኦꬅያ ቱናተꬃፐ ባረንታ ሻክ፥ መꬍና ጎዳኮ፥ እስራኤልያ ጾሳኮ ስሜዳ አሳይ ኡባይ ፓስጋ ሜድኖ።
EZR 6:22 ቃይ ኡንቱንቱ ላፑን ጋላሳዉ ማጋገ ኡክꬃ ባላ ናሸቻን ቦንቼድኖ፤ አያዉ ጎፐ፥ መꬍና ጎዳይ ኡንቱንቱ ናሸቼዳ፤ ቃይ መꬍና ጎዳ፥ ሄዌካ እስራኤልያ ጾሳ ጎልያ ኡንቱንቱ ኬጺደ ፖላና ማላ፥ አሶረ ካትያ ቆፋ ጾሳይ ላምና፥ ካቲ ኡንቱንታ ማዴዳ።
EZR 7:1 ሄዋፐ ስሚደ፥ ዳሮ ዎድያፐ ጉይያን፥ ፓርሰ ቢታን አርጸክስስ ካተቴዳ ዎድያን እዝራ ጌተትያ እት አሳይ ደኤዳ። እ ሳራያ ናኣ፤ ሳራይ አዛርያ ናኣ፤ አዛሪ ህልቂያ ናኣ፤ ህልቂ ሻሉማ ናኣ፤
EZR 7:2 ሻሉም ጻዶቃ ናኣ፤ ጻዶቀ አህጹባ ናኣ፤ አህጹብ አማርያ ናኣ፤
EZR 7:3 አማር አዛርያ ናኣ፤ አዛሪ ማራዮታ ናኣ፤ ማራዮት ዛራህያ ናኣ፤
EZR 7:4 ዛራሂ ኡዛ ናኣ፤ ኡዝ ቡቃ ናኣ፤
EZR 7:5 ቡቅ አብሹአ ናኣ፤ አብሹእ ፒንሃሳ ናኣ፤ ፒንሃስ ኤልኣዛራ ናኣ፤ ኤልኣዛረ ቄሰ ኡባቱዋ ካፑዋ አሮና ናኣ።
EZR 7:6 ሀ እዝር ባብሎነፐ ፑደ ዬዳ። እ መꬍና ጎዳይ፥ እስራኤልያ ጾሳይ እሜዳ ሙሴ ህግያ ሎይꬅ ጻናዬዳ ኤራንቻ ጻፍያ። መꬍና ጎዳ አ ጾሳ ኩሺ አ ቦላ ደእያ ድራዉ፥ እ ኦቼዳዋ ኡባ ካቲ አዉ እሜዳ።
EZR 7:7 እስራኤልያ አሳፐ አማሬዳዋንቱነ ቃይ ቄሳቱ ዋፐ፥ ሌዋቱዋፐ፥ ማዝሙርያ የጽያዋንቱፐ፥ ፐንግያ ናግያዋንቱፐነ ጌሻ ጎልያ ቆማቱዋፐ አማሬዳዋንቱ ካቲ አርጸክስስ ካተቴዳ ላፑንꬃ ላይꬃን እዝራና እትፐ ፑደ የሩሳላመ ቤድኖ።
EZR 7:8 ካቲ ካተቴዳ ላፑንꬃ ላይꬃን እቼሻንꬆ አግናን እዝር የሩሳላመ ጋኬዳ።
EZR 7:9 ኮይሮ አግናን ኮይሮ ጋላሳን ባብሎነፐ ፑደ ቡሳ ዶሚደ፥ እቼሻንꬆ አግናን ኮይሮ ጋላሳን የሩሳላመ ጋኬዳ። አያዉ ጎፐ፥ አ ጾሳ ሎኦ ኩሺ አ ቦላን ደኤ።
EZR 7:10 ሄዋ ጻላላ ግደናን እዝር መꬍና ጎዳ ህግያ ጻናያናዉነ ኦꬃናዉ፥ ቃይ እስራኤልያን አ ዎጋነ አ ፕርዳ ታማርሳናዉ ባረ ዎዛና ጊግስ ዎꬄዳ።
EZR 7:11 መꬍና ጎዳይ እስራኤልያዉ እሜዳ ህግያ ጻናዪደ፥ ሎይꬅ ኤርያ ቄሰነ ጻፍያ ግድያ እዝራዉ ካቲ አርጸክሲሰ ዱቅ እሜዳ ዳብዳቢ ሀዋዳን ያጌ፦
EZR 7:12 “ካተቱዋ ካትያ አርጸክስሳፐ፥ ቄስያነ ሳሉዋ ጾሳ ህግያ ሎይꬅ ጻፍያ እዝራ፥ ሳሮተꬃይ ነዉ ግዶ!
EZR 7:13 “ታ ካዉተꬃ ግዱዋን ደእያ እስራኤልያ አሳፐ ኦንነ፥ ቄሳቱ ዋፐ ዎይ ሌዋቱዋፐ ግዶፐነ፥ የሩሳላመ ባናዉ ኮይያ አሳይ ኡባይ ኔናና እትፐ ባናዳን ታን ኦዳድ።
EZR 7:14 ታንነ ታናና ዞረትያ ላፑን አሳቱ እትፐ ግዲደ፥ ኔን ነ ኩሽያን ደእያ ጾሳ ህግያዳን፥ ባደ ይሁዳንነ የሩሳላመን ደእያ ሀኖታይ አይ ማለንቶ ኦቻናዳን ኔና ኪቴቶ።
EZR 7:15 አዉ ደእያ ሳአይ የሩሳላመን ደእያ እስራኤልያ ጾሳዉ፥ ታን ካቲነ ታናና ዞረትያ አሳቱ ኑ ሸንያን እሜዳ ዎርቃነ ብራ እሞታቱዋ ኔን አካደ ባ።
EZR 7:16 ሄዋ ቦላካ ቃይ ኔን ባብሎነ ቢታ ኩመንꬃፐ ደሜዳ ብራነ ዎርቃ ኡባ፥ ቃይ አሳይነ ቄሳቱ የሩሳላመን ደእያ ባረንቱ ጾሳ ጎልያዉ ባረንቱ ሸንያን እሜዳ እሞታካ አካደ ባ።
EZR 7:17 ሀ ሚሻን ኮሩማቱዋ፥ ዶርሳ ኦርገቱዋነ ዶርሳ ማራቱዋ፥ ቃይ ካꬃ ያርሾነ ኡሻ ያርሾ ሻማነንቶ ኤራ፥ የሩሳላመን ደእያ ህንተንቱ ጾሳ ጎልያን ያርሽያ ሳኣን ያርሻ።
EZR 7:18 “ሄዋፐ ፓላሂደ አቴዳ ብራነ ዎርቃ ኔንነ ኔናና ደእያ ነ ቢታ አሳቱ ኦꬃናዉ ኮይያዋ ህንተንቱ ጾሳ ሸንያዳን ኦꬅተ።
EZR 7:19 ቃይ ህንተንቱ ጾሳ ጎልያ ግዶን ኦሰትያ ኦሶ ህንተንቱ ጎኤታና ማላ፥ ኑን ነዉ እሜዳ ሚሻቱዋ ኡባ የሩሳላመ ጾሳ ስንꬃን ዎꬃ።
EZR 7:20 ሀዋፐ ሀራባይ ህንተንቱ ጾሳ ጎልያዉ ኮሽያባይ አያነ ግዶፐ፥ ሄዎ ኮሽያ ሻሉዋ ካትያ ጎለን ሻሉዋ ዎꬅያ ጎልያፐ አካናዉ ዳንዳያሳ።
EZR 7:21 “ሄዋ ድራዉ፥ ሀእ ታን ካቲ አርጸክስስ ኤፍራጺሳ ሻፋፐ አዋይ ዉልያ ባጋ ቢታን ደእያ ሻሉዋ ጎለን አዎተꬃይ ደእያ ኡባቶ ሀ አዛዙዋ እማድ። ቄስያ ግድያነ ሳሉዋ ጾሳ ህግያ ሎይꬅ ጻፍያ እዝር ህንተንታ ኦችያዋ አያነ ግዶፐነ አዉ እምተ።
EZR 7:22 ቃይ ሄዙ ሻአነ ኦይዱ ጼቱ ኪሎ ግራመ ዴጽያ ብራ፥ እት ጼቱ ኩንታለ ዛርጋ፥ ላኡ ሻአ ሊትሮ ዎይንያ ኤሳነ ላኡ ሻአ ሊትሮ ዎጋራ ዛይትያ፥ ቃይ ኮሽያ ኬሻ ማጽንያና ኡባ እዝራዉ እምተ።
EZR 7:23 ካትያ ቦላነ ካትያ ናና ካዉተꬃ ቦላ ሀንቁ ዬና ማላ፥ ሳሉዋ ጾሳይ አዛዜዳዋ ኡባ ሳሉዋ ጾሳ ጎልያዉ አያነ አሸናን እምተ።
EZR 7:24 ቃይ ቄሳቱ ዋፐ፥ ሌዋቱዋፐ፥ ማዝሙርያ የጽያዋንቱፐ፥ ፐንግያ ናግያዋንቱፐ፥ ጾሳ ጎልያ ቆማቱዋፐነ ዱማ ዱማ ኦሱዋ ኦꬅያ አሳ ኡባፐ ህንተንቱ ጊራነ ቃራጻ አካናዉ ህንተንቶ አይ ማትነ ባዋ።
EZR 7:25 “ኔኖ እዝራ፥ ኔን ቃይ፥ ነዉ ጾሳይ እሜዳ ኤራተꬃዳን ኤፍራጺሳ ሻፋፐ አዋይ ዉልያ ባጋ ቢታን ደእያ ነ ጾሳ ህግያ ኤርያ አሳ ቦላ ፕርዳና ማላ፥ ዳናቱዋነ ፕርድያዋንታ ሱንꬃ። ቃይ ሄ ህግያ ኤረናዋንቱ ደኦፐ፥ ኡንቱንቱ ታማርስተ።
EZR 7:26 ነ ጾሳ ህግያዉነ ካትያ ህግያዉ አዛዘተና ኦንነ ደኦፐ፥ እ ኤለካ ሀይቁዋን፥ የደሳን፥ አ ሻሉዋ ቦንቂያዋን ዎይ ቃሹዋን ሙረቶ” ያጌ።
EZR 7:27 የሩሳላመን ደእያ መꬍና ጎዳ ጎልያ ሀዋዳን ሎይꬃና ማላ፥ ካትያ ዎዛናን ሀ ቆፋ ዎꬄዳ መꬍና ጎዳዉ፥ ኑ አዎቱዋ ጾሳዉ ጋላታይ ግዶ!
EZR 7:28 ቃይ ካትያ፥ ካትያና ዞረትያዋንቱነ አናና ኦꬅያ ዎልቃማ ካፓቱዋ ኡባ ስንꬃን ባረ አገና ሲቁዋ ታዉ በሴዳ መꬍና ጎዳ፥ ታ ጾሳ ኩሺ ታናና ደእያ ድራዉ፥ ታን ምነታድ። ቃይ እስራኤልያ ካፓቱዋፐ ታናና ፑደ ቢደ፥ የሩሳላመ ባና ማላ ሺሻይ።
EZR 8:1 ካቲ አርጸክስስ ካተቴዳ ዎደ ታናና እትፐ ባብሎነ ቢታፐ ፑደ ዬዳ፥ የሩሳላመ ዬዳ ዛራቱዋ ካፓቱ ሀዋንታ፤ ኡንቱንቱ የለታ ማራይካ ሀዋ:
EZR 8:2 ፒንሃሳ ያራፐ ገርሾማ፥ እታማራ ያራፐ ዳኔላ፥ ዳዊታ ያራፐ ሀጹኡሻ፥
EZR 8:3 ሸካንያ ያራፐ፥ ፓርኦሻ ያራፐ ዛካራስነ ኡንቱንቱ የለታ ማራይ ጻፈቴዳ ሀራ እት ጼታነ እሻታሙ አቱማዋንታ፥
EZR 8:4 ፓሀት-ሞኣባ ያራፐ ዛራህያ ናኣ ኤልዮኤናያነ አናና እትፐ ሀራ ላኡ ጼቱ አቱማዋንታ፥
EZR 8:5 ዛቱ ያራፐ ያሃዝኤላ ናኣ ሸካንያነ አናና እትፐ ሀራ ሄዙ ጼቱ አቱማዋንታ፥
EZR 8:6 አዲና ያራፐ ዮናታና ናኣ ኤቤዳነ አናና እትፐ ሀራ እሻታሙ አቱማዋንታ፥
EZR 8:7 ኤላማ ያራፐ አታልያ ናኣ ይሻእያነ አናና እትፐ ሀራ ላፑን ታሙ አቱማዋንታ፥
EZR 8:8 ሻፋጽያ ያራፐ ምካኤላ ናኣ ዛባድያነ አናና እትፐ ሀራ ሆስፑን ታሙ አቱማዋንታ፥
EZR 8:9 ዮኣባ ዛርያፐ ይህኤላ ናኣ ኦባድያነ አናና እትፐ ሀራ ላኡ ጼታነ ታማነ ሆስፑን አቱማዋንታ፥
EZR 8:10 ባና ያራፐ ዮሲፍያ ናኣ ሻሎሚታነ አናና እትፐ ሀራ እት ጼታነ ኡሱፑን ታሙ አቱማዋንታ፥
EZR 8:11 በባያ ያራፐ በባያ ናኣ ዛካራሳነ አናና እትፐ ሀራ ላታማነ ሆስፑን አቱማዋንታ፥
EZR 8:12 አዝጋዳ ያራፐ ሀቃጻና ናኣ ዮሀናናነ አናና እትፐ ሀራ እት ጼታነ ታሙ አቱማዋንታ፥
EZR 8:13 አዶንቃማ ያራፐ ዉርሰꬃን ስሜዳዋንቱ፥ ኤልፈሌጻ፥ ይኡኤላ፥ ሻማእያነ ኡንቱንቱና እትፐ ሀራ ኡሱፑን ታሙ አቱማዋንታነ፥
EZR 8:14 ቃይ ብግዋያ ያራፐካ ኡታያ፥ ዛኩራነ ኡንቱንቱና እትፐ ሀራ ላፑን ታሙ አቱማዋንታ።
EZR 8:15 ታን እዝር ኡንቱንቱ አሃዋ ግያ ሳኣኮ ጎግያ ሻፋ ኤለካ ሺሻይ። ኑን ሄ ሳኣን ዱንካኒደ፥ ሄዙ ጋላሳ ታኬዶ። ቃይ ታን ሄ ሳኣን ደእያ አሳነ ቄሳቱ ዋ ቆፕያ ዎደ፥ ሌዊያ ዛራቱዋፐ እቱዋነ ደማበይከ።
EZR 8:16 ሄዋ ድራዉ፥ ካፑዋ ኤልኤዛራ፥ አርኤላ፥ ሻማእያ፥ ኤልናታና፥ ያሪባ፥ ኤልናታና፥ ናታና፥ ዛካራሳነ ማሹላማ ግያዋንታነ ቃይ አꬌዳ ኤራንቻ አሳ ግድያ ዮያሪባነ ኤልናታና ጼሳድ።
EZR 8:17 ኑ ጾሳ ጎልያን ኦꬅያ አሳ ኑዉ የዳና ማላ፥ ካስፍያ ግያ ሳኣን ደእያ ሌዋቶ ካፑዋ ግድያ እዶኮነ አ አቱማ ዳቦቱዋኮ፥ ሄዋንቱካ ጌሻ ጎልያ ቆማ ግድያዋንቱኮ ኡንቱንታ ኪታድ።
EZR 8:18 ኑ ጾሳ ሎኦ ኩሺ ኑ ቦላን ደእያ ድራዉ፥ ሸረብያ አ ናናነ አ እሻቱዋና፥ ኡባና ታማነ ሆስፑኑዋ ኡንቱንቱ ኑዉ የዴድኖ። እ እስራኤልያ ናኣ ሌዊያ ዛርያ ግድያ ማህላ ያራነ ሎይꬅ አኬካይ ደእያ አሳ።
EZR 8:19 ቃይ ሀሻብያ፥ ማራራ ያራ ግድያ ይሻእያራ፥ አ ናናነ አ እሻቱዋ ላታሙዋና የዴድኖ።
EZR 8:20 ሄዋ ቦላካ ሌዋቱዋ ማዳናዳን ጊደ፥ ዳዊተነ አናና ኦꬅያ ካፓቱ ሱንꬄዳ ጌሻ ጎልያ ቆማቱዋፐካ ላኡ ጼታነ ላታሙዋ የዴድኖ። ሄዋንቱ ኡባቱ ባረንቱ ሱንꬃን ጻፈቴድኖ።
EZR 8:21 ሄዋፐ ጉይያን፥ ኑ ጾሳ ስንꬃን ኑ ሁጲያ ካዉሺደ፥ እ ኑ ኦግያን ኑዉ፥ ኑ ናናቱዋነ ኑ ማጹዋ ኡባዉ ሳሮተꬃ እማናዳን ዎሳና ማላ፥ ሄዋን አሃዋ ሻፋን ኤለካ ታን ጾማ አዋያድ።
EZR 8:22 አያዉ ጎፐ፥ ካትያዉ ኑን ካሰ፥ “ኑ ጾሳ ሎኦ ኩሺ አ ኮይያዋንቱና እትፐ ደኤ፤ ሽን አ ዎልቃማ ሀንቁ አ አግያዋንቱ ቦላን ደኤ” ያጊደ ኦዴዳ ድራዉ፥ ኑን ብያ ኦግያን ደእያ ሞርከቱዋፐ ኑና ናጋናዳን ኦላንቻቱዋነ ፓራ አሳቱዋ እማናዳን ካትያ ኦቻናዉ ታን ዬላታድ።
EZR 8:23 ሄዋ ድራዉ፥ ኑን ጾሚደ፥ ጾሳ ዎሴዶ፤ እ ኑ ዎሳ ስሴዳ።
EZR 8:24 ቄሳቱ ዋ ካፓቱዋፐ ሸረብያ፥ ሀሻብያነ ሀራ ኡንቱንቱ ዳቦ ግዴዳ ታሙ አቱማ አሳቱዋ ታን ዶራድ።
EZR 8:25 ካቲ፥ ካትያና ዞረትያዋንቱ፥ ካትያና ኦꬅያዋንቱነ እስራኤልያ ኡባይ ኑ ጾሳ ጎልያዉ እሜዳ ብራ ዎርቃነ፥ ሚሻቱዋ ኡባ ልካደ ኡንቱንቱ ኩሽያን ሼꬋድ።
EZR 8:26 ታን ኡንቱንቶ ልኬዳባይ ሀዋ: ላታማነ ላኡ ሻአ ኪሎ ግራመ ዴጽያ ብራ፥ ሄዙ ሻአነ ኦይዱ ጼቱ ኪሎ ግራመ ዴጽያ ብራፐ ኦሰቴዳ ጼቱ ሚሻቱዋ፥ ሄዙ ሻአነ ኦይዱ ጼቱ ኪሎ ግራመ ዴጽያ ዎርቃ፥
EZR 8:27 ሆስፑን ኪሎ ግራመነ ኦይዱ ጼቱ ግራመ ዴጽያ ዎርቃፐ ኦሰቴዳ ላታሙ ሳነቱዋነ ዎርቃዳን አልኦነ ሙሩታ ግዴዳ ናሃስያፐ ኦሰቴዳ ላኡ ሳነቱዋ።
EZR 8:28 ሄዋፐ ጉይያን፥ ታን ኡንቱንቶ ሀዋዳን ያጋድ፤ “ህንተነ ሀ ሚሻቱ ኡባይካ መꬍና ጎዳዉ ዱማቴድታ፤ ሀ ብራይነ ዎርቃይ አሳይ ባረ ሸንያን መꬍና ጎዳዉ፥ ህንተንቱ አዎቱዋ ጾሳዉ እሜዳዋ።
EZR 8:29 የሩሳላመን ደእያ መꬍና ጎዳ ጎልያን ሻሉዋ ዎꬅያ ጎልያ ጋኪደ፥ ቄስያ ካፓቱዋ ስንꬃን፥ ሌዋቱዋ ስንꬃንነ እስራኤልያ ዛራቱዋ ካፓቱዋ ስንꬃን እማና ጋካናዉ፥ ሀ ሚሻቱዋ ሎይꬅ ናግተ” ያጋድ።
EZR 8:30 ሄዋ ድራዉ፥ ቄሳቱ ነ ሌዋቱ የሩሳላመን ደእያ ኑ ጾሳ ጎልያዉ አፋናዉ ብራ፥ ዎርቃነ ሀራ ሚሻቱዋ ኡባ ሚዛንያን ልኪደ ሼቴድኖ።
EZR 8:31 ሄዋፐ ጉይያን፥ ኑን ኮይሮ አግናን ታማነ ላኤንꬆ ጋላሳን የሩሳላመ ባናዉ አሃዋ ሻፋ ማታፐ ደንዴዶ። ብያ ዎደ፥ ኑ ቦላን ደእያ ኑ ጾሳ ሎኦ ኩሺ ኑ ብያ ኦግያን ደእያ ሞርከቱዋፐነ ፓኖቱዋፐ ኑና ናጌዳነ አሼዳ።
EZR 8:32 ኑን የሩሳላመ ጋኪደ፥ ያን ሄዙ ጋላሳ ኡቴዶ።
EZR 8:33 ኦይደንꬃ ጋላስ ብራ፥ ዎርቃነ ሀራ ሚሻቱዋ ኡባካ ልኪደ፥ ኦርዮና ናኣ ቄስያ ማረሞታዉ ሼꬌዶ። ፒንሃሳ ናኣ ኤልኣዛረ፥ ሌዊያ ግድያ ኢያሱ ናኣ ዮዛባድነ ቢኑያ ናኣ ኖኣደ አናና እትፐ ደኢኖ።
EZR 8:34 ኡባባይካ ፓይደቴዳነ ልከቴዳ፤ ኡባና አያ ኬሻ ግዴደንቶ፥ ሄ ዎደ ጻፈቴዳ።
EZR 8:35 ሄዋፐ ጉይያን፥ ኦሞዱዋፐ ስሜዳ አሳይ እስራኤልያ ጾሳዉ ጹግያ ያርሹዋ ያርሼድኖ። ኡንቱንቱ እስራኤልያ ኡባ ድራዉ፥ ታማነ ላኡ ኮሩማቱዋ፥ ኡዱፑን ታማነ ኡሱፑን ዶርሳ ኦርገቱዋነ ላፑን ታማነ ላፑን ዶርሳ ማራቱዋ፥ ቃይ ናጋራ ያርሾካ ታማነ ላኡ ዴሻ ኦርገቱዋ ያርሼድኖ። ሀዌ ኡባይ ጹግያ ያርሹዋ ግዲደ፥ መꬍና ጎዳዉ ሺቄዳ።
EZR 8:36 ኡንቱንቱ ቃይ ካቲ አዛዜዳ አዛዙዋካ ካትያፐ ጋርሳና ቢታ ሞድያዋንቱነ ኤፍራጺሳ ሻፋፐ አዋይ ዉልያ ባጋ ቢታ ሞድያዋንቶ እሜድኖ፤ ኡንቱንቱ እስራኤልያ አሳነ ጾሳ ጎልያ ኪታ ማዴድኖ።
EZR 9:1 ሀ ኡባባይ ሀኔዳዋፐ ጉይያን፥ አሳ ካለꬅያዋንቱ ታኮ ዪደ፥ ሀዋዳን ያጌድኖ፤ “እስራኤልያ አሳይ፥ ሀራይ አቶ ቄሳቱ ካ ሌዋቱካ፥ ባረንቱ ሄራን ደእያ አይሁዳ ግደና አሳቱዋፐ ባረንታ ሻክበይክኖ። ኡንቱንቱካ ካናነቱ፥ ሂተቱ፥ ፓርዛዋናቱ፥ ያቡሳዋናቱ፥ አሞናቱ፥ ሞኣባቱ፥ ግብጼቱነ አሞራዋናቱ ኦꬅያዋዳን ቱና ኦሱዋ ኦꬅኖ።
EZR 9:2 ቃይ ባረንቶነ ባረንቱ ናናዉ አይሁዳ ግደና ማጫ ናናቱዋፐ ማቻቶ ኦꬂደ አኬድኖ፤ ሄዋፐ ደንዴዳዋን ጌሻ ዘረꬃቱ አይሁዳ ግደናዋንቱና ዋላከቴድኖ። ካለꬅያዋንቱነ ካፓቱ አማነተናዋንታ ግዲደ፥ ሀዋ ማላ ኦꬃናዉ ስንꬃ ጼራ ግደድኖ”።
EZR 9:3 ታን ሀ የዉዋ ስሴዳ ዎደ፥ ታ ማዩዋነ ታ ቁማዩዋ ፔꬋድ፤ ታ ሁጲያ ብናናነ ታ ቡቻካ ሾዳድ፤ ቃይ ዳሮ ዳጋማደ ኡታ አጋድ።
EZR 9:4 ኦሞዱዋፐ ስሜዳ አሳይ ኦꬄዳ ናጋራ ድራዉ፥ እስራኤልያ ጾሳይ ኦዴዳ ቃላዉ ያዪደ አሳይ ኡባይ ታን ደእያ ሳኣ ታኮ ሺቄዳ። ኦማርሳ ያርሹዋ ያርሽያ ዎዲ ጋካናስካ ዳጋማደ ኡቶ ሳኣፐ ታን ደንዳበይከ።
EZR 9:5 ሽን ኦማርስ ያርሹዋ ያርሽያ ዎዲ ጋክያ ዎደ፥ ታ ማዩነ ታ ቁማዩ ፖሸት ኡት ደእሽን፥ ታን ካዉሻደ ኡቶ ሳኣፐ ደንዳድ። ቃይ ጉልባታደ መꬍና ጎዳ፥ ታ ጾሳኮ፥ ታ ኩሽያ ደንꬃደ፥ ሀዋዳን ያጋደ ዎሳድ፤
EZR 9:6 “አቤት ታ ጾሳዉ፥ ታን ታ ስንꬃ ኔኮ ፑደ ደንꬃናዉካ ያያይነ ዬላታይ፤ አያዉ ጎፐ፥ ኑ ናጋራይ ዶረቲደ፥ ኑ ሁጲያፐ ፑደ አꬌዳ፤ ኑ ናቁካ ሳሉዋ ጋኬዳ።
EZR 9:7 ኑን ኑ ማይዛ አዎቱዋ ዎድያፐ ዶሚደ፥ ሀቼ ጋካናዉ፥ ኔና ሎይꬅ ናቄዶ። ኑ ናጋራፐ ደንደዳዋን ኑን፥ ኑ ካተቱነ ኑ ቄሳቱ ሀእዋዳንካ አላጋ ካተቱዋ ኩሽያን ማሻዉ፥ ኦሞዶ፥ ቦንቂያዋነ ዉርሰꬃ ዬላዉ አꬊደ እመቴዶ።
EZR 9:8 “ሽን ሀእ ኑዉ ጉꬃ ማሮተꬃ ዎዲ እመቴዳ፤ አያዉ ጎፐ፥ መꬍና ጎዳይ ኑ ጾሳይ ኑፐ አማሬዳ ዘረꬃቱ አታና ማላ ኦꬄዳ፤ ሀ ጌሻ ሳኣን እ ኑና ሳሮተꬃን ዎꬄዳ። ኑ ጾሳይ ኑ አይፍያ ዶዬዳ፤ ቃይ ኑ አይለተꬃፐካ ኑዉ ጉꬃ ኦራꬃ ደኡዋ እሜዳ።
EZR 9:9 ኑን አይልያ ግዶፐነ፥ ኑ ጾሳይ ኑና አይለተꬃን አግቤና፤ ኑ ደኡዋ ኦራꬄዳ። ቃይ ኑ ጾሳ ጎልያ ኬጻና ማላ፥ ኮለቴዳዋ ኦራꬃና ማላነ ይሁዳንነ የሩሳላመን ኑን ሳሮተꬃን ደአና ማላ፥ ፓርሰ ቢታ ካተቱዋ ስንꬃን ኑዉ ባረ አገና ሲቁዋ በሴዳ።
EZR 9:10 “ሽን ኑ ጾሳዉ፥ ሀእ ያትና፥ ኑን ዋጋናዉ ዳንዳዬቶ? አያዉ ጎፐ፥ ኑን ሀእካ ነ አዛዙዋ አግ አጌዶ።
EZR 9:11 ትምቢትያ ኦድያ ነ ቆማቱዋ ባጋና ኔን ሀዋዳን ያጋዳ፤ ‘ህንተ ላታናዉ ገልያ ጋዲ ሄ ጋድያን ደእያ አሳ ቱናተꬃፐ ደንዴዳዋን ቱኔዳ፤ ሀ ጋጻፐ ቢደ፥ ህን ጋጻ ጋካናዉ፥ ኡንቱንቱ አ ባረንቱ ቱና ኪታን ኩንꬄድኖ።
EZR 9:12 ሄዋ ድራዉ፥ ህንተንቱ ምኖ ግዳና ማላ፥ ሄ ጋድያ አይፍያ ማና ማላነ መꬍናዉ ህንተንቱ ናናቶ ላትሳና ማላ፥ ህንተንቱ ማጫ ናና ኡንቱንቱ አቱማ ናናዉ እሞፕተ፤ ኡንቱንቱ ማጫ ናናካ ህንተንቱ አቱማ ናናዉ አኮፕተ። ኡንቱንቱ ሳሮተꬃንነ ዱረተꬃን ደአና ማላካ አሞቶፕተ’።
EZR 9:13 “ኑ ቦላ ጋኬዳ ኢታባይ ኡባይ ኑ ኢታ ኦሱዋፐነ ኑ ዎልቃማ ናቁዋፐ ደንዴዳዋና። ግዶፐነ፥ ኔን ኑ ጾሳይ ኑ ናጋራ ዳሩዋ ኬሻ ኑና ፕርዳበይካ፤ ሽን ኑፐ አማሬዳዋንታ ዘረꬃዉ አሻዳ።
EZR 9:14 ያትና፥ ኑን ሀእካ ዛረꬂደ፥ ሀዋ ማላ ቱናባ ኦꬅያ አሳቱዋና እሙዋንነ አኩዋን ዋላከቲደ፥ ነ አዛዙዋ እጼዶ ጋኔ? ቃይ ሀ አቴዳ ጉꬃ ዘረꬃቱካ ꬋያና ጋካናዉ፥ ነ ሀንቁ ኑ ቦላን ዳረኔየ?
EZR 9:15 መꬍና ጎዳዉ፥ እስራኤልያ ጾሳዉ፥ ኔን ጽሉዋ። ኑ ናቁዋፐ ደንዴዳዋን ኑፐ እቱነ ነ ስንꬃን ኤቃናዉ ዳንዳየናዋ ግዶፐነ፥ ኑን ዘረꬃዉ አቴዳዋንቱ ሀቼ ሀዋን ነ ስንꬃን ደኤቶ” ያጋድ።
EZR 10:1 እዝር ጾሳ ጎልያ ስንꬃን ኩንድ ዬኪደ ዎስያ ዎደነ ናጋራካ ፓጽያ ዎደ፥ እስራኤልያ አሳፐ ዳሩ፥ ማጫዌ፥ አቱማዌነ ናናይ ኡባይ አኮ ሺቂደ፥ ምሻ ዬኩዋ አናና ዬኬድኖ።
EZR 10:2 ሄዋፐ ጉይያን፥ ኤላማ ያራ ግዴዳ ይህኤላ ናአይ ሻካነ ሀዋዳን ያጌዳ፤ “ኑን ሀ ቢታን ደእያ አይሁዳ ግደና ማጫዋንታ አኬዳ ድራዉ፥ ኑ ጾሳዉ አማነትበይኮ። ግዶፐነ፥ ቃይ እስራኤልያዉ ሀእካ ህዶታይ ደኤ።
EZR 10:3 ሄዋ ድራዉ ታ ጎዳዉ፥ ኔንነ ኑ ጾሳ አዛዞ ያይያዋንቱ ዞሬዳዋዳን ኑን ሀ ማቻቱዋነ ኡንቱቱፐ የለቴዳ ናና ኡባ የዳናዉ ኑ ጾሳና ጫቀቶይተ። ሀዌ ኡባይ ህጊ ግያዋዳን ፖለቶ።
EZR 10:4 ሀ የዉዋ ኑን ዎት ኦꬃነንቶ፥ ኑና ካለꬃናዌ ነ ኦሱዋ ግድያ ድራዉ፥ ደንዳ! ምና! ኑንካ ኔና ማዳና”።
EZR 10:5 እዝር ደንድ ኤቂደ፥ ካለꬅያ ቄሳቱ ዋ፥ ሌዋቱዋነ እስራኤልያ አሳ ኡባ ሀ ጌተቴዳዋዳን ኦꬃና ማላ ጫቂሴዳ፤ ኡንቱንቱካ ጫቄድኖ።
EZR 10:6 ሄዋፐ ጉይያን፥ እዝር ጾሳ ጎልያ ስንꬃፐ ደንዲደ፥ ኤልያሽባ ናአይ ያሆሀናን ደእያ ክፍልያ ገሌዳ። ኩመንꬃ ቃማ ኦሞዱዋፐ ስሜዳ አሳቱዋ ናጋራዉ ዬኪደ አቄዳ ድራዉ፥ ሄ ሳኣን ቁማ ምቤና፤ ሃꬃካ ኡሽቤና።
EZR 10:7 ሄዋፐ ጉይያን፥ ኦሞዱዋፐ ስሜዳ አሳይ ኡባይ የሩሳላመ ሺቃና ማላ፥ ይሁዳ ኡባንነ የሩሳላመን አዋዩዋ አዋዬድኖ።
EZR 10:8 ሀ ሄዙ ጋላሳ ግዶን ሄ ሳኣ ሺቀና ኦንነ ደኦፐ፥ አዉ ደእያባይ ኡባይ አፐ አከታናዳንነ እካ ኦሞዱዋፐ ስሜዳ ሺቁዋፐ ሻከቲደ የደርሰታናዳን ካፓቱነ ጭማቱ ኩሼድኖ።
EZR 10:9 ሄ ጌተቴዳ ሄዙ ጋላሳቱ ዉረናን ደእሽን፥ ኡዱፑንꬃ አግናን ላታማንꬃ ጋላሳን ይሁዳነ ቢንያማ አሳይ ኡባይ የሩሳላመ ሺቂደ፥ ሀ ዴጾ የዉዋፐነ ዎልቃማ እራፐ ደንደዳዋን ኮኮሪደ፥ ጾሳ ጎልያ ስንꬃን ደእያ ዳባባን ኡቴድኖ።
EZR 10:10 ሄዋፐ ጉይያን እዝር ደንድ ኤቂደ፥ ኡንቱንታ ሀዋዳን ያጌዳ፤ “አይሁዳ ግደና ማጫ አሳቱዋፐ ማቼቱዋ አኪደ ናቄድታ፤ ሄ ጋሱዋን እስራኤልያ አሳ ናቁዋ ካሰዋፐካ ያ ዳርሴድታ።
EZR 10:11 ሀእ ህንተንቱ ናጋራ መꬍና ጎዳዉ፥ ህንተንቱ ማይዛ አዎቱዋ ጾሳዉ ፓጽተ፤ እ ዶስያባካ ኦꬅተ። ሄ ቢታን ደእያ አይሁዳ ግደና አሳቱዋፐነ አይሁዳ ግደና ህንተንቱ ማቼቱዋፐ ሻከትተ”።
EZR 10:12 ሄ ሳኣን ሺቄዳ ሺቁ ባረንቱ ኮሻ ꬎቁ ኦꬂደ፥ ሀዋዳን ያጌድኖ፤ “ኔን ኑዉ ኦዴዳዋዳን ኑን ኦꬃናዉ በሰ።
EZR 10:13 ሽን አሳ ፓይዱ ጮራ፤ እራይ ዎልቃም ቡክያ ባልጉዋ። ያትያ ድራዉ፥ ኑን እራፐ አትያ ሳአይ ባይና ሳኣን ሀዋን ኤቃናዉ ዳንዳዮኮ። ቃይ ኑን ሀ የዉዋን ሎይꬅ ናቄዳ ድራዉ፥ ሀዌ እት ጋላሳን ዎይ ላኡ ጋላሳን ጊግያባ ግደና።
EZR 10:14 ሄዋ ድራዉ፥ ሀ ሺቄዳ አሳ ኮታን ኑ ካፓቱ ኮሽያዋ ኦꬅኖ። ሀ የዉዋፐ ደንዴዳዋን ኑ ጾሳ ዎልቃማ ሀንቁ ኑፐ ስማና ጋካናዉ፥ ኑ ካታማቱዋን ደእያ አይሁዳ ግደና ማጫዋንታ አኬዳ ኡባይ ኬሬዳ ዎድያን የሩሳላመ ዪኖ፤ ቃይ ሄ ካታማቱዋ ጭማቱነ ፕርድያዋንቱካ ኡንቱንቱና ዪኖ” ያጌድኖ።
EZR 10:15 አሳሄላ ናአይ ዮናታንነ ቲቅዋ ናአይ ያህዛይ ጻላላይ ኡንቱንቱ ቆፋ ጳልቄድኖ፤ ቃይ ማሹላምነ ሌዊያ ግዴዳ ሻባታይ ጳልቂያዋንታ ማዴድኖ።
EZR 10:16 ሄዋ ድራዉ፥ ኦሞዱዋፐ ስሜዳ አሳይ ሄ ጌዳዋዳን ኦꬄድኖ። ቄሲ እዝር ኡባ ዛራቱዋፐካ ካፓቱዋ ኡንቱንቱ ሱንꬃን ሱንꬃን ዶሬዳ። ታማንꬃ አግናን ኮይሮ ጋላሳን ካፓቱ የዉዋ ቆር ጼላናዉ ዶሜድኖ።
EZR 10:17 ኮይሮ አግናን ኮይሮ ጋላሳይ ጋክያ ዎደ፥ አይሁዳ ግደና ማጫዋንታ አኬዳ አሳቱዋ ኡባ ቆሪደ ዉርሴድኖ።
EZR 10:18 አይሁዳ ግደና ማጫ አሳቱዋፐ ማችያ አኬዳዋንቱ ሀዋፐ ካሊደ ጻፈቴዳዋንታ። ቄሳቱ ዋፐ: ዮጸዴቃ ናና ግዴዳ ኢያሱነ አ እሻቱዋ ያራፐ ማእሴያ፥ ኤልኤዛራ፥ ያሪባነ ጋዳልያ።
EZR 10:19 ሀዋንቱ ባረንቱ አይሁዳ ግደና ማቼቱዋ የዳናዉ ጫቄድኖ፤ ቃይ ባረንቱ ናቁዋ ድራዉ፥ ዉድያፐ እት ዶርሳ ኦርግያ ናቁዋ ያርሹዋ ኦꬂደ ያርሼድኖ።
EZR 10:20 እሜራ ያራን አይሁዳ ግደና ማቼቱዋ አኬዳዋንቱ ሀናናነ ዛባድያ።
EZR 10:21 ሀሪማ ያራቱዋፐ ማእሴያ፥ ኤላሳ፥ ሻማእያ፥ ይህኤላነ ኦዝያና።
EZR 10:22 ፓሽሁራ ያራቱዋፐ ኤልዮኤናያ፥ ማእሴያ፥ እስማኤላ፥ ናታንኤላ፥ ዮዛባዳነ ኤልኣሳ።
EZR 10:23 ሌዋቱዋፐ: ዮዛባዳ፥ ሻማእያ፥ ቃሊጻ ግያ ቀላያ፥ ፓታህያ፥ ይሁዳነ ኤልኤዛራ።
EZR 10:24 ማዝሙርያ የጽያዋንቱፐ: ኤልያሽባ። ፐንግያ ናግያዋንቱፐ: ሻሉማ፥ ጸለማነ ኡራ።
EZR 10:25 ቃይ ሀራ እስራኤልያ አሳፐ: ፓርኦሻ ያራቱዋፐ ራምያ፥ ይዝያ፥ ማልክያ፥ ምያሚና፥ ኤልኣዛራ፥ ማልክያነ ባናያ።
EZR 10:26 ኤላማ ያራቱዋፐ ማታንያ፥ ዛካራሳ፥ ይህኤላ፥ አብዳ፥ ይረሞታነ ኤላሳ።
EZR 10:27 ዛቱ ያራቱዋፐ ኤልዮኤናያ፥ ኤልያሽባ፥ ማታንያ፥ ይረሞታ፥ ዛባዳነ አዚዛ።
EZR 10:28 በባያ ያራቱዋፐ ያሆሀናና፥ ሀናንያ፥ ዛባያነ አትላያ።
EZR 10:29 ባና ያራቱዋፐ ማሹላማ፥ ማሉካ፥ አዳያ፥ ያሹባ፥ ሻኣላነ ይረሞታ።
EZR 10:30 ፓሀት-ሞኣባ ያራቱዋፐ አድናሀ፥ ካላላ፥ ባናያ፥ ማእሴያ፥ ማታንያ፥ ባጻልኤላ፥ ቢኑያነ ምናሳ።
EZR 10:31 ሀሪማ ያራቱዋፐ ኤልኤዛራ፥ ይሽያ፥ ማልክያ፥ ሻማእያ፥ ሽምኦና፥
EZR 10:32 ቢንያማ፥ ማሉካነ ሻማርያ።
EZR 10:33 ሀሹማ ያራቱዋፐ ማታናያ፥ ማታታ፥ ዛባዳ፥ ኤልፈሌሳ፥ የረማያ፥ ምናሳነ ሽምአ።
EZR 10:34 ባና ያራቱዋፐ ማእዳያ፥ አምራማ፥ ኡኤላ፥
EZR 10:35 ባናያ፥ በድያ፥ ካሉሀ፥
EZR 10:36 ዋንያ፥ ማረሞታ፥ ኤልያሽባ፥
EZR 10:37 ማታንያ ማታናያነ ያእሳ።
EZR 10:38 ቢኑያ ያራቱዋፐ ሽምአ፥
EZR 10:39 ሸሌምያ፥ ናታና፥ አዳያ፥
EZR 10:40 ማክናዳባያ፥ ሻሻያ፥ ሻራያ፥
EZR 10:41 አዛርኤላ፥ ሸሌምያ፥ ሻማርያ፥
EZR 10:42 ሻሉማ፥ አማርያነ ዮሴፎ።
EZR 10:43 ናቦ ያራቱዋፐ ይእኤላ፥ ማቲትያ፥ ዛባዳ፥ ዛቢና፥ ያዳያ፥ ዩኤላነ ባናያ።
EZR 10:44 ሀዋንቱ ኡባቱ አይሁዳ ግደና ማቼቱዋ አኬዳዋንታ። እቱ እቱ ሀራይ አቶ ናናካ የሌድኖ።
NEH 1:1 ሀካልያ ናኣ ናህምያ ቃላይ ሀዋ። አርጸክስስ ፓርሰ ቢታን ካዉቶደፐ ላታማንꬆ ላይꬃን፥ ክስሌዋ ጌተትያ አግናን፥ ታን ናህሚ ዋና ካታማ ግዴዳ ሱሳን ደአይ።
NEH 1:2 ታ እሻቱዋፐ እቱ፥ ሀናና ጎሳይ ሀራ አሳቱዋና እትፐ ግዲደ፥ ይሁዳፐ ታኮ ዬዳ፤ ታን ኦሞዱዋ ብቤናዋንቱባነ የሩሳላመባ ኡንቱንታ ኦቻድ።
NEH 1:3 ኡንቱንቱ ዛሪደ፥ “ኦሞዱዋን ብቤናዋንቱነ ደኡዋን ደእያዋንቱ ዎልቃማ መቱዋንነ ዬላ ግዶን ደኢኖ። የሩሳላመ ግምቢያ ድርሳይ ኮለቴዳ፤ ቃይ ግምቢያ ድርሳ ፐንገቱካ ታማን ጹገቴድኖ” ያጌድኖ።
NEH 1:4 ታን ሀዋ ኡባ ስሴዳ ዎደ ኡታደ ዬካድ። ዳሮ ጋላሳ ካዮታ ጾማደ፥ ሳሉዋ ጾሳ፥ ሀዋዳን ያጋደ ዎሳድ፤
NEH 1:5 “መꬍና ጎዳዉ፥ ሳሉዋ ጾሳዉ፥ ዎልቃማዉነ ቦንቼቴዳ ጾሳዉ፥ ዶስያዋንቶነ ነ አዛዙዋ ናግያዋንቶ ነ አገና ሲቁዋ ጫቁዋ ናግያ ጾሳዉ፥
NEH 1:6 ታን ነ ቆማይ ቃይ ነ ቆማቱዋ ግዴዳ እስራኤልያ አሳ ድራዉ ቃማነ ጋላስ ኔና ዎስያ ዎሳ ነ ሀይꬃይ ስሶ፤ ነ አይፊካ ዱገ ታኮ ጼሎ። ኑን እስራኤልያ አሳይ ኦꬄዳ ናጋራ ኡባ ነዉ ፓጻይ፤ ቱሙካ ታንነ ታ ማይዛ አዎቱ ኔና ናቄዶ።
NEH 1:7 ኑን ነ ቦላን ሎይꬅ ኢታ ናጋራ ኦꬄዶ፤ ኔን ነ ቆማ ሙሴ ባጋና ኑ እሜዳ አዛዙዋ፥ ዎጋነ ህግያ ናግበይኮ።
NEH 1:8 ነ ቆማ ሙሴዉ ኔን ሀዋዳን ያጋደ ኦዴዳ ቃላ ሀያና ቆፓ፤ ‘ህንተኖ፥ እስራኤልያ አሳቶ፥ ህንተንቱ ታዉ አማነተናን እጾፐ፥ ታን ህንተንታ አይሁዳ ግደና ቢታቱዋን ላላና።
NEH 1:9 ሽን ህንተንቱ ታኮ ስሚደ፥ ታ አዛዙዋ ናጎፐ፥ ህንተንቱ ሀራይ አቶ ሳኣ ጋጻ ጋካናዉ ላለትንቶካ፥ ታን ህንተንቱ ታዉ ጎይናና ማላ፥ ታን ታ ሱንꬃዉ ዶሬዳ ሳአዉ ዛራደ ሺሻና’ ጌዳዋ ቆፓ።
NEH 1:10 “ሀዋንቱ ኔን ነ ዎልቃማ ዎልቃንነ ነ ምኖ ቀስያን ዎዛ አኬዳ ነ ቆማቱዋነ ነ አሳቱዋ።
NEH 1:11 አቤት መታ ጎዳዉ፥ ታን ነ ቆማይ ዎስያ ዎሳነ ኔና ቦንቻናዉ ዶስያ፥ ነ ቆማቱዋ ዎሳ ነ ሀይꬃይ ስሶ። ታን ነ ቆማይ ሀቼ ኦꬃናዉ ኮዬዳባይ ታዉ ኡሸቻናዳን፥ ካትያ ዎዛና ሹግሳደ ታና ማዳ” ያጋድ። ታን ሄ ዎደ ካትያዉ ኤሳ ትግያዋ።
NEH 2:1 አርጸክስስ ካተቴዳ ላታማንꬆ ላይꬃን፥ ኒሳና ግያ አግናን፥ እት ጋላስ ካትያ ስንꬃን ዎይንያ ኤሳይ ደእያዋ አካደ፥ ታን አዉ እማድ። ሄ ጋላሳፐ አትና፥ ካሰ ኡባካ ካትያ ስንꬃን ካዮታ ኤርከ።
NEH 2:2 ሄዋ ድራዉ፥ ካቲ ታና፥ “ኔና ሳክያባይ ባዋ፤ ሽን ሀዋ ኬሻ አያዉ ካዮታዲ? ሀዌ ነ ዎዛና ካዮዬዳባይ እት አየንቶ ደእያዋ በሰ” ያጌዳ። ሄዋፐ ጉየ ታን ሎይꬃ ያያ ዛራደ፥
NEH 2:3 “ካቲ መꬍናዉ ደኦ! ታ ማይዛ አዎቱ ሞገቴዳ ካታማይ ኮለቲደ ꬋይና፥ ቃይ ሄ ካታማ ግምቢያ ድርሳ ፐንገቱካ ታማን ጹገትክችና፥ ታን አያዉ ካዮትክታ?” ያጋድ።
NEH 2:4 ካቲካ ዛሪደ፥ “ያትና፥ ሀእ ታን ነዉ አያ ኦꬃናዳን ኮያይ?” ያጌዳ። ታን ሳሉዋ ጾሳ ዎሳ ስማደ፥
NEH 2:5 ካትያ ሀዋዳን ያጋድ፤ “ካትያዉ፥ ታን ኔና ናሸችያዋ ግዶፐ፥ ቃይ ታ ኦችያዋ ኔን እማናዉ ዶሶፐ፥ ይሁዳ ቢታ፥ ታ ማይዛ አዎቱ ሞገቴዳ ካታማ ባደ፥ ሄ ካታማ ዛራደ ኬጻና ማላ፥ ታና የዳርኪ”።
NEH 2:6 ሄ ዎደ፥ ካታታ ካትያ አርጸክሲሳ ኤለካ ኡት ደእሽን፥ ካቲ፥ “ነ ብያ ኦጊ ዎይሳ ዎድያ አካናዌ? ቃይ ኔን አዉደ ስማኒ?” ያጊደ ታና ኦቼዳ። ታንካ ታ ስማና ዎድያ አዉ ኦዳድ፤ ካቲ ናሸቲደ፥ ታና የዴዳ።
NEH 2:7 ቃይካ ካትያ ታን ሀዋዳን ያጋድ፤ “ካትያዉ፥ ኔና ናሸችያዋ ግዶፐ፥ ታን ይሁዳ ጋካናዉ፥ ሄ ቢታና አꬋደ ባና ማላ፥ ኤፍራጺሳ ሻፋፐ አዋይ ዉልያ ባጋ ቢታ ሞድያዋንቶ ዳብዳቢ ጻፈቶ።
NEH 2:8 ቃይ ጌሻ ጎልያ ግምቢያ ድርሳ ፐንግያ ጊግሳናዉ፥ ካታማ ግምቢያ ድርሳ ድራናዉነ ታን ደእያ ጎልያ ኬጻናዉ ታዉ ምꬃ እማና ማላ፥ ካትያ ዎራ ናግያ አሳፋዉካ ዳብዳቢ ጻፈቶ” ያጋድ። ጾሳ ሎኦ ኩሺ ታናና ደእያ ድራዉ፥ ካቲ ታን ኦቼዳዋ ኡባ እሜዳ።
NEH 2:9 ካቲ ታናና አማሬዳ ኦላ ጋዳዋቱዋነ ፓራ አሳቱዋ የዴዳ፤ ኡንቱንቱና እትፐ ኤፍራጺሳ ሻፋፐ አዋይ ዉልያ ባጋ ቢታ ባደ ጋካደ፥ ካቲ የዴዳ ዳብዳቢያ ሄ ጋድያ ሞድያዋንቶ እማድ።
NEH 2:10 ሽን ቤት-ሆሮና ጋደ አሳ ግዴዳ ሳንባላጽነ አሞና ጋድያ ካፑዋ ግዴዳ ጾቢ፥ “እስራኤልያ አሳዉ ሎኦባ ኦꬅያ አሳይ ዬዳ” ግያዋ ስሴዳ ዎደ፥ ሎይꬅ ሀንቀቴድኖ።
NEH 2:11 ታን የሩሳላመ ያደ ሄዙ ጋላሳ ያን ጋምኣድ።
NEH 2:12 ግዶ ሽን፥ የሩሳላመዉ ታን ኦꬃናዳን ታ ጾሳይ ታ ዎዛናን ዎꬄዳ ቆፋ ኦነ ኦዳበይከ። ሄዋፐ ጉይያን፥ ታናና ደእያ አሳፐ አማሬዳዋንታ አካደ፥ ቃማን ደንዳደ ባድ። ሄ ዎደ ታን ቶጌዳዋፐ ሀራ ቶጋ መሂ ኑዉ ባዋ።
NEH 2:13 ታን ብላህያን ደንዳደ፥ ዛንጋራ ግምቢያ ድርሳ ፐንግያና ከሳደ፥ ዳዊያ ፑልቱዋ ጌተትያ ሳኣና አꬋደ፥ ፕቱዋ ኦልያ ግምቢያ ድርሳ ፐንግያ ጌተትያ ፐንግያ ጋካናዉ ባድ። ሄዋን ኮለቴዳ የሩሳላመ ግምቢያ ድርሳነ ቃይ ታማን ጹገቴዳ ግምቢያ ድርሳ ፐንገቱዋ አኬካደ ጼላድ።
NEH 2:14 ሄዋፐ ስማደ፥ ፑልቱዋ ግምቢያ ድርሳ ፐንግያኮነ ዳጋቴዳ ካትያ ሃꬃይ ደእያ ሳኣ ባድ። ግዶ ሽን፥ ታን ቶጌዳ ቶጋ መሂ አꬍያ ኦግያ ደማበይከ።
NEH 2:15 ሄዋ ድራዉ፥ ቃማን ሃꬃይ ጎግያ ካካ ግዱዋና አꬋ ግምቢያ ጼላድ። ሄዋፐ ጉይያን፥ ጉየ ስማደ ዛንጋራ ፐንግያና ካታማ ገላድ።
NEH 2:16 ሄዋን ደእያ ካፓቱዋፐ ኦንነ ታን ሀቃ ባድታንቶ፥ ዎይ ቃይ አያ ኦꬃድታንቶነ ኤርቤና። አያዉ ጎፐ፥ ታን አይሁዳቶ፥ ቄሳቶ፥ ቦንቼቴዳ አሳቶ፥ ካፓቶነ ኪታ ኪተታናዉ ደእያ አሳፐ ኦነ ታ ቆፋ ብሮ ኦዳበይከ።
NEH 2:17 ሄዋፐ ጉይያን፥ ታን ኡንቱንቶ ሀዋዳን ያጋድ፤ “ኑን አይ ማላ መቱዋ ግዱዋን ደእንቶ በኢታ፤ አያዉ ጎፐ፥ የሩሳላመ ካታማይ ኮለቴዳ፤ ቃይ ግምቢያ ድርሳ ፐንገቱካ ታማን ጹገቴድኖ። ሽን ሀዋፐ ስንꬃዉ ኑን ሀዋዳን ካዉሺደ ደኤናዳን፥ አነ ደንዲደ፥ የሩሳላመ ግምቢያ ድርሳ ዛረꬂደ ግምቦይተ” ያጋድ።
NEH 2:18 ቃይ ታ ጾሳ ሎኦ ኩሺ ታናና ደእያዋነ ካቲ ታዉ ኦዴዳዋ ኡባ ኡንቱንቶ ኦዳድ። ኡንቱንቱካ፥ “አነ ደንዶይተነ ዛረꬂደ ግምቦይተ” ያጌድኖ። ባረንቱ ኩሽያ ሎኦ ኦሶ ምንሴድኖ።
NEH 2:19 ሽን ቤት-ሆሮና ጋድያ አሳ ግዴዳ ሳንባላጽ፥ አሞና ጋድያ ኦሳንቻ ግዴዳ ጾቢነ አራባ ጋድያ አሳ ግዴዳ ጌሼም ሀዋ ስሴዳ ዎደ፥ ኑ ቦላን ቅሊጪደ ሚጬድኖ። ቃይ፥ “ሀዌ ህንተንቱ ኦꬅያባይ አዬ? ዎይ ቃይ ካትያ ቦላን ማካላናዉ ኮዪቴ?” ያጊደ ኦቼድኖ።
NEH 2:20 ታን ዛራደ፥ “ሳሉዋ ጾሳይ ኑዉ እንጀያና፤ ኑን አ ቆማቱ ግምቢያ ዶማና። ሽን የሩሳላመን ደእያባፐ ህንተንታ ጋክያ ግሹዋ ግድና፥ ማታ ግድና፥ ዎይ ህንተንቱ ዶገተናዳን ቆፍስያባይ ህንተንቶ ባዋ” ያጋድ።
NEH 3:1 ሄዋፐ ጉይያን፥ ቄሰ ኡባቱዋ ካፑ ኤልያሽብነ ሀራ ቄሳቱ ዶርሳ ፐንግያ ግምቢያ ድርሳ ዛረꬅ ግምቢደ፥ ጾሳዉ ዱማዬድኖ፤ ሳንቃካ አꬄድኖ። ኡንቱንቱ ጼቱ አዱሳ ማማነ ሀናንኤላ አዱሳ ማማ ጋካናዉ ግምቤዳ ግምቢያ ጾሳዉ ዱማዬድኖ።
NEH 3:2 ኡንቱንቱ ጋጻን ደእያ ሳኣ እያርኮ አሳይ ግምቤዳ። ኡንቱንቱ ጋጻን ደእያ ሳኣ እምራ ናአይ ዛኩር ግምቤዳ።
NEH 3:3 ሀስናአ ናናይ ሞልያ ፐንግያ ግምቢያ ድርሳ ግምቤድኖ። ኡንቱንቱ ፐንገ ምꬃ ኤሲደ፥ ሳንቃካ አꬄድኖ፤ ቃይ ሳንቃዉ ጎርድያ ምꬃነ ምꬃ ገልስያ ኩልቡዋ ጊግሴድኖ።
NEH 3:4 ኡንቱንቱ ጋጻን ደእያ ሳኣ ሀቆጻ ናኣ ግዴዳ ኦርዮና ናአይ ማረሞት ግምቤዳ። አ ጋጻን ደእያ ሳኣ ማሸዛቤላ ናኣ በረክያ ናአይ ማሹላም ግምቤዳ። አ ጋጻን ደእያ ሳኣ ባኣና ናአይ ጻዶቀ ግምቤዳ።
NEH 3:5 አ ጋጻን ደእያ ሳኣ ታቆአ ካታማ አሳቱ ግምቤድኖ፤ ግዶ ሽን፥ ሄ ካታማ ካፓቱ ባረንቶ እመቴዳ ኪታ እጼድኖ።
NEH 3:6 ፓሴሀ ናአይ ዮዳሄነ ባሶድያ ናአይ ማሹላም ኤጫ ፐንግያ ግምቢያ ድርሳ ግምቤድኖ። ኡንቱንቱ ፐንገ ምꬃ ኤሲደ፥ ሳንቃካ አꬄድኖ፤ ቃይ ሳንቃዉ ጎርድያ ምꬃነ ምꬃ ገልስያ ኩልቡዋ ጊግሴድኖ።
NEH 3:7 ኡንቱንቱ ጋጻን ደእያ ሳኣ ጋባኦና ካታማ አሳ ግድያ ማላጼነ መሮኖታ ካታማ አሳ ግዴዳ ያዶን ግምቤድኖ። ቃይ ጋባኦናነ ምጽጳ ካታማቱዋ አሳቱካ ኡንቱንቱና እትፐ ግዲደ፥ ኤፍራጺሳ ሻፋፐ አዋይ ዉልያ ባጋ ቢታ ሞድያዌ ደእያ ጎልያ ጋካናዉ ደእያ ሳኣ ግምቤድኖ።
NEH 3:8 ዎርቃ ትግያ ሀርሃያ ናአይ ኡዝኤል ኡንቱንቱ ጋጻን ደእያ ሳኣ ግምቤዳ። ቃይ አ ጋጻን ደእያ ሳኣ ሽቱዋ መꬍያ ሀናኒ ግምቤዳ። ኡንቱንቱ ላኡ እትፐ አኮ ግምቢያ ጌተትያ ሳኣ ጋካናዉ፥ የሩሳላመ ግምቢያ ግምቤድኖ።
NEH 3:9 ኡንቱንቱ ጋጻን ደእያ ሳኣ ሁራ ናአይ፥ የሩሳላመ ዎራዳ ሻኩዋ ሞድያ ራፋይ ግምቤዳ።
NEH 3:10 ሀሩማፋ ናአይ ያዳይ ባረ ጎልያፐ ስንꬃ ባጋና ደእያ ሳኣ ግምቤዳ። አ ጋጻን ደእያ ሳኣ ሀሻባንያ ናአይ ሀጹኡሽ ግምቤዳ።
NEH 3:11 ሀሪማ ናአይ ማልኬነ ፓሀት-ሞኣባ ናአይ ሀሹብ አ ጋጻን ደእያ ሳኣነ እቶነ አዱሳ ግምቢያ ግምቤድኖ።
NEH 3:12 ኡንቱንቱ ጋጻን ደእያ ሳኣ ሀሎሄሻ ናአይ፥ የሩሳላመ ዎራዳ ላኤንꬆ ሻኩዋ ሞድያ ሻሉምነ አ ማጫ ናናይ ግምቤድኖ።
NEH 3:13 ሀኑንነ ዛኖሀ ካታማን ደእያ አሳቱ እትፐ ዛንጋራ ፐንግያ ግምቢያ ድርሳ ግምቤድኖ። ኡንቱንቱ ፐንግያን ሳንቃ አꬂደ፥ ሳንቃዉ ጎርድያ ምꬃነ ምꬃ ገልስያ ኩልቡዋ ጊግሴድኖ። ቃይ ፕቱዋ ኦልያ ፐንግያ ግምቢያ ድርሳ ጋካናዉ፥ ሻአ ዋꬋ አዱሳ ግምቢያ ጉጂደ ግምቤድኖ።
NEH 3:14 ረካባ ናአይ፥ ቤት-ሀካሬማ ዎራዳ ሞድያ ማልኪ ፕቱዋ ኦልያ ፐንግያ ግምቢያ ድርሳ ግምቤዳ። ፐንግያን ሳንቃ አꬂደ፥ ሳንቃዉ ጎርድያ ምꬃነ ምꬃ ገልስያ ኩልቡዋ ጊግሴዳ።
NEH 3:15 ኮልሆዛ ናአይ፥ ምጽጳ ዎራዳ ሞድያ ሻሉም ፑልቱዋ ፐንግያ ግምቢያ ድርሳ ዛረꬂደ ግምቤዳ። እ ፐንግያዉ ጼራ ጊግሴዳዋፐ ጉይያን፥ ሳንቃ አꬄዳ፤ ሳንቃዉ ጎርድያ ምꬃነ ምꬃ ገልስያ ኩልቡዋ ጊግሴዳ። ሄዋ ቦላካ ቃይ፥ ሸላሀ ጌተትያ ዳጋቴዳ ሃꬃይ ደእያ ባጋና ካትያ አታክልትያ ሳኣፐ ዶሚደ፥ ዳዊታ ካታማፐ ዬዳ አታክልትያ ጋካናዉ ደእያ ግምቢያ ግምቤዳ።
NEH 3:16 ሄዋፐ ካልያዋ አዝቡቃ ናአይ፥ ቤትጹራ ዎራዳ ሻኩዋ ሞድያ ናህሚ ግምቤዳ፤ እ ዳዊታ ዱፉዋፐ ስንꬃ ባጋና ደእያ ሳኣ ጋካናዉ፥ ዳጋቴዳ ሃꬃይ ደእያ ሳኣ ጋካናዉነ ዎልቃማቱዋ ጎልያ ጋካናዉ ደእያ ሳኣ ግምቤዳ።
NEH 3:17 ሄዋፐ ካልያዋ ባና ናኣ ረሁማ አዎተꬃ ግዶን ደእያ፥ ሌዋቱ ግምቤድኖ። ኡንቱንቱ ጋጻን ደእያ ሳኣ ቃኢላ ዎራዳ ሻኩዋ ሞድያ ሀሻቢ ባረ ዎራዳ ሱንꬃን ግምቤዳ።
NEH 3:18 አፐ ካልያዋ ሄናዳዳ ናአይ፥ ቃኢላ ዎራዳ ላኤንꬆ ሻኩዋ ሞድያ ባዋይነ አ እሻቱ ግምቤድኖ።
NEH 3:19 ኡንቱንቱ ጋጻን ደእያ ሳኣ ኢያሱ ናአይ፥ ምጽጳ ዎራዳ ሞድያ ኤጼር ግምቤዳ፤ እ ኦላ ሚሻ ዎꬅያ ጎልያፐ ስንꬃ ባጋና ደእያ ሳኣ ጋካናዉነ ግምቢያዉ ዞዝያ ጋካናዉ ደእያ ሳኣ ግምቤዳ።
NEH 3:20 አፐ ካልያዋ ዛባያ ናአይ ባሩክ ግምቢያ ጋጻፐ ዶም፥ ቢደ ቄስያ ኡባቱዋ ካፑዋ ኤልያሽባ ጎልያ ፐንግያ ጋካናዉ፥ ምኖተꬃን ግምቤዳ።
NEH 3:21 አፐ ካልያዋ ሀቆጻ ናኣ ግዴዳ ኦርዮና ናአይ ማረሞት ኤልያሽባ ጎልያ ፐንግያፐ ዶም፥ ቢደ ጎልያ ዉርሰꬃ ጋካናዉ ግምቤዳ።
NEH 3:22 አፐ ካልያ ሄራ ጋድያን ደእያ ቄሳቱ ግምቤድኖ።
NEH 3:23 ኡንቱንቱፐ ካልያዋ ቢንያመነ ሀሹብ ባረንቱ ጎልያ ስንꬃን ደእያ ሳኣ ግምቤድኖ። ኡንቱንቱፐ ካልያዋ አናንያ ናኣ ግዴዳ ማእሴያ ናአይ አዛረ ባረ ጎልያ ምይያን ደእያ ሳኣ ግምቤዳ።
NEH 3:24 አፐ ካልያዋ አዛርያ ጎልያፐ ዶም፥ ቢደ ግምቢ ዙቀት ስሞ ሳኣ ጋካናዉ ደእያ ሳኣ ሄናዳዳ ናአይ ቢኑይ ግምቤዳ።
NEH 3:25 ኡዛያ ናአይ ፓላል ግምቢያ ዙቀት ስሞ ሳፐ ዶም፥ ቢደ ናግያዋንቱ ዎችያ ማማፐ ቆሞ ባጋና ኦይቀት ኬጸቴዳ ካትያ ጎልያ ꬎቃ ግምቢያ ስንꬃ ጋካናዉ ደእያ ሳኣ ግምቤዳ። አፐ ካልያዋ ፓርኦሻ ናአይ ፓዳይነ
NEH 3:26 ጌሻ ጎልያ ቆማቱ፥ ኦፌላን ደእያዋንቱ ግምቤድኖ፤ ኡንቱንቱ ሃꬃ ፐንግያ ግምቢያ ድርሳ ስንꬃና አዋይ ዶልያ ባጋና ደእያ ሳኣነ ማማ ግምቢያ ጋካናዉ ደእያ ሳኣ ግምቤድኖ።
NEH 3:27 ኡንቱንቱፐ ካልያዋ ታቆአ ካታማ አሳይ ግምቢያፐ ስንꬃን ሀራ ባጋና ደኢያሳፐ ቢደ፥ ኦፌላ ግምቢያ ድርሳፐ ሃክ ደእያ ዎልቃማ ማማ ግምቢያ ጋካናዉ ደእያ ሳኣ ግምቤድኖ።
NEH 3:28 እት እት ቄሳቱ ካ ፓራ ፐንግያ ግምቢያ ድርሳፐ ቆሞና ደእያ ባረንቱ ጎልያ ስንꬃና፥ ሁጲሳ ባጋና ደእያ ሳኣ ግምቤድኖ።
NEH 3:29 ኡንቱንቱፐ ካልያዋ እሜራ ናአይ ጻዶቀ ባረ ጎልያ ስንꬃን ደእያ ሳኣ ግምቤዳ። አፐ ካልያዋ አዋይ ዶልያ ፐንግያ ናግያ ሻካንያ ናአይ ሻማኤ ግምቤዳ።
NEH 3:30 አፐ ካልያዋ ሸሌምያ ናአይ ሀናኒነ ጻላፋዉ ኡሱፑንꬃ ናኣ ግዴዳ ሀኑን ግምቤድኖ። ኡንቱንቱፐ ካልያዋ በረክያ ናአይ ማሹላም ባረ ደእያ ክፍለቱዋ ስንꬃን ደእያ ሳኣ ግምቤዳ።
NEH 3:31 አፐ ካልያዋ ጾሞስያ ግምቢያ ድርሳ ፐንግያ ስንꬃን ደእያ ጌሻ ጎልያ ቆማቱነ ዛልአንቻቱ ጎልያ ጋካናዉ ደእያ ሳኣ ዎርቃ ትግያ ማልክ ግምቤዳ። ቃይካ እ ግምቢያ ጋጻን ቦላ ባጋና ደእያ ክፍልያ ጋካናዉ ደእያ ሳኣካ ግምቤዳ።
NEH 3:32 ዎርቃ ትግያዋንቱነ ዛልአንቻቱ ሄ ክፍልያፐ ዶሚደ፥ ዶርሳ ፐንግያ ግምቢያ ድርሳ ጋካናዉ ደእያ ሳኣ ግምቤድኖ።
NEH 4:1 ኑን ግምቢያ ድርሳ ኪታ ዶሜዳዋ ሳንባላጽ ስሴዳ ዎደ ሀንቁዋ ኤጽ ከሴዳ፤ ቃይ ሎይꬅ ይሎቲደ፥ ኑና ቅሊጬዳ።
NEH 4:2 ባረ ላገቱዋነ ሳማርያ ኦላንቻቱ ስንꬃን እ ሀዋዳን ያጌዳ፤ “ሀዋንቱ፥ ሀ ፓና አይሁዳቱ አያ ኦꬂኖ? ካታማ ዛረꬂደ ግምባናዉ ኮዪኖየ? ያርሹዋካ ያርሻናዉ ኮዪኖ? ኦሱዋ እት ጋላስ ዉርሳናዋ ኡንቱንቶ ማላቲየ? ግምቢያዉ ሹቻ ዛር ደኡዋን ዎꬃናዉ ዳንዳየት?”
NEH 4:3 አ ምይያን ኤቄዳ አሞና ጋድያ አሳ ግዴዳ ጾቢካ ቃይ ሀዋዳን ያጌዳ፤ “ኡንቱንቱ ቃይ አያነ ግምቢያ ግምባናዉ ዳንዳዪዬ? ኡንቱንቱ ግምቢያ ድርሳ ግምቢያ ቦላን ዎራካናይ ከስንቶነ ኩንድ አጋና”።
NEH 4:4 ሄዋፐ ጉይያን፥ ታን ሀዋዳን ያጋደ ዎሳድ፤ “ኑ ጾሳዉ፥ ኡንቱንቱ ኑና ዎት ዎት ቅሊጭንቶ ሀዋ ስሳ! ኡንቱንቱ ኑና ሸቂያ ሸቃይ ኡንቱንቱ ሁጲያን ስሞ። ባረንቶ ደእያ አቁዋ ቦንቀት ክቺደ፥ አላጋ ጋድያን ኦሞደቴዳ አሳ ግድኖ።
NEH 4:5 ኡንቱንቱ ናቁዋ ገንꬆፓ፤ ኡንቱንቱ ናጋራካ ነ ስንꬃፐ ሙለ ቁጮፓ። አያዉ ጎፐ፥ ግምቢያ ግምቢያዋንታ ኑና ሸቃን ካዉሼድኖ”።
NEH 4:6 ኑን ግምቢያ ድርሳ ኦሱዋ አገናን ኦꬄዳ። ቃይ አሳይካ ኦሱዋ ምኖተꬃን ኦꬅያ ድራዉ፥ ግምቢያ ድርሳ ꬎቃተꬃይ ኤለካ ባካ ኬሻ ግድ አጌዳ።
NEH 4:7 ሳንባላጽ፥ ጾቢ፥ አራባ ጋድያ አሳይ፥ አሞና ጋድያ አሳይነ አሽዶዳ ካታማ አሳይ የሩሳላመ ግምቢያ ድርሳ ኪታይ ሎኦ ሀኖተꬃን ኦሰቲደ ደእያዋነ ኮለቴዳ ሳአቱካ ባረቴዳ ዎደ ሎይꬅ ሀንቀቴድኖ።
NEH 4:8 ሄዋፐ ደንዴዳዋን እትፐ የሩሳላመ ዪደ ኑና ኦላናዉነ ሻቢርሳናዉ ማቀቴድኖ።
NEH 4:9 ሽን ኑን ኑ ጾሳኮ ዎሴዶ፤ ኡንቱቱፐ ደንዴዳዋን ቃማነ ጋላስ ናግያ ናጋንቻቱዋካ ዎꬄዶ።
NEH 4:10 ሄ ዎድያን ይሁዳ አሳይ ሀዋዳን ያጌድኖ፤ “ቶኩዋ ቶክያዌ ካሰዋፐ ኑና ላባንꬄ፤ ቃይ ደንꬃናዉ ኮሽያ ግምቢያፐ ኮለቴዳ ዳሮ ሹቻይካ ብሮ ደኤ። ያትና፥ ኑን ሀቼ ሀ ግምቢያ ዋቲደ ግምባናዉ ዳንዳዬቶ?”
NEH 4:11 ኑ ሞርከቱ፥ “ኑን ቢደ ኡንቱንቱ ግዶ ጋካናዉ፥ ኡንቱንቱ ኦሱዋ ኦናዳን ተአናዉነ ኡንቱንታ ዎꬋና ጋካናዉ፥ ኡንቱንቱ ኤርክኖ” ያጌድኖ።
NEH 4:12 ግዶ ሽን፥ አይሁዳቱ ዛር ዛር ኑኮ ዪደ፥ “ኡንቱንቱ ሙለ ባጋና ዪደ፥ ኑና ኦላናዋንታ” ያጊደ ኑዉ ኦዴድኖ።
NEH 4:13 ሄዋ ድራዉ፥ ኑ አሳፐ ማሻ፥ ቶራነ ዎንዳፍያ ኦይቂደ አሳ ኡንቱንቱ ዛርያን ዛርያን ማራደ፥ ኪታይ ዉርቤና ሄራን ግምቢያፐ ዞኮ ባጋና ናጋናዳን ዎꬃድ።
NEH 4:14 አሳይ ሻቢረቴዳዋ ታን በኤዳ ዎደ፥ ደንዳ ኤቃደ፥ ኡንቱንታ፥ ኡንቱንቱ ካለꬅያዋንታነ ሀራ ካፓቱዋ ኡባ ሀዋዳን ያጋድ፤ “ኑ ሞርከቶ ያዮፕተ! ጎዳይ ዎልቃማነ ሆላ ጌተትያዋ ግድያዋ ሀሳይተ። ሄዋ ድራዉ፥ ህንተንቱ ዛረቶ፥ ህንተንቱ አቱማ ናናቶ፥ ህንተንቱ ማጫ ናናቶ፥ ህንተንቱ ማችያዉነ ህንተንቱ ጎልያዉ ኦለትተ” ያጋድ።
NEH 4:15 ኑ ሞርከቱ ኑና ቆሀናዉ ማቀቴዳዋ ኑን ኤሬዳዋ ኡንቱንቱ ስሴድኖ። ቃይ ጾሳይካ ኡንቱንቱ ማቁዋ ሀዳ ከሴዳዋ አኬኬድኖ። ሄዋፐ ጉይያን፥ ኑን ኡባይካ ስሚደ፥ ኑ ግምቢያ ድርሳ ኦሱዋ ዶሜዶ።
NEH 4:16 ሄ ዎድያፐ ዶሚደ፥ ታ ቆማቱዋፐ ባካይ ኦሱዋ ኦꬅያ ዎደ፥ ባካይ ትራን ዎꬅያ ኦላ ሚሻ ማዪደ፥ ቶራ፥ ጎንዳልያነ ዎንዳፍያ ኦይቂደ ናጋናዳን ኦꬃድ። ቃይ ካፓቱካ ይሁዳ አሳ ኡባፐ ጉየና ኤቂደ ምንꬂኖ።
NEH 4:17 ግምቢያ ድርሳ ግምቢያዋንቱነ ኮሽያዋ ቶክያዋንቱ ኡባይ እት ኩሽያን ኦላ ሚሻ ኦይቂደ፥ እት ኩሽያን ኦሱዋ ኦꬅኖ።
NEH 4:18 ግምቢያ ኦሱዋ ኦꬅያ ኡባይ ማሻ ባረ ጼሳን ዳንጭ ዳንጭ ኡቴዳ። ማላካታ ፑንያዌካ ኡባ ዎደ ታፐ ሻከት ኤረና።
NEH 4:19 አሳ ካለꬅያዋንታ፥ ካፓቱዋነ አሳ ኡባ ታን ሀዋዳን ያጋድ፤ “ግምቢያ ድርሳ ኪታይ ዎልቃማነ ሎይꬅ አካ ግድያዋፐ ደንዴዳዋን፥ ኑን እቱ እቱዋፐ ሻከቲደ ሃኬዶ።
NEH 4:20 ሄዋ ድራዉ፥ ህንተንቱ ማላካታ ፑና ስስያ ዎደ፥ እ ፑነትያ ሳኣ ታኮ ሃ ሺቅተ። ኑ ጾሳይካ ኑ ድራዉ ኦለታናዋ”።
NEH 4:21 ኦሱዋ ዎንቱማꬃ ሳሉ ዞእያ ዎድያፐ ዶሚደ፥ ኦማርስ ጾልንቲ ከሳና ጋካናዉ ኦꬅያ ዎደ ኡባን፥ ባጋይ ኦꬅያ ዎደ፥ ባጋይ ቶራ ኦይቂደ ናጊኖ።
NEH 4:22 ሄ ዎደ ታን አሳዉ ሀዋዳን ያጋድ፤ “ቃማን ኑና ናጋናዉነ ጋላስ ቃይ ኪታ ኦꬃናዉ ህንተንቱ ኡባይካ ህንተንቱ ቆማቱካ የሩሳላመን አቅተ”።
NEH 4:23 ሄዋ ድራዉ፥ ታና ግድና፥ ታ እሻቱዋ ግድና፥ ታ ቆማቱዋ ግድና፥ ዎይ ቃይ ታና ናግያዋንታ ግድናካ፥ ኑን ኡባይካ ኑ ማዩዋ ከሰናን አቄቶ፤ ቃይ ኑ ኦላ ሚሻይካ፥ ኑፐ ኡባካ ሻከተና።
NEH 5:1 አቱማዌነ ማጫዌ ባረንቱ ዛርያ ግዴዳ አይሁዳቱ ቦላን ዎልቃማ ጫቡዋ ከሴድኖ።
NEH 5:2 ኡንቱንቱ ሀዋዳን ያጌድኖ፤ “ኑን፥ ኑ አቱማ ናናይነ ኑ ማጫ ናናይ ጮራ፤ ሄዋ ድራዉ፥ ኑን ሚደ ፓጻ ደአና ማላ፥ ኑዉ ካꬃይ ኮሼ”።
NEH 5:3 ሀራቱ ቃይ፥ “ኑና ጋኬዳ ኢታ ኮሻፐ ኑና አሽያ ቁማ ደማና ጊደ፥ ኑ ጎሻይ፥ ኑ ዎይንያ ቱራ ሳአይነ ኑ ኬꬃይ አተናን አሳዉ ኦይꬄዶ” ያጌድኖ።
NEH 5:4 ሀራቱካ ቃይ ሀዋዳን ያጌድኖ፤ “ኑ ጎሻዉነ ኑ ዎይንያ ቱራ ሳቶ ካቲ ኦቼዳ ጊራ ጭጋናዉ ሚሻ ታልእያ አኬዶ።
NEH 5:5 አይሁዳ ዛራቱዋና ኑን እት አሹዋ፤ ኑ ናናይካ ኡንቱንቱ ናና ማላ። ሽን ኑን ኑ የሌዳ ናና አይለተꬃዉ አꬂደ እማናዉ ግደቴዶ፤ ኡባ ቃይ ኑ ማጫ ናናቱዋፐ እቱ እቱ አይለተꬃዉ ዛልኤቴድኖ። ግዶፐነ፥ ኑ ጎሻይነ ኑ ዎይንያ ቱራ ሳአቱ ኑፐ አከት ድጎ ድራዉ፥ ኑን አይነ ኦꬃናዉ ዳንዳዮኮ”።
NEH 5:6 ኡንቱንቱ ጫቡዋነ ሀ ቃላ ታን ስሴዳ ዎደ፥ ሎይꬃ ሀንቀታድ።
NEH 5:7 ኦꬃናዋ ታ ዎዛናን ቆፓደ፥ አሳ ካለꬅያዋንታነ ካፓቱዋ ጼሳደ፦ “ህንተንቱ ህንተንቱ ዛራቱዋ የሉዋ ጭግስያዋን ኡቁኒታ” ያጋደ ኡንቱንታ ሞታድ። ሄ መቱዋባ ሃሳዪደ ብላናዉ ዎልቃማ ሺቁዋ ኡንቱንቱና ኡዳድ።
NEH 5:8 ሀዋዳን ያጋድ፤ “አይሁዳ ግደናዋንቶ ዛልኤቴዳ አይሁዳ ዛርያ ግዴዳ ኑ እሻቱዋ ዎዛናዉ ኑን ኑ ዎልቃይ ዳንዳዬዳዋ ኡባ ኦꬄዶ። ሽን ህንተንቱ ቃይ፥ ህንተንቱ እሻቱዋ ግዴዳ ህንተንቱ ዛርያ ህንተንቶ ባረንታ ዛልአና ማላ ኦꬂደ ደኢታ”። ካለꬅያዋንቶ ዛርያ ቃላይ ꬋይና፥ ጮኡ ያጌድኖ።
NEH 5:9 ታን ቃይካ ሀዋዳን ያጋድ፤ “ህንተንቱ ኦꬅያባይ ልከ ግደና፤ ኑ ሞርከቱ፥ አይሁዳ ግደናዋንቱ ኑ ቦላን ቅሊጨና ማላ፥ ኑ ጾሳዉ ያያናዉነ ልከ ግድያባ ኦꬃናዉ ህንተንቶ በሰኔ?
NEH 5:10 ታን ታ ሁጲያዉ፥ ታ እሻቱዋነ ታ ቆማቱካ ኡንቱንቶ ሚሻነ ካꬃ ታልኤዶ፤ ግዶ ሽን፥ አነ ኡንቱንቱፐ የሉዋ አክያዋ አጎይተ።
NEH 5:11 ኡንቱንቱ ጎሻቱዋ፥ ዎይንያ ቱራ ሳአቱዋ፥ ዛይትያ ዎጋራቱዋነ ጎለቱዋ ኡባካ ኡንቱንቶ ሀቼ ዛርተ። ቃይ ሚሻን፥ ካꬃን፥ ዎይንያ ኤሳን ግድና ዛይትያን፥ ህንተንቱ ኡንቱንቱፔ አኬዳ ጼቱዋፐ እት ኩሽያ የሉዋ ኡባ ኡንቱንቶ ኤለካ ዛርተ”።
NEH 5:12 ኡንቱንቱካ ዛሪደ፥ ሀዋዳን ያጌድኖ፤ “ኑን ኡባባካ ኡንቱንቱዋ ዛሪደ፥ ኡንቱንቶ እማና፤ ኡንቱንታ አያነ ኦቾኮ። ኔን ጋደ ደእያዋዳን፥ ኑን ኦꬃና”። ሄዋፐ ጉየ ቄሳቱ ዋ ሃ ታኮ ጼጋደ፥ ባረንቱ ጌዳ ቃላ ፖላና ማላ፥ ጫቀꬃናዳን ኦꬃድ።
NEH 5:13 ሄዋፐ ጉይያን፥ ታ ማዩዋ ቆቆፋደ ሀዋዳን ያጋድ፤ “ኦንነ ህንተፐ ባረ ጌዳ ቃላ ፖለናን ꬋዮፐ፥ ጾሳይ አ ሀዋዳን አ ጎልያፐነ አ አቁዋፐ ቆቆፎ፤ እካ ቆቆፈቲደ መላ አቶ”። ሺቄዳ አሳይ ኡባይ እት ቃላን፥ “አመንእ” ያጊደ መꬍና ጎዳ ጋላቴድኖ። አሳይ ኡባይ ባረ ጫቄዳዋዳን ኦꬄዳ።
NEH 5:14 አርጸክስስ ካተቴዳ ላታማንꬆ ላይꬃፐ ቢደ፥ ሀታማነ ላኤንꬆ ላይꬃ ጋካናዉ፥ ታን ይሁዳ ሞድያዋ ግዳደ ሱንታድ። ሄ ታማነ ላኡ ላይꬃን፥ ታና ግድና ዎይ ታ እሻቱ ሞድያዎ በስያ ቁማ ድርጉዋ አክበይኮ።
NEH 5:15 ሽን ታፐ ካሰና ሞድያዋንቱ አሳዉ ዴጾ ቶኮ ግዲደ፥ ሀቼ ሀቼ ካꬃውነ ዎይንያ ኡሻው ኦይታሙ ጻጋራ ብራ ጭግሴድኖ። ሀራይ አቶ አይስያዋንቶ ቆማቱካ ባረንቱ አሳ ቦላን ጎዳ ማላትሲደ ጋምኤድኖ። ግዶፐነ፥ ታን ጾሳዉ ያዬዳ ድራዉ፥ ሄዋዳን ኦꬃበይከ።
NEH 5:16 ታናተꬃ ኡባ የሩሳላመ ግምቢያ ድርሳ ኦሶ እማድፐ አትን፥ ታ ሁጰው አይ ጋድያነ ሻማበይከ። ታ ቆማቱካ ኡባይ ታናና ሄ ኪታን እትፐ ጋምኤድኖ።
NEH 5:17 ኑ ሄራን ደእያ አይሁዳ ግደናዋንቱፐ ኑኮ ዬዳ አሳይ ባይናን ደእሽን፥ ሀቼ ሀቼ ታናና ታ ማሶፍያን ምያ አይሁዳቱነ ኡንቱንታ ካለꬅያዋንቱ ፓይዱ ጼታነ እሻታማ።
NEH 5:18 ሀቼ ሀቼ እት ቦራ፥ ኡሱፑን ዶረቴዳ ዶርሳቱዋነ ዳሮ ኩቶቱዋ ሹክ ሹኪደ፥ አሳዉ ሺሽኖ፤ ቃይ ታሙ ጋላሳን እት ገደ ዳሮ ባꬃ ዎይንያ ኤሳ ኡንቱንቶ አጊኖ። ሽን አሳ ቦላን ደእያ ቶኩ ዴጹዋ ግድያዋ ታን ኤርያ ድራዉ፥ ጋድያ ሞድያዎ በስያ ቁማ ድርጉዋ ኦቻበይከ።
NEH 5:19 “ታ ጾሳዉ፥ ታን ሀ አሳዉ ኦꬄዳ ሎኦተꬃ ኡባ ቆፓደ፥ ታዉካ ሎኦተꬃ ኦꬃ” ያጋድ።
NEH 6:1 ሳምባላጽ፥ ጾቢ፥ አራባ ጋድያ አሳ ግድያ ገሼምነ ሀራ ኑ ሞርከቱ ኑን ግምቢያ ድርሳ ኦꬂደ ፖሌዳዋነ ቃይ ኦሰትቤና ፓጫ ሳአይካ እቱነ አትቤናዋ ስሴድኖ። ግዶ ሽን፥ ኑን ግምቢያ ድርሳ ፐንገቱዋን ብሮ ሳንቃ ገልስበይኮ።
NEH 6:2 ሄዋ ኡንቱንቱ ስሴዳ ዎደ፥ ሳንባላጽነ ገሼም ሀዋዳን ያጊደ፥ ታኮ ኪቴድኖ፤ “ኦና ጌተትያ ደምባን ደእያ ቄር ካታማቱዋፐ እቱዋን ያደ ኑናና ጋከታ”። ሽን ኡንቱንቱ ታ ቦላ ኢታ ኦꬃናዉ ማቀቴድኖ።
NEH 6:3 ሄዋ ድራዉ፥ ታን ኡንቱንቶ ሀዋዳን ያጋደ ዛራ ኪታንቻቱዋ ኪታድ፤ “ታዉ ዳሮ ኪታይ ደኤ፤ ሄዋ ድራዉ፥ ታን ህንተንቱ ግያ ሳኣ ባናዉ ዳንዳይከ። ታን ዱገ ህንተንቱኮ ቢና፥ ኪታይ አያዉ ꬉበቲ?”
NEH 6:4 ሄ ኪታ ዛር ዛር ኦይዱ ገደ ታኮ ኪቴድኖ፤ ሽን ታን እት ማላ ዛሩዋ ኡንቱንቶ እማድ።
NEH 6:5 እቼሸንꬁዋን ሳምባላጽ ባረ ቆማ ቦላ ዶያ ደእያ ዳብዳቢያ ታኮ ኪቴዳ።
NEH 6:6 ዳብዳቢካ ሀዋዳን ያጌ፤ “ኔንነ ነ ዛርያ ግዴዳ አይሁዳቱ ማካላናዉ ቆፔዳዋነ ሄዋፐ ደንዴዳዋን ግምቢያ ድርሳ ግምቢያዋ ሾሮ ጋድያን ደእያ አሳይ ኡባይ ሃሳይያዋ ገሼም ታዉ ኦዴዳ። ቃይ ኔን ኔና ካትያ ከሳናዉ ኮይያዋነ፤
NEH 6:7 ኔን ይሁዳ ካትያ ግድያዋ የሩሳላመን አዋያና ማላ፥ ትምቢትያ ኦድያዋንታ ነ ዎꬄዳዋካ እ ታዉ ኦዴዳ። ሀ ዋርያ ካቲ ስሱሳይ አተና። ሄዋ ድራዉ፥ ታናና ጋከታደ ዞረታናዉ ሃያ”።
NEH 6:8 ታንካ፥ “ሀ ኔን ግያ የዉዋ ኡባይ ኡባካ ቱማ ግደናዋነ ኔን ጮ መꬌዳዋ” ያጋደ ዛራድ።
NEH 6:9 ኑ ኦꬅያ ኪታይ ፖለተና ማላ፥ “ኡንቱንቱ ኩሺ ኦሶ ዳቡር ክቼዳ” ያጊደ ኡንቱንቱ ኑና ያሽሲደ ጋምኤድኖ። ሄዋ ድራዉ፥ “ኑ ጾሳዉ ሀእ ታና ምንꬃርኪ” ያጋደ ታን ዎሳድ።
NEH 6:10 ሄዋፐ ጉይያን፥ ሶፐ ከሰናዳን ጎርድ ዎꬄዳ ማሄጻብኤላ ናኣ ናኣ ዳላያ ናኣ ሻማእያኮ ባድ። እ ታዉ ሀዋዳን ያጌዳ፤ “እት ቃማ አዉደንቶ ኡንቱንቱ ኔና ዎꬋናዉ ያና ደእያ ድራዉ፥ ኔንነ ታን ጾሳ ጎልያ ግዶ ገሊደ፥ ጾሳ ጌሻ ጎልያ ግዶን ጾሳ ጌሻ ጎልያ ፐንገቱዋ ጎርዲደ ጋከቶይተ”።
NEH 6:11 ታን ሀዋዳን ያጋደ ዛራድ፤ “ታና ማላትያ አሳይ ባቃቲ? ዎይ ቃይ ታና ማላትያ አሳይ ጌሻ ጎልያ ግዶ ገሊደ፥ ባረ ሸምፑዋ አሺ? ታን ሄዋ ኡባካ ኦꬅከ”።
NEH 6:12 ታ የዉዋ ቆፕያ ዎደ፥ ቱሙካ አ ጾሳይ ኪቴዳ ትምቢትያ ኦድያዋ ግደናዋነ ጾቢነ ሳንባላጽ አ ሚሻን ሻሜዳ ድራዉ፥ ታ ቦላ ዎርዶ ትምቢትያ ኦድያዋ ግድያዋ አኬካድ።
NEH 6:13 እ ሚሻን ሻመቴዳ ጋሱ ታን ያያደ፥ እ ግያዋዳን ኦꬃደ ታን ናጋራን ገላናዳና። ያትና፥ ኡንቱንቱ ኡባይ ሄዋ ስሴዳ ዎደ፥ ታና ካꬍስያባ ታ ቦላን ደማናሳ።
NEH 6:14 “ታ ጾሳዉ፥ ጾቢነ ሳንባላጽ ኦꬄዳዋ ቆፓ። ኖኣዶ ጌተትያ ማጫ ትምቢትያ ኦድያናነ ሀራ ትምቢትያ ኦድያዋንቱ ኡባይ ታና ያሽሳናዉ ኡንቱንቱ ኦꬄዳዋ ኡባካ ቆፓ” ያጋድ።
NEH 6:15 ግምቢያ ድርሳ ኪታይ እሻታማነ ላኡ ጋላሳን፥ ኤሉላ ጌተትያ አግናን ላታማነ እቼሻንꬆ ጋላሳን ፖለቴዳ።
NEH 6:16 ኑ ዩሹዋን ደእያ ካዉተꬃቱዋ ግዶን ደእያ ኑ ሞርከቱ ሄዋ ስሴዳ ዎደ ያዬድኖነ ዬላቴድኖ። አያዉ ጎፐ፥ ሀዌ ኪታይ ኑ ጾሳይ ማድና ኦሰቴዳዋ አኬኬድኖ።
NEH 6:17 ሄ ዎድያን አይሁዳቱዋ ካለꬅያዋንቱ ጾቢያዉ ጮራ ዳብዳበቱዋ ጻፌድኖ፤ ጾቢ ዛሪደ፥ ኡንቱንቶ ጻፌዳ።
NEH 6:18 አያዉ ጎፐ፥ እ አራሀ ናኣ ሻካንያ ናቶ አኬዳ ድራዉነ አ ናአይ ያሆሀናን በረክያ ናኣ ማሹላማ ናቶ አኬዳ ድራዉ፥ ይሁዳፐ ዳራቱ አናና ጫቀት ኡቴድኖ።
NEH 6:19 ኡንቱንቱ ጾቢ ኦꬄዳ ሎኦባ ኡባ ታ ስንꬃን ሃሳይኖ፤ ቃይ ታን ግያዋካ አዉ ኦዲኖ። ጾቢካ ታና ያሽሳናዉ ዳብዳበቱዋ ጻፍ የዴ።
NEH 7:1 ግምቢያ ኪታይ ዉርና፥ ፐንገቱዋንካ ሳንቃይ ገሌዳ። ቃይ ፐንግያ ናግያዋንቱ፥ ማዝሙርያ የጽያዋንቱነ ሌዋቱ ባረንቱ ኪታን ኪታን ገሌድኖ።
NEH 7:2 ሄዋፐ ጉይያን፥ የሩሳላመ ካታማ አይስያ ማታ ታ እሻ ሀናናዉነ ጌሱዋ ጋዳዋ ሀናንያዉ እማድ። ሀናኒ ሀራ ኡባፐ አꬌዳ ቱማንቻነ ጾሳዉ ያይያ አሳ።
NEH 7:3 ታን ኡንቱንታ ሀዋዳን ያጋደ አዛዛድ፤ “ዎንታ አዋይ ከሲደ ሆአና ጋካናዉ፥ የሩሳላመ ግምቢያ ፐንገቱዋ ዶዮፕተ። ቃይ ኦማርስ ናግያዋንቱ ባረንቱ ኦሱዋ ዉርሲደ ባናፐ ካሰቲደ፥ ፐንገቱዋ ሎይꬅ ጎርዳናዳን ኦꬅተ። ሄዋ ቦላካ የሩሳላመን ደእያ አሳፐ ዶሪደ፥ እቱ እቱ ካላን ካላን ናጋናዳንነ ቃይ ሀራቱ ባረንቱ ሄራን ደኢደ፥ ባረንቱ ጎልያ ኬሻ ኬሻ ናጋናዳን ኦꬅተ” ያጋድ።
NEH 7:4 ሄ ዎደ የሩሳላመ ካታማይ ሎይꬅ አኮነ ዎልቃማ፤ ሽን አ ግዶን ደእያ አሳ ፓይዱ ሎይꬅ ጉꬃ። ቃይ ዳሮ ጎሊካ ብሮ ኬጸትቤና።
NEH 7:5 ሄዋፐ ጉይያን፥ አሳ ካለꬅያዋንታ፥ ካፓቱዋነ አሳ ኡባ ሺሻደ ኡንቱንቱ የለታ ማራን ማራን ማዝጋባና ማላ፥ ጾሳይ ታና ቆፍሴዳ። ኦሞዱዋፐ ካሰቲደ ስሜዳ አሳ የለታ ማራ ማጻፋካ ደማድ፤ ሄ ማጻፋን ጻፈቴዳዌ ሀዋ።
NEH 7:6 ባብሎነ ካቲ ናቡካዳናጾረ ኦሞዲደ፥ ባረ ጋድያ አፌዳ አሳፐ ጉየ ባረንቱ ካታማ ካታማ የሩሳላመነ ይሁዳ ስሜዳ አሳቱ ሀዋፐ ካልያዋንታ።
NEH 7:7 ኡንቱንቱ ካፓቱ ዛሩባቤላ፥ ኢያሳ፥ ናህምያ፥ አዛርያ፥ ራኣምያ፥ ናሀማና፥ ማርድክዮሳ፥ ብልሻና፥ ምስፐሬታ፥ ብግዋያ፥ ናሁማነ ባኣና። ኦሞዱዋፐ ስሜዳ እስራኤልያ አሳ ፓይዱ ሀዋ።
NEH 7:8 ፓርኦሻ ያራቱ 2,172.
NEH 7:9 ሻፋጽያ ያራቱ 372.
NEH 7:10 አራሀ ያራቱ 652.
NEH 7:11 ኢያሱነ እዮኣባ ናና ግዴዳ ፓሀት-ሞኣባ ያራቱ 2,818.
NEH 7:12 ኤላማ ያራቱ 1,254.
NEH 7:13 ዛቱ ያራቱ 845.
NEH 7:14 ዛካያ ያራቱ 760.
NEH 7:15 ቢኑያ ያራቱ 648.
NEH 7:16 በባያ ያራቱ 628.
NEH 7:17 አዝጋዳ ያራቱ 2,322.
NEH 7:18 አዶንቃማ ያራቱ 667.
NEH 7:19 ብግዋያ ያራቱ 2,067.
NEH 7:20 አዲና ያራቱ 655.
NEH 7:21 ህዝቂያሳ ያራ ግዴዳ አጼራ ያራቱ 98.
NEH 7:22 ሀሹማ ያራቱ 328.
NEH 7:23 በጻያ ያራቱ 324.
NEH 7:24 ሀሪፋ ያራቱ 112.
NEH 7:25 ጋባኦና ያራቱ 95.
NEH 7:26 ቤተሌመነ ናጾፋ ካታማቱዋ አሳይ 188.
NEH 7:27 አናቶታ ካታማ አሳይ 128.
NEH 7:28 ቤት-አዝማዌቱዋ ካታማ አሳይ ኦይታማነ ላኡዋ።
NEH 7:29 ቅርያት-ይኣሪማ፥ ካፊራነ ባኤሮታ ካታማቱዋ አሳይ 743.
NEH 7:30 ራማነ ገባአ ካታማቱዋ አሳይ 621.
NEH 7:31 ምክማሳ ካታማ አሳይ 122.
NEH 7:32 ቤቴለነ አታ ካታማቱዋ አሳይ 123.
NEH 7:33 ላኤንꬆ ናቦ ጌተትያ ካታማ አሳይ 52.
NEH 7:34 ላኤንꬆ ኤላማ ያራቱ 1,254.
NEH 7:35 ሀሪማ ካታማ አሳይ 320.
NEH 7:36 ያርኮ ካታማ አሳይ 345.
NEH 7:37 ሎዳ፥ ሀዲዳነ ኦኖ ካታማቱዋ አሳይ 721.
NEH 7:38 ሳናአ ካታማ አሳይ 3,930.
NEH 7:39 ሀዋፐ ካልያዋንቱ ኦሞዱዋፐ ስሜዳ ቄሳቱ ዋ: ኢያሱ ያራ ግዴዳ ያዳያ ያራቱ 973፤
NEH 7:40 እሜራ ያራቱ 1,052፤
NEH 7:41 ፓሽሁራ ያራቱ 1,247፤
NEH 7:42 ሀሪማ ያራቱ 1,017.
NEH 7:43 ሀዋፐ ካልያዋንቱ ኦሞዱዋፐ ስሜዳ ሌዋቱዋ: ሆዳዊያ ያራ ግዴዳ ኢያሱነ ቃድምኤላ ያራቱ 74፤
NEH 7:44 አሳፋ ያራ ግዴዳ ማዝሙርያ የጽያዋንቱ 148፤
NEH 7:45 ጌሻ ጎልያ ፐንግያ ናግያ ሻሉማ፥ አጼራ፥ ጻልሞና፥ አቁባ፥ ሀጺጻነ ሾባያ ያራቱ 138.
NEH 7:46 ሀዋንቱ ኦሞዱዋፐ ስሚደ፥ ጌሻ ጎልያን ኦꬅያ ቆማቱዋ ያራቱዋ: ጺሀ ያራቱዋ፥ ሀሱፋ ያራቱዋ፥ ጻባኦታ ያራቱዋ፥
NEH 7:47 ቄሮሳ ያራቱዋ፥ ሲአ ያራቱዋ፥ ፓዶና ያራቱዋ፥
NEH 7:48 ላባና ያራቱዋ፥ ሀጋባ ያራቱዋ፥ ሻልማያ ያራቱዋ፥
NEH 7:49 ሀናና ያራቱዋ፥ ግዴላ ያራቱዋ፥ ጋሃራ ያራቱዋ፥
NEH 7:50 ራኣያ ያራቱዋ፥ ራጺና ያራቱዋ፥ ናቆዳ ያራቱዋ፥
NEH 7:51 ጋዛማ ያራቱዋ፥ ኡዛ ያራቱዋ፥ ፓሴሀ ያራቱዋ፥
NEH 7:52 በሳያ ያራቱዋ፥ መኡኒማ ያራቱዋ፥ ናፉሸሲማ ያራቱዋ፥
NEH 7:53 ባቅቡቃ ያራቱዋ፥ ሀቁፋ ያራቱዋ፥ ሀርሁራ ያራቱዋ፥
NEH 7:54 ባጽሊታ ያራቱዋ፥ ማሂዳ ያራቱዋ፥ ሀርሻ ያራቱዋ፥
NEH 7:55 ባርቆሳ ያራቱዋ፥ ስሳራ ያራቱዋ፥ ተማሀ ያራቱዋ፥
NEH 7:56 ናጺሀ ያራቱዋነ ሀጺፋ ያራቱዋ።
NEH 7:57 ሀዋፐ ካልያዋንቱ ኦሞዱዋፐ ስሜዳ ሶሎሞነ ቆማቱዋ ያራቱዋ: ሶጻያ ያራቱዋ፥ ሶፈሬታ ያራቱዋ፥ ፓሪዳ ያራቱዋ፥
NEH 7:58 ያእላ ያራቱዋ፥ ዳርቆና ያራቱዋ፥ ግዴላ ያራቱዋ፥
NEH 7:59 ሻፋጽያ ያራቱዋ፥ ሀጺላ ያራቱዋ፥ ፖከረት-ሀጻባይማ ያራቱዋነ አሞና ያራቱዋ።
NEH 7:60 ኦሞዱዋፐ ስሚደ፥ ጌሻ ጎልያን ኦꬅያ ቆማቱዋ ያራቱነ ሶሎሞነ ቆማቱዋ ያራቱ ፓይዱ ኡባና 392.
NEH 7:61 ሀራቱካ ቃይ፥ ተልመላሀ፥ ተልሀርሻ፥ ካሩባ፥ አዶናነ እሜራ ጌተትያ ካታማቱዋፐ የሩሳላመ ስሜድኖ። ሽን ኡንቱንቱ ዎይ ኡንቱንቱ አዎቱ እስራኤልያ ሼሻ ግድያዋ ኤርሳናዉ ዳንዳይበይክኖ።
NEH 7:62 ሄዋንቱ ዳላያ፥ ጾቢያነ ናቆዳ ያራቱዋ፤ ኡንቱንቱ ፓይዱካ ኡባና 642.
NEH 7:63 ቄሳቱ ዋፐ ቃይ ሆባያ ያራቱ፥ ሀቆጻ ያራቱነ ባርዝላያ ያራቱ የሩሳላመ ስሜድኖ። ሀዌ ባርዝላያ ግያዌ ጋላኣደ ቢታ አሳ ግዴዳ ባርዝላያ ናቶ አኪደ፥ ባረ ቦሉዋ ሱንꬃ አኬዳ።
NEH 7:64 ሀዋንቱ ባረንቱ የለታ ጻጱዋ ኤራናዉ የለታ ማጻፋን ኮዬድኖ፥ ሽን ደምቤይክኖ። ሄዋ ድራዉ፥ ኡንቱንቱ ቱናዳን ፓይደቲደ፥ ቄሰተꬃን ኦናዳን ድገቴድኖ።
NEH 7:65 ቃይ ጌሻ ሳማቱዋን ሻክ ፕርድያ ቄሲ ደንዳና ጋካናዉ፥ ኡንቱንቱ ጌሻ ቁማፐ ማናዉ ዳንዳየናዋ አይሁዳቱዋ ሞድያዌ ኡንቱንቶ ኦዴዳ።
NEH 7:66 ኦሞዱዋፐ ይሁዳ ቢታ ስሜዳ አሳ ፓይዱ ኡባና 42,360.
NEH 7:67 ሄዋ ቦላካ ቃይ 7,337 አቱማ ቆማቱነ ማጫ ቆማቱ ማዝሙርያ የጽያ 245 አቱማዋነ ማጫ አሳቱ ስሜድኖ።
NEH 7:68 ኦሞዱዋፐ ኡባና ስሜዳ አሳ ፓራቱዋ ፓይዱ 736፤ ባቁሎቱ 245፤
NEH 7:69 ጋሎቱ 435፤ ሀረቱ ቃይ 6,720.
NEH 7:70 ያራቱዋ ካፓቱዋፐ አማሬዳዋንቱ ኦሶ እሞታ እሜድኖ። ቢታ ሞድያዌ ሆስፑን ኪሎ ግራመ ዎርቃ፥ 50 ድስተቱዋነ 530 ቄሳቱዋ ማዮቱዋ እሜዳ።
NEH 7:71 ያራቱዋ ካፓቱ 168 ኪሎ ግራመ ዎርቃነ 1,250 ኪሎ ግራመ ብራ እሜድኖ።
NEH 7:72 አቴዳ አሳይ ኡባና 168 ኪሎ ግራመ ዎርቃ፥ 1,100 ኪሎ ግራመ ብራነ 67 ቄሳቱዋ ማዮቱዋ እሜድኖ።
NEH 7:73 ሄዋፐ ጉይያን ቄሳቱ፥ ሌዋቱ፥ ፐንግያ ናግያዋንቱ፥ ማዝሙርያ የጽያዋንቱ፥ አሳፐ ዳሮቱነ ጌሻ ጎልያ ቆማቱ፥ ኡባና እስራኤልያ ኡባይ ባረንቱ ካታማን ካታማን ኡቴድኖ።
NEH 8:1 ላፑንꬃ አግናይ ጋኮ ዎደ፥ እስራኤልያ አሳይ ኡባይካ ባረንቱ ካታማን ካታማን ኡቴድኖ። ሄ አግናን ኡንቱንቱ ኡባይካ እትፐ ሃꬃ ፐንግያ ስንꬃን ደእያ ዳባባን ሺቄድኖ። መꬍና ጎዳይ ሙሴ ባጋና እስራኤልያ አሳዉ እሜዳ ህግያ ማጻፋ አሀና ማላ፥ ጻፍያ እዝራ ኦቼድኖ።
NEH 8:2 ያትና፥ ላፑንꬃ አግናን ኮይሮ ጋላሳን፥ አቱማዌ ማጫዌ፥ አኬካናዉ ዳንዳይያ አሳይ ኡባይ ሺቄዳ ሳኣን እዝር ህግያ ማጻፋ አሄዳ።
NEH 8:3 ሃꬃ ፐንግያ ስንꬃን ደእያ ዳባባን ኤቂደ፥ አቱማዎ ማጫዎ፥ አኬካናዉ ዳንዳይያ አሳ ኡባዉ ህግያ ማጻፋ ዎንታፐ ጋላሳ ሴታይ ጋካናዉ ናባቤዳ፤ አሳይካ ሎይꬅ ሀይዚደ ስሴዳ።
NEH 8:4 እዝር ኤቂደ ናባባናዉ ምꬃፐ ጊግሴዳ ጉታራ ቦላን ኤቄዳ። አፐ ኡሸቻ ባጋና ማቲትያ፥ ሻማእያ፥ አናያ፥ ኦርዮና፥ ህልቂያነ ማእሴያ ጌተትያ አሳቱ ኤቄድኖ። ሀድርሳ ባጋና ቃይ ፓዳያ፥ ምሻኤላ፥ ማልክያ፥ ሀሹማ፥ ሀሽባዳናሀ፥ ዛካራሳነ ማሹላማ ጌተትያ አሳቱ ኤቄድኖ።
NEH 8:5 እዝር አሳ ኡባፐ ꬎቂያ ሳኣን ኤቄዳ ድራዉ፥ ኡባይካ አ ሎይꬂደ ጼልሽን፥ ኡንቱንቱ ስንꬃን ህግያ ማጻፋ ዶዬዳ። ሄ ዎደ ኡንቱንቱ ኡባይ ኡቴዳ ሳፐ ደንድ ኤቄድኖ።
NEH 8:6 እዝር መꬍና ጎዳ፥ ዎልቃማ ጾሳ ጋላቴዳ። አሳይ ኡባይ ባረንቱ ኩሽያ ፑደ ደንꬂደ፥ “አመንእ፥ አመንእ” ያጌድኖ። ቃይ ኡንቱንቱ ሶምእ ሳኣ ቦቻና ጋካናዉ ጉፋኒደ፥ መꬍና ጎዳዉ ጎይኔድኖ።
NEH 8:7 ሄዋፐ ጉይያን ደንዲደ፥ ባረንቱ ደእያ ሳኣን ኤቄድኖ። ኢያሳ፥ ባና፥ ሸረብያ፥ ያሚና፥ አቁባ፥ ሻባታያ፥ ሆድያ፥ ማእሴያ፥ ቃሊጻ፥ አዛርያ፥ ዮዛባዳ፥ ሀናናነ ፓላያ ጌተትያ ሌዋቱ ህግያ አሳይ አኬካናዳን ኦꬄድኖ።
NEH 8:8 ኡንቱንቱ ጾሳ ህግያ ማጻፋፐ ናባቢደ፥ ቃይ ናባበቴዳዌ ዋግንቶ፥ አሳይ ኤራና ማላ፥ ብል ቆንጭሴድኖ።
NEH 8:9 አሳይ ህግያ ቃላ ስሴዳ ዎደ፥ ባረንቱ ዎዛናን ምሸቲደ ዬኬድኖ። ሄዋ ድራዉ፥ ቢታ ሞድያ ናህሚ፥ ቄሰነ ጻፍያ ግዴዳ እዝርነ አሳዉ ማጻፋ ብልያ ሌዋቱ አሳ ሀዋዳን ያጌድኖ፤ “ሀ ጋላሳይ መꬍና ጎዳዉ፥ ህንተንቱ ጾሳዉ፥ ጌሻ ጋላሳ ግድያ ድራዉ፥ እቱነ ካዮቶፕተነ ዬኮፕተ” ያጌድኖ።
NEH 8:10 ቃይ ናህሚ ጉጂደካ ሀዋዳን ያጌዳ፤ “ቢተ፥ ሞꬉዋ ሚተ፤ ማልእያዋካ ኡሽተ፤ ቃይ ባይናዋንቶካ ህንተዋፐ ሻክ እምተ። አያዉ ጎፐ፥ ሀቼ ጋላሳይ ኑ ጾሳዉ ጌሻ ጋላሳ። መꬍና ጎዳ ናሸቻይ ህንተንቶ ዎልቃ ግድያ ድራዉ ካዮቶፕተ” ያጌዳ።
NEH 8:11 ሌዋቱካ ቃይ፥ “ሀዌ ጌሻ ጋላሳ ግድያ ድራዉ፥ ካዮቶፕተ፤ ሀይዝተ” ያጊደ አሳ ጮኡ ኦꬄድኖ።
NEH 8:12 ሄዋፐ ጉይያን፥ አሳይ ናሸቻን ማናዉነ ኡሻናዉ ቃይ ባይናዋንቶካ ዴእያዋፐ ሻክ እማናዉ ቤድኖ። አያዉ ጎፐ፥ ኡንቱንቱ ኦዴዳ ቃላ ስሴድኖነ አኬኬድኖ።
NEH 8:13 አግናዉ ላኤንꬆ ጋላስ ዛራቱዋ ካፓቱ፥ ቄሳቱ ነ ሌዋቱ ህግያ ቃላ ኡንቱንቶ ብርሻና ማላ፥ እዝራኮ ዬድኖ።
NEH 8:14 ሄዋን ታማሪደ፥ ላፑንꬃ አግናን ዳስያ ባላ ቦንችያ ዎደ፥ እስራኤልያ አሳይ ኡባይ ዳስያ ግዶን ኡታናዳን መꬍና ጎዳይ ሙሴ ባጋና አዛዜዳዋ አኬኬድኖ።
NEH 8:15 ሄዋ ድራዉ፥ ካታማቱዋ ኡባንነ የሩሳላመን ሀዋዳን ያጊደ አዋዬድኖ፤ “ደርያ ሁጲያ ከስተ፤ ዛይትያ ዎጋራፐ፥ ዎራን ዶልያ ዎጋራፐ፥ ባርሴነትያ ምꬃፐ፥ ዛምባ ምꬃፐነ ሀይꬃይ ደእያ ምꬃ ኡባፐ ህግያን ጻፈቴዳዋዳን፥ ዳስያ ዳሳናዉ ታሽያ አህተ” ያጌድኖ።
NEH 8:16 ሄዋ ድራዉ፥ አሳይ ቢደ ምꬃ ታሽያ አሄድኖ፤ ባረንቱ ጎልያ ቦላን ደእያ ደምባ ሳኣን፥ ባረንቱ ግቢያን፥ ጾሳ ጌሻ ጎልያ ዳባባን፥ ሃꬃ ፐንግያ ዳባባንነ ኤፍሬማ ፐንግያ ዳባባን ዳስያ ዳሴድኖ።
NEH 8:17 ኦሞዱዋፐ ስሜዳ አሳይ ኡባይ ዳስያ ዳሴዳ፥ አ ግዶን ኡቴድኖ። ነዌ ናኣ ኢያሱ ዎድያፐ ዶሚደ፥ ሄ ጋላሳይ ጋካናዉ፥ ኡንቱንቱ ሀዋ ማላ ባላ ቦንች ኤርክኖ። ሄዋ ድራዉ፥ ኡባይካ ሎይꬅ ናሸቴድኖ።
NEH 8:18 ባላይ ዶመቶደፐ ቢደ ዉራና ጋካናዉ፥ ሀቼ ሀቼ እዝር ጾሳ ህግያ ማጻፋፐ አሳዉ ናባቤዳ። ባላ ላፑን ጋላሳ ቦንቾዋፐ ጉይያን፥ ሆስፑንꬃ ጋላሳን ህጊ አዛዝያዋዳን ጌሻ ሽቁዋ ኦꬄድኖ።
NEH 9:1 ሄ አግናን ላታማነ ኦይደንꬆ ጋላሳን እስራኤልያ አሳይ ጾሚደ፥ ማቃ ማዪደነ ባረንቱ ሁጲያን ባና ቆሊደ፥ እት ሳኣ ሺቄድኖ።
NEH 9:2 ባረንታ አላጋ ጋደ አሳ ኡባፐ ሻኬድኖ። ሄዋፐ ጉይያን ደንድ ኤቂደ፥ ኡንቱንቱነ ካሰ ኡንቱንቱ አዎቱ ኦꬄዳ ናጋራ ኡባ ፓጼድኖ።
NEH 9:3 ሄዋን ኡንቱንቱ ኤቂደእሽን፥ ሄዙ ሳትያ ግድያዋ መꬍና ጎዳ ኡንቱንቱ ጾሳ ህግያ ማጻፋይ ኡንቱንቶ ናባበቴዳ። ቃይ ሀራ ሄዙ ሳትያ ግድያዋ ባረንቱ ናጋራ ፓጺድነ መꬍና ጎዳዉ፥ ባረንቱ ጾሳዉ፥ ጎይኒደ ጋምኤድኖ።
NEH 9:4 ሌዋቱዋፐ አማሬዳዋንቱ ሽቁዋ ቦላን ከሲደ፥ ኮሻ ꬎቁ ኦꬂደ መꬍና ጎዳኮ፥ ባረንቱ ጾሳኮ፥ ዋሴድኖ። ሄዋንቱካ ኢያሳ፥ ባና፥ ቃድምኤላ፥ ሻባንያ፥ ቡና፥ ሸረብያ፥ ባናነ ካናና።
NEH 9:5 ሌዋቱዋፐ ኢያሱ፥ ቃድምኤል፥ ባን፥ ሀሻባኔ፥ ሸረቤ ሆዴ፥ ሻባነነ ፓታሄ እስራኤልያ አሳ ሀዋዳን ያጌድኖ፤ “ደንድ ኤቂደ፥ መꬍናፐ መꬍናዉ ደእያ መꬍና ጎዳ ህንተንቱ ጾሳ ጋላትተ! ኡባፐነ ሳባ ኡባ ቦላና ꬎቁ ꬎቁ ጌዳነ ቦንቼቴዳ ጾሳ ሱንꬃ ሳቢተ” ያጌድኖ።
NEH 9:6 ሄዋፐ ጉይያን፥ እስራኤልያ አሳይ ሀዋዳን ያጊደ ዎሴድኖ፤ “መꬍና ጎዳዉ፥ ነ ጻላላይ ጾሳ! ኔን ሳሎቱዋነ ሳሎቱዋን ደእያ መታ ኡባ፥ ሳኣነ አ ቦላን ደእያ መታ ኡባነ አባቱዋነ ኡንቱንቱ ግዶን ደእያ መታ ኡባ መꬋዳ፤ ኡባዉ ሸምፑዋ እማዳ። ሳሉዋ መታቱ ኡባይ ነዉ ጎይኒኖ።
NEH 9:7 “ኔን መታ ኡባ ጎዳ! ኔን አብራማ ኡራ ጌተትያ ካላዳዋቱ ካታማፐ ዶራደ ከሳዳ፤ አ ሱንꬃካ ላማደ፥ አብራሃማ ያጋደ ሱንꬃዳ።
NEH 9:8 እ ነዉ አማነትያ አሳ ግድያዋ በኣደ፥ ካናነቱ፥ ሂተቱዋ፥ አሞራዋናቱዋ፥ ፓርዛዋናቱዋ፥ ያቡሳቱዋነ ገርጌሳቱዋ ጋድያ አ ዛረቶ ላታ ጋድያ ኦꬃደ እማናዉ አዉ ቃላ ጫቁዋ ገላዳ። ኔን ጽሎ ግድያ ድራዉ፥ ነ ጌዳ ቃላካ ፖላዳ።
NEH 9:9 “ኔን ካሰ ኑ ማይዛ አዎቱዋ ግብጼ ጋድያን ጋኬዳ ቱጋ በኣዳ፤ ቃይ ዞኦ አባ ጌተትያ አባ ማታን ደኢደ ኡንቱንቱ፥ ‘ኑና ማዳርኪ!’ ያጊደ ዋሴዳ ዋሱዋካ ስሳዳ።
NEH 9:10 ግብጼ ካቲ፥ አ ጋድያ ካፓቱነ ሄ ጋድያ አሳይ ኡባይ እስራኤልያ አሳ ቦላን ኦቶረቴዳ ድራዉ፥ ኡንቱንቱ ቦላን ማላታነ ማላልስያባ ኦꬃዳ። ሄዋፐ ደንዴዳዋን፥ ሀቼ ጋካናዉ፥ ነ ሱንꬃይ ቦንቹዋን ጼገታናዳን ኦꬃዳ።
NEH 9:11 አባ ያነ ሃነ ሻካደ፥ ግዱዋና ነ አሳ መላ ቢታና ፕንꬃዳ። ሽን ሹቻይ ጪሞ ሃꬃን ኦልና፥ ጪሙዋ ዱገ ዎꬍያዋዳን፥ ኡንቱንቱ የደርስያ ሞርከቱዋ አባን ምትሳደ ꬋይሳዳ።
NEH 9:12 እስራኤልያ አሳ ጋላስ ሻርያ ቱሳን ካለꬃደ፥ ቃማ ቃይ ኡንቱንቱ ሀመትያ ኦግያን ፖአና ማላ፥ ታማ ቱሳ ኡንቱንቱ ስንꬃን ኤሳደ ካለꬃዳ።
NEH 9:13 “ኔን ሳሉዋፐ ዎꬋደ፥ ነ አሳ ሲና ደርያ ቦላን ሃሳይሳዳ። ሱረ ፕርዳነ ቱማ ግዴዳ ህግያ ቃይ ሎኦ ዎጋነ አዛዙዋ ኡንቱንቶ እማዳ።
NEH 9:14 ጌሻ ነ ሳምባታ ኡንቱንቱ ቦንቻና ማላ፥ ኡንቱንታ ታማርሳዳ። ነ ቆማ ሙሴ ባጋና ኡንቱንቶ አዛዙዋ፥ ዎጋነ ህግያ እማዳ።
NEH 9:15 ኡንቱንቱ ኮሻቴዳ ዎደ ሳሉዋፐ ቁማ እማዳ፤ ቃይ ኡንቱንቱ ሳመቴዳ ዎደ ዛላፐ ሃꬃ ፑልትሳዳ። ኔን ኡንቱንቶ እማናዉ ጫቄዳ ጋድያ ገሊደ ላታና ማላ አዛዛዳ።
NEH 9:16 “ሽን ኑ ማይዛ አዎቱ ኦቶረቴድኖ። ኦድና ስሰና ሞርግያ ኦርዶ ግዲደ፥ ነዉ አዛዘትበይክኖ።
NEH 9:17 አዛዘተናን እጼድኖ፤ ቃይ ኔን ኡንቱንቶ ኦꬄዳ ማላልስያባ ኡባ ሀሳይበይክኖ። ኡንቱንቱ ሞርግያ ኦርዶ ግዴድኖ፤ ቃይ ባረንቱ ማካላፐ ደንዴዳዋን፥ ግብጼ ጋድያ ጉየ አይለተꬃዉ ዛሪደ ካለꬃና ማላ፥ ካፑዋ ባረንቶ ዶሬድኖ። ግዶ ሽን፥ ኔን አቶ ግያ ጾሳ፤ ኬካነ ማርያዋ። ሲቁዋን ኩሜዳዋነ ሀንቆ ኤሌለናዋ። ሄዋ ድራዉ፥ ነ ሲቁ መꬍናሳ፤ ኔን ኡንቱንታ አጋ በይካ።
NEH 9:18 “ኡንቱንቱ ማራ ማላትያ ኤቃ መꬊደ፥ ‘ህንተና ግብጼ ጋድያፐ ከሴዳ ህንተንቱ ጾሳይ ሀዋ’ ያጊደ ኔና ዎልቃማ ሸቃ ሸቆፐካ፥
NEH 9:19 ነ ዳሮ ማሮተꬃ ድራዉ፥ ኔን ኡንቱንታ ሄ ጋድያ ዎራን አጋ በይካ። ኡንቱንቱ ብያ ኦግያ ካለꬃና ማላ፥ ጋላስ ሻርያ ቱሳይ፥ ቃይ ኡንቱንቱ ኦግያ ፖእሳና ማላ፥ ቃማ ታማ ቱሳይ ኡንቱንቱፐ ሃክቤና።
NEH 9:20 ኡንቱንታ ታማርሳና ማላ፥ ነ ሎኦ አያና ኡንቱንቶ እማዳ። ማናዉ ማና ኡንቱንቱ ዶናፐ ፓጭሳበይካ፤ ቃይ ኡንቱንቱ ሳሞካ ሃꬃ እማዳ።
NEH 9:21 ኦይታሙ ላይꬃ ኡባ ኡንቱንቱ ዎራን ሀመትያ ዎደ፥ ኡንቱንቶ ኮሽያባፐ እትባነ ꬋይሳባካ። ኡንቱንቱ ማዩ ዉርቤና፤ ኡንቱንቱ ገዲካ ጋፍቤና።
NEH 9:22 “ባረንቱ ዛዋን ደእያ ጋጻ ቢታቱዋነ ካዉተꬃቱዋ ኡንቱንቱ ጾኒደ ኦይቃናዳን ኦꬃዳ። ስሆና ጌተትያ ካቲ ሞድያ ሀሰቦና ጋድያነ ኦጋ ጌተትያ ካቲ ሞድያ ባሳነ ጋድያ ኡንቱንቱ ላቴድኖ።
NEH 9:23 ኡንቱንቱ ዘረꬃቱዋ ፓይዱዋ ሳሉዋ ጾልንትያዳን ዳርሳዳ። ካሰ ኡንቱንቱ አዋቶ ገልሳናነ ላትሳና ጋደ ኔን ኦዴዳ ጋድያ ኡንቱንታ ገልሳዳ።
NEH 9:24 ኡንቱንቱ ካናነ ጋድያ ላቴድኖ፤ ሄ ጋድያን ደእያ ካናነ አሳ ኡባ ኡንቱንቱ ስንꬃን ኔን ካዉሻዳ። ኡንቱንቱ ካናነ አሳ ቦላን፥ ኡንቱንቱ ካተቱዋ ቦላንነ ሄ ጋድያን ደእያ አሳ ኡባ ቦላን ባረንቱ ዶሴዳዋ ኦꬃና ማላ፥ ኡንቱንቱ ኩሽያን አꬃ እማዳ።
NEH 9:25 ቃይ ኡንቱንቱ ዩሹ ግምበቴዳ ካታማቱዋነ አራዳ ቢታ ጾኒደ አኬድኖ፤ ቃይካ ሎኦባይ ኡባይ ኩሜዳ ጎልያ፥ ቦከቴዳ ሃꬃ ኦላቱዋ፥ ዎይንያ ቱራ ሳኣ፥ ዎጋራቱዋነ ሀራ አይፍያ እምያ ዳሮ ምꬃቱዋ ላቴድኖ። ሄዋፐ ም ካሊደ ኦርዴድኖ፤ ነ ዎልቃማ ኬካተꬃን ኡንቱንቱ ናሸቴድኖ።
NEH 9:26 “ግዶፐካ፥ ነ አሳቱ አዛዘተናን እጺደ፥ ነ ቦላን ማካሌድኖ፤ ነ ህግያዉካ ዞኪያ ዛሬድኖ። ኔኮ ኡንቱንቱ ስማናዳን ኡንቱንቶ ምንሲደ ኦዴዳ ትምቢትያ ኦድያዋንታ ዎꬌድኖ። ሎይꬅ ዎልቃማ ሸቃ ኔና ሸቄድኖ።
NEH 9:27 ሄዋፐ ደንዴዳዋን ኡንቱንታ ኡንኤꬅያ ሞርከቱዋ ኩሽያን አꬃ እማዳ፤ ሞርከቱ ኡንቱንታ ኡንኤꬄዳ ዎደ ኔኮ ዋሴድኖ። ኡንቱንቱ ዋሱዋ ሳሉዋን ግዳ ስሳደ ነ ማሮተꬃ ዳሩዋዳን፥ ኡንቱንታ ኡንቱንቱ ሞርከቱዋ ኩሽያፐ አሽያዋንታ ኪታዳ።
NEH 9:28 “ሽን ኡንቱንቱ ሸምፑዋ ደሚደ ዛረꬂደ፥ ነ ስንꬃን ናጋራ ኦꬄድኖ። ኔንካ ዛራደ ኡንቱንቱ ሞርከቱዋ ኩሽያን አꬃደ እምና፥ ኡንቱንቱ ሞርከቱ ኡንቱንታ ሞደድኖ። ሽን ሀእካ ኡንቱንቱ ኔኮ ዋስና፥ ኡንቱንቱ ዋሱዋ ሳሉዋን ግዳደ ስሳዳ። ነ ማሮተꬃን ኡንቱንታ ዛራ ዛራደካ አሻ አካዳ።
NEH 9:29 “ነ ህግያኮ ኡንቱንቱ ስማና ማላ፥ ኔን ኡንቱንቶ ምንሳደ ኦዳዳ፤ ሽን ኡንቱንቱ ኦቶረቴድኖ፤ ነ አዛዙዋካ እጼዶ ያጌድኖ። አሳይ አዛዘቶፐ ደኡዋ ደምያ ነ ህግያ አꬌድኖ፤ ቃይ ሞርግያ ኦርዶ ግድ፥ ነዉ ዞኪያ ዛሪደ፥ አዛዘተናን እጼድኖ።
NEH 9:30 ግዶፐነ፥ ዳሮ ላይꬃ ኡንቱንታ ዳንዳያዳ፤ ትምቢትያ ኦድያዋንቱ ባጋና ነ አያናን ኡንቱንቶ ምንሳደ ኦዳዳ፤ ሽን ኡንቱንቱ ስስበይክኖ። ሄዋፐ ደንዴዳዋን አይሁዳ ግደና ካዉተꬃቱ ኡንቱንታ ሞዳና ማላ፥ ኡንቱንቱ ኩሽያን አꬃ እማዳ።
NEH 9:31 ሽን ኔን ኬካነ ማርያ ጾሳ ግድያ ድራዉ፥ ነ ዎልቃማ ማሮተꬃን ኡንቱንታ ኡባና አጋበይካነ ꬋይሳባካ።
NEH 9:32 “ኑ ጾሳዉ፥ ዎልቃማዉ፥ ዎልቃማነ ያየቴዳ ጾሳዉ፥ ነ አገና ሲቁዋ ቃላ ጫቁዋ ናግያዋ፥ ኑ ቦላን ጋኬዳ መቱ ነ ስንꬃን ላፋባ ማላቶፖ። በን አሶረ ካተቱዋ ዎድያፐ ዶሚደ፥ ሀቼ ጋካናዉ፥ ኑ ቦላን፥ ኑ ካተቱዋ ቦላን፥ ኑ ካፓቱ ቦላን፥ ኑ ቄሳቱዋ ቦላን፥ ኑ ትምቢትያ ኦድያዋንቱ ቦላን፥ ኑ ማይዛ አዎቱዋ ቦላንነ ነ አሳ ኡባ ቦላን ዎልቃማ መቱ ጋኬዳ።
NEH 9:33 ኑና ጋኬዳዋን ኡባን ኔን ጽሉዋ። አያዉ ጎፐ፥ ኑን ኔና ናቆፐካ ኔን አማነትያዋ አጋ በይካ።
NEH 9:34 ኑ ካተቱ፥ ኑ ካፓቱ፥ ኑ ቄሳቱ ነ ኑ ማይዛ አዎቱ ነ ህግያ ናግበይክኖ፤ ቃይ ኔን ኡንቱንቶ እሜዳ አዛዙዋነ ነ ምንሳ ኦዴዳዋካ ስስበይክኖ።
NEH 9:35 ኔን ኡንቱንቱ ካዉተꬃን ኡንቱንቶ ዎልቃማ አንጁዋ እማዳ፤ ቃይ አኮነ ሞክያ ቢታካ ኡንቱንቶ እማዳ፤ ሽን ኡንቱንቱ ነዉ ጎይንበይክኖነ ባረንቱ ኢታ ኦሱዋፐ ስምበይክኖ።
NEH 9:36 “ሄዋፐ ደንዴዳዋን፥ ኑን ሀቼ አይልያ ግድያዋ በአ። ቃይ ሄዌካ ኡንቱንቱ አ አይፍያነ እ እምያ አንጁዋ ኡባ ማና ማላ፥ ኑ ማይዛ አዋቶ ኔን እሜዳ ሄ ጋድያን፥ ኑን አይልያ ግዴዶ።
NEH 9:37 ኑ ናጋራ ድራዉ፥ ኔን ኑ ቦላን ደንꬄዳ ካተቱ ጋድያ አንጁዋ ኡባ ኡንቱንቱ ጎኤቲኖ። ቃይ ኑ ቦላንነ ኑ መህያ ቦላን ባረንቱ ኮዬዳዋ ኦꬅኖ፤ ኑንካ ዎልቃማ መቱዋ ግዶን ደኤቶ” ያጌድኖ።
NEH 9:38 ሀኔዳ የዉዋ ኡባ ድራዉ፥ ኑን ሃሳዪደ ጫቄዳ ጫቁዋ ጻፌዶ፤ ሄ ኑን ጻፌዳ ጫቁዋ ዋራቃታ ቦላን ኑ ካፓቱ፥ ኑ ሌዋቱነ ኑ ቄሳቱ ባረንቱ ማታፋ ዎꬄድኖ።
NEH 10:1 ሀዋፐ ካልያ አሳቱ ሄ ማታፋይ ዎꬌዳ ዋራቃታ ቦላን ፓራሜድኖ። ሄዋንቱካ ሀካልያ ናኣ ጋድያ ሞድያ ናህምያ፤ ቄሳቱ ዋፐ: ሰደቅያሳ፥
NEH 10:2 ሳራያ፥ አዛርያ፥ ኤርማሳ፥
NEH 10:3 ፓሽሁራ፥ አማርያ፥ ማልክያ፥
NEH 10:4 ሀጹኡሻ፥ ሻባንያ፥ ማሉካ፥
NEH 10:5 ሀሪማ፥ ማረሞታ፥ ኦባድያ፥
NEH 10:6 ዳኔላ፥ ግነቶና፥ ባሩካ፥
NEH 10:7 ማሹላማ፥ አቢያ፥ ምያሚና፥
NEH 10:8 ማኣዝያ፥ ብልጋያነ ሻማእያ።
NEH 10:9 ሌዋቱዋፐ: አዛንያ ናኣ ኢያሳ፥ ሄናዳዳ ያራ ግዴዳ ቢኑያ፥ ቃድምኤላነ
NEH 10:10 ኡንቱንቱ እሻቱዋ ሻባንያ፥ ሆድያ፥ ቃሊጻ፥ ፓላያ፥ ሀናና፥
NEH 10:11 ሚካ፥ ራሆባ፥ ሀሻብያ፥
NEH 10:12 ዛኩራ፥ ሸረብያ፥ ሻባንያ፥
NEH 10:13 ሆድያ፥ ባናነ ባኒና።
NEH 10:14 ቃይ አሳ ካለꬅያዋንቱፐ: ፓርኦሻ፥ ፓሀት-ሞኣባ፥ ኤላማ፥ ዛታ፥ ባና፥
NEH 10:15 ቡና፥ አዝጋዳ፥ በባያ፥
NEH 10:16 አዶንያ፥ ብግዋያ፥ አዲና፥
NEH 10:17 አጼራ፥ ህዝቂያሳ፥ አዙራ፥
NEH 10:18 ሆድያ፥ ሀሹማ፥ በጻያ፥
NEH 10:19 ሀሪፋ፥ አናቶታ፥ ነባያ፥
NEH 10:20 ማግፕኣሻ፥ ማሹላማ፥ ሄዚራ፥
NEH 10:21 ማሸዛቤላ፥ ጻዶቃ፥ ያዱአ፥
NEH 10:22 ፓላጽያ፥ ሀናና፥ አናያ፥
NEH 10:23 ሆሼአ፥ ሀናንያ፥ ሀሹባ፥
NEH 10:24 ሀሎሄሻ፥ ፒልሀ፥ ሾቤቃ፥
NEH 10:25 ረሁማ፥ ሀሻብና፥ ማእሴያ፥
NEH 10:26 አኪያ፥ ሀናና፥ አናና፥
NEH 10:27 ማሉካ፥ ሀሪማነ ባኣና።
NEH 10:28 ቃይ አቴዳ አሳይካ ቄሳቱ፥ ሌዋቱ፥ ፐንግያ ናግያዋንቱ፥ ማዝሙርያ የጽያዋንቱ፥ ጌሻ ጎልያ ቆማቱነ ጾሳ ህግያዉ አዛዘታናዉ አይሁዳ ግደናዋንቱፐ ባረና ሻኬዳ ኡባይ፥ ቃይ ኡንቱንቱ ማቻቱ፥ ኡንቱንቱ አቱማ ናናይ፥ ኡንቱንቱ ማጫ ናናይነ የዉዋ አኬካናዉ አሳ ጋማ ጋኬዳ ኡባይ፥
NEH 10:29 ባረና ካለꬅያዋና ሀ ጫቁዋን ማየቴድኖ። ሄዌካ ባረ ቆማ ሙሴ ባጋና ጾሳይ ኡንቱንቶ እሜዳ ህግያዳን ባናዉ፥ መꬍና ጎዳ ኑ ጾሳ አዛዙዋ፥ ፕርዳነ ዎጋ ናጋናሳነ ኦꬃናሳ። ሄዌ ꬋዮፐ፥ ጾሳይ የድያ ሸቃይ ባረንቱ ቦላ ያናዳን ማየቴድኖ።
NEH 10:30 ኡንቱንቱ ሀዋዳን ያጊደ ጫቄድኖ፤ “ኑ ማጫ ናና አይሁዳ ግደና ጋድያ አቱማ ናናቶ እሞኮ፤ ቃይ ኡንቱንቱ ማጫ ናናካ ኑ አቱማ ናናቶ ማቻቶ ኦꬂደ አኮኮ።
NEH 10:31 “አይሁዳ ግደና ጋድያ አሳቱ ካꬃ ግድና ዎይ ሀራባ አያነ ሳምባታ ጋላስ ዎይ ሀራ ባላ ጋላስ ዛልአናዉ አሆፐ፥ ኡንቱንቱፐ ሻሞኮ። “ላፑንꬃ ላይꬃይ ጋክያ ዎደ፥ ኑ ጋድያ ጎሾኮ፤ ኑን ታልኤዳ አጩዋ ኦቾኮ።
NEH 10:32 “ጌሻ ጎልያ ኦሶ እቼሹ ግራመ ዴጽያ ብራ ላይꬃን ላይꬃን አገናን እማና።
NEH 10:33 ሄዌ አያዉ ጎፐ፥ ጾሳ ስንꬃን ዎꬅያ ኡክꬃሳ፥ ሀቼ ሀቼ ያርሽያ ካꬃ ያርሹዋ ሳኣ፥ ጹግያ ያርሾ ሹክያ መህያዉ፥ ሳምባታ ጋላሳን፥ አግናይ ጼርያ ዎደነ ላይꬃን ደእያ ሀራ ባላቱዋን ያርሽያ ያርሾነ ሀራ ጌሻ ሚሻ ኡባሳ፤ ቃይ እስራኤልያ አሳ ናጋራ አቶ ጊሳናዉ ያርሽያ ያርሾነ ኑ ጾሳ ጌሻ ጎልያ ኦሶ ኮሽያ ኡባባሳ።
NEH 10:34 “ኑን ቄሳቶ፥ ሌዋቶነ ሀራ አሳ ኡባዉ ሳማ የጌዶ። አያዉ ጎፐ፥ ህግያን ጻፈቴዳዋዳን መꬍና ጎዳዉ፥ ኑ ጾሳዉ፥ ያርሽያ ሳኣን ያርሹዋ ጹግያ ምꬃ ኑ ጾሳ ጌሻ ጎልያዉ ኦ ያራይ አሀናዉ በስንቶ ኤራናሳ።
NEH 10:35 “ላይꬃን ላይꬃን ኑ ጋድያ አይፍያ ኮይሮ ጋክያዋነ አይፍያ እምያ ዱማ ዱማ ምꬃቱዋፐ ኑን ኮይሮ ማጼዳ አይፍያ ኡባ መꬍና ጎዳ ጌሻ ጎልያ አገናን አሂደ እማና።
NEH 10:36 “ህግያን ጻፈቴዳዋዳን ኑን ኡባይካ ኮይሮ የለትያ ኑ አቱማ ናና ኑ ጾሳ ጌሻ ጎልያን ኦꬅያ ቄሳቱ ዋኮ አሂደ፥ ጾሳዉ ዱማያና፤ ቃይ ኑ ሚዛቱ፥ ኑ ዶርሳቱነ ኑ ዴሻቱ የልያ ኮይሮ ማራ ኡባካ ያ አሂደ፥ ቄሳቶ እማና።
NEH 10:37 “ኑን ኑ ጋድያን ዶልያ ካꬃ አይፍያ ኮይሩዋ፥ ቃይ ኑ ምꬃ ኡባ አይፍያ፥ ዎይንያነ ዛይትያ እሞታ ኦꬂደ፥ ኑ ጾሳ ጌሻ ጎልያ ሃ ቄሳቱ ዋኮ አሀና። ቃይ ሌዋቱ ኑ ካታማቱዋን ደእያ ቢታ ኡባ አይፍያ አስራታ አክያዋንታ ግድያ ድራዉ፥ ኑ ቢታይ አይፌዳዋፐ ኡባፐ አስራታ ኡንቱንቶ እማና።
NEH 10:38 ሌዋቱ አስራታ ሺሽያ ዎደ፥ አሮና ያራ ግዴዳ ቄሳቱ ኡንቱንቱና እትፐ ደአናዉ በሰ። ሌዋቱካ አስራታ ሺሾዋፐ ጉይያን፥ አስራታፐ ከሴዳ አስራታ ኑ ጾሳ ጌሻ ጎልያ አሂደ፥ ሻሉዋ ዎꬅያ ክፍልያን ዎꬅኖ።
NEH 10:39 እስራኤልያ አሳይነ ሌዋቱ ካꬃ፥ ዎይንያነ ዎጋራ ዛይትያ እሞታ፥ ጌሻ ጎልያ ሚሻቱነ ጌሻ ጎልያን ኦꬅያ ቄሳቱ፥ ፐንግያ ናግያዋንቱነ ማዝሙርያ የጽያዋንቱ ደእያ ክፍለቱዋ አሂኖ። “ኑን ኑ ጾሳ ጌሻ ጎልያ ኦሱዋ ኡባካ ሸነኮ ጎኮ” ያጊደ ጫቄድኖ።
NEH 11:1 አሳ ካለꬅያዋንቱ የሩሳላመን ደኤድኖ። ቃይ ህንኮ አሳፐካ ታሙዋፐ እቱ እቱ ጌሻ ካታማን የሩሳላመን ደአና ማላ፥ ሳማ የጊደ ዶሬድኖ። ሽን ሀራ ኡዱፑን ኩሽያ አሳይ ባረንቱ ካታማቱዋን ደኤድኖ።
NEH 11:2 የሩሳላመን ደአናዉ ባረንቱ ሸንያን ማዬዳ አሳ ኡባ አሳይ አንጄዳ።
NEH 11:3 ሀራ ካታማቱዋን ደእያ እስራኤልያ አሳይ፥ ቄሳቱ፥ ሌዋቱ፥ ጌሻ ጎልያ ቆማቱነ ሶሎሞነ ቆማቱዋ ያራቱ ኡባይ ባረንቱ ካታማን ካታማን ደእያ ጋድያ ኦይቂደ ደኤድኖ። ሽን ሀዋፐ ካሊደ ጻፈቴዳዋንቱ፥ የሩሳላመን ደአናዉ ዬዳ ጋድያ ካለꬅያዋንታ።
NEH 11:4 ይሁዳ ዛርያፐ ዬዳ ካለꬅያዋንቱ ፓሬሳ ያራ ግዴዳ አታያነ ሼላ ያራ ግዴዳ ማእሴያ። አታይ ኦዝያና ናኣ፤ ኦዝያነ ዛካራሳ ናኣ፤ ዛካራስ አማርያ ናኣ፤ አማር ሻፋጽያ ናኣ፤ ሻፋጽ ማላልኤላ ናኣ።
NEH 11:5 ማእሴይ ባሩካ ናኣ፤ ባሩክ ኮልሆዛ ናኣ፤ ኮልሆዝ ሀዛያ ናኣ፤ ሀዛይ አዳያ ናኣ፤ አዳይ ዮያሪባ ናኣ፤ ዮያሪብ ዛካራሳ ናኣ።
NEH 11:6 ፓሬሳ ያራፐ ዎልቃማ ግዴዳ 468 አሳቱ የሩሳላመን ደኤድኖ።
NEH 11:7 ቢንያማ ዛርያፐ ዬዳ ካለꬅያዋንቱ ሳላ፥ ጋባያነ ሳላያ። ሳሉ ማሹላማ ናኣ፤ ማሹላም ዮኤዳ ናኣ፤ ዮኤድ ፓዳያ ናኣ፤ ፓዳይ ቆላያ ናኣ፤ ቆላይ ማእሴያ ናኣ፤ ማእሴይ እትኤላ ናኣ፤ እትኤል ይሻእያ ናኣ። ሙለና 928 ቢንያማ ዛራቱ የሩሳላመን ደኤድኖ።
NEH 11:9 ዚክራ ናአይ ዩኤል ኡንቱንቱ ካፑዋ፤ ቃይ ሀሳኑአ ናአይ ይሁዳይ ካታማን ላኤንꬆ ማራጊ ደእያ ካፑዋ።
NEH 11:10 ቄሳቱ ዋፐ ዬዳ ካለꬅያዋንቱ ዮያሪባ ናኣ ያዳያ፥ ያኪናነ ሳራያ። ሳራይ ህልቂያ ናኣ፤ ህልቂ ማሹላማ ናኣ፤ ማሹላም ጻዶቃ ናኣ፤ ጻዶቀ ማራዮታ ናኣ፤ ማራዮት ጾሳ ጌሻ ጎልያ ካፑዋ ግዴዳ አህጹባ ያራ።
NEH 11:12 ኡንቱንቱና እትፐ ጾሳ ጌሻ ጎልያ ኦሱዋ ኦꬄዳዋንቱ ኡባና 822. ቃይ ሀራ ካለꬅያዌ አዳያ፤ አዳይ ይሮሃማ ናኣ፤ ይሮሃም ፓላልያ ናኣ፥ ፓላሊ አሞጻ ናኣ፤ አሞጽ ዛካራሳ ናኣ፤ ዛካራስ ፓሽሁራ ናኣ፤ ፓሽሁር ማልክያ ናኣ።
NEH 11:13 አዳያና እትፐ ደእያ አሳይ ኡባና 242. ቃይካ ሀራ ካለꬅያዌ አማሻሳያ፤ አማሻሳይ አዛርኤላ ናኣ፤ አዛርኤል አህዛያ ናኣ፤ አህዛይ ማሽለሞታ ናኣ፤ ማሽለሞት እሜራ ናኣ።
NEH 11:14 አማሻሳያና እትፐ ደእያ ኦላንቻቱ ኡባና 128. ኡንቱንቱ ካፑ ሀግዶልማ ናኣ ዛብድኤላ።
NEH 11:15 ሌዋቱዋፐ ዬዳ ካለꬅያዋንቱፐ እቱ ሻማእያ፤ ሻማኤ ሀሹባ ናኣ፤ ሀሹብ አዝርቃማ ናኣ፤ አዝርቃም ሀሻብያ ናኣ፤ ሀሻቢ ቡና ናኣ።
NEH 11:16 ቃይ ሀራቱ ሻባታያነ ዮዛባዳ፤ ኡንቱንቱ ጾሳ ጌሻ ጎልያፐ ካረና ኦሰትያ ኦሶቶ አዎትያ ሌዋቱ ካፓቱዋ።
NEH 11:17 ቃይካ ሀራይ ማታንያ፤ እ ጋላታ ዎሳ ዎስያ ዎደ ጋላታ ማዝሙርያ የጽያዋንቶ ካፑዋ፤ እ አሳፋ ያራፐ የለቴዳ ዛብዳ ናኣ ናኣ፥ ሚካ ናኣ። ባረናና እትፐ የጽያዋንቱ ግዶን ባቅቡቀ ላኤንꬆ። ቃይ ሀራይካ አብዳ፤ እ ሻሙአ ናኣ፤ ሻሙእ ጋላላ ናኣ፤ ጋላል ይዱቱና ናኣ።
NEH 11:18 ኡባና 284 ሌዋቱ ጌሻ ካታማን የሩሳላመን ደኤድኖ።
NEH 11:19 ፐንግያ ናግያዋንቱፐ አቁባ፥ ጻልሞናነ ኡንቱንቱና እትፐ ኦꬅያ ሀራ 172.
NEH 11:20 አቴዳ ቄሳቱ፥ ሌዋቱነ እስራኤልያ አሳይ ኡባይ ባረንቱ ጋዲ ደእያ ሳኣን ደእያ ሳኣን ዱማ ዱማ ይሁዳ ካታማቱዋን ደኤድኖ።
NEH 11:21 ሽን ጌሻ ጎልያ ቆማቱ የሩሳላመ ካታማን እት ባጋና ደእያ ኦፌላ ጌተትያ ሄራን ደኤድኖ። ጺህነ ግሽፕነ ላኡ ኡንቱንታ ካለꬅያዋንታ።
NEH 11:22 የሩሳላመን ደእያ ሌዋቶ ካፑ ኡዛ። እ ባና ናኣ፤ ባን ሀሻብያ ናኣ፤ ሀሻቢ ማታንያ ናኣ፤ ማታኒ ሚካ ናኣ። ኡዝ ጌሻ ጎልያን የጽያዋንቶ ካፑዋ ግዴዳ አሳፋ ያራ።
NEH 11:23 ኡንቱንቱ ሀቼ ሀቼ ኦꬃናባዉ ካትያፐ ኡንቱንቶ እመቴዳ አዛዙ ደኤ።
NEH 11:24 ይሁዳ ናኣ ዛራሀ ያራፐ የለቴዳ ማሸዛቤላ ናኣ ፓታሄ እስራኤልያ አሳ ጼልያ ኡባባዉ ኡንቱንቱ ዶና ግዲደ፥ ካትያ ማታን ደኤ።
NEH 11:25 አሳፐ ዳራቱ ባረንቱ ጎሻ ጎሻ ማታን ደእያ ቄር ካታማቱዋን ደኤድኖ። ሄዋ ድራዉ፥ ይሁዳ ዛራቱ ቅርያት-አርባአን፥ ድቦናን፥ ያቃብጽኤላንነ ሄዋ ሄራን ደእያ ቄር ካታማቱዋን ደኤድኖ።
NEH 11:26 ኡንቱንቱ ቃይ የሹአን፥ ሞላዳን፥ ቤት-ጳሌጻን፥
NEH 11:27 ሀጻር-ሹኣላን፥ በርሳቤሀንነ ሄዋ ሄራን ደእያ ቄር ካታማቱዋን፥
NEH 11:28 ጽቅላጋን፥ ማኮናንነ ሄዋ ሄራን ደእያ ቄር ካታማቱዋን ደኤድኖ።
NEH 11:29 ቃይካ ኤንርሞናን፥ ጾርኣንነ ያርሙታንካ ደኤድኖ።
NEH 11:30 ሄዋ ጻላላ ግደናን ዛኖሀን፥ አዱላማንነ ሄዋ ሄራን ደእያ ቄር ካታማቱዋንነ ላክሻንነ ሄዋ ሄራን ደእያ ጎሻን፥ ቃይ አዜቃንነ ሄዋ ሄራን ደእያ ቄር ካታማቱዋንካ ደኤድኖ። ሄዋ ድራዉ፥ ይሁዳ አሳይ ኡባና በርሳበሄፐ ቢደ፥ ህኖማ ዛንጋራ ጋካናዉ ደእያ ሳኣን ደኤድኖ።
NEH 11:31 ቢንያማ ዛራቱ ቤቴለንነ ሄዋ ሄራን ደእያ ቄር ካታማቱዋንነ ገባአን፥ ምክማሳን፥ አያን፥
NEH 11:32 አናቶታን፥ ኖባን፥ አናንያን፥
NEH 11:33 ሀጾራን፥ ራማን፥ ግታይማን፥
NEH 11:34 ሀዲዳን፥ ጻቦኢማን፥ ናባላጻን
NEH 11:35 ሎዳን፥ ኦኖንነ ኩሽያ ሂላቱ ዛንጋራ ግያ ሳንካ ደኤድኖ።
NEH 11:36 ይሁዳን ደኤዳ ሌዋቱዋፐ ዳራቱ ቢንያማ አሳና እትፐ ደአናዳን ኦሰቴድኖ።
NEH 12:1 ሳላትያላ ናኣ ዛሩባቤላናነ ቄሰ ኡባቱዋ ካፑዋ ኢያሱና ኦሞዱዋፐ ስሜዳ ቄሳቱ ሀዋንታ: ሳራያ፥ ኤርማሳ፥ እዝራ፥
NEH 12:2 አማርያ፥ ማሉካ፥ ሀጹኡሻ፥
NEH 12:3 ሻካንያ፥ ረሁማ፥ ማረሞታ፥
NEH 12:4 እዳ፥ ግነቶና፥ አቢያ፥
NEH 12:5 ምያሚና፥ ማኣድያ፥ ብልጋ፥
NEH 12:6 ሻማእያ፥ ዮያሪባ፥ ያዳያ፥
NEH 12:7 ሳላ፥ አሞካ፥ ህልቂያነ ያዳያ። ሀዋንቱ ኢያሱ ላይꬃን ቄሳቶነ ቄሳቱዋ ያራቶ ካፑዋ ግዴዳዋንታ።
NEH 12:8 ኡንቱንቱና እትፐ ስሜዳ ሌዋቱ ኢያሳ፥ ቢኑያ፥ ቃድምኤላ፥ ሸረብያ፥ ይሁዳነ ማታንያ። ማታኒ ሀራ ባረናና ኦꬅያዋንቱና እትፐ ጋላታ ማዝሙርያ የጽያዋንቶ ካፑዋ።
NEH 12:9 ኡንቱንቱና እትፐ የጽያ ባቅቡቀነ ኡኖን ኡንቱንቱፐ ስንꬃና ሃ ስም ኤቂደ የጺኖ።
NEH 12:10 ኢያሱ ዮያቂማ የሌዳ፤ ዮያቂም ኤልያሽባ የሌዳ፤ ኤልያሽብ ዮያዳአ የሌዳ፤
NEH 12:11 ዮያዳእ ዮናታና የሌዳ፤ ዮናታን ያዱአ የሌዳ።
NEH 12:12 ዮያቂም ቄሰ ኡባቱዋ ካፑዋ ግዴዳ ላይꬅ፥ ሀዋፐ ካሊደ ጻፈቴዳዋንቱ፥ ቄሳቱዋ ያራቱ ካፑዋ ግዴድኖ። ሳራያ ያራ ካፑ ማራያ። ኤርማሳ ያራ ካፑ ሀናንያ።
NEH 12:13 እዝራ ያራ ካፑ ማሹላማ። አማርያ ያራ ካፑ ያሆሀናና።
NEH 12:14 ማሉካ ያራ ካፑ ዮናታና። ሻባንያ ያራ ካፑ ዮሴፎ።
NEH 12:15 ሀሪማ ያራ ካፑ አዲና። ማራዮታ ያራ ካፑ ህልቃያ።
NEH 12:16 እዶ ያራ ካፑ ዛካራሳ። ግነቶና ያራ ካፑ ማሹላማ።
NEH 12:17 አቢያ ያራ ካፑ ዚክራ። ምንያምናነ ማኣድያ ያራ ካፑ ፕልጻያ።
NEH 12:18 ብልጋ ያራ ካፑ ሻሙአ። ሻማእያ ያራ ካፑ ዮናታና።
NEH 12:19 ዮያሪባ ያራ ካፑ ማታናያ። ያዳያ ያራ ካፑ ኡዛ።
NEH 12:20 ሳላያ ያራ ካፑ ቃላያ። አሞካ ያራ ካፑ ኤቤራ።
NEH 12:21 ህልቂያ ያራ ካፑ ሀሻብያ። ያዳያ ያራ ካፑ ናታንኤላ።
NEH 12:22 ሌዋቱ ካፓቱ ኤልያሽብ፥ ዮያዳእ፥ ዮሀናንነ ያዱእ ቄሰ ካፑዋ ግዴዳ ዱማ ዱማ ላይꬃን ጻፈቴድኖ። ቃይ ቄሳቱ ፓርሰ ጋድያ አሳ ግዴዳ ዳርዮስ ካተቴዳ ላይꬃን ጻፈቴድኖ።
NEH 12:23 ግዶ ሽን፥ ሌዋቱ ያራቱ ካፓቱ ማዝጎብያን ጻፈቴዳዌ ኤልያሽባ ናኣ ናኣ ዮሀናን ሀይቃና ጋካናዉ ደእያ ዎድያ ጻላላና።
NEH 12:24 ሌዋቱዋ ካለꬅያዋንቱ ሀሻብያ፥ ሸረብያነ ቃድምኤላ ናኣ ኢያሳ። ኡንቱንቱ ጾሳ አሳ ግዴዳ ካቲ ዳዊተ አዛዜዳዋዳን፥ ላኡዋን ሻከት ኤቂደ፥ ካላን ካላን ጾሳ ቦንቺኖነ አዉ ጋላታ ማዝሙርያ የጺኖ።
NEH 12:25 ጌሻ ጎልያ ግምቢያ ፐንግያ ማታን ኬጸቴዳ ዱማ ዱማ ሻሉዋ ዎꬅያ ጎልያ ናግያዋንቱ ማታንያ፥ ባቅቡቅያ፥ ኦባድያ፥ ማሹላማ፥ ጻልሞናነ አቁባ ግያዋንታ።
NEH 12:26 ሀዋንቱ ዮጸዴቃ ናኣ ናኣ፥ ኢያሱ ናኣ ዮያቂም፥ ጋድያ ሞድያ ናህሚነ ቄሰነ ጻፍያ ግዴዳ እዝር ደኤዳ ላይꬃን ኦꬄድኖ።
NEH 12:27 የሩሳላመ ግምቢ ግምበቲደ ዉሬዳ ባላ ቦንችያ ዎደ፥ ሌዋቱ ባረንቱ ደኢያሳፐ ሳፐ ኮየቲደ፥ የሩሳላመ ዬድኖ፤ ዳላን፥ ዲꬃንነ ማስንቁዋን ጋላታ ማዝሙርያ ናሸቻን የጺደ፥ ባላ ቦንቼድኖ።
NEH 12:28 ሀ ባላ ቦንቻናዉ ሌዋቱዋ ዛራቱ፥ ማዝሙርያ የጽያዋንቱ ኡባይ ባረንቱ ኬጺደ ኡቴዳ የሩሳላመ ዩሹዋፐነ ናጾፋቱ ጋድያን ደእያ ቄር ካታማቱዋፐ፥
NEH 12:29 ቤት-ገልጋላፐ፥ ገባአፐነ አዝማዌታፐ ሺቂደ ዬድኖ።
NEH 12:30 ሄዋፐ ጉይያን፥ ቄሳቱ ነ ሌዋቱ ባረንቱ ሁጲያዉ ጌዬድኖ፤ ቃይ አሳይ ኡባይ፥ ግምቢያ ፐንገቱነ ግምቢ ጾሳዉ ጌያናዳን ኦꬅያ ዎጋ ፖሌድኖ።
NEH 12:31 ታን ይሁዳ ካለꬅያዋንታ ግምቢያ ቦላን ሺሻይ፤ ቃይ ማዝሙርያ የጽያዋንታካ ላኡ ጩጉዋን ሻካደ ጾሳ ጋላታና ማላ ኦꬃድ። እት ጩጉ ግምቢያ ሁጲያና ኡሸቻ ስሚደ፥ ፕቱዋ ኦልያ ፐንግያ ባጋ ቤዳ።
NEH 12:32 ሆሻይነ ይሁዳ ካለꬅያዋንቱፐ ባጋቱ ኡንቱቱፐ ጉየና ካሊኖ።
NEH 12:33 ሀራቱ ቃይ ኡንቱንቱና ደእያዋንቱ አዛርያ፥ እዝራ፥ ማሹላማ፥
NEH 12:34 ይሁዳ፥ ቢንያማ፥ ሻማእያ፥ ኤርማሳነ
NEH 12:35 ጹሩምባ ኦይቂደ ቄሳቱ ዋ። ቃይ ኡንቱንቱፐ ጉየና ዬዳዌ ዛካራሳ፤ ዛካራስ ዮናታና ናኣ፤ ዮናታን ሻማእያ ናኣ፤ ሻማኤ ማታንያ ናኣ፤ ማታኒ ምካያ ናኣ፤ ምካይ ዛኩራ ናኣ፤ ዛኩር አሳፋ ናኣ።
NEH 12:36 ዛካራሳ ያራ ግዴዳ ሻማኤ፥ አዛርኤል፥ ምላላይ፥ ግላላይ፥ ማኣይ፥ ናታንኤል፥ ይሁዳይነ ሀናን ጾሳ አሳ ግዴዳ ዳዊተ ጾሳዉ የጽያ ዎደ ጎኤትያ የꬃ ሚሻ ኡባ አኪደ፥ ዛካራሳፐ ጉየና ካሌድኖ። ኡንቱንቱ ጩጉዋ ካለꬅያዌነ ጻፍያዌ እዝራ።
NEH 12:37 ፑልቱዋ ፐንግያኮ ጋኮዋፐ ጉይያን፥ ዳዊታ ካታማኮ ስሚደ፥ ግምቢያ ቦላን ደእያ ጸካ ከሴድኖ፤ ዳዊታ ጎለ አꬊደ፥ ካታማፐ አዋይ ዶልያ ባጋና ደእያ ሃꬃ ፐንግያኮ ቤድኖ።
NEH 12:38 ላኤንꬆ ማዝሙርያ የጽያዋንቱ ጩጉ ግምቢያ ሁጲያ ኦይቂደ፥ ሀድርሳ ስሚደ ቤዳ። ታን አሳፐ ባጋና እትፐ ግዳደ ኡንቱንቱፐ ጉየና ካላድ። እቶንያ አዱሳ ግምቢያፐ አꬊደ፥ አኮ ግምቢያ ጌተትያ ሳኣ ጋኬዳ።
NEH 12:39 ቃይ ሄዋፐካ ስሚደ፥ ኤፍሬማ ፐንግያ፥ ኤጫ ፐንግያ፥ ሞልያ ፐንግያ፥ ሀናንኤላ አዱሳ ግምቢያነ ጼቱ አዱሳ ግምቢያ ጋካናስካ ቤዳ። ዉርሰꬃን ዶርሳ ፐንግያ ማታና ቢደ፥ ናግያዋንቱ ፐንግያ ጋኪደ ኤቄዳ።
NEH 12:40 ማዝሙርያን ጾሳ ጋላትያ ላኡ ጩጉካ ጾሳ ጌሻ ጎልያኮ ጋኬድኖ፤ ቃይ ታንካ ታናና እትፐ ደእያ ካለꬅያዋና ጋካድ።
NEH 12:41 ኑፐ ሀራቱ ሀዋፐ ካሊደ ጻፈቴዳ፥ ጹሩምባ ፑንያ ቄሳቱ ካ ጋኬድኖ። ሄዋንቱካ ኤልያቂማ፥ ማእሴያ፥ ምንያምና፥ ምካያ፥ ኤልዮኤናያ፥ ዛካራሳነ ሀናንያ።
NEH 12:42 ኡንቱንቱ ካሊደ ጋኬዳዋንቱ ማእሴያ፥ ሻማእያ፥ ኤልኣዛራ፥ ኡዛ፥ ያሆሀናና፥ ማልክያ፥ ኤላማነ ኤጼራ። ኑን ኡባይ ደንድ ኤቆዋፐ ጉይያን፥ ማዝሙርያ የጽያዋንቱ ይዝራሄ ኡንቱንታ ካለꬅና፥ ባረንቱ ኮሻ ꬎቁ ኦꬂደ የጼድኖ።
NEH 12:43 ሄ ጋላስ ዳሮ ያርሹዋ አሳይ ጾሳዉ ያርሼዳ፤ አያዉ ጎፐ፥ ጾሳይ ኡንቱንቱ ዎልቃማ ናሸቻን ናሸቼዳ፤ ማጫ አሳይካ ናናይካ ናሸቴድኖ። ሄዋ ድራዉ፥ የሩሳላመ አሳይ ናሸትያ ናሸቻይ ሃኩዋን ስሰቴዳ።
NEH 12:44 ሄ ጋላስ አሳይ እምያ እሞታቱዋ፥ አስራታነ ላይꬃን ካእያ ካꬃ አይፍያ ኮይሩዋ ሺሺደ፥ ሚሻቱዋ ዎꬅያ ጎለን ዎꬂደ፥ ናግያ ካፓቱዋ ዶሬድኖ። ሀ ዶሬዳ አሳቱ ዱማ ዱማ ካታማቱዋን ደእያ ሾይቃቱዋፐ ህጊ አዛዝያዋዳን፥ ቄሳቶነ ሌዋቶ በስያ ቆሙዋ ሺሽኖ። አያዉ ጎፐ፥ ይሁዳ አሳይ ኡባይ ቄሳቱ ዋንነ ሌዋቱዋን ሎይꬅ ናሸቴድኖ።
NEH 12:45 ኡንቱንቱ ጾሳይ አዛዜዳዋ ኦꬄድኖ፤ ቃይ ጌይያ ዎጋካ ፖሌድኖ። ኡንቱንቱ ጻላላ ግደናን፥ ማዝሙርያ የጽያዋንቱነ ፐንግያ ናግያዋንቱ ዳዊተነ አ ናኣ ሶሎሞነ አዛዜዳ ኦሱዋ ፖሌድኖ።
NEH 12:46 ካሰ ዳዊታነ አሳፋ ዎድያፐ ዶሚደካ ማዝሙርያ የጽያዋንቱ ጩጉዋ ካለꬅያዋንቱ ጾሳ የꬃን ጋላታናዉነ ቦንቻናዉ ደእያዌ ኤረቲደ ደእያዋ።
NEH 12:47 ዛሩባቤላ ላይꬃንነ ናህምያ ላይꬃን እስራኤልያ ኡባይ ማዝሙርያ የጽያዋንቶነ ፐንግያ ናግያዋንቶ በስያ ቆሙዋ ሀቼ ሀቼ እሜድኖ፤ ቃይ ሌዋቶካ ኡንቱንቶ ዱማዬዳ ቆሙዋ እሜድኖ። ሌዋቱካ ቃይ አሮና ያራቱዋ ግዴዳ ቄሳቶ ኡንቱንቶ ዱማዬዳ ቆሙዋ እሜድኖ።
NEH 13:1 ሄ ጋላስ አሳይ ኡባይ ስስሽን፥ ሙሴ ማጻፋይ ናባበቴዳ፤ ሄ ዎደ ኡንቱንቱ፥ “ሞኣበ ጋድያ አሳይነ አሞና ጋድያ አሳይ ጾሳ ማባራን ጋከታናዉ በሰና” ግያ ሳኣ ማጻፋ ግዶን ደሜድኖ።
NEH 13:2 አያዉ ጎፐ፥ እስራኤልያ አሳይ ግብጼፐ ከሲደ፥ ካናነ ብያ ዎደ፥ ሞኣባነ አሞና ጋድያ አሳይ ኡንቱንቶ ካꬃነ ሃꬃ እመናን እጼድኖ። ሄዋ ቦላካ ቃይ እስራኤልያ አሳ ሸቃና ማላ፥ ባላማዉ ሻሉዋ እሚደ ሻሜድኖ። ግዶ ሽን፥ ኑ ጾሳይ ሸቃ አንጆ ላሜዳ።
NEH 13:3 ሀ ህግያ እስራኤልያ አሳይ ስሴዳ ዎደ፥ አላጋ ዛርያ ዋላካይ ደእያ ኡባ እስራኤልያፐ ሻኬዳ።
NEH 13:4 ሄዋፐ ካሰቲደ፥ ጌሻ ጎልያን ሚሻቱዋ ዎꬅያ ክፍለቶ ካፑዋ ግዴዳ ኤልያሽብ ጾቢያና ዳቦታ መꬍ ዎꬄዳ።
NEH 13:5 ሄዋፐ ደንደዳዋን ካꬃ እሞታ፥ እጻና፥ ጌሻ ጎልያን ደእያ ዱማ ዱማ ሚሻቱዋ፥ ካꬃፐ ዎይንያፐነ ዛይትያፐ ሌዋቶ፥ ማዝሙርያ የጽያዋንቶነ ፐንግያ ናግያዋንቶ እምያ አስራታነ ቄሳቶ እምያ ቆሙዋ ዎꬅያ ዎጋ ክፍልያ ኤልያሽብ ጾቢ አቃና ማላ፥ አዉ ጊግሴዳ።
NEH 13:6 ሀ ኡባባይ ሀንያ ዎደ ታን የሩሳላመን ደእከ። አያዉ ጎፐ፥ አርጸክሲስ ባብሎነ ጋድያን ካተቴዳ ሀታማነ ላኤንꬆ ላይꬃን ታን ስማደ ባብሎነ ጋድያ ካትያኮ ባ ክቻድ። ግዶ ሽን፥ ጉꬃ ዎድያፐ ጉይያን፥ ካትያ ኦቻደ፥
NEH 13:7 የሩሳላመ ስማደ ያድ። ጾሳ ጌሻ ጎሊ ደእያ ሳኣን ኤልያሽብ ጾቢያዉ አቅያ ክፍልያ ጊግሲደ፥ እ ኦꬄዳ ኢታባ አኬካድ።
NEH 13:8 ሎይꬃ ሀንቀታደ፥ ጾቢያ ሶይ ሻሉዋ ኡባ ክፍልያፐ ከሳደ፥ ካረ ኦላድ።
NEH 13:9 ክፍልያካ ቃይ ዎጋዳን ጌሻና ማላ አዛዛድ። ጾሳ ጌሻ ጎልያ ሚሻቱዋ፥ ካꬃ፥ እሞታነ እጻና ዛራደ ሄ ሳኣ ገልሳድ።
NEH 13:10 ቃይ አሳይ ሌዋቶነ ማዝሙርያ የጽያዋንቶ በስያ ቁማዉ እምቤና ድራዉ፥ ሌዋቱነ ማዝሙርያ የጽያዋንቱ ኡባይ ባረንቱ ኪታ አጊደ፥ ጎሻዉ ጉየ ቤዳዋ በኣድ።
NEH 13:11 ሄዋ ድራዉ፥ ታን ካፓቱዋ፥ “ጾሳ ጌሻ ጎልያ ኦሱዋ አያዉ ኦል አጌድቴ?” ያጋደ ሀንቀታድ። ሄዋፐ ጉይያን፥ ኡንቱንታ ጼጋደ ኡባካ ኡንቱንቱ ኦሶ ኦሱዋ ዛራድ።
NEH 13:12 ያትና፥ ይሁዳ አሳይ ኡባይ ካꬃፐ፥ ዎይንያፐነ ዛይትያፐ እምያ አስራታ ጌሻ ጎልያ ሚሻቱዋ ዎꬅያ ጎልያ ዛሪደ፥ አሁዋ ዶሜዳ።
NEH 13:13 ታን ቄስያ ሸሌምያ፥ ጻፍያ ጻዶቃነ ሌዊያ ፓዳያ ሚሻ ዎꬅያ ጎልያዉ ካፑዋ ኦꬃደ ሱንꬃድ። ቃይ ማታንያ ናኣ ናኣ ዛኩራ ናአይ ሀናን ኡንቱንታ ማድያዋ። ሀዋንቱ ኡባይካ ኮሽያዋ ኡባ ባረንቱ እሻቶ ሻክ ሻክ እምያዋን አማነትያዋንታ ግዴድኖ።
NEH 13:14 “ታ ጾሳዉ ታና ቆፓ፤ ቃይ ነ ጌሻ ጎልያ ኪታይ ጊጋና ማላ፥ ታን ኦꬄዳ ሎኦ ኦሱዋካ ዶጎፓ” ያጋደ ታን ዎሳድ።
NEH 13:15 ሄ ዎድያን ታን ይሁዳን ደእያ አሳይ ሳምባታ ጋላስ ዎይንያ ጉምእሽን በኣድ፤ ሀራቱካ ቃይ ካꬃ፥ ዎይንያ ኤሳ፥ ዎይንያ አይፍያ፥ ባላስያ አይፍያነ ሄዋንታ ማላትያባቱዋ ባረንቱ ሀርያን ጫኒደ፥ ሳምባታ ጋላሳን የሩሳላመ አህያዋ በኣድ። ሄዋ ድራዉ፥ ኡንቱንቱ ሳምባታ ጋላሳን ዛልኤናዳን ታን ኡንቱንቶ ምንሳደ ኦዳድ።
NEH 13:16 ሄዋ ቦላካ ቃይ የሩሳላመን ደእያ ጺሮሳ ጋድያ አሳቱ ሞልያነ ሀራ እት እት ዛልኤ ሚሻቱዋ አሂደ፥ ሳምባታን የሩሳላመን ይሁዳ አሳዉ ዛልኢኖ።
NEH 13:17 ሄዋ ድራዉ፥ ታን ይሁዳ ካለꬅያዋና ሀዋዳን ያጋ ዋላቀታድ፤ “ሀዋ ማላ ኢታ ኦሱዋ ኦꬂደ፥ ሳምባታ አያዉ ቱንሲቴ?
NEH 13:18 ጾሳይ ሀዋ ማላ መቱዋ ኑ ቦላንነ ኑ ካታማ ቦላን አሄዳዌ፥ ካሰ ህንተንቱ አዎቱ ሄዋ ማላ ኢታባ ኦꬂና ግደኔየ? ሀእ ህንተንቱ ቃይ ሳምባታ ቱንሲደ፥ እስራኤልያ ቦላን ሀራ ሀንቁዋ አሀናዉ ሀኒታ” ያጋድ።
NEH 13:19 ሄዋፐ ጉይያን፥ ሳምባታ ጋላሳፐ ካሰቲደ ደእያ ጋላሳን ሳአይ ለለምእያ ዎደ፥ የሩሳላመ ግምቢያ ፐንገቱ ጎርደታናዳንነ ሳምባታይ አꬋናዉ ዶየተናዳን ታን አዛዛድ። ቃይ ሳምባታ ጋላሳን አይ ዛልእያነ አኪደ ገለናዳን ናጋና ማላ፥ ታ ቆማቱዋፐ እቱዋ እቱዋ ግምቢያ ፐንግያን ኤሳድ።
NEH 13:20 ሄዋ ድራዉ፥ ዱማ ዱማ ዛልኤ ሚሻቱዋ አህያ ዛልአንቻቱ እቱዋፐ ቢደ ላኡዋ ጋካናዉ፥ የሩሳላመ ግምቢያፐ ጋጻ ባጋና አቄድኖ።
NEH 13:21 ሽን ታን ኡንቱንታ ሀዋዳን ያጋደ ሴራድ፤ “ግምቢያፐ ጋጻና ዋናናዉ አቂቴ? ህንተንቱ ላኤንꬆ ሄዋዳን ኦꬆፐ፥ ታን ዎልቃንካ ህንተንታ ተአና” ያጋድ። ሄ ጋላሳፐ ጉይያን፥ ላኤንꬆ ሳምባታ ጋላስ ሙለ ይበይክኖ።
NEH 13:22 ሌዋቱ ባረንቱ ሁጲያ ጌሻናዳንነ ሳምባታ ጋላሳይካ ጌሻ ግዳና ማላ፥ ግምቢያ ፐንገቱዋ ናጋናዳን ታን አዛዛድ። “ታ ጾሳዉ፥ ሀ ኡባባ ድራዉ፥ ኔን ታና ቆፓ፤ ቃይ ነ አገና ሲቁዋ ድራዉ፥ ኔን ታዉ ቃረታ” ያጋደ ዎሳድ።
NEH 13:23 ሄ ዎደ ቃይካ ታን ይሁዳ አቱማ አሳፐ እቱ እቱ ማችያ አሽዶዳ፥ አሞናነ ሞኣበ ጋደቱዋፐ አኬዳዋ በኣድ።
NEH 13:24 ኡባ ቃይ ኢታባይ ኡንቱንቱ ናናቱዋፐ ባጋይ አሽዶዳ ጋድያ ዎይ እት እት ሀራ ጋድያ ቃላን ሃሳዪኖፐ አትና፥ ባረንቱ ጋድያ፥ ይሁዳ ቃላን ሃሳያናዉ ዳንዳይክኖ።
NEH 13:25 ታን ኡንቱንቱና ኦሸታድነ ኡንቱንታ ሸቃድ፤ ቃይ ኡንቱንቱፐ እቱዋ እቱዋ ደቻደ፥ ኡንቱንቱ ሁጲያ ብናና ሾዳድ። ሄዋ ጻላላ ግደናን ኡንቱንቱ ላኤንꬆ ባረንቱ ማጫ ናና ኡንቱንቱ አቱማ ናናቶ እመናዳንነ ኡንቱንቱ ማጫ ናናካ ባረንቶነ ባረንቱ አቱማ ናናቶ አከናዳን ጾሳ ሱንꬃን ጫቀታድ።
NEH 13:26 ቃይካ ኡንቱንታ ሀዋዳን ያጋድ፤ “ካትያ ሶሎሞነ ናጋራ ኦꬄዳዌ አላጋ ጋድያ ማጫ አሳቱዋፐ ደንዴዳዋና ግደኔየ? ሶሎሞነ ማላ ካቲ ሀራ ዳሮ ጋድያ ካተቱዋ ግዶንካ ባዋ፤ ጾሳይካ አ ዶሴዳ ድራዉ፥ እስራኤልያ አሳ ኡባ ቦላን ካተዬዳ። ግዶ ሽን፥ ሀራይ አቶ አካ አላጋ ጋድያ ማጫ አሳቱ ሀዋ ማላ ናጋራ ኦስሴድኖ።
NEH 13:27 ያትና፥ ኑንካ ቃይ ህንተንቱ ዞርያ ስሲደ፥ አላጋ ማጫ አሳ አኪደነ ሄዋ ማላ ኢታባ ኦꬂደ፥ ጾሳ ናቃኔየ?” ያጋድ።
NEH 13:28 ቄስያ ኡባቱዋ ካፑዋ ኤልያሽባ ናናቱዋፐ እቱ ዮያዳአ፤ ሽን አ ናናቱዋፐ እቱ ቤት-ሆሮና ካታማ አሳ ግድያ ሳንባላጻ ናቶ አኬዳ። ያትና፥ ታን አ ታ ደእያ ሳኣፐ የደርሳድ።
NEH 13:29 “ታ ጾሳዉ፥ ሀዋንቱ ቄሰተꬃ ዎጋ ቱንሴዳዋነ ኔን ቄሳቱ ዋናነ ሌዋቱዋና ዎꬄዳ ቃላ ጫቁዋ ኮሌዳዋ በአ” ያጋደ ታን ዎሳድ።
NEH 13:30 ኡንቱንታ አላጋ ግዴዳ የዉዋ ኡባፐ ጌሾዋፐ ጉይያን፥ ቄሳቶነ ሌዋቶ ኡንቱንቱ ኦሱዋ ኦሱዋ እማድ።
NEH 13:31 ቃይ ያርሹዋ ጹግያ ምꬃይካ ዎድያን ዎድያን ያና ማላነ አሳይካ ባረዉ አይፌዳዋፐ ኮይሮ አይፍያ እሞታ ኦꬂደ አሀና ማላ፥ ዎጋ ዎꬃድ። “ታ ጾሳዉ፥ ነ ሎኦተꬃን ታና ቆፓ” ያጋደ ታን ዎሳድ።
EST 1:1 ሀዌ ካቲ አርጸክስስ ህንደ ጋድያፐ ቶጵያ ጋድያ ጋካናዉ ደእያ፥ ጼታነ ላታማነ ላፑን ቢታቱዋ ሞድያ ዎደ ሀኔዳባ። እ ኡቲደ ሞድያ ዋና ካታማይ ካቲ ደኢያሳ ሱሳ ጌተቴ።
EST 1:3 እ ካተቴዳ ሄዘንꬆ ላይꬃን፥ ባረፐ ጋርሳና ሞድያዋንቶነ አናና ኦꬅያዋንቶ ባላ ጊግሴዳ። ሄ ባላ ሳኣን ሜዶናነ ፓርሰ ጋድያ ኦላ ጋዳዋቱ፥ ጋድያ ካፓቱነ አይስያዋንቱ ቤቴድኖ።
EST 1:4 ካቲ እት ጼታነ ሆስፑን ታሙ ጋላሳ ኩመንꬃ ባረ ካዉተꬃ ዱረተꬃነ ባረ ቦንቾ አንጋ ኡባ ጮራ ጋላሳ ኡንቱንታ በሴዳ።
EST 1:5 ሄ ጋላሳቱዋፐ ጉይያን፥ ካቲ ቃይካ ሀራ ላፑን ጋላሳዉ ጋምእያ ባላ፥ ሱሳ ካታማን ካቲ ደኢያሳ፥ ዱርያፐ ማንቁዋ ጋካናዉ ደእያ አሳ ኡባዉ ጊግሴዳ። ሄ ባላይ ካትያ ጎልያ አታክልትያ ሳኣን ጊጌዳ።
EST 1:6 ሄ ሳኣን ደእያ ዳባባይ፥ ሊኑዋፐ ዳደቴዳ ቦꬃነ ሳሉዋ ማላትያ ጋርዳቱዋን ፑላት ኡቴዳ። ጋርዶቱካ ቦꬃነ ኦቻ ቴራ ማላትያ ሎኦ ሊኑዋ ባቀꬃን አꬂና፥ እብነባራድያ ጌተትያ ሹቻፐ ኦሰቴዳ ቱሳ ቦላን ደእያ ብራ ምግዳቱዋን ካቀት ኡቴድኖ። ቃይ ዎርቃፐነ ብራፐ ኦሰቴዳ አርሳቱ፥ ዱማ ዱማ ማላይ ደእያ አልኦ ሹቻቱዋፐነ እንቆቱዋፐ ኦሰቴዳ ባሱዋን ማራን የገት ኡቴድኖ።
EST 1:7 እቱ እቱዋፐ ዱማ ግዴዳ ዎርቃ ቡርጩኩዋን ኡሻይ አሳዉ እመቴ፤ ካቲካ ባረ ሎኦተꬃን ዳሮ ሎአ ዎይንያ ኤሳ ዳርስ እሜዳ።
EST 1:8 እት እት አሳይ ባረ ኮዮዋ ኬሻ ኡሼ፤ ሄዋ ካቲ ካሰቲደ፥ ባረ ቆማቶ ኦድ ዎꬄዳ።
EST 1:9 ሄ ዎደ ካታታ አስጺናካ ማጫ አሳ ባላ ካትያ ጎለን ጊግሳዱ።
EST 1:10 ሾቢ ዶመቴዳ ላፑንꬃ ጋላስ፥ ካቲ አርጸክስስ ዎይንያ ኤሳ አሊደ ናሸቴዳ ዎደ፥ ባረ ቆማቱዋ ማሁማና፥ ብዝታ፥ ሀርቦና፥ ቢግታ፥ አባግታ፥ ዘታራነ ካርካሳ ጌተትያ ላፑን ጎይረቴዳዋንታ ጼሲደ፥
EST 1:11 “ካታቶ አስጺኖ ካዉተꬃ ካላቻ ዎስሲደ፥ ሃ አኪደ ዪተ” ያጊደ አዛዜዳ። አያዉ ጎፐ፥ አ ሎይꬃ ማላ ሎአ ግድያ ድራዉ፥ ካፓቱነ አሳይ ኡባይ እዞ በአና ማላ፥ ካቲ ኮዬዳ።
EST 1:12 ሽን ካትያ አዛዙዋ ሱንꬃቱ ኦድና፥ ካታታ አስጺና ካትያ ስንꬃዉ ዬናን እጻዱ። ሄዌ ካትያ ሀንቁዋን ኤꬄዳ።
EST 1:13 ሄዋ ድራዉ፥ ካቲ ባረ ስንꬃ ሺቃናዉነ ባረ ካዉተꬃ ጋርሳን ዎልቃማ ማታይ ደእያ ላፑን ፓርሰነ ሜዶና ሱንꬃቱዋ ጼሲደ ገልሴዳ። ኡንቱንቱ ካርሻና፥ ሸታራ፥ አድማታ፥ ታርሴሳ፥ መሬሳ፥ ማርሳናነ ማሙካና ጌተቲኖ። ሄ አሳቱ አꬌዳ ኤራንቻነ ሄ ጋድያ ህግያ ኡባነ ደኡዋ ዎጋ ምንሲደ ኤሪኖ። ሀዋ ማላባዉ ካቲ ኡባ ዎደካ ኡንቱንታ ኦቼ።
EST 1:15 ካቲ ኡንቱንታ፥ “ታን፥ ካቲ አርጸክስስ፥ ታ ጎይረቶዋንቱ ቦላ ኪትና፥ ካታታ አስጺና ታ አዛዙዋ ፖለናን እጻዱ። ሄዋ ድራዉ፥ ህጊ ኦድያ ማራን እዞ ዋታናዉ በሲ?” ያጊደ ኦቼዳ።
EST 1:16 ሄዋፐ ጉየ ኡንቱንቱፐ እቱ፥ ማሙካን ካትያ ስንꬃንነ ካፓቱ ስንꬃን ዛሪደ፥ ሀዋዳን ያጌዳ፤ “ካታታ አስጺና ካትያ ጻላላ ግደናን ደእሽን፥ አ ካፓቱዋ ኡባነ አ ካዉተꬃ ኡባ ግዱዋን ደእያ አሳ ኡባ ናቃዱ።
EST 1:17 አያዉ ጎፐ፥ ሀ ካዉተꬃ ግዶን ደእያ ማጫ አሳይ ኡባይ ካታታ አስጺና ኦꬄዳዋ ስሲደ፥ ባረ አስና አስና ካꬋናዉ ዶማና። ኡንቱንቱካ፥ ‘ካቲ አርጸክስስ ባረኮ ያናዳን ጼግስና፥ ካታታ አስጺና እጻበይኬየ!’ ያጋና።
EST 1:18 ሄዋ ጻላላ ግደናን፥ ፓርሰነ ሜዶና ካፓቱ ማቻቱ ሀዋ ስሴዳ ዎደ፥ ሀቼ አዋይ ዉላናዉካ ባረንቱ አስናቱዋ ሄዋዳን ጊደ ካꬋና። ሄዋን ማቼቱዋፐነ አስናቱዋፐ ግዱዋን ካꬊነ ሀንቁ ዳራና።
EST 1:19 “ሄዋ ድራዉ ካትያዉ፥ ኔን ዶሶፐ፥ አስጺና ላኤንꬆ ነ ስንꬃ አናዳን ድግያ አዋዩዋ ከሳ፤ ሄ አዋዩካ ላኤንꬆ ላመተና ማላ፥ ፓርሰነ ሜዶና ህግያ ግዶን ጻፈቶ። ሄዋፐ ጉይያን፥ አ ካታቶ ግድያ ቦንቹዋ ኢፐ ኬክያ ሀራርዉ እማ።
EST 1:20 አያዉ ጎፐ፥ ሀ ኔን አꬄዳ አዋዩ ሀ ዎልቃማ ካዉተꬃን ኡባን ኦደትያ ዎደ፥ እት እት ማቻታ ዱረ ግድና፥ ማንቆ ግድና፥ ሻከናን ባረ አስና ቦንቻና” ያጌዳ።
EST 1:21 ሄዋፐ ጉየ ካቲነ አ ካፓቱ ሀ ዞርያን ናሸቴድኖ። ሄዋ ድራዉ፥ ማሙካን ጌዳዋዳን ካቲ ኦꬄዳ።
EST 1:22 እ ባረ ካዉተꬃ ግዶን ደእያ ዱማ ዱማ ቢታቱዋ ኡባዉ ኡንቱንቱ ፕዶልያንነ ኡንቱንቱ ቃላን ጻፊደ፥ ዳብዳቢያ ኪቴዳ፤ ሄ አዋዩ፥ እት እት አስናይ ባረ ጎልያ ጎልያ አይሳናዉነ ባረ ቃላን ሃሳያናዉ ካፑዋ ግድያዋ ኦዴ።
EST 2:1 ሄዋፐ ስሚደ፥ ካትያ አርጸክሲሳ ሀንቁ ዶቼዳ፤ አስጺና ኦꬄዳባነ እካ እዝ ቦላን ከሴዳ አዋዩዋባ ቆፔዳ።
EST 2:2 ሄ ዎደ ካትያ ጎለን ኦꬅያ ቆማቱ አ ሀዋዳን ያጌድኖ፤ “ሎኦ ማላና ደእያ ዎዶሮ ማጫ ናና ኮዪደ፥ ካትያዉ አሀና ማላ፥
EST 2:3 ነ ካዉተꬃ ግዱዋን ደእያ ቢታቱዋ ኡባን ካፓቱዋ ሱንꬃ። ኡንቱንቱካ ሎኦ ማላና ደእያ ዎዶሮ ማጫ ናና ዶሪደ፥ ሱሳ ካታማ አሂደ፥ ማጫ አሳ ጊጌዳ ጎለን ዎꬅኖ። ሄዋን ሄ ማጫ አሳው ጎለዉ ሀላፈ ግድያ ካትያ ጎይሩዋ ሄጋያ ኩሽያን ኡንቱንቱ ደእሽን፥ ኡንቱንቱ ማላ ሎይꬅያባይ ኡንቱንቶ እመቶ።
EST 2:4 ሄዋፐ ጉይያን፥ ካትያ ኡባፐ አꬋ ናሸችያ ወዶራታ አስጺን ኮታን ካታቶ ግዱ” ያጌድኖ። ሄዋፐ ጉየ ሀ ዞሪ ካትያ ናሸቼዳ ድራዉ፥ ካቲ ሄዋዳን ኦꬄዳ።
EST 2:5 ሄዋን ሱሳ ካታማን ካቲ ደእያ ሳን እት ማርድክዮሳ ጌተትያ አይሁዳ ጋድያ አሳይ ደኤ። እካ ያኢራ ናኣ፤ ያኢር ሽምአ ናኣ፤ ሽምእ ቢንያማ ዛርያ ግዴዳ ቂሳ ናኣ።
EST 2:6 ባብሎነ ካቲ ናቡካዳናጾረ ይሁዳ ካትያ ዮኣኪናነ ሀራ አይሁዳ አሳ ኦላን ኦሞዲደ አፌዳ ዎደ፥ ማርዶክዮስ የሩሳላመፐ ኡንቱንቱና እትፐ ቤዳዋ።
EST 2:7 እ ሄ ጋድያን ደኢደ፥ ባረ አዉዋ እሻ ናቶ፥ እብራይጸ ቃላን ሀዳሶ ጌተትያ አታነ አዉ ሀይቅኬዳ አስቴሮ ባረናና ዎꬂደ ድቼ። እዝ አዉነ አታ ሀይቆዋፐ ጉይያን፥ ማርዶክዮስ እዞ አፊደ፥ ባረ ማጫ ናቶ ኦꬂደ ድቼዳ። አስትራ መꬋንካ ጌሳንካ ሎይꬃ ማላ ሎአ።
EST 2:8 ካቲ ከሴዳ አዋዩዋነ አዛዙዋ ማራን፥ ካቲ ደኢያሳ ሱሳ ካታማ ካትያ ጎልያ ዬዳ ዶረቴዳ ሀጋየ አዎተꬃን ኡቴዳ ጮራ ዎዶሮቱዋፐ እትና አስቴሮ። እዛካ ያደ፥ ማጫ አሳው ጊጌዳ ጎለ ሀላፈ ግዴዳ ሄጋያ ግያዋ አዎተꬃን ኡታዱ።
EST 2:9 ሄጋይ አስትርን፥ ሎይꬅ ናሸቴዳ፤ እዛ አ ስንꬃን ናሹዋ ደማዱ። ያቲደ ኤለካ ማናዉ ቁማነ ቦላ ኦከትያዋ እዝዉ እሜዳ። ቃይ እዝዉ ኦꬃናዉ ካትያ ጎልያፐ ዶረቴዳ ላፑን ዳንጋጽረቱዋ ሱንꬂደ፥ ማጫ አሳዉ ጊጌዳ ጎለን፥ ክፍልያ ኡባፐ አꬊደ ሎእያ ክፍልያን ኦነ እ ዳንጋጽረቱዋ አፊደ ዎꬄዳ።
EST 2:10 ማርዶክዮስ እዝዉ ካሰቲደ ኦዴዳዋዳን፥ አስትራ ሀቃ አሳፐንቶነ ኦ ቆመንቶ ኦዉነ ኦዳበይኩ።
EST 2:11 ቃይካ ማርዶክዮስ አስትር ፓጻተꬃነ እዝዉ ሀንያዋ ኤራናዉ፥ ማጫ አሳ ጎልያ ዳባባፐ ስንꬃና ጋላሳን ጋላሳን ያነ ሃነ ሀመቴ።
EST 2:12 እት እት ወዶራታ ካትያኮ ገላናፐ ካሰታደ ማጫዋንቶ አዛዘቶ ማራዳን፥ እዛ እት ላይꬃ ኩመንꬃ ባረ ማላ ሎይꬃደ ጋምአዉ፤ ሄዌካ፥ ኮይሮ ኡሱፑን አግና ካርቢያ ዛይትያን ጎርፐታደ ጋምኣደ፥ ላኤንꬆ ኡሱፑን አግና ቃይ፥ ሎኦ ሳዊያ ሽቱዋንነ ማላ ሎይꬅያባን ጎርፐታዉ።
EST 2:13 ሄዋፐ ጉይያን፥ እት ወዶራታ ካትያኮ ገልያ ዎዲ ጋክያ ዎደ፥ እዛ ኮዮዌ ኡባይ እመትና፥ ማጫ አሳ ጎልያፐ ከሳደ፥ ካቲ ደእያ ሳኣ ገላዉ።
EST 2:14 ቃማ ገላደ፥ ካትያና አቄዳዋፐ ህን ባጋን፥ ዎንትና ጉራ ከሳዉ። ካትያና አቅ ከሴዳ ማጫዋንቱ ደእያ ሀራ ጎልያ እዞ አፊኖ። ሄ ጎልያዉ ሀላፈ ግድያ ካትያ ጎይሩ ሻእሻጋዝ እዞ ናጌ። ካቲ ዶሲደነ እ ሱንꬃ ጼሴዳ፥ “ኤበሎ አህተ” ጋና ꬋዮፐ፥ አ ላኤንꬆ ካትያኮ ገላናዉ ዳንዳዩኩ።
EST 2:15 ሄዋ ግዶደ፥ ካትያኮ ገልያ ካላይ አስቴሮ ጋኬዳ። አስትራ ማርድክዮሳ አዉዋ እሻ አብሀይላ ናቶ፤ ማርዶክዮስ ባረ ናቶ ኦꬂደ ድቼዳኖ። እዛ ማጫ አሳይ ጊግያ ጎለዉ ሀላፈ ግድያ ካትያ ጎይሩ ሄጋይ ዞሬዳዋፐ አትና እዛ አይነ ኦቻበይኩ። ኦ በኤዳ ኡባይ እ ማላ ናሼዳ።
EST 2:16 አርጸክስስ ካተቴዳ ላፑንꬃ ላይꬃን፥ ተቤታ ጌተትያ ታማንꬃ አግናን አስቴሮ ካቲ ደእያ ሳኣ አፌዳ።
EST 2:17 ካቲ ሀራ ማጫዋንቱ ኡባፐ አꬂደ፥ እዞ ዶሴዳነ ሀራ ዎዶሮቱዋ ኡባፐ እዝን ናሸቴዳ። ሄዋ ድራዉ፥ ካዉተꬃ ካላቻ እ ሁጲያን ዎꬂደ፥ እዞ አስጺን ሳኣን ካታቶ ኦꬄዳ።
EST 2:18 ሄዋፐ ጉይያን፥ ካቲ አስትር ቦንቾ ዎልቃማ ባላ ጊግሲደ፥ ሞድያዋንታነ አናና ኦꬅያዋንታ ጼሴዳ። ቃይ ባረ ካዉተꬃ ግዶን ናሸቻ ባላይ ቦንቼታና ማላ አዋዪደ፥ እሞታካ ባረ ኬካተꬃ ኬሻ እሜዳ።
EST 2:19 ዎዶራቱ ላኤንꬁዋ ሺቄዳ ዎደ ማርዶክዮስ ካትያ ጎለ ፐንግያን ማታይ እመትና ኡቴዳ።
EST 2:20 አስትራ ሀቃ አሳፐንቶነ ኦ ቆመንቶ ኦነ ኦዳበይኩ። ኦ ማርዶክዮስ፥ “ኦዶፓ” ጌዳ ድራዉ፥ ካሰ ናአተꬃን አዛዘትያዋዳን፥ ሀእካ አዉ አዛዘታዱ።
EST 2:21 ማርዶክዮስ ካትያ ጎለ ፐንግያን ኡቴዳ ሄ ዎደ፥ ካቲ ደእያ ክፍለቱዋ ገልያ ፐንግያ ናግያ ካትያ ጎይረቶዋንቱፐ ላአቱ፥ ብግታንነ ተረሽ ካትያ አርጸክሲሳ ሞርኪደ፥ ዎꬋናዉ ማቀቴድኖ።
EST 2:22 ኡንቱንቱ ማቁዋ ማርዶክዮስ ስሲደ፥ ካታት አስትርዉ ኦድና፥ እዛካ ማርድክዮሳ ሱንꬃን ካትያዉ ኦዳዱ።
EST 2:23 ካቲ የዉዋ ሎይꬂደ፥ ቆሪደ ጼልያ ዎደ፥ የዉ ቱማ ግዲደ ቤትና፥ ሄ ላኡ አሳቱዋ ኮጫን ካቂደ ዎꬌዳ። ሀ ሀኖተꬃይካ ካትያ አርጸክሲሳ ታርክያ ጻፍያ ማጻፋን እ ደእያ ሳኣን ጻፈቴዳ።
EST 3:1 ሄዋፐ ጉይያን፥ ካቲ አርጸክስስ ሀማና ሱንꬃተꬃ ꬎቂሲደ፥ ባረ ካፓቶ ካፑዋ ኦꬂደ ሱንꬄዳ። ሀማዳታ ናኣ ሀማን አይሁዳቱዋ ሞርክያ፥ አጋጋ ዛርያ።
EST 3:2 ካቲ አዛዝ ዎꬄዳ ድራዉ፥ ካትያ ጎልያ ፐንግያን ደእያ ካፓቱ ኡባቱ ሃማን አꬍያ ዎደ፥ ጉልባቲደ አ ቦንቺኖ። ግዶ ሽን፥ ማርዶክዮስ ሃማናዉ ጉልባተናንነ ቦንቼናን እጼዳ።
EST 3:3 ሄ ዎድያን ካትያ ጎልያ ፐንግያን ደእያ ካፓቱ ማርድክዮሳ፥ “ካትያ አዛዙዋ ፖለናን አያዉ እጻይ?” ያጊደ፥
EST 3:4 ሀቼ ሀቼ ኦዲኖ፤ ሽን እ ኡንቱንቱ ኦድያዋ ስሳናዉ ኮይቤና። ኡባ ቃይ፥ “ታን አይሁዳ አሳ ግድያ ድራዉ፥ ሃማናዉ ጉልባታናዉነ አ ቦንቻናዉ ዳንዳይከ” ያጌዳ። ሄዋፐ ጉይያን ኡንቱንቱ፥ “ሀ ማርዶክዮስ ኦድያ ጋሱዋ ስሲደ፥ ሃማን ዋናንዴሻ!” ጊደ፥ አዉ ኦዴድኖ።
EST 3:5 ማርዶክዮስ ባረዉ ጉልባተናዋነ ባረና ቦንቼናዋ ሃማን ኤሬዳ ዎደ፥ ሀንቁዋ ታማዳን ኤጽ ከሴዳ።
EST 3:6 ሄዋ ቦላካ ቃይ፥ ማርዶክዮስ አይሁዳ አሳ ግድያዋ ኤሬዳ፤ አ ጻላላ ዎꬍያዌ ላፋባ ጊደ ቆፔዳ ድራዉ፥ አርጸክሲሳ ካዉተꬃ ግዱዋን ደእያ አይሁዳ ዛርያ ኡባ ዎꬋናዉ ሀልቼዳ።
EST 3:7 አርጸክስስ ካተቴዳ ታማነ ላኤንꬆ ላይꬃን፥ ንሳና ጌተትያ ኮይሮ አግናን፥ አይሁዳቱዋ ዎꬍያ አግናነ ጋላሳ ኤራናዉ፥ ፑሪማ ጌተትያ ሳማ አ ስንꬃን የጋናዳን፥ ሃማን አዛዜዳ። ሄ ሳማይ ዎꬌዳ ማራን፥ አዳረ ጌተትያ ታማነ ላኤንꬃ አግናን፥ ታማነ ሄዘንꬆ ጋላሳይ አይሁዳቱ ዉርያ ጋላሳ ግድያዌ ቃሸቴዳ።
EST 3:8 ሄዋፐ ጉይያን፥ ሃማን ካትያ አርጸክስሳዉ ሀዋዳን ያጊደ ኦዴዳ፤ “ነ ካዉተꬃ ግዱዋን ሙለ ሳኣን ላለቲደ ደእያ እት ዛረ አሳቱ ደኢኖ፤ ኡንቱንቱ ደኡዋ ማራይ ሀራ አሳ ኡባዋፐ ዱማ፤ ሄዋ ጻላላ ግደናን፥ ኡንቱንቱ ካትያ ህግያዉካ ሞደትክኖ። ሄዋ ድራዉ፥ ኔን ኡንቱንቱ ደኢኖ ጋደ ጮኡ ጎፐ፥ ሄዌ ሎአ ግደና።
EST 3:9 ሄዋ ድራዉ ካትያዉ፥ ሀ ቆፋይ ኔና ናሸቾፐ፥ ሀ አሳቱዋ ዎꬍ ꬋይሳና ማላ፥ አዋዩዋ ከሳ። ሄዋ ነ ኦꬆፐ፥ ታን 340,000 ኪሎ ግራምያ ዴጽያ ብራ ካትያ ሚሻ ምንጅያ ጎለዉ ገልሳናዳን፥ ሀ ኦሱዋ ኦꬅያዋንቶ እማና” ያጌዳ።
EST 3:10 ሄዋፐ ጉየ ካቲ ባረ ማታ ኤርሳናዉ አዋዩዋ ቦላ ዎꬅያ ምግዱዋ ማታፋ ባረ ብራꬍያፐ ከሲደ፥ አይሁዳቱ ሞርክያ፥ አጋጋ ዛርያ፥ ሀማዳታ ናኣ ሃማናስ እሜዳ።
EST 3:11 ካቲ ሃማና፥ “ኔን እማና ጌዳ ብራይ ነ ማታን ደኦ፤ ሽን ሀ አሳቱዋ ቦላ ነ ዶሴዳዋ ኪተታ” ያጌዳ።
EST 3:12 ሄዋ ድራዉ፥ ኮይሮ አግናን፥ ታማነ ሄዘንꬆ ጋላሳን፥ ሃማን ካትያ ጻፈቱዋ ጼጌዳ። ሄ አዋዩ ቢታ ኡባን ደእያ አሳዉ ዱማ ዱማ ቃላንነ ዱማ ዱማ ፕዶልያን ጻፈቲደ፥ ካትያፐ ጋርሳና ጋድያ ሞድያዋንቱኮ፥ አዉራጃ ሞድያዋንቱኮነ ደርያ ካፓቱ ኡባኮ ኪተታናዳን አዛዜዳ። አዋዩካ ካትያ አርጸክሲሳ ሱንꬃን ጻፈቲደ፥ ምግዱዋ ማታፋይ አ ቦላ ዎꬎዋፐ ጉየ፥
EST 3:13 ኤሌል ዎꬃንቻቱ አ ካዉተꬃ ጋድያ ኡባ ጋꬃናዳን ኪተቴድኖ። ሄ አዋዩ፥ “አዳረ ግያ ታማነ ላኤንꬆ አግናን ታማነ ሄዘንꬆ ጋላሳን፥ አይሁዳ ኡባ፥ ያላጋ፥ ጭማ፥ ማጫዋ፥ አቱማዋ፥ ናናካ አሸናን መጽ እት ጋላስ ዉርስ ዎꬍተ፤ ኡንቱንቱ አቁዋካ ቦንቂተ” ያጌ።
EST 3:14 ሄዋ ድራዉ፥ ሄ ኬሬዳ ጋላሳይ ጋክያ ዎደ፥ አሳይ ኡባይ ጊገታናዳን፥ ሄ አዛዙ ቢታዉ ኡባዉ ጻፈቲደ ኪተቴዳ።
EST 3:15 ካትያ አዛዙዋን ኤሌል ዎꬃንቻቱ ቢታ ኡባካ ኪታ ጋꬄድኖ። ቃይ ሱሳ ካታማን ካትያ ጎልያ ሄራን ጻፈቴዳ ህጊ እመቴዳ። ያትና፥ ሱሳ ካታማ አሳይ ኡባይ ሻቢረቴዳ። ሽን ካቲነ ሃማን እትፐ ኡቲደ፥ ሚኖ።
EST 4:1 ማርዶክዮስ ሀ ሀኔዳባ ኡባ ስሴዳ ዎደ፥ ካዮቲደ ባረ ማዩዋ ፔꬌዳ፤ ማቅያ ማዬዳ፤ ባረ ሁጲያንካ ብድንꬃ ክክፌዳ። ባረ ኮሻካ ꬎቁ ኦꬂደ፥ ሴላ ዬኩዋ ዬኪደ፥ ካታማ ግዶን ዩዬዳ።
EST 4:2 ካትያ ጎልያ ገልያ ፐንግያ ጋካናዉ ቤዳ፤ ሽን ገላናዉ ዳንዳይቤና። አያዉ ጎፐ፥ ማቅያ ማዪደ፥ ካትያ ጎልያ ገላናዉ ኦነ ዳንዳየተና።
EST 4:3 ካትያ አዋዩ ስሰቴዳ ቢታ ኡባን አይሁዳቱ ግዶን ዎልቃማ ካዩ፥ ጾማይ፥ ዬኩነ ዝላሳይ ዶመቴዳ። ኡንቱንቱፐ ዳሮቱካ ቃይ ማቅያ ምጪደ፥ ካዮታናዉ ብድንꬃን ካካፊደ ኡቴድኖ።
EST 4:4 ካታት አስትር ዳንጋጽረቱነ እዞ ናግያ ሱንꬃቱ ዪደ፥ ማርዶክዮሳባ እዝዉ ኦዴዳ ዎደ፥ አ ሎይꬅ ካዮታዱ። ማርዶክዮስ ዋሩዋ ከስ ድጊደ ማያና ማላ፥ አዉ ሀራ ማዩዋ ኪታዱ፤ ሽን እ አከናን እጼዳ።
EST 4:5 ሄዋፐ ጉይያን አስትራ፥ ካቲ እዝዉ ኦꬃናዳን ዎꬄዳ ሀታካ ግያ ጎይረቶዋ ጼጋደ፥ ማርድክዮሳ መቱ አዬንቶነ ቃይ እ አያዉ ካዮትንቶነ ኤራና ማላ፥ አኮ ኪታዱ።
EST 4:6 ሀታክ ካትያ ጎልያ ገልያ ፐንግያ ማታ ዳባባን ደእያ ማርዶክዮሳኮ ቤዳ።
EST 4:7 ማርዶክዮስ፥ ባረ ቦላ ጋኬዳዋ ኡባ ቆንጭሲደ፥ አዉ ኦዴዳ። ቃይካ አይሁዳቱዋ ዎꬌዳ ዉርሳናዉ ሃማን ካትያ ሚሻ ምንጅያ ጎለዉ እማናዉ ገፔዳ ሻሉዋ ልክያና ኡባይ አተናን ጌሺደ ኦዴዳ።
EST 4:8 ሄዋ ጻላላ ግደናን፥ አይሁዳቱዋ ዉርሳናዉ ሱሳን ከሴዳ አዋዩ ጻፈቴዳ ዋራቃታካ ሀታካዉ እሚደ፥ ሄዋ አስትርዉ እማናዳንነ ሀንያዋ ኡባ እዝዉ ኦዳናዳን ኦዴዳ። ቃይ አስትራ ካትያኮ ገላደ፥ ባረ አሳይ ዉረናዳን ጋናታና ማላ፥ ሀታካዉ ኦዴዳ።
EST 4:9 ሀታክ ዪደ፥ ማርዶክዮስ ኪቴዳዋ ኡባ አስትርዉ ኦዴዳ።
EST 4:10 አስትራ ሀታካ ዛራደ፥ ማርዶክዮሳኮ ሀዋዳን ያጋደ ኪታዱ፤
EST 4:11 “ህጊ፥ ‘ማጫዋ ግድና፥ አቱማዋ ግድና፥ ኦንነ ጼገተናን ደኢደ፥ ካትያና ጋከታናዉ ካትያ ጎልያ ግዶ ዳባባ ገሎፐ፥ ሀይቆ። ሽን እ ጼገተናን ካትያኮ ገልያ ዎደ፥ ካቲ ዎርቃፐ ኦሰቴዳ ባረ ካዉተꬃ ጻምኣ ጼራ አኮ ዛሪደ በሶፐ፥ ሄ ኡራ ጻላላይ አቶ’ ያጌ። ሀ ህግያ ካትያና ዞረትያዋንቱፐ ቢደ፥ ጮ አሳ ጋካናዉ ደእያ አሳይ ኡባይ ኤሬዳ። ሽን ታን ሀታሙ ጋላሳ ግዶደፐ ካትያኮ ገላናዉ ጼሰታ ኤርከ” ያጋዱ።
EST 4:12 ማርዶክዮስ አስትራ ኪቴዳ ኪታ ስሴዳዋፐ ጉይያን፥
EST 4:13 እዝዉ ዛሩዋ ኪቲደ፥ ሀዋዳን ያጌዳ፤ “ኔን፥ ‘ታን ካትያ ጎለን ደእያ ድራዉ፥ ሀራ አይሁዳቱዋፐ አትና፥ ታና ቦችያዌ ባዋ’ ጋደ ቆፖፓ!
EST 4:14 ኔን ሀዋ ማላ ዎድያን ጮኡ ጎፐ፥ አይሁዳቶ ማዱ ሀራ ሳፐ ያናዋ። ኡንቱንቱካ ቱሙፐ አታና፤ ሽን ኔንነ ነ አዉዋ ጎልያ አሳይ ꬋያና። ኔን ካታቶ ግዳደ ዬዳዌ ሀዋ ማላ ዎድያሰንቶነ ኦን ኤሪ?” ያጌዳ።
EST 4:15 አስትራ ማርዶክዮሳዉ ሀዋዳን ያጋደ ዛራደ ኪታዱ፤
EST 4:16 “ባደ ሱሳ ደእያ አይሁዳቱዋ ኡባ እትፐ ሺሻ። ጾሚደ፥ ታዉ ዎስተ። ሄዙ ጋላሳይነ ሄዙ ቃማይ ዉራናዉ፥ ቁማ ሞፕተ፤ ሃꬃ ኡሾፕተ። ታንካ ታ ዳንጋጽረቱዋና ሄዋዳን ጾማና። ሄዋፐ ጉይያን፥ እ ኡባ ህግያን ተኤቴዳዋ ግዶፐነ፥ ካቲ ደእያ ሳኣ ታን ገላና። ታን ሀይቂንቶነ ሀይቃና” ያጋዱ።
EST 4:17 ማርዶክዮስ ቢደ፥ አስትራ አ አዛዜዳዋዳን ኡባባ ኦꬄዳ።
EST 5:1 ጾማ ዶሞደፐ ሄዘንꬆ ጋላስ አስትራ ካዉተꬃ ማዩዋ ማያደ፥ ካትያ ጎለፐ ስንꬃ ባጋና ግዶ ዳባባ ገላደ ኤቃዱ። ሄ ዳባባን ካቲ ኡትያ ዉይግያ አራታይ ደኤ። ካቲካ ባረ ጎልያ ገልያ ፐንግያ ጼልያ ሳን ደእያ፥ ባረ ካዉተꬃ አራታን ኡቴዳ።
EST 5:2 ካታታ አስትራ ገላደ፥ ግዶ ዳባባን ኤቄዳኖ ካቲ በኢደ እዝን ናሸቴዳ ድራዉ፥ ባረ ኩሽያን ደእያ ዎርቃ ጻምኣ ኢኮ ምጬዳ። አካ ሺቃደ ጻምኣ ጼራ ቦቻዱ።
EST 5:3 ካቲ እዞ ሀዋዳን ያጌዳ፤ “ካታት አስቴረ፥ ኔን ታኮ አያዉ ያድ? ቃይ ኔን ታና ኦችያባይ አዬ? ሀራይ አቶ ታ ካዉተꬃፐ ባጋ ግዶፐነ፥ ታን ነዉ እማና” ያጌዳ።
EST 5:4 አስትራ ዛራደ ሀዋዳን ያጋዱ፤ “ካትያዉ፥ ኔና ናሸችያዋ ግዶፐ፥ ታን ነዉ ጊግሴዳ ባላ ማናዉ ኔንነ ሃማን ላኡ ሀቼ ይንቶ ዶሳይ” ያጋዱ።
EST 5:5 ሄዋፐ ጉይያን ካቲ፥ “ኑን አስትራ ጊግሴዳ ሾብያዉ ባናዉ፥ ሃማና ኤለካ አህተ!” ያጌዳ። ሄዋፐ ጉየ ላአቱካ ሄ ሳኣ ቤድኖ።
EST 5:6 ኡንቱንቱ እትፐ ዎይንያ ኤሳ ኡሺደ ደእሽን፥ ካቲ ላኤንꬁዋ አስቴሮ፥ “ኔን ታና ዎስያባይ አዬ? ታን ነዉ እማና። ቃይ ኔን ታና ኦችያባይ አዬ? ሀራይ አቶ ታ ካዉተꬃፐ ባጋ ግዶፐነ፥ ታን ነ ኦሻ ፖላና” ያጌዳ።
EST 5:7 አስትራ ዛራደ ሀዋዳን ያጋዱ፤
EST 5:8 “ካትያዉ፥ ኔን ታናን ናሸቴዳዋ ግዶፐ፥ ቃይ ታን ዎስያዋ እማናዉነ ታ ኦሻ ፖላናዉ ኔን ዶስያባ ግዶፐ፥ ዎንት ታ ጊግስያ ሀራ ግብራዉ ኔንነ ሀማን ያናዳን ኦቻይ። ታን አያ ኮይንቶ፥ ሄ ዎደ ነዉ ቆንጭሳና” ያጋዱ።
EST 5:9 ሄ ጋላስ ሃማን ባላ ሳፐ ከሲደ ብያ ዎደ፥ ሎይꬅ ናሸቴዳ ድራዉ፥ ባረ ዎዛናን ኖጩ ጊደ ቤዳ። ሽን እ ካትያ ጎልያ ገልያ ፐንግያ ማታና አꬊደ ብያ ዎደ፥ ሄዋን ኡቴዳ ማርድክዮሳ በኤዳ፤ አዉ ደንድቤናዋነ ያዪደ ኮኮርቤናዋ አኬኪደ፥ ሃማን ሀንቁዋ ኤጽ ከሴዳ።
EST 5:10 ግዶፐነ፥ ባረ ሀንቁዋ ዳንዳዪደ ቢደ፥ ባረ ሶ ጋኬዳ። ሄዋፐ ጉይያን፥ ባረ ላገቱዋነ ባረ ማቻቶ ዘሬሾ እትፐ ጼግሲደ፥
EST 5:11 ሃማን ባረ ዱረተꬃ ልክያ፥ ባረ አቱማ ናና ፓይዱዋ፥ ካቲ ባረና ኡባባን ቦንቼዳ ቦንቹዋነ ሀራ ሞድያዋንቱፐነ ካትያ ኦሳንቻቱዋፐ አꬍያ ሱንꬃተꬃ አዉ እሚደ፥ ዋቲደ አ ቦንቼደንቶ፥ ኡንቱንቶ ጬቄዳ።
EST 5:12 ጉጂድካ ሃማን ሀዋዳን ያጌዳ፤ “ሀራይ አቶ ካታታ አስትራካ ባረ ጊግሴዳ ሾብያዉ ካትያና ባናዉ ታፐ አትና፥ ሀራ ኦናነ ጼሳበይኩ። ቃይ ዎንትካ ካትያና ባናዳን ታና ጼሳ ዎꬃዱ።
EST 5:13 ሽን ሄ አይሁዳይ ማርዶክዮስ ካትያ ጎልያ ገልያ ፐንግያን ኡቴዳዋ በእያ ዎደ፥ ሀ ኡባባይካ ታና ካልሰና” ያጌዳ።
EST 5:14 ሄ ዎደ አ ማቻታ ዘሬሻነ አ ላገቱ ኡባይ ሀዋዳን ያጌድኖ፤ “ኔን እሻታሙ ዋꬋ አዱሳ ኮጫ ኤስሳ፤ ያታደ ዎንት ጉራና ማርዶክዮስ ሄ ኮጫን ካቀታና ማላ፥ ካትያ ኦቻ። ሄዋፐ ጉይያን፥ ናሸታደ ባላ ማናዉ ባ” ያጌድኖ። ሃማና ሀ ቆፋይ ናሸቼዳ ድራዉ፥ ኡንቱንቱ ጌዳዋዳን ኮጫ ጊግስሴዳ።
EST 6:1 ሄ ጋላስ ቃማ ካትያ ገምእሹ አፈናን እጼዳ። ሄዋ ድራዉ፥ ካቲ ካትያ ታርክያ ጻፍያ ማጻፋ አሂደ፥ ሄዋን ጻፈቴዳ፥ ካሰ ሀኔዳ ታርከቱዋ ዎዛናን አꬃናዉ አዉ ናባባና ማላ አዛዜዳ።
EST 6:2 ናባበቴዳ ታርከቱዋፐ እቱ ማርዶክዮስ ኦꬄዳዋ፤ ሄዌነ፥ ካቲ ደእያ ክፍልያ ናግያ፥ ብግታናነ ተረሻ ግያ ላኡ ጎይረቴዳዋንቱ ካትያ ዎꬋናዉ ማቀቴዳ ማቁዋ ማርዶክዮስ ቆንጭሴዳዋ።
EST 6:3 ካቲ፥ “ያትና፥ እ ሀዋ ቆንጭሴዳዎ አዉ እመቴዳ ሱንꬃተꬃይ ዎይ ጋቲ አዬ?” ያጌዳ። ካትያ ቆማቱ ዛሪደ፥ “አዉ አያይነ ኦሰትቤና” ያጌድኖ።
EST 6:4 ካቲካ ዛሪደ፥ “ካትያ ጎልያ ካረ ዳባባን ኦኔ ደእያዌ?” ያጌዳ። ሄ ዎደ ባረ ጊግሴዳ ኮጫን ማርድክዮሳ ካቃናዉ፥ ካትያ ኦቻና ጊደ፥ ሃማን ካትያ ጎልያ ካረ ዳባባ ገሊደ ደኤ።
EST 6:5 ካትያ ቆማቱ፥ “ሃማን ሀዋን ደኤ” ያጌድኖ። ካቲ ዛሪደ፥ “ሃ ገላ ጊተ” ያጌዳ።
EST 6:6 ሃማን ገሎዋፐ ጉይያን ካቲ፥ “ካቲ ቦንቻናዉ ዶስያ አሳዉ አይ ኦꬃናዉ ኮሺ?” ያጊደ ኦቼዳ። ሀማን፥ “ካቲ ታፐ ሀራ ኦና ቦንቻናዉ ዶሲ?” ያጊደ ባረ ዎዛናን ቆፔዳ።
EST 6:7 ሄዋ ድራዉ፥ ሃማን ካትያዉ ያጊደ ዛሬዳ፤ “ካቲ ቦንቻናዉ ዶስያ ኡራዉ ካቲ ማይ ከሴዳ ባረ ካዉተꬃ ማዩዋ፤ ባረ ቶጌዳ ፓራነ አ ሁጲያን ዎꬄዳ ካላቻ አሀናዳን ኡዳ።
EST 6:9 ሄዋፐ ጉይያን፥ ባረናና ኦꬅያ ሞድያዋንቱፐ እት ሎይꬅ ቦንቼቴዳዋ ጼግሲደ፥ ካዉተꬃ ማዩዋ አ ማይዛናዳንነ ካትያ ፓራን አ ኡትሲደ፥ ካታማ ዳባባ ከሳናዳን አዛዛ። ያቶፐ ሄ ሎይꬅ ቦንቼቴዳ ካፑ አ ስንꬃን ሀመቲደ፥ ‘ካቲ ቦንቻናዉ ዶስያ ኡራዉ ሀዋዳን ኦꬄ’ ያጊደ አዋዮ” ያጌዳ።
EST 6:10 ሄዋፐ ጉየ ካቲ ዛሪደ፥ ሃማና ሀዋዳን ያጊደ አዛዜዳ፤ “ዎደ ኤለካ ደንዳ ካዉተꬃ ማዩዋነ ታ ፓራ አካደ፥ ነ ጌዳዋዳን አይሁዳ ማርዶክዮሳዉ ኦꬃ። እ ካትያ ጎልያ ገልያ ፐንግያን ደኤ። ነ ጌዳዋፐ እትባነ አሾፓ” ያጌዳ።
EST 6:11 ሄዋ ድራዉ፥ ሀማን ማዩዋነ ፓራ አኪደ ማርድክዮሳ ካዉተꬃ ማዩዋ ማይዚደ፥ ካትያ ፓራ ቦላን ኡትሴዳ። ቃይ ካታማ ዳባባን አፐ ስንꬃና ሀመቲደ፥ “ካቲ ቦንቻናዉ ዶስያ ኡራዉ ሀዋዳን ኦꬄ” ያጊደ አዋዬዳ።
EST 6:12 ሄዋፐ ጉይያን፥ ማርዶክዮስ ካትያ ጎልያ ፐንገ ጉየ ስሚደ ቤዳ። ሽን ሃማን ዳሮ ካዮቴዳ ድራዉ፥ ባረ ዴሙዋ ጉሎቴዳ፥ ኤሌሊደ ባረ ሶ ቤዳ።
EST 6:13 ባረና ጋኬዳዋ ኡባ ባረ ማቻት ዘሬሽዉነ ባረ ላገቱዋ ኡባቶ ኦዴዳ። ኡንቱንቱ አ፥ “አ ስንꬃን ኔን ኩንዳናዉ ዶሜዳ ሀ ብታኒ፥ ማርዶክዮስ፥ አይሁዳ አሳ ግዶፐ፥ ነ አናና ኤቀታደ፥ አ ጾናናዉ ኡባካ ዳንዳያካ፤ ቱሙፐ እ ኔና ጾናና” ያጌድኖ።
EST 6:14 ኡንቱንቱ ብሮ ሄዋ ሃሳዪደ ደእሽን፥ ካትያ ጎይራቱ ጋኪደ፥ ሃማና አስትራ ጊግሴዳ ሾብያዉ ኤሌልሲደ አፌድኖ።
EST 7:1 ካቲነ ሀማን ካታት አስትር ባላ ማናዉ ቤድኖ።
EST 7:2 ሄ ላኤንꬆ ጋላሳ ሾብያዉ ቢደ፥ ኡንቱንቱ ዎይንያ ኤሳ ኡሽ ደእሽን፥ ካቲ ቃይካ፥ “ካታት አስቴረ፥ ኔን ዎስያባይ አዬ? ታን ነዉ እማና። ቃይ ኔን ታና ኦችያባይ አዬ? ሀራይ አቶ ታ ካዉተꬃፐ ባጋ ግዶፐነ፥ ታን ነ ኦሻ ፖላና” ያጊደ ኦቼዳ።
EST 7:3 ካታታ አስትራ ዛራደ ያጋዱ፤ “ካትያዉ፥ ኔን ታናን ናሸቴዳዋ ግዶፐ፥ ቃይ ታ ኦሻካ ፖላናዉ ኔን ዶሴዳዋ ግዶፐ፥ ታ ዎሳይነ ታ ኦሻይ ታንነ ታ አሳይ ሀይቀናን አታናሳ።
EST 7:4 አያዉ ጎፐ፥ ታንነ ታ አሳይ እቱነ አተናን ዉራናዉ ሀይቃናዉነ ꬋያናዉ ዛልኤቴዶ። ኑን ዛልኤቴዳዌ ማጫ አይለነ አቱማ አይልያ ግዲደ ደአናዉ ግድንቶ፥ ታን ጮኡ ጋና፤ አያዉ ጎፐ፥ ሄዋ ማላ መቱ ካትያ ዋይሳናዉ በስያዋ ግደና” ያጋዱ።
EST 7:5 ካቲ አርጸክስስ ዛሪደ፥ “ሄዋ ኦꬃናዉ ጻሌዳዌ ኦኔ? እ ሄ ብታኒ ሀቃን ደኢ?” ያጊደ ካታቶ አስቴሮ ኦቼዳ።
EST 7:6 አስትራ፥ “ኑ ሞርኪ፥ ኑና የደርስያዌ ሀዋ ሀ ኢታ ሃማና” ያጋዱ። ሄ ዎደ ሃማን ካትያ ስንꬃንነ ካታት ስንꬃን ዳሮ ዳጋሜዳ።
EST 7:7 ካቲ ሎይꬅ ሀንቀቲደ፥ ባረ ኡቴዳ ሳፐ ደንድ ኤቂደ፥ ካትያ ጎልያ አታክልትያ ሳኣ ቤዳ። ሽን ሃማን ካቲ አ ቦላ ኢታባ አሀናዉ ቃቼዳዋ ኤሬዳ ድራዉ፥ ካታታ አስትራ አ ሀይቁዋፐ አሻና ማላ ዎሳናዉ ጉየ አቴዳ።
EST 7:8 ካቲ ካትያ ጎልያ አታክልትያ ሳፐ ስሚደ፥ ዎንታ ኡንቱንቱ ዎይንያ ኤሳ ኡሽያ ሳኣ ገልያ ዎደ፥ ሃማን ካታት አስትርፐ ማሮታ ዎሳና ጊደ፥ አ ኡቴዳ ግሱዋ ቦላን ጉፋኔዳዋ በኢደ፥ ሀንቁዋን ኤጽ ከሲደ “ላ ሀ ብታኒ ሀዋን ካትያ ጎለን፥ ኡባ ቃይ ታ ስንꬃን፥ ካታትና ግሳናዉ ኮዪየ?” ያጌዳ። ካቲ ብሮ ሄዋ ሃሳይሽን፥ ካትያ ሱንꬃቱ ዪደ፥ ሃማና ዴሙዋ ጉሎዬድኖ።
EST 7:9 ቃይ ኡንቱንቱፐ እቱ፥ ሀርቦና ጌተትያ ካትያዉ ኦꬅያ ጎይረቶዌ፥ “ካትያዉ፥ ሃማን ኔና ሀይቁዋፐ አሼዳ ማርድክዮሳ ካቃና ጊደ ኤሴዳ እሻታሙ ዋꬋ ኮጫይ አ ሶን ደኤ” ያጌዳ። ካቲ ዛሪደ፥ “ሃማና አፊደ፥ ሄ ኮጫን ሱልተ!” ያጊደ አዛዜዳ።
EST 7:10 ሄዋ ድራዉ፥ ማርድክዮሳ ካቃና ጊደ ጊግሴዳ ኮጫን ሀማን ካቀቴዳ። ሄዋፐ ጉይያን፥ ካትያ ሀንቁ ዶቼዳ።
EST 8:1 አይሁዳቱ ሞርኪ ሀማን ሱለቴዳ ጋላስ ካቲ አርጸክስስ ሀማና አቁዋ ኡባ ካታት አስትርዉ አꬂደ እሜዳ። ቃይ ማርዶክዮስ እዝዉ ማታ ዳቦ ግድያዋ አስትራ ካትያዉ ኦዳዱ። ሄዋ ድራዉ፥ ሄ ጋላሳፐ ዶሚደ፥ ማርዶክዮስ ካትያኮ ገላናዉ ዳንዳዬዳ።
EST 8:2 ካቲካ ሃማናፐ ጉየ አኬዳ ባረ ምግዱዋ ማታፋ ከሲደ፥ ማርዶክዮሳዉ እሜዳ። አስትራ ማርድክዮሳ ሃማና አቁዋ ቦላን አዎያደ ሱንꬃዱ።
EST 8:3 ሄዋፐ ጉይያን፥ አስትራ ዬካደ፥ ካትያ ገድያ ቦላን ዛራ ኩንዳደ፥ አጋጋ ዛርያ ግዴዳ ሃማን አይሁዳቱ ቦላን ቱኬዳ ኢታ ማቁ ኪታን ፔሸናዳን ካትያ ዎሳዱ።
EST 8:4 ያትና፥ ካቲ ባረ ዎርቃ ጻምኣ እዝዉ ምጭና፥ አ ደንዳ ኤቃደ፥ ሀዋዳን ያጋዱ፤
EST 8:5 “ካትያዉ፥ ኔን ታናን ናሸቴዳዋ ግዶፐ፥ ቃይ ታ ኦሻካ ፖላናዉ ኔን ዶሴዳዋ ግዶፐነ ታ ኦሻይ በሴ ጋደ ቆፖፐ፥ ነ ካዉተꬃ ግዶን ደእያ አይሁዳ ኡባ ዉርሲደ ዎꬋና ማላ፥ አጋጋ ዛርያ ግዴዳ ሀማዳታ ናአይ ሃማን ከሴዳ አዋዩዋ ሻርያ ሀራ አዋዩዋ ኔን ከሳናዳን ዎሳይ።
EST 8:6 ሀ ኡባ ባሻይ ታ አሳ ቦላን ጋክያ ዎደ፥ ታን ዋና ጼላናዉ ዳንዳያይታ? ቃይ ታ ዳቦቱዋካ ኡባ ꬋይስያ ዎደ፥ ታን ዋና ጼላናዉ ዳንዳያይታ?” ያጋዱ።
EST 8:7 ሄዋፐ ጉይያን፥ ካቲ አርጸክስስ፥ ካታቶ አስቴሮነ አይሁዳ ማርድክዮሳ ሀዋዳን ያጌዳ፤ “ሃማን አይሁዳቱዋ ዎꬋናዉ አዋዩዋ ከሴዳ ድራዉ፥ ታን ምꬃ ኮጫን አ ካቅሴዳዋነ አ አቁዋካ ኡባ ካታት አስትርዉ እሜዳዋ ህንተንቱ ኤሪታ።
EST 8:8 ግዶፐነ፥ ካትያ ጎልያ ማታፋይ ዎꬍና፥ ካትያ ሱንꬃን ከሴዳ አዋዩ ላመታናዉ ዳንዳየና። ሄዋ ድራዉ፥ ህንተንቱ ህንተንቱ ባጋና አይሁዳቱዋ ጎአናዉ ኮዬዳዋ ጻፍተ። ሄዋ ታ ሱንꬃን ጻፊደ፥ ካትያ ማታፋ አ ቦላን ዎꬅተ” ያጌዳ።
EST 8:9 ሲዋና ግያ ሄዘንꬆ አግናን፥ ላታማነ ሄዘንꬆ ጋላሳን፥ ማርዶክዮስ ካትያ ጻፈቱዋ ጼጌዳ፤ ህንደፐ ቶጵያ ጋካናዉ ደእያ፥ ጼታነ ላታማነ ላፑን ቢታቱዋ ካትያፐ ጋርሳና ሞድያዋንቶ አይሁዳቶ፥ አዉራጃ ሞድያዋንቶነ ጋድያ ካፓቶ የድያ አዋዩዋ ኡባባ ጻፍሴዳ። አዋዩ ዱማ ዱማ ቃላንነ ዱማ ዱማ ፕዶልያን ጻፈቴዳ፤ ቃይ አይሁዳቶካ ኡንቱንቱ ቃላንነ ኡንቱንቱ ፕዶልያን ጻፈቴዳ።
EST 8:10 ማርዶክዮስ ሄ አዋዩዋ ኡባ ካትያ አርጸክሲሳ ሱንꬃን ጻፍሲደ፥ ካትያ ማታፋ ዎꬄዳ። ያትደ ኤሌልያ ካትያ ፓራቱዋ ቶግያ አሳቱዋ ቦላ ቢታዉ ኡባዉ ኪቴዳ።
EST 8:11 ካቲ ከሴዳ አዋዩ ካታማቱዋ ኡባን ደእያ አይሁዳቱ እትፐ ሺቃናዉነ ባረንቱ ቦላ ይያዋ ኦለቲደ ተአናዉ ዳንዳያና ማላ፥ ማታ ኡንቱንቶ እሜ። ቃይ ኦላ ሚሻ ኦይቅኪደ፥ አይ ቢታፐ ግዶፐነ፥ ኡንቱንታ ኦላናዉ ይያዋንታ፥ ኡንቱንቱ ናናነ ኡንቱንቱ ማቼቱዋና ኡባ እቱዋነ አሸናን ዉርስ ዎꬋናዉነ ኡንቱንቱ አቁዋካ ቦንቂደ አካናዉ ማታ እሜ።
EST 8:12 አይሁዳቱ ካትያ አርጸክሲሳ ካዉተꬃን ሄዋ ኦꬃናዉ ኬረቴዳ ጋላሳይ፥ አዳረ ግያ ታማነ ላኤንꬆ አግና፥ ታማነ ሄዘንꬆ ጋላሳ።
EST 8:13 ካትያ አዋዩዋ ቢታቱዋ ኡባን ደእያ አሳይ ኤራናዳን፥ ህግያ ግዲደ አዋየቴዳ፤ ሄዌካ አይሁዳቱ ባረንቱ ሞርከቱዋ ቦላን ሀሉዋ ከሳናዉ ባረንታ ጊግሳናዉ ዳንዳይሴ።
EST 8:14 ኪተትያዋንቱ ካትያ ጎልያ ፓራቱዋ ቶጊደ፥ ካትያ አዛዙዋ ጋꬃናዉ ኤሌሊደ ቤድኖ። ቃይ ሱሳ ካታማንካ ካቲ ደእያ ሳን ሀ አዋዩ አሳ ኡባዉ እመቴዳ።
EST 8:15 ማርዶክዮስ ሳሉዋ ማላትያነ ቦꬃ ካዉተꬃ ማዩዋ ማዪደ፥ ኦቻ ቴራ ማላትያ ካባ፥ ሊኑዋፐ ዳደቴዳዋ ቦላና ጉጄዳ፤ ቃይ ዎልቃማ ዎርቃ ካላቻካ ዎꬂደ፥ ካትያ ስንꬃፐ ከሴዳ። ሱሳ ካታማይ እልሌዳነ ናሸቻዉ ኖጩ ጌዳ።
EST 8:16 ሄዌ አይሁዳቶ ቃይ ዎልቃማ ናሸቻነ እልልሳ፥ ዎፓነ ሾብያ ዎደ ግዴዳ።
EST 8:17 ሄዋ ድራዉ፥ ካትያ አዋዩ ጋክና ናባበቴዳ ቢታንነ ካታማ ኡባን ደእያ አይሁዳቱ ኡባይ፥ ናሸቲደነ ባላ ሚደ ፔሼድኖ። ሄዋ ጋሱዋን አይሁዳቶ ያዪደ፥ ሄዋን ደእያ ሀራ ዛርያ አሳፐ ዳራቱ አይሁዳ ግዴድኖ።
EST 9:1 አዳረ ጌተትያ ታማነ ላኤንꬆ አግናን ታማነ ሄዘንꬆ ጋላሳይ ጋኬዳ። ሄ ጋላሳይ፥ ካቲ ኮይሮ ከሴዳ አዋዩዋ ማራን አይሁዳቱ ሞርከቱ ኡንቱንታ ጾናና ጌዳ ጋላሳ። ሽን የዉ አꬍ ዎꬍና፥ አይሁዳቱ ባረንቱ ሞርከቱዋ ጾኔድኖ።
EST 9:2 ካትያ አርጸክሲሳ ካዉተꬃ ግዶን ደእያ አይሁዳቱ ኡባይ ባረንታ ቆሀናዉ ኮይያ ኡባ ꬋይሳናዉ ባረንቱ ካታማን ካታማን እትፐ ሺቄድኖ። ኡንቱንቱና አይ አሳይነ ኤቀታናዉ ዳንዳይቤና፤ አያዉ ጎፐ፥ ሀራ ዛርያ ግዴዳ አሳይ ኡባይ ኡንቱንቶ ያዬዳ።
EST 9:3 ኡባ ቃይ ማርዶክዮሳዉ ያዬዳ ድራዉ፥ ካትያፐ ጋርሳና ጋድያ ሞድያዋንቱ፥ አዉራጃ ሞድያዋንቱ ጋድያ ካፓቱነ ዱማ ዱማባ ኦꬅያዋንቱ ኡባይ አይሁዳቱዋ ሃ ማዴድኖ።
EST 9:4 አያዉ ጎፐ፥ ማርዶክዮስ ካትያ ጎለን ዎልቃማ ማታይ እመቴዳነ ዎልቃ ጉጅ ጉጅ ብያ አሳ ግዴዳዌ፥ ሄ ካዉተꬃ ግዶን ደእያ ቢታ ኡባን ኤረቴዳ።
EST 9:5 ሄ ኬሬዳ ጋላስ አይሁዳቱ ባረንቱ ሞርከቱዋ ኡባ ማሻን ዎꬍ ꬋይሴድኖ፤ ባረንታ እጽያ ኡባ ቦላንካ ባረንቱ ኮዮዋ ኦꬄድኖ።
EST 9:6 ዋና ካታማ ግዴዳ ሱሳ ካቲ ደኢያሳ ጻላላን እቼሹ ጼቱ አሳ ዎꬍ ꬋይሴድኖ።
EST 9:7 ኡንቱንቱ ቃይ ፓርሻንዳታ፥ ዳልፎና፥ አስፓታ፥ ፖራታ፥ አዳልያ፥ አሪዳታ፥ ፓርማሽታ፥ አሪሳያ፥ አሪዳያነ ዋይዛታ ጌተትያ፥ ሀማዳታ ናኣ አይሁዳቱ ሞርክያ ሀማና ናና ታሙዋካ ዎꬌድኖ። ሽን ኡንቱንቱ ኡንቱንቱ አቁዋ ቦንቂበይክኖ።
EST 9:11 አይሁዳቱ ሱሳ ካታማን ካቲ ደእያ ሳኣን ዎꬌዳ አሳ ፓይዱ አፑነንቶ ሄ ጋላስካ ካትያዉ ኦደቴዳ።
EST 9:12 ያትና፥ ካቲ ካታቶ አስቴሮ ሀዋዳን ያጌዳ፤ “አይሁዳቱ ዋና ካታማ ግዴዳ ሱሳ ካቲ ደኢያሳ ጻላላን እቼሹ ጼቱ አሳነ ሃማና ናና ታሙዋ ዎꬍ ꬋይሴድኖ። ሄዌ ሄዋ ግዶፐ፥ ካትያ ቢታቱነ ሀራቱዋን ኡንቱንቱ ዎꬌዳዋንቱ አፑና ግዳንድኖሻ! ቃይ ሀእ ኔን ዎስያባይ አዬ? ታን ነዉ እማና። ኔን ታና ኦችያባይ ሀራባይ አዬ? ታን ነዉ ፖላና” ያጌዳ።
EST 9:13 አስትራ ዛራደ፥ “ካትያ ሀ ቆፋይ ናሸቾፐ፥ ሱሳን ደእያ አይሁዳቱ ሀቼ ኦꬄዳዋዳን ዎንትካ ኦꬅኖ። ቃይ ሃማና ናና ታማቱዋ አሃካ ኮጫ ቦላን ካቃናዳን አዛዛ” ያጋዱ።
EST 9:14 ሄዋፐ ጉየ ካቲ ሄዋ ኦꬃናዳን አዛዜዳ፤ አዋዩካ ሱሳን ላኤንꬁዋ እመትና፥ ሃማና ናና ታማቱዋ አሃይ ኮጫ ቦላን ካቀቴዳ።
EST 9:15 አዳረ ጌተትያ አግናን ታማነ ኦይደንꬆ ጋላሳን፥ ሱሳ ደእያ አይሁዳቱ ቃይካ እትፐ ሺቂደ፥ ሀራ ሄዙ ጼቱ አሳ ዎꬌድኖ፤ ሽን ሀእካ ኡንቱንቱ ኡንቱንቱ አቁዋ ቦንቂበይክኖ።
EST 9:16 ሄ ዎደ ካትያ ካዉተꬃ ጋርሳን ደእያ ቢታቱነ ሀራቱዋን ደእያ አይሁዳቱካ እትፐ ሺቂደ፥ ባረንቱ ሞርከቱዋ ኡባ ኦለቲደ ተኤድኖ። ኡንቱንቱ ኡባና 75,000 አሳ ዎꬌዳዋፐ ጉይያን፥ ባረንቱ ሞርከቱዋፐ ሸምፔድኖ። ሽን ኡንቱንቱ አቁዋ ቦንቂበይክኖ።
EST 9:17 ሀዌ ኡባይ ሀኔዳዌ አዳረ ግያ አግናን ታማነ ሄዘንꬆ ጋላሳና፤ ታማነ ኦይደንꬆ ጋላሳን ኡንቱንቱ ሸምፒደ፥ ባላ ሚደ፥ ኡሺደነ ናሸቲደ ፔሽያ ጋላሳ ኦꬄድኖ።
EST 9:18 ሽን ሱሳን ደእያ አይሁዳቱ ታማነ ሄዘንꬆነ ታማነ ኦይደንꬆ ጋላሳቱዋን ዎꬍ ፔሺደ፥ ታማነ እቼሻንꬆ ጋላሳን ሸምፔድኖ። ሄ ጋላሳ ኡንቱንቱካ ባላ ሚደ፥ ኡሺደነ ናሸቲደ ፔሽያ ጋላሳ ኦꬄድኖ።
EST 9:19 ሄዋ ድራዉ፥ ቄር ቄር ካታማቱዋን ደእያ አይሁዳቱ ሀቼ ጋካናዉካ አዳረ ጌተትያ አግናን ታማነ ኦይደንꬆ ጋላሳ ባላ ጋላሳ ኦꬂደ ቦንቺኖ። ሄ ጋላሳን ሚኖነ ኡሺኖ፤ ቃይ እቱ እቶ ቁማ እሞታ እሚኖ።
EST 9:20 ማርዶክዮስ ሀ ሀኔዳ ኡባ ታርክያ ጻፊደ ዳብዳቢያ ካትያ አርጸክሲሳ ቢታቱዋን ኡባን፥ ሃኩዋን ማታን፥ ደእያ አይሁዳ ኡባዉ ኪቴዳ።
EST 9:21 ሄ ዳብዳቢያን ማርዶክዮስ አዳረ አግናን ታማነ ኦይደንꬆነ ታማነ እቼሻንꬆ ጋላሳቱዋ፥ አይሁዳቱ ላይꬃን ላይꬃን ባላ ኦꬂደ ቦንቻና ማላ፥ ኡንቱንቶ ኦዴዳ።
EST 9:22 አያዉ ጎፐ፥ ሄ ጋላሳቱ አይሁዳቱ ባረንቱ ሞርከቱዋፐ ሸምፑዋ ደሜዳ ጋላሳቱዋ፤ ቃይ ሄ አግናይካ ኡንቱንቱ ካዩነ ዬኩ ናሸቻዉነ ባላ ሙሳዉ ላመቴዳ አግና። ሄዋ ድራዉ፥ ኡንቱንቱ ሙሳንነ ኡሻን ናሸቲደ፥ እቱ እቶ ቁማ ህዬሳቶ እሞታ እሚደ ቦንቻና ማላ፥ ኡንቱንቶ ኦደቴዳ።
EST 9:23 አይሁዳቱ ማርዶክዮስ እሜዳ አዛዙዋ አኪደ፥ ኡንቱንቱ ቦንቻናዉ ዶሜዳ ባላ ላይꬃን ላይꬃን አገናን ቦንቻናዉ ማዬድኖ።
EST 9:24 ጋሱነካ አጋጋ ዛሪ ሀማዳታ ናአይ ሃማን፥ አይሁዳቱ ኡባቱዋ ሞርኪ፥ ኡንቱንታ ꬋይሳናዉ ካሰ ማቀቴዳ፤ ኡንቱንታ ዉርስ ዎꬍያ አግናነ ጋላሳ ኤራናዉ ፑሪማ ግያ ሳማ የግሴዳ።
EST 9:25 ሽን አስትራ ካትያኮ ገሌዳዋፐ ጉይያን፥ ሃማን አይሁዳቱ ቦላ ማቀቴዳ ኢታ ማቁ ኡባይ ጉየ ስሚደ፥ አ ቦላ ፖለታናዳን ካቲ ጻፉዋን አዛዜዳ። ያትና፥ ሃማንነ አ ናናይ ታሙ ኮጫን ካቀቴድኖ።
EST 9:26 ሄዋ ድራዉ፥ ሀ ላኡ ጋላሳቱ ፑሪማ ጌተትያ ሳማ ባላ ጌተቲኖ። ሀ ዳብዳቢያን ኡንቱንቶ ጻፈቴዳዋ ኡባ ጋሱዋን፥ ኡንቱንቱ ባረንቱ አይፍያን በኤዳዋ ጋሱዋንነ ኡንቱንቱ ቦላን ጋኬዳዋ ጋሱዋን
EST 9:27 አይሁዳቱ ባረንቶ፥ ባረንቱ ዛረቶነ አይሁዳ ግዳናዉ ኮይያ ኡባዉ፥ ሀ ባላ ቦንችያዋ ዎጋ ኦꬄድኖ። ሄዌካ ላይꬃን ላይꬃን አገናን ሀ ላኡ ጋላሳቱዋ ቦንቻናሳ።
EST 9:28 ቃይ፥ ሀ ካዉተꬃ ጋድያን ኡባንነ ካታማቱዋን ኡባን ደእያ አይሁዳቱ ጎልያ አሳይ ኡባይነ ያና የለታ ኡባይ ሀ ፑሪማ ባላ ሀሳያናዉ በስያዌ ቃሸቴዳ። ሄዋ ቦላንካ፥ አይሁዳቱ አዉደ ግዶፐነ፥ ሀ ፑሪማ ጋላሳቱዋ ቦንቻናዉነ ሄ ጋላሳቱዋን ሀኔዳባይ ኡንቱንቱ ዛርያንካ ዶገተናን አጋናዉ በሰ።
EST 9:29 ሄዋፐ ጉይያን፥ አብሀይላ ናታ፥ ካታታ አስትራነ አይሁዳይ ማርዶክዮስ ፑሪማ ባላ ጼልያዋን ካሰ ጻፌዳ ዳብዳቢያ ምንꬃናዉ ሀዋ ላኤንꬆ ዳብዳቢያ ኩመንꬃ ማታን ጻፌድኖ።
EST 9:30 ሄ ዳብዳበቱ አርጸክሲሳ ካዉተꬃን፥ ጼታነ ላታማነ ላፑን ጋድያን ደእያ አይሁዳቶ ኡባዉ ሳሩነ ዎፓይ ግዶ ግያ ሳሮታና ጻፈቲደ ኪተቴድኖ።
EST 9:31 ቃይ ኡንቱንቱ ካሰ ጾማናዉነ ካዮታናዉ ዎጋ ከሴዳዋዳን፥ ሀእ ኡንቱንታ ግድና፥ ስንꬃፐ ይያ ኡንቱንቱ ዘረꬃ ግድና፥ ሀ ፑሪማ ጋላሳቱዋ ላይꬃን ላይꬃን ዎጋ ኦꬂደ ቦንቻና ማላ፥ ሄ ዳብዳበቱ ቆንጭሲኖ። ሄዌ አይሁዳይ ማርዶክዮስነ ካታታ አስትራነ ላኡ ከሴዳ አዛዙዋ።
EST 9:32 ካታት አስትር አዛዙ ፑሪማ ባላ ዎጋ ምንሴዳ፤ እካ ማጻፋን ጻፈቴዳ።
EST 10:1 ካቲ አርጸክስስ ባረ ካዉተꬃ ግዶን ሀ ጋጻፐ ህን ጋጻይ ጋካናዉ ደእያ አሳይ ኡባይ ጊራ ጭጋና ማላ፥ ዎልቃን አዛዜዳ።
EST 10:2 እ ኦꬄዳ ዎልቃማነ ማላልስያ ኦሶቱ ኡባይ፥ ቃይ ማርዶክዮሳካ ꬎቁ ኦꬂደ፥ ዎት ቦንቼደንቶ ቆንጭስያ ታርኪ ሜዶናነ ፓርሰ ካዉተꬃ ታርክያ ማጻፋን ጻፈቴዳ።
EST 10:3 ማታ ባጋን ግዶፐ፥ ካትያ አርጸክሲሳ እታ ጊና፥ ማርዶክዮስ ላኤንꬁዋ። ቃይ እ አይሁዳቱዋንካ ሎይꬅ ቦንቼቴዳነ ዶሰቴዳ አሳ፤ አያዉ ጎፐ፥ እ ባረ አሳ ግዴዳ አይሁዳቱ፥ ሳሮተꬃንነ ህርግ ባይናን ደአና ማላ፥ ሎይꬅ ዳቡሬዳ አሳ።
JOB 1:1 ኡጻ ግያ ቢታን ኢዮባ ግያ እት ብታኒ ደኤ፤ እ ቶሺ ባይናነ ሱረ አሳ፤ ጾሳዉ ያዪደ፥ ኢታባፐካ ሃኬዳ አሳ።
JOB 1:2 አዉ ላፑን አቱማ ናናቱነ ሄዙ ማጫ ናናቱ የለቴድኖ።
JOB 1:3 ማጹዋ ግዶፐ፥ አዉ ላፑን ሻኡ ዶርሳቱ፥ ሄዙ ሻኡ ጋሎቱ፥ እቼሹ ጼቱ ዋꬃ ቦራቱ፥ እቼሹ ጼቱ ማጫ ሀረቱነ ሎይꬅ ዳሮ ቆማቱ ደኢኖ። አዋይ ዶልያ ባጋና ደእያ አሳ ኡባፐ እ አꬌዳ ዱረ አሳ።
JOB 1:4 አ አቱማ ናናቱ ባረንቱ ሶን ባረንቱ ሶን፥ ካል ካል ግብራ ጊግሲደ፥ ባረንቱ ሄዙ ምቼቱዋ ባረንቱና ማናዉነ ኡሻናዉ ጼሲኖ።
JOB 1:5 ግብራ ጋላሳቱ ፖለቴዳ ዎደ፥ ኢዮብ ዎንታ ጉራና ደንዲደ፥ ባረ ናናቱዋ እቱዋ እቱዋ ሱንꬃን ጹግያ ያርሹዋ ያርሼ። እ ሄዋ ኦꬅያዌ፥ “ታ ናናቱ ባረንቱ ዎዛናን ጾሳ ሸቂደ፥ ናጋራ ኦꬄድኖንቶነ” ጊደ ህርጌዳ ድራሳ። እ ኡንቱንታ ጌሻናዉ ሄዋ ኡባ ገደ ኦꬄ።
JOB 1:6 እት ጋላስ ጾሳ ኪታንቻቱ መꬍና ጎዳ ስንꬃን ቤታናዉ ዬድኖ፤ ሴጻናይካ ቃይ ኡንቱንቱና ዬዳ።
JOB 1:7 መꬍና ጎዳይ ሴጻና፥ “ላ ኔን ሀቃፐ ያድ?” ያጌዳ። ሴጻናይ መꬍና ጎዳዉ፥ “ታን ሳኣን ኡባን ያነ ሃነ ዩይያሳፐነ ስመረትያሳፐ ያድ” ያጊደ ዛሬዳ።
JOB 1:8 መꬍና ጎዳይ ሴጻና፥ “ያትና፥ ታ ቆማ ኢዮባ አኬካደ በኣድ? ሳኣ ቦላን አ ማላትያ ቶሺ ባይናነ ሱረ አሳይ ሙለካ ባዋ። እ ጾሳዉ ያይያ፥ ኢታባፐካ ሃኬዳ አሳ” ያጌዳ።
JOB 1:9 ሴጻናይ፥ “ቱሙ ኢዮብ ነዉ ጮ ያዪ?
JOB 1:10 አነ አ ሶ አሳነ አዉ ደእያዋ ኡባ ኔን ድራደ ናጋበይኪ? እ ኦꬅያ ኦሱዋ ኡባ ኔን አንጄዳ ድራዉ፥ አ መህያ ዉዲ ቢታ ኡባ ቦላን ዳሬዳ።
JOB 1:11 ሽን ኔን ነ ኩሽያ የዳደ፥ አዉ ደእያ ማጹዋ ኡባ ሾጫንቶ፥ እ ኔና ቱሙ ነ ስንꬃን ሸቃና” ያጌዳ።
JOB 1:12 መꬍና ጎዳይ ሴጻና፥ “ኤኖ፥ አዉ ደእያባይ ኡባይ ነ ኩሽያና። ሽን ኔን አ ቦቾፓ” ያጌዳ። ሄዋፐ ጉይያን፥ ሴጻናይ መꬍና ጎዳ ስንꬃፐ ከሲደ ቤዳ።
JOB 1:13 እት ጋላስ ኢዮባ አቱማ ናናቱነ ማጫ ናናቱ ባረንቱ ባይራ እሻ ሶን ሚደነ ዎይንያ ኤሳ ኡሺደ ደኢኖ።
JOB 1:14 ያትሽን እት ብታኒ ኢዮባኮ ዪደ፥ “ኑን ቦራቱዋ ዋጺደ ጎሽሽን፥ ሀረቱካ ኑ ማታን ማታ ሚደ ደእሺና፥
JOB 1:15 ሳባ ቢታ አሳቱ አኬከናን ዪደ፥ ኦላ ከሴድኖ፤ ያቲደ ኡባካ አክ ቤድኖ። ቃይ ቆማቱዋካ ቃራ ማሻን ቡሳኬድኖ። ያትና፥ ታ ጻላላይ አታደ፥ ሀ ሀኔዳዋ ነዉ ኦዳናዉ ያድ” ያጌዳ።
JOB 1:16 እ ብሮ ሃሳይሽን፥ ሀራ ብታኒ ዪደ፥ “ጾሳ ታማይ ሳሉዋፐ ዎꬊደ፥ ዶርሳቱዋነ ዶርሳቱዋ ሄምያዋንታ ሜዳ። ያትና፥ ታ ጻላላይ አታደ፥ ሀ ሀኔዳዋ ነዉ ኦዳናዉ ያድ” ያጌዳ።
JOB 1:17 እ ብሮ ሃሳይሽን፥ ሀራ ብታኒ ዪደ፥ “ካላዳዌቱዋ ቢታፐ ሄዙ ጩጉዋን ሻከቴዳ ፓናቱ ዪደ፥ ኑና ኦሊደ፥ ጋሉዋ ኡባ አክ ቤድኖ፤ ቆማቱዋካ ቃራ ማሻን ቡሳኬድኖ። ያትና፥ ታ ጻላላይ አታደ፥ ሀ ሀኔዳዋ ነዉ ኦዳናዉ ያድ” ያጌዳ።
JOB 1:18 እ ብሮ ሃሳይሽን፥ ሀራ ብታኒ ዪደ፥ “ነ አቱማ ናናቱነ ማጫ ናናቱ ባረንቱ ባይራ እሻ ሶን ሚደነ ዎይንያ ኤሳ ኡሺደ ደእሺና፥
JOB 1:19 ዎልቃማ ጎቲ አኬከናን ባዙዋፐ ደንዲደ፥ ጎልያ ኡባና ሾጬዳ። ጎሊ ኡንቱንቱ ቦላ ኩንድና፥ ናናቱ ሀይቄድኖ። ያትና፥ ታ ጻላላይ አታደ፥ ሀ ሀኔዳዋ ነዉ ኦዳናዉ ያድ” ያጌዳ።
JOB 1:20 ሄዋፐ ጉይያን፥ ኢዮብ ደንዲደ፥ ካዮ ባረ ማዩዋ ፔꬊደ፤ ባረ ሁጲያካ ሜደቴዳ። ቢታን ጉፋኒደ ጾሳዉ ጎይኒደ፥
JOB 1:21 ሀዋዳን ያጌዳ፤ “ታን ታ አት ኡሉዋፐ ካሎ የለታድ፤ ሀይቂያ ዎደካ ታን አካደ ብያባይ ባዋ። መꬍና ጎዳይ እሜዳ፤ መꬍና ጎዳይ ዛሪደ አኬዳ። መꬍና ጎዳ ሱንꬃይ ጋላተቶ” ያጌዳ።
JOB 1:22 ሀ ኡባንካ ኢዮብ ናጋራ ኦꬅቤና፤ ጾሳ አማሳልቤና።
JOB 2:1 ሀራ ጋላስካ ቃይ ጾሳ ኪታንቻቱ መꬍና ጎዳ ስንꬃን ቤታናዉ ዬድኖ፤ ሴጻናይካ ቃይ ኡንቱንቱና እትፐ አ ስንꬃን ቤታናዉ ዬዳ።
JOB 2:2 መꬍና ጎዳይ ሴጻና፥ “ላ ኔን ሀቃፐ ያድ?” ያጌዳ። ሴጻናይ መꬍና ጎዳዉ፥ “ሳኣን ኡባን ያነ ሃነ ዩይያሳፐነ ስመረትያሳፐ ያድ” ያጌዳ።
JOB 2:3 መꬍና ጎዳይ አ፥ “ታ ቆማ ኢዮባ አኬካደ በኣድ? ሳኣ ቦላን አ ማላትያ ቶሺ ባይናነ ሱረ አሳይ ሙለካ ባዋ። እ ጾሳዉ ያይያ፥ ኢታባፐካ ሃኬዳ አሳ። ጋሱ ባይናን ታን አ ꬋይሳና ማላ፥ ኔን ታና ደንꬅናካ፥ ሀእ ጋካናዉ እ ባረ ሱረተꬃን ምን ኤቄዳ” ያጌዳ።
JOB 2:4 ሴጻናይ ዛሪደ ጾሳ፥ “ ‘ጋልባ ድራዉ ጋልባ አኮ!’ ያግያዋዳን፥ አሳይ ባረ ሸምፑዋ ድራዉ፥ ባረዉ ደእያዋ ኡባ እማና።
JOB 2:5 ሽን ኔን ነ ኩሽያ የዳደ፥ አ አነ ሾጫ። ያትንቶ እ ኔና ቱሙ ነ ስንꬃን ሸቃና” ያጌዳ።
JOB 2:6 መꬍና ጎዳይ ሴጻና፥ “ኤኖ፥ አ ዎꬎፓፐ አትና፥ አ ቦላ ኔን ኮዬዳዋ ኦꬃናዉ ዳንዳያሳ” ያጌዳ።
JOB 2:7 ሄዋፐ ጉይያን፥ ሴጻናይ መꬍና ጎዳ ስንꬃፐ ከሲደ፥ ኢዮባ ገድያፐ ሁጲያ ጋካናዉ ኢታ ማዱꬃይ አ ቦላ ከሳናዳን ኦꬄዳ።
JOB 2:8 ያትና፥ ኢዮብ ብድንꬃ ቦላ ኡቲደ፥ ኮንኣን ባረና ጎዴዳ።
JOB 2:9 አ ማቻታ አ፥ “ሀእ ጋካናዉካ ኔን ነ ሱረተꬃን ምና ኡታዲ? ጾሳ ሸቃደ ሀይቃ” ያጋዱ።
JOB 2:10 እ ዛሪደ እዞ፥ “ኔን ቦዛ ማጫ አሳዳን ሃሳያዳ። ኑን ጾሳፐ ሎኦባ አክ አኪደ፥ ኢታባ አኮኮየ?” ያጌዳ። ሀ ኡባንካ ኢዮብ ባረ ጌዳዋን ናጋራ ኦꬅቤና።
JOB 2:11 ኢዮባ ላገቱ ሄዛቱ፥ ተማና ቢታፐ ኤልፋዝ፥ ሹሀ ቢታፐ ብልዳድነ ናእማ ቢታፐ ጾፋር ኢዮባ ቦላ ጋኬዳ መቱዋ ስሴዳ ዎደ፥ አዉ ቃረታናዉነ አ ምንꬃናዉ ባረንቱ ሶፐ ባረንቱ ሶፐ ቃገቲደ፥ እትፐ አኮ ዬድኖ።
JOB 2:12 ኡንቱንቱ አ ሃኩዋን ግዲደ ጼልያ ዎደ፥ እ ኢዮባ ግድያዋ ኤርበይክኖ። ጉየፐ አ ግድያዋ ኤሬዳ ዎደ፥ ባረንቱ ቃላ ꬎቁ ኦꬂደ ዬኬድኖ፤ ባረንቱ ማዩዋካ ፔꬊደ፥ ባረንቱ ሁጲያን ባና ቆሌድኖ።
JOB 2:13 ሄዋፐ ጉይያን፥ ኡንቱንቱ አናና ላፑን ጋላሳነ ላፑን ቃማ ቢታን ኡቴድኖ። አ ሳኩ ሎይꬅ ዳሬዳዋ ኡንቱንቱ በኤዳ ድራዉ፥ አዉ አይ አሳይነ ቃላካ ቃትቤና።
JOB 3:1 ሄዋፐ ጉይያን፥ ኢዮብ ባረ ዶና ዶዪደ፥ ባረ የለቴዳ ጋላሳ ሀዋዳን ያጊደ ሸቄዳ፤
JOB 3:3 “ታን ሻሃረቴዳ ቃማይነ ታን የለቴዳ ጋላሳይ ጮ ꬋይኖ!
JOB 3:4 ሄ ጋላሳይ ꬉማ ግዶ፤ ቦላ ጾሳይ ሄ ጋላሳ ሸነኮ ጎ፤ አ ቦላን ፖኡካ ፖኦፖ።
JOB 3:5 ሌሌዳ ꬉማይነ ሻኖቹ አ ጎዞ፤ አ ሻሪ ካሞ፤ አ ፖኡዋካ ꬉማይ ገንꬆ።
JOB 3:6 ሄ ጋላሳ ቃማ ꬍጵ ጎ ꬉማይ ኦይቆ። ላይꬃ ግዶን ደእያ ጋላሳቱዋን እ ፓይደቶፖ፤ አግናቱዋ ፓይዱዋንካ ገሎፖ።
JOB 3:7 ሄ ጋላሳ ቃማይ ቃሚደ ዎንቶፖ፤ ናሸቻ እልልሳይካ አን ስሰቶፖ።
JOB 3:8 ሌዋታና ግያ ዳዊያ ደንꬃናዉ ሎሄዳ ሻሬቾቱ ሄ ጋላሳ ሸቂኖ።
JOB 3:9 ሄ ቃማዉ ባካልያ ጾልንቲ ፖኦፖ፤ ፖኡዋ ናጊደካ ደሞፖ፤ ዎንታ ጻልቂካ አዉ ጻልቀቶፖ።
JOB 3:10 ሄ ቃማይ ታን ታ አት ኡሉዋን ሻሃረተናዳንነ ሀ መቱዋ በኤናዳን ተእቤና ድራዉ፥ ሸቀቴዳዋ ግዶ።
JOB 3:11 “ታን ታ አት ኡሉዋን ሃꬃ ከሳርክታሻ! ታ አት ኡሉዋፐ የለታ ዎꬋነ ሀይቃርክታሻ!
JOB 3:12 ታ አታ ታና አያዉ ባረ ክዉዋን እድማዴሻ? ባረ ꬋንꬃካ ታና አያዉ ꬋንꬃዴሻ?
JOB 3:13 ሄ ዎደ ታን ሀይቄዳዋ ግድንቶ፥ ሀእ ሸምፓደ ገምእሻድ ሽን!
JOB 3:14 ኮለቴዳ ሳአቱዋ ባረንቶ ዛረꬅ ኬጼዳ ሳኣ ካተቱዋናነ ኡንቱንታ ዞርያዋንቱና፥
JOB 3:15 ዎርቃይ ደእያነ ባረንቱ ጎልያን ብራ ኩንꬄዳ ሞድያዋንቱና እትፐ ዱፉዋን ግሳድ ሽን!
JOB 3:16 ዎይ አት ኡሉዋፐ ቦሸቲደ የለቴዳ ናኣዳን፥ ዎይ ጋላሳ ፖኡዋ አይነ በእቤና ቦሸቶዋዳን፥ ታን ቢታ ግዶን ቆሰታ ድጋርክታሻ!
JOB 3:17 ዱፉዋን ኢታቱ ባረንቱ ኢታ ኦሱዋ አጊኖ፤ ያን ዳቡራንቻቱካ ሸምፒኖ።
JOB 3:18 ሄ ሳኣን ቃሸቶ አሳቱካ ሸምፒደ ናሸቲኖ፤ ኦሱዋ ኦስስያዋንቱ ዋሱዋ ኡንቱንቱ ሄዋን ስስክኖ።
JOB 3:19 ጉꬃይ ዳሩካ ያን ደኤ፤ አይሊካ ባረ ጎዳዉ አይለትያሳፐ ከሴ።
JOB 3:20 “መቱዋን ደእያዋንቶ ፖኡ አያዉ እመቴዴ? ደኡ ጫምያዋንቶ፥
JOB 3:21 ሀይቁ ያንዴሻ ጊደ አሞትና፥ ዬናን እጽያዋንቶ፥ ቆስ ዎꬄዳ ዱረታ ኮይያዋፐ አꬂደ፥ ሀይቁዋ ኮይያዋንቶ፥
JOB 3:22 ዱፉዋ ቢደ ጋክያ ዎደ፥ ናሸቻንነ እልልሳን ፖጩምያዋንቶ ደኡ አያዉ እመቴዴ?
JOB 3:23 ኦጊ ባይ ክቼዳ ኡራዉ፥ ጾሳይ አ ዩሹዋ ድር ድጌዳ ኡራዉ ፖኡ አያዉ እመቴዴ?
JOB 3:24 ካዩ ታዉ ቁማ ግዴዳ፤ ታ ኦሊ አገናን ጎግያ ሃꬃ ማላ።
JOB 3:25 ታን ያዬዳዌ ታ ቦላ ጋኬዳ፤ ታን ዳጋሜዳዌካ ታናን ሀኔዳ።
JOB 3:26 ታዉ መቶፐ አትና፥ ሳሩ፥ ዎፓይነ ሸምፑ ባዋ” ያጌዳ።
JOB 4:1 ሄዋፐ ጉይያን፥ ቴማና ቢታፐ ዬዳ ኤልፋዝ ዛሪደ፥ ሀዋዳን ያጌዳ፤
JOB 4:2 “እት ኡራይ ኔናና ጻሊደ ሃሳዮፐ፥ ኔን ሀንቀታኒ? ሽን ሃሳየናንነ አጋናዌ ኦኔ?
JOB 4:3 በአ፥ ኔን ዳሮቱዋ ታማርሳዳ፤ አርጋጬዳ ኩሸቱዋካ ምንꬃዳ።
JOB 4:4 ነ ቃላይ ꬉበቴዳዋንታ ምንስ ኤሴ፤ ዳቡሬዳ ጉልባታቱዋካ ምንꬄ።
JOB 4:5 ሽን ሀእ መቱ ኔኮ ዬዳ፤ ኔን ገንጫበይካ። መቱ ኔና ጋክና፥ ኔን ሻቢረታዳ።
JOB 4:6 ኔን ጾሳዉ ያይያዌ ኔና አማንꬂደ ዎኔ? ነ ሀመትያ ሱረ ሀመታይ ነዉ ህዶታ ግደኔ?
JOB 4:7 “አነ ኔን ሀእ ቆፓ: ጌሻ ግዴዳ አሳን ꬋዬዳዌ ኦኔ? ዎይ ሱረ አሳይ ሀቃን ꬎቆለቲደ ꬋይ ኤሪ?
JOB 4:8 ታን በኤዳዋዳን፥ ኢታተꬃ ጎሺደ፥ መቱዋ ዘርያዋንቱ ኢታተꬃነ መቱዋ ጫካና።
JOB 4:9 ኡንቱንቱ ጾሳፐ ከስያ ሸምፑዋን ፑነቲደ ባያና፤ አ ሀንቁዋ ሱሉዋንካ ኡንቱንቱ ሜተት ꬋያና።
JOB 4:10 ኢታቱ ጉድያነ ዳርያ ጋሞቱዋ ማላ፤ ሽን ጾሳይ ኡንቱንቱ አቻ መንꬄ።
JOB 4:11 ሻንካቲደ ኦይቄዳዋ ማናዉ አቻ ꬋያ ጋሞቱዋዳን፥ ኢታቱ ኮሻን ሀይቂኖ፤ ኡንቱንቱ ናናቱካ ላለቲኖ።
JOB 4:12 “እት ጋላስ እት ጹራይ ታኮ ዬዳ፤ ሄ ጹራይ ሳሱከቲደ፥ ታ ሀይꬃን ዎꬌዳ።
JOB 4:13 ቃማ ገምእሹዋ ፓኑርሽን፥ ታና ኢታ አኩሙ ኡንኤꬄዳ።
JOB 4:14 ታና ያሻይነ ኮኮርሳይ ኦይቄዳ፤ ታ መቀꬃ ኡባ ጋጅ ጋጅሴዳ።
JOB 4:15 ጫርኩ አꬊደ ታ ሶምኡዋ ፕቲደ፥ ታ ስንꬃና አꬌዳ፤ ዳጋማፐ ደንዴዳዋን ታ ቦላን ደእያ ብናናይ ኤቄዳ።
JOB 4:16 እ ታ ስንꬃን ኤቄዳ፤ ሽን እ አየንቶ ታን ሻካደ ኤራናዉ ዳንዳያበይከ። ሄዋፐ ጉይያን፥ ጮኡ ጌዳሳፐ ሀዋዳን ያግያ ኮሻ ስሳድ፤
JOB 4:17 ‘ሀይቂያ አሳይ ጾሳ ስንꬃን ጽሉዋ ግዲደ ቤታናዉ ዳንዳዪ? ዎይ አሳይ ባረና መꬌዳዋ ስንꬃን ጌሻ ግዲደ ቤታናዉ ዳንዳዪ?
JOB 4:18 ጾሳይ ባረ ቆማቱዋን አማነተና፤ ባረ ኪታንቻቱዋንካ ባይዙዋ ደሜ።
JOB 4:19 ያትና፥ ኡርቃፐ መቴዳዋንቱን፥ ኡንቱንቱ ደኡዋ ባሱ ባና ግዴዳዋንቱን፥ ብልኣፐካ ኤሌሊደ ዎቂያዋንቱን አይ ኬሻ ዳሮ ባይዙ ቤታንዴሻ!
JOB 4:20 ዎንታ ፓጻ ደእያ አሳይ ኦማርስ ጋካናዉ፥ ኦንነ ሀሳየናን ደእሺና ሀይቄ።
JOB 4:21 ኡንቱንቱ ደኡዋ ሽካሊ ሾደት ዎꬍያ ዎደ፥ ኡንቱንቱ አꬌዳ ኤራተꬃ ደመናን ሀይቂ ባዪኖ’ ያግያዋ ስሳድ።
JOB 5:1 “ኢዮባ፥ አነ ጼሳ! ሽን ኦኔ ነዉ ኮያናዌ? ኪታንቻቱዋፐ ኦኮ ስማኒ?
JOB 5:2 ኤያ ኡራ ላንጪ ዎꬌ፤ አኬካይ ፓጬዳ ኡራካ ቃናቲ ꬋይሴ።
JOB 5:3 ኤያ ኡራይ ምኒደ ደእያዋ ታን ታ ሁጲያን በኣድ፤ ሽን ኤለካ ታን አ ጎልያ ሸቃድ።
JOB 5:4 አ ናናቱ ሳሩ ባይና ሳን ደኢኖ፤ ኡንቱንቱ ችሎታን፥ ማዲደ ሃሳይያዌ ባይና ሳን ፕርዳ ꬋዬድኖ።
JOB 5:5 እ ሺሼዳ ካꬃ ኮሻቴዳዋንቱ ማና፤ አጉንꬃ ግዶን ሞኬዳዋካ ኡንቱንቱ አዉ አግክኖ። ሳመቴዳዋንቱ አ ማጹዋ አካናዉ ያረቲኖ።
JOB 5:6 ቱጋይ ባናፐ ከሰና፤ መቱካ ቢታፐ ሞከና።
JOB 5:7 ታማይ ፑደ ፕርያዋዳን፥ አሳይ መቶ የለቴዳ።
JOB 5:8 “ታና ግድንቶ፥ ታን ጾሳኮ ሺቃና፤ ታ ሞቱዋካ አ ስንꬃን ዎꬃና።
JOB 5:9 ፕልጊደ ኤራናዉ ዳንዳየተና ዎልቃማባቱዋነ ፓይዱ ባይና ኦራꬃባቱዋ ጾሳይ ኦꬄ።
JOB 5:10 እራ ቢታን ቡክሴ፤ ጋድያዉካ ሃꬃ የዴ።
JOB 5:11 ቶሸቴዳዋንታ ቦንቼ፤ ካዮትያዋንታካ ምንꬂደ ናሸቼ።
JOB 5:12 ገናንቻቱዋ ሀልቹዋካ ሀልሴ፤ ሄዋ ድራዉ፥ ኡንቱንቱ ኩሽያ ኦሱ ፖለተና።
JOB 5:13 አꬌዳ ኤራንቻቱዋ እ ኡንቱንቱ ገንያን ኦይቄ፤ ጌላቱዋ ማቁዋካ አꬅ የጌ።
JOB 5:14 ኡንቱንቶ ጋላሳይ ꬉማና፤ ጋላሳ ሴታንካ ኡንቱንቱ ሄካ ብላህያዳን ታታፋና።
JOB 5:15 ህዬሳቱዋ እ ኡንቱንቱ ሞርከቱ ማሻፐ አሼ፤ እ ኡንቱንታ ዎልቃማቱዋ ኩሽያፐካ ዎꬅ አኬ።
JOB 5:16 ሄዋ ድራዉ፥ ህዬሳቶ ህዶታይ ደኤ፤ ኢታ አሳቱዋ እ ጮኡ ኦꬄ።
JOB 5:17 “ጾሳይ ሴርያ ኡራይ አንጀቴዳዋ፤ ሄዋ ድራዉ፥ ኡባ ዳንዳይያ ጾሳ ሴራ ካꬎፓ።
JOB 5:18 እ ማዱꬄ፥ ሽን ማዱꬃ ቃቼ። እ ደቼ፥ ሽን አ ኩሺ ꬋሌ።
JOB 5:19 ኡሱፑን ቆሞ መቶባፐ እ ኔና አሻና፤ ላፑንꬅካ ኔና ቦቼና።
JOB 5:20 ኮሻ ዎደ ሀይቁዋፐ፥ ኦላ ዎደካ ማሻ ቃራፐ እ ኔና አሻና።
JOB 5:21 እ ኔና እንጻርሳ ልሱዋፐ ገንꬃና፤ ባሻይ ጋክያ ዎደካ ያያካ።
JOB 5:22 ባሻ ቦላነ ኮሻ ቦላ ኔን ሚጫና፤ ባዞ ዶአቶካ ያያካ።
JOB 5:23 ነ ጎሽያ ጎሻን ሹቻይ ደኤና፤ ባዞ ዶአቱካ ኔናና ሳሮ ግዳናዋንታ።
JOB 5:24 ነ ዱንካኒ ሳሮ ግድያዋ ኔን ጌሻደ ኤራና፤ ነ ዶርሳቱዋ አቁዋካ ኔን ጾሞስያ ዎደ፥ ኡንቱንቱፐ እቱነ ፓጨና።
JOB 5:25 ነ የለታይ ጮራታናዋነ ነ ዘረꬃቱካ ደምባ ማታ ኬሻ ግዳናዋ ኔን ኤራና።
JOB 5:26 ዛርጋ ቱኩ ባረ ዎድያን ኡዱማ ይያዋዳን፥ ኔን አዱሳ ላይꬃ ደኣደ፥ ዱፉዋ ባና።
JOB 5:27 ኢዮባ፥ ኑን ሀዋ ኡባ ፕልግ ጼሌዶ። ሄዌ ቱማ ግድያ ድራዉ፥ ሄዋ ስሳደ፥ ነዉ አካ” ያጌዳ።
JOB 6:1 ኢዮብ ዛሪደ፥
JOB 6:2 “ታ ዋዪነ ታ ካዩ ኡባይ ሚዛናን ልከቴረነ!
JOB 6:3 ያትንቶ አባ ዶና ሻፍያፐካ አꬍ ዴጻናዋ። ሄዋ ድራዉ፥ ታ ቃላይ ጻላ ግዴዳ።
JOB 6:4 ኡባ ዳንዳይያ ጾሳ ዎንዳፍያ ፖꬃይ ታና ጫዴድኖ፤ ታ ቦላይካ ኡንቱንቱ ይሻ ኡሼ። ጾሳ ዳጋንꬅያ ቦሻይ ታ ዩሹዋ ዶዴዳ።
JOB 6:5 ሀሪ ማታይ አ ስንꬃን ደእሺና ዋሲየ? ዎይ ቦራይ ዳላ ደሚደ ጻጊየ?
JOB 6:6 ማልኤናባይ ማጽኒ ገለናን ሜተቲየ? ዎይ ቁቁልያ ግዶ ሃꬃይ ሎቅሎቅየ?
JOB 6:7 ሄዋ ማላ ቁማ ታን ሸነታይ፤ ሄዋ ማላ ቁማ ሞፐ፥ ታና ሳኬ።
JOB 6:8 “ታን ዎሴዳ ዎሳይ ጋኬረኔ! ጾሳይካ ታ ዎዛና አሙዋ እሜረኔ!
JOB 6:9 ጾሳይ ታና መንሬꬄረኔ! እ ባረ ኩሽያ የዲደ፥ ታ ደኡዋ ቱራ ዱꬄረኔሻ!
JOB 6:10 ጌሻ ጾሳ ቃላ ካዳቤና ድራዉ፥ ታዉ ሳኩ ዳሮፐነ፥ ምንꬁዋ ግዴረነሻ።
JOB 6:11 ታን ደኡዋን ደአናዉ ታዉ አይ ዎልቃይ ደኢ? ታን ዳንዳያናዉ፥ ታ ዉርሰꬃይ አዬ?
JOB 6:12 ታ ዎልቃይ ሹቻ ዎልቃ ማሌ? ዎይ ታ አሹ ናሃስያ ብራታ ማሌ?
JOB 6:13 ታና ማዳናዉ አይ ዎልቃይነ ታዉ ባዋ፤ ማዱዋ ደማናዉ ታን ብያ ሳአይካ ደኤና።
JOB 6:14 “መቱዋን ደእያ ኡራይ ኡባ ዳንዳይያ ጾሳዉ ያይያዋ አግንቶካ፥ አ ላገቱ አዉ ኬካተꬃ በሳናዉ ኮሼ።
JOB 6:15 ታ እሻቶ፥ ህንተ እራይ ቡከና ዎደ መልያ ሻፋ ማላ፥ ታና ጭሚታ።
JOB 6:16 ባልጉዋ አግናቱዋን ሄ ሻፋይ ኦርዶ ሻቻን ኩሚደ ካመቴ።
JOB 6:17 ሽን ቦኒ ጋክያ ዎደ፥ ሄ ሻቻይ ሙሺደ፥ ሃꬃ ከሴ፤ ሃꬃይካ ሄ ሳኣፐ ꬋዬ።
JOB 6:18 ጫና መህያ ላጊደ ብያ ዛልአንቻቱ ሃꬃ ኮያናዉ ባረንቱ ኦግያፐ ጋጻ ከሲደ፥ መላ ቢታን ቶይላካቲደ፥ ሀይቂ ꬋዪኖ።
JOB 6:19 ቴማ ቢታ ዛልአንቻቱነ ሳባ ቢታ ኦግያዋንቱ ሃꬃ ደማና ጊደ፥ ህዶታ ዎꬂኖ።
JOB 6:20 ሽን ኡንቱንቱ አማነቲደ ኮይና ꬋዬዳ ድራዉ፥ ዬላቴድኖነ ህዶታ ቃንጼድኖ።
JOB 6:21 ህንተካ ታዉ ሄ ሻፋቱዋ ማላ ግዴድታ፤ ታና ጋኬዳ መቱዋ በኢደ ያዬድታ።
JOB 6:22 ታን ህንተና፥ ‘ታዉ እትባ እምተ’ ዎይ፥ ‘ህንተ አቁዋፐ ታ ድራዉ አሳዉ ማታይያ እምተ’ ጋድታ?
JOB 6:23 ዎይ፥ ‘ታና ታ ሞርክያ ኩሽያፐ አሽተ’ ዎይ፥ ‘ኡቅንያዋንቱ ኩሽያፐ ታና ዎዝተ’ ጋድታ?
JOB 6:24 “ህንተ ታና ታማርስተ፤ ታን ጮኡ ጋና። አያ ባይዛድታንቶ፥ አነ ታና በስተ።
JOB 6:25 ቱማ ግዴዳ ቃላይ አይ ኬና ዎልቃሜ! ሽን ህንተ ፓሉማይ ኡባይ ታና አያነ ሴረና።
JOB 6:26 ህንተ ታን ሃሳይያ ሃሳያ ጫርኩዋ ማላ ጊደ ቆፒታ። ያትና፥ ታን ህዶታ ቃንጻደ ሃሳይያ ሃሳያ አያዉ ቆሪቴ?
JOB 6:27 አዉ ባይናዋንታ ሻክ አካናዉ ህንተ ሳማ የጊታ፤ ህንተ ላግያካ ዛልአናዉ ዋሽሲታ።
JOB 6:28 አነ ትሽ ኦꬂደ፥ ታና ጼልተ። ታን ህንተ ስንꬃን ዎርዱዋ ሃሳይከ።
JOB 6:29 ሀያና፥ አነ ዛረꬂደ ቆፕተ፤ ታን ጽሉዋ ግድያ ድራዉ፥ ታ ቦላ ጮ ፕርዶፕተ።
JOB 6:30 ታን ታ እንጻርሳን ዎርዶቴዳዋ ማላቲ? ታ ዶናይ ልክያ ልከ ግደናዋፐ ሻኪደ ሃሳያናዉ ዳንዳየኔ?
JOB 7:1 “አሳ ደኡ ሳኣ ቦላን ዎልቃማ ባጸ ግደኔየ? አ ደኡዋ ላይꬃይ ከራ ኦꬅያ አሳ ደኡዋ ላይꬃ ማላ ግደኔየ?
JOB 7:2 ኩዋ አሞትያ ቆማዳን፥ ዎይ ባረ ድርጉዋ አካናዉ ናግያ ኦሳንቻዳን፥
JOB 7:3 ሄዋዳን ታዉ መላ አግናቱነ ቱጋ ቃማቱ እመቴድኖ።
JOB 7:4 ታን ግስያ ዎደ፥ ‘አዉደ ቤጎታንድታሻ?’ ያጋይ። ሽን ቃማይ ታዉ አዱቄ፤ ሳአይ ዎንታና ጋካናዉ ሂጻን አꬋ አꬋ ዎꬋይ።
JOB 7:5 ታ ቦላይ ጉጹንያነ ፖቁዋ ማዬዳ፤ ታ ማዱꬃፐ ጊሻይ ጎጌ።
JOB 7:6 ታ ላይꬃይ ሸማይንያ ሙኩካፐካ አꬍ ኤሌሌ፤ አይ ህዶታይነ ባይናን ታ ላይꬃይ ዉሬ።
JOB 7:7 “አቤት ጾሳዉ፥ ታ ላይꬃይ ሲꬍያና ሸምፕያ እት ሸምፑዋ ማላ ግድያዋ ሀሳያ! ታ አይፊ ላኤንꬆ ኬካባ በኤናን አቴዳ።
JOB 7:8 ኔን ታና ሀእ በኣሳ፤ ሽን ላኤንꬆ በአካ፤ ኔን ታና ኮዮፐ፥ ታን ꬋያድ።
JOB 7:9 “ሻሪ ፕስክ ጊደ ꬋይያዋዳን፥ ዱፉዋ ዎꬌዳ ኡራይ ስሚደ ከሰና።
JOB 7:10 ባረ ጎለካ ላኤንꬆ ስሚደ ዬና፤ አ ኤርያ አሳይካ አ ዶጌ።
JOB 7:11 “ሄዋ ድራዉ፥ ታን ጮኡ ጊከ፤ ታን ታ ቱጋ ድራዉ ሃሳያና፤ ታ ደኡ ጫሜዳ ድራዉ ዙዙማና።
JOB 7:12 ሀዋ ኬሻ ኔን ታና አያዉ ናጋይ? ታን ነዉ አባ ዎይ አባ ግዶ ሀምባዝያ ጋድየ?
JOB 7:13 ታን፥ ‘ታ ሂጻይ ታና ምንꬃንዴ፤ ታ አልጋይካ ታና ዙዙንꬃፐ ሸምፕሳንዴ!’ ያግያ ዎደ፥
JOB 7:14 ኔን ታና አኩሙዋን ያሽሳሳ፤ ሳጻንካ ታና ዳጋንꬃሳ።
JOB 7:15 ታን ሀ ሳክያ ቦላና ደአናዋፐ ሱለትያዋነ ሀይቂያዋ ዶራይ።
JOB 7:16 ታን ታ ደኡዋ ካꬋድ፤ ታን መꬍናዉ ደአናዉ ኮይከ። ታ ላይꬃይ ሲꬍያና ሸምፕያ እት ሸምፑዋ ማላ ግድያ ድራዉ፥ ኔን ታና አጋ ባሻ።
JOB 7:17 “ኔን አ ዎጋባዳን ጼላናዉ አሳይ አዬ? ኔን አባዉ አያዉ ቦንቾ ሳኣ እማይ?
JOB 7:18 ዎንታ ዎንታ ኔን አ ብዳሳ፤ ቃይ ዎድያን ዎድያን አ ፓጫሳ።
JOB 7:19 ኔን ታኮ ጼልያዋ ሙለካ አግኪ? ዎይ ታን ታ ጩቻ ምትያ ዎድያካ ታዉ እምኪ?
JOB 7:20 አቤት አሳ ዎችያዎ፥ ታን ናጋራ ኦꬄዳዋ ግዶፐ፥ ኔና አያይ ቆሄዴ? ኔን አያዉ ታና ጫድ ካእያዋ ኦꬃዲ? ነዉ ታን ዴጾ ቶኩዋ ግዳድታየ?
JOB 7:21 ታ ባላፐ አያዉ ታና ማረናን እጻይ? ታ ናጋራካ አያዉ አቶ ጌናን አጋይ? ስም ታን ዱፉዋ ዎꬍያ ዎዲ ጋኬዳ፤ ኔን ታና ኮይያ ዎደካ፥ ታን ቤትከ” ያጌዳ።
JOB 8:1 ሄዋፐ ጉይያን፥ ሹሀ ቢታፐ ዬዳ ብልዳደ ዛሪደ፥ ሀዋዳን ያጌዳ፤
JOB 8:2 “ኔን ሀዋ ማላባ አዉደ ጋካናዉ ሃሳያይ? ነ ዶናፐ ከስያ ቃላይ ዎልቃማ ጎትያ ማላ።
JOB 8:3 ኡባ ዳንዳይያ ጾሳይ ፕርዳነ ጽሎባ ጌላዪ?
JOB 8:4 ነ ናናቱ ጾሳ ቦላ ናጋራ ኦꬄዳ ድራዉ፥ እ ኡንቱንታ ኡንቱንቶ በስያዋዳን ሙሬ።
JOB 8:5 ሽን ኔን ጾሳኮ ስሞፐ፥ ኡባ ዳንዳይያ ጾሳ ዎሶፐ፥
JOB 8:6 ኔን ጌሻነ ሱረ ግዶፐ፥ እ ነ ድራዉ ደንዲደ፥ ኔና ማዳና፤ እ ካሰ ነ ደኦ ዛሪደ ዎይታና።
JOB 8:7 ነ ዶመꬃይ ጉꬃ ማላቶፐነ፥ ነ ዉርሰꬃይ ሎይꬅ ዳራና።
JOB 8:8 “ካሰ የለታ አነ ኦቻ፤ ኑ ማይዛ አዎቱ አያ አያ ታማሬደንቶ፥ ኮያደ ደማ።
JOB 8:9 አያዉ ጎፐ፥ ኑን ዝኖ የለቴዳዋንታ፤ ኑን አያነ ኤሮኮ። ኑን ሀ ሳኣን ደእያ ላይꬃይ ኩዋ ማላ።
JOB 8:10 ኡንቱንቱ ኔና ታማርስኖ፥ ነዉ ኦድኖነ ባረንቱ አኬኬዳዋፐ ሃሳይኖ።
JOB 8:11 “ጫሪ ጫርያ ሃꬃይ ባይና ሳን ድጫናዉ ዳንዳየና፤ ማቃይካ ሃꬅ ባይና ሳን ሞካናዉ ዳንዳየና።
JOB 8:12 ብሮ ድጪደ፥ ቃንጸተናን ደኢድ፥ ማታፐካ ኤለ ሹላና።
JOB 8:13 ጾሳ ዶግያ አሳ ኡባ ዉርሰꬃይ ሄዋ ማላ፤ ጾሳይ ባይና ኡራ ህዶታይካ ꬋያና።
JOB 8:14 እ አማነትያዌ መእ ክችያዋ፤ እ ጬቀትያባይካ ሻራሮታ ጎልያ ማላ።
JOB 8:15 እ ባረ ሻራሮታት ጎልያን ዘምፔ፥ ሽን ኤቀና፤ እ አ ኦይቃና፥ ሽን አ ዳንዳየና።
JOB 8:16 እ አዋን ሃꬃ ኡሼዳ አታክልትያ ማላ፤ አታክልትያ ሳኣ ፕን ከሳና ጋካናዉ ዳሼ።
JOB 8:17 ኬላ ሹቻ ዩሹዋን ባረ ጻጱዋ የዴ፤ ሹቻቱዋ ግዶንካ ባረዉ ሳኣ ኮዬ።
JOB 8:18 ሽን እ ባረ ሳኣፐ ሾደት ꬋይንቶ፥ ሄ ሳአይ አ፥ ‘ታን ኔና በአበይከ’ ያጋና።
JOB 8:19 በአ፥ ኢታ አሳቱዋ ናሸቻይ ሀዋ ማላ። ሀራ አሳቱካ ዪደ፥ ኡንቱንቱ ሳኣ ኦይቂኖ።
JOB 8:20 “ጾሳይ ቱሙዋፐ ቶሺ ባይና አሳ ኦል ኤረና፤ ኢታ ኦꬅያዋንታ ቃይ ማደና።
JOB 8:21 እ ዛሪደ፥ ኔና ሚጭሳናነ እልልሳና።
JOB 8:22 ኔና እጽያዋንቱ ዬላ ማያና፤ ኢታቱዋ ጎሊ ꬋያና” ያጌዳ።
JOB 9:1 ሄዋፐ ጉይያን፥ ኢዮብ ዛሪደ፥ ሀዋዳን ያጌዳ፤
JOB 9:2 “ኤ፥ ሀዌ ህንተ ግያዌ ቱማ ግድያዋ ታን ኤራይ። ሽን አሳይ ጾሳ ስንꬃን ጽሉዋ ግዳናዉ ዋን ዳንዳዪ?
JOB 9:3 አናና እት ኡራይ ፓሉመታናዉ ኮዮፐ፥ ሄ ኡራይ እ ኦችያ ሻኡ ኦሻፐ እቱዋነ ዛራናዉ ዳንዳየና።
JOB 9:4 ጾሳይ ባረ ዎዛናን አꬌዳ ኤራንቻ፤ ባረ አቢያንካ ዳሮ ዎልቃማ። አናና ኤቀቲደ ጾነትቤናዌ ባዋ።
JOB 9:5 ኤረናን ደእሺና፥ ꬎቃ ደረቱዋ እ ኡንቱንቱ ሳኣፐ ድጌ፤ ባረ ሀንቁዋንካ አꬅ የጌ።
JOB 9:6 እ ቢታ አ ሳኣን ቃꬄ፤ ቢታ ቱቀቱዋካ ዪቂዪቂሴ።
JOB 9:7 አዋይ አዋጸናዳንነ ጾልንተቱ ፖኤናዳን አዛዛናዉ ዳንዳዬ።
JOB 9:8 እ ባረካ ሳሎቱዋ ምጬዳ፤ አባ ቤታ ቦላንካ ሀመቴ።
JOB 9:9 ጾሳይ ዎጋ ቤርያ፥ ኦርዮና፥ ፕልያድሳ ግያ ጾልንተቱዋ ጩጉዋነ ሄዋዳንካ ገድሳ ባጋና ደእያ ጾልንተቱዋ ጩጎቱዋ መꬌዳዋ።
JOB 9:10 ፕልጊደ ኤራናዉ ዳንዳየተና ዎልቃማቱዋ፥ ፓይዱ ባይና ኦራꬃባቱዋ እ ኦꬄ።
JOB 9:11 “ጾሳይ ታኮ ሺቅንቶካ፥ ታን አ በአናዉ ዳንዳይከ፤ እ ታ ምይያና አꬍንቶካ፥ ታን እ ሄዋን ደእያዋ ኤራናዉ ዳንዳይከ።
JOB 9:12 እ ባረ ኮዬዳዋ አክና፥ አ ኦንነ ድጋናዉ ዳንዳየና። ‘ዋታይ?’ ያጊደ አ ኦቻና አሳይ ባዋ።
JOB 9:13 ጾሳይ ባረ ሀንቁዋ ተኤና፤ ራኣባ ግያ ዳዊያ ማድያ ባረ ሞርከቱዋ ባረ ገድያፐ ጋርሳዉ አꬂደ የꬌ።
JOB 9:14 “ያትና፥ ታን አ ኦሻ ዛራናዉ ሎኦ ቃላ ሀቃፐ ደማናዉ ዳንዳያይታ?
JOB 9:15 ታን ጽሉዋ ግድንቶካ፥ ፕርድያ ጾሳይ ታና ማራናዳን ዎሳናፐ አትና፥ ታን አ ቦላ ሃሳይከ።
JOB 9:16 ታን አ ጼስና፥ እ ታዉ ኮይንቶካ፥ ‘ታ ኮሻ ስሴዳ’ ጋደ አማንከ።
JOB 9:17 እ ታና ጎትያን መንሬꬄ፤ ጋሱ ባይናን እ ታ ማዱꬃ ዳርሴ።
JOB 9:18 ታና ሸምፑዋካ ሸምፕሰናን ድጌ፤ እ ታ ደኡዋ ጫሙዋን ኩንꬄዳ።
JOB 9:19 ዎልቃባ ሃሳዮፐ፥ እ ዎልቃማ። ፕርዳዋ ሃሳዮፐ፥ አ ጼሲደ፥ ፕርዳ ጎለ ሺሻና አሳይ ባዋ።
JOB 9:20 ታን ጽሉዋ ግድንቶካ ታ ዶናይ ታና ባይዛንቻ ከሴ፤ ታን ቶሺ ባይና አሳ ግድንቶካ፥ እ ታና ጌላ ከሴ።
JOB 9:21 “ታን ቶሺ ባይና አሳ። ሽን ታ ደኡዋ ዶስከነ ካꬋይ።
JOB 9:22 ዱማተꬃይ ባዋ፤ ሄዋ ድራዉ፥ ታን፥ ‘እ ቶሺ ባይናዋንታነ ኢታቱዋ ላኡዋካ እትፐ ꬋይሴ’ ያጋይ።
JOB 9:23 ባሻይ ጽሎ አሳቱዋ ቆፐናን ዎꬍያ ዎደ፥ ጾሳይ ቅሊጬ።
JOB 9:24 ጾሳይ ሀ ሳኣ ኢታ አሳቶ አꬂደ እሜዳ፤ ፕርድያዋንቱ አይፍያካ ጎዜዳ። ሀዋ ኡባ ኦꬄዳዌ አ ግዳናፐ አትና፥ ሀራይ ኦኔ?
JOB 9:25 “ታ ደኡዋ ላይꬃቱ ዎꬃ ዎጽያ ኡራፐካ አꬊደ ኤሌሊኖ፤ ኡንቱንቱ ሎኦባ በኤናን ፓሊደ ꬋዪኖ።
JOB 9:26 ታ ደኡዋ ላይꬃቱ ማቃ ዎንግርያዳን ኤሌሊኖ፤ አርጋንꬃይ ባረዉ ምያዋ ኦይቃናዉ ሳሉዋፐ ዱገ ፓልያዋዳን ፓሊኖ።
JOB 9:27 ታን፥ ‘ታ ዙዙንꬃ ዶጋና፤ ታ ሶምኡዋካ ꬉምስያዋ አጋደ ፓሽካና’ ያጎፐ፥
JOB 9:28 ኔን ታና ጌሻ ጌናዋ ታን ኤራይ፤ አያዉ ጎፐ፥ ታና ጋካና ዋይያ ኡባዉ ታን ያያይ።
JOB 9:29 ያትና፥ ታን ባይዛንቻ ግዳ ክቻድፐ አትና፥ ጮ መላ አያዉ ዳቡራይታ?
JOB 9:30 “ታን ታ ቦላ ሀራይ አቶ ሳሙናን ሜጨታንቶካ፥ ታ ኩሽያ ሀንጪጭያን ሜጫንቶካ፥
JOB 9:31 ኔን ታና ኡርቃ ኦላን ኦላና፤ ታ ማዩካ ታና ሸነታና።
JOB 9:32 ታን አዉ ዛሩዋ እማና ጋናዉ፥ ጾሳይ ታ ማላ አሳ ግደና። ሄዋ ድራዉ ፕርዳዉ ቦይተ ጋናዉ ዳንዳይከ።
JOB 9:33 ሽን ባረ ኩሽያ ኑ ላኡዋ ቦላ ዎꬂደ፥ ኑና ስገꬅያ አሳይ ኑ ግዶን ደኤረኔሻ!
JOB 9:34 አቤት ጾሳዉ፥ ታና ሙርያዋ አጋ፤ ታና ዳጋንꬅያዋነ ያሽስያዋ አጋ።
JOB 9:35 ያቶፐ፥ ታን አዉ ያየናን ሃሳያና፤ ሽን ሀእ ዳንዳይከ።
JOB 10:1 “ታን ታ ደኡዋ ካꬋይ! ሄዋ ድራዉ፥ ታን ሞተታናፐ አትና፥ ጮኡ ጊከ፤ ታን ምሸታደ ሃሳያይ።
JOB 10:2 ታን ጾሳ ሀዋዳን ያጋይ: ሀእ ታ ቦላ ፕርዶፓ፤ ኔን ታና ሞትያ ሞቱ አየንቶነ ታዉ ኦዳ።
JOB 10:3 ኔን ታና ኡቁናናዉ በሲ? ኔን ነ ኩሽያን መꬌዳ ኡራ ካꬍያዌ፥ ቃይ ኢታቱዋ ሀልቹዋ ፖልስያዌ ሎኤ?
JOB 10:4 ነ አይፊ አሳ አይፍያ ማሌ? አሳይ ጼልያዋዳን ኔን ጼላይ?
JOB 10:5 ነ ደኡዋ ላይꬃይካ አሳዋ ኬሼ? ነ ደኡዋ ላይꬃይካ አሳ ላይꬃይዳ ቃንꬄ?
JOB 10:6 ያትና፥ ታ ባይዙዋ አያዉ ኮያይ? ታ ናጋራካ አያዉ ቆራይ?
JOB 10:7 ታን ባይዛንቻ ግደናዋነ ነ ኩሽያፐ ታና ኦንነ አሻናዉ ዳንዳየናዋ ኔን ኤራሳ።
JOB 10:8 “ታና ነ ኩሺ ጊግሲደ መꬌዳ፤ ሽን ሀእ ሄ ኩሺ ስሚደ፥ ታና ꬋይሴ።
JOB 10:9 ኔን ታና ኡርቃፐ መꬌዳዋ ሀሳያ። ያትና፥ ሀእ ታና ባናዳን ሊቅሳናዉ ሀናይ?
JOB 10:10 ታና ማꬃዳን ታ አት ኡሉዋን ትጌዳዌነ ድቼዳዌ ኔና።
JOB 10:11 ታና ኔን አሹዋነ ጋልባ ማይዛዳ፤ ታ መቀꬃ ጻጱዋና ጋꬃደ ዋጻዳ።
JOB 10:12 ኔን ታዉ ደኡዋነ አገና ነ ሲቁዋ እማዳ፤ ነ ናጉዋን ኔን ታና ፓጻ ዎꬃዳ።
JOB 10:13 “ሽን ኔን ሄ ዎድያፐ ዶማደ፥ ነ ዎዛና ግዶን ታና ቆሀናዉ ቆፕያዋ ታን ኤራይ።
JOB 10:14 ታን ናጋራ ኦꬆፐ በአናዉ፥ ኔን ታና ጌዳሳ፤ ታ ባይዙዋካ ሙረናን አꬋካ።
JOB 10:15 ባይዛንቻ ግዶፐ፥ ታዉ አየ አና! ቃይ ታን ጽሎ ግድንቶካ፥ ታ ሁጲያ ፑደ ꬎቁ ኦꬃናዉ ዳንዳይከ። አያዉ ጎፐ፥ ኔን ታና ዬላን ኩንꬃ ዎꬃዳነ ቱጋን ማꬆያ ዎꬃዳ።
JOB 10:16 ታን ኦቶረቶፐ፥ ኔን ታና ጋሙዋዳን የደርሳደ ኦይቃና፤ ቃይካ ታና ቆሀናዉ፥ ነ ማላልስያ ኦሱዋ ኔን ኦꬃና።
JOB 10:17 ኔን ታ ቦላ ኦራꬃ ማርካቱዋ አሃሳ፤ ነ ሀንቁዋካ ታ ቦላ ዳርሳሳ፤ ታና ኦላናዉ ኦራꬃ ሀልቾቱዋ ጊግሳሳ።
JOB 10:18 “ያትና፥ ታና ታ አት ኡሉዋፐ አያዉ ከሳዲ? ኦንነ ታና በኤናን ሀይቃርክታሻ!
JOB 10:19 ታን ደኤናን አጋርክታሻ! ዎይ ታ አት ኡሉዋፐ ከሶሳና ዱፉዋን ዎꬋአርክታሻ!
JOB 10:20 ታ ደአናዉ አቴዳ ላይꬃቱ ጉꬃ ግድክኖ? ታን ላፋ ናሸታ አካና ማላ፥ ሀእ ታና አጋርኪ!
JOB 10:21 ሌሌዳ ꬉማ ሳኣ ታን ብያ ዎዲ ማቴዳ፤ ታን ሄዋፐ ስማደ ሃ ዪከ።
JOB 10:22 ታን ብያሳአይ ꬍጵ ጎ ꬉማይነ ማራይ ባይናዋንቱ ደእያ ቢታ፤ ሄዋን ደእያ ፖኡካ ꬉማ ማላ” ያጌዳ።
JOB 11:1 ናእማ ቢታፐ ዬዳ ጾፋር ዛሪደ፥ ሀዋዳን ያጌዳ፤
JOB 11:2 “ሀ ሃሳየቴዳ ቃላዉ ኡባዉ ዛሩዋ እምያ አሳይ ባዌ? ዎይ ሀዋ ሃሳዬዳ ብታኒ ቱማንቻ ግዳናዉ ዳንዳዪ?
JOB 11:3 ነ መላ ሃሳያይ አሳ ጮኡ ኦꬂ? ኔን ቅሊጭያ ዎደ፥ ኔና ሴርያዌ ባዋ ጋድየ?
JOB 11:4 ኔን ኦዳደ፥ ‘ታ ትምርቲ ቱማ፤ ታን ጾሳ ስንꬃን ጌሻ’ ያጋሳ።
JOB 11:5 ጾሳይ ነ ቦላ ባረ ዶና ዶዪደ ሃሳዬረኔሻ!
JOB 11:6 እ ነዉ አꬌዳ ኤራተꬃ ጹራ ቆንጭሴረኔሻ! አያዉ ጎፐ፥ ቱሙ አꬌዳ ኤራተꬃዉ ላኡ ክፍለቱ ደኢኖ። ጾሳይ ኔና ነ ኦꬄዳ ናጋራ ኬሻ ሙርቤናዋ ኤራ።
JOB 11:7 “ኔን ጾሳ ጪማ ጹራ ቆራደ ኤራናዉ ዳንዳያይ? ዎይ ኡባ ዳንዳይያ ጾሳ ዛዋቱዋ ኮያደ ደማናዉ ዳንዳያይ?
JOB 11:8 ኡንቱንቱ ሳሎቱዋፐካ ꬎቃ፤ ኔን አይነ ኦꬃናዉ ዳንዳያካ። ኡንቱንቱ ስኦልያፐካ አꬌዳ ጪማ፤ ኔን ኤራናዉ ዳንዳያካ።
JOB 11:9 ጾሳ አꬌዳ ኤራተꬃይ ቢታ አዱሳተꬃፐ አዱቄ፤ አባ ጎምፓፐካ አኬ።
JOB 11:10 እ ዪደ፥ ኔና ቃሾ ጎልያን የግንቶነ ፕርዳ ጎለ ሺሽንቶ፥ አ ድጋናዉ ዳንዳይያዌ ኦኔ?
JOB 11:11 ጾሳይ ፓና አሳቱዋ ኤሬ፤ ኢታባ በእያ ዎደ፥ እ ጮ አገና።
JOB 11:12 ኤያ አሳይ አꬌዳ ኤራንቻ ግድያዋፐ ደንባ ሃሪ አሳ ግዲ የለትያዌ ማቴ።
JOB 11:13 “ኢዮባ፥ ኔን ነ ዎዛና ሱረ ኦꬆፐ፥ ነ ኩሽያካ አኮ ምጫደ ዎሶፐ፥
JOB 11:14 ናጋራ ኔፐ ሃሶፐ፥ ነ ጎለንካ ኢታባይ ደኤናዳን ኦꬆፐ፥
JOB 11:15 ያቶፐ፥ ኔን ꬎቁ ጋደ ዬላይ ባይናን ኡባባ ጼላና፤ ያሽያዌ ባይናንካ ምናደ ኤቃና።
JOB 11:16 ነ መቱዋ ኡባካ ኔን ዶጋና፤ ጉኬዳ ሃꬃዳን፥ ኔን አ ላኤንꬆ ሀሳያካ።
JOB 11:17 ነ ደኡ ሴታ ጋላሳ አዋፐካ አꬊደ ፖአና፤ ነ ደኡዋ ꬉማይካ ዎንታ ፖኡዋ ማላ ግዳናዋ።
JOB 11:18 ነዉ ህዶታይ ደእያ ድራዉ፥ ኔን ህርገናን ደአና። ጾሳይ ኔና ናግያ ድራዉ፥ ኔን ዎፑ ጋናነ ሸምፓና።
JOB 11:19 ኔን ገምእሽያ ዎደ፥ ኔና ያሽሳና ኡራይ ባዋ፤ ዳሮቱ ኔና አዉዳሻና።
JOB 11:20 ሽን ኢታቱዋ አይፊ ቆቃና፤ አፐ ባቃት አታናዉካ ዳንዳይክኖ። ኡንቱንቱ ህዶታይ ሀይቁዋ” ያጌዳ።
JOB 12:1 ኢዮብ ዛሪደ፥ ሀዋዳን ያጌዳ፤
JOB 12:2 “ኤ፥ ህንተ ቱሙካ አꬌዳ ኤራንቻ፤ አꬌዳ ኤራተꬃ ኡባይካ ህንተናና ሀይቃና!
JOB 12:3 ሽን ታዉካ ህንተዋዳን አኬካይ ደኤ፤ ታን ህንተፐ ላፍከ! ሀ ህንተ ሃሳዬዳዋ ኡባ ኦንነ ኤሬ።
JOB 12:4 ታን ጾሳ ዎስና፥ እ ስሴዳ አሳ ግዶፐነ፥ ታ ላገቶ ሚጭያዋ ከሳድ፤ ታን ጽሉዋነ ቶሺ ባይና አሳ ግዶፐካ፥ ቅሊጭያዋ ከሳድ።
JOB 12:5 ህንተና አይ መቱነ ጋክቤና ድራዉ፥ ታ መቱዋ ካꬊታ፤ ኩንዳናዉ ጋንድጋርያ ብታንያካ ሱጊታ።
JOB 12:6 ቦንቂያዋንቱ ጎለቱ ሳሮ ደኢኖ፤ ጾሳ ሀንቀꬅያዋንቱ ህርግ ባይናን ደኢኖ። ኡንቱንቱ ኩሽያ ዎልቃይ ኡንቱንቱ ጎይንያ ጾሳ።
JOB 12:7 “ሽን ኔን አነ መሄቱዋ ኦቻ፤ ኡንቱንቱ ኔና ታማርሳና። ዎይ ሳሉዋ ካፎቱዋ ኦቻ፤ ኡንቱንቱ ነዉ ኦዳና።
JOB 12:8 ዎይ ሳአዉ ሃሳያ እዛካ ኔና ታማርሳና፤ አባ ሞለቱካ ነዉ ኦዳና።
JOB 12:9 መꬍና ጎዳ ኩሺ ሀዋ ኦꬄዳዋ ሀዋንቱ ኡባ ግዶን ኤረናዌ ኦኔ?
JOB 12:10 ፓጻ ደእያ መታቱዋ ኡባ ደኡነ አሳ ኡባ አያናይ አ ኩሽያና።
JOB 12:11 እንጻርሳይ ቁማ ሻክ ኤርያዋዳን፥ ሀይꬃይ ሃሳያ ሻኪደ ኤረኔየ?
JOB 12:12 “አꬌዳ ኤራተꬃይ ጭሜዳ አሳቱ ማታን ደኤ፤ ዳሮ ዎድያ ደእያዌ አኬካ እሜ።
JOB 12:13 ጾሳዉ አꬌዳ ኤራተꬃይነ ዎልቃይ ደኤ፤ ዞሪነ አኬካይ አን ቤቴ።
JOB 12:14 ጾሳይ ቆሌዳዋ ዛረꬅ ኬጻናዌ ኦኔ? እ ቃቼዳ ኡራካ ብል የዳናዌ ኦኔ?
JOB 12:15 ጾሳይ እራ ተኦፐ፥ ቢታይ መሌ፤ እ እራ ቡክሶፐ፥ ድኡ ቢታ ባይዜ።
JOB 12:16 “ምኖተꬃይነ ጾኑ ጾሳዋ፤ ጭመትያዌነ ጭምያዌነ ላኡካ አፐ ጋርሳና ደኢኖ።
JOB 12:17 ዞርያዋንቱፐ እ አꬌዳ ኤራ ቃር አኬ፤ ዳናቱዋካ እ ኤያ ከሴ።
JOB 12:18 እ ካተቱዋ ካተቱዋ አራታፐ ዎꬄ፤ ኡንቱንታካ አይለቱዋ ኦꬄ።
JOB 12:19 ቄሳቱ ዋፐካ ቦንቹዋ ቃር አኬ፤ ዎልቃማቱዋካ አꬅ የጌ።
JOB 12:20 አማነቴዳ አሳቱዋካ ጮኡ ኦꬄ፤ ጭማቱዋፐካ አኬካ ዎꬅ አኬ።
JOB 12:21 ካፓቱዋ ካዉሼ፤ ደርያ ካለꬅያዋንቱ ዎልቃካ ዉርሴ።
JOB 12:22 “ꬉማን ደእያ ጹራ የዎቱዋ ቆንጭሴ፤ ꬍጵ ጎ ꬉማ ሳኣካ ፖኦ ከሴ።
JOB 12:23 ጾሳይ ካዉተꬃቱዋ ꬎቂሴ፤ ቃይ ጾኔ። ካዉተꬃካ አሴ፤ ቃይ ꬋይሴ።
JOB 12:24 ሳኣ አሳ ካፓቱዋ አኬካ ድጊደ፥ ኦጊ ባይና መላ ሳኣን ቶይላካታናዳን ኦꬄ።
JOB 12:25 ፖኡ ባይና ꬉማን ኡንቱንቱ ታታፊኖ፤ ማꬆቴዳ አሳቱዋዳን ኡንቱንቱ ጋንድጋሪኖ።
JOB 13:1 “ሀዋ ኡባ ታ አይፊ በኤዳ፤ ታ ሀይꬃይካ ስሲደ አኬኬዳ።
JOB 13:2 ህንተ ኤርያዋ ታንካ ኤራይ፤ ታን ህንተፐ ላፍከ።
JOB 13:3 ሽን ታን ኡባ ዳንዳይያ ጾሳዉ ሃሳያናዉ ኮያይ፤ ህንተናና ግደና። ታን ታ ሞቱዋ አናና ሞተታናዉ አሞታይ።
JOB 13:4 ህንተ ቱሙዋ ዎርዱዋን ካሚታ፤ ህንተ ኡባይካ ፓና አክማቱዋ።
JOB 13:5 ህንተ ኡባይ ጮኡ ጌዳ ግዴርክቴሻ! ያትንቶ፥ ህንተና አሳይ አꬌዳ ኤራንቻ ጋና ሽን!
JOB 13:6 “ሀእ ታ ሞቱዋ ስስተ፤ ታ ዶናፐ ከስያ ፓሉምያ ሀይዝተ።
JOB 13:7 ህንተ ጾሳ ዶና ግዲደ፥ ዎርዱዋ ሃሳዪቴየ? አ ድራዉ ኤቂደ፥ ጭሙዋ ሃሳዪቴየ?
JOB 13:8 ህንተ አ ማድያዌ ደኢ? ዎይ አዉ አባካቶ ግዲደ ሞተቲቴ?
JOB 13:9 እ ህንተና ፕልግ ጼልንቶ፥ ህንተፐ ሎኦባ ደማኔ? ህንተ አሳ ጭምያዋዳን፥ አ ጭማናዉ ዳንዳዪቴየ?
JOB 13:10 ህንተ ጌማን አሳ ሶምኡዋ ጼሊደ ማዶፐ፥ ጾሳይ ቱሙ ህንተና ሴራና።
JOB 13:11 አ ቦንቹ ህንተና ዳጋንኔ? አ አንጋይ ህንተና ያሸኔ?
JOB 13:12 ህንተ ኦድያ ሌምሶቱ ብድንꬃ ማላ ፓናዋንታ፤ ህንተ ሺሽያ ፓሉሚ ኡርቃፐ መቴዳ ጎንዳልያ ማላ።
JOB 13:13 “አነ ጮኡ ጊተ! ሃሳያና፤ ሀዋፐ ጉይያን፥ ባረ ሀኖዋ ሀኖ።
JOB 13:14 ታን ታ ሁጲያ አያዉ ህርጋ ጋርሳን ዎꬃይታ? ታ ሸምፑዋካ አያዉ ታ ኩሽያን ኦይቃይታ?
JOB 13:15 በእተ፥ ጾሳይ ታና ዎꬍያዋ ግዶፐነ፥ ታን አ ዳንዳያን ናጋና። ግዶፐነ፥ ታን ታ ሞቱዋ አ ስንꬃ ሺሻና።
JOB 13:16 ናጋራንቻ አሳይ አ ስንꬃ ሺቃናዉ ዳንዳየና ድራዉ፤ ሀዌ ታን ሺቃናዉ ጻልያዌ፥ ኦን ኤሪ፥ ታ አቶተꬃዉ ጋሶ ግዳናዉ ዳንዳዬ።
JOB 13:17 ታ ሃሳያ አኬኪደ ስስተ፤ ታን ኦድያዌ ህንተ ሀይꬃን ገሎ።
JOB 13:18 በእተ፥ ታን ታ ሞቱዋ ጊግሳድ፤ ሻትማናዋካ ኤራይ።
JOB 13:19 “አቤት ጾሳዉ፥ ኔን ታና ሞታናዉ ያይ? ኔን ታና ባይዛንቻ ከሶፐ፥ ታን ጮኡ ጋደ ሀይቃና።
JOB 13:20 ሽን ኔን ታዉ ሀ ላኡባቱዋ ኦꬃ፤ ታን ኔፐ ጌምከ።
JOB 13:21 ታና ሙርያዋ አጋ፤ ነ አንጋን ታና ዳጋንꬆፓ።
JOB 13:22 ሄዋፐ ጉይያን፥ ታና ጼሳ፤ ታን ኮያና። ዎይ ታን ሃሳይና፥ ታዉ ዛራደ ሃሳያ።
JOB 13:23 ባረዉ፥ ታን ባይዜዳ ባይዙነ ናጋራይ አፑኔ? ታ ባላነ ታ ናጋራ አነ ታና በሳ።
JOB 13:24 “ኔን አያዉ ነ ሶምኡዋ ታፐ ገንꬃይ? ቃይ ታና አያዉ ነ ሞርክያዳን ፓይዳይ?
JOB 13:25 ታና፥ ጫርኩ አፍያ ቦንጭያ ማላ፥ ያሽሳዪ? ዎይ መሌዳ ሱላ ማላ የደርሳይ?
JOB 13:26 ኔን ታ ቦላ ጻፌዳ ሞቱ ጫማ፤ ሀራይ አትና፥ ታን ያላጋተꬃን ደኣደ ኦꬄዳ ባይዙዋነ አሻባካ።
JOB 13:27 ኔን ታ ገድያ ገድያ ብራታን ቃቻዳ፤ ታ ታንግያ ታንጉዋ ኡባ ዎቻሳ፤ ታ ገድያ ኮትያ ፕልጋ ጼላሳ።
JOB 13:28 ታን ዎቄዳባዳን ሀናይ፤ ብልአይ ሜዳ አፍላዳንካ ዎቃይ።
JOB 14:1 “ማጫ አሳፐ የለቴዳ አሳ ላይꬃይ ቃንꬃ፤ ሄዋ ኬሻካ መቱዋን ኩም ኡቴዳ።
JOB 14:2 እ ጪሻዳን ጪሺደ፥ ኤለካ ቆቆፈት አጌ፤ ቃይ ጋምኤናን ኩዋዳን ኤለካ አꬍ ክቼ።
JOB 14:3 ያትና ኔን፥ ጾሳይ፥ ሄዋ ማላ አሳካ ጼላይ? ቃይ አ ፕርዳናዉ ነ ስንꬃ ሺሻይ?
JOB 14:4 ቱናባፐ ጌሻባ ከሳናዉ ዳንዳይያዌ ኦኔ? ኦንነ ባዋ።
JOB 14:5 አሳይ ደአና ላይꬃቱ ዛዋት ኡቴድኖ፤ እ ደአና አግናካ ኔን ፓይዳ ዎꬃዳ፤ ኔን ዎꬄዳ ዛዋፐ አꬍያዌ ባዋ።
JOB 14:6 ሄዋ ድራዉ፥ ከራ ኦꬅያ አሳይ ባረ ኦሱዋ ፖሊደ ሸምፕያዋዳን፥ አሳይ ባረ ዳቡራ ላይꬃ ፖሊደ ሸምፓናዳን፥ አ አጋ።
JOB 14:7 “ምꬃዉካ ህዶታይ ደኤ፤ ምꬃይ ቃንጾፐ አጬ፤ አጫይካ ሄዋዳን ሀኒደ፥ ደእ ባሼ።
JOB 14:8 ሄ ምꬃ ጻጱ ቢታ ጋርሳን ኤጭንቶካ፥ አ ዱሩማይካ ቢታን ዎቆፐካ፥
JOB 14:9 ሃꬃ ፔኑዋ ደሚደ አጬ፤ ፑትያዳን ኦራꬃ ልጩዋ ከሴ።
JOB 14:10 “ሽን አሳይ ሀይቂና፥ አ ዎልቃይ ዉሬ፤ አ ሸምፑ ከሶዋፐ ህን ባጋን፥ እ ሀቃን ደኢ?
JOB 14:11 አባፐ ሃꬃይ መልያዋዳን፥ ቃይ ሻፋ ሃꬃይካ ቶእያዋዳን፥
JOB 14:12 ሄዋዳን አሳይካ ሀይቄ፤ ሄ ሳኣፐ ደንደና። ሳሎቱ አꬋና ጋካናዉካ አሳይ ቤጎተና፤ ባረ ገምእሹዋፐካ ደንደና።
JOB 14:13 “አቤት ጾሳዉ፥ ኔን ታና ዱፎ ግዶን ገንꬃደ፥ ነ ሀንቁ አꬋና ጋካናዉ ቆሴዳዋ ግዳርኪሻ! ኔን ታዉ ኬሩዋ እማደ፥ ሄ ጋላስ ታና ሀሳዬዳዋ ግዳርኪሻ!
JOB 14:14 እት አሳይ ሀይቆፐ፥ ስሚደ ፓጻኔ? ታ ላሚ ያና ጋካናዉ፥ ሀ ቱጋ ዎድያ ኡባ ዳንዳያን ናጋና።
JOB 14:15 ኔን መꬌዳ ታናካ በአናዉ ኔን ላሞትያ ዎደ፥ ኔን ታና ጼሳና፤ ታን ነዉ ኮያና።
JOB 14:16 ሄ ዎድያን፥ ኔን ቱሙዋፐ ታ ታንጉዋ ዎቻና፤ ሽን ታ ናጋራ ታ ቦላ ፓይዳካ።
JOB 14:17 ታ ባይዙ ቃርጪታ ግዶን ዪጨታና፤ ታ ናጋራካ ኔን ካማና።
JOB 14:18 “ደሪ ኩንድያነ መኤረትያዋዳን፥ ዛላይካ ꬎቆለትያዋዳን፥
JOB 14:19 ሃꬃይካ ሹቻ ቦክያዋዳንነ ድኡካ ቢታ ሜጪደ አፍያዋዳን፥ ሄዋዳን ኔንካ አሳ ህዶታ ꬋይሳሳ።
JOB 14:20 ኔን አ መꬍናዉ ጾናሳ፤ ያቶፐ እ ብ አጌ። አ ማላ ላማደ፥ ነ ስንꬃፐ የዳሳ።
JOB 14:21 አ ናናቱ ቦንቼቶፐ፥ ሄዋ እ ኤረና፤ ኡንቱንቱ ቶሸቶፐካ በኤና።
JOB 14:22 ሽን አ ቦላ ሴላይ አ ጻላላዉ ስሰቴ፤ እ ባረ ጻላላዉ ዬኬ” ያጌዳ።
JOB 15:1 ሄዋፐ ተማና ቢታፐ ዬዳ ኤልፋዝ ሀዋዳን ያጊደ ዛሬዳ፤
JOB 15:2 “አꬌዳ ኤራንቻ አሳይ ጫርኩዋዳን ኦይቀተናዋ ሃሳዪ? ዎይ ቆህያ ቆፋን ባረ ኡሉዋ ኩንꬃናዉ በሲ?
JOB 15:3 ፓና ቃላን ዎይ ማደና ቃላን ሞቱዋ ሞተቲ?
JOB 15:4 ሄዋ ግዶፐ፥ ኔን ጾሳዉ ያይያዋ አጋዳ፤ ሀራቱካ ጾሳዉ ጎይነናዳን ድጋሳ።
JOB 15:5 ነ ኢታተꬃይ ነ ሃሳያን ኤረቴ፤ ሽን ነ ጭንጫ ሃሳያን ካማናዉ ባጸታሳ።
JOB 15:6 ነ ቦላ ፕርድያዌ ነ ዶናፐ አትና፥ ታና ግድከ፤ ነ እንጻርሳይ ነ ቦላ ማርካቴ።
JOB 15:7 “ኮይሮ አሳፐ ስንꬃ የለቴዳዌ ኔኔ? ዎይ ኔን ደረቱ መታናፐ ካሰ የለታዲ?
JOB 15:8 ኔን ጾሳ ጹራ ሺቁዋ ስሳዲ? ዎይ አꬌዳ ኤራተꬃ ነ ጻላላይ ኤርያዋ ነዉ ማላቲ?
JOB 15:9 ኑን ኤረናዋ ኔን ኤርያዌ አዬ? ኑዉ ገለናን አጊደ፥ ነዉ ገሌዳዌ አዬ?
JOB 15:10 ነ አዉዋፐ ባይራትያ አሳቱ፥ ጭሚደ ፑሉሜዳ አሳቱ ኑ ግዶን ደኢኖ።
JOB 15:11 “ጾሳይ ነዉ እሜዳ ምንꬁነ ኑን ነዉ አሽከተꬃን ሃሳዬዳ ቃላይ ጉጼዴ?
JOB 15:12 ነ ዎዛናይ ኔና አያዉ ዎራ አፊ? ነ አይፊካ አያዉ ጼላ ደረቂ?
JOB 15:13 ያታደ ኔን ጾሳ ቦላ ሀንቀታዳ፤ ሄዋ ማላ ቃላካ ነ ዶናፐ ከሳዳ።
JOB 15:14 አሳይ ጾሳ ስንꬃን ጌሻ ግዳናዉ ዳንዳዪ? ዎይ ማጫ አሳፐ የለቴዳ አሳይ ጽሉዋ ግዳናዉ ዳንዳዪ?
JOB 15:15 በአ፥ ጾሳይ ባረ ኪታንቻቱዋንካ አማነተና፤ ሀራይ አቶ ሳሎቱካ አ ስንꬃን ጌሻ ግድክኖ።
JOB 15:16 ሽን ሀ ሸነይያነ ቱኔዳ አሳይ፥ ናጋራካ ሃꬃዳን ጋንያ አሳይ ዋን አማነታኔ!
JOB 15:17 “ኢዮባ፥ አነ ስሳ! ነዉ ኦዳና፤ ታን በኤዳዋ ኡባ ነዉ ኦዳና።
JOB 15:18 አꬌዳ ኤራንቻ አሳቱ ባረንቱ ማይዛ አዎቱዋፐ ደሜዳ ኤራተꬃ ገንናን ታና ታማርሴድኖ።
JOB 15:19 ሀ ቢታይ ኡንቱንቱ ጻላላዉ እመቴዳ፤ ሀራ ቢታ አሳይ ኡንቱንቱ ዎዛና ጾሳፐ ዎራ ዛርቤና።
JOB 15:20 “አሳ ኡቁኒደ ደእያ ኢታ አሳይ፥ ባረ ደኡዋ ላይꬃ ኡባን ቱግ አፐ ሻከተና።
JOB 15:21 ኡባ ገደ ዳጋንꬅያ ኮሻይ አ ሀይꬃን ስሰቴ፤ እ ሳሮ ደአይ ጊሽና፥ ፓንጋቱ አ ቦላ ያና።
JOB 15:22 ꬉማፐ ከስ አካናዋ እ አማነና፤ እ ማሻዉ ካጨቴዳ።
JOB 15:23 አ አሃይ አንኮ ቁማ ግዳናዋ፤ ባረዉ ꬉማ ጋላሳይ ማታቴዳዋ እ ኤሬ።
JOB 15:24 መቱነ ቱጋይ አ ያሽሳና፤ ኦላዉ ከሴዳ ካትያዳን አ ዳጋንꬃና።
JOB 15:25 አያዉ ጎፐ፥ እ ባረ ኩሽያ ጾሳ ቦላ ደንꬄዳ፤ ኡባ ዳንዳይያ ጾሳ ቦላካ ጻሌዳ።
JOB 15:26 ምኖነ ኦርዶ ጎንዳልያ ኦይቂደ፥ ጾሳ ቦላ ማካሌዳ።
JOB 15:27 “አ ሶምኢ ሞꬌዳ ድራዉ፥ አ ጼሳይካ ቦቦርጬዳ ድራዉ፥
JOB 15:28 እ ላቲደ ደእያ ካታማቱካ ኦላን ላለቴዳ ድራዉነ እ ደእያ ጎላቱካ ኦንነ ደኤና ኦና ግዴዳ ድራዉ፥
JOB 15:29 እ ባረ ዱረተꬃን ዳሮ ጋምኤና፤ አ አቁካ አናና ጋምኤና፤ ቢታ ቦላንካ አከና።
JOB 15:30 “ꬉማፐ እ ከስ አከና፤ አ ታሸቱዋ ላጩ መልሳና፤ አ ጪሻካ ጾሳ ጫርኩ ፕት ꬋይሳና።
JOB 15:31 ባረካ ባረና ጭሚደ፥ ሀዳባን አማነቶፓ። እ አካናባይካ ሀዳባ።
JOB 15:32 ዎዲ ጋከናን ሹልያነ መል ስሚደ፥ ላኤንꬆ አጫናዉ ዳንዳየና ምꬃ ማላ እ ግዳናዋ።
JOB 15:33 ቴረናን ዉርጩዋና ቆቆፈትያ ዎይንያ ማላነ ጪሻይ ቆቆፈትያ ዎጋራ ማላ እ ግዳናዋ።
JOB 15:34 ጾሳዉ ያየና አሳቶ ዛሪ ꬋያና፤ ማታይያን ኬጸቴዳ ጎልያካ ታማይ ማና።
JOB 15:35 ኡንቱንቱ መቱዋ ሻሃሪደ፥ ኢታባ የሊኖ፤ ኡንቱንቱ ዎዛናንካ ጭሙ ኩም ኡቴዳ” ያጌዳ።
JOB 16:1 ኢዮብ ሀዋዳን ያጊደ ዛሬዳ፤
JOB 16:2 “ሀዋ ማላ ሃሳያ ዳሩዋ ስሳድ፤ ህንተ ምንꬄቶ ጊደ፥ ታና መትያዋንታ።
JOB 16:3 ሀ ጎአይ ባይና ህንተ ሃሳያዉ ዉርሰꬅ ባዌ? ታናና ህንተና ሀዋ ኬሻ ፓሉምስያ ጋሱ አዬ?
JOB 16:4 ህንተ ታ ሳኣን ደእና፥ ታን ህንተ ሳኣን ደኤዳዋ ግድንቶ፥ ታንካ ታ ሁጲያ ካꬍያን ቃꬃደ፥ ሀእ ህንተ ግያዋ ኡባ ህንተ ቦላ ሎይꬃደ ሃሳያና ሽን!
JOB 16:5 ሄዋዳንካ፥ ታ ዞርያን ታን ህንተና ምንꬃና ሽን! ታ ዶናፐ ከስያ ሃሳያይካ ህንተና ምንꬃና ሽን!
JOB 16:6 “ሽን ታን ሃሳይንቶካ፥ ታ ሳኩ ኬከና፤ ታን ጮኡ ጋደ ዳንዳይንቶካ፥ ታፐ ክቼና።
JOB 16:7 አቤት ጾሳዉ፥ ኔን ታና ድፕ ኦꬃዳ፤ ታ ጎልያ አሳ ኡባካ ꬋይሳዳ።
JOB 16:8 ኔን ታ ጋልባ መልሳዳነ ጉንድሳዳ፤ ታ ቦላካ ግልቂሳዳ። ሄዋ ድራዉ፥ አሳይ ታና በኢደ፥ ‘ሀዌ እ ናጋራንቻ ግድያዎ ማርካ’ ያጌ።
JOB 16:9 ጾሳይ ባረ ሀንቁዋን ታና ዱሰረꬅ የጌዳ፤ ባረ አቻካ ታ ቦላ ጋርጬዳ፤ እ ታ ሞርኪ ታና ደረቄ።
JOB 16:10 አሳቱ ታ ዩሹዋን ሺቄድኖ፤ ታ ቦላ ቅሊጪደ፥ ታ ቅንጻልያ ባቄድኖ።
JOB 16:11 ጾሳይ ኢታ ኦꬅያ አሳቶ ታና አꬂደ እሜዳ፤ ጌላቱዋ ኩሽያንካ እ ታና ኦሌዳ።
JOB 16:12 “ታን ካሰ ዎፑ ጋደ ደኣድ፤ ሽን ጾሳይ ታና ክንቼሬꬄዳ፤ ታ ሙርጋጭያ ኦይቂደ፥ እ ታና መንሬꬄዳ። ቃይ እ ታና ጾንግ ደቻናዉ ማላ ኦꬄዳ፤
JOB 16:13 አ ዎንዳፍያ ፖꬃይ ታና ያና ሃና ሙዴድኖ። ቃረት ባይናን እ ታ ክላሁዋ ጫዲደ፥ ታ ጭሽያ ታ ትርያፐ ሳኣን ጉሴ።
JOB 16:14 ኦላናዉ ዎጽያ ኦላንቻዳን፥ እ ታና ዛር ዛሪደ ማዱꬄ።
JOB 16:15 ታን ካዮታደ፥ ማቃ ማያድ፤ ታ ዎልቃይካ ባናን ኦለቴዳ።
JOB 16:16 ታን ዬክያ ዬኩዋ ዳሩዋን ታ አይፊ ጋልጄዳ፤ አፎꬃፐ ደንዶዋን ታ አይፊካ ዞኤዳ።
JOB 16:17 ሽን ሀ ኡባንካ ታን ባይዜዳዌ ባዋ፤ ታ ዎሳይካ ጌሻ።
JOB 16:18 “ቢታዉ፥ ቢታዉ፥ ታ ሱꬃ ካሞፓ፤ ታን ዋሳናዋ ድጎፓ።
JOB 16:19 ሀእካ ታ ማርካይ ሳሉዋና፤ ታዉ ጻባቃትያዌ ቦላ ꬎቃና።
JOB 16:20 ታ ላገቱ ታና ካꬊደ ጼሊኖ፤ ታ አይፊ ጾሳ ስንꬃን አፎꬃ ትጌ።
JOB 16:21 አሳይ ባረ ላገꬃዉ ጋናትያዋዳን፥ ታና ጾሳና ስገꬅያ አሳይ ደኤዳ ግዴረኔሻ!
JOB 16:22 አያዉ ጎፐ፥ አማሬዳ ላይꬃቱ አꬌዳዋፐ ጉይያን፥ ታን ስመናሳ ባና።
JOB 17:1 “ታ ሸምፓታ ከሳዉ፤ ታ ላይꬃይ ቃሜዳ፤ ታዉ ዱፉ ጊግ ኡቴዳ።
JOB 17:2 ታና ቅሊጭያዋንቱ ቱሙዋፐ ታ ዩሹዋን ደኢኖ፤ ኡንቱንቱ ታዉ ሀንቀትያ ሀንቁዋ ኡባ ገደ ታን በአይ።
JOB 17:3 “አቤት ጾሳዉ፥ ኔፐ ሀራይ ታና ማድያዌ ባይና ድራዉ፥ ኔን ነ ሁጲያን ታዉ ዋሰ ግዳ።
JOB 17:4 ኡንቱንቶ ገለናዳን፥ ኔን ታ ላገꬃቱዋ ዎዛና ዶንጭልሳዳ። ሄዋ ድራዉ፥ ኔን ኡንቱንቶ ጾኑዋ እሞፓ።
JOB 17:5 ሚሻ ደማና ጊደ፥ ባረ ላገቱዋ አꬅ እምያ አሳ ናጋራይ አ ናናቱዋ ካአና።
JOB 17:6 “ጾሳይ ታና አሳ ኡባዉ ቅሊጭያዋ ከሴዳ፤ አሳይ ሶምኡዋን ጩችያ አሳ ታን ግዳድ።
JOB 17:7 ታን ዳሮ ካዮቴዳ ድራዉ፥ ታ አይፊካ ጋልጄዳ፤ ታ ኩመንꬃ አሳተꬃይ ላፊደ፥ ጽንቁዋ ኬሻ ግዴድኖ።
JOB 17:8 ኬካ አሳቱ ታና በኢደ ዳጋሜድኖ፤ ሱረቱካ ጾሳ ካድያዋንቱ ቦላ ይሎቴድኖ።
JOB 17:9 ግዶፐነ፥ ጽሎቱ ባረንቱ ኦግያፐ ያካ ሃካ ስምክኖ፤ ሱረቱ ዎልቃ ጉጅ ጉጅ ቢኖ።
JOB 17:10 ሽን ሀእ ኡባይካ አነ ታኮ ሃ ዪተ! ይንቶካ፥ ታን ህንተ ግዶን እት አꬌዳ ኤራንቻ አሳካ ደምከ።
JOB 17:11 “ታ ደኡዋ ላይꬃይ ዉሬዳ፤ ታ ሀልቼዳ ሀልቹካ ታ ዎዛና አሙካ ጮ አቴዳ።
JOB 17:12 ታ ላገቱ ቃማ ጋላሳ ጊኖ፤ ꬉም ኡት ደእሽን፥ ‘ፖአና ሀኔ’ ያጊኖ።
JOB 17:13 ታን ህዶታን ናግያ ታ ጎሊ ዱፉዋ፤ ታ ሂጻካ ያን ꬉማን ሂጻና።
JOB 17:14 ዱፉዋ ታን፥ ‘ኔን ታ አዉዋ’ ያጋና፤ ጉጹንያካ፥ ‘ኔን ታ አቶ’ ዎይ ‘ታ ምቻቶ’ ያጋና።
JOB 17:15 ያትና፥ ታ ህዶታይ ሀቃኔ? ኦን አ በኤዴ?
JOB 17:16 ታ ህዶታይ ታናና ዱፉዋ ባንዴ? ኑን ላኡ እትፐ ቢታን ዱገ ዎꬋኔሻ?” ያጌዳ።
JOB 18:1 ሄዋፐ ጉይያን፥ ሹሀ ቢታፐ ዬዳ ብልዳደ ሀዋዳን ያጊደ ዛሬዳ፤
JOB 18:2 “ኢዮባ፥ ኔን ሀ ሃሳያ አዉደ ዉርሳይ? አነ አኬካ። ያቶፐ ኑን ሃሳያና።
JOB 18:3 ኑና አያዉ ሚዛ ከሳይ? አያዉ ኑና ዶንጭሎዋንታ ከሳይ?
JOB 18:4 ኔን ነ ሀንቁዋን ኔና ቆሃሳ። ነ ሀንቁዋን ቢታይ መላ ግዳኔ? ዎይ ዛላቱ ባረንቱ ሳኣፐ ꬎቆለታኔ?
JOB 18:5 “ናጋራንቻቱዋ ደኡ ጾምፒ ቶእያዋዳን ቶአናዌ ጌሻ፤ እ ላኤንꬆ ሙለካ ኤጸና።
JOB 18:6 እ ጾምፒ ባይና ጎልያ ማላ፤ አ ማታን ደእያ ጾምፒካ ቶኤ።
JOB 18:7 እ ታንግያ ታንጉካ ቃሜ፤ እ ሀራቱዋ ዞርያ ዞሪ አ ኡንጌ።
JOB 18:8 “አ ሀመታይ አ አፊደ፥ ጲርያን ገልሴ፤ ዲዛ ግዶን እ ሀመቴ።
JOB 18:9 ጵሪ አ ግንድያ ኦይቄ፤ አ ቃꬁዋ ድጌ።
JOB 18:10 አዉ ዩርዶ ዎዶሩ ጌማን ሳኣን ሂጸት ኡቴ፤ እ ሀመትያ ኦግያንካ ግቲ ዎꬍ ኡቴ።
JOB 18:11 “ዳጋማይ አ ዶዴ፤ አ ጉየናካ የደርሴ፤
JOB 18:12 አ ዎልቃይ ኮሻን ዳቡሬዳ፤ ባሻይ አ ማታን ናጌ።
JOB 18:13 ዎꬍያ ሀርጊ አ ቦላን ኡባን ዶዴ፤ አ ኩሽያነ አ ገድያ ዱሽሴ።
JOB 18:14 እ ህርግ ባይናን ደእያ ባረ ጎልያፐ የደርሴቴ፤ ኡንቱንቱ አሳ ኡባ ሞድያ ሀይቁዋ ግያ ካትያኮ፥ አ አፊኖ።
JOB 18:15 ሀርግያ የደርሳነው ዲንያ ላሎዋፐ ጉይያን፥ ኦንነ አ ጎልያን ደአና።
JOB 18:16 እ ጻጱ ጋርሳና መልያነ ቃንካቱካ ቦላና ቆቆፈትያ ምꬃ ማላ ግዴ።
JOB 18:17 አ ዎሪ ቢታፐ ꬋዬ፤ አ ሱንꬃይካ ሳኣን ሀሳየተናን አቴ።
JOB 18:18 እ ፖኡዋፐ ꬉማዉ የደርሰታና፤ አሳይ ደእያ ቢታፐካ እ ꬋያና።
JOB 18:19 አዉ ናአይ ዎይ ዛሪ ꬋያና፤ እ ደኤዳ ሳኣን እት አሳይነ ፓጻ ደኤና።
JOB 18:20 አዋይ ዶልያ ባጋ አሳይ አ ጋኬዳዋን ዳጋሜ፤ አዋይ ዉልያ ባጋ አሳይካ ያሻን ኮኮሬ።
JOB 18:21 አዉደካ ኢታ አሳቱዋ ዉርሰꬃይ ሄዋ ማላ፤ ጾሳ ኤረናዋንቱ ካጫይካ ሄዋ ማላ” ያጌዳ።
JOB 19:1 ሄዋፐ ጉይያን፥ ኢዮብ ዛሪደ፥ ሀዋዳን ያጌዳ፤
JOB 19:2 “ህንተ ታና አዉደ ጋካናዉ ኡንኤꬂቴ? አዉደ ጋካናዉ ህንተ ቃላን ታና ጋጪቴ?
JOB 19:3 ህንተ ታና ታሙ ገደ ቦሬድታ፤ ታና ካዉሺድካ ዬላትክታ።
JOB 19:4 ታን ቱሙ ባሌዳዋ ግድንቶካ፥ ታ ባላይ ታና ኦቻና።
JOB 19:5 ህንተ ታፐ ኬክያዋ ህንተዉ ማላትና፥ ‘ሀዌ መቱ ኡባይ አ ጋኬዳዌ፥ እ ባይዜዳ ድራሳ’ ያጊደ፥ ታ ቦላ ፕርዲታ።
JOB 19:6 ሽን ሀ መቱዋ ኡባ ታ ቦላ ጋꬄዳዌነ ግትያን ታና ገልሴዳዌ ጾሳ ግድያዋ ኤርተ።
JOB 19:7 “ታን፥ ‘ናቀታድ’ ያጋደ ዋስና፥ ታዉ አልያዌ ባዋ፤ ቃላ ꬎቁ ኦꬃደ፥ ሱረ ፕርዳዉ ዋስናካ፥ ስስያዌ ባዋ።
JOB 19:8 ታን አናዳን ጾሳይ ታ ኦግያ ድሬዳ፤ ታ ሀመትያሳካ ꬉማን ጎዜዳ።
JOB 19:9 ታ ዱረተꬃ ታፐ ቃሬዳ፤ ታ ቦንቹዋካ ታፐ ድጌዳ።
JOB 19:10 እ ታና ኡባ ባጋና መንሬꬅ የጌዳ፤ ታ ህዶታካ ጻጱዋና ꬎቆለቴዳ ምꬃ ማላ ኦꬄዳ።
JOB 19:11 አ ሀንቁ ታ ቦላ ኤጽ ከሴዳ፤ እ ታና ባረ ሞርክያዳን ፓይዴ።
JOB 19:12 ታ ቦላ ዶዳናዉ እ ባረ ኦላንቻቱዋ ኪቴ፤ ኡንቱንቱ ታና ኦላናዉ ኦግያ ጊግሲኖ፤ ታ ዱንካንያ ዩሹዋካ ዶዲኖ።
JOB 19:13 “ጾሳይ ታ እሻቱዋ ታፐ ሃሴዳ፤ ታና ኤርያዋንቱ ኡባና ታዉ አላጋ ግዴድኖ።
JOB 19:14 ታ ዳቦቱ ታፐ ሻከቴድኖ፤ ታ ላገቱካ ታና ዶጌድኖ።
JOB 19:15 ታ ሶን እማꬃተꬃን ሞኮዋንቱ ታና ዶጌድኖ፤ ታ ማጫ ቆማቱካ ታና እማꬃዳንነ በትያዳን ጼሊኖ።
JOB 19:16 ታን ታ ቆማ ጼግና፥ ታዉ ኮየና፤ ታን ዎስናካ፥ ታዉ ኤኖ ጌና።
JOB 19:17 ታ ማቻታ ታ ዶና ፔኑዋ እጻዱ፤ ታ እሻቱካ ታና ሸነቲኖ።
JOB 19:18 ሀራይ አትና፥ ጉꬃ ናናቱካ ታና ካꬊኖ፤ ታና ጼልያ ዎደ፥ ታ ቦላ ቅሊጪኖ።
JOB 19:19 ታ ማታ ላገꬃቱ ኡባይ ታና ሸነቲኖ፤ ታን ሲቅያዋንቱካ ታዉ ዞክያ ዛሬድኖ።
JOB 19:20 ታ መቀꬃይ ታ ጋልባና ኦይቀቴዳ፤ ሀይቁዋፐ ላፋሳን ታን አታድ።
JOB 19:21 “ህንተኖ ታ ላገቶ፥ ጾሳ ኩሺ ታና ደቼዳ ድራዉ፥ ታዉ ቃረትተ።
JOB 19:22 ጾሳይ ታና የደርስያዋዳን፥ ህንተ ታና አያዉ የደርሲተ? ሀኖ ጋካናዉ ህንተ ታና ቱጋዬዳዌ ግደኔ?
JOB 19:23 “ሀኖ ጋካናዉ ታን ሃሳዬዳ ቃላይ፥ ዎይ ሀሳየቴዳ ግዴረኔሻ! ማጻፋንካ ዎይ ጻፈቴዳ ግዴረኔሻ!
JOB 19:24 ዳሮ ጋምአና ማላ፥ ብራታ ማርሳን ዛላ ቦላን ዎጨቲደ ጻፈቴረኔሻ!
JOB 19:25 “ታና ዎዜዳዌ ፓጻ ደእያዋነ ዉርሰꬃን ቢታ ቦላን እ ኤቃናዋ ታን ኤራይ።
JOB 19:26 ታ ጋልባይ ሜተት ዉሮፐነ፥ ታን ታ አሹዋፐ ሻከታደ፥ ጾሳ በአናዋ ኤራይ።
JOB 19:27 ሀራ ኡራ ግደናን፥ ታን ታ ሁጲያን፥ ታ አይፍያን አ በአና። ሄዋ ድራዉ፥ ታ ዎዛናይ አያ ላሞቲ!
JOB 19:28 “ህንተ፥ ‘መቶ ኡንኩ አ ግዴዳ ድራዉ፥ አነ ሃይተ! አ የደርሴቶ!’ ጎፐ፥
JOB 19:29 ማሻዉ ያይተ! ጾሳ ሀንቁ ማሻና ያና፤ ፕርዳይ ደእያዋካ ኤርተ” ያጌዳ።
JOB 20:1 ናእማ ቢታፐ ዬዳ ጾፋር ሀዋዳን ያጊደ ዛሬዳ፤
JOB 20:2 “ነ ሃሳያይ ታና ሀንቀꬄዳ ድራዉ፥ ታን አይነ ጋምኤናን ነ ሃሳያዉ ዛሩዋ እማና።
JOB 20:3 ነ ሸቃ ሃሳያ ታን ስሳድ፤ አዉ በስያ ዛሩዋ ታና እማ እማ ጌ።
JOB 20:4 “አሳ ቢታ ቦላ ዎꬄዳ ዎድያፐ ዶሚደ፥ በንፐካ ናጋራንቻ አሳቱዋ ጬቁ ቃንꬃ ዎድያሳ ግድያዋ ኤራሳ፤
JOB 20:5 ጾሳ ኤረና አሳቱዋ ናሸቻይካ ልጴዳ አይፊ ጼላናሳ ግድያዋ ኔን ኤራሳ፤
JOB 20:6 ኢታ አሳይ ሻርያ ጋካናዉ አዱቆፐካ፥ አ ሁጲካ ሻርያ ቦቾፐ፥
JOB 20:7 እ ፓንዳዳን ፕተት ꬋያና። አ ኤርያ ኡባይ፥ ‘እ ሀቃን ደኢ?’ ያጋና።
JOB 20:8 አኩሙዋዳን እ ፓል ꬋያና፤ ስሚደካ ቤተና፤ ቃማ ሳጻዳን እ ꬋይ ባሻና።
JOB 20:9 አ በኤዳ አይፈቱ ላኤንꬂደ፥ አ በእክኖ፤ እ ባረ ደኢያሳፐካ ትፕ ጊደ ꬋያና።
JOB 20:10 ኢታ አዉ ቦንቂ አኬዳ ሚሻ አ ናናቱ ባረንቱ ኩሽያን ጉየ ዛሪደ ህዬሳቶ ጭጋና።
JOB 20:11 ዎልቃን ኩሜዳ አ ያላጋተꬃ ምኖታይ ጉꬃ ዎድያፐ ጉይያን፥ ቢታ ከሳና።
JOB 20:12 “ኢታ አሳ ዶናን ኢታተꬃይ ቁማዳን ማልእንቶካ፥ እ ባረ እንጻርሳፐ ጋርሳ ባጋና ገንꬆፐካ፥
JOB 20:13 ዉረናዳን ባረ ዶናን ጮሚደ፥ ዎꬅ ባሽንቶካ፥
JOB 20:14 አ ኡሎ ግዶን አ ቁማይ ላመታና፤ ዎꬍያ ሾሻ ይሻ ማላ አዉ ግዳናዋ።
JOB 20:15 ኢታ ብታኒ ባረ ምቴዳ ዱረተꬃ ሃ ጩቻና፤ አ ኡሉዋፐ ጾሳይ ጮሺደ ከሳና።
JOB 20:16 ኢታ ብታኒ ምትያባይ አዉ ይሻ ግዳናዋ፤ ሾሻ ይሻ ማላ ግዲደ፥ አ ዎꬋና።
JOB 20:17 ኤሳይነ ማꬃይ ሃꬃዳን ጎግሽና፥ እ በኤናን ሀይቃና።
JOB 20:18 ባረ ዳቡሬዳ ዳቡራ ጫዋ ሜናን፥ ሀራዉ ሼꬋና፤ ዛልኢደ ዎꬍሴዳ ባረ ዎꬍያንካ ናሸተና።
JOB 20:19 አያዉ ጎፐ፥ ህዬሳቱዋ እ ኡንኤꬄዳ፤ ኡንቱንታ ሸነኮ ጌዳ፤ ሀራ አሳይ ኬጼዳ ጎልያካ ባረዉ አኬዳ።
JOB 20:20 “አ ዮራዉ ዛዋይ ባዋ፤ ባረ ዶስያዋ ካላናዉ ዳንዳየና፤
JOB 20:21 እ ሜዳዋፐ ጉይያን፥ አያይነ ደኤና። ሄዋ ድራዉ፥ አ ዱረተꬃይ ጋምኤና።
JOB 20:22 እ ዳሮ ማጹዋ ደምያ ዎደ፥ መቱ አ ቦላ ጋክ ዎꬋና።
JOB 20:23 እ ሚደ ካልያ ዎደ፥ ጾሳይ አ ሙራናዉ ባረ ሱልያ ሀንቁዋ አ ቦላ ጉሳና።
JOB 20:24 ብራታ ማሻፐ እ ባቃታና፤ ሽን ናስያ አዳይ አ ጫዳናዋ።
JOB 20:25 ሄ አዳይ አዉ ዞክያና ካንꬅ ከሳና፤ ሄ ጶልያ ጼራይ አ ትርያ አꬊደ፥ ጭሽያ ጉሳና። ዳጋማን አ ዎዛናይ ሻባረታና።
JOB 20:26 “እ ሺሼዳ አቁዋ ኡባይ ꬋያና፤ አሳይ ኤꬅቤና ታማይ አ ማና፤ አ ጎልያን አቴዳ አሳይ ኡባይካ ታማን ሜተታና።
JOB 20:27 ሳሎቱ ሀ ብታንያ ናጋራ ቆንጭሳና፤ ቢታይካ አ ቦላ ማርካታና።
JOB 20:28 ጾሳይ ሀንቀቲደ አህያ ቤታን አ ጎሊነ አዉ ደእያባይ ኡባይ ሾከቲደ ባና።
JOB 20:29 ጾሳይ ኢታ አሳቶ ዎꬄዳ ካጫይ፤ ጾሳፐ ግሸቴዳ ግሹ ሀዋ” ያጌዳ።
JOB 21:1 ሄዋፐ ጉይያን፥ ኢዮብ ሀዋዳን ያጊደ ዛሬዳ፤
JOB 21:2 “አነ ታ ሃሳያ አኬኪደ ሀይዝተ፤ ስስያዌ ህንተ ታና ምንꬅያዋ ግድ ፓይደቶ።
JOB 21:3 ታን እት ገደነ ሃሳያናዉ ታዉ ካጫ እምተ። ታን ሃሳያ ስምና፥ ቅሊጭተ!
JOB 21:4 ታን ሞተትያዌ አሳና ግደና። ያትና፥ ታዉ ዳንዳያይ ዉሮፐ፥ ሄዌ ማላልስያዌ?
JOB 21:5 አነ ታና ጼልተ፤ ማላለትተ፤ ህንተ ኩሽያንካ ህንተ ዶና ኦይቂተ።
JOB 21:6 ታና ጋኬዳዋ ታን ቆፕያ ዎደካ፥ ታና ዳጋንꬄ፤ ታ ቦላይካ ኮኮሬ።
JOB 21:7 “ኢታ አሳቱ አያዉ ፓጻ ደእኖ? ኡንቱንቱ ላይꬃይ አያዉ አዱቂ? ኡንቱንቱ ዎልቃይካ አያዉ ዳር ዳር ብ?
JOB 21:8 ኡንቱንቶ ናናቱነ ናናቱዋ ናናቱ ደኢኖ፤ ኡንቱንቱ ድጭሽና በአናዉ፥ ጋምኢደ ደኢኖ።
JOB 21:9 ኡንቱንቱ ሶያይ ህርግ ባይናን ሳሮ ደኤ፤ ጾሳይ ኡንቱንታ ባረ ጋትማን ሾጭ ኤረና።
JOB 21:10 ኡንቱንቱ ኮሩማ ቦራቱ ማጫ ሚዛና ጋከትያ ዎደ፥ ኮለናን ኦይꬂኖ፤ ማጫ ሚዛቱካ ሳልኤሰናን የሊኖ።
JOB 21:11 ባረንቱ ናናቱዋ ዶርሳ ዉድያዳን ከሲኖ፤ ኡንቱንቱ ናናቱካ ያን ሃን ጉፒኖ።
JOB 21:12 ዳርቢያ ባቂደነ ዲꬃ ዲጺደ፥ የꬃ የጺኖ፤ ሎኩዋ ፑኒደካ ናሸቲኖ።
JOB 21:13 ኡንቱንቱ ባረንቱ ደኡዋ ላይꬃ እሻሉዋን ፖሊደ፥ ባረንቱ ዱፉዋካ ሳሮ ቢኖ።
JOB 21:14 ኡንቱንቱ ጾሳ፥ ‘ኑፐ ሃካ! ኑን ነ ኦግያ ኤራናዉ ኮዮኮ!
JOB 21:15 ኑን አዉ ኦꬃናዉ ኡባ ዳንዳይያ ጾሳይ ኦኔ? ኑን አ ዎሲደ፥ ጎኤታናባይ አዬ?’ ያጊኖ።
JOB 21:16 ኡንቱንቱ ባረንቱ እሻሎ ደኡዋ ባረንቱ ምኖተꬃን ደሜዶ ጊኖ፤ ሽን ታን ኡንቱንቱ ቆፋ አክከ።
JOB 21:17 “ኢታ አሳቱዋ ደኡዋ ጾምፒ ቶእ ኤሪ? ኡንቱንቱ ቦላ ባሻይ ዎꬍ ኤሪ? ጾሳይ ባረ ሀንቁዋን ኡንቱንታ ሙር ኤሪ?
JOB 21:18 ጫርኩዋ ስንꬃን ኡንቱንቱ ሱላዳን ሀኔዳ ዎዲ ደኢ? ጎቱ ፕት አፍያ ባናዳን ኡንቱንቱ ሀን ኤርኖ?
JOB 21:19 “ህንተ፥ ‘ጾሳይ አዎቱዋ ባይዙዋን ኡንቱንቱ ናናቱዋ ሙሬ’ ያጊታ። አነ ጾሳይ ናጋራንቻቱዋ ኡንቱንቱ ሁጲያን ሙሮ! ያትንቶ ኡንቱንቱ ባረንቱ ባይዙዋ ኤራና።
JOB 21:20 ኡንቱንቱ ባረንቱ ሙሩዋ ባረንቶ አክኖ። ኡባ ዳንዳይያ ጾሳ ሀንቁዋ ጹኣካ ኡንቱንቱ ባረንቱ ሁጲያን ኡሽኖ።
JOB 21:21 አያዉ ጎፐ፥ ኡንቱንቱ ሀይቂ ክቼዳዋፐ ጉይያን፥ ኡንቱንቱ ናናቱዋ አያይ ጋክንቶነ ኮይክኖ።
JOB 21:22 “ቦላ ꬎቃን ደእያዋንታ ፕርድያ ጾሳ ኤራ ታማርሳናዉ ዳንዳይያ አሳይ ደኢ?
JOB 21:23 እት አሳይ ኩመንꬃ ዎልቃይነ ኩመንꬃ ሳሩ ደእሺና፥ እሻሉዋን ደኢድ ሀይቄ።
JOB 21:24 አ ቦላይ ኦርድ ደእሽን፥ አ መቀꬃ ኮልዚካ ሽጭ ደእሺና ሀይቄ።
JOB 21:25 ሽን ሀራ አሳይ አ ሸምፑዋን ካዩ ፓጨናን፥ ባረ ደኡዋን ሙለካ ሎኦባ ደመናን ሀይቄ።
JOB 21:26 ኡንቱንቱ ላኡካ እት ማላ ቢታን ሞገቲኖ፤ ኡንቱንታ ላኡዋካ ጉጹነቱ ካሚኖ።
JOB 21:27 “ህንተ ታና ናቃናዉ ቆፒደ፥ ህንተ ዎዛናን ሀልቼዳ ሀልቹዋ ሙልያ ታን ሎይꬃደ ኤራይ።
JOB 21:28 ህንተ፥ ‘ሄ ኢታ ኦꬅያ፥ ዎልቃማ ብታንያ ጎሊ ሀእ ሀቃኔ?’ ያጊታ።
JOB 21:29 ኦግያና ሀመትያ አሳቱዋ ኦችበይክቴ? ኡንቱንቱ ኦድያዋ አማንክቴ?
JOB 21:30 ኡንቱንቱ፥ ‘ኢታ አሳቱ ባየꬃ ጋላስ ቦሸተናን አቲኖ፤ ጾሳ ሀንቁ ቆንጭያ ጋላስካ ኡንቱንቱ ከስ አካና’ ያጊኖ።
JOB 21:31 ኢታ አሳ አ ኢታተꬃዉ ኦኔ ዋላሳናዌ? እ ኦꬄዳ ኢታባዉካ አ ሙራናዌ ኦኔ?
JOB 21:32 እ ሀይቂና፥ አ አሃ ዱፉዋ አፍያ ዎደ፥ አ ዱፉ ናገታና።
JOB 21:33 አሳይ ኡባይ አ ካሌ፤ ፓይዱ ባይና አሳይ አ ባልያን ፔሼ፤ አ ዱፉዋ ቢታይካ ኡቱላዳን አዉ ካዉሼ።
JOB 21:34 ያትና፥ ህንተ ታና ዎት መላ ኦዱዋን ምንꬂቴ? ህንተ ታ ኦሻዉ ዛሬዳ ዛሩ ኡባይ ዎርዱዋ!” ያጌዳ።
JOB 22:1 ሄዋፐ ጉይያን፥ ተማና ቢታፐ ዬዳ ኤልፋዝ ሀዋዳን ያጊደ ዛሬዳ፤
JOB 22:2 “አሳይ ጾሳ ጎአናዉ ዳንዳዪ? ሀራይ አቶ አꬌዳ ኤራንቻ ግድንቶካ፥ እ ባረና ጎአናፐ አትና፥ ጾሳ ጎኤና።
JOB 22:3 ኔን ጽሉዋ ግዶፐ፥ ሄዌ ኡባ ዳንዳይያ ጾሳ ናሸቺ? ነ ኦጊ ቶሺ ባይናዋ ግዶፐ፥ ሄዋን እ አያ ዎꬍያ ደሜዴ?
JOB 22:4 “ኔን አ ቦንችያ ድራዉ፥ እ ኔና ሴሪነ ፕርዲ?
JOB 22:5 ነ ኢታተꬃይ ዳራ ግደኔ? ነ ናጋራዉ ዛዋይ ባዋ።
JOB 22:6 ኔን ነ እሻቱዋ ጋሱ ባይናን ዋስያ ጼስሳዳ፤ አሳ ማዩዋካ ቃራደ ኡንቱንታ ካሎ አሻዳ።
JOB 22:7 ኔን ሳመቴዳዋንታ ሃꬃ ኡሻባካ፤ ኮሻቴዳዋንታካ ቁማ ድጋዳ።
JOB 22:8 ኔን ነ ዎልቃንነ ነ ማታን ዘምፓደ፥ ሀራ አሳ ቢታ ነዉ ጮ አካዳ።
JOB 22:9 አምኤቱዋ መላ ኩሽያ የዳዳ፤ አዉ ባይናዋንታካ ኡቁናዳ።
JOB 22:10 ነ ዩሹዋን ግቲ ዶድ ኡቴዳዌ፤ አኬከናን ያሻይ ኔና ኮኮርስያዌካ ሄዋሳ።
JOB 22:11 ኔን በኤናዳን፥ ነዉ ꬉምያዌ፤ ቃይ ኩንꬆ ሃꬃይ ኔና ሙክያዌካ ሄዋሳ።
JOB 22:12 “ጾሳይ ቦላ ꬎቃ ሳሉዋን ኡቲደ፥ ꬎቃን ደእያ ጾልንተቱዋ ዱገ ጼሌ።
JOB 22:13 ሽን ኔን፥ ‘ጾሳይ አያ ኤሪ? እ ሄዋ ማላ፥ ꬍጵ ጎ ꬉማ ግዱዋናካ ፕርዳናዉ ዳንዳዪ?
JOB 22:14 ሳሉዋነ ሳኣ ዳንꬁዋ ቦላ እ ስመረትያ ዎደ፥ እ በኤናዳን፥ ስኬዳ ሻሪ አ ጎዜ’ ያጋሳ።
JOB 22:15 “ናጋራንቻቱ ሀመቴዳ በን ኦግያን ባናዉ ቆፋ ቃቻዲ?
JOB 22:16 ኡንቱንቱ ባረንቱ ዎዲ ጋከናን ደእሺና ሀይቄድኖ፤ ኡንቱንቱ ደኡዋ ባሱካ ድኡዋን ሜጨት ꬋዬዳ።
JOB 22:17 ኡንቱንቱ ጾሳ፥ ‘ኑፐ ሃካ! ኡባ ዳንዳይያ ጾሳይ ኑዉ አያ ኦꬃናዉ ዳንዳዪ?’ ያጌድኖ።
JOB 22:18 ግዶፐነ፥ ኡንቱንቱ ጎልያን ሎኦባ ኩንꬄዳዌ ጾሳ። ሄዋ ድራዉ፥ ኢታ አሳቱዋ ቆፋይ ታዉ ገለና።
JOB 22:19 “ኢታ አሳቱዋ ቦላ ጋክያዋ በኢደ፥ ጽሎቱ ናሸቲኖ፤ ሱረ አሳቱካ ሀዋዳን ያጊደ፥ ኡንቱንቱ ቦላ ቅሊጪኖ፤
JOB 22:20 ‘ቱሙዋፐ ኑ ሞርከቱ ꬋዬድኖ፤ ኡንቱንቱ ዱረተꬃካ ታማይ ሜዳ’።
JOB 22:21 “ኢዮባ፥ ሀእካ ጾሳዉ ሞደታ፤ አናና ሳሮ ደአ። ያቶፐ፥ ኔን አንጀታና።
JOB 22:22 አ ዶናፐ ትምርትያ አካ፤ አ ቃላቱዋካ ነ ዎዛናን ዎꬃ።
JOB 22:23 ኔናተꬃ ሆክሳደ፥ ኡባ ዳንዳይያ ጾሳኮ፥ ኔን ስሞፐ፤ ኢታ ኦሱዋ ኡባ ነ ሶፐ ድጎፐ፤
JOB 22:24 ነ ዎርቃ ሳኣን ኦሎፐ፤ ነ በርተ ዎርቃካ ሻፋ ሹቻን ኦሎፐ፤
JOB 22:25 ኡባ ዳንዳይያ ጾሳይ ነዉ ዎርቃነ ዶረቴዳ ብራ ግዳናዋ።
JOB 22:26 “ሄዋፐ ጉይያን፥ ኔን ኡባ ዳንዳይያ ጾሳን ቱሙ ናሸታና፤ ዬላተናን ጾሳኮ ፑደ ጼላና።
JOB 22:27 ኔን ጾሳ ዎሳና፤ እ ስሳና፤ ቃይ ኔን ነ ቃንግያ አዉ ጋꬃና።
JOB 22:28 ኔን ዞረታደ ቃቼዳዌ ነዉ ፖለታና፤ ነ ሀመትያ ኦግያንካ ፖኡ ፖአና።
JOB 22:29 አያዉ ጎፐ፥ ጾሳይ ኦቶረትያዋንታ ካዉሼ፤ ሽን ባረንታ ሆክስያዋንታ አሼ።
JOB 22:30 እ ሱረ አሳ ዎꬅ አኬ። ነ ኩሺ ናቁዋፐ ጌሻ ግዶፐ፥ እ ኔና አሻና” ያጌዳ።
JOB 23:1 ኢዮብ ሀዋዳን ያጊደ ዛሬዳ፤
JOB 23:2 “ታን ሀእካ ጾሳ ቦላ ማካላይነ ዙዙማይ፤ አያዉ ጎፐ፥ ታን ኦልናካ አ ኩሺ ታ ቦላ ዴጽያዋ አግቤና።
JOB 23:3 እ ደኢያሳ ታን ኤራርክታሻ! እ ኡቴዳሳካ ጋካርክታሻ!
JOB 23:4 ያትንቶ፥ ታን ታ ሞቱዋ አ ስንꬃን ብዳና ሽን! ታ ዶናካ ፓሉምያን ኩንꬃና ሽን!
JOB 23:5 እ ታ ሞቶ ዛርያዌ አየንቶካ ታን ኤራና ሽን! እ ታና ግያዋካ አኬካና ሽን!
JOB 23:6 እ ባረ ዎልቃማ ዎልቃን ታናና ኤቀታኔሻ? ቱይት፥ ቱይት፥ እ ታን ኦድያዋ ስሳናፐ አትና፥ ሄዋ ሀነና።
JOB 23:7 ታ ዎዛናይ ሱረ ግድያ ድራዉ፥ ታን ጾሳና ሞተታናዉ ዳንዳያይ፤ እ ታ ዳናይ ታና መꬍናዉ ሻትንꬃና።
JOB 23:8 “ሽን አይሴ፥ ታን አዋይ ዶልያ ባጋ ቦፐ፥ እ ያን ደኤና፤ ቃይ ታን አዋይ ዉልያሳ ቦፐካ፥ አ ደምከ።
JOB 23:9 እ ሁጲሳ ባጋ ቢታን ኦꬅያ ዎደ፥ ታን አ በእከ፤ ቃይ ገድሳ ባጋ ቢታ ስምያ ዎደካ፥ ታን አ ደምከ።
JOB 23:10 ሽን እ ታ ታንጉዋ ኡባ ኤሬ፤ እ ታና ፓጮፐ፥ ታን ዎርቃዳን ጌሻ ግድያዋ እ በአና።
JOB 23:11 ታን እ ሀመቴዳ ኦግያ ጌሻ ኦይቃደ ሀመታድ፤ አ ኦግያፐ ዎራ ስማበይከ።
JOB 23:12 አ ዶናፐ ከስያ አዛዙዋፐ ታን ሻከታበይከ፤ አ ቃላካ ታ ዎዛናን ዎꬃድ።
JOB 23:13 “ጾሳይ ላመተና። አናና ኤቀታና፥ ዎይ ባረ ኮዬዳዋ እ ኦናዳን አ ድጋና አሳይ ባዋ።
JOB 23:14 እ ታዉ ሀልቼዳዋ ፖላና፤ ሄዋንቱ ማላ፥ ሀራ ዳሮ ሀልቾቱካ አዉ ደኢኖ።
JOB 23:15 ሄዋ ድራዉ፥ አ ስንꬃን ኤቂያዌ ሎይꬅ ታና ያሼ፤ ሄዋ ኡባባ ቆፓደ፥ ታን ኮኮራይ።
JOB 23:16 ታ ዎዛናይ ዳቡራናዳን ጾሳይ ኦꬄዳ፤ ኡባ ዳንዳይያ ጾሳይ ታና ዳጋንꬄ።
JOB 23:17 ባራ ꬉማይ ታ ሶምኡዋ ጎዝንቶካ፥ ታና ሄ ꬉማይ ሃሳያ ድግቤና።
JOB 24:1 “ኡባ ዳንዳይያ ጾሳይ ፕርድያ ዎድያ አያዉ ኬረኔ? አ ኤርያዋንቱ ሄ ዎድያ አያዉ በእክኖ?
JOB 24:2 ኢታ አሳቱ ባረንቱ ጋድያ አሳናዉ፥ ዛዋን ደእያ ሹቻ ꬎቆሊኖ። ዶርሳካ ዉእ አሂደ፥ ባረንቱ ዶርሳ ዉድያን ጋꬂደ ሄሚኖ።
JOB 24:3 አዉ ባይና ናናቱዋ ሀረቱዋ ላጊደ፥ አክ ቢኖ፤ አምአቲ ቦራካ አጮ ኦይቂደ፥ ባረንቶ አኪኖ።
JOB 24:4 ህዬሳቱዋ ባረ ማታ ደመናዳን ድጊኖ፤ ቢታን ደእያ ህዬሳቱዋ ኡባ ባረንቱ ስንꬃፐ ቆሰꬂኖ።
JOB 24:5 ባዙዋን ደእያ ዎራ ሀረቱዋዳን፥ ህዬሳቱ ምያዋ ኮዪደ ዎጸረቲኖ፥ ባረንቱ ናናቶካ ባዙዋፐ ቁማ ኮዪኖ።
JOB 24:6 ኡንቱንቱ ደምባን ሀራ አሳዉ ካꬃ ጫኪኖ፤ ኢታ አሳቱዋ ዎይንያ ቴራ ዉርጩዋካ ቃርሚኖ።
JOB 24:7 ኡንቱንቱ ቃማ ካሎ አቂኖ፤ ሜጉዋ ዎደካ ቦላን ማይያዌ ኡንቱንቶ ባዋ።
JOB 24:8 ደረቱዋን ቡክያ እራን ኡንቱንቱ ጽርክኪኖ፤ ገልያሳ ꬋዪደ፥ ሹቻ ቆሚኖ።
JOB 24:9 “ኢታ አሳቱ አዉ ባይና ናኣ አት ꬋንꬃ ꬋምያሳፐ ዳፍ አኪኖ፤ ህዬሳቱዋ ጉꬃ ናናቱዋካ አጮ ኦይቂኖ።
JOB 24:10 ህዬሳቱ ማዩዋ ꬋዪደ፥ ካሎ ሀመቲኖ፤ ኡንቱንቱ ቱኩዋ ኬዚደ ኮሻቲኖ።
JOB 24:11 ኡንቱንቱ ዛይትያ ከሳናዉ ዎጋራ ቴራ ፑርጺኖ፤ ዎይንያ ቴራካ ጉምኢደ ሳመቲኖ።
JOB 24:12 ካታማን ሀይቃና ሀንያ አሳቱ ኦሊኖ፤ ደሸቴዳ አሳቱካ ማዱዋ ኮዪደ ዋሲኖ፤ ሽን ጾሳይ ኡንቱንቱ መቱዋ ጼለና።
JOB 24:13 “ፖኡዋ እጽያ አሳቱ ደኢኖ፤ ኡንቱንቱ ፖኡ አየንቶ ኤርክኖ፤ አ ኦግያፐካ ዎራ ቢኖ።
JOB 24:14 ሸምፑዋ ዎꬍያዌ ዎንቱማꬃ ደንዲደ፥ ህዬሳቱዋነ መቶታንቻቱዋ ዎꬌ፤ ቃማ ቃይ ካይሱዋዳን ዉኤ።
JOB 24:15 ሻርሙጽያዌ ሳአይ ꬉማናዋ ናጌ፤ እ፥ ‘ኦንነ ታና በኦፖ’ ጊደ፥ ባረ ሶምኡዋ ካሜ።
JOB 24:16 ካይሳቱ ቃማ ጎልያ ቦኪደ፥ ዉአናዉ ገሊኖ፤ ሽን ጋላስ ፖኡዋ እጺደ፥ ቆሰት ፔሺኖ።
JOB 24:17 ኡንቱንታ ጋላሳ ፖኡ ያሼ፤ ሽን ቃማ ꬉማይ ኡንቱንታ ዳጋንና።
JOB 24:18 “ኢታ አሳቱዋ ድኡዋ ሃꬃይ ቁጪደ አፌ፤ ኡንቱንታ ጋኬዳ ጋዲ ሸቀቴዳዋ ግዴ። ኦንነ ኡንቱንቱ ዎይንያ ቱራ ሳኣ ቤና።
JOB 24:19 ሻቻይ ሆምቢያን ሙሽና፥ አዋይ አ መልስ ꬋይስያዋዳን፥ ሄዋዳንካ፥ ናጋራንቻቱ ሀይቂደ ꬋዪኖ።
JOB 24:20 ሀራይ አትና፥ የሌዳ አየቱካ ኡንቱንታ ሀሳይክኖ። ጉጹኒ ኡንቱንቱ አሹዋ ማልእና ሜ። ኡንቱንቱ ኢታ ኦሱካ ኩንዴዳ ምꬃዳን መአና።
JOB 24:21 አያዉ ጎፐ፥ ኡንቱንቱ ናአይ ባይና ማይነ ማጫ አሳ ናቄድኖ፤ አምኤ ማጫ ምሽራትዉካ ማደናን እጼድኖ።
JOB 24:22 “ጾሳይ ባረ ዎልቃን ምኖቱዋ ꬋይሴ፤ ኡንቱንቶ ሳአይ እንጀቶዋ ማላቶፐካ ደኡዋ ህዶታይ ባዋ።
JOB 24:23 ጾሳይ ኡንቱንቱ ሳሮ ደአናዳን ኦꬆፐካ፥ ኡንቱንቱ ኦግያ ዎቼ።
JOB 24:24 ኢታ አሳቱ ጉꬃ ዎድያዉ ꬎቁ ꬎቁ ጊኖ፤ ሽን ኤለካ ሻራፋዳን ሹል ꬋዪኖ፤ ካꬃዳን ጫከቲኖ።
JOB 24:25 “ሄዌ ሀነና ጊደ፥ ካድያ አሳይ ደኢ? ታን ኦዴዳ ቃላካ ዎርዱዋ ጊደ፥ አማንꬅያ አሳይ ደኢ?” ያጌዳ።
JOB 25:1 ሄዋፐ ጉይያን፥ ሹሀ ቢታፐ ዬዳ ብልዳደ ሀዋዳን ያጊደ ዛሬዳ፤
JOB 25:2 “ጾሳይ ዎልቃማ ግድያ ድራዉ፥ አሳይ ያዪደ፥ አዉ ሞደቴ። እ ባረ ሳሉዋ ካዉተꬃ ሳሩዋን ናጌ።
JOB 25:3 አ ኦላንቻቱዋ ፓይዳናዉ ዳንዳይያ አሳይ ደኢ? ጾሳ ፖኡ ጋከና ሳአይ ደኢ?
JOB 25:4 ያትና፥ አሳይ ጾሳ ስንꬃን ዋን ጽሉዋ ግዳናዉ ዳንዳዪ? ማጫ አሳፐ የለቴዳ አሳይ ዋን ጌሻ ግዳናዉ ዳንዳዪ?
JOB 25:5 ጾሳ ስንꬃን አግናይካ ዋጋጋ ፖኦ ግደና፤ አ ስንꬃን ጾልንተቱካ ጌሻ ግድክኖ።
JOB 25:6 ያትና፥ ጾሳ ስንꬃን ጉጹንያ ግድያ አሳይ አይ ኬሻ ላፌ?” ያጌዳ።
JOB 26:1 ኢዮብ ሀዋዳን ያጊደ ዛሬዳ፤
JOB 26:2 “ዎልቃይ ባይና አሳ ኔን አያ ማዱዋ ማዳዲ! ዳቡሬዳ ቀሰቱዋ ኔን አያ አሹዋ አሻዲ!
JOB 26:3 አꬌዳ ኤራተꬃይ ባይናዋ አያ ዞርያ ዞራዲ! አይ ኬሻ ዎልቃማ ኤራተꬃ ቆንጭሳዲ!
JOB 26:4 ኔን ሀ ቃላ ሃሳያናዳን ኔና ኦኔ ማዴዳዌ? ቃይ ሀዋዳን ሃሳያናዉ ኔና ደንꬄዳዌ ኦ አያኔ?” ያጌዳ።
JOB 26:5 ብልዳደ፥ “ሀይቄዳዋንቱ ሞይትለቱ ቢታፐ ጋርሳ ባጋና ሃꬃ ግዶን ኮኮሪኖ።
JOB 26:6 ጾሳ ስንꬃን ስኦሊካ ቆንጨ፤ አያይነ አ ገንꬃናዉ ዳንዳየና።
JOB 26:7 ጾሳይ ሁጲሳ ባጋ ሳሎቱዋ ምጬዳ፤ ሳኣካ አየንቶ ባይና ሳን ካቄዳ።
JOB 26:8 እ ሻረቱዋን ሃꬃ ኩንꬄ፤ ሃꬃ ዴጹዋን ሻረቱ ዳከትክኖ።
JOB 26:9 ዶይሴዳ አግና እ ባረ ሻርያን ካሜ።
JOB 26:10 ፖኡዋ ꬉማፐ ሻካናዉ፥ ሳሉ ሳኣና ዳንትያ ሳኣን ቃማይነ ጋላሳይ ላመትያ ዛዋ ጾሳይ ኤሴ።
JOB 26:11 እ ሴርያ ዎደ፥ ሳሎቱዋ ቱቀቱ ዳጋማዉ ኮኮሪኖ።
JOB 26:12 ባረ ዎልቃን አባ ጮኡ ኦꬄዳ፤ ባረ አኬካን ራኣባ ግያ ዳዊያ ꬋይሴዳ።
JOB 26:13 እ ሸምፕያ ሸምፑዋን ሳሎቱ ጌዬድኖ፤ አ ኩሺካ ጾንገትያ ሾሻ ዎꬌዳ።
JOB 26:14 ሀዋንቱ ኡባይ ጾሳይ ኦꬄዳ ኦሶቱዋፐ አማሬዳዋንታ፤ ኑን ስስያዌ ሳሱከꬃ ጻላላ። ያትና፥ አ ዎልቃ ግታተꬃ አኬካናዉ ዳንዳይያዌ ኦኔ?” ያጌዳ።
JOB 27:1 ኢዮብ ሀዋዳን ያጌዳ፤
JOB 27:2 “ታ ሱረ ፕርዳ ታና ድጊደ፥ ታ ደኡዋ ጫማ ከሴዳ፥ ኡባ ዳንዳይያ ደኡዋ ጾሳን ታን ጫቃይ።
JOB 27:3 ጾሳይ ታዉ ደኡዋ ሸምፑዋ እሜዳ ኬናን፥
JOB 27:4 ታ ዶናይ ዎርዱዋ ሃሳየና፤ ታ እንጻርሳይካ ጭሙዋ ኦደና።
JOB 27:5 ህንተ ሃሳዬዳዌ ልከ ጋደ ታን አክከ፤ ሀይቃና ጋካናዉካ ታን ታ ሱረተꬃ አግከ።
JOB 27:6 ታ ጽሎተꬃ ምንሳ ኦይቃናፐ አትና፥ ጽሎተꬃ አግከ፤ ታን ደኤዳ ላይꬃ ኡባን ታ ዎዛናይ ካሀይ ታና ቁምኤና።
JOB 27:7 “ታ ሞርከቱነ ታናና ኤቀትያዋንቱ ኡባይ ኢታነ ባይዛንቻ አሳዳን ሙረትኖ።
JOB 27:8 ጾሳይ ኡንቱንቱ ሸምፑዋ ኡንቱንቱ አሹዋፐ ሻኪደ፥ ኡንቱንቱ ላይꬃ ቃምስያ ዎደ፥ ኢታቶ ስንꬃፐ ህዶታይ አዬ?
JOB 27:9 ኡንቱንቱ ቦላ መቱ ጋክያ ዎደ፥ ጾሳይ ኡንቱንቱ ዋሱዋ ስሲ?
JOB 27:10 ኡባ ዳንዳይያ ጾሳን ኡንቱንቱ ናሸታኔ? ኡንቱንቱ ኡባ ዎደ ጾሳ ጼሳኔ?
JOB 27:11 “ታን ህንተና ጾሳ ዎልቃባ ታማርሳና፤ ኡባ ዳንዳይያ ጾሳ ሀልቹዋ ታን ህንተፐ ቆስከ።
JOB 27:12 ህንተ ኡባይ ሀዋ ህንተ ሁጲያን በኤድታ። ያትና፥ ሀ ሜላ ሃሳያ አያዉ ሃሳዪቴ?
JOB 27:13 “ጾሳይ ኢታ አሳቶ እሜዳ ካጫይነ ኡቁንያ አሳቱ ኡባ ዳንዳይያ ጾሳፐ አክያ ዎይቱ ሀዋፐ ካልያዋ።
JOB 27:14 ኡንቱንቱ ናናቱ አይ ኬሻ ዳሮፐነ፥ ኡንቱንቱ ኦላን ዉሪኖ፤ ኡንቱንቱ ዛራቱካ ምያዋ ꬋዪደ ኮሻቲኖ።
JOB 27:15 ሄዋፐ አቴዳዋንቱ ቦሻን ዉሪኖ፤ ኡንቱንቱ አምኤቱካ ኡንቱንቶ ዬክክኖ።
JOB 27:16 “ኢታ አሳቱ፥ ፓይድና ዉረና ብራ ሺሽናካ፥ ኡንቱንቱ ብራ ሱረ አሳቱ ሻክ አካና፤ ቃይ ማዩዋ ዳርሲደ ሺሽናካ፥ ኡንቱንቱ ሺሽያዋ ጽሎቱ ማያና።
JOB 27:18 ኡንቱንቱ ኬጽያ ጎለቱ ሻራሮታ ጎልያ ማላ፤ ናግያዋንቱ ኬጼዳ ጋባ ማላ።
JOB 27:19 “ኡንቱንቱ ዱረ ግዲደ፥ ባረንቱ ሂጻን ግሳና፤ ሽን ኡንቱንቱ ገምእሹዋፐ ቤጎትያ ዎደ፥ አያይነ ꬋይና መላ አታናዋንታ።
JOB 27:20 ዳጋማይ ድኡዋዳን ቆፐናን ኡንቱንቱ ቦላ ያና፤ ቃማንካ ጎቲ ኡንቱንታ ደንꬂደ አፋና።
JOB 27:21 አዋይ ዶልያ ባጋ ጫርኩ ኡንቱንታ ደኢያሳፐ ፕቲደ አፋና።
JOB 27:22 ኡንቱንቱ ከስ አካናዉ ባቃትሽና፥ ቃረት ባይናን ኡንቱንቱ ቦላ ዎꬋና።
JOB 27:23 ዎልቃማ ኮሻ ስሲደ፥ ኡንቱንታ የደርሳና።
JOB 28:1 “ብራ ቦክ ከስያሳይነ ዎርቃ ጌሻናዉ ሙሽስያ ሳአይ ደኤ።
JOB 28:2 ብራታይ አሳይ ቢታፐ ቦክና ከሴ፤ ናሃሲካ አ ሹቻ ሙሽስና ከሴ።
JOB 28:3 አሳይ ጾምፕያ አሂደ፥ ꬉማ ጾኔ፤ ቢታ ጪሙዋ ጋኪደ፥ ꬍጵ ጎ ꬉማ ግዶን ሄ ሹቻ ኮዬ።
JOB 28:4 አሳይ ደኢያሳፐ ሃኪደ፥ አሳ ገዲ የꬍ ኤረናሳ ቢደ፥ ሄዋን ጪማ ኦላ ቦኬ፤ ሄዋን ዎዶሩዋን ያነ ሃነ ኩሉሙሺደ፥ አሳፐ ሻከቲደ ደኤ።
JOB 28:5 ካꬃይ ቢታፐ ሞኬ፤ ሽን ሄ ቢታ ግዱ ታማን ሙሺደ፥ አꬍ አꬍ ዎꬌ።
JOB 28:6 ሄ ቢታ ግዶን ደእያ ሹቻፐ ሳምፔርያ ግያ አልኦ ሹቻይ ከሴ፤ አ ባና ግዶፐካ ዎርቃይ ቤቴ።
JOB 28:7 “ሄ ሹቻ ቦክያሳ አፍያ ኦግያ ጽንግሊ ኤረና፤ ጋጪካ በእቤና።
JOB 28:8 ኢታ ዶአቱ ባረንቱ ገድያን ሄ ሳኣ የꬍ ኤርክኖ፤ ጋሙካ ሄዋና አና።
JOB 28:9 “አሳይ ምኖ ዛላ መንሬꬄ፤ ደርያካ ቦኪደ፥ ጻጱዋፐ አꬅ የጌ።
JOB 28:10 ዛላ ሉኪደ፥ አꬍያ ኦግያ ከሲደ፥ ሄ አልኦ ሹቻካ ደሜ።
JOB 28:11 ሃꬃ ፑልቱዋ ቦክኖ፤ ጌሜዳባቱዋካ ፖኡዋ ከሴ።
JOB 28:12 “ሽን አꬌዳ ኤራተꬃይ ሀቃፐ ቤታናዉ ዳንዳዪ? አኬካይ ቤትያ ሳአይ ሀቄ?
JOB 28:13 አሳይ አ ቱሙ ጋትያ ኤረና፤ አያዉ ጎፐ፥ አꬌዳ ኤራተꬃይ ፓጻ ደእያዋንቱ ቢታን ቤታናዉ ዳንዳየና።
JOB 28:14 ጪሙ፥ ‘አꬌዳ ኤራተꬃይ ታ ግዶን ባዋ’ ያጌ፤ አባይካ ታናና ግደና ጌ።
JOB 28:15 “አꬌዳ ኤራተꬃይ ዎርቃን ሻመተና፤ አ ጋቲካ ብራን ጌዳረተና።
JOB 28:16 አꬌዳ ኤራተꬃይ በርተ ዎርቃን፥ ማርግድያነ ሳምፔርያ ጌተትያ አልኦ ሹቻን ሻመተና።
JOB 28:17 ዎርቃይነ ማስቶትያ ኦሰቴዳ ሚሻቱዋ ጋቲ አናና ልከተና፤ ዎርቃፐ ኦሰቴዳ አልኦባንካ ላመተና።
JOB 28:18 አꬌዳ ኤራተꬃ ጋቲ የሌሉዋፐ፥ አልማዝያፐነ እንቁዋ ኡባፐ አꬌ።
JOB 28:19 ቶጳዝዮንያ ግያ ቶጵያ እንቁካ አናና ልከተና፤ በርተ ዎርቃንካ ሻመተና።
JOB 28:20 “ያትና፥ አꬌዳ ኤራተꬃይ ሀቃፐ ዪ? አኬካይ ቤትያ ሳአይ ሀቄ?
JOB 28:21 ፓጻ ደእያ መታ ኡባፐ ጌም ኡቴዳ፤ ሳሉዋ ካፎቱካ አ ደምክኖ።
JOB 28:22 ባሻይነ ሀይቁ፥ ‘ኑን አꬌዳ ኤራተꬃዉ ኦዶ ጻላላ ኑ ሀይꬃን ስሴዶ’ ያጊኖ።
JOB 28:23 “አꬌዳ ኤራተꬃኮ አፍያ ኦግያነ እ ደእያ ሳኣ ኤርያዌ ጾሳ ጻላላ።
JOB 28:24 አያዉ ጎፐ፥ ጾሳይ ሳኣ ጋጻ ኡባ ጼሌ፤ ሳሎቱዋፐ ጋርሳና ደእያዋ ኡባ በኤ።
JOB 28:25 ጾሳይ ጫርኮ ዎልቃ እሜዳ ዎደነ ሻርያ ሃꬃ ልኬዳ ዎደ፥
JOB 28:26 እራይካ ሀቃን ቡካነንቶ፥ ዋልቃንꬃይካ ሀቃን ዎꬋነንቶ ዎጋ ዎꬄዳ ዎደ፥
JOB 28:27 እ ሄ ዎደ፥ አꬌዳ ኤራተꬃ በኢደ ፓጬዳ፤ ሎአ ጌዳ።
JOB 28:28 ሄዋፐ ጉይያን፥ ጾሳይ አሳዉ ኦዲደ፥ ‘ጾሳዉ ያይያዌ አꬌዳ ኤራተꬃ፤ ኢታፐ ሃክያዌካ አኬካ’ ያጌ” ያጌዳ።
JOB 29:1 ኢዮብ ቃይካ ሀዋዳን ያጌዳ፤
JOB 29:2 “ሀእ ታ ደእያ ደኡ ጾሳይ በን ታና ናጌዳ ዎድያዋ ማላ ግዴረኔሻ!
JOB 29:3 አ ጾምፒ ታ ቦላ ፖእና፥ ታን ꬉማን አꬋደ አ ፖኡዋን ሀመታድ።
JOB 29:4 ሄ ዎዲ ጾሳይ ታናነ ታ ሶ አሳ ናግና፥ ታን ታ ኩመንꬃ ዎልቃና ደኤዳ ዎደ።
JOB 29:5 ሄ ዎደ ኡባ ዳንዳይያ ጾሳይ ታናና ደኤ፤ ታ ናናቱካ ታ ዩሹዋን ደኢኖ።
JOB 29:6 ታን ታ ኩሽያ ማꬃን ሜጨታድ፤ ታ ዎጋራ ጉምኢያሳፐካ ዛይቲ ሻፋዳን ጎጌዳ።
JOB 29:7 “ታን ካታማን ደእያ ፕርዳ ጎልያ ቤዳ ዎደ፥ ዳናቱዋና እትፐ ኡታድ።
JOB 29:8 ሄ ዎደ ያላጋቱ ታና በኢደ፥ ኦግያ እሜድኖ፤ ጭማቱካ ታና ቦንቻናዉ ደንድ ኤቄድኖ።
JOB 29:9 ካፓቱ ሃሳይያዋ አግ ባሼድኖ፤ ባረንቱ ዶናንካ ባረንቱ ኩሽያ ዎꬄድኖ።
JOB 29:10 ሄ ካታማን ደእያ ዎልቃማ አሳቱካ ጮኡ ጌድኖ፤ ኡንቱንቱ እንጻርሳይካ ኡንቱንቱ ኮክያ ባቂ ኦይቄዳ።
JOB 29:11 “ታዋ ስሴዳዋንቱነ ታና በኤዳዋንቱ ኡባይ ታና ጋላቲደ ሃሳዬድኖ።
JOB 29:12 አያዉ ጎፐ፥ ማዶ ዋስያ ህዬሳቱዋነ አዉ አታ ꬋይና፥ ማድያዌ ባይናዋንታ ታን አሻድ።
JOB 29:13 ሀይቃና ሀንያ ብታኒ ታና አንጄዳ፤ አምአታካ ታ ማዱዋን ናሸታዱ።
JOB 29:14 ታን ጽሎተꬃ ማዩዋዳን ማያድ፤ ሱረ ፕርዳይካ ታ አፍላ ማላነ ቁማሻ ማላ።
JOB 29:15 ታን ቆቀቶ አይፍያ፥ ዎባቱዋ ገድያ ግዳድ።
JOB 29:16 ህዬሳቶ አዉዋ ግዳድ፤ ታን ኤረና አሳቶካ አባካቶ ግዳድ።
JOB 29:17 ታን ኢታቱዋ ጋፓታ መንꬃድ፤ ኡንቱንቱ ሻንካቲደ ኦይቄዳዋንታካ ኡንቱንቱ ዶናፐ ዎꬃ አካድ።
JOB 29:18 “ታን ታ ቆፋን፥ ‘ታን አዱሳ ላይꬃ ታ ሶ አሳ ግዱዋን ደኣደ ሀይቃና።
JOB 29:19 ታን ባረ ጻጶቱዋ ሃꬃ ግዶ የዴዳነ ከተርሳይ ቃማ ኡባን አ ታሽያ ቦላ ደእያ ምꬃ ማላ።
JOB 29:20 ታን ኡባ ዎደካ ቦንቼታደ ደአና፤ ታ ዎልቃይካ ኡባ ዎደ ኦራጻና’ ጋደ ቆፓድ።
JOB 29:21 “ታን ሃሳይያዋ አሳይ ስርጵ ግ ሀይዚደ፥ ታ ዞርያ አኬዳ።
JOB 29:22 ታን ሃሳዬዳዋፐ ጉይያን፥ ኡንቱንቱ ዛረꬂደ ሃሳይበይክኖ፤ አያዉ ጎፐ፥ ታ ቃላይ ኡንቱንቱ ዎዛናን ጾኬዳ።
JOB 29:23 ጎሻንቻይ እራ ናግያዋዳን፥ ኡንቱንቱ ታን ሃሳያናዋ ስሳናዉ ሀንጊደ ናጌድኖ።
JOB 29:24 ኡንቱንቱ ህርግ ኡት ደእሽን፥ ታን ታ ሶምኡዋ ፓሽክሳድ፤ ሄዋን ኡንቱንቱ ምንቴድኖ።
JOB 29:25 ታን ኡንቱንቱ ደአና ኦግያ ዶራድ፤ ኡንቱንቱ ካፑዋዳን ኡታድ። ባረ ኦላንቻቱዋ ግዶን ደእያ ካትያዳን፥ ታን ኡንቱንቱ ግዶን ደኣድ። ቃይ ካዮትያዋንታ ምንꬅያ አሳ ማላ ግዳድ።
JOB 30:1 “ሽን ሀእ ታፐ ያላግያ አሳቱ ታና ቅሊጪኖ። ኡንቱንቱ ታ ዶርሳ ዉድያ ሄምያ ካናቱዋ ማዳና ጊናካ ታን ድጌዳ አዎቱዋ ናናቱዋ።
JOB 30:2 ኡንቱንቱ አዎቱ ዎልቃይ እጼዳዋንታነ ቦላ ግልቄዳዋንታ ግዴዳ ድራዉ፥ ታና አይነ ማድበይክኖ።
JOB 30:3 መቱዋነ ኮሻ ጋሱዋን ቃማ ደንዲደ፥ ባዙዋ ቢደ፥ ጻጱዋ ጮሜድኖ።
JOB 30:4 ቃይ ሻራፋነ ቦንጭያ ማጼድኖ፤ ማልኤና ሳንካራ ጻጶቱዋካ ሜድኖ።
JOB 30:5 አሳይ ዋሲደ፥ ካይሶቱዋ የደርሴዳዋዳን፥ አሳ ግዶፐ ኡንቱንታ የደርሴዳ።
JOB 30:6 ኡንቱንቱ ዛንጋራ ግዶን፥ ጎንጎሎ ግዶንነ ዛላ ጎንጎሉዋ ግዶን ደኤድኖ።
JOB 30:7 ኡንቱንቱ ቡራ ግዶን ባዞ ዶአቱዋዳን ዋሴድኖ፤ ዶቢያ ጋርሳን ሺቂደ፥ እትፐ ደኤድኖ።
JOB 30:8 ኡንቱንቱ ቃይጼርያን ሾጨቲደ፥ ቢታፐ የደርሰቴድኖ። ኡንቱንቱ ሱንꬃና ባዪደ፥ ቦዛ ግዲደ ደኤድኖ።
JOB 30:9 “ሀእ ኡንቱንቱ ናናቱ ታና የꬃን ቅሊጪኖ፤ ታን ኡንቱንቱ ግዶን ሌምሲደ ኦድያዋ ግዳድ።
JOB 30:10 ኡንቱንቱ ታና ሸነቲደ፥ ታፐ ሃኪኖ፤ አይነ ዬላተናን ታ ሶምኡዋን ጩቻ ጩቺኖ።
JOB 30:11 ጾሳይ ታ ዎልቃ ላፈꬂደ፥ ታና ካዉሼዳ ድራዉ፥ ኡንቱንቱ ታና ቆሀናዉ፥ ብጻላ ከስ ድጌዳ ፓራዳን፥ የዳ ግዴድኖ።
JOB 30:12 ሀ ሴር ባይናን ድጬዳ ናናቱ ታ ቦላ ደንዲደ፥ ታና የደርሲኖ፤ ኡንቱንቱ ታና ꬋይሳናዉ ታ ቦላ ዶዲኖ።
JOB 30:13 ኡንቱንቱ ታ ሀመትያ ኦግያ ጎርዲደ፥ ታና ꬋይሳናዉ ኮዪኖ፤ ኦንነ ኡንቱንቱ ሄዋ ኦꬃናዋ ድገና።
JOB 30:14 ኦላንቻቱ ካታማ ድርሳ መንꬂደ ገልያዋዳን፥ ኡንቱንቱ ታ ቦላ ዬድኖ።
JOB 30:15 ዎልቃማ ዳጋማይ ታና ድፕ ኦꬄዳ፤ ታ ቦንቹካ ጫርኩ አፍያዋዳን ቤዳ፤ ታ እሻሉካ ሻርያዳን ꬋዬዳ።
JOB 30:16 “ታ ሸምፓታ ኡንኤታዱ፤ ቱጋ ጋላሳቱ ታና ጭርፕ ኦይቄዳ።
JOB 30:17 ቃማ ቃማ ሳኩ ታ መቀꬃ ጮሜ፤ ሴላይካ ሸምፕ አከናን ገደ ጉጄ።
JOB 30:18 ታ ማዩ ጉንዲደ ባዬዳ፤ ሻምጭያ ቆꬍያዳን፥ ታና ጩል ኦይቄዳ።
JOB 30:19 ጾሳይ ታና ኡርቃን ኦሌዳ፤ ታን ቢታፐ ብድንꬃፐ ኬከና አሳ ግዳድ።
JOB 30:20 “አቤት ጾሳዉ፥ ታን ነዉ ዋሳይ፤ ሽን ኔን ታዉ አላበይካ። ኤቃደ ኔና ዎሳድ፤ ሽን ኔን ታ ዎሳ ስሳበይካ።
JOB 30:21 ኔን ካሰዋፐ ዱማታደ፥ ታዉ መቀꬃ ኢታዳ፤ ነ ዎልቃማ ዎልቃን ታና የደርሳሳ።
JOB 30:22 ኔን ታና ጫርኩዋን ደንꬃዳ፤ አ ቶግሳዳ፤ ጎትያንካ ታና ጎንዶርሳዳ።
JOB 30:23 አሳዉ ኡባዉ ዉርሰꬃ ግዴዳ ሀይቆ ኔን ታና አꬃደ እምያዋ ታን ኤራይ።
JOB 30:24 “ኩንዲደ መኤዳ አሳይ ቱጋቲደ፥ ‘ታና ማዳርኪ’ ጊደ ዋስና፥ አዉ ቃረተና አሳይ ደኢ?
JOB 30:25 ቱጋን ደእያዋንቶ ታን ዬካበይክታ? ህዬሳቶ ታን ቃረታበይክታ?
JOB 30:26 ሎኦባ ደማና ጋደ ታን አሞትያ ዎደ፥ ኢታባይ ታና ጋኬዳ። ታዉ ሳአይ ኬኬ ጋደ ታን ናግያ ዎደ፥ ጋላሳይ ታዉ ꬉሜዳ።
JOB 30:27 ታ ዎዛናይ ህርጌዳ፤ ታን ዎፓ ደማበይከ፤ ጋላሳፐ ጋላሳን ታ ቱጋይ ያ ዳሬዳ።
JOB 30:28 ታ ቦላይ አዋ ሱሉዋን ግደናን ካዩዋን ካረጼዳ፤ ታን ሺቁዋን ኤቃደ፥ ‘ታና ማድተ!’ ጋደ ዋሳይ።
JOB 30:29 ታን ዎራካናቶ እሻ፥ ሳጎንያዉካ ዳቦ ግዳድ።
JOB 30:30 ታ ጋልባይ ካረጺደ፥ ፖቀት ፖቀት ዎꬌ፤ ታ ቦላይካ ምሹዋን ጹገቴ።
JOB 30:31 ሄዋ ድራዉ፥ ታ ድንኪ ዝላሳዉ ፑነቴዳ፤ ታ ህጽጺካ ዬኮ ፑነቴዳ።
JOB 31:1 “ማላንቻ ማጫውኖ ጼላደ አሞተናዳን፥ ታን ታ ዎዛና አይፍያና ጫቁዋ ጫቀታድ።
JOB 31:2 ቦላን ደእያ ጾሳይ ታዉ አያ ካጫ እማንዴሻ? ሳሉዋን ደእያ ኡባ ዳንዳይያ ጾሳይ አሳዉ እምያ ዎይቱ አያ ግዳንዴሻ?
JOB 31:3 ኢታቱዋ ቦላ ቦሻይ፥ ባይዙዋ ኦꬅያዋንቱ ቦላ ባሻይ ጋካናዌ ኤረቴዳዋ ግደኔየ?
JOB 31:4 ጾሳይ ታ ሄመታ ኡባ በኤ፤ ታ ታንጉዋ ኡባካ ፓይዴ።
JOB 31:5 “ታን ዎርዱዋ ሙለካ ኦꬃበይከ፤ አሳካ ጭማናዉ ካጄላበይከ።
JOB 31:6 ጾሳይ ታና ልከ ሚዛናን ማዛኖ፤ ያቲደ ታን ጽሉዋ ግድያዋ ኤሮ።
JOB 31:7 ታ ሀመታይ ኦግያፐ ሸርኤዳባ ግዶፐ፥ ታ ዎዛናይካ ታ አይፊ ጼሌዳዋ አሞቴዳዋ ግዶፐነ፥ ቃይ ታ ኩሺካ ናጋራን ቱኔዳዋ ግዶፐ፥
JOB 31:8 ታ ጫርሻይ ኡባይ ሾደት ꬋዮ፤ ታን ዘሬዳዋካ ሀራይ ሞ።
JOB 31:9 “ታ ዎዛናይ ታ ሾሩዋ ማጫ አሳ አሞቴዳዋ ግዶፐ፥ ዎይ ታን እዝ ፐንገን ዙጋደ ናጌዳዋ ግዶፐ፥
JOB 31:10 ታ ማቻታ ሀራ አሳዉ ጋጩ፤ ቃይ ሀራ አቱማ አሳቱ ኢናና ግስኖ።
JOB 31:11 አያዉ ጎፐ፥ ሻርሙጽያዌ ሎይꬅ ፖካነ ፕርዳን ሙርስያ ናጋራ።
JOB 31:12 ሀ ናጋራይ ታማዳን ጹጊደ፥ ታ ማጹዋ ኡባ ꬋይስያዋ።
JOB 31:13 “ታን ታ አቱማ ዎይ ታ ማጫ ቆማቱ ታና ሞትና፥ ኡንቱንቱ ሞቱዋ ካꬌዳዋ ግዶፐ፥
JOB 31:14 ጾሳይ ታና ብድያ ዎደ፥ ታን ዋናኔ? ቃይ እ ታና ኦችያ ዎደ፥ ታን ዋጋ ዛራኔ?
JOB 31:15 ታና መꬌዳ ጾሳይ ታ ቆማቱዋካ እ መꬌዳ። ኑና ኡባካ ኑ አት ኑ አት ኡሉዋን መꬌዳዌ እት አ ጻላላ።
JOB 31:16 “ታን ህዬሳቱ ዎሴዳዋ ድጋድታንቶ፥ ዎይ አምኤቱዋ ምንናን አጋድታንቶ፥
JOB 31:17 አዉ አታ ባይና ናናቱ መላ አቅያ ዎደ፥ ታን ታ ቁማ ታረካ ማበይከ።
JOB 31:18 ታን ኡንቱንታ ታ ያላጋተꬃፐ ዶማደ፥ ኡንቱንቱ አዉዋዳን ድቻድ፤ ታ አት ኡሉዋፐ የለቶደፐ ዶማደ፥ አምኤቱዋ ማዳድ።
JOB 31:19 ማዩ ꬋይና፥ ሜጉ ዎꬍያ ኡራ፥ ዎይ ካሎ ደእያ መቶታንቻ ደምያ ዎደ፥
JOB 31:20 ታ ዶርሳቱዋ እክስያፐ ኦሰቴዳ ማዩዋ ታን ኡንቱንታ ሆኤꬄዳዋፐ አትን፥ ኡንቱንቱካ ባረንቱ ፖሎ ዎዛናን ታና ጋላታነንቶፐ አትን፥
JOB 31:21 ታን ሞቱዋን ኡንቱንታ ሻትማናዋ ኤራደ፥ አዉ ባይና ናናቱዋ ናቄዳዋ ግዶፐ፥
JOB 31:22 ታ ቄሲ ኩርያፐ መኦ፤ ታ ኩሺካ ሀሽያፐ ካረት ዎꬎ።
JOB 31:23 ሄዋ ታን ኦናዌ ጾሳ ሙሮ ያይያ ድራሳነ አ አንጋይ ታና ዳጋንꬅያ ድራሳ።
JOB 31:24 “ታን ዎርቃን አማነቴዳዋ ግድንቶ፥ ሙሩታ ዎርቃካ፥ ‘ታን ኔናን ጬቀታይ’ ጋድታንቶ፥
JOB 31:25 ታ ዱረተꬃ ዳሩዋን፥ ታ ኩሺ ደሜዳ ዎꬍያን ታን ናሸታድታንቶ፥
JOB 31:26 አዋ ጶለꬃ ዎይ አግና ሎኦተꬃ በኣደ፥
JOB 31:27 ታ ዎዛናን ጌማን ኡንቱንታ ቦንቻድታንቶ፥ ዎይ ታ ኩሽያ ፕድ ኦꬃ የራደ፥ ኡንቱንታ ቦንቻድታንቶ፥
JOB 31:28 ꬎቃን ደእያ ጾሳ ካዳድ ሽን። ሄ ናጋራይካ ፕርዳን ሙርስያ ናጋራ ግዴ ሽን።
JOB 31:29 “ታ ሞርከቱዋ ጋኬዳ ኢታ ካጫን ታን ናሸታበይከ፤ ኡንቱንታ ጋኬዳ መቱዋንካ ሆምቦጫበይከ።
JOB 31:30 ‘ታ ሞርኪ ꬋዮ’ ያጋ ሸቃደ፥ ናጋራ ኦꬃበይከ።
JOB 31:31 ታን ኡባ ገደ እማꬃ ሞክያዋ ታ ቆማቱ ታዉ ማርካቲኖ።
JOB 31:32 ሳአይ ቃሜዳ አሳ ካረን አይሳበይከ፤ ታን ታ ጎልያ ፐንግያ ኦግያና ብያዎ ኡባዉ ዶያ ዎꬃድ።
JOB 31:33 አሳይ ቆስያዋዳን፥ ታን ታ ናጋራ ታ ሾጵያን ቆሳበይከ።
JOB 31:34 ታን አሳ ሃሳያደ ዳጋማበይከ፤ ኡንቱንቱ ቦርያዉ ያያደ፥ ታን ጮኡ ጌዳ ዎዲነ ካረ ከሰናን አጌዳ ዎዲ ባዋ።
JOB 31:35 “ታን ሃሳይያዋ ስስያዌ ደኤረኔሻ! ታን ሃሳዬዳዌ ኡባይ ቱማ ግድያዎ ታን ፓራማይ፤ ኡባ ዳንዳይያ ጾሳይ ታዉ ዛሩዋ እሞ። ታ ባልጋራይ ታና ሞቴዳ ፓይሊ ደእና፥ በኣርክታሻ!
JOB 31:36 ዎይቱዋዳን ታን ታ ሀሽያን ዎꬃና ሽን! ካላቻዳን ታ ሁጲያን ቶካናሽን!
JOB 31:37 ታን ካፑዋዳን አኮ ሺቃደ፥ ታ ኦꬄዳዋ ኡባ አዉ ኦዳና ሽን!
JOB 31:38 “ታ ጎሻ ቢታይ፥ ‘ታና ቦንቃ አካዳ!’ ጊደ፥ ታ ቦላ ዋሴዳዋ ግዶፐ፥ ታ ያፋራቱካ ታ ቦላ ዬኬዳዋ ግዶፐ፥
JOB 31:39 ሄ ቢታን ሞኬዳ ሚሻ ቃንጸናን ጮ ሜዳዋ ግዶፐ፥ ዎይ ሄ ቢታ ኦꬅያዋንታ ኮሻን ዎꬌዳዋ ግዶፐ፥
JOB 31:40 ታዉ ዛርጋ ድራዉ አጉንꬃይ፥ ባንጋ ድራዉካ ሻራፋይ ሄ ቢታን ሞኮ” ያጌዳ። ኢዮባ ሃሳያይ ሀዋን ፖለቴዳ።
JOB 32:1 ኢዮብ፥ “ታን ጽሎ አሳ” ጌዳ ድራዉ፥ ሀ ሄዙ አሳቱ አዉ ዛሩዋ እምያዋ አግ ባሼድኖ።
JOB 32:2 ኢዮብ ጾሳ ጽሉዋ ግያዋ አጊደ፥ ባረና ጽሉዋ ኦꬄዳ ድራዉ፥ ራማ ያራ ግድያ ቡዝያ ባርኬላ ናአይ ኤልሁ ኢዮባ ቦላ ሎይꬅ ሀንቀቴዳ።
JOB 32:3 ኤልሁ ቃይ ኢዮባ ሄዙ ላገቱዋካ ሀንቀቴዳ፤ አያዉ ጎፐ፥ ኡንቱንቱ አ ጮ ባይዛንቻ ጌድኖፐ አትና፥ አዉ ሱረ ዛሩዋ ዛራናዉ ዳንዳይበይክኖ።
JOB 32:4 ኤልሁ ኡንቱንቱፐ ቴፋትያ ድራዉ፥ ኡንቱንቱ ኡባይ ሃሳያ ዉርሳና ጋካናዉ ናጌዳ።
JOB 32:5 ሀ ሄዙ አሳቱ ኢዮባዉ ግድያ ዛሩዋ እማናዉ ዳንዳይቤናዋ በኢደ፥ እ ሎይꬅ ሀንቀቴዳ።
JOB 32:6 ቡዝያ ባርኬላ ናአይ ኤልሁ ሀዋዳን ያጊደ፥ ሃሳያ ዶሜዳ፤ “ታን ላይꬃን ናአታይ፤ ህንተ ታፐ ጭሚታ። ሄዋ ድራዉ፥ ታን ታ ቆፋ ህንተዉ ኦዳናዉ ያያድ።
JOB 32:7 ታን፥ ‘ጭማቱ ሃሳይኖ፤ ባረንቱ ዳሮ ላይꬃን ደሜዳ አꬌዳ ኤራተꬃ ታማርስኖ’ ጋደ ቆፓድ።
JOB 32:8 ሽን አሳኮ ዪደ፥ አꬌዳ ኤራተꬃ አሳዉ እምያዌ ኡባ ዳንዳይያ ጾሳ አያና።
JOB 32:9 አሳ አꬌዳ ኤራንቻ ከስያዌ ጭማተꬃ ግደና፥ ዎይ ልከባይ ገልያዌ ዳሮ ደኤዳ አሳቱዋሳ ግደና።
JOB 32:10 ሄዋ ድራዉ፥ ስስተ፤ ታንካ ታ ቆፋ ህንተዉ ኦዳና።
JOB 32:11 “በእተ፥ ህንተ ሃሳይያ ዎደ፥ ታን ጮኡ ጋደ ሀይዛድ፤ ህንተ ሃሳያና ቃላ ቆፓደ ናጋድ።
JOB 32:12 ታን ህንተ ግያዋ ኡባ ዉርሳ ስሳድ፤ ሽን ህንተፐ ኦንነ ኢዮብ ባይዛንቻ ጊደ አማንꬅቤና፤ ቃይ ህንተፐ ኦንነ አ ፓላማዉ በስያ ዛሩዋ እምቤና።
JOB 32:13 ኢዮባ ሃሳያዉ ካልስያ ዛሩዋ ዛራናዌ ጾሳፐ አትና፥ አሳ ግደና ድራዉ፥ ህንተ፥ ‘ኑን አꬌዳ ኤራተꬃ ደሜዶ’ ጌናዳን ናገትተ።
JOB 32:14 ኢዮብ ፓሉመቴዳዌ ህንተናናፐ አትና፥ ታናና ግደና። ታን ህንተ ሃሳዬዳዋዳን አዉ ዛሩዋ እምከ።
JOB 32:15 “ኢዮባ፥ ኡንቱንቱ ዳጋሚደ፥ ነ ሃሳያዉ ዛሩዋ እማናዉ ዳንዳይበይክኖ፤ ኡንቱንቶ ሃሳይያዌ ꬋዬዳ።
JOB 32:16 ኡንቱንቱ ሃሳይያዋ ꬋዪደ፥ ጮኡ ጊደ ኤቆፐ፥ ታንካ ናጋናዉ ኮሺ?
JOB 32:17 ታዉካ ኦድያዌ ደኤ፤ ታንካ ታ ቆፋ ኦዳና።
JOB 32:18 ዳሮ ሃሳይያዌ ደእያ ድራዉ፥ ታ ግዶን ደእያ አያናይ ታና ኦዳ ጊደ ግዴ።
JOB 32:19 በእተ፥ ታዉ ሃሳይያ ካላይ እመተናዋ ግዶፐ፥ ታን ሆኦ ዎይንያ ኤሳይ ኩሜዳ ኦጎሩዋዳን ꬉቃና ሀናይ።
JOB 32:20 ታዉ ሀዋፐ ጉꬃ ኬካና ማላ፥ ታን ሃሳያናዉ ኮሼ፤ ታ ዶናካ ዶያደ፥ ታን ታ ዛሩዋ እማናዉ ኮሼ።
JOB 32:21 ሀ የዉዋን ታን ኦናነ ማድከ፥ ዎይ አይ አሳነ ጮ ሳቢከ።
JOB 32:22 አያዉ ጎፐ፥ አሳ ጮ ሳቢያዌ ታዉ ሙለካ ኤረተና። ታን ቃይ ሄዋ ሀኖፐ፥ ታና መꬌዳዌ ታና ሙራና።
JOB 33:1 “ኢዮባ፥ ሀእ ታን ኦድያዋ ስሳ፤ ታ ግያዋ ኡባ ሀይዛ።
JOB 33:2 ሃሳያናዉ ጊጋድ፤ ታ ቃላቱካ ታ እንጻርሳ ጼራን ደኢኖ።
JOB 33:3 ታ ሃሳይያ ቃላቱ ታ ዎዛና ሱረተꬃ ቆንጭሲኖ፤ ታን ኤርያዋ ታ እንጻርሳይ ቱማተꬃን ሃሳዬ።
JOB 33:4 ታና ጾሳ አያናይ መꬌዳ፤ ኡባ ዳንዳይያ ጾሳ ሸምፑ ታዉ ደኡዋ እሜዳ።
JOB 33:5 ኔን ዳንዳይያዋ ግዶፐ፥ ታዉ ዛሩዋ እማ፤ ኔና ጊግሳደ፥ ታናና ጋከታ።
JOB 33:6 “በአ፥ ታን ጾሳ ስንꬃን ነ ማላ፤ ቃይ ታንካ ኡርቃፐ መታድ።
JOB 33:7 ኔን ታዉ ያይያ ጋሱ ባዋ፤ ታን ኔና ናቂከ።
JOB 33:8 “ነ ሃሳያ ኡባ ታን ሀይዛደ ታካድ፤ ኔን ሀዋዳን ያግሽን ስሳድ፤
JOB 33:9 ‘ታን ጌሻነ ቶሺ ባይና አሳ፤ ታን ጽሉዋነ ናጋራ ኦꬃቤና አሳ።
JOB 33:10 ሽን ጾሳይ ታና ሙራናዉ ጋሱዋ ኮዬ፤ እ ታና ባረ ሞርክያዳን ፓይዴ።
JOB 33:11 ታ ገድያ ገድያ ብራታን ቃቼ፤ ታን ታንግያ ታንጉዋ ኡባካ እ ዎቼ’ ያጋዳ።
JOB 33:12 “ኢዮባ፥ ኔን ሀ ሃሳያን ልከ ግዳካ! አነ ታን ነዉ ኦዳይ፤ ጾሳይ አሳፐ አꬌ።
JOB 33:13 ኔን፥ ‘ጾሳይ ታን ሃሳዬዳ ሃሳያዉ ዛሩዋ እመና’ ጋደ፥ አያዉ አናና ፓሉመታይ?
JOB 33:14 አሳይ አኬካናፐ አትና፥ ጾሳይ ሀ ዱማ ዱማ ኦግያን ሃሳዬ።
JOB 33:15 “አሳይ ቃማ ሂጻን ግሲደ፥ ገምእሹዋ ፓኑሮ ዎደ፥ ጾሳይ አኩሙዋንነ ሳጻን ሃሳዬ።
JOB 33:16 ሄ ዎደ አሳይ ስሳናዳን ሀይꬃ ዶዬ፤ ባረ ሴራንካ እ ኡንቱንታ ዳጋንꬄ።
JOB 33:17 ያቲደ አሳይ ናጋራ ኦናዳን ተኤ፤ ኦቶሩዋካ አሳፐ ድጌ።
JOB 33:18 ጾሳይ አሳ ባሻፐ አሼ፤ ሀይቁዋፐካ ናጌ።
JOB 33:19 “ጾሳይ አሳ ሳኩዋ ሂጻን ደኦደካ፥ ባረ ባላፐ ስማናዳን ሴሬ።
JOB 33:20 ሄዋዳን ሀኒደ፥ ሀርጌዳ ኡራይ ካꬃ እጼ፤ ዳሮ ማልኦ ቁማይካ አ ሸነዬ።
JOB 33:21 አ አሹካ ግልቂደ ዉሬ፤ አ ቦላይካ መልና፥ መቀꬃይ ፓይደቴ።
JOB 33:22 አ ሸምፓታ ዱፉዋኮ፥ አ ደኡዋካ ሀይቁዋ ኪታንቻቱዋኮ ማቴዳ።
JOB 33:23 “አሳዉ ሱረ ኦግያ በስያ፥ ሻአን ፓይደትያ ኪታንቻቱዋፐ እቱ አዉ ጋናታናዉ ይንቶ፥
JOB 33:24 አዉ ቃረቲደ፥ ‘እ ዱፉዋ ገለናዳን አ አሻና። ታን አዉ ዎዝያዋ ደማድ’ ያግንቶ፥
JOB 33:25 አ ቦላይ ያላጋና፤ አ ያላጋተꬃ ዎልቃይካ አዉ ስማና።
JOB 33:26 ሄ ብታኒ ጾሳ ዎሳና፤ ጾሳይ አ ዎሳ ስሳና። ጾሳይ አዉ አ ጽሎተꬃ ዛርያ ድራዉ፥ እ ናሸቻን ጾሳዉ ጎይናና።
JOB 33:27 ሄ ዎደ አሳ ስንꬃን እ ሀዋዳን ያጋና፤ ‘ታን ናጋራ ኦꬃድ፤ ሱረባካ ጌላያድ፤ ሽን ጾሳይ ታ ባይዙዋዳን ታዉ ጭግቤና።
JOB 33:28 ዱፉዋን ገለናዳን ታና አሼዳ፤ ሄኮ፥ ሀእ ፓጻ ደኣደ፥ ፖኡዋ በአይ’ ያጋና።
JOB 33:29 “በእተ፥ ጾሳይ አሳዉ ሀዋ ኡባ ዛር ዛሪደ ኦꬄ፤
JOB 33:30 አሳ ዱፉዋን ገልያዋፐ አሼ፤ ደኡዋን እ ናሸታናዳን ኦꬄ።
JOB 33:31 “ስም ኢዮባ፥ ታን ኦድያዋ ሀይዛደ ስሳ። አነ ኔን ጮኡ ጊና፥ ታን ሃሳያይ።
JOB 33:32 ኔን ሃሳያናዉ ኮይያዌ ደኦፐ፥ ታዉ ሃሳያ። ታን ኔን ጽሉዋ ግድያዋ በሳናዉ ኮያይ።
JOB 33:33 ሄዌ ꬋዮፐ፥ ጮኡ ጋደ፥ ታን ሃሳይያዋ ስሳ። ኔና ታን አꬌዳ ኤራተꬃ ታማርሳና” ያጌዳ።
JOB 34:1 ቃይካ ኤልሁ ሀዋዳን ያጌዳ፥
JOB 34:2 “ህንተኖ፥ አꬌዳ ኤራንቻቶ፥ ታን ሃሳይያ ሃሳያ ስስተ። ህንተኖ፥ ኤራንቻቶ፥ ህንተ ሀይꬃ ታኮ የግተ።
JOB 34:3 እንጻርሳይ ቁማ ማልኡዋ ኤርያዋዳን፥ ሀይꬃይካ የዉዋ ሻኪደ ኤሬ።
JOB 34:4 አነ ኑን ልከባነ ሎኦባ ሻኪደ ኤሮይተ።
JOB 34:5 “ኢዮብ፥ ‘ታን ጽሉዋ፤ ሽን ጾሳይ ታ ሱረ ፕርዳ ታና ድጌዳ።
JOB 34:6 ታን ልከ ግዳደ፥ ዎርዳንቻዳን ፓይደታድ። ታናን ባይዙ ባይናንካ፥ እ ታና ፓጸናዳን ማዱꬄዳ’ ያጌዳ።
JOB 34:7 “ጾሳ ቦላ እዮበዋዳን ቅሊጭያ አሳይ ደኢ?
JOB 34:8 እ ኢታባ ኦꬅያዋንቱና ዙፐቴ፤ ናጋራንቻቱዋናካ ሀመቴ።
JOB 34:9 አያዉ ጎፐ፥ እ፥ ‘አሳይ ጾሳ ናሸቻና ጊደ ኦꬅያዌ አይነ ማደና’ ያጌ።
JOB 34:10 “ሄዋ ድራዉ፥ ህንተኖ፥ አኬካንቻ አሳቶ፥ ታን ኦድያዋ አነ ስስተ! ኡባ ዳንዳይያ ጾሳይ ኢታባ ሙለካ ኦና።
JOB 34:11 ጾሳይ አሳዉ አ ኦሱዋዳን እሜ፤ አ ኦግያዳን አዉ ጭጌ።
JOB 34:12 ጾሳይ ቱሙዋፐ ኢታባ ኦና፤ ኡባ ዳንዳይያ ጾሳይ ሱረ ፕርዳ ጌላየና።
JOB 34:13 ሳኣ ቦላን ጾሳዉ ማታ እሜዳዌ ኦኔ? ቃይ ቢታ ኡባ ቦላ አ ሱንꬄዳዌ ኦኔ?
JOB 34:14 ጾሳይ ባረ አያናነ ባረ ደኡዋ ሸምፑዋ ባረኮ ዛሪደ አክንቶ፥
JOB 34:15 አሹዋ ማዬዳ ኡባይ እትፐ ꬋያና፤ አሳይ ቢታዉ ዱገ ስማና።
JOB 34:16 “ህንተ አኬካንቻ ግዶፐ፥ ሀዋ ስስተ፤ ታ ሃሳይያዋካ ሀይዝተ።
JOB 34:17 ሱረ ፕርዳ እጽያዌ ቢታ ሞዳናዉ ዳንዳዪ? ያትና፥ ኔን ጽሉዋነ ዎልቃማ ግድያ ጾሳ ፕርዳይ?
JOB 34:18 ጾሳይ ካተቱዋ፥ ‘ህንተ ሹፉሮቱዋ’ ያጌ፤ ቃይ ቢታ ሞድያዋንታካ፥ ‘ህንተ ኢታ’ ያጌ።
JOB 34:19 ካፓቱዋ ሶምኡዋ ጼሊደ ማደና፤ ዱርያካ ማንቁዋፐ አꬂደ ጼለና። አያዉ ጎፐ፥ ኡንቱንቱ ኡባይካ አ ኦሶቱዋ።
JOB 34:20 ኡንቱንቱ ሄካ ብላሄ አኬከናን ሀይቃና፤ አሳይ ኡባይካ ኮኮሪደ ꬋያና፤ ዎልቃማቱካ አይ አሳ ኩሺነ ቦቼናን ክቻና።
JOB 34:21 “ጾሳይ አሳ ሄመታ ጼሌ፤ አ ታንጉዋ ኡባካ ዎቼ።
JOB 34:22 ኢታ ኦꬅያዋንታ ጾሳፐ ገንꬃናዉ ዳንዳይያ ꬍጵ ጎ ꬉም ባዋ።
JOB 34:23 ጾሳይ አሳ ቦላ ፕርዳናዉ፥ አሳይ አ ስንꬃ ሺቃናዳን ኬሩዋ እመና።
JOB 34:24 ዎልቃማቱዋ አይነ ኦቼናን መንሬꬄ፤ ያቲደ ኡንቱንቱ ሳኣን ሀራቱዋ ዎꬄ።
JOB 34:25 እ ኡንቱንቱ ኦሱዋ ኤርያ ድራዉ፥ ኡንቱንታ እት ቃማ ማታፐ ዎꬂደ ꬋይሴ።
JOB 34:26 ኡንቱንቱ ኢታተꬃ ድራዉ፥ አሳይ ኡባይ በኢያሳን እ ኡንቱንታ ሙሬ።
JOB 34:27 ኡንቱንቱ አ ካለናን እጺደ፥ አ አዛዙዋካ አጌዳ ድራሳ።
JOB 34:28 ኡንቱንቱ ህዬሳቱዋ ኡቁኒደ፥ ኡንቱንቱ ጾሳኮ ዋሳናዳን ኦꬄድኖ፤ እካ ህዬሳቱዋ ዋሱዋ ስሴዳ።
JOB 34:29 ጾሳይ ጮኡ ጎፐ፥ አ ፕርዳናዌ ኦኔ? እ ባረ ሶምኡዋ ዎራ ዛሮፐ፥ አሳ ማድያዌ ባዋ። እ አሳፐካ ጮራፐካ ዳራ።
JOB 34:30 ሄዋዳንካ፥ ጾሳዉ ያየና አሳቱ ሞደናዳንነ አሳስካ ግተ ግደናዳን፥ አሳይ ኡባይ ድጋናዉ ዳንዳየና።
JOB 34:31 “ኢዮባ፥ ነ ናጋራ ጾሳዉ ፓጻዲ? ቃይ ዛራደ ናጋራ ኦናዳን ገፓዲ?
JOB 34:32 ነ ባይዙዋ ነዉ ቆንጭሳና ማላ፥ ጾሳ ዎሳዲ? ስንꬃናዉ ኢታ ኦሱዋ ኦናን አጋናዉ ኤኖ ጋዲ?
JOB 34:33 “ኔን ጾሳይ ኦꬅያዋ እጻደ፥ ነ ጋቲ ኔን ዶስያዋዳን ሀናናዉ ኮያይ? ስም ቆፋ ቃቻናዌ ኔናፐ አትና፥ ታና ግድከ። ሄዋ ድራዉ፥ ኔን ቆፕያዋ ታዉ ኦዳ።
JOB 34:34 አኬካንቻ አሳቱ ታን ኦድያዋ ኤኖ ጊኖ፤ ታን ኦድያዋ ስስያ አꬌዳ ኤራንቻቱካ ሀዋዳን ያጊኖ፤
JOB 34:35 ‘እዮበ ኤራይ ፓጭና፥ ሀዋ ሃሳዬ፤ እ ሃሳይያዎ ብለꬃይካ ባዋ’ ያጊኖ።
JOB 34:36 ኢዮብ ኢታ አሳቱዋዳን ዛሩዋ እሜዳ ድራዉ፥ ዉርሰꬃ ጋካናዉ ፓጨቴዳ ግዴረኔሻ!
JOB 34:37 አያዉ ጎፐ፥ እ ባረ ናጋራ ቦላ ማካላ ጉጄ፤ ኑ ስንꬃን ጾሳ ቅሊጬ። ባረ ቃላካ ዳርሲደ፥ ጾሳ ቦላ ብዴ” ያጌዳ።
JOB 35:1 ኤልሁ ቃይካ ሀዋዳን ያጌዳ፤
JOB 35:2 “ኢዮባ፥ ኔን፥ ‘ታን ጾሳ ስንꬃን ጽሉዋ’ ግያዌ ልኬ?
JOB 35:3 ቃይ፥ ‘ታን ናጋራ ኦꬆፐ፥ ኔና አይ ቆሀይታ? ናጋራ ኦናን አጎፐ፥ ታን ጎኤትያዌ አዬ?’ ያጋደ ኔን ጾሳ ኦቻዳ።
JOB 35:4 ታን ነዉነ ኔናና ነ ላገቶ ዛሩዋ ሃሳያና።
JOB 35:5 “ꬎቁ ጋደ ሳሎቱዋ ጼላ፤ ኔፐ ቦላና ደእያ ሻረቱዋካ አነ አኬካደ በአ።
JOB 35:6 ኔን ናጋራ ኦꬆፐ፥ ሄዌ ጾሳ አይነ ቆሄና። ነ ባይዙ ዳሮፐካ፥ ኔን ጾሳ አይነ ኦꬃካ።
JOB 35:7 ጽሉዋ ግዶፐ፥ አዉ ኔን አያ እማይ? ዎይ ነ ኩሽያፐ እ አያ አካኔ?
JOB 35:8 ኔን ናጋራ ኦꬆፐ፥ ነ ማላ አሳ ቆሃሳ፤ ቃይ ጽሎፐካ፥ አሳ ጎኣሳ።
JOB 35:9 “ኡቁናይ ዳሮፐ አሳይ ዋሴ፤ ዎልቃማቱዋ ኩሽያፐ ከስ አካናዉ አሉዋ ጼጌ።
JOB 35:10 ሽን ኦንነ፥ ‘ጾሳይ፥ ታና መꬌዳዌ፥ ቃማን ማዛሙርያ እሜዳዌ፥ ሳኣ ዶአቱዋፐ አꬂደ፥ ኑና ታማርስያዌነ ሳሉዋ ካፎቱዋፐ አꬌዳ ኤራንቻ ኑና ኦꬅያዌ ሀቃን ደኢ?’ ያገና።
JOB 35:12 ኢታ አሳቱ ዋሲኖ፤ ሽን ጾሳይ ኡንቱንቱ ኦቶሩዋ ጋሱዋን፥ ኡንቱንቶ አለና።
JOB 35:13 ሀዳ ዋሱዋ ጾሳይ ቱሙዋፐ ስሰና፤ ኡባ ዳንዳይያ ጾሳይ ሄዋ ሀይዘና።
JOB 35:14 “ኢዮባ፥ ኔን፥ ‘ታን ጾሳ በአናዉ ዳንዳይከ፤ ታ ሞቱ አ ስንꬃን ደኤ፤ ታን አ ናጋይ’ ያጋሳ። ያትና፥ ነዉ እ ዛሩዋ እማናዉ፥ ነ ጋሱ አይ ኬሻ ጉጻንዴሻ!
JOB 35:15 ጾሳይ አሳ ሙረናባነ ናጋራካ ሸነኮ ጊደ አግ አግያዋ ጋደ ቆፓይ?
JOB 35:16 ሄዋ ግዶፐ፥ ኔን ነ ዶና ጮ መላ ዶያሳ፤ ኤራይ ባይና ሃሳያ ዳርሳሳ” ያጌዳ።
JOB 36:1 ኤልሁ ጉጂደካ ሀዋዳን ያጌዳ፤
JOB 36:2 “ጾሳ ዶና ግዳደ ታን ነዉ ኦድያዌ ብሮ ደእያ ድራዉ፥ ጉꬃ ዳንዳያደ ስሳ።
JOB 36:3 ታን ታ ኤራ ሃኩዋፐ አሃድ፤ ታና መꬌዳዌ ጽሎ ፕርዳ እምያዋ ግድያዋ ታን ኔና ኤርሳና።
JOB 36:4 ታን ዎርዱዋ ሃሳይከ፤ ኩመንꬃ ኤራይ ደእያ ኡራይ ኔናና ደእያዋ አማና።
JOB 36:5 “በአ፥ ጾሳይ ዎልቃማ፤ ሽን እ ኦናነ ካና። እ አኬካንካ ምና።
JOB 36:6 ኢታቱዋ እ ፓጻ ዎና፤ ሽን ኡቁነቴዳዋንቱ ማታ እ ናግሴ።
JOB 36:7 ጾሳይ ባረ አይፍያ ጽሎቱዋፐ ደንና። እ ኡንቱንታ ካተቱዋና ኡትሲደ፥ መꬍናዉ ꬎቁ ꬎቁ ኦꬄ።
JOB 36:8 ሽን አሳይ ሳንሳላታን ቃሸቶፐ፥ ዎይ ቱጋ ዎዶሩዋን ኦይቀቶፐ፥
JOB 36:9 እ ኡንቱንቱ ኦሱዋነ ኦቶሩዋን ኡንቱንቱ ኦꬄዳ ናጋራ ቆንጭሴ።
JOB 36:10 ሴራ ስሳናዳን ኡንቱንቱ ሀይꬃ ዶዬ፤ ናጋራፐ ስማናዳንካ እ ኡንቱንታ አዛዜ።
JOB 36:11 ኡንቱንቱ ስሲደ፥ አዉ ኦꬆፐ፥ ባረንቱ ላይꬃ እሻሉዋንነ ዎፓን ዉርሳና።
JOB 36:12 ሽን ኡንቱንቱ ስሰናን እጾፐ፥ ማሻን ዉራና፤ ኡንቱንቱ ኤራ ꬋዬዳ ድራዉ ሀይቃና።
JOB 36:13 “ጾሳ አማነና አሳቱ ባረንቱ ዎዛናን ሀንቁዋ ዳጋዪኖ፤ እ ኡንቱንታ ሙርያ ዎደካ፥ ማዳ ጊደ ዎስክኖ።
JOB 36:14 ኡንቱንቱ ባረንቱ ያላጋተꬃን ሀይቂኖ፤ ኡንቱንቱ ደኡካ ዬላን ዉሬ።
JOB 36:15 ጾሳይ ቱጋትያዋንታ ኡንቱንቱ ቱጋን ታማርሴ፤ እ ኡንቱንቱ መቱዋ ባጋና ኡንቱንታ ስሴ።
JOB 36:16 “ጾሳይ ኔና መቱዋፐ ከሲደ መቱ ባይና አኮ ሳኣ አፌዳ፤ ነ ምያ ማሶፍያንካ ሞꬉዋ ጉፔዳ።
JOB 36:17 ሽን ሀእ ኢታቱዋ ፕርዳ አካዳ፤ በስያ ሙራካ አካደ ደኣሳ።
JOB 36:18 ኔና ኦንነ ዱረተꬃ በሲደ ጭመናዳን፥ ዳሮ ማታይያንካ ባለናዳን ናገታ።
JOB 36:19 ነ ማጹዋ ዳሩ ዎይ ነ ምኖተꬃይ ኔና መቱዋፐ አሻኔ?
JOB 36:20 አሳቱ ባረንቱ ሳኣፐ ꬋይያ ቃማይ ያናዳን አሞቶፓ።
JOB 36:21 ሀ መቱ ኡባይ ኔና ጋኬዳዌ፥ ኔና ኢታፐ አሻናሳ። ሄዋ ድራዉ፥ ኢታተꬃዉ ጉየ ስመናዳን ኔና አኬካ።
JOB 36:22 “ጾሳይ ባረ ዎልቃን ꬎቁ ꬎቁ ጌዳ! አ ማላ አስታማሪ ኦኔ?
JOB 36:23 ‘ሀዋ ኦꬃ’ ጊደ ጾሳ አዛዝያ አሳይ፥ ዎይ፥ ‘ኔን ኢታ ኦሱዋ ኦꬃዳ’ ያጋናዉ ዳንዳይያ አሳይ ባዋ።
JOB 36:24 አሳይ ማዛሙርያን ሳቤዳ አ ኦሱዋ ኔንካ ሳባናዉ ሀሳያ።
JOB 36:25 አሳይ ኡባይ ጾሳ ኦሱዋ በኤዳ፤ ሽን በኢደ፥ ሃኩዋን በኤዳ።
JOB 36:26 በእተ፥ ጾሳይ ዎልቃማ! አ ግታተꬃ ኑን አኬክቦኮ፤ አ ላይꬃ ጮራተꬃይካ ፓይድና ጋከተና።
JOB 36:27 “ጾሳይ ሃꬃ ሳኣፐ ፑደ ሳሉዋ አፌ፤ ያን እራ ከሴ።
JOB 36:28 ሄ እራይ ሻርያፐ ከሲደ፥ አሳዉ ዳሮ ቡካናዳን ኦꬄ።
JOB 36:29 ሻሪ ዋን ዩይንቶ፥ ዋልቃንꬃይካ ጾሳይ ደእያ ሳሉዋን ዋን ጉምንቶ፥ ኦንነ ኤረና።
JOB 36:30 እ ባረ ዩሹዋን ዋልቃንꬃ ፖኡዋ ላሌ፤ ሽን አባ ጪማ እ ꬉማን ካሜ።
JOB 36:31 እራ ቡክስያዋን ባረ አሳዉ ዳሮ ካꬃካ ሞክሴ፤ ሀዋዳን ኦꬂደ ጾሳይ አሳ ኡባ አይሴ።
JOB 36:32 እ ዋልቃንꬃ ባረ ኩሽያን ኦይቄ፤ ባረ ሀልቼዳ ሳኣ ሾጫናዉ አዛዜ።
JOB 36:33 ጉጉንꬃይ ጉምያዌ ኡሹ ኡሾታናዋ አዋዬ፤ መሂካ ኡሹ ይያዋ ኤሬ።
JOB 37:1 “ኡሹ ታ ዎዛና ድድቅሴ፤ ባረ ደእያ ሳንካ ፕሬ።
JOB 37:2 ኡባይካ ጾሳ ኮሻ፥ ጉጉንꬃዳን ጉምያ አ ቃላ ስስተ።
JOB 37:3 እ ሳሉዋ ኡባፐ ኪትያ ዋልቃንꬃይ ቢታ ጋጻፐ ጋጻ ጋካናዉ ቤቴ።
JOB 37:4 ሄዋፐ ጉይያን፥ አ ጉንꬃ ኮሻይ ስሰቴ፤ ባረ ዎልቃማ ኮሻን ጉሜ፤ አ ኮሻይ ስሰትያ ዎደ፥ ባረ ዋልቃንꬃ ተኤና።
JOB 37:5 ጾሳ ኮሻይ ማላልስያ ጉንꬃ ጉሜ፤ ኑን አኬካናዉ ዳንዳየና ዎልቃማባ እ ኦꬄ።
JOB 37:6 ሻቻ እ፥ ‘ሳኣን ዎꬋ!’ ያጌ፤ ዎልቃማ እራካ፥ ‘ቡካ’ ያጊደ አዛዜ።
JOB 37:7 “አሳይ ኡባይ አ ኦሱዋ ኤራና ማላ፥ ሄ ዎደ ባረ ኦሱዋ ኦሱዋ አጋናዳን ኦꬄ።
JOB 37:8 ዶአቱካ ባረንቱ ጌሱዋ ጌሱዋ ገሊኖ፤ ያን ኡቲኖ።
JOB 37:9 ገድሳ ባጋፐ ጎቲ ዬ፤ ሁጲሳ ባጋፐካ ሜጉ ዬ።
JOB 37:10 ጾሳይ ሲꬍያና ሸምፕያ ሸምፑዋፐ ሻቻይ መቴ፤ ሄዋን አኮ ሃꬃቱካ ሹቻዳን ምኔ።
JOB 37:11 ሻሪ ሃꬃ ቶካናዳን እ ኦꬄ፤ ባረ ዋልቃንꬃካ ሻርያ ግዶን ላሌ።
JOB 37:12 አ ካለꬁዋን ሻረቱ ዩይ ዩይ አꬊኖ፤ እ አዛዝያዋ ኡባ ኡንቱንቱ ሳኣ ቦላ ኦꬂኖ።
JOB 37:13 ጾሳይ እራ ቡክስያዌ ቢታ እርጽሳናሳ፥ ዎይ አሳ ሙራናሳ፥ ዎይ ባረ ሲቁዋ ኡንቱንታ በሳናሳ።
JOB 37:14 “ኢዮባ፥ ሀዋ ስሳ፤ ጾሳይ ኦꬅያ ማላልስያ ኦሱዋ ታክ ጋደ አኬካ።
JOB 37:15 ጾሳይ ሻራቱዋ ዎት አዛዝንቶነ ባረ ዋልቃንꬃካ ዎት ዎልቃንꬅንቶ ኤራይ?
JOB 37:16 ሻራቱ ሳሉዋን ዋን ቶከቶፐነ ቃይ አ ኤራይ ፖሎ ግዴዳ ጾሳይ ኦꬅያ ማላልስያ ኦሱዋ ኔን ኤራይ?
JOB 37:17 ገድሳ ጫርኩ ዪደ፥ ቢታ ምሽስያ ዎደ፥ ኔን ሆምቢያን መቶታናፐ አትና፥ ሙለካ ሄዋ ኤራካ።
JOB 37:18 ጾሳይ ሳሉዋ ማስቶትያዳን ፕድ ኦꬂደ ምጭያ ዎደ፥ ኔን አ ማዳናዉ ዳንዳያይ?
JOB 37:19 ኑን ኤራ ፓጫ ግድያ ድራዉ ሃሳያናዉ ዳንዳዮኮ፤ ኑን ጾሳዉ ዋግ ሃሳያነንቶ፥ ኔን ኑና ታማርሳ።
JOB 37:20 ጾሳና ሃሳያና ጋደ ታን ኦችከ፤ እ ታና ꬋይሳና ማላ፥ ታን አያዉ አ ደንሬꬃይታ?
JOB 37:21 ጫርኩ ሳሎቱዋ ፕቲደ ጌሼዳዋፐ ጉይያን፥ ሳሎቱዋን ጶልያ አዋ ፖኡዋ አሳይ ጼላናዉ ዳንዳየና።
JOB 37:22 ሁጲሳ ባጋና ዎርቃ ማላትያ ፖኡ ቤቴ፤ ጾሳይካ ያሽያ አንጋን ቆንጬ።
JOB 37:23 “ኑን ኡባ ዳንዳይያ ጾሳ ማታ ሺቃናዉ ዳንዳዮኮ፤ አ ዎልቃይ ዎልቃማ። እ ባረ ቱሙ ፕርዳንነ ባረ ዎልቃማ ጽሎተꬃን ግታ።
JOB 37:24 ሄዋ ድራዉ፥ አሳይ አዉ ያዬ፤ ባረንታ አꬌዳ ኤራንቻ ግያዋንታ ኡባቱዋ እ ጼለና” ያጌዳ።
JOB 38:1 ሄዋፐ ጉይያን፥ መꬍና ጎዳይ ጎትያ ግዶፐ ኢዮባዉ ሀዋዳን ያጊደ ዛሬዳ፤
JOB 38:2 “ኤር ባይና ሃሳያን ታ ዞርያ ቶችያዌ እ ሀዌ ኦኔ?
JOB 38:3 አነ ኔን አሳዳን ነ ጼሳ ዳንጫ ደንዳደ፥ ታን ኦችያዋ ታዉ ኦዳ።
JOB 38:4 “ታን ሳኣ መꬍያ ዎደ፥ ኔን ሀቃን ደአይ? አነ ነዉ አኬካይ ደኦፐ፥ ታዉ ኦዳ።
JOB 38:5 ሀ ሳአይ አይ ኬሻ ግዳናዉ በስንቶ፥ ሄ ቆፋ ቃቼዳዌ ኦኔ? ልክያ ዎዶሩዋካ ሳኣ ቦላ የጌዳዌ ኦኔ? ሄዋ ዛሩዋ ኡባ ኤራይ?
JOB 38:6 ሳኣ ቱቀቱዋ ኩንደናዳን ምንꬅ ኦይቄዳዌ አዬ? ሳኣ ባሶ ኮይሮ ሹቻ ዎꬄዳዌ ኦኔ?
JOB 38:7 ሄ ጋላስ ዎንታ ጾልንተቱ እትፐ የጼዳዋነ ኪታንቻቱ ኡባይ ናሸቻዉ እልሌዳዋ ኔን ኤራይ?
JOB 38:8 “አባ ሃꬃይ፥ ቢታ ጎምፓፐ ꬉቂደ ከስያ ጋላስ፥ አ ፐንገቱዋ ጎርዴዳዌ ኦኔ?
JOB 38:9 አባ ሻርያ ማይዜዳዌ፥ ቃይ ꬉማንካ ጻጻ ዎꬄዳዌ ታና።
JOB 38:10 አባዉ አና ዛዋ መꬌዳዌ፥ አ ፐንግያነ አ ኩልቡዋ ሳኣን ዎꬄዳዌ ታና።
JOB 38:11 ታን፥ ‘ሀዋ ጋካ፤ ሽን ሀዋፐ አꬎፓ፤ ነ ዎልቃማ ቤታይካ ሄዋን ኤቆ’ ያጋድ።
JOB 38:12 “ኢዮባ፥ ኔን የለቶደፐ አዋይ ዎንታ ጉራና ከሳናዳን አዛዛ ኤራይ?
JOB 38:13 ቢታ ጋጻን ፖኡዋ በሳና ማላነ ኢታ አሳቱዋካ ኡንቱንቱ ቆሰቴዳ ሳፐ ቆንጭያ ከሳና ማላ፥ ኔን ዎንታ አዛዛ ኤራይ?
JOB 38:14 ጋላሳ ፖኡ ዞዛቱዋነ ዛንጋራቱዋ ዳኮዪደ ዎꬄዳ ማዩ ኤቄዳዋዳን ቤታናዳን ኦꬄ፤ ቃይ ኡርቃ ሚሻ ቦላ ዎꬄዳ ማታፋዳን ጌሺደ በሴ።
JOB 38:15 ኢታቱ ባረንቶ ፖኦ ግ ዎꬄዳ ꬉማይ ꬋዬ፤ ኡንቱንቱ ማካላዉ ደንꬅያ ኩሺካ መኤ።
JOB 38:16 “ጪማ አባ ግዶ ገላደ፥ ፑልቱዋ በኣድ? ዎይ አሳይ ጋክ ኤረና አባ ግዱዋ ፓጫ ጼላ ኤራይ?
JOB 38:17 ሀይቁዋ ፐንገቱዋ ኔና ኦነንቶ በሴዴ? ዎይ ꬍጵ ጎ ꬉማ ፐንገቱዋ በኣድ?
JOB 38:18 ሳአይ አይ ኬሻ ዎልቃመንቶ ኤራይ? ሄዋ ኡባ ኔን ኤርያዋ ግዶፐ፥ ታዉ ኦዳ።
JOB 38:19 “ፖኡ ደኢያሳ አፍያ ኦጊ ሀቃን ደኢ? ቃይ ꬉማይ ደእያ ሳአይ ሀቄ?
JOB 38:20 ኡንቱንታ ኔን ኡንቱንቱ ጎለ ጎለ አፋናዉ ዳንዳያይ? ኡንቱንቱ ደኢያሳ አፍያ ኦገቱዋ ኔን ኤራይ?
JOB 38:21 ኔን ሳአይ መትያ ዎደ የለቴዳ ድራዉነ ዳሮ ላይꬃካ ደኤዳ ድራዉ፥ ሄዋ ኤረናን አጋካ!
JOB 38:22 “ሱፓ ሻቻይ ምንጀትያሳ ገላዲ? ኦርዶ ሻቻይ ዶረቴዳሳካ በኣድ?
JOB 38:23 ታን ኡንቱንታ መቶ ዎድያዉ፥ ኦላ ዎድያዉነ ቶራ ጋላሳዉ ምንጃ ዎꬃድ።
JOB 38:24 ዋልቃንꬃይ ከስያ ሳኣ አፍያ ኦጊ ሀቃን ደኢ? ዎይ አዋይ ዉልያ ባጋ ጫርኩ ሀቃፐ ከሲደ ጫርኪ?
JOB 38:25 “ዎልቃማ እራይ ዎꬍያ ሎሱዋ ጊግሴዳዌ፥ ጉጉንꬃዉ ኦግያ ከሴዳዌ ኦኔ?
JOB 38:26 አስ ደኤና ባዙዋን እራ ቡክስያዌ ኦኔ?
JOB 38:27 መላ ባዙ እራ ሃꬃን ሹጊደ፥ ሎኦ ማታ ሞካናዳን ኦꬄዳዌ ኦኔ?
JOB 38:28 “እራዉ ዎይ ከተርሳዉ አዉ ደኢ?
JOB 38:29 ኦርዶ ሻቻዉነ ቡርጨ ሻቻዉ አታ ደአይ?
JOB 38:30 ዳሮ እርጻተꬃይ ሃꬃ ሹቻዳን ምንሴ፤ አባ ሃꬃዉ ቦላ ባጋካ ሻቻ ከሴ።
JOB 38:31 “ፕልያድሳ ጌተትያ ጾልንተቱዋ ጭታ እትፐ ጋꬃደ ቃቻናዉ ዳንዳያይ? ኦርዮና ጌተትያ ጾልንተቱዋ ጭታይ ቃሸቴዳ ዎዶሩዋ ብላናዉ ዳንዳያይ?
JOB 38:32 ጭታን ጭታን ደእያ ጾልንተቱዋ ኡንቱንቱ ዎድያን ዎድያን ከሳናዉ ዳንዳያይ? ዎጋ ቤርያነ ቄር ቤርያ ጌተትያ ጾልንተቱዋ ጭታቱዋ እትፐ ካለꬃናዉ ዳንዳያይ?
JOB 38:33 ሳሎቱ አቅያ ህግያ ኔን ኤራይ? ዎይ ሄ ህጊ ሳኣን ሞዳናዳን ኦꬃናዉ ዳንዳያይ?
JOB 38:34 “ድኡ ኔና ሙካናዳን እራ ቡክሳናዉ፥ ነ ቃላ ꬎቁ ኦꬃደ፥ ሻራቱዋ አዛዛይ?
JOB 38:35 ዋልቃንꬃቱ ቢደ ዪደ፥ ‘ሄኮ፥ ሀእ አይ ኦꬂኖ’ ጋና ማላ፥ ኔን ኡንቱንታ አዛዛናዉ ዳንዳያይ?
JOB 38:36 ሃꬃ ካፎ አꬌዳ ኤራ፥ ኩቱዋ አዉርያዉካ አኬካ እሜዳዌ ኦኔ?
JOB 38:37 ባረ ኤራን ሻረቱዋ ፓይዳናዉ ዳንዳይያዌ ኦኔ? ባና ሙናቂደ፥ ኡርቃ ከሲደ፥ ምንሳናዉ ሳሉዋ ሻረቱዋ ገደ ኦꬂደ፥ ሃꬃ ዱገ ትግያዌ ኦኔ?
JOB 38:39 “ጋሞቱ ኡባይ ባረንቱ ጌሱዋን ጌሱዋን ግስ ደእሽን ዎይ ዙጊደ ናግሽን፥ ኔን ኡንቱንቶ ምያዋ ሻንካታደ እማናዉ ዳንዳያይ? ዎይ ኮሻት ኡቴዳ ኡንቱንቱ ማራቱዋ ካልሳናዉ ዳንዳያይ?
JOB 38:41 ቁሮቱ ኮሻት ብቻርያ ዎደ፥ ኡንቱንቱ ማራቱካ ምያዋ ደማናዉ ታዉ፥ ጾሳዉ፥ ዋስያ ዎደ፥ ኡንቱንቶ ምያዋ እምያዌ ኦኔ?
JOB 39:1 “ደርያን ደእያ ገንኤቱ አዉደ የሊኖንቶ፥ ኔን ኤራይ? ጋራቱ ባንኪደ፥ ባረንቱ ማራቱዋ የልያ ዎደ በኣድ?
JOB 39:2 ኡንቱንቱ ኩንꬂደ፥ ዎይሳ ኬሻ አግና ጋምኢኖንቶነ ቃይ አዉደ የሊኖንቶ ኤራይ?
JOB 39:3 ኡንቱንቱ ጉልባቲደ፥ ባረንቱ ማራቱዋ የልያዌ አዉደንቶ ኤራይ?
JOB 39:4 ኡንቱንቱ ማራቱ ባዙዋን ድጪደ ምኒኖ፤ ባረንቱ አየቱዋ ማታፐ ቢኖ፤ ላኤንꬆ ጉየ ስምክኖ።
JOB 39:5 “ደንባ ሃረቱ የዳ ደአናዳን ኦꬄዳዌ ኦኔ? ቃሹዋፐ ኡንቱንታ ብል የዴዳዌ ኦኔ?
JOB 39:6 ኡንቱንቶ ታን ባዙዋ ደኢያሳ ኦꬃደ እማድ፤ አሳይ ባይና ላዳ ቢታ ኡንቱንቱ ደአናዳን ኦꬃድ።
JOB 39:7 ካታማ ጫቡዋፐ ኡንቱንቱ ሃኪደ ደኢኖ፤ ላግያዋንቱ ዋሱዋካ ስስክኖ።
JOB 39:8 ኡንቱንቱ ደረቱዋ ባረንቶ ሄመትያ ሳኣ ኦꬂኖ፤ ሄዋን ምያ ሙልኦ ማታ ቆሪኖ።
JOB 39:9 “መንꬃይ ነዉ ኦꬃናዉ ኤኖ ጋንዴ? ዎይ ነ ጋጻታን ቃማ አቃንዴ?
JOB 39:10 ጎሻና ማላ፥ ኔን አ ዋጻይ? ዎይ ግንዳ ጎቻናዳን አ ኦꬃናዉ ዳንዳያይ?
JOB 39:11 ኔን አ ዎልቃ ምኖተꬃን አማነታይ? ነ ዳቡርስያ ኦሱዋ እ ኦꬃናዳን፥ አዉ የጋ አጋይ?
JOB 39:12 እ ስሚደ ዪደ፥ ነ ካꬃ ቆጽያ ነ ኡዱማዉ ሺሼ ጋደ ኔን አን አማነታይ?
JOB 39:13 “ሶጎናታ ባረ ቀፍያ ኤለካ ቃꬃዉ፤ ሽን ሶጎናት ቀፈቱ ሳንጋኑዋ ቀፈቱዋነ ባለቱዋ ማላ ግድክኖ።
JOB 39:14 ሶጎናታ ባረ ቁቁልያ ቢታን ቁቁላዉ፤ ባናይ ሆኤꬃናዳን አጋዉ።
JOB 39:15 ገዲ መንꬃና ዎይ፥ ‘ባዙዋ ዶአቱ የꬋና’ ጋደ ቆፑኩ።
JOB 39:16 ማራቱ ባረዋ ግደናዋዳን ፓይዳደ፥ ኡንቱንቶ መቀꬃ ኢታዉ። እ ዳቡራይ ኡባይ መላ አትያዌ እዉ አያነ ማላተና።
JOB 39:17 አያዉ ጎፐ፥ ታን ጾሳይ እዞ አꬌዳ ኤራተꬃ ድጋድ፤ ታን አኬካካ እዉ እማበይከ።
JOB 39:18 ሽን ደንዳደ እዛ ዎጽያ ዎደ፥ ባረናና ናሰትያ ፓራ ቦላነ ፓራዉ ቦላ ሚጫዉ።
JOB 39:19 “ኢዮባ፥ ፓራቶ ዎልቃ እሜዳዌ፥ ዎይ ፓራቱዋ ሞርግያ ጎቶሾ ጋማ ማይዜዳዌ ኔኔ?
JOB 39:20 ፓራቱ ቦልያዳን ጉፓናዳንነ ያሽያ ዳረꬃ ኡንቱንቱ ዳራናዳን ኦꬄዳዌ ኔኔ?
JOB 39:21 ፓራቱ ዛንጋራን ቢታ ቦዲኖ፤ ባረንቱ ዎልቃንካ ናሸቲኖ፤ ያቲደ ኦላ ሚሻቱዋ ዳንጬዳዋንቱና ጋከታናዉ ኦላ ደምባ ፕሪጺኖ።
JOB 39:22 ያሻ ግያዋ ኡንቱንቱ ሙለካ ኤርክኖ፤ ኡንቱንታ አያይነ ዳጋንና፤ ኡንቱንቱ ቦላ ማሻ ዛረꬆፐነ ጉየ ስምክኖ።
JOB 39:23 ኡንቱንቱ ቶግያ ኦላንቻቱ ኦይቄዳ ኦላ ሚሻቱ ጶሊደ፥ እቱ እቱዋና ጋከቲደ ጊረቲኖ።
JOB 39:24 ፓራቱ ፓቹሪደ ያሽሲደ፥ ኦላዉ ስንꬃዉ ፕሪጺኖ። ማላካታ ፑኑሳ ኮሻ ስስያ ዎደ፥ ጮኡ ጊደ ኤቃናዉ ዳንዳይክኖ፤
JOB 39:25 ማላካታ ፑንያ ዎደ፥ ‘ሀያሾ!’ ያጊኖ። ኦላ ፔኑዋ ሃኩዋን አኪኖ፤ ኦላ ጋዳዋቱ አዛዝያ አዛዙዋነ ኦላንቻቱዋ ጬቁዋ ስሲኖ።
JOB 39:26 “ጋጪ ባረ ቀፍያ ገድሳ ምጪደ ፓላናዉ ዳንዳያናዳን፥ አꬌዳ ኤራተꬃ አዉ እሜዳዌ ኔኔ?
JOB 39:27 አርጋንꬃይ ፑደ ከሲደ፥ ባረ ጎልያ ꬎቃ ደረቱዋን ኬጻናዉ ነ አዛዙዋ ናጊ?
JOB 39:28 አርጋንꬃይ አፉዋ ዶናን ባረ ጎልያ ኬጺደ ደኤ፤ ዛላቱዋ ዛኦቱካ አዉ ጌሱዋ ግዴድኖ።
JOB 39:29 ሄዋን ኡቲደ፥ ባረዉ ምያዋ ዎቼ፤ አ አይፊ ሃኩዋፐ ደሜ።
JOB 39:30 አርጋንꬃ ማራቱ ሱꬃ ኡሺኖ፤ ባኩታይ ደእያ ሳን ሀቃንካ እ ሺቄ” ያጌዳ።
JOB 40:1 መꬍና ጎዳይ ኢዮባ፥
JOB 40:2 “ኢዮባ፥ አሳይ ኡባ ዳንዳይያ ጾሳና ሞተቲደ፥ ሻትም ኤሪ? አነ ጾሳና ሞተትያ ኡራይ አዉ ዛሮ” ያጌዳ።
JOB 40:3 ሄዋፐ ጉይያን፥ ኢዮብ መꬍና ጎዳዉ ዛሪደ፥ ሀዋዳን ያጌዳ፤
JOB 40:4 “አቤት ጾሳዉ፥ ታን ፓና ላፋ አሳ፤ ታን ነዉ ዎታ ዛራናዉ ዳንዳያይታ? ታን ታ ዶናን ታ ኩሽያ ዎꬃድ።
JOB 40:5 ታን እት ገደ ሃሳያድ፤ ሽን ታዉ ዛርያዌ ባዋ። ላኤንꬁዋ ሃሳይከ” ያጌዳ።
JOB 40:6 ሄዋፐ ጉይያን፥ መꬍና ጎዳይ ጎትያ ግዶፐ ኢዮባዉ ሀዋዳን ያጌዳ፤
JOB 40:7 “አቱማ አሳዳን ነ ጼሳ ዳንጫ ደንዳደ፥ ታን ኦችያዋ ታዉ ኦዳ።
JOB 40:8 ኔን ታና ባይዛንቻ ከሳና ሀናይ? ነዉ ጽሉዋ ግዳናዉ፥ ታና ዎርዱዋ ከሳይ?
JOB 40:9 ጾሳ ዎልቃ ማላ ዎልቃይ ነዉ ደኢ? ጾሳይ ጉምያዋዳን ኔን ጉማናዉ ዳንዳያይ?
JOB 40:10 ሄዋ ግዶፐ፥ አነ ነ ቦንቹዋንነ ግታተꬃን ደንዳ! ነ ፑላነ አንጋ ማያ!
JOB 40:11 ነ ሀንቁዋ ቦሻ አነ ትጋ፤ ኦቶረትያ አሳ ኡባ ጼላደ፥ አነ ካዉሻ!
JOB 40:12 አነ ሎይꬃ ጼላደ፥ ኦቶረትያ ኡባ ዬላያ፤ ኢታ ኦꬅያዋንታ ኡባ ኡንቱንቱ ደእያ ሳን የꬋ!
JOB 40:13 ኡንቱንቱ ኡባ ቢታን ሞጋ፤ ዱፉዋ ዱገ ዎꬃደ፥ ኡንቱንታ ጎርዳ።
JOB 40:14 ያቶፐ፥ ነ ዎልቃን ኔን ጾናናዋ ታን ነዉ ማርካታና።
JOB 40:15 “ታን ኔና መꬌዳዋዳን መꬌዳ፥ ብሄሞታ ግያ ዶኣ አነ ጼላ! እ ቦራዳን ማታ ሜ።
JOB 40:16 አ ጼሳን ደእያ ዎልቃይነ አ ኡሉዋ ካሜዳ ሻያ ምኖተꬃይ ሎይꬅ ዳሮ።
JOB 40:17 አ ዱፊ ዝጋዳን ስት ግ ኡቴዳ፤ አ ገድያ ጻጶቱካ ምኑዋን ዶቀቴዳዋንታ።
JOB 40:18 አ መቀꬃቱ ናስያ ቦምባ ማላ፤ አ ገዲካ ብራታ ዛንገቱዋ ማላ።
JOB 40:19 “ጾሳይ መꬌዳ መታቱ ኡባፐ እ አꬍ ማላልስያዋ። አ መꬌዳዋፐ አትና፥ አ ጾናናዉ ዳንዳይያዌ ባዋ።
JOB 40:20 ዶአይ ኡባይ ካእያ ዞዚ አዉ ምያዋ ሞክሴ።
JOB 40:21 አጉንꬃይ ደእያ ምꬃ ጋርሳን ግሴ፤ ማቃ ግዶን ጫርያን ቆሰቴ።
JOB 40:22 አጉንꬃይ ደእያ ምꬃቱ ባረንቱ ኩዋን አ ገንꬂኖ፤ ሻፋ ዶናን ዶሊያ ምꬃቱ አ ካሚኖ።
JOB 40:23 ሻፋይ ኩሚደ ጎግያ ዎደካ ዳጋመና፤ ዮርዳኖሳ ሻፋይ አ ሶምኡዋን ꬋርጨትያ ዎደካ እ ሳሮ ደኤ።
JOB 40:24 አ አይፍያ ቶይሲደ፥ አ ኦይቃናዉ ዳንዳይያ አሳይ ደኢ? አ ሲꬍያካ ጲርያ ቃራን ጫድ ኦይቃናዉ ዳንዳይያዌ ኦኔ?
JOB 41:1 “ኔን ሌዋታና ግያ ዳዊያ ሞልያ ኦይቂያ ማንጻቁዋን ኦይቃናዉ፥ ዎይ አ እንጻርሳ ዎዶሩዋን ቃቻናዉ ዳንዳያይ?
JOB 41:2 አ ሲꬍያን ዳፉዋ ገልሳናዉ ዳንዳያይ? ዎይ አ ጋጩዋ ማንጻቁዋን ጫዳደ ኦይቃይ?
JOB 41:3 እ ኔና፥ ‘ሀያና ታና የዳርኪ’ ያጊደ ዎሳኔ? ዎይ እ ነዉ ማልኦ ቃላን ሃሳያኔ?
JOB 41:4 ኔን አ መꬍናዉ ነ ቆማ ኦꬃናዉ፥ እ ኔናና ጫቁዋ ጫቀታኔ?
JOB 41:5 አሳይ ካፉዋና ካእያዋዳን፥ ኔን አናና ካአይ? ዎይ አ ቃቻደ፥ ነ ማጫ ቆማቶ ካአናዳን እማይ?
JOB 41:6 ሞልያ ኦይቂያዋንቱ አ ጋትያን ፓሉመቲኖ? ዎይ ዛልአንቻቱ አ ቃንጸሬꬂደ ዛልኢኖ?
JOB 41:7 ኔን አ ጋልባ ማጫምያን፥ አ ሁጲያካ ጎማን ጫዳደ ቆሀናዉ ዳንዳያይ?
JOB 41:8 አነ አ ነ ኩሽያን ቦቻ፤ ኔን አናና ባጸቴዳ ባጽያ ሀሳያደ፥ ላኤንꬃደ አናና ባጸታናዉ ካጄላካ!
JOB 41:9 “ሄ ዳዊያ ኦይቃናዉ ካጄልያዌ መላ፤ ሀራይ አትና፥ አ በኤዳ ኡባይካ ያሻዉ ኮኮሬ።
JOB 41:10 እ ግሴዳሳፐ አ ደንꬃናዉ ኦንነ ጻለና፤ ያትና፥ ታ ስንꬃን ኤቃናዉ ዳንዳይያዌ ኦኔ?
JOB 41:11 ዛራ እማ ጋናዉ፥ ታዉ ኮይሮ እሜዳዌ ኦኔ? ሳሉዋፐ ጋርሳና ደእያባይ ኡባይ ታዋ።
JOB 41:12 “ሌዋታና ገደቱዋባ፥ አ ዎልቃማ ዎልቃባነ አ ሎእያ ቦላባ ሃሳይያዋ ታን አግከ።
JOB 41:13 አ ጋልባ ቃራናዉ ዳንዳይያዌ ኦኔ? አ ዶና ብጻላና ዳንዳይያዌ ኦኔ?
JOB 41:14 ያሽያ አቻይ ደእያ አ ጎጎጩዋ ፖቃናዉ ዳንዳይያዌ ኦኔ?
JOB 41:15 አ ዞክያ ጋልባይ እቱ እቱዋ ቦላን ዶረቴዳነ ሹቻዳን ምኔዳ ጎንዳለቱዋ ማላቴ።
JOB 41:16 ኡንቱንቱ እቱ እቶ ሎይꬅ ማታቴዳ ድራዉ፥ ኡንቱንቱ ግዱዋና፥ ሀራይ አቶ፥ ጫርኩካ አꬋናዉ ዳንዳየና።
JOB 41:17 ኡንቱንቱ ኡባይካ እቱ እቱዋና ጋከት ኡቴዳ ድራዉ፥ ኡንቱንታ አያይነ ሻከና።
JOB 41:18 “እ ሄꬍሽያ ዎደ፥ ጶልቁ ግያ ፖኡ ከሴ፤ አ አይፈቱካ ዎንታ ጻልቂያዳን ዞኢኖ።
JOB 41:19 አ ዶናፐ ታማ ላጩ ከሴ፤ ታማይካ ፕሪደ ዎꬌ።
JOB 41:20 ፐንትያ ድስትያፐ ጋርሳ ባጋና ኤጽያ ማቃፐ ከስያ ጩዋዳን፥ አ ሲꬍያፐ ጩዋይ ከሴ።
JOB 41:21 አ ሲꬍያና ከስያ ሸምፑ ጺጹንꬃ ቦንቂሴ፤ ታማ ላጩካ አ ዶናፐ ከሴ።
JOB 41:22 “አ ሞርግያን ዎልቃይ ደእያ ድራዉ፥ እ ሎይꬅ ያሽያዋ።
JOB 41:23 አ አሹ እትፐ ኑከት ኡቴዳ ድራዉ፥ አ ቦላይ ብራታዳን ምኔ።
JOB 41:24 አ ዎዛናይ ሹቻዳን ምና፤ ጋጭያ ዎጻዳንካ ምና።
JOB 41:25 እ ደንድያ ዎደ፥ ምኖቱካ ያዪኖ፤ ኡንቱንቱ ዳጋሚደ ባቃቲኖ።
JOB 41:26 አኮ ጋክያ ማሻይ አይነ አላለ ከሰና፤ ቶራይ፥ ዎይ አዳይ፥ ዎይ ጎማይ አ አይነ ኦና።
JOB 41:27 ብራታ እ ዳላዳን፥ ናሃስያካ ሙሴዳ ምꬃዳን ፓይዴ።
JOB 41:28 ዎንዳፍያ አዳይ አ ባቃትሰና፤ ያምባርሻን ኦልያ ሹቻይካ አዉ ሱላ ማላ።
JOB 41:29 ዱላይ አዉ እት ቡጻ ማላ፤ ቶራ ጾንግያ ዎደ፥ ቅሊጪደ ሚጬ።
JOB 41:30 አ ኡሉዋ ቦላን ደእያ ጋልባይ መኤረቴዳ ኮንኣዳን ቃራ፤ ኡርቃና እ ብያ ዎደ፥ ማራሻዳን ቢታ ጳልቄ።
JOB 41:31 “አባ ፐንቴዳ ሃꬃዳን ቡኬ፤ ጻሩዋ ግዶን ፐንትያ ዛይትያዳንካ ቡልቡልሴ።
JOB 41:32 ባረፐ ጉየና ጶልያ ኦግያ ከሴ፤ አባ ሃꬃካ ቦꬃ ሆሞ ላሜ።
JOB 41:33 ቢታ ቦላን አ ማላ መት ባዋ፤ እ ያይ ኤረና መታ።
JOB 41:34 ሎይꬅ ዎልቃማ ግዴዳ መታቱዋ ኡባ እ ዝቂ ኦꬂደ ጼሌ፤ ዶኣ ኡባቶ እ ካተ” ያጌዳ።
JOB 42:1 ሄዋፐ ጉይያን፥ ኢዮብ መꬍና ጎዳዉ ሀዋዳን ያጊደ ዛሬዳ፤
JOB 42:2 “ኔን ኡባባ ኦꬃናዉ ዳንዳይያዋነ ነ ሀልቹዋካ ድጋናዉ ዳንዳይያዌ ባይናዋ ታን ኤራይ።
JOB 42:3 ‘ላ ሀ ኤራይ ባይናን ታ ዞርያ ገንꬅያዌ ኦኔ?’ ያጋደ ታና ኦቻዳ። ቱሙፐ ታን ታዉ ገልቤናባ ሃሳያድ፤ ታ ኤራፐ ሃኬዳ ማላልስያባ ሃሳያድ።
JOB 42:4 “ኔን ታና፥ ‘ታን ኦድያ ዎደ ሀይዛ፤ ታን ኦችያ ዎደ ኦዳ’ ያጋዳ።
JOB 42:5 “ታን ካሰ ነባ ታ ሀይꬃን ስሳድ፤ ሽን ሀእ ታ አይፍያን ኔና በኣድ።
JOB 42:6 ሄዋ ድራዉ፥ ታን ሃሳዬዳዌ ታና ዬላዬዳ። ታን ብድንꬃንነ ባናን ኡታደ ፓጻይ” ያጌዳ።
JOB 42:7 መꬍና ጎዳይ ሀዋ ኢዮባዉ ሃሳዬዳዋፐ ጉይያን፥ ተማናፐ ዬዳ ኤልፋዛ ሀዋዳን ያጌዳ፤ “ታ ቆማ እዮበዋዳን፥ ህንተ ታዋ ልከ ሃሳይቤና ድራዉ፥ ነ ቦላነ ነ ላኡ ላገቱዋ ቦላ ታ ሀንቁ ኤጽ ከሴዳ።
JOB 42:8 ሄዋ ድራዉ፥ ሀእ ላፑን ኮሩማቱዋነ ላፑን ዶርሳ ኦርገቱዋ አኪደ፥ ታ ቆማ ኢዮባኮ ቢተ፤ ጹግያ ያርሹዋ ህንተ ባይዞ ያርሽተ። ታ ቆማይ ኢዮብ ህንተዉ ዎሳና፤ ታንካ አ ዎሳ ስሳደ፥ ህንተ ባይዙዋዳን ሙርከ። ህንተ ታ ቆማ እዮበዋዳን ታባ ልከ ሃሳይበይክታ” ያጌዳ።
JOB 42:9 ሄዋፐ ጉይያን፥ ተማናፐ ዬዳ ኤልፋዝ፥ ሹሀፐ ዬዳ ብልዳድነ ናእማፐ ዬዳ ጾፋር ቢደ፥ መꬍና ጎዳይ ኡንቱንታ አዛዜዳዋዳን ኦꬄድኖ። መꬍና ጎዳይካ ኢዮባ ዎሳ ስሴዳ።
JOB 42:10 ኢዮብ ባረ ላገቶ ዎሴዳዋፐ ጉይያን፥ መꬍና ጎዳይ አዉ ዛሪደ እሻልሴዳ፤ አዉ ካሰዋ ድራዉ ላኡ ኩሽያ ኦꬂደ እሜዳ።
JOB 42:11 ሄዋፐ ጉይያን፥ አ እሻቱ፥ አ ምቼቱነ ካሰ አ ኤርያዋንቱ ኡባቱ አኮ ዬድኖ፤ አ ሶን አናና ግብራ ሜድኖ። አዉ ካዮቲደ፥ መꬍና ጎዳይ አ ቦላ አሄዳ መቶ ኡባፐ አ ምንꬄድኖ። ቃይ ኡባይካ አዉ ዎርቃ ምግዱዋነ ብራ እሜድኖ።
JOB 42:12 መꬍና ጎዳይ ኢዮባ ዉርሰꬃ ላይꬃ ኮይሮ ላይꬃፐ አꬂደ አንጄዳ። ኢዮባዉ ታማነ ኦይዱ ሻኡ ዶርሳቱ፥ ኡሱፑን ሻኡ ጋሎቱ፥ እት ሻኡ ዋꬃ ቦራቱነ እት ሻኡ ማጫ ሀረቱ ደኢኖ።
JOB 42:13 ቃይ አዉ ላፑን አቱማ ናናቱነ ሄዙ ማጫ ናናቱ የለቴድኖ።
JOB 42:14 ባይራ ማጫ ናቶ ይሚሞ፥ ላኤንꬅያና ቃጺኦ፥ ሄዘንꬅያና ቀረንሀፉኮ ያጊደ ሱንꬄዳ።
JOB 42:15 ኢዮባ ማጫ ናናቱዋዳን ማላ ሎኦ ማጫ አሳይ ቢታን ሳኣን ሀቃንነ ቤተና። ኡንቱንቱ አዉ ኡንቱንቶ ኡንቱንቱ እሻቱዋና ላትያ ቢታ ሻኪደ እሜዳ።
JOB 42:16 ሄዋፐ ስምና፥ ኢዮብ ጼታነ ኦይታሙ ላይꬃ ደኤዳ፤ ባረ ናናቱዋነ ባረ ናናቱዋ ናናቱዋ ኦይደንꬆ የለታ ጋካናዉ በኤዳ።
JOB 42:17 ኢዮብ ዳሮ ዎድያ ደኢደ፥ ሎኦ ጭማ ጭሚደ ሀይቄዳ።
PSA 1:1 ኢታቱዋ ዞርያን ቤናዌ፥ ዎይ ናጋራንቻቱዋ ኦግያን ኤቀናዌ፥ ቅሊጭያዋንቱ ሺቁዋን ኡተናዌ፥ ሄዌ አንጀቴዳዋ።
PSA 1:2 ሽን መꬍና ጎዳ ህግያን እ ናሸቴ፤ አ ህግያ ጋላስነ ቃማ ቆፔ።
PSA 1:3 ሄዌ ጎግያ ሃꬃ ጻጱዋን ቶከቲደ፥ አይፍያ አግናን አይፍያ፥ ባረ ሀይꬃካ ቆቆፈና ምꬃ ማላ። እ ኦꬅያ ኡባይ አዉ ሀኔ።
PSA 1:4 ሽን ኢታቱ ሄዋ ማላ ግድክኖ፤ ጫርኩ ፕት አፍያ ሱላ ማላ።
PSA 1:5 ሄዋ ድራዉ፥ ኢታቱዋ ቦላ ጾሳይ ፕርዳና፤ ናጋራንቻቱካ ጽሎቱዋ ሺቁዋን ኤቂክኖ።
PSA 1:6 አያዉ ጎፐ፥ መꬍና ጎዳይ ጽሎቱዋ ኦግያ ኤሬ፤ ሽን ኢታቱዋ ኦጊ ꬋያና።
PSA 2:1 አማነናዋንቱ አያዉ ደንዲኖ? ቃይ ካዉተꬃቱ አያዉ ፓናባ ማቀቲኖ?
PSA 2:2 ሳኣ ካተቱ ደንዴድኖ፤ አሳ ሞድያዋንቱ እትፐ ሺቄድኖ። ኡንቱንቱ መꬍና ጎዳ ቦላነ እ ኦኬዳዋ ቦላ እትፐ ሺቄድኖ።
PSA 2:3 ኡንቱንቱ፥ “ኑን ኡንቱንቱ ሳንሳላታ ዱꬆይተ፤ ኡንቱንቱ ኑና ቃችያዋካ ዎራ ኦሎይተ” ያጊኖ።
PSA 2:4 ሳሉዋን ባረ አራታን ኡቴዳዌ ኡንቱንቱ ቦላ ሚጬ፤ ጎዳይ ኡንቱንቱ ቦላ ቅሊጬ።
PSA 2:5 እ ባረ ሀንቁዋን ኡንቱንታ ሴሬ፤ ባረ ዎልቃማ ሀንቁዋን ኡንቱንታ ያሽሴ።
PSA 2:6 ጎዳይ፥ “ታን ታ ጌሻ ደርያ ጽዮነ ቦላ ታ ካትያ ካዉꬃድ” ያጌ።
PSA 2:7 ሄ ካቲ፥ “ታን መꬍና ጎዳ ህግያ አዋያና፤ እ ታና፥ ‘ኔን ታ ናኣ፤ ታን ሀች ነዉ አዉዋ ግዳድ።
PSA 2:8 ኔን ታና ኦቻ፤ ታን ካዉተꬃ ኡባ ነዉ እማና፤ ሳኣ ኡባይ ነባ ግዳናዋ።
PSA 2:9 ኔን ብራታ ጻምአን ኡንቱንታ መንሬꬃና፤ ኡንቱንታ ኔን ኡርቃ ሚሻ መንꬅያዋዳን ሊቅሳና’ ያጌ” ያጌዳ።
PSA 2:10 ሄዋ ድራዉ፥ ህንተኖ ካተቶ፥ ኤያቶፕተ፤ ሀ ሳኣ ሞድያዋንቶ፥ ህንተና ናግተ!
PSA 2:11 መꬍና ጎዳዉ ያሻተꬃን ኦꬅተ፤ ኮኮርሳን አዛዘትተ።
PSA 2:12 ጾሳይ ሀንቀትና፥ ኦግያን ህንተ ꬋየናዳን ሱረ ዎዛናን አዉ ጎይንተ፤ አያዉ ጎፐ፥ አ ሀንቁ ኤለካ ኤጽ ከሳና። ባቃት አን ቆሰት አትያ ኡባቱ አንጀቴዳዋንታ።
PSA 3:1 ባረ ናኣ አበሰሎማፐ ባቃቴዳ ዎደ ዳዊታ ማዛሙርያ አቤት መꬍና ጎዳዉ፥ ታ ሞርከቱ አያ ጮራቴድኖ! ታ ቦላ አፑናቱ ደንዲኖ!
PSA 3:2 ዳሮቱ፥ “ጾሳይ አ አሸና” ያጊደ ታዋ ሃሳዪኖ።
PSA 3:3 ሽን አቤት መꬍና ጎዳዉ፥ ኔን ታ ዩሹዋን ጎንዳለ። ታና ቦንችስያዌነ ታ ሱንꬃ ꬎቁ ኦꬅያዌ ኔናቴ።
PSA 3:4 ታን ታ ቃላ ꬎቂሳደ መꬍና ጎዳኮ ዋሳይ። ባረ ጌሻ ደርያፐ ታዉ እ ዛሬ።
PSA 3:5 መꬍና ጎዳይ ታና ናግያ ድራዉ፥ ታን ግሳደ ገምእሻይነ ቤጎታይ።
PSA 3:6 ታን ታና ዶዲደ ደንዴዳ፥ ታሙ ሻኣ አሳቶካ ያይከ።
PSA 3:7 አቤት መꬍና ጎዳዉ፥ ደንዳ! አቤት ታ ጾሳዉ፥ ታና አሻ! አያዉ ጎፐ፥ ኔን ታ ሞርከቱዋ ኡባ ጎጎጩዋ ሾጫዳ፤ ኢታቱዋ አቻካ መንꬃዳ።
PSA 3:8 አሹ ጾሳዋ፤ ጾሳዉ፥ ነ አሳ ኔን አንጃ።
PSA 4:1 ዛማረቱዋ ካፖ ዲꬃቱዋን የጸቴዳ፥ ዳዊታ ማዝሙርያ አቤት ታና ጽልስያ ጾሳዉ፥ ታን ኔና ጼስያ ዎደ፥ ታዉ ኮያ። ታን ኡንኤቴዳ ዎደ፥ ታና ሸምፕሳዳ። ታዉ ኔን ቃረታደ ታ ዎሳ ስሳ።
PSA 4:2 ህንተኖ አሳቶ፥ አዉደ ጋካናዉ ታ ቦንቹዋ ካዉሺቴ? ሾር ባይናባካ አዉደ ጋካናዉ ህንተ ሲቂቴ? ዎርዱዋ አዉደ ጋካናዉ ጫድ ኦይቂ ካሊቴ?
PSA 4:3 ሽን መꬍና ጎዳይ ጾሳ አሳቱዋ ባረዉ ዱማይ ዎꬄዳዋ ህንተ ኤርተ። ታን መꬍና ጎዳ ጼስያ ዎደ፥ እ ታዉ ስሴ።
PSA 4:4 ሀንቀትተ፥ ሽን ህንተ ሀንቁዋን ናጋራ ኦꬆፕተ። ሂጻን ግስያ ዎደ፥ ህንተ ዎዛና ብድተነ ስርጵ ጊተ።
PSA 4:5 ልከ ያርሹዋ ያርሽተነ መꬍና ጎዳን አማነትተ።
PSA 4:6 ዳሮቱ፥ “ኑና ሎኦባ በሳናዌ ኦኔ?” ያጊኖ። አቤት መꬍና ጎዳዉ፥ ኔን ኑና ኬካ አይፍያን ጼላ።
PSA 4:7 ኔን ታ ዎዛናን ዎልቃማ ናሸቻ ኩንꬃዳ። ሄዌነ፥ ካꬃ አይፊነ ኦራꬃ ዎይንያ ኤሳይ፥ ባረንቶ ዳርና ናሸትያ ናሸቻፐካ ዳርያዋ።
PSA 4:8 አቤት መꬍና ጎዳዉ፥ ነ ጻላላይ ታና ሳሩዋን ናጋ ዎꬅያ ድራዉ፥ ታን ግሳደ ሳሮተꬃን ገምእሻይ።
PSA 5:1 ዛማረቱዋ ካፖ ሱሱላቱዋን የጸቴዳ፥ ዳዊታ ማዝሙርያ አቤት መꬍና ጎዳዉ፥ ታን ኦድያዋ ሀይዛ፤ ታ ኦልያነ ስሳ።
PSA 5:2 ታ ካትያዉነ ታ ጾሳዉ፥ ታና ማዳ ጋደ ታ ኔኮ ዋስይያ ድራዉ፥ ታ ዎሳ ስሳ።
PSA 5:3 አቤት መꬍና ጎዳዉ፥ ዎንታ ዎንታ ጉራን ኔን ታ ቃላ ስሳሳ። ዎንታ ዎንታ ጉራን ታን ታ ዎሳ ነ ስንꬃ ሺሻደ፥ ኔን ታዉ እምያ ዛሩዋ አካና ጋደ ናጋይ።
PSA 5:4 ኔን ኢታተꬃን ናሸተና ጾሳ፤ ኢታባይ ኔናና ደኤና።
PSA 5:5 ጬቀትያዋንቱ ነ ስንꬃን ኤቂክኖ፤ ኢታባ ኦꬅያ ኡባቱዋ ኔን እጻ።
PSA 5:6 ዎርዱዋ ሃሳይያዋንታካ ኔን ꬋይሳሳ። ሱꬃ ጉስያዋንታነ ጭምያ አሳቱዋ፥ ጾሳይ ሸነቴ።
PSA 5:7 ሽን ታን ነ ማሮታ ዳሩዋን ነ ጎልያ ገላና። ነ ጌሻ ጎልያኮ ስማደ፥ ነዉ ያሻተꬃን ጎይናና።
PSA 5:8 አቤት መꬍና ጎዳዉ፥ ታና ነ ጽሎተꬃን ካለꬃ፤ ታ ሞርከቱዋ ድራዉ ጋደ፥ ነ ኦግያ ታ ስንꬃን ሱርሳ።
PSA 5:9 ኡንቱንቱ ዶናፐ ከስያዌ አማንና። ኡንቱንቱ ዎዛናንካ ገኒ ኩሜዳ፤ ኡንቱንቱ ዶናይ ዶየቴዳ ዱፉዋ ማላ፤ ኡንቱንቱ ባረንቱ እንጻርሳን ጭሚኖ።
PSA 5:10 አቤት ጾሳዉ፥ ኡንቱንታ ኔን ፕርዳ፤ ኡንቱንቱ ኮባይ ኡንቱንታ አክ ቦ። ኡንቱንቱ ናጋራይ ዳሮ ግዴዳ ድራዉ፥ ኔን ኡንቱንታ የደርሳ፤ አያዉ ጎፐ፥ ኡንቱንቱ ነ ቦላ ማካሌድኖ።
PSA 5:11 ሽን ኔኮ ባቃት ቆሰት አትያ ኡባይ ናሸትኖ፤ ኡንቱንቱ ኡባ ገደ ናሸቻን የጽኖ። ኔንካ ኡንቱንታ ናጋና፤ ነ ሱንꬃ ሲቅያ ኡባቱ ኔናን ሎይꬅ ናሸትኖ።
PSA 5:12 አያዉ ጎፐ፥ አቤት መꬍና ጎዳዉ፥ ቱሙካ ኔን ጽሉዋ አንጃሳ። ኔን ጎንዳሊ ካምያዋዳን ነ ኬካተꬃን አ ካማሳ።
PSA 6:1 ዛማረቱዋ ካፖ ዲꬃቱዋን የጸቴዳ፥ ዳዊታ ማዝሙርያ አቤት መꬍና ጎዳዉ፥ ነ ሀንቁዋን ታና ሴሮፓርኪ፤ ዎይ ነ ይሉዋን ታና ሙሮፓርኪ።
PSA 6:2 አቤት መꬍና ጎዳዉ፥ ታን ላባኔዳ ድራዉ፥ ታና ማራርኪ። አቤት መꬍና ጎዳዉ፥ ታ ዎዛናይ ማዱጾ ድራዉ፥ ታና ፓꬃ።
PSA 6:3 ታ ሸምፓታ ዳሮፐ ኡንኤታዱ፤ ሽን ጾሳዉ፥ ታና ማዳናዉ ኔን አዉደ ጋካናዉ ጋምአይ?
PSA 6:4 አቤት ጾሳዉ፥ ኔን ስማደ፥ ታና አሻ፤ ነ ማሮታ ዳሩዋን ታና ከሳ አካ።
PSA 6:5 ሀይቄዳ ኡራይ ኦንነ ኔና ሀሳየና፤ ዱፉዋን ኔና ጋላትያዌ ባዋ።
PSA 6:6 ታን ኦልያን ዳቡራድ፤ ቃማ ኡባን ታን ዬካደ፥ ታ ሂጻ እርጽሳድ፤ ታ ቦርኮꬃካ ታ አፎꬃን ሙሱꬍሳድ።
PSA 6:7 ታ ሞርከቱዋ ኡባ ጋሱዋን ታን አፎጼዳ ድራዉ፥ ታ አይፊ ጋልጄዳ፤ ታ አይፊ ደመናን እጼዳ።
PSA 6:8 መꬍና ጎዳይ ታን ዬክያ ዬኩዋ ስሴዳ ድራዉ፥ ህንተኖ፥ ኢታ ኦꬅያ ኡባቶ፥ ገደ ታፐ ሻከትተ።
PSA 6:9 መꬍና ጎዳይ ታ ዋትዋቱዋ ስሴዳ፤ መꬍና ጎዳይ ታ ዎሳነ ስሴ።
PSA 6:10 ታ ሞርከ ኡባቱ ዬላትኖነ ቱጋትኖ። ኡንቱንቱ ቆፐናን ዬላቲደ፥ ጉየ ስምኖ።
PSA 7:1 ቢንያማ ዛርያ ኩዛዋ ዳዊተ፥ ጾሳኮ ዝላሌዳ ዝላሳ። አቤት መꬍና ጎዳዉ፥ ታ ጾሳዉ፥ ታን ኔኮ ባቃታደ ቆሰታይ። ታና የደርስያ ኡባቱዋፐ ኔን ታና አሻ አካ።
PSA 7:2 ኔን ታና አሸናባ ግዶፐ፥ ኡንቱንቱ ታና ጋሙዋዳን ቦንቂደ፥ ኦንነ አሸናን መንሬꬃና።
PSA 7:3 አቤት መꬍና ጎዳዉ ታ ጾሳዉ፥ ታን አሳ ናቄዳዋ ግዶፐ፥ ሄዌነ ታ ላግያዉ ሎኡዋ ድራዉ ኢታ ዛሬዳዋ ግዶፐነ፥ ዎይ ጋሱ ባይናን ታ ሞርክያ ቦንቄዳዋ ግዶፐ፥ ሀዋ ማላ የዎቱዋፐ እቱዋነ ታን ኦꬄዳዋ ግዶፐ፥
PSA 7:5 ታ ሞርኪ ታና የደርሲደ ኦይቆ። ታና ሳኣን የሬꬆ፤ ያቲደ፥ ታና ቢታን ኦል ባሾ።
PSA 7:6 አቤት መꬍና ጎዳዉ፥ ነ ሀንቁዋን ደንዳ ኤቃ፤ ታ ሞርከቱዋ ኤጽያ ሀንቁዋ ቦላ ደንዳ። ታ ጾሳዉ ጎዳዉ፥ ቤጎታ፤ ቱሙዋ ፕርዳ።
PSA 7:7 ካዉተꬃቱዋ ሺቁ ነ ዩሹዋን ሺቆ፤ ኔን ኡንቱንቱፐ ቦላና ግዳደ ሃና።
PSA 7:8 መꬍና ጎዳይ ካዉተꬃቱዋ ቦላ ፕርዴ። አቤት መꬍና ጎዳዉ፥ ታዉ ታ ጽሎተꬃዳን ፕርዳ፤ አቤት ኡባፐ ꬎቃዉ፥ ታ ሱረተꬃዳን ፕርዳ።
PSA 7:9 ቆፋነ ዎዛና ብዳደ ኤርያ ጽሎ ጾሳዉ፥ ኢታቱዋ ገንያ ኔን ꬋይሳ። ሽን ጽሉዋ ሳሮታን ምንሳ ዎꬃ።
PSA 7:10 ዎዛና ጽሉዋ አሽያ ጾሳይ ታዉ ጎንዳለ።
PSA 7:11 ጾሳይ ጽሉዋ ፕርድያዋ፤ እ ሀች ሀች ሀንቀትያ ጾሳ።
PSA 7:12 አሳይ ባረ ናጋራ ፓጺደ ስመናን እጾፐ፥ ጾሳይ ባረ ማሻ ሌፌ፤ እ ባረ ዎንዳፍያ ጊግሴ።
PSA 7:13 እ ባረ ዎꬍያ ኦላ ሚሻቱዋ ጊግሴ፤ ታማ ላጩዋዳን ጶልያ ባረ ዎንዳፍያ ቶራ ጊግሴ።
PSA 7:14 ኢታተꬃ ሻሃሬዳ፥ ገንያ ሻሃራ ሻሃሬዳዌ፥ ዎርዱዋ የሌ።
PSA 7:15 ሀራ አሳቶ ኦላ ቦኬዳ አሳይ ባረ ቦኬዳ ኦላን ባረዉ ኩንዴ።
PSA 7:16 እ አህያ ገኒ አ ሁጲያዉ ስሜ። አ ማካላይነ አ ሁጲያዉ ስሜ።
PSA 7:17 መꬍና ጎዳ ጽሎተꬃ ድራዉ፥ ታን አ ጋላታና፤ ቃይ ኡባፐ ꬎቂያ መꬍና ጎዳ ሱንꬃዉ፥ ታን ጋላታ የጻና።
PSA 8:1 ዛማረቱዋ ካፖ ሱሱላቱዋን የጸቴዳ፥ ዳዊታ ማዝሙርያ። አቤት መꬍና ጎዳዉ፥ ኑ ጾሳዉ፥ ነ ሱንꬃይ ሳኣ ኡባ ቦላን አያ ቦንቼቴዴሻ! ኔን ነ ቦንቹዋ ሳሎቱዋፐ ቦላን ꬎቁ ꬎቁ ኦꬃ ዎꬃዳ።
PSA 8:2 ኔን ነ ሞርከቱዋ ድራዉ፥ ነ ባልጋራነ ነዉ ማንድያዋ ስርጵ ኦꬃናዉ፥ ጉꬃ ናናቱዋ ዶናን ꬋምያ ናናቱዋ ዶናን ጋላታ ኩንꬃዳ።
PSA 8:3 ኔን ነ ብራቱዋን መꬌዳ ነ ሳሎቱዋ፥ ሳኣን ሳኣን ኔን ዎꬄዳ አግናነ ጾልንተቱዋ ታን በእያ ዎደ፥
PSA 8:4 ኔን አሳባ ቆፓናዉ አሳይ አዬ? ዎይ ኔን አዉ ህርጋናዉ እ አዬ?
PSA 8:5 አ ኔን ጾሳፐ አማሬዳዋ ጉꬃዳ፤ ቦንቹዋነ ግታተꬃ ካላቻ አ ሁጲያን ዎꬃዳ።
PSA 8:6 አ ኔን ነ መꬌዳ መተꬃ ኡባ ቦላን ሞድያዋ ኦꬃደ ሱንꬃዳ፤ ኡባባ አ ገድያፐ ጋርሳና ዎꬃዳ።
PSA 8:7 ዶርሳቱዋነ ቦራቱዋ፥ ሳኣ ዶአቱዋነ፥
PSA 8:8 ሳሉዋ ካፎቱዋ፥ አባ ሞለቱዋነ፥ አባይ ጎግያሳን ዋꬍያዋንታ ኡባካ አ ሞድሳዳ።
PSA 8:9 አቤት ጾሳዉ፥ ኑ ጾሳዉ፥ ነ ሱንꬃይ ሳኣ ኡባን አያ ቦንቼቴዴሻ!
PSA 9:1 ዛማረቱዋ ካፖ፥ “ናኣ ሀይቁዋን” የጸቴዳ፥ ዳዊታ ማዝሙርያ። አቤት መꬍና ጎዳዉ፥ ታን ኔና ታ ኩመንꬃ ዎዛናፐ ጋላታና፤ ኔን ኦꬄዳ ማላልስያ ነ ኦሱዋ ኡባካ ኦዳና።
PSA 9:2 ኔናን ናሸታናነ ሀሹ ጋና። ኡባፐ ꬎቂያ ጾሳዉ፥ ታን ነ ሱንꬃዉ ጋላታ የጻና።
PSA 9:3 ታ ሞርከቱ ጉየ ስምያ ዎደ፥ ነ ስንꬃፐ ꬉበት ꬋያና።
PSA 9:4 ኔን ታዉ ጽሎ ፕርዳ ፕርዳዳ፤ ኔን ጽሎተꬃን ፕርዳደ፥ ነ ካዉተꬃ አራታን ኡታዳ።
PSA 9:5 ኔን ካዉተꬃ ሴራዳ፤ ኢታቱዋካ ꬋይሳዳ። ኔን ኡንቱንቱ ሱንꬃ መꬍ መꬍናዉካ ቁጫ ድጋዳ።
PSA 9:6 ሞርከቱ መꬍና ꬋዩዋ ꬋዬድኖ፤ ቃይ ኡንቱንቱ ካታማቱዋ ኡባና ꬎቆላ ድጋዳ። ኡንቱንቱ ኡባና ዶገት አቴድኖ።
PSA 9:7 ሽን መꬍና ጎዳይ መꬍናዉ ካተቲደ ደኤ፤ እ ባረ ካዉተꬃ አራታ ፕርዳዉ ጊግሴዳ።
PSA 9:8 ሀ ሳኣ ጽሎተꬃን ፕርዳና፤ አሳቱዋካ ሱረተꬃን ፕርዳና።
PSA 9:9 መꬍና ጎዳይ ኡንኤቴዳዋንቶ ባቃት አትያዋ፤ መቶ ዎድያንካ ገል አትያ ጌሱዋ።
PSA 9:10 ነ ሱንꬃ ኤርያዋንቱ ኔናን አማነቲኖ፤ አያዉ ጎፐ፥ መꬍና ጎዳዉ፥ ኔን ኔና ኮይያዋንታ የጋ አጋ በይካ።
PSA 9:11 ጽዮነ ደርያን ካተት ኡቴዳ መꬍና ጎዳዉ ጋላታ የጽተ። እ ኦꬄዳ ኡባባካ አሳ ኡባዉ ኦድተ።
PSA 9:12 አያዉ ጎፐ፥ ሱꬃ ጉስያዋንቶ ሀሉዋ ከስያ ጾሳይ ናቀቴዳዋንቱ ዋሱዋ ሸነኮ ጌና።
PSA 9:13 አቤት መꬍና ጎዳዉ፥ ጽዮነ አሳ ካርያን ታን ኤቃደ፥ ነ ጋላታ ኦዳና ማላነ ሄዋን ነ አቶተꬃን ሎይꬅ ናሸታና ማላ፥ ታ ሞርከቱ ታና የደርስያዋ በአ። ኔን ነ ማሮታን፥ ሀይቁዋፐ ታና አሻ።
PSA 9:15 ካዉተꬃቱ ባረንቱ ቦኬዳ ኦላን ባረንቶ ኩንዴድኖ። ኡንቱንቱ ቆስ ዎꬄዳ ጲሪ ኡንቱንቱ ገድያ ኦይቄዳ።
PSA 9:16 መꬍና ጎዳይ ባረ ጽሎ ፕርዳን ባረዉ ኤረቴዳ፤ ኢታ አሳይ ባረ ኩሽያን ኦꬄዳ ኦሱዋ ጲርያን ኦይቀቴዳ።
PSA 9:17 ኢታቱ ዱፉዋ ባና፤ ጾሳ ዶግያ ካዉተꬃቱ ኡባይካ ኡንቱንቱዳን ሀናና።
PSA 9:18 ህዬሳይ ኡባ ገደ ዶገት አተና፤ ዎይ መቶታንቻይ ዎꬄዳ ህዶታይ መꬍናዉ ꬋየና።
PSA 9:19 አቤት መꬍና ጎዳዉ፥ አሳይ ነ ቦላ ደንዲደ፥ ባረ ዎልቃን ጬቀተና ማላ፥ ኔን ደንዳ! ነ ስንꬃን ካዉተꬃቱዋ ቦላ ኔን ፕርዳ።
PSA 9:20 አቤት መꬍና ጎዳዉ፥ ኡንቱንታ ኔን ያሽሳ፤ ኡንቱንቱ አሳ ግድያዋ ኔን ኡንቱንታ ኤርሳ።
PSA 10:1 አቤት መꬍና ጎዳዉ፥ አያዉ ሃካደ ኤቃይ? መቱዋ ዎድያን አያዉ ኔን ጌማይ?
PSA 10:2 ባረ ኦቶሩዋን ኢታ አሳይ ህዬሳ ሻንካቴ። ኡንቱንቱ ባረንቱ ፓላ ማቁዋን ባረንቶ ኦይቀትኖ።
PSA 10:3 ሄ ኢታይ ባረ ዎዛና ኢታ አሙዋን ጬቀቴ፤ ዮራንቻይ መꬍና ጎዳ ቦላ ኢታ ቃላ ሃሳዬነ ካዴ።
PSA 10:4 ኢታይ ባረ ኦቶሩዋን ጾሳ ኮየና፤ ባረ ቆፋ ኡባንካ ጾሳ አይነ ኮየና።
PSA 10:5 ኡባባይ አዉ ኡባ ዎደካ ኩሜ፤ እ ኦቶሩዋ ጴጻሌ። ነ ህጊ አዉ ገለና፤ ባረ ሞርከቱዋ ቦላን እ ቅሊጬ።
PSA 10:6 ባረ ዎዛናን እ፥ “ታና አያይነ ቃና። ታና ኡባካ መቱ ጋከና” ያጊደ ቆፔ።
PSA 10:7 አ ዶናን ሸቃይ፥ ዎርዱነ ማንደꬃይ ኩሜዳ። ባረ እንጻርሳን ገነባነ ኢታባ ሃሳያናዉ ኤሌሌ።
PSA 10:8 ሄራን ቆሰትያሳን እ ዙጊደ ኡቴ። ባረ ዎꬍያዋ ዎꬋናዉ ቆሰት ናጊደ፥ ዎልቃይ ባይና አሽከቱዋ ጼሌ።
PSA 10:9 ባረ ቆሰትያሳን ጌሚደ፥ ህዬሳ ኦይቃናዉ ጋሙዋዳን ዙጌ። እ ህዬሳ ኦይቂደ፥ ባረ ጲርያን ጎቺደ አፌ።
PSA 10:10 ያትና፥ ዎልቃይ ባይና ህዬሳይ ሾጨቴ፤ ንፕ ጌነ ሄ ምኑዋን ጾነቴ።
PSA 10:11 እ ባረ ዎዛናን፥ “ጾሳይ ታና ዶግ ክቼዳ። ባረ ሶምኡዋ ታፐ ገንꬅ ክቼዳ፤ ኡባካ እ በኤና” ያጌ።
PSA 10:12 አቤት መꬍና ጎዳዉ፥ ደንዳ። ጾሳዉ፥ ነ ኩሽያ ꬎቁ ኦꬃደ ደንꬃ፤ ህዬሳ ዶጎፓ።
PSA 10:13 ናጋራንቻ ኡራይ ባረ ዎዛናን፥ ጾሳ አያዉ ካꬊ? ባረ ቆፋንካ፥ “ጾሳይ ታና ሙረና” አያዉ ያጊ?
PSA 10:14 ሽን ጾሳዉ፥ ኔን ቱሙካ በኣሳ፤ መቱዋካ ዋይያካ ጼላሳ። ኔን ኡባ ዎደ ኑና ማዳናዉ ጊጋ ኡታዳ። ዪአቶ ኔን ማዱዋ። ቆሄቴዳዌ ኔን ማዳናዳን ባረና ነዉ ሼꬌ።
PSA 10:15 ገንያዋንቱ ዎልቃ ኔን ዉርሳ፤ ኢታ አሳቱዋካ ሄዋዳ ኦꬃ። ላኤንꬆ ኡንቱንቱ ግዶን ኢታተꬃይ ቤተና ማላ ኡንቱንታ ሙራ።
PSA 10:16 መꬍና ጎዳይ መꬍ መꬍናዉ ካተቲደ ደኤ፤ ሀራ ካዉተꬃቱ አ ቢታፐ ꬋያና።
PSA 10:17 አቤት መꬍና ጎዳዉ፥ ኔን ባረንታ ካዉሽያዋንቱ አሙዋ ስሳሳ። ኔን ኡንቱንታ ምንꬃሳ።
PSA 10:18 ይአቶነ ኡንኤቴዳዋንቶ ቱሙዋ ፕርዳ፤ ሳኣን ደእያ አሳይ፥ ኡንቱንታ ያሽሰና ማላ፥ ኡንቱንቱ ዋሱዋ ስሳሳ።
PSA 11:1 ዛማረቱዋ ካፖ የጸቴዳ፥ ዳዊታ ማዝሙርያ። ታን መꬍና ጎዳ ግዶን ባቃታ ቆሰታ አታይ። ያትና፥ ህንተ ታና አያዉ፥ “ካፉዋዳን ነ ደርያ ባቃታ” ያጊቴ?
PSA 11:2 ሄኮ ናጋራንቻቱ፥ ዎዛና ጌሻቱዋ ꬉማን ጫዳናዉ፥ ባረንቱ ዎንዳፍያ ባቀꬃ ቦላን ፖꬃ ቶሊኖ።
PSA 11:3 ባሱ ባይያ ዎደ፥ ጽሉ አያ ኦꬃናዉ ዳንዳዪ?
PSA 11:4 መꬍና ጎዳይ ባረ ጌሻ ሳኣን ደኤ፤ ባረ ሳሉዋ ካዉተꬃ አራታን፥ መꬍና ጎዳይ አሳ ጼሌ፤ ጾሳ አይፊ አሳ ብዴ።
PSA 11:5 መꬍና ጎዳይ ጽሉዋ ብዴ። ሽን ኢታቱዋነ ኮባባ ሲቅያዋንታ እ ሎይꬅ እጼ።
PSA 11:6 ጾሳይ ኢታቱዋ ቦላን ኤጽያ ታማ ቦንቁዋነ ኤጽያ ዲንያ ቡክሳና። ꬋይስያ ጎትያ ጫርኩዋን ኡንቱንታ ሙራና።
PSA 11:7 መꬍና ጎዳይ ጽሎ ግዴዳ ድራዉ፥ ጽሎተꬃ ዶሴ። ሱረ አሳቱ አ ስንꬃ በአና።
PSA 12:1 ዛማረቱዋ ካፖ ዲꬃን የጸቴዳ፥ ዳዊታ ማዝሙርያ። መꬍና ጎዳዉ፥ ኑና ማዳርኪ? አያዉ ጎፐ፥ ጾሳ አሳይ ኡባካ ባዋ፤ አሳ ግዶን አማነትያዌ ꬋይክቼዳ።
PSA 12:2 ኡባ ዎደካ እቱ እቶ ዎርዱዋ ሃሳዪኖ፤ እቱ እቱዋ ሸሌሽያ እንጻርሳን ባለꬁዋን ሃሳዪኖ።
PSA 12:3 አቤት መꬍና ጎዳዉ፥ ሀ ሸሌሽያ ዶና ባራ። ኦቶሩዋን ጬቀትያ እንጻርሳ ኡባ ኔን ጭጋ ኦላ።
PSA 12:4 ኡንቱንቱ፥ “ኑን ኑ እንጻርሳን ጾናና፤ ኑ መተርሻይ ኑዋ፤ ኑ ጎዳይ ኦኔ?” ያግኖ።
PSA 12:5 መꬍና ጎዳይ፥ “ህዬሳቱ ኡንኤቴዳ ድራዉነ፥ መቶታንቻቱዋ ኦልያ ድራዉ፥ ሀእ ታን ደንዳና። ታን ኡንቱንቱ አሞትያ ሳሮተꬃን ኡንቱንታ ዎꬃና” ያጌ።
PSA 12:6 ጾሳ ቃላቱ ዋላክ ባይና ጌሻቱዋ፤ ጮጭያ ታማን ላፑን ገደ ትገቴዳ ብራዳን ጌዬዳዋንታ።
PSA 12:7 አቤት መꬍና ጎዳዉ፥ ኔን ኡንቱንታ ሳሮተꬃን ናጋነ ሀዋ ማላ አሳፐ መꬍናዉ ኡንቱንታ አሻ።
PSA 12:8 አሳ ግዱዋን ኢታይ ቦንቼቴዳ ዎደ፥ ኢታቱ ኡባ ሳና ስመረቴድኖ።
PSA 13:1 ዛማረቱዋ ካፖ የጸቴዳ፥ ዳዊታ ማዝሙርያ። አቤት መꬍና ጎዳዉ፥ አዉደ ጋካናዉ ኔን ታና ዶጋይ? መꬍናዉ ታና ዶጋይ? አዉደ ጋካናዉ ኔን ታፐ ጌማይ?
PSA 13:2 ታን ታ ቆፋና ባጸትያዌ አዉደ ጋካናሴ? ኡባ ጋላስ ካዩ ታ ዎዛናን ደአናዌ አዉደ ጋካናሴ? ታ ሞርከቱ ታ ቦላ ጎባናዌ አዉደ ጋካናሴ?
PSA 13:3 መꬍና ጎዳዉ ታ ጾሳዉ፥ ሃ ታኮ ጼላደ፥ ታዉ ዛራ። ታ አይፍያ ፖእሳደ፥ ሀይቁዋፐ ታና አሻ።
PSA 13:4 “ኑን አ ጾኔዶ” ያጊደ፥ ታ ሞርከቱ ጬቀተናዳን ተአ። ታ ኩንደꬃን ኡንቱንቱ ናሸተናዳን ድጋ።
PSA 13:5 ሽን አገና ነ ማሮታን ታን አማነታይ፤ ኔን ታና አሽያ ድራዉ፥ ታን ናሸታይ።
PSA 13:6 መꬍና ጎዳዉ፥ ታን ነዉ የጻና፤ አያዉ ጎፐ፥ ኔን ታዉ ኬካዳ።
PSA 14:1 ዛማረቱዋ ካፖ የጸቴዳ፥ ዳዊታ ማዝሙርያ። ኤያቱ ባረንቱ ዎዛናን፥ “ጾሳይ ባዋ” ያጊኖ። ኡንቱንቱ ደኡ ባዬዳ። ኡንቱንቱ ሸነይያዋ ኦꬂኖ፤ ሎእያዋ ኦꬅያ አሳይ ባዋ።
PSA 14:2 ጾሳ ኮይያ ኤራንቻቱ ደእንቶነ በአናዉ፥ መꬍና ጎዳይ ሳሉዋፐ ዱገ አሳ ጼሌ።
PSA 14:3 ሽን ኡባይካ ዎራ ስሜድኖ፤ ኡባይካ ኡባና ጎኤናባ ግዴድኖ። ሎእያዋ ኦꬅያ ኦንነ ባዋ፤ ሀራይ አቶ እቱነ ባዋ።
PSA 14:4 መꬍና ጎዳይ፥ “ሀዋንቱ ታ አሳ፥ አሳይ ቁማ ምያዋዳን ቦንቂ ሚኖ። ኢታ አሳቱ ቱሙ አያነ አኬክክኖ? ኡንቱንቱ ታና ዎስክኖ” ያጌዳ።
PSA 14:5 ሽን ጾሳይ ጽሎ አሳቱዋና ደእያ ድራዉ፥ ኢታቱ ሄዋን ዳጋማና።
PSA 14:6 ኡንቱንቱ ህዬሳቱዋ ቆፋ ሀልሲኖ፤ ሽን መꬍና ጎዳይ ህዬሳቱ ባቃቲደ፥ ቆሰት አትያ ሳኣ።
PSA 14:7 እስራኤልያዉ አቶተꬃይ ጽዮነፐ ዬረኔ! መꬍና ጎዳይ ኡንቱንቱ ደኡዋ ዛርያ ዎደ፥ ያቆባ ዘረꬃይ ናሸታና፤ እስራኤልያ አሳይ ናሸቻ ፖጩ ጋና።
PSA 15:1 ዳዊታ ማዛሙርያ አቤት ጾሳዉ፥ ነ ዱንካንያን ጋምአናዌ ኦኔ? ነ ጌሻ ደርያን ኔናና ደአናዌ ኦኔ?
PSA 15:2 ሱረ ደኡዋ ደእያዋ፥ ጽሎባ ኦꬅያዋ፥ ባረ ዎዛናፐ ቱሙዋ ሃሳይያዋ፥
PSA 15:3 ሀራ አሳ ሱንꬃ ባይዘናዋ፥ ባረ ላግያ ቦላ ኢታባ ኦናዋ፥ ባረ ሾሩዋ ዝግረናዋ፤
PSA 15:4 መꬍና ጎዳን እጸቴዳ አሳቱዋ ካꬍያዌ፥ ሽን ጾሳዉ ያይያ አሳቱዋ ቦንችያዌ፥ ባረ ጫቄዳዋ አያ ዴጽናካ ፖልያዌ፥
PSA 15:5 ባረ ሚሻ ድቻዉ እመናዌ፥ ጽሎ አሳቱዋ ቆሀናዉ ማታይያ አከናዌ። ሀ የዎቱዋ ኦꬅያዌ፥ መꬍናዉካ ቃጸና።
PSA 16:1 ዳዊታ ዎሳ አቤት ጾሳዉ፥ ታን ኔኮ ባቃቴዳ ድራዉ፥ ታና ናጋ።
PSA 16:2 ታን መꬍና ጎዳዉ፥ “ኔን ታ ጎዳ፤ ኔፐ አትን፥ ሀራ ሎኡ ታዉ ባዋ” ያጋይ።
PSA 16:3 ሳኣን ደእያ ጌሻቱ አይ ማላ ጋላተቴድኖ! ታ ናሸቻይ ኡባይ ኡንቱንቱና እትፐ ግድያዋ።
PSA 16:4 ዎርዶ ጾሳቱዋ ካልያዋንቱ ባረንቱ ቦላ መቱዋ ዳርሲኖ። ሽን ታን ኡንቱንቱ ዎርዶ ጾሳቶ ያርሽከ፤ ታን ኡንቱንቱ ሱንꬃ ጼስከ።
PSA 16:5 ታ መꬍና ጎዳዉ፥ ታ ደኡዋ ላታይነ ጹአይ ኔና፤ ታና ኮሽያ ኡባ ኔን ታዉ እማሳ። ታ ደኡዋ ሳማይ ኔና።
PSA 16:6 ኔን ታዉ ዋꬌዳ ሳማይ አይ ኬሻ ሎኤ! ኤ ታ ላታይ ቱሙዋፐ ሎአ!
PSA 16:7 ታና ዞርያ መꬍና ጎዳ ጋላታይ፤ ብላሄካ ታ ዎዛናይ ታና ሴሬ።
PSA 16:8 ታን ኡባ ገደ መꬍና ጎዳ ታፐ ስንꬃያይ እ ታፐ ኡሸቻ ባጋና ደእያ ድራዉ፥ ታን ህርግከ።
PSA 16:9 ሄዋ ድራዉ፥ ታ ዎዛናይ ናሸቴ፤ ታ ሸምፑካ ሀሹ ጌ። ታ ቦላይካ ህርግ ባይናን ደኤ።
PSA 16:10 ታና ስኦልያዉ አꬃደ እማካ፤ ኔን ነ ጌሻ ሙስሳካ።
PSA 16:11 ኔን ታና ደኡዋ ኦግያ በሳሳ። ታን ነ ማታን ደእና፥ ታ ናሸቻይ ፖለቴ፤ ነ ኡሸቻ ባጋና እንጂ መꬍናዉ ደኤ።
PSA 17:1 ዳዊታ ዎሳ አቤት መꬍና ጎዳዉ፥ ታ ጽሎ ኦችያዋ ስሳ፤ ታ ዋሱዋ ሀይዛ። ታን ጭመና እንጻርሳፐ ዎስያ ዎሳኮ፥ ነ ሀይꬃ ዛራ።
PSA 17:2 ታ ሻትንꬃይ ነ ስንꬃፐ ዮ፤ ነ አይፊ ልከ ግድያዋ ጼሎ።
PSA 17:3 ኔን ቃማን ታና ጾሞሳዳ፤ ታ ዎዛና ፓጫዳ። ሽን ታ ቦላፐ አይነካ ደማካ። ታ እንጻርሳይካ ባለትቤና።
PSA 17:4 ታን ሀራ አሳቱዋዳን ኢታ ቃላ ሃሳይከ፤ ታን ነ አዛዙዋ ናግያ ድራዉ፥ ገነ ኦግያ ካላበይከ።
PSA 17:5 ታ ገዲ ꬉበተና ማላ፥ ታ ታንጉ ነ ኦግያፐ ጋጻ ከስቤና።
PSA 17:6 አቤት ጾሳዉ፥ ኔን ስስያ ድራዉ፥ ታን ኔና ዎሳይ። ነ ሀይꬃ ታኮ ዛራደ፥ ታን ነዉ ኦድያዋ ሀይዛ።
PSA 17:7 ባረንቱ ሞርከቱዋፐ ባቃትያዋንታ ነ ኡሸቻ ኩሽያን ቆሳደ አሽያዎ፥ ነ ሎኦተꬃ ማላልስያ ኦግያን በሳ።
PSA 17:8 ነ አይፍያ ጭሩዋዳን ታና ናጋ፤ ነ ቀፍያ ግዶን ታና ቆሳ።
PSA 17:9 ታና ኡንእ ዎꬄዳ ኢታቱዋፐነ ዶድ ዎꬄዳ ጻላ ሞርከቱዋ ኩሽያፐ ታና ቆሳ።
PSA 17:10 ኡንቱንቶ ቃረት ባዋ፤ ኦቶሩዋን ሃሳዪኖ።
PSA 17:11 ታን ብያሳኣ ኡባን ኡንቱንቱ ታና ዶዲኖ። ታና ቢታን አꬅ የጋናዉ ጼሊኖ።
PSA 17:12 ኡንቱንቱ ባረንቶ ምያዋ ኮይያ ጋሞቱዋ ማላ፤ ጌማን ዙግ ናግያ ዎዳላ ጋሞቱዋ ማላ።
PSA 17:13 አቤት መꬍና ጎዳዉ፥ ደንዳ። ታ ሞርከቱዋና ኤቀታደ ጾና፤ ነ ማሻን ኢታቱዋፐ ታና አሻ አካ።
PSA 17:14 አቤት መꬍና ጎዳዉ፥ ሀዋ ማላ አሳፐ፥ ኡንቱንቱ ካጫይ ሀ ሳኣ ደኡዋ ጻላላ ግድያ አሳፐ ነ ኩሽያን ታና አሻ። ኔን ኡንቱንቶ ምንጄዳ ቦሻን ኡንቱንታ ሙራ፤ ሄ ቦሻይነ ኡንቱንቱ ናናቶ ግዲደ፥ ኡንቱንቱ ናናቱዋ ናናቶካ ፓላሆ።
PSA 17:15 ሽን ታን ጽሎተꬃን ነ ሶምእያ በአና። ታን ደንድያ ዎደ፥ ነ ማላ በኣደ ናሸታና።
PSA 18:1 ዛማረቱዋ ካፖ የጸቴዳ ዳዊታ ማዝሙርያ። መꬍና ጎዳይ አ ሞርክያፐነ ሳኦላ ኩሽያፐ አሼዳ ዎደ ዳዊ ተ መꬍና ጎዳዉ ሀ የꬃ የጼዳ አቤት መꬍና ጎዳዉ፥ ታ ዎልቃዉ፥ ታን ኔና ሲቃይ።
PSA 18:2 መꬍና ጎዳይ ታዉ ዎጋ ዛላ፤ ታን ኦላፐ ናገትያ ሚጻ፤ እ ታና አሽያዋ። ታ ጾሳይ ታን አኮ ባቃትያ ታ ዎጋ ዛላ። እ ታ ጎንዳልያ፤ እ ታና አሽያ ዎልቃ፤ እ ታን ቆሰታ አትያ ሳኣ።
PSA 18:3 ጋላታይ በስያ መꬍና ጎዳ ታን ጼሳይ፤ እ ታ ሞርከቱዋፐ ታና አሼ።
PSA 18:4 ሀይቁዋ ዎዶሩ ታና ቃቼዳ፤ ባሻይ ድኡዋዳን ታና ዳጋንꬄዳ።
PSA 18:5 ዱፉዋ ዎዶሩ ታና ቃቼዳ፤ ሀይቁ ጲርያዳን ታና ኦይቄዳ።
PSA 18:6 ታና መቱ ኢስና፥ መꬍና ጎዳ ጼሳድ፤ “ታና ማዳ” ጋደ ታ ጾሳዉ ዋሳድ። እ ባረ ጌሻ ሳኣን ታ ኮሻ ስሴዳ፤ ታን ዋሴዳ ዋሱ አ ሀይꬃን ዎꬌዳ።
PSA 18:7 ዎꬍና ጾሳይ ሀንቀቴዳ ድራዉ፥ ቢታይ ዪቂዪቂደ ቃጼዳ፤ ደረቱዋ ጻጱ ጋጅ ጋጂደ ኮኮሬዳ።
PSA 18:8 አ ሲꬍያፐ ሀንቁዋ ጩዋይ ጩዋቴዳ፤ አ ዶናፐ ምያ ታማ ላጩነ ጹግያ ቦንቁ ከሴዳ።
PSA 18:9 ሳሉዋ እ ጳልቂደ፥ ዱገ ዎꬌዳ፤ ሄ ዎደ አ ገድያፐ ጋርሳና ስቅመቴዳ ሻሪ ደኤ።
PSA 18:10 ቀፍያና ደእያ ኪታንቻ ክሩብያን ኡቲደ ፓሌዳ፤ ጫርኩዋ ቀፍያ አኪደ ኤሌሌዳ።
PSA 18:11 ባረና ꬉማን ካሜዳ፤ አ ዱንካኒ እራና ስቅመቴዳ ሻርያ።
PSA 18:12 አ ስንꬃን ደእያ ዎልቃማ ፖኡዋፐ ሻቻይነ ታማ ላጩ ከሴዳ፤ ከሲደ ስቅመቴዳ ሻርያ አꬊደ ቤዳ።
PSA 18:13 ቃይ መꬍና ጎዳይ ጉጉንꬃዳን ሳሉዋፐ ጉሜዳ፤ ኡባፐ ꬎቂያ ጾሳይ ዋልቃንꬃንነ ታማ ላጩዋን ቆንጬዳ።
PSA 18:14 ባረ ዎንዳፍያ ጩብያ የዲደ፥ ባረ ሞርከቱዋ ላሌዳ፤ ዋልቃንꬃ ፖኡዋ ኪቲደ፥ ኡንቱንታ የደርሴዳ።
PSA 18:15 አቤት መꬍና ጎዳዉ፥ ኔን ሴሬዳ ዎደነ፥ ሀንቀታደ ፔኑቄዳ ዎደ፥ አባ ሃꬃይ ግሴዳ ቢታይ ቤቴዳ። ቃይ ሳኣ ባሱካ ቆንጬዳ።
PSA 18:16 ጾሳይ ቦላፐ ኩሽያ ዱገ የዲደ፥ ታና ኦይቄዳ፤ ጪሞ ሃꬃፐ ታና ከሴዳ።
PSA 18:17 እ ታና ታ ዎልቃማ ሞርክያፐነ፥ ታና እጽያዋንቱፐ አሼዳ። አያዉ ጎፐ፥ ኡንቱንቱ ታዉ ሎይꬅ ዳሮ ዎልቃማ።
PSA 18:18 ታ ዋይያ ጋላስ ኡንቱንቱ ታ ቦላ ደንዴድኖ፤ ሽን መꬍና ጎዳይ ታና ዘምፕስያዋ።
PSA 18:19 እ ታና አኮ ሳኣ ከሴዳ፤ ታናን ናሸቴዳ ድራዉ፥ ታና አሼዳ።
PSA 18:20 ታ ጽሎተꬃዳን መꬍና ጎዳይ ታዉ ጭጌዳ፤ ታ ኩሽያ ጌሻተꬃዳን እ ታዉ ዛሬዳ።
PSA 18:21 ታን መꬍና ጎዳ ኦግያ ካላድ፤ ታን ታ ጾሳ አጋደ ዎራ ባበይከ።
PSA 18:22 ታን አ ህግያ ኡባ ናጋድ፤ አ ዎጋ ፖልያዋ አጋበይከ።
PSA 18:23 ታን አ ስንꬃን ሱረ ደኣድ፤ ታን ታና ናጋራፐ ናጋድ።
PSA 18:24 ሄዋ ድራዉ፥ መꬍና ጎዳይ ታዉ ታ ጽሎተꬃዳንነ ታ ኩሺ አ ስንꬃን ጌሻ ግድያዋዳን ዛሬዳ።
PSA 18:25 አቤት ጾሳዉ፥ አማነትያዋንቶ ኔን አማነትያዋ፤ ሱረቶ ኔንካ ሱረ።
PSA 18:26 ጌሻቶ ኔንካ ጌሻ፤ ሽን ጌላቶ ኔን ጭንጫ።
PSA 18:27 ባረንታ ሆክስያዋንታ አሻሳ፤ ሽን ባረንታ ꬎቂስያዋንታ ኔን ዝቂሳሳ።
PSA 18:28 አቤት መꬍና ጎዳዉ፥ ኔን ታ ጾምፕያ ፖእሳሳ፤ ታ ጾሳይ ፖእስና፥ ታ ꬉማይ ክቼ።
PSA 18:29 ነ ማዱዋን ታን ታ ሞርከ ዎታዳራቱዋ ኦላይ፤ ታ ጾሳን ታን ኡንቱንቱ ሚጻ ጼራና ጉፓ አꬋይ።
PSA 18:30 ጾሳ ኦጊ ሱረ። መꬍና ጎዳ ቃላይ ጌሻ። አኮ ባቃትያ ኡባቶ እ ጎንዳለ።
PSA 18:31 ጾሳፐ አትና፥ ሀራ መꬍና ጎዳይ ባዋ፤ ኑ ጾሳፐ አትና፥ ሀራ ዎጋ ዛል ባዋ።
PSA 18:32 ታዉ ዎልቃ እምያዌነ ታ ኦግያ ሳሮ ኦꬅያዌ ጾሳተኔ።
PSA 18:33 እ ታ ገድያ ገንእያ ገድያዳን ምንሴ፤ ታና ꬎቃ ሳአቱዋን ሳሮተꬃን ዎꬄ።
PSA 18:34 እ ታ ኩሽያ ኦላ ሜዘዬ፤ ሄዋ ድራዉ፥ ታን ታ ቀስያን ናስያ ግያ ብራታ ዎንዳፍያ ዳፋደ ዱካይ።
PSA 18:35 ታና አሽያ ነ ጎንዳልያ ኔን ታዉ እማዳ። ነ ኡሸቻ ኩሺ ታና ዘምፕሴ፤ ነ ሎኦ ኦይꬃይ ታና ꬎቂሴ።
PSA 18:36 ታ ሀመትያሳ አሳሳ፤ ሄዋ ድራዉ፥ ታ ገዲ ሀልጽቤና።
PSA 18:37 ታ ሞርከቱዋ ታን የደርሳ ኦይቃድ፤ ታን ኡንቱንታ ꬋይሰናን ደኣደ ጉየ ስማበይከ።
PSA 18:38 ታን ኡንቱንታ ላኤንꬆ ደንደናዳን ሾጫድ፤ ኡንቱንቱ ታ ገድያን ኩንዴድኖ።
PSA 18:39 ኦላዉ ታና ዎልቃ ዳንጭሳዳ፤ ታናና ጋዳትያዋንታ ታዉ ጉልባትሳዳ።
PSA 18:40 ታ ሞርከቱዋ ታ ስንꬃፐ ጉየ ባቃትሳዳ፤ ታና እጽያዋንታ ታን ꬋይሳድ።
PSA 18:41 ባረንታ ማዳና ማላ ዋሴድኖ፥ ሽን ኦንነ ኡንቱንታ አሽቤና። መꬍና ጎዳካ ኡንቱንቱ ጼሴድኖ፥ ሽን እ ኡንቱንቶ ኮይቤና።
PSA 18:42 ጫርኩ ፕቲደ አፍያ ባናዳን ታን ኡንቱንታ ሊቅሳድ፤ ኦግያን ደእያ ኡርቃዳንካ ኡንቱንታ የꬋድ።
PSA 18:43 ማካላ አሳፐ ታና አሻዳ። ታና ካዉተꬃቱዋ ቦላን ሱንꬃዳ፤ ታን ኤረና አሳይ ታዉ ሞደቴዳ።
PSA 18:44 ኡንቱንቱ ታ ዎርያ ስሲደ፥ ታዉ አዛዘቲኖ፤ አላጋ ደረ አሳይካ ታ ስንꬃን ሆኪኖ።
PSA 18:45 ኡንቱንቱ ዎዛና ካሃ አጊኖ። ባረንቱ ናገትያ ሚጻፐ ኮኮሪደ ዪኖ።
PSA 18:46 መꬍና ጎዳይ ደኤ! ጾሳይ፥ ታ ዎጋ ዛላይ ጋላተቶ! ታና አሽያ ጾሳይ ꬎቁ ꬎቁ ጎ!
PSA 18:47 እ ታ ሀሉዋ ከስያ ጾሳ፤ ካዉተꬃቱዋ ታፐ ጋርሳና ሞድስያዋ፤
PSA 18:48 ታ ሞርከቱዋፐ ታና አሽያዋ። አቤት ጾሳዉ፥ ኔን ታናና ጋዳትያዋንቱ ቦላን ታና ꬎቁ ꬎቁ ኦꬃሳ፤ ማካላንቻ አሳቱዋፐ ኔን ታና አሻሳ።
PSA 18:49 ሄዋ ድራዉ፥ ታን ኔና ካዉተꬃቱዋ ግዶን ጋላታና፤ ታን መꬍና ጎዳ ሱንꬃ ሳባና።
PSA 18:50 ጾሳይ ባረ ካትያዉ ጾኑዋ ቦላን ጾኑዋ እሜ። ባረ ኦኬዳ፥ ዳዊተዉነ አ ዘረꬃዉ፥ ሎኦተꬃ መꬍናዉ በሴ።
PSA 19:1 ዛማረቱዋ ካፖ የጸቴዳ፥ ዳዊታ ማዝሙርያ። ሳሎቱ ጾሳ ቦንቹዋ ሃሳዪኖነ ሳሎቱዋ ጉፋንꬁ እ ባረ ኩሽያን ኦꬄዳዋ አዋዬ።
PSA 19:2 እት ጋላሳይ የንኮ ጋላሳዉ ሄዋ ኦዴ፤ እት ቃማይካ የንኮ ቃማዉ ኤራተꬃ ቆንጭሴ።
PSA 19:3 ሃሳይ ዎይ ቃላይ ባዋ፤ ኡንቱንቱ ኮሻይካ ስሰተና።
PSA 19:4 ግዶፐካ፥ ኡንቱንቱ ሃሳያ ኮሻይ ሳኣ ኡባን ላለቴዳ፤ ኡንቱንቱ ቃላይካ ሳኣ ጋጻ ጋኬዳ። ጾሳይ አዋይ ደእያ ሳኣ ሳሉዋን ጊግሴዳ።
PSA 19:5 ናሸቲደ ካረ ሶፐ ከስያ ምሽራዳን፥ ዎꬃ ናስያዉ ጊጌዳ ዎꬃንቻዳን፥ አዋይ ዎንታ ዎንታ ከሴ።
PSA 19:6 አዋይ እት ባጋ ሳሉዋ ጋጻፐ ሞኪደ፥ ሀራ ባጋ ሳሉዋ ጋጻ ጋካናስ ቤ፤ አ ሆኡዋፐ ጌምያዌ አያይነ ባዋ።
PSA 19:7 መꬍና ጎዳ ህጊ ሱረ፤ ሸምፑዋ ዛሬ። መꬍና ጎዳይ ኦድያዌ አማነትያዋ፤ አኬካይ ፓጬዳዋንቶ ኤራተꬃ እሜ።
PSA 19:8 መꬍና ጎዳ ዎጋይ ልከ፤ ዎዛና ናሸቼ። መꬍና ጎዳ አዛዙ ጌሻ፤ ዎዛና ፖእሴ።
PSA 19:9 መꬍና ጎዳዉ ያይያዌ ጌሻተꬃ፤ ሄዌ መꬍናዉካ ኤቂድ ደእያዋ። መꬍና ጎዳ ፕርዳይ ቱማነ ጽሉዋ።
PSA 19:10 ዎርቃፐነ ዋላክ ባይና ዎርቃፐ አꬊደ ዶሰቴ፤ ኤሳፐነ ኤሳ እልሉዋፐ አꬍ ማልኤ።
PSA 19:11 ቃይ ታና ነ ቆማ ናገታናዳን ዞሬ፤ ነ ህግያ ናጉ ዳሮ ጎኤ።
PSA 19:12 ባረ ሁጲያ ባላ ደምያዌ ኦኔ? አቤት ጾሳዉ፥ ጌሜዳ ናጋራፐ ታና ጌሻ።
PSA 19:13 ቃይ ታን፥ ነ ቆማይ፥ ጻላን ናጋራ ኦናዳን፥ ኔን ታና ናጋ። ታና ናጋራዉ ሞድሶፓ፤ ሄ ዎደ ታን ሱረ ግዳደ፥ ዎልቃማ ባይዙዋፐ ጌያና።
PSA 19:14 አቤት መꬍና ጎዳዉ፥ ታ ዎጋ ዛላዉ፥ ታና ዎዜዳዎ፥ ታ ዶናፐ ከስያ ቃላይነ ታ ዎዛና ቆፋይ ኔና ናሸችያዋ ግዶ።
PSA 20:1 ዛማረቱዋ ካፖ የጸቴዳ፥ ዳዊታ ማዝሙርያ ኔን መቶቴዳ ዎደ መꬍና ጎዳይ ነ ዎሳ ስሶ፤ ያቆባ ጾሳ ሱንꬃይ ኔና ምንሶ።
PSA 20:2 ባረ ጌሻ ሳኣፐ ነዉ ማዱዋ ኪቶ፤ ጽዮነፐ ኔና ዘምፕሶ።
PSA 20:3 ነ ያርሹዋ ኡባ እ ነዉ ሀሳዮ፤ ነ ጹግያ ያርሹዋን ናሸቶ።
PSA 20:4 ነ ዎዛና አሙዋ ነዉ እሞ፤ ነ ሀልቹዋ ኡባ ፖሎ።
PSA 20:5 ነ ጾኑዋ ድራዉ፥ ኑን ናሸቻዉ ሆምቦጫና፤ ኑ ጾሳ ሱንꬃን ኑ ባንድራ ꬎቁ ኦꬃና። ኔን ዎሴዳዋ ኡባ መꬍና ጎዳይ ነዉ እሞ።
PSA 20:6 መꬍና ጎዳይ ባረ ዶሬዳ ካትያዉ ጾኑዋ እምያዋ ታን ብሮ ኤራይ። እ ባረ ጌሻ ሳሉዋን ስሳና፤ ባረ ኡሸቻ ኩሽያን ዎልቃማ ጾኑዋ አዉ እማና።
PSA 20:7 እቱ እቱ ባረንቱ ኦላ ፓራይ ጎችያ ጋርያን፥ ሀራቱ ባረንቱ ፓራን ጬቀቲኖ፤ ሽን ኑን መꬍና ጎዳ ኑ ጾሳ ዎልቃን ጬቀቴቶ።
PSA 20:8 ኡንቱንቱ ꬉበቲደ ኩንዳና፤ ሽን ኑን ደንዲደ፥ ምን ኤቃና።
PSA 20:9 አቤት መꬍና ጎዳዉ፥ ካትያዉ ጾኑዋ እማ፤ ኑን ኔና ጼስያ ዎደ ስሳ።
PSA 21:1 ዛማረቱዋ ካፖ የጸቴዳ፥ ዳዊታ ማዝሙርያ አቤት መꬍና ጎዳዉ፥ ካቲ ነ ምኖተꬃን ሀሹ ጌ፤ ኔን እሜዳ ጾኑዋን እ አያ ናሸቲ!
PSA 21:2 ኔን አ ዎዛና አሙዋ አዉ እማዳ፤ ቃይ እ ኔና ባረ እንጻርሳን ኦቼዳዋ ድጋባካ።
PSA 21:3 ኔን ሎኦ አንጁዋን አ ሞካሳ፤ ጌሻ ዎርቃ ካላቻ አ ሁጲያን ዎꬃሳ።
PSA 21:4 ኔን ደኡዋ አዉ እማናዳን ኔና ዎሴዳ፤ አዉ ጮራ ላይꬃነ አዱሳ ደኡዋ እማዳ።
PSA 21:5 ኔን ጾኑዋ እሜዳ ድራዉ፥ አ ቦንቹ ዳሬ፤ ግታተꬃነ አንጋ አዉ እማዳ።
PSA 21:6 ኔን አዉ መꬍና አንጁዋ እማሳ፤ ኔን እትፐ ደእያዋን አ ናሸቻሳ።
PSA 21:7 ካቲ መꬍና ጎዳን አማነቴ። ኡባፐ ꬎቂያ ጾሳ ሎኦተꬃ ድራዉ፥ እ ቃጸና።
PSA 21:8 ነ ኩሺ ነ ሞርከቱዋ ኡባ ኩቱታና፤ ነ ኡሸቻይ ኔና እጽያዋንታ ደማና።
PSA 21:9 ኔን ቆንጭያ ዎደ፥ ኡንቱንታ ጮጭያ ታማዳን ጹጋና። መꬍና ጎዳይ ባረ ሀንቁዋ ሱሉዋን ኡንቱንታ ምታና፤ አ ታማይካ ኡንቱንታ ም ꬋይሳና።
PSA 21:10 ኔን ኡንቱንቱ ናናቱዋ ቢታፐ፥ ኡንቱንቱ ዘረꬃካ አሳ ግዶፐ ꬋይሳና።
PSA 21:11 ነ ሞርከቱ ነ ቦላ ሺቅኖነ ኢታባ ማቀቲኖ፤ ሽን ፖልክኖ።
PSA 21:12 አያዉ ጎፐ፥ ኔን ኡንቱንታ ነ ዎንዳፍያ ፖꬃን ዱካናዉ ባብሳና፤ ባብሳደ ጉየ ዛራደ ባቃትሳና።
PSA 21:13 አቤት መꬍና ጎዳዉ፥ ነ ምኖተꬃን ꬎቁ ꬎቁ ጋ፤ ነ ዎልቃ ድራዉ ነዉ ጋላታ ማዝሙርያ የጼቶ።
PSA 22:1 ዛማረቱዋ ካፖ የጸቴዳ፥ ዳዊታ ማዝሙርያ። ዎንታ ጉራ “ገንእያ” የꬃዳን የጸቴዳ ዳዊታ ማዝሙርያ ታ ጾሳዉ፥ ታ ጾሳዉ፥ ታና አያዉ አጋዲ? ታና ማዳ ጋደ ታን ነዉ ዋትዋትያ ዎደ፥ አያዉ ታፐ ሃካይ?
PSA 22:2 አቤት ታ ጾሳዉ፥ ጋላሳን ኡባን ታን ነዉ ዋሳይ፤ ሽን ኔን ታዉ አላካ። ቃማን ኡባንካ ነዉ ዋሳይ፥ ሽን ዎፓ ደምከ።
PSA 22:3 ግዶፐነ፥ ኔን ጌሻ። እስራኤልያ ጋላታይ ነ አራታ ዩሹዋን ደኤ።
PSA 22:4 ካሰ ኑ አዎቱ ኔናን አማነቴድኖ፤ ኔናን አማነትና፥ ኔን ኡንቱንታ አሻዳ።
PSA 22:5 ነዉ ዋሲደ አቴድኖ፤ ኔናን አማነቲደ ዬላትበይክኖ።
PSA 22:6 ሽን ታን አሳ ግድከ፤ ታን ጉጹንያ። ታን አሳን ካꬌተዳዋነ ቅሊጨቴዳዋ።
PSA 22:7 ታና በእያ ኡባቱ ቅꬊኖ፤ ኡንቱንቱ ታና ጽት ጼሊኖነ ባረንቱ ሁጲያ ቃꬂኖ።
PSA 22:8 ያቶፐ፥ “እ መꬍና ጎዳን አማነቴዳ፤ አያዉ አ አሸኔ? መꬍና ጎዳይ አ ዶሶፐ፥ አነ አ አሾ” ያጊኖ።
PSA 22:9 ግዶፐነ፥ ታና ታ አት ኡሉዋፐ ሱረ የልሴዳዌ ኔና፤ ታ አት ꬋንꬃ ꬋምያ ዎደካ ታን አማነታናዳን ኦꬃዳ።
PSA 22:10 ታን የለቶደፐ ዶማደ ኔናን ድጫድ፤ ታ አት ኡሉዋፐ ዶማደካ፥ ኔን ታ ጾሳ።
PSA 22:11 መቱ ታኮ ማትያ ድራዉነ ታና ማድያዌ ባይና ድራዉ፥ ሀእ ኔን ታፐ ሃኮፓ።
PSA 22:12 ዳሮ ሞርከቱ ኮሩማ ቦራቱዋዳን ታና ዶዲኖ፤ ቃይጭያ ባሳነ ቢታ ቦራቱዋዳን ታና ዶዲኖ።
PSA 22:13 መንሬꬅያነ ጉድያ ጋሙዋዳን ባረንቱ ዶና ታ ቦላ ሀንጊኖ።
PSA 22:14 ታን ሃꬃዳን ጎጋድ፤ ታ መቀꬃቱ ባረንቱ ኩሻፐ ኮለቴድኖ። ታ ዎዛናይ ኤሳ ሙቃዳ ማላ፥ ታ ግዶን ሴር ዉሬ።
PSA 22:15 ታ ቆꬊ ኮንኣዳን መሌ፤ ታ እንጻርሳይ ኮክያና ኦይቀቴ። ኔን ታና ሀይቄዳ አሳዳን ባናን የጋዳ።
PSA 22:16 ካናቱ ታና ተኤድኖ፤ ኢታ አሳቱ ታ ዩሹዋን ዶዴድኖ። ታ ኩሸቱዋነ ታ ገደቱዋ ጫዲኖ።
PSA 22:17 ታ መቀꬃቱዋ ኡባ ታን ፓይዳይ። ታ ሞርከቱ ታና ጼሊኖነ ደረቂኖ።
PSA 22:18 ታ ማዩዋ ሻክ አኪኖ፤ ታ አዱሳ ማዩዋን ሳማ የጊኖ።
PSA 22:19 አቤት መꬍና ጎዳዉ፥ ኔን ታፐ ሃኮፓ። አቤት ታ ዎልቃዉ፥ ታና ማዳናዉ ኤለካ ሃያ።
PSA 22:20 ታና ማሻፐ አሻ፤ ታ አልኦ ደእያ ካናቱዋ ዎልቃፐ አሻ።
PSA 22:21 ጋሞቱዋ ዶናፐ ታና አሻ፤ ቃይጭያ ባዙዋ ቦራቱዋ ካጭያፐ ታና ናጋ።
PSA 22:22 ታን ነ ሱንꬃ ታ እሻቶ ኦዳና፤ ማባራ ሺቁዋንካ ኔና ጋላታና።
PSA 22:23 ህንተኖ፥ መꬍና ጎዳዉ ያይያዋንቶ፥ አ ጋላትተ። ህንተኖ፥ ያቆባ ዘረꬃቶ፥ ኡባይካ አ ቦንችተ። ህንተኖ፥ እስራኤልያ ዘረꬃቶ፥ ኡባቱካ ቦንቹዋን አዉ ያይተ።
PSA 22:24 እ ናቀቴዳዋንታ ካና፤ ኡንቱንታ ጋኬዳ ቆሁዋ ታዉ አይ መቴ ጌና። ባረ ሶምኡዋ ኡንቱንቱፐ ገንና፤ ሽን ኡንቱንቱ ማዶ አኮ ዋስያ ዎድያን፥ ኡንቱንቱ ዋሱዋ ስሴ።
PSA 22:25 ታን ኔን ኦꬄዳ ሎኦ ኦሱዋ ድራዉ፥ ኩንꬄዳ ሺቁዋን ጋላታና። ታን ሺቀቴዳዋ ነዉ ያይያ አሳ ስንꬃን ጋꬃና።
PSA 22:26 ህዬሳቱ ሚደ ካላና። መꬍና ጎዳ ኮይያዋንቱ አ ጋላታና። ኡንቱንቱ መꬍናዉ ደአና።
PSA 22:27 ሳኣ ጋጻ ጋካናዉ አሳይ ኡባይ ሀሳዪደ፥ መꬍና ጎዳኮ ስማና። አሳ ዛረ ኡባይ አዉ ጎይናና።
PSA 22:28 አያዉ ጎፐ፥ ካተትያ ማታይ መꬍና ጎዳዋ፤ ካዉተꬃቱዋ እ ሞዴ።
PSA 22:29 ሳኣን ደእያ ዱረ አሳቱ ኡባይ አዉ ጎይናና። ባረንታ ሀይቁዋፐ አሻናዉ ዳንዳየናዋንቱነ ባናዉ ላመትያዋንቱ ኡባቱ አዉ ጉልባታና።
PSA 22:30 ይያ ዘረꬃይ አዉ ኪተታና፤ አሳይ ጎዳ ኦሱዋ ይያ የለታዉ ኦዳና።
PSA 22:31 ብሮ የለትቤና አሳይካ አ ጽሎተꬃ ኦዳና። “ጾሳይ ባረ አሳ አሼዳ” ያግያዌ ኦደታና።
PSA 23:1 ዳዊታ ማዛሙርያ መꬍና ጎዳይ ታ ሄንꬃንቻ፤ ታዉ አያይነ ፓጨና።
PSA 23:2 ታና አጫ ቆሩዋን ሸምፕሴ፤ ዎፑ ጌዳ ሃꬃኮ ላጌ።
PSA 23:3 ታ ደኡዋ ኦራጽሴ። ባረ ሱንꬃ ድራዉ፥ ታና ጽሎተꬃ ኦግያን ካለꬄ።
PSA 23:4 ኔን ታ ጾሳይ ታናና ደእያ ድራዉ፥ ታን ꬍጵ ጎ ꬉማ ዛንጋራ ግዱዋና ቦፐካ፥ ኢታባዉ ያይከ። ነ ጋትማይነ ነ ጉፊ ታና ምንꬂኖ።
PSA 23:5 ታ ሞርከቱዋ ስንꬃን ታዉ ግብራ ማካዳ። ታና ሞካድ፥ ታ ሁጲያ ዛይትያ ኦካዳ። ታ ዋንጫይ ፓላሂደ ጎጋና ጋካናዉ ኩንꬃዳ።
PSA 23:6 ነ ኬካተꬃይነ ማሮተꬃይ ታ ደኡዋ ላይꬃ ኡባን ቱሙዋፐ ታና ካላና። ታን መꬍና ጎዳ ጎልያን መꬍናዉ ደአና።
PSA 24:1 ዳዊታ ማዛሙርያ ሳአይነ ሳኣን ኩሜዳዌ ኡባይ መꬍና ጎዳዋ፤ ቢታይነ ቢታን ደእያባይ ኡባይ አዋ።
PSA 24:2 አያዉ ጎፐ፥ ሳኣ ዎልቃማ አባ ቦላን እ ሂጼዳ፤ ጪሞ ሃꬃ ቦላን ምንሲደ ኤሴ።
PSA 24:3 መꬍና ጎዳ ደርያ ግአናዌ ኦኔ? አ ጌሻ ሳኣን ኤቃናዌ ኦኔ?
PSA 24:4 አ ኩሺ ናጋራፐ ጌዬዳዋ፥ አ ዎዛናይ ጌሻ ግዴዳዋ፥ ኤቃዉ ጎይነናዋ፥ ዎርዱዋን ጫቀናዋ።
PSA 24:5 እ መꬍና ጎዳፐ አንጁዋ አካና፤ አሽያ ጾሳፐ እ ጽሎተꬃ ፕርድዳ አካና።
PSA 24:6 ጾሳኮ ጼልያ አሳይነ ያቆባ ጾሳ ስንꬃ ኮይያ አሳይ ሀዋንቱ ማላ።
PSA 24:7 ፐንገቱ ዶየትተ! ቦንቾ ካቲ ገላና ማላ፤ በን ፐንጋቱ አ ናሸቻን ሞክተ!
PSA 24:8 ሄ ቦንቾ ካቲ ኦኔ? ምኑነ ዎልቃማይ መꬍና ጎዳቴ! ኦላዉካ እ ዎልቃማ መꬍና ጎዳቴ!
PSA 24:9 ፐንገቱ ዶየትተ! ቦንቾ ካቲ ገላና ማላ፤ በን ፐንጋቱ አ ናሸቻን ሞክተ!
PSA 24:10 ሀ ቦንቾ ካቲ ኦኔ? ሀ ቦንቾ ካቲ ሳሉዋ መተꬃቱዋ መꬍና ጎዳቴ!
PSA 25:1 ዳዊተ ማዝሙርያ አቤት መꬍና ጎዳዉ፥ ታ ሸምፑዋፐ ኔና ዎሳይ።
PSA 25:2 አቤት ታ ጾሳዉ፥ ታን ኔናን አማነታይ፤ ታና ዬላዮፓ፤ ታ ሞርከቱዋ ሀይꬃ ከሶፓ።
PSA 25:3 ኔናን ሂዶታ ኦꬅያዋንቱ ዬላትክኖ፤ ሽን ጋሱ ባይናን ገንያዋንቱ ዬላታና።
PSA 25:4 አቤት መꬍና ጎዳዉ፥ ታና ነ ኦግያ በሳ፤ ነ ኦግያ ታና ታማርሳ።
PSA 25:5 ኔን ታና አሽያ ጾሳ ግድያ ድራዉ፥ ነ ቱማተꬃን ታና ካለꬃነ ታማርሳ። ጋላሳ ኩመንꬃን ታን ኔናን ህዶታ ኦꬃይ።
PSA 25:6 አቤት መꬍና ጎዳዉ፥ በኒደፐ ደእያ ነ ቃረታነ ነ ኬካተꬃ ሀሳያ።
PSA 25:7 ታ ያላጋተꬃ ናጋራነ ባይዙዋ ሀሳዮፓ። አቤት መꬍና ጎዳዉ፥ ነ ኬካተꬃነ ሎኦተꬃ ሀሳያ።
PSA 25:8 መꬍና ጎዳይ ኬካነ ሱረ፤ ሄዋ ድራዉ፥ ናጋራንቻቱዋ ባረ ኦግያ ታማርሴ።
PSA 25:9 አሽከቱዋ ሱረተꬃን ካለꬄ፤ አሽከቱዋ ባረ ኦግያ ታማርሴ።
PSA 25:10 መꬍና ጎዳ ጫቁዋነ አ አዋዩዋ ናግያዋንቶ አ ኦጊ ኡባይ ቱማተꬃነ ኬካተꬃ።
PSA 25:11 አቤት መꬍና ጎዳዉ፥ ታ ናጋራይ ሎይꬅ ዳራ፤ ግዶፐካ፥ ነ ሱንꬃ ድራዉ፥ አቶ ያጋ።
PSA 25:12 መꬍና ጎዳዉ ያይያ አሳይ ኦኔ? እ ዶሪደ ካላና ኦግያ ጾሳይ አ ታማርሳና።
PSA 25:13 እ ኡባ ገደካ ሎኦ ደኡሳ ደአና፤ አ ዘረꬃቱ ቢታ ላታና።
PSA 25:14 መꬍና ጎዳይ ባረዉ ያይያዋንቶ፥ ባረ ጹራ ሻክያዋ፤ እ ኡንቱንቶ ባረ ጫቁዋካ ቆንጭሴ።
PSA 25:15 መꬍና ጎዳይ ታ ገድያ ጲርያፐ ከስያ ድራዉ፥ ታ አይፊ ማዶ ኡባ ገደ አኮ ጼሌ።
PSA 25:16 ጾሳዉ፥ ታን ታረካ ደእያ ቆሄቴዳ አሳ ግድያ ድራዉ፥ ሃ ታኮ ስማ፤ ነ ማሮተꬃ ታና በሳ።
PSA 25:17 ታዉ ህርጋይ ዳሬዳ፤ ታ መቱዋፐ ታና ኔን ዎዛ።
PSA 25:18 ታ መቱዋነ ታ ቱጋ ኔን በአ። ታ ናጋራ ኡባ አቶ ጋ።
PSA 25:19 ታ ሞርከቱ አይ ኬሻ ዳሬደንቶነ በአ፤ ኡንቱንቱ ታና ዎꬋናዳን እጽያዋ ጼላ።
PSA 25:20 ኔን ታና ናጋ፤ ኔን ታና አሻ፤ ታን ኔኮ ባቃቴዳ ድራዉ፥ ታና ዬላዮፓ።
PSA 25:21 ታን ኔናን ሂዶታ ኦꬄዳ ድራዉ፥ ሱረተꬃይነ ቱማተꬃይ ታና ናጎ።
PSA 25:22 አቤት ጾሳዉ፥ እስራኤልያ አሳ ኡንቱንቱ መቱዋ ኡባፐ ኔን አሻ።
PSA 26:1 ዳዊታ ማዛሙርያ አቤት መꬍና ጎዳዉ፥ ታን ሱረተꬃን ሀመቴዳ ድራዉነ፥ ስꬊ ባይናን መꬍና ጎዳ አማነቴዳ ድራዉ፥ ታዉ ፕርዳ።
PSA 26:2 አቤት መꬍና ጎዳዉ፥ ታና ፓጫ፥ ታና ብዳ፤ ታ ዎዛና ጾሞሳ።
PSA 26:3 አያዉ ጎፐ፥ አገና ነ ሲቁ ታ ስንꬃን ደኤ፤ ታን ነ ቱማተꬃ ኦግያን ሀመታይ።
PSA 26:4 ታን ጭምያ አሳቱዋና እትፐ ኡትከ፤ ሎአ ማላትያ ኢታቱዋ ማባራን ገልከ።
PSA 26:5 ኢታ ኦꬅያ አሳቱዋ ሺቁዋ ታን እጻይ፤ ማካላንቻቱዋና እትፐ ኡትከ።
PSA 26:6 አቤት መꬍና ጎዳዉ፥ ታን ቆሀቤናዋ በሳናዉ ታ ኩሽያ ሜጫይ። ነዉ ያርሽያ ሳኣ ዩያይ፤
PSA 26:7 ነ ጋላታ የꬃ የጻይነ ኔን ኦꬄዳ ኦራꬃባ ኡባ ኦዳይ።
PSA 26:8 አቤት መꬍና ጎዳዉ፥ ኔን ደእያ ጎልያ፥ ነ ቦንቹ አቅያ ሳኣ ታን ዶሳይ።
PSA 26:9 ታና ናጋራንቻቱዋና እትፐ ፕቶፓ፤ ዎይ አሳ ዎꬍያዋንቱና እትፐ ꬋይሶፓ።
PSA 26:10 ኡንቱንቱ ኩሽያን ኢታ ሀልቹ ደኤ፤ ቃይ ኡንቱንቱ ኡሸቻ ኩሽያን ማታዪ ኩም ኡቴዳ።
PSA 26:11 ሽን ታና ግዶፐ፥ ታን ሱረተꬃን ሀመታይ። ታና ዎዛ፤ ታዉ ቃረታ።
PSA 26:12 ታ ገዲ ደምባ ሳኣን ኤቄዳ፤ ታን ዎልቃማ ሺቁዋን መꬍና ጎዳ ጋላታና።
PSA 27:1 ዳዊታ ማዛሙርያ መꬍና ጎዳይ ታዉ ፖኦነ ታና አሽያዋ፤ ያትና፥ ታን ኦዉ ያያንታ? መꬍና ጎዳይ ታ ደኡ ናገትያ ሚጻ፤ ያትና፥ ታን ኦዉ ዳጋማንታ?
PSA 27:2 ኢታ አሳቱ፥ ታ እጽያዋንቱነ ታ ሞርከቱ ታና ዎꬋናዉ ታኮ ዎጽያ ዎደ፥ ኡንቱንቱ ባረንቶ ꬉበቲደ ኩንዳና።
PSA 27:3 ሞርክያ ቶራይ ታና ዶድንቶካ ታ ዎዛናይ ያየና። ኦላይ ታ ቦላ ዶድንቶካ፥ ታን መꬍና ጎዳን አማነታይ።
PSA 27:4 ታን መꬍና ጎዳ እትባ ኦቻድ፤ ታን ሄዋ ኮያድ፤ ሄዌነ፥ ታን ታ ደኡዋ ላይꬃ ኡባን፥ መꬍና ጎዳ ጎልያን ደአናዋ፤ ቃይካ ታን መꬍና ጎዳ ሎኦተꬃ በአናዋነ አ ጎልያን አ ኮያናዋ።
PSA 27:5 ሄዋ ድራዉ፥ መቱዋ ጋላሳን እ ታና ባረ ደእያ ሳን ገንꬃና፤ ባረ ዱንካንያን እ ታና ቆስ አሻና። እ ታና ꬎቃ ሹቻ ቦላን ኤሳና።
PSA 27:6 ሄ ዎደ ታን ታና ዶዴዳ ታ ሞርከቱዋፐ፥ ግታታደ ꬎቁ ꬎቁ ያጋና። ታን አ ዱንካንያን ናሸታደ ያርሹዋ ያርሻና። ታን መꬍና ጎዳዉ ዲጻናነ የጻና።
PSA 27:7 አቤት መꬍና ጎዳዉ፥ ታን ኔና ጼስያ ዎደ፥ ኔን ታዉ ኮያ፤ ታዉ ቃረታ፤ ታና ስሳ።
PSA 27:8 ኔን፥ “ታ ስንꬃ ኮይተ” ጌዳ ዎደ፥ ታ ዎዛናይ፥ “አቤት መꬍና ጎዳዉ፥ ኤኖ፤ ታን ነ ስንꬃ ኮያና” ያጌዳ።
PSA 27:9 ነ ስንꬃ ታፐ ገንꬆፓ። ታና ማዴዳዎ፥ ታና ነ ቆማ ሀንቀታደ ጉየ ዛሮፓ። አቤት ታና አሽያ ጾሳዉ፥ ታና ኦሎፓነ አጎፓ።
PSA 27:10 ታ አዉነ ታ አታ ታና አግንቶነ መꬍና ጎዳይ ታና ሺሽ አካና።
PSA 27:11 አቤት መꬍና ጎዳዉ፥ ነ ኦግያ ታና ታማርሳ፤ ታ ሞርከቱዋ ድራዉ፥ ታና ሱረ ኦግያ ካለꬃ።
PSA 27:12 ታና ናስያ ዎርዶ ማርካቱ ታ ቦላ ኢታተꬃን ደንዴዳ ድራዉ፥ ታና ታ ሞርከቱዋ አሞ አꬃደ እሞፓ።
PSA 27:13 መꬍና ጎዳ ኬካተꬃ ታን ፓጻ ደኣደ በአናዋ አማናይ።
PSA 27:14 መꬍና ጎዳን ሂዶታ ዎꬃ፤ ምናደነ ዎዛናማደ፥ መꬍና ጎዳን ሂዶታ ዎꬃ።
PSA 28:1 ዳዊታ ማዛሙርያ አቤት መꬍና ጎዳዉ፥ ታ ዛላዉ፥ ታን ኔና ጼሳይ፤ ታን ኔና ጼስና፥ ታዉ ስሳ እጾፓ። ነ ጮኡ ጎፐ፥ ታን ዱፉዋ ቤዳ አሳቱዋ ማላ ግዳይ።
PSA 28:2 “ማዶ” ጋደ ታን ኔና ጼስያ ዎደነ ነ ኡባፐ ጌሻ ዱንካንያኮ ዛራደ፥ ታ ኩሽያ ምጭያ ዎደ፥ ኔን ታ ዋትዋቱዋ ስሳ።
PSA 28:3 ኢታ ኦꬅያ ኢታ አሳቱዋና ታና ጋꬃደ ኦይቆፓ፤ ሄዋንቱ ባረንቱ ዎዛናን ኮባባ ቆፕ ኡቲደ፥ ባረንቱ ዶናን ባረንቱ ሾሩዋና ሳሮባ ሃሳይያዋንታ።
PSA 28:4 ኡንቱንቱ ኦሱዋዳንነ ኡንቱንቱ ኦሱዋ ኢታተꬃዳን፥ ኡንቱንቶ ጭጋ፤ ኡንቱንቱ ኩሺ ኦꬄዳባዉ ኡንቱንቶ ዛራ። ኡንቱንቶ በስያ ኢታ ኡንቱንቶ ዛራ።
PSA 28:5 ኡንቱንቱ ጾሳ ኦሱዋነ አ ኩሺ መꬌዳዋ ዶሰናን እጼዳ ድራዉ፥ ጾሳይ ኡንቱንታ ኮላና፤ ዛሪደ ኡንቱንታ ኡባካ ኬጸና።
PSA 28:6 ታ ዋትዋቱዋ ስሴዳ ድራዉ፥ መꬍና ጎዳይ ጋላተቶ።
PSA 28:7 መꬍና ጎዳይ ታዉ ዎልቃነ ጎንዳለ፤ ታ ዎዛናይ አን አማነቴ፤ ሄዋን ታን ማደታድ። ሄዋ ድራዉ፥ ታ ዎዛናይ አን ናሸቴ፤ ታን የꬃን አ ሳባና።
PSA 28:8 መꬍና ጎዳይ ባረ አሳዉ ዎልቃ፤ እ ባረ ኦኬዳ ካትያ አሽያ ሚጻ።
PSA 28:9 ጾሳዉ፥ ነ አሳ አሻ፤ ነዉ ግድያዋንታ አንጃ። ኡንቱንታ ሄምያዌ ኔና ግዳ፤ ኔን ኡንቱንታ መꬍናዉካ ቶካ።
PSA 29:1 ዳዊታ ማዛሙርያ ህንተኖ ሳሉዋን ደእያ መታቶ፥ መꬍና ጎዳባ ኦድተ፤ “ቦንቹነ ዎልቃይ መꬍና ጎዳዋ” ጊደ ኦድተ።
PSA 29:2 መꬍና ጎዳ ቦንቾ ሱንꬃ ጋላትተ፤ አ ጌሻተꬃ ፑላዉ መꬍና ጎዳዉ ጎይንተ።
PSA 29:3 መꬍና ጎዳ ጉንꬃይ ሃꬃቱዋ ቦላን ስሰቴ። ቦንቾ ጾሳይ ጉጉንꬃዳን ጉሜ፤ መꬍና ጎዳይ ዎልቃማ ሃꬃቱዋ ቦላን ጉሜ።
PSA 29:4 መꬍና ጎዳ ጉንꬃይ ዎልቃማ፤ መꬍና ጎዳ ጉንꬃይ፥ “ሆላ!” ጊስያዋ።
PSA 29:5 መꬍና ጎዳ ጉንꬃይ ዝጋቱዋ መንሬꬄ፤ ሊባኖሳ ግያ ቢታን ደእያ ዝጋቱዋካ፥ መꬍና ጎዳይ መንሬꬄ።
PSA 29:6 ሊባኖሳ ደረቱዋ ጋሎ ማራዳን ቡራቅሴ፤ ስርዮና ግያ ዎልቃማ ደርያ መንꬃዳን ጲጽልሴ።
PSA 29:7 መꬍና ጎዳ ኮሻይ፥ ዋልቃንꬃ ዎልቃምሴ።
PSA 29:8 መꬍና ጎዳ ኮሻይ ባዙዋ ቃꬄ፤ መꬍና ጎዳይ ቃዴሳ ባዙዋ ቃꬄ።
PSA 29:9 መꬍና ጎዳ ኮሻይ ዎላቱዋ ቃꬄ፤ ምꬃ ሀይꬃካ ቆቆፌ። ያትና፥ እ ደእያ ሳኣን ደእያዋንቱ፥ “ቦንቹ ጾሳዉ ግዶ” ያጊኖ።
PSA 29:10 መꬍና ጎዳይ ድኡዋ ሃꬃ ቦላ ባረ ካዉተꬃ አራታ ዎꬂደ ኡቴዳ፤ መꬍና ጎዳይ ባረ ካዉተꬃ አራታን ኡቲደ፥ መꬍናዉ ካተቴዳ።
PSA 29:11 መꬍና ጎዳይ ባረ አሳዉ ዎልቃ እሜ። መꬍና ጎዳይ ባረ አሳ ሳሮተꬃን አንጄ።
PSA 30:1 ዳዊታ ማዝሙርያ፥ ጌሻ ጎልያ አንጅስያ ጋላስ የጼዳዋ አቤት መꬍና ጎዳዉ፥ ኔን ታና ጪሙዋፐ ከሴዳ ድራዉነ ታ ሞርከቱዋን፥ “ሀሹ አዉ” ጊሳቤና ድራዉ፥ ታን ኔና ꬎቁ ꬎቁ ኦꬃና።
PSA 30:2 አቤት መꬍና ጎዳዉ ታ ጾሳዉ፥ ኔን ታና ማዳናዳን፥ ታን ኔና ጼሳድ፤ ኔን ታና ፓꬃዳ።
PSA 30:3 አቤት መꬍና ጎዳዉ፥ ታና ዱፉዋ ቤናዳን ናጋዳ፤ ዱገ ጪሞ ኦላን ገለናዳን፥ ኔን ታና ፓጻ አሻዳ።
PSA 30:4 ህንተኖ ጾሳ አሳቶ፥ መꬍና ጎዳዉ የጽተ፤ አ ጌሻ ሱንꬃካ ጋላትተ።
PSA 30:5 አ ሀንቁ ጉꬃ ዎድያሳ፥ ሽን አ ኬካተꬃይ ደኡዋ ላይꬃ ኡባሳ። ቃማ ዬኪደ አቆፐ፥ ዎንታ ዛዋይ ባይና ናሸቻ ግዴ።
PSA 30:6 ታን ዎፓን ደእያ ዎደ፥ “ስም ታን ኡባካ ቃጽከ” ያጋድ።
PSA 30:7 አቤት መꬍና ጎዳዉ፥ ኔን ታዉ ኬኬዳ ዎደ፥ ታና ዎልቃማ ደርያዳን ምንሳደ ኤሳዳ። ሽን ኔን ነ ስንꬃ ዎራ ዛሬዳ ዎደ፥ ታን ዳጋማድ።
PSA 30:8 አቤት መꬍና ጎዳዉ፥ ታን ኔና ጼሳድ፤ ታን መꬍና ጎዳኮ ማሮተꬃዉ ሀዋዳን ያጋደ ዎሳድ፤
PSA 30:9 “ታን ሀይቂያዋፐ ዎይ ዱፉዋን ገልያዋፐ አያ ደማኒ? ባናዉ ላመቴዳ አሳይ ኔና ጋላቲ? ኔን አማነትያዋ ኦዲ?
PSA 30:10 አቤት መꬍና ጎዳዉ፥ ታና ኔን ስሳ፤ ታዉ ቃረታ። አቤት መꬍና ጎዳዉ፥ ኔን ታዉ ማዱዋ ግዳ” ያጋድ።
PSA 30:11 ታ ዬኩዋ የꬃዉ ላማዳ። ካዩዋ ማዩዋ ታፐ ቃራደ፥ ናሸቻ ታና ማይዛዳ።
PSA 30:12 ሄዋ ድራዉ፥ ታን ኔና ሳባናፐ አትና፥ ጮኡ ጊከ። አቤት መꬍና ጎዳዉ ታ ጾሳዉ፥ ታን ኔና መꬍናዉካ ጋላታና።
PSA 31:1 ዛማረቱዋ ካፖ የጸቴዳ፥ ዳዊታ ማዝሙርያ አቤት መꬍና ጎዳዉ፥ ታን ኔኮ ባቃታይ፤ አዉደነ ታና ዬላዮፓ። ነ ጽሎተꬃን ታና አሻ።
PSA 31:2 ነ ሀይꬃ ታኮ የጋ፤ ኤለካ ታና አሻ። ኔን ታን ጌምያ ዛላነ ታና አሽያ ምኖ ጌሱዋ ታዉ ግዳ።
PSA 31:3 ኤ፥ ኔን ታዉ ዛላነ ጌሱዋ፤ ነ ሱንꬃ ድራዉ፥ ኔን ታና ካለꬃነ ነ ኦግያ በሳ።
PSA 31:4 ኔን ታዉ ጌምያ ሳ ግድያ ድራዉ፥ ኡንቱንቱ ታዉ ቆስ ዎꬄዳ ጲርያፐ ታና ኔን ናጋ።
PSA 31:5 አቤት መꬍና ጎዳዉ፥ ቱሙዋ ጾሳዉ፥ ታን ታ ሸምፑዋ ነ ኩሽያን ዎꬃይ፤ ኔን ታና ዎዛ።
PSA 31:6 ፓና ኤቃቶ ጎይንያዋንታ ታን እጻይ፤ ሽን ታን መꬍና ጎዳን አማነታይ።
PSA 31:7 ታ መቱዋ ኔን በኤዳ ድራዉነ ታ ቱጋ ኔን ኤሬዳ ድራዉ፥ ታን አገና ነ ሲቁዋን ናሸታናነ ናሸቻን ኖጩ ጋና።
PSA 31:8 ኔን ታና ሞርክያ ኩሽያን አꬃደ እማባካ፤ ታ ገደቶካ ላአተꬃ እማዳ።
PSA 31:9 አቤት መꬍና ጎዳዉ፥ ታን መቱዋን ገሌዳ ድራዉ፥ ታዉ ቃረታ። ታን ዳሮ ምሸቴዳ ድራዉ፥ ታን መቱዋን፥ ታ አሹካ፥ ታ ሸምፑካ ዳቡሬዳ።
PSA 31:10 ምሹዋ ዳሩዋን ታ ደኡ ጭሬዳ፤ ታ ላይꬃቱካ ኦልሽን ዉሬድኖ። መቱዋ ዳሩዋን ታ ዎልቃይ እጽና፤ ታ መቀꬃቱካ አርጋጬድኖ።
PSA 31:11 ታ ሞርከቱዋ ኡባዉ ቅꬍያ ግዳድ ታን ታ ሾሮቶ ዬላ፥ ታና ኤርያዋንቶካ ያሽስያዋ ግዳድ። ኦግያን ታና በኤዳዋንቱካ ታፐ ባቃቲኖ።
PSA 31:12 ታን ሀይቄዳዋዳን ዶገታድ፤ መእና ኦሌዳ ኦቱዋ ማላ ግዳድ።
PSA 31:13 ታን ዳሮቱዋ ሳሱከꬃ ስሳድ፤ ዳጋማይ ኡባ ሳን ደኤ። ኡንቱንቱ ታ ቦላ ሺቅኖነ ታና ዎꬋናዉ ማቀቲኖ።
PSA 31:14 ሽን መꬍና ጎዳዉ፥ ታን ኔናን አማነታይ፥ ኔን ታ ጾሳ ያጋይ።
PSA 31:15 ታ ደኡዋ ላይꬃይ ነ ኩሽያና። ታና የደርስያ ታ ሞርከቱዋ ኩሽያፐ ታና ኔን አሻ።
PSA 31:16 ነ ቆማ ቦላን ነ ሶምኡዋ ፖእሳ፤ አገና ነ ሲቁዋን ታና አሻ።
PSA 31:17 አቤት መꬍና ጎዳዉ፥ ታን ኔና ጼስያ ድራዉ ታና ዬላዮፓ። ሽን ኢታቱ ዬላትኖ፤ ኡንቱንቱ ዱፉዋን ገሊደ፥ ስርጵ ጊኖ።
PSA 31:18 ኦቶሩዋንነ ካꬍያን ጽሎቱዋ ቦላ ጻሊደ ሃሳይያ ድራዉ፥ ኡንቱንቱ ዎርዶትያ ዶና ጮኡ ኦꬃ።
PSA 31:19 ነዉ ያይያዋንቶ ኔን ምንጄዳነ ኔኮ ባቃትያዋንቶ አሳ ስንꬃን፥ ኔን ኦꬄዳ ነ ኬካተꬃይ አያ ዳሬ!
PSA 31:20 ኔን ኡንቱንታ ነ ስንꬃን ጌማ ሳኣን ገንꬃደ፥ አሳ ማቁዋፐ አሻሳ። ኔን ኡንቱንታ ነ ዱንካንያን ቆሳደ፥ ኢታ እንጻርሳፐ አሻሳ።
PSA 31:21 ታን ሞርኪ ዶዴዳ ካታማ ግዶን ደእያ ዎደ፥ እ ታና ማላልስያ ባረ አገና ሲቁዋ በሴዳ ድራዉ፥ መꬍና ጎዳይ ጋላተቶ።
PSA 31:22 ታን ዳጋማደ፥ “ታን ነ ስንꬃፐ ክቻድ” ያጋድ። ሽን ታና ማዳና ማላ፥ ኔና ጼሴዳ ዎደ፥ ታ ዋሱዋ ኔን ስሳዳ።
PSA 31:23 ህንተኖ፥ ጾሳ አሳቶ፥ መꬍና ጎዳ ሲቅተ። መꬍና ጎዳይ አማነትያዋንታ ናጌ፤ ሽን ኦቶራንቻቶ ኡንቱንቱ ጋትያ ዉርስ ጭጌ።
PSA 31:24 ህንተኖ፥ መꬍና ጎዳን ህዶታ ኦꬅያዋንቶ፥ ምንተነ ዎዛናምተ።
PSA 32:1 ዳዊተ አኬካን ጻፌዳ ግንጹዋ አ ባይዙ አቶ ጌተቴዳነ አ ናጋራይ ካመቴዳ ኡራይ አንጀቴዳዋ።
PSA 32:2 መꬍና ጎዳይ አ ኢታተꬃ ፓይደና አሳይነ አ ቆፋን ባለꬁ ባይና አሳይ አንጀቴዳዋ።
PSA 32:3 ታ ናጋራ ፓጸናን ደኣደ፥ ታን ጋላሳ ኩመንꬃ ኦሌዳዎ ታ አሳተꬃይ ዳቡሬዳ።
PSA 32:4 ጋላስነ ቃማ ነ ኩሺ ታ ቦላ ዴጼዳ። ሃꬃይ ቦንያ አዋን መሊደ ዉርያዋዳን፥ ታ ዎልቃይ ዉሬዳ።
PSA 32:5 ታን ታ ናጋራ ነዉ ፓጻድ፤ ታ ኢታተꬃካ ኔፐ ገንꬃበይከ፤ “ታ ባይዙዋ መꬍና ጎዳዉ ፓጻና” ጋድ። ያትና፥ ኔን ታና ዴጼዳ ናጋራ አቶ ያጋዳ።
PSA 32:6 ሄዋ ድራዉ፥ ጾሳ አሳ ግድያ ኦንነ፥ ኔን ቤትያ ዎደ፥ ኔና ዎሶ። ዎልቃማ ሃꬃይ ኩንꬅያ ዎደ፥ ቱሙዋፐ ሄ ኡራ ጋከና።
PSA 32:7 ኔን ታዉ ቆሰትያ ሳኣ፤ ኔን ታና መቱዋፐ ናጋሳ። አቶተꬃ የꬃ የጽያዋንታ ታ ዩሹዋን ዎꬃዳ።
PSA 32:8 ጾሳይ፥ “ታን ኔና ኤርሳናነ፥ ኔን ባናዉ በስያ ኦግያ ኔና ታማርሳና፤ ታን ኔና ዞራናነ ናጋና።
PSA 32:9 ብጻላንነ ፑሉዋን ኦይቀተናን አዛዘተና፥ ዎዛናይ ባይና ባቁሉዋዳን ዎይ ፓራዳን ህንተ ሀኖፕተ” ያጌ።
PSA 32:10 ኢታቶ ቱጋይ ዳራና፤ ሽን መꬍና ጎዳን አማነትያዋንታ፥ አገና ሲቁ ዶዳና።
PSA 32:11 ህንተኖ፥ ጽሎቶ፥ መꬍና ጎዳን ናሸትተነ “ሀሹ!” ጊተ፤ ህንተኖ፥ ዎዛና ሱረቶ፥ ናሸቻዉ የጽተ።
PSA 33:1 ህንተኖ፥ ጽሎቶ መꬍና ጎዳዉ ናሸቻን የጽተ፤ ሱረ አሳቱ አ ጋላታናዉ በሴ።
PSA 33:2 ማስንቁዋ ዲጺደ፥ መꬍና ጎዳ ጋላትተ፤ ታሙ ባቀꬃን ዋጸቴዳ ዲꬃካ አዉ ዲጽተ።
PSA 33:3 ኦራꬃ የꬃ የጽተ፤ ሎይꬅ ዲጺደ፥ ቃላ ꬎቂሲደ የጽተ።
PSA 33:4 መꬍና ጎዳ ቃላይ ሱርያ፤ እ ኦꬅያ ኦሱዋ ኡባይ አማነትያዋ።
PSA 33:5 መꬍና ጎዳይ ጽሎተꬃነ ቱሙ ፕርዳ ዶሴ፤ አገና አ ሲቁ ሳኣ ኩሜዳ።
PSA 33:6 መꬍና ጎዳ ቃላን ሳሎቱ መቴድኖ። አ ዶናፐ ከስያ ሸምፑዋን ኡንቱንቱን ደእያ መታቱካ ኦሰቴድኖ።
PSA 33:7 ዎልቃማ አባ ሃꬃ እ እትሳን ኤልሴዳ፤ ሄ ጪሞ ሃꬃ ምንጃ ሳን ዜሬዳ።
PSA 33:8 ሳኣ ኡባይ መꬍና ጎዳ ያዮ፤ ሳኣን ደእያ አሳይ ኡባይ አ ቦንቾ።
PSA 33:9 አያዉ ጎፐ፥ እ ሃሳይና ሀኔዳ፤ እ አዛዝና፥ ምኒደ ኤቄዳ።
PSA 33:10 መꬍና ጎዳ ኤረና ካዉተꬃቱዋ ዞረታ ጾሳይ ላሌ፤ ኡንቱንቱ ሀልቹዋካ መላ ከሴ።
PSA 33:11 መꬍና ጎዳ ሀልቹ መꬍናዉ ኤቂደ ደኤ፤ አ ዎዛና ቆፋይካ የለታ ኡባ ጋካናዉ ደኤ።
PSA 33:12 ጾሳይ መꬍና ጎዳ ግዴዳ ካዉተꬃይ፥ እ ባረሳ ኦꬂደ ዶሬዳ አሳይ አንጀቴዳዋ።
PSA 33:13 መꬍና ጎዳይ ሳሉዋና ዱገ ጼሊደ፥ አሳ ኡባ በኤ።
PSA 33:14 ጾሳይ ባረ ደኢያሳፐ ሳኣን ደእያ ኡባ ጼሌ።
PSA 33:15 እ ኡንቱንቱ ኡባ ዎዛና መꬌዳ፤ ኡንቱንቱ ኦꬅያዋ ኡባ ኤሬ።
PSA 33:16 ካቲ ባረ ዎታዳራ ጮራተꬃን አተና፤ ኦላንቻይ ባረ ዎልቃ ምኖተꬃን ከስ አከና።
PSA 33:17 ኦላ ፓራይ ጾንሳና ጊደ ናግያዌ መላ፤ እ ባረ ዎልቃ ምኖተꬃን አሻናዉ ዳንዳየና።
PSA 33:18 መꬍና ጎዳ አይፈቱ አዉ ያይያነ አገና አ ሲቁዋን ህዶታ ኦꬅያ አሳቱዋ ቦላና።
PSA 33:19 ሄዌነ፥ ኡንቱንታ ሀይቁዋፐ አሻናሳነ ኮሻ ዎድያን ፓጻ ዎꬃናሳ።
PSA 33:20 ኑን መꬍና ጎዳን ህዶታ ኦꬄቶ፤ እ ኑና ማድያዋነ ኑ ጎንዳልያ።
PSA 33:21 ኑን አ ጌሻ ሱንꬃን አማነትያ ድራዉ፥ ኑ ዎዛናይ አን ናሸቴ።
PSA 33:22 አቤት መꬍና ጎዳዉ፥ ኑን ኔናን ህዶታ ኦꬅያዋዳን፥ አገና ነ ሲቁ ኑናና ግዶ።
PSA 34:1 ባረና የደርሴዳ አብመሌካ ስንꬃፐ ጎይያዋ ማላቲደ ቤዳ ዎደ፥ ዳዊታ ማዛሙርያ ታን መꬍና ጎዳ ኡባ ዎደ ጋላታና፤ አ ጋላታይ አይ ዎደነ ታ ዶናፐ ፓጨና።
PSA 34:2 ታን መꬍና ጎዳን ጬቀታይ፤ ናቀቴዳዋንቱ ሄዋ ስሲደ ናሸትኖ።
PSA 34:3 ታናና ግዲደ፥ መꬍና ጎዳ ግታይተ። አነ እትፐ አ ሱንꬃ ꬎቁ ꬎቁ ኦꬆይተ።
PSA 34:4 ታን መꬍና ጎዳ ኮያድ፤ እ ታዉ ዛሬዳ፤ ታን ያይያዋ ኡባፐ ታና እ አሼዳ።
PSA 34:5 ኔኮ ጼልያዋንቱ ናሸቲኖ፤ ኡንቱንቱ ሶምኢ ኡባካ ዬላተና።
PSA 34:6 ሀ ህዬሳ ብታኒ ዋሴዳ፤ መꬍና ጎዳይ አ ዋሱዋ ስሴዳ፤ አ መቱዋ ኡባፐ አ አሼዳ።
PSA 34:7 መꬍና ጎዳ ኪታንቻይ አ ያይያ አሳቱዋ ናጌ፤ እ ኡንቱንቱ ዩሹዋን ግዲደ፥ ኡንቱንታ አሼ።
PSA 34:8 መꬍና ጎዳይ ኬካ ግድያዋ ጼል በእተ። አኮ ባቃትያ አሳይ አንጀቴዳዋ።
PSA 34:9 ህንተኖ፥ አ ጌሻ አሳቶ፥ መꬍና ጎዳዉ ያይተ፤ አያዉ ጎፐ፥ አዉ ያይያ ኡባቶ አያይነ ፓጨና።
PSA 34:10 ጋሞቱካ ምያዌ ꬋይና ኮሻቲኖ፤ ሽን መꬍና ጎዳ ኮይያዋንቶ ሎኦባይ ፓጨና።
PSA 34:11 ታ ታማረቶ፥ ሃ ዪተ፤ ስስተ፤ መꬍና ጎዳ ያሻ ታን ህንተና ታማርሳና።
PSA 34:12 ሎኦ ደኡዋ ደአናዉነ ኬካባ በአና ማላ፥ ባረ ላይꬃይ አዱቃናዉ ኮይያ አሳይ ኦኔ?
PSA 34:13 ነ እንጻርሳይ ኢታባ ሃሳየናዳን፥ ነ ዶናይካ ጭሜናዳን ተአ።
PSA 34:14 ኢታፐ ሻከታ፤ ሎኦባ ኦꬃ፤ ሳሮተꬃ ሎይꬃ ኮያደ ካላ።
PSA 34:15 መꬍና ጎዳ አይፊ ጽሎቱዋኮ ጼሌ፤ ቃይ አ ሀይꬃይካ ኡንቱንቱ ዋሱዋ ሀይዜ።
PSA 34:16 ኡንቱንታ ሀሳይስያዋ ቢታፐ ꬋይሳና ማላ፥ መꬍና ጎዳይ ኢታ ኦꬅያዋንታ፥ ባረ ሀንቁዋ ሶምኡዋን ጼሌ።
PSA 34:17 ጽሎቱ ዋሲኖ፤ መꬍና ጎዳይ ኡንቱንቱ ዋሱዋ ስሴ። እ ኡንቱንቱ መቱዋ ኡባፐ አሼ።
PSA 34:18 መꬍና ጎዳይ ዎዛናይ መኤዳዋንቶ ማታና፤ ቃይ ባረንቱ ህዶታ ቃንጼዳዋንታ አሼ።
PSA 34:19 ጽሎ አሳ መቱ ዳራ፤ ሽን መꬍና ጎዳይ አ ሄ ኡባፐ አሼ።
PSA 34:20 ጾሳይ አ ምንꬅ ናግያ ድራዉ፥ አ መቀꬃፐ እቱነ መኤና።
PSA 34:21 ኢታቱዋ ኢታተꬃይ ዎꬋና፤ ጽሎቱዋ እጽያዋንቱ ፕርደታና።
PSA 34:22 መꬍና ጎዳይ ባረ ቆማቱዋ አሼ። አኮ ባቃቲደ ኦንነ ፕርደተና።
PSA 35:1 ዳዊታ ማዝሙርያ አቤት መꬍና ጎዳዉ፥ ታናና ኤቀትያዋንቱና ኔን ኤቀታ፤ ታናና ኦለትያዋንቱና ኔን ኦለታ።
PSA 35:2 ጎንዳልያነ ሀራ ኦላ ሚሻ ኦይቃደ፥ ታና ማዳናዉ ደንዳ።
PSA 35:3 ታና የደርስያዋንቱ ቦላን ነ ቶራነ ማሻ ደንꬃ። ታና፥ “ታን ኔና አሽያዋ” ያጋ።
PSA 35:4 ታ ሸምፑዋ ዎꬋናዉ ኮይያዋንቱ፥ ዬላትኖነ ካዉሽኖ፤ ታ ቦላ ኢታባ ማቀትያዋንቱ ካዉሺደ ጉየ ስምኖ።
PSA 35:5 መꬍና ጎዳ ኪታንቻይ ኡንቱንታ የደርስያ ዎደ፥ ኡንቱንቱ ጫርኩዋ ስንꬃን ደእያ ሱላዳን ሀንኖ።
PSA 35:6 መꬍና ጎዳ ኪታንቻይ፥ ኡንቱንታ ደቻና ሀንያ ዎደ፥ ኡንቱንቱ ኦጊ ꬉማነ ሀልꬃ ግዶ።
PSA 35:7 ጮ ታና ኦይቃናዉ ባረንቱ ጲርያ ዎꬄድኖ፤ ቃይካ ጮ ታና ኩንድሳናዉ ኦላ ቦኬድኖ።
PSA 35:8 ኤረናን ደእሺና፥ ኡንቱንቱ ቦላን ባሻይ ፑቱ ጎ። ኡንቱንቱ ዎꬄዳ ጲሪ ኡንቱንታ ኦይቆ፤ ኡንቱንቱ ባሻ ኦላን ኩንድኖ።
PSA 35:9 ሄ ዎደ ታን መꬍና ጎዳን ናሸታና፤ እ አሼዳ ድራዉ፥ ታን ናሸቻ ኖጩ ጋና።
PSA 35:10 ታ ኩመንꬃ አሳተꬃይ ኔና፥ “አቤት መꬍና ጎዳዉ፥ ነ ማል ኦኔ? ህዬሳ ዎልቃማ ኩሽያፐ ዎꬃ አካሳ። ህዬሳነ መቶታንቻ ቦንቂ ምያዋንቱ ኩሽያፐ አሻሳ” ያጋና።
PSA 35:11 ዎርዱዋ ማርካትያዋንቱ ታ ቦላ ደንዲኖ። ታን ኤረናባን ታና ሞቲኖ።
PSA 35:12 ታን ሎኡዋ ኦꬄዳዋ ኩሽያ ኢታ ዛሪኖ፤ ያትና፥ ታን ታረካ አታድ።
PSA 35:13 ሽን ታን ኡንቱንቱ ሀርጌዳ ዎደ፥ ማቃ ማያድ፤ ታ አሳተꬃ ጾማን ዳቡርሳድ። ታ ዎሳይ ዛሩዋ ደመናን አቴዳ።
PSA 35:14 ታ ሁጲያ ዝቂ ኦꬃደ፥ ታ ዳቦ፥ ዎይ ታ እሻዉ ዬክያዋዳን ዬካድ። እት አሳይ ባረ አትዉ ካዮትያዋዳን ታ ሁጲያ ኦይቃደ፥ ዬካደ ሀመታድ።
PSA 35:15 ሽን ኡንቱንቱ ታን ꬉበቴዳዋን ናሸቲደ፥ ታ ቦላ ሺቄድኖ። ታን ኤረና ጋሱዋን ታና ዋꬊደ፥ አጉዋ እጼድኖ።
PSA 35:16 ኢታ አሳይ ቅሊጭያዋዳን ኡንቱንቱ ታና ቅሊጪኖ፤ ኡንቱንቱ ይሎቲደ፥ ባረንቱ አቻ ጋርጬድኖ።
PSA 35:17 አቤት ጾሳዉ፥ ኔን አዉደ ጋካናዉ ጮኡ ጋደ ጼላይ? ኡንቱንቱ ኢታ ኦሱዋፐ ታና አሻ፤ ሀ ጋሞቱዋ ማላ አሳቱዋፐ ታ አልኦ ሸምፑዋ አሻ።
PSA 35:18 ሄ ዎደ ግታ ሺቁዋን ታን ነዉ ጋላታ እማና፤ ጮራ አሳ ሺቁዋን ታን ኔና ሳባና።
PSA 35:19 ጋሱ ባይናን ታና ሞርክያዋንቱ ናሸቶፕኖ፤ ታና ጮ እጽያዋንቱ ታ ቦላ ስምኤቶፕኖ።
PSA 35:20 ኡንቱንቱ ሳሮባ ሃሳይያዋ አጊደ፥ ቢታን ጮኡ ጊደ ደእያ አሳቱዋ ቦላን ዎርዱዋ መꬊደ ሃሳዪኖ።
PSA 35:21 ኡንቱንቱ ባረንቱ እንጻርሳ ታ ቦላ ቃራዪደ፥ “ኤ፥ ኤ፥ ኔን ኦꬄዳዋ ኑን ኑ አይፍያን በኤዶ” ያጊኖ።
PSA 35:22 አቤት መꬍና ጎዳዉ፥ ኔን ሀዋ በኣደ፤ ጮኡ ጎፓ። አቤት ጾሳዉ፥ ኔን ታፐ ሃኮፓ።
PSA 35:23 አቤት ታ ጎዳዉ፥ ታ ጾሳዉ፥ ታ ድራዉ ደንዳ፤ ቤጎታ ታ ዶና ግዳደ ሞተታ።
PSA 35:24 አቤት መꬍና ጎዳዉ፥ ታ ጾሳዉ፥ ነ ጽሎተꬃን ታና ሻትንꬃ፤ ታ ሞርከቱዋ ናሸቾፓ።
PSA 35:25 ኡንቱንቱ ባረንቶ፥ “ሀሹ፥ ሀሹ፥ ኑን ኑ ዎዛናን አሞቴዳዋ ጋꬄዶ። ኑን አ ምቴዶ” ጋናዳን ኦꬆፓ።
PSA 35:26 ታ ዋይያን ናሸትያዋንቱ ኡባይ ዬላትኖነ ካዉሽኖ። ታ ቦላን ኦቶረትያዋንቱ ዬላነ ካዉሻ ማይኖ።
PSA 35:27 ታን ሻትምያዋ ዶስያዋንቱ ናሸቲደ፥ “ሀሹ!” ጊኖ። ኡንቱንቱ ኡባ ገደ፥ “ባረ ቆማ ሳሮተꬃን ናሸትያ መꬍና ጎዳይ ግታቶ” ያግኖ።
PSA 35:28 ጋላሳ ኩመንꬃን ታ እንጻርሳይ፥ ነ ጽሎተꬃባነ ነ ጋላታባ ኦዳና።
PSA 36:1 ዛማረቱዋ ካፖ የጸቴዳ፥ መꬍና ጎዳ ቆማ ዳዊታ ማዝሙርያ ኢታ አሳይ ባረ ዎዛናን ደእያ ኢታተꬃ ኮሻ ሀይዜ። ጾሳዉ ያይያዌ አ ቆፋን ባዋ።
PSA 36:2 አያዉ ጎፐ፥ እ ባረና ሎይꬅ ናሼ፤ ሄዎ እ ባረ ናጋራ ደማናዉነ እጻናዉ ዳንዳየና።
PSA 36:3 አ ዶናፐ ከስያ ሃሳያይ ገንያነ ዎርዱዋ። አꬌዳ ኤራባነ ሎኦባ ኦꬅያዋ እ አጌዳ።
PSA 36:4 እ ባረ ሂጻን ደኢደካ ገንያባ ኦꬃናዉ ሀልቼ። እ ሎኦ ግደና ኦግያን ኤቄዳ፤ እ ኢታባ እጸና።
PSA 36:5 አቤት መꬍና ጎዳዉ፥ አገና ነ ሲቁ ሳሎቱዋ ጋኬ፤ ነ ቱማተꬃይካ ቦላ ሻርያዳን ꬎቄ።
PSA 36:6 ነ ጽሎተꬃይ ኡባፐ ꬎቃ ደረቱዋ ማላ፤ ነ ፕርዳይካ ኡባፐ ዝቃ ጪማ ማላ። አቤት መꬍና ጎዳዉ፥ ኔን አሳካ ዶኣካ ናጋሳ።
PSA 36:7 አቤት ጾሳዉ፥ አገና ነ ሲቁ አይባ አልኦቤ! አሳይ ነ ቀፍያ ግዶ ባቃት አቴ።
PSA 36:8 ኡንቱንቱ ነ ሶ ግዶን ፓላሆ ማዳፐ ሚደ ካሊኖ፤ ነ ኬካተꬃ ሻፋፐ ኔን ኡንቱንታ ኡሻሳ።
PSA 36:9 አያዉ ጎፐ፥ ደኡዋ ፑልቱ ነ ማታን ደኤ፤ ነ ፖኡዋን ኑን ፖኡዋ በኤቶ።
PSA 36:10 ኔና ኤርያዋንታ ኔን ሲቅያ ሲቁዋነ ሱረቶ ኬክያ ኬካ አጎፓ።
PSA 36:11 ኦቶራንቻ ገዲ ታና የꬎፖ፤ ናጋራንቻቱዋ ኩሺ ታና የደርሶፖ።
PSA 36:12 ኢታ አሳቱ ኩንዴዳዋንታ በእተ፤ ኡንቱንቱ ኩንዴድኖ፤ ደንዳናዉካ ዳንዳይክኖ።
PSA 37:1 ዳዊታ ማዝሙርያ ኢታ ኦꬅያዋንቱ ድራዉ ይሎቶፓ። ናጋራ ኦꬅያዋንታ ቃናቶፓ።
PSA 37:2 አያዉ ጎፐ፥ ኡንቱንቱ ማታዳን ኤለካ መላና፤ ሹሌዳ ቦንጭያዳን ኡንቱንቱ ቆቆፈታና።
PSA 37:3 ኔን መꬍና ጎዳን አማነታ፤ ሎኦባ ኦꬃ። ያታደ ቢታን ፓላህና ደአ።
PSA 37:4 መꬍና ጎዳን ናሸታ፤ እ ነዉ ነ ዎዛና አሙዋ እማና።
PSA 37:5 ነ ኦግያ ሀዳራ መꬍና ጎዳዉ እማ። አን አማነታ፤ እ ነዉ ኦꬃና።
PSA 37:6 እ ነ ጽሎተꬃ ዎንታ ጻልቂያዳን፥ ቃይ ነ የዉዋ ፕርዳ ጋላሳ ሴታ አዋዳን ፖእሳና።
PSA 37:7 መꬍና ጎዳ ስንꬃን ጮኡ ጋደ፥ እ ኦꬃናዉ፥ ዳንዳያን ናጋ። ኡንቱንቱ ኢታ ሀልቹ ፖለትና፥ ዱረቴዳ አሳቱዋ ቦላ ይሎቶፓ።
PSA 37:8 ሀንቁዋ አጋ፤ ይሉዋፐ ተኤታ። ይሎቶፓ፤ አያዉ ጎፐ፥ ሄዌ መቱዋን የጌ።
PSA 37:9 ኢታ ኦꬅያዋንቱ ꬎቆለቲደ ꬋያና፤ ሽን መꬍና ጎዳን ህዶታ ኦꬅያዋንቱ ቢታ ላታና።
PSA 37:10 ኢታ ኦꬅያዋንቱ ጉꬃ ዎድያፐ ጉይያን ደእክኖ፤ ኔን ኡንቱንታ ኮይንቶካ ኡንቱንቱ ቤትክኖ።
PSA 37:11 ሽን አሽከቱ ቢታ ላታና፤ ኡንቱንቱ ግታ ሳሮተꬃን ናሸቲደ ደአና።
PSA 37:12 ኢታ አሳይ ጽሎ አሳ ቦላ ማቀቴነ ባረ አቻ ጋርጬ።
PSA 37:13 ሽን ጎዳይ ኢታቱዋ ቦላን ሚጬ፤ አያዉ ጎፐ፥ ኡንቱንቱ ፕርዳ ጋላሳይ ይያዋ እ ኤሬ።
PSA 37:14 ኢታ አሳቱ ህዬሳቱዋነ መቶታንቻቱዋ ኡንጋናዉነ ሱረተꬃን ሀመትያዋንታ ዎꬋናዉ፥ ባረንቱ ማሻ ሾዴድኖነ ባረንቱ ዎንዳፍያ ዳፌድኖ።
PSA 37:15 ሽን ኡንቱንቱ ማሻይ ኡንቱንቱ ዎዛና አይፍያን ገላና፤ ኡንቱንቱ ዎንዳፊካ መአና።
PSA 37:16 ጽሎ ደእያ ጉꬃባይ ጮራ ኢታ አሳቶ ደእያ ዳሮባፐ ሎአ።
PSA 37:17 አያዉ ጎፐ፥ ኢታቱዋ ዎልቃይ መአና፤ ሽን ጽሎቱዋ መꬍና ጎዳይ ዘምፕሴ።
PSA 37:18 ሱረ አሳቱዋ ኦግያ መꬍና ጎዳይ ኤሬ፤ ኡንቱንቱ ላታይካ መꬍናዉ ኡንቱንቱዋ ግዳና።
PSA 37:19 ኢታ ዎድያን ሱረ አሳቱ ዬላትክኖ፤ ኮሻ ዎድያን ኡንቱንቱ ካላና።
PSA 37:20 ሽን ኢታ አሳቱ ሀይቃና። መꬍና ጎዳ ሞርከቱ ጋምኤና ደምባ ጪሻ ማላ፤ ኡንቱንቱ ጩዋዳን ꬋያና።
PSA 37:21 ኢታ አሳይ ታልእ አኪደ ጭገና፤ ሽን ጽሎ አሳይ ቃረቲደ እሜ።
PSA 37:22 መꬍና ጎዳን አንጀቴዳዋንቱ ቢታ ላታና፤ ሽን ሸቀቴዳዋንቱ ꬎቆለት ꬋያና።
PSA 37:23 አሳ ኦጊ መꬍና ጎዳ ናሸቾፐ፥ ጎዳይ አ ታንጉዋ ካለꬄነ ምንሴ።
PSA 37:24 እ ꬉበቶፐካ ኩንደና፤ አያዉ ጎፐ፥ መꬍና ጎዳይ አ ኩሽያ ኦይቂደ ዘምፕሴ።
PSA 37:25 ታን ካሰ ያላጋ፤ ሀእ ስም ጭማድ፤ ሽን ጽሎ አሳይ ጮ አትና፥ ዎይ አ ናናቱ ምያዋ ꬋይ ዎስሽን፥ ታን ኡባካ በአ ኤርከ።
PSA 37:26 እ ኡባ ዎደካ ኬካ፤ ጮ ታልኤ። አ ናናቱካ ሀራቶ አንጆ ግዳናዋንታ።
PSA 37:27 ኢታፐ ሃካ፤ ሎኦባ ኦꬃ። ያቶፐ፥ ኔን አዱሳ ላይꬃ ደአና።
PSA 37:28 አያዉ ጎፐ፥ መꬍና ጎዳይ ጽሎባ ዶሴ። ጾሳ አሳቱዋ እ አገና፤ ጽሎቱ መꬍናዉ ናገቲኖ። ሽን ኢታቱዋ ዘረꬃይ ꬎቆለታና።
PSA 37:29 ጽሎቱ ቢታ ላታናነ ያን መꬍናዉ ደአና።
PSA 37:30 ጽሉዋ ዶናይ አꬌዳ ኤራ ኦዴ፤ አ እንጻርሳይካ ጽሎባ ሃሳዬ።
PSA 37:31 አ ጾሳ ህጊ አ ዎዛናን ደኤ፤ አ ገዲካ አፐ ሀልጸና።
PSA 37:32 ኢታ አሳይ ጽሎ አሳ ዎቼነ ዎꬋናዉ ኮዬ።
PSA 37:33 ሽን መꬍና ጎዳይ ጽሎ አሳ አ ኩሽያን አገና፤ ፕርዳዉ ኤቂያ ዎደካ አ ቦላ ፕርድሰና።
PSA 37:34 መꬍና ጎዳን ህዶታ ዎꬃደ፥ አ ኦግያ ናጋ። ኔን ቢታ ላታና ማላ፥ እ ኔና ዳርሳና። ኢታ አሳቱ ꬎቆለቲደ ꬋይሽና፥ ኔን በአና።
PSA 37:35 ታን እት ዳጋንꬅያ ኢታ ብታንያ፥ ዎላዳን ዳሼዳዋ በኣድ።
PSA 37:36 ሽን ታን ሄ ሳና ስማደ አꬍያ ዎደ እ ꬋዬዳ፤ ኮይናካ እ ቤትቤና።
PSA 37:37 አነ ሎኦ አሳ አኬካ፤ ሱረ አሳ በአ፤ አያዉ ጎፐ፥ ሳሮ አሳዉ ፖሉ ሎአና።
PSA 37:38 ሽን ባይዛንቻቱ ኡባ ꬋያና፤ ኢታቱዋ ፖሉካ ꬎቆለት ꬋያና።
PSA 37:39 ጽሎቱዋ አቶተꬃይ መꬍና ጎዳፐ ዬ፤ መቱዋ ዎደ እ ኡንቱንቶ ናገት አትያ ሳኣ።
PSA 37:40 መꬍና ጎዳይ ጽሎቱዋ ማዴነ አሼ። ኡንቱንቱ አኮ ባቃቴዳ ድራዉ፥ እ ኡንቱንታ ኢታቱዋፐ ዎꬅ አኬነ አሼ።
PSA 38:1 ዳዊታ ሀሳይስያዋ ማዛሙርያ አቤት መꬍና ጎዳዉ፥ ነ ሀንቁዋን ታና ሴሮፓ፤ ነ ይሉዋን ታና ሙሮፓ።
PSA 38:2 ነ ዎንዳፍያ ፖꬃይ ታና ጫድ ድጌድኖ፤ ነ ኩሺካ ታና ናቂ ኦይቄዳ።
PSA 38:3 ኔን ላንጬዳ ድራዉ፥ ታ ቦላይ ፓጻ ግደና፤ ታ ናጋራ ድራዉ፥ ታ አሳተꬃይ ሳራ ግደና።
PSA 38:4 ታ ኢታተꬃይ ድኡዋዳን ታና ሙኬዳ፤ ደንደና ዎልቃማ ቶኩዋዳን ታዉ ዴጼዳ።
PSA 38:5 ታን ናጋራ ኦꬄዳ ኤያተꬃ ድራዉ፥ ታ ማዱꬃይ ጊሻ ኦይቂደ ጽንቄዳ።
PSA 38:6 ታን ሆካድነ ቁናድ። ጋላሳ ኩመንꬃ ዬካደ ፔሻድ።
PSA 38:7 ታ አሹዋ ምሹ ጹጌ፤ ታ ቦላይ ፓጻ ግደና።
PSA 38:8 ታን ዳቡራድነ ንፕ ጋድ፤ ታ ዎዛናይ ድድቅያ ድራዉ ኦላይ።
PSA 38:9 አቤት ጾሳዉ፥ ታ አሙ ኡባይ ነዉ ኤረቴ፤ ታን ኦልያዌ ኔፐ ጌምቤና።
PSA 38:10 ታ ዎዛና አይፍያን ድድቄ፤ ታ ዎልቃይ እጽና፤ ታ አይፊካ ጼላ እጼዳ።
PSA 38:11 ታ ማይꬃ ድራዉ፥ ታ ሾሮቱካ ታ ላገቱካ ሃኩዋን ኤቄድኖ። ታ ዳቦቱካ ታፐ ሃኬድኖ።
PSA 38:12 ታና ዎꬋናዉ ኮይያዋንቱ፥ ባረንቱ ጲርያ ታዉ የጊኖ። ታና ቆሀናዉ ኮይያዋንቱ፥ “ኤቃሻ፤ ኑን ኔና ደማና” ያጊደ፥ ማንዲኖነ ጋላሳ ኩመንꬃ ታ ቦላ ያኢኖ።
PSA 38:13 ሄ ዎደ ታን ቱለ አሳ ማላ፥ ስስከ፤ ታን ዱደ አሳ ማላ፥ ዶናነ ፖክከ።
PSA 38:14 ኤ፥ ታን ስሰናነ ዶናይ ዛረና አሳ ማላ።
PSA 38:15 ሽን አቤት መꬍና ጎዳዉ፥ ታን ኔናን ህዶታ ኦꬃይ። አቤት መꬍና ጎዳዉ፥ ታ ጾሳዉ፥ ኔን ታዉ ዛሩዋ እማና።
PSA 38:16 ታን ጾሳ፥ “ታ ገዲ ꬉበትና፥ ኡንቱንቱ፥ ‘አዉ ሀሹ’ ጋናዳንነ ታ ቦላ ጬቀታናዳን ኦꬆፓ” ያጋይ።
PSA 38:17 ታን ኩንዳና ሀናይ፤ ታ ሳኩካ ታና የደናን እጼዳ።
PSA 38:18 ታን ታ ኢታ ኦሱዋ ፓጻይ፤ ታን ታ ናጋራ ጋሱዋን ካዮታይ።
PSA 38:19 ታ ሞርከቱ ጎባነ ዎልቃማ፤ ታና ጮ እጽያዋንቱ ጮራ።
PSA 38:20 ታን ሎኦባ ኦꬅና፥ ታዉ ኢታ ዛርያ አሳቱ፥ ታን ሎኦባ ካልያ ድራዉ፥ ታና ኤቀቲኖ።
PSA 38:21 አቤት መꬍና ጎዳዉ፥ ታና የጎፓ። አቤት ታ ጾሳዉ፥ ታፐ ኔን ሃኮፓ።
PSA 38:22 አቤት መꬍና ጎዳዉ፥ ታና አሽያዎ፥ ታና ማዳናዉ ኤሌላ።
PSA 39:1 ዳዊተ ዛማረቱዋ ካፑዋ ጁዱቶ የጼዳ አማኑዋ ቃላ (1 ኦዱዋ 25:3) ታን፥ “ታ እንጻርሳን ናጋራ ኦናዳን፥ ታ ኦግያ ናጋና። ኢታ አሳቱ ታ ስንꬃን ደእያ ዎደ፥ ታ ዶና ባራና” ያጋድ።
PSA 39:2 ሽን ታን ዱድያዳን ጮኡ ጋድ፤ ታን ሀራይ አቶ ሎኦባ ሃሳይያዋካ አግና፥ ታ ዋዪ ያ ዳሬዳ።
PSA 39:3 ታ ዎዛናይ ታ ጋርሳን ሴሌዳ፤ ታ ቆፋይ ፖዱ ጊደ፥ ኤጽ ከሴዳ። ያትና፥ ታ እንጻርሳን ሀዋዳን ያጋድ፤
PSA 39:4 “አቤት መꬍና ጎዳዉ፥ ታ ደኡዋ ዉርሰꬃነ ታ ደአናዉ አቴዳ ጋላሳ ታና በሳ። ቃይ ታ ደኡ ዉራናዉ አይ ኬሻ ኤሌልንቶ፥ ታና ኤርሳ።
PSA 39:5 ኔን ታ ላይꬃ ጺ ታካ ኬሻ ከሳዳ። ታ ላይꬃይ ነ ስንꬃን ባይናዋ ማላ፤ ቱሙዋፐ አሳይ ኡባይ እት ገደ ሸምፕያ ጫርኩዋ ማላ።
PSA 39:6 ቱሙዋፐ አሳይ ኤሹዋዳን ሀመቴ፤ ቱሙዋፐ ጮ መላ ስመረቴ። እ ማጹዋ ሺሼ፤ ሽን አካና አሳ ኤረና።
PSA 39:7 “አቤት ጎዳዉ፥ ሀእ ስም፥ ታን ናግያዌ አዬ? ታን ህዶታ ኦꬅያዌ ኔናና።
PSA 39:8 ታ ባይዙዋ ኡባፐ ታና አሻ፤ ኤያቱዋን ታና ቶሽሶፓ።
PSA 39:9 ሀዋ ኡባ ኦꬄዳዌ ኔና ግድያ ድራዉ፥ ታን ዱዳድ፤ ዶናነ ፖጋበይከ።
PSA 39:10 ነ ቦሻ ታ ቦላፐ ደንꬃ። ነ ኩሽያ ምኖተꬃ ጋሱዋን ታን ዳቡራድ።
PSA 39:11 ኔን አሳ አ ናጋራ ድራዉ፥ ሴራሳነ ሙራሳ፤ አ አልኦ ሸምፑዋ ብልኣዳን ዉርሳሳ። ቱሙዋፐ አሳይ ኡባይ እት ገደ ጫርክያ ጫርኩዋ ማላ።
PSA 39:12 “አቤት መꬍና ጎዳዉ፥ ታ ዎሳ ስሳ፤ ታና ማዳናዉ ታ ዋሱዋ ሀይዛ። ታ አፎꬃ ጮኡ ጎፓ፤ አያዉ ጎፐ፥ ታን ታ አዎቱዋ ኡባዳን በተነ እማꬃ ግዳደ፥ ኔናና ደአይ።
PSA 39:13 ታን ሻከታናፐነ ꬋያናፐ፥ ካሰታደ ናሸታና ማላ፥ ሀእ ታና አጋ” ያጋድ።
PSA 40:1 ዛማረቱዋ ካፖ የጸቴዳ፥ ዳዊታ ማዝሙርያ ታን መꬍና ጎዳ ዳንዳያን ናጋድ፤ እ ታኮ ስሚደ፥ ታ ዋሱዋ ስሴዳ።
PSA 40:2 ባሻ ኦላፐ፥ ሀልꬅያ ኡርቃፐ ታና ከሴዳ። ታ ገድያ ዛላ ቦላን ኤሴዳ፤ ቃይ ታ ሀመꬃካ ሳሩዋ ኦꬄዳ።
PSA 40:3 እ ታ ዶናን ኦራꬃ የꬃ ዎꬄዳ፤ ሄ የꬃይነ፥ “ኑ ጾሳይ ጋላተቶ” ያግያዋ። ዳሮቱ በኢደ፥ ያያናነ መꬍና ጎዳን አማነታና።
PSA 40:4 መꬍና ጎዳ ባረዉ አማነትያዋ ኦꬄዳ አሳይ፥ ኦቶራንቻቱዋኮ ጼለናዌነ፥ ዎርዳንቻቱዋኮ ስመና አሳይ አንጀቴዳዋ።
PSA 40:5 አቤት መꬍና ጎዳዉ፥ ታ ጾሳዉ፥ ኔን ዳሮ ማላልስያባ ኦꬃዳ፤ ኔናና ልከትያዌ ኦንነ ባዋ! ኔን ኑዉ ቆፔዳ ሎኦ ቆፋ ኦንነ ፓይዳናዉ ዳንዳየና። ሄዌ ታን ኦድና፥ ዉርያዋ ግደና።
PSA 40:6 ኔን ያርሹዋነ እሙዋ ኮያባካ፤ ሽን ስሳና ማላ፥ ታዉ ሀይꬃ ዶያዳ። ጹግያ ያርሹዋነ ናጋራ ያርሹዋ ኔን ኮያባካ።
PSA 40:7 ሄዋፐ ጉይያን ታን፥ “ጻꬃ ማጻፋን ታባይ ጻፈቴዳዋዳን፥ ታን ያድ።
PSA 40:8 አቤት ታ ጾሳዉ፥ ታን ኔን ኮይያዋ ኦꬃናዉ ዶሳይ፤ ነ ህጊ ታ ዎዛና ግዶን ደኤ” ያጋድ።
PSA 40:9 ዎልቃማ ሺቁዋን ታን፥ “ነ ጽሎተꬃ” ምሽራቹዋ ኦዳና። አቤት መꬍና ጎዳዉ፥ ኔን ኤርያዋዳንካ፥ ታን ታ ዶናን ኦድያዋ አጋበይከ።
PSA 40:10 ታን ነ ጽሎተꬃ ታ ዎዛና ግዶን ቆሳበይከ፤ ኔን አማነትያዋነ አሽያዋ ኦዳድ። ቃይ አገና ነ ሲቁዋነ ነ ቱማተꬃ፥ ነ ዎልቃማ ሺቁዋፐ ገንꬃበይከ።
PSA 40:11 አቤት መꬍና ጎዳዉ፥ ነ ማሮተꬃ ታፐ ሃሶፓ። አገና ነ ሲቁነ ነ ቱማተꬃይ ታና ኡባ ዎደ ናጎ።
PSA 40:12 አያዉ ጎፐ፥ ፓይዱ ባይና ኢታባይ ታና ዶዴዳ። ታ ኢታተꬃይ ታና ጋኪደ ጎዜዳ፤ ታን ጼላናዉ ዳንዳይከ። ታ ኢታ ኦሱ ታ ሁጲያ ብናናፐ ዳሬዳ፤ ታ ዎዛናይ ታ ግዶን ሴሬዳ።
PSA 40:13 አቤት መꬍና ጎዳዉ፥ ታና አሻናዉ ኤኖ ጋ፤ አቤት መꬍና ጎዳዉ፥ ታና ማዳናዉ ኤሌላ።
PSA 40:14 ታና ዎꬋናዉ ኮይያዋንቱ ኡባካ ዬላትኖነ ካዉሽኖ። ታን ቆሄታናዋ አሞትያዋንቱ ካዉሺደ ጉየ ስምኖ።
PSA 40:15 ታ ቦላ፥ “አዉ ሀሹ! ሀሹ!” ጌዳዋንቱ ጾነቴዳ ድራዉ፥ ዬላትኖ።
PSA 40:16 ሽን ኔና ኮይያ ኡባቱ፥ ኔናን ናሸትኖነ ሀሹ ጊኖ። ቃይ ነ አቶተꬃ ዶስያዋንቱ ኡባቱ፥ “መꬍና ጎዳይ ግታቶ!” ያግኖ።
PSA 40:17 ታን ህዬሳነ መቶታንቻ፤ ታዋ ጎዳይ ቆፖ። ታና ማድያዌነ አሽያዌ ኔና፤ አቤት ታ ጾሳዉ፥ ጋምኦፓ።
PSA 41:1 ዛማረቱዋ ካፖ የጸቴዳ፥ ዳዊታ ማዝሙርያ ህዬሳዉ ቆፕያ አሳይ አንጀቴዳዋ፤ መቱዋ ጋላስ መꬍና ጎዳይ አ አሼ።
PSA 41:2 መꬍና ጎዳይ አ ናጊደ፥ ፓጻ ዎꬄ። እነ ቢታ ቦላን አንጀቴዳዋ ግዴ፤ ጾሳይ አ አ ሞርከቱዋ አሞ አꬂደ እመና።
PSA 41:3 መꬍና ጎዳይ አ ሀርግያ ሂꬃን ደእሺናካ ማዴ፤ እ ሳከትናካ፥ አ ፓꬄ።
PSA 41:4 ታና ግዶፐ፥ ታን፥ “አቤት መꬍና ጎዳዉ፥ ታን ኔና ናቄዳ ድራዉ፥ ታና ማራ፤ ሀርግያፐካ ታና ፓꬃ” ያጋድ።
PSA 41:5 ታ ሞርከቱ ኢታባን ታና ሃሳዪደ፥ “እ አዉደ ሀይቃንዴሻ? ቃይ አ ሱንꬃይካ አዉደ ꬋያንዴሻ?” ያጊኖ።
PSA 41:6 ታና በአናዉ ይያ ኦንነ ታዉ ዎርዶባ ኦዴ፤ ባረ ዎዛናን ታና ዝግርያዋ ብዴ። ሄዋፐ ጉይያን፥ ካረ ከሲደ፥ ያነ ሃነ ኦዱዋ ላሌ።
PSA 41:7 ታና እጽያ ኡባቱ እትፐ ታ ቦላን ሳሱኪኖ፤ “ኢታባይ አ ቦላ ጋኬ” ጊደ ቆፒኖ።
PSA 41:8 ኡንቱንቱ “አ ኢታ ሀርጊ ኦይቄዳ፤ እ ሄ ግሴዳሳፐ ኡባካ ደንደና” ያጊኖ።
PSA 41:9 ሀራይ አትና፥ ታን አማነትያ ታ ሲቆ ላጊ፥ ታን ባርሴዳዌ ታ ኩሽያ ሳኤዳ።
PSA 41:10 ሽን አቤት መꬍና ጎዳዉ፥ ኔን ታና ማራ፤ ታን ኡንቱንቱ ኩሽያ ከሳናዳን፥ ታና ሀርግያ ሂꬃፐ ደንꬃ።
PSA 41:11 ኔን ታናን ናሸታናዋ ታን ኤራይ፤ አያዉ ጎፐ፥ ታ ሞርኪ ታና፥ ጾኒደ ጋይረና።
PSA 41:12 ኔን ታና ታ ሱረተꬃ ድራዉ ዘምፕሳዳ፤ ነ ስንꬃን ታና መꬍናዉ ዎꬃዳ።
PSA 41:13 መꬍና ጎዳይ፥ እስራኤልያ ጾሳይ፥ መꬍናፐ መꬍና ጋካናዉ ጋላተቶ። አመንእ። አመንእ።
PSA 42:1 ዛማረቱዋ ካፖ የጸቴዳ፥ ቆረ ናናቱዋ አኬካ ግንጹዋ ጋራይ ጎግያ ሃꬃ ላሞትያዋዳን፥ አቤት ጾሳዉ፥ ሄዋዳን ታንካ ኔና ላሞታይ።
PSA 42:2 “ታን ባደ፥ ጾሳ ስንꬃ በአናዌ አዉዴሻ?” ጋደ፥ ጾሳ፥ ደኡዋ ጾሳ በአናዉ ሳመታይ።
PSA 42:3 አሳቱ ኡባ ገደ፥ “ነ ጾሳይ ሀቃን ደኢ?” ያግያ ዎደ፥ ታዉ ጋላስነ ቃማ ታ አፎꬃይ ቁማ ግዴዳ።
PSA 42:4 ታን ኡንቱንቱ ባላ ቦንቻናዉ፥ ሺቄዳ ዳሮ አሳ ግዱዋና ሳልፕያን ሆምቦጭሺናነ ጋላታ የꬃ የጽሽን፥ ጾሳ ጎለ ካለꬄዳዋ ቆፕያ ዎደ፥ ታ ዎዛናይ ካዮቲደ፥ ግዶን ሴሬዳ።
PSA 42:5 ታ ሸምፓቴ፥ ታን አያዉ ካዮታይታ? ቃይ አያዉ ጃባካታይታ? ታን ጾሳን ህዶታ ዎꬃና። አያዉ ጎፐ፥ ታን ብሮ ታና አሽያዋነ ታ ጾሳ ጋላታና።
PSA 42:6 ታ ዎዛናይ ካዮቴዳ፤ ሄዋ ድራዉ፥ ታን ዮርዳኖሳ ቢታን፥ ሄርሞነ ꬎቃን፥ ሚዛረ ደርያን ኤቃደ ኔና ሀሳያይ።
PSA 42:7 ነ ሶሱዋ ጉንꬃን ጪሙ ጪማዉ ጼሴ፤ ቃይ ነ ቤታይነ ነ ሆቢ ኡባይ ታ ቦላና ጎጌዳ።
PSA 42:8 ጋላስ መꬍና ጎዳይ አገና ባረ ሲቁዋ ታዉ ኪቴ። ቃማካ አ የꬃይ ታናና ደኤ፤ ሄ የꬃይካ ታን ታ ደኡዋ ጾሳ ዎስያ ዎሳ።
PSA 42:9 ጾሳ፥ ታ ዎጋ ዛላ ታን፥ “አያዉ ታና ዶጋዲ? ታን አያዉ ታ ሞርክያን ናቀታደ ካዮታደ ሀመቶ?” ያጋይ።
PSA 42:10 ታ ሞርከቱ ታና፥ “ነ ጾሳይ ሀቃን ደኢ?” ያጊደ፥ ታ መቀꬃ መንꬂደ ቦሪኖ።
PSA 42:11 ታ ሸምፓቴ፥ ታን አያዉ ካዮታይታ? ቃይ አያዉ ጃባካታይታ? ጾሳን ህዶታ ዎꬃና። አያዉ ጎፐ፥ ታን ሀእካ ታና አሽያዋነ ታ ጾሳ ጋላታና።
PSA 43:1 አቤት ጾሳዉ፥ ታና ሻትንꬃ። ጾሳ ኤረና አሳቱዋና ታ ሞቱዋ ኔን ሞተታ። ጭምያ ኢታ አሳቱዋፐ ታና ኔን አሻ።
PSA 43:2 ጾሳዉ፥ ታን ናገታ አትያ ሚጻይ ኔና። ኔን ታና አያዉ አጋይ? ታን አያዉ ታ ሞርክያን፥ ናቀታደ ካዮታደ ሀመቶ?
PSA 43:3 ነ ፖኡዋነ ነ ቱሙዋ ታዉ ኪታ፤ ኡንቱንቱ ታና ካለꬅኖ። ነ ጌሻ ደርያ ኔን ደኢያሳ አፍኖ።
PSA 43:4 ሄ ዎደ ታን ታ ጾሳ ያርሹዋ ሳኣ፥ ታና ናሸችያ ጾሳኮ ባና። አቤት ጾሳዉ፥ ታ ጾሳዉ፥ ታን ዲꬃ ዲጻደ፥ ኔና ሳባና።
PSA 43:5 ታ ሸምፓቴ፥ ታን አያዉ ካዮታይታ? ቃይ አያዉ ጃባካታይታ? ታን ጾሳን ህዶታ ዎꬃና። አያዉ ጎፐ፥ ታን ብሮ ታና አሽያዋነ ታ ጾሳ ጋላታና።
PSA 44:1 ዛማረቱዋ ካፖ የጸቴዳ፥ ቆረ ናናቱዋ አኬካ ግንጹዋ አቤት ጾሳዉ፥ አꬌዳ ዎድያን፥ ኔን ኦꬄዳዋ ኑን ኑ ሀይꬃን ስሴዶ፥ ኑ አዎቱዋ ዎድያንካ ነ ኦꬄዳዋ ኑዉ ኦዴድኖ።
PSA 44:2 ካዉተꬃቱዋ ኔን ነ ኩሽያን ላጋደ ከሳዳ፤ ኑ አዎቱዋ ኡንቱንቱ ቢታን ቶካናዉ፤ ሀራ ካዉተꬃቱዋ ሙራዳ፤ ሽን ነ አሳቱዋ አሳዳ።
PSA 44:3 ኡንቱንቱ ባረንቱ ማሻን ኦሊደ፥ ሄ ቢታ ከስበይክኖ፤ ኡንቱንቱ ባረንቱ ኩሽያ ምኖተꬃን ጾንበይክኖ። ሽን ኔን ኡንቱንታ ሲቄዳ ድራዉ፥ ኡንቱንቱ ነ ኡሸቻ ኩሽያ፥ ነ ቀስያነ ነ ስንꬃ ፖኡዋ ዎልቃን ጾኔድኖ።
PSA 44:4 ያቆባ አሳዉ ጾኑዋ አዛዝያ፥ ታ ካቲነ ታ ጾሳይ ኔና።
PSA 44:5 ኔናን ግዲደ፥ ኑ ሞርከቱዋ ኑን ሱግ ኦላና፤ ነ ሱንꬃን ኑ ኤቀትያዋንታ ኑን የꬋና።
PSA 44:6 ታን ታ ቶራን አማነትከ፤ ታ ማሻይካ ታና አሸና።
PSA 44:7 ሽን ኔን ኑና ኑ ሞርከቱዋፐ አሻዳ፤ ቃይ ኑና እጽያዋንታ ኔን ካዉሻዳ።
PSA 44:8 ኑን ኡባ ዎደ ጾሳን ጬቀቴቶ፤ ነ ሱንꬃዉ መꬍናዉ ጋላታ እማና።
PSA 44:9 ሽን ሀእ ኔን ኑና አጋዳ፤ ካዉሻዳ፤ ኑ ቶራ አሳና እትፐ ኦላ ባካ።
PSA 44:10 ኑ ሞርከቱዋ ስንꬃፐ ኑና ባቃትሳዳ፤ ኑ ኤቀትያዋንቱ ኑባ ቦንቄድኖ።
PSA 44:11 ኔን ኑና ዶርሳቱዋዳን ሹካዉ አꬃደ እማዳ፤ ቃይ ካዉተꬃቱዋ ግዶን ኑና ላላዳ።
PSA 44:12 ኔን ነ አሳ ህራይሱዋን ዛልኣዳ፤ አያ ዎꬍያነ ደማበይካ።
PSA 44:13 ኔን ኑና ኑ ሾሮቱ ቦርያዋ፥ ቃይ ኑ ሄራን ደእያዋንቱ ቅሊጭያዋነ ሚጭያዋ ኦꬃዳ።
PSA 44:14 ኔን ኑና ካዉተꬃቱዋ ግዶን ቶሳ ከሳዳ፤ ኑና ኡንቱንቱ ባረንቱ ሁጲያ ቃꬅ ቃꬅ ቅꬍያዋ ኦꬃዳ።
PSA 44:15 ታን ጋላሳ ኩመንꬃን ቶሸታድ። ታ ሶምእያ ዬላይ ካሜዳ።
PSA 44:16 ታና ሸቂያዋንቱነ ቦርያዋንቱ ጋሱዋን፥ ታና ሞርክያዋንቱነ ማንድያዋንቱ ጋሱዋና።
PSA 44:17 ኑን ኔና ዶግቤናዋ ግዶፐካ፥ ዎይ ነ ጫቁዋ መንꬅቤናዋ ግዶፐካ፥ ሀዌ ኡባይ ኑ ቦላ ሀኔዳ።
PSA 44:18 ኑ ዎዛናይ ኔፐ ጉየ ስምቤና፤ ኑ ገዲ ነ ኦግያፐ ጋጻ ከስቤና።
PSA 44:19 ሽን ኔን ኑና መንሬꬃደ ዶኣ ግዶን የጋዳ፤ ꬍጵ ጎ ꬉማን ካማዳ።
PSA 44:20 ኑ ጾሳ ሱንꬃ ኑን ዶጌደንቶ፥ ሀራ ጾሳ ዎሳናዉ ኑን ኑ ኩሽያ ምጬደንቶ፥
PSA 44:21 ዎዛናን ጌሜዳ ጹራ ጾሳይ ኤርያ ድራዉ፥ እ ሀዋ ብዲደ ደመኔ?
PSA 44:22 ሽን ነ ድራዉ፥ ጋላሳ ኡባን ኑና ዎꬊኖ፤ ሹካናዉ አፍያ ዶርሳዳን ፓይደቴዶ።
PSA 44:23 አቤት መꬍና ጎዳዉ፥ ደንዳ! አያዉ ገምእሻይ? ቤጎታ! መꬍናዉ ኑና አጎፓ።
PSA 44:24 ነ ሶምኡዋ ኑፐ አያዉ ገንꬃይ? ኑ ቆሁዋነ ኑ ኡንኣ አያዉ ዶጋይ?
PSA 44:25 ኑን ባናን ዱገ ኦለቴዶ፤ ኑ አሳተꬃይካ ቢታና ኦይቀቴዳ።
PSA 44:26 አቤት ጾሳዉ፥ ደንዳ! ኑና ማዳ! አገና ነ ሲቁዋ ድራዉ፥ ኑና ዎዛ።
PSA 45:1 ቆረ ናናቱ ዛማረቱዋ ካፖ ጪሻ ዋꬃ ግያ ዋꬃን የጼዳ የꬃ. አኬካን ጻፈቴዳ ሲቁዋ የꬃ. ታን ታ የꬃ ካትያ ስሳና፥ ታ ዎዛናይ ሎኦ ቆፋ ፑልቴ፤ ታ እንጻርሳይ ሎኦ ጻፍያ አሳ ብእርያ ማላ።
PSA 45:2 አሳ ኡባፐ ኔን ማላንቻነ፤ ነ ሃሳያይ ናሸꬅያዋ ግዳና ማላ፥ ጾሳይ ኔና መꬍናዉ አንጄዳ።
PSA 45:3 ዎልቃማ ካትያዉ፥ ነ ማሻ ነ ጼሳን ዳንጫ፤ ቦንቹነ ግታተꬃይ ነዋ።
PSA 45:4 ነ ቱማተꬃ፥ አሽከተꬃነ ጽሎተꬃ ድራዉ፥ ነ አንጋ ማያደ፥ ጾናናዉ ፕሪጻ። ነ ኡሸቻ ኩሺ ማላልስያባ በሶ።
PSA 45:5 ነ ፖꬃይ ቃራ፤ ኡንቱንቱ ካትያ ሞርከቱዋ ዎዛና አይፍያ ጫድኖ። ካዉተꬃቱ ነ ገድያን ኩንድኖ።
PSA 45:6 አቤት ጾሳዉ፥ ነ ካዉተꬃ አራታይ መꬍ መꬍናዉ ደኤ፤ ነ ካዉተꬃ ጻምአይካ ሱረተꬃ ጻምኣ።
PSA 45:7 ኔን ጽሎተꬃ ሲቃሳ፤ ጌላተꬃ እጻ። ጾሳይ፥ ነ ጾሳይ፥ ኔና ነ ላገቱዋፐ አꬂደ፥ ናሸቻ ዛይትያ ኦኬዳዌ ሄዋሳ።
PSA 45:8 ካዋራን፥ ጎዳረ ኡꬃንነ ብርጉድያን፥ ነ ማዩ ኡባይ ፑሻከቴዳ። ዳንጋርሳ ዛልያን አሌቀቴዳ፥ ነ ካዉተꬃ ጎልያን ዲጽያዋንቱ ኔና ናሸቺኖ።
PSA 45:9 ካትያ ጎልያን ደእያ ማጫ አሳቱዋ ግዶን፥ ካተቱዋ ማጫ ናናቱ ደኢኖ፤ ካታታ ጌሻ ዎርቃን አሌቀታደ፥ ኔፐ ኡሸቻ ባጋን ኤቃዱ።
PSA 45:10 ታ ናቴ፥ ስሳ፤ ሀይዛ፤ ነ ሀይꬃ ሃ የጋ። ነ ዛርያነ ነ አዉዋ ጎልያ ዶጋ።
PSA 45:11 ነ ፑላ ካቲ አሞቴ፤ እ ነዉ ጎዳ ግድያ ድራዉ፥ አዉ አዛዘታ።
PSA 45:12 ጽሮሳ አሳይ እዝዉ እሞታ አኪደ ያና፤ ዱረቱ ኔና አዉዳሻና።
PSA 45:13 ካትያ ናታ ካትያ ጎልያ ግዶን ዋታ ሎአይ! እዝ ቡላቻ ማዩካ ዎርቃ ቃጭናን ዳደቴዳ።
PSA 45:14 ባረ አሌቆ ማዩዋ ማያደ፥ ካትያኮ ሞይዘታዉ፤ እዝ ላገ ናናቱ ዎዶሮቱ፥ እዞ ካሊደ፥ አ ስንꬃ አሄድኖ።
PSA 45:15 ኡንቱንቱ ናሸቲደነ ሆምቦጪደ ዪደ፥ ካትያ ጎልያ ገሊኖ።
PSA 45:16 ካትያዉ፥ ነ አዎቱዋ ኮታ ነ ናናቱ አካና። ኔን ኡንቱንታ ቢታ ኡባ ቦላን ሱንꬃና።
PSA 45:17 ታን ነ ሱንꬃይ የለታ ኡባን ሀሳየታናዳን ኦꬃና። ሄዋ ድራዉ፥ አሳይ መꬍ መꬍናዉ ኔና ጋላታና።
PSA 46:1 ዛማረቱዋ ካፖ ቆረ ናናቱ እምና የጸቴዳ፥ ዎዶሮ ናና የꬃ ሂላን ጻፈቴዳ የꬃ. ጾሳይ ኑን ናገት አትያ ሳነ ኑዉ ዎልቃ። ኑና መቱ ጋክያ ዎደ፥ ማዳናዉ እ ኡባ ገደ ማታን ደኤ።
PSA 46:2 ሄዋ ድራዉ፥ ቢታይ ቃጽንቶካ፥ ዎይ ደረቱ አባን ኩንድንቶካ፥ ኑን ያዮኮ።
PSA 46:3 አባ ቤታይ ጉሚደ፥ ሆሙዋ ማይንንቶካ፥ አ ዎልቃማ ሆቢያን ደረቱ ዪቂዪቂንቶካ፥ ኑን ያዮኮ።
PSA 46:4 እት ሻፋይ ደኤ። ሄ ሻፋይ ጎጊደ፥ ጾሳ ካታማ፥ ኡባፐ ꬎቂያ ጾሳይ ደእያ ጌሻ ሳኣ ናሸቼ።
PSA 46:5 ጾሳይ አ ግዶን ደእያ ድራዉ፥ ሄ ካታማይ ቃጸና። ዎንታ ጉራን ጾሳይ አ ማዳና።
PSA 46:6 ጋድያ አሳይ ሻባረቴ፤ ካዉተꬃቱ ቃጺኖ። ጾሳይ ባረ ቃላ ስሴዳ ዎደ፥ ሳአይ ሴሬ።
PSA 46:7 መተꬃ ኡባ ጎዳይ ኑናና ደኤ፤ ያቆባ ጾሳይ ኑን ቆሰት አትያ ሳኣ።
PSA 46:8 ሃ ዪተ፤ መꬍና ጎዳይ ኦሱዋ ጼልተ፤ እ ሳኣን አሄዳ ባሻ በእተ።
PSA 46:9 እ ሳኣ ጋጻ ጋካናዉ ደእያ ኦላ ተኤ፤ ዎንዳፍያ መንꬄ፤ ቶራ መንꬄ፤ ጎንዳልያካ ታማን ጹጌ።
PSA 46:10 ዎፑ ጊተ፤ ታን ጾሳ ግድያዋ ኤርተ። ታን ካዉተꬃቱዋ ግዶን ꬎቃይ። ቃይ ቢታ ቦላንካ ꬎቃይ።
PSA 46:11 ኡባፐ ዎልቃማ መꬍና ጎዳይ ኑናና ደኤ፤ ያቆባ ጾሳይ ኑን ቆሰት አትያ ሳኣ።
PSA 47:1 ዛማረቱዋ ካፖ የጸቴዳ፥ ቆረ ናናቱዋ ማዝሙርያ ካዉተꬃቱ ኡባይ ህንተ ኩሽያ ባቂተ፤ ቃላ ꬎቁ ኦꬂደ፥ ጾሳዉ ጋላታ የጽተ።
PSA 47:2 ኡባፐ ꬎቂያ መꬍና ጎዳይ ያየታናዉ በሴ፤ ሳኣ ኡባ ቦላን እ ዎልቃማ ካትያ።
PSA 47:3 ጋድያ አሳ ኑፐ ጋርሳና፥ ካዉተꬃቱዋካ ኑ ገድያፐ ጋርሳና ዎꬂደ፥ ኑዉ ሞድሴ።
PSA 47:4 እ ኑዉ ላትያ ቢታ ዶሬዳ፤ ሄ ቢታይ፥ እ ሲቅያ ያቆባ ዛራቱ ጬቀትያዋ።
PSA 47:5 ጾሳይ ፑደ ካዉተꬃ አራታ ከሴዳ። መꬍና ጎዳይ ፑደ ከስያ ዎደ፥ ናሸቻ ሆምቦጨꬃይነ ማላካታ ፑናይ ስሰቴዳ።
PSA 47:6 ጾሳ ሳቢተ፤ ኤ፥ አ ሳቢተ። ኑ ካትያ ሳቢተ፤ ኤ፥ አ ሳቢተ።
PSA 47:7 ጾሳይ ሳኣ ኡባ ካትያ ግድያ ድራዉ፥ ጋላታ ሳባ ሳቢተ።
PSA 47:8 ጾሳይ ባረ ጌሻ ካዉተꬃ አራታን ኡቴዳ፤ ጾሳይ ካዉተꬃቱዋ ኡባ ሞዴ።
PSA 47:9 ካዉተꬃቱዋ ካፓቱ፥ አብራሃማ ጾሳ አሳቱዋና እትፐ ሺቂኖ። አያዉ ጎፐ፥ ሳኣን ደእያ ዎልቃማቱ ኡባይ ጾሳሳ፤ እ ሎይꬅ ꬎቁ ጌዳ።
PSA 48:1 ቆራሀ ናናቱዋ ማዛሙርያ፤ የꬃ መꬍና ጎዳይ ዎልቃማ። ኑ ጾሳ ካታማን አ ጌሻ ደርያን አꬎ ጋላታይ አዉ በሴ።
PSA 48:2 ጾሳ ደርያ ጽዮነ ꬎቃነ ሎአ። ፑደሃ ባጋና ደእያ ሄ ዎልቃማ ካትያ ካታማይ ሳኣ ኡባዉ ናሸቻ።
PSA 48:3 ሄ ካታማ ግምቢያ ግዶን፥ ባረናን ሳሮ አሳይ ደእያዋ ጾሳይ በሴዳ።
PSA 48:4 ካተቱ ባረንቱ ቶራንቻቱዋና እትፐ ሺቄድኖ፤ ጽዮነ ኦላናዉ ዬድኖ።
PSA 48:5 አ በኢደ፥ ማላለቲድነ ዳጋሚደ፥ ባቃቴድኖ።
PSA 48:6 ኡንቱንቱ ሄዋን ደእሺና፥ ኡንቱንታ ያሻ ኮኮርሳይ ኦይቄዳ፤ ኦይꬃይ ኦይቄዳ ምሽራቲዳን ኡንኤቴድኖ።
PSA 48:7 አዋይ ዶልያ ባጋ ዎልቃማ ጫርኩዋን፥ መእያ ታርሴሰ ማርካብያዳን ኡንቱንቱ ኮኮሬድኖ።
PSA 48:8 ኑን ስሴዳዋዳንካ፥ ኡባፐ ዎልቃማ መꬍና ጎዳ ካታማን፥ ኑ ጾሳ ካታማን፥ እ ኦꬄዳዋ በኤዶ። ጾሳይ ሄ ካታማ መꬍናዉ ምንስ ኤሴ።
PSA 48:9 አቤት ጾሳዉ፥ ነ ጌሻ ጎልያ ግዶን አገና ነ ሲቁዋ ቆፔዶ።
PSA 48:10 አቤት ጾሳዉ፥ ነ ሱንꬃዳንካ፥ ነ ጋላታይ ሳኣ ጋጻ ጋኬዳ። ነ ኡሸቻ ኩሺ ጽሎተꬃን ኩሜዳዋ።
PSA 48:11 ነ ፕርዳ ድራዉ፥ ጽዮነ አሳይ ናሸቴ፤ ይሁዳ ሞꬃቱካ ናሸቲኖ።
PSA 48:12 ጽዮነ ዩሹዋን ሀመትተ፤ እ ዩሹዋን ያነ ሃነ ስመረትተ። እ ዎችያ ሳ ፓይድተ።
PSA 48:13 ይያ የለታዉ ኦዳናዳን፥ እዝ ግምቢያ አኬክተነ እዝ አኮ ግምቢያ ጾሞስተ።
PSA 48:14 ህንተ፥ “መꬍ መꬍናዉ ሀ ጾሳይ ኑ ጾሳ፤ እ ኑና ሀይቃና ጋካናዉ ካለꬃና” ያጊደ ኦድተ።
PSA 49:1 ዛማረቱዋ ካፖ የጸቴዳ፥ ቆረ ናናቱዋ ማዝሙርያ ህንተኖ፥ አሳቶ፥ ኡባቱካ ሀዋ ስስተ። ህንተኖ፥ ሳኣን ደእያዋንቶ፥ ኡባቱካ ሀዋ ሀይዝተ።
PSA 49:2 ꬎቃይ ዝቃይካ፥ ዱሪ ማንቁካ ስስተ።
PSA 49:3 ታ ዎዛና ቆፋይ ጪማ፤ ታ ዶናይ አꬌዳ ኤራተꬃ ሃሳዬ።
PSA 49:4 ታ ሀይꬃ ሌምሱዋኮ የጋና፤ ዲꬃ ዲጻደ፥ ታን አ ብለꬃ ቆንጭሳና።
PSA 49:5 መቶ ጋላሳይ ይያ ዎድያንነ ባለꬅያ ሞርከቱ፥ ታና ዶድያ ዎደ፥ ታን አያዉ ያያይታ?
PSA 49:6 ታ ሞርከቶ፥ ባረንቱ ደእያዋን አማነትያዋንቶነ ባረንቱ ዱረተꬃ ዳሩዋን ጬቂያዋንቶ አያዉ ያያይታ?
PSA 49:7 አይ አሳይነ ባረና ዎዛናዉ፥ ዎይ ባረ ሸምፑዋ ጋትያ ጾሳዉ ጭጋናዉ ዳንዳየና።
PSA 49:8 አያዉ ጎፐ፥ አሳ ሸምፑዋ ጋቲ አልአ። አይ ጋትያ ጭግናካ ግደና።
PSA 49:9 እ መꬍናዉ ደአናዳን፥ ዎይ እ ሀይቀናዳን ኦꬃናዉ ጋከና።
PSA 49:10 ኤያቱነ ቦዛቱ ሀይቂያዋዳን፥ አꬌዳ ኤራንቻቱካ ꬋይያዋነ ባረንቱ ማጹዋ ሀራቶ የጊደ ብያዋ አሳይ ኡባይ በኤ።
PSA 49:11 ኡንቱንቱ ባረንቱ ቢታ ባረንቱዋ ጊናካ፥ ዱፉ መꬍናዉ ኡንቱንቱ ጎለነ የለታፐ የለታ ጋካናዉ ኡንቱንቱ ደእያ ሳኣ ግዳናዋ።
PSA 49:12 አሳይ አይ ግታቶፐካ ፓጻ አተና፤ እ ዶኣዳን ሀይቃና።
PSA 49:13 ባረካ ባረንቱ ሁጲያን አማነትያዋንቱ ካጫይነ ኡንቱንቱ ቃላ ቱማ ግያዋንቱ ዉርሰꬃይ ሀዋ።
PSA 49:14 ሹካዉ ዶረቴዳ ዶርሳቱዋዳን፥ ኡንቱንቱ ዱፎ ዶረቴድኖ፤ ሀይቁ ኡንቱንቱ ሄንꬃንቻ ግዳናዋ። ሱረቱ ዎንታ ኡንቱንቱ ዱፉዋ ቦላ ሀመታና፤ ኡንቱንቱ ባረንቱ ደእያ ጎልያፐ ሃኪደ፥ ዱፉዋን ዎቃና።
PSA 49:15 ሽን ጾሳይ ታና ዎዛና፤ እ ታ ሸምፑዋ ሀይቁዋ ዎልቃፐ አሻና።
PSA 49:16 አሳይ ዱረትያ ዎደነ፥ አ ቦንቹ ዳርያ ዎደ ያዮፓ።
PSA 49:17 አያዉ ጎፐ፥ እ ሀይቂደ፥ አይነ አኪደ ቤና፤ አ ዱረታይ አናና እትፐ ዱፉዋ ቤና።
PSA 49:18 አሳይ ፓጻ ደእያ ዎድያን፥ “ታዉ ኩሜዳ” ጎፐነ፥ ኡባባይ አዉ ጊጌዳ ድራዉ ጋላተቶፐነ፥
PSA 49:19 ስሚደ ፖኡዋ በኤና ባረ ማይዛ አዎቱዋና ጋከቴ።
PSA 49:20 ኤር ባይናን ግታቴዳ አሳይ ዶኣዳን ሀይቃና።
PSA 50:1 አሳፋ ማዛሙርያ ዎልቃማ ጾሳይ፥ መꬍና ጎዳይ ሃሳዬ። አዋይ ዶልያሳፐ ዉልያሳ ጋካናዉ ሳኣን ደእያ አሳ ጼሴ።
PSA 50:2 ፑላይ ኩመንꬃ ሎአ ግድያ ጽዮነፐ ጾሳይ ፖኤ።
PSA 50:3 ኑ ጾሳይ ያና፤ ጮኡ ጌና። ኤጽያ ታማይ አ ስንꬃና፤ ዎልቃማ ጎቲ አ ዩሹዋና።
PSA 50:4 ጾሳይ ባረ አሳ ፕርዲደ፥ ሳሎቱዋነ ሳኣ ጼሴ።
PSA 50:5 “ያርሹዋ ያርሽያዋን፥ ታናና ጫቀቴዳ ጾሳ አሳቱዋ፥ ታኮ ሺሽተ” ያጌዳ።
PSA 50:6 ጾሳይ ፕርድያዋ ግድያ ድራዉ፥ ሳሎቱ አ ጽሎተꬃ ኦዲኖ።
PSA 50:7 “ታ አሳዉ፥ ስሳ! ታን ነዉ ኦዳይ። እስራኤልያ አሳዉ፥ ታን ነ ቦላ ማርካታይ። ታን ጾሳ፥ ነ ጾሳ።
PSA 50:8 ነ ያርሹዋ ድራዉነ ኔን ኡባ ገደ ሺሽያ ጹግያ ያርሹዋ ድራዉ፥ ታን ኔና ሴርከ።
PSA 50:9 ሄዋዳንካ፥ ነ ድርሳፐ ኮሩማቱዋ፥ ዎይ ነ ስኩዋፐ ዴሻቱዋ አካናዉ ኮይከ።
PSA 50:10 አያዉ ጎፐ፥ ዎራን ደእያ ዶአቱ ኡባቱ ታዋንታ፤ ሻኡ ደርያ ቦላን ደእያ መሄቱካ ታዋንታ።
PSA 50:11 ታን ꬎቃ ደርያን ደእያ ካፎቱዋ ኡባ ኤራይ፤ ደምባን ደእያ መተꬃቱ ታዋንታ።
PSA 50:12 ታና ኮሽንቶነ፥ ታን ነዉ ኦድከ: አያዉ ጎፐ፥ ሳአይነ ሳኣን ኩሜዳዌ ኡባይ ታዋ።
PSA 50:13 ታን ኮሩማቱዋ አሹዋ ማይታ? ዎይ ዴሻቱዋ ሱꬃ ኡሻይታ?
PSA 50:14 ሄዋ ድራዉ፥ ጾሳዉ፥ ኔን እምያ ያርሹ ጋላታ ግዶ፤ ኡባፐ ꬎቂያ ጾሳዉ ነ ቃንገꬃ ጋꬃ።
PSA 50:15 ያታደ፥ መቱዋ ጋላስ ታና ጼሳ። ታን ኔና አሻና፤ ኔንካ ታና ቦንቻና” ያጌ።
PSA 50:16 ሽን ጾሳይ ኢታ አሳ ሀዋዳን ያጌ፤ ታ ህግያ ኔን ዛራ ዛራደ አያዉ ኦዳይ? ዎይ ታ ጫቁዋ ነ ዶናን አያዉ ሃሳያይ?
PSA 50:17 ኔን ታ ትምርትያ እጻዳ፤ ታ ቃላካ ሀይꬃ ቦላና አꬃዳ።
PSA 50:18 ኔን ካይሱዋ በኤዳ ዎደ፥ አናና ዳቦታዳ፤ ሻርሙጽያዋንቱ ማባራን ገላዳ።
PSA 50:19 ኔን ነ ዶና ኢታባ ሃሳያናዉ ብላ የዳሳ። ነ እንጻርሳይካ ዎርዱዋ ሃሳያ ሜዘቴዳ።
PSA 50:20 ነ ኡቴዳሳን ነ እሻ ኢሳደ ሃሳያዳ፤ ነ አት ናኣ ዝግራሳ።
PSA 50:21 ኔን ሀዋ ኡባ ኦꬅያ ዎደ፥ ታን ጮኡ ጌዳ ድራዉ፥ ታናካ ነ ማላ ጋደ ቆፓዳ። ሽን ሀእ ታን ኔና ሴራይነ ነ ባላ ነ ስንꬃን ፓይዳይ።
PSA 50:22 “ህንተኖ፥ ጾሳ ዶግያዋንቶ፥ ሀዋ አኬክተ። ሄዌ ꬋዮፐ፥ ታን ህንተና መንሬꬃና፤ ሄ ዎደ ህንተና አሽያዌ ባዋ።
PSA 50:23 ታዉ ጋላታ እምያ አሳይ ታና ቦንቼ። ባረ ኦግያ ሱርስያ አሳ ታን ጾሳ አቶተꬃ በሳና” ያጌ።
PSA 51:1 ዛማረቱዋ ካፖ የጸቴዳ፥ በርሳብና ሻርሙጼዳ ሀኖታ ትምቢትያ ኦድያ ናታን አዉ ኦዲደ ስምና፥ ዳዊታ ማዛሙርያ አቤት ጾሳዉ፥ አገና ነ ሲቁዋዳን ታና ማራ፤ ነ ቃረታ ዳሩዋዳን ታ ባይዙዋ ቁጫ።
PSA 51:2 ታ ኢታተꬃፐ ታና ሙለ ሜጫ፤ ታ ናጋራፐ ታና ጌሻ።
PSA 51:3 አያዉ ጎፐ፥ ታ ባይዙዋ ታን ኤራይ፤ ታ ናጋራይ ኡባ ገደ ታ ስንꬃና።
PSA 51:4 ታን ኔና፥ ነ ጻላላ ናቃድ፤ ነ አይፍያ ስንꬃን ኢታባ ኦꬃድ። ሄዋ ድራዉ፥ ሃሳያደካ ኔን ልከ፤ ፕርዳደካ ኔን ጽሉዋ።
PSA 51:5 ታን የለቶደፐካ ቱሙ ናጋራንቻ፤ ታ አት ኡሉዋን ብሮ አትያ ዎደፐ ዶማደካ፥ ታን ናጋራንቻ።
PSA 51:6 ሄኮ ኔን ዎዛና ግዶ ቱማተꬃ ኮያሳ፤ ሄዋ ድራዉ፥ ነ አꬌዳ ኤራተꬃ ታ ጋርሳን ታማርሳ።
PSA 51:7 ሂሶጵያ ግያ ቦንጭያን ኔን ታና ጌሻ፤ ታን ጌያና። ታና ሜጫ፤ ታን ሻቻፐ አꬋአደ ቦጻና።
PSA 51:8 ኔን ታና ናሸቻነ ሀሹ ግያዋ ስሳ፤ ኔን ታና መንሬꬄዳባ ግዶፐካ፥ ዛራደ ናሸቻ።
PSA 51:9 ታ ናጋራፐ ነ ስንꬃ ዎራ ዛራ፤ ታ ኢታተꬃ ኡባ ቁጫ።
PSA 51:10 አቤት ጾሳዉ፥ ጌሻ ዎዛና ታ ግዶን መꬋ፤ ምንስያ አያና ታ ግዶን ኦራꬃ።
PSA 51:11 ታና ነ ስንꬃፐ ኦሎፓ፤ ነ ጌሻ አያና ታፐ አኮፓ።
PSA 51:12 ነ አቶተꬃ ናሸቻ ታዉ ዛራደ እማ፤ ታን ነዉ ኤኖ ጋደ አዛዘታናዳን፥ ታና ዘምፕሳ።
PSA 51:13 ሄ ዎደ ታን ባይዛንቻቱዋ ነ ኦግያ ታማርሳና፤ ሄ ናጋራንቻቱነ ኔኮ ስማና።
PSA 51:14 አቤት ጾሳዉ፥ ታና አሽያ ጾሳዉ፥ ሱꬃ ጉሴዳ ናጋራፐ ታና አሻ፤ ሄ ዎደ ታ እንጻርሳይ ነ ጽሎተꬃባ የጻና።
PSA 51:15 አቤት ጎዳዉ፥ ታ ዶና ዶያ፤ ያቶፐ፥ ታ እንጻርሳይ ነ ጋላታ አዋያና።
PSA 51:16 ኔን ያርሹዋን ናሸታንቶ ታ ነዉ ሺሻናሽን፥ ኔን ያርሹዋን ናሸታካ።
PSA 51:17 ጾሳዉ ያርሽያ ያርሹ አሽከ አያና፤ አቤት ጾሳዉ፥ “ናጋራ ኦናን አጋርክታሻ” ግያ፥ መኤዳ ዎዛና ኔን ካꬋካ።
PSA 51:18 አቤት ጾሳዉ፥ ነ ዶሱዋን ጽዮንዉ ኬካ፤ የሩሳላመ ግምበቱዋ ግምባ።
PSA 51:19 ሄ ዎደ ጽሎ ያርሹዋን፥ ጹግያ ያርሹዋንነ፥ መህያ አሹዋ ዉርስ ጹግያ ያርሹዋን ኔን ናሸታና። ቃይ ኮሩማቱ ነ ያርሽያሳን ያርሸታና።
PSA 52:1 ዛማረቱዋ ካፖ የጸቴዳ፥ ኤዶማ ቢታ አሳ ግድያ ዶይቅ ሳኦላኮ ቢደ፥ “ዳዊተ አብመሌካ ጎለ ቤዳ” ያጊደ ኦዲደ ስምና ዳዊታ አኬካ ግንጹዋ. ኔኖ፥ ዎልቃማ ብታንያዉ፥ ጾሳ አሳቱዋ ቦላ ኢታባ ኦꬅያዋዳን፥ ጋላሳ ኡባን አያዉ ጬቀታይ?
PSA 52:2 ኔኖ፥ ዎርዶባ ሀንያዎ፥ ኔን ሀራቱዋ ꬋይሳናዉ ማቀታሳ። ነ እንጻርሳይ ኩሳ ማቂልያ ማላ።
PSA 52:3 ኔን ሎኡዋፐ ኢታ ሲቃሳ፤ ቃይ ቱሙዋ ሃሳይያዋፐ፥ ዎርዱዋ ሃሳይያዋ ዶሳሳ።
PSA 52:4 ኔኖ፥ ዎርዳንቻዉ፥ ኔን ቆህያ ቃላ ኡባ ሲቃሳ።
PSA 52:5 ሽን ጾሳይ ኔና መꬍናዉ ꬋይሳና። እ ኔና ዳፋናነ ነ ጎልያፐ ቦንቂደ ከሳና፤ እ ኔና ፓጻ ደእያዋንቱ ግዶፐ ꬎቆላና።
PSA 52:6 ጽሎቱ ሀዋ በኢደ ያያና። ኡንቱንቱ ሀዋዳን ያጊደ፥ ነ ቦላ ሚጫና፤
PSA 52:7 “ጾሳ ባረዉ ጌሱዋ ኦꬅቤና፥ ባረ ዱረተꬃ ዳሩዋን አማነቴዳ፥ ኢታ ኦሱዋን ምኔዳ ብታንያ ሀዋ በእተ!” ያጋና።
PSA 52:8 ሽን ታን ጾሳ ጎልያን አጭያ ዎጋራ ማላ። አገና አ ሲቁዋን ታን መꬍ መꬍናዉ አማነታይ።
PSA 52:9 ኔን ኦꬄዳ ድራዉ፥ ታ ኔና ጋላታና፥ ታን ኔን ኬካ ግድያ ድራዉ ነ ሱንꬃን ህዶታ ዎꬃይ። ታን ጾሳ አሳቱዋ ስንꬃን ኔና ሳባና።
PSA 53:1 ዛማረቱዋ ካፖ የጸቴዳ፥ ዳዊታ አኬካ ግንጹዋ. ቦዛቱ ባረንቱ ዎዛናን፥ “ጾሳይ ባዋ” ያጊኖ። ኡንቱንቱ ደኡ ባዬዳ። ኡንቱንቱ ሸነይያባ ኦꬂኖ፤ ሎእያባ ኦꬅያ አሳይ ባዋ።
PSA 53:2 ጾሳ ኮይያ ኤራንቻቱ ደእንቶነ በአናዉ፥ ጾሳይ ሳሉዋፐ ዱገ አሳ ጼሌ።
PSA 53:3 ኡንቱንቱ ኡባይካ ጾሳፐ ሃኬድኖ፤ ኡባይካ እትፐ ቱኔድኖ። ሎኡዋ ኦꬅያ አሳይ ባዋ፤ ሀራይ አቶ እቱነ ባዋ።
PSA 53:4 ጾሳይ፥ “ሀዋንቱ ታ አሳ ቦንቂ ምያ ኢታ አሳቱ ቱሙ አይነ ኤርክኖ? ኡንቱንቱ ታና ዎስክኖ” ያጌ።
PSA 53:5 ኡንቱንቱ ካሰ ዳጋም ኤረናዋ ኬሻ ዳጋማና። አያዉ ጎፐ፥ ጾሳይ ባረ አሳ ሞርክያዋንቱ መቀꬃ ላላና። ጾሳይ ኡንቱንታ ካꬌዳ ድራዉ፥ ኡንቱንቱ ዬላታና።
PSA 53:6 እስራኤልያዉ አቶተꬃይ ጽዮነፐ ዬረኔ! ጾሳይ ባረ አሳ ኦሞዱዋ ዛርያ ዎደ፥ ያቆባ ዛራቱ ናሸታና፤ እስራኤልያ አሳይ ናሸቻዉ ፖጩ ጋና።
PSA 54:1 ዛማረቱዋ ካፖ የጸቴዳ፥ ዚፋን ደእያ አሳቱ ሳኦላኮ ቢደ፥ “ዳውት ኑ ቢታን ቆሰቴዳ” ያጊደ ኦዲደ ስምና ዳዊተ አኬካን ዲጼዳ ግንጹዋ. አቤት ጾሳዉ፥ ነ ሱንꬃን ታና አሻ፤ ነ ዎልቃን ታና ሻትንꬃ።
PSA 54:2 አቤት ጾሳዉ፥ ታ ዎሳ ስሳ፤ ታ ዶና ሃሳያ ሀይዛ።
PSA 54:3 ኦቶራንቻቱ ታ ቦላ ደንዲኖ፤ ዳጋንꬅያ አሳቱ ታና ዎꬋናዉ ኮዪኖ። ኡንቱንቱ ጾሳ አላለ ጊክኖ።
PSA 54:4 ሄኮ ጾሳይ ታና ማድያዋ፤ ጎዳይ ታና ዘምፕስያዋ።
PSA 54:5 አቤት ጾሳዉ፥ ታ ሞርከቶ ኡንቱንቱ ኢታተꬃ ዛራ። ኔን አማነትያዋ ግድያዋዳን፥ ኡንቱንታ ꬋይሳ።
PSA 54:6 አቤት መꬍና ጎዳዉ፥ ታን ታ ሸንያን ነዉ ያርሻና፤ ኔን ኬካ ግድያ ድራዉ፥ ታን ነ ሱንꬃ ጋላታና።
PSA 54:7 አያዉ ጎፐ፥ ኔን ታና ታ መቱዋ ኡባፐ አሻዳ፤ ታ ሞርከቱ ጾነትያዋ ታ አይፍያን በኣድ።
PSA 55:1 ዛማረቱዋ ካፖ የጸቴዳ፥ ዳዊተ አኬካን ዲጼዳ ዲꬃ. አቤት ጾሳዉ፥ ታ ዎሳ ስሳ፤ ታ ማጋና አይ መቴ ጎፓ።
PSA 55:2 ሀይዛ፤ ታ ዎሳ ስሳ፤ ታ ቆፋይ ታና ዋይስና፥ ታን ሻባረታድ።
PSA 55:3 ሄዌነ፥ ታ ሞርከቱዋ ኮሻፐነ፥ ኢታቱዋ ናቁዋፐ ደንዴዳዋና። ኡንቱንቱ ታ ቦላ መቱዋ አሂኖነ ባረንቱ ሀንቁዋን ታና ሞርኪኖ።
PSA 55:4 ታ ዎዛና አይፍያን ድድቄ፤ ሀይቁዋ ህርጋይ ታና ማሽሴዳ።
PSA 55:5 ታና ያሻይነ ኮኮርሳይ ኦይቄዳ፤ ዳጋማይ ታና ዎꬍ ድጌዳ።
PSA 55:6 ታን፥ “ታዉ ሀራጵያዳን ቀፊ ደኤረኔሻ። ያንንቶ ታን ፓላ ባደ ሸምፓና ሽን፤
PSA 55:7 ታን ሃካደ ባና ሽን፤ ባዙዋን ደአና ሽን።
PSA 55:8 ታን ጎትያፐነ ኡሹዋፐ፥ አትያሳ ኤሌላደ ጋካና ሽን” ያጋድ።
PSA 55:9 አቤት ጾሳዉ፥ ታን ካታማ ግዶን ዋላሳነ ዋታ በኤዳ ድራዉ፥ ኢታቱዋ ሃሳያ ቡሉቃ።
PSA 55:10 ኢታቱ ጋላስነ ቃማ፥ ግምቢያ ዩዪኖ፤ ኢታተꬃይነ ኮባይ ካታማ ግዶን ደኤ።
PSA 55:11 ባሻይ አ ግዶን ደኤ፤ ናቁካ ጭሙካ አ ጉታራፐ ሻከተና።
PSA 55:12 ታና ቦርያዌ ታ ሞርክያ ግደና፤ ግድንቶ ታን ዳንዳያና። ታ ቦላ ጬቀትያዌ ታና እጽያዋ ግደና፤ ግድንቶ ታን አፐ ቆሰታና።
PSA 55:13 ሽን ሀዋ ኡባ ኦꬅያዌ አሳ፥ ታ ላግያ፥ ታ ዳቡዋነ ታ ሲቁዋ።
PSA 55:14 ኑን እቱ እቱዋና ኡሎባ ሃሳዬዶ፤ ኑን ጾሳ ጎልያን አሳና እትፐ ስመረቴዶ።
PSA 55:15 ታ ሞርከቱ ዎዲ ጋከናን ሀይቂኖ፤ ኡንቱንቱ ፓጻ ሞገትኖ። አያዉ ጎፐ፥ ኢታተꬃይ ኡንቱንቱ ግዶንነ ኡንቱንቱ ደእያ ሳን ደኤ።
PSA 55:16 ሽን ታን ጾሳ ጼሳይ፤ መꬍና ጎዳይ ታና አሼ።
PSA 55:17 ዎንታ፥ ጋላስነ ኦማርስ ታን ዋሳናነ ታ መቱዋ አዉ ኦዳና፤ እ ታና ስሳና።
PSA 55:18 ዳሮቱ ታና ሞርኮፐካ፥ እ ታና ኦላ ቶራፐ አሼ።
PSA 55:19 በንፐ ካዉተꬃ አራታን ኡቴዳ ጾሳይ፥ ታ ዎሳ ስሲደ ባረንቱ ኦግያ ላመናዋንታነ ባረዉ ያየናዋንታ፥ እ ካዉሻና።
PSA 55:20 ታ ላጊ ባረ ዳቦቱዋ ቆሀናዉ፥ ባረ ኩሽያ ደንꬄዳ፤ ኡንቱንቱና ጫቀቴዳ ጫቁዋ ኮሌዳ።
PSA 55:21 አ ሃሳያይ ኦይሳፐካ አꬌዳ ሹጋ፤ ሽን ባረ ዎዛናን ሞርኬዳ። አ ቃላቱ ዛይትያፐካ አꬊደ ዎሎላቲኖ፤ ሽን ኩሳ ማሻዳን ቃንጼድኖ።
PSA 55:22 ነ ቶኩዋ መꬍና ጎዳን ዎꬃ፤ እ ኔና ዘምፕሳና። ጾሳይ አዉደነ ጽሎቱ ሻባረታናዳን ኦና።
PSA 55:23 ሽን አቤት ጾሳዉ፥ ኔን ኢታ አሳቱዋ ጪሞ ኦላን ዱገ ኦላና። ሱꬃ ጉስያዋንቱነ ጭምያዋንቱ፥ ባረንቱ ደአና ላይꬃዉ ባጋነ ደእክኖ፤ ሽን ታን ኔናን አማነታና።
PSA 56:1 ዛማረቱዋ ካፖ የጸቴዳ፥ ፕልስጼማ አሳቱ አ ጋተ ግያ ካታማን ኦሞዴዳ ዎደ፥ ዳዊታ ማዝሙርያ። ሃኮ ሳን ዎላ ቦላን ኡቴዳ ዶጎማትስ ጌተቲደ ሱሱልያን የጸቴዳ ማዝሙርያ። አቤት ጾሳዉ፥ አሳቱ ታና የደርስያ ድራዉነ ጋላሳ ኡባንካ ታ ሞርከቱ ታና ኡንኤꬄዳ ድራዉ፥ ታዉ ቃረታ።
PSA 56:2 ታ ሞርከቱ ጋላሳ ኡባን ታና የደርሲኖ፤ ጮራቱ ኦቶሩዋን ታና ኡንኤꬂኖ።
PSA 56:3 ታን ያዬዳ ዎደ፥ ኔናን አማነታይ።
PSA 56:4 ታን ጾሳን አማነታይ፤ ታን አ ቃላ ጋላትያ ጾሳን አማነታይነ ያይከ። አሳይ ታና አያ ኦꬃኔ?
PSA 56:5 ጋላሳ ኡባን ታ ሞርከቱ፥ ታዉ መቱዋ መꬊኖ፤ ኡንቱንቱ ኡባ ገደ ታዉ ኢታባ ቆፒኖ።
PSA 56:6 ኡንቱንቱ ታ ቦላ ማቀቲኖ፤ ኩኩሊደ ዎቺኖነ ታ ኦግያ ናጊኖ፤ ታና ዎꬋናዉ ኮዪኖ።
PSA 56:7 ኡንቱንቱ ኢታተꬃ ድራዉ፥ ኡንቱንታ የዶፓ፤ ነ ሀንቁዋን ሄ አሳቱዋ ዝቂ ኦꬃ።
PSA 56:8 ኔን ታን ቶይላካቶዋ ፓይዳዳ። ታን ዎይሳ አፎꬃ ጉሳድታንቶ፥ ኔን ኤራሳ። ኡንቱንቱ ነ ማዝጎብያን ደእክኖ?
PSA 56:9 ታን ኔና ጼስያ ዎደ፥ ታ ሞርከቱ ጉየ ስማና። ጾሳይ ታ ባጋ ግድያዋ ታን ኤራይ።
PSA 56:10 ታን አ ቃላ ጋላትያ ጾሳይ፥ ታን አ ቃላ ጋላትያ መꬍና ጎዳ፥
PSA 56:11 ታን ሄ ጾሳን አማነታይ፤ ያይከ። አሳይ ታና አይ ኦꬃኔ?
PSA 56:12 አቤት ጾሳዉ፥ ታን፥ ነዉ ሺቀቴዳዋ ኦꬃና፤ ሄዋ ጋላታ ያርሹዋ ታን ነዉ እማና።
PSA 56:13 አያዉ ጎፐ፥ ኔን ታና ሀይቁዋፐ፥ ታ ገድያ ኩንደꬃፐ አሻዳ። ሄዋ ድራዉ፥ እ ፓጻ ደእያዋንቱ ቦላን ፖእስያ ፖኡዋን ጾሳ ስንꬃን ታን ሀመታይ።
PSA 57:1 ዛማረቱዋ ካፖ፥ ጎንጎሎ ግዶፐ ሳኦላፐ ባቃቲደ ብ ስምና ዳዊታ ዎሳ። “ꬋይሶፓ” ጌተትያ ዎሳን የጸቴዳ ዎሳ። ታና ማራ፤ አቤት ጾሳዉ፥ ታና ማራ፤ ታን ኔኮ ባቃታይ። ባሻይ አꬋና ጋካናዉ፥ ነ ቀፍያ ግዶን ባቃታደ አታይ።
PSA 57:2 ታን ኡባፐ ꬎቂያ ጾሳዉ፥ ታዉ ኡባባ ኦꬅያ ጾሳዉ ዋሳይ።
PSA 57:3 ጾሳይ ሳሉዋፐ ማዱዋ ኪቲደ፥ ታና አሻና፤ ታና ናቂያዋንታ ካዉሻና፤ ጾሳይ አገና ባረ ሲቁዋነ ባረ ቱማተꬃ ታዉ ኪታና።
PSA 57:4 ታን ታ ሞርከቱዋ ግዶን፥ አሳ ቦንቂደ ምያ ጋሙዋ ማላቱዋ ግዶን ደአይ። ኡንቱንቱ አቻይ ቶራነ ዎንዳፍያ ማላ፤ ኡንቱንቱ እንጻርሳይ ኩሳ ማሻ ማላ።
PSA 57:5 አቤት ጾሳዉ፥ ኔን ሳሎቱዋፐ ቦላና ꬎቁ ꬎቁ ጋ፤ ነ ቦንቹ ሳኣ ኡባ ቦላ ደኦ።
PSA 57:6 ኡንቱንቱ ታ ገድያዉ ጲርያ ዎꬄድኖ፤ ታን መቶታደ ሆካድ። ኡንቱንቱ ታ ኦግያን ኦላ ቦኬድኖ፤ ሽን ሄ ኦላን ባረንቶ ኩንዴድኖ።
PSA 57:7 ታ ዎዛናይ ምኒደ ደኤ፤ አቤት ጾሳዉ፥ ታ ዎዛናይ ምኒደ ደኤ። ታን ነዉ የጻናነ ኔና ሳባና።
PSA 57:8 ታ ሸምፓቴ፥ ቤጎታ! ዲꬃዉነ ማስንቆ፥ ቤጎትተ! ታንካ ዎንታ ጉራና ቤጎታና።
PSA 57:9 አቤት ጾሳዉ፥ ታን ኔና አሳ ግዶን ጋላታና፤ ቃይ ካዉተꬃ ግዶን ኔና ሳባና።
PSA 57:10 አያዉ ጎፐ፥ አገና ነ ሲቁ ዎልቃማ፤ ሳሎቱዋ ጋኬዳ። ነ ቱማተꬃይካ ቦላ ሻርያዳን ꬎቄ።
PSA 57:11 አቤት ጾሳዉ፥ ሳሎቱዋፐ ቦላና ꬎቁ ꬎቁ ጋ! ነ ቦንቹ ሳኣ ኡባ ቦላ ግዶ።
PSA 58:1 ዛማረቱዋ ካፖ የጸቴዳ፥ ዳዊታ ዎሳ። “ꬋይሶፓ” ጌተትያ ማዝሙርያ ዋጹዋን የጸቴዳ ዎሳ። ህንተኖ ደርያ ሞድያዋንቶ፥ ቱሙዋፐ ልክያ ሃሳዪቴ? አሳ ኡባ ግዶን ጽሉዋ ፕርዲቴ?
PSA 58:2 ግደና፥ ህንተ ዎዛናን ኢታባ ሀልቺታ፤ ቢታን ህንተ ኩሺ ማካላባ ኦꬄዳ።
PSA 58:3 ኢታ አሳይ አት ኡሉዋፐ ዶሚደ ባሌ፤ የለቶደፐ ዶሚደ፥ ባይዜነ ዎርዱዋ ሃሳዬ።
PSA 58:4 ኡንቱንቱ ሾሻዳን ይሻና ደኢኖ፤ ቱለ ሀሱዋዳን ሀይꬃ ቱጬድኖ።
PSA 58:5 ብትያዌ አይ ኬሻ ሂላንቻ ግዶፐካ፥ ሀሱ አ ሳሱከꬃ ስሰና።
PSA 58:6 አቤት ጾሳዉ፥ ኡንቱንቱ አቻ ኡንቱንቱ ጋፓታ ግዶን መንꬃ፤ አቤት መꬍና ጎዳዉ፥ ጋሞቱዋ ካስልያ ꬉካ።
PSA 58:7 ኡንቱንቱ ጎግ ꬋይያ ሃꬃዳን ꬋይኖ። ኡንቱንቱ ባረንቱ ዎንዳፍያ ዱክያ ዎደ፥ ፖꬃ ጼራን ጫድያ አይፊ ꬋዮ።
PSA 58:8 ኡንቱንቱ ሙሺደ ሳሶ ከስያ ꬋꬍያዳን ሀንኖ፤ አት ኡሉዋፐ ቦሸቲደ የለቴዳ፥ ፖኡዋ በኤና ናኣዳን ሀንኖ።
PSA 58:9 ኡንቱንቱ አጉንꬃ ግዲደ ዳሻናፐ ካሰ፥ ኡንቱንቱ ብሮ ፑትያን ደእሽን፥ ጾሳይ ኡንቱንታ ባረ ሀንቁዋን ꬋይሳና።
PSA 58:10 ሀሉዋ ከስያዋ በእያ ዎደ፥ ጽሎቱ ናሸታና። ኢታቱዋ ሱꬃን ባረንቱ ገድያ ሜጨታና።
PSA 58:11 ሄ ዎደ አሳይ፥ “ቱሙካ ጽሎቶ ዎይቱ ደኤ፤ ቱሙካ ሳኣ ቦላ ፕርድያ ጾሳይ ደኤ” ያጋና።
PSA 59:1 ዛማረቱዋ ካፖ የጸቴዳ፥ ዳዊታ ዎꬋናዉ አ ጎልያ ናጋና ማላ ሳኦል አሳቱዋ ኪት ስምና ዳዊታ ማዝሙርያ። “ꬋይሶፓ” ጊደ ዲꬃ ጊግሱዋን የጸቴዳ ዎሳ አቤት ታ ጾሳዉ፥ ታ ሞርከቱዋፐ ታና አሻ፤ ታ ቦላ ደንድያዋንቱፐ ታና ናጋ።
PSA 59:2 ኢታ ኦꬅያዋንቱፐ ታና አሻ አካ፤ ሱꬃ ጉስያ አሳቱዋፐ ታና አሻ።
PSA 59:3 አቤት ጾሳዉ፥ ኡንቱንቱ ታና ዎꬋናዉ ኩኩሊደ ናግያዋ በአ! ሄ ዎልቃማ ኢታ አሳቱ ታ ቦላ ያኢኖ። አቤት መꬍና ጎዳዉ፥ ታ ባይዙዋ ድራዉ ዎይ ታ ናጋራ ድራዉ ግደና።
PSA 59:4 ኡንቱንቱ ታና ኦላናዉ ዎꬃ ጃምያዌ፥ ታ ባላ ድራሳ ግደና። ቤጎታ፥ ታኮ ሃ ያደ በአ።
PSA 59:5 አቤት ኡባፐ ዎልቃማ መታ ኡባ ጎዳ ጾሳዉ፥ እስራኤልያ ጾሳዉ፥ ካዉተꬃቱዋ ኡባ ፕርዳናዉ ቤጎታ፤ ማካላ ኦꬅያዋንታ ማሮፓ።
PSA 59:6 ኡንቱንቱ ኦማርሳን ስሚኖ፤ ካናቱዋዳን ቦጪደ፥ ካታማ ግዶን ዩዪኖ።
PSA 59:7 ሄኮ፥ ኡንቱንቱ ባረንቱ ዶናን ሃሳዪደ ሳልክኖ፤ ኡንቱንቱ እንጻርሳይ ማሻ ማላ። ኡንቱንቱ ብሮ፥ “ኦንነ ስሰና” ጊደ ቆፒኖ።
PSA 59:8 ሽን አቤት መꬍና ጎዳዉ፥ ኔን ኡንቱንቱ ቦላ ሚጫሳ፤ ካዉተꬃቱዋ ኡባ ቦላ ቅሊጫሳ።
PSA 59:9 ጾሳዉ፥ ኔን ታዉ ቆሰታ አትያ ሳኣ ግድያ ድራዉ፥ ታን ነ ዎልቃን አማነታይ።
PSA 59:10 ታ ጾሳይ አገና ባረ ሲቁዋን ታኮ ያና፤ ታ ጾሳይ ታ ሞርከቱዋ ጾንያዋ እ ታና በሳና።
PSA 59:11 ታ አሳቱ ዶገና ማላ፥ ኔን ኡንቱንታ ዎꬎፓ። አቤት ጾሳዉ፥ ኑ ጎንዳልያዉ፥ ነ ዎልቃን ኡንቱንታ ላላደ ጾና።
PSA 59:12 ኡንቱንቱ ባረንቱ ዶና ናጋራ ድራዉነ ባረንቱ እንጻርሳ ቃላ ድራዉ፥ ባረንቱ ኦቶሩዋን ኦይቀትኖ። ኡንቱንቱ ሸቃ ድራዉነ ኡንቱንቱ ሃሳይያ ዎርዱዋ ድራዉ፥
PSA 59:13 ነ ሀንቁዋን ኡንቱንታ ꬋይሳ። ጾሳይ ያቆባ ዛራቱዋ ሞድያዋነ ሳኣ ጋጻ ጋካናዉ ደእያ ቢታ ሞድያዋ አሳይ ኤራና ማላ፥ ኡንቱንታ ሙለ አተናዳን ꬋይሳ።
PSA 59:14 ታ ሞርከቱ ኦማርሳን ስሚኖ፤ ካናቱዋዳን ቦጪደ፥ ካታማ ግዶን ዩዪኖ።
PSA 59:15 ኡንቱንቱ ምያዋ ደማናዉ ቶይላካቲኖ፤ ካላና ꬋዮፐ ላዊኖ።
PSA 59:16 ሽን ታን ነ ዎልቃ ሳባና፤ ዎንታ አገና ነ ሲቁዋባ የጻና። አያዉ ጎፐ፥ ኔን ታዉ ታ ዋይያ ጋላስ፥ ታን ባቃታ አትያ ሳነ ቆሰታ አትያሳ ግዳዳ።
PSA 59:17 አቤት ታዉ ዎልቃ ግዴዳ ጾሳዉ፥ ታን ኔና ሳባና። አያዉ ጎፐ፥ ታን ቆሰታ አትያ ሳአይነ አገና ሲቁዋ ታና በስያ ጾሳይ ኔና።
PSA 60:1 ዛማረቱዋ ካፖ፥ ማስጰጾምያንነ ሶባላን ደኤዳ ሶርያ አሳቱዋና ኦለቴዳ ዎደነ፥ ዮኣብ ጉየ ስሚደ ማጽንያ ዛንጋራን ታማነ ላኡ ሻኡ አሳ ዎꬌዳ ዎደ፥ ዳውት ትምርትያዉ ጻፌዳ ዎሳ። አድልያ ጪሻ ዋꬃ. ማርካተꬃ ዎሳ። አቤት ጾሳዉ፥ ኔን ኑና አጋዳ፤ ኑና መንꬃዳ። ኔን ኑና ሀንቀታዳ፤ ሽን ሀእ ኑኮ ስማ።
PSA 60:2 ኔን ቢታ ቃꬃዳነ ዛእሳዳ፤ ቢታይ ኮኮርያ ድራዉ፥ ኔን አ ዛኡዋ ባራ።
PSA 60:3 ኔን ነ አሳ መቱዋ በሳዳ፤ ኔን ኑና ጋንድጋርስያ ዎይንያ ኡሻዳ።
PSA 60:4 ነዉ ያይያዋንቱ፥ ባረንቱ ሞርክያ ዎንዳፍያፐ አታና ማላ፥ ማላ እማዳ።
PSA 60:5 ኔን ሲቅያዋንቱ አታና ማላ፥ ነ ኡሸቻ ኩሽያን ኑና አሻ፤ ኔን ኑዉ አላ።
PSA 60:6 ጾሳይ ባረ ጌሻ ሳኣን ሀዋዳን ያጌዳ፤ “ታን ጾናደ ሰኬማ ቢታ ሻካና፤ ቃይ ሱኮታ ዛንጋራ ልካና።
PSA 60:7 ጋላኣደ ታዋ፤ ምናሰካ ታሳ፤ ኤፍሬም ታ ሁጲያ ናግያ ቆብያ፤ ይሁዳይ ታ ካዉተꬃ ጻምኣ።
PSA 60:8 ሞኣበ ታን ሜጨትያ ኩይጻሩዋ፤ ኤዶም ታዋ ግድያዋ ኤርሳናዉ ታ ጫማ አ ቦላ ዎꬃይ፤ ታን ፕልስጼማ ጾናደ ገሬራይ” ያጌዳ።
PSA 60:9 ግምበቴዳ ካታማኮ፥ ታና ኦኔ አፋናዌ? ኤዶማ ጋካናዉ ታና ኦኔ ካለꬃናዌ?
PSA 60:10 አቤት ጾሳዉ፥ ኑና አጌዳዌ ኔና ግድኪ? አቤት ጾሳዉ፥ ኔን ኑ ቶራንቻቱዋና ኦላዉ ከሳካ።
PSA 60:11 አሳ ማዱ ፓና ድራዉ፥ ሞርክያና ኦለታናዉ ኔን ኑና ማዳ።
PSA 60:12 ጾሳ ዎልቃን ኑ ሞርከቱዋ ኑን ጾናና፤ ኑ ሞርከቱዋ የꬋናዌ አ።
PSA 61:1 ዳዊተ ዛማረቱዋ ካፖ ዲꬃን የጼዳ ማዝሙርያ አቤት ጾሳዉ፥ ኔን ታ ዋሱዋ ስሳ፤ ታ ዎሳ ሀይዛ።
PSA 61:2 ታ ዎዛናይ ህዶታ ቃንጾ ዎደ፥ ታን ቢታ ጋጻፐ ኔና ጼሳይ። ታፐ ꬎቂያ ዛላኮ፥ ታና ካለꬃ።
PSA 61:3 አያዉ ጎፐ፥ ኔን ታዉ ጌሱዋነ ታን ታ ሞርከቱዋፐ ናገትያ ግምቢያ ድርሳ።
PSA 61:4 ታን ነ ዱንካንያን መꬍናዉ ደአርክታ! ታን ነ ቀፍያ ሀጳ ግዶን ሳሮ አታርክታ!
PSA 61:5 አቤት ጾሳዉ፥ ኔን ታ ቃንገꬃ ስሳዳ። ነ ሱንꬃ ያይያዋንቱ ላትያ ላታ ታዉካ እማዳ።
PSA 61:6 ካትያ ላይꬃ አዱሳ፤ እ የለታፐ የለታ ጋካናዉ ደኦ።
PSA 61:7 እ ጾሳ ስንꬃን መꬍናዉ ካተቶ፤ አገና ነ ሲቁዋንነ ነ ቱማተꬃን አ ናጋ።
PSA 61:8 ያትያዋ ግዶፐ፥ ታን ታ ቃንገꬃ ጋላሳን ጋላሳን ጋꬃደ፥ ነ ሱንꬃ ኡባ ገደ ሳባና።
PSA 62:1 ዳዊተ ዛማረቱዋ ካፑዋ ጁዱቶ የጼዳ ማዝሙርያ። ጾሳ ጻላላን ታን ሸምፑዋ ደማድ፤ ታ አቶተꬃይ አፐ ዬ።
PSA 62:2 አ ጻላላይ ታ ዛላነ ታ አቶተꬃ፤ እ ታን ቆሰታ አትያ ሳኣ ግድያ ድራዉ፥ አይነ ህርግከ።
PSA 62:3 ዎድያ ጎዳነ ቃጽያ ድርሳ ማላትያ አሳ ዎꬋናዉ፥ ህንተ አዉደ ጋካናዉ ደንዲቴ?
PSA 62:4 ኡንቱንቱ አ ቦንቾ ሳኣፐ አ ዎꬃናዋ ጻላላ ኮዪኖ፤ ኡንቱንቱ ዎርዱዋን ናሸቲኖ። ባረንቱ ዶናን አንጂኖ፤ ሽን ባረንቱ ዎዛናን ሸቂኖ።
PSA 62:5 ታ ሸምፓታ ጾሳ ጻላላን ሸምፑዋ ደማዱ፤ ታን ህዶታን ናግያዌ አፐ ዬ።
PSA 62:6 አ ጻላላይ ታ ዛላነ ታ አቶተꬃ፤ እ ታን ቆሰታ አትያ ሳኣ ግድያ ድራዉ፥ አይነ ህርግከ።
PSA 62:7 ታ አቶተꬃይነ ታ ቦንቹ ጾሳና፤ እ ታ ምኖ ዛላነ ታ ጌሱዋ።
PSA 62:8 አሳዉ፥ ኡባ ዎደ ጾሳን አማነትተ፤ እ ኑዉ ጌሱዋ ግድያ ድራዉ፥ ህንተ ዎዛና ቆፋ አዉ ኦድተ።
PSA 62:9 አሳይ ኡባይ እት ገደ ሸምፕያ ጫርኩዋ ማላ፤ ꬎቂና ዝቂና፥ አሳይ መላ። ሚዛንያን ዎꬅናካ ኡንቱንቱ አይነ ዴጽክኖ፤ ኡንቱንቱ እት ገደ ሸምፕያ ጫርኩዋፐካ ካዉሺኖ።
PSA 62:10 ማካላን ሺሾዋን አማነቶፕተ፤ ዉእ ሺሺደ ዱረታናዉ ሀልቾፕተ። ህንተ ዱረተꬃይ ዳሮፐካ፥ ህንተ ዎዛና አ ቦላ ዎꬆፕተ።
PSA 62:11 ጾሳይ እት ገደ ኦዴዳ፥ ታን ላኡ የዉዋ ስሳድ፤ “ዎልቃይ ጾሳሳ።
PSA 62:12 አገና ሲቁ ጎዳዋ” ያጌዳ። አቤት ጾሳዉ፥ ኔን አሳ ኡባዉ አ ኦሱዋዳን ኦሱዋዳን ዛራና።
PSA 63:1 ይሁዳ ባዙዋን ደእያ ዎደ ዳዊታ ማዛሙርያ አቤት ጾሳዉ፥ ኔን ታ ጾሳ፤ ታ ዎዛናይ ኔና ላሞቴ፤ ታ አሹካ ኔና አሞቴ። መል ዛኤዳ፥ ሃꬅ ባይና ቢታዳን ታ ኩመንꬃ አሳተꬃይ ኔና ሳመቴ።
PSA 63:2 ታን ኔና ጌሻ ሳኣን በኣድ፤ ነ ዎልቃካ ነ ቦንቹዋካ ታን በኣድ።
PSA 63:3 አገና ነ ሲቁ ደኡዋፐ ሎእያ ድራዉ፥ ታ እንጻርሳይ ኔና ቦንቻና።
PSA 63:4 ታ ደኡዋ ላይꬃን ታን ኔና ጋላታና፤ ነ ሱንꬃን ታ ኩሽያ ፑደ ምጫና።
PSA 63:5 አሳይ ሎኦ ቁማ ካልያዋዳን፥ ታ ሸምፓታ ኔናን ካላና። ታን ታ እንጻርሳን ናሸቻ የꬃን ኔና ጋላታና።
PSA 63:6 ታን ታ ግሱዋን ኔና ሀሳያይ፤ ቃማ ኡባን ነባ ቆፓይ፤
PSA 63:7 አያዉ ጎፐ፥ ኔን ታና ማዴዳዋ። ታን ነ ቀፍያ ኩዋን ኡታደ፥ ናሸቻዉ የጻይ።
PSA 63:8 ታን ነ ማታ ሺቃ ኡታይ፤ ነ ኡሸቻ ኩሺ ታና ኦይቂደ ናጌ።
PSA 63:9 ሽን ታና ዎꬋና ኮይያዋንቱ፥ ቢታ ጋርሳ ጪሞ ሳኣን ሞገታና።
PSA 63:10 ኡንቱንቱ ማሻዉ አꬊደ እመታና፤ ኡንቱንቱ ባባርቂያ ካተ ግዳና።
PSA 63:11 ሽን ካቲ ጾሳን ናሸታና። ጾሳ ሱንꬃን ጫቂያ ኡባይ አ ጋላታና፤ ሽን ዎርዱዋ ሃሳይያዋንቱ ዶናይ ጎርደታና።
PSA 64:1 ዛማረቱዋ ካፖ የጸቴዳ፥ ዳዊታ ማዛሙርያ አቤት ጾሳዉ፥ ታን ማጋንያ ማጋና ኔን ስሳ። ታን ታ ሞርከቶ ያያድ፤ ታና አሻ።
PSA 64:2 ኢታቱዋ ማቁዋፐነ፥ ኢታ ኦꬅያዋንቱ ሽቁዋፐ ታና ገንꬃ።
PSA 64:3 ኡንቱንቱ ባረንቱ እንጻርሳ ማሻዳን ሌፌድኖ፤ ቃይ ማርዘ ቃላቱዋ፥ ዎንዳፍያ ፖꬃዳን ዱካናዉ ጊግሴድኖ።
PSA 64:4 ኡንቱንቱ ቆሰቲደ፥ ባረንቱ ዎንዳፍያ ጽሎ አሳ ቦላ ዳፊኖ፤ አኬካይ ባይናን ዱኪኖ፤ ኡንቱንቱ ያይክኖ።
PSA 64:5 ኡንቱንቱ ባረንቱ ኢታ ማቆ እቱ እቱዋ ምንꬂኖ፤ ባረንቱ ጲርያ ቆስያሳ ዞረቲኖ። ኡንቱንቱ፥ “ኑና ኦን በአኔ?” ያጊኖ።
PSA 64:6 ኡንቱንቱ ኢታባ ማቀቲደ፥ “ኑን ሎኦ ማቁዋ ማቀቴዶ” ያጊኖ። ሄዌነ፥ አሳዉ ዎዛናይነ ካሀይ ጪማ ግድያዋ በሴ።
PSA 64:7 ሽን ጾሳይ ኡንቱንታ ባረ ዎንዳፍያን ዱካና፤ ኡንቱንቱ አኬከናን ማዱጻና።
PSA 64:8 ኡንቱንቱ ማቁዋ ድራዉ፥ እ ኡንቱንታ ꬋይሳና፤ ኡንቱንታ በእያ ኡባይ ሁጲያ ቃꬃና።
PSA 64:9 ሄ ዎደ አሳይ ኡባይ ጾሳዉ ያያና፤ አ ኦሱዋባ ኦዳናነ ዛር ዛሪደ ቆፓና።
PSA 64:10 ጽሎቱ መꬍና ጎዳን ናሸትኖነ፥ አኮ ባቃቲደ አቲኖ፤ ዎዛና ሱረቱ ኡባይ ጋላትኖ።
PSA 65:1 ዛማረቱዋ ካፖ የጸቴዳ፥ ዳዊታ ማዛሙርያ፥ ሳባ አቤት ጾሳዉ፥ ጽዮነን ነዉ ጋላታይ በሴ፤ ኑን ነዉ ሺቀቴዳዋካ ጋꬃና።
PSA 65:2 አቤት ዎሳ ስስያዎ፥ አሳይ ኡባይ ኔኮ ያና።
PSA 65:3 ኑ ናጋራይ ኑና ሙኬዳ ዎደ፥ ነ ኑዉ አቶተꬃ እማዳ።
PSA 65:4 ኔን ዶሬዳነ ነ ችሎታን ኡታናዉ ማታ ሺሽያ አሳይ አንጀቴዳዋ። ኑን ነ ሶን፥ ጌሻ ዱንካንያን ደእያ ሎኦባን ኩሜዶ።
PSA 65:5 አቤት ኑና አሽያ ጾሳዉ፥ ማላልስያ ነ ጽሎ ኦሱዋን ኔን ኑዉ አላሳ። ሳኣ ጋጻፐ ጋጻ ጋካናዉ፥ ሃኮ አባቱዋፐካ ሄፍንꬃን ደእያ አሳ ኡባዉ፥ አማነትያዌ ኔና።
PSA 65:6 ኔን ኔና ዎልቃ ዳንጭሳደ፤ ዎልቃማ ደረቱዋ ነ ምኖተꬃን ኤሳዳ።
PSA 65:7 ኔን አባ ኮሻነ፥ ቤታ ጉንꬃ ስርጵ ኦꬃሳ፤ ቃይ አሳይ ደንድያ ደንዱዋ እርጽሳሳ።
PSA 65:8 ሄዋዳን ኔን ኦꬄዳ ማላታ ድራዉ፥ ሳኣ ጋጻ ጋካናዉ ደእያ አሳይ ኡባይ ነዉ፥ “ሆላ!” ጌ። አዋይ ሞክያሳፐ ዉልያሳ ጋካናዉ ደእያ አሳ ኡባ ናሸቻዳ።
PSA 65:9 ኔን ቢታ ናጋደ እራ ቡክሳሳ፤ ያታደ ዳሮ ቱኤያሳ። አሳዉ ካꬃይ ሞካና ማላ፥ ጾሳ ፑልቶቱ ሃꬃን ኩሜድኖ፤ ሄዋዳን ኦꬃደ ኔን ጊግሳዳ።
PSA 65:10 ካቻ ዎꬋና ማላነ ጉሉዋ ሹግሳና ማላ፥ ኔን ያፋራን ሃꬃ ኩንꬃሳ፤ ካꬃይ ሞካና ማላ አንጃሳ።
PSA 65:11 ላይꬃ ካሎ ላይꬃ ኦꬃሳ፤ ኔን አꬍያ ሳአይ ኡባይ ኩም ፓላሄ።
PSA 65:12 ኔን ሄንꬃ ሳኣ ማታን ኩንꬃሳ፤ ዞዘቱዋካ ናሸቻ ዳንጭሳሳ።
PSA 65:13 ኔን ሄንꬃ ጋድያ ዶርሳ ዉድያ ማይዛሳ፤ ዛንጋራ ቢታካ ካꬃ ኩንꬃ። ኡንቱንቱ ናሸቻዉ ሆምቦጪኖነ የጺኖ።
PSA 66:1 ዛማረቱዋ ካፖ የጸቴዳ ሳባ፥ ማዛሙርያ ሳኣን አሳ ኡባዉ፥ ህንተ ቃላ ꬎቂሲደ፥ ናሸቻን ጾሳ ጋላትተ።
PSA 66:2 “ጾሳ ሱንꬃይ ቦንቼቶ!” ጊደ የጽተ፤ ቦንቾ ጋላታ አዉ እምተ።
PSA 66:3 ጾሳዉ ሀዋዳን ያግተ፤ “ነ ኦሶቱ ዋን ማላልስያዋንቴ! ነ ዎልቃይ ዳሬዳ ድራዉ፥ ነ ሞርከቱ ያሻዉ ነ ስንꬃን ኮኮሪኖ።
PSA 66:4 ሳኣን ደእያ ኡባቱ ነዉ ጎይኒኖ፤ ኔና ሳቢኖ፤ ነ ሱንꬃዉ ጋላታ የጺኖ” ያግተ።
PSA 66:5 ሃይተ፤ ጾሳይ ኦꬄዳዋ በእተ፤ እ አሳ ግዶን ማላልስያ ኦሱዋ ኦꬄዳ።
PSA 66:6 እ አባ ሃꬃ ሻኬዳ፤ ቃይ በን ኑ አዎቱ ዮርዳኖሳ ሻፋ፥ ባረንቱ ገድያን ሀመቲደ፥ መላ ቢታን ፕኔድኖ። ሄዋን እ ኦꬄዳባን ኑን ናሸቴዶ።
PSA 66:7 እ ባረ ዎልቃን መꬍናዉ ሞዴ። ካዉተꬃቱዋ ባረ አይፍያን ጼሌ፤ ሄዋ ድራዉ፥ ማካልያዋንቱ አ ቦላ ደንዶፕኖ።
PSA 66:8 አሳቶ፥ ኑ ጾሳ ጋላትተ፤ ህንተ አ ጋላትያ ጋላታይ ስሰቶ።
PSA 66:9 እ ኑና ፓጻ ዎꬄዳ፤ ኑን ኩንደናዳን ናጌዳ።
PSA 66:10 አቤት ጾሳዉ፥ ኔን ኑና ፓጫዳ፤ ብራ ጌሻናዉ ታማን ፓጭያዋዳን፥ ኑና ጌሻዳ።
PSA 66:11 ኔን ኑና ጲርያን ገልሳዳ። ኑ ዞኩዋንካ ዴጾባ ቶሳዳ።
PSA 66:12 ሞርከቱ ኑ ሁጲያን ቶጋናዳን ኦꬃዳ። ኑን ሃꬃ ግዱዋናነ ታማ ግዱዋና አꬌዶ፤ ሽን ሀእ ኑና እሻልያ ሳ አሃዳ።
PSA 66:13 ታን ጹግያ ያርሹዋና ነ ጎልያ ገላደ፥ ታ ቃንግያ ነዉ ጋꬃና።
PSA 66:14 ታን መቶቴዳ ዎደ፥ ታ ዶናን ሺቀቴዳ ቃንግያ፥ ታ እንጻርሳፐ ከሴዳዋ፥ ታን ጋꬃና።
PSA 66:15 ታን ነዉ ጹጊደ ያርሽያ፥ ዶርሳ ኦርገቱዋ ሺሻና። ኮሩማ ቦራቱዋነ ዴሻ ኦርገቱዋ ነዉ ያርሻና፤ ሄ ያርሾቱዋ ጩዋይ ሳሉዋ ጋካና።
PSA 66:16 ህንተኖ፥ ጾሳዉ ያይያዋንቶ፥ ኡባቱ ሃ ዪደ፥ ስስተ። ጾሳይ ታዉ ኦꬄዳዋ ታን ህንተዉ ኦዳና።
PSA 66:17 ታ ቃላ ꬎቁ ኦꬃደ ታን ጾሳ ዎሳድ፤ ታ እንጻርሳን አዉ ጋላታ ሺሻድ።
PSA 66:18 ታን ታ ዎዛናን ናጋራ ገንꬄደንቶ፥ ጎዳይ ታና ስሰና።
PSA 66:19 ሽን ጾሳይ ቱሙዋፐ ታና ስሴዳ፤ ታ ዎሳካ ሀይዜዳ።
PSA 66:20 ጾሳይ ታ ዎሳ እጽቤና ድራዉ፥ ቃይ አገና ባረ ሲቁዋ ታዉ ድግቤና ድራዉ፥ ጋላቴቶ።
PSA 67:1 ዛማረቱዋ ካፖ የጸቴዳ፥ ዲꬃን ዋጸቴዳ ማዝሙርያ፥ ሳባ ጾሳይ ኑዉ ቃረቶነ ኑና አንጆ፤ ባረ ሶምእያ ኑ ቦላን ፖእሶ።
PSA 67:2 ነ ኦገቱ ሀ ሳኣ ቦላን፥ ነ አሽያ ዎልቃይካ፥ ካዉተꬃቱዋ ኡባ ግዱዋን ኤረትኖ።
PSA 67:3 አቤት ጾሳዉ፥ አሳይ ኔና ጋላቶ፤ አሳይ ኡባይ ኔና ጋላቶ።
PSA 67:4 ካዉተꬃቱ ኡባይ፥ “ሀሹ!” ጊደ፥ ናሸቻዉ ዪኖ። አያዉ ጎፐ፥ ኔን አሳ ጽሎተꬃን ፕርዳሳ፤ ቃይ ሳኣን ደእያ ካዉተꬃቱዋ ካለꬃሳ።
PSA 67:5 አቤት ጾሳዉ፥ አሳይ ኔና ጋላቶ፤ አሳይ ኡባይ ኔና ጋላቶ።
PSA 67:6 ቢታይ ካꬃ ሞኬዳ፤ ጾሳይ፥ ኑ ጾሳይ ኑና አንጄዳ።
PSA 67:7 ጾሳይ ኑና አንጄዳ። ሳኣ ጋጻ ጋካናዉ ደእያ አሳይ ኡባይ አዉ ያዮ።
PSA 68:1 ዛማረቱዋ ካፖ የጸቴዳ፥ ዳውት ጻፌዳ ማዛሙርያ፥ የꬃ ጾሳይ ደንዶ፤ አ ሞርከቱ ላለትኖ። አ እጽያዋንቱ አ ስንꬃፐ ባቃትኖ።
PSA 68:2 ጩዋይ ጫርኩዋን ፑነትያዋዳን፥ ኔን ኡንቱንታ ፑና ꬋይሳ። ሙቃዳይ ታማን ሙሽያዋዳን፥ ኢታቱ ጾሳ ስንꬃፐ ꬋይኖ።
PSA 68:3 ሽን ጽሎቱ ሀሹ ጊኖ፤ ጾሳ ስንꬃን ናሸትኖ፤ ናሸቻን እልልኖ።
PSA 68:4 ጾሳዉ የጽተ፤ አ ሱንꬃ ሳቢተ። ሻርያ ቦላን ጋልፍያዋ ꬎቁ ꬎቁ ኦꬅተ ከስተ፤ አ ሱንꬃይ መꬍና ጎዳ፤ አ ስንꬃን ናሸትተ።
PSA 68:5 ጾሳይ ባረ ደእያ ጌሻ ሳኣን፥ አዉ ባይና ናናቶ አዉዋ፤ ቃይ አስናይ ሀይቄዳ ማጫ አሳቶ ዳና።
PSA 68:6 ጾሳይ ባረካ ደእያዋንቶ ጎለ አሳ እሜ። ቃሾ ጎልያን ደእያዋንታ ብሊደ፥ ኡንቱንታ እሻሉዋን ዎꬄ። ሽን ማካላንቻቱ መሌዳ ቢታን ደኢኖ።
PSA 68:7 አቤት ጾሳዉ፥ ኔን ነ አሳ ካለꬄዳ ዎደ፥ ኔን ኡንቱንቱና መላ ባዙዋ ቤዳ ዎደ፥
PSA 68:8 ሲና ደርያን ቆንጬዳ ጾሳ ስንꬃን፥ እስራኤልያ ጾሳ ስንꬃን ቢታይ ቃጼዳ፤ ሳሎቱ እራ ዱገ ትጌድኖ።
PSA 68:9 አቤት ጾሳዉ፥ ኔን እራ ዳርሳደ ቡክሳዳ፤ መላ ቢታ ዛራደ ኦራꬃዳ።
PSA 68:10 ነ አሳይካ ያን ኡቴዳ። አቤት ጾሳዉ፥ ነ ኬካተꬃን፥ ህዬሳቶ ኮሽያባ ጊግሳደ እማዳ።
PSA 68:11 ጎዳይ ኪታ ኪቴዳ፤ ሄ ኪታ አፌዳ ማጫ አሳቱ ዳራ።
PSA 68:12 ኡንቱንቱ፥ “ሞርከ ካተቱነ ኡንቱንቱ ቶራንቻቱ ጉየ ባቃቴድኖ፤ ሶን አቴዳ ማጫ አሳቱ ኦሞዱዋ ሻከቴድኖ።
PSA 68:13 ኡንቱንቱ፥ ጶልያ ዎርቃ ቀፍያና ደእያ፥ ብራፐ መቴዳ ሀራጵያ ምስልያ፥ ኦሞዱዋ ደሞደ፥ ህንተንቱ፥ ዶርሳ ስኩዋ ግዶን አያዉ ግሴድቴ?” ያጌድኖ።
PSA 68:14 ኡባ ዳንዳይያ ጾሳይ፥ ካተቱዋ ላሌዳ ዎደ፥ ጻልሞና አሳ ቦላ ሻቻ ቡክሴዳ።
PSA 68:15 ባሳነ ደረቱ ዎጋ ዎልቃማ ደረቱዋ፤ ባሳነ ደረቱ ዳሮ ጼራቱ ደእያዋንታ።
PSA 68:16 ዳሮ ጼራቱ ደእያ ደረቶ፥ ጾሳይ ባረሳ ኦꬃናዉ ዶሬዳ አሳ፥ ህንተ አያዉ ቃናቲደ ጼሊቴ? መꬍና ጎዳይ አን መꬍናዉ ደአናዋ።
PSA 68:17 ጾሳ ኦላ ፓራ ጋረቱ ታሙ ሻኣንነ ሻኡ ገደ ሻአን ፓይደትያዋንታ፤ ጎዳይ ሲና ደርያፐ ባረ ጌሻ ሳኣ ዬዳ።
PSA 68:18 ኦሞደቴዳ ዳሮቱዋ አኪደ፥ እ ፑደ ꬎቃ ከሴዳ። አሳፐ፥ ሀራይ አቶ ማካላንቻ አሳፐካ እሙዋ አኬዳ። መታ ኡባ ጎዳይ ያን ደአና።
PSA 68:19 ጋላሳን ጋላሳን ኑ ቶኩዋ ቶክያ ጎዳይ፥ ኑና አሽያ ጾሳይ ጋላተቶ።
PSA 68:20 ኤ፥ ኑ ጾሳይ ኑና አሽያ ጾሳቴ! ሀይቁዋፐ አትያዌ፥ ኡባ ሞድያ መꬍና ጎዳይ አሽናዳ።
PSA 68:21 ጾሳይ ቱሙዋፐ ባረ ሞርከቱዋ፥ ጉግያ ክንቻና፤ ናጋራ ኦግያን ሀመትያ፥ ጎፋራንቻቱዋ ሁጲያ ጳልቃና።
PSA 68:22 ጎዳይ ያጌዳ፤ “ታን ህንተ ሞርከቱዋ፥ ባሳነፐ ዛራደ አሀና፤ ታን ኡንቱንታ ጪሞ አባ ግዶፐ ከሳደ ጉየ አሀና።
PSA 68:23 ሄዌነ፥ ኔን ነ ሞርከቱዋ፥ ሱꬃ ግዱዋና ጮልባያ የꬋደ ሀመታናሳነ፤ ነ ካናቱካ ሞርክያ ሱꬃፐ፥ ባረንቱ ግሹዋ እንጻርሳን ላጫናሳ” ያጌዳ።
PSA 68:24 አቤት ጾሳዉ፥ ነ ሳልፒ፥ ታ ጾሳ ታ ካትያ ሳልፒ፥ ጌሻ ጎልያ ገልያ ዎደ ኡባዉ ቤቴ።
PSA 68:25 የጽያዋንቱ ስንꬃና፤ ዲጽያዋንቱ ጉየና፤ ቃይ ካራቡዋ ባቂያ ዎዶሮቱ ግዱዋና።
PSA 68:26 ኡንቱንቱ፥ “ጾሳ ኩንꬄዳ ሺቁዋን ጋላትተ፤ ህንተኖ፥ እስራኤልያ ዘረꬃቶ፥ መꬍና ጎዳ ጋላትተ” ያጊኖ።
PSA 68:27 ሄ ሳልፕያን ኡባፐ ቴፋትያ፥ ቢንያማ ዛራቱ ኮይሮ ቤቲኖ። ካሊደ ይሁዳ ካፓቱ ባረንቱ ጭታና ደኢኖ፤ ዉርሰꬃን ዛብሎና ካፓቱነ ንፍታሌማ ካፓቱ ቤቲኖ።
PSA 68:28 አቤት ጾሳዉ፥ ነ ዎልቃ ቆንጭሳ። አቤት ኑዉ ኦꬄዳ ጾሳዉ፥ ነ ምኖተꬃ በሳ።
PSA 68:29 ሄዋ ድራዉ፥ የሩሳላመን ደእያ ነ ጌሻ ጎልያ ካተቱ ዪደ፥ ነዉ እሞታ እማና።
PSA 68:30 ዶኣዳን ማቃ ግዶን ደእያ ግብጼ አሳቱዋ ኔን ሴራ። ቦራቱዋነ ማራቱዋ ዉድያ፥ ማላትያ ካዉተꬃቱዋ ኔን የደርሳ። ኡንቱንቱ ጉልባቲደ፥ ባረንቱ ብራ ነዉ እማና ጋካናዉ፥ ኔን ኡንቱንታ ሴራ። ኦለታናዉ ዬሞትያ አሳቱዋ ላላ።
PSA 68:31 ኪተቴዳ ካፓቱ ግብጼፐ ያና፤ ቶጳታ ባረ ኩሽያ ኤለ ጾሳኮ ምጫና።
PSA 68:32 ህንተኖ፥ ሳኣ ካዉተꬃቶ፥ ጾሳዉ የጽተ፤
PSA 68:33 ሳሎቱዋን፥ በንፐ ደእያ ሳሎቱዋን ብያ ጎዳ ሳቢተ። ስስተ! እ ባረ ኮሻ፥ ባረ ዎልቃማ ጉንꬃ ኪቴ።
PSA 68:34 ጾሳ ዎልቃባ አዋይተ፤ አ አንጋይ እስራኤልያ ቦላና፤ አ ዎልቃይካ ሳሉዋና።
PSA 68:35 ጾሳይ ባረ ጌሻ ጎልያፐ ቆንጮደ፥ ማላልሴ። እስራኤልያ ጾሳይ ባረ አሳዉ ምኖተꬃነ ዎልቃ እሜ። መꬍና ጎዳይ ጋላተቶ።
PSA 69:1 ዛማረቱዋ ካፖ፥ ጪሻ ዋꬃ ግያ ዋጹዋን የጸቴዳ ዳዊታ ማዝሙርያ አቤት ጾሳዉ፥ ታና አሻ፤ አያዉ ጎፐ፥ ሃꬃይ ታዉ ቆꬍያ ጋኬዳ።
PSA 69:2 ገዲ ኤቂያ ሳአይ ባይና ጫርያን ሙከታድ፤ ጪሞ ሃꬃ ግዶ ገላድ፤ ሃꬃ ዙሉ ታ ቦላ ባና ሀኔ።
PSA 69:3 ማዶ ዋሳደ ዳቡራይ፤ ታ ኮቶኒካ መሌዳ። ታ ጾሳይ አሌ ጋደ ጼልሽን፥ ታ አይፊ ጋልጄዳ።
PSA 69:4 ታና ጮ እጽያዋንቱ፥ ታ ሁጲያ ብናናፐ ዳራ። ዎርዱዋን ታና ሞርክያዋንቱነ፥ ꬋይሳናዉ ኮይያዋንቱ ዳሬድኖ። ታን ዎልቃንꬃ አካቤና ሚሻ ታና ጭግሲኖ።
PSA 69:5 አቤት ጾሳዉ፥ ታ ባይዙዋ ኤያተꬃ ኔን ኤራሳ፤ ታን ኦꬄዳ ናጋራይ ኔፐ ቆሰተና።
PSA 69:6 አቤት ጎዳዉ፥ ኡባፐ ዎልቃማ መꬍና ጎዳዉ፥ ኔና ህዶታን ናግያዋንቱ፥ ታ ጋሱዋን ዬላቶፕኖ። አቤት እስራኤልያ ጾሳዉ፥ ኔኮ ሺቅያዋንቱ ታ ጋሱዋን ካዉሾፕኖ።
PSA 69:7 ታን ቦርያ ዳንዳዬዳዌነ ታ ሶምኢ ዬላ ማዬዳዌ ነ ድራሳ።
PSA 69:8 ታን ታ እሻቶ እማꬃ፥ ቃይ ታ አት ናናቶ አላጋ ግዳድ።
PSA 69:9 ታን ነ ጎልያዉ ሴለትያ ሴላይ፥ ታና ታማዳን ጉዴ፤ ኔና ቦርያዋንቱ ቦሪ ታ ቦላ ዎꬌዳ።
PSA 69:10 ታን ጾማደ፥ ታ ሁጲያ ካዉሼዳዌ፥ ታዉ ቅሊጩዋ ግዴዳ።
PSA 69:11 ታን ካዩዋ ማዩዋ ማዬዳ ዎደ፥ ኡንቱንቶ ቶሳዉ ግዳድ።
PSA 69:12 ካታማ ፐንግያን ኡትያዋንቱ ታና ቅሊጪኖ፤ ማꬆትያዋንቱ ታባ የꬃ ከሲኖ።
PSA 69:13 ሽን አቤት መꬍና ጎዳዉ፥ ታና ግዶፐ፥ ታን ኔና ዎሳይ። አቤት ጾሳዉ፥ ነ ዶስያ ዎድያን፥ አገና ነ ሲቁዋ ዳሩዋን፥ ኔን አሻና ጌዳዋዳን ታዉ ዛሩዋ እማ።
PSA 69:14 ጫርያን ሙከተናዳን ታና አሻ። ታና እጽያዋንቱፐ፥ ጪሞ ሃꬃቱዋፐ ኔን ከሳ አካ።
PSA 69:15 ሃꬃ ድኡዋን ታና አፍሶፓ፤ ዎይ ጪሞ ኦላን ታና ምትሶፓ፤ ዎይ ዱፉዋ ዶና ታ ቦላ ጎርድሶፓ።
PSA 69:16 አቤት መꬍና ጎዳዉ፥ አገና ነ ሲቁዋ ኬካተꬃዳን፥ ታዉ ዛሩዋ እማ። ነ ቃረታ ዳሩዋዳን ታኮ ስማ።
PSA 69:17 ታፐ ነ ቆማፐ ነ ሶምኡዋ ገንꬆፓ፤ ታን ዋየትያ ድራዉ፥ ታዉ ኤለ ዛሩዋ እማ።
PSA 69:18 ኔን ታኮ ሺቃ፤ ታና ዎዛ፤ ታ ሞርከቱዋፐ ታና ላአ ከሳ።
PSA 69:19 ታን ቦርያ፥ ዬላነ፥ ካዉሻ አኬዳዋ ኔን ኤራሳ። አያዉ ጎፐ፥ ታ ሞርከቱዋ ኡባ ኔን በኣሳ።
PSA 69:20 ቦሪ ታ ዎዛና ፓጸናዳን መንꬆ ድራዉ፤ ህዶታ ቃንጻድ። ታዉ ቃረትያዋ ኮያድ። ሽን እቱነ ባዋ፤ ታና ምንꬅያ አሳ ጼላድ፤ ሽን ደማበይከ።
PSA 69:21 ታን ኮሻቴዳ ዎደ፥ ታዉ ጫምያ ቁማ አꬄድኖ። ታን ሳመቴዳ ዎደ፥ ታዉ ጫላ ዎይንያ ኤሳ እሜድኖ።
PSA 69:22 ኡንቱንቱ ምያ ሳምፓይ ኡንቱንቶ ጲረ ግዶ። ኡንቱንቱ ያርሹዋ ያርሺደ፥ ምያ ግብራይ ኡንቱንቶ ግትያ ግዶ።
PSA 69:23 ጼለናዳን ኡንቱንቱ አይፊ ጎዘቶ፤ ኡንቱንቱ ጋዱዋ ኡባ ገደ ኮኮርሳ።
PSA 69:24 ነ ሀንቁዋ ኡንቱንቱ ቦላ ትጋ፤ ነ ሱሎ ሀንቁ ኡንቱንታ የደርሲደ ኦይቆ።
PSA 69:25 ኡንቱንቱ ካምቡ መላ ደኦ፤ ኡንቱንቱ ዱንካንያን ኦንነ ደኦፖ።
PSA 69:26 አያዉ ጎፐ፥ ኡንቱንቱ፥ ኔን ሙሬዳዋንታ የደርሲኖ፤ ቃይ ኔን ደቼዳዋንቱ ቱጋባ ደንꬂደ ሃሳዪኖ።
PSA 69:27 ኔን ኡንቱንቱ ናጋራ ቦላ ናጋራ ጉጃናዳን አጋ፤ ነ ማሮተꬃፐ ኡንቱንታ አያይነ ጋኮፖ።
PSA 69:28 ኡንቱንቱ ደኡዋ ማጻፋፐ ቁጨትኖ፤ ጽሎ አሳና ማዝጋበቶፕኖ።
PSA 69:29 ታን ሳከታደነ ቱጋታደ ደአይ። አቤት ጾሳዉ፥ ታና አሻደ፥ ሳሮ ሳኣን ዎꬃ።
PSA 69:30 ታን ጾሳ ሱንꬃ የꬃን ጋላታና፤ ጋላታ እሙዋን አ ዳርሳና።
PSA 69:31 ሄዌካ፥ ቦራ ያርሽያዋፐ ዎይ ካጫማ ኮሩማ ያርሽያዋፐ አꬊደ፥ መꬍና ጎዳ ናሸቻና።
PSA 69:32 ናቀቴዳዋንቱ ታና ጾሳይ፥ አሼዳዋ በኢደ ናሸትኖ። ህንተኖ ጾሳኮ ሺቅያዋንቶ፥ ህንተ ዎዛናይ ምነቶ።
PSA 69:33 አያዉ ጎፐ፥ መꬍና ጎዳይ ህዬሳቱዋ ስሴ፤ ቃሾ ጎልያን ደእያ ባረ አሳካ ካና።
PSA 69:34 ሳሉነ ሳአይ፥ ቃይ አባይነ አ ግዶን ዎጽ ቃጽያ ኡባቱ ጾሳ ጋላትኖ።
PSA 69:35 አያዉ ጎፐ፥ ጾሳይ ጽዮነ አሻና፤ ይሁዳ ካታማቱዋ ዛሪደ ኬጻና። አ አሳይ ያን ደአናነ ሄ ቢታይ ኡንቱንቱሳ ግዳናዋ።
PSA 69:36 አ ቆማቱዋ ናናቱ ሄ ቢታ ላታና፤ አ ሱንꬃ ሲቅያዋንቱ ያን ደአና።
PSA 70:1 ዛማረቱዋ ካፖ ዳዊታ ሀሳይስያዋ ማዛሙርያ። አቤት ጾሳዉ፥ ታና አሻናዉ ኤኖ ጋ፤ አቤት መꬍና ጎዳዉ፥ ታና ማዳናዉ ኤሌላ።
PSA 70:2 ታና ዎꬋናዉ ኮይያዋንቱ ዬላትኖነ ካዉሽኖ። ታን ቆሄታናዋ አሞትያዋንቱ፥ ካዉሺደ ጉየ ስምኖ።
PSA 70:3 ታ ቦላ፥ “አዉ ሀሹ! ሀሹ!” ጌዳዋንቱ ጾነቴዳ ድራዉ ዬላትኖ።
PSA 70:4 ሽን ኔና ኮይያ ኡባቱ፥ ኔናን ናሸትኖነ ሀሹ ጊኖ። ቃይ ነ አቶተꬃ ዶስያዋንቱ ኡባቱ፥ “ጾሳይ ግታቶ!” ያግኖ።
PSA 70:5 ታን ህዬሳነ መቶታንቻ፤ አቤት ጾሳዉ፥ ኤለ ታኮ ሃያ። ታና ማድያዌነ አሽያዌ ኔና፤ አቤት መꬍና ጎዳዉ፥ ጋምኦፓ።
PSA 71:1 አቤት መꬍና ጎዳዉ፥ ታን ኔኮ ባቃታይ፤ አዉደነ ታና ዬላዮፓ።
PSA 71:2 ነ ጽሎተꬃን ታና ዎꬃ አካ፤ ነ ሀይꬃ ታኮ የጋደ፥ ታና አሻ።
PSA 71:3 ኔን ታዉ ኡባ ዎደ ጌምያ ምኖ ዛላነ፥ ታና አሽያ ምኖ ጌሱዋ ግዳ። ታ አታና ማላ ነ አዛዛ። ኤ፥ ኔን ታ ዛላነ ታ ጌሱዋ።
PSA 71:4 አቤት ታ ጾሳዉ፥ ኢታቱዋ ኩሽያፐ፥ ኢታ ኦꬅያዋንቱፐነ ቃረት ባይና አሳቱዋ ዎልቃፐ ታና አሻ።
PSA 71:5 አያዉ ጎፐ፥ አቤት ኡባ ሞድያ መꬍና ጎዳዉ፥ ኔን ታን ህዶታን ናግያዋነ ታ ያላጋተꬃ ዎድያፐ ዶማደ፥ ታን አማነትያዋ ግዳዳ።
PSA 71:6 ታን የለትያ ዎድያፐ ዶማደ ኔናን ዘምፓድ፤ ታ አት ኡሉዋፐ ዎꬎደፐ ዶማደ፥ ኔን ታና ናጋዳ። ኡባ ገደካ ታ ጋላታይ ኔሳ።
PSA 71:7 ኔን ታዉ ባቃታ አትያ ዎልቃማ ሳኣ ግዴዳ ድራዉ፥ ታ ደኡ ዳሮ አሳዉ ሌምሶ ግዴዳ።
PSA 71:8 ጋላሳ ኡባን ታ ዶናይ፥ ነ ጋላታንነ ነ ቦንቹዋን ኩሜዳ።
PSA 71:9 ታን ጭሜዳ ዎድያን ታና ኦሎፓ፤ ታ ዎልቃይ እጼዳ ዎድያን ታና አጎፓ።
PSA 71:10 አያዉ ጎፐ፥ ታ ሞርከቱ ታ ቦላ ሃሳዪኖ፥ ታና ዎꬋናዉ ኮይያዋንቱ እትፐ ሺቂደ ማቀቲኖ።
PSA 71:11 ኡንቱንቱ፥ “ጾሳይ አ አጌዳ፤ የደርሲደ አ ኦይቄቶ። አያዉ ጎፐ፥ አ አሻናዌ ኦንነ ባዋ” ያጊኖ።
PSA 71:12 አቤት ጾሳዉ፥ ታፐ ኔን ሃኮፓ። አቤት ታ ጾሳዉ፥ ታና ማዳናዉ ኤሌላ።
PSA 71:13 ታና ሞትያዋንቱ ዬላቲደ ꬋይኖ። ታና ቆሀናዉ ኮይያዋንቱ፥ ዬላነ ካዉሻ ማይኖ።
PSA 71:14 ሽን ታና ግዶፐ፥ ኡባ ገደ ኔና ህዶታን ናጋና። ታን ጉጃ ጉጃደ ኔና ጋላታና።
PSA 71:15 ዎይሰንቶ ልክያ ኤራና ꬋዮፐካ፥ ታ ዶናይ ጋላሳ ኡባን ነ ጽሎተꬃባነ አሽያ ነ ኦሱዋባ ኦዳና።
PSA 71:16 ታን ኡባ ሞድያ መꬍና ጎዳ ዎልቃን ያና፤ ነ ጻላላይ ጽሎ ግድያዋ አዋያና።
PSA 71:17 አቤት ጾሳዉ፥ ኔን፥ ታ ያላጋተꬃፐ ዶማደ ታና ታማርሳዳ። ሀእ ጋካናዉ ታን ነ ማላልስያ ኦሱዋባ ኦዳይ።
PSA 71:18 አቤት ጾሳዉ፥ ነ ዎልቃነ ነ ምኖተꬃ፥ ይያ የለታ ኡባዉ ኦዳና ጋካናዉ፥ ታን ጭማደ ፑሉሞፐካ ታና አጎፓ።
PSA 71:19 አቤት ጾሳዉ፥ ነ ጽሎተꬃይ፥ ቦላ ሳሉዋ ጋኬዳ። አቤት ዎልቃማባ ኦꬄዳ ጾሳዉ፥ ነ ማል ኦንነ ባዋ።
PSA 71:20 ኔን ታ ቦላ ዳሮ መቱዋ አሃዳ፤ ግዶፐነ፥ ኔን ታ ደኡዋ ዛራደ ኦራጽሳና፤ ኔን ታና ቢታ ግዶ ጪሞ ኦላ ገለናዳን ናጋና።
PSA 71:21 ኔን ታ ቦንቹዋ ካሰዋፐ ዳርሳና፤ ኔን ታና ዛረꬃደካ ምንꬃና።
PSA 71:22 አቤት ታ ጾሳዉ፥ ነ ቱማተꬃ ድራዉ፥ ታን ኔና ዲꬃን ጋላታና። አቤት እስራኤልያ ጌሻዉ፥ ታን ማስንቁዋን ኔና ሳባና።
PSA 71:23 ታን ዲጻደ፥ ናሸቻዉ ታ ቃላ ꬎቁ ኦꬃደ የጻና፤ ኔን ታና አሼዳ ድራዉ፥ ታን ኔና ሳባና።
PSA 71:24 ታ እንጻርሳይ ነ ጽሎ ኦሱዋባ ኡባ ጋላስ ኦዳና፤ አያዉ ጎፐ፥ ታና ቆሀናዉ ኮይያዋንቱ፥ ዬላቴድኖነ ካዉሼድኖ።
PSA 72:1 ሶሎሞና የꬃ አቤት ጾሳዉ፥ ካቲ ነ ሱረተꬃን ፕርዳናዳን፥ ኔን አ ታማርሳ፤ ኑ ካትያዉ ነ ጽሎተꬃ እማ።
PSA 72:2 ያቶፐ፥ እ ነ አሳዉ ጽሎተꬃን ፕርዶ፤ ናቀቴዳዋንቶካ ሱረተꬃን ዳናቶ።
PSA 72:3 ደረቱ ሳሮተꬃ አይፍያ፥ ዞዘቱካ ጽሎተꬃ አይፍያ ነ አሳዉ አይፍኖ።
PSA 72:4 ሄ ካቲ አሳ ግዶን ናቀቴዳዋንቱ ድራዉ ሞተቶ፤ ህዬሳቱዋ እ አሾ፤ ኡቁንያዋንታ እ መንሬꬆ።
PSA 72:5 አዋይነ አግናይ ደእያ ዎደ ኡባን፥ የለታፐ የለታ ጋካናዉ፥ አሳይ አዉ ያዪኖ።
PSA 72:6 ካቲ ሾይቃን ቡክያ እራነ ጋድያ ካልስያ እራ ማላ ግዶ።
PSA 72:7 እ ደእያ ላይꬃ ኡባን ጽሉ ዳሻና፤ አግናይ ꬋያና ጋካናዉ ሳሮተꬃይ ዳራና።
PSA 72:8 አባፐ አባ ጋካናዉ፥ ቃይ ኤፍራጺሳ ሻፋፐ ሳኣ ጋጻ ጋካናዉ እ ሞዶ።
PSA 72:9 ባዙዋ አሳቱ አዉ ሆክኖ፤ አ ሞርከቱ ባና ላጭኖ።
PSA 72:10 ታርሴሳነ ሃꬃን ዶደቴዳ ቢታ ካተቱ፥ አዉ ጊራ ጊርኖ። ሼባነ ሳባ ካተቱ፥ አዉ እሞታ አይኖ።
PSA 72:11 ካተቱ ኡባይ አዉ ጉልባትኖ፤ ካዉተꬃቱ ኡባይ አዉ ኪተትኖ።
PSA 72:12 አ ጼስያ ህዬሳቱዋ፥ ናቀቴዳዋንታነ ማድያዌ ባይናዋንታ እ አሼ።
PSA 72:13 ህዬሳቶነ ማንቆቶ እ ቃረቴ፤ ህዬሳቱዋ ሸምፑዋ አሼ።
PSA 72:14 ኡንቱንታ ናቁዋፐነ ማካላፐ እ ዎዜ። ኡንቱንቱ ሱꬃይ አ ስንꬃን አልአ።
PSA 72:15 ካቲ ሸምፑዋ ጋምኦ፤ ሼባ ቢታ ዎርቃይ አዉ እመቶ። ፓጨናን አዉ ዎሳይ ዎሰቶ፤ ጋላሳ ኡባን እ አንጀቶ።
PSA 72:16 ቢታን ዳሮ ካꬃይ ሞኮ፤ ደረቱ ካꬃን ካመትኖ። ቢታይ ሊባኖሰ ደሪ ሞክያዋዳን ካꬃ ሞኮ፤ ማታይ ደምባ ኩምያዋዳን አሳይ ካታማ ኩሞ።
PSA 72:17 ካትያ ሱንꬃይ መꬍናዉ ደኦ፤ አዋይ ደኤዳ ኬሻ ኡባን ጼገቲደ፥ ጋምኦ። አሳይ ኡባይ አ ባጋና አንጀታና፤ ካዉተꬃቱ ኡባይ አ፥ “አንጀታ” ያጊደ አንጃና።
PSA 72:18 ማላልስያባ ባረካ ኦꬅያ መꬍና ጎዳ ጾሳዉ፥ እስራኤልያ ጾሳዉ ጋላታይ ግዶ።
PSA 72:19 አ ቦንቾ ሱንꬃይ መꬍናዉ ጋላተቶ፤ አ ቦንቹ ሳኣ ኡባ ኩሞ። አመንእ። አመንእ።
PSA 72:20 እሰይ ናኣ ዳዊታ ዎሳይ ሀዋን ፖለቴዳ።
PSA 73:1 አሳፋ የꬃ ጾሳይ እስራኤልያዉ ቱሙዋፐ ሎአ፤ ዎዛና ጌሻቶ እ ኬካ።
PSA 73:2 ሽን ታና ግዶፐ፥ ታ ገዲ፥ ꬉበታናዉ ጉꬃ አቴዳ፤ ታ ገዲ ሀልጻናዉ ማቴዳ።
PSA 73:3 አያዉ ጎፐ፥ ኢታ አሳቶ ሳሮተꬃይ ደእያዋ በኣደ፥ ሄ ኦቶራንቻቱዋ ዱረተꬃን ታን ቃናታድ።
PSA 73:4 ኡንቱንቶ ቱግ ባዋ። ኡንቱንቱ ቦላይ ፓጻነ ምና።
PSA 73:5 ኡንቱንቱ ሀራ አሳይ ቱጋትያዋዳን ቱጋትክኖ፤ ኡንቱንቱ ሀራ አሳዋዳን መቱዋን ሾጨትበይክኖ።
PSA 73:6 ሄዋ ድራዉ፥ ኡንቱንቱ ኦቶሩዋ፥ አሌቁዋዳን ቆꬍያን አꬂኖ፤ ማካላ አፍላዳን ማዪኖ።
PSA 73:7 ኡንቱንቱ ዎዛናይ ኢታባ ፑልቴ። ኡንቱንቱ ቆፋይ ኢታ ሀልቹዋ ኩሜዳ።
PSA 73:8 ኡንቱንቱ ቅሊጪኖነ ኢታባ ሃሳዪኖ፤ ኡንቱንቱ ባረንቱ ኦቶሩዋን፥ ሀራቱዋ ኡንኤꬃናዉ ናሲኖ።
PSA 73:9 ኡንቱንቱ ሳሉዋን ደእያ ጾሳ፥ ባረንቱ ዶናን ጫሺኖ። ሳኣን ደእያ አሳ ቦላካ፥ ባረንቱ እንጻርሳን ኦቶሩዋ ሃሳዪኖ።
PSA 73:10 ሀራይ አቶ፥ ጾሳ አሳይካ ኡንቱንቱኮ ስማና፤ ኡንቱንቱ ኦድያዋካ ኤለ አማናና።
PSA 73:11 ኡንቱንቱ፥ “ጾሳይ ኑባ አይነ ኤረና፤ ኡባፐ ꬎቂያ ጾሳይ አይነ በኤና” ያጊኖ።
PSA 73:12 ስም ኢታቱ ሀዋ ማላ፤ ኡንቱንቱ ኡባ ገደካ እንጀትና ደኢኖ፤ ኡንቱንቱ ጉጅ ጉጅ ዱረቲኖ።
PSA 73:13 ያቶፐ፥ ታን ታ ዎዛና ጌሻ ኦꬄዳዌነ ታን ታ ጽሎተꬃ በሳናዉ፥ ታ ኩሽያ ሜጨቴዳዌ ቱሙዋፐ መላ።
PSA 73:14 ጋላሳ ኩመንꬃን ታን መቱዋን ሾጨታድ፤ ዎንታን ዎንታን ሙረታድ።
PSA 73:15 ታን ኢታቱዋዳን፥ ኡንቱንቱ ግያዋ ጌደንቶ፥ ታን ነ አሳዉ አማነተናዋ ግዳና።
PSA 73:16 ታን ሀ ኡባ የዉዋ ኤራናዉ ቆፕያ ዎደ፥ ታዉ ኤረተና ዴጾባ ግዴዳ።
PSA 73:17 ሽን ታን ጾሳ ጌሻ ሳኣ ገሌዳ ዎደ፥ ኢታቱዋ ዉርሰꬃ ካጫ አኬካድ።
PSA 73:18 ኡንቱንታ ኔን ቱሙዋፐ ሀልጽያ ሳኣን ኡትሳሳ፤ ኔን ኡንቱንታ ኩንድሳሳነ ባይዛሳ።
PSA 73:19 ኡንቱንቱ አኬከናን ꬋዬድኖ፤ ዳጋማን እቱ አተናን ሙለ ዉሬድኖ።
PSA 73:20 እት አሳይ ቤጎትያ ዎደ፥ እ አኩሙዋን በኤዳባይ ዶገትያዋዳን፥ አቤት ጎዳዉ፥ ኔን ደንድያ ዎደ፥ ኡንቱንቱ ዶገታና።
PSA 73:21 ታን ይሎቴዳ ዎደነ ታ ዎዛናን ሴለቴዳ ዎደ፥
PSA 73:22 አይነ አኬከናን ዶንጭላድ፤ ታን ነ ስንꬃን ሚዛ ማላ ግዳድ።
PSA 73:23 ሽን ታን ኡባ ገደካ ኔናና ደአይ፤ ታ ኡሸቻ ኩሽያ ኔን ኦይቃዳ።
PSA 73:24 ነ ዞርያን ታና ካለꬃሳ፤ ሄዋፐ ጉይያን ኔን ታና ቦንቾ አፋና።
PSA 73:25 ታዉ ሳሉዋን ኔፐ አትና፥ ሀራይ ኦን ደኢ? ታን ኔፐ አትና፥ ሳኣን ሀራባ አያነ አሞትከ።
PSA 73:26 ታ ዎልቃይነ ታ ዎዛናይ ዳቡራናዉ ዳንዳዬ፤ ሽን ጾሳይ ታ ዎዛና ምንስያዋነ፥ መꬍናዉ ታና ጋኬዳ ሳማ።
PSA 73:27 ኔፐ ሃክያዋንቱ ꬋያና፤ ኔና አማነተናዋንታ ኡባ ኔን ዉርሳና።
PSA 73:28 ሽን ታና ግዶፐ፥ ታን ጾሳ ማታን ደእያዌ ታዉ ሎአ። ታን ኡባ ሞድያ መꬍና ጎዳ፥ ታዉ ባቃታ አትያ ሳኣ ኦꬃድ። ሄዋ ድራዉ፥ አ ኦሱዋ ኡባ ታን ኦዳና።
PSA 74:1 አሳፍ አኬካን ጻፌዳ ግንጹዋ አቤት ጾሳዉ፥ ኔን ኑና መꬍናዉ አያዉ አጋዲ? ነ ሀንቁ ነ ቆሩዋን ደእያ ዶርሳቱዋ ቦላ፥ አያዉ ሱሌዴ?
PSA 74:2 ኔን በን ዶሬዳ አሳ፥ ኔን ነዉ ቡዞ ኦꬃደ ዎዜዳ ዛራቱዋ ሀሳያ። ኔን ደኤዳ ጽዮነ ደርያ ቆፓ።
PSA 74:3 አነ ነ ጌሻ ጎሊ ኮለቴዳ ሳኣ ያደ ጼላ። ሞርከቱ አን ደእያባ ኡባ ꬋይሴድኖ።
PSA 74:4 ነ ሞርከቱ ነ ጌሻ ጎልያ ግዶን፥ “ኑን ጾኔዶ” ያጊደ ገሬሬድኖ። ጾኑዋ ማላታ ያጊደ፥ ባረንቱ ባንድራ ኤሴድኖ።
PSA 74:5 ኡንቱንቱ ምꬃ ቃንጻናዉ ባረንቱ ካልታ፥ ꬎቁ ኦꬂደ፥ ኤቄዳ አሳቱዋዳን ሀኔድኖ።
PSA 74:6 ኡንቱንቱ ማሰቴዳ ሳንቃ ኡባ፥ ባረንቱ ካልታንነ ማዶሻንነ መንꬅ የጌድኖ።
PSA 74:7 ጌሻ ጎልያ ታማን ጹጊደ ꬋይሴድኖ፤ ነዉ ጎይንያ ሳኣ ቱንሴድኖ።
PSA 74:8 ባረንቱ ዎዛናን፥ “ኡንቱንታ ኑን፥ ኡባና ꬋይሳና” ያጊደ ቆፔድኖ። ቢታን አሳይ ጾሳዉ ጎይንያ ሳኣ ኡባ ታማን ጹጌድኖ።
PSA 74:9 ሄ ዎደ ማላይ ኑዉ እመተናን እጼዳ፤ ትምቢትያ ኦድያዌ እቱነ ባዋ። ሀዋዳን ሀኒደ፥ ዎይሳ ዎድያ ደአነንቶ፥ ኤርያ አሳይ ኑ ግዶን እቱነ ባዋ።
PSA 74:10 አቤት ጾሳዉ፥ ነ ሞርከቱ፥ ዎይሳ ዎድያ ነ ቦላ ቅሊጫኔ? ኡንቱንቱ ነ ሱንꬃ መꬍናዉ ቦራኔ?
PSA 74:11 ነ ኩሽያ ሺሻ አካደ አያዉ ጋምአይ? ነ ኡሸቻ ኩሽያ ነ ቁማዩዋፐ ከሳደ ኡንቱንታ ꬋይሳ።
PSA 74:12 ግዶፐነ፥ አቤት ጾሳዉ፥ ኔን በንፐካ ታ ካትያ፤ ኔን ቢታ ቦላ አቶተꬃ አሃዳ።
PSA 74:13 ነ ዎልቃማ ዎልቃን ኔን አባ ሻካዳ፤ አ ግዶን ደእያ ዳዊያ ሁጰቱዋ ኔን ቆጻዳ።
PSA 74:14 ሌዋታና ግያ ዳዊያ ሁጰቱዋ ቆጻደ፥ አ አሹዋ ባዙዋን ደእያ መታቶ፥ ቁማ ኦꬃደ እሜዳዌ ኔና።
PSA 74:15 ኔን ፑልቶቱዋ ዶያ የዳዳ፤ ኡባ ገደ ጎግያ ሻፋቱዋ ቃይ መልሳዳ።
PSA 74:16 ጋላሳይ ነዋ፤ ቃማይካ ነዋ፤ ቃይ አዋነ አግና ኡንቱንቱ ሳኣን ዎꬄዳዌ ኔና።
PSA 74:17 ቢታዉ ዛዋ ዎꬄዳዌ፥ ባልጉዋነ ቦንያ መꬌዳዌ ኔና።
PSA 74:18 ሽን አቤት መꬍና ጎዳዉ፥ ነ ሞርከቱ፥ ኔና ዎት ቅሊጬድኖንቶ፥ ቦዛ አሳቱ ነ ሱንꬃ ዎት ቦሬድኖንቶ ሀሳያ።
PSA 74:19 ነዉ ሞደትያዋንቱ ሸምፑዋ ኢታ ሞርከቶ አꬃደ እሞፓ። መቶታንቻቱዋ መꬍናዉ ዶጎፓ።
PSA 74:20 ኑ ቢታን ደእያ ꬉማ ሳአይ ኡባይ፥ ማካላንቻቱዋን ኩሜዳ ድራዉ፥ ኔን ኑዉ ጫቄዳ ጫቁዋ ቆፓ።
PSA 74:21 ናቀቴዳዋንታ ዬላዮፓ፤ ህዬሳቱነ መቶታንቻቱ ነ ሱንꬃ ጋላትኖ።
PSA 74:22 አቤት ጾሳዉ፥ ደንዳ፤ ነ የዉዋ ሞተታ። ገዞ አሳቱ ጋላሳ ኡባን፥ ነ ቦላ ቅሊጬዳዋ ሀሳያ።
PSA 74:23 ነ ሞርከቱ ነ ቦላ ዋስያ ዋሱዋነ ኔና እጽያዋንቱ፥ ፓጭ ባይናን ቅሊጭያ ቅሊጩዋ ዶጎፓ።
PSA 75:1 ዛማረቱዋ ካፖ አሳፍ። “ꬋይሶፓ” ጌተትያ ዲꬃ ዋꬃን የጼዳ የꬃ። ነዉ ጋላታ እሜቶ፤ አቤት ጾሳዉ፥ ኔና ጋላቴቶ፤ “ነ ሱንꬃይ ዎጋ” ጊደ አዋዬቶነ፥ ማላልስያ ነ ኦሱዋ ኡባ ኦዴቶ።
PSA 75:2 ጾሳይ፥ “ዶራደ ኬሬዳ ጋላስ፥ ሱረ ፕርዳ ፕርዳናዌ ታና።
PSA 75:3 ሳአይነ አን ደእያዋንቱ ኡባይ ቃጽናካ፥ አ ቱሳ ምንሳ ኤስያዌ ታና።
PSA 75:4 ታን ኦቶራንቻቱዋ፥ ኦቶረቶፕተ ያጋይ፤ ኢታቱዋካ፥ ህንተ ካጭያ ደንꬆፕተ።
PSA 75:5 ህንተ ካጭያ ꬎቂስ በሶፕተ፤ ዛቱሪደ ሃሳዮፕተ ያጋይ” ያጌ።
PSA 75:6 ቦንቹ አዋይ ዶልያሳፐ ዎይ ዉልያሳፐ ዎይ ባዙዋፐ ዬና።
PSA 75:7 ሽን ፕርድያዌ ጾሳ፤ እ እቱዋ ቦላ ፕርዴ፤ እቱዋ ሻትንꬄ።
PSA 75:8 መꬍና ጎዳ ኩሽያን እት ዋንጫይ ደኤ፤ ሄ ዋንጫይ ጾሳ ሀንቁዋ ዎይንያ ኤሳን ኩም ኡቴዳ። እ ሄዋፐ ኡሻ ትግና፥ ሳኣን ደእያ ኢታ አሳቱ ሄዋ ኡሻና፤ ኡንቱንቱ ኦርጩዋካ አሸናን ጭንግሲደ ኡሻና።
PSA 75:9 ሽን ታን ያቆባ ጾሳባ ኦዳናነ መꬍናዉ አ ሳባና።
PSA 75:10 እ ኢታ አሳቱዋ ካጭያ ኡባ መንꬃና፥ ሽን ጽሎቱዋ ካጪ ꬎቁ ꬎቁ ጋና።
PSA 76:1 ዛማረቱዋ ካፖ ዲꬃ ዋꬃን የጸቴዳ፥ አሳፋ ማዛሙርያ ጾሳይ ይሁዳን ኤረቴዳዋ፤ አ ሱንꬃይ እስራኤልያን ዎልቃማ።
PSA 76:2 አ ዱንካኒ ሳሌማና፤ እ ደኢያሳይ ጽዮነና።
PSA 76:3 እ፥ ሄዋን ጾንገትያ፥ ሞርከቱዋ ዎንዳፍያ ጩብያ፥ ጎንዳልያ፥ ማሻነ ሀራ ኦላ ሚሻቱዋ መንሬꬄዳ።
PSA 76:4 አቤት ጾሳዉ፥ ነ ቦንቹ አይ ኬሻ ግቴ! ኔን ነ ሞርከቱዋ ጾናደ፥ ደርያፐ ስምያ ዎደ፥ ነ አንጋይ አይባ ያሽያዌ!
PSA 76:5 ጎባ ቶራንቻቱ፥ ባረንቶ ደእያዋ ኡባ ቦንቀት ክቼድኖ። ሀእ ስም ኡንቱንቱ፥ ዎልቃማ ገምእሹዋ ገምእሼድኖ፤ ኡንቱንቱፐ እቱነ ባረ ኩሽያ ደንꬅቤና።
PSA 76:6 አቤት ያቆባ ጾሳዉ፥ ኔን ሴሬዳ ዎደ፥ ፓራ አሳቱነ ፓራቱ ኩንዶ ሳን አቴድኖ።
PSA 76:7 ሽን አቤት ጾሳዉ፥ ኔን ያሻሳ! ነ ሀንቁ ሱሌዳ ዎደ፥ ነ ስንꬃን ኦኔ ኤቃናዌ?
PSA 76:8 ኔን ፕርዳ ሳሉዋፐ ስሴዳ ዎደ፥ ሳኣን ደእያ አሳይ ያዪደ፥ ጮኡ ጌዳ።
PSA 76:9 ኔን ሳኣን ቆሄቴዳዋንታ አሻናዉ፥ ፕርዳዉ ደንዴዳ ዎደ፥ ሄዌ ሀኔዳ።
PSA 76:10 አሳ ሀንቁ ዳሬዳ ኬሻ ኔን ጋላተታሳ። ኦላፐ አቴዳ አሳቱ ኡባይ፥ ነ ባላ ጋላሳቱዋ ቦንቻና።
PSA 76:11 መꬍና ጎዳዉ፥ ህንተ ጾሳዉ፥ ሺቀትተ፥ ሄዋካ ጋꬅተ። ህንተኖ ሾሮ ካዉተꬃቶ፥ ያየታናዉ በስያዎ እሞታ አህተ።
PSA 76:12 እ ካፖቱዋ ኦቶሩዋ ካዉሼ፤ ዎልቃማ ካተቱዋካ እ ያሽሴ።
PSA 77:1 አሳፍ ዛማረቱዋ ካፖ ጁዱቶ የጼዳ፥ ማዛሙርያ ታን ጾሳዉ ማጋናይ፤ ታና ስሶ ጋደ ታን ጾሳ ዎሳይ።
PSA 77:2 ታን ታ መቱዋ ጋላስ ጎዳ ኮያይ። ቃማን ታን ሸምፐናን ታ ኩሸቱዋ አኮ ምጫይ፤ ግዶፐነ፥ ታን ምነታናዉ ዳንዳይከ።
PSA 77:3 ታን ጾሳባ ቆፕያ ዎደ፥ ኦላይ፤ ታን አባ ዩሻ ቆፕያ ዎደ፥ ታ ሸምፑ ዳቡሬ።
PSA 77:4 ኔን ቃማ ኡባ ታና ገምእሹዋ ድጋደ አህሳሳ። ታን ሎይꬃ ህርግያ ድራዉ፥ ሃሳያናዉ ዳንዳይከ።
PSA 77:5 ታን አꬌዳ ጋላሳቱዋ ቆፓይ፤ ካሰ ላይꬃቱዋካ ሀሳያይ።
PSA 77:6 ታን ቆፋ ሼካደ አቃይ፤ ታ ዎዛናይ ዩሽ ቆፕያ ዎደ፥ ታን ታ ሁጲያ ሀዋዳን ያጋደ ኦቻይ፤
PSA 77:7 “ጎዳይ ኑና መꬍናዉ አግ ባሻኔ? ዛረꬂደ እ ኑና ኬካ በሰኔ?
PSA 77:8 አ ሲቁ አቴዴ? እ ጌዳዌ ሀዋፐ ስንꬃናዉ ሳኣን ኦኔ?
PSA 77:9 ጾሳይ ማርያዋ ዶጌዴ? ባረ ቃረታካ ሀንቁዋን ላሜዴ?” ያጋደ ኦቻይ።
PSA 77:10 ቃይካ ታን፥ “ታና ቆሄዳዌ፥ ኡባፐ ꬎቂያ ጾሳ ኡሸቻ ኩሺ፥ ካሰፐ ማድያ ማዱዋ አጌዳዋ” ያጋይ።
PSA 77:11 መꬍና ጎዳዉ፥ ነ ኦሶቱዋ ታን ቆፓና። ኤ፤ ኔን በን ዎደ፥ ኦꬄዳ ማላልስያባቱዋ ኡባ ታን ሀሳያና።
PSA 77:12 ነ ኦꬄዳዋ ኡባ፥ ታን ዛራ ዛራደ ቆፓና፤ ነ ዎልቃማ ኦሶቱዋ ኡባ ታን ዩሻ ቆፓና።
PSA 77:13 አቤት ጾሳዉ፥ ነ ኦጊ ጌሻ፤ አይ ጾስነ ኑ ጾሳ ማላ ዎልቃማ ግደና።
PSA 77:14 ኔን ማላልስያባ ኦꬅያ ጾሳ። አሳ ግዶን ነ ዎልቃ ቆንጭስያዋ።
PSA 77:15 ነ አሳ፥ ያቆባነ ዮሴፎ ዘረꬃቱዋ፥ ነ ቀስያን ዎዛዳ።
PSA 77:16 አቤት ጾሳዉ፥ ሃꬃቱ ኔና በኤድኖ፤ ሃꬃቱ ኔና በኢደ ያዬድኖ። አባ ጪማቱካ ኮኮሬድኖ።
PSA 77:17 ሻረቱ እራ ዱገ ዛሪደ ትጌድኖ፤ ጉጉንꬃይ ሳሉዋን ጉሜዳ። ነ ዋልቃንꬃይ ያን ሃን ዋልቃሜዳ።
PSA 77:18 ነ ጉጉንꬃይ ጉንꬃይ ጎትያ ግዶን ኮሹሜዳ፤ ነ ዋልቃንꬃ ጶለꬃይ ሳኣ ፖእሴዳ። ቢታይካ ጋጅ ጋጂደ ኮኮሬዳ።
PSA 77:19 ኔን አባ ግዱዋና ሀመታሳ፤ ጪሞ አባ ግዱዋና አꬋሳ፤ ግዶፐነ፥ ነ ገዲ የꬌዳ ሳአይ ቤተና።
PSA 77:20 ሙሴነ አሮና ኩሽያን ኔን ነ አሳ ዶርሳ ዉድያዳን ካለꬃዳ።
PSA 78:1 አሳፍ አኬካን ጻፌዳ ግንጹዋ ታ አሳዉ፥ ታን ህንተና ታማርስያዋ ስስተ፤ ታ ዶናፐ ከስያ ቃላ ሀይዝተ።
PSA 78:2 ታን ኡንቱንቶ ሃሳይያ ዎደ፥ ሌምሱዋን ሃሳያይ፤ በኒደፐ ጌሜዳ የዎቱዋ ቆንጭሳና።
PSA 78:3 ኑን ስሴዳነ ኤሬዳ የዎቱዋ፥ ቃይ ኑ አዎቱ ኑዉ ኦዴዳ የዎቱዋ ሃሳያና።
PSA 78:4 ሄ የዎቱዋ ኑን ኡንቱንቱ ናናቱዋፐ ቆሶኮ፤ መꬍና ጎዳዉ በስያ ጋላታ፥ አ ዎልቃነ ማላልስያ አ ኦሱዋ፥ ይያ የለታዉካ ኑን ኦዳና።
PSA 78:5 እ ያቆባ ዛረቶ አዛዙዋ፥ እስራኤልያ አሳዉ ህግያ እሜዳ። ካሰ ኑ አዎቱ ባረንቱ ናናቱዋ፥ ሄ ህገቱዋ ታማርሳና ማላ አዛዜዳ።
PSA 78:6 ሄዌነ፥ ካልያ የለታይ፥ ሄ ብሮ የለታና ናናቱ ኤራናዳናነ ኡንቱንቱካ ባረንቱ ናናቶ ኦዳናዳና።
PSA 78:7 ያትና፥ ሄ ናናቱ ጾሳን አማነታናዳን፤ እ ኦꬄዳባካ ዶገናዳንነ አ አዛዙዋ ናጋናዳና።
PSA 78:8 ኡንቱንቱ ካሰ ባረንቱ አዎቱዋዳን ዎዛና ሙመነ ማካላንቻ አሳ ግደናዳንነ ጾሳን ኤቀናነ አማነተና የለታ ግደናዳና።
PSA 78:9 ኤፍሬማ አሳቱ፥ ኦላዉ፥ ዎንዳፍያና ፖꬃ ጊግሲደ፥ ኦላ ጋላስ ጉየ ስሜድኖ።
PSA 78:10 ኡንቱንቱ ጾሳ ጫቁዋ ናግበይክኖ፤ አ ህግያዳን ሀመተናን እጼድኖ።
PSA 78:11 ኡንቱንቱ እ ኦꬄዳ ዎልቃማ ኦሱዋነ ኡንቱንታ እ በሴዳ ማላታ ዶጌድኖ።
PSA 78:12 እ ኡንቱንቱ አዎቱዋ ስንꬃን ግብጼ ቢታን፥ ጾኣነ ደምባን ማላታ ኦꬄዳ።
PSA 78:13 አባ ሻኪደ፥ ግዱዋና ኡንቱንታ ፕንꬄዳ፤ እ ሃꬃ ሻኪደ፥ ያነ ሃነ ሻኪደ ጎዳዳን ኤሴዳ።
PSA 78:14 እ ኡንቱንታ ጋላስ ሻርያን፥ ቃማ ታማ ፖኡዋን ካለꬄዳ።
PSA 78:15 እ ባዙዋን ዛላ ጳልቂደ፥ ጪሙዋፐ ዳሮ ሃꬃ ኡንቱንታ ኡሼዳ።
PSA 78:16 ዛላፐ ሃꬃ ፑልትሲደ፥ ሻፋዳን ዱገ ጎግሴዳ።
PSA 78:17 ሽን ኡንቱንቱ አ ቦላ ናጋራ ኦሱዋ ገደ ጉጄድኖ፤ ኡባፐ ꬎቂያ ጾሳ ቦላ፥ ባዙዋን ማካሌድኖ።
PSA 78:18 ባረንቱ አሞቴዳ ቁማ ኦችያዋን ጾሳ ኤሪደ ፓጬድኖ።
PSA 78:19 ኡንቱንቱ ጾሳ ቦላ ሀዋዳን ያጊደ ሃሳዬድኖ፤ “ባዙዋን ጾሳይ ኑዉ ቁማ አꬃናዉ ዳንዳዪ?
PSA 78:20 ዛላ ሾጭና፥ ፑልቱ ከሲደ፥ ሻፋይ ጎጌዳ፤ ሽን ኡክꬃ እ ኑዉ እማናዉ ዳንዳዪ? ዎይ ባረ አሳዉ አሹዋ እማናዉ ዳንዳዪ?” ያጌድኖ።
PSA 78:21 መꬍና ጎዳይ ሄዋ ስሴዳ ዎደ፥ ኡንቱንቱ ቦላ ዳሮ ሀንቀቴዳ። ያቆባ ዛራቱዋ ቦላ ታማይ ኤጼዳ፤ እስራኤልያ ቦላ አ ሀንቁ ዳር ዳር ቤዳ።
PSA 78:22 አያዉ ጎፐ፥ ኡንቱንቱ ጾሳን አማንበይክኖ፤ ዎይ እ አሽያዋን አማነትበይክኖ።
PSA 78:23 ግዶፐነ፥ እ ቦላ ሳሉዋ አዛዚደ፥ ሳሉዋ ፐንግያ ዶዬዳ።
PSA 78:24 ኡንቱንቱ ማናዉ፥ ኡንቱንቶ ማና ቡክሴዳ፤ ሳሉዋ ቁማ ኡንቱንቶ እሜዳ።
PSA 78:25 ኪታንቻቱዋ ኡክꬃ አሳይ ሜዳ፤ ጾሳይ ኡንቱንቶ ቁማ ዳርሲደ እሜዳ።
PSA 78:26 አዋይ ዶልያ ባጋ ጫርኩ ጫርካናዳን ኦꬄዳ፤ ባረ ዎልቃን ገድሳ ባጋ ጫርኩዋ ደንꬄዳ።
PSA 78:27 እ አሳዉ አሹዋ ባና ኬሻ ኪቴዳ፤ ፓልያ ካፎቱዋ አባ ዶና ሻፍያ ኬሻ ቡክሴዳ።
PSA 78:28 ኡንቱንቱ ደእያ ሳን፥ ዱንካንያ ዩሹዋን ዎꬌድኖ።
PSA 78:29 ኡንቱንቱ አሞቴዳዋ ኡንቱንቶ እሜዳ፤ ኡንቱንቱ ሚደ፥ ባረንቱ ጋንጅያ ኩንꬄድኖ።
PSA 78:30 ሽን ኡንቱንቱ ባረንቱ አሞቴዳ አሹዋ ካለናን ደእሺን፥ አሹ ኡንቱንቶ ብሮ ዶናን ደእሺን፥
PSA 78:31 ጾሳ ሀንቁ ኡንቱንቱ ቦላ ዎꬌዳ፤ ኡንቱንቱ ግዶፐ ምኖ አሳቱዋነ እስራኤልያፐ ያላጋ አሳቱዋ ዎꬌዳ።
PSA 78:32 ሀዌ ኡባይ ሀንናካ፥ ኡንቱንቱ ናጋራ ኦꬅያዋ አግበይክኖ። ባረ ማላታ ኡባ ኦꬅናካ፥ አማንበይክኖ።
PSA 78:33 ሄዋ ድራዉ፥ እ ኡንቱንቱ ጋላሳቱዋ ጫርኩዋዳን፥ ኡንቱንቱ ላይꬃቱዋካ አኬከናን ꬋይሴዳ።
PSA 78:34 ጾሳይ ኡንቱንቱፐ ዎꬍያ ዎደ፥ አቴዳዋንቱ ናጋራ ፓጺደ፥ ጾሳ ምንꬅ ኮዬድኖ።
PSA 78:35 ኡንቱንቱ ጾሳይ ኡንቱንቶ ዛላ ግዴዳዋነ ኡባፐ ꬎቂያ ጾሳይ፥ ኡንቱንታ ዎዝያዋ ግዴዳዋ ሀሳዬድኖ።
PSA 78:36 ሽን ኡንቱንቱ ባረንቱ እንጻርሳን አዉ ዎርዶቲደ፥ ባረንቱ ዶናን ጭሜድኖ።
PSA 78:37 ኡንቱንቱ ዎዛናይ ጾሳን ኤቀና፤ እ ኡንቱንቱና ጫቀቴዳ ጫቁዋ አማነትክኖ።
PSA 78:38 ሽን እ ኡንቱንታ ማርያዌ፤ ኡንቱንቱ ኢታተꬃ አቶ ጌዳ። ኡንቱንታ ꬋይስቤና፤ ዳሮ ገደ ባረ ሀንቁዋ ተኤዳ፤ ባረ ሀንቁዋ ኡላ ኡባና ኡንቱንቱ ቦላ የድቤና።
PSA 78:39 አያዉ ጎፐ፥ ኡንቱንቱ አሹዋ ጻላላ ግድያዋነ ያ ጫርኬዳሳፐ ሃ ስመና፥ ጫርኩዋ ማላ ግድያዋ ሀሳዬዳ።
PSA 78:40 ኡንቱንቱ ባዙዋን አ ቦላ አፑ ገደ ማካሌድኖ! መላ ባዙዋን አፑ ገደ ላንጭሴድኖ!
PSA 78:41 ኡንቱንቱ ዛር ዛሪደ፥ ጾሳ ፓጬድኖ፤ እስራኤልያ ጌሻ ሀንቀꬄድኖ።
PSA 78:42 ኡንቱንቱ አ ዎልቃባ ዶጌድኖ፤ እ ኡንቱንቱ ሞርከቱዋፐ ዎዜዳ ጋላሳ፥
PSA 78:43 እ ግብጼ ቢታን ማላታ፥ ጾኣነ ደምባን ማላልስያባ፥ ኦꬄዳ ዎድያ ሀሳይበይክኖ።
PSA 78:44 ኡንቱንቱ ሻፋ ሃꬃቱዋ ሱꬃዉ ላሜዳ፤ ሄዋ ድራዉ፥ ግብጼ አሳቱ፥ ሄ ሻፋቱዋፐ ኡሻናዉ ዳንዳይበይክኖ።
PSA 78:45 ኡንቱንታ ዋይስያ ኡዱንጸቱዋነ ኡንቱንቱ ቢታ ባይዝያ ሸꬋቱዋ ኪቴዳ።
PSA 78:46 ኡንቱንቶ ዶሌዳ ካꬃ ጎንዶ፥ ኡንቱንቱ ኦꬂደ ዳቡሬዳዋ ቦልያዉ እሜዳ።
PSA 78:47 ኡንቱንቱ ዎይንያ ቱራ ሻቻን፥ ኡንቱንቱ ባላስያ ግያ ምꬃካ ጫርኩዋን ꬋይሴዳ።
PSA 78:48 ኡንቱንቱ ሚዛቱዋ ሻቻን ዎꬌዳ፤ ኡንቱንቱ ዶርሳ ዉድያ፥ ꬉቂያ ዋልቃንꬃን መሬስ ዉርሴዳ።
PSA 78:49 ኡንቱንቱ ቦላ ባረ ሱልያ ሀንቁዋ፥ ላንጭያነ እጹዋ፥ ባይዝያ ኪታንቻቱዋ ጩጉዋን የዴዳ።
PSA 78:50 ባረ ሀንቁዋ አꬅ የዴዳ። ኡንቱንታ ኢታ ሀርግያዉ አꬂደ እሜዳፐ አትና፥ ሀይቁዋፐ አሽቤና።
PSA 78:51 ግብጼን የለቴዳ ባይራ ናናቱዋ ኡባ ዎꬌዳ። ካማ ዱንካንያን ደእያ ኮይሮ ናናቱዋ ኡባ ዉርሴዳ።
PSA 78:52 ሽን እ ባረ አሳ ዶርሳዳን ከሴዳ፤ ዉድያዳን ባዙዋን ሄሜዳ።
PSA 78:53 እ ኡንቱንታ ሳሩዋን ካለꬄዳ፤ ሄዋ ድራዉ፥ ኡንቱንቱ ያይበይክኖ፤ ሽን ኡንቱንቱ ሞርከቱዋ አባይ ሙኬዳ።
PSA 78:54 ያቲደ እ ኡንቱንታ ባረ ጌሻ ቢታ፥ ባረ ኡሸቻ ኩሽያን ጾኔዳ ደርያ አሄዳ።
PSA 78:55 እ ኡንቱንቱ ስንꬃፐ ካዉተꬃቱዋ ላጊደ፥ ኡንቱንቱ ቢታ ሻኪደ፥ እስራኤልያ ዛረቶ ግሼዳ። ባረ አሳ ኡንቱንቱ ጎልያን ዎꬄዳ።
PSA 78:56 ግዶፐነ፥ ኡባፐ ꬎቂያ ጾሳ ቦላ ማካሊደ፥ አ ፓጬድኖ። አ አዛዙዋካ ናግበይክኖ።
PSA 78:57 ኡንቱንቱ ባረንቱ አዎቱዋዳን፥ ማካላንቻቱዋነ ካዳንቻቱዋ ግዴድኖ። ጌላ ቶራዳን ዎራ ዎꬌድኖ።
PSA 78:58 ኡንቱንቱ ባረንቱ ጎይንያ ꬎቃ ሳአቱዋን አ ይሎዬድኖ፤ ባረንቱ ኤቃቱዋን አ ቃናትሴድኖ።
PSA 78:59 ያትና፥ ጾሳይ ሀዋ ስሲደ ሀንቀቴዳ፤ እስራኤልያ ሙለካ ካꬌዳ።
PSA 78:60 ሴሎን እ ደኤዳ ሳኣ፥ አሳ ግዶን እ ደኤዳ ባረ ዱንካንያ አጌዳ።
PSA 78:61 ጾሳ ዎልቃዉነ ቦንቾ፥ ማላታ ግዴዳ፥ ታቦታ ሞርከቱዋ ኩሽያን አꬂደ ኦሞድሴዳ።
PSA 78:62 እ ባረ አሳዉ ሀንቀቴዳ፤ እ ኡንቱንታ ማሻዉ አꬂደ እሜዳ።
PSA 78:63 ኡንቱንቱ ዎዳላቱ ኡባይ ኦላን ሀይቄድኖ፤ ያትና፥ ኡንቱንቱ ዎዶሮቱ አስና ገለናን አቴድኖ።
PSA 78:64 ኡንቱንቱ ቄሳቱ ማሻን ዉሬድኖ። ግዶፐነ፥ ኡንቱንቱ ማቼቱ፥ ባረንቱ አስናቶ ዬከናዳን ድገቴድኖ።
PSA 78:65 ሄዋፐ ጉይያን፥ ጎዳይ ገምእሹዋፐ ዎይ ዎይንያ ኤሳ ማꬁዋፐ ቤጎትያ አሳዳን ቤጎቴዳ።
PSA 78:66 እ ባረ ሞርከቱዋ ጉየ ዛሪደ ሾጬዳ፤ ኡንቱንታ መꬍናዉ ዬላዬዳ።
PSA 78:67 ዮሴፎ ዱንካንያ ካꬌዳ፤ ኤፍሬማ ዛርያ ዶርቤና።
PSA 78:68 ሽን እ ይሁዳ ዛርያነ ሲቅያ ጽዮነ ደርያ ዶሬዳ።
PSA 78:69 ሄዋን እ ባረ ጌሻ ጎልያ ሳሉዋዳን ꬎቃን ኬጼዳ፤ ሳኣዳን መꬍናዉ ኤሴዳ።
PSA 78:70 ባረ ቆማ ዳዊታ ዶሪደ፥ ዶርሳ ዉድያ ሄምያ ሳፐ አኬዳ።
PSA 78:71 ዶርሳ ሄምሽን፥ ባረ አሳ ያቆባ፥ ባረ ቡዙዋ እስራኤልያ ሄንꬃናዉ አኪደ አሄዳ።
PSA 78:72 ያትና፥ ዳውት ኡንቱንታ ሱረ ዎዛናፐ ሄሜዳ፤ ቃይ ባረ ሂላ ኩሽያን ካለꬄዳ።
PSA 79:1 አሳፋ ማዛሙርያ አቤት ጾሳዉ፥ አይሁዳ ግደና አሳቱ ነ ቢታ ቦላ ላቴድኖ። ነ ጌሻ ጎልያ ቱንሴድኖ፤ የሩሳላመ ኮለሬꬄድኖ።
PSA 79:2 ኡንቱንቱ ነ ቆማቱዋ አሃ፥ ሳሉዋ ካፎ ቁማ ኦꬂደ፥ እሜድኖ። ቃይ ነ ጌሻቱዋ አሹዋ ሳኣ ዶአቶ እሜድኖ።
PSA 79:3 ኡንቱንቱ ሱꬃ የሩሳላመ ዩሹዋን፥ ሃꬃዳን ጉሴድኖ፤ ኡንቱንቱ አሃ ሞግያዌ ꬋዬዳ።
PSA 79:4 ኑ ሾሮቶ ኑን ሸቂያዋ ግዴዶ፤ ኑ ሄራን ደእያዋንቱ፥ ሚጭያዋነ ቅꬍያዋ ግዴዶ።
PSA 79:5 አቤት መꬍና ጎዳዉ፥ ሀዌ አዉደ ጋካናዉ ሀናኔ? ኔን መꬍናዉ ሀንቀታይ? ነ ቃናትያ ሀንቁ ታማዳን ኤጻኔ?
PSA 79:6 ኔና ኤረና አሳቱዋ ቦላነ ነ ሱንꬃ ጼሰና ካዉተꬃቱዋ ቦላ ነ ሀንቁዋ ጉሳ።
PSA 79:7 አያዉ ጎፐ፥ ኡንቱንቱ ያቆባ ዘረꬃቱዋ ዎꬌድኖነ ኡንቱንቱ ደኢያሳ ባይዜድኖ።
PSA 79:8 ካሰ ኑ አዎቱዋ ኢታተꬃ ኑ ቦላ ፓይዶፓ። ኤለካ ነ ማሮታ ኑዉ ኪታ፤ አያዉ ጎፐ፥ ኑን ሎይꬅ መቶቴዶ።
PSA 79:9 አቤት ኑና አሽያ ጾሳዉ፥ ነ ሱንꬃ ቦንቹዋ ድራዉ፥ ኑና ማዳ። ነ ሱንꬃ ድራዉ፥ ኑና አሻ፤ ኑ ናጋራ አቶ ያጋ።
PSA 79:10 አሳቱ አያዉ፥ “ኡንቱንቱ ጾሳይ ሀቃን ደኢ?” ያጋኔ? ነ ቆማቱዋ ሱꬃ ኡንቱንቱ ጉሴዳዋ ሀሉዋ፥ ኔን ከስያዋ ኑን ጼልሽን፥ ኡንቱንቱ ግዱዋን ቆንጭሳ።
PSA 79:11 ቃሸቴዳ አሳቱዋ ኦሊ ነ ስንꬃ ጋኮ። ሀይቆ ፕርደቴዳዋንታ ነ ዎልቃ ግታተꬃዳን አሻ።
PSA 79:12 አቤት ጾሳዉ፥ ኑ ሾሮ ካዉተꬃቱ ኔና ቦሬዳዋ፥ ሀሉዋ ላፑን ኩሽያ ኡንቱንቱ ክዉዋን እድንꬃ።
PSA 79:13 ሄ ዎደ ኑን ነ አሳቱ፥ ነ ዉድያ ዶርሳቱ፥ መꬍናዉ ጋላታ ነዉ እማና፤ የለታፐ የለታ ጋካናዉ ኔና ዛር ዛሪደ ጋላታና።
PSA 80:1 ዛማረቱዋ ካፖ አሳፍ የጼዳ፥ ጪሻ ግያ ዋꬃን የጸቴዳ ማዛሙርያ፥ ማርካተꬃ አቤት እስራኤልያ ሄንꬃንቻዉ፥ ዮሴፎ አሳ ዉድያዳን ካለꬅያዎ፥ ክሩበቱዋ ግያ ኪታንቻቱዋፐ፥ ቦላና ደእያ አራታን ኡቴዳዎ፥ ፖአ፥ ኔን ኑና ስሳ።
PSA 80:2 ኤፍሬማ፥ ቢንያማነ ምናሰ ስንꬃን ቆንጫ። ነ ዎልቃ ደንꬃደ ኑና አሻናዉ ሃያ።
PSA 80:3 አቤት ጾሳዉ፥ ኑና ዛራ፤ ኑን አታናዳን፥ ነ ሶምኡዋ ኑዉ ፖእሳ።
PSA 80:4 አቤት ኡባፐ ዎልቃማ መታ ኡባ ጎዳዉ፥ ጾሳዉ፥ ነ አሳ ዎሳ ቦላ አዉደ ጋካናዉ ሀንቀታይ?
PSA 80:5 ኔን ኡንቱንታ ዬኩዋ ቁማዳን ምዛዳ፤ ቃይ አፎꬃ ሃꬃዳን ኡሻዳ።
PSA 80:6 ኑ ሾሮቱ ኑ ቢታ አካናዉ፥ ባረንቱ ግዶን ዋላቀታናዳን ኦꬃዳ፤ ኑ ሞርከቱ ኑ ቦላ ሚጬድኖ።
PSA 80:7 አቤት ኡባፐ ዎልቃማ ጾሳዉ፥ ኑና ዛራ፤ ኑን አታናዳን፥ ነ ሶምኡዋ ኑዉ ፖእሳ።
PSA 80:8 ኔን ግብጼፐ ዎይንያ አኑዋ አሃዳ፤ አይሁዳ ግደና አሳቱዋ የደርሳዳ፥ ኡንቱንቱ ቢታን አ ቶካዳ።
PSA 80:9 ኔን ዎራ ቡꬃዳ፤ ያትና፥ ጻጱዋ የድ ዳሺደ፥ ቢታ ኡባ ጋኬዳ።
PSA 80:10 ደረቱ አ ኩዋን፥ ልባኖሳ ዝጋቱ አ ታሸቱዋን ካመቴድኖ።
PSA 80:11 ባረ ታሸቱዋ ሜድተራነ አባ ጋካናዉ፥ ቃይ ባረ ጼራቱዋ ኤፍራጺሳ ሻፋ ጋካናዉ የዴዳ።
PSA 80:12 ያትና፥ ኦግያና አꬍያ ኡባይ፥ አ አይፍያ ዱꬃናዳን፥ አ ዩሹዋን ደእያ ግምቢያ አያዉ ኮላዲ?
PSA 80:13 ባዙዋ ጉዱንꬃይ አ ቦላ ዱሪደ ባይዜ፤ ቃይ ጋደን ዎጽ ቃጽያ መታቱ ኡባይ አ ሚኖ።
PSA 80:14 አቤት መታ ኡባ ጾሳዉ፥ ኔን ኑኮ ስማ። ሳሉዋና ዱገ ጼላደ በአ፤ ሀ ዎይንያ ናጋ።
PSA 80:15 እ ነ ኡሸቻ ኩሺ ቶኬዳ ጻጱዋ፤ ኔን ነዉ ጋደ ድቼዳ ፑትያ።
PSA 80:16 ነ ሞርከቱ ነ ዎይንያ ቡꬄድኖ፤ ታማን ጹጌድኖ። ሄዋ ድራዉ፥ ኔን ኡንቱንታ ነ ሀንቁዋ ሱሉዋን ꬋይሳ።
PSA 80:17 ነ ኩሺ፥ ነ ኡሸቻን ደእያ አሳ፥ ኔን ነዉ ጋደ ድቼዳ አሳ ናጎ።
PSA 80:18 ያቶፐ፥ ኑን ኔፐ ጉየ ስሞኮ። ኑና ፓጻ ዎꬃ፤ ነ ሱንꬃ ኑን ጋላታና።
PSA 80:19 አቤት ኡባፐ ዎልቃማ መꬍና ጎዳ ጾሳዉ፥ ኑና ዛራ፤ ኑን አታናዳን፥ ነ ሶምኡዋ ኑዉ ፖእሳ።
PSA 81:1 ዛማረቱዋ ካፖ ሱሱላቱዋን የጸቴዳ፥ አሳፍ ጻፌዳዋ ኑዉ ዎልቃ ግድያ ጾሳዉ፥ ህንተ ቃላ ꬎቁ ኦꬂደ የጽተ፤ ያቆባ ጾሳ ሳቢተ።
PSA 81:2 የꬃ ዶምተ፤ ካራቡዋ ባቂተ፤ ዲꬃንነ ማስንቁዋን ሎአ የꬃ ስስተ።
PSA 81:3 አግናይ ጼርያ ዎደነ፥ አግናይ ዶይስያ ዎደ ባላ ጋላሳን ማላካታ ፑንተ።
PSA 81:4 ሀዌ እስራኤልያዉ ህግያ፤ ያቆባ ጾሳፐ እመቴዳ ዎጋ።
PSA 81:5 ግብጼ ቢታ እ ሾጬዳ ዎደ፥ ዮሴፎ አሳዉ ሀ ዎጋ አዋዬዳ። ታን ኤረና ኮሻ ሀዋዳን ያግያዋ ስሳድ።
PSA 81:6 “ህንተ ሀሽያፐ ቶኩዋ ዎꬃድ፤ ህንተ ኩሽያ ጹብያፐ ሸምፕሳድ።
PSA 81:7 ህንተ መቱዋ ዎደ ታና ጼሴድታ፤ ህንተና አሻድ፤ ታን ጉምያ ሻርያ ግዶን ጌሜዳሳፐ ህንተና አላድ። ማሪባ ግያ ፑልቱዋ ማታን ታን ህንተና ፓጫድ።
PSA 81:8 ታ አሳዉ፥ ታን ህንተና ሴርያዋ ስስተ፤ ሀእ እስራኤላቶ፥ ሀይዜርክተ!
PSA 81:9 ህንተ ግዶን አላጋ ጾስ ደኦፖ፤ ሀራ ጾሳዉ ጎይኖፕተ።
PSA 81:10 ታን፥ መꬍና ጎዳ ህንተ ጾሳ፥ ህንተና ግብጼ ቢታፐ ከሳደ አሄዳዋ። ነ ዶና ሎይꬃ ሀንጋ፤ ታን ኔና ዳርሳደ ባርሳና።
PSA 81:11 “ሽን ታ አሳቱ ታ ቃላ ስስበይክኖ፤ እስራኤላቱ ታዉ አዛዘትበይክኖ።
PSA 81:12 ሄዋ ድራዉ፥ ታን ኡንቱንቱ ባረንቱ ቆፋ ካላና ማላ፥ ኤኖ ጌና ዎዛናዉ አꬃደ እማድ።
PSA 81:13 ታ አሳይ ታና ስሴደንቶ፥ እስራኤላቱ ታ ኦግያ ካሌደንቶ አዬ ደኢ!
PSA 81:14 ታን ኡንቱንቱ ሞርክያ ኤለ ጾናና ሽን፤ ኡንቱንቱ ባልጋራቱዋ ቦላ ታ ኩሽያ ዎꬃና ሽን።
PSA 81:15 መꬍና ጎዳ እጽያዋንቱ አ ስንꬃን ሆካና፥ ኡንቱንቱ ሙሩካ መꬍናሳ ግዳናዋ።
PSA 81:16 ታን ህንተና ሎኦ ዛርጋ ምዛና፤ ቃይ ኤሳ፥ ሹቻ ጎንጎሉዋፐ ካልሳና” ያጌ።
PSA 82:1 አሳፋ ማዛሙርያ ጾሳይ ሳሉዋ ሺቁዋ ሺሼ። ጾሳቱዋ ግዶን ሀዋዳን ያጊደ ፕርዴ፤
PSA 82:2 “ህንተ አዉደ ጋካናዉ ጌላ ፕርዳ ፕርዲቴ፤ ላኤንꬆ ኢታቱዋ ባጋ ግዶፕተ።
PSA 82:3 ህዬሳቶነ አዉ ባይናዋንቶ ሞተትተ፤ ማንቆነ ናቀቴዳ አሳቱዋ ማታ ናግስተ።
PSA 82:4 ዳቡራንቻቱዋነ መቶታንቻቱዋ አሽተ፤ ኢታቱዋ ኩሽያፐ ኡንቱንታ ዎꬅ አክተ።
PSA 82:5 “ህንተ አይነ ኤርክታነ አይነ አኬክክታ፤ ህንተ ꬉማን ሀመቲታ። ጽሎተꬃይ ꬋይና፥ ቢታይ ዪቂዪቄ።
PSA 82:6 ታን ህንተና፥ ‘ህንተ ጾሳቱዋ፤ ህንተ ኡባይካ ኡባፐ ꬎቂያ ጾሳ ናናቱዋ።
PSA 82:7 ግዶፐነ፥ ህንተ አሳይ ሀይቂያዋዳን ሀይቃና። ቃይ ሀራ ካፓቱ ኩንዴዳዋዳን፥ ህንተካ ኩንዳና’ ያጋይ” ያጌ።
PSA 82:8 አቤት ጾሳዉ፥ ደንዳ፤ ሳኣ ፕርዳ፤ ካዉተꬃይ ኡባይ ነዋ።
PSA 83:1 አሳፋ ማዛሙርያ፥ የꬃ አቤት ጾሳዉ፥ ጮኡ ጎፓ፤ ስርጵ ጎፓ፤ አቤት ጾሳዉ፥ ሙሞፓ።
PSA 83:2 በአ! ነ ሞርከቱ ነ ቦላ ደንዲኖ፤ ኔና እጽያዋንቱ ነ ቦላ ማካሊኖ።
PSA 83:3 ኡንቱንቱ ነ አሳ ቦላን ጌማን ያኢኖ፤ ኔን ሲቅያ አሳቱዋ ቦላ ማቀቲኖ።
PSA 83:4 ኡንቱንቱ፥ “ሃይተ፥ ኡንቱንቱ ካዉተꬃ ꬋይሶይቴ፤ እስራኤልያ ግያ ሱንꬃ፥ መꬍናዉ ሀሳየተናዳን ኦꬆይተ” ያጊኖ።
PSA 83:5 ኡንቱንቱ እት ዎዛና ግዲደ፥ እትፐ ማቀቲኖነ፥ ነ ቦላ ጫቁዋ ጫቀቲኖ።
PSA 83:6 ጫቀትያዋንቱነ ኤዶማነ እስማኤላ አሳቱዋ፥ ሞኣባ ዛራቱዋነ አጋር ዛራቱዋ፤
PSA 83:7 ገባላ አሳቱዋ፥ አሞና አሳቱዋ፥ አማሌቃ አሳቱዋ፥ ፕልስጼማ አሳቱዋነ ጺሮሳ አሳቱዋ።
PSA 83:8 አሶረ አሳቱካ ኡንቱንቱና እትፐ ጋከቴድኖ፤ አሶራቱካ ሎጸ ዛረቶ ዎልቃማ ማዱዋ ግዴድኖ።
PSA 83:9 ኔን ምድያማ አሳቱዋ ቦላነ ስሳራነ ያብና ቦላ፥ ቂሾና ሻፋን ኦꬄዳዋዳን ኡንቱንቱ ቦላ ኦꬃ።
PSA 83:10 ኡንቱንቱ ኤንዶረን ꬋዬድኖ፤ ኡንቱንቱ አሃይ ሞገተናን ቢታን ዎቄዳ።
PSA 83:11 ኡንቱንቱ ካፖቱዋ፥ ኔን ኦሬባነ ዛኤባ ኦꬄዳዋዳን ኦꬃ፤ ኡንቱንታ ሞድያዋንታ ኔን ዘባሀነ ጻልሙናአ ꬋይሴዳዋዳን ꬋይሳ።
PSA 83:12 ሄዋንቱነ፥ “ኑን ጾሳ አሳ ቢታ ኑዉ ቡዞታና” ያጌዳዋንታ።
PSA 83:13 አቤት ታ ጾሳዉ፥ ኡንቱንታ ባናዳን ላላ፤ ጫርኩ አፍያ ሱላዳን ኦꬃ።
PSA 83:14 ጻራጋይ ዎራ ሚደ ዉርስያዋዳን፥ ታማ ላጩ ደርያ ማይያዋዳን፥
PSA 83:15 ሄዋዳንካ ነ ኡሹዋን ኡንቱንታ የደርሳ፤ ነ ጎትያን ኡንቱንታ ዳጋንꬃ።
PSA 83:16 አቤት መꬍና ጎዳዉ፥ አሳይ ነ ሱንꬃ ኮያና ማላ፥ ኔን ኡንቱንቱ ሶምኡዋ ዬላ ማይዛ።
PSA 83:17 ኡንቱንቱ መꬍናዉ ዬላትኖነ ህርግኖ፤ ካዉሺደ ꬋይኖ።
PSA 83:18 ነ ሱንꬃይካ መꬍና ጎዳ ግድያዋ፥ ነ ጻላላይ ኡባፐ ꬎቃ ጾሳ፥ ሳኣ ኡባ ሞድያዋ ኡንቱንቱ ኤርኖ።
PSA 84:1 ዛማረቱዋ ካፖ ሱሱላቱዋን የጸቴዳ፥ ቆረ ናናቱ ጻፌዳ ማዝሙርያ አቤት ኡባፐ ዎልቃማ መꬍና ጎዳዉ፥ ኔን ደኢያሳይ አያ ሎኢ!
PSA 84:2 ታን መꬍና ጎዳ ጌሻ ጎልያ ዳባባ ላሞታይ፤ ታ ኩመንꬃ አሳተꬃይ ደኡዋ ጾሳዉ ናሸቻን የጼ።
PSA 84:3 አቤት ኡባፐ ዎልቃማ መꬍና ጎዳዉ፥ ታ ካትያዉ፥ ታ ጾሳዉ፥ ነዉ ያርሽያ ሳኣ ማታን፥ ሱንያ ካፋታ ባረዉ ደኢያሳ ደማዱ። ሀራጳታካ ባረዉ ቁቁልያ ጎልያ ያን ኬጻዱ።
PSA 84:4 ነ ጌሻ ጎልያን ደእያዋንቱነ መꬍናዉ ኔና ሳቢያዋንቱ አንጀቴዳዋንታ።
PSA 84:5 ዎልቃ ኔፐ ደምያዋንቱ፥ ባረንቱ ዎዛናን ጽዮነ አፍያ ኦግያ ባናዉ አሞትያዋንቱ አንጀቴዳዋንታ።
PSA 84:6 ዬኩዋ ዛንጋራና ኡንቱንቱ አꬍያ ዎደ፥ ሄ ሳአይ ፑልቱዋ ከሴ። ባꬌሳ እራይካ ቡኪደ፥ ያን ደልእያ ግስሴ።
PSA 84:7 ኡንቱንቱ ብያ ዎደ፥ ዎልቃ ጉጅ ጉጂደ ባና። ኡንቱንቱ ጾሳ ስንꬃን ጽዮነን ቤታና።
PSA 84:8 አቤት ኡባፐ ዎልቃማ መꬍና ጎዳዉ ጾሳዉ፥ ታ ዎሳ ኔን ስሳ። አቤት ያቆባ ጾሳዉ፥ ሀይዛ።
PSA 84:9 አቤት ጾሳዉ፥ ኑ ጎንዳልያ በአ፤ ኔን ዶሬዳ ካትያ ነ ኬካ አይፍያን ጼላ።
PSA 84:10 ታን ሀራ ሳኣን ሻኡ ጋላሳ ደአናፐ ጾሳ ጎልያን እት ጋላሳ ደእያዌ ሎአ። ኢታቱዋ ዱንካንያን ደአናዋፐ ታ ጾሳ ጎልያ ፐንግያ ናግያዌ ታዉ ሎአ።
PSA 84:11 መꬍና ጎዳይ ጾሳይ ኑዉ ጎንዳለነ ፖኡዋ፤ መꬍና ጎዳይ ኑዉ ቦንቹዋነ ኬካተꬃ እሜ። ሱረተꬃን ሀመትያዋንታ እ ሎኦባ ኡባ ድገና።
PSA 84:12 አቤት ኡባፐ ዎልቃማ መꬍና ጎዳዉ፥ ኔናን አማነትያዋንቱ አንጀቴዳዋንታ።
PSA 85:1 ዛማረቱዋ ካፖ የጸቴዳ፥ ቆራሀ ናናቱዋ ማዛሙርያ አቤት መꬍና ጎዳዉ፥ ኔን ነ ቢታዉ ኬካዳ፤ ያቆባ አሳ ኦሞዱዋፐ ዛራዳ።
PSA 85:2 ኔን ነ አሳ ናቁዋ አቶ ጋዳ፤ ኡንቱንቱ ናጋራ ኡባ ካማዳ።
PSA 85:3 ኔን ነ ሀንቁዋ ኡባ አጋዳ፤ ነ ሀንቁዋ ሱሉዋፐካ ስማዳ።
PSA 85:4 አቤት ኑና አሽያ ጾሳዉ፥ ኑና ጉየ ዛራ። ኔን ኑዉ ሀንቀቴዳዋ አጋ።
PSA 85:5 ኔን ኑና መꬍናዉ ሀንቀታይ? ነ ሀንቁዋ የለታ ኡባ ጋካናዉ ጋምእሳይ?
PSA 85:6 ነ አሳይ ኔናን ናሸታና ማላ፥ ኑና ኦራꬃ።
PSA 85:7 አቤት መꬍና ጎዳዉ፥ አገና ነ ሲቁዋ ኑና በሳ፤ ኔን ኑና አሻ።
PSA 85:8 ታን መꬍና ጎዳይ ጾሳይ ኦድያዋ ስሳና። ኑን ኑ ቦዛ ኦግያ ጉየ ባና ꬋዮፐ፥ እ ኑዉ፥ ባረ አሳዉ፥ “ሳሮተꬃ እማና” ጊደ ኦዴ።
PSA 85:9 ቱሙካ ጾሳዉ ያይያዋንታ አሻናዉ እ ማታን ደኤ፤ ሄዌነ፥ አ ቦንቹ ኑ ቢታን ደአናሳ።
PSA 85:10 አገና ሲቁነ ቱማተꬃይ እትፐ ጋከታና። ጽሎተꬃይነ ሳሮተꬃይ፥ እትፐ የረታና።
PSA 85:11 ቱማተꬃይ ሳኣፐ ፑደ ከሳና፤ ጾሳ ጽሎተꬃይ ሳሉዋፐ ዱገ ጼላና።
PSA 85:12 ኤ፥ መꬍና ጎዳይ ኬካባ እማና፤ ኑ ቢታይካ ሎኦ ካꬃ ሞካና።
PSA 85:13 ጽሎተꬃይ ጾሳፐ ስንꬃና ሄመታና፤ አዉ ኦግያ ጊግሳና።
PSA 86:1 ዳውት ዎሴዳ ዎሳ። አቤት ጎዳዉ፥ ታን ህዬሳነ፥ መቶታንቻ አሳ ግድያ ድራዉ፥ ታ ዋሱዋ ስሳደ፥ ታዉ አላ።
PSA 86:2 ታን ጾሳ አሳ ግድያ ድራዉ፥ ታና ፓጻ ዎꬃ። ኔናን አማነትያ ታና፥ ነ ቆማ አሻ። ኔን ታ ጾሳ።
PSA 86:3 አቤት ጾሳዉ፥ ታን ጋላሳ ኡባ ኔኮ ዋስያ ድራዉ፥ ታዉ ቃረታ።
PSA 86:4 አቤት ጾሳዉ፥ ታን ታ ሸምፑዋፐ ኔና ዎስያ ድራዉ፥ ታና፥ ነ ቆማ ናሸቻ።
PSA 86:5 አቤት ጾሳዉ፥ ኔን ኬካነ አቶ ግያዋ፤ ኔና ጼስያ ኡባዉ ነ ሲቁ ዳራ።
PSA 86:6 አቤት መꬍና ጎዳዉ፥ ታ ዎሳ ስሳ፤ ታን ዋትዋትያ ዋትዋቱዋ ሀይዛ።
PSA 86:7 ኔን ታዉ አልያ ድራዉ፥ ታ መቱዋ ጋላሳን ታን ኔኮ ዋሳይ።
PSA 86:8 አቤት ጎዳዉ፥ ጾሳቱዋ ግዶን ነ ማል ባዋ፤ ነ ኦሱዋ ማላ ኦሱካ ባዋ።
PSA 86:9 አቤት ጎዳዉ፥ ኔን መꬌዳ ካዉተꬃ አሳይ ኡባይ ዪደ፥ ነ ስንꬃን ጉልባታና፤ ኡንቱንቱ ነ ሱንꬃ ቦንቻና።
PSA 86:10 አያዉ ጎፐ፥ ኔን ዎልቃማ፤ ኔን ማላልስያባ ኦꬃሳ። ነ ጻላላይ ጾሳ።
PSA 86:11 አቤት መꬍና ጎዳዉ፥ ታን ነ ቱሙዋን ሀመታና ማላ፥ ታና ነ ኦግያ ታማርሳ። ታን ነ ሱንꬃዉ ያያና ማላ፥ ታዉ እት ዎዛና እማ።
PSA 86:12 አቤት ጎዳዉ ታ ጾሳዉ፥ ታን ኔና፥ ታ ኩመንꬃ ዎዛናፐ ጋላታና። ነ ሱንꬃ መꬍናዉ ቦንቻና።
PSA 86:13 አያዉ ጎፐ፥ ነ ሲቁ ታዉ ዳራ፤ ኔን ታና ዱፉዋን ገልያዋፐ አሻዳ።
PSA 86:14 አቤት ጎዳዉ፥ ኦቶራንቻ አሳቱ ታ ቦላ ደንዴድኖ፤ ዳጋንꬅያ አሳቱዋ ጩጉ ታና ዎꬋናዉ ኮዬ። ኡንቱንቱ ኔና አላለ ጊክኖ።
PSA 86:15 ሽን አቤት ጎዳዉ፥ ኔን ቃረትያነ ማርያ ጾሳ፤ ሀንቀታናዉ ጋምኣሳ፤ ሲቁነ አማነቱሳይ ዳርያዋ።
PSA 86:16 ታኮ ስማደ ታዉ ቃረታ። ነ ቆማዉ ዎልቃ እማ፤ ነ ቆማት ናኣ ታና አሻ።
PSA 86:17 አቤት መꬍና ጎዳዉ፥ ነ ኬካተꬃ ማላታ ታና በሳ። ኔን ታና ማዴዳዋነ ምንꬄዳዋ በእያ ዎደ፥ ታና እጽያዋንቱ ሄዋን ዬላታና።
PSA 87:1 ቆራሀ ናናቱዋ ማዛሙርያ መꬍና ጎዳ ካታማይ ጌሻ ደርያን ኬጸቴዳ።
PSA 87:2 መꬍና ጎዳይ ጽዮነ ፐንገቱዋ፥ ያቆብ ደእያ ሳኣ ኡባፐ አꬂደ ዶሴ።
PSA 87:3 ሀኔ ጾሳ ካታማቴ፥ ነ ድራዉ ቦንቼቴዳባይ፥ ሀዋዳን ያግ ኦደቴ፦
PSA 87:4 “ታና ኤርያ ካዉተꬃቱዋ ግዶፐ፥ ግብጼነ ባብሎነ ጋꬃ ማዝጎባና፤ ፕልስጼመ፥ ጺሮሰነ ቶጵያ አሳይ፥ ያን የለቴድኖ።”
PSA 87:5 ጾሳይ፥ “ካዉተꬃ ኡባይ ጽዮነን የለቴዳዋ” ያጋና። ኡባፐ ꬎቂያ ጾሳይ እዞ ምንሳና።
PSA 87:6 መꬍና ጎዳይ አሳ ጻፍያ ማዝጎብያን፥ “ሀዌ ጽዮነን የለቴዳዋ” ያጊደ ጻፋና።
PSA 87:7 ኡንቱንቱ የጺደ ዱሪደ፥ “ኑ አንጁ ኡባይ ጽዮነፐ ፑልቴ” ያጋና።
PSA 88:1 ዛማረቱዋ ካፖ፥ ቆራሀ ናናቱዋ ማዛሙርያ፥ ማዱዋ ዎሳ፥ ኤዝራህያ ሄማነ አኬካን ጻፌዳ ግንጹዋ. አቤት መꬍና ጎዳዉ፥ ታና አሽያ ጾሳዉ፥ ታን ጋላስ ነዉ ዋሳይ፤ ቃማካ ነ ስንꬃን ዬካይ።
PSA 88:2 ታ ዎሳይ ነ ስንꬃ ጋኮ፤ ነ ሀይꬃ ታ ዋሱዋኮ ዛራ።
PSA 88:3 አያዉ ጎፐ፥ ታ ደኡ መቱዋን ኩሜዳ፤ ታን ሀይቃና ማታድ።
PSA 88:4 ታን ዱፉዋን ገልያ አሳቱዋና ፓይደታድ፤ ዎልቃይ ባይና አሳ ግዳድ።
PSA 88:5 ታን አሃቱዋ ግዶን አጌዳ አሳ ማላ፤ ዎꬊደ ዱፉዋን የጌዳ አሳቱዋ ማላ። ታን ነ ኡባ ዶጌዳ፥ ነ ማዱዋፐ ሃኬዳ አሳቱዋ ማላ።
PSA 88:6 ኔን ታና ጪሞ ኦላን፥ ህርክ ꬉማ ሳኣን የጋዳ።
PSA 88:7 ነ ሀንቁ ታና ዴጼ፤ ነ ሀንቁዋ ቤታይ ታና ኡባና ሙኬዳ።
PSA 88:8 ኔን ታ ዳቦቱዋ ታፐ ሃሳዳ፤ ኡንቱንቶ ታና ሸነይያዋ ኦꬃዳ። ታን ዶደታድ፤ ከሳ አካናዉካ ዳንዳይከ።
PSA 88:9 አቤት መꬍና ጎዳዉ፥ ካዩዋ ጋሱዋን ታ አይፈቱ ጋልጄድኖ። ኡባ ጋላስ ታን ኔኮ ዋሳይ፤ ታ ኩሽያ ኔኮ ምጫድ።
PSA 88:10 ኔን ሀይቄዳዋንቶ ማላልስያባ ኦꬃይ? ኡንቱንቱ ደንዲደ ኔና ጋላቲኖ?
PSA 88:11 አገና ነ ሲቁ ዱፉዋ ግዶን ሃሳየቲ? ኔን አማነትያዌካ ባየꬃ ሳኣን ኦደቲ?
PSA 88:12 ነ ማላልስያ ኦሱካ ꬉማን ኤረቲ? ዎይ ነ ጽልቶተꬃይ ዶገቴዳ አሳቱዋ ቢታን ደኢ?
PSA 88:13 አቤት መꬍና ጎዳዉ፥ ታን ኔኮ ዋሳይ፤ ዎንታን ዎንታን ታ ዎሳይ ነ ስንꬃ ጋኬ።
PSA 88:14 አቤት መꬍና ጎዳዉ፥ ታና ኔን አያዉ አጋይ? ነ ሶምኡዋ ታፐ አያዉ ገንꬃይ?
PSA 88:15 ያላጋተꬃፐ ዶማደ፥ ታን ቱጋታድነ ሀይቃና ማታድ። ታን ነዉ ዳጋማደ ሂዶታ ቃንጻድ።
PSA 88:16 ነ ሱልያ ሀንቁ ታ ቦላ ኡሾቴዳ፤ ነ ዳጋማይ ታና ባይዜዳ።
PSA 88:17 ኡንቱንቱ ጋላሳ ኡባ ድኡዋዳን ታና ዶዴድኖ፤ ታና ሙኬድኖ።
PSA 88:18 ኔን ታ ላገቱዋነ ታ ሲቆቱዋ ታፐ ሃሳዳ፤ ꬉማ ጻላላይ ታዉ ዳቦ።
PSA 89:1 ኤዝራህያ ኤታና አኬካን ጻፈቴዳ ግንጹዋ አቤት መꬍና ጎዳዉ፥ አገና ነ ሲቁዋባ፥ ታን መꬍናዉ የጻና። ጾሳይ አማነትያዋ ጋደ፥ የለታ ኡባዉ ታ ዶናን አዋያና።
PSA 89:2 ታን አገና ነ ሲቁ መꬍናዉ ኤቄዳዋነ ኔን ነ ቱማተꬃ ሳሉዋዳን ምንሳደ ኤሴዳዋ ኦዳና።
PSA 89:3 ኔን፥ “ታን ዶሬዳዋና ጫቁዋ ጫቀታድ። ታ ቆማ ዳዊታዉ ሀዋዳን ያጋደ ጫቃድ፤
PSA 89:4 ‘ታን ነ ዘረꬃ መꬍናዉ ካዉꬃና፤ ነ ካዉተꬃ አራታ የለታ ኡባዉ ምንሳና’ ” ያጋዳ።
PSA 89:5 አቤት መꬍና ጎዳዉ፥ ሳሎቱ፥ ነ ማላልስያ ኦሱዋ ኦድኖ፤ ነ አማነትያዋ ኪታንቻቱዋ ሺቁ ኦድኖ።
PSA 89:6 ሳሉዋን መꬍና ጎዳና ልከታናዉ ዳንዳይያዌ ኦኔ? ሳሉዋ መተꬃቱዋ ግዶን ቃይ መꬍና ጎዳ ማል ኦኔ?
PSA 89:7 ጌሻቱዋ ሺቁዋ ግዶን ጾሳይ ያየቴዳዋ። ባረና ዶዴዳዋንቱ ኡባፐ አꬊደ፥ ሎይꬅ ዳጋንꬅያዋ።
PSA 89:8 አቤት ኡባፐ ዎልቃማ መꬍና ጎዳዉ፥ ጾሳዉ፥ ኔናዳን ዎልቃማይ ኦኔ? አቤት መꬍና ጎዳዉ፥ ኔን ኡባባንካ አማነትያዋ።
PSA 89:9 ኔን ቡልአከትያ አባ ዎልቃ አዛዛሳ። ደንድያ ቤታካ ጮኡ ኦꬃሳ።
PSA 89:10 ኔን ራኣባ ግያ አባ ዳዊያ፥ ዎꬍ የጌዳዋዳን መንሬꬃዳ፤ ነ ሞርከቱዋ ነ ዎልቃማ ቀስያን ላላዳ።
PSA 89:11 ሳሎቱ ነዋንታ፤ ሳአይካ ነዋ፤ ቢታነ አን ኩሜዳ ኡባባ ኔን መꬋዳ።
PSA 89:12 ሁጲሳነ ገድሳ ኔን መꬋዳ፤ ታቦራነ ሄርሞነ ግያ ዎልቃማ ደረቱ ናሸቻን ነ ሱንꬃ ሳቢኖ።
PSA 89:13 ነዉ ዎልቃማ ቄሲ ደኤ፤ ነ ኩሺ ምና፤ ነ ኡሸቻይ ዎልቃማ።
PSA 89:14 ጽሎተꬃይነ ሱረ ፕርዳይ ነ ካዉተꬃ አራታዉ ባሶ። አገና ሲቁነ ቱማተꬃይ ነ ስንꬃን ቢኖ።
PSA 89:15 አቤት መꬍና ጎዳዉ፥ ናሸቻን እልልያዋንቱነ ነ ሶምኡዋ ፖኡዋን ሀመትያዋንቱ አንጀቴዳዋንታ።
PSA 89:16 ነ ሱንꬃን ጋላሳ ኡባ ናሸቲኖ፤ ነ ጽሎተꬃ ድራዉ፥ ኡንቱንቱ ኔና ꬎቁ ꬎቁ ኦꬂኖ።
PSA 89:17 ኡንቱንቱ ጬቀትያ ዎልቃይ ኔና፤ ነ ናሹዋን ኑ ካጪ ꬎቁ ꬎቁ ያጌዳ።
PSA 89:18 ኑ ጎንዳሊ፥ ኑ መꬍና ጎዳሳ፤ ኑ ካቲካ፥ እስራኤልያ ጌሻ ሳ።
PSA 89:19 በን ኔን ነ አማነቴዳ አሳቶ፥ እት ገደ አኩሙዋን ኦዳዳ፤ “አሳ ግዶፐ ዶሬዳዎ ካዉተꬃ አራታ እማዳ።
PSA 89:20 ታ ቆማ ዳዊታ ካተ ከሳድ፤ ታ ጌሻ ዛይትያን ኦካደ።
PSA 89:21 ታ ኩሺ አናና ደአና፤ ታ ቀሲካ አ ምንꬃና።
PSA 89:22 አ አይ ሞርኪነ ጾነና፤ አይ ኢታ አሳይነ አ ቶቼና።
PSA 89:23 ታን አ ሞርከቱዋ አ ስንꬃን ክንቼሬꬃና፤ አ እጽያዋንታ ሾጫ የጋና።
PSA 89:24 ታ ቱማተꬃይነ ታ አገና ሲቁ አናና እትፐ ግዳና። ታ ሱንꬃን አ ካጪ ꬎቁ ꬎቁ ጋና።
PSA 89:25 ታን አ ካዉተꬃ መደትራንያ አባ ጋካናዉ አሳና፤ አ ዛዋካ፥ ኤፍራጼሰነ ጸግሮሰ ሻፋ ጋካናዉ አሳና።
PSA 89:26 ዳዊተ ታና፥ ‘ኔን ታ አዉዋ፥ ታ ጾሳነ ታና አሽያ ዛላ’ ያጊደ ጼሳና።
PSA 89:27 ታን አ ባይራ ናኣ ኦꬃና፤ ሳኣን ደእያ ካተቱዋ ኡባፐ አ ዳርሳና።
PSA 89:28 ታን አገና ታ ሲቁዋ አዉ መꬍናዉ ናጋና። ታን አናና ቃላ ጫቁዋ ምንꬃና።
PSA 89:29 ታን አ ዘረꬃ መꬍናዉ ምንሳደ ኤሳና፤ አ ካዉተꬃ አራታካ ሳሉዋዳን ጋምኤꬃና።
PSA 89:30 “ሽን አ ዘረꬃቱ ታ ህግያ አጎፐ፥ ቃይ ኡንቱንቱ ታ ዎጋዳን ሀመተናን እጾፐ፥
PSA 89:31 ኡንቱንቱ ታ አዋዩዋ ሻሮፐ፥ ታ አዛዙዋ ናጋና ꬋዮፐ፥
PSA 89:32 ታን ኡንቱንቱ ናጋራ ድራዉ ጋትማን፥ ኡንቱንቱ ኢታተꬃ ድራዉ፥ ልሱዋን፥ ሾጫደ ሙራና።
PSA 89:33 ሽን ታን አገና ታ ሲቁዋ አፐ አክከ፤ ዎይ ታን አዉ አማነትያዋ አግከ።
PSA 89:34 ታን ኡንቱንቱና ጫቀቴዳ ጫቁዋ ኮልከ፤ ታ ዶናፐ ከሴዳ ቃላ ላምከ።
PSA 89:35 “እት ገደካ መꬍናዉ ታ ጌሻተꬃን ጫቃ ድጋድ፤ ዳዊተዉ ዎርዶትከ።
PSA 89:36 ሄዌነ፥ አ ዘረꬃይ መꬍናዉ ደአና፤ አ ካዉተꬃ አራታይካ ታ ስንꬃን አዋዳን ጋምአና።
PSA 89:37 ሳሉዋን አማነትያ ማርካ ግድያ አግናዳን፥ ሄ ካዉተꬃይ መꬍናዉ ምን ኤቂ ደአና” ያጋዳ።
PSA 89:38 ሽን ሀእ ኔን ኦካደ ካተዬዳዋ ቦላ ዳሮ ሀንቀታዳ፤ አ እጻዳነ አጋዳ።
PSA 89:39 ኔን ነ ቆማና ጫቀቴዳ ጫቁዋ ካዳዳ፤ አ ካላቻ ባናን ኦላደ ቱንሳዳ።
PSA 89:40 ኔን አ ካታማ ግምቢያ ኡባ ላላዳ፤ እ ናገትያ ሚጻ ኡባ ባይዛዳ።
PSA 89:41 ኦግያና አꬍያ ኡባቱ አ ቦንቄድኖ፤ እ ባረ ሾሮቶ ቅሊጮ ግዴዳ።
PSA 89:42 ኔን አ ሞርከቶ ጾኑዋ እማዳ፤ ኡንቱንታ ኡባቱዋ ናሸቻዳ።
PSA 89:43 ኔን አ ማሻ ጼራ ቃላምኣዳ፤ ኔን ኦላን አ ማዳባካ።
PSA 89:44 ኔን አ ካዉታ ጻምኣ አ ኩሽያፐ ዎꬃ አካዳ፤ ቃይ አ ካዉተꬃ አራታ ቢታን ኦላዳ።
PSA 89:45 ኔን አ ያላጋተꬃ ዎድያ ቃምሳዳ፤ ቃይ አ ዬላ ማይዛዳ።
PSA 89:46 አቤት መꬍና ጎዳዉ፥ አዉደ ጋካናዉ ቆንጭኪ? ኔን መꬍናዉ ጌማይ? ነ ሀንቁ ታማዳን አዉደ ጋካናዉ ኤጻኔ?
PSA 89:47 ታ ላይꬃይ አይ ኬሻ ቃንንቶ ቆፓ፤ አሳ ኡባ ጮ መላ መꬋዲ?
PSA 89:48 አሳይ ሀይቀናን ጮ ደአናዉ ዋን ዳንዳዪ? ቃይ ዱፉዋን ገለናዳን፥ ባረና አሻናዉ ዋን ዳንዳዪ?
PSA 89:49 አቤት ጎዳዉ፥ ኔን ነ ቱማተꬃን ዳዊተዉ ጫቄዳ፥ አገና በን ነ ሲቁ ሀቃን ደኢ?
PSA 89:50 አቤት ጎዳዉ፥ ነ ቆማይ ዎይሳ ቦረቴደንቶ ኔን ሀሳያ። ታን አሳ ኡባ ቦርያ ዎታ ዳንዳያድታንቶ ቆፓ።
PSA 89:51 አቤት መꬍና ጎዳዉ፥ ሞርከቱ ቅሊጬድኖ፤ ኔን ዶራደ ኦኬዳ ካትያ፥ ታንጉዋን ታንጉዋን ቅሊጬዳዋ ቆፓ።
PSA 89:52 መꬍና ጎዳይ መꬍ መꬍናዉ ጋላተቶ! አመንእ። አመንእ።
PSA 90:1 ጾሳ አሳይ ሙሴ ዎሴዳ ዎሳ ጎዳዉ፥ ኔን የለታ ኡባን፥ ኑን ደእያ ሳኣ ግዳዳ።
PSA 90:2 ደረቱ መታናፐ ካሰ፥ ዎይ ኔን ሳኣ ኦꬃናፐ ካሰ፥ መꬍናፐ መꬍና ጋካናዉካ ኔን ጾሳ።
PSA 90:3 ኔን አሳ ናናቱዋ፥ “አሳ ናቶ፥ ጉየ ቢታዉ ስምተ” ያጋደ፥ ኡንቱንታ ጉየ ኡንቱንቱ መቴዳ ቢታዉ ዛራሳ።
PSA 90:4 ሻኡ ላይꬃይ ነዉ ዝን አꬎ ጋላሳ ማላ፤ ዎይ ቃማ ግዶፐ እት ሳትያ ማላ።
PSA 90:5 ኔን አሳ ቆፐናን ድኡዋዳን አፋሳ። ኡንቱንቱ አኩሙዋ ማላ፤ ዎንታ ዎንታ ዶልያ ማታ ማላ።
PSA 90:6 ሄ ማታይካ ዎንታ ዎደ ድጪደ ጪሼ፤ ኦማርስያ ዎደ ሹል መሌ።
PSA 90:7 ኑን ነ ይሉዋን ዉሬዶ፤ ነ ሀንቁዋ ሱሉዋን ዳጋሜዶ።
PSA 90:8 ኔን ኑ ኢታ ኦሱዋ ነ ስንꬃን ዎꬃዳ፤ ቃይ ኑ ጌሜዳ ናጋራ ነ ስንꬃ ፖኡዋኮ አꬃዳ።
PSA 90:9 ኑ ጋላሳ ኡባይ ነ ሀንቁዋን አꬌዳ፤ ኑ ላይꬃ እት ኦልያዳን ዉርሴዶ።
PSA 90:10 ኑ ደኡዋ ላይꬃይ ላፑን ታማ፤ ዎይ ምኖፐ፥ ሆስፑን ታማ፤ ሄዌካ መቱዋነ ቱጋ። ኑ ላይꬃይ ኤለካ አꬌ፤ ኑንካ ኤለካ ክቼቶ።
PSA 90:11 ነ ሀንቁዋ ዎልቃ ኤርያዌ ኦኔ? ነ ሀንቁዋ ሱሉ ያሽያዋ።
PSA 90:12 ሄዋ ድራዉ፥ ኑ ላይꬃ በስያዋዳን፥ ጎኤታና ማላ አꬌዳ ኤራ ኑና ታማርሳ።
PSA 90:13 አቤት መꬍና ጎዳዉ፥ ነ ሀንቁ አዉደ ጋካናሴ? ሀያና፤ ነ ቆማቶ ቃረታ!
PSA 90:14 ኑ ላይꬃ ኡባን ኑን ናሸታናዳንነ የጻናዳን፥ ዎንታ ዎንታ አገና ነ ሲቁዋን ኑና ካልሳ።
PSA 90:15 ኔን ኑና መቶዬዳ ጋላሳቱዋ ኬሻነ ኑን ቱጋ በኤዳ ላይꬃቱዋ ኬሻ፥ ኑና ናሸቻ።
PSA 90:16 ኑዉ ነ ቆማቶ ነ ኦሱ ቆንጮ፤ ነ ቦንቾ ዎልቃይ ኡንቱንቱ ናናቶ ቤቶ።
PSA 90:17 ጎዳ ኑ ጾሳ ኬካተꬃይ ኑ ቦላን ግዶ፤ ኑ ኩሽያ ኦሱዋ ኑዉ ሱርሳ። ኤ፥ ኑ ኩሽያ ኦሱዋ ሱርሳ።
PSA 91:1 ኡባፐ ꬎቂያ ጾሳን ናገቲደ ደእያዌ፥ ኡባፐ ዎልቃማ ጾሳ ኩዋ ግዶን አቄ፤
PSA 91:2 መꬍና ጎዳዉ፥ “ኔን ታዉ ጌሱዋነ ባቃታ አትያ ሳኣ፤ ኔን ታን አማንꬅያ ታ ጾሳ” ያጋና።
PSA 91:3 እ ኔና ሻንካንቻቱዋ ግትያፐካ፥ ዎꬍ ዉርስያ ኢታ ሀርግያፐካ አሻና።
PSA 91:4 እ ባረ ባለቱዋን ኔና ካማና፤ አ ቀፈቱዋ ጋርሳ ኔን ባቃታደ ቆሰታ አታና። አ አማነቱሳይ ነዉ ጎንዳለ።
PSA 91:5 ኔን ቃማ ዳጋንꬅያባዉ፥ ዎይ ጋላስ ጾንገትያባዉ ያያካ፤
PSA 91:6 ዎይ ꬉማን ኦይቂያ ሀርግያዉ፥ ዎይ ጋላሳ ሴታን ዉርስያ ኢታ ሀርግያ ህርጋካ።
PSA 91:7 ሻአይ ነ ምይያን፥ ቃይ ታሙ ሻአይ ኔፐ ኡሸቻ ባጋና ኩንዳና፤ ሽን ኔና አያይነ ቦቼና።
PSA 91:8 ኔን ነ አይፍያ ጻላላን ጼላና፤ ኢታቱ ሙረትያዋካ በአና።
PSA 91:9 መꬍና ጎዳ ኔን ነዉ ባቃታ አትያ ሳኣ ኦꬄዳ ድራዉነ፥ ኡባፐ ꬎቂያ ጾሳ ነዉ፥ ደእያ ሳኣ ኦꬄዳ ድራዉ፥
PSA 91:10 ኢታባይ ኔና ቦቼና፤ ቦሻይካ ነ ጎልያ ሺቀና።
PSA 91:11 አያዉ ጎፐ፥ ነ ኦግያን ኡባን ኔና ናጋና ማላ፥ ጾሳይ ባረ ኪታንቻቱዋ አዛዛና።
PSA 91:12 ነ ገዲ ሹቻን ꬉበተና ማላ፥ ኪታንቻቱ ባረንቱ ኩሽያን ኔና ደንꬃና።
PSA 91:13 ኔን ጋሙዋነ ሾሻ ቦላን ሄመታና፤ ቃይ ዎዳላ ጋሙዋነ ዎꬍያ ሾሻ ኔን የꬋና።
PSA 91:14 መꬍና ጎዳይ ሀዋዳን ያጌ፤ “እ ታና ሲቄዳ ድራዉ፥ ታን አ አሻና። እ ታ ሱንꬃ ኤሬዳ ድራዉ፥ ታን አ ናጋና።
PSA 91:15 እ ታና ጼግያ ዎደ፥ ታን አዉ ኮያና። መቱዋን ታን አናና እትፐ ግዳና፤ ታን አ አሻናነ ቦንቻና።
PSA 91:16 ታን አ ላይꬃ አዱሳደ ካልሳና፤ ታ አቶተꬃ አ በሳና” ያጌ።
PSA 92:1 ማዝሙርያ፥ ሳምባታ ጋላሳዉ የጽያዋ. መꬍና ጎዳ ጋላትያዌ ሎአ። አቤት ኡባፐ ꬎቂያ ጾሳዉ፥ ነ ሱንꬃ ሳቢያዌ ሎአ።
PSA 92:2 ዎንታን አገና ነ ሲቁዋ፥ ቃማን ነ አማነትያዋ ግድያዋ አዋይያዌ ሎአ።
PSA 92:3 ታሙ ባቀꬃን ዋጸቴዳ ዲꬃነ፥ ማስንቁዋን ዲጽያዌ ሎአ።
PSA 92:4 አያዉ ጎፐ፥ አቤት መꬍና ጎዳዉ፥ ነ ዎልቃማ ኦሱዋን ታና ናሸቼዳ ድራዉ፥ ነ ኩሽያ ኦሱዋ ድራዉ፥ ታን ናሸቻዉ የጻይ።
PSA 92:5 አቤት መꬍና ጎዳዉ፥ ነ ኦሱ አይ ኬሻ ግቴ! ነ ቆፋይ አይ ኬሻ ጪሜ!
PSA 92:6 ኤያ አሳይ ኤራናዉ ዳንዳየና፤ ዶንጭሌዳ አሳይካ አኬካናዉ ዳንዳየና።
PSA 92:7 ሄዌነ፥ ኢታቱ ማታዳን ድጮፐካ፥ ኢታ ኦꬅያ ኡባቱ ዳሾፐካ፥ ኡንቱንቱ መꬍናዉ ꬋያና።
PSA 92:8 ሽን አቤት መꬍና ጎዳዉ፥ ኔን መꬍናዉ ኡባፐ ꬎቃ።
PSA 92:9 አቤት መꬍና ጎዳዉ፥ ነ ሞርከቱ ꬋያናዋነ ኢታ ኦꬅያ ኡባቱ ትስክ ጋናዋ ኑን ኤረቶ።
PSA 92:10 ታ ካጭያ ባዙዋ መንꬃ ካጭያዳን ꬎቂሳዳ፤ ሎኦ ዛይትያ ታና ኦካዳ።
PSA 92:11 ታ ሞርከቱ ጾነቴዳዋ ታ አይፍያን በኣድ፤ ታ ኢታ ሞርከቱዋ ዋሱዋ ታ ሀይꬃን ስሳድ።
PSA 92:12 ጽሎቱ ዛምባዳን ዳሻና፤ ቃይ ሊባኖሳ ዝጋዳን ድጫና።
PSA 92:13 ኡንቱንቱካ መꬍና ጎዳ ዳባባን ቶከቴዳ ምꬃ ማላ፤ ኡንቱንቱ ኑ ጾሳ ጌሻ ጎልያን ዳሻና።
PSA 92:14 ኡንቱንቱ ኤጪደካ አይፋና፤ ኡንቱንቱ መꬍናዉ እርጻነ ፓጻ።
PSA 92:15 ኡንቱንቱ፥ “መꬍና ጎዳይ ሱረ፤ እ ታዉ ዎጋ ዛላ፤ ኢታተꬅ አን ባዋ” ያጋና።
PSA 93:1 መꬍና ጎዳይ ካተቴዳ! መꬍና ጎዳይ ቦንቹዋ ማዬዳ፤ ዎልቃ ዳንጬዳ። ሳአይ ምኒደ ኤቄዳ፤ ኡባካ ቃጸና።
PSA 93:2 ነ ካዉተꬃ አራታይ በኒደፐ ኤቄዳ፤ ኔን መꬍናደፐ ደኣሳ።
PSA 93:3 አቤት መꬍና ጎዳዉ፥ ጪሞ ሻፋቱ ጉሜዳ፤ ጪሞ ሻፋቱ ባረ ጉንꬃ ꬎቁ ኦꬄዳ።
PSA 93:4 ሳሉዋን ደእያ መꬍና ጎዳይ ዳሮ ሃꬃ ጉንꬃፐካ፥ አባ በታቱዋፐካ አꬌዳ ዎልቃማ።
PSA 93:5 አቤት መꬍና ጎዳዉ፥ ኔን ኦዴዳባይ አማነትያዋ፤ ነ ጎሊ መꬍናዉ ጌሻተꬃን አሌቃና።
PSA 94:1 አቤት መꬍና ጎዳዉ፥ ኔን ኩሽያ ጭገትያ ጾሳ። አቤት ኩሽያ ጭገትያ ጾሳዉ፥ ነ ቦንቹዋ በሳ።
PSA 94:2 አቤት ሳኣ ፕርድያዎ፥ ደንዳ፤ ኦቶራንቻቶ በስያ ሙሩዋ እማ።
PSA 94:3 አቤት መꬍና ጎዳዉ፥ አዉደ ጋካናዉ ጋምአኔ? ኢታቱ አዉደ ጋካናዉ ናሸታኔ?
PSA 94:4 ኢታ ኦꬅያ ኡባቱ፥ ባረንቱ ኦቶሮ ቃላ ሃሳዪኖ፤ ኡንቱንቱ ጬቀቲኖ።
PSA 94:5 አቤት መꬍና ጎዳዉ፥ ኡንቱንቱ ነ አሳ ሊቂሲኖ፤ ነ ላታ ናቂኖ።
PSA 94:6 ኡንቱንቱ አምኤቱዋነ በተቱዋ ዎꬊኖ፤ አዉ ባይናዋንታካ ዎꬊኖ።
PSA 94:7 ያቲደ ኡንቱንቱ፥ “መꬍና ጎዳይ ኑና በኤና፤ ያቆባ ጾሳይ አኬከና” ያጊኖ።
PSA 94:8 ህንተኖ፥ አሳ ግዶፐ አꬌዳ ዳማቶ፥ አኬክተ! ህንተኖ ኤያቶ፥ አዉደ ኤራንቻ ግዳንቴ?
PSA 94:9 ሀይꬃ መꬌዳ ጾሳይ ስሰኔ? አይፍያ መꬌዳዌ በኤኔ?
PSA 94:10 ካዉተꬃ ሴርያዌ ሙረኔ? አሳ ኤራ ታማርስያዌ ባረዉ ኤረኔ?
PSA 94:11 መꬍና ጎዳይ አሳ ቆፋይ መላ ግድያዋ ኤሬ።
PSA 94:12 አቤት መꬍና ጎዳዉ፥ ኔን ሴርያዌነ ነ ህግያፐ ታማርስያ አሳይ አንጀቴዳዋ።
PSA 94:13 ኢታቱ ኩንድያ ኦላይ ቦከታና ጋካናዉ፥ መቱ ጋክያ ጋላሳን ኔን አ ሸምፕሳሳ።
PSA 94:14 መꬍና ጎዳይ ባረ አሳ አገና፤ እ ባረ ላታ አገና።
PSA 94:15 ፕርዳይ ስሚደ ጽሎ ፕርዳ ግዳናዋ፤ ዎዛና ሱረቱ ኡባይ ሄ ጽሎ ፕርዳ ማዳና።
PSA 94:16 ማካላንቻቱዋ ቦላ ታ ድራዉ ደንድያዌ ኦኔ? ኢታ ኦꬅያዋንቱና ታ ድራዉ ኤቀቴዳዌ ኦኔ?
PSA 94:17 መꬍና ጎዳይ ታና ማደነንቶ፥ ታን ኤለካ ዱፉዋን ገላደ ስርጵ ጋና ሽን።
PSA 94:18 አቤት መꬍና ጎዳዉ፥ ታን፥ “ታ ገዲ ሀልጼ” ያጌዳ ዎደ፥ አገና ነ ሲቁ ታዉ ዘምፖ ግዴዳ።
PSA 94:19 ታና ህርጋይ ዎꬍያ ዎደ፥ ኔን ታና ዎፑ ኦꬃደ ናሸቻሳ።
PSA 94:20 ህግያ ባለꬅያ ጌላ ዳናቱዋና ኔን ዙፐታይ?
PSA 94:21 ጽሎቱዋ ዎꬋናዉ ኡንቱንቱ እትፐ ቶበቲኖ፤ ሱረቱዋ ቦላ ሀይቁዋ ፕርዲኖ።
PSA 94:22 ግዶፐነ፥ መꬍና ጎዳይ ታን ባቃታ አቴዳ ሳኣ፤ ታ ጾሳይ ታን ቆሰትያ ዛላ።
PSA 94:23 ኡንቱንቱ ኢታተꬃ ድራዉ፥ እ ኡንቱንታ ሙራና፤ ኡንቱንቱ ናጋራ ድራዉ፥ እ ኡንቱንታ ꬋይሳና፤ ኤ፥ መꬍና ጎዳይ ኑ ጾሳይ ኡንቱንታ ꬋይሳና።
PSA 95:1 ሃይተ፤ አነ መꬍና ጎዳ ሳቦይተ። ኑና አሽያ ዛላዉ ናሸቻዉ የጾይተ።
PSA 95:2 አ ስንꬃ ጋላታና ሺቆይተ። ጋላታ የꬃ ናሸቻን የጾይተ።
PSA 95:3 አያዉ ጎፐ፥ መꬍና ጎዳይ ዎልቃማ ጾሳ፥ ጾሳቱዋ ኡባ ቦላ ዎልቃማ ካትያ።
PSA 95:4 ቢታ ጪማቱ አ ኩሽያን ደኢኖ፤ ደርያ ሁጰቱካ አዋ።
PSA 95:5 አባ ሃꬃይካ አዋ፤ ሄዋ እ መꬌዳ፤ መላ ቢታካ አ ኩሺ ኦꬄዳ።
PSA 95:6 ሃይተ፤ ሆኪደ አነ አዉ ጎይኖይተ፤ ኑና መꬌዳ መꬍና ጎዳ ስንꬃን ጉልባቶይተ።
PSA 95:7 አያዉ ጎፐ፥ እ ኑ ጾሳ። ኑን አ ቆሩዋን ደእያ አሳቱዋ፤ ኑን እ ሄምያ አ ዶርሳ ዉደቱዋ። ጾሳይ ህንተና ግያዋ ሀች ስስተ!
PSA 95:8 “ካሰ ህንተ ማይዛ አዎቱ፥ ማሪባ ግያ ሳኣን ሀኔዳዋዳን፥ ሄ ጋላስ ማሳ ባዙዋን እጼዳዋዳን፥ ህንተካ ዞርያ አከናን እጾፕተ።
PSA 95:9 ኡንቱንቱ ታ ኦሱዋ በኢደካ፥ ታና ኤቀቴድኖነ ፓጬድኖ።
PSA 95:10 ታን ሄ የለታ ኦይታሙ ላይꬃ ሻተታድ፤ ‘ኡንቱንቱ ኡባ ዎደ ባረንቱ ዎዛናን ባሊኖ፤ ኡንቱንቱ ታ ኦግያ ኤርበይክኖ ያጋድ።
PSA 95:11 ሄዋዳንካ ቃይ፥ ታን ሀንቀታ ጫቃደ፥ ኡንቱንቱ ታ ሸምፑዋሳ ኡባካ ገልክኖ’ ያጋድ” ያጌ።
PSA 96:1 መꬍና ጎዳዉ ኦራꬃ የꬃ የጽተ፤ ሳኣን ደእያ አሳይ፥ ኡባይ መꬍና ጎዳዉ የጽተ።
PSA 96:2 መꬍና ጎዳዉ የጽተ፤ አ ሱንꬃ ሳቢተ፤ እ አሽያ ምሽራቹዋ ጋላሳን ጋላሳን ኦድተ።
PSA 96:3 ካዉተꬃ ግዶን አ ቦንቹዋ፥ አሳ ኡባ ግዶን አ ማላልስያ ኦሱዋባ አዋይተ።
PSA 96:4 አያዉ ጎፐ፥ መꬍና ጎዳይ ዎልቃማ፤ ግታ ጋላታይ አዉ በሴ። ጾሳቱዋ ኡባፐ አꬊደ እ ያየታናዉ በሴ።
PSA 96:5 ሀራ አሳ ጾሳቱ ኡባይ ኤቃቱዋ፤ ሽን መꬍና ጎዳይ ሳሎቱዋ መꬌዳ ጾሳ።
PSA 96:6 ቦንቹነ አንጋይ አ ዩሹዋን ደኤ፤ ምኖተꬃይነ ፑላይ አ ጌሻ ጎልያን ደኤ።
PSA 96:7 ህንተኖ፥ አሳ ዛረቶ ኡባቶ፥ መꬍና ጎዳባ ኦድተ፤ “ቦንቹነ ዎልቃይ መꬍና ጎዳሳ” ጊደ ኦድተ።
PSA 96:8 “ቦንቹ አ ሱንꬃሳ” ጊደ መꬍና ጎዳባ ኦድተ። ያርሹዋ አኪደ፥ አ ዳባባ ገልተ።
PSA 96:9 አ ጌሻተꬃ ፑላን መꬍና ጎዳዉ ጎይንተ፤ ቢታን ደእያ አሳ ኡባዉ፥ አ ስንꬃን ኮኮርተ።
PSA 96:10 ካዉተꬃቱዋ ግዶን፥ “መꬍና ጎዳይ ካተቴዳ! ሳአይ ምን ኤቄዳ፤ ኡባካ ቃጸና። እ አሳ ቦላ ሱረተꬃን ፕርዳና” ያግተ።
PSA 96:11 ሳሎቱ ናሸትኖ፤ ሳአይካ ሀሹ ጎ፤ አባይነ አ ግዶን ኩሜዳዌ ጉሞ።
PSA 96:12 ሾይቃይነ ሾይቃን ደእያ ኡባይ ናሸቶ! ዎራን ደእያ ምꬃ ኡባይካ ናሸቻን አ ስንꬃን የጻና።
PSA 96:13 አያዉ ጎፐ፥ መꬍና ጎዳይ ዬ፤ እ ሳኣ ቦላን ፕርዳናዉ ዬ፤ እ ሀ ሳኣ ቦላ ጽሎተꬃን፥ አሳ ቦላካ ቱማተꬃን ፕርዳና።
PSA 97:1 መꬍና ጎዳይ ካዉቴዳ። ሳኣን ደእያ አሳይ ናሸቶ፤ ሃኮ ሃꬃን ዶደቶ ሳን ደእያ አሳቱካ ናሸትኖ።
PSA 97:2 ሻሪነ ꬍጵ ጎ ꬉማይ አ ዶዴዳ። ጽሎተꬃይነ ቱማተꬃይ አ ካዉተꬃ አራታዉ ባሶ።
PSA 97:3 ታማይ አፐ ስንꬃና ቤ፤ አ ዶዴዳ ሞርከቱዋ ጹጌ።
PSA 97:4 አ ዋልቃንꬃይ ሳኣ ፖእሴ፤ ቢታይ ሄዋ በኢደ ኮኮሬ።
PSA 97:5 መꬍና ጎዳ ስንꬃን፥ ሳኣ ኡባ ጎዳ ስንꬃን ዎጋ ደረቱ ኤሳ ሙቃዳዳን ሙሺኖ።
PSA 97:6 ሳሎቱ አ ጽሎተꬃ አዋዪኖ፤ አሳይ ኡባይ አ ቦንቹዋ በኤ።
PSA 97:7 ዎርዶ ጾሳቶ ጎይንያዋንቱነ ሄ ጎኤና ኤቃቱዋን ጬቀትያዋንቱ ኡባይ ዬላትኖ። ጾሳቱ ኡባይ ጾሳዉ ጉልባትኖ።
PSA 97:8 አቤት መꬍና ጎዳዉ፥ ጽዮነ አሳይ፥ ነ ጽሎ ፕርዳ ስሲደ ናሸቴ፤ ይሁዳ ካታማቱዋ አሳይካ ሀሹ ጌ።
PSA 97:9 አቤት መꬍና ጎዳዉ፥ ኔን ሳኣ ኡባፐ ꬎቃሳ፤ ጾሳቱዋ ኡባፐ ኔን ꬎቁ ጋሳ።
PSA 97:10 መꬍና ጎዳ ሲቅያዋንቱ ኢታ እጽተ። እ ባረዉ አማነትያ አሳቱዋ ሸምፑዋ ናጌ፤ ቃይ ኡንቱንታ ኢታቱዋ ኩሽያፐ አሼ።
PSA 97:11 ጽሎቶ ፖኡ ፖኤ፤ ዎዛና ሱረቶ ናሸቻይ ደኤ።
PSA 97:12 ህንተኖ ጽሎቶ፥ መꬍና ጎዳን ናሸትተ፤ አ ጌሻ ሱንꬃ ጋላትተ።
PSA 98:1 ማዝሙርያ መꬍና ጎዳዉ ኦራꬃ የꬃ የጽተ፤ አያዉ ጎፐ፥ እ ማላልስያባ ኦꬄዳ። አ ኡሸቻ ኩሺነ አ ጌሻ ቄሲ አዉ ጾኑዋ እሜዳ።
PSA 98:2 መꬍና ጎዳይ ባረ ጾኑዋ ኤርሴዳ፤ እ አሽያዋ ካዉተꬃቶ ቆንጭሴዳ።
PSA 98:3 እ እስራኤልያ ሶ አሳ ሲቅያዋነ ኡንቱንቶ አማነትያዋ ሀሳዬዳ። ሳኣ ጋጻ ጋካናዉ ደእያ አሳይ ኡባይ ኑ ጾሳይ አሽያዋ በኤዳ።
PSA 98:4 ሳኣ ቦላን ደእያ አሳ ኡባይ፥ መꬍና ጎዳዉ ናሸቻን የጽተ፤ ቃላ ꬎቁ ኦꬂደ፥ ናሸቻ ሳባ ሳቢተ።
PSA 98:5 ዲꬃ መꬍና ጎዳዉ ዲጽተ፤ ዲꬃንነ የꬃን ጾሳ ሳቢተ።
PSA 98:6 ጹሩምባነ ሎኩዋ ፑኒደ፥ ናሸቻን መꬍና ጎዳ ኑ ካትያ ስንꬃን ሆምቦጭተ።
PSA 98:7 አባይነ አባ ግዶን ኩሜዳዌ ኡባይ ጉሞ። ሳአይነ ሳኣ ቦላን ደእያ ኡባይ የጾ።
PSA 98:8 ሻፋቱ እትፐ ባረንቱ ኩሽያ ባቂኖ። ቄር ደረቱ መꬍና ጎዳ ስንꬃን እትፐ ናሸቻን የጽኖ።
PSA 98:9 አያዉ ጎፐ፥ እ ሳኣ ቦላን ዳናታናዉ ዬ። እ ሀ ሳኣ ቦላ ጽሎተꬃን፥ አሳ ቦላካ ሱረተꬃን ዳናታና።
PSA 99:1 መꬍና ጎዳይ ካዉቴዳ! ሄዎ አሳቱ ኮኮርኖ። ክሩበቱዋፐ ግዱዋን ካዉተꬃ አራታ ቦላ ኡቴዳ፤ ሄዎ ቢታይ ቃጾ፤
PSA 99:2 መꬍና ጎዳይ ጽዮነን ዎልቃማ፤ ካዉተꬃ ኡባፐ እ ꬎቁ ꬎቁ ጌዳ።
PSA 99:3 ዳሮፐ ያሽያ አ ዎልቃማ ሱንꬃ፥ ኡንቱንቱ ኡባይ ጋላትኖ። እ ጌሻ!
PSA 99:4 ኔን፥ ዎልቃማ ካቲ፥ ልከ ፕርዳ ዶሳሳ። ኔን ያቆባ አሳዉ ሱረተꬃ ምንሳዳ። ጽሎተꬃነ ልከ ፕርዳ ኤሳዳ።
PSA 99:5 መꬍና ጎዳ ኑ ጾሳ ꬎቁ ꬎቁ ኦꬅተ፤ አ ገዲ የꬍያሳን ጉፋኒደ አዉ ጎይንተ። እ ጌሻ!
PSA 99:6 ሙሴነ አሮነ አ ቀሰቱዋ ግዱዋፐ ላአቱዋ፤ ሳሜልካ አ ሱንꬃን ዎሴዳዋንቱፐ እቱዋ። ኡንቱንቱ መꬍና ጎዳዉ ዋሴድኖ፤ እካ ኡንቱንቶ አሌዳ።
PSA 99:7 እ ሻርያ ቱሳ ግዱዋና ኡንቱንቶ ሃሳዬዳ፤ ኡንቱንቱ እ እሜዳ ህግያነ ዎጋ ናጌድኖ።
PSA 99:8 አቤት መꬍና ጎዳዉ፥ ኑ ጾሳዉ፥ ኔን ኡንቱንቱ ዎሳ ስሳዳ። ኔን ኡንቱንቱ ኢታተꬃ ድራዉ ሙሬዳዋ ግዶፐካ፥ ኡንቱንቶ አቶ ጌዳ ጾሳ።
PSA 99:9 መꬍና ጎዳ ኑ ጾሳ፥ ꬎቁ ꬎቁ ኦꬅተ፤ አ ጌሻ ደርያ ቦላን አዉ ጎይንተ፤ አያዉ ጎፐ፥ መꬍና ጎዳይ ኑ ጾሳይ ጌሻ!
PSA 100:1 ጋላታ እምያ ማዛሙርያ ሳኣን ደእያ አሳ ኡባዉ፥ መꬍና ጎዳዉ ህንተ ቃላ ꬎቁ ኦꬂደ የጽተ።
PSA 100:2 መꬍና ጎዳዉ ናሸቻን ኦꬅተ፤ ናሸቻ የꬃና አ ስንꬃ ሺቅተ።
PSA 100:3 መꬍና ጎዳይ ጾሳ ግድያዋ ኤርተ፤ ኑና መꬌዳዌ አ፤ ኑን አዋንታ። ኑን አ አሳቱዋነ አ ቆሩዋን ደእያ ዶርሳቱዋ።
PSA 100:4 አ ፐንግያ ጋላታና፥ አ ዳባባ ሳባና ገልተ፤ አ ጋላትተነ አ ሱንꬃ ሳቢተ።
PSA 100:5 አያዉ ጎፐ፥ መꬍና ጎዳይ ኬካ። አገና አ ሲቁ መꬍናሳ፤ እ የለታፐ የለታ ጋካናዉ አማነትያዋ።
PSA 101:1 ዳዊታ ማዛሙርያ ታን አገና ሲቁዋባነ ጽሎ ፕርዳባ የጻና፤ አቤት መꬍና ጎዳዉ፥ ታን ነዉ የጻና።
PSA 101:2 ታን ሱረ ኦግያባ ቆፓና። ኔን ታኮ አዉደ ያን? ታን ታ ጎልያን ሱረተꬃን ሀመታና።
PSA 101:3 ታን ታ አይፍያን ፖኮባ ጼልከ። ጾሳፐ ዎራ ስሜዳ አሳቱዋ ኦሱዋ እጻይ፤ ኡንቱንቱ ሙለካ ታናና ግድክኖ።
PSA 101:4 ዎዛና ጌላተꬃይ ታፐ ሃኮ፤ ኢታተꬃ ታን ኤርከ።
PSA 101:5 ጌማን ባረ ሾሩዋ ዝግርያዋ፥ ታን ስርጵ ኦꬃና። ኦቶረትያነ አይያ አሳ ታን ዳንዳይከ።
PSA 101:6 ኡንቱንቱ ታናና ደአና ማላ፥ ቢታ ቦላ ደእያ አማነትያዋንታ፥ ታን ኬካ አይፍያን ጼላይ። ሱረተꬃን ሀመትያ አሳይ ታዉ ኪተታና።
PSA 101:7 ጭምያዌ ታ ጎልያን ደኤና፤ ዎርዱዋ ሃሳይያዌ ታ ስንꬃን ጋምኤና።
PSA 101:8 ቢታን ደእያ ኢታ አሳ ኡባ፥ ታን ጋላስ ጋላስ ꬋይሳና፤ ኢታ ኦꬅያዋንታ ኡባ፥ ታን መꬍና ጎዳ ካታማፐ ꬎቆላና።
PSA 102:1 መꬍና ጎዳ ስንꬃን ባረና ዶጊደ ባረ ካዩዋ ጉስያ ዎደ፥ ቱጋቴዳ አሳይ ዎሴዳ ዎሳ. አቤት መꬍና ጎዳዉ፥ ታ ዎሳ ስሳ፤ ታ ዋሱ ኔኮ ጋኮ።
PSA 102:2 ታ ዋይያ ጋላስ፥ ነ ሶምኡዋ ታፐ ገንꬆፓ። ነ ሀይꬃ ታኮ የጋ፤ ታን ነዉ ዋስያ ዎደ፥ ታና ኤለካ አላ።
PSA 102:3 አያዉ ጎፐ፥ ታ ላይꬃይ ጩዋዳን ꬋዬ፤ ታ መቀꬃይካ ታማ ቦንቁዋዳን ኤጼ።
PSA 102:4 ታ ዎዛናይ ሾጭ የጌዳ መላ ማታዳን ሀናድ፤ ቁማይካ ታዉ ሜተተና።
PSA 102:5 ታን ታ ቃላ ꬎቁ ኦꬃደ ኦላይ፤ ታ ጋልባይ መቀꬃና ኦይቀቴዳ።
PSA 102:6 ታን ባዙዋን ደእያ አንኩዋ ማላ፥ ዎይ ኮለቴዳ ጎልያን ደእያ ጉቱዋ ማላ።
PSA 102:7 ታን ግስና፥ ገምእሹ ዬና፤ ታን ጎልያ ሁጲያን ባረካ ኡቴዳ ካፉዋ ማላ።
PSA 102:8 ታ ሞርከቱ ጋላሳ ኡባን ታና ጫሺኖ፤ ታና ቅሊጭያዋንቱ ታ ሱንꬃን ሸቂኖ።
PSA 102:9 ታን ብድንꬃ ቁማዳን ማይ፤ ቃይ ታ አፎꬃ ታ ኡሻና ዋላካይ።
PSA 102:10 ኔን ታና ፑደ ደንꬃደ፥ ነ ሀንቁዋ ድራዉ ዎራ ኦላዳ።
PSA 102:11 ታ ደኡዋ ላይꬃይ ኦማርሳ ኩዋ ማላ፤ ታን ማታዳን ሹላይ።
PSA 102:12 ሽን አቤት መꬍና ጎዳዉ፥ ኔን ካዉተꬃ አራታን መꬍናዉ ኡታዳ፤ ነ ሱንꬃይካ የለታፐ የለታ ጋካናዉ ሀሳየታና።
PSA 102:13 ኔን ደንዳደ፥ ጽዮነዉ ቃረታ፤ አያዉ ጎፐ፥ ኔን እዞ ማርያ ዎዲ ጋኬዳ፤ ሀዌ ኔን ዶሬዳ ዎድያ።
PSA 102:14 እዛ ኮለቴዳዋ ግዶፐካ፥ ነ ቆማቱ እዞ ሲቂኖ። እዛ ባዬዳዋ ግዶፐካ፥ ኡንቱንቱ እዝዉ ቃረቲኖ።
PSA 102:15 ካዉተꬃቱ መꬍና ጎዳ ሱንꬃዉ ያያና፤ ሳኣ ካተቱ ኡባይ አ አንጋዉ ዳጋማና።
PSA 102:16 አያዉ ጎፐ፥ መꬍና ጎዳይ ጽዮነ ዛረꬅ ኬጺደ፥ እ ባረ ግታተꬃ በሳና።
PSA 102:17 እ ፑቴሳቱዋ ዎሳ ስሳና፤ ኡንቱንቱ ዋሱዋ ካና።
PSA 102:18 ብሮ የለታና አሳቱ መꬍና ጎዳ ጋላታና ማላ፥ ሀዌ ይያ የለታዉ ጻፈቶ።
PSA 102:19 መꬍና ጎዳይ ꬎቃን ደእያ ባረ ጌሻ ሳኣፐ ዱገ ጼሌዳ፤ እ ሳሉዋፐ ዱገ ሳኣ ጾሞሴዳ።
PSA 102:20 ሄዌነ፥ ቃሸቴዳ አሳቱዋ ኦልያ ስሳናሳነ ሀይቆ ፕርደቴዳ አሳቱዋ ብላናሳ።
PSA 102:21 ሄዋ ድራዉ፥ መꬍና ጎዳ ሱንꬃይ ጽዮነን ኦደታናነ አ ጋላታይ የሩሳላመን አዋየታና።
PSA 102:22 አሳይነ ካዉተꬃይ እትፐ ሺቂደ፥ መꬍና ጎዳዉ ሄ ዎደ ጎይናና።
PSA 102:23 እ ታን ያላጋተꬃን ደኢና፥ ታ ዎልቃ ዉርሴዳ፤ ታ ላይꬃ ቃንꬃዬዳ።
PSA 102:24 ያትና፥ ታን፥ “አቤት ታ ጾሳዉ፥ ታ ላይꬃይ ብሮ ግዶትያ ዎደ፥ ታና አፎፓ” ያጋይ። አቤት ጾሳዉ፥ ኔን የለታፐ የለታ ጋካናዉ ደኣሳ።
PSA 102:25 ኔን በን ሳኣ መꬋዳ፤ ሳሉካ ነ ኩሽያ ኦሱዋ።
PSA 102:26 ሄዋንቱ ኡባይ ꬋያና፤ ሽን ኔን ደአና፤ ኡንቱንቱ ኡባይካ አፍላዳን ዉራና። ኔን ኡንቱንታ ጩርቃ አፍላዳን ላማና፤ ኡንቱንቱካ አꬋና።
PSA 102:27 ሽን ኔን ኔናካ፤ ነ ላይꬃይ ኡባ ዉረና።
PSA 102:28 ኑን ነ ቆማቱዋ፤ ኑ ናናቱ ሳሮተꬃን ደአና። ኡንቱንቱ ዘረꬃይካ ነ ስንꬃን ምኒደ ኤቃና።
PSA 103:1 ዳውት ጻፌዳዋ ታ ሸምፓቴ፥ መꬍና ጎዳ ጋላታ! ታ ኩመንꬃ አሳተꬃዉ፥ አ ጌሻ ሱንꬃ ጋላታ።
PSA 103:2 ታ ሸምፓቴ፥ መꬍና ጎዳ ጋላታ! እ ነዉ ኦꬄዳ ኬካተꬃ ኡባ ዶጎፓ።
PSA 103:3 እ ነ ናጋራ ኡባ አቶ ጌ፤ እ ነ ሀርግያ ኡባፐ ኔና ፓꬄ።
PSA 103:4 እ ኔና ዱፉዋን ገለናዳን አሼ፤ አገና ሲቁዋንነ ማሮታን ኔና አንጄ።
PSA 103:5 አርጋንꬃዳን ኔን ያላጋና ማላ፥ እ ነ ደኡዋ ኡባን ኔና ሎኦባ ካልሴ።
PSA 103:6 መꬍና ጎዳይ ናቀቴዳዋንቶ ጽሎባ ኦꬄነ ሱርያን ፕርዴ።
PSA 103:7 እ ባረ ኦግያ ሙሳ፥ ባረ ኦሱዋ እስራኤልያ አሳዉ ኤርሴዳ።
PSA 103:8 መꬍና ጎዳይ ቃረትያዋነ ማርያዋ፤ እ ሀንቀታናዉ ኤሌለናዋነ አገና ሲቁ ዳሩዋ።
PSA 103:9 እ ኡባ ገደ ሴረና፤ መꬍናዉ ሀንቀተና።
PSA 103:10 እ ኑና ኑ ናጋራዳን ኦꬅቤና፤ ኑ ኢታተꬃዳን ኑዉ ዛርቤና።
PSA 103:11 ሳሉ ሳኣፐ ꬎቂያዋዳን፥ መꬍና ጎዳዉ ያይያዋንቶ አገና አ ሲቁ ዳራ።
PSA 103:12 አዋይ ዶልያሳፐ አዋይ ዉልያሳይ ሃክያዋዳን፥ መꬍና ጎዳይ ኑ ባይዙዋ ኑፐ ሃሴ።
PSA 103:13 አዉ ባረ ናናቶ ቃረትያዋዳን፥ መꬍና ጎዳይ ባረዉ ያይያዋንቶ ቃረቴ።
PSA 103:14 አያዉ ጎፐ፥ ኑን አያፐ መቴደንቶ እ ኤሬ፤ ኑን ቢታ ግድያዋ እ አኬኬ።
PSA 103:15 አሳ ግዶፐ፥ አ ደኡ ማታ ማላ፤ እ ባዙዋ ጪሻዳን ጪሼ፤
PSA 103:16 ጫርኩ አ ቦላ ጫርክና ꬋዬዳ፤ እ ዶሌዳ ሳአይ ኤረተና።
PSA 103:17 ሽን መꬍና ጎዳዉ ያይያዋንቶ፥ አገና አ ሲቁ መꬍናፐ መꬍና ጋካናሳ። አ ጽሎተꬃይካ ናኣ ናአዉ ጋካናሳ።
PSA 103:18 አ ጫቁዋ ናግያዋንቱሳነ አ አዛዙዋ ፖላናዉ ሀሳይያዋንቱሳ።
PSA 103:19 መꬍና ጎዳይ ሳሎቱዋን ባረ ካዉተꬃ አራታ ኤሴዳ፤ አ ካዉተꬃይ ኡባ ሞዴ።
PSA 103:20 ህንተኖ፥ አ ኪታንቻቶ፥ አ አዛዙዋ ፖልያ ዎልቃማቶ፥ እ ግያዋ ስስስያዋንቶ፥ መꬍና ጎዳ ጋላትተ!
PSA 103:21 ህንተኖ ሳሉዋን ደእያ ምኖቶ፥ አ ሸንያ ኦꬅያ ቆማቶ፥ መꬍና ጎዳ ጋላትተ!
PSA 103:22 ህንተኖ፥ እ ሞድያ ሳኣ ኡባ መታቶ፥ ኡባይካ መꬍና ጎዳ ጋላትተ! ታ ሸምፓቴ፥ መꬍና ጎዳ ጋላታ!
PSA 104:1 ታ ሸምፓቴ፥ መꬍና ጎዳ ጋላታ! አቤት መꬍና ጎዳዉ ታ ጾሳዉ፥ ኔን አይ ኬሻ ግቴ! ኔን ቦንቹዋነ አንጋ ማያዳ።
PSA 104:2 ፖኡዋ አፍላዳን ጉሎታዳ። ኔን ሳሉዋ ዱንካንያዳን ቶላዳ።
PSA 104:3 ነ ጎልያ ሳሉዋ ጉፋንꬁዋ ቦላን ኬጻሳ። ሻርያ ፓራ ጋርያ ከሳሳ፤ ጫርኩዋ ቀፍያን ቶጋሳ።
PSA 104:4 ኔን ጫርኮቱዋ ነ ኪታንቻ፥ ታማ ላጩዋካ ነ ቆማ ከሳሳ።
PSA 104:5 ኔን ሳኣ አ ባሱዋ ቦላ ኤሳዳ፤ እ መꬍ መꬍናዉካ ቃጸና።
PSA 104:6 ዎልቃማ አባይ ቢታ ቦላን አፍላዳን ምጨቴዳ፤ ሃꬃይ ዎልቃማ ደረቱዋ ካሜዳ።
PSA 104:7 ሽን ነ ጎደትና ሃꬃቱ ባቃቴድኖ፤ ነ አዛዙዋ ስሲደ፥ ኤሌሌድኖ።
PSA 104:8 ኡንቱንቱ ዎጋ ደረቱዋፐ ዱገ ዛንጋራ፥ ኔን ኡንቱንቶ ጊግሴዳ ሳኣ ጎጌድኖ።
PSA 104:9 ሃꬃቱ ስሚደ ቢታ ካመናዳን፥ ኡንቱንቱ አꬋናዉ ዳንዳየና ዛዋ ኤሳዳ።
PSA 104:10 ኔን ፑልቶቱዋ ዛንጋራን ፑልትሳሳ፤ ኡንቱንቱ ሃꬃይ ደረቱዋ ግዱዋና ጎጌ።
PSA 104:11 ጎግያዋፐ ባዙዋ ዶአቱ ኡባይ ኡሺኖ፤ ደንባ ሃረቱ ባረንቱ ሳሙዋ አፐ አሊኖ።
PSA 104:12 ሳሉዋ ካፎቱ ሄ ሃꬃ ማታን ባረንቱ ጎልያ ኬጺደ፥ ታሽያ ግዶን የጺኖ።
PSA 104:13 ኔን ዎልቃማ ደረቱዋ ቦላን ሳሉዋፐ እራ ቡክሳሳ፤ ቢታካ ነ ኩሽያ ኦሱዋ አይፍያን ካልሳሳ።
PSA 104:14 ኔን መህያዉ ማታ፥ አሳዉ ካꬃ ሞክሳሳ። ሄዌነ፥ አሳይ ቢታ ኦꬂደ፥ ቢታፐ ካꬃ ደማናሳ።
PSA 104:15 አሳ ዎዛና ናሸችያ ዎይንያ፥ ሶምኡዋ ሽጭስያ ዛይትያነ ዎልቃ ኩንꬅያ ቁማ ሞክሳሳ።
PSA 104:16 መꬍና ጎዳ ምꬃቱ፥ እ ቶኬዳ ሊባኖሳ ዝጋቱ፥ ዳሮ እራ ኡሺኖ።
PSA 104:17 ኡንቱንቱን ካፎቱ ባረንቱ ጎልያ ኬጺኖ፤ ቆለቱካ ጺዳ ቦላ ኬጺደ ደኢኖ።
PSA 104:18 ꬎቃ ደረቱዋ ቦላን ጋራቱ ደኢኖ፤ ቃይ ጉፓለቱ ሹቻ ጎንጎሉዋን ቆሰቲኖ።
PSA 104:19 ዎድያ ፓይዱዋ ኤርሳና ማላ፥ ኔን አግና መꬋዳ። አዋይ ባረ ዉልያ ዎድያ ኤሬ።
PSA 104:20 ኔን ቃማ መꬋዳ፤ ꬉማን ዶአይ ኡባይ ከሴ።
PSA 104:21 ዎዳላ ጋሞቱ ሻንካቲደ ጉዲኖ፤ ኡንቱንቱ ባረንቶ ምያዋ ጾሳፐ ኮዪኖ።
PSA 104:22 አዋይ ከስያ ዎደ፥ ጉየ ስሚደ ባረንቱ ጌሱዋን ግሲኖ።
PSA 104:23 ሄ ዎደ አሳይ ባረ ኦሶ ከሴ፤ ሳአይ ቃማና ጋካናዉ ኦꬄ።
PSA 104:24 አቤት መꬍና ጎዳዉ፥ ነ ኦሱ አይ ኬሻ ዳሬ! ነ አꬌዳ ኤራተꬃን ኔን ኡንቱንቱ ኡባ መꬋዳ፤ ሳአይ ኔን መꬌዳዋን ኩሜዳ።
PSA 104:25 አባይ ህንን ሄዌሽ፤ እ ዎልቃማነ አኮ፤ ፓይዱ ባይና ቃጽያ መታቱዋን፥ ግታቱዋንነ ጉꬃቱዋን ኩሚደ ደኤ።
PSA 104:26 ሄዋ ቦላን ማርካባቱ ቢኖ፤ ቃይ ኔን መꬌዳ ሌዋታና ግያ ዳዊ አን ካኤ።
PSA 104:27 ኔን ኡንቱንታ ኮሽያ ዎድያን ኡንቱንቶ ቁማ እማና ማላ፥ ኡንቱንቱ ኡባይ ኔና ጼሊኖ።
PSA 104:28 ኔን ኡንቱንቶ እምና፥ ኡንቱንቱ ማጺኖ፤ ኔን ነ ኩሽያፐ የግና፥ ኡንቱንቱ ሎኦባ ካሊኖ።
PSA 104:29 ኔን ነ ሶምኡዋ ገንꬅያ ዎደ ዳጋሚኖ። ነ ሸምፑዋ ኔን አክያ ዎደ ሀይቂደ፥ ባረንቱ ቢታዉ ስሚኖ።
PSA 104:30 ሽን ኔን ነ ሸምፑዋ ኪትያ ዎደ፥ ሀራቱ መቲኖ፤ ቢታካ ኦራꬃሳ።
PSA 104:31 መꬍና ጎዳ ቦንቹ መꬍናዉ ደኦ፤ መꬍና ጎዳይ ባረ ኦሱዋን ናሸቶ።
PSA 104:32 እ ቢታ ጼልና፥ ቢታይ ቃጼ፤ ቃይ እ ደረቱዋ ቦንችና፥ ደረቱ ጩዋቲኖ።
PSA 104:33 ታን ታ ደኡዋ ኡባን መꬍና ጎዳዉ የጻና፤ ታን ደኤዳ ላይꬃ ኡባን ታ ጾሳ ሳባና።
PSA 104:34 ታን መꬍና ጎዳን ናሸትያ ድራዉ፥ ታ ቆፋይ አ ናሸቾ።
PSA 104:35 ናጋራንቻቱ ቢታፐ ꬋይኖ፤ ሀዋፐ ስንꬃዉ ኢታቱ ደኦፕኖ። ታ ሸምፓቴ፥ መꬍና ጎዳ ጋላታ! መꬍና ጎዳ ጋላትተ!
PSA 105:1 መꬍና ጎዳ ጋላትተ፤ አ ሱንꬃ ጼስተ። እ ኦꬄዳዋ ካዉተꬃቱዋ ግዱዋን ኤርስተ።
PSA 105:2 አ ሳቢተ፤ ጋላታ የꬃ አዉ የጽተ። አ ማላልስያ ኦሱዋ ኡባባ ኦድተ።
PSA 105:3 አ ጌሻ ሱንꬃን ጬቀትተ፤ መꬍና ጎዳ ኮይያ ዎዛናቱ ናሸትኖ።
PSA 105:4 መꬍና ጎዳነ አ ዎልቃ ጾሞስተ፤ ኡባ ገደ አ ስንꬃ ኮይተ።
PSA 105:5 እ ኦꬄዳ ማላልስያባ፥ አ ማላታነ እ ፕርዴዳ ፕርዳ ሀሳይተ።
PSA 105:6 ህንተኖ፥ አ ቆማ አብራሃማ ዘረꬃቶ፥ ዶረቴዳ ያቆባ ናቶ።
PSA 105:7 እ መꬍና ጎዳ ኑ ጾሳ፤ አ ቱሞ ፕርዳይካ ሳኣ ኡባ ቦላና።
PSA 105:8 እ ባረ ጫቁዋ መꬍናዉ፥ ባረ አዛዜዳ ቃላ ሻኡ የለታ ጋካናዉ ናጌ።
PSA 105:9 ሄዌነ፥ እ፥ አብራሃማና ጫቀቴዳ ጫቁዋ፥ ይሳቃዉ ጫቄዳ ጫቁዋ፥
PSA 105:10 ያቆባዉ ዎጋ፥ እስራኤልያዉካ መꬍና ጫቁዋ ኦꬂደ ምንሴዳ።
PSA 105:11 ሀዋዳን ያጌዳ፤ “ነዉ ካናነ ቢታ እማና፤ እ ነ ዘረꬃቶ ላታ ግዳና” ያጌዳ።
PSA 105:12 ጾሳ አሳቱ ፓይዱዋን ጺ ጉꬃነ ካናነ ቢታን በተ ግዲደ ደእያ ዎደ፥
PSA 105:13 እት ጋድያፐ ሀራ ጋድያ፥ እት ካዉተꬃፐ ሀራ ካዉተꬃ ዩዬድኖ።
PSA 105:14 ጾሳይ ኡንቱንታ ኦንነ ናቃናዉ እምቤና፤ ኡንቱንቱ ድራዉ ካተቱዋ ሴሪደ፥
PSA 105:15 “ታን ኦኬዳዋንታ ቦቾፕተ፤ ታ ትምቢትያ ኦድያዋንታ ቆሆፕተ” ያጌዳ።
PSA 105:16 ጾሳይ ቢታን ኮሻ የዲደ፥ ኡንቱንቱ ካꬃ ኡባ ꬋይሴዳ።
PSA 105:17 ሽን እ ባረ አሳ አሻናዉ፥ እት ብታንያ ግብጼ ኪቴዳ፤ ሄ ብታኒ አይለ ግዲደ ዛልኤቴዳ ዮሴፋ።
PSA 105:18 አ ገደቱ ብራታን ቃሸቴድኖ፤ ኡንቱንቱ አ ሳንሳላታን ቃቼድኖ።
PSA 105:19 እ ካሰ ኦዴዳዌ ፖለታና ጋካናዉ፥ መꬍና ጎዳ ቃላይ አ ፓጬዳ።
PSA 105:20 ግብጼ ካቲ ኪቲደ ቃሾ ጎልያፐ ከሴዳ፥ ጋድያ ሞድያዌ ብሌዳ።
PSA 105:21 እካ፥ አ ባረ ጎልያዉ ጎዳ ኦꬄዳነ። ባረዉ ደእያዋ ኡባ ቦላ ሱንꬄዳ።
PSA 105:22 ባረዉ ዋና ካፖቱዋ አዛዛና ማላነ ባረ ጭማቱዋ ዞራና ማላ ማታዬዳ።
PSA 105:23 ሄዋፐ ጉይያን፥ እስራኤሊ ግብጼ ገሌዳ፥ ያይቆበ ካመ ቢታን በተ ግዲደ ደኤዳ።
PSA 105:24 መꬍና ጎዳይ ባረ አሳ ዳሮ ጮራዬዳ፤ ኡንቱንቱ ሞርከቱዋፐ ኡንቱንታ አꬂደ ምንꬄ።
PSA 105:25 እ ግብጼ አሳይ ባረ አሳ እጻናዳንነ ባረ ቆማቱዋ ጭማናዳን ኦꬄዳ።
PSA 105:26 ሄዋፐ ጉይያን፥ ባረ ቆማ ሙሳነ ባረ ዶሬዳ አሮና ኡንቱንቱኮ ኪቴዳ።
PSA 105:27 ኡንቱንቱ ግብጼ አሳቱዋ ስንꬃን ጾሳ ማላታ፥ ካመ ቢታን ኦራꬃባ ኦꬄድኖ።
PSA 105:28 ጾሳይ ꬉማ ኪቲደ፥ ሄ ቢታ ꬉምሴዳ፤ ሽን ግብጼ አሳቱ አ አዛዙዋ እጼድኖ።
PSA 105:29 እ ኡንቱንቱ ሃꬃ ሱꬃዉ ላሚደ፥ ሞለቱዋ ዎꬌዳ።
PSA 105:30 ኡንቱንቱ ቢታ ኡባ፥ ካትያ ጎልያካ ሸꬊ ኩሜዳ።
PSA 105:31 እ አዛዝና፥ ኡዱንጺነ ቢኒ ኡንቱንቱ ቢታ ኡባ ቦላ ሻምእሻምኤዳ።
PSA 105:32 ኡንቱንቱ ቢታ ቦላን እራ ድራዉ ሻቻ ዋልቃንꬃና ቡክሴዳ።
PSA 105:33 እ ኡንቱንቱ ዎይንያ ቱራነ ባላስያ ግያ ምꬃ ሾጬዳ፤ ኡንቱንቱ ቢታን ደእያ ምꬃካ ክንቼሬꬄዳ።
PSA 105:34 እ አዛዝና፥ ቦሊነ ፓይዱ ባይና ቡምቡረꬃይ ከሴዳ።
PSA 105:35 ኡንቱንቱ ቢታን ዶሌዳ ካꬃ ኡባ ሜዳ፤ ሳኣፐ እርጻባ ኡባካ ም ꬋይሴዳ።
PSA 105:36 ጾሳይ ግብጼ አሳቱዋ ጎለ ባይራ ናናቱዋ ኡባ ዎꬌዳ፤ ኮይሮ የለቴዳ ኡባ ꬋይሴዳ።
PSA 105:37 ሄዋፐ ጉይያን፥ እ እስራኤልያ አሳ ዎርቃነ ብራ አሌቁዋና ከሴዳ፤ ኡንቱንቱ ግዶፐ ኩንዲደ አቴዳዌ ኦንነ ባዋ።
PSA 105:38 ግብጼ አሳቱ ኡንቱንቶ ዳሮ ያዬዳ ድራዉ፥ ኡንቱንቱ ከሴዳዋን ናሸቴድኖ።
PSA 105:39 ጾሳይ ኡንቱንታ ካማናዉ ሻርያ ምጬዳ፤ ቃማ ኡንቱንቶ ፖእሳናዉ ታማ ጊግሴዳ።
PSA 105:40 ኡንቱንቱ ምያዋ ኦችና፥ አካ ማላትያ ካፎቱዋ ኡንቱንቶ የዴዳ፤ ኡንቱንታ ሳሉዋ ቁማ ካልሴዳ።
PSA 105:41 እ ሹቻ ጳልቂና፥ ሃꬃይ ፑልቴዳ፤ ሻፋዳን ባዙዋን ጎጌዳ።
PSA 105:42 እ ባረ ቆማ አብራሃማዉ፥ ገሌዳ ጌሻ ቃላ ሀሳዬዳ።
PSA 105:43 እ ባረ አሳ ናሸቻን፥ ባረ ዶሬዳዋንታ እልልሳን ከሴዳ።
PSA 105:44 እ ኡንቱንቶ ሀራ አሳቱዋ ቢታ እሜዳ፤ ኡንቱንቱ ሀራቱ ዳቡሬዳ ጎሻ ላቴድኖ።
PSA 105:45 ሄዋ እ ኦꬄዳዌ ኡንቱንቱ አ ዎጋ ናጋናዳናነ አ ህግያ ኦꬃናዳና። መꬍና ጎዳ ጋላትተ!
PSA 106:1 መꬍና ጎዳ ጋላትተ! እ ኬካ ግድያ ድራዉነ፥ አገና አ ሲቁ መꬍናዋ ግድያ ድራዉ፥ መꬍና ጎዳ ጋላትተ።
PSA 106:2 መꬍና ጎዳይ ኦꬄዳ ዎልቃማ ኦሱዋ ኦዳናዉ፥ ዎይ አ ጋላታ ኡባ ቆንጭሳናዉ፥ ዳንዳይያዌ ኦኔ?
PSA 106:3 ፕርዳ ናግያዋንቱነ፥ ኡባ ገደ ጽሎባ ኦꬅያዋንቱ አንጀቴዳዋንታ።
PSA 106:4 አቤት መꬍና ጎዳዉ፥ ኔን ነ አሳዉ ኬክያ ዎደ፥ ታናካ ቆፓ፤ ኡንቱንታ ኔን አሽያ ዎደ፥ ታዉካ አላ።
PSA 106:5 ሄዌነ፥ ነ ዶሬዳ አሳዉ፥ ሳአይ ሎእና፥ ታን በአናዳና፤ ነ አሳ ናሸቻ ታንካ ናሸታናዳንነ ነዋንቱና እትፐ ታንካ ጋላታናዳና።
PSA 106:6 ኑን ኑ አዎቱዋዳን ናጋራ ኦꬄዶ፤ ባይዞባነ ኢታባ ኦꬄዶ።
PSA 106:7 ኑ አዎቱ ግብጼን ደእያ ዎደ፥ ነ ማላልስያ ኦሱዋ ቆፕበይክኖ። አገና ነ ሲቁዋ ዳሮተꬃ ኡንቱንቱ ሀሳይበይክኖ፤ ዞኦ አባ ላንቂያን ነ ቦላ ማካሌድኖ።
PSA 106:8 ግዶፐካ እ ባረ ሱንꬃ ድራዉ፥ ባረ ዎልቃማ ዎልቃ ኤርሳናዉ ኡንቱንታ አሼዳ።
PSA 106:9 እ ዞኦ አባ አዛዝና፥ አባይ መሌዳ፤ ባዙዋን ካለꬅያዋዳን፥ ጪማ ግዱዋና ኡንቱንታ ካለꬂደ ፕንꬄዳ።
PSA 106:10 እ ኡንቱንታ እጽያዋንቱ ኩሽያፐ አሼዳ፤ ሞርከቱዋ ኩሽያፐ ኡንቱንታ ዎዜዳ።
PSA 106:11 ኡንቱንቱ ሞርከቱዋ ሃꬃይ ምቴዳ፤ ኡንቱንቱፐ እቱነ አትቤና።
PSA 106:12 ሄ ዎደ እስራኤላቱ አ ቃላ አማኔድኖ፤ አ ሳቤድኖ።
PSA 106:13 ግዶፐነ፥ ኡንቱንቱ እ ኦꬄዳዋ ኤለካ ዶጌድኖ። አ ዞርያ ናገናን ባረንቱ ኮዬዳዋ ኦꬄድኖ።
PSA 106:14 ባዙዋን ደኢድ፥ ኡንቱንቱ ዳሮፐ አሞቴድኖ፤ ቃይ መላ ቢታን ጾሳ ፓጬድኖ።
PSA 106:15 ሄዋዳን እ ኡንቱንቱ ዎሴዳዋ እሜዳ፤ ሽን ኡንቱንቱ ሸምፖ ግልቃተꬃ ኪቴዳ።
PSA 106:16 አሳቱ ባዙዋን ባረንቱ ዱንካንያን ደኢድ፥ ሙሳነ መꬍና ጎዳዉ ዱማቴዳ፥ ቆማ አሮና ቃናቴዳ ዎደ፥
PSA 106:17 ቢታይ ዶየቲደ ዳታና ምቴዳ፤ አቤሮና አ ጎልያ አሳቱዋና ሞጌዳ።
PSA 106:18 ቃይ ኡንቱንቱ ማባራ ግዶን ታማይ ኤጽና፥ ላጩ ሄ ኢታ አሳቱዋ ጹጌዳ።
PSA 106:19 ኮሬባ ደርያን ደኢድ፥ ዎርቃ ሙሽሲደ ማራ ምስልያ መꬌድኖ፤ ሄ ምስልያዉ ጎይኔድኖ።
PSA 106:20 ኡንቱንቱ ባረንቱ ቦንቾ ጾሳ ማታ ምያ ሚዛ ምስልያን ላሜድኖ።
PSA 106:21 ኡንቱንቱ ባረና አሼዳ ጾሳ ዶጌድኖ፤ እ ግብጼን ዎልቃማ ኦሱዋ፥
PSA 106:22 ካመ ቢታን ማላልስያባነ፥ ዞኦ አባን፥ “ሆላ!” ጊስያባ ኦꬄዳ።
PSA 106:23 ሄዋ ድራዉ፥ ጾሳይ ኡንቱንታ ꬋይሳና ጌዳ፤ ሽን ꬋይሰና ማላ፥ አ ሀንቁዋ ዛራናዉ፥ ጾሳይ ዶሬዳ ሙሴ ግዱዋን ኤቄዳ።
PSA 106:24 ሄዋፐ ጉይያን፥ ኡንቱንቱ አ ቃላ አማነና ድራዉ፥ ሄ ሎኦ ቢታ ካꬌድኖ።
PSA 106:25 ኡንቱንቱ ባረንቱ ዱንካንያ ግዶን ዙዙሜድኖነ መꬍና ጎዳ ቃላዉ አዛዘትበይክኖ።
PSA 106:26 ሄዋ ድራዉ፥ እ ኡንቱንታ ባዙዋን አጋናዋ፥ ባረ ኩሽያ ደንꬂደ ጫቄዳ።
PSA 106:27 ኡንቱንቱ ዘረꬃ ካዉተꬃቱዋ ግዶን አጋናዉነ ቢታን ኡንቱንታ ላላናዉ ጫቄዳ።
PSA 106:28 ሄዋፐ ጉይያን፥ ኡንቱንቱ ፓኦራን ደእያ ባኣላ ኤቃዉ፥ ጎይንያዉንቱና እትፐ ጋከቴድኖ፤ ሸምፑ ባይና ኤቃቶ ያርሸቴዳ ያርሹዋ ሜድኖ።
PSA 106:29 ኡንቱንቱ ባረንቱ ኦሱዋን መꬍና ጎዳ ሀንቀꬄድኖ፤ ኡንቱንቱ ግዶን ኢታ ሀርጊ ዎꬌዳ።
PSA 106:30 ሽን ፒንሃስ ደንዲደ፥ ኡንቱንቱ ባይዙዋ ፕርድና፥ ኢታ ሀርጊ ኡንቱንቱ ቦላፐ ክቼዳ።
PSA 106:31 ሄዌነ፥ የለታፐ የለታ ጋካናዉ፥ መꬍናዉ አዉ ጽሎተꬃ ግዲደ ፓይደቴዳ።
PSA 106:32 ማሪባ ፑልቱዋ ማታን መꬍና ጎዳ ሀንቀꬄድኖ፤ ኡንቱንቱ ጋሱዋን ሙሴ ቦላ መቱ ጋኬዳ።
PSA 106:33 አያዉ ጎፐ፥ ኡንቱንቱ አ ሀንቀꬄድኖ፤ ሙሴ ዶናፐ በሰና ቃላይ ከሴዳ።
PSA 106:34 መꬍና ጎዳይ ꬋይስተ ጊና፥ ኡንቱንቱ ካናነ አሳቱዋ ꬋይስበይክኖ።
PSA 106:35 ሄዋፐካ፥ ኡንቱንቱ ሄ አሳቱዋና ገለት አከቲደ፥ ዋላከቴድኖነ፤ ኡንቱንቱ ደኡዋ ዎጋ ካሌድኖ።
PSA 106:36 ጾሳ አሳቱ ኡንቱንቱ ኤቃዉ ጎይኔድኖ፤ ሄዌነ፥ ኡንቱንቶ ጲረ ግዴዳ።
PSA 106:37 ኡንቱንቱ ባረንቱ አቱማነ ማጫ ናናቱዋ ጻላሄቶ ያርሼድኖ።
PSA 106:38 ኡንቱንቱ፥ ጽሎ ሱꬃ ካናነ ኤቃቶ ያርሸድኖ፥ ባረንቱ አቱማነ ማጫ ናናቱዋ ሱꬃ ጉሰድኖ፤ ሄ ሱꬃን ቢታይ ቱኔዳ።
PSA 106:39 ሄዋዳን ኡንቱንቱ ባረንቱ ኦሱዋን ቱኔድኖነ፥ ሻርሙጻዳን ኡንቱንቱ ባረንቱ ጾሳዉ አማነተናን እጼድኖ።
PSA 106:40 ሄዋ ድራዉ፥ መꬍና ጎዳ ሀንቁ፥ አ አሳ ቦላ ኤጽ ከሴዳ፤ እ ባረዋንታ ሸነቴዳ።
PSA 106:41 እ ኡንቱንታ ሀራ ጋድያ አሳቱዋ ኩሽያን አꬂደ እሜዳ፤ ኡንቱንቱ እጼዳዋንቱ ኡንቱንታ ሞዴድኖ።
PSA 106:42 ኡንቱንቱ ሞርከቱ ኡንቱንታ ናቄድኖነ ባረንቱ ሸንያዳን አይሴድኖ።
PSA 106:43 እ ኡንቱንታ ዳሮ ገደ አሼዳ፤ ሽን ኡንቱንቱ ማካላዉ ዳንጭ ደንዴድኖ፤ ባረንቱ ናጋራ ጋሱዋን ꬋዬድኖ።
PSA 106:44 ግዶፐነ፥ እ ኡንቱንቱ ዋሴዳ ዋሱዋ ስሲደ፥ ኡንቱንቱ ዋይያ ቆፔዳ።
PSA 106:45 እ ኡንቱንቱ ድራዉ፥ ባረ ጫቁዋ ሀሳዬዳ፤ አገና ባረ ሲቁዋ ዳሩዋዳን ኡንቱንታ ማሬዳ።
PSA 106:46 ኡንቱንታ ኦሞዴዳ ኡባይ ኡንቱንቶ ቃረታናዳን ኦꬄዳ።
PSA 106:47 አቤት መꬍና ጎዳዉ፥ ኑ ጾሳዉ፥ ኑና አሻ። ኑን ነ ጌሻ ሱንꬃ ጋላታናዳንነ ነ ቦንቹዋን ጬቀታናዳን፥ ካዉተꬃቱዋ ግዶፐ ኑና ሺሻ።
PSA 106:48 መꬍና ጎዳይ፥ እስራኤልያ ጾሳይ መꬍናፐ መꬍና ጋካናዉ ጋላተቶ! አሳይ ኡባይ፥ “አመንእ!” ጎ። መꬍና ጎዳ ጋላትተ!
PSA 107:1 መꬍና ጎዳ ጋላትተ! አያዉ ጎፐ፥ እ ኬካ፤ አገና አ ሲቁ መꬍናሳ።
PSA 107:2 መꬍና ጎዳይ አሼዳዋንቱነ፥ ሞርከቱዋ ኩሽያፐ ዎዜዳዋንቱ፥ ሄዋዳን ጊደ ሃሳይኖ።
PSA 107:3 ኡንቱንታ እ ቢታቱዋፐ፥ አዋይ ዶልያሳፐነ ዉልያሳፐ፥ ሁጲሳነ ገድሳ ባጋፐ ሺሼዳዋንታ።
PSA 107:4 ኡንቱንቱፐ እቱ እቱ ባዙዋ ቢታን ዩዬድኖ። ባረንቱ ደእያ ካታማ ብያ ኦግያ፥ ደማናዉ ዳንዳይበይክኖ።
PSA 107:5 ኡንቱንቱ ኮሻቴድኖነ ሳመቴድኖ፤ ኡንቱንቱ ይባቴድኖ።
PSA 107:6 ኡንቱንቱ መቶቴዳ ዎደ፥ መꬍና ጎዳዉ ዋሴድኖ፤ እ ኡንቱንታ ኡንቱንቱ ዋይያፐ አሼዳ።
PSA 107:7 ኡንቱንቱ ደአና ካታማ ጋካናዉ፥ እ ኡንቱንታ ስታ ኦግያና ካለꬄዳ።
PSA 107:8 አገና አ ሲቆነ፥ እ አሳዉ ኦꬄዳ ማላልስያባዉ፥ ኡንቱንቱ መꬍና ጎዳ ጋላትኖ።
PSA 107:9 አያዉ ጎፐ፥ እ ሳመቴዳዋንታ አሌ፤ ኮሻቴዳዋንታካ ሎኦባ ካልሴ።
PSA 107:10 ኡንቱንቱፐ እቱ እቱ ꬍጵ ጎ ꬉማ ግዶን ኡቴድኖ፤ ኡንቱንቱ ብራታ ሳንሳላታን ዋየቴድኖ።
PSA 107:11 አያዉ ጎፐ፥ ኡንቱንቱ ጾሳ ቃላዉ ማካሌድኖነ፥ ኡባፐ ꬎቂያ ጾሳ ዞርያ ካꬌድኖ።
PSA 107:12 እ ኡንቱንታ ቱጋ ኦሱዋን ዳቡርሴዳ፤ ኡንቱንቱ ኩንዴድኖ፤ ሽን ኡንቱንታ ማድያዌ ꬋዬዳ።
PSA 107:13 ኡንቱንቱ መቶቴዳ ዎደ፥ መꬍና ጎዳዉ ዋሴድኖ፤ እ ኡንቱንታ ኡንቱንቱ ዋይያፐ አሼዳ።
PSA 107:14 ባረቶ ꬉማፐካ ከሴዳ፤ ኡንቱንቱ ቃሸቴዳ ብራታ ሳንሳላታካ ዱꬄዳ።
PSA 107:15 አገና አ ሲቆነ እ አሳዉ ኦꬄዳ ማላልስያዎ ኡንቱንቱ መꬍና ጎዳ ጋላትኖ።
PSA 107:16 አያዉ ጎፐ፥ እ ናሃስያፐ ኦሰቴዳ ፐንግያ መንꬄዳ፤ ብራታ ኩልቡዋካ ꬉኬዳ።
PSA 107:17 ኡንቱንቱፐ እቱ እቱ ቦዛ ግዴድኖ፤ ባረንቱ ኦꬄዳ ናጋራ ጋሱዋንነ፥ ባረንቱ ኢታተꬃ ጋሱዋን ቱጋቴድኖ።
PSA 107:18 ኡንቱንቱ ቁማ ኡባ ሸነቲደ፥ ሀይቆ ማቴድኖ።
PSA 107:19 ኡንቱንቱ መቶቴዳ ዎደ፥ መꬍና ጎዳዉ ዋሴድኖ፤ እ ኡንቱንታ ኡንቱንቱ ዋይያፐ አሼዳ።
PSA 107:20 እ ባረ ቃላ ኪቲደ፥ ኡንቱንታ ፓꬄዳ፤ ዱፉዋን ገልያዋፐ አሼዳ።
PSA 107:21 አገና አ ሲቆነ እ አሳዉ ኦꬄዳ ማላልስያዎ ኡንቱንቱ መꬍና ጎዳ ጋላትኖ።
PSA 107:22 ኡንቱንቱ አዉ ጋላታ ያርሹዋ ያርሽኖ፤ ቃይ ናሸቻ የꬃን እ ኦꬄዳዋ ኦድኖ።
PSA 107:23 ኡንቱንቱፐ እቱ እቱ፥ ማርካብያን ዎልቃማ አባ ቦላን ቤድኖ። ኡንቱንቱ ሄ ዎልቃማ አባ ቦላ ባረንቱ ኦሱዋ ኦꬅያዋንታ።
PSA 107:24 ኡንቱንቱ መꬍና ጎዳ ኦሱዋ፥ እ ጪማ ጋርሳን ኦꬄዳ ማላልስያባ በኤድኖ።
PSA 107:25 እ አዛዚደ፥ ጎትያ ደንꬄዳ፤ አባ ሆቢ ቃጼዳ።
PSA 107:26 ኡንቱንቱ ፑደ ሳሉዋ ጩጉደቴድኖ፤ ሄዋፐ ዱገ ጪማ ዎꬌድኖ። ሄ ኢታ መቱ ጋክና፥ ኡንቱንቱ ዎዛናይ ቶዩ ጌዳ።
PSA 107:27 ኡንቱንቱ ማꬆቴዳ አሳዳን ꬉበቲደ ጋንድጋሬድኖ፤ ኡንቱንቱ ኤራይካ ጆሌዳ።
PSA 107:28 ኡንቱንቱ መቶቴዳ ዎደ፥ መꬍና ጎዳዉ ዋሴድኖ፤ እ ኡንቱንታ ኡንቱንቱ ዋይያፐ አሼዳ።
PSA 107:29 እ ጎትያ ጮኡ ኦꬄዳ፤ አባ ቤታካ ስርጵ ኦꬄዳ።
PSA 107:30 ጮኡ ጌዳ ድራዉ፥ ኡንቱንቱ ናሸቴድኖ፤ ጾሳይ ኡንቱንታ ኡንቱንቱ አሞቴዳ ካታማ አሄዳ።
PSA 107:31 አገና አ ሲቆነ እ አሳዉ ኦꬄዳ ማላልስያባዉ ኡንቱንቱ መꬍና ጎዳ ጋላትኖ።
PSA 107:32 ኡንቱንቱ አ አሳቱዋ ሺቁዋን ꬎቁ ꬎቁ ኦꬅኖ፤ ቃይ ጭማቱዋ ሺቁዋን አ ጋላትኖ።
PSA 107:33 ጾሳይ ሻፋቱዋ መልሴዳ፤ ፑልቶቱካ ጎገናዳን ተኤዳ።
PSA 107:34 ሄዋን ደእያ አሳቱዋ ኢታተꬃ ድራዉ፥ ሞክያ አራዳ ቢታካ፥ ሞከና መላ ቢታዉ ላሜዳ።
PSA 107:35 እ ዛሪደ መላ ባዙዋን ሃꬃይ ኤላናዳን፥ ቃይ መላ ቢታን ፑልቱ ꬉቃናዳን ኦꬄዳ።
PSA 107:36 ኮሸቴዳዋንታ ሄ ሳኣን ዎꬄዳ፤ ኡንቱንቱ ባረንቶ ደእያ ካታማ ኬጼድኖ።
PSA 107:37 ኡንቱንቱ ባረንቱ ጎሻን ዘሪደ፥ ዎይንያ ቶኪደ፥ ዳሮ ሙሩታ ሺሼድኖ።
PSA 107:38 እ ኡንቱንታ አንጅና፥ ኡንቱንቱ ሎይꬅ ጮራቴድኖ፤ ኡንቱንቱ መህያካ ጉꬅቤና።
PSA 107:39 አሳቱ ጾነትያ ዎደነ ኡንቱንቱ ኡቁና፥ መቱዋነ ካዩዋ ጋሱዋን ካዉሽያ ዎደ፥
PSA 107:40 ጾሳይ ካፖቱዋ ካꬌዳዋ በሴ፤ ኦጊ ባይና ባዙዋን ቶይላካታናዳን እ ኡንቱንታ ኦꬄ።
PSA 107:41 ሽን እ ህዬሳቱዋ ቱጋፐ ከሲደ፥ ኡንቱንቱ ጎለ አሳ ዶርሳ ዉድያዳን ጮራዬ።
PSA 107:42 ሱረ አሳቱ እ ኦꬅያዋ በኢደ ናሸቲኖ፤ ሽን ኢታ አሳቱ ኡባይ ጮኡ ጊኖ።
PSA 107:43 አꬌዳ ኤራንቻ ግድያዌ ሀ የዉዋ ቆፖ፤ መꬍና ጎዳ አገና ሲቁዋ አኬኮ።
PSA 108:1 ዳዊታ ማዛሙርያ፥ የꬃ አቤት ጾሳዉ፥ ታ ዎዛናይ ምኒደ ደኤ። ታን ነዉ ታ ኩመንꬃ ዎዛናፐ የጻናነ ኔና ሳባና።
PSA 108:2 ዲꬃዉነ ማስንቆ ቤጎትተ! ታንካ ዎንታ ጉራና ቤጎታና።
PSA 108:3 አቤት መꬍና ጎዳዉ፥ ታን ኔና አሳ ግዶን ጋላታና፤ ቃይ ካዉተꬃ ግዶን ኔና ሳባና።
PSA 108:4 አያዉ ጎፐ፥ አገና ነ ሲቁ ዎልቃማ፤ ሳሉዋፐ ቦላዉ አꬌ። ነ ቱማተꬃይካ ቦላ ሻርያዳን ꬎቄ።
PSA 108:5 አቤት ጾሳዉ፥ ሳሎቱዋፐ ቦላና ꬎቁ ꬎቁ ጋ! ነ ቦንቹ ሳኣ ኡባ ቦላ ግዶ።
PSA 108:6 ኔን ሲቅያዋንቱ አታና ማላ፥ ነ ኡሸቻ ኩሽያን ኑና አሻ፤ ኔን ታዉ አላ።
PSA 108:7 ጾሳይ ባረ ጌሻ ሳኣን ሀዋዳን ያጌዳ፤ “ታን ጾናደ ሰኬማ ቢታ ሻካና፤ ቃይ ሱኮታ ዛንጋራ ግሻና።
PSA 108:8 ጋላኣደ ታዋ፤ ምናሰካ ታሳ፤ ኤፍሬም ታ ሁጲያ አሽያ ቆብያ፤ ይሁዳይ ታ ካዉተꬃ ጻምኣ።
PSA 108:9 ሞኣበ ታን ሜጨትያ ኩይጻሩዋ፤ ኤዶም ታዋ ግድያዋ ኤርሳናዉ ታ ጫማ አ ቦላ ዎꬃይ። ታን ፕልስጼማ ጾናደ ገሬራይ” ያጌዳ።
PSA 108:10 ግምበቴዳ ካታማኮ፥ ታና ኦኔ አፋናዌ? ኤዶማ ጋካናዉ ታና ኦኔ ካለꬃናዌ?
PSA 108:11 አቤት ጾሳዉ፥ ኑና አጌዳዌ ኔና ግድኪ? አቤት ጾሳዉ፥ ኔን ኑ ቶራንቻቱዋና ኦላዉ ከሳካ።
PSA 108:12 አሳ ማዱ ፓና ድራዉ፥ ሞርክያና ኦለታናዉ ኔን ኑና ማዳ።
PSA 108:13 ጾሳ ዎልቃን ኑን ኑ ሞርከቱዋ ጾናና፤ ኑ ሞርከቱዋ የꬋናዌ አ።
PSA 109:1 ዛማረቱዋ ካፖ የጸቴዳ፥ ዳውት ጻፌዳ ማዛሙርያ አቤት ታን ጋላትያ ጾሳዉ፥ ኔን ታዉ ጮኡ ጎፓ።
PSA 109:2 አያዉ ጎፐ፥ ኢታ ዎርዳንቻ አሳቱ፥ ባረንቱ ዶና ታ ቦላ ዶዬድኖ፤ ኡንቱንቱ ዎርዶ እንጻርሳን ታ ቦላ ሃሳዪኖ።
PSA 109:3 ኡንቱንቱ እጾ ቃላና ታና ዶዲኖ፤ ጋሱ ባይናን ታናና ኦለቲኖ።
PSA 109:4 ታን ኡንቱንታ ሲቃይነ ኡንቱንቶ ዎሳይ፤ ግዶፐካ፥ ኡንቱንቱ ታና ሞቲኖ።
PSA 109:5 ታን ሎኡዋ ኦꬅና፥ ኡንቱንቱ ታዉ ኢታ ዛሪኖ፤ ታን ኡንቱንታ ሲቅና፥ ኡንቱንቱ ታና እጺኖ።
PSA 109:6 ታ ሞርክያ ቦላ ኢታ ዳና ሱንꬃ፤ ሞታንቻይ አ ኡሸቻን ኤቆ።
PSA 109:7 አ ብድያ ዎደ፥ እ ባይዛንቻ ግዲደ ቤቶ፤ አ ዎሳይካ አዉ ስሚደ ጎመቶ!
PSA 109:8 አ ላይꬃይ ቃሞ፤ አ ሱንꬃተꬃካ ሀራይ አኮ!
PSA 109:9 አ ናናቱ አዉዋ ꬋዪደ ዪእኖ፤ አ ማቻታ አምኤ ግዱ!
PSA 109:10 አ ናናቱ ዩይ ዩዪደ ዎስኖ፤ ባረንቱ ደእያ ኦናፐካ የደርሰትኖ!
PSA 109:11 አ ማጹዋ ኡባ አጮ ኦይቆ፤ እ ዳቡሪደ ከሴዳባ ኡባ አላጋይ ቦንቆ!
PSA 109:12 ኦንነ አዉ ኬካባ ኦꬆፖ፥ ዎይ አዉዋ ꬋዬዳ አ ናናቶ ቃረቶፖ!
PSA 109:13 አ ናናቱ ኡባይ ዉር ꬋይኖ፤ ካልያ የለታን አ ሱንꬃይ ዶገቶ።
PSA 109:14 አ አዎቱዋ ናጋራይ መꬍና ጎዳ ስንꬃን ቆፈቶ፤ አ አት ናጋራይ ኡባካ ቁጨቶፖ!
PSA 109:15 ሄ ናጋራይ ኡባ ገደ መꬍና ጎዳ ስንꬃን ቤቶ፤ ኡንቱንታ ሀሳይስያዌ ሳኣፐ ꬎቆለት ክቾ!
PSA 109:16 አያዉ ጎፐ፥ እ ኬካባ ኦꬃናዉ ኡባካ ቆፕቤና፤ ህዬሳቱዋ፥ መቶታንቻቱዋነ ዎዛናይ ማዱጼዳዋንታ የደርሲደ ዎꬌዳ።
PSA 109:17 እ ሸቃናዉ ዶሴዳ ድራዉ፥ እካ ሸቀቴዳዋ ግዶ! እ አንጃናዉ ዶሰና ድራዉ፥ አንጁ አፐ ሃኮ!
PSA 109:18 እ ሸቂደ ሳለና፤ አ ሸቃይ ሃꬃዳን አ ቦላ ካꬆ! ዛይትያዳን አ መቀꬃን ገሎ!
PSA 109:19 አፍላዳን አ ካሞ፤ ሳቂያዳን ኡባ ገደ አ ጼሳን ደኦ!
PSA 109:20 ሀዌ ታና ሞትያዋንቶነ ታና ኢታን ዝግርያዋንቶ፥ መꬍና ጎዳይ እምያ ዎይቱዋ ግዶ!
PSA 109:21 ሽን አቤት ኡባ ሞድያ መꬍና ጎዳዉ፥ ነ ሱንꬃ ድራዉ፥ ታና ማዳ። አገና ነ ሲቁዋነ ነ ኬካተꬃ ድራዉ፥ ታና አሻ።
PSA 109:22 አያዉ ጎፐ፥ ታን ህዬሳነ መቶታንቻ አሳ፤ ታ ዎዛናይካ ማዱንጼዳ።
PSA 109:23 ታን ኦማርሳ ኩዋዳን ꬋያና ሀናይ፤ ታን ቦልያዳን ቆቆፈታይ።
PSA 109:24 ጾምሽን ታ ጉልባታይ እጼዳ፤ ታ ቦላይካ ላፌ።
PSA 109:25 ታና ሞትያዋንቶ ቅሊጭያዋ ግዳድ፤ ኡንቱንቱ ታና በኢደ፥ ባረንቱ ሁጲያ ቃꬂኖ።
PSA 109:26 አቤት መꬍና ጎዳዉ ታ ጾሳዉ፥ ታና ማዳ፤ አገና ነ ሲቁዋዳን ታና አሻ።
PSA 109:27 አቤት መꬍና ጎዳዉ፥ ሄዌ ነ ኩሽያ ግዴዳዋነ ሄዋ ኔን ኦꬄዳዋ ታ ሞርከቱ ኤርኖ።
PSA 109:28 ኡንቱንቱ ታና ሸቆፐነ፥ ኔን ታና አንጃ! ታ ቦላ ደንድያዋንቱ ዬላትኖ፤ ሽን ታና ነ ቆማ ናሸቻ።
PSA 109:29 ታና ሞትያዋንቱ ካዉሻ ማይኖ፤ ባረንቱ ዬላካ ኩታዳን ቁማይኖ።
PSA 109:30 ታን ታ እንጻርሳን መꬍና ጎዳ ዳሮፐ ጋላታና፤ ዳሮ አሳይ ሺቄዳሳን አ ጋላታና።
PSA 109:31 አያዉ ጎፐ፥ እ ህዬሳ ድራዉ ሞተቴ፤ ሀይቆ ፕርድያ አሳፐካ አ አሼ።
PSA 110:1 ጾሳይ ዶሬዳ ካትያ ዳውት ጻፌዳ ማዛሙርያ መꬍና ጎዳይ ታ ጎዳ፥ “ታን ነ ሞርከቱዋ ኔን ገድያን የꬋ ኤቂያዋ ኦꬃና ጋካናዉ፥ ሀዋን ታፐ ኡሸቻ ባጋና ኡታ” ያጌዳ።
PSA 110:2 መꬍና ጎዳይ ነ ምኖተꬃ ጻምኣ ጽዮነፐ ኪታና፤ ያትና፥ “ነ ሞርከቱዋ ሞዳ!” ያጋና።
PSA 110:3 ኔን ነ ሞርከቱዋና ኦለትያ ጋላስ፥ ነ አሳይ ኤኖ ጋና። ዎንታ ጉራ ከተርሳዳን፥ ነ ዎዳላ አሳይ ኔኮ ጌሻ ደረቱዋን ሺቃና።
PSA 110:4 መꬍና ጎዳይ፥ “ማልካ ጸደቅ ቄስያ ግዴዳዋዳን፥ ኔንካ መꬍናዉ ቄስያ ግዳና” ያጊደ ጫቄዳ፤ እ ባረ ቆፋ ላመና።
PSA 110:5 ጎዳይ ነ ኡሸቻን ደኤ፤ ባረ ሀንቁዋ ጋላስ እ ካተቱዋ ክንቼሬꬃና።
PSA 110:6 ካዉተꬃ ቦላ እ ፕርዳና፤ ኦላ ደምባቱዋካ አሃ ጻላላ ኦꬃና፤ ሳኣን ኡባን ደእያ ካተቱዋ እ መንሬꬃና።
PSA 110:7 ካቲ ኦግያ ማታን ደእያ ሃꬃ ፑልቱዋፐ ኡሺደ፥ እ ባረ ሁጲያ ꬎቁ ኦꬃና።
PSA 111:1 መꬍና ጎዳ ጋላትተ! ሱረቱ ሺቅያ ሺቁዋን፥ ታን ታ ፖሎ ዎዛናፐ መꬍና ጎዳ ጋላታና።
PSA 111:2 መꬍና ጎዳ ኦሶቱ አይ ኬሻ ግቴ! ኡንቱንቱን ናሸትያዋንቱ ኡባይ ኡንቱንታ ቆፓናዉ በሴ።
PSA 111:3 አ ኦሶቱ ቦንቹዋንነ አንጋን ኩሜዳዋንታ። አ ጽሎተꬃይካ መꬍናዉ ደኤ።
PSA 111:4 እ ባረ ማላልስያ ኦሶቱ፥ ሀሳየታናዳን ኦꬄዳ። መꬍና ጎዳይ ቃረትያዋነ ማርያዋ።
PSA 111:5 ባረዉ ያይያዋንቶ ቁማ እ እሜ፤ እ ባረ ጫቁዋ መꬍናዉካ ቆፔ።
PSA 111:6 አላጋቱዋ ቢታ እምያዋን እ ባረ ኦሱዋ ዎልቃ ባረ አሳ በሴዳ።
PSA 111:7 አ ኩሽያ ኦሶቱ ቱማነ ልከ፤ አ ዎጋቱካ ኡባይ አማነትያዋንታ።
PSA 111:8 ኡንቱንቱነ መꬍ መꬍናዉ ኤቂደ ደእያዋንታ፤ ቱማተꬃንነ ሱረተꬃን እመቴዳዋንታ።
PSA 111:9 እ ባረ አሳ ዎዚደ ከሴዳ፤ እ ባረ ጫቁዋ ኡንቱንቱና መꬍናዉ ዎꬄዳ። አ ሱንꬃይ ጌሻነ፥ “ሆላ!” ጊስያዋ።
PSA 111:10 ኤራተꬃዉ ኮይሩ መꬍና ጎዳዉ ያይያዋ፤ አ ዎጋ ኦꬅያዋንቶ ሎኦ አኬካይ ደኤ። ጾሳይ መꬍናዉ ጋላተቶ!
PSA 112:1 መꬍና ጎዳ ጋላትተ! መꬍና ጎዳዉ ያይያነ፥ አ አዛዙዋ ፖላናዉ ዳሮፐ ናሸትያ አሳይ፥ አንጀቴዳዋ።
PSA 112:2 አ ናናቱ ቢታን ዎልቃማ ግዳና፤ ሱረ አሳቱዋ የለታይ አንጀታና።
PSA 112:3 ሻሉነ ዱረተꬃይ አ ጎልያን ደኤ፤ አ ጽሎተꬃይካ መꬍናዉ ደአና።
PSA 112:4 ሱረ አሳዉ፥ ኬካ፥ ጽሎነ ቃረትያ አሳቶ፥ ꬉማ ግዶን ፖኡ ፖኤ።
PSA 112:5 ኬካተꬃን ጮ ታልእያ ኡራዉ፥ ባረ ኦሱዋ ሱረተꬃን ኦꬅያ ኡራዉ፥ ኬካባይ ያና።
PSA 112:6 ጽሎ አሳይ አዉደነ ኩንደና፤ መꬍናዉ እ ሀሳየታና።
PSA 112:7 ኢታባ እ ስሶፐካ ዳጋመና፤ አያዉ ጎፐ፥ አ ዎዛናይ ቃጸና፤ መꬍና ጎዳን እ አማነቴ።
PSA 112:8 አ ዎዛናይ ጻላ ግድያ ድራዉ፥ ኡባካ እ ያየና፤ ዉርሰꬃን ባረ ሞርከቱ ጾነትና በአና።
PSA 112:9 እ ህዬሳ አሳዉ ዳርሲደ እሜዳ፤ ቃይ አ ጽሎተꬃይ መꬍናዉ ደኤ፤ አ ካጪ ቦንቹዋን ꬎቁ ጌ።
PSA 112:10 ኢታ አሳይ ሄዋ በኢደ ይሎቴ፤ አቻ ጋርጪደ፥ ጮ ꬋዬ። ኢታ አሳ አሙ ጮ አታናዋ።
PSA 113:1 መꬍና ጎዳ ጋላትተ! ህንተኖ መꬍና ጎዳ ቆማቶ፥ መꬍና ጎዳ ሱንꬃ ጋላትተ!
PSA 113:2 መꬍና ጎዳ ሱንꬃይ ሀቼፐ መꬍና ጋካናዉ ጋላተቶ!
PSA 113:3 አዋይ ዶልያሳፐ ቢደ ዉልያሳ ጋካናዉካ መꬍና ጎዳ ሱንꬃይ ጋላተቶ!
PSA 113:4 መꬍና ጎዳይ ካዉተꬃ ኡባፐ ቦላና ሞድያዋ፤ አ ቦንቹካ ሳሎቱዋፐ ꬎቂያዋ።
PSA 113:5 መꬍና ጎዳ ኑ ጾሳ ማል ኦኔ? እ ቦላ ꬎቃን ካዉተꬃ አራታን ኡቴዳ።
PSA 113:6 እ ሳሎቱዋነ ሳኣ ጼላናዉ ዱገ ሆኬ።
PSA 113:7 እ ህዬሳ ባናፐ ꬎቁ ኦꬄ፤ መቶታንቻካ ብድንꬃ ፕቱዋፐ ደንꬄ።
PSA 113:8 ባረ አሳ ሞድያዋንቱና ኡትሴ።
PSA 113:9 ማይነ ምሽራቶ ናናቱዋ አቶ ኦꬂደ፥ ናሸቺደ እ ጎልያን እዞ ቦንችሴ። መꬍና ጎዳ ጋላትተ!
PSA 114:1 እስራኤልያ አሳይ ግብጼ ቢታፐ ከሴዳ ዎደ፥ ያቆባ ጎልያ አሳይ፥ አላጋ ቃላን ሃሳይያ አሳ የጊደ ቤዳ ዎደ፥
PSA 114:2 ይሁዳ አሳይ ጎዳዉ ጌሻ አሳ ግዴዳ፤ እስራኤልያ አሳይካ አዉ ሞደቴድኖ።
PSA 114:3 ዞኦ አባይ ሄዋ በኢደ ባቃቴዳ፤ ዮርዳኖሳ ሻፋይካ ጉየ ስሜዳ።
PSA 114:4 ደረቱ ዴሻቱዋዳን ቡራቄድኖ፤ ዞዘቱካ ዶርሳ ማራዳን ጉፈረቴድኖ።
PSA 114:5 አባዉ፥ ኔና ባቃትሴዳዌ አዬ? ዮርዳኖሳ ሻፋዉ፥ አያዉ ጉየ ስማዲ?
PSA 114:6 ህንተኖ ደረቶ፥ ዴሻቱዋዳን አያዉ ቡራቄድቴ? ህንተኖ ዞዛቶ፥ ዶርሳ ማራዳን፥ አያዉ ጉፈረቴድቴ?
PSA 114:7 ኔኖ ቢታዉ፥ ጎዳ ስንꬃን፥ ያቆባ ጾሳ ስንꬃን ኮኮራ።
PSA 114:8 እ ሹቻ ዜሬቶ ሃꬃ ከሴዳዋ፤ ዛላ፥ ሃꬃ ፑልቱዋ ኦꬄዳዋ።
PSA 115:1 አቤት መꬍና ጎዳዉ፥ ኑ ግሻ ግደና፤ ኑ ግሻ ግደናን፥ አገና ነ ሲቆዉነ ነ ቱማተꬃ ድራዉ፥ ነ ሱንꬃ ቦንቻ።
PSA 115:2 ካዉተꬃቱ አያዉ፥ “ኡንቱንቱ ጾሳይ ሀቃን ደኢ?” ጊኖ?
PSA 115:3 ኑ ጾሳይ ሳሉዋና፤ እ ባረ ዶሴዳዋ አይ ግዶፐካ ኦꬄ።
PSA 115:4 ሽን ኡንቱንቱ ኤቃቱ ብራነ ዎርቃ፤ ኡንቱንቱ አሳ ኩሽያን መቴዳዋንታ።
PSA 115:5 ኡንቱንቶ ዶናይ ደኤ፤ ሽን ሃሳይክኖ፤ አይፊ ደኤ፤ ሽን ጼልክኖ።
PSA 115:6 ኡንቱንቶ ሀይꬃይ ደኤ፤ ሽን ስስክኖ፤ ሲꬊ ደኤ፤ ሽን ስንግክኖ።
PSA 115:7 ኡንቱንቶ ኩሺ ደኤ፤ ሽን ኦይቂ ኤርክኖ፤ ገዲካ ደኤ፤ ሽን ሀመትክኖ፤ ኡንቱንቱ ባረንቱ ፕላንቲያና ኮሻ ስስክኖ።
PSA 115:8 ኡንቱንታ መꬍያዋንቱነ፥ ኡንቱንቱን አማነትያዋንቱ ኡባይ ኡንቱንቱ ማላ ግድኖ።
PSA 115:9 ህንተኖ፥ እስራኤልያ አሳቶ፥ መꬍና ጎዳን አማነትተ! እ ህንተና ማድያዋነ ህንተ ጎንዳልያ።
PSA 115:10 ህንተኖ፥ አሮና ጎልያ አሳቶ፥ መꬍና ጎዳን አማነትተ! እ ህንተና ማድያዋነ ህንተ ጎንዳልያ።
PSA 115:11 ህንተኖ፥ መꬍና ጎዳዉ ያይያዋንቶ፥ መꬍና ጎዳን አማነትተ! እ ህንተና ማድያዋነ ህንተ ጎንዳልያ።
PSA 115:12 መꬍና ጎዳይ ኑና ቆፔ፤ እ ኑና አንጃና። እ እስራኤልያ አሳቱዋ አንጃና። እ አሮና ጎልያ አሳቱዋ አንጃና።
PSA 115:13 መꬍና ጎዳዉ ያይያዋንታ፥ ጉꬃቱዋካ ግታቱዋካ እ ጋꬆ አንጃና።
PSA 115:14 መꬍና ጎዳይ ህንተናካ ህንተ ናናቱዋካ ዳርሶ!
PSA 115:15 ሳሉዋነ ሳኣ መꬌዳ መꬍና ጎዳን አንጀትተ!
PSA 115:16 ቦላ ꬎቃ ሳሉ መꬍና ጎዳዋ፤ ሽን ሳኣ እ አሳዉ እሜዳ።
PSA 115:17 ሀይቄዳዋንቱ፥ ዱፉዋን ጮኡ ጌዳዋንቱ፥ መꬍና ጎዳ ጋላትክኖ።
PSA 115:18 ሽን ኑን፥ ፓጻ ደእያዋንቱ፥ ሀቼፐ ዶሚደ መꬍና ጋካናዉ መꬍና ጎዳ ጋላቴቶ። መꬍና ጎዳ ጋላትተ!
PSA 116:1 እ ታ ኮሻነ ታ ዋትዋቱዋ ስሴዳ ድራዉ፥ ታን መꬍና ጎዳ ሲቃይ።
PSA 116:2 እ ባረ ሀይꬃ ታኮ የጌዳ ድራዉ፥ ታን ፓጻ ደኤዳ ኬናን ኡባን አ ጼሳና።
PSA 116:3 ሀይቁ ጲርያዳን ታና ኦይቃናዉ ሀኔዳ፤ ሞገታና ህርጋይ ታና ኢሴዳ። ታና ኡንአይ ቶሌዳ።
PSA 116:4 ሄ ዎደ ታን፥ “አቤት መꬍና ጎዳዉ፥ ሀዳራ! ታና አሻ” ያጋደ መꬍና ጎዳ ሱንꬃ ጼሳድ።
PSA 116:5 መꬍና ጎዳይ ኬካነ ጽሉዋ፤ ኑ ጾሳይ ቃረትያዋ።
PSA 116:6 መꬍና ጎዳይ አሽከ ዎዛናይ ደእያዋንታ ናጌ፤ ታን መቶቴዳ ዎደ፥ እ ታና አሼዳ።
PSA 116:7 ታ ሸምፓቴ፥ ስም ዎፑ ጋ፤ አያዉ ጎፐ፥ መꬍና ጎዳይ ነዉ ኬኬዳ።
PSA 116:8 መꬍና ጎዳይ ታና ሀይቁዋፐ፥ ታ አይፍያ አፎꬃፐ፥ ታ ገድያካ ꬉብያፐ አሼዳ።
PSA 116:9 ሄዋ ድራዉ፥ ታን፥ ፓጻ ደእያዋንቱ ግዶን፥ መꬍና ጎዳ ስንꬃን ሀመታይ።
PSA 116:10 ታን፥ “ታና ኡንአይ ቶሌዳ” ግያ ዎደካ፥ ታ አማኑዋ አጋበይከ።
PSA 116:11 ታን ዳጋማደ፥ “አሳይ ኡባይ ዎርዱዋ” ያጋድ።
PSA 116:12 እ ታዉ ኬኬዳ ኬካተꬃ ድራዉ፥ ታን መꬍና ጎዳዉ አይ ጭጋናዉ ዳንዳያይታ?
PSA 116:13 ታን ጹኣ ዎይንያ ኤሳ ጋላታዉ ሺሻደ፥ እ ታና አሾ ድራዉ፥ መꬍና ጎዳ ሱንꬃ ጼሳና።
PSA 116:14 አ አሳ ኡባ ስንꬃን ታን ቃንግያ መꬍና ጎዳዉ ጋꬃና።
PSA 116:15 ጌሻቱዋ ሀይቁ መꬍና ጎዳ ስንꬃን፥ ሎይꬅ ዳሮፐ ቦንቼቴዳዋ።
PSA 116:16 አቤት መꬍና ጎዳዉ፥ ታን ነ ቆማ፤ ኤ፥ ታን ነ ቆማ፥ ነ ቆማት ናኣ። ታና ቃሹዋፐ ኔን ብላዳ።
PSA 116:17 አቤት መꬍና ጎዳዉ፥ ታን ጋላታ ያርሹዋ ነዉ ያርሻና፤ ነ ሱንꬃ ጼሳና።
PSA 116:18 አሳ ኡባ ስንꬃን፥ ታን ቃንገቴዳ ቃንገꬃ መꬍና ጎዳዉ ጋꬃና።
PSA 116:19 ሄዋካ ታን ጋꬃናዌ፥ የሩሳላመን ደእያ መꬍና ጎዳ ጎልያ ዳባባና። መꬍና ጎዳ ጋላትተ!
PSA 117:1 ካዉተꬃቶ ኡባቶ፥ መꬍና ጎዳ ጋላትተ! አሳይ ኡባይ፥ አ ግታይተ!
PSA 117:2 አያዉ ጎፐ፥ አገና አ ሲቁ ኑዉ ዎልቃማ፤ መꬍና ጎዳይ መꬍናዉካ አማነትያዋ። መꬍና ጎዳ ጋላትተ!
PSA 118:1 መꬍና ጎዳ ጋላትተ! አያዉ ጎፐ፥ እ ኬካ። አገና አ ሲቁ መꬍናዋ።
PSA 118:2 እስራኤልያ አሳይ፥ “አገና አ ሲቁ መꬍናዋ” ያጎ።
PSA 118:3 አሮና ጎልያ አሳይ፥ “አገና አ ሲቁ መꬍናዋ” ያጎ።
PSA 118:4 መꬍና ጎዳዉ ያይያዋንቱ ኡባይ፥ “አገና አ ሲቁ መꬍናዋ” ያግኖ።
PSA 118:5 ታን ኡንኤቴዳ ዎደ መꬍና ጎዳዉ ዋሳድ፤ እ ታ ዋሱዋ አሊደ፥ ታና ላአ ከሴዳ።
PSA 118:6 መꬍና ጎዳይ ታናና ደእያ ድራዉ፥ ታን ያይከ። አስ ታና አይ ኦꬂ?
PSA 118:7 መꬍና ጎዳይ ታና ማዳናዉ ታናና ደኤ፤ ታ ሞርከቱ ጾነቴዳዋንታ ታን በአና።
PSA 118:8 አሳን አማነትያዋፐ፥ መꬍና ጎዳኮ ባቃትያዌ ሎአ።
PSA 118:9 ዳናቱዋን አማነትያዋፐ፥ መꬍና ጎዳኮ ባቃትያዌ ሎአ።
PSA 118:10 ካዉተꬃቱ ኡባይ ታና ዶድ ኦይቄድኖ፤ ሽን መꬍና ጎዳ ሱንꬃን ታን ኡንቱንታ ጾናድ።
PSA 118:11 ኡንቱንቱ ታና ዶዴድኖ፤ ኡባ ሳና ዶድ ኦይቄድኖ፤ ሽን መꬍና ጎዳ ሱንꬃን ታን ኡንቱንታ ጾናድ።
PSA 118:12 ኡንቱንቱ ማꬃይ ዶድያዋዳን፥ ታ ዩሹዋን ዶዴድኖ። ሽን አጉንꬃይ ታማን ኤጽያዋዳን ኤጽ ꬋዬድኖ። መꬍና ጎዳ ሱንꬃን ታን ኡንቱንታ ጾናድ።
PSA 118:13 ታና ሱግ የግና፥ ኩንዳና ሀናይ፤ ሽን መꬍና ጎዳይ ታና ማዴዳ።
PSA 118:14 መꬍና ጎዳይ ታዉ ዎልቃነ ምኖተꬃ፤ እ ታና አሽያዋ ግዴዳ።
PSA 118:15 ኦላ ጾኒደ ስምያ አሳይ፥ ጽሎቱዋ ዱንካንያን ሆምቦጪደ፥ ግያዋ ስስተ። ኡንቱንቱ፥ “መꬍና ጎዳ ኡሸቻ ኩሺ ዎልቃማባ ኦꬄዳ!
PSA 118:16 መꬍና ጎዳ ኡሸቻ ኩሺ ጾኑዋ እሜዳ! መꬍና ጎዳ ኡሸቻ ኩሺ ዎልቃማባ ኦꬄዳ!” ያጊኖ።
PSA 118:17 ታን ሀይቂከ፤ ፓጻ ደአናነ መꬍና ጎዳይ ኦꬄዳዋ አዋያና።
PSA 118:18 መꬍና ጎዳይ ታና ኢታ ሙሩዋ ሙሬ፤ ሽን ሀይቆ አꬂደ እምቤና።
PSA 118:19 ታን ግዶ ገላደ መꬍና ጎዳ ጋላታና ማላ፥ ጌሻ ጎልያ ፐንገቱዋ አነ ታዉ ዶይተ።
PSA 118:20 ሀዌ መꬍና ጎዳ ፐንግያ፤ ሀ ፐንግያና ጽሎቱዋ ጻላላይ ገሊኖ።
PSA 118:21 ኔን ታና ስሴዳ ድራዉነ ጾኑዋ እሜዳ ድራዉ፥ ታን ኔና ጋላታይ።
PSA 118:22 ግምቢያዋንቱ ካꬊደ እጼዳ ሹቻይ፥ ጎዳ ጻጱዋ ምንስያ፥ ኡባፐ አꬍያ ሹቻ ግዴዳ።
PSA 118:23 ሀዌ መꬍና ጎዳይ ኦꬄዳዋ፤ ቃይ ኑ አይፍያዉካ ማላልስያዋ።
PSA 118:24 ሀዌ ጋላሳይ መꬍና ጎዳይ መꬌዳ ጋላሳ። አነ ኑን አን ናሸቶይተነ እልሎይተ።
PSA 118:25 አቤት መꬍና ጎዳዉ፥ ሀእ ኑና አሻርኪ! አቤት መꬍና ጎዳዉ፥ ሀእ ኑዉ እንጀያርኪ!
PSA 118:26 መꬍና ጎዳ ሱንꬃን ይያ አሳይ አንጀቴዳዋ ግዶ! ኑን መꬍና ጎዳ ጌሻ ጎልያፐ ህንተና አንጄቶ።
PSA 118:27 መꬍና ጎዳይ ጾሳ፤ እ ኑ ቦላን ፖእሴዳ። እርጻ ታሽያ ኦይቂደ፥ አያና ጋላሳ ቦንችተ፤ ያርሹዋ ቦላን ደእያ ካጭያኮ አꬍተ።
PSA 118:28 ኔን ታ ጾሳ፤ ታን ኔና ጋላታና። ኔን ታ ጾሳ፤ ታን ኔና ግታያና።
PSA 118:29 መꬍና ጎዳ ጋላትተ! አያዉ ጎፐ፥ እ ኬካ፤ አገና አ ሲቁ መꬍናዋ።
PSA 119:1 ባረንቱ ኦግያን ቶሺ ባይናዋንቱነ፥ መꬍና ጎዳ ህግያዳን ሀመትያዋንቱ፥ አንጀቴዳዋንታ።
PSA 119:2 እ ኦዴዳዋ ኦꬅያዋንቱነ ባረንቱ ኩመንꬃ ዎዛናፐ አ ሲቅያዋንቱ፥ አንጀቴዳዋንታ።
PSA 119:3 ኡንቱንቱ ባላባ ኦꬅክኖ፤ ጾሳ ኦግያን ሀመቲኖ።
PSA 119:4 ነ ዎጋዉ አማነቲደ ናጋና ማላ፥ ኔን ኑና አዛዛዳ።
PSA 119:5 ነ አዋዮ አዛዘትያዋን ታ ኦጊ ምናናዳን አሞታይ።
PSA 119:6 ያቶፐ፥ ነ አዛዙዋ ኡባ ሀይዛደ፥ ታን ኡባካ ዬላትከ።
PSA 119:7 ነ ጽሎ ፕርዳ ታማራደ፥ ታን ኔና ሱረ ዎዛናፐ ጋላታና።
PSA 119:8 ታን ነ አዋዩዋዳን ኦꬃና፤ ታና ኡባካ የጎፓ።
PSA 119:9 ያላጋይ ባረ ኦግያ ጌሻ ኦꬂደ ዎት ናጋናዉ ዳንዳዪ? ነ ቃላይ ግያዋዳን ደኦፐ ዳንዳዬ።
PSA 119:10 ታን ታ ፖሎ ዎዛናፐ ኔና ኮያይ፤ ነ አዛዞቱዋፐ ዎራ ሀመተናዳን ታና ናጋ።
PSA 119:11 ታን ኔና ናቀናዳን ነ ቃላ ታ ዎዛናን ዎꬃድ።
PSA 119:12 አቤት መꬍና ጎዳዉ፥ ኔን ጋላተታ! ነ አዋዩዋ ታና ታማርሳ።
PSA 119:13 ነ ዶናፐ ከሴዳ ፕርዳ ኡባ፥ ታን ታ እንጻርሳን ኦዳይ።
PSA 119:14 ዱረተꬃን ናሸትያዋዳን፥ ታን ኔን ኦዴዳ ቃላን ናሸታይ።
PSA 119:15 ነ ዎጋቱዋ ዛራ ዛራደ ቆፓይነ ነ ኦግያ ሎይꬃ አኬካይ።
PSA 119:16 ታን ነ አዋዩዋን ናሸታይ፤ ነ ቃላካ ታን ዶግከ።
PSA 119:17 ታን ፓጻ ደአና ማላነ ነ ቃላዉ አዛዘታና ማላ፥ ታዉ ነ ቆማው ኬካባ ኦꬃ።
PSA 119:18 ነ ህግያ ግዶን ደእያ ማላልስያ ቱማተꬃ፥ ታን በአና ማላ፥ ታ አይፍያ ዶያ።
PSA 119:19 ታን ሀ ሳኣን እማꬃ፤ ነ አዛዞቱዋ ታፐ ገንꬆፓ።
PSA 119:20 ታን ኡባ ዎደ፥ ነ ፕርዳ ሎይꬃ ላሞታይ።
PSA 119:21 ኦቶረትያዋንቱ፥ ሸቀቴዳዋንታ፥ ነ አዛዙዋፐ ዎራ ሀመትያዋንታ፥ ኔን ሴራሳ።
PSA 119:22 ታን ኔን ኦዴዳዋ ኦꬄዳ ድራዉ፥ ኡንቱንቱ ቦርያነ ኡንቱንቱ ካꬍያ ታ ቦላፐ ድጋ።
PSA 119:23 ሀራይ አቶ ካፓቱ ሺቂደ፥ ታ ቦላ ማቀቶፐካ፥ ታን፥ ነ ቆማይ፥ ነ አዋዩዋ ዛራ ዛራደ ቆፓና።
PSA 119:24 ኔን ኦዴዳ ቃላቱ ታና ናሸቺኖ፤ ኡንቱንቱ ታና ዞሪኖ።
PSA 119:25 ታን ሀይቃና ሀናይ፤ ኔን ጌዳ ቃላዳን ታ ሸምፑዋ አሻ።
PSA 119:26 ታን ታ ኦግያዋ ነዉ ኦድና፥ ኔን ታና ስሳዳ፤ ስም፥ ነ አዋዩዋ ታና ታማርሳ።
PSA 119:27 ነ ዎጋ ኦግያ ታና አኬክሳ፤ ማላልስያ ነ ኦሱዋ ታን ዛራ ዛራደካ ቆፓና።
PSA 119:28 ካዩ ዳሬዳዋን ታ ሸምፑ ዳቡሬዳ፤ ኔን ጌዳ ቃላዳን ታና ምንሳ።
PSA 119:29 ዎርዶ ኦግያ ታፐ ሃሳ፤ ነ አꬎ ኬካተꬃን ነ ህግያ ታና ታማርሳ።
PSA 119:30 ቱሙዋ ኦግያ ዶራድ፤ ነ ፕርዳ ሀይዛድ።
PSA 119:31 አቤት መꬍና ጎዳዉ፥ ታን ኔን ኦዴዳዋ ምንሳ ኦይቃድ፤ ስም ታና ዬላዮፓ!
PSA 119:32 ኔን ታ ዎዛና ላአ ከሴዳ ድራዉ፥ ታን ነ አዛዙዋ ኦግያን ዎጻይ።
PSA 119:33 አቤት መꬍና ጎዳዉ፥ ነ አዋዩዋ ብለꬃ ታና ታማርሳ፤ ታን ዉርሰꬃይ ጋካናዉ አ ናጋና።
PSA 119:34 ታን ነ ህግያ ናጋና ማላነ ታ ኩመንꬃ ዎዛናፐ ታን አዉ አዛዘታና ማላ፥ ኔን ታዉ አኬካ እማ።
PSA 119:35 ነ አዛዙዋ ኦግያን ታና ካለꬃ፤ አያዉ ጎፐ፥ ታን አን ናሸታይ።
PSA 119:36 ታ ዎዛና አሙዋኮ ግደናን፥ ኔን ኦዴዳ ቃላኮ ዛራ።
PSA 119:37 ፓናባ ጼለና ማላ፥ ታ አይፈቱዋ ተአ፤ ነ ኦግያን ታ ደኡዋ ኦራꬃ።
PSA 119:38 ኔን ያየታና ማላ፥ ኔን ገሎ ቃላ ታዉ፥ ነ ቆማዉ ፖላ።
PSA 119:39 ያሽያ ቦርያ ታፐ ድጋ። ነ ፕርዳይ አይ ማላ ሎኤ!
PSA 119:40 ታን ነ ዎጋ ናጋናዉ አሞታይ፤ ኔን ጽሉዋ ግድያ ድራዉ፥ ታ ደኡዋ ኦራꬃ።
PSA 119:41 አቤት መꬍና ጎዳዉ፥ አገና ነ ሲቁዋ ታና በሳ፤ ኔን ጌዳ ቃላዳን ታና አሻ።
PSA 119:42 ታን ነ ቃላን አማነትያ ድራዉ፥ ታና ቦርያዋንቶ ዛራናዉ ዳንዳያይ።
PSA 119:43 ታን ነ ፕርዳን ናሸቻ ኦꬅያ ድራዉ፥ ታ እንጻርሳፐ ቱማተꬃ ቃላ ꬋይሶፓ።
PSA 119:44 ታን ኡባ ገደ፥ መꬍ መꬍናዉካ ነ ህግያዉ አዛዘታና።
PSA 119:45 ታን ነ ዎጋ ፖልያ ድራዉ፥ አኩዋን ሀመታና።
PSA 119:46 ታን ካተቱዋ ስንꬃን ኤቃደ፥ ኔን ኦዴዳባ ኦዳደ ዬላትከ።
PSA 119:47 ታን ዶስያ ነ አዛዞቱዋን ናሸታይ
PSA 119:48 ታን ሲቅያ ነ አዛዞቱዋ ቦንቻይ፤ ነ አዋዩዋካ ዛራ ዛራደ ቆፓና።
PSA 119:49 ኔን ታዉ፥ ነ ቆማዉ፥ እሜዳ ቃላ ቆፓ፤ ሄ ቃላን ታን ሂዶታ ኦꬃይ።
PSA 119:50 ኔን፥ “ታን ኔና ፓጻ ዎꬃና” ጌዳ ቃላይ ታ ቱጋ ዎደ ታና ምንꬄዳ።
PSA 119:51 ኦቶራንቻቱ ታና ልክያፐ አꬂደ ሸቂኖ፤ ሽን ታን ነ ህግያፐ ሸርእ ጊከ።
PSA 119:52 አቤት መꬍና ጎዳዉ፥ በኒደፐ ደእያ ነ ፕርዳ ታን ሀሳያይ፤ ሄዋን ታን ምነታይ።
PSA 119:53 ኢታቱ ነ ህግያዉ አዛዘተናዋ በእና፥ ይሉ ታና ዎꬌዳ።
PSA 119:54 ታን ደእያ አላጋ ቢታን፥ ነ አዋዩ ታዉ የꬃ ግዴዳ።
PSA 119:55 አቤት መꬍና ጎዳዉ፥ ታን ቃማ ነ ሱንꬃ ቆፓይ፤ ነ ህግያካ ናጋይ።
PSA 119:56 ነ ዎጋዉ አዛዘትያዌ ታዉ አንጆ ግዴዳ።
PSA 119:57 አቤት መꬍና ጎዳዉ፥ ታና ጋኬዳ ሳማይ ኔና፤ ታን ነ ቃላዉ አዛዘታና ያጋይ።
PSA 119:58 ታን ታ ኩመንꬃ ዎዛናፐ ኔና ዎሳይ። ኔን ጌዳ ቃላዳን ታዉ ቃረታ።
PSA 119:59 ታን ታ ኦግያ አኬካ ጼላደ፥ ኔን ኦዴዳባኮ ስማድ።
PSA 119:60 ታን ነ አዛዙዋ ናጋናዉ፥ ኤሌላናፐ አትና ታክከ።
PSA 119:61 ኢታቱ ታና ዎዶሩዋን ቃቾፐካ፥ ታን ነ ህግያ ዶጋበይከ።
PSA 119:62 ነ ጽሎ ፕርዳ ድራዉ፥ ኔና ጋላታናዉ፥ ታን ቃማ ብላሄ ደንዳይ።
PSA 119:63 ታን ነዉ ያይያዋንቱ ኡባዉነ ነ ዎጋ ናግያዋንቶ ዳቦ።
PSA 119:64 አቤት መꬍና ጎዳዉ፥ ሳአይ አገና ነ ሲቁዋን ኩሜዳ፤ ነ አዋዩዋ ታና ታማርሳ።
PSA 119:65 አቤት መꬍና ጎዳዉ፥ ነ ጌዳ ቃላዳን፥ ታዉ ነ ቆማዉ ኬካባ ኦꬃዳ።
PSA 119:66 ታን ነ አዛዞቱዋን አማነትያ ድራዉ፥ ሎኦ ፕርዳነ ኤራተꬃ ታና ታማርሳ።
PSA 119:67 ታን ሙረታናፐ ካሰ ዎራ ሀመታድ፤ ሽን ሀእ ነ ቃላዉ አዛዘታይ።
PSA 119:68 ኔን ኬካ፤ ኔን ኬካባ ኦꬃሳ፤ ነ አዋዩዋ ታና ታማርሳ።
PSA 119:69 ኦቶራንቻቱ ታና ዎርዱዋ ኦኪኖ፤ ሽን ታን ነ ዎጋ ታ ኩመንꬃ ዎዛናፐ ናጋና።
PSA 119:70 ኡንቱንቱ ዎዛናይ ኡባካ ዶንጭሎዋንታ፤ ሽን ታን ነ ህግያን ናሸታይ።
PSA 119:71 ታን ሙረቴዳዌ ታዉ ሎኤዳ፤ አያዉ ጎፐ፥ ነ አዋዩዋ ታማራናዉ ታና ማዴዳ።
PSA 119:72 ዳሮ ሻኡ ዎርቃፐነ ብራፐ፥ ነ ዶናፐ ከሴዳ ህጊ ታዉ አꬌ።
PSA 119:73 ታና ነ ኩሺ መꬌዳነ ጊግሴዳ። ነ አዛዙዋ ታን ታማራና ማላ፥ ታዉ አኬካ እማ።
PSA 119:74 ታን ነ ቃላን ህዶታ ዎꬅያ ኦꬄዳ ድራዉ፥ ነዉ ያይያዋንቱ ታና በኢደ ናሸትኖ።
PSA 119:75 አቤት መꬍና ጎዳዉ፥ ነ ፕርዳይ ጽላ ግድያዋነ ኔን አማነቴዳዋ ግዶ ድራዉ ታና ሙሬዳዋ ኤራይ።
PSA 119:76 ኔን ታዉ ነ ቆማዉ ጌዳ ቃላዳን፥ አገና ነ ሲቁ ታና ምንሶ።
PSA 119:77 ታን ፓጻ ደአና ማላ፥ ታዉ ቃረታ፤ አያዉ ጎፐ፥ ነ ህጊ ታና ናሸቼ።
PSA 119:78 ኦቶራንቻቱ ዎርዱዋን ታና ሞትያ ድራዉ፥ ዬላትኖ። ታና ግዶፐ፥ ታን ነ ዎጋቱዋ ዛራ ዛራደ ቆፓይ።
PSA 119:79 ነዉ ያይያዋንቱነ፥ ኔን ኦዴዳባ ኤርያዋንቱ ኡባይ፥ ታኮ ዪኖ።
PSA 119:80 ታን ዬላተና ማላ፥ ነ አዋዮ አዛዘትያዋን ቶሺ ባይናዋ ግዳርክታ!
PSA 119:81 ኔን ታና አሻና ማላ፥ ታን ናጋደ ዳቡራይ፤ ታን ነ ቃላን ህዶታ ኦꬃይ።
PSA 119:82 ኔን ጌዳ ቃላይ ፖለትና በአናዉ ጼሊደ፥ ታ አይፊ ጋልጄዳ። ታን፥ “ኔን ታና አዉደ ምንꬃኒሻ?” ያጋይ።
PSA 119:83 ጩዋን ካቄዳ ኦጎሩዋ ግዳደ ጉንዳድ፤ ግዶፐነ፥ ነ አዋዩዋ ባልከ።
PSA 119:84 ታን ነ ቆማይ አዉደ ጋካናዉ ናጎ? ታና የደርስያዋንታ ኔን አዉደ ፕርዳኒ?
PSA 119:85 ነ ህግያ ናገና ኦቶራንቻቱ፥ ታና ኩድሳና ጊደ፥ ታዉ ኦላ ቦኪኖ።
PSA 119:86 ነ አዛዞቱ ኡባይ አማንꬅያዋንታ። ታና አሳቱ ዎርዱዋን የደርስያ ድራዉ፥ ሀእ ታና ማዳ!
PSA 119:87 ኡንቱንቱ ታና ዎꬍ ድጌድኖሽን፤ ታን ነ ዎጋ አጋበይከ።
PSA 119:88 አገና ነ ሲቁዋን ታ ደኡዋ ናጋ፤ ሄዌነ፥ ኔን ነ ዶናፐ ኦዴዳዋ ታን ናጋናሳ።
PSA 119:89 አቤት መꬍና ጎዳዉ፥ ነ ቃላይ መꬍናሳ፤ እካ ሳሉዋን ምኒደ ደኤ።
PSA 119:90 ኔን የለታፐ የለታ ጋካናዉ አማነትያዋ። ኔን ሀ ሳኣ ባሳደ ኤሳዳ፤ እካ ምኒደ ደኤ።
PSA 119:91 ኔን ጌዳዋዳን ኡባባይካ ሀች ጋካናዉ ምኒደ ደኤ፤ አያዉ ጎፐ፥ ኡባቱካ ነ ቆማቱዋ።
PSA 119:92 ነ ህጊ ታና ናሸችያባ ግደነንቶ፥ ታ ቱጋ ዎደ ታን ꬋያና ሽን።
PSA 119:93 ነ ዎጋ ኡባካ ዶግከ፤ አያዉ ጎፐ፥ ኔን አን ታና ፓጻ ዎꬃዳ።
PSA 119:94 ታን ነዋቴ፤ ታና አሻ፤ አያዉ ጎፐ፥ ታን ነ ዎጋ ናጋናዉ ኮያይ።
PSA 119:95 ኢታቱ ታና ꬋይሳናዉ ኩኩሊደ ናጊኖ፤ ሽን ታን ኔን ኦዴዳዋ ቆፓይ።
PSA 119:96 ፖሎ ጌተቶባዉ ኡባባዉ ዛዋይ ደእያዋ ታን በኣድ፤ ሽን ነ ህግያዉ ዛዋይ ባዋ።
PSA 119:97 ታን ነ ህግያ ዋታ ዶሳይታ! ጋላሳ ኩመንꬃ ታን ቆፕያዌ አ።
PSA 119:98 ነ አዛዞቱ ኡባ ዎደካ ታናና ደእያ ድራዉ፥ ኡንቱንቱ ታና ታ ሞርከቱዋፐ አꬌዳ ኤራንቻ ከሲኖ።
PSA 119:99 ታን ኔን ኦዴዳዋ ቆፕያ ድራዉ፥ ታና ታማርሴዳ ኡባፐካ አꬌዳ አኬካይ ታዉ ደኤ።
PSA 119:100 ታን ነ ዎጋዉ አዛዘትያ ድራዉ፥ ጭማቱዋፐ አꬃደ አኬካይ።
PSA 119:101 ታን ነ ቃላዉ አዛዘታናዉ ኮይያ ድራዉ፥ ታ ገድያ ኢታ ኦግያ ኡባፐ ናጋድ።
PSA 119:102 ኔን ታና ታማርሴዳ ድራዉ፥ ታን ነ ፕርዳፐ ዎራ ባበይከ።
PSA 119:103 ነ ቃላይ አያ ማልኢ! ኤሳ እልሉዋፐካ አꬊደ፥ ታ ዶናን ማልኤ።
PSA 119:104 ነ ዎጋፐ አኬካ ደማድ፤ ሄዋ ድራዉ፥ ታን ጌላ ኦግያ ኡባ እጻይ።
PSA 119:105 ነ ቃላይ ታ ገድያዉ ጾምፕያ፥ ታ ኦግያዉካ ፖኡዋ።
PSA 119:106 ነ ጽሎ ፕርዳዳን ደአናዉ፥ ታን ጫቄዳ ጫቁዋ ምንꬃና።
PSA 119:107 ታን ዳሮ ቱጋታድ፤ አቤት መꬍና ጎዳዉ፥ ኔን ጌዳ ቃላዳን ታና ፓጻ ዎꬃ።
PSA 119:108 አቤት መꬍና ጎዳዉ፥ ታ ዶናፐ ከስያ ጋላታ፥ ያርሹዋ አካ፤ ታና ፕርዳ ታማርሳ።
PSA 119:109 ታ ሸምፑ መቱዋ ቦላ ደእንቶካ፥ ታን ነ ህግያ ዶግከ።
PSA 119:110 ኢታቱ ታዉ ግትያ የጌድኖ፤ ሽን ታን ነ ዎጋፐ ሸርእ ጋበይከ።
PSA 119:111 ኔን ኦዴዳባይ መꬍናዉ ታዋ፤ ኤ፥ እ ታ ዎዛናዉ ናሸቻ።
PSA 119:112 ታን መꬍናዉ፥ ዉርሰꬃ ጋካናዉ ነ አዋዩዋዳን ኦꬃናዉ ቃቻድ።
PSA 119:113 ታን ላኡ ቆፋይ ደእያ አሳቱዋ እጻይ፤ ሽን ነ ህግያ ሲቃይ።
PSA 119:114 ኔን ታዉ ቆሰታ አትያ ሳነ ታ ጎንዳልያ፤ ታን ነ ቃላን ህዶታ ኦꬃይ።
PSA 119:115 ታን ታ ጾሳ አዛዙዋ ናጋና ማላ፥ ህንተኖ፥ ኢታባ ኦꬅያዋንቶ፥ ታፐ ሃክተ!
PSA 119:116 ኔን ጌዳ ቃላዳን ታና ምንሳ፤ ያቶፐ፥ ታን ፓጻ ደአና። ታን ህዶታን ናግያባን ታና ዬላዮፓ።
PSA 119:117 ታና ዘምፕሳ፤ ያቶፐ፥ ታን ሳሮ ደአና፤ ታን ኡባ ዎደ ነ አዋዩዋ ሀይዛና።
PSA 119:118 ነ አዋዩዋፐ ዎራ ብያዋንታ ኡባ ኔን አካካ፤ ኡንቱንቱ ጭሙ ጮ መላ።
PSA 119:119 ሳኣን ደእያ ኢታቱዋ ኡባ ኔን ፕቱዋዳን ፓይዳሳ፤ ሄዋ ድራዉ፥ ታን ኔን ኦዴዳባ ሲቃይ።
PSA 119:120 ታ ቦላይ ነዉ ያዪደ ኮኮሬዳ፤ ታን ነ ፕርዳዉ ያያይ።
PSA 119:121 ልከባነ ጽሎባ ኦꬃድ፤ ታና ኡቁንያዋንቶ ኦሎፓ።
PSA 119:122 ታና ነ ቆማ ማዳናዉ ዋሰ ግዳ፤ ታና ኦቶራንቻቱዋን ኡቁንሶፓ።
PSA 119:123 ኔን፥ “ኔና አሻና” ጌዳ ጽሎ ቃላ ፖሎ ጋደ ናግሽን፥ ታ አይፊ ጋልጄዳ።
PSA 119:124 ታዉ፥ ነ ቆማዉ፥ ኔን አገና ነ ሲቁዋዳን ኦꬃ፤ ነ አዋዩዋካ ታና ታማርሳ።
PSA 119:125 ታን ነ ቆማ፤ ኔን ኦድያባ ታን ኤራና ማላ፥ አኬካ ታዉ እማ።
PSA 119:126 አቤት መꬍና ጎዳዉ፥ አሳቱ ነ ህግያ መንꬄዳ ድራዉ፥ ኔን ፕርዳና ዎዲ ሀአ።
PSA 119:127 ታን ነ አዛዙዋ ዎርቃፐ አꬃደ ሲቃይ፤ ኤ፥ ጌሻ ዎርቃፐካ አꬃደ ሲቃይ።
PSA 119:128 ሄዋ ድራዉ፥ ታን ነ ዎጋቱ ኡባይ ግያዋዳን ሀመታይ፤ ጌላ ኦግያ ኡባ ታን እጻይ።
PSA 119:129 ኔን ኦዴዳባይ ማላልስያባ፤ ሄዋ ድራዉ፥ ታን አዉ አዛዘታይ።
PSA 119:130 ነ ቃላ ብለꬃይ ፖኡዋ እሜ፤ አኬካይ ፓጬዳዋንቶ አኬካ እሜ።
PSA 119:131 ታን ነ አዛዞ፥ ዳሮ ሳመታደ ታ ዶና ዶያይ።
PSA 119:132 ሃ ታኮ ስማ፤ ነ ሱንꬃ ሲቅያዋንቱ ኡባዉ ኔን ኦꬅያዋዳን ታዉካ ቃረታ።
PSA 119:133 ኔን ጌዳ ቃላዳን ታ ሄመታ ሱርሳ፤ አይ ናጋራይነ ታና ሞዶፖ።
PSA 119:134 ታን ነ ዎጋዉ አዛዘታናዉ፥ ታና ኡቁኔዳዋንቱ ኩሽያፐ ዎዛ።
PSA 119:135 ታ ቦላ፥ ነ ቆማ ቦላ፥ ነ ሶምኡዋ ፖእሳ፤ ነ አዋዩዋካ ታማርሳ።
PSA 119:136 ነ ህግያዉ አሳይ አዛዘትቤና ድራዉ፥ ታ አይፍያፐ አፎꬃይ ሻፋዳን ጎጌ።
PSA 119:137 አቤት መꬍና ጎዳዉ፥ ኔን ጽሉዋ፤ ነ ፕርዳይካ ልከ።
PSA 119:138 ኔን ኦዴዳባይ ጽሉዋነ ኡባ አማነትያዋ።
PSA 119:139 ታ ሞርከቱ ነ ቃላ ቶቼዳ ድራዉ፥ ነ ቃላ ምሹ ታ ጎምፓን ኤጽ ከሴዳ።
PSA 119:140 ኔን ጌዳ ቃላይ ዳሮፐ አማነትያዋ፤ ታን፥ ነ ቆማይ አ ሲቃይ።
PSA 119:141 ታን ጉꬃነ ካቴዳ አሳ፤ ግዶፐነ፥ ታን ነ ዎጋ ዶግከ።
PSA 119:142 ነ ጽሎተꬃይ መꬍናዉ ደኤ፤ ነ ህጊካ ቱማ።
PSA 119:143 መቱነ ቱጋይ ታና ጋኬዳ፤ ሽን ነ አዛዞቱ ታና ናሸቺኖ።
PSA 119:144 ኔን ኦዴዳባይ መꬍናዉካ ጽሉዋ፤ ታን ፓጻ ደአና ማላ፥ አኬካ ታዉ እማ።
PSA 119:145 አቤት መꬍና ጎዳዉ፥ ኩመንꬃ ዎዛናፐ፥ ነዉ ዋሳድ፤ ታዉ አላ። ታንካ ነ አዋዩዋ አዛዘታና።
PSA 119:146 ታን ነዉ ዋሳድ፤ ታና አሻ፤ ታንካ ኔን ኦዴዳባ ኦꬃና።
PSA 119:147 ጻልቂ ዶለና ጉራን ደንዳደ፥ “ታና ማዳ” ጋደ ነዉ ዋሳይ። ኔን ታዉ ጌዳ ቃላን ህዶታ ኦꬃይ።
PSA 119:148 ነ ቃላባ ዛራ ዛራደ ቆፓናዉ፥ ቃማ ኡታ አቃይ።
PSA 119:149 አቤት መꬍና ጎዳዉ፥ አገና ነ ሲቁዋ ድራዉ፥ ታዋ ስሳ፤ ነ ጽሎ ፕርዳዳን ታና ፓጻ ዎꬃ።
PSA 119:150 ኢታባዉ ታና የደርስያዋንቱ፥ ታኮ ማቴድኖ፤ ኡንቱንቱ ነ ህግያፐ ሃኪኖ።
PSA 119:151 ሽን አቤት መꬍና ጎዳዉ፥ ኔን ታ ማታን ደኣሳ፤ ነ አዛዞቱ ኡባይካ ቱማ።
PSA 119:152 ታን በንፐ ዶማደ፥ ኔን ኦዴዳባ ታማራድ፤ አ ኔን መꬍናዉ ምንሳ ኤሳዳ።
PSA 119:153 ታ ቱጋ በኣደ፥ ታና አሻ፤ አያዉ ጎፐ፥ ታን ነ ህግያ ዶጋበይከ።
PSA 119:154 ታ ድራዉ ሞተታደ ታና ዎዛ፤ ኔን ጌዳ ቃላዳን ታና ፓጻ ዎꬃ።
PSA 119:155 ነ አዋዩዋ ኡንቱንቱ አከና ድራዉ፥ አቶተꬃይ ኢታቱዋፐ ሃኩዋን ደኤ።
PSA 119:156 አቤት መꬍና ጎዳዉ፥ ነ ቃረታይ ዳራ፤ ነ ጽሎ ፕርዳዳን ታና ፓጻ ዎꬃ።
PSA 119:157 ታ ሞርከቱነ ታና የደርስያዋንቱ ዳራ፤ ሽን ታን ኔን ኦዴዳዋፐ ሸርእ ጊከ።
PSA 119:158 ኡንቱንቱ ነ አዛዞቱዋ ናገና ድራዉ፥ ታን ካድያዋንታ በኣደ ሸነታድ።
PSA 119:159 አቤት መꬍና ጎዳዉ፥ ታን ነ ዎጋ ሲቅያ ሲቁዋ ቆፓ፤ አገና ነ ሲቁዋዳን ታና ፓጻ ዎꬃ።
PSA 119:160 ነ ቃላይ ኮይሮፐካ ቱማ፤ ነ ጽሎ ፕርዳይ ኡባይካ መꬍናዉ ደኤ።
PSA 119:161 ካፓቱ ታና ጮ የደርሲኖ፤ ሽን ታ ዎዛናይ ነ ቃላዉ ያዬ።
PSA 119:162 ዳሮባ ኦሞዴዳ አሳይ ናሸትያዋዳን፥ ኔን ጌዳ ቃላን ታን ናሸታይ።
PSA 119:163 ታን ዎርዱዋ እጻይነ ሸነታይ፤ ሽን ነ ህግያ ሲቃይ።
PSA 119:164 ነ ጽሎ ፕርዳ ድራዉ፥ ታን ኔና ጋላሳን ላፑ ገደ ጋላታይ።
PSA 119:165 ነ ህግያ ሲቅያዋንቶ ኩመንꬃ ሳሮተꬃይ ደኤ፤ ኡንቱንታ ኡባካ አያይነ ꬉባናዉ ዳንዳየና።
PSA 119:166 አቤት መꬍና ጎዳዉ፥ ታን ነ አቶተꬃ ሂዶታን ናጋይ፤ ነ አዛዞቱዋካ ኦꬃይ።
PSA 119:167 ታን ኔን ኦዴዳባ ናጋይ፤ ታን ዳሮፐ አ ሲቃይ።
PSA 119:168 ታን ነ ዎጋዉነ ኔን ኦዴዳዎ አዛዘታና፤ አያዉ ጎፐ፥ ታ ኦግያ ኡባ ኔን በኣሳ።
PSA 119:169 አቤት መꬍና ጎዳዉ፥ ታ ዋሱ፥ ነ ስንꬃ ጋኮ፤ ኔን ጌዳ ቃላዳን ታዉ አኬካ እማ።
PSA 119:170 ታ ዋትዋቱ ነ ስንꬃ ጋኮ፤ ኔን ጌዳ ቃላዳን ታና አሻ።
PSA 119:171 ኔን ነ አዋዩዋ ታና ታማርስያ ድራዉ፥ ታ ዶናፐ ጋላታይ ፑልታና።
PSA 119:172 ነ አዛዞቱ ኡባይ ጽሎ ግድያ ድራዉ፥ ታ እንጻርሳይ ነ ቃላባ የጻና።
PSA 119:173 ታን ነ ዎጋ ዶሬዳ ድራዉ፥ ነ ኩሺ ታና ማዳናዉ ጊጌዳዋ ግዶ።
PSA 119:174 አቤት መꬍና ጎዳዉ፥ ኔን ታና አሻና ማላ ላሞታይ፤ ነ ህጊካ ታና ናሸቼ።
PSA 119:175 ታን ኔና ጋላታና ማላ፥ ታና ፓጻ ዎꬃ፤ ነ ፕርዳይካ ታና ማዶ።
PSA 119:176 ታን ባዬዳ ዶርሳዳን ብቻራይ፤ ታና ነ ቆማ ኮያ፤ አያዉ ጎፐ፥ ታን ነ አዛዙዋ ዶጋበይከ።
PSA 120:1 ፑደꬃ ከሲደ የጼዳ የꬃ ታ ዋይያ ዎደ ታን መꬍና ጎዳ ጼሳድ፤ እ ታዉ ኮዬዳ።
PSA 120:2 አቤት መꬍና ጎዳዉ፥ ዎርዶትያ ዶናቱዋፐነ፥ ጭምያ እንጻርሳቱዋፐ ታና አሻ።
PSA 120:3 ህንተኖ ዎርዳንቻቶ፥ ጾሳይ ህንተና ዋታንዴሻ? ስም ሀራባ አያ ጉጃንዴሻ?
PSA 120:4 ቶራንቻቱዋ ፖꬃ ቃራን እ ህንተና ጫዳናዋ፤ ታማ ቦንቁዋን እ ህንተና ጹጋና።
PSA 120:5 አየ ታኖ! ህንተናና ደእያዌ መሸካ ዎይ ቄዳረ አሳና ደእያዋ ማላ ኢታ።
PSA 120:6 ሳሮተꬃ እጽያ አሳቱዋና ታን ዳሮ ዎድያ ደኣድ።
PSA 120:7 ታን ሳሮ አሳ፤ ሽን ታን ሳሮተꬃባ ሃሳይያ ዎደ፥ ኡንቱንቱ ኦላዋ ሃሳዪኖ!
PSA 121:1 ፑደꬃ ከሲደ የጼዳ የꬃ ታን ꬎቁ ጋደ ዎጋ ደረቱዋ ጼላይ፤ ታዉ ማዱ ሀቃፐ ያንዴሻ?
PSA 121:2 ታዉ ማዱ ሳሉዋነ ሳኣ መꬌዳ መꬍና ጎዳፐ ዬ።
PSA 121:3 እ ነ ገድያ ሀልጽሰና፤ ኔና ናግያዌ ገምእሸና።
PSA 121:4 እስራኤልያ ናግያዌ፥ ኡባካ ግሰናነ ገምእሸና።
PSA 121:5 መꬍና ጎዳይ ኔና ናግያዋ። መꬍና ጎዳይ ነዉ ኡሸቻ ባጋና ግዲደ፥ ኔና ኩዋይያዋ።
PSA 121:6 ጋላስ ኔና አዋይ ሜና፤ ቃማካ አግናይ ኔና ቆሄና።
PSA 121:7 መꬍና ጎዳይ ቆህያዋ ኡባፐ ኔና ናጋና፤ እ ነ ሸምፑዋ ናጋና።
PSA 121:8 መꬍና ጎዳይ ነ ቡሳ፥ ነ ዩሳ፥ ሀቼፐ መꬍና ጋካናዉ ናጋና።
PSA 122:1 ፑደꬃ ከሲደ የጼዳ የꬃ፥ ዳውት ጻፌዳዋ ኡንቱንቱ ታና፥ “አነ መꬍና ጎዳ ጎልያ ቦይተ” ያግና፥ ታን ናሸታድ።
PSA 122:2 ኔኖ የሩሳላመ ካታማቴ፥ ኑን ነ ፐንገቱዋና ገሊደ ኤቄዶ!
PSA 122:3 የሩሳላመ ካታማይ፥ ዳንቲደ ምን ኬጸቴዳ ካታማ።
PSA 122:4 መꬍና ጎዳ አዋዩዋዳን፥ እስራኤልያ ዛራቱ፥ መꬍና ጎዳ ጋላታናዉ ይያ ካታማይ ሀዋ።
PSA 122:5 ዳዊታ ዘረꬃፐ ካተቴዳዋንቱ ባረንቱ አሳዉ ፕርዳናዉ ያን ኡቴድኖ።
PSA 122:6 የሩሳላመ ሳሮተꬃዉ ሀዋዳን ያጊደ ዎስተ፤ “ኔና ሲቅያዋንቶ ኡንቱንቱ ኦꬅያዌ ኡባይ ሱሮ!
PSA 122:7 ነ ግምበቱዋ ግዶን ሳሩ ደኦ! ነ ጌሳቱዋካ ቦችያባይ ꬋዮ!” ያጊደ ዎስተ።
PSA 122:8 ታ እሻቱዋነ ታ ዳቦቱዋ ድራዉ ጋደ፥ “ነ ግዶን ሳሩ ደኦ!” ያጋይ።
PSA 122:9 መꬍና ጎዳ ኑ ጾሳ ጎልያ ድራዉ ጋደ፥ ታን የሩሳላመ ዱረታናዉ ዎሳና።
PSA 123:1 ፑደꬃ ከሲደ የጼዳ የꬃ ኔኖ፥ ካዉተꬃ አራታን ሳሉዋን ኡቴዳዎ፥ ታን ፑደ ኔኮ ጼላይ።
PSA 123:2 ቆማይ ባረ ጎዳ ኩሽያ ጼልያዋዳንነ ቆማታ ባረ ጎዳት ኩሽያ ጼልያዋዳን፥ ሄዋዳንካ እ ኑና ማራና ጋካናዉ፥ ኑ አይፊ መꬍና ጎዳኮ፥ ኑ ጾሳኮ፥ ጼሌ።
PSA 123:3 ኑና ማራ፤ አቤት መꬍና ጎዳዉ፥ ኑና ማራ። አያዉ ጎፐ፥ ኑዉ ካꬊ ዳሬዳ።
PSA 123:4 ኑን እሻሉዋን ደእያዋንቱ ሸቃነ ኦቶራንቻቱዋ ካꬍያ ካሌዶ።
PSA 124:1 ፑደꬃ ከሲደ የጼዳ የꬃ፥ ዳውት ጻፌዳዋ መꬍና ጎዳይ ኑ ባጋ ግደነንቶ፥ ኑን ዋናኔሻ? እስራኤልያ አሳቱ ዛሩዋ ሀዋዳን ያጊደ ዛሪኖ፤
PSA 124:2 “መꬍና ጎዳይ ኑ ባጋ ግደነንቶ፥ ኑ ቦላን አሳይ ደንዴዳ ዎደ፥
PSA 124:3 ኡንቱንቱ ኑ ቦላን ሀንቁዋ ሱሊደ፥ ኑና ፓጻ ምታና ሽን።
PSA 124:4 ድኡ ኑና ሜጪደ፤ ሻፋ ሃꬃይ ኑና ሙካና ሽን፤
PSA 124:5 ኩንꬆ ሃꬃይ ኑና ማና ሽን” ያግኖ።
PSA 124:6 ኑና ኑ ሞርከቱዋ ማታን፥ ጾንስቤና መꬍና ጎዳይ ጋላተቶ።
PSA 124:7 ኑን ሻንካንቻቱዋ ጲርያፐ፥ ካፉ ከስ አክያዋዳን ከስ አኬዶ። ጵሪ መኤዳ፥ ኑንካ ከስ አክ አቴዶ!
PSA 124:8 ኑ ማዱ ሳሉዋነ ሳኣ መꬌዳ መꬍና ጎዳ ሱንꬃፐ ዬ።
PSA 125:1 ፑደꬃ ከሲደ የጼዳ የꬃ መꬍና ጎዳን አማነትያዋንቱ ቃጻናዉ ዳንዳየና፥ መꬍናዉ ደእያ ጽዮነ ደርያ ማላ።
PSA 125:2 ደረቱ የሩሳላመ ካታማ ዩሹዋን ደእያዋዳን፥ ሀቼፐ መꬍና ጋካናዉ፥ መꬍና ጎዳይ ባረ አሳ ዩሹዋን ደኤ።
PSA 125:3 ጽሎቱ ባረንቱ ኩሽያ ኢታተꬃዉ ደንና ማላ፥ ኢታቱዋ አይሱዋ ጻምአይ፥ ጽሎቶ እመቴዳ ቢታ ቦላን ጋምኤና።
PSA 125:4 አቤት መꬍና ጎዳዉ፥ ኬካ አሳቶነ፥ ዎዛና ሱረ አሳቶ ኬካባ ኦꬃ።
PSA 125:5 ባረንቱ ጌላ ኦግያ ስምያዋንታ፥ መꬍና ጎዳይ ኢታ ኦꬅያዋንቱና እትፐ ሙራ። እስራኤልያዉ ሳሩ ግዶ!
PSA 126:1 ፑደꬃ ከሲደ የጼዳ የꬃ መꬍና ጎዳይ ኑና ኦሞደቴዳዋንታ ዛሪደ፥ ጽዮነ አሄዳ ዎደ፥ ኑዉ አኩሙዋ ማላቴዳ።
PSA 126:2 ሄ ዎደ ኑን ዳሮ ናሸት፥ ሚጪደ፥ ናሸቻ የꬃ የጼዶ። ያትና፥ ሀራ ካዉተꬃቱ ባረንቱ ግዶን፥ “ሀዋንቶ መꬍና ጎዳይ ዎልቃማባ ኦꬄዳ” ያጌድኖ።
PSA 126:3 ቱሙካ መꬍና ጎዳይ ኑዉ ዎልቃማባ ኦꬄዳ፤ ኑንካ ሎይꬅ ናሸቴዶ።
PSA 126:4 አቤት መꬍና ጎዳዉ፥ ኔጌባ ባዙዋን እራ ቡክሳደ፥ ሻፋ ሃꬃ ዛራ ኩንꬅያዋዳን፥ ኑዉካ ኑ ካጫ ኦራꬃ።
PSA 126:5 ዬኪደ ዘሬዳዋንቱ፥ ናሸቻን የጺደ ጫካና።
PSA 126:6 ዘረꬃ ቶኪደ፥ ዬኪደ ቤዳዋንቱ፥ ናሸቻ የꬃ የጺደ፥ ምርቂያ ቶኪደ ስማና።
PSA 127:1 ፑደꬃ ከሲደ የጼዳ የꬃ፥ ሶሎሞን ጻፌዳዋ መꬍና ጎዳይ ጎልያ ኬጻና ꬋዮፐ፥ ኬጽያዋንቱ ጮ መላ ዳቡሪኖ። መꬍና ጎዳይ ካታማ ናጋና ꬋዮፐ፥ ናግያዋንቱ ጮ መላ ናጊኖ።
PSA 127:2 ኔን ዎንታ ጉራን ደንድያዌ፥ ኦማርስ ቃምሳደ ግስያዌ፥ ቁማዉ ህርጋደ ቱጋትያዌ ጮ መላ፤ አያዉ ጎፐ፥ ጾሳይ ባረ ሲቅያዋንቶ ሸምፑዋ እሜ።
PSA 127:3 ናናይ መꬍና ጎዳፐ እመትያ እሞታ፤ የሎቱ ቱሙዋፐ ዎይቱዋ።
PSA 127:4 እት ኡራይ ባረ ያላጋተꬃን የሌዳ አቱማ ናናቱ፥ ኦላንቻ ኩሽያን ደእያ ቶራቱዋ ማላ።
PSA 127:5 ሄ ቃርጪታን ደእያ ዎንዳፍያ ቶራቱዋዳን፥ ዳሮ ናናቱ ደእያ አሳይ አንጀቴዳዋ። አያዉ ጎፐ፥ እ ባረ ሞርከቱዋና፥ ካታማ ፐንግያን ሞተትያ ዎደ፥ ኡባካ ጾነተና።
PSA 128:1 ፑደꬃ ከሲደ የጼዳ የꬃ መꬍና ጎዳዉ ያይያዋንቱነ፥ አ ኦግያን ሀመትያዋንቱ ኡባይ አንጀቴዳዋንታ።
PSA 128:2 ኔን ነ ዳቡራ አይፍያ ማና፤ ኔን ናሸታናነ ነዉ ሎኦ ግዳና።
PSA 128:3 ነ ማቻታ ነ ሶን አይፍያ ዶርኮኬዳ፥ ዎይንያ ቱራ ማላ ግዳና። ነ ናናቱካ ነ ጋይታ ዩሹዋን፥ ዎጋራ ፑትያ ማላ ግዳና።
PSA 128:4 መꬍና ጎዳዉ ያይያ አሳይ ቱሙዋፐ ሄዋዳን አንጀታና።
PSA 128:5 መꬍና ጎዳይ ኔና ጽዮነፐ አንጆ! ኔን ደኤዳ ላይꬃ ኡባን የሩሳላመ ሎኦተꬃ ኔና በሶ።
PSA 128:6 ነ ናናቱዋ ናናቱዋ በአ! እስራኤልያዉ ሳሩ ግዶ!
PSA 129:1 ፑደꬃ ከሲደ የጼዳ የꬃ እስራኤልያ አሳይ ሀዋዳን ያጎ፤ “ኡንቱንቱ ታ ያላጋተꬃደፐ ዶሚደ፥ ታና ኡቅኔድኖ።
PSA 129:2 ኤ፥ ኡንቱንቱ ታ ያላጋተꬃደፐ ዶሚደ፥ ታና ኡቅኔድኖ፤ ሽን ኡንቱንቱ ታና ꬋይስበይክኖ።
PSA 129:3 ታ ዞክያ ቃይጼርያን ሾጭ ሾጪደ፥ ጎሼዳ ሾይቃ ማላትሴድኖ” ያጎ።
PSA 129:4 ሽን መꬍና ጎዳይ ጽሎ ግዴዳዌ ኢታቱዋ ቃሹዋፐ ታና ብል የዴዳ።
PSA 129:5 ጽዮነ እጽያ ኡባይ፥ ዬላቲደ ጉየ ስሞ።
PSA 129:6 ጎልያ ሁጲያን ሞኪደ፥ ድጫናፐ ካሰቲደ መልያ ማታ ማላ ግዶ።
PSA 129:7 ሄ ማታ ቡጫናዉ ኩሽያን ዳንክያዌ፥ ዎይ ምርቂያ ቃችያዌ ኦንነ ባዋ።
PSA 129:8 ሄ ኦግያና አꬍያዋንቱ፥ “መꬍና ጎዳይ ዎልቃ እሞ” ጊና፥ ጫክያዋንቱ፥ “መꬍና ጎዳይ አንጆ” ግያዌ ደኤና።
PSA 130:1 ፑደꬃ ከሲደ የጼዳ የꬃ አቤት መꬍና ጎዳዉ፥ ታን መቱዋ ጪማን ደኣደ፥ ኔኮ ዋሳይ።
PSA 130:2 አቤት ጎዳዉ፥ ታ ኮሻ ስሳ፤ ታን ዋትዋትያ ዋትዋቱዋ ነ ሀይꬃይ ሀይዞ።
PSA 130:3 አቤት መꬍና ጎዳዉ፥ ኔን፥ ኑ ናጋራ ማዝጎብያን ጻፌደንቶ፥ አቤት ጎዳዉ፥ ዎን ኦን ፕርዳፐ አታናዉ ዳንዳዪ?
PSA 130:4 ሽን ኑን ኔና ቦንቺደ አዛዘታና ማላ፥ ኑዉ አቶ ያጋሳ።
PSA 130:5 ታን መꬍና ጎዳ ናጋይ፤ ኤ፥ ታን አ ላሞታን ናጋይ፤ አ ቃላንካ ህዶታ ኦꬃይ።
PSA 130:6 ሳአይ አዉደ ዎንታንዴሻ ጊደ ናግያ ቃማ ዛባይንያቱዋፐ አꬋአደ፥ ታን ኡንቱንቱፐካ አꬃደ፥ ጎዳ ላሞታን ናጋይ።
PSA 130:7 እስራኤልያ አሳዉ፥ መꬍና ጎዳን ህዶታ ኦꬅተ፤ አያዉ ጎፐ፥ አገና ሲቁ መꬍና ጎዳና፤ ቃይ እ ኡባ ገደ አሳ አሻናዉ ኮዬ።
PSA 130:8 እስራኤልያ አሳ ኡንቱንቱ ናጋራ ኡባፐ አሻናዌ አ።
PSA 131:1 ፑደꬃ ከሲደ የጼዳ የꬃ፥ ዳውት ጻፌዳዋ አቤት መꬍና ጎዳዉ፥ ታን ዎዛናን አይያዋ አጋድ፤ ታ አይፍያን ኦቶሩዋን ጼላበይከ። ዎልቃማባዉ ዎይ ኤራናዉ ዳንዳየና ማላልስያባዉ ታን ህርግከ።
PSA 131:2 ሄዋ አጋደ ꬋንꬃ ዱጼዳ ናአይ ባረ አት ማታን ጮኡ ግያዋዳን፥ ታን ጮኡ ጋድ። ኤ፥ ዎፑ ጌዳ ናኣዳን ታን ዎፑ ጋድ።
PSA 131:3 እስራኤልያ አሳዉ፥ ሀቼፐ መꬍና ጋካናዉ መꬍና ጎዳን ህዶታ ኦꬅተ።
PSA 132:1 ፑደꬃ ከሲደ የጼዳ የꬃ አቤት መꬍና ጎዳዉ፥ ዳዊታነ እ ዳንዳዬዳ መቱዋ ቆፓ።
PSA 132:2 መꬍና ጎዳዉ እ ጫቄዳዋ፥ ያቆባ ጾሳዉ፥ ዎልቃማዉ እ ሀዋዳን ያጊደ ገፔዳዋ ሀሳያ፤
PSA 132:3 “ሀዋፐ ጉይያን ታን ታ ጎለ ገልከ፥ ዎይ ታ ሂጻን ግስከ።
PSA 132:4 ታን ታ አይፍያ ጪልምከ፥ ዎይ ገምእሽከ።
PSA 132:5 ሄዌነ፥ ታን መꬍና ጎዳዉ ሳኣ፥ ያቆባ ጾሳዉ፥ ዎልቃማዉ ደኢያሳ ጊግሳና ጋካናሳ” ያጌዳ።
PSA 132:6 ሄኮ፥ ኑን ታቦታባ፥ ቤተሌመን ስሴዶ፤ ይኣሪማ ግያ ቢታን አ ኑን ደሜዶ።
PSA 132:7 ኑን፥ “አነ እ ደኢያሳ ቦይተ፤ አ ገዲ የꬍያሳን ጉፋኒደ፥ አዉ ጎይኔቶ” ያጌዶ።
PSA 132:8 አቤት መꬍና ጎዳዉ፥ ደንዳ! ነ ምኖተꬃዉ ማላ ግድያ ነ ታቦታና፥ ነ ጌሻ ጎልያ ገላደ ደአ።
PSA 132:9 ነ ቄሳቱ ጽሎተꬃ ማይኖ፤ ነ አሳቱ ናሸቻዉ የጽኖ።
PSA 132:10 ነ ቆማ ዳዊታ ድራዉ፥ ኔን ኦኬዳ ካትያ አጎፓ።
PSA 132:11 መꬍና ጎዳይ ዳዊታዉ ላመተና ጫቁዋ ሀዋዳን ያጊደ ጫቄዳ፤ “ነ ጉልባታፐ የለቴዳ ነ ናናቱዋፐ እቱዋ ታን ካዉꬃና።
PSA 132:12 ነ ናናቱ ታ ጫቁዋነ ታን ታማርስያ ትምርትያ ናጎፐ፥ ኡንቱንቱ ናናቱካ ነ ካዉተꬃ አራታን መꬍናዉ ኡታና” ያጌዳ።
PSA 132:13 መꬍና ጎዳይ ጽዮነ ዶሬዳ፤ ባረዉ ደኢያሳ ኦꬃናዉካ አሞቲደ፥ ሀዋዳን ያጌዳ፤
PSA 132:14 “ሀዌ ታዉ መꬍናዉ ደእያ ሳኣ፤ ታን አሞቴዳ ድራዉ፥ ሀዋን ኡታና።
PSA 132:15 ታን ዳሮ ካꬃ እማደ ጽዮኖ አንጃና፤ እዝን ደእያ ህዬሳቱዋካ ቁማ ካልሳና።
PSA 132:16 እዝን ደእያ ቄሳቱ ዋካ ታን አቶተꬃ ማይዛና፤ እዝን ጾሳ አሳቱካ ናሸቻዉ የጻና።
PSA 132:17 “ሀ ሳኣን፥ ዳዊታ ዘረꬃፐ እቱዋ ካዉꬃና፤ ታን ኦኬዳ ካትያ ካዉተꬃ ጋምኤꬃና።
PSA 132:18 ታን አ ሞርከቱዋ ዬላ ማይዛና፤ ሽን አ ሁጲያን ደእያ ካዉተꬃ ካላቻይ ጶላና” ያጌዳ።
PSA 133:1 ፑደꬃ ከሲደ የጼዳ የꬃ፥ ዳውት ጻፌዳዋ እሻቱ እትፐተꬃን ደእያዌ አይባ ሎኦቤነ ናሸችያቤ!
PSA 133:2 ሄዌ ሁጲያ ኦክና፥ ቡቻና ጎግያ፥ አሮና ቡቻና ጎጊደ አ ማዩዋ ሞርግያ ጋክያ አልኦ ዛይትያ ማላ።
PSA 133:3 ሄዌ ሄርሞነ ደርያ ከተርሳይ፥ ጽዮነ ደረቱዋ ጋክያዋ ማላ። መꬍና ጎዳይ ሄዋን አንጁዋ፥ መꬍና ደኡዋ እሜዳ።
PSA 134:1 ፑደꬃ ከሲደ የጼዳ የꬃ ህንተኖ መꬍና ጎዳ ቆማቶ፥ መꬍና ጎዳ ጎልያን ቃማ ኦꬅያዋንቶ፥ ኡባይካ ሃ ዪደ፥ መꬍና ጎዳ ጋላትተ።
PSA 134:2 ጌሻ ጎልያን ህንተ ኩሽያ ምጪደ፥ መꬍና ጎዳ ጋላትተ።
PSA 134:3 ሳሉዋነ ሳኣ መꬌዳ መꬍና ጎዳይ፥ ህንተና ጽዮነፐ አንጆ።
PSA 135:1 መꬍና ጎዳ ጋላትተ! ህንተኖ መꬍና ጎዳ ቆማቶ፥ መꬍና ጎዳ ሱንꬃ ጋላትተ!
PSA 135:2 ህንተኖ መꬍና ጎዳ ጎልያ ግዶን፥ ኑ ጾሳ ጎልያ ዳባባን ኤቄዳዋንቶ፥ ጾሳ ጋላትተ!
PSA 135:3 መꬍና ጎዳይ ኬካ ግድያ ድራዉ፥ መꬍና ጎዳ ጋላትተ! እ ሎአ ግድያ ድራዉ፥ አ ሱንꬃ ሳቢተ!
PSA 135:4 መꬍና ጎዳይ ያቆባ ባረ ሁጰው፥ እስራኤልያ አሳካ ባረዉ ቡዞ ኦꬂደ ዶሬዳ።
PSA 135:5 መꬍና ጎዳይ ዎልቃማ ግድያዋነ ኑ ጎዳይ ጾሳቱዋ ኡባፐ ꬎቂያዋ፥ ታን ኤራይ።
PSA 135:6 ሳሉዋንካ ሳንካ፥ አባቱዋንነ ኡንቱንቱ ጪሞቱዋ ኡባ ግዶንካ፥ መꬍና ጎዳይ ባረ ዶሴዳዋ ኡባ ኦꬄ።
PSA 135:7 እራ ቶኮ ሻርያ ሳኣ ጋጻፐ እ ደንꬄ፤ እ እራና ዋልቃንꬃ ኪቴ፤ ባረ ምንጅያ ሳኣፐ ጫርኩዋ ከሴ።
PSA 135:8 ግብጼ ቢታን አሳ ናናቱዋፐነ፥ መህያ ማራፐ፥ ባይራ የለቴዳዋንታ ዎꬌዳ።
PSA 135:9 ኔኖ ግብጼ፥ ፓርኦናነ አ ቆማቱዋ ሙራናዉ፥ ህንተንቱ ግዶን ኦራꬃባነ ማላልስያባ የዴዳ።
PSA 135:10 እ ዳሮ ካዉተꬃቱዋ ባይዜዳ፤ ዎልቃማ ካተቱዋካ ዎꬌዳ።
PSA 135:11 አሞረቱዋ ካትያ ስሆና፥ ባሳነ ካትያ ኦጋነ፥ ካናነ ካተቱዋ ኡባ ዎꬌዳ።
PSA 135:12 ኡንቱንቱ ቢታ ባረ አሳቱዋ፥ እስራኤላቱዋ ላትሴዳ።
PSA 135:13 አቤት መꬍና ጎዳዉ፥ ነ ሱንꬃይ መꬍናዉ ደአና፤ የለታፐ የለታ ጋካናዉ መꬍና ጎዳይ ሀሳየታና።
PSA 135:14 መꬍና ጎዳይ ባረ አሳዉ ፕርዳና፤ እ ባረ ቆማቶ ቃረታና።
PSA 135:15 ጋድያ አሳቱዋ ኤቃቱ አሳ ኩሺ ብራፐነ ዎርቃፐ መꬌዳዋንታ።
PSA 135:16 ኡንቱንቶ ዶናይ ደኤ፥ ሽን ሃሳይክኖ፤ አይፊ ደኤ፥ ሽን ጼልክኖ።
PSA 135:17 ሀይꬃይ ደኤ፥ ሽን ስስክኖ፤ ኡንቱንቱ ዶናን ሸምፑ ባዋ።
PSA 135:18 ኡንቱንታ መꬌዳዋንቱነ፥ ኡንቱንቱን አማነትያዋንቱ፥ ኡባይ ኡንቱንቱዳን ሀንኖ።
PSA 135:19 እስራኤልያ ጎልያ አሳቶ፥ መꬍና ጎዳ ጋላትተ፤ አሮና ጎልያ አሳቶ፥ መꬍና ጎዳ ጋላትተ፤
PSA 135:20 ሌዊያ ጎልያ አሳቶ፥ መꬍና ጎዳ ጋላትተ፤ መꬍና ጎዳዉ ያይያዋንቶ፥ ኡባይ መꬍና ጎዳ ጋላትተ።
PSA 135:21 የሩሳላመን ደእያ መꬍና ጎዳይ ጽዮነን ጋላተቶ! መꬍና ጎዳ ጋላትተ!
PSA 136:1 መꬍና ጎዳ ጋላትተ! አያዉ ጎፐ፥ እ ኬካ፤ አገና አ ሲቁ መꬍናዋ።
PSA 136:2 ጾሳቱዋ ጾሳ ጋላትተ! አገና አ ሲቁ መꬍናዋ።
PSA 136:3 ጎዳቱዋ ጎዳ ጋላትተ! አገና አ ሲቁ መꬍናዋ።
PSA 136:4 አ ጻላላይ ዎልቃማ ማላልስያባ ኦꬄ፤ አገና አ ሲቁ መꬍናዋ።
PSA 136:5 ባረ አꬌዳ ኤራን እ ሳሎቱዋ መꬌዳ፤ አገና አ ሲቁ መꬍናዋ።
PSA 136:6 ቢታ ሃꬃ ቦላን ምጬዳ፤ አገና አ ሲቁ መꬍናዋ።
PSA 136:7 ዎልቃማ ፖኦቱዋ መꬌዳ፤ አገና አ ሲቁ መꬍናዋ።
PSA 136:8 አዋይ ጋላስ ሞዳናዳን ኦꬄዳ፤ አገና አ ሲቁ መꬍናዋ።
PSA 136:9 አግናይነ ጾልንተቱ ቃማ ሞዳናዳን ኦꬄዳ፤ አገና አ ሲቁ መꬍናዋ።
PSA 136:10 እ ግብጼ ቢታን ባይራቱዋ ዎꬌዳ፤ አገና አ ሲቁ መꬍናዋ።
PSA 136:11 እስራኤልያ አሳ፥ ግብጼፐ ካለꬂደ ከሴዳ፤ አገና አ ሲቁ መꬍናዋ።
PSA 136:12 ባረ ምኖ ኩሽያን፥ ባረ ዎልቃማ ቀስያን ሀዋ ኦꬄዳ፤ አገና አ ሲቁ መꬍናዋ።
PSA 136:13 ዞኦ አባ ሻክ የጌዳ፤ አገና አ ሲቁ መꬍናዋ።
PSA 136:14 እስራኤልያ አሳ፥ ሄ አባ ግዱዋና ፕንꬄዳ፤ አገና አ ሲቁ መꬍናዋ።
PSA 136:15 ግብጼ ካትያነ አ ኦላንቻቱዋ ዞኦ አባን ሙክሴዳ፤ አገና አ ሲቁ መꬍናዋ።
PSA 136:16 እ ባረ አሳ ካለꬂደ፥ ባዙዋና አꬄዳ፤ አገና አ ሲቁ መꬍናዋ።
PSA 136:17 ዎልቃማ ካተቱዋ ሾጬዳ፤ አገና አ ሲቁ መꬍናዋ።
PSA 136:18 ኤረቴዳ ካተቱዋ ዎꬌዳ፤ አገና አ ሲቁ መꬍናዋ።
PSA 136:19 አሞረቱዋ ካትያ ስሆና ዎꬌዳ፤ አገና አ ሲቁ መꬍናዋ።
PSA 136:20 ቃይ ባሳነ ካትያ ኦጋ ዎꬌዳ፤ አገና አ ሲቁ መꬍናዋ።
PSA 136:21 ያቲደ ኡንቱንቱ ቢታ ባረ አሳ ላትሴዳ፤ አገና አ ሲቁ መꬍናዋ።
PSA 136:22 ባረ ቆማ እስራኤልያ ላትሴዳ፤ አገና አ ሲቁ መꬍናዋ።
PSA 136:23 እ ኑን ካዉሼዳ ዎደካ ኑና ቆፔዳ፤ አገና አ ሲቁ መꬍናዋ።
PSA 136:24 ኑና ኑ ሞርከቱዋፐ አሼዳ፤ አገና አ ሲቁ መꬍናዋ።
PSA 136:25 መታ ኡባዉ ቁማ እሜ፤ አገና አ ሲቁ መꬍናዋ።
PSA 136:26 ሳሉዋ ጾሳ ጋላትተ! አገና አ ሲቁ መꬍናዋ።
PSA 137:1 ባብሎነ ሻፋቱዋ ማታን ኡቲደ፥ ኑን ጽዮነ ቆፔዳ ዎደ ዬኬዶ።
PSA 137:2 ሄ ሳኣን ኑን፥ ኑ ዲꬃ ሃꬃ ማታን ድጭያ ምꬃ ቦላ ካቄዶ።
PSA 137:3 ኑና ኦሞዴዳ አሳቱ፥ ኑን የጺደ፥ ኡንቱንታ ናሸቻና ማላ፥ “ጽዮነ የꬃፐ እቱዋ አነ ኑዉ የጽተ” ያጌድኖ።
PSA 137:4 መꬍና ጎዳ የꬃ፥ ኑን፥ አላጋ ቢታን ዎት የጻኔ?
PSA 137:5 የሩሳላመ ካታማቴ፥ ታን ኔና ዶጎፐ፥ ታ ኡሸቻ ኩሺ ባረ ኦሱዋ ዶጎ።
PSA 137:6 ታን ኔና ሀሳየናን አጎፐነ ታ ናሸቻ ኡባፐ አꬃደ የሩሳላመ ዶሰናን አጎፐ፥ ታ እንጻርሳይ ኮክያና ኦይቀቶ።
PSA 137:7 አቤት መꬍና ጎዳዉ፥ የሩሳላመ ኦሞደትያ ጋላስ፥ ኤዶማ አሳቱ ኦꬄዳዋ ሀሳያ፤ ኡንቱንቱ፥ “ኮልተ! ኮልተ! ህርክ ጻጱዋ ጋካናዉ ላልተ!” ያጌዳዋ ዶጎፓ።
PSA 137:8 ባብሎነ ቢታዉ፥ ኔንካ ባያና! ኔን ኑ ቦላን ኦꬄዳ ኢታ ኦሱዋ፥ ነ ቦላ ኦꬅያዌ አንጀቴዳዋ።
PSA 137:9 ነ ጉꬃ ናናቱዋ ኦይቂደ፥ ዛላ ቦላ ሾጭያዌ አንጀቴዳዋ።
PSA 138:1 ዳውት ጻፌዳዋ አቤት መꬍና ጎዳዉ፥ ታን ታ ኩመንꬃ ዎዛናፐ ኔና ጋላታና፤ ጾሳቱዋ ስንꬃን ኔና ሳባና።
PSA 138:2 ነ ጌሻ ጎልያኮ ስማደ፥ ነዉ ጎይናደ፥ አገና ነ ሲቁዋነ ነ ቱማተꬃ ድራዉ፥ ታን ነ ሱንꬃ ጋላታይ፤ አያዉ ጎፐ፥ ኔን ነ ሱንꬃነ ነ ቃላ፥ ኡባፐ አꬃደ ꬎቁ ኦꬃዳ።
PSA 138:3 ታን ጼሴዳ ጋላስ ታዉ ኮያዳ፤ ነ ምኖተꬃን ታና ምንሳዳ።
PSA 138:4 አቤት መꬍና ጎዳዉ፥ ሳኣን ደእያ ካተቱ ኡባይ፥ ኔና ጋላትኖ፤ አያዉ ጎፐ፥ ኡንቱንቱ ነ ዶናፐ ከሴዳ ቃላ ስሴድኖ።
PSA 138:5 መꬍና ጎዳ ቦንቹ ዎልቃማ ግድያ ድራዉ፥ ኡንቱንቱ መꬍና ጎዳ ኦግያዋ የጻና።
PSA 138:6 መꬍና ጎዳይ ቦላ ꬎቃን ደኦፐካ፥ ህዬሳቱዋ ኬካ አይፍያን ጼሌ። ሽን ኦቶራንቻቱዋ እ ሃኩዋን ኤሬ።
PSA 138:7 ታን መቱዋ ግዱዋና ሀመቶፐካ፥ ኔን ታና ደኡዋን ናጋሳ። ታ ሞርከቱዋ ሀንቁዋ ቦላ ነ ኩሽያ ምጫሳ፤ ነ ኡሸቻን ታና አሻሳ።
PSA 138:8 መꬍና ጎዳይ ታዉ ጊደ ቆፔዳዋ ፖላና፤ አቤት መꬍና ጎዳዉ፥ አገና ነ ሲቁ መꬍናዋ። ነ ኩሽያ ኦሱዋ አጋ አጎፓ።
PSA 139:1 ዛማረቱዋ ካፖ የጸቴዳ፥ ዳውት ጻፌዳ ማዛሙርያ አቤት መꬍና ጎዳዉ፥ ኔን ታና ብዳደ ኤራዳ።
PSA 139:2 ታን አዉደ ኡትንቶነ አዉደ ኤቂንቶ፥ ኔን ኤራሳ፤ ኔን ታ ቆፋ ኡባ ሃኩዋን ኤራሳ።
PSA 139:3 ታን ብያሳነ፥ ሸምፕያ ሳ ጾሞሳሳ፤ ታ ኦገቱዋ ኡባ ኔን ኤራሳ።
PSA 139:4 አቤት መꬍና ጎዳዉ፥ ታን ታ እንጻርሳን እት ቃላ ሃሳያናፐ ካሰታደ፥ ኔን ታ ቆፋ ኡባ ኤራሳ።
PSA 139:5 ኔን ታ ዩሹዋን ደኣሳ፤ ነ ኩሽያን ታና ናጋሳ።
PSA 139:6 ነ ኤራይ ታና ሎይꬅ ማላልሴ፤ ታን አኬካናዉ ዳንዳይያሳፐ ꬎቃ።
PSA 139:7 ታን ነ አያናፐ ሀቃ ባናዉ ዳንዳያይታ? ዎይ ነ ስንꬃፐ ሀቃ ባቃታናዉ ዳንዳያይታ?
PSA 139:8 ፑደ ሳሉዋ ከሶፐ፥ ኔን ያን ደኣሳ! ዱገ ስኦልያ ዎꬍንቶካ፥ ኔን ያን ደኣሳ።
PSA 139:9 አዋይ ሞክያሳ ባጋ ፓላደ ቦፐ፥ ዎይ አዋይ ዉልያሳ ባጋን ሃካደ ደኦፐ፥
PSA 139:10 ሄ ሳንካ ነ ኩሺ ታና ካለꬄ፤ ነ ኡሸቻ ኩሺ ታና ዘምፕሴ።
PSA 139:11 ታን፥ “ꬉማዉ፥ ታና ገንꬃ፤ ፖኡዋ፥ ቃማዉ ላመታ” ያግንቶካ፥
PSA 139:12 ꬉማ ዳሩ ነዉ ꬉመና፤ ቃማይ ጋላሳዳን ፖኤ፤ አያዉ ጎፐ፥ ነዉ ꬉማይ ፖኡዋ ማላ።
PSA 139:13 ኔን ታ ግዶ አሳተꬃ ኡባ መꬋዳ፤ ታ አት ኡሉዋን ታና ኔን ዋጻ መꬋዳ።
PSA 139:14 ኔን ታና ማላልስያባነ ኦራꬃባ ኦꬃደ መꬌዳ ድራዉ፥ ታን ኔና ጋላታይ። ነ ኦሶቱ ማላልስያዋንታ! ታን ቃይ ሄዋ ዉርሳደ ኤራይ።
PSA 139:15 ታን ጌማ ሳኣን መትያ ዎደ፥ ታ መቀꬃቱ ኔፐ ጌምበይክኖ። ታ ቦላይ ታ አት ኡሉዋ ጪማ ግዶን ሂላን አሌቀቲደ ኦሰትያ ዎደ፥
PSA 139:16 የለትቤና ታ አሳተꬃ ነ አይፊ በኤዳ። ብሮ እቱነ ዶመተናን ደእሽን፥ ታዉ ኔን ጊግሴዳ ጋላሳቱ ኡባቱ ነ ማዝጎብያን ጻፈቴድኖ።
PSA 139:17 አቤት ጾሳዉ፥ ነ ቆፋቱ አያ ጮራቴድኖ! ኡንቱንታ ኤራናዌ አያ ዋይሲ!
PSA 139:18 ታን ኡንቱንታ ፓይድንቶ፥ ኡንቱንቱ ሻፍያፐ ዳራና ሽን። ታን ቤጎትያ ዎደ፥ ሀእካ ኔናና ደአይ።
PSA 139:19 አቤት ጾሳዉ፥ ኔን ኢታቱዋ ዎꬋድንቶ አዬ ደኢ! ሱꬃ ጉስያ አሳቱ ታፐ ሃክኖ!
PSA 139:20 ኡንቱንቱ ነ ቦላ ኢታባ ሃሳዪኖ፤ ነ ሞርከቱ ነ ሱንꬃ ባይዚኖ።
PSA 139:21 አቤት መꬍና ጎዳዉ፥ ኔና እጽያዋንታ ታን እጽክታ? ነ ቦላ ደንድያዋንታ ታን ሸነትክታ?
PSA 139:22 ታን ኡንቱንታ ኡባ እጻይ፤ ኡንቱንታ ታን ታ ሞርከቱዋዳን ፓይዳይ።
PSA 139:23 አቤት ጾሳዉ፥ ታና ብዳደ፥ ታ ዎዛና ኤራ፤ ታና ፓጫደ፥ ታ ኡንኤትያ ቆፋ ኤራ።
PSA 139:24 አነ ታናን ኢታባይ ደኦፐ ጼላ፤ መꬍና ኦግያን ታና ካለꬃ።
PSA 140:1 ዛማረቱዋ ካፖ የጸቴዳ፥ ዳውት ጻፌዳ ማዛሙርያ አቤት መꬍና ጎዳዉ፥ ኢታ አሳቱዋፐ ታና አሻ፤ ማካላንቻ አሳቱዋፐ ታና ናጋ።
PSA 140:2 ኡንቱንቱ ኡባ ዎደ፥ ኢታባ ኦꬃናዉ ማቀቲኖ፤ ኡባ ጋላስካ፥ ዋላሳ ደንꬃናዉ ቆፒኖ።
PSA 140:3 ኡንቱንቱ ባረንቱ እንጻርሳ ሾሻዋዳን ቃራዪኖ፤ ኡንቱንቱ ዶናፐ አሳ ዎꬍያ ሀሱዋ ሾሻ ይሻ ማላ ሃሳያይ ከሴ።
PSA 140:4 አቤት መꬍና ጎዳዉ፥ ኢታ አሳቱዋ ኩሽያፐ፥ ታና አሻ፤ ታ ገድያ ቃጻናዉ ቆፕያ ማካላንቻ አሳቱዋፐ ታና ናጋ።
PSA 140:5 ኦቶራንቻ አሳቱ ታዉ ዲዛ ጊግሴድኖ፤ ግትያ ሂጼድኖ፤ ታና ኦይቃናዉ ጲርያ ኦግያን ዎꬄድኖ።
PSA 140:6 ታን መꬍና ጎዳ፥ “ኔን ታ ጾሳ” ያጋይ። አቤት መꬍና ጎዳዉ፥ ታን ዋትዋትያ ዋትዋቱዋ ስሳ።
PSA 140:7 አቤት ኡባ ሞድያ መꬍና ጎዳዉ፥ ታና አሽያ ምኖ፥ ኦላ ጋላስ ታዉ ጎንዳለ ግዳዳ።
PSA 140:8 አቤት መꬍና ጎዳዉ፥ ኢታቶ ኡንቱንቱ አሙዋ እሞፓ፤ ኡንቱንቱ ኢታ ማቁዋ ፖልሶፓ።
PSA 140:9 ታ ሞርከቱዋን ታና ጾንሶፓ፤ ኡንቱንቱ ዶናፐ ከስያ ኢታባይ ኡንቱንቶ ስሞ።
PSA 140:10 ኡንቱንቱ ቦላ ጹግያ ቦንቁ ቆለቶ፤ ኡንቱንቱ ታማን ኦለትኖ፤ ሄዋፐ ላኤንꬆ ደንደና ኦላን ኦለትኖ።
PSA 140:11 ዝግርያዋንታ ቢታይ ቶኮፖ፤ ማካላንቻ አሳቱዋ ኢታባይ ሻንካቲደ ኦይቆ።
PSA 140:12 መꬍና ጎዳይ ህዬሳቶ ፕርድያዋነ፥ መቶታንቻቱዋ ማታ ናግስያዋ ኤራይ።
PSA 140:13 ቱሙፐ ጽሎቱ ነ ሱንꬃ ጋላታና፤ ሱረ አሳቱ ነ ስንꬃን ደአና።
PSA 141:1 ዳውት ጻፌዳ ማዛሙርያ አቤት መꬍና ጎዳዉ፥ ታን ኔና ጼሳይ፤ ታና ማዳናዉ ኤሌላ። ታን ኔኮ ዋስያ ዎደ፥ ታ ኮሻ ስሳ!
PSA 141:2 ታ ዎሳይ እጻና ጩዋዳን፥ ነ ስንꬃ ሺቆ፤ ታን ታ ኩሽያ ምጭያዌ፥ ነዉ ኦማርሳ ያርሹዋ ማላ ግዶ።
PSA 141:3 አቤት መꬍና ጎዳዉ፥ ታ ዶና ናግያዋ ዎꬃ፤ ታ መተርሻቱዋ ፐንግያን ዛባይንያ ኤሳ።
PSA 141:4 ባይዙዋ ኦꬅያ አሳቱዋና፥ ኢታ ኦሱዋ ኦና ማላ፥ ታ ዎዛና ኢታባኮ ዛሮፓ። ኡንቱንቱ ግብራካ ታና ሙዞፓ።
PSA 141:5 ጽሎ አሳይ ታና አገና ሲቁዋን ሴራናዉነ ሙራናዉ ዳንዳዬ፤ ኡንቱንቱ ታና ባቆፐ ሄዌ ታ ሁጲያን ዛይትያ ኦክያዋ ማላ፤ አያዉ ጎፐ፥ ታን ኡባ ገደካ ኢታቱዋ ኦሱዋ ቦላ ዎሳይ።
PSA 141:6 ኡንቱንቱ ዳናቱ ዛላ አፉዋና፥ ዱገ ኦለትያ ዎደ፥ ታ ቃላይ ቱማ ግድያዋ ኡንቱንቱ አሳይ ኤራና።
PSA 141:7 ቢታይ ጎሸትያዋዳንነ ጉሉ መኤረትያዋዳን ኡንቱንቱ መቀꬃይካ ዱፉዋ ዶናን ላለታና።
PSA 141:8 አቤት ኡባ ሞድያ መꬍና ጎዳዉ፥ ታ አይፊ ኔና ጼሌ፤ ታን ኔኮ ባቃታደ አታይ፤ ታና ሀይቆ አꬃደ እሞፓ።
PSA 141:9 ኡንቱንቱ ታዉ ዎꬄዳ ግትያፐነ፥ ኢታ ኦꬅያዋንቱ ጲርያፐ ታና ናጋ።
PSA 141:10 ታን ሳሮ አꬍያ ዎደ፥ ኢታቱ ባረንቱ ዎꬄዳ ግትያን ኦይቀትኖ።
PSA 142:1 አኬካን ጻፈቴዳ ዳዊታ ግንጹዋ፥ ጎንጎሎ ግዶን ደእያ ዎደ አ ዎሳ ታ ቃላ ꬎቁ ኦꬃደ፥ መꬍና ጎዳዉ ዋሳይ። ታ ቃላ ꬎቁ ኦꬃደ፥ መꬍና ጎዳዉ ዋትዋታይ።
PSA 142:2 ታ ቆሁዋ ኡባ አዉ ማጋናይ፤ ታ መቱዋ ኡባ አዉ ኦዳይ።
PSA 142:3 ታን ህዶታ ቃንጻና ማቲያ ዎደ፥ ኔን ታ ኦግያ ኤራሳ። ታን ሀመትያ ኦግያን ታዉ ግትያ ቆስ ዎꬄድኖ።
PSA 142:4 ታን ታ ዩሹዋ ጼልያ ዎደ፥ ታና ማድያዌ እቱነ ባዋ፤ ታን ቆሰታ አትያ ሳአይ ባዋ፤ ታና ናግያዌካ ባዋ።
PSA 142:5 አቤት መꬍና ጎዳዉ፥ ታን፥ ነዉ ሀዋዳን ጋደ ዋሳይ፤ “ኔን ታን ባቃታደ አትያ ሳኣ፤ ታን ፓጻ ደእሽን፥ ታና ጋኬዳ ሳማይ ኔና” ያጋይ።
PSA 142:6 ታን ሎይꬃ መቶትያ ድራዉ፥ ታ ዋሱዋ ሀይዛ። ታና የደርስያዋንቱ፥ ታዉ ሎይꬅ ዎልቃሜዳ ድራዉ፥ ታና ኡንቱንቱፐ አሻ።
PSA 142:7 ታን ነ ሱንꬃ ጋላታና ማላ፥ ታና ቃሹዋፐ ብላ። ኔን ታዉ ኬክያ ድራዉ፥ ጽሎቱ ታ ዩሹዋን ሺቃና።
PSA 143:1 ዳውት ጻፌዳ ማዛሙርያ አቤት መꬍና ጎዳዉ፥ ታ ዎሳ ስሳ፤ ታ ዋትዋቱዋ ሀይዛ። ኔን ጽሉዋነ አማነትያዋ ግድያ ድራዉ፥ ታዉ ዛሩዋ እማ።
PSA 143:2 ነ ስንꬃን ጽሎ ግዳና አሳይ ባዋ፤ ሄዋ ድራዉ፥ ታና ነ ቆማ ፕርዳዉ ሺሾፓ።
PSA 143:3 ታና ታ ሞርኪ የደርሲደ፥ ቢታና ጋꬅ ክንቼሬꬄዳ፤ በን ሀይቄዳ አሳቱዋዳን ታና ꬉማን ዎꬄዳ።
PSA 143:4 ሄዋ ድራዉ፥ ታን ህዶታ ቃንጻድ፤ ታ ዎዛናይካ ይባቴዳ።
PSA 143:5 ታን በን ዎደቱዋ ሀሳያይ፤ ኔን ኦꬄዳ ኦሱዋ ኡባ ዛራ ዛራደ ቆፓይነ ነ ኩሺ ኦꬄዳዋ አኬካይ።
PSA 143:6 ታን ታ ኩሽያ ኔኮ ምጫድ፤ መላ ቢታይ ሃꬃ ኮይያዋዳን፥ ታ ሸምፑ ኔና ሳመቴ።
PSA 143:7 አቤት መꬍና ጎዳዉ፥ ታዉ ዛሩዋ እማናዉ ኤሌላ! ታን ህዶታ ቃንጻድ። ታን ዱገ ዱፉዋን ገልያ አሳቱዋ ማላ ግደናዳን፥ ነ ሶምኡዋ ታፐ ገንꬆፓ።
PSA 143:8 ታን ኔና አማነትያ ድራዉ፥ ዎንታ ዎንታ አገና ነ ሲቁዋ ታና በሳ። ታን ታ ሸምፑዋፐ ኔና ዎስያ ድራዉ፥ ታን ባናዉ በስያ ኦግያ ታና ታማርሳ።
PSA 143:9 አቤት መꬍና ጎዳዉ፥ ታን ኔኮ ባቃቴዳ ድራዉ፥ ታና ታ ሞርከቱዋፐ አሻ።
PSA 143:10 ኔን ታ ጾሳ ግድያ ድራዉ፥ ታን ነ ሸንያ ኦꬃና ማላ፥ ታና ታማርሳ፤ ሎኦ አያናን ታና ሱረ ኦግያ ካለꬃ።
PSA 143:11 አቤት መꬍና ጎዳዉ፥ ነ ሱንꬃ ድራዉ፥ ታና አሻ፤ ነ ጽሎተꬃን ታና መቱዋፐ ከሳ።
PSA 143:12 አገና ነ ሲቁዋን ታ ሞርከቱዋ ዎꬋ፤ ታ ባልጋራቱዋ ኡባ ꬋይሳ፤ አያዉ ጎፐ፥ ታን ነ ቆማ።
PSA 144:1 ዳውት ጻፌዳዋ መꬍና ጎዳይ፥ ታ ዛላይ ጋላተቶ! እ ታ ኩሽያ ኦላዉ፥ ታ ብራቱዋካ ቶራዉ ሎህሴ።
PSA 144:2 እ ታና ሲቅያ ጾሳነ ታ ጌሱዋ፤ እ ታ ሚጻነ ታና አሽያዋ። እ ታ ጎንዳልያነ ታን ባቃታደ አትያ ሳኣ። ካዉተꬃቱዋ እ ታዉ ሞድስያዋ።
PSA 144:3 አቤት መꬍና ጎዳዉ፥ ኔን አዉ ቆፕያ አሳይ እ አዬ? ኔን ናገትያ አሳ ናአይ አዬ?
PSA 144:4 አሳይ እት ገደ ጫርክያ ጫርኩዋ ማላ፤ አ ጋላሳቱካ አꬍያ ኩዋ ማላ።
PSA 144:5 አቤት መꬍና ጎዳዉ፥ ነ ሳሉዋ ዳካደ ዱገ ዎꬋ! ዎጋ ደረቱዋ ቦቻ፤ ኡንቱንቱካ ጩዋትኖ!
PSA 144:6 ዋልቃንꬃ የዳደ ነ ሞርከቱዋ ላላ! ነ ዎንዳፍያ ፖꬃ የዳደ ኡንቱንታ የደርሳ!
PSA 144:7 ቦላና ነ ኩሽያ ዱገ የዳደ፥ ታና ጪሞ ሃꬃቱዋፐ ጎቻደ ከሳ፤ አላጋ አሳቱዋ ኩሽያፐ ታና ዎꬃ አካ።
PSA 144:8 ኡንቱንቱ ቱሙዋ ሃሳይክኖ፥ ጫቂደካ ዎርዱዋ ሃሳዪኖ።
PSA 144:9 አቤት ጾሳዉ፥ ታን ነዉ ኦራꬃ የꬃ የጻና፤ ታሙ ባቀꬃን ዋጸቴዳ ዲꬃን ነዉ ዲጻና።
PSA 144:10 ካተቶ ጾኑዋ እማሳ፤ ነ ቆማ ዳዊታ አሻሳ።
PSA 144:11 ታና ኢታ ማሻፐ አሻሳ፤ አላጋ አሳቱዋ ኩሽያፐ ታና ዎꬃ አካ። ኡንቱንቱ ቱሙዋ ሃሳያና ጊደ ጫቂደካ፥ ዎርዱዋ ሃሳዪኖ።
PSA 144:12 ኑ አቱማ ናናቱ፥ ባረንቱ ያላጋተꬃን ዶልቂዶልቂደ፥ ድጭያ ምꬃ ማላ ግድኖ። ኑ ማጫ ናናቱካ ካትያ ጎልያ ዞዝያን፥ አሌቆ ኤሴዳ ቱቅያ ማላ ግድኖ።
PSA 144:13 ኑ ድየቱ፥ ዳሮ ዱማ ዱማ ቆሞ ካꬃን ኩምኖ፤ ኑ ደምባቱዋን ደእያ ዶርሳቱ ሻኣ፥ ታሙ ሻኣ የልኖ።
PSA 144:14 ኑ ሚዛቱ ብራስኖ፤ ኡንቱንቱ ሳልኤሰናን የለቲደ ጮራትኖ። ኑ ኦገቱዋን ዳጋማ ዋሱ ስሰቶፖ።
PSA 144:15 ሀ የዉ ቱሙ ሀንያ አሳቱ፥ አንጀቴዳዋንታ። ኡንቱንቱ ጾሳይ መꬍና ጎዳ ግድያ አሳቱ አንጀቴዳዋንታ።
PSA 145:1 ዳውት ጻፌዳ ጋላታ ሳባ አቤት ታ ጾሳዉ፥ ታ ካትያዉ፥ ታን ኔና ግታያናነ፥ ነ ሱንꬃ መꬍ መꬍናዉ ጋላታና።
PSA 145:2 ታን ኔና ኡባ ጋላስ ሳባና፤ ነ ሱንꬃካ መꬍ መꬍናዉ ጋላታና።
PSA 145:3 መꬍና ጎዳይ ዎልቃማ፤ ꬎቃ ጋላታይ አዉ በሴ። አ ግታተꬃይ አሳ ቆፋፐ አꬌ።
PSA 145:4 እት የለታይ ሀራ የለታዉ ኔን ኦꬄዳዋ ኦዳና፤ ነ ማላልስያ ኦሶቱዋካ አዋያና።
PSA 145:5 ኡንቱንቱ ነ ቦንቹዋነ ነ አንጋ ግታተꬃባ ሃሳያና፤ ታንካ ነ ማላልስያ ኦሱዋ ዛራ ዛራደ ቆፓና።
PSA 145:6 አሳይ፥ “ሆላ!” ጊስያ ነ ኦሱዋ ዎልቃባ ሃሳያና፤ ታንካ ነ ግታተꬃ አዋያና።
PSA 145:7 ኡንቱንቱ ነ ኬካተꬃ ዳሩዋ ኦዳና፤ ነ ጽሎተꬃባካ የጻና።
PSA 145:8 መꬍና ጎዳይ ቃረትያዋነ ማርያዋ፤ እ ሀንቀታናዉ ኤሌለናዋነ፤ ዳንዳያንቻነ አገና ሲቁ ዳርያዋ።
PSA 145:9 መꬍና ጎዳይ ኡባዉ ኬካ፤ እ ባረ መꬌዳ ኡባዉ ቃረትያዋ።
PSA 145:10 አቤት መꬍና ጎዳዉ፥ ነ መታ ኡባይ ኔና ጋላታና፤ ነ አሳቱ ኡባይካ ኔና ሳባና።
PSA 145:11 ኡንቱንቱ ነ ካዉተꬃ ቦንቹዋባ ሃሳያና፤ ነ ዎልቃባ ኦዳና።
PSA 145:12 ሄዌነ፥ ነ ዎልቃማ ኦሱዋባነ ነ ካዉተꬃ ቦንቹዋ አንጋባ አሳ ኤርሳና።
PSA 145:13 ነ ካዉተꬃይ መꬍና ካዉተꬃ፤ ነ ማታይ የለታ ኡባ ጋካናሳ። መꬍና ጎዳይ ባረ ጌዳ ቃላዉ ኡባዉ አማነትያዋ፤ እ ባረ ኦሱዋ ኡባን ቃረትያዋ።
PSA 145:14 መꬍና ጎዳይ ሆኬዳዋንታ ኡባ ዘምፕሴ፤ ኩንዴዳዋንታ ኡባ ደንꬄ።
PSA 145:15 ኡባ አይፊ ኔኮ ጼሌ፤ ኡንቱንታ ኮሽያ ዎድያን ኔን ኡንቱንቶ ቁማ እማሳ።
PSA 145:16 ኔን ነ ኩሽያፐ እማ፤ ፓጻ ደእያዋንታ ኡባ አሙዋ አላ።
PSA 145:17 መꬍና ጎዳይ ባረ ኦግያን ኡባን ጽሉዋ፤ እ ባረ ኦሱዋ ኡባን ቃረትያዋ።
PSA 145:18 መꬍና ጎዳይ ባረና ጼስያ ኡባዉ፥ ቱሙዋን ባረና ጼስያ ኡባዉ ማታን ደኤ።
PSA 145:19 እ ባረዉ ያይያዋንቱ ኡባዉ፥ አሙዋ ኩንꬄ። ቃይ እ ኡንቱንቱ ዋሱዋ ስሲደ፥ ኡንቱንታ አሼ።
PSA 145:20 መꬍና ጎዳይ ባረና ሲቅያዋንታ ኡባ ናጌ፤ ሽን ኢታቱዋ ኡባ ꬋይሳና።
PSA 145:21 ታን ታ ዶናን መꬍና ጎዳ ጋላታና። መታ ኡባይ አ ጌሻ ሱንꬃ መꬍ መꬍናዉ ጋላቶ!
PSA 146:1 መꬍና ጎዳ ጋላትተ! ታ ሸምፓቴ መꬍና ጎዳ ጋላታ!
PSA 146:2 ታ ደኡዋ ላይꬃ ኡባን፥ ታን መꬍና ጎዳ ጋላታና፤ ታን ደኤዳ ኬናን ኡባን ታ ጾሳ ሳባና።
PSA 146:3 አሳይ አሻናዉ ዳንዳየና ድራዉ፥ አሳ ካፓቱዋን አማነቶፕተ።
PSA 146:4 ኡንቱንቱ ሸምፑ ከስያ ዎደ፥ ኡንቱንቱ ቢታዉ ስሚኖ፤ ኡንቱንቱ ሀልቹ ኡባይ ሄ ጋላስካ አት አጌ።
PSA 146:5 ያቆባ ጾሳይ ማድያ ኡራይነ መꬍና ጎዳ ባረ ጾሳ ባረዉ ህዶታ ኦꬅያ ኡራይ፥ አንጀቴዳዋ።
PSA 146:6 መꬍና ጎዳይ ሳሉዋነ ሳኣ፥ ዎልቃማ አባነ አ ግዶን ደእያዋ ኡባ፥ መꬌዳዋ፤ እ መꬍናዉካ አማነትያዋ።
PSA 146:7 እ ናቀቴዳዋንቶ ፕርድያዋ፤ ኮሻቴዳዋንቶ ቁማ እምያዋ። መꬍና ጎዳይ ቃሸቴዳዋንታ ብሌ፤
PSA 146:8 መꬍና ጎዳይ ቆቀቱዋ ጼልሴ። መꬍና ጎዳይ ኩንዴዳዋንታ ደንꬄ፤ መꬍና ጎዳይ ጽሎቱዋ ሲቄ።
PSA 146:9 መꬍና ጎዳይ በተቱዋ ናጌ። አምኤቱዋነ አዉ ባይና ናናቱዋ ማዴ፤ ሽን ኢታቱዋ ኦግያ ባለꬄ።
PSA 146:10 መꬍና ጎዳይ መꬍናዉ ካተቴ። ጽዮኔ፥ ነ ጾሳይ፥ የለታፐ የለታ ጋካናዉ ካተታና። መꬍና ጎዳ ጋላትተ!
PSA 147:1 መꬍና ጎዳ ጋላትተ! ኑ ጾሳ ሳቢያዌ ሎአ፤ አ ሳቢያዌ ናሸችያባነ በስያዋ።
PSA 147:2 መꬍና ጎዳይ የሩሳላመ ኦራꬃና፤ እስራኤልያ አሳቱዋፐ በቴዳዋንታካ ሺሻና።
PSA 147:3 ዎዛናይ መኤዳዋንታ እ ፓꬄ፤ ኡንቱንቱ ማዱꬃካ እ ቃቼ።
PSA 147:4 እ ጾልንተቱዋ ኡንቱንቱ ፓይዱዋን ኤሬ፤ ኡንቱንታ ኡባካ ኡንቱንቱ ሱንꬃን ሱንꬃን ጼሴ።
PSA 147:5 ኑ ጎዳይ ዎልቃማ፤ አ ዎልቃይ ዳራ፤ አ አኬካይ ልክያፐ አꬍያዋ።
PSA 147:6 መꬍና ጎዳይ ናቀቴዳዋንታ ዘምፕሴ፤ ሽን ኢታቱዋ ቢታን ዱገ ኦሌ።
PSA 147:7 መꬍና ጎዳዉ ጋላታ የꬃ የጽተ፤ ኑ ጾሳዉ ዲꬃ ዲጽተ።
PSA 147:8 እ ሳሉዋ ሻርያ ካሜ፤ ሳአዉ እራ ቡክሴ፤ ቄሪ ደረቱዋ ቦላ ማታ ሞክሴ።
PSA 147:9 መሄቶነ ዋስያ ቁሩዋ ማራቶ፥ ምያዋ እ እሜ።
PSA 147:10 እ ናሸትያዌ ፓራቱዋ ዎልቃንነ፥ ቶራንቻቱ ምኖተꬃን ግደና።
PSA 147:11 መꬍና ጎዳይ ባረዉ ያይያዋንቱንነ አገና አ ሲቁዋን፥ ባረንቱ ህዶታ ዎꬄዳዋንቱን ናሸቴ።
PSA 147:12 የሩሳላመ ካታማቴ፥ መꬍና ጎዳ ጋላታ! ጽዮኔ፥ ነ ጾሳ ጋላታ!
PSA 147:13 አያዉ ጎፐ፥ እ፥ ነ ፐንግያ ኩልባቱዋ ምንሴ፤ ነ ግዶን ደእያ ነ አሳካ አንጄ።
PSA 147:14 እ ነ ዛዋ ሳሮተꬃን ናጌ፤ ኔና ሎይꬅ ሎእያ ዛርጋ ካልሴ።
PSA 147:15 እ ባረ ኪታ ሳአዉ ኪቴ፤ አ ቃላይካ ኤለ ጋኬ።
PSA 147:16 እ ሻቻ ቡሉኩዋዳን ምጬ፤ ከተርሳ ብድንꬃዳን ላሌ።
PSA 147:17 እ ባረ ዎልቃማ ሻቻ ሹቻዳን ዱገ ኦሌ። ሄ ሜጉዋን ኤቃናዉ ኦንነ ዳንዳየና።
PSA 147:18 እ ባረ ቃላ ኪቲደ፥ ሻቻ ሙሽሴ። እ ጫርኩዋ ጫርክስና፥ ሃꬃይ ጎጌ።
PSA 147:19 እ ባረ ቃላ ያቆባ ዘረꬃዉ፥ ባረ አዋዩዋነ ፕርዳ እስራኤልያ አሳዉ አዋዬ።
PSA 147:20 እ ሀራ ካዉተꬃ አሳዉ፥ ሀዋ ኦꬅቤና፤ ኡንቱንቱ አ ፕርዳ ኤርክኖ። መꬍና ጎዳ ጋላትተ!
PSA 148:1 መꬍና ጎዳ ጋላትተ! ሳሎቱዋን ደእያዋንቶ፥ መꬍና ጎዳ ጋላትተ፤ ቦላ ꬎቃን ደእያዋንቶ፥ አ ጋላትተ።
PSA 148:2 ህንተኖ፥ አ ኪታንቻቶ፥ ኡባቱ አ ጋላትተ። ሳሉዋን ደእያ አ ኦላንቻቶ፥ ኡባቱ አ ጋላትተ።
PSA 148:3 አዋዉ፥ አግናዉ፥ አ ጋላትተ፤ ፖእያ ጾልንተቶ፥ ኡባቶ አ ጋላትተ።
PSA 148:4 ህንተኖ፥ ኡባፐ ቦላ ꬎቃን ደእያ ሳሎቶ፥ አ ጋላትተ። ሳሉዋፐ ቦላና ደእያ ሃꬃቶ፥ አ ጋላትተ።
PSA 148:5 ኡንቱንቱ ኡባቱ መꬍና ጎዳ ሱንꬃ ጋላትኖ፤ አያዉ ጎፐ፥ እ አዛዝና፥ ኡንቱንቱ ኡባይካ መቴድኖ።
PSA 148:6 እ ኡንቱንታ መꬍ መꬍናዉ ኡንቱንቱ ሳኣን ሳኣን ዎꬄዳ። ኡንቱንቱ ኡባካ እጻናዉ ዳንዳየና አዛዙዋ እ ኡንቱንቶ እሜዳ።
PSA 148:7 ሳኣን ደእያዋንቶ፥ መꬍና ጎዳ ጋላትተ! አባን ደእያ መታቶ፥ ዎልቃማ አባ ጪማቶ፥ ኡባቱካ አ ጋላትተ።
PSA 148:8 ህንተኖ፥ ዋልቃንꬃዉ፥ ሻቻዉ፥ ሻርያዉ፥ ጫጋናዉ፥ አ አዛዙዋ ፖልያ ጎትያዉ፥ ኡባቱካ አ ጋላትተ።
PSA 148:9 ህንተኖ፥ ደረቶ፥ ዞዘቶ፥ ምያ አይፍያ አይፍያ ምꬃቶ፥ ዝጋቶ፥ ኡባቱካ አ ጋላትተ።
PSA 148:10 መሄቶ፥ ዶአቶ፥ ሳኣና ጎሸትያ መታቶ፥ ፓልያ ካፎቶ፥ ኡባቱካ አ ጋላትተ።
PSA 148:11 ሳኣ ካተቶ፥ ካዉተꬃ አሳቶ፥ ካፓቶ፥ አሳ ሞድያዋንቶ፥ ኡባቱካ አ ጋላትተ።
PSA 148:12 ዎዳላቶ፥ ዎዶራቶ፥ ጭማቶ፥ ናናቶ፥ ኡባቱካ አ ጋላትተ!
PSA 148:13 ኡንቱንቱ ኡባቱ መꬍና ጎዳ ሱንꬃ ጋላትኖ፤ አያዉ ጎፐ፥ አ ሱንꬃይ ኡባፐ ቦላና ደእያዋ፤ አ ቦንቹ ሳሎቱዋፐካ ሳኣፐካ ቦላና ꬎቃን ደኤ።
PSA 148:14 አ ባጋ ግድያ፥ አዉ ማታትያ እስራኤልያ አሳቱ፥ አ ጋላታና ማላ፥ እ ኡንቱንታ ምንሴ። መꬍና ጎዳ ጋላትተ!
PSA 149:1 መꬍና ጎዳ ጋላትተ! መꬍና ጎዳዉ ኦራꬃ የꬃ የጽተ! አማንያዋንቱ ሺቁዋን አ ሳቢተ!
PSA 149:2 እስራኤልያ አሳቱ ባረንታ መꬌዳዋን ናሸትኖ። ጽዮነ አሳቱ ባረንቱ ካትያን ሎይꬅ ናሸትኖ።
PSA 149:3 ዱሪደ፥ ካራቡዋ ባቂደነ፥ ዲꬃ ዲጺደ፥ አ ሱንꬃ ሳቢኖ።
PSA 149:4 አያዉ ጎፐ፥ ጾሳይ ባረ አሳን ናሸቴ፤ ናቀቴዳዋንቶ ጾኑዋ እሚደ፥ እ ኡንቱንታ ቦንቼ።
PSA 149:5 አሳቱ ባረንቱ ጾኑዋን ናሸትኖ፤ ቃማን ኡባን ናሸቻዉ የጽኖ።
PSA 149:6 ኡንቱንቱ ዶናን ጾሳ ጋላታይ፥ ኡንቱንቱ ኩሽያንካ ላኡ ባጋ ኩሳ ማሻይ ደኦ።
PSA 149:7 ሄዌካ፥ ኡንቱንቱ ካዉተꬃቶ፥ ሀሉዋ ከሳናሳነ አሳቱዋ ሙራናሳ።
PSA 149:8 ኡንቱንቱ ካተቱዋ ሳንሳላታን፥ ኡንቱንቱ ኦላ ጋዳዋቱዋካ ብራታን ቃቻናሳነ፥
PSA 149:9 ኡንቱንቱ ቦላ ጻፈቴዳ ፕርዳ ፖላናሳ። ሄዌ ጾሳ አሳቱዋ ኡባዉ ጾኑዋ። መꬍና ጎዳ ጋላትተ!
PSA 150:1 መꬍና ጎዳ ጋላትተ! አ ጌሻ ሳኣን ጾሳ ጋላትተ፤ አ ዎልቃማ ሳሉዋን አ ጋላትተ።
PSA 150:2 አ ዎልቃማ ኦሳቱዋ ድራዉ፥ አ ጋላትተ፤ ኡባፐ አꬍያ አ ግታተꬃዳን አ ጋላትተ።
PSA 150:3 ማላካታ ፑኒደ፥ አ ጋላትተ፤ ዲꬃነ ማስንቁዋ ዲጺደ፥ አ ጋላትተ።
PSA 150:4 ዳርቢያ ባቂደነ ዱሪደ፥ አ ጋላትተ፤ ዲꬃ ዲጺድነ ሎኩዋ ፑኒደ፥ አ ጋላትተ።
PSA 150:5 ዳዋላ ቃꬂደ፥ አ ጋላትተ፤ ዳዋላ ሾጪደ፥ አ ጋላትተ።
PSA 150:6 ፓጻ ሸምፓቱ ኡባቱ፥ መꬍና ጎዳ ጋላትኖ! መꬍና ጎዳ ጋላትተ!
PRO 1:1 ሀዋንቱ እስራኤልያ ካትያ ዳዊታ ናኣ ሶሎሞና ሌምሳቱዋ።
PRO 1:2 ሌምሶቱ አሳይ አꬌዳ ኤራተꬃ፥ ሴራነ ኤራ ሃሳያ አኬካናዉ ማዲኖ።
PRO 1:3 ኡንቱንቱ አꬌዳ ኤራተꬃን፥ ደአና ደኡዋ፥ ጽሎተꬃ፥ ሱረ ፕርዳነ ሱረተꬃ ታማርስያዋንታ፥
PRO 1:4 ቦዛቶ አኬካ፥ ዎዳላቶ ኤራተꬃነ ዎዛናማተꬃ እምያዋንታ።
PRO 1:5 አꬌዳ ኤራንቻቱ ሀ ሌምሳቱዋ ስሲደ፥ ኤራ ጉጂኖ፤ አኬካንቻ አሳቱካ ሎኦ ዞርያ አኪኖ።
PRO 1:6 ሄዋዳን ሌምሳቱዋነ ኡንቱንቱ ብለꬃ፥ አꬌዳ ኤራንቻቱዋ ሃሳያነ ኡንቱንቱ ቃንእሸቱዋ አኬካናዉ ዳንዳየቴ።
PRO 1:7 አꬌዳ ኤራተꬃዉ ዶመꬃይ መꬍና ጎዳዉ ያይያዋ፤ ሽን ቦዛቱ አꬌዳ ኤራተꬃነ ሴራ ካꬊኖ።
PRO 1:8 ታ ናአዉ፥ ነ አቡ ዞርያ ስሳ፤ ነ ዳያ ታማርስያዋካ ዶጎፓ።
PRO 1:9 ሄዌ ነ ሁጲያዉ ቦንቾ ካላቻ፤ ነ ቆꬍያዉካ ሀብልያ ግዳናዋ።
PRO 1:10 ታ ናአዉ፥ ኔና ናጋራንቻቱ ባለꬆፐ፥ ኤኖ ጎፓ።
PRO 1:11 ኡንቱንቱ ኔና፥ “ኑናና ደንዳ፤ አሳ ዎꬋናዉ ቆሰቲደ ናጎይተ፤ ጋሱ ꬋዮፐነ ጽሎቱዋ ዎꬋናዉ ቆሰት ኡቶይተ፤
PRO 1:12 ስኦሊ ምትያዋዳን፥ ኑንካ ኡንቱንታ ፓጻ ደእሺና ምቶይተ፤ ኑን ኡንቱንታ ጪሞ ኦላን ኦልያ አሳቱዋዳን ኦꬃና።
PRO 1:13 ኑን አልኦ ሚሻ ኡባ ደማና፤ ኑ ጎልያካ ኦሞዱዋን ኩንꬃና፤
PRO 1:14 ኑናና ዙፐቱዋን፤ ደሜዳዋካ እትፐ ግሸታና” ያጋና።
PRO 1:15 ታ ናአዉ፥ ኡንቱንቱና ኦግያ ሀመቶፓ፤ ነ ገድያ ኡንቱንቱ ሎሱዋ የꬍሶፓ።
PRO 1:16 አያዉ ጎፐ፥ ኡንቱንቱ ኢታባ ኦꬃናዉ ዎጺኖ፤ አሳ ሱꬃ ጉሳናዉ ኤሌሊኖ።
PRO 1:17 ካፉ ጼልሽን፥ አ ኦይቃናዉ ዳባ የግያዌ አይነ ማደና።
PRO 1:18 ሽን ኡንቱንቱ ባረንቱ ሱꬃ ጉሳናዉ ባረንቶ ዎጽማድያ ምጪኖ፤ ባረንቱ ሸምፑዋ ዎꬋናዉ ቆሰት ኡቲኖ።
PRO 1:19 ቦንቂያን ጎኣ ደምያ ኡባቱዋ ዉርሰꬃይ ሄዋ ማላ፤ ሄዌ እዛዉ ሸምፑዋ አኬ።
PRO 1:20 አꬌዳ ኤራተꬃታ ኦግያን ጼሳዉ፤ ጉታራን ባረ ቃላ ꬎቁ ኦꬃደ ስሳዉ።
PRO 1:21 አꬌዳ ኤራተꬃታ አሳይ ሺቅያ ሳኣን ኤቃደ ጼሳዉ፤ ካታማ ገልያ ፐንግያን ኤቃደ፥
PRO 1:22 “ህንተኖ፥ አኬካይ ፓጬዳዋንቶ፥ ህንተ አኬካ ፓጫ አዉደ ጋካናዉ ዶሲቴ? ቅሊጭያዋንቶ፥ ቅሊጭያዋን አዉደ ጋካናዉ ናሸቲቴ? ቦዛቶ፥ ኤራተꬃ አዉደ ጋካናዉ እጺቴ?
PRO 1:23 ታ ሴራኮ ስሞፐ፤ ታን ታ ኤራ ህንተ ቦላ ጉሳና፤ ታ ቃላካ ህንተና ታማርሳና።
PRO 1:24 ታን ጼሴዳ ዎደ፥ ህንተ ኮየናን እጼድታ፤ ታን ኩሽያ ምጭናካ፥ ኦንነ አኬክቤና።
PRO 1:25 ታ ዞርያ ኡባ ካꬌድታ፤ ታ ሴራካ አክበይክታ።
PRO 1:26 ሄዋ ድራዉ፥ ህንተና መቱ ጋክያ ዎደ፥ ታን ህንተ ቦላ ሚጫና፤ ህንተና ባሻይ ጋክያ ዎደ፥ ታን ቅሊጫና።
PRO 1:27 ዳጋማይ ኡሹዋዳን ህንተ ቦላ ይያ ዎደ፥ መቱ ጎትያዳን ህንተ ቦላ ይያ ዎደ፥ ቱጋይነ ዋዪ ህንተ ቦላ ጋክያ ዎደ፥ ታን ህንተና ቅሊጫና።
PRO 1:28 “ሄ ዎደ ኡንቱንቱ ታና ጼሳና፤ ሽን ታን ኮይከ፤ ኡንቱንቱ ታና ምንሲደ ኮያና፤ ሽን ደምክኖ።
PRO 1:29 አያዉ ጎፐ፥ ኡንቱንቱ ኤራተꬃ እጼድኖ፤ መꬍና ጎዳዉ ያይያዋ ዶርበይክኖ።
PRO 1:30 ታ ዞርያ አክበይክኖ፤ ታ ሴራ ኡባካ ካꬌድኖ።
PRO 1:31 ሄዋ ድራዉ፥ ኡንቱንቱ ባረንቱ ኦꬄዳ ኦሱዋ አይፍያ ማና፤ ባረንቱ ቆፔዳ ቆፋ አይፍያካ ካላና።
PRO 1:32 አኬካይ ፓጬዳዋንታ አꬌዳ ኤራተꬃፐ ሃክያዌ ዎꬌ፤ ቦዛቱዋ ሸነኮ ግያዌ ꬋይሴ።
PRO 1:33 ሽን ታን ኦድያዋ ስስያዋንቱ ኡባይ ዎፑ ጊደ፥ ሳሮ ደአና፤ መቱዋ ህርጋፐካ ሸምፓና” ያጋዉ።
PRO 2:1 ታ ናአዉ፥ ኔን ታ ግያዋ አኮፐ፥ ታ አዛዙዋካ ነ ግዶን ምንጆፐ፥
PRO 2:2 አꬌዳ ኤራተꬃ ሀይዞፐ፥ ነ ዎዛናፐ አኬኮፐ፥
PRO 2:3 ኤራተꬃ ጼሶፐ፥ አኬካካ ꬎቁ ኦꬃደ ጼሳ።
PRO 2:4 አሳይ ብራ ዎይ ቆሴዳ ሚሻ ኮይያዋዳን፥ ኔን ኤራተꬃ ኮያ።
PRO 2:5 ሄ ዎደ ኔን መꬍና ጎዳዉ ያዬ ግያዌ አየንቶ አኬካና፤ ጾሳካ ሎይꬃደ ኤራና።
PRO 2:6 አያዉ ጎፐ፥ መꬍና ጎዳይ አꬌዳ ኤራተꬃ እሜ፤ አፐ ኤራተꬃይነ አኬካይ ቤቴ።
PRO 2:7 እ ሱረቶ ማድያ ዞርያ ምንጄ፤ ቶሺ ባይናን ሀመትያዋንቶካ እ ጎንዳልያ።
PRO 2:8 ቱሙዋ ፕርዳ ኦግያ ናጌ፤ ባረዉ አማነትያዋንቱ ኦግያካ ናጌ።
PRO 2:9 ሄ ዎደ ኔን ጽሎተꬃ፥ ሱረ ፕርዳ፥ ሱረተꬃነ ሎኦ ኦሱዋ ኡባ ኤራና።
PRO 2:10 አያዉ ጎፐ፥ አꬌዳ ኤራተꬃይ ነ ዎዛና ገላና፤ ኤራተꬃይካ ነ ሸምፖ ናሸቻ ግዳና።
PRO 2:11 ኔና አዱስ ቆፕያዌ ናጋና፤ አኬካይካ ኔና ናጋና።
PRO 2:12 አꬌዳ ኤራተꬃይ ኔና ኢታ አሳቱዋ ኦግያፐ ናጋና፤ ጌላባ ሃሳይያዋንቱፐ አሻና።
PRO 2:13 ኡንቱንቱ ናጋራ ꬉማን ደአናዉ፥ ጽሎተꬃ ኦግያ አጊኖ።
PRO 2:14 ኢታ ኦꬅያዋን ናሸቲኖ፤ ጌላባን ሀሹ ጊኖ።
PRO 2:15 ኡንቱንቱ ኦꬅያዌ ምርቀꬃ፤ ኡንቱንቱ ደኡካ ጌላ።
PRO 2:16 አꬌዳ ኤራተꬃይ ዎሹምያ ምሽራትፐነ ሸሌሽያ ቃላን ሃሳይያ ላገꬃትፐ ኔና አሻና።
PRO 2:17 እዛ ባረ ናአተꬃ አስና አጋዉ፤ ባረ ጾሳ ስንꬃን ጫቀቴዳ ጫቁዋካ ዶጋዉ።
PRO 2:18 እዝ ጎለ ብያዌ ሀይቃናዉ ብያዋ፤ እዝ ኦጊ ሀይቆ ካለꬄ።
PRO 2:19 ኢኮ ብያ ኦንካ ጉየ ስመና፤ ደኡዋ ኦግያካ ደመና።
PRO 2:20 ሄዋ አጋደ፥ ኔን ሎኦ አሳቱዋ ሌምሱዋ ካላ፤ ጽሎ አሳቱዋ ደኡዋካ ቁላ።
PRO 2:21 አያዉ ጎፐ፥ ሱረ አሳቱነ ቶሺ ባይና አሳቱ ቢታን ጋምኢደ ደአና።
PRO 2:22 ሽን ኢታቱ ቢታፐ ꬎቆለታና፤ አማንተናዋንቱካ ሾደቲደ ꬋያና።
PRO 3:1 ታ ናአዉ፥ ታን ኔና ታማርስያዋ ዶጎፓ፤ ታ አዛዞቱዋካ ነ ዎዛናን ዎꬃ።
PRO 3:2 አያዉ ጎፐ፥ ኡንቱንቱ ነ ላይꬃ አዱሳና፤ እሻሎ ደኡዋነ ሳሮተꬃ ነዉ ጉጃና።
PRO 3:3 አገና ሲቁነ ቱማተꬃይ ኔፐ ሃኮፕኖ፤ ኡንቱንታ ነ ቆꬍያን ቃቻ፤ ነ ዎዛናንካ ኡንቱንታ ጻፋ።
PRO 3:4 ያቶፐ፥ ኔን ጾሳነ አሳ ስንꬃን ሳበታናነ ናሸታና።
PRO 3:5 ነ ፖሎ ዎዛናን መꬍና ጎዳ አማነታ፤ ነ አኬካን ዘምፖፓ።
PRO 3:6 ኔን ኦꬅያ ኦሱዋ ኡባን አ ስንꬃያ፤ እ ኔና ሱረ ኦግያ ካለꬃና።
PRO 3:7 ኔና ነ ሁጲያን አꬌዳ ኤራንቻ ከሶፓ፤ መꬍና ጎዳዉ ያያ፤ ኢታፐካ ሃካ።
PRO 3:8 ሄዌ ነ ቦላ ፓጻ ዎꬃና፤ ነ መቀꬃካ ምንሳና።
PRO 3:9 መꬍና ጎዳ ነ ዱረተꬃን ቦንቻ፤ ኮይሮ አይፌዳ ካꬃ ኡባፐካ ጼራ አዉ እምያዋን አ ቦንቻ።
PRO 3:10 ያቶፐ፥ ነ ዬሰቱዋን ካꬃይ ኩማና፤ ነ ባꬃካ አይፈ ዎይንያ ኤሳይ ኩሚደ ፓላሀና።
PRO 3:11 ታ ናአዉ፥ መꬍና ጎዳ ሴራ ካꬎፓ፤ እ ኔና ሴርያ ዎደካ ላንጮፓ።
PRO 3:12 አያዉ ጎፐ፥ አዉ ባረ ሲቅያ ናኣ ሴርያዋዳን፥ መꬍና ጎዳይ ባረ ዶስያ ኡራ ሴሬ።
PRO 3:13 አꬌዳ ኤራተꬃ ደምያ ኡራይ፥ አኬካካ ባረዋ ኦꬅያ ኡራይ አንጀቴዳዋ።
PRO 3:14 አያዉ ጎፐ፥ አፐ ደምያ ጎአይ ዎርቃፐነ ብራፐ ደምያ ጎኣፐ አꬌነ ኬኬ።
PRO 3:15 አꬌዳ ኤራተꬃይ እንቁዋፐ ሎይꬅ አልኤ፤ ኔን ደማናዉ አሞትያ ኡባይ አꬌዳ ኤራተꬃና ልከተና።
PRO 3:16 አꬌዳ ኤራተꬃይ ነ ላይꬃ አዱሴ፤ እ ነዉ ዱረተꬃነ ቦንቹዋ ጉጄ።
PRO 3:17 አ ኦገቱ ናሸችያ ኦገቱዋ፤ አ ሎሱዋ ኡባይካ ሳሩዋ።
PRO 3:18 እ ባረና ኦይቂያዋንቶ ደኡዋ ምꬃ፤ አ ምንስ ኦይቂያ ኡባቱካ አንጀቴዳዋንታ።
PRO 3:19 መꬍና ጎዳይ ባረ አꬌዳ ኤራተꬃን ሳኣ መꬌዳ፤ ባረ አኬካንካ ሳሎቱዋ ምንሴዳ።
PRO 3:20 አ ኤራተꬃን ሻፋቱ ጎጊኖ፤ ሻራቱዋፐካ እራይ ቡኬ።
PRO 3:21 ታ ናአዉ፥ ሎኦ አꬌዳ ኤራተꬃነ አዱስ ቆፕያዋ ናጋ፤ ኡንቱንቱ ኔፐ ሻከቶፕኖ።
PRO 3:22 ኡንቱንቱ ነዉ ደኡዋ ግዳና፤ ኡንቱንቱ ነዉ እሻሉዋነ ናሸቻ ደኡዋ እማና።
PRO 3:23 ሄ ዎደ ኔን ነ ኦግያን ህርግ ባይናን ሀመታና፤ ነ ገዲካ ꬉበተና።
PRO 3:24 ኔን ግሴዳ ዎደ፥ ያያካ፤ ግሳደካ ማልኦ ገምእሹዋ ገምእሻና።
PRO 3:25 አኬከናን ጋክያ ባሻዉ፥ ዎይ ኢታቱ ꬋይያ ꬋዮ ያያካ።
PRO 3:26 አያዉ ጎፐ፥ መꬍና ጎዳይ ነዉ አማነትያዋ ግዳና፤ ነ ገዲካ ጲርያን ኦይቀተናዳን፥ እ ኔና ናጋና።
PRO 3:27 ነዉ ዎልቃይ ደእሺና፥ መቶቴዳዎ ሎኦባ ኦꬅያዋ አጎፓ።
PRO 3:28 ሀእ ነዉ ደእሺና፥ ነ ሾሮ፥ “ስማደ ያ፤ ታን ነዉ ዎንት እማና” ያጎፓ።
PRO 3:29 ኔናን አማነቲደ፥ ነ ማታን ደእሺና፥ ነ ሾሩዋ ቦላ ኢታባ ኦꬃናዉ ቆፖፓ።
PRO 3:30 ኔና ናቂቤና አሳ፥ ጮ ሞቶፓ።
PRO 3:31 ሱገꬃ ኦꬅያ አሳቱዋ ቁሎፓ፤ ኡንቱንቱ ኢታ ኦሱዋካ ካሎፓ።
PRO 3:32 አያዉ ጎፐ፥ መꬍና ጎዳይ ኢታ ኦꬅያዋንታ እጼ፤ ሽን ሱረቱዋ እ ኡሎፐ ሲቄ።
PRO 3:33 መꬍና ጎዳ ሸቃይ ኢታ ኦꬅያዋንቱ ሶይና፤ ሽን አ አንጁ ሱረባ ሀንያዋንቱ ሶይና።
PRO 3:34 ኦቶረቲደ ቅሊጭያዋንታ ጾሳይካ ቅሊጬ፤ ሽን ባረንታ ካዉሽያዋንታ ናሼ።
PRO 3:35 አꬌዳ ኤራንቻቱ ቦንቹዋ ደማና፤ ሽን ቦዛቱ ካዉሻና።
PRO 4:1 ታ ናቶ፥ ህንተ አቡ ዞርያ ስስተ፤ ሎይꬅ ሀይዝተ፤ ያቶፐ፥ ህንተ አኬካና።
PRO 4:2 ታን ህንተዉ ሎኦ ትምርትያ እምያ ድራዉ፥ ታ ትምርትያ አጎፕተ።
PRO 4:3 ታን ታ ሁጲያንካ ታ አቦ ናኣ፤ ታ አትዉካ አ ሲቅያ መጽ እት ናኣ።
PRO 4:4 ታ አቡ ታና ታማርሲደ፥ ሀዋዳን ያጌዳ፤ “ታን ኦድያዌ ነዉ ገሎ፤ ታ አዛዙዋ ናጋ፤ ያቶፐ፥ ኔን ፓጻ ደአና።
PRO 4:5 አꬌዳ ኤራተꬃነ አኬካ ደማ፤ ታን ነዉ ኦዴዳዋ ዶጎፓ፤ ታ ቃላፐ ከሶፓ።
PRO 4:6 አꬌዳ ኤራተꬃዉ ዞክያ ዛሮፓ፤ አያዉ ጎፐ፥ እ ኔና አሻና፤ አ ሲቃ፤ እ ኔና ናጋና።
PRO 4:7 አꬌዳ ኤራተꬃይ ኡባፐ አꬍያ ድራዉ፥ አꬌዳ ኤራተꬃ ደማ። አኬካይ ነ ደእያዋ ኡባ ዉርስ አኮፐካ አ ደማ።
PRO 4:8 ኔን አ ቦንቻ፤ እካ ኔና ꬎቁ ꬎቁ ኦꬃና፤ ኔን አ ኦይቆፐ፥ እ ኔና ቦንቻና።
PRO 4:9 እ ነ ሁጲያን ሳባ ካላቻ ዎꬃና፤ ቦንቾ ካላቻ እማና” ያጌዳ።
PRO 4:10 ታ ናአዉ፥ ስሳ፤ ታን ግያዋካ አካ፤ ነ ደኡዋ ላይꬃይካ አዱቃና።
PRO 4:11 ታን ኔና አꬌዳ ኤራተꬃ ኦግያ ካለꬃና፤ ሱረ ሎሱዋናካ አፋና።
PRO 4:12 ኔን ሀመትያ ዎደ፥ ነ ሀመትያሳን ꬉቢያዌ ደኤና፤ ዎጾፐካ ꬉበታካ።
PRO 4:13 ታማሬዳዋ ሀሳያ፥ የዶፓ፤ ትምርቲ ነዉ ደኡዋ ግዴዳ ድራዉ፥ ሎይꬃ ናጋ።
PRO 4:14 ናጋራንቻቱዋ ኦግያ የꬎፓ፤ ኢታ አሳቱዋ ኦግያንካ ሀመቶፓ፤
PRO 4:15 አፐ ሃካ፤ አን ሀመቶፓ፤ አፐ ጉየ ስማ፤ ያታደ ነ ኦግያን ባ።
PRO 4:16 አያዉ ጎፐ፥ ኡንቱንቱ ኢታባ ኦꬃና ጋካናዉ፥ ገምእሻናዉ ዳንዳይክኖ፤ ኡንቱንቱ አሳ ꬉበናን ኡንቱንታ ገምእሹ አፈና።
PRO 4:17 ኡንቱንቱ ናጋራ ኡክꬃዳን ሚኖ፤ ሱገꬃ ኦሱዋካ ኡሻዳን ኡሺኖ።
PRO 4:18 ጽሎቱዋ ኦጊ ሴታ ጋላሳይ ጋካናዉ፥ ጉጅ ጉጅ ፖእያ ዎንታ ጻልቂያ ማላ።
PRO 4:19 ሽን ናጋራንቻቱዋ ኦጊ ꬍጵ ጎ ꬉማ ማላ፤ ኡንቱንቱ ዎት ꬉበትንቶካ ኤርክኖ።
PRO 4:20 ታ ናአዉ፥ ታን ኦድያዋ ስሳ፤ ታን ኦድያዋካ ሎይꬃደ ሀይዛ።
PRO 4:21 ታን ኦዴዳባቱ ነ አይፍያፐ ጌሞፕኖ፤ ኡንቱንታ ነ ዎዛናን ዎꬃ።
PRO 4:22 አያዉ ጎፐ፥ ኡንቱንታ ደምያ አሳዉ ኡባዉ ደኡዋ እሚኖ፤ ኡንቱንቱ ቦላዉካ ፓጻተꬃ እሚኖ።
PRO 4:23 ኡባባፐካ ነ ዎዛና ምንሳደ ናጋ፤ አያዉ ጎፐ፥ ደኡ አፐ ፑልቴ።
PRO 4:24 ነ ዶናፐ ገነ ሃሳያ ድጋ፤ ዎርዶ ሃሳያ ነ ዶናፐ ድጋ።
PRO 4:25 ስት ጋደ ስንꬃዉ ጼላ፤ ነ አይፊ ነ ስንꬃን ደእያዋ ትሽ ኦꬂደ ጼሎ።
PRO 4:26 ነ ገድያዉ ሀመትያ ኦግያ ሱርሳ፤ ሱረ ኦግያ ጻላላን ሀመታ።
PRO 4:27 ሱረ ኦግያፐ ኡሸቻ ሀድርሳ ጎፓ፤ ነ ገዲ ኢታሳ ቤናዳን ናጋ።
PRO 5:1 ታ ናአዉ፥ ታ አꬌዳ ኤራተꬃ ሀይዛ፤ ነ ሀይꬃ ታ አኬካኮ የጋ።
PRO 5:2 ያቶፐ፥ አዱሳ ቆፋይ ነዉ ደአና፤ ነ ሃሳያይካ ነ ኤራተꬃ ቆንጭሳና።
PRO 5:3 ዎሹምያ ማጫ ምሽራት እንጻርሳፐ ኤሳ እልሉ ጾኬ፤ እ ሃሳያይ ኦይሳፐካ አꬍ ሹጌ።
PRO 5:4 ሽን እዛ ዉርሰꬃን ጎዳረ ኡꬃዳን ጫማዉ፤ ላኡ ባጋን ቃንጽያ ማሻዳን ቃንጽያኖ፤
PRO 5:5 እ ገደቱ ሀይቁዋኮ ዱገ ቢኖ፤ እ ሀመታይ ስት ኦꬂደ፥ ዱፉዋ አፌ።
PRO 5:6 እዛ ደኡዋ ኦግያ ቆፑኩ፤ እ ኦገቱ ጌላ፤ ሽን ጌላ ግድያዋካ አ ኤሩኩ።
PRO 5:7 ታ ናቶ፥ ሀእካ ታን ኦድያዋ ስስተ፤ ታን ግያዋፐ ከሶፕተ።
PRO 5:8 ዎሹምያ ማጫ ምሽራት ሄራ ቦፕተ፤ እ ጎልያ ፐንግያኮ ሺቆፕተ።
PRO 5:9 ሄዌ ꬋዮፐ፥ ህንተ ህንተንቱ ቦንቹዋ ሀራቶ አꬂደ እማና። ህንተንቱ ህንተንቱ ያላጋተꬃን መቀꬅ ባይና አሳቱዋ ኩሽያን ሀይቃና።
PRO 5:10 ህንተንቱ ማጹዋ አላጋ አሳቱ አካና። ህንተ ዳቡሪደ ሺሼዳዌ ሀራ አሳዉ ግዳናዋ።
PRO 5:11 ዉርሰꬃን ህንተ አሹነ ህንተ አሳተꬃይ ግልቂና፥ ህንተ ኦላና።
PRO 5:12 ቃይ ሀዋዳን ያጋንታ፤ “ታን ትምርትያ አያዉ እጻድታሻ! ታ ዎዛናይካ ሴራ አያዉ ካꬌዴሻ!
PRO 5:13 ታን ታና ታማርስያዋንቱ ኦዴዳዋ አካበይከ፤ ታና ዞርያዋንቱ ዞርያካ ሀይዛበይከ።
PRO 5:14 ሄዋ ድራዉ፥ ታን አሳይ ሺቄዳ ሺቁዋን፥ አኬከናን ካዉሻናዉ ደአይ” ያጋና።
PRO 5:15 ነ ማቻትዉ አማነቴዳዋ ግዳ፤ እዝ ጻላላ ሲቃ።
PRO 5:16 ሀራ ማጫንፐ የለቴዳ ነ ናናቱ፥ ነዉ ሎኦባ ኦꬅክኖ።
PRO 5:17 ኡንቱንቱ ኔና ማዳናዉ ድጭኖ፤ አላጋ ግዶፕኖ።
PRO 5:18 ሄዋ ድራዉ ነ ማቻትና ናሸታ፤ ያላጋተꬃን ኔን አኬዳ ነ ማቻትፐ ናሸቻ ኮያ።
PRO 5:19 ሎእያ ጋራትዳንነ ናሸችያ ገንአቲዳን፥ እ ꬋንꬃይ ኡባ ዎደካ ኔና አሎ፤ ኡባ ዎደ እ ሲቁ ኔና ኦሞዶ።
PRO 5:20 ታ ናአዉ፥ ዎሹምያ ምሽራታ ኔና አያዉ ኦሞዳይ? ሀራ አሳ ማቻቶ አያዉ ቆማይ?
PRO 5:21 አያዉ ጎፐ፥ አሳይ ኦꬅያዋ ኡባ መꬍና ጎዳይ በኤ፤ እ ሀመትያ ሎሱዋ ኡባ ጼሌ።
PRO 5:22 ናጋራንቻ እ ኦꬄዳ ናጋራይ ኦይቄ። አ ናጋራ ግቲ አ ቃቼ።
PRO 5:23 እ ባረ ቦዛተꬃን ሀሌዳ፤ ባረ ሁጲያ ናግቤና ድራዉ ሀይቄዳ።
PRO 6:1 ታ ናአዉ፥ ኔን ሚሻ ታልኤዳ ነ ሾሮ ዋሰ ገሌዳዋ ግዶፐ፥ ኔን ኤረና ኡራዉ ነ ኩሽያ ባቃደ ገፔዳዋ ግዶፐ፥
PRO 6:2 ኔን ገፔዳ ገፋ ግትያን ገሌዳዋ ግዶፐ፥ ነ ዶናፐ ከሴዳ ቃላን ኦይቀቴዳዋ ግዶፐ፥
PRO 6:3 ስም ኔን ነ ሾሩዋ ኩሽያን ገላዳ። ሄዋ ድራዉ፥ ታ ናአዉ፥ ሄዋፐ ከሳናዉ ኮዮፐ፥ ኤለ ነ ሾሩዋ ጎለ ባ፤ ዋሰተꬃ እ ነ ቦላፐ ዎꬃና ማላ፥ አዉዳሻደ አ ዎሳ።
PRO 6:4 ሀዋ ኦናን ደኣደ ገምእሾፓ፤ ሸምፑዋካ ሸምፖፓ።
PRO 6:5 ሻንካንቻቱዋፐ ገንአታ ከሳ አክያዋዳን፥ ዳባፐ ካፋታ አትያዋዳን፥ ነ ሁጲያ አሻ።
PRO 6:6 ኔኖ አዛላዉ፥ ቃጮቱዋኮ ባ፤ ኡንቱንቱፐ ታማራ። ያቲደ አꬌዳ ኤራንቻ ግዳ።
PRO 6:7 ቃጮቱዋ ኦስሳናዉ፥ ካፑ ዎይ ኡንቱንታ ሞድያዌ ባዋ፤
PRO 6:8 ሽን ባረንቶ ማናባ ቦንያን ምንጂኖ፤ ካꬃ ጫክያ ዎደካ ባረንቶ ኮሽያ ቁማ ሺሺኖ።
PRO 6:9 ኔኖ አዛላዉ፥ ኔን አዉደ ጋካናዉ ገምእሻይ? ነ ገምእሹዋፐካ አዉደ ደንዳይ?
PRO 6:10 ኔን ቃይካ ጉꬃ ግሳሳ፤ ጉꬃ ገምእሻሳ፤ ኩሽያ ሺሻ አካደ፥ ጉꬃ ሸምፓሳ።
PRO 6:11 ያትያ ዎደ ህዬሳተꬃይ ፓንጋዳን፥ ፓጫይ ኦላ ሚሻ ኦይቄዳ አሳዳን፥ ነ ቦላ ያና።
PRO 6:12 ኢታ አሳይነ ባላ አሳይ፥ ዩይ ዩዪደ ዎርዱዋ ኦዴ፤
PRO 6:13 እ ባረ አይፍያን ስምኤ፤ ባረ ገድያን በሴ፤ ባረ ብራꬍያን ጾርሴ።
PRO 6:14 አ ዎዛናን ጌላተꬃይ ደኤ፤ እ ኢታባ ቆፔ፤ ኡባ ገደካ እ ዋላሳ መꬌ።
PRO 6:15 ሄዋ ጋሱዋን ባሻይ አኬከናን አ ቦላ ያና፤ እ ሀሳየናን መአና፤ መኢደካ ፓጸና።
PRO 6:16 መꬍና ጎዳይ እጽያ ኡሱፑን የዎቱ ደኢኖ፤ እ ላፑንꬅያዋ ኢስ እጼ:
PRO 6:17 ካꬊደ ጼልያ አይፍያ፥ ዎርዶትያ እንጻርሳ፥ ጌሻ አሳቱዋ ሱꬃ ጉስያ ኩሽያ፥
PRO 6:18 ኢታባ ማቂያ ዎዛና፥ ኢታባኮ ኤሌሊደ ዎጽያ ገድያ፥
PRO 6:19 ዎርዱዋ ቦላ ዎርዱዋ ጉጅ ጉጂደ ኦድያ ዎርዶ ማርካ፥ እሻቱዋ ግዶን ዋላሳ መꬍያ አሳ።
PRO 6:20 ታ ናአዉ፥ ነ አቡ አዛዙዋ ፖላ፤ ነ አታ ኔና ታማርሴዳዋካ አጎፓ፤
PRO 6:21 ኡንቱንታ ኡባ ገደ ነ ዎዛናን ኦይቃ፤ ነ ቆꬍያንካ ቃቻ።
PRO 6:22 ኔን ሀመትያ ዎደ፥ ኡንቱንቱ ኔና ካለꬃና፤ ኔን ግስያ ዎደ፥ ኡንቱንቱ ኔና ናጋና፤ ኔን ቤጎትያ ዎደካ፥ ኡንቱንቱ ኔና ዞራና።
PRO 6:23 አያዉ ጎፐ፥ ሀ አዛዞቱ ጾምፕያ፤ ትምርተቱካ ፖኡዋ፤ ቃይ ሴራይካ ደኡዋኮ አፍያ ኦግያ።
PRO 6:24 ሀ አዛዞቱነ ሀ ትምርተቱ ኢታ ማጫንፐነ ሀራ ምሽራት ሸሌሽያ እንጻርሳፐ ኔና ናጋና።
PRO 6:25 እ ማላ ነ ዎዛናን አሞቶፓ፤ እ አይፍያ ሎኦተꬃን ኦሞደቶፓ።
PRO 6:26 እት አቱማ አሳይ ጫራቶ እት ኡክꬃ ጋትያን ደማናዉ ዳንዳዬ፤ ሽን አስናይ ደእያ ምሽራትና ዎሹሙሳይ ሸምፑዋ ዎꬍሴ።
PRO 6:27 እት አሳይ ታማ እድምና፥ አ ማዩ ሜተተናን አታናዉ ዳንዳዪ?
PRO 6:28 እት አሳይ ታማ ቦንቁዋ የꬍ ሀመትና፥ አ ገዲ ጹገተናን አታኔ?
PRO 6:29 አሳ ማቻትኮ ገልያ ኡራይ ሄዋካ ማላ፤ እዞ ቦችያ ኡባይ ሙረተናን አተና።
PRO 6:30 ካይሱ ኮሻቲደ፥ ባረዉ ማናዉ ዉኦፐ፥ አሳይ አ ካና።
PRO 6:31 ሽን እ ኦይቀቴዳዋ ግዶፐ፥ ላፑን ዳኩዋ ጭጋና፤ ባረ ሶ ሚሻ ኡባካ እማና።
PRO 6:32 ሽን ዎሹምያ አሳይ ዎዛና ፓጫ፤ ሄ ኡራይ ባረ ሸምፑዋ ባይዜ።
PRO 6:33 ማዱጻናነ ቶሸታና። ኡባ ዎደካ እ ቦረቲደ ደአና።
PRO 6:34 አያዉ ጎፐ፥ ማጫ ምሽራት አስናይ ምሸቲደ፥ ሀንቁዋ ሱላና፤ ባረ ሀሉዋ ከስያ ዎደ፥ አዉ ቃረተና።
PRO 6:35 እ አያ አጫካ አከና፤ አይ ኬሻ እሙካ አ ሀንቁዋ ዶሽሰና።
PRO 7:1 ታ ናአዉ፥ ታ ቃላ ናጋ፤ ታ አዛዙዋካ ነ ጋርሳን ቆሳ።
PRO 7:2 ነዉ ፓጻ ደአናዉ ታ አዛዝያዋ ኦꬃ፤ ታ ትምርትያካ ነ አይፍያ ቡሉዋዳን ናጋ።
PRO 7:3 ሀሳይስያዋዳን ኡንቱንታ ነ ብራቱዋን ቃቻ፤ ነ ዎዛናንካ ጻፋ።
PRO 7:4 አꬌዳ ኤራተꬃ ነ ምቻትዳን፥ አኬካካ ነ ማታ ዳቡዋዳን ጼላ።
PRO 7:5 ኡንቱንቱ ኔና ጫራትያ ምሽራትፐነ ባረ ቃላን ሸሌሽያ ሀራ ምሽራትፐ ናጋና።
PRO 7:6 እት ጋላስ ታን ታ ጎልያ ማስኮትያና ካረ ጼላድ፤
PRO 7:7 ዎዛና ኩንꬅቤና ዎዳላ ናናቱዋ በኣድ። ኡንቱንቱ ግዶፐ እቱ ሎይꬅ ቦዛ።
PRO 7:8 ሄ ዎዳላይ ኦግያና ቢደ፥ እት ዎሹምያ ማጫ ምሽራት ጎልያ ማታና አꬌዳ፤ እ ጎለ አፍያ ኦግያኮ ፕኒደ፥ እ ጎልያ ሄራን ሀመቴ።
PRO 7:9 ሄ ዎደ ሳአይ ቃማናዉ ለምእለምኤ።
PRO 7:10 ሄዋፐ ጉይያን፥ ምሽራታ አ ደማዱ። እዛ ጫራቶ ግድያዋ እዝ ማዩ ኤርሴ። እዛ አሳ ጭማናዉ ቆፓደ ከሳዱ።
PRO 7:11 እዛ ጻላነ ዬላይ ባይና ማጫ አሳ፤ ሶን ዎፑ ጋደ ኡቱኩ።
PRO 7:12 እዛ እት ገደ ኦግያን፥ እት ገደ ገያን፥ ዳባባ ኡባን ኤቃደ ናጋዉ።
PRO 7:13 አ ሄ ናኣ ቆማደ የራዱ፤ እዛ አ አይፍያ ዬል ባይናን ትሽ ኦꬃ ጼላደ ሀዋዳን ያጋዱ፤
PRO 7:14 “ታን ታ ያርሹዋ ያርሻደ፥ ታ ቃንገꬃ ሀእ ጋꬃ ስማይ።
PRO 7:15 ያታደ ኔና ጾሞሳናዉ ከሳድ፤ ኔና ሎይꬃ ኮያድ፤ ሀእ ስም ደማድ።
PRO 7:16 ታን ግብጼፐ ዬዳ፥ አሌቄዳ አንሶላ ታ ሂጻን የጋድ።
PRO 7:17 ታን ካዋራ፥ አልሙንያነ ቃራፋ ጌተትያ ቅማማቱዋፐ ከሴዳ ሽቱዋ ታ ሂጻን ጫጫፋድ።
PRO 7:18 ሃያ፤ አነ ዎንታና ጋካናዉ ሲቁዋ አሎይተ፤ ቆመቲደካ ናሸቶይተ፤
PRO 7:19 አያዉ ጎፐ፥ ታ አስናይ ሶን ግደና፤ ሃኮ ሳ ቤዳ።
PRO 7:20 ሚሻ ቃርጪታ ኩንꬅ አኪደ ቤዳ ድራዉ፥ አገናይ ዶይሳና ጋካናዉ ጎለ ስመና” ያጋዱ።
PRO 7:21 ባረ ማልኦ ሃሳያን አ ሸሌሻዱ፤ ባረ ሊቆ እንጻርሳን ጭማዱ።
PRO 7:22 ያትና፥ ኤለካ እ እዞ ካሊደ፥ ብ አጌዳ። ቦራይ ሹክያሳ ላገትያዋዳን፥ ጋራይ ኤሌሊደ ጲርያን ገልያዋዳን፥
PRO 7:23 ቶራይ አ ዎዛና ጫድያዋዳን ሀኔዳ። ዳባ ግዶ ገሌዳ ካፉዋ ማላቴዳ። ሀዌ ኡባይ አ ሸምፑዋ ባይዛናዉ ሀንያዋ ኤርቤና።
PRO 7:24 ታ ናናዉ፥ አነ ሀእ ስስተ፤ ታ ዶናፐ ከስያ ቃላካ ሀይዝተ።
PRO 7:25 ነ ቆፋይ ሄ ማጫ ምሽራትና ቦፖ፤ እ ኦግያን ገላደ ባለቶፓ።
PRO 7:26 አ ጫዳደ ኦሌዳዋንቱ ኡንደኔዳዋንታ፤ አ ዎꬌዳዋንቱካ ሎይꬅ ዳራ።
PRO 7:27 እ ሶያይ ዱፉዋኮ አፍያ ኦግያ፤ ሄ ኦጊ ዱገ ሀይቁዋ ጌሱዋ ካለꬄ።
PRO 8:1 ቱሙ አꬌዳ ኤራተꬃታ ጼሰኬ? አኬካይካ ባረ ቃላ ꬎቁ ኦኔ?
PRO 8:2 ኦግያ ዶናን ደእያ ዞዘቱዋ ቦላነ ኦገቱ ዳንትያሳን እዛ ኤቃዉ፤
PRO 8:3 ድርሳ ፐንግያ ማታን፥ ካታማ ገልያ ፐንግያን ኤቃደ፥ ባረ ቃላ ꬎቁ ኦꬃደ፥ ሀዋዳን ያጋዉ፤
PRO 8:4 “ህንተኖ አሳቶ፥ ታን ህንተና ጼሳይ፤ ታን አሳ ኡባ ጼሳይ።
PRO 8:5 ህንተኖ አኬካይ ፓጬዳዋንቶ፥ ሂላ ደማናዉ ታማርተ። ህንተኖ ቦዛቶ፥ አኬካ ደምተ።
PRO 8:6 ታን ዳሮ ሎኦባ ኦድያ ድራዉ ስስተ፤ ታን ሱረባ ኦዳናዉ ታ መተርሻ ዶያይ።
PRO 8:7 ታ ዶናይ ቱሙዋ ሃሳዬ፤ ታ መተርሻይ ዎርዶባ እጼ።
PRO 8:8 ታ ዶናይ ሃሳይያዌ ኡባይ ቱማ፤ ጌላ ዎይ ምርቀꬃ ግደና።
PRO 8:9 አኬካይ ደእያ ኡራዉ ታ ሃሳያይ ልከ፤ ኤራይ ደእያዋንቶ ታ ሃሳያይ ቆንጨ።
PRO 8:10 “ብራ አጊደ፥ ታ ዞርያ ዶርተ፤ በርተ ዎርቃካ አጊደ፥ ኤራተꬃ ዶርተ።
PRO 8:11 አያዉ ጎፐ ታን፥ አꬌዳ ኤራተꬃታ፥ እንቁዋ ግያ ዳሮ አልኦ ሹቻፐካ አꬋይ፤ ኔን አሞትያዌ ኡባይካ ታናና ላገታናዉ ዳንዳየና።
PRO 8:12 “ታዉ፥ አꬌዳ ኤራተꬃትዉ አኬካይ ደኤ፤ ኤራተꬃይካ አዱሳ ቆፋይካ ታናና እትፐ ደኢኖ።
PRO 8:13 መꬍና ጎዳዉ ያይያዌ ኢታተꬃ እጽያዋ፤ ታን ኦቶሩዋነ አዩዋ እጻይ፤ ኢታሳ አፍያ ኦግያነ ዎርዱዋ ሃሳያ ዶስከ።
PRO 8:14 ዞሪነ ሎኦ ኤራይ ታዋንታ፤ አኬካይነ ዎልቃይነ ታዉ ደኢኖ።
PRO 8:15 ካተቱ ታናን ካዉቲኖ፤ ቃይ ሞድያዋንቱ ሱረ ህግያ ታናን ከሲኖ።
PRO 8:16 ካፓቱ ታን ማድና፥ አሳ ሞድኖ፤ ሳኣን ጋድያ ሞድያ ዎልቃማ አሳቱዋ ኡባካ ታን ማዳይ።
PRO 8:17 “ታን ታና ሲቅያዋንታ ሲቃይ፤ ታና ምንሲደ ኮይያዋንቱካ ደማና።
PRO 8:18 ዱረተꬃይነ ቦንቹ ታናና ደኢኖ፤ ዉረና አቁነ እንጂ ታ ማታና።
PRO 8:19 ህንተ ታፐ ደምያ አይፊ በርተ ዎርቃፐነ ታ ጫርሻይ ሙሽስ ከሴዳ ብራፐ አꬌ።
PRO 8:20 ታን ጽሎተꬃ ኦግያን ሀመታይ፤ ሱረ ፕርዳ ሎሱዋና አꬋይ።
PRO 8:21 ታና ሲቅያዋንቶ ታን ማጹዋ እማና፤ ኡንቱንቱ ጎልያካ ታን ሚሻን ኩንꬃና።
PRO 8:22 “መꬍና ጎዳይ ታና ባረ ኦሱዋ ኡባፐ ኮይሮ መꬌዳ፤ በንፐካ አ ኦሶ ዶመꬃይ ታና።
PRO 8:23 በን ዎደ፥ ቢታይ ሳአይ መታናፐ ካሰ ታን ሱንታድ።
PRO 8:24 ዎልቃማ አባቱ ባይና ዎደ፥ ሃꬃ ፑልቶቱ ꬉእቤና ዎደ፥ ሄ ዎደ ታን የለታድ።
PRO 8:25 ደረቱነ ደꬃቱ መታናፐ ካሰ ታን የለታድ።
PRO 8:26 መꬍና ጎዳይ ሳኣነ ሳኣን ደእያ ጋደቱዋ ኡባ መꬋናፐ ካሰ፥ ዎይ እት ኮጰ ግድያ ባናይ አላምያን ኦሰታናፐ ካሰ ታን የለታድ።
PRO 8:27 “መꬍና ጎዳይ ሳሎቱዋ ምጬዳ ዎደነ ዎልቃማ አባቱዋፐ ቦላና ደእያ ሳሉዋ ጊግሴዳ ዎደ፥ ታን ያን ደአይ።
PRO 8:28 መꬍና ጎዳይ ሻረቱዋ ቦላን ዎꬄዳ ዎደ፥ ዎልቃማ አባ ፑልቶቱዋ ꬉሴዳ ዎደ፥
PRO 8:29 አባ ሃꬃቱ ባረንቶ እመቴዳ ዛዋፐ ፕኒደ፥ ቦላዉ አናዳን፥ እ ኡንቱንታ አዛዜዳ ዎደ፥ ሳኣ ባሱዋ እ ባሴዳ ዎደ፥ ታን ያን ደአይ።
PRO 8:30 ሄ ዎደ ታን አ ማታን ኤረቴዳ ኦሳንቻ፤ ኡባ ጋላስ ታን ናሸቻን ኩማይ፤ ታዉካ አ ስንꬃን ናሸታይ።
PRO 8:31 እ መꬌዳዌ ኡባይ፥ ሳአይካ አሳ ናናቱካ ታና ናሸቺኖ።
PRO 8:32 “ሀእካ ስም ታ ናቶ፥ ስስተ፤ ታን ኦድያዋዳን ኦꬅያዋንቱ አንጀቴዳዋንታ።
PRO 8:33 ታ ትምርትያ ስስተ፤ አꬌዳ ኤራንቻ ግድተ፤ ስሴዳዋ ሸነኮ ጎፕተ።
PRO 8:34 ታና ስስያ ኡራይ፥ ሀች ሀች ታ ፐንገን ቤትያ ኡራይ፥ ታ ጎለ ገልያሳንካ ናግያ ኡራይ አንጀቴዳዋ።
PRO 8:35 ታና ደምያዌ ደኡዋ ደሜ፤ መꬍና ጎዳፐ እ ሳባ ደሜ።
PRO 8:36 ሽን ታና ደመናን አግያ ኡራይ ባረና ቆሄ፤ ታና እጽያ ኡባቱ፥ ሀይቁዋ ሲቂኖ” ያጋዉ።
PRO 9:1 አꬌዳ ኤራተꬃታ ባረ ጎልያ ኬጻዱ፤ ሄ ጎልያዉ ላፑን ቱሳቱዋ ኤሳዱ።
PRO 9:2 እዛ ባረ ጊግስያ ሾብያዉ ሞꬎ መህያ ሹካዱ፤ ዎይንያ ኤሳካ አጋደ ጊግሳዱ። ማዳ ስንꬃዉ አꬃዱ።
PRO 9:3 ያታደ አሳ ጼሳናዉ ባረ ቆማቱዋ ኪታዱ። ቆማቱ ካታማዉ ꬎቃ ሳኣን ኤቂደ፥
PRO 9:4 “ህንተኖ፥ ኤራይ ፓጬዳዋንቶ ሀዋ ገልተ!” ያጌድኖ። ቦዛቱዋካ እዛ ሀዋዳን ያጋዱ፤
PRO 9:5 “ሃ ዪተ፤ ታ ቁማ ሚተ፤ ታን አጌዳ ዎይንያ ኤሳካ ኡሽተ!
PRO 9:6 ቦዛተꬃ አጊደ፥ ደኡዋን ደእተ፤ አኬካ ኦግያን ሀመትተ” ያጋዉ።
PRO 9:7 ቅሊጭያ ኡራ ሴርያ አሳይ ባረዉ ቦርያ አኬ፤ ኢታ ኡራ ዞርያዌካ ባረዉ ቆሄቴ።
PRO 9:8 ቅሊጭያ ኡራ ዞሮፓ፤ እ ኔና እጻና። አꬌዳ ኤራንቻ ኡራ ዞራ፤ እ ኔና ዶሳና።
PRO 9:9 አꬌዳ ኤራንቻ ኡራ ታማርሳ፤ ያቶፐ፥ እ ካሰዋፐካ አꬌዳ ኤራንቻ ግዳናዋ። ጽሎ ኡራካ ታማርሳ፤ ያቶፐ እ ኤራ ጉጃና።
PRO 9:10 አꬌዳ ኤራተꬃዉ ዶመꬃይ መꬍና ጎዳዉ ያይያዋ፤ ጌሻ ጾሳ ኤርያዌ አኬክያዋ።
PRO 9:11 ታናን ነ ላይꬃይ ዳራና፤ ነ ደኡዋ ላይꬃይካ አዱቃና።
PRO 9:12 ኔን አꬌዳ ኤራንቻ ግዶፐ፥ ነ ሁጲያዉ ጎኤታሳ። ኔን ቅሊጭያዋ ግዶፐካ፥ ነ ሁጲያዉ ቆሄታሳ።
PRO 9:13 ቦዛ ምሽራታ ዋላሳ ዳራዉ፤ እዛ ባረና ናገናዉኖ። እዛ አይነ ኤሩኩ።
PRO 9:14 እዛ ባረ ካረን፥ ዎይ ካታማዉ ꬎቃ ሳኣን ኦይድያን ኡታዉ።
PRO 9:15 ሱረ ባረንቱ ኦግያ ኦይቂደ ብያ አሳ ጼሳደ፥
PRO 9:16 “ህንተኖ፥ ኤራይ ፓጬዳዋንቶ፥ ታኮ ሃ ዪተ” ያጋዉ። አኬካይ ባይናዋካ፥
PRO 9:17 “ዉኢደ ኡሽያ ሃꬃይ ማልኤ፤ ጌማን ምያ ቁማይካ ናሸቼ” ያጋዉ።
PRO 9:18 ሽን እ ሀይቄዳ አሳይ ያን ደእያዋ፥ እዝ እማꬃቱካ ዱፉዋ ጪሞ ግዶን ደእያዋ ኤረና።
PRO 10:1 ሀዋንቱ ሶሎሞና ሌምሳቱዋ። አꬌዳ ኤራንቻ ናአይ ባረ አዉዋ ናሸቼ፤ ሽን ቦዛ ናአይ ባረ አቶ ካዮዬ።
PRO 10:2 ናጋራን ደሜዳ ሚሻይ ጎኤና፤ ሽን ጽሎተꬃይ ሀይቁዋፐ አሼ።
PRO 10:3 መꬍና ጎዳይ ጽሎቱዋ ኮሻይሰና፤ ሽን ናጋራንቻቱዋ አሙዋ ፖልሰና።
PRO 10:4 አዛላተꬃይ ማንቂሴ፤ ሽን ምኒደ ኦꬅያዌ ዱረዬ።
PRO 10:5 አꬌዳ ኤራንቻ ኡራይ ካꬃ ቦንያን ሺሼ፤ ሽን ካꬃ ጫክያ ዎደ ገምእሽያ ኡራይ ካዉሼ።
PRO 10:6 ጽሎ አሳይ አንጀቴ፤ ሽን ናጋራንቻ ዶና ማካላይ ካሜ።
PRO 10:7 ጽሉዋ ሱንꬃይ አንጁዋን ጼሰቲደ ደኤ፤ ሽን ናጋራንቻቱዋ ሱንꬃይ ዶገቴ።
PRO 10:8 አꬌዳ ኤራንቻቱ አዛዜዳዋ ኦꬂኖ፤ ሽን ቦዛተꬃን ጮ ዶናትያዋንቱ ባሻዉ ቢኖ።
PRO 10:9 ሱረ አሳይ ሳሮ ደኤ፤ ሽን ጌላ ኡራይ ባረ ባይዙዋን ኦይቀቴ።
PRO 10:10 አሳ ቦላ ስምእያ ኡራይ መቱዋ አዬ። ቦዛተꬃን ጮ ዶናትያዋንቱ ባሻዉ ቢኖ።
PRO 10:11 ጽሉዋ ሃሳያይ ደኡዋ ፑልትያ፤ ሽን ናጋራንቻ ሃሳያይ ማካላተꬃ ገንꬄ።
PRO 10:12 እጹ ፓሉምያ ደንꬄ፤ ሽን ሲቁ ባይዙዋ ኡባ ፓይደና።
PRO 10:13 ዎዛናማ አሳይ አꬌዳ ኤራን ሃሳዬ፤ ሽን ቦዛ ኡራይ ጻምአን ሾጨቴ።
PRO 10:14 አꬌዳ ኤራንቻቱ ኤራ ዳጋዪኖ፤ ሽን ቦዛ ሃሳያ ሃሳይያ ኡራይ ባረና ባይዜ።
PRO 10:15 ዱርያ ሚሻይ ድረቴዳ ካታማ ማላ፥ ባረ ጎዳ ናጌ፤ ሽን ህዬሳተꬃይ ህዬሳ ꬋይሴ።
PRO 10:16 ጽሎ ኡራ አ ሎኦ ኦሱ ደኦ ካለꬄ፤ ሽን ኢታ ኡራ ዉርሰꬃይ ሙሩዋ አሄ።
PRO 10:17 ሴርና ኤኖ ግያ ኡራይ ደኡዋ ኦግያን ሀመቴ፤ ሽን ሴርና እጽያ ኡራይ ባሌ።
PRO 10:18 እጺደ ባረ እጽያዋ ኤርሰና ኡራይ ዎርዳንቻ፤ ዝግርሳ ላልያ ኡራይካ ቦዛ።
PRO 10:19 ዳሮ ሃሳያ ግዶን ናጋራይ ꬋየና፤ ሽን ባረ ዶና ሺሽ አክያ ኡራይ አꬌዳ ኤራንቻ።
PRO 10:20 ጽሉዋ እንጻርሳይ ትገቴዳ ጌሻ ብራ ማላ፤ ሽን ኢታ ኡራ ቆፋዉ ጋቲ ጉꬃ።
PRO 10:21 ጽሎ ኡራ ሃሳያይ ዳሮ አሳ ጎኤ፤ ሽን ቦዛቱ ባረንቱ ዎዛና ፓጫን ሀይቂኖ።
PRO 10:22 መꬍና ጎዳ አንጁ ዱረ ከሴ፤ እ ሄ ዱረተꬃን መቱዋ ዋላከና።
PRO 10:23 ቦዛ ኡራዉ ኢታባ ኦꬅያዌ ካሳ ማላ፤ ሽን ዎዛናማ ኡራይ አꬌዳ ኤራተꬃን ናሸቴ።
PRO 10:24 ኢታ ኡራይ ህርጌዳባይ አ ቦላ ጋካናዋ፤ ሽን ጽሉ አሞቴዳዌ እመታናዋ።
PRO 10:25 ጎቱ ደንዲደ አꬎደ፥ ናጋራንቻቱ ፕተት ꬋይኖ፤ ሽን ጽሎቱ መꬍናዉ ምኒደ ደአና።
PRO 10:26 ጫላይ አቻ ዝልእስያዋዳንነ ጩዋይ አይፍያ ፖግያዋዳን፥ አዛላ ኡራ ኪትያዌ ይሎዬ።
PRO 10:27 መꬍና ጎዳዉ ያይያዌ ላይꬃ አዱሴ፤ ሽን ናጋራንቻ ኡራ ላይꬃይ ቃሜ።
PRO 10:28 ጽሎ ኡራይ ስንꬃና ናሸቻይ ያና ጊደ ናጌ፤ ሽን ኢታ ኡራይ ስንꬃና ያና ጊደ ናግያዌ አያይነ ባዋ።
PRO 10:29 መꬍና ጎዳ ኦጊ ጽሎቶ ባቃት አትያ ሳኣ፤ ሽን ኢታ ኦꬅያዋንቶ ባሻ።
PRO 10:30 ጽሎቱ ደኢያሳፐ ሾደትክኖ፤ ሽን ኢታቱ ቢታ ቦላ ደእክኖ።
PRO 10:31 ጽሎ አሳይ አꬌዳ ኤራተꬃ ሃሳዬ፤ ሽን ጌላባ ሃሳይያ እንጻርሳይ ቃንጸታና።
PRO 10:32 ጽሎ አሳይ በስያ ሃሳያ ኤሬ፤ ሽን ኢታ አሳይ ጌላ ሃሳዬ።
PRO 11:1 መꬍና ጎዳይ ዎርዱዋ ሚዛናን ልክያዋንታ እጼ፤ ሽን ልከ ሚዛናን ልክያዋንቱን ናሸቴ።
PRO 11:2 ኦቶሩ ይያ ዎደ ካዉሻተꬃይ ዬ፤ ሽን አሽከተꬃና አꬌዳ ኤራተꬃይ ዬ።
PRO 11:3 ጽሎቱዋ ኡንቱንቱ ሱረተꬃይ ካለꬄ፤ ሽን አማነተናዋንታ ኡንቱንቱ ጌላተꬃይ ꬋይሴ።
PRO 11:4 ሀንቁዋ ጋላስ ዱረተꬃይ ጎኤና፤ ሽን ጽሎተꬃይ ሀይቁዋፐ አሼ።
PRO 11:5 ቦሪ ባይና ኡራ ኦግያ አ ጽሎተꬃይ ሱርሴ፤ ሽን ኢታ ኡራይ ባረ ኢታተꬃን ኩንዴ።
PRO 11:6 ሱረቱዋ ኡንቱንቱ ጽሎተꬃይ አሼ፤ ሽን አማነተናዋንታ ኡንቱንቱ አሙ ጲረ ግዲደ ኦይቃና።
PRO 11:7 ኢታ አሳይ ሀይቂያ ዎደ፥ እ ናግያ ህዶታይካ አናና እትፐ ሀይቄ፤ እ ባረ ዎልቃን ጬቀትያዌ ኡባይካ ꬋዬ።
PRO 11:8 ጽሉ መቱዋፐ አቴ፤ አ ድራዉ ኢታ ቦላ መቱ ዬ።
PRO 11:9 ጾሳ ኤረና ብታኒ ባረ ዶናን አሳ ꬋይሴ፤ ሽን ጽሎቱ ኤራን አቲኖ።
PRO 11:10 ጽሎቱ ቦንቼትያ ዎደ፥ ካታማይ ናሸቴ፤ ቃይ ኢታቱ ሀይቂያ ዎደ፥ ሀሹ ጌ።
PRO 11:11 ጽሎቱዋ አንጁዋ ጋሱዋን ካታማይ ድጬ፤ ሽን ኢታ ኡራ ሃሳያይ ካታማ ꬋይሴ።
PRO 11:12 ባረ ሾሩዋ ካꬍያ ኡራዉ ዎዛናይ ባዋ፤ ሽን አኬካንቻ ኡራይ ጮኡ ጌ።
PRO 11:13 ዝግርያ አሳይ ጹራ ላሌ፤ ሽን አማነትያ አሳይ ጹራ ገንꬄ።
PRO 11:14 ካለꬅያዌ ꬋዮፐ፥ ካዉተꬃይ ኩንዴ፤ ሽን ዳሮ ዞርያዋንቱ ደኦፐ፥ ሳሩ ደኤ።
PRO 11:15 ኤረና ኡራዉ ዋሰ ግድያ አሳይ ቱሙዋፐ መቶታና፤ ሄዋፐ ዋሰ ግደናን እጽያዌ ሎአ።
PRO 11:16 ኡሉ ኬካ ምሽራታ ቦንቼታዉ፤ ሽን መቀꬃ ኢታ አሳይ ዱረተꬃ ጻላላ ዱረቴ።
PRO 11:17 ኬካ አሳይ ባረዉ ሎኦባ ኦꬄ፤ ሽን መቀꬃ ኢታ አሳይ ባረና ቆሄ።
PRO 11:18 ኢታ አሳይ ደምያ ሚሻይ ጭምያ ሚሻ፤ ሽን ጽሎተꬃ ዘርያ ኡራይ ቱሙ ዎይቱዋ ጫካና።
PRO 11:19 ጽሎተꬃን ምኒደ ደእያ ኡራይ ፓጻ ደአና፤ ሽን ኢታተꬃ ካልያ ኡራይ ሀይቃና።
PRO 11:20 መꬍና ጎዳይ ኢታ ቆፋይ ደእያ አሳቱዋ እጼ፤ ሽን ሱረ ሀመትያዋንቱን ናሸቴ።
PRO 11:21 ኢታ አሳይ ሙረተናን አተና፤ ሽን ጽሎቱ አታናዋንታ።
PRO 11:22 አዱሳ ቆፍ ባይና ፑላንቻ ማጫ ምሽራት ፑላይ ጉዱንꬃ ሲꬍያን አꬄዳ ዎርቃ አሌቁዋ ማላ።
PRO 11:23 ጽሎቱዋ አሙዋ ፖሉ ሎኦ ጻላላ፤ ሽን ኢታቱዋ አሙዋ ፖሉ ሀንቁዋ ጻላላ።
PRO 11:24 እት እት አሳቱ ባረንቱ ሚሻ አሳዉ ጮ ላሊኖ፤ ሽን ኡንቱንቱ አቁ ያ ዳሬ። ሀራ አሳቱ ቃይ ባረንቱ ሚሻዉ ሎይꬅ ኡዘቲኖ፤ ሽን ኡንቱንቱ አቁ ሃ ፓጬ።
PRO 11:25 ኬካ አሳይ ዱረታና፤ ሀራቱዋ ማድያ አሳይ ማደታና።
PRO 11:26 ካꬃይ አልእና ዛልአናዉ ምንጅያ ኡራ አሳይ ሸቄ። ሽን ባረ ካꬃ አሳይ ኮይያ ዎደ ዝልእያ አሳ አንጄ።
PRO 11:27 ሎኦባ ምንሲደ ኮይያ ኡራይ ናሸቻ ደሜ፤ ሽን ኢታባ ኮይያ ኡራ ኢታባይ ደሜ።
PRO 11:28 ባረ ዱረተꬃን አማነትያ አሳይ ኩንዳና፤ ሽን ጽሎቱ ባልጉዋ ምꬃዳን ዳሻና።
PRO 11:29 ባረ ሶ አሳ ቦላ ጫቡዋ ደንꬅያ ኡራይ ጎኤታናባይ አያይነ ባዋ። ቦዛቱካ አꬌዳ ኤራንቻቶ ቆማ ግዳና።
PRO 11:30 ጽሎ አሳይ ደኡዋ አይፍያ አይፍያ ምꬃ ማላ፤ ሸምፑዋ አሽያዋንቱ አꬌዳ ኤራንቻቱዋ።
PRO 11:31 ጽሎቱ ሳኣን ባረንቱ ኦሱዋ ጋትያ አክያዋ ግዶፐ፥ ኢታቱነ ናጋራንቻቱ ባረንቱ ኦሶ አካና ጋቲ ዋን ዳራንዴሻ!
PRO 12:1 ሴርያዋ ዶስያ ኡራይ ኤራተꬃ ዶሴ፤ ሽን ሴራ እጽያ ኡራይ ዶንጭሎዋ።
PRO 12:2 ሎኦ አሳይ መꬍና ጎዳፐ ሳባ ደሜ፤ ሽን መꬍና ጎዳይ ኢታቱዋ ፕርዴ።
PRO 12:3 አሳ ኢታተꬃይ ምንሲደ ኤሰና፤ ሽን ጽሎቱዋ ጻጱ ቃጸና።
PRO 12:4 ዎዛናማ ምሽራታ ባረ አስናዉ ካላቻ ማላ፤ ሽን ባረ አስና ካዉሽያ ምሽራታ አ መቀꬃ ምያ አጃጅያ ማላ።
PRO 12:5 ጽሎቱዋ ቆፋይ ሱረ፤ ሽን ኢታቱዋ ዞሪ ጭሙዋ።
PRO 12:6 ኢታቱዋ ሃሳያይ አሳ ዎꬋናሳ፤ ሽን ጽሎቱዋ ሃሳያይ ኡንቱንታ አሼ።
PRO 12:7 ኢታ አሳቱ ኩንዳና፤ ኡንቱንቶ ዘረꬃይካ ደኤና፤ ሽን ጽሎቱዋ ዘረꬃይ ምኒደ ደአና።
PRO 12:8 አሳይ ባረ አꬌዳ ኤራተꬃ ኬሻ ጋላተቴ፤ ሽን ጌላ ቆፋይ ደእያ አሳይ ካቴ።
PRO 12:9 ዱረ አሳ ማላቲደ፥ መቱዋን ደእያ አሳፐ ጮ አሳ ማላቲደ፥ ኦꬂደ ባረ ደኡዋ ሱግያ አሳይ ኬካ።
PRO 12:10 ጽሎ አሳይ ባረ መህያዉ ቃረቴ፤ ሽን ኢታ አሳ ኬካተꬃዉ መቀꬅ ባዋ።
PRO 12:11 ባረ ቢታ ምንስ ኦꬅያ ኡራይ ካꬃ ካሌ፤ ሽን ፓናባ የደርስያ ኡራዉ አኬካይ ፓጬዳዋ።
PRO 12:12 ኢታቱ ናጋራንቻ አሳቱዋ ኦሞዱዋ አካናዉ አሞቲኖ፤ ሽን ጽሎቱዋ ጻጱ ዳሺደ ደአና።
PRO 12:13 ኢታ አሳ አ ዶናፐ ከሴዳ ሃሳያይ ጲረ ግዲደ ኦይቄ፤ ሽን ጽሉ መቱዋፐ ከስ አኬ።
PRO 12:14 አሳይ ባረ ዶናፐ ከስያ ቃላን ሎኦባ ካሌ፤ ባረ ኦꬄዳ ኦሱዋ ጋትያካ አኬ።
PRO 12:15 ቦዛ አሳይ ብያ ቡሳይ አዉ አ ሁጲያን ልከ ማላቴ፤ ሽን አꬌዳ ኤራንቻ አሳይ ዞርያ ስሴ።
PRO 12:16 ቦዛ ኡራ ሀንቁ ኤለካ ኤረቴ፤ ሽን ጭንጫ አሳይ ቦርያ ካꬊደ አꬌ።
PRO 12:17 ቱሙዋ ሃሳይያ አሳይ ሱረባ ኦዴ፤ ሽን ዎርዱዋ ማርካይ ዎርዱዋን ኦዴ።
PRO 12:18 አኬከናን ሃሳይያ ሃሳያይ ጩብያዳን ጫዴ፤ ሽን አꬌዳ ኤራንቻ እንጻርሳይ ፓꬄ።
PRO 12:19 ዎርዶ ሃሳያይ ጉꬃ ዎድያሳ፤ ሽን ቱሞ ሃሳያይ መꬍናዉ ደአና።
PRO 12:20 ኢታ ቆፕያዋንቱ ዎዛናን ጭሙ ደኤ፤ ሽን ሳሮባ ዞረትያዋንቱ ዎዛናን ናሸቻይ ኩሜ።
PRO 12:21 ጽሎቱዋ መቱ ጋከና፤ ሽን ኢታቶ መቶፐ አትና፥ ሀራባይ ደኤና።
PRO 12:22 መꬍና ጎዳይ ዎርዳንቻቱዋ እጼ፤ ሽን ቱማንቻ አሳቱዋን እ ናሸቴ።
PRO 12:23 ጭንጫ አሳይ ባረ ኤራ ቆሴ፤ ሽን ቦዛቱ ባረንቱ ቦዛተꬃ ኦዲኖ።
PRO 12:24 ምኒደ ኦꬅያ ኡራይ ደርያ ሞዴ፤ ሽን አዛላይ ሞደቴ።
PRO 12:25 ህርግያዌ አሳ ናሸቻ ድጌ፤ ሽን ሎኦተꬃና ደእያ ሃሳያይ አ ናሸቼ።
PRO 12:26 ጽሎ አሳይ ባረ ሾሩዋ ዞሪደ፥ ሱረ ኦግያ ካለꬄ፤ ሽን ኢታቱዋ ኦጊ ቱሙዋፐ ሃሴ።
PRO 12:27 አዛላ አሳይ ሻንካቲደ አሄዳ አሹዋ ካና፤ ሽን ምን ኦꬂደ ደሜዳ ኡራይ ባረ ዱረታዉ ቦንቹዋ እሜ።
PRO 12:28 ጽሎተꬃ ኦግያን ደኡ ደኤ፤ ሄ ኦግያን ሀይቁ ባዋ።
PRO 13:1 ኤራንቻ ናአይ ባረ አዉዋ ሴራ ስሴ፤ ሽን ቅሊጭያዌ ሴራ ስሰና።
PRO 13:2 አሳይ ባረ ዶናፐ ከስያ ቃላን ሎኦባ አኬ፤ ሽን አማንተናዋንቱ ማካላባ አሞቲኖ።
PRO 13:3 ባረ ዶና ናግያ ኡራይ ባረ ሸምፑዋ ናጌ፤ ሽን ኤለካ ሃሳይያ ኡራይ ባረና ꬋይሴ።
PRO 13:4 አዛላይ አሞቴ፤ ሽን አያነ ደመና፤ ሽን ምኒደ ኦꬅያዋንቱ ካላና።
PRO 13:5 ጽሎ አሳቱ ዎርዱዋ ሃሳያ እጺኖ። ሽን ኢታ አሳቱዋ ሃሳያይ ዬላዬነ ካዉሼ።
PRO 13:6 ሱረ ደኡዋ ደእያ ኡራ አ ጽሎተꬃይ ናጌ፤ ሽን ናጋራንቻ አ ናጋራይ ኩንድሴ።
PRO 13:7 ባረና ዱረ ማላትስያ አሳይ ደኤ፤ ሽን አዉ አያይነ ባዋ፤ ሀራይ ቃይ ባረና ህዬሳ ማላትስያዌ ደኤ፤ ሽን አዉ ዳሮ ዱረታይ ደኤ።
PRO 13:8 አሳይ ባረ ሻሉዋን ባረ ሸምፑዋ ዎዛናዉ ዳንዳዬ፤ ሽን ህዬሳ ያሽስያዌ ባዋ።
PRO 13:9 ጽሎቱዋ ጾምፒ ፖጩም ፖኤ፤ ሽን ኢታቱዋ ጾምፒ ቶአና።
PRO 13:10 ኦቶሩ ዋላሳ የሌ፤ ሽን ዞርያ አክያዋንቱ አꬌዳ ኤራንቻ።
PRO 13:11 ዳቡር ባይናን ደሜዳ ሚሻይ ኤለካ ꬋዬ፤ ሽን ምን ኦꬂደ ደሜዳ ዱረታይ፥ ዳር ዳሪደ ቤ።
PRO 13:12 ኮይያዌ ፖለተናን ጋምእያዌ ካዮዬ፤ ሽን አሞቴዳዌ ፖለትያዌ ናሸቼ።
PRO 13:13 ዞርያ ካꬍያ ኡራይ መቱዋን ገሌ፤ ሽን አዛዙዋ ቦንችያ ኡራይ ሳሩዋን ደአና።
PRO 13:14 አꬌዳ ኤራንቻይ እምያ ትምርቲ ደኡዋ ፑልቶ፤ ሄዌ አሳይ ሀይቁዋ ጲርያፐ ከስ አካናዉ ማዴ።
PRO 13:15 አኬካይ ደእያ ኡራይ ቦንቼቴ፤ ሽን አማነተናን አግያዌ ባሻዉ አፌ።
PRO 13:16 ጭንጫ አሳይ ኡባይ ኤራን ኦꬄ፤ ሽን ቦዛይ ባረ ቦዛተꬃ ቆንጭሴ።
PRO 13:17 አሳይ ኪቴዳ ኢታ ኪታንቻይ፥ መቱዋን ገሊኖ፤ ሽን አማንꬅያ አሳቱ ኪቴዳዌ፥ ሳሮተꬃ አሂኖ።
PRO 13:18 ሴራ እጽያ አሳይ ህዬሴነ ዬላቴ፤ ሽን ሴርና ስስያ ኡራይ ቦንቼቴ።
PRO 13:19 አሞቴዳዋ ደምያዌ ሎይꬅ ናሸቼ፤ ሽን ኢታቱ ኢታፐ ሃካናዉ ኮይክኖ።
PRO 13:20 አꬌዳ ኤራንቻ አሳቱዋና ሀመትያ አሳይ አꬌዳ ኤራንቻ ግዴ፤ ሽን ቦዛ አሳቱዋና ሀመትያ አሳይ መቱዋን ገሌ።
PRO 13:21 ናጋራንቻቱዋ ኢታ ካጫይ ካሌ፤ ሽን ጽሎቱ ሎኦ ኦሱዋ ዎይቱዋ አካና።
PRO 13:22 ሎኦ አሳይ ባረ ናናቱዋ ናናቱዋ ላትሴ፤ ሽን ናጋራንቻ ዱረታይ ጽሎ ዳጋቴ።
PRO 13:23 ህዬሳ ጎሻይ ዳሮ ካꬃ አይፋናዉ ዳንዳዬ፤ ሽን ሱረ ፕርዳይ ፓጬዳዋ ጋሱዋን ꬋዬ።
PRO 13:24 ቃይጼርያን ዋꬋናዉ ቃረትያ ኡራይ ባረ ናኣ እጼ፤ ሽን ባረ ናኣ ሲቅያ ኡራይ ምኒደ ሴሬ።
PRO 13:25 ጽሉ አ ኡሉ ካላና ጋካናዉ ሜ፤ ሽን ናጋራንቻይ ኮሻቴ።
PRO 14:1 አꬌዳ ኤራንቻ ምሽራታ ባረ ጎልያ ኬጻዉ፤ ሽን ቦዛታ ባረ ጎልያ ባረ ኩሽያን ኮላዉ።
PRO 14:2 ሱረ ሀመትያ አሳይ መꬍና ጎዳዉ ያዬ፤ ሽን ባረ ኦግያ ጌላይያ አሳይ መꬍና ጎዳ ካꬌ።
PRO 14:3 ቦዛ ሃሳያይ አ ዞክያዉ ጻምኣ አዬ፤ ሽን አꬌዳ ኤራንቻቱዋ እንጻርሳይ ኡንቱንታ ናጌ።
PRO 14:4 ቦራቱ ባይና ሳን ዬሲ መላ ደኤ፤ ሽን ነዉ ጎሽያ ዎልቃማ ቦራቱ ደኦፐ፥ ነ ዬስያን ካꬃይ ኩሜ።
PRO 14:5 አማነትያ ማርካይ ኡባ ገደ ቱሙዋ ኦዴ፤ ሽን ዎርዱዋ ማርካይ ዎርዱዋ ጻላላ ሃሳዬ።
PRO 14:6 ቅሊጭያዌ አꬌዳ ኤራተꬃ ኮዬ፤ ሽን ደመና፤ አኬካይ ደእያ አሳይ ኤራተꬃ ደማናዌ አ ዋይሰና።
PRO 14:7 ቦዛ አሳፐ ሃካ፤ አያዉ ጎፐ፥ ኔን አ ሃሳያፐ ኤራ ደማካ።
PRO 14:8 ጭንጫ አሳይ ባረ ኦꬅያዋ ኤርያ ድራዉ፥ አꬌዳ ኤራንቻ፤ ሽን ቦዛ አሳይ አይነ ኤረናንካ ኤርያዋ ማላትያ ድራዉ ጭሜ።
PRO 14:9 ቦዛቱ ናጋራ ኦꬂደ፥ ካዮትያዋ አጊደ ቅሊጪኖ፤ ሽን ሱረቱ ባረንቱ ናጋራይ አቶ ጌተታናዋ ኮዪኖ።
PRO 14:10 ባረ ዎዛና ካዩዋ እዛዉ ኤሬ፤ አ ናሸቻካ ኦንነ አናና ኮጸና።
PRO 14:11 ኢታቱዋ ጎሊ ኮለተና፤ ሽን ሱረቱዋ ጎሊ ምኒደ ደአና።
PRO 14:12 አሳዉ ልከ ማላትያ ኦጊ ደኤ፤ ሽን ቢና፥ አ ዉርሰꬃይ ሀይቁዋን ከስ የጌ።
PRO 14:13 ሚቻንካ ዎዛናይ ካዮት ኤሬ፤ ናሸቻ ዉርሰꬃይካ ካዩዋ ግዳናዉ ዳንዳዬ።
PRO 14:14 ኢታ አሳይ ባረ ኢታ ኦሱዋ ጋትያ አካና፤ ሎኦ አሳይካ ባረ ሎኦ ኦሱዋ ጋትያ አካና።
PRO 14:15 ቦዛ አሳይ ኡባ አማኔ፤ ሽን ጭንጫይ አኬኪደ ታንጌ።
PRO 14:16 አꬌዳ ኤራንቻ አሳይ መꬍና ጎዳ ያዬ፤ ኢታፐካ ሃኬ፤ ሽን ቦዛይ አላለ ጌናነ ኤሌሌ።
PRO 14:17 ኤለ ሀንቀትያ አሳቱ ቦዛ ኦሱዋ ኦꬂኖ። ሽን ጭንጫቱ ዳንዳያንቻ።
PRO 14:18 ቦዛቱ ባረንቱ ቦዛተꬃ ጋትያ አኪኖ፤ ሽን ጭንጫቱ ኤራተꬃ ካላቻዳን ዎꬃናዋንታ።
PRO 14:19 ኢታ አሳቱ ሎኦ አሳቱዋ ስንꬃን ሆኪደ፥ ማሮታ ዎሳና። ናጋራንቻቱካ ጽሎቱዋ ፐንግያን ሆካና።
PRO 14:20 ህዬሳይ ባረ ሾሩዋንካ ዶሰተና፤ ሽን ዱረቶ ዳሮ ላገቱ ደኢኖ።
PRO 14:21 ባረ ሾሩዋ ካꬍያ አሳይ ናጋራ ኦꬄ፤ ሽን ህዬሳ ማድያዌ አንጀቴዳዋ።
PRO 14:22 ኢታባ ማቀትያዋንቱ ባሊኖ ግድክኖ? ሽን ሎኦባ ኦꬃናዉ ሀልችያዋንቱ ቱማተꬃነ አገና ሲቁዋ ደሚኖ።
PRO 14:23 ምኒደ ኦꬅያዋን ኡባን ጎአይ ደኤ፤ ሽን ጮ መላ ሃሳያይ ህዬሳተꬃ ጻላላ አዬ።
PRO 14:24 አꬌዳ ኤራንቻቶ ኡንቱንቱ ዱረተꬃይ ካላቻ፤ ሽን ቦዛቱ ባረንቱ ቦዛተꬃ ጉጅ ጉጂደ ቦዚኖ።
PRO 14:25 ቱሙ ማርካይ ሸምፑዋ አሼ፤ ሽን ዎርዱዋ ማርካይ ባለꬄ።
PRO 14:26 መꬍና ጎዳዉ ያይያ ኡራዉ ምኖ ጌሱ ደኤ። እ አ ናናቶካ ባቃቲደ አትያ ሳኣ ግዳናዋ።
PRO 14:27 መꬍና ጎዳዉ ያይያዌ ደኡዋ ፑልቶ፤ ሄዋ ድራዉ፥ መꬍና ጎዳዉ ያይያዌ ሀይቁዋ ጲርያፐ አሼ።
PRO 14:28 ካትያ ግታተꬃይ እ ሞድያ አሳ ጮራተꬃና፤ ሽን እ ሞድያ አሳይ ꬋዮፐ፥ እካ ፓና።
PRO 14:29 ዳንዳያንቻ አሳዉ ዎልቃማ አኬካይ ደኤ፤ ሽን ኤለ ሀንቀትያ አሳይ ባረ ቦዛተꬃ ቆንጭሴ።
PRO 14:30 ዎፑ ጌዳ ዎዛናይ ቦላ ፓጻ ዎꬄ፤ ሽን ቃናቲ ቦላዉ አጃጅያ ሀርግያ ማላ።
PRO 14:31 ህዬሳቱዋ ናቂያ አሳይ ኡንቱንታ መꬌዳዋ ጫሼ፤ ሽን መቶታንቻቶ ኬክያ አሳይ ጾሳ ቦንቼ።
PRO 14:32 ኢታቱ ባረንቱ ኢታ ኦሱዋን ኩንዳና፤ ሽን ጽሎቱ ባረንቱ ሱረተꬃን ሀይቁዋፐ ናገታና።
PRO 14:33 አኬካንቻ አሳ ዎዛናን አꬌዳ ኤራተꬃይ ኩሜዳ፤ ሽን ቦዛቱ አꬌዳ ኤራተꬃ አያነ ኤርክኖ።
PRO 14:34 ጽሎተꬃይ እት ካዉተꬃ አሳ ꬎቁ ꬎቁ ኦꬄ፤ ሽን ናጋራይ አይ አሳነ ካዉሼ።
PRO 14:35 ካቲ ኤራንቻ ቆማን ናሸቴ፤ ሽን ዬላይያ ኦሱዋ ኦꬅያ ቆማ ሀንቀቴ።
PRO 15:1 ሊቆ ዛሩ ሀንቁዋ ዛርቢሴ፤ ሽን ፖዶላ ቃላይ ሀንቁዋ ደንꬄ።
PRO 15:2 አꬌዳ ኤራንቻ እንጻርሳይ ኤራ ሎይꬄ፤ ሽን ቦዛቱዋ ዶናይ ቦዛተꬃ ፑልቴ።
PRO 15:3 መꬍና ጎዳ አይፈቱ ኡባሳ ጼሊኖ፤ ኢታ ኦꬅያዋንታካ ሎኡዋ ኦꬅያዋንታካ በኢኖ።
PRO 15:4 ሊቆ ሃሳያይ ደኡዋ ምꬃ ማላ፤ ሽን ጭምያ ሃሳያይ አያና መንꬄ።
PRO 15:5 ቦዛ አሳይ ባረ አዉዋ ሴራ ካꬌ፤ ሽን ባረ አዉዋ ሴራ አክያ አሳይ ጭንጫ።
PRO 15:6 ጽሎ ኡራ ጎልያን ዳሮ ሚሻይ ደኤ፤ ሽን ኢታዉ ገልያ ሚሻይ መቱዋ አዬ።
PRO 15:7 አꬌዳ ኤራንቻቱዋ ዶናይ ኤራ ዘሬ፤ ሽን ቦዛቱዋ ዎዛናይ ሄዋ ማላ ግደና።
PRO 15:8 መꬍና ጎዳይ ኢታቱዋ ያርሹዋ ሸነቴ፤ ሽን ሱረቱዋ ዎሳይ አ ናሸቼ።
PRO 15:9 መꬍና ጎዳይ ኢታ አሳቱዋ ሄመታ ሸነቴ፤ ሽን ጽሎተꬃ ካልያዋንታ እ ሲቄ።
PRO 15:10 ሱረ ኦግያ አጌዳ አሳ ኢታ ሙሩ ናጌ፤ ሴራ እጽያ አሳይ ሀይቄ።
PRO 15:11 ዱፉነ ባሻይ መꬍና ጎዳ ስንꬃን ቆንጭያን ቤቲኖ። ያትና፥ አሳ ዎዛና ቆፋይ ዋን አፐ ጌማኔ?
PRO 15:12 ቅሊጭያ አሳይ ሴርያዋ ዶሰና፤ አꬌዳ ኤራንቻቱዋፐካ ዞርያ ኦቼና።
PRO 15:13 ዎዛናይ ናሸትና፥ ሶምኢ ፖኤ፤ ሽን ዎዛናይ ካዮቶፐ፥ ሄ አያናይ መኤ።
PRO 15:14 አኬክያ ዎዛናይ ደእያ አሳይ ኤራተꬃ ኮዬ፤ ሽን ቦዛቱ ባረንቱ ቦዛተꬃን ናሸቲኖ።
PRO 15:15 ህዬሳቱዋ ደኡ ኡባ ጋላስካ ባጸ። ሽን ናሸትያ አሳቱ ኡባ ገደካ ባረንቱ ደኡዋን አሊኖ።
PRO 15:16 ዋላሳይ ደእያ ዎልቃማ አቁዋፐ መꬍና ጎዳ ያሻተꬃይ ደእያ ጉꬃባይ ኬካ።
PRO 15:17 ዋላሳይ ደእያ ሳን ሞꬎ አሹዋ ማናፐ ሲቁ ደእያ ሳን ሳንꬃ ምያዌ ኬካ።
PRO 15:18 ሀንቀትያ አሳይ ዋላሳ ከሴ፤ ሽን ሀንቀታናዉ ኤሌለና አሳይ ዋላሳ እርጽሴ።
PRO 15:19 አዛላ ኡራ መቱ አ ኦግያ ኡባን አጉንꬃ ድርሳ ማላ፤ ሽን ሱረ ኡራ ኦጊ ደምባ።
PRO 15:20 ጭንጫ ናአይ ባረ አዉዋ ናሸቼ፤ ሽን ቦዛ ናአይ ባረ አቶ ካꬌ።
PRO 15:21 ዎዛን ባይና አሳይ ባረ ቦዛተꬃን ናሸቴ፤ ሽን ዎዛናማ አሳይ ልከባ ኦꬄ።
PRO 15:22 ዞረታይ ꬋዮፐ፥ ሀልቼዳዌ ፖለተና፤ ዳሮ ዞርያዋንቱ ደእያ ሳን ሀልቼዳዌ ፖለቴ።
PRO 15:23 ኦሸቴዳዎ ልከ ዛሩዋ ዛርያዌ ሄ ኡራ ናሸቼ፤ ሃሳያ ልከ ዎድያን ሃሳይያዌ አይባ ሎኦቤ!
PRO 15:24 አꬌዳ ኤራንቻይ ቦላዉ ካለꬅያ ደኡዋ ኦግያን ሀመቴፐ አትና፥ ዱገ ዱፉዋ ዎꬅያ ኦግያን ሀመተና።
PRO 15:25 መꬍና ጎዳይ ኦቶራንቻቱዋ ጎልያ ኮላና፤ ሽን አምአቲ ዛዋ ናጌ።
PRO 15:26 መꬍና ጎዳይ ኢታቱዋ ቆፋ ሸነቴ፤ ሽን ጌሻ ቃላይ አ ናሸቼ።
PRO 15:27 ዎርዱዋን ዎꬍያ ደማናዉ ጃምያ አሳይ ባረ ሶ አሳ ቦላ መቱዋ አዬ፤ ሽን ማታይያ እጽያ አሳይ ፓጻ ደአና።
PRO 15:28 ጽሎ አሳይ ሃሳያናፐ ካሰቲደ ቆፔ፤ ሽን ኢታቱዋ እንጻርሳይ ፓላባ ፑልቴ።
PRO 15:29 መꬍና ጎዳይ ኢታቱዋፐ ሃኬ፤ ሽን ጽሎቱዋ ዎሳ ስሴ።
PRO 15:30 ፓሽኪደ ጼልያ ጼላይ ዎዛና ናሸቼ፤ ምሽራቹዋ ኦዱካ ቦላ ፓꬄ።
PRO 15:31 ደኡዋ እምያ ዞርያ ስስያ አሳይ አꬌዳ ኤራንቻቱዋና እትፐ ደአና።
PRO 15:32 ሴራ እጽያ አሳይ ባረና ቆሄ፤ ሽን ሴራ አክያ አሳይ አኬካ ደሜ።
PRO 15:33 መꬍና ጎዳዉ ያይያዌ አሳ አꬌዳ ኤራተꬃ ታማርሴ፤ ቦንቼታና ኮዬዳ አሳይ ኮይሮ ባረና ካዉሻናዉ ኮሼ።
PRO 16:1 አሳይ ባረ ዎዛናን ሀልቼ፤ ሽን ልከ ዛሩ መꬍና ጎዳፐ ቤቴ።
PRO 16:2 አሳይ ኦꬅያ ኦሱዋ ኡባይ አዉ ልከ ማላቴ፤ ሽን መꬍና ጎዳይ ኮይሮ ደንዱዋ ቆፋ ይግ ጼሌ።
PRO 16:3 ነ ኦꬅያዋ ኡባ ሀዳራ መꬍና ጎዳዉ እማ፤ ያቶፐ፥ ኔን ሀልቼዳዌ ፖለታና።
PRO 16:4 መꬍና ጎዳይ መꬌዳዋ ኡባ ባረ ሀልቾ መꬌዳ፤ ሀንንቶካ ማካላንቻቱዋ ዉርሰꬃይ ባየꬃ።
PRO 16:5 መꬍና ጎዳይ ኦቶረትያ ኡባ ሸነቴ፤ ኡንቱንቱ ሙረተናን አትክኖ።
PRO 16:6 አገና ሲቁዋንነ አማነትያዋን ናጋራይ አቶ ጌተቴ፤ አሳይ መꬍና ጎዳዉ ያይያዋን ኢታባ ኦናን ናገቴ።
PRO 16:7 አሳ ሀመታይ መꬍና ጎዳ ናሸችያዋ ግዶፐ፥ ሄ ኡራዉ ባረ ሞርከቱዋናካ ሳሮ ደአናዳን፥ ጾሳይ ኦꬄ።
PRO 16:8 ጽሎተꬃን ቤትያ ጉꬃባይ ዎርዱዋን ደምያ ዳሮ ዎꬍያፐ ኬካ።
PRO 16:9 አሳይ ባረ ዎዛናን ባረ ኦꬃናባ ሀልቼ፤ ሽን ሀልቹ መꬍና ጎዳይ ማድና ፖለቴ።
PRO 16:10 ካቲ ጾሳፐ አኬዳ ማታን ፕርዴ፤ ፕርዲደ እ ባለና።
PRO 16:11 ሚዛናቱነ ማክያ ሚሻቱ አማንꬅያዋንታ ግዳናዳን፥ መꬍና ጎዳይ ኮዬ፤ ዛልእያዋ ኡባን ጭሙ ደኤናዳን ኮዬ።
PRO 16:12 ካተቱ ባይዙዋ ኦሱዋ ሸነቲኖ፤ አያዉ ጎፐ፥ ኡንቱንቱ ካዉተꬃ አራታይ ጽሎተꬃን ኤቄ።
PRO 16:13 ካተቱ ጽሎ እንጻርሳን ናሸቲኖ፤ ቱሙዋ ሃሳይያዋንታካ ዶሲኖ።
PRO 16:14 ካትያ ሀንቁ ሀይቁዋ ኪታንቻ ማላ፤ ሽን አꬌዳ ኤራንቻ አሳይ ሀንቁዋ እርጽሳናዉ አዉዳሼ።
PRO 16:15 ካትያ ሶምኢ ፓሽኮፐ፥ ሄዌ ስም ደኡዋ። እ ናሽያዌ ባꬌሳ እራ አህያ ሻርያ ማላ።
PRO 16:16 አꬌዳ ኤራተꬃ ደምያዌ ዎርቃ ደምያዋፐ ኬካ፤ አኬካ ደምያዌ ብራ ደምያዋፐካ አꬌ።
PRO 16:17 ሱረቱ ብያ ኦጊ ኢታይ ደኢያሳፐ ሃኩዋና አꬄ፤ ባረ ሄመታ ናግያ ኡራይ ባረ ሸምፑዋ ናጌ።
PRO 16:18 ኦቶሩዋ ጌዱዋ ባሻይ ካሌ፤ አዩዋ ጌዱዋካ ኩንደꬃይ ካሌ።
PRO 16:19 አይያዋንቱና ዙፐቲደ፥ ኦሞዱዋ ሻክ አካናፐ አሽከ ግዲደ፥ ህዬሲደ ደእያዌ ኬካ።
PRO 16:20 መꬍና ጎዳ ቃላ ሎይꬂደ ሀይዝያ ኡራዉ እ ኦꬅያዌ ኡባይ እንጀታና፤ ጾሳን አማነትያ ኡራይ አንጀቴዳዋ።
PRO 16:21 ባረ ቆፋን አꬌዳ ኤራንቻ ግዴዳ አሳይ አኬካንቻ ጌተቴ፤ ሎኦ ቃላይ ኤራተꬃ ጉጄ።
PRO 16:22 ጭንጫ ኡራዉ ኤራተꬃይ ደኡዋ ፑልቱዋ ማላ፤ ሽን ቦዛቱዋ ሴርያዌ ጮ ዎድያ ዉርስያዋ።
PRO 16:23 አꬌዳ ኤራንቻ አሳይ ሃሳያናፐ ካሰቲደ ቆፔ፤ አሳይ አክያ ሃሳያ ሃሳዬ።
PRO 16:24 ሎኦ ቃላይ ኤሳ እልሉዋዳን ማልኤ፤ ቦላካ ማዴነ ፓꬄ።
PRO 16:25 አሳዉ ሱረ ማላትያ ኦጊ ደኤ፤ ሽን ዉርሰꬃን ሀይቆ ጋꬄ።
PRO 16:26 ኮሻይ አሳይ ምኒደ ኦꬃናዳን ደንꬄ።
PRO 16:27 ኢታ አሳይ ኢታባ ሀልቼ፤ አ ሃሳያይካ ጹግያ ታማ ማላ።
PRO 16:28 ጌላ አሳይ ዋላሳ ደንꬄ፤ ዝግርያ አሳይ አማነትያ ላገቱዋ ሻኬ።
PRO 16:29 ማካላ አሳይ ባረ ሾሩዋ ጭሜ፤ ሎኦ ግደና ኦግያዉ እ አ ካለꬄ።
PRO 16:30 ባረ አይፍያ ስምእያ አሳይ ጌላባ ቆፔ፤ ባረ መተርሻ ሳኢደ ማንድያ አሳይ ኢታባ ፖሌ።
PRO 16:31 ፑሉሜዳ ሁጲ ቦንቾ ካላቻ፤ ሄዌካ ቤትያዌ ጽሎ ደኡዋ ደእና።
PRO 16:32 ዎልቃማ አሳ ግድያዋፐ፥ ሀንቀታናዉ ኤሌለና አሳ ግድያዌ ሎአ፤ ዳሮ ካታማቱዋ ኦሊደ ኦይቂያዋፐ፥ አሳይ ባረ ሁጲያ ሞድያዌ አꬌ።
PRO 16:33 አሳይ ሳማ የጌ፤ ሽን መꬍና ጎዳይ ኡባባ ዉርሰꬃ ቃቼ።
PRO 17:1 ዋላሳይ ደእያ ሳን ደእያ ዎልቃማ ግብራፐ ሳሩነ ዎፓይ ደእያ ሳን መላ ኡክꬃ ፖቁዋ ምያዌ ኬካ።
PRO 17:2 ጭንጫ ቆማይ ባረ ጎዳ ናኣ ፓና ላፋ ሞዴ፤ ያቲደ እሻቱዋና እትፐ ላቴ።
PRO 17:3 ዎርቃይነ ብራይ ታማን ፓጨትያዋዳን፥ መꬍና ጎዳይ አሳ ዎዛና ፓጬ።
PRO 17:4 ኢታ አሳይ ኢታ ኡራ ሃሳያ ስሴ፤ ዎርዳንቻይካ ማካላ ኦዱዋ ሀይዜ።
PRO 17:5 ህዬሳቱዋ ቦላ ቅሊጭያ አሳይ ኡንቱንታ መꬌዳ ጾሳ ቦሬ፤ ሀራ አሳ ጋክያ መቱዋን ናሸትያ አሳይ ሙረተናን አተና።
PRO 17:6 ናናቱዋ ናናቱ ጭሜዳ አሳቶ ካላቻ፤ አዎቱነ አየቱ ባረንቱ ናናቶ ቦንቾ።
PRO 17:7 ዳሮ ሎኦ ሃሳያይ ቦዛ ኡራዉ ጊገና፤ ሄዋፐካ አꬉዋ ዎርዱዋ ሃሳያይ አሳ ሞድያዎ ጊገና።
PRO 17:8 ማታይያ እምያዎ ማታዪ ብታ ማላ፤ እ ስሜዳ ሳኣ ኡባይ አዉ እንጀቴ።
PRO 17:9 ናቀቲደ ባረ ናቁዋ ገንꬅያ ኡራይ ሲቁዋ ኮዬ፤ ሽን የዉዋ ዛር ዛሪደ ዎጭያ ኡራይ፥ አማነትያ ላገቱዋ ሻኬ።
PRO 17:10 ቦዛይ ጼቱ ገደ ልሱዋን ሾጭና ኤርያዋፐ አኬካይ ደእያ አሳይ ጮ ሴርና ኤራይ አꬌ።
PRO 17:11 ኢታ አሳይ ማካላባ ጻላላ ኮዬ፤ ሄዋ ድራዉ፥ መቀꬅ ባይና ካፑ አ ቦላ ኪተታና።
PRO 17:12 ቦዛተꬃይ ኦይቄዳ ኡራና ጋከትያዋፐ ማራቱዋ ቦንቂ አክ ድጌዳ ማሀትና ጋከትያዌ ኬካ።
PRO 17:13 ሎኡዋ ኦꬄዳዋ ኩሽያ ኢታ ዛርያ ኡራዉ ኢታይ አ ሶፐ ኡባካ ክቼና።
PRO 17:14 ዋላሳይ ዶሚደ፥ ዜሩዋ ꬉስያ ሃꬃ ማላ፤ ሄዋ ድራዉ፥ ዋላሳፐ ካሰታደ ፓሉምያ አጋ።
PRO 17:15 ናጋራንቻ ጽልስያዌነ ጽሉዋ ቦላ ፕርድያዌ ኡንቱንቱ ላኡካ መꬍና ጎዳ ሸነይያ ኦሱዋ።
PRO 17:16 አኬካካ ደማናዉ አሙ አዉ ባይናን ደእሽን፥ ቦዛ ኩሽያን ደእያ ሚሻይ አ አያ ማዳነ?
PRO 17:17 ላጊ ኡባ ዎደካ ሲቄ፤ እሻይካ መቱዋ ዎደ ማዳናዉ የለቴ።
PRO 17:18 አኬካይ ፓጬዳ አሳይ ኤረና ኡራ አጩዋ ጭጋናዉ ዋስያ ገሌ።
PRO 17:19 ዋላሳ ዶስያ አሳይ ናጋራ ዶሴ፤ ኡባ ገደ ጬቀትያ አሳይ ባየꬃ ባረ ቦላ ጼሴ።
PRO 17:20 ጌላ ቆፋይ ደእያ አሳይ ሎኦባ ደመና፤ ጭምያዋ ሃሳይያ አሳይካ መቱዋን ገሌ።
PRO 17:21 ቦዛ ናኣ የሌዳ አዉ ካዮቴ፤ ቦዛ ናኣ አዎ ናሸቻይ ባዋ።
PRO 17:22 ዎዛናይ ናሸትያዌ አሳዉ ሎኦ ꬋለ፤ ሽን ካዮትያ አያናይ አሳዉ ዎልቃ ꬋይሴ።
PRO 17:23 ኢታ አሳይ ፕርዳ ጌላያናዉ ጌማን ማታይያ አኬ።
PRO 17:24 አኬካይ ደእያ ኡራይ አꬌዳ ኤራተꬃ ስንꬃን ዎꬂደ ቤ፤ ሽን ቦዛ አይፊ ቢታ ሳኣ ዩሹዋ ዩዪደ ጼሌ።
PRO 17:25 ቦዛ ናአይ ባረ አዉዋ ካዮዬ፤ ባረና የሌዳ አቶካ ዝልእሴ።
PRO 17:26 ጽሎ አሳ ሙርያዌ፥ ሱረ አሳካ ደችያዌ ሎአ ግደና።
PRO 17:27 አማሬኤዳ ቃላ ሃሳይያ አሳይ ኤራንቻ፤ ዎፓ አያናይ ደእያ አሳይካ አኬካንቻ።
PRO 17:28 ቦዛ ኡራይ ጮኡ ጎፐነ ባረ ዶና ባሮፐ፥ ኤራንቻ ማላቴ።
PRO 18:1 ሻከታናዉ ኮይያ አሳይ ባረ አሙዋ ካሌ፤ ሎኦ ኤራ ኡባካ ጳልቄ።
PRO 18:2 ቦዛይ ባረ ቆፋ ቆንጭሳናዋ ጻላላ ዶስያዋፐ አትና፥ ሀራ አሳፐ ኤራ አካናዉ ዶሰና።
PRO 18:3 ኢታተꬃይ ይያ ዎደ፥ ካꬊ፥ ካዉሻይነ ዬላይ አ ካሊደ ይ አጊኖ።
PRO 18:4 አሳ ዶናፐ ከስያ ሃሳያይ ጪሞ ሃꬃ ማላ፤ አꬌዳ ኤራተꬃ ፑልቱካ ጎግያ ሃꬃ ማላ።
PRO 18:5 ባይዛንቻ ማዲደ፥ ጽሉዋ ፕርዳ ጌላይያዌ ሎአ ግደና።
PRO 18:6 ቦዛ አሳይ ባረ ሃሳያን ዋላሳ ደንꬄ፤ አ ዶናፐ ከስያ ቃላይ አ ቦላ ጻምኣ ጼሴ።
PRO 18:7 ቦዛ አሳይ፥ ሃሳዪደ ባረና ቆሄ፤ አ ሃሳያይ ግትያ ግዲደ፥ አ ኦይቄ።
PRO 18:8 ዝግርሳ ቃላይ ማልኦ ቁማ ማላ፤ ናሸቺደ ዱገ ጋንጅያ ጋኬ።
PRO 18:9 ባረ ኦꬅያ ኦሱዋን አዛልያ አሳይ ባይዝያ ኡራፐ አይነ ዱማተና።
PRO 18:10 መꬍና ጎዳ ሱንꬃይ ምኖ ግምቢያ ማላ፤ ጽሎ አሳይ ያ ዎጺደ ሳሮ አታና።
PRO 18:11 ሽን ዱረ አሳቶ ኡንቱንቱ ዱረተꬃይ ዩሹ ግምበቴዳ ካታማ ማላ፤ ኡንቱንቱ ቆፋን ኡንቱንቱ ዱረተꬃይ ምኖ ድርሳዳን ኡንቱንታ ናግያዋ ማላቴ።
PRO 18:12 አሳይ ኩንዳናፐ ካሰ አ ዎዛናይ ኦቶረቴ፤ ቦንቼትያዋፐካ ባረ ሁጲያ ዝቂ ኦꬅያዌ ስንꬃቴ።
PRO 18:13 ስሰናን ደኢድ ዛርያዌ፥ ሄዌ ሄ ኡራዉ ቦዛተꬃነ ዬላ።
PRO 18:14 አሳ አያናይ ሀርግያ ዳንዳያናዳን ማዴ፤ ሽን አያናይ መኤረት ክቾፐ፥ አ ኦን ዳንዳያኔ?
PRO 18:15 አኬካንቻ አሳቱ ታማራናዉ ሎይꬅ ኮዪኖ፤ አꬌዳ ኤራይ ደእያዋካ ሀይዚኖ።
PRO 18:16 እምያዌ እምያዎ ኦግያ ዶዬ፤ ዎልቃማ አሳናካ ኤርሴ።
PRO 18:17 ካሰቲደ ዳናን ሞትያ ኡራይ ባልጋራይ ዪደ አ ኦቻና ጋካናዉ፥ ኡባ ገደካ ሄ ኡራይ ጽሉዋ ማላቴ።
PRO 18:18 ሳማ የግያዌ ፓሉምያ ተኤ፤ ላኡ ዎልቃማ ባልጋራቱዋካ ሻኬ።
PRO 18:19 ናቀቴዳ እሻይ ግምበቴዳ ካታማፐ አꬊደ ምኔ፤ አ ፓሉሚካ ብራታ ጎርዱዋ ማላ።
PRO 18:20 ባረ ዶናን ሃሳዬዳዋፐ አሳይ ባረ ጋንጅያ ኩንꬄ፤ ባረ እንጻርሳፐ ከሴዳዋን ካሌ።
PRO 18:21 ኔን ሃሳዬዳዌ ኔና ዎꬄ ዎይ ዎꬌ፤ ሄዋ ድራዉ፥ ኔን ነ ሃሳያ ጋሱዋን ይያዋ አካናዉ ደኣሳ።
PRO 18:22 ማቻቶ ደሜዳ አሳይ ሎኦባ ደሜዳ፤ ሄ ኡራይ መꬍና ጎዳንካ ናሸቴ።
PRO 18:23 ህዬሳ አሳይ አዉዳሺደ ሃሳዬ፤ ሽን ዱሪ ፔኑቄቲደ ዛሬ።
PRO 18:24 ዳሮ ላጊ ደእያ አሳይ ꬋያና፤ ሽን እሻፐ አꬊደ አማንꬅያ ላጊ ደኤ።
PRO 19:1 ዎርዶ ሃሳያ ሃሳይያ ቦዛፐ ባረ ደኡዋን ቶሺ ባይና ህዬሳ አሳይ ኬካ።
PRO 19:2 ኤር ባይና ሴላይ ሎአ ግደና፤ ሀመቲደ ኤሌልያ ኡራይካ ዎራ ቤ።
PRO 19:3 እት እት አሳይ ባረ ቦዛተꬃን ባረ ደኡዋ ባይዜ፤ ያቲደ ቃይ መꬍና ጎዳ ቦላ ይሎቴ።
PRO 19:4 ዱረተꬃይ ዳሮ ላገቱዋ ጉጄ፤ ሽን ህዬሳተꬃይ ደእያ ላገቱዋካ ዱꬄ።
PRO 19:5 ዎርዶ ማርካይ ሙረተናን ቤና፤ ዎርዱዋ ሃሳይያዋንቱካ ከስ አክክኖ።
PRO 19:6 ዳሮ አሳይ ሞድያ አሳ ስንꬃ ኮዬ፤ ጮ እምያ ኡራና አሳይ ኡባይ ዳቦቴ።
PRO 19:7 ህዬሳ አሳ አ እሻቱ ኡባይ እጺኖ፤ ሄዋፐካ አꬉዋ አ ላገቱ አፐ ሃኪኖ፤ እ ኡንቱንታ አዉዳሺደ ካልናካ፥ ኡንቱንቱ አ ጋꬅ ኦይꬅክኖ።
PRO 19:8 አꬌዳ ኤራተꬃ ደምያዌ ባረና ሲቄ፤ አኬካ ካርህ ኦꬅ ኦይቂያዌ ሎኦባ ደሜ።
PRO 19:9 ዎርዶ ማርካይ ሙረተናን አተና፤ ዎርዱዋ ሃሳይያዌካ ꬋያና።
PRO 19:10 ቦዛ ኡራዉ እሻሎ ደኡ በሰና፤ ሄዋፐካ አይሊ ካፖቱዋ ሞድያዌ ኢታ ዳሬ።
PRO 19:11 አꬌዳ ኤራተꬃይ አሳዉ ዳንዳያ እሜ፤ ባይዜዳ ኡራዉ አቶ ግያዌካ ቦንችሴ።
PRO 19:12 ካትያ ሀንቁ ጋሙዋ ጉዱዋ ማላ፤ ሽን አ ሳባይ ማታ አጭስያ ከተርሳ ማላ።
PRO 19:13 ቦዛ ናአይ ባረ አዉዋ ꬋይሴ፤ ዋላሳንቻ ማቻታካ ጎሊ ኡባ ገደ ጾክያ ጾኩዋ ማላ።
PRO 19:14 እት አሳይ ጎልያነ ማጹዋ ባረ አዉዋፐ ላታናዉ ዳንዳዬ፤ ሽን አኬካንቻ ማቻቶ መꬍና ጎዳይ እሜ።
PRO 19:15 ጮ ዞልፓካትያ ኡራዉ ገምእሹ ዬ፤ ኦሱዋ ኦና አሳይ ኮሻቴ።
PRO 19:16 አዛዙዋ ናጊደ ኦꬅያ አሳይ፥ ባረ ሸምፑዋ ናጌ፤ ሽን ሸነኮ ግያ አሳይ ሀይቄ።
PRO 19:17 ህዬሳዉ ኬክያ አሳይ መꬍና ጎዳዉ ታልኤ፤ እ ሄ ሎኦ ኦሱዋ አጩዋ ጭጌ።
PRO 19:18 ስምያ ህዶታይ ደእሺና፥ ነ ናናቱዋ ሴራ፤ ሴራና ꬋዮፐ፥ ኔን ኡንቱንታ ባይዛዳ።
PRO 19:19 ሀንቁዋ ሱልያ አሳይ ባረ ጋትያ አኮ፤ አ አጋ፤ ኔን አ አሽያዋ ግዶፐ፥ ሀራቱዋካ ኔን አ ሄዋዳን ኦꬃናዌ አተና።
PRO 19:20 ዞርያ ስሳ፤ ትምርትያካ አካ። ያቶፐ፥ ኔን ዉርሰꬃን አꬌዳ ኤራንቻ ግዳናሳ።
PRO 19:21 አሳይ ዳሮባ ሀልቼ፤ ሽን መꬍና ጎዳይ ጌዳዌ ፖለቴ።
PRO 19:22 አሳፐ ኮየትያዌ አገና ሲቁዋ፤ ዎርዳንቻ ግዳናፐ ህዬሳ ግድያዌ ኬካ።
PRO 19:23 መꬍና ጎዳዉ ያይያዌ ደኦ ካለꬄ፤ አዉ ያይያ አሳይ ካሊደ ደኤ፤ ኢታባይካ አ ቦቼና።
PRO 19:24 እት እት አሳይ ዳሮ አዛላ፤ ዎጽያን ቱሼዳ ሶሉዋካ ፑደ ባራናዉ ዋየቴ።
PRO 19:25 ኔን ቅሊጭያዋ ሾጮፐ፥ አኬካይ ፓጬዳዌ ጭንጫተꬃ ታማራና፤ አኬካንቻ አሳ ኔን ሴሮፐ፥ እ ኤራተꬃ ደማና።
PRO 19:26 ባረ አዉዋ ቦንቂያ ናአይ፥ ባረ አቶካ ሶፐ ከሲደ የደርስያ ናአይ፥ ሄ ናአይ ዬላነ ካዉሻ አህያ ናኣ።
PRO 19:27 ታ ናአዉ፥ ኔን ዞርያ ስስያዋ አጌዳዋ ግዶፐ፥ ኤራዉ ዞክያ ዛራዳ።
PRO 19:28 ዎርዶ ማርካይ ሱረ ፕርዳ ቦላ ቅሊጬ፤ ኢታ አሳ ዶናይ ኢታተꬃ ጉጂደ ምቴ።
PRO 19:29 ቅሊጭያዋንቶ ፕርዳይ፥ ቦዛቶካ ዋꬋይ ኮሼ።
PRO 20:1 ዳሮ ማꬆይያ ኡሻ ኡሽያዌ ዳሮ ብድሴነ ዋላሴ፤ ማꬆትያ አሳይ ዎዛናይ ፓጬዳ አሳ።
PRO 20:2 ካትያ ሀንቁ ጋሙዋ ጉደꬃ ማላ፤ አ ይሎይያ አሳይ ባረ ሸምፑዋ ቦላ ፕርዴ።
PRO 20:3 ፓሉምያፐ ጋጻን ደእያዌ አዎ ቦንቾ፤ ሽን ቦዛ አሳይ ኡባይ ዋላቀታናዉ ኤሌሌ።
PRO 20:4 አዛላ ጎሻንቻይ ዎድያ ናጊደ ጎሸና፤ ሄዋ ድራዉ፥ ካꬃ ጫክያ ዎደ እ ዎሴ፤ ሽን አያካ ደመና።
PRO 20:5 አሳ ዎዛና ሀልቹ ጪሞ ኦላ ግዶን ደእያ ሃꬃ ማላ፤ ሽን ዎዛናማ አሳይ ሄዋ ዱቂደ ከሴ።
PRO 20:6 ዳሮ አሳቱ ባረንቱ ኬካተꬃ ኦዲኖ፤ ሽን ቱሙ አማነትያ አሳ ደማናዌ ኦኔ?
PRO 20:7 ጽሎ አሳይ ቶሺ ባይና ደኡዋ ደኤ፤ አ ካሊደ፥ አ ናናቱካ አንጀቴዳዋንታ።
PRO 20:8 ካቲ ፕርዳናዉ ባረ ካዉተꬃ አራታን ኡቴዳ ዎደ፥ ኢታ ኡባ ባረ አይፍያን ሀርቂደ ከሴ።
PRO 20:9 “ታ ዎዛና ጌሻድ፤ ታናን ናጋርካ ባዋ” ያጋናዉ ዳንዳይያ አሳይ ደአኔሻ?
PRO 20:10 መꬍና ጎዳይ ዎርዱዋ ሚዛናን ይግያዋንታነ ልከ ግደናባን ማክያዋንታ እጼ።
PRO 20:11 ናአይ ጌሻነ ሱረ ግድያዌ እ ኦꬅያ ኦሱዋን ኤረቴ።
PRO 20:12 ስስያ ሀይꬃነ ጼልያ አይፍያነ፥ ኡንቱንታ ላኡዋካ መꬍና ጎዳይ መꬌዳ።
PRO 20:13 ገምእሹዋን ነ ዎድያ ዉርሶፓ፤ ኔን ህዬሳና። ቤጎታ፤ ያቶፐ፥ ኔን ካꬃ ካላና።
PRO 20:14 ሻምያ አሳይ፥ “ቆሄ! ቆሄ!” ያጌ፤ ሽን ቤዳዋፐ ጉይያን፥ “ገሉዋን ሻማድ” ያጊደ ጬቀቴ።
PRO 20:15 ኤራይ ኩሜዳ ሃሳያይ ዎርቃፐካ እንቁዋ ግያ ዳሮ አልኦ ሹቻፐካ አꬌዳ አልኦባ።
PRO 20:16 ኤረና አሳዉ ዋስያ ገልያ ኡራ ማዩዋ ቃር አክተ፤ እማꬃ አሳዉ ዋስያ ገልያ ኡራ ማዩዋ ኦይቂተ።
PRO 20:17 ዎርዱዋን ደሜዳ ካꬃይ አሳ ማልኤ፤ ሽን አቅ ከሲደ፥ ዶና ግዶን ሻፍያዳን ሀኔ።
PRO 20:18 ዞርያ አካደ ነ ሀልችያዋ ሀልቻ፤ ዞርያ አከናን ደኣደ ኦላዉ ቦፓ።
PRO 20:19 ዝግርያ አሳይ ጹራ ገንና፤ ሄዋ ድራዉ፥ ኦዳንቻ ኡራና ጋከቶፓ።
PRO 20:20 አሳይ ባረ አዉዋ ዎይ ባረ አቶ ሸቆፐ፥ አ ደኡዋ ጾምፕያ ꬍጵ ጎ ꬉማን ቶአና።
PRO 20:21 ኮይሩዋን ኤለካ ሺቄዳ አቁ ዉርሰꬃን አንጀተና።
PRO 20:22 ነዉ ኢታ ኦꬄዳ ኡራዉ፥ “ታንካ አዉ ኢታ ኦꬃና” ጎፓ፤ መꬍና ጎዳን አማነታደ ናጋ፤ እ ኔና አሻና።
PRO 20:23 መꬍና ጎዳይ ላኡ ቆሞ ሚዛናቱዋ ሸነቴ፤ ዎርዱዋ ሚዛናቱካ አ ናሸችክኖ።
PRO 20:24 አሳይ ባናዉ በስያ ኦግያ መꬍና ጎዳይ ካለꬄ፤ ያትና፥ አሳይ ባረ ደኡዋን ባና ኦግያ ዎቲደ አኬካናዉ ዳንዳዪ?
PRO 20:25 እትባ ኤሌሊደ፥ “ሀዋ ታን ጾሳዉ እማድ” ግ ድግያዌነ ጉየፐ ዝንቆትያዌ፥ ሄዌ አሳ ኦይቂያ ጲረ።
PRO 20:26 አꬌዳ ኤራንቻ ካቲ ማካላንቻቱዋ ሻኪደ ኤሬ፤ እ ኡንቱንታ ቃረተናን ሙሬ።
PRO 20:27 አሳ አያናይ መꬍና ጎዳዉ ጾምፕያ፤ ሄዋ ድራዉ፥ እ ኑ ግዶ አሳተꬃ ኡባ ፕልግ ጼሌ።
PRO 20:28 አገና ሲቁነ አማነትያዌ ካትያ ናጊኖ፤ አ ካዉተꬃ አራታይ አገና ሲቁዋን ምኔ።
PRO 20:29 ያላጋቱዋ ቦንቹ ኡንቱንቱ ዎልቃ፤ ጭማቶካ ኡንቱንቱ ፑሉንꬃይ ኡንቱንቶ ቦንቹዋ።
PRO 20:30 ምኖ ሙሩ ኢታተꬃ ሾዴ፤ ዋꬍያዌ ኢታ ዎዛና ላማናዉ ዳንዳዬ።
PRO 21:1 ካትያ ዎዛናይ መꬍና ጎዳ ኩሽያና፤ እ አ ዎዛና ጎግያ ሃꬃ ዛርያዋዳን፥ ባረ ኮዬዳሳ ዛሬ።
PRO 21:2 አሳይ ኦꬅያዌ ኡባይ እዛዎ ልከ ማላቴ፤ ሽን መꬍና ጎዳይ አ ዎዛና ቆፋ ፓጬ።
PRO 21:3 ያርሹዋ ያርሽያዋፐካ አꬂደ፥ ጽሎባነ ሱረባ ኦꬅያዋ መꬍና ጎዳይ ዶሴ።
PRO 21:4 ኢታቱ ኦቶረትያዋንነ አይያዋን ኤረቲኖ፤ ሄዌካ ናጋራ።
PRO 21:5 ምኖ ኦሳንቻ ሀልቹ ዱረዬ፤ ሽን ኤሌልያ ኡባይ ህዬሳና።
PRO 21:6 ዎርዶቲደ ዳጋዬዳ ዱረታይ ፐንቱዋ ሱሉዋዳን ꬋዬ፤ ሄዋ ኮይያዋንቱ ሀይቁዋ ኮዪኖ።
PRO 21:7 ኢታቱ ሱረባ ኦꬃናዉ እጽያ ድራዉ፥ ኡንቱንቱ ማካላ ኦሱ ኡንቱንታ አኪደ ቤ።
PRO 21:8 ባይዛንቻቱ ጌላ ኦግያን ሀመቲኖ፤ ሽን ጌሻቱ ሱረባ ኦꬂኖ።
PRO 21:9 ዋላቀትያ ማቻትና እት ጎልያን ደእያዋፐ ሄ ጎልያ ካሻን ደእያዌ ኬካ።
PRO 21:10 ኢታቱ ኢታባ ኦꬃናዉ አሞቲኖ፤ ባረንቱ ሾሮቶ ቃረትክኖ።
PRO 21:11 ቅሊጭያዌ ሙረቴዳ ዎደ፥ ዎዛናይ ፓጬዳ ኡራይ አꬌዳ ኤራ ታማሬ፤ ቃይ ዎዛናማ ኡራይ ታማሪደ፥ ኤራ ደሜ።
PRO 21:12 ጽሎ ጾሳይ ኢታቱዋ ሶን ኦሰትያዋ ኡባ በኤ፤ ኡንቱንታ አꬅ የጊደ ꬋይሴ።
PRO 21:13 ህዬሳ ዋሱዋ ስሳናፐ ጊደ፥ ባረ ሀይꬃ ቱጭያ ኡራይ፥ እካ ዋሳና፤ አልያዌ ꬋያና።
PRO 21:14 ጌማን እምያ እሙ ሀንቁዋ ዶሽሴ። አፍላ ግዱዋና እሜዳ ማታዪ ሱሎ ሀንቁዋ እርጽሴ።
PRO 21:15 ሱረ ፕርዳይ ፕርደቴዳ ዎደ፥ ሄዌ ጽሎ ናሸቻ፤ ሽን ኢታ ኦꬅያዋንቶ ዳጋማ።
PRO 21:16 አኬካ ኦግያፐ ሀድሬዳ ኡራ ሀይቁ ናጌ።
PRO 21:17 አꬎ እንጅያን ደአና ግያ ኡራይ ማንቄ፤ ዎይንያ ኤሳነ ዛይትያ ዶስያ አሳይ ዱረተና።
PRO 21:18 እት እት ገደነ ጾሳ አሳቱዋ አሻናዉ ኢታ አሳቱ ሙረቲኖ፤ አማነተና አሳቱካ ሱረ አሳቱዋ ድራዉ ሙረቲኖ።
PRO 21:19 ዋላቀትያነ ይሎትያ ማቻትና ደአናፐ ባዙዋን ደእያዌ ኬካ።
PRO 21:20 ዎዛናማ ኡራ ሶን ማልኦ ቁማይነ ኦይሳይ ምንጀቴ፤ ሽን ቦዛ አሳይ ባረዉ ደእያዋ ኡባ ም ድጌ።
PRO 21:21 ጽሎተꬃነ አገና ሲቁዋ ኮይያ ኡራ ላይꬃይ አዱቄ፤ ቃይ ሄ ኡራይ ጽሎተꬃነ ቦንቹዋ ደሜ።
PRO 21:22 ዎዛናማ አሳይ ዎልቃማ ኦላንቻቱ ደእያ ካታማ ኦሊደ ኦይቄ፤ ኡንቱንቱ አማነቴዳ ምኖ ጌሱዋካ ላሌ።
PRO 21:23 ባረ ዶናነ ባረ እንጻርሳ ናግያ አሳይ ባረና መቱዋፐ ናጌ።
PRO 21:24 ኦቶረትያነ አይያ አሳይ ቅሊጭያዋ ጌተቴ፤ እ ኦቶራንቻ ግዴዳ ድራዉ፥ አሳዉ ቆፐና።
PRO 21:25 አዛላ አሙ ዎꬌ፤ አያዉ ጎፐ፥ እ ኦꬃናዉ ኮየና።
PRO 21:26 አዛላይ ጋላሳ ኩመንꬃ ዳሮባ ደማናዉ አሞቴ፤ ሽን ጽሉ ባረዉ አሸናን እሜ።
PRO 21:27 ጾሳይ ኢታቱዋ ያርሹዋ ሸነቴ፤ ሄዋፐካ ኡንቱንቱ አዉ ኢታ ቆፋን ሺሽያ ያርሹዋ አꬅ ሸነቴ።
PRO 21:28 ዎርዶ ማርካይ ꬋያና፤ ሽን ቆፒደ አኬካን ሃሳይያ ኡራ ሃሳያይ አከታና።
PRO 21:29 ኢታ አሳይ ታዋ ጻላላይ ልከ ጌ፤ ሽን ሱረ አሳይ ዩሽ ቆፔ።
PRO 21:30 አሳይ ባረ አꬌዳ ኤራተꬃን፥ አኬካንነ ዞርያን መꬍና ጎዳና ኤቀታናዉ ዳንዳየና።
PRO 21:31 ኦላዉ ፓራ ኮራናዉ ዳንዳየቴ፤ ሽን ኦላ ጾንስያዌ መꬍና ጎዳ።
PRO 22:1 ሎኦ ሱንꬃይ ዳሮ ዱረተꬃፐ አꬌ፤ ሳበትያዌካ ብራፐነ ዎርቃፐ አꬌ።
PRO 22:2 ዱርያነ ማንቁዋ ኡባካ መꬍና ጎዳይ መꬌዳ፤ ሄዋን ኡንቱንቱ ላኡካ ቃራ።
PRO 22:3 ጭንጫ አሳይ ኢታ በኢደ፥ ቆሰት አꬄ፤ ሽን አኬካይ ፓጬዳ አሳይ መቱዋን ገሊደ ቆሄቴ።
PRO 22:4 ኔን አሽከ ግዶፐነ መꬍና ጎዳዉ ያዮፐ፥ ዱረተꬃ፥ ቦንቹዋነ ደኡዋ ደማና።
PRO 22:5 ኢታ ኡራ ኦግያን አጉንꬃይነ ጲሪ ደኤ፤ ሽን ባረና ናግያ አሳይ ኡንቱንቱፐ ሃኬ።
PRO 22:6 ናአይ ዋኒደ ደአና በስንቶ ታማርሳ፤ ያቶፐ፥ እ ጭሚደካ ሄዋ አገና።
PRO 22:7 ዱሪ ህዬሳ ሞዴ፤ ታልእ አኬዳዌ ታልእያ እሜዳዎ አይለ ግዴ።
PRO 22:8 ናጋራ ዘርያ ኡራይ ዋይያ ጫኬ፤ ሀራቱዋ እ ቱጋይያ ቱጋ ጻምአይ መኤና።
PRO 22:9 ኬካ አሳይ ባረ ቁማፐ ህዬሳዉ ጮ እምያ ድራዉ አንጀታና።
PRO 22:10 ቅሊጭያ አሳ ከሳ ድጎፐ፥ ፓሉሚ፥ ዋላሳይነ ቦሪ ክቻና።
PRO 22:11 ኔን ዎዛና ጌሻተꬃነ ኬካ ሃሳያ ዶሶፐ፥ ካቲ ኔናና ዳቦቴ።
PRO 22:12 መꬍና ጎዳይ ኤረተꬃ ናጌ፤ ሽን ዎርዳንቻቱዋ ቃላ እ አꬅ የጌ።
PRO 22:13 ቦዛ አሳይ፥ “ታን ካረ ከሶፐ፥ ጋሙ ታና ማና፤ ታና ኦግያን አሳይ ዎꬋና” ያጌ።
PRO 22:14 ዎሹምያ ማጫ ምሽራት ዶናይ ጪሞ ኦላ ማላ፤ መꬍና ጎዳይ ሀንቀቴዳ ኡራይ አ ግዶን ኩንዴ።
PRO 22:15 ናኣ ዎዛና አዛላተꬃይ ባቂ ኦይቄ፤ ሽን ቃይጼርያን ሙርያዌ አፐ ሃሴ።
PRO 22:16 ባረዉ ማጹዋ ጉጃና ጊደ፥ ህዬሳ ናቂያዌ ዱርያዉ እሙዋ እምያዌ ላኡካ ህዬሳና።
PRO 22:17 ነ ሀይꬃ ሃ የጋደ፥ አꬌዳ ኤራንቻይ ኦድያዋ ስሳ፤ ነ ዎዛናካ ታ ኤራኮ ዛራ።
PRO 22:18 አያዉ ጎፐ፥ ኡንቱንታ ነ ዎዛናን ዎꬆፐነ ነ ዶናንካ ኡንቱንቱ ኡባ ሀሳዮፐ፥ ኔን ናሸታና።
PRO 22:19 ነ አማኑ መꬍና ጎዳን ግዳና ማላ፥ ታን ኔና ሀች ታማርሳድ።
PRO 22:20 ታን ነዉ ዞሪነ ኤራተꬃይ ደእያ ሀታሙ ሌምሳቱዋ ጻፎዌሽ!
PRO 22:21 ኔና ኪቴዳዎ ኔን ልከ ዛሩዋ ዛራና ማላ፥ ታን ኔና ቱማተꬃ ታማርሳድ።
PRO 22:22 ህዬሳቶ አያይነ ባይና ድራዉ፥ ኡንቱንቱዋ ቦንቆፓ፤ ችሎታንካ መቶታንቻቱዋ ማታ ꬋይሶፓ።
PRO 22:23 አያዉ ጎፐ፥ መꬍና ጎዳይ ኡንቱንቱ ድራዉ ሞተታና፤ ኡንቱንታ ቦንቄዳዋንታካ እ ቦንቃና።
PRO 22:24 ሀንቀትያ ኡራና ላገቶፓ፤ ሀንቀታናዉ ኤሌልያ ኡራናካ ዙፐቶፓ።
PRO 22:25 ኔን አ ሀኑዋ ሜዘቶፐ፥ ጉየፐ አጋናዉ ዳንዳያካ።
PRO 22:26 አሳዉ አጩዋ ታ ቃንጻና ጋደ ዋስያ ገሎፓ።
PRO 22:27 ኔን ቃንጽያዌ ꬋዮፐ፥ ነ ግስያ ሂጻይ አተናን፥ ነዉ ደእያባይ ኡባይ አከታና።
PRO 22:28 ነ ማይዛ አዎቱ ቶኬዳ በን ዛዋ ሾዶፓ።
PRO 22:29 ባረ ኦሱዋ ሎሀተꬃን ኦꬅያ አሳ በኣድ? እ ካተቶ ኦꬄፐ አትና፥ ጮ አሳቶ ኦና።
PRO 23:1 ኔን አሳ ሞድያዋና እትፐ ቁማ ማናዉ ኡቴዳ ዎደ፥ ነ ስንꬃን ደእያዋ ሎይꬃደ አኬካ።
PRO 23:2 ኔን ዳሮ ዮራ አሳ ግዶፐ፥ ናገታ።
PRO 23:3 እ ኔና ፓጫናዉ ዳንዳይያ ድራዉ፥ አꬌዳ ማልኦ ቁማዉ ያዉነቶፓ።
PRO 23:4 ዱረታናዉ ዳቡሮፓ፤ ሄዋ ማላ ኬስያ አጋናዉ ጭንጫ ግዳ።
PRO 23:5 ሄዋ ማላ ዱረተꬃይ ኔን ጼልሽን ꬋያና፤ ቀፍያ ከሲደ አርጋንꬃዋዳን፥ ሳሉዋ ፓላና።
PRO 23:6 ኡዝያ ቁማ ሞፓ፤ አ ማልኦ ቁማካ ማናዉ አሞቶፓ።
PRO 23:7 ማላትሳናዉ እ ኔና፥ “ማ፤ ኡሻ” ያጌፐ አትና፥ አ ዎዛናይ ኔናና ደኤና።
PRO 23:8 ኔን ሜዳ ላፋ ቁማ ጮሻና፤ ነ ጋላታይካ መላ ግዳና።
PRO 23:9 ቦዛዉ ሎኦባ ሃሳዮፓ፤ አያዉ ጎፐ፥ ነ አꬌዳ ኤራ ሃሳያ እ ካꬋና።
PRO 23:10 በን ዛዋ ሾዶፓ፤ ቃይ አዉ ባይና ናናቱዋ ጋድያ ዛዋ ሱጎፓ፤
PRO 23:11 አያዉ ጎፐ፥ ኡንቱንታ አሽያ ጾሳይ ምኖ፤ እ ኡንቱንቱ ድራዉ ኔናና ሞተታና።
PRO 23:12 ነ አስታማሪ ነዉ ኦድያዋ ሀይዛ፤ ነ ሀይꬃካ ኤራ ቃላኮ ዛራ።
PRO 23:13 ናኣ ሴረናን አጎፓ፤ ኔን አ ቃይጼርያን ዋꬎፐ፥ እ ሀይቀና።
PRO 23:14 ኔን አ ቃይጼርያን ዋꬎፐ፥ አ ሸምፑዋ ሀይቁዋፐ አሻሳ።
PRO 23:15 ታ ናአዉ፥ ኔን ነ ዎዛናን አꬌዳ ኤራንቻ ግዶፐ፥ ታ ዎዛናይካ ናሸታና፤
PRO 23:16 ነ እንጻርሳይ ሱረባ ሃሳዮፐ፥ ታ ዎዛናይ ናሸቴ።
PRO 23:17 ናጋራንቻቱዋ ቃናቶፓ፤ ሽን ኡባ ገደ መꬍና ጎዳዉ ያይያዋ አጎፓ።
PRO 23:18 ያቶፐ ነዉ ስንꬃናዉ ሳአይ ኬካና፤ ነ ህዶታይካ ꬋየና።
PRO 23:19 ታ ናአዉ፥ ስሳ፤ ዎዛናማ ግዳ፤ ነ ዎዛና ሱረ ኦግያን ዎꬃ።
PRO 23:20 ዳሮ ዎይንያ ኤሳ ኡሽያዋንቱናነ አሹዋ ሙሳዉ ያረትያዋንቱና ዙፐቶፓ፤
PRO 23:21 አያዉ ጎፐ፥ ማꬆትያዋንቱነ ዮራንቻቱ ማንቃና፤ ገምእሹዋ ዳሩ አሳ ዉሬዳ ጩርቃ ማይዝሴ።
PRO 23:22 ኔና የሌዳ ነ አቡ ኦድያዋ ስሳ፤ ነ አታካ ኤጬዳ ዎደ ካꬎፓ።
PRO 23:23 ቱሙዋ፥ አꬌዳ ኤራተꬃ፥ ትምርትያነ አኬካ ሻማፐ አትና፥ ኡባካ ዛልኦፓ።
PRO 23:24 ጽሎ ናኣ አቡ ሎይꬅ ናሸታና፤ ዎዛናማ ናኣ የሌዳ ኡራይካ አን ሀሹ ጋና።
PRO 23:25 ነ አቡነ ነ አታ ናሸትኖ፤ ኔና የሌዳናካ ሀሹ ጉ።
PRO 23:26 ታ ናአዉ፥ ታ ዞርያ ሀይዛ፤ ታን ሀንያዋዳን ሀና።
PRO 23:27 አያዉ ጎፐ፥ ዎሹምያ ምሽራታ ጪሞ ኦላ ማላ፤ ጫራቱዋ ኦይቂያ ማቻታካ ኡንአ ኦላ ማላ።
PRO 23:28 አ ፓኑዋዳን ቆሰታ ኡታደ ናጋዉ፤ አማነተና አቱማ አሳ አሳ ግዶን ዳርሳዉ።
PRO 23:29 “ዎ!” ግያ ዋሱ ኦሴ? ካዩ ኦሴ? ዋላሳይ ኦሴ? ዙዙንꬃይ ኦሴ? ጋሱ ባይናን ማዱጽያዌ ኦሴ? አይፊ ዞእያዌ ኦሴ?
PRO 23:30 ዎይንያ ኤሳ ኡሺደ ጋምእያዋንቱሳ ግደኔ? ዋላከቴዳ ዎይንያ ኤሳ ኡሽ ኡሽ በእያዋንቱሳ ግደኔ?
PRO 23:31 ዎይንያ ኤሳይ ዞኤዳ ዎደ፥ አ ማላይ ብርልያ ግዶን ጶልያ ዎደ፥ ኡሽሽን ዋላላቲደ ገልያ ዎደ፥ አ ጼሎፓ።
PRO 23:32 ዉርሰꬃን እ ሾሻዳን ዱኬ፤ ሙሉሙቀ ሾሻዳንካ ባረ ይሻ ፑኬ።
PRO 23:33 ነ አይፊ በእ ኤረናዋ በአና፤ ነ ዎዛናይካ ሱረ ቆፓናዉነ ሃሳያናዉ ዳንዳየና።
PRO 23:34 ኔን አባ ግዶን ሆቢ ቃꬅያ ማርካብያ ጼራን ግሴዳ ኡራ ማላ ግዳና።
PRO 23:35 ኔን፥ “ኡንቱንቱ ታና ደቼድኖ፤ ሽን ታን ቆሄታበይከ። ኡንቱንቱ ታና ዋꬌድኖ፤ ሽን ታዉ ኤረትቤና። ሀራ ኡሻ ኡሻናዉ ታን አዉደ ደንዳንድታሻ?” ያጋና።
PRO 24:1 ታ ናአዉ፥ ኢታ አሳቱዋ ማላ ግዳርክታሻ ጎፓ፤ ኡንቱንቱና ዳቦታናዉካ አሞቶፓ፤
PRO 24:2 አያዉ ጎፐ፥ ኡንቱንቱ ኡባ ገደ ማካላባ ማቀቲኖ፤ ባረንቱ እንጻርሳን ገንያባ ሃሳዪኖ።
PRO 24:3 ጎሊ አꬌዳ ኤራተꬃን ኬጸቴ፤ አኬካንካ ምኔ።
PRO 24:4 ኤራይ ደኦፐ፥ ቆልኡ አልኦባንነ ሎኦባን ኡባን ኩሜ።
PRO 24:5 ዎዛናማ ኡራዉ ዎልቃማ ዎልቃይ ደኤ፤ ኤራንቻ አሳይካ ምኖተꬃ ጉጄ።
PRO 24:6 ኔን ኦላዉ ከሳናፐ ካሰታደ ሀልቹዋ ሀልቻናዉ ኮሼ፤ ዳሮ ዞርያዋንቱ ዞርያን ጾኑ ቤቴ።
PRO 24:7 ቦዛይ አꬌዳ ኤራተꬃ አኬካናዉ ዳንዳየና፤ ሀቃ ያአንካ ኦድያዌ አይነ ባዋ።
PRO 24:8 ኢታ ኦꬃናዉ ሀልችያ ኡራይ ገናንቻ ጌተታና።
PRO 24:9 ቦዛተꬃ ቆፋይ ናጋራ፤ አሳይ ቅሊጭያዋ እጼ።
PRO 24:10 ኔን መቱዋ ጋላስ ላፎፐ፥ ነ ዎልቃይ ጉꬃ ግያዋ።
PRO 24:11 ሀይቃናዉ በሰናን፥ ሀይቆ ፕርዲደ አፍያዋንታ አሻ፤ ዎꬋና ሀንያ ዎደ ጮኡ ጋደ ጼሎፓ።
PRO 24:12 ኔን፥ “ኑን ሀዋ ኤርበይኮ” ያጎፐ፥ ዎዛና ኤርያዌ እ በኤኔ? ነ ደኡዋ ናግያዌ ኤረኔ? አሳ ኡባዉ አ ኦሱዋ ኦሱዋዳን ዛረኔ?
PRO 24:13 ታ ናአዉ፥ ኤሳ ማ፤ ኤሳይ ሎአ። ኤሳ እልሉ ጎጎጩዋን ማልኤ።
PRO 24:14 አꬌዳ ኤራተꬃይካ ሄዋ ማላ፤ እ ነ ሸምፖ ማልኦ ግድያዋ ኤራ። ኔን አ ደምያዋ ግዶፐ፥ ስንꬃና ያና ህዶታይ ነዋ፤ ኔን አካና ጋደ ህዶታን ናግያዌካ ꬋየና።
PRO 24:15 ጽሉዋ ጎልያነ ማጹዋ ቦንቃናዉ ቆፕያ ኢታ አሳዳን ሀኖፓ።
PRO 24:16 ጽሎ አሳይ ላፑን ገደ ኩንዶፐካ ደንዴ፤ ሽን ኢታቱ መቱዋን ꬋያና።
PRO 24:17 ነ ሞርኪ ኩንድያ ዎደ ናሸቶፓ፤ እ ꬉበትያ ዎደካ፥ “ሀሹ!” ጎፓ።
PRO 24:18 ኔን ናሸቶፐ፥ መꬍና ጎዳይ ሄዋ በኢደ ናሸተና፤ አ ሀንቀትያዋካ አግ አጋና።
PRO 24:19 ኢታ ኦꬅያዋንቱ ድራዉ ህርጎፓ፤ ኡንቱንቱ ማላ ግዳርክታሻ ጎፓ።
PRO 24:20 አያዉ ጎፐ፥ ኢታ ኡራዉ ስንꬃና ያና ህዶታይ ባዋ፤ ኢታቱዋ ጾምፒካ ቶአና።
PRO 24:21 ታ ናአዉ፥ መꬍና ጎዳዉነ ካትያዉ ያያ፤ ኡንቱንቶ ማካልያዋንቱናካ ዙፐቶፓ።
PRO 24:22 አያዉ ጎፐ፥ ሄዋ ማላ አሳቱዋ ቆፐና መቱ ጋኬ፤ ካትያፐነ ጾሳፐ ያና መቱዋ ኦኔ ኤርያዌ?
PRO 24:23 አꬌዳ ኤራንቻቱ ጉጂደካ ሀዋዳን ያጌድኖ፦ ፕርዲደ ማድያዌ ሎአ ግደና።
PRO 24:24 ባይዛንቻ፥ “ኔን ባይዛባካ” ያግያ ዳና አሳይ ሸቃና፤ ካዉተꬃቱካ አ እጻና።
PRO 24:25 ባይዛንቻ ሙርያዋንቱ ሎይꬅ ናሸታናነ አንጀታና።
PRO 24:26 ሱረ ዛሩዋ ዛርያዌ ዳቦቶ ማላታ ማላ።
PRO 24:27 ካሰታደ ነ ጋድያ ኦꬃ፤ ካꬃካ ዘራ፤ ሄዋፐ ጉይያን፥ ነ ጎልያ ኬጻ።
PRO 24:28 ነ ሾሩዋ ቦላ ጋሱ ባይናን ማርካቶፓ፤ ነ ዶናንካ ጭሞፓ።
PRO 24:29 “እ ታዉ ኦꬄዳዋዳን፥ ታን አዉ ኦꬃና፤ ታን አዉ አ ኦሱዋ ኩሽያ ዛራና” ያጎፓ።
PRO 24:30 ታን እት ጋላስ፥ እት አዛላነ አኬካይ ፓጬዳ ብታንያ ጋደን ደእያ ዎይንያ ቱራ ግዱዋና አꬋድ።
PRO 24:31 አꬍያ ዎደ፥ አጉንꬃይነ ሻራፋይ ጎዝ ዎꬄዳ፤ ዩሹዋን ሹቻ ግምቢካ ኮለት ክቼዳ።
PRO 24:32 ታን አ በኤዳ ዎደ፥ ቆፓድ፤ ታን በኤዳዋፐ ትምርትያ ታማራድ።
PRO 24:33 ኔን ጉꬃ ልጵ ጋ፤ ጉꬃ ገምእሻ፤ ነ ኩሽያካ ሺሻደ ጉꬃ ሸምፓ አካ።
PRO 24:34 ሄዋፐ ጉይያን፥ ህዬሳተꬃይ ፓኑዋዳን ያና፤ ፓጫይካ ኦላ ሚሻ ኦይቄዳ አሳዳን ፑቱ ጋና።
PRO 25:1 ሀዋንቱካ ቃይ፥ ይሁዳ ካትያ ህዝቂያሳ አሳቱ ዱቂደ ጻፌዳ ሶሎሞና ሌምሳቱዋ።
PRO 25:2 ጹራ ገንꬅያዌ ጾሳዉ ቦንቾ፤ ጹራ ፕልጊደ ከስያዌ ቃይ ካተቶ ቦንቾ።
PRO 25:3 ሳሎቱዋ ꬎቃተꬃነ ሳኣ ጪማተꬃ አሳይ ጋከናዋዳን፥ ካተቱዋ ቆፋካ አሳይ ኤራናዉ ዳንዳየና።
PRO 25:4 ብራፐ ቅታ ድጋ፤ ሄዋፐ ጉይያን፥ ዎጋጪ ቆጺደ፥ ሎኦባ ከሳና።
PRO 25:5 ካትያ ስንꬃፐ ኢታቱዋ ድጋ፤ ያቶፐ፥ አ ካዉተꬃ አራታይ ጽሎተꬃን ምን ኤቃና።
PRO 25:6 ካትያ ስንꬃ አꬍያ ዎደ ጬቀቶፓ፤ ዎልቃማ አሳቱዋፐ ግዱዋን ሳኣ ኮዮፓ።
PRO 25:7 ኔፐ ግታትያ አሳዉ ሳኣ እማናዉ ካፑ ኔና ደንꬅና ካዉሽያዋፐ፥ ካፑ ኔና፥ “ሀዋኮ ꬎቁ ጋ” ግያዌ ነዉ ኬካ።
PRO 25:8 ነ አይፍያን በኤዳዋ ማርካታናዉ ዳባባ ባናዉ ኤሌሎፓ፤ አያዉ ጎፐ፥ ኔን ማርካታ ስምና፥ ሀራ አሳይ ነ ማርካተꬃይ ባላ ግድያዋ ቆንጭሶፐ፥ ኔን ዬላታና።
PRO 25:9 ኔፐነ ነ ሾሩዋፐ ግዱዋን ፓሉሚ መቶፐ፥ አናና ሃሳያደ ነ ፓሉምያ ዉርሳ። ሀራ አሳ ጹራ ቆንጭሶፓ።
PRO 25:10 ሄዌ ꬋዮፐ፥ ኔን ኦድያዋ ስሴዳ አሳይ ኔና ካዉሻና፤ ሄዋን ነ ሱንꬃይ ላኤንꬆ ስመናዳን ባያና።
PRO 25:11 ኮሽያ ዎድያን ሃሳየቴዳ ልከ ቃላይ ብራ ቦላ ትጌዳ ዎርቃ አሌቁዋ ማላ።
PRO 25:12 ሀይዝያ ኡራ ኤራንቻ አሳይ ዞርያ ዞሪ ሀይꬃን ዎꬄዳ ዎርቃ ዎይ ጌሻ ዎርቃፐ ኦꬄዳ አሌቁዋ ማላ።
PRO 25:13 ካꬃ ጫክያ ቦንያን እርጻ ሃꬃይ ኡሽና አልያዋዳን፥ ኪትና አማነትያ አሳይ ባረና ኪትያዋንታ ናሸቼ።
PRO 25:14 እመናባ “እማና” ያጊደ ጬቀትያ አሳይ እራይ ባይና ሻርያነ ጫርኩዋ ማላ።
PRO 25:15 ዳንዳያንቻ አሳይ ደርያ ሞድያዎ ኦዲደ አማንꬄ፤ ሊቆ ቃላይ መቀꬃ አꬊደ ገሌ።
PRO 25:16 ኤሳ ደሞፐ፥ ካላና ጋካናዉ ማ፤ ሽን ዳርሶፐ፥ ኔን ጮሻና።
PRO 25:17 ኔና ኡፊደ እጸናዳን፥ ነ ሾሩዋ ጎለ ኡባ ገደ ቦፓ።
PRO 25:18 ባረ ሾሩዋ ቦላ ዎርዱዋን ማርካትያ አሳይ ጋትማይ፥ ማሻይነ ቃራ አዳይ አሳ ቆህያዋ ኬሻ ቆሄ።
PRO 25:19 መቱዋ ዎደ አማነተና ኡራን ዘምፕያዌ ቃጽያ ማታን ጮምያዋነ ስሌዳ ገድያን ሀመትያዋ ማላ።
PRO 25:20 ካዮት ኡቴዳ አሳዉ የꬃ የጽያዌ ሜጉዋ ጋላስ ማዩዋ ቃርያዋነ ማዱꬃ ቦላ ጫላባ ትግያዋ ማላ።
PRO 25:21 ነ ሞርኪ ኮሻቶፐ፥ ምዛ፤ ሳመቶፐ፥ ኡሻ።
PRO 25:22 አያዉ ጎፐ፥ ኔን ሄዋ ኦꬅያዌ አ ሁጲያን ታማ ቦንቁዋ ካሺደ ቆልያዋ ማላ። መꬍና ጎዳይካ ነዉ ዎይታና።
PRO 25:23 ዶላሃ ባጋ ጫርኩ እራ አህያዋዳን፥ ዝግርሳይ ሀንቁዋ አዬ።
PRO 25:24 ዋላቀትያ ማቻትና እት ጎልያን ደአናፐ ጎልያ ካሻን ደእያዌ ኬካ።
PRO 25:25 ዳቡሬዳ ኡራይ እርጻ ሃꬃ ኡሺደ አልያዋዳን፥ ሃኮ ቢታፐ ይያ ሎኦ ኦዱ ናሸቼ።
PRO 25:26 ኢታ አሳ ስንꬃን ኩንድያ ጽሎ አሳይ ቡሉቀቴዳ ፑልቱዋነ ባዬዳ ኦላ ሃꬃ ማላ።
PRO 25:27 ዳሮ ኤሳ ምያዌ ሎአ ግደና፤ ሄዋዳንካ፥ ባረ ቦንቹዋ ኮይያዌ ቦንችሰና።
PRO 25:28 ባረ ሁጲያ ናገና አሳይ ድርሳይ መኤዳ ካታማ ማላ።
PRO 26:1 ቦንያን ሻቻይ፥ ካꬃ ጫክያ ዎድያንካ እራይ ኮሸናዋዳን፥ ቦዛዉ ቦንቹ ኮሸና።
PRO 26:2 ካፎቱ ያነ ሃነ ፓሊደ፥ አሳ ቆሄናዋዳን፥ ጋሱ ባይናን ሸቂያ ሸቃይ አሳ ጋከና።
PRO 26:3 ፓራዉ ልሱዋ፥ ሀርያዉ ፓጾሩዋ ኮሽያዋዳን፥ ቦዛ ዞክያዉ ዋꬋ ኮሼ።
PRO 26:4 ቦዛ ኡራዉ አ ቦዛተꬃዳን ዛሮፓ፤ ዛሮፐ ኔንካ አ ማላ ግዳና።
PRO 26:5 ቦዛ ኡራዉ አ ቦዛተꬃዳን ዛራ፤ ሄዌ ꬋዮፐ፥ እ ባረና ኤራንቻዳን ፓይዳና።
PRO 26:6 ቦዛ አሳ ቦላ ኪታ ኪትያዌ ባረ ገድያ ቃንጽያዋነ ዎꬍያዋ ኡሽያዋ ማላ።
PRO 26:7 ቦዛ ኡራ ሌምሱ ዎባ ኡራ ገድያ ማላ ማደና።
PRO 26:8 ቦዛ ኡራ ቦንችያ አሳይ ሹቻ ያምባርሻ ቦላ ቃች ዎꬂደ ዩሽያ አሳ ማላ።
PRO 26:9 ቦዛ ኡራ ሌምሱ ማꬆቴዳ አሳይ ባረ ኩሽያ ጫዴዳ አጉንꬃ ከሳናዉ ባጸትያዋ ማላ።
PRO 26:10 ቦዛ አሳ ዎይ ባረዉ ኦግያና አꬍያ አሳ ኦሶ ቃጻርያ አሳይ ደሜዳ አሳ ኡባ ጫዳናዳን ዎንዳፍያ ዱክያ አሳ ማላ።
PRO 26:11 ካናይ ባረ ጮሻ ጉየ ስሚደ ምያዋዳን፥ ቦዛይ ባረ ቦዛተꬃ ኦሱዋ ዛር ዛር ኦꬄ።
PRO 26:12 ባረካ ባረና፥ “ታን አꬌዳ ኤራንቻ” ግያ አሳ በኣድ? አፐ ቦዛ ኡራዉ ስንꬃፐ ሎኦ ህዶታይ ደኤ።
PRO 26:13 አዛላይ፥ “ኦግያን ጋሙ ደኤ፤ ያሽያ ጋሙ አኮ ኦግያን ዩዬ” ያጌ።
PRO 26:14 ፐንጊ ባረ ማጻፍያን ያነ ሃነ ቃጽያዋዳን፥ አዛላይካ ባረ ሂጻን ያነ ሃነ አꬍ ዎꬌ።
PRO 26:15 እት እት አሳቱ ዳሮ አዛላ፤ ኡንቱንቱ ሀራይ አትና፥ ዎጽያን ቱሼዳ ሶሉዋካ ፑደ ባራናዉ ዳቡሪኖ።
PRO 26:16 አዛላ አሳይ ማርካና ኦድያ ላፑን ኤራንቻቱዋፐካ ባረና አꬌዳ ኤራንቻ ጊደ ቆፔ።
PRO 26:17 ባረና ጋꬅያዌ ባይና ሳን ፓላማዉ አꬍያ አሳይ ኦግያና ብያ ካና ሀይꬃ ኦይቂያ አሳ ማላ።
PRO 26:18 ባረ ሾሩዋ፥ “ታን ካሳዉ ኦꬃድ” ያጊደ ጭምያ አሳይ፥ ጎዪደ ታማ ጺፋ ኦልያ፥ ዎይ ዎꬍያ ጩብያ ደንꬅያ አሳ ማላ።
PRO 26:20 ምꬃይ ዉሮፐ፥ ታማይ ቶኤ፤ ዝግርያዌ ꬋዮፐ፥ ዋላሳይ አቴ።
PRO 26:21 ጺጹንꬃይ ቦንቁዋ ዳርስያዋዳንነ ምꬃይ ታማ ዳርስያዋዳን፥ ፓሉማንቻ አሳይ ዋላሳ ዳርሴ።
PRO 26:22 ዝግርሳ ቃላይ ማልኦ ቁማ ማላ፤ ናሸቺደ ዱገ ጋንጅያ ጋኬ።
PRO 26:23 ዎዛናን ኢታባይ ደእሺና፥ ባረ እንጻርሳን ጭሙዋ ቃላ ሃሳይያ አሳይ ብራን ሼሼዳ ኡርቃ ሚሻ ማላ።
PRO 26:24 ሎኦ ማላትያ ኢታ አሳይ ባረ ዎዛናን ደእያ ኢታተꬃ ባረ ናሾ ሃሳያን ገንꬄ።
PRO 26:25 አ ዎዛናን ላፑን ቱናተꬃይ ኩም ኡቴዳ ድራዉ፥ እ ሎኦ ቃላ ሃሳዮፐካ አ አማኖፓ።
PRO 26:26 ባረ ሞርከተꬃ እ ገንꬆፐካ፥ እ ኦꬅያ ኢታተꬃይ ሺቁዋን ቆንጫና።
PRO 26:27 ሀራቶ ኦላ ቦክያ ኡራይ ሄ ኦላን ባረዉ ኩንዳና፤ ሀራቱ ቦላ ሹቻ ጎንዶርስያ ኡራ ቦላ ሄ ሹቻይ ስሚደ ጎንዶረታና።
PRO 26:28 ዎርዶትያ እንጻርሳይ ባረ ቆሄዳ አሳቱዋ እጼ፤ ጭምያ ሃሳያይ ባየꬃ አሄፐ አትን፥ ሀራባ አሄና።
PRO 27:1 ዎንት ሀናናባን ጬቀቶፓ፤ ዎንት አሀናባ ኔን ኤራካ።
PRO 27:2 ኔና ሀራ አሳይ ጋላቶፐ አትና፥ ኔን ኔና ኔረካ ጋላቶፓ፤ አሳይ ነ ድራዉ ማርካቶፐ አትና፥ ኔን ነ ኬካተꬃ ኦዶፓ።
PRO 27:3 ሹቻይ ዎልቃማ ቶኩዋ፤ ሻፈቱዋ ቶክያዌካ ዴጼ፤ ሽን ቦዛ ኡራይ ደንꬅያ ዋላሳይ ኡንቱንቱ ላኡዋፐካ ዴጼ።
PRO 27:4 ሀንቆ ቃረት ባዋ፤ ይሉካ ባይዝያ ድኡዋ ማላ፤ ሽን ቃናትያን ኡባ ጋꬆፖ።
PRO 27:5 ጌሜዳ ሲቁዋፐ ባልያ ዎደ ቆንጭያን ሴርያዌ ኬካ።
PRO 27:6 ሞርኪ ኔና ዳሮ ገደ የርያዋፐ ሲቁ ኔና ደችያዌ ኬካ።
PRO 27:7 ካሌዳ ኡራ ኤሳ እልሉ ኢቴ፤ ሽን ኮሻቴዳ ኡራ ጫምያባይካ ማልኤ።
PRO 27:8 ባረ ጎልያ አጊደ ዩይያ አሳይ፥ ባረ ጎልያፐ ሃካደ ፓልያ ካፋት ማላ።
PRO 27:9 ሽቱነ ሳዊያ እጻናይ አሳ ናሸችያዋዳን፥ ሲቁዋ ላግያ ዞሪካ ናሸቼ።
PRO 27:10 ነ ሲቆ ላግያነ ነ አዉዋ ሲቆ ላግያ አጎፓ፤ ኔና መቴዳ ዎደ ነ እሻ ጎለ ቦፓ። ሃኩዋን ደእያ እሻፐ ማታን ደእያ ሾሩ ኬካ።
PRO 27:11 ታ ናአዉ፥ ኔን አꬌዳ ኤራንቻ ግዳ። ያትንቶ ታን ናሸታናነ ታና ቦርያዋንቱ ኦሻካ ዛራና።
PRO 27:12 ጭንጫ አሳይ መቱ ይያ ዎደ በኢደ ቆሰቴ፤ ሽን አኬካይ ፓጬዳ አሳይ ስት ግ ቢደ፥ መቱዋን ገሌ፤ ያቲደ ጉየፐ አዬ አና ያጌ።
PRO 27:13 ኤረና አሳዉ ዋስያ ገልያ ኡራ ማዩዋ ቃር አክተ፤ እማꬃ አሳዉ፥ ዋስያ ገሌዳ ኡራ ማዩዋ ኦይቂተ።
PRO 27:14 ዎንታ ጉራን ባረ ቃላ ꬎቁ ኦꬂደ፥ ባረ ሾሩዋ ሳሮትያዌ አ ሸቂያዋ ማላ።
PRO 27:15 ዋላቀታደ ዱጸና ማቻታነ እራይ ቡክያ ዎደ ጾኪደ አገና ጎሊ እት ማላ።
PRO 27:16 ጫርኩዋ ተአናዉ ዎይ ዛይትያ ጩጩሚደ ኦይቃናዉ ዳንዳየተናዋዳን፥ እዞ ጮኡ ኦꬃናዉ ዳንዳየተና።
PRO 27:17 ብራታይ ብራታ ፖሽያዋዳን፥ አሳይ እቱ እቱዋፐ ታማሬ።
PRO 27:18 ባላስያ ግያ ምꬃቶ እሻልሲደ ናጌዳ ኡራይ እ አይፍያ ማና፤ ባረና አይሴዳዋ ካቦይያ ቆማይ ቦንቼታና።
PRO 27:19 ሃꬃይ ማስቶትያዳን ሶምኡዋ በስያዋዳን፥ አሳ ዎዛናይ እዛዉ ኤሻ በሴ።
PRO 27:20 ሀይቁነ ባሻይ ካል ኤርክኖ፤ ሄዋዳንካ፥ አሳ አይፊ ካለና።
PRO 27:21 ብራይነ ዎርቃይ ታማን ፓጨቲደ ጌይያዋዳን፥ አሳይካ ባረ አክያ ጋላታን ፓጨቴ።
PRO 27:22 ቦዛ አሳ ካꬃና ኡዱላን የጋደ፥ ኡዱላ ምꬃን ጫድንቶ፥ አፐ ቦዛተꬃይ ክቼና።
PRO 27:23 ነ ዶርሳቱ ደእያ ሀኖታ ሎይꬃደ ኤራ፤ ነ መህያ ዉድያካ ዎዛናፐ ሄማ።
PRO 27:24 አያዉ ጎፐ፥ ዱረተꬃይ መꬍናዉ ደኤና፤ ካላቻይካ የለታፐ የለታዉ አናን አጋናዉ ዳንዳዬ።
PRO 27:25 መላ ማታይ ቡጨቴዳዋፐ፥ አጫ ማታይ ከሴዳዋፐነ ደርያ ቦላን ደእያ ማታይ ሺቄዳዋፐ ጉይያን፥
PRO 27:26 ዶርሳቱዋ እስክያፐ ኔን ነዉ ማይያዋ ከሳና፤ አማሬዳ ዴሻቱዋ ዛልኤዳ ብራንካ ነዉ ጋድያ ሻማና።
PRO 27:27 አትያ ዴሻቱዋ ማꬃይ ነዉ፥ ነ ሶ አሳዉነ ነ ማጫ ቆማቶ ቁማ ግዳናዋ።
PRO 28:1 ኢታቱ ኦንነ የደርሰናን ባቃቲኖ፤ ሽን ጽሎቱ ጋሙዋ ማላ ጻላ።
PRO 28:2 እት ካዉተꬃይ ማካላንቻ ግዶፐ፥ አ ሞድያዋንቱ ላመት ላመት ሞድኖ። ሽን ካለꬅያዋንቱ አꬌዳ ኤራንቻነ አኬካንቻ ግድያ ዎደ፥ ምኖ ግዲደ፥ ዳሮ ዎድያ ታኬ።
PRO 28:3 ህዬሳቱዋ ኡቁንያ ዳናይ ካꬃ ꬋይስያ ዎልቃማ እራ ማላ።
PRO 28:4 ህግያ ቦንቼና ኡራይ ባይዛንቻ ሳቤ፤ ሽን ህግያ ቦንችያዌ ባይዛንቻቱዋ ቆፋ ጳልቄ።
PRO 28:5 ኢታ አሳቶ ሱረ ፕርዳባይ ገለና፤ ሽን መꬍና ጎዳዉ ጎይንያዋንቶ ኡባባይካ ገሌ።
PRO 28:6 ጌላ አሳ ግዲደ፥ ዱረ ግድያዋፐ ሱረ አሳ ግዲደ፥ ህዬሳ ግድያዌ ኬካ።
PRO 28:7 ህግያ ናግያ ዎዳላይ አኬካንቻ። ሽን ፓና ሹፉሮቱዋና ዙፐትያዌ ባረ አዉዋ ዬላዬ።
PRO 28:8 ሚሻ ድቻዉ እምያዋንነ የሉዋን ዱረትያ አሳይ ሄ ማጹዋ ህዬሳቶ ኬክያ አሳዉ ሺሼ።
PRO 28:9 ህግያ ስሳናፐ ጊደ፥ ባረ ሀይꬃ ዎራ ዛርያ ኡራ ዎሳይ ጾሳ ሸነይያዋ።
PRO 28:10 ሱረቱዋ ኢታ ኦግያ ካለꬅያ ኡራይ ባረ ቦኬዳ ኦላን ባረዉ ኩንዳና፤ ሽን ጌሻ አሳይ ሎኦባ ላታና።
PRO 28:11 ዱረ አሳይ ባረና አꬌዳ ኤራንቻ ጊደ ቆፔ፤ ሽን አኬካይ ደእያ ህዬሳይ አ ፓጬ።
PRO 28:12 ጽሎቱ ጾኔዳ ዎደ፥ አሳይ ኡባይ ናሸቴ፤ ሽን ኢታቱ ማታ ኦይቄዳ ዎደ፥ አሳይ ቆሰቴ።
PRO 28:13 ባረ ናጋራ ገንꬅያ ኡራይ አጨና፤ ሽን ፓጽያዌነ ናጋራ አግያዌ ማረታናዋ።
PRO 28:14 መꬍና ጎዳዉ ኡባ ገደ ያይያ አሳይ አንጀቴዳዋ፤ ሽን ባረ ዎዛና ጉዙንꬅያ አሳይ መቱዋን ገላና።
PRO 28:15 ህዬሳ አሳ ሞድያ ኢታ ዳናይ ጉድያ ጋሙዋነ ኮሻቴዳ ባባርቂያ ማላ።
PRO 28:16 ዎዛን ፓጬዳ ዳናይ ባረ አሳ ናቄ፤ ሽን አሳ ናቂያዋ እጽያዌ ዳሮ ላይꬃ ሞዳና።
PRO 28:17 አሳ ዎꬌዳ አሳይ ሀይቃና ጋካናዉ ባቃቲደ ደኤ፤ አ ኦንነ ሺሽ አከና።
PRO 28:18 ቦሪ ባይናን ሀመትያ ኡራይ ቆሄተናን አታናዋ፤ ሽን ጌላ አሳይ እት ኩꬃን ኩንዳና።
PRO 28:19 ባረ ጋድያ ኦꬅያ ኡራይ ካꬃ ካሌ። ሽን ሹፉሮቱዋ ካልያ ኡራይ ኡባ ገደ ህዬሲደ ደኤ።
PRO 28:20 አማነቴዳ ኡራይ ዳሮ አንጀታና፤ ሽን ዱረታናዉ ጃምያዌ ሙረተናን አተና።
PRO 28:21 ሻኪደ ማድያዌ ሎኤና፤ ሽን አሳይ ጉꬃ ኡክꬃ ድራዉ ጊደካ፥ ባላባ ኦꬂኖ።
PRO 28:22 ኡዘትያ ኡራይ ዱረታናዉ ጃሜ፤ ባረና ህዬሳተꬃይ ኦይቃናዋካ ኤረና።
PRO 28:23 አሳ ጮ ሳቢያ ኡራፐ ሴርያ ኡራይ ጉየፐ ጋላተቴ።
PRO 28:24 ባረ አዉዋፐነ ባረ አትፐ ዉኢደ፥ “ታን አይነ ናጋራ ኦꬃበይከ” ያግያ ኡራይነ ባይዝያ ኡራይ እት ማላ።
PRO 28:25 ኡዘትያ ኡራይ ዋላሳ ደንꬄ፤ ሽን መꬍና ጎዳን አማነትያዌ ካሌ።
PRO 28:26 ባረናን አማነትያ አሳይ ቦዛ፤ ሽን አꬌዳ ኤራተꬃን ሀመትያዌ ሳሮ ደኤ።
PRO 28:27 ህዬሳዉ እምያ ኡራዉ ፓጨና፤ ሽን ኡንቱንታ በአናፐ ጊደ ጪልምያዌ ሸቃ አካና።
PRO 28:28 ኢታ አሳቱ ሱንትያ ዎደ፥ አሳይ ቆሰቴ፤ ሽን ኡንቱንቱ ꬋይያ ዎደ፥ ጽሎቱ ጮራቲኖ።
PRO 29:1 ዳሮ ገደ ሴርና እጺደ፥ ሞርጊ ꬉሌዳ ኡራይ ሀሳየናን መአና፤ ሄ ኡራዉ ፓጹካ ባዋ።
PRO 29:2 ጽሎ አሳቱ ሱንትያ ዎደ አሳይ ናሸቴ፤ ሽን ኢታቱ ቢታ ሞድያ ዎደ አሳይ ኦሌ።
PRO 29:3 አꬌዳ ኤራ ዶስያ አሳይ ባረ አዉዋ ናሸቼ፤ ሽን ዎሹምያ ማጫ አሳቱዋ ሄራን ዩይያ አሳይ ባረ ሚሻ ዉርሴ።
PRO 29:4 ቱሙዋ ፕርድያ ካቲ ባረ ካዉተꬃ ዎፑ ኦꬄ፤ ሽን ማታይያ ማናዉ ዮራትያዌ ባረ ካዉተꬃ ባይዜ።
PRO 29:5 ባረ ሾሩዋ ሳቢደ ሃሳይያ ኡራይ፥ አ ገድያዉ ግትያ የጌ።
PRO 29:6 ኢታ አሳይ ግቲ ኦይቂያዋዳን፥ ባረ ናጋራን ኦይቀቴ፤ ሽን ጽሎ አሳይ ናሸታናዉነ የጻናዉ ዳንዳዬ።
PRO 29:7 ጽሎ አሳይ ህዬሳ ማታ ቦንቼ፤ ሽን ኢታ አሳይ ሄዋ ማላ ኤራ ኡባካ ኤረና።
PRO 29:8 ቅሊጭያዋንቱ ካታማን ዋላሳ ደንꬂኖ፤ ሽን አꬌዳ ኤራንቻ አሳቱ ሀንቁዋ እርጽሲኖ።
PRO 29:9 አꬌዳ ኤራንቻ አሳይ ቦዛ አሳ ፕርዳ ጎለ አፎፐ፥ ቦዛይ ሀንቀቴነ ቅꬌ፤ አዉ ያቶፐ ሳሩ ꬋዬ።
PRO 29:10 ሱꬃ ጉሳናዉ ጃምያ አሳቱ ሱረ አሳ እጺኖ፤ ቃይ ጽሎ አሳካ ዎꬋናዉ ኮዪኖ።
PRO 29:11 ቦዛ አሳይ ባረ ሀንቁዋ የድ በሴ፤ ሽን አꬌዳ ኤራ አሳይ ባረ ሀንቁዋ ምቴ።
PRO 29:12 እት ሱንቴዳ ኡራይ ዎርዱዋ ኦዱዋ አኮፐ፥ አ ኦሳንቻቱ ኡባይ ኢታ ከሲኖ።
PRO 29:13 ህዬሳይነ አሳ ናቂያ አሳይ እትባ ኮጺኖ፤ ኡንቱንቱ ላኦካ አይፍያ መꬍና ጎዳይ ጼልሴ።
PRO 29:14 እት ካቲ ህዬሳዉ ሱረ ፕርዶፐ፥ እ ባረ ካዉተꬃን ጋምአና።
PRO 29:15 ቃይጼሪነ ሴራይ ናናቶ አꬌዳ ኤራ እሜ፤ ሽን የዳን ድጬዳ ናአይ ባረ አቶ ካዉሼ።
PRO 29:16 ኢታ አሳቱ ዳርያ ዎደ፥ ናጋራይ ዳሬ፤ ሽን ጽሎቱ ኡንቱንቱ ኩንደꬃ በአና።
PRO 29:17 ነ ናኣ ሴራ፤ ያቶፐ፥ እ ነዉ ሳሩዋ እማና፤ እ ኔና ናሸቻና።
PRO 29:18 ጾሳይ ካለꬅያ ካለሱዋ አከና ደሪ የዳ፤ ሽን ህግያ ናግያ ኡራይ አንጀቴዳዋ።
PRO 29:19 ቆማይ ጮ ኦዶ ጻላን ሴረት ኤረና፤ ኦዱ አዉ ገልንቶካ እ አዛዘተና።
PRO 29:20 ኤሌሌ ኤሌሌ ሃሳይያ ኡራ በአ ኤራይሻ? አፐ ቦዛ ኡራዉ ስንꬃናዉ ዳሮ ህዶታይ ደኤ።
PRO 29:21 ነ ቆማዉ ናአተꬃፔ ዶምና፥ እ ኮይያዋ ኡባ አዉ እማ ሜዘዮፐ፥ እት ጋላስ ነዉ ደእያዋ ኡባ አካናዉ እ ካጄላናዌ አተና።
PRO 29:22 ሀንቀትያ አሳይ ዋላሳ ደንꬄ፤ ኤለ ይሎትያ አሳይ ዳሮ ናጋራ ኦꬄ።
PRO 29:23 ኦቶሩ አሳ ካዉሼ፤ ሽን ሆክያ አያናይ ደእያ አሳይ ቦንቼቴ።
PRO 29:24 ካይሱዋና ሻክያ ኡራይ ባረና እጽያ አሳ፤ እ ዳባባን ቱሙዋ ኦዶፐካ ሙረቴ፤ ቱሙዋ ኦዳና ꬋዮፐ ቃይ፥ ጾሳይ አ ሙራና።
PRO 29:25 አሳዉ ያይያዌ ሄ ኡራዉ ጲረ ግዴ፤ ሽን መꬍና ጎዳን አማነትያ አሳይ ሳሮ ደኤ።
PRO 29:26 ዳሮቱ ሱንꬃተꬃይ ደእያ አሳቱዋ አዉዳሺኖ፤ ሽን ሱረ ፕርዳይ መꬍና ጎዳ ማታፐ ቤቴ።
PRO 29:27 ጽሎቱ ናጋራንቻቱዋ ሸነቲኖ፤ ናጋራንቻቱካ ሱረ ኡራ ሸነቲኖ።
PRO 30:1 ሀዋፐ ካሊደ ጻፈቴዳዌ ያቃ ናአይ አጉር ሃሳዬዳ ሃሳያ። ሄ ብታኒ እቴላስነ ኡካላዉ ሀዋ ሃሳዬዳ።
PRO 30:2 ቱሙ ታን አይ አሳፐካ ቦዛ ዳራይ፤ አሳዉ ደእያ አኬካይ ታዉ ባዋ።
PRO 30:3 ታን አꬌዳ ኤራ ታማራበይከ፤ ጌሻ ጾሳባካ አያነ ኤርከ።
PRO 30:4 ሳሉዋ ፑደ ከሲደ፥ ዱገ ዎꬌዳዌ ኦኔ? ጫርኩዋ ባረ ኩሽያን ኦይቄዳዌ፥ ሃꬃ ባረ አፍላን ዪጬዳዌ፥ ሳኣ ጋጻ አ ሳኣን ሳኣን ዎꬄዳዌ ኦኔ? አነ ኤሮፐ አ ሱንꬃ ታዉ ኦዳ። አ ናኣ ኦና ጋይ?
PRO 30:5 ጾሳይ ኦድያ ቃላይ ኡባይ ቱማ፤ ባረኮ ባቃቲደ ብያ ኡባዉ እ ጎንዳለ።
PRO 30:6 አ ቃላ ቦላ አያነ ጉጆፓ፤ ጉጆፐ እ ኔና ሴራና፤ ኔን ዎርዳንቻ ግድያዋካ እ ቆንጭሳና።
PRO 30:7 አቤት መꬍና ጎዳዉ፥ ታን ኔና ላኡባቱዋ ኦቻይ፤ ታን ሀይቃና ጋካናዉ፥ ኡንቱንታ ታና ድጎፓ።
PRO 30:8 ኮይሩዋን፥ ታን አሳ ጭመናዳንነ ዎርዱዋ ሃሳየናዳን ታና ናጋ፤ ላኤንꬁዋን፥ ታዉ ኮሽያ ኬሻ ቁማ እማፐ አትና፥ ታና ዱረ ዎይ ማንቆ ከሶፓ።
PRO 30:9 ሄዌ ꬋዮፐ፥ ዱረ ግዳደ፥ “መꬍና ጎዳይ ኦኔ?” ጋደ ኔና ካዳና፤ ዎይ ማንቆ ግዳደ፥ ዉአና፤ ያታደ ታ ጾሳ ሱንꬃ ቦርሳና።
PRO 30:10 ኔና ሸቀና ማላነ እ ሸቂና ነዉ ጎመተና ማላ፥ ቆማ አ ጎዳን ሞቶፓ።
PRO 30:11 ባረንቱ አዎቱዋ ሸቂያነ ባረንቱ አየቱዋ አንጀና አሳቱ ደኢኖ።
PRO 30:12 ዳሮ ቱና ቱን ኡቲደ፥ ባረንታ ጌሻዳን ፓይድያ አሳቱ ደኢኖ።
PRO 30:13 ኦቶሩዋ ኩሜዳ አሳቱነ አሳ ካꬊደ ጼልያ አሳቱ ደኢኖ።
PRO 30:14 ኡንቱንቱ አቻይ ማሻ ማላ ግድና፥ ኡንቱንቱ ጎጎጩካ ጎሎዱዋ ማላ ግድና፥ ህዬሳቱዋነ መቶታንቻቱዋ ናቂደ፥ ኡንቱንቱዋ ቦንቂያ አሳቱ ደኢኖ።
PRO 30:15 ኡላꬃትዉ ላኡ ማጫ ናናቱ ደኢኖ። ኡንቱንቱ፥ “ሀማ! ሀማ!” ያጊደ ዋሲኖ። ኡባካ ካል ኤረና ሄዙባቱ ደኢኖ፤ ኦይደንꬁ ቃይ ኡባ፥ “ግዳና” ግ ኤረና።
PRO 30:16 ሄዋንቱካ: ዱፉዋ፥ ማይነ ማጫ አሳ፥ ሃꬅ ካልስ ኤረና መላ ቢታነ፥ “ታዉ ግዳና!” ግ ኤረና ታማ።
PRO 30:17 ባረ አዉዋ ቅሊጭያ ናኣ አይፍያ፥ ባረ አታ ጭምና ካꬍያ ናኣ አይፍያ፥ ዛንጋራን ደእያ ቁሮቱ ዎጫና፤ አ አሹዋ አንኮቱ ማና።
PRO 30:18 ታና ሄዙባቱ ማላልሲኖ፤ ኦይደንꬁ ኡባ ታዉ ገለና።
PRO 30:19 ሄዋንቱካ: አርጋንꬃይ ሳሉዋና ፓልያ ፓሉዋ፥ ሾሻይ ሹቻ ቦላና ሶሎልያ ሶሎለꬃ፥ ማርካቢ አባ ቦላን ሶልድያ ሶልዱዋነ ዎዳላይነ ወዶራታ ሲቁዋ ዶምያ ዶመꬃ።
PRO 30:20 ዎሹምያ ምሽራታ ሀንያ ሀኑካ ሄዋ ማላ። አ ሙሳ ማዉ፤ ሽን ሜዳዋፐ ጉይያን፥ ባረ ዶና ቁጫ ድጋደ፥ “ታን አይነ ባይዛበይከ” ያጋዉ።
PRO 30:21 ሄዙ የዎቱዋን ቢታይ ቃጼ፤ ኦይደንꬁዋ ኡባ ቶካናዉካ ዳንዳይቤና።
PRO 30:22 ሄዋንቱካ: አይሊ ካተቴዳ ዎደ፥ ቦዛይ ካꬃ ካሌዳ ዎደ፥
PRO 30:23 አሳይ እጼዳ ምሽራታ አስና ገሌዳ ዎደነ፥ ማጫ ቆማታ ባረ ጎዳቶ ላቴዳ ዎደ መትያ ሀኖታ።
PRO 30:24 ሳኣ ቦላ ኦይዱ ጉꬃ መታቱ ደኢኖ፤ ሽን ኡንቱንቱ ሎይꬅ አꬌዳ ኤራንቻ።
PRO 30:25 ሄዋንቱካ: ጩንጫለቱዋ፥ ጩንጫለቱ ዎልቃይ ባይና መታ፤ ሽን ባረንቶ ምያዋ ቦንያን ሺሺደ፥ ምንጂኖ።
PRO 30:26 ጉፓለቱዋ፥ ጉፓለቱ ጉꬃ ዎልቃይ ደእያዋንታ፤ ሽን ባረንቱ ጎልያ ሹቻ ጎንጎሉዋን ኬጺኖ።
PRO 30:27 ቦለቱዋ፥ ቦለቶ ካቲ ባዋ፤ ሽን ኡንቱንቱ ኡባይካ ማራን ዛቲኖ።
PRO 30:28 ዛራቱዋ፥ ዛራቱ ኩሽያን ኦይቂናካ ኦይቀቲኖ፤ ሽን ኡንቱንቱ ሀራይ አትና፥ ካትያ ጎለንካ ደኢኖ።
PRO 30:29 ባረንቱ ማታ በሲደ ሀመትያ ሄዙ መታቱ ደኢኖ፤ ኦይደንꬁካ ሎኦ ሄመታ ሀመቴ።
PRO 30:30 ሄዋንቱካ: ዶኣ ኡባፐ ምንያነ ያዪደ ባቃት ኤረና ጋሙዋ፤
PRO 30:31 አየቱዋ ግዶን አዪደ ሀመትያ አዉረ ኩቱዋ፥ ዴሻ ኦርግያነ፥ ባረ ኦላንቻቱዋ ግዶን ኤቂያ ካትያ።
PRO 30:32 ኔን ቦዛደ ኦቶረቴዳዋ ግዶፐነ፥ ኢታባ ኦꬃናዉ ሀልቼዳዋ ግዶፐ፥ አነ ታክ ጋደ ቆፓ።
PRO 30:33 ማꬃ ቡክያዌ ኦይሳ ከስያዋዳን፥ ሲꬍያ ይምፕያዌካ ሱꬃ አህያዋዳን፥ ሄዋዳን ሀንቁዋ ደንꬅያዌ ዋላሳ አዬ።
PRO 31:1 ሀዋፐ ካሊደ ጻፈቴዳ ሃሳያይ፥ ካትያ ልሙኤላ አታ ካትያ ልሙኤላ ታማርሴዳዋ።
PRO 31:2 “ላ ታ ናአዉ፥ ታ ኡሉዋፐ ዎꬌዳዎ፥ ታን ሺቀታደ የሌዳዎ፥
PRO 31:3 ማጫ አሳን ነ ዎልቃ ዉርሶፓ፤ ሄ ካተቱዋ ባይዝያ ማጫ አሳቱዋን ነ አካታ ꬋይሶፓ።
PRO 31:4 “ልሙኤላ፥ ሀዌ ካተቶ በሰና፤ ዎይንያ ኤሳ ኡሽያዌ ካተቶ በሰና፤ ማꬆይያ ኡሻ ኡሽያዌ አሳ ቦላ ሱንቴዳዋንቶ በሰና።
PRO 31:5 ኡንቱንቱ ኡሽያ ዎደ ህግያ ባሊኖ፤ ናቀቴዳ አሳ ማታ ሸነኮ ጊኖ።
PRO 31:6 ማꬆይያ ኡሻ ሀይቃና ሀንያ ኡራዉነ ሳአይ ኢቴዳ ኡራዉ እምተ።
PRO 31:7 ኡንቱንቱ ባረንቱ ማንቆተꬃነ ባረንቱ ቱጋ ደኡዋ ዶጋና ማላ ኡሽኖ።
PRO 31:8 “ባረንቱ መቱዋ ኦዳናዉ ዳንዳየናዋንቱ ድራዉ ኔን ኦዳ፤ ማድያዌ ባይናዋንቱ ማታ ድራዉ ኔን ደንዳ።
PRO 31:9 ኡንቱንቶ ሱረ ፕርዳ ፕርዳ፤ ህዬሳቱዋነ መቶታንቻቱዋ ማታ ናጋ” ያጋደ ታማርሳዱ።
PRO 31:10 ዎዛናማ ማቻቶ ኦን ደማናዉ ዳንዳዪ? እንቁዋ ግያ አልኦ ሹቻፐካ እዛ አልአዉ።
PRO 31:11 እ አስናይ እዞ ኡባባንካ አማኔ፤ አዉ ደአናዉ በስያዋፐ አያይነ ፓጨና።
PRO 31:12 አ ባረ ደኡዋ ላይꬃ ኡባን አዉ ሎኦባፐ አትና፥ ኢታባ ኦꬁኩ።
PRO 31:13 ሱፍያነ ላይኑዋ አ ኮያደ፥ ናሸታደ ባረ ኩሽያን ኦꬃዉ።
PRO 31:14 አ ዛልአንቻቱዋ ማርካባቱዋ ማላ፤ ባረ ቁማ ሃኮ ቢታፐ አያዉ።
PRO 31:15 አ ባረ ሶ አሳዉ ቁማ ካꬃናዉነ ባረ ማጫ ቆማቶ ኦሱዋ ግሻናዉ፥ ሳአይ ብሮ ቃማ ደእሺና ደንዳዉ።
PRO 31:16 ጋድያ አ ኮያደ ሻማዉ፤ ባረ ኩሽያን ኦꬃደ ደሜዳ ሻሉዋን ዎይንያ ቱራ ቶካዉ።
PRO 31:17 አ ጎባ ኦሳንቻ ግድያዋ ጻላላ ግደናን፥ ምኖነ ጭንጫ አሳ።
PRO 31:18 አ ባረ ዎꬍያ ደማናዉ ምናደ ዛልአዉ፤ አ ኦꬃደ ቃምስያ ድራዉ፥ ባረ ጾምፕያ ኤለ ቶይሱኩ።
PRO 31:19 አ ባረ ስንድሪታን ሱቃደ፥ ባረ አፍላ ዳዳዉ።
PRO 31:20 አ ህዬሳቶነ መቶታንቻቶ ባረዋፐ ጮ እማዉ።
PRO 31:21 እ ሶ አሳይ ኡባይ ሆእያ ማዩዋ ማዬዳ ድራዉ፥ ሻቻይ ቡክንቶ፥ አ ህርጉኩ።
PRO 31:22 አርሳ ቦላን ሂጽያ ማዩዋ ስካዉ፤ ሊኑዋፐ ዳደቴዳ ኦቻ ቴራ ማላትያ ማዩዋካ ባረዉ ማያዉ።
PRO 31:23 ጋድያ ጭማቱ ሺቅያ ዱቡሻን እ አስናይ ቦንቼቴዳ አሳ።
PRO 31:24 ሊኑዋፐ ማዩዋነ ሳቂያ ኦꬃ ኦꬃደ፥ ዛልአንቻቶ ዛልአዉ።
PRO 31:25 እዛ ምኖነ ቦንቾ አሳ፤ ይያ ላይꬃቶ እዛ ኡባካ ህርጉኩ።
PRO 31:26 አꬌዳ ኤራን አ ሃሳያዉ፤ አማንꬅያ ዞሪ እ እንጻርሳፐ ከሴ።
PRO 31:27 አ ባረ ሶ አሳ ደኡዋ እንጀያናዉ ኡባ ገደ ኦሱዋ ኦꬃደ ደአዉ፤ አዛላ ሀኑ እ ቦላን ቤት ኤረና።
PRO 31:28 እዝ ናናቱ ደንድ ኤቂደ፥ እዞ ናሺኖ፤ እዝ አስናይካ እዞ ጋላቲደ፥
PRO 31:29 “ሎኦባ ኦꬄዳ ዳሮ ማጫ አሳቱ ደኢኖ፤ ሽን ኔን ኡንቱንቱ ኡባፐ አꬋሳ” ያጌ።
PRO 31:30 ማላ ሎኦተꬃይ አላለ ከሰና፤ ፑልካ ꬋያና፤ ሽን መꬍና ጎዳዉ ያይያ ምሽራታ፥ እዛ ጋላተታናዉ በሳዉ።
PRO 31:31 አ ኦꬄዳባዉ ኡባዉ እዉ እዝ ኩሽያ ዛርተ፤ እዛ ኦꬄዳ ኦሱ ኡባይ ዳባባን እዞ ጋላትሶ።
ECC 1:1 ሀዌ፥ ዳዊታ ናኣ፥ የሩሳላመን ካተቴዳ ኤራንቻ ቃላ።
ECC 1:2 ሄ ኤራንቻይ፥ “ኡባባይካ መላ፤ ቃይ ኡባባይካ ሀዳፐ አꬌዳ መላ፤ ኡባባይካ ኡባና መላ” ያጌዳ።
ECC 1:3 ባረ ደእያ ሳን ኡባን፥ አሳይ ዳቡሪደ ኦꬅያዋን ኡባን አዉ ዎꬍ አዬ?
ECC 1:4 እት የለታይ አꬍያ ዎደ፥ ሀራ የለታይ ሳኣ ኦይቄ። ሽን ሀ ቢታይ መꬍናዉካ ላመተናን ደኤ።
ECC 1:5 አዋይ ዶሌነ ዉሌ፤ ቃይ ላኤንꬁዋካ ዶላናዉ ያ ዶሊያ ሳኣኮ ኤሌሌ።
ECC 1:6 ጫርኩ እት ገደ ገድሳ እት ገደ ሁጲሳ ጫርኬ፤ ቃይ ዩይ ዩይ አꬊደ፥ ስመረቲደ ዬ።
ECC 1:7 ጎግያ ሃꬃይ ኡባይ አባን ገሌ፤ ሽን አባይ ኩም ኤረና። ሄ ሃꬃይ ቃይካ ስሚደ ጎጋናዉ፥ ጉየ ባረ ፑልትያ ሳኣ ቤ።
ECC 1:8 ኡባባይካ ሳለꬅያባ። እ ዎይሳ ኬናዉ ሳለꬅንቶካ ኦድ ዉርሳናዉ ዳንዳየተና። አይፊ ጼሊደ፥ ካል ኤረና፤ ሀይꬃይካ ስሲደ፥ ታዉ ግዴዳ ግ ኤረና።
ECC 1:9 ካሰ ሀኔዳዌ ስንꬃናዉካ ስሚደ እ ሀናና፤ ቃይ ሀእ ሀኒደ ደእያባይካ ካሰ ሀኔዳዋ። ሄዋ ድራዉ፥ ሳሉዋ ጉፋንꬃን ኦራꬃባ ግያዌ አያይነ ባዋ።
ECC 1:10 ኦንነ፥ “በእተ! ሀዌ ኦራꬃባ” ጎፐ፥ ሄዌ ኦራꬃ ግደና፤ ሄዌ ኑን የለታናፐ ካሰ ባጋን ሀኔዳዋ።
ECC 1:11 ካሰ አꬌዳ ዎደቱዋን ሀኔዳባቱዋ ዛሪደ ሀሳይያዌ ባዋ፤ ጉየፐ ሀናናባቱዋካ ኡንቱንቱፐ ጉይያን ኦንነ ሀሳየና።
ECC 1:12 ታን ኤራንቻይ፥ የሩሳላመን እስራኤልያዉ ካተ ግዳደ ደኣድ።
ECC 1:13 ታን ቢታን ሳኣን ደእያዋ ኡባ ቆራ ቆራደ ኤራናዉነ አꬌዳ ኤራተꬃን ፕልጋ ጼላናዉ ታ ቆፋ ቃቻድ። ያታደ አሳ ኡባዉ ጾሳይ እሜዳ ደኡ ሎይꬅ ዳቡርስያባነ ናሸችያባ ግድያዋ አኬካድ።
ECC 1:14 ሳሉዋፐ ጋርሳ ባጋን ሀኔዳዋ ኡባ ታን በኣድ፤ ሽን ኡባባይካ መላ፤ ጫርኩዋ ኦይቃናዉ የደርስያዋ ማላ።
ECC 1:15 ጌላይ ስታናዉ ዳንዳየና፤ ቃይ ባይናባካ ፓይዳናዉ ዳንዳየተና።
ECC 1:16 ታን ዎን ታ ዎዛናን ሀዋዳን ያጋደ ቆፓድ፤ “ታፐ ካሰ የሩሳላመ ሞዴዳ ኡባቱዋፐ ታን ዎልቃማነ አꬌዳ ኤራንቻ ግዳድ። ጭንጫተꬃነ ኤራ ግያዌ እ አየንቶ ፓጫደ ኤራድ” ያጋድ።
ECC 1:17 ቃይ ታን አꬌዳ ኤራተꬃፐ፥ ጎሻፐነ ኤያተꬃፐ ግዱዋን ደእያ ዱማተꬃይ አየንቶ ኤራናዉ ሎይꬅ ዳቡራድ። ሽን ዉርሰꬃን ሄዌካ ጫርኩዋ ኦይቃናዉ የደርስያባ ማላ መላ ግድያዋ ኤራድ።
ECC 1:18 አꬌዳ ኤራተꬃይ ዳርያ ዎደ ካዮዪያባይ ዳሬ፤ ኤራይ ዳርያ ዎደካ ቃይ መቱ ዳሬ።
ECC 2:1 ታን ታ ዎዛናን፥ “አነ ታዉ ዎልቃማ ናሸቻ እምያዌ አየንቶ፥ ቃይ ደእያ ደኡዋ ግዶንካ ሎኦባይ አየንቶ በአና” ያጋደ ቆፓድ፤ ሽን ሄዌካ መላ።
ECC 2:2 ኡባ ገደ ሚጭያዌ ኤያተꬃ ግድያዋ፥ ቃይ ዳሮ ናሸቻይካ አይነ ጎኤናባ ግድያዋ አኬካድ።
ECC 2:3 ሄዌ ሄዋ ግድ ኡት ደእሽን፥ አꬌዳ ኤራተꬃ ደማናዉ አሞታደ፥ ታ ዎዛና ዎይንያ ኤሳን ናሸቻደ፥ ሄዋ ሱጋናዉ ኤያተꬃን ቆፋ ቃቻድ። ቃይ አሳይ ሀ ሳኣ ቦላ ባረዉ ደእያ ቃንꬃ ዎድያ አꬅያ፥ ኡባፐ አꬍያ ሎኦ ኦጊካ ሀዋ ጋደ ቆፓድ።
ECC 2:4 ቃይ ሀራ እት ዎልቃማባ ኦꬃድ፤ ታዉ ደእያ ኬꬃቱዋ ኬጻድ፤ ዎይንያ ቱራካ ቶካድ።
ECC 2:5 ዱማ ዱማ አታክልትያነ አይፍያ አይፍያ ምꬃቱዋ ቶክያ ሳኣነ አሳይ ሸምፕያ ሳኣ ጋናትያዳን ሎይꬃደ ጊግሳድ። ሄ ሳኣን ዱማ ዱማ አይፍያ አይፍያ ምꬃቱዋካ ቶካደ፥ ድቻድ።
ECC 2:6 ሄ ድጭያ ምꬃቱዋ ኡሻናዉ፥ ሃꬃ ዳጋይያ ሳኣ ዜራደ ጊግሳድ።
ECC 2:7 አቱማነ ማጫ አይለቱዋ ሻማድ፤ ቃይ ታ ሶን የለቴዳ ሀራ አይለቱካ ታዉ ደኢኖ። ታፐ ካሰ የሩሳላመን ደኤዳ ኦዋፐነ ዳርያ መህያ፥ ዴሻነ ዶርሳ ዉድያ ሃራድ።
ECC 2:8 ታን ሞድያ ዱማ ዱማ ቢታቱዋፐ ቦንቼቴዳ ካተ ጎልያ ዱረታ አይሳደ፥ ዳሮ ዎርቃነ ብራ ታዉ ዳጋያድ። ቃይ፥ ታና ሳቢደ የጽያ አቱማነ ማጫ የꬃንቻቱዋ ቃጻራድ፤ ሄዋ ቦላካ፥ አሳዉ ናሸቻ እምያ ሎይꬅ ዳሮ ማጫ አሳካ ሺሻድ።
ECC 2:9 ሄዋ ድራዉ፥ ታን ታፐ ካሰ የሩሳላመን ደኤዳ ኦፐነ አꬌዳ ዎልቃማ አሳ ግዳድ። ታ አꬌዳ ኤራተꬃይካ ታናና ዉርሰꬃይ ጋካናዉ ደኤዳ።
ECC 2:10 ታ አይፊ ጼሌዳባነ ታ ዎዛናይ አሞቴዳባ ኡባ ደማድ፤ ታ አሳተꬃይ ኮይያ ናሸቻ ኡባካ ድጋበይከ። ታን ኦꬄዳ ኦሱዋ ኡባን ናሸታይ፤ ታ ዳቡራዉ ዎꬊካ ሄዋ።
ECC 2:11 ግዶ ሽን፥ ሄዋ ኡባ ኦꬃ ስማደ ታን አኬክያ ዎደ፥ ሎይꬅ ታን አዉ ዳቡሬዳዌ ኡባይካ መላ ግድያዋ በኣድ። ሳሉዋ ጉፋንꬃን ጎእያዌ አያይነ ባዋ፤ ኡባይካ ጫርኩዋ ኦይቃናዉ የደርስያባ ማላ።
ECC 2:12 ሄዋፐ ጉይያን፥ ታን አꬌዳ ኤራተꬃይ፥ ኤያተꬃይነ ጎሻይ አየንቶ ፓጫደ ኤራናዉ ቆፋ ዶማድ። ካትያ ኮታን ካተትያ ሀራ ካቲ ካሰ ኦሰቴዳዋፐ አꬍያ ሀራባ አይ ኦꬃኔ?
ECC 2:13 ታን ሀዋዳን ያጋድ፤ “ቱሙካ ፖኡ ꬉማፐ ኬክያዋዳን፥ አꬌዳ ኤራተꬃይ ኤያተꬃፐ ኬኬ።
ECC 2:14 ጭንጫ አሳቱ ባረንቱ ደንድያ ሳኣነ ቢደ ጋክያ ሳኣ ኤሪኖ፤ ሽን ኤያቱ ሄዋ ኡባ ኤርክኖ” ያጋድ። ግዶፐ አትና፥ ኡንቱንቱ ላኡዋ ዉርሰꬃይካ እቱዋ።
ECC 2:15 ታን ታ ዎዛናን፥ “ኤያ ጋክያ ካጫይ ታናካ ጋኬ፤ ያትና፥ ታን አꬌዳ ኤራንቻ ግድያዌ ታና አያ ማዲ?” ያጋደ ቆፓድ። ቃይ ታን ታ ዎዛናን፥ “ሀዌ ኡባባይካ መላ!” ያጋድ።
ECC 2:16 አያዉ ጎፐ፥ ኤይና አꬌዳ ኤራንቻ ግድና፥ ሀይቁዋፐ ሄፍንꬃን ስሚደ፥ አ ሀሳይያዌ ባዋ፤ ስንꬃፐ ይያ ላይꬃቱዋን ኑን ኡባይካ ዶገት አታና። ኤያይ ሀይቂያዋዳን፥ አꬌዳ ኤራንቻይካ ሀይቄ።
ECC 2:17 መቱዋፐ አትና፥ ጎእያዌ ባይና ድራዉ፥ ሀ ሳኣ ደኡ ታና ኢቴዳ። ሄዌካ መላ፤ ጫርኩዋ ኦይቃናዉ የደርስያባ ማላ።
ECC 2:18 ሳሉዋ ጉፋንꬃን ታን ሎይꬅ ዳቡራደ ደሜዳ ታ ማጹዋ ኡባ ታፐ ጉይያን ይያ ኡራዉ የጋደ ብያ ድራዉ፥ ታን ዳቡሬዳዌ ኡባይ ታና ኢቴዳ።
ECC 2:19 ታፐ ጉይያን ይያ ብታኒ አꬌዳ ኤራንቼንቶ ኤየንቶ ኦን ኤሪ? ሽን እ ኦና ግድናካ፥ ታን ሎይꬅ ዳቡሬዳዋነ ታ ጭንጫተꬃን ታን ደሜዳዋ ኡባ ባረዉ አኪደ፥ ጎዳ ግዳናዋ፤ ያቶፐ፥ ሄዌካ መላ።
ECC 2:20 ሄዋ ድራዉ፥ ሳሉዋ ጉፋንꬃን ሀዋ ኬሻ አያዉ ዳቡራድታሻ ጋደ ታ ዎዛናን ካዮታድ።
ECC 2:21 አስ ባረ ደኤዳ ላይꬃን ባረዉ ደኤዳ አꬌዳ ኤራተꬃን፥ ኤራንነ ሂላን ዳቡሪደ ደሜዳዋ ኡባ አይነ ዳቡርቤናዎ የጊደ ቤ። ሄዌካ ቃይ፥ ሀዳነ ልከ ግደናዋ።
ECC 2:22 ያትና፥ ሳሉዋ ጉፋንꬃን አሳይ ሎይꬅ ዳቡሪደ ኦꬄዳዋፐ ኡባፐ አያ ጎኣ ደሜዴ?
ECC 2:23 እ ባረ ደኡዋ ላይꬃን ዳቡርያ ዳቡራይ ኡባይ ካዮቶፐነ ካዮፐ ሀራባ አይነ አዉ ጉጀና፤ ሀራይ አቶ ቃማካ አ ሁጲ ቆፋፐ ሸምፐና፤ ግዶ ሽን፥ ሄ ኡባይካ መላ።
ECC 2:24 ሄዋ ድራዉ፥ አሳዉ ጎኣ ግድያዌ አዬ ጎፐ፥ አሳይ ባረ ዳቡሬዳባፐ ሚድነ ኡሺደ ናሸትያዋ። ሄ ናሸቻይካ ቃይ ጾሳ ኩሽያፐ እመቴዳዋ ግድያዋ ታን አኬካድ።
ECC 2:25 አያዉ ጎፐ፥ አ ሸነ ግዳናዋ ꬋዮፐ፥ ምን ኡሽናካ አሳዉ ናሸቻይ ሀቃን ቤቲ?
ECC 2:26 ጾሳ ናሸችያ ኡራዉ ጾሳይ ጭንጫተꬃ፥ ኤራተꬃነ ናሸቻ እሜ፤ ናጋራንቻዉ ማታ እ ዳቡሪደ ሺሻናዳን፥ ዳቡራ እሜ፤ ሽን እ ሺሼዳዋ ጾሳይ አኪደ፥ ባረዉ ያይያዎ ሀራዉ እሜ። ሄዋ ድራዉ፥ ሀ ኡባይካ ሀዳነ ጫርኩዋ ኦይቃናዉ የደርስያባ ማላ።
ECC 3:1 ኡባባዉ ዎዲ ደኤ፤ ሳሉዋፐ ጋርሳ ባጋና ኦሰትያባዉ ኡባዉ፥ አ ላይꬃይ ላይꬃይ ደኤ።
ECC 3:2 ሄዋ ድራዉ፥ የለታናዉ ዎዲ ደኤ፤ ሀይቃናዉካ ዎዲ ደኤ። ቶካናዉ ዎዲ ደኤ፤ ቶኬዳዋ ሾዳናዉካ ዎዲ ደኤ።
ECC 3:3 ዎꬋናዉ ዎዲ ደኤ፤ ፓꬃናዉካ ዎዲ ደኤ። ኮላናዉ ዎዲ ደኤ፤ ቃይ ኬጻናዉካ ዎዲ ደኤ።
ECC 3:4 ዬካናዉ ዎዲ ደኤ፤ ሚጫናዉካ ዎዲ ደኤ። ካዮታናዉ ዎዲ ደኤ፤ ቃይ ናሸቲደ የጻናዉካ ዎዲ ደኤ።
ECC 3:5 ሹቻ ላላናዉ ዎዲ ደኤ፤ ሹቻ ሺሻናዉካ ዎዲ ደኤ። ቆመታናዉ ዎዲ ደኤ፤ ቃይ ሻከታናዉካ ዎዲ ደኤ።
ECC 3:6 ኮዪደ ደማናዉ ዎዲ ደኤ፤ ባይዛናዉካ ዎዲ ደኤ። ሺሽ ኦይቃናዉ ዎዲ ደኤ፤ ላላናዉካ ዎዲ ደኤ።
ECC 3:7 ፔꬋናዉ ዎዲ ደኤ፤ ስካናዉካ ዎዲ ደኤ። ጮኡ ጋናዉ ዎዲ ደኤ፤ ቃይ ሃሳያናዉካ ዎዲ ደኤ።
ECC 3:8 ዶሳናዉ ዎዲ ደኤ፤ እጻናዉካ ዎዲ ደኤ። ኦላዉ ዎዲ ደኤ፤ ሳሮ ዎዲ ደኤ።
ECC 3:9 ያትና፥ ኦሳንቻይ ባረ ዳቡሬዳ ዳቡራፐ አያ ዎꬍያ ደሜዴ?
ECC 3:10 ታን ቃይ፥ አሳ ናናቱ ዳቡሪደ ኦꬃና ማላ፥ ጾሳይ እሜዳ ገዲ ሎይꬅ ዴጾ ግድያዋ በኣድ።
ECC 3:11 ጾሳይ ኡባባ አ ዎድያን ዎድያን ሎይꬂደ ኦꬄዳ። ጾሳይ አሳ ዎዛናን መꬍናተꬃ ኦꬄዳ፤ ሄዋ ግዶፐነ፥ ጾሳይ ኦꬄዳዋ ኡባ ኮይሩዋፐ ዉርሰꬃይ ጋካናዉ፥ አሳይ ዉርሲደ ኤራናዉ ዳንዳየና።
ECC 3:12 ሄዋ ድራዉ፥ አሳይ ባረ ደኤዳ ላይꬃን ሎእያዋ ኦꬅያዋፐነ፥ ናሸትያዋፐ አꬍያዌ አያይነ ባይናዋ ታን አኬካድ።
ECC 3:13 ቃይ፥ አሳዉ አዉ አ ዳቡራዉ ዋጋ ግድያዌ ሙሳንነ ኡሻን ባረና ናሸችያዋ፤ ሄዌካ አዉ ጾሳፐ እመቴዳ እሞታ።
ECC 3:14 ጾሳይ ኦꬄዳዌ ኡባይ መꬍናዉ ደእያዋ ግድያዋ ታን ኤራድ፤ እ ኦꬄዳዋ ቦላን ጉጃናዉ ዎይ አፐ ሃ ጉꬃናዉ ዳንዳየተና። ጾሳይ ሄዋ ኦꬄዳዌ፥ አሳይ ባረዉ ያዪደ ቦንቻናሳ።
ECC 3:15 ሀእ ሀኒደ ደእያባይ ዎይ ስንꬃፐ ሀናናዉ ደእያባይ ኡባይ ካሰ አꬌዳ ዎድያን ሀኔዳዋ፤ አያዉ ጎፐ፥ ጾሳይ ካሰ ሀኔዳዌ ዛር ዛሪደካ ሀናናዳን ኦꬄ።
ECC 3:16 ቃይ ታን፥ ሳሉዋ ጉፋንꬃን ጌሻ ፕርዳ ሳኣን ኢታተꬃይ፥ ጽሎተꬃ ሳንካ ናጋራይ ደእያዋ በኣድ።
ECC 3:17 ታ ዎዛናን፥ “ጾሳይ ጽሉዋነ ኢታ ላኡዋካ ፕርዳዉ ሺሻና፤ አያዉ ጎፐ፥ ጾሳይ አላለ ኡባዉነ ኦሱዋ ኡባዉ ዎድያ ኬር ዎꬄዳ” ያጋደ ቆፓድ።
ECC 3:18 ቃይ ታን ታ ዎዛናን፥ “አሳይ ዶአቱዋፐ ኬከናዌ ኡንቱንታ በሳናዉ፥ ጾሳይ ኡንቱንታ ፓጬ” ያጋድ።
ECC 3:19 አያዉ ጎፐ፥ አሳ ግድና፥ ዶአቱዋ ግድናካ፥ ኡንቱንቱ ካጫይ እቱዋ፤ እቱ ሀይቂያዋዳን፥ የንኩካ ሀይቄ። ቃይ ላኡካ እት ጫርኩዋ ሸምፒኖ፤ ሄዋ ድራዉ፥ አሳቱካ ዶአቱዋፐ ኬክክኖ፤ ሄዌካ መላ።
ECC 3:20 ኡንቱንቱ ላኡካ እት ሳኣ ቢኖ፤ ላኡካ ቢታፐ መቴዳ ድራዉ፥ ቢታዉ ስሚኖ።
ECC 3:21 ያትና፥ አሳ ሸምፑ ሳሉዋ ፑደ ከስያዋነ ዶአቱዋ ሸምፑ ቢታ ጪማዉ ዱገ ዎꬍያዋ ሻኪደ ኤራናዉ ዳንዳይያዌ ኦኔ?
ECC 3:22 ሄዋ ድራዉ፥ አሳይ ባረ ኦꬄዳ ኦሱዋን ናሸትያዋፐ ኬክያዌ ሀራባይ አዉ ባይናዋ በኣድ። አያዉ ጎፐ፥ አዉ ደእያ ሎኦ ካጫይ ሄዋ ጻላላ። አስ ሀይቂ ክቾፐ አፐ ጉይያን ሀንያዋ በሳናዉ፥ አ ሀይቁዋፐ ጉየ አሀናዉ ዳንዳይያዌ ኦኔ?
ECC 4:1 ታን ቃይካ፥ ሳሉዋ ጉፋንꬃን አሳይ አሳ አያ ኬሻ ናቂንቶነ ጼላድ። ናቀቴዳዋንቱ ባረንታ ምንꬅያዋ ꬋዪደ ዬኪኖ። ናቂያዋንቶ ዎልቃማ ማታይ ደእያዋፐ አትና፥ ናቀትያዋንታ ማድያዌ ኦንነ ባዋ።
ECC 4:2 ሄዋ ድራዉ፥ ታን፥ “ሀእ ፓጻ ደእያዋንቱፐ ካሰ ሀይቂ ክቼዳዋንቱ ኬካ” ያጋድ።
ECC 4:3 ግዶ ሽን፥ ሀ ላኡዋፐካ አꬊደ ቃይ፥ ሙለ የለትቤናዋንቱ ካጫይ ሎአ፤ አያዉ ጎፐ፥ ኡንቱንቱ ሳሉዋ ጉፋንꬃን ኦሰትያ ናቁዋ ሙልያ በእበይክኖ።
ECC 4:4 አሳይ ባረ አሞቴዳባ ደማናዉ ሎይꬅ ዳቡሪደ ኦꬄ፤ ሽን ሄ ዳቡራይ ባረ ላግያ ቦላን ቃናትያ ቆፋፐ ደንዴዳዋና ግድያዋ ታን አኬካድ። ሄዌካ ቃይ መላ፤ ጫርኩዋ ኦይቃናዉ የደርስያባ ማላ።
ECC 4:5 ባረ ኩሽያ ጻጺደ፥ ኡት አግያ አዛላይ፥ ኮሻን ሀይቄ።
ECC 4:6 ዳቡራንነ ጫርኩዋ ኦይቃናዉ የደርስያባ ማላ ጃማን ዳቡሪደ ደምያ ላኡ ኩሽያፐ፥ ዎፓን ደምያ እት ኩሽያ ዳሬ።
ECC 4:7 ቃይ ታን፥ ሳሉዋ ጉፋንꬃን መላ ግደዳዋ እት ሀራባካ በኣድ።
ECC 4:8 ሄዌካ እት ባረካ ዴእያ ብታንያባ፤ አዉ አቱማ ናአይ ዎይ እሽ ባዋ። ሽን እ ዳቡርያ ዳቡራዉ ዛዋይ ባዋ፤ ቃይ ባረዉ ደእያዋን አለና። እ ባረካ ባረና ኦቺደ፥ “እ ታ ሀዋ ኦሲ ዳቡራይታ? ታና ታ ሁጲያ አያዉ ናሸቻ ድጋይታ?” ያጊደ ኦቼዳ። ሄዌካ ቃይ ሀዳባነ ቱጋ ደኡዋ።
ECC 4:9 እቱዋ ግድያዋፐ ላአ ግድያዌ ሎአ፤ አያዉ ጎፐ፥ ኡንቱንቱ ኦሱ እቱዋዋፐ አꬊደ፥ ሎኦ አይፍያ እማናዉ ዳንዳዬ።
ECC 4:10 ቃይ፥ ላኡዋፐ እቱ ኩንዶፐ እቱ ደንꬄ፤ ሽን ባረካ ደእያ ኡራይ ኩንዶፐነ አ ደንꬅያዌ ባይና ድራዉ፥ አዉ አየ አና!
ECC 4:11 ሜጎ ዎድያን ላኡ እትፐ ግሶፐ ሆኤ፤ ሽን ባረካ ግስያ ኡራ ሀቃፐ ሆአናዉ ዳንዳዪ?
ECC 4:12 እት አሳይ ባረካ ተአናዉ ዳንዳየና መቱዋ ላኡ አሳቱ እትፐ ኤቀቲደ፥ ተአናዉ ዳንዳዪኖ። ሄዙ ኩꬃን ዶቀቴዳ ዎዶሩካ ኤለ ዱጸና።
ECC 4:13 ሎኦ ዞርያ አከና ጭማ ካትያፐ ህዬሳ ግዶፐነ፥ አꬌዳ ኤራንቻ ያላጋይ ኬካ።
ECC 4:14 አያዉ ጎፐ፥ እ ሄ ህዬሳ ግድያ ሳኣፐ ደንዲደ፥ ዎይ ቃሾ ጎልያፐ ከሲደ፥ ባረ ቢታን ካተ ግድያ ሳኣ ጋካናዉ ዳንዳዬ።
ECC 4:15 ሳሉዋ ጉፋንꬃን ደእያነ ሀመትያ አሳ ኡባይ ካትያ ካዉተꬃ አራታ ላትያ ያላጋ ካልያዋ በኣድ።
ECC 4:16 እት ካቲ ሞድያ አሳይ ፓይዱ ባይና ጮራ ግዳናዉ ዳንዳዬ። ሽን ካዉታፐ እ ክችያ ዎደ፥ እ ኦꬄዳባዉ ኦንነ አ ጋላተና። ሄዋ ድራዉ፥ ሀ ኡባይካ መላ፤ ጫርኩዋ ኦይቃናዉ የደርስያባ ማላ።
ECC 5:1 ጾሳ ጎልያ ገልያ ዎደ፥ ነ ገድያ አኬካደ ታንጋ። ስሳናዉ ማታ ሺቅያዌ፥ ኤያቱ ያርሹዋ ሺሽያዋፐ አꬌ፤ አያዉ ጎፐ፥ ኡንቱንቱ ኢታ ኦሱዋ ኦꬂደ ደእያዋ ኤርክኖ።
ECC 5:2 ነ ዶናን ሃሳያናዉ፥ ጾሳ ስንꬃንካ ብዳናዉ ኤሌሎፓ። ቃይ እትባ ጾሳዉ እማና ጋደ ነ ዎዛናን ኤሌላደ ገፓ ክቾፓ፤ አያዉ ጎፐ፥ ጾሳይ ሳሉዋን፥ ኔን ቃይ ሀዋን ሳኣን ደኣሳ፤ ሄዋ ድራዉ፥ ነ ሃሳይያ ቃላይ ጉꬃ ግዶ።
ECC 5:3 ህርጋይ ዳርያ ዎደ፥ ቃማን አኩሙካ ዳሬ፤ ሄዋዳንካ፥ ብደꬃ ዳሩ ኤያተꬃ ቃላ ከሴ።
ECC 5:4 ጾሳዉ ኔን ገፔዳዋ ፖላናዉ ጋምኦፓ፤ አያዉ ጎፐ፥ ጋምእያ ኤያቱዋን ጾሳይ ናሸተና። ሄዋ ድራዉ፥ ኔን ገፔዳዋ ኡባ ፖላ።
ECC 5:5 እትባ ጾሳዉ ገፒደ፥ ፖለናን አግያዋፐ ኮይሮ ገፐናን አግያዌ ሎአ።
ECC 5:6 ኔና ነ ዶናይ ናጋራን የገናዳን፥ ነ ዶና ዛዋፐ አꬌዳ የዳ ኦꬆፓ፤ ቃይ ጾሳዉ ኦꬅያዎ፥ “ካሰካ ሀዋ ታን አኬከናን ገፓድ” ጎፓ። አያዉ ጎፐ፥ ሄዋ ጾሳይ ሎይꬅ ሀንቀꬅያ ድራዉ፥ ኔን ዳቡራደ ደሜዳዋ፥ ነ ኩሽያ ኦሱዋ ኡባ እ ባረ ሀንቁዋን ቁጪደ ꬋይሳናዉ ዳንዳዬ።
ECC 5:7 ዳሮ አኩሙዋ አኩመቶፐነ ዎይ ቃይ ዳሮባ ሃሳዮፐነ ሄ ኡባይካ መላ፤ ሄዋ ድራዉ፥ ኔን ሄዋ አጋ አጋደ ጾሳዉ ያያ።
ECC 5:8 እት ካዉተꬃይ ባረ ቢታን ደእያ ህዬሳቱዋ ናቂሺንነ ፕርዳ ጌላይሽን ኔን በኦፐ፥ ዳርና ማላለቶፓ። እት እት ካፖ አፐ ቦላና ሱንቲደ፥ አ ጼልያ ሀራ ካፑ ደኤ። ቃይ ኡንቱንቱ ላኡዋፐካ ቦላና ሱንቲደ፥ ኡንቱንታ ጼልያ ሀራ ካፓቱካ ደኢኖ።
ECC 5:9 ሀራይ አትና፥ ካትያ ግዶፐነ፥ ጎሻፐ ቤትያ አይፈቱ ꬋዮፐ፥ ዎፓን ደአናዉ ዳንዳየና።
ECC 5:10 ብራ ዶስያ ኡራዉ ብር ግድ ኤረና፤ ዱረታናዉ ሲቅያ ኡራይካ ሚሻ ካል ኤረና። ሽን ሀ ኡባይካ መላ።
ECC 5:11 ዱረተꬃይ ዳርያ ዎደ፥ ምያባይካ ሄዋ ኬሻ ዳሬ። ያትና፥ ባረ ማጹዋ ጮ አይፍያን ጼሊደ፥ “ታን ዱረ” ጋናፐ አትና፥ ሀራባ አዉ አያ ማዲ!
ECC 5:12 ኦሱዋ ኦꬅያ አሳይ ጉꬃ ምን፥ ዳሮ ምን፥ ሳሮ ገምእሹዋ ገምእሺደ አቄ፤ ሽን ዱሪ ባረ ዱረተꬃዉ ኡባ ዎደ ኡንኤቲደ ቆፕያ ድራዉ፥ ገምእሹዋ ꬋዪደ ደኤ።
ECC 5:13 ሳሉዋ ጉፋንꬃን ሎይꬅ ካዮይያዋ ሀራባካ ታን በኣድ፤ ኢታ ዎድያን ባረና ማዶ ጊደ፥ አሳይ ባረዉ ደኤዳዋፐ ጉየ ዎꬂደ ዳጋዬ።
ECC 5:14 ቃይ ሄ ዱረተꬃይ እት ኢታባይ ጋከትና ꬋይ ክቼ። እ ናኣ የሌዳዋ ግዶፐካ፥ ናኣ ላትስያዋና ꬋዪደ፥ መላ አቴ።
ECC 5:15 አስ ኡባይ ኮይሮ ካሎ የለቴዳዋዳን፥ መላ ኩሽያና ስሚደ ባና። አይ ኬሻ እ ዳቡሪደ ኦꬆፐነ፥ ባረ ዳቡሬዳባፐ አኪደ ብያባይ አያይነ ባዋ።
ECC 5:16 አስ ካሎ የለቲደ፥ ካሎ ጉየ ስምያዌካ ቃይ ሎይꬅ ካዮትያ ኢታባ። አ ዳቡራይ ኡባይ ጫርኩዋ ኡጭያዋዳን መላ ግዶዋፐ ስንꬃን፥ እ ሄዋን አያ ማደቲ?
ECC 5:17 እ ባረ ላይꬃ ኡባ ꬉማ ደኡዋን፥ ካዩዋን፥ ይሎትያዋን፥ ሀርግያንነ ሀንቁዋን ዉርሴ።
ECC 5:18 ሄዌ ሄዋ ግዶፐነ፥ ታን አኬኬዳ እት ሎኦባይ ደኤ፤ ሄዌካ ሳሉዋ ጉፋንꬃን ጾሳይ አሳይ ደአናዳን እሜዳ ቃንꬃ ላይꬃ ግዶን፥ አሳይ ዳቡራፐ ምያዌ፥ ኡሽያዌነ ናሸትያዌ ሎአነ በስያዋ። አያዉ ጎፐ፥ አ ካጫይ ሄዋ።
ECC 5:19 ጾሳይ አሳዉ ዱረተꬃነ ማጹዋ እምያዌ፥ ባረ ዳቡራ ጋትያ ደሚደ፥ ሚድነ ኡሺደ ናሸታናሳ። ሄዌካ ቃይ ጾሳፐ አዉ እመቴዳ እሞታ።
ECC 5:20 ጾሳይ አ ዎዛናን ኡባ ዎደ ናሸቻ ኩንꬅ ዎꬅያ ድራዉ፥ እ ባረ ደኡዋ ላይꬃባ ዳሮ ቆፐና።
ECC 6:1 ሳሉዋ ጉፋንꬃን አሳ ቦላ ጋክያ ሎይꬅ ኢታባ ታን በኣድ።
ECC 6:2 ጾሳይ አሳዉ ማጹዋ፥ ዱረተꬃነ ቦንቹዋ ኡባ እሜ፤ አዉ ኮሽያባፐ አያነ ፓጭሰና። ሽን፥ አዉ እመቴዳ ማጹነ ዱረተꬃ ኡባን ኬꬃዉ ናሸታና ማላ፥ ኩመንꬃ ሸንያ አዉ እመና። ሄዋ ጻላላካ ግደና፤ እ ዳቡሪደ ደሜዳዋን ሀራ ዳቡርቤናዌ ናሸታናዳን ኦꬄ። ሄዌካ ሀዳነ ሎይꬅ ካዮትያ ኢታባ።
ECC 6:3 እት አሳይ ጼቱ ናናቱዋ ጋካናዉ የሊደ፥ አዱሳ ላይꬃ ደኢደ ኤጫናዉ ዳንዳዬ፤ ሽን እ ባረዉ እመቴዳዋን ናሸትያ ካጫይ አዉ ꬋዮፐ፥ ቃይ ዉርሰꬃን ቦንቾ ሞጉዋካ ሞገተናን አቶፐ፥ አፐ ባረ ዳይ ኡሉዋን ሀይቂደ የለቴዳ ቦሻይ ኬካ ጋይ።
ECC 6:4 አያዉ ጎፐ፥ ሄ ቦሻይ ጮ የለቴዳ፤ ስሚደ ቃይ፥ አ ኦንነ ሀሳየና ꬉማዉ ቤ፤ አ ሱንꬃይካ ሄ ꬉማን ካመቲደ አቴ።
ECC 6:5 እ አዋ ፖኡዋ በእቤና፤ ደኡዋባይካ አየንቶ ኤርቤና። ህንኮ ብታንያዋፐ አꬊደ ሸምፕያዌ አ።
ECC 6:6 ሄዋ ድራዉ፥ ናሸቻይ ባይናን ደእሺና፥ ላኡ ሻኡ ላይꬃ ደእያ አሳፐ ሄ ቦሻ ካጫይ ሎአ። አያዉ ጎፐ፥ ዉርሰꬃን ላኡካ እት ሳኣ ቢኖ።
ECC 6:7 አስ ዳቡሪደ ኦꬅያ ኡባይ ባረዉ ምያዋ ደማናሳ፤ ሽን አ ኡሉ አዉደነ ግዳናዋ ግ ኤረና።
ECC 6:8 ያትና፥ ጭንጫ አሳይ ኤያፐ አያን ኬኪ? ህዬሳይካ ሎይꬅ ጭንጪደ፥ ሀራቱ ስንꬃን ዋን ስመረታነንቶ ኤርያዌ አዉ አያ ማዲ?
ECC 6:9 አይፍያን በእያዌ አሞትያዋፐ ኬካ። ቃይ ሄዌካ ጫርኩዋ ኦይቃናዉ የደርስያዋ ማላ መላ።
ECC 6:10 ሀንያባይ ኡባይካ ካሰቲደ ኩሸት ኡቴዳ። እት እት አሳይ ዋናናዉ ደእንቶ፥ አዱሳ ዎድያፐ ካሰ ባጋን ኤረት ኡቴዳ፤ ቃይ አይ አሳይነ ባረፐ ምንያዋና ጋዳታናዉ ዳንዳየና።
ECC 6:11 ሃሳያይ ጮራትያ ዎደ፥ ሀዳባይ ጮራቴ፤ ሄዌ ያትና፥ አሳ አያ ማዲ?
ECC 6:12 ሀዳ ግዲደ፥ ኩዋዳን ጮ አꬍያ ጉꬃ ላይꬃ ባረ አሳይ ዎቲደ አꬃናዉ ኮሽንቶ ኤርያዌ ኦኔ? ቃይካ አሳይ ሀይቂደ ብ ክችና፥ ሳሉዋ ጉፋንꬃን ሀናናዉ ደእያዋ አሳዉ ኦዳናዉ ዳንዳይያዌ ኦኔ?
ECC 7:1 ጋቲ አልኦ ግዴዳ ሎኦ ሽቱዋፐ ሎኦ ሱንꬃይ አꬌ፤ የለትያ ጋላሳፐካ ሀይቂያ ጋላሳይ ሎአ።
ECC 7:2 ግብራ ጎልያ ብያዋፐ፥ ዬኮ ጎልያ ብያዌ ሎአ፤ አያዉ ጎፐ፥ አሳ ኡባ ዉርሰꬃይ ሀይቆ፤ ፓጻ ደእያ አሳይካ ሄዋ ባረ ዎዛናን ዎꬃናዉ ኮሼ።
ECC 7:3 ሚቻፐ ካዩ ኬካ፤ አያዉ ጎፐ፥ ካዩ ሶምኡዋ ካረጽሶፐካ ዎዛና ፖእሴ።
ECC 7:4 ኡባ ገደ ናሸችያዋ ጻላላ ቆፕያ ኡራይ ደኦፐ፥ ሄ ኡራይ ቦዛ፤ ሽን ጭንጫ አሳይ ሀይቁዋባካ ቆፔ።
ECC 7:5 ኤያቱ ሳቢደ የጽያ የꬃ ስስያዋፐ፥ አꬌዳ ኤራንቻ አሳይ ሴርያ ሴራ ስስያዌ ሎአ።
ECC 7:6 ኤያ ሚቻይ፥ ሱፓ አጉንꬃ ታማን የግና ኤጺደ ꬉእያዋ ማላ። ሄዌካ ቃይ መላ።
ECC 7:7 ሱገꬃ ኦሱ አꬌዳ ኤራንቻ ቦዛ ከሴ፤ ማጋንጻ አሳፐ አክያዌካ ዎዛና ባይዜ።
ECC 7:8 አይ የዎ ግዶፐነ፥ ዶመꬃፐ ዉርሰꬃይ ኬካ፤ ቃይ ኦቶራንቻ ኡራፐካ ዳንዳያንቻ ኡራይ ኬካ።
ECC 7:9 ሀንቁ አዛላቱ ሀሉዋ ከሳናዉ ጎኤትያ ሚሻ ግድያ ድራዉ፥ ኤለ ሀንቀቶፓ።
ECC 7:10 “ሀእ ዎድያፐ ካሰ አꬌዳ ዎዲ አያዉ ኬካ ግዴዴ?” ጋደ ኦቾፓ፤ አያዉ ጎፐ፥ ሄዋ ማላ ኦሻይ አꬌዳ ኤራንቻ ግያ አሳይ ኦችያ ኦሻ ግደና።
ECC 7:11 ሀ ሳኣን አሳይ ኡባይ አꬌዳ ኤራንቻ ግዳናዉ ኮሼ፤ አያዉ ጎፐ፥ አꬌዳ ኤራተꬃ ደምያዌ ማጹዋ ላትያዋፐ ጉጸና።
ECC 7:12 ሚሻይ አሳ ኢታፐ ካሚደ አሽያዋዳን፥ አꬌዳ ኤራተꬃይካ አሼ። ሽን፥ አꬌዳ ኤራተꬃይ ሚሻፐ ዳርያዌ፥ እ አሳዉ ደኡዋ እማናዉ ዳንዳይያዋና።
ECC 7:13 አነ ጾሳይ ኦꬄዳዋ አኬካ! ጾሳይ ጌላዬዳባ ኦን ሱርሳናዉ ዳንዳዪ?
ECC 7:14 ነዉ ኡባባይ ጊጌዳ ዎድያን ናሸታ፤ ቃይ መቱ ጋክያ ዎድያንካ አኬካ፤ አያዉ ጎፐ፥ ናሸቻ ግድና፥ መቶ ግድና፥ ጾሳይ የድያ ዎድያን ዬ። ሽን ሀቃዌ ካሰቲደ ያነንቶ፥ ኔን ኤራካ።
ECC 7:15 ሀ መላ ግዴዳ ላይꬃን ታዋን ዳሮባ ታን በኣድ። ሄዌካ፥ ጌላይ ባረ ጌላተꬃ ኦꬂደ፥ አዱሳ ላይꬃ ደእያ ዎደ፥ ጽሎተꬃ ኦꬅያ ጽሉ ቃንꬃ ላይꬃን ሀይቄ።
ECC 7:16 ሄዋ ድራዉ፥ ኔን ኤለ ꬋየናዳን፥ ሎይꬅ ዳሮ ጽሉዋ ዎይ ሎይꬅ ዳሮ አꬌዳ ኤራንቻ ግዶፓ።
ECC 7:17 ቃይ ዎዲ ባይናን ኔን ሀይቀናዳን፥ ኡባ ባላ ኢታነ ግዶፓ፤ ኡባ ሞጆጃ ኤያነ ግዶፓ።
ECC 7:18 ሀ ኡባንካ ጾሳዉ ያይያ ኡራይ፥ መቶ ኡባፐ ጾኑዋን ከሳናዉ ዳንዳይያ ድራዉ፥ ኔን ዳሮ ኢታ ዎይ ዳሮ ጽሉዋነ ግደናን ግዶ አሳ ግዳ።
ECC 7:19 አꬌዳ ኤራተꬃይ አꬌዳ ኤራንቻቶ እምያ ዎልቃይ ታሙ ካታማቱዋ ሞድያ አሳቶ ዎልቃፐ ዳሬ።
ECC 7:20 ጽሎባ ጻላላ ኦꬂደ፥ ናጋራ ኦና አሳይ ሀ ሳኣ ቦላን ባዋ።
ECC 7:21 አሳይ ሃሳይያ ቃላ ሙልያ ሀይዛደ ፖላና ጎፓ፤ ኔን ሙልያ ሀይዛና ጎፐ፥ ነ ቆማይ ኔና ሸቂሽን፥ ኔን ስሳና።
ECC 7:22 ቃይ ኔንካ ነ ሁጲያን ሀራቱዋ ሸቄዳዋ ነ ዎዛናይ ኤሬ።
ECC 7:23 ሀዋ ኡባ ታን አꬌዳ ኤራተꬃን ፕልጋደ ጼላድ፤ ያታደ፥ “ታንካ አꬌዳ ኤራንቻ ግዳና” ያጋድ። ሽን ታን ጌዳዋዳን ሀንቤና።
ECC 7:24 አꬌዳ ኤራተꬃይ ኡባ ገደካ ሃኩዋን ደእያዋነ ጪማባ፤ ያትና፥ አ ቆሪደ ደማናዉ ዳንዳይያዌ ኦኔ?
ECC 7:25 ታን ኤራናዉ፥ ፕልጋ ጼላናዉነ አꬌዳ ኤራተꬃነ የዉዋ ኡባ ዉርሰꬃ ኤራናዉ፥ ቃይ ናጋራይ ኤያተꬃ ግድያዋነ ኤያተꬃይካ ጎሻ ግድያዋ ኤራናዉ፥ ታ ዎዛናን ዩሻ ዩሻደ ቆፓድ።
ECC 7:26 ታን ሀይቁዋፐ አꬊደ ጫምያ ሀራ እትባ ፕልጋ ጼላደ ደማድ፤ ሄዌካ፥ እዝ ዎዛናይ ጲረ ዎይ እግር ብራታ ግድና፥ እዝ ኩሺ ሳንሳላታ ማላ ግዴዳ እት ማጫ ምሽራትባ። ጾሳ ናሸችያ ኡራይ ኢፐ ከስ አካና፤ ሽን ናጋራንቻ አ ባረ ጲርያ ዋጻደ ኦይቃና።
ECC 7:27 ኤራንቻይ ሀዋዳን ያጌዳ፤ “ታን ካላ ካላደ፥ ፕልጋ ጼላደ፥ ሀራ ደሜዳዌ ሀዋ።
ECC 7:28 ሄዌካ፥ ታን ሀች ጋካናዉ ኮያደ ደማቤናዋ። ሻኡ አቱማ አሳ ግዶፐ ቦንቹ በስያ እት አሳ ጻላላ ደማድ፤ ሽን ማጫ አሳ ግዶፐ እትኖነ ደማናዉ ዳንዳያበይከ።
ECC 7:29 ታን ቆራደ ደሜዳ ሀራባይ፥ ጾሳይ አሳ ሱረ ቆፋይ ደእያዋንታ ኦꬂደ መꬌዳ፤ ሽን አሳይ ዳሮ ሂላ ኦግያ ኮዪደ ቤዳ” ያጌዳ።
ECC 8:1 አꬌዳ ኤራንቻ አሳ ማላ አሳይ ኦኔ? የዎቱዋ ኡባ ብለꬃ ኤርያዌ ኦኔ? አꬌዳ ኤራተꬃይ ፓሽክሲደ፥ ꬉሜዳ ሶምኡዋ ፖእሴ።
ECC 8:2 ካትያዉ አዛዘታ፤ አያዉ ጎፐ፥ አዛዘታናዉ ኔን ካሰ ጾሳ ስንꬃን ጫቃ ኡታዳ።
ECC 8:3 ኡባ ዎደ ኢታ ኦሱዋ ኦꬆፓ፤ አያዉ ጎፐ፥ ካቲ ባረ ኮዬዳዋ ኦꬃናዉ ዳንዳይያ ድራዉ፥ ኔን አ ስንꬃፐ ኤለ ꬋያና።
ECC 8:4 ኡባባ ኦꬃናዉ ካትያዉ ማታይ ደኤ፤ ያትና፥ “አያዉ ሀዋ ኦꬃዲ?” ያጊደ አ ኦቻናዉ ዳንዳይያዌ ኦኔ?
ECC 8:5 አ አዛዙዋ ፖልያ ኡራይ ሙረተና፤ አꬌዳ ኤራንቻ አሳይ ልከ ግድያ ዎድያነ ኦꬅያ ኦግያ ኤሬ።
ECC 8:6 እት አሳ ቦላን ዴጾ መቱ ጋክንቶነ፥ የዉዋ ኡባዉ አዉ አ ዎዲነ አ ኦጊ ኦጊ ደኤ።
ECC 8:7 ስንꬃፐ ሀናና ትምቢትያ ኤርያዌ ባዋ፤ ሄዋ ድራዉ፥ “ሀዌ ሀናና” ጊደ ኦዳናዉ ዳንዳይያዌ ኦኔ?
ECC 8:8 ሸምፑ ሻከቲደ ብያ ጋላስ ኦይቂደ፥ ተአናዉ ዳንዳይያ አሳይ ባዋ፤ ዎይ ሀይቁ ባረ ጋላሳን ዬናዳን ድጋናዉ ዳንዳይያ አሳይካ ባዋ። ሄዌ ኦንነ ከስ አካናዉ ዳንዳየና ኦላ። ሄዋ ድራዉ፥ ሀይቁዋ ስንꬃን ኢታተꬅ ኢታ ኦꬅያ ኡራ አሽ አከና።
ECC 8:9 ሳሉዋ ጉፋንꬃን ሀንያዋ ኡባ ታን አኬካደ ቆፕያ ዎደ፥ እት አሳይ ባረዉ ሞድያ ማታ ሀራ አሳ ቆሀናዉ ጎኤትያዋ በኣድ።
ECC 8:10 ቃይ ኢታ አሳቱ ቦንቹዋን ሞገትሽና በኣድ። ሄዋፐ አꬍያዌካ ቃይ፥ ሞጉዋፐ ስምያ ዎደ፥ ኡንቱንቱ ሄ ኢታተꬃ ኦꬄዳ ካታማ አሳይ ሺቂደ፥ ኡንቱንታ ሳቢሽና ስሳድ። ሄዌ ኡባይካ መላ።
ECC 8:11 አስ ሀልቺደ ኢታባ ኦꬅያ ጋሱ፥ ኢታባ ኦꬄዳ አሳቱዋ ኤለካ ሙርያባይ ባይና ድራሳ።
ECC 8:12 ናጋራንቻይ ጼቱ ገደ ኢታባ ኦꬅሽና፥ አ ላይꬃይ አዱቆፐካ፥ ጾሳዉ ያይያዋንቶ ሳአይ ሎአናዋ ታን ኤራይ።
ECC 8:13 ኢታቱ ጾሳ ያየና ድራዉ፥ ሳሮተꬃይ ኡንቱንቶ ባዋ፤ ጾሳዉ ኡንቱንቱ ያየና ድራዉ፥ ኡንቱንቱ ባረካ ኩዋዳን ቃማና።
ECC 8:14 ሀ ሳኣን ኦሰትያ እት ሀዳባይ ደኤ፤ ሄዌካ፥ ጌሻ አሳቱ ናጋራንቻቶ ይያ ሙሩዋ አክና፥ ናጋራንቻቱ ቃይ፥ ጌሻቶ ይያ ሎኦባ አኪኖ። ሀ ኡባይካ መላ።
ECC 8:15 ሄዋ ድራዉ፥ አሳይ ባረ ደኡዋን ናሸቶፐ ሎአ ጋደ ቆፋ እማይ፤ አያዉ ጎፐ፥ አሳይ ምያዋፐ፥ ኡሽያዋፐነ ባረና ናሸችያዋፐ አꬌዳ ሎኦባይ አዉ ሳሉዋፐ ጋርሳ ባጋና ሀራይ ባዋ። ጾሳይ አዉ እሜዳ ላይꬃን እ ዳቡሪደ ደሜዳዋን ሄዋዳን ኦꬆፐ፥ ናሸታናዉ ዳንዳዬ።
ECC 8:16 ታን አꬌዳ ኤራተꬃይ አየንቶ ኤራናዉነ አሳይ ሀ ሳኣ ቦላን ዳቡርያ ዳቡራ አኬካናዉ ሀልቻድ፤ ዉርሰꬃን አሳይ ገምእሹዋ ꬋዪደ ኦꬅያ ዱጸና ኦሱ ደእያዋ በኣድ።
ECC 8:17 ሄዋፐ ጉይያን፥ ጾሳይ ኦꬄዳዋ ኡባ በኣድ። ቃይ ሳሉዋፐ ጋርሳ ባጋን ኦሰቴዳ ኦሱዋ አሳይ ፕልጊደ ኤራናዉ ዳንዳየናዋ ኤራድ። አስ አይ ኬሻ ዳቡሪደ ፕልግ ጼሎፐነ፥ አ ብለꬃ ኤራናዉ ዳንዳየና። ቃይ አꬌዳ ኤራንቻ አሳይ፥ “ታን ሀዋ ኤራይ” ጎፐነ፥ እ ኤራናዉ ዳንዳየና።
ECC 9:1 ሀ ኡባ የዎቱዋባ አዱሳ ዎድያ ታን ቆፔዳዋፐ ጉይያን፥ አꬌዳ ኤራንቻነ ጽሉዋ ግዴዳ አሳቱነ ኡንቱንቱ ኦሶቱ ጾሳ ኩሽያን ደኢኖ ጋደ ቃቻድ፤ ሽን ሲቁ ናግያ፥ እጹ ናግያ ኦንነ ባረና ናግያዋ ካሰቲደ ኤረና።
ECC 9:2 ዱማተꬃይ ባይናን ደእሺና፥ ኡባ ጋክያ ካጫይ እቱዋ፤ ጽሉዋ ግድና ማካላንቻ ግድና፥ ሎአ ግድና ኢታ ግድና፥ ጌሻ ግድና ቱና ግድና፥ ያርሹዋ ያርሽያዋ ግድና ያርሸናዋ ግድና፥ ኡንቱንቱ ኡባ ካጫይ እቱዋ። ሎኦ አሳዉ ናጋራንቻዋፐ ኬክያ ካጭ ባዋ፤ ጫቁዋ ጫቃናዉ ያይያዌካ ጫቃናዉ ጻልያዋፐ ዱማተና።
ECC 9:3 አሳ ኡባ ካጫይ እቱዋ ግድያዌ፥ ሀ ሳኣን ደእያ ሀራ ኢታተꬃካ ማላ ዳሮ ኢታ። አስ ደኡዋን ደኤዳ ላይꬃን ኡባን አ ዎዛናይ ኢታተꬃንነ ጎሻን ኩሚደ ደኤ፤ ዉርሰꬃን ሀይቂ አጌ።
ECC 9:4 ሀይቂዳ ጋሙዋፐ ፓጻ ደእያ ካናይ ኬካ፤ አያዉ ጎፐ፥ ፓጻ ደእያዋንቱና ደእያ አሳዉ ህዶታይ ደኤ።
ECC 9:5 ፓጻ ደእያ አሳቱ እት ገደ ሀይቃናዉ ደእያዋ ኤሪኖ፤ ሽን ሀይቄዳዋንቱ አያነ ኤርክኖ። ኡንቱንቱ ሙለካ ዶገት ክቼዳዋንቱ ግድያ ድራዉ፥ አይነ ማድክኖ።
ECC 9:6 ኡንቱንቱ ሲቁ፥ እጹነ ቃናቲ ኡባይ ኡንቱንቱና እትፐ ꬋይክቼዳ። ሄዋ ድራዉ፥ ሀዋፐ ህን ባጋን ሳሉዋ ጉፋንꬃን ኦሰትያ የዉዋ ኡባን ኡንቱንቶ መꬍናዉካ ካጭ ባዋ።
ECC 9:7 ባደ፥ ነ ቁማ ናሸቻን ማ፤ ነ ዎይንያ ኤሳካ ነ ዎዛናይ ፓሽክሽና ኡሻ። አያዉ ጎፐ፥ ጾሳይ ሄዋ ነዉ ካሰፐካ እም ዎꬄዳ።
ECC 9:8 ኡባ ዎደ ነ ማዩ ቦꬃ ግዶ፤ ነ ሁጲያንካ ዛይትያ ኦከታ።
ECC 9:9 ሳሉዋፐ ጋርሳ ባጋና ጾሳይ ነዉ እሜዳ ሀ መላ ደኡዋን፥ ነ መላ ደኦቱዋ ኡባን ኔን ሲቅያ ነ ማቻትና ናሸታደ ደአ፤ አያዉ ጎፐ፥ ኔን ሳሉዋፐ ጋርሳ ባጋና ዳቡራደ ኦꬄዳዋ ኡባፐ ኔና ጋክያ ሳማይ ሄዋ።
ECC 9:10 ነ ኩሺ ኦꬃናዉ ደሜዳዋ ኡባ ነ ኩመንꬃ ዎልቃን ኦꬃ፤ አያዉ ጎፐ፥ ኔን ባናሳን ዱፉዋን ኦሱ፥ ዎይ ሀልቹ፥ ዎይ ኤራይ፥ ዎይ አꬌዳ ኤራተꬅ ባዋ።
ECC 9:11 ታን ሳሉዋፐ ጋርሳና ሀራባካ በኣድ፤ ሄዌካ፥ ኤሌልያ ዎꬃንቻቱ ኡባ ዎደ ጾንክኖ፤ ዎይ ምኖ ኦላንቻቱካ ኡባ ዎደ ኦላን ጾንክኖ፤ ዎይ አꬌዳ ኤራንቻቱ ኡባ ዎደ ቁማ ደምክኖ፤ ዎይ ጭንጫቱ ኡባ ዎደ ዱረትክኖ፤ ዎይ ታማሬዳ አሳቱ ኡባ ዎደ ሳበትክኖ። ሽን ኡባይካ ካጫይነ ዎዲ ኦꬆዋዳን ሀኔ።
ECC 9:12 ሄዋ ቦላካ ቃይ፥ ስንꬃፐ ያናዉ ደእያ መቶ ዎዲ አዉደ ጋካነንቶ፥ ኤራናዉ ዳንዳይያ አሳይ ባዋ፤ ካፉ ፓሊደ ጲርያን ገልያዋዳን፥ ዎይ ሞሊ ማጋን ኦይቀትያዋዳን፥ አሳይ ኡባይ ቆፐናን ጋክያ ኢታ ዎድያን ኦይቀቴ።
ECC 9:13 ሳሉዋ ጉፋንꬁዋን ታን በኤዳባይ ሀራባይካ ደኤ፤ ሄዌካ አꬌዳ ኤራተꬃይ ዎልቃማ ሌምሶ ግድያዋ።
ECC 9:14 እት ቢታን እት ጉꬃ አሳይ ደእያ ቄር ካታማታ ደአዉ፤ ሄ ካታማቶ እት ዎልቃማ ካቲ ኦላናዉ ደንዴ። እዞ ዶዴዳ።
ECC 9:15 ቃይ፥ እት ህዬሳ ሽን ጭንጫ ግዴዳ ብታኒ፥ ሄ ካታማትን ደኤ፤ እ ባረ አꬌዳ ኤራተꬃን ሄ ካታማ አሼዳ። ሽን፥ ሄ ህዬሳ ብታንያ ዛረꬂደ ሀሳዬዳባይ ባዋ።
ECC 9:16 ታን፥ “አꬌዳ ኤራተꬃይ ዎልቃፐ ዳሬ” ያጋድ። ግዶ ሽን፥ አꬌዳ ኤራንቻ ግዶፐነ፥ ህዬሳ አሳይ ካቴ፤ እ ሃሳይያዋካ ሀይዝያዌ ባዋ።
ECC 9:17 ሄዋ ግዶፐካ፥ ደርያ ሞድያዌ አዛላቱዋ ሺቁዋን ዋስያ ዋሱዋ ስስያዋፐ፥ ሌላን ኦደትያ አꬌዳ ኤራንቻ ቃላ ስስያዌ ሎአ።
ECC 9:18 አꬌዳ ኤራተꬃይ ኦላ ሚሻፐ ሎአ፤ ሽን እት ናጋራንቻ አሳይ ዳሮ ሎኦባ ባይዜ።
ECC 10:1 ሀይቄዳ ኡዱንጸቱ ሳዊያ ዛይትያ ሽቱዋ ጽንቀꬃናዉ ዳንዳዪኖ፤ ሄዋዳንካ፥ ጉꬃ ኤያተꬃይ አꬌዳ ኤራተꬃነ ዎልቃማ ቦንቹዋ ባይዜ።
ECC 10:2 አꬌዳ ኤራንቻ አሳ ዎዛናይ አ ኡሸቻዉ ካለꬄ፤ ሽን ቦዛ አሳ ዎዛናይ ሀድርሳዉ ካለꬄ።
ECC 10:3 ኤያ አሳይ ኦግያን ሀመትያ ዎደካ፥ አዉ አኬክ ባዋ፤ ሄዋፐ ደንዴዳዋን እ ቦዛ ግድያዋ አሳይ ኡባይ ኤሬ።
ECC 10:4 ነ ካፑ ነ ቦላን ሀንቀቶፐነ፥ ነ ሱንቴዳ ሳኣፐ ክቻ ክቾፓ፤ አያዉ ጎፐ፥ ጮኡ ጊደ ዳንዳይያዌ ዎልቃማ ባይዙዋካ አቶ ጊሴ።
ECC 10:5 ሳሉዋ ጉፋንꬃን ታን በኤዳ ሀራ ኢታባይ ደኤ፤ ሄዌካ ደርያ ሞድያዋንቱ ኦꬅያ ናቁዋ።
ECC 10:6 ኤያቱ ዳሮ ꬎቃ ሱንꬃተꬃ ኦይቂደ ደእያ ዎደ፥ ዱረቱ ህርክ ዝቃ ሳኣን ኡቴድኖ።
ECC 10:7 ታን፥ አይለቱ ሞድያዋንቱዳን ፓራ ቶጊደ ቢሺናነ ቃይ ሞድያዋንቱ አይለቱዋዳን ገድያን ሀመትሽን በኣድ።
ECC 10:8 ኦላ ቦክያ ኡራይ ሄ ኦላን እ ኩንዳና፤ ቃይ ግምቢያ ድርሳ ኮልያ ኡራ ሾሻይ ዱካና።
ECC 10:9 ሹቻ አ ሳኣፐ አꬅ የግያ ኡራይ ሄ ሹቻን ደሸቴ፤ ቃይ ምꬃ ቆእያ ኡራይካ ሄ ምꬃን ደሸቴ።
ECC 10:10 ዱልዱሜዳ ካልታ ፖሸናን ጮ ቆኦፐ፥ ዳሮ ዎልቃ ዉርሴ፤ ሽን አꬌዳ ኤራን ኦꬅያዌ ኦሱዋ ዳርሴ።
ECC 10:11 ሾሻይ ዱክ ድግና፥ ሾሻ ጆልሳናዉ አያንቲያ አያንቱ ሄ ኡራዉ አይነ ማደና።
ECC 10:12 አꬌዳ ኤራንቻ ሃሳያይ አዉ ቦንቹዋ እምሴ፤ ሽን ኤያይ ባረ ዶናፐ ከሴዳ ቃላን እ ባረዉ መቱዋን ገሌ።
ECC 10:13 ኤያይ ባረ ሃሳያ ቦዛ ቃላን ዶሚደ፥ ኢታተꬃንነ ጎሻን ፖሌ።
ECC 10:14 ኤያይ ዳሮባ ሃሳዬ። ግዶፐነ፥ ስንꬃፐ ሀናናዉ ደእያዋ ኦንነ ኤረና። አስ ሀይቂ ክችና፥ ሀናናዉ ደእያዋ አዉ ኦዳናዉ ዳንዳይያዌ ባዋ።
ECC 10:15 ኤያ አሳይ ባረ ኦሱዋን ዳቡሬ፤ እ ባረ ጎለ ብያ ኦግያ ኤረና።
ECC 10:16 ቄር ናኣ ግዴዳ ካዉነ ዎንታ ጉራና ግብራ ጊግሲደ፥ ባረንቶ ምያ ካፓቱ ደእያ ቢታይ ነዉ አየ አና!
ECC 10:17 ቦንቼቴዳ ካዉነ ማꬁዋሳ ግደናን ዎልቃነ ምኖተꬃ ደማናዉ ማራን ምያነ ኡሽያ ካፓቱ ደእያ ቢታታ ጋላተቴዳኖ።
ECC 10:18 ብታኒ አዛላ ግዶፐ፥ አ ካራይ ዎዴ፤ አ ኩሺ ኦሱዋ ብሎዋል ግዶፐ፥ አ ጎሊ አꬄ።
ECC 10:19 ቁማ ምያዋንነ ዎይንያ ኤሳ ኡሽያዋን ናሸቻይ ቤቴ፤ ሽን ሚሻይ ኡባባ ሻሜ።
ECC 10:20 ስስያዌ ባዋ ጋደ ነ ዎዛና ቆፋን ግዶፐነ፥ ካትያ ቦሮፓ፤ ዎይ ነ ግስያ ክፍልያን ዱርያ ቦሮፓ፤ አያዉ ጎፐ፥ ነ ጌዳዋ ሳሉዋ ካፉ ዎይ፥ ቀፍያና መታቱ ቢደ፥ ኡንቱንቶ ኦዳና።
ECC 11:1 ነ ኡክꬃ ሃꬃ ቦላን ኦላ፤ ዳሮ ጋላሳቱዋፐ ጉይያን፥ ኔን ዛረꬃደ አ ደማና።
ECC 11:2 ነዉ ደእያ ማጹዋ ላፑን ዎይ፥ ኡባ ሆስፑን ሳኣን ሻካደ ዎꬃ፤ አያዉ ጎፐ፥ ስንꬃፐ ሀ ሳኣ ቦላ አይ ኢታባይ ያነንቶ፥ ኔን ኤራካ።
ECC 11:3 ሻሪ ሃꬃን ኩሜዳባ ግዶፐ፥ ቢታ ቦላን እራ ትጌ። ምꬃይ ሁጲሳ ኩንድና ገድሳ ኩንድና፥ ሄ ባረ ኩንዴዳ ሳኣን ደኤ።
ECC 11:4 ጫርኩዋ ሀኖታ ናግያ ኦንነ ካꬃ ዘረና፤ ቃይ ሻሪ ደንዳናዉ ናግያ ኦንነ ባረ ካꬃ ጫከና።
ECC 11:5 ጫርኩ ሀቃና ብንቶ፥ አ ኦግያ ኤራካ፤ ቃይ ናአይ አት ኡሉዋን ዋን መትንቶካ ኤራካ። ሄዋዳንካ፥ ኡባባ መꬍያ ጾሳይ ባረ ኦሱዋ ዎት ኦꬅንቶ፥ ኤራናዉ ዳንዳያካ።
ECC 11:6 ዎንታ ጉራን ግድናካ ኦማርሳን፥ ነ ዘረꬃ ዘርያዋ አጎፓ፤ አያዉ ጎፐ፥ ዎንታዌ ሎአኔ ኦማርሳዌ ሎአኔ ኔን ኤራካ።
ECC 11:7 ፖኡ ናሸችያዋ። አዋ አይፍያ በእያዌካ ሎኦባ።
ECC 11:8 አስ ሎይꬅ አዱሳ ላይꬃ ሀ ሳኣን ደኦፐ፥ ሄ ኡባ ላይꬃንካ ናሸቶ። ሽን ꬉማ ዎደቱዋ ቆፓ። አያዉ ጎፐ፥ ሄ ዎደቱ አዱቃና። ያናዉ ኡባባይካ መላ።
ECC 11:9 ኔኖ ያላጋዉ፥ ያላጋተꬃይ ሎይꬅ ሎኦባ ግድያ ድራዉ፥ ነ ያላጋተꬃ ላይꬃን ናሸታ፤ ነ ዎዛናይካ ናሸቶ። ነ አይፊ ጼሌዳባነ ነ ዎዛናይ አሞቴዳባ ኡባ ፖላ። ሽን፥ ሄ ኔን ኦꬄዳዋ ኡባ ድራዉ፥ ኔና ጾሳይ ፕርዳናዉ ደእያዋ ዶጎፓ።
ECC 11:10 ሄዋ ድራዉ፥ ስም ነ ዎዛናፐ ህርጋ፥ ነ ቦላፐካ ሴላ ድጋ። አያዉ ጎፐ፥ ናአተꬃይነ ያላጋተꬃይ መላ።
ECC 12:1 ነ ያላጋተꬃ ላይꬃን ኔና መꬌዳዋ ቆፓ። መትያ ጋላሳቱ ዬናን ደእሺና፥ ኔን፥ “ታና ሀዌ ናሸቼና” ግያ ዎደቱ ጋከናን ደእሽና፥
ECC 12:2 አዋይነ ፖኡ፥ አግናይነ ጾልንቲ ꬉመናን ደእሺና፥ እራይ ቡክ አꬍናካ ሻሪ ሃ ስመናን ደእሺና፥ ኔና መꬌዳዋ ቆፓ።
ECC 12:3 አያዉ ጎፐ፥ ሄዌ ጎልያ ናግያዋንቱ ኮኮርያ ዎደ፥ ምኖ አሳይ ቁንያ ዎደ፥ ጋጭያዋንቱ ፓይዱዋን ጉጼዳ ጋሱዋን ጋቻ አግያ ዎደ፥ ቃይ ማስኮትያና ጼልያዋንቱ ጋልጅያ ዎደ ግዳናዋ።
ECC 12:4 ሄ ዎደ ዎጋ ኦግያኮ ስሜዳ ፐንገቱ ጎርደትያ ዎደ፥ ጋጭያ ዎጻቱዋ ኮሻይ ዝቂ ግያ ዎደ፥ ካፉዋ ዋሱ አሳ ገምእሹዋፐ ቤጎꬂያ ዎደ፥ ሽን፥ የꬃንቻ ማጫ ናናቱዋ የꬃ ኮሻይ ለፕያ ዎደ ግዳናዋ።
ECC 12:5 ሄ ዎዲ አሳይ ꬎቃ ሳአቱዋ ከሳናዉነ አኮ ኦገቱዋና ሄመታናዉ ያይያ ዎደ፥ ነ ሁጲ ፑሉምያ ዎደ፥ ኔን ኔና ዳንዳያደ ሄመትያዌ ነዉ እጽያ ዎደ፥ አሞይያባይ አግያ ዎደ ግዳናዋ። ሄ ዎዲ አሳይ ባረ መꬍና ጎልያ ብያ ዎደ፥ ዬክያዋንቱካ አኮ ኦግያና ዬኪደ ዩይያ ዎደ ግዳናዋ።
ECC 12:6 ብራ ቃጭናይ ዱጸናን፥ ዎርቃ ከሪካ መኤናን፥ ሃꬃ ኦቱካ ፑልቱዋ ላንቂያን መኤናን፥ ሃꬃ ፑደ ጎችያ ዎዶሩካ ዱጸናን ደእሺና፥
ECC 12:7 ቢታይ ካሰ ባረ አከቴዳ ቢታኮ ስመናን፥ ሸምፑካ ባረና እሜዳ ጾሳኮ ስሚደ ቤና ደእሺና፥ ኔና መꬌዳዋ ቆፓ።
ECC 12:8 ኤራንቻይ ኦዲደ፥ “ሀዳ! ሀዳ! ኡባባይካ መላ!” ያጌዳ።
ECC 12:9 ኤራንቻዉ አꬌዳ ኤራተꬃይ ደእያ ድራዉ፥ ኤራተꬃ ደርያ አሳ ታማርሴዳ። እ ዳሮ ሌምሳቱዋ ፕልግ ቆሪደ፥ እቱዋ እቱዋ አ ማራን ማራን ዱማዪደ ኦꬄዳ።
ECC 12:10 ኤራንቻይ ልከ ግዴዳ ቃላ ደማናዉ ኮዬዳ፤ ሄዋ ድራዉ፥ እ ጻፌዳዌ ሱረነ ቱማ።
ECC 12:11 ኤራንቻቱዋ ቃላይ ሄንꬃንቻይ ዉድያ ላግያ ጼራ ሌኦ ጻምኣ ማላ። ቃይ እትፐ ሺሼዳ ሌምሶቱካ ጎምፓ ጋኪደ ገልያ ምስማረቱዋ ማላ።
ECC 12:12 ታ ናአዉ፥ ሀ ኡባፐ ቦላና ኔን ናገታናዉ ኮሽያባይ ደኤ። ማጻፋ ጻፊደ ዉርሳናዉ ዳንዳየተና። ቃይ ዳሮባ ፕልግ ጼሊደ አገናን እጽያዌካ አሳተꬃ ዳቡርሴ።
ECC 12:13 ሄኮ ኡባባይ ኦደቴዳ፤ ሄዋ ድራዉ፥ ኡባባዉ ኩሻይ ሀዋ: ጾሳዉ ያያ፤ አ አዛዙዋ ናጋ። አያዉ ጎፐ፥ ሄዌ አሳዉ ዋና ኦሱዋ።
ECC 12:14 ጾሳይ ኦሱዋ ኡባ ቦላን፥ ቃይ ጌሜዳ የዉዋ ኡባ ቦላን፥ ሎአ ግድና፥ ኢታ ግድናካ ፕርዳናዉ ደኤ።
SOL 1:1 ማዛሙርያ ኡባፐ አꬍያ ሶሎሞና ማዛሙሪ ሀዋ።
SOL 1:2 “ነ ሲቁ ዎይንያ ኤሳፐ አꬍ ናሸችያ ድራዉ፥ ነ መተርሻን ዛራ ዛራደካ ታና የራ።
SOL 1:3 ነ ኦከትያ ሽቱ ዎት ሳዊ! ነ ሱንꬃይ ጼሰትያ ዎደካ አያ ናሸቺ! ጌላዮቱ ኔና ሲቅያዌ ሄዋሳ።
SOL 1:4 ታና ኔናና አካደ ባ። ሃያ፥ አነ ላኡ እትፐ ዎጾይተ! ታ ካትያዉ፥ ታና ነ ሲርጻ ገልሳ” ያጋዱ። የሩሳላመ ማጫ አሳቱ: አባን ኑን አይ ኬሻ ናሸቴዶ! ኑን አ ሲቁዋ ዎይንያ ኤሳፐካ አꬂደ ናሸቶ። ቱሙካ ማጫ አሳይ ኡባይ ኔና ሲቃናዉ በሴ ያጌድኖ።
SOL 1:5 ህንተኖ፥ የሩሳላመ ማጫ አሳቶ፥ ስስተ፥ ታን ካረꬃ፤ ግዶፐነ፥ ማላንቻ። ታ ካረꬃተꬃይ ቄዳረ ዱንካንያ ማላ፤ ሽን ታ ማላይ ሶሎሞና ካትያ ጎልያ ጋርዳቱዋ ማላ።
SOL 1:6 ታ ማላ ካረጽሴዳዌ ጹግያ አዋ፤ ታን ካረꬃ ግዴዳ ድራዉ፥ ታና ካꬎፓ። ታ እሻቱ፥ ታ አት ናናቱ ታናና ዋላቀቲደ፥ ታና ዎይንያ ቱራ ናጋንቻ ኦꬄድኖ፤ ያትና፥ ታን ታና ናጋበይከ።
SOL 1:7 ታ ሲቆዉ፥ አነ ታዉ ኦዳ፤ ነ ዶርሳ ዉድያ ኔን ሄምያዌ ሀቃኔ? ጋላስ አዋፐ ነ ኡንቱንታ ሸምፕስያዌ ሀቃኔ? ኔና ደማናዉ ነ ላገቱዋ ዉድያ ካላደ፥ አያዉ ዩሻንቻ ማጫ አሳ ግዶ? ያጋዱ።
SOL 1:8 ሀነ፥ ማጫ አሳ ኡባፐ አꬋ ሎእያ ማላንቻቴ! ሳኣ ኤራና ꬋዮፐ፥ ዶርሳይ ቤዳ ሳ ካላደ ባ፤ ነ ዴሻ ማራቱዋካ ሄንꬃንቻቱዋ ዱንካንያ ማታን ሄማ።
SOL 1:9 ታ ሲቃቴ! ግብጼ ካትያ ፓራ ጋርያ ጎችያ ፓራቱዋ ግዶን ደእያ ማጋያቲዳን ሎኣሳ።
SOL 1:10 አቤት፥ ነ ሀይꬃን ጎላካትያ አሌቁዋና ሺቂደ፥ ነ ጋጩ አያ ሎኢ! ነ ዚዚካ እንቁዋን አሌቀቴዳዋ።
SOL 1:11 ኑን ነዉ ብራን አሌቀቴዳ፥ ዎርቃ አሌቁዋ ኦስሳና ያጌድኖ።
SOL 1:12 ካቲ ማዳን ኡት ደእሽን፥ ታ ሽቱዋ ሳዉ ጎልያ ግዶ ኡባን ቶሹኩ ጌዳ።
SOL 1:13 ታ ሲቁ ታ ꬋንꬃቱዋፐ ግዱዋን ሸምፕያ ዎደ፥ አ ፔኑ ቃርጪትያና ደእያ ካዋራዳን ሳዌ።
SOL 1:14 ታ ሲቁ ኤንጋደ ጌተትያ ዎይንያ ሳኣን ዶሌዳ፥ ባዙዋ ጪሻ ማላ ያጋዱ።
SOL 1:15 ታ ሲቃቴ፥ ኔን ዋታ ሎአይ! ኔን ዋታ ሎአይ! ነ አይፈቱ ሀራጵያ አይፍያዳን ሎኢኖ ያጌዳ።
SOL 1:16 ታ ሲቆዉ፥ ኔን አያ ሎአይ! አያ ናሸቻይ፤ ኑ አርሳይካ አጬዳ ማታዳን ናሸችያዋ።
SOL 1:17 ኑ ጎልያ ዛሩ ዝጋ፤ ካራይካ ጺዳን ዳደቴዳዋ ያጋዱ።
SOL 2:1 ታን፥ “ሳሮና ግያ ሳኣን ዶልያ ጪሻነ፥ ዎምባን ዶልያ ሎኦ ጪሻ ማላ” ያጋዱ።
SOL 2:2 ኤ ታ ሲቃታ ማጫ አሳ ግዶን ጼልያ ዎደ፥ አጉንꬃ ግዶን ቤትያ ሎኦ ጪሻ ማላታዉ ያጌዳ።
SOL 2:3 ታ ሲቁ ሀራ ዎዳላቱዋ ግዶን ጼልያ ዎደ፥ ዎራን ደእያ አፕልያ ግያ ምꬃ ማላቴ፤ ታና ሎይꬅ ናሸችና፥ አ ኩዋ ግዶን ኡታድ፤ አ አይፊ ሚና፥ ታና ሎይꬅ ማልኤ።
SOL 2:4 እ ታና ቁማ ምያ አኮ ዉይግያ ገልሴዳ፤ ባረ ሲቁዋ ባንድራዳን ታ ቦላ ꬎቁ ꬎቁ ኦꬄዳ።
SOL 2:5 ታን አ ሲቁዋን ኦከታደ ሀርጌዳ ድራዉ፥ ዛቢብያ አይፍያ ታና ምዚደ ምንስተ፤ አፕልያ ታና ምዚደ፥ ታ ዎልቃ ኩንꬅተ።
SOL 2:6 ባረ ሀድርሳ ኩሽያ ታና ቦርኮትሴዳ፤ ባረ ኡሸቻ ኩሽያን ታና ቆሜዳ።
SOL 2:7 ህንተኖ የሩሳላመ ያላጋ ማጫ አሳዉ፥ ሲቁ ባረዉ ዶሲደ ደንዳና ጋካናዉ፥ አ ህንተ ቤጎና ማላ፥ ታን ህንተና ገንኤቱዋንነ ባዙዋ ዶገቱዋን ጫላይ።
SOL 2:8 ስስተ፥ ሄዌ ታ ሲቁዋ ኮሻ! በእተ ደርያና ፕሪደ፥ ዞዘቱዋ ቦላና ጾንገቲደ ጋኬዳ!
SOL 2:9 ታ ሲቁ ዉሻ ማላ፤ ዎይ ገንእያ ማራ ማላቴ። በእተ፥ እ ኑ ጎልያ ድርሳ ማታን ኤቄዳ፤ ማስኮትያና ጎለ ጼሌ፤ ጋርዱዋ ጋርሳናካ ሉጻይ ጼሌ።
SOL 2:10 ታ ሲቁ ታና ሀዋዳን ያጌ፤ ታ ሲቃቴ፥ ደንዳ! ታ ማላንቻቴ፥ ሃያ! እትፐ አነ ቦይተ።
SOL 2:11 በአ፥ ባልጉ አꬌዳ፤ እራይካ ኤቄዳ።
SOL 2:12 ቢታን ጪሻይ ጪሼዳ፤ የꬃ የጽያ አግናይካ ጋኬዳ፤ ሀራጵያ የꬃይ ኑ ቢታን ስሰቴ።
SOL 2:13 ባላሲ አይፍያ ዶሜዳ፤ ዎይኒ ጪሼዳ፤ አ ጪሻ ሳዉ ቢታን ቶሹኩ ጌ። ሄዋ ድራዉ፥ ታ ሲቃቴ፥ ደንዳ፤ ታ ማላንቻቴ፥ ሃያ፤ አነ እትፐ ቦይተ ያጌ ያጋዱ።
SOL 2:14 ኔን አፉዋ ዶና ዛላ ዛአን ቆሰቴዳ ሀራጳት ማላ፤ አነ እት ገደ ታና ነ ሶምኡዋ በሳ፤ ነ ኮሻካ ስሳ። አያዉ ጎፐ፥ ነ ኮሻይ ታና ቃረꬄ፤ ነ ሶምኡካ ዳሮ ሎኤ ያጌዳ።
SOL 2:15 ኑ ዎይኒ ጪሼዳ፤ ሄዋ ድራዉ፥ ኑ ዎይንያ ግዱዋ ባይዝያ ዎራካናቱዋ፥ ሄ ቄር ዎራካናቱዋ ጲርያ ዎꬂደ ኦይቂተ ያጌድኖ።
SOL 2:16 ታ ሲቁ ታዋ፤ ታንካ አኖ፤ ጪሻ ግዶን እ ባረ ዉድያ ሄሜ።
SOL 2:17 ቃማ ꬉማይ ቃረታናዉ፥ ዎንታ ጫርኩ ጫርካናዉ፥ ታ ሲቆዉ፥ ገንእያዳን ዎይ ያላጋ ዶግያዳን፥ አፎትያ ደርያና ዎጻደ ሃ ስማ ያጋዱ።
SOL 3:1 ቃማ ኩመንꬃ ታ ሂጻን ግሳደ፥ ታ ሲቁዋ ደማናዉ አሞታድ፤ ምንሳደ ኮያድ፤ ሽን ደማናዉ ዳንዳያበይከ።
SOL 3:2 ካታማ ግዶን ደእያ አኮነ ጹንꬃ ኦገቱዋ ኡባን ዩያድ፤ ታ ሲቁዋ ደማናዉ ኮያድ፤ ምንሳደ ኮያድ፤ ሽን ደማናዉ ዳንዳያበይከ።
SOL 3:3 ካታማ ዩይ ናግያዋንቱ ታና ደሜድኖ፤ ታንካ፥ ታ ሲቁዋ በኤድቴ? ያጋደ ኡንቱንታ ኦቻድ።
SOL 3:4 ኡንቱንቱፐ ያ አꬋነ ታ ሲቁዋ ደማ አጋድ። እ ታፐ ከስ አከናዳን፥ ምንሳደ ኦይቃድ፤ ታ ዳይ ጎለ አካ አፋድ፤ ታ የለቴዳ ክፍልያ ገልሳድ።
SOL 3:5 ህንተኖ የሩሳላመ ያላጋ ማጫ አሳዉ፥ ሲቁ ባረዉ ዶሲደ ደንዳና ጋካናዉ፥ አ ህንተ ቤጎና ማላ፥ ታን ህንተና ገንኤቱዋንነ ባዙዋ ዶገቱዋን ጫላይ ያጋዱ።
SOL 3:6 ሀዌ ባዙዋና ይያዌ፥ ጩዋ ቱሳ ማላትያዌ፥ ፔኑካ ዛልአንቻ እጻናዳንነ ካዋራዳን፥ ሳዊያዌ እ ኦኔ?
SOL 3:7 ሄዋ በእተ፥ ሶሎሞና ፓራ ጋሪ ዬ፤ ሄ ፓራ ጋሪ እስራኤልያፐ ዶረቴዳ ዎልቃማቱ፥ ኡሱፑን ታሙ ቶራንቻቱ አጃቤድኖ።
SOL 3:8 ኡንቱንቱ ኡባይካ ማሻ ኦይቀꬃ ሜዘቴዳዋንታነ፥ ኦላንካ ፓጨቴዳዋንታ። ቃማን ጋካና መቱዋ ኤቀታናዉ፥ ኡንቱንቱ እቱ እቱ ማሻ ግጺደ ጊጌዳዋንታ።
SOL 3:9 ካትያ ሶሎሞን ፓራ ጋርያ ግዶን፥ ባረዉ ኡትያ ካዉተꬃ አራታ ጊግሴዳ። እ አራታ ሊባኖሳ አሳፐ አሄዳ ምꬃፐ ኦስሴዳ።
SOL 3:10 አራታ ቱሳቱ ብራን ሼሸቴድኖ፤ ገዲ ዎርቃን አሌቀቴዳ፤ ኡትያሳይ የሩሳላመ ዎዶራቱ ኦቻ ቴራ ማላትያ ቃጭናን፥ ሲቁዋን ዳዴዳ አፍላን ካመቴዳ ያጌድኖ።
SOL 3:11 ህንተኖ፥ ጽዮነ ዎዶራቶ፥ ካትያ ሶሎሞና በአናዉ ሃይተ! እ ሎይꬅ ናሸቴዳ፥ አ ቡላቻ ጋላስ አ አታ አ ሁጲያን፥ ዎꬄዳ ካላቻ ዎꬂደ ኡቴዳ ያጋዱ።
SOL 4:1 ታ ሲቃቴ፥ ኔን አያ ማላንቻቲ! ኔን ዎታ ሎአይ! ነ አይፈቱ ነ ሶምኡዋ ካምያ ሻርበ ግዱዋና በእያ ዎደ፥ ሀራጵያዳን ሎኢኖ። ነ ብናናይ ጋላኣደ ደርያፐ ዎꬍያ ዴሻ ዉድያ ማላ።
SOL 4:2 ነ አቻይ ሜደቲደ፥ ሃꬃን ሜጨቴዳ ኡባይካ ማንትያ የልያ፥ ኡንቱንቱ ግዶን ማይኒ ባይና ዶርሳ ዉድያ ማላ።
SOL 4:3 ነ መተርሻቱ ዞኦ ቃጭና ማላ፤ ነ ሃሳይያ ዎደ ዳሮ ናሸቺኖ። ነ ላኡ ጋጮቱዋ ሻርቢያ ግዱዋና ጼልያ ዎደ፥ እት ሮማንያ ላኡ ከስ ጳልቄዳዋ ማላቲኖ።
SOL 4:4 ነ ቆꬊ ኦላ ሚሻ ካቃናዉ ግምቤዳ፥ ዳዊታ አዱሳ ግምቢያ ማላቴ፤ ሄ ግምቢ ሻኡ ምኖ ኦላንቻቱዋ ጎንዳሊ ካቀትና፥ አሌቀት ኡቴዳ።
SOL 4:5 ነ ꬋንꬃቱ ማንትያ የለቴዳ፥ ዎራ ጪሻ ግዶን ምያ ገንእያ ማራቱዋ ማላቲኖ።
SOL 4:6 ቃማይ ዎንታናዉ፥ ኩዋይ ክቻናዉ፥ ካርቢያ ደርያነ እጻና ዞዝያ ባደ ሸምፓሻና።
SOL 4:7 ታ ሲቃቴ፥ ነ አሳተꬃይ ኡባይካ ማላንቻ፤ ኔናን ዎꬅያዌ አያይነ ባዋ።
SOL 4:8 ታ ሙሹራቴ፥ ሊባኖሳ ደርያፐ ዎꬋ። ጋሙነ ማሂ ጌሱ አማና ደርያፐ፥ ሳኒራ ደርያፐነ ሄርሞነ ኪክያፐ ዎꬋ።
SOL 4:9 ታ ሲቁዋ ምቻቶ ግድያ ታ ሲቃቴ! ነ አይፍያ ጼሉነ ነ ቆꬍያ አሌቁ፥ ታ ዎዛና ናሸቻን ጎሼዳ።
SOL 4:10 ታ ሲቁዋ ምቻቶ ግድያ ታ ሙሹራተ! ነ ሲቁ ታና አያ ናሸቺ! ነ ሲቁ ዎይንያ ኤሳፐ አꬍ ናሸቼ፤ ነ ሽቱ ኡባባፐካ አꬊደ ሳዌ።
SOL 4:11 ታ ሙሹራቴ፥ ነ መተርሻና ኤሳ እልሉ ጾኬ። ነ ዶናፐ ኤሳይነ ማꬃይ ፑልቴ፤ ነ ማዩ ሊባኖሳ ጺዳይ ሳዊያዋዳን ሳዌ።
SOL 4:12 ታ ሲቁዋ ምቻቶ ግድያ ታ ሙሹራት ዩሹ፥ ድረቲደ ናገትያ አታክልትያ ሳኣ ማላ። ዩሹ ግምበቴዳ ፑልቱዋ፥ ማታፋይ አታመቴዳ ጎግያ ሃꬃ ማላ።
SOL 4:13 ነ አታክልተቱዋ ግዶን: ሮማኒ፥ ዶረቴዳ አታክልትያ አይፈቱ፥ ሄናይነ ናርዶስያ ግያዋንቱ ደኢኖ።
SOL 4:14 ሄዋዳንካ ቃይ ናርዶሲ፥ ላዲ፥ ሳዉዋ ማታይነ ቃራፋይ፥ ሄዋዳንካ እጻናዳን ሳዊያባቱ ደኢኖ፤ ሄዋዳንካ ቃይ ካርቢ፥ ጎዳረ ኡꬃ ጪሻይነ ዱማ ዱማ ቅማምያ አታክልተቱ ሞኪኖ።
SOL 4:15 ኔን አታክልትያ ሳኣ አልያ ፑልቱዋ ማላ፤ ደኡዋ ሃꬃይ ቤትያ ኦላ ማላ፤ ሊባኖሳ ደርያፐ ጎግያ ሻፋ ማላ ያጌዳ።
SOL 4:16 ሁጲሳ ባጋ ጫርኮ፥ ደንዳ! ገድሳ ባጋ ጫርኮ፥ ሃያ! ታ አታክልትያ ቦላ ጫርካ! አ ሳዉ ሄዋን ቶሹኩ ጎ። ታ ሲቁ ባረ አታክልትያ ግዶ ዮ። ዳሮ ማልእያ ቴራቱዋ ሞ ያጋዱ።
SOL 5:1 ታ ሲቆ ምቻቶ ግድያ ታ ምሽራተ፥ በአ፤ ታን ታ አታክልትያ ግዶ ገላድ። ታ ካርቢያነ ታ ሽቱዋ ጪሻ ቆራይ። ኤሳ ኡክꬃ ዮልታያደ ማይ። ታ ዎይንያ ኤሳነ ታ ማꬃ ኡሻይ ያጌዳ። የሩሳላመ ዎዶራቱ: ህንተኖ፥ አ ላገቶ፥ ሲቁዋ አላና ጋካናዉ ኡሽተ ያጌድኖ።
SOL 5:2 ታን ቃማ ገምእሻድ፤ ሽን ታ ዎዛናይ ቤጎት ኡቴዳ። ታ አኩሙዋን ታ ሲቁ ሀዋዳን ያጊደ፥ ፐንግያ ቆጺና ስሳድ፤ ታ ሙሹራቴ፥ ታ ሲቃቴ፥ ኔናን ዎꬅያዌ ባይና ታ ሀራጳተ፥ ታዉ ካርያ ዶያ፤ ታ ሁጲ ከተርሳን ካኤዳ። ታ ብናናይካ ቃማ ፑስያን ናርካኬዳ ያጌ።
SOL 5:3 ታን፥ ታ ማዩዋ ቃራ ድጋድ፤ ዛራ ማዮየ? ታ ገድያ ሜጨታ ክቻድ፤ ዛራደ ኡርቃዮየ? ያጋድ።
SOL 5:4 ታ ሲቁ እፍꬃ ጾእያና ባረ ኩሽያ ጎለ የዴዳ፤ ታ ዎዛናይ አ ድራዉ ፖድ ፖዴ።
SOL 5:5 ያትና፥ ታ ሲቆ ካርያ ዶያናዉ ደንዳድ። ካርያ ዶይያ ኩልቡዋ ታን ኦይቂያ ዎደ፥ ታ ኩሽያፐ ካርቢ፥ ታ ብራꬍያፐ ሽቱ ጾኬ።
SOL 5:6 ታ ሲቆ ካርያ ዶያድ፤ ሽን ዶይያ ዎደ እ ባዋ ብ ክቼዳ። አ ኮሻ ስሳናዉ ሎይꬅ አሞታድ። ምንꬃደ አ ኮያድ፤ ሽን ደማናዉ ዳንዳያበይከ። ጼጋድ፤ ሽን ታዉ ኮይቤና።
SOL 5:7 ዩዪደ ካታማ ናግያዋንቱ ታና ደሚደ፥ ዋꬌድኖነ ማዱꬄድኖ፤ ካታማ ድርሳ ናግያዋንቱ ታ ቁማዩዋ ቃር አኬድኖ።
SOL 5:8 ህንተኖ የሩሳላመ ጌላዮቶ፥ ታ ሲቁዋ ደሞፐ፥ ታን አ ሲቁዋፐ ደንዴዳዋን ሀርግያዋ፥ ሀዳራ፥ አዉ ኦድተ ያጋዱ።
SOL 5:9 ኔኖ፥ ማጫ አሳ ኡባፐ አꬌዳ ማላንቻቴ! ነ ሲቁ ቱሙ ሀራቱዋፐ ዋን ዱማቲ? ኔን ሀዋ ኬሻ ኑና ጫልያዌ፥ እ ሀራቱዋፐ ዱማትያዌ አያኔ? ያጌድኖ።
SOL 5:10 ታ ሲቁ ዳሮ ሎእያዋነ ምና፤ ታሙ ሻኡ አቱማ አሳ ግዶን አ ማል ባዋ።
SOL 5:11 አ ሁጲ ዎርቃ ሉልያ ማላቴ፤ አ ብናናይካ ሎአነ ቁሩዋ ማላ ካረꬃ።
SOL 5:12 አ አይፊ ሻፋ ላንቂያን ኤቄዳነ፥ ማꬃን ሜጨቴዳዋ ማላትያ ሀራጰቱዋ ማላቴ።
SOL 5:13 አ ጋጮቱካ ሳዉዋ ማታይነ፥ ቅማሚ ቶከቴዳ አታክልትያዳን ሎኢኖ፤ አ መተርሻቱ ካርቢያ ሽቱ ጾክያ ዎራ ጪሻዳን ሎኢኖ።
SOL 5:14 አ ኩሸቱ እንቁዋን አሌቀቴዳ ዎርቃ ጻምኣዳን ሎኢኖ፤ አ አሳተꬃይ ሳምፔርያ ግያ እንቁዋን አሌቀቴዳ፥ ዳንጋርሳ አቻ ማላ።
SOL 5:15 አ ገደቱ ዎርቃ ባሱዋን ቶከቴዳ፥ እብናባራድያ ቱሳ ማላቲኖ፤ አ ማላይ ዝጋን አሌቀቴዳ ሊባኖሳ አሳ ማላ።
SOL 5:16 አ ዶናይ ኤሳዳን ማልኤ። እ ኡባናካ ሎእያዋ። ህንተኖ የሩሳላመ ዎዶራቶ፥ ታ ሲቁነ ታ ላጊ ሀዋ ማላቴ ያጋዱ።
SOL 6:1 ማጫ አሳ ኡባፐ ማላንቻቴ! ነ ላጊ ሀቃ ቤዴ? ኑንካ ኔናና እትፐ ኮያናዉ፥ እ ቤዳ ሳ ኑዉ ኦዳ ያጌድኖ።
SOL 6:2 ታ ሲቁ ዶርሳ ዉድያ ሄማናዉነ፥ ሎእያ ጪሻ ሺሻናዉ፥ ሽቱዋ ሳዉዋ ማታይ ደእያ አታክልትያ ግዶ ዎꬌዳ።
SOL 6:3 ታን ታ ሲቁዋኖ፤ ታ ሲቁካ ታዋ። እ ጪሻ ግዶን ዉድያ ሄሜ ያጋዱ።
SOL 6:4 ታ ሲቃቴ! ኔን ትርጻ ካታማይ ሎእያዋዳን ሎኣሳ፤ የሩሳላመዳን ዳሮ ሎኣሳ፤ ባንድራ ኦይቂደ፥ ሳልፕያን ብያ ኦላንቻይ ያሽያዋዳን ያሻሳ።
SOL 6:5 ሀያና ነ አይፍያ ታፐ ዎራ ዛራርኪ፥ አያዉ ጎፐ፥ ኡንቱንቱ ታና ዋይሲኖ። ነ ብናናይ ጋላኣደ ደርያፐ ዎꬍያ ዴሻ ዉድያ ማላቴ።
SOL 6:6 ነ አቻይ ሜጨቲደ ከስያ፥ ኡባይካ ማንትያ የልያ፥ ኡንቱንቱ ግዶን ማይኒ ባይና ዶርሳ ዉድያ ማላ።
SOL 6:7 ነ ላኡ ጋጮቱዋ ሻርቢያ ግዱዋና ጼልያ ዎደ፥ ላኡ ከሴዳ ሮማንያ ቴራ ማላቲኖ።
SOL 6:8 ኡሱፑን ታሙ ማጫ ካተቱነ ኡሱፑን ታሙ ባኮቱ፥ ቃይ ፓይዱ ባይና ዎዶሮቱ ታዉ ደኢኖ።
SOL 6:9 ሽን ታ ሀራጳታ፥ ታ ቶሺ ባይናና፥ አ ታዉ ዱማ። አ ባረ አትስካ መጽ እትኖ፤ እዞ የሌዳ አታካ አያፐነ አꬃደ እዞ ሲቃዉ። ዎዶሮቱካ እዞ ጼሊደ፥ ሀና አንጀቴዳኖ ያጊኖ። ማጫ ካተቱካ ባኮቱካ እዞ ሳቢኖ።
SOL 6:10 ሀና ዎንታ ጻልቂያዳን ዶልያና፥ አግናዳን ፖእያና፥ አዋዳን ጫድያና፥ ባንድራ ኦይቂደ ሳልፕያን ብያ ኦላንቻዳን፥ ያሽያና እዛ ኦኔ? ያጊኖ።
SOL 6:11 ታን ዎምባን ቶከቴዳ ምꬃቱ ልጩዋ በአናዉ፥ ዎይንያ ቱራይ አጬደንቶነ ቃይ ሮማኒካ ጪሼደንቶነ ጼላናዉ፥ ዱገ አታክልትያ ሳኣ ዎꬋይ።
SOL 6:12 ታን አኬከናን ደእሺና፥ ታ አሙ ታና አፊደ፥ ታ ካትያ ማታን፥ ፓራ ጋርያን ታና ኡትሴዳ ያጌዳ።
SOL 6:13 ኔኖ ሹላመ ቢታፐ ዬዳዉነ፥ ሃያ፤ ሃ ስማ! ኔና ኑ ሎይꬂደ ጼላና፤ ሃ ስማ! ያጌድኖ። ወዶራታ: ዳሮ አሳ ስንꬃን የጽያ አሳዳን፥ ታኮ አያዉ ጼሊቴ? ያጋዱ።
SOL 7:1 ካትያ ናትዳን ሎእያኔ! ነ ገደቱ ኔን ናጻላ ጫማ ዎꬅ ደእሽን በእያ ዎደ፥ አያ ሎኢኖ! ነ ሼቺ ኤራንቻ ዎጋጪ ቆጺደ፥ ሎይꬅ አሌቂሴዳ እንቁዋ ማላቴ።
SOL 7:2 ነ ጉልአይ ዎይንያ ኤሳይ ኩሜዳ ብርልያ ማላቴ፤ ነ ጼሳ ዩሹ ጪሻን ቃሸቴዳ ዛርጋ ምርቂያ ማላቴ።
SOL 7:3 ነ ꬋንꬃቱ ማንትያ የለቴዳ፥ ገንአት ማራቱዋ ማላቲኖ።
SOL 7:4 ነ ቆꬊ ዳንጋርሳ ዛልያን አሌቀቴዳ አዱሳ ግምቢያ ማላ። ነ አይፊ ዎልቃማ ሀሰቦና ካታማ ፐንግያ ማታን ደእያ፥ ዜሩዋ ሃꬃ ማላቴ። ነ ሲꬊ ዳማስቆ ጼልሲደ ግምቤዳ ሊባኖሳ ግምቢያ ማላቴ።
SOL 7:5 ነ ሁጲ ቃርመሎሳ አሳ ማላቴ፤ ነ ኦላሳ ብናናይ ቃጭና ጻꬃ ማላቴ፤ ካትያካ ነ ሁጲያ ዳꬃይ ናሸቼዳ።
SOL 7:6 ታ ሲቃቴ፥ ነ አያ ሎአይ! ነ አያ ማላንቻቲ! ነ ሲቁ ታና አያ ናሸቺ!
SOL 7:7 ነ ጌሳይ ዛምባ ጌሳ ማላቴ። ነ ꬋንꬃይ ዛምባ አይፍያ ዉርጩዋ ማላቴ።
SOL 7:8 ታን፥ ሀ ዛምባ ግአና፤ አ ማራቱዋ ኦይቃና ያጋድ። ነ ꬋንꬃይ ዎይንያ ቴራ ዉርጩዋ ማላ፤ ቃይ ነ ሲꬍያና ከስያ ፔኑ አፕልያ አይፍያዳን ሳዌ።
SOL 7:9 ነ የሩ መተርሻቱዋፐነ አቻፐ ግዱዋና፥ ዋላላቲደ ገልያ ዎይንያ ማላ፥ ወዶራታ: ኡባፐ አꬊደ ማልእያ ዎይንያ ኤሳ ማላ ያጌዳ።
SOL 7:10 ታን ታ አልኦ ሲቁዋኖ፤ እካ ታና አሞቴ።
SOL 7:11 ታ ሲቆዉ፥ ሃያ፤ ላኡ ካታማፐ ከሲደ ቢደ፥ ጋጻርያን አቆይተ፤ ቃማ ላኡ ሄዋን አꬃና።
SOL 7:12 ዎንታ ጉራን አነ ዎይንያ ቱራ ግዶ ቦይተ፤ ዎይንያ ቱራይ ጪሼደንቶ፥ ጪሺደ አይፍያ ዶርጾጼደንቶነ፥ ቃይ ሮማኒካ አይፌደንቶ አነ በኦይተ። ታን ታ ሲቁዋ ኔና ሄዋን በሳና።
SOL 7:13 እንኮይያ አይፍያ ሳዉነ ሀራ ናሸችያ አታክልትያ አይፊ፥ ኑ ካረን በሴዳ፤ ታ ሲቆ! ሀ አይፈቱዋፐ ቴሬዳዋንታነ ኦራꬃ ማጼዳዋንታ፥ ነዉ አሻ ዎꬃድ።
SOL 8:1 ነ ታዉ አላጋ ግደናን ታ ዳይ ꬋንꬃ ꬋሜዳ ታ እሻ ግዳርኪሻ! ያትንቶ ታን ኔና ኦግያን ደማደ ሺሻ አካ የርና፥ ታና ኦንነ ቦረናሽን።
SOL 8:2 ታና ታማርሴዳ ታ ዳይ ጎለ ታን ኔና ካለꬃደ፥ ታ ዳይ ቆልኦ ገልሳ አግና፥ ሄዋን ታና ነ ሲቁዋባ ታማርሴዳዋ ግዳርኪ፤ ሮማንያ ጉምኤዳ ማልእያዋ፥ ሎእያ ዎይንያ ኤሳ ታን ኔና ሄዋን ኡሻርክታ።
SOL 8:3 ታና ሄዋን ነ ሀድርሳ ቄስያ ቦርኮትሳደ፥ ነ ኡሸቻ ኩሽያን ታና ቆሜዳዋ ግዳርኪ።
SOL 8:4 ህንተኖ የሩሳላመ ዎዶራቶ፥ ሲቁ ባረ ዎድያን ደንዳናዉ፥ ቃሰꬅ ደንናዳን፥ ታ ህንተዉ ሀዳራ ጋይ ያጋዱ።
SOL 8:5 ባረ ሲቁዋ ሀሽያን ዘምፓደ፥ ባዙዋፐ ይያና ሀና ኦኔ? ያጌድኖ። ወዶራታ: በን ነ አታ ኔና ባንካ የሌዳ፥ አፕልያ ላንቂያን ነ ግሳ ደእሽን፥ ኔና ታ ቃሰረꬃደ ደንꬃድ።
SOL 8:6 መꬍና ሲቁዋን ታና ነ ዎዛና ቦላ አታማ፤ ነ ቀስያንካ ማታፋዳን፥ ታ ጻላላ ኦይቃ። አያዉ ጎፐ፥ ሲቁ ሀይቁዋ ማላ ምና፤ ምሹካ ዱፉዋ ማላ መቀꬃ ኢታ፤ አ ላጩካ ጾሳ ታማ ላጩዋ ማላ።
SOL 8:7 ሃꬃ ዳሩ ሲቁዋ ታማ ቶይሳናዉ ዳንዳየና፤ ድኡካ ሜጪደ አፋናዉ ዳንዳየና። አሳይ ሲቁዋ ሻማናዉ ባረዉ ደእያ አቁዋ ኡባ እሞፐካ፥ ሲቁ ሻሉዋን ሻመተና ድራዉ፥ አሳይ ሄዋ ካꬌ ያጋዱ።
SOL 8:8 ኑዉ ትራን ꬋንꬃይ ኡትቤና ምቻታ ደአዉ፤ አስናይ እዞ ኦቾፐ፥ ኑን እዉ ኦꬃናዌ አዬ?
SOL 8:9 እዛ ግምቢያ ድርሳ ግድንቶ፥ ኑን እ ቦላ ዎችያ አዱሳ፥ ብራ ግምቢያ ግምባና፤ አ ድርሳ ፐንገ ግድንቶ፥ ዝጋ ሳንቃን እዞ ዶድሳና ያጌድኖ።
SOL 8:10 ሄኮ ታን ድርሳ ግምቢያ፤ ታ ꬋንꬃይካ ግምቢያ ቦላ ግምበቴዳ ዎችያ ሳ፤ ሄዋ ድራዉ፥ ታን ታ ሲቁዋና ደእያ ዎደ፥ እ ታናን ናሸቴ።
SOL 8:11 ሶሎሞነዉ ባኣል-ሀሞናን ዎይኒ ቶከቴዳ ሾይቃይ ደኤ፤ ሄ ዎይንያ ግዱዋ ኦꬅያዋንቶ ከራ እሜዳ። ከራ አኬዳዋንቱ ቴራን ጎኤቴዳዋ ድራዉ፥ ሁጲያን ሁጲያን ሻኡ ብራ አዉ አሂኖ።
SOL 8:12 ሽን ታዉ ታ ቡዞ ዎይኒ ቶከቴዳ ሾይቃይ ደኤ፤ ሶሎሞና፥ ኔን ሻኡ ብራ አካ፤ አታክልትያ ኦꬅያዋንቱ ላኡ ጼቱ ብራ አክኖ ያጋዱ።
SOL 8:13 ኔኖ፥ አታክልትያ ግዶን ደእያ ታ ሲቃቴ፥ ነ ኮሻ ላገቱዋ ስሳናዉ ኮዪኖ፤ ነ ኮሻ ታና ስሳ ያጌዳ።
SOL 8:14 ታ ሲቆዉ፥ ታኮ ኤለካ ሃያ! ሳዊያ ማታይ ሞክያ ደረቱዋ ቦላና፥ ጉፕያ ገንእያ ዎይ ዶግያ ማራቱዋ ማላታደ ያጋዱ።
ISA 1:1 ኦዝያነ፥ እዮኣታም፥ አካዝነ ህዝቂያስ ይሁዳ ካተቱዋ ግዴዳ ዎደ፥ አሞጻ ናአይ እስያስ ይሁዳባነ የሩሳላመባ በኤዳ ሳጻይ ሀዋ።
ISA 1:2 ሳሎቱዋን ደእያዋንቶ፥ ስስተ፤ ሳኣን ደእያዋንቶ፥ ስስተ፤ አያዉ ጎፐ፥ መꬍና ጎዳይ ሀዋዳን ያጌዳ፤ “ታን ናናቱዋ ድቻ ጋꬃድ፤ ሽን ኡንቱንቱ ታዉ ማካሌድኖ።
ISA 1:3 ቦራይ ባረ ጎዳ ኤሬ፤ ሀሪካ ባረና ሞዴዳዋ ዛዳሉዋ ኤሬ፤ ሽን እስራኤላቱ ኤርክኖ፤ ታ አሳቱ አኬክክኖ።
ISA 1:4 “ናጋራ ኦꬅያ ካዉተꬃዉ፥ ህንተ ናቁዋን ዴጸቴዳ አሳዉ፥ ኢታ ኦꬅያ ዛርያዉ፥ ህንተ ማይዛቱዋ ቱናተꬃ ካልያ ናቶ፥ ህንተንቶ አየ አና! መꬍና ጎዳ ህንተ አጌድታ፤ እስራኤልያ ጌሻ ሸነዬድታ፤ አዉ ዞክያ ዛሬድታ።
ISA 1:5 ህንተ አያዉ ማካላ ቦላ ማካላ ጉጅ ጉጅ ቢቴ? አያዉ ቃይካ ሙረታናዉ ኮዪቴ? ህንተ ኩመንꬃ ሁጲ ሳከቴዳ፤ ህንተ ኩመንꬃ ዎዛናይካ ዳቡሬዳ።
ISA 1:6 ገድያ ብራꬍያፐ ሁጲያ ብናና ጋካናዉ ፓጻተꬃይ ባዋ፤ ማዱꬃይ፥ ጋፉነ ጊይያባይ ደኤ፤ ኡንቱንቱነ ጊይበይክኖ፥ ዎይ ሜጨት ቃሸትበይክኖ፥ ዎይ ዛይትያን ኦከቲደ ሹግበይክኖ።
ISA 1:7 “ህንተ ጋዲ ድርቃለቲደ ባያና፤ ህንተ ካታማቱካ ታማን ጹገቴድኖ፤ ህንተ ጎሻ ህንተ ጼልሽን፥ አላጋቱ አኪኖ፤ እማꬃ አሳቱ፥ መላ አሻና።
ISA 1:8 የሩሳላመ ካታማይ ዎይንያ ቱራ ናግያ ዳስያዳን፥ ሌክያ ናግያ ጎልያዳን ሞርክያን ድረቴዳ ካታማዳን ሀኒደ አቴዳ።
ISA 1:9 ኡባፐ ዎልቃማ መꬍና ጎዳይ ኑዉ አማሬዳ ዛራቱዋ አሸነንቶ፥ ኑን ሶዶማ ካታማዳንነ ጋሞራ ካታማዳን ሀኔዶሽን” ያጌዳ።
ISA 1:10 ህንተኖ፥ ሶዶማ ሞድያዋንቶ ኡባቶ፥ መꬍና ጎዳ ቃላ ስስተ! ህንተኖ፥ ጋሞራ አሳ ኡባቶ፥ ኑ ጾሳ ህግያ ስስተ!
ISA 1:11 መꬍና ጎዳይ ሀዋዳን ያጌ፤ “ህንተ ያርሹዋ ዳሩ ታዉ አያ ጎኢ? ሀኖ ጋካናዉ ህንተ ታዉ ሺሼዳ ጹገቴዳ ኦርገ ዶርሳቱዋነ ꬊኬዳ መህያ ሞꬉዋ ያርሹዋ ታን ካላድ፤ ኮሩማ ቦራቱዋ፥ ዶርሳ ማራቱነ ዴሻቱዋ ሱꬃን ታን ናሸትከ።
ISA 1:12 ህንተ ታዉ ጎይናናዉ ይያ ዎደ፥ ታ ጌሻ ጎልያ ዳባባ ህንተና የꬍተ ጌዳዌ ኦኔ?
ISA 1:13 ስም ሀዳ ያርሹዋ አህያዋ አግተ! ህንተ ጩውስያ እጻናይ ታና ሸነዬ፤ አግና ጼሩዋ ህንተ ቦንችያ ጋላሳ፥ ህንተ ሳምባታነ ህንተ ኬሬዳ ያአቱዋ፥ ሀ ሺቃቱዋ ኡባ ኢታተꬃና እትፐ ዋላከቴዳዋንታ ታን ዳንዳይከ።
ISA 1:14 አግና ጼሩዋ ህንተ ቦንችያ ጋላሳነ ኬረቴዳ ህንተ ባላ ጋላሳቱዋ ታን እጻድ፤ ኡንቱንቱ ታዉ ቶኩዋ ግዴድኖ፤ ታን ኡንቱንታ ቶካደ ዳቡራድ።
ISA 1:15 “ህንተ ኩሽያ ምጪደ፥ ህንተ ዎስያ ዎደ፥ ታን ታ አይፍያ ህንተፐ ገንꬃና፤ ህንተ ዳሮ ዎሳ ዎስንቶካ፥ ታን ስስከ፤ አያዉ ጎፐ፥ ህንተ ኩሺ ሱꬃን ሙናቀቴዳ።
ISA 1:16 ሜጨትተ፤ ጌይተ፤ ህንተ ኢታ ኦሱዋ ታ ስንꬃፐ ድግተ። ኢታ ኦꬅያዋ አግተ፤
ISA 1:17 ሎኦባ ኦꬃናዉ ታማርተ። ጽሎ ፕርዳ ኮይተ፤ ኡንኤቴዳዋንቱ ሞርግያ ኦይቂተ። አዉ ባይናዋንቶ ፕርድተ፤ አስናይ ሀይቄዳ ማጫ አሳቶ ሞተትተ” ያጌ።
ISA 1:18 ቃይካ መꬍና ጎዳይ፥ “ሃይተ፤ አነ ዞረቶይተ። ህንተ ናጋራይ ባራዳን ዞእንቶካ፥ ሻቻዳን ቦጻና፤ ሱꬃዳን ዞእንቶካ፥ ፑቱዋዳን ቦጻና።
ISA 1:19 ህንተ ኤኖ ጊደ፥ ታዉ አዛዘቶፐ፥ ጋድያፐ ሞክያ ሙሩታ ማና።
ISA 1:20 ሽን ህንተ እጻድ ጊደ ማካሎፐ፥ ማሻን ሜተታና” ያጌ። መꬍና ጎዳይ ባረ ዶናፐ ሀዋ ሃሳዬዳ።
ISA 1:21 አማነቴዳ ዎልቃማ ካታማታ ዋናደ ሻርሙጻ ግዳዴ! እዛ ካሰ ሱረ ፕርዳይ ኩሜዳኖ፤ ጽሎተꬃይ ካሰ እ ግዶን ደኤዳ፤ ሽን ሀእ አሳ ዎꬍያዋንቱ እዝ ግዶን ደኢኖ።
ISA 1:22 ነ ብራይ ሽእ ክቼዳ፤ ነ ሎኦ ዎይንያ ኤሳይካ ሃꬃና ዬለቴዳ።
ISA 1:23 ህንተ ዳናቱ ማካላንቻቱዋነ ካይሶቱዋ ላገቱዋ ግዴድኖ፤ ኡንቱንቱ ኡባቱካ ማታይያ ዶሲኖነ ሚሻ የደርሲኖ፤ አዉ ባይናዋንቶ ፕርድክኖ፤ አስናይ ሀይቄዳ ማጫ አሳቱዋ ሞቱ ኡንቱንቱኮ ሺቀና።
ISA 1:24 ሄዋ ድራዉ፥ ጎዳይ፥ ኡባፐ ዎልቃማ መꬍና ጎዳይ፥ እስራኤልያ ዎልቃማይ፥ ሀዋዳን ያጌ፤ “ሀእ ታን ታና እጽያዋንቱፐ ሸምፓና፤ ታን ታ ሞርከቱዋ ቦላ ታ ሀሉዋ ከሳና።
ISA 1:25 ታን ታ ኩሽያ ነ ቦላ ዎꬃና፤ ነ ሽኦዋ ቁልጹጽሳደ ጌሻና፤ ኔናና ዋላከቴዳባ ኡባ ጌሻደ የድሳና።
ISA 1:26 ታን በንዋንቱ ማላ ዳናቱዋ፥ ኮይሮዋንቱ ማላ ዞርያዋንታ ነዉ ዛራና። ሄዋፐ ጉይያን፥ ኔን ጽሎተꬃ ካታማ፥ አማነቴዳ ካታማ ጌተታና” ያጌ።
ISA 1:27 ጽዮኔ ሱረ ፕርዳን፥ ባረንቱ ናጋራ ፓጽያዋንቱካ ጽሎተꬃን ዎዘታና።
ISA 1:28 ሽን ማካላንቻቱነ ናጋራንቻቱ ላኡካ መአና፤ መꬍና ጎዳ አግያዋንቱ ꬋያና።
ISA 1:29 ዎꬃናዉ ዶሴዳ ዎላ ድራዉ፥ ህንተ ዬላታና፤ ህንተ ዶሬዳ ካሻ ግሻዉካ ህንተ ካዉሻና።
ISA 1:30 ቦንጪ ቆቆፈትያ ዎላዳን፥ ዎይ ዱቢ ባይና ሾይቃዳን፥ ህንተ ሀናና።
ISA 1:31 ምኑ ዳላ ግዳናዋ፤ አ ኦሱካ ጺፋ ግዳናዋ፤ ኡንቱንቱ እትፐ ጹገታናዋንታ፤ ሄ ታማ ቶይስያዌ ꬋያና።
ISA 2:1 ይሁዳ ቢታባነ የሩሳላመ ካታማባ አሞጻ ናአይ እስያስ በኤዳዌ ሀዋ።
ISA 2:2 ዉርሰꬃ ጋላሳቱዋን መꬍና ጎዳ ጌሻ ጎሊ ኬጸቴዳ ደሪ ደረቱዋ ኡባፐ ꬎቂደ ቤታና፤ ዞዘቱዋ ኡባቱዋፐካ ቦላና ꬎቁ ꬎቁ ጋና። ካዉተꬃቱዋን ደእያ አሳይ ኡባይ አኮ ዛታና።
ISA 2:3 ዳሮ አሳይ ዪደ፥ “ሃይተ! መꬍና ጎዳ ደርያ፥ ያቆባ መꬍና ጎዳ ጌሻ ጎልያ አነ ፑደ ከሶይተ። እ ኮይያዋዳን ኑን ባና ማላ፥ እ ኑና ባረ ኦግያ ታማርሳና” ያጋና። አያዉ ጎፐ፥ ህጊ ጽዮነፐ፥ ጾሳ ቃላይካ የሩሳላመፐ ከሳና።
ISA 2:4 ካዉተꬃቱዋፐነ ካዉተꬃቱዋፐ ግዱዋን እ ፕርዳናነ ዳሮ አሳቱዋ ፓሉምያ ሻካና። ኡንቱንቱ ባረንቱ ማሻ ማራሻ፥ ባረንቱ ቶራካ ባጫ ከሳናዉ ቆጻና። ካዉተꬃይ ካዉተꬃ ቦላ ማሻ ደንና። ሄዋፐ ጉይያን ኡንቱንቱ ሙለካ ኦላ ትምርትያ ታማርክኖ።
ISA 2:5 ህንተኖ፥ ያቆባ ዛረቶ፥ ሃይተ! አነ መꬍና ጎዳ ፖኡዋን ሀመቶይተ።
ISA 2:6 ጾሳዉ፥ ነ አሳ፥ ያቆባ ዛራቱዋ አጋዳ። ኡንቱንቱ አዋይ ዶልያ ባጋ ጋድያ አሳቱዋ ቢታን ኩሜድኖ፤ ፕልስጼማ አሳቱዋዳን ካዪኖ። ኡንቱንቱ አላጋ አሳቱዋና እትፐ ዙፐቲኖ።
ISA 2:7 ኡንቱንቱ ጋዲ ብራይነ ዎርቃይ ኩሜዳዋ፤ ኡንቱንቱ ሻሎ ዛዋይ ባዋ። ኡንቱንቱ ጋዲ ፓራይ ኩሜዳዋ፤ ኡንቱንቱ ፓራ ጋረቶ ዛዋይ ባዋ።
ISA 2:8 ኡንቱንቱ ጋዲ ኤቃቱዋን ኩሜዳዋ፤ ኡንቱንቱ ባረንቱ ኩሺ ኦꬄዳ ኦሶ ሆኪደ ጎይኒኖ።
ISA 2:9 ሄዋ ድራዉ፥ አሳይ ኡባይ ቶሸታናነ ካዉሻና። ኡንቱንቶ አቶ ጎፓ።
ISA 2:10 መꬍና ጎዳ ዳጋማፐነ አ አንጋ ቦንቹዋፐ አታናዉ ዛላኮ ቢተ፤ ቢታ ግዶን ቆሰትተ!
ISA 2:11 አሳ ኦቶሩ ጊያና፤ አ ክላሁካ ሲላና፤ ሄ ጋላስ መꬍና ጎዳ ጻላላይ ꬎቁ ꬎቁ ጋና።
ISA 2:12 ኡባፐ ዎልቃማ መꬍና ጎዳይ እት ጋላሳ ኬሬዳ። ሄ ጋላስ ኦቶረትያዋንታ፥ አይያዋንታነ ꬎቁ ꬎቁ ጌዳዋንታ ካዉሻና፤
ISA 2:13 አዱሳነ ꬎቃ ግድያ ሊባኖሳ ዝጋቱዋነ ባሳነ ዎላ ኡባ ꬋይሳና፤
ISA 2:14 ꬎቃ ደረቱዋካ ዞዘቱዋካ ደምባያና፤
ISA 2:15 ካታማ ናግያ አዱሳ ሚጻቱዋ ኡባነ ካታማ ዩሹዋን ደእያ ምኖ ግምበቱዋ ዝቂሳና፤
ISA 2:16 ጾሳይ ግታነ ሎእያ ማርካባቱዋካ ሃꬃን ምትሳና።
ISA 2:17 አሳ ኦቶሩ ዝቂ ጋና፤ አ አዩካ ꬋያና። ሄ ጋላስ መꬍና ጎዳ ጻላላይ ꬎቁ ꬎቁ ጋና፤
ISA 2:18 ኤቃ ኡባይካ ኡባና ꬋያና።
ISA 2:19 መꬍና ጎዳይ ሀ ጋድያ ቃꬃናዉ ደንድያ ዎደ፥ አ ዳጋማፐነ አ አንጋ ቦንቹዋፐ አታናዉ አሳይ ሹቻ ጎንጎሎነ ቢታ ኦላዉ ባቃታና።
ISA 2:20 ሄ ጋላስ አሳይ ጎይናናዉ መꬌዳ ባረንቱ ብራ ምስለቱዋነ ባረንቱ ዎርቃ ምስለቱዋ ኦጮቶነ ሀራ ካፎቶ ኦላና።
ISA 2:21 መꬍና ጎዳይ ሀ ጋድያ ቃꬃናዉ ደንድያ ዎደ፥ አ ዳጋማፐነ አ አንጋ ቦንቹዋፐ አታናዉ ኡንቱንቱ ጎንጎሎ ግዶነ ሹቻ ኮፖ ግዶ ባቃታና።
ISA 2:22 ስም ሀይቂያ አሳን አማነትያዋ አግተ! አሳይ አይ ማዳኔ?
ISA 3:1 በእተ፥ ጎዳይ፥ ኡባፐ ዎልቃማ መꬍና ጎዳይ ምንጃነ ማዱዋ ላኡዋካ የሩሳላመፐነ ይሁዳፐ ድጋና ሀኔ። ካꬃ ምንጃነ ሃꬃ ምንጃ ኡባ፤
ISA 3:2 ምኖቱዋነ ኦላንቻቱዋ፥ ዳናቱዋነ ትምቢትያ ኦድያዋንታ፥ ካይያዋንታነ ጭማቱዋ፥
ISA 3:3 ኦላ ጋዳዋቱዋነ ጋድያ አይስያዋንታ፥ ዞርያዋንታ፥ ሂላትያዋንታነ ጭንጫ ብታንቻቱዋ ኡባ ድጋና ሀኔ።
ISA 3:4 ታን ያላጋ አቱማ ናናቱዋ ኡንቱንቱ ካፑዋ ከሳና፤ ጉꬃ ናናይ ኡንቱንታ ሞዳና።
ISA 3:5 አሳይ አሳ ቦላ፥ ሾሩ ሾሩዋ ቦላ ደንዲደ፥ እቱ እቱዋ ሱጋና። ያላጋይ ጭማ ቦላ፥ ካቴዳዌ ቦንቼቴዳዋ ቦላ ደንዳና።
ISA 3:6 እት አሳይ ባረ አዉዋ ጎልያን ባረ እሻቱዋፐ እቱዋ ኦይቂደ፥ “ነዉ ማዩ ደኤ፤ ኔን ኑዉ ሱንꬃ ግዳ፤ ሀ ኮለቴዳ ሳኣ አዎተꬃ አካ” ያጋና።
ISA 3:7 እ ሄ ጋላስ ባረ ቃላ ꬎቂሲደ፥ “ታናን ꬋሊ ባዋ፤ ታ ሶን ቁም ዎይ ማዩ ባዋ፤ ህንተ ቦላ ታና ሱንꬆፕተ” ያጋና።
ISA 3:8 የሩሳላመ ጋንድጋሬ፤ ይሁዳይ ኩንዴ፤ አያዉ ጎፐ፥ ኡንቱንቱ ባረንቱ ኦዱዋንነ ባረንቱ ኦሱዋን መꬍና ጎዳ ቦላ ደንዲደ፥ አ ቦንቹዋ ቶቺኖ።
ISA 3:9 ኡንቱንቱ ሶምኡዋ ማላይ ኡንቱንቱ ቦላ ማርካቴ፤ ኡንቱንቱ ባረንቱ ናጋራ ሶዶማ አሳዳን አዋዪኖ፤ ባረንቱ ናጋራ ቆስክኖ። ኡንቱንቶ አየ አና! አያዉ ጎፐ፥ ኡንቱንቱ ባረንቱ ቦላ ኢታባ አሄድኖ።
ISA 3:10 ጽሎቶ፥ “ህንተዉ ሎአ ግዳናዋ” ጋደ ኦዳ፤ አያዉ ጎፐ፥ ኡንቱንቱ ባረንቱ ኦሱዋ አይፍያ ማና።
ISA 3:11 ኢታቶ አየ አና! ኡንቱንቶ ኢታና፤ አያዉ ጎፐ፥ ኡንቱንቱ ባረንቱ ኩሽያ ኦሱዋ ጋትያ አካና።
ISA 3:12 ያላጋቱ ታ አሳ ኡንኤꬂኖ፤ ማጫ አሳቱካ ኡንቱንታ ሞዲኖ። ታ አሳዉ፥ ህንተና ካለꬅያዋንቱ ህንተና ዎራ ካለꬂኖ፤ ህንተ ብያ ኦግያካ ባለꬂኖ።
ISA 3:13 መꬍና ጎዳይ ዳናዳን፥ ችሎታን ኡቴ፤ አሳ ፕርዳናዉ ደንዴ።
ISA 3:14 አሳ ጭማቱዋነ ካለꬅያዋንታ ፕርዳናዉ ሺሺደ፥ መꬍና ጎዳይ፥ ኡባፐ ዎልቃማ መꬍና ጎዳይ ሀዋዳን ያጌ፤ “ታ ዎይንያ ቱራ ቶኬዳሳ ባይዜዳዋንቱ ህንተና፤ ህዬሳቱዋፐ ቦንቄዳባይ ህንተ ጎልያን ደኤ።
ISA 3:15 ታ አሳ አያዉ ክንቼረꬂቴ? ህዬሳቱዋ ሶምኡዋ አያዉ ጋጪቴ?” ያጌ ጎዳይ፥ ኡባፐ ዎልቃማ መꬍና ጎዳይ።
ISA 3:16 መꬍና ጎዳይ ቃይካ፥ “ጽዮነ ማጫ አሳቱ ኦቶረቴድኖ፤ ባረንቱ ዚዝያ ኤስ አኪደ፥ ባረንቱ አይፍያን ስምኤቲደ፥ ባረንቱ ሀመꬃ ማክሲደ፥ ባረንቱ ገድያ አልቡዋ ጊርሲደ ሀመቲኖ።
ISA 3:17 ሄዋ ድራዉ፥ ታን ጎዳይ ጽዮነ ማጫ አሳቱዋ ሁጲያ ጭቱዋን ጎእሳና። ታን መꬍና ጎዳይ ኡንቱንቱ ሁጲያ ቦአያና” ያጌ።
ISA 3:18 ሄ ጋላስ ጎዳይ ጽዮነ ማጫ አሳቱዋ አሌቆቱዋ፥ ሄዋንቱነ ኡንቱንቱ ገድያ አልቡዋ፥ ሻሽያ፥ ቆꬍያ አሌቁዋ፥
ISA 3:19 ሀይꬃ ጉትቻ፥ ኩሽያ ሳጋዩዋ፥ ሶምኡዋ ካምያ ኩታ፥
ISA 3:20 ሁጲያን ዎꬅያ አሌቁዋ፥ ቀስያን ቃችያ ሳንሳላታ፥ ጼሳን ዳንጭያ ዳንጩዋ፥ ሽቱዋ ጻራሙስያ፥ ክታፋ፥
ISA 3:21 ሲꬍያ ምግዱዋ፥ ብራꬍያነ
ISA 3:22 ምንጃ ማዩዋ፥ አዱሳ ማዩዋ፥ ጃኑዋ፥ ቦርሳ፥
ISA 3:23 ሄረጋ፥ ሊኑዋ ግያ ቃጭናፐ ዳደቴዳ፥ ግዶና ማይያ ማዩዋ፥ ብናናን ዎꬅያ አሌቁዋነ ሻርቢያ ኡባ ቦንቃ አካና።
ISA 3:24 ሽቱዋ ድራዉ ጽንቁዋ ግዳናዋ፤ ዳንጩዋ ድራዉ ዎዶሩዋ፥ ጎፋርያ ድራዉ ቦኣ፥ አዱሳ ማዩዋ ድራዉ ዋሩዋ፥ ፑላ ድራዉ ባቂያ ጻላላ ግዳናዋ።
ISA 3:25 ነ አሳቱ ማሻን፥ ነ ኦላንቻቱ ኦላን ሀይቃና።
ISA 3:26 ጽዮነ ፐንገቱዋን ደእያ አሳይ ዬካናነ ዝላላና፤ መላ አቴዳ፥ ጋድያን ኡታና።
ISA 4:1 ሄ ጋላስ ላፑን ማጫ አሳቱ እት አቱማዋ ኦይቂደ፥ “ኑን ኑ ቁማ ማና፤ ኑ ማዩዋ ማያና፤ ነ ሱንꬃን ጼሰታና ማላ ኦꬃደ ኑ ካዉሻ ኑፐ ቃራርኪ” ያጊደ ዎሳና።
ISA 4:2 ሄ ጋላስ መꬍና ጎዳ ምꬃ ታሺ ሎአናነ ቦንቼታና፤ እስራኤልያ አሳፐ አቴዳዋንቶ ሄ ጋድያ ካꬃይ ጬቆነ ቦንቹዋ ግዳናዋ።
ISA 4:3 ጽዮነን አትያዋንቱ፥ የሩሳላመን ጋምእያዋንቱ፥ የሩሳላመን ፓጻ ደእያዋንቱና ጻፈትያዋንቱ፥ “ኡንቱንቱ ጌሻቱዋ” ጌተታና።
ISA 4:4 ጎዳይ ጽዮነ ማጫ አሳቱዋ ቅታ ሜጫና፤ ፕርዳ አያናንነ ጹግያ አያናን ሱꬃ ጉስያ ባይዙዋ የሩሳላመፐ እ ጌሻና።
ISA 4:5 መꬍና ጎዳይ ጽዮነ ደርያ ኡባ ቦላነ ያን ሺቅያዋንቱ ቦላ ጋላስ ሻርያነ ጩዋ፥ ቃማ ኤጽያ ታማ ፖኡዋ መꬋና፤ ቦንቹ ኡባ ቦላ ካምያዋ ግዳናዋ።
ISA 4:6 እ ጋላሳ አዋ ሱሉዋፐ አሽያ ኩዋነ ጎትያፐነ እራፐ ባቃት አትያሳ ግዳናዋ።
ISA 5:1 ታን ታ ሲቅያዎ አ ዎይንያ ቱራ ቶክያ ሳኣዋ ሲቁዋ የꬃ የጻና። ታን ሲቅያዎ ቱኤቴዳ ዞዝያን ዎይንያ ቱራ ቶክያ ሳአይ ደኤ።
ISA 5:2 ቢታ ቦኪደ፥ ሹቻ ቆር ከሲደ፥ ኡባፐ ሎእያ ዎይንያ ቱራ ቶኬዳ። ናግያ ሻኩዋ አ ግዶን ሻኬዳ፤ ዎይንያ ኤሳ ጉምኢያሳ ዎጪደ ጊግሴዳ። ሄዋፐ ጉይያን፥ ሎኦ አይፍያ አይፌ፥ ያጊደ ናጌዳ፤ ሽን ጫልያ አይፍያ አይፌዳ።
ISA 5:3 ያትና፥ ታ ሲቁ ሀዋዳን ያጌዳ፤ “ህንተኖ፥ የሩሳላመን ደእያዋንቶ፥ ህንተኖ፥ ይሁዳ አሳቶ፥ ታፐነ ታ ዎይንያ ቱራ ቶክያ ሳኣፐ ግዱዋን፥ ደእያ የዉዋ አነ ሀእ ፕርድተ።
ISA 5:4 ታን ታ ዎይንያ ቱራ ሳአዉ ኦꬄዳዋፐ ሀራ አያ ኦꬃናዌ አቴዴ? ሎኦ አይፍያ አይፌ ያጋደ ናግሽን፥ አያዉ ጫልያ አይፍያ አይፌዴ?
ISA 5:5 ሀእ ታን ታ ዎይንያ ቱራ ሳኣ፥ ኦꬅያዋ ህንተንቶ ኦዳይ። ታን ድርሳ ሾዳና፤ ሄ ቱራይካ ꬋያናዳን ኦꬃና። ታን ግምቢያ ኮላና፤ ሄ ሳአይካ የታና።
ISA 5:6 ታን ሄ ሳኣ ባዬዳ ቢታ ኦꬃና። ሄ ቱራይ ጹንቀተናነ ቡልኤተና፤ ያትና፥ ክንድቹነ አጉንꬃይ ያን ሞካና። እራይ አን ቡከናዳን፥ ታን ሻረቱዋ አዛዛና” ያጌዳ።
ISA 5:7 ኡባፐ ዎልቃማ መꬍና ጎዳይ፥ ዎይንያ ቱራ ሳአይ እስራኤልያ አሳ። ይሁዳ አሳይ እ ናሸትያ ዳርኩዋ። ኡንቱንቱ ሱረ ፕርዲኖ ጊደ ናጌዳ፤ ሽን ሱꬃ ጉሴድኖ። ጽሎተꬃ ኦꬂኖ ጊደ ናጌዳ፤ ሽን ዋሶ ግዴዳ።
ISA 5:8 ሳአይ ꬋይና፥ ህንተ ጻላላይ ጋድያ ቦላ ደአና ጋካናዉ፥ ጎልያ ጎልያ ቦላ ጉጅያዋንቶ፥ ጋድያ ጋድያና ጋꬅያዋንቶ፥ ህንተንቶ አየ አና!
ISA 5:9 ኡባፐ ዎልቃማ መꬍና ጎዳይ ታና ሀዋዳን ያጌዳ፤ “ሄ ዎልቃማ ጎለቱ ኦናና፤ ሄ ሎኦ ጎለቱዋን ደአናዉ አሳይ ꬋያና።
ISA 5:10 ታሙ ዋꬃ ቦራቱዋን ቶኬዳ ዎይንያ አይፍያፐ እት ኦቶ ግድያ ጉምኤቴዳ ዎይንያ ኤሳ ጻላላይ ከሳና፤ ታሙ ቁንአ ካꬃ ዘርና፥ እት ቁንአ ካꬃ ጻላላ አይፋና” ያጌዳ።
ISA 5:11 ማꬆይያ ኡሻ ኮያናዉ ዎንታ ጉራና ደንድያዋንቶነ ዎይንያ ኤሳን ጹገታና ጋካናዉ፥ ሳኣ ቃምስያዋንቶ አየ አና!
ISA 5:12 ኡንቱንቱ ሾብያን ማስንቁ፥ ዲꬃይ፥ ዳርቢ፥ ህጽጺነ ዎይንያ ኤሳይ ደኤ፤ ሽን ኡንቱንቱ መꬍና ጎዳ ኦሱዋ ጋተ ጊክኖ፤ እ ባረ ኩሽያን ኦꬄዳዋ ቦንችክኖ።
ISA 5:13 ያትና፥ ታ አሳይ አኬካ ꬋዬዳ ድራዉ፥ ኦሞደቲደ ባና፤ ኡንቱንቱ ጋድያ አይስያዋንቱካ ኮሻን ሀይቃና፤ ኡንቱንቱ አኮ አሳይካ ኮፕሳ መላና።
ISA 5:14 ዱፉ ባረ ጎምፓ አሴ፤ ባረ ዶናካ ዛዋይ ባይናዋ ሀንጌ፤ የሩሳላመን ደእያ ዎልቃማ አሳነ የንኮ ዳሮ አሳ፥ ዋጭያዋንታነ ናሸትያዋንታ ምታና።
ISA 5:15 አሳይ ኡባይ ቶሸታናነ ካዉሻና፤ ኦቶረትያዋንቱ ኡባይካ ካዉሻና።
ISA 5:16 ሽን ኡባፐ ዎልቃማ መꬍና ጎዳይ፥ ሱረ ፕርዳን ꬎቁ ꬎቁ ጋና፤ ጌሻ ጾሳይ ጌሻ ግድያዋ ባረ ጽሎተꬃን በሳና።
ISA 5:17 ሄ ዎደ ዶርሳቱ ባረንቱ ቆሩዋን ሄመትያዋዳን ሄመታና፤ ዶርሳ ማራቱ ኮለቴዳ ዱረቱዋ ጎልያ ሳኣ ማና።
ISA 5:18 ጭሙዋ ዎዶሩዋን ናጋራ፥ ጋርያ ዎዶሩዋን ኢታተꬃ ጎችያዋንቶ አየ አና!
ISA 5:19 “አነ ጾሳይ ኤሌሎ! ኑን በአና ማላ፥ ባረ ኦሱዋ ኤሌልሶ! ጋꬆ! ኤ፥ ኑን ኤራና ማላ፥ እስራኤልያ ጌሻይ ቆፔዳ ቆፋይ ፖለቶ” ያግያዋንቶ አየ አና!
ISA 5:20 ኢታ ሎአ ሎኡዋ ኢታ ያግያዋንቶ፥ ꬉማ ፖኦ ፖኡዋ ꬉማ ኦꬅያዋንቶነ ጫምያዋ ማልእያዋ ማልእያዋ ጫምያዋ ኦꬅያዋንቶ አየ አና!
ISA 5:21 ባረና፥ “ታን አꬌዳ ኤራንቻ! ታን ጭንጫ ግድክታ!” ያግ ቆፕያዋንቶ አየ አና!
ISA 5:22 ዎይንያ ኤሳ ኡሽያዋን ኤረቴዳዋንቶነ ማꬆይያ ኡሻ ዋላካናዉ ጎብያዋንቶ አየ አና!
ISA 5:23 ማታይያ አኪደ፥ ባይዜዳዋንታ ጽልስያዋንቶነ ጽሎ አሳቶ ሱረ ፕርዳ ድግያዋንቶ አየ አና!
ISA 5:24 ታማ ላጩ ዳላ ኦይቂያዋዳንነ መላ ማታይ ኤጽ ꬋይያዋዳን፥ ሄዋዳን ኡንቱንቱ ጻጱ ዎቃና፤ ኡንቱንቱ ጪሻይካ ባናዳን ላለት ꬋያና፤ አያዉ ጎፐ፥ ኡንቱንቱ ኡባፐ ዎልቃማ መꬍና ጎዳ ህግያ እጼድኖ፤ እስራኤልያ ጌሻ ቃላካ ካꬌድኖ።
ISA 5:25 ሄዋ ድራዉ፥ መꬍና ጎዳ ሀንቁ አ አሳ ቦላ ኤጽ ከሴ፤ እ ባረ ኩሽያ ኡንቱንቱ ቦላ ደንꬂደ፥ ኡንቱንታ ሾጨዳ። ደረቱ ቃጺኖ፤ ሀይቄዳ አሳ አሃይ ኦግያን ቡራ ማላ ግዴ፤ ያንናካ አ ሀንቁ ስመና፤ አ ኩሺ ሀእካ ደንዴዳሳን ደኤ።
ISA 5:26 ጾሳይ ሃኩዋን ደእያ ካዉተꬃቶ ማላታ ꬎቃን ኤሴ፤ ሳኣ ጋጻን ደእያ ሞርከቱካ ሱይቄ። ኡንቱንቱካ ኤለካ ጃሚደ፥ ፑቱ ጊኖ።
ISA 5:27 ኡንቱንቱ ግዶን ዳቡርያባይነ ዎቢያባይ ባዋ፤ ኡንቱንቱፐ እቱነ ገምእሸና ዎይ ግሰና። ጼሳን ዳንጭያ ሳቂካ ብለተና፤ ኡንቱንቱ ጫማ ዳፉካ ዱጸና።
ISA 5:28 ኡንቱንቱ ቶራይ ሳታና ደኤ፤ ኡንቱንቱ ዎንዳፊካ ዋጸቴዳ። ኡንቱንቱ ፓራቱዋ ጹጉንꬃይ ዛላ ሹቻ ማላ፤ ኡንቱንቱ ፓራ ጋረቱዋ ይንግረꬃይ ጎትያ ማላ።
ISA 5:29 ኡንቱንቱ ጉዱካ ጋሞ ማላ፤ ዎዳላ ጋሞቱዋዳን ጉዲኖ፤ ኡንቱንቱ ዳሪደ፥ ባረዉ ምያዋ ኦይቂኖ፤ ቶክ አኪደ ቢኖ፤ ኡንቱንቱፐ ዎꬅ አካናዌ ኦንነ ባዋ።
ISA 5:30 ሄ ጋላስ ኡንቱንቱ ዎልቃማ አባ ጉንꬃዳን፥ እስራኤልያ ቦላ ጉማና፤ እት አሳይ ሄ ጋድያ ጼሎፐ፥ ꬉማነ ዋይያ በአና፤ ፖኡካ ሻርያን ምተታና።
ISA 6:1 ካቲ ኦዝያነ ሀይቄዳ ላይꬅ ጎዳይ ቦላንነ ꬎቃ አራታን ኡቴዳዋ በኣድ፤ አ ማዩ ጌሻ ጎልያ ኩሜዳ።
ISA 6:2 ሱራፌላ ጌተትያ ኪታንቻቱ አፐ ቦላና ደኢኖ፤ እት እት ሱራፌልያዉ ኡሱፑን ቀፈቱ ደኢኖ፤ ላኡ ቀፈቱዋን ባረ ሶምኡዋ ካሜ፤ ላኡ ቀፈቱዋን ባረ ገድያ ካሜ፤ ላኡ ቀፈቱዋን ፓሌ።
ISA 6:3 እቱ እቱዋና፥ “ጌሻይ፥ ጌሻይ፥ ጌሻይ ኡባፐ ዎልቃማ መꬍና ጎዳ! ሳኣ ኡባይ አ ቦንቹዋን ኩሜዳ” ያጊደ ጼሰቴድኖ።
ISA 6:4 ኡንቱንቱ ጼሳ ኮሻን ጌሻ ጎልያ ባሱ ቃጼዳ፤ ቃይ ጌሻ ጎሊ ጩዋን ኩሜዳ።
ISA 6:5 ያትና፥ ታን፥ “ታዉ አየ አና! ታን ባያድ፤ አያዉ ጎፐ፥ ታን ዶናይ ቱኔዳ አሳ፤ ቃይ ዶናይ ቱኔዳ አሳቱዋ ግዶን ደአይ፤ ታን ካትያ፥ ኡባፐ ዎልቃማ መꬍና ጎዳ ታ አይፍያን በኣድ” ያጋድ።
ISA 6:6 ሱራፌላቱዋፐ እቱ ያርሽያ ሳኣፐ ቃጴዳ ታማ ቦንቁዋ አኪደ ፓሊደ፥ ታኮ ዬዳ።
ISA 6:7 ታማ ቦንቁዋን ታ ዶና ቦቺደ፥ “በአ፤ ሀ ታማ ቦንቁ ነ ዶና ቦቼዳ፤ ነ ባይዙ ኔፐ ክቼዳ፤ ነ ናጋራይካ አቶ ጌተቴዳ” ያጌዳ።
ISA 6:8 ሄዋፐ ጉይያን ጎዳይ፥ “ኦና ኪቶ? ኑዉ ኦኔ ባናዌ?” ያግሽን ስሳድ። ሄዌካ፥ “ሄኮ፥ ታና ኪታ” ያጋድ።
ISA 6:9 ጎዳይ ሀዋዳን ያጌዳ፤ “ባ፤ ሀ አሳዉ፥ ‘ህንተ ስሳ ስሲታ፤ ሽን ህንተንቶ ገለና፤ ጼሉዋካ ጼሊታ፤ ሽን በእክታ’ ያጋደ ኦዳ።
ISA 6:10 ሀ አሳ ዎዛና ዶንጭልሳ፤ ኡንቱንቱ ሀይꬃካ ቱልሳ፤ ኡንቱንቱ አይፍያካ ቆቅሳ፤ ሄዌ ꬋዮፐ፥ ኡንቱንቱ ባረንቱ አይፍያን በአና፤ ባረንቱ ሀይꬃን ስሳና፤ ባረንቱ ዎዛናንካ አኬካና፤ ያቲደ ኡንቱንቱ ታኮ ስማናነ ፓጻና” ያጌዳ።
ISA 6:11 ያትና፥ ታን፥ “አቤት ጎዳዉ! ሀዌ አይደ ጋካናሴ?” ያጋድ። እ ዛረꬂደ፥ “ካታማቱ ደእያ አሳ ꬋዪደ፥ ኮለታና ጋካናሳ፥ ጎለቱካ ኦናና ጋካናዉነ ቢታይካ ኡባና መላ ግዳና ጋካናሳ።
ISA 6:12 ታን መꬍና ጎዳይ አሳ ሃሳና፤ ቢታካ መላ ከሳና።
ISA 6:13 ታሙ አሳፐ እት አሳይ ጋድያ ቦላ አቶፐ፥ እካ ꬋያና፤ ቃንጽ ድግና አቴዳ ዎላ ዱሩማ ማላ ግዳናዋ፤ ሄ ዱሩማይ ጌሻ ዘረꬃ ግዳናዋ” ያጌዳ።
ISA 7:1 ኦዝያና ናአይ እዮኣታም የሌዳ አካዝ ይሁዳ ጋድያን ካተቴዳ ዎደ፥ ሶርያ ጋድያ ካቲ ራጺንነ እስራኤልያ ጋድያ ካቲ ራማልያ ናአይ ፓቁህ የሩሳላመ ኦላናዉ ዬድኖ፤ ሽን ጾናናዉ ዳንዳይበይክኖ።
ISA 7:2 ሶርያ ጋዲ ኤፍሬማ ቢታና እትፐ ኦላዉ ጫቀቴዳዋ ዳዊታ ዛርያፐ ካተቴዳ ካቲ ስሴዳ ዎደ፥ ደርያን ጫርኩ ቃꬅያ ምꬃዳን፥ አካዛ ዎዛናይነ አ አሳ ዎዛናይ ዳጋማን ሻቢረቴዳ።
ISA 7:3 ያትና፥ መꬍና ጎዳይ ኢስያሳ፥ “ኔን ነ ናኣ ሻኣር-ያሹባ አካደ፥ አካዛና ጋከታናዉ ባ፤ ማዩዋ ሜጭያዋንቱ ጎሻኮ አፍያ ኦግያ ማታን ቆሞና ደእያ ሺቄዳ ሃꬃ ጼራን ኔን አ ደማና።
ISA 7:4 አዉ ሀዋዳን ያጋደ ኦዳ፤ ‘ናገታ፤ ህርጎፓ፤ ሶርያ አሳ፥ ካትያ ራጺናነ ራማልያ ናኣ ሀንቆ ያዮፓ፤ ነ ዎዛናይካ ሻባረቶፖ፤ አያዉ ጎፐ፥ ላኡ ካተቱ ታማፐ አꬂደ ጩዋትያ ላኡ ምꬃ ዱሩማ ማላ።
ISA 7:5 “ ‘ሶርያ ጋድያ አሳይ ኤፍሬማ አሳናነ ራማልያ ናኣና ነ ቦላ ኢታባ ማቀቲደ፥
ISA 7:6 “አነ ይሁዳ ጋድያን ዎራጂደ፥ መንሬꬅድነ ኑ ግዶን ሻኪደ፥ ጻብኤላ ናኣ ካዉꬄቶ” ያጊኖ’ ያጋ” ያጌዳ።
ISA 7:7 ግዶፐነ፥ ኡባ ሞድያ መꬍና ጎዳይ ሀዋዳን ያጌ፤ “ሄ ኡንቱንቱ ማቁ ምነና፤ ሙለካ ሄዌ ፖለተናዋ።
ISA 7:8 አያዉ ጎፐ፥ ዳማስቁ ሶርያ ቢታዉ ሁጲያ፤ ካቲ ራጺንካ ዳማስቆ ካታማዉ ሁጲያ። ኡሱፑን ታማነ እቼሹ ላይꬃ ግዶን ኤፍሬማ ጋዲ ቡንቼቲደ፥ ካዉተꬃ ግደናን አታና።
ISA 7:9 ቃይ ሳማሪ ኤፍሬማ ቢታዉ ሁጲያ፤ ራማልያ ናአይ ሳማርያ ካታማዉ ሁጲያ፤ ህንተ አማኑዋን ምኒደ ኤቀናን ꬋዮፐ፥ ህንተካ ኤቂክታ” ያጌ።
ISA 7:10 ቃይካ መꬍና ጎዳይ አካዛዉ፤
ISA 7:11 “መꬍና ጎዳይ ነ ጾሳይ ነዉ ቦላ ሳሉዋፐ፥ ዎይ ጋርሳ ሳኣ ጪሙዋፐ እት ማላታ እማና ማላ ኦቻ” ያጌዳ።
ISA 7:12 ሽን አካዝ፥ “ኦችከ፤ መꬍና ጎዳካ ፓጭከ” ያጌዳ።
ISA 7:13 ያትና፥ እስያስ፥ “ህንተኖ፥ ዳዊታ ዛረቶ፥ ስስተ! ህንተ አሳ ዳቡርስያዌ አይ ጉጽና፥ ቃይ ታ ጾሳ ዳቡርሲቴ?
ISA 7:14 ያቶፐ፥ ጎዳይ ባረ ሁጲያን ህንተንቶ ማላታ እማና፤ ወዶራታ ሻሃራደ አቱማ ናኣ የላና፤ አ ሱንꬃካ አማኑኤላ ያጋደ ሱንꬃና።
ISA 7:15 እ ኢታ እጻናዉነ ሎኡዋ ዶራናዉ ኤርያ ዎደ፥ መኤዳ ማꬃነ ኤሳ ኡታና።
ISA 7:16 ሽን ናአይ ኢታ እጻናዉነ ሎኡዋ ዶራናዉ ኤራናፐ ካሰቲደ፥ ኔን ሎይꬅ ያዬዳ ላኡ ካተቱ ቢታቱ ኮለት መላ ግዳና።
ISA 7:17 “ኤፍሬማ ጋዲ ይሁዳ ጋድያፐ ሻከቶደፐ ዶምና ሀንቤና መቶ ዎድያ መꬍና ጎዳይ ነ ቦላ፥ ነ አሳ ቦላነ ነ አዉዋ ጎልያ ቦላ አሀና፤ ሄ ያናዌካ አሶረ ጋድያ ካትያ” ያጌዳ።
ISA 7:18 ሄ ጋላሳይ ጋክያ ዎደ፥ መꬍና ጎዳይ ኡዱንጸቶ፥ ግብጼን ሃኮ ሻፋን ደእያ አሳቶ ማላታና፤ እ ማꬃቱዋ፥ አሶረ ጋድያ አሳቱዋ ጼሳና።
ISA 7:19 ያትና፥ ኡንቱንቱ ኡባይካ ዪደ፥ ዛንጋራ ሾባን፥ ሹቻ ጎንጎሉዋን፥ አጉንꬃይ ደእያ ቡራንነ ሃꬃ ኦላን ኡታና።
ISA 7:20 ሄ ጋላስ ጎዳይ ኤፍራጺሳ ሻፋፐ ሄፍንꬃ ባጋፐ ሁጲያ ቃንጽያ አሳ ጼሳና፤ እካ አሶረ ጋድያ ካትያ፤ እ ዪደ፥ ህንተ ሁጲያ ብናና፥ ህንተ አሳተꬃ ብናናነ ህንተ ቡቻ ሜዳና።
ISA 7:21 ሄ ጋላስ እት አሳይ መጽ እት ማꬃ ሚዛነ ላኡ ዴሻቱዋ ጻላላ አሻና።
ISA 7:22 ግዶፐካ፥ ኡንቱንቱ ማጽያ ማꬃይ ሎይꬅ ዳሮ ግድያ ድራዉ፥ እ መኤዳ ማꬃ ኡታና፤ ሄ ጋድያን አቴዳ አሳይ ኡባይካ መኤዳ ማꬃነ ኤሳ ኡታና።
ISA 7:23 ሄ ጋላስ እት ሻአ ብራን ዋሸትያ ሻአ ዎይንያ አኖቱ ደእያ ሳን ኡባን ክንድቹነ አጉንꬃ ጻላላይ ሞካና።
ISA 7:24 ቢታ ኡባን ክንድቹነ አጉንꬃይ ኩሜዳ ድራዉ፥ አሳይ ያ ብያ ዎደ፥ ቶራነ ዎንዳፍያ ኦይቂደ ባና።
ISA 7:25 ካሰ ጎማን ቡልኤዳ ዞዘቱዋን ሀእ ክንድቹነ አጉንꬃይ ኩሜዳ ድራዉ ያዪደ፥ እት አሳይነ ያ ቤና። መሂ የደትያሳነ ዶርሳይ ሄመትያሳ ግዳናዋ።
ISA 8:1 መꬍና ጎዳይ ታና ሀዋዳን ያጌዳ፤ “ዎልቃማ ጻꬃ ዋራቃታ አካደ፥ ‘ኦሞዶ ኤሌላ! ቦንቂያዉ ኤሌላ!’ ያጋደ፥ ናባበትያ ፕዶልያን ጻፋ።
ISA 8:2 ቄስያ ኦርዮናነ ይባራክያ ናኣ ዛካራሳ አማንꬅያ ማርካቱዋ ኦꬃደ ታን ሱንꬃና” ያጌዳ።
ISA 8:3 ሄዋፐ ጉይያን፥ ታን ትምቢትያ ኦድያ ታ ማቻትና ግሳድ፤ ያትና፥ አ ሻሃራደ እት ናኣ የላዱ፤ መꬍና ጎዳይ ታና ሀዋዳን ያጌዳ፤ “አ ሱንꬃ፥ ‘ማሀር-ሻላል-ሀሽ-ባዝ’ ያጋደ ሱንꬃ።
ISA 8:4 ናአይ፥ ‘ታ አዎ፥ ታ አቴ’ ያጊደ ጼስያዋ ኤራናፐ ካሰ፥ አሶረ ጋድያ ካቲ ዳማስቆ ዱረተꬃነ ሳማርያ ኦሞዱዋ አኪደ አፋና” ያጌዳ።
ISA 8:5 መꬍና ጎዳይ ቃይካ ታዉ ሀዋዳን ያጊደ ሃሳዬዳ፤
ISA 8:6 “ሀ አሳይ ሎዳን ጎግያ ሳልሆማ ሃꬃቱዋ እጺደ፥ ራጺናነ ራማልያ ናኣ ናሸቲደ አኬድኖ።
ISA 8:7 ሄዋ ድራዉ፥ ታን ጎዳይ ምኖነ ዳሮ ግድያ ኤፍራጺሳ ሃꬃ፥ አሶረ ካትያ አ ቶራንቻቱዋ ኡባና አሀና ሀናይ። እ ሻፍያ ኡባ ኩሚደ ከሳና፤ ጋጻ ኡባ ማዪደ ጎጋና።
ISA 8:8 ክጺደ ጎጊደ፥ ይሁዳ ገላና፤ ኤሊደ ያና አꬋና፤ ኩንꬁ ቆꬍያ ጋካና። አቤት አማኑኤላ፥ ካፉ ባረ ቀፍያ ምጭያዋዳን፥ ሃꬃ ኩንꬁ ነ ጋድያ ኡባ ቦላን ምጨታና” ያጌዳ።
ISA 8:9 ህንተኖ ካዉተꬃቶ፥ እትፐ ሺቅተ! ሽን ህንተ መኤረታና! ሃኮ ቢታ ኡባን ደእያ አሳቶ፥ ስስተ! ኦላዉ ጊግተ! ሽን ህንተ መኤረታና! ኤ፥ ኦላዉ ጊግተ፤ ሽን ህንተ መኤረታና!
ISA 8:10 ኦላ ኦለታናዉ ማቀትተ፤ ሽን ህንተ ማቁ ላለታና፤ ህንተ ሀልቹዋ ሃሳይተ፤ ሽን ህንተ ሀልቹዋ ሀላና፤ አያዉ ጎፐ፥ ጾሳይ ኑናና ደኤ።
ISA 8:11 መꬍና ጎዳይ ባረ ምኖ ኩሽያ ታ ቦላ ዎꬂደ፥ ታዉ ሃሳዬዳ፤ ታን ሀ አሳ ኦግያ ካለና ማላ፥ ታና ሀዋዳን ያጊደ ሴሬዳ፤
ISA 8:12 “ሀ አሳይ ማካላ ማቆ ግያዋ ኡባ ማካላ ማቆ ጎፕተ፤ ኡንቱንቱ ያይያባዉ ያዮፕተ ዎይ ዳጋሞፕተ።
ISA 8:13 ህንተ ጌሻ ጋናዉ በስያዌ ኡባፐ ዎልቃማ መꬍና ጎዳ፤ ህንተ አዉ ያያናዉነ ዳጋማናዉ በሰ።
ISA 8:14 እ ጌሻ ሳ ግዳናዋ፤ ሽን ይሁዳ ጋድያ አሳዉነ እስራኤልያ ጋድያ አሳዉ እ ꬉቢያ ሹቻነ ኩንድስያ ዛላ ግዳናዋ፤ የሩሳላመን ደእያ አሳዉ እ ግትያነ ጲረ ግዳናዋ።
ISA 8:15 ኡንቱንቱፐ ዳሩ ꬉበታና፤ ኩንዲደካ መአና፤ ጲርያን ኦይቀቲደካ ኦሞደታና” ያጌዳ።
ISA 8:16 ታን ኦዴዳዋ ናጋ፤ ታ ኤርስያ ቆማቱ ግዶን ህግያ አታማ።
ISA 8:17 ታን ባረ ሶምኡዋ ያቆባ ዛራቱዋፐ ገንꬅያ መꬍና ጎዳ ናጋና፤ ቃይ አን አማነታና።
ISA 8:18 ታናነ ታዉ መꬍና ጎዳይ እሜዳ ናናቱዋ በእተ። ኑን ጽዮነ ደርያን ደእያ ኡባፐ ዎልቃማ መꬍና ጎዳፐ እስራኤልያዉ ማላታነ ማርካ።
ISA 8:19 “ሳሱኪደነ ዙዙሚደ ሃሳይያ ሻሬቾቱዋነ ሞይትልያ ሃሳይስያዋንታ ኦችተ” ያጊደ ህንተና ዞርያ አሳይ ደኤ። ሀይቄዳዋንታ ፓጻ ደእያዋንቱባ ኦችያዋፐ፥ አሳይ ባረንቱ ጾሳ ኦቻናዉ በሰኔ?
ISA 8:20 ህግያነ ጾሳይ ኦድያዋ ስስተ! ሄ አሳቱ ሀ ቃላዳን ሃሳያና ꬋዮፐ፥ ኡንቱንቶ ሳአይ ዎንተና።
ISA 8:21 አሳይ ዋየቲድነ ኮሻቲደ፥ ጋድያን ቶይላካታና፤ ኡንቱንቱ ኮሻቴዳ ዎደ ይሎቲደ፥ ፑደ ጼሊደ ባረንቱ ካትያነ ባረንቱ ጾሳ ሸቃና።
ISA 8:22 ሳኣኮ ዱገ ጼሊደ፥ ዋይያ፥ ꬉማነ ያሽያ ሾኑዋ በአና፤ ኡንቱንቱ ባራ ꬉማዉ ኦለታና።
ISA 9:1 ግዶፐነ፥ ዋየቴዳዋንቶ ሀዋፐ ስንꬃዉ ꬉመና። በን ዎደ ጾሳይ ዛብሎና ቢታነ ንፍታሌማ ጋድያ ካዉሼዳ፤ ሽን ስንꬃፐ ሄ ሜድተራነ አባ ኦግያን ደእያ ቢታነ ዮርዳኖሳ ሻፋፐ ሄፍንꬃ ባጋን ደእያ “አይሁዳ ግደና አሳይ ደእያ ጋሊላ” ግያ ጋድያ እ ቦንቻና።
ISA 9:2 ꬉማን ሀመትያ አሳይ ዎልቃማ ፖኡዋ በኤዳ፤ ቃይ ባራ ꬉማ ጋድያን ደእያዋንቶ ፖኡ ፖኤዳ።
ISA 9:3 ኔን ካዉተꬃ አሳ ዳርሳዳ፤ ኡንቱንቶ ናሸቻ ጉጃዳ፤ አሳይ ካꬃ ጫክያ ዎደ ናሸትያዋዳን፥ ዎይ ኦሞዱዋ ግሺደ አክያ ዎደ ናሸትያዋዳን፥ ነ ስንꬃን ናሸታና።
ISA 9:4 አያዉ ጎፐ፥ ኔን ምድያማ ጋድያ ጾኔዳ ጋላሳዳን፥ ኡንቱንታ ዴጽያ ሞርገ ምꬃ፥ ኡንቱንቱ ሀሽያ ሞርገ ምꬃነ ኡንቱንታ ናቂያዋንቱ ጻምኣ መንሬꬃዳ።
ISA 9:5 ዎራጅያ ኦላንቻቱዋ ጫማይነ ሱꬃን ሙናቀቴዳ ማዩ ኡባይ ታማን ኤꬅያባ ግዳናዋ።
ISA 9:6 ናአይ ኑዉ የለቴዳ! አቱማ ናእ ኑዉ እመቴዳ! ካዉተꬃይ አ ሀሽያን ዎꬋና፤ አ ሱንꬃይ፥ “ማላልስያ ዞርያዋ፥ ዎልቃማ ጾሳ፥ መꬍና አዉዋ፥ ሳሮተꬃ ካፑዋ” ጌተታና።
ISA 9:7 አ ካዉተꬃ ዳሩዋዉነ አ ሳሮተꬃዉ ዛዋይ ባዋ፤ ሀችፐ ዶሚደ፥ መꬍና ጋካናዉ፥ ሱረ ፕርዳንነ ጽሎተꬃን ምንሳናዉነ ኤሳናዉ ዳዊታ ካተቱዋ አራታንነ አ ካዉተꬃን እ ካተታና፤ ኡባፐ ዎልቃማ መꬍና ጎዳ ምሹ ሄዋ ፖላና።
ISA 9:8 ጎዳይ ያቆባ ዛራቱዋ ቦላ ፕርዳ ቃላ ኪቴዳ፤ እስራኤልያ ቦላ ኩንዴዳ።
ISA 9:9 አሳይ ኡባይ፥ ኤፍሬማ አሳይነ ሳማርያ ካታማን ደእያዋንቱ፥ አዩዋንነ ኦቶሩዋን ሃሳይያዋንቱ፥ ሀዋ ኦꬄዳዌ ጎዳ ግድያዋ ኤራና።
ISA 9:10 ኡንቱንቱ፥ “ጹብያፐ ኬጸቴዳዋንቱ ኮለቴድኖ፤ ሽን ኑን ኡንቱንታ ዛረꬂደ፥ ማሰቴዳ ሹቻቱዋን ኬጻና፤ ኤꬃቱ ቃንጸቴድኖ፤ ሽን ኑን ኡንቱንቱ ሳኣን ዝጋቱዋ ላማና” ያጌድኖ።
ISA 9:11 ሄዋ ድራዉ፥ መꬍና ጎዳይ፥ ራአሶና ሞርከቱዋ ምንሳና፥ ኡንቱንቱና ኦለቴዳ ሞርከቱዋ ኡንቱንቱ ቦላ ደንꬄዳ።
ISA 9:12 አዋይ ዶልያ ባጋፐ ሶርያ ጋድያ አሳቱነ አዋይ ዉልያ ባጋፐ ፕልስጼማ ጋድያ አሳቱ ባረንቱ ዶና ሀንጊደ፥ እስራኤልያ ሜድኖ። ሄ ኡባንካ ጾሳ ሀንቁ ስምቤና፤ አ ኩሺካ ብሮ ደንዴዳሳን ደኤ።
ISA 9:13 ግዶፐነ፥ አሳቱ ባረና ሾጬዳዋኮ ስምበይክኖ፤ ኡባፐ ዎልቃማ መꬍና ጎዳካ ኮይበይክኖ።
ISA 9:14 ሄዋ ድራዉ፥ መጽ እት ጋላስ መꬍና ጎዳይ እስራኤልያፐ ሁጲያነ ጎይና፥ ꬎቃ ዛምባ ዳሻነ ዝቃ ማቃ ቃንጻና።
ISA 9:15 ጭማቱነ ቦንቼቴዳዋንቱ ሁጲያ፤ ዎርዱዋ ታማርስያ ትምቢትያ ኦድያዋንቱ ጎይና።
ISA 9:16 ሀ አሳ ካለꬅያዋንቱ፥ ዎራ ካለꬂኖ፤ ኡንቱንታ ካልያዋንቱካ ባሊኖ።
ISA 9:17 ሄዋ ድራዉ፥ ጎዳይ ኡንቱንቱ ያላጋ አሳቱዋን ናሸተና፤ አዉ ባይና ናናቶነ አምኤቶ ቃረተና። አያዉ ጎፐ፥ አሳይ ኡባይ ኢታነ ጾሳ ኤረናዋ፤ አሳይ ኡባይ ባረ ዶናን ኢታባ ሃሳየ። ሄ ኡባንካ ጎዳ ሀንቁ ስምቤና፤ አ ኩሺካ ብሮ ደንዴዳሳን ደኤ።
ISA 9:18 ኢታተꬃይ ታማዳን ጹጌ፤ ክንድቹዋነ አጉንꬃ ም ꬋይሴ፤ ስኬዳ ዎራይ ኤጽና፥ ጩዋይ ቱሳዳን ስት ጊደ፥ ፑደ ከሴ።
ISA 9:19 ኡባፐ ዎልቃማ መꬍና ጎዳ ሀንቁዋን ጋዲ ጹገታናዋ፤ አሳይካ ታማን ኤꬅያባ ማላ ግዳናዋ፤ ኦንነ ባረ እሻ አሻናዉ ቆፐና።
ISA 9:20 ኡንቱንቱ ኡሸቻ ባጋፐ ቦንቃና፤ ሽን ኮሻታና፤ ሀድርሳ ባጋፐ ማና፤ ሽን ካልክኖ፤ ኡንቱንቱ ባረንቱ የሌዳ ናናቱዋ ማና።
ISA 9:21 ምናሰ ኤፍሬማ፥ ኤፍሬምካ ምናሳ ማና፤ ኡንቱንቱ እትፐ ግዲደ፥ ይሁዳ ቢታ ሞርካና። ሄ ኡባንካ ጾሳ ሀንቁ ስምቤና፤ አ ኩሺካ ብሮ ደንዴዳሳን ደኤ።
ISA 10:1 ኢታ ህግያ ከስያዋንቶነ ኡቁንያ ጹፍያ ጻፍያዋንቶ አየ አና!
ISA 10:2 ሄዋን ኡንቱንቱ ማንቆቱዋ ፕርዳ ጌላዪኖ፤ ህዬሳቱዋ ማታካ ሱጊኖ። ያቲደ አምኤቱዋ አቁዋነ አታ አዉ ባይና ናናቱዋካ ቦንቂኖ።
ISA 10:3 ሃኮ ጋድያፐ ይያ መቱዋን እ ህንተና ሙሪያ ዎደ፥ ዋኒቴ? ማዱዋ ደማናዉ ኦኮ ባቃቲቴ? ህንተ ዱረተꬃ ሀቃን ቆሲቴ?
ISA 10:4 ህንተ ኦላን ሀይቃና፤ ቃቺደ ጎችና፥ ህንተ ባና። ሄዌ ኡባይ ሀንናካ፥ ጾሳ ሀንቁ ዉርቤና፤ ሙራናዉ እ ባረ ኩሽያ የድ ዎꬄዳ።
ISA 10:5 ጎዳይ ሀዋዳን ያጌ፤ “ታ ይሎ ጋትማ ግዴዳነ ታ ኤጽያ ሀንቆ ጻምኣ ግዴዳ አሶረ ጋድያ አሳዉ አየ አና!
ISA 10:6 ታን አሶረቱዋ ጾሳ ኤረና ካዉተꬃ ቦላ ኪታና፤ ኡንቱንቱ ዱረታ ኡባ ኦሞዳናዳንነ ቦንቃናዳን፥ ቃይ ኦግያን ደእያ ኡርቃዳን፥ ኡንቱንታ የꬋናዳን፥ ታና ሀንቀꬄዳ አሳ ቦላ ታን አሶረቱዋ አዛዛና” ያጌዳ።
ISA 10:7 ሽን አሶረ ካቲ ሀዋ ሀልችቤና፤ አ ዎዛናይካ ሀዋዳን ቆፕቤና። እ ሀልቼዳዌ ካዉተꬃቱዋ ኡባና ꬋይሳናሳ።
ISA 10:8 እ ጬቀቲደ፥ ሀዋዳን ያጌዳ፤ “ታ ጋዳዋቱ ኡባቱ ካትያ ግድክኖየ?
ISA 10:9 ካልኖ ካታማይ ካርካሚሻ ካታማ ማላ ግደኔየ? ሀማታ ካታማይ አርፋዳ ካታማ ማላ ግደኔየ? ሳማርያ ካታማይካ ዳማስቆ ካታማ ማላ ግደኔየ?
ISA 10:10 የሩሳላመንነ ሳማርያን ደእያ ማሰቴዳ ኤቃ ምስለቱዋፐ ዳርያ ምስለቶ ጎይንያ ካዉተꬃቱዋ ሙራናዉ፥ ታን ታ ኩሽያ የዳድ።
ISA 10:11 ታን ሳማርያ ካታማ ቦላነ አን ደእያ ኤቃ ምስለቱዋ ቦላ ኦꬄዳዋዳን፥ የሩሳላመ ካታማ ቦላነ አ ኤቃቱዋ ቦላ ኦꬅክታየ?” ያጌዳ።
ISA 10:12 ጎዳይ ጽዮነ ደርያ ቦላነ የሩሳላመ ቦላ ባረ ኦꬅያ ኦሱዋ ኡባ ፖሌዳዋፐ ጉይያን፥ አሶረ ጋድያ ካትያ አ አዩዋነ አ ኦቶሩዋ ሙራና።
ISA 10:13 አያዉ ጎፐ፥ አሶረ ካቲ ሀዋዳን ያጌ፤ “ታ ኩሽያ ምኖተꬃን፥ ታ አꬌዳ ኤራተꬃንነ ታዉ ደእያ አኬካን ታን ሀዋ ኡዳድ። ታን ካዉተꬃቱዋ ግዶን ደእያ ዛዋቱዋ ሾዳድ፤ ኡንቱንቱ ቢታቱዋን ደእያ አሳ አቁዋ ቦንቃድ፤ ታ ምኖ ቀስያን፥ ካተቱዋ አራታቱዋን ኡቴዳዋንታ ኡባ ዱገ ዎꬃድ።
ISA 10:14 አሳይ ካፉዋ ጎልያን ኩሽያ የድያዋዳን፥ ታን ካዉተꬃ ዱረተꬃ ቦላ ታ ኩሽያ የዳድ። ቃይ ዶገቲደ አቴዳ ቁቁለቱዋ ሺሽያዋዳን፥ ታን ቢታ ኡባ ሺሻድ። ፓላናዉ ባረ ቀፍያ ባቂያባይ፥ ዎይ ሃሳያናዉ ባረ ዶና ፖግያባይ፥ ዎይ ቃይ ዋስያዌ እቱነ ባዋ” ያጌዳ።
ISA 10:15 ቱሙ ካልታይ ባረናን ቃንጽያ ብታንያፐ፥ “ታን አꬋይ” ጋናዉ ዳንዳዪየ? ዎይ ማጋዚ ባረና ጎችያ ብታንያፐ፥ “ታን ዳራይ” ጊየ? ጻምአይ ባረና ኦይቂያ አሳ ደንꬂ? ጉፊ ኦይቂያ አሳይ ባይናን ሀመቲ?
ISA 10:16 ሄዋ ድራዉ፥ ጎዳይ፥ ኡባፐ ዎልቃማ መꬍና ጎዳይ፥ አ ምኖ ቶራንቻቱዋ ቦላ ላፈꬅያ ሀርግያ የዳና፤ አ ቦንቹዋፐ ጋርሳና ምሹ ኤጽያ ታማዳን ኤጽ ከሳና።
ISA 10:17 እስራኤልያ ፖኡ ታማ ግዳናዋ፤ እስራኤልያ ጌሻይካ ላጩዋ ግዳናዋ፤ ያቲደ አ አጉንꬃነ አ ክንድቹዋ እት ጋላስ ጹጋናነ ማና።
ISA 10:18 ጾሳይ ባረ ዎራ ምꬃ ቦንቹዋነ ባረ አራዳ ጋድያ ቦንቹዋ ꬋይሳና፤ ስም ሄዌ ሀርግያ አሳይ ስልያዋዳን ስላና።
ISA 10:19 አ ዎራን አታና ምꬃቱ ሎይꬅ ጉꬃ ግድያ ድራዉ፥ እት ጉꬃ ናአይካ ፓይድ ዉርሳናዋ።
ISA 10:20 ሄ ጋላሳን እስራኤልያፐ አቴዳዋንቱ ባረና ሾጬዳዋንቱን ዘምፕክኖ፤ ሽን ኡንቱንቱ ቱሙዋፐ መꬍና ጎዳን፥ እስራኤልያ ጌሻን ዘምፓና።
ISA 10:21 አተꬃይ፥ ይሁዳ አሳ አተꬃይ ዎልቃማ ጾሳኮ ስማና።
ISA 10:22 ኔኖ እስራኤልያዉ፥ ነ አሳይ አባ ማታን ደእያ ሻፍያ ኬሻ ግዶፐካ፥ ኡንቱንቱፐ አማሬዳዋንቱ ጻላላይ ስማና። ጽሎተꬃይ ኩም ፓላሄዳ ባሻይ አዋየቴዳ።
ISA 10:23 ኤ፥ ጎዳይ፥ ኡባፐ ዎልቃማ መꬍና ጎዳይ ሳኣ ኡባ ቦላን አሀናዉ ቃቼዳ ባሻ አሀና።
ISA 10:24 ሄዋ ድራዉ፥ ጎዳይ፥ ኡባፐ ዎልቃማ መꬍና ጎዳይ ሀዋዳን ያጌ፤ “ጽዮነን ደእያ ታ አሳቶ፥ ግብጼቱ ኦꬄዳዋዳን፥ አሶረቱ ህንተና ጻምአን ሾጭያ ዎደነ ባረንቱ ጋትማ ህንተ ቦላ ደንꬅያ ዎደ ያዮፕተ።
ISA 10:25 ጺ ጉꬃ ዎድያፐ ጉይያን፥ ታን ህንተና ሀንቀትያዋ አጋና፤ ሄዋፐ ጉይያን፥ ታ ሀንቁ ኡንቱንታ ꬋይሳናዉ ባና” ያጌ።
ISA 10:26 ኡባፐ ዎልቃማ መꬍና ጎዳይ ኦሬባ ግያ ሹቻ ማታን ሚድያማቱዋ ሾጬዳዋዳን፥ ኡንቱንቱ ቦላ ልሱዋ ደንꬃና። እ ግብጼን ኦꬄዳዋዳን፥ ባረ ጋትማ አባ ቦላ ደንꬃና።
ISA 10:27 ሄ ጋላስ፥ አ ቶኩ ህንተ ሀሽያፐ ዎꬋና፤ አ ሞርገ ምꬃይካ ህንተ ሞርግያፐ ክቻና። ህንተ ኦርዴዳ ድራዉ፥ ሞርገ ምꬃይ መአና።
ISA 10:28 ሞርክያ ዎታዳራቱ አታ ካታማ ገሌድኖ፤ ምግሮናን አꬌድኖ፤ ባረንቱ ኦላ ሚሻካ ምክማሳ ካታማን ዎꬄድኖ።
ISA 10:29 ኡንቱንቱ ጋድያ አꬍያሳና ፕኒደ፥ ገባአ ካታማን አቄድኖ። ራማ ካታማን ደእያ አሳይ ኡባይ ኮኮሬዳ፤ ካትያ ሳኦላ ካታማን ግብአን ደእያ አሳይካ ባቃቴዳ።
ISA 10:30 ጋሊማ አሳዉ፥ ዋሱዋ ጹልስተ! ላይሻ አሳዉ፥ ስስተ! አናቶታ ካታማን ደእያ አሳዉ፥ ኦችያዋ ኦድተ!
ISA 10:31 ማድሜና ግያ ካታማ አሳይ ባቃቴዳ፤ ገቢማ አሳይካ ባረ ሸምፖ ቆሰቴዳ።
ISA 10:32 ሀቼ ሞርክያ ዎታዳራቱ ኖባ ካታማን ደኢኖ፤ ያን ኡንቱንቱ ባረንቱ ኩሽያ ቃꬂደ፥ ጽዮነ ደርያ፥ የሩሳላመ ካታማ ባብሲኖ።
ISA 10:33 በእተ፥ ጎዳይ፥ ኡባፐ ዎልቃማ መꬍና ጎዳይ ቃንካቱዋ ዎልቃማ ዎልቃን ቃንጻና፤ አዱቄዳ ምꬃቱካ ቃንጸታና፤ ቃይ ቦንቼቴዳዋንቱካ ካዉሻና።
ISA 10:34 ጾሳይ ስኬዳ ዎራ ካልታን ቃንጻና፤ ሊባኖስካ ዎልቃማ ስንꬃን ኩንዳና።
ISA 11:1 እሰይ ዱሩማፐ አጫይ ከሳና፤ አ ጻጱዋፐ አይፍያ ታሺ ከሳና።
ISA 11:2 መꬍና ጎዳ አያናይ፥ አꬌዳ ኤራተꬃነ አኬካ አያናይ፥ ዞርያነ ዎልቃ አያናይ፥ ኤራተꬃነ መꬍና ጎዳዉ ያይያ አያናይ አ ቦላ ሸምፓና።
ISA 11:3 መꬍና ጎዳዉ ያይያዋን እ ናሸቴ፤ ባረ አይፊ በኤዳዋን ጮ ፕርደና፤ ዎይ ባረ ሀይꬃይ ስሴዳዋን ጮ ፕርደና።
ISA 11:4 ሽን ህዬሳቶ እ ጽሉዋን ፕርዳና፤ ሳኣን ደእያ መቶታንቻቱ የዉዋካ እ ሱረተꬃን ፕርዳና። እ ባረ እንጻርሳ ጋትማን ሳኣ ሾጫና፤ ባረ ዶና ሸምፑዋን ኢታቱዋ ዎꬋና።
ISA 11:5 ጽሎተꬃይ አ ጼሳዉ ዳንጮ ግዳናዋ፤ አማነትያዌካ አ ምይያዉ ሳቂያ ግዳናዋ።
ISA 11:6 ጄሪ ዶርሳ ማራና እትፐ ደአና፤ ማሂካ ዴሻ ማራና እትፐ ግሳና፤ ሚዛ ማራና፥ ጋሙዋ ማራናነ እትፐ ሄመታና፤ ጉꬃ ናእ ኡንቱንታ ሄማና።
ISA 11:7 ሚዛታነ ባባንꬃ ጌተትያ ዶአይ እትፐ ማና፤ ኡንቱንቱ ማራቱካ እትፐ ግሳና፤ ጋሙ ቦራዳን ኡቱላ ማና።
ISA 11:8 ꬋንꬃ ꬋምያ ናአይ ሾሻ ኦላን ካአና፤ ꬋንꬃ ዱꬄዳ ናአይ ዎꬍያ ሾሻ ኦላን ባረ ኩሽያ የዳና።
ISA 11:9 ታ ጌሻ ደርያን ኦንነ ቆሄተና፥ ዎይ ባየና፤ አያዉ ጎፐ፥ አባይ ሃꬃን ኩምያዋዳን፥ ሳአይ መꬍና ጎዳ ኤርያዋን ኩማና።
ISA 11:10 ሄ ጋላስ እሰይ ጻጱ አሳዉ ማላታ ግዲደ ኤቃና፤ ካዉተꬃ ኡባይ አ ኮያና፤ እ ደእያ ሳአይካ ቦንቼታና።
ISA 11:11 ሄ ጋላስ ጎዳይ ባረ አሳ አቶተꬃ አሶረፐ፥ ግብጼፐ፥ ፓትሮሳፐ፥ ቶጵያፐ፥ ኤላማፐ፥ ባብሎነፐ፥ ሀማታፐነ አባ ዶናን ደእያ ቢታቱዋፐ ላኤንꬁዋ ዛር አካናዉ ባረ ኩሽያ የዳና።
ISA 11:12 ካዉተꬃቶ ማላታ እ ꬎቁ ኦꬂደ ደንꬃና፤ እስራኤልያፐ ላለቴዳዋንታ እትፐ ጋꬃና፤ ይሁዳፐ ፕስክ ጌዳዋንታካ ሳኣ ኦይዱ ሚዛናፐ እ ሺሻና።
ISA 11:13 ሄዋፐ ጉይያን፥ ኤፍሬማ ቃናቲ አፐ ሻከታና፤ ቃይ ይሁዳ ዋይስያዋንቱካ ꬎቆለት ꬋያና። ኤፍሬመ ይሁዳ ቃናተና፤ ይሁዳይካ ኤፍሬማ ዋይሰና።
ISA 11:14 ኡንቱንቱ አዋይ ዉልያ ባጋን ደእያ ፕልስጼማ ጋድያ ቦላ ፓሊደ ዎꬋና፤ አዋይ ዶልያ ባጋን ደእያ አሳካ ኡንቱንቱ እትፐ ቦንቃና። ኡንቱንቱ ኤዶማ ቦላነ ሞኣባ ቦላ ባረንቱ ኩሽያ ዎꬃና፤ አሞናቱካ ኡንቱንቶ አዛዘታና።
ISA 11:15 መꬍና ጎዳይ ግብጼ ምይያን ደእያ ዞኦ አባ ኡባና መልሳና፤ ባረ ላጽያ ጫርኩዋና ባረ ኩሽያ ኤፍራጺሳ ሻፋ ቦላ ደንꬃና። ያቲደ አሳይ መላ ኤለካ ፕናና ማላ፥ ላፑን ቄር ሻፋ ከሲደ ሾጫና።
ISA 11:16 እስራኤልያ አሳይ ግብጼ ጋድያፐ ከስያ ዎደ ኦጊ ደኤዳዋዳን፥ አ አሳፐ አቴዳዋንቶ አሶረ ጋድያፐ ከስያ ኦጊ ደአናዋ።
ISA 12:1 ሄ ዎደ ህንተ ሀዋዳን ያጋና፦ “አቤት መꬍና ጎዳዉ፥ ኔን ታና ሀንቀታዳ፤ ሀንቁዋፐካ ስማዳ፤ ያታደ ታና ምንꬃዳ። ሄዋ ድራዉ፥ ታን ኔና ጋላታይ።
ISA 12:2 “በእተ፥ መꬍና ጎዳይ ታ አቶተꬃ፤ ታን አን አማነታደ፥ ያይከ። አያዉ ጎፐ፥ መꬍና ጎዳይ፥ ታዉ ዎልቃነ የꬃ። እ ታ አቶተꬃ ግዴዳ” ያጋና።
ISA 12:3 አሽያ ፑልቶቱዋፐ ሃꬃ ህንተ ናሸቻን ዱቃና።
ISA 12:4 ሄ ጋላስ ቃይ ህንተ ሀዋዳን ያጋና፦ “መꬍና ጎዳ ጋላትተ! አ ሱንꬃካ ጼስተ። አ ኦሶቱዋ ካዉተꬃቱዋ ኡባ ግዶን ኤርስተ። አ ሱንꬃይ ꬎቁ ꬎቁ ጌዳዋ አዋይተ።
ISA 12:5 መꬍና ጎዳይ ዎልቃማ ኦሱዋ ኦꬄዳ ድራዉ፥ አዉ የጽተ። ሀዌ ሳኣ ኡባን ኤረቶ።
ISA 12:6 እስራኤልያ ጌሻይ ህንተ ግዶን ꬎቁ ꬎቁ ጌዳ ድራዉ፥ ህንተኖ፥ ጽዮነን ደእያዋንቶ፥ ሆምቦጭተ! ናሸቻዉ የጽተ!” ያጋና።
ISA 13:1 አሞጻ ናኣ ኢስያሳ ዉ ጾሳይ ባብሎነዋ ቆንጭስና በኤዳዌ ሀዋ።
ISA 13:2 መላ ደርያ ቦላ ባንድራ ኤስተ፤ ህንተ ቃላ ꬎቁ ኦꬂደ፥ ኡንቱንቶ ዋስተ፤ ኡንቱንቱ ካፓቱዋ ፐንግያና ገላና ማላ፥ ዉትተ።
ISA 13:3 ታን ሀንቀቴዳዋንታ ሙራና ማላ፥ ታ ጌሻቱዋ አዛዛድ፤ ታን ጾንያዋን ናሸትያ ታ ዎልቃማ ቶራንቻቱዋካ ጼሳድ።
ISA 13:4 ጮራ አሳይ ጫቦትያዋዳን፥ ደርያ ሁጲያን ጫቦትያ ዋላሳ ስስተ! ቃይ ካዉተꬃቱ እትፐ ሺቂደ ሻቢረትያ ዋላሳ ስስተ! ኡባፐ ዎልቃማ መꬍና ጎዳይ ቶራንቻቱዋ ኦላዉ ሳልፕሴ።
ISA 13:5 መꬍና ጎዳይነ እ ባረ ሀንቁዋ ፖልሳናዉ ጎኤትያ ሚሻቱ ቢታ ኡባ ꬋይሳናዉ፥ ሃኮ ጋድያፐ፥ ሳሎቱዋ ጋጻፐ ዪኖ።
ISA 13:6 መꬍና ጎዳ ጋላሳይ ማቴዳ ድራዉ ዬክተ! ሄ ጋላሳይ ኡባፐ ዎልቃማ ጾሳ ማታፐ ባሻዳን ያና።
ISA 13:7 ሄዋ ድራዉ፥ ኩሽያ ኡባይ ህልስ ጋና፤ አሳ ኡባ ዎዛናይካ ሲላና።
ISA 13:8 ኡንቱንቱ ዳጋማና፤ ኦይꬃይነ ዬላይ ኡንቱንታ ኦይቃና። የሉ ኦይቄዳ ምሽራቲዳን፥ ኡንቱንቱ ኦይቀታና። ኡንቱንቱ ዳጋሚደ፥ እቱ እቱዋ ጼላና፤ ኡንቱንቱ ሶምኢካ ዳጋማን ቦጻና።
ISA 13:9 በእተ፤ መቀꬃ ኢሲደ፥ ይሉዋንነ ሱሎ ሀንቁዋን ጋድያ መላ ከሳናዉነ አን ደእያ ናጋራንቻቱዋ ꬋይሳናዉ፥ መꬍና ጎዳ ጋላሳይ ዬ።
ISA 13:10 ሳሉዋ ጾልንተቱነ ጾልንተቱዋ ጭታቱ ባረንቱ ፖኡዋ እመናን እጻና፤ አዋ አይፊ ዶሊደ ꬉማና፤ አግናይካ ፖኤናን አጋና።
ISA 13:11 ጾሳይ ሀዋዳን ያጌ፥ “ታን ሀ ሳኣ አ ኢታተꬃ ድራዉ፥ ኢታቱዋካ ኡንቱንቱ ናጋራ ድራዉ ሙራና። ታን ኦቶራንቻቶ ኦቶሩዋ ድጋና፤ መቀꬃ ኢታቱዋ ኦቶሩዋካ ካዉሻና።
ISA 13:12 አቴዳ አሳይ አልኦ ዎርቃፐ አꬊደ አልአና፤ ኦፊራ ዎርቃፐካ አꬊደ አልአና።
ISA 13:13 ሄዋ ድራዉ፥ ኡባፐ ዎልቃማ መꬍና ጎዳ ሀንቁዋን፥ አ ሀንቁዋ ሱሉዋ ጋላስ ታን ሳሎቱዋ ኮኮርሳና፤ ሳአይካ ባረ ደኢያሳፐ ካጻና” ያጌ።
ISA 13:14 ሻንካፐ ባቃትያ ጋራዳን፥ ዎይ ሄምያ አሳይ ባይና ዶርሳ ዉድያዳን፥ አሳይ ኡባይ ባረ አሳኮ አሳኮ ስማና፤ ኡባይካ ባረ ቢታ ባቃታና።
ISA 13:15 ቤቴዳዌ ኦንነ ጫደታና፤ ኦይቀቴዳዌ ኦንነ ማሻን ሀይቃና።
ISA 13:16 ኡንቱንቱ ጉꬃ ናናይ ኡንቱንቱ ስንꬃን ቡሳከታና፤ ኡንቱንቱ ጎለቱካ ቦንቀታናዋ፤ ኡንቱንቱ ማጫ አሳቱዋናካ ዎልቃን ሀራ አቱማ አሳቱ ጋከታና።
ISA 13:17 በእተ፥ ብራ ኮየና፥ ዎርቃንካ ናሸተና ሜዶና ጋድያ አሳቱዋ ታን ኡንቱንቱ ቦላን ደንꬃና።
ISA 13:18 ኡንቱንቱ ዎንዳፈቱ ዎዳላቱዋ ዎꬊኖ፤ ጉꬃ ናናቱዋካ የድ ማርክኖ፤ ኡንቱንቱ አይፊ ፑርጋእያ ናናቶካ ቃረተና።
ISA 13:19 ካዉተꬃቶ ቦንቹዋ፥ ቃይ ባብሎነ አሳዉካ አሌቆነ አዉ ግዴዳ ባብሎነ ጋድያ ጾሳይ ሶዶማዳንነ ጋሞራዳን አꬅ የጋና።
ISA 13:20 ሄ ጋድያን ሙለካ አሳይ ኡተና፤ ዎይ የለታፐ የለታ ጋካናዉካ ያን አሳይ ደኤና፤ አራባ አሳይካ ያን ባረ ዱንካንያ ቶለና፤ ዶርሳ ዉድያ ሄምያዋንቱካ ያን ባረንቱ ዉድያ አላጽሲኖ።
ISA 13:21 ሽን ያን ባዙዋ ዶአቱ አላጻና። ዎራካናቱ ኡንቱንቱ ጎልያ ኩማና፤ ጉታቱ ሄዋን ደአና፤ ባዙዋ ዴሻቱ ሄዋን ጉፓና።
ISA 13:22 ኡንቱንቱ ጎለቱዋን ባባርቂ ዋሳና፤ ኡንቱንቱ ቦንቾ ካትያ ጎለቱዋንካ ዎራካናይ ቦጫና። አ ዎዲ ማታቴዳ፤ ጋላሳይካ ጋምኤና።
ISA 14:1 መꬍና ጎዳይ እስራኤልያ አሳዉ ቃረታና፤ እስራኤልያካ ዛረꬂደ ዶራና። ኡንቱንታ ኡንቱንቱ ቡዞ ጋድያን ዎꬃና፤ እማꬃቱ ዪደ ኡንቱንቱና ጋከቲደ፥ እስራኤልያ አሳና እትፐ ደአና።
ISA 14:2 ዳሮ ካዉተꬃይ እስራኤልያ አሳ አኪደ፥ ኡንቱንቱ ሳኣ አሀና፤ እስራኤልያ አሳይ ካዉተꬃቱዋ ማጫነ አቱማ ቆማዳን፥ መꬍና ጎዳ ጋድያን ሞዳና። ኡንቱንቱ ባረና ኦሞዴዳዋንታ ኦሞዳና፤ ባረና ኡቁኔዳዋንታካ ሞዳና።
ISA 14:3 መꬍና ጎዳይ ህንተና ህንተ ቱጋፐ፥ መቱዋፐነ ህንተ ሞደቴዳ ኢታ አይለተꬃፐ ሸምፕሴዳ ጋላስ፥
ISA 14:4 ህንተ ባብሎነ ካትያ ቦላ ሀዋዳን ያጊደ ቅሊጫና፤ “ኡቁንያዌ ዋን አጌዴ፤ አ ሀንቁዋ ሱሉካ ዋን አቴዴ!
ISA 14:5 መꬍና ጎዳይ ካዉተꬃቱዋ ጻምኣነ ሞድያዋንቱ ጋትማ መንꬄዳ።
ISA 14:6 ኡንቱንቱ አሳ ዉርሰꬅ ባይና ሀንቁዋን ሾጬድኖ። ባረንታ ጾኔዳ አሳቱዋ ቃንጸናን ኡንኤꬂደ ደኤድኖ።
ISA 14:7 ቢታ ኡባይ ኡንቱንቱፐ ሸምፒደ፥ ዎፓን ደኤ፤ አሳይካ የꬃ የጼ።
ISA 14:8 ሀራይ አትና፥ ዝጋቱካ ሊባኖሳ ጽደቱካ፥ ካትያ ኩንደꬃን ናሸቲደ፤ ‘ኔን ካዉሻደ ዎꬎደፐ፥ ኑና ቃንጻናዉ ይያዌ ባዋ’ ያጊኖ።
ISA 14:9 “ኔን ይያ ዎደ፥ ስኦሊ ኔና ሞካናዉ ህርክን ጊጌዳ፤ እ ካሰ ጋድያ ካለꬄዳ አሳቱዋ ሞይትለቱዋ ኔና ሳሮታናዳን ደንꬄ፤ ቃይ ካሰ ካዉተꬃቶ ካትያ ግዴዳ ኡባቱዋካ ኡንቱንቱ አራታፐ ደንꬅ ኤሴ።
ISA 14:10 ኡንቱንቱ ኡባይካ ሀዋዳን ያጋና፤ ‘ሄኮ ኔንካ ኑዋዳን፥ ዎልቃ ꬋያዳ፤ ኔንካ ኑ ማላ ግዳዳ!
ISA 14:11 ካሰ ዲꬃ ዲጺደ ሳቢያ ነ ቦንቹ ስኦልያን ዱገ ገሌዳ። ዱቻቱ ኔን ግስያ ግሱዋ፤ ጉጹነቱካ ኔን ማይያ አፍላ ግዳና’ ያጋና።
ISA 14:12 “ኔኖ ዎንታ ናአዉ፥ ባካልያዉ፥ ሳሉዋፐ ዋና ኩንዳዲ! ኔኖ ካዉተꬃ ካዉሼዳዎ፥ ዋና ቃንጸታደ ሳኣን ዎꬋአዲ!
ISA 14:13 ኔን ነ ዎዛናን፥ ‘ታን ሳሉዋ ከሳና፤ ታ ካዉተꬃ አራታካ ጾሳ ጾልንተቱዋፐ ቦላና ꬎቃን ዎꬃና፤ ሁጲሳ ባጋ ጋጻን፥ ያአይ ሺቅያ ደርያ ሁጲያን ኡታና።
ISA 14:14 ሻረቱ ደእያ ꬎቃፐካ ሁጲያዉ ፑደ አꬋና፤ ታን ታና ኡባፐ ꬎቂያ ጾሳ ማላ ኦꬃና’ ያጋዳ።
ISA 14:15 ሽን ኔን ስኦልያን፥ ህርክ ጪማ ኦላን ዱገ የገታዳ።
ISA 14:16 “ኔና በእያዋንቱ፥ ‘ቢታ ቃꬄዳዌ፥ ካዉተꬃቱዋ ኮኮርሴዳዌ፥
ISA 14:17 ሳኣ ባዙዋ ከሴዳዌ፥ ሳኣን ደእያ ካታማቱዋካ አꬅ የጌዳዌ፥ ባረ ቃሾ አሳቱዋካ ጎለ የደናን ድጌዳ ብታኒ ሀዌ?’ ያጊደ ትሽ ኦꬅ አኬኪደ ጼላና።
ISA 14:18 “ካዉተꬃቱዋ ካተቱ ኡባይ ባረ ዱፉዋን ዱፉዋን ቦንቹዋን ግሳና።
ISA 14:19 ሽን ኔን እጸቴዳ ታሽያዳን፥ ነ ዱፉዋፐ ጋጻ ኦለታዳ፤ ነ አሃይ ማሻን ጫደት ሀይቄዳ አሃን፥ ቃይ ኦላን ደእያ ሹቻቱዋኮ ዱገ ዎꬍያዋንቱ አሃን ካመቴዳ። ኔን ገድያን የደርሴዳ አሃ ማላ ግዳዳ።
ISA 14:20 ኔን ሞጉዋካ ኡንቱንቱና እትፐ ሞገታካ፤ አያዉ ጎፐ፥ ኔን ነ ጋድያ ባይዛዳ፤ ነ አሳካ ዎꬋዳ። ኢታ ኦꬅያዋንቱ ሱንꬃይ ላኤንꬆ ሙለካ ጼሰቶፖ።
ISA 14:21 ኡንቱንቱ አዎቱዋ ናጋራ ድራዉ፥ ናናቱዋ ዎꬋናዉ ጊግስተ፤ ሄዌ ꬋዮፐ ኡንቱንቱ ደንዲደ፥ ጋድያ ላታና፤ ሳኣ ኡባካ ካታማ ሳላላ ኦꬃና” ያጋና።
ISA 14:22 ኡባፐ ዎልቃማ መꬍና ጎዳይ ሀዋዳን ያጌ፤ “ታን ኡንቱንቱ ቦላን ደንዳና፤ ኡንቱንቱ ሱንꬃ፥ ኡንቱንቱ አቶተꬃ፥ ኡንቱንቱ ዘረꬃነ ኡንቱንቱ የለታ ባብሎነፐ ꬋይሳና።
ISA 14:23 ታን ባብሎነ ጉታታ ደኢያሳነ ሃꬃይ ኤልያሳ ኦꬃና፤ ባሻ ፑጻን ታን አ ፕታና። ታን ኡባፐ ዎልቃማ መꬍና ጎዳይ ሀዋ ኦዳይ” ያጌ።
ISA 14:24 ኡባፐ ዎልቃማ መꬍና ጎዳይ ሀዋዳን ያጊደ ጫቄዳ፤ “ታን ሀልቼዳዋዳን ሀናና፤ ታን ቆፔዳዋዳንካ ፖለታና።
ISA 14:25 ታን አሶረ ጋድያ ብታንያ ታ ጋድያን መንሬꬃና፤ ታ ደረቱዋ ሁጲያን ታን አ የꬋና፤ አ ሞርገ ምꬃይ ኡንቱንቱ ቦላፐ፥ አ ቶኩካ ኡንቱንቱ ሀሽያፐ ክቻና” ያጌዳ።
ISA 14:26 ሳአዉ ሙልያዉ ቆፈቴዳ ቆፋይ ሀዋ፤ ካዉተꬃቱዋ ኡባ ቦላን ምጨቴዳ ኩሺካ ሀዋ።
ISA 14:27 ኡባፐ ዎልቃማ መꬍና ጎዳይ ሀዋ ቆፔዳ ድራዉ፥ አ ኦን ድጋናዉ ዳንዳዪ? አ ኩሺካ ምጨቴዳ፤ ሄዋ ኦን ጉየ ዛራናዉ ዳንዳዪ?
ISA 14:28 ካቲ አካዝ ሀይቄዳ ላይꬅ ኦደቴዳ ቃላይ ሀዋዳን ያግያዋ፤
ISA 14:29 “ህንተኖ ፕልስጼማ አሳቶ ኡባቱካ፥ ህንተና ሾጬዳ ጻምአይ መኤዳ ድራዉ ናሸቶፕተ፤ አያዉ ጎፐ፥ ሄ ሾሻ ዛርያፐ ሀሱ ከሳና፤ አ ዘረꬃይካ ቃይ ፓልያ ሾሻ ግዳናዋ።
ISA 14:30 ህዬሳቱዋ ባይራ ናናይ ቁማ ማና፤ መቶታንቻቱ ዎፑ ጊደ ግሳና። ሽን ታን ነ ዛርያ ኮሻን ዉርሳና፤ ቃይ ኔፐ አቴዳዋንታካ ዎꬋና።
ISA 14:31 “ኔኖ ፐንግያዉ፥ ዬካ! ኔኖ ካታማዉ፥ ዋሳ! ህንተኖ ፕልስጼማ አሳዉ ኡባዉ፥ ህንተ ኡባይካ ህርጋን ሙሽተ! አያዉ ጎፐ፥ ሁጲሳ ባጋፐ ጩዋይ ከሲደ ዬ፤ ሄ ጭታፐ ዱጺደ ጉየ አትያዌ ባዋ።
ISA 14:32 ካዉተꬃይ ኪቴዳዋንቶ ዋጊደ ዛራኔ? መꬍና ጎዳይ ‘ጽዮኖ ኬጼ፤ ቆሄቴዳ አ አሳይ እ ግዶን ቆሰት አትያሳ ደሜዳ’ ያጋና” ያግያ ቃላይ ኦደቴዳ።
ISA 15:1 ሞኣባ ቢታዉ ጾሳይ ኦዴዳ ቃላይ ሀዋ: ሞኣበን ደእያ ኤራ ግያ ካታማይ እት ቃማ ኮለቲደ ꬋዬዳ፤ ቃይ ሞኣበን ደእያ ቂራ ግያ ካታማይካ እት ቃማ ኮለቲደ ꬋዬዳ።
ISA 15:2 ድቦና ካታማ አሳይ ባረንቱ ኤቃ ጎልያን ዬካናዉ ꬎቃ ሳኣ ከሴድኖ። ሞኣባ ጋድያ አሳይ ናቦነ መዳባ ግያ ካታማቶ ሄዋዳን ዬኬ። ሁጲ ኡባይ ቦአትክቼዳ፤ ቡቻ ኡባይካ ሜደቴዳ።
ISA 15:3 ኦጊ ደእያ ሳን ኡባን ኡንቱንቱ ማቃ ማዬድኖ፤ ጎልያ ቦላን ደምባይ ኬጾሳንነ ዳባባ ቦላ ኡባን ኡንቱንቱ ዬኪኖነ አፎꬃ ሆልሳዪኖ።
ISA 15:4 ሀሰቦና ካታማ አሳይነ ኤልኣለ ካታማ አሳይ ዋሲኖ፤ ኡንቱንቱ ዋሱዋ ኮሻይካ ያሃጻ ግያሳ ጋካናዉ ስሰቴ። ሄዋ ድራዉ፥ ኦላዉ ዳንጬዳ ሞኣባ ዎታዳራቱ ባረንቱ ኮሻ ꬎቂሲደ ዋሴድኖ፤ ኡንቱንቱ ሸምፑካ ኡንቱንቱ ጋርሳን ኮኮሬዳ።
ISA 15:5 ታን ሞኣባዉ ዎዛናፐ ዬካድ፤ አን ደእያ አሳይ ጾኣሮነ ኤግላት-ሻሊሽያ ግያ ካታማቶ ባቃቴዳ። ኡንቱንቱ ሉሂታ ኦግያን ዬኪደ ቢኖ፤ ባጋቱ ቃይ ሆሮናይማ ብያ ኦግያን፥ ባረንቱ ባሻ ድራዉ፥ ዋሱዋ ጹሊኖ።
ISA 15:6 ንምሪማ ሃꬃቱ ቶኤድኖ፤ ማታይ መሌዳ፤ አጫይካ ሹሌዳ፤ እርጻባይ ኡባይካ ꬋዬዳ።
ISA 15:7 ሄዋ ድራዉ፥ ኡንቱንቱ ባረንቱ ሺሼዳ አቁዋነ ምንጃ ቶክ አኪደ፥ አሃያ ግያ ምꬃይ ደእያ ዎምባፐ ሄፍንꬃ አፊኖ።
ISA 15:8 ሞኣባ ዩሹ ኡባይ ዋሶ ጻላላ ግዴዳ፤ ኡንቱንቱ ዋሱ ኤግላይማነ ብኤር-ኤሊማ ጋካናዉ ስሰቴ።
ISA 15:9 ድሞና ካታማ ሃꬃቱ ሱꬃ ጻላላ ግዴድኖ፤ ታን ድሞና ካታማ ቦላ ሄዋፐካ ዳርያዋ አሀና። ሞኣባፐ ከስ አኪደ ይያዋንቱ ቦላነ ሄ ጋድያን ፓጻ አቲደ ደእያዋንቱ ቦላ ጋሙዋ የዳደ ዉርሳና።
ISA 16:1 ሞኣባ አሳይ ባዙዋ ብያ ኦግያን ደእያ ሰላአ ካታማፐ ያላጋ ዶርሳ ኦርገቱዋ የሩሳላመን ደእያ ቢታ ሞድያዎ የድተ።
ISA 16:2 ሞኣባ ማጫ አሳይ ባረንቱ ደእያ ጎልያፐ ጋጻን ላለቴዳ ካፎቱዋዳን፥ አርኖና ሻፋ ፕንያ ሳኣን ላለታና።
ISA 16:3 ሞኣባ አሳይ ይሁዳ አሳ ሀዋዳን ያጋና፤ “ኑና ዞርተ፤ ሱረ ፕርድተ፤ ሴታ ጋላሳን ህንተ ኩዋ ቃማዳን ኩዋይተ። የደርሰትያዋንታ ቆስተ፤ ባቃት ዬዳዋንታካ አꬅ እሞፕተ።
ISA 16:4 ሞኣባፐ የደርሴቴዳዋንቱ ህንተ ግዶን ደእኖ፤ ኡንቱንታ ꬋይስያዋንቱፐ ኡንቱንቱ ቆሰት አትያሳ ግድተ። ኡንቱንታ ኡቁንያዋንቱ ዉሬድኖ፤ ባሻይ አቴዳ፤ ኡንቱንቱ ቱጋይያዋንቱካ ጋድያፐ ꬋዬድኖ።
ISA 16:5 ሄዋፐ ጉይያን፥ እት ካተቱዋ አራታይ አገና ሲቁዋን ኤቃና፤ ሄ አራታን፥ ዳዊታ ዱንካንያን እት አማነትያ ዳናይ ኡታና። እ ሱረተꬃ ኮያና፤ ጽሎተꬃ ኦꬃናዉካ ኤሌላና” ያጋና።
ISA 16:6 ይሁዳ አሳይ ሀዋዳን ያጋና፤ “ሞኣባ ጋድያ አሳይ አይ ኬና ኦቶረትንቶ፥ ኑ ኡንቱንቱ ኦቶሩዋባ ስሴዶ፤ ኡንቱንቱ አዩዋነ ኡንቱንቱ ሸቃካ ስሴዶ፤ ሽን ኡንቱንቱ ኦቶሩ ሀዳ” ያጋና።
ISA 16:7 ሄዋ ድራዉ፥ ሞኣበ ዬኮ፤ አሳይ ኡባይካ ሞኣባዉ ዬኮ፤ ቂርሄሬሳ ካታማን ህንተ ደእያ ዎደ ሜዳ ሎኦ ቁማ ሀሳዪደ ዬክተ።
ISA 16:8 ሀሰቦና ሾይቃቱነ ሲብማ ዎይንያ ቶክያ ሳአቱ ꬋዬድኖ፤ ኡንቱንቶ ታሺ ያእዜራ ጋኪደ፥ ባዞ ዛኤዳ ዶረቴዳ ዎይነቱዋ ካዉተꬃቱዋ ካፓቱ የደርሲደ ꬋይሴድኖ፤ ኡንቱንቱ አጫይካ ዛኢደ፥ አባ ፕኔዳ።
ISA 16:9 ታን ያእዜራ ካታማዉ ዬክያዋዳን፥ ሲብማ ካታማ ዎይነቶካ ዬካይ። ሀሰቦናነ ኤልኣለ ካታማቶ፥ ታን ታ አፎꬃን ህንተና ሆልሳያይ። አያዉ ጎፐ፥ ህንተ ምꬃ አይፍያነ ህንተ ቦቴዳ ካꬃ ቦላን ኦላ ዋሱ ደንዴዳ።
ISA 16:10 ካꬃ አይፍያን ኩሜዳ ሾይቃፐ ናሸቻይነ ሀሹ ጉሳይ አከቴዳ። ዎይንያ ቶክያ ሳንካ ማዝሙሪ የጸተና። ናሸቻን ዎይንያ ቴራ ጉምእያ ሳኣን ጉምእያባይ ባዋ። ታን ጉምእያዋንቱ እልልያ እልልሳካ ꬋይሳድ።
ISA 16:11 ሄዋ ድራዉ፥ ታ ዎዛናይ ሞኣባዉ፥ ታ ጋርሳ አሳተꬃይካ ቂርሄሬሳዉ ዲꬃዳን ዋሴ።
ISA 16:12 ሞኣበ ባረ ꬎቃ ሳኣ ቦፐነ፥ ጮ ባረና ዳቡርሴ፤ ቃይ እ ባረ ኤቃ ጎልያ ዎሳናዉ ቦፐካ፥ ሄዌ አ አይነ ማደና።
ISA 16:13 መꬍና ጎዳይ ካሰቲደ፥ ሞኣበዋ ኦዴዳ ቃላይ ሄዋ።
ISA 16:14 ሽን ሀእ መꬍና ጎዳይ ሀዋዳን ያጌ፤ “ኮንትራትያ ኦሳንቻ ላይꬃ ፓይዱዋዳን፥ ሞኣባ ቦንቹነ አ ጮራተꬃይ ሄዙ ላይꬃቱዋ ግዶን ዉራና፤ አን አትያ አሳቱካ አማሬዳዋንታነ ዎልቃይ ባይናዋንታ ግዳናዋንታ” ያጌ።
ISA 17:1 ዳማስቆ ካታማባ ጾሳይ ሀዋዳን ያጌ፤ “በእተ፥ ሀዋፐ ስንꬃናዉ ዳማስቁ ካታማ ግድያዌ አታና፤ እ ኮለꬃ ዶርያ ግዳናዋ።
ISA 17:2 አሩራ ካታማቱ አሳይ ደኤና ሳኣ ግዳናዋንታ፤ ሄዋን መህያ ዉዲ አላጻና፤ ኡንቱንቱ ያሽስያዌካ ደኤና።
ISA 17:3 ኤፍሬመፐ ጌሳቱ፥ ዳማስቆፐካ ካዉተꬃይ ꬋያና፤ ሶርያ አሳፐ አቴዳዋንቱ እስራኤልያ አሳ ቦንቹዋ ማላ ግዳናዋንታ። ታን፥ ኡባፐ ዎልቃማ መꬍና ጎዳይ ሀዋ ኦዳይ” ያጌ።
ISA 17:4 ጾሳይ ሀዋዳን ያጌ፤ “ሄ ጋላስ እስራኤልያ ቦንቹ ቃረታና፤ አ ሞꬉካ ሾራና።
ISA 17:5 እስራኤሊ ጫክያዌ ኤቁዋን ደእያ ካꬃ ሺሽ ኦይቂደ፥ ማቃ ዛዋፐ ቃንጽ ቃንጽ ጫክያዋ ማላ ግዳናዋ፤ ዎይ ራፋይማ ዛንጋራን ካꬃ ጫኪደ፥ ፑሻሌዳ ሳ ማላ ግዳናዋ።
ISA 17:6 ዎጋራ ቃꬅ ስምና፥ ጼራን ላኡ ዎይ ሄዙ ቃርመ አይፈቱ አትያዋዳን፥ ዎይ ዳሻ ግዶን ኦይዱ ዎይ እቼሹ አይፈቱ አትያዋዳን፥ እስራኤልያፐ ቃርመቱ አታና” ያጌዳ። ሄዋ መꬍና ጎዳይ፥ እስራኤልያ ጾሳይ ሃሳዬዳ።
ISA 17:7 ሄ ጋላስ አሳይ ባረና መꬌዳዋኮ ጼላና፤ ባረንቱ አይፍያካ እስራኤልያ ጌሻኮ ዛራና።
ISA 17:8 ኡንቱንቱ ባረንቱ ኩሽያን ጊግሴዳ ያርሽያ ሳኣ ጼልክኖ፤ አሼሮ ግያ ኤቃት ምስልያ ግድናካ፥ እጻና ጩዋይያ ሳኣ ግድናካ፥ ኡንቱንቱ ባረንቱ ብራꬍያን መꬌዳዋን አማነትያዋ አጋና።
ISA 17:9 ሄ ጋላስ እስራኤልያ አሳ ጋሱዋን ሂዌቱዋነ አሞረቱዋ ካታማቱ ላለቴዳዋዳን፥ ኡንቱንቱ ምኖ ካታማቱ ላለታና፤ ሄ ካታማቱ መላ ግዳናዋንታ።
ISA 17:10 አያዉ ጎፐ፥ ህንተ ህንተና አሽያ፥ ጾሳ ዶጌድታ፤ ህንተ ባቃት አትያ ዎጋ ዛላካ ሀሳይበይክታ። ሄዋ ድራዉ፥ ኔን ሎኦ ምꬃቱዋ ቶኮፐካ፥ ካረ ጋድያፐ ዬዳ ሎኦ አታክልትያ ቶኮፐካ፥
ISA 17:11 ነ ቶኬዳ ጋላስ ኡንቱንቱ ድጪንቶካ፥ ቃይ ነ ዘሬዳ ዎንታ ኔ ኡንቱንታ ጪሽስንቶካ፥ ነ ካዩዋነ ነ ፓጻናዉ ዳንዳየና ሳኩዋ ጋላስ ሄ ጫኩ ጋኬዳ ካꬃይ ባቃት ꬋያና።
ISA 17:12 በአ፥ ዳሮ አሳይ ጉሜ፤ ኡንቱንቱ አባ ቤታዳን ጉሚኖ። ቃይ ካዉተꬃቱ ዋሲኖ፤ ኡንቱንቱ ዎልቃማ ሃꬃዳን ዋሲኖ። ኡንቱንቶ አየ አና።
ISA 17:13 ካዉተꬃቱ ዳሮ ሃꬃቱዋ ጉንꬃዳን ጉሚኖ፤ ሽን ጾሳይ ኡንቱንታ ሴራና፤ ኡንቱንቱ ደርያ ሁጲያን ደእያ ሱላይ ጫርኩዋን ደንድያዋዳንነ ጎቲ ደንꬅያ ባናዳን፥ የደርሰቲደ፥ ሃኮ ሳ ባቃታና።
ISA 17:14 ሳአይ ቃምያ ዎደ፥ ኡንቱንቱ ሻቢረታና፤ ሳአይ ዎንታናፐ ካሰቲደ፥ ኡንቱንቱ ꬋያና፤ ኑዋ ዎልቃን አክያዋንቱ ካጫይነ ኑና ቦንቂያዋንቱ ሳማይ ሀዋ።
ISA 18:1 ቶጵያ ሻፋቱዋፐ ሄፍንꬃ ባጋና ደእያ ቀፈቱ ጊረትያ ቢታዉ አየ አና!
ISA 18:2 ሄ ጋዲ ኪተትያ አሳቱዋ ናይለ ሻፋ ቦላና ኪቴ፤ ቃይ ሾምቦቁዋ ዎልዎሉዋን ዎꬂደ፥ ሃꬃቱዋ ቦላናካ ኪቴ። ህንተኖ፥ ድርቢያ ኪተትያዋንቶ፥ እት አዱሳነ ሊቆ አሳኮ ቢተ፤ ማታይ ሃኩ ያይያ አሳኮ፥ ዎልቃማነ ጾንያ ካዉተꬃ ግድያ፥ ሻፋይ ኡንቱንቱ ጋድያ ግዱዋን ሻኪደ ጎግያ ጋድያ አሳኮ ቢተ።
ISA 18:3 ህንተኖ፥ ሳኣን ደእያ ኡባ ገደ፥ ህንተኖ፥ ጋድያን ደእያዋንቶ፥ ደረቱዋ ቦላን ማላታይ ኤቂያ ዎደ፥ ህንተ በአና፤ ቃይ ማላካታይካ ፑነትያ ዎደ፥ ህንተ ስሳና።
ISA 18:4 አያዉ ጎፐ፥ መꬍና ጎዳይ ታዉ ሀዋዳን ያጌዳ፤ “ሳአይ ሴታ ጋላሳ ግድያ ዎደ ከስያ ዎልቃማ ምሹዋዳን፥ ቃይ ካꬃ ጫክያ አግናን ሆምቢያ ቃማን ሺቅያ ከተርሳዳን፥ ታን ጮኡ ጋደ፥ ታ ደእያ ሳኣፐ ዱገ ጼላና” ያጌዳ።
ISA 18:5 ካꬃ ጫክያ ዎድያፐ ካሰ፥ ጪሻይ ኮለት ስምና፥ ዎይንያ አይፊ ቴርያ ዎደ፥ እ ጹንቂያ ባጫን አ ጼራ ጹንቂክቻና፤ ዳሽያ ማራ ዳሻካ እ ድጋና።
ISA 18:6 ኡንቱንቱ ኡባይካ ደርያ ሁጲያን ደእያ፥ ምያዋ ዎችያ ካፎቶነ ሳኣ ዶአቶ አታና፤ ምያዋ ዎችያ ካፎቱ ባልጉዋ፥ ሳኣ ዶአቱ ቦንያ ኡንቱንታ ሚደ ሻጫና።
ISA 18:7 ሄ ዎደ አዱሳነ ሊቆ አሳፐ፥ ማታይ ሃኩ ያይያ አሳፐ፥ ዎልቃማነ ጾንያ ካዉተꬃፐ፥ ቃይ ሻፋይ ኡንቱንቱ ጋድያ ግዱዋን ሻኪደ ጎግያ ጋድያ አሳፐ፥ ኡባፐ ዎልቃማ መꬍና ጎዳዉ እሞታይ ጽዮነ ደርያ፥ መꬍና ጎዳ ሱንꬃይ ደእያ ሳኣ ያና።
ISA 19:1 ግብጼ ቢታ ጾሳይ ሀዋዳን ያጌ፤ “በእተ፥ መꬍና ጎዳይ ድርቢያ ሻርያ ቶጊደ፥ ግብጼ ዬ። ግብጼ ኤቃቱ አ ስንꬃን ኮኮራና፤ ግብጼ አሳ ዎዛናይካ ኡንቱንቱ ግዶን ሲላና” ያጌ።
ISA 19:2 ኡባፐ ዎልቃማ ጾሳይ ሀዋዳን ያጌ፤ “ታን ግብጼ ጋድያ አሳ ግብጼ አሳ ቦላ ደንꬃና፤ ኡንቱንቱ ባረንቱ ግዶን እሻይ እሻና፥ ሾሩ ሾሩዋና፥ ካታማይ ካታማና፥ ካዉተꬃይ ካዉተꬃና ኦለታና።
ISA 19:3 ግብጼ አሳ አያናይ ጋገታና፤ ታን ኡንቱንቱ ሀልቹዋ ሀዳ ኦꬃና። ኡንቱንቱ ኤቃቱዋነ ሞይትልያ ሃሳይስያ አሳቱዋ፥ ካይያዋንታነ ሻሬቾቱዋ ዞረታ ኦቻና።
ISA 19:4 ቃይ ታን ግብጼ ጋድያ አሳ እት መቀꬅ ባይና ጎዳ ኩሽያን አꬃደ እማና፤ እት መቀꬅ ባይና ካቲ ኡንቱንታ ሞዳና” ያጌ ኡባፐ ዎልቃማ መꬍና ጎዳይ።
ISA 19:5 ናይለ ሻፋ ሃꬃይ መላና፤ ሻፋይካ ሌላን ሌላን መል አጋና።
ISA 19:6 ዜሮ ሃꬃቱ ጽንቃና፤ ግብጼ ፑልቶቱ ጉጻናነ ቶአና። ሾምቦቆቱነ ጫረቱ ሹላና፤
ISA 19:7 ናይለ ሻፋ ማታን ደእያ ሳአቱ፥ አባ ማታቱ ኡባይ ኮለት መላ ግዳና። ናይለ ሻፋ ማታን ዘሬዳባይ ኡባይ መላና፥ ላለታናነ ꬋያና።
ISA 19:8 ሞልያ ኦይቂያዋንቱ ካዮታና። ናይለ ሻፋን ግትያ የግያ ኡባቱ ዬካና፤ ሃꬃን ግትያ የግያዋንቱካ ዶጫና።
ISA 19:9 ፓተቴዳ ታልባፐ ሊኑዋ ኦꬅያዋንቱ፥ ቃይ ቦꬃ ፑቱዋ ማዩዋ ዳድያ ሸማይነቱካ ዬላታና።
ISA 19:10 ሽማይነቱነ ከራ ኦꬅያ ኡባቱካ ካዮታና።
ISA 19:11 ጾኣነ ካታማ ሞድያዋንቱ ሙለካ ኤያ፤ አꬌዳ ኤራንቻ ግያ ግብጼ ካትያ ዞርያዋንቱ ዞሪካ ዳማ። ያትና፥ ህንተ ግብጼ ካትያዉ፥ “ኑን አꬌዳ ኤራንቻቱዋ ናናቱዋ፤ ኑን በን ካተቱ ናናቱዋ” ጋናዉ ዋኒደ ዳንዳዪቴ?
ISA 19:12 ነ አꬌዳ ኤራንቻ አሳቱ ያትና ሀእ ሀቃን ደኢኖ? ኡባፐ ዎልቃማ መꬍና ጎዳይ ግብጼ ቦላ ኦꬃናዉ ሀልቼዳዋ አነ ኡንቱንቱ ነዉ ኦድኖነ ኔና ኤርስኖ።
ISA 19:13 ጾኣነ ካታማ ሞድያዋንቱካ ኤዬድኖ፤ መምፒሳ ካታማ ሞድያዋንቱካ ጭመቴድኖ። ግብጼ አሳ ዛርያ ግዶፐ አሳ ካለꬅያዋንታ ጊደ ዎꬄዳዋንቱ ግብጼ ባለꬄድኖ።
ISA 19:14 መꬍና ጎዳይ ኡንቱንቱ ግዶን ጌላ አያና ዋላኬዳ፤ ያትና፥ ኡንቱንቱ ማꬆቲደ አሳይ ባረ ጮሻን ጋንድጋርያዋዳን፥ ግብጼ ባረ ኦሶ ኡባን ጋንድጋራናዳን ኦꬄድኖ።
ISA 19:15 ግብጼዉ አ ሁጲ ዎይ አ ጎይናይ፥ አ ዛምባ ታሺ፥ ዎይ አ ሾምቦቁ ኦꬃናባይ አያይነ ባዋ።
ISA 19:16 ሄ ጋላስ ግብጼ ጋድያ አሳይ ማጫ አሳ ማላ ግዳናዋ። ቃይ ኡባፐ ዎልቃማ መꬍና ጎዳይ ኡንቱንቱ ቦላን ዉጻክያ አ ኩሽያ በኢደ፥ ኡንቱንቱ ያሻን ኮኮራና።
ISA 19:17 ይሁዳ ጋዲ ግብጼ ጋድያ አሳ ያሽያዋ ግዳናዋ፤ ኡባፐ ዎልቃማ መꬍና ጎዳይ ኡንቱንቱ ቦላን ኦꬃናዉ ቆፔዳ ቆፋ ድራዉ፥ ይሁዳባ ስስያ ኡባይ ያያና።
ISA 19:18 ሄ ጋላስ ግብጼ ጋድያን ደእያ እቼሹ ካታማቱ ካናነ ቃላን ሃሳይያዋንታነ ኡባፐ ዎልቃማ መꬍና ጎዳዉ አማነታናዉ ጫቂያዋንታ ግዳና። ሄ ካታማቱዋፐ እቱ፥ “አዋ ካታማ” ጌተቲደ ጼሰታና።
ISA 19:19 ሄ ጋላስ ግብጼ ቢታዉ ግዱዋን፥ መꬍና ጎዳዉ ያርሽያሳይ ጊጋና፤ ቃይ ግብጼ ጋድያ ዛዋንካ መꬍና ጎዳዉ ቱሳይ ኤቃና።
ISA 19:20 ሄዌ ኡባፐ ዎልቃማ መꬍና ጎዳዉ ግብጼ ጋድያን ማላታነ ማርካ ግዳናዋ፤ ኡንቱንቱ ባረና ኡቁንያዋንቱፐ ደንዴዳዋን መꬍና ጎዳኮ ዋስያ ዎደ፥ እ ኡንቱንቶ አሽያዋ ኪታና፤ ኡንቱንታ አሻና።
ISA 19:21 ሄ ዎደ ጾሳይ ግብጼ ጋድያን ኤረቴዳዋ ግዳናዋ፤ ግብጼ አሳይካ ሄ ጋላስ ጾሳ ኤራናነ ያርሹዋነ ካꬃ ያርሹዋ አክ ዪደ፥ አዉ ጎይናና። ኡንቱንቱ ጾሳዉ ሺቃናነ ባረንቱ ሺቆዋካ ጋꬃና።
ISA 19:22 መꬍና ጎዳይ ግብጼ ሾጫና፤ ሾጫናነ ፓꬃና። ኡንቱንቱካ መꬍና ጎዳኮ ስማና፤ እካ ኡንቱንቱ ዋትዋቱዋ ስሲደ፥ ኡንቱንቱ ፓꬃና።
ISA 19:23 ሄ ጋላስ ግብጼፐ አሶረ ጋካናዉ አኮ ኦገ ከሳና፤ አሶረ አሳይ ግብጼ፥ ግብጼ አሳይካ አሶረ ስመረታና፤ ቃይ ግብጼ አሳይ አሶረ አሳና እትፐ ጎይናና።
ISA 19:24 ሄ ጋላስ እስራኤሊ ግብጼናነ አሶረና ሄዘንꬆ ቢታ ግዲደ፥ ሳኣ ግዶን አንጆ ግዳናዋ።
ISA 19:25 ኡባፐ ዎልቃማ መꬍና ጎዳይ ኡንቱንታ ሀዋዳን ያጊደ አንጃና፤ “ታ አሳዉ ግብጼ፥ ታ ኩሺ መꬌዳ አሶረነ ታን ዶሬዳ እስራኤልያዉ አንጀቴዳዋንታ ግድተ” ያጋና።
ISA 20:1 አሶረ ጋድያ ካቲ ሳርጎን ኪቴዳ ኦላ ጋዳዋይ ዪደ፥ አሽዶዳ ግያ ፕልስጼማ ካታማ ኦሊደ ኦይቄዳ ላይꬅ፥
ISA 20:2 ሄ ዎደ መꬍና ጎዳይ አሞጻ ናኣ ኢስያሳ ሀዋዳን ያጌዳ፤ “ባ፤ ነ ቦላፐ ማቃ ቃራ፤ ነ ገድያፐካ ነ ጫማ ከሳ” ያጌዳ፤ እስያስ ጾሳይ ጌዳዋዳን ሀኒደ፥ ካሎ ጺራነ መላ ገድያን ሀመቴዳ።
ISA 20:3 መꬍና ጎዳይ ሀዋዳን ያጌዳ፤ “ታ ቆማይ እስያስ ግብጼነ ቶጵያ ቦላን ጋክያባዉ ማላታ ግዳና ማላ፥ ሄዙ ላይꬃ ካሎ ጺራነ መላ ገድያን ሀመቴዳ።
ISA 20:4 ሄዋዳን አሶረ ካቲ፥ ግብጼፐ ኦሞደቴዳዋንታነ ቶጵያፐ በቲደ ከሴዳዋንታ ካሎ ጺራነ መላ ገድያና፥ ዱሊካ ካሎ ደእሽን ላግ፥ ግብጼ ዬላዉ አፋና።
ISA 20:5 ቶጵያን አማነትያዋንቱነ ግብጼን ጬቀትያዋንቱ ያዪደ ዬላታና።
ISA 20:6 አባ ማታን ደእያ አሳይ ሄ ጋላስ ሀዋዳን ያጋና፤ ‘በእተ፥ ኑን አሶረ ካትያፐ አታናዉ ማዲኖ ጊደ ኑ ህዶታ ዎꬄዳነ ኡንቱንቱኮ ባቃቴዳ አሳ ቦላ ሀዌ ጋኬዳ፤ ያትና፥ ኑን ዋን አታናዉ ዳንዳዬቶ?’ ያጋና” ያጌዳ።
ISA 21:1 አባ ማታን ደእያ ባዞ ኦደቴዳ ጾሳ ቃላይ ሀዋ። ገድሳ ባጋፐ ጎትያ ጫርኩ ሱራጊደ ይያዋዳን፥ ባሻይ መላ ቢታፐ፥ ያሽያ ጋድያፐ ዬ።
ISA 21:2 እት ያሽያ ሳጻይ ታዉ ቆንጬዳ። አꬅ እምያዌ አꬅ እሜ፤ ኦሞድያዌ ኦሞዴ፤ ኤላማ ቢታዉ፥ ዎራጃ! ሜዶና ቢታዉ፥ ካታማ ዶዳ! ባብሎነ ጋሱዋን ጋኬዳ ኦልያ ታን ግድሳና።
ISA 21:3 ሄዋ ድራዉ፥ ታ ጼሳይ ሳኮ ጻላላ ግዴዳ፤ ማጫ አሳ የሉ ኦይቂያዋዳን፥ ታና ኡንኡ ኦይቄዳ፤ ታን ስስያዋፐ ደንዴዳዋን ሆካድ፤ ታን በኤዳዋፐ ደንዴዳዋን ዳጋማድ።
ISA 21:4 ታና ዪጮዬ፤ ታና ያሻይ ኮኮርሴ፤ ታን አሞቴዳ ኦማርሳይ ታዉ ኮኮርሳዉ ላመቴዳ።
ISA 21:5 ታን በኤዳ ሳጻን ኡንቱንቱ ግብራ ጊግሴድኖ፤ ምንጻፍያካ ሂጼድኖ፤ ያቲደ ሚኖነ ኡሺኖ። ያትሽን፥ “ህንተኖ ካፓቶ፥ ደንድተ! ህንተ ጎንዳለቱዋ ቁጭተ!” ያግያ አዛዙ ዬዳ።
ISA 21:6 ጎዳይ ታና ሀዋዳን ያጌዳ፤ “ባ፤ ጾሞስያ አሳ ዎꬃ፤ እ ባረ በእያዋ ኦዶ።
ISA 21:7 ጋማማ መህያ ቶግያዋንታ፥ ላኡዋ ላኡዋ ግዲደ ብያ ፓራ አሳቱዋ፥ ሀረቱዋ ቶግያዋንታነ ጋሎቱዋ ቶግያዋንታ በእያ ዎደ፥ ሎይꬂደ ጼሎ፤ ꬍሽ ጼሎ” ያጌዳ።
ISA 21:8 ሄዋፐ ጉይያን፥ ዎቼዳዌ ሀዋዳን ያግ ዋሴዳ፤ “ጎዳዉ፥ ታን ዎችያሳን ጋላስ ጋላስ ፓጭ ባይናን ኤቃድ፤ ታ ሳንታርያንካ ቃማ ሙልያ ቶለታድ።
ISA 21:9 በእተ፥ ጋማማ መህያ ቶግያ ፓራ አሳቱ ላአ ላአ ግዲደ ዪኖ” ያጌዳ። እ ቃይካ ሀዋዳን ያጌዳ፤ “ባብሎነ ኩንዴዳ፤ አ ጾሳቱዋ ምስለቱካ ኩንዴድኖ። ኡንቱንቱ ኡባይካ ሳኣን ዱገ ኩንዲደ ጋጨቴድኖ” ያጊደ ዋሴዳ።
ISA 21:10 ህንተኖ፥ ታ ኡዱማን ቆጸቴዳ ታ አሳቶ፥ ኡባፐ ዎልቃማ መꬍና ጎዳፐ፥ እስራኤልያ ጾሳፐ ስሴዳዋ ታን ህንተንቶ ኤርሳይ።
ISA 21:11 ኤዶማ ቢታ ጾሳይ ሀዋዳን ያጌዳ፤ “እት ብታኒ ኤዶማ ባጋና ታና ጼሲደ፥ ‘ላ ዎችያዎ፥ ሳአይ ዎንታናዉ አፑኑ አቴዴ? ላ ዎችያዎ፥ ሳአይ ዎንታናዉ አፑኑ አቴዴ?’ ያጌ።
ISA 21:12 ዎችያዌ ዛሪደ፥ ‘ሳአይ ዎንታና ሀኔ፤ ቃይ ቃማና፤ ህንተ ኦቻናዉ ኮዮፐ፥ ስም ዪደ ኦችተ’ ያጌ” ያጌዳ።
ISA 21:13 አራባ ግያ ቢታ ጎዳይ ሀዋዳን ያጌ፤ “ህንተኖ ዳዳና ዛልአንቻቶ፥ ህንተ ህንተ ጫንያ ጋሎቱዋናካ አራባ ጋድያ ባዙዋን አቃና።
ISA 21:14 ህንተኖ፥ ቴማ ግያ ጋድያን ደእያ አሳቶ፥ ሳመቴዳዋንቶ ሃꬃ አህተ፤ በተቶ ምያዋ እምተ።
ISA 21:15 አያዉ ጎፐ፥ ኡንቱንቱ ማሻፐ፥ ሾኩዋፐ ሾዴዳ ማሻፐ፥ ዳፌዳ ዎንዳፍያፐነ ምኖ ኦላፐ ባቃቲደ ዬድኖ” ያጌ።
ISA 21:16 ሄዋፐ ጉይያን፥ ጎዳይ ታና ሀዋዳን ያጌዳ፤ “ኮንትራትያ ኦሳንቻ ዎድያዳን፥ መጽ እት ላይꬃ ግዶን ቄዳረ ቦንቹ ኡባይ ዉራና።
ISA 21:17 ቄዳረ ጋድያን ደእያ ዎንዳፍያን ዱክያ ዎልቃማ ኦላንቻቱዋፐ ጉꬃቱ አታና፤ ሄዋ መꬍና ጎዳይ እስራኤልያ ጾሳይ ኦዴዳ” ያጌዳ።
ISA 22:1 ሳፃ ዎምባ ግያ ሳኣባዉ ጾሳይ ኦዴዳ ቃላ። ህንተ ኡባይ ጎልያ ቦላን ደምባዪደ ኦꬄዳ ሳኣ ከሴዳዌ አያሴ?
ISA 22:2 ኔኖ ዋሱ፥ ድርባይነ ጫቡ ኩሜዳ ካታማዉ፥ ነ ግዶን ሀይቄዳ አሳቱ ማሻን ሀይቂበይክኖ፤ ዎይ ኦላንካ ሀይቂበይክኖ።
ISA 22:3 ህንተ ካፓቱ ኡባይ እትፐ ባቃቴድኖ፤ ኡንቱንቱ ዎንዳፊ ባይናን ጮ ኦሞደቴድኖ፤ ኡንቱንቱ ሃኮ ሳ ባቃቶፐነ ቤቴዳ ኡባቱ ኦይቀቴድኖ።
ISA 22:4 ሄዋ ድራዉ፥ ታን ሀዋዳን ያጋድ፤ “ታና ጼሎፕተ፤ አነ ታን አፎጻደ ምሾ ዬኩዋ ዬካይ፤ ꬋዬዳ ታ አሳዉ ዬክያ ታና ምንꬃና ጊደ ዳቡሮፕተ” ያጋድ።
ISA 22:5 ጎዳይ፥ ኡባፐ ዎልቃማ መꬍና ጎዳይ ሀ ጋላሳ ሳፃ ዛንጋራን ዳጋማ፥ የደርሳነ ሻቢርሳ ጋላሳ ኦꬄዳ፤ ቃይ ግምበቱካ ኮለትያ ጋላሳነ ደረቱዋኮካ ዋስያ ጋላሳ።
ISA 22:6 ኤላመ ባረ ፓራ ጋረቱዋናነ ፓራ አሳቱዋና ባረ ዎንዳፍያ ኦይቂደ ዬዳ፤ ቂራ ጋድያ ዎታዳራቱ ቃይ ባረንቱ ጎንዳለቱዋ ጊግሴድኖ።
ISA 22:7 ሎይꬅ ሎእያ ህንተ ዛንጋራቱ ፓራ ጋረቱዋን ኩሜድኖ፤ ፓራ አሳቱ የሩሳላመ ካታማ ፐንግያ ስንꬃን ኤቄድኖ።
ISA 22:8 እ ይሁዳ ጌሶቱዋ ቃሬዳ። ሄ ጋላስ ህንተ ዎራ ጎልያን ደእያ ካትያ ኦላ ሚሻቱዋ ጼሌድታ።
ISA 22:9 ቃይ ህንተ ዳዊታ ካታማ ግዶን ኮለቴዳሳይ ዳሬዳዋ በኤድታ፤ ዝቃ ሳኣ ሺቄዳ ሃꬃ ዳጋይ ደኢታ።
ISA 22:10 ያቲደ ህንተ የሩሳላመን ደእያ ጎለቱዋ ፓይዴድታ፤ ግምቢያ ምንꬃናዉ ጎለቱዋ ኮሌድታ።
ISA 22:11 ካሰ ኤጫ ዳልባንꬃን ደእያ ሃꬃ ዛሪደ፥ አ ምንጅያሳ ላኡ ግምበቱዋፐ ግዱዋን ጊግሴድታ። ሽን ህንተ ሄዋ መꬌዳዌ ጾሳ ግድያዋ አኬክበይክታ፤ ዎይ ዳሮ ዎድያፐ ካሰ ሄዋ ሀልቼዳዋ ያይንበይክታ።
ISA 22:12 ሄ ጋላስ ጎዳይ፥ ኡባፐ ዎልቃማ መꬍና ጎዳይ ህንተና ዬካናዉነ ዝላላናዉ፥ ህንተ ሁጲያ ሜደታናዉነ ዋሩዋ ማያናዉ ህንተና ጼሴዳ።
ISA 22:13 ሽን በእተ፥ ህንተ ናሸቲታነ ፖጩ ጊታ፤ ቦራነ ዶርሳ ሹኪታ፤ አሹዋ ሚታ፤ ዎይንያ ኤሳካ ኡሺታ፤ “ኑን ዎንት ሀይቂያ ድራዉ፥ አነ ሜቶነ ኡሼቶ” ያጊታ።
ISA 22:14 ኡባፐ ዎልቃማ መꬍና ጎዳይ ሀዋ ታዉ ኦዴዳ፤ እ፥ “ህንተ ሀይቃና ጋካናዉካ ሀ ናጋራይ ህንተንቶ አቶ ጌተተና። ታን ጎዳይ፥ ኡባፐ ዎልቃማ መꬍና ጎዳይ ሀዋ ኦዳይ” ያጌዳ።
ISA 22:15 ጎዳይ፥ ኡባፐ ዎልቃማ መꬍና ጎዳይ ሀዋዳን ያጌዳ፤ “ባ፤ ካትያ ጎልያን ሱንቴዳ ካፑዋ ሼብናኮ ባደ ሀዋዳን ያጋ፤
ISA 22:16 ‘ሀዋን ኔን አያ ኦꬃይ? ቃይ ኔን ሀዋን ነዉ ዱፉዋ ቦካናዉ፥ ነዉ ሀዋን ኦኔ ደእያዌ? ኔኖ ꬎቃ ሳኣን ነዉ ዱፉዋ ማስያዎ፥ ቃይ ሹቻ ጎምፓን ነዉ ደእያ ሳኣ ዎጭያዎ፥
ISA 22:17 ነኖ ምኖ ብታንያዉ፥ ኔና መꬍና ጎዳይ ዎልቃን ዎራ ዛሪደ ኦላና። ኔና እ ጲርጾꬅ ኦይቂደ፥
ISA 22:18 ዩሽ ዩሽ አꬂደ ኩዋዳን፥ እት አኮ ጋድያን ኦል አጋና። ኔኖ ነ ጎዳ ጎልያዉ ዬላ ግዴዳ ብታንያዉ፥ ኔን ያን ሀይቃና፤ ነ ቦንቾ ፓራ ጋረቱካ ያን አታና።
ISA 22:19 ታን ኔና ነ ኦሱዋፐ ከሳና፤ ነ ዳናተꬃፐካ ኔና ሻራና’ ያጋ።
ISA 22:20 “ሄ ጋላስ ታን ህልቂያ ናኣ ታ ቆማ ኤልያቂማ ጼሳና።
ISA 22:21 ነ ማዩዋ አ ማይዛና፤ ነ ዳንጭያዋንካ አ ዳንጭሳና፤ ነ ሱንꬃተꬃካ አዉ አꬃደ እማና። እ የሩሳላመን ደእያ አሳዉነ ይሁዳ አሳዉ አዉዋ ግዳናዋ።
ISA 22:22 ታን ዳዊታ ጎልያ ቁልፕያ አ ሀሽያን ዎꬃና፤ እ ዶያና፤ ኦንነ ጎርደና፤ ቃይ እ ጎርዳና፤ ኦንነ ዶየና።
ISA 22:23 ታን አ አማንꬅያ ሳኣን ሽካልያዳን ꬎጋና፤ እ ባረ አዉዋ ጎልያዉ ቦንቾ ካተቱዋ አራታ ግዳናዋ።
ISA 22:24 ዋንጫፐ ቢደ፥ ꬎቃባ ጋካናዉ ኮጫን ካቄዳዋዳን፥ ኡንቱንቱ አ አዉዋ ጎልያ ቦንቹዋ ኡባ፥ ናናቱዋ፥ ናኣ ናናቱዋካ፥ አ ቦላ ዎꬃና” ያጌዳ።
ISA 22:25 ኡባፐ ዎልቃማ መꬍና ጎዳይ ሀዋዳን ያጌ፤ “ሄ ጋላስ አማነትያ ሳኣን ꬎጌዳ ሽካሊ ክቻና፤ ቃንጸታናነ ኩንዳና። አ ቦላን ካቄዳ ቶኩዋ ኡባይ ዱጽ ዎꬋና” ያጌ። ሀዋ መꬍና ጎዳይ ኦዴዳ።
ISA 23:1 ጺሮሳ ካታማዉ ኦደቴዳ ጾሳ ቃላይ ሀዋ። ህንተኖ ታርሴሳ ማርካብያ ላግያዋንቶ ዬክተ! አያዉ ጎፐ፥ ጺሮሳ ካታማይ ጎሊ ዎይ ሸምፕያሳይ ባይና መላ ከሴዳ፤ ሄ ኦዱ ኡንቱንቶ ቆጲሮሳ ጋድያፐ ዬዳ።
ISA 23:2 ህንተኖ፥ አባ ማታን ደእያ አሳቶ፥ ህንተኖ ሲዶና ካታማ ዛልአንቻቶ፥ ጮኡ ጊተ! ህንተ ኪትያ አሳቱ አባ ፕኔድኖ።
ISA 23:3 ህንተዉ ይያ ካꬃይ ናይለ ሻፋፐ ጫከቴዳ ሽሆራ ጋድያ ካꬃ። ህንተ ካዉተꬃቱ ዛልእያ ዛልእያ ሳ ግዳና።
ISA 23:4 ኔኖ ሲዶና ካታማዉ፥ አባ ጌሶ፥ አባይ፥ “ታን ናኣ የላበይከ፤ ታን አቱማ ናኣካ ማጫ ናኣካ ድቻበይከ” ያጊደ ሃሳዬዳ ድራዉ ዬላታ።
ISA 23:5 ኦዱ ግብጼ ጋድያ ጋክያ ዎደ፥ ኡንቱንቱ ጺሮሳባ ስሲደ ሴለታና።
ISA 23:6 ህንተኖ አባ ማታን ደእያ አሳቶ፥ ዝላልተ፤ ሄፍንꬃ ታርሴሳ ቢታ ፕንተ።
ISA 23:7 በን ዎደ ኬጸቴዳ፥ ካረ ጋድያ ኦይቂደ ሞዳናዉ አ ገዲ አ ሃስ አፌዳነ፥ ህንተ አን ናሸትያ ጺሮሳ ካታማይ ሀዋዳን ሀኔዴ?
ISA 23:8 ካላቻ ዎꬅስያ ካታማ አ ዛልአንቻቱ ጋድያ ሞድያዋንታ ግዴዳነ አ ግዶን ዛልእያዋንቱነ ላምያዋንቱ ጋድያ ቦላን ቦንቼቴዳዋንታ ግዴዳ ጺሮሳ ካታማ ቦላ ሀዋ ሀልቼዳዌ ኦኔ?
ISA 23:9 ኦቶረትያዋንቱ ቦንቹዋ ኡባ ጉꬃናዉ፥ ቃይ ጋድያ ቦላን ቦንቼቴዳዋንታ ኡባ ካዉሻናዉ፥ ኡባፐ ዎልቃማ መꬍና ጎዳይ ሀዋ ሀልቼዳ።
ISA 23:10 ህንተኖ፥ ታርሴሳ ጋድያ አሳቶ፥ ህንተና ተእያባይ ባይና ድራዉ፥ ናይለ ሻፋዳን፥ ህንተ ጋድያ ቦላን ኩሚደ ጎግተ።
ISA 23:11 መꬍና ጎዳይ አባ ቦላን ባረ ኩሽያ ምጬዳ፤ እ ካዉተꬃካ ቃꬄዳ፤ ካናነ ጋድያ ጌሶቱዋ ላላና ማላ፥ ጾሳይ አዛዙዋ እሜዳ።
ISA 23:12 ቃይ እ ሀዋዳን ያጌዳ፤ “ህንተኖ፥ ኡንኤቴዶ ሲዶና አሳቶ፥ ህንተ ናሸቻ ፖጩ ግያ ዎዲ ዉሬዳ። ደንድተ፤ ሄፍንꬃ ቆጲሮሳ ፕንተ። ሀራይ አቶ ያንካ ህንተንቶ ሸምፑ ቤተና” ያጌዳ።
ISA 23:13 ባብሎነ ጋድያ በእተ፤ ሄ ጋድያ አሳይ ሀእ ፓናባ ግዴዳ። አሶረ ጋድያ አሳቱ ሄ ጋድያን ዶአይ ሲራናዳን ኦꬄድኖ። ኡንቱንቱ ሄዋን ደእያ ዎጋ ጎለቱዋ ኮሊደ፥ ባረንቱ ጌሶቱዋ ግምቤድኖ፤ ቢታካ መላ ኦꬄድኖ።
ISA 23:14 ህንተኖ፥ ታርሴሳ ጋድያ ማርካብያ አሳቶ፥ ህንተ ጌሱ ላለቴዳ ድራዉ፥ ዝላልተ።
ISA 23:15 ጺሮሳ ካታማይ ላፑን ታሙ ላይꬃ ዶገቲደ ደአና ዎዲ ያና፤ ሄዌነ፥ እት ካትያ ላይꬃ ኬሻ ግያዋ። ላፑን ታሙ ላይꬃይ ዉርያ ዎደ፥ ሻርሙጻ ምሽራትዉ የጸትያ የꬃ ማላይ፥ ጺሮሳ ካታማዉ የጸታና። ኡንቱንቱ፥
ISA 23:16 “ሀነ፥ ዶገቴዳ ሻርሙጻተ፥ ነ ዲꬃ አካ፤ ካታማን ዩያ። ኔና አሳይ ሀሳያና ማላ፥ ማልኦ ቃላን ዳሮ የꬃ የጻ” ያጋና።
ISA 23:17 ላፑን ታሙ ላይꬃይ ፖለትያ ዎደ፥ መꬍና ጎዳይ ጺሮሳ ጾሞሳና። ሽን ሄዋፐ ጉይያን፥ አ በን ባረ ሻርሙጻ ኦሶ ስማና፤ ሳኣን ደእያ ካዉተꬃቱዋ ኡባና ሻርሙጻና።
ISA 23:18 ግዶፐነ፥ እዚ ዛልኢነ እ ድርጉ መꬍና ጎዳዉ ዱማቴዳዋ ግዳና፤ እዚ ዛልኢ ዳሮ ቁማነ ሎኦ ማዩዋ ሻማናዉ፥ መꬍና ጎዳዉ ኦꬅያ አሳቶ እመታናፐ አትና፥ ሚሻ ጎልያንነ ምንጃ ጎልያን ኡተና።
ISA 24:1 በእተ፥ መꬍና ጎዳይ ጋድያ ኮሊደ መላ ከሳና፤ እ ጋድያ ባይዚደ፥ አን ደእያ አሳካ ላላና።
ISA 24:2 ሀራ አሳ ቦላን ሀንያዋዳን ቄሳቱ ዋ ቦላንካ፥ ቆማ ቦላን ሀንያዋዳን ጎዳ ቦላንካ፥ ቆማት ቦላን ሀንያዋዳን ጎዳት ቦላንካ፥ ሻምያዋ ቦላን ሀንያዋዳን ዛልእያዋ ቦላንካ፥ ታልእያ እምያዋ ቦላን ሀንያዋዳን ታልእያ አክያዋ ቦላንካ፥ አጩዋ አችያዋ ቦላን ሀንያዋዳን፥ አጩዋ አሸትያዋ ቦላንካ ሀናና።
ISA 24:3 ቢታይ ኡባና መላ ከሳና፤ ቃይ ኡባናካ ቦንቀታናዋ። አያዉ ጎፐ፥ ሀ ቃላ መꬍና ጎዳይ ሃሳዬዳ።
ISA 24:4 ቢታይ ሎይꬅ መልና፥ አ አጫይ ኡባይ ሹሌ፤ ጋድያን ደእያ ዎልቃማ አሳይካ ዳቡሬ።
ISA 24:5 ቢታይ ባረናን ደእያ አሳፐ ደንዴዳዋን ቱኔዳ። አያዉ ጎፐ፥ ኡንቱንቱ ህግያ ኮሌድኖ፤ ዎጋ መንꬄድኖ፤ መꬍና ጫቁዋካ ኮሌድኖ።
ISA 24:6 ሄዋ ድራዉ፥ ጾሳ ሸቃይ ጋድያ ሜ፤ ቃይ አን ደእያ አሳቱካ ባረንቱ ባይዙዋ ጋሱዋን ሙረቴድኖ። ሄዋ ድራዉ፥ ሳኣን ደእያ አሳቱ ጹገቴድኖ፤ ያትና ፓይዱዋን ጉꬃ አሳይ አቴዳ።
ISA 24:7 ዎይንያ ቱራ አኑ መልና፥ ዎይንያ ኤሳይካ ዉሬዳ፤ ካሰ ናሸትያ ኡባይ ካዮቴዳ።
ISA 24:8 ካራቡዋ ባቃ ናሸቻይ ጮኡ ጌዳ። ናሸትያዋንቱ ሆምቦጨꬃይካ ኤቄዳ። ሎእያ ዲꬃ ናሸቻይካ ጮኡ ጌዳ።
ISA 24:9 ሀዋፐ ስንꬃናዉ የꬃ የጺድ፥ ኡንቱንቱ ዎይንያ ኤሳ ኡሽክኖ፤ ማꬆይያ ኡሻይ ኡሽያዋንቶ ጫሞ ግዳናዋ።
ISA 24:10 ማራ ማጫራ ꬋዬዳ ካታማይ ላለቴዳ፤ ኦንነ ገለናዳን፥ ጎልያ ኡባይ ጎርደቴዳ።
ISA 24:11 ዎይንያ ኤሳይ ꬋዬዳዎ አሳይ ዳባባን ዋሴ፤ ናሸቻ ኡባይ ካዮ ላመቴዳ፤ ሳኣ ናሸቻይ ኡባይ ክቼዳ።
ISA 24:12 ካታማይ ኮለቴዳ፤ ካታማ ፐንገቱካ መኤረቴድኖ።
ISA 24:13 ዎጋራ ቴራ ቃꬂደ ቆቆፍያዋዳን፥ ዎይ ዎይንያ ቴራ ማጽ ስሚደ፥ ቃርምያ ማጽያዋዳን፥ ጋድያ ቦላን ደእያ ካዉተꬃቱዋ ግዶን ሄዋዳን ሀናና።
ISA 24:14 ኡንቱንቱ ባረንቱ ቃላ ꬎቁ ኦꬂደ፥ ናሸቻን የጺኖ፤ አዋይ ዉልያ ባጋና ደእያ ኡባይ መꬍና ጎዳ ግታተꬃ ኦዳና።
ISA 24:15 ሄዋ ድራዉ፥ አዋይ ዶልያ ባጋና ደእያዋንቶ፥ መꬍና ጎዳዉ ቦንቹዋ እምተ፤ አባ ዶናን ደእያ ቢታቱዋን ደእያዋንቶ፥ እስራኤልያ መꬍና ጎዳ፥ ጾሳ ሱንꬃዉ ቦንቹዋ እምተ።
ISA 24:16 ቢታ ጋጻፐ፥ “ጽሎ ቦንቹ ግዶ” ያግያ የꬃ ኑን ስሴቶ። ሽን ታን፥ “ታን ግልቃይ! ታን ግልቃይ! ታዉ አየ አና! አያዉ ጎፐ፥ ካድያዋንቱ ካዲኖ፤ ካድያዋንቱ ሎይꬅ አꬅ እሚኖ” ያጋይ።
ISA 24:17 ህንተኖ፥ ሳኣ ቦላን ደእያ አሳቶ፥ ዳጋማይ፥ አፉነ ጲሪ ህንተና ናጌ።
ISA 24:18 ሳሉዋ ማስኮተቱ ዶየቴዳ ድራዉነ፥ ጋድያ ባሶቱካ ቃጽያ ድራዉ፥ ዳጋንꬅያ ኮሻፐ ባቃትያዌ ኦላን ኩንዳና፤ ቃይ ኦላፐ ፑደ ከስያዌ ጲርያን ኦይቀታና።
ISA 24:19 ቢታይ ዛኢደ ጳልቀቴዳ፤ ንፕ ጊደ መኤረቴዳ፤ ዎልቃፐ ቃጼዳ።
ISA 24:20 ቢታይ ማꬆቲደ አሳዳን ጋንድጋሬ፤ ጫርኩ ሱግያ ዳስያዳን፥ ዮንቁ ጌ። ማካላንቻቱ ባይዙ አ ሎይꬅ ዴጼዳ ድራዉ፥ ላኤንꬆ ደንደናዳን ኩንዴ።
ISA 24:21 ሄ ጋላስ መꬍና ጎዳይ ሳሉዋ ዎልቃቱዋ ሳሉዋን፥ ቃይ ሳኣ ካተቱዋካ ሳኣን ሙራና።
ISA 24:22 ኡንቱንቱ ኦላን ደእያ ቃሾ አሳቱዋዳን፥ እትፐ ሺቃና፤ ቃሾ ጎልያን ጎርደቲደ ኡታና። ቃይ ዳሮ ጋላሳፐ ጉይያን፥ ኡንቱንቱ ሙረታና።
ISA 24:23 ሄዋፐ ጉይያን፥ አግናይካ አዋይካ ዬላታና። አያዉ ጎፐ፥ ኡባፐ ዎልቃማ መꬍና ጎዳይ ጽዮነ ደርያንነ የሩሳላመን ካተታና፤ ቃይ እ የሩሳላመ ጭማቱዋ ስንꬃን ባረ ቦንቹዋ ቆንጭሳና።
ISA 25:1 አቤት መꬍና ጎዳዉ፥ ኔን ታ ጾሳ። ታን ኔና ꬎቁ ꬎቁ ኦꬃና፤ ነ ሱንꬃካ ጋላታና። አያዉ ጎፐ፥ ኔን ፖሎ አማነትያዋን በንፐ ሀልቼቲደ ደእያ ማላልስያ ኦሶቱዋ ኦꬃዳ።
ISA 25:2 ኔን ካታማ ሹቻይ ኦለትያ ሳኣ ኦꬃዳ፤ ምኑዋን ግምበቴዳ ካታማ ኮላዳ። አላጋቱዋ ካትያ ጎልያካ ላኤንꬆ ካታማ ግደናዳን ኦꬃዳ። ስሚደ ሙለካ ኬጸተና።
ISA 25:3 ሄዋ ድራዉ፥ ምኖ አሳቱ ኔና ቦንቻና፤ መቀꬅ ባይና ካዉተꬃቱዋ ካታማቱካ ነዉ ያያና።
ISA 25:4 ኔን ህዬሳዉ ባቃት አትያሳ። መቶታንቻዉካ ባረ መቱዋ ዎደ ባቃት አትያሳ፥ ኡሹዋፐ አትያ ሳኣነ አዋ ሴላፐ አትያ ኩዋ ግዳዳ። አያዉ ጎፐ፥ መቀꬅ ባይና አሳ ሀንቁ ግምቢያ ሾጭያ ኡሹዋ ማላነ
ISA 25:5 ባዙዋ ጋድያ ምሹዋ ማላ። አዋ ምሹ ሻርያ ኩዋን ጋቢ ግያዋዳን፥ ኔን አላጋቱዋ ዋላሳ ሀይዝሳዳ፤ ያትና፥ መቀꬅ ባይና አሳቱዋ የꬃይ ጮኡ ጌዳ።
ISA 25:6 ኡባፐ ዎልቃማ መꬍና ጎዳይ አሳ ኡባዉ ሀ ደርያ ቦላን ዎልቃማ ግብራ ጊግሳና፤ ሄዌካ ሞꬎቱዋ፥ ኮልዝያና ደእያባቱዋነ ሎኦ ካኤዳ ዎይንያ ኤሳ ግብራ።
ISA 25:7 ሀ ደርያን አሳ ኡባ ጫሜዳዋ፥ ካዉተꬃ ኡባ ቦላንካ ምጨቴዳ ጋርዱዋ እ ꬋይሳና።
ISA 25:8 ሀይቁዋ እ መꬍናዉ ምታና፤ ኡባ ሞድያ መꬍና ጎዳይ አይፍያ ኡባፐ አፎꬃ ቁጫና፤ ባረ አሳ ካዉሻካ ቢታ ኡባፐ ድጋና። ሀዋ መꬍና ጎዳይ ኦዴዳ።
ISA 25:9 ሄ ጋላስ ኡንቱንቱ ሀዋዳን ያጋና፤ “ሀዌ ቱሙ ኑ ጾሳ፤ ኑን እ ኑና አሻናዳን ናጌዶ፤ እ ኑና አሼዳ። ሀዌ መꬍና ጎዳ፤ ኑን አ ናጌዶ። አነ አ አቶተꬃን ሀሹ ጌቶነ ናሸቴቶ” ያጋና።
ISA 25:10 አያዉ ጎፐ፥ መꬍና ጎዳ ኩሺ አሻናዉ ሀ ደርያ ቦላን ግዳናዋ። ሽን ዳርጫ ፕቱዋ ኦላን የጊደ የꬍያዋዳን፥ ሞኣባ ቢታ አሳይ ባረ ሳኣን የታና።
ISA 25:11 ሃꬃ ዋꬍያዌ ሃꬃ ዋꬋናዉ ባረ ኩሽያ ፕድ ኦꬅያዋዳን፥ ኡንቱንቱ ሄዋ ግዶን ባረንቱ ኩሽያ ፕድ ኦꬃና። ሽን ጾሳይ አ ኦቶሩዋ አ ኩሽያ ገንያናካ ጋꬂደ ካዉሻና።
ISA 25:12 ኡንቱንቱ ꬎቂሲደ፥ ምኑዋን ግምቤዳ ግምቢያ እ ዱገ አሀናነ ካዉሻና፤ ዱገ ሳኣን፥ ኡባ ህርክ ባናን ኦላና።
ISA 26:1 ሄ ጋላስ ይሁዳ ጋድያን ሀ የꬃይ የጸታና። ኑዉ ምኖ ካታማይ ደኤ፤ ጾሳይ አቶተꬃ አ ዩሹዋን ግምቢያዳንነ ጌሱዋዳን ኤሴ።
ISA 26:2 አማኑዋ ናግያ ጽሎ ካዉተꬃይ ገላና ማላ፥ ፐንግያ ዶይተ።
ISA 26:3 ባረ ቆፋ ኔናን ዎꬄዳ አሳ ኔን ፖሎ ሳሮተꬃን ናጋሳ፤ አያዉ ጎፐ፥ እ ኔናን አማነቴ።
ISA 26:4 መꬍና ጎዳን መꬍናዉ አማነትተ፤ አያዉ ጎፐ፥ መꬍና ጎዳይ፥ መꬍና ጎዳይ መꬍና ዛላ።
ISA 26:5 ꬎቃን ደእያዋንታነ፥ ኡንቱንቱ ꬎቃ ካታማ ዝቂ ኦꬄዳ፤ እ አ ካዉሼ። ዱገ ሳኣ ጋካናዉ ዝቂ ኦꬄ፤ ቢታ ባናን ኦሌ።
ISA 26:6 ማንቁዋ ገዲ፥ መቶታንቻ ገዲ፥ አ የꬋና።
ISA 26:7 ጽሎቱዋ ኦጊ ሳላላ። አቤት ጽሎ፥ ኔን ጽሎቱዋ ኦግያ ሳላልሳሳ።
ISA 26:8 ኤ መꬍና ጎዳዉ፥ ነ ህግያ ኦግያን ሀመቲደ፥ ኑን ኔና ናጌቶ። ኑ ዎዛና አሙ፥ ነ ሱንꬃ ቦንቻናዋ ጻላላ።
ISA 26:9 ቃማን ታን ኔና ላሞታይ፤ ዎንታን ታ ግዶን ደእያ ታ አያናይ፥ ቱሙዋፐ ኔና ምንሲደ ኮዬ። አያዉ ጎፐ፥ ነ ፕርዳይ ሳኣን ደእያ ዎደ፥ ሳኣን ደእያ አሳይ ጽሎተꬃ ታማሬ።
ISA 26:10 ኢታ አሳዉ ኬካተꬃ ኦꬆፐካ፥ እ ጽሎተꬃ ታማረና። ሱረ አሳቱዋ ጋድያን ኢታባ ኦꬄ፤ መꬍና ጎዳ ግታተꬃካ ኤረና።
ISA 26:11 አቤት መꬍና ጎዳዉ፥ ኔን፥ ነ ኩሽያ ꬎቁ ኦꬃዳ፤ ሽን ኡንቱንቱ በእክኖ። ነ አሳዉ ኔን ምሸትያ ምሹዋ በኢደ ዬላትኖ። ኔን ነ ሞርከቶ ዎꬄዳ ታማይ፥ ኡንቱንታ ም ꬋይሶ።
ISA 26:12 አቤት ጾሳዉ፥ ኔን፥ ኑዉ ሳሮተꬃ ምንꬃዳ፤ ኑ ኦሶ ኡባ ኔን ኑዉ ኦꬃዳ።
ISA 26:13 አቤት መꬍና ጎዳዉ፥ ኑ ጾሳዉ፥ ኔፐ ሀራቱ ኑና ሞዴድኖ፤ ሽን ኑን ነ ሱንꬃ ጻላላ ቦንቼቶ።
ISA 26:14 ኡንቱንቱ ሀይቄድኖ፤ ስሚደ ፓጻ ደእክኖ። ኔን ꬋይሰዳ ድራዉ፥ ስሚደ ደንድክኖ። ኡንቱንቱ ሀሳየትያዋ ኡባ ቁጫ ꬋይሳዳ።
ISA 26:15 አቤት መꬍና ጎዳዉ! ኔን አሳ ዳርሳዳ። አሳ ዳርሳደ፥ ኔን ቦንቼታዳ፤ ቢታ ዛዋ ኡባካ አሳዳ።
ISA 26:16 አቤት መꬍና ጎዳዉ! መቱዋ ዎደ ኡንቱንቱ ኔና ኮዬድኖ። ኔን ኡንቱንታ ሙሬዳ ዎደ፥ ኡንቱንቱ ኔና ሳሱክ ዎሴድኖ።
ISA 26:17 አቤት መꬍና ጎዳዉ! ሻሃሬዳ ምሽራታ፥ የልያ ዎዲ ጋክና፥ የሉዋ ኡንኤታደ ዋስያዋዳን፥ ኑንካ ነ ስንꬃን ሄዋዳን ሀኔዶ።
ISA 26:18 ኑን ሻሃሬዶ፤ ኦይꬃ ኦይቀቴዶ፤ ሽን ጫርኩዋ የልያዋ ግዴዶ። ኑን ሳአዉ አቶተꬃ አህበይኮ፤ ሳኣን ደእያ አሳካ የልቦኮ።
ISA 26:19 ሀይቄዳ ነ አሳይ ፓጻና፤ ኡንቱንቱ አሃይ ደንዳና። ህንተኖ፥ ቢታ ባና ግዶን ደእያዋንቶ፥ ህንተ ጻሳይ ዎንታ ከተርሳ ማላ ግድያ ግሻዉነ፥ ሳአይካ ሀይቄዳዋንታ ዛረꬂደ እምያ ድራዉ፥ ቤጎትተነ ናሸቻዉ የጽተ።
ISA 26:20 ታ አሳቶ፥ ሃ ዪተ፤ ህንተ ጎለ ገሊደ፥ ፐንግያ ህንተ ቦላ ጎርድተ። ጾሳ ሀንቁ አꬋና ጋካናዉ፥ ጉꬃ ዎድያ ህንተና ቆስተ።
ISA 26:21 ቢታ ቦላን ደእያ አሳ፥ ኡንቱንቱ ናጋራ ድራዉ ሙራና፥ መꬍና ጎዳይ ባረ ደኢያሳፐ ከሲደ ዬ። ቢታይካ ባረ ቦላን ጉኬዳ ሱꬃ ቆንጭሳና፤ ዎꬌዳዋንታካ ላኤንꬆ ገንና።
ISA 27:1 ሄ ጋላስ መꬍና ጎዳይ ባረ ምኖ፥ ግታነ ዎልቃማ ማሻን ሌዋታና ግያ ኮልጽያነ ጻጸትያ ሾሻ ሙራና፤ አባን ደእያ ዳዊያካ ዎꬋና።
ISA 27:2 ሄ ጋላስ ሀዋዳን ጌተታና፤ “ሀዌ ዶሰቴዳ ዎይንያ ቱራ ሳ፤ አባ የጽተ!
ISA 27:3 ታን፥ መꬍና ጎዳይ አ ናግያዋ፤ ታን አ ሀእ ሀእ ሃꬃ ኡሻይ፤ ኦንነ አ ቆሄናዳን፥ ታን ቃማነ ጋላስ አ ናጋይ።
ISA 27:4 ታን ሀንቀትከ፤ ታናና ኦለታናዉ፥ አጉንꬃይነ ጎምኦሪ ደኤርክኖሻ! ታን ኡንቱንቱ ቦላ ከሳ ኤቃደ፥ ኡንቱንታ ጹጋ ዉርሳና።
ISA 27:5 ዎይ ባቃት ቆሰት አታናዉ ታኮ ዪኖ፤ ታናና ጊግኖ፤ ኤ፥ ታናና ጊግኖ” ያገታና።
ISA 27:6 ያና ጋላሳቱዋን ያቆብ ጻጱዋ የዳና፤ እስራኤሊ አጫናነ ጪሻና፤ ያቲደ አይፌዳ አይፊ ሳኣ ኡባ ኩማና።
ISA 27:7 ኡንቱንታ ሾጬዳዋንታ ሾጬዳዋዳን፥ መꬍና ጎዳይ እስራኤልያ አሳ ሾጬደየ? ዎይ ኡንቱንታ ዎꬌዳዋንቱ ሀይቄዳዋዳን፥ ኡንቱንቱ ሀይቄድኖየ?
ISA 27:8 ጾሳይ ባረ አሳ ኦሞዶ የድያዋን ሙሬዳ፤ አዋይ ዶልያ ባጋ ጫርኩዋ ጋላስ ኡንቱንታ ባረ ያሽያ ጎትያን ላግ ከሴዳ።
ISA 27:9 ሄዋ ድራዉ፥ ያቆባ ባይዙ አቶ ጌተታናዌነ አ ናጋራይ ፖሎ ቁጨታናዌ ሀዋና: ሄዌካ ያርሽያ ሳኣ ሹቻ ኡባ እ መኤረቴዳ ቦቅንꬃ ሹቻዳን ኦꬅያ ዎደነ፥ አሼሮ ግያ ማጫ ጾሳት ምስሊ፥ ዎይ እጻና ጩዋዪደ፥ ያርሽያ ሳአይካ ኤቁዋን አተናዳን ኦꬅያ ዎደ።
ISA 27:10 ምኑዋ ድረቴዳ ካታማይ ኦኔዳ፤ ካሰ አሳይ ደእያ ሳአይ ሀእ ባዙዋዳን፥ መላ አቴዳነ ዶገቴዳ፤ እ መሂ ሄመትያ ሳኣ ግዴዳ ድራዉ፥ ምꬃ ቦንጭያ ሚደ፥ ማራቱ ሄዋን አላጺኖ።
ISA 27:11 ምꬃ ታሸቱ መልያ ዎደ መኤረቲኖ፤ ማጫ አሳይካ ዪደ፥ ኡንቱንታ ኤꬃናዉ አፌ። ሀ አሳይ አኬክ ባይና አሳ ግድያ ድራዉ፥ ኡንቱንታ መꬌዳዌ ኡንቱንቶ ቃረተናነ ማረና።
ISA 27:12 ሄ ጋላስ ኤፍራጺሳ ሻፋፐ ግብጼ ሻፋ ጋካናዉ፥ መꬍና ጎዳይ ካꬃ ቡካና፤ ህንተኖ፥ እስራኤልያ አሳቶ፥ ህንተካ ህንተ ታራን ታራን ሺቃና።
ISA 27:13 ሄ ጋላስ ዎልቃማ ማላካታይ ፑነታና፤ አሶረ ጋድያን ꬋይያዋንቱነ ግብጼ ቢታዉ የደርሴዳዋንቱ ያና፤ የሩሳላመን ጌሻ ደርያን መꬍና ጎዳዉ ጎይናና።
ISA 28:1 ኤፍሬማን ደእያ ማꬆትያዋንቱ ካላቻዉነ፥ ዎይንያ ኤሳይ ጾኔዳዋንቱ አራዳ ዛንጋራን ደእያ፥ ሹልያ ጪሻ ማላ ግዴዳ አ ቦንቹዋ ፑላዉ አየ አና!
ISA 28:2 በእተ፥ ጎዳዉ ዎልቃማነ ምኖ ግዴዳ እት አሳይ ደኤ፤ ጎዳይ አ ሻቻ ኡሹዋዳን፥ ባይዝያ ጎትያዳንነ ኩንꬂደ ጎግያ ዎልቃማ ሃꬃዳን፥ ምኖ ኩሽያን ዱገ ሳኣ ኦላና።
ISA 28:3 ሄ ማꬆትያ ኤፍሬማ አሳቱዋ ኦቶሩዋ ካላቻይ ገድያን የታና።
ISA 28:4 አራዳ ዛንጋራ ሁጲያን ደእያ ቆቆፈትያ ጪሻይ፥ አ ቦንቹዋ ፑላይ ዎዲ ጋካናፐ ካሰቲደ ቴሬዳ ባላስያ ማላ ግዳናዋ፤ እት አሳይ ሄ ባላስያ በእያ ዎደ፥ ባረ ኩሽያን ኦይቆሳና ማና።
ISA 28:5 ሄ ጋላስ ኡባፐ ዎልቃማ መꬍና ጎዳይ ባረ አሳፐ አቴዳዋንቶ ቦንቹዋ ካላቻነ ፑላዉ ሁጲያን ኡትያ አሌቁዋ ግዳናዋ።
ISA 28:6 እ ዳናቶ ልከ ፕርድያ አያና፥ ኦላ ሚጻፐ ዛርያዋንቶካ ዎልቃ ግዳናዋ።
ISA 28:7 ሀዋንቱካ ዎይንያ ኤሳ ኡሺደ ዪጮቲኖነ ማꬆይያ ኡሻን ጋንድጋሪኖ። ቄሲነ ትምቢትያ ኦድያዌ ማꬆይያ ኡሻን ዪጮቲኖ፤ ኡንቱንቱ ዎይንያ ኡሻን ሻዌቲኖ፤ ማꬆይያ ኡሻንካ ጋንድጋሪኖ። ሳፃ ልከ በእክኖ፤ ፕርዲደካ ꬉበቲኖ።
ISA 28:8 ኡንቱንቱ ምያ ማዳ ኡባይ ጮሻ ጻላላ ግድያ ድራዉ፥ ባይቤና ሳአይ ሙለካ ባዋ።
ISA 28:9 ኡንቱንቱ ሀዋዳን ያጋና፤ “ኤራተꬃ እ ኦና ታማርሳኔ? ኪታካ ኦስ ቆንጭሳኔ? ማꬃ ፓኩዋ ብሮ አጌዳዋንቱሴየ፥ ዎይ ꬋንꬃ ብሮ ዱꬄዳዋንቱሴ?
ISA 28:10 አያዉ ጎፐ፥ እ ግያዌ ሀዋ፤ አዛዙዋ ቦላ አዛዙዋ፥ አዛዙዋ ቦላ አዛዙዋ፥ ዎጋ ቦላ ዎጋ፥ ዎጋ ቦላ ዎጋ፥ ሀዋን ጉꬃ፥ ሄዋን ጉꬃ” ያጋና።
ISA 28:11 ሽን ጾሳይ አላጋቱዋ ቃላንነ እማꬃቱዋ ዶናን ሀ አሳዉ ሃሳያና።
ISA 28:12 እ ኡንቱንቶ ሀዋዳን ያጌዳ፤ “ሀዌ ሸምፑዋ። ጻላሌዳዋ ሸምፕስተ። ሀዌ ሸምፕ አክያ ሳ” ያጌዳ። ሽን ኡንቱንቱ ስሰናን እጼድኖ።
ISA 28:13 ሄዋ ድራዉ፥ ኡንቱንቱ ቢደ ኩንዳና ማላ፥ መአና ማላነ ግትያን ኦይቀቲደ ኦሞዱዋ ባና ማላ፥ መꬍና ጎዳ ቃላይ ኡንቱንቶ አዛዙዋ ቦላ አዛዙዋ፥ አዛዙዋ ቦላ አዛዙዋ፥ ዎጋ ቦላ ዎጋ፥ ዎጋ ቦላ ዎጋ ግዲደ፥ ሀዋን ጉꬃይ፥ ሄዋን ጉꬃይ ግዴዳ።
ISA 28:14 ሄዋ ድራዉ፥ ህንተኖ፥ የሩሳላመን ደእያ አሳ ሞድያ ቅሊጭያዋንቶ፥ መꬍና ጎዳ ቃላ ስስተ።
ISA 28:15 ህንተ፥ “ኑን ሀይቁዋና ጊጌዶ፤ ስኦልያናካ ጫቀቴዶ፤ ኑን ዎርዱዋ ኑዉ ደኡዋ ኦꬄዳ ድራዉነ ማልትያ ኑዉ ቆሰት አትያሳ ኦꬄዳ ድራዉ፥ ዎልቃማ ቦሻይ ዪደካ ኑና ቦቼናን አꬋና” ያጊደ ጬቀቲታ።
ISA 28:16 ሄዋ ድራዉ፥ ኡባ ሞድያ መꬍና ጎዳይ ሀዋዳን ያጌ፤ “በእተ፥ ታን ጽዮነን ባሱዋ ሹቻ፥ ፓጨቴዳ ሹቻ፥ ጎዳ ጻጱዋ ምንስያ፥ አልኦ ሹቻ ዎꬃድ፤ አን አማንያ ኦንነ ዬላተና።
ISA 28:17 ታን ሱረ ፕርዳ ባሱዋ ልክያ ዎዶሩዋ፥ ጽሎተꬃካ ቱምቢያ ኦꬃና። ቃይ ህንተ አማነትያ ዎርዱዋ ጌሱዋ፥ ሻቻይ ሾጫና፤ ህንተ ቆሰት አትያሳካ ሃꬃይ ሙካና” ያጌ።
ISA 28:18 ሄዋፐ ጉይያን፥ ህንተ ሀይቁዋና ጫቀቴዳ ጫቁ ላለታና። ስኦልያናካ ጫቀቴዳ ጫቁካ ምነና። ዎልቃማ ቦሻይ ይያ ዎደ፥ ህንተ አን ሾጨታና።
ISA 28:19 ሄ ቦሻይ ዎንታ ዎንታ፥ ቃምነ ጋላስ ሄዋና አꬋና፤ ሄ አꬍያ ዎደ ኡባንካ፥ ህንተና አክ ባና። አ ኪታ አኬክያዌ ህንተንቶ ሻቢርሳ ዳጋማ ግዳናዋ።
ISA 28:20 አርሳይ ገድያ ጮጎቲደ ግሳናዉ ቃንꬃ፤ አፍላይካ ጋꬅ ማያናዉ ጉꬃ።
ISA 28:21 አያዉ ጎፐ፥ ፓራጺማ ደርያ ቦላን መꬍና ጎዳይ ኦꬄዳዋዳን፥ ባረ ኦሱዋ፥ ባረ እማꬃ ኦሱዋ፥ ሄዌካ ባረ ኦራꬃ ኦሱዋ ኦꬃናዉ ደንዳና። ቃይ ጋባኦና ዛንጋራን ሀንቀቴዳዋዳን ሀንቀታናዋ።
ISA 28:22 ጎዳፐ፥ ኡባፐ ዎልቃማ መꬍና ጎዳፐ እ ቦሻ ቢታ ኡባ ቦላ አሀናዉ ቃቼዳዋ ታን ስሴዳ ድራዉ፥ ህንተ ቃሹ ምነና ማላ፥ ቅሊጭያዋ አግተ።
ISA 28:23 ህንተ ሀይꬃ ሃ የጊደ፥ ታን ኦድያዋ ስስተ፤ ታ ሃሳያካ አኬኪደ ስስተ።
ISA 28:24 ካꬃ ዘራናዉ ጎሽያ ጎሻንቻይ ኡባ ገደካ ጎሺደ ደኢ? ቃይ እ ኡባ ገደካ ጉሉዋ ክንቺደነ ሊቅሲድ ደኢ?
ISA 28:25 ጋድያ ሊቅሲደ፥ አኑጋ ላሌ፤ ካረꬃ ሳዉዋካ ዘሬ፤ ዛርጋካ አ ይፓን፥ ባንጋካ አ ቆሙዋን፥ ሞርገ ምꬃካ አዉ በስያ ሳኣን ዘሬ ግደኔ?
ISA 28:26 አያዉ ጎፐ፥ ሀ ሂላ አ ጾሳይ አ ኤርሴነ ታማርሴ።
ISA 28:27 ካረꬃ ሳዉዋ ኡዱላ ምꬃን ቆጸና፤ አኑጋካ ጩጉዋን ቡከና። ሄዋ አጊደ፥ ካረꬃ ሳዉዋካ ጋትማን፥ አኑጋካ ጻምአን ቆጼ።
ISA 28:28 ኡክꬃ ኡክያ ካꬃ ቆጽያሳን ቆጽያዌ ሊቅሲየ? ግደና፥ እ አ ቆጺደ ቆጺደ፥ መꬍናዉ ደኤና። ቃይ እ ካꬃ ቡክያ ፓራ ጋረቱዋ አ ቦላና ላጊደካ ካꬃይ ጋጨታናዳን ኦና።
ISA 28:29 ሀዌካ ቃይ ማላልስያ ዞርያ ዞርያ፥ ኦሱዋካ አꬌዳ ኤራን ኦꬅያ ኡባፐ ዎልቃማ መꬍና ጎዳፐ ዬ።
ISA 29:1 ኔኖ ዳዊተ ደኤዳ አሪኤላ ግያ ካታማዉ፥ ነዉ አየ አና! ላይꬃ ቦላን ላይꬃ ጉጃ፤ ባላቱዋካ ዛራ ዛራደ ቦንቻ።
ISA 29:2 ታን አሪኤላ ግያ ካታማ ብሮካ ኡንኤꬃና፤ ኡንቱንቱ ዝላላናነ ዬካና። ሄ ካታማይ ሱꬃይ ካሜዳ ያርሽያ ሳኣ ማላ ግዳናዋ።
ISA 29:3 ታን ነ ዩሹዋን ዶዳናነ አዱሳ ግምቢያን ኔና ድራና፤ ነ ቦላን ኦላ ማማ ኬጻና።
ISA 29:4 ሄዋፐ ጉይያን፥ ኔን ቢታ ጪሙዋፐ ሃ ፑደ ሃሳያና፤ ህርክ ባናፐ ነ ኮሻይ ያና። ነ ኮሻይ ሞይትልያ ኮሻ፥ ቢታ ግዶፐ ከሳና፤ ነ ሃሳያይካ ባና ግዶፐ ሳሱከታና።
ISA 29:5 ሽን ነ ሞርከቱ ሊቆ ባና ኬሻ ጮራነ ነ መቀꬅ ባይናዋንቱ ፓይዱካ ጫርኩ አፍያ ሱላ ኬሻ ዳሮ ግዳናዋ። ቆፐናን ደእሽን ኤለካ፥
ISA 29:6 ኡባፐ ዎልቃማ መꬍና ጎዳይ ጉጉንꬃን፥ ቢታ ቃꬃን፥ ዎልቃማ ኮሻን፥ ጎትያን፥ ጫርኩዋንነ ምያ ታማ ላጩዋን ህንተና ጾሞሳና።
ISA 29:7 አሪኤላ ካታማ ኦልያ ጮራ ካዉተꬃ ኡባይ፥ ሄ ካታማነ አ ጌሱዋ ኦልያ ኡባይ፥ አ ዋይስያ ኡባይ አኩሙዋዳን፥ ቃማ ሳጻዳን ሀናና።
ISA 29:8 ኮሻቴዳ አሳይ አኩሙዋን ሜ፤ ሽን ቤጎትያ ዎደ አ ኮሻይ አገና፤ ዎይ ሳመቴዳ አሳይ አኩሙዋን ኡሼ፤ ሽን ቤጎትያ ዎደ ዳቡሬ፤ ሳሙዋካ አልቤና፤ ጽዮነ ደርያ ኦልያ ጮራ ካዉተꬃ ኡባይ ሄዋዳን ሀናና።
ISA 29:9 ህንተ ህንተረካ ዳመቲደ፥ ዳማ አሳ ግድተ፤ ህንተና ህንተረካ ቆቅሲደ፥ ቆቀ አሳ ግድተ። ማꬆትተ፤ ሽን ዎይንያ ኤሳና ግዶፖ። ጋንድጋርተ፤ ሽን ማꬆይያ ኡሻና ግዶፖ።
ISA 29:10 አያዉ ጎፐ፥ መꬍና ጎዳይ ገምእሹዋ ሶኑ ኦꬅያ አያና ህንተ ቦላን ጉሴዳ። ትምቢትያ ኦድያዋንቶ፥ ያቲደ ህንተ አይፈቱዋ እ ጎዜዳ። ሳፃ በእያዋንቶ፥ ህንተ ሁጰቱዋካ ጉሎዬዳ።
ISA 29:11 ሀ ኡባ ሳጻይ ነዉ አታመቴዳ ማጻፋ ማላ ግዴዳ። አሳይ፥ “ሄይ፥ ሀዋ ናባባ” ያግ፥ እት ናባብ ዳንዳይያ ኡራዉ እምያ ዎደ እ፥ “ማጻፋይ አታመቴዳ ድራዉ፥ ታን ናባባናዉ ዳንዳይከ” ያጋና።
ISA 29:12 ቃይ ማጻፋ ናባብ ዳንዳየና ኡራዉ፥ “ሄይ፥ ሀዋ ናባባ” ያጊደ እምያ ዎደ፥ እ፥ “ታን ናባባናዉ ዳንዳይከ” ያጋና።
ISA 29:13 ያትና፥ ጎዳይ ሀዋዳን ያጋና፤ “ሀዌ አሳይ ባረ ቦላ ዶናን ታኮ ሺቄ፤ ባረ እንጻርሳን ታና ቦንቼ፤ ሽን ኡንቱንቱ ዎዛናይ ታፐ ሃኩዋን ደኤ። ኡንቱንቱ አሳይ መꬌዳ ዎጋ ታማሪደ፥ ታዉ ጮ ጎይኒኖ።
ISA 29:14 ሄዋ ድራዉ፥ በእተ፥ ታን ሀ አሳ ቦላ ዛረꬃደካ ማላልስያባ ኦꬃና፤ ማላልያባነ ኦራꬃባ ኦꬃና። ኡንቱንቱ ኤራንቻቱዋ አꬌዳ ኤራተꬃይ ዳላማና፤ ኡንቱንቱ አኬካንቻቱዋ አኬካይካ ቆሰታና” ያጌዳ።
ISA 29:15 ባረ ሀልቹዋ ጪማዪደ፥ መꬍና ጎዳፐ ቆስያዋንቶ፥ ባረንቱ ኦሱዋ ꬉማን ኦꬂደ፥ “ኑና ኦን በኢ? ኑና ኦን ኤሪ?” ያግያዋንቶ አየ አና!
ISA 29:16 ህንተ የዎቱዋ ላሚታ፤ ኡርቃ መꬍያዌ ኡርቃ ማላ ጊደ ቆፒታ! መቴዳዌ መꬌዳዋ፥ “እ ታና መꬍቤና” ጋኔ? ኦቱ ባረና መꬌዳዋ፥ “እ አይነ ኤረና” ጋናዉ ዳንዳዪ?
ISA 29:17 ሊባኖሳ ዎራይ አራዳ ጋድያዉ ላመታናዉ፥ አራዳ ጋዲ ቃይ ዎራ ግዳናዉ፥ ጉꬃ ዎዲ አቴዳ ግደኔየ?
ISA 29:18 ሄ ጋላስ ቱለቱ ማጻፋ ቃላ ስሳና፤ ለምእለምኣፐነ ꬉማፐ ከሲደ፥ ቆቀቱዋ አይፊ ጼላና።
ISA 29:19 አሽከቱ ጉጂድካ መꬍና ጎዳን ናሸታና፤ አሳ ግዶን ደእያ ህዬሳቱካ እስራኤልያ ጌሻን ሀሹ ጋና።
ISA 29:20 መቀꬅ ባይናዋንቱ ዉራና። ቅሊጭያዋንቱ ትምእ ጋና። ኢታባ ኦꬃናዉ ዎችያዋንቱ ኡባይ ꬋያና።
ISA 29:21 ሄዋንቱ የዉዋን አሳ ባይዛንቻ ከስያዋንታ፥ ችሎታን አሳ ሴርያዋንቶ ግትያ ዎꬅያዋንታነ ዎርዱዋን ጽሎ ብታንያ ፕርዳ ተእያዋንታ።
ISA 29:22 ሄዋ ድራዉ፥ አብራሃማ ዎዜዳ መꬍና ጎዳይ ያቆባ ዛርያዉ ሀዋዳን ያጌ፤ “ያቆባ ዛሪ ሀዋፐ ስንꬃናዉ ዬላተና፤ ኡንቱንቱ ሶምኢካ ዬላቲደ፥ ሳኣ ጼለና።
ISA 29:23 ሽን ኡንቱንቱ ታ ኩሽያ ኦሶ ግድያ ባረንቱ ናናቱዋ ባረንቱ ግዶን በእያ ዎደ፥ ታ ሱንꬃ ጌሻተꬃን ናጋና፤ ኡንቱንቱ ያቆባ ጌሻ ጌሻተꬃ ባይዝክኖ። እስራኤልያ ጾሳካ ያሻተꬃን ቦንቻና።
ISA 29:24 አያናን ባሌዳዋንቱ ስሚደ አኬካና፤ ዙዙምያዋንቱካ ትምርትያ አካና” ያጌ።
ISA 30:1 መꬍና ጎዳይ ሀዋዳን ያጌ፤ “ማካላንቻ ናናቶ አየ አና! ታን ሀልቻቤናባ ኦꬅያዋንቶ፥ ታ አያናፐ ግደና ኤጻ ባረዉ ጊግስያዋንቶ፥ ናጋራ ናጋራ ቦላ ጉጅያዋንቶ አየ አና።
ISA 30:2 ግብጼ ካትያ ጌሱዋን አታናዉነ ግብጼ ኩዋን አትያሳ ኮያናዉ፥ ታና ዞረታ በሰናን፥ ዱገ ግብጼ ዎꬍያዋንቶ አየ አና!
ISA 30:3 ሄዋ ድራዉ፥ ግብጼ ካትያ ጌሱ ህንተንቶ ዬላ፥ ካቲካ ካዉሻ ግዳናዋ።
ISA 30:4 ኡንቱንቱ ካፓቱ ጾኣነን ደኦፐካ፥ ኡንቱንቱ ኪቴዳዋንቱ ሀኔሳ ግያ ካታማ ጋክንቶካ፥
ISA 30:5 ዬላፐነ ካዉሻፐ አትና፥ ሀራባ አያነ ዎና አሳ፥ አያነ ማደና ዎይ ጎኤና አሳን አማነቴዳ አሳይ ኡባይ ካዉሻና” ያጌ።
ISA 30:6 ኔጌባን ደእያ ዶአቱዋባ ጾሳይ ግያዌ ሀዋ፤ ኪተትያዋንቱ መቱነ ቱጋይ ደእያ ቢታ ግዱዋና፥ ጋሙነ ጋማታ ዎꬍያ ሾሻቱነ ፓልያ ዳዌቱ ኮልጽያ ኢታ ቢታና አꬊደ ባና። ባረ ዱረተꬃ ሀረቱዋ ዞክያን፥ ባረንቱ አቁዋ ጋሎቱዋ ዝመꬃን ጫን አኪደ፥ ኡንቱንቶ አያነ ዎꬍሰና ቢታ ባና።
ISA 30:7 አያዉ ጎፐ፥ ግብጼ ማዱ ጋቲ ባይናባነ መላ። ሄዋ ድራዉ፥ ታን አ፥ “ጮኡ ጊደ ኡቴዳ ራኣባ” ያጋደ ሱንꬃድ።
ISA 30:8 ሀእ ባ፤ ስንꬃና ያና ዎድያዉ መꬍና ማላታ ግዳና ማላ፥ ኡንቱንቱ ስንꬃን ሹቻ ማሰꬃን ዎጫ፤ ማዝጎባንካ ጻፋ።
ISA 30:9 አያዉ ጎፐ፥ ሀዋንቱ ማካላንቻ አሳቱዋነ ዎርዱዋ ናናቱዋ፤ ኡንቱንቱ መꬍና ጎዳይ ኦድያዋ ስሳናዉ ኮየና ናናቱዋ።
ISA 30:10 ኡንቱንቱ ሳፃ ኦድያዋንታ፥ “ሳጻ በኦፕተ” ያጊኖ፤ ትምቢትያ ኦድያዋንታካ፥ “ናሸችያባፐነ ማላትያባፐ አትና፥ ኑዉ ሱረባ ኦዶፕተ።
ISA 30:11 ኦግያፐ ክችተ፤ ሎሱዋፐካ እት ባጋ ስምተ፤ ኑን እስራኤልያ ጌሻባ ዛረꬂደ ስሶኮ” ያጊኖ።
ISA 30:12 ያትና፥ እስራኤልያ ጌሻይ ሀዋዳን ያጌ፤ “ህንተ ሀ ቃላ እጺደ፥ አሳ ናቂያዋን አማነቴዳ ድራዉነ ጭምያዋን ጬቀቴዳ ድራዉ፥
ISA 30:13 ሀ ናጋራይ ህንተንቶ ዛኢደ ዎꬍያ፥ አኬከናን ኤለካ ኩንድያ አዱሳ ግምቢያ ማላ ግዳናዋ።
ISA 30:14 አ መኡ ኡርቃፐ መꬌዳነ ንፕ ጊደ መኤዳ ኦቱዋ ማላ ግዳናዋ፤ ሄ መኡዋ ግዶን ታማ ካሽያ ዎይ ኦላፐ ሃꬃ ዱቂደ ከስያ ኮንአይነ ቤተና” ያጌ።
ISA 30:15 ኡባ ሞድያ መꬍና ጎዳይ፥ እስራኤልያ ጌሻይ ሀዋዳን ያጌ፤ “ህንተ ታኮ ስምያዋንነ ሸምፕያዋን አታና፤ ጮኡ ግያዌነ አማነትያዌ ህንተንቶ ዎልቃ ግዳናዋ፤ ሽን ህንተ እጼድታ።
ISA 30:16 ሀዋዳን ያጌድታ፤ ‘ቱይት፥ ኑን ፓራቱዋን ኡቲደ ባቃታና’ ያጌድታ፤ ሄዋ ድራዉ፥ ህንተ ባቃታና። ቃይካ ህንተ፥ ‘ኤሌል ፓራቱዋ ቶጊደ ብ ክቻና’ ያጌድታ፤ ሄዋ ድራዉ፥ ህንተና የደርስያዋንቱ ኤሌላና።
ISA 30:17 እት ቶራንቻ በኢደ፥ ህንተፐ ሻአ አሳይ ባቃታና፤ እቼሹ ቶራንቻቱ ህንተና ሙልያ የደርሳና። ደርያ ሁጲያን ኤሴዳ ባንድራ ምꬃዳን፥ ህንተ ቶራንቻቱዋፐ ጉꬃቱ አታና” ያጌ።
ISA 30:18 ሽን መꬍና ጎዳይ ህንተንቶ ኬካናዉ ናጌ፤ እ ህንተንቶ ቃረትያዋ በሳናዉ ደንዴ። አያዉ ጎፐ፥ መꬍና ጎዳይ ጽሎ ፕርድያ ጾሳ፤ አ ናግያዋንቱ ኡባቱ አንጀቴዳዋንታ።
ISA 30:19 ህንተኖ፥ የሩሳላመን ደእያ ጽዮነ አሳቶ፥ ሀዋፐ ስንꬃናዉ ዬክክታ፤ ህንተ ዋሱዋን እ ህንተንቶ ቱሙዋፐ ቃረታና፤ እ ህንተ ዋሱዋ ስስያ ዎደ፥ ህንተንቶ ዛሩዋ እማና።
ISA 30:20 ጎዳይ ህንተንቶ መቱዋ ኡክꬃነ ቱጋ ሃꬃ እሞፐካ፥ ህንተ አስታማሪ ሀዋፐ ስንꬃን ባረና ቆሰና። ሽን ህንተ አይፊ ህንተ አስታማርያ በአና።
ISA 30:21 ህንተ ኡሸቻ ዎይ ሀድርሳ ስምያ ዎደ፥ ጉየና ህንተና፥ “ኦጊ ሀዋ፤ አን ቢተ” ያግያ ኮሻ ህንተ ስሳና።
ISA 30:22 ሄዋፐ ጉይያን፥ ብራን አሌቀቴዳ ኤቃቱዋነ ዎርቃን ካመቴዳ ምስለቱዋ ህንተ ቱንሳና። ቅታ ጩርቃዳን ህንተ ኡንቱንታ፥ “ኑፐ ሃክተ” ያጊደ ዎራ ኦላና።
ISA 30:23 ሄ ዎደ ህንተ ጋድያን ዘሬዳ ካꬃዉ እ እራ ቡክሳና፤ ጋድያፐ ሞክያ ካꬃይካ ሙሩታነ ዳሮ ግዳናዋ። ሄ ጋላስ ህንተ ሚዛይ አኮ ደምባን ሀመታና።
ISA 30:24 ጋድያ ጎሽያ ቦራቱነ ሀረቱ ላይዳንነ ግላን ፑነቲደ፥ ጌዬዳ ሀርቁዋ ማና።
ISA 30:25 ህንተ ሞርከቱዋ ጌሶቱ ኦሞደትና፥ አሳይ ጎራኤቲደ ዉርያ ጋላስ፥ ዎልቃማ ደረቱዋፐነ ꬎቃ ደረቱዋፐ ፑልቶ ሃꬃቱ ጎጋና።
ISA 30:26 ሄ ጋላስ አግናት ፖኡ አዋ ፖኡዋዳን ሀናና፤ አዋ ፖኡካ ካሰዋፐ ላፑን ኩሽያ ዳራና፤ ላፑን ጋላሳ ፖኡዋ ኬና ፖአና። ሄ ጋላስ መꬍና ጎዳይ መኤዳ ባረ አሳ ኮላና፤ እ ደችና ማዱጼዳ ማዱꬃካ ፓꬃና።
ISA 30:27 በእተ፥ መꬍና ጎዳ ሱንꬃይ ሱልያ ሀንቁዋና፥ ስኬዳ ጩዋ ሻርያና ሃኮ ሳፐ ያና፤ አ ዶናይ ሀንቁ ኩሜዳዋ፤ አ እንጻርሳይካ ምያ ታማ።
ISA 30:28 ባረ ፔኑዋን ኡባባ ፕት አፍያ ድኡዋዳን፥ ꬋይስያ ሃꬃ ኩንꬁዋ ማላ። እ ካዉተꬃቱዋ ባሻ ዛዝርያን ዛዝራና፤ አሳ ጋፓታካ ዎራ አፍያ ብጻላ ባርሳና።
ISA 30:29 ጌሻ ባላይ ቦንቼትያ ቃማ የጽያዋዳን፥ ህንተ የጻና፤ መꬍና ጎዳ ደርያ እስራኤልያ ዛላኮ ብያ ዎደ፥ ሱሱልያ ፑኒደ የጽያ አሳይ ናሸትያዋዳን፥ ህንተ ናሸታና።
ISA 30:30 ቃይ መꬍና ጎዳይ ባረ ያሽያ ኮሻ ስሳና፤ አ ቀሲ ዎꬊደ ሾጭያ ሾቻ ባረ ሱልያ ሀንቁዋን፥ ምያ ታማ ላጩዋን፥ ጎትያን፥ ኡሹዋንነ ሻቻ ቡርጭያን ቆንጭሳና።
ISA 30:31 መꬍና ጎዳይ ባረ ኮሻን አሶረ ዳጋንꬃና። አ ጻምአይካ ኡንቱንታ ሾጫና።
ISA 30:32 መꬍና ጎዳይ ኡንቱንታ ባረ ሙርያ ጻምአን ሾጫና ሾቻይ ኡባይ ዳርቢያንነ ዲꬃን ግዳናዋ። ኦላን እ ባረ ቄስያ ደንꬂደ፥ ኡንቱንታ ኦላና።
ISA 30:33 አያዉ ጎፐ፥ ታማ ኤꬅያሳኣ ቶፌት በን ጊጌዳ፤ ሄ ሳአይ ጊጌዳዌ ካትያሳ። ሄ ሳአይ ዝቃነ አኮ ግዲደ፥ ታማይነ ዳሮ ምꬃይ ዶረት ኡቴዳ ሳ። መꬍና ጎዳ ሸምፑ ዲንያ ሻፋዳን ዪደ፥ ሄ ታማ ኤꬅ ከሳና።
ISA 31:1 ማዱዋ ኮያናዉ ዱገ ግብጼ ዎꬍያዋንቶነ ፓራን አማነትያዋንቶ አየ አና! ጮራ ግድያ ድራዉ ፓራ ጋረቱዋን፥ ዳሮፐ ምኖ ግድያ ድራዉ ፓራ አሳቱዋን አማነትያዋንቶ አየ አና! ኡንቱንቱ እስራኤልያ ጌሻኮ ጼልክኖ፤ ዎይ መꬍና ጎዳፐ ማዱዋ ኮይክኖ።
ISA 31:2 ሽን እካ ባሻ አሀናዉ ዳንዳይያ አꬌዳ ኤራንቻ፤ ባረ ጌዳዋካ አገና፤ ኢታቱዋ ጎልያ አሳ ቦላነ ኢታባ ኦꬅያዋንታ ማድያዋንቱ ቦላ ደንዳና።
ISA 31:3 ግብጼ ጋድያ አሳቱ አሳፐ አትና፥ ጾሳ ግድክኖ። ኡንቱንቱ ፓራቱካ አሾፐ አትና፥ አያና ግድክኖ። መꬍና ጎዳይ ሀንቁዋን ባረ ኩሽያ ምጭያ ዎደ፥ ማድያዌ ꬉበታና፤ ማደትያዌካ ኩንዳና፤ ኡንቱንቱ ኡባይካ እትፐ ꬋያና።
ISA 31:4 ጾሳይ ታና ሀዋዳን ያጌ፤ “ጋሙ ዎይ ዎዳላ ጋሙ መህያ ኦይቂደ ጉድያ ዎደ፥ ዳሮ ሄንꬃንቻቱ አ ቦላ ጼሰት ሺቆፐካ፥ እ ኡንቱንቱ ዋሶ ዳጋመና። ኡንቱንቱ ዋሶካ ያየና። ሄዋዳንካ፥ ኡባፐ ዎልቃማ መꬍና ጎዳይ ጽዮነ ደርያንነ አ ꬎቃን ኦላ ጋከታናዉ ዱገ ዎꬋና።
ISA 31:5 ካፉ ቦላና አዋልያዋዳን፥ ኡባፐ ዎልቃማ መꬍና ጎዳይ የሩሳላመ ጎንዳላናነ አሽ አካና፤ እ አ ቦላና አꬊደ፥ አ ዎꬅ አካና” ያጌ።
ISA 31:6 ህንተኖ እስራኤልያ አሳቶ፥ ህንተ ሎይꬅ ማካሌዳዋኮ ስምተ።
ISA 31:7 አያዉ ጎፐ፥ አሳ ኡባይ ባረንቱ ናጋራንቻ ኩሽያን ብራፐነ ዎርቃፐ መꬌዳ ኤቃቱዋ ሄ ጋላስ ኦላና።
ISA 31:8 ታማይ ጽዮነን፥ ጮጪ የሩሳላመን ደእያ ጾሳይ ሀዋዳን ያጌ፤ “አሶረ አሳዋ ግደና ማሻን ኩንዳና፤ አሳዋ ግደና ማሻይ ኡንቱንታ ማና። ኡንቱንቱ ማሻ ስንꬃፐ ባቃታና፤ ኡንቱንቱ ዎዳላ አሳቱ ዴጾ ኦሶ አዛዘታና። ዳጋማ ጋሱዋን፥ ኡንቱንቱ ምኖ ጌሱ ላለታና፤ ኡንቱንቱ ኦላ ጋዳዋቱካ ዳጋማዉ ኦላ ባንድራ አግ ባሺደ ባና” ያጌ መꬍና ጎዳይ።
ISA 32:1 በእተ፥ ካቲ ጽሎተꬃን ካተታና፤ ሞድያዋንቱካ ሱረተꬃን ሞዳና።
ISA 32:2 አሳይ ሁጲያን ሁጲያን ጫርኩዋፐ ጌምያ ሳ፥ ጎትያፐ ባቃትያ ሳ ግዳናዋ፤ መላ ሳኣን ጎግያ ሃꬃነ ዞዘትያ ጋድያን ደእያ ዎልቃማ ዛላ ኩዋ ማላ ግዳናዋ።
ISA 32:3 ጼልያ አሳቱ አይፊ ጪልመና፤ ስስያዋንቱ ሀይꬃይካ ሀይዛና።
ISA 32:4 ታፍታፍያ አሳቱዋ ዎዛናይ ኤራናነ አኬካና። ዴዶትያ አሳቱዋ እንጻርሳይካ ሱረ ጌሺደ ሃሳያና።
ISA 32:5 ሀዋፐ ስንꬃናዉ ኤይ ቦንቾ አሳ ጌተተና። ኢታ አሳይ ቦንቼተና።
ISA 32:6 አያዉ ጎፐ፥ ቦዛይ ቦዛተꬃ ሃሳየ፤ አ ዎዛናይካ ናጋራ ኦꬃናዉ፥ መꬍና ጎዳ ቦላ ጻላባ ሃሳያናዉ፥ ኮሻቴዳዋንታ ካልሰናን አጋናዉነ ሳመቴዳዋንታ ኡሸናን ድጋናዉ፥ ኢታባ ማቀቴ።
ISA 32:7 ኡዘትያዋ ኡዚ ኢታ፤ መቶታንቻይ ሱረባ ሃሳዪደ፥ ዎርዱዋን ህዬሳ ꬋይሳናዉ እ ኢታ ቆፋ ቆፔ።
ISA 32:8 ሎኦ ኡራይ ሎኦባ ሀልቼ፤ ሄ ሎኦ ሀልቹዋን ምኒደ ደኤ።
ISA 32:9 ህንተኖ ቆፋይ ባይናን ደእያ ማጫዋንቶ፥ ደንድተ፤ ታ ኦድያዋ ስስተ፤ ህንተኖ አማነቲደ ኡቴዳ ማጫ ናቶ፥ ታን ህንተንቶ ኦድያዋ ስስተ።
ISA 32:10 እት ላይꬃፐ ጉꬃ አꬍሽን፥ ህንተ አማነቲደ ኡቴዳዋንቱ ኮኮራና፤ ዎይንያ አ ዎድያን ጹንቂያዌ አታና። ቶኬዳዋፐ ህንተ አይፍያ ሺሻና ዎዲካ ዬና።
ISA 32:11 ህንተኖ እሻሉዋን ደእያ ማጫዋንቶ፥ ኮኮርተ። ህንተኖ አማነቲደ ኡቴዳ ማጫ ናቶ፥ ጋጅ ጋጅተ። ህንተ ማዩዋ ቃርተ፤ ካዩዋ አፍላ ህንተ ጼሳን ዳንጭተ።
ISA 32:12 ሎእያ ሾይቃይነ አይፍያ ዶርጾጼዳ ዎይኒ ꬋዬዳ ድራዉ፥ ካዮቲደ፥ ህንተ ትራ ባቂተ።
ISA 32:13 አጉንꬃ ቡራይነ ክንድቹ ታ አሳ ጋደን ሞኬዳ። አሳይ ናሸቲደ ደኤዳ ጎለቱዋስነ ናሸቻን ደኤዳ ሀ ካታማዉ ዬክተ።
ISA 32:14 ሚጻይ አታና፤ ዳሮ አሳይ ደእያ ካታማቱካ ኦናና፤ ጌሱነ ዎችያ ግምበቱ መꬍናዉ መላ ግዳናዋ፤ ኡንቱንቱ ዎራ ሀረቱ ናሸትያሳነ ዶርሳ ዉዲ ሀመትያሳ ግዳናዋ።
ISA 32:15 ሄዌነ፥ ቦላ ꬎቃፐ ኑ ቦላ አያናይ ጉካና ጋካናሳ፥ መላ ባዙ አራዳና ጋካናሳነ አራዳ ቢታይካ ዎራ ግዴዳ ጌተቲደ ቆፈታና ጋካናሳ።
ISA 32:16 ሄዋፐ ጉይያን፥ ሱረ ፕርዳይ መላ ባዙዋን፥ ጽሎተꬃይካ አራዳ ጋድያን ደአና።
ISA 32:17 ጽሎተꬃ ኦሱ ሳሮተꬃ ግዳናዋ፤ ጽሎተꬃ አይፊካ መꬍናዉ ዎፓተꬃነ አማነቲደ ደእያዋ ግዳናዋ።
ISA 32:18 ታ አሳይ ሳሮተꬃይ ደእያ ሳኣን፥ ናገትያ ጎልያንነ ዎፑ ጌዳ ሸምፖ ሳአቱዋን ደአና።
ISA 32:19 ሻቻን ዎራይ ዲፖፐነ፥ ቃይ ካታማይ ኡባና ኮለቶፐነ፥
ISA 32:20 ሄ ሃꬃ ኡባ ማታን ህንተ ካꬃ ዘሪደ፥ ህንተ መህያካ ህንተ ሀረቱዋካ ሄንꬃዉ ብል የዲደ፥ ህንተ ሎይꬅ አንጀታና።
ISA 33:1 ኔኖ፥ ኔና ꬋይሰናን ደእሽን ꬋይስያዎ፥ ነዉ አየ አና! ኔኖ፥ ኔና አꬅ እመናን ደእሽን፥ አꬃ እምያዎ፥ ነዉ አየ አና! ኔን ꬋይሱዋ አጌዳ ዎደ ኔና ꬋይሳና፤ ኔን አꬃ እሙዋ አጌዳ ዎደ ኔና አꬅ እማና።
ISA 33:2 አቤት መꬍና ጎዳዉ፥ ኑና ማራ፤ ኑን ኔና ናጌቶ፤ ዎንታ ዎንታ ኑዉ ዎልቃ ግዳ፤ መቱዋ ዎደካ ኑና አሽያዋ ግዳ።
ISA 33:3 ነ ኮሻይ ጉጉንꬃዳን ጉምያ ዎደ አሳይ ባቃቴ፤ ኔን ኑና ማዳናዉ ደንዳ ኤቂያ ዎደ፥ ካዉተꬃቱ ላለቲኖ።
ISA 33:4 ጎንዱ ሺቅያዋዳን፥ ህንተ ኦሞዱ ሺቃና፤ ቦሊ ድርቢያዋዳን፥ አሳይ አ ቦላ ድርባና።
ISA 33:5 መꬍና ጎዳይ ቦላን ደእያ ድራዉ፥ ꬎቁ ꬎቁ ጌዳ፤ እ ጽዮነ ሱረ ፕርዳንነ ጽሎተꬃን ኩንꬃና።
ISA 33:6 እ ህንተንቶ ህንተ ዎድያ ምንꬅያዋ፥ ህንተ ኩመንꬃ አቶተꬃ፥ አꬌዳ ኤራተꬃነ ኤራ ግዳናዋ፤ መꬍና ጎዳዉ ያይያዌ አዉ አቆ ግዳናዋ።
ISA 33:7 በእተ፥ ኡንቱንቱ ዎልቃማ አሳቱ ኦግያን ዋሲኖ፤ ስጋተꬃዉ ኪቴዳዋንቱካ ምሸቲደ ዬኪኖ።
ISA 33:8 አኮ ኦገቱ ኦኔድኖ፤ ኦግያና አꬍያዌ አጌዳ። እ ባረ ጫቀቴዳ ጫቁዋ ኮሌዳ፤ ካታማቱዋካ ካꬌዳ። አሳካ ደምቤና።
ISA 33:9 ቢታይ ካዮቴነ ላባኔ። ሊባኖስ ዬላቲደ መሌ፤ ሳሮና ግያ አራዳ ድልባይ መላ ቢታ ግዴዳ። ባሳነ ግያ ደርያንነ ቃርመሎሳ ደርያን ደእያ ምꬃቱዋ ሀይꬃይ ቆቆፈቴ።
ISA 33:10 መꬍና ጎዳይ ካዉተꬃቶ ሀዋዳን ያጌ፤ “ሀእ ታን ደንዳና፤ ሀእ ታን ቦንቼታና፤ ሀእ ታን ꬎቁ ꬎቁ ጋና።
ISA 33:11 ህንተ ኡቱላ ሻሃሪደ፥ ሱላ የሌድታ። ህንተ ሸምፕያ ሸምፑ ህንተና ምያ ታማ።
ISA 33:12 አሳይ ታማን ጹገቴዳ ብድንꬃ ማላ ግዳናዋ፤ ቃይ ቃንጸቲደ፥ ታማን ኤጼዳ አጉንꬃ ማላ ግዳናዋ።
ISA 33:13 ህንተኖ፥ ሃኩዋን ደእያዋንቶ፥ ታን ኦꬄዳዋ ስስተ፤ ማታን ደእያዋንቶ፥ ታን ዎልቃማ ግድያዋ አኬክተ” ያጌ።
ISA 33:14 ጽዮነን ደእያ ናጋራንቻቱ ያዬድኖ፤ ጾሳዉ ግደናዋንታ ኮኮርሳይ ኦይቄዳ። ሄዋ ድራዉ፥ ኡንቱንቱ፥ “ምያ ታማና ደአናዉ ዳንዳይያ ኡራይ ኑ ግዶን ኦኔ? ኤጺደ ደእ አግያዋና ደአናዉ ዳንዳይያ ኡራይ ኑ ግዶን ኦኔ?” ያጊኖ።
ISA 33:15 ጽሎተꬃን ሀመትያዌ፥ ሱረባ ሃሳይያዌ፥ ሱረ ግደና ኦግያና ቤትያ ጎኣ እጽያዌ፥ ማታይያ አካናዉ ባረ ኩሽያ የደናዌ፥ ሱꬃ ጉስያዋ ስሰናዳን፥ ባረ ሀይꬃ ቱጭያዌ፥ ኢታባ ጼለናዳን፥ ባረ አይፍያ ጪልምያዌ፥
ISA 33:16 ሄ ኡራይ ꬎቃሳን ደአና። እ ባቃቲደ አታና ሳአይካ ምኖ ዛላ ደኡዋ ግዳናዋ፤ አ ኡክꬃይካ አዉ እመታና፤ እ ኡሽያ ሃꬃይካ ፓጨና።
ISA 33:17 ህንተ አይፈቱ ካትያ አ ፑላና በአና፤ ሃኪደ ደእያ ቢታካ በአና።
ISA 33:18 ህንተ ዎዛናይ፥ “ፓይዴዳዌ ሀቃን ደኢ? ጊራ ይግ ጼሌዳዌ ሀቃን ደኢ? አዱሳ ግምበቱዋ ፓይዴዳዌ ሀቃን ደኢ?” ያጊደ ያሽያ በንዋ ቆፓና።
ISA 33:19 ህንተ ቃረት ባይና አሳቱዋ፥ ህንተንቶ ገለና ሃሳያ ሃሳይያ አሳቱዋነ እንጻርሳይ ዴዶትያ አሳቱዋ ሀዋፐ ስንꬃን በእክታ።
ISA 33:20 ኑን ኑ ባላ ቦንችያ ጽዮነ ካታማ በእተ! ዎፑ ጊደ ደኢያሳ፥ አ ሽካሊ ሾደተና፥ አ ዎዶሩካ ዱጸናነ ቃጸና ዱንካንያ ማላ፥ የሩሳላመ ካታማ ህንተ ህንተ አይፍያን በአና።
ISA 33:21 ሽን መꬍና ጎዳይ ኑዉ ሄ ሳኣን ባረ ዎልቃማ ዎልቃ ቆንጭሳና። ሄ ሳአይ አኮ ሻፋቱነ ጎግያ ሃꬃቱዋ ማላ ግዳናዋ። ላግያ ዎሉዎሉ አ ቦላና ባናዉ ዳንዳየና፤ ዎልቃማ ማርካቢካ ያና አꬋናዉ ዳንዳየና።
ISA 33:22 አያዉ ጎፐ፥ መꬍና ጎዳይ ኑ ዳና፤ መꬍና ጎዳይ ኑዉ ህግያ እሜዳዋ። መꬍና ጎዳይ ኑ ካትያ፤ እ ኑና አሻና።
ISA 33:23 ነ ዎዶሩዋ ቃሹ ሾልኤዳ፤ ማርካብያ ቱሳ አ ሳኣን ምንስ ኦይቃናዉ ዎይ ሻራካ ጻጋጋናዉ ዳንዳየና። ሄ ዎደ ዳሮ ኦሞዲደ አሄዳባይ ሻከታና፤ ሀራይ አትና፥ ዎባቱካ ኦሞዱዋ ኦሞዳና።
ISA 33:24 ጽዮነን ደእያ ኦንነ፥ “ታን ሀርጋይ” ያገና፤ ያን ደእያ አሳ ናጋራይ አቶ ጌተታና።
ISA 34:1 ህንተኖ፥ ካዉተꬃቶ፥ ሺቂደ ስስተ! ህንተኖ አሳቶ ስስተ! ቢታይነ ጋድያን ደእያባይ ኡባይ፥ ሳአይነ ሳኣን ደእያባይ ኡባይ ስሶ!
ISA 34:2 አያዉ ጎፐ፥ መꬍና ጎዳይ ካዉተꬃ ኡባ ሀንቀቴዳ፤ አ ይሉካ ኡንቱንቱ ቶራንቻቱዋ ኡባ ቦላና። እ ኡንቱንቱ ኡባና ꬋይሳና፤ ኡንቱንታ ሲፍያዋንቶ አꬂደ እማና።
ISA 34:3 ኡንቱንቱፐ ዎꬌዳዋንቱ ኦለታና፤ ኡንቱንቱ አሃይ ጽንቃና። ዎጋ ደረቱ ኡንቱንቱ ሱꬃን ካመታና።
ISA 34:4 ሳሉዋ ጾልንተቱ ኡባይ ሲላና፤ ሳሎቱ ዋራቃታዳን ጻጸታና። ኡንቱንቱ ጾልንተቱ ኡባይ ዎይንያፐ ሀይꬃይ ቆቆፈትያዋዳን፥ ባላስያፐ አይፊ ቆቆፈትያዋዳን ቆቆፈታና።
ISA 34:5 ታ ማሻይ ሳሎቱዋ ግዶን አላና ጋካናዉ ኡሼዳ። በእተ፥ እ ኤዶማ ቦላ፥ ታን ሸቄዳ አሳ ቦላ ፕርዳናዉ ዎꬌ።
ISA 34:6 መꬍና ጎዳዉ ቦጽራ ግያ ካታማን ያርሹ፥ ኤዶማ ጋድያን ዎልቃማ ሹካይ ደእያ ድራዉ፥ መꬍና ጎዳ ማሻይ ሱꬃን ሜጨቲደ፥ ሞꬉዋን ጻጸቴዳ። ዶርሳቱዋነ ዴሻቱዋ ሱꬃን ሜጨቲደ፥ ዶርሳቱዋ ክላሆቱዋ ሞꬉዋን ጻጸቴዳ።
ISA 34:7 ቃይ መንꬃቱ፥ ማራቱነ ኮሩማ ቦራቱ ኡንቱንቱና ኩንዳና። ኡንቱንቱ ቢታይ ሱꬃ ጻላላ ግዳና፤ ኡንቱንቱ ቢታይካ ሞꬉዋን ሙናቀታና።
ISA 34:8 አያዉ ጎፐ፥ መꬍና ጎዳይ ሀሉዋ ከስያ ጋላሳ፤ ጽዮነ ኦሌዳ ሞርከቶ ኩሽያ ዛርያ ላይꬃ።
ISA 34:9 ጎግያ ኤዶማ ሃꬃቱ ሽድያዉ፥ አ ቢታይካ ዲንያዉ ላመታናዋ፤ አ ቢታይ ኤጽያ ሽድያ ግዳናዋ።
ISA 34:10 ታማይካ ቃማን ጋላሳን ቶኤና፤ አ ጩዋይካ መꬍናዉ ጩዋታና። ኤዶማ ቢታይ የለታፐ የለታ ጋካናዉ፥ መላ ግዳናዋ፤ ኦንነ መꬍናዉ ሄዋና አና።
ISA 34:11 ሽን ጽንግሊነ ቁጻርሳይ አ ላታና፤ ጉቶቱነ ቁሩ አን ደአና። ጾሳይ ኤዶማ ቦላ ኮለꬃ ልክያ ዎዶሩዋነ መላተꬃ ልክያ ቱምቢያ ፕድ ኦꬂደ የዳና።
ISA 34:12 ሄ ጋድያን ካተትያዌ ꬋያና፤ ካፓቱካ ሄዋፐ ክቻና።
ISA 34:13 አ ጎለቱዋን አጉንꬃይ፥ አ ሚጻቱዋን ኦካይ ኦዶሩ ሞካና። እ ዎራካናቱ አላጽያሳነ ሶጎኒ ደኢያሳ ግዳናዋ።
ISA 34:14 ዎራ ዶአቱ ጎዳረቱዋና ጋከታና፤ ቱና አያናቱ እቱ እቱዋና ጼሰታና፤ ቃማ ጻላሄቱ ዎꬊደ፥ ያን ደአና።
ISA 34:15 ጉታታ ያን ጎልያ ኬጻና፤ ቁቁሌዳ ቁቁለቱዋ ሀጳደ ቆጻና። ባረ ማራቱዋካ ባረ ቀፈቱዋ ጋርሳን ሀጳና፤ ቃይ ጋጨቱ ባረንቱ ላግያና ላግያና ሄ ሳኣ ሺቃና።
ISA 34:16 መꬍና ጎዳ ማጻፋፐ ኮዪደ ናባብተ። ጾሳ ዶናይ አዛዜዳ ድራዉነ አ አያናይ ሺሼዳ ድራዉ፥ ሀዋንቱፐ እቱነ ፓጨና፤ ቃይ እቱነ ባረ ላጊ ባይናን ደኤና።
ISA 34:17 እ ኡንቱንቶ ሳማ ከሴዳ፤ አ ኩሺ ኡንቱንቶ ጋድያ ዎርዱዋን ሻኬዳ፤ ኡንቱንቱ አ መꬍናዉ ሞዳና፤ የለታፐ የለታ ጋካናዉ፥ ኡንቱንቱ አን ደአና።
ISA 35:1 ቢታ ባዙነ መላ ቢታይ ናሸታና፤ መላ ቢታይ ናሸቻ ፖጩ ጊደ፥ ጪሻ ጪሻና።
ISA 35:2 እ ዳሮፐ ጪሻና፤ ፖጩ ጊደ ናሸቻን የጻና። ሊባኖሳ ቦንቹነ ቃርመሎሳነ ሳሮና ግታተꬃይ እመታና፤ ኡንቱንቱ መꬍና ጎዳ ቦንቹዋነ ኑ ጾሳ ግታተꬃ በአና።
ISA 35:3 ዳቡሬዳ ኩሸቱዋነ አርጋጬዳ ጉልባታ ምንꬅተ።
ISA 35:4 ዎዛናን ያሻይ ደእያዋንታ፥ “ምንተ! ያዮፕተ! ሄኮ፥ ህንተ ጾሳይ ሀሉዋ ከሳናዉነ ባረ ጾሳተꬃን ኡንቱንታ ሙራናዉ ያና፤ እ ህንተና አሻና” ያግተ።
ISA 35:5 ሄ ዎደ፥ ቆቀቱዋ አይፊ ዶየታና፤ ቱለቱዋ ሀይꬃይካ ስሳና።
ISA 35:6 ዎባቱዋ ገንእያዳን ጉፓና፤ ዱደቱካ ናሸቻን የጻና፤ ባዙዋን ሃꬃይ መሎሳን ፑልቱ ꬉቃና።
ISA 35:7 ጹግያ ሻፊ ዳጋቴዳ ሃꬃ ግዳናዋ፤ መላ ቢታይ ሃꬃ ፑልታና፤ ዎራካናቱ አላጽያሳን ማታይ ማቃይነ ጫሪ ዶላና።
ISA 35:8 ያን አኮ ኦጊ ደአና፤ እካ ጌሻተꬃ ኦግያ ጌተታና። ጌሻ ግደናዋንቱ ሄ ኦግያና አꬍክኖ። ሽን እ ጌሻቱዋሳ ግዳናዋ፤ ኢታ ኤያቱ አን ስመረትክኖ።
ISA 35:9 ያን ጋሙ ደኤና፤ ያሽያ ዶአቱካ ሄዋና አꬍክኖ፤ ያንካ ቤትክኖ፤ ሽን ዎዘቴዳዋንቱ ጻላላይ ሀመታና።
ISA 35:10 መꬍና ጎዳይ ዎዜዳዋንቱ ስማና፤ የጺድ፥ ጽዮነ ያና፤ መꬍና ናሸቻይ ኡንቱንቱ ሁጲያን ዎꬋና። ኡንቱንቱ ናሸቻነ ሀሹ ግያዋ ደማና፤ ካዩነ ኦሊ ዎራ ባቃታና።
ISA 36:1 ካትያ ህዝቂያስ ካተቴዳ ታማነ ኦይደንꬆ ላይꬃን፥ አሶረ ካቲ ሳናክሬብ ግምበት ኡቴዳ ይሁዳ ካታማቱዋ ኡባ ኦሊደ ኦይቄዳ።
ISA 36:2 ሄዋፐ ጉይያን፥ አሶረ ጋድያ ካቲ ላክሻ ግያ ካታማፐ እት ዋናትያ ኦላ ጋዳዋ ጮራ ኦላንቻቱዋና ካትያ ህዝቂያሳኮ የሩሳላመ የዴዳ። ቢደ፥ ማዩዋ ሜጭያዋ ጋደ አፍያ ኦግያፐ ቆሞ ባጋና ደእያ ዳጋቴዳ ሃꬃይ ጎግያ ሃꬃ ማታን ኤቄዳ።
ISA 36:3 ያትና፥ ህልቂያ ናአይ ካትያ ጎልያን አዎትያ ኤልያቂመ፥ ዋና ጻፊ ሼብንነ አሳፋ ናአይ ታርክያ ጻፍያ ዮኣህ አኮ ካረ ከሴድኖ።
ISA 36:4 አሶረቱዋ ጋዳዋይ ኡንቱንታ፥ “ህዝቂያሳዉ ሀዋዳን ያጊደ ኦድተ፤ አሶረ ካቲ፥ ዎልቃማይ ኔና ሀዋዳን ያጌ፤ ‘ኔን ሀዋ ኬሻ አያን አማነታዲ?
ISA 36:5 ኔን ጮ መላ፥ ኦላ ኦለታናዉ ታዉ አꬌዳ ኤራይነ ዎልቃይ ደኤ ያጋሳ። ሽን ኔን ኦናን አማነታደ ታ ቦላ ሀዋ ማካላዲ?
ISA 36:6 ኔን ግብጼ ካቲ ማዳና ጋደ ቆፔዳዋ ግዶፐ፥ መኤዳ ማቃ ጋትማን ጉፈትያ አሳ ማላ። አያዉ ጎፐ፥ ጻምአይ መእና፥ ፕንጩ ኩሽያ ጫዴነ ማዱጽሴ። ግብጼ ካቲ ባረናን አማነትያ አሳ ኡባዉ ሄዋ ማላ።’ ”
ISA 36:7 ሽን ኔን ታዉ፥ “ኑን መꬍና ጎዳን፥ ኑ ጾሳን፥ አማነቴቶ” ያጎፐ፥ ህዝቂያስ ይሁዳ አሳነ የሩሳላመ አሳ፥ “ህንተ የሩሳላመን ደእያ ያርሽያሳን ጎይናናዉ ኮሼ” ጊደ፥ አዉ ጎይንያ ꬎቃ ሳአቱዋነ ያርሽያ ሳኣ ድጌዳ ጾሳ እ ግደኔ?
ISA 36:8 አነ ሀእ ሃያ! ታ ጎዳ አሶረ ካትያና ናሰታ። ኔን ቶጋናዉ ዳንዳይያ፥ ግድያ አሳ ደሞፐ፥ ላኡ ሻአ ፓራቱዋ ታን ነዉ እማና።
ISA 36:9 ኔን፥ “ግብጼቱ ፓራ አሳቱዋነ ፓራ ጋረቱዋ ታዉ የዳና” ጋደ አማኖፐነ፥ ታ ጎዳ ኦላንቻቱዋ ካፓቱዋፐ እት ላፍያዋካ ዛራናዉ ዳንዳያካ።
ISA 36:10 ሄዋ ቦላካ ቃይ፥ ታን ሀእ ቱሙ መꬍና ጎዳ አዛዙ ባይናን ሀ ጋድያ ꬋይሳናዉ ከሳድታ? መꬍና ጎዳይ ባረ ሁጲያን ታና፥ “ኔረ፥ ሄ ጋድያ ባደ፥ ኦላደ ባይዛ” ያጊደ ኦዴዳ ያጌ ያግተ ያጌዳ።
ISA 36:11 ሄዋፐ ጉይያን ኤልያቂመ፥ ሼብንነ ዮኣህ አሶረቱዋ ጋዳዋ ሀዋዳን ያጌድኖ፤ “ኑን ብለꬃ ኤርያ ድራዉ፥ ሀያና ኔን ኑዉ ነ ቆማቶ ሶርያ ቃላን ኦዳ። ድርሳ ግምቢያ ሁጲያን ደእያ አሳይ ስሰና ማላ፥ እብራይስጸ ቃላን ኦዶፓ” ያጌድኖ።
ISA 36:12 ሽን ጋዳዋይ ዛረꬂደ፥ “ሀ ቃላቱዋ ታን ህንተዉነ ህንተ ጎዳ ጻላላዉ ኦዳናዉ ታና ታ ጎዳይ ኪቴዴየ? ህንተናና እትፐ ባረንቱ ኡርቃ ሼሻ ማናዉነ ባረንቱ ሃꬃ ሼሻ ኡሻናዉ ደእያ፥ ሀ ድርሳ ግምቢያ ቦላ ኡቴዳ አሳ ኡባዉ ኦዳናሳ ግደኔየ?” ያጌዳ።
ISA 36:13 ሄዋፐ ጉይያን አሶረቱዋ ጋዳዋይ ደንድ ኤቂደ፥ ባረ ቃላ ꬎቁ ኦꬂደ፥ እብራይስጸ ቃላን ሀዋዳን ያጌዳ፤ “አሶረ ካቲ ዎልቃማይ ህንተና ግያዋ ስስተ!
ISA 36:14 ካቲ ህንተና ሀዋዳን ያጌ፤ ‘ህዝቂያስ ህንተና ጭሞፖ፤ አያዉ ጎፐ፥ እ ህንተና ታ ኩሽያፐ ዎꬅ አካናዉ ዳንዳየና።
ISA 36:15 እ ህንተና፥ “መꬍና ጎዳይ ቱማ ኑና አሻና፤ ሀ ካታማይካ አሶረ ካትያ ኩሽያን ገለና” ጊደ ህንተ መꬍና ጎዳን አማነታና ማላ ኦꬆፖ’ ያጌ።
ISA 36:16 “ኤ፥ ህንተ ህዝቂያስ ኦድያዋ ስሶፕተ። አሶረ ካቲ ህንተና፥ ‘ታናና ስገትተ፤ ሃ ታኮ ከስተ። ያቶፐ፥ ህንተ ኡባይካ ህንተ ዎይንያ ቴራፐነ ህንተ ባላስያ ቴራፐ ማና፤ ህንተ ቦኬዳ ኦላፐካ ሃꬃ ኡሻና።
ISA 36:17 ሄዋፐ ጉይያን ታን ያደ፥ ህንተና ህንተ ቢታ ማላትያ ቢታ አካደ አፋና። ሄ ቢታይ ካꬃይነ ዎይንያ ኤሳይ፥ ኡክꬃይነ ዎይንያ አታክልቲ ኩሜዳ ቢታ’ ያጌ።
ISA 36:18 “ህዝቂያስ ህንተና፥ ‘መꬍና ጎዳይ ኑና አሻና’ ያጊደ ጭመናዳን ናገትተ። ጋድያ አሳቱዋ ጾሳቱዋፐ ባረ ቢታ አሶረ ካትያ ኩሽያፐ አሼዳ ጾስ ደኢየ?
ISA 36:19 ሀማታ ጾሳቱነ አርፋዳ ጾሳቱ ሀቃን ደኢኖ? ሳፋርዋይማ ግያ ካታማ ጾሳቱ ሀቃን ደኢኖ? ኡንቱንቱ ሳማርያ ታ ኩሽያፐ ዎꬅ አኬድኖ?
ISA 36:20 ሀ ቢታቱዋ ጾሳቱዋ ኡባ ግዶን ባረ ጋድያ ታ ኩሽያፐ አይ ጾስ አሼዳዋ ሽን፥ መꬍና ጎዳይ የሩሳላመ ታ ኩሽያፐ አሻኔ?” ያጌዳ።
ISA 36:21 ሽን አሳይ እት ቃላነ አዉ ዛረናን ጮኡ ጌዳ። አያዉ ጎፐ፥ ካቲ ኡንቱንታ፥ “አዉ አይነ ዛሪደ ኦዶፕተ” ያግ ዎꬄዳ።
ISA 36:22 ሄዋፐ ጉይያን ህልቂያ ናአይ ካትያ ጎልያን አዎትያ ኤልያቂመ፥ ዋና ጻፊ ሼብንነ ታርክያ ጻፊ አሳፋ ናአይ ዮኣህ ባረንቱ ማዩዋ ፔꬊደ፥ ህዝቂያሳኮ ቤድኖ፤ አሶረቱዋ ጋዳዋይ ጌዳዋ ኡባ አዉ ኦዴድኖ።
ISA 37:1 ካቲ ህዝቂያስ ሄዋ ስሴዳ ዎደ፥ ባረ ማዩዋ ፔꬌዳ፤ ማቃ ማዪደ፥ መꬍና ጎዳ ጌሻ ጎልያ ገሌዳ።
ISA 37:2 ካትያ ጎልያን አዎትያ ኤልያቂመ፥ ዋና ጻፊ ሼብንነ ጭማ ቄሳቱ ማቃ ማዪደ፥ አሞጻ ናኣ ትምቢትያ ኦድያ ኢስያሳ ኮ ባና ማላ ኪቴዳ።
ISA 37:3 ኡንቱንቱ ኢስያሳ ኮ ቢደ፥ “ህዝቂያስ ሀዋዳን ያጌ፤ ‘ሀቼ ጋላሳይ መቶ ጋላሳ፥ ሴራ ጋላሳነ ዬላ ጋላሳ። ሄዌካ ናእ የለታናዉ ዎዲ ጋክና፥ ባናደ የላናዉ ምሽራትዉ ዎልቃይ ꬋይያዋ ማላ።
ISA 37:4 ደኡዋ ጾሳ ሸቃናዳን፥ አ ጎዳይ፥ አሶረ ካቲ፥ ኪቴዳ ጋዳዋ ቃላ መꬍና ጎዳይ ነ ጾሳይ ስሰናን አገና። ቃይ መꬍና ጎዳይ ነ ጾሳይ ሄ ስሴዳ ቃላ ሀዳን አ ሙረናን አገና። ሄዋ ድራዉ፥ ኑ አሳ ግዶን ፓላህ አታናዋንቶ ዎሳ!’ ያጌ” ያጌድኖ።
ISA 37:5 ካትያ ህዝቂያሳ ቆማቱ ኢስያሳ ኮ ዬዳ ዎደ፥
ISA 37:6 እስያስ ኡንቱንታ ሀዋዳን ያጌዳ፤ “ህንተ ጎዳዉ ሀዋዳን ያጊደ ኦድተ፤ መꬍና ጎዳይ ኔና፥ ‘አሶረ ካትያ ቆማቱ ታና ሸቅሽን፥ ኔን ስሴዳ ቦርያ ቃላዉ ያዮፓ።
ISA 37:7 በአ፥ ኦዱዋ ስሲደ፥ እ ባረ ቢታ ስማና ማላ፥ ታን አ ግዶን እት አያና ዎꬃና። ያታደ እ ባረ ቢታ ቢደ፥ ያን ማሻን ሀይቃናዳን፥ ታን አ ኦꬃና ያጌ’ ” ያግተ ያጌዳ።
ISA 37:8 አሶረ ካቲ ላክሻ ካታማፐ ደንዲደ ብ ክቼዳዋ አሶረቱዋ ጋዳዋይ ስሲደ፥ ጉየ ስሜዳ። ካቲ ሊብና ካታማን ኦለትያዋ ደሜዳ።
ISA 37:9 ካቲ ሳናክሬብ፥ “ቶጵያ ካቲ ትርሃቅ ኔና ኦላናዉ ዬዳ” ያግያ ኦዱዋ ስሴዳ። ህዝቂያሳዉ ሀዋዳን ያግ ኪቴዳ፤
ISA 37:10 “ይሁዳ ካትያ ህዝቂያሳ፥ ኔን አማነትያ ጾሳይ ኔና፥ ‘የሩሳላመ አሶረ ካትያ ኩሽያን ገለና’ ያግ ጭሞፖ።
ISA 37:11 በአ፥ አሶረ ካተቱ ቢታቱዋ ኡባ ኡባና ꬋይሲደ፥ ኡንቱንቱ ኦꬄዳዋ ኔን ስሳዳ። ያትና፥ ኔን አታኒ?
ISA 37:12 በን ታ ማይዛ አዎቱ ባይዜዳ ቢታቱዋ ጾሳቱ፥ ሄዋንቱነ ጎዛና፥ ካራነነ ረጼፋ ቢታቱዋ ጾሳቱነ ታላሳራን ደእያ ኤደነ አሳ ጾሳቱ ሄ ቢታቱዋ ባሻፐ አሼድኖ?
ISA 37:13 ሀማታ ካቲ፥ አርፋዳ ካቲ፥ ሳፋርዋይማ ካቲ፥ ሄናአ ካቲነ ኢዋ ካቲ ሀቃን ደኢኖ?” ያግ ኪቴዳ።
ISA 37:14 ህዝቂያስ ዳብዳቢያ ኪተቴዳ አሳቱዋፐ አኪደ ናባቤዳ። ዳብዳቢያ መꬍና ጎዳ ጌሻ ጎልያ አክ አፊደ፥ መꬍና ጎዳ ስንꬃን ምጬዳ።
ISA 37:15 ያቲደ መꬍና ጎዳ ሀዋዳን ያግ ዎሴዳ፤
ISA 37:16 “አቤት ኡባፐ ዎልቃማ መꬍና ጎዳዉ፥ ክሩበቱዋፐ ግዱዋን ኡትያ እስራኤልያ ጾሳዉ፥ ሳኣ ካዉተꬃቱዋ ኡባ ቦላ ነ ጻላላይ ጾሳ። ሳሉዋነ ሳኣ ኔን መꬋዳ።
ISA 37:17 አቤት መꬍና ጎዳዉ፥ ነ ሀይꬃ ሃ የጋደ ስሳ። አቤት መꬍና ጎዳዉ፥ ነ አይፍያ ፖጋደ ጼላ። ኔና፥ ደኡዋ ጾሳ ቦራናዉ ሳናክሬብ ኪቴዳ ቃላ ስሳ።
ISA 37:18 “አቤት መꬍና ጎዳዉ፥ አሶረ ቢታ ካተቱ ካዉተꬃ ኡባነ ኡንቱንቱ ጋድያ ባይዜዳዌ ኤ ቱማ።
ISA 37:19 ኡንቱንቱ ጾሳቱዋ ታማን ጹግ ꬋይሴድኖ፤ አያዉ ጎፐ፥ ኡንቱንቱ ጾሳቱ ዎንካ አሳ ኩሺ ማሲደ ከሴዳ ምꬃነ ሹቻ ግድያ ድራዉ፥ ቱሙ ጾሳቱዋ ግድክኖ፤ ሄዋ ድራዉ፥ ኡንቱንቱ ኡንቱንታ ꬋይሴድኖ።
ISA 37:20 ሀእ ስም አቤት መꬍና ጎዳዉ፥ ኑ ጾሳዉ፥ ነ ጻላላይ ጾሳ ግድያዋ ሳኣ ካዉተꬃቱ ኡባይ ኤራና ማላ፥ ኔን ኑና አ ኩሽያፐ ዎꬃ አካ!” ያግ ዎሴዳ።
ISA 37:21 ሄዋፐ ጉይያን፥ አሞጻ ናአይ እስያስ ህዝቂያሳዉ ሀዋዳን ያግ ኪቴዳ፤ “መꬍና ጎዳይ እስራኤልያ ጾሳይ ሀዋዳን ያጌ፤ ‘ኔን አሶረ ካትያ ሳናክሬባ ጋሱዋን ታና ዎሴዳ ዎሳ ስሳድ’ ያጌ።
ISA 37:22 መꬍና ጎዳይ ሳናክሬባዋ ሀዋዳን ያግ ሃሳየ፦ “ጽዮነን ደእያ አሳይ ኔና ካꬌ፤ የሩሳላመ አሳይ ባረ ሁጲያ ቃꬂደ፥ ኔና ቅሊጬ።
ISA 37:23 ኔን ሸቄዳዌነ ቶቼዳዌ ኦኔ? ኔን ኦ ቦላን ነ ቃላ ꬎቁ ኦꬃደ ሃሳያዲ? ቃይ ኦቶሩዋን ኦና ꬎቁ ጋደ ጼላዲ? ሄዋ ኔን ኦꬄዳዌ ታ ቦላና፥ እስራኤልያ ጌሻ ቦላና ግደኔ!
ISA 37:24 ኔን ኪቴዳ አሳቱዋ ባጋና ጎዳ ሸቃዳ። ቃይ ሀዋዳን ያጋዳ፤ ‘ታን ታዉ ደእያ ጮራ ፓራ ጋረቱዋን ꬎቃ ደረቱዋ ሁጲያ፥ ሊባኖሳ ደርያ ኪክያ ከሳድ። ከሳደ ኡባፐ አዱቂያ ዝጋቱዋነ፥ ኡባፐ ሎእያ ጺዳቱዋ ቃንጻድ። ታን ꬎቃዉ ዉርሰꬃ ጋጻነ፥ ጪልሞ ዎራ ጋካድ።
ISA 37:25 ታን አላጋ ቢታቱዋን ሃꬃ ኦላቱዋ ቦካደ፥ ሃꬃ ኡንቱንቱፐ ኡሻድ። ግብጼ ጋድያን ጎግያ ሃꬃ ኡባ ታን ታ ገድያ ጎምፓን የꬋደ መልሳድ’ ያጋዳ።
ISA 37:26 “ዳሮ ዎድያፐ ካሰ፥ ኔን ግምበቴዳ ካታማቱዋ ቆቆፋደ፥ ሹቻ ኬላ ከሳና ማላ፥ ታን ቆፋ ቃቻ ዎꬄዳዋ ኔን ኤራበይኪ? ታን ሀእ ፖልያ ሀልቾቱዋ፥ በን ሀልቻ ዎꬃድ።
ISA 37:27 ሄዋ ድራዉ፥ ኡንቱንቱ አሳዉ ዎልቃይ እጽና፥ ኡንቱንቱ ካዉሼድኖነ ዬላቴድኖ። ኡንቱንቱ ጋደ ማታ ማላ፤ ጎሻን ሞኬዳ ጫርሻ ማላ። ኡንቱንቱ ጎልያ ሁጲያን ሞክያ ሻራፋዳንነ ካኤናን ደእሽን፥ ትሻን ዋግ ሜዳ ካꬃዳን ሀኔድኖ።
ISA 37:28 “ሽን ኔን ኡትያሳ፥ ከስያሳ፥ ገልያሳነ፥ ታ ቦላ ኔን ሀንቀቴዳ ሀንቁዋ ታን ኤራይ።
ISA 37:29 ኔን ታ ቦላ ሀንቀቴዳ ድራዉነ፥ ነ ኦቶሩዋካ ታን ስሴዳ ድራዉ፥ ታን ነ ሲꬍያን ታ ማጋ አꬃና፤ ነ ዶናንካ ታ ብጻላ ባርሳና። ያታደ ኔን ዬዳ ኦግያና፥ ታን ኔና ጉየ ዛራና ያጌ” ያጌዳ።
ISA 37:30 ሄዋፐ ጉይያን፥ እስያስ ካትያ ህዝቂያሳ ሀዋዳን ያጌዳ፤ “ሀዎ ነዉ ማላታይ ሀዋ: ሀ ላይꬅ ህንተ አዛባ ሞኬዳ ካꬃ ማና፤ ላይꬅ ቃይ ሀ ላይꬅ ሞኬዳዋ አዛባ ማና። ሽን ካላ ላይꬅ ህንተ ህንተ ሁጲያን ዘርተነ ጫክተ፤ ዎይንያ ቱራካ ቶክተነ አ ቴራ ሚተ።
ISA 37:31 ይሁዳ አሳፐ አትያዋንቱ ጻጱዋ ዱገ የዲደ፥ ቦላን አይፍያ አይፍያ ምꬃ ማላ ግዳናዋ።
ISA 37:32 አያዉ ጎፐ፥ ዉሪደ አቴዳዋንቱ የሩሳላመፐ፥ ፓላሄዳዋንቱካ ጽዮነፐ ከሳና። ኡባፐ ዎልቃማ መꬍና ጎዳ ምሹ ሄዋ ኦꬂደ ፖላና።
ISA 37:33 “ሄዋ ድራዉ፥ አሶረ ካትያባ መꬍና ጎዳይ ሀዋዳን ያጌ፤ ‘አሶረ ካቲ ሀ ካታማ ገለና፤ ዎይ ሀዋን ባረ ዎንዳፍያ ዱከና፤ ዎይ ባረ ጎንዳልያ ኦይቂደ፥ ሀ ካታማ ስንꬃ አና፤ ዎይ ቃይ ካታማ ዩሹዋ ቢታ ዶርያን ዶደና።
ISA 37:34 አሶረ ካቲ ባረ ዬዳ ኦግያና ጉየ ስማና፤ እ ሀ ካታማ ገለና። ታን መꬍና ጎዳይ ሀዋ ኦዳይ።
ISA 37:35 ታን ታ ቦንቹዋ ድራዉነ ታ ቆማ ዳዊታ ድራዉ፥ ሀ ካታማ ቦሽሰናን አሻ አካና’ ያጌ” ያጌዳ።
ISA 37:36 ሄ ጋላስ ቃማ መꬍና ጎዳ ኪታንቻይ ከሲደ፥ አሶረ አሳይ ዱንካኔዳሳን፥ እት ጼታነ ሆስፑን ታማነ እቼሹ ሻአ አቱማ አሳ ዎꬌዳ። ያትና፥ አሳይ ዎንታ ሱሪደ በእያ ዎደ፥ ሀይቄዳ አሳ አሃይ ሄዋን ኩሜዳ።
ISA 37:37 ሄዋ ድራዉ፥ አሶረ ካቲ ሳናክሬብ ደንዲደ፥ ጉየ ስም ቢደ፥ ናናዌ ካታማን ኡቴዳ።
ISA 37:38 እት ጋላስ ሳናክሬብ ባረ ጾሳ ንስሮካ ጎልያን ጎይኒድ ደእሽን፥ አ ናናይ አድራመሌክነ ሳርኤጸር ማሻን አ ዎꬌድኖ። አራራተ ግያ ቢታ ባቃቴድኖ። አ ናአይ አስራዶን አ ሳኣን ካተቴዳ። 37:38 አስራዶን: እ እብራዌꬆ ቃላን “ኤሳር-ሀዶን” ጌተቴ።
ISA 38:1 ሄ ዎደ ካቲ ህዝቂያስ ሀርጊደ፥ ሀይቃና ማቴዳ። ያት ደእሽን አሞጻ ናአይ ትምቢትያ ኦድያ እስያስ አኮ ቢደ፥ “መꬍና ጎዳይ ኔና፥ ‘ኔን ሀይቃሳፐ አትና ፓጻካ፤ ሄዋ ድራዉ፥ ነ ጎልያ ጊግሳ’ ያጌ” ያጌዳ።
ISA 38:2 ህዝቂያስ ጎዳኮ ስም ግሲደ፥ መꬍና ጎዳ ዎሴዳ።
ISA 38:3 እ “አቤት መꬍና ጎዳዉ፥ ታን ነ ስንꬃን ቱማተꬃንነ ኩመንꬃ ዎዛናን ሄመቴዳዋነ ቃይ ኔና ናሸችያባ ኦꬄዳዋ ታዉ ኔን ሀሳያና ማላ፥ ታን ኔና ዎሳይ” ያጊደ ዎሴዳ፤ ህዝቂያስ ሎይꬅ ምሸቲደ ዬኬዳ።
ISA 38:4 ሄዋፐ ጉይያን፥ መꬍና ጎዳ ቃላይ ኢስያሳ ኮ ሀዋዳን ያጊድ ዬዳ።
ISA 38:5 “ባደ፤ ህዝቂያሳ፥ መꬍና ጎዳይ ነ ማይዛ አዉዋ ዳዊታ ጾሳይ ሀዋዳን ያጌ፤ ‘ታን ነ ዎሳ ስሳድ፤ ነ አፎꬃካ በኣድ። ነ ላይꬃ ቦላ ታን ነዉ ታማነ እቼሹ ላይꬃ ጉጃና።
ISA 38:6 ኔናነ ሀ ካታማ አሶረ ጋድያ ካትያ ኩሽያፐ አሻና፤ ታን ሀ ካታማዉ ኦለታደ አሻና ያጌ’ ” ያጋ ያጌዳ።
ISA 38:7 እስያስ ጉጂድካ ሀዋዳን ያጌዳ፤ “መꬍና ጎዳይ ባረ ጌዳ ቃላ ፖላናዉ መꬍና ጎዳዉ ማላታይ ሀዋ:
ISA 38:8 በአ፥ አካዝ ፑደ ከሳናዉ ጊግሴዳ ደꬃን ደእያ ኩዋይ ታሙ ታንጉዋ ጉየ ስሚደ ባናዳን፥ ታን ኦꬃና” ያጌዳ። ኩዋይ ታሙ ታንጉዋ ጉየ ስሚደ ቤዳ።
ISA 38:9 ይሁዳ ካቲ ህዝቂያስ ሀርግ ፓጼዳዋፐ ጉይያን፥ ጻፌዳ ማዝሙሪ ሀዋ:
ISA 38:10 ታን፥ “ታ ደኦ ላይꬃዉ ብሮ ባጋ ጋክያ ዎደ፥ ሀይቁዋ ፐንግያና ገላና ሀናይታ? ታ አቴዳ ላይꬃ ቦንቂ ድግና፥ መላ አታና ሀናይታ?” ያጋድ።
ISA 38:11 ሄዋዳንካ ቃይ፥ “ታን ፓጻ ደእያዋንቱ ጋድያን መꬍና ጎዳ በእከ፤ ሀ ሳኣን ደእያዋንቱ ግዶንካ ላኤንꬆ መꬍና ጎዳ በእከ።
ISA 38:12 ዶርሳ ሄምያዋ ዱንካንያዳን፥ ታ ደኡ ሾደቴዳ። ሸማይኒ አፍላ ሀርባን ጻጽያዋዳን፥ ታን ታ ደኡዋ ጻጻድ፤ እካ ታና ሸማይንያ ሀርባፐ ዱꬄዳ ጋላሳፐ ቃማ ጋካናዉ፥ ኔን ታና ꬋይሳዳ ያጋድ።
ISA 38:13 ሳአይ ዎንታና ጋካናዉ ታን ማዱዋ ደማናዉ ዋሳድ። ሽን ጋሙዋዳን እ ታ መቀꬃ ኡባ መንꬄዳ። ቃይ ጋላሳፐ ቃማ ጋካናዉ፥ ኔን ታና ꬋይሳዳ።
ISA 38:14 ታን ጭራሹዋዳንነ ሃꬃ ካፉዋዳን ዋሳድ፤ ሀራጵያዳንካ ዙዙማድ። ታ አይፈቱ ሳሉዋ ፑደ ጼሊደ ጼሊደ ዳቡሬድኖ። አቤት ጎዳዉ፥ ታን ኡንኤታድ፤ ኔን ታና ሀ ኡንኡዋፐ ከሳ!” ያጋድ።
ISA 38:15 ሀዋ ኡባ ጾሳይ እ ባረ ሁጲያን ኦꬄዳ፤ ያትና፥ ታን አያ ጋናዉ ዳንዳያይታ? ታ ሸምፑ ሎይꬅ ኡንኤቴዳ ድራዉ፥ ታ ላይꬃ ኡባን አሽከተꬃን ሀመታና።
ISA 38:16 አቤት ጎዳዉ፥ ሀዋንቱ ማላ የዎቱዋን አሳይ ፓጻ ደኤ። ሀይ ታ ፓጻተꬃ ዛራደ፥ ታና ፓጻ ዎꬃርኪ!
ISA 38:17 በአ፥ ታን ሀ ዎልቃማ ቱጋ ቱጋቴዳዌ ታዉ ሎአ ግዴዳ። ኔን ታ ሸምፑዋ ባሻ ኦላፐ ጉየ ዛራደ አሻዳ፤ ኔን ታ ናጋራ ኡባ ኔፐ ጉየ ዛራደ ኦላዳ።
ISA 38:18 አያዉ ጎፐ፥ ዱፉ ኔና ጋላተና፤ ሀይቁካ ኔና ሳበና። ጪማ ኦላዉ ዱገ ዎꬍያዋንቱ ኔና አማንꬄ ጊደ ህዶታ ኦꬅክኖ።
ISA 38:19 ታን ሀች ኔና ጋላትያዋዳን፥ ፓጻ ደእያዋንቱ ጻላላቱ ኔና ጋላቲኖ፤ ኔን አማንꬅያዋ አዉ ባረ ናናቶ ኦዴ።
ISA 38:20 መꬍና ጎዳይ ታና አሻና፤ ሄዋ ድራዉ፥ ኑን ኑ ደኡዋ ላይꬃ ኡባን፥ መꬍና ጎዳ ጎልያን ባቀቴዳ ክርያን ዋጸቴዳ ዲꬃን የጻና።
ISA 38:21 ሀዋፐ ካሰ እስያስ፥ “ባላስያ ቴራ ዳጺደ፥ አ ጋፉዋ ቦላ ዎꬅተ። ያቶፐ፥ እ ፓጻና” ያግ ዎꬄዳ።
ISA 38:22 ህዝቂያስካ፥ “ታን ፓጻደ መꬍና ጎዳ ጌሻ ጎልያ ፑደ ከሳናዎ ማላታይ አዬ” ያግ ኢስያሳ ኦች ዎꬄዳ።
ISA 39:1 ሄ ዎደ፥ ባላዳና ናአይ፥ ባብሎነ ካቲ ማሮዳክ ባላዳን፥ ህዝቂያስ ሀርጊደ ፓጼዳዋ ስሴዳ ድራዉ፥ ዳብዳቢያነ እሙዋ ህዝቂያሳዉ የዴዳ።
ISA 39:2 ህዝቂያስ ኪተቲደ ዬዳ አሳቱዋ ሞኬዳ። ያቲደ ባረ ሻሉዋ ምንጅያ ጎልያን ደእያ ብራ፥ ዎርቃ፥ ሳዉዋ፥ አልኦ ዛይትያ፥ ባረ ኦላ ሚሻነ ባረ ሻሉዋ ምንጅያ ጎልያን ደእያዋ ኡባ ኡንቱንታ በሴዳ። ባረ ሶን ዎይ ባረ ካዉተꬃ ግዶን ደእያዋ ኡባፐ ህዝቂያስ ኡንቱንታ በሰናን አጌዳባይ አያይነ ባዋ።
ISA 39:3 ሄዋፐ ጉይያን፥ ትምቢትያ ኦድያ እስያስ ካትያ ህዝቂያሳኮ ዪደ፥ “ሀ አሳቱ ዋጌድኖ? ኡንቱንቱ ሀቃፐ ዬድኖ?” ያግ ኦቼዳ። ህዝቂያስ፥ “ኡንቱንቱ ታኮ ሃኮ ጋድያፐ፥ ባብሎነፐ ዬድኖ” ያጌዳ።
ISA 39:4 እስያስ ቃይካ፥ “ኡንቱንቱ ነ ሶን አያ አያ በኤድኖ?” ያጌዳ። ህዝቂያስ፥ “ኡንቱንቱ ታ ሶን ደእያ ኡባባ በኤድኖ፤ ታ ሻሉዋ ምንጅያ ጎልያን ደእያባፐ ታን ኡንቱንታ በሳቤናባይ አያይነ ባዋ” ያጌዳ።
ISA 39:5 ሄዋፐ ጉይያን፥ እስያስ ህዝቂያሳ፥ “ኡባፐ ዎልቃማ መꬍና ጎዳይ ግያዋ ስሳ።
ISA 39:6 መꬍና ጎዳይ ሀዋዳን ያጌ፤ ‘ነ ካትያ ጎልያን ደእያባይ ኡባባይነ ነ ማይዛ አዎቱ ሀች ጋካናዉ ሺሼዳባይ ኡባባይ ኡባና ኦሞደቲደ፥ ባብሎነ ቢታ ባና ጋላሳቱ ያና፤ አፐ አያይነ አተና።
ISA 39:7 ቃይ ነዉ የለታና፥ ነ አሾነ ነ ሱꬃ ግድያ፥ ነ አቱማ ዛራቱዋፐካ ኦሞደቲደ ባና፤ ቢደ ባብሎነ ካትያ ጎልያን ጎይሮ ግዲደ ኦꬃና’ ያጌ” ያጌዳ።
ISA 39:8 ህዝቂያስ ዛሪደ፥ “ኔን ኦዴዳ መꬍና ጎዳ ቃላይ ሎአ” ያጌዳ። አያዉ ጎፐ፥ ህዝቂያስ፥ “ታን ደኤዳ ላይꬃን ሳሩነ ዎፓይ ደአና ግደኔ” ያግ ቆፔዳ።
ISA 40:1 ህንተ ጾሳይ ሀዋዳን ያጌ፤ “ታ አሳ ምንꬅተ! ምንꬅተ!
ISA 40:2 የሩሳላመዉካ፥ እዛ ኦሞዱዋን ደኤዳ ዎዲ ፖለቴዳዋ፥ እዝ ናጋራይ አቶ ጌተቴዳዋ ኦድተ፤ እዝ ናጋራ ድራዉ፥ መꬍና ጎዳይ እዞ ላኡ ዳኩዋ ሙሬዳዋ ኦድተ” ያጌ።
ISA 40:3 እት ሀዋዳን ያግያ ኮሻ ስሰቴ፤ “መላ ቢታን መꬍና ጎዳ ኦግያ ጊግስተ፤ ኑ ጾሳዉ መላ ጋድያን አኮ ኦግያ ስት ኦꬅተ።
ISA 40:4 ዎምባ ኡባይ ꬎቁ ጋና፤ ደሪ ኡባይነ የዉ ኡባይ ዝቂ ጋና። ባዬዳ ኦጊ ሳላላና፤ ኮርጱኮርጳ ቢታይካ ደምባታና።
ISA 40:5 ሄ ዎደ፥ መꬍና ጎዳ ቦንቹ ቆንጫና፤ አሹዋ ማዬዳ ኡባይ ሄዋ እትፐ በአና። አያዉ ጎፐ፥ መꬍና ጎዳ ዶናይ ሄዋ ሃሳዬዳ” ያጌ።
ISA 40:6 እት ኮሻይ፥ “ዋሳ!” ያግያዋ ስሳድ። ታን፥ “ዋጋደ ዋሶ?” ያጋድ። “አሳይ ኡባይ ማታ ማላ፤ አ ቦንቹ ኡባይካ ደምባ ጪሻ ማላ።
ISA 40:7 መꬍና ጎዳይ ባረ ሸምፑዋ አ ቦላን ሸምፕያ ዎደ፥ ማታይ መሌ፤ ጪሻይካ ቆቆፈቴ። አሳይ ቱሙ ማታ ማላ።
ISA 40:8 ማታይ መሌ፤ ጪሻይካ ቆቆፈቴ፤ ሽን ኑ ጾሳ ቃላይ መꬍናዉ ኤቂደ ደኤ” ያጋ ዋሳ።
ISA 40:9 ኔኖ ምሽራቹዋ ኦድያ ጽዮኔ፥ ꬎቃ ደርያ ፑደ ከሳ፤ ነኖ ምሽራቹዋ ኦድያ የሩሳላመ፥ ነ ኮሻ ዎልቃፐ ꬎቁ ኦꬃ፤ ያዮፓ፤ ꬎቁ ኦꬃ፤ ያታደ ይሁዳ ካታማቶ፥ “ህንተ ጾሳይ ሀዌኮ” ያጋ ኦዳ።
ISA 40:10 በእተ፥ ኡባ ሞድያ መꬍና ጎዳይ ዎልቃና ዬ፤ አ ቀሲ አዉ ሞዳና። በእተ፥ አ ዎይታይ አናና ደኤ፤ አ ኦሱዋ ጋቲካ አ ስንꬃና።
ISA 40:11 እ ባረ ዉድያ ሄንꬃንቻዳን ምዜ፤ ባረ ዶርሳ ማራቱዋካ ባረ ቀስያን ሺሺደ፥ ባረ ክዉዋን እድማና። ꬋንꬅያዋንታካ ሎዳን ካለꬃና።
ISA 40:12 ሃꬃቱዋ ባረ ኩሽያ ኮጵያን ማኬዳዌ፥ ሳሎቱዋ ታካꬍያን ልኬዳዌ፥ ቢታ ባና ቁንኣን ማኬዳዌ፥ ቃይ ደረቱዋነ ዞዘቱዋካ ሚዛናን ልኬዳዌ ኦኔ?
ISA 40:13 መꬍና ጎዳ አያና አዛዜዳዌ፥ ዎይ አ ዞርያዋ ግዲደ ታማርሴዳዌ ኦኔ?
ISA 40:14 እ ባረዉ ቆንጫናዳን፥ መꬍና ጎዳይ ኦናና ዞረቴዴ? ዎይ አ ሱረ ፕርዳ ኦግያ ታማርሴዳዌ ኦኔ? ዎይ አ አꬌዳ ኤራተꬃ ታማርሴዳዌ ዎይ አ አኬካ ኦግያ በሴዳዌ ኦኔ?
ISA 40:15 በእተ፥ ካዉተꬃቱ ባሬታ ግዶን ደእያ እት ጾክያ ሃꬃ ማላ። ኡንቱንቱ ሚዛናን ደእያ ጉꬃ ባናዳን ፓይደቴድኖ። በእተ እ ዳጋቴዳ ሃꬃካ ሊቆ ባናዳን ማዛኔ።
ISA 40:16 ሊባኖሳ ምꬃይ አዉ ኤꬃናዉ ግደና፤ አን ደእያ ዶአቱካ ጹግያ ያርሾ ግድክኖ።
ISA 40:17 ካዉተꬃቱ ኡባይ አ ስንꬃን ባይናዋ ማላ፤ ኡንቱንቱ አ ስንꬃን ኡባ ባይናባፐካ ጉꬃዳን ፓይደቲኖ።
ISA 40:18 ያትና፥ ጾሳ ህንተ ኦናና ማላትሲቴ? ዎይ አይ ምስለቱዋና ልኪ ጼሊቴ?
ISA 40:19 ኤቃ ምስልያ ግዶፐ፥ ኩሽያ ሂላ ኤርያ አሳይ አ ማሴ፤ ሄዋ ቃይ ዎርቃ ትግያዌ ዎርቃን ሼሼ፤ ብራ ትግያዌካ አ ቦላ ብራ ሳንሳላታ መꬌ።
ISA 40:20 ሄዎ ሻሉ ባይና ህዬሳይ ያርሾ ዎቀና ምꬃ ዶሬ፤ ያቲደ፥ ሄ ምስሊ ቃጸናዳን ኤሳናዉ ኩሽያ ሂላ ኤርያ አሳ ኮዬ።
ISA 40:21 ኤርበይክቴ? ዎይ ስስበይክቴ? ሀዌ ህንተንቶ ኮይሮፐ ኦደትቤኔ? ዎይ ሳአይ መቶደፐ ሀዋ ህንተ አኬክበይክቴ?
ISA 40:22 እ ቢታ ዩሹዋፐ ቦላ ባጋን ባረ አራታን ኡቴ፤ ጋድያን ደእያዋንቱ አ ስንꬃን ቡምቡረꬃ ማላ። ሳሎቱዋ ጋርዱዋዳን ፕድ ኦꬅያዌ፥ ቃይ ደኢያሳ ኦꬂደ፥ ዱንካንያዳን ቶልያዌ፥
ISA 40:23 ካፓቱዋ ባይናባዳን ኦꬅያዌ፥ ቢታ ካለꬅያዋንታካ ሀዳ ኦꬅያዌ አ።
ISA 40:24 ብሮ ኡንቱንቱ ቶከቶሳናነ ዘረቶሳና፥ ቃይ ጻጱዋካ ብሮ ጋድያን የዶሳና፥ ጾሳይ ኡንቱንቱ ቦላ ጫርኩዋ የድ አጌዳ፤ ኡንቱንቱካ መሌድኖ፤ ጎቲ ኡንቱንታ ሱላዳን አፌዳ።
ISA 40:25 ጌሻይ ኡንቱንታ፥ “ያትና፥ ታን አናና ልከታናዉ ታና ኦናና ማላትሲቴ?” ያጌ።
ISA 40:26 ህንተ አይፍያ ꬎቁ ኦꬂደ፥ ሳሉዋ ጼልተ፤ ሄ ጾልንተቱዋ መꬌዳዌ ኦኔ? እ ኡንቱንታ ኦላንቻዳን ካለꬄ፤ ኡንቱንቱ ፓይዱዋካ ኤሬ። እ ኡንቱንታ ኡባካ ኡንቱንቱ ሱንꬃን ሱንꬃን ጼሴ። አ አንጋ ግታተꬃፐነ አ ዎልቃ ምኖተꬃፐ ደንዴዳዋን፥ ኡንቱንቱፐ እቱነ ꬋየና።
ISA 40:27 ኔኖ ያቆባ፥ ነኖ እስራኤልያዉ፥ “ታ ኦጊ መꬍና ጎዳፐ ጌሜዳ፤ ጾሳይ ታ ፕርዳ ሸነኮ ጌዳ” ያጋ አያዉ አማሳላይ? ቃይ አያዉ ሀዋዳን ሃሳያይ?
ISA 40:28 ኤራበይኪ? ስሳበይኪ? መꬍና ጎዳይ መꬍና ጾሳ፤ እ ቢታ ኡባካ መꬌዳዋ። እ ዳቡረና፤ ዎይ ዎልቃይ አዉ ዉረና፤ ኦንነ አ ቆፋ ኤራናዉ ዳንዳየና።
ISA 40:29 ዳቡራንቻዉ ዎልቃ እሜ፤ ምኖተꬃይ ባይናዎካ ምኖተꬃ ጉጄ።
ISA 40:30 ሀራይ አቶ ያላጋ ናናይካ ዳቡሪኖ፤ ቃይ ዎልቃ ዉሪኖ። ዎዳላቱካ ኡባና ዳቡሪደ ኩንዲኖ።
ISA 40:31 ሽን መꬍና ጎዳ አማነቲደ ናግያዋንቱ፥ ባረንቱ ዎልቃ ኦራꬃና። ኡንቱንቱ አርጋንꬃቱዋዳን፥ ቀፍያን ፑደ ከሳና፤ ዎጺደ ዳቡርክኖ፤ ሀመቲደካ ዎልቃ ዉርክኖ።
ISA 41:1 ጾሳይ ሀዋዳን ያጌ፤ “ህንተኖ አባ ዶናን ደእያ ቢታቶ፥ ጮኡ ጊደ፥ ታን ኦድያዋ ስስተ! አሳይ ባረንቱ ምኖተꬃ ኦራጽስኖ፤ ኡንቱንቱ ሃ ሺቂደ ሃሳዪኖ። አነ ኑን ፕርደታናዉ እትፐ ሺቆይተ።
ISA 41:2 “ብያሳ ኡባን ጾንያ እቱዋ አዋይ ዶልያ ባጋፐ ደንꬄዳዌ ኦኔ? እ ካዉተꬃቱዋ አ ስንꬃን አꬂደ እሜ፤ ያትና፥ እ ካተቱዋ ገድያፐ ጋርሳና የꬌ። እ ኡንቱንታ ባረ ማሻን ባናዳን ኦꬄ፤ ቃይ ባረ ዎንዳፍያን ሱላዳን ኦꬄ።
ISA 41:3 እ ኡንቱንታ የደርሲደ፥ አ ገዲ ካሰ የꬍቤና ኦግያናካ ሳሮ አꬌ።
ISA 41:4 ሀዋ ኦꬄዳዌነ ፖሌዳዌ ቃይ የለታቱዋካ ኮይሮፐ ጼሴዳዌ ኦኔ? ታን መꬍና ጎዳይ፥ ኮይሩ፥ ዉርሰꬃዋንቱናካ ደእያዌ፥ ታን አ” ያጌ።
ISA 41:5 አባ ዶናን ደእያ ቢታቱ በኢደ ያዬድኖ፤ ሳኣ ጋጻቱካ ኮኮሬድኖ። ኡንቱንቱ እትፐ ሺቂደ፥ ታኮ ዬድኖ።
ISA 41:6 አሳ ኡባይ ባረ ሾሩዋ ሾሩዋ ማዴ፤ ቃይ ባረ እሻ፥ “ምና” ያጌ።
ISA 41:7 ኩሽያ ሂላንቻይ ዎርቃ ትግያዋ ምንꬄ፤ ማዶሻን ሌእስያዌ ባቻን ብራታ ሴርስያዋ፥ “ምና” ያጌ። እ ብራታ እትፐ ጋꬅያዋ፥ “ሀዌ ሎአ” ያጌ፤ ቃይ ሄ ኤቃይ ቃጸናዳን፥ ኡንቱንቱ ምስማርያን ꬎጊኖ።
ISA 41:8 ጾሳይ ሀዋዳን ያጌ፥ “ሽን ነኖ እስራኤልያዉ፥ ታ ቆማዉ፥ ታን ዶሬዳ ያቆባ፥ ታ ዳቡዋ አብራሃማ ዛርያዉ፥
ISA 41:9 ታን ኔና ቢታ ጋጻፐ አካደ፥ ቃይ ዉርሰꬃ ሃኮ ሳፐ ጼሳደ፥ ‘ኔን ታ ቆማ’ ያጌዳዎ፥ ታን ኔና ዶራድ፤ ቃይ ታን ኔና ኦልከ።
ISA 41:10 ታን ኔናና ደእያ ድራዉ ያዮፓ፤ ታን ነ ጾሳ ግድያ ድራዉ ዳጋሞፓ። ታን ኔና ምንሳና፤ ቃይ ታን ኔና ማዳና። ታን ኔና ታ ጾንያ ኡሸቻ ኩሽያን ዘምፕሳደ ኦይቃና።
ISA 41:11 “በአ፥ ኔና ሀንቀትያ ኡባይ ዬላቲደ ካዉሻና፤ ኔናና ኤቀትያዋንቱ ካሰካ ባይናዋዳን ሀኒደ ꬋያና።
ISA 41:12 ኔናና ዋላቀትያዋንታ ኔን ኮያና፤ ሽን ኔን ኡንቱንታ ደማካ። ኔናና ኦለትያዋንቱ ካሰካ ባይናባዳን፥ ሹፉሮ ግዲደ ꬋያና።
ISA 41:13 አያዉ ጎፐ፥ ታን መꬍና ጎዳይ፥ ነ ጾሳይ፥ ነ ኡሸቻ ኩሽያ ኦይቃና። ኔና፥ ‘ያዮፓ፥ ታን ኔና ማዳና።
ISA 41:14 ኔኖ ጉጹንያዉ፥ ያቆባ፥ ህንተኖ እስራኤልያ አሳዉ፥ ያዮፕተ፤ ታን ህንተና ማዳና። መꬍና ጎዳይ፥ ህንተና ዎዝያዌ፥ እስራኤልያ ጌሻ’ ያጋይ።
ISA 41:15 በአ፥ ታን ኔና ኦራꬃ፥ ቃራነ አቻና ደእያ፥ ቆጻናዉ ጎኤትያ ሚሻ ኦꬃድ። ኔን ደረቱዋ ቆጻደ ሊቅሳና፤ ዞዘቱዋካ ሱላዳን ኦꬃና።
ISA 41:16 ኔን ኡንቱንታ ፑናና፤ ጫርኩ ኡንቱንታ አፋና፤ ጎቲካ ኡንቱንታ ላላና። ሽን ኔን መꬍና ጎዳን ናሸታና፤ ቃይ እስራኤልያ ጌሻን ቦንቼታና።
ISA 41:17 “ህዬሳቱነ መቶታንቻቱ ሃꬃ ኮይና ኡንቱንቶ ꬋይያ ዎደ፥ ቃይ ኡንቱንቱ ኮኪካ ሳሙዋን መልያ ዎደ፥ ታን መꬍና ጎዳይ ኡንቱንታ ስሳና፤ ታን፥ እስራኤልያ ጾሳይ ኡንቱንታ አግከ።
ISA 41:18 ታን መላ ꬎቃ ሳአቱዋን ሻፋ፥ ቃይ ዎምባቱዋ ግዶንካ ፑልቱዋ ꬉሳና። መላ ቢታይ ሃꬃይ ኤልያሳ፥ ቃይ መላ ቢታካ ሃꬃይ ꬉቂያሳ ኦꬃና።
ISA 41:19 ባዙዋን ዝጋነ ጉጋንꬃ፥ ባርሴነትያነ ዛይትያ ዎጋራ ዶልሳና። ቃይካ ባዙዋን ጽድያ፥ ኦዶሩዋነ ዎጋራ እትፐ ዎꬃና ያጌ።
ISA 41:20 እስራኤልያ ጌሻይ ሄዋ መꬌዳዋ፥ ቃይ መꬍና ጎዳ ኩሺ ሄዋ ኦꬄዳዋ አሳይ በአናነ ኤራና ማላ፥ ቃይ ቆፓናነ እትፐካ አኬካና ማላ፥ ታን ሄዋ ኦꬃድ።
ISA 41:21 “መꬍና ጎዳይ፥ ‘አነ ህንተ ሞቱዋ ሃ አꬅተ’ ያጌ። ያቆባ ካቲ፥ ‘አነ ህንተ ጋሱዋካ ሃ አህተ’ ያጌ።
ISA 41:22 አነ ኡንቱንቱ ባረንቱ ምስለቱዋ ሃ አይና፥ አያይ ሀናናዉ ደእንቶ፥ ኡንቱንቱ ምስለቱ ኑዉ ኦድኖ። ኑን አኬካና ማላነ ኡንቱንቱ ዉርሰꬃካ ኤራና ማላ፥ ካሰ የዎቱ አየንቶ ኑዉ ኦድተ፤ ዎይ ቃይ ስንꬃፐ ትምቢትያ ኑዉ አዋይተ።
ISA 41:23 ህንተ ጾሳቱዋ ግድያዋ ኑን ኤራና ማላ፥ ስንꬃፐ ያናዉ ደእያዋ ኑዉ ኦድተ። ኑን ዳጋማና ማላነ ያያና ማላ፥ ሎኦ ግድና ኢታ ግድና፥ አነ እትባ ኦꬅተ።
ISA 41:24 በእተ፥ ህንተ ባይናዋ ማላ፤ ህንተ ኦሱካ ሀዳ። ህንተና ዶርያ አሳይካ ባረዉ ሸነይያዋ።
ISA 41:25 “ታን ሁጲሳ ባጋፐ እቱዋ ደንꬃድ፤ እ ዬዳ። ቃይ ታ ሱንꬃ ጼስያ እቱ አዋይ ዶልያ ባጋፐ ያና። ኡርቃ መꬍያዌ ኡርቃ የꬍያዋዳን፥ እ ካለꬅያዋንታ የꬋና።
ISA 41:26 “ሀዋ ኑን ኤራና ማላ፥ ኮይሮ ኑዉ አዋዬዳዌ ኦኔ? ዎይ ኑን፥ ‘እ ልከ’ ጋና ማላ፥ ካሰቲደ ኑዉ ኦዴዳዌ ኦኔ? ኦንነ ሀዋ ኦዴዳዌ ባዋ፤ ኦንነ ትምቢትያ ኦድቤና። ቃይ ህንተ ቃላካ ስሴዳዌ ባዋ።
ISA 41:27 ታን ሀዋ ካሰታደ ጽዮንዉ አዋያድ፤ ቃይ ታን የሩሳላመዉካ ምሽራቹዋ ኦድያዋ እማድ።
ISA 41:28 ሽን ታን ጼሌዳ ዎደ እቱነ ባዋ፤ ታን ዞርያ ኦችያ ዎደ፥ ኡንቱንቱ ምስለቱዋ ግዶን ዛሩዋ እምያ እቱነ ባዋ።
ISA 41:29 በእተ፥ ኡንቱንቱ ኡባይካ ሀዳ፤ ኡንቱንቱ ኦሱካ መላ፤ ሲልሲደ መꬌዳ ኡንቱንቱ ምስለቱ መላ ጫርኩዋ” ያጌ።
ISA 42:1 ታን ዘምፕሳደ ኦይኬዳ ታ ቆማይ፥ ታ ሸምፑ አን ናሸትያዌ፥ ታን ዶሬዳዌ ሀዎኮ። ታን ታ አያና አ ቦላ ዎꬃድ፤ እ ካዉተꬃቶ ሱረ ፕርዳ አሀና።
ISA 42:2 እ ዋሰና፤ ዎይ ባረ ቃላ ꬎቂሰና፤ ዎይ ቃይ ባረ ቃላ ኦግያን ስሰና።
ISA 42:3 ትንጨቴዳ ሾምቦቁዋ እ መንና፤ ቃይ ሊአካቲደ ኤጽያ ሙቃዳካ እ ቶይሰና። እ አማነቲደ፥ ሱረ ፕርዳ አሀና።
ISA 42:4 እ ቢታን ሱረ ፕርዳ ኤሰናን ደኢደ አገና፤ ዎይ ጉየ ጌና። አባ ዶና ቢታቱዋን ደእያ አሳይ ኡባይ አ ህግያ ስሳናዉ ናጌ።
ISA 42:5 ጾሳይ መꬍና ጎዳይ፥ ሳሎቱዋ መꬊደ ምጬዳዌ፥ ሳኣነ ሳኣፐ ከስያዋ ኡባ ኦꬄዳዌ፥ ሳኣን ደእያ አሳዉ ሸምፑዋ እምያዌ፥ አን ሀመትያ ኡባዉ ደኡዋ እምያዌ ሀዋዳን ያጌ፤
ISA 42:6 “ታን መꬍና ጎዳ፤ ታን ኔና ጽሎተꬃን ጼሳድ፤ ታን ነ ኩሽያ ኦይቃደ፥ ኔና ናጋና። ታን ኔና ካዉተꬃቶ ፖኦ ኦꬃደ፥ ቃይ አሳዉካ ጫቁዋ ኦꬃደ እማና።
ISA 42:7 ኔን ቆቅያ አይፍያ ዶያና ማላ፥ ኦሞደቴዳዋንታ ኦሞዱዋ ጎልያፐ ከሳና ማላ፥ ꬉማን ደእያዋንታካ ቃሾ ጎልያፐ ከሳና ማላ፥
ISA 42:8 ታን መꬍና ጎዳ፤ ሄዌ ታ ሱንꬃ። ታ ቦንቹዋ ታን ሀራዉ እምከ፤ ታ ጋላታካ ማሰቲደ ጊጌዳ ምስለቶ እምከ።
ISA 42:9 በእተ፥ ካሰ ታን ኦዴዳዋንቱ ኡባይ ፖለቴድኖ። ሀእ ቃይ ታን ኦራꬃባ አዋያይ፤ ኡንቱንቱ ሀናናፐ ካሰታደ ታን ህንተንቶ ኦዳይ” ያጌ።
ISA 42:10 መꬍና ጎዳዉ ኦራꬃ ማዝሙርያ የጽተ፤ ቢታ ጋጻፐ ዶሚደ፥ አ ጋላታ ኦድተ። አባ ቦላን ብያዋንቱነ፥ አን ኩሜዳ ኡባይካ አነ ዋስኖ። አባ ዶና ቢታቱነ ኡንቱንቱን ደእያ ኡባይካ የጽኖ።
ISA 42:11 መላ ቢታይነ ባዙዋን ደእያ ካታማቱ፥ ቃይ ቄዳረ አሳይ ደእያ ሞꬃቱካ፥ ባረንቱ ቃላ ꬎቁ ኦꬅኖ። ሰላአ ግያ ካታማን ደእያዋንቱካ፥ ደርያ ሁጲያፐ ባረንቱ እልልሳ ስስኖ።
ISA 42:12 ኡንቱንቱ ቦንቹዋ መꬍና ጎዳዉ እምኖ፤ አ ጋላታካ ጋጻ ቢታቱዋን አዋይኖ።
ISA 42:13 መꬍና ጎዳይ ምኖ አሳዳን ከሳና፤ ኦላንቻ አሳዳን፥ እ ባረ ሀንቁዋ ደንꬃና። እ ዋሳና፤ ባረ ቃላካ ꬎቁ ኦꬂደ አዋያና። እ ምኖ ግድያዋ ባረ ሞርከቱዋ በሳና።
ISA 42:14 ጾሳይ ሀዋዳን ያጌ፤ “አዱሳ ዎድያፐ ታን ሳሩዋን ታካድ፤ ጮኡ ጋደ ዳንዳያድ። ሀእ የሉ ኦይኬዳ ምሽራቲዳን፥ ታን ዋሳና፤ ቶካ ቶካደ ሸምፓናነ ፔኑቃና።
ISA 42:15 ታን ደረቱዋነ ዞዘቱዋ ላላና፤ ኡንቱንቱን ሞኬዳዋ ኡባ መልሳና። ሻፋቱዋ መላ ከሳና፤ ደልኤቱዋካ መልሳና።
ISA 42:16 “ታን ቆቀቱዋ ኡንቱንቱ ኤረና ኦግያና አሀና፤ ኡንቱንቱ ኤረና ሎሱዋናካ ካለꬃና። ኡንቱንቱ ስንꬃን ደእያ ꬉማ ፖኦ ላማና፤ ኮርጱኮርጳ ሳኣካ ሳላልሳና። ሄዋንታ ታን ኡንቱንቶ ኦꬃና፤ ታን ጌዳ ሀ የዎቱዋ ኦናን አግከ።
ISA 42:17 ሽን ማሲደ ጊግሴዳ ምስለቱዋን አማነትያዋንቱ፥ ቃይ ሲልሲደ ጊግሴዳ ምስለቱዋ፥ ‘ህንተ ኑ ጾሳቱዋ’ ያግያዋንቱ፥ ጉየ ስማና። ኡንቱንቱ ሙለ ዬላታና” ያጌ።
ISA 42:18 ጾሳይ ሀዋዳን ያጌ፤ “ህንተኖ ቱለቶ፥ ስስተ፤ ህንተኖ ቆቀቶ፥ ህንተ በአና ማላ ጼልተ።
ISA 42:19 ታ ቆማፐ ሀራ ቆቂ ኦኔ? ታን ኪትያ ኡራፐ ሀራ ቱሊ ኦኔ? ጾሳዉ ዱማቴዳ ኡራዳን፥ ዎይ መꬍና ጎዳ ቆማዳን ቆቃይ ኦኔ?
ISA 42:20 ዳሮባ ጼሊታ፤ ሽን አኬክክታ። ህንተንቱ ሀይꬃቱካ ዶያ፤ ሽን ስስክኖ” ያጌ።
ISA 42:21 መꬍና ጎዳይ ባረ ጽሎተꬃ ድራዉ፥ ባረ ህግያ ግታያናዉነ ቦንቻናዉ ዶሴዳ።
ISA 42:22 ሽን ሀዌ አሳይ ቦንቀቴዳነ ዎꬅ አከቴዳ። ኡንቱንቱ ኡባይካ ዲዛን ኦይቀቲደ፥ ቃሾ ጎልያን ቆሰቴድኖ። ኡንቱንቱ ቦንቀቴድኖ፤ ሽን ኡንቱንታ አሽያዌ ባዋ። ቃይ ኦሞደቴድኖ፤ ሽን ኦንነ፥ “ዛርተ” ያግያዌ ባዋ።
ISA 42:23 ህንተ ግዶፐ ሀዋ ስሳናዌ ኦኔ? ቃይ ስንꬃፐ ያና ዎድያባ ሀይዛናዌ ኦኔ?
ISA 42:24 ያቆባ ኦሞድያዎ፥ እስራኤልያ ቦንቂያዎ አꬂደ እሜዳዌ ኦኔ? አ ቦላን ኑን ናጋራ ኦꬄዳ፥ አ ኦግያን ኡንቱንቱ ቤናን እጼዳነ አ ህግያዉካ ኡንቱንቱ አዛዘተናን እጼዳ መꬍና ጎዳ ግደኔየ?
ISA 42:25 ሄዋ ድራዉ፥ እ ኡንቱንቱ ቦላ ባረ ሀንቁዋ ሱሉዋነ ያሽያ ኦላ ጉሴዳ፤ እ ኡንቱንቱ ዩሹዋን ታማ ኤꬄዳ፥ ሽን ኡንቱንታ ኤርበይክኖ፤ እ ኡንቱንቱ ጹጌዳ፤ ሽን ኡንቱንቱ አኬክበይክኖ።
ISA 43:1 ሽን ነኖ ያቆባ ኔና መꬌዳዎ፥ ነኖ እስራኤልያዉ፥ ኔና ጊግሴዳ መꬍና ጎዳይ ሀዋዳን ያጌ፤ “ታን ኔና ዎዜዳ ድራዉ ያዮፓ። ታን ኔና ነ ሱንꬃን ጼሳድ፤ ኔን ታዋ።
ISA 43:2 ኔን ሃꬃ ግዱዋና ፕንያ ዎደ፥ ታን ኔናና ግዳና። ኔን ሻፋቱዋ ግዱዋና ፕንያ ዎደካ ኡንቱንቱ ኔና ሙክክኖ። ኔን ታማ ግዶና አꬍያ ዎደ፥ ጹገታካ፤ ላጩካ ኔና ሜና።
ISA 43:3 አያዉ ጎፐ፥ ታን ኔና አሽያ እስራኤልያ ጌሻ፥ መꬍና ጎዳ ነ ጾሳ። ታን ግብጼ ነዉ ዎዞ ኦꬃደ፥ ቶጵያነ ሳባ ነ ላምያ ኦꬃደ እማና።
ISA 43:4 ኔን ታ ስንꬃን አልአነ ቦንቾ ግድያ ድራዉነ፥ ታንካ ኔና ሲቅያ ድራዉ፥ ነ ላምያዉ አሳ፥ ነ ሸምፑዋ ላምያዉካ ካዉተꬃቱዋ እማና።
ISA 43:5 “ታን ኔናና ደእያ ድራዉ ያዮፓ፤ ታን ነ ዘረꬃቱዋ ዉላሃፐነ ዶላሃፐ ሺሻደ አሀና።
ISA 43:6 ታን ሁጲሳ ባጋ፥ ‘ኡንቱንታ ዛራደ አሀ!’ ያጋና። ገድሳ ባጋካ፥ ‘ኡንቱንታ ተኦፓ’ ያጋና። ታ አቱማ ናናቱዋ ሃኩዋፐ፥ ታ ማጫ ናናቱዋካ ሳኣ ጋጻፐ አሀና፤
ISA 43:7 ታ ሱንꬃን ጼገቴዳ ኡባቱዋ፥ ታን ታ ቦንቾ መꬌዳዋንታ፥ ታን ጊግሴዳዋንታነ ኦꬄዳዋንታ ሀምተ” ያጋና።
ISA 43:8 አይፊ ደእሽን ቆቄዳ አሳቱዋ፥ ሀይꬃይካ ደእሽን ቱሌዳዋንታ ከሳ፤
ISA 43:9 ካዉተꬃቱ ኡባይ እትፐ ሺቅኖ፤ አሳይካ ሺቁዋ ኡቶ። ኡንቱንቱ ግዶፐ ሀዋ ኦዳናዉነ ካሰ አꬌዳ የዎቱዋ ኑና በሳናዉ ዳንዳይያዌ ኦኔ? ሀራ አሳይካ ስሲደ፥ “ሀዌ ቱማ” ያጋና ማላ፥ ኡንቱንቱ ልከ ግድያዋ በሳናዉ ባረንቱ ማርካቱዋ አይኖ።
ISA 43:10 መꬍና ጎዳይ ሀዋዳን ያጌ፤ “ህንተ ታ ማርካቱዋ፤ ህንተ ታና ኤራና ማላነ አማናና ማላ፥ ቃይ ታን ጾሳ ግድያዋ አኬካና ማላ፥ ታን ዶሬዳ ታ ቆማቱ ህንተና። ታፐ ካሰ ሀራ ጾስ መትቤና፤ ዎይ ታፐ ጉይያንካ ሀራ ጾስ ደኤና።
ISA 43:11 “ታናቴ፤ ታን መꬍና ጎዳ። ታፐ አትና፥ ሀራ አሽያዌ ባዋ።
ISA 43:12 ታን ኦዳድ፥ አሻድነ አዋያድ። ህንተ ግዶን ሀራ አላጋ ጾስ ደእቤና። ታን መꬍና ጎዳ ግድያዎ ታዉ ህንተ ማርካቱዋ።
ISA 43:13 ታን ጾሳ፤ ጻጱዋፐ ዶማደካ ታን ታናቴ። ታ ኩሽያፐ ኦንነ አሸና፤ ታን ኦꬄዳዋ ላማናዉ ዳንዳይያዌ ባዋ” ያጌ።
ISA 43:14 መꬍና ጎዳይ፥ ህንተና ዎዝያዌ፥ እስራኤልያ ጌሻይ ሀዋዳን ያጌ፤ “ህንተ ድራዉ፥ ባብሎነ ቦላ ኦላንቻቱዋ ኪታደ ባብሎናቱዋ ኡንቱንቱ ጬቀትያ ማርካብያና በትሳና።
ISA 43:15 ታን መꬍና ጎዳ፥ ህንተ ጌሻ፥ እስራኤልያ መꬌዳዋ፥ ህንተ ካትያ” ያጌ።
ISA 43:16 መꬍና ጎዳይ ሀዋዳን ያጌ፥ አባ ግዶን ኦግያ፥ ዎልቃማ ሃꬃቱዋ ግዶፐካ ሎሱዋ ከሲደ፥
ISA 43:17 ፓራ ጋረቱዋነ ፓራቱዋ፥ ኦላንቻቱዋነ ምኖ አሳቱዋ አባዉ አሂደ፥ ኡንቱንቱ ደንደናዳን ዛቁልሴዳ መꬍና ጎዳይ፥ ቃይ ኡንቱንቱ ሙቃዳ ላጩዋዳን ቶይሴዳ ያጌ
ISA 43:18 “ካሰ የዎቱዋ ሃሳዮፕተ፤ በንዋካ ቆፖፕተ።
ISA 43:19 በእተ፥ ሀእ ታን ኦራꬃባ ኦꬃይ፤ እካ ሀእ ሞኬ። ህንተ ሄዋ ኤርክቴየ? ታን ባዙዋን ኦግያ፥ መላ ቢታንካ ሻፋቱዋ ከሳና።
ISA 43:20 ዎራ ዶአቱ፥ ዎራካናቱነ ሳጎናቱ ታና ቦንቻና። አያዉ ጎፐ፥ ታ ጋላታ አዋያና ማላ፥ ታ ጊግሴዳነ ዶሬዳ ታ አሳዉ ታን ባዙዋን ሃꬃ፥ መላ ቢታንካ ሻፋቱዋ እማይ።
ISA 43:22 “ሽን ነኖ ያቆባ፥ ኔን ታ ሱንꬃ ጼሳባካ፤ ነኖ እስራኤልያዉ፥ ኔንካ ታና ሳለታዳ።
ISA 43:23 ኔን ታዉ ጹግያ ያርሾ ዶርሳ አሀባካ፤ ዎይ ሀራ ያርሾቱዋንካ ታና ቦንቻበይካ። ታን ኔና ካꬃ ያርሹዋ እማ ጋደ ዋይሳበይከ፤ ዎይ ቃይ እጻና እማ ጋደ ዳቡርሳበይከ።
ISA 43:24 ኔን ታዉ እጻና ሻሉዋን ሻማባካ፤ ዎይ ነ መህያ ያርሹዋ ሞꬉዋን ታና ካልሳባካ። ሽን ኔን ነ ናጋራን ታና ዋይሳዳ፤ ነ ናቁዋንካ ታና ዳቡርሳዳ።
ISA 43:25 “ታና፥ ነ ባይዙዋ ታ ድራዉ ጋደ ቁጭያዌ ታናቴ፤ ነ ናጋራካ ዛረꬃደ ሃሳይከ።
ISA 43:26 ታና ሀሳይሳ፤ አነ እትፐ ሀ የዉዋ ሞተቶይተ። ኔን ጽሉዋ ግድያዋ በአናዉ አነ ነ የዉዋ ብዳ።
ISA 43:27 ነ ኮይሮ አዉ ናጋራ ኦꬄዳ፤ ኔና ታማርስያዋንቱካ ታና ናቄድኖ።
ISA 43:28 ሄዋ ድራዉ፥ ታን ጌሻ ማቅዳስያ ካፓቱዋ ቱንሳድ፤ ያቆባ ባሻዉ፥ እስራኤልያካ ሸቃዉ አꬃደ እማድ” ያጌ።
ISA 44:1 መꬍና ጎዳይ ሀዋዳን ያጌ፤ “ታ ቆማዉ ያቆባ፥ ታን ዶሬዳ ይሽሩና፥ ሀእካ ስሳ።
ISA 44:2 ታን ኔና መꬋድ፤ ነ ዳይ ኡሉዋን ኔና ጊግሳድነ ማዳድ። ታ ቆማ ያቆባ፥ ታን ዶሬዳዎ፥ ያዮፓ።
ISA 44:3 ታን ሳመቴዳ ጋድያን ሃꬃ ጉሳና፤ መላ ቢታንካ ፑልቱዋ ጎግሳና። ታን ታ አያና ነ ናናቱ ቦላ፥ ታ አንጁዋካ ነ ዘረꬃቱዋ ቦላ ጉሳና።
ISA 44:4 ሃꬃ ዶናን ሞኬዳ ማታዳን፥ ቃይ ጎግያ ፑልቱዋ ማታን ደእያ ምꬃዳን፥ ኡንቱንቱ ሞካና።
ISA 44:5 እቱ፥ ‘ታን መꬍና ጎዳዋ’ ያጋና፤ ሀራይ ቃይ ባረና ያቆባ ሱንꬃን ጼሳና፤ ሀራይካ፥ ቃይ ባረ ኩሽያ ቦላን፥ ‘ታን መꬍና ጎዳዋ’ ያጊደ ጻፋና፤ እ ቃይ ባረና እስራኤሊ ጼሰትያ ሲቁዋ ሱንꬃን ጼሳና” ያጌ።
ISA 44:6 መꬍና ጎዳይ፥ እስራኤልያ ካቲ፥ አ ዎዝያዌ፥ ኡባፐ ዎልቃማ መꬍና ጎዳይ ሀዋዳን ያጌ፤ “ኮይሩ ታና፤ ዉርሰꬃይካ ታና። ታፐ ሀራ ጾሳይ ባዋ።
ISA 44:7 ታ ማላይ ኦኔ? ደኦፐ አነ አዋዮ፤ ቃይ አነ ታ ስንꬃን ኤቂደ ኦዶ። በንፐ ዶሚደ፥ ስንꬃፐ ያናዋ ኦድያዌ ኦኔ? አነ ኡንቱንቱ ስንꬃፐ ትምቢትያ ኑዉ ኦድኖ።
ISA 44:8 ያዮፕተ፤ ቃይ ዳጋሞፕተ። ታን ሀዋ ህንተንቶ በንፐ ዶማደ ኦዳበይክታ? ቃይ አዋያበይክታ? ሄዎ ታዉ ህንተ ማርካ። ታፐ አትና፥ ሀራ ጾሳይ ደኢ? ሀራ ዛል ባዋ፤ ታን ኦናነ ኤርከ” ያጌ።
ISA 44:9 ኤቃ ምስለቱዋ ማሲደ መꬍያ ኡባቱ ሀዳ፤ ኡንቱንቱ አን ናሸትያባቱ ኡንቱንታ ጎእክኖ። ኡንቱንቱ ማርካቱካ በእክኖነ ኤርክኖ። ሄዋ ድራዉ፥ ኡንቱንቱ ዬላታና።
ISA 44:10 ጾሳ ጊግሴዳዌ፥ ዎይ አያዉነ ጎኤና ምስልያ ማሴዳዌ ኦኔ?
ISA 44:11 በእተ፥ አ ላገቱ ኡባይ ዬላታና፤ ኩሽያ ሂላንቻቱ ኡባይ አሳ። አነ ኡንቱንቱ ኡባይካ እትፐ ሺቂደ ኤቂኖ። ኡንቱንቱ ያያና፤ ቃይ ኡንቱንቱ ኡባይካ እትፐ ዬላታና።
ISA 44:12 ብራታ ቆጽያዌ ባረ ቡክያ ብራታ ታማን ዎꬄ፤ ቦንቄዳዋ ባቻን ቆጺደ፥ ባረ ምኖ ቀስያን አ መታ ጊግሴ። ሄዋ ጊግሲደ ኮሻቴ፤ አ ምኖተꬃይካ ዉሬ። ሃꬃካ ኡሸና፤ ላባኔ።
ISA 44:13 አናጺ ዎዶሩዋን ልኬ፤ እርሳስያን አ ቦላ ማላታ ዎꬄ፤ ያቲደ ማሎግያን ልልእሴ። ልኪደ፥ ፑላና ደእያ አሳ ምስልያ ማላትስ ጊግሲደ፥ ባረ ሶን ዎꬄ።
ISA 44:14 እ ሄዋ ኦꬃናዉ ዝጋ ቃንጼ፤ ዎይ ዎላ ዎይ ጽድያ ዎራ ግዶፐ ዶሪደ ድጫናዳን ኦꬄ። ዎይ እጾፐ፥ እ ዝጋ ቶክና፥ እራይ አ ድቻናዉ ናጌ።
ISA 44:15 ሄዋፐ ጉይያን፥ እ አሳይ ኤꬅያ ምꬃ ግዴ፤ እካ አፐ ባጋ አኪደ፥ ኤꬂደ ሆኤ፤ ቃይ ባጋ ኤꬂደ፥ ኡክꬃ ኡኬ። አፐካ ጾሳ መꬊደ፥ አዉ ጎይኔ፤ ቃይ ምስልያ ማሲደ፥ አ ስንꬃን ጉፋኔ።
ISA 44:16 አፐ ባጋ ታማን ኤꬂደ፥ ቁማ ካꬄ፤ ባጋን አሹዋ ጺጺደ፥ ካሊደ ሜ። ቃይ ታማ ሆእ ስሚደ፥ “ሀሹ፥ ላ ሀዌ አያ ሆኢ!” ያጌ።
ISA 44:17 ቃይ አቴዳ ምꬃ ማሲደ፥ ባረዉ ጎይንያ ጾሳ ምስልያ ከሴ። ሄ ምስልያ ስንꬃን ጉፋኒደ፥ አዉ ጎይኔ፤ ያቲደ፥ “ኔን ታ ጾሳ ግዴዳ ድራዉ፥ ታና አሻ” ያጊደ ዎሴ።
ISA 44:18 ኡንቱንቱ አይነ ኤርክኖ፤ አይነካ አኬክክኖ። አያዉ ጎፐ፥ ኡንቱንቱ በኤና ማላ፥ ኡንቱንቱ አይፊ ጎዘቴዳ፤ ቃይ አኬከና ማላ፥ ኡንቱንቱ ዎዛናይካ ጎርደቴዳ።
ISA 44:19 ኤቃ ኦꬅያ አሳይ ባረ ዎዛናን፥ “አፐ ባጋ ታማን ኤꬃድ፤ አ ቦንቁዋንካ ኡክꬃ ኡካድ፤ አሹዋካ አን ጺጻደ ማድ። ያትና፥ አፐ አቴዳዋ ሸነይያ ኤቃ ኦꬃደ መꬎ? ቃይ ምꬃ ሙዶ ጉፋናደ ጎይኖ?” ያግያ ኤር ዎይ አኬክ ኦስነ ባዋ።
ISA 44:20 እ ብድንꬃ ሜ፤ አ ጭመቴዳ ዎዛናይ አ ዎራ ካለꬄዳ። እ ባረ ሸምፑዋ አሻናዉ ዎይ፥ “ታ ኡሸቻ ኩሽያን ደእያዌ ዎርዱዋ ግደኔ?” ጋናዉ ዳንዳየና።
ISA 44:21 ጾሳይ ሀዋዳን ያጌ፤ “ያቆባ፥ ነኖ እስራኤልያዉ፥ ኔን ታ ቆማ ግድያ ድራዉ፥ ሀ የዎቱዋ ሀሳያ። ታን ኔና ጊግሳድ፤ ኔን ታ ቆማ። ኔኖ እስራኤልያዉ፥ ታን ኔና ዶግከ።
ISA 44:22 ታን ነ ባይዙዋ ሻርያዳን፥ ነ ናጋራካ ጫጋናዳን ቁጫድ። ታን ኔና ዎዜዳ ድራዉ፥ ታኮ ስማ” ያጌ።
ISA 44:23 ህንተኖ ሳሎቶ፥ መꬍና ጎዳይ ሀዋ ኦꬄዳ ድራዉ፥ ናሸቻን የጽተ። ህንተኖ ቢታ ጪማቶ፥ እልልተ። ህንተኖ ደረቶ፥ ዎራዉነ አ ግዶን ደእያ ምꬃ ኡባዉ፥ ማዝሙርያ ክንችተ። አያዉ ጎፐ፥ መꬍና ጎዳይ ያቆባ ዎዜዳ፤ ቃይ እስራኤልያ ግዶንካ እ ቦንቼታና።
ISA 44:24 ኔና ዎዝያዌ፥ ዳይ ኡሉዋን ኔና መꬌዳዌ መꬍና ጎዳይ ሀዋዳን ያጌ፤ “ታን መꬍና ጎዳ፥ ኡባ የዎቱዋ መꬌዳዋ፤ ሳሎቱዋ ታረካ ምጬዳዌ፤ ሳኣካ ታረካ ምጬዳዌ ታና።
ISA 44:25 ታን ዎርዱዋ ትምቢትያ ኦድያዋንቱ ማላታ ሀዳ ኦꬃይ፤ ቃይ ሻሬቾቱዋካ ኤያ ከሳይ። ታን አꬌዳ ኤራንቻቱዋ ጉየ ዛራይ፤ ኡንቱንቱ ኤራካ ኤያ ኦꬃይ።
ISA 44:26 ታን ታ ቆማ ቃላ ምንꬃይ፤ ታ ኪቴዳዋንቱ ሀናና ጌዳዋካ ፖላይ። ታን የሩሳላመ ካታማ፥ ‘ኔን አሳይ ደኢያሳ ግዳና’ ያጋይ፤ ይሁዳ ካታማቱዋካ፥ ‘ህንተ ስሚደ ኬጸታና፤ ህንተ ግምቢያካ ኦራጽሳና’ ያጋይ።
ISA 44:27 ታን ሃꬃ ጪማቱዋካ፥ ‘መልተ! ህንተ ጎግያ ሃꬃቱዋካ መልሳና’ ያጋይ።
ISA 44:28 ቃይ ቂሮሳ፥ ‘ኔን ታ አሳ ሄምያዋ፤ ኔን የሩሳላመ ካታማ፥ “ነ ስማደ ኬጸታና” ያጋደ፥ ጌሻ ጎልያካ፥ “ነ ባሱ ባሰታና” ያጋደ ታ ሀልቹዋ ፖልያዋ’ ያጋይ” ያጌ።
ISA 45:1 መꬍና ጎዳይ ኦኬዳዎ፥ ካዉተꬃቱዋ አዉ ሞድሳና ማላ፥ ካተቱ ዳንጩዋ ብላና ማላነ ፐንጊካ አዉ አ ስንꬃን ዶየታና ማላ፥ አ ኡሸቻ ኩሽያ ኦይቄዳ ቂሮሳዉ ጾሳይ ሀዋዳን ያጌ፤
ISA 45:2 “ታን ነ ስንꬃና ባና፤ ደረቱዋ ደምባያና። ናሃስያ ብራታ ሳንቃቱዋ መንꬃና፤ ብራታ ኩልቦቱዋካ ቃንጻና።
ISA 45:3 ኔና ነ ሱንꬃን ጼስያዌ ታና መꬍና ጎዳ፥ እስራኤልያ ጾሳ ግድያዋ ኔን ኤራና ማላ፥ ታን ነዉ ꬉማ ሳኣን ደእያ አቁዋነ ጌማን ቆሰቲደ ዱረታ እማና።
ISA 45:4 ታ ቆማ ያቆባ ድራዉነ ታን ዶሬዳ እስራኤልያ ድራዉ፥ ታን ኔና ነ ሱንꬃን ጼሳይ። ኔን ታና ኤራና ꬋዮፐ፥ ታን ኔና ቦንቾ ሱንꬃን ጼሳይ።
ISA 45:5 “ታን መꬍና ጎዳ፤ ታፐ ሀራይ ባዋ፤ ታፐ ሀራ ጾሳይ ደኤና። አዋይ ሞክያሳፐ ቢደ፥ ዉልያሳ ጋካናዉ ደእያ አሳይ ታፐ ሀራይ ባይናዋ ኤራና ማላ፥ ታን ኔና ግጽሳ። ግዶፐነ፥ ኔን ታና ኤራባካ። ታን መꬍና ጎዳ፤ ታፐ ሀራይ ባዋ።
ISA 45:7 ታን ፖኡዋ ኦꬃይ፤ ꬉማካ መꬋይ። ሳሮተꬃ ኦꬃይ፤ ባሻካ አያይ። ታን መꬍና ጎዳይ፥ ሀ ኡባ የዎቱዋ ኦꬅያዋ።
ISA 45:8 “ህንተኖ ሳሎቶ፥ ቦላፐ ዱገ ጽሎተꬃ ትግተ፤ ሻረቱካ አ ቡክኖ። ቢታይ ዶየቶ፤ አቶተꬃይካ ፑደ ሞኮ። ጽሎተꬃይካ አናና እትፐ ድጮ። ታን መꬍና ጎዳይ ሀዋ መꬋድ።
ISA 45:9 “ባረና መꬌዳዋና ባጸትያዎ አየ አና! አያዉ ጎፐ፥ እ ኡርቃ ሚሻፐ እቱዋ። ኡርቃይ መꬍያዋ፥ ‘አይ ኦꬃይ?’ ዎይ ቃይ፥ ‘ነዉ ኩሺ ባዋ’ ያጊ?
ISA 45:10 ባረ አዉዋ፥ ‘አያዉ የላዲ?’ ያግያ ኡራዉ፥ ዎይ ባረ ዳዮ፥ ‘አያዉ ታና ሀዋዳን የላዲ?’ ያግያ ኡራዉ አየ አና!
ISA 45:11 መꬍና ጎዳይ፥ እስራኤልያ ጌሻይ፥ አ መꬌዳዌ፥ ሀዋዳን ያጌ፤ ‘ስንꬃፐ ትምቢትያ ኤራናዉነ ታ ናናቱዋባ ታና ኦቻናዉ ህንተ በሲቴ? ታ ኩሽያን ታን ኦꬃናባካ ታና አዛዛናዉ በሲቴ?
ISA 45:12 ታን ሳኣ ኦꬃድ፤ አሳካ አ ቦላ መꬋድ። ሳሎቱዋ ታን ታ ኩሽያን ቶላድ፤ ኡንቱንቱን ደእያ መታቱዋ ኡባካ አዛዛድ።
ISA 45:13 ታን ቂሮሳ ጽሎተꬃን ደንꬃድ፤ አ ኦግያ ኡባካ ሱረ ኦꬃና። ሻሉዋ ጭገናን፥ ዎይ ማታይያ እመናን፥ እ ታ ካታማ ኬጻና፤ ታ አሳካ ኦሞዱዋፐ ከሳና’ ያጌ። ታን ኡባፐ ዎልቃማ መꬍና ጎዳይ ሀዋ ኦዳይ” ያጌ።
ISA 45:14 መꬍና ጎዳይ ሀዋዳን ያጌ፤ “ግብጼ ዱረታይነ ቶጵያ ዛልኢ፥ ቃይ ጌሳ አዱሳ ግድያ ሳባአ አሳቱካ ኔኮ ዪደ፥ ነባ ግዳናዋ። ኡንቱንቱ ሳንሳላታን ቃሸቲደ፥ ኔና ካላና። ኡንቱንቱ ነዉ ጎይኒድ፥ ‘ጾሳይ ነ ጻላላና ደኤ፤ ሀራይ ባዋ፤ አፐ ሀራ ጾስ ባዋ’ ያጊደ ነዉ ዋትዋታና” ያጌ።
ISA 45:15 አቤት ጾሳዉ፥ እስራኤልያ አሽያዎ፥ ቱሙዋፐ ኔን ኔና ገንꬅያ ጾሳ።
ISA 45:16 ኤቃ መꬍያዋንቱ ኡባይካ ዬላታናነ ካዉሻና። ኤቃ ምስልያ መꬍያዋንቱ ኡባይ እትፐ ካዉሻዉ ባና።
ISA 45:17 ሽን እስራኤልያ መꬍና ጎዳይ መꬍና አቶተꬃን አሽ ድጌዳ፤ ህንተ መꬍናዉካ ዬላትክታነ ካዉሽክታ።
ISA 45:18 ሳሎቱዋ መꬌዳ መꬍና ጎዳይ፥ ቢታካ ጊግሲደ ኦꬄዳዌ፥ ቃይ አሳይ ደአናዳናፐ አትና፥ ቢታ ጮ መꬍቤና መꬍና ጎዳይ ሀዋዳን ያጌ፤ “ታን መꬍና ጎዳ፤ ታፐ ሀራይ ባዋ፤
ISA 45:19 ታን ጌማን፥ ሀቃነንቶ እት ꬉማ ጋድያን ሃሳያበይከ። ያቆባ ዘረꬃዉካ፥ ‘ታና ጮ ኮይተ’ ጋበይከ። ታን መꬍና ጎዳይ ቱሙዋ ሃሳያይ፤ ልከባ ኦዳይ።
ISA 45:20 “ህንተኖ ካዉተꬃቱዋፐ አቴዳዋንቶ፥ እትፐ ሺቂደ ሃይተ፤ ማታ ሺቅተ። ምꬃፐ ኦሰቴዳ ኤቃ ምስልያ ቶክ ዩይያዋንቶነ፥ አሻናዉ ዳንዳየና ጾሳ ዎስያዋንቶ ኤር ባዋ።
ISA 45:21 አነ ኦድተ፤ ህንተ ሞቱዋ ሺሽተ፤ ኡንቱንቱካ አነ እትፐ ዞረትኖ። አዱሳ ዎድያፐ ካሰ ሀዋ ኦዴዳዌ ኦኔ? በንፐ ሀዋ አዋዬዳዌ ኦኔ? ታና መꬍና ጎዳ ግድክታየ? ታፐ አትና ሀራ ጾሳይ ባዋ። ታን ጽሎ ጾሳነ አሽያዋ። ታፐ ሀራይ ባዋ።
ISA 45:22 “ህንተኖ ቢታ ጋጻን ደእያ ኡባ አሳቱ፥ ታኮ ስሚደ፥ አትተ። አያዉ ጎፐ፥ ታን ጾሳ፤ ታፐ ሀራይ ባዋ።
ISA 45:23 ታን ታ ሁጲያን ጫቃድ፤ ጉየ ስመና ቃላይ ታ ዶናፐ ጽሎተꬃን ከሴዳ፦ ‘አሳይ ኡባይ ታዉ ጉልባታና፤ እንጻርሳ ኡባይካ ታናን ጫቃና’ ያጋድ።
ISA 45:24 “ኡንቱንቱ ታዋ ሃሳዪደ፥ ‘ጽሎተꬃይነ ምኖተꬃይ መꬍና ጎዳ ጻላላን ደኤ’ ያጋና” ያጌ። አ እጽያዋንቱ ኡባይ አኮ ዪደ ዬላታና።
ISA 45:25 ሽን እስራኤልያ ዘረꬃይ ኡባይ መꬍና ጎዳን፥ ጾኑዋነ ቦንቹዋ ደማና።
ISA 46:1 ቤላ ግያ ባብሎነ ኤቃይ ጎይኔ፤ ናባ ግያ ኤቃይካ ሆኬ። ካሰ ህንተ ቶክያ ኤቃቱ ሀእ ጫና መህያ ቦላን ጫነቲደ፥ ኡንቱንቶ ዴጾ ቶኩዋ ግዴድኖ።
ISA 46:2 ጫና መሄቱ ዴጹዋፐ ደንዴዳዋን፥ ጫናና እትፐ ኩንዴድኖ፤ ኤቃቱ ባረና አሻናዉ ዳንዳየና ድራዉ፥ ባረንቱ ሁጲያዉካ ኦሞደቲደ ቤድኖ።
ISA 46:3 ጾሳይ ሀዋዳን ያጌ፤ “ህንተኖ፥ እስራኤልያፐ አቴዳዋንቶ፥ ያቆባ ዛረቶ፥ ታን ኦድያዋ ስስተ፤ ህንተ የለቴዳ ዎድያፐ ዶማደ ታን ህንተና ቶካድ።
ISA 46:4 ህንተ ጭማና ጋካናዉካ ታን ታናካ፤ ህንተ ፑሉማና ጋካናዉካ፥ ታን ህንተና ማዳና። ታን ህንተና መꬋድ፤ ታን ህንተና ደንꬃና፤ ታን ህንተና ቶካናነ አሻና።
ISA 46:5 “ታና ኦ ማላ ጊተ? ቃይ ኦናና ልኪቴ? ኑን እት ማላ ግዳናዳን፥ ታና ኦናና ጋꬅ ጼሊቴ?
ISA 46:6 ዎርቃ ባረንቱ ቃርጪታፐ ቆልያዋንቱነ ብራ ሚዛናን ዎꬂደ ልክያዋንቱ ሄዋ ኡንቱንቶ ጾሳ ኦꬂደ መꬋና ማላ፥ ዎርቃ ትግያዋ ቃጻሪኖ። እካ ጾሳ ኦꬂደ መꬌ፤ ያትና፥ ኡንቱንቱ ሄ ኤቃ ስንꬃን ሆኪደ ጎይኒኖ።
ISA 46:7 ኡንቱንቱ አ ደንꬂደ፥ ባረንቱ ሀሽያን ቶኪኖ፤ አ ሳኣን አ ዎꬂኖ። ያቶፐ እ ሄዋን ኤቂ አጌ፤ ሄዋፐ ያ ሃ ቃጸና። እት አሳይ አዉ ዋሶፐካ፥ ዛሩዋ እመና፤ ቃይ አ መቱዋፐካ አ አሸና።
ISA 46:8 “ህንተኖ ናጋራንቻቶ፥ ሀዋ ሀሳይተነ ቆፕተ፤ ህንተ ዎዛናን ካሀን ዎꬅተ።
ISA 46:9 በን ዎደ ሀኔዳ የዎቱዋ ሀሳይተ። አያዉ ጎፐ፥ ታን ጾሳ፤ ሀራይ ባዋ። ታን ጾሳ፤ ታ ማላይ ኦንነ ባዋ።
ISA 46:10 ‘ታ ቆፋይ ምናና፤ ቃይ ታንካ ታ ሀልቹዋ ኡባ ፖላና’ ያጋይ። ዉርሰꬃን ትምቢትያ ዶመꬃን፥ ቃይ ብሮ ሀንቤና የዎቱዋ በን ዎድያፐ ዶማደ አዋያይ።
ISA 46:11 አዋይ ዶልያ ባጋፐ ቦንቂያ ካፉዋ፥ ሃኮ ጋድያፐ ታ ቆፋ ፖልያ አሳ ታን ጼሳደ፥ ታን ጌዳዋ ታን ፖላና፤ ታን ሀልቼዳዋካ ታን ኦꬃና።
ISA 46:12 “ህንተኖ ዎዛናይ ሙሜዳዋንቶ፥ ጽሎተꬃፐካ ሃኬዳዋንቶ፥ ታን ኦድያዋ ስስተ፤
ISA 46:13 ታን ታ ጽሎተꬃ ማታ አያይ፤ እካ ሀሳኮ ግደና። ታ አቶተꬃይ ጋምኤና፤ ታን ታ አቶተꬃ ጽዮንዉ፥ ታ ቦንቹዋካ እስራኤልያዉ እማና” ያጌ።
ISA 47:1 ጾሳይ ሀዋዳን ያጌ፤ “ሀነ ባብሎነ ዎዶራተ፥ ዱገ ዎꬋ፤ ባናን ኡታ። ሀነ ካላዳዌቱዋ ናተ፥ ነ ካተቱዋ አራታ አጋደ ሳኣን ኡታ። አያዉ ጎፐ፥ ሀዋፐ ስንꬃናዉ ኔን ኦቶሮትያኖነ ሹጋቶ ጌተታካ።
ISA 47:2 ዎጻ አካደ ካꬃ ጋጫ። ነ ጉለꬃ ቃራ፤ ነ አዱሳ ማዩዋካ ከሳ። ነ ጸፕያ በሳ፤ ያታደ ሻፋቱዋ ፕና።
ISA 47:3 ነ ካሉ ቃረታና፤ ነ ፖኩካ ቤታና። ታን ሀሉዋ ከሳና፤ ኦስካ ቃረትከ” ያጌ።
ISA 47:4 ኑና ዎዝያዌ፥ አዉ ሱንꬃይ ኡባፐ ዎልቃማ መꬍና ጎዳ ግድያዌ፥ እስራኤልያ ጌሻ።
ISA 47:5 ጾሳይ ሀዋዳን ያጌ፤ “ሀነ ካላዳዌቱዋ ናተ፥ ባ፤ ꬉማን ጮኡ ጋደ ኡታሻ። አያዉ ጎፐ፥ ሀዋፐ ስንꬃዉ ኔን ካዉተꬃቱዋ ካታቶ ጌተታካ።
ISA 47:6 ታን ታ አሳ ሀንቀታድ፤ ታ ላታካ ቱንሳድ፤ ታን ኡንቱንቱ ነ ኩሽያን አꬃደ እማድ። ኔን ኡንቱንቶ ቃረታባካ፤ ጭሜዳዋንቱ ቦላንካ ነ ሞርገ ምꬃን ሎይꬃ ዴጸታዳ።
ISA 47:7 ኔን፥ ‘ታን መꬍናዉ ካታቶ ግዳና’ ያጋዳ። ሄዋ ድራዉ፥ ሀ የዎቱዋ ነ ዎዛናን ቆፓባካ፤ ኡንቱንቱ ዉርሰꬃካ ሀሳያባካ።
ISA 47:8 “ኔኖ ዎፑ ጋደ ኡቴዳነ እሻሉዋ ዶስያነ፥ ስሳ። ነ ዎዛናን፥ ‘ታና፤ ታፐ አትና፥ ሀራይ ባዋ። ታን አምኤ ግድከ፤ ዎይ የላደ ናእ ባይና ማይነ ግድከ’ ያጋዳ።
ISA 47:9 ሀ ላኡ የዎቱ እት ጋላስ አይፊ ልጳናዉ፥ ነ ቦላ ያና። ነ ብታይ ዳራ፥ ነ ሙሩኑካ ዎልቃማ ዎልቃማ ግዶፐነ፥ ኔን ነ ናናቱዋፐ መላ አትያዌነ አምኤተꬃይ ነ ቦላ ኩመንꬃን ይያዌ አተና።
ISA 47:10 “ኔን ነ ኢታተꬃን አማነታ ኡታዳ፤ ቃይ፥ ‘ታና ኦንነ በኤና’ ያጋዳ። ነ አꬌዳ ኤራተꬃይነ ጭንጫተꬃይ ኔና ዎራ ካለꬅና፥ ኔን ነ ዎዛናን፥ ‘ታና፥ ታፐ አትና፥ ሀራይ ባዋ’ ያጋዳ።
ISA 47:11 ሽን ኔን ዋታ ሙሩኑዋን ሃሳንንቶ ኤረና ኢታይ ነ ቦላ ያና። ኔን ጋትያ ጭጋናዉ ዳንዳየና ቦሻይ ነ ቦላን ዎꬋና፤ ቃይ ኔን አያነ ኤረና ባሻይ ቆፐናን ነ ቦላ ያና።
ISA 47:12 “አነ ኔን ነ ናአተꬃደፐ ኦꬃደ ደኤዳ ነ ብታነ ነ ሙሩኑዋ ሀእካ አጎፓ። ኦን ኤሪ፥ ነ ጎዋዳን ሀናነንቶ፤ ዎይ ኔን አን ዳጋንꬃንንቶ።
ISA 47:13 ዞረ ጻላላን ነ ዳቡራዳ። ሳሉዋ ጾልንትያ ፓይድያዋንቱ፥ አ ጼሊደ ትምቢትያ ኦድያዋንቱ፥ ቃይ፥ አግና ጼሩዋን ጼሩዋን ነ ቦላን ያናዋ ኦድያዋንቱ አነ ኔና አሽኖ።
ISA 47:14 በአ፥ ኡንቱንቱ ዱርጫ ማላ፤ ታማይ ኡንቱንታ ማና። ኡንቱንቱ ታማ ላጩዋፐ ባረና አሻናዉ ዳንዳይክኖ። ሄዌ አሳይ ባረ ቦላ ሆኤꬃናዉ ሆእያ ቦንቆ ዎይ ቃይ አሳይ አ ስንꬃን ኡታናዉ ዳንዳይያ ታማ ግደና።
ISA 47:15 ኔን ኡንቱንቱና ዳቡሬዳዋንቱ፥ ነ ናአተꬃደፐ ዶሚደ፥ ኔናና ዛልኤዳዋንቱ ነዉ ሄዋ ማላ። ኡንቱንቱ ኡባይካ ባረ ባጋና ባጋና ላለታና፤ ኔና አሽያዌካ እቱነ ባዋ።
ISA 48:1 “ህንተኖ ያቆባ ዛረቶ፥ እስራኤልያ ሱንꬃን ጼሰትያዋንቶ፥ ቃይ ይሁዳ ዘረꬃፐ ዬዳዋንቶ፥ ሀዋ ስስተ። ህንተ መꬍና ጎዳ ሱንꬃን ጫቂታ፤ እስራኤልያ ጾሳ ጼሲታ፤ ሽን ቱማተꬃንነ ጽሎተꬃን ግደና።
ISA 48:2 ህንተ ህንተና ጌሻ ካታማ ሱንꬃን ጼሲታ፤ እስራኤልያ ጾሳን ዘምፒታ፤ አ ሱንꬃይ ኡባፐ ዎልቃማ መꬍና ጎዳ።
ISA 48:3 “ታን ካሰ ሀኔዳዋንታ ዳሮ ዎድያፐ ካሰ ኦዳድ፤ ታ ዶናፐ ኡንቱንቱ ከሴድኖ። ኡንቱንቱ ኤለካ ፖለታናዳን፥ ታን ኦꬃድ።
ISA 48:4 አያዉ ጎፐ፥ ኔን ኦድና ስሰናዋ፥ ነ ሞርጊ ብራታ ማላ ግድያዋ፥ ነ ሶምኢካ ናሃስያ ግያ ብራታዳን ሌቃመናዋ ታን ኤራድ።
ISA 48:5 ሄዋ ድራዉ፥ ኔን፥ ‘ሀዋ ታ ኤቃይ ኦꬄዳ፤ ቃይ ታ ማሰቴዳ ምስለቱነ ታ ሲልሲደ ኦꬄዳ ምስሊ ኦꬄዳ’ ጌናዳን፥ ታን ሄዋ ነዉ በንፐ ዶማደ ኦዳድ። ቃይ ኡንቱንቱ ሀናናፐ ካሰታደ፥ ታን ኡንቱንታ ነዉ አዋያድ።
ISA 48:6 “ኔን ካሰ ስሳዳ፤ ሀእ ስም ሀዋ ኡባ በአ። ያትና፥ ኔን ሀዋ ኡባ ቱማ ጊኪ? ሀእፐ ዶማደ ስንꬃዉ ኔን ኦራꬃባ ስሳናዳን፥ ታን ኦꬃና።
ISA 48:7 ኡንቱንቱ ሀእ መቴድኖፐ አትና፥ በን መትበይክኖ። ኔን፥ ‘በአ፥ ታን ኡንቱንታ ኤራይ’ ጌናዳን፥ ሀችፐ ካሰ ኔን ሙለካ ኡንቱንቱባ ስሳባካ።
ISA 48:8 ኔን ሙለካ ስሳባካ፤ ቃይ ሙለካ ኤራባካ። ነ ሀይꬃይ በንፐካ ዶየትቤና። አያዉ ጎፐ፥ ኔን ጭምያዋ ግድያዋ ታን ኤራይ፤ ቃይ የለቶደፐካ ኔን ማካላንቻ ጌተታደ ጼሰታዳ።
ISA 48:9 “ታ ሱንꬃ ድራዉ፥ ታን ታ ሀንቁዋ ዛራና፤ ታን ኔና ꬋይሰናዳን፥ ታ ሀንቁዋ ተአና።
ISA 48:10 በአ፥ ታን ኔና ፓጫድ፤ ሽን ብራዳን ግደና፤ ታን ኔና መቱዋ ታማን ፓጫድ።
ISA 48:11 ታን ታ ድራዉ፥ ሀዋ ኦꬃይ። አያዉ ጎፐ፥ ታ ሱንꬃይ ቶሸታናዉ ታን ኮይከ። ታን ታ ቦንቹዋ ሀራዉ እምከ።
ISA 48:12 “ኔኖ ያቆባ፥ ታን ጼሴዳ እስራኤልያዉ፥ ታን ግያዋ ስሳ። ታን አ፤ ኮይሩካ ታና ዉርሰꬃይካ ታና።
ISA 48:13 ቢታ ባሱዋ ታ ኩሺ ባሴዳ። ሳሎቱዋካ ታ ኡሸቻ ኩሺ ምጬዳ። ታን ኡንቱንታ ጼስያ ዎደ፥ ኡንቱንቱ እትፐ ኤቂኖ።
ISA 48:14 “ህንተ ኡባይ እትፐ ሺቂደ ስስተ፤ ኤቃቱዋፐ ሀዌ ሀናናዋ ካሰቲደ ኦዴዳዌ ኦኔ? መꬍና ጎዳይ ዶሬዳዌ አ ቆፋ ባብሎነ ቦላ ፖላና፤ አ ቀሲካ ባብሎነ ቢታ አሳ ቦላ ግዳናዋ።
ISA 48:15 ታን ታ ሁጲያዉ አ ጼሳድነ አዉ ኦዳድ፤ አ አሄዳዌ ታና። ቃይ እ ኦꬅያባይ ኡባይ አዉ እንጀታና።
ISA 48:16 “ታኮ ሃ ሺቂደ፥ ሀዋ ስስተ፤ ታን ኮይሮፐ ዶማደካ ጌማን ሃሳያበይከ፤ ሄዌ ሀኔዳ ዎድያፐካ ዶማደ ታን ያን ደአይ” ያጌ። ቃይ ኡባ ሞድያ መꬍና ጎዳይነ አ አያናይ ሀእ ታና ኪቴድኖ።
ISA 48:17 መꬍና ጎዳይ፥ ኔና ዎዝያዌ፥ እስራኤልያ ጌሻይ ሀዋዳን ያጌ፤ “ታን መꬍና ጎዳይ፥ ነ ጾሳይ፥ ኔና ማድያዋ ታማርስያዋ። ኔን ባናዉ በስያ ኦግያንካ ኔና ካለꬅያዌ ታና።
ISA 48:18 ኔን ታ አዛዙዋ ስሴዳዋ ግድንቶነ፥ ነ ሳሮተꬃይ ሻፋ ሃꬃዳን ጎጋና ሽን፤ ነ ጽሎተꬃይካ አባ ቤታዳን ሀናና ሽን።
ISA 48:19 ነ ዛሪ አባ ሻፍያዳን፥ ነ ናናይካ ፓይዱ ባይና ሳኣ ባናዳን ጮራታና ሽን፤ ኡንቱንቱ ሱንꬃይካ ታ ስንꬃፐ ꬋየናን ዎይ ክቼናን አጋና ሽን” ያጌ።
ISA 48:20 ባብሎነ ጋድያፐ ከስተ፤ ባብሎነ አሳፐካ ባቃትተ! ቃላ ꬎቁ ኦꬂደ፥ ናሸቻን ሀዋ ሃሳይተ፤ ሳኣፐ ሳኣ ጋጻ ጋካናዉ፥ ሀዋ ኪትተ። “መꬍና ጎዳይ ባረ ቆማ ያቆባ ዎዜዳ” ያጊደ ኦድተ።
ISA 48:21 እ ኡንቱንታ መላ ቢታ ግዶና ካለꬄዳ ዎደ፥ ኡንቱንቱ ሳመትበይክኖ። ዛላፐ ሃꬃካ ኡንቱንቶ ፑልትሴዳ፤ ዛላ እ ጳልቂና፥ ሃꬃይ ꬉቄዳ።
ISA 48:22 መꬍና ጎዳይ፥ “ኢታቶ ሳሩ ባዋ” ያጌ።
ISA 49:1 ህንተኖ፥ አባ ዶናን ደእያ ቢታቶ፥ ታን ኦድያዋ ስስተ። ህንተኖ፥ ሃኩዋን ደእያ ካዉተꬃቶ፥ ስስተ። ታን የለታናፐ ካሰ መꬍና ጎዳይ ታና ጼሴዳ፤ ቃይ ታ ዳይ ኡሉዋን ደእሽን፥ ታ ሱንꬃ ሱንꬄዳ።
ISA 49:2 ታ እንጻርሳ ሳታና ደእያ ማሻዳን ኦꬄዳ፤ ባረ ኩሽያ ኩዋን ታና ገንꬄዳ፤ እ ታና ፖሼዳ ቶራዳን ኦꬄዳ፤ ያቲደ ባረ ሾኩዋ ግዶን ታና የጊደ ቆሴዳ።
ISA 49:3 እ ታና፥ “ኔን ታን ኔናን ቦንቼትያ ታ ቆማ እስራኤልያ” ያጌዳ።
ISA 49:4 ሽን ታን ሀዋዳን ያጋድ፤ “ታን መላ ጮ ዳቡራድ፤ ታ ዎልቃካ ጎኤናባንነ ሀዳባን ጮ ዉርሳድ። ታ ፕርዳይ ጾሳ ማታና፤ ታ ጋቲካ ታ መꬍና ጎዳ ማታና” ያጋድ።
ISA 49:5 ሀእካ፥ ታን መꬍና ጎዳ አይፍያ ስንꬃን ቦንቼቴዳ ድራዉነ ታ ጾሳይ ታዉ ዎልቃ ግዴዳ ድራዉ፥ ያቆባ አኮ ዛራናዉነ እስራኤልያ አኮ ሺሻናዉ፥ ታን አዉ ቆማ ግዳናዳን፥ ታና ታ ዳይ ኡሉዋን መꬌዳዌ መꬍና ጎዳይ ሀዋዳን ያጌ፤
ISA 49:6 “ኔን ያቆባ ዛርያ ደንꬃናዉነ እስራኤልያፐ አቴዳዋንታ ዛራደ አሀናዉ፥ ኔን ታዉ ቆማ ግድያዌ ቄር ጉꬃባ። ሄዋ ቦላ ጉጃደ፥ ታ አቶተꬃይ ቢታ ጋጻ ጋካናዳን፥ ታን ኔና ካዉተꬃቶ ፖኦ ኦꬃና” ያጌ።
ISA 49:7 አሳይ ካꬌዳዎ፥ እጼዳዎነ ደርያ ሞድያዋንቶ ቆማዉ፥ መꬍና ጎዳይ፥ እስራኤልያ ዎዝያዌ፥ እስራኤልያ ጌሻይ ሀዋዳን ያጌ፤ “አማነትያ መꬍና ጎዳ ድራዉነ ኔና ዶሬዳ እስራኤልያ ጌሻ ድራዉ ካተቱ በኢደ፥ ደንድ ኤቃና። ደርያ ሞድያዋንቱካ በኢደ ጎይናና” ያጌ።
ISA 49:8 መꬍና ጎዳይ ሀዋዳን ያጌ፤ “ታን ዶሬዳ ዎድያን ነ ኦሻ ዛራድ። አቶተꬃ ጋላስ ታን ኔና ማዳድ። ታን ኔና ናጋና፤ ኔን ቢታ ዛረꬃደ ኤሳና ማላ፥ አሳይ ደኤና ቢታቱዋካ ኔን ላትሳና ማላ፥ ታን ኔና አሳዉ ጫቁዋ ኦꬃደ እማድ።
ISA 49:9 ኦሞዱዋን ደእያዋንታ፥ ‘ከስተ!’ ꬉማ ቃሹዋን ደእያዋንታካ፥ ‘ብለትተ!’ ጋና ማላ፥ አሳዉ ጫቁዋ ኦꬃደ ኔና እማና። ኡንቱንቱ ኦግያ ማታን ሄመታና፤ ዞዘትያ ከራ ኡባ ቦላ አላጻና።
ISA 49:10 ኡንቱንቱ ኮሻትክኖ ዎይ ሳመትክኖ። ኡንቱንቱ ባዙዋ ምሹ ጹገና፤ አዋይካ ኡንቱንታ ሜና። ኡንቱንቶ ቃረꬅያዌ ኡንቱንታ ካለꬃና፤ ፑልቶ ሃꬃኮካ ኡንቱንታ ላጋና።
ISA 49:11 “ታን ታ ደረቱዋ ኡባ ኦገ ከሳና፤ ታ ዎጋ ኦገቱካ ዛንጋራፐ ꬎቁ ጋና።
ISA 49:12 በአ፥ ታ አሳይ ሃኮ ሳፐ ያና: ሁጲሳ ባጋፐነ አዋይ ዉልያ ባጋፐ ያና። ቃይ አስዋና ቢታፐካ ያና” ያጌ።
ISA 49:13 ህንተኖ ሳሎቶ፥ ናሸቻን የጽተ። ኔኖ ቢታዉ ናሸታ። ህንተኖ ደረቶ፥ እልልተ! አያዉ ጎፐ፥ መꬍና ጎዳይ ባረ አሳ ምንꬄዳ፤ ቃይ ባረ መቶታንቻቶካ ቃረቴ።
ISA 49:14 ሽን ጽዮና፥ “መꬍና ጎዳይ ታና አጌዳ፤ ጎዳይ ታና ዶጌዳ” ያጋዉ።
ISA 49:15 ጾሳይ ሀዋዳን ያጊደ ዛሬ፤ “አታ ባረ ꬋንꬅያ ናኣ ዶጋናዉ ዳንዳያይ? ባረ ኡሉዋፐ የሌዳ ናአዉ ቃረተኬየ? ጌላዳን አ ዶግንቶካ፥ ታን ኔና ዶግከ!
ISA 49:16 በአ፥ ታን ኔና ታ ኩሽያ ጎምፓን ጻፋ ዎꬃድ፤ ነ ድርሳ ግምበቱካ ኡባ ገደ ታ ስንꬃን ደኢኖ።
ISA 49:17 “ኔና ዛረꬂደ ኬጽያዋንቱ ያና፤ ኔና ኮሌዳዋንቱ ከሲደ ባና።
ISA 49:18 አነ ꬎቁ ጋደ፥ ነ ዩሹዋ ጼላ፤ ነ ናናይ ኡባይ እትፐ ሺቂደ፥ ኔኮ ያና። ታን መꬍና ጎዳይ ታ ደኡዋን ጫቃይ: ኔን ኡንቱንቱ ኡባ አሌቁዋዳን ማያና፤ ቡላቼታናዉ ሀንያ ምሽራቲዳን፥ ኔን ኡንቱንታ ማያና።
ISA 49:19 “ነ ባሻ ሳአቱነ መላ ቢታቱ ሀእ ኔናን ደእያ አሳዉ ሎይꬅ ኡንአና፤ ቃይ ኔና ኮሌዳዋንቱካ ኔፐ ሃካና።
ISA 49:20 ኔን ካዮትያ ላይꬃቱዋን ነዉ የለቴዳ ናናይ ነ ሀይꬃን ኦዲደ፥ ‘ሀዌ ሳአይ ኑዉ ሎይꬅ ኡንኦ፤ ሄዋ ድራዉ፥ ኑዉ ደአናዉ አኮ ሳኣ እማ’ ያጋና።
ISA 49:21 ኔን ነ ዎዛናን፥ ‘ሀዋንታ ናናቱዋ ኡባ ታዉ ኦኔ የሌዳዌ? ታን የላደ ማንꬃ አታድ ሽን፤ ታን ማይናድ ሽን፤ ታን ኦሞደታደ ዎራ ባድ ሽን። ያትና፥ ሀዋንታ ኦኔ ድቼዳዌ? በአ፤ ታን ታረካ አታድ፤ ያትና ሀዋንቱ ናናይ ኡባይ ሀቃፐ ዬድኖ?’ ያጋና” ያጌ።
ISA 49:22 ኡባ ሞድያ መꬍና ጎዳይ ሀዋዳን ያጌ፤ “በአ፥ ታን ካዉተꬃቶ ማላታ በሳና፤ ታን አሳዉ ታ ባንድራ ኤሳና። ኡንቱንቱ ነ አቱማ ናናቱዋ እድም አሀና፤ ነ ማጫ ናናቱዋካ ባረንቱ ሀሽያን ቶኪደ አሀና።
ISA 49:23 ካተቱ ኔና ድችያ አዎቱዋ ግዳና፤ ኡንቱንቱ ማጫ ካተቱካ ኔና ꬋንꬅያዋንታ ግዳና። ኡንቱንቱ ጉፋኒደ፥ ነዉ ጎይናና፤ ቃይ ነ ገድያ ባናካ ላጫና። ታን መꬍና ጎዳ ግዴዳዋ ኔን ሄዋን ኤራና፤ ታናን አማነቲደ ናግያዋንቱ ዬላትክኖ” ያጌ።
ISA 49:24 ኦሞዱዋን አኬዳዋ ዎልቃማ ኩሽያፐ ዛርሳና ዳንዳዪቴየ? ዎይ ኦሞዲደ አፌዳ አሳይ መቀꬅ ባይና ኢታ ኩሽያፐ ከስ አካናዉ ዳንዳዪየ?
ISA 49:25 ሽን መꬍና ጎዳይ ሀዋዳን ያጌ፤ “ዎልቃማይ ኦሞዲደ አፌዳባይ ስማና፤ መቀꬅ ባይና ኢታቱዋ ኩሽያን ኦሞደቴዳ አስካ ከስ አካና። አያዉ ጎፐ፥ ኔናና ኦለትያዋንቱና ታን ኦለታና፤ ነ ናናቱዋካ ታን አሻና።
ISA 49:26 ኔና ኡቁንያዋንቱ ባረንቱ አሹዋ ማናዳን፥ ታን ኦꬃና፤ ቃይ ዎይንያ ኤሳ ኡሺደ ማꬆትያዋዳን፥ ኡንቱንቱ ባረንቱ ሱꬃ ኡሺደ ማꬆታና። ያቶፐ አሳ ኡባይ ታን መꬍና ጎዳ፥ ኔና አሽያዋ፥ ዎዝያዋነ፥ ያቆባ ዎልቃማ ግድያዋ ሄዋን ኤራና” ያጌ።
ISA 50:1 መꬍና ጎዳይ ሀዋዳን ያጌ፤ “ታን ህንተ ዳዮ የዴዳ ፕርማይ ሀቃን ደኢ? ዎይ ኦስ ህንተና ታን ዛልኣድታ? በእተ፥ ህንተ ናጋራ ድራዉ፥ ህንተ ዛልኤቴድታ፤ ህንተ ባይዙዋ ድራዉ፥ ህንተ ዳያ ብለታዱ።
ISA 50:2 ታን ዬዳ ዎደ፥ አያዉ ሄዋን አሳይ ꬋዬዴ? ታን ጼሴዳ ዎደ፥ ‘ዬ!’ ጋናዉ አያዉ አሳይ ሄዋን ደእቤኔ? ታን ህንተና ዎዛናዉ ታ ኩሺ ቃንꬄየ? ዎይ ህንተና አሻናዉ ታዉ ዎልቃይ ባዌየ? በእተ፥ ታን ሴራደ አባ መልሳይ። ሻፋቱዋካ መላ ቢታ ኦꬃይ። ኡንቱንቱን ደእያ ሞለቱ ሃꬃይ ꬋይና ዎቂኖ፤ ሳሙ ዎꬍና ሀይቂኖ።
ISA 50:3 ታን ሳሎቱዋ ካረꬃባ ማይዛይ፤ ዋሩዋካ ኡንቱንቱ ካመትያባ ኦꬃይ” ያጌ።
ISA 50:4 ዳቡሬዳዋ ታን ቃላን ዋታደ ምንꬃነንቶ ኤራና ማላ፥ ኡባ ሞድያ መꬍና ጎዳይ ታዉ ታማሬዳ እንጻርሳ እሜዳ። እ ታና ዎንታ ዎንታ ቤጎꬂደ፥ ታን ታማርያ አሳዳን ስሳናዳን፥ ታ ሀይꬃ ዶዬ።
ISA 50:5 ኡባ ሞድያ መꬍና ጎዳይ ታ ሀይꬃ ዶዬዳ፤ ታንካ ማካላንቻ ግዳበይከ፤ ጉየካ ስማበይከ።
ISA 50:6 ታን ታ ዞክያ ሾጭያዋንቶ፥ ታ ጋጩዋ ቡቻ ሾድያዋንቶ አꬃደ እማድ። ታ ሶምኡዋ ካዉሻፐነ ጩቻ ጩሸትያሳፐ ገንꬃበይከ።
ISA 50:7 ኡባ ሞድያ መꬍና ጎዳይ ታና ማድያ ድራዉ፥ ታን ዬላታበይከ፤ ሄዋ ድራዉ፥ ታን ታ ሶምኡዋ ሳልያ ግያ ሹቻዳን ኡዳድ። ታን ዬላተናን አታናዋካ ኤራይ።
ISA 50:8 ታና ሻትንꬅያዌ ማታን ደኤ፤ ያትና፥ ታና ሞትያዌ ኦኔ? አነ እትፐ ታናና ኤቆ! ታ ሞርኪ ኦኔ? አነ ታናና ጋከቶ!
ISA 50:9 በእተ፥ ኡባ ሞድያ መꬍና ጎዳይ ታና ማዴ፤ ያትና፥ ታና ባይዛንቻ ጋናዌ ኦኔ? በእተ፥ ኡንቱንቱ ኡባይካ ማዩዋዳን ኤጭ ዉራና፤ ብልአይ ኡንቱንታ ማና።
ISA 50:10 ህንተ ግዶፐ መꬍና ጎዳዉ ያይያዌነ አ ቆማ ቃላዉ አዛዘትያዌ ኦኔ? ꬉማን ሀመትያዌነ ፖኡ ባይናዌ እ ኦኔ? ሄ ኡራይ መꬍና ጎዳ ሱንꬃን አማነቶ፤ ባረ ጾሳንካ ዘምፖ።
ISA 50:11 በእተ፥ ህንተኖ ታማ ኤꬅያ ኡባ ገደ፥ ዪቻ ጾምፕያ ላጩዋ ህንተንቶ ሺሽያዋንቶ፥ ህንተ ኤꬄዳ ታማ ፖኡዋን ሄመትተ! ህንተ ዪጬዳ ጾምፕያ ላጩዋ ፖኡዋን ስመረትተ! ህንተ ታ ኩሽያፐ አካናዉ ደእያባይ ሀዋ: ህንተ ዎልቃማ ሴላን ግሳና።
ISA 51:1 ጾሳይ ሀዋዳን ያጌ፤ “ህንተኖ ጽሎተꬃ ካልያዋንቶ፥ ህንተኖ ታና፥ መꬍና ጎዳ ኮይያዋንቶ፥ ስስተ። ህንተ ጳልቀቲደ አከቴዳ ሹቻነ ህንተ ቦከቴዳ ከሴዳ ኦላ ጼልተ።
ISA 51:2 ህንተ አዉዋ አብራሃማኮነ ህንተና የሌዳ ሳርኮ ጼልተ። እ ባረካ ደእሽን፥ ታን አ ጼሳድ፤ አንጃድነ ፓይዱዋን ጮራያድ።
ISA 51:3 “መꬍና ጎዳይ ጽዮነንነ አ ኮለቴዳ ሳአቱዋን ደእያ ኡባ አሳ ምንꬃና። እ ባዙዋ ኤደነ ገነትያዳን፥ እ መላ ሳአቱዋካ መꬍና ጎዳ አታክልትያ ሳኣዳን ኦꬃና። ናሸቻይነ ሀሹ ጉሳይ ያን ደአና፤ ጋላታነ ማዝሙርያ ኮሻይ ያን ስሰታና።
ISA 51:4 “ታ አሳዉ፤ ታን ኦድያዋ ስስተ። ታ ካዉተꬃዉ፥ ነ ሀይꬃ ታኮ የጋደ ስሳ። አያዉ ጎፐ፥ ህጊ ታፐ ከሴ፤ ታ ሱረ ፕርዳይካ ካዉተꬃቶ ፖኦ ግዳናዋ።
ISA 51:5 ታ ጽሎተꬃይ ኤሌሊደ ሺቃና፤ ታ አሹካ ከሲደ፥ ኦግያን ደኤ። ታ ቀሲ አሳ ሞዳና፤ አባ ዶና ቢታቱዋን ደእያ አሳይ ኡባይ ታናን አማነቲደ ናጋና፤ ቃይ ታን ኡንቱንታ ታ ዎልቃን አሻናዋ፥ ናሸቻ ኦꬂደ ናጋና።
ISA 51:6 ፑደ ꬎቁ ጊደ፥ ሳሎቱዋ ጼልተ፤ ዱገ ሳኣካ ጼልተ። አያዉ ጎፐ፥ ሳሎቱ ጩዋዳን ፕስክ ጊደ ꬋያና፤ ሳአይካ አፍላዳን ዉራና፤ አን ደእያ አሳይ ኡባይ ኡዱንጸቱዋዳን ሀይቃና። ሽን ታ አሹ መꬍናዉ ደአና፤ ታ ጽሎተꬃይካ ዉረና።
ISA 51:7 “ህንተኖ ጽሎተꬃ ኤርያዋንቶ፥ ታ ህጊካ ህንተ ዎዛናን ደእያዋንቶ፥ ስስተ። አሳ ቦርናሾ ያዮፕተ፤ ኡንቱንቱ ቦርያዉካ ዳጋሞፕተ።
ISA 51:8 አያዉ ጎፐ፥ ማዩዋ ምያዋዳን፥ ብልአይ ኡንቱንታ ማና፤ ዶርሳ እክስያ ምያዋዳን፥ ጉጹኒ ኡንቱንታ ማና። ሽን ታ ጽሎተꬃይ መꬍናዉ ደአና፤ ታ አሹካ የለታ ኡባዉ ጋካና” ያጌ።
ISA 51:9 አቤት ጾሳዉ፥ ቤጎታ! ቤጎታ! መꬍና ጎዳ ቀስያዉ፥ ዎልቃ ማያ፤ ካሰ አꬌዳ ዎደቱዋንነ የለታቱዋን ቤጎቴዳዋዳን ቤጎታ። ራኣባ ግያ ዳዊያ ቃንጸሬꬄዳዌ፥ ሚምንትያካ ጫዴዳዌ ኔና ግድኪየ?
ISA 51:10 አባነ ዎልቃማ ጪሙዋ ሃꬃ መልሴዳዌ ኔና ግድኪየ? ኔን ዎዜዳዋንቱ ፕናና ማላ፥ ጪማ አባ ኦገ ኦꬄዳዌ ኔና ግድኪየ?
ISA 51:11 መꬍና ጎዳይ ዎዜዳዋንቱ ስሚደ፥ የጺድ ጽዮነ ያና፤ ዪደ መꬍና ናሸቻይ ኡንቱንቱ ቦላን ደአና፤ ኡንቱንቱ ናሸቻነ ሀሹ ግያዋ ደማና። ቃይ ካዩነ ዬኩ ኡንቱንቱፐ ሃካና።
ISA 51:12 ጾሳይ ሀዋዳን ያጌ፤ “ህንተና ምንꬅያዌ ታና። ያትና፥ ሀይቂያ አሳዉ ያያናዉ፥ ማታዳን ኤለካ መልያ አሳ ናአዉ ያያናዉ ህንተ ኦኔ?
ISA 51:13 ህንተ ሳሎቱዋ ምጬዳነ ሳኣ ባሱዋካ ባሴዳ መꬍና ጎዳ፥ ህንተናካ መꬌዳዋ ዶጌድቴ? ኡንቱንቱ ህንተና ꬋይሳናዉ ጊግሴዳ፥ ህንተና ኡቁንያ አሳቱዋ ሀንቁዋ ጋሱዋን ጋላሳ ኩመንꬃ ያዬድታ። ሽን ህንተና ኡቁንያዋ ሀንቁ ሀቃን ደኢ?
ISA 51:14 ኦሞደቴዳዌ ኤለካ ብለታና፤ ሀይቀና፤ ኦላንካ ገለና፤ አዉ ኡክꬃይካ ፓጨና።
ISA 51:15 አያዉ ጎፐ፥ ታን መꬍና ጎዳ ነ ጾሳቴ። ቤታይ ዋሳናዳን፥ አባ ቃꬃይ። ታ ሱንꬃይ ኡባፐ ዎልቃማ መꬍና ጎዳ።
ISA 51:16 ሳሎቱዋ ምጫናዳን፥ ቢታ ባሱዋካ ባሳናዳን፥ ቃይ ጽዮነ፥ ‘ኔን ታ አሳ’ ጋናዳን፥ ታን ታ ቃላ ነ ዶናን ዎꬃድ፤ ታ ኩሽያ ኩዋን ታን ኔና ገንꬃድ” ያጌ።
ISA 51:17 ኔኖ፥ መꬍና ጎዳ ኩሽያፐ አ ሀንቁዋ ጹኣ ኡሼዳ የሩሳላመ፥ ቤጎታ! ደንዳ! ኔን ጋንድጋርስያ ጹኣ ጭንግርሳደ ኡሻዳ።
ISA 51:18 አ የሌዳ ናናቱ ኡባፐ እዞ ካለꬅያባይ እቱነ ባዋ፤ ቃይ አ ድቼዳ ናናቱ ኡባፐካ እ ኩሽያ ኦይቂያዌ እቱነ ባዋ።
ISA 51:19 ዳኮ ዳሮ ባሻይ ነ ቦላን ጋኬዳ፤ ያትና፥ ኔና ኦኔ ምንꬃናዉ ዳንዳይያዌ? ሄዋንቱካ ኮለꬃ፥ ኮሻነ ማሻ። ያትና፥ ታን ኔና ዋታደ ምንꬃኔ?
ISA 51:20 ነ ናናይ ላባኔድኖ፤ ኡንቱንቱ ግትያ ግዶን ገሌዳ ገንእያዳን፥ ኦገ ኡባ ጋጻን ኩንዴድኖ። ኡንቱንቱ መꬍና ጎዳ ሀንቁዋንነ ነ ጾሳ ሴራን ኩሜድኖ።
ISA 51:21 ሄዋ ድራዉ፥ ነኖ፥ ዎይንያ ኤሳ ኡሸናን ማꬆቴዳ መቶታንቻቴ፥ ሀዋ ስሳ።
ISA 51:22 ነ ጾሳይ፥ ባረ አሳዉ ሞተትያ ኡባ ሞድያ መꬍና ጎዳይ ሀዋዳን ያጌ፤ “በአ፤ ኔና ጋንድጋርስያ፥ ታ ሀንቁዋ ጹኣ ታን ነ ኩሽያፐ አካድ፤ ኔን ላኤንꬁዋ አ ሙለካ ኡሻካ።
ISA 51:23 ታን ሄዋ ኔና ቱጋይያዋንቱ ኩሽያን ዎꬃና። ኡንቱንቱ ኔና፥ ‘ኑን ነ ቦላና ሀመቲደ አꬋና ማላ፥ ዛቁላ’ ያጌድኖ። ኔን አꬋና ጋካናዉ፥ ነ ዞክያ ኡንቱንቶ ቢታዳንነ ኦግያዳን ኦꬃዳ” ያጌ።
ISA 52:1 ኔኖ ጽዮነ ካታማዉ፥ ቤጎታ፤ ምኖተꬃ አፍላዳን ማያ። ኔኖ፥ ጌሻ ካታማዉ፥ የሩሳላመ፥ ነ ቦንቹዋ ማዩዋ ማያ፤ አያዉ ጎፐ፥ ሀዋፐ ስንꬃናዉ ቃጻረትቤናዌነ ቱናይ ነ ግዶ ገለና።
ISA 52:2 ኔኖ፥ ኦሞደቴዳ የሩሳላመ፥ ነ ባና ቆቆፋ። ደንዳዴ ነ ካተቱዋ አራታን ኡታ። ህንተኖ፥ ኦሞዱዋን ደእያ ጽዮነ አሳቶ፥ ህንተ ቆꬍያን ቃሸቴዳ ሳንሳላታ ብርሽተ።
ISA 52:3 አያዉ ጎፐ፥ ኡባ ሞድያ ጾሳይ ሀዋዳን ያጌ፤ “ህንተ ካሰካ ጋትያ አከናን ዛልኤቴድታ፤ ቃይ ሀእካ ሚሻ እመናን ጮ ዎዘታና።
ISA 52:4 ታ አሳይ ኮይሮ በተ ግዲደ፥ ግብጼ ቢታ ቤዳ፤ ሽን አሶረቱ ታ አሳ ጮ ኡቁኔድኖ።
ISA 52:5 መꬍና ጎዳይ፥ ታ አሳይ ጋትያ ጭገናን ጮ ኦሞዱዋን ብ ክችና፥ ታዉ ሀዋን አዬ ደእያዌ? ኡንቱንታ ሞድያዋንቱ ዋሲኖ፤ ታ ሱንꬃይካ ኡባ ገደ ጋላሳ ኩመንꬃ ቦረቴ ያጌ መꬍና ጎዳይ።
ISA 52:6 ሄዋ ድራዉ፥ ታ አሳይ ታ ሱንꬃ ኤራና፤ ሄ ጋላስ ሃሳይያዌ ታና ግድያዋ ኡንቱንቱ ኤራና። ኤ ሄዌ ታና። ታን ጾሳይ ሀዋ ኦዳይ” ያጌ።
ISA 52:7 ሎኦ ምሽራቹዋ አህያ፥ ሳሮተꬃ ኦድያ፥ ናሸችያ ምሽራቹዋ ኦድያ፥ አቶተꬃ ኦድያነ፥ ጽዮኖካ፥ “ነ ጾሳይ ካተቴ” ጊደ ደረቱዋ ቦላና ይያ ብታንያ ገደቱ ዎት ሎእኖ!
ISA 52:8 ስስተ፥ ህንተ ካታማ ናግያዋንቱ ባረንቱ ቃላ ꬎቁ ኦꬂደ፥ ናሸቻዉ እትፐ የጺኖ፤ መꬍና ጎዳይ ጽዮነ ስምያ ዎደ፥ እ ስሞዋ ኡንቱንቱ ባረንቱ አይፍያን በአና።
ISA 52:9 ህንተኖ የሩሳላመን ኮለቴዳ ሳቶ፥ እትፐ ናሸቻዉ የጽተ፤ አያዉ ጎፐ፥ መꬍና ጎዳይ ባረ አሳ ምንꬄዳ፤ የሩሳላመ ካታማካ ዎዜዳ።
ISA 52:10 መꬍና ጎዳይ ባረ ጌሻ ቀስያ ካዉተꬃቱዋ ኡባ ስንꬃን ቆንጭሴዳ፤ ቃይ ቢታ ጋጻይ ኡባይካ ኑ ጾሳ አቶተꬃ በአና።
ISA 52:11 ህንተኖ መꬍና ጎዳ ጎልያ ሚሻቱዋ ቶክያዋንቶ፥ ክችተ፥ ክችተ፤ ያፐ ከስተ። ቱናባ ቦቾፕተ፤ አ ግዶፐ ከስ ክችተ። ህንተ ሁጲያዉካ ጌይተ።
ISA 52:12 ሽን ከሲደ፥ ኤለካ ከስክታ፤ ዎይ በቲደ ቢክታ፤ አያዉ ጎፐ፥ መꬍና ጎዳይ ህንተፐ ስንꬃዉ አꬊደ ካለꬃና፤ እስራኤልያ ጾሳይካ ጉየና ግዲደ፥ ህንተና ናጋና።
ISA 52:13 ጾሳይ ሀዋዳን ያጌ፤ “በእተ፥ ታ ቆማይ አኬካን ኦꬃና፤ እ ቦንቼቲደ፥ ꬎቁ ꬎቁ ጋና፤ እ ሎይꬅ ግታታና።
ISA 52:14 አ ሶምኢ አሳ ኡባዋፐ፥ አ ማላይካ አሳ ናና ኡባፐ ቆሄቴዳ፤ አ በኢደ፥ ዳሮ አሳይ ዳጋሜዳ።
ISA 52:15 ሽን ሀእ ዳሮ ካዉተꬃቱ ኡባይ አባን ማላለታና፤ አፐ ደንዴዳዋን፥ ካተቱ ባረንቱ ዶና ኦይቃና፤ አያዉ ጎፐ፥ ኡንቱንቱ ባረዉ ኦደትቤናዋ በአና፤ ስስቤናዋካ አኬካና” ያጌ።
ISA 53:1 ኑን ኦዴዳዋ ኦን አማኔዴ? መꬍና ጎዳይ ባረ ዎልቃ ኦና በሴዴ?
ISA 53:2 እ አ ስንꬃን መላ ጋድያን ደእያ ዱሩማፐ ጻጱዋ የዲደ፥ አጭያ ያላጋ አጫዳን ድጬዳ። ኑን አ ሎይꬅ ጼላናዉ፥ አዉ ማላይ ዎይ ፑላይ ባዋ፤ ኑን አኮ ሺቃናዉ አዉ ፑል ባዋ።
ISA 53:3 እ አሳን ካቴዳነ እጸቴዳ፤ እ ሀርግያፐነ መቱዋፐ ሻከት ኤረና ካዮትያ አሳ ግዴዳ። እ አሳይ አ በአናፐ ጊደ፥ ባረ ሶምኡዋ ዎራ ዛርያ አሳዳን ካቴዳ፤ ኑንካ አ ቦንችበይኮ።
ISA 53:4 እ ቱሙ ኑ ሀርግያ ባረዉ አኬዳ፤ ቃይ ኑ ካዩዋካ ቶኬዳ። ሽን አ ጋኬዳ መቱ፥ ደሸꬃይነ ዋዪ ጾሳፐ አዉ ዬዳዋ ጊደ ኑን ቆፔዶ።
ISA 53:5 ሽን እ ኑ ባይዙዋ ድራዉ፥ ጫደቲደ ማዱንጼዳ፤ ኑ ናጋራ ድራዉካ ሾጨቲደ ሊቄዳ። እ ሙረቴዳዋን፥ ኑን ሳሩዋ ደሜዶ፤ አ ማዱꬃን ኑን ፓጼዶ።
ISA 53:6 ኑን ኡባይ ኦግያ ባሌዳ ዶርሳቱዋዳን ዎራ ቤዶ፤ ኑን ኡባይካ ኑ ኦግያዉ ኦግያዉ ስሜዳ። መꬍና ጎዳይ ኑ ኡባይ ናቄዳ ናቁዋ አ ቦላ ዎꬄዳ።
ISA 53:7 እ ኡንኤቴዳነ ቆሄቴዳ፤ ሽን ባረ ዶና ፖክቤና። ሹካናዉ አፍያ ዶርሳዳን ላገቴዳ፤ ባረ እስክያ ሜድያዋንቱ ስንꬃን ጮኡ ግያ ዶርሳ ማራዳን፥ እካ ባረ ዶና ፖክቤና።
ISA 53:8 ኡንቱንቱ አ ኡቁኒደነ አ ቦላ ሱገꬃ ፕርዳ ፕርዲደ አፌድኖ። እ ታ አሳ ባይዙዋ ድራዉ ሾጨቲደ፥ ፓጻ ደእያዋንቱ ቢታፐ እ ክቼዳዋ አ ዛርያፐ ኦኔ አኬኬዳዌ?
ISA 53:9 እ ባረ ሀይቁዋን ኢታ አሳቱዋና ፓይደቴዳ፤ ሀይቂደካ ዱረ አሳ ዱፉዋን ሞገቴዳ። ግዶፐነ፥ ኢታባ እ ኦꬅቤና፤ ባረ ዶናንካ ዎርዱዋ ሃሳይቤና።
ISA 53:10 ሽን እ ቆሄታናዌ መꬍና ጎዳ ሸነ ግዴዳ፤ ቃይ መꬍና ጎዳይ እ ቱጋታናዳን ኦꬄዳ። እ ባረና ናጋራዉ ያርሹዋ ኦꬅያ ዎደ፥ ባረ ዘረꬃ በአና። አ ባረካ አዱቃና፤ መꬍና ጎዳ ሸኒካ አ ኩሽያን ፖለታና።
ISA 53:11 አ ሸምፑ ዋየቴዳዋፐ ጉይያን፥ እ ደኡዋ ፖኡዋ በአና፤ ናሸታና። ታ ጽሎ ቆማይ ባረ ኤራተꬃን ዳሮቱዋ ጽልሳና፤ ኡንቱንቱ ባይዙዋካ ቶካና።
ISA 53:12 ሄዋ ድራዉ፥ ዎልቃማ አሳቱ ግዱዋን ታን አዉ ቦንቾ ሳኣ ሻካደ እማና፤ ቃይ ምኖቱዋና እ ኦሞዱዋ ሻካና። አያዉ ጎፐ፥ እ ባረ ሸምፑዋ ሀይቆ አꬂደ እሜዳ፤ ያቲደ ባይዛንቻቱዋና ፓይደቴዳ። ግዶፐነ፥ እ ዳሮ አሳ ናጋራ ቶኬዳ፤ ባይዛንቻቶካ ጋናቴዳ።
ISA 54:1 መꬍና ጎዳይ ሀዋዳን ያጌ፤ “ሀነ፥ የላቤና ማይናቴ፥ የጻ! ኔኖ፥ ኦይꬃይ ኦይቂ ኤረናኔ፥ ነ ቃላ ꬎቁ ኦꬃደ እልላ! አያዉ ጎፐ፥ ባረ አስናና ደእያ ማጫን ናናቱዋፐ፥ ባረካ ደእያ ማጫን ናናይ ዳራና።
ISA 54:2 ነ ዱንካንያ ሳኣ አሳ፤ ቃይ ኔን ደእያ ሳኣን ጋርዳቱዋካ ፕድ ኦꬃደ ምጫ። ጉየ ጎፓ፤ ዎዶሩዋካ አዱሳ፤ ሽካልያካ ምንሳ።
ISA 54:3 ኔን ኡሸቻ ባጋናነ ሀድርሳ ባጋና አካና፤ ነ ዛራቱ ካዉተꬃቱዋ ላታና፤ ኡንቱንቱ መላ ካታማቱዋን ኬጺደ ኡታና።
ISA 54:4 “ያዮፓ፤ አያዉ ጎፐ፥ ኔን ዬላታካ። ዳጋሞፓ፤ አያዉ ጎፐ፥ ኔን ካዉሻካ። ኔን ነ ያላጋተꬃ ዬላ ዶጋና፤ ነ አምኤተꬃ ቦርያካ ሀዋፐ ስንꬃን ሀሳያካ።
ISA 54:5 አያዉ ጎፐ፥ ኔና መꬌዳዌ ነዉ አስና፤ አዉ ሱንꬃይካ ኡባፐ ዎልቃማ መꬍና ጎዳ። እስራኤልያ ጌሻይ ኔና ዎዜዳዋ፤ እ ቢታ ኡባ ጾሳ ጌተቴ” ያጌ።
ISA 54:6 ነ ጾሳይ ሀዋዳን ያጌ፤ “አስናይ ኡባና አግ ባሽና፥ ዶገታደ ካዮትያ ማጫ ምሽራቲዳንነ ያላጋተꬃን አስና ጎለፐ ከሴዳ ምሽራቲዳን ኔን ሀና ደእሽን፥ ታን መꬍና ጎዳይ ኔና ዛራ ጼሳድ።
ISA 54:7 “እት ጉꬃ ዎድያዉ ታን ኔና አጋድ፤ ሽን ዎልቃማ ማሮታን ኔና ታን ዛራ ሺሻና።
ISA 54:8 ሱልያ ሀንቁዋን፥ ታን ታ ዴሙዋ ኔፐ ጉꬃ ዎድያዉ ገንꬃድ፤ ሽን መꬍና ሲቁዋን ታን ነዉ ቃረታና” ያጌ። መꬍና ጎዳይ፥ ኔና ዎዝያዌ ሀዋ ኦዴ።
ISA 54:9 ነዉ ቃረትያ መꬍና ጎዳይ ሀዋዳን ያጌ፤ “ሀዌ ታዉ ኖሄ ዎድያ ማላ። ሄ ዎደ ታን ኖሄ ዎዴ ባሻ ሃꬃይ ላኤንꬁዋ ሳኣ ምተናዳን ጫቃድ፤ ሄዋዳንካ፥ ኔና ላኤንꬆ ሀንቀተናንነ ሴረናን አጋናዉ ታን ጫቃድ።
ISA 54:10 ደረቱ ቃጻናዉ፥ ዞዘቱካ ባረንቱ ደኢያሳፐ ክቻናዉ ዳንዳዪኖ፤ ሽን ታ አገና ሲቁ ኔፐ ሻከተና፤ ታ ሳሮተꬃ ጫቁካ ክቼና” ያጌ።
ISA 54:11 ጾሳይ ሀዋዳን ያጌ፤ “ኔኖ፥ መቶቴዳ ካታማቴ! ጎቲ ያነ ሃነ ሾጬዳነ፥ ምንꬅያብ ꬋዬዳነ፥ በአ፥ ታን ኔና ቦንቾ ሹቻን አሌቂሳደ ኬጻና፤ ነ ባሱዋንካ ሳምፔርያ ግያ ሹቻ ሂጻና።
ISA 54:12 ነ አዱሳ ሹቻ ግምቢያን ደእያ ጉምቡዋ ታን እንቁዋ ግያ ዳሮ አልኦ ዞኦ ሹቻን ግምባና፤ ነ ፐንግያ ጶልያ አልኦ እንቁዋን፥ ነ ድርሳ ኡባካ ቦንቾ ሹቻን ግምባና።
ISA 54:13 ነ አቱማ ናናቱዋ ኡባ መꬍና ጎዳይ ታማርሳና፤ ነ ናናቱ ሳሮተꬃይካ ዳራና።
ISA 54:14 ኔን ጽሎተꬃን ምናደ ኤቃና፤ ሱገꬃይነ ኡቁናይ ኔፐ ሃካና። ኔን አያዉካ ያያካ፤ ዳጋማይካ ኔኮ ሺቀና።
ISA 54:15 ኔና ኦላናዉ ደንድያዌ ደኦፐ፥ ሄዌ ታ ሸንያ ኦና፤ ታን ነ ባጋ ግድያ ድራዉ፥ ኔና ኦላናዉ ደንድያ ኡባይ ኩንዳና።
ISA 54:16 “በአ፥ ዎምፒናን ታማ ፑኒደ፥ ባረ ሀልቾ ሀንያ ኦላ ሚሻ ቆጽያ አሳቱዋ ታን መꬋድ። ቃይ ባይዛናዳን፥ ባይዝያዋንታካ ታን መꬋድ።
ISA 54:17 ኔና ቆሀናዉ ኦꬄዳ አይ ሚሻይነ ኔና ቆሂደ ካንꬅ ከሰና። ኔና ሞትያ እንጻርሳ ኡባዉ ግድያ ዛሩዋ ኔን እማና። መꬍና ጎዳ ቆማቱ ላታይ ሀዋ፤ ኡንቱንታ ታን ሻትንꬃና” ያጌ። መꬍና ጎዳይ ሄዋ ኦዴ።
ISA 55:1 ጾሳይ ሀዋዳን ያጌ፤ “ህንተኖ ሳመቴዳዋንቶ፥ ኡባይካ ሃꬃኮ ሃ ዪተ፤ ሻሉ ባይናዋንቶ፥ ሃይተ። ሻምተ፤ ሚተ። ሃ ዪደ፥ ሚሻ ጭገናን ጮ ዎይንያ ኤሳካ ማꬃካ ሻምተ።
ISA 55:2 ህንተ ሚሻ ቁማ ግደናባዉ አያዉ ከሲቴ? ካልሰናዋን ህንተ ዎልቃ አያዉ ዉርሲቴ? አነ ሎይꬂደ፥ ታን ኦድያዋ ስስተ፤ ሎኦባ ሚተ፤ ቃይ ሞꬉዋን ህንተ አሳተꬃ ናሸችተ።
ISA 55:3 “ታ አሳዉ፥ ስስተ፤ ታኮ ሃ ዪተ። ሸምፑዋና ፓጻ ደአና ጎፐ፥ ታን ኦድያዋ ስስተ። ታን ህንተናና መꬍና ጫቁዋ ጫቀታና። ታን አንጃና ጋደ ዳዊታ አንጄዳዋዳን፥ ህንተናካ አንጃና።
ISA 55:4 በእተ፥ ታን አ አሳዉ ማርካ፥ ካለꬅያዋነ ካፑዋ ኡዳድ።
ISA 55:5 በአ፥ ኔን ኤረና ካዉተꬃቱዋ ጼሳና፤ ቃይ መꬍና ጎዳ ነ ጾሳ እስራኤልያ ጌሻ ጋሱዋን፥ ኔና ኤረና ካዉተꬃቱ ኔኮ ኤሌሊደ ያና። አያዉ ጎፐ፥ ጾሳይ ኔና ቦንቼዳ” ያጌ።
ISA 55:6 መꬍና ጎዳይ ቤትያ ዎደ አ ኮይተ፤ ማታን ደእያ ዎደ አ ጼስተ።
ISA 55:7 ኢታይ ባረ ኦሱዋ፥ ናጋራንቻይካ ባረ ቆፋ አጎ፤ ጾሳኮ እ ስሞ። እ አ ማራና። እ ኑ መꬍና ጎዳኮ ስሞ። እ አዉ ጮ አቶ ጋና።
ISA 55:8 አያዉ ጎፐ፥ መꬍና ጎዳይ፥ “ታ ቆፋይ ህንተ ቆፋ ማላ ግደና፤ ህንተ ኦጊካ ታ ኦግያ ማላ ግደና።
ISA 55:9 ሳሎቱ ሳኣፐ ꬎቂያዋዳን፥ ታ ኦጊ ህንተ ኦግያፐ ꬎቄ፤ ታ ቆፋይካ ህንተ ቆፋፐ ꬎቄ።
ISA 55:10 እራይነ ሱፓ ሻቻይ ሳሉዋፐ ዎꬊደ፥ ቢታ አሊደ፥ ሞካናዳንነ አይፋናዳን ኦꬅያዋዳን፥ ቃይ ዘርያዎ ዘረꬃ፥ ምያዋዉካ ካꬃ እመናን ጉየ ሳሉዋ ስመናዋዳን፥
ISA 55:11 ታ ዶናፐ ከስያ ቃላይካ ሄዋ ማላ። እ ታን ሀልቼዳዋ ፖላና፤ ቃይ ኪቴዳዋ ኦꬃናፐ አትና፥ ታኮ ጮ ስመና።
ISA 55:12 “ህንተ ናሸቻን ከሳና፤ ሳሩዋን ሞይዘታና። ደረቱነ ከራቱ ህንተ ስንꬃን ናሸቲደ የጻና፤ ደምባን ደእያ ምꬃቱ ኡባይካ ባረንቱ ኩሽያ ባቃና።
ISA 55:13 አጉንꬃ ድራዉ ጺዳይ፥ ጎምኦርያ ድራካ ጻይꬃይ ሞካና። ሄዌ መꬍና ጎዳይ ሀሳየትያዋነ መꬍናዉ ꬋየና ማላታ ግዳናዋ” ያጌ።
ISA 56:1 መꬍና ጎዳይ ሀዋዳን ያጌ፤ “ቱሙ ፕርዳ ናግተ፤ ጽሎባ ሀንተ፤ አያዉ ጎፐ፥ ታ አሹ ኤሌሊደ ያና፤ ታ ጽሎተꬃይካ ማታን ቆንጫና።
ISA 56:2 ሀዋ ኦꬅያ ኡራ፥ ሳምባታ ቱንሰናዳን ቦንችያ ኡራነ ኢታባ ኦናን እጽያ ኡራ ታን አንጃና” ያጌ።
ISA 56:3 መꬍና ጎዳኮ ሺቄዳ በቲ፥ “መꬍና ጎዳይ ታና ባረ አሳፐ ቱሙ ሻካና” ጎፖ። ቃይ ሙይሬሳይካ፥ “በአ፥ ታን መሌዳ ምꬃ” ጎፖ።
ISA 56:4 መꬍና ጎዳይ ሀዋዳን ያጌ፤ “ታ ሳምባታቱዋ ቦንችያ፥ ታና ናሸችያባ ዶርያነ ታ ጫቁዋ ምንሲደ ናግያ ሙሬሳቶ፥
ISA 56:5 ኡንቱንቶ ታን ታ ጌሻ ጎልያ ግዱዋንነ ታ ድርሳ ግምቢያ ግዶን፥ ኡንቱንቱ ሀሳየትያዋ እማና። ማጫ ናናቱዋፐነ አቱማ ናናቱዋፐ ሎእያ ሱንꬃ ታን ኡንቱንቶ እማና፤ ታን ኡንቱንቶ መꬍናዉ ꬋየና ሱንꬃ እማና።
ISA 56:6 መꬍና ጎዳዉ ኦꬃናዉ፥ መꬍና ጎዳ ሱንꬃ ዶሳናዉነ አ ቆማ ግዳናዉ፥ ባረንታ አኮ ሺሽያ በተቱዋ፥ ቃይ ሳምባታ ቱንሰናን ቦንችያዋንታነ ታ ጫቁዋ ምንሲደ ናግያዋንታ ኡባቱዋ
ISA 56:7 ታን ታ ጌሻ ደርያ አሀና፤ ታ ዎሳ ጎልያን ኡንቱንታ ናሸቻና። ኡንቱንቱ ታ ያርሽያ ሳኣ ቦላን ሺሽያ፥ ጹግያ ያርሹነ ሀራ ያርሹ አከታና፤ አያዉ ጎፐ፥ ታ ጎሊ አሳይ ኡባይ ጾሳ ዎስያ ጎልያ ጌተታና” ያጌ።
ISA 56:8 እስራኤልያፐ ላለቴዳዋንታ ሺሽያ፥ ኡባ ሞድያ መꬍና ጎዳይ፥ “ሺቄዳዋንቱ ቦላ ጉጃደ፥ ታን ሀራቱዋካ ሺሻና” ያጌ።
ISA 56:9 ህንተኖ ባዙዋ ዶአቶ፥ ህንተኖ ዎራን ደእያ ዶአቶ፥ ኡባይካ ሃ ዪደ ሚተ።
ISA 56:10 እስራኤልያ አሳ ናግያዋንቱ ቆቀ፤ ኡንቱንቶ ኡባዉካ ኤር ባዋ። ኡንቱንቱ ኡባይካ ቦጫናዉ ዳንዳየና ዱደ ካናቱዋ ማላ። ኡንቱንቱ ግሲደ አኩመቲኖ፤ ኡንቱንቱ ገምእሹዋ ዶሲኖ።
ISA 56:11 ኡንቱንቱ ሚደ ካለና ካና ማላ፤ ካል ኤርክኖ። ኡንቱንቱ አኬክ ፓጬዳ ሄንꬃንቻ፤ ኡንቱንቱ ኡባይ ባረንቱ ኦግያ ኦግያ ስሜድኖ፤ ኡባይካ ባረንቱ ጎአ ጻላላ ኮዪኖ።
ISA 56:12 ኡንቱንቱ ኡባይካ፥ “ሃ ዪተ፤ ዎይንያ ኤሳ አነ ኡሼቶ። አነ ኑ ማꬆይያ ኡሻ ኩመንꬃ ጋነቶ! ዎንታይካ ሀች ማላ ግዳናዋ፤ ዎይ ሀችፐካ አꬍ ሎአና” ያጊኖ።
ISA 57:1 ጽሎ አሳይ ሀይቄ፤ ሽን ሄዋ አኬኪደ ቆፕያዌ ባዋ። ባረና ጾሳዉ እሜዳ አሳቱ ጋድያፐ ꬋዪኖ፤ ሽን ጽሎ አሳይ ባሻይ ያናፐ ካሰቲደ አከትያዋ ኦንነ አኬከና።
ISA 57:2 እ ቢደ ሳሮተꬃይ ደእያ ሳኣ ገሌ። ሱረተꬃን ሀመትያዋንቱ ሀይቂደ ሸምፑዋ ደሚኖ።
ISA 57:3 ጾሳይ ሀዋዳን ያጌ፤ “ህንተኖ፥ ሻሬቻት ናቶ፥ ህንተኖ ዎሹምያንነ ሻርሙጽያን ዘረꬃቶ፥ ሃይተ።
ISA 57:4 ህንተ ኦ ቦላ ቅሊጪቴ? ህንተ ኦና ህንተ ዶናን ቦቺቴ? ህንተ እንጻርሳካ ኦ ቦላ ከሲቴ? ህንተ ማካላንቻቱዋ ናናቱዋነ ዎርዳንቻቱዋ ናናቱዋ ግድክቴ?
ISA 57:5 ህንተ ዎላ ግዱዋንነ ዳሻ ምꬃ ኡባ ጋርሳን አሙዋን ጹገቲታነ ቱናባ ኦꬂታ፤ ህንተ ናናቱዋካ ዛንጋራ ሾባንነ ሹቻ ጎንጎሉዋን ሹኪደ ያርሺታ።
ISA 57:6 ዛንጋራ ሾባን ደእያ ሊቆ ሹቻቱ ህንተ ጾሳቱዋ። ህንተ ኡንቱንቶ ኡሻ ያርሹዋ ትጌድታ፤ ካꬃ ያርሹዋካ እሜድታ። ያትና፥ ታን ሀዋን ኡባን ናሸትያዋ ህንተንቶ ማላቲ?
ISA 57:7 ሎይꬅ ꬎቃነ አዱሳ ደርያ ሁጲያን ህንተ ግሱዋ የጌድታ፤ ያን ያርሻናዉ ፑደ ከሴድታ።
ISA 57:8 ህንተ ፐንግያፐነ ቆስለꬃፐ ሶ ባጋና ኤቃ ምስለቱዋ ኤሴድታ። ታና አግ ባሺደ፥ ህንተ አርሳ አሲደ፥ ያ ፑደ ከሴድታ። ኡንቱንቱና ጫቁዋ ጫቀቴድታ፤ ያቲደ ኡንቱንቱ አርሳ ዶሴድታ፤ ኡንቱንቱ ካሉዋካ በኤድታ።
ISA 57:9 ዛይትያ አኪደ፥ ሞሎካ ግያ ኤቃኮ ቤድታ፤ ህንተ ሽቱዋካ ዳርሴድታ፤ ህንተዉ ኪተትያዋንታ ሃኮ ሳ ኪቴድታ፤ ሀራይ አትና፥ ስኦልያ ጋካናዉ ዎꬌድታ።
ISA 57:10 ህንተ ሀራ ጾሳቱዋ ኮዪደ ዳቡሬድታ፤ ሽን፥ ‘ህዶት ባዋ’ ያግበይክታ። ህንተ ዎልቃይ ሃ ኦራጼዳ፤ ሄዋ ድራዉ፥ ላባኒደ ኩንድበይክታ።
ISA 57:11 “ህንተ ኦስ ያዪደ፥ ታዉ ዎርዶቴድቴ? ህንተ ታና ሀሳይበይክታ፤ ህንተ ዎዛናንካ ቆፕበይክታ። ታን ዳሮ ዎድያ ጮኡ ጌዳ ድራዉ ግደኔ፥ ህንተ ታዉ ያየናን አጌዳዌ?
ISA 57:12 ታን ህንተ ጽሎተꬃነ ህንተ ኦሶቱዋ ቆንጭሳና፤ ሽን ህንተና አይነ ጎእክኖ።
ISA 57:13 ህንተ ዋስያ ዎደ፥ ህንተ ሺሼዳ ኤቃቱ ህንተና አሽኖ! ኡንቱንታ ኡባካ ጫርኩ አክ አፋና፤ እቶደን ሸምፕያ ሸምፑ ኡንቱንታ ፑን ꬋይሳና። ሽን ታና ባረዉ ባቃት አትያሳ ኦꬅያ አሳይ ቢታ ላታና፤ ታ ጌሻ ደርያካ እ አካና” ያጌ።
ISA 57:14 ጾሳይ ሀዋዳን ያጌ፤ “ግምቢተ፥ ግምቢተ! ኦግያካ ጊግስተ፤ ታ አሳ ኦግያፐ ꬉቢያዋ ኡባ ድግተ” ያጌ።
ISA 57:15 አያዉ ጎፐ፥ መꬍናዉ ደእያዌ፥ ግታይ፥ ꬎቃን ደእያዌ፥ አ ሱንꬃይካ ጌሻ ጌተትያዌ፥ ሀዋዳን ያጌ፤ “ታን ꬎቁ ጌዳነ ጌሻ ሳኣን ደአይ፤ ግዶፐነ፥ ባረንቱ ኦꬄዳ ናጋራዉ ካዮቲደ ስምያዋንቱናነ ባረና ዝቂ ኦꬅያዋንቱና ደአይ። ያታደ ታን ባረንቱ ኦꬄዳ ናጋራዉ ካዮቲደ ስምያዋንቱ አያናነ ባረና ዝቂ ኦꬅያዋንቱ ዎዛና ኦራጽሳይ።
ISA 57:16 ታን መꬍናዉ ሞትከ፤ ኡባ ገደካ ሀንቀትከ። አሳ አያናይ፥ ታን መꬌዳ አሳ ሸምፑ ዳቡራና።
ISA 57:17 ኡንቱንቱ ናጋራ ጋሱዋንነ ኡንቱንቱ ያርያ ጋሱዋን፥ ታን ኡንቱንታ ሀንቀታድ። ኡንቱንታ ሾጫድ፤ ታ ስንꬃካ ኡንቱንቱፐ ገንꬃድ። ሽን ኡንቱንቱ ሀእካ ስሚደ፥ ባረንቱ ዎዛና ቆፋን ቤድኖ።
ISA 57:18 ታን ኡንቱንቱ ኦገቱዋ በኣድ፤ ሽን ታን ኡንቱንታ ፓꬃና፥ ካለꬃናነ ዬክያዋንታ ምንꬃና።
ISA 57:19 እስራኤልያ ጋድያን ዬክያዋንቱ መተርሻን ጋላታ ዎꬃና። ሃኩዋንነ ማታን ደእያዋንቶ ሳሩ ግዶ። ታን ኡንቱንታ ፓꬃና” ያጌ መꬍና ጎዳይ።
ISA 57:20 ሽን ኢታቱ ቡሉቂያነ ኡርቃ ፑደ ፑሻክያ፥ ዎፑ ጋናዉካ ዳንዳየና አባ ቤታ ማላ።
ISA 57:21 ታ ጾሳይ፥ “ኢታቶ ሳሩ ባዋ” ያጌ።
ISA 58:1 ጾሳይ ሀዋዳን ያጌ፤ “ነ ቃላ ꬎቁ ኦꬃደ ዋሳ፤ ጉየ ጎፓ። ነ ኮሻ ማላካታዋዳን ꬎቂሳ። ታ አሳዉ ኡንቱንቱ ማካላ፥ ያቆባ ጎልያ አሳዉካ ኡንቱንቱ ናጋራ ኦዳ።
ISA 58:2 ሽን ኡንቱንቱ ታና ሀች ሀች ኮዪኖ፤ ታ ኦግያካ ካላናዉ ዶስያዋ ማላቲኖ። ጽሎባ ኦꬄዳ ካተተꬃዳንነ ጾሳ አዛዙዋ ኦልቤና አሳዳን፥ ኡንቱንቱ ታና ሱረ ፕርዳ ኦቺኖ፤ ታኮ ጾሳኮ ሺቃናዉካ ዶሲኖ” ያጌ።
ISA 58:3 ኡንቱንቱ ሺቂደ ጾሳ፥ “ኑን ጾሜዶ፤ ሽን ኔን አያዉ ኑና ጼላበይኪ? ኑን ኑናተꬃ ካዉሼዶ፤ ሽን ኔን ኑና አያዉ ኤራበይኪ?” ያጊኖ። ጾሳይ ዛሪደ፥ ኡንቱንታ ሀዋዳን ያጌ፤ “በእተ፥ ህንተ ጾምያ ጋላስ ህንተና ናሸችያባ ኦꬂታ፤ ህንተ ኦሳንቻ ኡባ ኡቁኒታ።
ISA 58:4 በእተ፥ ህንተ ዋላሳዉነ ዋታዉ ጾሚታ፤ ቃይ መቀꬅ ባይና ደሸꬃ ደቻናዉ ጾሚታ። ሀቼ ህንተ ጾምያ ሀዋ ማላ ጾማይ፥ ህንተ ቃላይ ቦላን ስሰታናዳን ኦና።
ISA 58:5 ታን ዶርያ ጾማይ ሀዋ ማሌየ? እት አሳይ ባረናተꬃ ካዉሽያዌ ሀዋ ማላ ጋላሳኔየ? ቃይ ታን ኮይያ ጾማይ አሳይ ባረ ሁጲያ ጬጫዳን ዱገ ሆክስያዌየ? ብድንꬃ ቆሊደ፥ ማቃ ሂጺደ ግስያዌየ? ያትና፥ ሄዋ ጾማ ጊደ ጼጊቴየ? ቃይ ሄ ጾምያ ጋላሳይካ መꬍና ጎዳይ ናሸትያ ጋላሳ ጌተቲየ?
ISA 58:6 “ታን ዶሬዳ ጾማ ሀዋ በእተ፦ ፕርዳን ናቂደ ቃቼዳዋንቱ ሳንሳላታ ለፕያዋ፥ ሞርገ ምꬃ ጎንያ ብልያዋ፥ ኡቁነቴዳዋንታ ኡቁኑዋፐ ከስያዋነ ሞርገ ምꬃ ኡባ መንꬅያዋ።
ISA 58:7 ቃይ ታን ዶሬዳ ጾማይ ኮሻቴዳዎ ህንተ ቁማ ሻክያዋ፥ ጎሊ ባይና ህዬሳቱዋ ጎልያ አክያዋ፥ ካሎቴዳዋንታ በእያ ዎደ፥ ማይዝያዋ፥ ማዱዋ ኮይያ ህንተ ዳቡዋፐ ህንተ ዴሙዋ ገንናን አግያዋ።
ISA 58:8 “ያቶፐ፥ ህንተ ፖኡ ዎንታ ጻልቂያዳን ፖአና፤ ህንተ ፓጻተꬃይካ ኤለካ ያና። ህንተ ጽሎተꬃይ ህንተፐ ስንꬃና ባና፤ መꬍና ጎዳ ቦንቹካ ህንተፐ ጉየና ግዲደ፥ ህንተና ናጋና።
ISA 58:9 ሄ ዎደ ህንተ ጼሳና፤ መꬍና ጎዳይ ህንተንቶ ኮያና። ህንተ ማዱዋ አካናዉ ዋሳና፤ እካ፥ ‘ሄኮ፥ ታን ሀዋን ደአይ!’ ያጋና። “ህንተ ግዶፐ ህንተ ኡቁንያ ሞርገ ምꬃ ድጎፐ፥ ቃይ ብራꬍያን ማላትያዋነ ኢታባ ሃሳይያዋ አጎፐ፥
ISA 58:10 ኮሻቴዳዋ ቁማ ሙዚደ ካልሶፐ፥ ናቀቴዳዋ እ ኮይያዋ ካልሶፐ፥ ሄ ዎደ ህንተ ፖኡ ꬉማን ፖአና፤ ህንተ ቃማይካ ሴታ ጋላሳ ግዳናዋ።
ISA 58:11 መꬍና ጎዳይ ህንተና ኡባ ገደ ካለꬃና፤ ህንተና መላ ባዙዋን ኮሽያዋካ እ ህንተዉ ኩንꬃና። ህንተ ቦላ ጻጱዋካ ምንሳና። ቃይ ህንተ ሃꬃ ኡሽያ ገነትያ ማላነ አ ሃꬃይ ሙለካ ቶኤና ፑልቱዋ ማላ ግዳናዋ።
ISA 58:12 በን ኮለቴዳዋንታ ህንተ ዛረꬂደ ኬጻና፤ ዳሮ ዎድያፐ ካሰ ባሰቴዳ ባሶቱካ ኬጸቲደ ꬎቁ ጋና። ህንተካ ኮለቴዳ ግምበቱዋ ዛረꬂደ ግምቢያዋንታነ አሳይ ደእያ ሳአቱዋን ኦግያ ከስያዋንታ ጌተት ጼሰታና” ያጌ።
ISA 58:13 ቃይካ ጾሳይ ሀዋዳን ያጌ፤ “ሳምባታ መꬍና ጎዳዉ ዱማ ጋላሳዳን ጼሎፐ፥ ሄ ታ ጌሻ ጋላስ ህንተ ጎኣ የደርስያዋንታ ግዳና ꬋዮፐ፥ ሳምባታ ናሸችያነ ቦንቼቴዳ ጾሳ ጋላሳ ቦንቹዋ ጊደ ጼሶፐ፥ ቃይካ ህንተ ህንተ ኦግያ ቤናን አጊደ፥ ቦንችያዋ ግዶፐ፥ ዎይ ህንተና ናሸችያባ ኦናንነ ሀዳባ ሃሳየናን አጎፐ፥
ISA 58:14 ሄ ዎደ ህንተ መꬍና ጎዳን ናሸታና። ቃይ ታን ህንተና ዳሮ ቦንቼቴዳዋንታ ኦꬃና፤ ህንተ አዉዋ ያቆባ ጋድያፐ ላተቴዳዋ ህንተ ማናዳን፥ ታን ህንተና ኦꬃና። ታን መꬍና ጎዳይ ሀዋ ሃሳያድ” ያጌ።
ISA 59:1 በእተ፥ መꬍና ጎዳ ኩሺ ህንተና አሻናዉ ቃምቤና፤ አ ሀይꬃይካ ስሰናን እጻናዉ ቱልቤና።
ISA 59:2 ሽን ህንተ ናጋራይ ህንተፐነ ህንተ ጾሳፐ ግዱዋን ሻኮተꬃ መꬌዳ። ቃይ እ ስሰና ማላ፥ ህንተ ናጋራይ አ ዴሙዋ ህንተፐ ገንꬄዳ።
ISA 59:3 አያዉ ጎፐ፥ ህንተ ኩሺ ሱꬃን፥ ህንተ ብራꬊካ ናቁዋን ቱኔዳ፤ ህንተ ዶናይ ዎርዱዋ ሃሳየ፤ ህንተ እንጻርሳይካ ኢታባ ዙዙሜ።
ISA 59:4 ጽሎተꬃን ሞትያዌ ባዋ፤ ቱማተꬃን ፕርድያዌካ ባዋ። ኡንቱንቱ መላ ፓሉምያን ጬቀቲኖ፤ ዎርዱዋ ሃሳዪኖ። ቃይ መቱዋ ሻሃሪደ፥ ኢታተꬃ የሊኖ።
ISA 59:5 ኡንቱንቱ ሾሻ ቁቁልያ ቆጺኖ፤ ሻራሮትያ ጎልያካ ኬጺኖ። ኡንቱንቱ ቁቁለቱዋ ምያ አሳይ ሀይቄ፤ ቁቁልያፐ እቱ መኦፐ፥ ሾሻይ አ ግዶፐ ከሴ።
ISA 59:6 ኡንቱንቱ ኬጼዳ ሻራሮታት ጎሊ ማያናዉ ኡንቱንታ ጎኤና። ኡንቱንቱ ባረንቱ መꬌዳዋን ባረና ካምክኖ። ኡንቱንቱ ኦሱ ኢታ ኦሶ፤ ማካላ ኦሱ ኡንቱንቱ ኩሽያን ደኤ።
ISA 59:7 ኡንቱንቱ ገደቱ ኢታባ ኦꬃናዉ ዎጺኖ፤ ጽሉዋ ሱꬃ ጉሳናዉካ ጃሚኖ። ኡንቱንቱ ቆፋይ ኢታ ቆፋ። ኡንቱንቱ ቤዳ ሳ ኡባን ቆሁነ ባሻይ ደኤ።
ISA 59:8 ኡንቱንቱ ሳሮተꬃ ኦግያ ኤርክኖ፤ ኡንቱንቱ ብያ ኦግያን ሱረ ፕርድ ባዋ፤ ኡንቱንቱ ባረንቱ ኦግያ ጌላዬድኖ፤ ሄ ኦገቱዋና ሀመትያ ኦንነ ሳሮተꬃ ኤረና።
ISA 59:9 ሄዋ ድራዉ፥ ሱረ ፕርዳይ ኑፐ ሃኬዳ፤ ጽሎተꬃይካ ኑኮ ጋከና። ኑን ፖኡዋ ኮዬቶ፤ ሽን በእተ፥ ꬉማ ግዴዳ፤ ዎልቃማ ፖኡዋ ኮዬቶ፤ ሽን ꬉማን ሀመቴቶ።
ISA 59:10 ኑን አይፊ ባይና ቆቅያዳን፥ ድርሳ ግምቢያኮ ታታፌቶ። ሳአይ ለምእለምእና ሀመትያዋዳን፥ ሴታ ጋላስ ꬉበቴቶ። ቃይ ኩመንꬃ ዎልቃና ደእያ አሳቱዋ ግዶን ኑን ሀይቄዳ አሳቱዋ ማላ ግዴዶ።
ISA 59:11 ኑን ኡባይካ ጋሙዋዳን ጉዴቶ፤ ሀራጰቱዋዳንካ ካዮቲደ ኦሌቶ። ኑን ሱረ ፕርዳ ኮዬዶ፤ ሽን ደምበይኮ። ቃይ አቶተꬃካ ኮዬዶ፤ ሽን እ ኑፐ ሃኬዳ።
ISA 59:12 አያዉ ጎፐ፥ ኑ ባይዙ ነ ስንꬃን ዳሬዳ፤ ኑ ናጋራይካ ኑ ቦላ ማርካቴ። ኑ ባይዙ ኑናና ደኤ፤ ኑ ናቁዋካ ኑን ኤሬቶ።
ISA 59:13 ኑን ማካሊደ፥ ጾሳ ካዴዶ፤ ኑ መꬍና ጎዳ ካልያዋ አጊደ፥ ጉየ ስሜዶ፤ ሱገꬃነ ገንያ ሃሳዬዶ። ቃይ ኑን ሻሃሬዳ ዎርዶ ቃላ ኑ ዎዛናፐ የሌዶ።
ISA 59:14 ሱረ ፕርዳይ ጉየ ሱገቴዳ፤ ጽሎተꬃይካ ኑፐ ሃኬዳ፤ አያዉ ጎፐ፥ ቱማተꬃይ ጉታራን ꬉበቴ፤ አማነትያ ሀኖታዉ ገልያ ሳአይ ꬋዬዳ።
ISA 59:15 ቱማተꬃይ ሀቃንነ ቤተና፤ ኢታተꬃፐ ሃክያ አሳይ ባረዉ ኦሞደቴ። መꬍና ጎዳይ በኢደ፥ ሱረ ፕርዳይ ባይናዎ ካዮቴዳ።
ISA 59:16 ኡቁነቴዳዋንታ ማድያ አሳይ ባይናዋ ጾሳይ በኤዳ፤ ጋናትያ አሳይ ባይናዎ ጋራመቴ። ሄዋ ድራዉ፥ አ ቀሲ አዉ አቶተꬃ አሄዳ። አ ጽልቶተꬃይ አ ዘምፕሲደ ኦይቄዳ።
ISA 59:17 ጾሳይ ጽሎተꬃ ትራን ዎꬅያ ኦላ ሚሻዳን ማዬዳ፤ ባረ ሁጲያንካ አቶተꬃ ቆብያ ዎꬄዳ። ሀሉዋ ከስያ ማዩዋካ ማዪደ፥ ምሹዋ ቁማዩዋ ቁማዬዳ።
ISA 59:18 እ ኡንቱንቶ ኡንቱንቱ ኦሱዋዳን ኦሱዋዳን ዛራና፤ ባረ ሞርከቶ ሀንቁዋ፥ ባረ ባልጋራቶካ ሙሩዋ ዛራና። አባ ዶና ቢታቱዋን ደእያዋንቶ ኡንቱንቱ ኦሶ በስያዋ እማና።
ISA 59:19 ሄዋ ድራዉ፥ አዋይ ዉልያ ባጋና ደእያዋንቱ መꬍና ጎዳ ሱንꬃዉ ያያና፤ አዋይ ዶልያ ባጋና ደእያዋንቱካ አ ቦንቹዋ ያያና። አያዉ ጎፐ፥ መꬍና ጎዳ ጫርኩ ጋጋንꬅ የድና፥ ጎግያ ድኡዋዳን እ ያና።
ISA 59:20 መꬍና ጎዳይ ሀዋዳን ያጌ፤ “ታን ጽዮነዉነ ያቆባ ዛራቱዋን ባረንቱ ናጋራፐ ስምያዋንቶ ዎዝያዋ ግዳደ ያና” ያጌ።
ISA 59:21 ቃይካ መꬍና ጎዳይ ሀዋዳን ያጌ፤ “ታና ግዶፐ፥ ታን ኡንቱንቱና ጫቀትያ ጫቁ ሀዋ: ህንተ ቦላን ደእያ ታ አያናይነ ታን ህንተ ዶናን ዎꬄዳ ታ ቃላይ ሀችፐ ዶሚደ፥ መꬍና ጋካናዉ፥ ህንተ ዶናፐ፥ ህንተ ናናቱ ዶናፐነ ህንተ ናናቱ ናናቱ ዶናፐ ሻከተና። ታን መꬍና ጎዳይ ሀዋ ኦዳይ” ያጌ።
ISA 60:1 ጾሳይ ሀዋዳን ያጌ፡ “ደንዳ! ደንዳደ ፖእሳ፤ አያዉ ጎፐ፥ ነ ፖኡ ዬዳ። መꬍና ጎዳ ቦንቹካ ነ ቦላን ፖኤዳ።
ISA 60:2 በአ፥ ꬉማይ ሳኣ ካማና፤ ባራ ꬉማይካ አሳ ቦላን ዎꬋና። ሽን መꬍና ጎዳይ ነ ቦላ ደንዳና፤ አ ቦንቹካ ነ ቦላ ፖአና።
ISA 60:3 ካዉተꬃቱ ነ ፖኡዋኮ፥ ካተቱካ ነ ዎንታ ዋጃጃኮ ያና።
ISA 60:4 “ꬎቁ ጋደ ነ ዩሹዋ ጼላ። ኡንቱንቱ ኡባይ እትፐ ሺቂደ፥ ኔኮ ያና። ነ አቱማ ናናይ ሃኩዋፐ ያና፤ ነ ማጫ ናናይካ ባኤቲደ፥ ኔኮ ያና።
ISA 60:5 ሄ ዎደ ኔን በኣደ ናሸታና፤ ነ ዎዛናይካ ሎይꬅ ፖጩ ጋና። አያዉ ጎፐ፥ አባ ቦላን ደእያ ግዳይ ኔኮ ስማና፤ ካዉተꬃቱዋ ዱረተꬃይካ ኔኮ ያና።
ISA 60:6 ምድያማ ቢታፐነ ኤፋ ጋድያፐ ዬዳ ያላጋ ጋሎቱዋ ዉዲ ነ ቢታ ካማና። ቃይ ዎርቃነ እጻና ጫነቴዳ ጋሎቱ መꬍና ጎዳ ጋላታ አዋዪደ፥ ሳባፐ ያና።
ISA 60:7 ቄዳረነ ናባዮታ ዶርሳ ዉደቱ ኡባይ ያርሾ ታ ያርሹዋ ሳኣ ኔኮ ሺቃና፤ ቃይ ታንካ ታ ቦንቾ ጌሻ ጎልያ ቦንቻና።
ISA 60:8 “ሀ ሻርያዳንነ ባረንቱ ጎልያኮ ፓልያ ሀራጰቱዋዳን ፓልያዋንቱ ኦኔ?
ISA 60:9 ሀዋንቱ ሃꬃን ዶደቴዳ ቢታቱ ታናን ህዶታ ኦꬃና። እስራኤልያ ጌሻይ መꬍና ጎዳይ ህንተ ጾሳይ ህንተና ቦንቼዳ ድራዉ፥ ተርሴሰ ማርካባቱ ስንꬃት ከሲደ ነ ናናቱዋ ሃኮ ቢታፐ ኡንቱንቱ ብራናነ ዎርቃና ጾሳ ቦንቾ አሀና።
ISA 60:10 “አላጋ ጋድያ አሳይ ነ ድርሳ ግምባና፤ ኡንቱንቱ ካተቱ ነዉ ኦꬃና። ኔና ታን ታ ሀንቁዋን ካሰ ሾጬዳዋ ግዶፐካ፥ ሀእ ታ ቃረታን ታን ኔና ማራድ።
ISA 60:11 ነ ፐንገቱ ኡባ ገደ ዶያ ደአና። ካዉተꬃቱዋ ዱረተꬃነ ኦሞደቴዳ ካተቱዋ ኔኮ አሀና ማላ፥ ጋላስካ ቃማካ ጎርደትክኖ።
ISA 60:12 ነዉ ኦና አሳይ ዎይ ካዉተꬃይ ኡባይ ኡባና ꬋያና።
ISA 60:13 ታ ጌሻ ጎልያ ሳኣ ሎይꬃና ማላ፥ ሊባኖሳ ቦንቹ፥ ዝጋይ፥ ጺዳይነ ጻይꬃይ ኔኮ ያና፤ ታን ታ ገድያ ዎꬅያ ሳኣ ቦንቻና።
ISA 60:14 ኔና ኡቁኔዳዋንቱ አቱማ ናናይ ነዉ ሆኪደ፥ ኔኮ ያና፤ ኔና ካꬌዳ ኡባቱ ነ ስንꬃን ጎይናና። ኡንቱንቱ ኔና፥ ‘መꬍና ጎዳ ካታማቴ ጽዮኔ፥ እስራኤልያ ጌሻ ካታማቴ’ ያጊደ ጼሳና።
ISA 60:15 “ኦንነ ነ ግዶና አናዋ ኬና ኔን ካሰ ኦለታዳነ እጸታዳ። ሽን ሀእ ታን ኔና መꬍናዉ ዎልቃማ ኦꬃና፤ ቃይ የለታ ኡባይ ናሸትያ ሳ ኦꬃና።
ISA 60:16 ኔን ካዉተꬃቱዋ ማꬃ ኡሻና፤ ካተቱ ꬋንꬃካ ꬋማና። ሄዋፐ ጉይያን፥ ታን መꬍና ጎዳይ ኔና አሽያዋ፤ ዎዝያዋነ፥ ያቆባ ዎልቃማ ግድያዋ ኔን ኤራና።
ISA 60:17 ናሃስያ ድራዉ ዎርቃ፥ ብራታ ድራካ ብራ፥ ምꬃ ድራዉ ናሃስያ፥ ሹቻ ድራዉ ብራታ ታን ነዉ አሀና። ታን ኔና ሞድያዋንታ ሳሮ፥ ነ ካፖቱዋካ ጽሉዋ ኦꬃና።
ISA 60:18 ሀዋፐ ጉይያን፥ ሱገꬃ ኦሱ ነ ጋድያን ስሰተና፤ ነ ዛዋንካ ላለꬃይነ ባሻይ ስሰተና። ኔን ነ ድርሳ ግምቢያ፥ ‘አቶተꬃ’ ነ ፐንገቱዋካ፥ ‘ጋላታ’ ያጋደ ጼሳና።
ISA 60:19 “ሄዋፐ ጉይያን፥ ጋላስ ነዉ አዋ ፖኡዋ ኮሸና፤ ቃማካ አግና ፖኡዋ ኮሸና። አያዉ ጎፐ፥ መꬍና ጎዳይ ነዉ መꬍና ፖኦ ግዳናዋ፤ ነ ጾሳይ ነዉ ቦንቾ ግዳናዋ።
ISA 60:20 ነ አዋይ ላኤንꬆ ዉለና፤ ነ አግናይካ ፖእያዋ አገና። አያዉ ጎፐ፥ መꬍና ጎዳይ ነዉ መꬍና ፖኦ ግዳናዋ፤ ኔን ዬኬዳ ጋላሳቱካ ዉራና።
ISA 60:21 ነ አሳይ ኡባይ ጽሉዋ ግዳናዋ፤ ኡንቱንቱ ቢታቶካ መꬍናዉ ላታና። ኡንቱንቱ ታን ታ ቦንቹዋ ቆንጭሳናዉ ቶኬዳ ፑተቱዋ፤ ኡንቱንቱ ታ ኩሽያ ኦሶቱዋ።
ISA 60:22 ህንተ ግዶን እት ጎልያን ደእያ ፓይዱዋን ጉꬃ አሳቱዋ ታን ሻእሳና፤ ኡባፐ ፓይዱዋን ጉጽያዋንታካ ዎልቃማ ካዉተꬃ ኦꬃና። ታን መꬍና ጎዳ፤ ዎዲ ጋክያ ዎደ፥ ታን ሀዋ ኤለካ ፖላና” ያጌ።
ISA 61:1 ኡባ ሞድያ መꬍና ጎዳ አያናይ ታ ቦላን ደኤ፤ አያዉ ጎፐ፥ ቆሄቴዳዋንቶ ሎኦ ምሽራቹዋ ኦዳና ማላ፥ ጾሳይ ታና ኦኬዳ። እ ታና ዎዛናይ መኤዳዋንቶ ኮለትያዋነ ኦሞደቴዳዋንቶ ኦሞዱዋፐ ከስያዋ አዋያና ማላነ ቃሸቴዳዋንቶ ብለꬃ አዋያና ማላ ኪቴዳ።
ISA 61:2 መꬍና ጎዳይ ዶሬዳ ላይꬃነ ኑ ጾሳይ ሀሉዋ ከስያ ጋላሳ አዋያና ማላነ ካዮትያዋንታ ኡባቱዋ ምንꬃና ማላ፥ ታና ኪቴዳ።
ISA 61:3 ሄዋዳንካ ቃይ፥ ጽዮነን ካዮትያዋንቶ፥ ብድንꬃ ድራዉ ካላቻ፥ ካዩ ድራዉ ናሸቻ ዛይትያ፥ ላባና አያና ድራዉ ጋላታ ቁማዩዋ እማና ማላ፥ ታና ኪቴዳ። ኡንቱንቱ መꬍና ጎዳይ ባረ ቦንቾ ቶኬዳ ጽሎ ምꬃ ጌተቲደ ጼሰታና።
ISA 61:4 ኡንቱንቱ በን ኮለቴዳዋንታ ዛረꬂደ ኬጻና፤ በን ኩንዴዳዋንታካ ዛረꬂደ ኤሳና። ኡንቱንቱ ኦኔዳዋንታነ ዳሮ የለታፐ ካሰ ኮለቴዳ ካታማቱዋ ዛረꬂደ ኬጻና።
ISA 61:5 አላጋ ቢታ አሳቱ ህንተ ዶርሳ ዉድያ ሄማና፤ እማꬃቱካ ህንተ ጋድያ ጎሻናነ ህንተ ዎይንያ ቱራ ናግያዋንታ ግዳና።
ISA 61:6 ህንተ ቃይ፥ “መꬍና ጎዳ ቄሳቱ ዋ” ጌተቲደ ጼሰታና፤ አሳይካ ህንተና፥ “ኑ ጾሳ ኦሳንቻቱዋ” ያጊደ ጼሳና። ህንተ ካዉተꬃቱዋ ዱረተꬃ ማና፤ ኡንቱንቱ ዱረተꬃንካ ህንተ ጬቀታና።
ISA 61:7 ህንተ ዬላ ድራዉ ህንተ ላኡ ኩሽያ ሳማ አካና፤ ካዉሼዳዋ ድራዉካ ህንተ ካጫን ህንተ ናሸታና። ሄዋ ድራዉ፥ ህንተ ህንተ ጋድያን ላኡ ዳኩዋ ላታና፤ ህንተ ናሸቻይካ መꬍና ናሸቻ ግዳናዋ።
ISA 61:8 ጾሳይ ሀዋዳን ያጌ፤ “ታን መꬍና ጎዳይ ሱረ ፕርዳ ዶሳይ፤ ቦንቂያነ ባይዙዋ እጻይ። ታን አማነታደ፥ ኡንቱንቱ ኦሱዋ ጋትያ ኡንቱንቶ ጭጋና። ታን ኡንቱንቱና መꬍና ጫቁዋ ጫቀታና።
ISA 61:9 ኡንቱንቱ ዛራቱ ካዉተꬃቱዋ ግዶን፥ ኡንቱንቱ ናናይካ ጋደ አሳቱዋ ግዶን ኤረታና፤ ኡንቱንታ በኤዳ ኡባይ ታን፥ መꬍና ጎዳይ አንጄዳ አሳቱዋ ኡንቱንቱ ግድያዋ ጌሺደ ኤራና” ያጌ።
ISA 61:10 ታን መꬍና ጎዳን ሎይꬃ ናሸታይ፤ ታ ሸምፑካ ታ ጾሳን ሀሹ ጌ። አያዉ ጎፐ፥ ቡላችያዌ ባረ ሁጲያን ቄሲ ሻሽያ ዎꬅያዋዳን፥ ቡላቼትያናካ ዱማ ዱማ አሌቁዋን አሌቀትያዋዳን፥ እ ታና አቶተꬃ ማዩዋ ማይዜዳ፤ ጽሎተꬃ ቁማዩዋካ ቦላና ታዉ ጉጄዳ።
ISA 61:11 ቢታይ ጫርሻ ሞክያዋዳንነ አታክልትያ ሳአይካ ቶኬዳዋ ድችያዋዳን፥ ሄዋዳንካ፥ ኡባ ሞድያ መꬍና ጎዳይ ጽሎተꬃነ ጋላታ ካዉተꬃ ኡባ ስንꬃን ፑልትሳና።
ISA 62:1 ጽዮነ ድራዉ፥ ታን ጮኡ ጊከ፤ የሩሳላመ ጽሎተꬃይ ዎልቃማ ፖኡዋዳን፥ እ አቶተꬃይካ ኤጽያ ጾምፕያዳን ፖአና ጋካናዉ፥ ታን ጮኡ ጊከ።
ISA 62:2 ካዉተꬃቱ ነ ጽሎተꬃ፥ ካተቱ ኡባይካ ነ ቦንቹዋ በአና። መꬍና ጎዳይ ባረ ዶናፐ ሱንꬅያ ኦራꬃ ሱንꬃን ኔን ጼሰታና።
ISA 62:3 ኔን መꬍና ጎዳ ኩሽያን ሎኤዳ አሌቁዋነ ካዉተꬃ ካላቻ ማላ ግዳና።
ISA 62:4 ሀዋፐ ስንꬃናዉ ኔን፥ “ዶገታ አቴዳኖ” ጌተታካ። ቃይ ነ ቢታታካ፥ “መላ አቴዳኖ” ጌተቱኩ። ሽን ኔን፥ “ታ ናሸቻይ እን ደእያኖ” ነ ቢታታካ፥ “አስና ገሌዳኖ” ጌተታና። አያዉ ጎፐ፥ መꬍና ጎዳይ ኔናን ናሸታና፤ ነ ቢታትዉካ እ አስና ማላ ግዳናዋ።
ISA 62:5 ዎዳላይ ዎዶራቶ ማችያዋዳን፥ ነ ናናይ ኔና አካና፤ ማቻቶ ቡላችያዌ ቡላቼትያንን ናሸትያዋዳን፥ ሄዋዳንካ፥ ነ ጾሳይ ኔናን ናሸታና።
ISA 62:6 ኔኖ የሩሳላመ፥ ነ ድርሳ ግምቢያ ቦላን ዎችያዋንታ ታን ዎꬃድ፤ ኡንቱንቱ ጋላስካ ቃማካ ጮኡ ጊክኖ።
ISA 62:7 ህንተኖ፥ የሩሳላመባ መꬍና ጎዳ ሀሳይስያዋንቶ፥ እ የሩሳላመ ኬጻና ጋካናዉነ ቢታ ኡባ ቦላን ናሸቴዳ ካታማ ኦꬃና ጋካናዉ፥ ህንተዉካ ሸምፖፕተ፤ አካ ሸምፕሶፕተ።
ISA 62:8 መꬍና ጎዳይ ባረ ኡሸቻ ኩሽያንነ ባረ ዎልቃማ ቀስያን ሀዋዳን ያጊደ ጫቄዳ፤ “ታን ላኤንꬆ ህንተ ካꬃ ህንተ ሞርከቶ ቁማ ኦꬃደ እምከ፤ ቃይ ህንተ ዳቡሬዳ ህንተ ዎይንያ ኤሳካ አላጋቱ ኡሽክኖ።
ISA 62:9 ሽን ጫኬዳዋንቱ ባረንቱ ካꬃ ማና፤ ያቲደ መꬍና ጎዳ ኡንቱንቱ ጋላታና፤ ዎይንያ ቴራ ማጼዳዋንቱ ታ ጌሻ ጎልያ ዳባባን ኡሻና” ያጌ።
ISA 62:10 አꬍተ! ፐንግያና ከሲደ ቢተ! አሳዉ ኦግያ ከስተ! ከስተ፥ ዎጋ ኦግያ ከስተ! ሹቻቱዋካ ድግተ፤ ካዉተꬃቱ ኦግያ ደማና ማላ፥ ባንድራ ኤስተ።
ISA 62:11 በእተ፥ መꬍና ጎዳይ ቢታ ሳኣ ጋጻን ሀዋዳን ያጊደ አዋዬዳ፤ “ጽዮነ አሳዉ ሀዋዳን ያግተ፤ ‘በእተ፥ ህንተና አሽያዌ ጋኬዳ! በእተ፥ አ ጋቲ አናና ደኤ፤ ኦሶ እ እምያ ኬርሱካ አ ስንꬃን ደኤ’ ያግተ” ያጌዳ።
ISA 62:12 ህንተ፥ “መꬍና ጎዳይ ዎዜዳ ጌሻ አሳቱዋ” ጌተቲደ ጼሰታና፤ የሩሳላመካ፥ “ኮየቴዳኖ፥ አግ ባሽቤና ካታማቶ” ጌተታና።
ISA 63:1 ኤዶማ ጋድያን ደእያ ቦጽራ ግያ ካታማፐ ዞኦ ማዩዋ ማዪደ ይያዌ፥ ሄዌ እ ኦኔ? ሀ ፑላና ደእያ ማዩዋ ማዪደ፥ ባረ ዎልቃ ምኖተꬃን ስንꬃዉ ሀመትያዌ ኦኔ? ጾሳይ፥ “ሄዌ ጽሉዋ ሃሳይያዌነ ዎልቃን አሽያዌ ታና ግድክታ!” ያጌ።
ISA 63:2 ዎይንያ ጉምኢያሳን ዎይንያ የꬍያ ብታንያ ማዩዋዳን፥ ነ ማዩ አያዉ ዞኤዴ?
ISA 63:3 ጾሳይ ሀዋዳን ያጊደ ዛራና፤ “ዎይንያ ጉምኢያሳ ታን ታረካ የꬋድ፤ ካዉተꬃቱዋፐ እት አሳይነ ታናና ባዋ። ታን ኡንቱንታ ታ ሀንቁዋን የꬋድ፤ ታ ይሉዋንካ ኡንቱንታ ድርጸረꬃድ። ኡንቱንቱ ሱꬃይ ታ ማዩዋ ቦላን ꬋጨትና፥ ታ ማዩ ኡባይ ባዬዳ።
ISA 63:4 ታን ታ አሳ ዎዝያ ጋላሳይነ ኡንቱንቱ ሞርከቶ ሀሉዋ ከስያ ላይꬃይ ጋኬዳ።
ISA 63:5 ታን ጼላድ፤ ሽን ታና ማድያ እት አሳይነ ቤትቤና። ማድያዌ ꬋዬዳ ድራዉ፥ ታን ማላለታድ። ሄዋ ድራዉ፥ ታ ቀሲ ታዉ ጾኑዋ አሄዳ፤ ታ ሀንቁካ ታና ማዴዳ።
ISA 63:6 ታን ታ ሀንቁዋን ካዉተꬃቱዋ የꬋድ፤ ታ ይሉዋንካ ኡንቱንታ መንሬꬃድ፤ ኡንቱንቱ ሱꬃካ ታን ጋድያን ጉሳድ” ያጋና።
ISA 63:7 መꬍና ጎዳይ ኑዉ ኦꬄዳ ኦሱዋ ኡባ ድራዉ፥ መꬍና ጎዳ አገና ሲቁዋነ አ ጋላታ ታን ኦዳና፤ ኤ፥ ባረ ማሮታንነ ባረ ኬካተꬃ ዳሩዋን እስራኤልያ አሳዉ እ እሜዳ ጮራ ሎኦባ ታን ኦዳና።
ISA 63:8 ጾሳይ ኦዲደ፥ “ኡንቱንቱ ቱሙ ታ አሳቱዋነ ታ ናናቱዋ ግድያ ድራዉ፥ ታና ጭማናዉ ኮይክኖ” ያጌዳ። ሄዋ ድራዉ፥ እ ኡንቱንታ አሽያዋ ግዴዳ።
ISA 63:9 ኡንቱንቱ ዋይያ ኡባን እ ዋየቴዳ። አ ደኡሳ ኪታንቻይ ኡንቱንታ አሼዳ። እ ኡንቱንታ ባረ ሲቁዋንነ ባረ ማሮታን ዎዜዳ። ካሰ አꬌዳ ዎደቱዋ ኡባን እ ኡንቱንታ ደንꬂደ ቶኬዳ።
ISA 63:10 ሽን ኡንቱንቱ ማካሌድኖ፤ አ ጌሻ አያናካ ካዮዬድኖ። ሄዋ ድራዉ፥ እ ስሚደ፥ ኡንቱንቶ ሞርከ ግዴዳ፤ ኡንቱንቱናካ ኦለቴዳ።
ISA 63:11 ሄዋፐ ጉይያን አሳይ በንዋ፥ እ ባረ ቆማ ሙሴ ዎደ ኦꬄዳዋ ሀሳዪደ፥ ሀዋዳን ያጌዳ፤ “ባረ ዉድያ ሄንꬃንቻቱዋናካ ኡባ አባ ግዶና አꬂደ ከሴዳዌ ሀቃን ደኢ? ቃይ ሄ ዎደ ባረ ጌሻ አያና ኡንቱንቱ ግዶን ዎꬄዳዌ ሀእ ሀቃን ደኢ?
ISA 63:12 ባረ ቦንቹዋ ቀስያ ዎልቃማ ዎልቃ ሙሴዉ ኡሸቻ ኩሽያ ግዳናዳን ኪቴዳዌ፥ ባረ መꬍና ሀይꬃ ከሳናዉ፥ ኡንቱንቱ ስንꬃን ደእያ ሃꬃ ሻኬዳዌ፥
ISA 63:13 ኡንቱንቱ ጪሙዋ ግዶና ፕንꬄዳዌ ሀቃን ደኢ?” ያጌድኖ። ባዙዋና አꬍያ ፓራዳን፥ ኡንቱንቱ ꬉበትበይክኖ።
ISA 63:14 ዎምባ ዱገ ዎꬍያ መህያዳን፥ መꬍና ጎዳ አያናይ ኡንቱንታ ሸምፕሴዳ። ሄዋዳን ኔን ነ ሱንꬃ ቦንችሳናዉ ነ አሳ ካለꬃዳ።
ISA 63:15 አቤት ጾሳዉ፥ ሳሉዋና ዱገ ጼላ፤ ኔን ደእያ ጌሻነ ቦንቾ ግዴዳ ሳፐ ኤለካ በአ። ኔን ምሸትያ ምሹነ ነ ዎልቃይ አኔ? ነ ዎዛናይ ኑና ላሞትያ ላሞታይነ ነ ቃረታይ ኑፐ ሃኬዳ።
ISA 63:16 አብራሃመ ኑና ኤራና ꬋዮፐካ፥ ያቆብ ኑና አኬከናን ꬋዮፐካ፥ አቤት መꬍና ጎዳዉ፥ ኔን ኑ አዉዋ። በን ዎደፐካ ዶሚደ፥ ነ ሱንꬃይ ኑና ዎዝያዋ።
ISA 63:17 አቤት መꬍና ጎዳዉ፥ ኑን ነ ኦግያፐ ባያናዳን፥ አያዉ ኦꬃዲ? ቃይ ኑን ነዉ ያየናዳን፥ ኑ ዎዛና አያዉ ꬉሌፋያዴ? ጾሳዉ፥ ነ ቆማቱ ድራዉ፥ ነ ቢታ ላቴዳ ዛራቱዋ ድራዉ፥ ኑኮ ስማ።
ISA 63:18 ነ ጌሻ አሳይ ነ ጌሻ ጎልያ ጉꬃ ዎድያዉ ላቴድኖ፤ ሽን ኑ ሞርከቱ አ ዱገ ዛሪደ የꬌድኖ።
ISA 63:19 ኑን በንፐካ ነዋንታ፤ ኡንቱንታ ኔን ሞዳባካ፤ ኡንቱንቱ ነ ሱንꬃን ጼሰትበይክኖ።
ISA 64:1 አቤት መꬍና ጎዳዉ፥ ኔን ሳሎቱዋ ዳካደ ዱገ ዎꬋ! ደረቱካ ጋጅ ጋጂደ ኮኮርኖ።
ISA 64:2 ታማይ ቃይጼርያ ሚደ፥ ሃꬃ ፐንትስያዋዳን፥ ዱገ ዎꬋአደ፥ ነ ሱንꬃ ነ ሞርከቶ ኤርሳ፤ ካዉተꬃቱዋካ ነ ስንꬃን ኮኮርሳ።
ISA 64:3 ካሰካ ኔን ኑን ናግቤና ማላልስያባ ኦꬄዳ ዎደ ዎꬋአዳ፤ ደረቱ ነ ስንꬃን ጋጅ ጋጂደ ኮኮሬድኖ።
ISA 64:4 በንፐ ዶሚደ፥ ኔናን አማነቲደ፥ ናግያዋንቶ ማላልስያባ ኦꬄዳ ኔፐ አትና፥ ሀራ ጾሳ አሳ ሀይꬃይ ስስቤና፤ አሳ አይፊካ በእቤና።
ISA 64:5 ጽሎተꬃ ናሸቲደ ኦꬅያዋንታነ ነ ኦግያን ኔና ሀሳይያዋንታ ኔን ጋካደ ማዳሳ። በአ፥ ኔን ሀንቀታዳ፤ ሽን ናጋራ ኦꬅያዋ አግበይኮ። ኑን ናጋራ ኦꬂደ፥ አዱሳ ዎድያ ደኤዶ፤ ያትና፥ ኑን ዋኒደ አታኔ?
ISA 64:6 ኑን ኡባይካ ቱና አሳ ግዴዶ፤ ኑ ጽሎተꬃ ኦሶ ኡባይካ ቅታ ጩርቃ ማላ። ኑን ኡባይካ ቦንጭያዳን ሹሌዶ፤ ኑ ናጋራይ ኑና ጫርኩዋዳን፥ ፕቲደ አፌዳ።
ISA 64:7 ነ ሱንꬃ ጼስያዌ፥ ዎይ ኔና ምንስ ኦይካናዉ ኮይያዌ ባዋ። አያዉ ጎፐ፥ ኔን ነ ዴሙዋ ኑፐ ገንꬃደ ናጋራይ ꬋይሳናዳን፤ ኑና ኑ ናጋራ ድራዉ፥ አጋዳ።
ISA 64:8 ግዶፐነ፥ አቤት መꬍና ጎዳዉ፥ ኔን ኑ አዉዋ፤ ኑን ኡርቃ፤ ኔን ኡርቃ መꬌዳዋ፤ ኑን ኡባይካ ነ ኩሽያን መቴዶ።
ISA 64:9 አቤት መꬍና ጎዳዉ፥ ሎይꬃ ሀንቀቶፓ፤ ኑ ናጋራካ መꬍናዉ ሀሳዮፓ። ኑና በአ፥ ኑን ኡባይካ ነ አሳ።
ISA 64:10 ነ ጌሻ ካታማቱ ባዙዋ ግዴድኖ፤ ሀራይ አትና፥ ጽዮነ ካታማይካ ባዙዋ ግዴዳ፤ የሩሳላመካ መላ ሳ ግዴዳ።
ISA 64:11 ኑ አዎቱ ኔና ጋላቴዳ ጌሻነ ሎኦ ግዴዳ ኑ ጌሻ ጎሊ ታማን ጹገቴዳ፤ ቃይ ኑ ሎኦ ሳአቱ ኡባይካ ባዬድኖ።
ISA 64:12 አቤት መꬍና ጎዳዉ፥ ኔን ሀዋ ኡባ በኣደካ ኑና አጋኒ? ኔን ጮኡ ጋደ፥ ኑና ዛዋይ ባይና ሙሩዋ ሙራኒ?
ISA 65:1 ጾሳይ ሀዋዳን ያጌ፤ “ታን ታና ኦችቤናዋንቶ ቆንጫድ፤ ቃይ ታና ኮይቤናዋንቶ ቤታድ። ታን ታ ሱንꬃ ጼስቤና ካዉተꬃዉ፥ ‘ታ ሀዋና! ታ ሀዋና!’ ያጋደ ኮያድ።
ISA 65:2 ባረ ቆፋ ካሊድ፥ ሎኦ ግደና ኦግያን ሀመትያ ማካላንቻ አሳቱዋኮ ጋላሳ ኡባን ታ ኩሽያ ምጫድ።
ISA 65:3 ሀ አሳይ አታክልትያ ግዶን ያርሺደነ ጹብያ ቦላን እጻና ጩዋዪደ፥ ታን ጼልሽን፥ ታና ኡባ ዎደ ሀንቀꬂኖ።
ISA 65:4 ቃይ ኡንቱንቱ ዱፉዋ ግዶን ኡትያዋንታ፤ ጌማ ሳኣን ቃማ አቅያዋንታ። ጉዱንꬃ አሹዋ ምያዋንታ፤ ኡንቱንቱ ጻሩዋን ቱና አሹዋ ጫባይ ደእያዋንታ።
ISA 65:5 ሄዋ ኦꬂደ፥ ኡንቱንቱ ቃይ ሀራቱዋ፥ ‘ያን ህንተንቶ ደእተ፤ ኑን ህንተፐ ጌሻ ግድያ ድራዉ፥ ኑኮ ሺቆፕተ!’ ያጊኖ። ኡንቱንቱ ታ ሲ ግዶፐ ከስያ ጩዋነ ጋላሳ ኡባ ኤጽያ ታማ።
ISA 65:6 “በእተ፥ ታ ስንꬃን ጻፈት ኡቴዳ፤ ታን ኡንቱንቶ ዛራናፐ አትና፥ ጮኡ ጊከ፤ ኡንቱንታ ሙራናዉ ቃቻድ።
ISA 65:7 ኤ፥ ታን ኡንቱንቱ ባይዙዋነ ኡንቱንቱ አዎቱዋ ባይዙዋ አጩዋ እትፐ ኡንቱንቶ ዛራና። አያዉ ጎፐ፥ ኡንቱንቱ ደርያ ቦላን እጻና ጩዋዬድኖ፤ ቃይ ዞዘቱዋ ቦላን ታና ቦሬድኖ። ኡንቱንቱ ካሰ ኦꬄዳ ኦሱዋ አጩዋ ታን ኡንቱንቶ ዛራና” ያጌ መꬍና ጎዳይ።
ISA 65:8 መꬍና ጎዳይ ሀዋዳን ያጌ፤ “ዎይንያ አይፊ ዎይንያ ቱራን ደእያ ዎደ አሳይ፥ ‘አ ግዶን አንጁ ደእያ ድራዉ፥ አ ꬋይሶፕተ’ ግያዋዳን፥ ታን ታ ቆማቱ ድራዉ፥ ሄዋዳን ኦꬃና፤ ታን ኡንቱንቱ ኡባ ꬋይስከ።
ISA 65:9 ታን ያቆባፐ ዘረꬃ፥ ይሁዳፐካ ታ ደረቱዋ ላትያዋንታ ከሳና፤ ታን ዶሬዳዋንቱ አ ላታና፤ ታ ቆማቱካ ያን ደአና።
ISA 65:10 ታና ኮዬዶ ታ አሳዉ ሳሮና ግያ ደምባይ ዶርሳ ዉድያ ሄምያ ሳ ግዳናዋ፤ ቃይ አኮራ ዎምባይ ሚዛ ዉድያ አላጽስያ ሳ ግዳናዋ።
ISA 65:11 “ሽን ህንተኖ፥ መꬍና ጎዳ አጌዳዋንቶ፥ ታ ጌሻ ደርያ ዶጌዳዋንቶ፥ ካጫ ግያ ኤቃዉ ማዳ ጊግሴዳዋንቶ፥ ቃይ ህንተ ዉርሰꬃ ኤራናዉ፥ ሳማ ግያ ኤቃዉ ዋላካ ዎይንያ ኤሳ ዋንጫን ኩንꬄዳዋንቶ፥
ISA 65:12 ታን ህንተ ዉርሰꬃ ማሻዉ አꬃደ እማና፤ ህንተ ኡባይካ ጎራኤታናዉ ሆካና። አያዉ ጎፐ፥ ታን ህንተና ጼስና ኮይበይክታ፤ ሃሳዪደ ስስበይክታ” ያጌ። ህንተ ታ ስንꬃን ኢታባ ኦꬄድታ፤ ታን ዶሰናባካ ዶሬድታ።
ISA 65:13 ሄዋ ድራዉ፥ ኡባ ሞድያ መꬍና ጎዳይ ሀዋዳን ያጌ፤ “በእተ፥ ታ ቆማቱ ማና፤ ሽን ህንተ ኮሻታና። ታ ቆማቱ ኡሻና፤ ሽን ህንተ ሳመታና። ታ ቆማቱ ናሸታና፤ ሽን ህንተ ዬላታና።
ISA 65:14 በእተ፥ ታ ቆማቱ ዎዛናን ናሸቲደ የጻና፤ ሽን ህንተ ዎዛናን ካዮቲደ ዋሳና። ቃይ ህንተ አያናይ መኤዳ ድራዉ፥ ህንተ ዝላሊደ ዬካና።
ISA 65:15 ህንተ ህንተ ሱንꬃ ታ ዶረቴዳዋንቶ ሸቃዉ እማና። ኡባ ሞድያ መꬍና ጎዳይ ህንተና ዎꬋና፤ ሽን እ ባረ ቆማቱዋ ዱማ ሱንꬃን ጼሳና።
ISA 65:16 ሄ ጋድያን አንጁዋ ኮይያ ኡባይ ቱማተꬃ ጾሳይ አንጃናዳን ዎሳና። ሄ ጋድያን ጫቁዋ ጫቂያ ኡባይካ ቱማተꬃ ጾሳን ጫቃና፤ አያዉ ጎፐ፥ ካሰ መቶቱ ዶገቴድኖ፤ ታ አይፍያ ስንꬃፐካ ጌሜድኖ” ያጌ።
ISA 65:17 ጾሳይ ሀዋዳን ያጌ፤ “በእተ፥ ታን ኦራꬃ ሳሎቱዋነ ኦራꬃ ሳኣ መꬋይ፤ ካሰባይ ኡባይ ሀሳየተናነ ቆፈተና።
ISA 65:18 ሽን ታን መꬍያባን መꬍናዉ ናሸትተነ ሀሹ ጊተ። አያዉ ጎፐ፥ ታን መꬌዳ የሩሳላማ ናሸቻን ኩሜዳኖ ግዳና፤ የሩሳላመ አስካ ሀሹተነ ግያዋ ግዳና።
ISA 65:19 ታን የሩሳላመን ናሸታና፤ ታ አሳንካ ሀሹ ጋና። ሀዋፐ ስንꬃናዉ ዬክያዋ ኮሻይነ ኡንኤቲደ ዋስያዋ ኮሻይ ያን ስሰተና።
ISA 65:20 “የሩሳላመ ግዶን ሀዋፐ ስንꬃናዉ፥ ጉꬃ ዎደ ጻላላ ደኢደ ሀይቂያ ቄር ናእ፥ ዎይ ባረ ላይꬃ ዉርሰናን ሀይቂያ ጭማ አሳይ ደኤና። ጼቱ ላይꬃና ሀይቂያ ኡራይ ዳሮ ያላጋን ሀይቄዳ ጌተታና፤ ጼቱ ላይꬃ ጋናን ሀይቂያዌ ሼቀቴዳዋዳን ፓይደታና።
ISA 65:21 ሄ ዎደቱዋን አሳቱ ጎለቱዋ ኬጺደ፥ ኡንቱንቱን ደአና፤ ዎይንያ ቱራቱዋካ ቶኪደ፥ ኡንቱንቱ አይፍያ ማና።
ISA 65:22 ኡንቱንቱ ኬጽና፥ ሀራይ ደኤና፤ ሀራይ ማናዉ ቶክያዋ ቶክክኖ። ታ አሳ ላይꬃይ ምꬃ ላይꬃዳን አዱቃና፤ ቃይ ታን ዶሬዳዋንቱ ባረንቱ አዱሳ ዎድያዉ ባረንቱ ኩሽያ ኦሱዋን ናሸታና።
ISA 65:23 ኡንቱንቱ ጮ ዳቡርክኖ፤ ዎይ ናናቱዋ ቦሻዉ የልክኖ፤ አያዉ ጎፐ፥ ኡንቱንቱ ባረንቱ ናናቱዋናካ መꬍና ጎዳን አንጀቴዳ ዘረꬃ ግዳናዋ።
ISA 65:24 ኡንቱንቱ ታና ጼሳናፐ ካሰታደ ታን ኡንቱንቶ ኮያና፤ ቃይ ኡንቱንቱ ብሮ ሃሳይሽን፥ ታን ኡንቱንታ ስሳና።
ISA 65:25 ኦኮሩነ ዶርሳ ማራይ እትፐ ሄመታና፤ ጋሙካ ቦራዳን፥ ኡቱላ ማና። ቃይ ሾሻዉ ባናይ ቁማ ግዳናዋ። ሄ ዎደቱዋን ታ ጌሻ ደርያን ኡባን፥ ኡንቱንቱ ቆሄትክኖነ ባይክኖ። ታን መꬍና ጎዳይ ሀዋ ኦዳይ” ያጌ።
ISA 66:1 መꬍና ጎዳይ ሀዋዳን ያጌ፤ “ሳሉ ታ አራታ፤ ሳአይካ ታ ገዲ የꬍያ ሳ። ያትና ህንተ ታዉ ኬጻና ጎሊ አይ ማላ ጎሌ? ታን ሸምፓና ሳአይ ሀቃነ?
ISA 66:2 ሄዋንታ ኡባባካ ታ ኩሺ ኦꬄዳ ግደኔ? ሄዋ ድራዉ፥ ሀዋንቱ ኡባቱካ ታዋንታ። ሽን ታን ባረና ዝቂ ኦꬅያዋኮ፥ ባረ ኦꬄዳ ናጋራዉ ካዮቲደ ስምያዋኮነ ታ ቃላን ኮኮርያዋኮ ጼላና ያጌ መꬍና ጎዳይ።
ISA 66:3 “አሳይ ኡባይ ባረዉ ባረዉ እንጀትያ ኦግያ ዶሬዳ ጋሱዋን፥ ኮሩማ ያርሽያዌ አሳ ዎꬍያ ኡራ ማላ፤ ዶርሳ ማራ ያርሽያዌካ ካና ጎራእያ አሳ ማላ፤ ካꬃ ያርሹዋ ያርሽያዌካ ጉዱንꬃ ሱꬃ ያርሽያ አሳ ማላ፤ ቃይ ሀሳይስያ እጻና ጩዋይያ ኡራይካ ኤቃዉ ጎይንያ አሳ ማላ። ኡንቱንቱ ሸምፑካ ኡንቱንቱ ቱናተꬃን ናሸቴ።
ISA 66:4 ሄዋ ድራዉ፥ ታን መቱዋ ኡንቱንቶ ዶራና፤ ኡንቱንቱ ያዬዳዋካ ታን ኡንቱንቱ ቦላን አሀና። አያዉ ጎፐ፥ ታን ጼሴዳ ዎደ፥ ኦንነ ኮይቤና፤ ታን ሃሳዬዳ ዎደካ ኦንነ ሀይዝቤና። ኡንቱንቱ ታ ስንꬃን ኢታባ ኦꬄድኖ፤ ታን ናሸተናዋ ዶሬድኖ” ያጌ።
ISA 66:5 ህንተኖ፥ ጾሳ ቃላዉ ያዪደ ኮኮርያዋንቶ፥ መꬍና ጎዳ ቃላ ስስተ፤ “ህንተ እሻቱ፥ ህንተና እጽያዋንቱ፥ ታ ሱንꬃ ድራዉ፥ ህንተና ቦህያዋንቱ፥ ‘ህንተ ናሸቻ ኑን በአና ማላ፥ መꬍና ጎዳይ አነ ቦንቼትና በአና’ ያጌድኖ፤ ሽን ኡንቱንቱ ዬላታና።
ISA 66:6 ካታማፐ ይያ ዋሱዋ ስስተ፤ ጌሻ ጎልያፐ ይያ ኮሻካ ስስተ። ሄዌ ኮሻይ ባረ ሞርከቶ ኡንቱንቱ ኦሱዋ ማላ ኩሽያ ዛርያ መꬍና ጎዳ ኮሻ።
ISA 66:7 “ባንከናን ናኣ የልያ ማጫ አስ ደኢ? ኦይꬃይ ኡንኤናን አቱማ ናኣ የልያ ማጫ አስ ደኢ?
ISA 66:8 ሀዋ ማላባ ኦኔ ስሴዳዌ? ቃይ ሀዋ ማላባ ኦኔ በኤዳዌ? እት ቢታ አሳይ ፐጽ እት ጋላስ የለታናዉ ዳንዳዪየ? ዎይ ካዉተꬃይ እት ኩꬃን የለቲ? የሩሳላማ ባንኮ ሳናካ፥ እት ኩꬃን ባረ ናናቱዋ የላዱ።
ISA 66:9 የላና ዎድያ ጋꬅያ ታን ኡንቱንቱ የላናዳን ኦꬅክታየ? ያጌ መꬍና ጎዳይ። ቃይ የላናዳን ኦꬅያ ታን የልያ ኡሉዋ ጎርዳይታየ? ሀዋ ግያዌ ታና፥ ጾሳ።
ISA 66:10 “ህንተኖ የሩሳላሞ ሲቅያ ኡባቶ፥ ኢናና ናሸትተ፤ እ ድራዉካ ናሸቻን ፖጩ ጊተ። ህንተኖ እሲ ዬክያ ኡባቶ፥ ኢናና ሎይꬅ ናሸትተ።
ISA 66:11 አያዉ ጎፐ፥ ህንተ እ ምንꬅያ ꬋንꬃ ꬋሚደ ካላና፤ ቃይ እ ዳሮ ቦንቹዋፐ ሎይꬅ ኡሺደ፥ ህንተ ናሸታና” ያጌ።
ISA 66:12 መꬍና ጎዳይ ሀዋዳን ያጌ፤ “በእተ፥ ታን እዝዉ ሳሮተꬃ ሻፋዳን ዳርሳና፤ ካዉተꬃቱዋ ዱረተꬃካ ኩሚደ ጎግያ ፑልቱዋዳን፥ እዝዉ አሀና። ያቶፐ ህንተ ሄዋ ꬋማና፤ እ ሀሽያን ህንተ ቶከታና፤ እ ክዉዋን ኡቲደ፥ ህንተ እሻለታና።
ISA 66:13 አታ ባረ ናኣ ምንꬅያዋዳን፥ ታንካ ህንተና ምንꬃና፤ ህንተ የሩሳላመን ምነታና።
ISA 66:14 ህንተ ሄዋ በእያ ዎደ፥ ህንተ ዎዛናይ ናሸታና፤ ህንተ መቀꬃይካ ማታዳን አጫና። ቃይ መꬍና ጎዳ ኩሺ አ ቆማቱዋና ደእያዌነ አ ሀንቁ አ ሞርከቱዋ ቦላን ደእያዌ ኤረታና” ያጌ።
ISA 66:15 በእተ፥ መꬍና ጎዳይ ታማ አኪደ ያና። ባረ ሀንቀቴዳዋንታ ሙራናዉነ ታማ ላጩዋን ሴራናዉ ሳራጋላ ቶጊደ፥ እ ያና።
ISA 66:16 አያዉ ጎፐ፥ መꬍና ጎዳይ አሹዋ ማዬዳ ኡባ ታማንነ ማሻን ፕርዳና። ቃይ መꬍና ጎዳ ማሻን ሀይቄዳዋንቱ ፓይዱ ዳራና።
ISA 66:17 መꬍና ጎዳይ ሀዋዳን ያጌ፤ “አታክልትያ ሳኣን ባረንቱ ኤቃዉ ጎይናናዉ፥ ባረንቱ ግዶን ደእያ እቱዋ ካሊደ፥ ባረና ዱማዪደ ጌሽያዋንቱ፥ ቃይ ጉዱንꬃ አሹዋ፥ ሸነይያዋነ ኤጨርያ ምያዋንቱ ኡባይ እትፐ ꬋያና።
ISA 66:18 “ታን ኡንቱንቱ ኦሱዋነ ኡንቱንቱ ቆፋ ኤርያ ድራዉ፥ ካዉተꬃቱዋ ኡባነ ዱማ ዱማ ቃላን ሃሳይያዋንታ እትፐ ሺሻናዉ ያይ፤ ኡንቱንቱ ሺቂደ፥ ታ ቦንቹዋ በአና።
ISA 66:19 ታን ኡንቱንቱ ግዶን ማላታ ኦꬃና፤ ኡንቱንቱፐ አቴዳዋንታካ ታ ግታተꬃ ስስቤናነ ታ ቦንቹዋ በእቤና ካዉተꬃቱዋኮ፥ ታርሴሳኮ፥ ሊብያኮ፥ ሊድያኮ፥ ቱባላኮ፥ ያዋናኮነ አባ ዶናን ደእያ ሃኮ ቢታቱዋኮ ኪታና፤ ኡንቱንቱ ታ ቦንቹዋ ካዉተꬃቱዋ ግዶን ኦዳና። 66:19 ሊብያኮ: እብራዌꬁዋን ፑጻ ጌተቴ።
ISA 66:20 እስራኤልያ አሳይ ካꬃ ያርሹዋ ጌሻ ሚሻን ዎꬂደ፥ መꬍና ጎዳ ጌሻ ጎልያ አህያዋዳን፥ ኡንቱንቱ ህንተ እሻቱዋ ኡባ ካዉተꬃቱዋ ኡባ ግዶፐ ፓራቱዋን፥ ፓራ ጋረቱዋን፥ ጋሎቱዋን፥ ባቁሎቱዋንነ ሚሻቱዋ ጫንያ ጋረቱዋን ኡትሲደ፥ ታዉ እሙዋ ግዳናዳን፥ መꬍና ጎዳ ጌሻ ደርያ የሩሳላመ አሀና።
ISA 66:21 ኡንቱንቱፐ እቱዋ እቱዋ ታን ቄሳቱ ዋነ ሌዋቱዋ ከሳና። ታን መꬍና ጎዳይ ሀዋ ኦዳይ” ያጌ።
ISA 66:22 ቃይካ መꬍና ጎዳይ ሀዋዳን ያጌ፤ “ታን መꬍያ ኦራꬃ ሳሎቱነ ኦራꬃ ሳአይ ታ ስንꬃን ምኒደ ደእያዋዳን፥ ሄዋዳንካ፥ ህንተ ዘረꬃይነ ህንተ ሱንꬃይ ምኒደ ደአና።
ISA 66:23 አግና ጼሩዋፐ ቢደ ሀራ ጼሩዋ ጋካናዉነ እት ሳምባታፐ ቢደ ሀራ ሳምባታ ጋካናዉ፥ አሳይ ኡባይ ታ ስንꬃን ጎይናናዉ ያና ያጌ መꬍና ጎዳይ።
ISA 66:24 ኡንቱንቱ ከሲ ቢደ፥ ታ ቦላ ማካሌዳ አሳቱ አሃ በአና። ሄዋንታ ምያ ጉጹኒ ሀይቀና፤ ኡንቱንታ ጹግያ ታማይካ ቶኤና። ኡንቱንቱ አሳ ኡባዉ ሸነይያባ ግዳናዋ” ያጌ።
JER 1:1 ቢንያማ ቢታን አናቶታ ካታማን ደእያ ቄሳቱ ዋፐ እቱዋ ግድያ ህልቂያ ናኣ ኤርማሳ ቃላይ ሀዋ።
JER 1:2 አሞና ናአይ፥ ይሁዳ ካቲ እዮስያስ ካተቴዳ ታማነ ሄዘንꬆ ላይꬃን መꬍና ጎዳ ቃላይ ኤርማሳዉ ዬዳ።
JER 1:3 ቃይ እዮስያሳ ናአይ፥ ይሁዳ ካቲ እዮአቄም ካተቴዳ ላይꬃቱዋን ጾሳ ቃላይ ኤርማሳዉ ዬዳ። ቃይካ እዮስያሳ ናአይ፥ ሰደቅያስ ካተትና፥ ታማነ እት ላይꬃ ጋካናዉ፥ ጾሳ ቃላይ ዳሮ ገደ አዉ ዬዳ። ሄ ላይꬅ እቼሻንꬃ አግናን የሩሳላመ አሳይ ኦሞደቲደ ቤዳ።
JER 1:4 መꬍና ጎዳ ቃላይ ታኮ ሀዋዳን ያጊደ ዬዳ፤
JER 1:5 “ታን ኔና ነ አት ኡሉዋን አታናፐ ካሰ ኤራድ። ኔን ኡሉዋፐ የለታናፐ ካሰ ታን ኔና ጌሻደ ዱማያ ዎꬃድ። ቃይ ካዉተꬃቶ ትምቢትያ ኦድያዋ ኦꬃደ ኔና ሱንꬃድ” ያጌዳ።
JER 1:6 ታን፥ “ሀእ ኡባ ሞድያ መꬍና ጎዳዉ፥ ታን ናኣ። ታን ዎት ሃሳይንቶካ ኤርከ” ያጋድ።
JER 1:7 ሽን መꬍና ጎዳይ ታና ሀዋዳን ያጌዳ፤ “ ‘ታን ናኣ’ ጎፓ። ታን ኔና ኪትያ አሳ ኡባኮ ባ። ታን አዛዝያዋ ኡባካ ኦዳ።
JER 1:8 ኡንቱንቶ ያዮፓ። አያዉ ጎፐ፥ ታን ኔና አሻናዉ ኔናና እትፐ ደአና። መꬍና ጎዳይ ሀዋ ኦዳድ” ያጌዳ።
JER 1:9 መꬍና ጎዳይ ባረ ኩሽያ የዲደ፥ ታ ዶና ቦቼዳ። ያቲደ፥ “በአ፤ ታን ታ ቃላ ነ ዶናን ዎꬃድ።
JER 1:10 ኔን ሾዳናዉነ ኮላናዉ፥ ꬋይሳናዉነ አꬃ የጋናዉ፥ ኬጻናዉነ ቶካናዉ፥ ደርያ አሳ ቦላነ ካዉተꬃቱዋ ቦላ ታን ሀች ኔና ሱንꬃድ” ያጌዳ።
JER 1:11 መꬍና ጎዳ ቃላይ ታኮ ዪደ፥ “ኤርማሳ፥ ነዉ አያይ ቤቲ?” ያጌዳ። ታን ዛራደ፥ “ላዉዝያ ግያ ምꬃፐ ከሴዳ ጋትማይ ቤቴ” ያጋድ።
JER 1:12 መꬍና ጎዳይ ታና፥ “ኔን ልከ በኣዳ። አያዉ ጎፐ፥ ታንካ ታ ቃላይ ፖለትና፥ ሄዋዳን በአናዉ ናጋይ” ያጌዳ።
JER 1:13 ላኤንꬁዋካ መꬍና ጎዳ ቃላይ ታኮ ዪደ፥ “ሀራባይ ቃይ አያይ ቤቲ?” ያጌዳ። ታን ዛራደ፥ “እት ፐንትያ ጻሩ ሁጲሳ ባጋፐ ሃ ስሚደ፥ ኩንዳናዉ ማት ኡቴዳዌ ቤቴ” ያጋድ።
JER 1:14 መꬍና ጎዳይ ታና፥ “ሁጲሳ ባጋፐ ባሻይ ፖꬊደ፥ ቢታን ደእያ አሳ ኡባ ቦላ ጉካና።
JER 1:15 ታን ሁጲሳ ባጋ ካዉተꬃቱዋን ደእያ አሳ ኡባ ጼሳና ሀናይ። ታን መꬍና ጎዳይ ሀዋ ኦዳድ። ኡንቱንቱ ካተቱ ዪደ፥ የሩሳላመ ገልያ ፐንገቱዋን፥ ድርሳ ዩሹዋ ኡባንነ ይሁዳ ካታማቱዋ ኡባን ባረንቱ አራታቱዋ ዎꬃና።
JER 1:16 ይሁዳ አሳይ ታና አጊደ፥ ሀራ ጾሳቶ ያርሺደነ ባረንቱ ኩሽያን ኡንቱንቱ ኦꬄዳባዉ ጎይኒደ፥ ኦꬄዳ ኡንቱንቱ ኢታተꬃ ኡባ ድራዉ፥ ታን ታ ፕርዳ ኡንቱንቱ ቦላ ኦዳና።
JER 1:17 “ሽን ኔን ነ ሁጲያዉ ጊጋ! ደንዳ ኤቃደ፥ ታን ኔና አዛዝያዋ ኡባ ኡንቱንቶ ኦዳ። ኡንቱንቶ ያዮፓ። ኔን ኡንቱንቶ ያዮፐ፥ ታን ኔና ኡንቱንቱ ስንꬃን ጉጃ ያሽሳና።
JER 1:18 ሀች ታን ኔና ሀ ቢታ ኡባ ቦላ፥ ይሁዳ ካተቱ ቦላ፥ ካፖቱዋ ቦላ፥ ቄሳቱ ዋ ቦላነ ሀ ቢታ አሳ ቦላ ግምበቴዳ ካታማዳን፥ ብራታ ቱሳዳንነ ናሃስያ ብራታን ድሬዳ ድርሳዳን ኦꬃደ ምንሳድ።
JER 1:19 ኡንቱንቱ ኔናና ኦለታና። ሽን ታን አሻናዉ ኔናና እትፐ ደእያ ድራዉ፥ ኔና ጾንክኖ። መꬍና ጎዳይ ሀዋ ኦዳድ” ያጌዳ።
JER 2:1 መꬍና ጎዳ ቃላይ ታዉ ዪደ፥
JER 2:2 “ባደ የሩሳላመ አሳ ሀይꬃን ሀዋዳን ያጋደ አዋያ፤ ‘ኔን ያላጋተꬃን ታዉ አይ ኬሻ አማነቴደንቶ፥ ቃይ ኔን ብሮ ምሽራን ደእያ ዎደ፥ ታና አይ ኬሻ ሲቄደንቶ፥ ታን ጾሳይ ሀሳያይ። ኔን ባዞ ግዱዋና፥ ዘረꬃይ ዘረት ኤረና ቢታና ታና ካላዳ።
JER 2:3 ሄ ዎደ እስራኤሊ መꬍና ጎዳዉ ጌሻ። አዉ ባይራ ካꬃ ማላ፤ አፐ ሜዳ ኡባቱ ባይዛንቻ ግዲኖ። ያትና፥ ኡንቱንቱ ቦላ ኢታባይ ዬዳ። መꬍና ጎዳይ ሀዋ ኦዳድ’ ያጋ” ያጌ።
JER 2:4 ህንተኖ፥ ያቆባ አሳቶ፥ እስራኤልያ ዛረቶ፥ ኡባይካ መꬍና ጎዳ ቃላ ስስተ!
JER 2:5 መꬍና ጎዳይ ሀዋዳን ያጌ፤ “ካሰ ህንተ አዎቱ ታናን አይ ባይዙዋ ደሚደ፥ ታፐ ሃኪደ ቤድኖ? ኡንቱንቱ ፓና ኤቃቶ ጎይኒደ፥ ፓናባ ግዴድኖ።
JER 2:6 ኡንቱንቱ፥ ‘ኑና ግብጼፐ ከሴዳዌ፥ መላ አፎ ግዴዳ ባዙዋና፥ ኮሻይነ ꬍጵ ጎ ꬉማይ ደእያ ቢታና፥ አይ አሳይነ አና ዎይ ደኤና ሳና ካለꬄዳ መꬍና ጎዳይ ሀቃን ደኢ?’ ያግበይክኖ።
JER 2:7 ህንተ አፐ ቴራነ ሎኦባ ማና ማላ፥ ታን ህንተና ቱኤ ቢታዉ አሃድ፤ ሽን ህንተ ዪደ፥ ታ ቢታ ቱንሴድታነ ታ ላታ ኢሴድታ።
JER 2:8 ቄሳቱ ካ፥ ‘መꬍና ጎዳይ ሀቃን ደኢ?’ ያግበይክኖ። ታ ህጊ ኡንቱንቱ ኩሽያን ደእያ አሳቱካ ታና ኤርበይክኖ። አሳ ሞድያዋንቱካ ታ ቦላ ማካሌድኖ። ትምቢትያ ኦድያዋንቱካ ባኣላ ሱንꬃን ትምቢትያ ኦዲደ፥ ፓና ኤቃቶ ጎይኔድኖ” ያጌ።
JER 2:9 ቃይካ መꬍና ጎዳይ ሀዋዳን ያጌ፤ “ሄዋ ድራዉ፥ ታን ህንተና ብሮካ ሞታና፤ ህንተ ናናቱዋ ናናቱዋካ ሞታና።
JER 2:10 አነ አዋይ ዶልያ ባጋ ቢደ፥ ቆጲሮሳ ግያ ሃꬃን ዶደቴዳ ቢታ ጼልተ። ዎይ አዋይ ዉልያ ባጋ ቄዳረ ግያ ቢታ አሳ ኪቲደ ጾሞስስተ። ያቲደ አነ ሀዋ ማላባይ ሀዋፐ ካሰ ባጋን ሀኔደንቶነ በእተ።
JER 2:11 ኡንቱንቱ ቱሙ ጾሳቱዋ ግዳና ꬋዮፐነ፥ ደሪ ባረ ጾሳቱዋ ላምቤና። ሽን ታ አሳይ ታና ባረ ቦንቹዋ ፓና ኤቃቱዋን ላሜዳ” ያጌ።
JER 2:12 ቃይካ መꬍና ጎዳይ ሀዋዳን ያጌ፤ “ሳሎቶ፥ ‘ፖራ!’ ጊተ፤ ዳጋሚደ ኮኮርተ!
JER 2:13 አያዉ ጎፐ፥ ታ አሳይ ላኡ ኢታባቱዋ ኦꬄዳ፤ ሄዋንቱነ፥ ደኡዋ ሃꬃ ፑልቱዋ ታና አጌዳ፤ ሃꬃ ኦይቃናዉ ዳንዳየና፥ ጾኤት ድጌዳ ኦላ ባረዉ ቦኬዳ።
JER 2:14 “እስራኤሊ ቆማነ ግደና፤ ሶን የለቴዳ አይለነ ግደና። ያትና፥ እ አያዉ ዶአይ ኦይቂያዋ ግዴዴ?
JER 2:15 አ ሞርከቱ ጋሙዋዳን፥ አ ቦላን ጉዴድኖ። ኡንቱንቱ ባረንቱ ቃላ ꬎቁ ኦꬂደ ዳሬድኖ፤ ኡንቱንቱ አ ቢታ መላ ከሴድኖ፤ አ ካታማቱካ ላለቲደ፥ ደእያዋ ꬋዬድኖ።
JER 2:16 ሄዋ ቦላካ መምፕሳነ ጻፍናሳ አሳቱ አ ሊጲያ ሜዴድኖ።
JER 2:17 ኔኖ እስራኤልያዉ፥ እ ኔና ኦግያን ካለꬅሽን፥ መꬍና ጎዳ ነ ጾሳ አጌዳዋን ሀዋ ነ ቦላ አሄዳዌ ኔና ግድኪ?
JER 2:18 ናይለ ሻፋፐ ሃꬃ ኡሻናዉ ግብጼ ብያዌ ኔና አያ ማዳኔ? ዎይ ኤፍራጺሳ ሻፋፐ ሃꬃ ኡሻናዉ አሶረ ቢታ ብያዌ ኔና አያ ጎአኔ?
JER 2:19 ስም ነ ኢታተꬃይ ኔና ሙራና፤ ኔን ታና አጌዳዌ ነ ቦላ ፕርዳና” ያጌ። መꬍና ጎዳይ፥ ኡባፐ ዎልቃማ ጾሳይ ሀዋዳን ያጌ፤ “ኔን ታና መꬍና ጎዳ ነ ጾሳ አጌዳዌ አይ ኬሻ ኢታነ ጫማ ግድንቶ፥ አነ ኤራነ በአ። ኔን ታዉ ያይያ ያሻይ ኔናን ባዋ።
JER 2:20 “ታን ነ ሞርገ ምꬃ በን መንꬃድ፤ ነ ቃሹዋካ ዱꬃድ። ያትናካ፥ ‘ታን ነዉ ኦꬅከ’ ያጋዳ። ደርያ ኡባ ቦላነ ዳሻ ምꬃ ኡባ ጋርሳን ሻርሙጻዳን ግሳዳ።
JER 2:21 ታን ኔና በርተ ዘረꬃፐ አካደ፥ ሎኦ ዎይንያ ቱራዳን ቶካድ። ያትና፥ ዋና ጉየ ስማደ፥ ዎራን ዶሌዳ፥ ባዬዳ ዎይንያ ቱራ ግዳዲ?” ያጌ።
JER 2:22 ቃይካ ኡባ ሞድያ መꬍና ጎዳይ ሀዋዳን ያጌ፤ “ኔን ሀንጪጭያን ሜጨታንቶካ፥ ሳሙና ዳርሳደ ጎርፐታንቶካ፥ ነ ባይዙዋ ቅታይ ሀእካ ታ ስንꬃና።
JER 2:23 ኔን ዋናደ፥ ‘ታን ቱናበይከ፤ ታን ባኣላ ኤቃቶ ጎይናናዉ ዎጻበይከ’ ጋናዉ ዳንዳያይ? አነ ኔን ዎምባን ሀኔዳዋ ጼላ፤ ኔን ኦꬄዳዋነ አኬካ። ኔን ያነ ሃነ ዎꬃ ጃምያ ጋላት ማላ።
JER 2:24 ኔን ባዙዋ ሜዘቴዳ፥ ባረ ዚታ ዎደ ጫርኩዋ ስንገꬅያ ሀራት ማላ። አ ብራሳዉ ኤቃ ክችና፥ ኦን እዞ ተአናዉ ዳንዳዪ? እዞ ዚትያ አይ ዎዳላ ሀሪነ ዳቡረና፤ እ እዝ ጨገናን እዞ ደም አጌ።
JER 2:25 ኔኖ፥ እስራኤልያ፥ ነ ጫማይ ዉራና ጋካናስነ ነ ኮኪ መላና ጋካናዉ፥ ሀራ ጾሳቱዋ ጌዱዋ ሀዋዳን ዎጾፓ። ሽን ኔን፥ ‘እጻዳ፤ ሄዌ ታና አይነ ማደና። አያዉ ጎፐ፥ ታን እማꬃ ጾሳቱዋ ሲቃ ድጋድ፤ ታን ኡንቱንቶ ጎእናና’ ያጋዳ።
JER 2:26 “ካይሱ ኦይቀቴዳ ዎደ ዬላትያዋዳን፥ እስራኤልያ አሳይ ዬላቴ፤ ኡንቱንቱካ፥ ኡንቱንቱ ካተቱ፥ ኡንቱንቱ ካፓቱ፥ ኡንቱንቱ ቄሳቱ ነ ኡንቱንቱ ትምቢትያ ኦድያዋንቱ ኡባይ ዬላቲኖ።
JER 2:27 ኡንቱንቱ ምꬃ፥ ‘ኔን ታ አዉዋ’ ያጊኖ፤ ቃይ ሹቻ፥ ‘ኔን ታና የላዳ’ ያጊኖ። ኡንቱንቱ ታዉ ባረንቱ ሶምኡዋ አጊደ፥ ባረንቱ ዞክያ ዛሬድኖ። ሽን ኡንቱንቱ መቶትያ ዎደ ታና፥ ‘ደንዳ! ኑና አሻ!’ ያጊኖ።
JER 2:28 ሽን አነ፥ ህንተ ህንተዉ መꬌዳ ጾሳቱ ሀቃን ደእኖ? ህንተ መቶትያ ዎደ ህንተና አሻናዉ ዳንዳዮፐ፥ አነ ደንድኖ! ህንተኖ፥ ይሁዳ አሳቶ፥ ህንተ ጾሳቱ ህንተ ካታማቱዋ ኬሻ ጮራ” ያጌ።
JER 2:29 መꬍና ጎዳይ ሀዋዳን ያጌ፤ “ህንተ ታናና አያዉ ሞተቲቴ? ህንተ ኡባይካ ታዉ ማካሌድታ።
JER 2:30 ታን ህንተና ጮ መላ ሙራድ፤ ህንተ ባይበይክታ። ኮሻቴዳ ጋሙዋዳን፥ ህንተ ማሻይ ህንተ ትምቢትያ ኦድያዋንታ ም ድጌዳ” ያጌ።
JER 2:31 ህንተኖ፥ ሀ ዎድያ የለታቶ፥ መꬍና ጎዳ ቃላ ስስተ! እ ሀዋዳን ያጌ፤ “ታን ህንተዉ፥ እስራኤላቶ ባዞ ማላ ዎይ ꬍጵ ጎ ꬉማ ቢታ ማላ ግዳድታየ? ያትና፥ አያዉ ታ አሳይ፥ ‘ኑን ኑ ሸንያዳን ባና፤ ላኤንꬆ ኡባካ ኔኮ ስሞኮ’ ያጊ?
JER 2:32 ወዶራታ ባረ አሌቁዋ ዎይ ቡላቼትያና ባረ ቡላቻ ማዩዋ ዶጋይ? ሽን ታ አሳይ ታና ፓይዱ ባይና ጋላሳ ዶጌዳ።
JER 2:33 ኔን ነ ላገꬃቶ ጌዱዋ ዎጽያዋ አያ ሜዘታዲ! ሎይꬅ ኢታ ማጫ አሳቱካ ነ ኦግያፐ ታማራናዉ ዳንዳዪኖ።
JER 2:34 ቃይ መንꬂደ ገልሽና ኦይቄዳ አሳ ሱꬃን ግደናን፥ ጽሎ ህዬሳቱዋ ሱꬃ ꬋጩዋን ነ ማዩ ባይ ኡቴዳ። “ኔን ሀዋ ኡባ ኦꬃደካ፥
JER 2:35 ‘ታን ጽሎ፤ ቱሙዋፐ ጾሳይ ታ ቦላ ሀንቀተና’ ያጋሳ። ኔን፥ ‘ታን ናጋራ ኦꬃበይከ’ ግያ ድራዉ፥ ታን ነ ቦላን ፕርዳና።
JER 2:36 ያትና ኔን ነ ኦግያ ላማናዉ አያዉ ብቻራይ? ካሰ ኔና አሶረ ቢታይ ዬላዬዳዋዳን፥ ግብጼ ቢታይካ ዬላያና።
JER 2:37 ኔን ሀዋፐካ ነ ሁጲያ ኦይቃደ ከሳና። አያዉ ጎፐ፥ መꬍና ጎዳይ ኔን አማነትያዋንታ እጼዳ። ኔን ኡንቱንቱን ማደታካ” ያጌ።
JER 3:1 መꬍና ጎዳይ ሀዋዳን ያጌ፤ “እት አሳይ ባረ ማቻቶ የድና፥ እዛ ባደ ሀራ አስና ገሎፐ፥ ሄ ብታኒ ላኤንꬆ እዞ ዛሪ? ዛሮፐ ሄ ቢታይ አꬌዳ ቱና ቱኔ! ሽን ኔን ሻርሙጻዳን፥ ጮራ ላገꬃቱዋና ደኣዳ፤ ያናደካ ሀእ ኔን ታኮ ስማኒ!
JER 3:2 አነ ꬎቁ ጋደ፥ አያይነ ባይና ደረቱዋ ጼላ። ኔን ሻርሙጻዳን ግሳቤናሳይ ሄዋን ደኢ? አራብያ አሳይ ባዙዋን ኡቲደ ናግያዋዳን፥ ኔን ላገꬃቱዋ ናጋደ ኦግያ ጋጻን ኡታዳ። ያታደ ነ ሻርሙጻንነ ነ ኢታተꬃን ቢታ ቱንሳዳ።
JER 3:3 ሄዋ ድራዉ፥ ባꬌሳይ ተኤቴዳ፤ ባልጉዋ እራይካ ቡከናን አጌዳ። ሄዋ ሀኖፐካ፥ ነዉ ሻርሙጽያ ማላይ ደኤ፤ ኔን ዬላተናን እጻዳ።
JER 3:4 “ሀእ ኔን ታና፥ ‘ታ አዎ፥ ታ ናአተꬃደፐ ዶምና፥ ኔን ታና ሲቃሳ።
JER 3:5 ኔን ኡባ ገደ ታ ቦላ ይሎታይ? ነ ሀንቁ መꬍናዉካ አገኔ?’ ያጋሳ። ኤ፥ ኔን ሀዋ ያጋሳ፤ ሽን ኔን ኦꬃናዉ ዳንዳይያ ኢታ ኡባ ኦꬃሳ” ያጌ።
JER 3:6 ካቲ እዮስያስ ካተቴዳ ላይꬅ፥ መꬍና ጎዳይ ታና ሀዋዳን ያጌዳ፤ “ሀና አማኑ ባይና እስራኤላታ ኦꬄዳዋ ኔን በኣድ? አ ደርያ ኡባ ቦላነ ዳሻ ምꬃቱ ኡባ ጋርሳ ባደ፥ ያን ሻርሙጻዱ።
JER 3:7 እዛ ሀዋ ኡባ ኦꬃደካ፥ ታኮ ስማናኑ ጋደ ቆፓድ፥ ሽን ስማበይኩ። ቃይ እ ምቻታ፥ አማነተና ይሁዳካ ሄዋ በኣዱ።
JER 3:8 አማኑ ባይና እስራኤሊ ዳሮ ገደ ሻርሙጼዳ ድራዉ፥ ፓራማ እማደ እዞ የዳድ። ሄዋ ግድናካ እስራኤሊ ምቻታ፥ አማነተና ይሁዳ ያየናዋ ታን በኣድ፤ አካ ከሳደ ሻርሙጻዱ።
JER 3:9 ሻርሙጽያዌ እዉ ጺ ላፋባ ግድያ ድራዉ፥ ምꬃናነ ሹቻና ሻርሙጻደ ቢታ ቱንሳዱ።
JER 3:10 ሄዋን ኡባንካ እ ምቻታ፥ አማነተና ይሁዳ፥ ጮ ስሜዳዋ ማላታዉፐ አትና፥ ኩመንꬃ ዎዛናፐ ታኮ ስማበይኩ። ታን መꬍና ጎዳይ ሀዋ ኦዳድ” ያጌዳ።
JER 3:11 መꬍና ጎዳይ ታዉ ሀዋዳን ያጌዳ፤ “አማነተና ይሁዳትፐ አማኑ ባይና እስራኤላታ ጽላ።
JER 3:12 ባ፤ ሁጲሳ ባጋዉ ሀዋዳን ያጋደ አዋያ፤ መꬍና ጎዳይ ሀዋዳን ያጌ፤ ‘ሀነ፥ አማኑ ባይና እስራኤላቴ፥ ስማ! ታን ማሮታይ ኩሜዳዋ ግድያ ድራዉ፥ ታን ኔና ኢታ አይፍያን ጼልከ። መꬍናዉ ሀንቀትከ።
JER 3:13 ግዶፐነ፥ ኔን፥ ታን መꬍና ጎዳ ታ ጾሳ ቦላ ማካላድ። አላጋ ጾሳቱዋና ዳሻ ምꬃ ኡባ ጋርሳን ሻርሙጻድ። ነ ቃላዉ አዛዘታበይከ’ ጋደ ነ ባይዙዋ አማናናዉ ኮሼ። ታን መꬍና ጎዳይ ሀዋ ኦዳድ” ያጌ ያጋ ያጌዳ።
JER 3:14 “ቃይካ መꬍና ጎዳይ ሀዋዳን ያጌ፤ ‘ህንተኖ፥ አማነተና አሳቶ፥ ስምተ፤ አያዉ ጎፐ፥ ታን ህንተ አስና። ህንተና እቱዋ እት ካታማፐ፥ ላኡዋ እት ያራፐ ዶራደ አካና፤ ህንተና ጽዮነ አሀና።
JER 3:15 ሄዋፐ ጉይያን፥ ታን ታ ዎዛናዳን፥ ህንተና ሄምያ ሄንꬃንቻቱዋ ህንተዉ እማና። ኡንቱንቱ ህንተና ኤራተꬃንነ አኬካን ሄማና’ ” ያጌ።
JER 3:16 ቃይካ መꬍና ጎዳይ፥ “ሄ ጋላሳቱዋን ህንተ ሄ ቢታን ጮራትያ ዎደ፥ አሳቱ፥ ‘መꬍና ጎዳ ጫቁዋ ታቦታ’ ጊደ ሃሳይክኖ። እ ኡንቱንቶ ካርህነ ጌና፥ ዎይ ሀሳየተና፥ ዎይ ባይናዌካ ኡንቱንቶ ቆፈተና፤ ቃይ ሀራይ ኦሰተና።
JER 3:17 ሄ ዎድያን ኡንቱንቱ የሩሳላመ መꬍና ጎዳ ካተቱዋ አራታ ጊደ ጼሳና። ካዉተꬃ ኡባፐ አሳይ መꬍና ጎዳ ሱንꬃ ቦንቻናዉ የሩሳላመ ሺቃና። ሄዋፐ ስንꬃን ኡንቱንቱ እጼዳ ጊደ፥ ባረንቱ ኢታ ቆፋ ካልክኖ።
JER 3:18 ሄ ጋላሳቱዋን ይሁዳ አሳቱ እስራኤልያ አሳቱዋና እትፐ ጋከቲደ፥ ሁጲሳ ባጋ ቢታፐ ታን ካሰ ህንተ አዎቱዋ ላትሴዳ ቢታ እትፐ ያና” ያጌ።
JER 3:19 መꬍና ጎዳይ፤ “ታን ህንተና አቱማ ናናቱዋዳን ዎታ ዎꬃነንቶነ፥ ፓጻ ቢታ፥ ካዉተꬃ ኡባፐ አꬊደ፥ ሎእያ ቢታ ዎታ ላትሳነንቶነ ቆፓድ። ቃይ ታና፥ ‘ታ አቦ’ ጊደ ጼሳናነ ታና ካልያሳፐ ጉየ ስምክኖ ጋደ ቆፓድ።
JER 3:20 ሽን እስራኤልያ አሳቶ፥ ህንተ ባረ አስናዉ አማነተና ማቻቲዳን ታዉ አማነትበይክታ” ያጌ።
JER 3:21 አየንቶ ባይና ꬎቃ ደረቱዋ ቦላን ኮሻይ ስሰቴ፤ ሄዌነ፥ እስራኤልያ አሳ ዬኩዋነ ዋትዋቱዋ። አያዉ ጎፐ፥ ኡንቱንቱ ባረንቱ ኦግያ ጌላዬድኖነ መꬍና ጎዳ ባረንቱ ጾሳ ዶጌድኖ።
JER 3:22 ጾሳይ ኡንቱንታ፥ “ህንተኖ፥ አማኑ ባይና አሳቶ፥ ታኮ ስምተ። ህንተ አማነታና ማላ፥ ታን ህንተና ፓꬃና” ያጌዳ። ኡንቱንቱ፥ “ኤኖ፥ ኑን ኔኮ ስማና። አያዉ ጎፐ፥ ኔን መꬍና ጎዳ ኑ ጾሳ።
JER 3:23 ኑን ዞዘቱዋ ሁጲያንነ ደረቱዋ ሁጲያን ኤቃዉ ጎይንያዌ ቱሙዋፐ ጭሙዋ። ቱሙፐ ኑዉ፥ እስራኤላቶ አቶተꬃይ መꬍና ጎዳና፥ ኑ ጾሳና።
JER 3:24 ኑ ያላጋተꬃደፐ ዶምና፥ ኑ አዎቱ ዳቡሪደ ደሜዳዋ፥ ኡንቱንቱ ዶርሳነ ሚዛ፥ ኡንቱንቱ ማጫነ አቱማ ናናቱዋ፥ ዬላይያ ኤቃቱ ም ꬋይሴድኖ።
JER 3:25 ኑ ያላጋተꬃደፐ ዶሚደ፥ ሀች ጋካናዉ፥ ኑንካ ኑ አዎቱካ መꬍና ጎዳ ኑ ጾሳ ቦላ ናጋራ ኦꬄዶ። መꬍና ጎዳ ኑ ጾሳ ቃላዉ አዛዘትበይኮ። ሄዋ ድራዉ፥ አነ ኑን ዬላዉ ዱገ ጉፋኔቶ፤ ቃይ ካዉሻይ ኑና አፍላዳን ካሞ” ያጊኖ።
JER 4:1 መꬍና ጎዳይ ሀዋዳን ያጌ፤ “እስራኤልያ አሳዉ፥ ስሞፐ፥ ሃ ታኮ ስምተ። ህንተ ታን ሸነትያ ህንተ ኤቃቱዋ ታ ስንꬃፐ ድጎፐ፥ ታፐ ዎራ ባና ꬋዮፐነ
JER 4:2 ህንተ ቱሙዋን፥ ሱረተꬃንነ ጽሎተꬃን፥ ‘መꬍና ጎዳይ ኤሮ!’ ጊደ ጫቆፐ፥ ሄ ዎደ ካዉተꬃቱ አን አንጀታናነ አን ጬቃና” ያጌ።
JER 4:3 መꬍና ጎዳይ ይሁዳ አሳዉነ የሩሳላመን ደእያዋንቶ ሀዋዳን ያጌ፤ “ህንተ ኦꬃ ቢታ ጎሽተ፤ አጉንꬃ ቦላ ዘሮፕተ።
JER 4:4 ህንተኖ፥ ይሁዳ አሳቶ፥ የሩሳላመን ደእያዋንቶ፥ ህንተ ህንተ ሁጲያ መꬍና ጎዳዉ ቃጻርተ፤ ህንተ ዎዛና ሾኩዋ ድግተ። ሄዌ ꬋዮፐ፥ ህንተ ኦꬄዳ ኢታተꬃ ድራዉ፥ ታ ሀንቁ ታማዳን ኤጽ ከሳና። አ ኦንነ ቶይሳናዉ ዳንዳየና” ያጌ።
JER 4:5 ጾሳይ ሀዋዳን ያጌ፤ “ይሁዳን ኦድተ። የሩሳላመን፥ ‘ቢታ ኡባን ማላካታ ፑንተ!’ ያጊደ አዋይተ። ህንተ ቃላ ꬎቂሲደ፥ ሀዋዳን ጊደ ዋስተ! ‘እትፐ ሺቅተ! አነ ግምቢ ዩይ አꬌዳ ካታማ ደንድተ!’ ያግተ።
JER 4:6 አሳይ ጽዮነ ባና ማላ ማላትተ! ህንተዉ ሳሮ አታናዉ ባቃትተ! ጋምኦፕተ! አያዉ ጎፐ፥ ታን ሁጲሳ ባጋ ቢታፐ ኢታባነ ዎልቃማ ባሻ አሀና ሀናይ።
JER 4:7 ጋሙ ባረ ደእያ ቡራፐ ከስያዋዳን፥ ካዉተꬃቱዋ ꬋይስያዌ ባረ ሳኣፐ ደንዴ። ህንተ ቢታ ꬋይሳናዉ ዬዳ። ህንተ ካታማቱ ባዪደ ኦና ግዳናዋ።
JER 4:8 ሄዋ ድራዉ፥ ማቃ ማዪደ፥ ‘አዬ! አየ!’ ያጊደ ዝላልተነ ዬክተ። አያዉ ጎፐ፥ መꬍና ጎዳ ሀንቁ ሱልያዌ ኑ ቦላፐ ክችቤና” ያጌ።
JER 4:9 ቃይካ መꬍና ጎዳይ፥ “ሄ ጋላስ፥ ካትያ ዎዛናይነ ካፖቱዋ ዎዛናይ ያያና። ቄሳቱ ካ ዳጋማና። ትምቢትያ ኦድያዋንቱካ፥ ‘ፖራ!’ ጊደ ዶና ኦይቃና” ያጌ።
JER 4:10 ታን፥ “ሀእ ኡባ ሞድያ መꬍና ጎዳዉ፥ ማሻይ ኡንቱንቱ ቆꬍያን ዎꬍያ ዎደ፥ ‘ህንተዉ ሳአይ ሳሮ ግዳና’ ያጋደ፥ ሀ አሳነ የሩሳላመ ሎይꬅ ጭሙዋ ጭማዳ” ያጋድ።
JER 4:11 ሄ ዎድያን ሀ አሳስነ የሩሳላመዉ፥ መꬍና ጎዳይ ሀዋዳን ያጌ ጌተታና፤ “ባዙዋን አያይነ ባይና ꬎቃ ደረቱዋፐ ምችያ ጫርኩ ታ አሳ ቦላ ጫርካና፤ ሽን ሄዌ ካꬃ ሰጻናዉነ ጌሻናሳ ግደና።
JER 4:12 ሄዋፐ ሎይꬅ ዎልቃምያ ጫርኩ ታ አዛዙዋን ጫርካና፤ ሀእ ታን ኡንቱንቱ ቦላ ፕርዳና” ጌ ጌተታና።
JER 4:13 በእተ፥ ሞርኪ ሻርያዳን ከሴ። አ ፓራ ጋረቱካ ጎትያ ማላ፤ አ ፓራቱ አርጋንꬃፐካ አꬍ ኤሌሊኖ። አየ አና ኑኖ! ባዋ ꬋዬዶ!
JER 4:14 ኔኖ የሩሳላመ፥ አታና ማላ፥ ነ ዎዛና ሜጫደ ኢታተꬃፐ ጌሻ ድጋ! ኢታ ቆፋይ ነ ዎዛናን አዉደ ጋካናዉ ጋምአኔ?
JER 4:15 ዳና ካታማፐነ ኤፍሬማ ደርያፐ ዬዳዋንቱ ኢታባ አዋዪኖ።
JER 4:16 መꬍና ጎዳይ ሀዋዳን ያጌ፤ “ካዉተꬃቶ ኦድተ፤ የሩሳላምዉካ ሀዋዳን ያጊደ አዋይተ፤ ይሁዳ ካታማቱዋ ቦላን፥ ‘ሃኮ ቢታፐ ኦላ አዋይያ ኦላንቻቱ ይ ደኢኖ፤
JER 4:17 እ ታ ቦላ ማካሌዳ ድራዉ፥ ጋደን ደእያ ካꬃ ናግያዋንቱዳን፥ ሄ ኦላንቻቱ ይሁዳ ዩሹዋን ዩይ አꬊኖ’ ያግተ” ያጌ።
JER 4:18 ይሁዳ አሳቶ፥ ህንተ ሀኑነ ህንተ ኦሱ ሀዋ ኡባ ህንተ ቦላ አሄዳ። ሀዌ ህንተዉ ሙሮ። እ አይ ኬሻ ጫምያቤ! ህንተ ዎዛና አይ ኬሻ ጫድያቤ!
JER 4:19 አየ ታኖ! ታን ሀዋ ዎታ ዳንዳያኔ! አየ ታ ዎዛናዉ! ታ ዎዛናይ ድድቄ፤ ታን ጮኡ ጋናዉ ዳንዳይከ። አያዉ ጎፐ፥ ታን ማላካታ ፑኑዋነ ኦላ ዋሱዋ ስሳድ።
JER 4:20 ኢታባይ ኢታባ ካሌ፤ ሙለ ቢታይ ባዬዳ። ታ ዱንካነቱነ ጋርዳቱ ኤለካ ꬋዬድኖ።
JER 4:21 አዉደ ጋካናዉ ኦላ ማላታ ጼላኔነ ማላካታ ፑኑሳ ስሳኔ?
JER 4:22 ጾሳይ ሀዋዳን ያጌ፤ “ታ አሳይ ቦዛ፤ ኡንቱንቱ ታና ኤርክኖ። ኡንቱንቱ ቆፍ ባይና ናናቱዋ፤ ኡንቱንቶ አኬክ ባዋ። ኡንቱንቱ ኢታባ ኦꬃናዉ ኤራንቻ፤ ሽን ሎኦባ ኦꬃናዉ ኤርክኖ” ያጌ።
JER 4:23 ታን ሳኣ ጼላድ፤ ሳአይ ጊግቤናዋነ አያይነ ባይና መላ ግድያዋ በኣድ። ቃይ ሳሎቱዋ ጼላድ፤ ኡንቱንቱን ፖኡ ባይናዋ በኣድ።
JER 4:24 ደረቱዋ ጼላድ፤ ኡንቱንቱ ቃጽያዋነ ዞዘቱ ኡባይ ጉየነ ስንꬃዉ ጋጅ ጋጅያዋ በኣድ።
JER 4:25 ታን ጼላድ፤ ሽን አይ አሳነ በአበይከ፤ ሳሉዋ ካፎቱካ ኡባይ ፓሊደ ባቃቴድኖ።
JER 4:26 ጼላድ፤ አራዳ ቢታይ መላ ግዴዳዋ በኣድ፤ መꬍና ጎዳ ስንꬃን፥ አ ሱሎ ሀንቁዋ ስንꬃን ሄ ቢታ ካታማቱካ ዮደቴድኖ።
JER 4:27 መꬍና ጎዳይ ሀዋዳን ያጌ፤ “ሙለ ቢታይ ባያና፤ ሽን ታን አ ዉርሳ ꬋይስከ።
JER 4:28 ሄዋ ድራዉ፥ ሳአይ ዬካና፤ ሳሎቱካ ቦላን ꬉማና። አያዉ ጎፐ፥ ታን ጋ ድጋድ፤ ማርሰትከ። ታን ቆፋ ቃቻ ክቻድ፤ አግከ” ያጌ።
JER 4:29 ፓራ አሳቱነ ዎንዳፍያ አሳቱ ጋርማሙዋን፥ አሳይ ካታማ ኡባፐ ባቃታና። ባጋቱ ዎጺደ ዎራ ጋርሳ ገልና፥ ባጋቱ ቃይ ዛላ ሽቢኖ። ካታማይ ኡባይ ኦኒደ፥ ደእያ አሳ ꬋዬዳ።
JER 4:30 ኔኖ፥ ባያ ክቼዳኔ፥ ኔን አይ ኦꬃይ? ነ ዞኦ ማዩዋ አያዉ ማያይ? ዎርቃ አሌቁዋ አያዉ ዎꬃይ? ነ አይፍያ ስጲንꬃ አያዉ ኦካይ? ኔን ጮ መላ ኔና ሎይꬃዳ። ነ ላገꬃቱ ኔና ካꬌድኖ፤ ኡንቱንቱ ኔና ዎꬋናዉ ኮዪኖ።
JER 4:31 ታን የሉዋ ኦይቀቴዳ ምሽራታ ዋስያዋ ማላ ዋሱዋ ስሳድ። እ ዋሱ ኮይሮ ናኣ የልያ ማጫ ምሽራት ኦልያ ማላ። ሄ ዋሱ፥ የሩሳላማ ሸምፑዋ ተኤታደ፥ ባረ ኩሽያ ምጫደ፥ “አየ ታኖ! ሄኮ ታና ዎꬋናዉ ሀኒኖ!” ያጋደ ዋስያ ዋሱዋ።
JER 5:1 ጾሳይ ሀዋዳን ያጌ፤ “አነ የሩሳላመ ኦግያ ፑደነ ዱገ ሀመትተ፤ አነ ዩይ አꬊደ ጼልተነ አኬክተ፤ አ ጉታራንካ ኮይተ። ጽሉዋ ፕርድያነ ቱሙዋ ኮይያ እት አሳ ህንተ ደሞፐ፥ ታን የሩሳላመ ማራና።
JER 5:2 ሽን ኡንቱንቱ፥ ‘መꬍና ጎዳይ ኤሮ’ ጎፐካ፥ ኡንቱንቱ ቱሙዋፐ ዎርዱዋን ጫቂኖ” ያጌ።
JER 5:3 አቤት መꬍና ጎዳዉ፥ ነ አይፈቱ ቱሙዋ ጼልክኖየ? ኔን ኡንቱንታ ደቻዳ፥ ሽን ኡንቱንታ ሳክቤና። ኔን ኡንቱንታ ክንቼሬꬃዳ፥ ሽን ኡንቱንቱ ሴራ አከናን እጼድኖ። ኡንቱንቱ ባረንቱ ሶምኡዋ ዛላፐ አꬅ ምንሲደ፥ ባረንቱ ናጋራፐ ስመናን እጼድኖ።
JER 5:4 ሄዋፐ ጉይያን፥ ታን ሀዋዳን ያጋደ ቆፓድ፤ “ሀዋንቱ ህዬሳ ጻላላ፤ ሀዋንቱ ቦዛ። አያዉ ጎፐ፥ ኡንቱንቱ መꬍና ጎዳ ኦግያ፥ ባረንቱ ጾሳ ህግያ ኤርክኖ።
JER 5:5 ስም ታን ዎልቃማ አሳቱዋኮ ባናነ ኡንቱንቶ ኦዳና። አያዉ ጎፐ፥ ኡንቱንቱ መꬍና ጎዳ ኦግያ፥ ባረንቱ ጾሳ ህግያ ኤሪኖ” ያጋደ ቆፓድ። ሽን ኡንቱንቱ ኡባይካ እትፐ አ ሞርገ ምꬃ መንꬄድኖነ ቃሹዋካ ዱꬄድኖ።
JER 5:6 ሄዋ ድራዉ፥ ጋሙ ባረ ዎራፐ ከሲደ፥ ኡንቱንታ ዎꬋና። ጄሪ ባዙዋፐ ከሲደ፥ ኡንቱንቱ ም ꬋይሳና። ማሂ ኡንቱንቱ ካታማቱዋ ዙጊደ ናጋና። ሄ ካታማቱዋፐ ከስያ ኡባይ ፑዘት ዉራና። አያዉ ጎፐ፥ ኡንቱንቱ ማካላይ ዳልጌዳ፤ ኡንቱንቱ ቶሺካ ዳሬዳ።
JER 5:7 ጾሳይ ሀዋዳን ያጌ፤ “ታን ህንተ ናጋራ አያዉ አቶ ጎ? ህንተ ናናቱ ታና አጊደ፥ ዎርዶ ጾሳቱዋን ጫቄድኖ። ታን ኡንቱንታ ምዛደ ካልሳድ፤ ሽን ኡንቱንቱ ሻርሙጼድኖነ ሻርሙጻቱዋ ጎልያ ሲሬድኖ።
JER 5:8 ኡንቱንቱ ꬊከቴዳ ኮሩማ ፓራዳን ዚቲደ፥ ሀራ አሳ ማቻቶ ዎሹማናዉ አሞቲኖ።
JER 5:9 ቱሙ ታን ሀ የዎቱዋ ድራዉ፥ ኡንቱንታ ሙራናዉ በስክታ? ሀዋ ማላ ካዉተꬃዉ ታ ሀሉዋ ከስክታ?” ያጌ መꬍና ጎዳይ።
JER 5:10 ቃይካ መꬍና ጎዳይ ሀዋዳን ያጌ፤ “እ ዎይንያ ቱራ ማራ ግዱዋና ቢደ ባይዝተ፤ ሽን ዉርስ ꬋይሶፕተ። እ ታሸቱዋ ፐንጊ ኦልተ፤ አያዉ ጎፐ፥ ኡንቱንቱ መꬍና ጎዳሳ ግድክኖ።
JER 5:11 እስራኤልያ አሳቱነ ይሁዳ አሳቱ ሙለካ አማነትበይክኖ” ያጌ።
JER 5:12 ኡንቱንቱ ሀዋዳን ጊደ፥ መꬍና ጎዳ ቦላ ዎርዱዋን ሃሳዬድኖ፤ “እ አይነ ኦና፤ ቆህያባይ አያይነ ኑ ቦላ ዬና። ሞርክያ ማሻ ዎይ ኮሻ ኑን ሙለካ በኦኮ።
JER 5:13 ትምቢትያ ኦድያዋንቱ ጫርኩዋ ማላ፤ ኡንቱንቱን ጾሳ ቃላይ ባዋ። ሄዋ ድራዉ፥ ኡንቱንቱ ግያዌ ኡባይ ኡንቱንታ ጋኮ” ያጊኖ።
JER 5:14 ሄዋ ድራዉ፥ መꬍና ጎዳይ፥ ኡባፐ ዎልቃማ ጾሳይ እስራኤልያ አሳ ሀዋዳን ያጌ፤ “ኡንቱንቱ ሀ ቃላ ሃሳዬዳ ድራዉ፥ ታን ታ ቃላ ነ ዶናን ታማ ከሳና። ሀ አሳካ ምꬃ ከሳና፤ ሄ ታማይ ኡንቱንታ ም ꬋይሳና” ያጌ።
JER 5:15 መꬍና ጎዳይ ህንተና ሀዋዳን ያጌ፤ “ህንተኖ፥ እስራኤልያ አሳቶ፥ ታን ህንተ ቦላ ሃኮ ቢታፐ እት ካዉተꬃ አሀና። እነ ዎልቃማነ በን ካዉተꬃ። ኡንቱንቱ ቃላ ህንተ ኤረና፥ ኡንቱንቱ ሃሳያይካ ህንተዉ ገለና ካዉተꬃ።
JER 5:16 ኡንቱንቱ ጩብያ ሾኩ ዶያ ዱፎ ማላ። ኡንቱንቱ ኡባይካ ዎልቃማ አሳ።
JER 5:17 ኡንቱንቱ ህንተ ካꬃነ ቁማ ቦንቂደ ማና። ህንተ አቱማ ናናቱዋካ ማጫ ናናቱዋካ ዎꬋና። ህንተ ዶርሳካ ሚዛካ ቦንቂደ ማና። ህንተ ዎይንያ ቱራ ቴራካ ባላስያ ግያ ምꬃ ቴራካ ቦንቂደ ማና። ህንተ አማነትያ፥ ግምበቴዳ ካታማቱዋካ ኡንቱንቱ ባረንቱ ማሻን ኦሊደ ባይዛና” ያጌ።
JER 5:18 መꬍና ጎዳይ ኤርማሳ ሀዋዳን ያጌ፤ “ሽን ሄ ጋላሳቱዋን ግዶፐካ፥ ታን ታ አሳ ኡባና ዉርሳ ꬋይስከ።
JER 5:19 አሳይ ኔና፥ ‘መꬍና ጎዳይ ኑ ጾሳይ ኑ ቦላ ሀዋ ኡባ አያዉ ኦꬄዴ?’ ጊደ ኦችያ ዎደ፥ ኔን ኡንቱንቶ፥ ‘ህንተ ታና፥ ጾሳ አጊደ፥ ህንተ ማታን እማꬃ ጾሳቶ ኦꬄዳዋዳን፥ ሄዋዳን ህንተካ አሳ ማታን እማꬃ አሳቶ ኦꬃና’ ያጋ” ያጌዳ።
JER 5:20 ቃይካ ጾሳይ፥ “ሀዋ ያቆባ አሳቶ ኦዳ፤ ይሁዳ ቢታንካ ሀዋዳን ያጋደ አዋያ፤
JER 5:21 ‘ህንተኖ፥ አይፊ ደእሺና ጼለናዋንቶ፥ ሀይꬃይ ደእሺና ስሰናዋንቶ፥ ኤያነ ዶንጭሎዋንታ አሳቶ፥ ሀዋ ስስተ!
JER 5:22 ላ ህንተ ታዉ አያዉ ያይክቴ? ያጌ መꬍና ጎዳይ። ህንተ ታ ስንꬃን አያዉ ኮኮርክቴ? አያዉ ጎፐ፥ ታን ሻፈቱዋ አባዉ ዛዋ፥ መꬍናዉ አ ፕንና ድርሳ ኦꬃድ። ቤታቱ ፑሻከቶፐካ ጾናናዉ ዳንዳይክኖ። ኡንቱንቱ ጉሞፐካ ፕናናዉ ዳንዳይክኖ።
JER 5:23 ሽን ሀ አሳቶ ሙመነ ማካላ ዎዛናይ ደኤ። ኡንቱንቱ እት ባጋ ስሚደ፥ ዎራ ቤድኖ።
JER 5:24 ኡንቱንቱ ባረንቱ ዎዛናን፥ “ኑዉ አድልያ እራነ አሱራ እራና ዎድያን ዎድያን እምያ፥ ኑና ኑ ካꬃ ዳቡርስሰናን ሺሽስያ መꬍና ጎዳዉ፥ ኑ ጾሳዉ፥ አነ ያዬቶ” ግበይክኖ።
JER 5:25 ህንተ ኢታ ኦሱ ሀዋንታ ተኤዳ። ህንተ ናጋራይ ህንተና ሎኦባፐ አሼዳ’ ያጋ” ያጌ።
JER 5:26 ጾሳይ ሀዋዳን ያጌ፤ “ታ አሳ ግዶን ኢታ አሳቱ ደኢኖ። ካፎቱዋ ኦይቃናዉ ናግያ አሳቱዋዳን ዙጊደ ናጊኖ። ኡንቱንቱ ግትያ የጊኖ፤ አሳቱዋ ኦይቂኖ።
JER 5:27 ኮꬃን ካፉ ኩሜዳዋዳን፥ ኡንቱንቱ ጎልያን ጭሙ ኩሜዳ። ሄዋ ድራዉ፥ ኡንቱንቱ ዎልቃማነ ዱረ ግዴድኖ።
JER 5:28 ኡንቱንቱ ኦርደነ ሞꬎ ግዲደ ድጬድኖ። ኡንቱንቱ ኢታ ኦሶ ዛዋይ ባዋ። ኡንቱንቱ አዉ ባይና ናናቱዋ ሻትንꬃናዉ ኡንቱንቱ ድራዉ ሞተትክኖ፤ ህዬሳቱዋ ማታካ ናግበይክኖ።
JER 5:29 ያትና፥ ታን መꬍና ጎዳይ ኡንቱንታ ሄዋ ድራዉ፥ ሙራናዉ በስክታ? ሀዋ ማላ ካዉተꬃ ቦላ ታ ሀሉዋ ከሳናዉ በስክታ?” ያጌ።
JER 5:30 ቃይካ ጾሳይ ሀዋዳን ያጌ፤ “ዳሮ ኢታባይነ ዳጋንꬅያባይ ቢታ ቦላን ሀኔዳ።
JER 5:31 ትምቢትያ ኦድያዋንቱ ዎርዱዋ ኦዲኖ፤ ቄሳቱ ካ ኡንቱንቱ ዞርያን አይሲኖ። ታ አሳይካ ሄዋ ማላባ ዶሴ! ሽን ዉርሰꬃን ዋኒቴ?” ያጌ።
JER 6:1 ቃይካ ጾሳይ፥ “ህንተኖ፥ ቢንያማ አሳቶ፥ ህንተ ሸምፑዋ አሻናዉ ባቃትተ! የሩሳላመፐ ከስተ! ታቆአ ካታማን ማላካታ ፑንተ! ቤት-ሀካሬማ ግያ ሳን ማላታ በስተ! አያዉ ጎፐ፥ ሁጲሳ ባጋፐ ኢታባይነ ባላ ባሻይ ያና ሀኔ።
JER 6:2 ታን ሎእያነ ናሸችያ ጽዮነ ካታማቱዋ ꬋይሳና።
JER 6:3 ሞርከቱ ሄንꬃንቻቱዋዳን ባረንቱ ዉድያ አኪደ፥ አ ቦላ ያና። አ ዩሹዋን ባረንቱ ዱንካንያ ኤሳና፤ ባረንቱ ዉድያነ ባረንቱ ሳኣን ሳኣን ሄማና።
JER 6:4 ኡንቱንቱ እቱ እቱዋ፥ ‘የሩሳላመና ኦለታናዉ ጊግተ! ደንድተ! አነ ኑን አ ሴታ ጋላስ ኦሌቶ። ሽን አየ አና! ሳአይ ቃሜ፤ ኦማርሳ ኩዋይ አዱቂ አዱቂ ቤ።
JER 6:5 ሄዋ ድራዉ፥ ደንድተ! አነ ቃማ ኦሌቶ፤ አ ጌሱዋ ላሌቶ’ ያጊደ ማቀቲኖ” ያጌ።
JER 6:6 ኡባፐ ዎልቃማ መꬍና ጎዳይ ሀዋዳን ያጌ፤ “ምꬃቱዋ ቃንጽተ። የሩሳላመ ግምቢያ ማታን ቢታ ዶሪደ ድድቅተ። ሄ ካታማን ናቁ ኩሜዳ ድራዉ፥ እ ሙረታናዉ በሴ።
JER 6:7 ኦላይ ባረ ሃꬃ ፑልትያዋዳን፥ እካ ባረ ኢታተꬃ ፑልቴ። ማካላባይነ ባሻባይ አ ግዶን ስሰቴ። ኡባ ገደ አ ሳአይነ ማዱꬃይ ታ ስንꬃን ቤቴ።
JER 6:8 ኔኖ የሩሳላመ፥ ታን ኔና ሴርያዋ አካ። አከናን እጾፐ፥ ታን ኔፐ ሻከታናነ ነ ቢታ እት አሳይነ ደኤና ባድነ ቢታ ከሳና” ያጌ።
JER 6:9 ኡባፐ ዎልቃማ መꬍና ጎዳይ ሀዋዳን ያጌ፤ “ዎይንያ ቴራ ማጽያዋዳን፥ እስራኤልያ አሳ አቴዳዋንታ ሎይꬂደ ማጽተ። ዎይንያ ቴራ ቆርያ አሳዳን፥ ህንተ ኩሽያ ዳሻቱዋ ግዶ ላኤንꬁዋካ የድተ” ያጌ።
JER 6:10 ታን ኦስ ኦዶሻ? ኦና ሴሮሻ? ኦን ስሳንዴሻ? በእተ፥ ኡንቱንቱ ስሰና ማላ፥ ኡንቱንቱ ሀይꬃይ ባረት ኡቴዳ። በእተ፥ መꬍና ጎዳ ቃላይ ኡንቱንቶ ቅሊጭያዋ ግዴዳ፤ ኡንቱንቱ አን ናሸትክኖ።
JER 6:11 ሄዋ ድራዉ፥ መꬍና ጎዳ ሀንቁ ታናን ኩም ኡቴዳ። ታን ሀ ሀንቁዋ ተአናዉ ዳንዳይከ። ያትና፥ ጾሳይ ታና ሀዋዳን ያጌ፤ “ታ ሀንቁዋ ኦግያን ደእያ ናናቱዋ ቦላነ ሺቄዳ ያላጋ አሳ ቦላ ትጋ። ማቻቶካ አስናካ፥ ጭም ዉሬዳ አሳካ እ አክ ባና።
JER 6:12 ታን ሄ ቢታን ደእያዋንቱ ቦላ ታ ኩሽያ የድያ ዎደ፥ ኡንቱንቱ ጎለቱ፥ ኡንቱንቱ ጎሻናካ ኡንቱንቱ ማቼቱዋናካ ኡባይ ሀራቶ እመታና” ያጌ መꬍና ጎዳይ።
JER 6:13 ቃይካ ጾሳይ ሀዋዳን ያጌ፤ “ጉꬃይካ ዳሩካ ኡባይ ዎꬍያ ማናዉ ይርገቴ። ትምቢትያ ኦድያዋንቱካ ቄሳቱ ካ ኡባይ አሳ ጭሚኖ።
JER 6:14 ታ አሳ ማዱꬃ ሳከናባ ጊደ፥ ጉꬃ ꬋልያ ዎꬂኖ። ሳሩ ባይናን፥ ‘ሳሮ፤ ሳሮ!’ ያጊኖ።
JER 6:15 ሀ ሸነይያ ኦሱዋ ኦꬂደ፥ ኡንቱንቱ ዬላቴድኖ? ቱይት፥ ኡንቱንቱ ሙለካ ዬላትበይክኖ። ኡንቱንቱ ዬላይ አየንቶካ ኤርክኖ። ሄዋ ድራዉ፥ ኡንቱንቱካ ኩንዴዳዋንቱ ግዶን ኩንዳና። ታን ኡንቱንታ ሙርያ ዎደ፥ ኡንቱንታ ካዉሻና” ያጌ መꬍና ጎዳይ።
JER 6:16 መꬍና ጎዳይ ሀዋዳን ያጌ፤ “ኦግያን ኤቂደ ጼልተ፤ በን ሎሶቱ ደኢያሳ ኦችተ። ‘ሎኦ ኦጊ ሀቃን ደኢ?’ ያጊደ ኦችተነ አን ሀመትተ። ያቲደ ህንተዉ ሸምፕ አክተ። ያግና ህንተ፥ ‘ኑን ሄ ኦግያን ሀመቶኮ!’ ያጌድታ።
JER 6:17 ታን ናግያዋንታ ህንተ ቦላ ሱንꬃደ፥ ‘ማላካታይ ፑነትያ ዎደ ስስተ!’ ያጋደ ኦዳድ። ሽን ህንተ፥ ‘ኑን ስሶኮ’ ያጌድታ።
JER 6:18 “ሄዋ ድራዉ፥ ካዉተꬃቶ፥ ስስተ! ማባራቶ፥ ታን ታ አሳ ኦꬅያዋ ኤርተ!
JER 6:19 ሳኣን ደእያ አሳቶ፥ ሀዋ ስስተ! ታን ኡንቱንቱ ኢታ ቆፋ ድራዉ፥ ኢታባ ሀ አሳ ቦላ አሃድ። አያዉ ጎፐ፥ ኡንቱንቱ ታ ቃላ ስሰናን እጼድኖ፤ ታ ህግያካ ኦል ባሼድኖ።
JER 6:20 ሳባ ግያ ቢታፐ ዬዳ እጻናይ ዎይ ሃኮ ቢታፐ ዬዳ ሳዊያ ቅማሚ ታዉ አይሴ? ህንተ ጹግያ ያርሹካ አከተና። ህንተ ያርሹ ታና ናሸቼና” ያጌ።
JER 6:21 ሄዋ ድራዉ፥ መꬍና ጎዳይ ሀዋዳን ያጌ፤ “በእተ፥ ታን ሀ አሳ ስንꬃን ꬉበቱዋ ዎꬃና። አዎቱነ ናናቱ እትፐ ኡንቱንቱን ꬉበታና። ሾሮቱነ ላገቱ ꬋያና” ያጌ።
JER 6:22 ቃይካ መꬍና ጎዳይ ሀዋዳን ያጌ፤ “በእተ፥ ሁጲሳ ባጋ ቢታፐ ኦላንቻቱ ዪኖ፤ እት ዎልቃማ ካዉተꬃይ ሳኣ ጋጻፐ ደንዴ።
JER 6:23 ኡንቱንቱ ዎንዳፍያነ ቶራ ኦይቄድኖ። ኡንቱንቱ ቃረት ባይናዋንታነ የድ ማረናዋንታ። ኡንቱንቱ ባረንቱ ፓራን ፕሪጽያ ዎደ፥ አባይ ጉምያዋዳን ጉሚኖ። ህንተኖ፥ ጽዮነ ካታማ አሳቶ፥ ኡንቱንቱ ህንተና ኦላናዉ እት አሳዳን ሳልፔድኖ” ያጌ።
JER 6:24 ኑን ሄ ኦዱዋ ስስና፥ ኑ ኩሺ ህልስ ጌዳ። ምሽራቶ ኦይꬃይ ኦይቂያዋዳን፥ ኑና መቱ ኡንኤዳ።
JER 6:25 ሾይቃ ከሶፕተ፤ ኦግያናካ ሀመቶፕተ። አያዉ ጎፐ፥ ሞርኪ ማሻ ኦይቄዳ፤ ያና ሃናካ ዳጋንꬅያባይ ደኤ።
JER 6:26 ሀእ ታ አሳዉ፥ ማቃ ማዪደ፥ ብድንꬃን ጎንዶረትተ፤ ባረ መጽ እት ናአዉ ዬክያዋዳን ሴላ ዬኩዋ ዬክተ። አያዉ ጎፐ፥ ꬋይስያዌ አኬከናን ደእሺና፥ ኑ ቦላ ያና።
JER 6:27 ጾሳይ ኤርማሳ ሀዋዳን ያጌ፤ “ኤርማሳ፥ ኔን ኡንቱንቱ ኦግያ ጾሞሳና ማላነ ፓጫና ማላ፥ ታን ኔና ብራታ ፓጭያ አሳ ከሳድ፤ ታ አሳካ ፓጨትያ ብራታ ከሳድ።
JER 6:28 ኡንቱንቱ ኡባይ ዝግር ዩይያ፥ ኦድና አከና ማካላንቻ። ኡንቱንቱ ናሃስያነ ብራታ፤ ኡንቱንቱ ኡባይካ ባይዙዋ ኦꬂኖ።
JER 6:29 ብራታ ቦላን ደእያ ሽኣ ጹጊደ ጌሻና ማላ፥ ዎምፒናይ ዎልቃፐ ዎምፒነቴ። ሽን ጌሻናዉ ዋየቴዳ ዋዪ ኡባይካ መላ፤ ታ አሳ ግዶን ደእያ ኢታቱ ክችበይክኖ።
JER 6:30 መꬍና ጎዳይ ኡንቱንታ ኦል አጌዳ ድራዉ፥ ኡንቱንቱ ኦለቴዳ ብራ ጌተቲኖ” ያጌ።
JER 7:1 መꬍና ጎዳፐ ኤርማሳኮ ዬዳ ቃላይ ሀዋ፤
JER 7:2 “መꬍና ጎዳ ጌሻ ጎልያ ፐንገን ኤቃ። ሀ ቃላ ሀዋዳን ያጋደ አዋያ፤ ‘ህንተኖ፥ መꬍና ጎዳዉ ጎይናናዉ ሀ ፐንገቱዋና ገልያ ይሁዳ አሳቶ፥ ኡባይካ መꬍና ጎዳ ቃላ ስስተ!
JER 7:3 ኡባፐ ዎልቃማ መꬍና ጎዳይ፥ እስራኤልያ ጾሳይ ሀዋዳን ያጌ፤ “ህንተ ኦግያነ ህንተ ኦሱዋ ላምተ፤ ታን ህንተና ሀ ሳኣን ዎꬃና።
JER 7:4 ጭሞ ቃላን፥ ሀዌ መꬍና ጎዳ ጌሻ ጎልያ! ሀዌ መꬍና ጎዳ ጌሻ ጎልያ! ሀዌ መꬍና ጎዳ ጌሻ ጎልያ ያጊደ አማነቶፕተ።
JER 7:5 ህንተ ህንተ ኦግያነ ኦሱዋ ቱሙዋፐ ላሞፐ፥ እቱ እቶ ቱሙዋ ፕርዶፐ፥
JER 7:6 በተቱዋነ አዉ ባይና ናናቱዋ፥ አስናይ ሀይቄዳ አምኤ ማጫ አሳ ናቀናን አጎፐ፥ ሀ ሳኣን ጽሎ አሳቱዋ ሱꬃ ጉሰናን አጎፐነ፥ ህንተ ቆሄተናዳን፥ ሀራ ጾሳቶ ጎይነናን አጎፐ፥
JER 7:7 ታን ህንተ ማይዛ አዋቶ መꬍ መꬍናዉ እሜዳ ቢታን ህንተና ዎꬃና።
JER 7:8 በእተ! ህንተ አይነ ፓና ጭሙዋ ቃላን አማነቲታ” ያጌ’ ያጋ” ያጌ።
JER 7:9 ጾሳይ ሀዋዳን ያጌ፤ “ህንተ ዉኢታ፥ ዎꬊታ፥ ሻርሙጺታ፥ ጫቂደ ዎርዱዋ ማርካቲታ፥ ባኣላ ግያ ኤቃዉ ያርሹዋ ያርሺታ፥ ሀዋፐ ካሰ ህንተ ኤረና ሀራ ጾሳቶ ጎይኒታ።
JER 7:10 ያቲደ ታ ሱንꬃን ጼገቴዳ ጌሻ ጎልያ ዪደ፥ ታ ስንꬃን ኤቂደ፥ ‘ኑን ሳሮ አቴዶ!’ ያጊታ። ሽን ሀ ሸነይያ ኦሱዋ ኡባ ኦꬃናዉ ሳሮ አቴድቴ?
JER 7:11 ታ ሱንꬃን ጼገቴዳ ሀ ጌሻ ጎሊ ህንተዉ ፓንጋቱ ቆሰትያ ጎንጎሎ ጌድቴየ? ህንተ ኦꬅያዋ ኡባ ታን ታ ሁጲያን በኣድ” ያጌ መꬍና ጎዳይ።
JER 7:12 ጾሳይ ሀዋዳን ያጌ፤ “ታን ታ ሱንꬃዉ ደኢያሳ ኦꬃደ ኮይሮ ዶሬዳ፥ ሴሎን ታ ሳኣ አነ ቢተ። ታ አሳ እስራኤልያ ኢታተꬃ ድራዉ፥ ታን ሄ ሳኣ ዋቴደንቶ በእተ።
JER 7:13 ህንተ ሀ ኡባባ ኦꬄድታ። ታን ህንተዉ ዛራ ዛራደ ኦዳድ፤ ሽን ስሰናን እጼድታ። ታን ህንተና ጼሳድ፤ ሽን ታዉ ኮይበይክታ ያጌ መꬍና ጎዳይ።
JER 7:14 ሄዋ ድራዉ፥ ታን ሴሎ ቦላ ኦꬄዳዋ፥ ሀዋን ህንተ አማነትያ፥ ታ ሱንꬃን ጼገቴዳ ሀ ጌሻ ጎልያ ቦላካ ኦꬃና። ህንተዉነ ካሰ ህንተ አዋቶ እሜዳ ሳኣን ሀዋን፥ ታን ሴሎ ቦላ ኦꬄዳዋ ማላ ዛረꬃደ ኦꬃና።
JER 7:15 ህንተ ዳቦቱዋ፥ ኤፍሬማ ዘረꬃቱዋ ታን ድጌዳዋዳን፥ ታ ስንꬃፐ ህንተናካ ድጋና” ያጌ።
JER 7:16 ጾሳይ ሀዋዳን ያጌ፤ “ኤርማሳ፥ ሄዋ ድራዉ፥ ሀ አሳቶ ዎሶፓ፤ ኡንቱንቱ ግሻታ ኦቾፓ ዎይ ዋሶፓ፤ ኔን ኡንቱንቶ ጋናቶፓ። አያዉ ጎፐ፥ ታን ነዉ ስስከ።
JER 7:17 ኡንቱንቱ ይሁዳ ካታማቱዋንነ የሩሳላመ ኦገቱዋን ኦꬅያዌ አየንቶ በእኪየ?
JER 7:18 ናናይ ምꬃ ምጺኖ፤ አዎቱ ታማ ኤꬂኖ፤ ማጫ አሳቱ፥ ‘ሳሉዋ ካታቶ’ ግያ ጾሳትዉ ኡክꬃ ኡካናዉ ꬊልያ ሙናቂኖ። ኡንቱንቱ ታና ቆሀና ጊደ፥ ኡሻ ያርሹዋ ሀራ ጾሳቶ ጉሲኖ።
JER 7:19 ሀዋን ቱሙ ቆሄትያዌ ታኔ? ሀዋን ቆሄቲደ ዬላትያዌ ባረንቱ ሁጲያዉ ኡንቱንታ ግድክኖ?” ያጌ መꬍና ጎዳይ።
JER 7:20 ሄዋ ድራዉ፥ ኡባ ሞድያ ጾሳይ ሀዋዳን ያጌ፤ “በእተ፥ ታ ይሉነ ታ ሀንቁ ሀ ሳኣ ቦላ፥ አሳ ቦላነ መህያ ቦላ፥ ጋደን ደእያ ምꬃ ቦላነ ቢታን ደእያ ካꬃ ቦላ ጉካና። ጉኪደ ኤጻና፤ ቶአናዉካ ዳንዳየና” ያጌ።
JER 7:21 ኡባፐ ዎልቃማ መꬍና ጎዳይ፥ እስራኤልያ ጾሳይ ሀዋዳን ያጌ፤ “ህንተ ጹግያ ያርሹዋ ሀራ ያርሾቱዋና ጉጂደ፥ ሄ አሹዋ ህንተዉ ሚተ።
JER 7:22 ታን ኡንቱንታ ግብጼ ቢታፐ ከስያ ጋላስ፥ ጹግያ ያርሹዋባ ግድና፥ ሀራ ያርሾቱዋባ ግድና፥ ህንተ ማይዛ አዋቶ ኦዳበይከ ዎይ አዛዛበይከ።
JER 7:23 ሽን ታን ኡንቱንቶ ሀ አዛዙዋ እማድ፤ ‘ታዉ አዛዘትተ። ያቶፐ፥ ታን ህንተ ጾሳ ግዳና፤ ህንተካ ታ አሳ ግዳና። ህንተዉ ሎአና ማላ፥ ታን ህንተና አዛዝያ ኦግያ ኡባን ሀመትተ’ ያጋድ።
JER 7:24 ሽን ኡንቱንቱ ታዉ ስሰናን ዎይ ሀይዘናን እጼድኖ። ኡንቱንቱ ባረንቱ ኢታ ዎዛና ሙመተꬃዳን ሀመቴድኖ፤ ኡንቱንቱ ስንꬃዉ ብያዋ አጊደ፥ ጉየ ቤድኖ።
JER 7:25 ህንተ ማይዛ አዎቱ ግብጼ ቢታፐ ከሴዳ ጋላሳፐ ዶሚደ፥ ሀች ጋካናዉ፥ ታን ታ ቆማቱዋ፥ ትምቢትያ ኦድያዋንታ ዎንትና ዎንትና ህንተዉ ኪታደ ታካድ።
JER 7:26 ሽን ህንተ ታዉ ስሰናን ዎይ ሀይዘናን እጼድታ። ህንተ ሞርግያ ꬉልሴድታነ ህንተ ማይዛ አዎቱዋፐካ አꬊደ፥ ኢታባ ኦꬄድታ።
JER 7:27 “ሀዋ ኡባ ኔን ኡንቱንቶ ኦዳና፤ ሽን ኡንቱንቱ ነ ግያዋ ስስክኖ። ኔን ኡንቱንታ ጼሳና፤ ሽን ኡንቱንቱ ነዉ ኮይክኖ።
JER 7:28 ሄዋ ድራዉ፥ ኤርማሳ፥ ኔን ኡንቱንቶ ሀዋዳን ያጋ፤ መꬍና ጎዳዉ ባረ ጾሳዉ አዛዘተና ዎይ ሴርና ስመና ካዉተꬃይ ሀዋ። ቱሙ ꬋዬዳ፤ ቱማይ ኡንቱንቱ እንጻርሳፐ ባዬዳ።
JER 7:29 ህንተ ሁጲያ ሜዲደ ኦልተ። አያይነ ባይና ꬎቃ ደረቱዋ ቦላ ከሲደ ዝላልተ። አያዉ ጎፐ፥ መꬍና ጎዳይ ባረና ይሎዬዳ የለታ እጼዳነ አግ ባሼዳ ያጋ” ያጌ።
JER 7:30 ቃይካ መꬍና ጎዳይ ሀዋዳን ያጌ፤ “ይሁዳ አሳቱ ታ ስንꬃን ኢታባ ኦꬄድኖ። ኡንቱንቱ ታ ሱንꬃን ጼገቴዳ ጌሻ ጎልያ ቱንሳናዉ፥ ታና ሸነይያ ኤቃቱዋ አሂደ፥ አ ግዶን ዎꬄድኖ።
JER 7:31 ኡንቱንቱ ባረንቱ አቱማ ናናቱዋነ ማጫ ናናቱዋ ታማን ጹጊደ ያርሻናዉ፥ ህኖማ ዛንጋራ ꬎቃን ቶፌታ ግያ ያርሹዋ ሳኣ ግምቤድኖ። ሽን ሄዌ ታን ኡንቱንቱ አዛዛቤናባነ ታ ቆፋን ባይናዋ።
JER 7:32 ሄዋ ድራዉ፥ ሄ ሳአይ ህኖማ ዛንጋራ ዎይ ቶፌታ ጌተትያዌ አቲደ፥ ሹካ ዛንጋራ ያገቲደ ጼሰታና ጋላሳቱ ዪኖ ያጌ መꬍና ጎዳይ። አያዉ ጎፐ፥ ሞግያ ሳአይ ባይና ድራዉ፥ ቶፌት ኡንቱንቱ ባረንቱ አሃ ሞግያ ሳኣ ግዳናዋ።
JER 7:33 ሄ ዎደ ሄ አሳቱዋ አሃይ ሳሉዋ ካፎቶነ ሳኣ ዶአቶ ቁማ ግዳና፤ ኡንቱንቱ ያሽሲደ የደርስያዌ ደኤና።
JER 7:34 ታን እልልሳነ ናሸቻ ኮሻይ፥ ቡላችያዋነ ቡላቼትያን ኮሻይ ይሁዳ ካታማቱዋንነ የሩሳላመ ኦገቱዋን ስሰተናዳን ድጋና። አያዉ ጎፐ፥ ቢታይ መላ አታና” ያጌ።
JER 8:1 መꬍና ጎዳይ ሀዋዳን ያጌ፤ “ሄ ዎድያን ይሁዳ ካተቱዋ መቀꬃይ፥ ካፖቱዋ መቀꬃይ፥ ቄሳቱ ዋ መቀꬃይ፥ ትምቢትያ ኦድያዋንቱ መቀꬃይነ የሩሳላመን ደእያ አሳቱዋ መቀꬃይ ኡባይ ዱፉዋፐ ማጸቲደ ከሳና።
JER 8:2 ኡንቱንቱ ሲቄዳ፥ ኪተቴዳ፥ ካሌዳ፥ ዞርያ ኦቼዳነ ጎይኔዳ አዋዉ፥ አግናዉነ ሳሉዋ ጾልንትያ ኡባዉ ምጨታና። ኡንቱንቱ መቀꬃይ ሺቀና ዎይ ሞገተና፤ ሽን ቢታ ቦላን ፕቱዋ ማላ ግዳናዋ።
JER 8:3 ላሌዳ ሳአቱዋን ደእያ፥ ሀ ኢታ ካዉተꬃፐ አቴዳ አሳቱ ኡባይ ደኡዋፐ ሀይቁዋ ዶራና። ታን ኡባፐ ዎልቃማ መꬍና ጎዳይ ሀዋ ኦዳይ” ያጌ።
JER 8:4 መꬍና ጎዳይ ታና ሀዋዳን ያጌዳ፤ “አሳቶ ያጋ፤ ጾሳይ ሀዋዳን ያጌ፤ እት አሳይ ኩንዶፐ፥ ስሚደ ደንደኔየ? ዎይ እት አሳይ ዎራ ቦፐ፥ ጉየ ስመኔየ?
JER 8:5 ያትና፥ ሀ አሳይ አያዉ ዎራ ቤዴ? የሩሳላመ አያዉ ኡባ ገደ ዎራ ቤዴ? ኡንቱንቱ ጭሙዋ ባቂ ኦይቄድኖ፤ ሃ ስመናን እጼድኖ።
JER 8:6 ታን ምንሳደ ሀይዛድ፤ ሽን ኡንቱንቱ ቱሙዋ ሃሳይክኖ። ታ አያ ኦꬃድታሻ? ጊደ ባረ ኢታ ኦሱዋ ፓጽያዌ እቱነ ባዋ። ኡባይካ ኦላዉ ፕሪጽያ ፓራዳን ባረዉ ባረዉ ዎጼ።
JER 8:7 ሀራይ አቶ፥ ሽማላ ግያ ካፎቱ ባረንቱ ዎድያ ኤሪኖ፤ ሀራጰቱ፥ ዳግጨቱነ ዋልያ ግያ ካፎቱ ባረንቱ ስምያ ዎድያ ናጊኖ፤ ሽን ታ አሳይ መꬍና ጎዳ ዎጋ ኤረና።
JER 8:8 “ያትና፥ ዋኒደ፥ ‘ኑን አꬌዳ ኤራንቻ፤ አያዉ ጎፐ፥ መꬍና ጎዳ ህጊ ኑናና ደኤ’ ጋናዉ ዳንዳየቲ? ዎርዳንቻ ጻፈቱ ባረንቱ ቢርያን ታ ህግያ ዎርዱዋ ከሴዳዋ በእክቴየ?
JER 8:9 አꬌዳ ኤራንቻቱ ዬላታና፤ ኡንቱንቱ ካዉሻናነ ኦይቀታና። ኡንቱንቱ መꬍና ጎዳ ቃላ ኦል አግና፥ ኡንቱንቶ አይ ጭንጫተꬃይ ደኢ?
JER 8:10 ሄዋ ድራዉ፥ ታን ኡንቱንቱ ማቼቱዋ ሀራቶ፥ ኡንቱንቱ ጋድያካ ኡንቱንታ ጾኔዳዋንቶ እማና። አያዉ ጎፐ፥ ጉꬃይካ ዳሩካ ኡባይ ዎꬍያ ማናዉ ይርገቲኖ። ትምቢትያ ኦድያዋንቱካ ቄሳቱ ካ ኡባይ አሳ ጭሚኖ።
JER 8:11 ኡንቱንቱ ታ አሳ ማዱꬃ ሳከናባ ጊደ፥ ጉꬃ ꬋልያ ዎꬂኖ። ሳሩ ባይናን፥ ‘ሳሮ፥ ሳራ!’ ያጊኖ።
JER 8:12 ሀ ሸነይያ ኦሱዋ ኦꬂደ፥ ኡንቱንቱ ዬላቴድኖ? ቱይት፥ ኡንቱንቱ ሙለካ ዬላትበይክኖ። ኡንቱንቱ ዬላይ አየንቶካ ኤርክኖ። ሄዋ ድራዉ፥ ኡንቱንቱካ ኩንዴዳዋንቱ ግዶን ኩንዳና፤ ኡንቱንቱ ቃጻየትያ ዎደ ካዉሻና። መꬍና ጎዳይ ሀዋ ኦዳድ” ያጌ ያጋ ያጌዳ።
JER 8:13 መꬍና ጎዳይ ሀዋዳን ያጌ፤ “ታን ኡንቱንቱ ቱሙዋፐ ዳፋ አካና። ኡንቱንቱ ዎይንያ ቱራን አይፊ ꬋያና፤ ባላስያ ግያ ምꬃንካ አይፊ ꬋያና። አዉ ቦንጪካ ሹላና፤ ታን ኡንቱንቶ እሜዳባይ ኡንቱንቱፐ አከት ክቻና” ያጌ።
JER 8:14 አሳቱ ሀዋዳን ያጊኖ፤ “ኑን ጮኡ ጊደ አያዉ ኡቲኖ? አነ እትፐ ሺቅተ፤ ህን ግምበቴዳ ካታማቱዋ ገሊደ፥ ያን ሀይቄቶ። መꬍና ጎዳይ ኑ ጾሳይ ኑና ሀይቆ ፕርድ ድጌዳ፤ ኑን አ ቦላ ናጋራ ኦꬄዳ ድራዉ፥ ኑዉ ኡሻናዉ ዎꬍያ ሃꬃ እም ድጌዳ።
JER 8:15 ‘ሳአይ ሳሮ ግዳና’ ጊደ ናሸቻን ናጌዶ፤ ሽን ሎኦባይ ይቤና። ‘ኑን ፓጻና’ ጊደ ናጌዶ፤ ሽን ዳጋማ ግዴዳ።
JER 8:16 ኑ ሞርከቱ ፓራ ዳረꬃይ ዳና ግያ ካታማን ስሰቴ፤ ኡንቱንቱ ዎታራ ፓራቱዋ ጫገꬃን ቢታይ ኡባይ ቃጼ። ቢታነ ቢታን ደእያዋ ኡባ፥ ካታማነ ካታማን አሳ ኡባ ም ꬋይሳናዉ ዬድኖ” ያጊኖ።
JER 8:17 መꬍና ጎዳይ ሀዋዳን ያጌ፤ “በእተ፥ ታን ሾሻቱዋ ህንተ ግዶ የዳና። ሙሩንያዋንቱ ሙሩኑ ተአናዉ ዳንዳየና ሀሶቱዋ ህንተ ግዶ የዳና፤ ኡንቱንቱ ህንተና ዱካና” ያጌ።
JER 8:18 ፓጻናዉ ዳንዳየና ኬሻ ታን ካዮታድ፤ ታ ዎዛናይካ ታ ግዶን ሴሬ።
JER 8:19 ታ አሳይ ሃኮ ቢታን ዋስያ ዋሱዋ ስስተ። ኡንቱንቱ፥ “መꬍና ጎዳይ ጽዮነን ባዌ? ሀ ጽዮነ ካቲ ላኤንꬆ ያን ደኤኔ?” ያጊደ ዋሲኖ። ጾሳይ ኡንቱንቱ ካቲ፥ “ኡንቱንቱ ባረንቱ ማሴዳ ምስለቱዋን፥ ባረንቱ ፓና አላጋ ኤቃቱዋን ዎን ታና አያዉ ይሎዬድኖ?” ያጌ።
JER 8:20 አሳይ፥ “ሄኮ ጫካ ዎዲነ አꬌዳ፤ ቦኒነ ዉሬዳ፤ ኑንነ አትቦኮ” ያጊደ ዋሲኖ።
JER 8:21 ስም ታ አሳይ ማዱንጼዳ ድራዉ፥ ታ ዎዛናይካ ማዱንጼዳ። ታን ካዮታይ፤ ያሻይ ታና ኦይቄዳ።
JER 8:22 ጋላኣደን ትግያ ꬋሊ ባዌየ? ያን አክሚ ደኤኔ? ያትና፥ ታ አሳ መኡ አያዉ ፓጸኔ?
JER 9:1 ታ ሁጲ ሃꬃ ኦላ ግዴረኔሻ! ታ አይፈቱካ አፎꬃ ፑልቶ ግዴርክኖሻ! ያትንቶ ታን ታ አሳቱዋፐ ሞርከቱ ኩሽያን ሀይቄዳዋንቶ ቃማነ ጋላስ ዬካና ሽን!
JER 9:2 ታ አሳፐ ሻከታደ ባና ማላ፥ ታዉ ባዙዋን ሲራይ አቅያ ሳአይ ደኤረኔሻ! አያዉ ጎፐ፥ ኡንቱንቱ ኡባይ ሻርሙጻ፤ ኡንቱንቱ ማካልያ አሳ ዛታ።
JER 9:3 መꬍና ጎዳይ ሀዋዳን ያጌ፤ “ታ አሳቱ ባረንቱ እንጻርሳን ኦዳናዉ ኡባ ዎደ ጊግ ኡቴድኖ፤ ኡንቱንቱ ቢታን ቱሙዋ ድራዉ ዎርዱ ምኔዳ። ኡንቱንቱ ኢታፐ ኢታዉ አꬊኖ፤ ታና ኤርክኖ” ያጌ።
JER 9:4 ቃይካ ጾሳይ ሀዋዳን ያጌ፤ “ሾሩ ሾሩዋፐ ናገትተ፤ ህንተ እሻቱዋካ አማነቶፕተ። አያዉ ጎፐ፥ እሻይ ኡባይ ጭምያዋነ ሾሮ ኡባይ ዝግርያዋ።
JER 9:5 ሾሩ ሾሩዋ ጭሜ፤ እቱነ ቱሙዋ ሃሳየና። ኡንቱንቱ ባረንቱ እንጻርሳ ሃሳያናዉ ታማርስ ዎꬄድኖ። ኡንቱንቱ ናጋራ ኦꬂደ ዳቡሪኖ።
JER 9:6 ኔን ጭሙዋ ግዶን ደኣሳ። ኡንቱንቱ ባረንቱ ጭሙዋን ታና ኤረናን እጼድኖ” ያጌ መꬍና ጎዳይ።
JER 9:7 ሄዋ ድራዉ፥ ኡባፐ ዎልቃማ መꬍና ጎዳይ ሀዋዳን ያጌ፤ “ታን ኡንቱንታ ሴርሳደ ፓጫና። ታ አሳ ድራዉ፥ ስም ታን ሀራባ አያ ኦꬃናዉ ዳንዳያይታ?
JER 9:8 ኡንቱንቱ እንጻርሳይ ዎꬍያ ዎንዳፍያ ማላ፤ ኡንቱንቱ አን ጭሙዋ ሃሳዪኖ። ባረንቱ ዶናን እቱ እቶ ሳሮ ቃላን ሃሳዪኖ፤ ሽን ባረንቱ ዎዛናን ጲርያ ዎꬂኖ።
JER 9:9 ያትና፥ ታን ሀ የዎ ኡንቱንታ ሙራናዉ በስክታ? ታን ታ ሁጲያዉ ሀዋ ማላ ካዉተꬃ ቦላ ሀሉዋ ከስክታ?” ያጌ መꬍና ጎዳይ።
JER 9:10 ታን ꬎቃ ደረቶ ዬካናነ ዋሳና፤ ባዞ ሄንꬃ ጋደቱዋ ዝላላና። አያዉ ጎፐ፥ ኡንቱንቱ ባሼድኖ፤ ያና እት አሳይነ አና። መህያ ጻጉነ ስሰተና፤ ሳሉዋ ካፎቱነ ዶአቱ ባቃቲደ ብ ክቼድኖ።
JER 9:11 ጾሳይ ሀዋዳን ያጌ፤ “የሩሳላመ ካታማ ታን ኮለቴዳ ኬላነ ዎራካናቱ ጌሱ ኦና ኦꬃና። ይሁዳ ካታማቱዋካ ኦንነ ደኤና መላ ሳኣ ኦꬃና” ያጌ።
JER 9:12 ሀዋ አኬካናዉ አꬌዳ ኤራንቻይ ኦኔ? እ ሀራ አሳዉ ኦዳና ማላ፥ መꬍና ጎዳይ ባረ እንጻርሳን ኦስ ኦዴዴ? እት አሳይነ አ ግዱዋና አና ማላ፥ ቢታይ ባዪደ፥ ባዙዋዳን ኦኔዳዌ አያሴ?
JER 9:13 መꬍና ጎዳይ ያጌዳ፤ “ሀዌ ሀኔዳዌ፥ ኡንቱንቶ ታን እሜዳ ህግያ ኡንቱንቱ አጌዳ ድራሳ። ኡንቱንቱ ታዉ አዛዘተናንነ ሀ ህግያ ካለናን እጼዳ ድራሳ።
JER 9:14 ሄዋ አጊደ፥ ኡንቱንቱ ባረንቱ ዎዛና ሙመተꬃ ካሌድኖ፤ ኡንቱንቱ ባረንቱ አዎቱዋ ታማርሴዳዋዳንካ ባኣላ ግያ ኤቃቶ ጎይኔድኖ” ያጌዳ።
JER 9:15 ሄዋ ድራዉ፥ ኡባፐ ዎልቃማ መꬍና ጎዳይ፥ እስራኤልያ ጾሳይ ሀዋዳን ያጌ፤ “በእተ፥ ታን ሀ አሳ ጫምያ ቁማ ሚዛናነ ዎꬍያ ሃꬃ ኡሻና።
JER 9:16 ኡንቱንቱ ዎይ ኡንቱንቱ አዎቱ ኤረና ካዉተꬃቱዋ ግዶን ታን ኡንቱንታ ላላና። ታን ኡንቱንታ ꬋይሳና ጋካናዉ፥ ማሻን የደርሳና” ያጌ።
JER 9:17 ቃይካ ኡባፐ ዎልቃማ መꬍና ጎዳይ ሀዋዳን ያጌ፤ “አነ ቆፕተ። ዬኩዋ ዬክያ ማጫ አሳቱዋ ጼሲደ አይስተ፤ ዝላሳ ዝላልያ ኤራንቻ ማጫ አሳቶ ኪትተ።
JER 9:18 ኡንቱንቱ ኤለካ ዪደ፥ ኑ አይፊ አፎꬃ ጽሉዋ ጾካና ጋካናስነ ኑ አይፍያ ጭሩ ሃꬃ ፑልታና ጋካናዉ ኑ ቦላ ዝላልኖ።
JER 9:19 ጽዮነን ሀዋዳን ግያ ዝላሳ ኮሻይ ስሰቴ፤ ‘አዬሮ! ኑን ባዬዶ! ኑን ሙለካ ካዉሼዶ! ኑ ጎሊ ኮለት ክቼዳ ድራዉ፥ ኑን ቢታ አጊደ ባናዉ ኮሼ’ ያጊኖ” ያጌ።
JER 9:20 ህንተኖ፥ ማጫ አሳቶ፥ መꬍና ጎዳ ቃላ ስስተ! ህንተ ሀይꬃይ አ ዶናፐ ከስያ ቃላ ሀይዞ። ህንተ ማጫ ናናቱዋ ዝላሳ ታማርስተ፤ ሾራታ ሾራቶ ኮይሱዋ ታማርሱ።
JER 9:21 አያዉ ጎፐ፥ ሀይቁ ናናቱዋ ኦግያን፥ ዎዳላቱዋካ ጉታራን ቄጺደ ዪደ፥ ኑ ማስኮተቱዋ ጋኬዳ፤ ኑ ካተ ጎለቱዋንካ ገሌዳ።
JER 9:22 መꬍና ጎዳይ ታና ሀዋዳን ያጊደ አዛዜዳ፤ “ጾሳይ ሀዋዳን ያጌ፤ ‘አሳ አሃይ ፕቱዋዳን ደምባን ላለታና፤ ኡንቱንቱ ጫክያዋንቱ ጫኪደ ኦሌዳ ካꬃ ማላ፤ ኡንቱንታ ኦንነ ሺሸና’ ያጋ” ያጊደ አዛዜዳ።
JER 9:23 መꬍና ጎዳይ ሀዋዳን ያጌ፤ “አꬌዳ ኤራንቻይ ባረ ኤራን ጬቆፖ፤ ዎልቃማይ ባረ ዎልቃን ጬቆፖ፤ ዎይ ዱሪ ባረ ዱረተꬃን ጬቆፖ።
JER 9:24 ሽን ጬቂያ ኡራይ ኦንነ ታና ኤርያዋንነ አኬክያዋን ጬቆ። አገና ሲቁዋ፥ ሱረ ፕርዳነ ጽሎተꬃ ሳኣ ቦላን ኦꬅያ መꬍና ጎዳ፥ ታና ኤርያዋን ጬቆ። አያዉ ጎፐ፥ ታን ሀዋንቱን ናሸታይ። ታን መꬍና ጎዳይ ሀዋ ኦዳድ” ያጌ።
JER 9:25 ቃይካ መꬍና ጎዳይ ሀዋዳን ያጌ፤ “በእተ፥ ባረንቱ አሹዋ ጻላላ ቃጻረቴዳ አሳቱዋ ታን ሙራና ጋላሳቱ ዪኖ።
JER 9:26 ሄዋንቱካ ግብጼ፥ ይሁዳ፥ ኤዶማ፥ አሞናነ ሞኣባ ቢታ አሳቱዋነ ባረንቱ ሁጲያ ሹፌርያ ሜዲደ፥ ባዙዋን ደእያ አሳቱዋ ኡባቱዋ። አያዉ ጎፐ፥ ሀ ካዉተꬃቱዋ ኡባ አሳይ ቱሙዋፐ ቃጻረትቤና፤ እስራኤልያ አሳይ ኡባይካ ባረ ዎዛናን ቃጻረትቤና” ያጌ።
JER 10:1 ህንተኖ፥ እስራኤልያ አሳቶ፥ መꬍና ጎዳይ ህንተዉ ኦድያ ቃላ ስስተ!
JER 10:2 መꬍና ጎዳይ ሀዋዳን ያጌ፤ “ደረቱዋ ኦግያ ህንተ ታማሮፕተ። ደረቱ ሳሉዋ ቦላ ማላታ በኢደ ዳጋሞፐካ፥ ህንተ ዳጋሞፕተ።
JER 10:3 አያዉ ጎፐ፥ ደረቱዋ ዎጋይ መላ። ኡንቱንቱ ምꬃ ዎራፐ ቃንጺኖ፤ ማስያዌ ካልታን ማሴ።
JER 10:4 ኡንቱንቱ ብራንነ ዎርቃን አሌቂሲኖ፤ ቃጸናዳን ማዶሻን ምስማርያ ꬍሺደ ኦይꬂኖ።
JER 10:5 ኡንቱንቱ ኤቃቱ ኡንቱንቱ ሌክያ ጋርሳን ካፉዋ ዳጋንꬃናዉ ኤስያ ምስልያ ማላ። ሃሳያናዉ ዳንዳይክኖ። ሀመታናዉ ዳንዳየና ድራዉ፥ አሳይ ኡንቱንታ ቶኬ። ኡንቱንቶ ሙለካ ያዮፕተ። አያዉ ጎፐ፥ ኡንቱንቱ ህንተና ቆሀናዉ ዳንዳይክኖ፤ ቃይ ማዳናዉካ ዳንዳይክኖ” ያጌ።
JER 10:6 አቤት መꬍና ጎዳዉ፥ ነ ማላይ ኦንነ ባዋ። ኔን ዎልቃማ፤ ነ ሱንꬃይካ ዎልቃማነ ዎልቃማ።
JER 10:7 አቤት ካዉተꬃቱዋ ካትያዉ፥ ኔና ቦንቼናን አጋናዌ ኦኔ? ኔና ቦንቻናዉ በሴ፤ አያዉ ጎፐ፥ አꬌዳ ኤራንቻ አሳ ግዶንነ ኡንቱንቱ ካዉተꬃ ኡባ ግዶን ነ ማል ባዋ።
JER 10:8 ኡንቱንቱ ኤያነ ዶንጭሎዋንታ፤ ኡንቱንቱ ምꬃፐ ማሴዳ፥ ፓና ኤቃቱዋፐ አያ ታማሪኖ?
JER 10:9 ሄ ኤቃቱ ታርሴሳፐ ዬዳ ብራንነ ኡፋዘፐ ዬዳ ዎርቃን አሌቀቴድኖ። ኡንቱንቱ ዎይንያ ኤሳነ ሳሉዋ ማላትያ መꬉዋና ማዩዋን ካመቴድኖ። ኡንቱንቱ ኡባይ ኩሽያ ኦሱዋ ሂላቱዋን ኦሰቴድኖ።
JER 10:10 ሽን መꬍና ጎዳይ ቱሙ ጾሳ፤ እ ደኡዋ ጾሳነ መꬍና ካትያ። አ ሀንቁዋን ቢታይ ቃጼ፤ ካዉተꬃቱካ አ ሀንቁዋ ዳንዳይክኖ።
JER 10:11 ጾሳይ ሀዋዳን ያጌ፤ “ኡንቱንቶ ሀዋዳን ያጋደ ኦዳ፤ ‘ሄዋንቱ ሳሉዋነ ሳኣ መꬍቤና ጾሳቱ ሳኣፐነ ሳሉዋ ጋርሳፐ ꬋያና’ ያጋ” ያጌ።
JER 10:12 ባረ ዎልቃን ሳኣ መꬌዳዌ፥ ባረ አꬌዳ ኤራን ሳኣ ኤሴዳዌ፥ ባረ አኬካን ሳሎቱዋ ምጬዳዌ አ።
JER 10:13 እ ዎልቃምያ ዎደ፥ ሳሎቱዋን ደእያ ሃꬃቱ ጉሚኖ። እ ሻረቱዋ ሳኣ ጋጻፐ ፑደ ደንꬄ። እ እራ ቡክሲደ፥ ዋልቃንꬃ ዎልቃምሴ። ጫርኩዋካ ባረ ምንጃ ሳፐ ከሴ።
JER 10:14 አስ ኡባይ ኤራ ꬋዪደ ዳሜዳ፤ ዎርቃ ትግያ አሳይ ኡባይ ባረ ኤቃቱዋን ዬላቴዳ። አያዉ ጎፐ፥ ሄ ኤቃቱ ጭሙዋ፤ ኡንቱንቱን ሸምፑ ባዋ።
JER 10:15 ኡንቱንቱ ፓናባ፤ ኡንቱንቱ ቅ ኦሱዋ። ኡንቱንቱ ሙረትያ ዎድያን ꬋያና።
JER 10:16 ሽን ያቆባ ሳማ ግድያዌ ሄዋንቱ ማላ ግደና። አያዉ ጎፐ፥ እ ኡባባ መꬌዳዋ፤ እስራኤሊ እ ባረዉ ዶሬዳ ካዉተꬃ። አ ሱንꬃይካ ኡባፐ ዎልቃማ መꬍና ጎዳ።
JER 10:17 ህንተኖ፥ ሞርኪ ዶዴዳዋንቶ፥ ቢታፐ ከሳናዉ ህንተዉ ደእያዋ ቆሪደ ሺሽተ።
JER 10:18 አያዉ ጎፐ፥ መꬍና ጎዳይ ሀዋዳን ያጌ፤ “ታን ሀ ዎድያን ሀ ቢታን ደእያ አሳቱዋ ከሳደ ያምባራና። ህንተ ኦሞደታና ማላ፥ ታን ህንተ ቦላ ኢታባ አሀና” ያጌ።
JER 10:19 አየ ታ ማዱꬃዉ! ታ ማዱꬃይ ፓጸናዋ። ሽን ታን፥ “ሀዌ ታ ሀርግያ፤ ታን ዳንዳያናዉ በሴ” ያጋድ።
JER 10:20 ታ ዱንካኒ ኮለት ꬋዬዳ፤ አ ዎዶሩ ኡባይ ዱጸረቴዳ። ታ ናናቱ ኡባይ ታፐ ሻከቲደ ብ ክቼድኖ፤ ኡንቱንቱ ባዋ። ታ ዱንካንያ ዛሪደ ቶላናዉ ዎይ ታ ጋርዱዋ ካቃናዉ ሀእ እት አሳይነ አትቤና።
JER 10:21 ሄንꬃንቻቱ ዳሜድኖ፤ ኡንቱንቱ መꬍና ጎዳ ኦችበይክኖ። ሄዋ ድራዉ፥ ኡንቱንቶ እንጀተናን እጼዳነ ኡንቱንቱ ዉዲ ኡባይ ላለቴዳ።
JER 10:22 ስስተ! ኦራꬃ ኦዱ ዬዳ፤ ሄዌነ፥ “ሁጲሳ ባጋና ደእያ ካዉተꬃን ዎልቃማ ድርባይ ደንዴ” ያግያዋ። አ ኦላንቻቱ ዪደ፥ ይሁዳ ካታማቱዋ ባዙዋነ ዎራካናቱ ጌሶይያሳ ከሳና።
JER 10:23 አቤት መꬍና ጎዳዉ፥ አሳ ደኡ ሄ አዎ ቡዞ ግደናዋነ ባረ ሄመታ ሱርሳናዌ አዉ ሸነ ግደናዋ ታን ኤራይ።
JER 10:24 አቤት መꬍና ጎዳዉ፥ ታና ሴራ፤ ሽን ልክያን ግዶ። ነ ሀንቁዋን ግዶፖ፤ ሄዌ ꬋዮፐ ኔን ታና ጉꬃደ ꬋይሳና።
JER 10:25 ነ ሀንቁዋ ኔና ኤረና ካዉተꬃቱዋ ቦላነ ነ ሱንꬃ ጼሰና አሳቱዋ ቦላ ትጋ። አያዉ ጎፐ፥ ኡንቱንቱ ያቆባ አሳ ሜድኖ፤ ኡንቱንቱ ኡንቱንታ አሸናን ም ድጌድኖነ ኡንቱንቱ አዉዋ ቢታ ꬋይሴድኖ።
JER 11:1 መꬍና ጎዳፐ ኤርማሳዉ ዬዳ ቃላይ ሀዋ፤
JER 11:2 “ሀ ጫቁዋ ቃላቱዋ ስሳ፤ ይሁዳ አሳዉነ የሩሳላመ ካታማን ደእያዋንቶ ኦዳ።
JER 11:3 መꬍና ጎዳይ እስራኤልያ ጾሳይ ሀዋዳን ያጌ ጋደ ኦዳ። ሀ ጫቁዋ ቃላዉ አዛዘተናዌ ሸቀቴዳዋ ግዶ።
JER 11:4 ታን ካሰ ህንተ አዎቱዋ ግብጼ ቢታፐ፥ ብራታ ሴርስያ ጮጭያፐ ከስያ ዎደ፥ ታዉ ኤኖ ጊተ፤ ታ ህንተና አዛዝያዋ ኡባ ኦꬅተ። ያቶፐ፥ ህንተ ታ አሳ ግዳና፤ ታንካ ህንተ ጾሳ ግዳና ያጋድ።
JER 11:5 ሄዋዳንካ፥ ማꬃነ ኤሳ ጎግያ ቢታ ካሰ ህንተ አዋቶ እማናዉ፥ ታን ጫቄዳ ጫቁዋ ፖላና ያጋድ። ሄዌነ፥ ሀች ህንተ ላቴዳ ቢታ ያጋ” ያጌ። ታን፥ “ኤኖ፥ መꬍና ጎዳዉ፥ አመንእ” ያጋድ።
JER 11:6 መꬍና ጎዳይ ታዉ ሀዋዳን ያጌዳ፤ “ሀዋ ታ ቃላ ኡባ ይሁዳ ካታማቱዋንነ የሩሳላመ ኦገቱዋን ሀዋዳን ያጋደ አዋያ፤ ‘ሀ ጫቁዋ ቃላ ስስተ፤ አ ካልተ።
JER 11:7 ካሰ ህንተ አዎቱዋ ታን ግብጼ ቢታፐ ከሶደፐ ሀች ጋካናዉ፥ ዛራ ዛራደ፥ “ታዉ አዛዘትተ!” ጋደ ሴራድ።
JER 11:8 ሽን ኡንቱንቱ ታ ቃላ ስስበይክኖ ዎይ ሀይዝበይክኖ። ሄዋ አጊደ፥ ኡንቱንቱ ባረንቱ ኢታ ዎዛና ሙመተꬃ ካሌድኖ። ታን ታ ጫቁዋ ቃላ ኡንቱንቱ ናጋና ማላ አዛዛድ፤ ሽን ኡንቱንቱ እጼድኖ። ሄዋ ድራዉ፥ ሄ ጫቁዋ ግዶን ጻፈቴዳ ሸቃ ኡባ ኡንቱንቱ ቦላ አሃድ’ ያጋ” ያጌዳ።
JER 11:9 ዛሪደካ መꬍና ጎዳይ ታዉ ሀዋዳን ያጌዳ፤ “ይሁዳ አሳ ግዶንነ የሩሳላመን ደእያዋንቱ ግዶን ማቁ ደኤ።
JER 11:10 ኡንቱንቱ ካሰ ታ ቃላ ስሰናን እጼዳ ባረንቱ ማይዛ አዎቱዋ ናጋራዉ ጉየ ስሜድኖ። ኡንቱንቱ ሀራ ጾሳቶ ጎይኔድኖነ ኡንቱንቶ ኦꬄድኖ። እስራኤልያ አሳቱካ ይሁዳ አሳቱካ ታን ካሰ ኡንቱንቱ ማይዛ አዎቱዋና ጫቀቴዳ ጫቁዋ ካንꬄድኖ።
JER 11:11 ሄዋ ድራዉ፥ መꬍና ጎዳይ ኡንቱንታ ሀዋዳን ያጌ፤ ‘ኡንቱንቱ ባቃቲደ አታናዉ ዳንዳየና መቱዋ ታን ኡንቱንቱ ቦላ አሀና። ኡንቱንቱ ታዉ ዋስናካ፥ ታን ኡንቱንቶ ስስከ።
JER 11:12 ሄ ዎደ ይሁዳ ካታማቱዋ አሳቱነ የሩሳላመ አሳቱ ቢደ፥ ባረንቱ እጻና ጩዋይያ ጾሳቶ ዋሳና። ሽን መቱዋ ዎደ ሄ ጾሳቱ ሙለካ ኡንቱንቱ ማድክኖ።
JER 11:13 ህንተኖ፥ ይሁዳ አሳቶ፥ ህንተ ጾሳቱ ህንተ ካታማቱዋ ኬሻ ጮራ። ቃይ ባኣላ ግያ ሄ ዬላ ጾሳዉ እጻና ጩዋያናዉ ህንተ ኤሴዳ ያርሽያ ሳአቱ የሩሳላመ ኦገቱዋ ኬሻ ጮራ’ ያጌ።
JER 11:14 “ኤርማሳ፥ ሀ አሳቶ ታና አይነ ዎሶፓ፤ ኡንቱንቱ ድራዉ ጋናቶፓ ዎይ ኦቾፓ። አያዉ ጎፐ፥ ኡንቱንቱ ባረንቱ መቱዋ ጋላስ ታና ጼስያ ዎደ ታን ኡንቱንቶ ስስከ።
JER 11:15 “ዳሮቱዋና ባረ ኢታ ማቁዋ ማቀትደ ታ ሲቅያ አሳይ ታ ጌሻ ጎልያን ቤታናዉ በሲ? ህንተ ህንተ ኢታ ኦሱዋ ኦꬅሽን፥ ያርሸቴዳ መህያ አሹ ህንተና ሙሩዋፐ አሻኔ? አሽንቶ ህንተ ናሸታና ሽን” ያጌዳ።
JER 11:16 መꬍና ጎዳይ ኔና፥ ድጭያ፥ ሎኦ አይፍያ አይፍያ ዎጋራ ያጊደ ሱንꬄዳ። ሽን እ ሀ ዎጋራ ዎልቃማ ዳዳ ጉንꬃን፥ ታማን ጹጋና፤ አ ቃንካቱካ መኤረታና።
JER 11:17 ታን፥ ህንተና ቶኬዳ ኡባፐ ዎልቃማ መꬍና ጎዳይ ህንተ ቦላ ኢታባ አሀናዉ አዋያድ። አያዉ ጎፐ፥ እስራኤልያ አሳቱነ ይሁዳ አሳቱ ባኣላዉ እጻና ጩዋዪደ፥ ታና ይሎዬድኖ።
JER 11:18 መꬍና ጎዳይ ኡንቱንቱ ማቁዋ ታዉ ቆንጭሴዳ ድራዉ፥ ታን ኤራድ። ሄ ዎደ ኡንቱንቱ ኢታ ኦꬅያዋ እ ታና በሴዳ።
JER 11:19 ታን ሹካዉ ካለꬂደ አፍያ አዳ ዶርሳ ማራ ማላ ግዳድ። ኡንቱንቱ ታ ቦላ፥ “አነ ኑን ምꬃካ አ አይፍያካ ꬋይሴቶ። አ ሱንꬃይ ሙለካ ሀሳየተና ማላ፥ አነ ኑን አ ፓጻ ደእያዋንቱ ግዶፐ ꬎቆሊደ ꬋይሴቶ” ያጊደ ማቀቴዳዋ ታን ኤራበይከ።
JER 11:20 ሽን አቤት ኡባፐ ዎልቃማ መꬍና ጎዳዉ፥ ጽሉዋ ፕርድያዎ፥ አሳ ዎዛና ካሃ ቆርያዎ፥ ኔን ኡንቱንቱ ቦላ ነ ሀሉዋ ከስያዋ ታና በሳ። አያዉ ጎፐ፥ ታን ታ ቆሁዋ ነዉ ማጋናድ።
JER 11:21 ሄዋ ድራዉ፥ “መꬍና ጎዳ ሱንꬃን ትምቢትያ ኦዶፓ፤ ኔን ኑ ኩሽያን ሀይቃና” ያጊደ፥ ኔና ዎꬋናዉ ኮይያ አናቶታ አሳዉ መꬍና ጎዳይ ግያዌ ሀዋ።
JER 11:22 ኡባፐ ዎልቃማ መꬍና ጎዳይ ሀዋዳን ያጌ፤ “ታን ኡንቱንታ ሙራና። ኡንቱንቱ ዎዳላቱ ማሻን ሀይቃና፤ ኡንቱንቱ ማጫ ናናቱነ አቱማ ናናቱ ኮሻን ሀይቃና፤
JER 11:23 ኡንቱንቱፐ እቱነ ደኤና። አያዉ ጎፐ፥ ታን ሙርያ ላይꬅ አናቶታ አሳ ቦላ ኢታባ አሀና” ያጌ።
JER 12:1 አቤት መꬍና ጎዳዉ፥ ታን ኔናና ሞተትያ ዎደ፥ ኡባባንካ ኔን ጽሉዋ። ግዶፐነ፥ ታን ጽሎ ፕርዳባ ኔናና ሃሳያናዉ ኮሼ። ኢታ አሳቱ ኦꬅያዌ ኡንቱንቶ አያዉ እንጀቲ? አማነተናዋንቱ አያዉ እሻሊደ ደእኖ?
JER 12:2 ኔን ኡንቱንታ ቶክና፤ ጻጱዋ የዴድኖ፤ ድጪደ አይፍያ አይፌድኖ። ኡንቱንቱ ኔና ዶናፐ የግክኖ፤ ሽን ኡንቱንቱ ዎዛናፐ ኔን ሃኩዋን ደኣሳ።
JER 12:3 ሽን አቤት መꬍና ጎዳዉ፥ ኔን ታና ኤራሳ። ታና በኣሳ፤ ታን ነዉ አያ ቆፕንቶ ፓጫሳ። ሹክያ ዶርሳቱዋዳን፥ ኔን ሄ ኢታ አሳቱዋ ጎቻደ ከሳ! ሹካ ጋላሳዉ ኡንቱንታ ዱማያደ ዎꬃ!
JER 12:4 ቢታይ መላናዌነ ደምባ ኡባን ዶሌዳ ማታይ ሹላናዌ አዉደ ጋካናሴ? ቢታን ደእያ አሳ ኢታተꬃ ድራዉ፥ ዶአይነ ካፉ ዉሬዳ። ሄዋ ቦላካ አሳቱ፥ “ጾሳይ ኑን ኦꬅያዋ ደመና” ያጊኖ።
JER 12:5 ጾሳይ ኤርማሳዉ ሀዋዳን ጊደ ዛሬዳ፤ “ኔን ገድያን ዎጽያ አሳቱዋና ዎꬃ ናሰታደ ዳቡሮፐ፥ ፓራና ዋና ናሰታይ? ኔን ሳሮ ቢታን ꬉበቶፐ፥ ዮርዳኖሳ ዎራ ጋርሳን ዋና ሀመታይ?
JER 12:6 ነ እሻቱ፥ ህንተ ሶ አሳቱ ኔና አꬂደ እሜድኖ፤ ኡንቱንቱ ነ ቦላ ደንዴድኖ። ሄዋ ድራዉ፥ ኡንቱንቱ ነዉ ሎኦባ ሃሳዮፐነ፥ ኡንቱንቱን አማነቶፓ።
JER 12:7 “ታን እስራኤልያ አጋድ፤ ታን ታ ዶረቴዳ ካዉተꬃ ኦላድ። ታን ታ ሲቅያ አሳ አ ሞርከቱ ኩሽያን አꬃደ እማድ።
JER 12:8 ታ ዶረቴዳ አሳይ ታዉ ባዙዋን ጋሙዋ ማላ ግዴዳ። እ ታ ቦላ ጉዴዳ፤ ሄዋ ድራዉ፥ ታን አ እጻድ።
JER 12:9 ታ ዶረቴዳ አሳይ ታዉ ሀራ ጋጨቱ ዶዲደ ዱክያ ሻቻ ጋጫት ማላ ግዴዴ? ቢተ፤ ዶአቱዋ ኡባ ሺሽተ፤ አ ማና ማላ አህተ።
JER 12:10 “ዳሮ አላጋ ካተቱ ታ ዎይንያ ቱራ ሳኣ ባይዜድኖ፤ ታ ጋድያ የꬌድኖ፤ ታ ሎኦ ቢታ ባዞ ኦꬄድኖ።
JER 12:11 ሄ ቢታይ ባዪደ ኦጼዳ፤ ታ ስንꬃን መላነ አይነ ባይናዋ ግዴዳ። ቃረትያዌ ባይና ድራዉ፥ ሙለ ቢታይካ ባዬዳ።
JER 12:12 ባዙዋን አያይነ ባይና ꬎቃ ደረቱዋ ኡባ አꬊደ፥ ቦንቂያዋንቱ ዬድኖ፤ አያዉ ጎፐ፥ መꬍና ጎዳ ማሻይ ቢታ ሀ ጋጻፐ ህን ጋጻ ጋካናዉ ሜዳ። ሄዋ ድራዉ፥ ኦንነ ሳሮ አታናዉ ዳንዳየና።
JER 12:13 ኡንቱንቱ ዛርጋ ዘሪደ፥ አጉንꬃ ጫኬድኖ። ኡንቱንቱ ዳሮ ዳቡሬድኖ፤ ሽን አይነ ዎꬍስበይክኖ። መꬍና ጎዳ ሀንቁዋ ቦሻነ ጋሱዋን ኡንቱንቱ ካꬃይ ꬋዬዳ” ያጌዳ።
JER 12:14 መꬍና ጎዳይ ሀዋዳን ያጌ፤ “ታን ታ አሳቶ እስራኤላቶ እሜዳ ቢታ ኦይቄዳ፥ ታ ኢታ ሾሮ ካዉተꬃቱዋ ግዶፐ፥ ታን ኡንቱንታ ኡንቱንቱ ቢታፐ ꬎቆላና። ቃይ ይሁዳ አሳቱዋካ ኡንቱንቱ ግዶፐ አሻና።
JER 12:15 ሽን ኡንቱንቱ ቢታፐ ꬎቆሌዳዋፐ ጉይያን፥ ዛረꬃደ ታን ኡንቱንቶ ቃረታና፤ ታን ኡንቱንቱ ሁጲያን ሁጲያን ኡንቱንቱ ላታ ጋድያ፥ ኡንቱንቱ ካዉተꬃ ቢታ ዛራደ አሀና።
JER 12:16 ካሰ ታ አሳ ባኣላ ሱንꬃን ጫቃናዳን ታማርሴዳዋዳን፥ ኡንቱንቱ ታ አሳ ኦግያ ሎይꬅ ታማሮፐነ ታ ሱንꬃን፥ ‘መꬍና ጎዳይ ኤሮ!’ ያጊደ ጫቆፐ፥ ኡንቱንቱ ታ አሳ ግዶን ምኒደ ደአና።
JER 12:17 ሽን አይ ካዉተꬃይነ አዛዘተናን እጾፐ፥ ታን አ ኡባና ꬎቆላደ ꬋይሳና። ታን መꬍና ጎዳይ ሀዋ ኦዳድ” ያጌ።
JER 13:1 መꬍና ጎዳይ ታና፥ “ባ፤ ባደ ላይኑዋ ግያ ቃጭናፐ ዳደቴዳ ዳንጩዋ ሻማደ፥ ነ ጼሳን ዳንጫ፤ ሽን ሃꬃን ቦሽሶፓ” ያጌዳ።
JER 13:2 ሄዋ ድራዉ፥ ታን መꬍና ጎዳይ አዛዜዳዋዳን ዳንጩዋ ሻማደ፥ ታ ጼሳን ዳንጫድ።
JER 13:3 መꬍና ጎዳ ቃላይ ላኤንꬆ ታኮ ዬዳ፤ ዪደ፥
JER 13:4 “ኔን ሻሜዳ ዳንጩዋ፥ ነ ጼሳን ኔን ዳንጬዳዋ አካደ፥ ኤፍራጺሳ ሻፋ አፋ። ሹቻ ጎንጎሉዋን ቆሳ” ያጌዳ።
JER 13:5 ታን መꬍና ጎዳይ ታዉ ኦዴዳዋዳን አፋደ፥ ኤፍራጺሳ ሻፋ ማታን ቆሳድ።
JER 13:6 ዳሮ ጋላሳፐ ጉይያን መꬍና ጎዳይ፥ “ደንዳ፤ ኤፍራጺሳ ሻፋ ባደ፥ ታን ኔና፥ ‘ያን ቆሳ’ ጌዳ ዳንጩዋ አካ” ያጌዳ።
JER 13:7 ታን ኤፍራጺሳ ሻፋ ባደ፥ ቦካደ፥ ዳንጩዋ ታ ቆሴዳሳፐ ከሳደ አካድ። ሽን ሄ ዳንጩ ሀእ ባዪደ፥ ኡባና አይነ ጎኤናባ ግዴዳ።
JER 13:8 ሄዋፐ ጉይያን፥ መꬍና ጎዳ ቃላይ ታኮ ዬዳ፤
JER 13:9 “መꬍና ጎዳይ ሀዋዳን ያጌ፤ ‘ታን ሄዋዳን ይሁዳ አሳ አዩዋነ የሩሳላመ ዎልቃማ ኦቶሩዋ ጊሻና።
JER 13:10 ታ ቃላ ስሰናን እጺደ፥ ባረንቱ ዎዛና ሙመተꬃ ካሊደ፥ ሀራ ጾሳቶ ኦꬃናዉነ ጎይናናዉ ብያ ሀ ኢታ አሳቱ፥ ሀ ዳንጩዋዳን ሙለካ ጎኤናባ ግዳናዋ።
JER 13:11 ዳንጩ አሳ ጼሳ ባቂ ኦይቂያዋዳን፥ ይሁዳ አሳይ ኡባይነ እስራኤልያ አሳይ ኡባይ ታ አሳ ግዳና ማላነ ታ ሱንꬃዉ ጋላታነ ቦንቾ ግዳና ማላ፥ ኡንቱንቱ ታና ባቂ ኦይቃናዳን ኦꬃድ። ሽን ኡንቱንቱ ስሰናን እጼድኖ’ ያጌ መꬍና ጎዳይ” ያጌዳ።
JER 13:12 ቃይካ እ፥ “ኤርማሳ፥ አሳዉ ሀዋዳን ያጋ፤ መꬍና ጎዳይ እስራኤልያ ጾሳይ፥ ‘እት እት ጹጋን ዎይንያ ኤሳይ ኩማና’ ያጌዳ ያጋ። ኡንቱንቱ ኔና፥ ‘ዎን ኑን እት እት ጹጋን ዎይንያ ኤሳይ ኩማናዋ ኤሮኮየ?’ ያጎፐ፥
JER 13:13 ኔን ኡንቱንቶ ያጋደ ኦዳ፥ መꬍና ጎዳይ ያጌ፤ ‘ታን ሀ ቢታን ደእያ አሳ ኡባ፥ ሀራይ አቶ ዳዊታ ካተቱዋ አራታን ኡትያ ካተቱዋ፥ ቄሳቱ ዋ፥ ትምቢትያ ኦድያዋንታነ የሩሳላመን ደእያ አሳ ኡባ፥ ኡንቱንቱ ማꬆታና ጋካናዉ፥ ዎይንያ ኤሳን ኩንꬃና።
JER 13:14 ታን ኡንቱንታ፥ አሳ አሳና፥ አዉዋ ናኣና ዶምእሳና። ታን ኡንቱንታ ꬋይሳናፐ አትና፥ ኡንቱንቶ ኬክከ፥ ቃረትከነ ማርከ’ ያጌ መꬍና ጎዳይ ያጋ” ያጌዳ።
JER 13:15 ስስተነ ሀይዝተ፤ አግተ ኦቶረቶፕተ። አያዉ ጎፐ፥ ሀዋ መꬍና ጎዳይ ኦዴዳ።
JER 13:16 መꬍና ጎዳይ ህንተ ጾሳይ ꬉምሳናፐ ካሰቲደ፥ ህንተ ገዲካ ꬉምያ ደርያን ꬉበታናፐ ካሰቲደ፥ አ ቦንችተ። ህንተ፥ “ፖኡ ያና” ጊደ ናጊታ፤ ሽን እ ꬍጵ ጎ ꬉማዉ ላማና።
JER 13:17 ሽን ህንተ ስሰናን እጾፐ፥ ህንተ ኦቶሩዋ ድራዉ፥ ታን ጌማን ዬካይ። መꬍና ጎዳ ዉዲ ኦሞደቲደ ብ ክቼዳ ድራዉ፥ ታን ዬካይ፤ ታ አይፊካ አፎꬃ ሆልሳዬ።
JER 13:18 ጾሳይ ታና፥ “ካትያዉነ ካትያ አትዉ፥ ካታትዉ ሀዋዳን ያጋደ ኦዳ፤ ‘ህንተ ቦንቾ አሌቆ ካላቻይ ህንተ ሁጲያፐ ኩንዴዳ ድራዉ፥ ህንተ ካተቱዋ አራታፐ ዱገ ዎꬍተ።
JER 13:19 ኔጌባ ቢታን ደእያ ካታማቱ ኡባይ ጎርደት ክቼድኖ። ኡንቱንቱ ዶያናዉ እት አሳይካ ያን ባዋ። ይሁዳ አሳይ ኡባና በቲደ ብ ክቼዳ’ ያጋ” ያጌዳ።
JER 13:20 ቃይካ ጾሳይ፥ “አነ ꬎቁ ጋደ፥ ሁጲሳ ባጋፐ ይያዋንታ ጼላ። ነዉ እመቴዳ ዉዲ፥ ኔን ጬቀቴዳ ዶርሳቱ ሀቃን ደእኖ?
JER 13:21 ኔን ነዉ ላገ ግዳና ማላ፥ ኮዬዳዋንቱ ኔና ጾኒደ ሞድያ ዎደ ዋጋይ? የሉዋ ኦይꬃይ ኔና ኦይቀኔ?
JER 13:22 ኔኖ የሩሳላመ፥ ነ ዎዛናን፥ ‘ሀዌ ኡባይ ታ ቦላ አያዉ ጋኬዴ?’ ጎፐ፥ ነ ማዩ ቃረቴዳዌነ አሳይ ኔና ቦንቄዳዌካ ነ ናጋራይ ዳሬዳ ድራሳ።
JER 13:23 ቱሙ ቶጵያ አሳይ ባረ ቦላ ማላ፥ ዎይ ማሂ ባረ ሻቻተꬃ ላማናዉ ዳንዳዪ? ዳንዳየና! ሄዋዳንካ፥ ኢታ ኦሱዋ ኦꬅ ሜዘቴዳዋንቱ ህንተ፥ ሎኦ ኦሱዋ ኦꬃናዉ ሙለካ ዳንዳይክታ” ያጌዳ።
JER 13:24 መꬍና ጎዳይ ሀዋዳን ያጌ፤ “ታን ህንተና ባዞ ጫርኩ አፍያ ሱላዳን ላላና።
JER 13:25 “ህንተ ሳማይ፥ ታን ህንተዉ እምያ ግሹ ሀዋ። ህንተ ታና ዶጌዳ ድራዉነ ዎርዶ ጾሳቱዋን አማነቴዳ ድራሳ።
JER 13:26 ህንተ ካሉ ቤታና ማላ፥ ታን ህንተ ቦላፐ ማዩዋ ቃራ የጋና።
JER 13:27 ኔን ዎሹምያዋ፥ ኔን ዎታራ ፓራዳን፥ ዚታዉ ጫግያዋነ ነ ዬላይ ባይና ሻርሙጻተꬃ፥ ኔን ደርያንነ ደምባን ኦꬅያ ሸነይያ ኦሱዋ ታን በኣድ። የሩሳላመ፥ ነዉ አየ! ኔን አዉደ ጋካናዉ ጌየናን ደአይ?” ያጌ።
JER 14:1 ኮሻባ መꬍና ጎዳይ ኤርማሳዉ ኦዴዳ ቃላይ ሀዋ፤
JER 14:2 “ይሁዳ ቢታይ ካዮቴ፤ አ ካታማቱ ላባኒኖ። አን ደእያ አሳቱ ቢታን ኡቲደ ዬኪኖ፤ የሩሳላመ አሳይ ዋሱዋ ጹልሴ።
JER 14:3 ዱረ አሳቱ ሃꬃ ትካናዉ ባረንቱ ቆማቱዋ ኪቲኖ። ኡንቱንቱ ሃꬃ ኦላ ቢኖ፤ ሽን ሃꬃ ደምክኖ። ባረንቱ ኦቱዋ መላ ቶክ አኪደ ስሚኖ። ሀንያዋ ꬋይ ዬላቲደ፥ ባረንቱ ሁጲያ ጉለቲኖ።
JER 14:4 እራይ ቡከና ድራዉ፥ ቢታይ መሊደ ዛኤ። ጎሻንቻቱ ዬላቲደ፥ ባረንቱ ሁጲያ ጉለቲኖ።
JER 14:5 ማታይ ባይና ድራዉ፥ ዶጋታ ባረ የሌዳ ጋሎ ማራቶ ደምባን ኦላደ ባዉ።
JER 14:6 ዎራ ሀረቱ አያይነ ባይና ꬎቃ ደረቱዋን ኤቂደ፥ ዎራካናቱዋዳን ያረቲኖ። ኡንቱንቶ ምያባይ ꬋይና፥ ኡንቱንቱ አይፊ ጼላናዉ ዳቡሬዳ” ያጌዳ።
JER 14:7 አሳይ ሀዋዳን ያጊደ ዎሴዳ፤ “አቤት መꬍና ጎዳዉ፥ ኑ ናጋራይ ኑ ቦላን ማርካቶፐነ፥ ነ ሱንꬃ ድራዉ፥ ኑዉ እትባ ኦꬃ። ኑን ኔፐ ዳሮ ገደ ጉየ ስሜዶ፤ ነ ቦላን ናጋራ ኦꬄዶ።
JER 14:8 አቤት እስራኤሊ ናግያ ናሸቻዉ፥ መቱዋ ዎድያን አ አሽያዎ፥ ኔን ቢታን እማꬃዳን፥ እት ቃማ አቃናዉ ገሌዳ ኦግያ አሳዳን አያዉ ሀናይ?
JER 14:9 ኔን ዳጋሜዳ አሳዳን፥ አሻናዉ ዳንዳየና ምኖ አሳዳን አያዉ ሀናይ? አቤት መꬍና ጎዳዉ፥ ኔን ኑ ግዱዋን ደኣሳ! ኑን ነ ሱንꬃን ጼሰቴዳ፤ ኑና ኔን አጎፓ!” ያጌዳ።
JER 14:10 ሀ አሳቱዋባ መꬍና ጎዳይ ሀዋዳን ያጌ፤ “ኡንቱንቱ ቶይላካትያዋ ሎይꬅ ሲቂኖ፤ ባረንቱ ገድያ ተእክኖ። ሄዋ ድራዉ፥ መꬍና ጎዳይ ኡንቱንቱን ናሸተና። እ ኡንቱንታ ኢታ ኦሱዋ ሀሳዪደ፥ ኡንቱንቱ ናጋራ ድራዉ፥ ኡንቱንታ ሙራና” ያጌ።
JER 14:11 ሄዋፐ ጉይያን፥ መꬍና ጎዳይ ታና፤ “ሀ አሳቱዋ ሳሮተꬃዉ ታና ዎሶፓ።
JER 14:12 ኡንቱንቱ ጾሞፐካ፥ ታን ኡንቱንቱ ዋሱዋ ስስከ። ጹግያ ያርሹዋነ ካꬃ ያርሹዋ ኡንቱንቱ ያርሾፐካ፥ ታን ኡንቱንቱ ያርሹዋ አክከ። ታን ኡንቱንቱ ኦላን፥ ኮሻንነ ኢታ ሀርግያን ꬋይሳና” ያጌዳ።
JER 14:13 ታን ሀዋዳን ያጋድ፤ “አቤት ኡባ ሞድያ መꬍና ጎዳዉ፥ ትምቢትያ ኦድያዋንቱ ኡንቱንቶ፥ ‘ህንተ ኦላ በእክታ ዎይ ኮሻይ ህንተና ኦይቀና። ታን ህንተዉ ሀ ቢታን ፓጨና ሳሮተꬃ እማና’ ያጌ ያጊኖ” ያጋድ።
JER 14:14 መꬍና ጎዳይ ታዉ ሀዋዳን ያጌዳ፤ “ትምቢትያ ኦድያዋንቱ ታ ሱንꬃን ዎርዱዋ ኦዲኖ። ታን ኡንቱንታ ኪታበይከ፥ ዎይ አዛዛበይከ፥ ዎይ ኡንቱንቶ ኦዳበይከ። ኡንቱንቱ ህንተዉ ትምቢትያ ጊደ ኦድያዌ ዎርዱዋ ሳጻ፥ ፓና ካዩዋነ ቆፕ አኪደ ኦድያ ዎርዶባ።
JER 14:15 ሄዋ ድራዉ፥ ታ ሱንꬃን ትምቢትያ ኦድያዋንቱባ ግዶፐ፥ ታን ኡንቱንታ ኪታበይከ። ሽን ኡንቱንቱ፥ ‘ኦላይ ዎይ ኮሻይ ሀ ቢታ ቦቼና’ ያጊኖ። ሄ ትምቢትያ ኦድያዋንቱ ባረንቱ ሁጲያዉ ኦላንነ ኮሻን ꬋያና ያጌ መꬍና ጎዳይ!
JER 14:16 ቃይ ኡንቱንቱ ትምቢትያ ኦድያ አሳይ ኮሻነ ኦላ ጋሱዋን ሀይቃና፤ ኡንቱንቱ አሃይ ካረን የሩሳላመ ኦግያን ኦለታና። ኡንቱንቱ ዎይ ኡንቱንቱ ማጫ አሳ፥ ኡንቱንቱ አቱማ ናናቱዋ ዎይ ኡንቱንቱ ማጫ ናናቱዋ ሞግያዌ ꬋያና። ታን ኡንቱንቶ በስያ ዋይያ ኡንቱንቱ ቦላ ትጋና” ያጌዳ።
JER 14:17 ታ ካዩዋባ ታን አሳዉ ሀዋዳን ያጋደ ኦዳና ማላ፥ ጾሳይ ታና አዛዜዳ፤ “ ‘ታ አሳይ ዳሮ ደሸቲደ፥ ሎይꬅ ማዱንጼዳ ድራዉ፥ ታ አይፈቱ ቃማነ ጋላስ ሸምፐናን አፎጽኖ።
JER 14:18 ታን ደምባ ቦፐ፥ ማሻን ሲፈቴዳዋንታ በአይ። ካታማ ገሎፐ፥ ቃይ ኮሻን ግልቄዳዋንታ በአይ። ትምቢትያ ኦድያዋንቱነ ቄሳቱ፥ “ኑን ፓጭ ባይናን ኦꬄቶ” ጊኖ፤ ሽን ኡንቱንቱ ባረንቱ ኦꬅያዋ ኤርክኖ’ ያጋ” ያጌዳ።
JER 14:19 አቤት ጾሳዉ፥ ኔን ይሁዳ ሙለ አጋዲ? ጽዮነ አሳ እጻዲ? ኔን ኑና ፓጸናዳን ኦꬃደ አያዉ ደቻዲ? “ሳሮ ግዳናዋ” ጊደ ናጌዶ፤ ሽን አያይነ ሎኦባይ ኑዉ ጋክቤና። “ፓጻና ዎዲ ያና” ጊደ ናጌዶ፤ ሽን ዳጋማ ጻላላይ ዬዳ።
JER 14:20 አቤት መꬍና ጎዳዉ፥ ኑን ኑ ኢታተꬃ ኤሬዶ፤ ኑ አዎቱዋ ባይዙዋካ አኬኬዶ፤ ኑን ቱሙዋፐ ነ ቦላ ናጋራ ኦꬄዶ።
JER 14:21 ኑና ነ ሱንꬃ ድራዉ ካꬎፓ፤ ነ ቦንቾ አራታይ ደእያ የሩሳላመ ካዉሾፓ። ኔን ኑናና ጫቀቴዳ ጫቁዋ ሀሳያ፤ ነ ጫቁዋ ካንꬆፓ።
JER 14:22 ዎን ካዉተꬃቱዋ ኤቃቱዋፐ እቱ እራ ቡክሳናዉ ዳንዳዪ? ሳሉ ባረ ሸንያን ፑስያ ዱገ ኪታናዉ ዳንዳዪ? ዳንዳየና! አቤት መꬍና ጎዳዉ፥ ኑ ጾሳዉ፥ ሄዋ ዳንዳይያዌ ኔና! ሀዋ ኡባ ኦꬅያዌ ኔና ግድያ ድራዉ፥ ኑን ኔናን ናሸቻ ኦꬄቶ።
JER 15:1 ሄዋፐ ጉይያን፥ መꬍና ጎዳይ ታዉ ሀዋዳን ያጌዳ፤ “ሀራይ አቶ ሙሴነ ሳሜል ታ ስንꬃን ኤቂንቶነ፥ ታ ዎዛናይ ሀ አሳቱዋኮ ስመና። ኡንቱንታ ታ ስንꬃፐ ድጋ፤ ኡንቱንቱ ቢኖ።
JER 15:2 ቃይ ኡንቱንቱ ኔና፥ ‘ኑን ሀቃ ባኔ?’ ጊደ ኦቾፐ፥ መꬍና ጎዳይ ሀዋዳን ያጌ ጋደ ኡንቱንቶ ኦዳ፤ ‘ሀይቆ ፕርደቴዳዋንቱ፥ ሀይቆ ቢኖ። ማሻዉ ፕርደቴዳዋንቱ፥ ማሻዉ ቢኖ። ኮሻዉ ፕርደቴዳዋንቱ፥ ኮሻዉ ቢኖ። ኦሞደታናዉ ፕርደቴዳዋንቱ፥ ኦሞዶ ቢኖ’ ያጌ” ያጌዳ።
JER 15:3 መꬍና ጎዳይ ሀዋዳን ያጌ፤ “ታን ኦይዱ ቆሞ ባየꬃ ኡንቱንቱ ቦላ አሀና፤ ሄዋንቱነ፥ ኡንቱንታ ዎꬋናዉ ማሻ፥ ኡንቱንቱ አሃ ጎቻናዉ ካናቱዋ፥ ኡንቱንቱ አሹዋ ሚደ ꬋይሳናዉ ሳሉዋ ካፎቱዋነ ሳኣ ዶአቱዋ።
JER 15:4 ህዝቂያሳ ናአይ፥ ይሁዳ ካቲ ምናሰ የሩሳላመን ኦꬄዳ ፓላ ድራዉ፥ ታን ኡንቱንታ ሳኣ ካዉተꬃ ኡባዉ ዳጋማ ኦꬃና።
JER 15:5 “የሩሳላመ አሳቶ፥ ህንተዉ ኦኔ ቃረታናዌ? ህንተዉ ካዮታናዌ ኦኔ? ‘ህንተ አይ ማሌ?’ ጊደ ህንተና ኦቻናዉ ኤቃናዌ ኦኔ?” ያጌ።
JER 15:6 መꬍና ጎዳይ ሀዋዳን ያጌ፤ “ህንተ ታና አጌድታ፤ ሀእ ሀእካ ህንተ ጉየ ስሜድታ። ሄዋ ድራዉ፥ ታን ህንተ ቦላ ታ ኩሽያ የዳደ ህንተና ꬋይሳድ፤ ታን ህንተዉ ቃረታደ ዳቡራድ።
JER 15:7 ታን ኡንቱንታ ሄ ቢታ ካታማቱዋ ፐንግያን ላይዳ አካደ ሰጻድ። ኡንቱንቱ ናናቱዋካ ዎꬋ ዉርሳድ፤ ታን ታ አሳ ꬋይሳድ። አያዉ ጎፐ፥ ኡንቱንቱ ባረንቱ ኢታ ኦግያፐ ስመናን እጼድኖ።
JER 15:8 ታን ኡንቱንቱ አምኤቱዋ ፓይዱዋ አባ ሻፍያፐካ ዳርሳድ። ታን ጋላሳ ሴታን ኡንቱንቱ ዎዳላቱዋ ዎꬍ ꬋይስያዋንታ ኡንቱንቱ አየቱዋ ቦላ አሃድ። ቆፐናን ደእሺና፥ ምሹዋነ ዳጋማ ታን ኡንቱንቱ ቦላ ዱገ የዳድ።
JER 15:9 ላፑን ናናቱ ሀይቄዳ አታ ሸምፑዋ ላባናዱ። እዝዉ ጋላሳይ ቃሜዳ፤ አ ካዉሻዱነ ዬላታዱ። ብሮ ፓጻ ደእያዋንታካ ታን ኡንቱንቱ ሞርከቱዋ ስንꬃን ማሻን ሲፍሳድ። ታን መꬍና ጎዳይ ሀዋ ኦዳድ” ያጌ።
JER 15:10 ታዉ አየ ታ አቴ! ታና የለናን አጋርኪሻ! ታን ቢታ ኡባን ደእያ አሳና ዋላቀትያነ ባጸትያ አሳ ግዳድ። ታን ኦስነ ታልአበይከ፥ ዎይ ኦፐነ ታልኣደ አካበይከ፤ ግዶፐነ፥ አሳይ ኡባይ ታና ሸቄ።
JER 15:11 መꬍና ጎዳይ ሀዋዳን ያጌዳ፤ “ቱሙፐ ታን ኔና ሎኦባዉ አሻ አካና። ቱሙፐ ነ ሞርከቱ መቱዋ ዎደነ ዋይያ ዎደ ነዉ ዋትዋታናዳን፥ ታን ኦꬃና።
JER 15:12 “ዎን አሳይ ብራታ፥ ሁጲሳ ባጋና ይያ ብራታ ዎይ ናስያ መንꬃናዉ ዳንዳዪ?
JER 15:13 ቢታ ኡባን ህንተ ኦꬄዳ ናጋራ ድራዉ፥ ታን ህንተ አቁዋ ፔሻ፥ ጮ ቦንቂያዋንቶ እማና።
JER 15:14 ታን ህንተና ህንተ ኤረና ቢታን ህንተ ሞርከቶ አይለያና፤ አያዉ ጎፐ፥ ታ ሀንቁ ምያ ታማ ግዲደ፥ መꬍናዉ ኤጻና” ያጌዳ።
JER 15:15 አቤት መꬍና ጎዳዉ፥ ኔን ኤራሳ። ታና ሀሳያደ ማዳ፤ ታና የደርስያዋንቱ ቦላ ታ ሀሉዋ ከሳ። ኔን ኡንቱንቶ ዳንዳያደ፥ ታና ዎራ የጎፓ። ታን ነ ድራዉ ሸቀትያዋ ቆፓ።
JER 15:16 አቤት መꬍና ጎዳዉ፥ ኡባ ዳንዳይያ ጾሳዉ፥ ታን ነ ሱንꬃን ጼሰቴዳ ድራዉ፥ ነ ቃላይ ታኮ ዪና ማድ። ታና ፓሽክሴዳነ ታ ዎዛና ናሸቼዳ።
JER 15:17 ጮ ፖጩምያዋንቱ ጩጉዋን ኡታበይከ፤ ኡንቱንቱና ናሸታበይከ። ኔን ነ ኩሽያ ታ ቦላ ዎꬄዳ ድራዉነ ታዉ ይሎቲደ ድራዉ፥ ታን ታረካ ዱማ ኡታድ።
JER 15:18 ሳኩ ታፐ ዱጸናን እጽያዌነ ታ ማዱꬃይ ፓጸናን እጽያዌ አያሴ? ኔን ታዉ መልያ ሻፋዳን፥ ቶእያ ፑልቱዋዳን፥ ሀናና ሀናይዬ?
JER 15:19 ሄዋ ድራዉ፥ መꬍና ጎዳይ ሀዋዳን ያጌ፤ “ኔን ታኮ ስሞፐ፥ ታን ዛራደ ኔና አካና፤ ኔን ታዉ ኦꬃና። ሀዳ የዉዋ አጋደ፥ ቦንቾ ቃላ ጻላላ ኦዶፐ፥ ኔን ታ ዶና ግዳናሳ። ሀዋንቱ አሳቱ ኔኮ ስማና፤ ሽን ኔን ኡንቱንቱኮ ስማካ።
JER 15:20 ታን ኔና ሀ አሳዉ ናስያ ግያ ብራታና ግምበቴዳ ግምቢያ ኦꬃና። ኡንቱንቱ ኔናና ኦለታና፤ ሽን ኔና ጾንክኖ። አያዉ ጎፐ፥ ታን መꬍና ጎዳይ ኔና አሻናዉነ ዎꬃ አካናዉ ኔናና ደአይ።
JER 15:21 ኢታቱዋ ኩሽያፐ ታን ኔና አሻና፤ ቃረት ባይናዋንቱፐካ ታን ኔና ዎዛና” ያጌ።
JER 16:1 መꬍና ጎዳ ቃላይ፥ ሀዋዳን ያጊደ፥ ታኮ ዬዳ፤
JER 16:2 “ኔን ማቻቶ አኮፓ፤ ማጫዋ አቱማዋካ ሀ ሳኣን የሎፓ።
JER 16:3 ሀ ሳኣን የለቴዳ ማጫ ናናቱነ አቱማ ናናቱ፥ ኡንቱንታ የሌዳ አየቱነ አዎቱ ትምቢትያ ታን መꬍና ጎዳይ ነዉ ሀዋ ኦዳይ።
JER 16:4 ኡንቱንቱ ኢታ ሀርግያን ሀይቃና፤ ኡንቱንቶ ዬከተና፥ ዎይ ኡንቱንቱ ሞገትክኖ፤ ኡንቱንቱ አሃይ ቢታ ቦላን ፕቱዋ ማላ ግዳናዋ። ኡንቱንቱ ማሻንነ ኮሻን ዉራና፤ ኡንቱንቱ አሹ ሳሉዋ ካፎቶነ ሳኣ ዶአቶ ቁማ ግዳናዋ” ያጌዳ።
JER 16:5 መꬍና ጎዳይ ታዉ ሀዋዳን ያጌዳ፤ “ዬኮ ጎልያ ገሎፓ፤ ዬካናዉ ዎይ ቃረታናዉ ቦፓ። አያዉ ጎፐ፥ ታን መꬍና ጎዳይ ሀ አሳ ቦላፐ ታ ሳሮተꬃ፥ አገና ታ ሲቁዋነ ታ ማሮታ ድጋ ክቻድ።
JER 16:6 ዎጋቱካ ጉꬃቱካ ሀ ቢታን ሀይቃና፤ ኡንቱንቱ ሞገትክኖ። አይ አሳይነ ኡንቱንቶ ዬከና፤ አይ አሳይነ ኡንቱንቶ ጎምኦረና ዎይ ሁጲያ ሜድሲደ ካዮተና።
JER 16:7 ዬክያ አሳዉ ሃꬃ ኡሻዉ አፊደ፥ ቁማ አናና እትፐ ሚድነ ኡሺደ፥ ካዩዋ ባለꬅያዌ እቱነ ደኤና። ሀራይ አቶ አታ ዎይ አዉ ሀይቄዳ ኡራካ ባለꬅያባይ ባዋ።
JER 16:8 “ግብራይ ደእያ ጎልያካ ገሎፓ፤ ማናዉነ ኡሻናዉ ኡንቱንቱና እትፐ ኡቶፓ።
JER 16:9 ኡባፐ ዎልቃማ መꬍና ጎዳይ፥ እስራኤልያ ጾሳይ ሀዋ ኦዳይ። በአ፥ ታን ናሸቻነ እልልሳ ኮሻ፥ ማቻቶ ቡላችያዋነ ቡላቼትያን ኮሻ ሀ ሳኣፐ ድጋና። ሄዋ አሳይ ባረ ላይꬃን ባረ አይፍያን በአና።
JER 16:10 “ኔን ሀ ቃላ ኡባ ሀ አሳዉ ኦድያ ዎደ፥ ኡንቱንቱ ኔና፥ መꬍና ጎዳይ አያዉ ሀዋ ማላ ዎልቃማ ኢታባ ኑ ቦላ አዋዬዴ? ኑን አያ ባይዜዶ? መꬍና ጎዳዉ፥ ኑ ጾሳዉ፥ ‘ኑን ኦꬄዳ ናጋራይ አዬ?’ ያጋና።
JER 16:11 ሄ ዎደ ኔን ኡንቱንቶ ያጋ፤ ‘ “ታን መꬍና ጎዳይ ሀዋ ኦꬄዳዌ ካሰ ህንተ አዎቱ ታና አጌዳ ድራሳ፥ ኡንቱንቱ ሀራ ጾሳቱዋ ካሌዳ ድራሳ፥ ኡንቱንቶ ኦꬄዳነ ጎይኔዳ ድራሳ፥ ታና አጌዳነ ታ ህግያ ናገናን እጼዳ ድራሳነ
JER 16:12 ህንተ ካሰ ህንተ አዎቱዋፐካ አꬍ ኢቴዳ ድራሳ። በእተ፥ ህንተ ሁጲያን ሁጲያን ህንተ ኢታ ዎዛና ሙመተꬃ ካሌድታ፤ ታዉ አዛዘተናን እጼድታ።
JER 16:13 ሄዋ ድራዉ፥ ታን ህንተና ሀ ቢታፐ ደንꬃደ፥ ህንተ ዎይ ህንተ አዎቱ ኤረና ቢታ ኦላና። ያን ህንተ ሀራ ጾሳቶ ጋላስነ ቃማ ሀጋዛና። ሙለካ ህንተዉ ቃረትከ” ያጌ’ ያጋ” ያጌዳ።
JER 16:14 መꬍና ጎዳይ ሀዋዳን ያጌ፤ “ ‘እስራኤልያ አሳ ግብጼ ቢታፐ ከሴዳ መꬍና ጎዳይ ኤሮ’ ያጊደ ጫቀና ዎዲ ያና።
JER 16:15 ‘እስራኤልያ አሳ ሁጲሳ ባጋ ቢታፐነ ኡንቱንታ እ ላሌዳ ቢታቱዋ ኡባፐ ዛሪደ አሄዳ መꬍና ጎዳይ ኤሮ’ ያጊደ ጫቃና። አያዉ ጎፐ፥ ታን ኡንቱንቱ ካሰ ኡንቱንቱ አዋቶ እሜዳ ቡዞ ቢታ ዛራደ አሀና” ያጌ።
JER 16:16 መꬍና ጎዳይ ሀዋዳን ያጌ፤ “በእተ፥ ታን ሞልያ ኦይቂያ ዳሮ አሳቶ ኪታይ፤ ኡንቱንቱ ኡንቱንታ ኦይቃና። ሄዋፐ ጉይያን፥ ታን ዳሮ ሻንካንቻቶ ኪታና፤ ሻንካንቻቱ ደርያ ኡባፐ፥ ዞዝያ ኡባፐነ ሹቻ ኮፖቱዋፐ ኡንቱንታ ሻንካቲደ ከሳና።
JER 16:17 አያዉ ጎፐ፥ ታን ኡንቱንቱ ኦግያ ኡባ በአይ። ኡንቱንቱ ታፐ ቆሰትበይክኖ፤ ኡንቱንቱ ናጋራይካ ታ አይፍያፐ ጌምቤና።
JER 16:18 ታን ኡንቱንቱ ኢታተꬃነ ኡንቱንቱ ናጋራ ድራዉ ኡንቱንቶ ላኡ ኩሽያ ዛራና። አያዉ ጎፐ፥ ኡንቱንቱ ባረንቱ እጸቴዳ ኤቃቱዋን፥ ሄ አሃ ማላትያዋንቱን ታ ቢታ ቱንሴድኖነ ባረንቱ ሸነይያ ምስለቱዋን ታ ላታ ኩንꬄድኖ” ያጌ።
JER 16:19 አቤት መꬍና ጎዳዉ፥ ታ ዎልቃዉ፥ ታ ዎልቃማ ሚጻዉ፥ መቱዋ ጋላሳን ታን ባቃታ አትያ ሳአዉ፥ ካዉተꬃቱ ሳኣ ጋጻፐ ኔኮ ያና። ዪደ ሀዋዳን ያጋና፤ “ኑ አዎቱ ፓናነ ማደና ዎርዶ ጾሳቱዋ ጻላላ ላቴድኖ።
JER 16:20 ዎን አሳይ ባረዉ ጾሳቱዋ መꬋናዉ ዳንዳዪየ? ዳንዳየና! እ መꬍንቶካ ኡንቱንቱ ቱሙ ጾሳቱዋ ግድክኖ!” ያጋና።
JER 16:21 ጾሳይ ሀዋዳን ያጌ፤ “ሄዋ ድራዉ፥ ታን ኡንቱንታ ኤርሳና። እት ገደነ ታ ዎልቃነ ታ ምኖተꬃ ኡንቱንታ ኤርሳና፤ ያቶፐ ኡንቱንቱ ታ ሱንꬃይ መꬍና ጎዳ ግድያዋ ኤራና” ያጌ።
JER 17:1 ጾሳይ ሀዋዳን ያጌ፤ “ይሁዳ ናጋራይ ብራታ ቢርያን ጻፈቴዳ፤ ኡንቱንቱ ዎዛና ቦላነ ኡንቱንቱ ያርሽያሳን ደእያ ካጭያ ቦላ አልማዝያ ግያ ሹቻ ጼራን ቃጨቲደ ጻፈቴዳ።
JER 17:2 ኡንቱንቱ ናናቱ እርጻ ምꬃ ኡባ ጋርሳን፥ ꬎቃ ዞዘቱዋ ቦላንነ ቢታን ደእያ ደረቱዋ ቦላን፥ ጊግሴዳ ያርሽያ ሳአቱዋን አሼሮ ግያ ጾሳትዉ ኤሴዳ ምስልያዉ ጎይኒኖ።
JER 17:3 ህንተ ቢታ ኡባ ቦላን ኦꬄዳ ናጋራ አጮ ጭጋ ኦꬃደ፥ ህንተ ሚሻነ ህንተ አቆቱዋ ኡባ ታን ህንተ ሞርከቶ እማና።
JER 17:4 ታን ህንተና ላትሴዳ ቢታፐ ህንተ ባና፤ ታን ህንተና ህንተ ኤረና ቢታን ህንተ ሞርከቶ አይለያና። አያዉ ጎፐ፥ ህንተ ታ ሀንቁዋ ኦይሰꬄድታ፤ እ መꬍናዉ ኤጻና” ያጌ።
JER 17:5 መꬍና ጎዳይ ሀዋዳን ያጌ፤ “አሳን፥ ሀይቂያ አሳ ዎልቃን አማነትያዌነ ባረ ዎዛና መꬍና ጎዳፐ ዎራ ዛርያዌ ሸቀቴዳዋ።
JER 17:6 ሄ አሳይ ባዙዋን ዶሌዳ ሱፓ ምꬃ ማላ። ኬካባይ ይያ ዎደ በኤና። እ ባዙዋን፥ መላ ሳኣን፥ አሳይ ደኤና ማጽነ ቢታን ደአና።
JER 17:7 “መꬍና ጎዳን አማነትያ አሳይ፥ እ አማነትያዌ ጾሳ ግድያ አሳይ አንጀቴዳዋ።
JER 17:8 እ ሃꬃ ማታን ቶከቲደ፥ ባረ ጻጱዋ ጎግያ ሃꬃዉ የዴዳ ምꬃ ማላ። አዋ ሱሎካ እ ያየና። አያዉ ጎፐ፥ ሄ ምꬃ ሀይꬃይ እርጽ እርጻሽን ደኤ። እራይ ቡከና ላይꬃንካ ህርገና፤ አይፍያ አይፍያዋካ ቃንጸና።
JER 17:9 “አሳ ዎዛናይ ኡባባፐ አꬍ ጭምያዋነ ሎይꬅ ኢታ። አ ኦን ኤራናዉ ዳንዳዪ?
JER 17:10 መꬍና ጎዳይ አሳዉ ኡባዉ አ ኦግያዳንነ አ ኦሱዋዳን ዛራናዉ፥ አሳ ዎዛና ብዳይነ አ ካሃ ፓጫይ” ያጌ።
JER 17:11 ጽለና ኦግያና ዱረትያ አሳይ ባረዋ ግደና ቁቁልያ ቆጽያ አካት ማላ። እ ባረ ላይꬃ ብሮ ባጋዪደ፥ አ አጊደ ꬋያና፤ ዉርሰꬃን እ ቦዛ ግዳናዋ።
JER 17:12 ኑ ጌሻ ጎሊ ኮይሮፐ ዶሚደ፥ ቦንቾ ካተቱዋ አራታዳን፥ ꬎቃ ደርያ ሁጲያን ቤቴ።
JER 17:13 አቤት መꬍና ጎዳዉ፥ እስራኤሊ ህዶታን ናግያዎ፥ ኔና አጌዳ ኡባቱ ዬላታና። ኔና አጊደ ዎራ ብያዋንቱ፥ ኔና መꬍና ጎዳ፥ ደኡዋ ሃꬃ ፑልቱዋ አጌዳ ድራዉ፥ ኡንቱንቱ ባና ቦላ ጻፈታና።
JER 17:14 አቤት መꬍና ጎዳዉ፥ ታና ፓꬃ፤ ታን ፓጻና። ታና አሻ፤ ታን አታና። አያዉ ጎፐ፥ ኔን ታን ጋላትያዋ።
JER 17:15 አሳቱ ታና፥ “መꬍና ጎዳይ ኑና ናሴዳ ናሲ ሀቃን ደኢ? አነ ፖሎ!” ያጊኖ።
JER 17:16 ሄንꬃንቻ ግዳደ ነዉ ኦꬅያዋ አጋበይከ፤ ኡንቱንቱ መቶታና ጋላሳ ታን አሞታበይከ። ታ ዶናፐ ከሴዳ ቃላ ኔን ኤራሳ።
JER 17:17 ታና ዳጋንꬆፓ። ኔን መቱዋ ጋላስ ታዉ ባቃታ አትያ ሳኣ።
JER 17:18 ታና የደርስያዋንታ ዬላያ፤ ሽን ታና ዬላዮፓ። ኡንቱንታ ዳጋንꬃ፤ ሽን ታና ዳጋንꬆፓ። ኡንቱንቱ ቦላ መቶ ጋላሳ አያ፤ ኡንቱንታ ላኡ ኩሽያ ሙሩዋ ሙራ።
JER 17:19 መꬍና ጎዳይ ታና ሀዋዳን ያጌዳ፤ “ባ፥ ይሁዳ ካተቱ ካታማ ገልያነ ከስያ አሳይ ገልያ ፐንግያንነ ሀራ የሩሳላመ ፐንገቱዋ ኡባን ባደ ኤቃ።
JER 17:20 ኡንቱንታ ሀዋዳን ያጋ፤ ‘ህንተኖ ይሁዳ ካተቶ፥ ህንተኖ ይሁዳ አሳቶ፥ ህንተኖ የሩሳላመ አሳቶ፥ ህንተኖ ሀ ፐንገቱዋና ገልያ አሳቶ፥ ኡባይካ መꬍና ጎዳ ቃላ ስስተ!
JER 17:21 መꬍና ጎዳይ ሀዋዳን ያጌ፤ “ሳምባታ ጋላሳን ቶኩዋ ቶከና ማላነ አያነ ቶኪደ፥ የሩሳላመ ፐንግያና ገለና ማላ፥ ህንተዉ ናገትተ!
JER 17:22 ሳምባታ ጋላሳን ህንተ ጎልያፐ ቶኩዋ ቶኪደ ከሶፕተ፥ ዎይ አይ ኦሱዋነ ኦꬆፕተ። ካሰ ህንተ አዎቱዋ ታን አዛዜዳዋዳን፥ ሳምባታ ጋላሳ ዱማዪደ ቦንችተ።
JER 17:23 ግዶፐነ፥ ኡንቱንቱ ስስበይክኖ፤ ባረንቱ ሀይꬃካ ታኮ የግበይክኖ። ኡንቱንቱ ስሰናንነ ታፐ ታማረናን እጼድኖ።
JER 17:24 “ ‘ “ሽን ህንተ ታን መꬍና ጎዳይ ኦድያዋ ስሶፐ፥ ሳምባታ ጋላሳን አይ ቶኩዋነ ቶኪደ፥ ሀ ካታማ ፐንገቱዋና ገለናን አጎፐ፥ ሳምባታ ጋላሳ ዱማዪደ፥ አን አይ ኦሱዋነ ኦናን ቦንቾፐ፥
JER 17:25 ዳዊታ ካተቱዋ አራታን ኡትያ ካተቱ ባረንቱ ሞድያዋንቱና ፓራቱዋነ ፓራ ጋረቱዋ ቶጊደ፥ ሄ ፐንገቱዋና ገላና። ኡንቱንቱ ይሁዳ አሳናነ የሩሳላመ ካታማን ደእያ አሳና ገላና፤ ሀ ካታማይ መꬍናዉ አሳይ ደእያ ካታማ ግዳናዋ።
JER 17:26 “ ‘ “አሳይ ጹግያ ያርሹዋነ ሀራ ያርሹዋ፥ ካꬃ ያርሹዋ፥ እጻናነ ጋላታ ያርሹዋ አኪደ፥ ይሁዳ ካታማቱዋፐ፥ የሩሳላመ ዩሹዋን ደእያ ሞꬃቱዋፐ፥ ቢንያማ ቢታፐ፥ ጋꬋፐ፥ ገዝያፐነ ኔጌባፐ መꬍና ጎዳ ጌሻ ጎልያ ያና።
JER 17:27 “ ‘ “ሽን ህንተ ሳምባታ ጋላሳቱዋ ዱማዪደ ቦንቻናዳንነ ሳምባታ ጋላሳቱዋን ቶኩዋ ቶኪደ፥ የሩሳላመ ፐንገቱዋና ገለናዳን፥ ታን ኦዴዳዋ ስሰናን እጾፐ፥ ታን ሄ ፐንገቱዋን ታማ ኦይꬃና። የሩሳላመ ካትያ ጎለቱዋ ማና። ሄ ታማይ ቶኤና” ያጌ’ ያጋ” ያጌዳ።
JER 18:1 መꬍና ጎዳፐ ኤርማሳዉ ዬዳ ቃላይ ሀዋ፤
JER 18:2 “ደንዳ፤ ኡርቃ መꬍያ ብታንያ ጎለ ባ። ያን ታን ኔና ታ ቃላ ስሳና” ያጌዳ።
JER 18:3 ታን ዱገ ኡርቃ መꬍያ ብታንያ ጎለ ባደ፥ እ ባረ መꬍያ ይንግርያዋን ኡርቃ መꬍያዋ በኣድ።
JER 18:4 እ መꬍሽና፥ ሚሻይ አ ኩሽያን ባዬዳ። እ ሄ ኡርቃ ዛሪደ ሙናቂደ፥ ባረና ሎእያ ሀራ ሚሻ ከሲደ መꬌዳ።
JER 18:5 ሄ ዎድያን መꬍና ጎዳ ቃላይ፥ ሀዋዳን ያጊደ፥ ታኮ ዬዳ፤
JER 18:6 “እስራኤልያ አሳቶ፥ ሀ ኡርቃ መꬍያ ብታኒ ኦꬅያዋዳን፥ ታን ህንተና ኦꬃናዉ ዳንዳይክታ? ያጌ መꬍና ጎዳይ። እስራኤልያ አሳቶ፥ በእተ፤ ኡርቃይ ባረና መꬍያዋ ኩሽያን ደእያዋዳን፥ ህንተካ ታ ኩሽያን ደኢታ።
JER 18:7 አይ ዎደ ግዶፐነ፥ ታን እት ቢታባ ዎይ እት ካዉተꬃባ፥ ‘ታን ህንተና ꬎቆላና፥ ዮዳናነ ꬋይሳና’ ጋደ ኦድና፥
JER 18:8 ሄ ታን ኦዴዳ ካዉተꬃይ ባረ ኢታተꬃፐ አጊደ ስሞፐ፥ ታን ኡንቱንቱ ቦላ አሀና ጌዳ ኢታባ አሄናን አጋ ባሻና።
JER 18:9 ቃይ አይ ዎደ ግዶፐነ፥ ታን እት ቢታባ ዎይ እት ካዉተꬃባ፥ ታን ህንተና ኬጻናነ ቶካና ጋደ ኦድና፥
JER 18:10 ሄ ካዉተꬃይ ታን ኦድያዋ ስሰናን እጾፐ ታ ስንꬃን ኢታባ ኦꬆፐ፥ ታን ኦꬃና ጌዳ ሎኦባ ኦናን አጋሻና።
JER 18:11 “ሄዋ ድራዉ፥ ሀእ ይሁዳ አሳቶነ የሩሳላመን ደእያዋንቱ ሀዋዳን ያጋ፤ መꬍና ጎዳይ ያጌ፤ በእተ፥ ታን ህንተ ቦላ ኢታባ መꬋይነ ሀልቻድ። ህንተ ኡባይካ ህንተ ኢታ ኦግያፐ ስምተ፤ ህንተ ኦግያነ ህንተ ኦሱዋ ላምተ ያጌ ያጋ።
JER 18:12 ሽን ኡንቱንቱ፥ ‘ሄዌ አይነ ማደና! ኑን ኑ ሀልቼዳዋዳን ሀናና፤ ኑን ሁጲያን ሁጲያን ኑ ኢታ ዎዛና ሙመተꬃዳን ኦꬃና’ ያጋና” ያጌዳ።
JER 18:13 ሄዋ ድራዉ፥ መꬍና ጎዳይ ሀዋዳን ያጌ፤ “ሀዋ ማላባ ስስ ኤሪቴ? ያጊደ አነ ካዉተꬃቱዋ ግዶን ላልእተ። ወዶራታ እስራኤልያ ሎይꬅ ሸነይያዋ ኦꬃዱ።
JER 18:14 እ ባረዉ፥ ሊባኖሳ ደርያ ቦላን ደእያ ሻቻይ፥ ዛላ ጼራፐ ꬋይ ኤሪ? ሄ ደርያፐ ጎግያ እርጻ ሃꬃይ መል ኤሪ?
JER 18:15 ሽን ታ አሳቱ ታና ዶጌድኖ፤ ኡንቱንቱ ፓና ጾሳቶ እጻና ጩዋዪኖ። ባረንቱ ኦግያፐ፥ ባረንቱ በን ሎሱዋፐ ꬉበቴድኖ፤ ኡንቱንቱ ኦግያ አጊደ፥ ጋጻና ቤድኖ።
JER 18:16 ኡንቱንቱ ባረንቱ ቢታ ዳጋንꬅያባነ፥ መꬍናዉ ካቴዳዋ ከሴድኖ። ያና አꬍያ ኦንነ ሸነቴነ ባረ ሁጲያ ቃꬄ።
JER 18:17 አዋይ ዉልያ ባጋ ጫርኩዋዳን፥ ታን ኡንቱንታ ኡንቱንቱ ሞርከቱዋ ስንꬃን ላላና። ኡንቱንቱ መቱዋ ጋላስ ታን ኡንቱንቶ ዞክያ ዛራናፐ አትና፥ ታ ሶምኡዋ ሃሳይከ” ያጌ።
JER 18:18 አሳቱ ሀዋዳን ያጌድኖ፤ “ሃ ዪተ፤ አነ ኤርማሳ ቦላ ማቀቴቶ። አያዉ ጎፐ፥ ቄሳቱ ታማርስያ ህጊ፥ አꬌዳ ኤራንቻቱ እምያ ዞሪ፥ ትምቢትያ ኦድያዋንቱ ኦድያ ቃላይ ꬋየና። ሃ ዪተ፤ አነ አ ኑ እንጻርሳን ጲሮይተ። እ ኦድያ ቃላ ስሰናን አጌቶ” ያጌድኖ።
JER 18:19 አቤት መꬍና ጎዳዉ፥ ታ ኦድያዋ ስሳ፤ ታ ሞርከቱ ታ ቦላ ሃሳይያዋ ሀይዛ።
JER 18:20 ሎኦ ኦꬄዳ አሳዉ ኢታ ዛሪእ? ሽን ኡንቱንቱ ታዉ ኦላ ቦኪኖ። ታን ነ ሀንቁ ኡንቱንቱፐ ስማና ማላ፥ ኡንቱንቱ ድራዉ ሎኦባ ሃሳያናዉ ነ ስንꬃን ኤቄዳዋ ቆፓ።
JER 18:21 ሄዋ ድራዉ፥ ኡንቱንቱ ናናቱዋ ኮሻዉ አꬃደ እማ፤ ኡንቱንታካ ማሻዉ አꬃደ እማ። ኡንቱንቱ ማጫ አሳቱካ ናአይ ባይናዋንታነ አምኤ ግድኖ። ኡንቱንቱ አቱማ አሳቱካ ዎꬍያ ሀርግያን ጋከትኖ፤ ኡንቱንቱ ዎዳላቱካ ኦላን ሲፈትኖ።
JER 18:22 ኡንቱንቱ ቆፐናን ኔን ኡንቱንቱ ቦላ ቦንቂያዋንታ የድና፥ ኡንቱንቱ ጎልያን ዋሱ ከሶ። አያዉ ጎፐ፥ ኡንቱንቱ ታና ኩንድሳናዉ ኦላ ቦኬድኖ፤ ታ ገድያዉካ ጲርያ ዎꬄድኖ።
JER 18:23 ሽን አቤት መꬍና ጎዳዉ፥ ኡንቱንቱ ታና ዎꬋናዉ ማቀቴዳዋ ኡባ ኔን ኤራሳ። ኔን ኡንቱንቱ ኢታተꬃ አቶ ጎፓ፥ ዎይ ኡንቱንቱ ናጋራ ነ ስንꬃፐ ቁጮፓ። ኡንቱንቱ ነ ስንꬃን ጾነቲደ ኩንድኖ። ነ ሀንቁዋ ዎደ ኔን ኡንቱንታ ሀዋዳን ኦꬃ።
JER 19:1 መꬍና ጎዳይ ሀዋዳን ያጌ፤ “ባ፤ ኡርቃ መꬍያዋፐ ባሬታ ሻማ። ኔናና አማሬዳ ጋድያ ጭማቱዋነ አማሬዳ ቄስያ ጭማቱዋ አካደ፥
JER 19:2 ኮንኣ መኡዋ ፐንግያ ግያ ፐንግያ ላንቂያና አꬋአደ፥ ህኖማ ዛንጋራ ባ፤ ያን ታን ነዉ ኦድያ ቃላ አዋያ።
JER 19:3 ሀዋዳን ያጋ፤ ‘ህንተኖ ይሁዳ ካተቶ፥ ህንተኖ የሩሳላመ ካታማ አሳቶ፥ መꬍና ጎዳ ቃላ ስስተ! ኡባፐ ዎልቃማ መꬍና ጎዳይ፥ እስራኤልያ ጾሳይ ሀዋዳን ያጌ፤ “በእተ፥ ስስያ ኡባዉ ሀይꬃዉ ኢትያ ፓላባ ሀ ቢታ ቦላ ታን አሀና።
JER 19:4 አያዉ ጎፐ፥ አሳቱ ታና አጌድኖ፤ ኡንቱንቱ ዎይ ኡንቱንቱ አዎቱ፥ ዎይ ይሁዳ ካተቱ ኤረና ሀራ ጾሳቶ እጻና ጩዋዪደ ያርሽያዋን ሀ ሳኣ ቱንሴድኖ። ኡንቱንቱ ጽሎ አሳቱዋ ሱꬃ ሀ ሳኣን ኩንꬄድኖ።
JER 19:5 ቃይ ታን ኡንቱንታ አዛዛቤናባ፥ ዎይ ኦዳቤናባ፥ ዎይ ታ ዎዛናን ቆፓቤናባ ኦꬄድኖ፤ ኡንቱንቱ ባረንቱ አቱማ ናናቱዋ ባኣላዉ ታማን ጹግያ ያርሹዋ ኦꬂደ ያርሻናዉ፥ ጎይንያ ꬎቃ ሳአቱዋን ያርሽያ ሳ ግምቤድኖ።
JER 19:6 ሄዋ ድራዉ፥ ሀ ሳአይ ቶፌታ ዎይ ህኖማ ዛንጋራ ጌተትያዌ አቲደ፥ ሹካ ዛንጋራ ያገቲደ ጼገታና ጋላሳቱ ዪኖ ያጌ መꬍና ጎዳይ።
JER 19:7 “ ‘ “ይሁዳነ የሩሳላመ አሳ ሀልቹዋ ታን ሀ ሳኣን ፖለተናዳን ኦꬃና። ኡንቱንቱ ባረንቱ ሞርከቱዋ ማሻንነ ባረንታ ዎꬋናዉ ኮይያዋንቱ ኩሽያን ሀይቃናዳን ታን ኦꬃና። ኡንቱንቱ አሃ ሳሉዋ ካፎቶነ ሳኣ ዶአቶ ቁማ ኦꬃደ እማና።
JER 19:8 ሀ ካታማ ባዙዋነ ቅሊጭያዋ ከሳና። ሄዋና አꬍያ ኡባይ አ ባሻን ማላለቲደ፥ ፖራ! ያጋና።
JER 19:9 ኡንቱንቱ ባረንቱ ማጫ ናናቱነ አቱማ ናናቱዋ አሹዋ ማናዳን ታን ኦꬃና። ኡንቱንቱ ዎꬋናዉ ኮይያ ሞርከቱ ኡንቱንታ ዋይስያ ዋይያንነ ዶድያ ዶዳን፥ ኡንቱንቱ ኡባይ እቱ እቱዋ አሹዋ ማና” ያጌ’ ያጋ።
JER 19:10 “ሄዋፐ ጉይያን፥ ኔናና እትፐ ቤዳ አሳቱዋ ስንꬃን ሄ ባረታ መንꬃ።
JER 19:11 ኡንቱንታ ሀዋዳን ያጋ፤ ‘ኡባፐ ዎልቃማ መꬍና ጎዳይ ሀዋዳን ያጌ፤ “ዛሪደ ኮልና ኦይቀናዳን ኦꬂደ፥ እት አሳይ ባረታ መንꬅያዋዳን፥ ታን ሀ ካዉተꬃነ ሀ ካታማ መንሬꬃና። አሳቱ አሃ ሞግያ ሳአይ ባይና ድራዉ፥ ቶፌታን ሞጋና።
JER 19:12 ታን ሀ ሳኣነ አን ደእያ አሳ ኦꬃናዌ ሀዋ፤ ታን መꬍና ጎዳይ ሀ ካታማ ቶፌታዳን ኦꬃና።
JER 19:13 የሩሳላመ አሳ ጎለቱነ ይሁዳ ካተቱዋ ጎለቱ፥ ጎልያ ቦላን ደምባዪደ ኦꬄድኖ ሳሉዋ ጾልንተቶ እጻና ጩዋዬዳነ ሀራ ጾሳቶ ኡሻ ያርሹዋ ጉሴዳ ጎለቱ ኡባይ ቶፌታ ግያ ሳኣዳን ቱኔዳዋንታ ግዳና” ያጌ’ ያጋ” ያጌ።
JER 19:14 ሄዋፐ ጉይያን፥ ኤርማስ መꬍና ጎዳይ ትምቢትያ ኦዳናዉ ኪቴዳ ቶፌታፐ ስሚደ ዪደ፥ መꬍና ጎዳ ጌሻ ጎልያ ግዶን ደእያ ዳባባን ኤቄዳ። አሳ ኡባዉ ሀዋዳን ያጌዳ፤
JER 19:15 “ኡባፐ ዎልቃማ መꬍና ጎዳይ፥ እስራኤልያ ጾሳይ ሀዋዳን ያጌ፤ ‘ስስተ፥ ታን ሀ ካታማ ቦላነ አ ሄራን ደእያ ሞꬃቱ ኡባ ቦላ አሀና ጌዳ ኢታባ ኡባ ኡንቱንቱ ቦላ አሀና ሀናይ። አያዉ ጎፐ፥ ኡንቱንቱ ሞርጊ ማካላ ግዲደ፥ ታን ኦዴዳባ ስሰናን እጼድኖ’ ያጌ” ያጌዳ።
JER 20:1 ሄ ዎደ መꬍና ጎዳ ጌሻ ጎልያን ካፑዋ ግድያ፥ እሜራ ናኣ ፓሽሁራ ግያ ቄሲ፥ ኤርማስ ሀ የዎቱ ትምቢትያ ኦድሽን ስሴዳ።
JER 20:2 ፓሽሁር ትምቢትያ ኦድያ ኤርማሳ ደሽሴዳ፤ ቆሞ ቢንያማ ፐንግያ ግያ መꬍና ጎዳ ጌሻ ጎልያ ገልያሳን ደእያ ዱꬃ ሉኩዋን ቃሽሴዳ።
JER 20:3 ዎንተꬃ ጋላስ ፓሽሁር ኤርማሳ ቃሹዋፐ ብልና፥ ኤርማስ አዉ ሀዋዳን ያጌዳ፤ “ሀችፐ ዶምና፥ መꬍና ጎዳይ ነ ሱንꬃ ፓሽሁራ ያገና፤ እ ነ ሱንꬃ ያን ሃን ዳጋማ ያጋና።
JER 20:4 አያዉ ጎፐ፥ መꬍና ጎዳይ ሀዋዳን ያጌ፤ ‘ታን ኔና ነ ሁጲያዉነ ነ ላገቱዋ ኡባዉ ዳጋማ ከሳና። ኡንቱንቱ ኔን ጼልሽን፥ ባረንቱ ሞርከቱዋ ማሻን ዉራና። ይሁዳ አሳ ኡባ ባብሎነ ካትያ ኩሽያን አꬃደ እማና። እ ኡንቱንታ ኦሞዲደ፥ ባብሎነ አፋና፤ አፊደ ያን ማሻን ኡንቱንታ ዎꬋና።
JER 20:5 ሄዋዳንካ፥ ሀ ካታማ አቁዋ ፔሻ ኡባ፥ ኦꬅ ከሴዳባ ኡባ፥ ዱረተꬃ ኡባነ ይሁዳ ካተቱዋ ሚሻ ኡባ ታን ኡንቱንቱ ሞርከቶ አꬃደ እማና። ኡንቱንቱ ኡንቱንታ ቦንቂ ኦይቂደ፥ ባብሎነ አፋና።
JER 20:6 ቃይ ኔን ፓሽሁርካ ነ ሶን ደእያ አሳይ ኡባይ ኦሞደቲደ፥ ባብሎነ ባና። ኔን ትምቢትያ ኦዴዳ ነ ላገቱዋ ኡባናካ ያን ሀይቃናነ ያን ሞገታና’ ያጌ” ያጌዳ።
JER 20:7 አቤት መꬍና ጎዳዉ፥ ኔን ታና ጭማዳ፤ ታንካ ጭመታድ። ኔን ታፐ ምናደ፥ ታና ጾናዳ። ጋላሳ ኩመንꬃ ታን አሳይ ሚጭያዋ ከሳድ፤ ኡባይ ታና ቅሊጬ።
JER 20:8 ታን ሃሳይያ ዎድያን ኡባን ꬎቂሳደ፥ “ማካላባይነ ባሻይ ጋኬዳ” ያጋደ ዋሳይ። መꬍና ጎዳ ቃላይ ታዉ ጋላሳ ኩመንꬃን ካꬍያነ ቅሊጩዋ አሄዳ።
JER 20:9 ታን፥ “ታን ጾሳባ ደንꬃደ ሃሳይከ” ዎይ፥ “አ ሱንꬃን ላኤንꬆ ኦድከ” ጎፐ፥ ጾሳ ቃላይ ታ መቀꬃ ግዶን ቁምኤቲደ፥ ኤጽያ ታማ ማላ ግዲደ፥ ታ ዎዛናን ምቼ። ታን ግዶን ኦይቃደ አሻና ጋደ ዳቡራድ፤ ሽን ተአናዉ ዳንዳያበይከ።
JER 20:10 ታን ዳሮ ሳሱከꬃ ስሳድ፤ “ያን ሃን ዳጋማይ ደኤ! አነ አ ሞትተ! ኑንካ አ ሞቶይተ” ያጊኖ። ታዉ ማታ ላገቱ ኡባይ ታ ኩንደꬃ ናጊደ፥ “ኦን ኤሪ፥ ኑን አ ኦይቃና ማላነ ኑ ሀሉዋ ከሳና ማላ፥ እ ጭመታናዉ ዳንዳዬ” ያጊኖ።
JER 20:11 ሽን መꬍና ጎዳይ ያሽስያ ቶራንቻዳን ታናና ደኤ። ሄዋ ድራዉ፥ ታና የደርስያዋንቱ ꬉበታና፤ ኡንቱንቱ ታና ጾንክኖ። ኡንቱንቶ ጊገና ድራዉ፥ ኡንቱንቱ ዎልቃማ ዬላ ዬላታና። ኡንቱንቱ ካዉሻይ ሙለካ ዶገተና።
JER 20:12 አቤት ኡባፐ ዎልቃማ መꬍና ጎዳዉ፥ ጽሎቱዋ ፓጭያዎ፥ ዎዛና ካሃ በእያዎ፥ ኔን ታ ሞርከቱዋ ቦላን ታ ሀሉዋ ከሳደ ታና በሳ። አያዉ ጎፐ፥ ታን ታ ሞቱዋ ነዉ አꬃድ።
JER 20:13 መꬍና ጎዳዉ የጽተ! መꬍና ጎዳ ጋላትተ! አያዉ ጎፐ፥ እ ህዬሳቱዋ ኢታቱዋ ኩሽያፐ አሼ።
JER 20:14 ታን የለቴዳ ጋላሳይ ሸቀቴዳዋ ግዶ! ታ አታ ታና የሌዳ ጋላሳይ አንጀቶፖ!
JER 20:15 ታ አዎ፥ “ነዉ ምሽራቾ፤ ነዉ አቱማ ናአይ የለቴዳ!” ያግ ኦዲደ፥ ዳሮ ናሸቼዳ ብታኒካ ሸቀቴዳዋ ግዶ!
JER 20:16 ሄ ብታኒ መꬍና ጎዳይ ቃረተናን አꬅ የጊደ ꬋይሴዳ ካታማቱዋዳን ሀኖ። ሄ ብታኒ ዎንታ ዋሱዋ፥ ጋላሳ ሴታን፥ “ኦላይ ጋኬዳ!” ግያ ኦዱዋ ስሶ።
JER 20:17 አያዉ ጎፐ፥ ታ አታ ታዉ ዱፎ ግዳና ማላነ እ ኡሉካ ታና ዎጋ ኦይቂ ኡታና ማላ፥ ታና ኡሉዋን ዎꬍቤና።
JER 20:18 ታን መቱዋነ ካዩዋ በአናዉነ ላይꬃ ኡባ ዬላታደ ዉርሳናዉ፥ አያዉ ታ አት ኡሉዋፐ ከሳድታሻ?
JER 21:1 ካቲ ሰደቅያስ ማልክያ ናኣ ፓሽሁራነ ማእሴያ ናኣ ቄስያ ሶፎናሳ ሀ ኦሻ ኦቻና ማላ፥ መꬍና ጎዳይ ኤርማሳኮ ኪቴዳ።
JER 21:2 ኡንቱንቱ፥ “ባብሎነ ካቲ ናቡካዳናጾር ባረ ኦላንቻቱዋና ሀ ካታማ ዩይ አꬊደ ዶዴዳ ድራዉ፥ አነ ኑዉ መꬍና ጎዳ ኦቻ። ኦን ኤሪ፥ መꬍና ጎዳይ በንዋዳን፥ ማላልስያ ኦሱዋ ኑ ድራዉ ኦꬂደ፥ አ ጉየ ዛራነንቶነ” ያጌድኖ።
JER 21:3 ኤርማስ ኡንቱንቶ ዛሪደ፥ ሀዋዳን ያጌዳ፤ “ቢደ ሰደቅያሳዉ ያግተ፤
JER 21:4 መꬍና ጎዳይ እስራኤልያ ጾሳይ ሀዋዳን ያጌ፤ ‘ኔን ባብሎነ ካትያናነ ግምቢያፐ ካረና ነ ካታማ ዶድያ አ ኦላንቻቱዋና ኦለትያ፥ ነ ኩሽያን ደእያ ኦላ ሚሻ ታን ጉየ ነ ቦላ ዛራና። ቃይ ኡንቱንታ ኡባካ ሀ ካታማትዉ ግዶ ገልሳና።
JER 21:5 ታን ታ ሁጲያን የዴዳ ኩሽያን፥ ዎልቃማ ቀስያን፥ ይሉዋን፥ ሀንቁዋንነ ዎልቃማ ሴራን ኔና ኦላና።
JER 21:6 ታን ሀ ካታማን ደእያዋንታ፥ አሳካ መህያካ ሾጫና። ኡንቱንቱ ኢታ ሀርግያን ዉራና።
JER 21:7 ሄዋፐ ጉይያን፥ ይሁዳ ካትያ ሰደቅያሳ፥ አ ኦሳንቻቱዋነ ኢታ ሀርግያፐ፥ ማሻፐነ ኮሻፐ ፓላሄዳ፥ ሀ ካታማ አሳ ኡባ፥ ባብሎነ ካትያ ናቡካዳናጾራዉነ ኡንቱንታ ዎꬋናዉ ኮይያ ሞርከቶ ታን መꬍና ጎዳይ አꬃደ እማና። እ ኡንቱንቱ ቃራ ማሻን ሲፋና። እ ኡንቱንቶ ቃረተና፥ ዎይ ሳሊደ አገና፥ ዎይ ማረና’ ያጌ ያግተ” ያጌዳ።
JER 21:8 መꬍና ጎዳይ ኤርማሳ፥ “ጉጃደካ አሳዉ ሀዋዳን ያጋደ ኦዳ፤ ጾሳይ ሀዋዳን ያጌ፤ ‘በእተ፥ ታን ህንተ ስንꬃን ደኡዋ ኦግያነ ሀይቁዋ ኦግያ ዎꬃድ።
JER 21:9 ሀ ካታማ ግዶን ታክያ አሳይ ኦንነ ማሻን፥ ኮሻን ዎይ ኢታ ሀርግያን ሀይቃና። ሽን ካታማፐ ከሲደ ቢደ፥ ካታማ ዶዲደ ኦይቄዳ ባብሎነቶ ባረ ኩሽያ እምያ አሳይ ኦንነ ፓጻ አታናዋ፤ ሄ ኡራይ ባረ ሸምፑዋ ጻላላ አሻና።
JER 21:10 አያዉ ጎፐ፥ ታን ሀ ካታማዉ ኬካናዉ ግደናን ኢታናዉ ታ ቆፋ ቃቻድ። ባብሎነ ካትያዉ አ አꬃደ እማና፤ እካ ሀ ካታማ ታማን ጹጋና። ታን መꬍና ጎዳይ ሀዋ ኦዳድ’ ያጌ” ያጋ።
JER 21:11 ቃይካ ይሁዳ ካትያ ጎልያ አሳዉ ሀዋዳን ያጋ፤ መꬍና ጎዳ ቃላ ስስተ!
JER 21:12 ህንተኖ፥ ዳዊታ ዛረቶ፥ መꬍና ጎዳይ ህንተና ሀዋዳን ያጌ፤ “ዎንትና ዎንትና ሱረ ፕርድተ፤ ቦንቀቴዳዋንታ ኡቁንያዋንቱ ኩሽያፐ አሽተ። ሄዌ ꬋዮፐ፥ ህንተ ኢታ ኦሱዋ ጋሱዋን ታ ሀንቁ ታማዳን ኤጽ ከሳና፤ ኦንነ አ ቶይሰና ያጌ ያጋ” ያጌዳ።
JER 21:13 መꬍና ጎዳይ ሀዋዳን ያጌ፤ “ኔኖ፥ የሩሳላመ፥ ኔን ደምባን ደእያ ዛላዳን፥ ዛንጋራፐ ፑደ ꬎቁ ጋደ ቤታሳ፤ ሽን ታን ኔናና ኦለታና። ኔን፥ ‘ኦንነ ታ ቦላ ጻለና ዎይ ታ ደኢያሳ ገለና’ ያጋሳ፤
JER 21:14 ሽን ታን መꬍና ጎዳይ ኔና ነ ኦሱዋዳን ሙራና። ታን ነ ካተ ጎልያን ታማ ኦይꬃና፤ ነ ዩሹዋን ደእያዋ ኡባ ም ꬋይሳና” ያጌ።
JER 22:1 መꬍና ጎዳይ ሀዋዳን ያጌ፤ “ባ፤ ዱገ ይሁዳ ካትያ ጎለ ባደ፥ ያን ሀ ቃላ ኦዳ።
JER 22:2 ‘ኔኖ ይሁዳ ካትያዉ፥ ዳዊታ ካዉተꬃ አራታን ኡትያዎ፥ ኔንካ ነ ቆማቱካ ሀ ፐንግያና ገልያ ነ አሳይ ኡባይካ መꬍና ጎዳ ቃላ ስስተ!
JER 22:3 መꬍና ጎዳይ ሀዋዳን ያጌ፤ “ሱረ ፕርዳነ ጽሎባ ኦꬅተ። ቦንቀቴዳዋንታ ኡቁንያዋንቱ ኩሽያፐ አሽተ። በተቱዋ ቦላ፥ አዉ ባይና ናናቱዋ ቦላነ አስናቱ ሀይቄዳ ማጫ አሳቱዋ ቦላ ገንያባ ዎይ ማካላባ ኦꬆፕተ። ቃይ ጽሎ አሳ ሱꬃ ሀ ሳኣን ጉሶፕተ።
JER 22:4 ህንተ ታን ጌዳዋዳን ቱሙ አዛዘቶፐ፥ ዳዊታ ካዉተꬃ አራታን ኡትያ ካተቱ ፓራነ ፓራ ጋርያ ቶጊደ፥ ባረንቱ ኦሳንቻቱዋናነ ባረንቱ አሳና ሀ ካትያ ጎልያ ፐንገቱዋና ገላና።
JER 22:5 ሽን ህንተ አዛዘተናን እጾፐ፥ ሀ ካትያ ጎሊ ኦና ግዳና ያጋደ ታን መꬍና ጎዳይ ታ ሁጲያን ጫቃይ” ያጌ’ ያጋ” ያጌ።
JER 22:6 መꬍና ጎዳይ ይሁዳ ካትያ ጎልያባ ሀዋዳን ያጌ፤ “ኔን ታዉ ጋላኣደ ቢታነ ሊባኖሳ አሳ ጼራ ማላ ግዶፐካ፥ ታን ኔና ባዙዋነ አሳይ ደኤና ካታማ ኦꬃና።
JER 22:7 ታን ኔና ኮልያዋንታ ሁጲያን ሁጲያን ኦላ ሚሻ ኦይꬃደ፥ ነዉ ኪታና። ኡንቱንቱ ዝጋፐ ማሰቴዳ ነ ቱቀቱዋ ቃንጸሬꬂደ፥ ታማን ኦላና።
JER 22:8 “ጮራ ካዉተꬃፐ አሳይ ሄ ካታማ ላንቂያና አꬋና። እቱ እቱዋ፥ ‘መꬍና ጎዳይ አያዉ ሀ ዎልቃማ ካታማ ሀዋዳን ኦꬄዴ?’ ያጊደ ኦቻና።
JER 22:9 ኡንቱንቱ፥ ‘ኡንቱንቱ መꬍና ጎዳ ባረንቱ ጾሳና ጫቀቴዳ ጫቁዋ አጌዳ ግሻሳነ ሀራ ጾሳቶ ጎይኔዳነ ኦꬄዳ ግሻሳ’ ያጋና” ያጌ።
JER 22:10 ሀይቂዳ ካትያ እዮስያሳዉ ዬኮፕተ ዎይ ካዮቶፕተ። ሄዋ አጊደ፥ ኦሞደቲደ ቤዳ ሻሉማዉ ሴለቲደ ዬክተ። አያዉ ጎፐ፥ እ ኡባካ ጉየ ስመና፤ ባረ የለቴዳ ቢታ ላኤንꬆ በኤና።
JER 22:11 ባረ አዉዋ ድራዉ ይሁዳን ካተቲደ ደኢድ፥ ሀ ሳኣፐ ቤዳ እዮስያሳ ናኣ ሻሉማባ መꬍና ጎዳይ ሀዋዳን ያጌ፤ “እ ኡባካ ጉየ ስመና።
JER 22:12 እ ኦሞደቲደ ቤዳ ቢታን ሀይቃና። ኡባካ ሀ ቢታ በኤና” ያጌ።
JER 22:13 ባረ ጎልያ ናቁዋን ኬጽያዎ፥ ጽሎ ግደና ኦግያን ፖቅያ ቦላ ፖቅያ ጉጅያዎ፥ ባረ ጋድያ አሳዉ አይነ እመናንነ ዎልቃ ጋትያ ጭገናን ኦስስያዎ፥ አዉ አየ!
JER 22:14 እ፥ “ታን ታዉ አኮ ፖቅያና ደእያ ዎልቃማ ጎልያ ኬጻና” ያጌ። ባረ ጎልያዉ ዎልቃማ ማስኮተቱዋ፤ ከሲደ ዝጋ ማሰꬃን ቦላ ካሚደ፥ ዞኦ ቃላምያ ኦኬ።
JER 22:15 ባረዉ ኔን ዳሮ ዝጋን ኬጼዳዌ ኔና ሎኦ ካትያ ከሴ ጋደ ቆፓዲ? ነ አዉዋ እዮስያሳዉ ምያዌነ ኡሽያዌ ꬋዬዴ? እ ሱረ ፕርዳነ ጽሎባ ኦꬄዳ። ሄዋ ድራዉ፥ አዉ ኡባባይካ እንጀቴዳ።
JER 22:16 እ ህዬሳቶነ መቶታንቻቶ ሱረ ፕርድያ ድራዉ፥ አዉ ኡባባይካ ሀኔዳ። መꬍና ጎዳ ኤሬ ያግያዌ ሀዋ።
JER 22:17 ሽን ሀራባ አጊደ፥ ነ አይፊነ ነ ዎዛናይ ጃምያዌ ነ ጎኣ ደማናሳነ ጽሎ ሱꬃ ጉሳናሳ፥ አሳ ናቃናሳነ ኡቁናናሳ።
JER 22:18 ሄዋ ድራዉ፥ መꬍና ጎዳይ እዮስያሳ ናኣ፥ ይሁዳ ካትያ እዮአቄማባ ሀዋዳን ያጌ፤ “እ ሀይቂያ ዎደ ኡንቱንቱ አዉ፥ ‘አዬ! አየ! ታ እሻዉ!’ ያጊደ ዬክክኖ። ቃይ፥ ‘ታ ጎዳዉ፥ አየ! ታ ካትያዉ፥ አየ!’ ያጊደ ዝላልክኖ።
JER 22:19 አ ሞጉካ ሀርያ ሞጉዋ ማላ ግዳናዋ። አ አሃይ ጎሸቲደ፥ የሩሳላመ ፐንገቱዋፐ ያ ባጋን ኦለታና” ያጌ።
JER 22:20 ጾሳይ የሩሳላመባ ሀዋዳን ያጌ፤ “ባ፤ ፑደ ሊባኖሳ ባደ፥ ያን ዋሳ። ባሳነ ቢታን ዋሱዋ ጹልሳ። አባርማ ደርያንካ ዋሳ። አያዉ ጎፐ፥ ኦላዉ ኔናና ዙፐትያዋንቱ ኡባይ ጾነቴድኖ።
JER 22:21 ኔን ሳሮ ደእሺና፥ ታን ነዉ ኦዳድ፤ ሽን ኔን፥ ‘ታን ስስከ’ ያጋዳ። ነ ያላጋተꬃደፐ ዶሚደካ ነ ሀኑ ሀዋ፤ ኔን ታዉ አዛዘተናን እጻዳ።
JER 22:22 ነ ሄንꬃንቻቱዋ ኡባ ጫርኩ አፋና፤ ኦላዉ ኔናና ዙፐትያዋንቱካ ኦሞደቲደ ባና። ሄ ዎደ ነ ኢታተꬃ ኡባ ድራዉ፥ ዬላታናነ ካዉሻና።
JER 22:23 ህንተኖ፥ ሊባኖሳ ዝጋን ኬጸቴዳ ጎልያን ደእያዋንቶ፥ ኦይꬃይ ኦይቄዳ ማጫ ምሽራትዋ ማላ ኡንኡ ህንተ ቦላ ፑቱ ግንቶ፥ ዋን ኦላንድቴሻ!” ያጌ።
JER 22:24 መꬍና ጎዳይ ሀዋዳን ያጌ፤ “ታ ደኡ ኤሮ! ኔን እዮአቄማ ናአይ፥ ይሁዳ ካቲ ዮኣኪን፥ ታ ኡሸቻ ኩሽያን ደእያ ታ አታምያ ምግዱዋ ግድንቶካ ታ ኔና ከሳ የጋና።
JER 22:25 ኔና ዎꬋናዉ ኮይያዋንቶ፥ ኔን ያይያ ባብሎነ ካትያ ናቡካዳናጾራዉነ አ ኦላንቻቶ ታን ኔና አꬃደ እማና።
JER 22:26 ታን ኔናካ ኔና የሌዳ ነ አቶካ ህንተ የለታ ቢታ ግደና ሀራ ቢታዉ ኦላና፤ ህንተ ላኡካ ያን ሀይቃና።
JER 22:27 ህንተ ስማናዉ ላሞትያ ቢታ ኡባካ ስምክታ” ያጌ።
JER 22:28 ባረዉ ሀ ብታኒ ዮኣኪን፥ ካꬌዳነ መኤዳ ባረቴ? እ ኦንነ ኮየና ሚሼ? አያዉ እነ አ ናናቱ የደርሰቲደ፥ ባረንቱ ኤረና ቢታን ኦለቲደ አቴድኖ?
JER 22:29 ሀነ ቢታቴ፥ ቢታቴ፥ ቢታቴ! መꬍና ጎዳ ቃላ ስሳ!
JER 22:30 መꬍና ጎዳይ ሀዋዳን ያጌ፤ “ሀ ብታንያ፥ ‘ናአይ ባይና አሳ፥ ባረ ላይꬃ ኡባን ደኡ እንጀተና አሳ’ ጋደ ጻፋ። አያዉ ጎፐ፥ አ ዘረꬃፐ እቶነ እንጀተና፤ ዳዊታ ካዉተꬃ አራታን ኡትያዌ ዎይ ይሁዳን ካተትያዌ ኡንቱንቱፐ እቱነ ደኤና” ያጌ።
JER 23:1 መꬍና ጎዳይ ሀዋዳን ያጌ፤ “ታ ሄንꬃ ጋደን ደእያ ዶርሳቱዋ ባይዝያነ ላልያ ሄንꬃንቻቶ አየ አና!” ያጌ።
JER 23:2 መꬍና ጎዳይ እስራኤልያ ጾሳይ ባረ አሳ ሄምያ ሄንꬃንቻቱዋባ ሀዋዳን ያጌ፤ “ህንተ ታ ዶርሳቱዋ ላሊደ፥ ዎራ የደርሴድታ። ህንተ ኡንቱንታ ጾሞስቤና ድራዉ፥ ታን ህንተ ኦꬄዳ ኢታተꬃዉ ኡባዉ ህንተና ሙሩዋን ጾሞሳና ያጌ መꬍና ጎዳይ።
JER 23:3 ሄዋፐ ጉይያን፥ ታ ዉድያፐ አቴዳዋንታ ካሰ ላሌዳ ቢታ ኡባፐ ታን ታ ሁጲያን ሺሻና። ኡንቱንታ ጉየ ኡንቱንታ ሄንꬃ ጋድያ ዛራና። ኡንቱንቱካ ሀዋን የለቲደ ጮራታና።
JER 23:4 ታን ኡንቱንታ ሎይꬅ ሄምያ ሄንꬃንቻቱዋ ኡንቱንቶ ዎꬃና። ኡንቱንቱ ላኤንꬆ ያይክኖነ ዳጋምክኖ፤ ኡንቱንቱፐ እቱነ ባየና። ታን መꬍና ጎዳይ ሀዋ ኦዳድ” ያጌ።
JER 23:5 መꬍና ጎዳይ ሀዋዳን ያጌ፤ “ታን ዳዊተዉ ጽሎ አጫ ደንꬃና ጋላሳቱ ያና። እ ካትያዳን ካዉታናነ አꬌዳ ኤራተꬃን ሞዳና፤ ቢታን እ ሱረባነ ጽሎባ ኦꬃና።
JER 23:6 እ ካተትያ ላይꬃን ይሁዳይ አታና፤ እስራኤሊካ ሳሮ ደአና። እ ጼሰታና ሱንꬃይ መꬍና ጎዳ፥ ኑ ጽሎተꬃ ጌተታና” ያጌ።
JER 23:7 ሄዋ ድራዉ፥ ጾሳይ ሀዋዳን ያጌ፤ “አሳይ፥ ‘እስራኤልያ አሳ ግብጼ ቢታፐ ከሲደ አሄዳ መꬍና ጎዳይ ኤሮ’ ያጊደ ጫቂያዋ አጋና።
JER 23:8 ሽን፥ ‘እስራኤልያ ዘረꬃ ሁጲሳ ባጋ ቢታፐነ እ ላሌዳ ቢታቱዋ ኡባፐ አሄዳ መꬍና ጎዳይ ኤሮ’ ያጊደ ጫቃና ጋላሳቱ ያና። ሄዋፐ ጉይያን ኡንቱንቱ ባረንቱ ቡዞ ቢታን ደአና” ያጌ።
JER 23:9 ትምቢትያ ኦድያዋንቱባ ታን ቆፕያ ዎደ፥ ታ ዎዛናይ ካዩዋን መኤ፤ ታ መቀꬃቱ ኡባይካ ኮኮሪኖ። መꬍና ጎዳ ድራዉነ አ ጌሻ ቃላ ድራዉ፥ ታን ማꬆቴዳ አሳ ማላ፥ ዎይንያ ኤሳይ ዎልቃ ድጌዳ አሳ ማላ ግዳድ።
JER 23:10 አያዉ ጎፐ፥ ቢታይ ሻርሙጻቱዋን ኩሜዳ። ሸቃ ድራዉ፥ ቢታይ ዬኬ፤ ባዞ ሄንꬃ ጋደቱካ መሌድኖ። ትምቢትያ ኦድያዋንቱ ኢታ ኦግያ ሀመቲኖ፤ ባረንቱ ዎልቃካ ልከ ግደናሳን ጎኤቲኖ።
JER 23:11 መꬍና ጎዳይ፥ “ትምቢትያ ኦድያዌነ ቄሲነ ላኡካ ቱኔድኖ፤ ሀራይ አትና፥ ታ ጌሻ ጎልያንካ ኡንቱንቱ ኢታተꬃ ታን ደማድ” ያጌ።
JER 23:12 ቃይካ መꬍና ጎዳይ፥ “ሄዋ ድራዉ፥ ኡንቱንቱ ኦጊ ሀልጻና፤ ኡንቱንቱ ꬉማዉ ላገቲደ፥ አን ኩንዳና። ኡንቱንቱ ቃጻየትያ ላይꬅ ታን ኡንቱንቱ ቦላን ኢታባ አሀና” ያጌ።
JER 23:13 ቃይካ እ ሀዋዳን ያጌ፤ “ሳማርያን ደእያ ትምቢትያ ኦድያዋንቱ ግዶን ሸነይያዋ በኣድ። ኡንቱንቱ ባኣላ ሱንꬃን ትምቢትያ ኦዲኖነ ታ አሳ እስራኤልያ ዎራ ካለꬂኖ።
JER 23:14 ቃይ የሩሳላመን ደእያ ትምቢትያ ኦድያዋንቱ ግዶንካ ዳጋንꬅያባ በኣድ። ኡንቱንቱ ሻርሙጺኖነ ዎርዶቲደ ሀመቲኖ። ኦንነ ባረ ኢታ ኦሱዋፐ ስመናዳን፥ ኡንቱንቱ ኢታ ኦꬅያዋንታ ገደ ምንꬂኖ። ኡንቱንቱ ኡባይካ ታዉ ሶዶማ ማላ፤ የሩሳላመ አሳይካ ጋሞራ ማላ” ያጌ።
JER 23:15 ሄዋ ድራዉ፥ ኡባፐ ዎልቃማ መꬍና ጎዳይ ትምቢትያ ኦድያዋንቱባ ሀዋዳን ያጌ፤ “የሩሳላመን ደእያ ትምቢትያ ኦድያዋንቱፐ ቱናባይ ከሲደ፥ ቢታ ኡባን ላለቴዳ ድራዉ፥ ታን ኡንቱንታ ጫምያ ቁማ ምዛና፤ ታን ኡንቱንታ ዎꬍያ ሃꬃ ኡሻና” ያጌ።
JER 23:16 ኡባፐ ዎልቃማ መꬍና ጎዳይ ሀዋዳን ያጌ፤ “ትምቢትያ ኦድያዋንቱ ኦድያባ ስሶፕተ። ኡንቱንቱ ሀነናባ፥ ሀናና ጊደ፥ ዎርዱዋ ኦዲኖ። መꬍና ጎዳይ ባረ ዶናፐ ኦድና ግደናን፥ ኡንቱንቱ ባረፐ ቆፕ አኪደ፥ ሳፃ ኦዲኖ።
JER 23:17 ታና ካꬍያዋንታ ኡንቱንቱ፥ ‘መꬍና ጎዳይ፥ ህንተ ሳሮ ደአና’ ያጌ ያጊኖ። ቃይ ባረንቱ ዎዛና ሙመተꬃ ካለꬅያዋንታ ኡባ ኡንቱንቱ፥ ‘ህንተ ቦላ አያ ኢታባይነ ዬና’ ያጊኖ” ያጌ።
JER 23:18 ሽን በአናዉ ዎይ አ ቃላ ስሳናዉ መꬍና ጎዳይ ዞርያሳን ኡንቱንቱፐ ኦንነ ኤቂቤና። አ ቃላ ሀይዜዳዌ ዎይ ስሴዳዌ ኦንነ ባዋ።
JER 23:19 መꬍና ጎዳ ጎቲ፥ አꬅ የግያ ቤታይ ሀንቁ ሀዌሾ ከሴዳ! እ ኢታ አሳቱዋ ሁጲያን ኤቃና።
JER 23:20 አ ዎዛና ቆፋ ኦꬂደ ፖለናን ደኢድ፥ መꬍና ጎዳ ሀንቁ ስመና። ዉርሰꬃ ጋላሳቱዋን ሀዋ ህንተ አኬካና።
JER 23:21 ጾሳይ ሀዋዳን ያጌ፤ “ታን ትምቢትያ ኦድያዋንታ ኪታበይከ፤ ሽን ኡንቱንቱ ዎጺኖ። ታን ኡንቱንቶ ኦዳበይከ፤ ሽን ኡንቱንቱ ትምቢትያ ኦዲኖ።
JER 23:22 ኡንቱንቱ ታን ዞርያሳን ኤቄዳዋ ግድንቶ፥ ታ ቃላ ታ አሳዉ ኦዳና ሽን! ኡንቱንቱ ኡንቱንቱ ኢታ ኦግያፐነ ኡንቱንቱ ኢታ ኦሱዋፐ ዛራና ሽን!” ያጌ።
JER 23:23 ቃይካ መꬍና ጎዳይ፥ “ታን ማታ ጻላላ ጾሴ? ሃኮ ሳን ጾሳ ግድክታ?
JER 23:24 ታን በኤናዳን፥ ጌማ ሳኣን ባረና ቆሳናዉ አሳይ ዳንዳዪ? ሳሉዋንነ ሳኣን ኩሜዳዌ ታና መꬍና ጎዳ ግድክታ?” ያጌ መꬍና ጎዳይ።
JER 23:25 ጾሳይ ሀዋዳን ያጌ፤ “ታ ሱንꬃን ዎርዱዋ ትምቢትያ ኦድያዋንቱ ግያዋ ስሳድ። ኡንቱንቱ፥ ‘ታን አኩመታድ፤ ታን አኩመታድ!’ ያጊኖ።
JER 23:26 ሀ የዉ ባረ ዎዛና ጭሙዋ ትምቢትያ ኦድያ ዎርዶ ናበቱዋ ዎዛናን አዉደ ጋካናዉ ጋምአኔ?
JER 23:27 ኡንቱንቱ አዎቱ ባኣላ ግያ ኤቃ ጋሱዋን ታ ሱንꬃ ዶጌዳዋዳን፥ ኡንቱንቱ እቱ እቶ ኦድያ አኩሙዋን ታ አሳይ ታ ሱንꬃ ዶጋናዳን ኦꬃናዉ ቆፒኖ።
JER 23:28 አኩሙዋ አኩመቲደ ትምቢትያ ኦድያዌ ባረ አኩሙዋ ኦዶ። ሽን ታ ቃላ ስሴዳዌ ሄ ቃላ አሸናን ጉጀናን ኦዶ። ዳላይነ ዛርጋይ ሀቃን ጋከቲ? ያጌ መꬍና ጎዳይ።
JER 23:29 ታ ቃላይ ታማ ማላ ግደኔ? ዛላ መንሬꬅያ ማዶሻ ማላ ግደኔ?” ያጌ መꬍና ጎዳይ።
JER 23:30 መꬍና ጎዳይ ሀዋዳን ያጌ፤ “ሄዋ ድራዉ፥ ታን ታ ቃላ እቱ እቱዋፐ ዉእያ ትምቢትያ ኦድያዋንቱ ቦላ ደአይ።
JER 23:31 ሄዋዳንካ፥ ባረንቱ እንጻርሳን ሃሳዪደ፥ መꬍና ጎዳይ ያጌ ያግያ ትምቢትያ ኦድያዋንቱ ቦላ ደአይ ያጌ መꬍና ጎዳይ።
JER 23:32 ታን መꬍና ጎዳይ ሀዋ ኦዳይ! ዎርዱዋ አኩመቲደ፥ ትምቢትያ ኦድያዋንቱ ቦላ ታን ግዳና። ኡንቱንቱ ሄ አኩሙዋ ኦዲደ፥ ባረንቱ ዎርዱዋንነ ባረንቱ ጬቁዋን ታ አሳ ዎራ ካለꬂኖ። ታን ኡንቱንታ ኪታበይከ ዎይ፥ ኦድተ ጋበይከ። ኡንቱንቱ ሀ አሳ አይነ ማድክኖ። መꬍና ጎዳይ ሀዋ ኦዳድ” ያጌ።
JER 23:33 መꬍና ጎዳይ ታና ሀዋዳን ያጌዳ፤ “ኤርማሳ፥ ሀ አሳፐ እቱ፥ ዎይ ትምቢትያ ኦድያዌ፥ ዎይ ቄሲ፥ ‘መꬍና ጎዳ ኪታይ አዬ?’ ጊደ ኦቾፐ፥ ኔን ኡንቱንታ፥ ‘መꬍና ጎዳ ኪታይ ህንተና፤ ሄዋ ድራዉ፥ ታ ህንተና አጋ ባሻና’ ያጌ ያጋ።
JER 23:34 ትምቢትያ ኦድያዌ፥ ዎይ ቄሲ፥ ዎይ አሳፐ እቱ፥ ‘ሀዌ መꬍና ጎዳ ኪታ’ ያጊደ ሃሳዮፐ፥ ታን ሄ ብታንያነ አ ሶ አሳ ሙራና።
JER 23:35 ሄዋ አጊደ አሳይ፥ ‘መꬍና ጎዳይ ዋጌዴ?’ ዎይ፥ ‘መꬍና ጎዳይ ኦዴዳባይ አዬ?’ ያጊደ ባረ ላገቱዋነ ባረ ዳቦቱዋ ኦቻናዉ በሴ።
JER 23:36 ሄዋ ድራዉ፥ ኦንነ፥ ‘መꬍና ጎዳ ኪታ’ ያጊደ ላኤንꬆ ሃሳያናዉ በሰና። አያዉ ጎፐ፥ አዉ ዶናፐ ከስያ ቃላይ አዎ ኪታ ግዴ። ሄዋን ደኡዋ ጾሳ፥ ኡባፐ ዎልቃማ መꬍና ጎዳ፥ ኑ ጾሳ ቃላ ህንተ ምርቂታ።
JER 23:37 “ኔንካ ትምቢትያ ኦድያዋንታ፥ ‘መꬍና ጎዳይ ህንተና ዋጌዴ? ዎይ፥ መꬍና ጎዳይ አያ ኦዴዴ?’ ያጋደ ኦቻናዉ በሴ።
JER 23:38 ሽን ህንተ፥ ‘ሀዌ መꬍና ጎዳ ኪታ’ ጎፐ፥ መꬍና ጎዳይ ሀዋዳን ያጌ፤ ‘ታን ህንተና፥ ሀዌ መꬍና ጎዳ ኪታ ጎፕተ’ ያግናካ ህንተ፥ ‘ሀዌ መꬍና ጎዳ ኪታ’ ጌድታ።
JER 23:39 ሄዋ ድራዉ፥ ቱሙዋፐ ታን ህንተና ዶጋና፤ ህንተዉነ ህንተ አዎ እሜዳ ካታማ ታ ስንꬃፐ ዎራ ኦላና።
JER 23:40 ታን ህንተ ቦላ መꬍና ካዉሻነ መꬍናዉ ዶገተና ዬላ አሀና ያጌ” ያጌዳ።
JER 24:1 እዮአቄማ ናኣ፥ ይሁዳ ካትያ ዮኣኪና ይሁዳ ሞድያዋንቱና፥ ኩሽያ ኦሱዋ ሂላቱዋናነ ብራታ ቆጽያዋንቱና የሩሳላመፐ ባብሎነ ካቲ ናቡካዳናጾር ኦሞዲደ፥ ባብሎነ አፋ ስምና፥ መꬍና ጎዳይ ታና ሳፃ በሴዳ፤ ታን መꬍና ጎዳ ጌሻ ጎልያዉ ስንꬃ ባጋና ባላስያ ቴራ ኦይኬዳ ላኡ ኬሻቱዋ በኣድ።
JER 24:2 እት ኬሻን ኮይሮ ቴሬዳዋ ማላትያ ዳሮ ሎኦ ባላስያ ቴራይ ደኤ። ላኤንꬆ ኬሻን ቃይ ማናዉ ጊገና ዳሮፐ ኢታ ባላስያ ቴራይ ደኤ።
JER 24:3 መꬍና ጎዳይ ታና፥ “ኤርማሳ፥ ሄዌ ኔን በእያዌ አዬ?” ያጊደ ኦቼዳ። ታን፥ “ባላስያ ቴራ በአይ። ሎኦ ቴራይ ሎይꬅ ሎአ፤ ኢታ ቴራይ ቃይ ማናዉ ጊገና ሎይꬅ ኢታ” ያጋደ ኦዳድ።
JER 24:4 ሄዋፐ ጉይያን፥ መꬍና ጎዳ ቃላይ ታኮ ዬዳ፤
JER 24:5 “መꬍና ጎዳይ እስራኤልያ ጾሳይ ሀዋዳን ያጌ፤ ‘ታን ይሁዳ ቢታፐ ኦሞዱዋን ባብሎነ ቢታ የዴዳ አሳቱዋ፥ ሀ ሎኦ ባላስያ ቴራዳን ሎአ ጋና።
JER 24:6 ታን ኬካ አይፍያን ኡንቱንታ ጼላና፤ ቃይ ታን ኡንቱንታ ዛራደ ሀ ቢታ አሀና። ታን ኡንቱንታ ኬጻናፐ አትና ኮልከ። ታን ኡንቱንታ ቶካናፐ አትና ሾድከ።
JER 24:7 ታን መꬍና ጎዳ ግድያዋ ኡንቱንቱ ኤራናዳን፥ ታን ኡንቱንቶ ዎዛና እማና። ኡንቱንቱ ባረንቱ ኩመንꬃ ዎዛናፐ ታኮ ስማናዉ ደእያ ድራዉ፥ ኡንቱንቱ ታ አሳ ግዳና፤ ታንካ ኡንቱንቱ ጾሳ ግዳና’ ያጌ።
JER 24:8 “ቃይ መꬍና ጎዳይ ሀዋዳን ያጌ፤ ‘ይሁዳ ካትያ ሰደቅያሳ፥ አ ካፓቱዋ፥ ሀ ቢታን አቴዳ የሩሳላመ አሳ አቴዳዋንታነ ግብጼ ቢታን ደእያዋንታ፥ ማናዉ ጊገና ሄ ሎይꬅ ኢታ ባላስያ ቴራዳን ኢታ ጋና።
JER 24:9 ላላደ የድያ ቢታ ኡባን ታን ኡንቱንታ ሀ ሳኣ ካዉተꬃቱዋን ኡንቱንታ በእያ ኡባዉ ዳጋማነ ሸቃ፥ ቦርያነ ሌምሱዋ፥ ቅሊጩዋነ ቦሄቴዳዋ ኦꬃና።
JER 24:10 ታን ኡንቱንቶነ ኡንቱንቱ ማይዛ አዋቶ እሜዳ ቢታፐ ኡንቱንቱ ኡባና ꬋያና ጋካናዉ፥ ማሻ፥ ኮሻነ ኢታ ሀርግያ ኡንቱንቱ ቦላ የዳና’ ያጌ” ያጌዳ።
JER 25:1 እዮስያሳ ናአይ፥ ይሁዳ ካቲ እዮአቄም ካተቴዳ ኦይደንꬆ ላይꬃን፥ ባብሎነ ካቲ ናቡካዳናጾር ካተቴዳ ኮይሮ ላይꬃን፥ ይሁዳ አሳ ኡባ ጼልያዋን ኤርማሳኮ ዬዳ ቃላይ ሀዋ።
JER 25:2 ትምቢትያ ኦድያ ኤርማስ ይሁዳ አሳ ኡባዉነ የሩሳላመን ደእያ ኡባቶ ሀዋዳን ያጌዳ፤
JER 25:3 “አሞጻ ናአይ፥ ይሁዳ ካቲ እዮስያስ ካተቴዳ ታማነ ሄዘንꬆ ላይꬃፐ ዶሚደ፥ ሀች ጋካናዉ፥ ላታማነ ሄዙ ላይꬃ መꬍና ጎዳ ቃላይ ታኮ ዬዳ። ታንካ ዛራ ዛራደ ህንተዉ ኦዳድ፤ ሽን ህንተ ስሰናን እጼድታ።
JER 25:4 “መꬍና ጎዳይ ባረ ቆማቱዋ፥ ትምቢትያ ኦድያዋንታ ኡባ ዛር ዛሪደካ ህንተዉ ኪቴዳ፤ ሽን ህንተ ሀይዚደ ስሰናን እጼድታ።
JER 25:5 ኡንቱንቱ ሀዋዳን ያጌድኖ፤ ‘ህንተ ኡባይካ ህንተ ኢታ ኦግያፐነ ህንተ ኢታ ኦሱዋፐ ሀእ ስምተ። ስሞፐ፥ መꬍና ጎዳይ ህንተዉነ ህንተ ማይዛ አዋቶ መꬍ መꬍናዉ እሜዳ ቢታን ህንተ ደአና።
JER 25:6 ሀራ ጾሳቶ ኦꬃናዉነ ጎይናናዉ ካሎፕተ። ቃይ ህንተ ኩሺ ኦꬄዳባን ጾሳ ይሎዮፕተ። ያቶፐ ጾሳይ ህንተና ቆሄና’ ያጌድኖ።
JER 25:7 “መꬍና ጎዳይ ሀዋዳን ያጌ፤ ‘ህንተ ታን ኦድያዋ ስሳናዋ አጊደ፥ ህንተ ኩሺ ኦꬄዳባን ታና ይሎዬድታ፤ ያቲደ ህንተና ቆህያዋ ህንተ ሁጲያን አሄድታ’ ያጌ።
JER 25:8 “ሄዋ ድራዉ፥ ኡባፐ ዎልቃማ መꬍና ጎዳይ ሀዋዳን ያጌ፤ ‘ህንተ ታ ቃላዉ አዛዘተናን እጼዳ ድራዉ፥
JER 25:9 ታን ሁጲሳ ባጋ አሳ ኡባነ ታ ቆማ፥ ባብሎነ ካትያ ናቡካዳናጾራ ጼሳና። ኡንቱንታ ሀ ቢታ ቦላ፥ ሀ ቢታን ደእያ አሳ ቦላነ ሀዋ ሄራን ደእያ ካዉተꬃቱዋ ኡባ ቦላ አሀና። ታን ሀ ቢታቱዋ ኡባና ꬋይሳና፤ ቃይ በኤዳዌ ዳጋምያባ፥ “ፖራ!” ግያባነ መꬍናዉ አይነ ባይናዋ ኦꬃና። ታን መꬍና ጎዳይ ሀዋ ኦዳድ።
JER 25:10 ታን ኡንቱንቱፐ እልልሳነ ናሸቻ ኮሻ፥ ቡላችያዋነ ቡላቼትያን ኮሻ፥ ዎጻን ጋጭያ ኮሻነ ጾምፕያ ፖኡዋ ꬋይሳና።
JER 25:11 ሀ ቢታይ ኡባና ባሻ አይነ ባይና ቢታ ግዳናዋ፤ ሀ ካዉተꬃቱካ ባብሎነ ካትያዉ ላፑን ታሙ ላይꬃ ሞደታና።
JER 25:12 “ ‘ላፑን ታሙ ላይꬃይ ፖለት ስምና፥ ታን መꬍና ጎዳይ ባብሎነ ካትያነ አ ካዉተꬃ አሳ ኡንቱንቱ ባይዙዋ ድራዉ ሙራና፤ ኡንቱንቱ ቢታካ መꬍናዉ አይነ ባይናዋ ኦꬃና።
JER 25:13 ታን ሄ ቢታ ቦላን ሃሳዬዳዋ ኡባ፥ ኤርማስ ካዉተꬃቱዋ ኡባ ቦላ፥ “ሀናና” ጊደ ኦዴዳ፥ ሀ ማጻፋን ጻፈቴዳዋ ኡባ ሄ ቢታ ቦላን አሀና።
JER 25:14 ዳሮ ካዉተꬃቱነ ዎልቃማ ካተቱ ባብሎነቱዋ አይለዪደ ሞዳና። ታን ኡንቱንቶ ኡንቱንቱ ሀኑዋዳንነ ኡንቱንቱ ኩሽያ ኦሱዋዳን ቃንጻና’ ያጌ” ያጌዳ።
JER 25:15 መꬍና ጎዳይ፥ እስራኤልያ ጾሳይ ታዉ ሀዋዳን ያጌዳ፤ “ሀዋ ታ ሀንቁዋ ዎይንያ ኤሳይ ኩሜዳ ዋንጫ ሄይ። አፋደ ታን ኔና ኪትያ ካዉተꬃቱዋ ኡባ ኡሻ።
JER 25:16 ኡንቱንቱ ኡሺደ፥ ታን ኡንቱንቱ ግዶ የድያ ማሻ ጋሱዋን ጋንድጋራናነ ጎያና” ያጌዳ።
JER 25:17 ታን መꬍና ጎዳ ኩሽያፐ ዋንጫ አካደ፥ እ ታና ኪቴዳ ካዉተꬃቱዋ ኡባ ኡሻድ።
JER 25:18 ሀች ሀኔዳዋዳንካ ኡንቱንቱ ኡባ ባሻነ ዳጋማ፥ ጫሻነ ቃንገꬃ ኦꬃና ማላ፥ የሩሳላመነ ይሁዳ ካታማቱዋ፥ አ ካተቱዋነ አ ካፓቱዋ ኡባ ኡሻድ።
JER 25:19 ግብጼ ቢታ ካትያ፥ አ ቆማቱዋ፥ አ ካፓቱዋ፥ አ ቢታ አሳ ኡባነ
JER 25:20 ያን ደእያ አላጋ አሳቱዋ ኡባ ኡሻድ። ኡጻ ቢታ ካተቱዋ ኡባ ኡሻድ። ፕልስጼማ ቢታን ደእያ አስቃሎና፥ ጋዛ፥ ኤቅሮናነ አሽዶዳፐ አቴዳ ባጋ ካተቱዋ ኡባ ኡሻድ።
JER 25:21 ኤዶማ፥ ሞኣባነ አሞና ኡሻድ።
JER 25:22 ጺሮሳ ካተቱዋ ኡባ፥ ሲዶና ካተቱዋ ኡባነ ሜድተራነ አባፐ ሄፍንꬃ ጋጻን ደእያ ቢታ ካተቱዋካ ኡሻድ።
JER 25:23 ዳዳና፥ ተማና፥ ቡዛነ ባረንቱ ሁጲያ ሹፌርያ ሜድያ አሳቱዋ ኡባቱዋ ኡሻድ።
JER 25:24 አራባ ቢታ ካተቱዋ ኡባነ ባዙዋን ደእያ ዛራቱዋ ካተቱዋ ኡባ ኡሻድ።
JER 25:25 ዝምራ፥ ኤላማነ ሜዶና ካተቱዋ ኡባ ኡሻድ።
JER 25:26 ሁጲሳ ባጋ ቢታ ካተቱዋ ኡባ፥ ሃኩዋንነ ማታን ደእያ ካተቱዋ ኡባ ኡንቱንቱ ካል ካል፥ ሳኣ ቦላን ደእያ ካዉተꬃቱዋ ኡባ ኡሻድ። ኡንቱንቱ ኡባፐ ጉይያን፥ ባብሎነ ካዉካ ኡሻና።
JER 25:27 ጾሳይ፤ “ሄዋ ድራዉ፥ ኡንቱንቶ ኦዳ፤ ‘ኡባፐ ዎልቃማ መꬍና ጎዳይ፥ እስራኤልያ ጾሳይ ህንተና፥ “ኡሽተነ ማꬆትተ። ጮሽተነ ኩንድተ። ታን ህንተ ግዶ የድያ ማሻ ጋሱዋን ላኤንꬆ ደንዶፕተ” ያጌ’ ያጋ።
JER 25:28 ሽን ኡንቱንቱ ነ ኩሽያፐ ዋንጫ አከናንነ ኡሸናን እጾፐ፥ ኡንቱንቶ ሀዋዳን ያጋደ ኦዳ፤ ‘ኡባፐ ዎልቃማ መꬍና ጎዳይ ህንተና፥ “ህንተ ኡሻናዉ ኮሼ!
JER 25:29 በእተ፥ ታን ታ ሱንꬃን ጼሰቴዳ ካታማ ቦላ ኢታባ ኦꬃናዉ ዶማይ። ያንና ህንተ ሙረተናን አቲደ ቢቴ? ህንተ ሙረተናን አቲደ ቢክታ! አያዉ ጎፐ፥ ታን ሳኣን ኡባ ቦላ ማሻ ጼሳይ። ታን ኡባፐ ዎልቃማ መꬍና ጎዳይ ሀዋ ኦዳድ” ያጌ’ ያጋ።
JER 25:30 “ሄዋ ድራዉ፥ ኤርማሳ፥ ሀ ቃላይ ኡባይ ኡንቱንቱ ቦላ ሀናናዋ ኡንቱንቶ ኦዳ። ጾሳይ ቦላ ꬎቃን ጉማና። መꬍና ጎዳይ ባረ ደእያ ጌሻ ሳኣፐ ባረ ጉንꬃ ስሳና። እ ባረ ሄንꬃ ጋድያ ቦላን ዎልቃፐ ጉማና። እ ዎይንያ ቴራ የꬊደ፥ ጉምእያዋንቱ ዋስያዋዳን፥ ሳኣን ደእያ ኡባ ቦላ ዋሳና።
JER 25:31 አ ጫቡ ሳኣ ጋጻ ጋኪደ ስሰቴ። አያዉ ጎፐ፥ መꬍና ጎዳዉ ካዉተꬃቱዋና ሞቱ ደኤ። ጾሳይ አሳ ኡባና ፕርደታና፤ እ ኢታቱዋ ማሻዉ አꬂደ እማና። ታን መꬍና ጎዳይ ሀዋ ኦዳድ ያጋ” ያጌዳ።
JER 25:32 ኡባፐ ዎልቃማ መꬍና ጎዳይ፥ “በአ፥ ኢታባይ ካዉተꬃፐ ካዉተꬃዉ ላለቴ፤ ሳኣ ጋጻፐ ጎትያ ጫርኩ ደንዴ” ያጌ።
JER 25:33 ሄ ዎድያን ጾሳይ ዎꬌዳዋንቱ አሃይ፥ ቢታ ቦላን ሀ ጋጻፐ ህን ጋጻ ጋካናዉ ላለታና። ኡንቱንቶ ዬከተና፥ ኡንቱንቱ አሃይ ሺቀና ዎይ ሞገተና። ኡንቱንቱ ቢታን ፕቱዋ ማላ ግዳናዋ።
JER 25:34 ህንተኖ፥ ሄንꬃንቻቶ፥ ዬክተነ ዋስተ። ህንተኖ፥ ዉድያ ካለꬅያዋንቱ፥ ብድንꬃን ጎንዶረትተ። አያዉ ጎፐ፥ ህንተ ሹከትያ ዎዲ ጋኬዳ፤ ህንተ ኩንዳናነ ሎኦ ኡርቃ ሚሻዳን መኤረታና።
JER 25:35 ሄንꬃንቻቱ ባቃቲደ ብያሳአይ ባዋ፤ ዉድያ ካለꬅያዋንቱካ ከስ አክያ ሳአይ ባዋ።
JER 25:36 መꬍና ጎዳይ ኡንቱንቱ ሄንꬃ ጋድያ ꬋይስያ ድራዉ፥ ሄንꬃንቻቱ ዋስያ ዋሱዋነ ዉድያ ካለꬅያዋንቱ ዬክያ ዬኩዋ ስስተ።
JER 25:37 መꬍና ጎዳ ሱሎ ሀንቁዋ ጋሱዋን ሳሮ ደእያ ሄንꬃ ጋዲ ኦናና።
JER 25:38 ጋሙ ባረ ደእያ ዎራፐ ከስያዋዳን፥ ጾሳይካ ባረ ደኢያሳፐ ከሳና። ኡንቱንቱ ቢታይካ ናቂያዋንቱ ማሻንነ መꬍና ጎዳ ሱሎ ሀንቁዋን አይነ ባይናዋ ቢታ ግዳናዋ።
JER 26:1 እዮስያሳ ናአይ ይሁዳ ካቲ እዮአቄም ኮይሮ ካተቴዳ ዎደ፥ ሀ ቃላይ መꬍና ጎዳፐ ዬዳ።
JER 26:2 መꬍና ጎዳይ ታና ሀዋዳን ያጌዳ፤ “መꬍና ጎዳ ጎልያ ዳባባን ኤቃ። መꬍና ጎዳ ጎልያን ጎይናናዉ ይሁዳ ካታማቱዋፐ ይያ ኡባዉ ኦዳ። ታን፥ ‘ኦዳ’ ጋደ አዛዜዳ ቃላ ኡባፐ እቱዋነ አሾፓ።
JER 26:3 ኦን ኤሪ፥ ኡንቱንቱ ስሲደ፥ ባረንቱ ኢታ ኦግያፐ ስማነንቶነ። ያትንቶ ታንካ ኡንቱንቱ ኦሱዋ ኢታተꬃ ድራዉ፥ ኡንቱንታ ꬋይሳናዉ ቆፔዳዋ አጋ ባሻና።
JER 26:4 “ኡንቱንቶ ኦዳ፤ መꬍና ጎዳይ ሀዋዳን ያጌ፤ ‘ህንተ ታን ኦድያዋ ስሰናን እጾፐ፥ ታን ህንተዉ እሜዳ ህግያን ቤናን እጾፐ፥
JER 26:5 (ህንተ ስሰናን እጽናካ) ታን ዛራ ዛራደ ህንተኮ ኪቴዳ፥ ትምቢትያ ኦድያ ታ ቆማቱዋ ቃላ ስሰናን እጾፐ፥
JER 26:6 ያቶፐ ታን ሀ ጌሻ ጎልያ ሴሎዳን ኦꬃና። ሀ ካታማካ ሳኣን ደእያ ካዉተꬃቶ ኡባዉ ቃንገꬃ ኦꬃና’ ያጌ” ያጋ ያጌዳ።
JER 26:7 ኤርማስ መꬍና ጎዳ ጎልያን ሀ ቃላ ኦድሽን፥ ቄሳቱ፥ ትምቢትያ ኦድያዋንቱነ አሳይ ኡባይ ስሴድኖ።
JER 26:8 ቃይ ኤርማስ መꬍና ጎዳይ፥ “አሳ ኡባዉ ኦዳ” ጊደ አ አዛዜዳ ቃላ ኡባ ኦዲደ ፖሌዳ ዎደ፥ ቄሳቱ፥ ትምቢትያ ኦድያዋንቱነ አሳይ ኡባይ አ ኦይቄድኖ። ኦይቂደ፥ “ኔን ሀይቃናዉ በሳሳ!
JER 26:9 ኔን፥ ‘ሀ ጎሊ ሴሎዳን ሀናና፤ ቃይ ሀ ካታማይካ ባዙዋነ ኦና ግዳና’ ያጋደ፥ መꬍና ጎዳ ሱንꬃን አያዉ ትምቢትያ ኦዳዲ?” ያጌድኖ። መꬍና ጎዳ ጎልያን ሺቄዳ አሳቱ ኡባይ ኤርማሳ ዶዴድኖ።
JER 26:10 ይሁዳ ካፓቱ ሄዋ ስሴዳ ዎደ፥ ካትያ ጎልያፐ ከሲደ፥ መꬍና ጎዳ ጎልያ ዬድኖ። ዪደ መꬍና ጎዳ ጎልያ ዩሹዋ ግምቢያዉ ኦራꬃ ፐንግያ ግያ ፐንግያን ኡቴድኖ።
JER 26:11 ቄሳቱ ነ ትምቢትያ ኦድያዋንቱ ካፓቶነ አሳ ኡባዉ ሀዋዳን ያጌድኖ፤ “ህንተ ህንተ ሀይꬃን ስሴዳዋዳን፥ ሀ ብታኒ ሀ ካታማ ቦላን ትምቢትያ ኦዴዳ ድራዉ፥ እ ሀይቃናዉ በሴ!” ያጌድኖ።
JER 26:12 ኤርማስ ካፓቶነ አሳ ኡባዉ ሀዋዳን ያጊደ ሃሳዬዳ፤ “ሀ ህንተ ስሴዳ ቃላይ ኡባይ ሀ ጎልያ ቦላነ ሀ ካታማ ቦላ፥ ‘ሀናና’ ጋደ ታን ኦዳና ማላ፥ መꬍና ጎዳይ ታና ኪቴዳ።
JER 26:13 ሄዋ ድራዉ፥ ሀእ ህንተ ኦግያካ ህንተ ኦሱዋካ ላምተ፤ መꬍና ጎዳ ህንተ ጾሳ ቃላዉ አዛዘትተ። ያቶፐ፥ መꬍና ጎዳይ ህንተ ቦላ አሀና ጌዳ ኢታባ አግ ባሻና።
JER 26:14 ታና ግዶፐ፥ ታን ህንተ ኩሽያን ደአይ። ህንተዉ ሎአነ ሱረ ማለቴዳባ ታ ቦላ ኦꬅተ።
JER 26:15 ህንተ ማታ ስꬊ ባይናን እትባ ኤርተ። ህንተ ታና ዎꬎፐ፥ ህንተ ህንተ ቦላ፥ ሀ ካታማ ቦላነ አ ግዶን አሳ ቦላ ጽሎ ሱꬃ አጩዋ አሀና። አያዉ ጎፐ፥ ታን ሀ ቃላ ኡባ ህንተ ሀይꬃን የጋና ማላ፥ ቱሙዋፐ መꬍና ጎዳይ ታና ኪቴዳ” ያጌዳ።
JER 26:16 ካፓቱነ አሳይ ኡባይ ቄሳቶነ ትምቢትያ ኦድያዋንቶ ሀዋዳን ያጌድኖ፤ “ሀ ብታኒ ሀይቃናዉ በሰና! አያዉ ጎፐ፥ እ መꬍና ጎዳ ኑ ጾሳ ሱንꬃን ኑዉ ኦዴዳ” ያጌድኖ።
JER 26:17 ጋድያ ጭማቱዋፐካ እቱ እቱ ኤቂደ፥ ሺቄዳ አሳዉ ኡባዉ ሀዋዳን ያጊደ ኦዴድኖ፤
JER 26:18 “ህዝቂያስ ይሁዳን ካተቴዳ ላይꬃን ሞረሸታፐ ዬዳ ሚክያስ ይሁዳ አሳዉ ኡባዉ ሀዋዳን ያጊደ፥ ትምቢትያ ኦዴዳ፤ ‘ኡባፐ ዎልቃማ መꬍና ጎዳይ ሀዋዳን ያጌ፤ “ጽዮኔ ሾይቃዳን ጎሸታና። የሩሳላመ ካታማይካ ኮለቲደ፥ ሹቻ ዶርያ ግዳናዋ። ጌሻ ጎሊ ኬጸቴዳ ደሪ ዎራ ማያና” ያጌ’ ያጌዳ።
JER 26:19 ያትና፥ ይሁዳ ካቲ ህዝቂያስነ ይሁዳ አሳይ ኡባይ አ ዎꬌዴ? ቱይት፥ ህዝቂያስ መꬍና ጎዳዉ ያዪደ፥ ጾሳዉ ዋትዋቴዳ። መꬍና ጎዳይ ባረ ኦꬃና ጌዳ ኢታባ አግ ባሼዳ። ሽን ኑን ኑረካ ኑ ቦላ ሎይꬅ ኢታባ አሀና ሀኔቶ” ያጌዳ።
JER 26:20 (ቅርያት-ይኣሪማ ግያ ሳን ደእያ ሻማእያ ናኣ ኦርዮና ግያ እት ሀራ ብታኒ ደኤ፤ እካ ኤርማስ ኦዴዳዋዳን፥ ሀ ካታማ ቦላነ ሀ ቢታ ቦላ መꬍና ጎዳ ሱንꬃን ትምቢትያ ኦዴዳ።
JER 26:21 ካቲ እዮአቄም፥ አ ኦላንቻቱ፥ አ ኦሳንቻቱ ኦርዮን ኦዴዳዋ ስሴዳ ዎደ፥ ካቲ አ ዎꬋናዉ ኮዬዳ። ኦርዮን ሄዋ ስሲደ ያዪደ፥ ግብጼ ቢታ ባቃቴዳ።
JER 26:22 ግዶ ሽን፥ ካቲ እዮአቄም አክቦራ ናኣ ኤልናታናነ ሀራ አሳቱዋ ግብጼ ኪቴዳ።
JER 26:23 ኡንቱንቱ ኦርዮና ግብጼፐ ከሲደ፥ ካትያ ዮአቄማዉ አፌድኖ። ማሻን እ አ ዎꬍሲደ፥ አ አሃ ጋድያ ማካናን ኦልሴዳ።)
JER 26:24 ሽን ሳፋና ናኣ አህቃም ኤርማሳ ማዴዳ ድራዉ፥ አሳይ አ ዎꬋናዉ አꬂደ እምቤና።
JER 27:1 እዮስያሳ ናአይ ሰደቅያስ፥ ይሁዳን ካዉተꬃ ዶሜዳ ሄራን፥ ሀ ቃላይ መꬍና ጎዳፐ ኤርማሳኮ ዬዳ።
JER 27:2 መꬍና ጎዳይ ታዉ ኦዴዳዌ ሀዋ፤ “ነዉ ሞርገ ምꬃነ ጎንያ ዳፉዋ ዎዶሩዋና ደእያ ቅንቂሪትያ መꬋ፤ ነ ሞርግያን ዎꬃ።
JER 27:3 ይሁዳ ካትያ ሰደቅያሳኮ የሩሳላመ ኪተቴዳ አሳቱዋ ቦላ፥ ኤዶማ ካትያዉ፥ ሞኣባ ካትያዉ፥ አሞና አሳቱዋ ካትያዉ፥ ጺሮሳ ካትያዉነ ሲዶና ካትያዉ ኪታ።
JER 27:4 ኡንቱንቱ ባረንቱ ጎዳቶ ሀዋዳን ያጊደ ኦዳና ማላ፥ ኡንቱንታ አዛዛ፤ ‘ኡባፐ ዎልቃማ መꬍና ጎዳይ፥ እስራኤልያ ጾሳይ ሀዋዳን ያጌ፤
JER 27:5 “ታ ዎልቃማ ዎልቃንነ ታ የዴዳ ኩሽያን ሀ ሳኣ፥ ሳኣን ደእያ አሳ፥ መህያነ ዶኣ ታን መꬋድ። አ ታን ታ ኮይያ ኡራዉ እማይ።
JER 27:6 ስም ሀእ ታን ቢታ ኡባ ታ ቆማዉ፥ ባብሎነ ካትያ ናቡካዳናጾራዉ አꬃደ እማድ። ቃይ ታን ባዞ ዶአቱካ አዉ ሞደታና ማላ ኦꬃድ።
JER 27:7 አ ቢታይ ሞደትያ ዎዲ ጋካናዉ፥ ካዉተꬃቱ ኡባይ አዉ፥ አ ናአዉነ አ ናኣ ናአዉ ሞደታና። ሄዋፐ ጉይያን፥ ዳሮ ካዉተꬃቱነ ዎልቃማ ካተቱ አ ሞዳና።
JER 27:8 “ ‘ “ሽን አይ ቢታይነ ዎይ አይ ካዉተꬃይነ ሀ ባብሎነ ካትያ ናቡካዳናጾራዉ አዛዘተናን እጾፐ አ ሞርገ ምꬃን ገለናን እጾፐ፥ ታን መꬍና ጎዳይ ሄ ካዉተꬃ አ ኩሽያን ꬋይሳና ጋካናዉ፥ ማሻን፥ ኮሻንነ ኢታ ሀርግያን ሙራና።
JER 27:9 ሄዋ ድራዉ፥ ህንተና፥ ባብሎነ ካትያዉ ሃረትክታ ያግያ ህንተ ትምቢትያ ኦድያዋንታ፥ ህንተዉ ካይያዋንቱ፥ ህንተ አኩሙዋ ብልያዋንታ፥ ህንተ ሻሬቾቱነ ማልያዋንቱ ኦድያዋ ስሶፕተ።
JER 27:10 አያዉ ጎፐ፥ ኡንቱንቱ ህንተዉ ዎርዱዋ ኦዲኖ፤ ሄዋ ህንተና ህንተ ቢታፐ ሃሲኖ። ህንተና ላጋደ ከሳና፤ ህንተካ ꬋያና።
JER 27:11 ሽን አይ ካዉተꬃይነ ባብሎነ ካትያ ሞርገ ምꬃን ገሊደ፥ አዉ ሞደቶፐ፥ ታን መꬍና ጎዳይ ሄ ካዉተꬃ አ ቢታን አሻና፤ ኡንቱንቱ ሄ ቢታ ጎሻናነ ያን ደአና” ያጌ’ ያጋ” ያጌዳ።
JER 27:12 ታን ይሁዳ ካትያ ሰደቅያሳዉካ ሀዋ ማላትያ ቃላ ኦዳድ፤ “ባብሎነ ካትያ ሞርገ ምꬃን ሆካደ ገላ። አዉነ አ አሳዉ ሞደታ። ያቶፐ፥ ኔን ፓጻ ደአና።
JER 27:13 መꬍና ጎዳይ ባብሎነ ካትያዉ ሞደተናን እጽያ ካዉተꬃዉ ጌዳዋዳን ማሻን፥ ኮሻንነ ኢታ ሀርግያን ኔንነ ነ አሳይ አያዉ ሀይቂቴ?
JER 27:14 ‘ህንተ ባብሎነ ካትያዉ ሃረትክታ’ ግያ ትምቢትያ ኦድያዋንቱ ቃላ ስሶፕተ። አያዉ ጎፐ፥ ሄዌ ኡንቱንቱ ህንተዉ ኦድያዌ ዎርዱዋ።
JER 27:15 መꬍና ጎዳይ ሀዋዳን ያጌ፤ ‘ታን ኡንቱንቱ ኪታበይከ፤ ሽን ኡንቱንቱ ታ ሱንꬃን፥ “ትምቢትያ” ጊደ ኦዲኖ። ሄዋ ድራዉ፥ ታን ህንተና ላጋደ ከሳና፤ ህንተካ ህንተዉ ትምቢትያ ኦድያዋንቱካ ꬋያና’ ያጌ” ያጋድ።
JER 27:16 ሄዋፐ ጉይያን፥ ታን ቄሳቶነ ሀ አሳ ኡባዉ ሀዋዳን ያጋደ ሃሳያድ፤ “መꬍና ጎዳይ ሀዋዳን ያጌ፤ መꬍና ጎዳ ጎልያ ሚሻይ ባብሎነፐ ሀእ ማታና ስሚደ ያና” ያጊደ ኦድያ ህንተ ትምቢትያ ኦድያዋንቱ ቃላ ስሶፕተ። አያዉ ጎፐ፥ ኡንቱንቱ ህንተዉ ኦድያዌ ዎርዱዋ።
JER 27:17 ኡንቱንቱ ግያዋ ስሶፕተ፤ ባብሎነ ካትያዉ ሞደትተነ ፓጻ ደእተ! ሀ ካታማይነ አያዉ ኮለት ክቼዳ ሳኣ ግዳኔ?
JER 27:18 ኡንቱንቱ ትምቢትያ ኦድያዋንታ ግዶፐነ መꬍና ጎዳ ቃላይ ኡንቱንቱን ደኦፐ፥ መꬍና ጎዳ ጎልያን፥ ይሁዳ ካትያ ጎልያንነ የሩሳላመን አቴዳ ኬሻ ሚሻይ ባብሎነ ቤናዳን ታና፥ ኡባፐ ዎልቃማ መꬍና ጎዳ ዎስኖ ያጌ።
JER 27:19 ኡባፐ ዎልቃማ መꬍና ጎዳይ፥ “ጌሻ ጎልያፐ ስንꬃ ባጋን ኤቄዳ ላኡ ናስያ ቱሳቱዋባ፥ አኮ-ከርያባ፥ ጫና ጋረቱዋባነ ሀራ ሚሻቱዋ ኡባቱዋባ ሀዋዳን ያጌ፥
JER 27:20 ባብሎነ ካቲ ናቡካዳናጾር እዮአቄማ ናኣ፥ ይሁዳ ካትያ ዮኣኪናነ ይሁዳንነ የሩሳላመን ደእያ ዎልቃማ አሳ ኡባ ኦሞዲደ አፌዳ ዎዲያና።
JER 27:21 “ኡባፐ ዎልቃማ መꬍና ጎዳይ፥ እስራኤልያ ጾሳይ መꬍና ጎዳ ጎልያን፥ ይሁዳ ካትያ ጎልያንነ የሩሳላመን አቴዳ ሚሻቱዋባ ሀዋዳን ያጌ፤
JER 27:22 ‘ኡንቱንቱ ባብሎነ ቢታዉ ኬዘታና፤ ታን ኡንቱንቱ ድራዉ ያና ጋላሳይ ጋካናዉ፥ ኡንቱንቱ ያን ደአና። ሄ ዎደ ታን ኡንቱንታ ጉየ ዛራደ ኡንቱንቱ ሳኣን ዎꬃና። ታን መꬍና ጎዳይ ሀዋ ኦዳድ’ ያጌ” ያጋድ።
JER 28:1 ሄ ላይꬅ፥ ይሁዳ ካቲ ሰደቅያስ ካዉተꬃ ዶሜዳ ሄራን፥ ኦይደንꬆ ላይꬃን፥ እቼሸንꬆ አግናን ጋባኦናፐ ዬዳ አዙራ ናአይ ትምቢትያ ኦድያ ሀናኒ፥ መꬍና ጎዳ ጎልያን ቄሳቱ ዋነ አሳቱዋ ኡባ ስንꬃን ታዉ ሀዋዳን ያጊደ ሃሳዬዳ፤
JER 28:2 “ኡባፐ ዎልቃማ መꬍና ጎዳይ፥ እስራኤልያ ጾሳይ ሀዋዳን ያጌ፤ ‘ታን ባብሎነ ካትያ ሞርገ ምꬃ መንꬃና።
JER 28:3 ባብሎነ ካቲ ናቡካዳናጾር ሀዋፐ ደንꬂደ፥ ባብሎነ አፌዳ፥ መꬍና ጎዳ ጎልያ ሚሻ ኡባ ታን ላኡ ላይꬃ ግዶን ዛራደ፥ ሀ ሳኣ አሀና።
JER 28:4 ቃይ ታን እዮአቄማ ናኣ ይሁዳ ካትያ እዮኣኪናካ፥ ይሁዳፐ ኦሞደቲደ፥ ባብሎነ ቤዳ አሳ ኡባ ዛራደ ሀ ሳኣ አሀና። አያዉ ጎፐ፥ ታን ባብሎነ ካትያ ሞርገ ምꬃ መንꬃና። መꬍና ጎዳይ ሀዋ ኦዳድ’ ያጌ” ያጌዳ።
JER 28:5 መꬍና ጎዳ ጎልያ ግዶን ኤቄዳ ቄሳቱ ዋነ አሳቱዋ ኡባቱዋ ስንꬃን ትምቢትያ ኦድያ ኤርማስ ትምቢትያ ኦድያ ሀናንያዉ
JER 28:6 ሀዋዳን ያጌዳ፤ “አመንእ! መꬍና ጎዳይ ያቶ! መꬍና ጎዳ ጎልያ ሚሻቱዋነ ኦሞደቲደ ቤዳ አሳ ኡባ ባብሎነፐ ዛሪደ፥ ሀ ሳኣ አሂደ፥ ኔን ኦዴዳ ቃላ መꬍና ጎዳይ ፖሎ!
JER 28:7 ግዶፐነ፥ አነ ታን ነዉካ ሀ አሳ ኡባዉካ ኦድያዋ ስሳ።
JER 28:8 በን ኔፐነ ታፐ ካሰ ደኤዳ ትምቢትያ ኦድያዋንቱ ኦላይ፥ ኢታባይነ ኢታ ሀርግያ ዳሮ ቢታቱዋ ቦላነ ዎልቃማ ካዉተꬃቱዋ ቦላ ሀናናዋ ኦዴድኖ።
JER 28:9 ሽን፥ ‘ሳሮባይ ሀናና’ ጊደ ኦድያ ትምቢትያ ኦድያዋባ ግዶፐ፥ ሄ ኦድያዋ ቃላይ ፖለትያ ዎደ፥ ሄ ዎደ ቱሙዋፐ መꬍና ጎዳይ አ ኪቴዳዋ ኤረታና” ያጌዳ።
JER 28:10 ሄዋፐ ጉይያን፥ ትምቢትያ ኦድያ ሀናኒ ትምቢትያ ኦድያ ኤርማሳ ሞርግያፐ ሞርገ ምꬃ አኪደ መንꬄዳ።
JER 28:11 ሀናኒ አሳ ኡባ ስንꬃን ሀዋዳን ያጊደ ሃሳዬዳ፤ “መꬍና ጎዳይ ሀዋዳን ያጌ፤ ‘ታን ላኡ ላይꬃቱ ግዶን ባብሎነ ካትያ ናቡካዳናጾራ ሞርገ ምꬃ ካዉተꬃቱዋ ኡባ ሞርግያፐ ደንꬃደ ሀዋዳን መንꬃና’ ያጌ” ያጌዳ። ያትና፥ ትምቢትያ ኦድያ ኤርማስ ደንዲደ፥ ባረ ብያሳ ቤዳ።
JER 28:12 ትምቢትያ ኦድያ ሀናኒ ትምቢትያ ኦድያ ኤርማሳ ሞርግያፐ ሞርገ ምꬃ መንꬄዳዋፐ ጉይያን፥ መꬍና ጎዳ ቃላይ ትምቢትያ ኦድያ ኤርማሳዉ ዬዳ፤
JER 28:13 “ባ፤ ባደ ሀናንያዉ ኦዳ፤ መꬍና ጎዳይ ሀዋዳን ያጌ፤ ‘ኔን ምꬃ ሞርገ ምꬃ መንꬃዳ፤ ሽን ኔን አ ድራዉ ብራታ ሞርገ ምꬃ መꬋና’ ያጌ።
JER 28:14 ቃይካ ኡባፐ ዎልቃማ መꬍና ጎዳይ፥ እስራኤልያ ጾሳይ ሀዋዳን ያጌ፤ ‘ኡንቱንቱ ባብሎነ ካትያ ናቡካዳናጾራዉ ሞደታና ማላ፥ ታን ሀ ካዉተꬃቱዋ ኡባ ሞርግያን ብራታ ሞርገ ምꬃ ዎꬃና፤ ኡንቱንቱካ አዉ ሞደታና። ሀራይ አትና፥ ባዞ ዶአቱዋካ አዉ እማድ’ ያጌ ያጋ” ያጌዳ።
JER 28:15 ሄዋፐ ጉይያን፥ ትምቢትያ ኦድያ ኤርማስ ትምቢትያ ኦድያ ሀናንያ ሀዋዳን ያጌዳ፤ “ሀናንያዉ፥ ስሳ! መꬍና ጎዳይ ኔና ኪትቤና፤ ሽን ኔን ሀ አሳይ ዎርዶባን አማነታና ማላ ኦꬃዳ።
JER 28:16 ሄዋ ድራዉ፥ መꬍና ጎዳይ ሀዋዳን ያጌ፤ ‘ታን ኔና ሀ ሳኣ ቦላፐ ድጋና። ኔን ሀ አሳይ ታ ቦላን ማካላናዳን ዞሬዳ ድራዉ፥ ኔን ሀ ላይꬅ ሀይቃና’ ያጌ” ያጌዳ መꬍና ጎዳይ።
JER 28:17 ሄ ላይꬅካ ላፑንꬃ አግናን ትምቢትያ ኦድያ ሀናኒ ሀይቄዳ።
JER 29:1 ትምቢትያ ኦድያ ኤርማስ ኦሞደቴዳዋንቱ ግዶን ደእያ አቴዳ ጭማቶ፥ ቄሳቶ፥ ትምቢትያ ኦድያዋንቶነ ናቡካዳናጾር የሩሳላመፐ ኦሞዲደ፥ ባብሎነ አፌዳ ሀራ አሳቶ ኡባዉ የሩሳላመፐ የዴዳ ዳብዳቢ ሀዋፐ ካሊደ ጻፈቴዳዋ።
JER 29:2 ሀዌ ሀኔዳዌ፥ ካቲ ዮኣኪን፥ ካታታ አ አታ፥ አ ኦሳንቻቱ፥ ይሁዳነ የሩሳላመ ካፓቱ፥ ኩሽያ ኦሱዋ ሂላንቻቱነ ብራታ ቆጽያዋንቱ የሩሳላመፐ ከስ ስምና።
JER 29:3 ኤርማስ ይሁዳ ካቲ ሰደቅያስ ባብሎነ ካትያ ናቡካዳናጾራዉ ኪትያ ሳፋና ናኣ ኤልኣሳነ ህልቂያ ናኣ ጋማርያ ቦላን ሄ ዳብዳቢያ ኪቴዳ። ዳብዳቢ ሀዋዳን ያጌዳ፤
JER 29:4 “ኡባፐ ዎልቃማ መꬍና ጎዳይ፥ እስራኤልያ ጾሳይ፥ ታን የሩሳላመፐ ባብሎነ ኦሞድሳደ የዴዳ አሳዉ ኡባዉ ሀዋዳን ያጋይ፤
JER 29:5 ጎለቱዋ ኬጺደ፥ ኡንቱንቱን ደእተ። ካꬃ ዘሪደ፥ አይፍያ ሚተ።
JER 29:6 ማጫ አሳ አክተ፤ አኪደ ማጫዋ አቱማዋ የልተ። ህንተ ናናቶካ ማጫ አሳ ጊግሲደ እምተ፤ ህንተ ማጫ ናናቱዋካ አስናዉ እምተ። ኡንቱንቱካ ማጫዋ አቱማዋ የልኖ። ያን ፓይዱዋ ጮራትተ፤ ጉጾፕተ።
JER 29:7 ቃይ ታን ህንተና ኦሞዶ የዴዳ ካታማዉ ሳሩ ደአናዳን ኮይተ። ሄ ካታማዉ መꬍና ጎዳ ዎስተ። አያዉ ጎፐ፥ ‘አዉ ሳሩ ደኦፐ፥ ህንተዉካ ሳሩ ደአና’ ያጋይ።
JER 29:8 “ኡባፐ ዎልቃማ መꬍና ጎዳይ፥ እስራኤልያ ጾሳይ ሀዋዳን ያጌ፤ ‘ህንተ ግዶን ህንተ ትምቢትያ ኦድያዋንቱነ ሻሬቾቱ ኦድያባን ጭመቶፕተ። ኡንቱንቱ አኩመትያ አኩሙዋካ ስሶፕተ።
JER 29:9 አያዉ ጎፐ፥ ኡንቱንቱ ታ ሱንꬃን “ትምቢትያ” ጊደ ዎርዶባ ኦዲኖ፤ ታን ኡንቱንታ ኪታበይከ’ ያጌ መꬍና ጎዳይ።
JER 29:10 “መꬍና ጎዳይ ሀዋዳን ያጌ፤ ‘ባብሎነ ላይꬃይ ላፑን ታሙ ፖለትያ ዎደ፥ ታን ህንተ ድራዉ ያና፤ ታን ህንተና ህንተ ቢታ ዛራደ አሀና ጌዳ ሎኦ ቃላ ፖላና።
JER 29:11 አያዉ ጎፐ፥ ታን ህንተዉ ሀልችያ ሀልቹዋ ታን መꬍና ጎዳይ ኤራይ፤ ሄዌካ፥ ህንተዉ ስንꬃ ህዶታነ ናሸቻ እማና ማላ፥ ሳሮ ሀልቹዋፐ አትና፥ ኢታ ሀልቹዋ ግደና።
JER 29:12 ሄዋፐ ጉይያን፥ ህንተ ታና ጼሳና፤ ታኮ ያናነ ታና ዎሳና፤ ታንካ ህንተዉ ስሳና።
JER 29:13 ህንተ ታና ኮያና፤ ህንተ ታና ህንተ ፖሎ ዎዛናፐ ኮዬዳ ዎደ ደማና።
JER 29:14 ታን ህንተዉ ቤታና። ታን ህንተና ኦሞዱዋፐ ዛራና። ታን ህንተና ላሌዳ ካዉተꬃቱዋ ኡባፐነ ሳኣ ኡባፐ ሺሻና ያጌ መꬍና ጎዳይ። ታን ህንተና ኦሞዶ የዳናፐ ካሰ ህንተ ደኤዳ ሳኣ ጉየ ዛራደ አሀና። ታን መꬍና ጎዳይ ሀዋ ኦዳድ’ ያጌ።”
JER 29:15 ህንተ፥ “መꬍና ጎዳይ ትምቢትያ ኦድያባ ኑዉ ባብሎነን ደንꬄዳ ያጌድታ።
JER 29:16 ሄዋ ድራዉ፥ ዳዊታ ካዉተꬃ አራታን ኡትያ ካትያባ፥ ሀ ካታማን ደእያ አሳ ኡባባነ ህንተናና ኦሞዱዋን ከስቤና ህንተ ዳቦቱዋባ መꬍና ጎዳይ ሀዋዳን ያጌ።
JER 29:17 ኤ፥ ኡባፐ ዎልቃማ መꬍና ጎዳይ ሀዋዳን ያጌ፤ ‘ታን ኡንቱንቱ ቦላ ማሻ፥ ኮሻነ ኢታ ሀርግያ አሀና። ቃይ ታን ኡንቱንታ ማናዉ ጊገና ዎቄዳ ባላስያ ቴራ ማላ ኦꬃና።
JER 29:18 ታን ኡንቱንታ ማሻን፥ ኮሻንነ ኢታ ሀርግያን የደርሳና፤ ታን ኡንቱንቱ ሳኣን ደእያ ካዉተꬃ ኡባዉ ዳጋማ ኦꬃና። ቃይ ታን ኡንቱንታ ከሳደ የዴዳ ቢታ ኡባን ቃንገꬃ፥ ዳጋማ፥ ቦርያነ ሸቃ ኦꬃና።
JER 29:19 አያዉ ጎፐ፥ ትምቢትያ ኦድያ ታ ቆማቱዋ ቦላ ታን ኡንቱንቶ ዛራ ዛራደ ኪቴዳ ታ ቃላ ኡንቱንቱ ስሰናን እጼድኖ ያጌ መꬍና ጎዳይ። ህንተካ ኦሞደት ቤዳዋንቱ ስሰናን እጼድታ ያጌ መꬍና ጎዳይ።
JER 29:20 ታን የሩሳላመፐ ባብሎነ ኦሞድሳደ የዴዳ አሳቶ፥ ህንተ ኡባይካ ታ ቃላ፥ መꬍና ጎዳ ቃላ ስስተ’ ያጌ።
JER 29:21 “ሀናናዋ ጊደ ህንተዉ ታ ሱንꬃን ዎርዶባ ኦድያ ቆላያ ናኣ አካባባነ ማእሴያ ናኣ ጽድቅያባ ኡባፐ ዎልቃማ መꬍና ጎዳይ፥ እስራኤልያ ጾሳይ ሀዋዳን ያጌ፤ ‘ታን ኡንቱንታ ባብሎነ ካትያ ናቡካዳናጾራዉ አꬃደ እማና። ህንተ ጼልሽን፥ እ ኡንቱንታ ዎꬋና።
JER 29:22 ሄዋፐ ጉይያን፥ ይሁዳፐ ኦሞደቲደ፥ ባብሎነ ቤዳ አሳይ እት ኡራ ሸቃናዉ ኮዮፐ፥ “መꬍና ጎዳይ ኔና ባብሎነ ካቲ ታማን ጹጌዳ ጽድቅያዳንነ አካባዳን ኦꬆ” ያጋና።
JER 29:23 አያዉ ጎፐ፥ ኡንቱንቱ እስራኤልያን ሎይꬅ ናጋራ ኦꬄድኖ። ኡንቱንቱ ባረንቱ ሾሮቱዋ ማጫ አሳ ዎሹሜድኖ፤ ያቲደ ታን ኡንቱንታ አዛዛቤና ዎርዶባ ታ ሱንꬃን ሃሳዪኖ። ሄዋ ኤርያዌ ታና፤ ሄዎ ታን ማርካ። ታን መꬍና ጎዳይ ሀዋ ኦዳድ’ ያጌ” ያጌዳ።
JER 29:24 ጾሳይ ነሄላምያ ሻማእያዉ ሀ ኪታ ኪታና ማላ፥ ኤርማሳዉ ኦዴዳ።
JER 29:25 “ኡባፐ ዎልቃማ መꬍና ጎዳይ፥ እስራኤልያ ጾሳይ ሀዋዳን ያጌ፤ ‘ኔን ነ ሱንꬃን ዳብዳቢያ የሩሳላመን ደእያ አሳዉ ኡባዉ፥ ማእሴያ ናኣ ቄስያ ጻፋንያዉነ ሀራ ቄሳቱ ዋ ኡባዉ የዳዳ። ኔን ጻፋንያ ሀዋዳን ያጋዳ፤
JER 29:26 “መꬍና ጎዳ ጎልያን ካፑዋ ግዳና ማላ፥ ኔና መꬍና ጎዳይ ዮዳሄ ድራዉ ቄስያ ኦꬂደ ሱንꬄዳ። ትምቢትያ ኦዴቶ ግያ ጎይያ አሳቱዋ፥ ቃጲያንነ ቶላን ገልሳናዉ በሴ።
JER 29:27 ሄዋ ድራዉ፥ ህንተ ግዶን ትምቢትያ ኦድያ አናቶታፐ ዬዳ ኤርማሳ አያዉ ሄዋዳን ኦꬃበይኪ?”
JER 29:28 ኑን ባብሎነን ደእሺና፥ ኤርማስ ጻፊደ፥ ኑዉ ሀዋዳን ያጊደ ኪቴዳ፤ ያን ህንተ ጋምአና። ጎለቱዋ ኬጺደ፥ ደእተ። ካꬃ ዘሪደ፥ አይፍያ ሚተ’ ያጌዳ።”
JER 29:29 ቄስያ ጻፋኒ ትምቢትያ ኦድያ ኤርማሳዉ ሀ ዳብዳቢያ ናባቤዳ።
JER 29:30 መꬍና ጎዳ ቃላይ ኤርማሳዉ ሀዋዳን ያጊደ ዬዳ፤
JER 29:31 “ኪታ ኦሞዱዋን አሳዉ ኡባዉ ሀዋዳን ያጋደ ኪታ፤ ‘ነሄላምያ ሻማእያባ መꬍና ጎዳይ ሀዋዳን ያጌ፤ “ታን ኪተናን ሻማኢ ህንተዉ፥ ሀናናዋ ጊደ ኦዴዳ ድራዉነ ህንተና ዎርዱዋ አማንꬄዳ ድራዉ፥
JER 29:32 ታን መꬍና ጎዳይ ነሄላምያ ሻማእያነ አ ሶ አሳ ሙራና። ታ ቦላ እ ማካላባ ሃሳዬዳ ድራዉ፥ ሀ አሳ ግዶን አዉ እት ኡራይነ ፓጻ ደኤና። ቃይ እ ባረ ሁጲያንካ ታን ታ አሳዉ ኦꬃና ኬካተꬃ በኤና። ታን መꬍና ጎዳይ ሀዋ ኦዳድ” ያጌ’ ያጋ” ያጌዳ።
JER 30:1 መꬍና ጎዳፐ ኤርማሳዉ ዬዳ ቃላይ ሀዋ።
JER 30:2 መꬍና ጎዳይ እስራኤልያ ጾሳይ ሀዋዳን ያጌ፤ “ኤርማሳ፥ ታን ነዉ ኦዴዳ ቃላ ኡባ ጻꬃ ማጻፋን ጻፋ።
JER 30:3 ታ አሳ እስራኤልያነ ይሁዳ ኦሞዱዋፐ ጉየ ዛራደ እሻልስያ ጋላሳቱ ያና፤ ታን ኡንቱንቱ ማይዛ አዋቶ እሜዳ ቢታዉ ኡንቱንታ ዛራና ያጌ መꬍና ጎዳይ፤ ኡንቱንቱካ ላታናዋንታ። መꬍና ጎዳይ ሀዋ ኦዳይ” ያጌ።
JER 30:4 መꬍና ጎዳይ እስራኤልያ አሳባነ ይሁዳ አሳዋ ኦዴዳ ቃላይ ሀዋ።
JER 30:5 መꬍና ጎዳይ ሀዋዳን ያጌ፤ “ታን አሳይ ያሻዉ ዋስያ ዋሱዋ ስሳድ፤ ዳጋማ ዋሶፐ አትና፥ ሀዌ ሳሮ ዋሶ ግደና።
JER 30:6 አነ ላልእተነ ዎችተ! አቱማ አስ ባንኪደ፥ ናኣ የላናዉ ዳንዳዪ? ያትና፥ አቱማ አሳይ ኡባይ ኦይꬃይ ኦይቄዳ ማጫ አሳዳን፥ ባረ ኩሽያን ባረ ኡሉዋ ኦይቃ ደእሽን ታን በእያዌ አዬ? አሳ ኡባ ሶምኢ አያዉ ቶሱ ጌዴ?
JER 30:7 አየ አና! ሄ ጋላሳይ ኢታ ጋላሳ፤ ሄዋ ማላ ጋላስ ኡባካ ባዋ። ሄ ጋላሳይ ያቆባ ዛረቶ መቶ ዎደ ግዳናዋ። ግዶፐነ ኡንቱንቱ ሄዋፐ አታና” ያጌ።
JER 30:8 ኡባፐ ዎልቃማ መꬍና ጎዳይ ሀዋዳን ያጌ፤ “ሄ ጋላስ ታን ኡንቱንቱ ሞርግያፐ ሞርገ ምꬃ መንꬃና፤ ኡንቱንቱ ቃሸቴዳ ሳንሳላታካ ዱꬃና። ሀዋፐ ስንꬃናዉ አላጋ ቢታ አሳይ ኡንቱንታ አይለየና።
JER 30:9 ሄዋ አጊደ ኡንቱንቱ መꬍና ጎዳዉ፥ ባረንቱ ጾሳዉ፥ ኦꬃና፤ ታን ኡንቱንቶ ደንꬅያ ካትያ ዳዊተዉ ኡንቱንቱ ሞደታና።
JER 30:10 “ሄዋ ድራዉ፥ ታ ቆማቶ፥ ያቆባ ዛረቶ፥ ያዮፕተ! ህንተኖ፥ እስራኤላቶ፥ ዳጋሞፕተ! ህንተ ሃኮ ሳን ደእሺና፥ ታን ህንተና አሻና፤ ህንተ ዛራቱዋካ ኡንቱንቱ ኦሞደቲደ ቢታፐ የድሳና። ያቆባ ዛረꬅ ስሚደ፥ አየንቶ ቦቼናን ሳሮ ደአና፤ ኡንቱንታ አይ አሳይነ ያሽሰና። ታን መꬍና ጎዳይ ሀዋ ኦዳይ።
JER 30:11 ታን ህንተና አሻናዉ ህንተናና ደአይ። ታን መꬍና ጎዳይ ሀዋ ኦዳይ። ታን ህንተና ላሌዳዋ ኡባ ኡባና ꬋይሳና፤ ሽን ህንተና ኡባና ꬋይስከ። ታን ህንተና ልከ ፕርዳን ሙራና፤ ሙሩዋ ባይናን ህንተና ኡባና ጮ የድከ” ያጌ።
JER 30:12 መꬍና ጎዳይ ሀዋዳን ያጌ፤ “ህንተ ደሸꬃይ ፓጸናዋ፤ ህንተ ማዱꬃይካ ኢታ።
JER 30:13 ህንተ የዉዋን ህንተና ማድያዌ ባዋ፤ ህንተ ማዱꬃይካ ꬋሊ ባዋ፤ ህንተዉ ፓጹ ባዋ።
JER 30:14 ህንተ ሲቆቱ ኡባቱ ህንተና ዶጌድኖ፤ ኡንቱንቱ ህንተባ ግድክኖ። ህንተና ሞርክያዳን ሾጫድ፤ መቀꬅ ባይና አሳይ ሙሪያዋዳን ሙራድ። አያዉ ጎፐ፥ ህንተ ባይዙ ዳልጌዳ፤ ህንተ ናጋራይካ ዳሬዳ።
JER 30:15 ሀ ፓጸና ህንተ ደሸꬃዉ አያዉ ዋሲቴ? ህንተ ባይዙ ዳልጊደ ድራዉነ ህንተ ናጋራይ ዳሪደ ድራዉ፥ ሀዋ ህንተ ቦላ ታን ኦꬃይ።
JER 30:16 “ሽን ህንተና ቢታ ከስ ሜዳ ኡባቱ ሜተታና፤ ህንተ ሞርከቱ ኡባቱካ ኦሞዶ ባና። ህንተና ቦንቄዳዋንቱ ቦንቀታና፤ ህንተባ ኦላን አኬዳዋንቱባካ ኦላን አካና።
JER 30:17 ታን ህንተዉ ኬክሳና፤ ህንተ ማዱꬃካ ፓꬃና። አያዉ ጎፐ፥ ኡንቱንቱ ህንተና፥ ‘ሀዋንቱ ኦለቴዳዋንታ፤ ጽዮኖ ጊደ ኮይያዌ ባዋ’ ያጊኖ። ታን መꬍና ጎዳይ ሀዋ ኦዳይ” ያጌ።
JER 30:18 መꬍና ጎዳይ ሀዋዳን ያጌ፤ “ታን ያቆባ ዛራቱዋ ጎልያ ኦሞደቶደፐ ጉየ ዛራደ፥ እሻልሳና፤ ኡንቱንቱ ደእያ ሳአዉካ ቃረታና። የሩሳላመ ካታማይካ ካሰ ባረ ኮለቴድኖ፥ ካትያ ጎሊካ ካሰ ባረ ሳኣን ስሚደ ኬጸታና።
JER 30:19 ያን ደእያ አሳይ ኡባይ ጋላታ ማዝሙርያነ ናሸቻ የꬃ የጻና። ታን ኡንቱንቱ ፓይዱዋ ዳርሳና፤ ኡንቱንቱ ፓይዱ ላኤንꬆ ጉጸና። ታን ኡንቱንቱ ቦንቼቴዳ ደርያ ኦꬃና፤ ኡንቱንቱ ካትክኖ።
JER 30:20 ኡንቱንቱ ዘረꬃይ በን ዎደ ደኡዋዳን ደአና፤ ኡንቱንቱ ማባራይካ ታ ስንꬃን ምን ኤቃና። ኡንቱንታ ኡንኤꬅያዋንታ ኡባካ ታን ሙራና።
JER 30:21 ኡንቱንቱ ካፑ ኡንቱንቱ አሳፐ እቱዋ ግዳናዋ፤ ኡንቱንታ ሞድያዌ ኡንቱንቱ ግዶፐ ከሳና። ታን አ ታ ማታ አሀና፤ እ ታኮ ሺቃና። ታን ሺሸናን ደእሺና፥ ጻሊደ ታኮ ሺቃናዉ ዳንዳይያዌ ኦኔ? ታን መꬍና ጎዳይ ሀዋ ኦዳይ።
JER 30:22 ሄዋ ድራዉ፥ ህንተ ታ አሳ ግዳና፤ ታንካ ህንተ ጾሳ ግዳናዋ” ያጌ።
JER 30:23 በእተ፥ መꬍና ጎዳ ሀንቁ ጎትያዳን ሀኔ፤ እካ ስርመቲደ፥ ኢታቱዋ ሁጲያን ያና።
JER 30:24 መꬍና ጎዳይ ባረ ዎዛና ሀልቹዋ ዉርሲደ ፖላና ጋካናዉ፥ አ ኤጽያ ሀንቁ ጉየ ስመና። ሄዋ ጉየፐ ይያ ዎደቱዋን ህንተ አኬካና።
JER 31:1 መꬍና ጎዳይ ሀዋዳን ያጌ፤ “ሄ ዎደ ታን እስራኤልያ ያራቶ ኡባዉ ጾሳ ግዳና፤ ኡንቱንቱካ ታ አሳ ግዳናዋ” ያጌ።
JER 31:2 መꬍና ጎዳይ ሀዋዳን ያጌ፤ “አዳፐ ፓላሄዳ አሳይ ታፐ አꬎ ኬካተꬃ መላ ቢታን ደሜዳ። እስራኤልያ አሳይ ሸምፕ አካናዉ ኮዬዳ ዎደ፥
JER 31:3 ታን መꬍና ጎዳይ ኡንቱንቶ ሃኮ ሳፐ ሀዋዳን ያጋደ ቆንጫድ፤ ‘እስራኤልያ አሳዉ፥ ታን ህንተና መꬍና ሲቁዋን ሲቃይ፤ ታ አገና ሲቁዋን ታን ህንተና ታኮ ሺሻድ።
JER 31:4 እስራኤልያ አሳዉ፥ ታን ህንተና ዛረꬃደ ኬጻና፤ ህንተካ ኬጸታና። ዛረꬂደካ ካራቡዋ ኦይቂደ፥ ናሸትያዋንቱና የጻናነ ዱራና።
JER 31:5 ህንተ ዛረꬂደካ ሳማርያ ዞዘቱዋ ቦላ ዎይንያ ቱራቱዋ ቶካና፤ ቶኬዳዋንቱ አ ቴራን ናሸታና።
JER 31:6 ኤፍሬማ ገዝያን ናግያዋንቱ፥ “ሃይተ፤ መꬍና ጎዳኮ፥ ኑ ጾሳኮ፥ ፑደ ጽዮነ አነ ቦይተ!” ያጊደ ጼስያ ዎዲ ያና’ ያጋድ” ያጌ።
JER 31:7 መꬍና ጎዳይ ሀዋዳን ያጌ፤ “ያቆባ አሳዉ ናሸቻን የጽተ፤ ካዉተꬃቱዋ ኡባፐ አꬍያ እስራኤልያዉ ሆምቦጭተ። መꬍና ጎዳይ እስራኤልያ አሳፐ አቴዳዋንታ አሼዳ ያጊደ ጋላታ ማዛሙርያ የጽተ።
JER 31:8 በእተ፥ ታን ኡንቱንቱ ሁጲሳ ባጋ ቢታፐ አሀና፤ ሳኣ ጋጻፐካ ታን ኡንቱንታ ሺሻና። ቆቀቱ፥ ዎባቱ፥ ሻሃራ ማጫ አሳቱነ ኦይꬃይ ኦይቄዳ ማጫ አሳቱ ኡንቱንቱና እትፐ ያና፤ ሎይꬅ ዳሮ አሳይ ባረ ቢታ ስማና።
JER 31:9 ታን ኡንቱንታ ዛራደ አህያ ዎደ፥ ኡንቱንቱ ናሸቻ ዳሩዋን ዬኪደነ ዎሲደ ያና። ታን ኡንቱንታ ሻፋ ላንቂያና፥ ኡንቱንታ ꬉበና ስታ ኦግያና ካለꬃና። አያዉ ጎፐ፥ ታን እስራኤልያ አሳዉ አዉዋ፤ ኤፍሬምካ ታዉ ባይራ ናኣ።
JER 31:10 “ህንተኖ፥ ካዉተꬃቶ፥ መꬍና ጎዳ ቃላ ስስተ! ሃኮ ሳን፥ አባ ዶናን ደእያ ቢታቱዋን ሀዋዳን ያጊደ አዋይተ፤ ‘እስራኤላቱዋ ላሌዳዌ እ ኡንቱንታ ሺሻና፤ ቃይ ሄንꬃንቻይ ባረ ዉድያ ዶርሳ ሄምያዋዳን፥ እ ኡንቱንታ ሄማና’ ያግተ።
JER 31:11 አያዉ ጎፐ፥ መꬍና ጎዳይ ያቆባ ዛራቱዋ ዎዜዳ፤ እ ኡንቱንታ ኡንቱንቱፐ ምንያዋንቱፐ ኩሽያፐ አሼዳ።
JER 31:12 ኡንቱንቱ ዪደ ጽዮነ ደርያን ናሸቻዉ የጻና፤ ኡንቱንቱ መꬍና ጎዳይ እምያ ኬካተꬃን፥ ካꬃን፥ ዎይንያ ኤሳን፥ ዛይትያን፥ ዶርሳ ማራቱዋንነ ሚዛ ማራቱዋን ናሸታና። ኡንቱንቱ ሃꬃ ሎይꬅ ኡሼዳ አታክልትያ ሳኣ ማላ ግዳናዋ፤ ኡንቱንቱ ላኤንꬆ ሹልክኖ።
JER 31:13 ሄ ዎደ ጌላዮቱ ናሸቲደ ዱራና፤ ዎዳላቱካ ጭማቱካ ናሸታና። ታን ኡንቱንቱ ዬኩዋ ናሸቻዉ ላማና፤ ታን ኡንቱንታ ምንꬃና፤ ኡንቱንቱ ካዩዋ ድራዉ ታን ኡንቱንታ ናሸቻና።
JER 31:14 ታን ቄሳቶ ዳሮ ቁማ እማና፤ ታ አሳይካ ታ ኬካተꬃን ካላና። ታን መꬍና ጎዳይ ሀዋ ኦዳይ” ያጌ።
JER 31:15 መꬍና ጎዳይ ሀዋዳን ያጌ፤ “ዬኩነ ዝላሳይ ራማ ግያ ካታማን ስሰቴዳ፤ ራሄላ ባረ ናናቶ ዬካዉ፤ ኡንቱንቱ ꬋዬዳ ድራዉ፥ አጋ ጊና፥ አገናን እጻዱ” ያጌ።
JER 31:16 መꬍና ጎዳይ ሀዋዳን ያጌ፤ “ዬክያዋ አጊደ፥ ህንተ አይፍያ አፎꬃ ቁጭተ። አያዉ ጎፐ፥ ህንተ ኦꬄዳ ኦሶ ዎይቱዋ ህንተ አካና፤ ሞርክያ ቢታፐ ህንተ ናናቱካ ስማና። ታን መꬍና ጎዳይ ሀዋ ኦዳይ።
JER 31:17 ህንተ ናናቱ ባረንቱ ቢታ ስማናዉ ደእያ ድራዉ፥ ህንተዉ ስንꬃናዉ ህዶታይ ደኤ። ታን መꬍና ጎዳይ ሀዋ ኦዳይ።
JER 31:18 “ኤፍሬማ ዛረꬅ ካዮቲደ፥ ሀዋዳን ያጊደ ኦድያዋ ቱሙዋፐ ታን ስሳድ፤ ‘ኔን ኑና ዋትቤና ኮሩማዳን ዋꬋዳ፤ ኑንካ አዛዘትቦኮ። ኔን መꬍና ጎዳ ኑ ጾሳ ግድያ ድራዉ፥ አነ ኑና ዛራ፤ ኑን ኔኮ ስማና።
JER 31:19 ኑን ካሰ ኔፐ ዎራ ስሚደ ቤዶ፤ ሽን ሀእ ፓጼዶ። ኔን ኑና ሙራ ስምና ዬላቲደ፥ ኑ ትራ ባቄዶ፤ ኑን ኑ ያላጋተꬃ ላይꬃ ናጋራ ድራዉ፥ ካዉሼዶነ ዬላቴዶ’ ያጌድኖ።
JER 31:20 “ቱሙ ኤፍሬመ ታዉ አልኦ ናኣ ግደኔ? እ ታን ሲቅያ ናኣ ግደኔ? ኤ! ታን ዳሮ ገደ አ ሱንꬃ ደንꬄዳ ዎደ ኡባን፥ አ ሀሳይያዋ አጋበይከ። ሄዋ ድራዉ፥ ታ ዎዛናይ አ ላሞቴ፤ ታን አዉ ሎይꬅ ቃረታይ። ታን መꬍና ጎዳይ ሀዋ ኦዳይ።
JER 31:21 “ኦግያን ማላ ዎꬅተ፤ ማላ ምꬃቱዋካ ኤስተ። ያቲደ ህንተ ቤዳ ኦግያ አኬክተ። እስራኤልያ አሳዉ፥ ስምተ፤ ህንተ ካታማቱዋኮ ስምተ።
JER 31:22 ህንተኖ፥ አማኑ ባይና እስራኤላቶ፥ አዉደ ጋካናዉ ቶይላካታንቴ? መꬍና ጎዳይ ሳኣ ቦላን እት ኦራꬃባ መꬋና፤ ሄዌነ፥ ማጫ አሳይ አቱማ አሳ ዩሹዋን ኤቃና።”
JER 31:23 ኡባፐ ዎልቃማ መꬍና ጎዳይ፥ እስራኤልያ ጾሳይ፥ ሀዋዳን ያጌ፤ “ታን እስራኤልያ አሳ ኦሞዱዋፐ ዛራደ አህያ ዎደ፥ ይሁዳ ቢታንነ አ ካታማቱዋን ኡንቱንቱ ላኤንꬁዋ፥ ‘ኔኖ ጽሎተꬃይ ደእያ ሳአዉ፥ ነኖ ጌሻ ደርያዉ፥ መꬍና ጎዳይ ኔና አንጆ’ ያጋና።
JER 31:24 ይሁዳነ ይሁዳን ደእያ ካታማቱዋን ኡባን አሳይ ደአና፤ ጎሻንቻቱካ ዉድያና ዩይያ ሄንꬃንቻቱካ ያን ደአና።
JER 31:25 ታን ዳቡራንቻቱዋ ዎልቃ ኦራꬃና፤ ቃይ ኮሻቲደ ግልቄዳዋንታካ ካልሳና” ያጌ።
JER 31:26 ሄዋን ቤጎታደ ታ ዩሹዋ ጼላድ፤ ታ ገምእሹካ ታዉ ማልኦ ገምእሹዋ ግዴዳ።
JER 31:27 መꬍና ጎዳይ ሀዋዳን ያጌ፤ “ታን እስራኤልያ ቢታንነ ይሁዳ ቢታን አሳነ መህያ ኩንꬅያ ዎዲ ያና።
JER 31:28 ኡንቱንቱ ꬎቆላናዉ፥ ኮላናዉ፥ አꬃ አꬃ የጋናዉ፥ ꬋይሳናዉነ ባየꬃ አሀናዉ ዶሳደ ናጌዳዋ ኬሻ፥ ኡንቱንታ ዛራደ ግምባናዉነ ቶካናዉ ዶሳደ ናጋና። ታን መꬍና ጎዳይ ሀዋ ኦዳይ።
JER 31:29 “ሄ ዎደ አሳይ፥ ‘አዎቱ ጋምኤ ዎይንያ ቴራ ሚና፥ ናናቱዋ አቻይ ዝልኤዳ’ ያጊደ ሃሳይያዋ አጋና።
JER 31:30 ሽን አሳይ እቱ እቱ ባረ ናጋራን ናጋራን ሀይቃና፤ ጋምኤ ዎይንያ ቴራ ምያ አሳ ኡባዉ አ አቻይ አቻይ ዝልአና” ያጌ።
JER 31:31 መꬍና ጎዳይ ሀዋዳን ያጌ፤ “ታን እስራኤልያ አሳናነ ይሁዳ አሳና ኦራꬃ ጫቁዋ ጫቀትያ ጋላሳቱ ያና።
JER 31:32 ሄ ጫቁ ታን ኡንቱንታ ግብጼፐ ከሳናዉ ኡንቱንቱ ኩሽያ ኦይቄዳ ዎደ፥ ኡንቱንቱ ማይዛ አዎቱዋና ጫቀቴዳ ጫቁዋ ማላ ግደና፤ ታን ኡንቱንቶ አስና ማላ ግዳ ኡትናካ ኡንቱንቱ ታ ጫቁዋ መንꬄድኖ። ታን መꬍና ጎዳይ ሀዋ ኦዳይ።
JER 31:33 ሽን ታን መꬍና ጎዳይ ሄ ጋላሳቱዋፐ ጉይያን እስራኤልያ አሳና ጫቀታና ጫቁ ሀዋ: ታን ታ ህግያ ኡንቱንቱ ግዶን ዎꬃና፤ ቃይ ኡንቱንቱ ዎዛናንካ ጻፋና። ታን ኡንቱንቱ ጾሳ ግዳና፤ ቃይ ኡንቱንቱካ ታ አሳ ግዳና።
JER 31:34 አሳይ ባረ ሾሩዋ ዎይ ባረ እሻ፥ ‘መꬍና ጎዳ ኤራ’ ያጊደ ታማርስያዋ አጋና፤ አያዉ ጎፐ፥ ጉꬃፐ ዶሚደ፥ ዎጋ ጋካናዉ፥ ኡንቱንቱ ኡባይ ታና ኤራና። ታን ኡንቱንቱ ናቁዋ አቶ ጋና፤ ኡንቱንቱ ናጋራካ ላኤንꬆ ሀሳይከ። ታን መꬍና ጎዳይ ሀዋ ኦዳይ” ያጌ።
JER 31:35 መꬍና ጎዳይ፥ አዋ ጋላሳን ፖእሴዳዌ፥ አግናይነ ጾልንተቱ ቃማን ፖአናዳን ህግያ ዎꬄዳዌ፥ አባካ ቃꬂደ፥ ቤታይ ጉማናዳን ኦꬅያዌ፥ ኡባፐ ዎልቃማ መꬍና ጎዳ ጌተትያዌ፥ ሀዋዳን ያጌ፤
JER 31:36 “ሀ ኤቂደ ደእያ መታ ህጊ ታ ስንꬃፐ ክቾፐ፥ ሄ ዎደ እስራኤልያ ዘረꬃቱ ታ ስንꬃን መꬍናዉ ታ አሳ ግዲደ ደእያዌ አታናዋ። መꬍና ጎዳይ ሀዋ ኦዳይ” ያጌ።
JER 31:37 መꬍና ጎዳይ ሀዋዳን ያጌ፤ “ቦላ ሳሎቱ ልከታናዉ፥ ዎይ ጋርሳ ሳኣ ባሱካ ኤረታናዉ ዳንዳዮፐ፥ ሄ ዎደ ታን እስራኤልያ ዘረꬃቱዋ ኡባ፥ ኡንቱንቱ ኦꬄዳ ባይዙዋ ኡባ ድራዉ፥ ታ ስንꬃፐ ድጋና። ታን መꬍና ጎዳይ ሀዋ ኦዳይ” ያጌ።
JER 31:38 መꬍና ጎዳይ ሀዋዳን ያጌ፤ “ሀናንኤላ አዱሳ ግምቢያፐ ዶሚደ፥ ዞዝያ ፐንግያ ጋካናዉ፥ የሩሳላመ ካታማይ ታዉ፥ ጾሳዉ፥ ካታማ ግዲደ፥ ስሚደ ኬጸትያ ጋላሳቱ ያና።
JER 31:39 ሄ ካታማ ዛዋይካ አዋይ ዉልያ ባጋፐ ካል ቢደ፥ ጋሬባ ዞዝያነ ጎአ ዩሹዋ ጋካናዉ አካና።
JER 31:40 አሃ ሞግያነ ብድንꬃ ኦልያ ዛንጋራይነ ቀድሮና ዛንጋራፐ ቆሞና አዋይ ዶልያ ባጋ ባጋና ቢደ፥ ፓራ ፐንግያ ዞዝያ ጋካናዉ ደእያ ጋድያ ኡባይ መꬍና ጎዳዉ ዱማቲደ፥ ጌሻ ግዳናዋ። ሀዋፐ ስንꬃናዉ ካታማይ መꬍናዉ ሾደተናነ ኮለተና” ያጌ።
JER 32:1 ይሁዳ ካቲ ሰደቅያስ ካተቴዳ ታማንꬃ ላይꬃን፥ ባብሎነ ካቲ ናቡካዳናጾር ካተቴዳ ታማነ ሆስፑንꬃ ላይꬃን መꬍና ጎዳፐ ኤርማሳዉ ካላይ ዬዳ።
JER 32:2 ሄ ዎደ ባብሎነ ካትያ ኦላንቻቱ የሩሳላመ ዶዴድኖ፤ ትምቢትያ ኦድያ ኤርማስ ይሁዳ ካትያ ጎልያን ደእያ፥ ናግያዋንቱ ዳባባን ጎርደት ኡቴዳ።
JER 32:3 ይሁዳ ካቲ ሰደቅያስ አ ሄዋን ቃቺደ፥ ሀዋዳን ያጌዳ፤ “ኔን አያዉ ሀዋዳን ያጋደ ትምቢትያ ኦዳይ? መꬍና ጎዳይ ሀዋዳን ያጌ፤ ‘በአ፥ ታን ሀ ካታማ ባብሎነ ካትያ ኩሽያን አꬃደ እማና ሀናይ፤ እምና እ ኦሞዳና።
JER 32:4 ይሁዳ ካቲ ሰደቅያሳዉ ባብሎናቱዋ ኩሽያፐ ከስ አከና፤ እ ቱሙዋፐ ባብሎነ ካትያ ኩሽያን ገላና። እ አ ስንꬃን ኤቂደ፥ አናና ሃሳያና፤ እ አ ባረ አይፍያን በአና።
JER 32:5 ሄዋፐ ጉይያን፥ ናቡካዳናጾር ሰደቅያሳ ባብሎነ አፋና፤ ታን አባ በአና ጋካናዉ፥ እ ያን ደአና። ታን መꬍና ጎዳይ ሀዋ ኦዳይ። ኔን ባብሎነቱዋና ኦለትያዋ ግዶፐ፥ ሄዌ ኔና ከሰና ያጌ’ ያጋዳ” ያጌዳ።
JER 32:6 ኤርማስ፥ “መꬍና ጎዳ ቃላይ ሄ ዎደ ታኮ ሀዋዳን ያጊደ ዬዳ፤
JER 32:7 ‘ነ አዉዋ እሻ ሻሉማ ናአይ፥ ሀናምኤል ኔኮ ዪደ፥ “አናቶታ ካታማን ደእያ ታ ጋድያ ሻማ፤ አያዉ ጎፐ፥ ዎዛናዉ ዳቦታይ ጋꬅያዌ ኔና” ያጋናዋ’ ያጌዳ።
JER 32:8 “መꬍና ጎዳይ ጌዳዋዳን፥ ታ አዉዋ እሻ ናአይ ሀናምኤል ታኮ ናግያዋንቱ ዳባባ ዪደ፥ ‘ቢንያማ ቢታን አናቶታን ደእያ ታ ጋድያ ሻማ፤ ጋድያ ዎዛናዉነ ቡዞታናዉ በስያዌ ኔና’ ያጌዳ። ታን ሄዋን መꬍና ጎዳ ቃላ ግድያዋ ኤራድ።
JER 32:9 ያታደ አናቶታ ካታማን ደእያ ጋድያ ታ አዉዋ እሻ ናኣ ሀናምኤላፐ፤ ሻማደ እ አክያ ጋትያ አዉ ሚዛናን ልካድ፤ ታማነ ላፑን ጻጋራ ብራ ግዴዳ።
JER 32:10 ሻማ ፓራማ ማርካቱ ደእያ ሳን ፓራማደ፥ አሻጋደ ማታፋ አን ዎꬃድ፤ ሚሻካ ሚዛናን ልካደ እማድ።
JER 32:11 “ሄዋፐ ጉይያን፥ ታን አሻገቲደ አታመቴዳ ሻማ ሀኖታ ቆንጭስያ ፓራማነ አታመትቤና ሻማ ሀኖታ ቆንጭስያ ፓራማ አካድ።
JER 32:12 ታ አዉዋ እሻ ናአይ ሀናምኤል፥ ሻማ ፓራማ ፓራሜዳ ማርካቱነ ናግያዋንቱ ዳባባን ኡቴዳ አይሁዳቱ ኡባይ ጼልሽን፥ ሄ ሻማ ፓራማ ማህሴያ ናኣ ናኣ፥ ኔርያ ናኣ ባሮካዉ እማድ።
JER 32:13 ኡንቱንታ ስንꬃን ታን ባሮካ ሀዋዳን ያጋደ አዛዛድ፤
JER 32:14 ‘ኡባፐ ዎልቃማ መꬍና ጎዳይ፥ እስራኤልያ ጾሳይ፥ ሀዋዳን ያጌ፤ “ዳሮ ዎድያ ጋምአና ማላ፥ ሀ ሻማ ሀኖታ ቆንጭስያ አሻገቲደ አታመቴዳ ፓራማነ ሻማ ሀኖታ ቆንጭስያ አታመትቤና ፓራማ አካ አፋደ፥ ኡርቃፐ መቴዳ ኦቱዋን ዎꬃ” ያጌ።
JER 32:15 አያዉ ጎፐ፥ ኡባፐ ዎልቃማ መꬍና ጎዳይ፥ እስራኤልያ ጾሳይ፥ ሀዋዳን ያጌ፤ “ሀ ቢታን አሳይ ዛሪደካ ጎልያ፥ ጋድያነ ዎይንያ ቱራ ቶክያ ሳኣ ሻማና” ያጌ’ ያጋድ” ያጌዳ።
JER 32:16 ታን ኔርያ ናኣ ባሮካዉ ሻማ ፓራማ ዋራቃታ እሜዳዋፐ ጉይያን፥ መꬍና ጎዳ ሀዋዳን ያጋደ ዎሳድ፤
JER 32:17 “አቤት ኡባ ሞድያ መꬍና ጎዳዉ፥ ኔን ሳሎቱዋነ ሳኣ ነ ዎልቃማ ዎልቃንነ ነ ምጨቴዳ ኩሽያን መꬋዳ! ነዉ ዳንዳየተናዌ ኡባካ ባዋ።
JER 32:18 ኔን ሻአቶ አገና ሲቁዋ በሳሳ፤ ሽን አዎቱዋ ባይዙዋ ኡንቱንቱ ናናቱዋ ቦላ ዛራሳ። አቤት ꬎቃነ ዎልቃማ ጾሳዉ፥ ነ ሱንꬃይ ኡባፐ ዎልቃማ መꬍና ጎዳ ጌተቴ።
JER 32:19 ነ ዞሪ ዎልቃማ፤ ነ ኦꬅያ ኦሱካ ዎልቃማ። አሳ ኦግያ ኡባ ኔን በኣሳ፤ አሳዉ ኡባዉካ አ ኦግያዳንነ አ ኦሱዋዳን ዛራሳ።
JER 32:20 “ኔን ግብጼን ማላታነ ኦራꬃባ ኦꬃዳ፤ ሀች ጋካናዉካ ሀ ኦራꬃ ኦሶቱዋ እስራኤልያ አሳ ግዶንነ ሀራ ካዉተꬃቱዋ ኡባ ግዶን ኦꬅያዋ አጋ በይካ። ሄዋፐ ደንዴዳዋን ነ ሱንꬃይ ኡባ ሳን ኤረቴዳ።
JER 32:21 ኔን ነ አሳ እስራኤልያ ግብጼፐ ማላታንነ ኦራꬃባን፥ ነ ምኖ ቀስያንነ ነ የዴዳ ኩሽያን፥ ቃይ ዎልቃማ ዳጋማን ከሳዳ።
JER 32:22 ኡንቱንቱ ማይዛ አዋቶ ኔን እማናዉ ጫቄዳ ቢታ፥ ማꬃይነ ኤሳይ ጎግያ ሀ ቢታ ኡንቱንቶ እማዳ፤
JER 32:23 ኡንቱንቱ ሀ ቢታ ገሊደ ላቴድኖ። ሽን ኡንቱንቱ ነዉ አዛዘትበይክኖ፤ ነ ህግያካ ካልበይክኖ፤ ኡንቱንቱ ኦꬃናዳን ኔን አዛዜዳዋ ኡባካ ኦꬅበይክኖ። ሄዋ ድራዉ፥ ኔን ኡንቱንቱ ቦላ ሀ ባሻ ኡባ አሃዳ።
JER 32:24 “በአ፥ ባብሎነቱ ካታማ ኦይቃናዉ ግምቢያ ዩሹዋን ቢታ ዶሪደ ዶድ ደኢኖ፤ ኦላፐ፥ ኮሻፐነ ኢታ ሀርግያፐ ደንዴዳዋን፥ ካታማይ ኡንቱንቱና ኦለትያ ባብሎናቱዋ ኩሽያን አꬊደ እመት ደኤ። ኔን ሀእ በእያዋዳን፥ ነ ጌዳዌ ኡባይ ፖለቴዳ።
JER 32:25 አቤት ኡባ ሞድያ መꬍና ጎዳዉ፥ ካታማይ ባብሎነቶ እመታናዉ ሀኖደካ፥ ኔን ታና፥ ‘ማርካቱዋ ጼሳደ፥ ሻሉዋን ሀ ጋድያ ሻማ’ ያጋዳ” ያጋደ ዎሳድ።
JER 32:26 ሄዋፐ ጉይያን፥ መꬍና ጎዳ ቃላይ ኤርማሳዉ ሀዋዳን ያጊደ ዬዳ፤
JER 32:27 “ታን መꬍና ጎዳ፥ አሳ ኡባ ጾሳ። ታዉ ዳንዳየተናዌ ደኢ?” ያጌዳ።
JER 32:28 ሄዋ ድራዉ፥ መꬍና ጎዳይ ሀዋዳን ያጌ፤ “ታን ሀ ካታማ ባብሎነቶነ ባብሎነ ካትያ ናቡካዳናጾራዉ አꬃደ እማና፤ ኡንቱንቱ አ ኦይቃና።
JER 32:29 ሀ ካታማ ቦላ ኦላዉ ከሴዳ ባብሎነቱ ዪደ፥ ካታማ ታማን ጹጋና፤ ጎልያ ቦላን ደምባዪደ ኦꬄድኖ ባኣላዉ እጻና ጩዋይሲድነ ሀራ ጾሳቶ ኡሻ ያርሹዋ ጉሲደ፥ ታና ሀንቀꬄዳ አሳቱ ደኤዳ ጎለቱዋካ ጹጋና።
JER 32:30 “እስራኤልያ አሳይነ ይሁዳ አሳይ ባረንቱ ያላጋተꬃፐ ዶሚደ፥ ታ ስንꬃን ኢታባ ኦꬄድኖፐ አትና፥ ሀራባ ኦꬅበይክኖ፤ ኡንቱንቱ ባረንቱ ኩሽያን ኦꬄዳ ኦሱዋን ታና ሀንቀꬄድኖ ያጌ መꬍና ጎዳይ።
JER 32:31 ኬጸቴዳ ዎድያፐ ሀች ጋካናዉ፥ ሀ ካታማ አሳቱ ታና ሀንቀꬄድኖነ ይሎዬድኖ፤ ሄዋ ድራዉ፥ ታን ሀ ካታማ ታ ስንꬃፐ ꬋይሳና።
JER 32:32 እስራኤልያ አሳይነ ይሁዳ አሳይ፥ ኡንቱንቱ ካተቱነ ካፓቱ፥ ኡንቱንቱ ቄሳቱ ነ ትምቢትያ ኦድያዋንቱ ኦꬄዳ ኢታ ኦሱዋ ኡባን ታና ሀንቀꬄድኖ።
JER 32:33 ኡንቱንቱ ባረንቱ ሶምኡዋ አጊደ፥ ባረንቱ ዞክያ ታዉ ዛሬድኖ። ታን ኡንቱንታ ዛራ ዛራደ ታማርስንቶካ፥ ኡንቱንቱ ስስበይክኖነ ሴራካ አክበይክኖ።
JER 32:34 ኡንቱንቱ ሸነይያ ባረንቱ ኤቃቱዋ ታ ሱንꬃን ጼሰቴዳ ጌሻ ጎልያ ግዶን ኤሲደ ቱንሴድኖ።
JER 32:35 ኡንቱንቱ ባረንቱ አቱማ ናናቱዋነ ማጫ ናናቱዋ ሞሎካ ኤቃዉ ያርሻናዉ ህኖማ ዛንጋራን ባኣላዉ ያርሽያ ꬎቃ ሳአቱዋ ጊግሴድኖ። ኡንቱንቱ ሄዋ ኦꬃና ማላ፥ ታን ኡንቱንታ አዛዛበይከ፤ ይሁዳ አሳ ኡንቱንቱ ናጋራ ኦስሳናዉ ሄዋ ማላ ሸነይያዋ ኦꬃናዌ ታ ዎዛናን ኡባካ አꬍቤና” ያጌዳ።
JER 32:36 ህንተ የሩሳላመ አሳይ፥ “ሀ ካታማይ ኦላን፥ ኮሻንነ ኢታ ሀርግያን ባብሎነ ካትያ ኩሽያን አꬊደ እመታና” ያጌዳ ሀ ካታማባ መꬍና ጎዳይ እስራኤልያ ጾሳይ ሀዋዳን ያጌ፤
JER 32:37 “በእተ፥ ታን ታ ሱሎ ሀንቁዋንነ ታ ዎልቃማ ይሉዋን ኡንቱንታ ላሌዳ ቢታ ኡባፐ ሺሻና፤ ሀ ሳኣ ዛራደ አሃደ፥ ኡንቱንቱ ሳሮተꬃን ደአናዳን ኦꬃና።
JER 32:38 ኡንቱንቱ ታ አሳ ግዳና፤ ታንካ ኡንቱንቱ ጾሳ ግዳና።
JER 32:39 ኡንቱንቱ ታዉ መꬍናዉ ያያና ማላ፥ ታን ኡንቱንቶ እት ዎዛናነ እት ኦግያ እማና፤ ሄዌ ኡንቱንቶነ ኡንቱንቱፐ ጉይያን፥ ኡንቱንቱ ናናቶ ሎአ ግዳናዋ።
JER 32:40 ታን ኡንቱንቱና መꬍናዉ ቃላ ጫቁዋ ጫቀታና። ሄ ጫቁዋን ታን ኡንቱንቶ ሎኦባ ኦꬅያዋ አግከ፤ ኡንቱንቱ ታፐ ዎራ ስመና ማላ፥ ታን ኡንቱንቱ ታዉ ያያናዳን ኦꬃና።
JER 32:41 ታን ኡንቱንቶ ሎኦባ ኦꬅያዋዳን ናሸታና፤ ቃይ ታን ታ ኩመንꬃ ዎዛናፐነ ታ ኩመንꬃ ሸምፑዋፐ ሀ ቢታን ኡንቱንታ ቱሙዋፐ ቶካና” ያጌ።
JER 32:42 ቃይካ መꬍና ጎዳይ ሀዋዳን ያጌ፤ “ታን ሀ አሳ ቦላ ሀ ኢታ ባየꬃ ኡባ አሄዳዋዳን፥ ሄዋዳንካ ታን ኡንቱንቶ እማና ጌዳ ሎኦባ ኡባ እማና።
JER 32:43 ህንተ፥ ‘ሀ ቢታይ አሳይካ መሂካ ደኤና፥ አይነ ባይና ቢታ ግዳናዋ፤ እ ባብሎነቶ እመት ክቼዳ’ ያጌዳ ቢታን አሳይ ዛረꬂደ፥ ጋድያ ሻማና።
JER 32:44 አሳይ ጋድያ ሻሉዋን ሻማና፤ ማርካ ስንꬃን ፓራማ ፓራሚደ፥ ማታፋ ዎꬃና። ሀዌ ኡባይ ቢንያማ ቢታን፥ የሩሳላመ ዩሹዋን ደእያ ሄራቱዋን፥ ይሁዳ ካታማቱዋን፥ ገዝያን ደእያ ካታማቱዋን፥ ዞዝያፐ ጋርሳና ደእያ ካታማቱዋንነ ኔጌባ መላ ቢታ ካታማቱዋ ኡባን ሀናና። አያዉ ጎፐ፥ ታን ኡንቱንቱ ዛራደ እሻልሳና። መꬍና ጎዳይ ሀዋ ኦዳይ” ያጌ።
JER 33:1 ኤርማስ ብሮ ናግያዋንቱ ዳባባን ደእሺና፥ መꬍና ጎዳ ቃላይ ላኤንꬁዋካ ዬዳ።
JER 33:2 ሳኣ መꬌዳ መꬍና ጎዳይ፥ ጊግሲደ አ ሳኣን ዎꬄዳ መꬍና ጎዳይ፥ አ ሱንꬃይካ መꬍና ጎዳ ጌተትያዌ ታና ሀዋዳን ያጌ፤
JER 33:3 “ኔን ታና ጼሳ፤ ታን ነዉ ኮያና፤ ኔን ኤረና ዎጋባነ ዎልቃማባ ታን ነዉ ኦዳና።
JER 33:4 ባብሎናቱዋ ቢታ ዶሪታ፥ ዶደꬃነ ማሻ ድጋና ማላ፥ ድርሳ ግምቢያ ምንሳናዉ ኮሌዳ ሀ ካታማ ጎለቱዋባነ ይሁዳ ካተቱዋ ጎለቱዋባ ታን መꬍና ጎዳይ፥ እስራኤልያ ጾሳይ ኦዳይ።
JER 33:5 ህንተናና ኦለታናዉነ ታን ታ ሀንቁዋንነ ይሉዋን ሾጫና አሳቱዋ አሃ ሄ ሳአቱዋን ኩንꬃናዉ ባብሎነቱ ገሊኖ። አያዉ ጎፐ፥ ኡንቱንቱ ኢታተꬃ ኡባ ድራዉ፥ ታን ሀ ካታማፐ ታ ሶምኡዋ ገንꬃድ።
JER 33:6 “ግዶፐነ፥ ታን ሀ ካታማነ አን ደእያ አሳ ዛራደ ፓꬃና፤ ኡንቱንቱ ፓጻተꬃካ ዛራና፤ ሎይꬅ ዳሮ ሳሩዋነ ዎፓ ደኡዋ ታን ኡንቱንቶ እማና።
JER 33:7 ይሁዳ አሳነ እስራኤልያ አሳ ኦሞዱዋፐ ዛራደ እሻልሳና፤ ኡንቱንቱ ካሰ ደኤዳዋዳን ኦꬃደ ታን ኡንቱንታ ግምባና።
JER 33:8 ኡንቱንቱ ታና ናቄዳ ናጋራ ኡባፐ ታን ኡንቱንታ ጌሻና፤ ጌሻደ ኡንቱንቱ ታና ናቄዳ ናቁዋነ ማካሌዳ ማካላ ኡባ አቶ ያጋና።
JER 33:9 ሄዋፐ ጉይያን፥ የሩሳላመ ካታማይ ታዉ ናሸቻ፥ ቦንቹዋነ ጋላታ ሳኣን ደእያ ካዉተꬃቱዋ ኡባ ስንꬃን አሀና። ታን የሩሳላመ አሳዉ ኦꬅያ ሎኦባነ ሄ ካታማዉ አህያ ዱረተꬃነ ሳሮተꬃ ስሲደ፥ ካዉተꬃቱ ኡባይ ያሻን ኮኮራና” ያጌ።
JER 33:10 መꬍና ጎዳይ ሀዋዳን ያጌ፤ “ህንተ፥ ‘አሳይነ መሂ ባይና መላ ቢታ’ ጌዳ ሀ ሳአቱዋን፥ አሳይነ መሂ ባይና ይሁዳ ካታማቱዋንነ የሩሳላመ ኦገቱዋን፥ ናሸቻነ እልልሳ ኮሻይ፥
JER 33:11 ቡላችያዋነ ቡላቼትያን ኮሻይነ መꬍና ጎዳ ጌሻ ጎልያ ጋላታ ያርሹዋ አሂደ፥ ሀዋዳን ያጊደ የጽያ አሳ ኮሻይ ስሰታና። “ኡባፐ ዎልቃማ መꬍና ጎዳ ጋላትተ፤ አያዉ ጎፐ፥ እ ኬካ። አገና አ ሲቁ መꬍናዋ” ያጊኖ። አያዉ ጎፐ፥ “ታን ኡንቱንታ ኦሞዱዋፐ ዛራደ ኡንቱንቱ ቢታ አሀና፤ ኡንቱንታ ካሰ ደኤዳዋዳን ኦꬃደ፥ ታን እሻልሳደ ዎꬃና” ያጌ መꬍና ጎዳይ።
JER 33:12 ኡባፐ ዎልቃማ መꬍና ጎዳይ ሀዋዳን ያጌ፤ “ሀ አሳይነ መሂ ባይና አይነ ባይና ቢታንነ አን ደእያ ካታማቱዋን ሄንꬃንቻቱ ባረንቱ ዶርሳ ዉድያ አላጽስያ ጋዲ ደአና።
JER 33:13 ገዝያን ደእያ ካታማቱዋን፥ ዞዝያፐ ጋርሳና ደእያ ካታማቱዋን፥ ኔጌባ መላ ቢታን ደእያ ካታማቱዋን፥ ቢንያማ ቢታን፥ የሩሳላመ ዩሹዋን ደእያ ሄራቱዋንነ ይሁዳ ካታማቱዋን ሄንꬃንቻቱ ባረንቱ ዶርሳ ዛረꬂደ ፓይዱዋን። ታን መꬍና ጎዳይ ሀዋ ኦዳይ” ያጌ።
JER 33:14 መꬍና ጎዳይ ሀዋዳን ያጌ፤ “ታን እስራኤልያ አሳዉነ ይሁዳ አሳዉ ኦꬃና ጌዳ ሎኦ ቃላ ፖልያ ጋላሳቱ ያና፤
JER 33:15 ሄ ጋላሳትዋንነ ሄ ዎደቱዋን ታን ዳዊታ ዛርያፐ እት ጽሎ አጫ ደንꬃና፤ እ ሄ ቢታን ሱረ ፕርዳነ ጽሎተꬃ ኦꬃና።
JER 33:16 ሄ ዎደ ይሁዳ አሳይ አታና፤ የሩሳላመ አሳይካ ዎፑ ጊደ ደአና፤ ሀ ካታማይካ መꬍና ጎዳ፥ ኑ ጽሎተꬃ ያገት ጼሰታና።
JER 33:17 ዳዊታ ዘረꬃፐ እስራኤልያ ካዉተꬃ አራታን ኡትያ አሳይ ኡባካ ꬋየና።
JER 33:18 ሄዋዳንካ፥ ጹግያ ያርሹዋ፥ ካꬃ ያርሾነ ሀራ ያርሹዋ ኡባ ገደ ያርሻናዉ ሌዊያ ዛርያፐ ቄስያ ግድያ አሳይ መꬍናዉካ ታ ስንꬃን ꬋየና። ታን መꬍና ጎዳይ ሀዋ ኦዳይ” ያጌ።
JER 33:19 መꬍና ጎዳ ቃላይ ኤርማሳኮ ዬዳ።
JER 33:20 መꬍና ጎዳይ ሀዋዳን ያጌ፤ “ታን ጋላሳናነ ቃማና ቃላ ጫቁዋ ጫቀታድ፤ ሄ ጫቁዋን ኡንቱንቱ ባረንቶ ኬረቴዳ ዎድያን ስመረቴድኖ። ሄ ጋላሳነ ቃማ ጫቁዋ ህንተ ላማናዉ ዳንዳዮፐ፥
JER 33:21 ታን አ ዛርያፐ ካዉተꬃ አራታን ኡታና አሳይ ኡባካ ꬋየናዳን፥ ታ ቆማ ዳዊተና ጫቀቴዳ ጫቁዋ ላማና፤ ቃይ ኡባቶ ታዉ ኦꬅያ፥ ሌዊያ ዛረ ግድያ ቄሳቱ ዋና ጫቀቴዳ ጫቁዋካ ላማና።
JER 33:22 ታን ታ ቆማ ዳዊታ ዘረꬃቱዋነ ታ ስንꬃን ኦꬅያ ሌዊያ ዛረ ቄሳቱ ዋ ፓይዳናዉ ዳንዳየተና ሳሉዋ ጾልንተቱዋዳንነ ማክና ዉረና አባ ሻፍያዳን ጮራያና” ያጌ።
JER 33:23 መꬍና ጎዳ ቃላይ ቃይካ ኤርማሳኮ ሀዋዳን ያጊደ ዬዳ፤
JER 33:24 “ሀ አሳይ፥ ‘መꬍና ጎዳይ ባረ ዶሬዳ ላኡ ካዉተꬃቱዋ፥ እስራኤልያነ ይሁዳ አግ ባሼዳ’ ያጊደ ሃሳይያዋ ኔን አኬካበይኪ? ኡንቱንቱ ታ አሳ ካꬊደ፥ ባረና ዳንዳዬዳ ካዉተꬃ ከስክኖ ጊደ ቆፒኖ።
JER 33:25 ታን መꬍና ጎዳይ ጋላሳናነ ቃማና ጫቀቴዳ ጫቁዋነ ሳሉዋነ ሳኣ ህግያ ምንꬃቤናባ ግድንቶ፥
JER 33:26 ታን ያቆባ ዘረꬃቱዋነ ታ ቆማ ዳዊታ ዘረꬃቱዋ አጋ ባሻና፤ ያታቤናዋ ግድንቶ፥ አብራሃማ፥ ይሳቃነ ያቆባ ዛራቱዋ ቦላ ካተያናዉ ዳዊታ ዘረꬃ ዶረናን አጋና። ታን ታ አሳ ማራና፤ ታን ኡንቱንታ ዛራደ እሻልሳና” ያጌዳ።
JER 34:1 ባብሎነ ካቲ ናቡካዳናጾር፥ አ ኦላንቻቱ ኡባይነ እ ሞድያ ካዉተꬃቱዋን አሳይ ኡባይ፥ የሩሳላመነ የሩሳላመ ዩሹዋን ደእያ ካታማቱዋ ኡባ ኦልያ ዎደ፥ ሀ ቃላይ መꬍና ጎዳፐ ኤርማሳዉ ዬዳ፤
JER 34:2 መꬍና ጎዳይ እስራኤልያ ጾሳይ ሀዋዳን ያጌዳ፤ “ባ፤ ባደ ይሁዳ ካትያ ሰደቅያሳ ሀዋዳን ያጋ፤ መꬍና ጎዳይ ሀዋዳን ያጌ፤ ‘በአ፥ ታን ሀ ካታማ ባብሎነ ካትያ ኩሽያን አꬃደ እማና፤ እ ሀ ካታማ ታማን ጹጋና።
JER 34:3 ኔን አ ኩሽያፐ ከሳ አካካ፤ ኔን ኦሞደታናነ አዉ አꬋ እመታና። ኔን ነ አይፍያን ባብሎነ ካትያ በአና፤ እካ ኔናና ሃሳያና። ሄዋፐ ጉይያን፥ ኔን ባብሎነ ቢታ ባና ያጌ።
JER 34:4 “ ‘ግዶፐነ፥ ይሁዳ ካትያዉ ሰደቅያሳ፥ መꬍና ጎዳይ ግያዋ ስሳ! ነዋ መꬍና ጎዳይ ሀዋዳን ያጌ፤ “ኔን ኦላን ሀይቃካ፤
JER 34:5 ኔን ሳሮ ሀይቁዋ ሀይቃና። ኔፐ ካሰ ደኤዳ ካተቱዋ ቦንቾ፥ ነ ማይዛ አዋቶ እጻና ጩዋዬዳዋዳን፥ አሳይ ነ ቦንቾካ እጻና ጩውሳና። ያቲደ፥ አዬ ኑ ካትያዉ ያጊደ ነዉ ዬካና። ታን መꬍና ጎዳይ ሀዋ ኦዳይ” ያጌ’ ያጋደ ኦዳ” ያጌዳ።
JER 34:6 ሄዋፐ ጉይያን፥ ትምቢትያ ኦድያ ኤርማስ ሀ ትምቢትያ ኡባ ይሁዳ ካትያ ሰደቅያሳዉ የሩሳላመን ኦዴዳ።
JER 34:7 ሄ ዎደ ባብሎነ ካትያ ኦላንቻቱ የሩሳላመ ካታማነ ይሁዳን አቴዳ ካታማቱዋ ኦሌድኖ። ላክሻነ አዜቃ ጌተትያ ካታማቱዋ ጻላላይ ይሁዳን አቴዳ ግምበቴዳ ካታማቱዋ።
JER 34:8 ካቲ ሰደቅያስ አይለቱዋ አይለተꬃፐ ከስያ አዋዩዋ አዋያናዉ የሩሳላመን አሳ ኡባና ቃላ ጫቁዋ ጫቀቴዳዋፐ ጉይያን፥ ኤርማሳዉ መꬍና ጎዳፐ ቃላይ ዬዳ። ሄ አዋዩ፥
JER 34:9 “አሳይ ኡባይ ባረ እብራዌ አቱማ አሳቱዋነ ማጫ አሳቱዋ አይለተꬃፐ ከሶ፤ ኦንነ አይሁዳ አሳ ግዴዳ ባረ እሻ አይለ ኦꬆፖ” ያጌ።
JER 34:10 ሄዋ ድራዉ፥ አሳይ ኡባይነ ካፓቱ ኡባይ ጫቀቴዳ ጫቁዋዳን፥ ባረንቱ አቱማነ ማጫ አይለቱዋ አይለተꬃፐ ከሳናዉነ ላኤንꬆ ዛሪደ አይለየናን አጋናዉ ማዬድኖ፤ ኡንቱንታ አይለተꬃፐ ከሴድኖ።
JER 34:11 ሽን ባረንቱ ቆፋ ላሚደ፥ አይለተꬃፐ ከሴዳ ባረንቱ አቱማነ ማጫ አይለቱዋ ዛሪደ አይለዬድኖ።
JER 34:12 ሄዋፐ ጉይያን፥ መꬍና ጎዳ ቃላይ ኤርማሳኮ ዬዳ።
JER 34:13 መꬍና ጎዳይ እስራኤልያ ጾሳይ ሀዋዳን ያጌ፤ “ታን ህንተ ማይዛ አዎቱዋ ግብጼፐ፥ አይለተꬃ ቢታፐ ከሴዳ ዎደ፥ ኡንቱንቱና ቃላ ጫቁዋ ጫቃ ኡታድ።
JER 34:14 ሄ ቃላ ጫቁዋ ማራን፥ ‘እብራዌ አይሊ ደእያ አሳይ ኡባይ፥ አይለቱዋ ኡሱፑን ላይꬃ ኦስስ ስሚደ፥ ላፑንꬃ ላይꬅ አይለተꬃፐ ከስ የድተ’ ያጋደ አዛዛድ። ሽን ህንተ ማይዛ አዎቱ ታን ኦድያዋ ስሰናን እጼድኖ ታዉ አዛዘትበይክኖ።
JER 34:15 ህንተካ ማታ ዎድያፐ ካሰ ህንተ ናጋራ አጊደ፥ አይለቱዋ አይለተꬃፐ ከሳናዉ አዋዬድታ፤ ታ ስንꬃን ልከባ ኦꬄድታ። ቃይ ሄዋ ኦꬃናዉ ታ ስንꬃን፥ ታ ሱንꬃይ ጼሰትያ ታ ጌሻ ጎልያን ጫቁዋ ጫቀቴድታ።
JER 34:16 ሽን ሀእካ ህንተ ህንተ ቆፋ ላሚደ፥ ታ ሱንꬃ ቱንሴድታ። ዎቲደ ጎፐ፥ ኡንቱንቱ ኮዬዳዋዳን፥ አይለተꬃፐ ከሴዳ ህንተ አቱማነ ማጫ አይለቱዋ ዛሪደ አይለዬድታ።
JER 34:17 “ሄዋ ድራዉ፥ ታን መꬍና ጎዳይ ኦድያዌ ሀዋ: ህንተ ታዉ አዛዘተናን እጺደ፥ ህንተ እሻ ዎይ ህንተ ሾሩዋ አይለተꬃፐ ከስያ አዋዩዋ አዋይበይክታ። በእተ፥ ህንተ ቦላ ኦላይ ኢታ ሀርጊነ ኮሻይ ከሳና ማላ፥ ታን አዋያይ። ታን ህንተና ሳኣ ቦላ ደእያ ካዉተꬃቶ ዳጋማ ኦꬃና።
JER 34:18 ታ ቃላ ጫቁዋ መንꬄዳ አሳ፥ ታ ስንꬃን ቃላ ጫቀቴዳ ጫቁዋ ቃላቱዋ ናገናን እጼዳ አሳ፥ ኡንቱንቱ ጫቆ ሹኪደ፥ ባጋ ባጋ ከስ ማራን ዎꬂደ፥ ላኡ ባጋፐ ግዱዋና አꬊደ፥ ሄ ማራዳን ታን ኡንቱንታ ኦꬃና።
JER 34:19 ሄ አሳቱካ ይሁዳ ካፓቱዋ፥ የሩሳላመ ካፓቱዋ፥ ቢታ ሞድያዋንታ፥ ቄሳቱ ዋነ ማራን ዎꬄዳ ማራ አሹዋ ግዱዋና መንꬄዳ አሳ ኡባ።
JER 34:20 ታን ኡንቱንታ ኡንቱንቱ ሞርከቱዋ ኩሽያንነ ኡንቱንታ ዎꬋናዉ ኮይያ አሳቱዋ ኩሽያን አꬃደ እማና፤ ኡንቱንቱ አሃይ ሳሉዋ ካፎቶነ ሳኣ ዶአቶ ቁማ ግዳናዋ።
JER 34:21 “ታን ይሁዳ ካትያ ሰደቅያሳነ አ ካፓቱዋካ ኡንቱንቱ ሞርከቱዋ ኩሽያን፥ ኡንቱንታ ዎꬋናዉ ኮይያዋንቱ ኩሽያንነ ህንተና ኦልያዋ አጌዳ ባብሎነ ካትያ ኦላንቻቱዋ ኩሽያን አꬃደ እማና።
JER 34:22 ታን መꬍና ጎዳይ ባብሎነ ኦላንቻቱዋ አዛዛና፤ ኡንቱንቱ ሀ ካታማ ስማና። ኡንቱንቱ ሀ ካታማ ኦላና፥ ኦሞዳናነ ታማን ጹጋና። ይሁዳን ደእያ ካታማቱዋካ አሳይ ደኤና አይነ ባይና ሳኣ ኦꬃና” ያጌ።
JER 35:1 እዮስያሳ ናኣ ይሁዳ ካትያ እዮአቄማ ላይꬃን፥ ኤርማሳዉ መꬍና ጎዳፐ ቃላይ ሀዋዳን ያጊደ ዬዳ፤
JER 35:2 “ረካባ ያራ ግድያ አሳኮ ባደ፥ ኡንቱንቱና ሃሳያ። ጌሻ ጎልያ ክፍለቱዋፐ እቱዋ ግዶ ገልሳደ ዎይንያ ኤሳ ኡንቱንቶ እማ” ያጌዳ።
JER 35:3 ባደ፥ ሀባዲንያ ናኣ ናኣ፥ ኤርማሳ ናኣ ያአዛንያ፥ አ እሻቱዋነ አ አቱማ ናናቱዋ ኡባ፥ ሄዋ ግያዌ ረካባ ያራ ሙልያ አካደ፥
JER 35:4 መꬍና ጎዳ ጎልያ አሃድ። ይግዳልያ ናኣ፥ ትምቢትያ ኦድያ ሀናና ኤርስያ ቆማቱዋ ክፍልያ ኡንቱንታ ገልሳድ። ሄ ክፍሊ ፐንግያ ናግያ ሻሉማ ናኣ ማእሴያ ክፍልያፐ ቦላ ባጋና፥ ካፖቱዋ ክፍልያ ማታን ደኤ።
JER 35:5 ሄዋፐ ጉይያን፥ ታን ረካባ ያራቱዋ ስንꬃን ዎይንያ ኤሳይ ኩሜዳ ጹጋቱዋነ ጹአቱዋ ዎꬃደ፥ “ዎይንያ ኤሳ ኡሽተ” ያጋድ።
JER 35:6 ሽን ኡንቱንቱ ዛሪደ፥ “ኑን ዎይንያ ኤሳ ኡሾኮ፤ አያዉ ጎፐ፥ ኑ ማይዛ አዉዋ ረካባ ናአይ ዮናዳብ ኑና፥ ‘ህንተካ ህንተ ናናቱካ ዎይንያ ኤሳ መꬍናዉ ኡሾፕተ።
JER 35:7 ቃይ ጎልያ ኬጾፕተ፤ ዘረꬃ ዘሮፕተ፤ ዎይንያ ቱራካ ቶኮፕተ። ሄዋ አጊደ፥ ዱንካነ ግዶን ደእተ። ያቶፐ ህንተ አዱሳ ላይꬃ ሀ ቢታን ደአና’ ያጌዳ።
JER 35:8 ኑ ማይዛ አዉዋ ረካባ ናአይ ዮናዳብ ኑና አዛዜዳ ኡባዉ ኑን አዛዘቴዶ። ኑን፥ ዎይ ኑ ማጫ አሳቱ፥ ዎይ ኑ አቱማ ናናቱ፥ ዎይ ኑ ማጫ ናናቱ ኑ ደኡዋ ላይꬃ ኡባን ዎይንያ ኤሳ ኡሽበይኮ፤
JER 35:9 ደእያ ጎልያካ ኬጽበይኮ፤ ዎይንያ ቱራ ሳአይ፥ ዎይ ጎሻይ፥ ዎይ ዘረꬃይካ ኑዉ ባዋ።
JER 35:10 ኑን ዱንካነ ግዶን ደኤዶ፤ ኑ ማይዛ አዉ ዮናዳብ አዛዜዳ ኡባዉካ አዛዘቴዶ።
JER 35:11 ሽን ባብሎነ ካቲ ናቡካዳናጾር ኑ ቢታ ቦላ ዎራጄዳ ዎደ፥ ‘ባብሎነቱዋነ ሶረቱዋ ኦላንቻቱዋፐ አታናዉ፥ ሃ የሩሳላመ አነ ቦይተ’ ያጌዳ። ሀእ ኑን የሩሳላመን ደእያዌ ሄዋሳ” ያጌድኖ።
JER 35:12 ሄዋፐ ጉይያን፥ መꬍና ጎዳ ቃላይ ኤርማሳዉ ዬዳ።
JER 35:13 ኡባፐ ዎልቃማ መꬍና ጎዳይ፥ እስራኤልያ ጾሳይ ሀዋዳን ያጌ፤ “ባ፤ ባደ ይሁዳ አሳነ የሩሳላመ አሳ ሀዋዳን ያጋ፤ ‘ታ ቃላ ስስያዋነ ታን ታማርሴዳዎ አዛዘትያዋ አያዉ እጼድቴ? ታን መꬍና ጎዳይ ሀዋ ኦዳይ።
JER 35:14 ረካባ ናአይ ዮናዳብ ባረ አቱማ ናናቱዋ ዎይንያ ኤሳ ኡሸናዳን አዛዜዳ አዛዙዋ ኡንቱንቱ ናጌድኖ፤ ኡንቱንቱ ባረንቱ ማይዛ አዉዋ አዛዞ አዛዘቴዳ ድራዉ፥ ሀች ጋካናዉ ዎይንያ ኤሳ ኡሾኮ። ህንተዉ ዛራ ዛራደ ኦዳይ፤ ሽን ህንተ ታን ኦድያዋ ስስበይክታ።
JER 35:15 ቃይ ታን ዛራ ዛራደ ትምቢትያ ኦድያ ታ ቆማቱዋ ኡባ ህንተኮ የዳድ፤ ኡንቱንቱ፥ “ህንተ ኡባይካ ህንተ ኢታ ኦግያፐ ሀእ ስምተ፤ ህንተ ኦሱዋካ ሎይꬅተ፤ ሀራ ጾሳቶ ጎይኖፕተነ ኦꬆፕተ። ያቶፐ፥ ታን ጾሳይ ህንተዉነ ህንተ ማይዛ አዋቶ እሜዳ ቢታን ህንተ ደአና” ያጌድኖ። ሽን ህንተ ታን ኦድያዋ ስሳናዉ ህንተ ሀይꬃ ታኮ የግክታ።
JER 35:16 ረካባ ናኣ ዮናዳባ ዘረꬃቱ ኡንቱንቱ ማይዛ አዉ ኡንቱንታ አዛዜዳ አዛዙዋ ፖሌድኖ፤ ሽን ሀ አሳይ ታዉ አዛዘትቤና’ ያጋ” ያጌ።
JER 35:17 ሄዋ ድራዉ፥ መꬍና ጎዳይ ጾሳይ፥ ኡባፐ ዎልቃማይ፥ እስራኤልያ ጾሳይ ሀዋዳን ያጌ፤ “ስስተ፥ ታን ይሁዳ አሳ ቦላነ የሩሳላመን ደእያዋንቱ ቦላ አሀና ጌዳ ኢታባ አሀና። አያዉ ጎፐ፥ ታን ኡንቱንቶ ኦዳድ፤ ኡንቱንቱ ስሰናን እጼድኖ። ታን ኡንቱንታ ጼሳድ፤ ጼስና ኡንቱንቱ ኮየናን እጼድኖ” ያጌ።
JER 35:18 ሄዋፐ ጉይያን፥ ኤርማስ ረካባ ያራቱዋ ሀዋዳን ያጌዳ፤ “ኡባፐ ዎልቃማ መꬍና ጎዳይ፥ እስራኤልያ ጾሳይ ህንተና ሀዋዳን ያጌ፤ ‘ህንተ ህንተ ማይዛ አዉዋ ዮናዳባዉ አዛዘቴዳ ድራዉ፥ አ ዎጋ ካሌዳ ድራዉነ እ አዛዜዳዋ ኡባካ ፖሌዳ ድራዉ፥
JER 35:19 ረካባ ናአይ ዮናዳብ ታዉ ኡባፐ ዎልቃማ መꬍና ጎዳዉ እስራኤልያ ጾሳዉ ኦꬅያ አቱማ አሳ አዉደነ ꬋየና’ ያጌ” ያጌዳ።
JER 36:1 እዮስያሳ ናአይ ይሁዳ ካቲ እዮአቄም ካተቴዳ ኦይደንꬆ ላይꬃን፥ መꬍና ጎዳይ ኤርማሳ ሀዋዳን ያጌዳ፤
JER 36:2 “እት ጻꬃ ማጻፋ አካደ፥ ታን እዮስያሳ ዎድያን ኮይሮ ነዉ ኦዴዳ ጋላሳፐ ዶማደ፥ ሀች ጋካናዉ እስራኤልያ ቦላ፥ ይሁዳ ቦላነ ሀራ ካዉተꬃቱዋ ኡባ ቦላ ሃሳዬዳ ቃላ ኡባ ጻፋ።
JER 36:3 ታን ይሁዳ አሳ ቦላ አሀና ጋደ ሀልቼዳ ቦሻ ኡባ ስሲደ፥ ኦን ኤሪ፥ ኡንቱንቱ ባረንቱ ኢታ ኦሱዋፐ ስማነንቶነ። ታን ኡንቱንቱ ናቁዋነ ኡንቱንቱ ናጋራ አቶ ጋና” ያጌዳ።
JER 36:4 ሄዋ ድራዉ፥ ኤርማስ ኔርያ ናኣ ባሮካ ጼሴዳ፤ መꬍና ጎዳይ አዉ ኦዴዳባ ኡባ ባሮካዉ ኦድና፥ እ ጻꬃ ማጻፋን ጻፌዳ።
JER 36:5 ሄዋፐ ጉይያን፥ ኤርማስ ባሮካ፥ “ታን ቃሾ ጎልያን ደእያ ድራዉ፥ መꬍና ጎዳ ጌሻ ጎልያ ገላናዉ ዳንዳይከ።
JER 36:6 ሄዋ ድራዉ፥ ኔን አሳይ ጾምያ ጋላስ መꬍና ጎዳ ጎልያ ባደ፥ ታን ኦድና፥ ኔን ጻꬃ ማጻፋን ጻፌዳ መꬍና ጎዳ ቃላ ኡንቱንቶ ናባባ፤ ባረንቱ ካታማቱዋፐ ዬዳ ይሁዳ አሳዉ ኡባዉካ ናባባ።
JER 36:7 ሀ አሳ ቦላ መꬍና ጎዳይ አዋዬዳ ሀንቁነ ይሉ ኢታ ግድያ ድራዉ፥ ኦን ኤሪ፥ ኡንቱንቱ ባረንቱ ኢታ ኦሱዋፐ ስሚደ፥ መꬍና ጎዳ ዎሳነንቶነ” ያጌዳ።
JER 36:8 ኔርያ ናአይ ባሩክ ትምቢትያ ኦድያ ኤርማስ አዛዜዳዋዳን፥ መꬍና ጎዳ ጎልያን መꬍና ጎዳ ቃላ ኡባ ናባቤዳ።
JER 36:9 እዮስያሳ ናአይ ይሁዳ ካቲ እዮአቄም ካተቴዳ እቼሸንꬆ ላይꬃን፥ ኡዱፑንꬃ አግናን፥ የሩሳላመን ደእያ አሳዉነ ይሁዳ ካታማቱዋፐ ዬዳ አሳዉ ኡባዉ መꬍና ጎዳ ስንꬃን ጾማናዳን አዋዬድኖ።
JER 36:10 ባሩክ መꬍና ጎዳ ጌሻ ጎልያን፥ ቆሞ ባጋ ዳባባን፥ ኦራꬃ ፐንግያ ግያ ሳን ደእያ፥ ጻፍያ ሳፋና ናኣ፥ ጋማርያ ክፍልያን ኤቂደ፥ ኤርማሳ ቃላይ ጻፈቲደ ጻꬃ ማጻፋ አሳዉ ኡባዉ ናባቤዳ።
JER 36:11 ሳፋና ናኣ ናአይ፥ ጋማርያ ናአይ ምካይ ማጻፋፐ መꬍና ጎዳ ቃላ ባሩክ ናባብሽና ስሴዳ ዎደ፥
JER 36:12 ካትያ ጎልያን ጻፊ ኡትያ ክፍልያ ቤዳ። እ ብያ ዎደ፥ ጻፊ ኤልሻማእ፥ ሻማእያ ናአይ ዳላይ፥ አክቦራ ናአይ ኤልናታን፥ ሳፋና ናአይ ጋማሪ፥ ሀናንያ ናአይ ጽድቄነ ሀራ ካፓቱ ሄዋን ኡቴድኖ።
JER 36:13 ባሩክ አሳዉ ማጻፋፐ ናባብሽና ስሴዳ ቃላ ኡባ ምካይ ኡንቱንቶ ኦዴዳ።
JER 36:14 ካፓቱ ናታንያ ናኣ ይሁዳ ባሩካኮ ኪቲደ፥ “አሳዉ ኔን ናባቤዳ ማጻፋ አካደ ሃያ” ያጌድኖ። ናታኒ ሸሌምያ ናኣ፤ ሸሌም ኩሻ ናኣ። ያግና ባሩክ ማጻፋ አኪደ፥ ኡንቱንቱኮ ዬዳ።
JER 36:15 ኡንቱንቱካ አ፥ “አነ ኡታደ፥ ኑዉ ማጻፋ ናባባ” ያጌድኖ። ባሩክ ማጻፋ ናባቤዳ።
JER 36:16 እ ናባቤዳ ቃላ ኡባ ስሴድኖ፤ ኡባይካ ያዪደ፥ እቱ እቱዋ ጼሊደ፥ ባሮካ፥ “ሀ ቃላ ኡባ ኑን ካትያዉ ኦዳናዉ ኮሼ” ያጌድኖ።
JER 36:17 ቃይካ ዛሪደ፥ “ኔን ሀ ቃላ ኡባ ዎታደ ጻፌደንቶ ኑዉ ኦዳ። ሀዋ ነዉ ኤርማስ ባረ ዶናፐ ኦድና ጻፋዲ?” ያጌድኖ።
JER 36:18 ባሩክ፥ “ኤ፥ ሀ ቃላ ኡባ ኤርማስ ባረ ዶናፐ ታዉ ኦዴዳ፤ ታን ቃላምያን ሀ ጻꬃ ማጻፋን ጻፋድ” ያጌዳ።
JER 36:19 ኡንቱንቱ ባሮካ፥ “ኔንነ ኤርማስ ቢደ ቆሰትተ፤ ህንተ ደእያ ሳኣካ ኦንነ ኤሮፖ” ያጌድኖ።
JER 36:20 ካፓቱ ማጻፋ ጻፍያ ኤልሻማአ ክፍልያን ዎꬆዋፐ ጉይያን፥ ካቲ ደእያ ዳባባ ቢደ፥ ሀኔዳዋ ኡባ ካትያዉ ኦዴድኖ።
JER 36:21 ሄ ማጻፋ አሀና ማላ፥ ካቲ ይሁዳ ኪቴዳ፤ ይሁዳይ ጻꬃ ማጻፋ ኤልሻማአ ክፍልያፐ አሂደ፥ ካትያዉነ አ ዩሹዋን ኤቄዳ ካፓቶ ናባቤዳ።
JER 36:22 ኡዱፑንꬃ አግናን ሳአይ ባልጉዋ ግድያ ድራዉ፥ ካቲ ባልጉዋ አꬅያ ጎልያን ኡቴዳ። ሄ ዎደ ካትያ ስንꬃን ደእያ ጮጭያን ታማይ ኤጼ።
JER 36:23 ይሁዳይ ሄዙ ዎይ ኦይዱ ሳአቱዋ ናባቤዳዋፐ ጉይያን፥ ካቲ ሄ ሳአቱዋ ጻꬃ ማጻፋፐ ሳንጽያን ቃንጽ ቃንጺደ፥ ታማን ኦሌዳ፤ ሄዋዳን ኦꬂደ፥ ሄ ማጻፋ ሙለናካ ጹግ አጌዳ።
JER 36:24 ሀ ቃላ ኡባ ስሲደካ ካዉነ አናና ኦꬅያ ካፓቱ አይነ ያይበይክኖ፤ ዎይ ካዮቲደ፥ ባረንቱ ማዩዋ ፔꬍበይክኖ።
JER 36:25 ሀራይ አቶ ኤልናታን፥ ዳላይነ ጋማሪ ካቲ ሄ ማጻፋ ጹገናዳን ዎስናካ፥ ኡንቱንቱ ዎሳ ስሰናን እጼዳ።
JER 36:26 ካትያ ናኣ ይራህማኤላ፥ አዝርኤላ ናኣ ሳራያነ አብድኤላ ናኣ ሸሌምያ፥ ጻፍያ ባሮካነ ትምቢትያ ኦድያ ኤርማሳ ኦይቃና ማላ ካቲ አዛዜዳ። ሽን መꬍና ጎዳይ ኡንቱንታ ቆሴዳ።
JER 36:27 ኤርማስ ኦድና፥ ባሩክ ጻፌዳ ቃላይ ደእያ ማጻፋ ካቲ ጹግ ስምና፥ መꬍና ጎዳ ቃላይ ኤርማሳኮ ሀዋዳን ያጊደ ዬዳ፤
JER 36:28 “ሀእካ ሀራ ጻꬃ ማጻፋ አካደ፥ ይሁዳ ካቲ እዮአቄም ካሰ ጹጌዳ ጻꬃ ማጻፋ ግዶን ደእያ ቃላ ኡባ ጻፋ።
JER 36:29 ቃይ ይሁዳ ካትያ እዮአቄማ ሀዋዳን ያጋ፦ ‘መꬍና ጎዳይ ሀዋዳን ያጌ፤ “ኔን፥ ባብሎነ ካቲ ቱሙዋፐ ዪደ፥ ሀ ቢታ ባይዛና፤ ቃይ እዝ ግዶን ደእያ አሳነ መህያካ ዉርሳና” ጋደ አያዉ ጻፋዲ?’ ያጋደ ማጻፋ ጹጋዳ።
JER 36:30 ሄዋ ድራዉ፥ ታን መꬍና ጎዳይ ነዉ ይሁዳ ካትያ ዮአቄማዉ ሀዋ ኦዳይ: ዳዊታ ካዉተꬃ አራታን ኡትያ ዛሪ ነዉ ኡባካ ደኤና። ነ አሃይካ ጮ ኦለቲደ፥ ጋላስ አዋ ሱሉዋንነ ቃማ ሜጉዋን ሾጨታና።
JER 36:31 ህንተ ናጋራ ድራዉ ኔና፥ ነ ዛርያነ ኔናና ኦꬅያ ኡባ ታን ሙራና። ህንተ ታን ኦዴዳዋ ስሰናን እጼዳ ድራዉ፥ ታን ኦዴዳ ኢታባ ኡባ ህንተ ቦላነ ይሁዳንነ የሩሳላመን ደእያ አሳ ቦላ አሀና ያጌ ያጋ” ያጌዳ።
JER 36:32 ሄዋፐ ጉይያን፥ ኤርማስ ሀራ ጻꬃ ማጻፋ አኪደ፥ ኔርያ ናኣ ጻፍያ ባሮካዉ እሜዳ። ባሩክ ይሁዳ ካቲ እዮአቄም ታማን ጹጌዳ ጻꬃ ማጻፋ ቃላ ኡባ ኤርማስ አዉ ዶናን ኦድና ጻፌዳ። ቃይ ኤርማስ ሄዋ ማላትያ ሀራ ቃላካ ጉጅን፥ ኡባካ ባሩክ ጻፌዳ።
JER 37:1 ባብሎነ ካቲ ናቡካዳናጾር እዮአቄማ ናኣ ዮኣኪና ሳኣን እዮስያሳ ናኣ ሰደቅያሳ ይሁዳ ቢታን ካዉꬄዳ።
JER 37:2 ሰደቅያስ፥ አናና ኦꬅያ ካፓቱነ ሄ ቢታን ደእያ አሳይ ኡባይካ መꬍና ጎዳይ ትምቢትያ ኦድያ ኤርማሳ ባጋና ኦዴዳ ቃላዉ አዛዘትበይክኖ።
JER 37:3 ሽን ካቲ ሰደቅያስ ሸሌምያ ናኣ የሁካላነ ማእሴያ ናኣ ቄስያ ጻፋንያ ሀዋዳን ያጊደ፥ ኤርማሳኮ ኪቴዳ፤ “ሀያና ኑ ድራዉ መꬍና ጎዳ ኑ ጾሳ ዎሳ” ያጌዳ።
JER 37:4 ሄ ዎደ ኤርማስ ብሮ ቃሸት ቤና ድራዉ፥ አሳ ግዶን ስመረቴ።
JER 37:5 ግብጼ ካትያ ኦላንቻቱ፥ ግብጼፐ ከሲደ ይያዋ የሩሳላመ ዶዴዳ ባብሎነ ኦላንቻቱ ስሴዳ ዎደ፥ ኡንቱንቱ የሩሳላመፐ አጊደ፥ ጉየ ስሜድኖ።
JER 37:6 ሄዋፐ ጉይያን፥ መꬍና ጎዳ ቃላይ ትምቢትያ ኦድያ ኤርማሳኮ ዬዳ።
JER 37:7 መꬍና ጎዳይ እስራኤልያ ጾሳይ ሀዋዳን ያጌ፤ “ታና ህንተ ኦቻና ማላ፥ ህንተና ኪቴዳ ይሁዳ ካትያዉ ሀዋዳን ያግተ፤ ‘በእተ፥ ህንተና ማዳናዉ ከሴዳ ግብጼ ካትያ ኦላንቻቱ ባረንቱ ቢታ ስሚደ ባና።
JER 37:8 ቃይ ባብሎነ ኦላንቻቱ ስሚደ ያና፤ ኦለቲደ፥ ሀ ካታማ ኦይቃና፤ ታማንካ አ ጹጋና’ ያግተ” ያጌ።
JER 37:9 መꬍና ጎዳይ ሀዋዳን ያጌ፤ “ ‘ባብሎነ ኦላንቻቱ ላኤንꬆ ስሚደ ዪክኖ’ ያጊደ ህንተና ህንተረካ ጭሞፕተ። አያዉ ጎፐ፥ ኡንቱንቱ ስሚደ ያናዌ ደኤና!
JER 37:10 ህንተ ባብሎነ ኦላንቻቱዋ ሙልያ ጾንንቶነ ኡንቱንቱፐ አቲደ፥ ኦላን ማዱጺደ፥ ዱንካንያ ግዶን ግሴዳዋንቱካ ደንዲደ፥ ሀ ካታማ ታማን ጹጋና” ያጌ።
JER 37:11 ግብጼ ካትያ ኦላንቻቱ ማቴዳ ድራዉ፥ ባብሎነ ኦላንቻቱ የሩሳላመ አጊደ፥ ባረንቱ ደእያ ሳኣፐ ጉየ ስሜድኖ።
JER 37:12 ሄ ዎደ ኤርማስ ባረና ጋክያ ጋድያ አካናዉ ቢንያማ ቢታ ባናዉ የሩሳላመፐ ደንዴ።
JER 37:13 ግዶ ሽን፥ እ ቢደ፥ ቢንያማ ፐንግያ ግያ ፐንግያ ጋክሽና፥ ፐንግያ ናግያዋንቱፐ እቱ፥ ሀናንያ ናኣ ሸሌምያ ናአይ፥ ዪርያ ግያዌ አ፥ “ነ ኑና ካዳደ ባብሎነ ባሳ ግድኪ?” ያጊደ ኦይቄዳ።
JER 37:14 ኤርማስ ዛሪደ፥ ሀዋዳን ያጌዳ፤ “ኔን ግያዌ ዎርዱዋ፤ ታን ባብሎነ ብያ አሳ ግድከ” ያጌዳ። ሽን ዪሪ እ ግያዋ ስሰናን እጼዳ፤ ኤርማሳ ኦይቂ አኪደ፥ ካፓቱዋኮ አፌዳ።
JER 37:15 ካፓቱካ ሎይꬅ ሀንቀቲደ፥ ኤርማሳ ዋꬌድኖ፤ ኡንቱንቱ ቃሾ ጎልያ ከሴዳ፥ ጻፍያ ዮናታና ጎልያን አፊደ ዎꬄድኖ።
JER 37:16 ኤርማስ ሄዋን ቢታ ግዶን ደእያ ክፍልያን ዳሮ ዎድያ ጋምኤዳ።
JER 37:17 ሄዋፐ ጉይያን፥ ካቲ ሰደቅያስ አሳ ኪቲደ፥ ኤርማሳ ባረ ደኢያሳ ካትያ ጎልያ ጼስሴዳ፤ አሳይ ኤረናን አ፥ “መꬍና ጎዳይ ነዉ ኦዴዳዌ አየንቶ ደኢ?” ያጊደ ኦቼዳ። ኤርማስ ዛሪደ፥ “ኤ ደኤ፤ ኔን ባብሎነ ካትያ ኩሽያን አꬋአደ እመታና” ያጌዳ።
JER 37:18 ቃይካ ኤርማስ ካትያ ሰደቅያሳ ሀዋዳን ያጊደ ኦቼዳ፤ “ታና ህንተ ቃሾ ጎልያን የጋናዉ ታን ነ ቦላን፥ ነዉ ኦꬅያ ካፖቱዋ ቦላን ዎይ ሀ አሳ ቦላን አያ ባይዙዋ ኦꬃድታ?
JER 37:19 ቃይ፥ ‘ባብሎነ ካቲ ህንተ ቦላንነ ሀ ቢታ ቦላን ዪደ ኦለና’ ያጊደ ነዉ ትምቢትያ ኦዴዳ ነ ናባቱ ሀእ ሀቃን ደእኖ?
JER 37:20 ሄዋ ድራዉ፥ ታ ጎዳዉ ካትያዉ፥ ስሳ! ታን ኦችያዋ ኔን ፖላና ማላ፥ ኔና ዎሳይ። ታን ሄ ሳኣን ሀይቀናዳን፥ ቃሾ ጎልያ ግድያ ጻፍያ ዮናታና ጎልያዉ ታና ጉየ ዛሮፓ” ያጌዳ።
JER 37:21 ሄዋ ድራዉ፥ ካቲ ሰደቅያስ ናግያዋንቱ ዳባባን ኤርማሳ ዎꬃና ማላ አዛዜዳ። ሄዋን አ ዎꬅ ደእሽን፥ ካታማፐ ዳቡ ꬋያና ጋካናዉ፥ ሀች ሀች እት እት ዳቡዋ ኡክያሳፐ አይ አሂደ፥ አዉ እሜድኖ። ሄዋ ድራዉ ኤርማስ ካትያ ዛባን ናጉዋን ጋምኤዳ።
JER 38:1 ማታና ናአይ ሻፋጸ፥ ፓሽሁራ ናአይ ጋዳሌ፥ ሸሌምያ ናአይ የሁካልነ ማልክያ ናአይ ፓሽሁር ኤርማስ አሳ ኡባዉ ኦዴዳ ቃላቱዋ ስሴድኖ።
JER 38:2 ኤርማስ ጊደ፥ “መꬍና ጎዳይ ሀዋዳን ያጌ፤ ‘ሀ ካታማን አትያ ኦንነ ኦላን፥ ኮሻንነ ኢታ ሀርግያን ሀይቃና። ሽን ባብሎነቱዋኮ ብያ ኦንነ ሀይቀና። ባረ ሁጲያ አሻና፤ ፓጻካ ደአና’ ያጌ።
JER 38:3 ቃይካ መꬍና ጎዳይ፥ ‘ሀዌ የሩሳላመ ካታማይ ቱሙፐ ባብሎነ ካትያ ኦላንቻቱዋ ኩሽያን አꬊደ እመታና፤ ኡንቱንቱካ አ ኦሞዳና’ ያጌ” ያጌዳ።
JER 38:4 ሄዋፐ ጉይያን፥ ካፓቱ ካትያኮ ቢደ፥ ሀዋዳን ያጌድኖ፤ “ሀ ብታኒ ሀይቃናዉ ኮሼ፤ ሀዋ ማላ ጻላ ቃላ ሃሳዪደ፥ ሀ ካታማን ደእያ ኦላንቻቱነ አሳይ ኡባይ ሹጋናዳን ኦꬄዳ። እ አሳ ቆህያዋ አሞቴፐ አትና፥ ሳሮባ አሞተና” ያጌድኖ።
JER 38:5 ካቲ ሰደቅያስ ዛሪደ፥ ሀዋዳን ያጌዳ፤ “ህንተ አ ቦላ ኦꬃና ጌዳዋ አያነ ታን ህንተና ድጋናዉ ዳንዳይከ” ያጌዳ።
JER 38:6 ኡንቱንቱ ኤርማሳ ካትያ ጎልያ ዳባባን ደእያ፥ ካትያ ናኣ ማልክያ ሃꬃ ኦላን የጌድኖ፤ ኡንቱንቱ ዎዶሩዋን አ ዱገ ዎꬄድኖ። ሄ ዎደ ሄ ኦላን ስልሙዋፐ አትና፥ ሃꬅ ባዋ፤ ኤርማስ ሄ ስልሙዋ ግዶ ገሌዳ።
JER 38:7 ሽን ቶጵያ አሳ ግድያ፥ ካትያ ጎልያን ኦꬅያ፥ አበድመሌካ ግያዌ ኤርማስ ኦላን ኦለቴዳዋ ስሴዳ። ሄ ዎደ ካቲ ቢንያማ ፐንግያን ፕርዳ ችሎታን ኡቴዳ።
JER 38:8 አበድመሌክ ካትያኮ ቢደ፥ ሀዋዳን ያጌዳ፤
JER 38:9 “ታ ጎዳዉ ካትያዉ፥ ሀ አሳቱ ዎልቃማ ኢታባ ኦꬄድኖ፤ ሄዌካ አዬ ጎፐ፥ ትምቢትያ ኦድያ ኤርማሳ ሃꬃ ኦላን የጌድኖ። ቃይ ካታማን ቁም ባይና ድራዉ፥ እ ሄዋን ኮሻን ሀይቄ” ያጌዳ።
JER 38:10 ካቲ ዛሪደ፥ ቶጵያ አሳ ግድያ አበድመሌካ፥ “ሀዋፐ ሀታሙ አሳ ኔናና አካደ ባደ፥ ኤርማስ ሀይቀናን ደእሺና፥ ሃꬃ ኦላፐ ከስተ” ያጌዳ።
JER 38:11 አበድመሌክ አሳ አኪደ ቤዳ፤ ካትያ ጎልያን ዱረታ ምንጅያ ክፍልያፐ ጋርሳ ባጋና ደእያ ክፍልያ ገሊደ፥ ኤጫ ማዩዋ ጩርቃ አኬዳ። ሄ ጩርቃ ዎዶሩዋ ጼራን ቃቺደ፥ ኤርማሳዉ ዱገ ኦላ ግዶ የዴዳ።
JER 38:12 ቶጵያ አሳ ግድያ አበድመሌክ ኤርማሳ ኦላ ግዶ ዱገ ጼጊደ፥ “ሀዋ ማዩዋ ጩርቃ ዎዶሩዋፐ ጋርሳ ባጋና ነ ሾጵያን ዎꬃ” ያጌዳ። ኤርማስካ እ ጌዳዋዳን ኦꬄዳ።
JER 38:13 ያትና፥ ሄ ዎዶሩዋን ጎቺደ፥ ኤርማሳ ኦላፐ ከሴድኖ። ናግያዋንቱ ዳባባ ገልሲደ ጎርዴድኖ።
JER 38:14 ሄዋፐ ጉይያን፥ ካቲ ሰደቅያስ ኤርማሳኮ ኪት አህሲደ፥ መꬍና ጎዳይ ጌሻ ጎልያ ገልያ ሄዘንꬆ ፐንግያ ማታን አ፥ “ታን እትባ ኔና ኦቻና። ኔን ታፐ አያነ ቆሶፓ” ያጌዳ።
JER 38:15 ኤርማስ ዛሪደ ሰደቅያሳዉ፥ “ታን ኦዶፐ፥ ኔን ታና ዎꬍኪ? ታን ዞርናካ፥ ኔን ስሳካ” ያጌዳ።
JER 38:16 ካቲ ሰደቅያስ ኤርማሳዉ ቆሱዋን ሀዋዳን ያጊደ ጫቄዳ፤ “ታን ኔና ዎናዋነ ቃይ ኔና ዎꬋናዉ ኮይያዋንቶ አꬃደ እመናዋ ኑዉ ደኡዋ እሜዳ መꬍና ጎዳ ሱንꬃን ጫቃይ” ያጌዳ።
JER 38:17 ኤርማስ ሰደቅያሳዉ ዛሪደ፥ “መꬍና ጎዳይ፥ ኡባፐ ዎልቃማ ጾሳይ፥ እስራኤልያ ጾሳይ ሀዋዳን ያጌ፤ ‘ባብሎነ ካትያ ካፖቶ ኩሽያ እሞፐ፥ ኔን ፓጻ አታና፤ ሀ ካታማይካ ታማን ጹገተና፤ ኔንካ ነ ጎልያ አሳይካ ፓጻ ደአና።
JER 38:18 ሽን ኔን ኡንቱንቶ ኩሽያ እመናን እጾፐ፥ ሀ ካታማ ባብሎነቱ ኦሞዳና፤ ኡንቱንቱ አ ጹጋና፤ ኔንካ ኡንቱንቱፐ ከሳ አካካ’ ያጌ” ያጌዳ።
JER 38:19 ቃይካ ካቲ ሰደቅያስ ኤርማሳ፥ “ታን ያይያዌ ሀ ቢታፐ ካዲደ፥ ባብሎነቱዋኮ ቤዳ አይሁዳቱዋሳ። አያዉ ጎፐ፥ ባብሎነቱ ታና ኡንቱንቱ ኩሽያን አꬂደ እሞፐ፥ አይሁዳቱ ታና ቱጋያና” ያጌዳ።
JER 38:20 ኤርማስ ዛሪደ፥ “አየንቶ ባዋ! ኡንቱንቱ ኔና ኡንቱንቶ አꬂደ እምክኖ። ኦድያ መꬍና ጎዳ ቃላዉ ሀያና አዛዘታ። ሄዌ ነዉ ሎኦ ግዳናዋ፤ ኔንካ ፓጻ አታናሳ።
JER 38:21 ሽን ኔን ኩሽያ እመናን እጾፐ፥ መꬍና ጎዳይ ታና በሴዳ ሳጻይ ደኤ።
JER 38:22 ሄዌካ አዬ ጎፐ፥ ይሁዳ ካትያ ጎልያን አቴዳ ማጫ አሳቱ ኡባይ ኦሞደቲደ፥ ባብሎነ ካፓቱዋኮ ባና። ኡንቱንቱ ኔና ሀዋዳን ያጋና፤ ‘ነዉ ማታ ላገ ግድያዋንቱ ኔና ባለꬄድኖ፤ ኡንቱንቱ ኔና ጾኔድኖ። ሽን ሀእ ነ ገዲ ስልሙዋ ግዶ ገልና፥ ሄ ላገቱ ኔና የጊደ ቤድኖ’ ያጋና።
JER 38:23 ቃይ ነ ማቼቱነ ነ ናናቱ ኡባይ ባብሎነቱዋን ኦሞደቲደ ባና። ኔንካ ኡንቱንቱ ኩሽያፐ ከሳ አካካ፤ ባብሎነ ካቲ ኔና ኦይቃና። ሀ ካታማይካ ታማን ጹገታና” ያጌዳ።
JER 38:24 ሰደቅያስ ኤርማሳዉ ዛሪደ፥ ሀዋዳን ያጌዳ፤ “ሀዋ ኔን ታዉ ኦዴዳዋ አሳዉ ኦዳና ꬋዮፐ፥ ኔን ሀይቃካ።
JER 38:25 ካፓቱ ታን ኔናና ሃሳዬዳዋ ስሲደ ዪደ፥ ‘ኔናና ካትያና አያ ሃሳዬደንቶ፥ ኑዉ ኦዳ። ኔን ኑዉ ቆሰናን ኦዶፐ፥ ኑን ኔና ዎꬎኮ’ ያጊደ ኔና ኦቻና።
JER 38:26 ኔን፥ ‘ታን ሄ ሳኣን ሀይቀናዳን፥ ታና ዛራደ ቃሾ ጎልያ ግድያ ዮናታና ጎልያ የደናዳን፥ ካትያ ዎሳድ’ ያጋደ ዛራ” ያጌዳ።
JER 38:27 ሄዋፐ ጉይያን፥ ካፓቱ ኡባይ ኤርማሳኮ ዪደ፥ ሄ ኦሻ ኦቼድኖ። ካቲ አ አዛዜዳዋዳን፥ እካ ኡንቱንቶ ኦዴዳ። ኡንቱንቱካ ጮኡ ጊደ ባሽ አጌድኖ፤ አያዉ ጎፐ፥ ኤርማስ ካትያና ሃሳይሽን ስሴዳዌ ኦንነ ባዋ።
JER 38:28 የሩሳላመ ኦይቀታና ዎዲ ጋካናዉ፥ ኤርማስ ናግያዋንቱ ዳባባን ጎርደቲደ ጋምኤዳ።
JER 39:1 ሰደቅያስ ይሁዳን ካተቴዳ ኡዱፑንꬃ ላይꬃን፥ ታማንꬃ አግናን፥ ባብሎነ ካቲ ናቡካዳናጾርነ አ ኦላንቻቱ ኡባይ ዪደ፥ የሩሳላመ ዶዴድኖ።
JER 39:2 ሰደቅያስ ካተቴዳ ታማነ እተንꬃ ላይꬃን፥ ኦይደንꬆ አግናን፥ ኡዱፑንꬃ ጋላሳን ባብሎነ ኦላንቻቱ ካታማ ግምቢያ መንꬄድኖ።
JER 39:3 ሄ ዎደ ባብሎነ ካትያ ካፓቱ፥ ነርጋል-ሻሬጸራ፥ ሳምጋር-ነባ፥ ሳርሰኪማነ ሀራ ነርጋል-ሻሬጸራ ጌተትያዋንቱ፥ ሀራ ጮራ ሞድያዋንቱና እትፐ ዬድኖ፤ ግዶ ፐንግያ ግያ ፐንግያን ኡቴድኖ።
JER 39:4 ይሁዳ ካቲ ሰደቅያስነ አ ኦላንቻቱ ኡባይ ባብሎነ ኦላንቻቱዋ በኤዳ ዎደ፥ ቃማን ካታማፐ ከሲደ፥ ካትያ አታክልትያ ሳኣ አፍያ ኦግያ ኦይቂደ፥ ላኡ ድርሳ ግምበቱዋ እትፐ ጋꬅያ ፐንግያና ባቃቴድኖ። ኡንቱንቱ ዮርዳኖሳ ድልቡዋኮ ስሚደ ቤድኖ።
JER 39:5 ሽን ባብሎነ ኦላንቻቱ ኡንቱንታ ጉየና የደርሲደ፥ እያርኮ ደምባ ጋꬂደ፥ ሰደቅያሳ ኦይቄድኖ። ሀማታ ቢታን፥ ርብላ ካታማን ደእያ ካትያ ናቡካዳናጾራኮ አፌድኖ። ካቲ ናቡካዳናጾር ያን ሰደቅያሳ ቦላ ፕርዴዳ።
JER 39:6 ቃይ ሰደቅያሳ አቱማ ናናቱዋ ሰደቅያስ ጼልሽን፥ ያን ርብላ ካታማን ዎꬌዳ፤ ይሁዳ ካፓቱዋ ኡባካ ዎꬌዳ።
JER 39:7 ሄዋፐ ጉይያን፥ ሰደቅያሳ አይፈቱዋ ዎጭ ከሲደ፥ አ ባብሎነ ቢታ አፋናዉ ሳንሳላታን ቃቼዳ።
JER 39:8 ሄ ዎደ ባብሎነ ኦላንቻቱ ካትያ ጎልያነ አሳይ ደእያ ኬꬃቱዋ ኡባ ታማን ጹጌድኖ፤ የሩሳላመ ግምቢያካ ኮሌድኖ።
JER 39:9 ካትያ ናግያዋንቱ ካፑ ናቡዛራዳን ካታማን አቴዳ አሳቱዋነ ካዲደ ባረናን ጋከቴዳ አሳቱዋ ኡባ እትፐ ኦሞዱዋን ባብሎነ ቢታ አፌዳ።
JER 39:10 ሽን ካትያ ናግያዋንቱ ካፑ ናቡዛራዳን አያይነ ኡንቱንቶ ባይና ህዬሳቱዋፐ አማሬዳዋንታ ይሁዳን አጊደ፥ ኡንቱንቶ ዎይንያ ቱራ ሳአቱዋነ ጎሽያ ጋደቱዋ እሜዳ።
JER 39:11 ናቡካዳናጾር ካትያ ናግያዋንቱ ካፑዋ ናቡዛራዳና ሀዋዳን ያጊደ አዛዜዳ፤
JER 39:12 “ባደ ኤርማሳ ኮያ ደማደ፥ አዉ ኮሽያባ ኡባ ኦꬃ፤ አ ቦላ ሀራ ኢታባ አያነ ኦꬆፓ” ያጌዳ።
JER 39:13 ሄዋ ድራዉ፥ ናቡዛራዳን፥ ናቡሻዝባን፥ ነርጋል-ሻሬጸርነ ባብሎነ ካትያ ካፓቱ ኡባይ እትፐ ግዲደ ኪቲደ፥
JER 39:14 ኤርማስ ቃሸት ኡቴዳ፥ ናግያዋንቱ ዳባባፐ ከሴድኖ። ባረ ጎለ አፊደ ዎꬃና ማላ፥ ሳፋና ናኣ ናኣ፥ አህቃማ ናኣ ጋዳልያዉ ሀዳራ እሜድኖ። ሄዋፐ ደንዴዳዋን ኤርማስ ባረ ቢታ አሳና እትፐ ደኤዳ።
JER 39:15 ኤርማስ ናግያዋንቱ ዳባባን ጎርደት ኡት ደእሽን፥ መꬍና ጎዳ ቃላይ አኮ ሀዋዳን ያጊደ ዬዳ፤
JER 39:16 “ባደ ቶጵያ አሳ ግድያ አበድመሌካዉ ሀዋዳን ያጋ፤ ‘ኡባፐ ዎልቃማ መꬍና ጎዳይ፥ እስራኤልያ ጾሳይ፥ ሀዋዳን ያጌ፤ “ሀዋፐ ካሰ ታን ኦዴዳዋዳንካ ሀ ካታማ ቦላን ሎኦባ ግደናን፥ ባየꬃ አሀና። ሄዌ ኡባይ ሀንያ ዎደ፥ ኔንካ ሀ ካታማን ኡታደ፥ ነ አይፍያን በአና።
JER 39:17 ግዶ ሽን፥ ሄ ጋላሳን ታን መꬍና ጎዳይ ኔና ዎꬃ አካና፤ ኔን ያይያ ነ ሞርከቱዋ ኩሽያንካ አꬋአደ እመታካ።
JER 39:18 ታን ኔና አሻና፤ ኔን ኦላን ሀይቃካ፤ ኔን ታናን አማነቴዳ ድራዉ፥ ሀይቁዋፐ አታናሳ። ታን መꬍና ጎዳይ ሀዋ ኦዳይ” ያጌ’ ያጋ” ያጌዳ።
JER 40:1 ካትያ ናግያዋንቱ ካፑ ናቡዛራዳን ኤርማሳ ራማን ብል ስምና፥ መꬍና ጎዳ ቃላይ ኤርማሳኮ ዬዳ። ኤርማስ ካሰ ናቡዛራዳን የሩሳላመፐነ ይሁዳፐ ኦሞዲደ፥ ባብሎነ ቢታ አፋናዉ ሳንሳላታን ቃቼዳ አሳ ግዶን ደኤ።
JER 40:2 ካትያ ናግያዋንቱ ካፑ ኤርማሳ ዱማ ከሲደ፥ ሀዋዳን ያጌዳ፤ “መꬍና ጎዳይ ነ ጾሳይ ሀ ባየꬃ ሀ ቢታ ቦላን አሀና ጌዳ።
JER 40:3 ጌዳዋዳን ሀእ መꬍና ጎዳይ አሄዳ፤ መꬍና ጎዳ ቦላን ህንተ ናጋራ ኦꬄዳ ድራዉነ አዉ አዛዘተናን እጼዳ ድራዉ፥ ሀዌ ኡባይ ሀኔዳ።
JER 40:4 በአ፥ ሀእ ታን ነ ኩሽያን ደእያ ሳንሳላታ ብላደ ኔና የዳድ። ታናና ባብሎነ ቢታ ባና ጎፐ ደንዳ፤ ታን ነዉ ኮሽያባ ኡባ ኩንꬃና። ባብሎነ ቢታ ባናዉ ኮያና ꬋዮፐ ቦፓ። ቢታይ ኡባይ ነ ስንꬃን ደኤ፤ ኔና ሎኤዳ ሳኣ ሀቃነ ባ” ያጌዳ።
JER 40:5 ኤርማስ አ ማታፐ ቤናን ደእሺና፥ ናቡዛራዳን ጉጂደካ ያጌዳ፤ “ሳፋና ናኣ ናኣ፥ አህቃማ ናኣ ጋዳልያኮ ባ፤ አያዉ ጎፐ፥ ባብሎነ ካቲ ናቡካዳናጾር አ ይሁዳ ካታማቱዋ ሞድያዋ ኦꬂደ ሱንꬄዳ። ሄዋ ድራዉ፥ አናና እትፐ ግዳደ፥ ሄዋን አሳና ደአ። ዎይ ኔና ሎኤዳ ሳኣ ሀቃነ ባ” ያጌዳ። ሄዋፐ ጉይያን፥ ካትያ ናግያዋንቱ ካፑ አዉ ቁማነ ሀራ ሽንቃ እሚደ የዴዳ።
JER 40:6 ኤርማስ ምጽጳን ደእያ አህቃማ ናኣ ጋዳልያኮ ቤዳ። እ ሄዋን አቴዳ አሳና እትፐ ደኤዳ።
JER 40:7 ይሁዳ ኦላ ጋዳዋቱዋፐነ ኦላንቻቱዋፐ አማሬዳዋንቱ ባረንቱ ኩሽያ ባብሎነ ካትያዉ ብሮ እምበይክኖ። ኡንቱንቱ ባብሎነ ካቲ ጋዳልያ ሄ ቢታ ሞድያዋ ኦꬂደ ሱንꬄዳዋነ ባብሎነ ቢታ ኦሞደቲደ ቤናን ይሁዳን አቴዳ ህዬሳቶ ካፑዋ ኦꬄዳዋ ስሴድኖ።
JER 40:8 ናታንያ ናአይ እስማኤል፥ ቃሬሀ ናናቱ ዮሀናንነ ዮናታን፥ ታንሁሜታ ናአይ ሳራይ፥ ናጾፋ ካታማፐ ዬዳ ኤፋያ ናናቱነ ማእካ ካታማፐ ዬዳ እት ብታንያ ናአይ ያዛኒ ባረንቱ ኦላንቻቱዋ ኡባና ጋዳልያኮ ምጽጳ ዬድኖ።
JER 40:9 ሳፋና ናኣ ናአይ፥ አህቃማ ናአይ ጋዳሊ ኡንቱንቶ ሀዋዳን ያጊደ ጫቄዳ፤ “ባብሎነቶ ኩሽያ እማናዉ ያዮፕተ፤ ሀ ቢታን ኡቲደ ደእተ፤ ባብሎነ ካትያዉካ ሞደትተ። ያቶፐ፥ ኡባባይ ህንተዉ ሎአ ግዳናዋ።
JER 40:10 ታን ምጽጳን ኡታደ፥ ባብሎነ ቢታፐ ህንተናና ጋከታናዉ ይያ ኡባና ህንተ ዶና ግዳደ ሃሳያና። ሽን ህንተ ህንተ ደእያ ሄራን ሄራን ዎይንያ፥ ዎጋራ ዛይትያነ ሀራ ኦፍንꬃ ካꬃ አይፍያ ኡባ ሺሺደ ዳጋይተ” ያጌዳ።
JER 40:11 ሄ ዎደ ሞኣባ ቢታን፥ አሞና ቢታን፥ ኤዶማ ቢታንነ ሀራ ቢታቱዋን አይሁዳ ኡባይ ባብሎነ ካቲ አማሬዳ ይሁዳ አሳቱ ይሁዳን አታና ማላ ኦꬄዳዋነ ኡንቱንታ ሞድያዋ ኦꬂደ፥ ሻፋና ናኣ አህቃማ ናኣ ጋዳልያ ሱንꬄዳዋ ስሴድኖ።
JER 40:12 ባረንቱ ላለቲደ ደእያ ቢታቱዋፐ ይሁዳ ስሚደ፥ ጋዳሊ ደኢያሳ ምጽጳ ዬድኖ። ሄዋን ኡንቱንቱ ዳሮ ዎይንያነ ሀራ ኦፍንꬃ ካꬃ አይፍያ ሺሺደ ዳጋዬድኖ።
JER 40:13 ሄዋፐ ጉይያን፥ ቃሬሀ ናአይ ዮሀናንነ ኩሽያ እምቤና ኦላ ጋዳዋቱ ኡባይ ጋዳልያኮ ምጽጳ ዪደ፥
JER 40:14 “አሞና ካቲ ባአሊስ ናታንያ ናኣ እስማኤላ ኔና ዎꬋና ማላ የዴዳዋ ኤራይ?” ያጌድኖ። ሽን እ ኡንቱንቱ ግያዋ አማነናን እጼዳ።
JER 40:15 ሄዋፐ ጉይያን፥ ቃሬሀ ናአይ ዮሀናን ምጽጳን ደእያ ጋዳልያኮ ዪደ፥ ጹራን ሀዋዳን ያጌዳ፤ “ኦንነ ኤረናን ደእሺና ባደ፥ ናታንያ ናኣ እስማኤላ ታን ዎꬋና። አያዉ ጎፐ፥ እ ኔና ዎꬍያዋ ግዶፐ፥ ነ ማታን ሺቄዳ አይሁዳ ኡባይ ላለታና፤ ቃይ ይሁዳን አቴዳ አሳይ ኡባይካ ዉራና” ያጌዳ።
JER 40:16 ሽን አህቃማ ናአይ ጋዳሌ ዛሪደ፥ ሀዋዳን ያጌዳ፤ “እስማኤላባ ኔን ኦድያባይ ኡባይ ዎርዱዋ ግድያ ድራዉ፥ ሄዋ ማላባ ኦꬆፓ” ያጌዳ።
JER 41:1 ላፑንꬃ አግናን ካትያ ዛረ ግዲደ፥ ካትያና ኦꬅያ ካፓቱዋፐ እቱ፥ ኤልሻማአ ናኣ ናአይ፥ ናታንያ ናአይ እስማኤል ታሙ አሳቱዋና እትፐ ቢታ ሞድያ ጋዳልያና ጋከታናዉ ምጽጳ ቤዳ። ኡባይካ እትፐ ኡቲደ ቁማ ሚሽን፥
JER 41:2 ናታንያ ናአይ እስማኤልነ አናና ደእያ ታሙ አሳቱ ባረንቱ ማሻ ማሻ ከሲደ፥ ባብሎነ ካቲ ይሁዳ ሞድያዋ ኦꬂደ ሱንꬄዳ አህካማ ናኣ ጋዳልያ ዎꬌድኖ።
JER 41:3 ሄዋ ቦላካ ቃይ እስማኤል ምጽጳን ጋዳልያና ደእያ አይሁዳቱዋነ ባብሎነ ኦላንቻቱዋ ኡባ ዎꬌዳ።
JER 41:4 ጋዳሊ ሀይቄዳ ዎንተꬃ ጋላስ፥ አ ሀይቁዋ ኦንነ ኤራናፐ ካሰቲደ፥
JER 41:5 ሰኬማፐ፥ ሴሎፐነ ሳማርያፐ ሆስፑን ታሙ አሳቱ ካዮቲደ፥ ባረንቱ ቡቻ ሜዲደ፥ ባረንቱ ማዩዋ ፔꬊደነ ባረንቱ ቦላካ ፑዚደ ዬድኖ። ኡንቱንቱ መꬍና ጎዳ ጎልያዉ እምያ ካꬃ ያርሹዋነ እጻና እሞታ አሄድኖ።
JER 41:6 እስማኤል ምጽጳፐ ከሲደ፥ ዬኪደ ኡንቱንቱና ጋከታናዉ ቤዳ፤ ኡንቱንቱና ጋከቴዳ ዎደ፥ “አህቃማ ናኣ ጋዳልያኮ ሃ ዪተ፤ አ በእተ” ያጌዳ።
JER 41:7 ኡንቱንቱ ካታማ ግዶ ገልያንን፥ እስማኤልነ አናና ደእያ አሳቱ ሄ አሳቱዋ ዎꬊደ፥ ሃꬃ ዳጋይያ ኦላን ኦል አጌድኖ።
JER 41:8 ሽን ሄ ሆስፑን ታሙ አሳቱዋፐ ታማቱ እስማኤላ ሀዋዳን ያጊደ ዎሴድኖ፤ “ሀእ ኑና ዎꬎፓ! ኑን ኑ ሾይቃን ቆሴዳ ዳሮ ዛርጋይ፥ ባንጋይ፥ ዎጋራ ዛይቲነ ኤሳይ ደኤ” ያጌድኖ። እ ኡንቱንቱ ዎናን የድ አጌዳ።
JER 41:9 እስማኤል ዎꬌዳ አሳ ኡባ ኦሌዳ ሃꬃ ዳጋይያ ኦላይ፥ እስራኤልያ ካቲ ባእሽ ኦላናዉ ዬዳ ዎደ፥ ካቲ አሳ ቦክሴዳ ዎልቃማ ሃꬃ ዳጋያናዉ ግምቤዳ ኦላ። ናታንያ ናአይ እስማኤል ሄ ኦላ አሃን ኩንꬄዳ።
JER 41:10 እስማኤል ካትያ ማጫ ናናቱዋነ ምጽጳን አቴዳ አሳ ኡባ ኦሞዴዳ። ሄዋንቱ ካትያ ናግያዋንቱ ካፑ ናቡዛራዳን አህቃማ ናኣ ጋዳልያና እትፐ ምጽጳን ዎꬄዳዋንታ። እ ኡንቱንታ ኦሞዲደ፥ ባረናና አኪደ፥ አሞና ቢታ ባናዉ ደንዴ።
JER 41:11 ቃሬሀ ናአይ ዮሀናንነ አናና እትፐ ደእያ ኦላ ጋዳዋቱ እስማኤል ኦꬄዳ ኢታባ ኡባ ስሴድኖ።
JER 41:12 ባረንቱ አሳ አኪደ፥ አናና ኦለታናዉ ቤድኖ፤ እስማኤላካ ጋባኦናን ደእያ ዎልቃማ ደልእያ ማታን ጋኪደ ኦይቄድኖ።
JER 41:13 እስማኤል ኦሞዲደ ባረናና አፌዳ አሳይ ኡባይ ቃሬሀ ናኣ ዮሀናናነ አናና ደእያ ኦላ ጋዳዋቱዋ በኤዳ ዎደ፥ ሎይꬅ ናሸቴድኖ።
JER 41:14 ሄ ኦሞደቴዳዋንቱ ኡባይ ጉየ ስሚደ ቢደ፥ ቃሬሀ ናኣ ዮሀናናን ጋከቴድኖ።
JER 41:15 ሽን እስማኤልነ ሀራ ሆስፑን አሳቱ እትፐ ዮሀናናፐ ከስ አኪደ፥ አሞና ቢታ ባቃቴድኖ።
JER 41:16 ሄዋፐ ጉይያን፥ እስማኤል ጋዳልያ ዎꬍ ስሚደ፥ ምጽጳፐ ኦሞዲደ አሄዳ ኦላንቻቱ፥ ማጫ አሳቱ፥ ናናቱነ ሙሬሳቱ ኡባይ ቃሬሀ ናኣ ዮሀናናነ ሀራ ኦላ ጋዳዋቱዋና ደንዲደ ቤድኖ።
JER 41:17 ኡንቱንቱ ያፐ ደንዲደ፥ ግብጼ ባናዉ ቤተሌመ ማታን ደእያ ጌሩታ-ክምሃማ ግያ ሳኣን ሸምፔድኖ።
JER 41:18 ኡንቱንቱ ግብጼ ቤዳዌ ባብሎና ካቲ ሱንꬄዳ አክቃማ ናኣ ጎዶልያ እስማኤሊ ዎꬌዳ ድራዉ ባብሎናቶ ያዪደ ባብሎናፐ ባቃቲደ፥ ግብጼ ባናዉ ዳንዳዬድኖ።
JER 42:1 ኦላ ጋዳዋቱ ኡባይ፥ ቃሬሀ ናአይ ዮሀናን፥ ሆሻያ ናአይ አዛርያስነ አሳይ ኡባይ፥ ጉꬃፐ ዎጋ ጋካናዉ ዪደ፥
JER 42:2 ትምቢትያ ኦድያ ኤርማሳ ሀዋዳን ያጌድኖ፤ “ኑን ኔና ኦችያዋ ኑዉ ኦꬃርኪ! ሀ አቴዳ ኑ ድራዉ መꬍና ጎዳ ነ ጾሳ ዎሳርኪ! ኑን ካሰ ዳራ፤ ሽን ሀእ ኔን በእያዋዳን፥ ጉꬃቱዋ ጻላላይ አቴዶ።
JER 42:3 ኑን ብያ ኦግያነ ኑን ኦꬃናባ እ ኑና በሳናዳን፥ መꬍና ጎዳ ነ ጾሳ ኑ ድራዉ ዎሳ” ያጌድኖ።
JER 42:4 ትምቢትያ ኦድያ ኤርማስ ዛሪደ፥ “ሎአ። ህንተ ጌዳዋዳንካ፥ መꬍና ጎዳ ህንተ ጾሳ ታን ዎሳና፤ ቃይ ህንተፐ አያነ ቆሰናን፥ መꬍና ጎዳይ ኦድያባ ኡባካ ህንተዉ ኦዳና” ያጌዳ።
JER 42:5 ኡንቱንቱ ዛሪደ፥ ኤርማሳዉ ሀዋዳን ያጌድኖ፤ “መꬍና ጎዳይ ነ ጾሳይ ነ ባጋና ኑዉ ኪትያዋ ኡባ ኑን ፖላና ꬋዮፐ፥ ጾሳይ ባረ ሁጲያን ኑ ቦላ ቱሙነ አማነቴዳ ማርካ ግዶ።
JER 42:6 ኑን ዶስያዋ ግድና፥ እጽያዋ ግድናካ፥ ኑን ኔና አኮ ኪትያ መꬍና ጎዳይ ኑ ጾሳይ አዛዝያዋ ኑን ኦꬃና። አያዉ ጎፐ፥ መꬍና ጎዳዉ አዛዘቶፐ፥ ኑዉ ኡባባይ ሎአ ግዳናዋ” ያጌድኖ።
JER 42:7 ታሙ ጋላሳፐ ጉይያን፥ መꬍና ጎዳ ቃላይ ኤርማሳኮ ዬዳ።
JER 42:8 ያትና፥ እ ቃሬሀ ናኣ ዮሀናና፥ አናና ደእያ ኦላ ጋዳዋቱዋነ አሳ ኡባ፥ ጉꬃፐ ዎጋ ጋካናዉ ጼጊደ፥
JER 42:9 ሀዋዳን ያጌዳ፤ “ህንተ ዎሳ ታን አኮ ሺሻና ማላ፥ ህንተ ታና ኪቴዳ መꬍና ጎዳይ እስራኤልያ ጾሳይ ሀዋዳን ያጌ፤
JER 42:10 ‘ህንተ ሀእ ሀ ቢታን ኡቶፐ፥ ታን ህንተና ኬጻናፐ አትና ኮልከ፤ ቶካናፐ አትና፥ ሾድከ። አያዉ ጎፐ፥ ታን ካሰ ህንተ ቦላን አሄዳ ኢታባይ ታና ካዮዬዳ።
JER 42:11 ህንተ ሀእ ያይያ ባብሎነ ካትያዉ አይነ ያዮፕተ! ህንተና አ ኩሽያፐ አሻናዉ ታን ህንተናና ደእያ ድራዉ ያዮፕተ! ታን መꬍና ጎዳይ ሀዋ ኦዳይ።
JER 42:12 ታን ህንተዉ ቃረታና፤ ያታደ እ ህንተዉ ቃረቲደ፥ ህንተና ህንተ ቢታዉ ዛራናዳን ኦꬃና’ ያጌ።
JER 42:13 “ሽን ህንተ መꬍና ጎዳዉ፥ ህንተ ጾሳዉ፥ አዛዘተናን እጺደ፥ ‘ሀ ቢታን ኡቶኮ’ ጎፐ፥
JER 42:14 ቃይ ህንተ፥ ‘ኦላ ዎርያነ ኦላዉ ፑንያ ማላካታ ስሰናሳንነ ኮሻይ ባይናሳ ግብጼ ቢደ፥ ያን ደአና’ ጎፐ፥
JER 42:15 ህንተኖ ይሁዳን አቴዳዋንቶ፥ መꬍና ጎዳይ ህንተና ግያዋ ስስተ። ኡባፐ ዎልቃማ መꬍና ጎዳይ፥ እስራኤልያ ጾሳይ ሀዋዳን ያጌ፤ ‘ህንተ ግብጼ ቢደ፥ ያን ደአናዉ ቆፋ ቃቾፐ፥
JER 42:16 ሄ ህንተ ያዬዳ ኦላይ ግብጼን ህንተና ኦይቃና፤ ህንተ ህርጌዳ ኮሻይካ ህንተና ካሊደ ባና፤ ህንተካ ያን ግብጼን ሀይቃና።
JER 42:17 ግብጼ ቢታ ቢደ ደአናዉ ቆፋ ቃቼዳ አሳይ ኡባይ ኦላን፥ ዎይ ኮሻን ዎይ ኢታ ሀርግያን ሀይቃና። ታን ኡንቱንቱ ቦላን አህያ ኢታባፐ እቱነ ከስ አከና፤ እቱነ አተና’ ያጌ።
JER 42:18 “ኡባፐ ዎልቃማ መꬍና ጎዳይ፥ እስራኤልያ ጾሳይ ሀዋዳን ያጌ፤ ‘የሩሳላመን ደእያዋንቱ ቦላን ታ ሀንቁነ ታ ይሉ ጉኬዳዋዳን፥ ህንተ ግብጼ ገልያ ዎደ ህንተ ቦላንካ ታ ሀንቁ ሄዋዳን ጉካና። ህንተ ዳጋማ፥ ሸቃ፥ ቶሽያነ ቅሊጭያዋ ግዳንታ፤ ሀ ሳኣ ላኤንꬆ ኡባካ በእክታ’ ያጌ።
JER 42:19 “ይሁዳን አቴዳዋንቶ፥ መꬍና ጎዳይ ህንተና፥ ‘ግብጼ ቦፕተ!’ ያጌዳ። ታን ሀች ህንተና፥ ‘የኤ!’ ጌዳዋ ኤርተ።
JER 42:20 ህንተ ታና፥ ‘ኑ ድራዉ መꬍና ጎዳ ኑ ጾሳ ዎሳ፤ እ ነዉ ኦድያባ ኡባካ ኑዉ ኦዳ፤ ኑን ኦꬃና’ ያጊደ፥ ታና መꬍና ጎዳኮ፥ ህንተ ጾሳኮ፥ ኪቴድታ፤ ሄዋን ዎልቃማ ባላ ባሌድታ።
JER 42:21 እ ጌዳዋ ኡባ ሀች ህንተዉ ኦዳድ። ሽን መꬍና ጎዳይ ህንተ ጾሳይ ታ ባጋና ህንተዉ ኪቴዳ ቃላዉ ህንተ አዛዘተናን እጼድታ።
JER 42:22 ስም ሀዋ ኤርተ: ህንተ ቢደ ደአናዉ ኮይያ ቢታን ህንተ ኦላን፥ ኮሻንነ ኢታ ሀርግያን ሀይቂደ ዉራና” ያጌዳ።
JER 43:1 መꬍና ጎዳይ ኡንቱንቱ ጾሳይ ኪቴዳ ቃላ ኡባ ኤርማስ ኡንቱንቶ ኦዲደ ዉርሴዳዋፐ ጉይያን፥
JER 43:2 ሆሻያ ናአይ አዛርያስ፥ ቃሬሀ ናኣ ዮሀናንነ ኦቶራንቻ አሳይ ኡባይ ኤርማሳ ሀዋዳን ያጌድኖ፤ “ኔን ዎርዱዋ ኦዳሳ! መꬍና ጎዳይ ኑ ጾሳይ ኑን ግብጼ ቢደ ኡተና ማላ ኦዳናዉ፥ ኔና ኑኮ ሙለ ኪትቤና።
JER 43:3 ሽን ባብሎነ ቢታ አሳይ ኑና ዎꬋናዳን ዎይ ኦሞዲደ ባረንቱ ቢታ አፋናዳን፥ ኔን ኑና ኡንቱንቱ ኩሽያን አꬃደ እማና ማላ፥ ኔና ኑ ቦላን ደንꬄዳዌ ኔርያ ናኣ ባሮካ” ያጌድኖ።
JER 43:4 ሄዋ ድራዉ፥ ቃሬሀ ናአይ ዮሀናን፥ ኦላ ጋዳዋቱ ኡባይነ አሳይ ኡባይ ይሁዳ ቢታን ደአናዉ፥ መꬍና ጎዳይ ኡንቱንታ አዛዜዳ አዛዙዋ ፖለናን እጼድኖ።
JER 43:5 ቃሬሀ ናአይ ዮሀናንነ ኦላ ጋዳዋቱ ኡባይ ባረንቱ ላለቴዳ ካዉተꬃቱዋ ኡባፐ ይሁዳን ደአናዉ ስሜዳ ይሁዳ አሳ ባረንቱና አኪደ፥ ግብጼ ቤድኖ።
JER 43:6 ቃይ ካትያ ናግያዋንቱ ካፑ ናቡዛራዳን ሳፋና ናኣ፥ አህቃማ ናኣ ጋዳልያና እትፐ ደአና ማላ አሼዳ አቱማ አሳቱዋ፥ ማጫ አሳቱዋ፥ ናናቱዋነ ካትያ ማጫ ናናቱዋ ኡባ አፌድኖ። ቃይካ ትምቢትያ ኦድያ ኤርማሳነ ኔርያ ናኣ ባሮካካ አፌድኖ።
JER 43:7 ሄዋዳን ሀኒደ፥ መꬍና ጎዳይ አዛዜዳዋ እጺደ፥ ግብጼ ቢታ ገሊደ፥ ጻፍናሳ ግያ ካታማ ጋካናዉ ቤድኖ።
JER 43:8 ጻፍናሳን መꬍና ጎዳ ቃላይ ኤርማሳኮ ሀዋዳን ያጊደ ዬዳ፤
JER 43:9 “ዎልቃማ ሹቻቱዋ ነ ኩሽያን ኦይቃ አካደ፥ ይሁዳ አሳይ በእሽና፥ ጻፍናሳን ደእያ ግብጼ ካትያ ጎልያ ገልያ ሳፐ ስንꬃ ባጋና ደእያ ባሱዋን ሞጋ።
JER 43:10 ኡንቱንታ ሀዋዳን ያጋ፤ ‘ኡባፐ ዎልቃማ መꬍና ጎዳይ፥ እስራኤልያ ጾሳይ ሀዋዳን ያጌ፤ “ታን ኪታደ፥ ታ ቆማ ባብሎነ ካትያ ናቡካዳናጾራ አህሳና፤ ሀ ሞገቴዳ ሹቻቱዋ ቦላን አ ካዉተꬃ አራታ ዎꬃና። ያቶፐ እ ባረ ካዉተꬃ ዱንካንያ አ ቦላን ኤሳና።
JER 43:11 እ ዪደ ግብጼ ቢታ ኦላና። ሀይቆ ደእያዋንቱ ሀይቃና፤ ኦሞዶ ደእያዋንቱካ ኦሞደታና፤ ቃይ ኦላን ሀይቃናዉ ደእያዋንቱካ ኦላን ሀይቃና።
JER 43:12 ግብጼ ጾሳቱዋ ኬꬃቱዋ እ ታማን ኦይꬃና፤ ኤቃቱዋካ ጹጋና፥ ዎይ ኦሞዶ አኪደ አፋና። ሄንꬃንቻይ ባረ ጫላ ማይያዋዳን፥ እ ግብጼ ቢታ ማያና። ያቲደ ሄዋፐ ሳሮ ባና።
JER 43:13 ግብጼ ቢታን ሄልዮፖልሳ ግያ ካታማን ደእያ ሀዉልትያ እ መንሬꬃና፤ ግብጼ ጾሳቱዋ ጎለቱዋካ ታማን ጹጋና” ያጌ’ ያጋ” ያጌዳ።
JER 44:1 ግብጼ ቢታን ምግዶላ፥ ጻፍናሳነ መምፒሳ ጌተትያ ካታማቱዋንነ ገድሳ ባጋና ደእያ ፓትሮሳ ቢታን ደእያ አይሁዳቱዋ ጼልያዋን ጾሳ ቃላይ ኤርማሳኮ ሀዋዳን ያጊደ ዬዳ፤
JER 44:2 “ኡባፐ ዎልቃማ መꬍና ጎዳይ፥ እስራኤልያ ጾሳይ፥ ሀዋዳን ያጌ፤ ‘የሩሳላመ ቦላንነ ይሁዳ ካታማቱዋ ኡባ ቦላን ታን አሄዳ ባየꬃ ኡባ ህንተ ህንተ ሁጲያን በኤድታ። ኡንቱንቱ ሀች ጋካናዉ፥ ኮለት ኡቴድኖ፤ ኦንነ ያን ደኤና።
JER 44:3 ሄዌ ሀኔዳዌ ኡንቱንቱ ኢታ ኦሱዋ ኦꬂደ፥ ታና ሀንቀꬅሲደ ድራሳ። ኡንቱንቱ ግድና፥ ህንተና ግድና፥ ዎይ ህንተ ማይዛ አዎቱዋ ግድና፥ ኦንነ ኤረና ሀራ ጾሳዉ እጻና ጩዋዪደ፥ አዉ ጎይኔድኖ።
JER 44:4 “ሀዋ ማላ ታን ጾሳይ እጽያ ሸነይያባቱዋ ኦꬆፕተ!” ያጊደ ኦዳና ማላ፥ ዛራ ዛራደ ታ ቆማቱዋ፥ ትምቢትያ ኦድያዋንታ፥ ኪታድ።
JER 44:5 ሽን ኦድያዋ ኡንቱንቱ ስሰናን ዎይ ሀይዘናን እጼድኖ። ኡንቱንቱ ሀራ ጾሳቶ እጻና ጩዋይያ ኢታ ኦሱዋ አገናን እጼድኖ።
JER 44:6 ሄዋ ጋሱዋን ታ ሱልያ ሀንቁነ ይሉ ትገቴዳ፤ ይሁዳ ካታማቱዋንነ የሩሳላመ ኦገቱዋን ኤጼዳ። ኡንቱንቱካ ሀች ህንተ በእያዋዳን፥ ኮለቴዳዋንታነ አይነ ባይናዋንታ ግዴድኖ’ ያጌ።
JER 44:7 “ሀእካ መꬍና ጎዳይ፥ ኡባፐ ዎልቃማ ጾሳይ፥ እስራኤልያ ጾሳይ፥ ሀዋዳን ያጌ፤ ‘ህንተዉ ዘረꬃይ ደኤና ማላ፥ ማጫ አሳ፥ አቱማ አሳ፥ ናናቱዋነ ዘረꬃ ይሁዳ ቢታፐ ꬋይሳናዳን፥ ሀ ሎይꬅ ኢታባ ህንተ ህንተ ቦላ አያዉ ኦꬂቴ?
JER 44:8 ህንተ ደአናዉ ገሌዳ ሀ ግብጼ ቢታን ሀራ ጾሳቶ እጻና ጩዋይያዋን ታና አያዉ ሀንቀꬂቴ? ዎይ ሳኣን ደእያ ካዉተꬃቱዋ ኡባ ግዶን ሸቃነ ቦረ ግዲደ፥ ህንተ ሁጲያ ባይዛናዉ አያዉ ኮዪቴ?
JER 44:9 ካሰ ህንተ አዎቱ፥ ይሁዳ ካተቱነ ኡንቱንቱ ማቼቱ፥ ቃይ ህንተነ ህንተ ማቼቱ ይሁዳ ካታማቱዋንነ የሩሳላመ ኦገቱዋን ኦꬄዳ ኢታተꬃ ኡባ ዶጌድቴየ?
JER 44:10 ህንተ ሀች ጋካናዉ፥ ህንተናተꬃ ሆክስበይክታ፤ ታዉካ ያይበይክታ። ቃይ ታን ህንተዉነ ህንተ ማይዛ አዋቶ እሜዳ ህግያንነ ዎጋን ብበይክታ’ ያጌ።
JER 44:11 “ሄዋ ድራዉ፥ ኡባፐ ዎልቃማ መꬍና ጎዳይ፥ እስራኤልያ ጾሳይ፥ ሀዋዳን ያጌ፤ ታን ህንተና ይሁዳ ዘረꬃ ኡባ፥ ꬋይሳናዉ ቆፋ ቃቻድ።
JER 44:12 ይሁዳን አቴዳዋንቱ ግዶፐ፥ ግብጼ ቢደ፥ ያን ደአናዉ ቆፋ ቃቼዳዋንታ ታን ꬋይሳና። ኡንቱንቱ ኡባይ ግብጼን ዉራና፤ ኦላንነ ኮሻን ሀይቃና። ዎጋፐ ጉꬃ ጋካናዉ ደእያ ኡባይ ኦላንነ ኮሻን ዉራና። ኡንቱንቱ ዳጋማ፥ ሸቃ፥ ቶሽያነ ቅሊጭያዋ ግዳናዋንታ።
JER 44:13 ታን የሩሳላመ ኦላን፥ ኮሻንነ ኢታ ሀርግያን ሙሬዳዋዳን፥ ግብጼ ቢታን ደእያዋንታካ ሙራና።
JER 44:14 አቴዳ ይሁዳ አሳቱዋፐ ግብጼን ደአናዉ ዬዳዋንቱ ግብጼቱዋ ኩሽያፐ ከስ አክክኖ። ኡንቱንቱ ስም ዪደ ደአና ጊደ አሞትያ ይሁዳ ቢታ አይ አሳይነ ስመና፤ ሀይቁዋፐ ፓላሄዳ እት አማራ አሳፐ አትና፥ ስሚደ ያና ሀራ አሳይ ደኤና ያጌ” ያጌዳ።
JER 44:15 ባረንቱ ማጫ አሳቱ ሀራ ጾሳቶ እጻና ጩዋይያዋ ኤርያ አቱማ አሳቱ ኡባይነ ሄዋን ኤቄዳ ማጫ አሳቱ ኡባይ ዎልቃማ ማባራ ግዲደ፥ ግብጼን ገድሳ ባጋና ፓትሮሳ ግያ ሳን ደእያ አሳይ ኡባይ ኤርማሳ ሀዋዳን ያጌድኖ፤
JER 44:16 “ኔን መꬍና ጎዳ ሱንꬃን ኑዉ ኦድያባ ኡባ ኑን ስሶኮ።
JER 44:17 ኑን ኦꬃና ጌዳዋ ኡባ ኦꬃና። ኑን፥ ኑ ማይዛ አዎቱ፥ ኑ ካተቱነ ኑ ካፓቱ ይሁዳ ካታማቱዋንነ የሩሳላመ ኦገቱዋን ካሰ ኦꬄዳዋዳን፥ ሳሉዋ ካታቶ ጌተትያ ኑ ጾሳትዉ እጻና ጩዊሳና፤ ኡሻ ያርሹዋካ እዉ ጉሳና። አያዉ ጎፐ፥ ኑን ካሰ ሄዋ ኦꬅያ ዎደ፥ ኑዉ ዳሮ ቁማይ ደኤ፤ ሄ ዎደ ኑዉ ሳአይ ኬካ፤ ኑና አያይነ መትቤና።
JER 44:18 ሽን ሳሉዋ ካታትዉ እጻና ጩዋይያዋነ ኡሻ ያርሹዋ ጉስያዋ አጎደፐ ሃ ስምና፥ ኑዉ ኡባባይካ ፓጬዳ፤ ኑን ኦላንነ ኮሻን ዉሬዶ” ያጌድኖ።
JER 44:19 ማጫ አሳቱ ጉጂደካ ሀዋዳን ያጌድኖ፤ “ኑን ሳሉዋ ካታቶ ማላትያ ኡክꬃ ኡክያ ዎደ፥ እጻና ጩዋይያ ዎደነ ኡሻ ያርሹዋ እዉ ጉስያ ዎደ ኡባን፥ ኑ አስናቱ ኤረናን ደእሺና፥ ኑን ኦꬄዳዌ አያይነ ባዋ” ያጌድኖ።
JER 44:20 አዉ ሄዋዳን ጊደ ዛሬዳ አሳዉ ኡባዉ፥ ማጫነ አቱማዎ፥ ኤርማስ ሀዋዳን ያጌዳ፤
JER 44:21 “ህንተነ ህንተ ማይዛ አዎቱ፥ ህንተ ካተቱነ ህንተ ካፓቱ፥ ቃይ ቢታን ደእያ አሳይ ኡባይ ይሁዳ ካታማቱዋንነ የሩሳላመ ኦገቱዋን እጻና ጩዋዬዳዋ መꬍና ጎዳይ ኤረና ዎይ ዶጌዳ ጊደ ቆፒቴ?
JER 44:22 ህንተ ኦꬅያ ኢታነ ሸነይያ ኦሱዋ መꬍና ጎዳይ ጮኡ ጋናዉ ዳንዳይቤና ድራዉ፥ ህንተ ቢታይ ባዬዳ፥ ባዙዋነ ሸቀቴዳ ቢታ ኦꬄዳ። ሀች ህንተ በእያዋዳን፥ ህንተ ቢታይ አሳይ ደኤና ቢታ ግዴዳ።
JER 44:23 ሀ ባሻይ ኡባይ ህንተና ጋኬዳዌ ህንተ ሀራ ጾሳቶ እጻና ጩዋዬዳ ድራሳ፥ መꬍና ጎዳ ናቄዳ ድራሳ፥ መꬍና ጎዳ ቃላ ስሰናን እጼዳ ግሻሳነ አ ህግያዉነ አ ዎጋዉ አዛዘተናን እጼዳ ድራሳ” ያጌዳ።
JER 44:24 ሄዋፐ ጉይያን፥ ኤርማስ አሳዉ ኡባዉ፥ ማጫነ አቱማዎ ሀዋዳን ያጌዳ፤ “ህንተኖ፥ ይሁዳፐ ዪደ፥ ግብጼ ቢታን ደእያ አሳቶ፥ ኡባይካ መꬍና ጎዳይ ግያዋ ስስተ!
JER 44:25 ኡባፐ ዎልቃማ መꬍና ጎዳይ፥ እስራኤልያ ጾሳይ፥ ሀዋዳን ያጌ፤ ‘ህንተነ ህንተ ማቼቱ፥ “ኑን ሳሉዋ ካታትዉ እጻና ጩዊሳና፤ ኡሻ ያርሹዋካ እዉ ጉሳና” ጊደ ጫቄዳ ጫቁዋ ፖሊደ፥ ኦሱዋን በሴድታ። ሀእካ ግዶፐ፥ ህንተ ጫቁዋ ምንስተነ ፖልተ’ ያጌ።
JER 44:26 “ግዶፐነ፥ ህንተኖ፥ ግብጼ ቢታን ደእያ ይሁዳ አሳቶ፥ መꬍና ጎዳይ ግያዋ ስስተ! መꬍና ጎዳይ ሀዋዳን ያጌ፤ ‘ሀዋፐ ህን ባጋን ግብጼ ቢታን ደእያ ይሁዳ አሳፐ እቱነ ታ ሱንꬃን፥ “ኡባ ሞድያ መꬍና ጎዳይ ኤሮ!” ጊደ ጫቀና ማላ፥ ታን ታ ዎልቃማ ሱንꬃን ጫቃድ።
JER 44:27 ታን ኡንቱንቱ ቦላ ሎኦባ አሀናዉ ግደናን፥ ኢታባ አሀናዉ ጼላይ። ግብጼን ደእያ ይሁዳ አሳይ ኡባና ዉራና ጋካናዉ፥ ኦላንነ ኮሻን ሀይቃና።
JER 44:28 ሽን ኦላፐ አቴዳ እት አማሬዳዋንቱ ግብጼፐ ይሁዳ ስማና። ሄ ዎደ ግብጼን ደእያ ይሁዳ አሳይ ታ ቃላፐነ ኡንቱንቱ ቃላፐ ኦግ ቱማቴደንቶነ አኬኪደ ኤራና።
JER 44:29 “ ‘ታን ህንተና ሀ ሳኣን ሙራናነ፥ “ታን ህንተ ቦላ ኢታባ አሀና” ጌዳዌ ቱማታናዎ፥ ታን መꬍና ጎዳይ ህንተዉ ማላ እማይ:
JER 44:30 ታን ይሁዳ ካትያ ሰደቅያሳ አዉ ሞርከ ግዲደ፥ አ ዎꬋናዉ ኮይያ ባብሎነ ካትያ ናቡካዳናጾራዉ አꬃደ እሜዳዋዳን፥ ግብጼ ካትያ ሆፍራካ አ ዎꬋናዉ ኮይያ አ ሞርከቶ አꬃደ እማና። መꬍና ጎዳይ ሀዋ ኦዳይ’ ያጌ” ያጌዳ።
JER 45:1 እዮስያሳ ናአይ እዮአቄም ይሁዳን ካተቴዳ ኦይደንꬆ ላይꬃን፥ ኔርያ ናአይ ባሩክ ሀ ቃላቱዋ ኤርማስ ኦድና ስሲደ፥ ማጻፋን ጻፌዳ። ሄ ዎደ ኤርማስ አዉ ኦዴዳ ቃላይ ሀዋ።
JER 45:2 “ባሮካ፥ ኔና መꬍና ጎዳይ፥ እስራኤልያ ጾሳይ ሀዋዳን ያጌ፤
JER 45:3 ‘ኔን፥ “መꬍና ጎዳይ ታ ሳኩዋ ቦላን ካዩ ጉጄዳ ድራዉ፥ አየ ታኖ! ኦልያን ዳቡራደ ሸምፑዋካ ꬋያድ” ያጋዳ’ ያጌ።
JER 45:4 “ባሮካ፥ ኔና መꬍና ጎዳይ ሀዋዳን ያጌ፤ ‘ታን ኬጼዳዋ ታን ኮላና፤ ታን ቶኬዳዋካ ታን ሾዳና። ሄዋካ ቃይ ታን ቢታን ሳኣን ኡባን ኦꬃና።
JER 45:5 ያትና፥ ኔን ነዉ ዎልቃማባ ኮያይየ? ሄዋ ኮዮፓ። አያዉ ጎፐ፥ አሳ ኡባ ቦላን ታን ኢታባ አሀና። ታን ጾሳይ ሀዋ ኦዳይ። ሽን ኔን ቤዳሳን ኡባን ታን ኔና ሀይቁዋፐ አሻና’ ያጌ” ያጌዳ።
JER 46:1 ካዉተꬃቱዋባ ኦዳናዉ መꬍና ጎዳይ ኤርማሳዉ ኪቴዳ ቃላይ ሀዋ።
JER 46:2 እዮስያሳ ናአይ እዮአቄም ይሁዳን ካተቴዳ ኦይደንꬆ ላይꬃን፥ ኤፍራጺሳ ሻፋ ማታን፥ ካርካሚሻ ግያ ሳኣን፥ ባብሎነ ካቲ ናቡካዳናጾር ጾኔዳ ግብጼ ካትያ ናኮ ኦላንቻቱዋባ ጾሳይ ሀዋዳን ያጌ፤
JER 46:3 “ህንተ ዎጋ ጎንዳልያነ ቄር ጎንዳልያ ጊግስተ፤ ኦላዉ ሳልፕተ!
JER 46:4 ህንተ ፓራ ብጻሊደ ቶግተ፤ ህንተ ሁጲያን ብራታ ቆብያ ዎꬂደ፥ ህንተ ሳኣ ሳኣ ኦይቂተ! ህንተ ቶራ ሌፍተ፤ ህንተ ኦላ ማዩዋካ ማይተ! ያጊኖ።
JER 46:5 “ሽን ሀዌ ታን በእያዌ አዬ? ግብጼ ኦላንቻቱ ያዪደ፥ ጉየ ስሜድኖ። ዎልቃማቱ ጾነቴድኖ፤ ጉየነ ጼለናን ኤሌሊደ ባቃቴድኖ። ኡንቱንቱ ዩሾ ኡባን ዳጋማይ ደኤ! መꬍና ጎዳይ ሀዋ ኦዳይ።
JER 46:6 ኤሌሊደ ዎጽያዋንቱ ከስ አካናዉ ዳንዳይክኖ፤ ምኖ ኦላንቻቱካ አታናዉ ዳንዳይክኖ። ሁጲሳ ባጋ ቢታን፥ ኤፍራጺሳ ሻፋ ማታን ኡባይካ ꬉበቲደ ኩንድ አጊኖ።
JER 46:7 “ሄዌ ናይለ ሻፋይ ኩሚደ፥ ዩሹዋ ኡባ ኩምያዋዳን፥ ቢታ ኡባ ኩሜዳዌ ኦኔ?
JER 46:8 ሄዌ ናይለ ሻፋይ ኩሚደ፥ ዩሹዋ ኡባ ኩምያዋዳን፥ ቢታ ኡባ ኩሜዳዌ ግብጼ! ግብጼ ሀዋዳን ያጌ፤ ‘ታን ክጻደ፥ ቢታን ሳኣን ኤላና፤ ካታማቱዋነ ካታማቱዋን አሳ ኡባ ባይዛና።
JER 46:9 ፓራቶ፥ ፕሪጽተ! ፓራ ጋረቱዋ ላግያዋንቶ፥ ኤለካ ላግተ! ጎንዳልያ ኦይቄዳ ቶጵያፐነ ሊብያፐ ዬዳ ኦላንቻቶ፥ ከስተ! ሊድያፐ ዬዳ ዎንዳፍያ ዱከꬃን ሎሄዳ ኦላንቻቶ፥ ዎራጅተ!’ ያጌ” ያጌዳ።
JER 46:10 ሄ ጋላሳይ ጎዳይ፥ ኡባፐ ዎልቃማ መꬍና ጎዳ ጋላሳ፥ ጾሳይ ባረ ሞርከቱዋ ቦላን ሀሉዋ ከስያ ጋላሳ። አ ማሻይ ካላና ጋካናዉ፥ ኡንቱንታ ማና፤ አላና ጋካናስካ ኡንቱንቱ ሱꬃ ኡሻና። አያዉ ጎፐ፥ ጎዳይ፥ ኡባፐ ዎልቃማ መꬍና ጎዳይ ሁጲሳ ባጋ ቢታን፥ ኤፍራጺሳ ሻፋ ማታን ኡንቱንታ ያርሹዋ ኦꬂደ አካና።
JER 46:11 ህንተኖ፥ ግብጼ አሳቶ፥ ጋላኣደ ቢታ ቢደ፥ ህንተዉ ኦከትያ ꬋልያ ደምተ። ግዶ ሽን፥ ህንተ ጮ መላ ꬋልያ ዳርሲታፐ አትና፥ ህንተዉ ፓጹ ሙለ ባዋ።
JER 46:12 ህንተ ዬላ ካዉተꬃቱ ስሴድኖ፤ ህንተ ዬክያ ዬኩዋ ቢታይ ሳአይ ስሴዳ። አያዉ ጎፐ፥ ህንተ ኦላንቻቱ እቱ እቱዋን ꬉበቲደ፥ ኡባይ እትፐ ኩንዴድኖ።
JER 46:13 ባብሎነ ካቲ ናቡካዳናጾር ግብጼ ቢታ ኦላናዉ ይያ ዎደ፥ መꬍና ጎዳይ ትምቢትያ ኦድያ ኤርማሳዉ ኦዴዳ ቃላይ ሀዋ:
JER 46:14 “ሀዋ ግብጼን ኦዳ፤ ቃይ ግብጼ ካታማቱዋን ምግዶላን፥ መምፕሳንነ ጻፍናሳን አዋያ። ‘ኦላይ ህንተ ዩሹዋን ደእያ አሳ ኡባ ዉርሲድ ደእያ ድራዉ፥ ደንድ ኤቂደ ጊገትተ!’ ያጋ።
JER 46:15 ህንተ ዎልቃማ ኦላንቻቱ አያዉ ኩንዴድኖ? መꬍና ጎዳይ ኡንቱንታ ሱጌዳ ድራዉ ኩንዴድኖ።
JER 46:16 ህንተ ኦላንቻቱ ꬉበቲደ ኩንዴድኖ። እቱ እቱዋ፥ ‘ደንድተ! ሀ ሞርክያ ማሻፐ አታናዉ፥ ኑ አሳኮ፥ ኑ ቢታ አነ ስሜቶ’ ያጊኖ።
JER 46:17 ኡንቱንቱ ያን ግብጼ ካትያ ፓሮና፥ ‘ባረ ካጫን ጎኤተናን ጮ አꬅያ ኦዳንቻ’ ጊደ ሱንꬃና” ያጌዳ።
JER 46:18 ኡባፐ ዎልቃማ መꬍና ጎዳ ጌተትያ ካቲ ሀዋዳን ያጌ፤ “ታን ታ ደኡዋን ጫቃይ: ደረቱዋ ግዱዋን ታቦራ ደሪ፥ ዎይ አባ ላንቂያን ደእያ ቃርመሎሳ ደሪ አዱቂያዋዳን አዱቂያ ሞርኪ ህንተ ቦላ ያና።
JER 46:19 ህንተኖ፥ ግብጼ ቢታን ደእያዋንቶ፥ ኦሞዱዋን ባናዉ ጊግተ። አያዉ ጎፐ፥ መምፒሳ ካታማይ ኮለቲደ፥ ኦንነ ደኤና ባዞ ግዳናዋ።
JER 46:20 “ግብጼ ቢታይ ሎእያ ኡሳት ማላ፤ ሽን ሁጲሳ ባጋ ቢታፐ ይያ ዱክያ ኡዱንጽያን አ ሳኤታና።
JER 46:21 ግብጼን ሚሻይ ጭገትያ ኦላንቻቱ ሞꬌዳ ኮሩማቱዋ ማላ። ኤ፥ ኡንቱንቱካ እትፐ ጉየ ስሚደ ባቃቴድኖ፤ ኡንቱንቱ ባረንቱ ሳኣን ኤቂበይክኖ። አያዉ ጎፐ፥ ኡንቱንቱ ባየꬃ ጋላሳይ፥ ኡንቱንቱ ሙረታና ዎዲ ጋክ ክቼዳ።
JER 46:22 “ሞርከቱ ዎልቃን ገልያ ዎደ፥ ግብጼ አሳይ ባቃትያ ሾሻዳን ሶልዳና፤ ሄ ሞርከቱ ምꬃ ቃንጽያ አሳቱዋዳን፥ ካልታ አኪደ፥ አ ቦላ ያና።
JER 46:23 አሳይ ስጽማ ዎራ ቡꬂደ ꬋይስያዋዳን፥ ግብጼ አሳ ሲፍ ዉርሳና። ታን መꬍና ጎዳይ ሀዋ ኦዳይ። ሞርከቱዋ ፓይዱ ቦልያፐካ ጮራቴ፤ ኡንቱንታ ፓይዳናዉ ዳንዳየተና።
JER 46:24 ግብጼ አሳይ ካዉሻና፤ ሁጲሳ ባጋፐ ይያ አሳቱዋ ኩሽያንካ አꬊደ እመታና” ያጌ።
JER 46:25 ኡባፐ ዎልቃማ መꬍና ጎዳይ፥ እስራኤልያ ጾሳይ ሀዋዳን ያጌ፤ “ታን ቴብሳ ካታማ ጾሳ አሞና፥ ግብጼ ካትያ፥ ግብጼ ቢታነ ግብጼ ጾሳቱዋ፥ ግብጼ ካተቱዋነ ግብጼ ካትያን ዘምፕያዋንታ ኡባ ሙራና።
JER 46:26 ኡንቱንቱ ዎꬋናዉ ኮይያ ባብሎነ ካትያ ናቡካዳናጾራ ኩሽያንነ አ ኦላንቻቱዋ ኩሽያን አꬃደ እማና። “ሄዋፐ ስምና፥ ግብጼ ቢታይ ካሰዋዳን አሳይ ደእያ ቢታ ግዳናዋ። መꬍና ጎዳይ ሀዋ ኦዳይ።
JER 46:27 “ህንተኖ፥ ታ ቆማቶ፥ ያቆባ ዛረቶ፥ ያዮፕተ! ህንተኖ፥ እስራኤላቶ፥ ዳጋሞፕተ! ህንተ ሃኮ ሳን ደእሺና፥ ታን ህንተና አሻና፤ ህንተ ዛራቱዋካ ኡንቱንቱ ኦሞደቲደ ቢታፐ የድሳና። ያቆባ ዛራቱ ስሚደ፥ አየንቶ ቦቼናን ሳሮ ደአና። ኡንቱንታ አይ አሳይነ ያሽሰና።
JER 46:28 ህንተኖ፥ ታ ቆማቶ፥ ያቆባ ዛረቶ፥ ታን መꬍና ጎዳይ ህንተናና ደእያ ድራዉ፥ ያዮፕተ! ታን ህንተና ላሌዳ ካዉተꬃቱዋ ኡባ ኡባና ꬋይሳና፤ ሽን ህንተና ኡባና ꬋይስከ። ታን ህንተና ልከ ፕርዳን ሙራና፤ ሙራይ ባይናን ህንተና ኡባና ጮ የድከ። ጾሳይ ሀዋ ኦዳይ” ያጌ።
JER 47:1 ግብጼ ካቲ ጋዛ ኦሊደ ጾናናፐ ካሰቲደ፥ ፕልስጼማ ቢታ ጼልያዋን መꬍና ጎዳፐ ትምቢትያ ኦድያ ኤርማሳኮ ዬዳ ቃላይ ሀዋ።
JER 47:2 መꬍና ጎዳይ ሀዋዳን ያጌ፤ “በእተ፥ ሁጲሳ ባጋ ቢታፐ ሃꬃይ ꬉቃናነ ድኡ ገሌዳ ኩንꬆ ሃꬃዳን ጎጋና። ቢታነ ቢታ ቦላን ደእያዋ ኡባ፥ ካታማቱዋነ ካታማቱዋ ግዶን ደእያ አሳ ኡባካ ሙካና። ያቶፐ አሳይ ዋሳና፤ ሄ ቢታን ደእያ ኡባይ ዬካና።
JER 47:3 አያዉ ጎፐ፥ ኡንቱንቱ ፓራቱዋ ኮትያ፥ ፓራ ጋረቱዋ ጊረꬃነ ጋረቱዋ ይንግርያዋን ጎንዶርሳ ስሳና፤ አዎቱ ባረንቱ ኩሺ አርጋጬዳ ድራዉ፥ ባረንቱ ናናቱዋ ማዳናዉ ጉየ ስምክኖ።
JER 47:4 ፕልስጼማ አሳ ꬋይሳናዉነ ጺሮሳነ ሲዶና አሳይ ፕልስጼማቱዋን ማደተናዳን፥ አቴዳዋንታ ቢታፐ ዎꬋናዉ ዎዲ ጋኬዳ። መꬍና ጎዳይ ፕልስጼማ አሳቱዋ፥ ሄዋንቱካ ሜድተራነ አባ ሃꬃን ዶደቴዳ ሳኣን አቴዳዋንታ ካፍቶራፐ ዬዳዋንታ ꬋይሳና ሀኔ።
JER 47:5 ጋዛ አሳይ ዎልቃማ ካዩዋ ካዮቴዳ፤ አስቃሎና አሳይካ ስርጵ ጌዳ። ህንተኖ፥ አባ ዛንጋራን ባሻፐ አቴዳዋንቶ፥ ህንተ አዉደ ጋካናዉ፥ ህንተ ቦላ ቃንጸረꬂደ ካዮቲቴ?
JER 47:6 “ህንተ፥ ‘ኔኖ መꬍና ጎዳ ማሻዉ፥ ኔን ጮኡ ጌናን እጽያዌ አዉደ ጋካናሴ? ነ ሾኩዋን ስማ ገላ! ጮኡ ጋደ ሸምፓ!’ ያጊታ።
JER 47:7 ሽን መꬍና ጎዳይ አ አዛዝና፥ እ ዋን ጮኡ ጎ ጊቴ? አስቃሎና ቦላነ አባ ዛንጋራን ቢታን ደእያ አሳ ቦላ እ አ ሱንꬅድጌዳ” ያጌ።
JER 48:1 ሞኣባ ቢታ ጼልያዋን ኡባፐ ዎልቃማ መꬍና ጎዳይ፥ እስራኤልያ ጾሳይ ሀዋዳን ያጌ፤ “ናቦ ካታማዉ አየ አና! አያዉ ጎፐ፥ እ ባያና። ቅርያታይማ ካታማይ ካዉሻናነ ኦሞደታና፤ ኡንቱንቱ ጌሱካ ካዉሻናነ መኤረታና።
JER 48:2 ሀዋፐ ህን ባጋን ሞኣባ ጬቁ ꬋያና። አያዉ ጎፐ፥ ሀሰቦና ካታማን ደእያ አሳይ ሞኣባ ቦላ፥ ‘ሃይተ! ሄ ቢታ አነ ኡባና ꬋይሴቶ’ ያጊደ ኢታባ ማቀቴዳ። ኔኖ፥ ማድሜና ካታማትዉ፥ ኔናካ ስርጵ ኦꬃና፤ ነ ጌዱዋ ኦላይ ካላና።
JER 48:3 “ሆሮናይማ አሳይ፥ ‘ላለꬃይነ ዎልቃማ ባሻይ ጋኬዳ’ ያጊደ ዋስያ ዋሱዋ ስስተ!
JER 48:4 ሞኣበ መኤረታና፤ አ ናናቱ ዬክያ ዬኩዋ ስስተ!
JER 48:5 ኡንቱንቱ ዬኪደ፥ ሉሂታ ፑደꬃ ከሳና፤ ሆሮናይማ ዱገꬃካ ባሻዉ ዋስያዋንቱ ዋሱዋ ስሲደ ዎꬋና።
JER 48:6 ኡንቱንቱ እቱ እቱዋ፥ ‘ባቃትተ! ህንተ ሸምፑዋ አሽተ!’ መላ ደምባን ደእያ አሮኤራ ካታማ ማላ ግድተ።
JER 48:7 ኔኖ፥ ሞኣባ ቢታዉ፥ ኔን ነ ዎልቃንነ ነ ዱረተꬃን ጬቀቴዳ ድራዉ፥ ኔንካ ኦሞደታና። ቃይ ካሞሻ ግያ ጾሳይካ ባረ ቄሳቱ ዋነ ባረ ሞድያዋንቱና እትፐ ኦሞደቲደ፥ ሀራሳ ባና።
JER 48:8 መꬍና ጎዳይ ኦዴዳዋዳን፥ ካታማቱዋ ኡባ ꬋይስያዌ ያና፤ እት ካታምነ ደኤና፤ ዎምባይነ ደምባይ ኡባይ እትፐ ꬋያና።
JER 48:9 ሞኣባዉ እ ፓሊደ አትያ ቀፍያ እምተ። አ ካታማቱ ኡባይ አይነ ባይናዋ ግዳና፤ እት አሳይነ ኡንቱንቱን ደኤና።
JER 48:10 “መꬍና ጎዳ ኦሱዋ ሸነኮ ጊደ ኦꬅያ ኡራይ ሸቀቴዳዋ ግዶ! ጾሳይ አዛዝ ዎꬅና፥ ሱꬃ ጉሰናዳን ባረ ማሻ ተእያ ኡራይካ ሸቀቴዳዋ ግዶ!
JER 48:11 “ሞኣበ ያላጋተꬃፐ ዶሚደ፥ እሻሉዋን ደኤዳ አሳ ማላ፤ እ ሀራ ቢታዉ ኦሞደትቤና። ሞኣበ ባꬃፐ ባꬃዉ ትገተናንነ ቃጸናን፥ ማልኡ ላመተናንነ ሳዉ አገናን፥ ኡቲደ ደእያ ዎይንያ ኤሳ ማላ።
JER 48:12 ሞኣባ አꬅ የግያዋንታ ታን መꬍና ጎዳይ ኪትያ ጋላሳቱ ያና። ኡንቱንቱ አ አꬅ የጊደ፥ ባꬃፐ ጭንግርሳና፤ አ ባꬃ መንሬꬃና።
JER 48:13 ያትና፥ እስራኤልያ አሳይ ባረ አማነቴዳ፥ ቤቴለን ደእያ ኤቃን ካዉሼዳዋዳን፥ ሞኣባ አሳይካ ባረ ጾሳን ካሞሻን ካዉሻና።
JER 48:14 “ህንተ፥ ‘ኑን ዎልቃማ አሳነ ምኖ ኦላንቻ’ ጊደ አያዉ ጬቀቲቴ?
JER 48:15 በእተ፥ ሞኣባ ቢታይነ ያን ደእያ ካታማቱ ባዬድኖ። አ ያላጋ አቱማ አሳቱካ ሹከታናዉ ዱገ ቤድኖ። ታን ካቲ፥ ኡባፐ ዎልቃማ መꬍና ጎዳ ጌተትያዌ ሀዋ ኦዳይ።
JER 48:16 ሞኣባ ባሻይ ማታቴዳ፤ ቱጋይ አ ቦላን ይያ ዎዲካ ኤሌሊደ ጋኬዳ።
JER 48:17 “አ ዩሹዋን ደእያ አሳዉ፥ አ ዎጋተꬃካ ኤርያ ኡባዉ፥ ‘ምኖ ግዴዳ ካዉተꬃ ጻምአይ ዋን መኤዴ! ቦንቼቴዳ ጻምአይ ዋን ክንቼቴዴ!’ ያጊደ ዝላልተ።
JER 48:18 “ህንተኖ፥ ድቦና ካታማን ደእያዋንቶ፥ ህንተ ቦንቾ ሳኣፐ ዎꬊደ፥ መላ ቢታን ኡትተ። አያዉ ጎፐ፥ ሞኣባ ꬋይስያዌ ህንተ ቦላንካ ያና፤ ህንተ ጌሱዋ ኡባካ ላላና።
JER 48:19 “አሮኤራ ካታማን ደእያዋንቶ፥ ኦግያ ዶናን ኤቂደ ጼልተ፤ ከስ አኪደ ባቃትያ አቱማ አሳነ ማጫ አሳ፥ ‘አዬ ከሴዳዌ?’ ያጊደ ኦችተ።
JER 48:20 “ኡንቱንቱ፥ ‘ሞኣበ መኤዳ ድራዉ ካዉሼዳ፤ አዉ ዬክተነ ዝላልተ! ሞኣበ ባዬዳዋ አርኖና ሻፋ ላንቂያን አዋይተ!’ ያጊደ ዛራና።
JER 48:21 “ገዝያን ደእያ ሆሎና፥ ያህጻ፥ መፋኣታ፥
JER 48:22 ድቦና፥ ናቦ፥ ቤት-ድብላታይማ፥
JER 48:23 ቅርያታይማ፥ ቤት-ጋሙላ፥ ቤት-ማኦና፥
JER 48:24 ቅርያታነ፥ ቦጽራ ጌተትያ ካታማቱዋ ቦላንነ ማታንነ ሃኩዋን ደእያ ሞኣባ ካታማቱዋ ቦላን ፕርዳይ ዬዳ።
JER 48:25 ሞኣባ ካጪ ቃንጸቴዳ፤ አ ቀሲካ መኤዳ።
JER 48:26 “መꬍና ጎዳ ቦላን ኦቶረቴዳ ድራዉ፥ ሞኣባ ኡሺደ ማꬆይተ። ባረ ጮሼዳ ጮሻ ቦላን ጎንዶረቶ፤ አሳይ ኡባይካ አ ቦላን ቅሊጮ።
JER 48:27 ካሰ ኔን እስራኤልያ ቦላን ቅሊጫበይኪ? አባ ሃሳይያ ዎደ፥ ኔን ካꬋደ ሁጲያ ቃꬄዳዌ እስራኤሊ ካይሶቱዋ ግዶፐ ኦይቀቲኔየ?
JER 48:28 “ህንተኖ፥ ሞኣባን ደእያዋንቶ፥ ካታማፐ ከስ ቢደ፥ ሹቻ ጎንጎሉዋ ግዶን ደእተ። አፉዋ ዶናን ባረ ጎልያ ኬጽያ ሀራጳት ማላ ግድተ።
JER 48:29 ሞኣበ ሎይꬅ ኦቶረቴዳ፤ ሞኣባ አሳይ አይ ኬሻ አይንቶ፥ አሌቅንቶነ ኦቶረትንቶ፥ ቃይ ባረንታ ኡንቱንቱ አይ ኬሻ ꬎቂስ ዎꬄደንቶ፥ ታን ስሳድ።
JER 48:30 ታን መꬍና ጎዳይ ኡንቱንቱ አሌቁዋ ኤራይ፤ ሽን አይነ ማደና፤ ኡንቱንቱ ጬቁካ አያካ ኦና።
JER 48:31 ሄዋ ድራዉ፥ ታን ሞኣባዉ ዋሳይ፤ ቂርሄሬሳ አሳዉካ ካዮታደ ዬካይ።
JER 48:32 “ህንተኖ፥ ሲብማ አሳዉ፥ ያእዜራ አሳዉ ዬክያዋፐ አꬃደ ታን ህንተዉ ዬካይ። ህንተ ታሺ ዳሺደ፥ ማጽያ አባ ፕኒደ፥ ያእዜራ ጋኬዳ ዎይንያ ቱራ ማላ፤ ሽን ህንተ ኦፍንꬃ ቴራነ ህንተ ዎይንያ ዉርጩዋ ቦንቂያዋንቱ ዪደ ꬋይስድጌድኖ።
JER 48:33 ሎኦ ካꬃይ አይፍያ ሞኣባ ቢታፐ ፓሽካይነ ናሸቻይ አከት ክቼዳ። ዎይንያ ቴራ ጉምእያ ሳአቱዋፐካ ዎይንያ ኤሳይ ጎገናዳን ተአ ድጋድ። ኦንነ ላኤንꬆ አ እልሊድ ጉምኤና። አሳ ኮሻይ ስሰቶፐካ፥ ናሸቻ ኮሻ ግደና።
JER 48:34 “ኡንቱንቱ ሀሰቦናንነ ኤልኣለን ዋስያ ዋሱ ያሃጻ ጋካናዉ ስሰቴ። ቃይ ጾኣሮፐ ቢደ፥ ሆሮናይማነ ኤግላት-ሻሊሽያ ጋካናዉ ስሰቴ። ሀራይ አቶ ንምሪማ ሃꬃይካ መሌዳ።
JER 48:35 “ታን ሞኣባን አሳይ ጎይንያ ꬎቃ ሳአቱዋን ያርሽያዋንታ ባረንቱ ጾሳቶ እጻና ጩዋይያዋንታ ꬋይሳና። ታን መꬍና ጎዳይ ሀዋ ኦዳይ።
JER 48:36 ኡንቱንቱ ካሰ ደሜዳ ዱረተꬃይ ኡባይ ሀእ ꬋይክቼዳ ድራዉ፥ ታ ዎዛናይ ሞኣባዉነ ቂርሄሬሳ አሳዉ ባልያን ህጽጽያን ዬክያዋዳን ዬኬ።
JER 48:37 ኡንቱንቱ ኡባይ ባረንቱ ሁጲያነ ባረንቱ ቡቻ ሜዴድኖ፤ ባረንቱ ኩሽያካ ቃንጺደ ማዱꬄድኖ፤ ቃይ ባረንቱ ጼሳንካ ማቃ ዳንጬድኖ።
JER 48:38 ሞኣባን ደእያ ጎልያ ሁጲያ ኡባንነ ዳባባን ዬኩዋፐ አትና፥ ሀራባይ ባዋ። አያዉ ጎፐ፥ ሞኣባ ታን ኦንነ ኮየና ኦቱዋዳን መንꬃድ። ታን መꬍና ጎዳይ ሀዋ ኦዳይ።
JER 48:39 “ሞኣበ አይ መኡዋ መኤዴ! አ አሳይነ አይ ዋሱዋ ዋስ! ሞኣበ ዬላቲደ፥ ባረ ዞክያ ዎራ አይ ዛሩዋ ዛሪ! ሄዋ ድራዉ፥ ሞኣበ ባረ ዩሹዋን ደእያ ኡባቶ ሚጭያዋነ ዳጋምያባ ግዴዳ” ያጌ።
JER 48:40 መꬍና ጎዳይ ሀዋዳን ያጌ፤ “አርጋንꬃይ ባረ ቀፍያ ፕድ ኦꬅ ፓሊደ ይያዋዳን፥ ሞርኪ ሞኣባ ቦላን ያና።
JER 48:41 አ ካታማቱ ኦይቀታና፤ አ ጌሳቱካ አከታና። ሄ ጋላስ ሞኣባ ምኖ ኦላንቻቱዋ ዎዛናይካ ኦይꬃይ ኦይቄዳ ማጫ ምሽራት ዎዛና ማላ ግዳናዋ።
JER 48:42 ሞኣበ ታ ቦላን፥ መꬍና ጎዳ ቦላን ማካሌዳ ድራዉ ꬋያና፤ ሀዋፐ ስንꬃዉ እ ካዉተꬃ ግደና።
JER 48:43 “ህንተኖ፥ ሞኣባን ደእያዋንቶ፥ ያሽያዌ፥ ኦላይነ ጲሪ ህንተና ናጌ። ታን መꬍና ጎዳይ ሀዋ ኦዳይ።
JER 48:44 ያሽያዋፐ ባቃቲደ ዎጽያ ኦንነ ኦላን ኩንዳና፤ ቃይ ኦላፐ ፑደ ከስያ ኦንነ ጲርያን ኦይቀታና። አያዉ ጎፐ፥ ታን ሞኣባ ሙርያ ዎድያን ሄዋ ኦꬃና። መꬍና ጎዳይ ሀዋ ኦዳይ።
JER 48:45 “ባቃቲደ ቤዳዋንቱ ዎልቃ ꬋዪደ፥ ሀሰቦና ካታማ ኩዋን ኤቄድኖ። አያዉ ጎፐ፥ ሀሰቦና ካታማፐ ታማይ፥ ቃይ ካቲ ስሆን በን ደኤዳ ጎልያፐ ላጩ ከሲደ፥ ሞኣባ ቢታ ኡባነ አን ደእያ ማካላንቻ አሳ ማና።
JER 48:46 ሞኣባ አሳዉ፥ ህንተዉ አየ አና! ካሞሻ ግያ ጾሳዉ ጎይንያዋንቱ ꬋዬድኖ፤ ኡንቱንቱ አቱማ ናናቱነ ማጫ ናናቱ ኦሞደቲደ ቤድኖ።
JER 48:47 “ግዶፐነ፥ ዉርሰꬃ ዎደቱዋን ታን ሞኣባ አሳዉ ዛራደ ሳኣ እሻልሳና። ታን መꬍና ጎዳይ ሀዋ ኦዳይ” ያጌ። ሞኣባ ቦላ ኦደቴዳ ትምቢቲ ሀዋን ዉሬዳ።
JER 49:1 አሞና አሳ ጼልያዋን መꬍና ጎዳይ ሀዋዳን ያጌ፤ “እስራኤልያዉ አቱማ ናአይ ባዌ? ዎይ ላትያዌ ባዌ? ያትና፥ ሞሎካ ግያ ጾሳዉ ጎይንያ አሳቱ ጋዳ ቢታ አያዉ ኦይቄድኖ? ኡንቱንቱ ካታማንካ አያዉ ኡቴድኖ?
JER 49:2 አሞና አሳይ ደእያ ራባ ካታማ ቦላን ኦላ ዋሱ ስሰታናዳን፥ ታን መꬍና ጎዳይ ኦꬃና ጋላሳቱ ያና። ሄ ካታማይ ኮለቲደ፥ መላ አታናዋ። አ ዩሹዋን ደእያ ቄር ካታማቱካ ታማን ጹገታና። እስራኤልያ አሳይካ ባረና ባረ ላታፐ የደርሴዳዋንታ የደርሳና። ታን መꬍና ጎዳይ ሀዋ ኦዳይ።
JER 49:3 “ህንተኖ፥ ሀሰቦና አሳቶ፥ አታ ካታማይ ኮለት ክቼዳ ድራዉ ዝላልተ! ህንተኖ፥ ራባ አሳቶ፥ ዬክተ! ማቃ ማዪደ ካዮትተ! ቃይ ዎዛና ባዪደ፥ ካታማ ግምቢያ ግዶን ዎጸረትተ! አያዉ ጎፐ፥ ህንተ ጾሳይ ሞሎክ ባረ ቄሳቱ ዋነ ባረ ሞድያዋንቱና ኦሞደታና።
JER 49:4 ህንተኖ፥ አማኑ ባይና አሳቶ፥ ህንተ፥ ‘ኑ ቦላን ኦን ዎራጂ?’ ያጊደ ህንተ ዱረተꬃንነ ህንተ አራዳ ዎምባቱዋን አያዉ ጬቀቲቴ?
JER 49:5 ታን ነ ዩሹዋን ደእያዋንቱ ኡባይ ኔና ዳጋንꬃናዳን ኦꬃና። ታን መꬍና ጎዳይ፥ ኡባፐ ዎልቃማ መꬍና ጎዳይ ሀዋ ኦዳይ። ህንተ ኡባይካ ከሲደ ባቃታና፤ ቃይ ባቃቲደ ቤዳዋንታ ሺሽያዌ ꬋያና።
JER 49:6 “ግዶፐነ፥ ዉርሰꬃ ዎደቱዋን ታን አሞና አሳዉ ዛራደ እሻልሳና። ታን መꬍና ጎዳይ ሀዋ ኦዳይ” ያጌ።
JER 49:7 ኤዶማ ቢታ ጼልያዋን ኡባፐ ዎልቃማ መꬍና ጎዳይ ሀዋዳን ያጌ፤ “ተማና አሳዉ አꬌዳ ኤራተꬃይ ባዌ? ጭንጫ አሳቱዋፐ ዞሪ ꬋይ ክቼዴ? ኡንቱንቱ አꬌዳ ኤራተꬃይ ኡንቱንቱፐ ጎዘት ክቼዴ?
JER 49:8 ህንተኖ፥ ዳዳናን ደእያዋንቶ፥ ባቃቲደ ጪማ ጎንጎሉዋን ቆሰትተ! አያዉ ጎፐ፥ ታን ኤሳ ዘረꬃ ሙርያ ዎድያን፥ አ ቦላ ባየꬃ አሀና።
JER 49:9 ዎይንያ ማጽያዋንቱ ዮፐ፥ ማጺደ ቃርምያ አሽክኖ? ካይሳቱ ቃማ ገሎፐካ፥ ባረንታ ኮሽያዋ ጻላላ አክክኖ?
JER 49:10 ሽን ታን ኤሳ ዘረꬃ ቃራደ ካሎ አሻና፤ ኡንቱንቱ ቆሰታናዉ ዳንዳየና ማላ፥ ኡንቱንቱ ቆሰትያ ሳአቱዋካ ታን ቃራደ፥ ቆንጨ ሳኣ ኦꬃና። ኤሳ ዘረꬃይ፥ አ ዳቦቱነ አ ሾሮቱ ኡባይ ꬋያና።
JER 49:11 ህንተ ግዶን ደእያ አዉ ሀይ ድጌዳ ናናቱዋ ታዉ አግ ባሽተ፤ ኡንቱንታ ታን ድቻና። ቃይ ህንተ አምኤቱካ ታናን አማነትኖ” ያጌ።
JER 49:12 መꬍና ጎዳይ ሀዋዳን ያጌ፤ “ስም ሙረታናዉ በሰና አሳቱ ሙሩዋ ጹኣ ኡሽያዋንታ ግዶዋፐ አትና፥ ህንተ ዋን ሙረተናን አታና ጊደ ቆፒቴ? ቱማ ህንተካ ሙሩዋ ጹኣፐ ኡሺታፐ አትና፥ ጮ አትክታ።
JER 49:13 ቦጽራ ካታማይ መላ ግዲደ አታና፤ አ በኤዳ አሳዉ ኡባዉ ዳጋንꬅያባ፥ ቅሊጭያባነ ቦርያባ ግዳናዋ። ቃይ አ ዩሹዋን ደእያ ቄር ካታማቱ ኡባይካ መꬍናዉ ኮለቲደ አታናዋ። ሀዋ ታን መꬍና ጎዳይ ታ ሱንꬃን ጫቃይ” ያጌ።
JER 49:14 ታን መꬍና ጎዳፐ ዬዳ እት ኪታ ስሳድ። ካዉተꬃቱዋ ግዶ ኪተቴዳዌ፥ “ኤዶማ ቦላ ዶዳናዉ ሺቅተ! አናና ኦለታናዉ ደንድተ!” ያጌዳ።
JER 49:15 መꬍና ጎዳይ ሀዋዳን ያጌ፤ “ስም ታን ህንተና ካዉተꬃቱዋ ግዶን ጉꬃና፤ አሳ ግዶንካ ካቴዳዋንታ ኦꬃና።
JER 49:16 ህንተኖ፥ ሹቻ ጎንጎሉዋንነ ደርያ ቦላን ደእያዋንቶ፥ ህንተ ያሽስያ ያሻይነ ህንተ ኦቶሩ ህንተና ጭሜዳ። ህንተ ህንተ ጎልያ አርጋንꬃዋዳን ꬎቃን ኬጾፐካ፥ ታን ህንተና ሄዋፐካ ዱገ ዎꬃና።
JER 49:17 “ኤዶማ ቢታይ አሳ ዳጋንꬅያ ቢታ ግዳናዋ። ያና አꬍያ አሳይ ኡባይ አ ባየꬃ በኢደ፥ ዳጋማናነ፥ ‘ፖራ!’ ጋና።
JER 49:18 ሶዶምነ ጋሞር ባረንቱ ዩሹዋን ደእያ ካታማቱዋና ባይያ ዎደ ሀኔዳዋዳን፥ ኦንነ ያን ደኤና፤ አሳይ ኡባካ ያን ኡተና። ታን መꬍና ጎዳይ ሀዋ ኦዳይ።
JER 49:19 “ዮርዳኖሳ ሻፋ ላንቂያን ደእያ ዎራፐ ሎኦ ቆሩ ደኢያሳ ቆፐናን ከስያ ጋሙዋዳን፥ ታን ያደ፥ ኤዶማ አሳቱዋ ቆፐናን ኡንቱንቱ ቢታፐ የደርሳና። ሄዋፐ ጉይያን፥ ታ ዶሬዳ አሳ አ ቦላን ሱንꬃና። ታ ማላይ ባዋ፤ ታን ኦꬃና ጌዳዋካ ተአናዉ ዳንዳይያ አሳይ ባዋ። አይ ሄንꬃንቻይ ታናና ኤቀታናዉ ዳንዳዪ?
JER 49:20 “ሄዋ ድራዉ፥ ታን መꬍና ጎዳይ ኤዶማ ቦላንነ ተማና ካታማ አሳ ቦላን ኦꬃናዉ ሀልቼዳዋነ ቆፔዳዋ ስስተ! ኡንቱንቱ ናናቱዋ ዎልቃን ጎቺደ አፋና፤ ሄዋ ጋሱዋን ኡንቱንቱ ሶ አሳይ ኡባይ ዳጋማና።
JER 49:21 ኤዶማ ኩንደꬃ ጊረꬃይ ቢታ ቃꬃና፤ ኤዶማቱዋ ዋሱካ ዞኦ አባ ጋካናዉ ስሰታና።
JER 49:22 አርጋንꬃይ ባረ ቀፍያ ፕድ ኦꬂደ፥ ቦላፐ ዱገ ኤለካ ፓሊደ ይያዋዳን፥ ሞርኪ ቦጽራ ቦላን ያና። ሄ ጋላስ ኤዶማ ኦላንቻቱ ኦይꬃይ ኦይቄዳ ምሽራቲዳን ህርጋና” ያጌ።
JER 49:23 ዳማስቆ ጼልያዋን ጾሳይ ሀዋዳን ያጌ፤ “ኢታ ኦዱዋ ስሴዳ ድራዉ፥ ሀማታነ አርፋዳ ካታማቱዋን ደእያ አሳይ ዬላቴዳነ ያዬዳ። ቤታይ ሾጭያ አባዳን፥ ኡንቱንታ ዎዛናይ ሸምፑዋ ደማናዉ ዳንዳይቤና።
JER 49:24 ዳማስቆ አሳይ ዳቡሬዳ፤ ኡንቱንቱ ዳጋማን ሻባረቲደ ባቃቴድኖ፤ ምሽራቶ ኦይꬃይ ኦይቂያዋዳን፥ መቱነ ቱጋይ ኡንቱንታ ኦይቄዳ።
JER 49:25 ናሸቻይ ኩሜዳ ሄ ኤረቴዳ ካታማይ አሳይ ደኤና ሳኣ ግዳናዋ!
JER 49:26 ሄዋ ድራዉ፥ ሄ ጋላሳን ሄ ካታማን ደእያ ያላጋ አቱማ አሳ ኡባይ ካታማ ግዶ ኦገቱዋን ሀይቃና፤ ኦላንቻቱ ኡባይካ ዉራና። ታን፥ ኡባፐ ዎልቃማ መꬍና ጎዳይ ሀዋ ኦዳይ።
JER 49:27 ታን ዳማስቆ ካታማ ድርሳ ግምቢያን ታማ የዳና፤ ሄ ታማይ በንሀዳዳ ካዉተꬃ ጎልያ ኡባ ማና” ያጌ።
JER 49:28 ባብሎነ ካቲ ናቡካዳናጾር ኦሊደ ጾኔዳ ቄዳረነ ሀጾራ ካዉተꬃቱዋ ጼልያዋን መꬍና ጎዳይ ሀዋዳን ያጌ፤ “ደንድተ፤ ቄዳረ አሳ ኦልተ! ሄ አዋይ ዶልያ ባጋና ደእያ አሳ ዉርስተ!
JER 49:29 ኡንቱንቱ ዱንካነቱዋነ ኡንቱንቱ ዉደቱዋ አክተ! ኡንቱንቱ ጋርዳቱዋ፥ ኡንቱንቱ ማጹዋ ኡባነ ኡንቱንቱ ጋሎቱዋ አክተ! ያቲደ ኡንቱንቶ፥ ‘ህንተ ዩሾ ኡባን ሻቢርሳይ ደንዴዳ!’ ያጊደ ኦድተ።
JER 49:30 “ህንተኖ፥ ሀጾራን ደእያዋንቶ፥ ባብሎነ ካቲ ናቡካዳናጾር ህንተ ቦላን ኢታባ ኦꬃናዉ ማቀት ኡቴዳ ድራዉ፥ ባቃትተ፤ ሃኮ ሳ ቢደ፥ ጪማ ጎንጎሉዋን ቆሰትተ! መꬍና ጎዳይ ሀዋ ኦዳድ።
JER 49:31 “ናቡካዳናጾራ፥ ደንዳ! ህርግ ባይናን ሳሮ ደእያ ካዉተꬃቱዋ ቦላ ዎራጃ! ታን መꬍና ጎዳይ ሀዋ ኦዳይ። ኡንቱንቱ ካታማ ግምቢያዉ እፍꬃይ ዎይ ኩሉቡ ባዋ። ኡንቱንቱ ባረካ ደኢኖ።
JER 49:32 “ኡንቱንቱ ጋሎቱ ቦንቀታና፤ ኡንቱንቱ ዉዲካ ኦሞደታና። ባረንቱ ሁጲያ ሹፌርያ ሜድስያዋንታ ኡባ ታን ጫርኩዋን ላላና፤ ታን ኡባ ሳና ኡንቱንቱ ቦላ ባየꬃ አሀና። ታን መꬍና ጎዳይ ሀዋ ኦዳይ።
JER 49:33 ሀጾር መꬍናዉካ ዎራካናቱ ደእያ ባዞ ግዲደ አታናዋ። ኦንነ ያን ደኤና፤ አሳይ ኡባካ ያን ኡተና” ያጌ።
JER 49:34 ይሁዳ ካቲ ሰደቅያስ ኮይሮ ካተቴዳ ዎደ፥ ኤላማ ቢታ ጼልያዋን መꬍና ጎዳፐ ኤርማሳኮ ዬዳ ቃላይ ሀዋ።
JER 49:35 ኡባፐ ዎልቃማ መꬍና ጎዳይ ሀዋዳን ያጌ፤ “ኤላማዉ ዋና ዎልቃ ግድያ ኡንቱንቱ ዎንዳፍያ አሳቱዋ ታን ዎꬋና።
JER 49:36 ኡባ ሳና ታን ኤላማ ቦላን ጫርኩዋ አሀና፤ ኡንቱንታካ ሄ ጫርኩዋን ኡባሳ ላላና። ሄዋ ድራዉ፥ ኤላማ አሳይ ላለቲደ ጋከና ቢታይ ደኤና።
JER 49:37 ኡንቱንቱ ሞርከቱዋ ስንꬃንነ ኡንቱንታ ዎꬋናዉ ኮይያዋንቱ ስንꬃን ታን ኤላማ ዳጋንꬃና። ታን ታ ዎልቃማ ሀንቁዋን ኡንቱንቱ ቦላ ባየꬃ አሀና። ታን መꬍና ጎዳይ ሀዋ ኦዳይ። ታን ኡንቱንታ ꬋይሳና ጋካናዉ፥ ማሻን የደርሳና።
JER 49:38 ታን ኤላማ ካትያነ ኡንቱንቱ ካፖቱዋ ꬋይሳደ፥ ታ ካዉተꬃ አራታ ያን ዎꬃና ያጌ መꬍና ጎዳይ።
JER 49:39 “ግዶፐነ፥ ዉርሰꬃ ዎደቱዋን ታን ኤላማ አሳ ዛራደ እሻልሳና። ታን መꬍና ጎዳይ ሀዋ ኦዳይ” ያጌ።
JER 50:1 ባብሎነ ቢታነ ባብሎነ አሳ ጼልያዋን ትምቢትያ ኦድያ ኤርማሳ ባጋና መꬍና ጎዳይ ኦዴዳ ቃላይ ሀዋ:
JER 50:2 “ካዉተꬃቱዋ ግዶን ኦድተነ አዋይተ። ባንድራ ꬎቁ ኦꬅ ኦይቂደ፥ አያነ ቆሰናን፥ ሀዋዳን ያጊደ ኦድተ፤ ‘ባብሎነ ኩንዴዳ! ቤላነ ማርዱካ ጌተትያ አ ጾሳቱካ ዬላቴድኖነ መኤረቴድኖ። ቃይ አ ምስለቱነ አ ኤቃቱ መኤረቴድኖ።
JER 50:3 ሁጲሳ ባጋ ቢታፐ እት ካዉተꬃይ ያና፤ ባብሎነ ቢታ ባይዛና። ያቶፐ አሳይካ መሂካ ኡባይ ባቃታና፤ ኦንነ ያን ደኤና’ ያግተ” ያጌዳ።
JER 50:4 መꬍና ጎዳይ ሀዋዳን ያጌ፤ “ሄ ዎድያንነ ሄ ጋላሳቱዋን እስራኤልያ አሳይነ ይሁዳ አሳይ እትፐ ግዲደ፥ ዬኪደ ያና፤ መꬍና ጎዳ ባረንቱ ጾሳ ኮያና።
JER 50:5 ኡንቱንቱ ጽዮነ አፍያ ኦግያ ኦቺደ፥ ባረንቱ ስንꬃ ያ ዛሪደ፥ ‘ሃይተ!’ ኑን ኡባካ ዶገተና መꬍና ጫቁዋ መꬍና ጎዳና አነ ጫቀቴቶ ያጋና።
JER 50:6 “ታ አሳይ ባዬዳ ዶርሳቱዋ ማላ ግዴዳ፤ ኡንቱንቱ ሄንꬃንቻቱ ኡንቱንታ ባለꬂደ፥ ደርያን ዎራ የዴድኖ። እት ሳፐ ሀራ ደርያ ቶይላካቲደ፥ ባረንቱ አቅያ ሳኣ ዶጌድኖ።
JER 50:7 ደሜዳ ኡባይ ኡንቱንታ ሻንካቴዳ። ኡንቱንቱ ሞርከቱ፥ ‘ኑን አይነ ባይዝበይኮ፤ ሀዌ መቱ ኡባይ ኡንቱንታ ጋኬዳዌ፥ ኡንቱንቱ መꬍና ጎዳ፥ ባረንቱ ሸምፑዋ ሳኣ፥ መꬍና ጎዳ ባረንቱ ማይዛ አዎቱዋ ህዶታ ናቄዳ ግሻሳ’ ያጌድኖ።
JER 50:8 “ህንተኖ፥ እስራኤልያ አሳቶ፥ ሀእ ስም ባብሎነ አሳ ግዶፐ ከሲደ ባቃትተ! ባብሎናቱዋ ቢታፐ ቢተ! ያቲደ ዉድያ ካለꬅያ ዴሻ ኦርግያ ማላ ግድተ።
JER 50:9 አያዉ ጎፐ፥ ታን ሁጲሳ ባጋ ቢታፐ ዎልቃማ ዎልቃማ ካዉተꬃቱዋ ጭታቱዋ ደንꬃደ፥ ባብሎነ ቦላ አሃደ ደአይ። ኡንቱንቱ አ ኦሊደካ ኦይቃና፤ ኡንቱንቱ ዎንዳፊ ዱኪደ የዴዳ ሂላንቻ ኦላንቻ ማላ።
JER 50:10 ባብሎነ ቢታይ ቦንቀታና፤ አ ቦንቂያ ኡባይ ካላና። ታን መꬍና ጎዳይ ሀዋ ኦዳይ።
JER 50:11 “ህንተኖ፥ ባብሎነ አሳቶ፥ ታ አሳ ቦንቂያዋንቶ፥ ህንተ ናሸቲደ፥ ፖጩ ጌድታ። ቆሩዋ ካሌዳ ኡሳቲዳን፥ ህንተ ጲጽሌድታ፤ ዎታራ ፓራዳን ጫጌድታ።
JER 50:12 ሽን ሀእ ህንተ ዋና ካታማይ ዬላታናነ ካዉሻና። ቃይ ካዉተꬃቱዋ ግዶንካ ባብሎነ ኡባፐ ዉርሰꬃ ግዳናዋ፤ ሃꬅ ባይና መላ ቢታ ግዳናዋ።
JER 50:13 መꬍና ጎዳ ሀንቁዋ ጋሱዋን፥ ባብሎነ አሳይ ደኤናሳ ግዳናዋ፤ እ ኡባና ኮለተና። አ ላንቂያና አꬍያ ኡባይ አ ቦላን ጋኬዳ ቦሻ በኢደ፥ ዳጋማናነ፥ ‘ፖራ!’ ጋና።
JER 50:14 “ህንተኖ፥ ዎንዳፍያ ዱክያዋንቶ፥ ባብሎነ ኦላናዉ አ ዩሹዋን ሳልፕተ፤ እ መꬍና ጎዳ ቦላን ናጋራ ኦꬄዳ ድራዉ፥ ህንተ ፖꬃቱዋን ኡባን አ ዱክተ።
JER 50:15 ኡባ ባጋናካ ባብሎነ ቦላን ኦላ ዋሱዋ ዋስተ! ባብሎነ ኩሽያ እሜዳ፤ አ አዱሳ ግምበቱ ኩንዴድኖ፤ አ ግምቢያ ድርሳይካ ኮለቴዳ። መꬍና ጎዳይ አ ቦላን ሀሉዋ ከሲደ ደእያ ድራዉ፥ ህንተካ አ ቦላን ሀሉዋ ከስተ! እ ሀራቱ ቦላን ኦꬄዳዋ ህንተካ አ ቦላን ኦꬅተ!
JER 50:16 ዘረꬃ ዘርያዋነ ጫካ ዎደ ሺሻናዉ ከስያዋ ኡባ ባብሎነፐ ꬋይስተ። ኡንኤꬅያዋንቱ ማሻዉ ያዬዳ ድራዉ፥ ሄ ቢታን ደእያ አሳይ ኡባይ ባረ ያራኮ ያራኮ ስሚደ፥ ባረ ቢታ ቢታ ባቃታና።
JER 50:17 “እስራኤሊ ጋሙ የደርሲደ ላሌዳ ዶርሳ ማላ። ኮይሮ አሶረ ካቲ አ አሹዋ ሜዳ፤ ዉርሰꬃን ቃይ ባብሎነ ካቲ ናቡካዳናጾር አ መቀꬃ ꬎጌዳ።
JER 50:18 ሄዋ ድራዉ፥ ኡባፐ ዎልቃማ መꬍና ጎዳይ፥ እስራኤልያ ጾሳይ፥ ታን ሀዋ ኦዳይ: አሶረ ካትያ ታን ሙረዳዋዳን፥ ባብሎነ ካትያካ አ ቢታካ ሙራና።
JER 50:19 ሽን እስራኤልያ እ ሄመትያ ሳኣ ዛራና፤ ቃርመሎሳነ ባሳነ ደረቱዋን እ ሄመታና። ቃይ ኡንቱንቱ ኤፍሬማ ገዝያንነ ጋላኣደ ገዝያን ካሊደ ማና።
JER 50:20 ሄ ዎድያንነ ሄ ጋላሳቱዋን አሳይ እስራኤልያን ባይዙዋ ኮያና፤ ሽን ባይዙ ꬋያና፤ ይሁዳን ናጋራ ኮያና፤ ሽን ቤተና። አያዉ ጎፐ፥ ሀይቁዋፐ ታን አሼዳ እስራኤልያ አሳ አቴዳዋንቱ ናጋራ ታን አቶ ያጋና። ታን መꬍና ጎዳይ ሀዋ ኦዳይ” ያጌ።
JER 50:21 ቃይካ መꬍና ጎዳይ ሀዋዳን ያጌ፤ “ምራታይማ ቢታነ ፕቆዳ ቢታን ደእያ አሳ ቦላን ደንድተ፤ ኡንቱንታ ኦልተ፥ ዎꬍተነ ኡንቱንታ ሙለ ꬋይስተ። ታን ህንተና አዛዜዳዋዳን ኡባባ ኦꬅተ።
JER 50:22 ሄ ቢታን ኦላ ዋሱ ስሰቴ፤ ዎልቃማ ባሻይካ ጋኬዳ።
JER 50:23 ቢታ ሳኣ ኡባ ሊቅስያ ድጅኑ አይ መኡዋ መኤዴ! አይባ ሊቁዋ ሊቄዴ! ካዉተꬃቱዋ ኡባ ግዶን ባብሎነ አይባ ዳጋንꬅያባ ግዴዴ!
JER 50:24 ኔኖ፥ ባብሎነ፥ ታን ኔና ኦይቃናዉ ጲርያ ዎꬃድ፤ ኔን ኤረናን ደኣደ ገላደ ኦይቀታዳ። ኔን ታናና፥ መꬍና ጎዳና ጋዳቴዳ ድራዉ ኦይቀታዳ።
JER 50:25 ታን መꬍና ጎዳይ ታ ኦላ ሚሻ ዎꬅያ ጎልያ ዶያድ፤ ታ ሀንቁዋ ኦላ ሚሻ አፐ ከሳድ። አያዉ ጎፐ፥ ታን ጎዳይ፥ ኡባፐ ዎልቃማ መꬍና ጎዳይ ባብሎነ ቢታን ኦꬅያ ኦሱ ደኤ።
JER 50:26 ያና ሃና አ ቦላ ዶድተ! ካꬃይ ደእያ አ ጎታራቱዋ ፖግተ፤ ኦሞዱዋካ ካꬃዳን እት ዲራን ጉፕተ! አያነ አሸናን ዉርስ ꬋይስተ!
JER 50:27 ቦራቱዋ ሹክያዋዳን፥ ኡንቱንቱ ኦላንቻቱዋ ሲፍተ! ባብሎነ አሳዉ አየ አና! አያዉ ጎፐ፥ ኡንቱንቱ ጋላሳይ፥ ኡንቱንቱ ሙረትያ ዎዲ ጋኬዳ።
JER 50:28 “ኦሞደቴዳ አሳቱ ባብሎነፐ ከስ አኪደ፥ የሩሳላመ ባቃታና። ባብሎነ ቢታ አሳይ ጌሻ ጎልያ ቦላን ኦꬄዳባዉ መꬍና ጎዳይ ኡንቱንቱ ጾሳይ ሀሉዋ ከስያዋ ኡንቱንቱ ጽዮነን ሃሳያና።
JER 50:29 “ባብሎነ ኦላናዉ ዎንዳፍያ ዱክያዋንታ ኡባ ጼግተ፤ እቱነ ከስ አከናዳን፥ ኡንቱንቱ አ ዩሹዋን ዶድኖ። መꬍና ጎዳ ቦላ፥ እስራኤልያ ጌሻ ቦላ፥ እ ኦቶረቴዳ ድራዉ፥ አዉ አ ኦሱዋዳን ዛርተ። እ ሀራቱ ቦላን ኦꬄዳዋዳን፥ አ ቦላንካ ኦꬅተ።
JER 50:30 ሄዋ ድራዉ፥ አ ያላጋ አቱማ አሳቱ ካታማ ግዶ ኦግያን ሀይቃና፤ ሄ ጋላስ አ ኦላንቻቱ ኡባይ ꬋያና። ታን መꬍና ጎዳይ ሀዋ ኦዳይ” ያጌ።
JER 50:31 ጎዳይ፥ ኡባፐ ዎልቃማ መꬍና ጎዳይ ሀዋዳን ያጌ፤ “ኔኖ፥ ኦቶራንቻዉ፥ ታን ነ ቦላ ደንዳድ። አያዉ ጎፐ፥ ነ ጋላሳይ፥ ኔን ሙረትያ ዎዲ ጋኬዳ።
JER 50:32 ኦቶራንቻይ ꬉበቲደ ኩንዳና፤ አ ፑደ ደንꬅያዌካ ደኤና። ታን አ ካታማቱዋ ግዶን ታማ ኤꬃና፤ ሄ ታማይ ዩሹዋን ደእያ ኡባ ም ድጋና” ያጌ።
JER 50:33 ኡባፐ ዎልቃማ መꬍና ጎዳይ ሀዋዳን ያጌ፤ “እስራኤልያ አሳይነ ይሁዳ አሳይ እትፐ ናቀቴዳ። ኡንቱንታ ኦሞዲደ አፌዳዋንቱ ኡንቱንታ ዎልቃፐ ምንስ ኦይቄድኖ፤ የደናን ድጌድኖ።
JER 50:34 ሽን ኡንቱንታ ዎዝያዌ ምና፤ አ ሱንꬃይካ ኡባፐ ዎልቃማ ጾሳ። እ ኡንቱንቱ ቢታዉ ሸምፑዋ እማናዉ፥ ኡንቱንቱ ድራዉ ሞተቴ። ሽን ባብሎነ ቢታን ደእያዋንቱ ሻቢርሳ እማና።
JER 50:35 “ባብሎነ አሳይነ ባብሎነ ቢታን ደእያዋንቱ ማሻን ሀይቂኖ! “አ ካፓቱነ አ አꬌዳ ኤራንቻቱ ማሻን ሀይቂኖ! ታን መꬍና ጎዳይ ሀዋ ኦዳይ።
JER 50:36 “አ ዎርዱዋ ትምቢትያ ኦድያዋንቱ፥ ኤያቱ ማሻን ሀይቂኖ! “አ ዎልቃማ ኦላንቻቱ፥ ዳጋሜዳዋንቱ ማሻን ሀይቂኖ!
JER 50:37 “አ ፓራቱዋ ቦላነ አ ፓራቱዋ ጋረቱዋ ቦላ፥ ቃይ ማጫ አሳ ማላ ግዴዳ አ አላጋ ኦላንቻቱዋ ቦላ ማሻይ ዮ! “አ ዱረታ ምንጅያ ጎልያ ቦላ ማሻይ ዮ! ያቶፐ አ ዱረታይ ኡባይ ቦንቀታና።
JER 50:38 “አ ቦላ ኮሻይ ዮ! ያቶፐ አ ሃꬃይ መላና። አያዉ ጎፐ፥ ባብሎነ ቢታይ ኤቃ ምስለቱ ኩሜዳ ቢታ፤ ሄ ምስለቱ አሳ ዳጋንꬂኖነ ኤያይኖ።
JER 50:39 “ሄዋ ድራዉ፥ ባብሎነ ባዞ ዶአቱነ ዎራካናቱ ደእያ ሳኣ ግዳናዋ፤ ቃይ ሶጎነቱካ አን ደአና። አን መꬍናዉካ አሳይ ደኤና፤ የለታ ኡባንካ አሳይ አን ኡተና።
JER 50:40 ጾሳይ በን ሶዶማነ ጋሞራ ኡንቱንቱ ዩሹዋን ደእያ ካታማቱዋና እትፐ ꬋይሴዳዋዳን፥ ባብሎነን ኦንነ ደኤና፤ አሳይ ኡባካ ያን ኡተና። ታን መꬍና ጎዳይ ሀዋ ኦዳይ።
JER 50:41 “በእተ፥ አሳይ ሁጲሳ ባጋ ቢታፐ ዬ፤ ምኖ ካዉተꬃቱነ ዳሮ ካተቱ ሳኣ ጋጻፐ ያናዉ ደንዲኖ።
JER 50:42 ኡንቱንቱ ባረንቱ ዎንዳፍያነ ቶራ ኦይቄድኖ፤ ኡንቱንቱ መቀꬃ ኢታነ የድ ማረና አሳ። ኡንቱንቱ ባረንቱ ፓራ ቶጊደ ብያ ዎደ፥ ቤታይ ሾጭያ አባ ጉንꬃዳን ሀኔ። ኔኖ፥ ባብሎነ፥ ኡንቱንቱ ኡባይካ ኦላዉ ጊጌዳ አሳ ግዲደ፥ ነ ቦላን ሳልፔድኖ።
JER 50:43 “ባብሎነ ካቲ ኡንቱንቱ ኦዱዋ ስሴዳ፤ አ ኩሺ ዳቡሪደ፥ ህልስ ጌዳ፤ ኦይꬃይ ኦይቄዳ ምሽራቲዳን፥ ኡንኡ አ ኦይቄዳ።
JER 50:44 “ዮርዳኖሳ ሻፋ ላንቂያን ደእያ ዎራፐ ሎኦ ቆሩ ደኢያሳ ቆፐናን ከስያ ጋሙዋዳን፥ ታን ያደ፥ ባብሎነ አሳ ኡንቱንቱ ቢታፐ የደርሳና። ሄዋፐ ጉይያን፥ ታ ዶሬዳ አሳ አ ቦላን ሱንꬃና። አያዉ ጎፐ፥ ታ ማል ባዋ፤ ታን ኦꬃና ጌዳዋካ ተአናዉ ዳንዳይያ አሳይ ባዋ። አይ ሄንꬃንቻይ ታናና ኤቀታናዉ ዳንዳዪ?
JER 50:45 ሄዋ ድራዉ፥ ታን መꬍና ጎዳይ ባብሎነ አሳ ቦላንነ ባብሎነ ቢታ ቦላን ሀልቼዳዋነ ቆፔዳዋ ስስተ! ኡንቱንቱ ናናቱዋ ዎልቃን ጎቺደ አፋና፤ ሄዋ ጋሱዋን ኡንቱንቱ ሶ አሳይ ኡባይ ዳጋማና።
JER 50:46 ባብሎነ ኩንደꬃ ጊረꬃይ ቢታ ቃꬃና፤ ባብሎናቱዋ ዋሱካ ካዉተꬃቱዋ ኡባን ስሰታና” ያጌ።
JER 51:1 መꬍና ጎዳይ ሀዋዳን ያጌ፤ “ባብሎነ አሳነ ባብሎነ ቢታ ꬋይስያ ጫርኩዋ ታን ኪታና።
JER 51:2 ታን ባብሎነ ቦላ አላጋቱዋ፥ ጫርኩዋዳን ፑንያዋንታ ኪታና፤ አ ቢታ አይነ ባይናዋ ኦꬃና። አ ባየꬃ ጋላስ ኡንቱንቱ ኡባ ሳና አ ዶዳና።
JER 51:3 አ ኦላንቻቱ ዎንዳፍያ ዱካናዉ ዎይ ባረንቱ ኦላ ሚሻ ዳንጫናዉ ናጎፕተ። አ ያላጋቱዋ አሾፕተ፤ አ ኦላንቻቱዋ ሙልያ ꬋይስተ።
JER 51:4 ኡንቱንቱ ባብሎነ ቢታን ሲፈት ዉራና፤ ኡንቱንቱ ካታማቱዋ ኦገቱዋንካ ጫደት ኩንዳና።
JER 51:5 እስራኤልያ ቢታይነ ይሁዳ ቢታይ እስራኤልያ ጌሻ፥ ታና፥ ናቄዳ ናጋራን ኩሜዳዋ ግዶፐነ፥ እስራኤልያ ግድና፥ ይሁዳ ግድና፥ ላኡዋካ ታን ኡንቱንቱ ጾሳይ፥ ኡባፐ ዎልቃማ መꬍና ጎዳይ አምአቲዳን የጋበይከ።
JER 51:6 “ባብሎነፐ ባቃትተ! አሳይ ኡባይ ባረ ሸምፑዋ ሸምፑዋ አሾ! እ ኦꬄዳ ናጋራ ጋሱዋን ህንተ ዎꬎፕተ! ሀዌ ዎዲ ታን መꬍና ጎዳይ ታ ሀሉዋ ከስያ ዎደ።
JER 51:7 ባብሎነ ሳኣን ደእያ አሳይ ኡባይ ኡሺደ ማꬆትያ ዎይንያ ኤሳይ ትገትያ፥ መꬍና ጎዳ ኩሽያን ደእያ ዎርቃ ዋንጫ ማላ። ካዉተꬃቱ ኡባቱ ሄ ዎይንያ ኤሳ ኡሺደ ጎዬድኖ።
JER 51:8 ባብሎነ ቆፐናን ኩንዲደ መኤዳ። ሄዋ ድራዉ፥ አዉ ዬክተ! አ ማዱꬃዉ ꬋልያ እምተ። ኦን ኤሪ፥ እ ፓጻነንቶነ።
JER 51:9 ባብሎነን ደእያ አላጋ አሳቱ፥ ‘ኑን ባብሎነ ፓꬃናዉ ኮዬዶ፤ ሽን ፓጻናዉ ዳንዳይቤና። አነ አ አግ ባሺደ፥ ኑ ቢታ ቢታ ስሜቶ። አያዉ ጎፐ፥ አ ፕርዳይ ሃኪደ፥ ሳሉዋ ጋኬዳ፤ ቦላ ሻርያ ጋካናዉ ፑደ ꬎቄዳ’ ያጌድኖ” ያጌ።
JER 51:10 እስራኤልያ አሳይ፥ “መꬍና ጎዳይ ኑና ሻትንꬄዳ! አነ ጽዮነ ቢደ፥ መꬍና ጎዳይ ኑ ጾሳይ ኦꬄዳዋ አሳዉ ኦዶይተ!” ያጋና።
JER 51:11 መꬍና ጎዳይ ባብሎነ ꬋይሳናዉ ቆፋ ቃቼዳ ድራዉ፥ ሜዶናቱዋ ካተቱዋ ኦላዉ ደንꬄዳ፤ መꬍና ጎዳይ ባረ ጌሻ ጎልያ ሀሉዋ ሀዋዳን ኦꬂደ ጭገታና። ሜዶናቱዋ ጋዳዋቱ ሀዋዳን ያጌድኖ፤ “ዎንዳፍያ ሌፍተ፤ ጎንዳለቱዋ ኦይቂተ!
JER 51:12 ባብሎነ ቦላ ኦላ ባንድራ ደንꬅተ፤ ናግያዋንታካ ምንꬅተ! ዎችያዋንታካ ኡንቱንቱ ሳኣን ሳኣን ዎꬅተ፤ ዙጊደ ናግያ ኦላንቻቱዋካ ጊግስተ!” ያጌድኖ። አያዉ ጎፐ፥ መꬍና ጎዳይ ባብሎነን ደእያ አሳ ቦላ ሃሳዬዳዋነ ቆፔዳዋ ኦꬃና።
JER 51:13 ባብሎነ፥ ኔን ዳሮ ሻፋቱነ ዳሮ ማጹ ኩሜዳ ቢታ፤ ሽን ነ ዉርሰꬃይ ጋኬዳ፤ ኔን በሰና ኦግያን ደምያ ጎአይካ ዱጼዳ።
JER 51:14 ኡባፐ ዎልቃማ መꬍና ጎዳይ፥ “ቦሊ ቢታ ኩምያዋዳን፥ ታን አሳቱዋ ነ ቢታን ኩንꬃና፤ ኡንቱንቱካ ኔና ጾኔዳ ናሸቻ ባረንቱ ቃላ ꬎቁ ኦꬂደ፥ ነ ቦላን ጋይራና” ያጊደ ባረ ሱንꬃን ጫቄዳ።
JER 51:15 ጾሳይ ባረ ዎልቃን ሳኣ መꬌዳ፤ ባረ አꬌዳ ኤራተꬃን ቢታ ባሴዳ፤ ሳሎቱዋካ ባረ አኬካን ምጬዳ።
JER 51:16 እ ሃሳይያ ዎደ፥ ሳሉዋን ደእያ ሃꬃቱ ጉሚኖ። ሻራቱዋ እ ሳኣ ጋጻፐ አዬ። ቃይ እራይ ቡክያ ዎደካ፥ ዋልቃንꬃ ዎልቃምሴ። ባረ ምንጅያ ሳኣፐካ ጫርኩዋ ከሴ።
JER 51:17 አሳይ ኡባይ አኬካይነ ኤራይ ባይናዋ። ቃይ ዎርቃ ትጊደ፥ ኤቃ ምስለቱዋ መꬍያዋንቱ ኡባቱ ዬላቴድኖ። አያዉ ጎፐ፥ ኡንቱንቱ ምስለቱ ዎርዶነ ሸምፑ ባይናዋንታ።
JER 51:18 ሄ ምስለቱ ፓናዋንታነ፥ ካቴዳዋንታ። ኡንቱንቱ ቦላን ፕርዳይ ይያ ዎደ፥ ኡንቱንቱ ꬋያና።
JER 51:19 ሽን ያቆባ ጾሳይ፥ ሄዋ ማላ ግደና። አያዉ ጎፐ፥ እ ኡባባ መꬌዳዋ። እስራኤልያ አሳይ እ ባረዉ ዶሬዳ ዛረ። አ ሱንꬃይካ ኡባፐ ዎልቃማ መꬍና ጎዳ።
JER 51:20 ጾሳይ ሀዋዳን ያጌ፤ “ባብሎነ፥ ኔን ታ ድጅኑዋነ ታ ኦላ ሚሻ። ኔናን ጎኤታደ ታን ቢታቱዋ መንሬꬃድ፤ ካዉተꬃቱዋካ ꬋይሳድ።
JER 51:21 ኔናን ጎኤታደ ፓራቱዋነ ፓራ ቶግያዋንታ፥ ፓራ ጋረቱዋነ ኡንቱንታ ላግያዋንታ መንሬꬃድ።
JER 51:22 ኔናን ማጫዋነ አቱማዋ፥ ጭማነ ናናቱዋ፥ ዎዳላቱዋነ ጌላዮቱዋ መንሬꬃድ።
JER 51:23 ኔናን ሄንꬃንቻነ አ ዉድያ፥ ጎሽያዋነ አ ዋꬃ ቦራቱዋ፥ ደርያ ሞድያዋንታነ ካፖቱዋ መንሬꬃድ” ያጌ።
JER 51:24 መꬍና ጎዳይ ሀዋዳን ያጌ፤ “ባብሎነ አሳይነ ባብሎነን ደእያዋንቱ ጽዮነ ቦላ ኦꬄዳ ኢታ ሀሉዋ ታን ህንተ ጼልሽን ከሳና።
JER 51:25 “ኔኖ፥ ባብሎነ፥ ኔን ቢታ ሳኣ ባይዝያ ዎጋ ደርያ ማላ፤ ሽን ታን መꬍና ጎዳይ ኔና ሞርካይ። ታን ታ ኩሽያ የዳደ፥ ኔና ደርያ ቦላፐ ዱገ ጎንዶርሳና፤ ሄዋፐ ጉይያን፥ ኔን ጹገቴዳ ደርያ ግዳደ አታና።
JER 51:26 ላኤንꬆ ኔፐ ባሱዋን የግያ ዎይ ግምቢያዉ አክያ ሹቻይ ደኤና፤ ኔን መꬍናዉካ አይነ ባይናዋ ግዳናዋ። ታን መꬍና ጎዳይ ሀዋ ኦዳይ።
JER 51:27 “ባብሎነ ቦላ ኦላ ባንድራ ደንꬅተ፤ አሳ ኡባ ግዶን ማላካታ ፑንተ። አ ኦላናዉ አሳ ኡባ ጊግስተ፤ አራራተ፥ ሚናነ አሽካናዛ ካዉተꬃቱዋ ጼስተ። ኦላ ጋዳዋካ ሱንꬅተ፤ ቦልያ ኬሻ ዳሮ ፓራቱዋካ አህተ።
JER 51:28 ባብሎነ ኦላናዉ ካዉተꬃቱዋ ኡባ ጊግስተ፤ ሜዶና ካተቱዋ፥ ኡንቱንቱ ካፖቱዋ፥ ደርያ ሞድያዋንታነ ኡንቱንቱ ሞድያ ቢታ አሳ ኡባ ደንꬅተ።
JER 51:29 “ባብሎነ ኦንነ ደኤና ባዞ ኦꬃናዉ መꬍና ጎዳይ ሀልቼዳ ሀልቹዋ ፖልያ ድራዉ፥ ቢታይ ኡባይ ኮኮረነ ፖርቃካቴ።
JER 51:30 ባብሎነ ኦላንቻቱ ኦላ ኦለትያዋ አጌድኖ፤ ባረንቱ ጌሱዋን ኡት ባሼድኖ። ኡንቱንቱ ዎልቃይ እጽና፤ ኡንቱንቱ ማጫ አሳ ማላ ግዴድኖ። ኡንቱንቱ ጎላቱካ ጹገቴድኖ፤ ኡንቱንቱ ካታማ ዩሹዋ ግምቢያ ፐንገቱዋ ኩልቡካ መኤድኖ።
JER 51:31 ሀ ጋጻፐ ህን ጋጻ ጋካናዉ፥ ካታማይ ሞርክያን ኦይቀቴዳዋ ባብሎነ ካትያዉ ኦዳናዉ፥ ዎጽያዌ ዎጽያዋ ካሊደ፥ ኪተቴዳዌካ ኪተቴዳዋ ካሊደ ቢኖ።
JER 51:32 ቃይ ሻፋና ፕንያ ሳአቱ ኦይቀቴዳዋ፥ ሻፋ ዩሹዋን ደእያ ዎራይ ጹገቴዳዋነ ኦላንቻቱ ዳጋሜዳዋ ኡንቱንቱ ካትያዉ ኦዳናዉ ቢኖ” ያጌ።
JER 51:33 ኡባፐ ዎልቃማ መꬍና ጎዳይ፥ እስራኤልያ ጾሳይ ሀዋዳን ያጌ፤ “ባብሎነ ቢታይ ካꬃ ቆጽያ ኡዱማ ማላ፤ ጉꬃ ዎድያፐ ጉይያን፥ እ ጫከትያ ዎዲ ያና” ያጌ።
JER 51:34 ባብሎነ ካቲ ናቡካዳናጾር ኑና ዉርሲደ ሜዳ፤ ኑ ካታማካ መላ ደእያ ኦቱዋ ማላ ከሴዳ። ዳዊ ምትያዋዳን፥ አ ምቴዳ፤ ማልኦባ ሚደ ኩንꬄዳዋዳን፥ እ ኑ አቁዋን ባረ ጋንጅያ ኩንꬄዳ፤ ያቲደ አቴዳዋ ሙጪደ ጩቼዳ።
JER 51:35 ሄዋ ድራዉ፥ ጽዮነ አሳይ፥ “ባብሎነ ኑ ቦላነ ኑ አሳ ቦላ ኦꬄዳ ኢታባይ ኡባይ አ ቦላ ስሞ።” የሩሳላመ አሳይ፥ “ኑ ሱꬃ አጩ ባብሎነን ደእያ አሳ አቾ” ያጌ።
JER 51:36 ሄዋ ድራዉ፥ መꬍና ጎዳይ የሩሳላመ አሳዉ ሀዋዳን ያጌ፤ “ነ ድራዉ ታን ሞተታና፤ ነ ሀሉዋካ ታን ከሳና። ታን ባብሎነ ሃꬃ መልሳና፤ አ ፑልቶቱዋካ ቶይሳና።
JER 51:37 ባብሎነ ሹቻ ኬላነ ዎራካናቱ ደእያ ጌሶ ግዳናዋ። ቃይ አ በኤዳ ኡባይ ዳጋማናነ፥ ‘ፖራ!’ ጋና። አን እት አሳይነ ላኤንꬆ ደኤና።
JER 51:38 ባብሎነ አሳይ ኡባይ ጋሙዋዳን ጉዳና፤ ቃይ ጋሙዋ ማራዳን ዳራና።
JER 51:39 ኡንቱንቶ ቦላይ ሆእያ ዎደ፥ ታን ኡንቱንቶ ናሸችያ ኡሻ ግብራ ጊግሳና፤ ኡንቱንቱ ሄዋፐ ኡሺደ፥ ባረንታ ዶጋና ጋካናዉ፥ ታን ኡንቱንታ ማꬆያና። ኡንቱንቱ ላኤንꬆ ደንደናዳን፥ መꬍናዉ ገምእሻና። ታን መꬍና ጎዳይ ሀዋ ኦዳይ።
JER 51:40 ሹካናዉ አፍያ ዶርሳቱዋዳን፥ ዶርሳ ኦርገቱዋዳንነ ዴሻ ኦርገቱዋዳን፥ ታን ኡንቱንታ ሹካዉ አፋና።
JER 51:41 “አሳይ ኡባይ ሳቢያ ባብሎነ ኦይቀቴዳ! ባብሎነ ካዉተꬃቱዋ ኡባ ግዶን አይባ ዳጋንꬅያባ ግዴዴ!
JER 51:42 ባብሎነ ሞርከቱ አባ ቤታይ ደንድያዋዳን ደንዲደ፥ ካታማን ኤሌድኖ።
JER 51:43 አ ካታማቱ ኮለቲደ፥ ዳጋንꬅያባ ግዴድኖ፤ እራይ ቡከና ባዞ ቢታ፥ አይ አሳይነ ደኤና ቢታነ አሳ ናአይ ግዱዋና አና ቢታ ግዴድኖ።
JER 51:44 ቤላ ግያ ባብሎነ ጾሳ ታን ሙራና፤ እ ምቴዳዋካ ታን አ ኡሉዋፐ ከስሳና። ሄዋፐ ጉይያን፥ ካዉተꬃቱ አኮ ዙልያዋ አጋና፤ ባብሎነ ግምቢካ ኩንዳና።
JER 51:45 “ታ አሳዉ፥ አ ግዶፐ ከስተ! ህንተ ኡባይካ መꬍና ጎዳ ሀንቁዋ ሱሉዋፐ ህንተ ሁጲያ ሁጲያ አሽተ!
JER 51:46 ቢታን ኦደትያ ኦዱዋ ስስያ ዎደ፥ ህርጎፕተነ ያዮፕተ! ላይꬃን ላይꬃን ኦዱ ኦዱዋ ካል ካሊደ ያና። ሄ ዎደ ካቲ ካትያ ቦላ ደንድያ ማካላ ኦዱ ቢታን ስሰታና።
JER 51:47 “ሄዋ ድራዉ፥ ታን ባብሎነ ኤቃ ምስለቱዋ ሙርያ ጋላሳቱ ያና። ሄ ቢታይ ኡባይካ ዬላታና፤ ሲፈቴዳዋንቱ ኡባይ ካታማ ግዶን ኩንዳና።
JER 51:48 ሁጲሳ ባጋፐ ይያ ባይዝያዋንቱ ኩሽያን ባብሎነ ኦይቀትያ ድራዉ፥ ሳሉነ ሳአይ ቃይ ኡንቱንቱ ግዶን ደእያ ኡባባይ እልላና። ታን መꬍና ጎዳይ ሀዋ ኦዳይ።
JER 51:49 ባብሎነ እስራኤልያ አሳነ ሀራ ቢታን ደእያ አሳ ኡባ ዎꬌዳዋዳን፥ ባብሎነ አሳይካ ሀይቃናዉ ኮሼ።
JER 51:50 “ታ አሳዉ፥ ህንተ ኦላፐ ከስ አኬድታ። ሄዋ ድራዉ፥ ቢተ! ሀዋን ኤቆፕተ! ህንተ ደእያ ሃኮ ቢታንካ ታና መꬍና ጎዳ ሀሳይተ፤ የሩሳላመካ ቆፕተ።
JER 51:51 ህንተ፥ ‘ኑን ቦረቴዳ ድራዉ ካዉሼዶ፤ አላጋቱ መꬍና ጎዳ ጎልያን ጌሻ ሳአቱዋ ገሌዳ ድራዉ፥ ኑን ዬላ ማዬዶ’ ያጌድታ።
JER 51:52 “ሽን ታን መꬍና ጎዳይ ባብሎነ ኤቃቱዋ ሙርያ ዎዲ ያና። ደሸቴዳዋንቱ ቢታ ኡባን ኦላና።
JER 51:53 ባብሎነ ሳሉዋ ፑደ ከሲደ፥ ያን ጌሱዋ መꬋናዉ ዳንዳይንቶነ፥ ያ ጋካናዉ ከሲደ፥ አ ያን ባይዝያ አሳ ታን ኪታና። ታን መꬍና ጎዳይ ሀዋ ኦዳይ።
JER 51:54 “ባብሎነፐ አሳ ዋሱዋ ኮሻይ፥ ባብሎነ ቢታፐ ዎልቃማ ባየꬃ ኮሹንቻይ ስሰታና!
JER 51:55 አያዉ ጎፐ፥ መꬍና ጎዳይ ባብሎነ ባይዛና፤ አ ዎልቃማ ኮሻካ ጮኡ ኦꬃና። አባ ቤታዳን ጉምያ ሞርከቱ ዎራጂደ ጋርማማና።
JER 51:56 ባይዝያዋንቱ ባብሎነ ቦላ ያና፤ አ ኦላንቻቱ ኦይቀታና፤ ኡንቱንቱ ዎንዳፊካ መአና። ታን መꬍና ጎዳይ ሀሉዋ ከስያ ጾሳ ግድያ ድራዉ፥ ኡንቱንቱ ኦሱዋዳን ታን ኡንቱንቶ ዛራና።
JER 51:57 ታን አ ካፖቱዋ፥ አ አꬌዳ ኤራንቻቱዋ፥ አ ደርያ ሞድያዋንታ፥ አ ኦላ ጋዳዋቱዋነ አ ኦላንቻቱዋ ማꬆያና፤ ኡንቱንቱ ላኤንꬆ ደንደናዳን፥ መꬍናዉ ገምእሻና። ታን ካቲ፥ ኡባፐ ዎልቃማ መꬍና ጎዳ ጌተትያዌ ሀዋ ኦዳይ” ያጌ።
JER 51:58 ኡባፐ ዎልቃማ መꬍና ጎዳይ ሀዋዳን ያጌ፤ “ኦርድያን ግምበቴዳ ባብሎነ ዩሹዋ ግምቢ ሳኣን ዋላከታና፤ አ አዱሳ ፐንገቱካ ታማን ጹገታና። አሳይ ኦꬄዳዌ ኡባይ መላ፤ ካዉተꬃቱካ ታማይ ማናባዉ ጮ ዳቡሪኖ” ያጌ።
JER 51:59 ማህሴያ ናኣ ኔርያ ናአይ ሳራይ ካትያ ሰደቅያሳዉ ኦꬅያ ካፑዋ። ሰደቅያስ ይሁዳን ካተቴዳ ኦይደንꬆ ላይꬅ፥ ሳራይ አናና ባብሎነ ብያ ዎደ ኤርማስ ሳራያ ቦላ ኪታ የዴዳ።
JER 51:60 ባብሎነ ቦላን ጋካናዉ ደእያ ኢታባ ኡባነ ባብሎነ ጼልያ ሀራባ ኡባ ኤርማስ እት ጻꬃ ማጻፋን ጻፌዳ።
JER 51:61 ሳራያ ሀዋዳን ያጌዳ፤ “ኔን ባብሎነ ቢታ ጋኬዳ ዎደ፥ ነ ቃላ ꬎቁ ኦꬃደ፥ አሳዉ ሀ ማጻፋ ናባባ።
JER 51:62 ቃይ ሀዋዳን ያጋደ ዎሳ፤ ‘አቤት መꬍና ጎዳዉ፥ ኔን፥ “ታን ሀ ሳኣ ባይዛና፤ ሀ ሳኣን ፓጻ ቃጽያ መት፥ አሳይካ፥ መሂካ ደኤና፤ ሀ ሳአይ መꬍናዉ ባዞ ግዳናዋ” ያጋዳ’ ያጋ።
JER 51:63 ሀ ጻꬃ ማጻፋ ናባባደ ዉርሴዳዋፐ ጉይያን፥ ሹቻ ሄ ማጻፋና ጋꬃ ቃቻደ፥ ኤፍራጺሳ ሻፋን ኦላ።
JER 51:64 ‘ታን ጾሳይ አ ቦላን አህያ ኢታ ጋሱዋን፥ ባብሎነካ ሀዋዳን ላኤንꬆ ደንደናዳን ሙከታና’ ያጋይ ያጋ” ያጌዳ። ኤርማስ ሃሳዬዳ ቃላይ ሀዋን ፖለቴዳ።
JER 52:1 ሰደቅያስ ካተትያ ዎደ፥ ላይꬃይ አዉ ላታማነ እታ፤ የሩሳላመን እ ታማነ እት ላይꬃ ካተቴዳ። አ አት ሱንꬃይ ሀሙጻሎ፤ አ ሊብና ካታማን ደእያ ኤርማሳ ናቶ።
JER 52:2 እዮአቄም ኦꬄዳዋዳን፥ ሰደቅያስካ መꬍና ጎዳ ስንꬃን ኢታባ ኦꬄዳ።
JER 52:3 መꬍና ጎዳይ የሩሳላመ አሳ ቦላነ ይሁዳ አሳ ቦላ ሀንቀቴዳ ድራዉ፥ ዉርሰꬃን ኡንቱንታ ባረ ስንꬃፐ ድጌዳ። ሰደቅያስ ባብሎነ ካትያ ቦላ ማካሊደ ደንዴ።
JER 52:4 ሰደቅያስ ካተቴዳ ኡዱፑንꬃ ላይꬅ፥ ታማንꬃ አግናን፥ ታማንꬃ ጋላስ ባብሎነ ካቲ ናቡካዳናጾር ባረ ኦላንቻቱዋ ኡባ አክ ዪደ፥ የሩሳላመ ዶዴዳ። ኡንቱንቱ አ ዩሹዋንካ ቢታ ኬላ ኬሌድኖ።
JER 52:5 ሰደቅያስ ካተቴዳ ታማነ እተንꬃ ላይꬃ ጋካናዉ፥ የሩሳላመ ካታማይ ዶደቲደ ጋምኤዳ።
JER 52:6 ሄዋ ጋሱዋን ቢታን ኮሻይ ሱልና፥ ሄ ላይꬅ ኦይደንꬆ አግናን፥ ኡዱፑንꬃ ጋላሳን፥ ሄ ቢታ አሳዉ ምያባይ ꬋዬዳ።
JER 52:7 ያን ደእሽን ካታማ ዩሹዋ ግምቢ እት ባጋና ኮለቴዳ። ባብሎነ አሳይ ካታማ ዩይ አꬊደ ናጎፐካ፥ ይሁዳ ካትያ ኦላንቻቱ ሙለ ኡባይ ቃማ ካትያ አታክልትያ ሳኣ አፍያ ኦግያ ኦይቂደ፥ ላኡ ድርሳ ግምበቱዋ እትፐ ጋꬅያ ፐንግያና ከሲደ ባቃቴድኖ። ኡንቱንቱ ዮርዳኖሳ ድልቡዋኮ ስሚደ ቤድኖ።
JER 52:8 ሽን ባብሎነ ኦላንቻቱ ካትያ ሰደቅያሳ የደርሲደ፥ እያርኮ ደምባ ጋꬂደ ኦይቄድኖ። አ ኦላንቻቱ ኡባይ አፐ ሻከቲደ ላለቴድኖ።
JER 52:9 ሄዋፐ ጉይያን፥ ኡንቱንቱ አ ሀማታ ቢታን፥ ርብላ ካታማን ደእያ ባብሎነ ካትያኮ አፌድኖ። ያን ናቡካዳናጾር ሰደቅያሳ ቦላ ፕርዴዳ።
JER 52:10 ቃይ ሰደቅያሳ ናናቱዋ ሰደቅያስ ጼልሽን፥ ባብሎነ ካቲ ዎꬌዳ። ይሁዳ ካፖቱዋ ኡባካ ኡንቱንቱ ያን ርብላ ካታማን ዎꬌድኖ።
JER 52:11 ሄዋፐ ጉይያን፥ ሰደቅያሳ አይፈቱዋ ዎጭ ከሲደ፥ ሳንሳላታን አ ቃቺደ፥ ባብሎነ ቢታ አኪደ አፌድኖ። እ ሀይቃና ጋካናዉ፥ ያን ቃሾ ጎልያን አ ዎꬄድኖ።
JER 52:12 ናቡካዳናጾር ባብሎነን ካተቴዳ ታማነ ኡዱፑንꬃ ላይꬃን፥ እቼሸንꬆ አግናን፥ ታማንꬆ ጋላሳን፥ ካትያ ኦሳንቻቱዋፐ እቱ፥ ካትያ ናግያዋንቱ ካፑ ናቡዛራዳን የሩሳላመ ገሌዳ።
JER 52:13 መꬍና ጎዳ ጌሻ ጎልያ፥ ካትያ ጎልያነ የሩሳላመን ደእያ ኬꬃቱዋ ኡባ ታማን ጹጌዳ፤ ዎልቃማ ጎልያ ግያ ጎልያ ኡባ ጹጌዳ።
JER 52:14 ባብሎነ ኦላንቻቱ ኡባይ ካትያ ናግያዋንቱ ካፑዋ አዛዙዋን፥ የሩሳላመ ካታማ ዩሹዋን ደእያ ድርሳ ግምቢያ ኡባ ቆሌድኖ።
JER 52:15 ናቡዛራዳን አማሬዳ ህዬሳቱዋ፥ ካታማን አቴዳ አሳቱዋነ ካዲደ ባብሎነ ኦላንቻቱዋን ጋከቴዳ አሳቱዋ ኩሽያ ሂላ ኤርያ አሳቱዋናካ ጉጂደ፥ ኦሞዶ አፌዳ።
JER 52:16 ሽን ናቡዛራዳን ህዬሳቱዋፐ አማሬዳዋንታ ዎይንያ ቱራ ቶካናዳንነ ጋድያ ጎሻናዳን፥ ይሁዳን አሼዳ።
JER 52:17 ባብሎነ አሳቱ መꬍና ጎዳ ጌሻ ጎልያ ስንꬃን ደእያ ናሃስያፐ መꬌዳ ቱሳቱዋ፥ ሚሻቱዋ ዎꬅያ ጋረቱዋነ አኮ-ከርያ መንሬꬄድኖ፤ ናስያ ኡባ ባብሎነ አፌድኖ።
JER 52:18 ሄዋዳንካ፥ ቃይ ከረቱዋ፥ አካፋቱዋ፥ ጾምፕያ ሻሉዋ ጼራ ፕትያባቱዋ፥ ኩይጻሮቱዋ፥ እጻና ሳነቱዋነ ያርሽያ ዎደ ጎኤትያ ናሃስያ ሚሻቱዋ ኡባ አክ አፌድኖ።
JER 52:19 ካትያ ናግያዋንቱ ካፑ ናቡዛራዳን ቃይካ ዎርቃፐነ ብራፐ ኦሰቴዳ ድስተቱዋ፥ ታማ አክያ ሚሻቱዋ፥ ኩይጻሮቱዋ፥ ከረቱዋ፥ ጾምፕያ ዎꬅያ ባላቱዋ፥ እጻና ሳነቱዋነ ኡሻ ያርሾ ጎኤትያ ኦቶቱዋ አክ ቤዳ።
JER 52:20 ካቲ ሶሎሞን መꬍና ጎዳ ጌሻ ጎልያን ኦሰትያባቶ መꬌዳ ላኡ ቱሳቱ፥ አባ ጋጳቲ፥ አፐ ጋርሳና ደእያ ታማነ ላኡ ኮሩማቱዋ ምስለቱነ ሚሻቱዋ ዎꬅያ ጋረቱ መቴዳ ናሃስያ ብራታቱ ሚዛናን ልካናዉ ዳንዳየተናዋ ኬሻ ዳራ።
JER 52:21 ላኡ ቱሳቱካ እት ማላ ግዲደ፥ እቱ እቱ ታማነ ሆስፑን ዋꬋ አዱሳ። ኡንቱንቱ ጼሳ ዩሹ ታማነ ላኡ ዋꬋ። ኡንቱንቶ ግዱ ኮፋ ግዲደ፥ ብራታይ ኦይዱ ብራꬍያ ኬሻ ኦርዶ።
JER 52:22 ላኡ ቱሳቱዋ ሁጲያንካ ናሃስያፐ ኦሰቴዳ ጉምቦቱ ደኢኖ። እት ጉምቡዋ ጌሳይ እቼሹ ዋꬋ ግዲደ፥ ዩሹ ግትያ ምስልያንነ ሮማንያ ቴራ ምስልያን አሌቀት ኡቴዳ። ላኤንꬆ ጉምቡካ አ ማላ።
JER 52:23 ጉምቦቶ ምይያን ምይያን ደእያ ሮማነቱዋ ምስለቱ ኡዱፑን ታማነ ኡሱፑና፤ ዩሹዋን ደእያ ግትያ ማላትያ ምስለቱዋፐ ቦላ ባጋና ደእያ ሮማንያ ምስለቱ ኡባና እት ጼታ።
JER 52:24 ካትያ ናግያዋንቱ ካፑ ናቡዛራዳን ቄስያ ኡባቱዋ ካፑዋ ሳራያ፥ አፐ ካልያ ቄስያ ጻፋንያነ ፐንግያ ናግያ ሀራ ሄዙ አሳቱዋ ኦይቄዳ።
JER 52:25 ቃይ ሄ ዎደ ጋካናዉ፥ ካታማን ደእያ አሳፐ ኦላ ጋዳዋ፥ ካትያ ዞርያዋንቱፐ ላፑን አሳቱዋ አፌዳ። ኦላ ጋዳዋ ጻፍያ፥ ሄዌነ ኦላንቻቱዋ አሳ ግዶፐ ቆሪደ ከስያዋነ ሀራ ኡሱፑን ታሙ ዎልቃማ አሳቱዋ አፌዳ።
JER 52:26 ካፑ ናቡዛራዳን ኡንቱንታ ኡባ አኪደ፥ ባብሎነ ካትያኮ፥ ርብላ ካታማ አፌዳ።
JER 52:27 ያን ርብላ ካታማን፥ ሀማታ ቢታን ባብሎነ ካቲ ኡንቱንታ ኡባ ዎꬌዳ። ሄዋዳን ሀኒደ፥ ይሁዳ አሳይ ባረ ቢታፐ ደንዲደ፥ ኦሞዶ ቤዳ።
JER 52:28 ናቡካዳናጾር ካተቴዳ ላፑንꬃ ላይꬃን ሄዙ ሻአነ ላታማነ ሄዙ አሳ ይሁዳፐ ኦሞዴዳ።
JER 52:29 ቃይ ታማነ ሆስፑንꬃ ላይꬃን ሆስፑን ጼታነ ሀታማነ ላኡ አሳ የሩሳላመፐ ኦሞዴዳ።
JER 52:30 ናቡካዳናጾር ካተቴዳ ላታማነ ሄዘንꬆ ላይꬃን ካትያ ናግያዋንቱ ካፑ ናቡዛራዳን ላፑን ጼታነ ኦይታማነ እቼሹ አሳ ኦሞዴዳ። አሳ ፓይዱ ኡባና ኦይዱ ሻአነ ኡሱፑን ጼታ።
JER 52:31 ኤዊል-ማሮዳክ ካተቴዳ ላይꬅ ይሁዳ ካትያ ዮኣኪና ቦንቺደ፥ ቃሹዋፐ ብሌዳ። ሄዌ ሀኔዳዌ ዮኣኪን ኦሞደት ቃሸቲደ ቤዳ ሀታማነ ላፑንꬃ ላይꬅ፥ ታማነ ላኤንꬆ አግናን፥ ላታማነ እቼሸንꬆ ጋላሳና።
JER 52:32 ኤዊል-ማሮዳክ ዮአኪናና ማልኦ ቃላ ሃሳዪደ፥ ባብሎነን ኦሞዱዋን ደእያ ሀራ ካተቱዋ ኡባፐ አꬂደ፥ አ ቦንቼዳ።
JER 52:33 ሄዋ ድራዉ፥ ዮኣኪን ቃሾ ጎልያን ማዬዳ ማዩዋ ላሜዳ። እ አቴዳ ባረ ደኡዋ ላይꬃ ኡባን ካትያ ማዳፐ ሜዳ።
JER 52:34 ዮኣኪን ሀይቃና ጋካናዉ፥ ሀች ሀች አዉ ኮሽያባ ኡባ ባብሎነ ካቲ እሜዳ።
LAM 1:1 ካሰ አሳይ ኩሜዳ የሩሳላመ ካታማታ ሀእ ዋናደ መላ አታዴ! ካሰ ካዉተꬃቱዋ ግዶን ዎልቃማ ግዴዳና ሀእ አስናይ ሀይቄዳ ምሽራቲዳን፥ ዋናደ ባረካ አታዴ! ካታማቱዋ ኡባ ግዶን ካታቶ ግዴዳና ሀእ ዋናደ አይለ ግዳዴ!
LAM 1:2 ቃማ ኡባን አፎꬃይ እ ጋጩዋና ሆልሳካትሽን፥ ዬካደ አቃዱ። ካሰ እዞ ዶስያዋንቱፐ ሀእ እዞ ምንꬅያዌ እቱነ ባዋ። እ ላገቱ እዞ አꬅ እሚደ፥ እዉ ሞርከ ግዴድኖ።
LAM 1:3 ይሁዳታ ናቀታደነ አይለታደ ኦሞደታደ ባዱ። እዛ ሀእ ካዉተꬃቱዋ ግዶን ደአዉ፤ ሽን ሸምፕያ ሳኣ ደማበይኩ። እዞ የደርሴዳዋንቱ እዛ መቶታ ደእሽን ጋኪደ ደሜድኖ።
LAM 1:4 ላይꬃ ግዶን ቦንችያ ባላቱዋ ይያዌ ባይና ድራዉ፥ ጽዮነ ኦገቱ ካዮቲኖ። ካታማ ፐንገቱ መላ አቴድኖ፤ እ ቄሳቱ ካ ኦሊኖ። እ ዎዶሮ ናናቱካ ቱጋቴድኖ፤ ቃይ እዛ ባረ ሁጲያዉካ ኢታ ቱጋ ቱጋታዱ።
LAM 1:5 እ ሞርከቱ እዉ ጎዳ ግዴድኖ፤ ኡንቱንቶ እንጅና ደኤድኖ። አያዉ ጎፐ፥ እ ናጋራ ዳሩዋ ጋሱዋን መꬍና ጎዳይ እዞ ቱጋዬዳ፤ እ ጉꬃ ናናቱ ሞርክያን ኦሞደቲደ ቤድኖ።
LAM 1:6 ጽዮን ቦንቹ ኡባይ ኢፐ ቃረት ክቼዳ፤ እ ካፓቱካ ማታ ምያ ሳኣ ꬋዬዳ ጋራ ማላ ግዴድኖ። ኡንቱንቱ ዎልቃ ꬋዪደ፥ ባረንታ የደርስያዋንቱ ስንꬃፐ ባቃቴድኖ።
LAM 1:7 የሩሳላማ ሀእ ባረ ቱጋነ ባረ ኡንኣ ጋላሳቱዋን በን ባረ ቦንቾ ዱረታ ሀሳያዉ። እ አሳይ ኡባይ ሞርከቱዋ ኩሽያን አꬊደ እመቴዳ ዎደ፥ እዞ ማድያዌ እቱነ አትቤና። እ ሞርከቱ እዞ ጼሊደ፥ እ ባሻን ሚጬድኖ።
LAM 1:8 የሩሳላማ ዎልቃማ ናጋራ ኦꬃዱ፤ ሄዋ ድራዉ፥ እዛ ቱናባ ግዳዉ። ካሰ እዞ ቦንቼዳ ኡባይ ሀእ እ ካሉዋ በኤዳ ድራዉ፥ እዞ ካꬌ። አካ ኦላዉነ ጉየ ስማዉ።
LAM 1:9 እ ቱናተꬃይ እ አፍላ ጼራ ባቂ ኦይቄዳ። ስንꬃፐ ባረ ቦላ ያናባ እዛ ቆፓበይኩ። ሄዋ ድራዉ፥ እዝ ኩንደꬃይ ዳጋንꬅያዋ። እዛ፥ “አቤት መꬍና ጎዳዉ፥ ታ ቱጋ በአ! ታ ሞርከቱ ታና ጾኔድኖ” ጊናካ፥ እዞ ምንꬅያዌ እቱነ ባዋ።
LAM 1:10 ሞርከቱ እዝ ቦንቾ ዱረታ ኡባ ቦላን ባረንቱ ኩሽያ የዴድኖ። ጋድያ ካዉተꬃቱ፥ ካሰ ኔን ጾሳ ማባራ ግዶ ገልሰናን ድጌዳ አሳቱ፥ እ ጌሻ ጎልያ ገልሽን በኣዱ።
LAM 1:11 እዝ አሳቱ ኮሻቲደ፥ ቁማ ደማናዉ ኦሊኖ። ኡንቱንቱ ፓጻ ደአና ድራዉ ጊደ፥ ባረንቱ ቦንቾ ዱረታ ኡባ ቁማን ላሚኖ። የሩሳላማ ሀዋዳን ያጋዉ፤ “አቤት መꬍና ጎዳዉ፥ ጼላ፤ ታን ካቴዳዋ በአ!
LAM 1:12 ህንተኖ፥ ሀዋና አꬍያዋንቶ፥ ሀዌ ህንተዉ ኡባዉ አያነ ግደኔ? መቱ ኡባይ መꬍና ጎዳይ ባረ ኤጽያ ሀንቁዋ ጋላስ ታ ቦላ አሄዳ መቱዋ ማሌ?
LAM 1:13 ጾሳይ ቦላ ꬎቃፐ ታማ ዱገ የዴዳ፤ ሄ ታማይ ታ መቀꬃ ግዶ ገሌዳ። ታ ገድያ ኦይቃናዉ ጲርያ ዎꬄዳ፤ ታና ጉየ ዛሬዳ። እ ታና ጋላሳ ኡባን ላባንꬂደ፥ የግ ባሼዳ።
LAM 1:14 ታን ኦꬄዳ ናጋራ ኡባ ሺሽ ቃቺደ፥ ሞርገ ምꬃዳን ታ ሞርግያን ዎꬄዳ። ያቲደ ታ ዎልቃ ዉርሴዳ። ታን ኤቀታናዉ ዳንዳየናዋንቶ ጎዳይ ታና አꬅ እሜዳ።
LAM 1:15 ጎዳይ ታ ግዶን ዎልቃማ ኦላንቻቱዋ ኡባ እጼዳ። ታ ያላጋቱዋካ ꬋይሳናዉ ዎድያ ኬሬዳ። ዎይንያ ቴራ ጉምእያ ሳኣን የꬍያዋዳን፥ ጎዳይ ይሁዳ አሳ የꬌዳ።
LAM 1:16 ታን ዬክያዌነ ታ አይፊ አፎꬃ ሆልሳይያዌ ሄዋሳ። ታና ምንꬃናዉነ ታ ዎልቃ ምንስያዌ እት አሳይነ ባዋ። ሞርኪ ጎቤዳ፤ ታ ናናቱነ መላ አቴድኖ” ያጋዉ።
LAM 1:17 ጽዮና ባረ ኩሽያ ምጫዱ፤ ሽን እዞ ምንꬅያዌ ባዋ። እ ዩሹዋን ደእያዋንቱ እዞ ሞርካናዳን፥ መꬍና ጎዳይ ኦꬄዳ። የሩሳላማ ኡንቱንቱ ግዶን ቱናባ ግዳዱ።
LAM 1:18 እዛ ሀዋዳን ያጋዉ፤ “መꬍና ጎዳይ ጽሉዋ፤ አ ቃላዉ አዛዘተናን ማካሌዳና ታና። ህንተኖ፥ አሳቶ ኡባይካ ስስተ! ታ መቱዋካ በእተ። ታ ዎዳላቱነ ታ ጌላዮቱ ኦሞደቲደ ቤድኖ።
LAM 1:19 ታን ታና ዶስያዋንታ ጼሳድ፤ ሽን ኡንቱንቱ ታና ጭሜድኖ። ታ ቄሳቱ ነ ታ ጭማቱ ባረንቱ አካታ ምንሳናዉ ቁማ ኮዪደ፥ ካታማ ግዶን ሀይቄድኖ።
LAM 1:20 አቤት መꬍና ጎዳዉ፥ ታ ዋይያ በአ! ታ ጋርሳይ ሻቢረቴዳ። ታን ሎይꬃ ማካሌዳ ድራዉ፥ ታ ዎዛናይ መኤዳ። ካረን ማሻይ ዉርሴ፤ ሶንካ ሀይቆ ጻላላይ ደኤ።
LAM 1:21 አሳይ ታን ዝላልያዋ ስሴዳ፤ ሽን ታና ምንꬅያ እት አሳይነ ባዋ። ታ ሞርከቱ ኡባይ ታን መቶትያዋ ስሴድኖ፤ ኔን ኦꬄዳባን ናሸቴድኖ። ኡንቱንቱካ ታናዳን ሀናና ማላ፥ ኡንቱንቱ ቦላ ኔን አዋዬዳ ጋላሳ አያ!
LAM 1:22 ኡንቱንቱ ኢታተꬃይ ኡባይ ነ ስንꬃ ጋኮ፤ ታ ናጋራ ኡባ ድራዉ፥ ኔን ታና ሙሬዳዋዳን፥ ኡንቱንታካ ሙራ! አያዉ ጎፐ፥ ታ ዝላሳይ ዳሬዳ፤ ታ ዎዛናይካ መኤዳ” ያጋዉ።
LAM 2:1 ጎዳይ ባረ ሀንቁዋን ሻርያፐ ጋርሳና ጽዮኖ ዎት ዎꬄዴ! እ እስራኤልያ ፑላ ሳሉዋፐ ዱገ ሳኣ ኦሌዳ። እ ባረ ሀንቁዋ ጋላሳን ባረ ጌሻ ጎልያካ ቆፕቤና።
LAM 2:2 ጎዳይ ይሁዳን ደእያ ኬꬃቱዋ ኡባ ቃረተናን ꬋይሴዳ። ቃይ ባረ ሀንቁዋን ሄ ቢታ ጌሱዋ ኡባ ኮሌዳ። ሄ ካዉተꬃነ አ ካፖቱዋ ሳኣን ዱገ ዎꬂደ ካዉሽሴዳ።
LAM 2:3 ባረ ሱልያ ሀንቁዋን እስራኤልያ ዎልቃ ኡባ መንሬꬄዳ። ሞርኪ አ ኦላናዉ ይያ ዎደ፥ ጎዳይ ባረ ኡሸቻ ኩሽያ ኡንቱንቱ ቦላፐ ድጌዳ። ባረ ዩሹዋን ደእያዋ ኡባ ምያ ላጮትያ ታማዳን፥ ያቆባ ቦላ ኤጽ ከሴዳ።
LAM 2:4 ሞርክያዳን እ ባረ ዎንዳፍያ ኡንቱንቱ ቦላ ዳፌዳ። ኡቁንያዋንቱዋዳን እ ባረ ኡሸቻ ኩሽያ ምንሲደ፥ ጼልና ሎእያ አሳ ኡባ ዎꬌዳ። ጽዮነ ጎለቱዋ ቦላ ባረ ሀንቁዋ ሱሉዋ ታማዳን ጉሴዳ።
LAM 2:5 ጎዳይ ሞርክያዳን ሀኒደ፥ እስራኤልያ ꬋይሴዳ። እ ካትያ ጎለቱዋነ ጌሶቱዋ ኡባ ኮሌዳ። ይሁዳ አሳ ቦላን ካዩዋነ ዬኩዋ ጉጄዳ።
LAM 2:6 እ ባረ ጌሻ ጎልያ አታክልትያ ግዶን ደእያ ዳስያዳን፥ ሾድ ኦሌዳ። ላይꬃ ግዶን ቦንችያ ባላቱነ ሳምባታቱ ሙለ ዶገታናዳን፥ መꬍና ጎዳይ ኦꬄዳ። ባረ ዎልቃማ ሀንቁዋን ካትያነ ቄስያ ካꬌዳ።
LAM 2:7 ጎዳይ ባረዉ ያርሹዋ ያርሽያ ሳኣ እጼዳ፤ ባረ ጌሻ ጎልያካ ባሼዳ። ካትያ ጎለቱዋ ግምቢያ ሞርከቱዋ ኩሽያን አꬂደ እሜዳ። አሳይ ላይꬃ ባላ ቦንቺደ ዋስያዋዳን፥ ሞርከቱ መꬍና ጎዳ ጎልያን ዋሴድኖ።
LAM 2:8 መꬍና ጎዳይ ጽዮን ግምቢያ ኮላናዉ ቃቼዳ፤ እዞ ልክያ ዎዶሩዋ ምጬዳ፤ እዞ ꬋይሰናን ደኢድ፥ ባረ ኩሽያ ዛረና። ሄዋ ድራዉ፥ ግምቢነ ጌሱ እትፐ ኩንዳናዳን ኦꬄዳ።
LAM 2:9 የሩሳላመ ፐንግያ ሳንቃቱ ቢታን ዱገ ሞገቴድኖ፤ ኡንቱንቱ ኩልቦቱዋካ እ መንሬꬂደ ꬋይሴዳ። እ ካቲነ ካፓቱ ኦሞደቲደ፥ ካዉተꬃቱዋ ግዶ ቤድኖ። ህግያ ታማርስያዌካ ባዋ፤ እዝ ትምቢትያ ኦድያዋንቶካ መꬍና ጎዳፐ ሳጻይ ይያዋ አጌዳ።
LAM 2:10 ጽዮን ጭማቱ ጮኡ ጊደ፥ ቢታን ኡት አጌድኖ፤ ባረንቱ ሁጲያን ባና ቆሊደ፥ ማቃካ ማዬድኖ። የሩሳላመ ዎዶሮቱ ሳአዉ ዱገ ሆኬድኖ።
LAM 2:11 ታ አይፊ አፎጽ አፎጺደ ጆሌዳ፤ ታ ዎዛናይካ ካዩዋን ሻቢረቴዳ። አያዉ ጎፐ፥ ታ አሳይ ꬋዬዳ፤ ጉꬃ ናናቱነ ዪኦ ናናቱ ካታማ ኦግያን ላባኒደ ኩንዴድኖ።
LAM 2:12 ኡንቱንቱ ባረንቱ አየቱዋ፥ “ቁማ እማ! ዎይንያ ኤሳ እማ!” ያጊደ ዋሲኖ። ካታማ ኦግያን ደሸቲደ ላባንያ አሳቱዋዳን ኡንቱንቱ ላባንና፥ ኡንቱንቱ አየቱዋ ክዉዋን ኡንቱንቱ ሸምፑ ከሴ።
LAM 2:13 ኔኖ፥ የሩሳላመ፥ ታን ነባ አይ ጋናዉ ዳንዳያይታ? ዎይ ቃይ ነ ቆሁዋ ታን አያና ልካናዉ ዳንዳያይታ? ኔኖ፥ ዶሰቴዳ ጽዮኔ፥ ቃይ ታን ኔና ዎታ ምንꬃናዉ ዳንዳያይታ? ነ ማዱꬃይ አባ ኬሻ ጪማ። ያትና፥ ኔና ኦን ፓꬃናዉ ዳንዳዪ?
LAM 2:14 ነ ትምቢትያ ኦድያዋንቱ ነዉ ዎርዶነ ፓና ሳፃ በኤድኖ፤ ኡንቱንቱ ኔን ኦሞዶ ቤና ማላ፥ ነ ናጋራ ቆንጭሲደ ኦድበይክኖ። ኡንቱንቱ ባለꬅያ ዎርዶ ሳፃ ነዉ በኤድኖ።
LAM 2:15 ነ ማታና አꬍያ ኡባይ ባረ ብራꬍያ ነ ቦላን ዱኬ። ቃይ፥ “ቢታን ሳኣን ኡባፐ አꬋአደ ሎእያ ካታማታ ሀኒ? ኩመንꬃ ቢታዉ ናሸቻ ጌተቴዳ ካታማታ ሀኒ?” ያጊደ ኔና ቅሊጬድኖ፤ ባረንቱ ሁጲያካ ቃꬂኖ።
LAM 2:16 ነ ሞርከቱ ኡባይ ባረንቱ ዶና ነ ቦላ ዶዬድኖ፤ ቅሊጪድነ ይሉዋን ባረንቱ አቻ ጋርጪደ፥ “ኑን እዞ ꬋይሴዶ! ኑን ናጌዳ ጋላሳይካ ሀዋ፤ ሀእ ጋኪደ በኤዳ!” ያጊኖ።
LAM 2:17 መꬍና ጎዳይ ባረ ሀልቼዳዋ ኦꬄዳ፤ በን ዎደ እ አዋዬዳ ባረ ቃላካ ፖሌዳ። የሩሳላምዉ ቃረተናን እዞ ኮሌዳ። እ ሞርከቱዋካ ናሸቼዳ፤ እዞ ኡቁኔዳዋንቱ ዎልቃካ ꬎቁ ꬎቁ ኦꬄዳ።
LAM 2:18 ኔኖ፥ ጽዮኔ፥ ጎዳኮ ነ ድርሳ ግምቢ ዋሶ! ነ አፎꬃይካ ቃማነ ጋላስ ሻፋዳን ጎጎ! ኔን ኔና ሸምፕሶፓ፤ ነ አይፍያዉካ ሸምፑዋ እሞፓ!
LAM 2:19 ደንዳ፤ ቃማ ደንዳደ ዋሳ። ጎዳ ስንꬃን ነ ዎዛና ሃꬃዳን ጉሳ። ኦግያ ዶናን ኡባን ኮሻቲደ፥ ላባኔዳ ነ ናናቱዋ ሸምፖ ነ ኩሽያ አኮ ፑደ ደንꬃደ ዎሳ!
LAM 2:20 አቤት መꬍና ጎዳዉ፥ በአ! ኔን ኦ ቦላ ካሰ ሀዋዳን ኦꬃድንቶ፥ አነ ቆፓ። አየቱ ባረንቱ ክዉዋን እሻልሲደ ድቼዳ ባረንቱ ናናቱዋ ሚኖ ጋይ? ቃይ ቄሳቱ ነ ናበቱ ጎዳ ጌሻ ጎልያ ግዶን ሀይቂኖ ጋይ?
LAM 2:21 ጭማይነ ናናይ ካታማ ግዶ ኦግያ ባናን ግሴዳ፤ ታ ዎዶሮቱነ ታ ዎዳላቱ ማሻን ዉሬድኖ። ኔን ነ ሀንቁዋ ጋላስ ኡንቱንታ ዎꬋዳ፤ ኡንቱንቶ ቃረተናን ኡንቱንታ ሲፋዳ።
LAM 2:22 ግብራ ጋላሳዉ አሳ ጼስያዋዳን፥ ኔን ታና ዳጋንꬅያዋንታ ኡባ ሳፐ ጼሳዳ። መꬍና ጎዳ ሀንቁዋ ጋላሳን ከስ አክ ፓጻ አቴዳዌ እቱነ ባዋ። ታን ታ ክዉዋን እሻልሳደ ድቼዳ ናናቱዋ ኡባ ሞርኪ ዎꬍ ꬋይሴዳ።
LAM 3:1 ጾሳ ሀንቁዋ ጋትማን መቱዋ በኤዳ አሳይ ታና።
LAM 3:2 እ ታና ላግ ከሲደ፥ ፖኡ ባይና ꬉማዉ አፌዳ።
LAM 3:3 እ ዛር ዛሪደካ ጋላሳ ሙልያ ታና ሾጫናዉ ባረ ኩሽያ ታ ቦላን ደንꬄዳ።
LAM 3:4 እ ታ ጋልባነ ታ አሹዋ ኤጭሴዳ፤ ታ መቀꬃካ መንꬄዳ።
LAM 3:5 እ ታና ድሬዳ፤ መቱዋንነ ዳቡራን እ ታና ዶዴዳ።
LAM 3:6 በን አይደንቶ ሀይቄዳ አሳዳን፥ ታና ꬉማ ግዶን ዎꬄዳ።
LAM 3:7 ታን ከሰናዳን፥ ታ ዩሹዋ ድሬዳ፤ ዴጾ ሳንሳላታንካ ታና ቃቼዳ።
LAM 3:8 ታን አ ጼሳድ፤ አኮ ዋስናካ፥ እ ታ ዎሳ ስሰናን እጼዳ።
LAM 3:9 ታ ኦግያን ማሰቴዳ ሹቻ ዎꬂደ ጎርዴዳ፤ ታ ኦግያካ ጌላዬዳ።
LAM 3:10 እ ታዉ ሙግያ ባባንꬃ ማላ፥ ዎይ ቆሰቲደ ናግያ ጋሙዋ ማላ ግዴዳ።
LAM 3:11 እ ታና ታ ኦግያፐ ከስ ኦሊደ፥ ዱሰረꬄዳ። ያቲደ ታና አሳይ ባይና ሳን የግ ባሼዳ።
LAM 3:12 ባረ ዎንዳፍያ ዳፊደ፥ ታና ዱካናዉ ማሌዳ።
LAM 3:13 እ ባረ ዎንዳፍያ ዳፊደ፥ ታ ዎዛና አይፍያ ጫዴዳ።
LAM 3:14 ታን አሳ ኡባዉ ሚቻነ ጋላሳ ኩመንꬃ ቦሪደ የጽያዋ ግዳድ።
LAM 3:15 እ ታና ጫሙዋን ኩንꬄዳ፤ ቃይ ጎዳረ ኡꬃዳን ጫምያ ጹኣ ኡሺደ፥ ታና ካልሴዳ።
LAM 3:16 እ ታ አቻ አንጩዋን መንꬄዳ፤ ባና ግዶን እ ታና የꬌዳ።
LAM 3:17 ሳሩ ታፐ ሃኬዳ፤ ታን እንጀ ደኡዋ ዶጋድ።
LAM 3:18 ሄዋ ድራዉ፥ ታን፥ “ታ ዎልቃይ ታፐ ክቼዳ፤ ታን መꬍና ጎዳን ህዶታ ዎꬄዳዌ ኡባይካ ꬋዬዳ” ያጋድ።
LAM 3:19 ታ መቱዋነ ታን ቶይላካትያዋ ሀሳይና፥ ደኡ ታና ጫሜዳ።
LAM 3:20 ሄዌ ታን ኡባካ ዶገናባነ ታ ሸምፑካ ካዮትያዋ።
LAM 3:21 ግዶፐነ፥ ታን ሀ እትባ ታ ዎዛናን ቆፕያ ዎደ፥ ታዉ ስንꬃናዉ ህዶታይ ደኤ።
LAM 3:22 ሄዌነ፥ መꬍና ጎዳ አገና ሲቁዋፐ ደንዴዳዋን ኑን ꬋይቦኮ። አ ቃረታይካ ሙለ ዉር ኤረና፤
LAM 3:23 ኡንቱንቱ ዎንታ ዎንታ ኦራꬃ። ኔን ሎይꬃ አማነትያዋ።
LAM 3:24 ታን ታዉ፥ “መꬍና ጎዳይ ታና ጋኬዳ ሳማ፤ ሄዋ ድራዉ፥ ታን አን ህዶታ ዎꬃይ” ያጋድ።
LAM 3:25 ባረንቱ ህዶታ አን ዎꬅያዋንቶነ አ ኮይያዋንቶ መꬍና ጎዳይ ሎኦ።
LAM 3:26 ሄዋ ድራዉ፥ አሳይ መꬍና ጎዳይ አሽያ አሹዋ ዳንዳያን ናጎፐ ሎአ።
LAM 3:27 ቃይ አሳይ ባረ ያላጋተꬃን ደኢድ፥ ዳንዳያ ታማሮፐ ሎአ።
LAM 3:28 መꬍና ጎዳይ መቱዋ አህያ ዎደ፥ እ ጮኡ ጊደ፥ ባረካ ኡት አጎ።
LAM 3:29 እ ባረ ሶምኡዋ ቢታ ጋꬂደ ሀይዞ። ኦን ኤሪ፥ አዉ ስንꬃናዉ ህዶታይ ደአነንቶነ።
LAM 3:30 እ ባረ ሻይያ ባቂያዎ በሶ፤ ባረ ሞርከቱ ሸቂያ ሸቃካ ካሎ።
LAM 3:31 አያዉ ጎፐ፥ ጎዳይ አሳ መꬍናዉ ኦለና፤
LAM 3:32 እት ዎደ ካዩዋ አሆፐነ፥ እ ባረ አገና ሲቁዋ ዳሩዋዳን ቃረቴ።
LAM 3:33 አያዉ ጎፐ፥ እ አሳ ቱጋይያዋንነ መቶይያዋን ናሸተና።
LAM 3:34 አ አሳ ካለꬅያዋንቱ ቃሸቴዳዋንታ ባረንቱ ገድያፐ ጋርሳ ባጋና የꬌድኖ፤
LAM 3:35 ቃይ ኡባፐ ꬎቂያ ጾሳ ስንꬃን አሳዉ ደእያ ማታ ድጊኖ፤
LAM 3:36 ቃይካ ችሎታን ፕርዳ ጌላዪኖ። ኡንቱንቱ ጎዳይ ሄዋ ኡባ በኤና ጊደ ቆፒኖየ?
LAM 3:37 ጎዳይ አዛዝቤናዋ አዛዚደ፥ ፖልሳናዉ ዳንዳይያዌ ኦኔ?
LAM 3:38 ኢታባ ግድና ሎኦባ ግድናካ፥ ሃሳዪደ ፖልያዌ ኡባፐ ꬎቂያ ጾሳ ግደኔየ?
LAM 3:39 ያትና፥ ኑን አሳ ግድያዋንቱ ኑ ናጋራ ድራዉ፥ እ ኑና ሙርያ ዎደ፥ አያዉ ዙዙሜቶ?
LAM 3:40 ሄዋ አጊደ፥ አነ ኑ ኦግያ ፓጮይተነ ቆሮይተ፤ መꬍና ጎዳኮካ አነ ስሞይተ።
LAM 3:41 አነ ኑ ዎዛናነ ኑ ኩሽያ ሳሉዋን ደእያ ጾሳኮ ደንꬂደ፥ ሀዋዳን ያጎይተ፤
LAM 3:42 “ኑን ኔና ናቄዶ፤ ነዉ ማካሌዶ፤ ኔንካ ኑዉ አቶ ጋባካ።
LAM 3:43 ነ ሀንቁዋን ኑና የደርሳዳ፤ ቃይ ኔን ኑዉ ቃረተናን ኑና ሲፋዳ።
LAM 3:44 ኑ ዎሳይ ኔኮ አናዳን፥ ነ ሁጲያ ሻርያን ካማዳ።
LAM 3:45 አሳ ግዶን ኑና ፕቶነ ቡራ ኦꬃዳ።
LAM 3:46 ኑ ሞርከቱ ኡባይ ኑ ቦላን ሃሳዬድኖ።
LAM 3:47 ኑን ዳጋሜዶነ ግትያን ገሌዶ፤ ባዬዶነ ꬋዬዶ” ያጌቶ።
LAM 3:48 ታ አሳይ መቱዋን ꬋዬዳ ድራዉ፥ ታ አይፊ ሻፋዳን አፎꬃ ጎጌ።
LAM 3:49 ታ አይፊ ሙለ ዎደ አገናን አፎꬃ ትጌ።
LAM 3:50 መꬍና ጎዳይ ሳሉዋፐ ዱገ ጼሊደ በአና ጋካናዉ ሄዌ ሀኔ።
LAM 3:51 ታ ካታማን ደእያ ማጫ አሳቱዋ ኡባ ቦላን ጋኬዳዋ ታ አይፊ በኤዳ ዎደ፥ ታ ዎዛናይ ካዮቴዳ።
LAM 3:52 ጮ ታና ሞርክያዋንቱ ታና ካፉዋ ሻንካትያዋዳን ሻንካቴድኖ።
LAM 3:53 ኡንቱንቱ ታና ፓጻ ደእሺና ኦላን የጊደ፥ ኦላ ዶና ሹቻን ጎርዴድኖ።
LAM 3:54 ሃꬃይ ኩሚደ፥ ታ ሁጲያና ጎግያ ዎደ፥ ታን ꬋያድ ጋደ ቆፓድ።
LAM 3:55 አቤት መꬍና ጎዳዉ፥ ታን ጪማ ኦላ ግዶን ደኣደ ነ ሱንꬃ ጼሳድ።
LAM 3:56 ታ ዋሱዋ ስሳናዳን ታን ኔና ዎስያ ዎደ፥ ኔን ታዉ ስሳዳ።
LAM 3:57 ታን ኔና ጼሴዳ ዎደ፥ ታኮ ሺቃደ፥ “ያዮፓ” ያጋዳ።
LAM 3:58 አቤት ጎዳዉ፥ ኔን ታ ሞቱዋ ሞተታደ፥ ታና ዎዛዳ።
LAM 3:59 አቤት መꬍና ጎዳዉ፥ ኔን ታ ቱጋ በኣዳ። ሄዋ ድራዉ፥ ታ ሞቱዋ ኔን ፕርዳ።
LAM 3:60 ኡንቱንቱ ሀሉዋ ከሳናዉ ታ ቦላን ማቀትያ ማቁዋ ኡባ በኣዳ።
LAM 3:61 አቤት መꬍና ጎዳዉ፥ ኡንቱንቱ ታና ሸቂያ ሸቃነ ታ ቦላን ማቀትያ ማቁዋ ኡባ ስሳዳ።
LAM 3:62 ቃይ ታ ሞርከቱ ጋላሳ ኩመንꬃ ታ ቦላን ዙዙምያዋነ ሳሱክያዋ ስሳዳ።
LAM 3:63 በአ፥ ኡንቱንቱ ኡቲድነ ኤቂደ፥ ታና ቦር ቦሪደ የጺኖ።
LAM 3:64 አቤት መꬍና ጎዳዉ፥ ኡንቱንቱ ኦꬄዳ ኦሶ በስያ ጋትያ ኡንቱንቶ ጭጋ!
LAM 3:65 ኡንቱንቱ ዎዛና ዳምሳ! ነ ሸቃይ ኡንቱንታ ጋኮ!
LAM 3:66 አቤት መꬍና ጎዳዉ፥ ኔን ኡንቱንታ ነ ሀንቁዋን የደርሳ፥ ሳሎቱዋፐ ጋርሳና ኡንቱንቱ ደኢያሳፐ ኡንቱንታ ꬋይሳ!
LAM 4:1 ጶልያ ዎርቃይ ባረ ማላ ዋኒደ ታሴዴ። ጌሻ ዎርቃይ ዋኒደ ማላ ꬋዬደ። ጌሻ ጎሊ ኬጸቴዳ ሹቻይ ካታማቱዋ ኦግያ ኡባ ዶናን ላለት ኡቴዳ።
LAM 4:2 ካሰ ቦንቼቴዳ ዎርቃ ላገ ግዴዳ ጽዮነ ናናቱ ሀእ ኩሽያ ሂላይ ኡርቃፐ መꬌዳ ሚሻ ማላ ግዴድኖ።
LAM 4:3 ሀራይ አቶ ዎራካናቱዋነ ባረ ማራ ꬋንꬃዉ፤ ሽን ታ አሳይ ባዙዋን ደእያ ሶጎንያዳን፥ ባረ ናናቶ መቀꬃ ኢቴዳ።
LAM 4:4 ሳሙዋ ጋሱዋን ꬋምያ ናናቱዋ እንጻርሳይ ኮክያና ኦይቀቴዳ፤ ናናቱ ቁማ ዎሴድኖ፤ ሽን ኡንቱንቶ እምያዌ እቱነ ባዋ።
LAM 4:5 ካሰ ማልእያ ቁማ ጻላላ ሜዳዋንቱ ሀእ ኦግያ ዶናን ኮሻን ዉሪኖ፤ ቃይ ካሰ እሻሉዋን ድጬዳዋንቱ ሀእ ብድንꬃ ቦላ ዛቁሌድኖ።
LAM 4:6 ታ አሳ ናጋራይ ኦ ኩሺነ ቦቼናንነ ቆፐናን አꬍ ዎꬌዳ ሶዶማ ካታማ አሳ ናጋራፐካ ዳሬዳ
LAM 4:7 ይሁዳ ካፓቱ ካሰ ሻቻፐ አꬌዳ ጌሻነ ማꬃፐ አꬌዳ ቦꬃ። ኡንቱንቱ ቦላይ ዞኦ እንቁዋፐ አꬌዳ አርሳ፤ ኡንቱንቱ ማላይካ ሳምፔርያ ግያ አልኦ እንቁዋ ማላ።
LAM 4:8 ሽን ሀእ ኡንቱንቱ ሶምኢ ሻላፐ አꬊደ ካረጼዳ፤ አሳይ ኦግያን በኢደ ኡንቱንታ ኤረና። ኡንቱንቱ ጋልባይካ ኡንቱንቱ መቀꬃና ኦይቀቲደ፥ ምꬃዳን መሌዳ።
LAM 4:9 ምያባ ꬋዪደ፥ ሎዱ ጊደ፥ ኮሻን ሀይቄዳዋንቱፐ ኦላን ሀይቄዳዋንቱ ኬካ።
LAM 4:10 ታ አሳ ቦላን ዬዳ ባየꬃ ጋሱዋን፥ ቃረትያ አየቱ ባረንቱ የሌዳ ናናቱዋ ዶይሲደ፥ ባረንቶ ቁማ ከሲደ ሜድኖ።
LAM 4:11 መꬍና ጎዳ ሀንቁዋ ጹአይ ኩሜዳ፤ እ ባረ ሱልያ ሀንቁዋ ትጌዳ። የሩሳላመ ካታማ ባሱዋና ሜዳ ታማ ኤꬅ ከሴዳ።
LAM 4:12 ሀ ሳኣን ደእያ ካተቱዋፐ ዎይ ካዉተꬃቱዋ ግዶን ደእያ አሳፐ ኦንነ ሞርኪ የሩሳላመ ፐንግያና ገላና ጊደ አማንቤና።
LAM 4:13 ሽን ሀዌ ሀኔዳዌ አ ናበቱነ አ ቄሳቱ ኦꬄዳ ናጋራ ድራሳ፤ ቃይ ኡንቱንቱ ጽሎቱዋ ሱꬃ አ ግዶን ጉሴዳ ድራሳ።
LAM 4:14 ኡንቱንቱ ቆቀ አሳዳን፥ ኦግያን ታታፊኖ፤ ቃይ ኡንቱንቱ ሱꬃን ቱኔዳ ድራዉ፥ ኡንቱንቱ ማዩዋ ኦንነ ቦቻናዉ ኮየና።
LAM 4:15 ሄዋ ድራዉ፥ አሳይ ኡንቱንታ፥ “ክችተ! ህንተ ቱና! ክችተ! ኑና ቦቾፕተ!” ያጊደ ኡንቱንቱ ቦላ ዋሴዳ። ያትና፥ ኡንቱንቱ ባቃቲደ ቶይላካቴዳ ዎደ፥ ካዉተꬃቱዋ ግዶን ደእያ አሳይ ኡንቱንታ፥ “ህንተ ኑናና ሀዋን ደአናዉ ዳንዳይክታ” ያጌድኖ።
LAM 4:16 መꬍና ጎዳይ ባረ ሁጲያን ኡንቱንታ ላሌዳ፤ እ ኡንቱንቶ ላኤንꬆ ቆፐና። ኡንቱንቱ ቄሳቱ ካ ቦንቼትበይክኖ፤ ኡንቱንቱ ጭማቱካ ናሸትበይክኖ።
LAM 4:17 ኑ አይፊ ማዱዋ ደማናዉ ጼሊደ፥ ጮ መላ ዳቡሬዳ። ኑና አሻናዉ ዳንዳየና ካዉተꬃቱዋ፥ ኡንቱንቱ ያና ጊደ ዎቼዶ።
LAM 4:18 አሳቱ ኑ ቃታማ ካልያ ድራዉ፥ ኑ ካታማ ኦግያን ሄመታናዉ ዳንዳይበይኮ። ኑ ዉርሰꬃይ ማታቴዳ፤ ኑ ላይꬃይ ዉሬዳ፤ ኑ ꬋይያ ዎዲካ ጋኬዳ።
LAM 4:19 ኑና የደርስያዋንቱ ሳሉዋና ፓልያ አርጋንꬃፐካ አꬊደ ኤሌሊኖ። ኡንቱንቱ ኑና ደርያ ሁጲያና የደርሴድኖ፤ ቃይ ባዙዋን ዙጊደ፥ ኑና ናጌድኖ።
LAM 4:20 መꬍና ጎዳይ ኦኬዳ ካትያ፥ ኑን ሲꬍያና ሸምፕያ ኑ ሸምፑዋ፥ ኡንቱንቱ ባረንቱ ጲርያን ኦይቄድኖ። ኑን አ ኩዋ ጋርሳን ኡቲደ፥ ካዉተꬃቱዋ ግዶን ደአና ጊደ ቆፔዶ።
LAM 4:21 ህንተኖ፥ ኡጻ ቢታን ደእያ ኤዶማ አሳቶ፥ ናሸትተነ ፖጩ ጊተ። ሽን ሀንቁዋ ጹአይ ህንተኮካ ጋካናዋ፤ ህንተካ ማꬆቲደ፥ ካሎ አታና።
LAM 4:22 ህንተኖ፥ ጽዮነ አሳቶ፥ ህንተ ባይዙዋ ሙሩ ፖለቴዳ። ሀዋፐ ስንꬃን እ ህንተና ኦሞዱዋን ዎና። ሽን ኤዶማ አሳቶ፥ ህንተ ባይዙዋ እ ሙራና፤ ህንተ ናጋራካ ቆንጭሳና።
LAM 5:1 አቤት መꬍና ጎዳዉ፥ ኑ ቦላ ጋኬዳዋ ኡባ ሀሳያ፤ ኑና ጼላ፤ ኑ ካዉሻካ በአ!
LAM 5:2 ኑ ላታ ቢታይ አላጋቶ፥ ኑ ጎሊካ በተቶ እመቴዳ።
LAM 5:3 ኑን አዉ ሀይቄዳ ናናቱዋ ግዴዶ፤ ኑ አየቱካ አምኤ ማጫ አሳ ግዴድኖ።
LAM 5:4 ኑ ኡሽያ ሃꬃዉ ሚሻ ጭጌቶ፤ ኤꬅያ ምꬃካ ሻም አኬቶ።
LAM 5:5 ኑና የደርስያዋንቱ ኑ ግንድያ ጻጱዋ ጋኬድኖ። ኑን ዳቡሬዶ፥ ሽን ሸምፓናዉ ዳንዳይበይኮ።
LAM 5:6 ኑን ቁማ ካላና ጊደ፥ ግብጼ አሳቶነ አሶረ አሳቶ ኩሽያ እሜዶ።
LAM 5:7 ናጋራ ኦꬄዳዋንቱ ኑ ማይዛ አዎቱዋ፤ ሽን ኡንቱንቱ ሀእ ደእክኖ። ኡንቱንቱ አካናዉ በስያ ሙሩዋ አክያዋንቱ ኑና።
LAM 5:8 አይለቱ ኑና ሞድያዋንታ ግዴድኖ፤ ኡንቱንቱ ኩሽያፐካ ኑና ዎꬅ አክያዌ እቱነ ባዋ።
LAM 5:9 ማሻን ዎꬍያዋንቱ ባዙዋን ደእያ ድራዉ፥ ኑን ኑ ሸምፑዋ ሸነኮ ጊደ፥ ኑ ቁማ ደሜዶ።
LAM 5:10 ኮሻይ ሱሌዳ ጋሱዋን ሀርግና፥ ኑ ጋልባይ ታማ ጮጭያዳን ምቼ።
LAM 5:11 ጽዮነን ማጫ አሳቱዋ፥ ይሁዳ ካታማቱዋንካ ዎዶሮቱዋ ዎልቃን ኦይቂደ ባይዜድኖ።
LAM 5:12 ካፓቱዋ አፊደ ካቄድኖ፤ ጭማቱካ ቦንቼትበይክኖ።
LAM 5:13 ያላጋ አቱማ አሳቱ ዎጻን ጋጬድኖ፤ አቱማ ናናቱካ ዴጾ ምꬃ ቶኪደ ጋንድጋሬድኖ።
LAM 5:14 ጭማ አሳቱ ካታማ ፐንገን ፕርዳናዉ ኡትያዋ አጌድኖ፤ ያላጋ አቱማ አሳቱ የꬃ የጽያዋ አጌድኖ።
LAM 5:15 ኑ ዎዛናፐ ናሸቻይ ብ ክቼዳ፤ ኑ ዱሩሳይካ ዬኮ ላመቴዳ፤
LAM 5:16 ካላቻይ ኑ ሁጲያፐ ኩንድ ክቼዳ። ኑን ናጋራ ኦꬄዳ ድራዉ፥ ኑዉ አየ አና!
LAM 5:17 ሄዋ ድራዉ፥ ኑ ዎዛናይ ዳቡሬዳ፤ ኑ አይፊካ ጋልጄዳ።
LAM 5:18 አያዉ ጎፐ፥ ጽዮነ ደሪ መላ ግዴዳ፤ ዎራካናቱካ አን ስመረቲኖ።
LAM 5:19 ሽን አቤት መꬍና ጎዳዉ፥ ኔን መꬍናዉ ካዉታሳ፤ ነ ካዉተꬃ አራታይካ የለታ ኡባ ጋካናዉ ደኤ።
LAM 5:20 ኔን ኑና አያዉ ኡባ ዎደ ዶጋይ? ቃይ ሀዋ ኬሻ አዱሳ ዎድያ ኑና አያዉ አጋይ?
LAM 5:21 አቤት መꬍና ጎዳዉ፥ ኑና ኔኮ ዛራ፤ ኑንካ ስማና! ኑ ዎድያካ በንዋዳን ዛራደ ኦራꬃ!
LAM 5:22 ኔን ኑና ኡባ ሙለ አጋዲየ? ነ ሀንቆካ ዛዋይ ባዌየ?
EZE 1:1 ሀታማንꬃ ላይꬃን፥ ኦይደንꬅያ አግናን፥ እቼሸንꬅያ ጋላሳን፥ ታን ካባራ ሻፋን ኦሞደት ቤዳዋንቱ ግዶን ደእሽን፥ ሳሎቱ ዶየትና፥ ጾሳ ሳፃ በኣድ።
EZE 1:2 ካቲ ዮኣኪን ኦሞደቶደፐ እቼሻንꬅያ ላይꬃን፥ ሄ አግናፐ እቼሸንꬅያ ጋላሳን፥
EZE 1:3 ባብሎነ ቢታን ካባራ ሻፋ ማታን ደእያ ታኮ፥ ቡዛ ናኣ፥ ቄስያ ህዝቄላኮ መꬍና ጎዳ ቃላይ ዬዳ፤ ሄዋን መꬍና ጎዳ ኩሺ ታና ሞዴዳ።
EZE 1:4 ታን ጼልያ ዎደ፥ ጎቲ ሁጲሳና ይያዋ በኣድ፤ ዎልቃማ ፖኡ ዎልቃማ ሻርያ ዶድ ዎꬄዳ፤ ሄ ሻርያ ግዱዋን ዋልቃንꬃይ ፖዡ ጌ። ዋልቃንꬃዉ ግዶ ዎዛናይ ጶልያ ናስያ ማላቴ።
EZE 1:5 ሄዋ ግዶን ኦይዱ ፓጻ መታቱ ደኢኖ። ኡንቱንቱ አሳ ማላቲኖ፤
EZE 1:6 ሽን ኡንቱንቶ እቶ እቶ ኦይዱ ኦይዱ ሶምኡነ ኦይዱ ኦይዱ ቀፊ ደኤ።
EZE 1:7 ኡንቱንቱ ገዲ ስት ጌዳዋ፤ ኡንቱንቱ ገድያ ያቻይ ማራ ገድያ ማላነ ቁጪደ ጌሼዳ ናስያ ብራታዳን ጶሌ።
EZE 1:8 ኡንቱንቱ ቀፍያፐ ጋርሳና ኦይዱ ባጋናካ አሳ ኩሽያ ማላትያ ኩሺ ደኤ። ሄ ኦይዳቶካ ዴሙነ ቀፊ ደኤ።
EZE 1:9 ኡንቱንቱ ቀፊ እቱ እቱዋ ቦቼ፤ ኡንቱንቱ ኡባይካ ያነ ሃነ ስመናን ስት ጊደ ስንꬃዉ ቢኖ።
EZE 1:10 ኡንቱንቶ እቶ እቶ ስንꬃ ባጋና አሳ ሶምኢ ደኤ፤ ኡሸቻ ባጋና ጋሙዋ ሶምኢ ደኤ፤ ቃይ ሀድርሳ ባጋና ቦራ ሶምኢ ደኤ፤ ቃይ ጉየ ባጋና አርጋንꬃ ሶምኢ ደኤ፤
EZE 1:11 ኡንቱንቱ ሶምኢ ሄዋ ማላቴ። ኡንቱንቱ ቀፊ ቦላዉ ምጨት ኡቴዳ፤ ኡንቱንቱ እቶ እቶ ላኡ ቀፊ ላኡ ባጋናካ ህንኮ መታ ቀፍያ ቦቼ፤ ቃይ ላኡ ቀፊ ኡንቱንቱ ቦላ ቦላ ካሜ።
EZE 1:12 ኡንቱንቱ ኡባይካ ስት ጊደ ስንꬃዉ ቤድኖ፤ ያነ ሃነ ስመናን፥ ጾሳ አያናይ ብያሳ ሀቃነ ቢኖ።
EZE 1:13 ሀ ፓጻ ደእያ መታቱ ግዶን እት ኤጽያ ታማ ቦንቁዋ ማላትያዌነ ስንꬃዉነ ጉየ ቃጽያ፥ ኤጽያ ጾምፕያ ማላትያዌ ደኤ፤ ሄ ታማይ ጶሌነ አ ግዶፐካ ዋልቃንꬃይ ከሴ።
EZE 1:14 ሀ ፓጻ መታቱ ዋልቃንꬃዳን፥ ስንꬃዉነ ጉየ ኤሌል ስመረቲኖ።
EZE 1:15 ሀ ኦይዱ መታቱዋ ታን ጼልሽን፥ ኡንቱንቱ ምየ ባጋ ሳኣን ደእያ ይንግረትያዋንታ በኣድ፤ እት እት መታ ምየ ባጋን እት እት ይንግረትያዌ ደኤ።
EZE 1:16 ሀ ይንግረትያዋንቱ አልኦ ሹቻዳን ጶሊኖ፤ ኡንቱንቱ ኦይዱካ መꬋንነ ማላን እቱ እቱዋ ማላቲኖ። እት ይንግረꬃይ ላኡ ይንግረꬃ ግዲደ መቴዳ፤ እቱ እቱዋ ግዱዋና ካንꬅ አꬎዋ ማላቴ።
EZE 1:17 ኡንቱንቱ ብያ ዎደ ባረንቱ ስንꬃ ዛር ዎꬄዳ ኦይዱ ባጋፐ እቱዋኮ ሀቃዋ ግዶፐነ ቢኖ፤ ሀ መታቱ ብያ ዎደ ይንግረትያዌ ዎራ ስመና።
EZE 1:18 ዎጋነ ያሽያ ኦይዱ ይንግረꬃቱ ደኢኖ፤ ሄ ይንግረꬃቱዋ ጋጻ ዩሹዋ ኡባን ጼልያ አይፊ ኩሜዳ።
EZE 1:19 ሀ መታቱ ብያ ዎደ፥ ኡንቱንቱ ምይያን ሀ ይንግረꬃቱ ጎንዶረቲኖ፤ ሄ መታቱ ቢታፐ ፑደ ደንድያ ዎደ፥ ሀ ይንግረꬃቱካ ደንዲኖ።
EZE 1:20 ደኡዋ አያናይ ብያ ሀቃነ ሀ ይንግረꬃቱካ ደንዲደ ቢኖ፤ አያዉ ጎፐ፥ ሀ ደኡዋ አያናይ ይንግረꬃቱዋ ግዶን ደእያ ድራሳ።
EZE 1:21 ሀ መታቱ ብያ ዎደ፥ ይንግረꬃቱካ ቢኖ፤ መታቱ ኤቂያ ዎደ፥ ይንግረꬃቱካ ኤቂኖ፤ ቃይ መታቱ ቢታፐ ፑደ ደንድያ ዎደ፥ ይንግረꬃቱ ኡንቱንቱና እትፐ ደንዲኖ። አያዉ ጎፐ፥ ደኡዋ አያናይ ይንግረꬃቱዋ ግዶን ደኤ።
EZE 1:22 ሀ ፓጻ መታቱዋ ሁጲያፐ ቦላ ባጋና ማስቶትያዳን ጶሊደ አይፍያ ጫድያ ምጨቴዳ ሳሉዋ ጉፋንꬁዋ ማላትያባይ ደኤ።
EZE 1:23 ሄ ጉፋንꬁዋፐ ጋርሳ ባጋና ኡንቱንቱ ቀፊ ስት ጊደ፥ እቱዋዌ እቱዋኮ ምጨት ኡቴዳ፤ ቃይ ኡንቱንቱ ኡባዉካ ኡንቱንቱ ቦላ ካምያ ላኡ ላኡ ቀፊ ደኤ።
EZE 1:24 ሀ መታቱ ፓልያ ዎደ፥ ኡንቱንቱ ቀፍያ ጊረꬃይ ሃꬃ ኩንꬁዋ ጉንꬃዳን፥ ቃይ ኡባ ዳንዳይያ ጾሳ ኮሻዳንነ ጮራ ኦላንቻቱዋ ጫቡዋዳን ሀንያዋ ስሳድ። ኡንቱንቱ ፓሉዋ አግያ ዎደ፥ ባረንቱ ቀፍያ ሺሽ አኪኖ።
EZE 1:25 ኡንቱንቱ ባረንቱ ቀፍያ ሺሽ አኪደ፥ ሄ ሳኣን ኤቂደእሽን፥ ኡንቱንቱ ሁጲያፐ ቦላ ባጋና ደእያ ሄ ጉፋንꬁዋ ማላትያዋ ቦላ ባጋፐ ኮሻይ ዬዳ።
EZE 1:26 ሄ ጉፋንꬁዋ ማላትያዋፐ ቦላ ባጋና ሳምፔርያ ግያ እንቁዋፐ መቴዳ ካዉተꬃ አራታ ማላትያዌ ደኤ፤ ሄ ካዉተꬃ አራታ ማላትያዋ ቦላ አሳ ማላትያዌ ኡቴዳ።
EZE 1:27 ታን አ በእያ ዎደ፥ አ ጼሳ ማላትያሳፐ ቦላ ባጋይ ታማን ቦንቄዳ ናስያ ብራታዳን ጶሌ፤ ቃይ ጼሳፐ ጋርሳ ባጋይ ታማ ማላቴ፤ አ ዩሹዋን ጶልያ ፖኡ ደኤ።
EZE 1:28 አ ዩሹዋን ጶልያ ፖኡ እራ ጋላስ ሻርያን ኤቄዳ ዙሉዋ ማላቴ። ሀዌ መꬍና ጎዳ ቦንቹዋ ቆንጨꬃ ማላቴ። ሄዋ በኤዳ ዎደ፥ ቢታን ዱገ ጉፋናደ፥ እቱ ሃሳይያ ኮሻ ስሳድ።
EZE 2:1 እ ታና ሀዋዳን ያጌዳ፤ “ላ አሳ ናአዉ፥ ደንዳደ ነ ገድያን ኤቃ። ነዉ ኦዳና” ያጌዳ።
EZE 2:2 እ ሃሳዬዳ ዎደ ጾሳ አያናይ ታ ግዶ ገሊደ፥ ታና ታ ገድያን ኤሴዳ። እ ታዉ ኦድያዋካ ስሳድ።
EZE 2:3 ሀዋዳን ያጌዳ፤ “ኔኖ አሳ ናአዉ፥ ታን ኔና እስራኤልያ አሳኮ፥ ታ ቦላ ማካሌዳ ማካላንቻ ካዉተꬃኮ ኪታይ፤ ኡንቱንቱነ ኡንቱንቱ አዎቱ ሀች ጋካናዉካ ታ ቦላ ማካሊደ ደኢኖ።
EZE 2:4 ኡንቱንቱ ዎዛና ሙመነ ዬላይ ባይናዋንታ ግድያ ድራዉ፥ ታን ኔና ኡንቱንቱኮ ኪታይ። ባደ፥ ‘ኡባ ሞድያ መꬍና ጎዳይ ሀዋዳን ያጌ’ ያጋ።
EZE 2:5 ኡንቱንቱ ማካላንቻ አሳ ግድያ ድራዉ፥ ኡንቱንቱ ስስናካ እጽናካ፥ ናቢ ኡንቱንቱ ግዶን ደእያዋ ኡንቱንቱ ኤራና።
EZE 2:6 ኔኖ አሳ ናአዉ፥ ኡንቱንቶካ ኡንቱንቱ ቃላዉካ ያዮፓ! ኮናይ ደእያነ አጉንꬃይ ነ ዩሹዋን ደእያዋ ግዶፐካ፥ ቃይ ሶጎቱዋ ግዱዋን ኔን ኡቶፐካ፥ ያዮፓ። ኡንቱንቱ ማካላንቻ አሳ ግድያ ድራዉ፥ ኡንቱንቱ ቃላዉ ያዮፓ፤ ዎይ ኡንቱንቶ ሻቢረቶፓ።
EZE 2:7 ኡንቱንቱ ማካላንቻ አሳ ግድያ ድራዉ፥ ስስናካ እጽናካ፥ ታ ቃላ ኡንቱንቶ ኦዳ።
EZE 2:8 “ሽን፥ አሳ ናአዉ፥ ታን ነዉ ኦድያዋ ስሳ! ሄ ማካላንቻቱዋዳን፥ ኔንካ ማካላንቻ ግዶፓ፤ ነ ዶና ዶያደ፥ ታን ነዉ እምያዋ ማ” ያጌዳ።
EZE 2:9 ሄዋፐ ጉይያን፥ ታን ጼልያ ዎደ፥ ኩሺ ታኮ ምጨት ኡቴዳዋ በኣድ፤ ሄ ኩሽያን ጻꬃ ማጻፋይ ደኤ።
EZE 2:10 እ ታ ስንꬃን ሄ ጻꬃ ማጻፋ ብሌዳ፤ ሄ ጻꬃ ማጻፋን ላኡ ባጋናካ ዬኩ፥ ካዩነ ሴላ ዋሱ ጻፈት ኡቴዳ።
EZE 3:1 ቃይ እ ታዉ ሀዋዳን ያጌዳ፤ “ላ አሳ ናአዉ፥ ሄ ነ ስንꬃን ደእያዋ ማ፤ ሀ ጻꬃ ማጻፋ ማ። ባደ፥ እስራኤልያ አሳዉ ኦዳ” ያጌዳ።
EZE 3:2 ታን ሀንጋድ፤ ታን ማናዳን፥ ጻꬃ ማጻፋ እ ታና ባርሴዳ።
EZE 3:3 ታና፥ “ላ አሳ ናአዉ፥ ሀ ታን ኔና ባርስያ ጻꬃ ማጻፋ ማ፤ ነ ኡሉዋ አን ኩንꬃ” ያጌዳ። ታን ምያ ዎደ፥ ታ ዶናን ኤሳዳን ማልኤዳ።
EZE 3:4 ሄዋፐ ስሚደ፥ እ ታና ሀዋዳን ያጌዳ፤ “ኔኖ አሳ ናአዉ፥ ሀእ እስራኤልያ አሳኮ ባ፤ ታ ቃላ ኡንቱንቶ ኦዳ።
EZE 3:5 ኔን ኪተቴዳዌ እስራኤልያ አሳሳፐ አትና፥ ዶናይ ኤረተናነ ቃላይ ገለና ሃሳያይ አኬከተና አሳኮ ግደና።
EZE 3:6 ቃይ ታንካ ኔና ኡንቱንቱ ቃላይ ገለና፥ ኡንቱንቱ ሃሳያይካ ኤረተና ኡንቱንቱ ቃላ ኔን ኤራናዉ ዳንዳየና ዳሮ አሳኮ ኪታበይከ አላጋ ቢታ ቃላ ዴጹዋ ሃሳይያ ዳሮ አሳኮ ኪታበይከ። ቱሙ ታን ኔና ሄዋንቱኮ ኪታድታንቶ፥ ኡንቱንቱ ኔን ግያዋ ስሳና ሽን!
EZE 3:7 እስራኤልያ አሳይ ታን ኦድያዋ ስሳናዉ ኮየና ድራዉ፥ ኡንቱንቱ ኔን ኦድያዋካ ስስክኖ። አያዉ ጎፐ፥ ኩመንꬃ እስራኤልያ አሳይ ሞርጊ ዞዛነ ዬላይ ባይናዋንታ ግድያ ድራዉ፥ ነ ኦድያዋ ስስክኖ።
EZE 3:8 ሽን ታን ኔናካ ኡንቱንቱዋዳን ዎዛና ምኖነ ዬላይ ባይናዋ ኦꬃና።
EZE 3:9 ታን ኔና ያሻይ ባይና አሳ ኦꬃና፤ ዛላፐካ አꬎ ምኖ ከሳና። ኡንቱንቱ ማካላንቻ አሳ ግዶፐካ፥ ኡንቱንቶ ያዮፓ፤ ዎይ ኡንቱንቶ ዳጋሞፓ” ያጌዳ።
EZE 3:10 ቃይ እ ታና ሀዋዳን ያጌዳ፤ “ላ አሳ ናአዉ፥ ታን ነዉ ኦድያ ቃላ ኡባ ምንሳደ ሀይዛነ ነ ዎዛናን ዎꬃ።
EZE 3:11 ሀእ ደንዳ ባደ፥ ኦሞዱዋን ደእያ ነ አሳዉ ኦዳ። ኡንቱንቱ ስስና እጽናካ ኡንቱንቶ፥ ‘ኡባ ሞድያ መꬍና ጎዳይ ሀዋዳን ያጌ’ ያጋደ ኦዳ” ያጌዳ።
EZE 3:12 ሄዋፐ ጉይያን፥ ታና አያናይ ፑደ ደንꬄዳ፤ “መꬍና ጎዳ ቦንቹ ደኢያሳፐ ደንድያ ዎደ” ታፐ ጉየና፥ ወልቃማ ኮሻ ስሳድ።
EZE 3:13 ቃይ ፓጻ መታቱ ቀፊ እቱ እቱዋና ሾጨትያ ኮሻይ፥ ኡንቱንቱ ምይያን ደእያ ይንግርያዋ ኮሻና ጋከቲደ፥ ጉጉንꬃ ኮሻዳን ሀንያ ኮሻ ስሳድ።
EZE 3:14 ሄዋፐ ጉይያን፥ አያናይ ታና ፑደ ደንꬂደ፥ ሀራ ሳኣ አፌዳ። ያትና፥ ታን መꬍና ጎዳ ዎልቃይ ታና ሞድ ደእሽን፥ ታ አያናን ጫመታደነ ይሎታደ ባድ።
EZE 3:15 ከባራ ሻፋ ማታን፥ ተል-አቢባን ኦሞደቴዳዋንቱኮ ጋካድ። ታን ሄዋን ዳጋማደ፥ ኡንቱንቱና ላፑን ጋላሳ ጋምኣድ።
EZE 3:16 ላፑንꬃ ጋላሳ ዉርሰꬃን መꬍና ጎዳ ቃላይ ታኮ ሀዋዳን ያጊደ ዬዳ፤
EZE 3:17 “ኔኖ አሳ ናአዉ፥ ታን ኔና እስራኤልያ አሳዉ ዎችያዋ ኦꬃድ። ታ ዶናፐ ከስያ ቃላ ስሴዳ ፓይዱዋ ኡባን፥ ኡንቱንቱካ ናገታናዳን ሴራ።
EZE 3:18 ታን ናጋራንቻ፥ ‘ቱሙዋ ኔን ሀይቃና’ ያግያ ዎደ፥ ኔን ባደ አ ሴራና ꬋዮፐ፥ አ ሸምፑካ አታና ማላ፥ እ ባረ ናጋራ ኦግያፐ ስማናዳን ኔን አ፥ ‘ኔና የኤ!’ ጋና ꬋዮፐ፥ ሄ ናጋራንቻይ ባረ ናጋራን ሀይቃና፤ ሽን አ ሱꬃ ታን ኔፐ ጭገታና።
EZE 3:19 ሽን ኔን ናጋራንቻ ሴርና፥ እ ባረ ናጋራፐ ዎይ ባረ ኢታ ኦግያፐ ስመናን እጾፐ፥ እ ባረ ናጋራን ሀይቃና፤ ሽን ኔን ነ ሁጲያ አሻና።
EZE 3:20 “ቃይ ጽሎ አሳይ ባረ ጽሎተꬃፐ ጉየ ስሚደ፥ ኢታ ኦꬅያ ዎደ፥ ታን አ ስንꬃን ꬉብያ ዎꬅና፥ እ ሀይቃና። እ ስማናዳን ኔን አ፥ ‘ኔና የኤ!’ ጋቤና ድራዉ፥ እ ባረ ናጋራን ሀይቃና፤ እ ካሰ ኦꬄዳ ጽሎ ኦሱ ዛሪደ ቆፈተና፤ ሽን ታን አ ሱꬃካ ኔፐ ጭገታና።
EZE 3:21 ቃይ ኔን ጽሎ አሳይ ናጋራ ኦናዳን ሴርና፥ እካ ናጋራፐ ባረና ናጎፐ፥ ቱማ እ ፓጻ ደአና። አያዉ ጎፐ፥ እ ኔን ሴሬዳዋ ስሴዳ፤ ኔንካ ነ ሁጲያ አሻና” ያጊደ ዬዳ።
EZE 3:22 ሄ ሳኣን መꬍና ጎዳ ዎልቃይ ታና ሞዴዳ፤ ቃይ እ ታና፥ “ደንዳ፤ ዛንጋራ ባ። ነዉ ያን ኦዳና” ያጌዳ።
EZE 3:23 ታን ደንዳደ፥ ዛንጋራ ባድ። ሄ ሳኣን ካሰ ካባራ ሻፋ ማታን ታን በኤዳዋዳን፥ ሄዋን መꬍና ጎዳ ቦንቹ ኤቄዳዋ በኣድ፤ ታን ታ ሶምኡዋ ቢታ ጋꬃደ ጉፋናድ።
EZE 3:24 ሄዋፐ ጉይያን፥ አያናይ ታ ግዶ ገሊደ፥ ታና ታ ገድያን ኤሲደ፥ ታና ሀዋዳን ያጌዳ፤ “ባ፤ ነ ጎለ ባደ፥ ነ ቦላ ካርያ ጎርዳደ ኡታሻ።
EZE 3:25 ኔኖ አሳ ናአዉ፥ ኔን ዎዶሩዋን ቃሸታና፤ ኔን አሳኮ ከሳናዉ ዳንዳያካ።
EZE 3:26 ቃይ ኔን ዱደ ግዳናዳንነ ኡንቱንታ ሴረናዳን፥ ታን ነ እንጻርሳ ነ ኮክያና ጋꬃ ኦይꬃና። አያዉ ጎፐ፥ ኡንቱንቱ ማካላንቻ አሳ።
EZE 3:27 ሽን ታን ነዉ ኦድያ ዎደ፥ ታን ነ ዶና ዶይና፥ ኔንካ ኡንቱንቶ፥ ‘ኡባ ሞድያ መꬍና ጎዳይ ሀዋዳን ያጌ’ ያጋና። ስስያ ኦንነ ስሶ፤ ስሰናን እጽያ ኦንነ እጾ። አያዉ ጎፐ፥ ኡንቱንቱ ማካላንቻ አሳ።
EZE 4:1 “ኔኖ አሳ ናአዉ፥ ኡርቃፐ መꬌዳ ጹብያ አካደ፥ ነ ስንꬃን ዎꬃ፤ ያታደ የሩሳላመ ካታማ ምስልያ አ ቦላ መꬋ።
EZE 4:2 አ ዶዳ፤ ድርሳ ኦንነ ከስ አከናዳ ድራ፥ ካታማ ግምቢያ ዩሹዋን ቢታ ዶራ፤ ኦላንቻቱ ኤቂያሳ ጊግሳ፤ ግምቢያ ላልያ ኦላ ሚሻ ዩሹዋን ጊግሳ።
EZE 4:3 ቃይ ብራታ ባሽያ አካደ፥ ብራታ ጎዳዳን ኔፐነ ካታማፐ ግዱዋን ኤሳ። ነ ሶምኡዋካ ሀንቁዋን አኮ ዛራ። ሄ ካታማይ ዶደታና፤ ቃይ ዶዴዳዌካ ኔና። ሀዌ እስራኤልያ አሳዉ ማላ ግዳናዋ።
EZE 4:4 “ሄዋፐ ጉይያን፥ እስራኤልያ አሳዉ ሙሩዋ ማላ ግዳና ማላ ነ ሀድርሳ ምይያን ግሳ። ኔን ነ ሀድርሳ ምይያን ግሴዳ ጋላሳቱዋ ፓይዱዋ ኬሻ እስራኤልያ አሳ ኡንቱንቱ ዋን ሙረታነንቶ በሳሳ።
EZE 4:5 ቃይ ኔን ግሳደ እስራኤሊ ዎት ሙረታነንቶ በሳናዳን 390 ጋላሳ ነዉ እማድ። ሄ እት እት ጋላሳይ ኡንቱንቱ ሙረትያ እት እት ላይꬃና ቃራ።
EZE 4:6 “ሄ ጋላሳ ነ ዉርሴዳዋፐ ጉይያን፥ ቃይ ዛራደ ነ ኡሸቻ ምይያን ይሁዳ አሳይ ዎት ሙረታነንቶ በሳናዉ ግሳ፤ እት እት ጋላሳይ እት እት ላይꬃ ሙሩዋና ቃራ ግድያ ድራዉ፥ ሄዋዳን ኡንቱንቱ ኦꬄዳ ናጋራ ሙሩዋ ኦይታሙ ጋላሳ ኔን ግሳናዳን፥ ታን ነዉ እማድ።
EZE 4:7 ነ ሶምኡዋ የሩሳላመ ዶደꬃኮ ሀንቁዋን ዛራደ፥ ነ ኩሽያ ደንꬃ ማንዳደ፥ የሩሳላመ ቦላ ትምቢትያ ኦዳ።
EZE 4:8 ሄ ዶደꬃን ኔን ጋምእያ ጋላሳይ ዉራናዉ፥ እት ምይያፐ ሀራ ምይያዉ አꬋ ዎናዳን፥ ታን ኔና ዎዶሩዋን ቃቻና።
EZE 4:9 “ሀእ ኔን፥ ዛርጋነ ባንጋ፥ ባኤላነ ምስርያ፥ ማልዱዋነ ሞርገ ምꬃ አካደ፥ ካꬃ ዎꬅያ እት ባꬃን ቆላደ፥ አፐ ነዉ ቁማ ካꬃደ፤ ሄዋ ኔን ምይያን ግስያ 390 ጋላሳ ማና።
EZE 4:10 ሀች ሀች ኔን ምያ ኡክꬃ ልካ፤ እካ 230 ግራምያ ዴጽያዋ ግዶ፤ ሄዋ አ ዎድያን ዎድያን ማ።
EZE 4:11 ቃይ ኔን ሀች ሀች ኡሽያ ሃꬃካ ልካ፤ እካ ላኡ ቡርጩኮ ግዶ፤ ሄዋ አ ዎድያን ዎድያን ኡሻ።
EZE 4:12 ሄ ዋላኬዳ ካꬃ ባንጋ ኡክꬃ ኡክያዋዳን ኡካ፤ አሳይ ጼልሽን፥ አሳ ዎራ ሼሻ መላ ኤꬃደ ኡካ፤ ያታደ ማ።
EZE 4:13 ሄዌ እስራኤልያ አሳይ ታን ኡንቱንታ ላልያ ካዉተꬃቱዋ ግዶን ደኢድ፥ ቱኔዳ ቁማ ማናዎ ማላታ” ያጌዳ መꬍና ጎዳይ።
EZE 4:14 ያትና፥ ታን ዛራደ ሀዋዳን ያጋድ፤ “ሀይ! ኡባ ሞድያ መꬍና ጎዳዉ፥ ሄዌ ሀኖፖ! ታን ታና ቱንሳ ኤርከ። ታ ናአተꬃፐ ዶማደ ሀች ጋካናዉ፥ ባኩታ ዎይ ባዞ ዶአይ ፑዚደ ዎꬌዳዋ ማ ኤርከ፤ ቱኔዳ አሹ ታ ዶናኮ ሺቅ ኤረና” ያጋድ።
EZE 4:15 እ ዛሪደ፥ ታና ሀዋዳን ያጌዳ፤ “ዳሮ ሎአ፥ ያቶፐ፥ አሳ ዎራ ሼሻ መላን ኡክያዋ አጋደ፥ ሚዛ ኦሻ ከዊያን ነ ኡክꬃ ኡካሳ” ያጌዳ።
EZE 4:16 እ ቃይካ ሀዋዳን ያጌዳ፤ “ኔኖ አሳ ናአዉ፥ በአ፤ የሩሳላመ ካታማ ካꬅ ገለናዳን፥ ታን ድጋና ሀናይ። አሳይ ካꬃ ህርጊደ፥ ማኪደ ማና፤ ቃይ ሃꬃካ ያዪደ፥ ልኪደ ኡሻና።
EZE 4:17 ሄዎ ኡንቱንቶ ደእያ ካꬃይነ ሃꬃይ ዉራና፤ ኡንቱንቱ እቱ እቱዋ፥ ‘ፖራ!’ ጊደ ጼላና፤ ኡንቱንቱ ባረንቱ ናጋራ ሙሩዋን ግልቃና።
EZE 5:1 “ኔኖ አሳ ናአዉ፥ ቃራ ማሻ አካደ፥ ነ ሁጲያነ ነ ቡቻ ሁጲያ ጊግስያዋንቱ ምላጭያዳን አን ሜዳ። ያታደ ሚዛናን ልካደ፥ ነ ብናና ሄዙ ከሳደ ሻካ።
EZE 5:2 ኔን ዶድያ ዎዲ ዉርያ ዎደ፥ ነ ሻኬዳ ብናናዉ እት ኩሽያ የሩሳላመ ካታማ ምስልያዉ ግዱዋን ታማን ጹጋ። ላኤንꬆ ኩሽያ ካታማ ዩሹዋን ኡባን ማሻን ቃንጸሬꬃ። ሄዘንꬆ ኩሽያ ቃይ ጫርኮ ላላ፤ አያዉ ጎፐ፥ ታን ኡንቱንታ ማሻን የደርሳና።
EZE 5:3 ቃይ ሄዋፐ ጉꬃ ብናና አካደ፥ ነ ማዩዋ ጼራን ቃቻ።
EZE 5:4 ሄ ኔን ቃቼዳዋፐ ጉꬃ አካደ፥ ታማን ኦላደ ጹጋ። ሄዋን ዶሜዳ ታማይ እስራኤልያ አሳ ኡባ ጋካናዋ” ያጌዳ።
EZE 5:5 ኡባ ሞድያ መꬍና ጎዳይ ሀዋዳን ያጌ፤ “ሀዌ የሩሳላመ ካታማ፤ ታን ቢታቱዋ እዝ ዩሹዋን ዎꬃደ፥ ካዉተꬃቱዋ ኡባዉ ግዶ ጉልአን እዞ ዎꬃድ።
EZE 5:6 ሽን እዛ ባረ ኢታ ኦሱዋን፥ ባረ ዩሹዋን ደእያ ቢታቱዋፐነ ካዉተꬃቱዋፐ ያ ኢታደ፥ ታ ህግያነ ታ ዎጋ ናገናን እጻዱ፤ ቱሙካ እዛ ታ ህግያዉ ማካላዱ፤ ታ ዎጋካ ካለናን እጻዱ” ያጌ።
EZE 5:7 ሄዋ ድራዉ፥ ኡባ ሞድያ መꬍና ጎዳይ ሀዋዳን ያጌ፤ “ህንተንቱ ህንተ ዩሹዋ ካዉተꬃፐ አꬂደ መቱዋ መꬌድታ፤ ታ አዛዙዋ ካለናንነ ታ ዎጋ ናገናን እጼድታ። ሀራይ አቶ ሽን ህንተንቱ ዩሹዋን ደእያ ካዉተꬃቱዋ ዎጋካ ናግበይክታ” ያጌ።
EZE 5:8 ሄዋ ድራዉ፥ ኡባ ሞድያ መꬍና ጎዳይ ሀዋዳን ያጌ፤ “ኔኖ፥ የሩሳላመ፥ ታን ነዉ ሞርከ፤ ሀራ ካዉተꬃቱ ኡባይ በእሽና፥ ነ ቦላ ታ ፕርዳ አሀና።
EZE 5:9 ኔን ታን እጽያ ኤቃ ጎይና ኡባ ኦꬄዳ ድራዉ፥ ታን ሀዋፐ ካሰ ሀንቤናዋ፥ ቃይ ሀዋፐ ስንꬃዉካ ሀነና ፕርዳ ነ ቦላ አሀና።
EZE 5:10 ሄዋፐ ደንዴዳዋን፥ ህንተ ግዶን አዎቱ ባረንቱ ናናቱዋ ማና፤ ቃይ ናናቱካ ባረንቱ አዎቱዋ ማና። ታን ህንተ ቦላ ፕርዳ አሀና፤ ህንተፐ አቴዳዋንታካ ኦይዱ ጫርኩዋ ሚዛና ኡባዉ ላላና።
EZE 5:11 “ሄዋ ድራዉ፥ ታን ኡባ ሞድያ መꬍና ጎዳይ ታ ደኡዋን ጫቃይ: ህንተ ህንተ ሸነይያ ኤቃቱዋንነ ቱና ኦሶቱዋን ታ ጌሻ ጎልያ ቱንሴዳ ድራዉ፥ ታንካ ህንተና ቡꬃ ꬋይሳና። ህንተዉ ቃረትከነ ህንተፐ እቱዋነ አሽከ።
EZE 5:12 ነ አሳፐ እት ኩሺ ካታማ ግዶን ኢታ ሀርግያን ዎይ ኮሻን ሀይቃና፤ ላኤንꬆ ኩሺ ካታማፐ ካረና ኦላን ዉራና፤ ቃይ ሄዘንꬆ ኩሽያ ታን ኦይዱ ጫርኩዋ ሚዛናዉ ኡባዉ ላላደ፥ ኡንቱንታ ማሻን የደርሳና።
EZE 5:13 “ታ ይሉ ዉራና፤ ታን ኡንቱንቱ ቦላ ሀንቀቴዳ ሀንቁካ ኤቃና፤ ያቶፐ ታ ሀንቁ ዶቻና። ታን ኡንቱንቱ ቦላን ሀንቀቴዳ ሀንቁዋ ዉርስያ ዎደ፥ ታን መꬍና ጎዳይ ቃናትያን ሃሳዬዳዋ ኡንቱንቱ ኤራና።
EZE 5:14 “ህንተንቱ ዩሹዋን ደእያ ካዉተꬃቱዋ ግዶንነ ህንተ ማታና አꬍያ ኡባ ስንꬃን ታን ህንተና ባዙዋነ ቅሊጭያዋ ኦꬃና።
EZE 5:15 ታን ህንተና ታ ሀንቁዋን፥ ታ ይሉዋንነ ቃረታይ ባይና ሴራን ፕርድያ ዎደ፥ ህንተ ህንተ ዩሹዋን ደእያ ካዉተꬃቶ ቅሊጮነ ሸቃዉ፥ ህንተና በኤዳ አሳዉ ናገትያባነ ዳጋምያባ ግዳና። ታን መꬍና ጎዳይ ሀዋ ኦዳድ።
EZE 5:16 ታን ህንተ ቦላ ዎꬍያነ ꬋይስያ ኮሻ ዎንዳፍያ ዱክያ ዎደ፥ ህንተና ꬋይሳናዉ ዱካና። ህንተዉ ኮሻ ያ ያ ዳርሳና፤ የሩሳላመ ካታማ ካꬃይ ገለናዳን፥ ታን ድጋና።
EZE 5:17 ታን ኮሻነ ባዞ ዶኣ ህንተ ቦላ የድና፥ ኡንቱንቱ ህንተ ናናቱዋ ꬋይሳና። ታን ኢታ ሀርግያ፥ ሱꬃ ጉስያዋነ ኦላ ህንተ ቦላ አሀና። መꬍና ጎዳይ ሀዋ ኦዳድ” ያጌ።
EZE 6:1 መꬍና ጎዳ ቃላይ ታኮ ሀዋዳን ያጊደ ዬዳ፤
EZE 6:2 “ኔኖ አሳ ናአዉ፥ እስራኤልያ ዞዘቱዋኮ ነ ሶምኡዋ ደረቃን ዛራደ፥ ኡንቱንቱ ቦላ ትምቢትያ ኦዳ።
EZE 6:3 ሀዋዳን ያጋ፥ ‘ህንተኖ፥ እስራኤልያ ዞዘቶ፥ ኡባ ሞድያ መꬍና ጎዳ ቃላ ስስተ! ኡባ ሞድያ መꬍና ጎዳይ እስራኤልያ ዞዘቶነ ከራቶ፥ ቡቡሀቶነ ዛንጋራቶ ሀዋዳን ያጌ፤ በእተ፥ ታን፥ ታ ማሻ ህንተ ቦላ የዳና፤ ቃይ ህንተ ኤቃ ጎይንያ ሳኣካ ꬋይሳና።
EZE 6:4 ህንተ ያርሽያ ሳአቱ ኮለተና፤ ቃይ ህንተ እጻና ጩዋይያ ሚሻቱካ መኤረታና። ታን ህንተ አሳ ህንተ ኤቃቱዋ ስንꬃን ዎꬋና።
EZE 6:5 ታን እስራኤልያ አሳ አሃ ኡንቱንቱ ኤቃቱዋ ስንꬃን ግስሳና፤ ህንተ መቀꬃካ ህንተ ያርሽያ ሳአቱዋ ዩሹዋን ላላና።
EZE 6:6 ህንተ ደእያ ሳን ኡባን፥ ህንተ ካታማቱነ ህንተ ጎይንያ ሳአቱ ኮለተና። ሄዋዳንካ ህንተ ያርሽያ ሳአቱ ቱናናነ ላለታና፤ ህንተ ኤቃቱ መኤረታናነ ꬋያና፤ ህንተ እጻና ጩዋይያ ሳአቱካ መኤረት ዎꬋና፤ ህንተ ኦꬄዳ ኦሱ ኡባይ ፕተት ꬋያና።
EZE 6:7 ህንተ አሳይ ሹከቲደ፥ ህንተ ግዶን ኩንዳና። ታን መꬍና ጎዳ ግድያዋ ህንተ ሄዋን ኤራና።
EZE 6:8 “ ‘ታን ህንተፐ አማሬዳዋንታ ፓጻ አሻና፤ ማሻፐ አቴዳዋንቱ ቢታነ ካዉተꬃ ግዶን ላለታና።
EZE 6:9 ማሻፐ አቴዳዋንቱ ያን ኦሞዱዋን ደአና። ያን ደእያ ዎደ፥ ኡንቱንቱ ታና ሀሳያና፤ ቃይ ዎሹምያ ዎዛናንነ ባረንቱ አይፍያን ኤቃ ጎይናናዉ ጉየ ስምያዋን፥ ኡንቱንቱ ታ ዎዛና መንꬄዳዋ ሀሳያና። ኡንቱንቱ ባረንቱ ኦꬄዳ ኢታ ኦሱዋፐነ ኡንቱንታ ዬላይያ ሀኖታፐ ደንዴዳዋን፥ ባረና ባረ ሁጲያዉ ሻታና።
EZE 6:10 ቃይ ታን መꬍና ጎዳ ግድያዋ ኡንቱንቱ ኤራና። ታን ኡንቱንቱ ቦላ ኢታባ አሀና ጌዳዌ ጮ መላ ባብሱዋ ግደና’ ” ያጌ።
EZE 6:11 ኡባ ሞድያ መꬍና ጎዳይ ታና ሀዋዳን ያጌ፤ “ነ ብራꬍያ ሀንቁዋን ጾርሳ! ይሉዋን ነ ገድያንካ ቢታ ቃካ! ቃይ ሀዋዳን ያጋ፤ ‘እስራኤልያ አሳ ሸነይያ ኦሶ አየ አና!’ ያጋ። አያዉ ጎፐ፥ ኡንቱንቱ ኦላን፥ ኮሻንነ ኢታ ሀርግያን ዉራና።
EZE 6:12 ሃኩዋን ደእያዌ ኢታ ሀርግያን ሀይቃና፤ ማታን ደእያዌ ኦላን ሀይቃና፤ ቃይ ፓጻ አቴዳዌ ኮሻን ሀይቃና። ሄዋዳን ኦꬃደ፥ ታን ታ ሀንቁዋ ኡንቱንቱ ቦላ ዉርሳና።
EZE 6:13 ኡንቱንቱ አሳ አሃይ ኡንቱንቱ ኤቃቱዋ ግዱዋ ኡባን፥ ኡንቱንቱ ያርሽያ ሳ ዩሹዋ ኡባን፥ ꬎቃ ዞዘቱዋ ቦላነ ደረቱዋ ኪክያ ኡባ ቦላን፥ እርጻ ምꬃ ጋርሳ ኡባን፥ ዳሮ ቦንጪ ደእያ ኤꬃ ጋርሳ ኡባን፥ ባረንቱ ኤቃቶ ሳዊያ ያርሹዋ ጹጌዳ ሳኣ ኡባን ኩንዴዳ ዎደ፥ ኡንቱንቱ ታን መꬍና ጎዳ ግድያዋ ኤራና።
EZE 6:14 ቃይ ታን ታ ኩሽያ ኡንቱንቱ ቦላ ምጫደ፥ ኡንቱንቱ ደእያ ቢታ ኡባ፥ ገድሳ ባጋ ባዙዋፐ ቢደ ሁጲሳ ባጋ ርብላ ግያ ካታማ ጋካናዉ፥ መላ ኦꬃና። ታን መꬍና ጎዳ ግድያዋ ኡንቱንቱ ሄዋን ኤራና ያጌ ያጋ” ያጊደ ዬዳ።
EZE 7:1 መꬍና ጎዳ ቃላይ ታኮ ሀዋዳን ያጊደ ዬዳ፤
EZE 7:2 “ኔኖ አሳ ናአዉ፥ ኡባ ሞድያ መꬍና ጎዳይ እስራኤልያ ቢታዉ ሀዋዳን ያጌ፤ ‘ዉርሰꬃ በእተ! ኡባ ባጋና ቢታ ቦላን ዉርሰꬃይ ጋኬዳ።
EZE 7:3 ሄኮ፥ ዉርሰꬃይ ህንተ ቦላ ጋኬዳ! ታን ታ ሀንቁዋ ህንተ ቦላ የዳና። ታን ህንተ ኦሱዋዳን፥ ህንተ ቦላ ፕርዳና፤ ህንተ ቱና ሀኖታዳን፥ ታን ህንተና ሙራና።
EZE 7:4 ታን ህንተዉ ቃረትከነ ህንተፐ እቱዋነ አሽከ። ህንተ ኢታ ኦሱዋ ድራዉካ ሙራና፤ ህንተ ግዱዋን ደእያ እጸቴዳ ኤቃ ጎይኑዋካ ቆንጭሳና። ታን መꬍና ጎዳ ግድያዋ ህንተ ሄዋን ኤራና’ ያጌ።
EZE 7:5 “ኡባ ሞድያ መꬍና ጎዳይ ሀዋዳን ያጌ፤ ‘ባሻ! ባሻ ቦላን ባሻይ ዬ።
EZE 7:6 ዉርሰꬃይ ጋኬዳ! ዉርሰꬃይ ጋኬዳ! እ ህንተ ቦላን ደንዴዳ። በእተ፥ እ ጋኬዳ!
EZE 7:7 ሀ ቢታን ደእያዋንቶ፥ ህንተ ፕርዳይ ጋኬዳ፤ ዎዲ ጋኬዳ፤ ጋላሳይ ማታቴዳ! ሄዌ ሻቢርሳ ጋላሳፐ አትና፥ ዞዝያ ቦላን ናሸቻን እልልያ ጋላሳ ግደና።
EZE 7:8 ሀእ ማታን ታን ታ ሀንቁዋ ህንተ ቦላ ጉሳና፤ ታ ይሉዋካ ህንተ ቦላን ዉርሳና። ታን ህንተ ኦሱዋዳን፥ ህንተ ቦላ ፕርዳና፤ ህንተ ቱና ሀኖታዳን፥ ህንተና ሙራና።
EZE 7:9 ታን ህንተዉ ቃረትከነ ህንተፐ እቱዋነ አሽከ። ህንተ ኢታ ኦሱዋ ድራዉካ ሙራና፤ ህንተ ግዱዋን ደእያ ኤቃ ጎይኑዋካ ቆንጭሳና። ያቶፐ ህንተ ህንተና ሾጬዳዌ ታና መꬍና ጎዳ ግድያዋ ኤራና።
EZE 7:10 “ ‘ሄኮ ጋላሳይ! ሀዌሽ ጋኬዳ! ህንተ ባየꬃይ ህንተ ፐንግያ ጋኬዳ! ህንተ ኢታተꬃይ ኩኩሜዳ፤ ህንተ ኦቶሩካ ጪሼዳ።
EZE 7:11 ማካላ ጋሱዋን ኢታ ኦሱ ዳሬዳ፤ ኡንቱንቱፐ እቱነ አተና፤ ኡንቱንቱ ጮራተꬃፐ፥ ዎይ ኡንቱንቱ ዱረተꬃፐ፥ ዎይ ኡንቱንቱ ቦንቹዋፐ አይነ አተና።
EZE 7:12 ዎዲ ጋኬዳ፤ ጋላሳይካ ማታቴዳ! ሀንቁ አሳ ኡባ ቦላና ግድያ ድራዉ፥ ሻምያዌ ናሸቶፖ፤ ዎይ ዛልእያዌካ ካዮቶፖ።
EZE 7:13 ኡንቱንቱ ላኡ ፓጻ ደእያ ዎድያን፥ ዛልኤዳዌ ባረ ዛልኤዳዎ ጉየ ስመና። እራኤልያ አሳ ኡባ ቦላ ኦደቴዳ ሀ ሳጻይ ላመተና፤ ኡንቱንቱ ናጋራፐ ደንዴዳዋን ኡንቱንቱፐ እቱነ ባረ ሸምፑዋ አሸና።
EZE 7:14 ታ ሀንቁ አሳ ኡባ ቦላ ደእያ ድራዉ፥ ኡንቱንቱ ኦላዉ ኡልቱዋ ፑኒደ፥ ኡባባ ጊግሶፐካ፥ ኦንነ ኦላዉ ከሰና።
EZE 7:15 “ ‘ካረና ኦላይ፥ ሶና ኢታ ሀርጊነ ኮሻይ ደኤ። ካታማፐ ጋጻን ደእያዌ ኦላን ሀይቃና፤ ካታማ ግዶን ደእያዋንቱ ኮሻንነ ኢታ ሀርግያን ዉራና።
EZE 7:16 ኡንቱንቱፐ አቴዳዋንቱ፥ ደምባ ጋድያፐ ያሻን ባቃቴዳ ሀራጰቱዋዳን ባረንቱ ናጋራ ጋሱዋን ደርያ ቦላን ኦላና።
EZE 7:17 ኩሽያ ኡባይ ዶንጭላና፤ ጉልባታይ ኡባይ ኮልድና ያሻን ሙሻና።
EZE 7:18 ኡንቱንቱ ማቃ ማያና፤ ቃይ ያሻን ኮኮራና። ኡንቱንቱ ኡባ ሶምኢካ ዬላ ማያና፤ ኡንቱንቱ ኡባ ሁጲካ ሜደታና።
EZE 7:19 ኡንቱንቱ ባረንቱ ብራ ኦግያን ኦላና፤ ኡንቱንቱ ዎርቃይካ ቱናባ ግዳናዋ። ኤጽያ መꬍና ጎዳ ሀንቁዋ ጋላስ፥ ኡንቱንቱ ብራይነ ኡንቱንቱ ዎርቃይ ኡንቱንታ አሻናዉ ዳንዳየና። ኡንቱንቶ ꬉበ ግዲደ፥ ናጋራን ገልሴዳ ብራይነ ዎርቃይ ኡንቱንቱ ኡሉዋ ኩሚደ፥ ኡንቱንታ ኮሻፐ አሸና።
EZE 7:20 “ ‘ኡንቱንቱ ባረንቱ ሎኦ አሌቁዋን ኦቶረቴድኖ፤ ሄዋንታ ባረንቱ እጸቴዳ ቱና ኤቃነ ዬላይያ ምስልያ መꬋናዉ ጎኤቴድኖ። ሄዋ ድራዉ፥ ታን ሄ ሎኦ አሌኤቁዋ ኡንቱንቶ ቱናባ ከሳድ።
EZE 7:21 ታን ኡንቱንቱ አሌቁዋ ኦሞዱዋ ኦꬃደ፥ አላጋዉነ ቢታ ኡባን ደእያ ኢታቶ አꬃደ እምና፥ ኡንቱንቱ አ ቱናባ ከሳና።
EZE 7:22 ሄ ዎደ ታን ታ ሶምኡዋ ዎራ ዛራና፤ ቃይ ታ ቦንቾ ጌሻ ጎልያ ፓንጋቱ ገሊደ ቱንሳና።
EZE 7:23 “ ‘ሱረ ፕርዳ ꬋዩሳን፥ ቢታይ ኡባይ ሱꬃን ኩሜዳ ድራዉነ ካታማይካ ማካላ ኦሱዋን ኩሜዳ ድራዉ፥ ሳንሳላታ ጊግሳ።
EZE 7:24 ኡንቱንቱ ጎለቱዋ ባረሳ ኦꬃና ማላ፥ ታን ኡባፐ ኢታ ካዉተꬃ አሀና። ዎልቃማቱዋ ኦቶሩዋካ ታን ꬋይሳና፤ ኡንቱንቱ ጌሻ ሳአቱካ ቱናና።
EZE 7:25 ዳጋማይ ይያ ዎደ፥ ኡንቱንቱ ሳሩዋ ኮያና፤ ሽን ደምክኖ።
EZE 7:26 ባሻይ ባሻ ቦላ፥ ቃይ ኢታ ኦዱ ኢታ ኦዱዋ ቦላ ያና። ኡንቱንቱ ትምቢትያ ኦድያዋ፥ “ነ ሳፃ ኦዳ” ያጋና። ቄሳቶ ታማርስያ ትምርቲ ꬋያና፤ ጭማቶካ ዞርያዌ ꬋያና።
EZE 7:27 ካቲ ዬካና፤ ካፑ ህዶታ ቃንጻና፤ ሄ ቢታ አሳ ኩሺ ያሻን ኮኮራና። ታን ኡንቱንቶ ኡንቱንቱ ኦሱዋዳን ኦꬃና፤ ኡንቱንቱ ፕርዳዳን፥ ኡንቱንቱ ቦላ ፕርዳና። ታን መꬍና ጎዳ ግድያዋ ኡንቱንቱ ሄዋን ኤራና’ ያጌ” ያጊደ ዬዳ።
EZE 8:1 ኑን ኦሞደቴዳ ኡሱፑንꬃ ላይꬃን፥ ኡሱፑንꬃ አግናን፥ እቼሻንꬃ ጋላሳን፥ ታን ታ ሶን ኡት ደእሽን፥ ይሁዳ ጭማቱካ ታ ስንꬃን ኡት ደእሽን፥ ኡባ ሞድያ መꬍና ጎዳ ዎልቃይ ታና ሞዴዳ።
EZE 8:2 ታን ትሽ ኡዳደ ጼልያ ዎደ፥ አሳ ማላትያዋ በኣድ፤ አዉ ጼሳፐ ጋርሳ ባጋ ማላትያ ሳአይ ታማ ማላቴ፤ ቃይ ጼሳፐ ቦላ ባጋ ማላትያ ሳአይ ጶልያ ናስያ ብራታ ማላቴ።
EZE 8:3 እ ኩሽያ ማላትያዋ ታኮ የዲደ፥ ታ ሁጲያ ብናና ኦይቄዳ። አያናይ ታና ሳኣፐነ ሳሉዋፐ ግዶ ፑደ ደንꬂደ፥ ጾሳ ሳጻን ታና የሩሳላመ አፌዳ። ሁጲሳ ባጋና ጌሻ ጎልያ ግዶ ዳባባ ገልያ ፐንግያና ገልሲደ፥ ጾሳ ቃናትያ ደንꬅያ ኤቃይ ኤቄዳዋ በሴዳ።
EZE 8:4 ካሰ ታን ካባራ ሻፋ ማታን ሳጻን በኤዳዋዳን፥ እስራኤልያ ጾሳ ቦንቹዋ ሄዋን በኣድ።
EZE 8:5 ሄዋን እ ታዉ ሀዋዳን ያጌዳ፤ “ኔኖ አሳ ናአዉ፥ ሁጲሳ ባጋ ጼላ” ያጌዳ። ታን ጼልያ ዎደ፥ ጾሳ ቃናትያ ደንꬅያ ኤቃ ምስልያ ስንꬃን ደእያ ያርሽያ ሳ ማታን ደእያዋ በኣድ።
EZE 8:6 ቃይካ እ ታዉ ሀዋዳን ያጌዳ፤ “ኔኖ አሳ ናአዉ፥ ኡንቱንቱ ኦꬅያዋ በአይ? ታና ታ ጌሻ ጎልያፐ ሃሳናዉ እስራኤልያ አሳይ ኦꬅያ ዎልቃማ እጸትያ ኤቃ ጎይኑዋባ በአይ? ሄዋፐካ አꬍያ ኢትያ ኤቃ ጾሳቱዋ ጎይና ኔን ብሮ በአና” ያጌዳ።
EZE 8:7 ሄዋፐ ጉይያን፥ ታና ጌሻ ጎልያ ዳባባ ፐንገ አሄዳ፤ ሄኮ ታን ጼልያ ዎደ፥ ጎዳን ጾኢ ደእያዋ በኣድ።
EZE 8:8 እ ታና፥ “ላ አሳ ናአዉ፥ ጎዳ ቦካ” ያጌዳ፤ ታን ቦክያ ዎደ፥ እት ፐንጊ ሄዋን ደእያዋ በኣድ።
EZE 8:9 ቃይ እ ታና፥ “ገላ፤ ኡንቱንቱ ሀዋን ኦꬅያ ኢታነ ሸነይያ ኤቃ ጾሳቱዋ ጎይኑዋ በአ” ያጌዳ።
EZE 8:10 ታን ግዶ ገላደ ጼልያ ዎደ፥ ጎዳ ቦላን ዩይ አꬊደ ቢታና ጎሸትያ መታቱ ምስሊ፥ ጌሻ ግደና ዶአቱዋ ምስሊ ኡባይነ እስራኤልያ አሳ ኤቃቱዋ ኡባ ምስሊ ኩሜዳዋ በኣድ።
EZE 8:11 ኡንቱንቱፐ ስንꬃ ባጋና እስራኤልያ አሳፐ ላፑን ታሙ ጭማቱ ኤቄድኖ፤ ቃይ ሻፋና ናኣ ያዛኒካ ኡንቱንቱ ግዶን ኤቄዳ። ኡባይካ እጻና ጩዋይያዋ ባረንቱ ኩሽያን ኦይቄድኖ፤ እጻና ጩዋይካ ቱሉ ጌ።
EZE 8:12 ቃይ እ ታና ሀዋዳን ያጌዳ፤ “ላ አሳ ናአዉ፥ ሀዋ እስራኤልያ አሳ ጭማቱ ኡባይካ ꬉማን ባረንቱ ኤቃ ምስልያ ጎልያን ኡንቱንቱ ኦꬅያዋ በአይ? አያዉ ጎፐ፥ ኡንቱንቱ፥ መꬍና ጎዳይ ኑና በኤና፤ መꬍና ጎዳይ ሀ ቢታ አጌዳ ያጊኖ” ያጌዳ።
EZE 8:13 ቃይካ እ ታና፥ “ሄዋፐካ አꬍያ እጸቴዳ ኤቃ ጎይኑዋ ኔን ብሮ በአና” ያጌዳ።
EZE 8:14 ሄዋፐ ጉይያን፥ እ ታና ጌሻ ጎልያ ሁጲሳ ባጋ ፐንግያኮ አፍና፥ ሄዋን ታሙዛ ግያ ባረንቱ ጾሳዉ ኡቲደ ዬክያ ማጫ አሳቱዋ በኣድ።
EZE 8:15 እ ታና፥ “ኔኖ አሳ ናአዉ፥ ሀዋ በአይ? ሄዋፐ አꬍያ እጸቴዳ ኤቃ ጎይና ኔን ብሮ በአና” ያጌዳ።
EZE 8:16 ሄዋፐ ጉይያን፥ እ ታና መꬍና ጎዳ ጎልያ ግዶ ዳባባ አፌዳ፤ ሄዋን ጌሻ ጎልያ ፐንገን ባራንዳፐነ ያርሽያ ሳፐ ግዱዋን ላታማነ እቼሹ አቱማ አሳ ግድያዋ በኣድ። ኡንቱንቱ ባረንቱ ዞክያ መꬍና ጎዳ ጌሻ ጎልያኮ፥ ባረንቱ ሶምኡዋ አዋይ ዶልያ ባጋ ዛሪደ፥ አዋይ ዶልያ ባጋና አዋዉ ጎይኒኖ።
EZE 8:17 እ ታና ሀዋዳን ያጌዳ፤ “ኔኖ አሳ ናአዉ፥ ሀዋ በኣድ? ይሁዳ አሳዉ ሀ እጸቴዳ ኤቃ ጎይኑዋ ሀዋን ኦꬅያዌ ኡባይ ላፋባ ግዴዴ? ኡንቱንቱ ቢታ ማካላ ኦሱዋን ኩንꬂደ፥ ዛር ዛሪደ ታና ሀንቀትሳናዉ በሲ? በአ፥ ኡንቱንቱ ባረንቱ ዳንዳዬዳ ኬናን ታና ኢሲደ ጫሺኖ።
EZE 8:18 ሄዋ ድራዉ፥ ታን ኡንቱንቱና ሀንቁዋን ጋከታና። ታን ኡንቱንቶ ቃረትከነ ኡንቱንቱፐ እቱዋነ አሽከ። ኡንቱንቱ ባረንቱ ኮሻ ꬎቁ ኦꬂደ፥ ታ ሀይꬃን ዋስናካ፥ ታን ኡንቱንቶ ስስከ” ያጌዳ።
EZE 9:1 ሄዋፐ ጉይያን፥ ꬎቃ ኮሻን፥ ታን ስስሽን፥ “ሀዋንቱ፥ ካታማቶ ሙራናዉ ኪተቴዳዋንቱ፥ ኡባይካ ባረንቱ ዎꬍያ ኦላ ሚሻ ባረንቱ ኩሽያን ኩሽያን ኦይቂደ፥ ሃ ዪኖ” ያጌዳ።
EZE 9:2 ሄዋፐ፥ ሁጲሳ ጼልያ ቆሞ ባጋ ፐንግያና ዎꬍያ ኦላ ሚሻ ኦይቂደ፥ ይያ ኡሱፑን አሳቱዋ በኣድ። ኡንቱንቱና እትፐ ሊኑዋፐ ዳደቴዳ ማዩዋ ማዪደ፥ ባረ ምይያን ጻፍያዋ ኮሮጁዋን ኦይቄዳ እት ብታኒ ደኤ። ኡንቱንቱ ግዶ ገሊደ፥ ናሃስያፐ ኦሰቴዳ ያርሽያ ሳ ማታን ኤቄድኖ።
EZE 9:3 እስራኤልያ ጾሳ ቦንቹ ካሰ ባረ ደእያ ክሩበቱዋፐ ደንዲደ፥ ጌሻ ጎልያ ፐንግያ ጉባንያኮ ቢደ ኤቄዳ። ሄዋን መꬍና ጎዳይ ላይኑዋ ማዪደ፥ ባረ ምይያን ጻፍያዋ ኮሩጁዋን ኦይቄዳ ብታንያ ጼሴዳ።
EZE 9:4 አ ሀዋዳን ያጌዳ፤ “የሩሳላመ ካታማ ግዱዋ ባደ፥ ያን ኦሰትያ እጸቴዳ ኤቃ ጎይኑዋ ድራዉ፥ ኦሊድነ ካዮቲደ ደእያ አሳ ሶምኡዋን ማላ ዎꬃ” ያጌዳ።
EZE 9:5 ታን ስስሽን፥ እ ሀራቱዋካ ሀዋዳን ያጌዳ፤ “አ ጌዶ ካሊደ፥ ካታማ ግዱዋ አꬊደ ዎꬍተ! እቱዋነ አሾፕተ፤ ኦስነ ቃረቶፕተ።
EZE 9:6 ጭማቱዋ፥ ዎዳላቱዋነ ዎዶሮቱዋ፥ ማጫ አሳቱዋነ ናናቱዋ ኡባካ ሹክተ፤ ሽን ሶምኡዋን ማላይ ደእያ አሳ ኦናነ ቦቾፕተ። ዎꬉዋ ታ ጌሻ ጎልያን ዶምተ” ያጌዳ። ኡንቱንታ ዎꬉዋ ጌሻ ጎልያ ስንꬃን ኤቄዳ ጭማቱዋን ዶሜድኖ።
EZE 9:7 ሄዋፐ ጉይያን፥ እ ኡንቱንታ ሀዋዳን ያጌዳ፤ “ጌሻ ጎልያ ቱንስተ፤ ዳባባቱዋካ አሃን ኩንꬅተ፤ ከስተ” ያጌዳ። ኡንቱንቱ ከሲደ፥ ካታማ ግዶን ኡባን ዎꬉዋ ዶሜድኖ።
EZE 9:8 ኡንቱንቱ ዎꬍ ደእሽን፥ ታን ታረካ አታደ፥ ታ ሶምኡዋ ቢታ ጋꬃ ጉፋናደ፥ ታ ቃላ ꬎቁ ኦꬃደ፥ “አቤት ኡባ ሞድያ መꬍና ጎዳዉ፥ ሀ ኔን የሩሳላመ ቦላን ጉስያ ነ ሀንቁዋን፥ እስራኤልያፐ አቴዳ ሙልያካ ዉርሳየ?” ያጋድ።
EZE 9:9 እ ዛሪደ፥ ታዉ ሀዋዳን ያጌዳ፤ “እስራኤልያነ ይሁዳ ናጋራይ ሎይꬅ ዳሬዳ፤ ቢታ ኡባይ ሱꬃን ኩሜዳ፤ ቃይ ካታማ ኡባን ሱረ ፕርዳይ ባዋ። አያዉ ጎፐ፥ ‘አሳይ፥ መꬍና ጎዳይ ሀ ቢታ አጌዳ፤ መꬍና ጎዳይ በኤና’ ያጊኖ።
EZE 9:10 ሄዋ ድራዉ፥ ታን ኡንቱንቶ ቃረትከነ ኡንቱንቱፐ እቱዋነ አሽከ። ታን ኡንቱንቶ ኡንቱንቱ ኦግያዳ ኦꬃና” ያጌዳ።
EZE 9:11 ሄዋፐ ጉይያን፥ ላይኑዋ ማዪደ፥ ባረ ምይያን ጻፍያዋ ኮሮጁዋን ኦይቄዳ ብታኒ ጉየ ስሚደ፥ “ኔን ታና አዛዜዳዋዳን ኦꬃድ” ያጌዳ።
EZE 10:1 ታን ጼልያ ዎደ ሳምፔርያ ግያ እንቁዋፐ ኦሰቴዳ ካዉተꬃ አራታ ማላትያ ክሩበቱዋ ሁጲያፐ ቦላ ባጋና ደእያ ምጨቴዳ ሳሉዋ ጉፋንꬁዋ ማላትያዋን ደእያዋ በኣድ።
EZE 10:2 ሊኑዋ ማዬዳ ብታንያ መꬍና ጎዳይ ሀዋዳን ያጌዳ፤ “ክሩበቱዋፐ ጋርሳ ባጋና ይንግርያዋን ግዱዋና አꬋ ባ፤ ሄዋፐ ጺጹንꬃ ቦንቁዋ ነ ኩሽያን ኮጰታ አካደ፥ ካታማ ቦላ ላላ” ያጌዳ። ታን ጼልሽን፥ ታማ አካናዉ ገሌዳ።
EZE 10:3 ብታኒ ገልያ ዎደ፥ ክሩበቱ ጌሻ ጎልያፐ ገድሳ ባጋና ኤቄድኖ፤ ግዶ ዳባባካ ሻሪ ኩሜዳ።
EZE 10:4 መꬍና ጎዳ ቦንቹ ክሩበቱዋ ቦላፐ ደንዲደ፥ ጌሻ ጎልያ ፐንግያ ጉባንያኮ ቢደ ኤቄዳ። ሻሪ ጌሻ ጎልያ ኩሜዳ፤ ዳባባይካ መꬍና ጎዳ ቦንቹዋ ጶለꬃን ኩሜዳ።
EZE 10:5 ክሩበቱዋ ቀፍያ ጊረꬃይ ኡባ ሞድያ ጾሳይ ሃሳዮደ ስሰትያ ኮሻዳን፥ ካረ ዳባባን ስሰቴ።
EZE 10:6 ሊኑዋ ማዬዳ ብታንያ መꬍና ጎዳይ፥ “ክሩበቱዋ ጋርሳ ባጋ ይንግርያዋ ግዶፐ ታማ አካ” ያጊደ አዛዝና፥ እ ገሊደ እት ይንግረትያዋ ምይያን ኤቄዳ።
EZE 10:7 ክሩበቱዋፐ እቱ ባረንቱ ግዶን ደእያ ታማኮ ባረ ኩሽያ የዲደ፥ አፐ ጉꬃ አኪደ፥ ላይኑዋ ማዬዳ ብታንያ ኩሽያን ዎꬅና፥ እካ አኪደ ከሴዳ።
EZE 10:8 ክሩበቱዋ ቀፍያፐ ጋርሳ ባጋና አሳ ኩሽያ ማላትያዌ ደኤ።
EZE 10:9 ታን ጼልያ ዎደ፥ ክሩበቱዋ ምየ ባጋ ኦይዱ ይንግሮቱ ደኢኖ፤ እት ክሩብያ ምይያን እት እት ይንግሪ ደእያዋ በኣድ፤ ሄ ይንግረꬃቱ እንቁዋዳን ጶሊኖ።
EZE 10:10 ኡንቱንቱ ኦይዱካ እቱ እቱዋ ማላቲኖ፤ እት እርዙ ላኡ እርዙዋ ግዲደ መቴዳ፤ እቱ እቱዋ ግዱዋና ካንꬅ ኡቴዳ።
EZE 10:11 ክሩበቱ ብያ ዎደ፥ ኦይዱ ባጋዉካ ያነ ሃነ ስመናን ቢኖ፤ እት ይንግረꬃይ ቤዳ ጌዱዋ የንኮ ይንግረትያዋንቱ ያነ ሃነ ስመናን ኦይዱዋፐ እቱዋ ሁጲ ስሞ ሳኣ ስት ጊደ ቢኖ።
EZE 10:12 ኡንቱንቱ ኩመንꬃ ቦላን፥ ሄዌነ ኡንቱንቱ ዞኩዋን፥ ኡንቱንቱ ኩሽያን፥ ኡንቱንቱ ቀፍያንነ ኡንቱንቱ ኦይዱ ይንግረትያዋንቱን አይፊ ኩሜዳ።
EZE 10:13 ታን ስስሽን፥ ይንግረትያዋንቱ ኤሌልያ ይንግረትያዋንታ ጌተት ጼሰቴድኖ።
EZE 10:14 እት እት ክሩብያዉ ኦይዱ ሶምኢ ደኤ። እት ሶምኢ ክሩብያ ሶምኡዋ፥ ላኤንꬁ አሳ ሶምኡዋ፥ ሄዘንꬁ ጋሙዋ ሶምኡዋነ፥ ኦይደንꬁ አርጋንꬃ ሶምኡዋ።
EZE 10:15 ሄዋፐ ጉይያን፥ ክሩበቱ ፑደ ደንዴድኖ። ሀዋንቱ ታን ካባራ ሻፋ ማታን በኤዳ ፓጻ ደእያ መታቱዋ።
EZE 10:16 ቃይ ክሩበቱ ብያ ዎደ፥ ኡንቱንቱ ምየ ባጋን ደእያ እርዞቱካ ቡሉሊኖ፤ ቃይ ክሩበቱ ቢታፐ ፑደ ደንዳናዉ ባረንቱ ቀፍያ ምጭያ ዎደካ ይንግረትያዋንቱ ኡንቱንቱ ምይያፐ ሻከትክኖ።
EZE 10:17 ኡንቱንቱ ኤቂያ ዎደ፥ ይንግረꬃቱካ ኤቂኖ፤ ቃይ ኡንቱንቱ ቢታፐ ፑደ ደንድያ ዎደ፥ ኡንቱንቱካ ደንዲኖ። ሄዌካ ፓጻ ደእያ መታቱ አያናቱ ኡንቱንቱን ደእያ ድራሳ።
EZE 10:18 ሄዋፐ ጉይያን፥ መꬍና ጎዳ ቦንቹ ጌሻ ጎልያ ፐንግያፐ ደንዲደ፥ ክሩበቱዋፐ ቦላ ባጋን ኤቄዳ።
EZE 10:19 ታን ጼልሽን፥ ክሩበቱ ባረንቱ ቀፍያ ምጪደ፥ ይንግረትያዋናካ እትፐ ቢታፐ ፑደ ደንዴድኖ። ኡንቱንቱ መꬍና ጎዳ ጎልያ አዋይ ዶልያ ባጋን ደእያ ድርሳ ፐንግያና ኤቄድኖ፤ እስራኤልያ ጾሳ ቦንቹካ ኡንቱንቱፐ ቦላ ባጋና ደኤ።
EZE 10:20 ሀዋንቱ ካባራ ሻፋን ታን እስራኤልያ ጾሳፐ ጋርሳ ባጋና በኤዳ ፓጻ መታቱዋ፤ ቃይ ኡንቱንቱ ክሩበቱዋ ግድያዋ ታን ኤራድ።
EZE 10:21 ኡንቱንቶ ኡባዉካ ኦይዱ ኦይዱ ሶምኦቱነ፥ ኦይዱ ኦይዱ ቀፈቱ ደኢኖ፤ ኡንቱንቱ ቀፈቱዋፐ ጋርሳ ባጋና አሳ ኩሸቱዋ ማላትያዌ ደኤ።
EZE 10:22 ኡንቱንቱ ሶምኦቱ ካባራ ሻፋ ማታን ታን በኤዳ ሶምኦቱዋ ማላቲኖ። ኡንቱንቱ ኡባይካ ስት ጊደ፥ ስንꬃዉ ቢኖ።
EZE 11:1 ሄዋፐ ጉይያን፥ አያናይ ታና ደንꬂደ፥ አዋይ ዶልያ ባጋ ጼልያ መꬍና ጎዳ ጎልያ ድርሳ ፐንገ አፌዳ። ሄዋን ሄ ፐንግያ ገልያሳን ላታማነ እቼሹ አቱማ አሳይ ደኤ፤ ኡንቱንቱ ግዶን አሳ ካለꬅያ አዙራ ናኣ አዛንያነ ባናያ ናኣ ፓላጽያ በኣድ።
EZE 11:2 መꬍና ጎዳይ ታና ሀዋዳን ያጌዳ፤ “ላ አሳ ናአዉ፥ ሀ አቱማ አሳቱ ሀ ካታማን ኢታ ሀልቹዋ ሀልችያዋንታነ ኢታ ዞርያ ዞርያዋንታ።
EZE 11:3 ኡንቱንቱ ሀዋዳን ያጊኖ፤ ‘ኑን ጎልያ ዛረꬅ ኬጻና ዎዲ ሀአ ግደና። ሀ ካታማይ አሹዋ ጻሩዋ፤ ቃይ ኑን አሾ’ ያጊኖ።
EZE 11:4 ሄዋ ድራዉ፥ አሳ ናአዉ፥ ትምቢትያ ኦዳ! ኡንቱንቱ ቦላ ትምቢትያ ኦዳ!” ያጌዳ።
EZE 11:5 ሄዋፐ ጉይያን፥ መꬍና ጎዳ አያናይ ታ ቦላ ዎꬊደ፥ ታና ሀዋዳን ያጌዳ፤ “ኡንቱንታ ያጋ፤ መꬍና ጎዳይ ሀዋዳን ያጌ፤ ‘እስራኤልያ አሳዉ፥ ህንተ ሄዋዳን ጊታ፤ ታን ህንተ አያ ቆፕንቶ ኤራይ።
EZE 11:6 ሀ ካታማን ህንተ ዳሮ አሳ ዎꬊደ፥ ኦግያ ኡባን አሃ ኩንꬄድታ ያጌ።
EZE 11:7 “ ‘ሄዋ ድራዉ፥ ኡባ ሞድያ መꬍና ጎዳይ ሀዋዳን ያጌ፤ “ህንተ ዎꬊደ ሄዋን ኦሌዳ አሃይ አሹዋ፤ ቃይ ሀ ካታማይካ አሹዋ ዶይስያ ጻሩዋ፤ ሽን ታን ህንተና ሀ ካታማፐ የደርሳደ ከሳና።
EZE 11:8 ህንተ ኦላዉ ያዬድታ፤ ታን ሄ ህንተ ያዬዳ ኦላ ህንተ ቦላ አሀና። ኡባ ሞድያ መꬍና ጎዳይ ሀዋ ኦዳይ።
EZE 11:9 ታን ህንተና ሀ ካታማፐ ከሳደ፥ አላጋቱዋ ኩሽያን አꬃ እማና፤ ታን ህንተ ቦላ ፕርዳና።
EZE 11:10 ህንተ ኦላን ዉራና፤ ታን ህንተና ህንተ ቢታን ፕርዳና። መꬍና ጎዳ ግድያዋ ህንተ ሄዋን ኤራና።
EZE 11:11 ሀ ካታማይ ህንተዉ አሹዋ ጻሩዋ ግደና፤ ህንተካ አ ግዶን አሹዋ ግድክታ። ህንተ ቦላ እስራኤልያ ቢታን ፕርዳና።
EZE 11:12 መꬍና ጎዳ ግድያዋ ህንተ ሄዋን ኤራና። አያዉ ጎፐ፥ ህንተ ታ አዛዙዋ ካለናን እጼድታ፤ ታ ዎጋካ ናገናን እጺደ፥ ህንተ ዩሹዋን ደእያ ካዉተꬃቱዋ ዎጋዳን ደኤድታ” ያጌ’ ያጋ” ያጌዳ።
EZE 11:13 ታን ትምቢትያ ኦድሽን፥ ባናያ ናኣ ፓላጼ ሀይቄዳ፤ ታን ዱገ ጉፋናደ፥ ታ ቃላ ꬎቁ ኦꬃደ፥ ሀዋዳን ያጋደ ዋሳድ፤ “አቤት ኡባ ሞድያ መꬍና ጎዳዉ፥ እስራኤልያፐ አቴዳዋንታ ኡባና ዉርሳና ሀናይዬ?” ያጋድ።
EZE 11:14 ሄዋፐ ጉይያን መꬍና ጎዳ ቃላይ ታኮ ሀዋዳን ያጊደ ዬዳ፤
EZE 11:15 “ላ አሳ ናአዉ፥ የሩሳላመን ደእያ እስራኤልያ አሳይ ነ እሻቱዋባነ ነ ዳቦቱዋባ፥ ኦሞዱዋን ደእያ እስራኤላቱዋባ ‘ኡንቱንቱ መꬍና ጎዳፐ ሃኬድኖ፤ ሀ ቢታይካ ኑዉ ላታ ግዲደ እመቴዳ’ ያጊደ ሃሳዪኖ።
EZE 11:16 “ሄዋ ድራዉ፥ ኔን ሀዋዳን ያጋ፤ ‘ኡባ ሞድያ መꬍና ጎዳይ ሀዋዳን ያጌ፤ “ኡንቱንታ ሃኮ ካዉተꬃቱዋ ግዶ የዶፐካ፥ ቃይ ቢታቱዋን ላሎፐካ፥ ቤዳ ቢታቱዋን ጉꬃ ዎድያዉ ታን ኡንቱንቱና ግዳና” ያጌ’ ያጋ።
EZE 11:17 “ሄዋ ድራዉ፥ ኔን ሀዋዳን ያጋ፤ ‘ኡባ ሞድያ መꬍና ጎዳይ ሀዋዳን ያጌ፤ “ታን ህንተና ካዉተꬃቱዋፐነ ህንተ ላለቴዳ ቢታቱዋፐ ሺሻና፤ ቃይ እስራኤልያ ቢታ ታን ዛራደ ህንተዉ እማና” ያጌ’ ያጋ።
EZE 11:18 “ኡንቱንቱ ጉየ ስሚደ ዪደ፥ ሸነይያ ምስልያነ ቱና ኤቃ ቢታፐ ꬋይሳና።
EZE 11:19 ታንካ ኡንቱንቶ እት ዎዛና እማና፤ ቃይ ኦራꬃ አያናካ ኡንቱንቱ ግዶን ዎꬃና። ኡንቱንቱፐ ሹቻ ዎዛና ድጋደ፥ አሹዋ ዎዛና ኡንቱንቶ እማና።
EZE 11:20 ሄ ዎድያን ኡንቱንቱ ታ ህግያ ካላና፤ ታ አዛዙዋካ ናጋና። ኡንቱንቱ ታ አሳ ግዳና፤ ታንካ ኡንቱንቱ ጾሳ ግዳና።
EZE 11:21 ሽን ሄ ሸነይያ ምስልያዉነ ቱና ኤቃዉ ጎይናናዉ ዶሴዳዋንታ ግዶፐ፥ ታን ኡንቱንቱ ኦሱዋዳን ኡንቱንቶ ኦꬃና። ታን ኡባ ሞድያ መꬍና ጎዳይ ሀዋ ኦዳይ” ያጊደ ዬዳ።
EZE 11:22 ሄዋፐ ጉይያን፥ ኡንቱንቱ ምይያን ይንግረትያዋንቱ ደእያ ክሩበቱ፥ ባረንቱ ቀፍያ ምጬድኖ፤ እስራኤልያ ጾሳ ቦንቹካ ኡንቱንቱፐ ቦላና ደኤ።
EZE 11:23 መꬍና ጎዳ ቦንቹ ካታማ ግዶፐ ደንዲደ፥ አዋይ ዶልያ ባጋ ደርያ ቦላ ኤቄዳ።
EZE 11:24 ጾሳ አያናይ ታዉ እሜዳ ሳጻን አያናይ ታና ቢታፐ ፑደ ደንꬂደ፥ ባብሎነን ኦሞደቴዳዋንቱኮ አፌዳ። ሄዋፐ ጉይያን፥ ሳጻይ ታፐ ሻከቴዳ።
EZE 11:25 ታንካ መꬍና ጎዳይ ታና በሴዳዋ ኡባ ኦሞዱዋን ደእያዋንቶ ኦዳድ።
EZE 12:1 መꬍና ጎዳ ቃላይ ታኮ ሀዋዳን ያጊደ ዬዳ፤
EZE 12:2 “ላ አሳ ናአዉ፥ ኔን ማካላንቻ አሳ ግዶን ደኣሳ። ኡንቱንቱ ማካላንቻ አሳ ግድያ ድራዉ፥ ኡንቱንቶ አይፊ ደኤ፥ ሽን ደምክኖ፤ ኡንቱንቶ ሀይꬃይ ደኤ፥ ሽን ስስክኖ።
EZE 12:3 ሄዋ ድራዉ፥ አሳ ናአዉ፥ ኦሞዱዋን ብያ አሳዳን፥ ኔን አፋናዉ ዳንዳይያዋ ኡባ ሺሻ ቃቻደ፥ ጋላስ ኡንቱንቱ ጼልሽን ከሳደ፥ ነ ደኢያሳፐ ሀራ ሳኣ ባ። ኡንቱንቱ ማካላንቻ አሳ ግዶፐነ፥ ኦን ኤሪ፥ ኡንቱንቱ አኬካና።
EZE 12:4 ጋላስ ኡንቱንቱ ጼልሽን፥ ኦሞዱዋ ብያ አሳዳን፥ ኔን ቃቼዳዋ ካረ ከሳ፤ ቃይ ኦማርስ ኡንቱንቱ ጼልሽን፥ ኦሞዱዋ ብያ አሳዳን ከሳ።
EZE 12:5 ኡንቱንቱ ጼልሽን፥ ነ ጎልያ ጎዳ መንꬃደ፤ ሄ መኦ ሳኣና ሙሉꬃደ ከሳ።
EZE 12:6 ኔን ከሴዳ ሚሻ ኡንቱንቱ ጼልሽን፥ ነ ሀሽያን ቶካደ፥ ለምእ ለምእሽን ከሳ። ቢታ በኤናዳን፥ ነ ሶምኡዋ ካማ። ሀ ኔን ሀንያዌ እስራኤልያ አሳዉ ማላታ ግዳናዳን፥ ታን ኦꬃድ” ያጌዳ።
EZE 12:7 ታንካ እ ታና አዛዜዳዋዳን ኦꬃድ። ኦሞዶ ብያ አሳዳን፥ ጋላስ ታን ቃቼዳዋ ካረ ከሳድ። ኦማርሳን ቃይ ታ ጎልያ ጎዳ ታ ኩሽያን መንꬃደ ከሳድ፤ ታን ከሴዳ ሚሻ ኡንቱንቱ ጼልሽን፥ ታ ሀሽያን ቶካደ፥ ለምእ ለምእሽና ባድ።
EZE 12:8 ዎንተꬃ መꬍና ጎዳ ቃላይ ታኮ ሀዋዳን ያጊደ ዬዳ፤
EZE 12:9 “ላ አሳ ናአዉ፥ ሄ ማካላንቻ ዛራቱ፥ እስራኤልያ አሳቱ ኔና፥ ‘ኔን ኦꬅያዌ አዬ?’ ጊደ ኦቼድኖ ግድክኖ?
EZE 12:10 ኔን ኡንቱንታ ሀዋዳን ያጋ፤ ‘ኡባ ሞድያ መꬍና ጎዳይ ሀዋዳን ያጌ፤ “ሀ ትምቢቲ የሩሳላመን ካፑዋባነ እስራኤልያ አሳ ኩመንꬃባ” ያጋ’ ያጌ።
EZE 12:11 ኔን ኡንቱንታ፥ ‘ታን ህንተዉ ማላታ። ታን ኦꬄዳዋዳን፥ ኡንቱንቱ ቦላ ሀናና፤ ኡንቱንቱ ኦሞደቲደ፥ ሀራ ቢታ ባና’ ያጋ።
EZE 12:12 “ኡንቱንቱ ግዶን ደእያ ካፑ ጎዳ ሉክ ከሲደ፥ ባረ ሚሻ ባረ ሀሽያን ቶኪደ፥ ለምእ ለምእሽና ባና፤ እ ቢታ በኤናዳን፥ ባረ ሶምኡዋ ካማና።
EZE 12:13 ታን ግትያ አ ስንꬃን የጋና ታ ጲርያንካ ኦይቃና። ታን አ ባብሎነ ካታማ አሀና፤ ሽን እ ካላዳዌቱዋ ቢታ ባብሎነ ካታማ በኤናን ሀይቃና።
EZE 12:14 አ ዩሹዋን ደእያ አ ማድያዋንታነ አ ኦላንቻቱዋ ኡባ ታን ኡባ ሳኣ ፕስክ ኦꬃና፤ ታን ኡንቱንታ ማሻን የደርሳና።
EZE 12:15 “ኡንቱንታ ታን ሀራ ቢታቱነ ካዉተꬃቱዋ ግዶ ላልያ ዎደ፥ ታን መꬍና ጎዳ ግድያዋ ኡንቱንቱ ኤራና።
EZE 12:16 ኡንቱንቱ ባረንቱ ብያ ካዉተꬃቱዋ ግዶን ባረንቱ ቱና ኦሱዋ ፓጻና ማላ፥ ታን ኡንቱንቱፐ አማሬዳዋንታ ኦላፐ፥ ኮሻፐነ ኢታ ሀርግያፐ ከስ አካናዳን ኦꬃና። ሄ ዎደ ታን መꬍና ጎዳ ግድያዋ ኡንቱንቱ ሄዋን ኤራና” ያጊደ ዬዳ።
EZE 12:17 መꬍና ጎዳ ቃላይ ታኮ ሀዋዳን ያጊደ ዬዳ፤
EZE 12:18 “ላ አሳ ናአዉ፥ ነ ኡክꬃ ዳጋማን ማ፤ ቃይ ነ ሃꬃካ ያሻን ኮኮራደ ኡሻ።
EZE 12:19 ቢታን ደእያ አሳዉ ሀዋዳን ያጋ፤ ‘ኡባ ሞድያ መꬍና ጎዳይ እስራኤልያ ቢታን ደእያ የሩሳላመ አሳባ ሀዋዳን ያጌ፤ “ኡንቱንቱ ባረንቱ ኡክꬃ ህርጋን ማና፤ ባረንቱ ሃꬃካ ሻቢርሳን ኡሻና። አያዉ ጎፐ፥ ያን አሳይ ኡባይ ገናንቻነ ማካላንቻ ግዴዳ ድራዉ፥ ኡንቱንቱ ቢታይ ኦና ግዳናዋ።
EZE 12:20 ሀእ አሳይ ኩሜዳ ካታማቱ ꬋያና፤ ቃይ ቢታይካ ኦና ግዳናዋ። ሄ ዎደ ታን መꬍና ጎዳ ግድያዋ ህንተ ሄዋን ኤራና” ያጌ’ ያጋ” ያጊደ ዬዳ።
EZE 12:21 መꬍና ጎዳ ቃላይ ታኮ ሀዋዳን ያጊደ ዬዳ፤
EZE 12:22 “ላ አሳ ናአዉ፥ እስራኤልያ ቢታባዉ፥ ‘ጋላሳይ አꬌዳ፤ ሳጻይ ኡባይካ መላ ግዴዳ’ ያጊደ ህንተንቱ ሌምስያዌ እ አዬ?
EZE 12:23 ሄዋ ድራዉ፥ ኡንቱንቶ ኔን፥ ‘ኡባ ሞድያ መꬍና ጎዳይ ሀዋዳን ያጌ፤ “ታን ሀ ሌምሱ ላኤንꬆ ሀሳየተናዳን ኦꬃና፤ ኡንቱንቱ ዛረꬂደ፥ ሄዋ እስራኤልያ ቢታን ሌምስክኖ” ያጌ’ ያጋ። ቃይ ኡንቱንቶ፥ ‘ጋላሳይ ማታቴዳ፤ ሳጻይ ኡባይካ ፖለታና ሀኔ’ ያጋ።
EZE 12:24 ሀዋፐ ስንꬃዉ እስራኤልያ አሳ ግዶን ዎርዱዋ ሳጻይነ ሙሩኑ ኡባይ ደኤና።
EZE 12:25 ታን መꬍና ጎዳይ፥ ኦዳና ኮዮዋ ኦዳይ፤ ሄዌካ ጋምኤናን ፖለታና። ህንተኖ፥ ማካላንቻ አሳቶ፥ ታን ኦድያባ ኡባ ህንተ ላይꬃን ታን ፖላና። ታን ኡባ ሞድያ መꬍና ጎዳይ ሀዋ ኦዳይ” ያጊደ ዬዳ።
EZE 12:26 ቃይካ መꬍና ጎዳ ቃላይ ታኮ ሀዋዳን ያጊደ ዬዳ፤
EZE 12:27 “ላ አሳ ናአዉ፥ እስራኤልያ አሳይ ሀዋዳን ያጌ፤ ‘እ በኤዳ ሳጻይ ስንꬃናዉ ዳሮ ላይꬃሳ፤ ቃይ እ አዱሳ ዎድያን ሀናናዋ ኦዴ’ ያጌ።
EZE 12:28 ሄዋ ድራዉ፥ ኔን ኡንቱንቶ ሀዋዳን ያጋ፤ ‘ኡባ ሞድያ መꬍና ጎዳይ ሀዋዳን ያጌ፤ “ታን ኦድያ ቃላይ ፖለታናፐ አትና፥ እቱካ ጋምኤና። ታን ኡባ ሞድያ መꬍና ጎዳይ ሀዋ ኦዳይ” ያጌ’ ያጋ” ያጊደ ዬዳ።
EZE 13:1 መꬍና ጎዳ ቃላይ ታኮ ሀዋዳን ያጊደ ዬዳ፤
EZE 13:2 “ላ አሳ ናአዉ፥ እስራኤልያን ሀእ ትምቢትያ ኦድያዋንቱ ቦላ ትምቢትያ ኦዳ። ባረንቱ ቆፋፐ ደንዲደ፥ ትምቢትያ ኦድያዋንታ ሀዋዳን ያጋ፤ ‘መꬍና ጎዳ ቃላ ስስተ!
EZE 13:3 ኡባ ሞድያ መꬍና ጎዳይ ሀዋዳን ያጌ፤ አያነ በኤናን ጮ ባረንቶ ደንድያ ቦዛ ትምቢትያ ኦድያዋንቶ አየ አና!
EZE 13:4 እስራኤልያ አሳዉ፥ ህንተ ትምቢትያ ኦድያዋንቱ ኮለቴዳ ካታማ ግዶን ደእያ ዎራካናቱዋ ማላ።
EZE 13:5 መꬍና ጎዳ ጋላስ ድርሳይ ኦላን ምን ኤቃናዳን፥ እስራኤልያ አሳይ ድርሳ ግምቢያ ዛር ግምቢ ምንሳናዉ፥ ግምቢ ኮለቴዳሳ ፑደ ብበይክኖ።
EZE 13:6 ኡንቱንቱ ሳጻይ ዎርዱዋ፥ ቃይ ኡንቱንቱ ሙሩኑካ ዎርዱዋ። ኡንቱንቱ መꬍና ጎዳይ ኪተናን፥ መꬍና ጎዳይ ሀዋዳን ያጌ ያጊኖ። ያቲደ ኡንቱንቱ ኦዴዳዋ ጾሳይ ፖላና ያጊደ ናጊኖ።
EZE 13:7 ታን ኦደናን ደእሺና፥ መꬍና ጎዳይ ሀዋዳን ያጌ ያጊደ ኦድያ ህንተ ዎርዱዋ ሳጻነ ዎርዱዋ ሙሩኑዋ በእበይክቴ?’ ” ያጌ።
EZE 13:8 ሄዋ ድራዉ፥ ኡባ ሞድያ መꬍና ጎዳይ ሀዋዳን ያጌ፤ “ህንተ ዎርዶባ ሃሳዬዳ ድራዉነ ህንተ በኤዳ ሳጻይ ዎርዶ ግዶ ድራዉ፥ ኡባ ሞድያ መꬍና ጎዳይ ህንተዉ ሞርከ።
EZE 13:9 ታ ኩሺ፥ ዎርዶ ሳፃ በኢደ፥ ዎርዱዋ ሙሩንያዋንቱ ቦላ ፕርዳናዉ ደንዴዳ። ኡንቱንቱ ታ አሳ ዞርያ ግዶን ቆፋ ቃቻናዉ ገልክኖ፥ ዎይ እስራኤልያ አሳይ ጻፈቴዳ ማዝጎብያን ጻፈትክኖ፥ ዎይ ኡንቱንቱ እስራኤልያ ቢታካ ገልክኖ። ሄ ዎደ ታን ኡባ ሞድያ መꬍና ጎዳ ግድያዋ ህንተ ሄዋን ኤራና።
EZE 13:10 “ሳሩ ባይናን ደእሺና፥ ኡንቱንቱ ታ አሳ፥ ‘ሳአይ ሳራ!’ ያጊደ ዎራ ካለꬄድኖ። ቃይ አሳይ ሹቻ ጮ ኬሊደ ድርና፥ ኡንቱንቱ ቦሹንቻ ኦኪኖ።
EZE 13:11 ሄዋ ድራዉ፥ ሄ ቦሹንቻ ኦክያዋንታ፥ ‘ሄ ህንተ ኦኬዳ ግምቢ ኩንዳና! ዎልቃማ እራይ ቡካና፤ ቃይ ታን ጾሳይ ኦርዶ ሻቻ ዱገ የጋና፤ ኢታ ጎቲካ ደንዳና’ ያጊደ ኦድተ።
EZE 13:12 ሄ ግምቢ ኩንዴዳ ዎደ፥ አሳይ ህንተና፥ ህንተ አ ኦኬዳ ቦሹንቻይ አነ?” ጊደ ኦቼናን አጋኔ? ያጌ።
EZE 13:13 ሄዋ ድራዉ፥ ኡባ ሞድያ መꬍና ጎዳይ ሀዋዳን ያጌ፤ “ታን ታ ሀንቁዋን ኢታ ጎትያ የዳና፤ ቃይ ግምቢያ ድርሳ ኮላናዉ ታ ይሉዋን ኦርዶ ሻቻነ ዎልቃማ እራ ሱልያ ሀንቁዋና ኪታና።
EZE 13:14 ህንተ ቦሹንቻ ኦኬዳ ግምቢያ ታን መንሬꬃና፥ ቢታን ላላናነ ባሱዋ መላ አሻና። እ ኩንድያ ዎደ ህንተ አ ግዶን ሀይቃና። ሄ ዎደ ታን መꬍና ጎዳ ግድያዋ ህንተ ሄዋን ኤራና።
EZE 13:15 ሄዋዳን ሀኒደ፥ ታ ሀንቁ ግምቢያ ቦላነ ግምቢያ ቦሹንቻ ኦኬዳ አሳቱዋ ቦላ ዎꬋና። ታን ህንተና፥ ‘ሀእ ግምቢ ባዋ፤ ግምቢያ ቦሹንቻ ኦኬዳዋንቱካ ደእክኖ።
EZE 13:16 እስራኤልያን ደእያ፥ የሩሳላመባ ትምቢትያ ኦዴዳዋንቱ፥ ሳሩ ባይናን አዉ ሳሩዋ ሳፃ በኤዳዋንቱ፥ ኡንቱንቱ ደእክኖ’ ያጋይ። ታን ኡባ ሞድያ መꬍና ጎዳይ ሀዋ ኦዳይ” ያጌ ያጋ።
EZE 13:17 “ላ አሳ ናአዉ፥ ባረንቱ ቆፋፐ ደንዲደ፥ ትምቢትያ ኦድያ ነ አሳ ማጫ አሳቱዋኮ ሀእ ነ ሶምኡዋ ደረቃን ዛራ፤ ኡንቱንቱ ቦላ ትምቢትያ ኦዳ።
EZE 13:18 ሀዋዳን ያጋ፤ ‘ኡባ ሞድያ መꬍና ጎዳይ ሀዋዳን ያጌ፤ “ሀራ አሳ ቦላን አሳዉ ዎልቃይ ደአናዳን፥ ኡንቱንቱ ኩሽያን ኡባን ሙሩኑዋባ ስኪደ ዎꬅያነ አሳ ኡባዉ ሁጵያ ሻሽያ ጊግስያ ማጫ አሳቶ፥ ህንተዉ አየ አና! ህንተ ታ አሳ ሸምፑዋ ጲሪደ ህንተ ህንተ ሸምፑዋ አሻንቴ?።
EZE 13:19 እት ኮጵያ ባንጋ ዎይ እት ባሶ ኡክꬃ ደማናዉ፥ ዬላይያዋ ኦꬂደ፥ ታ አሳ ስንꬃን ታና ካዉሽሲታ። ሄዋ ግያዌ ህንተ ሀይቃናዉ በሰናዋንታ ዎꬊደ፥ አታናዉ በሰናዋንታ አሺታ ግያዋ። ያቲደ ታ አሳዉ ዎርዱዋ ኦዲታ፤ ኡንቱንቱካ ህንተ ዎርዱዋ ስሲኖ” ያጌ።
EZE 13:20 “ ‘ሄዋ ድራዉ፥ ኡባ ሞድያ መꬍና ጎዳይ ሀዋዳን ያጌ፤ “ህንተ ሀራ አሳ ቦላን አሳዉ ዎልቃይ ደአናዳን፥ ህንተ ኩሽያን ዎꬄዳ ሙሩኑዋ ታን ደንꬃና። ታን አ ህንተ ኩሽያፐ ዱꬃ ኦላና፤ ጲርያፐ ከስ አክያ ካፉዋዳን፥ ታን ኡንቱንታ ህንተ ዎልቃፐ አሻ አካና።
EZE 13:21 ታን ህንተ ቢታ ሻሽያካ ዳፋ አካደ፥ ታ አሳ መꬍናዉ ህንተ ኩሽያፐ ዎꬃ አካና። ሄ ዎደ ታን መꬍና ጎዳ ግድያዋ ህንተ ሄዋን ኤራና።
EZE 13:22 ታን ካዮያቤና ጽሎ አሳ ዎዛና ህንተ ዎርዱዋን ካዮዪታ፤ ናጋራንቻቱካ ባረንቱ ኢታ ኦሱዋፐ ስሚደ፥ ባረንቱ ሸምፑዋ አሸናዳን፥ ህንተ ኡንቱንታ ምንꬄድታ።
EZE 13:23 ሄዋ ድራዉ፥ ላኤንꬆ ዎርዶ ሳፃ በእክታ፤ ሙሩኑዋባካ ኦꬅክታ። ታን ታ አሳ ህንተ ኩሽያፐ ዎꬃ አካና። ሄ ዎደ ታን መꬍና ጎዳ ግድያዋ ህንተ ሄዋን ኤራና” ያጌ’ ያጋ” ያጊደ ዬዳ።
EZE 14:1 እስራኤልያ ጭማቱዋፐ አማሬዳዋንቱ ታኮ ዪደ፥ ታ ስንꬃን ኡቴድኖ።
EZE 14:2 ያትና መꬍና ጎዳ ቃላይ ታኮ ሀዋዳን ያጊደ ዬዳ፤
EZE 14:3 “ላ አሳ ናአዉ፥ ሀ አሳቱ ባረንቱ ዎዛናን ኤቃ ኤሴድኖ፤ ቃይ ኡንቱንቱ ናጋራይ ኡንቱንቶ ꬉቢያ ሹቻ ማላ ግዴዳ። ያትና፥ ታን ኡንቱንቱ ታና ኦቻናዳን ኦꬆየ?
EZE 14:4 ሄዋ ድራዉ፥ ኔን ኡንቱንቶ ሀዋዳን ያጋደ ኦዳ፤ ‘ኡባ ሞድያ መꬍና ጎዳይ ሀዋዳን ያጌ፤ “እስራኤልያ አሳፐ ኦንነ ኤቃ ባረ ዎዛናን ዎꬆፐ፥ አ ናጋራይ አዉ ꬉቢያ ሹቻ ማላ ግዶፐ፥ ቃይ ትምቢትያ ኦድያዋኮ እ ቦፐ፥ ታን መꬍና ጎዳይ ታ ሁጲያን አ ኤቃቱዋ ጮራተꬃዳን አዉ ዛራና።
EZE 14:5 ሄ ኤቃቱ ኡባቱ እስራኤልያ አሳ ታፐ ዎራ ዛሬድኖ፤ ሽን ሀእ ታን ኡንቱንቶ እምያ ዛሩዋን ኡንቱንቱ ዎዛና ታኮ ዛራና” ያጌ’ ያጋ።
EZE 14:6 “ሄዋ ድራዉ፥ እስራኤልያ አሳዉ ሀዋዳን ያጋደ ኦዳ፤ ‘ኡባ ሞድያ መꬍና ጎዳይ ሀዋዳን ያጌ፤ “ናጋራ ፓጽተ! ህንተ ኤቃፐ ስምተ! ህንተ ቱና ኦሱዋ ኡባፐካ ስምተ!
EZE 14:7 “ ‘ “እስራኤልያ አሳ ግድና፥ ዎይ እስራኤልያ ቢታን ደእያ አላጋ አሳ ግድናካ፥ ታፐ ሻከቲደ፥ ባረ ዎዛናን ኤቃ ዎꬆፐ፥ አ ናጋራይ አዉ ꬉቢያ ሹቻ ማላ ግዶፐ፥ ቃይ እ ታ ዞርያ ኦቻናዉ ትምቢትያ ኦድያዋኮ ቦፐ፥ ታን መꬍና ጎዳይ ታ ሁጲያን አዉ ዛሩዋ እማና።
EZE 14:8 ታን ሄ ኡራና ኤቀታና፤ ታን አ ሌምሶነ ማላታ ኦꬃና፤ ታን አ ታ አሳ ግዶፐ ꬋይሳና። ሄ ዎደ ታን መꬍና ጎዳ ግድያዋ ህንተ ሄዋን ኤራና።
EZE 14:9 “ ‘ “ትምቢትያ ኦድያዌ ጭመቲደ፥ ትምቢትያ ኦዶፐ፥ ሄ ትምቢትያ ኦድያዋ ጭሜዳዌ ታና መꬍና ጎዳ። ታን አ ቦላ ታ ኩሽያ የዳደ፥ ታ አሳ ግዶፐ አ ꬋይሳና።
EZE 14:10 ኡንቱንቱ ላኡካ ባረንቱ ናጋራ ናጋራ ሙሩዋ ቶካና፤ ትምቢትያ ኦድያዋ ሙሩነ ትምቢትያ ኦችያዋ ሙሩካ እት ማላ ግዳናዋ።
EZE 14:11 ሄዋ ድራዉ፥ እስራኤልያ አሳቱ ታፐ ዎራ ቢክኖ፤ ባረንቱ ናጋራን ኡባን ባረንታ ቱንስክኖ። ኡንቱንቱ ታ አሳ ግዳና፤ ታንካ ኡንቱንቱ ጾሳ ግዳና። ሄ ዎደ ታን ኡባ ሞድያ መꬍና ጎዳይ ሀዋ ኦዳይ” ያጌ’ ያጋ” ያጊደ ዬዳ።
EZE 14:12 መꬍና ጎዳ ቃላይ ታኮ ሀዋዳን ያጊደ ዬዳ፤
EZE 14:13 “ላ አሳ ናአዉ፥ እት ቢታ አሳይ ናጋራ ኦꬂደ፥ ታዉ አማነተናን እጾፐ፥ ታን ታ ኩሽያ የዳደ፥ ኡንቱንቶ ቁማ ꬋይሳደ፥ ኮሻ አሀና፤ ሄ ቢታ አሳነ መህያ ዎꬋና።
EZE 14:14 ሀራይ አቶ ሀ ሄዙ አሳቱ፥ ኖሄ፥ ዳኔልነ ኢዮብ ሄ ቢታን ደእንቶካ፥ ኡንቱንቱ ባረንቱ ጽሎተꬃን ባረንቱ ሸምፑዋ ጻላላ አሻና። ታን ኡባ ሞድያ መꬍና ጎዳይ ሀዋ ኦዳይ።
EZE 14:15 “ዎይ ታን ኡንቱንቱ ቢታ ቦላን ባዙዋ ዶአቱዋ የድና፥ ሄ ዶአቱ አን ደእያ አሳ ꬋይስና፥ ሄ ዶአቱዋ ጋሱዋን ኦንነ ግዱዋና አናዳን፥ ሄ ቢታይ ኦና ግዶፐ፥
EZE 14:16 ታን ኡባ ሞድያ ጾሳይ ታ ደኡዋን ጫቃይ: ሀራይ አቶ፥ ሀ ሄዙ አሳቱ ሄ ቢታን ደእንቶካ፥ ኡንቱንቱ ባረንቱ አቱማነ ባረንቱ ማጫ ናናቱዋ አሻናዉ ዳንዳይክኖ። ኡንቱንቱ ጻላላይ አታናዋ፤ ሽን ቢታይ ኦና ግዳናዋ። ታን ኡባ ሞድያ መꬍና ጎዳይ ሀዋ ኦዳይ።
EZE 14:17 “ዎይ ታን ሄ ቢታ ቦላን ማሻ አሃደ፥ ሀ ቢታና ማሻይ አꬎ ጋደ፥ አን አሳነ መህያ ዎꬎፐ፥
EZE 14:18 ታን ኡባ ሞድያ መꬍና ጎዳይ ታ ደኡዋን ጫቃይ: ሀ ሄዙ አሳቱ ሄ ቢታን ደእንቶካ፥ ባረንቱ አቱማነ ባረንቱ ማጫ ናናቱዋ አሻናዉ ዳንዳይክኖ። ኡንቱንቱ ጻላላይ አታናዋ። ታን ጾሳይ ሀዋ ኦዳይ።
EZE 14:19 “ዎይ ታን ሄ ቢታ ቦላን ኢታ ሀርግያ የዳደ፥ ታ ሀንቁዋን አሳይ ሱꬃ ጉሳና ማላ ኦꬆፐ፥ አን ደእያ አሳነ መህያ ዎꬎፐ፥
EZE 14:20 ታን ኡባ ሞድያ መꬍና ጎዳይ ታ ደኡዋን ጫቃይ: ሀራይ አቶ፥ ኖሄ፥ ዳኔልነ ኢዮብ ሄ ቢታን ደእንቶካ፥ ኡንቱንቱ ባረንቱ ጽሎተꬃን ባረንቱ ሸምፑዋ ጻላላ አሻናፐ አትና፥ ባረንቱ አቱማነ ባረንቱ ማጫ ናናቱዋካ አሽክኖ። ታን ኡባ ሞድያ ጾሳይ ሀዋ ኦዳይ” ያጊደ ዬዳ።
EZE 14:21 ኡባ ሞድያ መꬍና ጎዳይ ሀዋዳን ያጌ፤ “ታን አሳነ መህያ ዎꬋናዉ የሩሳላመ ቦላ ታ ኦይዱ ኢታ ሙሮቱዋ፥ ማሻ፥ ኮሻ፥ ባዞ ዶኣነ ኢታ ሀርግያ የድያ ዎደ፥ እ አይ ኬሻ አꬎ ኢታባ ግዳንዴሻ!
EZE 14:22 ግዶ ሽን አቲደ ከሴዳ አማሬዳ አሳቱ ደአና፤ አቱማነ ማጫ ናናቱዋካ ያፐ ከሳና። ኡንቱንቱ ህንተኮ ይያ ዎደ፥ ኡንቱንቱ ሀኖታነ ኡንቱንቱ ኦሱዋ ህንተ በኢደ፥ ታን የሩሳላመ ቦላ አሄዳ ባሻይ ኡባይ በስያዋ ግድያዋ አኬካና።
EZE 14:23 ህንተ ኡንቱንቱ ሀኖታነ ኡንቱንቱ ኦሱዋ በኢደ፥ ታን ኡንቱንቱ ቦላ ጮ ፕርዳቤናዋ ኤራና። ታን ኡባ ሞድያ መꬍና ጎዳ ሀዋ ኦዳይ” ያጌ።
EZE 15:1 መꬍና ጎዳ ቃላይ ታኮ ሀዋዳን ያጊደ ዬዳ፤
EZE 15:2 “ላ አሳ ናአዉ፥ ዎይንያ አኑ ባዙዋን ደእያ ሀራ ምꬃፐ አያን ኬኪ?
EZE 15:3 ጎአይ ደእያባ ኦꬃናዉ አ አኑዋፐ ቃንጸት ኤሪ? አየንቶ ካቂያ ኮጫ አፐ ከሳ ኤራይ?
EZE 15:4 አ ኦይሰꬁዋዳን ታማን የግና፥ ያ ባጋይነ ሀ ባጋይ ታማን ሜተትና፥ ግዱዋን አቴዳ ጺጹንꬃይ አይ ማዳኔ?
EZE 15:5 ጹገተናን ደኢድ፥ ካሰ አየንቶ ማድቤናዌ፥ ታማይ ሚና ኤጽ ክቺደ አየንቶ ማደና።
EZE 15:6 “ሄዋ ድራዉ፥ ኡባ ሞድያ መꬍና ጎዳይ ሀዋዳን ያጌ፤ ‘ታን ባዞ ምꬃ ግዶን ደእያ ዎይንያ አኑዋ ታማዉ ኦይሰꬆ ኦꬃደ እሜዳዋዳን፥ የሩሳላመን ደእያ አሳካ ሄዋዳን ኦꬃና።
EZE 15:7 ታን ታ ሶምኡዋ ኡንቱንቱ ቦላን ዛራና። ኡንቱንቱ እት ታማፐ ከሶፐካ፥ ሀራ ታማይ ኡንቱንታ ማና። ታን ታ ሶምኡዋ ኡንቱንቱ ቦላ ዛርያ ዎደ፥ ታን መꬍና ጎዳ ግድያዋ ህንተንቱ ኤራና።
EZE 15:8 ኡንቱንቱ ታናን አማነተናን አጌዳ ድራዉ፥ ታን ኡንቱንቱ ቢታ ኦና ከሳና። ታን ኡባ ሞድያ መꬍና ጎዳይ ሀዋ ኦዳይ’ ያጌ” ያጊደ ዬዳ።
EZE 16:1 መꬍና ጎዳ ቃላይ ታኮ ሀዋዳን ያጊደ ዬዳ፤
EZE 16:2 “ላ አሳ ናአዉ፥ የሩሳላሞ እ ቱና ኦሶቱዋ ኤርሳ።
EZE 16:3 ሀዋዳን ያጋ፤ ‘ኡባ ሞድያ መꬍና ጎዳይ የሩሳላሞ ሀዋዳን ያጌ፤ “ነ ማይዛይነ ነ ሼሻይ ካናነ ቢታና፤ ነ አዉ አሞረ ቢታ አሳ፤ ነ አታካ ሂተ ቢታ አሳ።
EZE 16:4 ነ የለታይ ጋላስ ነ ጉልአይ ቃንጸትቤና፤ ዎይ ኔና ጌሻናዉ ሃꬃን ሜጨታባካ፤ ዎይ ማጽንያን ጎርፐታደ ጫርቂያን ጻጸታባካ።
EZE 16:5 ሀ ጌተቴዳዋንቱፐ እቱዋነ ኦꬃናዉ ነዉ ካዮቴዳዌ ባዋ። ኔን የለቴዳ ጋላስ ካቴዳ ድራዉ፥ ደምባን ኦለታዳፐ አትና፥ ነዉ ኦንነ ቃረትቤና።
EZE 16:6 “ ‘ “ሄዋና ታን ካንꬃደ፥ ኔን ነ ሱꬃ ግዶን ሙርቁቃደ ዞሄትሽና በኣድ፤ ኔን ነ ሱꬃ ግዶን ግሳ ደእሺና፥ ፓጻ ደአ ያጋድ።
EZE 16:7 ታን ኔና ሾይቃን ደእያ ካꬃዳን ድቻድ። ኔን ድጫ አዱቃደ፥ ጋማ ጋካዳ። ነ ꬋንꬃይ ኡቴዳ፤ ነ ብናናይካ ድጬዳ፤ ሽን ኔን ጺራ ካሎ አታዳ።
EZE 16:8 “ ‘ “ላኤንꬁዋ ታን ሄዋና አꬋደ፥ ኔና ጼልያ ዎደ፥ ኔን ዎዶሮ ጋካደ ቦርሴዳ አሳ ግዳዳ። ያትና፥ ታ ማዩዋ ነ ቦላ የጋደ፥ ነ ካሉዋ ካማድ። ታን ነዉ ጫቃደ ኔናና ጫቁዋ ጫቀትና፥ ኔን ታኖ ግዳዳ። ታን ኡባ ሞድያ መꬍና ጎዳይ ሀዋ ኦዳይ።
EZE 16:9 “ ‘ “ታን ነ ቦላይ ሱꬃን ባዬዳዋ ሃꬃን ሜጫ ጌሻደ፥ ዛይትያን ኦካድ።
EZE 16:10 ታን ኔና ጽባብያ ቃምሽያ ማይዛድ፤ ቃይ ሎኦ ጋልባፐ ኦሰቴዳ ጫማካ ዎስሳድ፤ ቃይ ላይኑዋ ሻሽያካ ኔና ጎዝሳድ፤ ቃይ አልኦ ኩታካ ቁማይሳድ።
EZE 16:11 ኔና ታ አሌቁዋን አሌቃድ፤ ነ ኩሽያን ሳጋዩዋ ዎꬃድ፤ ነ ቆꬍያንካ ቆꬍያ አሌቁዋ ዎꬃድ።
EZE 16:12 ቃይ ነ ሲꬍያን ጉትቻ፥ ነ ሀይꬃንካ ጉትቻ፥ ነ ሁጲያንካ ሎኦ ካላቻ ዎꬃድ።
EZE 16:13 ኔን ዎርቃንነ ብራን አሌቀታዳ፤ ነ ማዩ ኡባይ ፓጻ ላይኑዋ፥ አልኦ ኩታነ አሌቆ ቃምሽያ። ነ ምያ ቁማይ በርተ ꬊልያ፥ ኤሳነ ዛይትያ። ኔን ሎይꬃ ዳሪ ፑላንቻ ግዳደ፥ ካታቶ ከሳናዉ ደንዳዳ።
EZE 16:14 ኔን ፑላንቻ ግድያ ድራዉ፥ ካዉተꬃቱዋን ኤረታዳ። አያዉ ጎፐ፥ ታን ነዉ እሜዳ ቦንቹ ኔና ሀዋዳን ፖሎ ኦꬄዳ። ታን ኡባ ሞድያ መꬍና ጎዳይ ሀዋ ኦዳይ።
EZE 16:15 “ ‘ “ሽን ኔን ነ ፑላን አማነታዳ፤ ሀራቱዋን ኤረቴዳዋፐ ደንዴዳዋን ሻርሙጻ ግዳዳ፤ ኦግያና አꬍያ ኡባዉ ኔና አꬃ እማዳ።
EZE 16:16 ነ ማዩዋፐ አማሬዳዋ አካደ፥ ጎይንያ ሳኣ መꬋደ አሌቂሳዳ፤ ያታደ ያን ሻርሙጻዳ። ሄዋ ማላ ሀኖታይ ሀዋፐ ካሰ ሀንቤና፤ ሀዋፐ ስንꬃናዉካ ሀናናዉ በሰና።
EZE 16:17 ነዉ እሜዳ ዎርቃፐነ ብራፐ ኦሰቴዳ ሎኦ አሌቁዋ፥ አቱማ ምስለቱዋ ኦꬃደ መꬋዳ፤ ያታደ ኡንቱንቱና ሻርሙጻዳ።
EZE 16:18 ታን እሜዳ አሌቆ ማዩዋ ሄ ምስለቱዋ ማይዛዳ። ቃይ ታ ዛይትያነ ታ እጻና ኡንቱንቶ ሺሻዳ።
EZE 16:19 ቃይ ታን ነዉ እሜዳ ቁማ፥ በርተ ꬊልያ፥ ዛይትያነ ኤሳ ኡንቱንቱ ስንꬃን ሳዉዋ ቶሹኩ ግያ ያርሹዋ ኦꬃደ ሺሻዳ። ሀዌካ ሀኔዳ። ታን ኡባ ሞድያ መꬍና ጎዳይ ሀዋ ኦዳይ።
EZE 16:20 “ ‘ “ቃይካ፥ ኔን ታዉ የሌዳ አቱማ ናናቱዋነ ማጫ ናናቱዋ አፋደ፥ ኤቃቱ ማና ማላ ቁማ ኦꬃደ ያርሻዳ። ኔን ሻርሙጻ ከሴዳዌ ነዉ ጉጼዴ?
EZE 16:21 ኔን ታ ናናቱዋ ሹካደ፥ ኤቃዉ ታማን ያርሻዳ።
EZE 16:22 ኔን ቱናተꬃንነ ነ ሻርሙጻን ኡባን ደኣደ፥ ካሰ ነ ያላጋተꬃ ላይꬃ፥ ጺራ ካሎ ነ ሱꬃን ሙርቁቃደ፥ ዞሄቴዳ ዎድያ ዶጋዳ።
EZE 16:23 “ ‘ “አየ አና! ነዉ አየ አና! ታን ኡባ ሞድያ መꬍና ጎዳይ ሀዋ ኦዳይ። ሀ ነ ኢታተꬃ ኡባ ቦላ ቃይ፥
EZE 16:24 ዳባባ ኡባን ꬎቃ ሳኣ ግምባደ ኤቃዉ ጎይንያ ሳአቱዋ ነዉ ጊግሳዳ።
EZE 16:25 ኦገ ዶናን ኡባን ሻርሙጽያ ሳአቱዋ ኬጻዳ፥ ነ ፑላ ቱንሳዳ፤ ኦግያና ካንꬅያ ኡባዉ ነ አሳተꬃ አꬃ እማደ፥ ሻርሙጹዋ ዳርሳዳ።
EZE 16:26 ኔን አሞ ጻላላን ኩሜዳ፥ ነ ሾሮ ግብጼቱዋና ሻርሙጻዳ፤ ነ ሻርሙጹዋ ዳሩዋንካ ታና ሀንቀꬃዳ።
EZE 16:27 ሄዋ ድራዉ፥ ታን ታ ኩሽያ ነ ቦላ የዳድ፤ ኔና ጋክያ ነ ሻኩዋካ ጉꬃድ። ታን ኔና ነ ፖኮ ሀኖታን ዬላትያ፥ ኮዮዋ ኦꬃናዳን ነ ሞርከቱዋ ፕልስጼማ ማጫ አሳቱዋ ሸንያዉ አꬃደ እማድ።
EZE 16:28 ኔን አለና አሳ ግድያ ድራዉ፥ አሶረ ቢታ አሳናካ ሻርሙጻዳ። ሄ ኡባንካ ሀዌ ታዉ ግዳና ጋባካ።
EZE 16:29 ሄዋፐ ቃይ፥ ዛልእያን አቄዳ ባብሎነቱዋናካ ሻርሙጽያዋ ዳርሳዳ፤ ሄዋንካ ግዳናዋ ጋባካ።
EZE 16:30 “ ‘ “ኔን ሀ ዬላይ ባይና ሻርሙጻቲዳን ሀንያና፥ ነ አይባ ላፋ አሴ! ታን ኡባ ሞድያ መꬍና ጎዳይ ሀዋ ኦዳይ።
EZE 16:31 ኔን ኦግያ ዶናን ሻርሙጽያ ሳአቱዋ ነዉ ኬጻዳነ ዳባባ ኡባን ኤቃዉ ጎይንያ ሳአቱዋ ጊግሳዳ። ሽን ሀራ ሻርሙጻቱዋዳን፥ ሻርሙጻቱ አክያ ሚሻካ አካባካ።
EZE 16:32 “ ‘ “ሀነ ሀ ሻርሙጻ ማጫ ምሽራቴ፥ ኔን ነ አስና ጭማደ፥ አላጋቱዋና ግሳዳ!
EZE 16:33 አቱማ አሳይ ሻርሙጻቶ ሚሻ ጭጌ፤ ሽን ኔን ኔናና ግስያዋንቶ እሞታ እማሳ፤ ኡንቱንቱ ኡባ ሳፐ ኔኮ ያናዳን፥ ማጋንጻ ኡንቱንቶ እማሳ።
EZE 16:34 ሄዋን ነ ሻርሙጻተꬃይ ሀራ ማጫ አሳቱዋፐ ዱማ፤ ኔናና ሻርሙጻናዉ ኔና ካልያዌ እቱነ ባዋ። ሀራይ ነዉ ጭገናን፥ ያ ጭጋደ ሻርሙጽያዋን፥ ሀራቱዋፐ ኔን ዱማ” ያጌ።
EZE 16:35 “ ‘ሄዋ ድራዉ፥ ሀኔ ሻርሙጻቴ፥ መꬍና ጎዳ ቃላ ስሳ!
EZE 16:36 ኡባ ሞድያ መꬍና ጎዳይ ሀዋዳን ያጌ፤ “ኔን ነ ሻርሙጻተꬃ አሙዋን ነ ላገꬃቶ ነ ቦላ ቃሬዳ ድራዉ፥ ነ ቱና ኤቃቱዋ ኡባ ድራዉነ ነ ናናቱዋ ሱꬃ ኔን ኡንቱንቶ ጉሴዳ ድራዉ፥
EZE 16:37 ኔን ኡንቱንቱን ናሸቴዳ ነ ላገꬃቱዋ ኡባ፥ ኔን ሲቅያዋንታነ ኔን እጽያዋንታ ታን ነዉ ሞርከ ኦꬃደ ሺሻና። ታን ኡንቱንታ ነ ቦላ ኡባ ሳና ሺሻደ፥ ኡንቱንቱ ስንꬃን ኔና ሙልጹ ኦꬃደ ቃራና፤ ኡንቱንቱ ነ ካሉዋ በአና።
EZE 16:38 ታን ሻርሙጼዳ ማጫ አሳቱዋ ቦላነ ሱꬃ ጉሴዳ ማጫ አሳቱዋ ቦላ ፕርድያዋዳን፥ ነ ቦላ ፕርዳና፤ ታን ታ ሀንቁዋንነ ታ ምሹዋን ነ ቦላ ሀይቁዋ አሀና።
EZE 16:39 ታን ኔና ነ ላገꬃቶ አꬃ እማና፤ ኡንቱንቱ ነ ሻርሙጽያ ሳአቱዋነ ኤቃዉ ጎይንያ ሳአቱዋ ኮል ꬋይሳና። ኡንቱንቱ ነ ማዩዋ ሙልጹ ኦꬅ ቃሪደ፥ ነ ሎኦ አሌቁዋካ ዎꬅ አኪደ፥ ኔና ካሎ ጺራ አሻና።
EZE 16:40 ኡንቱንቱ ኔና ሹቻን ጫድ ዎꬍያነ ባረንቱ ማሻን ቃንጸሬꬅያ ጉይተ አሳ ነ ቦላ ኡንቱንቱ አሀና።
EZE 16:41 ኡንቱንቱ ነ ጎልያ ጹጊደ፥ ዳሮ ማጫ አሳ ስንꬃን ነ ቦላ ፕርዳና። ታን ነ ሻርሙጻተꬃ አግሳና፤ ኔንካ ነ ላገꬃቶ ላኤንꬆ ያ ሚሻ ጭጋካ።
EZE 16:42 ሄዋዳን ኦꬅና፥ ታን ነ ቦላ ሀንቀቴዳ ሀንቁ ዛርባና፤ ታን ነ ሀኖታን ምሸቴዳ ምሹካ ሄዋን አꬋና። ታን ሄዋን ዎፑ ጋደ፥ ላኤንꬆ ሀንቀትከ።
EZE 16:43 “ ‘ “ኔን ነ ያላጋተꬃ ላይꬃ ዶጋደ፥ ሀ ኢታ ኦሱዋ ኡባን ታና ሀንቀꬃዳ። ሄዋ ድራዉ፥ ቱሙዋፐ ነ ኦꬄዳዋ ኡባ ታን ነ ቦላን ዛራና። ኔን ነ ቱና ኦሶቱዋ ኡባ ቦላ ሻርሙጻተꬃ አያዉ ጉጃዲ? ታን ኡባ ሞድያ መꬍና ጎዳይ ሀዋ ኦዳይ።
EZE 16:44 “ ‘ “ሀነ የሩሳላመ፥ አሳይ ነ ቦላ፥ ናታካ አት ማላ ጊደ ሌምሱዋ ኦዳና።
EZE 16:45 ቱሙ ኔን ባረ አስናነ ባረ ናናቱዋ ሸነቴዳ ነ አት ማላ፤ ቃይ ባረንቱ አስና አስናነ ባረንቱ ናናቱዋ ናናቱዋ ሸነቴዳ ነ ምቼቱዋ ማላ። ነ አታ ሂተ ቢታ አሳ፤ ነ አዉ ቃይ አሞረ ቢታ አሳ።
EZE 16:46 ነ ባይራ ምቻታ ባረ ማጫ ናናቱዋና ኔፐ ሁጲሳ ባጋና ደእያ ሳማርያ፤ ቃይ ኔፐ ቴፋ ምቻታ ባረ ማጫ ናናቱዋና ኔፐ ገድሳ ባጋና ደእያ ሳዶሞ።
EZE 16:47 ኔን ኡንቱንቱ ኦግያ ካሌዳዌነ ኡንቱንቱ ቱና ኦሶቱዋ ኦꬄዳዌ ኔና አልቤና። ሽን ኔን ጉꬃ ዎድያን ኦꬄዳ ኦሱ ኡንቱንቱዋፐ ኢታ ዳሬ።
EZE 16:48 “ ‘ “ታን ኡባ ሞድያ መꬍና ጎዳይ ታ ደኡዋን ጫቃይ: ኔንነ ነ ማጫ ናናቱ ኦꬄዳዋዳን፥ ነ ምቻታ ሶዶማነ እ ማጫ ናናቱ ኦꬅበይክኖ።
EZE 16:49 ነ ምቻታ ሶዶማ ኦꬄዳ ናጋራይ ሀዋ: አነ እ ማጫ ናናቱ ኦቶራንቻ፥ ካሌዳዋንታነ እሻሉዋን ደእያዋንታ ግዶፐነ፥ ኡንቱንቱ ናቀቴዳዋንታነ ህዬሳ ማድበይክኖ።
EZE 16:50 ኡንቱንቱ ኦቶራንቻ ግዲደ፥ ታ ስንꬃን ቱና ኦሶቱዋ ኦꬄድኖ። ሄዋ ድራዉ፥ ህንተ በኤዳዋዳን፥ ታን ኡንቱንታ ꬋይሳድ።
EZE 16:51 “ ‘ “ሳማራታ ኔን ኦꬄዳ ናጋራዉ ባጋካ ኦꬃበይኩ፤ ኔን ኡንቱንቱዋፐ አꬌዳ ቱና ኦሶቱዋ ኦꬃዳ። ያታደ ሄ ነ ኦꬄዳ ቱና ኦሶቱዋ ኡባ ጋሱዋን፥ ነ ምቼቱ ጽሉዋ ማላታናዳን ኦꬃዳ።
EZE 16:52 ኔን ነ ምቼቱዋ ሱረ አሳ ከሴዳ ድራዉ፥ ካዉሻ ማያ። አያዉ ጎፐ፥ ነ ናጋራይ ኡንቱንቱዋፐ አꬍ ኢትና፥ ሄዋን ኡንቱንቱ ኔፐ ጽሎ ማላቴድኖ። ሄዋ ድራዉ፥ ዬላታደ፥ ካዉሻ ማያ።
EZE 16:53 “ ‘ “ግዶፐነ፥ ሳዶሞነ እ ማጫ ናናቱዋ፥ ቃይ ሳማርያነ እ ማጫ ናናቱዋ ታን ዛራደ እሻልስያ ዎደ፥ ኔናካ እሻልሳና።
EZE 16:54 ነባን ኔን ሎይꬃ ዬላታና፤ ኔን ካዉሼዳዋን፥ ነ ምቼቱ ኔፐ ኬክያዋ ኤሪደ ምነታና።
EZE 16:55 ነ ምቼቱ፥ ሶዶማ ባረ ማጫ ናናቱዋና፥ ቃይ ሳማራታካ ባረ ማጫ ናናቱዋና ባረንቱ ካሰ እሻሎ ስማና፤ ኔንካ ነ ማጫ ናናቱዋና ህንተ ካሰ እሻሎ ስማና።
EZE 16:56 ነ ኢታተꬃይ ቆንጫናፐ ካሰ፥ ነ ኦቶሩዋ ዎደ፥ ኔን ሀራይ አቶ፥ ነ ምቻት ሳዶም ቦላ ቅሊጫበይኪ?
EZE 16:57 ግዶፐነ፥ ሀእ ኔን ኤዶማ ማጫ ናናቱነ አ ሾሮ ኡባይ፥ ቃይ ፕልስጼማ ማጫ ናናቱነ ነ ዩሹዋን ደእያ፥ ኔና እጽያ ኡባይ ቅꬍያባ ከሳዳ።
EZE 16:58 ነ ሻርሙጻተꬃንነ ነ ቱና ኦሶቱዋ ጋሱዋን ሙረታና። ታን መꬍና ጎዳይ ሀዋ ኦዳይ” ያጌ።
EZE 16:59 “ ‘ኡባ ሞድያ መꬍና ጎዳይ ሀዋዳን ያጌ፤ “ኔን ቃላ ጫቁዋ ካꬎ ድራዉነ ህዶታ ቃላ ኮሌዳ ድራዉ፥ ኔን ኦꬄዳ ኦሱዋዳን፥ ታን ነዉ ኦꬃና።
EZE 16:60 ግዶፐነ፥ ታን ነ ያላጋተꬃ ዎድያን ኔናና ጫቀቴዳ ቃላ ጫቁዋ ሀሳያና፤ ቃይ መꬍና ጫቁዋካ ኔናና ጫቀታናዋ።
EZE 16:61 ሄዋፐ ጉይያን፥ ታን ነ ባይራነ ነ ቴፋ ምቼቱዋ ኔኮ አህያ ዎደ፥ ኔን ነ ሄመታ ሀሳያደ ዬላታና። ታን ኡንቱንታ ነዉ ማጫ ናናቱዋ ኦꬃደ እማና፤ ሽን ሄዌ ታን ኔናና ጫቀቴዳ ጫቁዋዳን ግደና።
EZE 16:62 ሄዎ ታን ታ ጫቁዋ ኔናና ዎꬃና። ታን መꬍና ጎዳ ግድያዋ ኔን ሄዋን ኤራና።
EZE 16:63 ታን ኔን ኦꬄዳ ናጋራ ኡባ አቶ ያግያ ዎደ፥ ኔን ነ ኦꬄዳዋ ሀሳያደ፥ ዬላዉ ነ ዶና ኦይቃና። ታን ኡባ ሞድያ መꬍና ጎዳይ ሀዋ ኦዳይ” ያጌ’ ያጋ” ያጊደ ዬዳ።
EZE 17:1 መꬍና ጎዳ ቃላይ ታኮ ሀዋዳን ያጊደ ዬዳ፤
EZE 17:2 “ላ አሳ ናአዉ፥ እስራኤልያ አሳ ቃንእሽያ ቃንእሻ፤ ኡንቱንቶ ሌምሱዋን ኦዳ።
EZE 17:3 ሀዋዳን ያጋ፤ ‘ኡባ ሞድያ መꬍና ጎዳይ ሀዋዳን ያጌ፤ “ዱማ ዱማ ማላና ደእያ ባለቱነ ዎልቃማ ዎልቃማ ቀፈቱ ደእያ እት አርጋንꬃይ ደኤ። ሄ አርጋንꬃይ ሊባኖሳ ዪደ ዝጋ ጼራ ኦይቄዳ።
EZE 17:4 ሄ ዝጋ ልጩዋ መንꬄዳ፤ ሄ መንꬄዳ ልጩዋ አኪደ፥ ዛልኢ ዳርያ ቢታ፥ ዛልአንቻቱዋ ካታማ አፌዳ።
EZE 17:5 “ ‘ “እ እስራኤልያ ቢታፐ ዘረꬃ አፊደ፥ ቱኤ ቢታን፥ ዳሮ ሃꬃይ ደኢያሳ ማታን ቶኬዳ።
EZE 17:6 ፑደ አጬዳ ቱራይ ዳሪ አዱቀናን ዳሼዳ። አ ዳሻይ አርጋንꬃኮ ስሚደ ዳሼዳ፤ ሽን አ ጻጱ ቢታ ግዶ ገሌዳ። ሄ ቱራይ ማራ የሌዳ፤ ሀይꬃካ ከሴዳ።
EZE 17:7 “ ‘ “ሄዋዳንካ፥ ጮራ ቀፈቱነ ዎልቃማ ዎልቃማ ባለቱ ደእያ ሀራ እት አርጋንꬃይ ደኤ። ሃꬃ ደማና ጊደ፥ ሄ ቱራይ ባረ ቶከቴዳ ሳፐ ሄ አርጋንꬃይ ደኢያሳኮ፥ ባረ ጻጱዋነ ባረ ዳሻ የዴዳ።
EZE 17:8 ሽን ኮይሮ አርጋንꬃይ ቶከቴዳዌ አጫናዉ፥ አይፋናዉነ ሎይꬅ ሎኦ ዎይንያ ግዳናዉ ዳንዳይያሳን፥ ቱኤ ቢታን፥ ዳሮ ሃꬃይ ደኢያሳና” ያጌ’ ያጋ።
EZE 17:9 “ኡንቱንቶ ኔን ሀዋዳን ያጋ፤ ‘ኡባ ሞድያ መꬍና ጎዳይ ሀዋዳን ያጌ፤ “ሄ ቱራይ ድጫኔ? ኮይሮ አ ቶኬዳ አርጋንꬃይ አ ሾደኔ? አ አይፈቱዋ ቆቆፊደ፥ አ እርጻ ሀይꬃቱዋ መልሰኔ? አ ሄ ሳኣፐ ጻጱዋና ፑደ ሾዳናዉ ዎልቃማ ዎልቃ፥ ዎይ ዳሮ አሳ ኮሸና።
EZE 17:10 አ ሾዲደ፥ ሀራ ሳኣን ቶክንቶ፥ እ ድጫኔ? አዋይ ዶልያ ባጋ ባዞ ጫርኩ ሾጭና፥ ባረ ቶከቴዳሳን ኡባና መለኔ?” ያጌ’ ያጋ” ያጊደ ዬዳ።
EZE 17:11 ሄዋፐ ጉይያን፥ መꬍና ጎዳ ቃላይ ታኮ ሀዋዳን ያጊደ ዬዳ፤
EZE 17:12 “ሀ ማካላንቻ አሳዉ ሀዋዳን ያጋ፤ ‘ሄ ሌምሱዋ ብለꬃይ አየንቶ ኤርክቴ? ሄዌ አዬ ጎፐ፥ ባብሎነ ካቲ የሩሳላመ ዪደ፥ ኡንቱንቱ ካትያነ ኡንቱንቱ ካፖቱዋ ኦሞዲደ፥ ባብሎነ አፌዳ።
EZE 17:13 ቃይ ካትያ ጎልያ አሳፐካ እቱዋ አኪደ፥ አናና እትፐ ጫቂደ ጫቀቴዳ፤ ያቲደ አሳ ግዶን ኤረቴዳዋንታ ኦሞዲደ አፌዳ።
EZE 17:14 ሄዋ ኦꬄዳዌ ኡንቱንቱ ካዉተꬃይ ዎልቃ ꬋዪደ፥ ላኤንꬆ ደንደናዳን፥ ባረንቱ ጫቁዋ ጻላላ ናጊደ ደአናዳና።
EZE 17:15 ሽን ይሁዳ ካቲ ማካል ደንዲደ፥ ፓራቱዋነ ዳሮ ኦላንቻቱዋ የዳናዳን፥ ግብጼ ኪቴዳ። አዉ ሄዌ ሀናንዴሻ? ሀዋ ማላባ ኦꬄዳዌ እ ባረዉ ከስ አካንዴ? ቃይ ጫቁዋ አꬊደ፥ እ ባረዉ ከስ አካንዴ?
EZE 17:16 “ ‘ታን ኡባ ሞድያ መꬍና ጎዳይ ታ ደኡዋን ጫቃይ: ባረና ካተዬዳ ካትያና ማየቴዳ ቃላ ድራዉነ ጫቁዋ ካꬌዳ ድራዉ፥ ሄ ካትያ ቢታን፥ ባብሎነን እ ሀይቃና።
EZE 17:17 ባብሎነ ኦላንቻቱ ዳሮ አሳ ዎꬋናዉ ግምቢያ ማታን ቢታ ድድቂደ ጊግሶፐነ ድሮፐካ፥ ግብጼ ካቲ ባረ ኦላንቻቱዋናነ ባረ ዳሮ አሳና ዪናካ፥ አይነ ማደና።
EZE 17:18 እ ጫቁዋ ካꬌዳ፤ ጫቁዋ መንꬄዳ። እ ባረ ኩሽያካ እሚደ፥ ባረ ጌዳዋ ፖልቤና። ሄዋ ድራዉ፥ አዉ ከስ አክያ ሳአይ ባዋ።
EZE 17:19 “ ‘ሄዋ ድራዉ፥ ታን ኡባ ሞድያ መꬍና ጎዳይ ታ ደኡዋን ጫቃይ፤ እ ካꬌዳ ታ ጫቁዋነ እ መንꬄዳ ታ ጫቁዋ ታን አ ሁጲያ ቦላ ዛራደ አሀና።
EZE 17:20 ታን ታ ጲርያ አ ቦላ የጋና፥ እ ታ ጲርያን ኦይቀታና። እ ታዉ አማነተናን እጼዳ ድራዉ፥ ታን አ ባብሎነ አፋደ፥ ሄዋን አ ቦላ ፕርዳና።
EZE 17:21 ዶረቴዳ አ ኦላንቻቱ ኡባይ ማሻን ሀይቃና፤ ፓጻ አቴዳዋንቱ ዱማ ዱማ ሳኣ ላለታና። ሄ ዎደ ሀዋ ሃሳዬዳዌ ታና መꬍና ጎዳ ግድያዋ ህንተ ኤራና።
EZE 17:22 “ ‘ኡባ ሞድያ መꬍና ጎዳይ ሀዋዳን ያጌ፤ “ታን ታ ሁጲያዉ አዱሳ ዝጋ ጼራ ልጩዋፐ ጹንቃ አካደ፥ ꬎቃነ አዱሳ ደርያ ሁጲያን ቶካና።
EZE 17:23 ታን አ እስራኤልያ ደርያ ሁጲያን ቶካና፤ ሄዋን ማራ የሊደ፥ አይፍያካ አይፋናነ ሎኦ ዝጋ ግዳናዋ። ካፎ ዛሪ ኡባይ አን ኬጻና፤ ኡንቱንቱ አ ቃንካ ኩዋን ሸምፓና።
EZE 17:24 ꬎቃ ምꬃ ዝቂ ኦꬅያዌ፥ ዝቃ ምꬃ ꬎቁ ኦꬅያዌ፥ እርጻ ምꬃ መልስያዌነ መላ ምꬃካ አጭስያዌ፥ ታን መꬍና ጎዳ ግድያዋ ባዞ ምꬃ ኡባይ ኤራና። ታን መꬍና ጎዳይ ሀዋ ኦዳድ፤ ታን ኦዴዳዋ ታንካ ኦꬃና” ያጌ’ ያጋ” ያጊደ ዬዳ።
EZE 18:1 መꬍና ጎዳ ቃላይ ታኮ ሀዋዳን ያጊደ ዬዳ፤
EZE 18:2 “እስራኤልያ ቢታባ ህንተ፥ ‘አዎቱ ጋምኤ ዎይንያ ሚና፥ ናናቱዋ አቻይ ዝልኤዳ’ ጊደ ህንተ ሌምስያዌ አዬ?
EZE 18:3 ታን ኡባ ሞድያ መꬍና ጎዳይ ታ ደኡዋን ጫቃይ: ሀዋፐ ስንꬃዉ ህንተ እስራኤልያ ቢታን ሀ ሌምሱዋ ሌምስክታ።
EZE 18:4 አሳ ኡባ ሸምፑ ታዋ፤ አዉዋ ሸምፑካ ናኣ ሸምፑካ ታዋ። ናጋራ ኦꬅያ ሸምፑ እ ባረዉ ሀይቃና።
EZE 18:5 “እት አሳይ ጽሎ ግዶፐ፥ ቱሙ ፕርዳነ ሱረተꬃ ኦꬆፐ፥
EZE 18:6 እ ደርያ ቦላ ደእያ ኤቃዉ ጎይንያ ሳአቱዋን ማና ꬋዮፐ፥ እ እስራኤልያ አሳ ኤቃዉ ጎይናና ꬋዮፐ፥ ባረ ሾሩዋ ማጫ አሳ ቱንሳና ꬋዮፐ፥ ቃይ ፒላይ ዬዳ ማጫሳና ግሳና ꬋዮፐ፥
EZE 18:7 ኦናነ ኡቁናና ꬋዮፐ፥ አጮ ኦይቄዳዋ ጉየ ዛሮፐ፥ እት ኡራነ ቦንቃና ꬋዮፐ፥ ባረዉ ደእያዋፐ ኮሻቴዳ አሳ ምዞፐ፥ ካሎቴዳዋ ማይዞፐ፥
EZE 18:8 እ ዎꬍያ አካናዉ ድቻዉ ታልአና ꬋዮፐ፥ ባረ ኩሽያ ባላፐ ሺሽ አኮፐ፥ አሳ ግዶን ቱሙዋ ፕርዶፐ፥
EZE 18:9 ታ ህግያን ሄመቶፐ፥ ታ ዎጋካ አማነቲደ ናጎፐ፥ ያቶፐ፥ እ ጽሎ አሳ፥ እ ቱሙ ፓጻ ደአና። ታን ኡባ ሞድያ መꬍና ጎዳይ ሀዋ ኦዳይ።
EZE 18:10 “ሀ ብታንያዉ ሸምፑዋ ዎꬍያ፥ ዎይ ሀዋፐ ካሊደ ደእያዋንቱፐ ሀቃዋ ግድናካ ኦꬅያ እት ኢታ ናአይ ደኦፐ፥
EZE 18:11 ባረ አዉ ኦꬅቤናዋ ኡባባ ኦꬄ። እ ደርያ ቦላ ደእያ ኤቃዉ ጎይንያ ሳአቱዋን ሜ፤ እ ባረ ሾሩዋ ማጫ አሳ ቱንሴ፤
EZE 18:12 እ ህዬሳነ ማንቁዋ ኡቁኔ፤ እ አሳባ ቦንቄ፤ አጮ ኦይቄዳዋ ዛረና፤ ኤቃዉካ ጎይኔ፤ ቱናባካ ኦꬄ፤
EZE 18:13 እ ድቻዉ ታልኢደ፥ ዎꬍያ አኬ። ሄዋ ማላ አሳይ ፓጻ ደአኔ? ቱይት፥ እ ፓጻ ደኤና! እ ሄዋ ማላ ቱናባ ኦꬄዳ ድራዉ፥ እ ቱማ ሀይቃና፤ አ ሱꬃ አጩካ አ ቦላና ግዳናዋ።
EZE 18:14 “ሀ ኢታ ብታንያዉ ናአይ ደኦፐ ሄ ናአይ ባረ አዉ ኦꬅያ ሀ ናጋራ ኡባ በኢደ፥ እ ሄዋ ማላባ ኦꬃና ꬋዮፐ፥
EZE 18:15 እ ደርያ ቦላ ኤቃዉ ጎይንያ ሳአቱዋን ማና ꬋዮፐ፥ እስራኤልያ አሳ ኤቃዉ ጎይናና ꬋዮፐ፥ እ ባረ ሾሩዋ ማጫ አሳ ቱንሳና ꬋዮፐ፥
EZE 18:16 እ ኦናነ ኡቁናና ꬋዮፐ፥ አጮ ኦይቄዳዋ ጉየ ዛሮፐ፥ እ አሳዋ ቦንቃና ꬋዮፐ፥ ባረዉ ደእያዋፐ ኮሻቴዳዋንታ ምዞፐ፥ ካሎቴዳዋንታካ ማይዞፐ፥
EZE 18:17 እ ባላፐ ኩሽያ ሺሽ አኮፐ፥ ዎꬍያ አካናዉ ድቻዉ ታልአና ꬋዮፐ፥ እ ታ ህግያ ናጎፐ፥ ታ ዎጋንካ ሀመቶፐ፥ ያቶፐ፥ እ ፓጻ ደአናፐ አትና፥ ባረ አዉዋ ናጋራን ሀይቀና።
EZE 18:18 ሽን አ አዉ አሳ ማታ ቦንችቤና ድራዉ፥ ባረ እሻቱዋካ ዎልቃን ቦንቄዳ ድራዉነ ባረ አሳ ግዶን ኢታ ኦꬄዳ ድራዉ፥ ባረ ናጋራን ሀይቃና።
EZE 18:19 “ሽን ህንተ፥ ‘ናአይ ባረ አዉዋ ናጋራን አያዉ ሙረተኔ ያጊታ። ናአይ ቱሙ ፕርዳነ ሱረተꬃ ኦꬂደ፥ ታ ህግያ ምንሲደ ናጎፐ፥ እ ቱሙ ፓጻ ደአና።
EZE 18:20 ናጋራ ኦꬅያ ሸምፑ እ ባረዉ ሀይቃና። ናአይ አዉዋ ናጋራን ሙረተና፤ ሄዋዳንካ፥ አዉ ናኣ ናጋራን ሙረታና። ጽሎ አሳ ጽሎተꬃይ ሄ አዉዋሳ ግዳናዋ፤ ኢታ አሳ ኢታተꬃይካ ሄ አዉዋሳ ግዳናዋ።
EZE 18:21 “ ‘ሽን ናጋራንቻይ ባረ ኦꬄዳ ናጋራ ኡባፐ ስሚደ፥ ታ አዛዙዋ ናጎፐነ ቱሙ ፕርዳነ ሱረተꬃ ኦꬆፐ፥ እ ቱሙ ፓጻ ደአናፐ አትና ሀይቀና።
EZE 18:22 እ ኦꬄዳ ናጋራፐ እቱነ ቆፈተና። ባረ ኦꬄዳ ጽሎ ኦሱዋ ድራዉ፥ እ ፓጻ ደአና።
EZE 18:23 ናጋራንቻይ ባረ ኦግያፐ ስሚደ፥ ፓጻ ደእያዋን ናሸታይፐ አትና፥ ታን ኡባ ሞድያ መꬍና ጎዳይ አ ሀይቁዋን ናሸትከ።
EZE 18:24 “ ‘ሽን ጽሎ አሳይ ባረ ጽሎተꬃፐ ጉየ ስሚደ፥ ናጋራንቻ አሳይ ኦꬅያ ናጋራነ ቱና ኦሱዋ ኦꬆፐ፥ እ ፓጻ ደአኔ? ቱይት፥ እ ኦꬄዳ ጽሎ ኦሱዋፐ እቱነ ቆፈተና፤ እ አማነተናን እጼዳ ድራዉነ እ ኦꬄዳ ናጋራ ኡባ ድራዉ፥ እ ሀይቃና።
EZE 18:25 “ ‘ሽን ህንተ፥ ጾሳ ኦጊ ሱረ ግደና’ ያጊታ። ህንተኖ፥ እስራኤልያ አሳቶ፥ ሀእ ስስተ! ሱረ ግደናዌ ታ ኦጌ? ሱረ ግደናዌ ህንተ ኦግያ ግደኔ?
EZE 18:26 ጽሎ አሳይ ባረ ጽሎተꬃፐ ጉየ ስሚደ፥ ናጋራ ኦꬅያ ዎደ፥ ባረ ናጋራን ሀይቄ። እ ባረ ኦꬄዳ ናጋራ ድራዉ ደኡዋን ደኤና።
EZE 18:27 ሽን ኢታ አሳይ ባረ ኢታተꬃፐ ጉየ ስሚደ፥ ቱሙ ፕርዳነ ሱረተꬃ ኦꬅያ ዎደ፥ እ ባረ ሸምፑዋ አሻና።
EZE 18:28 እ ባረ ኦꬄዳ ናጋራ ኡባ አኬኪደ ስሜዳ ድራዉ፥ እ ቱሙ ፓጻ ደአናፐ አትና ሀይቀና።
EZE 18:29 ሽን እስራኤልያ አሳቱ፥ ጾሳ ኦጊ ሱረ ግደና ያጌድኖ። ህንተኖ፥ እስራኤልያ አሳቶ፥ ሱረ ግደናዌ ታ ኦጌ? ሱረ ግደናዌ ህንተ ኦግያ ግደኔ?
EZE 18:30 “ሄዋ ድራዉ፥ ህንተኖ፥ እስራኤልያ አሳቶ፥ ታን ህንተና ኡባካ ህንተ ኦግያዳን ኦግያዳን ፕርዳና። ናጋራይ ህንተ ꬋዮ ጋሶ ግደናዳን ፓጽተ፤ ህንተ ባይዙዋ ኡባፐካ ስምተ። ታን ኡባ ሞድያ መꬍና ጎዳይ ሀዋ ኦዳይ።
EZE 18:31 ህንተ ናቄዳ ናቁዋ ኡባ ህንተፐ ሃሲደ፥ ኦራꬃ ዎዛናነ ኦራꬃ አያና አክተ። ህንተኖ እስራኤልያ አሳቶ፥ አያዉ ሀይቂቴ?
EZE 18:32 ታን እት አሳ ሀይቁዋንነ ናሸትከ። ሄዋ ድራዉ፥ ህንተ ናጋራ ፓጽ ስሚደ፥ ፓጻ ደእተ! ታን ኡባ ሞድያ መꬍና ጎዳይ ሀዋ ኦዳይ” ያጌዳ።
EZE 19:1 ጾሳይ ህዝቄላ፥ “እስራኤልያ ካፓቶ ሀዋዳን ያጋደ ዝላላ፤
EZE 19:2 “ህንተ አታ ጋሞቱዋ ግዶን፥ እዛ አይባ ጋማቲ! ያላጋ ጋሞቱዋ ግዶን ግሳደ፥ ባረ ማራቱዋ ድቻዱ።
EZE 19:3 እዛ ባረ ማራቱዋፐ እቱዋ ድችና፥ ዎዳላ ጋሙዋ ከሴዳ። እ ሻንካ ታማሪደ፥ አሳ ሜዳ።
EZE 19:4 ካዉተꬃቱ ኡባይ አባ ስሲደ፥ ኦላን ገሊደ ኦይቀቴዳ። ኡንቱንቱ አ ማጋን ጎቺደ፥ ግብጼ ቢታ አፌድኖ።
EZE 19:5 “አ አታ ናጎዌ ፖለተናን እጽና፥ ህዶታይ ꬋዬዳዋ በኣደ፥ ባረ ማራቱዋፐ ላኤንꬁዋ ድቻደ፥ ዎዳላ ጋሙዋ ከሳዱ።
EZE 19:6 እ ዎዳላ ጋሙዋ ግዲደ፥ ሀራ ጋሞቱዋ ግዶን፥ ያነ ሃነ ስመረቴዳ። እ ሻንካ ታማሪደ፥ አሳ ሜዳ።
EZE 19:7 እ ኡንቱንቱ ዎልቃማ ጌሱዋ መንሬꬂደ፥ ካታማካ ባይዜዳ። ቢታይነ ቢታን ደእያ አሳይ ኡባይ፥ አ ጉደꬃን ሻቢረቴዳ።
EZE 19:8 ዩሹዋን ደእያ ካዉተꬃቱ ኡባይ፥ አ ኦይቃናዉ ጲርያ የጌድኖ። ባረንቱ ግትያካ ምጬድኖ፤ ባረንቱ ኦላን አ ኦይቄድኖ።
EZE 19:9 ኡንቱንቱ ባረንቱ ማጋን አ ጎቺደ፥ ኮꬃዳን ጊጌዳ ጉꬃ ጎልያን የጊደ፥ ባብሎነ ካትያኮ አፌድኖ። ላኤንꬆ አ ጉደꬃይ እስራኤልያ ደረቱዋን ስሰተናዳን፥ ኡንቱንቱ አ ቃሾ ጎልያ ገልሴድኖ።
EZE 19:10 “ ‘ነ አታ ሃꬃ ዶናን፥ ቶከቴዳ ዎይንያ ቱራ ማላ። ዳሮ ሃꬃይ ደእያ ድራዉ፥ ሄ ዎይንያ ቱራይ አይፍያ ዳርጻጽ ኡቴዳ፤ ቃይ ዳሮ ዳሻና ደኤ።
EZE 19:11 አ ማራቱዋፐ ምንያዌ፥ ሞድያዋንቱ ጻምኣ ግዴዳ። አ ማራይ ዎልቃማ ማራቱዋፐ አዱቂደ፥ ቦላዉ አꬌዳ። ባረ ማራቱዋ ጮራተꬃንነ ꬎቃተꬃን ቦላና ቤቴዳ።
EZE 19:12 ሽን ሄ ቱራይ ሀንቁዋን ሾደቲደ፥ ቢታን ኦለቴዳ። አዋይ ዶልያ ጫርኩ አ አይፍያ መልስና ቆቆፈቴዳ፤ አ ምኖ ታሺ መልና፥ ታማይ ሜዳ።
EZE 19:13 ሀእ ቃይ እ ሃꬅ ባይና፥ መላ ቢታን ቶከቴዳ።
EZE 19:14 ታማይ አ ማራቱዋፐ እቱዋ ኦይቂደ፥ አ አይፍያናካ ድፕ ኦꬂደ ሜዳ። ያትና፥ ካዉተꬃ ጻምኣ ግድያ፥ አይ ምኖ ማራይካ አ ቦላን አትቤና። “ ‘ሀዌ ዬኩዋ ዝላሳ፤ ሀዋ ዝላሳዳን ጎኤታናዉ በሴ’ ያጋ” ያጌዳ።
EZE 20:1 ኑን ኦሞደቴዳ ላፑንꬃ ላይꬃን፥ እቼሻንꬃ አግናን፥ ታማንꬃ ጋላሳን፥ እስራኤልያ ጭማቱዋፐ አማሬዳዋንቱ መꬍና ጎዳ ኦቻናዉ ዪደ፥ ታ ስንꬃን ኡቴድኖ።
EZE 20:2 ያትና፥ መꬍና ጎዳ ቃላይ ታኮ ሀዋዳን ያጊደ ዬዳ፤
EZE 20:3 “ላ አሳ ናአዉ፥ እስራኤልያ ጭማቶ ሀዋዳን ያጋደ ኦዳ፤ ‘ኡባ ሞድያ መꬍና ጎዳይ ሀዋዳን ያጌ፤ “ህንተ ዬዳዌ ታና ኦቻናሴ? ታን ኡባ ሞድያ መꬍና ጎዳይ ታ ደኡዋን ጫቃይ: ታን ህንተናን ኦሸትከ” ያጌ’ ያጋ።
EZE 20:4 “ኡንቱንቱ ቦላ ፕርዲቴ? ላ አሳ ናአዉ፥ ቱሙ ኡንቱንቱ ቦላ ፕርዲቴ? ሄዋ ግዶፐ፥ ኡንቱንቱ ማይዛ አዎቱዋ ቱና ኦሱዋ ኡንቱንታ ኤርሳ።
EZE 20:5 ኡንቱንቶ ሀዋዳን ያጋ፤ ‘ኡባ ሞድያ መꬍና ጎዳይ ሀዋዳን ያጌ፤ “ታን እስራኤልያ ዶሬዳ ዎደ ታ ኩሽያ ደንꬃደ ጫቃድ፥ ያቆባ ዛረቶ ግብጼን ደእሺና፥ ታናተꬃ ኤርሳደ፥ ታ ኩሽያካ ደንꬃደ ጫቃደ፥ ታን መꬍና ጎዳ ህንተ ጾሳ” ጋደ ኦዳድ።
EZE 20:6 ታን ህንተና ግብጼፐ ከሳደ፥ ህንተዉ ዶሬዳ ቢታ፥ ማꬃይነ ኤሳይ ጎግያ ቢታ፥ ቢታ ኡባፐ አꬌዳ ሎኦ ቢታ አሀና ጋደ ጫቃድ።
EZE 20:7 ቃይ ታን ኡንቱንታ፤ “ህንተፐ እቱ እቱ ባረ ሲቅያ ቱና ኤቃቱዋ ድጎ፤ ግብጼ ኤቃቱዋን ቱኖፕተ። ታን መꬍና ጎዳ ህንተ ጾሳ” ያጋድ።
EZE 20:8 “ ‘ሽን ኡንቱንቱ ታዉ ማካሊደ፥ ታ ኦድያዋ ስሰናን እጼድኖ። ኡንቱንቱ ባረንቱ አሞቴዳ ቱና ኤቃቱዋ ድግበይክኖ፤ ግብጼ ኤቃዉካ ጎይንያዋ አግበይክኖ። ሄዋ ድራዉ፥ ኡንቱንቱ ግብጼን ደእሺና፥ ታ ሀንቁዋ ኡንቱንቱ ቦላ ጉሳናዉ፥ ታ ይሉዋካ ኡንቱንቱ ቦላ ዉርሳናዉ ቆፓድ።
EZE 20:9 ሽን ኡንቱንቱ ደእያ ካዉተꬃቱዋ ግዶንነ እስራኤልያ አሳ ግብጼፐ ከስያዋን፥ ታን ታናተꬃ ኤርሴዳ አሳ ስንꬃን ታ ሱንꬃይ ቱነናዳን ኦꬃድ።
EZE 20:10 ሄዋ ድራዉ፥ ታን ኡንቱንታ ግብጼፐ ከሳደ፥ መላ ቢታ አሃድ።
EZE 20:11 አዛዘትያ ኡባዉ ደኡዋ እምያ ታ ዎጋ ታን ኡንቱንቶ እማድ፤ ታ ህግያካ ኡንቱንቱ ታማርሳድ።
EZE 20:12 ቃይ ኡንቱንታ ጌሽያዌ ታና መꬍና ጎዳ ግድያዋ ኡንቱንቱ ኤራና ማላ፥ ታን ታ ሳምባታ ታፐነ ኡንቱንቱፐ ግዱዋን ማላ ኦꬃደ እማድ።
EZE 20:13 “ ‘ሽን እስራኤልያ አሳይ ሀ መላ ቢታንካ ታ ቦላን ማካሌድኖ። አዛዘቴዳ ኡባዉ ደኡዋ እምያ ታ ዎጋዳን ሀመትበይክኖ፤ ታ ህግያካ መንꬄድኖ፤ ታ ሳምባታካ ዳሮ ቱንሴድኖ። ያትና፥ ታን መላ ቢታን ታ ሀንቁዋ ኡንቱንቱ ቦላ ጉሳደ፥ ኡንቱንታ ዉርሳናዉ ቆፓድ።
EZE 20:14 ሽን ታን ኡንቱንታ ግብጼፐ ከስያዎ በኤዳ ካዉተꬃቱዋ ስንꬃን ታ ሱንꬃይ ቱነናዳን፥ ኡንቱንታ ꬋይሳበይከ።
EZE 20:15 ቃይ ኡንቱንቶ እሜዳ ቢታ፥ ማꬃይነ ኤሳይ ጎግያ ቢታ፥ ቢታ ኡባፐ ሎእያ ቢታ ኡንቱንታ ገልሰናዳን መላ ቢታን ደእሽን ጫቃድ።
EZE 20:16 አያዉ ጎፐ፥ ኡንቱንቱ ኤቃዉ ጎይኒደ፥ ታ ህግያ እጼዳ ድራሳ፥ ታ ዎጋዳን ሀመትቤና ድራሳነ ታ ሳምባታካ ቱንሴዳ ድራሳ።
EZE 20:17 ግዶፐነ፥ ታን ኡንቱንቶ ቃረቴዳ ድራዉ፥ መላ ቢታን ኡንቱንታ ዉርሳ ꬋይሳበይከ።
EZE 20:18 “ ‘ኡንቱንቱ መላ ቢታን ደእሺና፥ ታን ኡንቱንቱ ናናቱዋ ሀዋዳን ያጋድ፤ “ህንተ አዎቱዋ ዎጋዳን ሀመቶፕተ፤ ኡንቱንቱ ህግያካ ናጎፕተ፤ ዎይ ኡንቱንቱ ኤቃቱዋን ቱኖፕተ።
EZE 20:19 ታን መꬍና ጎዳ ህንተ ጾሳ። ታ ዎጋዳን ሀመትተ፤ ታ ህግያካ ናግተ።
EZE 20:20 ታፐነ ህንተፐ ግዱዋን ማላ ግዳና ማላነ ታን መꬍና ጎዳ ህንተ ጾሳ ግድያዋ ህንተ ኤራና ማላ፥ ሳምባታ ሀራ ጋላሳፐ ዱማይተ” ያጋድ።
EZE 20:21 “ ‘ሽን ሄ ናናቱካ ታ ቦላን ማካሌድኖ፤ አዛዘትያ አሳ ኡባዉ ደኡዋ እምያ ታ ዎጋዳን ሀመትበይክኖ፤ ታ ህግያካ ኡንቱንቱ ናግበይክኖ፤ ታ ሳምባታካ ቱንሴድኖ። ያትና፥ ታን መላ ቢታን ታ ሀንቁዋ ኡንቱንቱ ቦላ ጉሳናዉ፥ ታ ይሉዋካ ኡንቱንቱ ቦላ ዉርሳናዉ ኮያድ።
EZE 20:22 ሽን ታን ታ ኩሽያ ሺሻ አካድ። ታን ኡንቱንታ ግብጼፐ ከስያዋ በኤዳ ካዉተꬃቱዋ ስንꬃን ታ ሱንꬃይ ቱነናዳን፥ ኡንቱንታ ꬋይሳበይከ።
EZE 20:23 ቃይ ኡንቱንታ ሀራ ካዉተꬃቶነ ሀራ ቢታቶ ላላናዉ መላ ቢታን ጫቃድ።
EZE 20:24 አያዉ ጎፐ፥ ኡንቱንቱ ታ ዎጋዉ አዛዘተናን እጼድኖ፤ ታ ህግያካ መንꬄድኖ፤ ታ ሳምባታ ቱንሴድኖነ ባረንቱ አዎቱዋ ኤቃ አሞቴድኖ።
EZE 20:25 ሄዋዳንካ፥ ቃይ ኡንቱንቶ ሎኦ ግደና ዎጋቱዋነ ደኡዋ እመና ህገቱዋ እማድ።
EZE 20:26 ኡንቱንቱ ባረንቱ ያርሹዋን ቱናናዳን፥ ባረንቱ ባይራ ናናቱዋ ያርሻናዳን፥ ታን ኡንቱንታ የዳ በሳድ። ታን ሄዋ ኦꬄዳዌ ኡንቱንታ ዳጋንꬃናሳነ ታን መꬍና ጎዳ ግድያዋ ኡንቱንታ ኤርሳናሳ ያጌ’ ያጋ።
EZE 20:27 “ሄዋ ድራዉ፥ አሳ ናአዉ፥ እስራኤልያ አሳዉ ሀዋዳን ያጋደ ኦዳ፤ ‘ኡባ ሞድያ መꬍና ጎዳይ ሀዋዳን ያጌ፤ ህንተ አዎቱካ ታናን አማነተናን እጺደ፥ ሄ የዎቱዋን ታና ቦሬድኖ።
EZE 20:28 ኡንቱንቶ እማናዉ ታ ኩሽያ ደንꬃ ጫቄዳ ቢታ ኡንቱንታ አሄዳ ዎደ፥ ኡንቱንቱካ ꬎቃ ደርያ ኡባነ እርጻ ምꬃ ኡባ በኤድኖ። ኡንቱንቱን ኡባን ባረንቱ ያርሹዋ ያርሼድኖ። ባረንቱ ጩዋይያ እጻናንነ ባረንቱ ጉስያ ኡሻ ያርሹዋን ታና ሀንቀꬄድኖ።
EZE 20:29 ያትና፥ ታን ኡንቱንታ፥ ሀዌ ህንተ ብያ ꬎቃ ሳአይ አዬ? ያጋደ ኦቻድ። ሀች ጋካናዉ ሄ ሳአይ ባማ ጌተቴ፤ ሄዋ ጉሳይካ ጎይንያ ꬎቃ ሳኣ ጉሳ’ ” ያጌ ያጋ።
EZE 20:30 ሄዋ ድራዉ፥ እስራኤልያ አሳዉ ሀዋዳን ያጋደ ኦዳ፤ “ኡባ ሞድያ ጾሳይ ሀዋዳን ያጌ፤ ‘ህንተ ማይዛ አዎቱ ኦꬄዳ ናጋራ ኡባ ኦꬂደ፥ አያዉ ህንተና ቱንሲቴ? ኡንቱንቱ ቱና ኤቃ ጎይናናዉ አሞቲደ አያዉ ካሊቴ?
EZE 20:31 ሀችካ ሄዋ ማላ እሙዋ ሺሽያ ዎደነ ህንተ አቱማ ናናቱዋ ታማን ጹጊደ ያርሽያ ዎደ፥ ህንተ ኤቃን ኡባን ህንተና ቱንሲታ። ህንተኖ፥ እስራኤልያ አሳቶ፥ ታን ህንተናን ኦሸቶ? ታን ኡባ ሞድያ መꬍና ጎዳይ ታ ደኡዋን ጫቃይ: ታን ህንተናን ኦሸትከ።
EZE 20:32 ህንተ፥ “ኑን ምꬃዉነ ሹቻዉ ጎይንያ ሀራ ካዉተꬃቱዋ ማላነ ጾሳ አማነና አሳ ማላ ግዳና” ያጊደ ቆፒታ። ሽን ህንተ ቆፋይ ኡባካ ሀነና።
EZE 20:33 “ ‘ታን ኡባ ሞድያ መꬍና ጎዳይ ታ ደኡዋን ጫቃይ: ታን ታ ምኖ ቀስያን፥ ታ ሙራናዉ ደንꬄዳ ኩሽያንነ ታ ጉሴዳ ሀንቁዋን ህንተ ቦላ ካተታና።
EZE 20:34 ካዉተꬃቱዋ ግዶፐ ታን ህንተና ከሳና፤ ህንተ ላለቴዳ ቢታ ኡባፐ ታ ምኖ ቀስያን፥ ታ ምጨቴዳ ኩሽያንነ ታ ጉሴዳ ሀንቁዋን ታን ህንተና ሺሻና።
EZE 20:35 ታን ህንተና ካዉተꬃቱዋ መላ ቢታ ግያ ባዙዋ አሀና፤ ህንተና ታ ስንꬃን ኤሳደ፥ ህንተ ቦላ ፕርዳና።
EZE 20:36 ግብጼ ቢታ ባዙዋን ህንተ ማይዛ አዎቱዋ ቦላ ፕርዴዳዋዳን፥ ሄዋዳንካ ህንተ ቦላ ፕርዳና። ታን ኡባ ሞድያ መꬍና ጎዳይ ሀዋ ኦዳይ።
EZE 20:37 ታን ህንተና ታ ካዉተꬃ ጻምኣ ጋርሳን ዎꬃና፤ ታ ጫቁዋ ህንተ ናጋናዳን፥ ታን ህንተና ኦꬃና።
EZE 20:38 ማካላንቻቱዋነ ናጋራንቻቱዋ ታን ህንተ ግዶፐ ድጋና፤ ሀእ ኡንቱንቱ ደእያ እማꬃተꬃ ቢታፐ ታን ኡንቱንታ ከሳና፤ ሽን ኡንቱንቱ እስራኤልያ ቢታ ገለናዳን ድጋና። ሄ ዎደ ታን መꬍና ጎዳ ግድያዋ ህንተ ሄዋን ኤራና’ ያጌ።
EZE 20:39 “ኡባ ሞድያ መꬍና ጎዳይ ሀዋዳን ያጌ፤ ‘ህንተኖ፥ እስራኤልያ አሳቶ፥ ህንተ ሀእ ታን ኦድያዋ ስሰናን እጾፐ፥ ቢደ ኡባይካ ህንተ ኤቃዉ ጎይንተ። ሽን ሄዋፐ ጉይያን፥ ህንተ እሙዋንነ ህንተ ኤቃን ታ ጌሻ ሱንꬃ ቱንስክታ።
EZE 20:40 ታ ጌሻ ደርያን፥ ꬎቁ ጌዳ እስራኤልያ ደርያ ቦላን ህንተ እስራኤልያ አሳይ ኩመንꬃይ ታዉ፥ ኡባ ሞድያ መꬍና ጎዳዉ ሄ ቢታን ጎይናና። ታንካ ህንተና ሞካ አካና፤ ህንተ ያርሹዋ፥ ህንተ ዶረቴዳ እሙዋነ ህንተ ጌሻ እሙዋ ታን ህንተፐ ኮያይ።
EZE 20:41 ህንተ ላለቴዳ ካዉተꬃቱዋ ግዶፐ ታን ህንተና አህያ ዎደነ ሀራ ቢታቱዋፐ ታን ህንተና ሺሽያ ዎደ፥ ሳዉዋ ቶሹኩ ግያ ያርሹዋ አክያዋዳን፥ ታን ህንተና አካና። ካዉተꬃቱ ጼልሽን፥ ታን ህንተ ግዶን ጌሻ ግድያዋ ኤርሳና።
EZE 20:42 ታን ካሰ ህንተ ማይዛ አዋቶ እማና ጋደ ጫቄዳ እስራኤልያ ቢታ ህንተና ዛራደ አሄዳ ዎደ፥ ታን መꬍና ጎዳ ግድያዋ ህንተ ኤራና።
EZE 20:43 ህንተ ህንተ ኢታ ሀመታነ ህንተ ቱና ኦሱዋ ህንተ ሄ ሳኣን ሀሳያና፤ ህንተ ኦꬄዳ ኢታ ኦሱዋ ኡባ ህንተ ሸነታና።
EZE 20:44 ህንተኖ፥ እስራኤልያ አሳቶ፥ ታን ህንተ ኢታ ሀመታዳንነ ህንተ ቱና ኦሱዋዳን ግደናን፥ ታ ሱንꬃ ድራዉ ታን ኦꬅያ ዎደ፥ ታን ጾሳ ግድያዋ ህንተ ኤራና። ታን ኡባ ሞድያ መꬍና ጎዳይ ሀዋ ኦዳይ ያጌ’ ያጋ” ያጊደ ዬዳ።
EZE 20:45 መꬍና ጎዳ ቃላይ ታኮ ሀዋዳን ያጊደ ዬዳ፤
EZE 20:46 “ላ አሳ ናአዉ፥ ገድሳ ባጋ ስማደ ጼላ፤ ገድሳ ባጋዉ ኦዳ፤ ገድሳ ዎራ ቦላ ትምቢትያ ኦዳ።
EZE 20:47 ገድሳ ዎራዉ ሀዋዳን ያጋ፤ መꬍና ጎዳ ቃላ ስሳ! ኡባ ሞድያ መꬍና ጎዳይ ሀዋዳን ያጌ፤ ‘ታን ነ ግዶን ታማ ኦይꬃና፤ ሄ ታማይ ነ እርጻ ምꬃካ ነ መላ ምꬃካ ኡባ ማና። ሄ ኤጽያ ታማይ ቶኤና፤ ገድሳፐ ቢደ፥ ሁጲሳ ጋካናዉ ደእያ አሳ ሶምኡዋ ኡባ ሄ ላጩ ላባና።
EZE 20:48 ታን መꬍና ጎዳይ ኦይꬄዳ ታማ ግድያዋ አሳይ ኡባይ በአና። ሄ ታማይ ቶኤና ያጌ’ ያጋ” ያጊደ ዬዳ።
EZE 20:49 ታን ዛራደ፥ “ሀእ ኡባ ሞድያ መꬍና ጎዳዉ፥ ሀዋ ታ ኦዳናዉ ታና አዛዞፓ። ኡንቱንቱ ታና፥ ‘እ ኡባቶ ሌምሱዋ ኦዴ ግደኔ?’ ያጊደ ሃሳዪኖ” ያጋድ።
EZE 21:1 መꬍና ጎዳ ቃላይ ታኮ ሀዋዳን ያጊደ ዬዳ፤
EZE 21:2 “ላ አሳ ናአዉ፥ ነ ሶምኡዋ የሩሳላመኮ ዛራደ፥ አሳይ ጎይንያ ሳአቱዋ ቦላ ቃላ ኦዳ፤ እስራኤልያ ቢታ ቦላን ትምቢትያ ኦዳ።
EZE 21:3 ሀዋዳን ያጋ፤ መꬍና ጎዳይ ሀዋዳን ያጌ፤ ‘ታን ነዉ ሞርከ። ታን ታ ማሻ ሾኩዋፐ ሾዳደ፥ ጽሎ አሳነ ኢታ አሳ ኡባ ነ ግዱዋፐ ዉርሳና።
EZE 21:4 ጽሉዋነ ናጋራንቻ ኡባ ꬋይሳናዉ ሁጲሳፐ ገድሳ ጋካናዉ ደእያ አሳ ኡባ ቦላ ታ ማሻ ሾዳና።
EZE 21:5 ሄዋን ታን መꬍና ጎዳይ ታ ማሻ አ ሾኩዋፐ ሾዴዳዋነ ጉየ ዛረናዋ አሳይ ኡባይ ኤራና’ ያጌ” ያጋ።
EZE 21:6 ሄዋ ድራዉ፥ “አሳ ናአዉ፥ አሳይ ኡባይ ጼልሽን፥ ነ ዎዛናይ መእና ኦላ፥ ጫሞ ኡንአን ኦላ።
EZE 21:7 ኡንቱንቱ ኔና፥ ‘አያዉ ኦላይ?’ ጊደ ኦችያ ዎደ፥ ሀዋዳን ያጋ፤ ‘ስንꬃና ይያ ኢታ ኦዶ ኦላይ። ዎዛን ኡባይ ያሻን ሙሻና፤ ኩሽያ ኡባይ አርጋጫና፤ ኡንቱንቱ ጎባተꬃይ ኡባይ ኡንቱንቱፐ ክቻና፤ ጉልባታይ ኡባይካ ኮኮራና። ሄ ዎዲ ጋኬዳ! እ ኤለ ፖለታና! ታን ኡባ ሞድያ መꬍና ጎዳይ ሀዋ ኦዳይ’ ያጋ” ያጊደ ዬዳ።
EZE 21:8 መꬍና ጎዳ ቃላይ ታኮ ሀዋዳን ያጊደ ዬዳ፤
EZE 21:9 “ላ አሳ ናአዉ፥ ሀዋዳን ያጋደ ትምቢትያ ኦዳ፤ ጾሳይ ሀዋዳን ያጌ፤ ‘ማሻ! ሌፈቴዳነ ቁጨቴዳ ማሻ!
EZE 21:10 ሹካናዉ ሌፈቴዳ። ዋልቃንꬃዳን ጶልቁ ጋናዉ ቁጨቴዳ። ታ አሳይ እመቴዳ ሴራነ ሙሩዋ ኡባ እጼዳ ድራዉ፥ ሀዋፐ ጉይያን፥ ኦንነ ናሸተና።
EZE 21:11 ጎኤታናዉ ማሻይ ቁጨቴዳ፤ ሌፈቲደነ ቁጨቲደ፥ ሹክያዎ እመቴዳ።
EZE 21:12 “ ‘ላ አሳ ናአዉ፥ ዬካነ ዝላላ! አያዉ ጎፐ፥ ሄ ማሻይ ጊገቴዳዌ ታ አሳ ቦላናነ እስራኤልያ ካፖቱዋ ኡባ ቦላና። ካፓቱካ ታ አሳና እትፐ ማሻን ሀይቃና። ሄዋ ድራዉ፥ ነ ትራ ባቃ።
EZE 21:13 ታን ታ አሳ ፓጫና፤ ኡንቱንቱ ናጋራ ፓጸናን እጾፐ፥ ሀ መቱ ኡባይ ኡንቱንቱ ቦላ ጋካናዋ። ታን ኡባ ሞድያ መꬍና ጎዳይ ሀዋ ኦዳይ ያጌ ያጋ።
EZE 21:14 “ ‘ሀእካ አሳ ናአዉ፥ ትምቢትያ ኦዳ፤ ነ ኩሽያካ ባቃ። ሄ ዎደ ማሻይ ላኡ ሄዙ ዛሪደ ሾጫና፤ ሄዌካ ዩሹዋ ኡባና ዩዪደ፥ ዳጋንꬅያ፥ ዎꬍያነ ሹክያ ማሻ።
EZE 21:15 ሄዌ ኡንቱንቱ ዎዛናይ ሙሻናዳንነ ኡንቱንቱፐ ዳሮቱ ꬉበታናዳን ኦꬃና። አየ አና! ማሻይ ኡባይ ገልያ ግምቢያ ፐንገቱዋን ዋልቃንꬃዳን ጶልቁ ጌ፤ ሾኩዋፐ ሾደቲደ ሹካናዉ ቁጨቴዳ።
EZE 21:16 ኔኖ፥ ቃራ ማሻዉ፥ ኡሸቻዉነ ሀድርሳዉ፥ ነ ስሜዳ ባጋ ኡባ ቡሳካ።
EZE 21:17 ታንካ ቃይ ታ ኩሽያ ባቃና፤ ታ ሀንቁካ ዶቻና።’ ታን መꬍና ጎዳይ ሀዋ ኦዳድ” ያጊደ ዬዳ።
EZE 21:18 መꬍና ጎዳ ቃላይ ታኮ ሀዋዳን ያጊደ ዬዳ፤
EZE 21:19 “ላ አሳ ናአዉ፥ ባብሎነ ካትያ ማሻይ ይያ ላኡ ኦገቱዋን ማላ ዎꬃ። ላኡ ኦገቱካ እት ቢታፐ ደንዲኖ። ላኡ ኦገቱ ጋከትያ ዳንꬁዋን ካታማኮ አፍያ ሳኣን ማላ ግድያ ቱሳ ኤሳ።
EZE 21:20 እት ኦግያን ደእያ ማላይ ራባ ግያ አሞናቱዋ ካታማ ብያሳ ማሌ፤ ህንኩ ቃይ ይሁዳን ግምበቴዳ የሩሳላመ ካታማ ብያሳ ማሌ።
EZE 21:21 ባብሎነ ካቲ ኦገቱ ጋከትያ ዳንꬁዋን፥ ማላ ቱሳቱዋ ማታን ኤቄ። እ ሀቃ ኦግያ ባነንቶ ኤራናዉ፥ ዎንዳፍያ ማሻቱዋ ሳማ የጋና፤ ባረ ኤቃቱዋና ዞረታና፤ መህያ ማራጭያካ ጼላና።
EZE 21:22 ድርሳ ግምበቱዋ ፐንግያ ላልያ ዱሩማ አሀና ማላ፥ ዎꬋናዉ አዛዙዋ አꬃና ማላ፥ ጬቁዋ ጬቀታና ማላ፥ ድርሳ ግምበቱዋ ፐንግያ ላልያ ዱሩማቱዋ ካታማ ፐንግያን ኤሳና ማላነ ቢታ ኬላና ማላ፥ ግምቢያና ጋꬂደ ሚጻ ጊግሳና ማላ፥ የሩሳላመ ሳማይ አ ኡሸቻ ኩሽያን ዎꬌዳ።
EZE 21:23 የሩሳላመ አሳይ ባብሎነ ካትያና ጫቀቴዳ ድራዉ፥ ሀዌ ባረንቱ ቦላ ጋኬ ጊደ ቆፕበይክኖ። ሽን ባብሎነ ካቲ ኡንቱንታ ኡንቱንቱ ናጋራ ሀሳይሲደ፥ ኦሞዶ አፋና።
EZE 21:24 “ሄዋ ድራዉ፥ ኡባ ሞድያ መꬍና ጎዳይ ሀዋዳን ያጌ፤ ‘ህንተ ናጋራይ ቆንጬዳ፤ ህንተ ባይዛንቻ አሳ ግድያዋ አሳይ ኡባይ ኤሬ፤ ህንተ ኦሱ ህንተ ናጋራንቻ ግድያዋ በሴ። ሄዋ ድራዉ፥ ህንተ ባይዙ ሀሳየታና፤ ህንተካ ህንተ ሞርክያዉ አꬊደ እመታና’ ያጌ።
EZE 21:25 “ኔኖ ኢታነ ቱና ግዴዳ እስራኤልያ ካፖ፥ ነ ዉርሰꬃ ፕርዳ ጋላሳይ ጋኬዳ።
EZE 21:26 ኡባ ሞድያ መꬍና ጎዳይ ሀዋዳን ያጌ፤ ‘ነ ሁጲያፐ ካላቻ ደንꬃ፤ ነ ሁጲያን ጻጼዳዋካ ቃራ። ሀዋፐ ስንꬃናዉ ካሰዋዳን ሀናናዌ ባዋ፤ ዝቂ ጌዳዌ ꬎቁ ጋና፤ ꬎቁ ጌዳዌካ ዝቂ ጋና።
EZE 21:27 ባሻ! ባሻ! ታን ሀ ካታማ ባይዛና! ፕርድያ ማታይ ደእያዌ ያና ጋካናዉ፥ ሀ ካታማይ ላኤንꬆ ኬጸተና። እ ይያ ዎደ ታን አዉ አꬃደ እማና’ ያጌ።
EZE 21:28 “ላ አሳ ናአዉ፥ ሀዋዳን ያጋደ ትምቢትያ ኦዳ፤ ‘እስራኤልያ ቦርያ አሞናቶ ኡባ ሞድያ መꬍና ጎዳይ ሀዋዳን ያጌ፤ “ማሻ! ማሻይ ዎꬋናዉ ሾኩዋፐ ሾደቴዳ፤ ዉርሳናዉነ ዋልቃንꬃዳን ጶልቁ ጋናዉ ቁጨቴዳ።
EZE 21:29 ህንተ በእያ ሳጻይ ዎርዱዋ፤ ህንተ ኦድያ ትምቢቲካ ዎርዱዋ። ህንተ ኢታነ ቱና አሳ፤ ህንተ ዉርሰꬃ ፕርዳ ጋላሳይ ጋኬዳ። ህንተ ቆꬍያን ማሻይ ዎꬋና ሀኔ።
EZE 21:30 ማሻ ሾኩዋን ዛርተ። ህንተ መቴዳ ሳኣን፥ ህንተ የለቴዳ ቢታን ታን ህንተ ቦላ ፕርዳና።
EZE 21:31 ታ ሀንቁዋ ህንተ ቦላ ጉሳና፤ ታ ሀንቁዋ ታማይ ህንተ ቦላ ኤጽ ከሳና። ህንተና ባይዝያዋን ሎሄዳ፥ መቀꬅ ባይና አሳቶ አꬃ እማና።
EZE 21:32 ህንተ ታማዉ ኤꬅያ ምꬃ ግዳና፤ ህንተ ሱꬃይ ህንተ ቢታን ጉካና፤ ህንተ ላኤንꬆ ሀሳየትክታ። ታን መꬍና ጎዳይ ሀዋ ኦዳድ” ያጌ’ ያጋ” ያጊደ ዬዳ።
EZE 22:1 መꬍና ጎዳ ቃላይ ታኮ ሀዋዳን ያጊደ ዬዳ፤
EZE 22:2 “ላ አሳ ናአዉ፥ ሱꬃ ጉስያዋንቱ ኩሜዳ ካታማ ቦላ ፕርዳናዉ ጊጋዲ? ያቶፐ፥ እ ኦꬄዳ ቱና ኦሱዋ ኡባ አዉ ኦዳ።
EZE 22:3 ሀዋዳን ያጋ፤ ‘ኡባ ሞድያ መꬍና ጎዳይ ሀዋዳን ያጌ፤ “ኔን ዳሮ አሳ ሱꬃ ጉሴዳ ድራዉነ ኤቃዉ ጎይንያዋን ኔና ቱንሴዳ ድራዉ፥ ነ ዎዲ ዬዳ።
EZE 22:4 ኔን ጉሴዳ ሱꬃን ባይዛንቻ ግዳዳ፤ ነ መꬌዳ ኤቃንካ ቱናዳ። ያትና፥ ነ ፕርዳ ጋላሳይ ማታቴዳ፤ ነ ዉርሰꬃ ላይꬃይካ ጋኬዳ። ሄዋ ድራዉ፥ ታን ኔና ካዉተꬃቶ ካꬍያዋነ ሀራ ቢታቶካ ቅሊጭያዋ ከሳና።
EZE 22:5 ኔኖ፥ ሱንꬅ ባዬዳነ ሻቢረቴዳ ካታማትዉ፥ ማታንነ ሃኩዋን ደእያዋንቱ ኔና ቅሊጫና።
EZE 22:6 “ ‘ “ነ ግዶን ደእያ እስራኤልያ ካፓቱ ኡባቱ ሱꬃ ጉሳናዉ ባረንቱ ዎልቃ አይ ኬሻ ጎኤትንቶ በአ።
EZE 22:7 ነ ግዶን ደእያዋንቱ ባረንቱ አዉዋነ ባረንቱ አቶ ቦንችክኖ፤ ኡንቱንቱ በተቱዋካ ኡቁኔድኖ፤ አምኤቱዋነ አዉ አታ ባይና ናናቱዋ ናቂኖ።
EZE 22:8 ኡንቱንቱ ታ ጌሻ የዎቱዋ ካꬊኖነ ታ ሳምባታካ ቱንሲኖ።
EZE 22:9 ነ ግዶን ደእያዋንቱፐ እቱ እቱ ሀራቱዋ ዎꬍሳናዉ ዎርዱዋ ኦዲኖ፤ ሀራቱ ደርያ ቦላ ደእያ ኤቃዉ ጎይንያ ሳአቱዋን ሚኖ፤ ቃይ ሀራቱ ኡባባን ቱንያዋንቱ ነ ግዶን ደእኖ።
EZE 22:10 ነ ግዶን ደእያዋንቱፐ እቱ እቱ ባረ አዉዋ ማቻትና ግሲኖ፤ ሀራቱ ቃይ ፒላይ ዬዳ ማጫ ምሽራትና ዎልቃን ጋከቲኖ።
EZE 22:11 ነ ግዶን ደእያዋንቱፐ እቱ እቱ ባረ ሾሩዋ ማቻትና ግሲኖ፤ ባረ ናኣ ማቻትና ግሲኖ፤ ባረ አዉዋ ናት፥ ባረ ምቻትና ዎልቃን ግሲኖ።
EZE 22:12 ነ ግዶን ደእያዋንቱፐ እቱ እቱ ሚሻ አኪደ፥ ሸምፑዋ ዎꬊኖ፤ ሀራቱ ባረንቱ ሚሻ ድቻዉ እሚኖነ፥ ባረንቱ ሾሩዋ ሚሻ ያሽሲደ አኪኖ። ቃይ ህንተ ታና ኡባካ ዶጌድታ። ታን ኡባ ሞድያ መꬍና ጎዳይ ሀዋ ኦዳይ።
EZE 22:13 “ ‘ “ነ ግዶን ደእያ አሳይ በሰና ሚሻ አክያ ድራዉነ ሸምፑዋ ዎꬍያ ድራዉ፥ ታን ሀንቁዋን ታ ኩሽያ ባቃና።
EZE 22:14 ታን ኔና ሙርያ ጋላስ ነ ጎባተꬃይ ኔናና ደአኔ? ዎይ ነ ኩሺ ምኖ ግዳኔ? ታን መꬍና ጎዳይ ሀዋ ኦዳድ፤ ታን ኦዴዳዋ ታንካ ኦꬃና።
EZE 22:15 ታን ነ አሳ ካዉተꬃቱዋ ግዶንነ ሀራ ቢታቱዋ ግዶን ላላና፤ ነ ቱናተꬃካ ታን ነ ቦላፐ ꬋይሳና።
EZE 22:16 ሀራ ካዉተꬃቱዋ ስንꬃን ኔን ካዉሻና፤ ሽን ሄ ዎደ ታን መꬍና ጎዳ ግድያዋ ኔን ኤራና” ያጌ’ ያጋ” ያጊደ ዬዳ።
EZE 22:17 ሄዋፐ ጉይያን፥ መꬍና ጎዳ ቃላይ ታኮ ሀዋዳን ያጊደ ዬዳ፤
EZE 22:18 “ላ አሳ ናአዉ፥ እስራኤልያ አሳይ አይነ ፓና ብራታ ሽኣ ማላ፤ ኡንቱንቱ ኡባይካ ብራ ሙሽሲደ ጌሽያ ዎደ፥ ሽኣ ግዲደ አትያ ናሃስያ፥ ቆርቆሩዋ፥ ብራታነ እርሳስያ ማላ።
EZE 22:19 ሄዋ ድራዉ፥ ኡባ ሞድያ መꬍና ጎዳይ ሀዋዳን ያጌ፤ ‘ህንተ ኡባይካ ብራታ ሽኣ ማላ ግዴዳ ድራዉ፥ ታን ህንተና ኡባካ የሩሳላመ ግዶ ሺሻና።
EZE 22:20 አሳይ ብራ፥ ናስያ፥ ብራታ፥ እርሳስያነ ቆርቆሩዋ ታማ ጮጭያኮ ሺሺደ ዎምፒናን ፑኒደ ሙሽስያዋዳን፥ ታን ታ ሀንቁዋንነ ታ ይሉዋን ህንተና ሺሻደ፥ ካታማ ግዶን ሙሽሳና።
EZE 22:21 ታን ህንተና ሺሻደ፥ ታ ሀንቁዋ ታማ ህንተ ቦላ ዎምፒና ፑንና፥ ህንተ ሄዋን ሙሻና።
EZE 22:22 ብራይ ጮጭያን ሙሽያዋዳን፥ ህንተ የሩሳላመን ሙሻና። ሄ ዎደ ታን መꬍና ጎዳይ ታ ሀንቁዋ ህንተ ቦላ ጉሴዳዋ ህንተ ኤራና’ ያጌ” ያጊደ ዬዳ።
EZE 22:23 መꬍና ጎዳ ቃላይ ታኮ ዛሪደካ ሀዋዳን ያጊደ ዬዳ፤
EZE 22:24 “ላ አሳ ናአዉ፥ ኡንቱንቱ ቢታይ ቱኔዳ ድራዉ፥ ታ ሀንቁዋን እራይ ቡከናዳን ድጋደ፥ ታን እስራኤልያ አሳ ሙሩዋ ዶሞዋ ኡንቱንቶ ኦዳ።
EZE 22:25 ኡንቱንቱ ካፓቱ ባረ ዎꬌዳዋ ጉዲደ መንሬꬅያ ጋሙዋ ማላ፤ ኡንቱንቱ አሳ ዎꬊኖ፤ አልኦ ሚሻ ግድና፥ ሀራ ዱረታ ግድና፥ ኡባ ባረንቶ አኪኖ፤ ኡንቱንቱ ሄ ቢታን ዳሮ ማጫ አሳ አምኤ ከሴድኖ።
EZE 22:26 ቄሳቱ ታ ህግያ መንꬄድኖ፤ ታ ጌሻባካ ቱንሴድኖ። ጌሻነ ቱና ሻክክኖ፤ ቃይ ቱናፐነ ቱና ግደናዋፐ ግዱዋን ደእያ ዱማተꬃ ታማርስክኖ፤ ታ ሳምባታዉ ጋትያ እምበይክኖ። ሄዋፐ ደንዴዳዋን፥ ታን እስራኤልያ አሳ ግዶን ቦንቼታበይከ።
EZE 22:27 አ ግዶን ደእያ ካፓቱ ባረንቱ ዎꬌዳዋ ዱሰረꬅያ ኦኮሮቱዋ ማላ፤ ኡንቱንቱ ባረንቶ በሰና ዱረተꬃ ደማናዉ ሸምፑዋ ዎꬊኖ።
EZE 22:28 የሩሳላመ ካታማን ትምቢትያ ኦድያዋንቱ ጎዳ ቦሹንቻ ኦክያ አሳዳን፥ ዎርዱዋ ሳፃ በእያዋንነ ዎርዱዋ ትምቢትያ ኦድያዋን፥ ኡንቱንቱ ናጋራ ገንꬂኖ። መꬍና ጎዳይ ኦደናን ደእሺና፥ ‘ኡባ ሞድያ መꬍና ጎዳይ ሀዋዳን ያጌ’ ያጊኖ።
EZE 22:29 ሄ ቢታ አሳቱ ቦንቂኖ፤ ዛራፍኖ፤ ህዬሳቱዋነ መቶታንቻቱዋ ኡቁኒኖ፤ ኡንቱንቱ በተቱዋካ ኡንኤꬂደ ሱረ ፕርዳ ጌላዪኖ።
EZE 22:30 “ታን ቢታ ꬋይሰናዳን፥ ድርሳ ግምቢያ ኬጽያ፥ ኮለቴዳ ድርሳ ፐንግያ ባጋና ኤቂደ ናግያ እት አሳ ኮያድ፤ ሽን ኦናነ ደማበይከ።
EZE 22:31 ሄዋ ድራዉ፥ ታ ሀንቁዋ ኡንቱንቱ ቦላ ጉሳና፤ ታን ታ ሀንቁዋ ታማን ኡንቱንታ ꬋይሳና፤ ታን ኡንቱንቱ ኦꬄዳ ኦሱዋ ኡንቱንቱ ቦላ ዛራና። ኡባ ሞድያ መꬍና ጎዳይ ሀዋ ኦዳይ” ያጊደ ዬዳ።
EZE 23:1 መꬍና ጎዳ ቃላይ ታኮ ሀዋዳን ያጊደ ዬዳ፤
EZE 23:2 “ላ አሳ ናአዉ፥ እት አትፐ የለቴዳ ላኡ ማጫ አሳቱ ደኢኖ።
EZE 23:3 ኡንቱንቱ ግብጼን ደኢድ፥ ባረንቱ ያላጋተꬃፐካ ዶሚደ፥ ሻርሙጻ ግዴድኖ። ሄ ቢታን ኡንቱንቱ ꬋንꬃን አቱማ አሳይ ካኤዳ፤ ኡንቱንቱ ዎዶሮተꬃይካ አከቴዳ።
EZE 23:4 ኡንቱንቱፐ ባይራት ሱንꬃይ ኦሆሎ ቃይ እ ምቻት ቴፋት ሱንꬃይ ኦሆልቦ ኡንቱንቱ ላኡዋካ ታን አክና፥ ታዉ አቱማነ ማጫ ናናቱዋ የሌድኖ። ኦሆላ ሳማራቶ፤ ኦሆልባ ቃይ የሩሳላሞ።
EZE 23:5 “ኦሆላ ታዉ ማቻቶ ግዳደ ደኣደካ ሻርሙጻዱ፤ እዛ ባረ ላገꬃት አሶረ ዎታዳራቱዋ አሙዋን ጹገታደ ካላዱ።
EZE 23:6 ኡንቱንቱ ሳሉዋ ማላትያ ማዩዋ ማዬዳ ኦላንቻቱዋ፥ ቢታ ሞድያዋንታነ ኦላ ጋዳዋቱዋ፤ ኡንቱንቱ ኡባይካ ማልሳሳ፥ ያላጋ አቱማ አሳቱዋነ ፓራ ቶግያ ፓራ አሳቱዋ።
EZE 23:7 እዛ ባረና ሻርሙጻ ኦꬃደ፥ ኡባፐ ሎእያ አሶረ አቱማ አሳቶ እማዱ። እ ሻርሙጻተꬃይ አሶረ ቢታ ኤቃቶ ጎይናደ፥ ቱናናዳን እዞ ኦꬄዳ።
EZE 23:8 አ ግብጼን ዶሜዳ ሻርሙጻተꬃ ሀእካ አጋ በይኩ፤ እ ያላጋተꬃፐ ዶሚደ፥ አቱማ አሳቱ እ ꬋንꬃ ካኢኖነ ኢናና ሻርሙጺኖ።
EZE 23:9 “ሄዋ ድራዉ፥ እዛ ምንሳደ አሙዋን ሲቅያ አሶረ ቢታ ላገꬃቶ ታን እዞ አꬃደ እማድ።
EZE 23:10 ኡንቱንቱ እዞ ቃሪደ ካሎዬድኖ፤ እዝ አቱማነ ማጫ ናናቱዋ ኦሞድ ኦይቄድኖ፤ እዞካ ማሻን ዎꬌድኖ። ባረና ጋኬዳ ፕርዳ ጋሱዋን፥ ማጫ አሳቱዋ ግዶን ቅሊጭያዋ ግዳዱ።
EZE 23:11 “እ ምቻታ ኦሆልባ ሀዋ በኣዱ፤ እዛ ባረ አሙዋንነ ባረ ሻርሙጻን ባረ ምቻትፐ ቱና ዳራዱ።
EZE 23:12 አካ ቃይ አሶረ ቢታ ሞድያዋንታ፥ ኦላ ጋዳዋቱዋ፥ ሎኦ ማዩዋ ማዬዳ ኦላንቻቱዋነ ፓራ ቶግያ ፓራ አሳቱዋ፥ ኡባቱካ አሞይያ፥ ያላጋ አሳቱዋ ምንሳደ ሲቃዱ።
EZE 23:13 አካ ባረና ቱንሴዳዋ በኣዱ፤ ኡንቱንቱ ላኡካ እት ኦግያ ቢኖ።
EZE 23:14 “እዛ ባረ ሻርሙጻተꬃ ያ ዳርሳዱ፤ እዛ አቱማ አሳቱዋ ምስሊ ጎዳ ቦላን ዎጨት መቴዳዋ፥ ዞኦ ቃላምያን ኦከት ኡቴዳዋ በኣዱ።
EZE 23:15 ኡንቱንቱ ባረንቱ ጼሳን ዝናርያ ዳንጬዳዋንታነ ባረንቱ ሁጲያንካ ሎእያ ጫርቂያ ጻጼዳዋንታ። ኡንቱንቱ ኡባይካ ካላዳዋናቱዋ ቢታፐ ዬዳ ባብሎነ ካፖቱዋ ማላቲኖ።
EZE 23:16 እዛ ኡንቱንቱ ምስለቱዋ በኦሳናካ ዳሮ አሙዋ ጹገታደ፥ ኡንቱንታ ጼሳናዉ ባብሎነ ቢታ አሳ ኪታዱ።
EZE 23:17 ያትና፥ ባብሎነቱ ኢኮ ዪደ፥ ኢናና ሻርሙጺደ፥ እዞ ቱንሴድኖ። ቱኔዳዋፐ ጉይያን፥ እዛ ኡንቱንታካ ሸነታደ፥ ዎራ ስማዱ።
EZE 23:18 እዛ ባረ ሻርሙጻተꬃ ቆንጭያን ኦꬄዳ ዎደነ ባረ ካሉዋ ቃራ በሴዳ ዎደ፥ ታን እ ምቻትፐ ዎራ ስሜዳዋዳን፥ ኢፐካ ሸነታደ ዎራ ስማድ።
EZE 23:19 ሽን እዛ ግብጼን ሻርሙጻ ግዳደ ደእያ፥ ባረ ያላጋተꬃ ዎድያ ሀሳያደ፥ ባረ ሻርሙጻ ካሰዋፐ ያ ዳርሳዱ።
EZE 23:20 ኡንቱንቱ አቱማተꬃይ ሀርያዋ ማላ፥ ኡንቱንቱፐ ከስያ ዘረꬃይካ ፓራዋ ማላ ግዴዳ ባረ ላገꬃቱዋ አሙዋን ካላዱ።
EZE 23:21 (ኔኖ፥ ኦሆልቤ፥ ነ ያላጋተꬃ ዎደ፥ አቱማዋንቱ ነ ꬋንꬃን ካእሽና፥ ነ ዎዶሮተꬃካ አክሽና፥ ኔን ፖሌዳ ሻርሙጻተꬃ ዛራደካ ሀእ ኦꬃናዉ አሞታሳ።)
EZE 23:22 “ሄዋ ድራዉ፥ ኦሆልቤ፥ ኡባ ሞድያ መꬍና ጎዳይ ሀዋዳን ያጌ፤ ‘ታን ነ ላገꬃቱዋ፥ ሄ ኔን ሸነታደ ዎራ ስሜዳዋንታ ነ ቦላ ደንꬃና፤ ታን ኡንቱንታ ነ ቦላ ኡባ ሳና አሀና።
EZE 23:23 ኡንቱንቱካ ባብሎነቱዋነ ካላዳዌቱዋ ኡባ፥ ፓቆዳ፥ ሾአነ ቆኣና አቱማ አሳቱዋ፥ አሶረቱዋ ኡባ፥ አሞይያ ያላጋ አሳቱዋ፥ ቢታ ሞድያዋንታ፥ ኦላ ጋዳዋቱዋ፥ ኦላንቻቱዋ፥ ካፓቱዋነ ፓራ ቶግያ ፓራ አሳቱዋ።
EZE 23:24 ኡንቱንቱ ኦላ ፓራ ጋረቱዋና፥ ጫና ጋረቱዋናነ ዳሮ ኦላንቻቱዋና ሁጲሳ ባጋፐ ህንተ ቦላ ያና። ኡንቱንቱ ዎጋ ጎንዳልያነ ቄር ጎንዳልያ ኦይቂደ፥ ብራታ ቆብያ ዎꬂደ፥ ነ ዩሹዋን ሳልፓና። ታን ኔና ኡንቱንቱን ፕርድሳና፤ ኡንቱንቱካ ኔና ባረንቱ ዎጋዳን ፕርዳና።
EZE 23:25 ሀንቁዋ ነ ቦላ የዳና፤ ኡንቱንቱካ ኔናና ሀንቁዋ ሱሉዋን ጋከታና። ኡንቱንቱ ነ ሲꬍያነ ነ ሀይꬃ ቃንጻና፤ ኔፐ አቴዳዋንቱካ ማሻን ቡሳከታና። ኡንቱንቱ ነ አቱማ ናናቱዋነ ነ ማጫ ናናቱዋ ኦይቃና፤ ኔፐ አቴዳዋንታካ ታማን ጹጋና።
EZE 23:26 ኡንቱንቱ ነ ማዩዋ ኡባ ኔፐ ቃር አካና፤ ነ አሌቆ ኡባካ ኔፐ ከስ አካና።
EZE 23:27 ሄዋዳን ኦꬃደ፥ ኔን ግብጼፐ አሄዳ ሻርሙጻተꬃ ቃቃነ ነ ሻርሙጻተꬃ ኡባ ታን ኔና አግሳና። ኔን ላኤንꬆ ግብጼቱዋ ኤቃ ምስለቱዋ ꬎቁ ጋደ ጼለናዳን፥ ዎይ ኡንቱንታ ሀሳየናዳን፥ ታን ኔና ኦꬃና’ ያጌ።
EZE 23:28 “ኡባ ሞድያ መꬍና ጎዳይ ሀዋዳን ያጌ፤ ‘ታን ኔና ኔን እጽያዋንቶ፥ ኔን ሸነታደ፥ ኡንቱንቱፐ ዎራ ስሜዳዋንቶ አꬃደ እማና።
EZE 23:29 ኡንቱንቱ ኔና እጻናነ ኔን ዳቡራደ ደሜዳዋ ቦንቂ ድጊደ፥ ኔና ካሎ ጺራ አሻና። ነ ሻርሙጻተꬃ ፖኩ ቆንጫናዳን ኦꬃና። ነ ዚታይነ ነ ሻርሙጻተꬃ አሙ፥
EZE 23:30 ሀዋ ነ ቦላ አሄዳ። አያዉ ጎፐ፥ ኔን ካዉተꬃቱዋና ሻርሙጻዳ፤ ኡንቱንቱ ኤቃቱዋን ኔና ቱንሳዳ።
EZE 23:31 ነ ምቻታ ቤዳ ኦግያ ኔንካ ባዳ። ሄዋ ድራዉ፥ ኔናካ ታን እ ጹኣ ኡሻና’ ያጌ።
EZE 23:32 “ኡባ ሞድያ መꬍና ጎዳይ ሀዋዳን ያጌ፤ ‘ኔን ነ ምቻት ጹኣፐ ኡሻና፤ ሄ ጹአይካ ዎልቃማነ ጭንአ። እ ትግና፥ ዳሩዋ አክያ ድራዉ፥ ነ ቦላ ቅꬍያነ ሚቻ አሀና።
EZE 23:33 ኔን ማꬁዋ ጆላናነ ካዮታና። ሄዌ ሄ ነ ምቻት ሳማርያ ጹአይ ዳጋማነ ባየꬃ ጹኣ።
EZE 23:34 ነ አ ጭንግርሳደ ኡሻና፤ ጹኣካ መንꬃና፤ መንꬄዳ ኮንአንካ ነ ꬋንꬃ ጋራና። ኡባ ሞድያ መꬍና ጎዳይ ሀዋ ኦዳይ’ ያጌ።
EZE 23:35 “ሄዋ ድራዉ፥ ኡባ ሞድያ መꬍና ጎዳይ ሀዋዳን ያጌ፤ ‘ኔን ታና ዶጌዳ ድራዉነ ታዉ ዞክያ ዛሬዳ ድራዉ፥ ኔን ነ አሙዋነ ነ ሻርሙጹዋ ጋትያ አካና’ ያጌ” ያጊደ ዬዳ።
EZE 23:36 መꬍና ጎዳይ ታና ሀዋዳን ያጌዳ፤ “ላ አሳ ናአዉ፥ ኦሆል ቦላነ ኦሆልብ ቦላ ፕርዲቴ? ፕርዶፐ፥ ኡንቱንቱ ኦꬄዳ ቱና ኦሱዋ ኡንቱንቶ ኦዳ።
EZE 23:37 ኡንቱንቱ ላኡካ ሻርሙጼድኖነ ሸምፑዋ ዎꬌድኖ። ኡንቱንቱ ባረንቱ ኤቃዉ ጎይኔድኖ። ሀራይ አትና፥ ኡንቱንቱ ታዉ የሌዳ ባረንቱ አቱማ ናናቱዋካ ባረንቱ ኤቃቶ ቁማ ኦꬂደ ያርሼድኖ።
EZE 23:38 ሄዋፐካ ሀራባ ኡንቱንቱ ታ ቦላ ኦꬄድኖ፤ ኡንቱንቱ ታ ጌሻ ጎልያ ቱንሴድኖ፤ ኤቃቶ ያርሼዳ ጋላስ ታ ሳምባታካ ሻሬድኖ።
EZE 23:39 ኡንቱንቱ ባረንቱ ናናቱዋ ኤቃቶ ያርሼዳ ጋላስ፥ ሄ ጋላስ ኡንቱንቱ ታ ጌሻ ጎልያ ገሊደ ቱንሴድኖ። ኡንቱንቱ ታ ጎልያን ኦꬄዳዌ ሀዋ።
EZE 23:40 “ሄዋዳንካ ቃይ፥ ኡንቱንቱ ሃኮ ሳፐ አቱማ አሳቱ ያናዳን፥ አሳ ኪቴድኖ፤ ኡንቱንቱካ ዬድኖ። ህንተ ላኡ ምቼቱ ህንተ ቦላ ሜጨቴድታ፤ ህንተ አይፍያካ ቃላምያ ኦኬድታ፤ አሌቁዋካ ዎꬄድታ።
EZE 23:41 ጻርጴዛይ ስንꬃን ደእያ ሎኦ አርሳ ቦላ ኡቴድታ፤ ህንተ ሄ ጻርጴዛ ቦላን ታ እጻናነ ታ ዎጋራ ዛይትያ ዎꬄድታ።
EZE 23:42 ህርግ ባይና አሳ ኮሻይ ህንተ ማታን ስሰቴ፤ ማꬆቴዳዋንቱካ ማራይ ባይና አሳና ባዙዋፐ ዬድኖ። ህንተ ኩሽያን ሳጋየቱዋ ዎꬄድኖ፤ ቃይ ሎእያ ካላቻቱዋካ ህንተ ሁጲያን ዎꬄድኖ።
EZE 23:43 “ታን ታ ዎዛናን፥ ‘ሀዋንቱ አቱማ አሳቱ ሀ ቦላይ ሻርሙጻን ዉር ክቼዳ ማጫ አሳቱዋና ደኡካ አ ግዴዳዋንቱና ሻርሙጻና ጊደ ሀኒኖ?’ ያጋድ።
EZE 23:44 አቱማ አሳይ ሻርሙጻትና ሻርሙጽያዋዳን፥ ኡንቱንቱ ኡንቱንቱና ሻርሙጼድኖ። ኤ፥ ኡንቱንቱ ሄ ሻርሙጻናዉ ቃቃትያ ኦሆሊናነ ኦሆሊብና ሻርሙጼድኖ።
EZE 23:45 ኡንቱንቱ ሻርሙጻ ግድያ ድራዉነ ሸምፑዋ ዎꬍያ ድራዉ፥ ጽሎ አሳቱ ሻርሙጻቱዋ ቦላነ ሸምፑዋ ዎꬍያዋንቱ ቦላ ፕርድያ ፕርዳ ኡንቱንቱ ቦላ ፕርዲኖ” ያጌዳ።
EZE 23:46 ኡባ ሞድያ መꬍና ጎዳይ ሀዋዳን ያጌ፤ “ኡንቱንቱ ቦላ ዳሮ አሳቱዋ ደንꬃ አካደ ያ። ኡንቱንታ ሻቢርስያነ ኡንቱንታ ቦንቂያ አሳቶ አꬃደ እማ።
EZE 23:47 ሀ ሻቢርያ አሳቱ ዪደ፥ ኡንቱንታ ሹቻን ጫድኖነ ማሻን ቡሳክኖ፤ ኡንቱንቱ ኡንቱንቱ አቱማነ ማጫ ናናቱዋ ዎꬋና፤ ኡንቱንቱ ጎልያካ ታማን ጹግኖ።
EZE 23:48 ማጫ አሳይ ኡባይ ህንተና ቁለናዳን ዱꬃናዉ፥ ታን ቢታ ኡባፐ ሻርሙጻተꬃ ኤሳና።
EZE 23:49 ህንተ ላኡ ምቼቱ ህንተ ሻርሙጻተꬃ ሙሩዋነ ኤቃቶ ህንተ ጎይኔዳ ናጋራ ጋትያ አካና። ሄ ዎደ ታን ኡባ ሞድያ መꬍና ጎዳ ግድያዋ ህንተ ሄዋን ኤራና” ያጌ።
EZE 24:1 ኑን ኦሞደቴዳ ኡዱፑንꬃ ላይꬃን፥ ታማንꬃ አግናን፥ ታማንꬃ ጋላሳን፥ መꬍና ጎዳ ቃላይ ታኮ ሀዋዳን ያጊደ ዬዳ፤
EZE 24:2 “ላ አሳ ናአዉ፥ ሀዋ ሀች ጋላሳ ማዝጎብያን ጻፋ። አያዉ ጎፐ፥ ባብሎነ ካቲ የሩሳላመ ዶዴዳዌ ሀቻ።
EZE 24:3 ሀ ማካላንቻ አሳዉ ሀ ሌምሱዋ ኦዳ፤ ‘ኡባ ሞድያ መꬍና ጎዳይ ሀዋዳን ያጌ፤ “ማዳብያ ድስትያ ታማን ዎꬃደ፥ ሃꬃ አን ትጋ።
EZE 24:4 ያታደ ገድያነ አንጎሱዋ ማላትያ ሎኦ አሹዋ ኡባ ሙጻደ፥ አን የጋ፤ ሎኦ መቀꬃካ ቃንጸሬꬃደ፥ አን ኩንꬃ።
EZE 24:5 ሄዎ ኔን አካና ዶርሳይነ ዴሻይ ዉድያፐ ዶረቴዳዋ ግዶ። ምꬃ ድስትያፐ ጋርሳና ማራደ፥ አሹዋካ መቀꬃካ ካአና ጋካናዉ ዶይሳ” ያጌ’ ያጋደ ኦዳ።
EZE 24:6 “ኡባ ሞድያ መꬍና ጎዳይ ሀዋዳን ያጌ፤ ‘ሱꬃ ጉስያዋንቱ ካታማትዉ አየ አና! ሽኢደ ኡባካ ጌየናን እጼዳ ማዳብያ ድስትያ ማላ እዛ ግዳዱ። እ ግዶን ደእያ ሙጸቴዳ አሹዋ ኡባ ሳማ የገናን ኩሽያን ጋከቴዳዋ፥ እቱዋ እቱዋ ከሳደ አካ።
EZE 24:7 “ ‘አያዉ ጎፐ፥ ሄ ካታማታ ዎꬌዳ አሳ ሱꬃይ ሀኖ ጋካናስካ ኢናን ደኤ፤ ሱꬃ ጉሳደ፥ ባናን ካማናዉ ቢታን ጉሰናን፥ አያይነ ካመና ዛላ ቦላን ጉሳዱ።
EZE 24:8 ሀሉዋ ከሳናዉ፥ ታ ሀንቁዋ ደንꬃናዳን፥ እ ካመተና ማላ፥ እዛ ጉሴዳ ሱꬃ ታን ዛላ ቦላን ዎꬃድ’ ያጌ።
EZE 24:9 “ሄዋ ድራዉ፥ ኡባ ሞድያ መꬍና ጎዳይ ሀዋዳን ያጌ፤ ‘ሱꬃ ጉስያ ካታማትዉ አየ አና! ታንካ ምꬃ ሎይꬃ ጉፓና።
EZE 24:10 ሄዋ ድራዉ፥ ዳሮ ምꬃ ዎꬃ፤ ታማካ ኤꬃ። አሹዋ ሎይꬃደ ዶይሳ፤ ጫባካ ማልኤꬃ፤ መቀꬃይ ጹገቶ።
EZE 24:11 እ ሱሊደ ፐንትና፥ አ ቦላን ደእያ ማዳቢካ ቦንቂና፥ አ ቦላን ደእያ ቅታይ ሴራናዳንነ አ ቦላን ደእያ ሽአይ ጹገት ꬋያናዳን፥ መላ ድስትያ ታማ ቦንቁዋ ቦላ ዎꬃ።
EZE 24:12 ሄ ዳቡራይ ኡባይ ጮ መላ ግዴዳ፤ አ ቦላን ደእያ ዳሮ ሽአይ ሀራይ አቶ፥ ታማንካ ክችቤና።
EZE 24:13 ሀነ የሩሳላመ፥ ኔን ቱኔዳዌ ነ ኢታ ኦሱዋና። ታን ኔና ጌሻናዉ ዳቡርናካ፥ ኔን ነ ቱናተꬃፐነ ነ ኢታ ኦሱዋፐ ጌየናን እጼዳ ድራዉ፥ ነ ቦላን ታ ሀንቁ ዉራና ጋካናዉ፥ ኔን ላኤንꬆ ጌያካ።
EZE 24:14 ታን መꬍና ጎዳይ ሀዋ ኦዳድ፤ ሀዌ ሀናና። ታን ጉየ ስምከ፤ ቃረትከ፤ ታ ቆፋ ላምከ። ነ ኦግያዳንነ ነ ኦሱዋዳን፥ ታን ኔና ፕርዳና። ታን ኡባ ሞድያ መꬍና ጎዳይ ሀዋ ኦዳይ’ ያጌ” ያጊደ ዬዳ።
EZE 24:15 መꬍና ጎዳ ቃላይ ቃይካ ታኮ ሀዋዳን ያጊደ ዬዳ፤
EZE 24:16 “ላ አሳ ናአዉ፥ ኔን ሲቅያነ ነ አይፍያዉ ሎእያ ነ ማቻቶ ታን እት ኩꬃን ዎꬋ አጋና። ሄዋን ካዮቶፓ፥ ዬኮፓነ አፎጾፓ።
EZE 24:17 ኦላ፥ ሽን ነ ኦልያ አሳይ ስሶፖ፤ ሀይቄዳዎ ካዮቶፓ። ኔን ነ ሁጲያን ጻጽያዋ ጻጻ፤ ነ ገድያንካ ጫማ ዎꬃ። ነ ዶና ካሞፓ፤ ሾቻካ ሞፓ” ያጊደ ዬዳ።
EZE 24:18 ዎንታ ታን አሳዉ ኦዳድ፤ ሄ ጋላስ ኦማርስ ታ ማቻታ ሀይቃዱ። ዎንተꬃ ጋላስ ዎንታ ጾሳይ ታና አዛዜዳዋዳን ኦꬃድ።
EZE 24:19 ያትና፥ አሳይ ታና፥ “ሀ ኔን ኦꬅያዎ ብለꬃይ አየንቶ ኑዉ አያዉ ኦድኪ?” ያጊደ ኦቼዳ።
EZE 24:20 ታን ኡንቱንቶ ሀዋዳን ያጋደ ዛራድ፤ “መꬍና ጎዳ ቃላይ ታኮ ሀዋዳን ያጊደ ዬዳ፤
EZE 24:21 ‘እስራኤልያ አሳ ሀዋዳን ያጋ፤ ኡባ ሞድያ መꬍና ጎዳይ ሀዋዳን ያጌ፤ ህንተ ጬቀትያ፥ ህንተ አይፍያዉ ሎእያነ ህንተ ሸምፑ አሞትያ ታ ጌሻ ጎልያ ታን ቱንሳና ሀናይ። ህንተ ጉየ አሼዳ ህንተ አቱማ ናናቱነ ህንተ ማጫ ናናቱ ማሻን ዉራና።
EZE 24:22 ሄ ዎደ ታን ኦꬄዳዋዳን፥ ህንተካ ኦꬃና። ህንተ ዶና ካምክታ፤ ሾቻካ ሚክታ።
EZE 24:23 ህንተ ሁጲያ ጻጺታ፤ ህንተ ገድያን ጫማ ዎꬂታ። ካዮትክታ ዎይ ዬክክታ። ሽን ህንተ ህንተ ናጋራ ጋሱዋን ግልቃናነ እቱ እቶ ኦላና።
EZE 24:24 ሄ ዎድያን ህዝቄል ህንተዉ ማላታ ግዳናዋ፤ ኡባባካ እ ኦꬄዳዋዳን፥ ህንተ ኦꬃና። ሀዌ ሀንያ ዎደ፥ ታን ኡባ ሞድያ መꬍና ጎዳ ግድያዋ ህንተ ኤራና’ ያጌ” ያጋ።
EZE 24:25 ጾሳይ ታና ሀዋዳን ያጌዳ፤ “ላ አሳ ናአዉ፥ ታን ኡንቱንቱ ናሸቻነ ቦንቹዋ፥ ኡንቱንቱ አይፍያዉ ሎእያባነ ኡንቱንቱ ዎዛናይ አሞትያባ፥ ቃይ ምኖ ግዴዳ ጌሻ ጎልያ፥ ኡንቱንቱ አቱማ ናናቱዋነ ኡንቱንቱ ማጫ ናናቱዋ ኡንቱንቱፐ ዎꬃ አካና።
EZE 24:26 ሄ ጋላስ ነዉ ዎርያ ኦዳናዉ እት ከስ አኪደ አቴዳ አሳይ ያና።
EZE 24:27 ሄ ጋላስ ነ ዶናይ ዶየታና፤ ኔንካ አናና ሃሳያና፤ ላኤንꬆ ዱደ ከሳካ። ሄዋዳን ሀናደ፥ ኔን አሳዉ ማላታ ግዳናሳ። ታን መꬍና ጎዳ ግድያዋ ኡንቱንቱ ሄዋን ኤራና ያጌዳ ያጊደ ዬዳ” ያጋድ።
EZE 25:1 መꬍና ጎዳ ቃላይ ታኮ ሀዋዳን ያጊደ ዬዳ፤
EZE 25:2 “ላ አሳ ናአዉ፥ ነ ሶምኡዋ አሞና ቢታኮ ዛራደ፥ አሞናቱዋ ቦላ ትምቢትያ ኦዳ።
EZE 25:3 ሀዋዳን ያጋ፤ ‘ኡባ ሞድያ መꬍና ጎዳ ቃላ ስስተ። ኡባ ሞድያ መꬍና ጎዳይ ሀዋዳን ያጌ፤ “ህንተ ታ ጌሻ ጎሊ ቱንያ ዎደ፥ እስራኤልያ ቢታይ መላ አትያ ዎደነ ይሁዳ አሳይ ኦሞዶ ብያ ዎደ፥ ሀሹ! ጌዳ ድራዉ፥
EZE 25:4 ታን ህንተና አዋይ ዶልያ ባጋ ቢታ አሳዉ ላታ ኦꬃደ እማና። ያቶፐ ኡንቱንቱ ህንተ ግዶን ካምቢያ ኬጻና፤ ደአና። ህንተ ማና ቴራ ኡንቱንቱ ማና፤ ህንተ ማꬃካ ኡንቱንቱ ኡሻና።
EZE 25:5 ታን ራባ ካታማ ጋሎቱ ሄመትያ ሳኣ ከሳና፤ አሞናቱዋ ጋድያካ ዶርሳ ዉዲ አላጽያ ሳኣ ኦꬃና። ታን መꬍና ጎዳ ግድያዋ ህንተ ሄዋን ኤራና” ያጌ።
EZE 25:6 “ ‘አያዉ ጎፐ፥ ኡባ ሞድያ መꬍና ጎዳይ ሀዋዳን ያጌ፤ “ህንተ እስራኤልያ ባሻን ኩሽያ ባቄዳ ድራዉ፥ ጉፔዳ ድራዉነ ናሸቲደ ቅሊጬዳ ድራዉ፥
EZE 25:7 ታን ህንተ ቦላ ታ ኩሽያ የዳድ። ህንተና ካዉተꬃቶ ኦሞዱዋ ኦꬃደ እማና። ታን ህንተና አሳ ግዶፐ ሾዳና፤ ካዉተꬃቱዋ ግዶፐካ ꬋይሳና። ታን መꬍና ጎዳ ግድያዋ ህንተ ሄዋን ኤራና” ያጌ።
EZE 25:8 “ ‘ኡባ ሞድያ መꬍና ጎዳይ ሀዋዳን ያጌ፤ “ሞኣብነ ሰኢር፥ በእተ፥ ይሁዳይ ሀራ ካዉተꬃቱዋ ማላ ያጌዳ ድራዉ፥
EZE 25:9 ታን ሞኣባ ቢታ ቦላን ገላደ፤ ዎራጃደ አ ዛዋ ናግያ፥ ቤት-ያሽሞታ፥ ባኣል-ማኦናነ ቅርያታይማ ጌተትያ፥ ኤረቴዳ ካታማቱዋ ꬋይሳና።
EZE 25:10 ሀዋፐ ስንꬃናዉ አሞናቱዋናካ ጉጃደ፥ ኡንቱንቱ ካዉተꬃቱዋ ግዶን ሀሳየተናዳን፥ ታን ኡንቱንታ አዋይ ዶልያ ባጋ ቢታፐ ዬዳ አሳቶ ዱረታዳን አꬃደ እማና።
EZE 25:11 ታን ሞኣባ ፕርዳና። ሄ ዎደ ታን መꬍና ጎዳ ግድያዋ ኡንቱንቱ ሄዋን ኤራና” ያጌ።
EZE 25:12 “ ‘ኡባ ሞድያ መꬍና ጎዳይ ሀዋዳን ያጌ፤ “ኤዶማቱ ይሁዳ ቦላ ሀሉዋ ከሴዳ ድራዉነ ዳሮ ባይዛንቻ ግዴዳ ድራዉ፥
EZE 25:13 ታን ኡባ ሞድያ መꬍና ጎዳይ ታ ኩሽያ ኤዶማ ቦላ የዳና። አን ደእያ አሳነ መህያ ሙለ ꬋይሳና፤ ꬋይሳደ መላ ከሳና። ተማና ካታማፐ ቢደ፥ ዳዳና ካታማ ጋካናዉ፥ ኡንቱንቱ ማሻን ቡሳከታና።
EZE 25:14 ታን ኤዶማዉ ታ አሳ እስራኤልያ ባጋና ሀሉዋ ከሳና። እስራኤላቱ ኡንቱንቱ ቦላ ታ ሀንቁዋነ ታ ሀንቁዋ ኬሻ ኦꬃና። ታን ሀሉዋ ከሴዳዋ ኡንቱንቱ ኤራና። ታን ኡባ ሞድያ መꬍና ጎዳይ ሀዋ ኦዳይ” ያጌ።
EZE 25:15 “ ‘ኡባ ሞድያ መꬍና ጎዳይ ሀዋዳን ያጌ፤ “ፕልስጼማቱ ባረንቱ ዎዛና ኢታተꬃን ሀሉዋ ከሴዳ ድራዉነ ጋምኤዳ ሞርከተꬃን ይሁዳ ካꬊደ ꬋይሳናዉ ኮዬዳ፥
EZE 25:16 ሄዋ ድራዉ ኡባ ሞድያ መꬍና ጎዳይ ሀዋዳን ያጌ፤ ታን ታ ኩሽያ ፕልስጼማቱዋ ቦላ የዳደ ከሊታዌቱዋ ቃንጻና። ታን ኡንቱንታነ አባ ዶናን አቴዳዋንታ ኡባ ꬋይሳና።
EZE 25:17 ታን ኡንቱንቶ ዎልቃማ ሀሉዋ ከሳና፤ ታ ሀንቁዋን ኡንቱንታ ሙራና። ታን ኡንቱንቶ ሀሉዋ ከስያ ዎደ፥ ታን መꬍና ጎዳ ግድያዋ ኡንቱንቱ ኤራና” ያጌ’ ያጋ” ያጊደ ዬዳ።
EZE 26:1 ኑን ኦሞደቴዳ ታማነ እተንꬃ ላይꬃን፥ አግናዉ ኮይሮ ጋላሳን፥ መꬍና ጎዳ ቃላይ ታኮ ሀዋዳን ያጊደ ዬዳ፤
EZE 26:2 “ላ አሳ ናአዉ፥ ጺሮሳ ካታማ አሳይ ናሸቲደ፥ ‘ሀሹ! የሩሳላመ ኩንዳዱ፤ እዛ ላለታደ ꬋዬዳነ፥ እዝ ፐንጊ ዋጋግ ጊደ ዶየቴዳ ድራዉ ሀዋፐ ስንꬃን ኑን ዱረታና’ ያጊኖ።
EZE 26:3 ሄዋ ድራዉ፥ ኡባ ሞድያ መꬍና ጎዳይ ሀዋዳን ያጌ፤ ‘ኔኖ፥ ጺሮሳ ካታማቴ፥ ታን ነዉ ሞርከ። አባ ቤታይ ይያዋዳን፥ ታን ዳሮ ካዉተꬃቱዋ ነ ቦላን አሀና።
EZE 26:4 ኡንቱንቱ ነ ድርሳ ግምቢያ ኮላና፤ ነ ሚጻካ ላላና። ታን ኔና ቢታ ኡባ ቁጭ አፍ ድግና፥ ካሎ ደእያ ዛላ ኦꬃና።
EZE 26:5 ያቶፐ ኔን አባ ግዶን አሳቱ ባረንቱ ሞልያ ግትያ መልሳናዉ ምጭያ ሳኣ ግዳና። ታን ኡባ ሞድያ መꬍና ጎዳይ ሀዋ ኦዳይ። ሀራ ካዉተꬃቱ ጺሮሳ ካታማ ቦንቃናዋንታ።
EZE 26:6 ሄ ቢታን ሁጰትያ ካታማቱዋን ደእያ ቄር ካታማቱ አባፐ ጉꬃ ሃክያዋንቱ ማሻን ዉርሳና። ሄ ዎደ ታን መꬍና ጎዳ ግድያዋ ኡንቱንቱ ሄዋን ኤራና’ ያጌ።
EZE 26:7 “ኡባ ሞድያ ጾሳይ ሀዋዳን ያጌ፤ ‘ጺሮሳ ቦላ ኦላ ደንꬃና ማላ፥ ካተቶ ካትያ ግድያ ባብሎነ ካትያ ናቡካዳናጾራ ታን ሁጲሳ ባጋፐ አሀና፤ አ ታን ፓራቱዋና፥ ፓራ ጋረቱዋና፥ ፓራ አሳቱዋናነ ዳሮ ኦላንቻቱዋና አሀና።
EZE 26:8 ኡንቱንቱ ሁጰትያ ቢታን ቄር ካታማቱዋ ማሻን ዉርሳና፤ ኡንቱንቱ ኔና ዶዲደ፥ ነ ድርሳ ግምቢያና ጋꬂደ፥ ቢታ ካፋና። ያቲደ ባረንቱ ጎንዳልያ ነ ቦላ ደንꬃና።
EZE 26:9 ድርሳ ግምበቱዋ ዶምኢደ ላልያ ሚሻን ድርሳ ግምቢያ መንሬꬃና፤ ባረንቱ ኦላ ሚሻንካ ነ ሚጻ ላላና።
EZE 26:10 አ ፓራቱ ዳሮ ግድያ ድራዉ፥ ኡንቱንቱ ደንꬅያ ባናይ ኔና ካማና። ፓራቱነ ፓራቱዋ ጋረቱ ላለቴዳ ካታማ ድርሳ ፐንግያ ገልያዋዳን፥ ገልያ ዎደ፥ ኡንቱንቱ ስስያ ጋርማሱነ ጊረꬃይ ነ ድርሳ ግምቢያ ቃꬃና።
EZE 26:11 ኡንቱንቱ ፓራቱ ነ ግዶን ደእያ ኦገቱዋ ኡባ የꬋና። ነ አሳካ ማሻን ዉርሳና፤ ነ ዎልቃማ ቱሳቱካ ሳኣን ኩንዳና።
EZE 26:12 ባብሎነቱ ነ አቁዋነ ነ ዛልእያ ሚሻቱዋ ቦንቃናዋንታ። ነ ድርሳ ግምበቱዋነ ነ ሎኦ ኬꬃቱዋ ኡባ ኮላና፤ ሄ ሹቻ፥ ሄ ምꬃነ ሄ ላለቴዳ ቡርጨ ኡባ አፊደ፥ አባን ኦላና።
EZE 26:13 ነ ማልኦ የꬃ ታን ድጋና፤ ነ ዲꬃ ኮሻይካ ላኤንꬆ ስሰተና።
EZE 26:14 ታን ኔና ካሎ ደእያ ዛላ ኦꬃና፤ ቃይ ኔን አሳቱ ባረንቱ ሞልያ ግትያ መልሳናዉ ምጭያ ሳኣ ግዳና። ታን መꬍና ጎዳይ ሀዋ ኦዴዳ ድራዉ፥ ኔን ላኤንꬆ ኬጸታካ። ታን ኡባ ሞድያ መꬍና ጎዳይ ሀዋ ኦዳይ’ ያጌ።
EZE 26:15 “ኡባ ሞድያ መꬍና ጎዳይ ጺሮሳ ካታማዉ ሀዋዳን ያጌ፤ ‘ነ ሞርከቱ ነ ቦላን ገልያ ዎደ፥ አባ ዶና ቢታቱዋን ደእያ ነ አሳይ ሲፈቲድ ጊርምያ ጊርንꬃ ስሲደ፥ ያሻዉ ኮኮራና።
EZE 26:16 ሄዋፐ ጉይያን፥ አባ ዶና ቢታቱዋን ደእያ ሞድያዋንቱ ባረንቱ ኦይድያፐ ዎꬋና። ባረንቱ ቁማዩዋነ ኩሽያን ስኪደ አሌቂሴዳ ባረንቱ ማዩዋ ቃራና፤ ያሻዉ ኮኮሪደ፥ ቢታን ኡታና። ነ ቦላ ጋኬዳ መቱዋ ቆፒደ፥ ኡንቱንቱ ዳሮ ሻቢረታና፤ ኮኮርሳይካ ኡንቱንታ አገናን እጻና።
EZE 26:17 “ ‘ሄዋፐ ጉይያን፥ ኡንቱንቱ ነዉ ሀዋዳን ያጊደ ዝላላና፤ “ ‘አየ፥ ኤረቴዳ ካታማቴ፥ አባ ግዶን ዎልቃምያ አሳቱ ደእያ ካታማቴ፥ ኔን ዋና ላለታዲ! ኔንነ ነ ግዶን ደኤዳ አሳቱ አባ ላንቂያን ደእያ አሳ ኡባ ያሽሴድታ ሽን!
EZE 26:18 ኔን ኩንድያ ጋላስ፥ አባ ጋጻን ደእያዋንቱ ኮኮሬድኖ። አባ ግዶን ደእያ አሳቱካ፥ ኔን ላለቴዳ ጋሱዋን ዳጋሜድኖ’ ያጋናዋ ያጌ።
EZE 26:19 “ኡባ ሞድያ መꬍና ጎዳይ ሀዋዳን ያጌ፤ ‘ሀእ አሳይ ደኤና ካታማቱዋዳን፥ ታን ኔና መላ ከሳና። ቃይ ታን ጪማ አባ ነ ቦላን አህና፥ ሄ ዳሮ ሃꬃይ ኔና ካማና።
EZE 26:20 ሄ ዎደ ታን ኔና ዱገ ጪማ ኦላዉ ብያዋንቱና እትፐ፥ አዱሳ ዎድያፐ ካሰ ሀይቄዳ አሳቱዋኮ ዱገ የጋና። ኔን ቢታፐ ጋርሳን፥ በን ሞገቴዳ ቡርጨቱ ደእያ ሳን፥ ጪማ ኦላዉ ብያዋንቱና እትፐ ደአናዳን፥ ታን ኔና ኦꬃና። ኔን ላኤንꬆ አሳይ ደእያ ካታማ ከሳካ፤ ፓጻ ደእያዋንቱ ቢታንካ ስማደ፥ ነ ሳኣ ኦይቃካ።
EZE 26:21 ታን ነ ዉርሰꬃ ዳጋንꬅያ ዉርሰꬃ ኦꬃና፤ ኔን ላኤንꬆ ኡባካ ደአካ። አሳይ ኔና ኮያና፤ ሽን ኔን ላኤንꬆ ኡባካ ቤታካ። ታን ኡባ ሞድያ መꬍና ጎዳይ ሀዋ ኦዳይ’ ያጌ” ያጊደ ዬዳ።
EZE 27:1 መꬍና ጎዳ ቃላይ ታኮ ሀዋዳን ያጊደ ዬዳ፤
EZE 27:2 “ላ አሳ ናአዉ፥ ጺሮሳዉ ዝላላ።
EZE 27:3 አባ ዶናን ደእያነ አባ ዶና ዳሮ ቢታቱዋን ደእያ አሳና ዛልእያ፥ ሄ ካታማዉ ሀዋዳን ያጋደ ኦዳ፤ ‘ኡባ ሞድያ መꬍና ጎዳይ ሀዋዳን ያጌ፤ “ኔኖ ጺሮሳ፥ ኔን፥ ታን ፑላን ልከትያዌ ባይና ኩመንꬃ ያጋደ ኦቶረታዳ።
EZE 27:4 ነ ዛዋይ አባ ጉልኣና፤ ኔና ኬጽያዋንቱ ኔና ሎይꬂደ ኬጼድኖ።
EZE 27:5 ነ ሳንቃ ሳኒራ ግያ ሳኣፐ ቃንጼዳ ጺዳን ኦꬄድኖ፤ ነ ማርካብያ ቱሳ ሊባኖሳፐ ዬዳ ዝጋፐ ጊግሴድኖ።
EZE 27:6 ማርካብያ ሶልድሳናዉ ሃꬃ ጉየ ፑሻክያ ነ ሞቀቱዋ ባሳነ ኤꬃፐ ኦꬄድኖ፤ ነ ዉይግያ ቆጲሮሳፐ ዬዳ ዱማ ጺዳ ሳንቃን ኦꬄድኖ፤ ሄ ዉይግያ ዳንጋርሳ ዛልያን አሌቀቴዳ።
EZE 27:7 ነ ሻራይ ባንድራዳን ሃኩዋን ቤታና ማላ፥ ኩሽያን ስኪደ አሌቂሴዳ ግብጼቱዋ ሊኑዋፐ ኦሰቴዳዋ፤ ኔና ካምያ ጋርዶቱካ ኤሊሻ ዎምባፐ ዬዳ፥ ሳሉዋ ማላትያነ ኦቻ ቴራ ማላትያ ጫርቂያፐ ኦሰቴዳዋንታ።
EZE 27:8 ነ ማርካብያ ሶልድስያዋንቱ ሲዶናነ አርዋዳ ጌተትያ ካታማቱዋፐ ዬዳዋንታ፤ ነ ማርካብያ ላግያዋንቱ ሎሄዳ ነ አሳቱዋ።
EZE 27:9 ማርካብያ ግዶን ዛኤዳሳ ሽድያዋንቱ ገባላፐ ዬዳ ጭማቱዋነ ኤራንቻ አሳቱዋ፤ አባን ብያ ማርካብያ ኡባን ደእያ ኦሳንቻቱ ነ ግዶን ዎꬋ ዎይ ጉጃ ጊደ ፓሉመቲደ ዛልኢኖ።
EZE 27:10 “ ‘ “ፓረሳፐ፥ ሊድያፐነ ሊብያፐ ዬዳ ኦላንቻቱ ነ ኦላንቻቱዋ ማዲደ ኦለቴድኖ፤ ባረንቱ ጎንዳልያነ ባረንቱ ኦላ ቆብያ ነ ግዶን ካቄድኖ፤ ኡንቱንቱ ኔና ቦንችሴዳዋንታ።
EZE 27:11 አርዋደፐነ ሄሌካፐ ዬዳ ኦላንቻቱ ነ ድርሳ ግምቢያን ናጊኖ፤ ጋማዳፐ ዬዳ አሳቱ ነ አዱሳ ግምቢያን ናጊኖ። ኡንቱንቱ ባረንቱ ጎንዳልያ ነ ግምቢያ ዩሹዋን ካቄድኖ፤ ነ ፑላና ልከትያዌ ባይና ኩመንꬃ ግዳናዳን ኦꬄዳዋንቱ ኡንቱንታ።
EZE 27:12 “ ‘ “ነ ዱረተꬃ ዳሩዋ ጋሱዋን ታርሴስ ኔናና ዛልኤዳ፤ እ ብራ፥ ብራታ፥ ቆርቆሩዋነ እርሳስያ እሚደ፥ ነ ሚሻና ላሜዳ።
EZE 27:13 ግሪኪ፥ ቱባልነ መሸክ ኔናና ዛልኤድኖ፤ አይለቱዋነ ናስያ ብራታፐ ኦሰቴዳ ሚሻ እሚደ፥ ነ ሚሻና ላሜድኖ።
EZE 27:14 ቤት-ቶጋርም ቶግያ ፓራቱዋ፥ ኦላ ፓራቱዋነ ባሉቆቱዋ እሚደ፥ ነ ሚሻና ላሜዳ።
EZE 27:15 ሮዳ ቢታ አሳይ ኔናና ዛልኤዳ፤ ቃይ አባ ዶና ቢታቱዋን አሳይ ዳንጋርሳ ዛልያነ ዞጵያ ግያ ምꬃ አሂደ፥ ነዉ ቃንጼዳ።
EZE 27:16 “ ‘ “ነ ዱረተꬃ ዳሩዋ ጋሱዋን፥ ሶርያ አሳቱካ ኔናና ዛልኤድኖ፤ ኡንቱንቱ ማታ ማላትያ እንቁዋ፥ ዞኦ እንቁዋ፥ የሌሉዋፐ ኦሰቴዳ አሌቁዋ፥ ኦቻ ቴራ ማላትያ ጫርቂያ፥ ሌኦ ሊኑዋነ አሌቁዋ ስኬዳ ማዩዋ እሚደ፥ ነ ሚሻና ላሜድኖ።
EZE 27:17 ይሁዳነ እስራኤልያ አሳቱ ኔናና ዛልኤድኖ፤ ኡንቱንቱ ምንተ ጋደ ዛርጋ፥ ማልዱዋ፥ ኤሳ፥ ዛይትያነ ባላሳመ ግያ ꬋልያ ዛይትያ እሚደ፥ ነ ሚሻና ላሜድኖ።
EZE 27:18 ነ ዱረተꬃ ዳሩዋ ጋሱዋንነ ነ ሺሼዳ ዱማ ዱማ ሚሻቱዋ ጋሱዋን ዳማስቆ አሳቱ ኔናና ዛልኤድኖ፤ ኡንቱንቱ ሄልቦና ዎይንያ ኤሳነ ሳሆራ ዶርሳ እስክያ እሚኖ።
EZE 27:19 ኡዛላን ደእያ ዳናዌቱነ ግሪከ አሞናቱ ነ ሚሻና ላሜድኖ። ሄዋዳንካ ቃይ፥ ቆጼዳ ብራታነ ዱማ ዱማ ቅማመቱዋ ነዉ እሚደ ላሜድኖ።
EZE 27:20 “ ‘ “ዳዳና አሳቱ ኮራ ግላስያ አሂደ ዛልኤድኖ።
EZE 27:21 አራባቱነ ቄዳረ ቢታ ካፓቱ ኡባይ ነ ዛልእያ ሚሻዉ ዶርሳ ማራቱዋ፥ ዶርሳ ኦርገቱዋነ ዴሻቱዋ አሂደ ዛልኤድኖ።
EZE 27:22 ሳባነ ራእማ ዛልአንቻቱ እንቁዋ፥ ዎርቃነ ሎኦ ዶረቴዳ ቅማመቱዋ እሚደ፥ ነ ሚሻና ላሜድኖ።
EZE 27:23 ካራነ፥ ካኔሀ፥ ኤደነ፥ ሳባ፥ አሶረነ ክልማዳ ጌተትያ ካታማቱ ኡባይ ኔናና ዛልኤድኖ።
EZE 27:24 ኡንቱንቱ ሎኦ ማዮቱዋ፥ ሳሉዋ ማላትያ ማዩዋ፥ አሌቁዋ ስኬዳ ማዩዋ፥ ጋዛ ምንጻፈቱዋ፥ ሎይꬅ ዶቄዳ ባቀꬃነ ዎዶሩዋ እሚደ፥ ነ ገያን ሚሻና ላሜድኖ።
EZE 27:25 “ ‘ “ነ ሚሻቱ ተርሴሰ ዛልአንቻቱዋ ዎልቃማ ማርካባቱዋን ጫነቲደ ቤድኖ። ኔንካ ዳሮባይ ጫነትና ኩማደ፥ አባ ቦላን ብያ ማርካብያ ማላ ግዳዳ።
EZE 27:26 ነ ማርካብያ ሶልድስያዋንቱ ኔና አኪደ፥ አባዉ ግዶ ግሻቻ አፌድኖ፤ ሽን አዋይ ዉልያ ባጋ ጫርኩ ኔና አባዉ ግዶ ግሸቻን መንሬꬄዳ።
EZE 27:27 ኔን መኤረቴዳ ጋላስ ነ ዱረተꬃይነ ነ ዛልእያ ሚሻይ ኡባይ፥ ነ ማርካብያ ሶልድስያዋንቱ፥ ነ ማርካብያ ላግያዋንቱ፥ ነ ማርካብያ ግዶን ዛኤዳሳ ሽድያዋንቱ፥ ነ ዛልአንቻቱነ ነ ግዶን ኦላንቻቱ ኡባይ አባ ግዶ ሙከቴድኖ።
EZE 27:28 ማርካብያን ብያ አሳቱዋ ዋሱዋ ኮሻይ አባ ጋጻ ጋካናዉ ስሰቴ።
EZE 27:29 “ ‘ “ማርካብያ ሶልድስያዋንቱነ ላግያዋንቱ ኡባይ ባረንቱ ማርካበቱዋፐ ከሲደ፥ አባ ጋጻን ኤቄድኖ።
EZE 27:30 ኡንቱንቱ ኡባይካ ባረንቱ ሁጲያን ባና ቆሊደ፥ ብድንꬃን ጎንዶረቲደ፥ ነ ባየꬃ ድራዉ፥ ኢታ ዬኩዋ ዬኬድኖ።
EZE 27:31 ነዉ ካዮቲደ፥ ባረንቱ ሁጲያ ሜዲደ፥ ማቃ ማዬድኖ፤ ኡንቱንቱ ዳሮ ሴለቲደ፥ ነዉ ዬኬድኖ።
EZE 27:32 ነዉ ኡንቱንቱ ሀዋዳን ያጊደ ዝላሌድኖ፤ “ ‘ “ሀእ አባ ግዶን ስርጵ ጌዳ፥ ጺሮሳና ልከትያዌ ኦኔ?
EZE 27:33 ነ ዛልእያ ሚሻይ አባ ፕኒደ ይያ ዎደ፥ ቢታን ደእያ ዳሮ አሳ ካልሳዳ፤ ነ ማጹዋን ካተቱ ዱረቴድኖ።
EZE 27:34 ሽን ሀእ አባ ጪማን መኤረታዳ። ነ ዛልእያ ሚሻይካ፥ ነዉ ኦꬅያ አሳቱ ኡባቱካ፥ ኔናና አባ ግዶን ሙከቲደ ꬋዬድኖ።
EZE 27:35 አባ ዶና ቢታቱዋን ደእያ አሳይ ኡባይ፥ ነ ቦላ ጋኬዳዋ በኢደ ዳጋሜድኖ። ኡንቱንቱ ካተቱካ ዳሮ ያዬድኖ፤ ኡንቱንቱ ሶምኢ ያሻ ኤርሴ።
EZE 27:36 ነ ዉርሰꬃይ ዳጋንꬅያዋ ግዴዳ፤ ኔን ላኤንꬆ ኡባካ ደአካ። ሄዋ ድራዉ፥ ቢታ ኡባን ደእያ፥ ዛልአንቻቱ፥ ፖራ! ጌድኖ ያጊደ ዝላሌድኖ” ያጌ’ ያጋ” ያጊደ ዬዳ።
EZE 28:1 መꬍና ጎዳ ቃላይ ታኮ ሀዋዳን ያጊደ ዬዳ፤
EZE 28:2 “ላ አሳ ናአዉ፥ ጺሮሳ ካፑዋ ሀዋዳን ያጋደ ኦዳ፤ ‘ኡባ ሞድያ መꬍና ጎዳይ ሀዋዳን ያጌ፤ “ነ ዎዛናይ ኦቶረቴዳ ድራዉ፥ ታን ጾሳ፤ ታን አባ ግዶ ግሸቻን፥ ጾሳቱዋ አራታን ኡታድ ያጋዳ። ኔን፥ ታን ጾሳዳን፥ አꬌዳ ኤራንቻ ከሳድ ጋደ ቆፖፐነ፥ ኔን አሳፐ አትና፥ ጾሳ ግዳካ።
EZE 28:3 ኔን ዳኔላፐካ አꬌዳ ኤራንቼ? አይ ጹራይካ ኔፐ ጌመኔ?
EZE 28:4 ቱሙካ ኔን ነ አꬌዳ ኤራንነ ነ አኬካን ዱረ ግዳዳ፤ ብራነ ዎርቃ ነ ዱረታ ምንጅያ ጎልያ ሺሻዳ።
EZE 28:5 ነ ዛልእያ ኤራን ዳሮ ዎꬍያ ደማዳ፤ ነ ዱረታፐ ደንዴዳዋን ነ ዎዛናይ ኦቶረቴዳ” ያጌ።
EZE 28:6 “ ‘ሄዋ ድራዉ፥ ኡባ ሞድያ መꬍና ጎዳይ ሀዋዳን ያጌ፤ “ኔን፥ ታን ጾሳዳን፥ አꬌዳ ኤራንቻ ጋደ ቆፕያ ድራዉ፥
EZE 28:7 ታን ነ ቦላ ካዉተꬃቱዋ ኡባፐ መቀꬅ ባይና፥ ኢታ ሞርከቱዋ አሀና፤ ኔን ነ አꬌዳ ኤራን ሺሼዳ ማጹዋ ኡባ ኡንቱንቱ ባረንቱ ማሻን ꬋይሳና፤ ነ ቦንቹዋካ ኡንቱንቱ ቱንሳና።
EZE 28:8 ኔና ኡንቱንቱ ዎꬊደ፥ አባ ጪማን ኦላና።
EZE 28:9 ያትና፥ ኔና ዎꬋና ሀንያዋ ስንꬃን ኔን፥ ቱሙ ታን ጾሳ ጋኒ? ኔና ዎꬍያዋንቱ ኩሽያን ኔን አሳፐ አትና፥ ጾሳ ግዳካ።
EZE 28:10 ኔን አላጋቱዋ ኩሽያን አማነና አሳይ ሀይቂያ ሀይቁዋ ሀይቃና። ታን ኡባ ሞድያ መꬍና ጎዳይ ሀዋ ኦዳድ” ያጌ’ ያጋ” ያጊደ ዬዳ።
EZE 28:11 ቃይካ መꬍና ጎዳ ቃላይ ታኮ ሀዋዳን ያጊደ ዬዳ፤
EZE 28:12 “ላ አሳ ናአዉ፥ ጺሮሳ ካትያዉ ሀዋዳን ያጋደ ዝላላ፤ ‘ኡባ ሞድያ መꬍና ጎዳይ ሀዋዳን ያጌ፤ “ኔን ካሰ አꬌዳ ኤራን ኩሜዳዋ፤ ኔን አሳይ ሌምሲደ ኦድያ አꬌዳ ፑላንቻ ግዳዳ።
EZE 28:13 ኔን ኤደነን፥ ጾሳ ገነትያን ካሰ ደኣዳ፤ ሳርድዮነ፥ ቶጳዝዮነ፥ አልማዘ፥ ብራለ፥ ማርግደ፥ ያስጲደ፥ ሳምፔረነ ባሉራ ጌተትያ አልኦ ሹቻን አሌቀታደ፥ ሎኦ ዎርቃ አሌቁዋ ካሰ ማያዳ፤ ኔን መቴዳ ጋላስ ሀዌ ኡባይ ነዉ ጊጌዳ።
EZE 28:14 ታን ኔና ናግያ ክሩበ ኦꬃደ ሱንꬃድ፤ ያታደ ኔና ኦካድ። ታ ጌሻ ደርያ ቦላን ኔን ደኣዳ፤ ቃይ ታማዳን ጶልያ አልኦ ሹቻቱዋ ግዶን ስመረታዳ።
EZE 28:15 “ ‘ “ኔን መቴዳ ጋላሳፐ ዶማደ፥ ኢታባይ ነ ቦላ ቤቴዳ ጋላሳይ ጋካናዉ፥ ነ ኦግያ ኡባን ቶሺ ባይናን ደኣዳ።
EZE 28:16 ነ ዳሮ ዛልእያፐ ደንዴዳዋን፥ ማካላን ኩማደ፥ ናጋራ ኦꬃዳ። ሄዋ ድራዉ፥ ታ ጌሻ ደርያፐ ቱናባዳን፥ ኔና ዎልቃን ከሳድ። ኔኖ፥ ናግያ ክሩብያዉ፥ ሄ ታማዳን ጶልያ አልኦ ሹቻቱዋ ግዶፐ ታን ኔና የደርሳድ።
EZE 28:17 ኔን ፑላንቻ ግድያ ድራዉ፥ ዳሮ ኦቶረታዳ፤ ነ ቦንቹዋ ጋሱዋን፥ ነ አꬌዳ ኤራ ቱንሳዳ። ሄዋ ድራዉ፥ ታን ኔና ሳኣን ኦላድ፤ ሀራ ካተቱ ኔና በኢደ ሴረታናዳን ኦꬃድ።
EZE 28:18 ነ ናጋራ ዳሩዋንነ ነ ጭሙዋ ዛልእያን፥ ነ ጎይንያ ሳአቱዋ ኡባ ቱንሳዳ። ሄዋ ድራዉ፥ ታን ታማይ ነ ግዶፐ ከሳናዳን ኦꬃድ፤ እካ ኔና ሜዳ። ኡባቱ ጼልሽን፥ ታን ኔና ሳኣ ቦላን ብድንꬃ ከሳድ።
EZE 28:19 ኔና ካሰ ኤርያ ካዉተꬃቱ ኡባይ ነባን ዳጋሜድኖ። ነ ዉርሰꬃይ ያሽያዋ ግዴዳ፤ ኔን ላኤንꬆ ኡባካ ደአካ” ያጌ’ ያጋደ ዝላላ” ያጊደ ዬዳ።
EZE 28:20 መꬍና ጎዳ ቃላይ ታኮ ሀዋዳን ያጊደ ዬዳ፤
EZE 28:21 “ላ አሳ ናአዉ፥ ነ ሶምኡዋ ሲዶና ካታማኮ ዛራደ፥ አ ቦላ ትምቢትያ ኦዳ።
EZE 28:22 ሀዋዳን ያጋ፤ ‘ኡባ ሞድያ መꬍና ጎዳይ ሀዋዳን ያጌ፤ “ኔኖ፥ ሲዶና፥ ታን ነዉ ሞርከ! ነ ቦላ ኦꬅያዋን ታ ቦንቹ ቆንጫና። ነ ግዶን ደእያዋንታ ፕርድያዋን ታን ታ ጌሻተꬃ በስያ ዎደ፥ ታን መꬍና ጎዳ ግድያዋ ኡንቱንቱ ኡባይ ኤራና።
EZE 28:23 ታን ነ ግዶን ኢታ ሀርግያ የዳና፤ ነ ኦግያን ሱꬃይ ጉካናዳን ኦꬃና። ኡባ ባጋና ይያ ኦላ ጋሱዋን ነ አሳይ ማሻን ሀይቃና። ታን መꬍና ጎዳ ግድያዋ ኡንቱንቱ ሄዋን ኤራና።
EZE 28:24 “ ‘ “ሀዋፐ ስንꬃናዉ እስራኤልያ ዩሹዋን ደእያ፥ አ ካꬊደ ጼልያ ቢታ ኡባፐ፥ አጉንꬃ ማላነ ካሽያ ማላ ግዲደ ቆህያባይ ኦንነ ደኤና። ታን ኡባ ሞድያ መꬍና ጎዳ ግድያዋ ኡንቱንቱ ሄዋን ኤራና” ያጌ’ ያጋ” ያጊደ ዬዳ።
EZE 28:25 ኡባ ሞድያ መꬍና ጎዳይ ሀዋዳን ያጌ፤ “እስራኤልያ አሳ ኡንቱንቱ ላለቴዳ ካዉተꬃ ኡባፐ ሺሻደ፥ ታን አህያ ዎደነ ኡንቱንቱ ሄ ካዉተꬃቱዋ ኡባ ስንꬃን ታን ታ ጌሻተꬃ በስያ ዎደ፥ ታን ታ ቆማ ያቆባዉ እሜዳ ባረንቱ ቢታን ኡንቱንቱ ደአና።
EZE 28:26 ሄዋን ኡንቱንቱ ሳሩዋን ደአና፤ ጎልያ ኬጻና፤ ዎይንያ ቱራካ ቶካና። ኡንቱንታ ካꬊደ ጼልያ ኡንቱንቱ ሾሮቱዋ ኡባካ ታን ፕርድያ ዎደ፥ እስራኤልያ አሳይ ሳሩዋን ደአና። ሄ ዎደ ታን መꬍና ጎዳይ ኡንቱንቱ ጾሳ ግድያዋ ኡንቱንቱ ሄዋን ኤራና” ያጌ።
EZE 29:1 ኑን ኦሞደቴዳ ታማንꬃ ላይꬃን፥ ታማንꬃ አግናን፥ ታማነ ላኤንꬃ ጋላሳን፥ መꬍና ጎዳ ቃላይ ታኮ ሀዋዳን ያጊደ ዬዳ፤
EZE 29:2 “ላ አሳ ናአዉ፥ ነ ሶምኡዋ ግብጼ ካትያኮ ዛራደ፥ አ ቦላነ ግብጼ ቢታ ኡባ ቦላ ትምቢትያ ኦዳ።
EZE 29:3 ሀዋዳን ያጋ፤ ‘ኡባ ሞድያ መꬍና ጎዳይ ሀዋዳን ያጌ፤ “ኔኖ፥ ፓርኦና፤ ናይለ ሻፋ ግዶን ግሴዳ፥ ሎይꬃ ዎልቃማነ ያሽያ ዶአዉ፥ ናይለ ሻፋይ ታዋ፤ አ መꬌዳዌ ታና ያግያ ግብጼ ካትያዉ፥ ታን ነዉ ሞርከ!
EZE 29:4 ታን ነ ጎጎጩዋን ህንግꬃ ገልሳና፤ ነ ሻፋን ደእያ ሞለቱ ነ ጋልባ ፖቁዋና ኦይቀታናዳን ኦꬃና፤ ሞለቱ ነ ጋልባና ኦይቀት ኡት ደእሽን፥ ታን ኔና ሃꬃቱዋፐ ጎቻደ ጋጻ ከሳና።
EZE 29:5 ታን ኔናነ ነ ሻፋን ደእያ ሞለቱዋ ኡባ መላ ቢታን ኦላና፤ ነ አሃይ ደምባን ኦለት አታናዋ፤ ነ አሃ ሺሺደ ሞግያዌ ꬋያና። ታን ኔና ሳሉዋ ካፎቶነ ሳኣ ዶአቶ ቁማ ኦꬃና።
EZE 29:6 ግብጼን ደእያ አሳይ ኡባይ ታን መꬍና ጎዳ ግድያዋ ሄዋን ኤራና። “ ‘ “ኔን እስራኤልያ አሳዉ ማቃ ጉፍያ ግዳዳ፤
EZE 29:7 ኡንቱንቱ ኔና ኦይቄዳ ዎደ መአደ፥ ኡንቱንቱ ሀሽያ ጫዳዳ፤ ኡንቱንቱ ኔናን ዘምፔዳ ዎደ መአደ፥ ኡንቱንቱ ዞክያ ዱꬃዳ።
EZE 29:8 ሄዋ ድራዉ፥ ታን ኡባ ሞድያ መꬍና ጎዳይ ነ ቦላን ማሻ ደንꬅያዋንታ አሀና፤ ኡንቱንቱ ነ አሳነ ነ መህያ ኡባ ዉርሳና።
EZE 29:9 ግብጼ ቢታይ አሳይ ባይና መላነ ኦና ቢታ ግዳና። ታን መꬍና ጎዳ ግድያዋ ኡንቱንቱ ሄዋን ኤራና። “ ‘ “ሄዌካ ኔን፥ ናይለ ሻፋይ ታዋ፤ አ መꬌዳዌ ታና ያጌዳ ድራዉ፥
EZE 29:10 ታን ነ ቦላነ ነ ሻፋ ቦላ ደንዳድ። ታን ሁጲሳ ባጋና ምግዶላፐ ዶማደ፥ ገድሳ ባጋና አስዋነ ካታማ፥ ሄዋፐካ ቶጵያ ዛዋ ጋካናዉ ግብጼ ኡባ አሳይ ባይና መላነ ኦና ሳኣ ከሳና።
EZE 29:11 አሳ ግድና መህያ ግድና፥ ሄዋና አና፤ ኦይታሙ ላይꬃይ ዉራና ጋካናዉ፥ አያይነ ሄዋን ደኤና።
EZE 29:12 ታን ግብጼ ቢታይ ቢታ ኡባፐ አꬌዳ መላነ ኦና ቢታ ኦꬃና፤ አ ካታማቱካ ኦይታሙ ላይꬃይ ዉራናዉ፥ ሀራ ኮለቴዳ ካታማ ኡባፐ አꬉዋ ኮለቲደ ደአና። ግብጼ አሳ ታን ካዉተꬃቱዋ ግዶንነ ሀራ አሳ ግዶን ላላና” ያጌ።
EZE 29:13 “ ‘ኡባ ሞድያ መꬍና ጎዳይ ሀዋዳን ያጌ፤ “ኦይታሙ ላይꬃፐ ጉይያን፥ ታን ግብጼቱዋ ላሌዳ ካዉተꬃቱዋ ግዶፐ ሺሻና።
EZE 29:14 ታን ኡንቱንታ ዛራደ እሻልሳና፤ ኡንቱንቱ የለቴዳ ገድሳ ግብጼን ደእያ ፓትሮሳ ቢታ ዛራና፤ ሄዋን ኡንቱንቱ ላፋ ካዉተꬃ ግዲደ ደአና።
EZE 29:15 ግብጼ ሀራ ካዉተꬃቱዋ ኡባፐ አꬌዳ ላፋ ካዉተꬃ ግዳና። ላኤንꬆ ሀራ ካዉተꬃቱዋ ቦላ ባረና ꬎቁ ꬎቁ ኦና። ላኤንꬆ እ ሀራ ካዉተꬃ ሞደናዳን፥ ታን እዞ ጉꬃና።
EZE 29:16 እስራኤልያ አሳይ ላኤንꬆ ማዱዋ ደማናዉ ኡንቱንቱን አማነተና፤ ግብጼን አማነቴዳዌ አይ ኬሻ ባይዘንቶ እስራኤልያ አሳይ አኬካና። ኡባ ሞድያ መꬍና ጎዳ ግድያዋ ኡንቱንቱ ሄዋን ኤራና” ያጌ’ ያጋ” ያጊደ ዬዳ።
EZE 29:17 ኑን ኦሞደተዳ ላታማነ ላፑንꬃ ላይꬃን፥ ኮይሮ አግናን፥ ኮይሮ ጋላሳን፥ መꬍና ጎዳ ቃላይ ታኮ ሀዋዳን ያጊደ ዬዳ፤
EZE 29:18 “ላ አሳ ናአዉ፥ ባብሎነ ካቲ ናቡካዳናጾር ጺሮሳ ቦላ ኦላ ደንꬃናዉ ጊጌዳ፤ ኡንቱንቶ ሁጲ ቦአታና ጋካናስነ ሀሺካ ማዱጻና ጋካናዉ፥ ኦላንቻቱ ዴጾ ቶኩዋ ቶካናዳን ኦꬄድኖ፤ ግዶ ሽን፥ ካዉካ ኦላንቻቱካ ሀ ዳቡራ ኡባን ኡንቱንቱ ጺሮሳፐ ደሜዳዌ ባዋ።
EZE 29:19 ሄዋ ድራዉ፥ ኡባ ሞድያ መꬍና ጎዳይ ሀዋዳን ያጌ፤ ‘ታን ግብጼ ቢታ ባብሎነ ካትያ ናቡካዳናጾራዉ አꬃደ እማና፤ እካ ባረ ኦላንቻቱዋ ድርጉዋ ግዳና ማላ፥ ኦሞዱዋንነ ቦንቂያን አኬዳዋ ኡባ አኪደ ባና።
EZE 29:20 እነ አ ኦላንቻቱ ታዉ ኦꬄዳ ድራዉ፥ ታን አዉ ግብጼ ቢታ ኡንቱንቱ ዳቡራዉ ድርጉዋ ኦꬃደ እማና። ታን ኡባ ሞድያ መꬍና ጎዳይ ሀዋ ኦዳይ’ ያጌ።
EZE 29:21 “ሄ ጋላስ ታን እስራኤልያ አሳ ምንꬃና። ህዝቄላ፥ ኔንካ አሳዉ ኦዳናዳን፥ ታን ኔና ምንꬃና። ታን መꬍና ጎዳ ግድያዋ ኡንቱንቱ ሄዋን ኤራና” ያጊደ ዬዳ።
EZE 30:1 ቃይካ መꬍና ጎዳ ቃላይ ታኮ ሀዋዳን ያጊደ ዬዳ፤
EZE 30:2 “ላ አሳ ናአዉ፥ ሀዋዳን ያጋደ ትምቢትያ ኦዳ፤ ‘ኡባ ሞድያ መꬍና ጎዳይ ሀዋዳን ያጌ፤ “ሄ ጋላሳዉ፥ አየ አና! ያጊደ ዝላልተ!
EZE 30:3 አያዉ ጎፐ፥ ሄ ጋላሳይ ማቴዳ! መꬍና ጎዳ ጋላሳይ ጋኬዳ! ሄ ጋላሳይ ሻሪ ስኬዳ ጋላሳነ ካዉተꬃቱዋ ኡባዉ መቶ ጋላሳ ግዳናዋ።
EZE 30:4 ግብጼ ቦላ ኦላይ ያና፤ ቶጵያ ቦላንካ ቱጋይ ያና። ዳሮቱ ግብጼ ቢታን ሀይቃና፤ ሄ ቢታ ዱረተꬃይ ቦንቀታና፤ አ ባሱካ ባያና።
EZE 30:5 ሄ ኦላይ ቶጵያ፥ ሊድያ፥ ሊብያ፥ አራባነ ታ ጫቆ ቢታ አሳ ኡባ ግብጼና ጋꬂደ ዉርሳና” ያጌ።
EZE 30:6 “ ‘መꬍና ጎዳይ ሀዋዳን ያጌ፤ “ግብጼ ማድያዋንቱ ኩንዳና፤ አ ኦቶረትያ ዎልቃይ ዉራና። ምግዶላፐ ቢደ አስዋነ ጋካናዉ፥ ኡንቱንቱ ማሻን ሀይቃና። ታን ኡባ ሞድያ መꬍና ጎዳይ ሀዋ ኦዳይ።
EZE 30:7 ግብጼ ቢታይ ቢታ ኡባፐ አꬌዳ መላ ቢታ ግዳናዋ፤ አ ካታማቱካ ሀራ ኮለቴዳ ካታማ ኡባፐ አꬉዋ ኮለቲደ ደአና።
EZE 30:8 ታን ግብጼ ታማን ኦይꬅያ ዎደነ አ ማድያዋንቱ ኡባይ ሀይቂ ዉርያ ዎደ፥ ታን መꬍና ጎዳ ግድያዋ ኡንቱንቱ ኤራና።
EZE 30:9 “ ‘ “ሄ ጋላስ ታን ሳሮ ደእያ ቶጵያ አሳ ዳጋንꬃናዉ አሳቱዋ ማርካብያን ኪታና። ግብጼ ሙረትያ ጋላስ ቶጵያ አሳ ቦላ ቱጋይ ያና። በእተ፥ ሄ ጋላሳይ ጋኬዳ!” ያጌ።
EZE 30:10 “ ‘ኡባ ሞድያ መꬍና ጎዳይ ሀዋዳን ያጌ፤ “ባብሎነ ካትያ ናቡካዳናጾራ ኩሽያን ታን ግብጼ ዱረተꬃ ꬋይሳና።
EZE 30:11 ካዉተꬃቱዋ ኡባፐ አꬊደ፥ መቀꬃ ኢትያ ኦላንቻቱዋ ካለꬂደ ዪደ፥ እ ቢታ ꬋይሳና፤ ኡንቱንቱ ግብጼ አሳ ቦላን ማሻ ሾዲደ፥ ቢታን አሃ ኩንꬃና።
EZE 30:12 ናይለ ሻፋ ታን መልሳና፤ ታን ግብጼ ኢታ አሳቱዋ ኩሽያን አꬃደ እማና፤ ኡንቱንታ፥ ሄ ቢታነ አን ደእያዋ ኡባ አላጋቱዋ ኩሽያን ꬋይሳና። ታን መꬍና ጎዳይ ሀዋ ኦዳድ” ያጌ።
EZE 30:13 “ ‘ኡባ ሞድያ መꬍና ጎዳይ ሀዋዳን ያጌ፤ “መምፒሳ ካታማን ደእያ ኤቃቱዋነ ምስለቱዋ ኡባ ታን ꬋይሳና፤ ግብጼ ቢታን ላኤንꬆ ካፖ ግድያዌ ደኤና፤ ቢታ ኡባ ታን ያሽሳና።
EZE 30:14 ታን ፓትሮሳ ግያ ገድሳ ባጋ ግብጼ መላ ከሳና፤ ሁጲሳ ባጋና ደእያ ጾኣነ ካታማን ታማ የዳና፤ ቴብሳ ካታማካ ሙራና።
EZE 30:15 ግብጼዉ ጌሶ ግዴዳ ፐሉስያማን ታ ሀንቁዋ ጉሳና፤ ቴብሳ አሳ ኡባ ዉርሳና።
EZE 30:16 ታን ግብጼን ታማ ኦይꬃና፤ ፐሉስያምካ ሎይꬅ ቱጋታና፤ ቴብሳ ድርሳ ግምቢ ኮለታና፤ መምፒሳ ካታማን ዱጸና መቱ ጋካናዋ።
EZE 30:17 ኦና ካታማ ያላጋ አሳቱነ ብባስታ ካታማን ደእያ ያላጋይ ኡባይ ማሻን ዉራና፤ ሄ ካታማቱካ ኦሞደቲደ ባና።
EZE 30:18 ግብጼ ዎልቃ ታን መንሬꬅያ ዎደ፥ ጻፍናሳን ጋላሳይ ቃማና፤ እ ኦቶረትያ ዎልቃይ ዉራና፤ ግብጻ ሻሪ ካማና፤ ጻፍናሳ ዩሹዋን ደእያ ካታማቱዋ ኡባን ደእያ አሳይ ኦሞዱዋን ባና።
EZE 30:19 ታን ግብጻ ሄዋዳን ሙራና። ሄ ዎደ ታን መꬍና ጎዳ ግድያዋ ኡንቱንቱ ሄዋን ኤራና” ያጌ’ ያጋ” ያጊደ ዬዳ።
EZE 30:20 ኑን ኦሞደተዳ ታማነ እተንꬃ ላይꬃን፥ ኮይሮ አግናን፥ ላፑንꬃ ጋላሳን፥ መꬍና ጎዳ ቃላይ ታኮ ሀዋዳን ያጊደ ዬዳ፤
EZE 30:21 “ላ አሳ ናአዉ፥ ታን ግብጼ ካትያ ቀስያ መንꬃድ፤ አ ዎሻንነ ጩርቃን ጻጽ ኮሊደ ፓꬅያ ሂላይካ ባዋ፤ ሀዋፐ ስንꬃናዉ እ ምኖተꬃ አሂደ፥ ማሻ ኦይቃናዉ ዳንዳየና።
EZE 30:22 ሄዋ ድራዉ፥ ኡባ ሞድያ መꬍና ጎዳይ ሀዋዳን ያጌ፤ ‘ታን ግብጼ ካትያዉ ሞርከ። አዉ ካሰ መኦ ቀስያነ ፓጻ ደእያ ቀስያ ላኡዋካ ታን መንꬃና፤ አ ማሻይካ አ ኩሽያፐ ሳኣን ዎꬋናዳን ኦꬃና።
EZE 30:23 ግብጼቱዋ ካዉተꬃቱዋ ግዶንነ ሀራ ቢታቱዋን ላላና።
EZE 30:24 “ ‘ታን ባብሎነ ካትያ ላኡ ቀስያ ምንሳደ፥ ታ ማሻ አ ኦይꬃና። ሽን ግብጼ ካትያ ቀስያ መንꬃና፤ ባረ ሞርክያ ስንꬃን እ ሀይቃና ሀንያዌ ኦልያዋዳን ኦላና።
EZE 30:25 ኤ፥ ታን ግብጼ ካትያ ላኡ ቀስያ ዳቡርሳደ፥ ባብሎነ ካትያ ቀስያ ምንꬃና። ታን ባብሎነ ካትያ ታ ማሻ ኦይꬅያ ዎደነ እ ግብጼ ቦላ አ ደንꬅያ ዎደ፥ ግብጼቱ ታን መꬍና ጎዳ ግድያዋ ኤራና።
EZE 30:26 ግብጼቱዋ ታን ካዉተꬃቱዋ ግዶንነ ቢታ ኡባን ላላና። ሄ ዎደ ታን መꬍና ጎዳ ግድያዋ ኡንቱንቱ ሄዋን ኤራና’ ያጌ” ያጊደ ዬዳ።
EZE 31:1 ኑን ኦሞደቴዳ ታማነ እተንꬃ ላይꬃን፥ ሄዘንꬃ አግናን፥ ኮይሮ ጋላሳን፥ መꬍና ጎዳ ቃላይ ታኮ ሀዋዳን ያጊደ ዬዳ፤
EZE 31:2 “ላ አሳ ናአዉ፥ ግብጼ ካትያዉነ አሳ ኡባዉ ሀዋዳን ያጋደ ኦዳ፤ ‘ነ ግታተꬃን ኔና ታን ኦናና ልኮ?
EZE 31:3 “ ‘ኔን ሎኦ ዳሻ ኩዋይ ደእያ ሊባኖሳ ዝጋ ማላ። እ አዱቂደ ድጬዳ፤ አ ጼራይካ ሻርያ ጋኬዳ።
EZE 31:4 ሄዋን አ ድችያ ሃꬃይ ደኤ፤ ጪሙዋፐ ከስያ ፑልቶቱካ እ ቶከቴዳ ሳኣን ዩሹዋን ኡባን ጎጊኖ፤ ሄ ፑልቶቱ ምꬃይ ሞክያሳ ኡባ ጋኪደ ኡሺኖ።
EZE 31:5 ሄ ምꬃይ ሃꬃይ ዳሬዳ ድራዉ፥ ዎራን ደእያ ሀራ ምꬃ ኡባፐ ጌሳ አዱቄ፤ አ ዳሻቱካ ኦርደነ አዱሳ።
EZE 31:6 ሳሉዋ ካፎቱ ኡባይ አ ዳሻን ባረንቱ ጎልያ ኬጼድኖ፤ ባዙዋ ዶአቱካ አ ዳሻ ጋርሳን ማራ የሌድኖ፤ ዎልቃማ ካዉተꬃቱ ኡባይ አ ኩዋን ኡቲኖ።
EZE 31:7 ሄ ምꬃይ ባረ ግታተꬃናነ ባረ ዳሻ አዱሳተꬃና አያ ሎኢ! ባረ ጻጱዋካ ሃꬃ ጪማዉ ዱገ የድ ዎꬄዳ።
EZE 31:8 ሀራይ አቶ ጾሳ ጋናትያንካ ሄ ዝጋና ልከትያ ዝግ ባዋ፤ አዋ ማላ ዳሻይ ደእያ ጺዳይካ ባዋ፤ ሄዋ ማላ ቦእያ ምꬅካ ባዋ። ጾሳ ጋናትያንካ ሄዋ ማላ ሎኦ ምꬃይ ባዋ።
EZE 31:9 “ ‘ታን አ ዳሮ ዳሻን ፑላንቻ ኦꬃድ። ኤደነ ግያ ጾሳ ገነትያን ደእያ ምꬃቱ ኡባይ አ ቃናቴድኖ።
EZE 31:10 “ ‘ሄዋ ድራዉ፥ ኡባ ሞድያ መꬍና ጎዳይ ሀዋዳን ያጌ፤ “ሄ ምꬃይ አዱቂደ ድጬዳ ድራዉ፥ አ ጼራይካ ሻርያ ጋኬዳ ድራዉነ እ ባረ ጌሳን ኦቶረቴዳ ድራዉ፥
EZE 31:11 ታን አ አጋ አጋድ፤ ያታደ ዎልቃማ፥ አላጋ ካዉተꬃዉ አꬃደ እማድ። ሄ ካዉተꬃይ አዉ አ ኢታተꬃዳን ኦꬃና።
EZE 31:12 መቀꬃ ኢታ አላጋቱ ሄ ምꬃ ቃንጽ ኦላና፤ ቃንጼዳ ታሸቱ ደረቱዋን፥ ዎምባቱዋንነ ዛንጋራቱዋን ኦለት አታና። አ ኩዋን ኡትያ ሀራ ካዉተꬃቱ ኡባይ ሄ ሳኣ አጊደ ባና።
EZE 31:13 ሳሉዋ ካፎቱ ዪደ ኩንዴዳ ምꬃ ቦላ ኡታና፤ ባዙዋ ዶአቱካ አ ታሸቱዋ የꬋና።
EZE 31:14 ሃꬃ ማታን ድጭያ ምꬃቱ ግዶን አዋዳን አዱቂደ፥ ጼራይ ሻርያ ጋክያ ምꬃይ ደኤና። ሀይቂያ አሳ ቦላ ጋክያ ሀይቁዋ ፕርዳይ ሄ ምꬃ ቦላ ጋካናዋ፤ ሄ ፕርዳይ እ ሀይቂደ፥ ዱፉዋን ገልያዋንቱና ስኦልያን ገላናሳ” ያጌ።
EZE 31:15 “ ‘ኡባ ሞድያ መꬍና ጎዳይ ሀዋዳን ያጌ፤ “ሄ ምꬃይ ስኦልያን ገልያ ጋላስ ጪሙዋፐ ከስያ ፑልቶቱ አዉ ካዮታናዳን ታን ኦꬃና፤ ሄ ፑልቶቱዋ ሃꬃይ ጎገናዳን ታን ኦꬃና፤ ሊባኖስካ አ ድራዉ ካዮታናዳን ኦꬃና። ቃይ ዎራ ምꬃይ ኡባይ ሹላና።
EZE 31:16 ታን ሄ ምꬃ ስኦልያን ኦልያ ዎደ፥ አ ኩንደꬃ ኮሻን ካዉተꬃይ ኡባይ ቃጻና። ኩንዲደ ስኦልያን ገሌዳ ኤደነ ምꬃቱነ ሃꬃ ኡሽያ ዶረቴዳነ ሎኦ ሊባኖሳ ምꬃቱ ኡባይ አ ኩንደꬃን ምነታና።
EZE 31:17 ካዉተꬃቱዋ ግዶን አናና ማደቴዳነ አ ኩዋን ኡቴዳ ኡባይ ካሰ ማሻን ሀይቄዳዋንቱና ጋከታናዉ አናና እትፐ ስኦልያን ገላና።
EZE 31:18 ኤደነ ጋናትያ ግዶ ምꬃቱዋንካ ሄዋ ኬሻ ግታይነ ሎኡ ባዋ፤ ሽን ሀእ ኤደነ ምꬃቱዋዳን፥ እካ ሀይቂ ስኦልያን ገሌ፤ ሄዋን እ ማሻን ሀይቄዳ አማንቤናዋንቱ ኡባን ጋከታና። “ ‘ “ሄ ምꬃይ ግብጼ ካትያነ አ አሳ ኡባ ሌምሶ። ታን ኡባ ሞድያ መꬍና ጎዳይ ሀዋ ኦዳይ” ያጌ’ ያጋ” ያጊደ ዬዳ።
EZE 32:1 ኑን ኦሞደቴዳ ታማነ ላኤንꬆ ላይꬃን፥ ታማነ ላኤንꬆ አግናን፥ ኮይሮ ጋላሳን፥ መꬍና ጎዳ ቃላይ ታኮ ሀዋዳን ያጊደ ዬዳ፤
EZE 32:2 “ላ አሳ ናአዉ፥ ግብጼ ካትያዉ ዝላላ! ሀዋዳን ያጋ፤ ‘ኔን ካዉተꬃቱዋ ግዶን ኔና ጋሙዋ ከሳዳ፤ ሽን ኔን አባ ግዶን ደእያ ጻድያ ማላ። ኔን ሃꬃቱዋፐ ከሳዳ፤ ነ ገደቱዋን ፑርቻካደ፥ ሃꬃ ቡሉቃዳ።
EZE 32:3 “ ‘ኡባ ሞድያ መꬍና ጎዳይ ሀዋዳን ያጌ፤ “ዳሮ አሳይ ሺቅያ ዎደ፥ ታን ታ ግትያን ኔና ኦይቃና፤ ሄ አሳይ ኔና ጎቺደ፥ ሃꬃፐ ጋጻ ከሳና።
EZE 32:4 ታን ኔና ቢታን ኦላ አጋና፤ ደምባ ቦላካ ምጫና፤ ያታደ ሳሉዋ ካፎቱዋ ኡባይ ነ ቦላ ኡትሳና፤ ቢታ ኡባን ደእያ ባዙዋ ዶአቱዋካ ነ አሹዋ ካልሳና።
EZE 32:5 ታን ነ አሹዋ ደረቱዋ ቦላን ላላና፤ ነ ዎምባቱዋካ ነ አሃን ኩንꬃና።
EZE 32:6 ደረቱዋ ካሚደ፥ ሻፋቱዋ ኩማና ጋካናዉ፥ ነ ሱꬃይ ጉካናዳን ኦꬃና።
EZE 32:7 ታን ኔና ꬋይስያ ዎደ፥ ሳሉዋ ጎዛና፤ ጾልንተቱዋካ ꬉምሳና፤ አዋካ ሻርያን ካማና፤ አግናይካ ባረ ፖኡዋ ድጋና።
EZE 32:8 ኔፐ ቦላና ደእያ ሳሉዋ ፖኦቱዋ ኡባ ꬋይሳደ፥ ነዉ ቢታ ꬉምሳና። ታን ኡባ ሞድያ መꬍና ጎዳይ ሀዋ ኦዳይ።
EZE 32:9 “ ‘ “ታን ነ ቦላ ጋኬዳ ባየꬃ ኦዱዋ ኔን ኤረና ካዉተꬃቱዋ ኡባ ስስያ ዎደ፥ ጮራ አሳ ዎዛናይ ሻቢረታና።
EZE 32:10 ታን ነ ቦላ ጋꬅያዌ ካዉተꬃቱዋ ኡባ ዳጋንꬃና። ታን ታ ማሻ ኡንቱንቱ ስንꬃን ለለስያ ዎደ፥ ካተቱ ያሻን ኮኮራና፤ ኔን ኩንድያ ጋላስ ኡንቱንቱ ኡባይካ ባረንቱ ሸምፖ ሸምፖ ያያና” ያጌ።
EZE 32:11 “ ‘ኡባ ሞድያ መꬍና ጎዳይ ግብጼ ካትያዉ ሀዋዳን ያጌ፤ “ባብሎነ ካትያ ማሻይ ነ ቦላን ያና።
EZE 32:12 ሀራ ካዉተꬃፐ አꬊደ፥ መቀꬃ ኢትያ ኦላንቻቱ ባረንቱ ማሻን ነ ጮራ አሳ ዉርሳናዳን ታን ኦꬃና። ኡንቱንቱ ግብጼ ኦቶሩዋ ꬋይሳና፤ አ ጮራ አሳይካ ዉራና።
EZE 32:13 ዳሮ ሃꬃ ማታን ደእያ መህያ ኡባካ ታን ꬋይሳና፤ ሄዋፐ ጉይያን፥ ሃꬃ ቡሉቂያ አሳ ግድና መህያ ግድና፥ ኡባካ ደኤና።
EZE 32:14 ሄ ዎደ ታን ነ ሃꬃቱዋ ጽልሳና፤ ነ ሻፋቱዋካ ዎፑ ኦꬃደ ጎግሳና። ታን ኡባ ሞድያ መꬍና ጎዳይ ሀዋ ኦዳይ።
EZE 32:15 ታን ግብጼ መላ ከስያ ዎደ፥ አን ደእያዋ ኡባ ቁጫደ ꬋይስያ ዎደነ አን ደእያ አሳ ኡባ ሾጭያ ዎደ፥ ታን መꬍና ጎዳ ግድያዋ ኡንቱንቱ ኤራና።
EZE 32:16 “ ‘ “ሄዌ ኡባይ ኡንቱንቶ ዝላልያ ዝላሳ ግዳናዋ። ካዉተꬃቱዋ ማጫ አሳቱ ግብጼስነ አ ጮራ አሳዉ ዝላላና። ታን ኡባ ሞድያ መꬍና ጎዳይ ሀዋ ኦዳይ” ያጌ’ ያጋ” ያጊደ ዬዳ።
EZE 32:17 ኑን ኦሞደቴዳ ታማነ ላኤንꬆ ላይꬃን፥ ሄ አግናን፥ ታማነ እቼሸንꬆ ጋላሳን፥ መꬍና ጎዳ ቃላይ ታኮ ሀዋዳን ያጊደ ዬዳ፤
EZE 32:18 “ላ አሳ ናአዉ፥ ግብጼ ጮራ ኦላንቻቱዋ ድራዉ ዬካ! ግብጼነ ዎልቃማ ካዉተꬃቱዋ ማጫ ናናቱዋ፥ ሀራ ሀይቂደ ዱፉዋን ገሌዳዋንቱና እትፐ ስኦልያ ሞይዛ።
EZE 32:19 ኡንቱንቱ፥ ‘ህንተኖ ግብጼቶ፥ ህንተ ሀራቱዋፐ አꬍ ሎኢቴ? ህንተ ስኦልያን ገላና፤ ሄዋን ህንተ ጾሳ አማንቤናዋንቱና እትፐ ሞገታና።’
EZE 32:20 “ግብጼ ቢታዉ ማሻይ ሾደት ኡቴዳ ድራዉ፥ ኡንቱንቱ ማሻን ሀይቄዳዋንቱ ግዶ ኩንዳና፤ ግብጼ ባረ ጮራ አሳ ኡባና ዱገ ጎሸታና።
EZE 32:21 ስኦልያን ደእያ ዎልቃማ ካፓቱ ግብጼባነ ግብጼ ማዴዳዋንቱባ ሃሳዪደ፥ ‘ኡንቱንቱ ሃ ዱገ ዬድኖ፤ ጾሳ አማነናን፥ ማሻን ሀይቄዳዋንቱና ኡንቱንቱ ግሴድኖ’ ያጊኖ።
EZE 32:22 “አሶረ ስኦልያን ደኤ። ኦላን ሀይቄዳ አሶረ ኦላንቻቱዋ ዱፎቱ አ ዩሹዋን ዶድ ኡቴድኖ።
EZE 32:23 ሄ ዱፎቱ ጪማ ኦላቱዋፐ ዉርሰꬃን ደኢኖ። አ ኦላንቻቱ፥ ካሰ ካዉተꬃቱዋ ኡባ ያሻን ኮኮርሴዳዋንቱ፥ ሀእ አ ኦላንቻቱ ዱፉዋ ዩሹዋን ሺቄድኖ። ደኡዋን ደእያዋንቱ ቢታን ሻብረꬃ መꬌዳዋንቱ ኡባቱ ማሻን ዉሬድኖ።
EZE 32:24 “ኤላምካ ስኦልያን ደኤ። ኤላማ ኦላንቻቱ ኡባይ አ ዱፉዋ ዩሹዋን ዶድ ኡቴድኖ። ኡባቱ ሹከቴድኖ፥ ማሻን ኩንዴድኖ፤ ደኡዋን ደእያ አሳ ቢታን ሻባርሳ ደንꬄዳ ኡባይ አማነናዋንታ ግዲደ ዬላን ቢታ ጋርሳ አꬌድኖ፤ ዱፉዋ ጋርሳ ገሊደ ግሴድኖ።
EZE 32:25 ሀይቄዳዋንቱ ግዱዋን ኤላማዉ ሳአይ ጊግ ኡቴዳ። ኤላማ ኦላንቻቱዋ ኡባ ዱፎቱ አ ዩሹዋን ደኢኖ፤ ኡንቱንቱ ኡባይካ ማሻን ሀይቄድኖ። ኡንቱንቱ ኡባይካ ጾሳ አማንቤናዋንታ። ኡንቱንቱ ደኡዋን ደእያዋንቱ ግዶን ሻብረꬃ ደንꬄዳ ድራዉ ዱፉዋ ገሌዳዋንቱና እትፐ ግሴድኖ።
EZE 32:26 “መሸክነ ቱባል ኦላንቻቱዋ አሳቱዋ ዱፉ እትፐ ሄዋን ደኢኖ፤ ኡንቱንቱ ካሰ ደኡዋን ደእያዋንቱ ቢታን ካዉተꬃቱዋ ኡባ ያሻን ሻባርሴዳዋንታ ግዶፐካ፥ ኡንቱንቱ ኡባይካ ማሻን ሀይቄድኖ። ኡንቱንቱ ኡባይካ ጾሳ አማነናዋንታ።
EZE 32:27 ካሰ ኦላንቻቱ ሞገትያዌ ባረንቱ ኩመንꬃ ኦላ ሚሻና፤ ኡንቱንቱ ጎንዳለቱዋ ኡንቱንቱ ትራን ዎꬅና፥ ኡንቱንቱ ማሻቱዋ ኡንቱንቱ ሁጲሳን ዎꬅና፥ ሞገቴድኖ። ሽን ሀዋንቱ ሄዋ ማላ ኩመንꬃ ቦንቹ እመትና ሞገትበይክኖ። ኡንቱንቱ ካሰ ደኡዋን ደእያዋንቱ ካዉተꬃቱዋ ሻባርሴድኖ።
EZE 32:28 “ህንተ ግብጼ አሳቱካ ጾነታናነ ማሻን ሀይቄዳ፥ አማነና አሳቱዋና እትፐ ግሳና።
EZE 32:29 “ኤዶም ባረ ካተቱዋናነ ባረ ሞድያዋንቱና እትፐ ስኦልያን ደኤ፤ ኡንቱንቱካ ካሰ ምኖ ኦላንቻቱዋ፤ ሽን ሀእ ኦላን ሀይቄዳ፥ አማነና አሳቱዋና ጪማ ኦላን ገሌድኖ።
EZE 32:30 “ሁጲሳ ባጋ ካፓቱነ ሲዶና አሳቱ ኡባይ ዱፉዋን ደኢኖ። ኡንቱንቱ ካሰ ባረንቱ ዎልቃን አሳ ያሽሴድኖ፤ ሽን ሀእ ኡንቱንቱካ ሹከቴዳዋንቱና ባረንቱ ዬላና ያ ገሌድኖ። ጾሳ አማነናዋንታ ግዲደ፥ ማሻን ሀይቄዳ አሳቱዋና እትፐ ጋከቲደ፥ ዬላቲደ ዱፉዋ ገሊኖ።
EZE 32:31 “ግብጼ ካዉነ አ ኦላንቻቱ ማሻን ሀይቄዳ ኦላንቻቱዋ ያን በኢደ ምነታና። ታን ኡባ ሞድያ መꬍና ጎዳይ ሀዋ ኦዳይ።
EZE 32:32 ታን ሀዋፐ ካሰ ካዉተꬃቱ ኡባይ ግብጼ ካትያዉ ደኡዋን ደእያዋንቱ ቢታን ያያናዳን ኦꬄዳዋ ግዶፐካ፥ እነ አ ኦላንቻቱ ጾሳ አማነናን፥ ማሻን ሀይቄዳ አሳቱዋና እትፐ ግሳና። ታን ኡባ ሞድያ መꬍና ጎዳይ ሀዋ ኦዳይ” ያጌዳ።
EZE 33:1 መꬍና ጎዳ ቃላይ ታኮ ሀዋዳን ያጊደ ዬዳ፤
EZE 33:2 “ላ አሳ ናአዉ፥ ነ ቢታ አሳዉ ሀዋዳን ያጋደ ኦዳ፤ ‘ታን እት ቢታ ቦላን ኦላ አህያ ዎደ፥ ሄ ቢታ አሳይ ባረንቱ ቦላ ይያዋ ዎችያ አሳ ዶሮ።
EZE 33:3 ሄ ዎችያዌ ሞርኪ ይያዋ በእነ አሳይ ናገታናዳን፥ ማላካታ ፑኖፐ፤
EZE 33:4 አይ አሳይነ ሄ ማላካታ ኮሻ ስሲደ፥ ናገተናን እጽና፥ ኦላይ ዪደ አ ዎꬎፐ፥ ሱꬃ አጩ አዋ።
EZE 33:5 እ ማላካታ ኮሻ ስሲደ፥ ናገተናን እጼዳ ድራዉ፥ አ ሱꬃ አጩ አ ቦላና። እ ስሲደ ናገቴደንቶ፥ ሀይቁዋፐ አትያዋ ሽን!
EZE 33:6 ሽን ሄ ዎችያዌ ሞርኪ ይያዋ በኢደ፥ ማላካታ ፑነናን አጎፐነ አሳ ኤርሳና ꬋዮፐ፥ ኦላይካ ዪደ፥ ሄ አሳፐ እት ኡራ ዎꬎፐ፥ ሄ ኡራይ ባረ ናጋራን ሀይቄ፤ ሽን ታን አ ሱꬃ ዎችያዋ አቻና’ ያጋ።
EZE 33:7 “ላ አሳ ናአዉ፥ ታን ኔና እስራኤልያ አሳዉ ዎችያዋ ኦꬃድ፤ ታን ነዉ ኦድያዋ ስሳደ አሳካ ኤርሳ።
EZE 33:8 እት ኢታ አሳ ታን፥ ‘ላ ኔን ቱሙ ሀይቃና’ ያግያ ዎደ፥ እ ባረ ናጋራፐ ስማና ማላ፥ ኔን አዉ ኦዳና ꬋዮፐ፥ ሄ ናጋራንቻይ ባረ ናጋራን ሀይቄ፤ ሽን ታን አ ሱꬃ ኔፐ ጭገታና።
EZE 33:9 ሽን ናጋራንቻይ ባረ ናጋራፐ ስማናዳን ኔን ኦድና፥ እ እጾፐ፥ ባረ ናጋራን ሀይቄ፤ ሽን ኔን ነ ሸምፑዋ አሻዳ።
EZE 33:10 “ላ አሳ ናአዉ፥ እስራኤልያ አሳዉ ሀዋዳን ያጋ፤ ‘ህንተ፥ “ኑን ኦꬄዳ ናጋራይነ ናቁ ኑ ቦላ ደኤ፤ ሄዋፐ ደንዴዳዋን ኑን ግልቂ ዉሬዶ። ያትና፥ ኑን ዋኒደ ፓጻ ደአናዉ ዳንዳዬቶ?” ያጊታ።
EZE 33:11 ታን መꬍና ጎዳይ ደኡዋን ሀዋዳን ያጋደ ጫቃይ፤ “ናጋራንቻይ ባረ ናጋራ አጊደ፥ ፓጻ ደአና ማላ ኮያይፐ አትና፥ ናጋራንቻ ሀይቁዋን ናሸትከ። ታን ኡባ ሞድያ መꬍና ጎዳይ ሀዋ ኦዳይ። ህንተኖ፥ እስራኤልያ አሳዉ፥ ስምተ፤ ህንተ ኢታ ኦሱዋፐ ጉየ ስምተ! አያዉ ሀይቃናዉ ኮዪቴ?” ያጋይ’ ያጋ።
EZE 33:12 “ላ አሳ ናአዉ፥ ነ ቢታ አሳዉ ሀዋዳን ያጋደ ኦዳ፤ ‘ጽሎ አሳይ ናጋራ ኦꬆፐ፥ አ ጽሎተꬃይ አ አሸና፤ ቃይ ናጋራንቻይ ባረ ናጋራፐ ስም ክቾፐ፥ ካሰ ናጋራን እ ሙሬተና። ጽሎ አሳይካ ናጋራ ኦꬆፐ፥ ካሰ ጽሎተꬃ ድራዉ ደኡዋን ደአናዉ ዳንዳየና።
EZE 33:13 ታን ጽሎ አሳ፥ “ኔን ቱሙ ፓጻ ደአና” ያጌዳ ዎደ፥ እ ባረ ጽሎተꬃን አማነቲደ ናጋራ ኦꬆፐ፥ ባረ ኦꬄዳ ናጋራን እ ሀይቃናፐ አትና፥ ካሰ ጽሎተꬃይ አዉ ቆፈተና።
EZE 33:14 ቃይ ታን ናጋራንቻ አሳ፥ “ኔን ቱማ ሀይቃና” ያጌዳ ዎደ፥ እ ባረ ናጋራፐ ስሚደ፥ ፕርዳነ ሱረ ኦሱዋ ኦꬆፐ፥
EZE 33:15 ሚሻ ታልአናዉ ኦይꬄዳዋ ዛሮፐ፥ ዉኤዳባካ ጉየ ዛሮፐ፥ ናጋራ ኦꬅያዋ አጊደ፥ ደኡዋ እምያ ህግያ ካሎፐ፥ ያቶፐ፥ እ ቱማ ፓጻ ደአናፐ አትና ሀይቀና።
EZE 33:16 እ ካሰ ኦꬄዳ ናጋራይ እቱነ ቆፈተና፤ ሀእ ፕርዳነ ሱረ ኦሱዋ ኦꬄዳ ድራዉ፥ እ ቱማ ፓጻ ደአና።
EZE 33:17 “ ‘ሽን ነ ቢታ አሳይ፥ “ጎዳ ኦጊ ልከ ግደና” ያጊኖ፤ ሽን ልከ ግደናዌ ኡንቱንቱ ኦግያ።
EZE 33:18 ጽሎ አሳይ ባረ ጽሎተꬃ አጊደ፥ ናጋራ ኦꬆፐ፥ እ ባረ ናጋራን ሀይቃና።
EZE 33:19 ቃይ ናጋራንቻ አሳይ ባረ ናጋራፐ ስሚደ፥ ፕርዳነ ሱረ ኦሱዋ ኦꬆፐ፥ ሄ ኦሱዋን እ ፓጻ ደአና።
EZE 33:20 ሽን ህንተ፥ “ጎዳ ኦጊ ልከ ግደና” ያጊታ። እስራኤልያ አሳዉ፥ ታን እቱዋ እቱዋ ቦላ ህንተ ኦሱዋዳን ኦሱዋዳን ፕርዳና’ ያጋ” ያጊደ ዬዳ።
EZE 33:21 ኑን ኦሞደቲደ ታማነ ላኤንꬆ ላይꬃን፥ ታማንꬆ አግናን፥ እቼሸንꬆ ጋላሳን፥ የሩሳላመፐ ከስ አክ ዬዳ እት አሳይ ካታማይ ኩንዴዳዋ ታዉ ኦዴዳ።
EZE 33:22 ሄ ብታኒ ያናፐ እት ጋላሳ ካሰቲደ ደእያ ኦማርስ መꬍና ጎዳ ኩሺ ታ ቦላን ሸምፔዳ፤ ታ ዶናይካ ዶየቴዳ፤ ዎንተꬃ ጋላስ ሄ ብታኒ ታኮ ጋካናፐ ካሰታደ፥ ታንካ ሃሳያናዉ ዳንዳያድ።
EZE 33:23 ያትና፥ መꬍና ጎዳ ቃላይ ታኮ ሀዋዳን ያጊደ ዬዳ፤
EZE 33:24 “ላ አሳ ናአዉ፥ እስራኤልያ ቢታን ኮለቴዳ ካታማቱዋን ደእያ አሳቱ ሀዋዳን ያጊኖ፤ ‘አብራሃመ ባረካ ደእያ እት አሳ፤ ሀ ቢታ ላቴዳ፤ ሽን ኑን ጮራ፤ ቢታይካ ቱማ ኑዉ ላታ ጋድያ ግዲደ እመቴዳ’ ያጊኖ።
EZE 33:25 “ሄዋ ድራዉ፥ ኡንቱንቶ ሀዋዳን ያጋ፤ ‘ኡባ ሞድያ መꬍና ጎዳይ ሀዋዳን ያጌ፤ “ህንተ ሀእካ ሹኪደ፥ ሱꬃይ ከስቤና አሹዋ ሚታ፤ ቃይ ኤቃዉ ጎይኒታ፤ ሸምፑዋ ዎꬊታ። ሀዋ ኡባ ኦꬂደ፥ ቱሙ ህንተ ቢታ ላቲቴ?
EZE 33:26 ህንተ ህንተ ማሻን አማነቲታ፤ ህንተ ቱና ኦሱዋ ኦꬂታ፤ ህንተ ኡባይካ ህንተ ሾሩዋ ሾሩዋ ማጫ አሳ ቱንሲታ። ሄዋ ኡባ ኦꬂደ፥ ቱሙ ህንተ ቢታ ላቲቴ?” ያጌ’ ያጋ።
EZE 33:27 “ኡንቱንቶ ሀዋዳን ያጋ፤ ‘ኡባ ሞድያ መꬍና ጎዳይ ሀዋዳን ያጌ፤ “ታን ታ ደኡዋን ጫቃይ: ኮለቴዳ ካታማቱዋን ደእያ አሳቱ ማሻን ሀይቃና፤ ካታማፐ ጋጻን ደእያ አሳቱዋ ታን ባዙዋ ዶአዉ ቁማ ኦꬃደ እማና፤ ደረቱዋ ቦላ ጎንጎሎቱዋን ደእያ አሳቱ ኢታ ሀርግያን ሀይቃና።
EZE 33:28 ታን ሄ ቢታ ባዬዳነ መላ ቢታ ከሳና፤ ኡንቱንቱ ኦቶረትያ ዎልቃይ ዉራና፤ እስራኤልያ ደረቱ አይ አሳይነ አና መላ ሳኣ ግዳና።
EZE 33:29 ኡንቱንቱ ኦꬄዳ ቱናባ ጋሱዋን ታን ቢታ ባዬዳነ መላ ቢታ ከስያ ዎደ፥ ታን መꬍና ጎዳ ግድያዋ ኡንቱንቱ ኤራና” ያጌ’ ያጋ።
EZE 33:30 “ላ አሳ ናአዉ፥ አሳይ ካታማ ድርሳ ምይያንነ ባረንቱ ጎለቱዋ ፐንግያን ኤቂደ፥ እቱ እቱዋና ሀዋዳን ያጊደ፥ ነባ ሃሳዬ፤ ‘ሃይተ፤ መꬍና ጎዳ ማታፐ ዬዳ ቃላይ አየንቶ አነ ስሴቶ’ ያጊኖ።
EZE 33:31 ኡንቱንቱ ካሰ አሳይ ይያዋዳን ኔኮ ዪኖ፤ ታ አሳዳን ነ ስንꬃን ኡቲኖ፤ ኔን ኦድያዋካ ስሲኖ፤ ሽን ኦꬅክኖ። ኡንቱንቱ ሲቁዋባ ሃሳዪኖ፤ ሽን ኡንቱንቱ ዎዛናይ ጎኣ ጻላላዉ ያረቴ።
EZE 33:32 በአ፥ ኔን ኡንቱንቶ እት ሲቁዋ ማዛሙርያ ሎኦ ኮሻን የጽያነ ዲꬃ ሎይꬂደ ዲጽያ አሳ ማላ። አያዉ ጎፐ፥ ኡንቱንቱ ኔን ኦድያዋ ስሲኖ፤ ሽን እቱዋካ ኦꬅክኖ።
EZE 33:33 “ሽን ኔን ኦዴዳዌ ቱሙ ፖለታና፤ ፖለትያ ዎደ፥ ትምቢትያ ኦድያዌ ኡንቱንቱ ግዶን ደእያዋ ኡንቱንቱ ኤራና” ያጊደ ዬዳ።
EZE 34:1 መꬍና ጎዳ ቃላይ ታኮ ሀዋዳን ያጊደ ዬዳ፤
EZE 34:2 “ላ አሳ ናአዉ፥ እስራኤልያ ሄንꬃንቻቱዋ ቦላን ሀዋዳን ያጋደ ትምቢትያ ኦዳ፤ ‘ኡባ ሞድያ መꬍና ጎዳይ ሀዋዳን ያጌ፤ “ህንተኖ፥ ህንተና ሄምያ እስራኤልያ ሄንꬃንቻቶ፥ ህንተዉ አየ አና! ህንተ ዉድያ ሄማናዉ በሰኔ?
EZE 34:3 ኡንቱንቱ ማꬃ ኡሺታ፤ ኡንቱንቱ እስክያፐ ዳደቴዳ ሱፍያ ማዪታ፤ ኡንቱንቱፐ ሞꬌዳዋንታ ሹኪደ ሚታ፤ ሽን ዉድያ ሱረ ሄምክታ።
EZE 34:4 ዳቡሬዳዋንታ ምንስበይክታ፤ ሀርጌዳዋንታ ፓꬅበይክታ፤ መኤዳዋንታ ኮልበይክታ፤ ዎራ ቤዳዋንታ ዛርበይክታ፤ ባዬዳዋንታ ኮይበይክታ። ህንተ ኡንቱንታ ዎልቃን መቀꬃ ኢቲደ ሞዴድታ።
EZE 34:5 ዉዲ ኡባይ ሄምያዌ ꬋይና ላለቴድኖ፤ ባዙዋ ዶአቶ ኡባዉ ቁማ ግዴድኖ።
EZE 34:6 ታ ዉደቱ ላለቴድኖ፤ ኡንቱንቱ ዞዘቱዋ ኡባ ቦላነ ꬎቃ ደረቱዋ ኡባ ቦላ ብቻሬድኖ። ቢታ ኡባ ጋጻ ጋካናዉ ላለቴድኖ፤ ሽን ኡንቱንታ ጾሞስያዌ ዎይ ኮይያዌ ባዋ” ያጌ።
EZE 34:7 “ ‘ሄዋ ድራዉ፥ ህንተኖ፥ ሄንꬃንቻቶ፥ መꬍና ጎዳ ቃላ ስስተ!
EZE 34:8 ኡባ ሞድያ መꬍና ጎዳይ ሀዋዳን ያጌ፤ “ታን ታ ደኡዋን ጫቃይ: ታ ዉድያ ሄምያዌ ꬋይና፥ ታ ዶርሳቱ ኦይቀቲደ፥ ባዙዋ ዶአቶ ኡባዉ ቁማ ግዴድኖ። ታ ሄንꬃንቻቱ ታ ዉደቱዋ ኮይቤና ድራዉነ ኡንቱንቱ ታ ዉደቱዋ ሄመናን አጊደ፥ ባረንታ ሄሜዳ ድራዉ፥
EZE 34:9 ህንተኖ፥ ሄንꬃንቻቶ፥ መꬍና ጎዳ ቃላ ስስተ!
EZE 34:10 ታን ህንተ ሄንꬃንቻቶ ሞርከ፤ ታ ዉደቱዋ ታን ህንተፐ አካና፤ ታን ህንተና ላኤንꬆ ኡንቱንቶ ሄንꬃንቻ ከስከ። ሀዋፐ ስንꬃዉ ህንተ ህንተ ጻላላ ሄሚደ ደእክታ። ታ ዉደቱዋ ታን ህንተፐ ዎꬃ አካና፤ ሀዋፐ ስንꬃን ኡንቱንቱ ህንተዉ ቁማ ከስክኖ። ታን ኡባ ሞድያ መꬍና ጎዳይ ሀዋ ኦዳይ” ያጌ።
EZE 34:11 “ ‘አያዉ ጎፐ፥ ኡባ ሞድያ መꬍና ጎዳይ ሀዋዳን ያጌ፤ “ታን ታ ሁጲያን ታ ዉደቱዋ ጾሞሳናነ ኮያና።
EZE 34:12 ሄንꬃንቻይ ባረ ዉደቱዋፐ ባይና ኮይያዋዳን፥ ታንካ ታ ዉደቱዋ ኮያና፤ ሻሪ ጎዜዳነ ꬉማይ ስኬዳ ጋላስ ኡንቱንቱ ላለቴዳ ሳኣ ኡባፐ ታን ኡንቱንታ ሺሻና።
EZE 34:13 ቃይ ታን ካዉተꬃቱዋ ግዶፐነ ሀራ ቢታ ኡባፐ ከሳደ ሺሻና፤ ኡንቱንቱ ቢታ አሀና። እስራኤልያ ደረቱዋን፥ ፑልቶቱዋንነ አሳይ ደእያ ሳአቱዋ ኡባን ታን ኡንቱንታ ሄማና።
EZE 34:14 ታን ኡንቱንታ ሎኦ ቆሩዋን ሄማና፤ ቃይ እስራኤልያ ꬎቃ ደረቱ ኡንቱንቱ ሄመትያ ሳኣ ግዳናዋ። ሄዋን ኡንቱንቱ ሎኦ ቆሩ ደእያ እስራኤልያ ዞዘቱዋ ቦላ ሄመታናነ አላጻና።
EZE 34:15 ታን ታ ሁጲያን ታ ዉደቱዋ ሄማናነ አላጽሳና። ታን ኡባ ሞድያ መꬍና ጎዳይ ሀዋ ኦዳይ።
EZE 34:16 ባዬዳዋ ኮያና፤ ዎራ ቤዳዋ ዛራና፤ መኤዳዋ ኮላና፤ ሀርጌዳዋካ ፓꬃና። ሽን ሞꬌዳዋነ ምኔዳዋ ꬋይሳና፤ አያዉ ጎፐ፥ ታን ሱረ ፕርድያ ሄንꬃንቻ” ያጌ።
EZE 34:17 “ ‘ህንተኖ፥ ታ ዉድያ ዶርሳቶ፥ ህንተባ ግዶፐ፥ ኡባ ሞድያ መꬍና ጎዳይ ሀዋዳን ያጌ፤ “ህንተና ኡባካ ታን ፕርዳና፤ ኬካ ኢታፐ፥ ዶርሳ ዴሻፐ ታን ሻካና።
EZE 34:18 ህንተ ሎኦ ቆሩዋን ሄመትያዌ ግዳና ꬋይኔ፥ አቴዳ ማታ ህንተ ገድያን የሬꬅያዌ? ቃይ ህንተ ጽሎ ሃꬃ ኡሽያዌ ግዳና ꬋይኔ፥ አቴዳ ሃꬃ ገድያን ቡሉቂያዌ?
EZE 34:19 ታ ዉደቱ ህንተ ህንተ ገድያን የሬꬄዳ ማታ ማናዉነ ህንተ ህንተ ገድያን ቡሉቆየዳ ሃꬃ ኡሻናዉ በሲ?” ያጌ።
EZE 34:20 “ ‘ሄዋ ድራዉ፥ ኡንቱንቶ፥ ኡባ ሞድያ መꬍና ጎዳይ ሀዋዳን ያጌ፤ “በእተ፥ ሞꬎ መህያ ግዶነ ግልቃ መህያ ግዱዋን ታን ታ ሁጲያዉ ፕርዳና።
EZE 34:21 ላፋቱዋ ህንተ ህንተ ምይያንነ ህንተ ሞርግያን ሱግያ ድራዉነ ጋጻ ከሳና ጋካናዉ፥ ህንተ ኡንቱንታ ህንተ ካጭያን ቃይጭያ ድራዉ፥
EZE 34:22 ታን ታ ዉደቱዋ አሻና። ሀዋፐ ስንꬃዉ ኦንነ ኡንቱንታ ኦይቀና፤ ታ ኬካ መህያፐነ ታ ኢታ መሄቱዋፐ ግዱዋን ታን ፕርዳና።
EZE 34:23 ታን ኡንቱንቱ ቦላን እት ሄንꬃንቻ፥ ታ ቆማ ዳዊታ ሱንꬃና፤ እ ኡንቱንታ ሄማናነ ኡንቱንቶ ሄንꬃንቻ ግዳናዋ።
EZE 34:24 ሄዋፐ ስንꬃን ታን መꬍና ጎዳይ ኡንቱንቱ ጾሳ ግዳና፤ ታ ቆማይ ዳውት ኡንቱንቱ ግዶን ካፑዋ ግዳና። ታን መꬍና ጎዳይ ሀዋ ኦዳድ።
EZE 34:25 “ ‘ “ታን ኡንቱንቱና ሳሮተꬃ ጫቁዋ ጫቀታና፤ ኢታ ዶአቱዋካ ታን ቢታፐ ድጋና፤ ያቶፐ ታ ዉዲ ባዙዋን ሳሮ ደአና፤ ዎራ ጋርሳንካ ህርግ ባይናን አላጻና።
EZE 34:26 ኡንቱንታነ ታ ደርያ ዩሹዋን ደእያ ሳአቱዋ አንጃና። ኡንቱንቶ ኮሽያ እራካ ዎድያን እማና፤ ሄ እራይ ኡንቱንቶ አንጆ ግዳና።
EZE 34:27 ጋደን ደእያ ምꬃቱ አይፋና፤ ቢታይካ ካꬃ ሞካና። አሳይ ኡባይ ባረንቱ ቢታን ሳሮ ደአና። ታን ኡንቱንቱ ሞርገ ምꬃ መንꬃደ፥ ኡንቱንታ አይለዬዳዋንቱ ኩሽያፐ ከስያ ዎደ፥ ታን መꬍና ጎዳ ግድያዋ ኡንቱንቱ ኤራና።
EZE 34:28 ሄዋፐ ጉይያን፥ ኡንቱንቱ ሀራ ካዉተꬃቶ ቦንቂያባ ግድክኖ፤ ቢታን ደእያ ዶአቱካ ኡንቱንታ ሚክኖ። አያይነ ዳጋንናን፥ ኡንቱንቱ ሳሮ ደአና።
EZE 34:29 ታን ኡንቱንቶ አራዳ ጋድያ እማና፤ ኡንቱንቱ ላኤንꬆ ኮሻን ዉርክኖ፤ ዎይ ቃይ ሀራ ካዉተꬃቶ ሸቂያባ ከስክኖ።
EZE 34:30 ሄ ዎደ ኡንቱንቱ ታን መꬍና ጎዳይ፥ ኡንቱንቱ ጾሳይ ኡንቱንቱና ደእያዋነ እስራኤልያ አሳይ ታ አሳ ግድያዋ ኤራና። ኡባ ሞድያ ጾሳይ ሀዋ ኦዳይ።
EZE 34:31 ህንተኖ፥ እስራኤልያ አሳቶ፥ ህንተ ታ ዉደቱዋ፤ ታ ቆሩዋን ምያ ዉደቱዋ፤ ህንተ ታ አሳ፤ ታንካ ህንተ ጾሳ። ታን ኡባ ሞድያ መꬍና ጎዳይ ሀዋ ኦዳይ” ያጌ’ ያጋ” ያጊደ ዬዳ።
EZE 35:1 መꬍና ጎዳ ቃላይ ታኮ ሀዋዳን ያጊደ ዬዳ፤
EZE 35:2 “ላ አሳ ናአዉ፥ ኤዶማ ቢታን ደእያ ሰኢራ ደርያ ቦላ ነ ሶምእያ ዛራደ ትምቢትያ ኦዳ።
EZE 35:3 ሀዋዳን ያጋ፤ ‘ኡባ ሞድያ መꬍና ጎዳይ ሀዋዳን ያጌ፤ ኔኖ፥ ሰኢራ ደርያዉ፥ ታን ነዉ ሞርከ፤ ታን ታ ኩሽያ ነ ቦላ የዳደ፥ ኔና ባዬዳነ መላ ሳኣ ከሳና።
EZE 35:4 ታን ነ ካታማቱዋ ኮላና፤ ኔንካ መላ ግዳና። ታን መꬍና ጎዳ ግድያዋ ኔን ሄዋን ኤራና።
EZE 35:5 “ ‘ነዉ እስራኤልያና ዉረና ሞርከተꬃይ ደእያ ድራዉ፥ ኡንቱንቱ መቱዋ ዎደ፥ ኡንቱንቱ ዉርሰꬃ ሙሩዋ ዎደ፥ ኡንቱንታ ኔን ማሻዉ አꬃደ እሜዳ ድራዉ፥
EZE 35:6 ታን ኡባ ሞድያ መꬍና ጎዳይ ታ ደኡዋን ጫቃይ፤ ታን ኔና ሀይቁዋን ሙራና፤ ኔን ሀይቁዋፐ ከሳ አካናዉ ኡባካ ዳንዳያካ! ኔን አሳ ዎꬍያዋ እጸና ድራዉ፥ ኔና ዎꬍያ አሳይ ኔና ካላና!
EZE 35:7 ታን ሰኢራ ደርያ ባዬዳ መላ ከሳና፤ ቃይ ሄዋና ያነ ሃነ አꬍያ ኡባካ ድጋና።
EZE 35:8 ታን ነ ደረቱዋ ኡባ አሃን ኩንꬃና፤ ነ ዞዝያ፥ ነ ዎምባቱነ ነ ዛንጋራቱ ማሻን ሀይቄዳዋንቱ አሃን ካመታና።
EZE 35:9 ታን ኔና መꬍናዉ መላ ኦꬃና፤ ነ ካታማቱ ኦና ግዳና። ታን መꬍና ጎዳ ግድያዋ ህንተ ሄ ዎደ ኤራና።
EZE 35:10 “ ‘ታን መꬍና ጎዳይ እስራኤልያነ ይሁዳ ቢታቱዋን ደእሺና ህንተ፥ ሀ ላኡ ካዉተꬃቱዋነ ሀ ላኡ ቢታቱዋ ኑን ኦይቃና፤ ኡንቱንቱ ኑሳ ግዳና ጌዳ ድራዉ፥
EZE 35:11 ታን ኡባ ሞድያ መꬍና ጎዳይ ታ ደኡዋን ጫቃይ፤ ህንተ ኡንቱንታ ሞርኪደ፥ ኡንቱንቱ ቦላ ይሎተዳ ይሉዋዳንነ ቃናቴዳ ቃናትያዳን፥ ታን ህንተዉ ዛራና። ታን ህንተና ፕርድያ ዎደ፥ ታን ታናተꬃ ህንተና ኤርሳና።
EZE 35:12 ቃይ ህንተ፥ እስራኤልያ ደረቱ መላ አቴድኖ፤ ኑን ኡንቱንታ ማና ማላ፥ ኑዉ እመቴድኖ’ ጊደ፥ ሃሳዬዳ ቦርያ ኡባ ታን መꬍና ጎዳይ ስሴዳዋ ህንተ ሄ ዎደ ኤራና።
EZE 35:13 ኔን ታ ቦላ ኦቶረታዳነ ዳርሳደ ሃሳያዳ፤ ታንካ ሄዋ ስሳድ” ያጌ።
EZE 35:14 ኡባ ሞድያ መꬍና ጎዳይ ሀዋዳን ያጌ፤ “ቢታይ ሳአይ ናሸታና ማላ፥ ታን ህንተና መላ ከሳና።
EZE 35:15 እስራኤልያ አሳ ላታይ መላ ግዴዳዋን ህንተ ናሸቴዳ ድራዉ፥ ሰኢራ ደርያነ ኤዶማ ቢታ ኡባ ታን መላ ኦꬃና። ታን መꬍና ጎዳ ግድያዋ ህንተ ሄዋን ኤራና ያጌ ያጋ።”
EZE 36:1 “ላ አሳ ናአዉ፥ እስራኤልያ ደረቶ ትምቢትያ ሀዋዳን ያጋደ ኦዳ፤ ‘ህንተኖ፥ እስራኤልያ ደረቶ፥ መꬍና ጎዳ ቃላ ስስተ!
EZE 36:2 ኡባ ሞድያ መꬍና ጎዳይ ህንተ ሞርከቱ፥ ሀሹ! “በን ꬎቃ ደረቱ ኡባይ ኑዉ ላታ ግዴድኖ!” ያጌድኖ። ሄዋ ድራዉ ያግ ትምቢትያ ኦድተ፥ ኡንቱንቱ ህንተና ኡባ ሳኣና መንሬꬂደ መላ ኦꬄዳ ድራዉ፥ ህንተ ጮራ ካዉተꬃቱዋን ሞደታናዳን ኦꬄዳ ድራዉ፥ ህንተ ዳሮ ቦረትያባነ ቅሊጨትያባ ኦሰቴድታ ያጌ ኡባ ሞድያ መꬍና ጎዳይ።
EZE 36:4 መꬍና ጎዳ ቃላ ስስተ! ኡባ ሞድያ መꬍና ጎዳይ ደረቶነ ዞዘቶ፥ ዛንጋራቶነ ዎምባቶ፥ ዩሹዋን ደእያ ሀራ ካዉተꬃቱ ኦይቄዳነ ቅሊጬዳ ሳአቶነ ባዬዳነ መላ ግዴዳ ካታማቶ ሀዋዳን ያጌ።
EZE 36:5 ኡባ ሞድያ መꬍና ጎዳይ ቱሙዋፐ ሀዋዳን ያጌ፤ “ታን ታ ኤጽያ ሀንቁዋን ሀራ ካዉተꬃቱዋ ቦላነ ኤዶማ ኡባ ቦላ ሃሳያድ። ኡንቱንቱ ዎዛናፐ ናሸቲደነ ካꬊደ፥ ታ ቢታ ባረንቶ አኬድኖ፤ ሄንꬃ ጋደቱዋካ ላቴድኖ።
EZE 36:6 ሄዋ ድራዉ፥ እስራኤልያ ቢታባ ትምቢትያ ኦዳ። ካዉተꬃቱዋ ቦርያ ድራዉ፥ ኡባ ሞድያ መꬍና ጎዳይ ሀንቁዋን ምሸታደ ግያዋ ኡባ ደረቶ ዞዘቶ፥ ዛንጋራቶነ ዎምባቶ ኦዳ።
EZE 36:7 ዩሹዋን ደእያ ካዉተꬃቱ ኡባይ ቦረታናዋ ታን ኡባ ሞድያ መꬍና ጎዳይ ቱሙዋፐ ጫቃደ ኦዳይ።
EZE 36:8 “ ‘ “ሽን ህንተኖ፥ እስራኤልያ ደረቶ፥ ህንተ ዳሻና፤ ታ አሳዉ እስራኤልያዉ አይፋና። አያዉ ጎፐ፥ ኡንቱንቱ ኤለካ ባረንቱ ቢታ ስማና።
EZE 36:9 ታን ህንተናና ደአይ፤ ታን ህንተኮ ስማና፤ ህንተ ቢታይ ጎሸታናነ ዘረታና።
EZE 36:10 ታን እስራኤልያ አሳ ፓይዱዋ ሀ ቢታን ዳርሳና፤ ካታማቱዋን አሳይ ደአና፤ ላለቴዳ ሳአቱ ስሚደ ግምበታና።
EZE 36:11 ታን አሳካ መህያካ ህንተ ቦላ ዳርሳና፤ ኡንቱንቱ የለታናነ ጮራታና። በንዋዳንካ ህንተ ቦላ አሳይ ደአናዳን ታን ኦꬃና። ታን ህንተዉ ካሰዋፐ አꬍያ ሎኦባ ኦꬃና። ታን መꬍና ጎዳ ግድያዋ ህንተ ሄዋን ኤራና።
EZE 36:12 ታን ታ አሳይ እስራኤሊ ህንተ ቦላን ዛር ደአናዳን ኦꬃና። ላኤንꬆ ሄ ቢታይ ህንተ ናናቱዋ ꬋይሰና። ኡንቱንቱ ህንተና ላታና፤ ህንተካ ኡንቱንቶ ላታ ግዳና” ያጌ።
EZE 36:13 “ ‘ኡባ ሞድያ መꬍና ጎዳይ ሀዋዳን ያጌ፤ አሳይ ሄ ቢታ፥ ህንተ ካዉተꬃይካ ናአይ ባይናዋ ኦꬄዳ ህንተ ቢታይካ አሳ ምያዋ ያግያዌ ቱማ።
EZE 36:14 ሄዋ ድራዉ፥ ሀዋፐ ስንꬃናዉ ሀ ቢታቱ አሳ ሚክታነ ህንተ ካዉተꬃ ናአይ ባይናዋ ከስክታ። ታን ኡባ ሞድያ መꬍና ጎዳይ ሀዋ ኦዳይ።
EZE 36:15 ቃይ ካዉተꬃቱዋ ቦርያ ሀዋፐ ስንꬃናዉ ታን ህንተና ስስከ፤ ህንተ አሳ ዬላካ ሀዋፐ ስንꬃናዉ ቶክክታ፤ ቃይ ሄ ቢታይ ህንተዉ ꬉበ ግዳና። ኡባ ሞድያ መꬍና ጎዳይ ሀዋ ኦዳይ ያጌ’ ያጋ” ያጊደ ዬዳ።
EZE 36:16 ቃይካ መꬍና ጎዳ ቃላይ ታኮ ሀዋዳን ያጊደ ዬዳ፤
EZE 36:17 “ላ አሳ ናአዉ፥ እስራኤልያ አሳቱ ባረንቱ ቢታን ደእያ ዎደ፥ ኡንቱንቱ ባረንቱ ኦግያንነ ባረንቱ ኦሱዋን ቢታ ቱንሴድኖ፤ ታ ስንꬃን ኡንቱንቱ ኤሻይ ማጫ አሳ ፒላ ቱናተꬃ ማላ።
EZE 36:18 ኡንቱንቱ ቢታን ሱꬃ ጉሴዳ ድራዉነ ባረንቱ ኤቃን ቢታ ቱንሴዳ ድራዉ፥ ታ ሀንቁዋ ኡንቱንቱ ቦላን ጉሳድ።
EZE 36:19 ታን ኡንቱንታ ካዉተꬃቱዋ ግዶን ላላድ፤ ኡንቱንቱካ ቢታ ኡባን ላለቴድኖ። ታን ኡንቱንታ ኡንቱንቱ ኤሻዳንነ ኡንቱንቱ ኦሱዋዳን ፕርዳድ።
EZE 36:20 ኡንቱንቱ ቤዳ ሳኣ ኡባን አሳይ ኡንቱንታ፥ ‘ሀዋንቱ መꬍና ጎዳ አሳቱዋ፤ ሽን ኡንቱንቱ አ ቢታፐ ከሴዳዋንታ’ ያጌ፤ ሄዋን ኡንቱንቱ ታ ጌሻ ሱንꬃ ቱንሴድኖ።
EZE 36:21 ሽን እስራኤልያ አሳይ ቤዳ ካዉተꬃቱዋ ኡባ ግዶን ቱንሴዳ ታ ጌሻ ሱንꬃባይ ታና ምቼ።
EZE 36:22 “ሄዋ ድራዉ፥ ኔን እስራኤልያ አሳዉ ሀዋዳን ያጋ፤ ‘ኡባ ሞድያ መꬍና ጎዳይ ሀዋዳን ያጌ፤ “ህንተኖ፥ እስራኤልያ አሳቶ፥ ታን ሀዋ ኦꬅያዌ፥ ህንተ ቤዳ ካዉተꬃቱዋ ኡባ ግዶን ቱንሴዳ ታ ጌሻ ሱንꬃ ድራሳፐ አትና፥ ህንተ ድራሳ ግደና።
EZE 36:23 ህንተ ቱንስና፥ ካዉተꬃቱዋ ግዶን ቱኔዳ ታ ዎልቃማ ሱንꬃ ጌሻተꬃ ታን በሳና። ኡንቱንቱ ጼልሽን፥ ህንተ ባጋና ታን ታ ጌሻተꬃ በስያ ዎደ፥ ታን መꬍና ጎዳ ግድያዋ ኡንቱንቱ ኤራና። ታን ኡባ ሞድያ መꬍና ጎዳይ ሀዋ ኦዳይ።
EZE 36:24 “ ‘ “አያዉ ጎፐ፥ ታን ህንተና ካዉተꬃቱዋ ግዶፐ ከሳና፤ ቢታ ኡባፐካ ሺሻና። ህንተ ቢታ ዛራደ አሀና።
EZE 36:25 ታን ህንተና ጽሎ ሃꬃን ፑሻካና፤ ህንተካ ጌያና፤ ያታደ ህንተና ህንተ ቱናተꬃ ኡባፐነ ህንተ ኤቃ ኡባፐ ጌሻና።
EZE 36:26 “ ‘ “ታን ህንተዉ ኦራꬃ ዎዛና እማና፤ ኦራꬃ አያናካ ህንተ ግዶን ዎꬃና፤ ቃይ ሹቻ ዎዛና ህንተፐ ከሳደ፥ አሹዋ ዎዛና እማና።
EZE 36:27 ታን ታ አያና ህንተ ግዶን ዎꬃና፤ ያታደ ህንተ ታ ዎጋ ካላናዳንነ ታ ህግያ ምንሲደ ናጋናዳን ኦꬃና።
EZE 36:28 ታን ህንተ ማይዛ አዋቶ እሜዳ ቢታን ህንተ ደአና፤ ህንተ ታ አሳ ግዳና፤ ታንካ ህንተ ጾሳ ግዳና።
EZE 36:29 ህንተ ቱናተꬃ ኡባፐ ታን ህንተና አሻና፤ ካꬃይ ህንተዉ ዳራናዳን ኦꬃና፤ ኮሻካ ላኤንꬆ ህንተ ቦላ አህከ።
EZE 36:30 ኮሻ ጋሱዋን ህንተ ካዉተꬃቱዋ ግዶን ካዉሸናዳን፥ ታን ህንተ ምꬃ አይፍያነ ህንተ ሾይቃ ካꬃ ዳርሳና።
EZE 36:31 ሄ ዎደ ህንተ ህንተ ኢታ ኦግያነ ህንተ ሎኦ ግደና ኦሱዋ ሀሳያና፤ ህንተ ናጋራነ ህንተ ቱና ኦሱዋ ድራዉ፥ ህንተ ህንተና ሸነታና።
EZE 36:32 ታን ሀዋ ኡባ ኦꬅያዌ ህንተ ድራሳ ግደናዋ ኤርተ። ህንተኖ፥ እስራኤልያ አሳቶ፥ ህንተ ህንተ ሀኖታን ዬላትተነ ካዉሽተ። ታን ኡባ ሞድያ መꬍና ጎዳይ ሀዋ ኦዳይ” ያጌ።
EZE 36:33 “ ‘ኡባ ሞድያ መꬍና ጎዳይ ሀዋዳን ያጌ፤ “ታን ህንተና ህንተ ናጋራ ኡባፐ ጌሽያ ጋላስ፥ ህንተ ካታማቱዋን ዛረꬂደ አሳይ ደአናዳን ኦꬃና፤ ኮለቴዳዋንቱካ ስሚደ ግምበታና።
EZE 36:34 አ ማታና አꬍያ አሳ ስንꬃን መላ ግዲደ ደእያ ቢታይ መላ ግድያዋ አጊደ ጎሸታና።
EZE 36:35 አሳይ ሃሳዪደ፥ ሀዌ ካሰ መላ ግዴዳ ቢታይ ሀእ ኤደነ ገነትያ ማላ ግዴዳ፤ ካሰ ኮለቴዳ፥ አሳይ ደኤናነ መላ ካታማቱካ ሀእ ዩሹ ግምበቴዳነ አሳይ ደእያ ካታማቱዋ ግዴድኖ ያጋና።
EZE 36:36 ሄ ዎደ ህንተ ዩሹዋን ደእያ አቴዳ ካዉተꬃቱ፥ ታን መꬍና ጎዳይ ኮለቴዳ ካታማቱዋ ዛራደ ኬጼዳዋነ መላ ቢታይ ስሚደ ካꬃ ሞካናዳን ኦꬄዳዋ ኤራና። ታን መꬍና ጎዳይ ሀዋ ኦዳድ፤ ታን ኦዴዳዋ ታንካ ኦꬃና” ያጌ።
EZE 36:37 “ ‘ኡባ ሞድያ መꬍና ጎዳይ ሀዋዳን ያጌ፤ “እስራኤልያ አሳይ ቃይካ እት ገደነ ታና ማዱዋ ኦቻናዳን ኦꬃና፤ ያታደ ኡንቱንቱ ፓይዱዋ ዉድያዳን ጮርሳና።
EZE 36:38 ያርሽያ መህያ ዉድያዳን፥ የሩሳላመን ባላ ጋላሳን ያርሾ ሺሼዳ ዉድያዳን፥ ኡንቱንቱ ኮለቴዳ ካታማቱዋን አሳ ዉዲ ኩማና። ታን መꬍና ጎዳ ግድያዋ ኡንቱንቱ ሄ ዎደ ኤራና” ያጌዳ’ ያጋ” ያጊደ ዬዳ።
EZE 37:1 መꬍና ጎዳ ኩሺ ታ ቦላ ዎꬌዳ፤ እ ታና መꬍና ጎዳ አያናን ከሲደ፥ መቀꬃይ ኩም ኡቴዳ ዎምባን ዎꬄዳ።
EZE 37:2 እ ታና ኡንቱንቱ ግዶን ያነ ሃነ ካለꬄዳ፤ ታንካ ክንችል መሌዳ ዳሮ መቀꬃቱ ኩሜዳዋንታ ዎምባ ግዶን በኣድ።
EZE 37:3 እ ታና፥ “ላ አሳ ናአዉ፥ ሀ መቀꬃቱ ስሚደ፥ ፓጻ ሸምፑዋና ደአናዉ ዳንዳዪኖ?” ያጌዳ። ታን፥ “ኡባ ሞድያ መꬍና ጎዳዉ፥ ሀዋ ኔን ኤራሳ” ያጋድ።
EZE 37:4 እ ታና ሀዋዳን ያጌዳ፤ “ሀ መቀꬃቶ ሀዋዳን ያጋደ ትምቢትያ ኦዳ፤ ‘ህንተኖ፥ መላ መቀꬃቶ መꬍና ጎዳ ቃላ ስስተ፥
EZE 37:5 ኡባ ሞድያ መꬍና ጎዳይ ሀ መቀꬃቶ ሀዋዳን ያጌ፤ “ታን ሸምፑዋ ህንተ ግዶ ገልሳና፤ ያቶፐ ህንተ ፓጻ ደአና።
EZE 37:6 ታን ህንተ ቦላ ግልዳይያ (ጻጶቱዋ) ዎꬃደ፥ አሹካ ህንተ ቦላ ስማናዳን ኦꬃደ፥ ህንተና ጋልባ ማይዛና። ህንተ ፓጻ ሸምፑዋና ደአና ማላ፥ ታን ህንተ ግዶ ሸምፑዋ ገልሳና። ሄ ዎደ ህንተ ታን መꬍና ጎዳ ግድያዋ ኤራና” ያጌ’ ያጋ” ያጌዳ።
EZE 37:7 እ ታና አዛዜዳዋዳን ትምቢትያ ኦዳድ፤ ታን ትምቢትያ ኦድሽን፥ ቃልጭቃልጭያ ኮሻይ ስሰቴዳ፤ ቃይ መቀꬃቱ ሺቂደ፥ ባረ ሳኣን ሳኣን ኦይቀቴድኖ።
EZE 37:8 ታን ጼልያ ዎደ፥ ኡንቱንቱ ቦላን ጻጶቱ ደኢኖ፤ አሹካ ኡንቱንቱ ቦላን ስሜዳ፤ ጋልባካ ማዬድኖ፤ ሽን ሸምፑ ኡንቱንቱን ደኤና።
EZE 37:9 ያትና፥ እ ታና ሀዋዳን ያጌዳ፤ “ላ አሳ ናአዉ፥ ጫርኮ ትምቢትያ ሀዋዳን ያጋደ ኦዳ፤ ‘ኡባ ሞድያ መꬍና ጎዳይ ሀዋዳን ያጌ፤ “ኔኖ፥ ጫርኮ፥ ኦይዱ ዞዝያናካ ሃያ፤ ኡንቱንቱ ሸምፑዋና ደአናዳን፥ ሀ ሀይቄዳዋንቱ ግዶ ዛራደ ፑና” ያጌ’ ያጋ” ያጌዳ።
EZE 37:10 እ ታና አዛዜዳዋዳንካ፥ ታን ትምቢትያ ኦዳድ፤ ሸምፑ ኡንቱንቱ ግዶ ገልና ፓጺደ፥ ሎይꬅ ዳሮ ኦላንቻቱዋ ግዲደ ኤቄድኖ።
EZE 37:11 ሄዋፐ ጉይያን፥ እ ታዉ ሀዋዳን ያጌዳ፤ “ላ አሳ ናአዉ፥ ሀ መቀꬃቱ ኩመንꬃ እስራኤልያ አሳ ሌምሶ፤ እስራኤልያ አሳይካ፥ ‘ኑ መቀꬃቱ መሌድኖ፤ ኑ ስንꬃ ናሸቻይካ ክቼዳ፤ ኑን ኡባና ꬋዬዶ’ ያጊኖ።
EZE 37:12 ሄዋ ድራዉ፥ ኡንቱንቶ ሀዋዳን ያጋደ ትምቢትያ ኦዳ፤ ‘ኡባ ሞድያ መꬍና ጎዳይ ሀዋዳን ያጌ፤ “ህንተኖ፥ ታ አሳቶ፥ ታን ህንተ ዱፉዋ ዶያና፤ ህንተና ሄዋፐ ከሳና፤ ታን ህንተና ዛራደ፥ እስራኤልያ ቢታ አሀና።
EZE 37:13 ታ አሳቶ፥ ታን ህንተ ዱፉዋ ዶይያ ዎደነ ህንተና ከስያ ዎደ፥ ታን መꬍና ጎዳ ግድያዋ ህንተ ኤራና።
EZE 37:14 ታን ታ አያና ህንተ ግዶን ዎꬃና፤ ህንተ ፓጻ ደአና። ቃይ ታን ህንተና ህንተ ቢታን ዎꬃና። ሄ ዎደ ታን መꬍና ጎዳይ ኦድያዋነ ኦዳደ ኦꬄዳዋ ህንተ ኤራና። ታን መꬍና ጎዳይ ሀዋ ኦዳይ” ያጌ’ ያጋ” ያጌዳ።
EZE 37:15 ዛሪደካ መꬍና ጎዳ ቃላይ ታኮ ሀዋዳን ያጊደ ዬዳ፤
EZE 37:16 “ላ አሳ ናአዉ፥ እት ምꬃ ጻምኣ አካደ፥ አ ቦላ፥ ‘ሀዌ ይሁዳዋነ አናና ደእያ እስራኤልያ አሳዋ’ ያግያዋ ጻፋ። ቃይ ሀራ ጻምኣ አካደ፥ አ ቦላ፥ ‘ሀዌ ኤፍሬማዋ፤ እካ ቃይ ዮሴፎዋነ አናና ደእያ እስራኤልያ አሳዋ’ ያግያዋ ጻፋ።
EZE 37:17 ሄዋፐ ጉይያን፥ ኡንቱንቱ ነ ኩሽያን እት ጋትማ ግዳናዳን፥ ኡንቱንቱ ላኡዋ እትፐ ጋꬃ።
EZE 37:18 “ነ ቢታ አሳይ ኔና፥ ‘ሀዌ ኔን ኦꬅያዌ አዬ? ኑዉ ብለꬃ ኦዳ’ ያጊደ ኦችያ ዎደ፥
EZE 37:19 ኡንቱንቶ ሀዋዳን ያጋ፤ ‘ኡባ ሞድያ መꬍና ጎዳይ ሀዋዳን ያጌ፤ “ታን ኤፍሬማ ኩሽያን ደእያ ዮሴፎ ጋትማነ አናና ደእያ እስራኤልያ ዛራቱዋ አካናዉ ሀናይ፤ አካደ ኡንቱንቱ ላኡዋ እት ጋትማ ኦꬃናዉ፥ ይሁዳ ጋትማና ጋꬃና። ያቶፐ ኡንቱንቱ ላኡ ታ ኩሽያን እቱዋ ግዳና” ያጌ’ ያጋ።
EZE 37:20 “ሄ ኔን ኡንቱንቱ ቦላ ጻፌዳ ላኡ ጋትማቱዋ ኡንቱንቱ ስንꬃን ኦይቃደ፥
EZE 37:21 ኡንቱንታ ሀዋዳን ያጋ፤ ‘ኡባ ሞድያ መꬍና ጎዳይ ሀዋዳን ያጌ፤ “እስራኤልያ አሳ ኡንቱንቱ ቤዳ ካዉተꬃቱዋ ግዶፐ ከሳና፤ ታን ኡንቱንታ ኡባ ሳፐ ሺሻደ፥ ኡንቱንቱ ቢታ ዛራደ አሀና።
EZE 37:22 እስራኤልያ ደረቱዋ ቦላ፥ ኡንቱንቱ ቢታን ታን ኡንቱንታ እት ካዉተꬃ ኦꬃና፤ ኡንቱንቱ ኡባ ቦላ እት ካቲ ካተታና። ቃይ ኡንቱንቱ ላኤንꬆ ላኡ ቢታ ከስክኖ፤ ዎይ ላኡ ካዉተꬃ ግዲደ ሻከትክኖ።
EZE 37:23 ሄዋፐ ጉይያን፥ ኡንቱንቱ ባረንቱ ኤቃቱዋንነ ባረንቱ ሸነይያባቱዋን፥ ዎይ ባረንቱ ናቁዋን ባረንታ ቱንስክኖ። ዋኒደ ጎፐ፥ ታን ኡንቱንታ ኡንቱንቱ ጉየ ስሜዳ ናጋራ ኡባፐ አሻና፤ ቃይ ታን ኡንቱንታ ጌሻና። ኡንቱንቱ ታ አሳ ግዳና፤ ታንካ ኡንቱንቱ ጾሳ ግዳና።
EZE 37:24 “ ‘ “ታ ቆማይ ዳውት ኡንቱንቶ ካትያ ግዳና፤ ኡንቱንቶ ኡባዉ እት ሄንꬃንቻ ጻላላይ ደአና። ኡንቱንቱ ታ ህግያ ካላና፤ ታ ዎጋካ ምንሲደ ናጋና።
EZE 37:25 ታን ታ ቆማ ያቆባዉ እሜዳነ ህንተ ማይዛ አዎቱ ደኤዳ ቢታን ኡንቱንቱ ደአና። ሄ ቢታን ኡንቱንቱ፥ ኡንቱንቱ ናናቱነ ኡንቱንቱ ናናቱዋ ናናቱ መꬍናዉ ደአና፤ ታ ቆማይ ዳውት ኡንቱንቱ ቦላን መꬍናዉ ካፑዋ ግዳና።
EZE 37:26 ታን ኡንቱንቱና ሳሮተꬃ ጫቁዋ ጫቀታና፤ ሄ ጫቁካ ኡንቱንቱና መꬍና ጫቁዋ ግዳናዋ። ታን ኡንቱንታ ምንሳደ ኤሳና፤ ኡንቱንቱ ፓይዱዋካ ጮርሳና፤ ታ ጌሻ ጎልያካ መꬍናዉ ኡንቱንቱ ግዶን ዎꬃና።
EZE 37:27 ያታደ ታን ሄዋን ኡንቱንቱና ደአና። ታን ኡንቱንቱ ጾሳ ግዳና፤ ኡንቱንቱካ ታ አሳ ግዳና።
EZE 37:28 ታ ጌሻ ጎሊ ኡንቱንቱ ግዶን መꬍናዉ ደእያ ዎደ፥ እስራኤላቱዋ ጌሽያዌ ታና፥ መꬍና ጎዳ ግድያዋ ካዉተꬃቱ ኤራና” ያጌ’ ያጋ” ያጊደ ዬዳ።
EZE 38:1 መꬍና ጎዳ ቃላይ ታኮ ሀዋዳን ያጊደ ዬዳ፤
EZE 38:2 “ላ አሳ ናአዉ፥ ማጎጋ ቢታን ደእያ ጎጋኮ፥ መሸካነ ቱባላ አሳዉ ዋና ካፑዋኮ ስማደ፥ አ ቦላ ትምቢትያ ኦዳ።
EZE 38:3 ሀዋዳን ያጋ፤ ‘ኡባ ሞድያ መꬍና ጎዳይ ሀዋዳን ያጌ፤ ላ ጎጋ፥ መሸካነ ቱባላ አሳዉ ዋና ካፖ፥ ታን ነዉ ሞርከ።
EZE 38:4 ታን ኔና ጉየ ዛራና፤ ነ ጎጎጩዋን ማጋ ገልሳደ፥ ኔና ነ ኩመንꬃ ኦላንቻቱዋና፥ ነ ፓራቱዋና፥ ኩመንꬃ ኦላ ሚሻ ማዬዳ ነ ፓራ አሳቱዋናነ ባረንቱ ማሻ ለለስያ፥ ዎልቃማነ ጉꬃ ጎንዳልያ ኦይቄዳ ጉይተ አሳና ኔና ጎቻደ ከሳና።
EZE 38:5 ፓርሰፐ፥ ቶጵያፐነ ሊብያፐ ዬዳ አሳይ ጎንዳልያ ኦይቂደ፥ ሁጲያን ብራታ ቆብያ ዎꬂደ፥ ኡንቱንቱና ግዳና።
EZE 38:6 ቃይ ጎመርነ አ ኦላንቻቱ ኡባይ፥ ሁጲሳ ጋጻን ቤት-ቶጋርምነ አ ኦላንቻቱ ጉይቲ፥ ሄ ጮራ አሳቱ ኔናና ግዳና።
EZE 38:7 “ ‘ኔንነ ኔኮ ሺቄዳ አሳይ ኡባይ ጊግተ፤ ህንተና ማክተ። ያታደ ኔን ኡንቱንታ አዛዝያዋ ግዳ።
EZE 38:8 ዳሮ ዎድያፐ ጉይያን፥ ኔን ኮየታና፤ ስንꬃፐ ያና ላይꬃቱዋን ኔን ዳሮ ዎድያ መላ ግዲደ ደኤዳ ቢታ፥ ኦላፐ ሸምፔዳ ቢታ፥ አን አሳይ ዳሮ ካዉተꬃቱዋፐ እስራኤልያ ደረቱዋኮ ሺቄዳ ቢታ ገሌዳ። ኡንቱንቱ ዳሮ ካዉተꬃቱዋፐ ሺቄዳዋንታነ ኡባይካ ሀእ ሳሩዋን ደእያዋንታ።
EZE 38:9 ኔን፥ ነ ኦላንቻቱነ ኔናና ደእያ ዳሮ ካዉተꬃቱ ጎትያዳን ደንዳና፤ ህንተ ሻርያዳን፥ ቢታ ካማና’ ” ያጌ።
EZE 38:10 ኡባ ሞድያ መꬍና ጎዳይ ሀዋዳን ያጌ፤ “ሄ ዎደ ቆፋይ ነ ዎዛና ግዶ ዪና፥ ኔን ኢታባ ሀልቻና።
EZE 38:11 ኔን ሀዋዳን ያጋና፤ ‘ታን ሄ ድረትቤና ቄር ካታማቱ ደእያ ቢታ ገላደ፤ ሄ ዎፑ ጊደ፥ ህርግ ባይናን ደእያ አሳቱዋ፥ ኡንቱንቶ ኡባዉካ ድርሳ፥ ፐንጊ ዎይ ኩሉቡ ባይናዋንታ ታን ኦላና።
EZE 38:12 ታን ኡንቱንታ ኦሞዳናነ ቦንቃና፤ ካሰ መላ ግዴዳ ቢታ ስሚደ ኡቴዳ፥ ካዉተꬃቱዋ ግዶፐ ሺቄዳ፥ ሚዛነ ሚሻ ሞዴዳ፥ ቢታዉ ጉልአን ኡቴዳ አሳ ቦላን ታ ኩሽያ ደንꬃና ያጋና።
EZE 38:13 ሳባ አሳይ፥ ዳዳና አሳይነ ታርሴሰ ካታማቱዋ ዛልአንቻቱ ያላጋ ኦላንቻቱ ኡባይ፥ ኔን ቦንቃናዉ ያድ? ኔን ነ ኦላንቻቱዋ ኦሞዱዋ ቶሳናዉ፥ ብራነ ዎርቃ አፍሳናዉ፥ ሚዛነ ሚሻ አካናዉነ ሎይꬅ ዳሮ ኦሞዱዋ ኦይቃናዉ ሺሻዲ? ያጋና’ ያጌ” ያጋ።
EZE 38:14 ሄዋ ድራዉ፥ “አሳ ናአዉ፥ ጎጋ ቦላ ትምቢትያ ኦዳ። ሀዋዳን ያጋ፤ ‘ኡባ ሞድያ መꬍና ጎዳይ ሀዋዳን ያጌ፤ ሄ ዎደ፥ ታ አሳይ እስራኤሊ ህርግ ባይናን ደእያ ዎደ፥ ኔን አኬካና።
EZE 38:15 ኔን ደእያ ሁጲሳ ጋጻ ቢታፐ ያና። ኔንነ ኔናና ጮራ ካዉተꬃቱ ፓራ ቶጊደ፥ ምኖ ኦላንቻ ግዲደ፥ ጉይቲ ያና።
EZE 38:16 ቢታ ካምያ ሻርያዳን፥ ኔን ታ አሳ እስራኤልያ ቦላ ኦላና። ላ ጎጋ፥ ስንꬃፐ ያና ዎደ፥ ታን ኔና ታ ቢታ ቦላ ዎራጅሳና። ሄዋ ታን ኦꬅያዌ ካዉተꬃቱ ታና ኤራናሳነ ታን ነ ባጋና ኦꬅያዋን ታ ጌሻተꬃይ ኡንቱንቱ ስንꬃን ቤታናሳ’ ” ያጌ።
EZE 38:17 ኡባ ሞድያ መꬍና ጎዳይ ሀዋዳን ያጌ፤ “ታን ታ ቆማቱዋ ባጋና፥ እስራኤልያን ትምቢትያ ኦድያዋንቱ ባጋና ካሰ አꬌዳ ዎደ ኦዴዳዌ ኔና። ኡንቱንቱ ሄ ዎደ ዳሮ ላይꬃ ታን ኔና ኡንቱንቱ ቦላ አሀናዋ ኦዴድኖ” ያጌ።
EZE 38:18 ኡባ ሞድያ መꬍና ጎዳይ ሀዋዳን ያጌ፤ “ጎግ እስራኤልያ ቦላ ገልያ ዎደ፥ ታ ሀንቁ ሱላና።
EZE 38:19 ሄ ዎደ እስራኤልያ ቢታን ዎልቃማ ቢታ ቃꬃይ ሀናና፤ ሄዋ ታን ታ ምሹዋንነ ታ ኤጽያ ሀንቁዋን አዋያይ።
EZE 38:20 አባ ሞሊ፥ ሳሉዋ ካፉ፥ ደርያን ደእያ መሂነ ዶአይ፥ ሳኣ ቦላን ዎጽ ቃጽያ መታ ኡባይነ ሳኣን ደእያ አሳይ ኡባይ ታ ስንꬃን ኮኮራና። ደረቱ ኩንዳና፤ አፎቱካ ዎዳና፤ ቃይ ድርሳ ግምቢ ኡባይካ ኮለተና።
EZE 38:21 ታን ታ ደረቱዋ ኡባን ጎጋ ቦላ ማሻይ ደንዳናዳን ኦꬃና፤ ኦላንቻቱ ባረንቱ ማሻ ባረንቱ ቦላ ዛሪደ፥ እቱ እቱዋ ሲፋና። ታን ኡባ ሞድያ መꬍና ጎዳይ ሀዋ ኦዳይ።
EZE 38:22 ታን ኢታ ሀርግያንነ ሀይቁዋን አ ሙራና፤ ቃይ ዎልቃማ እራ፥ ሻቻ፥ ኤጽያ ዲንያ ታን አ ቦላ፥ አ ኦላንቻቱዋ ቦላነ አናና ደእያ ጮራ ካዉተꬃቱዋ ቦላ ቡክሳና።
EZE 38:23 ሄዋዳን ኦꬃደ፥ ታን ታ ግታተꬃነ ታ ጌሻተꬃ በሳና። ቃይ ዳሮ ካዉተꬃቱዋ ታን ታናተꬃ ኤርሳና። ታን መꬍና ጎዳ ግድያዋ ኡንቱንቱ ሄዋን ኤራና” ያጌ ያጋ።
EZE 39:1 “ኡባ ሞድያ መꬍና ጎዳይ ሀዋዳን ያጌ፤ ‘ላ አሳ ናአዉ፥ ጎገ ቦላ ትምቢትያ ኦዳ። ሀዋዳን ያጋ፤ “መሸካነ ቱባላ አሳዉ ዋና ካፖ ጎጋ፥ ታን ነዉ ሞርከ።
EZE 39:2 ታን ኔና ጉየ ዛራና፤ ሁጲሳ ሃኮ ቢታፐ ጎቻ ከሳደ፥ እስራኤልያ ደረቱዋ ቦላ ታን ኔና አሀና።
EZE 39:3 ሄዋፐ ጉይያን፥ ታን ነ ሀድርሳ ኩሽያፐ ዎንዳፍያ፥ ነ ኡሸቻ ኩሽያፐ ዎንዳፍያ ፖꬃ ሾጫደ ኦልሳና።
EZE 39:4 ኔን፥ ነ ኦላንቻቱነ ኔናና ደእያ ካዉተꬃቱ ኡባይ እስራኤልያ ደርያ ቦላን ኩንድ አታና። ታን ህንተ አሹዋ ምያ ካፎቶነ ባዙዋ ዶአቶ ቁማ ኦꬃደ እማና።
EZE 39:5 ታን ኡባ ሞድያ መꬍና ጎዳይ ኦዴዳ ድራዉ፥ ህንተ ምልጽ ጌዳ ደምባን ኩንድ አታና።
EZE 39:6 ማጎጋ ቢታንነ አባ ዶናን፥ ህርግ ባይናን ኡቴዳ አሳ ቦላን ታን ኤጽያ ታማ የዳና። ታን መꬍና ጎዳ ግድያዋ ኡንቱንቱ ሄዋን ኤራና።
EZE 39:7 ታን ታ ጌሻ ሱንꬃይ ታ አሳ እስራኤልያ ግዶን ኤረታናዳን ኦꬃና። ሀዋፐ ስንꬃናዉ ታ ጌሻ ሱንꬃይ ሸቀተና። ሄዋፐ ጉይያን፥ ካዉተꬃቱ ታን መꬍና ጎዳ፥ እስራኤልያ ጌሻ ግድያዋ ኤራና” ያጋ’ ያጌ።
EZE 39:8 “ኡባ ሞድያ መꬍና ጎዳይ ሀዋዳን ያጌ፤ ‘ “ሄ ጋላሳይ ያና፤ አተና” ያጋደ ታን ኦዴዳ ጋላሳይ ሀዋ።
EZE 39:9 ሄ ዎደ እስራኤልያ ካታማቱዋን ደእያ አሳይ ከሲደ፥ ኦላ ሚሻቱዋ ኡባ ታማን ኤꬃና፤ ሄዋንቱካ ዎልቃማነ ጉꬃ ጎንዳለቱዋ፥ ዎንዳፈቱዋነ ማሻቱዋ፥ ቶራቱዋነ ዱላቱዋ። ላፑን ላይꬃ ኩመንꬃ ኡንቱንቱ ሄዋንታ ኤꬅያ ምꬃ ከሲደ ጎኤታና።
EZE 39:10 ኡንቱንቱ ምꬃ ምጻናዉ ዎይ ዎራፐ ኤꬅያ ምꬃ ቃንጻናዉ ኮሸና። አያዉ ጎፐ፥ ኡንቱንቱ ሺሼዳ ኦላ ሚሻቱዋ ኤꬅያ ምꬃ ኦꬂደ ጎኤታና። ባረንታ ቦንቄዳዋንታ ኡንቱንቱ ቦንቃና፤ ባረንቱባ አኬዳዋንቱፐ ኡንቱንቱዋ አካና። ታን ኡባ ሞድያ መꬍና ጎዳይ ሀዋ ኦዳይ።
EZE 39:11 “ ‘ሄ ጋላስ ጎግ ሞገትያ ሳኣ ታን አዉ እስራኤልያ ቢታን እማና። ሄ ሳአይ አባፐ አዋይ ዶልያ ባጋና ደእያ ኦግያ አሳቱዋ ዎምባ ግያ ዎምባ ግዶና ግዳናዋ። ጎግነ አ ኦላንቻቱ ኡባይ ሄዋን ሞገትያ ድራዉ፥ ኡንቱንቱ ዱፉ ሄዋና ሀመትያ አሳዉ ኦግያ ጎርዳና። ሄ ሳአይካ ቃይ፥ “ጎጋ ኦላንቻቱዋ ዎምባ” ጌተቲደ ጼገታና።
EZE 39:12 ሄዋፐ ጉይያን፥ እስራኤልያ አሳይ ቢታ ጌሻናዉ፥ ላፑን አግና ኩመንꬃ ሄ አሃ ሞጊደ ጋምአና።
EZE 39:13 ሄ ቢታን ደእያ አሳይ ኡባይ አሃ ሞግያዋን ማደታና፤ ሄዋ ድራዉ፥ ታን ታ ቦንቹዋ ቆንጭስያ ዎደ ኡንቱንቶ ቦንቾ ሱንꬃ ግዳናዋ። ታን ኡባ ሞድያ መꬍና ጎዳይ ሀዋ ኦዳይ።
EZE 39:14 ላፑን አግናፐ ጉይያን፥ አቴዳ አሃይ ደኦፐ፥ ቢታይ ጌያናዳን፥ ዩይ ዩዪደ አቴዳ አሃ ኮይ ሞጋናዉ፥ አሳይ ዶረታና።
EZE 39:15 ኡንቱንቱ ቢታን ዩይሽና፥ አሳ መቀꬃይ ቤቶፐ፥ ሄ መቀꬃ ምይያን ማላታ ዎꬃና። ሞግያዋንቱ ዪደ፥ ጎጋ ኦላንቻቱዋ ዎምባን ሞጋና።
EZE 39:16 ሄዋዳን ኦꬅና ቢታይ ስሚደ ጌያና። ሄዋ ሄራን፥ “ኦላንቻቱዋ ካታማ” ጌተት ጼገትያ ካታማይ ደአና’ ያጌ።
EZE 39:17 “ኡባ ሞድያ መꬍና ጎዳይ ሀዋዳን ያጌ፤ ‘ላ አሳ ናአዉ፥ ካፉዋ ዛረ ኡባነ ሳኣ ዶአቱዋ ኡባ ሀዋዳን ያጋደ ጼሳ፤ “ታን ህንተዉ እስራኤልያ ደረቱዋ ሁጲያን ጊግሴዳ ዎልቃማ ያርሹዋ ኡባ ሳፐ ሺቂደ፥ እትፐ ሃይተ። ሄዋን ህንተ አሹዋ ማና፤ ሱꬃካ ኡሻና።
EZE 39:18 ህንተ ምኖ አሳቱዋ አሹዋ ማና፤ ቢታ ካፖቱዋ ሱꬃካ ኡሻና። ኡንቱንቱ ህንተዉ ዶርሳ ጋልሳ፥ አንቃራ ዶርሳ፥ ዴሻ ኮልያነ ኦርዶ ቦራ ማላ ግዳና። ኡንቱንቱ ኡባይካ ꬊከቴዳ ባሳነ መሄቱዋ ማላ።
EZE 39:19 ታን ህንተዉ ጊግስያ ያርሹዋፐ ካላና ጋካናዉ፥ ሞꬉዋ ህንተ ማና፤ ቃይ ማꬆታና ጋካናዉ፥ ሱꬃ ህንተ ኡሻና።
EZE 39:20 ታን ህንተዉ አꬅያ ማዳፐ ፓራቱዋ፥ ፓራ አሳቱዋ፥ ምኖ አሳቱዋነ ዱማ ዱማ ቆሞ ዎታዳራቱዋ ህንተ ጋንጂ ካላና ጋካናዉ ህንተ ማና” ያጋደ ጼሳ። ኡባ ሞድያ መꬍና ጎዳይ ሀዋ ኦዳይ።
EZE 39:21 “ ‘ታን ካዉተꬃቱዋ ግዶን ታ ቦንቹዋ ቆንጭሳና። ቃይ ታን ሙርያ ሙሩዋነ ታን ኡንቱንቱ ቦላን ደንꬄዳ ታ ኩሽያ ካዉተꬃቱ ኡባይ በአና።
EZE 39:22 ሄ ጋላሳፐ ዶሚደ፥ እስራኤልያ አሳይ ታን መꬍና ጎዳ ኡንቱንቱ ጾሳ ግድያዋ ኤራና።
EZE 39:23 ቃይ እስራኤልያ አሳይ ኦሞዱዋን ቤዳዌ ባረንቱ ናጋራ ጋሱዋና ግድያዋ ሀራ ካዉተꬃቱ ኤራና። ኡንቱንቱ ታዉ አማነተናን እጼዳ ድራዉ፥ ታን ታ ሶምኡዋ ኡንቱንቱፐ ገንꬃደ፥ ኡንቱንታ ኡንቱንቱ ሞርከቶ አꬃደ እማድ፤ ኡንቱንቱ ኡባይካ ኦላን ሀይቂ ዉሬድኖ።
EZE 39:24 ኡንቱንቱ ቱናተꬃነ ኡንቱንቱ ኢታተꬃ ኬሻ ኡንቱንቶ በስያ ሙሩዋ ሙራድ፤ ታ ሶምኡዋካ ኡንቱንቱፐ ገንꬃድ’ ያጌ።
EZE 39:25 “ኡባ ሞድያ መꬍና ጎዳይ ሀዋዳን ያጌ፤ ‘ሀእ ታን ያቆባ ዛራቱዋ ኦሞዱዋፐ ዛራደ ዱረያና፤ ቃይ እስራኤልያ አሳ ኡባዉ ቃረታና። ታን ታ ጌሻ ሱንꬃይ ሸቀተናዳን ኦꬃና።
EZE 39:26 ኡንቱንቱ ኡንቱንታ ያሽያዌ እቱነ ባይና ሳን፥ ባረንቱ ቢታን ሳሮ ደኡሳ ዶምያ ዎደ፥ ካሰ ባረንቱ ዬላነ ታዉ ኡንቱንቱ አማነተናን እጼዳዋ ዶጋና።
EZE 39:27 ታን ኡንቱንቱ ካዉተꬃቱዋ ኡባ ግዶፐ ዛራደ አሀና፤ ቃይ ኡንቱንቱ ሞርከቱዋ ቢታፐካ ኡንቱንታ ሺሻና። ሄዋዳን ኦꬃደ፥ ታን ጌሻ ግድያዋ ኡንቱንቱ ባጋና ካዉተꬃቱዋ ኡባ በሳና።
EZE 39:28 ታን ኡንቱንቱ ካዉተꬃቱዋ ግዶ ኦሞዶ የዴዳ ድራዉነ ኡንቱንታ ሺሻደ፥ ኡንቱንቱ ቢታ ዛሬዳ ድራዉ፥ ታን መꬍና ጎዳ ኡንቱንቱ ጾሳ ግድያዋ ኡንቱንቱ ኤራና። ታን ኡንቱንቱፐ እቱዋነ ካዉተꬃቱዋ ግዶን አግከ።
EZE 39:29 ታን ታ አያና እስራኤልያ አሳ ቦላ ጉሳና፤ ላኤንꬆ ታ ሶምኡዋ ኡንቱንቱፐ ኡባካ ገንꬅከ። ታን ኡባ ሞድያ መꬍና ጎዳይ ሀዋ ኦዳይ’ ያጌ” ያጊደ ዬዳ።
EZE 40:1 ኑን ኦሞደቴዳ ላታማነ እቼሸንꬃ ላይꬃን፥ የሩሳላመ ጾነቴዳ ታማነ ኦይደንꬆ ላይꬃን፥ ኦራꬃ ላይꬃይ ገሌዳ ኮይሮ አግናን ታማንꬃ ጋላሳን፥ መꬍና ጎዳ ዎልቃይ ታ ቦላ ደኤ። እ ታና ደንꬂደ የሩሳላመ አፌዳ።
EZE 40:2 ጾሳ ሳጻን እ ታና እስራኤልያ ቢታ አፊደ፥ እት ዳሮ ꬎቃ ደርያ ሁጲያን ኤሴዳ። ሄ ደርያፐ ገድሳ ባጋና ካታማ ማላትያ ግምቢያ ጎለቱዋ በኣድ።
EZE 40:3 እ ታና ያ አኪደ አፌዳ፤ ታን ናስያ ብራታዳን ጶልያ እት ብታንያ በኣድ። ሄ ብታኒ ሊኑዋፐ ኦሰቴዳ ሜትርያነ ልክያ ጻምኣ ኦይቂደ፥ ድርሳ ፐንገን ኤቄዳ።
EZE 40:4 እ ታና ሀዋዳን ያጌዳ፤ “ላ አሳ ናአዉ፥ ኔና ታን ሀ ሳኣ አሄዳዌ ታን ኔና በስያዋ ኡባ ኔን ምንሳ አኬካናሳ። ሄዋ ድራዉ፥ ነ አይፍያን ጼላ፤ ነ ሀይꬃን ስሳ፤ ነ ዎዛናን ዎꬃ። ኔን በእያዋ ኡባ እስራኤልያ አሳዉ ኦዳ” ያጌዳ።
EZE 40:5 ታን ጌሻ ጎልያ ኡባና ዩይ አꬌዳ ድርሳ ግምቢያ በኣድ። ሄ ብታንያ ኩሽያን ልክያ ኡሱፑን አዱሳ ዋꬋ ጻምአይ ደኤ። እት አዱሳ ዋꬋይ እት ዋꬋ ቦላ ኦይዱ ብራቱዋ ጉጄዳዋ። እ ግምቢያ ልኬዳ፤ ግምቢያዉ ጌሳይ 6 ዋꬋ፤ ጎምፓይካ 6 ዋꬋ ግዴዳ።
EZE 40:6 ሄዋፐ ጉይያን፥ አዋይ ዶልያ ባጋና ደእያ ድርሳ ፐንግያኮ ቤዳ። ደꬃቱዋ ፑደ ከሲደ፥ ፐንግያ ጎጭላ ልክና 6 ዋꬋ ግዴዳ።
EZE 40:7 ሄዋፐ አꬍና፥ ሎሱነ ኡሸቻናነ ሀድርሳና ፐንግያ ናግያዋንቱ ኤቂያ ሄዙ ሄዙ ክፍለቱ ደኢኖ፤ እት እት ክፍሊ 6 ዋꬋ አዱሳነ 6 ዋꬋ አካ። ኡንቱንቱ ግዶን ደእያ ጎዳቱ 5 ዋꬋ ኦርዱዋ። ፐንግያ ናግያዋንቱ ክፍለቱዋፐ ያ ባጋና፥ ጌሻ ጎልያ ጼልያ ባራንዳ ጎጭላይ 6 ዋꬋ።
EZE 40:8 ሄዋፐ ጉይያን፥ ሄ ብታኒ ገልያሳ ባራንዳ ልኬዳ፤ 8 ዋꬋ ግዴዳ።
EZE 40:9 ሄዌ ጌሻ ጎልያ ጼልያ ፐንግያ ዉርሰꬃን ደኤ። ሄ ባራንዳ ቆስለꬃቱዋ ኦርዶተꬃይ ላኡ ላኡ ዋꬋ።
EZE 40:10 አዋይ ዶልያ ባጋ ፐንግያን ሶ ባጋና፥ ገልያ ሎሱዋ ፐንግያ ናግያዋንቱ ክፍለቱ፥ ሀ ባጋና ሄዙ ያ ባጋና ሄዙ ደኢኖ። ኡንቱንቱ ጎምፓይ ኡባዌካ ቃራ፤ ኡንቱንታ ሻክያ ድርሳ ግምቢያ ኦርዶተꬃይካ ቃራ።
EZE 40:11 ሄዋፐ ጉይያን፥ ሄ ብታኒ ድርሳ ፐንግያ አꬍያ ሳኣ ጎምፓ ልኬዳ፤ ኡባና 10 ዋꬋ ግዴዳ። ፐንገቱዋፐ ግዱዋን ደእያ ሎሱ 13 ዋꬋ።
EZE 40:12 እት እት ፐንግያ ናግያዋንቱ ክፍልያ ስንꬃን ደእያ ግምቢያ ጌሳይ እት ዋꬋ፥ ጎምፓይካ እት ዋꬋ ግዴዳ ጎዳይ ደኤ፤ ናግያዋንቱ ክፍለቱ ላኡ ባጋናካ ኡሱፑን ኡሱፑን ዋꬋ።
EZE 40:13 ሀፍንꬃን ደእያ ናግያዋንቱ ክፍለቱዋ ጉየ ጋጻፐ ሄፍንꬃን ደእያ ናግያዋንቱ ክፍለቱዋ ጉየ ጋጻ ጋካናዉ ደእያ ሳኣ ልክና 25 ዋꬋ ግዴዳ።
EZE 40:14 ሄ ብታኒ ዳባባ ጼልያ ዉርሰꬃ ክፍልያ ልክና 20 ዋꬋ ግዴዳ።
EZE 40:15 ፐንግያ ገልያ ሳፐ ቢደ፥ ህን ዉርሰꬃን ደእያ አ ባራንዳ ጋካናዉ ደእያ አዱሳተꬃይ 50 ዋꬋ።
EZE 40:16 ክፍለቱዋ ኡባን ካረ ባጋ ጼልያ ጉꬃ ጉꬃ ማስኮተቱ ደኢኖ፤ ቃይ ክፍለቱዋፐ ግዱዋን ደእያ ጎዳዉካ ማስኮተቱ ደኢኖ። ያነ ሃነ ሻክያ ጎዳቱዋ ቦላን ዛምባ ምስሊ መት ኡቴዳ።
EZE 40:17 ሄዋፐ ጉይያን፥ ሄ ብታኒ ታና ካረ ዳባባኮ አፌዳ። ሄዋን ታን ዳባባ ዩሹዋን ሹቻ ሂጸቴዳ ባሱዋነ ሄ ባሱዋ ዩሹዋን ኬጸቴዳ ሀታሙ ክፍለቱዋ በኣድ።
EZE 40:18 ሹቻይ ሂጸቴዳ ባሱ ዳባባ ዩሹዋ ኡባ ጋኬዳ፤ ሄዌ ካረ ዳባባይ ግዶ ዳባባፐ ዝቄ።
EZE 40:19 ግዶ ዳባባኮ ጋꬅያ፥ ꬎቃን ኦሰቴዳ፥ ድርሳ ፐንጊ ደኤ። ሄ ብታኒ ላኡ ፐንገቱዋፐ ግዱዋን ደእያ ሳኣ ልክና ሁጲሳ ባጋነ ገድሳ ባጋ ጎምፓይ 100 ዋꬋ ግዴዳ።
EZE 40:20 ሄዋፐ ጉይያን፥ ሄ ብታኒ ታና ሁጲሳ ባጋ አፌዳ። ሁጲሳ ባጋ ጼልያ ድርሳ ፐንግያ ጉታራነ ጎምፓ እ ልኬዳ። ሄ ድርሳ ፐንጊ ካረ ዳባባኮ ጋꬅያዋ።
EZE 40:21 ሎሱዋፐ ኡሸቻነ ሀድርሳ ባጋና ደእያ ሄዙ ሄዙ ናግያዋንቱ ክፍለቱ፥ ኡንቱንቱፐ ግዱዋን ደእያ ጎዳቱነ አ ባራንዳይ ኮይሮ አዋይ ዶልያ ፐንግያ ባጋን ልኬዳዋንቱና ብጸ ላገ ግዴድኖ። ድርሳ ፐንግያ ጉታራይ ኡባና 50 ዋꬋ፤ ጎምፓይካ 25 ዋꬋ።
EZE 40:22 ባራንዳይ፥ ማስኮተቱነ መቴዳ ዛምባ ምስሊ ካሰ አዋይ ዶልያ ፐንግያ ባጋን በኤዳዋንቱና እት ማላ። ያ ጋꬅያ ላፑን ደꬃቱ ደኢኖ። ባራንዳይ ዳባባ ስንꬃን ዉርሰꬃ ባጋና ደኤ።
EZE 40:23 አዋይ ዶልያ ባጋዳን፥ ሀ ሁጲሳ ባጋንካ ግዶ ዳባባዉካ ሀራ ፐንጊ ደኤ። ሄ ብታኒ ሀ ላኡ ድርሳ ፐንገቱዋፐ ግዱዋን ሳኣ ልክና 100 ዋꬋ ግዴዳ።
EZE 40:24 ሄዋፐ ስሚደ፥ ሄ ብታኒ ታና ገድሳ ባጋ ድርሳ ፐንገ ካለꬅና ባደ፥ ሄዋን ሀራ ድርሳ ፐንግያ በኣድ። እ አ ልክያ ዎደ፥ ግዶ ግምበቱዋነ ሀራቱዋ ልክና እካ ሀራቱዋ ኬሻ ግዴዳ።
EZE 40:25 ልክያ ሀራቱዋዳን፥ ሀ ድርሳ ፐንግያ ማታን ደእያ ክፍለቶ ኡባዉ ማስኮተቱ ደኢኖ። ድርሳ ፐንግያ አዱሳተꬃይ 50 ዋꬋ፤ ጎምፓይካ 25 ዋꬋ።
EZE 40:26 ያ ጋꬅያ ላፑን ደꬃቱ ደኢኖ። ባራንዳይ ዳባባ ስንꬃን ዉርሰꬃ ባጋና ደኤ። ፐንግያ ቦላ ያ ባጋናነ ሀ ባጋና ዛምባ ምስሊ መት ኡቴዳ።
EZE 40:27 ግዶ ዳባባዉካ ሀራ ፐንጊ ደኤ። ሄ ብታኒ ሀ ላኡ ድርሳ ፐንገቱዋፐ ግዱዋን ደእያ ሳኣ ልክና 100 ዋꬋ ግዴዳ።
EZE 40:28 ሄ ብታኒ ታና ገድሳ ድርሳ ፐንግያ ባጋና ህን ግዶ ዳባባኮ አፌዳ። እ ድርሳ ፐንግያ ልክና፥ ሀራ ፐንገቱዋና ልከ ግዴዳ።
EZE 40:29 ሄዎ ናግያዋንቱ ክፍለቱ፥ ጎዳቱነ ባራንዳቱ ኡባይ ሀራ ድርሳ ፐንገቱዋና እት ማላ። ሄ ድርሳ ፐንግያ ዩሹዋን ክፍለቱዋ ኡባዉ ማስኮተቱ ደኢኖ። ሀ ፐንግያ አዱሳተꬃይ 50 ዋꬋ፤ ጎምፓይካ 25 ዋꬋ።
EZE 40:30 አ ዩሹዋን ባራንዳቱ ደኢኖ፤ ኡንቱንቱ አዱሳተꬃይ 25 ዋꬋ፤ ጎምፓይካ 5 ዋꬋ።
EZE 40:31 ሄ ባራንዳቱ ካረ ባጋ ዳባባ ጼሊኖ። ፐንግያ ቦላ ያ ባጋናነ ሀ ባጋና ዛምባ ምስሊ መት ኡቴዳ። ያ ጋꬅያ ሆስፑን ደꬃቱ ደኢኖ።
EZE 40:32 ሄ ብታኒ ታና አዋይ ዶልያ ባጋ ድርሳ ፐንግያና ህን ግዶ ዳባባኮ አፌዳ። እ ሄ ድርሳ ፐንግያ ልክና፥ ሀራ ፐንገቱዋና ልከ ግዴዳ።
EZE 40:33 ናግያዋንቱ ክፍለቱ፥ ጎዳቱነ ባራንዳይ ኡባይ ሀራ ድርሳ ፐንገቱዋና እት ማላ። ሄ ድርሳ ፐንግያ ዩሹዋን ደእያ ክፍለቱዋ ኡባዉ ማስኮተቱ ደኢኖ። ሄ ፐንግያ አዱሳተꬃይ 50 ዋꬋ፤ ጎምፓይካ 25 ዋꬋ።
EZE 40:34 ባራንዳይ ካረ ባጋ ዳባባ ጼሌ። ፐንግያ ቦላ ያ ባጋናነ ሀ ባጋና ዛምባ ምስሊ መት ኡቴዳ። ያ ጋꬅያ ሆስፑን ደꬃቱ ደኢኖ።
EZE 40:35 ሄ ብታኒ ታና ሁጲሳ ባጋ ድርሳ ፐንግያኮ አፌዳ። እ ሄ ድርሳ ፐንግያ ልክና፥ እካ ሀራ ፐንገቱዋና ልከ ግዴዳ።
EZE 40:36 ናግያዋንቱ ክፍለቱ፥ ጎዳቱነ ባራንዳይ ኡባይ ሀራ ድርሳ ፐንገቱዋና እት ማላ። ሄ ድርሳ ፐንግያ ዩሹዋን ማስኮተቱ ደኢኖ። ሄ ፐንግያ አዱሳተꬃይ 50 ዋꬋ፤ ጎምፓይካ 25 ዋꬋ።
EZE 40:37 ባራንዳይ ካረ ባጋ ዳባባ ጼሌ። ፐንግያ ቦላ ያ ባጋናነ ሀ ባጋና ዛምባ ምስሊ መት ኡቴዳ። ያ ጋꬅያ ሆስፑን ደꬃቱ ደኢኖ።
EZE 40:38 ካረ ዳባባዉ ሁጲሳ ባጋና፥ ግዶ ድርሳ ፐንግያ ባራንዳና ኦይቀቴዳ፥ ሀራ ክፍሊካ ደኤ። ጹግያ ያርሾ አህያ መህያ አሹ ሜጨትያዌ ሄ ክፍልያና።
EZE 40:39 ሄ ባራንዳን ሀ ባጋና ላኡ ጻርጴዛቱ፥ ያ ባጋናካ ላኡ ጻርጴዛቱ ደኢኖ፤ ጹግያ ያርሾ፥ ናጋራ ያርሾነ ናቁዋ ያርሾ ሹክያ መህያ ኡባይ ሹከትያዌ ሄ ጻርጴዛቱዋ ቦላና።
EZE 40:40 ባራንዳፐ ካረ ባጋና ሁጲሳ ድርሳ ፐንግያ ማታን ላኡ ጻርጴዛቱ ሀ ባጋና፥ ላኡ ጻርጴዛቱ ያ ባጋና ደኢኖ።
EZE 40:41 ሄዋ ድራዉ፥ ያርሾ ሺቄዳ መሂ ሹከትያ ኡባና ሆስፑን ጻርጴዛቱ ደኢኖ፤ ኡንቱንቱፐ ኦይዳቱ ባራንዳን ደኢኖ፤ ኦይዳቱ ቃይ ካረ ዳባባን ደኢኖ።
EZE 40:42 ቃይ ጹግያ ያርሹዋ ዎꬃናዉ ጊግሴዳ፥ ሹቻፐ ማሰቲደ ኦሰቴዳ ኦይዱ ጻርጴዛቱ ደኢኖ። ኡንቱንቶ ጌሳይ እት ዋꬋ፤ አዱሳተꬃይ እት ዋꬋነ ታካ፤ ቃይ ጎምፓይካ እት ዋꬋነ ታካ። ጹግያ ያርሹዋነ ሀራ ያርሾቱዋ ኡባ ሹክያ ሚሻቱ ሄ ጻርጴዛቱዋ ቦላን ኡቲኖ።
EZE 40:43 ኦይዱ ብራꬍያ አዱቂያ ካቂያ ማጋቱ ጎዳ ቦላ ዩይ አꬊደ ꬍሸት ኡቴድኖ። ያርሾ ሺሽያ አሹ ኡባይ ሄ ጻርጴዛቱዋ ቦላ ዎꬌ።
EZE 40:44 ሄዋፐ ጉይያን፥ ሄ ብታኒ ታና ግዶ ዳባባ ገልሴዳ። ሄዋን ፐንገቱ ግዶ ዳባባኮ ዶየትያ ላኡ ክፍለቱ ደኢኖ። ኡንቱንቱፐ እት ክፍሊ ሁጲሳ ድርሳ ፐንግያ ማታና ገድሳ ባጋ ጼሌ፤ ላኤንꬁ ቃይ ገድሳ ድርሳ ፐንግያ ማታና ሁጲሳ ባጋ ጼሌ።
EZE 40:45 ሄ ብታኒ ታና ሀዋዳን ያጌዳ፤ “ገድሳ ባጋ ጼልያ ክፍሊ ጌሻ ጎልያን ኦꬅያ ቄሳቱ ዋ።
EZE 40:46 ሁጲሳ ባጋ ጼልያ ክፍሊ ቃይ ያርሽያሳን ኦꬅያ ቄሳቱ ዋ። ቄሳቱ ኡባይ ጻዶቃ ያራፐ የለቴዳ ሌዋቱዋ፤ መꬍና ጎዳኮ ሺቂደ፥ አስ ኦꬃናዉ በሲኖ ጌተቴዳዌ ኡንቱንቱ ጻላላ” ያጌዳ።
EZE 40:47 ሄ ብታኒ ዳባባ ልክና አዱሳተꬃይ 100 ዋꬋ፥ ጎምፓይካ 100 ዋꬋ ግዴዳ። ዳባባን ጌሻ ጎልያፐ ስንꬃ ባጋና እት ያርሽያሳይ ደኤ።
EZE 40:48 ሄዋፐ ጉይያን፥ እ ታና ጌሻ ጎልያ ባራንዳ አፌዳ። ባራንዳ ገልያ ቆስለꬃ ልክና ጌሳይ 5 ዋꬋ፤ ጎምፓይካ 14 ዋꬋ። ሀድርሳናነ ኡሸቻና ደእያ ጎዳቱዋ ኦርዶተꬃይ ሄዙ ሄዙ ዋꬋ ግዴዳ።
EZE 40:49 ባራንዳ አዱሳተꬃይ 20 ዋꬋ፤ ጎምፓይካ 12 ዋꬋ። ያ ጋꬅያ 10 ደꬃቱ ደኢኖ። ገልያሳን ኡሸቻናነ ሀድርሳና ኤቄዳ ላኡ ቱቀቱ ደኢኖ።
EZE 41:1 ሄዋፐ ስሚደ፥ ሄ ብታኒ ታና ጌሻ ጎልያን ደእያ ጌሻ ሳኣ ገልሴዳ። ሄ ጌሻ ሳኣ ጎዳ ኦርዶተꬃ ልክና 6 ዋꬋ ግዴዳ።
EZE 41:2 ፐንግያ ጎምፓይ ቃይ 10 ዋꬋ ግዴዳ። ሀድርሳናነ ኡሸቻና ደእያ ጎዳቱዋ ጎምፓይ እቼሹ እቼሹ ዋꬋ። ቃይ እ ጌሻ ሳኣ ልክና 40 ዋꬋ፥ ጎምፓይካ 20 ዋꬋ ግዴዳ።
EZE 41:3 ሄዋፐ ጉይያን፥ ቆልኦ ገሌዳ። ሄ ገልያ ፐንግያ ጎዳ ኦርዶተꬃ ልክና 2 ዋꬋ ግዴዳ። ፐንግያ ጎምፓይ 6 ዋꬋ ግዴዳ፤ ሀድርሳናነ ኡሸቻና ደእያ ጎዳቱዋ አኮተꬃይ ላፑን ላፑን ዋꬋ።
EZE 41:4 ቃይ እ ቆልኡዋ ልክና አዱሳተꬃይ 20 ዋꬋ፥ ጎምፓይካ 20 ዋꬋ ግዴዳ። ሄዋፐ ጉይያን እ ታና፥ “ሀዌ ኡባፐ አꬍያ ጌሻ ሳኣ” ያጌዳ።
EZE 41:5 ሄ ብታኒ ጌሻ ጎልያ ጎዳ ልክና ኦርዶተꬃይ 6 ዋꬋ ግዴዳ። ሄ ጎዳና ኦይቀቲደ፥ ጌሻ ጎልያ ዩሹዋን ኬጸቴዳ ኦይዱ ኦይዱ ዋꬋ አክያ ዳሮ ክፍለቱ ደኢኖ።
EZE 41:6 ሄ ክፍለቱ እቱ እቱዋ ቦላ ኬጸቴዳ ሄዙ ፖቀ ግድሽና፥ እት እት ፖቅያዉ ሀታሙ ክፍለቱ ደኢኖ። ዞንጎልስ የግያ ምꬃይ ጌሻ ሳኣ ግዶ ገለና ማላ፥ ኮይሮ ጎዳና ኦይሰꬂደ፥ ሀራ ሹቻ ዎꬄድኖ።
EZE 41:7 ሄ ሹቻይ ጋርሳ ዉርሰꬃ ፖቅያን ኦርዴዳ ድራዉነ ፑደ ሺቂደ ሌእያ ድራዉ፥ ክፍለቱካ ፑደ ሺቅያ ዎደ፥ አክ አኪደ ቢኖ። ኮይሮ ዉይግያፐ ግዶ ፖቅያና አꬊደ፥ ክል ዉርሰꬃ ፖቅያ ጋካናዉ አፍያ ደꬃቱ ደኢኖ።
EZE 41:8 ታን ጌሻ ጎልያ ዩሹዋን ꬎቁ ጌዳ ባሱ ደእያዋ በኣድ። አ ዩሹዋን ደእያ ክፍለቱ ሄ ባሱዋ ቦላን ኬጸቴድኖ፤ ሄ ባሱ ግዶ ዳባባፐ 6 ዋꬋ ꬎቄ።
EZE 41:9 ሄ ክፍለቱዋ ካረ ባጋ ጎዳ ኦርዶተꬃይ 5 ዋꬋ። ክፍለቱዋ ገልያ ላኡ ፐንገቱ፥ እቱ ሁጲሳ ባጋና፥ እቱ ቃይ ገድሳ ባጋና ደኢኖ፤ ቃይ ሄ ክፍለቱዋ ዩሹዋን ደእያ ባሱዋ አኮተꬃይ 5 ዋꬋ። ጌሻ ጎልያ ባሱዋፐነ ግዶ ዳባባን ደእያ ክፍለቱዋፐ ግዱዋን ደእያ መላ ሳአይ 20 ዋꬋ።
EZE 41:12 ጌሻ ጎልያፐ አዋይ ዉልያ ባጋና ደእያ መላ ሳኣፐ ሄፍንꬃ ባጋና እት ጎሊ ደኤ። ሄ ጎልያ 90 ዋꬋ፤ ጎምፓይካ 70 ዋꬋ። ሄ ጎልያ ጎዳይ 5 ዋꬋ ኦርዳ።
EZE 41:13 ሄ ብታኒ ጌሻ ጎልያ ካረ ባጋ ልክና አዱሳተꬃይ 100 ዋꬋ። ጌሻ ጎልያ ዞክሳፐ ቢደ፥ ህን አዋይ ዉልያ ባጋ ጎልያ ዞክሳ ጋካናዉ ሳኣ ልክና፥ 100 ዋꬋ ግዴዳ።
EZE 41:14 አዋይ ዶልያ ባጋና ደእያ ጌሻ ጎልያ ጎምፓይ ላኡ መላ ሳአቱዋ ጉጂደ ልክና፥ 100 ዋꬋ አኬ።
EZE 41:15 ላኡ ባጋናካ ደእያ አꬍያ ሳአቱዋ ጉጂደ፥ አዋይ ዉልያ ባጋና ደእያ ጎልያ ልክና 100 ዋꬋ ግዴዳ። ጌሻ ጎልያ ጌሻ ሳአይ፥ አ ቆልኡነ አ ባራንዳይ
EZE 41:16 ዉይግያፐ ቢደ፥ ማስኮተቱዋ ጋካናዉ፥ ምꬃን ሌጸት ኡቴዳ፤ ማስኮተቱካ ምꬃን ሌጸት ኡቴድኖ።
EZE 41:17 ጌሻ ጎልያዉ ሶ ባጋ ክፍለቱዋ ጎዳይ ፐንገቱዋፐ ቦላዉ አꬋና ጋካናዉ፥ ዛምባቱዋነ ክሩበቱዋ ምስለቱዋን አሌቀት ኡቴዳ፤ ክፍልያን ዩይ አꬋናዉካ ዛምባ ምስሊነ ክሩብያ ምስሊ ዋላካን መት ኡቴዳ። ክሩበቶ ኡባዉ ላኡ ላኡ ሶምኢ ደኤ።
EZE 41:19 እት ባጋና አሳ ሶምኡዋ ማላትያዌ ዛምባ ምስልያኮ ጼሌ፤ ቃይ ሀራ ባጋና ጋሙዋ ሶምኡዋ ማላትያዌ ዛምባ ምስልያኮ ጼሌ።
EZE 41:20 ዉይግያፐ ደንድ ቢደ፥ ፐንገቱዋፐ ቦላ ባጋን ደእያ ሳኣ ጋካናዉ፥ ጎዳ ዩሹዋ ኡባይ ሄዋዳን አሌቀቴዳ።
EZE 41:21 ጌሻ ጎልያ ፐንገ ቆስለꬃቱ ኡባይ ኦይዱ ማረ ግዲደ ማሰቴዳዋንታ፤ ኡንቱንቱ ኡባይካ እት ልከ። ኡባፐ አꬌዳ ጌሻ ሳኣ ገልያሳ ስንꬃን
EZE 41:22 ምꬃፐ መቴዳ ያርሽያ ሳ ማላትያዌ ቤቴ። እካ ኦይዱ ማረ ግዲደ፥ አዱሳተꬃይ ጎምፓይካ ቃራ፤ ኡንቱንቱ ላኡካ ላኡ ላኡ ዋꬋ፤ አዉ ጌሳይ ቃይ ሄዙ ዋꬋ። ማዛናቱዋ ቱሳቱ፥ ገደቱነ ምይያና ደእያ ሳንቃቱ ኡባይካ ምꬃፐ ኦሰቴዳዋንታ። ሄ ብታኒ ታና፥ “ሀዌ መꬍና ጎዳ ስንꬃን ደእያ ጻርጴዛ” ያጌዳ።
EZE 41:23 ጌሻ ሳአዉ እት ፐንጊ ደኤ፤ ቃይ ኡባፐ አꬌዳ ጌሻ ሳአዉ እት ፐንጊ ደኤ።
EZE 41:24 እት እት ፐንግያዉ ግዱዋን ዳኮቲደ ዶየትያ ላኡ ሳንቃቱ ደኢኖ።
EZE 41:25 ጌሻ ሳኣ ጎዳቱዋ ቦላ መቴዳዋዳን፥ ፐንገቱዋ ሳንቃቱዋ ቦላካ ክሩበቱዋነ ዛምባቱዋ ምስሊ መት ኡቴዳ። ባራንዳፐ ቦላ ባጋና ስንꬃና ደእያ ሳንቃ ካራይ ምꬃፐ ኦሰቴዳዋ።
EZE 41:26 ሄ ባራንዳ ጎዳቱዋ ምይያን ማስኮተቱ ደኢኖ። ላኡ ባጋ ጎዳቱካ ዛምባ ምስልያን አሌቀቴድኖ። ሀድርሳ ባጋናነ ኡሸቻ ባጋና ደእያ ደꬃ ክፍለቶ ካሜዳ ካራይ ደኤ።
EZE 42:1 ሄዋፐ ጉይያን፥ ሄ ብታኒ ታና ሁጲሳ ባጋ ፐንግያና ካረ ዳባባ ካለꬂደ ጌሻ ጎልያ ግዶ ዳባባ ግምቢያና ኦይቀቴዳ ጎልያኮ፥ ታና አሄዳ።
EZE 42:2 ሄ ጎልያ ፐንጊ ፑደ ባጋ ስሚደ፥ ሄ ጎሊ 100 ዋꬋ አዱሳነ 50 ዋꬋ አኮ።
EZE 42:3 ግዶ ዳባባፐ ላታሙ ዋꬋ ሃኪደ፥ ቃይ ስንꬃ ባጋና ካረ ዳባባን ደእያ ሂጸቴዳ ሹቻፐ ስንꬃ ባጋና እቱ እቱዋና ጼለትያ ሄዙ ደꬃይ ደእያ ፖቂ ደኤ።
EZE 42:4 ሄ ክፍለቱዋ ፐንገቱ ሁጲሳ ጼሊኖ። ኡንቱንቱፐ ስንꬃ ባጋና 10 ዋꬋ አኮነ 100 ዋꬋ አዱሳ ግዴዳ፥ ግዱዋና አꬅያ ኦጊ ደኤ።
EZE 42:5 ሄ ጎልያ ቦላ ሄዘንꬆ ፖቂ ላኤንꬁዋፐ ጹሜ፤ ላኤንꬁ ቃይ ኮይሩዋፐ ጹሜ። ጋሶታይካ ኡንቱንቱ እቱ እቱዋፐ ጉየ ሺቅ ሺቂደ ግምበቴዳ ድራሳ።
EZE 42:6 ቃይ ኡንቱንቱ ሄዙ ፖቅያን ደእያ ክፍለቱ ቆሞዋንቱፐ ጋርሳዋንቱነ ግዶ ዛዋን ደእያ ክፍለቱ ጹምያ ድራዉ ካረ ዳባባን ደእያ ሀራ ጎለቱዋዳን፥ ኡንቱንቶ ቱሳይ ባዋ።
EZE 42:7 ሄ ክፍለቱዋፐ ስንꬃ ባጋና፥ 50 ዋꬋ አዱቂያ ካረ ዳባባ ባጋና ደእያ እት ግምቢ ደኤ።
EZE 42:8 ካረ ዳባባ ባጋና ደእያ ክፍለቱዋ አዱሳተꬃይ 50 ዋꬋ አዱቂያዋ ግድሽን ጌሻ ጎልያ ስንꬃን ደእያ ክፍልያ አዱሳተꬃይ 100 ዋꬋ።
EZE 42:9 ካረ ዳባባፐ ሶ ገልያ ዎደ አዋይ ዶልያ ባጋና ጋርሳ ክፍለቱዋ ገልያ ፐንጊ ደኤ።
EZE 42:10 ሄዋዳንካ፥ ጌሻ ጎልያፐ ገድሳ ባጋና ካረ ዳባባ ግምቢያ ካሊደ ጌሻ ጎልያ ዳባባና ኦይቀቴዳነ ካረ ዳባባኮ ጼልያ ሀራ ክፍለቱ ደኢኖ።
EZE 42:11 ሄ ጎልያ ክፍለቱዋ ስንꬃን አሳይ ሀመትያ ኦጊ ደኤ። ሄ ጎሊ ሁጲሳ ባጋን ደእያ ጎልያና እት ማላ፤ አዱሳተꬃይ፥ አኮተꬃይ፥ ክፍለቱነ ፐንገቱ ኡባይ እት ማላ።
EZE 42:12 ድርሳ ግምቢ ዉርያ አዋይ ዶልያ ባጋ ጋጻፐ ዶሚደ ግምቢ ዶምያ ገድሳ ባጋና ደእያ ክፍለቱዋ ገልያ ፐንጊ ደኤ።
EZE 42:13 ሄዋፐ ጉይያን፥ ሄ ብታኒ ታና ሀዋዳን ያጌዳ፤ “ሀዋንቱ ክፍለቱ፥ ሁጲሳናነ ገድሳና ጌሻ ጎልያ ካረ ዳባባኮ ጼልያዋንቱ ቄሳቱ ዋ ክፍለቱዋ። ኡንቱንቱ ግዶን መꬍና ጎዳ ስንꬃን ኦꬅያ ቄሳቱ ኡባፐ አꬌዳ ጌሻ ቁማ ማና። ሄ ክፍለቱ ጌሻ ግዴዳ ድራዉ፥ ኡባፐ አꬌዳ ጌሻ እሞታ፥ ሄዋንቱነ ካꬃ ያርሹዋ፥ ናጋራ ያርሹዋነ ናቁዋ ያርሹዋ ኡባ፥ ኡንቱንቱ ሄዋን ዎꬃና።
EZE 42:14 ጌሻ ጎልያ ገሌዳ ቄሳቱ ካረ ዳባባ ከስያ ዎደ፥ ጾሳዉ ኦꬅያ ዎደ ማዬዳ ጌሻ ማዩዋ ከሲደ፥ ሄ ክፍለቱዋን ዎናን ከስክኖ። አያዉ ጎፐ፥ ማዮቱ ጌሻ። ኡንቱንቱ ካረ አሳኮ ከሲደ፥ ካሰ ማይያ ሀራ ማዮቱዋ ማዪደ ከሳናዉ ኮሼ” ያጌዳ።
EZE 42:15 ሄ ብታኒ ጌሻ ጎልያ ጋርሳ ዳባባን ደእያ ኬꬃቱዋ ልኪ ዉርሲደ፥ አዋይ ዶልያ ባጋ ጼልያ ድርሳ ፐንግያና ታና ካረ ከሴዳ። ጌሻ ጎልያ ዩሽ አꬂደ ልኬዳ።
EZE 42:16 ጻምኣ አኪደ፥ አዋይ ዶልያ ባጋ ልክና፥ 500 ዋꬋ ግዴዳ።
EZE 42:17 ስሚደ ሁጲሳ ባጋ ሄ ጋትማን ልክና 500 ዋꬋ ግዴዳ።
EZE 42:18 ስሚደ ገድሳ ባጋ ልክና 500 ዋꬋ ግዴዳ።
EZE 42:19 ስሚደካ አዋይ ዉልያ ባጋ ልኬዳ፤ እካ 500 ዋꬋ ግዴዳ።
EZE 42:20 ሄዋዳን ኦꬂደ፥ እ ኦይዱ ባጋቱዋካ ልኬዳ። አ ዩሹዋን 500 ዋꬋ አዱቂደ፥ 500 ዋꬋ አክያ ድርሳ ግምቢ ደኤ። ሄ ግምቢ ጌሻ ሳኣ የንኮ ጮ ሳኣፐ ሻካናሳ።
EZE 43:1 ሄዋፐ ጉይያን፥ ሄ ብታኒ ታና አዋይ ዶልያ ባጋ ጼልያ ፐንግያኮ አሄዳ።
EZE 43:2 ታን እስራኤልያ ጾሳ ቦንቹ አዋይ ዶልያ ባጋፐ ይያዋ በኣድ። አ ዩሳ ኮሻይ ዳሮ ሃꬃ ኩንꬁዋ ጉንꬃ ማላ፤ ቃይ ቢታይካ አ ቦንቹዋን ፖኤዳ።
EZE 43:3 በኤዳ ሳጻይ ካሰ ጾሳይ የሩሳላመ ካታማ ꬋይሳናዉ ዬዳ ዎደ በኤዳ ሳፃ ማላቴ፤ ቃይ ኮባራ ሻፋ ማታን ታን በኤዳ ሳጻካ ማላቴ። ሄዋ በኣደ፥ ታን ታ ሶምኡዋ ቢታ ጋꬃደ ጉፋናድ።
EZE 43:4 መꬍና ጎዳ ቦንቹ አዋይ ዶልያ ባጋ ጼልያ ፐንግያና ጌሻ ጎልያ ግዶ ገሌዳ።
EZE 43:5 ሄ ዎደ ጾሳ አያናይ ታና ፑደ ደንꬂደ፥ ግዶ ዳባባ ገልሴዳ፤ በአ! መꬍና ጎዳ ቦንቹ ጌሻ ጎልያ ኩሜዳ።
EZE 43:6 ሄዋን ሄ ብታኒ ታ ምይያን ኤቂደእሽን፥ እቱ ጌሻ ጎልያ ግዶፐ ታዉ ሃሳይሽን ስሳድ።
EZE 43:7 እ ሀዋዳን ያጌዳ፤ “ላ አሳ ናአዉ፥ ሀዌ ታ አራታ ሳነ ታ ገዲ የꬍያ ሳኣ። ታን እስራኤልያ አሳ ግዶን መꬍናዉ ደአና። ሀዋፐ ስንꬃዉ እስራኤልያ አሳ ግድና፥ ኡንቱንቱ ካተቱዋ ግድና፥ ሀራ ጾሳቶ ጎይንያዋን፥ ዎይ ሸምፑ ባይና ባረንቱ ካተቱዋ ሀዉልትያዉ ጎይንያዋን ታ ጌሻ ሱንꬃ ቱንስክኖ።
EZE 43:8 ዋቲደ ጎፐ፥ እት ጎዳ ጻላላይ ታናነ ኡንቱንታነ ሻክና፥ ባረንቱ ፐንግያ ታዋ ምይያን፥ ባረንቱ ፐንገ ምꬃካ ታዋ ምይያን ኤሴድኖ። ባረንቱ ሸነይያ ኦሱዋን ታ ጌሻ ሱንꬃ ቱንሴድኖ። ሄዋ ድራዉ፥ ታን ታ ሀንቁዋን ኡንቱንታ ꬋይሳድ።
EZE 43:9 ሀእ ስም ሀራ ጾሳቶ ጎይንያዋ አግኖ፤ ባረንቱ ካተቱዋ ሀዉልትያ ጎይንያዋ ታ ማታፐ ድግኖ። ያቶፐ፥ ታን ኡንቱንቱ ግዶን መꬍናዉ ደአና።
EZE 43:10 “ላ አሳ ናአዉ፥ ታን ኔና በሴዳ ጌሻ ጎልያባ እስራኤልያ አሳዉ ኦዳ፤ ኡንቱንቱ ባረንቱ ኦꬄዳ ናጋራን ዬላታና ማላ፥ አ መꬋባነ እ ኬጸቴዳ ማራ ኡንቱንቶ ኦዳ።
EZE 43:11 ኡንቱንቱ ባረንቱ ኦꬄዳባን ዬላትያዋንታ ግዶፐ፥ ጌሻ ጎልያ ማላ፥ እ ኬጸቴዳ ማራ፥ ከስያ ሳአቱዋ፥ ገልያ ሳአቱዋነ አ ኩመንꬃ ምስልያ ኡንቱንቶ ቆንጭሳ። ሄዋዳንካ ቃይ፥ አ ዎጋ ኡባነ አ ህግያ ኡባ ኡንቱንታ ኤርሳ። ቃይካ ሄ ጎሊ ዎት ኬጸቴደንቶነ ኡንቱንቱ አ ዎጋ ኡባነ ህግያ ኡባ ናጋናዉነ ፖላናዉ ዳንዳያና ማላ፥ ኔን ኡንቱንቱ ጼልሽን ጻፋ።
EZE 43:12 “ጌሻ ጎልያ ህጊ ሀዋ: ጌሻ ጎሊ ኬጸቴዳ ደርያ ሁጲነ አ ዩሹዋን ደእያ ሄራይ ኡባይ ኡባፐ አꬌዳ ጌሻ ግዳናዋ። ኤ፥ ጌሻ ጎልያ ህጊ ሀዋ።
EZE 43:13 “ያርሽያሳይ ካሰ ጌሻ ጎልያ ልክያዳንካ፥ እት ዋꬋ ቦላ ኦይዱ ብራቱዋ ጉጄዳ፥ አዱሳ ዋꬋን ልከቴዳ። ያርሽያ ሳአ ባሱዋ ዩሹዋን እት ዋꬋ ዝቂያነ እት ዋꬋ አክያ ኦላይ ደኤ፤ ሄ ኦላዉ ካረ ባጋ ደꬃይ እት ታካꬍያ ꬎቄ። ያርሽያ ሳአ ጌሳይ ሀዋ ማላ:
EZE 43:14 ባሱዋፐ ቢደ፥ ኮይሮ ደꬃ ጋካናዉ 2 ዋꬋ፤ ላኤንꬆ ደꬃይ እት ዋꬋ ያርሽያ ሳኣኮ ሺቅ ዶሚደ፥ 4 ዋꬋ ꬎቄ፤ ቃይካ እት ዋꬋ ያርሽያ ሳኮ ሺቂደ፥
EZE 43:15 ያርሹ ጹገትያ ጮጪ ደእያ ሄዘንꬆ ደꬃይ 4 ዋꬋ ꬎቄ። እ ኦይዱ ምዛና ግዲደ፥ ኦይዱ ማርያንካ እት እት ካጪ ደኤ።
EZE 43:16 ያርሹዋ ጹግያ ጮጪ ኦይዱ ሚዛናን ግዲደ፥ 12 ዋꬋ፥ ጎምፓይካ 12 ዋꬋ።
EZE 43:17 ላኤንꬆ ደꬃይካ ሄዋ ማላ ኦይዱ ምዛና ግዲደ፥ 14 ዋꬋ፥ ጎምፓይካ 14 ዋꬋ። ሄ ደꬃዉ ካረ ባጋ ጋጻይ እት ታካ ꬎቄ። ዩሹዋ ኡባን እት ዋꬋ ግዴዳ ኦላይ ደኤ። ያርሽያ ሳ ፑደ አፍያ ደꬃቱ አዋይ ዶልያ ባጋን ደኢኖ” ያጌዳ።
EZE 43:18 ቃይካ እ ታና ሀዋዳን ያጌዳ፤ “ላ አሳ ናአዉ፥ ኡባ ሞድያ መꬍና ጎዳይ ሀዋዳን ያጌ፤ ‘ያርሽያ ሳአ ዎጋይ ሀዋ። ጹግያ ያርሹዋ ያርሻናዉነ ሱꬃ ፑሻካዉ፥ ያርሽያ ሳአ ግምቢደ ፖልያ ጋላስ፥
EZE 43:19 ታኮ ሺቂደ፥ ታዉ ኦꬅያ ጻዶቃ ያራፐ የለቴዳ ሌዊያ ዛረ ቄሳቶ ናጋራ ያርሹዋ ኦꬃደ፥ እት ኮሩማ እማ። ኡባ ሞድያ መꬍና ጎዳይ ሀዋ ኦዳይ።
EZE 43:20 ኔን ሄ ሱꬃፐ አካደ፥ ኦይዱ ካጨቱዋ፥ ላኤንꬆ ደꬃ ኦይዱ ሚዛናነ ሄ ደꬃዉ ጋጻ ኦካ። ሄዋዳን ኦꬃደ፥ ያርሽያ ሳአ ቱናተꬃፐ ጌሻ።
EZE 43:21 ቃይ ናጋራ ያርሾ እመቴዳ ሄ ኮሩማ አካደ፥ ጌሻ ጎልያዋ ግዲደ፥ ጌሻ ሳኣፐ ካረ ባጋና አዉ አዛዘቴዳ ሳኣን ጹጋ።
EZE 43:22 “ ‘ዎንተꬃ ጋላስ ትላ ቦላና ደእያ እት ዴሻ ኦርግያ አካደ፥ ናጋራ ያርሾ ያርሻ። ካሰ ኮሩማ ሱꬃን ጌሼዳዋዳን፥ ሄ ዴሻ ኦርግያ ሱꬃን ያርሽያ ሳአ ጌሻ።
EZE 43:23 ጌሽያዋ ፖላደ፥ ትላ ቦላና ደእያ እት ኮሩማነ ትላ ቦላና ደእያ እት ዶርሳ ኦርግያ አካደ፥
EZE 43:24 ላኡዋካ መꬍና ጎዳ ስንꬃ ሺሻ። ያቶፐ ቄሳቱ ኡንቱንቱ ቦላ ማጽንያ ቆሊደ፥ መꬍና ጎዳዉ ጹግያ ያርሹዋ ኦꬂደ ያርሽኖ።
EZE 43:25 “ ‘ላፑን ጋላሳ ኩመንꬃ፥ ሀች ሀች እት ዴሻ ኮልያ ናጋራ ያርሾ፥ ቃይ ትላ ቦላና ደእያ እት ኮሩማነ ትላ ቦላና ደእያ እት ዶርሳ ኦርግያ ሺሻ።
EZE 43:26 ቄሳቱ ላፑን ጋላሳ ኩመንꬃ ያርሽያ ሳአ ቱናተꬃፐ ጌሽኖ። ያቲደ ጾሳዉ አ ዱማይኖ።
EZE 43:27 ሀ ጋላሳቱ ዉርያ ዎደ፥ ሆስፑንꬃ ጋላሳፐ ዶሚደ፥ ቄሳቱ ህንተ ጹግያ ያርሹዋነ ህንተ እትፐተꬃ ያርሹዋ ያርሽያ ሳአ ቦላን ያርሽኖ። ሄ ዎደ ታን ህንተናን ናሸታና። ታን ኡባ ሞድያ መꬍና ጎዳይ ሀዋ ኦዳይ’ ያጌ” ያጌዳ።
EZE 44:1 ሄዋፐ ጉይያን፥ ሄ ብታኒ ታና ጉየ ዛሪደ፥ ጌሻ ጎልያዉ አዋይ ዶልያ ባጋና ደእያ ካረ ባጋ ድርሳ ፐንግያኮ አህያ ዎደ፥ ድርሳ ፐንጊ ጎርደት ኡቴዳ።
EZE 44:2 መꬍና ጎዳይ ታና ሀዋዳን ያጌዳ፤ “ሀ ፐንጊ ጎርዱዋን ደእ ባሻናፐ አትና፥ ላኤንꬆ ዶየተና። አሳይካ አናና ገለና፤ አያዉ ጎፐ፥ መꬍና ጎዳይ እስራኤልያ ጾሳይ አናና ገሌዳ። ሄዋ ድራዉ፥ ሄ ፐንጊ ጎርዱዋን ደአና።
EZE 44:3 ግዶፐነ፥ እስራኤልያ ቄስያ ጻላላይ መꬍና ጎዳ ስንꬃን ኡክꬃ ማናዉ ሄዋን ኡታና ዳንዳዬ። ፐንግያ ባራንዳና እ ገላናዉነ ከሳናዉ ዳንዳዬ” ያጌዳ።
EZE 44:4 ሄዋፐ ጉይያን፥ ሄ ብታኒ ታና ሁጲሳ ፐንግያኮ አፍያ ኦግያና አፊደ፥ ጌሻ ጎልያ ስንꬃ ባጋ ጋꬄዳ። ሄዋን ታን ጼልያ ዎደ፥ መꬍና ጎዳ ቦንቹ መꬍና ጎዳ ጎልያ ኩም ኡቴዳዋ በኣድ፤ ሄኮ፥ ታ ሶምኡዋ ቢታ ጋꬃደ ጉፋናድ።
EZE 44:5 ያትና፥ መꬍና ጎዳይ ታና ሀዋዳን ያጌዳ፤ “ላ አሳ ናአዉ፥ መꬍና ጎዳ ጌሻ ጎልያ ዎጋቱዋ ኡባነ አ ህገቱዋ ኡባ ጼልያዋን ታን ነዉ ኦድያዋ ነ ሀይꬃን ሎይꬃደ ስሳ፤ ነ አይፍያንካ ሎይꬃደ ጼላ። ጌሻ ጎልያ ገላናዉነ ከሳናዉ በስያ አሳቱነ በሰና አሳቱ ሀቃዋንተንቶ ሎይꬃደ አኬካ።
EZE 44:6 ማካላንቻ እስራኤልያ አሳዉ ሀዋዳን ያጋደ ኦዳ፤ ‘ኡባ ሞድያ መꬍና ጎዳይ ሀዋዳን ያጌ፤ “ህንተኖ፥ እስራኤልያ አሳቶ፥ ህንተ ኦꬅያ ቱና ኦሱ ኤቆ።
EZE 44:7 ህንተ ታዉ ታ ቁማ፥ ሞꬉዋነ ሱꬃ ያርሹዋ ኦꬂደ ሺሽያ ዎደ፥ ዎዛናይነ አሹ ቃጻረትቤና አላጋ አሳቱዋ ታ ጌሻ ጎልያ ገልሲደ፥ ኡንቱንቱ አ ቱንሳናዳን ኦꬄድታ። ህንተ ቱናተꬃ ኡባ ቦላንካ ጉጂደ፥ ታ ቃላ ጫቁዋ ኮሌድታ።
EZE 44:8 ቃይ ታ ጌሻ ሚሻቱዋ ቦላ አዎተናን እጺደ፥ ታ ጌሻ ጎልያን አላጋቱዋ አዎዬድታ” ያጌ።
EZE 44:9 “ ‘ሄዋ ድራዉ፥ ኡባ ሞድያ መꬍና ጎዳይ ሀዋዳን ያጌ፤ “እስራኤልያ አሳ ግዶን ደእያ አላጋ አሳይ፥ ባረ ዎዛናንነ ባረ አሹዋን ቃጻረትቤናዌ፥ ኦንነ ታ ጌሻ ጎልያ ገሎፖ።
EZE 44:10 “ ‘ “ታፐ ሃኬዳ ሌዋቱ፥ እስራኤልያ አሳይ ታና አጊደ ዎራ ስምና፥ ባረንቱ ኤቃቶ ጎይናናዉ ዎራ ስሜዳዋንቱ፥ ባረንቱ ሙሩዋ አክኖ።
EZE 44:11 ግዶፐነ፥ ኡንቱንቱ ታ ጌሻ ጎልያን ኦሳንቻ ግድኖ፤ ታ ጌሻ ጎልያ ድርሳ ፐንገቱዋ ናግኖ፤ ጌሻ ጎልያ ኦሱዋካ ኦꬅኖ። ኡንቱንቱ ጹግያ ያርሹዋነ አሳይ አህያ ሀራ ያርሹዋ ሹክኖ፤ ቃይ አሳዉ ኦꬃናዉ፥ ኡንቱንቱ አሳኮ ሺቅኖ።
EZE 44:12 ሽን ኡንቱንቱ ካሰ እስራኤልያ አሳ ኤቃቶ ጎይንሴዳ ድራዉነ አሳ ናጋራን ኩንድስያ ꬉበ ግዴዳ ድራዉ፥ ኡንቱንቱ ባረንቱ ናጋራ ሙሩዋ አካናዳን፥ ታን ኩሽያ ደንꬃደ ጫቃድ። ታን ኡባ ሞድያ መꬍና ጎዳይ ሀዋ ኦዳይ።
EZE 44:13 ኡንቱንቱ ቄስያ ግዲደ ኦꬃናዉ ታኮ ሺቆፕኖ፤ ዎይ ታዉ ዱማቴዳ ጌሻባኮነ ኡባፐ አꬌዳ ጌሻባኮ ሺቆፕኖ። ኡንቱንቱ ባረንቱ ኦꬄዳ ቱና ኦሱዋ ድራዉ፥ ዬላ ማይኖ።
EZE 44:14 ግዶፐነ፥ ኡንቱንቱ ጌሻ ጎልያን አዎታናዳንነ አ ግዶን ኦꬃናዉ ደእያ ኦሱዋ ኡባካ ኦꬃናዳን፥ ታን ኡንቱንታ ሱንꬃና።
EZE 44:15 “ ‘ “ሽን እስራኤልያ አሳይ ታና አጊደ፥ ዎራ ስሜዳ ዎደ፥ ታ ጌሻ ጎልያ ዎጋ አማነቲደ ፖሌዳ፥ ሌዊያ ዛረ ቄሳቱ፥ ጻዶቃ ያራቱ፥ ኡንቱንቱ ታዉ ኦꬃናዉ ታኮ ሺቅኖ። ሞꬉዋነ ሱꬃ ሺሺደ፥ ኡንቱንቱ ታ ስንꬃን ኦꬅኖ። ታን ኡባ ሞድያ መꬍና ጎዳይ ሀዋ ኦዳይ።
EZE 44:16 ታ ጌሻ ጎልያ ኡንቱንቱ ገልኖ፤ ታዉ ኦꬃናዉ ታ ያርሽያ ሳ ኡንቱንቱ ሺቅኖ፤ አዎተꬃካ ኡንቱንቱ ኦይቂኖ።
EZE 44:17 ኡንቱንቱ ጌሻ ጎልያዉ ግዶ ዳባባ ገልያ ዎደ፥ ሊኑዋፐ ዳደቴዳ ማዩዋ ማይኖ፤ ግዶ ዳባባ ፐንገን ዎይ ጌሻ ጎልያ ግዶን ኦꬅያ ዎደ፥ ሱፍያ ማዩዋ ማዮፕኖ።
EZE 44:18 ኡንቱንቱ ባረንቱ ሁጲያን ላይኑዋ ሻሽያ ጻጽኖ፤ ባረንቱ ጼሳንካ ላይኑዋ ቃንꬃ ሱርያ ዳንጭኖ። ባረንታ ጫዋይያዋ አያነ ማዮፕኖ።
EZE 44:19 አሳይ ደእያ ካረ ዳባባ ኡንቱንቱ ከስያ ዎደ፥ ጌሻ ጎልያን ኦꬂደ ማዬዳ ማዩዋ ቃሪደ፥ ጌሻ ክፍለቱዋን ዎꬅኖ። ሄዌ ꬋዮፐ፥ ኡንቱንቱ ባረንቱ ጌሻ ማዩዋን አሳ ጾሳዉ ጌሻና።
EZE 44:20 “ ‘ “ቄሳቱ ባረንቱ ሁጲያ ሜደቶፕኖ፥ ዎይ ባረንቱ ብናና አዱሶፕኖ፤ ባረንቱ ሁጲያ ልክያን ቃንጽስኖ።
EZE 44:21 አይ ቄሲነ ግዶ ዳባባ ገልያ ዎደ፥ ዎይንያ ኤሳ ኡሾፖ።
EZE 44:22 ኡንቱንቱ አስናይ ሀይቄዳ፥ ዎይ የደቴዳ ማጫ አሳ አኮፕኖ። እስራኤልያ አሳፐ ጌላያቶ አክኖ፤ ዎይ አስናይ ቄስያ ግዲደ ደኢድ ሀይቄዳ ማጫ አሳ አክኖ።
EZE 44:23 “ ‘ “ቄሳቱ ጾሳዉ ዱማቴዳዋፐነ ዱማተናን ጮ ደእያዋፐ ግዱዋን ደእያ ዱማተꬃ ታ አሳ ታማርስኖ። ቃይ ጌሻፐነ ቱናፐ ግዱዋን ደእያ ዱማተꬃ ኡንቱንቱ በስኖ።
EZE 44:24 አይ ሞቱ ደንዶፐካ፥ ቄሳቱ ታ ህጊ ኦድያዋዳን ፕርድኖ። ታ ህግያነ ታ ዎጋ ናጊደ፥ ታ ባላቱዋ ቦንችኖ፤ ታ ሳምባታካ ዱማዪደ ቦንችኖ።
EZE 44:25 “ ‘ “ቄሲ ሀይቄዳ አሃኮ ሺቂደ፥ ባረና ቱንሶፖ። ግዶፐነ፥ ሀይቄዳዌ አዉዋ፥ ዎይ አቶ፥ ዎይ የሌዳ አቱማ ናኣ፥ ዎይ ማጫ ናኣ፥ ዎይ እሻ፥ ዎይ አስና ገላቤና ምቻቶ ግዶፐ፥ አሃ ቦቻናዉ ዳንዳዬ።
EZE 44:26 እ ባረ ቱናተꬃፐ ጌዬዳዋፐ ጉይያን፥ ላፑን ጋላሳ ፓይዲደ ታኮ። ሄዋፐ ጉይያን፥ እ ጌሻ ግዳና።
EZE 44:27 ሄዋፐ ስሚደ፥ ጌሻ ሳኣን ኦꬃናዉ ግዶ ዳባባ ብያ ጋላስ፥ ባረ ናጋራ ያርሹዋ ሺሾ። ታን ኡባ ሞድያ መꬍና ጎዳይ ሀዋ ኦዳይ።
EZE 44:28 “ ‘ “ቄሳቶ ላታይ ባዋ፤ ታን ኡንቱንቶ ላታ። እስራኤልያ ቢታን ኡንቱንቶ አይ ላታነ እሞፕተ፤ ኡንቱንቱ ላታይ ታና።
EZE 44:29 ኡንቱንቱ ካꬃ ያርሹዋ፥ ናጋራ ያርሹዋነ ናቁዋ ያርሹዋ ሚኖ። እስራኤልያ ቢታን መꬍና ጎዳዉ ዱማዬዳዌ ኡባይ ኡንቱንቱሳ።
EZE 44:30 ኮይሮ ጋክያ ዱማ ዱማ ካꬃዉ ኮይሮ አይፊነ ህንተ ጾሳዉ እምያ እሞታ ኡባይ ቄሳቱ ዋሳ። ህንተ ጎልያን አንጁ ሸምፓና ማላ፥ ህንተ ꬊልያፐ ኮይሮ ኩሽያ ኡንቱንቶ እምተ።
EZE 44:31 ቄሳቱ ባኩቴዳዋ ዎይ ዶአይ ዎꬌዳዋ ካፉዋ አሹዋ ግድና፥ መህያ አሹዋ ግድና፥ አያነ ሞፕኖ።
EZE 45:1 “ ‘ “ቢታ ህንተ ላታናዉ ሳማን ሻክያ ዎደ፥ ሄ ቢታፐ እት ሳማ መꬍና ጎዳዉ ዱማዪደ ዎꬅተ። ሄዌካ ታማነ ላኡ ክሎ ሜትረነ ባጋ አዱቂያነ ታሙ ክሎ ሜትረ አክያ ሳኣ ግዶ። ሄ ሳአይ ኡባይካ ጌሻ ሳኣ ግዶ።
EZE 45:2 ሄ ሳኣፐ ኦይዱ ማዛን ቃራ ግዴዳ አዱሳተꬃይ 500 ዋꬋ፥ ጎምፓይካ 500 ዋꬋ ግዴዳ ሳአይ ጌሻ ጎልያሳ ግዶ፤ አ ዩሹዋን 50 ዋꬋ ግዴዳ መላ ሳአይ ደኦ።
EZE 45:3 ሄ ጾሳዉ ዱማዬዳ ሳኣፐ አዱሳተꬃይ ታማነ ላኡ ክሎ ሜትረነ ባጋ፥ ጎምፓይ ቃይ እቼሹ ክሎ ሜትረ ግዴዳ ሳኣ ልካደ ሻካ። ሄዋን ጌሻ ጎሊ፥ እካ፥ ኡባፐ አꬌዳ ጌሻይ ደእያ ጌሻ ጎልያዉ ሳኣ ግዲደ ደኦ።
EZE 45:4 ሄዌ ጌሻ ጎልያ ግዶን መꬍና ጎዳዉ ኦꬃናዉ፥ አኮ ሺቅያ ቄሳቶ ዱማቴዳ ጌሻ ሳኣ ግዶ፤ ቃይ ኡንቱንቱ ባረንቱ ጎልያ ኬጽያ ሳነ ጌሻ ጎልያዉካ ጌሻ ሳኣ ግዶ።
EZE 45:5 ቃይ አትያ ታማነ ላኡ ክሎ ሜትረ ባጋ አዱቂያነ እቼሹ ክሎ ሜትረ ባጋ አክያ ሳአይ ጌሻ ጎልያን ኦꬅያ ሌዋቱዋሳ ላታ ግዶ፤ ኡንቱንቱ ባረንቶ ደእያ ካታማቱዋ ሄዋን ኬጽኖ።
EZE 45:6 “ ‘ “ሄ መꬍና ጎዳዉ ዱማዬዳ ሳኣ ምይያን ታማነ ላኡ ክሎ ሜትረነ ባጋ አዱቂያነ ላኡ ክሎ ሜትረነ ባጋ አክያ ሳአይ ካታማ ኬጻናዉ ደኡዋ፤ ሄ ሳአይ እስራኤልያ አሳዉ ኡባዉ ግዶ።
EZE 45:7 “ ‘ “እስራኤልያ ካፖ እመቴዳ ሳማይ ላኡ ባጋናካ ጾሳዉ ዱማዬዳ ሳኣንነ ካታማ ሳኣን ዛዋቴ። እ አዋይ ዉልያ ባጋና ሜድተራነ አባ ጋኬ፤ አዋይ ዶልያ ባጋና እስራኤልያ ቢታ ዛዋ ጋኬ። አዉ እስራኤልያ ዛርያፐ እቱዋ ሳማዳን፥ አዋይ ዉልያ ባጋ ዛዋፐ ቢደ፥ አዋይ ዶልያ ባጋ ዛዋ ጋኬ።
EZE 45:8 ሄ ሳማይ እስራኤልያ ቢታ ካፖ ላታ ጋድያ ግዶ። ሀዋፐ ስንꬃን ታ ካፓቱ ታ አሳ ኡቁኖፕኖ፤ ኡንቱንቱ እስራኤልያ አሳይ ኡባይ ባረ ዛርያን ዛርያን ጋድያ አካናዳን ኦꬅኖ” ያጌ።
EZE 45:9 “ ‘ኡባ ሞድያ መꬍና ጎዳይ ሀዋዳን ያጌ፤ “ህንተኖ፥ እስራኤልያ ካፓቶ፥ ህንተዉ ሀእ ግዳና! ህንተ ሻቢረꬃነ አሳ ኡቁንያዋ አግተ፤ ሱረ ፕርዳነ ጽሎተꬃ ኦꬅተ። ታ አሳ ኡንቱንቱ ላታ ቢታፐ ꬎቆሊደ የደርስያዋ አግተ። ታን ኡባ ሞድያ መꬍና ጎዳይ ሀዋ ኦዳይ።
EZE 45:10 “ ‘ “ህንተ ኡባዉካ ልከ ሚዛናይነ ቃራ ግዴዳ ማክያባይ ደኦ።
EZE 45:11 ልክያባቱ ኡባዉ ግዶ ግድያ ጎሞረ ያግያ ልክያ ሚሻ ግዶ። መላባ ማክያ ኤፋ ግያ ሚሻይ ጎሞረ ኦይቂያዎ ታሙዋፐ እት ኩሽያ ግዶ፤ ቃይ ጉክያዋ ማክያ ባትያ ግያ ሚሻይካ ጎሞርያዉ ታሙዋፐ እት ኩሽያ ግዶ። ሄዋ ግያዌ አፋይነ ባቲ ብጸ ላገ ግያዋ።
EZE 45:12 ጉꬃባ ልክያ ዎደ፥ ህንተ ልክያ ሚሻይ ሳቅለ ግዶ። ላታሙ ጌራይ እት ሳቅለ ግዶ፤ ቃይ ኡሱፑን ታሙ ሳቅሊ እት ምናነ ግዶ።
EZE 45:13 “ ‘ “ህንተ እሙዋ እሚደ፥ ሀዋዳን እምተ። ህንተ ቆጽ ሺሽያ ዛርጋፐ ኡሱፑን ታሙዋፐ እት ኩሽያ፥ ባንጋፐ ኡሱፑን ታሙዋፐ እት ኩሽያ፥
EZE 45:14 ቃይ ዎጋራ ዛይትያፐ ጼቱዋፐ እት ኩሽያ እምተ። ሀዋንታ ልክያ ዎደ፥ ኔን ማክያ ሚሻይ ባተ ግዶ። ታሙ ባቲ እት ጎሞረ ዎይ እት ኮረ ግዴ።
EZE 45:15 እስራኤልያ አሳይ ሄምያ ላኡ ላኡ ጼቱ መህያ ዉዲ ደእያዋፐ እት ዉድያፐ እት እት ዶርሳ እምተ። ሄዋንቱ አሳ ናጋራ አቶ ጊሳናዉ፥ ካꬃ ያርሹዋ፥ ጹግያ ያርሹዋነ እትፐተꬃ ያርሾ ግድኖ። ታን ኡባ ሞድያ መꬍና ጎዳይ ሀዋ ኦዳይ።
EZE 45:16 ቢታን ደእያ አሳይ ኡባይ ሀዋ ኡባ እስራኤልያ ካፖ እሞ።
EZE 45:17 ካፑ ኦꬃናዉ በስያ ኦሱ፥ እስራኤልያ አሳይ ቦንችያ ባላቱዋን፥ አግናይ ጼርያ ጋላሳትዋንነ ሳምባታቱዋን ጹግያ ያርሾቶ፥ ካꬃ ያርሾቶነ ኡሻ ያርሾቶ ኮሽያዋ እሞ። እስራኤልያ አሳ ናጋራ አቶ ጊሳናዉ፥ ናጋራ ያርሾቱዋ፥ ካꬃ ያርሾቶ፥ ጹግያ ያርሾቶነ እትፐተꬃ ያርሾቶ ኡባዉ ኮሽያዋ እ እሞ” ያጌ።
EZE 45:18 “ ‘ኡባ ሞድያ መꬍና ጎዳይ ሀዋዳን ያጌ፤ “ኮይሮ አግናን፥ ኮይሮ ጋላስ ትላ ቦላና እት ኮሩማ ጌሻ ጎልያ ጌሻናዉ ሺሻ።
EZE 45:19 ቄሲ ሀ ናጋራ ያርሹዋ ሱꬃፐ አኪደ፥ ጌሻ ጎልያ ፐንግያ ቆስለꬃቱዋ፥ ያርሽያ ሳ ዩሹዋን ደእያ ደꬃዉ ኦይዱ ምዛናዉነ ግዶ ዳባባ አፍያ ድርሳ ፐንግያ ቆስለꬃቱዋ ኦኮ።
EZE 45:20 ኦንነ ቆፐናን ዎይ ኤራና ꬋዪደ ኦꬄዳ ናጋራ አቶ ጊሳናዉ፥ አግናዉ ላፑንꬃ ጋላሳን ሄዋዳንካ ኦꬃ። ያታደ ጌሻ ጎልያ ቱናተꬃፐ ጌሻ።
EZE 45:21 “ ‘ “ኮይሮ አግናን፥ ታማነ ኦይደንꬆ ጋላሳን ፓስጋ ባላ ቦንችተ፤ ቃይ ላፑን ጋላስ ጋካናዉ፥ እርሹ ገልቤና ኡክꬃ ሚተ።
EZE 45:22 ሄ ኮይሮ ጋላሳን ካፑ ባረ ግሻነ ባረ አሳ ድራዉ ናጋራ ያርሹዋ ኦꬂደ ኮሽያዋ፥ እት ኮሩማ እሞ።
EZE 45:23 ሄ ባላይ ቦንቼትያ ላፑን ጋላሳቱዋን ሀች ሀች ላፑን ኮሩማቱዋነ ላፑን ዶርሳ ኦርገቱዋ ኡባይካ ትላ ቦላና ደእያዋንታ ጹግያ ያርሹዋ ኦꬂደ፥ መꬍና ጎዳዉ ኮሽያዋ እሞ። ሄዋናካ እትፐ ናጋራ ያርሾ ሀች ሀች እት ዴሻ ኦርግያ እሞ።
EZE 45:24 እት እት ኮሩማነ እት እት ዶርሳ ኦርግያ ያርሽያ ዎደ፥ ካꬃ ያርሾ 17 ክሎ ግራመ ዛርጋነ ሄዙ ሊትሮ ዛይትያ እሞ።
EZE 45:25 “ ‘ “ላፑንꬃ አግናን፥ ታማነ እቼሻንꬃ ጋላሳን ዶምያ ላፑን ጋላሳ ባላ ዎድያን ኡባን፥ ናጋራ ያርሹዋ፥ ጹግያ ያርሹዋ፥ ካꬃ ያርሹዋነ ዛይትያ ካሰዋፐ ዱማየናን ካፑ እሞ” ያጌ።
EZE 46:1 “ ‘ኡባ ሞድያ መꬍና ጎዳይ ሀዋዳን ያጌ፤ “ግዶ ዳባባ ገልስያ አዋይ ዶልያ ባጋ ድርሳ ፐንጊ ኦሱዋ ጋላሳቱዋን ኡሱፑናቱዋንካ ጎርደቲደ ጋምኦ፤ ሽን ሳምባታ ጋላስነ አግናይ ጼርያ ጋላስ ዶየቶ።
EZE 46:2 እስራኤልያ አሳ ካፑ ድርሳዉ ፐንገ ባጋ ዳባባፐ ገልያ ባራንዳ ባጋና ገሊደ፥ ድርሳ ፐንገ ምꬃ ማታን ኤቆ። ቄሳቱ እ እሜዳ ጹግያ ያርሹዋነ እትፐተꬃ ያርሹዋ ያርሽኖ። እ ሄዋን ድርሳ ፐንገን ጎይኒደ፥ ስሚደ ካረ ከሶ። ሽን ድርሳ ፐንጊ ኦማርሳናስካ ጎርደቶፖ።
EZE 46:3 ሄ ቢታ አሳይካ ሳምባታንነ አግናይ ጼርያ ዎድያን ግዶ ዳባባ ድርሳ ፐንግያ ገልያሳን፥ መꬍና ጎዳ ስንꬃን ጎይንኖ።
EZE 46:4 “ ‘ “ካፑ ሳምባታ ጋላስ መꬍና ጎዳዉ ጹግያ ያርሹዋ ኦꬂደ፥ ኡሱፑን ዶርሳ ማራቱዋነ እት ዶርሳ ኦርግያ፥ ኡባይካ ትላ ቦላና ደእያዋንታ እሞ።
EZE 46:5 እት ዶርሳ ኦርግያና 17 ክሎ ግራመ ካꬃ ያርሹዋ እሞ። ዶርሳ ማራቱዋና ሺቅያ ካꬃ ያርሹ ካፑ ባረዉ ሺሻናዉ ኮዬዳዋ ኬሻ ግዶ። ቃይ እት እት 17 ክሎ ግራመ ካꬃና ሄዙ ሄዙ ሊትሮ ዛይትያ እሞ።
EZE 46:6 “ ‘ “አግናይ ጼርያ ጋላስ ጋላስ ቃይ እት ኮሩማ፥ ኡሱፑን ዶርሳ ማራቱዋነ እት ዶርሳ ኦርግያ፥ ኡባይካ ትላ ቦላና ደእያዋንታ እሞ።
EZE 46:7 እት እት ኮሩማነ እት እት ዶርሳ ኦርግያ ያርሽያ ዎደ፥ ካꬃ ያርሾ እት እት 17 ክሎ ግራመ ዛርጋነ ሄዙ ሄዙ ሊትሮ ዛይትያ እሞ። ዶርሳ ማራቱዋና ሺቅያ ካꬃ ያርሹ ካፑ ባረዉ ሺሻናዉ ኮዬዳዋ ኬሻ ግዶ።
EZE 46:8 ካፑ ገሊደ፥ ድርሳ ፐንግያ ባራንዳና አꬊደ ገሎ፤ ከሲደካ ሄዋና ከሶ።
EZE 46:9 “ ‘ “ሽን ሄ ቢታ አሳይ ባላ ጋላስ መꬍና ጎዳ ስንꬃን ጎይናናዉ ይያ ዎደ፥ ጎይኖ ሁጲሳ ፐንግያና ገሌዳዋንቱ ገድሳ ፐንግያና ከስኖ፤ ቃይ ገድሳ ፐንግያና ገሌዳዋንቱ ሁጲሳ ፐንግያና ከስኖ። አይ አሳይነ ባረ ስንꬃን ደእያ ፐንግያና ስት ጊደ ከሶፐ አትና፥ ባረ ገሌዳ ሳና ከሶፖ።
EZE 46:10 ኡንቱንቱ ገልያ ዎደ፥ ካፑ ኡንቱንቱና ገሎ፤ ኡንቱንቱ ከስያ ዎደካ፥ ኡንቱንቱና ከሶ።
EZE 46:11 “ ‘ “ናሸቻ ጋላሳትዋንነ ላይꬃ ባላቱዋን እት እት ኮሩማናነ እት እት ዶርሳ ኦርግያና ሺቅያ ካꬃ ያርሹ እት እት 17 ክሎ ግራመ ዛርጋነ ሄዙ ሄዙ ሊትሮ ዛይተ ግዶ። ቃይ ዶርሳ ማራቱዋና ሺቅያ ያርሹ ካፑ ባረዉ ሺሻናዉ ኮዬዳዋ ኬሻ ግዶ።
EZE 46:12 ካፑ ባረ ዶሱዋን እምያ ያርሹዋ፥ ጹግያ ያርሹዋ፥ ዎይ እትፐተꬃ ያርሹዋ መꬍና ጎዳዉ አህያ ዎደ፥ አዋይ ዶልያ ባጋ ግዶ ዳባባ ድርሳ ፐንጊ አዉ ዶየቶ። ባረ ጹግያ ያርሹዋ ዎይ እትፐተꬃ ያርሹዋ ሳምባታ ጋላስ እ እምያዋዳን እሞ። ያቲደ እ ከሲደ ቢና፥ ድርሳ ፐንጊ ጎርደቶ።
EZE 46:13 “ ‘ “ካፑ ሀች ሀች ትላ ቦላና ደእያ እት ላይꬃ ግዴዳ እት ዶርሳ ጹግያ ያርሹዋ ኦꬂደ፥ መꬍና ጎዳዉ እሞ፤ እ ሄዋ ዎንታ ዎንታ ፓጨናን አሆ።
EZE 46:14 ሄዋናካ ላኡ ክሎ ግራመ ꬊሊ እት ሊትሮ ዛይትያን ሙናቀቲደ፥ ዎንታ ዎንታ ካꬃ ያርሹዋ ግዲደ ሺቆ። ሀዌ ህንተ መꬍና ጎዳዉ ሀች ሀች ሺሽያ ያርሹዋ ዎጋ።
EZE 46:15 ሀዌ ስም ኦርገ ዶርሳይ፥ ካꬃ ያርሹነ ዛይቲ ፓጭ ባይናን ዎንታ ዎንታ ሺቃናዉ በስያ ጹገትያ ያርሹዋ” ያጌ።
EZE 46:16 “ ‘ኡባ ሞድያ መꬍና ጎዳይ ሀዋዳን ያጌ፤ “ካፑ ባረ ጋድያፐ ሻኪደ፥ ባረ አቱማ ናናቱዋፐ እቶ እሞፐ፥ ሄዌ ሄ ናኣሳነ አ ናናቱዋስ ላታ ግዴ።
EZE 46:17 ሽን ካፑ ባረ ጋድያፐ ሻኪደ፥ ባረ ቆማቱዋፐ እቶ እሞፐ፥ እሻታማንꬃ ላይꬃ ባላይ ጋካናዉ፥ ሄ ጋዲ አዋ። ሄዋፐ ጉይያን፥ ካፖ ስሞ፤ ሄዌ ካፖ ግድያ ድራዉ፥ መꬍናዉ አሳነ አ ናናቶ ላታ ግዴ።
EZE 46:18 ካፑ አሳ ሱጊደ፥ አሳ ላታ ጋድያ ዎልቃን አኮፖ። ታ አሳይ ባረ ላታ ጋድያፐ ꬎቆለተና ማላ፥ እ ባረ አቱማ ናናቶ ባረ ጋድያፐ እሞ” ያጌ’ ያጋ” ያጌዳ።
EZE 46:19 ሄዋፐ ጉይያን፥ ሄ ብታኒ ታና ሁጲሳ ጼልያ፥ ቄሳቱ ዋ ጌሻ ክፍለቱዋኮ ገልያሳ አሄዳ። ሄዋንቱካ ግዶ ዳባባዉ ጋꬅያ ዱገ ባጋ ድርሳ ፐንግያ ማታን ደእያዋንታ። ኡንቱንቱፐ አዋይ ዉልያ ባጋና ታን እት ሳኣ በኣድ። እ ታና ሀዋዳን ያጌዳ፤
EZE 46:20 “ሀ ሳአይ ቄሳቱ ናጋራ ያርሹዋነ ናቁዋ ያርሹዋ ዶይስያ ሳነ ካꬃ ያርሹዋ ኡክያ ሳኣ። ሀ ሳኣን ጎኤትያ ጋሱ ሄ ጌሻ ያርሾቱዋ አሳኮ ካረ ዳባባ ከስና፥ አሳይ ጌሻባ ቦቺደ ጌየናዳን ናጋናሳ” ያጌዳ።
EZE 46:21 ሄዋፐ ጉይያን፥ ሄ ብታኒ ታና ካረ ባጋ ዳባባዉ አፊደ፥ ሄ ዳባባዉ ኦይዱ ማዛንያ ታና ዩሼዳ። ሄ ዳባባ ማርያን ኡባንካ ቄር ዳባባቱ ደእያዋንታ በኣድ።
EZE 46:22 ኡንቱንቶ ኡባዉካ 40 ዋꬋ፤ ጎምፓይካ 30 ዋꬋ፤ ኦይዱ ማርያን ደእያ ዳባባቱካ እት ላገ።
EZE 46:23 ሄ ኦይዱ ዳባባቱዋ ዩሹዋንካ ሹቻ ግምቢ ደኤ፤ ቃይ ግምቢያ ላንቂያን አኮ ሺቂደ ኦሰቴዳ፥ ታማ ኤꬅያ ሳአቱ ደኢኖ።
EZE 46:24 ሄ ብታኒ ታና፥ “ሀዋንቱ ኡባይ ጌሻ ጎልያን ኦꬅያዋንቱ አህያ ያርሹዋ ዶይስያ ሳአቱዋ” ያጌዳ።
EZE 47:1 ሄ ብታኒ ዛሪደ፥ ታና ጌሻ ጎልያ ገልያሳ አፌዳ። ጌሻ ጎልያ ገልያ ፐንግያፐ ጋርሳና ሃꬃይ ፑልቲደ፥ ጌሻ ጎልያፐ አዋይ ዶልያ ባጋ ጎጌ። ጋሱካ መꬍና ጎዳ ጌሻ ጎሊያ ፐንጊ አዋይ ዶልያ ባጋፐ ስንꬃና ደኤ። ጌሻ ጎልያዉ ገድሳ ባጋና ዱገ ጎጊደ፥ ያርሽያ ሳፐ ገድሳ ባጋና አꬌ።
EZE 47:2 እ ታና ሁጲሳ ፐንግያ ባጋና ከሲደ፥ አዋይ ዶልያ ባጋ ጼልያ ፐንግያ ዩሹዋና ካለꬂደ አፌዳ። ሄ ፐንግያፐ ገድሳ ባጋና ሃꬃይ ጎጌ።
EZE 47:3 ሄ ብታኒ ልክያ ሜትርያ ባረ ኩሽያን ኦይቂደ፥ አዋይ ዶልያ ባጋ ቢደ፥ ጎግያ ሃꬃ ካሊደ፥ 1,000 ዋꬋ ልኬዳ። ታና ሃꬃ ግዱዋና ካለꬄዳ፤ ሃꬃይ ታዉ ሜሽ መቀꬃ ጋኬ።
EZE 47:4 ላኤንꬁዋካ 1,000 ዋꬋ ልኪደ፥ ሃꬃ ግዱዋና ታና ካለꬄዳ። ሃꬃይ ታዉ ጉልባታ ጋኬዳ። ቃይ 1,000 ዋꬋ ልኪደ፥ ታና ሃꬃ ግዱዋና ካለꬄዳ። ሄ ዎደ ሃꬃይ ታዉ ጼሳ ጋኬዳ።
EZE 47:5 እ ቃይካ 1,000 ዋꬋ ልኬዳ። ሽን ሄ ሃꬃይ ዳሮ ጪማ ግዴዳ ድራዉ፥ ታን ፕናናዉ ዳንዳያበይከ፤ እ አሳይ ዋናን ፕናናዉ ዳንዳየና ሻፋ ግዴዳ።
EZE 47:6 ሄ ብታኒ ታና፥ “ላ አሳ ናአዉ፥ ሀዋ በኣድ?” ያጌዳ። ሄዋፐ ጉይያን፥ እ ታና ሻፋ ጋጻዉ ጉየ ዛሬዳ።
EZE 47:7 ታን ስማደ ያ ጋክያ ዎደ፥ ሻፋ ዶናን ሀ ባጋናነ ያ ባጋና ሎይꬅ ዳሮ ምꬃይ ደእያዋ በኣድ።
EZE 47:8 እ ታና ሀዋዳን ያጌዳ፤ “ሀ ሃꬃይ አዋይ ዶልያ ባጋ ቢታዉ ጎጊደ፥ አራባ ዎምባን ገሌ። እ ሄዋን ጎገና ማጽንያ አባን ገልያ ዎደ፥ ሄ ሃꬃይ ኦራጺደ፥ ጽሎ ሃꬃ ከሴ።
EZE 47:9 ሀ ሻፋይ ጎጊደ ብያ ሳኣን ደእያ፥ ሻምእ ግያ መታቱ ኡባይ ፓጻ ደአና፤ ቃይ ሄ ሻፋይ ያ ጎጊደ፥ አባ ሃꬃ ኦራጽሲደ ጽልስያ ድራዉ፥ ፓይዱዋን ዳሮ ጮራቴዳ ሞለቱ ያን ደአና። ሄዋፐ ደንዴዳዋን፥ ሄ ሻፋይ ጎግያሳን ደእያባይ ኡባይ ፓጻ ደአና።
EZE 47:10 ሞልያ ኦይቂያዋንቱ አባ ዶናን ኤቃና፤ ኤንጋዳፐ ቢደ ኤን-ኤግላይማ ጋካናዉ ደእያ ሳአይ ግትያ ምጭያ ሳኣ ግዳና። ሜድተራነ አባን ደእያ ሞለቱዋዳን፥ ሄዋንካ ዳሮ ዱማ ዱማ ቆሞ ሞለቱ ደአና።
EZE 47:11 ሽን አባ ዶናን ደእያ ጫሪነ ሃꬃይ ኩሞ ኦላይ ማጽነ ግዲደ አታናፐ አትና፥ ኦራጽክኖ።
EZE 47:12 ሄ ሻፋ ዶናን ሀ ባጋናነ ያ ባጋና ምያ አይፍያ አይፍያ፥ ዳሮ ዱማ ዱማ ቆሞ ምꬃቱ ደአና። ኡንቱንቱ ሀይꬃይ ቆቆፈተና፤ አይፍያዋካ አግክኖ። ጌሻ ጎልያፐ ከስያ ሃꬃይ ኡንቱንቱኮ ጎግያ ድራዉ፥ ኡንቱንቱ አግናን አግናን ኦራꬃ አይፍያ አይፋና። ኡንቱንቱ አይፌዳ አይፊ ቁማ ግዳናዋ፤ ኡንቱንቱ ሀይꬃይካ ꬋለ ግዳናዋ” ያጌ።
EZE 47:13 ኡባ ሞድያ መꬍና ጎዳይ ሀዋዳን ያጌ፤ “እስራኤልያ ዛረቶ ታማነ ላአቶ ቢታ ላታ ጋድያ ኦꬃደ፥ ኔን ሻካና ዛዋይ ሀዋ። ዮሴፎ ዛረቶ ላኡ ሳማይ እመቶ።
EZE 47:14 ታን ካሰ ህንተ ማይዛ አዋቶ ሀ ቢታ ላትሳናዉ ታ ኩሽያ ደንꬃደ ጫቃድ፤ ሀእ ህንተ ኡባይካ ልክያን ሻኪደ ላትተ።
EZE 47:15 “ቢታዉ ሁጲሳ ባጋ ዛዋይ ሀዋ: ሜድተራነ አባፐ ደንዲደ፥ ሄትሎና ካታማነ ሀማታ ፕኑዋ አꬊደ፥ ጸዳደ ካታማ ጋኬ።
EZE 47:16 ሄዋፐ ቃይ ዳማስቆፐነ ሀማታፐ ግዶ ዛዋን ደእያ በሮታነ ስብራይማ ካታማቱዋ አꬊደ፥ ሀዉራና ዛዋን ደእያ ቲኮና ካታማ ጋኬ።
EZE 47:17 ሄዎ እስራኤልያ ቢታዉ ዛዋይ ሀማታ ቢታ ሁጲሳ ባጋዉ አጊደ፥ ሜድተራነ አባፐ አዋይ ዶልያ ባጋ ቢደ፥ ዳማስቆ ቢታ ዛዋን ደእያ ሀጻር-ኤናና ካታማ ጋኬ።
EZE 47:18 “አዋይ ዶልያ ባጋ ዛዋይ ሀጻር-ኤናናፐ ደንዲደ፥ ዳማስቆፐነ ሀዉራናፐ ግዱዋና አꬌ። ሄዋፐ ቃይ እስራኤልያፐነ ጋላኣደፐ ግዱዋን ደእያ ዮርዳኖሳ ሻፋን ዛዋቲደ፥ ማጽንያ አባ አꬊደ ቢደ፥ ታማራ ካታማ ጋኬ።
EZE 47:19 “ገድሳ ባጋ ዛዋይ ታማራፐ ደንዲደ ቢደ፥ ማሪባ-ቃዴሳን ደእያ ፑልቱዋ ጋኬ። ሄዋፐ ሁጲሳና አዋይ ዉልያ ባጋ ኦይቅክቂደ፥ ግብጼ ሻፋ ካሊደ ቢደ፥ ሜድትራንያ አባ ጋኬ።
EZE 47:20 “አዋይ ዉልያ ባጋ ዛዋይ ሜድተራነ አባ ግዲደ፥ ሁጲሳ ባጋና አꬊደ ሀማተን ዛዋቴ።
EZE 47:21 “ሄዋ ድራዉ፥ ሀ ቢታ እስራኤልያ ዛራቱዋ ፓይዱዋ ልክያን ሻክ አክተ።
EZE 47:22 ህንተዉነ ህንተ ግዶን ናናቱዋ የሊደ ደእያ በተቶ ቢታ ላታ ኦꬂደ ሻክተ። ኡንቱንታ ህንተ ህንተ ቢታን የለቴዳ እስራኤልያ አሳዳን ጼልተ። ኡንቱንቱ ህንተናና እትፐ እስራኤልያ ዛራቱዋና ጋድያ ሳማን አክኖ።
EZE 47:23 በቲ እስራኤልያን አይ ዛርያና ደኦፐካ፥ ሄ እ ደእያ ዛርያ ግዶን አዉ ላታ ቢታ እምተ። ታን ኡባ ሞድያ መꬍና ጎዳይ ሀዋ ኦዳይ።
EZE 48:1 “ቢታ ሻካናዉ ማዝጋበቴዳ ዛራቱዋ ሱንꬃይ ሀዋ: ሁጲሳ ባጋና እት ሳማይ ዳና ዛርያዉ እመቶ። ሄዌካ ሄትሎናፐ ሀማታዉ አፍያ ኦግያ ካሊደ፥ ሄዋፐካ ዳማስቆ ዛዋን ደእያ ሀጻር-ኤናና ማታ ካታማ አꬊደ ሀማተ ማታን ዛዋቴ። ሄዌ አዋይ ዶልያ ባጋፐ ቢደ አዋይ ዉልያ ባጋ ጋካናዉ ደእያ ሳአዉ ሁጲሳ ባጋ ዛዋ ግዳና።
EZE 48:2 ዳና ዛዋና ኦይቀቲደ፥ አዋይ ዶልያ ባጋፐ አዋይ ዉልያ ጋካናዉ ደእያ እት ሳማይ አሴራ ዛርያዉ እመቶ።
EZE 48:3 አሴራ ዛዋና ኦይቀቲደ፥ አዋይ ዶልያ ባጋፐ አዋይ ዉልያ ጋካናዉ ደእያ እት ሳማይ ንፍታሌማ ዛርያዉ እመቶ።
EZE 48:4 ንፍታሌማ ዛዋና ኦይቀቲደ፥ አዋይ ዶልያ ባጋፐ አዋይ ዉልያ ጋካናዉ ደእያ እት ሳማይ ምናሰ ዛርያዉ እመቶ።
EZE 48:5 ምናሰ ዛዋና ኦይቀቲደ፥ አዋይ ዶልያ ባጋፐ አዋይ ዉልያ ባጋ ጋካናዉ እት ሳማይ ኤፍሬማ ዛርያዉ እመቶ።
EZE 48:6 ኤፍሬማ ዛዋና ኦይቀቲደ፥ አዋይ ዶልያ ባጋፐ አዋይ ዉልያ ጋካናዉ እት ሳማይ ሮቤላ ዛርያዉ እመቶ።
EZE 48:7 ሮቤላ ዛዋና ኦይቀቲደ፥ አዋይ ዶልያ ባጋፐ አዋይ ዉልያ ጋካናዉ እት ሳማይ ይሁዳ ዛርያዉ እመቶ።
EZE 48:8 “ይሁዳ ዛዋና ኦይቀቲደ፥ አዋይ ዶልያ ባጋፐ አዋይ ዉልያ ባጋ ጋካናዉ ደእያ እት ሳማ ዱማያ ዎꬃ። አዉ ጎምፓይ ታማነ ላኡ ክሎ ሜትረነ ባጋ ግዴ። አዋይ ዶልያ ባጋፐ አዋይ ዉልያ ባጋ ጋካናዉ ደእያ እት ዛርያ ሻክና ጋክያ ሳማና ቃራ። አዉ ግዶ ግሸቻን ጌሻ ጎሊ ደኤ።
EZE 48:9 “ሄ ሳማፐ ኔን መꬍና ጎዳዉ ዱማያደ ዎꬅያ ሳአይ ታማነ ላኡ ክሎ ሜትረነ ባጋ አዱሳነ ታሙ ክሎ ሜትረ አኮ ግዶ።
EZE 48:10 ሄ ሳአይ ቄሳቶ ዱማዬዳ ሳኣ ግዶ፤ እ ሁጲሳ ባጋና ታማነ ላኡ ክሎ ሜትረነ ባጋ አዱሳ፤ አዋይ ዉልያ ባጋና እቼሹ ክሎ ሜትረ አኮነ አዋይ ዶልያ ባጋናካ እቼሹ ክሎ ሜትረ አኮ፤ ቃይ ገድሳ ባጋና ታማነ ላኡ ክሎ ሜትረነ ባጋ አዱሳ። መꬍና ጎዳ ጌሻ ጎሊ አዉ ግዶ ግሸቻን ደኤ።
EZE 48:11 ሀ ዱማይ ዎꬄዳ ሳአይ እስራኤልያ አሳይ ታ ኦግያፐ ዎራ ስምያ ዎደ፥ ኡንቱንቱና ዎራ ስሜዳ ሌዋቱዋዳን ግደናን፥ አማነቲደ ታዉ ኦꬂደ ጋምኤዳ፥ ጌሻ ቄሳቶ፥ ጻዶቃ ያራቶ እመቶ።
EZE 48:12 ሄዌ መꬍና ጎዳዉ ዱማዬዳ ቢታፐ ኡንቱንቶ ዱማ ሳማ፤ እ ኡባፐ አꬌዳ ጌሻ። ኡንቱንቱ ሳማይ ሌዋቶ ሳማን ዛዋቶ።
EZE 48:13 “ቄሳቱ ዋ ዛዋና ኦይቀቲደ፥ ሌዋቶካ አዱሳተꬃ ታማነ ላኡ ክሎ ሜትረነ ባጋ፥ ጎምፓይካ እቼሹ ክሎ ሜትረ ግዴዳ እት ሳማይ እመቶ።
EZE 48:14 ኡንቱንቱ ሄ ጋድያፐ አያነ ባይዞፕኖ ዎይ ላሞፕኖ። ሄዌ ቢታ ኡባን ዱማቴዳዋ ግድያ ድራዉ፥ ሀራ አሳ ኩሽያን ገላናዉ በሰና፤ መꬍና ጎዳዉ እ ጌሻ ሳኣ።
EZE 48:15 “አቴዳ ላኡ ክሎ ሜትረነ ባጋ አኮነ ታማነ ላኡ ክሎ ሜትረነ ባጋ አዱሳ ሳአይ ካታማ አሳይ ኡባይ ኮꬃን ጎኤትያ ጎልያ ኬጽያነ መህያ ሄምያ ሳኣ ግዶ፤ ካታማይ ሄ ቢታዉ ግዶ ግሸቻን ደኦ።
EZE 48:16 ሄ ካታማይ ኦይዱ ሚዛናን ደኤ። ሁጲሳ ባጋይ 4 ክሎ ሜትረነ ባጋ፤ ገድሳ ባጋይ 4 ክሎ ሜትረነ ባጋ፤ አዋይ ዶልያ ባጋይ 4 ክሎ ሜትረነ ባጋ፤ አዋይ ዉልያ ባጋይካ 4 ክሎ ሜትረነ ባጋ።
EZE 48:17 ካታማዉ ሄንꬃ ጋዲ ደኦ፤ ሄ ጋዲ ሁጲሳ ባጋና፥ ገድሳ ባጋና፥ አዋይ ዶልያ ባጋናነ አዋይ ዉልያ ባጋና 250 ዋꬋ አኮ ግዶ።
EZE 48:18 ጌሻ ሳኣ ባጋና አቴዳ ሳአይ አዋይ ዶልያ ባጋ ዋꬍያ ዎደ፥ አዱሳተꬃይ እቼሹ ክሎ ሜትረ፤ አዋይ ዉልያ ባጋ ዋꬍያ ዎደ፥ አዱሳተꬃይ እቼሹ ክሎ ሜትረ። ሄ ሳኣን ሞኬዳዌ ኡባይ ሄ ካታማን ኦꬅያዋንቶ ቁማ ግዳና።
EZE 48:19 እስራኤልያ ዛረ ኡባፐ ሄ ካታማን ኦꬃናዉ ይያዋንቱ ሄ ቢታ ጎሽኖ።
EZE 48:20 ህንተ ዱማይያ ሳአይ ኡባና ኦይዱ ማርያናካ ታማነ ላኡ ክሎ ሜትረነ ባጋ አዱቄ። ሄ ሳአይ ካታማይ ኬጸቴዳ ሳኣነ ጌሻ ሳኣ ባረናን ጉጄ።
EZE 48:21 “ጌሻ ጎልያፐ፥ ቄሳቱ ዋ ሳማፐ፥ ሌዋቱዋ ሳማፐነ ካታማ ሳኣፐ አዋይ ዶልያ ባጋናነ አዋይ ዉልያ ባጋና ደእያ አቴዳ ቢታይ ካፖ ግዶ። ሄ ቢታዉ ጎምፓይ ታማነ ላኡ ክሎ ሜትረነ ባጋ። ሄ ካፑዋ ቢታይ ሁጲሳ ባጋና ይሁዳ ጋኬዳ ሳማን፥ ገድሳ ባጋና ቢንያማ ጋኬዳ ሳማን ዛዋቴ።
EZE 48:23 አቴዳ ዛረቶ ቢታይ ሀዋዳን ሻከቴ። አዋይ ዶልያ ባጋፐ አዋይ ዉልያ ባጋ ጋካናዉ፥ እት ሳማይ ቢንያማ ዛርያዉ እመቶ።
EZE 48:24 ቢንያማ ዛዋና ኦይቀቲደ፥ አዋይ ዶልያ ባጋፐ አዋይ ዉልያ ባጋ ጋካናዉ ደእያ እት ሳማይ ስሞና ዛርያዉ እመቶ።
EZE 48:25 ስሞና ዛዋና ኦይቀቲደ፥ አዋይ ዶልያ ባጋፐ አዋይ ዉልያ ባጋ ጋካናዉ ደእያ እት ሳማይ ይሳኮራ ዛርያዉ እመቶ።
EZE 48:26 ይሳኮራ ዛዋና ኦይቀቲደ፥ አዋይ ዶልያ ባጋፐ አዋይ ዉልያ ባጋ ጋካናዉ ደእያ እት ሳማይ ዛብሎና ዛርያዉ እመቶ።
EZE 48:27 ዛብሎና ዛዋና ኦይቀቲደ፥ አዋይ ዶልያ ባጋፐ አዋይ ዉልያ ባጋ ጋካናዉ ደእያ እት ሳማይ ጋዳ ዛርያዉ እመቶ።
EZE 48:28 ጋዳ ገድሳ ዛዋይ ታማራ ካታማፐ ደንዲደ፥ ማሪባ-ቃዴሳን ደእያ ፑልቱዋና አꬊደ፥ ግብጼ ሻፋ ካሊደ ቢደ፥ ሜድተራነ አባ ጋኬ።
EZE 48:29 “ህንተ እስራኤልያ አሳዉ ላታ ኦꬃደ ሻካና ቢታይ ሀዋ፤ ሀዋንቱ ኡንቱንታ ጋካና ሳማቱዋ። ታን ኡባ ሞድያ መꬍና ጎዳይ ሀዋ ኦዳይ።
EZE 48:30 “ካታማፐ ከስያ ፐንገቱ ሀዋንታ። ኡንቱንቱ እስራኤልያ ዛራቱዋ ሱንꬃን ጼገታና። ሁጲሳ ድርሳ ግምቢ 4,500 ዋꬋ አዱቃና፤
EZE 48:31 ካታማ ፐንገቱ እስራኤልያ ዘረꬃ ሱንꬃን ጼገታና። ሁጲሳ ባጋና፤ ሮቤላ ፐንግያ፥ ይሁዳ ፐንግያነ ሌዊያ ፐንግያ ጌተትያ ሄዙ ፐንገቱ ደአና።
EZE 48:32 አዋይ ዉልያ ድርሳ ግምቢ 4,500 ዋꬋ አዱቃና፤ ሄ ግምቢያን ዮሴፎ ፐንግያ፥ ቢንያማ ፐንግያነ ዳና ፐንግያ ጌተትያ ሄዙ ፐንገቱ ደአና።
EZE 48:33 ገድሳ ድርሳ ግምቢ 4,500 ዋꬋ አዱቃና፤ ሄ ግምቢያን ስሞና ፐንግያ፥ ይሳኮራ ፐንግያነ ዛብሎና ፐንግያ ጌተትያ ሄዙ ፐንገቱ ደአና።
EZE 48:34 አዋይ ዉልያ ድርሳ ግምቢ 4,500 ዋꬋ አዱቃና፤ ሄ ግምቢያን ጋዳ ፐንግያ፥ አሴራ ፐንግያነ ንፍታሌማ ፐንግያ ጌተትያ ሄዙ ፐንገቱ ደአና።
EZE 48:35 “ካታማ ዩሹ ኡባና ልክና፥ 18,000 ዋꬋ ግዳናዋ። ሄ ዎድያፐ ዶሚደ ሄ ካታማይ፥ ‘መꬍና ጎዳይ ሄዋን ደኤ’ ያጌቲደ ጼሰታና” ያጌ።
DAN 1:1 ይሁዳ ካቲ ዮአቄም ካተቴዳ ሄዘንꬆ ላይꬅ፥ ባብሎነ ካቲ ናቡካዳናጾር የሩሳላመ ካታማ ቦላ ደንዲደ፥ ሄ ካታማ ዶዴዳ።
DAN 1:2 ጎዳይ ይሁዳ ካትያ ዮአቄማነ ጾሳ ጌሻ ጎልያን ደእያ ሚሻቱዋፐ ኡንደነዳዋ አ ኩሽያን አꬂደ እሜዳ። እካ ሄ ሚሻቱዋ ባብሎነ ጋድያን ደእያ ባረ ጾሳቱዋ ኤቃ ጎልያ አሄዳ፤ ባረ ጾሳ ሚሻ ምንጅያ ጎልያን ዎꬄዳ።
DAN 1:3 ሄዋፐ ጉይያን፥ ካቲ አሽፋናዛ ግያ ባረ ኦሳንቻቱዋ ካፑዋ ሀዋዳን ያጊደ አዛዜዳ፤ “እስራኤልያ አሳ ግዶፐ ካትያ ዛረ ግድያዋንታነ ዎልቃማ አሳቱዋ ዛረ ግድያዋንታ ዶራ።
DAN 1:4 ያላጋቱ አሳተꬃን ፓጫይ ባይናዋንታ፥ ማላንቻቱዋ፥ አያ ታማርሶፐካ ኤራናዉ ዳንዳይያዋንታ፥ አኬክያዋንታ፥ ኤራተꬃይ ኩሜዳዋንታነ ካትያ ጎልያን ኦꬃናዉ ዳንዳይያዋንታ። ኡንቱንታ ባብሎነቱዋ ቃላነ ጽፋትያ ታማርሳ” ያጌዳ።
DAN 1:5 ቃይ ኡንቱንቱ ሀች ሀች ማና ቁማይነ ኡሻና ዎይንያ ኤሳይ ካትያዉ ካኤዳ ቁማፐነ ኡሻፐ ግዳናዳን፥ ካቲ አዛዜዳ። ሄዋዳንካ፥ ሄዙ ላይꬃ ሎሄዳዋፐ ጉይያን፥ ካትያ ስንꬃ ሺቂደ፥ ኦሱዋ ዶማናዳን ቃቼዳ።
DAN 1:6 ዶረቴዳዋንቱ ግዶፐ ይሁዳ ዛረ ግድያዋንቱ ዳኔላ፥ ሀናንያ፥ ምሻኤላነ አዛርያ ግያዋንቱ ደኢኖ።
DAN 1:7 ኦሳንቻቱዋ ካፑ ኡንቱንቱ ሱንꬃ ላሚደ፥ ዳኔላ ብልጻሶራ፥ ሀናንያ ስድራቃ፥ ምሻኤላ ምሳቃ፥ አዛርያ አብዳናጎ ጊደ ሱንꬄዳ።
DAN 1:8 ዳኔል ካትያ ቁማ ምያዋንነ ዎይንያ ኤሳ ኡሽያዋን ባረና ቱንሰና ማላ፥ ባረ ዎዛናን ቆፋ ቃቼዳ፤ ሄ ቆፋን ማያናዳን፥ ኦሳንቻቱዋ ካፑዋ ዎሴዳ።
DAN 1:9 ሄ ካፑ ዳኔላ ሳባና ማላነ አዉ ቃረታና ማላ፥ ጾሳይ ኦꬄዳ።
DAN 1:10 ግዶ ሽን፥ ኦሳንቻቱዋ ካፑ ዳኔላዉ ኦዲደ፥ “ታን ህንተንቶ ሀ ቁማነ ኡሻ አዛዜዳ ታ ጎዳ ካትያዉ ያያይ። ህንተናና ላገትያ ያላጋቱ ሶምኡዋፐ ህንተ ሶምኢ ግልቂ ቤቶፐ፥ ህንተ ጋሱዋን ካቲ ታና ዎꬋና” ያጌዳ።
DAN 1:11 ሄዋፐ ጉይያን፥ ኦሳንቻቱዋ ካፑ ሱንꬅና ዳኔላ፥ ሀናንያ፥ ምሻኤላነ አዛርያ ሀዳራ አኬዳ ብታንያ ዳኔል ሀዋዳን ያጌዳ፥
DAN 1:12 “ኑዉ ማናዉ አታክልትያ፥ ኡሻናዉካ ሃꬃ ጻላላ እማደ፥ ኑና ነ ቆማቱዋ ታሙ ጋላሳቱዋን ፓጫ።
DAN 1:13 ሄዋፐ ጉይያን፥ ኑ ሶምኡዋነ ካትያ ቁማ ምያ ያላጋ አሳቱዋ ሶምኡዋ ጌዳራ ጼላደ፥ ኑና ነ ቆማቱዋ ነዉ ማላት ቤቴዳዋዳን ኦꬃ” ያጌዳ።
DAN 1:14 እ ሄዋ ማዪደ፥ ታሙ ጋላሳ ኡንቱንታ ፓጬዳ።
DAN 1:15 ታሙ ጋላሳፐ ጉይያን ኡንቱንቱ፥ ካትያ ቁማ ሜዳ ያላጋቱዋ ኡባፐ ፓጺደነ አንቃሪደ ቤቴድኖ።
DAN 1:16 ያትና፥ ኡንቱንቶ ጊጌዳ ቁማነ ዎይንያ ኤሳ ድጊደ፥ አታክልትያ እሜዳ።
DAN 1:17 ሀ ኦይዱ ያላጋቶ ጾሳይ ኤራነ ኡባ ቆሞ ጽፋቲነ ትምርቲ ገልያ አኬካ እሜዳ። ዳኔል ቃይ ሳጻነ አኩሙዋ ኡባ ብለꬃ ኤሬ።
DAN 1:18 ካቲ ያላጋቱ ባረኮ ገላናዳን አዛዜዳ ዎዲ ፖለትና፥ ኦሳንቻቱዋ ካፑ ኡንቱንታ ናቡካዳናጾረ ስንꬃ አꬄዳ።
DAN 1:19 ካቲ ኡንቱንታ ሃሳይሴዳ ዎደ፥ ዳኔላ፥ ሀናንያ፥ ምሻኤላነ አዛርያ ማላ አሳይ ኡንቱንቱ ግዶን ቤትቤና። ያትና፥ ኡንቱንቱ ካትያዉ ኦꬃናዉ ገሌድኖ።
DAN 1:20 ካቲ ኡንቱንታ ኦቼዳ አይ አꬌዳ ኤራተꬃነ አኬካ ኦሻን፥ አ ካዉተꬃን ደእያ ሻሬቾቱዋፐነ ሙሩንያዋንቱ ኡባፐ ኡንቱንቱ ታሙ ኩሽያ አꬊደ ቤቴድኖ።
DAN 1:21 ዳኔል ካቲ ቂሮሰ ካተቴዳ ኮይሮ ላይꬃይ ጋካናዉ ጋምኤዳ።
DAN 2:1 ናቡካዳናጾር ባረ ካተቴዳ ላኤንꬆ ላይꬅ አኩሙዋ አኩመቴዳ። ሄ አኩሙ አ ሎይꬅ ሻቢርና፥ ገምእሹ አ አፌናን እጼዳ።
DAN 2:2 ያትና፥ እ አኩመቴዳ አኩሙዋ አዉ ኦዳና ማላ፥ ሻሬቾቱ፥ ሙሩንያዋንቱ፥ ብትያዋንቱነ ጾልንትያ ጼሊደ ካይያዋንቱ ጼገት ያናዳን ካቲ አዛዜዳ። ዪደ፥ አ ስንꬃን ኤቄድኖ።
DAN 2:3 ካቲ ኡንቱንታ፥ “ታን ታና ሻቢርስያ አኩሙዋ አኩመታድ፤ ሄ አኩሙ አየንቶ ኤራናዉ ኮያይ” ያጌዳ።
DAN 2:4 ጾልንትያ ጼሊደ ካይያዋንቱ ካትያ ሶራቱዋ ቃላን፥ “ካትያዉ፥ መꬍናዉ ደአ! ነ አኩሙዋ ኑዉ ነ ቆማቶ ኦዳ፤ ኑን ነዉ አ ብለꬃ ኦዳና” ያጌድኖ።
DAN 2:5 ካቲ ጾልንትያ ጼሊደ ካይያዋንታ ሀዋዳን ያጌዳ፤ “ታን ሎይꬃደ ቃቼዳ ቆፋይ ሀዋ። ህንተ ሀ አኩሙዋነ አ ብለꬃ ታና ኤርሳና ꬋዮፐ፥ ታን ህንተና ቃንጻ የጋና፤ ህንተ ጎለቱካ ቡራ ኦልያ ሳኣ ከሳና።
DAN 2:6 ሽን ህንተ አኩሙዋነ አ ብለꬃ ታዉ ኦዶፐ፥ እሙዋ፥ ዎይቱዋነ ዳሮ ቦንቹዋ ታፐ ህንተ አካና። ሄዋ ድራዉ፥ አነ አኩሙዋነ አ ብለꬃ ታና ኤርስተ” ያጌዳ።
DAN 2:7 ላኤንꬁዋካ ኡንቱንቱ ዛሪደ፥ “ካቲ አኩሙዋ ኑዉ ባረ ቆማቶ ኦዶ፤ ኑን አ ብለꬃ ኤርሳና” ያጌድኖ።
DAN 2:8 ካቲ ኡንቱንቶ ዛሪደ፥ “ታን ህንተ ሀልቹዋ ኤራይ፤ ታን ሎይꬃደ ቃቼዳ ቆፋ ህንተካ ኤሬዳ ድራዉ፥ ሀዋ ሱጋና ጊደ ሀኒታ ያጌዳ።
DAN 2:9 ህንተ አኩሙዋ ታዉ ኦዳና ꬋዮፐ፥ እት ቀጩ ህንተና ናጌ። ሀኖታይ ላመታናዋ ጊደ ህንተ ህዶታ ኦꬅያ ድራዉ፥ ታዉ ዎርዶነ ገንያ ቃላ ኦዳናዉ ማቀቴድታ። ሄዋ ድራዉ፥ አኩሙዋ ታዉ ኦድተ፤ ያቶፐ፥ ህንተ አ ብለꬃ ኤርሳናዉ ዳንዳይያዋ ታን ኤራይ” ያጌዳ።
DAN 2:10 ጾልንትያ ጼሊደ ካይያዋንቱ ካትያዉ ዛሪደ፥ “ካቲ ኦችያ ኦሻ ዛራናዉ ዳንዳይያ እት አሳይነ ጋድያን ባዋ። አይ ግታቴዳነ ዎልቃሜዳ ካዉካ ሀዋ ማላባ ሻሬቾቱዋ፥ ሙሩንያዋንታ ዎይ ጾልንትያ ጼሊደ ካይያዋንታ ኦች ኤረና።
DAN 2:11 ካቲ ኦቼዳ ኦሻይ ዴጻ፤ አሳና እትፐ ደኤና ጾሳቱዋፐ አትና፥ ሀዋ ካትያዉ ቆንጭሳናዉ ዳንዳይያዌ ሙለካ ባዋ” ያጌድኖ።
DAN 2:12 ሄዋ ድራዉ፥ ካቲ ሎይꬅ ሀንቀቲደ ባብሎነን ደእያ ካትያ ዞርያዋንታ ኡባ ዉርሳናዳን አዛዜዳ።
DAN 2:13 ካትያ ዞርያዋንታ ዎꬋናዉ አዋዩ ከሴዳ። ዎꬍያዋንቱ ዳኔላነ አ ላገቱዋ ዎꬋናዉ ኮዬድኖ።
DAN 2:14 ካትያ ናግያ ኦላንቻቱዋ ካፑ አርዮክ፥ ባብሎነን ደእያ ካትያ ዞርያዋንታ ዎꬋናዉ ከስያ ዎደ፥ ዳኔል አ አኬካንነ ሂላን ሃሳይሴዳ።
DAN 2:15 እ ካትያ ናግያ ኦላንቻቱዋ ካፑዋ አርዮካ፥ “ካትያ አዋዩ አያዉ ሀዋዳን ፓላቴዴ?” ጊደ ኦቼዳ። አርዮክ ሀኖታ ዳኔላዉ ኦዴዳ።
DAN 2:16 ሄዋን ዳኔል ካትያኮ ገሊደ፥ አኩሙዋ ብለꬃ ኤርሳናዉ፥ ባረዉ ዎዲ እመታና ማላ ዎሴዳ።
DAN 2:17 ሄዋፐ ጉይያን፥ ዳኔል ባረ ጎለ ስሚደ፥ ባረ ሄዙ ላገቶ፥ ሀናንያዉ፥ ምሻኤላዉነ አዛርያዉ ሀኖታ ኦዴዳ።
DAN 2:18 ኡንቱንቱ ባብሎነን ደእያ የንኮ ካትያ ዞርያዋንቱና እትፐ ሀይቀናዳን፥ ሳሉዋ ጾሳይ ማሮታ ኡንቱንቶ ኦꬂደ፥ ሀ ጹራ ኡንቱንቶ ቆንጭሳናዉ ዎሳና ማላ፥ ኡንቱንቶ ኦዴዳ።
DAN 2:19 ሄ ቃማን ጹራይ ዳኔላዉ ሳጻን ቆንጬዳ። ያትና፥ ዳኔል ሳሉዋ ጾሳ ሀዋዳን ያጊደ ጋላቴዳ፤
DAN 2:20 “አꬌዳ ኤራተꬃይነ ዎልቃይ፥ ጾሳሳ ግድያ ድራዉ፥ አ ሱንꬃይ መꬍናፐ መꬍና ጋካናዉ ጋላተቴዳዋ ግዶ።
DAN 2:21 ዎደቱዋነ አግናቱዋ እ ላሜ። ካተቱዋ ካዉተꬃፐ ድጌ፤ ቃይ ካተቱዋ ካዉተꬃን ኡትሴ። አꬌዳ ኤራንቻቶ አꬌዳ ኤራ፥ አኬክያዋንቶካ ኤራ እ እሜ።
DAN 2:22 ጪማ ጹራነ ጌሜዳ የዉዋ፥ እ ቆንጭሴ። ꬉማን ደእያዋካ እ ኤሬ፤ ፖኡካ አናና ደኤ።
DAN 2:23 አቤት ታ ማይዛ አዎቱዋ ጾሳዉ፥ ታን ኔና ጋላታይነ ሳባይ። አያዉ ጎፐ፥ ኔን ታዉ፥ አꬌዳ ኤራነ ዎልቃ እማዳ። ኑን ኔና ኦቼዳዋ፥ ታና ሀእ ኤርሳዳ። ካትያ አኩሙዋ ኑና ኤርሳዳ” ያጌዳ።
DAN 2:24 ሄዋፐ ጉይያን፥ ዳኔል ባብሎነን ደእያ ካትያ ዞርያዋንታ ዉርሳናዉ ካትያፐ አዛዙዋ አኬዳ አርዮካኮ ቢደ፥ “ካትያ ዞርያዋንታ ዎꬎፓ። ታና ካትያኮ ገልሳ፤ ያቶፐ ታን አ አኩሙዋ ብለꬃ አ ኤርሳና” ያጌዳ።
DAN 2:25 አርዮክ ኤለካ ዳኔላ ካትያኮ ገልሲደ፥ ካትያዉ፥ “ይሁዳፐ ኦሞደቲደ ዬዳ አሳፐ ካትያ አኩሙዋ ብለꬃ ኤርሳናዉ ዳንዳይያ አሳ ደማድ” ያጌዳ።
DAN 2:26 ካቲ ብልጻሶራ ጌተትያ ዳኔላ፥ “ታን አኩመቴዳ አኩሙዋነ አ ብለꬃ ታና ኤርሳናዉ ዳንዳያይ?” ጊደ ኦቼዳ።
DAN 2:27 ዳኔል ሀዋዳን ያጊደ ዛሬዳ፤ “ካትያዉ፥ ኔን ኦቼዳ ጹራ ቆንጭሳናዉ ዳንዳይያ አꬌዳ ኤራንቻይ፥ ሻሬቹ፥ ሙሩንያዌ፥ ዎይ አያንትያዌ ባዋ።
DAN 2:28 ሽን ጹራቱዋ ቆንጭስያ እት ጾሳይ ሳሉዋን ደኤ። ዉርሰꬃ ጋላሳቱዋን ሀናናባ እ ኔና በሴዳ። ነ አርሳን ዛቁላደ፥ ኔን አኩመቴዳ አኩሙነ ሳጻይ ሀዋ።
DAN 2:29 “ካትያዉ፥ ኔን አርሳን ዛቁላደ፥ ስንꬃፐ ሀናናባ ቆፓዳ። ሄ ዎደ ጹራ ቆንጭስያ ጾሳይ ስንꬃፐ ሀናናዋ ኔና በሴዳ።
DAN 2:30 ሀ ጹራይ ታዉ ቆንጬዳዌ ታን ሀራ አሳፐ አꬌዳ ኤራንቻ ግድና ግደናን፥ ኔን ካቲ አኩሙዋ ብለꬃ ኤራናዳናነ ነ ሁጲያ ግዶን ስመረቴዳ ቆፋ አኬካናዳና።
DAN 2:31 “ካትያዉ፥ ኔን ሎይꬅ ዎልቃማ፥ ጶልያነ ጼላናዉ ያሽያ ምስሊ ነ ስንꬃን ኤቄዳዋ በኣዳ።
DAN 2:32 ሀ ምስልያ ሁጲ ጌሻ ዎርቃፐ፥ አ ትራይነ ኩሸቱ ብራፐ፥ ኡሉነ ዎድረቱ ናሃስያ ግያ ብራታፐ፥
DAN 2:33 ሱይሊ ብራታፐነ ገድያዉ ያቻይ ባጋይ ብራታፐ ባጋይ ኡርቃፐ መቴዳ።
DAN 2:34 ኔን ሀ ምስልያ ጼልሽን፥ እት ሹቻይ አሳ ኩሺ ቦቼናን ደርያፐ ꬎቆለቲደ፥ ብራታፐነ ኡርቃፐ መቴዳ ምስልያ ገድያ ያቻቱዋ ቦላ ዎꬊደ ጋጬዳ።
DAN 2:35 ሄ ዎደ ብራታይ፥ ኡርቃይ፥ ናሃሰ ግያ ብራታይ፥ ብራይነ ዎርቃይ ኡባይ ጋጨቲደ፥ ቦንያን ኡዱማን ደእያ ሱላ ማላ ግዴዳ፤ አያነ አሸናን ጫርኩ ፕቲደ አፌዳ። ሽን ምስልያ ቦላ ዎꬌዳ ሹቻይ ዎጋ ደርያ ከሲደ፥ ቢታ ሳኣ ኩሜዳ።
DAN 2:36 “ሀዌ ነ አኩሙዋ፤ ቃይ ሀእ ብለꬃ ኑን ነዉ ኦዳና።
DAN 2:37 ካትያዉ፥ ኔን ካተቶ ካትያ። ሳሉዋ ጾሳይ ነዉ ካዉተꬃነ ዎልቃ፥ ምኖተꬃነ ቦንቹዋ እሜዳ።
DAN 2:38 ቢታ ኡባ ቦላን ኔና ሞድያዋ ኦꬄዳ፤ አሳ፥ ባዙዋ ዶኣነ ሳሉዋ ካፉዋ ነ ኩሽያን ዎꬄዳ። ሄዋ ድራዉ፥ ዎርቃ ሁጲ ኔና።
DAN 2:39 “ኔፐ ጉይያን፥ ምኖተꬃን ኔና ጋከና ሀራ ካዉተꬃይ ደንዳና። ካሊደ፥ ቢታ ኡባ ሞድያ፥ ናሃሰ ብራታ ግድያ፥ ሄዘንꬆ ካዉተꬃይ ደንዳና።
DAN 2:40 ዉርሰꬃን ኡባባ ጋጨሬꬅ ሊቅስያ ብራታዳን ምኔዳ ኦይደንꬆ ካዉተꬃይ ደንዳና። ብራታይ ኡባባ ጋጨሬꬂደ ሊቅስያዋዳን፥ እካ ባረፐ ካሰ ደንዴዳ ካዉተꬃቱዋ ጋጨሬꬂደ ሊቅሳና።
DAN 2:41 “ገደቱነ ገድያ ብራቱ ባጋይ ብራታፐ፥ ባጋይ ኡርቃፐ መቴዳዋንታ ኔን በኤዳዋዳንካ፥ ሄ ካዉተꬃይ ሻከቲደ ካዉተꬃ ግዳናዋ። ብራታይ ኡርቃና ዋላከቴዳዋ ነ በኤዳዋዳንካ፥ ባጋይ ብራታዳን ምኔዳዋ ግዳና።
DAN 2:42 ገድያ ብራቱ ባጋይ ብራታ፥ ባጋይ ኡርቃ ግዴዳዋዳን፥ ሄዋዳንካ ሀ ካዉተꬃዉ ባጋይ ምኖ፥ ባጋይ ላፋ ግዳናዋ።
DAN 2:43 ብራታይ ኡርቃና ዋላከቴዳዋ ነ በኤዳዋዳን፥ ሄ ላኡ ባጋ አሳይ ገሉዋን አኩዋን ዋላከታና፤ ሽን ብራታይ ኡርቃና ዋላከታናዉ ዳንዳየናዋዳንካ፥ ኡንቱንቱ እቱዋ ግዲደ ጋምአናዉ ዳንዳይክኖ።
DAN 2:44 “ሄ ካተቱዋ ላይꬃን፥ ሳሉዋ ጾሳይ ሙለካ ኩንደና፥ ሀራ አሳዉካ እመተና ካዉተꬃ ኤሳና። ሄ ኤቄዳ ካዉተꬃይ ሄ ካዉተꬃቱዋ ኡባ ጋጨሬꬅ ꬋይሳና፤ ሽን እ መꬍናዉ ኤቂደ ደአና።
DAN 2:45 አሳ ኩሺ ቦቼናን ደርያፐ ꬎቆለት ዎꬊደ፥ ብራታፐ፥ ናሃስያፐ፥ ኡርቃፐ፥ ብራፐነ ዎርቃፐ መቴዳ ምስልያ ጋጨሬꬄዳ ሹቻ ብለꬃይ ሄ ካዉተꬃ። “ዎልቃማ ጾሳይ ስንꬃናዉ ሀናናባ ካትያ በሴዳ። አኩሙካ ቱማ፤ ብለꬃይካ አማነቴዳዋ” ያጊደ ዛሬዳ።
DAN 2:46 ሄዋፐ ጉይያን፥ ካቲ ናቡካዳናጾር ዳኔላ ቦንቺደ፥ ሶምኡዋ ቢታ ጋꬂደ ጉፋኔዳ፤ ያቲደ አሳይ አ ስንꬃን ያርሹዋ ያርሻናዳንነ እጻና ጩዋያናዳን አዛዜዳ።
DAN 2:47 ካቲ ዳኔላ፥ “ቱሙዋፐ ነ ጾሳይ ጾሳቱዋ ጾሳ፥ ካተቱ ጎዳነ ጹራ ቆንጭስያዋ። ኔን ሀ ጹራ ቆንጭሳናዉ ዳንዳይያዌ ሄዋሳ” ያጌዳ።
DAN 2:48 ሄዋፐ ጉይያን፥ ካቲ ዳኔላ ሎይꬅ ቦንቼዳ፤ ዳሮነ አልኦ እሞታቱዋካ አዉ እሜዳ፤ ባብሎነ ቢታ ሞድያዋ ኦꬄዳ። ቃይ ባብሎነን ደእያ አꬌዳ ኤራንቻቱዋ ኡባ ቦላ ካፑዋ ኦꬂደ፥ አ ሱንꬄዳ።
DAN 2:49 ዳኔል ኦችና፥ ካቲ ስድራቃ፥ ምሳቃነ አብዳናጋ ባብሎነ ቢታ አይስያዋንታ ኦꬂደ ሱንꬄዳ፤ ሽን ዳኔል ካትያ ጎልያን ጋምኤዳ።
DAN 3:1 ካቲ ናቡካዳናጾር ጌሳይ ኡሱፑን ታሙ ዋꬋ፥ ጎምፓይ ኡሱፑን ዋꬋ ግድያ ምስልያ ዎርቃፐ መꬊደ፥ ባብሎነ ጋድያን ዱራ ደምባን ኤሴዳ።
DAN 3:2 ሄ ምስልያ አንጅሳናዉ ያናዳን፥ ካትያፐ ጋርሳና ጋድያ ሞድያዋንታ፥ ሱንꬃቱዋ፥ አዉራጃ ሞድያዋንታ፥ ካትያ ዞርያዋንታ፥ ሚሻ ጎልያን ኦꬅያዋንታ፥ ፕርዳ ዳናቱዋ፥ ህገ ኤራንቻቱዋነ አዉራጃን አዉራጃን ደእያ ሀራ ካፖቱዋ ጼጌዳ።
DAN 3:3 ያትና፥ ካትያፐ ጋርሳና ጋድያ ሞድያዋንቱ፥ ሱንꬃቱ፥ አዉራጃ ሞድያዋንቱ፥ ካትያ ዞርያዋንቱ፥ ሚሻ ጎልያን ኦꬅያዋንቱ፥ ፕርዳ ዳናቱ፥ ህገ ኤራንቻቱነ አዉራጃን አዉራጃን ደእያ ሀራ ካፓቱ እትፐ ሄ ምስልያ አንጅሳናዉ ሺቂደ፥ ካቲ ናቡካዳናጾር ኤሴዳ ምስልያ ስንꬃን ኤቄድኖ።
DAN 3:4 ሄ ዎደ አዋዩዋ አዋይያዌ ባረ ቃላ ꬎቁ ኦꬂደ፥ ሀዋዳን ያጌዳ፤ “ህንተኖ፥ አሳዉ፥ ካዉተꬃቶ፥ ዱማ ዱማ ቃላን ሃሳይያ ዛረቶ፥
DAN 3:5 ኡባይካ ማላካታ፥ ሱሱልያ፥ ዛይያ፥ ማስንቁዋ፥ ዲꬃነ ጮራ ባቀቴዳ ክርያን ዋጸቴዳ ዲꬃነ ሀራ ሙዚቃ ሚሻቱዋ እትፐ ካእያ ዎደ ስሶ ሳናካ፥ ካቲ ናቡካዳናጾረ ኤሴዳ ዎርቃ ምስልያዉ ጉፋኒደ ጎይንተ።
DAN 3:6 ምስልያ ስንꬃን ጉፋኒደ ጎይነና ኦንነ ሄ ሳትያን ኤጽያ እቶንያ ታማ ግዶ ኦለታና” ያጌዳ።
DAN 3:7 አሳይ ኡባይ፥ ካዉተꬃቱ ኡባይነ ዱማ ዱማ ቃላን ሃሳይያ ዛራቱ ኡባይ ማላካታ፥ ሱሱልያ ዛይያ፥ ማስንቁዋ፥ ዲꬃነ ጮራ ባቀቴዳ ክርያን ዋጸቴዳ ዲꬃ እትፐ ካእያ ዎደ ስሶ ሳናካ፥ ሳኣን ጉፋኒደ፥ ካቲ ናቡካዳናጾር ኤሴዳ ዎርቃ ምስልያዉ ጎይኔድኖ።
DAN 3:8 ሄዋ ድራዉ፥ ሄ ዎደ እት እት ባብሎነ አሳቱ ስንꬃዉ አꬊደ፥ አይሁዳቱዋ ሞቴድኖ።
DAN 3:9 ኡንቱንቱ ካትያ ናቡካዳናጾራ ሀዋዳን ያጌድኖ፤ “ካትያዉ፥ መꬍናዉ ደአ።
DAN 3:10 ካትያዉ፥ ኔን ማላካታ፥ ሱሱልያ፥ ዛይያ፥ ማስንቁዋ፥ ዲꬃነ ጮራ ባቀቴዳ ክርያን ዋጸቴዳ ዲꬃ እትፐ ካእያ ዎደ፥ ስስያ ኦንነ ሳኣን ጉፋኒደ፥ ዎርቃ ምስልያዉ ጎይናናዳን፥
DAN 3:11 ቃይ ሳኣን ጉፋኒደ ጎይነና አሳይ ደኦፐ፥ ኤጽያ እቶነ ታማ ግዶ ኦለታናዳን አዋዩዋ ከሳዳ።
DAN 3:12 ሽን ካትያዉ፥ ኔን ባብሎነ ቢታ ቦላ ሱንꬄዳ አይሁዳቱ፥ ስድራቅ፥ ምሳቅነ አብዳናጉ ነ አዛዙዋ እጼድኖ፤ ነ ጾሳቶ ኦꬅክኖ፤ ቃይ ነ ኤሴዳ ዎርቃ ምስልያዉካ ጎይንክኖ” ያጌድኖ።
DAN 3:13 ናቡካዳናጾር ሄዋ ስሴዳ ዎደ፥ ሀንቁዋ ኤጽ ከሲደ፥ ስድራቃ፥ ምሳቃነ አብዳናጋ አሀናዳን አዛዜዳ። ኡንቱንታ ካትያ ስንꬃ አሄድኖ።
DAN 3:14 ናቡካዳናጾር ኡንቱንታ ሀዋዳን ያጌዳ፤ “ስድራቃ፥ ምሳቃ፥ አብዳናጎ፥ ሀ ህንተ ታ ጾሳቶ ኦናዌነ ታ ኤሴዳ ዎርቃ ምስልያዉ ጎይነናዌ ቱሜ?
DAN 3:15 ሀእ ማላካታ፥ ሱሱልያ፥ ዛይያ ማስንቁዋ፥ ዲꬃነ ጮራ ባቀቴዳ ክርያን ዋጸቴዳ ዲꬃነ ሀራ ሙዚቃ ሚሻቱዋ ካእያዋ ስሶ ዎደ፥ ታን ኤሴዳ ምስልያዉ ጉፋኒደ ጎይኖፐ፥ ዳሮ ሎአ። ሽን ህንተ ጎይነናን እጾፐ፥ ኤለካ ኤጽያ እቶንያ ታማ ግዶን ኦለታና። አይ ጾሳቱ ህንተና ታ ኩሽያፐ አሻናዌ?” ያጌዳ።
DAN 3:16 ሽድራቅ፥ ምሻቅነ አብዳናጉ ካትያዉ ዛሪደ፥ “ካትያዉ፥ ናቡካዳናጾራ፥ ሀ የዉዋ ኑን ነዉ ዛሩዋ እማናዉ በሰና።
DAN 3:17 ካትያዉ፥ ኑን ኤጽያ እቶነ ታማ ግዶ ኦለትንቶካ፥ ኑን አዉ ኦꬅያ ጾሳይ ሄ ታማፐ አሻናዉ ዳንዳዬ። ቃይ ካትያዉ፥ እ ኑና ነ ኩሽያፐካ አሻና።
DAN 3:18 ሽን ካትያዉ፥ ኡባ እ ኑና አሸናን እጽንቶካ፥ ኑን ነ ጾሳቶ ኦናዋነ ኔን ኤሴዳ ዎርቃ ምስልያዉ ጎይነናዋ ኤራ” ያጌድኖ።
DAN 3:19 ሄ ዎደ ናቡካዳናጾር ሽድራቃ፥ ምሻቃነ አብዳናጎ ቦላ ሀንቁዋ ሱሌዳ፤ አ ሶምኢ ኡንቱንቶ ካሰዋፐ ዱማቴዳ። ታማይ ካሰ ኤጽያዋፐ ላፑን ኩሽያ አꬊደ ኤጻናዳን አዛዜዳ።
DAN 3:20 ሽድራቃ፥ ምሻቃነ አብዳናጋ ቃቺደ፥ ኤጽያ እቶንያ ታማ ግዶ ኦላናዳን፥ ባረ ኦላንቻቱዋ ግዶፐ ምኖ አሳቱዋ አዛዜዳ።
DAN 3:21 ያትና፥ ሀ አሳቱዋ፥ ኡንቱንቱ ማዩዋና፥ ሱርያና፥ ሁጲያን ጻጼዳ ጻꬃናነ ሀራ ማዩዋ ኡባና ጋꬅ ቃቺደ፥ ኤጽያ እቶንያ ታማ ግዶ ኦሌድኖ።
DAN 3:22 ካትያ አዛዙ ሎይꬅ ኤሌልስያዋ ግዴዳ ድራዉነ እቶንያ ታማይካ ካሰዋፐ አꬍ ኤጽያ ድራዉ፥ ስድራቃ፥ ምሳቃነ፥ አብዳናጋ ታማን ኦሌዳ ሄ ምኖ አሳቱዋ ታማ ላጩ ላቢደ ዎꬌዳ።
DAN 3:23 ሀ ሄዙ ቃሸቴዳ አሳቱ፥ ሽድራቅ፥ ምሻቅነ አብዳናጉ፥ ኤጽያ እቶነ ታማ ግዶ ዎꬌድኖ።
DAN 3:24 ሄዋፐ ጉይያን፥ ካቲ ናቡካዳናጾር ባረና ማላልስና ኤለካ ደንድ ኤቂደ፥ “ኑን ቃቺደ ኤጽያ እቶንያ ታማ ግዶ ኦሌዳ አሳቱ ሄዛ ግድክኖየ?” ያጊደ ባረና ዞርያዋንታ ኦቼዳ። ኡንቱንቱ፥ “ካትያዉ፥ ኤ ሄዛ” ያጊደ ዛሬድኖ።
DAN 3:25 ካቲ ዛሪደ፥ “በእተ፥ ታን ቃሹዋፐካ ብለቴዳ፥ ታማ ግዶን ያ፥ ሃ ሀመትያ፥ ታማይካ አይነ ቦቼና ኦይዱ አሳቱዋ በአይ! ኦይደንꬁ ቃይ ጾሳቱዋ ናኣ ማላቴ” ያጌዳ።
DAN 3:26 ያትና፥ ናቡካዳናጾር ኤጽያ እቶነ ታማ ማታ ሺቂደ፥ ባረ ቃላ ꬎቁ ኦꬂደ፥ “ኡባፐ ꬎቂያ ጾሳ ቆማቶ፥ ሽድራቃ፥ ምሻቃ፥ አብዳናጎ፥ ከስተ! ሃይተ!” ያጊደ ጼጌዳ። ያትና፥ ሽድራቅ፥ ምሻቅነ አብዳናጉ ታማ ግዶፐ ከሴድኖ።
DAN 3:27 ካትያፐ ጋርሳና ቢታ ሞድያዋንቱ፥ ሱንꬃቱ፥ አዉራጃ ሞድያዋንቱ፥ ካትያዉ ኦꬅያ ሀራ ካፓቱ ኡባይ ኡንቱንቱኮ ሺቄድኖ። ታማይ ኡንቱንቱ ቦላ ቦችቤናዋ፥ ኡንቱንቱ ሁጲያ ብናናፐ እቱካ ማላተትቤናዋ፥ ኡንቱንቱ ማዩካ ቦሸትቤናዋነ ታማ ፔኑካ ኡንቱንቱን ባይናዋ በኤድኖ።
DAN 3:28 ሄዋፐ ጉይያን፥ ናቡካዳናጾር ሀዋዳን ያጌዳ፤ “ስድራቃ፥ ምሳቃነ አብዳናጎ ጾሳይ ጋላተቶ! እ ባረ ኪታንቻ ኪቲደ፥ ባረናን አማነቴዳ ባረ ቆማቱዋ አሼዳ። ኡንቱንቱ ካትያ አዛዙዋ እጼድኖ፤ ባረንቱ ጾሳፐ አትና፥ ሀራ ጾሳዉ ኦꬃናፐነ ጎይናናፐ ሀይቃናዋ ዶሴድኖ።
DAN 3:29 ሄዋ ድራዉ፥ ሽድራቃ፥ ምሻቃነ አብዳናጎ ጾሳ ቶቺደ ሃሳይያ አይ አስካ፥ ዎይ አይ ካዉተꬃይካ፥ ዎይ ዱማ ዱማ ቃላን ሃሳይያ አይ ዛሪካ ቃንጸታናነ ሙጸታና ማላ፥ ኡንቱንቱ ጎሊካ ላለቲደ፥ ፕቱ ኦለትያ ሳኣ ግዳና ማላ፥ ታን አዋያድ። አያዉ ጎፐ፥ ሀራ አይ ጾስነ ሀዋዳን ኦꬂደ፥ አሳ አሸና” ያጌዳ።
DAN 3:30 ሄዋፐ ጉይያን፥ ካቲ ሽድራቃ፥ ምሻቃነ አብዳናጋ ባብሎነ ጋድያን ꬎቁ ꬎቁ ኦꬂደ ሱንꬄዳ።
DAN 4:1 ካቲ ናቡካዳናጾር አሳ ኡባዉ፥ ካዉተꬃቱዋ ኡባዉነ ዱማ ዱማ ቃላን ሃሳይያ ዛራቱዋ ኡባዉ ሀዋዳን ያግ፥ ዳብዳቢያ ኪቴዳ። “ሳሮ ደኢቴ!
DAN 4:2 “ኡባፐ ꬎቂያ ጾሳይ ታዉ ኦꬄዳ ማላልስያነ ኦራꬃባ ታን ህንተንቶ ኦዳናዉ ኮያይ።
DAN 4:3 “አ ማላታይ ዎት ግቴ! እ ኦꬅያ ኦራꬃባይ ዎት ምኔ! አ ካዉተꬃይ መꬍና ካዉተꬃ፤ አ ማታይካ የለታፐ የለታ ጋካናሳ።
DAN 4:4 “ታን ናቡካዳናጾር፥ ታ ጎልያ እንጅያን፥ ታ ካዉተꬃ ጎልያን ሚኩዋን ደአይ።
DAN 4:5 እት ጋላስ ታን ያሽያ አኩሙዋ አኩመታድ። ታን ታ አርሳን ዛቁላደ፥ በኤዳ አኩሙነ ሳጻይ ታና ዳጋንꬄዳ።
DAN 4:6 ሄዋ ድራዉ፥ ሀ አኩሙዋ ብለꬃ ታና ኤርሳና ማላ፥ ባብሎነን ደእያ ካትያ ዞርያዋንታ ኡባ ታኮ አሀናዳን አዛዛድ።
DAN 4:7 ሄ ዎደ ሻሬቾቱ፥ ሙሩንያዋንቱ፥ አያንትያዋንቱነ ጾልንትያ ጼሊደ ካይያዋንቱ ታኮ ዪና፥ ታ አኩሙዋ ኡንቱንቶ ኦዳድ፤ ሽን ኡንቱንቱ ብለꬃ ታና ኤርሳናዉ ዳንዳይበይክኖ።
DAN 4:8 ዉርሰꬃን ታ ጾሳ ሱንꬃን ብልጻሶራ ጌተት ጼገትያ፥ ጌሻ ጾሳቱዋ አያናይ አን ደእያ ዳኔል ታኮ ገልና፥ አዉ ታ አኩሙዋ ሀዋዳን ጋደ ኦዳድ።
DAN 4:9 “አꬌዳ ኤራንቻቱዋ ካፑዋ ብልጻሶራ፥ ጌሻ ጾሳቱዋ አያናይ ኔናን ደእያዋነ አያ ጹርነ ኔፐ ጌመናዋ ታን ኤራይ። ታን አኩመቴዳ አኩሙ ሀዋ፤ አነ ታዉ አ ብለꬃ ኦዳ።
DAN 4:10 “ታን ታ አርሳን ዛቁላደ፥ ቢታዉ ግዶ ልክያን እት ምꬃይ ኤቄዳዋ ሳጻን በኣድ፤ ሄ ምꬃዉ ጌሳይ ዳሮ አዱሳ።
DAN 4:11 ሄ ምꬃይ ድጪደ ግታቴዳነ ምኔዳ፤ አዉ ጼራይ ሳሉዋ ጋኬ፤ ሳኣፐ ሳኣ ጋጻ ጋካናዉ ቤቴ።
DAN 4:12 ሄ ምꬃ ሀይꬃይ ጼላናዉ ሎእያዋ፤ አ አይፊካ ሎይꬅ ዳራ፤ ኡባዉካ ምያባይ አን ደኤ። ዎራ ዶአቱ አ ኩዋን ሸምፔድኖ፤ ሳሉዋ ካፎቱካ አ ዳሻ ግዶን ኬጺደ ደኤድኖ። ፓጻ ደእያ ኡባይ አፐ ሜዳ።
DAN 4:13 “ታ አርሳን ዛቁላደ፥ ጌሻ ኪታንቻይ ሳሉዋፐ ዎꬍሽን ሳጻን በኣድ።
DAN 4:14 እካ ባረ ቃላ ꬎቁ ኦꬂደ፥ ሀዋዳን ያጌዳ፤ ‘ሀ ምꬃ ቃንጽተ፤ አ ታሽያ ካርተ፤ አ ሀይꬃካ ፕሪጽተ፤ አ አይፍያካ ላልተ። አ ጋርሳን ደእያ ዶአቱነ አ ዳሻን ደእያ ካፎቱ ኡባይ ባቃትኖ።
DAN 4:15 ሽን ዱሩማነ አ ጻጱዋ፥ ብራታፐነ ናሃስያፐ ቆጼዳ ሳንሳላታን ቃቺደ፥ ሳኣን፥ ማታ ግዶን አግ ባሽተ። ሳሉዋፐ ዎꬍያ ከተርሳን ካሎ፤ ቃይ ባዙዋን ማታ ግዶን ዶኣና ደኦ።
DAN 4:16 አ ዎዛናይ ካሀይ አሳዋፐ ዶኣዉ ላመቶ። ሄዋዳን ሀን ደእሽን፥ አ ቦላ ላፑን ላይꬃይ ዉሮ።
DAN 4:17 ኡባፐ ꬎቂያ ጾሳይ አሳ ናናቱ ካዉተꬃ ኡባ ሞድያዋ፥ ካዉተꬃ እ ባረ ኮይያ ኡራዉ እምያዋነ ሀራይ አቶ፥ አሳ ኡባፐ ካቴዳዋንታካ እ ሱንꬅያዋ ፓጻ ደእያ አሳይ ኡባይ ኤራና ማላ፥ ቃሸቴዳ ቆፋ ኪታንቻቱ አዋዬድኖ። ፕርዳካ ጌሻቱ ኦዴድኖ’ ያጌዳ።
DAN 4:18 “ታን ካቲ ናቡካዳናጾር አኩመቴዳ አኩሙ ሀዋ። ሀእ ስም ብልጻሶራ፥ ታዉ አ ብለꬃ ኦዳ። አያዉ ጎፐ፥ ታ ካዉተꬃ ግዶን ደእያ ካትያ ዞርያዋንቱፐ እቱነ ታና ብለꬃ ኤርሳናዉ ዳንዳይቤና፤ ሽን ጌሻ ጾሳቱዋ አያናይ ኔናን ደእያ ድራዉ፥ ኔን ዳንዳያሳ” ያጋድ።
DAN 4:19 ሄ ዎድያን ብልጻሶራ ጌተትያ ዳኔል ዳጋሚደ፥ ሀንያዋ ꬋዬዳ። እ ባረ ቆፋን ሻባረቴዳ ድራዉ፥ ጉꬃ ዎድያ ጮኡ ጊደ ታኬዳ። ያትና፥ ካቲ፥ “ብልጻሶራ፥ ሀ አኩሙነ አ ብለꬃይ ኔና ዳጋንꬆፖ” ያጌዳ። ብልጻሶር ዛሪደ፥ “ታ ጎዳዉ፥ ሀ አኩሙ ኔና እጽያዋንቶ፥ አ ብለꬃይካ ቃይ ነ ሞርከቶ ግዴረኔሻ!
DAN 4:20 ኔን አኩሙዋን በኤዳ ምꬃይ፥ ድጪደ ምኔዳዌ፥ ጼራይ ሳሉዋ ጋኬዳዌ፥ ሳኣፐ ሳኣ ጋጻ ጋካናዉ ቤቴዳዌ፥
DAN 4:21 ሀይꬃይ ጼላናዉ ሎኤዳዌ፥ አይፊካ ሎይꬅ ዳሬዳዌ፥ ኡባዉ ምያባይ አን ደእያዌ፥ ባዙዋ ዶአቱ አ ኩዋን ሸምፔዳዌነ ሳሉዋ ካፎቱካ አ ዳሻ ግዶን ኬጺደ ደኤዳዌ፥
DAN 4:22 ካትያዉ፥ ሄ ምꬃይ ኔና! ኔን ግታታዳነ ምናዳ፤ ነ ግታተꬃይ ድጪደ፥ ሳሉዋ ጋኬዳ፤ ነ ካተተꬃ ማታይካ ሳኣ ጋጻ ጋኬዳ።
DAN 4:23 “ካትያዉ፥ ኔን ጌሻ ኪታንቻይ ሳሉዋፐ ዎꬊደ፥ ‘ሀ ምꬃ ቃንጺደ ꬋይስተ፤ ሽን አ ዱሩማነ አ ጻጱዋ ብራታፐነ ናሃስያፐ ቆጼዳ ሳንሳላታን ቃቺደ፥ ሳኣን፥ ማታ ግዶን አግ ባሽተ። ሳሉዋፐ ዎꬍያ ከተርሳን እ ካሎ፤ ላፑን ላይꬃይ ዉራና ጋካናዉ፥ ባዙዋ ዶኣዳን ደኦ!’ ግያ ዎደ በኣዳ።
DAN 4:24 “ካትያዉ፥ አ ብለꬃይ ሀዋ። ሀዌ ኡባፐ ꬎቂያ ጾሳይ ታ ጎዳ ካትያ ቦላ ፖላናዉ ኪቴዳ ፕርዳ።
DAN 4:25 ኔን አሳ ግዶፐ የደርሴታደ፥ ባዙዋ ዶአቱዋና እትፐ ደአና። ኔን ቦራዳን ማታ ማናነ ሳሉዋፐ ዎꬍያ ከተርሳን ካላና። ቃይ ኡባፐ ꬎቂያ ጾሳይ አሳ ናናቱ ካዉተꬃ ኡባ ሞድያዋነ ካዉተꬃ ባረ ኮዬዳ ኡራዉ እምያዋ ኔን ኤራና ጋካናዉ፥ ላፑን ላይꬃይ ነ ቦላን አꬋና።
DAN 4:26 “ዱሩማይ ባረ ጻጱዋና ጋድያን አታናዳ አዛዘቴዳዌ፥ ኔን ሳሉዋ ጾሳይ ቢታ ኡባ ሞድያዋ ኤርያ ዎደ፥ ነ ካዉተꬃይ ነዉ ስማናዋ በሰ።
DAN 4:27 ሄዋ ድራዉ፥ ካዎ፥ ታ ዞርያ አካ። ናጋራ ኦꬅያዋ አጋደ፥ ጽሎባ ኦꬃ፤ መቱዋን ኡቁነቴዳዋንታ ናቂያዋ አጋደ፥ ኡንቱንቶ ቃረታ። ያቶፐ፥ ኔን ሳሮ ደአና ዎዲ አዱቀናን አገና” ያጌዳ።
DAN 4:28 ሀዌ ኡባይ ካትያ ናቡካዳናጾረ ቦላ ጋኬዳ።
DAN 4:29 ታማነ ላኡ አግናፐ ጉይያን፥ ካቲ ባብሎነን ደእያ ካትያ ጎልያ ቦላ ደምባይ ኬጼዳሳን ሀመቲደ
DAN 4:30 ሀዋዳን ያጌዳ፤ ሀዌ ታ ካዉተꬃ ጎሊ አን ደአና ማላ፥ ታን ታ ዎልቃማ ዎልቃን፥ ታ ግታተꬃ ቦንቾ ግምቢሴዳ ባብሎነ ካታማ ግታ ግደኔ? ያጌዳ።
DAN 4:31 እ ሃሳዪደ ዉርሰናን ደእሽን፥ ሳሉዋፐ ሀዋዳን ግያ ቃላይ ፑቱ ጌዳ፤ ካትያ ናቡካዳናጾራ፥ ነ ቦላን ፕርደቴዳ ፕርዳይ ሀዋ: ነ ካዉተꬃይ ኔፐ አከቴዳ።
DAN 4:32 ኔን አሳ ግዶፐ የደርሰታደ፥ ባዙዋ ዶኣና ደአና፤ ኔን ቦራዳን ማታ ማና። ኡባፐ ꬎቂያ ጾሳይ አሳ ናናቱ ካዉተꬃ ኡባ ሞድያዋነ ካዉተꬃ እ ባረ ኮዬዳ ኡራዉ እምያዋ ኔን ኤራና ጋካናዉ፥ ላፑን ላይꬃይ ነ ቦላ አꬋና ያጌዳ።
DAN 4:33 ናቡካዳናጾረ ቦላ ጌዳዌ ባሱዋናካ ፖለቴዳ። አሳ ግዶፐ ጎደቲደ፥ ቦራዳን ማታ ሜዳ። አ ቦላይካ ሳሉዋፐ ዎꬍያ ከተርሳን ካሌዳ። አ ብናናይ አንኩዋ ባልያዳን፥ አ ጹጉንꬃይካ ካፉዋ ጹጉንꬃዳን ድጬዳ።
DAN 4:34 ሄ ላፑን ላይꬃይ ዉሬዳ ዎደ፥ ታን ናቡካዳናጾረ ꬎቁ ጋደ ሳሉዋ ጼላድ፤ ታ ዎዛናይ ካሀይካ ስሜዳ። ኡባፐ ꬎቂያ ጾሳ ጋላታድ፤ መꬍናዉ ደእያዋካ ቦንቻድነ ሳባድ። አ ማታይ መꬍና ማታ፤ አ ካዉተꬃይካ የለታፐ የለታ ጋካናሳ።
DAN 4:35 ሳኣን ደእያ አሳይ ኡባይ አዉ አያነ ግደና። ሳሉዋን ደእያ መታቱዋ ቦላነ ሳኣን ደእያ አሳ ቦላ እ ባረ ዶሶዋ ኦꬄ። አ ኩሽያ ተአናዉ ዳንዳይያዌ ባዋ፥ ዎይ አ አያ ኦꬃይ? ያጊደ ኦችያዌ ባዋ።
DAN 4:36 ታ ዎዛናይ ስሚና፥ ታ ካዉተꬃ ቦንቹዋ ድራዉ፥ ታ አንጋይነ ታ ፑላይ ታዉ ስም አጌዳ። ካሰ ታና ዞርያዋንቱነ ታ ካፓቱ ታና ኮዬድኖ። ታን ታ ካዉተꬃን ምናድ፤ ካሰዋፐካ አꬍያ ግታተꬃይ ታዉ ጉጀቴዳ።
DAN 4:37 ሀእ ስም ታን ናቡካዳናጾር ሳሉዋ ካትያ ጋላታይ፤ አ ꬎቁ ꬎቁ ኦꬃይነ ቦንቻይ። አያዉ ጎፐ፥ እ ኦꬅያባይ ኡባይ ልከ፤ አ ኦገቱ ኡባይካ ጽሉዋ፤ ቃይ ኦቶሩዋን ብያዋንታ እ ካዉሻናዉ ዳንዳዬ ያጌዳ።
DAN 5:1 እት ጋላስ ካቲ በልሻጻር ባረ ኦሳንቻቱዋፐ እት ሻአቶ ግብራ ጊግሲደ ኡንቱንቱና እትፐ ዎይንያ ኤሳ ኡሼዳ።
DAN 5:2 በልሻጻር ዎይንያ ኤሳ ኡሺደ ማꬆቴዳ ዎደ፥ ባረ አዉ ናቡካዳናጾር የሩሳላመን ደእያ ጌሻ ጎልያፐ አሄዳ ዎርቃፐነ ብራፐ ኦሰቴዳ ኡሻ ሚሻቱዋ አሀና ማላ አዛዜዳ። አያዉ ጎፐ፥ እነ አ ኦሳንቻቱ፥ አ ማቼቱነ አ ባኮቱ ኡባይ ሄ ኡሻ ሚሻቱዋን ኤሳ ኡሻና ማላ፥ እ ኮዬዳ።
DAN 5:3 ያትና፥ ኡንቱንቱ ሄ የሩሳላመን ደእያ ጾሳ ጌሻ ጎልያፐ አሄዳ ዎርቃፐ ኦሰቴዳ ኡሻ ሚሻቱዋ ካትያዉ አሄድኖ። ካቲ፥ አ ኦሳንቻቱ፥ አ ማቼቱነ አ ባኮቱ ሄ ሚሻቱዋን ትገቴዳ ዎይንያ ኤሳ ኡሼድኖ።
DAN 5:4 ኡንቱንቱ ሄ ዎይንያ ኤሳ ኡሺደ፥ ዎርቃፐ ብራፐ፥ ናሃስያፐ፥ ብራታፐ፥ ምꬃፐነ ሹቻፐ ኦሰቴዳ ጾሳቱዋ ጋላቴድኖ።
DAN 5:5 ሄ ዎደ ቆፐናን ደእሽን፥ አሳ ኩሽያ ብራቱ ሀቃፐንቶ ከሲደ ዪደ፥ ካትያ ጎልያን ላሳነቴዳ ጎዳ ቦላን፥ ጾምፕያ ዎꬅያ ባላ ስንꬃን ጻፌዳ። ሄ ኩሺ ጻፍያ ዎደ፥ ካቲ ባረ ሁጲያን በኤዳ።
DAN 5:6 አ ሶምኢ ላመቲደ፥ ብድንꬃ ማላቴዳ፤ ቃይ ያሻን አ ጋዲ ኮኮሬዳ፤ አ ጉልባታይካ እጼዳ።
DAN 5:7 ካቲ ባረ ቃላ ꬎቁ ኦꬂደ፥ ሙሩንያዋንታ፥ ጾልንትያ ጼሊደ ካይያዋንታነ ሻሬቾቱዋ አሀናዳን አዛዜዳ። ኡንቱንቱ ዪና ባብሎነ አꬌዳ ኤራንቻቱዋ ሀዋዳን ያጌዳ፤ “ሀ ጽፋትያ ናባቢደ፥ አ ብለꬃ ታዉ ኦድያ ኡራይ ኦንነ፥ ኦቻ ቴራ ማላትያ ማዩዋ ማያና፤ አ ቆꬍያን ዎርቃ ሀብልያ አꬃና፤ ቃይ እ ታ ካዉተꬃ ሞድያ ሄዘንꬆ አሳ ግዳናዋ” ያጌዳ።
DAN 5:8 ሄዋፐ ጉይያን፥ ካትያ ዞርያዋንቱ ኡባይ አ ስንꬃ አꬌድኖ፤ ሽን ኡንቱንቱፐ ኦንነ ሄ ጽፋትያ ናባባናዉ፥ ዎይ አ ብለꬃ ኦዳናዉ ዳንዳይቤና።
DAN 5:9 ሄዋን ካቲ በልሻጻር ካሰዋፐ አꬍ ዳጋምና፥ አ ሶምኢካ ካሰዋፐ አꬍ ብድንꬃ ማላቴዳ። አ ካፓቱካ ሀንያዋ ꬋዬድኖ።
DAN 5:10 ካቲነ አ ካፓቱ ጫቡዋ አ ዳያ ካታታ ስሳደ፥ ኡንቱንቱ ግብራ ምያ አኮ ጎልያ ገላደ፥ ሀዋዳን ያጋዱ፤ “ካትያዉ፥ መꬍናዉ ደአ! ሀ ቆፋን ሎይꬃ ሻባረቶፓ፤ ነ ሶምኢካ ላመቶፖ።
DAN 5:11 ጌሻ ጾሳቱዋ አያናይ አን ደእያ እት አሳይ ነ ካዉተꬃ ግዶን ደኤ። ኤራይ፥ አኬካይነ ጾሳቱዋ ማላ አꬌዳ ኤራተꬃይ አን ደኤ። ካሰ ነ አዉ ካቲ ናቡካዳናጾር አ ሻሬቾቶ፥ ሙሩንያዋንቶ፥ ጾልንትያ ጼሊደ ካይያዋንቶነ አያንትያዋንቶ ካፑዋ ኦꬂደ ሱንꬄዳ።
DAN 5:12 አያዉ ጎፐ፥ አዉ ሎኦ አያናይ፥ ኤራይነ አኬካይ ደኤ፤ አኩሙዋ ብላናዉ፥ ቃንእሽያ ኦዳናዉነ ጹራ ቆንጭሳናዉ እ ዳንዳዬ። ሄዋ ድራዉ፥ ካቲ ብልጻሶራ ጊደ ሱንꬄዳ ዳኔላ ጼሳ። እ ነዉ ጽፋትያ ብለꬃ ኦዳና” ያጋዱ።
DAN 5:13 ሄ ዎደ ዳኔላ ካትያኮ አህና፥ ካቲ አ ሀዋዳን ያጌዳ፤ “ኔን ዳኔሌ? ታ አዉ ካቲ ይሁዳፐ ኦሞዲደ አሄዳዋንቱፐ እቱዋ ግያዌ ኔኔ?
DAN 5:14 ጾሳቱዋ አያናይ ኔናን ደእያዋነ ኤራይ፥ አኬካይነ ሎይꬅ አꬌዳ ኤራተꬃይ ነዉ ደእያዋ ታን ስሳድ።
DAN 5:15 ሀ ጽፋትያ ናባባናዉነ አ ብለꬃ ታዉ ኦዳናዉ ሙሩንያዋንቱነ ካትያ ዞርያዋንቱ ዬድኖ፤ ሽን ኡንቱንቱ ብለꬃ ታዉ ኦዳናዉ ዳንዳይበይክኖ።
DAN 5:16 ኔን ብለꬃ ኦዳናዉነ ዴጾ ኦሻቱዋ ዛሩዋ እማናዉ ዳንዳይያዋ ታን ስሳድ። ሀእ ስም ኔን ሀ ጽፋትያ ናባባናዉነ አ ብለꬃ ታዉ ኦዳናዉ ዳንዳዮፐ፥ ኦቻ ቴራ ማላትያ ማዩዋ ማያና፤ ነ ቆꬍያን ዎርቃ ሀብሊ አꬋና፤ ቃይ ኔን ካዉተꬃ ሞድያ ሄዘንꬆ አሳ ግዳናሳ” ያጌዳ።
DAN 5:17 ዳኔል ካትያዉ ዛሪደ፥ “ኔን እምያ እሙ ኔሳ ግዶ፤ ነ ዎይቱዋካ ሀራ ኡራዉ እማ። ሀኖፐነ ታን ጽፋትያ ካትያዉ ናባባና፤ ብለꬃካ ኦዳና።
DAN 5:18 “ካትያዉ፥ ኡባፐ ꬎቂያ ጾሳይ ነ አዉዋ ናቡካዳናጾራዉ ካተቱዋ፥ ግታተꬃ፥ ቦንቹዋነ አንጋ እሜዳ።
DAN 5:19 እ አዉ እሜዳ ግታተꬃ ጋሱዋን ሄ አሳቱነ ዱማ ዱማ ቃላ ሃሳይያ ዛራቱ አዉ ያዬድኖነ ኮኮሬድኖ። ባረ ዎꬋናዉ ኮይያዋ ዎꬌዳ፤ አሻናዉ ኮይያዋካ አሼዳ፤ ባረ ꬎቂሳናዉ ኮዬዳዋካ ꬎቂሴዳ፤ ካዉሻናዉ ኮዬዳዋካ ካዉሼዳ።
DAN 5:20 ሽን እ ኦቶረቴዳ ዎደነ አ ዎዛናይ ሙሜዳ ዎደ፥ ባረ ካዉተꬃ አራታፐ ዎꬌዳ፤ አ ቦንቹካ ቃረቴዳ።
DAN 5:21 አሳ ግዶፐ የደርሰቴዳ፤ አ ዎዛናይ ካሀይካ ላመትና፥ ዶኣ ማላ ግዴዳ። ቦራዳን ማታ ሚደ፥ ደምባ ሀረቱዋና እትፐ ደኤዳ። አ ቦላይካ ሳሉዋፐ ዎꬍያ ከተርሳን ጽርክኬዳ። ሄዌካ ኡባፐ ꬎቂያ ጾሳይ አሳ ናናቱ ካዉተꬃ ኡባ ሞድያዋነ እ ባረ ኮዬዳ ኡራዉ እምያዋ እ ኤራና ጋካናሳ።
DAN 5:22 “ሽን ነኖ፥ በልሻጻራ፥ ኔን አ ናአይ ሄ ኡባ ኤራደካ፥ ነ ሁጲያ ዝቂ ኦꬃባካ።
DAN 5:23 ቃይ ሳሉዋ ጎዳ ቦላን ኦቶረታደ፥ ነ ሁጲያ ꬎቁ ꬎቁ ኦꬃዳ። አ ጌሻ ጎልያፐ ቦንቂያን ዬዳ ዎርቃ ሚሻቱዋ ኔን አህስና፥ ነ ኦሳንቻቱ፥ ነ ማቼቱነ ነ ባኮቱ ዎይንያ ኤሳ ኡንቱንቱን ኡሼድኖ። ቃይ ጼላናዉ፥ ስሳናዉነ ኤራናዉ ዳንዳየና ጾሳቱዋ፥ ብራፐ፥ ዎርቃፐ፥ ናሃስያፐ፥ ብራታፐ፥ ምꬃፐነ ሹቻፐ ኦሰቴዳዋንታ ጋላታዳ። ነ ሸምፑዋነ ነ ገላ ከሳ ባረ ኩሽያን ኦይቄዳ ጾሳ ቦንቻበይካ።
DAN 5:24 ሄዋ ድራዉ፥ ሀ ኩሽያ ብራቱ አፐ ኪተትና፥ ሀ ጽፋቲ ጻፈቴዳ።
DAN 5:25 “ጻፉካ፥ ‘ማነ፥ ማነ፥ ተቀል፥ ፓሬስ’ ያግያዋ።
DAN 5:26 አ ብለꬃይካ ሀዋ፦ “ማነ ግያዌ፥ ጾሳይ ነ ካተተꬃ ላይꬃ ፓይዲደ፥ ዉራናዳን ኦꬄዳ ግያዋ።
DAN 5:27 ተቀል ግያዌ ሚዛናን ልከታደ፥ ካዉሻደ ቤታዳ ግያዋ።
DAN 5:28 ፓሬስ ግያዌ ነ ካዉተꬃይ ሻከቲደ፥ ሜዶናቶነ ፓርሰቶ እመቴዳ ግያዋ” ያጌዳ።
DAN 5:29 ሄዋፐ ጉይያን፥ በልሻጻር አዛዝና፥ ኦቻ ቴራ ማላትያ ማዩዋ ዳኔላ ማይዜድኖ፤ አ ቆꬍያንካ ዎርቃ ሀብልያ አꬄድኖ፤ ቃይ ካዉተꬃ ሞድያ ሄዘንꬆ አሳ ግዳናዳን አዋዬድኖ።
DAN 5:30 ሄ ጋላስ ቃማ ሞርከቱ ገሊደ፥ ባብሎነ ካትያ በልሻጻራ ዎꬌድኖ።
DAN 5:31 አ ካዉተꬃ ሜዶንያ ዳርዮሰ አኬዳ። ሄ ዎደ ዳርዮሳዉ ላይꬃይ ኡሱፑን ታማነ ላአ።
DAN 6:1 ካቲ ዳርዮሰ ባረ ካዉተꬃ ኡባ ግዶን ባረፐ ጋርሳና ቢታ ሞድያ ጼታነ ላታሙ አሳቱዋ ሱንꬅያዌ ሎአ ጊደ ቆፔዳ።
DAN 6:2 ቃይ ካትያዉ አያነ ፓጭሰናዳን፥ ሄ ቢታ ሞድያዋንታ ጼላና ማላ፥ ሄዙ አሳቱዋ ካፑዋ ኦꬂደ ዶሬዳ፤ ዶረቴዳዋንቱፐ እቱ ዳኔላ።
DAN 6:3 ዳኔል ኦሱዋ ኦꬃናዉ ባረዉ ደእያ ዱማ ኤራን ሀራ ካፓቱዋፐነ ቢታ ሞድያዋንቱፐ አꬊደ ቤቴዳ። ሄዋ ድራዉ፥ ካቲ አ ባረ ኩመንꬃ ካዉተꬃ ቦላ ꬎቃ ኦꬂደ ሱንꬃናዉ ሀልቼዳ።
DAN 6:4 ያትና፥ ቢታ ሞድያዋንቱነ ካፓቱ ዳኔላ ሞታናዉ፥ እ አይስያ አይሱዋ ቦላ ባላ ደማና ጊደ ኮዬድኖ። ሽን እ ሎይꬅ ሱረነ አማነትያ አሳ፤ ቃይ ጌላባ ኦና አሳ ግዴዳ ድራዉ፥ አ ሞታናዉ አ ቦላ አይ ባላነ ደምበይክኖ።
DAN 6:5 ዉርሰꬃን ኡንቱንቱ ጊደ፥ “አ ጾሳ ህግያ ባጋና ግዶፐፐ አትና፥ ሀራ ባጋና ዳኔላ ሞትያባ ደሞኮ” ያጌድኖ።
DAN 6:6 ሄዋፐ ጉይያን፥ ቢታ ሞድያዋንቱነ ካፓቱ እትፐ ካትያኮ ቢደ፥ ሀዋዳን ያጌድኖ፤ “ካትያዉ ዳርዮሳ፥ መꬍናዉ ደአ!
DAN 6:7 ኑን ነ ካዉተꬃ ኦሱዋ ኦꬅያ ካፓቱ፥ ቢታ ሞድያዋንቱ፥ ኦላ ጋዳዋቱ፥ ዞርያዋንቱነ አዉራጃ ሞድያዋንቱ ኡባይ ማዬዳ እት ዞረታይ ደኤ። ሄዌካ ሀችፐ ቢደ ሀታሙ ጋላሳይ ጋካናዉ፥ አይ አሳይነ ኔና ካትያ ዎሳናፐ አትና፥ ሀራ አይ አሳካ ዎይ አይ ጾሳካ ዎሰናዳን፥ ኔን አዋዩዋ ከሳናዳን ኢጼዳ ዎስያዌ ደኦፐ፥ ጋሞቱዋ ኦላን ኦለታናዳን ኔን አዛዛናሳ።
DAN 6:8 ስም ካትያዉ፥ ሀ አዋዩ ሻረተና ሜዶናቱዋነ ፓርሰቱዋ ህግያዳን፥ ምኖነ ላመተናዋ ግዳና ማላ ፓራማ” ያጌድኖ።
DAN 6:9 ሄዋ ድራዉ፥ ካቲ ዳርዮሰ አዋዩዋ ጻፊደ ፓራሜዳ።
DAN 6:10 ዳኔል አዋዩ ፓራመት ከሴዳዋ ኤሬዳ ዎደ፥ ባረ ጎለ ቤዳ፤ ፖቅያን ደእያ ክፍልያ ገሌዳ። ሄ ክፍልያ ማስኮቲ የሩሳላመ ባጋ ስሚደ ዶየት ደእሽን፥ ባረ ካሰ ዎስያዋዳንካ ጉልባቲደ፥ ባረ ጾሳ ጋላቲደ፥ ሀች ሀች ሄዙ ገደ ዎሴዳ።
DAN 6:11 ሄዋፐ ጉይያን፥ ሀ አሳቱ እትፐ ቢደ፥ ዳኔል ባረ ጾሳ ዎስሺናነ ማዱዋ ኦችሽን ደሜድኖ።
DAN 6:12 ካትያኮ ቤድኖ፤ ካትያ፥ “ካትያዉ፥ ሀ ሀታሙ ጋላሳቱዋ ግዶን ኔና ዎሳናፐ አትና፥ ሀራ አይ አሳካ ዎይ አይ ጾሳካ ዎስያዌ ጋሞቱዋ ኦላን ኦለታናዳን አዋያበይኪየ?” ያጊደ አዋዩዋባ ሃሳዬድኖ። ካቲ ዛሪደ፥ “አዋያድ፤ አዋዩ ሻረተና ሜዶናቱዋነ ፓርሰቱዋ ህግያዳን ምኔዳዋ” ያጌዳ።
DAN 6:13 ኡንቱንቱ፥ “ካትያዉ፥ ያትና ሄኮ ይሁዳፐ ኦሞደቲደ፥ ዬዳዋንቱፐ እቱዋ ግድያ ዳኔል፥ ነዉካ ኔን ፓራማደ ከሴዳ ነ አዋዮካ አዛዘተና። እ ሀእካ ሀች ሀች ሄዙ ገደ ባረ ጾሳ ዎሴ” ያጌድኖ።
DAN 6:14 ካቲ ሄዋ ስሴዳ ዎደ ሎይꬅ ካዮቴዳ፤ ዳኔላ አሻናዉ ቆፋ ቃቺደ፥ አዋይ ዉላና ጋካናዉ፥ አሽያ ኦግያ ኡባ ኮዬዳ።
DAN 6:15 ሄ ዎደ አሳቱ እትፐ ካትያኮ ቢደ፥ “ካትያዉ፥ ሜዶናቱዋነ ፓርሰቱዋ ህግያዳን ግዶፐ፥ ካቲ አዋዬዳ አዋዩ ዎይ አዛዜዳ አዛዙ ላመተናዋ ነዉ ኤራ” ያጌድኖ።
DAN 6:16 ሄዋ ድራዉ፥ ካቲ አዛዝና፥ ዳኔላ አሂደ፥ ጋሞቱዋ ኦላን ኦሌድኖ። ካቲ ዳኔላ፥ “ኔን ኡባ ገደ ጎይንያ ጾሳይ ኔና አሾ” ያጌዳ።
DAN 6:17 ኡንቱንቱ ሹቻ አሂደ፥ ኦላ ዶና ባሬድኖ፤ ዳኔላ ቦላ ኦሰቴዳባይ ላመተና ማላ፥ ካቲ ባረ ማታፋነ ባረ ካዉተꬃ ካፓቱዋ ማታፋ ጎርዴዳ ሹቻ ቦላ ዎꬄዳ።
DAN 6:18 ሄዋፐ ጉይያን፥ ካቲ ባረ ጎልያ ስሚደ፥ ቁማ ሜናንነ ፓሽክስያዋ አያካ ባረኮ ሺሸናን፥ ገምእሹዋና ꬋዪደ አቄዳ።
DAN 6:19 ዎንታ ጉራን ካቲ ደንዲደ፥ ኤሌሊደ ጋሞቱዋ ኦላኮ ቤዳ።
DAN 6:20 ኦላኮ ጋኪደ ካዩዋን፥ “ደኡዋ ጾሳ ቆማዉ ዳኔላ፥ ኔን ኡባ ገደ ጎይንያ ነ ጾሳይ ኔና ጋሞቱዋፐ አሻናዉ ዳንዳዬዴ?” ያጊደ ጼሴዳ።
DAN 6:21 ዳኔል ዛሪደ፥ “ካትያዉ፥ መꬍናዉ ደአ!
DAN 6:22 ታ ጾሳይ ባረ ኪታንቻ ኪቲደ፥ ጋሞቱዋ ዶና ጎርዴዳ፤ ኡንቱንቱ ታና ቦችበይክኖ። አያዉ ጎፐ፥ ታን አ ስንꬃን ጽሉዋ። ቃይ ካዎ፥ ታን ነ ስንꬃንካ ኢታባ ኦꬃበይከ” ያጌዳ።
DAN 6:23 ካቲ ሎይꬅ ናሸቴዳ፤ ዳኔላ ኦላፐ ከሳናዳን አዛዜዳ። ዳኔል ኦላፐ ከሴዳ፤ ባረ ጾሳን እ አማነቴዳ ድራዉ፥ አ ቦላን አያ ደሸቴዳ ሳአይካ ቤትቤና።
DAN 6:24 ሄዋፐ ጉይያን፥ ዳኔላ ሞቴዳ አሳቱዋ አሀናዳን ካቲ አዛዜዳ። ኡንቱንቱ ኦይቀቲደ፥ ባረንቱ ማጫ አሳናነ ባረንቱ ናናቱዋና እትፐ ዪደ፥ ኡባይካ ጋሙዋ ኦላን ኦለቴድኖ። ኡንቱንቱ ኦላ ዉርሰꬃ ጋከናን ደእሽን፥ ጋሞቱ ሶጲ አኪደ፥ ኡንቱንቱ መቀꬃ መንሬꬄድኖ።
DAN 6:25 ሄዋፐ ጉይያን፥ ካቲ ዳርዮሰ አሳ ኡባዉ፥ ካዉተꬃቶ ኡባዉነ ዱማ ዱማ ቃላን ሃሳይያ ዛረቶ ኡባዉ ሀዋዳን ያጊደ ጻፌዳ፦ “ሳሮ ደኢቴ!
DAN 6:26 “ታ ካዉተꬃን ደእያ አሳይ ኡባይ ዳኔላ ጾሳዉ ያያና ማላነ ኮኮራና ማላ፥ ታን አዋዩዋ ከሳድ። “አያዉ ጎፐ፥ እ ደኡዋ ጾሳ፤ ቃይ እ መꬍናዉ ደእያዋ። አ ካዉተꬃይ ሙለካ ꬋየና፤ አ ካተቱዋ ማታይካ ሙለ አተና።
DAN 6:27 እ አሼነ፥ መቱዋፐ ከስ አኬ። ሳሉዋንካ ሳንካ፥ ማላታነ ኦራꬃባ ኦꬄ። ዳኔላ ጋሞቱዋ ዶናፐ፥ አሼዳዌ አ!” ያጌዳ።
DAN 6:28 ሄዋ ድራዉ፥ ሀ ዳኔል ዳርዮሳ ካዉተꬃ ዎደነ ፓርስያ ቂሮሳ ካዉተꬃ ዎደ ኡባን እሻሊደ ደኤዳ።
DAN 7:1 ባብሎነ ካቲ በልሻጻር ካተቴዳ ኮይሮ ላይꬅ፥ ዳኔል ባረ አርሳን ዛቁሊደ፥ አኩሙዋነ ሳፃ በኤዳ። እ ባረ አኩሙዋን በኤዳ አይፈ የዎቱዋ ጻፌዳ።
DAN 7:2 ዳኔል ሀዋዳን ያጊደ ጻፌዳ፤ “ቃማ ታን ታ ሳጻን ሳሉዋፐ ዬዳ ኦይዱ ጫርኮቱ ዎጋ አባ ቡልአክሽን በኣድ።
DAN 7:3 ቃይ እቱ እቱዋፐ ዱማትያ ኦይዱ ዎልቃማ ዶአቱ አባፐ ከሴድኖ።
DAN 7:4 “ኮይሮ ዶአይ ጋሙዋ ማላቴ፤ ቃይ አዉ አንኩዋዳን ቀፊ ደኤ። ታ ጼልሽን፥ አ ቀፊ ሾደትና፥ ሳኣፐ ደንዲደ፥ አሳዳን ላኡ ገድያን ኤቃናዳን ኦሰቴዳ፤ ቃይ አሳ ዎዛናይካ አዉ እመቴዳ።
DAN 7:5 “ቃይ ላኤንꬆ ዶአይ እት ባጋ ꬎቁ ጊደ ኤቄዳ ባባንꬃ ግያ ኢታ ዶኣ ማላቴ። ሄ ዶአይ ሄዙ ጋይልያ መቀꬃ ባረ ዶናን ባሪደ፥ ባረ ማታን ሳእ ኦይቄዳ። ያቴዳዌ፥ ‘ደንዳደ ዳሮ አሹዋ ማ’ ጌተቴዳ።
DAN 7:6 “ሄዋፐ ስምና ቃይ፥ ማህያ ማላትያ ሀራ ዶኣ በኣድ። አ ዞክያን ካፉዋ ቀፍያ ማላትያ ኦይዱ ቀፈቱ ደኢኖ። ቃይ አዉ ኦይዱ ሁጰቱ ደኢኖ። ሀ ዶአዉ ሞድያ ማታይ እመቴዳ።
DAN 7:7 “ሄዋፐ ስምና፥ ቃማ ሳጻን ያሽያ፥ ዳጋንꬅያነ ሎይꬅ ምንያ ኦይደንꬆ ዶኣ በኣድ። አዉ ዎልቃማ ብራታ አቻቱ ደኢኖ። እ ባረናን ጋከቴዳዋ ኡባ ኡንቱንቱን መንሬꬂደ ሜነ አቴዳዋ ባረ ገድያን የሬꬄ። ካሰ ታ በኤዳ ዶአቱዋ ኡባፐ እ ዱማቴ፤ አዉ ታሙ ካጪ ደኤ።
DAN 7:8 ታን ሀ ካጨቱዋባ ቆፕሽና፥ ሄ ካጨቱዋ ግዶፐ ሀራ እት ጉꬃ ካጪ ከስሽን በኣድ፤ ሄ ካጪ የንኮ ካጨቱዋፐ ሄዛቱዋ ꬎቆሊደ ኦሌዳ። ሀ ካጭያዉ አሳ አይፍያ ማላትያ አይፊነ ኦቶሩዋን ሃሳይያ እንጻርሳይ ደኤ።
DAN 7:9 “ታን ሄዋ ጼልሽን፥ ካተቱዋ አራታቱ ኡተꬃዉ ጊጌድኖ። መꬍናፐ ደእያዌ ባረ አራታን ኡቴዳ። አ ማዩ ሻቻዳን፥ አ ሁጲያ ብናናይካ ፑቱዋዳን ቦꬃ። አ አራታይነ አራታ ይንግረꬃቱ ታማዳን ላጮቲኖ።
DAN 7:10 ታማ ሻፋይ አ ስንꬃፐ ፑልቲደ ከሴ። ሻአ ገደ ሻአቱ አዉ ኦꬂኖ፤ ቃይ ዳሮ ሚሎነቱ አ ስንꬃን ኤቄድኖ። ያት ደእሽን ፕርዳ ፕርድያዌ ዶመቴዳ፤ ማጻፋቱካ ዶየቴድኖ።
DAN 7:11 “ሀ ጉꬃ ካጪ ሃሳይያ ኦቶሮ ቃላይ ታዉ ስሰትያ ድራዉ፥ ታን ሀእካ ꬊሽሳደ ጼላድ። ታን ጼልሽን ሀ ዶአይ ሀይቂደ፥ ኤጽያ ታማን ኦለቲደ ꬋዬዳ።
DAN 7:12 የንኮ ሄዙ ዶአቱዋፐ፥ ኡንቱንቱ ማታይካ አከቴዳ፤ ሽን ኡንቱንቱ ኬረቴዳ ዎድያ ፓጻ ደእኖ ጌተቴድኖ።
DAN 7:13 “ቃይካ ታን ሄ ቃማ ሳጻን፥ አሳ ናኣ ማላትያዌ ሳሉዋ ሻርያና ይያዋ በኣድ። መꬍናፐ ደእያዋኮ ሺቅና፥ ኡንቱንቱ አ አ ስንꬃ አꬄድኖ።
DAN 7:14 አዉ ማታይ፥ ቦንቹነ ካዉተꬃይ እመቴዳ። አሳይ ኡባይ፥ ካዉተꬃቱ ኡባይነ ዱማ ዱማ ቃላን ሃሳይያ ዛራቱ ኡባይ አዉ ሞደቴድኖ። አ ማታይ መꬍናዉ ሻረተና ማታ፤ አ ካዉተꬃይ ሙለካ ꬋየናዋ።
DAN 7:15 “ታና ዳኔላ ግዶፐ፥ ታ በኤዳዋን ኡባን ዳጋማድ፤ ታ ሳጻይካ ታና ሻባርሴዳ።
DAN 7:16 ታን ሄዋ ኤቄዳዋንቱፐ እቱዋኮ ሺቃደ፥ ሀ ኡባዉ ቱሙ ብለꬃይ አየንቶ ኦቻድ። እ ታዉ አ ብለꬃ ኡባ ሀዋዳን ያጊደ ኦዴዳ፤
DAN 7:17 ‘ሀ ኦይዱ ዎልቃማ ዶአቱ ሀ ሳኣን ስንꬃፐ ደንዳና ኦይዱ ካዉተꬃቱዋ።
DAN 7:18 ሽን ኡባፐ ꬎቂያ ጾሳ ጌሻቱ አ ካዉተꬃ አኪደ፥ መꬍናዉ ባረሳ ኦꬃና፤ መꬍና ካዉተꬃ ኡንቱንቱ ላታና’ ያጌዳ።
DAN 7:19 “ሄዋፐ ጉይያን፥ ታን ሀራ ዶአቱዋ ኡባፐ ዱማቲደ ያሽያ ኦይደንꬆ ዶአዉ ደእያ ቱሙ ብለꬃ ኤራናዉ ኮያድ። ሄ ዶአዉ ብራታ አቻይነ ናሃሰ ብራታ ጹጉንꬃይ ደኤ፤ እ ባረናን ጋከቴዳዋ ኡባ መንሬꬂደ ሜነ ሚሽን አቴዳዋ ባረ ገድያን የሬꬄ።
DAN 7:20 ቃይ ሀ ዶኣ ሁጲያን ደእያ ታሙ ካጨቱዋባነ ቃይ ጉየፐ ከሲደ፥ ኡንቱንቱፐ ሄዛቱዋ ꬎቆል ኦሌዳ ቄር ካጭያባካ ኤራናዉ ኮያድ። ሄ ቄር ካጭያዉ አይፈቱነ ኦቶሮ ቃላ ሃሳይያ እንጻርሳይ ደኤ። ሄ ካጪ የንኮቱዋ ኡባፐ አꬍ ያሽያዋ።
DAN 7:21 ታን ጼልሽን፥ ሀ ካጪ ጌሻቱዋና ኦላ ጋከቲደ፥ ኡንቱንታ ጾኔዳ።
DAN 7:22 ሄዌ ሀኔዳዌ፥ መꬍናፐ ደእያዌ ያና ጋካናዉነ፥ ኡባፐ ꬎቂያ ጾሳ ጌሻቶ ፕርዳይ ፕርደታና ጋካናሳ፤ ኡንቱንቱ ካዉተꬃ ላትያ ዎዲካ ጋኬዳ።
DAN 7:23 “እ ታዉ ብለꬃ ሀዋዳን ያግ ኦዴዳ፤ ‘ኦይደንꬆ ዶአይ ሀ ሳኣን ስንꬃፐ ደንዳና ኦይደንꬆ ካዉተꬃ። ሄ ካዉተꬃይ ሀራ ካዉተꬃ ኡባፐ ዱማ፤ ቢታ ሳኣ እ ማና፥ የꬋናነ መንሬꬃና።
DAN 7:24 ቃይ ታሙ ካጨቱ ሀ ካዉተꬃቱዋፐ ደንዳና ታሙ ካተቱዋ። ሄዋፐ ጉይያን፥ ካሰ ታሙ ካተቱዋፐ ዱማትያ ሀራ ካቲ ደንዳና። እ ኡንቱንቱፐ ሄዙ ካተቱዋ ጾኒደ ሞዳና።
DAN 7:25 እ ኡባፐ ꬎቂያ ጾሳ ቦላ ጻሊደ ሃሳያና፤ አ ጌሻቱዋካ ኡቁናና። ቃይ ዎደቱዋነ ዎጋ ላማናዉ ቃቃታናዋ። ዎዲ፥ ዎደቱነ ዎድያ ባጋይ ጋካናዉ ጌሻቱ አ ማታፐ ጋርሳና ሞደታና።
DAN 7:26 “ ‘ሽን ሄዋፐ ጉይያን፥ ፕርዳ ፕርድያዌ ዶመታና፤ አ ማታይ ሙሊ አከታና፤ እ መꬍናዉ ꬋያና።
DAN 7:27 ሳሉዋፐ ጋርሳና ደእያ ካዉተꬃቱዋ ኡባ ማታይ፥ ዎልቃይነ ግታተꬃይ ኡባፐ ꬎቂያ ጾሳ ጌሻ አሳቶ እመታና። አ ካዉተꬃይካ መꬍና ካዉተꬃ ግዳናዋ፤ ሳኣ ሞድያዋንቱ ኡባቱ አዉ አዛዘታናነ አዉ ኦꬃና’ ያጌዳ።
DAN 7:28 “ታ ሳጻባይ ሀዋን ዉሬዳ። ታን ዳኔል፥ ታ ቆፋን ዳሮ ሻባረታድ፤ ታ ሶምኢካ ሄዋ ኤርሴ። ሽን ኡባባካ ታን ታ ዎዛናን ዎꬃድ” ያጊደ ጻፌዳ።
DAN 8:1 በልሻጻር ካተቴዳ ሄዘንꬆ ላይꬅ፥ ታን ዳኔል ሀዋፐ ካሰ በኤዳ ሳጻፐ ሀራ ሳፃ በኣድ።
DAN 8:2 ሄ ሳጻን አያ በኣድታ ጎፐ፥ ኤላማ ጋድያን ሱሳ ግያ ካታማን፥ ኡላያ ግያ ሻፋ ማታን ኤቄዳ ታና በኣድ።
DAN 8:3 ሄ ሻፋ ማታን ላኡ አዱሳ ካጨቱ ደእያ ዶርሳ ኦርጊ ኤቄዳ። ላኡ ካጨቱዋፐ እቱ ጉየፐ ዶሌዳ፤ ሽን ኮይሮ ዶሌዳዋፐ አዱቄ።
DAN 8:4 ሄ ዶርሳ ኦርጊ ባረ ካጭያን ቃይጫናዉ፥ አዋይ ዉልያ ባጋ፥ ሁጲሳ ባጋናነ ገድሳ ባጋ ንግሽን በኣድ። አናና ኤቀታናዉነ አ ዎልቃፐ ከስ አካናዉ አይ መሂካ ዳንዳይቤና። እ ባረ ኮዬዳዋ ኦꬄዳ፤ ያቲደ ባረና ግታዬዳ።
DAN 8:5 ታን ሀ ሳጻባ ቆፕሽን፥ እት ዴሻ ኦርጊ አዋይ ዉልያ ባጋፐ ከሲደ፥ ቢታ ሳኣ አꬊደ፥ ገዲ ሳኣ የናን ዬዳ፤ አዉ ላኡ አይፈቱዋፐ ግዱዋን እት ዎጋ ካጪ ደኤ።
DAN 8:6 እካ ዳሮ ሀንቁዋና ዲሲደ፥ ሻፋ ማታን ታን በኤዳ ላኡ ካጭያና ደእያ ዶርሳኮ፥ ዋታዉ ንጊደ ዬዳ።
DAN 8:7 ጋኪደ፥ ዳሮ ይሎቲደ፥ ታን ጼልሽን፥ ዶርሳ ኦርግያ ካጨቱ ላኡካ መአና ጋካናዉ፥ ኢታ ዶምኤꬃ ዶምኤዳ። ዶርሳ ኦርግያዉ አናና ኤቀታናዉ ዎልቃይ ባዋ፤ ሄዋ ድራዉ፥ ዴሻ ኦርጊ አ ኩንድሲደ፥ የꬍ ኤቄዳ። ዴሻ ኦርግያ ዎልቃፐ ሄ ዶርሳ ኦርግያ አሽያዌ ባዋ።
DAN 8:8 ሄ ዴሻ ኦርጊ ሎይꬅ ግታቴዳ፤ ሽን አ ዎልቃይ ዳር ዳር ብያ ዎደ፥ አ ዎጋ ካጪ መኤዳ፤ ኤለካ፥ ኦይዱ ዎጋ ካጨቱ ቢታዉ ኦይዱ ባጋ ስሚደ ድጬድኖ።
DAN 8:9 ሀ ኦይዱ ካጨቱዋፐ እቱዋ ቦላ ሀራ ጉꬃ ካጪ ዶሊደ፥ ዎልቃን ገድሳኮ፥ አዋይ ዶልያ ባጋ እስራኤልያ ጋድያኮ ስሚደ ድጬዳ።
DAN 8:10 እ ቢደ ሳሉዋን ደእያ ኦላንቻቱዋ ጋካናዉ ድጬዳ፤ ሳሉዋ ጾልንተቱዋፐ ኡንደናዋንታ ሳኣን ዱገ ኦሊደ፥ ኡንቱንታ የꬌዳ።
DAN 8:11 ቃይ እ ባረና ꬎቁ ኦꬂደ፥ ኦላንቻቱዋ ጋዳዉዋ ጾሳና ልክሴዳ። ሀቼ ሀች አሳይ ያርሽያ ጹገትያ ያርሹዋካ ተኤዳ። ቃይ አ ጌሻ ጎልያካ ቱንሴዳ።
DAN 8:12 ማካላ ጋሱዋን ጌሻቱዋ ኦላንቻቱነ ሀች ሀች ያርሽያ ያርሹ ሄ ካጭያዉ እመቴዳ። ቱሙካ ሳኣን ኦለቴዳ፤ ሄ ካጪ ኦꬅያባይ ኡባይ አዉ እንጀቴዳ።
DAN 8:13 ሄዋፐ ጉይያን፥ እት ጌሻ ኪታንቻይ ሃሳይሽን ታን ስሳድ። የንኮ ጌሻ ኪታንቻይ ሀ ኪታንቻ፥ “ሀ ሀች ሀች ያርሽያ ያርሹዋባ፥ ሀ ማካላይ አህያ ባሻባነ ሳሉዋ ኦላንቻቱነ ጌሻ ሳአይ የቲደ ደአናባ ኦድያ ሳጻይ አዉደ ፖለታኔ?” ያጊደ ኦቼዳ።
DAN 8:14 እ ዛሪደ፥ “ላኡ ሻኣነ ሄዙ ጼቱ ዎንታይነ ኦማርሳይ ጋካናዉ ጋምአና፤ ሄዋፐ ጉይያን፥ ጌሻ ጎሊ ጌያና” ያጊደ ኦድሽን ስሳድ።
DAN 8:15 ታን፥ ዳኔል፥ ሀ ሳፃ በኣደነ አ ብለꬃ ኤራናዉ ቆፓደ ደእሽን፥ እት አሳ ማላትያዌ ታ ስንꬃን ኤቄዳዋ በኣድ።
DAN 8:16 ቃይ ታን ኡላያ ሻፋፐ፥ “ጋብሬላ፥ ሀ ብታንያዉ ሀ ሳፃ ብለꬃ ኦዳ” ያግያ ኮሻ ስሳድ።
DAN 8:17 እ ዪደ ታን ኤቄዳ ሳኣ ማቴዳ ዎደ፥ ታን ዳጋማደ፥ ታ ሶምኡዋ ቢታዉ ዱገ ዛራደ ኩንዳድ። እ ታና፥ “አሳ ናአዉ፥ ሀ ሳጻይ ዉርሰꬃ ዎድያባ በስያዋ ግድያዋ አኬካ” ያጌዳ።
DAN 8:18 እ ታናና ሃሳይያ ዎደ፥ ታን ሳኣን ጉፋናደ፥ ገምእሹዋ ካይሮታድ። ያትና፥ እ ታና ሳኣፐ ፑደ ደንꬂደ፥ ታ ገድያን ኤሴዳ።
DAN 8:19 ታና፥ “ስሳ፥ ታን ጾሳ ሀንቁዋ ዉርሰꬃን ሀናናዉ ደእያዋ ኦዳይ፤ አያዉ ጎፐ፥ ሀ ሳጻይ ጾሳይ ኬር ዎꬄዳ ዉርሰꬃ ዎድያን ሀናናባ ኦዴ።
DAN 8:20 “ኔን በኤዳ ላኡ ካጭያና ደእያ ዶርሳ ኦርጊ ሜዶናነ ፓርሰ ካተቱ ሌምሱዋ።
DAN 8:21 ዴሻ ኦርጊ ቃይ ግሪከ ካትያ ሌምሱዋ፤ አ ላኡ አይፈቱዋፐ ግዱዋን ደእያ ዎጋ ካጪ ኮይሮ ካትያ።
DAN 8:22 ካጪ መእ ዎꬍና፥ አ ሳኣን ዶሌዳ ኦይዱ ካጨቱ አ ካዉተꬃፐ ሻከቲደ ከሳና ኦይዱ ካዉተꬃቱዋ ሌምሱዋ፤ ሽን ኡንቱንቱ ዎልቃይ ኮይሮዋ ዎልቃ ጋከና።
DAN 8:23 “ኡንቱንቱ ካዉተꬃ ዉርሰꬃይ ጋክያ ዎደነ ኡንቱንቱ ማካላይ ዛዋ ጋክያ ዎደ፥ እት መቀꬃ ኢታነ ጭምያ ጭንጫ ካቲ ደንዳና።
DAN 8:24 እ ሎይꬅ ምኖ ግዳና፤ ሽን ባረ ዎልቃና ግደና። ዳጋንꬅያ ባሻ እ ባይዛና፤ እ ኦꬅያባይ ኡባባይ አዉ እንጀታና። እ ምኖ አሳቱዋነ ጌሻ አሳቱዋ ꬋይሳና።
DAN 8:25 እ ጭምያ ድራዉ፥ አዉ እንጀታና፤ ቃይ እ ባረና ኡባፐ ꬎቁ ꬎቁ ኦꬃና። ኡንቱንቱ ሳአይ ሳራ ግ ደእሽን፥ ኡንቱንቱፐ ዳሮቱዋ ዎꬋና፤ ቃይ ካፓቱዋ ካፑዋና ኤቀታና። ሽን አሳይ ቦቼናን እ ባረዉ ꬋያና።
DAN 8:26 “ነዉ ኦደቴዳ ላኡ ሻአነ ሄዙ ጼቱ ዎንታነ ኦማርሳ ጼልያ ሳጻይ ቱማ፤ ሽን ዳሮ ዎድያፐ ጉይያን ፖለታናዉ ደእያ ድራዉ፥ ጎርዳደ ማታፋ አ ቦላ ዎꬃደ ናጋ” ያጌዳ።
DAN 8:27 ታን ዳኔል፥ ሎይꬅ ዳቡሬዳ ድራዉ፥ ሳከታደ ዳሮ ጋላሳ ግሳድ። ሄዋፐ ጉይያን ደንዳደ፥ ካትያ ኦሱዋ ባድ። ሀ ሳጻን ታን ሎይꬅ ሻቢረታድ፤ አኬካናዉካ ዳንዳያበይከ።
DAN 9:1 ሜዶና ቢታ አሳ ግድያ አርጸክስሳ ናአይ ዳርዮሰ ባብሎነን ካተቴዳ።
DAN 9:2 እ ካተቴዳ ኮይሮ ላይꬅ፥ ታን ዳኔል፥ ጌሻ ማጻፋቱዋ ናባባድ፤ ትምቢትያ ኦድያ ኤርማሳዉ መꬍና ጎዳይ ኦዴዳዋዳን የሩሳላመ ላፑን ታሙ ላይꬃ ኮለቲደ ጋምአናዉ ደእያዋ አኬካድ።
DAN 9:3 ሄዋ ድራዉ፥ ታን ጎዳ ጾሳኮ ስማደ፤ ማቃ ማያደ፥ ብድንꬃ ታ ሁጲያ ቦላ ቆላደ፥ ጾማደ፥ አ ዎሳይነ አዉ ዋትዋታይ።
DAN 9:4 ታን ናጋራ ፓጻደ፥ መꬍና ጎዳ ታ ጾሳ ሀዋዳን ያጋደ ዎሳድ፤ “አቤት ጎዳዉ፥ ዎልቃማነ ያሽያ ጾሳዉ፥ ኔና ሲቅያዋንቶነ ነ አዛዞ ኤኖ ግያዋንቶዉ ነ አገና ሲቁዋነ ጫቁዋ ናግያዎ፥
DAN 9:5 ኑን ናጋራ ኦꬄዶነ ባሌዶ፤ ኑን ኢታባ ኦꬄዶነ ማካሌዶ፤ ነ አዛዙዋፐነ ነ ዎጋፐ ዎራ ስሜዶ።
DAN 9:6 ኑ ካተቶ፥ ኑ ካፓቶ፥ ኑ አዋቶነ ሳኣን ደእያ አሳ ኡባዉ ነ ሱንꬃን ትምቢትያ ኦዴዳ ነ ቆማቱ ኦዴዳዋ ስሰናን እጼዶ።
DAN 9:7 “አቤት ጎዳዉ፥ ኔን ጽሉዋ፤ ሽን ኑን ሀች ዬላ ማዬዶ። ይሁዳንነ የሩሳላመን ደእያ አሳይ ኡባይ፥ ኑን ነዉ አማነተናን እጽና፥ ኔን ሃኮ ቢታንነ ማታ ጋድያን ላሌዳ እስራኤልያ አሳይ ኡባይ ዬላቴዶ።
DAN 9:8 አቤት መꬍና ጎዳዉ፥ ኑን፥ ኑ ካተቱ፥ ኑ ካፓቱነ ኑ አዎቱ ኔና ናቄዳ ጋሱዋን ዬላ ማዬዶ።
DAN 9:9 ሽን ኑን አዉ ማካሌዳባ ግዶፐካ፥ ጎዳይ ኑ ጾሳይ ማርያዋነ አቶ ያግያዋ።
DAN 9:10 ኑን መꬍና ጎዳዉ፥ ኑ ጾሳዉ፥ አዛዘትቦኮ፤ ቃይ ትምቢትያ ኦድያ ባረ ቆማቱ ባጋና እ እሜዳ አ ህግያ ናግበይኮ።
DAN 9:11 እስራኤልያ አሳይ ኡባይ ነ ህግያ መንꬂደ፥ ዎራ ስሜድኖ፤ ነ አዛዞካ ኤኖ ግበይክኖ። “ኑን ነ ቦላ ናጋራ ኦꬄዳ ድራዉ፥ ጾሳ ቆማ ሙሴ ህግያ ማጻፋን ጻፈቴዳ ሸቃይነ ፕርዳይ ኑ ቦላ ትገቴዳ።
DAN 9:12 ቃይ ኑ ቦላነ ኑና ካለꬅያዋንቱ ቦላ ዎልቃማ ባሻ አሀናዉ ኔን ሃሳዬዳ ቃላ ኑ ቦላ ፖላዳ። አያዉ ጎፐ፥ የሩሳላመ ቦላ ጋኬዳዋ ማላይ ሳሉዋፐ ጋርሳን ሀራ ጋድያ ቦላ ሙለካ ጋክቤና።
DAN 9:13 ሙሴ ህግያን ጻፈቴዳዋዳን፥ ሀ ባሻይ ኡባይ ኑ ቦላ ጋኬዳ። ኑ ናጋራፐ ስምበይኮ፤ ነ ቱሙዋ ስስበይኮ፤ ኔና፥ መꬍና ጎዳ ኑ ጾሳካ ማሮታ ኦችበይኮ።
DAN 9:14 መꬍና ጎዳይ ሀ ባሻ ኑ ቦላን አሀናዉ ጉየ ግቤና፤ አያዉ ጎፐ፥ መꬍና ጎዳይ ኑ ጾሳይ ባረ ኦꬅያባን ኡባን ጽሉዋ፤ ሽን ኑን አዉ አዛዘተናን እጼዶ።
DAN 9:15 “አቤት ጎዳዉ፥ ኑ ጾሳዉ፥ ካሰ ነ አሳ ነ ምኖ ኩሽያን ግብጼፐ ከሳደ፥ ሀቼዋዳንካ ነ ሱንꬃ ጼስሴዳዎ፥ ኑን ናጋራ ኦꬄዶ፤ ኑን ባሌዶ።
DAN 9:16 አቤት ጎዳዉ፥ ኔን ካሰ ነ ጽሎ ኦሱዋ ኡባ ኦꬄዳዋዳን፥ ሀእ ነ ሀንቁዋነ ነ ቦሻነ ነ ካታማፐ፥ የሩሳላመፐ፥ ነ ጌሻ ደርያፐ፥ ዎራ ዛራ። ኑን ኦꬄዳ ናጋራይነ ኑ አዎቱ ኦꬄዳ ባይዙ የሩሳላመነ ነ አሳነ ኑ ዩሹዋን ደእያ ኡባዉ ቅሊጩዋ ከሴዳ።
DAN 9:17 “ስም ሀእ ኑ ጾሳዉ፥ ታን ነ ቆማይ ዎስያ ዎሳነ ዋትዋቱዋ ስሳ። ጾሳዉ፥ ነ ሱንꬃ ድራዉ ጋደ፥ ሀ ኮለቴዳ ነ ጌሻ ጎልያ ነ ኬካ አይፍያን ጼላ።
DAN 9:18 አቤት ታ ጾሳዉ፥ ነ ሀይꬃ ኑኮ የጋደ ስሳ፤ ነ አይፍያካ ዶያደ፥ ነ ሱንꬃን ጼሰቴዳ ካታማ ባየꬃ ጼላ። ኑን ነዉ ዋትዋትያዌ፥ ኑ ጽሎተꬃ ድራዉ ግደናን፥ ነ ዎልቃማ ማሮተꬃ ድራሳ።
DAN 9:19 “አቤት ጾሳዉ፥ ስሳ! አቤት ጾሳዉ፥ አቶ ጋ! አቤት ጾሳዉ፥ ሀይዛነ ኦꬃ! ነ ካታማይነ ነ አሳይ ነ ሱንꬃን ጼሰቴዳ ድራዉ፥ አቤት ታ ጾሳዉ፥ ነ ሱንꬃ ድራዉ ጋምኦፓ” ያጋድ።
DAN 9:20 ታን ዎሳደ፥ ታ ናጋራነ ታ አሳ እስራኤልያ ናጋራ ፓጻደነ ታ ጾሳ ጌሻ አሳባ፥ የሩሳላመባ መꬍና ጎዳዉ ታ ጾሳዉ ዋትዋታደ ታካድ።
DAN 9:21 ሄዋዳን ሀናደ ታን ደእሺና፥ ካሰ ሳጻን ታን በኤዳ ጋብሬል፥ ታኮ ኤለካ ፓሊደ፥ ኦማርሳ ያርሹዋ ያርሽያ ሳትያን ፑቱ ጌዳ።
DAN 9:22 እ ሀዋዳን ያጊደ፥ ታዉ ኦዴዳ፤ “ዳኔላ፥ ታን ኤራነ አኬካ ነዉ እማናዉ ሀእ ያድ።
DAN 9:23 ኔን ብሮ ዎሳ ዶሞደ ነ ዎሳ ዛሩ እመቴዳ፤ ታንካ ሄዋ ነዉ ኦዳናዉ ያድ። አያዉ ጎፐ፥ ጾሳይ ኔና ሎይꬅ ዶሴ። ሄዋ ድራዉ፥ ታን ኦድያዋ ቆፓ፤ ሳጻካ አኬካ።
DAN 9:24 “ላፑ ገደ ላፑን ታሙ ላይꬃይ ጾሳይ ነ አሳዉነ ነ ጌሻ ካታማዉ ኬሬዳ ዎድያ። ሄ ዎደቱዋን ናቁ ዉራና፤ ናጋራ ኦሱ አታና፤ ባይዙ ማረታና፤ መꬍና ጽሎተꬃይ ገላና፤ ሳጻይነ ትምቢቲ ፖለታናነ ኡባፐ አꬌዳ ጌሻ ሳአይ ኦከታና።
DAN 9:25 “ሄዋ ድራዉ፥ ሀዋ ኤራነ አኬካ። የሩሳላመ ካታማይ ኦራጻናዳንነ ኬጸታናዳን አዛዙ ከሴዳ ጋላሳፐ ቢደ ካፑ ኦከቶዌ ያና ጋካናዉ፥ ላፑን ገደ ላፑኑነ ኡሱፑን ታማነ ላኡ ገደ ላፑን ላይꬃይ አꬋና። ሄዋን የሩሳላመ ካታማይ ኦራጻና፤ ኦገቱካ ዩሹዋ ግምበቱካ ኦሰታና። ሽን ግምበትያ ዎዲ መቶ ዎደ ግዳናዋ።
DAN 9:26 “ኡሱፑን ታማነ ላኡ ገደ ላፑን ላይꬃፐ ጉይያን፥ ኦኬቴዳዋ አሳይ ዎꬋና። አ ማታን አያይነ ባዋ። ይያ ካፑዋ አሳይ፥ ካታማነ ጌሻ ጎልያ ላላና። ሄ ካታማ ዉርሰꬃይ ድኡዋዳን አኬከናን ያና። ሄ ዎድያፐ ቢደ ዉርሰꬃይ ጋካናዉ፥ ኦላነ ባሻ አዋዬዳ።
DAN 9:27 ሄ ካፑ ላፑን ላይꬃይ ግዶን አሳና ምኖ ጫቁዋ ጫቀታናዋ። ሄ ላፑን ላይꬃቱዋ ግዶ ግሸቻን እ ያርሹዋ ያርሽያዋነ እሞታ እምያዋ ድጋና። ጌሻ ጎልያዉ ግዶ ግሸቻን ባየꬃ ቱናተꬃ እ ኤሳና። ዉርሰꬃን አዋየቴዳ ቦሻይ አ ቦላ ትገታናዋ” ያጌዳ።
DAN 10:1 ፓርሰ ካቲ ቂሮስ ካተቴዳ ሄዘንꬆ ላይꬅ፥ ብልጻሶረ ግያ ዳኔላዉ ሀራ ሳጻይ ቆንጬዳ። ሄ ሳጻን ቆንጬዳዌ ቱማ፤ ቆንጬዳዌካ ዎልቃማ ኦላባ። ሄ አኬካይ አዉ እመቴዳዌ ሳጻና።
DAN 10:2 ሄ ዎደ ታን፥ ዳኔል፥ ሄዙ ሳምንታ ዬካድ።
DAN 10:3 ሄዙ ሳምንታይ ዉራና ጋካናዉ ሎኦ ቁማ ማበይከ፤ አሹ ዎይ ዎይንያ ኤሳይ ታ ዶናኮ ሺቅቤና። ታ ሁጲያካ አያነ ኦከታበይከ።
DAN 10:4 ኮይሮ አግናን ላታማነ ኦይደንꬆ ጋላሳን፥ ጸግሮሳ ግያ ዎልቃማ ሻፋ ማታን ታን ኤቃደ ጼላድ፤
DAN 10:5 ላይኑዋ ግያ ማዩዋ ማዬዳ እት ብታንያ በኣድ። እ ባረ ጼሳን በርተ ዎርቃፐ ኦሰቴዳ ሳቂያ ዳንጨዳ።
DAN 10:6 አ ቦላይ ጶልያ እንቁዋ ማላቴ፤ አ ሶምኢ ዋልቃንꬃዳን ጶልቁ ጌ፤ አ አይፈቱካ ታማ ላጩዋ ማላቲኖ፤ አ ኩሺነ አ ገዲ ቁጨቴዳ ናስያ ብራታዳን ፖእሴ፤ አ ቃላይካ ዳሮ አሳይ ሃሳይያ ቃላዳን ሀኔ።
DAN 10:7 ሀ ሳፃ ታን ዳኔል ታረካ በኣድ። ታናና ደእያ አሳቱ በእበይክኖ፤ ኡንቱንቱ ሎይꬅ ዳጋሜዳ ድራዉ፥ ባቃት ቆሰቴድኖ።
DAN 10:8 ታን ሀ ዎልቃማ ሳፃ ጼላደ፥ ታረካ አታድ፤ ታዉ ዎልቃይ እጽና ዳቡራድ፤ ታ ሶምኢ ሎይꬅ ቡላቴዳ።
DAN 10:9 ሄ ዎደ ታን እ ሃሳይያዋ ስሳድ፤ ቢታን ዱገ ታ ሶምኡዋን ጉፋናድ፤ ገምእሹዋ ታይሮታድ።
DAN 10:10 ሄዋፐ ጉይያን፥ እት ኩሺ ታና ቦቼዳ፤ ታን ኮኮራደ ደእሺና፥ ታና ታ ኩሽያንነ ታ ጉልባታን ደንꬂደ ኤሴዳ።
DAN 10:11 እ ታና፥ “ላ፥ ጾሳይ ሎይꬅ ሲቄዳ ዳኔላ፥ ታን ነዉ ኦድያ ቃላ ሎይꬃደ አኬካ፤ ደንዳ ኤቃ። አያዉ ጎፐ፥ ታን ኔኮ ኪተታደ ያድ” ያጌዳ። እ ታና ሀዋዳን ያግና፥ ታን ኮኮራደ ደንዳ ኤቃድ።
DAN 10:12 ቃይካ እ ሀዋዳን ያጌዳ፤ “ዳኔላ፥ አይነ ያዮፓ! አያዉ ጎፐ፥ ኔን አኬካ ደማናዉ ቆፋ ቃቼዳነ ነ ጾሳ ስንꬃን ነ ሁጲያ ካዉሼዳ ኮይሮ ጋላሳፐ ዶሚደ፥ ነ ዎሳይ ስሰቴዳ፤ ታንካ ሄዎ ዛሩዋ አካደ ያድ።
DAN 10:13 ሽን ፓርሰ ካዉተꬃ ካፑዋ ግድያ አያናይ ላታማነ እት ጋላሳ ታና ተኤዳ። ታን ታረካ ፓርሰ ካዉተꬃ ካፑዋና ያን አታድ። ሄዋ ድራዉ ኪታንቻቱዋ ካፓቱዋፐ እቱ፥ ምካኤል ታና ማዳናዉ ዬዳ።
DAN 10:14 ታን ሀእ ኔኮ ዬዳዌ፥ ዉርሰꬃ ጋላሳቱዋን ነ አሳ ቦላ ሀናናዉ ደእያዋ ነዉ ቆንጭሳናሳ፤ አያዉ ጎፐ፥ ሀ ሳጻይ ስንꬃፐ ሀናናዉ ደእያዋ” ያጌዳ።
DAN 10:15 እ ሄዋ ታዉ ኦድያ ዎደ፥ ታን ታ ሶምኡዋን ጹጉናደ፥ ግያዋ ꬋያድ።
DAN 10:16 ሄዋፐ ጉይያን፥ አሳ ማላትያ እቱ ታ መተርሻ ቦቼዳ፤ ታ ዶናይ ዶየትና፥ ሃሳያ ዶማድ። ታ ስንꬃን ኤቄዳዋ ሀዋዳን ያጋድ፤ “ታ ጎዳዉ፥ ሀ ሳጻን ታን ሎይꬅ ዳጋሜዳ ድራዉ፥ ዳሮ ዳቡራድ።
DAN 10:17 ታን ነ ቆማይ ኔናና ታ ጎዳና ሃሳያናዉ ዎታ ዳንዳያይታ? ታ ዎልቃይ ዉሬዳ፤ ሸምፓናዉካ ታዉ እጸቴዳ” ያጋድ።
DAN 10:18 ሄ አሳ ማላትያ እቱ ላኤንꬁዋካ ታና ቦቺደ፥ ታዉ ዎልቃ እሜዳ።
DAN 10:19 ያቲደ ታና፥ “ላ፥ ጾሳይ ሎይꬅ ሲቄዳ ብታንያዉ፥ አይነ ያዮፓ! ሳሩ ነዉ ግዶ። ሀእ ስም ምና፤ ኤ ምና” ያጌዳ። እ ሄዋዳን ጊና፥ ታን ምናድ፤ “ታ ጎዳዉ፥ ኔን ታና ምንሶ ድራዉ፥ ሀእ ኦዳ” ያጋድ።
DAN 10:20 እ ዛሪደ፥ “ታን ኔኮ አያዉ ያድታንቶ ኤራይ? ሀእ ታን ስማደ ባደ፥ ፓርሰ ካፑዋ ግድያ አያናና ኦለታና፤ ቃይ ታን ቢና፥ ግሪከ ካፑዋ ግድያ አያናይ ያና።
DAN 10:21 ሽን ታን ነዉ ቱሙዋ ማጻፋን ጻፈቴዳዋ ኦዳና። ታን ኡንቱንቱና ኦለትያ ዎደ፥ ህንተ ካፑዋ ምካኤለፐ አትና፥ ታና ማድያ ሀራይ እቱነ ባዋ።
DAN 11:1 “ሜዶና ቢታ አሳ ግድያ ዳርዮስ ካተቴዳ ኮይሮ ላይꬃን፥ ታን አ ማዳናዉነ ምንሳናዉ አ ምይያን ኤቃድ።
DAN 11:2 “ሀእ ስም ታን ነዉ ቱሙዋ ኦዳይ። ሀራ ሄዙ ካተቱ ፓርሰ ቢታን ካተታና፤ ቃይ ኡንቱንቱፐ ጉይያን ካተትያ ኦይደንꬆ ካቲ፥ ካሰዋንቱ ኡባቱዋፐ አꬌዳ ዱረ ግዳናዋ። እ ባረ ዱረተꬃ ጋሱዋን ዎልቃ ደምያ ዎደ፥ አሳይ ኡባይ ግሪከ ካዉተꬃና ኦለታና ማላ ደንꬃና።
DAN 11:3 “ሄዋፐ ጉይያን፥ ዎልቃን ሞድያ ምኖ ካቲ ደንዳናዋ፤ ባረ ኮዬዳዋ ኡባ ኦꬃና።
DAN 11:4 እ ደንዴዳዋፐ ጉይያን፥ አ ካዉተꬃይ ዱጸረቲደ፥ ኦይዱ ሳኣን ሻከታና። አ ዛረꬅ አ ካዉተꬃ ላትክኖ፤ እ አይስያ ዎደዋዳን ካዉተꬃዉ ዎልቃይ ደኤና። አያዉ ጎፐ፥ አ ካዉተꬃይ አፐ አከቲደ፥ ሀራቶ እመታና።
DAN 11:5 “ገድሳ ቢታ ካቲ ምኖ ግዳናዋ፤ ሽን አ ካፓቱዋፐ እቱ አፐ አꬍ ምኒደ፥ ሄ ዎልቃማ ካዉተꬃ ሞዳና።
DAN 11:6 “ጉꬃ ላይꬃፐ ጉይያን፥ ገድሳ ቢታ ካቲነ ሁጲሳ ቢታ ካቲ ባረንቱ ግዶን ዳቦተꬃ ጫቁዋ ጫቀታናዋንታ። ገድሳ ቢታ ካትያ ናታ ሁጲሳ ቢታ ካትያ ገላናኑ፤ ሽን እዝ ዎልቃይካ ምነና፤ ቃይ እካ አ ዎልቃይካ ዳሮ ዎድያ ጋምኤና። ሄ ዎደ እዞ፥ እዞ አጃብያዋንቱ፥ እዝ ናአይነ እዝ አስናይ ኡባይ አꬊደ እመታና።
DAN 11:7 “ሄዋፐ ስምና፥ እዝ ዳቦቱዋፐ እቱ ገድሳ ቢታን ካተታና። ሁጲሳ ቢታ ካትያ ቦላን ገሊደ፤ አ ጌሱዋ መንꬅ ገሊደ፥ አ ጾናና።
DAN 11:8 ቃይ ኡንቱንቱ ጾሳቱዋ፥ ምስለቱዋነ ብራፐነ ዎርቃፐ ኦሰቴዳ ሚሻቱዋ አኪደ፥ ግብጼ አፋና። ያቲደ አማሬዳ ዎድያዉ ሁጲሳ ቢታ ካትያ ቦቼናን አጋና።
DAN 11:9 ሄዋፐ ጉይያን፥ ሁጲሳ ቢታ ካቲ ገድሳ ቢታ ካዉተꬃ ቦላ ገላና፤ ሽን ድግና፥ ጉየ ባረ ቢታ ስማና።
DAN 11:10 “ሁጲሳ ቢታ ካትያ አቱማ ናናቱ ኦላዉ ጊጊደ፥ ዳሮ ኦላንቻቱዋ ሺሻና፤ ስንꬃን ጋከትያዋ ኡባ ሜጭያ ዎልቃማ ድኡዋዳን፥ አꬊደ ኦሊደ፥ ገድሳ ካትያ ጌሱዋ ኦላናዋንታ።
DAN 11:11 ሄ ዎድያን ገድሳ ቢታ ካቲ ሎይꬅ ሀንቀቲደ፥ ሁጲሳ ቢታ ካትያ ኦላናዉ ደንዳናዋ። ሁጲሳ ቢታ ካቲ ሺሼዳ ዳሮ ኦላንቻቱዋና ኦለቲደ፥ ኡንቱንታ ጾናና።
DAN 11:12 ዳሮ ኦላንቻቱዋ ኦሞዴዳዋፐ ጉይያን፥ ገድሳ ቢታ ካቲ ኦቶሩዋን ፑገታና። ያቲደ ዳሮ ሻኣ ዎꬋና፤ ሽን አ ጾኑ አናና ጋምኤና።
DAN 11:13 “ዋኒደ ጎፐ፥ ሁጲሳ ቢታ ካቲ ካሰዋፐ አꬍያ ሀራ ኦላንቻቱዋ ጊግሳና፤ አማሬዳ ላይꬃቱዋ ጋምኢደ፥ ኩመንꬃ ኦላ ሚሻ ኦይቄዳ ሀ ኦላንቻቱዋ አኪደ፥ ኦላዉ ከሳና።
DAN 11:14 ሄ ዎድያን ዳሩ ገድሳ ቢታ ካትያ ቦላ ደንዳናዋ። ሳጻይ ፖለታና ማላ፥ ነ አሳፐካ እት እት ማካላንቻ አሳቱ ደንዳናዋንታ፤ ሽን ጾንክኖ።
DAN 11:15 “ሄዋፐ ጉይያን፥ ሁጲሳ ቢታ ካቲ ገድሳ ቢታ ዪደ፥ ዩሹ ግምበት ኡቴዳ እት ካታማ ኦሊደ ኦይቃና። ገድሳ ቢታ ካትያ ኦላንቻቱ ዎልቃ ꬋያና፤ ሀራይ አቶ ኡንቱንቱፐ ምኖ ኦላንቻቱካ ኡንቱንቱና ኤቀታናዉ ዳንዳይክኖ።
DAN 11:16 አናና ኤቀትያዌ ሙለካ ባይና ድራዉ፥ ሁጲሳ ቢታ ካቲ ባረ ኮይያዋ ኡባ ኦꬃና። እ እስራኤልያ ግያ ሎኦ ቢታን ባረዉ ምን ኤቂደ፥ አ ꬋይስያ ዎልቃ ደማና።
DAN 11:17 እ ባረ ካዉተꬃዉ ደእያ ዎልቃ ኡባ አኪደ ያናዉ ቆፋ ቃቻና፤ ዪደ፥ ገድሳ ቢታ ካትያና ዳቦተꬃ ጫቁዋ ጫቀታናዋ። ሄ ካዉተꬃ ኡንጋናዉ ሀልቺደ፥ ባረ ናቶ አዉ እማና፤ ሽን አ ሀልቹ ፖለተና።
DAN 11:18 “ሄዋፐ ጉይያን፥ እ ባረ ቆፋ አባ ጋጻን ደእያ ቢታቱዋኮ ዛሪደ፥ ኡንቱንቱፐ ዳሮቱዋ ኦሊደ፥ ባረዉ አካና። ሽን እት ኦላ ጋዳዉ አ ኦቶሩዋ ጊሻና፤ ያቲደ አ ኦቶሩዋ አ ቦላ ዛራና።
DAN 11:19 ሄዋፐ ጉይያን፥ ሁጲሳ ቢታ ካቲ ባረ ቢታ ባረ ጌሱዋ ስማና። ሽን እ ሄዋን ꬉበቲደ ኩንዳና፤ አ ላኤንꬆ ኦንነ በኤና።
DAN 11:20 “አ ሳኣን ካተቴዳዌ ባረ ካዉተꬃ ቦንቹዋ ናጋናዉ ጊራ ጊርስያ አሳ ካዉተꬃ ግዶ ኪታና። ግዶፐነ፥ ቃንꬃ ዎድያፐ ጉይያን፥ ቆንጭያን ዎይ ኦላን ግደናን እ ጮ ሀይቂ ꬋያና።
DAN 11:21 “አ ሳኣን ቃይ እት ካቴዳ አሳይ ደንዳናዋ፤ ሽን ኡንቱንቱ ካዉተꬃ ቦንቹዋ አዉ እምክኖ። አሳይ ሳአይ ሳራ ጊደ ደእሽን፥ ጭም ገሊደ፥ ካዉተꬃ እ ኦይቃና።
DAN 11:22 ሄዋፐ ጉይያን፥ ዳሮ ኦላንቻቱ አ ስንꬃፐ ፕተቲደ ꬋያና፤ ጫቁዋ ካፑካ ሀይቃና።
DAN 11:23 አናና ጫቁዋ ጫቀት ስሚደ፥ ባረ ኦꬅያዋ ጭሙዋን ኦꬃና፤ አማሬዳ አሳቱዋ ጻላላና እ ምናና።
DAN 11:24 አሳይ ሳአይ ሳሮ ጊደ ደእሽን፥ ሄ ቢታን ዳሮ ዱረትያ እት ባጋ እ ገላና። ካሰ ባረ አዉ ዎይ ባረ ማይዛ አዎቱ ኦꬅቤናዋ ኦꬃና፤ ባረ ኦሞድ ሺሼዳ ዱረተꬃነ አቁዋ ባረና ካልያዋንቶ ግሻና። ጌሶቱዋካ ላላናዉ እ ሀልቻናዋ፤ ሽን ሄዋ እ ኦꬅያዌ ጉꬃ ዎድያሳ።
DAN 11:25 “ሄዋፐ ጉይያን ጻሊደ፥ ባረ ዎልቃካ ምንሲደ፥ ዳሮ ኦላንቻቱዋና ገድሳ ቢታ ካትያ ቦላ ደንዳናዋ። ቃይ ገድሳ ቢታ ካቲ ሎይꬅ ዳሮነ ዎልቃማ ኦላንቻቱዋና ኦላዉ ደንዲደ፥ አናና ኦለታና። ሽን አ ቦላ ኡንቱንቱ ካሰቲደ ማቄዳ ማቁዋ ጋሱዋን፥ እ ኡንቱንቱና ኤቀታናዉ ዳንዳየና።
DAN 11:26 ካትያና እት ማዳን ምያዋንቱ አ ꬋይሳና፤ አ ኦላንቻቱ ፕተታና፤ አ ኦላንቻቱዋፐ ዳሮቱ ኦላን ሀይቃና።
DAN 11:27 ሀ ላኡ ካተቱካ ባረንቱ ዎዛናን ኢታ ቆፕያ ድራዉ፥ ኡንቱንቱ እትፐ እት ኦይድያን ኡቲደ ሃሳዪደ፥ እቱ እቶ ዎርዶታና። ሽን ኡንቱንቱ ኦꬃና ግያዌ ኡንቱንቶ እንጀተና፤ አያዉ ጎፐ፥ ጾሳይ ኬሬዳ ዎዲ ብሮ ጋክቤና።
DAN 11:28 “ሁጲሳ ቢታ ካቲ ዳሮ ዱረተꬃና ባረ ቢታ ስማና። ሽን እ ባረ ዎዛናን ጌሻ ጫቁዋ እጻና። አ ቆሀናዉ እትባ አ ቦላ ኦꬂደ፥ ባረ ቢታ ስማና።
DAN 11:29 “ጾሳይ ኬሬዳ ዎዲ ጋክና፥ እ ዛሪደ ገድሳ ቢታ ቦላ ገላና፤ ሽን አዉ ካሰዋዳን እንጀተና።
DAN 11:30 አያዉ ጎፐ፥ አዋይ ዉልያ ባጋ ቢታፐ ይያ ኦላ ማርካባቱ አ ዳጋንꬃና። ያቶፐ እ ጉየ ስሚደ፥ ጌሻ ጫቁዋ ቦላ ሀንቀታና። ቃይ ሄዋፐ ስሚደ፥ ጌሻ ጫቁዋ አግያዋንቱና ዳቦታና።
DAN 11:31 “አ ኦላንቻቱ ጌሻ ጎልያካ አ ዩሹዋ ግምቢያካ ቱንሳናነ ሀች ሀች ያርሽያ ያርሹዋካ ድጋና። ያቲደ ኡንቱንቱ ባየꬃ ቱናተꬃ ያን ኤሳና።
DAN 11:32 ጫቁዋ ኮልያዋንታ እ ባረ ጭሙዋ ቃላን ባረ ባጋ ኦꬃና፤ ሽን ባረንቱ ጾሳ ኤርያ አሳይ ምናናነ አናና ኤቀታና።
DAN 11:33 “አሳ ግዶን ደእያ አꬌዳ ኤራንቻቱ ዳሮ አሳ ታማርሳና፤ ሽን ጉꬃ ዎድያ ጋርሳን ሀ ታማርስያዋንቱ ማሻን ቡሳከታና፥ ታማን ጹገታና፥ ኦሞደታና ዎይ ቦንቀታና።
DAN 11:34 ሄ መቶቱዋ ግዶን ደኢድ፥ ኡንቱንቱ ጉꬃ ማዱዋ ደማና፤ ዳሮ አሳይካ ኡንቱንቱ ባጋ ማላቲደ፥ ኡንቱንቱኮ ሺቃና፤ ሽን ዎዛናፐ ግደና።
DAN 11:35 አꬌዳ ኤራንቻቱዋፐ ኡንደናዋንቱ ꬉበታና። ሄዋዳን ሀኒደ፥ ዉርሰꬃ ዎዲ ጋካናዉ፥ ኡንቱንቱ ፓጨቲደ ከሳና፥ ጌያናነ ቶሺ ባይናዋንታ ግዳና። አያዉ ጎፐ፥ ጾሳይ ኬሬዳ ዎዲ ብሮ ጋክቤና።
DAN 11:36 “ካቲ ባረና ኮሾዋ ኦꬃና፤ ጾሳቱዋ ኡባፐ ቦላ ባረና ꬎቁ ኦꬂደ ዳርሳና፤ ቃይ ጾሳቱዋ ጾሳ ቦላ ካሰ ስሰት ኤረና ኢታ ቃላ ሃሳያና። ሀናናዉ ቆፋን ቃሸት ኡቴዳዌ ሀናናዉ ደእያ ድራዉ፥ ጾሳ ሀንቁ ፖለታና ጋካናዉ፥ እ ኦꬅያዌ ኡባይ አዉ እንጀታና።
DAN 11:37 እ ካሰ ባረ ማይዛ አዎቱዋ ጾሳቱዋ፥ ዎይ ማጫ አሳይ ሲቅያ ጾሳ ካꬋና፤ እ ባረ ጻላላ ሀራ ኡባፐ አꬂደ ꬎቁ ኦꬃናፐ አትና፥ ሀራ አይ ጾሳነ ኮየና።
DAN 11:38 እ ኡንቱንታ ቦንቻናዋ አጊደ ጌሱዋ ጾሳ ቦንቻና፤ አ ማይዛ አዎቱ ኤረና ጾሳዉ ዎርቃ፥ ብራ፥ አልኦ ሹቻነ ሎኦ እሙዋ እሚደ ቦንቻና።
DAN 11:39 እማꬃ ጾሳ ማዱዋን ምኖ ጌሱዋ ቦላ እ ደንዳና። ቃይ ባረ ማታ ኤርያዋንታ እ ዳሮ ቦንቻና። እ ኡንቱንታ ዳሮ አሳ ሞድያዋንታ ኦꬂደ ሱንꬃና፤ ቃይ ቢታካ ዎይቱዋ ኦꬂደ፥ ኡንቱንቶ ሻክ ሻኪደ እማና።
DAN 11:40 “ዉርሰꬃ ዎዲ ጋክና፥ ገድሳ ቢታ ካቲ ደንዲደ፥ ሁጲሳ ቢታ ካትያ ኦላና። ሽን ሁጲሳ ቢታ ካቲ ፓራ ጋረቱዋ፥ ፓራ አሳቱዋነ ዳሮ ማርካባቱዋ አኪደ፥ አ ቦላ ጎትያዳን ያና። ዳሮ ቢታ ቦላ ገሊደ፤ ድኡዋዳን ኡንቱንታ ሜጪደ አꬋና።
DAN 11:41 ቃይ እ እስራኤልያ ግያ ሎኦ ቢታ ቦላንካ ገላና። ዳሮ ቢታቱ አ ኩሽያን ኩንዳና፤ ሽን ኤዶማ፥ ሞኣባነ አሞና ቢታቱ አ ኩሽያፐ አታና።
DAN 11:42 እ ዳሮ ቢታቱዋ ቦላ ገልያ ዎደ፥ ግብጼካ አፐ ከስ አከና።
DAN 11:43 ግብጼ ቢታ ዎርቃ፥ ብራነ ዱረተꬃ ኡባ እ ባረ ኩሽያ አꬃና። ሊቢነ ቶጲ አዉ ሞደታና።
DAN 11:44 “ሽን አዋይ ዶልያ ባጋፐነ ሁጲሳ ባጋፐ ይያ ኦዱ አ ዳጋንꬃና፤ ሀንቁዋ ኤጽ ከሲደ፥ ዳሮቱዋ ዎꬋናዉነ ሙለ ꬋይሳናዉ ደንዳናዋ።
DAN 11:45 እ ባረ ካተቱዋ ዱንካንያ አባፐነ ፑላንቻ ጌሻ አሳፐ ግዱዋን ቶካና። ሽን አ ዉርሰꬃይ ጋካናዋ፤ አ ማድያዌካ ꬋያና።
DAN 12:1 “ሄ ዎድያን፥ ነ አሳ ሄምያ ዎልቃማ ካፑ ምካኤል ደንዳናዋ። ካዉተꬃይ ዶሞደፐ ዶምና፥ ሄ ዎደ ጋካናዉ፥ በእ ኤረና መቶ ዎዲ ሀናና። ግዶፐነ፥ አ ሱንꬃይ ጾሳ ማጻፋን ጻፈቴዳ ነ አሳይ ኡባይ ሄ ዎደ አታናዋ።
DAN 12:2 ካሰ ሀይቂደ ሞገቴዳ አሳፐ ዳሮቱ ደንዳና። ኡንቱንቱፐ ባጋቱ መꬍና ደኦ፥ ባጋቱ ቃይ ዬላዉነ መꬍና ካዉሻዉ ደንዳና።
DAN 12:3 አꬌዳ ኤራንቻቱ፥ ሳሉዋ ፖኡዋዳን፥ ቃይ ዳሮቱዋ ጽሎተꬃ ኦግያ ካለꬄዳዋንቱ መꬍ መꬍናዉ ጾልንትያዳን ፖአና።
DAN 12:4 “ሽን ነኖ ዳኔላ፥ ኔን ዉርሰꬃ ዎዲ ጋካናዉ፥ ሀ ማጻፋ ቃላ ጎርዳደ፥ ማታፋ ዎꬃ። ዳሮቱ ያነ ሃነ ብንኮታና፤ ኤራይካ ዳራና” ያጌዳ።
DAN 12:5 ሄዋፐ ጉይያን፥ ታን ዳኔል፥ ሀራ ላአቱዋ፥ እቱ ሻፋፐ ሀፍንꬃ ላንቂያን፥ እቱ ሻፋፐ ሄፍንꬃ ላንቂያን ኤቄዳዋንታ በኣድ።
DAN 12:6 ኡንቱንቱፐ እቱ ላይኑዋ ማዪደ፥ ሻፋ ሃꬃፐ ቦላ ባጋና ኤቄዳዋ ኦቺደ፥ “ሀ ማላልስያዋንቱ ፖለታናዉ ዎይሳ ዎድያ ጋምአንዴሻ?” ያጌዳ።
DAN 12:7 ሄ ላይኑዋ ማዪደ፥ ሻፋ ሃꬃፐ ቦላ ባጋና ደእያዌ ባረ ኡሸቻ ኩሽያነ ባረ ሀድርሳ ኩሽያ ሳሉዋ ዛር ደንꬂደ፥ መꬍናዉ ደእያዋ ሱንꬃን ሀዋዳን ያጊደ ጫቄዳ፤ “ሀዌ ዎዲ፥ ዎደቱነ ዎድያ ባጋይ ጋካናዉ ጋምአና፤ ቃይ ጌሻ አሳቱ ዎልቃይ ክንቼቲደ ዉርያ ዎደ፥ ሀ ኡባባይካ ፖለታና” ያጌዳ።
DAN 12:8 ሀዋ ኡባ ታን ስሳድ፤ ሽን ታዉ ገልቤና። ያትና፥ ታን፥ “ታ ጎዳዉ፥ ሀ የዎ ኡባዉ ዉርሰꬃይ አያ ግዳኔ?” ጋደ ኦቻድ።
DAN 12:9 እ ዛሪደ፥ ሀዋዳን ያጌዳ፤ “ዳኔላ፥ ባ። አያዉ ጎፐ፥ ሀዌ ማጻፋይ ዉርሰꬃ ዎዲ ጋካናዉ ጎርደቴዳዋነ ማታፋይ አ ቦላ ዎꬌዳዋ።
DAN 12:10 ዳሮቱ ፓጨቲደ ከሳና፥ ጌያናነ ቶሺ ባይናዋንታ ግዳና፤ ሽን ኢታቱ ኢታባ ኦꬃና። ኢታቱዋፐ እት ኡራይነ አኬከና፤ ሽን አꬌዳ ኤራንቻቱ አኬካና።
DAN 12:11 “ሀች ሀች ያርሽያ ያርሹ ድገቶደፐነ ባየꬃ ቱናተꬃይ ሄ ሳኣን ኤቆደፐ 1,290 ጋላሳ።
DAN 12:12 ገንጪደ 1,335 ጋላሳቱ ዉራናዉ ጋꬅያ ኡራይ አንጀቴዳዋ።
DAN 12:13 “ኔና ግዶፐ፥ ኔን ዉርሰꬃይ ጋካናዉ ባ። ኔን ሸምፓና፤ ጋላሳቱዋ ዉርሰꬃን ኔና ጋክያ ላታ አካናዉ ደንዳናሳ” ያጌዳ።
HOS 1:1 ኦዝያነ፥ እዮኣታም፥ አካዝነ ህዝቂያስ ካል ካሊደ ይሁዳን ካተቴዳ ዎደ፥ ቃይ ዮኣሻ ናአይ እዮርባም እስራኤልያን ካተቴዳ ዎደ፥ ብኤራ ናኣ ሆሰኮ ዬዳ መꬍና ጎዳ ቃላይ ሀዋ።
HOS 1:2 መꬍና ጎዳይ ኮይሮ ሆሰአ ባጋና ሃሳዬዳ ዎደ፥ መꬍና ጎዳይ ሆሰአ፥ “ባ፤ ሻርሙጻ ምሽራቶ ነዉ አካ፤ ሻርሙጻትፐ ናናቱዋ የላ። አያዉ ጎፐ፥ ሻርሙጽያ ምሽራታ ባረ አስናፐ ሻከትያዋዳን፥ ታ አሳይ ታፐ ሻከቴዳ” ያጌ መꬍና ጎዳይ።
HOS 1:3 ቢደ፥ ድብላይማ ናቶ ጎሜሮ አኬዳ፤ ሻሃራደ፥ አቱማ ናኣ አዉ የላዱ።
HOS 1:4 ያትና፥ መꬍና ጎዳይ ሆሰአ፥ “ናኣ ሱንꬃ ‘እዝራኤላ’ ያጋደ ሱንꬃ። አያዉ ጎፐ፥ እዝራኤለን ጉኬዳ ሱꬃ አጩዋ ታን ዬሁ ዛራቱዋ ቃንꬃ ዎድያን አቻና፤ እስራኤልያ ካዉተꬃካ ꬋይሳና።
HOS 1:5 ሄ ጋላስ ታን እዝራኤላ ዛንጋራን እስራኤልያ ኦላንቻቱዋ መንሬꬃና” ያጌዳ።
HOS 1:6 ጎሜራ ላኤንꬁዋ ሻሃራደ፥ ማጫ ናቶ የላዱ። ያትና፥ መꬍና ጎዳይ ሆሰአ፥ “እ ሱንꬃ ‘ሎሩሃሞ’ ያጋደ ሱንꬃ። አያዉ ጎፐ፥ ሀዋፐ ስንꬃናዉ ታን እስራኤልያ አሳዉ ቃረትከ፤ ኡንቱንቶ ሙለካ አቶ ጊከ። 1:6 ሎሩሃሞ: ሎሩሃሞ ግያዌ ቃረተናኖ ግያዋ።
HOS 1:7 ሽን ታን ይሁዳ አሳዉ ቃረታና፤ ታን መꬍና ጎዳን፥ ኡንቱንቱ ጾሳን፥ ኡንቱንታ አሻናፐ አትና፥ ዎንዳፍያን ዎይ ማሻን ዎይ ኦላን ዎይ ፓራቱዋን ዎይ ፓራ አሳቱዋን አሽከ” ያጌዳ።
HOS 1:8 ጎሜራ ሎሩሃሞ ꬋንꬃ ዱꬄዳዋፐ ጉይያን፥ ሀራ ሻሃራደ፥ አቱማ ናኣ የላዱ።
HOS 1:9 ያትና፥ መꬍና ጎዳይ ሆሰአ፥ “አ ሱንꬃ ‘ሎኣማ’ ያጋደ ሱንꬃ። አያዉ ጎፐ፥ ህንተ ታ አሳ ግድክታ፤ ታንካ ህንተ ጾሳ ግድከ” ግያዋ።
HOS 1:10 ግዶፐነ “እስራኤልያ አሳይ ልካናዉነ ፓይዳናዉ ዳንዳየተና አባ ሻፍያ ኬሻ ግዳናዋ። ኡንቱንቶ፥ ‘ህንተ ታ አሳ ግድክታ’ ጌተት ኦደቴዳሳን፥ ‘ህንተ ደኡዋ ጾሳ ናናቱዋ’ ጌተታና።
HOS 1:11 ይሁዳ አሳይነ እስራኤልያ አሳይ እትፐ ሺቃና፤ ባረዉ እት ካፑዋ ዶራና፤ ኦሞዱዋ ጋድያፐ ስማናነ እሻሊደ ደአና። አያዉ ጎፐ፥ እዝራኤላ ጋላሳይ ዎልቃማ ጋላሳ ግዳናዋ።
HOS 2:1 “ህንተ እሻቱዋ፥ ጾሳይ ህንተና፥ ‘አም (ታ አሳ ግያዋ) ያጌ’ ያግተ። ቃይ ህንተ ምቼቱዋ፥ ጾሳይ ህንተና፥ ‘ሩሃማታ (ህንተንቶ ቃረታይ ግያዋ) ያጌ’ ያግተ።
HOS 2:2 “ህንተ ዳዮ ሴርተ፤ እዞ ሴርተ። አያዉ ጎፐ፥ አ ታ ማቼ ግዱኩ፤ ታንካ እ አስና ግድከ። እዛ ባረ ሶምኡዋ ሻርሙጻዳን በስያዋ አጉ፤ ባረ ሻርሙጻ ኦሱዋካ ባረ ꬋንꬃቱዋ ግዱዋፐ ድጉ።
HOS 2:3 ሄዌ ꬋዮፐ፥ እዛ የለቴዳ ጋላሳዳን፥ ታን እዞ ጺራ ካሎ አሻና። ቃይ መሌዳ ቢታዳን እዞ ኦꬃና፤ ታን እዞ ሳሙዋን ዎꬋና።
HOS 2:4 ኡንቱንቱ ሻርሙጻትፐ የለቴዳ ናናቱዋ ግዴዳ ድራዉ፥ ታን እ ናናቶ ቃረትከ።
HOS 2:5 ኡንቱንቱ ዳያ ሻርሙጻዱ፤ ኡንቱንታ ባረ ኡሉዋን ቶኬዳና ካዉሻባ ሀናዱ። ዋናደ ጎፐ፥ እዛ፥ ‘ታን ታ ቁማነ ታ ሃꬃ፥ ታ ሱፍያነ ታ ሊኑዋ፥ ታ ዛይትያነ ታ ኡሻ ታዉ እምያ ታ ላገꬃቱዋ ካላደ ባና’ ያጋዱ።
HOS 2:6 “ሄዋ ድራዉ፥ ታን እ ኦግያ አጉንꬃን ጎርዳና፤ እዛ ባረ ሎሱዋ ደመና ማላ፥ ታን ግምቢያ ግምባና።
HOS 2:7 እዛ ባረ ላገꬃቱዋ ጌዱዋ ዎጻና፥ ሽን ጋኩኩ፤ ኡንቱንታ ኮያና፥ ሽን ደሙኩ። ሄዋፐ ጉይያን እዛ፥ ‘ታዉ ሀእ ደኡሳፐ በንዌ ኬክያ ድራዉ፥ ስማደ ታ ኮይሮ አስናኮ ባና’ ያጋና።
HOS 2:8 “ካꬃ፥ ዎይንያ ኤሳነ ዛይትያ እዝዉ እሜዳዌነ ኡንቱንቱ ባኣላ ግያ ኤቃዉ ሺሽያ ብራነ ዎርቃ እዝዉ ዳርሴዳዌ ታና ግድያዋ እዛ ኤረናን እጻዱ።
HOS 2:9 ሄዋ ድራዉ፥ ካእያ ዎደ ታ ካꬃ፥ ቃይ ቴርያ ዎደ ታ ዎይንያ ታን ኢፐ ዛራደ አካና። ሄዋዳንካ፥ እዝ ካሉዋ ማይዛናዉ፥ ሱፍያፐነ ሊኑዋፐ ዳደቴዳ ማዩዋካ ኢፐ ቃራ አካና።
HOS 2:10 ቃይ እዝ ሲቃቱዋ ስንꬃን ታን እዝ ካሉዋ በሳና፤ ታ ኩሽያፐ ኦንነ እዞ አሸና።
HOS 2:11 ታን እዝ ናሸቻይ ኡባይ፥ እዝ ባላይ፥ እዝ አግናይ ጼርያ ጋላሳቱ፥ እዝ ሳምባታ ጋላሳቱ፥ ላይꬃን ላይꬃን ቦንቼትያ እዝ ባላቱ ኡባይ አታናዳን፥ ኦꬃና።
HOS 2:12 እዛካ፥ ‘ታ ሲቃቱ ታዉ እሜዳ የዉ ሀዋ’ ያጌዳ እዝ ዎይንያ ቱራቱዋነ ባላስያ ጌተትያ ምꬃቱዋ ታን ꬋይሳና፤ ታን ኡንቱንታ ዎራ ኦꬃና፤ ባዙዋ ዶአቱ ኡንቱንታ ማና።
HOS 2:13 እዛ ታና ዶጋደ፥ ባረ ሲቃቱዋ ካላደ፥ ጉቱቻቱዋንነ አሌቆቱዋን ባረዉ አሌቀታደ፥ ባኣላ ግያ ኤቃዉ እጻና ጩዋዬዳ ባላ ጋላሳቱዋ ድራዉ፥ ታን እዞ ሙራና። ታን መꬍና ጎዳይ ሀዋ ኦዳድ።
HOS 2:14 “ሄዋ ድራዉ፥ ታን እዞ ላባደ መላ ቢታ አሀና፤ ታን እዝዉ ሲቁዋ ቃላን ኦዳና።
HOS 2:15 ያን ታን እዝ ዎይንያ ቱራ ሳኣ እዝዉ ዛራደ እማና፤ መቱዋ ዛንጋራ እዛ ህዶታን ናግያባይ ገልያ ፐንግያ ኦꬃና። ግብጼ ጋድያፐ ከሴዳ ዎድያዳን፥ የጼዳዋዳ ባረ ዎዶሮተꬃ ላይꬃዳን፥ እዛ ያን የጻና” ያጌ።
HOS 2:16 ቃይካ መꬍና ጎዳይ ሀዋዳን ያጌ፤ “ሄ ጋላስ እዛ ታና፥ ‘ታ አስና’ ያጋ ጼሳናፐ አትና፥ ሀዋፐ ስንꬃናዉ፥ ‘ታ ባኣላ’ ያጋ ጼሱኩ።
HOS 2:17 አያዉ ጎፐ፥ ታን እዝ ዶናፐ ባኣላ ሱንꬃ ድጋና፤ ሀዋፐ ስንꬃናዉ ታን እዞ ባኣላ ሱንꬃ ጼስስከ።
HOS 2:18 ሄ ጋላስ ታን ታ አሳ ድራዉ ሳኣ ዶአቱዋና፥ ሳሉዋ ካፎቱዋናነ ቢታና ጎሸትያ መታቱዋና ጫቁዋ ጫቀታና። ታን ጋድያፐ ዎንዳፍያ፥ ማሻነ ኦላ ꬋይሳና፤ ያቶፐ ኡንቱንቱ ዎፑ ጊደ፥ ሳሮ ደአና።
HOS 2:19 “ታን ኔና መꬍናዉ ታዉ ጊግሳና፤ ጽሎተꬃንነ ሱረ ፕርዳን፥ አገና ሲቁዋንነ ማሮታን ታዉ ጊግሳና፤
HOS 2:20 ታን አማነታደ ኔና ታዉ ጊግሳና። ኔንካ መꬍና ጎዳ ኤራና” ያጌ።
HOS 2:21 ቃይካ መꬍና ጎዳይ፥ “ሄ ጋላስ ታን ዛሩዋ እማና፤ ታን ሳሎቶ ዛሩዋ እምና፥ ኡንቱንቱ ሳአዉ ዛሩዋ እማና።
HOS 2:22 ሳአይካ ካꬃዉ፥ ዎይንያ ኤሳዉነ ዛይትያዉ ዛሩዋ እማና፤ ኡንቱንቱ እዝራኤልያዉ ዛሩዋ እማና።
HOS 2:23 ታን እዞ ጋድያን ታዉ ቶካና። ካሰ ታን ‘ሎሩሃማ ጎንዉ’ (ቃረታቤናንዉ) ሀእ ቃረታና። ቃይ ‘ሎኣም’ ጎዋዉ (ታ አሳ ግደናዋንታ)፥ ‘አም’ (ታ አሳ) ጋና፤ ኡንቱንቱካ ታና፥ ‘ኔን ኑ ጾሳ’ ያጋና” ያጌ።
HOS 3:1 መꬍና ጎዳይ ታና፥ “እስራኤልያ አሳይ ሀራ ጾሳቱዋኮ ስሚደ፥ ዎይንያ ቴራ መላ ኡክꬃ ሲቅሽንካ መꬍና ጎዳይ ኡንቱንታ ሲቅያዋዳን፥ ባ፤ ባደ ላገꬃቱዋ ሲቃደ፥ ሻርሙጻደ ደእያ በን ነ ማቻቶ ኔንካ ዛረꬃደ ሲቃ” ያጌዳ።
HOS 3:2 ታን እዞ ታማነ እቼሹ ጻጋራ ብራንነ ጼታነ እሻታሙ ኪሎ ግራመ ዴጽያ ዛርጋን ሻማድ።
HOS 3:3 እዞ፥ “ኔን ሻርሙጸናንነ ሀራ አሳና ደኤናን ታናና ዳሮ ዎድያ ደአናዉ ኮሼ። ታንካ ኔናና ደአና” ያጋድ።
HOS 3:4 ሄዋዳንካ፥ እስራኤልያ አሳይ ካቲ ዎይ ካፑ ባይናን፥ ያርሹ ዎይ ኤቃ ቱስ ባይናንነ ኤፉድያ ግያ ማዩ ዎይ ሶ ግዶ ኤቃ ምስሊ ባይናን ዳሮ ዎድያ ደአና።
HOS 3:5 ሄዋፐ ጉይያን፥ እስራኤልያ አሳይ ስሚደ፥ መꬍና ጎዳ ባረንቱ ጾሳነ ዳዊታ ባረንቱ ካትያ ኮያና፤ ዉርሰꬃ ጋላሳቱዋን ኡንቱንቱ ኮኮሪደ፥ መꬍና ጎዳኮነ አ አንጁዋኮ ያና።
HOS 4:1 ህንተኖ፥ እስራኤልያ አሳቶ፥ መꬍና ጎዳ ቃላ ስስተ! አያዉ ጎፐ፥ ሀ ጋድያን ደእያ አሳ ኡባ መꬍና ጎዳይ ሞትያባይ ደኤ። ሄዌካ፥ ሀ ጋድያን አማኑ፥ ሲቁነ ጾሳ ኤርያዌ ባዋ።
HOS 4:2 ሀ ጋድያን ደእያባይ ሸቃ፥ ዎርዱዋ፥ አሳ ዎꬍያዋ፥ ዉኤꬃነ ሻርሙጻ ጻላላ። ኡንቱንቱ ጫቁዋ ኡባ ኮሌድኖ፤ አሳ ዎꬉ ዎꬉዋ ካሌ።
HOS 4:3 ሄዋ ጋሱዋን ቢታይ መላና፤ ጋድያን ደእያ ኡባይ ዳቡራና። ሳኣ ዶአቱካ፥ ሳሉዋ ካፎቱካ፥ ሀራይ አትና፥ አባ ሞለቱካ ሀይቃና።
HOS 4:4 ጾሳይ ሀዋዳን ያጌ፤ “ህንተኖ፥ ቄሳቶ፥ ታን ህንተና ሞትያባይ ደኤ። ሄዋ ድራዉ፥ ኦንነ ሀራ አሳና ፓሉመቶፖ፤ ቃይ ኦንነ ሀራ አሳ ሞቶፖ።
HOS 4:5 ህንተ ጋላስ ꬉበታና፤ ትምቢትያ ኦድያዋንቱካ ህንተናና ቃማ ꬉበታና። ሄዋ ድራዉ፥ ታን ህንተ ዳዮ ꬋይሳና።
HOS 4:6 ታ አሳይ ኤራተꬃይ ꬋይና ባዬዳ። ህንተ ኤራተꬃ እጼዳ ድራዉ፥ ታንካ ህንተ ታዉ ቄስያ ግዳናዋ እጻይ። ህንተ ጾሳ ህግያ ህንተ ዶጌዳ ድራዉ፥ ታንካ ህንተ ናናቱዋ ዶጋና።
HOS 4:7 “ቄሳቱ ዳር ዳር ቤዳ ኬና፥ ታና ዳርስ ናቄድኖ፤ ታንካ ኡንቱንቱ ቦንቹዋ ዬላዉ ላማና።
HOS 4:8 ታ አሳ ናጋራይ ኡንቱንቶ ቁማ ግዴዳ፤ ሄዋ ድራዉ፥ ኡንቱንቱ ታ አሳ ኢታባ ኦስሳናዉ ጃሚኖ።
HOS 4:9 ቄሳቱ ካ አሳይ ሀንያዋዳን ሀናና። ታን ኡንቱንቱ ሀኖታ ድራዉ፥ ኡንቱንታ ሙራና፤ ቃይ ኡንቱንቱ ኦሱዋዳን፥ ኡንቱንቶ ዛራና።
HOS 4:10 ኡንቱንቱ መꬍና ጎዳ አጌዳ ድራዉ፥ ማና፥ ሽን ካልክኖ፤ ሻርሙጻና፥ ሽን ናናቱዋ ጮርስክኖ።
HOS 4:11 “ሻርሙጻተꬃይ፥ ጋምኤዳ ዎይንያ ኤሳይነ ያላጋ ዎይንያ ኤሳይ ታ አሳ ዎዛና ባይዜ።
HOS 4:12 ታ አሳይ ምꬃፐ ኦሰቴዳ ኤቃ ምስልያ ዞርያ ኦቼ፤ ኡንቱንቱ ጻምአይ ኡንቱንቱ ኦሻ ዛሬ። ሻርሙጻ አያናይ ኡንቱንታ ባለꬄ፤ ኡንቱንቱ ባረንቱ ጾሳፐ ሻከቲደ ሻርሙጼድኖ።
HOS 4:13 ደረቱዋ ሁጲያን ያርሹዋ ያርሺኖ፤ ዞዘቱዋ ቦላንካ ኩዋይ ሎኦ ግድያ አዱሳነ ዳሻ ምꬃቱዋ ጋርሳንካ እጻና ጩዋዪኖ። “ሄዋ ድራዉ፥ ህንተ ማጫ ናናይ ሻርሙጻ ግዲኖ፤ ህንተ ናናቱዋ ማጫ አሳቱካ ሻርሙጺኖ።
HOS 4:14 ህንተ ማጫ ናናይ ሻርሙጽያ ዎደነ ህንተ ናናቱ ማጫ አሳቱ ሻርሙጽያ ዎደ፥ ታን ቃጻይከ፤ አያዉ ጎፐ፥ አቱማ አሳቱ ባረንቱ ሁጲያን ሻርሙጽያዋንቱና ዙፐቲኖ፤ ሻርሙጽያዋንቱና ያርሹዋ ያርሺኖ። ሄዋ ድራዉ፥ አኬካይ ባይና አሳይ አꬍ ዎꬋና።
HOS 4:15 “እስራኤልያ አሳቶ፥ ህንተ ሻርሙጻ ከሶፐካ፥ ይሁዳ አሳይ ህንተዋዳን፥ ባይዛንቻ ግዶፖ። ገልጋላ ቦፕተ፤ ቤት-አዌነካ ፑደ ከሶፕተ፤ ደኡዋን ደእያ መꬍና ጎዳይ ኤሮ! ያጊደ ጫቆፕተ።
HOS 4:16 እስራኤልያ አሳይ ማካላንቻ ኡሳትዋዳን ማካሌዳ። ያትና፥ መꬍና ጎዳይ ኡንቱንታ አኮ ደምባን ዶርሳ ማራቱዋዳን ዋቲደ ሄማኔ?
HOS 4:17 ኤፍሬማ አሳይ ኤቃቱዋን ጋከቴዳ፤ ኡንቱንታ አግ ባሽተ።
HOS 4:18 ኡንቱንቱ ዳሮ ዎይንያ ኡሽ ስሚደ፥ ሻርሙጽያዋ አግክኖ፤ ኡንቱንታ ሞድያዋንቱካ ዬላይያዋ ሎይꬅ ዶሲኖ።
HOS 4:19 ጫርኩ ኡንቱንታ አፋና፤ ባረንቱ ኤቃዉ ያርሼዳ ያርሾቱ ጋሱዋን ኡንቱንቱ ዬላታና።
HOS 5:1 “ህንተኖ፥ ቄሳቶ፥ ሀዋ ስስተ! ህንተኖ፥ እስራኤልያ አሳቶ፥ ስስተ! ካትያ ጎልያ አሳቶ፥ አኬክተ! ሀ ፕርዳይ ህንተ ቦላ ፕርደቴዳ። ህንተ ምጽጳን ጲርያዳን ሀኔድታ፤ ታቦራ ደርያ ቦላካ ምጬዳ ግትያዳን ሀኔድታ።
HOS 5:2 ማካላንቻቱ ዎꬍያ ዲዛዳን ሀኔድኖ፤ ሄዋ ድራዉ፥ ታን ኡንቱንታ ኡባ ሙራና።
HOS 5:3 ኤፍሬማዋ ታን ኤራይ፤ እስራኤልካ ታፐ ጌምቤና። ኤፍሬማ፥ ኔን ሀእ ሻርሙጻ ከሳዳ፤ እስራኤልካ ቱኔዳ” ያጌ።
HOS 5:4 እስራኤልያ አሳይ ባረንቱ ጾሳኮ ስመናዳን፥ ኡንቱንቱ ኢታ ኦሱ ኡንቱንታ ተኤዳ፤ ሻርሙጻ አያናይ ኡንቱንቱ ግዶን ደኤ። ሄዋ ድራዉ፥ ኡንቱንቱ መꬍና ጎዳ ኤርክኖ።
HOS 5:5 እስራኤልያ አሳ ኦቶሩ ኡንቱንቱ ቦላን ማርካቴ፤ ሄዋ ድራዉ፥ እስራኤልያ አሳይነ ኤፍሬማ አሳይ ባረንቱ ናጋራን ꬉበቲኖ፤ ይሁዳ አሳይካ ኡንቱንቱና ꬉበቴ።
HOS 5:6 ኡንቱንቱ መꬍና ጎዳዉ ያርሻናዉ ባረንቱ ዶርሳቱዋ ዉድያነ መህያ ዉድያ ላግ አኪደ ባና፤ ሽን ኡንቱንቱ አ ደምክኖ። አያዉ ጎፐ፥ እ ኡንቱንቱፐ ሻከቴዳ።
HOS 5:7 ኡንቱንቱ መꬍና ጎዳዉ አማነትበይክኖ፤ ኡንቱንቱ የሌዳ ናናይካ ሻርሙጻ ናና። ሄዋ ድራዉ፥ ሀ አግናይ ጼራናዉ፥ ኡንቱንቱካ ኡንቱንቱ ቢታይካ ꬋያና።
HOS 5:8 ግብኣ ካታማን ማላካታ፥ ራማ ካታማን ጹሩምባ ፑንተ። “ቢንያማ አሳዉ፥ ህንተ ጉይያን ደእያባ ጼልተ፤ ሄዋ ኤርተ!” ያጊደ፥ ቤት-አዌናን ዋሱዋ ጹልስተ።
HOS 5:9 ቃጻየትያ ጋላስ ኤፍሬመ መላ አታና፤ እስራኤልያ ዛራቱ ግዶን ቱሙ ትምቢትያ ታን ኦዳይ።
HOS 5:10 ጾሳይ ሀዋዳን ያጌ፤ “ይሁዳ ካፓቱ ዛዋ ሹቻ ሱግያዋንቱ ማላ ግዴድኖ፤ ታን ታ ሀንቁዋ ኡንቱንቱ ቦላን ሃꬃዳን ጉሳና።
HOS 5:11 ኤፍሬማ አሳይ ማዳናዉ ዳንዳየና ካዉተꬃቱዋፐ ማዱዋ ኦቻናዉ ቃቼዳ ድራዉ፥ ናቀቴዳነ ፕርዳን ቆሄቴዳ።
HOS 5:12 ሄዋ ድራዉ፥ ታን ኤፍሬማ አሳዉ ብልኣ ማላ፥ ይሁዳ አሳዉካ ቁኑዋ ማላ።
HOS 5:13 “ኤፍሬመ ባረ ሀርግያ፥ ይሁዳይካ ባረ ማዱꬃ በኤዳ ዎደ፥ ኤፍሬመ አሶረ ቢታ ቤዳ፤ ሄ ቢታ ሞድያ ዎልቃማ ካትያ ማዱዋ ኦቼዳ። ሽን እ ኡንቱንቱ ሀርግያ ꬋላናዉ ዎይ ኡንቱንቱ ማዱꬃ ፓꬃናዉ ዳንዳይቤና።
HOS 5:14 ሄዋ ድራዉ፥ ታን ኤፍሬማዉ ጋሙዋዳን ሀናና፤ ይሁዳዉካ ዎዳላ ጋሙዋዳን ሀናና። ታን ኡንቱንታ መንሬꬃደ፥ ቶካ አካደ ባና፤ ኦንነ ኡንቱንታ ታፐ ዎꬅ አከና።
HOS 5:15 ኡንቱንቱ ባረንቱ ባይዙዋ አኬካና ጋካናዉነ ታና ኮያና ጋካናዉ፥ ታን ጉየ ታ ሳኣ ስማሻና። ኡንቱንቱ ባረንቱ ቱጋዉ ታና ምንሲደ ኮያና” ያጌ።
HOS 6:1 እስራኤልያ አሳይ ሀዋዳን ያጌ፤ “ሃይተ! አነ መꬍና ጎዳኮ ስሞይተ። እ ኑና መንሬꬄዳ፥ ሽን እ ኑና ፓꬃና፤ እ ኑና ማዱꬄዳ፥ ሽን እ ኑ ማዱꬃ ቃቻናዋ።
HOS 6:2 ላኡ ጋላሳፐ ጉይያን፥ እ ኑና ፓꬃና፤ ሄዘንꬆ ጋላስ ኑን አ ስንꬃን ደአና ማላ፥ እ ኑና ደንꬃና።
HOS 6:3 መꬍና ጎዳ አነ ኤሮይተ፤ አ ኤራና ማላ፥ ምንሲደ አነ አ ካሎይተ። አዋይ ሞክያዌ ቱማ ግድያዋዳን፥ እካ ቱሙ ቤታና። ባꬌሳ እራዳን፥ ቢታ አልያ ባልጉዋ እራዳን፥ እ ኑኮ ያና” ያጌ።
HOS 6:4 ጾሳይ ሀዋዳን ያጌ፤ “ኤፍሬማ አሳዉ፥ ታን ህንተና ዋቶሻ! ይሁዳ አሳዉ፥ ታን ህንተና ዋቶሻ! አያዉ ጎፐ፥ ህንተ ሲቁ ዎንታ ሻርያ ማላ፤ ኤለካ ꬋይያ ጉራ ከተርሳ ማላ።
HOS 6:5 ሄዋ ድራዉ፥ ታን ትምቢትያ ኦድያዋንቱ ባጋና ህንተና ቃንጸሬꬃድ፤ ታ ዶናፐ ከሴዳ ቃላን ታን ህንተና ዎꬋድ። ታ ፕርዳይካ ህንተ ቦላ ዋልቃንꬃዳን ዋልቃማና።
HOS 6:6 አያዉ ጎፐ፥ ታን አገና ሲቁዋ ኮያይፐ አትና፥ ያርሹዋ ኮይከ፤ ጾሳ ኤርያዋ ኮያይፐ አትና፥ ጹግያ ያርሹዋ ኮይከ።
HOS 6:7 “ሽን ኡንቱንቱ አዳመዋዳን፥ ጫቁዋ ኮሌድኖ፤ ያን ታዉ አማነተናን እጼድኖ።
HOS 6:8 ጋላኣደ ካታማይ ኢታ ኦሱዋ ኦꬅያ አሳቱ ደእያ ካታማ፤ ሄ ካታማይ አሳ ሱꬃን ባይ ኡቴዳ።
HOS 6:9 ፓንጋቱ አሳ ዎꬋናዉ ቆሰት ኡቲደ ናግያዋዳን፥ ቄሳቱ ዋ ጭታይካ ሄዋዳን ናጌ፤ ሰኬማ ካታማ አፍያ ኦግያን አሳ ዎꬌ። ኤ፥ ኡንቱንቱ ዬላይያ ኮባባ ኦꬂኖ።
HOS 6:10 ታን እስራኤልያ አሳን ዳጋንꬅያባ በኣድ። ኤፍሬማ ግዶን ሻርሙጻተꬃይ ደኤ፤ እስራኤልካ ቱኔዳ።
HOS 6:11 “ይሁዳ ቢታ አሳቶ፥ ህንተናካ ሙራና ጋላሳ ታን ኬራ ዎꬃድ።
HOS 7:1 “ታን እስራኤልያ ፓꬃናዉነ ዛረꬃደ እሻልሳናዉ ኮይያ ዎደ፥ ኤፍሬማ ናጋራይነ ሳማርያ አሳ ኢታ ኦሱ ቆንጭ ቤቴ። አያዉ ጎፐ፥ ኡንቱንቱ ዎርዶቲኖ፤ ካይሳቱ ሶን ጎልያ መንꬅ ገሊደ ዉኢኖ፤ ፓንጋቱካ ካረን ቦንቂኖ።
HOS 7:2 ሽን ታን ኡንቱንቱ ኢታ ኦሱዋ ኡባ ሀሳይያዋ ኡንቱንቱ አኬክክኖ። ኡንቱንቱ ኢታ ኦሶቱ ኡንቱንታ ዶድ ዎꬄድኖ፤ ሄ ኢታ ኦሶቱ ኡባ ዎደካ ታ ስንꬃን ደኢኖ።
HOS 7:3 “ኡንቱንቱ ካትያ ባረንቱ ኢታተꬃን፥ ካፓቱዋካ ባረና ዎርዱዋን ናሸቺኖ።
HOS 7:4 ኡንቱንቱ ኡባይካ ሻርሙጻቱዋ፤ ዳቡዋ ኡክያዌ ጮጭያን ኤꬄዳ ታማዳን፥ ኡንቱንቱ ሀንቁዋን ኤጽ ከሲኖ። ሄ ኡክያዌ ሙናቂያዋ ፖሊደ፥ ሙናቃይ ደንዳና ጋካናዉ፥ ታማ ኤና።
HOS 7:5 ኑ ካትያ ባላ ቦንችያ ጋላስ፥ ማካላንቻቱ ካፓቱዋ ዎይንያ ኤሳን ማꬆዪደ ሀርግሴድኖ፤ ኡክያዌ ባረ ኩሽያ ደንꬂደ፥ ቅሊጭያዋንቶ ምጬ።
HOS 7:6 ኡንቱንቱ ዎዛናይ ታማ ጮጨ ማላ፤ ኡንቱንቱ ሺቂደ ማቀቴድኖ። ኡክያዌ ቃማ ኡባ ገምእሺደ አቄ፤ ሳአይ ዎንትያ ዎደ ታማ ላጩዋዳን፥ አ ሀንቁ ኤጽ ከሴ።
HOS 7:7 ኡንቱንቱ ኡባይካ ታማ ጮጭያዳን ምቺኖ፤ ባረና ሞድያዋንታ ሚኖ። ኡንቱንቱ ካተቱ ኡባይካ ኩንዴድኖ፤ ኡንቱንቱፐ ኦንነ ታና ጼስያዌ ባዋ።
HOS 7:8 “ኤፍሬማ አሳይ ሀራ ካዉተꬃቱዋ አሳና ዋላከቴዳ፤ ኤፍሬማ አሳይ አꬅ የግቤና ኡክꬃ ማላ ግዴዳ።
HOS 7:9 አላጋቱ አ ዎልቃ ሜድኖ፥ ሽን እ ሄዋ ኤርቤና፤ አ ሁጲካ ፑሉሜዳ፥ ሽን እ ሄዋ ኤርቤና።
HOS 7:10 እስራኤልያ አሳ ኦቶሩ ኡንቱንቱ ቦላን ማርካቴ። ሄዌ ኡባይ ሀንናካ ኡንቱንቱ መꬍና ጎዳኮ፥ ባረንቱ ጾሳኮ፥ ስምበይክኖ ዎይ አ ኮይበይክኖ።
HOS 7:11 “ኤፍሬማ አሳይ ቆፋይ ባይና ኤያ ሀራጵያ ማላ። ማዱዋ ደማናዉ እቶደን ግብጼ ጼሴ፤ እቶደን ቃይ አሶረኮ ስሜ።
HOS 7:12 ኡንቱንቱ ብያ ዎደ፥ ታን ኡንቱንቱ ቦላን ግትያ የጋና፤ ታን ኡንቱንቱ ሳሉዋ ካፎቱዋዳን፥ ዱገ ጎቻደ ዎꬃና። ኡንቱንቱ ኢታ ኦሱዋ ድራዉ፥ ታን ኡንቱንታ ሙራና።
HOS 7:13 “ኡንቱንቶ አየ አና! አያዉ ጎፐ፥ ኡንቱንቱ ታፐ ዎራ ስሜድኖ። ኡንቱንታ ባይዝያባይ ዮ! አያዉ ጎፐ፥ ኡንቱንቱ ታ ቦላ ማካሌድኖ። ታን ኡንቱንቱ ዎዛናዉ ኮያድ፤ ሽን ኡንቱንቱ ታ ቦላ ዎርዱዋ ሃሳዪኖ።
HOS 7:14 ባረ ሂጻን ግሲደ ዝላሊኖፐ አትና፥ ባረንቱ ዎዛናፐ ታና ዎስክኖ። ካꬃዉነ ዎይንያ ኤሳዉ ባረንቱ ቦላ ማሻን ቃንጺደ፥ ሀራ ጾሳቱዋ ዎሲኖ፤ ሽን ኡንቱንቱ ታ ቦላ ማካሌድኖ።
HOS 7:15 “ታን ኡንቱንታ ሎህሳድነ ምንሳድ፤ ያትናካ ታዉ ኢታባ ማቀቲኖ።
HOS 7:16 ኡንቱንቱ ስሚኖ፥ ሽን ታኮ ስምክኖ። ኡንቱንቱ ዎራ ጾንግያ ዎንዳፍያ ማላ። ኡንቱንቱ ካፓቱ ኢታባ ሃሳይያዋ ሀዳን፥ ማሻን ዉራና፤ ሄዋን ኡንቱንቱ ግብጼ አሳን ቅሊጨታና።
HOS 8:1 “ማላካታ ፑና! አያዉ ጎፐ፥ ኡንቱንቱ ታ ጫቁዋ አꬊደ፥ ታ ህግያ መንꬄዳ ድራዉ፥ መꬍና ጎዳ አሳ ቦላ ሞርኪ አርጋንꬃዳን ኩዌዳ።
HOS 8:2 ኡንቱንቱ፥ ‘አቤት ኑ ጾሳዉ፥ ኑን እስራኤልያ አሳይ ኔና ኤሬቶ’ ያጊደ ታዉ ዋሲኖ።
HOS 8:3 ሽን እስራኤልያ አሳይ ሎኦባ እጼዳ ድራዉ፥ ሞርኪ ኡንቱንታ የደርሳና።
HOS 8:4 “ኡንቱንቱ ታና ኦቼናን ባረዉ ካተቱዋ ካተዬድኖ፤ ታን ኦደናን ደእሽን፥ ካፓቱዋ ዶሬድኖ። ባረ ꬋዮ ጋሱዋ ግድያ ኤቃ ምስለቱዋ ባረንቱ ብራፐነ ዎርቃፐ መꬌድኖ።
HOS 8:5 ሳማርያ አሳዉ፥ ማራ ማላትሲደ ህንተ መꬌዳ ኤቃ ታን እጻድ፤ ታ ሀንቁ ህንተ ቦላ ኤጽ ከሴዳ። ኡንቱንቱ ጌሻ ግደናን አዉደ ጋካናዉ ደአኔ?
HOS 8:6 ኩሽያ ሂላንቻይ እስራኤልያፐ አ መꬌዳፐ አትና፥ እ ጾሳ ግደና። ሳማርያ ኤቃ ምስሊ መኤረታና።
HOS 8:7 “ኡንቱንቱ ጫርኩዋ ዘሪኖ፤ ጎትያ ቆይጪኖ። ኤቁዋን ደእያ ኡንቱንቱ ካꬃዉ አይፊ ባዋ፤ ሄዋ ድራዉ፥ ꬊሊ ባዋ፤ ꬊሊ ደእንቶካ አላጋቱ ማና።
HOS 8:8 እስራኤልያ አሳይ ምተቴዳ፤ ሀእ ኡንቱንቱ አላጋ አሳቱዋ ግዶን ደኢኖ፤ ኡንቱንቱ መኤዳ ሚሻዳን፥ ፓና አሳ ግዴድኖ።
HOS 8:9 ኡንቱንቱ ባዶ ሀርዲዳይ ባረካ ዩይያዋዳን ዩዪደ፥ አሶረ ቢታ ቤድኖ፤ ኤፍሬማ አሳይ ባረና ማድያ አሳ ሻሉዋን ሻሜዳ።
HOS 8:10 ታን ኡንቱንታ ሺሻና። ካረ ጋድያ ካተቱነ ካፓቱ ኡንቱንታ ኡቁኖፐ፥ ኡንቱንቱ ኤለካ ግልቃና።
HOS 8:11 “ኤፍሬማ አሳይ ናጋራ ያርሹዋ ያርሽያ ዳሮ ሳኣ ኬጼ፤ ሽን ሄ ያርሹዋ ሳአቱ ናጋራ ኦꬅያ ሳ ግዴድኖ።
HOS 8:12 ታን ኡንቱንቶ ታ ህግያን ዳሮባ ጻፋድ፤ ሽን ኡንቱንቱ ሄ ህግያ አላጋባዳን ጼሌድኖ።
HOS 8:13 ኡንቱንቱ ያርሻናዉ ዶሲኖ፤ ያርሹዋ አሹዋካ ሚኖ፤ ሽን መꬍና ጎዳይ ኡንቱንቱን ናሸትቤና። እ ሀእ ኡንቱንቱ ባይዙዋ ሀሳያና፤ ቃይ ኡንቱንቱ ናጋራ ግሻዉካ ኡንቱንታ ሙራና፤ ኡንቱንቱ ግብጼ ቢታ ባና።
HOS 8:14 እስራኤልያ አሳይ ባረና መꬌዳዋ ዶጊደ፥ ካትያ ጎለቱዋ ኬጼ፤ ይሁዳ አሳይካ ግምበቴዳ ዳሮ ካታማቱዋ ኬጼ። ሽን ታን ሄ ካታማቱዋን ታማ የዳና፤ ኡንቱንቱ ጌሶቱዋ ማና” ያጌ።
HOS 9:1 እስራኤልያ አሳቶ፥ ናሸቶፕተ! ሀራ ካዉተꬃቱዋዳን፥ ፖጩ ጎፕተ! አያዉ ጎፐ፥ ህንተ ህንተ ጾሳፐ ሻከቲደ፥ ሻርሙጼድታ፤ ካꬃ ቡክያ ኡዱማ ኡባን ሻርሙጻታ እምያ ጋትያ ዶሴድታ።
HOS 9:2 ሄዋ ሀዳን ህንተ ኡዱማፐ ካꬃ፥ ዎይንያ ጉምኢያሳፐካ ኤሳ ደምክታ፤ ቃይ ዎይንያ ቱራይካ ኡንቱንቶ አይፈና።
HOS 9:3 ኡንቱንቱ መꬍና ጎዳ ቢታንካ ጋምእክኖ። ሽን ኤፍሬመ ግብጼ ቢታ ስማና፤ ቃይ አሶረ ጋድያን ቱና ቁማ ማና።
HOS 9:4 ኡንቱንቱ መꬍና ጎዳዉ ዎይንያ ኤሳ ያርሹዋ ጉስክኖ፤ ኡንቱንቱ ያርሹካ አ ናሸቼና። ሄ ያርሹ ኡንቱንቶ ሾቻ ማላ ግዳናዋ፤ ሄዋ ምያ ኡባይ ቱናና። ሄ ኡክꬃይ ኡንቱንቱ ማናሳፐ አትና፥ መꬍና ጎዳ ጌሻ ጎልያ ገለና።
HOS 9:5 ኬሬዳ ባላ ጋላስነ መꬍና ጎዳ ቦንችያ ባላ ጋላስ፥ ህንተ አያ ኡዳንቴ?
HOS 9:6 ኡንቱንቱ ባሻፐ ከስ አኮፐካ፥ ግብጼ ኡንቱንታ ሺሻና፤ መምፒሳ ግያ ካታማይ ኡንቱንታ ሞጋና። ኡንቱንቱ ሺሼዳ ብራ ሚሻ ኡባይ ሻራፋ ማይ አታና፤ ኡንቱንቱ ዱንካንያ ግዶንካ ቡሉ ቡዙ ሞካና።
HOS 9:7 ሙሩዋ ጋላሳይ ዬዳ፤ ጾሳይ አሳዉ አ ኦሱዋዳን ኦሱዋዳን ዛርያ ዎዲ ጋኬዳ። እስራኤልያ አሳይ ሄዋ ኤሮ! ህንተ ኢታ ናጋራ ድራዉነ ህንተ ሞርከተꬃ ድራዉ ህንተ፥ “ትምቢትያ ኦድያዋንቱ ኤያ፤ ሳፃ በእያዋንቱካ ጎይያዋንታ” ያጌድታ።
HOS 9:8 ትምቢትያ ኦድያዌ ታ ጾሳና እትፐ ግዲደ፥ ኤፍሬማ ናግያዋ። ሽን ሀመትያ ኦገ ኡባን ኤፍሬማዉ ካፉዋ ኦይቂያዋዳን፥ ጲሪ ዎꬍ ኡቴዳ፤ አ ጾሳ ጎልያንካ ሞርከተꬃይ ደኤ።
HOS 9:9 በን ግብኣ ካታማን ሀኔዳዋዳን፥ ኡንቱንቱ ሎይꬅ ቱኔድኖ። ጾሳይ ኡንቱንቱ ባይዙዋ ሀሳያና፤ ኡንቱንቱ ናጋራ ሙራና።
HOS 9:10 ጾሳይ ሀዋዳን ያጌ፤ “ታን እስራኤልያ አሳ መላ ቢታን ዎይንያ ቴራ ደምያዋዳን ደማድ። ታን ህንተ አዎቱዋ ባላስያ ግያ ምꬃን ደእያ ኮይሮ አይፍያ በእያዋዳን በኣድ። ሽን ኡንቱንቱ ባኣል-ፓኦራ ግያሳ ዪደ፥ ባኣላ ግያ ኤቃዉ ጎይኔድኖ፤ ያቲደ ባረንቱ ዶሴዳ ኤቃዳንካ ቱኔድኖ።
HOS 9:11 ኤፍሬማ ቦንቹ ካፉዋዳን ፓል ꬋያና፤ ሀዋፐ ስንꬃናዉ የልያባይ ባዋ፤ ሻሃራይካ ባዋ፤ ሻሃርያባይ ባዋ።
HOS 9:12 ኡንቱንቱ ናናቱዋ የሊደ ድቾፐካ፥ እቱነ አተናን ዎꬋ ድጋደ፥ ኡንቱንቱ የሉ ባይና አሳ ከሳና። ታን ኡንቱንቱፐ ሃኬዳ ዎደ፥ ኡንቱንቶ አየ አና።
HOS 9:13 ኤፍሬማ አሳይ ሎይꬅ ሎእያ ታየረ ቢታ ማትያዋ በኣድ፤ ኤፍሬማ አሳይ ባረንቱ ናናቱዋ ሹክያዋንቶ ከሲደ እማናዉ ኮሼ” ያጌ።
HOS 9:14 አቤት መꬍና ጎዳዉ፥ ኡንቱንቶ እማ! ኔን ኡንቱንቶ አያ እማኒ? ኔን ኡንቱንቶ ቦሸትያ ቃንꬃነ መሌዳ ꬋንꬃ እማ።
HOS 9:15 ጾሳይ ሀዋዳን ያጌ፤ “ኡንቱንቱ ኢታተꬃ ኡባይ ገልጋላ ግያ ሳና፤ ታን ኡንቱንታ እጽያዋ ያን ዶማድ። ኡንቱንቱ ኦሱዋ ኢታተꬃ ድራዉ፥ ታን ኡንቱንታ ታ ጎልያፐ የደርሳና፤ ሀዋፐ ስንꬃናዉ ታን ኡንቱንታ ሲቅከ፤ ኡንቱንታ ሞድያዋንቱካ ማካላንቻ።
HOS 9:16 ኤፍሬማ አሳይ ደሸትና፥ ኡንቱንቱ ጻጱ መሌዳ፤ አይፍያካ አይፍክኖ። ኡንቱንቱ ናናቱዋ የሎፐካ፥ ታን ኡንቱንቱ ሲቅያ ናናቱዋ ዎꬋና” ያጌ።
HOS 9:17 ኡንቱንቱ ታን ጾሳይ ግያዋ ስሰና ድራዉ፥ እ ኡንቱንታ ፕጽ ኦላና፤ ኡንቱንቱ ካዉተꬃቱዋ ግዶን ቶይላካትያዋንታ ግዳና።
HOS 10:1 እስራኤልያ አሳይ ዳሼዳ ዎይንያ ቱራ ማላ፤ ኡንቱንቱ ባረዉ አይፍያ አይፊኖ። ኡንቱንቱ አይፍያ አይፊ ዳሬዳ ኬና ያርሽያ ሳኣ ዳርስ ኬጼድኖ። ኡንቱንቱ ቢታይ ዱረቴዳ ኬና፥ ጎይንያ ኤቃ ቱሳቱዋ አሌቂሲደ መꬌድኖ።
HOS 10:2 ኡንቱንቱ ዎዛናን ገኒ ኩሜዳ፤ ሀእ ኡንቱንቱ ባረንቱ ባይዙዋ ሙሩዋ አካናዉ ኮሼ። መꬍና ጎዳይ ኡንቱንቱ ያርሽያ ሳኣ ላላና፤ ኡንቱንቱ ኤቃ ቱሳቱዋ ꬋይሳና።
HOS 10:3 ሄ ዎደ ኡንቱንቱ፥ “ኑን መꬍና ጎዳዉ ያይቤና ድራዉ፥ ኑዉ ካቲ ባዋ፤ ሽን ኑዉ ዎን ካቲ ደእንቶነ አያ ኦꬃኔ?” ያጋና።
HOS 10:4 ኡንቱንቱ ሀዳባ ሃሳዪኖ፤ ጫቁዋ ጫቀቲደካ ዎርዱዋን ጫቂኖ። ሄዋ ድራዉ፥ ዎꬍያ ሻራፋይ ሾይቃን ዶልያዋዳን፥ ኡንቱንቱ ቦላን ፕርዳይ ዶላና።
HOS 10:5 ሳማርያ ካታማን ደእያ አሳይ ቤት-አዌናን ደእያ ማራ ምስልያዉ ያዪኖ። አ ቦንቹ አፐ ሻከት ክቼዳ ድራዉ፥ አሳይ አዉ ዬካና፤ ሄ ኤቃ ምስልያዉ ኦꬅያ ቄሳቱ ካ ዋሳና።
HOS 10:6 ሄ ኤቃ ምስሊ አሶረ ቢታ ቶከት ቢደ፥ ዎልቃማ ካትያዉ ጊራዳን እመታና። ኤፍሬማ አሳይ ዬላታና፤ እስራኤልያ አሳይካ ባረ ኤቃ ምስለቱዋ ሀዳን ካዉሻና።
HOS 10:7 ሳማርያ ካቲ ሃꬃ ቦላን ቃይጼሪ ቶከትያዋዳን፥ ቶከት ꬋያና።
HOS 10:8 ቃይ እስራኤልያ አሳይ አዌና ግያ ካታማን ኤቃዉ ጎይኒደ፥ ናጋራ ኦꬅያ ꬎቃ ሳአቱካ ኮለታና፤ ኡንቱንቱ ያርሽያሳን አጉንꬃይነ ጎምኦሪ ሞካና። ያትና፥ ኡንቱንቱ ደረቱዋ፥ “ኑና ገንꬅተ!” ያጋና። ከራቱዋካ፥ “ኑ ቦላ ኩንድተ!” ያጋና።
HOS 10:9 ጾሳይ ሀዋዳን ያጌ፤ “እስራኤላቶ፥ ህንተ ግብአን ናጋራ ኦꬄዳ ጋላሳፐ ዶሚደ፥ ናጋራ ኦꬅያዋ አግበይክታ። ሄዋ ድራዉ፥ ግብኣ ካታማን ህንተ ቦላ ኦላይ ደንዳና።
HOS 10:10 ታን ኮይያ ዎደ፥ ሄ ማካላንቻቱዋ ሙራና። ኡንቱንቱ ኦꬄዳ ላኡ ናጋራ ጋሱዋን ታን ኡንቱንታ ሙሪያ ዎደ፥ ካዉተꬃቱ ኡንቱንቱ ቦላን ሺቃና።
HOS 10:11 “ኤፍሬመ ካꬃ የꬃ ዶስያ፥ ዋꬊደ ከሴዳ ኮሩማ ማላ፤ ሽን ታን አ ፑላ ሞርግያን ሞርገ ምꬃ ዎꬃደ ዋጻና። ይሁዳ አሳይ ጎሻናዉ ኮሼ፤ ያቆባ አሳይካ ጋድያ ጳልቃናዉ ኮሼ።
HOS 10:12 መꬍና ጎዳይ ዪደ፥ ጽሎተꬃ ህንተ ቦላ እራዳን ቡክሳና ጋካናዉ፥ ህንተ አ ኮይያ ዎደ ግድያ ድራዉ፥ ህንተዉ ጽሎተꬃ ዘርተ፤ አገና ሲቁዋ ጫክተ፤ ኦꬃ ቢታካ ጳልቂተ።
HOS 10:13 “ህንተ ኢታተꬃ ዘሪደ፥ ናጋራ ጫኬድታ፤ ህንተ ዎርዱዋ አይፍያካ ሜድታ። “ህንተ ህንተ ዎልቃንነ ህንተ ዳሮ ኦላንቻቱዋን አማነቴዳ ድራዉ፥
HOS 10:14 ህንተ አሳ ቦላ ኦላ ድርባይ ደንዳና፤ በን ኦላ ዎደ ካቲ ሻልማን ቤት-አርቤላ ካታማ ኦሊደ ባይዜዳዋዳንነ አየቱዋናነ ናናቱዋና ጋꬆ መንሬꬄዳዋዳን፥ ህንተ ጌሶቱ ሄዋዳን ኦልና ባያና።
HOS 10:15 ህንተኖ፥ ቤቴለ ካታማ አሳቶ፥ ህንተ ዎልቃማ ኢታተꬃ ሀዳን ህንተ ቦላካ ሀዋ ማላባይ ጋካና። ሄ ጋላስ ሳአይ ዎንትያ ዎደ፥ እስራኤልያ ካቲ ኡባና ꬋያና።
HOS 11:1 “እስራኤሊ ናአተꬃን ደእያ ዎደ፥ ታን አ ሲቃድ፤ ታን ታ ናኣ ግብጼ ጋድያፐ ጼሳድ።
HOS 11:2 ታን ኡንቱንታ ዳርሳደ ጼስና፥ ኡንቱንቱ ታፐ ዳሮ ሃኪደ ቤድኖ። ባኣላ ጌተትያ ኤቃቶ ያርሹዋ ያርሼድኖ፤ ቃይ ኤቃ ምስለቶ እጻና ጩዋዬድኖ።
HOS 11:3 ኤፍሬማ አሳ ሀራቅያ ኦይቃደ ሀመꬃ ታማርሴዳዌ ታና፤ ሽን ኡንቱንቱ ፓꬄዳዌ ታና ግድያዋ ኡንቱንቱ ኤርክኖ።
HOS 11:4 ታን ኡንቱንቱ ቃረታንነ ሲቁዋ ዎዶሩዋን ጎቻድ፤ ኡንቱንቱ ሞርግያፐ ሞርገ ምꬃ ደንꬃድ፤ ሆካደ ኡንቱንታ ሙዛድ።
HOS 11:5 “ኡንቱንቱ ታኮ ስመናን እጼዳ ድራዉ፥ ግብጼ ቢታ ስማና፤ ቃይ አሶረ ቢታ ካቲ ኡንቱንቱ ቦላ ካተታና።
HOS 11:6 ኡንቱንቱ ሞርክያ ማሻይ ኡንቱንቱ ካታማቱዋ ኦላና። ኡንቱንቱ ካታማቱዋ ፐንገቱዋካ መንሬꬃና፤ ኡንቱንቱ ዞረታይካ ላለታና።
HOS 11:7 ታ አሳይ ታፐ ሃኪደ ባናዉ ቆፋ ቃቼዳ። ሁቁና ሞርገ ምꬃ ጋሱዋን ኡንቱንቱ ዋሳና፤ ሽን ኦንነ ሄ ሞርገ ምꬃ ኡንቱንቱ ሞርግያፐ ደንና።
HOS 11:8 “ኤፍሬማ፥ ታን ኔና ዋታደ አጎ? እስራኤልያዉ፥ ታን ኔና ዋታደ አꬃ እሞ? ታን ኔና ዋታደ አዳማ ግያ ካታማዳን ኦꬆ? ታን ኔና ዋታደ ጻቦይማ ግያ ካታማዳን ኦꬆ? ታን ኔና ሎይꬅ ሲቅያ ድራዉ፥ ታ ዎዛናይ ሄዋ ኤኖ ጌና።
HOS 11:9 ታን ታ ሱልያ ሀንቁዋን ኡንቱንታ አይነ ኦꬅከ፤ ቃይ ኤፍሬማ ላኤንꬁዋ ꬋይስከ። አያዉ ጎፐ፥ ታን ጾሳፐ አትና፥ አሳ ግድከ። ታን ጌሻ ጾሳይ ህንተ ግዶን ደአይ፤ ህንተኮ ሱሎ ሀንቁዋን ዪከ።
HOS 11:10 “ኡንቱንቱ መꬍና ጎዳ ካላና፤ እካ ጋሙዋዳን ጉዳና። እ ጉድያ ዎደ፥ አ ናናይ አዋይ ዉልያ ባጋፐ ያና፤
HOS 11:11 ግብጼ ጋድያፐ ካፎቱዋዳን፥ አሶረ ቢታፐካ ሀራጰቱዋዳን፥ ፓሊደ ያና። ታን ኡንቱንታ ኡንቱንቱ ጎልያን ጎልያን ዎꬃና። ታን መꬍና ጎዳይ ሀዋ ኦዳድ” ያጌ።
HOS 11:12 ኤፍሬማ አሳይ ዎርዱዋን፥ እስራኤልያ አሳይካ ጭሙዋን ታና ዶዴድኖ። ይሁዳ አሳይካ አማንꬅያ ጌሻ ጾሳ ቦላ ጻልታሜዳ።
HOS 12:1 ኤፍሬማ አሳይ ዎንታፐ ኦማርስ ጋካናዉ ኦꬅያባይ ኡባይ፥ አዋይ ዉልያ ባጋፐ ይያ ጫርኩዋ ኩጭያዋዳን ዎይ የደርስያዋ ማላ ጎኤና። ኡንቱንቱ ዎርዱዋነ ማካላ ኦሱዋ ዳርሲኖ፤ አሶረ ቢታና ጫቁዋ ጫቀቲኖ፤ ዎጋራ ዛይትያ ግብጼ ቢታ የዲኖ።
HOS 12:2 መꬍና ጎዳዉ ይሁዳ አሳና ሞቱ ደኤ፤ እ ያቆባ አሳ ኡንቱንቱ ኦግያዳን ሙራና፤ ኡንቱንቱ ኦሱዋዳንካ አዉ ዛራና።
HOS 12:3 ያቆብ ባረ ዳይ ኡሉዋን ደኢደ፥ ባረ እሻ ግንድያ ኦይቄዳ። ቃይ ጋማ ጋኪደ፥ ጾሳና ባጸቴዳ፤
HOS 12:4 ኪታንቻናካ ባጸቴዳ ጾኔዳ። ባረና ኬካ አይፍያን ጼላናዳን፥ ዬኪደ ዎሴዳ። ያቆብ ጾሳ ቤቴለን ደሜዳ፤ ጾሳይ ያን አናና ሃሳዬዳ።
HOS 12:5 ሄዌ መꬍና ጎዳ፥ ኡባፐ ዎልቃማ ጾሳ። እ ኤረቴዳ ሱንꬃይካ መꬍና ጎዳ ጌተቴ።
HOS 12:6 ሄዋ ድራዉ፥ ህንተ ጾሳኮ ስምተ፤ ሲቁዋነ ሱረ ፕርዳ ምንስ ኦይቂተ፤ ህንተ ጾሳይ ኦꬃናዉ ናግተ።
HOS 12:7 ዛልአንቻ ኩሽያን ዎርዶ ሚዛናይ ደኤ፤ አሳ እ ጭምያዋ ዶሴ።
HOS 12:8 ኤፍሬመ፥ “ታን ዳሮ ዱረ፤ ታን ታዉ ዱረታ ደማድ። ታ አቁዋ ኡባ ግዶን ታናን ኡንቱንቱ ባላ ዎይ ናጋራ ግድያባ ደምክኖ” ያጌዳ።
HOS 12:9 መꬍና ጎዳይ ሀዋዳን ያጌ፤ “ታን ህንተና ግብጼ ጋድያፐ ከሳደ አሄዳ መꬍና ጎዳ ህንተ ጾሳ፤ ዳስያ ባላ ጋላሳዳን፥ ታን ህንተና ላኤንꬁዋካ ዱንካንያን ዎꬃና።
HOS 12:10 ታን ትምቢትያ ኦድያዋንቶ ሃሳያድ። ዳሮ ሳጻካ ኡንቱንቶ እማድ፤ ቃይ ኡንቱንቱ ባጋና ዳሮ ሌምሳቱዋ ኦዳድ” ያጌ።
HOS 12:11 ጋላኣደን ናጋራይ ደኤ፤ ጋላኣደ አሳቱ ቱሙዋፐ ፓናዋንታ። ኡንቱንቱ ገልጋላን ኮሩማቱዋ ያርሺኖ። ሄዋ ድራዉ፥ ኡንቱንቱ ያርሽያ ሳአቱ ጎሻ ግዶን ኬሌዳ ሹቻ ማላ ግዳናዋ።
HOS 12:12 ያቆብ ሶርያ ቢታ ባቃቴዳ፤ እስራኤሊ ማጫ አሳ አካናዉ ከራ ኦꬄዳ። ማጫ አሳ አካና ድራዉ፥ እ ያን ዶርሳ ሄሜዳ።
HOS 12:13 መꬍና ጎዳይ እስራኤልያ አሳ ትምቢትያ ኦድያዋ ባጋና ግብጼ ጋድያፐ ከሴዳ፤ ሄ ትምቢትያ ኦድያዋ ባጋና ኡንቱንታ ናጌዳ።
HOS 12:14 ሽን ኤፍሬመ ጾሳ ሎይꬅ ሀንቀꬅሴዳ፤ ሱꬃ እ ጉሴዳዋ አጩዋ አ ጎዳይ አ አቻና፤ ቃይ አ ጫሻ አዉ ዛራና።
HOS 13:1 ኤፍሬማ አሳይ ሃሳዬዳ ዎደ፥ ስሴዳ አሳይ ያሻዉ ኮኮሬዳ፤ እስራኤልያ ጋድያን ኡንቱንቱ ቦንቼቴዳ አሳ። ሽን ባኣላ ግያ ኤቃዉ ጎይኔድኖ፤ ሄ ባይዙዋ ጋሱዋን ሀይቄድኖ።
HOS 13:2 ሀእካ ናጋራ ቦላ ናጋራ ኦꬂኖ፤ ቃይ ባረዉ ጎይናናዉ፥ ሲልሲደ ምስለቱዋ መꬊኖ። ሄ ምስለቱ ሂላን ብራፐ መቴዳዋንታ፤ ኡንቱንቱ ኡባይካ ኩሽያ ሂላይ መꬌዳዋንታ። ኡንቱንቱዋ አሳይ ሃሳዪደ፤ “አሳ ያርሹዋ ያርሽተ፤ ሀ ማራ ምስልያካ የርተ” ያግኖ።
HOS 13:3 ሄዋ ሀዳን ኡንቱንቱ ዎንታ ሻርያ ማላ፥ ዎይ ጉራን ቆለትያ ዎንታ ከተርሳ ማላ ዎይ ጫርኩ ኡዱማፐ ደንꬂደ አፍያ ሱላ ማላ ዎይ ማስኮትያና ከስያ ፔኑዋ ማላ ግዳናዋ።
HOS 13:4 ጾሳይ ሀዋዳን ያጌ፤ “ታን ህንተና ግብጼ ጋድያፐ ከሳደ አሄዳ መꬍና ጎዳ ህንተ ጾሳ። ህንተ ታፐ አትና፥ ሀራ ጾሳ ኤርክታ፤ አሽያዌካ ታፐ አትና፥ ሀራይ ባዋ።
HOS 13:5 መላ ቢታን፥ መላ ጋድያን ታን ህንተና ናጋድ።
HOS 13:6 ታን ህንተና ምዝና፥ ሚደ ካሌድታ፤ ካሊደ ኦቶረቴድታ፤ ሄዋፐ ጉይያን፥ ታና ዶጌድታ።
HOS 13:7 ሄዋ ድራዉ፥ ታን ህንተ ቦላ ጋሙዋ ማላ ግዳናዋ፤ ቃይ ማህያዳን፥ ኦግያ ዶናን ዙጋና።
HOS 13:8 ማራቱዋ ዎꬅ አኬዳ ማሀቲዳን፥ ታን ህንተናና ጋከታና፤ ህንተና ዳከሬꬃና። ቃይ ታን ህንተና ጋሙዋዳን ያን ማና፤ ባዙዋ ዶኣዳን፥ ህንተና ፖሸረꬃና።
HOS 13:9 “እስራኤልያ አሳቶ፥ ህንተ ታ ቦላ፥ ህንተና ማድያዋ ቦላ ሞርከተꬃን ደንድያ ድራዉ፥ ታን ህንተና ꬋይሳና።
HOS 13:10 ህንተ ታና፥ ‘ኑዉ ካትያነ ጋድያ ሞድያዋንታ እማ’ ያጊደ ኦቼድታ። ህንተና አሻናዉ ህንተ ካቲ አኔ? ህንተ ጋድያ ሞድያዋንቱ ህንተ ካታማቱዋ ግዶን ሀቃን ደኢኖ?
HOS 13:11 ታን ታ ሀንቁዋን ህንተንቶ ካትያ እማድ፤ ታ ይሉዋን አ ድጋድ።
HOS 13:12 “ኤፍሬማ ባይዙነ ናጋራይ ጻፈቲደ፥ ማዝጎባ ጎልያን ኡቴዳ።
HOS 13:13 የሉ ኦይቄዳ ምሽራታ ቱጋትያዋ ማላ ቱጋይ አ ቦላ ያና። ሽን እ ኤር ባይና ናኣ፤ አያዉ ጎፐ፥ እ የለትያ ዎዲ ጋክና፥ ባረ ዳይ ኡሉዋፐ ዎናን እጽያ ናኣ ማላ።
HOS 13:14 ኡንቱንታ ታን ዱፉዋፐ አሻና፤ ሀይቁዋ ዎልቃፐካ ዎዛና። ሀይቆ፥ ነ ኢታ ሀርገቱ ሀቃነ? ዱፎ፥ ነ ባሻይ ሀቃነ? “ታን ታ አሳዉ ቃረትከ።
HOS 13:15 ኤፍሬመ ባረ እሻቱዋ ግዶን ምንንቶካ፥ መꬍና ጎዳይ የዴዳ አዋይ ዶልያ ባጋ ጫርኩ መላ ቢታፐ ጫርኪደ ያና። አ ፑልቶቱ ቶአና፤ አ ሃꬃ ኦላቱካ መላና። እ ምንጅያ ጎለቱዋን ደእያ አልኦ ሚሻ ኡባይ ቦንቀታናዋ።
HOS 13:16 ሳማርያ አሳይ ባረንቱ ጾሳ ቦላ ማካሌዳ ድራዉ፥ ባረንቱ ባይዙዋ ሙራ አካናዉ በሰ። ኡንቱንቱ ማሻን ቡሳከታና፤ ኡንቱንቱ ጉꬃ ናናይካ ክንቼታና፤ ኡንቱንቱ ሻሃራ ማጫ አሳቱዋ ኡሉካ ጳልቀታና” ያጌ።
HOS 14:1 እስራኤልያ አሳዉ፥ ህንተ ናጋራ ጋሱዋን ꬉበቲደ ኩንዴድታ። ህንተ ሀእ መꬍና ጎዳኮ፥ ህንተ ጾሳኮ ስምተ።
HOS 14:2 መꬍና ጎዳኮ ስሚደ፥ ሀዋዳን ያጊደ ዎስተ፤ “ኑ ናጋራ ኡባፐ ኑና ማራ፤ ኔን ኑና ነ ኬካተꬃን ሺሻ አካ፤ ያትና ኑን ኑ እንጻርሳን ኔና ጋላታና።
HOS 14:3 አሶረ ጋዲ ኑና አሸና፤ ኑን ኦላ ፓራቱዋካ ቶጎኮ። ኑን ኑ ኩሽያን መꬌዳ ኤቃ ምስለቱዋ ሙለካ፥ ‘ሀዋንቱ ኑ ጾሳቱዋ’ ጎኮ። አዉ ባይናዋንቶ ቃረꬅያዌ ኔና” ያግተ።
HOS 14:4 ጾሳይ ሀዋዳን ያጌ፤ “ታ ሀንቁ ኡንቱንቱፐ ስሜዳ፤ ሄዋ ድራዉ፥ ታን ኡንቱንቱ ማካላ ሀኑዋፐ ኡንቱንታ ፓꬃና፤ ኡንቱንታ ዎዛናፐ ሲቃና።
HOS 14:5 ታን እስራኤልያ አሳዉ ጮኩዋ ማላ ግዳና፤ ኡንቱንቱ ጪሻዳን ጪሺደ፥ ሊባኖሳ ዝጋዳን፥ ጻጱዋ የዳና።
HOS 14:6 ኡንቱንቱ ያላጋ ማራቱ ዳሻና፤ ዎጋራዳን ኡንቱንቱ ሎአና። ኡንቱንቱ ሳዉካ ሊባኖሳ ዝጋዳን ቶሹኩ ጋና።
HOS 14:7 አሳይ ስሚደ፥ ታ ኩዋ ጋርሳን ደአና፤ ካꬃ ጫርሻዳን፥ ኡንቱንቱ ሳልክሳልካና፤ ቃይ ኡንቱንቱ ዎይንያ ቱራዳን ጪሻና፤ ሊባኖሳ ዎይንያ ኤሳዳን፥ ደሪ ኤርያዋ ግዳናዋ።
HOS 14:8 ሀዋፐ ስንꬃን ኤፍሬማ አሳይ ኤቃ ምስላትና ጋከተና፤ ታን ህንተ ዎሳ ስሳናነ ህንተና ናጋና። ታን እርጻ ዝጋ ማላ፤ ህንተንቶ አንጆ ኡባይ ታፐ ቤታና” ያጌ።
HOS 14:9 አꬌዳ ኤራይ ደእያ ኦንነ ሀዋ አኬኮ፤ ዎዛን ደእያ ኦንነ ሀዋ ኤሮ። መꬍና ጎዳ ኦጊ ሱረ፤ ጽሎቱ ሄ ኦግያና ሀመቲኖ። ሽን ናጋራንቻቱ አን ꬉበቲኖ።
JOE 1:1 ፑቱኤላ ናኣ ኢዩኤላኮ መꬍና ጎዳይ ኪቴዳ ቃላይ ሀዋ።
JOE 1:2 ህንተኖ ጭማቶ፥ ሀዋ ስስተ! ይሁዳ ጋድያን ደእያ አሳዉ ኡባዉ፥ ስስተ! ሀዋ ማላባይ ህንተ ዎደ ዎይ ህንተ አዎቱዋ ዎደ ሀን ኤሪ?
JOE 1:3 ሄዋ ህንተ ናናቶ ኦድተ፤ ህንተ ናናይ ባረንቱ ናናቶ ኦድኖ፤ ቃይ ኡንቱንቱ ናናይካ ካልያ የለታዉ ኦድኖ።
JOE 1:4 ጎንዱዋፐ አቴዳ ካꬃ ዉደ ቦሊ ሜዳ፤ ዉደ ቦልያፐ አቴዳ ካꬃ ቡምቡረꬃይ ሜዳ፤ ቃይ ቡምቡረꬃፐካ አቴዳ ካꬃ ኩኩባይ ሜዳ።
JOE 1:5 ህንተኖ ማꬆትያዋንቶ፥ ቤጎቲደ ዬክተ! ህንተኖ፥ ዎይንያ ኤሳ ኡሽያዋንቶ ኡባ ገደ፥ ዝላልተ! አያዉ ጎፐ፥ ማልእያ ዎይንያ ኤሳይ ህንተ ዶናፐ አቴዳ።
JOE 1:6 ፓይዱ ባይና ኦላንቻይ ታ ጋድያ ማዬዳ። ኡንቱንቱ አቻይ ጋሙዋ አቻ ማላ፤ ቃይ ኡንቱንቱ ካስሊካ ጋማት ካስልያ ማላ።
JOE 1:7 ኡንቱንቱ ታ ዎይንያ ቱራ ባይዜድኖ፤ ታ ባላስያ ምꬃካ ጮሜድኖ። ኡንቱንቱ ፖቁዋ ኡባ ም ድጌዳ ድራዉ፥ ዎይንያነ ባላስያ ታሸቱ ኡባይ ቦጼድኖ።
JOE 1:8 አቱማዎ፥ ባረ ያላጋተꬃን አ ጊጌዳ አስናይ ሀይቂና፥ ዋሩዋ ማያደ ዬክያ ጌላያቲዳን፥ ኡባይካ ዬክተ!
JOE 1:9 ካꬃ ያርሹነ ኡሻ ያርሹ መꬍና ጎዳ ጌሻ ጎልያ ብያዋ አጌዳ፤ ሄዋ ድራዉ፥ መꬍና ጎዳዉ ኦꬅያ ቄሳቱ ዬኪኖ።
JOE 1:10 ሾይቃይ መላ አቴዳ፤ ቢታይካ ዬኬ። አያዉ ጎፐ፥ ካꬃይ ꬋዬዳ፤ ዎይንያ ቱራይ መሌዳ፤ ዛይቲካ ላፌዳ።
JOE 1:11 ህንተኖ ጎሻንቻቶ፥ ካዮትተ! ህንተኖ፥ ዎይንያ ቱራ ቶክያዋንቶ፥ ዝላልተ! አያዉ ጎፐ፥ ጫኩ ጋኬዳ ዛርጋይነ ባንጋይ ጋደን ꬋይክቼዳ።
JOE 1:12 ዎይንያ ቱራይ መሌዳ፤ ባላስያ ምꬃይካ ሹሌዳ፤ ሮማንያ ግያ ምꬃይ፥ ተምርያ ግያ ምꬃይ፥ አፕልያ ግያ ምꬃይነ ቃይ ሾይቃን ደእያ ሀራ ምꬃ ኡባይካ መሌዳ። ሄዋ ድራዉ፥ አሳፐ ናሸቻይ ሃኬዳ።
JOE 1:13 ህንተኖ ቄሳቶ፥ ዋሩዋ ማዪደ ዬክተ! ህንተኖ፥ ያርሽያሳን ኦꬅያ ቄሳቶ፥ አዬ! አዬ! ጊተ፤ ህንተኖ፥ ታ ጾሳ ስንꬃን ኦꬅያዋንቶ፥ ጌሻ ጎልያ ገልተ፤ ዋሩዋ ማዪደ አቅተ። አያዉ ጎፐ፥ ካꬃ ያርሹዋነ ኡሻ ያርሹዋ ጾሳ ጌሻ ጎልያን ያርሽያዌ ባዋ።
JOE 1:14 ጾማ አዋይተ፤ ጌሻ ያአዉ አሳ ጼሲደ ሺሽተ፤ ጭማቱዋነ ጋድያን ደእያ አሳ ኡባ መꬍና ጎዳ ህንተ ጾሳ ጌሻ ጎልያ ሺሽተ፤ ያቲደ ያን መꬍና ጎዳኮ ዋስተ!
JOE 1:15 መꬍና ጎዳ ጋላሳይ ማቴዳ፤ ሄ ጋላሳዉ አየ አና! ሄ ጋላሳይ ኡባ ዳንዳይያ ጾሳፐ ባሻ ጋላሳ ግዲደ ዬ።
JOE 1:16 ኑ አይፍያ ስንꬃፐ ካꬃይ፥ ኑ ጾሳ ጌሻ ጎልያፐ ናሸቻይነ እልልሳይ ꬋዬዳ ግደኔ?
JOE 1:17 ዘረቴዳ ዘረꬃይ ቢታ ግዶን ቡቄዳ፤ ካꬃይ መል ክቼዳ ድራዉ፥ ዬሲካ ኡባይ መላ ግዴዳ፤ ድየቱካ ኮለቴድኖ።
JOE 1:18 መሄቱ ሎይꬅ ዋሲኖ፤ ሚዛ ዉድያዉካ ማታይ ባይና ድራዉ፥ ያነ ሃነ ብቻሪኖ። ሀራይ አቶ፥ ዶርሳ ዉደቱካ ቱጋቲኖ።
JOE 1:19 አቤት መꬍና ጎዳዉ፥ ታማይ ባዙዋን ደእያ ሄንꬃ ጋደቱዋ ም ድጌዳ ድራዉነ ደምባን ደእያ ምꬃ ኡባ ላጩ ጹግ ድጌዳ ድራዉ፥ ታን ኔኮ ዋሳይ።
JOE 1:20 ጎግያ ሃꬃይ መሌዳ ድራዉነ ታማይ ባዙዋን ደእያ ማታ ም ድጌዳ ድራዉ፥ ሀራይ አቶ፥ ባዙዋ ዶአቱካ ኔኮ ዋሲኖ።
JOE 2:1 ጽዮነን ማላካታ ፑንተ፤ ታ ጌሻ ደርያንካ ማላካታ ስስተ! ይሁዳ ጋድያን ደእያ አሳይ ኡባይ ያሻዉ ኮኮሮ፤ አያዉ ጎፐ፥ መꬍና ጎዳ ጋላሳይ ዬ፤ ማታቴዳ።
JOE 2:2 ሄ ጋላሳይ ꬉማነ ሻኖቻ ጋላሳ፤ ሻርያነ ባራ ꬉማ ጋላሳ! ጮራነ ምኖ ኦላንቻቱ ደረቱዋ ቦላን ጻልቂ ከስያዋዳን ከስ ዎꬌድኖ። ኡንቱንቱ ማላይ በንፐ ዶምና ደእቤና፤ ሀዋፐ ስንꬃናዉ ዳሮ የለታ ጋካናዉካ ኡንቱንቱ ማላይ ደኤና።
JOE 2:3 ኡንቱንቱ ባረፐ ስንꬃና ደእያ ጫርሻ ኡባ ታማዳን ሚኖ፤ ቃይ ኡንቱንቱፐ ጉየና ደእያባ ላጩዋዳን ጹጊኖ፤ ኡንቱንቱፐ ስንꬃና ደእያ ሳአይ ኤደነ ገነትያ ማላ፤ ሽን ኡንቱንቱፐ ጉዪ መላ ባዙዋ ማላ፤ ኡንቱንቱፐ አያይነ አተና።
JOE 2:4 ኡንቱንቱ ማላይ ፓራ ማላ ማላ፤ ኡንቱንቱ ኦላ ፓራቱዋዳን፥ ኤለካ ዎጺኖ።
JOE 2:5 ፓራይ ጎችያ ጋረቱዋ ኮሻ ጊሪኖ፤ ኡንቱንቱ ደረቱዋ ጼራና ጉፒኖ፤ ዳላ ምያ ታማ ላጩዋዳን ጻራጊኖ፤ ኦላ ባናዉ ሳልፔዳ ዎልቃማ ኦላንቻቱዋዳን ማራን ሀመቲኖ።
JOE 2:6 ኡንቱንቱፐ ስንꬃና አሳይ ኮኮሬ፤ ኡንቱንቱ ያሻዉ ኡባ ሶምኢ ላመቴዳ።
JOE 2:7 ኡንቱንቱ ኦላንቻቱዋዳን ዎጺኖ፤ ድርሳ ግምቢያካ ግኢኖ። ኡንቱንቱ ኡባይካ ባረ ማራን ሳልፒኖ፤ ባረንቱ ሳልፕያፐ ጋጻ ከስክኖ።
JOE 2:8 ኡንቱንቱ እቱ እቱዋና ሱገትክኖ፤ ኡባይካ ባረ ሳልፕያን ሳልፕያን ስት ጊደ፥ ስንꬃዉ ሀመቲኖ። ኡንቱንቱ ባረናና ኦለትያዋንቱ ግዱዋና ꬉሲደ አꬊኖ፤ ሄ ዎደ ኡንቱንታ ተእያባይ ባዋ።
JOE 2:9 ኡንቱንቱ ካታማ ኤለካ ዎራጂኖ፤ ድርሳ ግምቢያ ቦላንካ ዎጺኖ። ኡንቱንቱ ጎልያ ቦላካ ከሲኖ፤ ቃይ ካይሱዋዳን፥ ማስኮትያና ገሊኖ።
JOE 2:10 ኡንቱንቱፐ ስንꬃና ጋዲ ቃጼ፤ ሳሎቱካ ኮኮሪኖ። አዋይነ አግናይ ꬉሚኖ፤ ቃይ ጾልንተቱካ ባረንቱ ፖኡዋ ገንꬂኖ።
JOE 2:11 መꬍና ጎዳይ ባረ ኦላንቻቱዋ ስንꬃን ጉሜ፤ አዉ አዛዘትያ ኦላንቻቱ ጮራነ ዎልቃማ። መꬍና ጎዳ ጋላሳይ ግታነ ዳሮፐ ያሽያዋ። ሄ ጋላሳ ዳንዳያናዌ ኦኔ?
JOE 2:12 መꬍና ጎዳይ ሀዋዳን ያጌ፤ “ሀእካ ጾሚደ፥ ዬኪድነ ካዮቲደ ፖሎ ዎዛናፐ ታኮ ስምተ።
JOE 2:13 ህንተ ዎዛናፐ አትና፥ ህንተ ማዩዋ ፔꬎፕተ” ያጌ። መꬍና ጎዳኮ፥ ህንተ ጾሳኮ፥ ስምተ፤ አያዉ ጎፐ፥ እ ቃረታይነ ማሮታይ ኩሜዳዋ፤ ሀንቆ ኤሌለናዋነ ሲቁ ዳሬዳዋ፤ እ ህንተና ሙራናዉ ኮየናዋ።
JOE 2:14 ኦን ኤሪ፥ ጾሳይ ህንተ ጾሳይ፥ ባረ ሀንቁዋፐ ስሚደ፥ ህንተንቶ ዳሮ ካꬃ አንጁዋ እማነንቶነ። ሄ ዎደ መꬍና ጎዳዉ፥ ህንተ ጾሳዉ፥ ካꬃ ያርሹዋነ ኡሻ ያርሹዋ ህንተ ያርሻና።
JOE 2:15 ጽዮነን ማላካታ ፑንተ፤ ያአዉ አሳ ሺሽተ! ጾማ አዋይተ፤
JOE 2:16 ሺቁዋ ጌሽተ፤ ጭማቱዋ እትፐ አህተ፤ ጉꬃ ናናቱዋነ ꬋምያዋንታካ አሾፕተ። አክያዌ ቡላቻ ጎልያፐ ከሶ፤ ቡላቼትያናካ ባረ ሲርጻፐ ከሱ።
JOE 2:17 መꬍና ጎዳዉ ኦꬅያ ቄሳቱ ጌሻ ጎልያ ባራንዳፐነ ያርሽያ ሳኣፐ ግዱዋን ኤቂደ ዬክኖ። ኡንቱንቱ ሀዋዳን ያጊደ ዎስኖ፤ “አቤት መꬍና ጎዳዉ፥ ነ አሳዉ ቃረታ፤ ነ አሳ ካዉተꬃቱዋ ግዶን ቦርያባነ ቅሊጭስያዋ ከሶፓ። አሳይ ባረ ግዶን አያዉ፥ ‘ኡንቱንቱ ጾሳይ ሀቃን ደኢ?’ ያጋኔ?” ያግኖ።
JOE 2:18 ያትና፥ መꬍና ጎዳይ ባረ ቢታዉ ሴለታና፤ ቃይ ባረ አሳዉካ ቃረታና።
JOE 2:19 መꬍና ጎዳይ ዛሪደ ባረ አሳ ሀዋዳን ያጌ፤ “በእተ፥ ታን ህንተንቶ ካꬃ፥ ዎይንያ ኤሳነ ዛይትያ ህንተና አዳ ካልስያዋ የዳና፤ ታን ህንተና ሙለካ ካዉተꬃቱዋ ግዶን ቦርያ ከስከ።
JOE 2:20 “ሁጲሳ ባጋና ዬዳ ቦልያዳን ግዴዳ ሞርከቱዋ ታን የደርሳደ፥ ህንተፐ ሃሳና፤ ባዙዋነ መላ ቢታ ታን ኡንቱንታ የደርሳና። አዋይ ዶልያ ባጋና ደእያዋንታ ማጽነ አባዉ፥ አዋይ ዉልያ ባጋና ደእያዋንታ ቃይ ሜድተራነ አባዉ ዛራደ የዳና፤ ኡንቱንቱ አሃይ ጽንቁዋ ጾኡ ጋና። ሄዌ ኡባይ ኡንቱንቱ ህንተ ቦላ ዎልቃማ ኢታባ ኦꬄዳ ግሻሳ” ያጌ።
JOE 2:21 ቢታዉ፥ ስም ያዮፓ፤ መꬍና ጎዳይ ግታባ ኦꬄዳ ድራዉ፥ ናሸታነ ሀሹ ጋ!
JOE 2:22 ህንተኖ ሳኣ መሄቶ፥ ያዮፕተ፤ አያዉ ጎፐ፥ ባዙዋን ደእያ ሄንꬃ ጋዲ አጬዳ፤ ምꬃይካ ባረ አይፍያ አይፌ፤ ኤꬃ ምꬃይነ ዎይንያ ቱራይካ አይፍያ ዶርጾጼ።
JOE 2:23 ህንተኖ ጽዮነ አሳቶ፥ ናሸትተ፤ መꬍና ጎዳን፥ ህንተ ጾሳን፥ ሀሹ ጊተ! አያዉ ጎፐ፥ እ ባልጉዋ እራ ህንተንቶ ዳርሲደ እሜዳ፤ ቃይ እ ካሰዋዳን፥ ህንተንቶ ባልጉዋ እራነ አድልያ እራ ግድሲደ እሜዳ።
JOE 2:24 ካꬃ ቡክያ ኡዱማቱዋን ካꬃይ ኩማና፤ ዎይንያ ኤሳይነ ዎጋራ ዛይቲ ጉምእያ ኦላቱዋ ኩሚደ ፓላሀና።
JOE 2:25 መꬍና ጎዳይ ህንተ ጾሳይ ሀዋዳን ያጌ፤ “ካሰ ታን ህንተ ግዶ የዴዳ፥ ታ ዎልቃማ ኦላንቻቱዋ፥ ጎንዶቱ፥ ቦለቱ፥ ቡምቡሮቱነ ኩኩቦቱ ሜዳ ላይꬃቱዋ አጩዋ ታን ህንተንቶ ጭጋና።
JOE 2:26 ማናዉ ህንተንቶ ዳሮ ቁማይ ደአና። ሄዋ ድራዉ፥ ህንተ ካላናነ ማላልስያባ ህንተንቶ ኦꬄዳ ታና መꬍና ጎዳ ህንተ ጾሳ ሱንꬃ ጋላታና። ቃይ ታ አሳይ ላኤንꬆ ሙለካ ዬላተና።
JOE 2:27 ሄ ዎደ ታን እስራኤልያ ግዶን ደእያዋ፥ ታን መꬍና ጎዳይ ህንተ ጾሳ ግድያዋነ ታፐ አትና፥ ሀራ ጾስ ባይናዋ ህንተ ኤራና። ቃይ ታ አሳይ ላኤንꬆ ሙለካ ዬላተና።
JOE 2:28 “ሄዋፐ ጉይያን ሀዋዳን ሀናና፤ ታን አሳ ኡባ ቦላ ታ አያና ጉሳና። ህንተ አቱማ ናናቱነ ህንተ ማጫ ናናይ ትምቢትያ ኦዳና፤ ህንተ ጭማቱካ አኩሙዋ አኩመታና፤ ህንተ ዎዳላ ናናይካ ሳፃ በአና።
JOE 2:29 ሄ ጋላሳቱዋን ታ አቱማ ቆማቱ ቦላነ ታ ማጫ ቆማቱ ቦላ ታን ታ አያና ጉሳና።
JOE 2:30 “ቃይ ታን ቦላ ሳሉዋን ማላልስያባ፥ ጋርሳ ሳንካ ሱꬃ፥ ታማነ ስት ጊደ ፑደ ደንድያ ጩዋ በሳና።
JOE 2:31 ግታነ ዳሮፐ ያሽያ መꬍና ጎዳ ጋላሳይ ጋካናፐ ካሰ አዋይ ꬉማና፤ አግናይካ ሱꬃ ማላታና።
JOE 2:32 ሄ ዎደ ሀዋዳን ሀናና፤ መꬍና ጎዳ ሱንꬃ ጼስያ ኡባይ አታና። መꬍና ጎዳይ ጌዳዋዳን፥ ጽዮነ ደርያንነ የሩሳላመን አትያዋንቱ ደአና። ሄዋንቱፐካ መꬍና ጎዳይ ጼሴዳዋንቱ ፓጻ ደአና።”
JOE 3:1 መꬍና ጎዳይ ሀዋዳን ያጌ፥ “ሄ ጋላሳቱዋንነ ሄ ዎድያን ታን ይሁዳነ የሩሳላመ አሳ ኦሞዱዋ ዛራናነ እሻልሳደ ዎꬃና።
JOE 3:2 ታን ካዉተꬃቱዋ ኡባን ደእያ አሳ ሺሻደ፥ ዱገ እዮሳፈጻ ዎምባ ዎꬃና፤ ኡንቱንቱ ታ አሳ እስራኤልያ ቦላ ኦꬄዳ ባይዙዋ ኡባ ድራዉ፥ ታን ኡንቱንታ ያን ፕርዳና። አያዉ ጎፐ፥ ኡንቱንቱ ታ አሳ ካዉተꬃቱዋ ግዶን ላሌድኖ፤ ቃይ ታ ቢታካ ባረዉ ግሽ አኬድኖ፤
JOE 3:3 ኦሞደቴዳ ታ አሳ ቦላን ሳማ የጌድኖ፤ ሻርሙጻ ማጫ አሳ ደማናዉ፥ አቱማ ናኣ እሜድኖ፤ ቃይ ዎይንያ ኤሳ ኡሻናዉ፥ ማጫ ናቶ ባይዜድኖ።
JOE 3:4 “ሄዋዳንካ፥ ህንተኖ፥ ጺሮሳ፥ ሲዶናነ ፕልስጼማ ጋድያ አሳቶ፥ ህንተ ታ ቦላ አይ ኦꬃናዉ ቆፔድቴ? ታን ኦꬄዳዋ ሀሉዋ ከሳናዉ ኮዪቴ? ሄዋ ህንተ ኮዮፐ፥ ታን ኤሌላደ ህንተ ኦꬄዳ ኦሱዋ ህንተ ቦላ ዛራና።
JOE 3:5 አያዉ ጎፐ፥ ህንተ ታ ብራነ ታ ዎርቃ አኬድታ፤ ታ አልኦ ሚሻካ ህንተ ኤቃ ጎለቱዋ ገልሴድታ።
JOE 3:6 ይሁዳ ጋድያ አሳነ የሩሳላመ ካታማ አሳ ኡንቱንቱ ጋድያፐ ሃስ አፊደ፥ ግሪከ ጋድያ አሳዉ ዛልኤድታ።
JOE 3:7 በእተ፥ ህንተ ዛልኤዳ ሳኣፐ ታን ኡንቱንታ ሀእ ደንꬃና፤ ህንተ ኦꬄዳዋ ኡባ ህንተ ሁጲያን ዛራና።
JOE 3:8 ታን ህንተ አቱማ ናናቱዋነ ህንተ ማጫ ናናቱዋ ይሁዳ ጋድያ አሳዉ ዛልኤታናዳን ኦꬃና፤ ቃይ ኡንቱንቱካ ሃኮ ጋድያን ደእያ ሳባ ጋድያ አሳዉ ኡንቱንታ ዛልአና። ታን መꬍና ጎዳይ ሀዋ ኦዳድ።
JOE 3:9 “ሀዋዳን ያጊደ አይሁዳ ግደና አሳቱዋ ግዶን አዋይተ፤ ‘ኦላዉ ጊግተ፤ ምኖ አሳቱዋ ደንꬅተ! ኦላንቻቱ ኡባይ ሺቅኖነ ከስኖ።
JOE 3:10 ህንተ ማራሻ ማሻ፥ ህንተ ባጫካ ቶራ ከሳናዉ ቆጽተ! ዳቡራንቻይ፥ ታን ምና! ያጎ።
JOE 3:11 ህንተኖ፥ ዩሹዋን ደእያ ካዉተꬃ ኡባቶ፥ ኤለካ ሃ ዪተ፤ ሄዋን ሺቅተ’ ያግተ” ያጌ። አቤት መꬍና ጎዳዉ፥ ነ ኦላንቻቱዋ ያ ዱገ ዎꬃ!
JOE 3:12 ቃይካ ጾሳይ ሀዋዳን ያጌ፤ “ካዉተꬃቱ ደንዲደ፥ እዮሳፈጻ ዎምባ ቢኖ፤ አያዉ ጎፐ፥ ዩሹዋን ደእያ ካዉተꬃቱዋ ኡባ ቦላን ፕርዳናዉ ታን ያን ኡታና።
JOE 3:13 ኡንቱንቱ ኢታተꬃይ ሎይꬅ ዳሬዳ። ሄዋ ድራዉ፥ ጫካ ዎዲ ጋክና ባጫን ጫክያዋዳን፥ ኡንቱንታ ጫክተ፤ ዎይንያ አይፊ ጉምእያ ኦላን ኩምና የꬍያዋዳንካ፥ ኡንቱንታ የꬍተ።”
JOE 3:14 ፕርዳ ዛንጋራን መꬍና ጎዳ ጋላሳይ ጋኬዳ፤ ሄዋ ድራዉ፥ ዳሮ ዳሮ አሳይ ፕርዳ ዛንጋራን ደኤ።
JOE 3:15 ሄ ጋላስ አዋይነ አግናይ ꬉማና፤ ጾልንተቱካ ባረንቱ ፖኡዋ ገንꬃና።
JOE 3:16 መꬍና ጎዳይ ጽዮነን ግዲደ ጉማና፤ የሩሳላመንካ ባረ ኮሻ ስሳና፤ ሳሉነ ሳአይ ኮኮራና። ሽን መꬍና ጎዳይ ባረ አሳዉ እስራኤላዉ ባቃት አትያ ሳኣነ ደኡዋ ግዳናዋ።
JOE 3:17 መꬍና ጎዳይ፥ “ታን ታ ጌሻ ደርያን ጽዮነን ደእያ መꬍና ጎዳ ህንተ ጾሳ ግድያዋ ህንተ ሄ ዎደ ኤራና። የሩሳላመ ካታማይ ጌሻ ግዳናዋ፤ ቃይ አላጋቱዋ ኦላንቻቱ ላኤንꬆ የሩሳላመ ዎራጅክኖ።
JOE 3:18 “ሄ ጋላስ ደረቱ አይፍያ ዎይንያ ቱራን ካመታና፤ ደረቱዋ ቦላንካ ዳሮ ማꬃ እምያ ሚዛይ ሄመታና። ይሁዳ ጋድያን ደእያ ሻፋ ኡባና ሃꬃይ ፑልታና። መꬍና ጎዳ ጌሻ ጎልያፐ ፑልቱ ጎጋና፤ ሺጽማ ዛንጋራ ኡሻና።
JOE 3:19 “ግብጼ ጋዲ መላ ግዳናዋ፤ ኤዶማ ቢታይካ አይነ ዶለና ቢታ ግዳናዋ። አያዉ ጎፐ፥ ኡንቱንቱ ይሁዳ አሳ ቦላ ኢታባ ኦꬄድኖ፤ ቃይ ይሁዳ ጋድያን ጽሎ አሳ ሱꬃካ ጉሴድኖ።
JOE 3:20 ሽን ይሁዳ ጋዲ መꬍናዉ፥ የሩሳላመካ የለታ ኡባ ጋካናዉ፥ አሳይ ደኢያሳ ግዳናዋ።
JOE 3:21 ታን ጭገተናን አጌዳ ኡንቱንቱ ሱꬃ ሀሉዋ ብሮ ከሳና፤ አያዉ ጎፐ፥ ጾሳይ ጽዮነን ደኤ” ያጌ።
AMO 1:1 ኦዝያነ ይሁዳ ጋድያን ካትያ፥ ቃይ ዮኣሻ ናአይ እዮርባም እስራኤልያ ጋድያን ካትያ ግዲደ ደኤዳ ላይꬃን ታቆአ ጋድያን ዶርሳ ሄምያዋንቱፐ እቱ አሞጽ፥ ቢታይ ቃጻናፐ ላኡ ላይꬃፐ ካሰ እስራኤልያባ በኤዳ ሳጻይ ሀዋ።
AMO 1:2 እ ሀዋዳን ያጌዳ፤ “መꬍና ጎዳይ ጽዮነ ደርያን ጉዴ፤ የሩሳላመ ካታማንካ ባረ ኮሻ ስሴ። ሄንꬃንቻቱ መህያ ሄምያ ሄንꬃ ጋደቱ መሊኖ፤ ቃርመሎሳ ደርያ ሁጲያን ደእያ እርጻይካ ሹሌ” ያጌዳ።
AMO 1:3 መꬍና ጎዳይ ሀዋዳን ያጌ፤ “ዳማስቆ አሳይ ዛር ዛሪደ ኦꬄዳ ናጋራ ድራዉ፥ ታን ኡንቱንታ ሙረናን አግከ። አያዉ ጎፐ፥ ኡንቱንቱ ጋላኣደ ቢታ አሳ ብራታ አቻና ደእያ ጋርያን የꬍሲደ ቆጼድኖ።
AMO 1:4 ሄዋ ድራዉ፥ ታን ካትያ ሀዛኤላ ጎልያን ታማ የዳና፤ የድና ሄ ታማይ ካትያ በንሀዳዳ ጌሱዋካ ማና።
AMO 1:5 ታን ዳማስቆ ካታማ ፐንግያ ኩልቡዋ መንꬃና፤ አዌና ዛንጋራን ደእያ አሳ የደርሳናነ ካተቱዋ ጻምኣ ኦይቄዳዋካ ቤት-ኤዴናፐ ꬋይሳና፤ ቃይ ሶርያ ጋድያ አሳይካ ኦሞደቲደ፥ ቂራ ግያሳ ባና” ያጌ መꬍና ጎዳይ።
AMO 1:6 መꬍና ጎዳይ ሀዋዳን ያጌ፤ “ጋዛ ካታማ አሳይ ዛር ዛሪደ ኦꬄዳ ናጋራ ድራዉ፥ ታን ኡንቱንታ ሙረናን አግከ። አያዉ ጎፐ፥ ኡንቱንቱ ጋድያን ደእያ አሳ ኡባ ኦሞዲደ፥ ኤዶማ ጋድያ አሳዉ ባይዜድኖ።
AMO 1:7 ሄዋ ድራዉ፥ ታን ጋዛ ካታማ ድርሳን ታማ የዳና፤ ሄ ታማይ ካታማ ጌሱዋካ ማና።
AMO 1:8 አሽዶዳን ደእያ አሳ ታን የደርሳናነ ካተቱዋ ጻምኣ ኦይቄዳዋካ አስቀሎናፐ ꬋይሳና። ኤቅሮና ካታማን ደእያ አሳካ ሙራና፤ ቃይ ፕልስጼማ ጋድያ አሳፐ አቴዳዋንቱካ ሀይቃና። ታን ኡባ ሞድያ መꬍና ጎዳይ ሀዋ ኦዳይ” ያጌ።
AMO 1:9 መꬍና ጎዳይ ሀዋዳን ያጌ፤ “ጺሮሳ ካታማ አሳይ ዛር ዛሪደ ኦꬄዳ ናጋራ ድራዉ፥ ታን ኡንቱንታ ሙረናን አግከ። አያዉ ጎፐ፥ ኡንቱንቱ ጫቀቴዳ እሻተꬃ ጫቁዋ አꬊደ፥ ኦሞደቴዳ አሳ ኡባ ኤዶማ አሳዉ ባይዜድኖ።
AMO 1:10 ሄዋ ድራዉ፥ ታን ጺሮሳ ካታማ ድርሳን ታማ የዳና፤ ሄ ታማይ ካታማ ጌሱዋካ ማና” ያጌ።
AMO 1:11 መꬍና ጎዳይ ሀዋዳን ያጌ፤ “ኤዶማ ጋድያ አሳይ ዛር ዛሪደ ኦꬄዳ ናጋራ ድራዉ፥ ታን ኡንቱንታ ሙረናን አግከ። አያዉ ጎፐ፥ ኡንቱንቱ ባረንቱ እሻቱዋ እስራኤላቱዋ ማሻን የደርሴድኖ፤ ኡንቱንቱ ኡንቱንቶ ቃረትበይክኖ። ኡንቱንቱ ኡባ ገደ ሀንቀቲኖ፤ ኡንቱንቱ ይሉ መꬍናዉካ ስመና።
AMO 1:12 ሄዋ ድራዉ፥ ታን ቴማና ካታማ ቦላ ታማ የዳና፤ ሄ ታማይ ቦጽራ ካታማ ጌሶቱዋ ማና” ያጌ።
AMO 1:13 መꬍና ጎዳይ ሀዋዳን ያጌ፤ “አሞና ጋድያ አሳይ ዛር ዛሪደ ኦꬄዳ ናጋራ ድራዉ፥ ታን ኡንቱንታ ሙረናን አግከ። አያዉ ጎፐ፥ ኡንቱንቱ ባረንቱ ዛዋ አሳናዉ ጋላኣደ ጋድያን ደእያ ሻሃራ ማጫ አሳቱ ኡሉዋ ዳኬድኖ።
AMO 1:14 ሄዋ ድራዉ፥ ታን ራባ ካታማ ድርሳን ታማ የዳና፤ ሄ ታማይ ካታማ ጌሶቱዋ ማና። ሄዋፐ ጉይያን፥ ኦላ ጋላስ ዋሱ ዳራና፤ ቃይ ኦላንቻቱ ጎትያዳን ዎልቃማና።
AMO 1:15 ኡንቱንቱ ካቲነ አናና ኦꬅያ ካፓቱ ኡባይ ኦሞደቲደ እትፐ ባና” ያጌ መꬍና ጎዳይ።
AMO 2:1 መꬍና ጎዳይ ሀዋዳን ያጌ፤ “ሞኣባ ጋድያ አሳይ ዛር ዛሪደ ኦꬄዳ ናጋራ ድራዉ፥ ታን ኡንቱንታ ሙረናን አግከ። አያዉ ጎፐ፥ ኡንቱንቱ ኤዶማ ጋድያ ካትያ መቀꬃ ብድንꬃ ከሳና ጋካናዉ ጹጌድኖ።
AMO 2:2 ሄዋ ድራዉ፥ ታን ሞኣባ ጋድያን ታማ የዳና፤ ሄ ታማይ ቅርዮታ ካታማ ጌሶቱዋ ማና። ሞኣባ ጋድያ አሳይ ሻቢርሳ ግዶን፥ ኦላ ዋሱዋ ግዱዋንነ ማላካታ ፑኑዋ ግዶን ሀይቂ ዉራና።
AMO 2:3 ታን ሞኣባ ጋድያ ሞድያዋ ꬋይሳና፤ ቃይ ካፓቱዋ ኡባካ አናና እትፐ ዎꬋና” ያጌ መꬍና ጎዳይ።
AMO 2:4 መꬍና ጎዳይ ሀዋዳን ያጌ፤ “ይሁዳ ጋድያ አሳይ ዛር ዛሪደ ኦꬄዳ ናጋራ ድራዉ፥ ታን ኡንቱንታ ሙረናን አግከ። አያዉ ጎፐ፥ ኡንቱንቱ መꬍና ጎዳ ህግያ እጼድኖ፤ አ አዛዙዋካ ናግበይክኖ። ኡንቱንቱ አዎቱ ካሌዳ ዎርዶ ጾሳቱ ኡንቱንታካ ባለꬄድኖ።
AMO 2:5 ሄዋ ድራዉ፥ ታን ይሁዳ ጋድያ ቦላ ታማ የዳና፤ ሄ ታማይ የሩሳላመ ጌሶቱዋ ማና” ያጌ።
AMO 2:6 መꬍና ጎዳይ ሀዋዳን ያጌ፤ “እስራኤልያ አሳይ ዛር ዛሪደ ኦꬄዳ ናጋራ ድራዉ፥ ታን ኡንቱንታ ሙረናን አግከ። አያዉ ጎፐ፥ ኡንቱንቱ ሚሻ አካና ድራዉ፥ ጽሉዋ ዛልኢኖ፤ ቃይ ጫማ አጩዋ አካና ግሻዉካ ህዬሳ ዛልኢኖ።
AMO 2:7 ማንቆቱዋ ጋድያ ባናን ኩንድሲደ፥ ኡንቱንቱ ሁጲያ የꬊኖ፤ ናቀቴዳዋንቱ ፕርዳካ ጌላዪኖ። ቃይ አዉነ ናአይ ላኡ እት ምሽራቶ ዎሹምያዋን ታ ጌሻ ሱንꬃ ሎይꬅ ቱንሲኖ።
AMO 2:8 ኡንቱንቱ አሳፐ አጮ ኦይቄዳ ማዩዋ ያርሽያ ሳኣን ኡባ ማታን ሂጺደ፥ አን ግሲኖ፤ ቃይ አሳፐ ማቃጮ ኦꬂደ አኬዳ ዎይንያ ኤሳ ባረንቱ ጾሳ ጎልያን ኡሺኖ።
AMO 2:9 “ግዶፐነ፥ ዝጋዳን አዱቂደ፥ ዎላዳን ምኔዳ አሞረ ጋድያ አሳቱዋ ኡንቱንቱ ስንꬃፐ ꬋይሴዳዌ ታና። ታን ኡንቱንቶ ቦላ አይፍያናካ ጋርሳ ጻጱዋናካ ኡባ ꬋይሳድ።
AMO 2:10 ታን ህንተና ግብጼ ጋድያፐ ከሳደ፥ ባዙዋን ኦይታሙ ላይꬃ ካለꬃድ፤ ቃይ አሞረቱ ቢታካ ህንተንቶ ላታ ኦꬃደ እማድ።
AMO 2:11 “ህንተ አቱማ ናናቱ ግዶፐ ትምቢትያ ኦድያዋንታ፥ ህንተ ያላጋ አሳ ግዶፐካ ባረና ጾሳዉ ዱማዬዳ ናዝራዌቱዋ ደንꬃድ። ህንተኖ፥ እስራኤልያ አሳቶ፥ ሀዌ ቱማ ግደኔ? ሀዋ ታን ጾሳይ ኦዳድ።
AMO 2:12 ሽን ህንተ ሄ ናዝራዌቱዋ ጫቁዋ ኮልሲደ፥ ዎይንያ ኤሳ ኡሼድታ፤ ትምቢትያ ኦድያዋንታካ፥ ‘ትምቢትያ ኦዶፕተ’ ያጊደ አዛዜድታ።
AMO 2:13 “በእተ፥ ካꬃ ዳርሲደ ጫኔዳ ጋሪ መእያዋዳን፥ ታን ህንተና መንꬃና።
AMO 2:14 ፓላ ዎጽያዌ ባቃቲደ ከስ አከና፤ ምኖ ዎልቃይ እጻና፤ ኦላንቻይካ ባረ ሸምፑዋ አሸና።
AMO 2:15 ዎንዳፍያን ዱክያዌ ባረ ሳኣን ኤቃናዉ ዳንዳየና፤ ገድያ ኤሱካ ከስ አከና፤ ፓራዉካ ባረ ሸምፑዋ አሸና።
AMO 2:16 ሄ ጋላስ ሀራይ አቶ ኦላንቻቱዋ ግዶን ሎይꬅ ጻላንቻ ግያዋንቱካ ካሎ ጺራ ባቃታና” ያጌ መꬍና ጎዳይ።
AMO 3:1 ህንተኖ እስራኤልያ አሳቶ፥ መꬍና ጎዳይ ህንተ ቦላ፥ ግብጼ ጋድያፐ እ ከሴዳ አሳ ኡባ ቦላ ሃሳዬዳዋ ስስተ።
AMO 3:2 “ሳኣን ደእያ አሳ ኡባፐ ታን ህንተ ጻላላ ዶራድ። ሄዋ ድራዉ፥ ህንተ ኦꬄዳ ናጋራ ኡባዉ ታን ህንተና ሙራና” ያጌ።
AMO 3:3 ላኡ አሳቱ ቆፋይ እታ ግደናን ደኢደ እትፐ ሀመቲኖ?
AMO 3:4 ጋሙ ኦይቂያዋ ደመናን ዎራን ጮ ጉዲየ? ዎይ ዎዳላ ጋሙ አየንቶ የደርሲደ ኦይቀናን ባረ ጌሱዋን ዳሪየ?
AMO 3:5 ኦይቃናዉ የጌዳ ግትያ ግዶን ካꬃይ ꬋዮፐ፥ ካፉ ጮ ኦይቀቲ? ዎይ ጲሪ አየንቶ ኦይቂያባይ ባይናን ጮ ፕሪ?
AMO 3:6 ካታማ ግዶን ኦላ ማላካታይ ፑነትያ ዎደ፥ አሳይ ያሻን ኮኮረኔየ? ዎይ መꬍና ጎዳይ ኪተናን ደእሽን፥ ባሻይ እት ካታማ ቦላን ዪየ?
AMO 3:7 ቱሙዋፐ ኡባ ሞድያ መꬍና ጎዳይ ባረ ጹራ ትምቢትያ ኦድያ ባረ ቆማቶ ካሰቲደ ቆንጭሰናን ደኢደ፥ አያነ ኦና።
AMO 3:8 ጋሙ ጉድና፥ ያየናዌ ኦኔ? ኡባ ሞድያ መꬍና ጎዳይ ኦድና፥ ትምቢትያ ኦደናዌ ኦኔ?
AMO 3:9 አሽዶዳ ካታማንነ ግብጼ ካትያ ጎለቱዋን ደእያ ኡባቶ ሀዋዳን ያጊደ አዋይተ፤ “ሳማርያ ደረቱዋ ቦላ ሺቅተ፤ ሺቂደ ያን ሀንያ ዎልቃማ ዋጨꬃነ ሱገꬃ ኦሱዋ በእተ” ያግተ።
AMO 3:10 መꬍና ጎዳይ ሀዋዳን ያጌ፤ “ሀ አሳቱ ሱረባ ኦꬅያዋ ኤርክኖ፤ ሱገꬃንነ ቦንቂደ አሄዳ ሻሉዋን ባረንቱ ጎልያ ኩንꬅ ዎꬄድኖ” ያጌ።
AMO 3:11 ሄዋ ድራዉ፥ ኡባ ሞድያ ጾሳይ ሀዋዳን ያጌ፤ “ሞርኪ ህንተ ቢታ ዶዳና፤ ህንተ ጌሱዋ ላላና፤ ህንተ ዱረቱዋ ጎልያካ ቦንቃና” ያጌ።
AMO 3:12 መꬍና ጎዳይ ሀዋዳን ያጌ፤ “ሄንꬃንቻይ ጋሙዋ ዶናፐ ዶርሳ ዎꬅ አክያ ዎደ፥ ዶርሳዉ ላኡ ገደቱዋ ዎይ ዱጻ ሀይꬃ ዎꬅ አክያዋዳን፥ ሄዋዳንካ ሳማርያ ጋድያን እሻሉዋን ኡቴዳ እስራኤልያ አሳፐ አማሬዳዋንቱ ጻላላይ አታና” ያጌ።
AMO 3:13 መꬍና ጎዳይ፥ ኡባፐ ዎልቃማ ጾሳይ መꬍና ጎዳይ ሀዋዳን ያጌ፤ “ሀዋ ስስተ፤ ያቆባ ዛራቱዋ ቦላ ማርካትተ።
AMO 3:14 ታን እስራኤልያ አሳ ኡንቱንቱ ናጋራ ድራዉ ሙሪያ ጋላስ፥ ቤቴለ ካታማን ደእያ ያርሽያ ሳኣ ኮላና፤ ያርሽያ ሳኣን ደእያ ካጨቱካ መኢደ፥ ሳኣን ዎꬋና።
AMO 3:15 ባልጉዋን ኡንቱንቱ ደእያ ጎልያነ ቦንያን ኡንቱንቱ ደእያ ጎልያ ኡባ ታን ꬋይሳና። ዳንጋርሳ ዛልያን አሌቂሲደ፥ ኡንቱንቱ ኬጼዳ ጎሊካ ኮለታና፤ ቃይ ዎልቃማ ዎልቃማ ጎለቱ ኡባይካ ꬋያና” ያጌ መꬍና ጎዳይ።
AMO 4:1 ህንተኖ፥ ሳማርያ ማጫዋንቶ፥ ባሳነ ጋድያ ማጫ ሚዛቱዋዳን ሞꬌዳዋንቶ፥ ሀዋ ስስተ! ህንተ ህዬሳቱዋ ኡቁኒታ፤ ማንቆቱዋካ ቱጋዪታ። ህንተ አስናቱዋካ፥ “ኑዉ ኡሻ ሀምተ” ያጊታ።
AMO 4:2 ኡባ ሞድያ መꬍና ጎዳይ ሀዋዳን ያጊደ፥ ባረ ጌሻተꬃን ጫቃ፤ “ህንተ ማጋን ኦይቂደ ጎሸታና ጋላሳይነ ህንተፐ አቴዳ አማሬዳዋንቱካ ማጋን ኦይቂደ ብያ ሞለቱዋዳን ሀናና ጋላሳይ ያና።
AMO 4:3 ህንተ ኡባይካ ድርሳ ጾእያና ጎችና ከሲደ፥ ሄርሞነን ኦለታና” ያጊደ ጫቄዳ መꬍና ጎዳይ።
AMO 4:4 ኡባ ሞድያ መꬍና ጎዳይ ሀዋዳን ያጌ፤ “ህንተኖ፥ እስራኤልያ አሳቶ፥ ቢተ፤ ቤቴለ ቢደ፥ ናጋራ ኦꬅተ፤ ጋልጋላካ ቢደ፥ ናጋራ ጉጂደ ኦꬅተ። ዎንታ ዎንታ ህንተ ያርሹዋ ያርሽተ፤ ሄዘንꬆ ጋላስ ጋላስ ህንተ አስራታ አህተ። እርሹዋ የጊደ ኡኬዳ ኡክꬃ ጹጊደ፥ ጋላታ ያርሹዋ ያርሽተ። ህንተ ህንተ ዶሱዋን እምያዋ ድራዉ፥ ኦቶረቲደ አዋይተ። አያዉ ጎፐ፥ ህንተ ኦꬃናዉ ዶስያዌ ሄዋ” ያጌ።
AMO 4:6 ቃይካ መꬍና ጎዳይ ሀዋዳን ያጌ፤ “ህንተ ካታማ ኡባን ታን ኮሻ የዳደ፥ ሀራይ አቶ ህንተ ማታን ዳጽያባካ ꬋይሳድ፤ ሽን ህንተ ሄዋንካ ታኮ ስምበይክታ።
AMO 4:7 ካꬃ ጫክያ ዎዲ ጋካናዉ ብሮ ሄዙ አግናይ ደእሽን፥ ታን ህንተንቶ እራ ተኣድ። ታን እት ካታማን እራ ቡክሳደ ሀራ ካታማን ቡከናዳን ድጋድ፤ እት ሾይቃን ቡኬዳ፤ ሀራ ቡክቤና ሾይቃይ ቃይ መሌዳ።
AMO 4:8 ሄዋ ድራዉ፥ ላኡ ዎይ ሄዙ ካታማቱዋ አሳይ ሃꬃ ኡሻናዉ እት ካታማ ቤድኖ፤ ሽን አልበይክኖ። ሄዋንካ ቃይ ህንተ ታኮ ስምበይክታ” ያጌ መꬍና ጎዳይ።
AMO 4:9 መꬍና ጎዳይ፥ “ታን ህንተ ካꬃ ቦላን ሀርግያ የዳድ፤ ህንተ አታክልትያነ ህንተ ዎይንያ ቱራ፥ ህንተ ባላስያ ምꬃነ ህንተ ዎጋራ ኡባ ቦሊ ሜዳ፤ ሽን ህንተ ሄዋንካ ታኮ ስምበይክታ” ያጌ።
AMO 4:10 መꬍና ጎዳይ፥ “ታን ግብጼ አሳቱዋ ቦላ ኢታ ሀርግያ የዴዳዋዳን፥ ህንተ ቦላንካ ቦሻ የዳድ፤ ህንተ ዎዳላ ናናቱዋ ማሻን ዎꬋድ፤ ህንተ ፓራቱካ ኦሞደታናዳን ኡዳድ። ህንተ ሞꬃን ሀይቄዳ አሳ አሃ ጽንቁዋን ህንተና ኡላድ፤ ሽን ህንተ ሄዋንካ ታኮ ስምበይክታ” ያጌ።
AMO 4:11 መꬍና ጎዳይ፥ “ሶዶማነ ጋሞራ ካታማቱዋ ꬋይሴዳዋዳን፥ ህንተፐካ ዳሮቱዋ ꬋይሳድ፤ ሀ አቴዳ ህንተካ ታማፐ ኤጺደ አቴዳ ጺፋ ማላ፤ ሽን ህንተ ሄዋንካ ታኮ ስምበይክታ” ያጌ።
AMO 4:12 ጾሳይ፥ “ሄዋ ድራዉ፥ እስራኤልያ አሳቶ፥ ታን ህንተና ሄዋዳን ኦꬃደ ሙራና ሀናይ። ታን ህንተና ሀዋዳን ኦꬃደ ሙራና ሀንያ ድራዉ፥ እስራኤልያ አሳዉ፥ ህንተ ጾሳና ጋከታናዉ ጊግተ” ያጌ።
AMO 4:13 ደረቱዋ ጊግሴዳዌ፥ ጫርኩዋካ መꬌዳዌ፥ ባረ ዎዛና ቆፋ አሳዉ ቆንጭስያዌ፥ ዎንታ ፖኡዋ ꬉማዉ ላምያዌ፥ ጋድያን ደእያ ꬎቃ ደረቱዋ የꬍያዌ፥ አዉ ሱንꬃይ መꬍና ጎዳ፥ ኡባፐ ዎልቃማ ጾሳ።
AMO 5:1 እስራኤልያ አሳቶ፥ ታን ህንተ ቦላ ዝላልያ ዝላሳ ስስተ!
AMO 5:2 “ወዶሮ እስራኤላታ ኩንዳዱ፤ ስም ላኤንꬆ ደንዱኩ። ሳኣን ኦለታዱ፤ እዞ ደንꬅያዌካ ባዋ!” ያጋድ።
AMO 5:3 ኡባ ሞድያ መꬍና ጎዳይ ሀዋዳን ያጌ፤ “ሻኡ ኦላንቻቱዋ ኦላዉ የድያ እስራኤልያ ካታማዉ ጼቱ ኦላንቻቱዋ ጻላላይ አታና፤ ጼቱ ኦላንቻቱዋ ኦላዉ የድያ እስራኤልያ ካታማዉ ቃይ ታሙ ኦላንቻቱዋ ጻላላይ አታና” ያጌ።
AMO 5:4 መꬍና ጎዳይ እስራኤልያ አሳዉ ሀዋዳን ያጌ፤ “ታና ኮይተ፤ ያቶፐ፥ ህንተ ደኡዋን ደአና።
AMO 5:5 ሽን ቤቴለ ኮዮፕተ። ገልጋላ ገሎፕተ። በርሳበሄ ፕኖፕተ። አያዉ ጎፐ፥ ገልጋል ኦሞደታና፤ ቤቴልካ ꬋያና” ያጌ።
AMO 5:6 መꬍና ጎዳ ኮይተ፤ ያቶፐ፥ ህንተ ደኡዋን ደአና። ሄዌ ꬋዮፐ፥ እ ዮሴፎ ዛርያ ታማዳን ጹጋና፤ ቤቴለን ደእያ አሳካ ታማይ ማና። ሄ ታማ ኡንቱንቶ ኦንነ ቶይሰና።
AMO 5:7 ህንተኖ፥ ሱረ ፕርዳ ጌላዬዳዋንቶ፥ ጽሎተꬃካ ሳኣን ኦልያዋንቶ፥ ሀዋ ስስተ።
AMO 5:8 ፕልያድሳ ጌተትያ ላፑን ጾልንተቱዋነ ኦርዮና ጌተትያ ጾልንተቱዋ ጭታ መꬌዳዌ፥ ባራ ꬉማ ዎንታዉ፥ ጋላሳ ፖኡዋካ ቃማዉ ላምያዌነ አባን ደእያ ሃꬃቱዋ ፑደ ሳሉዋ ጼሲደ፥ ሳኣ ምጨꬃ ቦላ ዱገ ትግያዌ፥ አዉ ሱንꬃይ መꬍና ጎዳ።
AMO 5:9 እ ጌሶቱዋ ላላናዉ ዎልቃማቱዋ ቦላ ባሻ አዬ።
AMO 5:10 ህንተ ፕርዳ ጉታራን ሴርያዋ እጺታ፤ ቱሙዋ ኦድያዋካ ሸነቲታ።
AMO 5:11 ህንተ ህዬሳቱዋ የꬊደ፥ ኡንቱንቱ ካꬃካ ኡንቱንቱፐ ቦንቂደ አኬድታ። ያቲደ ማሰቴዳ ሹቻን ጎለቱዋ ግምቤድታ፤ ሽን ህንተ ሄ ጎለቱዋን ደእክታ። ሎእያ ዎይንያ ቱራቱዋካ ቶኬድታ፤ ሽን ህንተ ሄ ዎይንያ ኤሳ ኡሽክታ።
AMO 5:12 አያዉ ጎፐ፥ ህንተ ናቁ አፑነንቶነ ህንተ ናጋራይካ አይ ኬሻ ዎልቃመንቶ ታን ኤራይ። ህንተ ጽሎቱዋ ናቂታ፤ ማታይያካ አኪታ፤ ቃይ ጉታራን ህዬሳቱዋ ፕርዳ ጌላዪታ።
AMO 5:13 ሄዋ ድራዉ፥ ሀዋ ማላ ዎድያን ጭንጫ አሳይ ጮኡ ጌ፤ አያዉ ጎፐ፥ ዎዲ ኢታ።
AMO 5:14 ደኡዋን ደአናዉ ሎኦባፐ አትና፥ ኢታባ ኦꬆፕተ፤ ያቶፐ፥ ህንተ ግያዋዳን፥ መꬍና ጎዳይ፥ ኡባፐ ዎልቃማ መꬍና ጎዳይ ህንተናና ግዳናዋ።
AMO 5:15 ኢታባ እጽተ። ሎኦባ ዶስተ። ፕርዳ ጉታራንካ ሱረ ፕርዳ ፕርድተ። ያቶፐ፥ ኦን ኤሪ፥ ጾሳይ፥ ኡባፐ ዎልቃማ ጾሳይ ዮሴፎ ዘረꬃቱዋፐ አቴዳ አማሬዳዋንቶ ቃረታነንቶነ።
AMO 5:16 ሄዋ ድራዉ፥ ጎዳይ፥ ኡባፐ ዎልቃማ መꬍና ጎዳይ ሀዋዳን ያጌ፤ “ዳባባ ኡባን ዋሱ ከሳና፤ ኦገ ኡባንካ አሳይ፥ ‘አየ፥ አየ!’ ጋና። ጎሻንቻቱ ዬኮ፥ ዝላልያዋንቱካ ዝላሳዉ ጼሰታና።
AMO 5:17 ዎይንያ ቱራ ሳ ኡባን ዬኩ ደአና፤ አያዉ ጎፐ፥ ታን ህንተና ሙራናዉ ህንተ ግዶና አꬋና” ያጌ መꬍና ጎዳይ።
AMO 5:18 ህንተኖ፥ መꬍና ጎዳ ጋላሳይ ያናዳን አሞትያዋንቶ፥ ህንተንቶ አየ አና! መꬍና ጎዳ ጋላሳ አያዉ አሞቲቴ? ሄ ጋላሳይ ꬉማፐ አትና፥ ፖኦ ጋላሳ ግደና።
AMO 5:19 ሄ ጋላስ ህንተ ጋሙዋፐ ባቃት አትያ ዎደ፥ ማሂ ጋከትያ አሳ ማላ፥ ሄዋፐካ ቃይ ባቃት ባረ ጎለ ገሊደ፥ ባረ ኩሽያ ጎዳን ዘምፕስያ ዎደ፥ ሾሻይ ዱክያ አሳ ማላ ግዳናዋ።
AMO 5:20 መꬍና ጎዳ ጋላሳይ ꬉማፐ አትና፥ ፖኦ ግደና፤ ባራ ꬉማፐ አትና፥ ፖኦ ሾራይ ሙለካ ባዋ!
AMO 5:21 ጾሳይ ሀዋዳን ያጌ፤ “ታን ህንተ ቦንችያ ባላቱዋ እጻድነ ሸነታድ፤ ህንተ ጌሻ ሺቁካ ታና ናሸችክኖ።
AMO 5:22 ህንተ ታዉ ጹግያ ያርሹዋነ ካꬃ ያርሹዋካ ያርሺታ፤ ሽን ታን ሄዋ አክከ። ቃይ ህንተ ታዉ ጋላታዉ አህያ እትፐተꬃ ያርሹዋ ሞꬎ መሄቱዋካ ጼልከ።
AMO 5:23 ህንተ ማዝሙርያ ጫንጨꬃ ታ ማታፐ ሃስተ፤ ህንተ ዲጽያ ዲꬃካ ስስከ።
AMO 5:24 ሽን ሱረ ፕርዳይ ፑልቶ ሃꬃዳን፥ ጽሎተꬃይካ ቶኤና ሻፋ ሃꬃዳን ጎጎ።
AMO 5:25 “ህንተኖ፥ እስራኤልያ አሳቶ፥ ታን ህንተና ባዙዋን ኦይታሙ ላይꬃ ካለꬅያ ዎደ፥ ታዉ ያርሹዋ ያርሼድቴ? ዎይ እሞታ እሜድቴ?
AMO 5:26 ሄ ዎደ ህንተ ህንተ ኩሽያን መꬌዳ ካትያ ሳኩታ ግያ ኤቃነ ኬዋና ግያ ህንተ ጾልንትያ ጾሳ ኤቃ ቶኬድታ።
AMO 5:27 ሄዋ ድራዉ፥ ታን ህንተና ኦሞድሳደ ዳማስቆ ካታማፐ አꬃደ ሃኮ ሳ የዳና” ያጌ። ሀዋ ግያዌ አዉ ሱንꬃይ ኡባፐ ዎልቃማ ጾሳ ጌተትያ መꬍና ጎዳቴ።
AMO 6:1 ህንተኖ፥ እስራኤልያ አሳይ ማዱዋ ኦችያ ቦንቼቴዳ እስራኤልያ ጋድያ ካፓቶ፥ ህንተኖ፥ ጽዮነን እሻሉዋን ደእያዋንቶ፥ ሳማርያ ካታማንካ ህርግ ባይናን ኡቴዳዋንቶ፥ ህንተንቶ አየ አና!
AMO 6:2 አነ ካልነ ግያ ካታማ ቢደ በእተ። ሄዋፐ ቃይ ሀማታ ግያ ዎልቃማ ካታማ ቢደ፥ ያና ቃይ ዱገ ፕልስጼማቱዋ ካታማ ጋተ ዎꬍተ። ኡንቱንቱ ህንተ ላኡ ካዉተꬃቱዋፐ ኬኪኖ? ኡንቱንቱ ጋዲ ህንተ ጋድያፐ አኪ?
AMO 6:3 ህንተኖ፥ ኢታ ጋላሳይ ኤለካ ዬና ጊደ፥ ሱገꬃ ኦሱዋ ኦꬅያዋንቶ፥
AMO 6:4 ዳንጋርሳ ዛልያፐ ኦꬄዳ አርሳን ግስያዋንቶ፥ ምንጻፍያንካ እንጀቲደ ኡትያዋንቶ፥ ቃይ ዶርሳ ዉድያፐ ቦልት ቦልታቱዋነ ሚዛ ዛዳሉዋፐ ሞꬎ ማራ አሹዋ ምያዋንቶ፥
AMO 6:5 ዳዊተዳን የꬃ ሚሻ ህንተንቶ ጊግሲደ፥ ማስንቁዋን ዱማ ዱማ የꬃ የጽያዋንቶ፥
AMO 6:6 ዎይንያ ኤሳ ከርያና ጋንያዋንቶ፥ ሎይꬅ አልኦ ሽቱዋካ ኦከትያዋንቶ፥ ዮሴፎ ዛራቱዋ ባይዛድ አይነ ካዮተናዋንቶ፥ ህንተንቶ አየ አና!
AMO 6:7 ሄዋ ድራዉ፥ ኦሞደቲደ ባናዋንቱፐ ኮይሮቱ ህንተና ግዳና፤ ሄ ዎደ ህንተ እንጀ ደኡሳይነ ህንተ እሻልያዌ አታና።
AMO 6:8 መꬍና ጎዳይ፥ ኡባፐ ዎልቃማ መꬍና ጎዳይ ጾሳይ ሀዋዳን ያጊደ፥ ባረካ ባረናን ጫቄዳ፤ “ታን ያቆባ ኦቶሩዋ እጻይ፤ ኡንቱንቱ ጌሱዋካ ሸነታድ፤ ታን ካታማነ ካታማን ደእያ ኡባ ኡንቱንቱ ሞርከቶ አꬃደ እማና” ያጌዳ።
AMO 6:9 እት ጎልያን ታሙ አሳይ አቶፐ፥ ኡንቱንቱካ ሀይቃና።
AMO 6:10 ኡንቱንቱ ዳቦቱዋፐ እቱ አሃ ሞጋናዉ ጎለፐ ከሲደ አፋና፤ ሄ ጎልያ ቆልኦን ደእያ ብታንያ፥ “ኔናና አቴዳ ሀራ አሳይ ደኢ?” ያጊደ ኦቻና። እ ዛሪደ፥ “ባዋ” ያጋና። ኦችያዌ፥ “ሀይዛ፥ ሀይዛ! መꬍና ጎዳ ሱንꬃ ኑን ጼሳናዉ ኮሸና” ያጋና።
AMO 6:11 መꬍና ጎዳይ አዛዝና፥ ዎጋ ጎለቱ ኮለታና፤ ቄር ጎለቱካ መኤረታና።
AMO 6:12 ፓራቱ ዛላ ቦላን ጋልፋናዉ ዳንዳዪኖ? ዎይ ቃይ ጎሻንቻይ ቦራ ዋጺደ፥ አባ ጎሻናዉ ዳንዳዪ? ሽን ህንተ ቱሙ ፕርዳ ማርዝያዉ፥ ጽሎተꬃ አይፍያካ ጫሞ ላሜድታ።
AMO 6:13 ህንተ ሎዳባራ ካታማ ጾኔዳ ድራዉ ናሸቲታ፤ ቃይ፥ “ኑን ቃርናይማ ካታማካ ኑ ምኖተꬃን ኦይቄዶ” ያጊታ።
AMO 6:14 መꬍና ጎዳይ፥ ኡባፐ ዎልቃማ ጾሳይ ሀዋዳን ያጌ፤ “ህንተኖ፥ እስራኤልያ አሳቶ፥ ታን ህንተ ቦላ እት ካዉተꬃ ደንꬃና፤ ኡንቱንቱ ህንተና ሀማታ ፕኑዋፐ ዶሚደ፥ አራባ ዎምባ ጋካናዉ ቱጋያና” ያጌ።
AMO 7:1 ኡባ ሞድያ መꬍና ጎዳይ ታና ሳፃ በሴዳ። ሄ ሳጻን ታን ካትያ ጋክያ ካꬃይ ጫከቴዳዋፐ ጉይያን፥ ላኤንꬁዋ ጫሬዳ ጫርሻ ቦላ እ ቦልያ ዉድያ መꬍሽን በኣድ።
AMO 7:2 ኡንቱንቱ እርጻባ ኡባ ሚደ ዉርሴዳ ዎደ ታን፥ “አቤት ኡባ ሞድያ መꬍና ጎዳዉ፥ ሀያና አቶ ጋርኪ! ያቆባ ዛራቱ ዋኒደ አታናዉ ዳንዳዪኖ? ኡንቱንቱ ቄር ጉꬃቱዋቴ!” ያጋድ።
AMO 7:3 ሄዋ ድራዉ፥ መꬍና ጎዳይ ቃረቴዳ፥ ባረ ቆፋ ላሜዳ፤ ላሚደ ሀዋዳን ያጌዳ፤ “ሀ ኔን በኤዳባይ ፖለተናዋ” ያጌዳ መꬍና ጎዳይ።
AMO 7:4 ኡባ ሞድያ መꬍና ጎዳይ ታና ሀራ ሳፃ በሴዳ። ኡባ ሞድያ መꬍና ጎዳይ ባረ አሳ ፕርዳናዉ ታማ ጼሴዳ፤ ሄ ታማይ ዎልቃማ ጪማ አባ ም ድጊደ፥ ቢታካ ጹጋናዉ ዶሜዳ።
AMO 7:5 ያትና ታን ሀዋዳን ያጋድ፤ “አቤት ኡባ ሞድያ መꬍና ጎዳዉ፥ ሀያና ሀ ታማ ቶይሳርኪ! ያቆባ ዛራቱ ዋኒደ አታናዉ ዳንዳዪኖ? ኡንቱንቱ ቄር ጉꬃቱዋቴ!” ያጋድ።
AMO 7:6 ሄዋ ድራዉ፥ መꬍና ጎዳይ ቃረቴዳ፥ ባረ ቆፋ ላሜዳ፤ ላሚደ ኡባ ሞድያ መꬍና ጎዳይ ሀዋዳን ያጌዳ፤ “ሀዌካ ቃይ ፖለተናዋ” ያጌዳ።
AMO 7:7 ቃይካ እ ታና ሀራ ሳፃ በሴዳ። ታን ሄ ሳጻን በእያ ዎደ፥ ጎዳይ ግምቢያ ስታተꬃ ልክያ ቱምቢያ ኦይቂደ፥ ቱምቢያን ልከቲደ ግምበቴዳ ግምቢያ ማታን ኤቄዳ።
AMO 7:8 መꬍና ጎዳይ ታና፥ “አሞጻ፥ ሀ ኔን ጼልያዌ አዬ?” ያጊደ ኦቼዳ። ታን፥ “ቱምቢያ” ያጋድ። መꬍና ጎዳይ ታና፥ “በአ፥ ታን ታ አሳ እስራኤልያ ግዶን ቱምቢያ የጋይ፤ ታን ኡንቱንታ ሙረናን አꬍከ።
AMO 7:9 ይሳቃ ዛራቱ ጎይንያ ꬎቃ ሳአቱ ኮለታና፤ እስራኤልያ ጌሻ ሳአቱካ ꬋያና፤ ቃይ እዮርባማ ካዉተꬃ ቦላካ ታን ማሻና ደንዳና” ያጌዳ።
AMO 7:10 ቤቴለ ካታማን ቄስያ ግዲደ ደእያ አሜስያሴ እስራኤልያ ካትያ እዮርባመኮ ሀዋዳን ያጊደ ኪቴዳ፤ “አሞጽ እስራኤልያ አሳ ግዶን ደኢደ፥ ነ ቦላ ማቀቴዳ፤ እ ባረ ኦዱዋን ጋድያ ባይዜ።
AMO 7:11 አያዉ ጎፐ፥ እ ሀዋዳን ያጌ፤ ‘እዮርባም ማሻን ሀይቃና፤ እስራኤልያ አሳይካ ባረንቱ ጋድያፐ ኦሞደቲደ ባና’ ያጌ” ያጌዳ።
AMO 7:12 ያትና አሜስያሴ አሞጻ ሀዋዳን ያጌዳ፤ “ኔኖ ትምቢትያ ኦድያዎ፥ ባ፤ ህን ይሁዳ ቢታ ባቃታ ባደ፥ ያን ቁማ ማ፤ ትምቢትያ ያን ኦዳ።
AMO 7:13 ሽን ሀዌ ቤቴለ ካቲ ጎይንያ ሳኣነ ካዉተꬃ ጌሻ ሳ ግድያ ድራዉ፥ ላኤንꬆ ሀ ሳኣን ትምቢትያ ኦዶፓ” ያጌዳ።
AMO 7:14 አሞጽ ዛሪደ፥ አማስያስ ሀዋዳን ያጌዳ፤ “ታን መህያ ሄምያዋነ ኡንቱንቱ አይፍያ ማጽያዋፐ አትና፥ ትምቢትያ ኦድያዋ ዎይ ትምቢትያ ኦድያዋ ናኣ ግድከ።
AMO 7:15 ሽን መꬍና ጎዳይ ታና ዶርሳ ዉድያ ሄምያ ሳፐ አኪደ፥ ‘ባደ ታ አሳዉ እስራኤልያዉ ትምቢትያ ኦዳ’ ያጌዳ።
AMO 7:16 ሀእ ስም መꬍና ጎዳይ ግያዋ ስሳ! ኔን፥ ‘እስራኤልያ ቦላ ትምቢትያ ኦዶፓ፤ ይሳቃ ዛራቱዋ ቦላካ ማርካቶፓ’ ያጋዳ።
AMO 7:17 ሄዋ ድራዉ፥ መꬍና ጎዳይ ሀዋዳን ያጌ፤ ‘ነ ማቻታ ካታማ ግዶን ሻርሙጻ ግዳናዋ፤ ነ አቱማ ናናቱነ ነ ማጫ ናናይ ማሻን ሀይቃና፤ ነ ቢታይካ ዎዶሩዋን ሻከታና፤ ቃይ ኔን ነ ሁጲያዉካ አላጋ ጋድያን ሀይቃና። እስራኤልያ አሳይካ ባረንቱ ጋድያፐ ኦሞደቲደ ቱማ ባና’ ያጌ” ያጌዳ።
AMO 8:1 ኡባ ሞድያ መꬍና ጎዳይ ታና ሀራ ሳፃ በሴዳ፤ ሄዌካ፥ ቴራይ ኩሜዳ ኬሻ።
AMO 8:2 እ ታና፥ “አሞጻ፥ ሀ ኔን በእያዌ አዬ?” ያጊደ ኦቼዳ። ታን፥ “ቴራይ ኩሜዳ ኬሻ በአይ” ያጋድ። ያትና መꬍና ጎዳይ ታዉ ሀዋዳን ያጌዳ፤ “ታ አሳ እስራኤላዉ ዉርሰꬃይ ጋኬዳ፤ ሀዋፐ ስንꬃናዉ ታን ኡንቱንታ ሙረናን አꬍከ” ያጌዳ።
AMO 8:3 ኡባ ሞድያ መꬍና ጎዳይ ሀዋዳን ያጌ፤ “ሄ ጋላስ ካትያ ጎልያን የጽያ የꬃይ ዬኮ ላመታናዋ፤ ሀይቄዳ አሳ አሃይ ሙለ ሳኣን ዳራና፤ ቃይ ጮኡ ጊና፥ ያን ሃን ኦለታና” ያጌ።
AMO 8:4 ህንተኖ፥ መቶታንቻቱዋ የꬍያዋንቶ፥ ጋድያን ደእያ ህዬሳቱዋካ ꬋይሳናዉ ኮይያዋንቶ፥ ሀዋ ስስተ!
AMO 8:5 ህንተ ሀዋዳን ያጊታ፤ “ኑን ካꬃ ዛልአናዉ አግናይ ጼርያ ባላይ አዉደ አꬋኔ! ቃይ ኑን ኑ ዛልእያ ዶማናዉ ሳምባታይ አዉደ አꬋንዴሻ! ያትንቶ ኑን ካꬃ ጉꬃባን ማክ ማኪደ፥ ዳሮ ሚሻ አኪደ ባይዛና። ቃይ ዎርዶ ሚዛናን ልኪ ልኪደ፥ አሳ ጭማና።
AMO 8:6 ኑን ህዬሳ ብራን፥ መቶታንቻካ መጽ ላኡ ገድያ ጫማን ሻማና፤ ቃይ ዛርጋ ሀርቁዋ ሙሩታ ዛርጋ ጋትያን ባይዛና” ያጊታ።
AMO 8:7 መꬍና ጎዳይ ያቆብ ጬቀትያ ባረ ሱንꬃን ሀዋዳን ያጊደ ጫቄዳ፤ “ታን ኡንቱንቱ ኦꬄዳ ኢታ ኦሱዋ ሙለካ ዶግከ።
AMO 8:8 ቢታይ ቃጽያዌነ ጋድያን ደእያ አሳይ ኡባይ ዬክያዌ ሄዋ ጋሱዋና ግደኔየ? ኤ ናይለ ሻፋይ ኩንꬂደ ቃጽያዋዳን፥ ቢታ ኡባይ ቃጺደ ባልቡቀታና፤ ቃይ ሄ ኩንꬁ ዎꬍያዋዳን ዎꬋና” ያጌዳ።
AMO 8:9 ኡባ ሞድያ መꬍና ጎዳይ ሀዋዳን ያጌ፤ “ሄ ጋላስ ታን አዋ ሴታ ጋላስ ዉልሳና፤ ሳኣካ ጋላስ ꬉምሳና።
AMO 8:10 ታን ህንተ ባላ ናሸቻ ካዮ፥ ህንተ የꬃካ ዬኮ ላማና። መጽ እት ናአይ ሀይቂና ዬክያ አሳዳን፥ ህንተ ህንተ ሁጲያ ሜደቲደ ዋሩዋ ማያናዳን፥ ታን ህንተና ኦꬃና። ሄ ጋላሳ ዉርሰꬃይ ዳሮ ጫሞ ግዳናዋ” ያጌ።
AMO 8:11 ኡባ ሞድያ መꬍና ጎዳይ ሀዋዳን ያጌ፤ “በእተ፥ ታን ቢታ ኡባ ቦላን ኮሻ የድያ ጋላሳቱ ዪኖ። ታን ኮሻ የድያ ጋላስ፥ አሳይ ስሳናዉ መꬍና ጎዳ ቃላ ꬋዪደ ኮሻታናፐ አትና፥ ካꬃ ꬋዪደ ኮሻተና ዎይ ሃꬃ ꬋዪደ ሳመተና።
AMO 8:12 አሳይ አዋይ ዉልያ ባጋ አባፐ አዋይ ዶልያ ባጋ አባ ጋካናዉነ ሁጲሳፐ ገድሳ ጋካናዉ ብቻራና። ኡንቱንቱ መꬍና ጎዳ ቃላ ኮያናዉ ያነ ሃነ ዎጻና፥ ሽን ደምክኖ።
AMO 8:13 ሄ ጋላስ ማላ ሎኦ ዎዶራቱነ ዎዳላቱ ሳሙዋን ዚል አጋና።
AMO 8:14 ሳማርያ ኤቃቱዋን ጫቂያዋንቱ፥ ‘ዳና ጾሳይ ኤሮ!’ ያግያዋንቱነ፥ ‘በርሳቤሀ ጾሳይ ኤሮ’ ያግያዋንቱ ኩንዳና። ኡንቱንቱ ላኤንꬆ ሙለካ ደንድክኖ” ያጌ።
AMO 9:1 ያርሽያ ሳኣ ማታን ጎዳይ ኤቃ ደእሽን፥ ታን በኣድ። እ ታና ሀዋዳን ያጌዳ፤ “ባሱ ቃጻናዳን፥ ጌሻ ማቅዳስያ ጉምቡዋ ሾጫ፤ አሳ ኡባ ሁጲያን መንሬꬃ። ሄዋፐ አትያ አሳ ታን ማሻን ዎꬋና። ባቃትያ አሳይ ከስ አከና፤ ከስ አኬዳ አስካ ፓጻ አተና።
AMO 9:2 ኡንቱንቱ ጋድያ ቦኪደ፥ ስኦልያዉ ዱገ ዎꬎፐካ፥ ታን ኡንቱንታ ሄዋፐ ከሳና። ሳሉዋ ፑደ ከሶፐካ፥ ታን ኡንቱንታ ሄዋፐ ዱገ ዎꬃና።
AMO 9:3 ኡንቱንቱ ቃርመሎሳ ደርያ ጼራን ቆሰቶፐካ፥ ታን ኡንቱንታ ኮያደ ሄዋፐ ከሳና። አባ ጪሙዋ ግዶ ገሊደ፥ ታ ስንꬃፐ ጌሞፐካ፥ ታን ዳዊያ አዛዝና፥ እ ኡንቱንታ ዱካና።
AMO 9:4 ቃይ ባረንቱ ሞርከቱዋን ኦሞደቲደ፥ ኡንቱንቱ ቦፐካ፥ ያን ኡንቱንቱ ማሻን ሀይቃናዳን፥ ታን አዛዛና፤ ታን ኡንቱንታ ኢታ አይፍያን ጼላናፐ አትና፥ ሎኦ አይፍያን ጼልከ” ያጌዳ።
AMO 9:5 ጎዳይ፥ ኡባፐ ዎልቃማ መꬍና ጎዳይ ሳኣ ቦቼ፤ ሳአይ ሴሬ፤ ቃይ ሳኣን ደእያባይ ኡባይካ ዬኬ። ናይለ ሻፋይ ኩንꬂደ ባልቡቀትያዋዳን፥ ቢታ ኡባይ ባልቡቀቴ፤ ቃይ ሄ ኩንꬁ ዎꬍያዋዳንካ ዎꬌ።
AMO 9:6 እ ባረዉ ደእያ ሳኣ ሳሉዋን ጊግሴ፤ አ ባሱዋካ ሳኣን ባሴ። ቃይ እ አባ ሃꬃቱዋ ጼሲደ፥ ጋድያ ቦላን ዱገ ጉሴ፤ አዉ ሱንꬃይ መꬍና ጎዳ።
AMO 9:7 መꬍና ጎዳይ ሀዋዳን ያጌ፤ “ህንተኖ፥ እስራኤልያ አሳቶ፥ ህንተ ታዉ ቶጵያ አሳ ማላ ግድክቴየ? ታን ህንተና ግብጼ ጋድያፐ ከሴዳዋዳን፥ ፕልስጼማ አሳ ካፍቶራፐ፥ ቃይ ሶርያ አሳካ ቂራፐ ከሳድ” ያጌ።
AMO 9:8 መꬍና ጎዳይ ሀዋዳን ያጌ፤ “በእተ፥ ኡባ ሞድያ መꬍና ጎዳ አይፊ ናጋራንቻ ካዉተꬃ ቦላን ደኤ። ታን አ ጋድያ ቦላፐ ꬋይሳና፤ ሽን ታን ያቆባ ዛርያ ኡባና ꬋይስከ።
AMO 9:9 “በእተ፥ ካꬃ ዛዝርያን ዛዝርያዋዳን፥ እስራኤልያ አሳ ካዉተꬃቱዋ ኡባ ግዶን ዛዝራናዳን፥ ታን አዛዛና፤ ሽን ኡንቱንቱ ግዶን አማነትያዋንቱፐ እቱነ ሳኣን ዎꬊደ ꬋየና።
AMO 9:10 ‘ኑና አያ ኢታባይነ ጋከና ዎይ ደመና’ ያግያ ታ አሳ ግዶን ደእያ ናጋራንቻቱ ኡባይ ማሻን ዉራና” ያጌ።
AMO 9:11 ቃይካ ጾሳይ፥ “ሄ ጋላስ ታን ኮለቲደ ኩንዴዳ ጎልያዳን ሀኔዳ ዳዊታ ካዉተꬃ ደንꬃና፤ ጾኤቴዳ ሳአቱዋካ ባራና፤ ቃይ ኮለቴዳሳካ ኦራꬃና፤ ታን አ በንዋዳን ኦꬃደ ኬጻና።
AMO 9:12 ሄዌነ እስራኤልያ አሳይ ኤዶማ ጋድያፐ አቴዳዋንታነ ታ ሱንꬃን ጼሰቴዳ ካዉተꬃቱዋ ኡባ ላታናሳ” ያጌ። ሀዋ ኦꬅያዌ ታና መꬍና ጎዳ።
AMO 9:13 መꬍና ጎዳይ ሀዋዳን ያጌ፤ “በእተ፥ ካꬃ ጫክያዋንቱ ጫኪደ ዉርሰናን ደእሽን፥ ጋድያ ጎሽያዋንቱ ጋክያ ዎዲ፥ ዎይንያ ቴራ ጉምእያዋንቱካ ጉምኢደ ዉርሰናን ደእሽን፥ ዎይንያ ዘርያዋንቱ ጋክያ ጋላሳቱ ያና። ሄ ዎደ ደረቱ ማልኦ ዎይንያ ኤሳ ጾካና፤ ዞዘቱዋ ኡባፐካ ዎይንያ ኤሳይ ጎጋና።
AMO 9:14 ኦሞዱዋን ቤዳ ታ አሳ እስራኤልያ ዛራደ እሻልሳና። ኡንቱንቱ ኮለቴዳ ካታማቱዋ ዛረꬅ ኬጺደ፥ ኡንቱንቱን ደአና። ዎይንያ ቱራካ ቶኪደ፥ አፐ ዎይንያ ኤሳ ኡሻና። ቃይ አታክልተቱዋካ ቶኪደ፥ ኡንቱንቱ አይፍያ ማና።
AMO 9:15 ታን እስራኤልያ ኡንቱንቱ ጋድያን ቶካና፤ ኡንቱንቱ ታን ኡንቱንቶ እሜዳ ጋድያፐ ላኤንꬆ ሙለካ ሾደትክኖ” ያጌ። ሀዋ ኦድያዌ መꬍና ጎዳ ህንተ ጾሳ።
OBA 1:1 ኡባ ሞድያ መꬍና ጎዳይ ኤዶማ አሳባ አብድዩስ ቆንጭሴዳ ሳጻይ ሀዋ። ኤዶማባ መꬍና ጎዳይ ሀዋዳን ያጊደ፥ ባረ ኪትያ ኡራ ቦላን ካዉተꬃቱዋኮ ኪቴዳዋ ኑን ስሴዶ፤ “ደንድተ! ኤዶማ ቢታ ኦሌቶ” ያጊደ ኪቴዳ።
OBA 1:2 መꬍና ጎዳይ ኤዶማ ሀዋዳን ያጌ፤ “በአ፥ ካዉተꬃቱዋ ግዶን ታን ኔና ላፋ ከሳና፤ ኔን ሎይꬅ ካታና።
OBA 1:3 ኔኖ፥ ምኖ ዛላን ጌሱ ኬጸቴዳ ካታማ ግዶን ደእያዎ፥ ነ ጎልያ ꬎቃ ደረቱዋ ቦላን ኬጼዳዎ፥ ቃይ ነ ዎዛናን፥ ‘ታና ሀዋፐ ዱገ ኦን ዎꬂ?’ ያግያዎ፥ ኔና ነ ዎዛና ኦቶሩ ጭሜዳ።
OBA 1:4 ኔን አርጋንꬃ ጎልያዳን፥ ነ ጎልያ ꬎቃሳን ኬጾፐካ፥ ነ ደኢያሳ ጾልንተቱዋ ግዶን ኦꬆፐካ፥ ታን ኔና ሄዋፐ ዱገ ዎꬃና” ያጌ መꬍና ጎዳይ።
OBA 1:5 “ካይሳቱ ዎይ ቦንቂያዋንቱ ቃማ ዮፐ፥ ባረንቶ ኮሽያዋ ኬሻ ጻላላ ዉኢኖ፤ ዎይንያ ቴራ ማጽያዋንቱካ ማጺደ፥ ቃርምያ አሺኖ፤ ሽን ኔኮ ይያ ባይዛንቻቱ ኔና ኡባና ꬋይሳና።
OBA 1:6 ህንተን ኤዶማ አሳቶ ኤሳ ዘረꬃቶ፥ ዋን ቦንቀታንድቴሻ! ቆሱዋን ደእያ ህንተንቱ አቁካ ዋን ቆጭረታንዴሻ!
OBA 1:7 ኔናና ጫቁዋን ደእያዋንቱ ኡባይ ኔና ነ ቢታፐ ጋጻ የደርሳና፤ ቃይ ነ ላገꬃቱካ ጭሚደ ኔና ጾናና። ኔናና ምያዋንቱካ ነዉ ጲርያ ጲራና፤ ሽን ኔን ሄዋ አኬካካ” ያጌ።
OBA 1:8 መꬍና ጎዳይ ቃይካ ሀዋዳን ያጌ፤ “ኤዶምያሰ ሙረትያ ሄ ጋላስ ታን ኤዶማፐ አꬌዳ ኤራንቻቱዋነ ኤሳ ደርያፐካ ኤራ ꬋይሳና።
OBA 1:9 ህንተኖ፥ ተማና አሳቶ፥ ህንተ ኦላንቻቱ ዳጋማና፤ ኤሳ አሳ ቦላ ደእያ አሳይ ኡባይካ ሹከታና።
OBA 1:10 “ያቆባ ዛረ ግድያ ነ እሻቱዋ ኔን ዎꬌዳነ ቦንቄዳ ድራዉ፥ ኔን ዬላ ማያና፤ ኔን መꬍናዉ ꬋያና።
OBA 1:11 ሞርከቱ ዪደ ኡንቱንቱ አቁዋ ቦንቂያ ዎደ፥ ሄ ጋላስ ኔን ጋጻ ሺቃደ ኤቃ ጼላዳ። ቃይ ፐንግያና ገሊደ፥ የሩሳላመ ካታማ ሳማ የጊደ ሻኬዳ አላጋቱዋፐ ኔን እቱዋ ማላታሳ።
OBA 1:12 ኔን ነ እሻይ መቶትያ ጋላስ አ መቱዋን ናሸታናዉ በሰና፤ ቃይ ይሁዳ ጋድያን ደእያ ነ እሻቱዋ ቦላ ባሻይ ጋክያ ጋላስ ሀሹ ጋናዉ በሰና። ኤ፥ ኡንቱንቱ ኡንኣ ጋላስ ኡንቱንቱ ቦላ ሚጫናዉነ ኦቶረታናዉ በሰና!
OBA 1:13 ኡንቱንቱ ቱጋ ጋላስ ታ አሳይ ደእያ ካታማ ገላናዉነ ኡንቱንቱ ዋይያ ጋላስ ኔን ናሸታናዉ በሰና ሽን! ቃይ ኡንቱንቱ ባሻ ጋላስ ኔን ኡንቱንቱ ዱረታ ቦንቃናዉ በሰና፤
OBA 1:14 ኡንቱንቱፐ ባቃትያዋንታ ዎꬋናዉ ኔን ባላ ኦግያን ቆሰታ ኡታደ ናጋናዉነ አቴዳዋንታካ ኡንቱንቱ ኡንኣ ጋላስ ሞርከቶ አꬃደ እማናዉ በሰና ሽን!
OBA 1:15 “አይሁዳ ግደና አሳቱዋ ኡባ ቦላ መꬍና ጎዳ ጋላሳይ ጋኬዳ። ኔኖ ኤዶማ፥ ኔን ሀራቱ ቦላ ኦꬄዳዌ ነ ቦላ ኦሰታና፤ ነ ኮባይካ ነ ሁጲያን ስማና።
OBA 1:16 ታ ጌሻ ደርያ ቦላን ኡሼዳዋዳን፥ ሄዋዳንካ ኡንቱንቱ ዩሹዋን ካዉተꬃቱ ዛር ዛሪደካ መቱዋ ጹኣ ኡሻና፤ ኡሺደ ኡንቱንቱ ኡባይካ ካሰ ሀን ኤረናዋ ሀናና።
OBA 1:17 “ሽን ጽዮነ ደርያን ባሻፐ ከስ አክያዋንቱ ደአና፤ ጽዮኒካ ጌሻ ግዳናዋ፤ ያቆባ ዛራቱካ ባረንቱ ቢታ ላታና።
OBA 1:18 ያቆባ ዘረꬃይ ታማ ግዳና፤ ዮሴፎ ዛራቱካ ላጮ ግዳና፤ ኤሳ ዛራቱ ኡቱላ ግዳናዋንታ። ታማይ ኡቱላ ምያዋዳን፥ ያቆባ ዛራቱነ ዮሴፎ ዛራቱ ኤሳ ዛራቱዋ ሚደ ኡባናካ ꬋይሳና” ያጌ መꬍና ጎዳይ።
OBA 1:19 ይሁዳፐ ገድሳ ባጋን ደእያ አሳይ ኤሳ አሳ ላታና፤ ጋꬋትያ ቢታን ደእያ አሳይ ፕልስጼማቱዋ ቢታ ላታና። ኡንቱንቱ ኤፍሬማ ቢታነ ሳማርያ ቢታ ላታና። ቃይ ቢንያማ ዛራቱካ ጋላኣደ ቢታ ላታና።
OBA 1:20 ኦሞደቲደ ደኤዳ እስራኤልያ አሳይ ስሚደ፥ ካናነ ቢታ ስራፍታ ግያ ካታማ ጋካናዉ ላታና፤ ቃይ የሩሳላመፐ ኦሞደቲደ፥ ሳፋራዳ ግያ ሳኣን ደእያ አሳቱ ይሁዳፐ ገድሳ ባጋን ደእያ ካታማቱዋ ላታናዋንታ።
OBA 1:21 አሽያ እስራኤልያ አሳቱ ኤሳ ቢታ ሞዳናዉ ጽዮነ ቢታ ቦላ ከሳና፤ ካዉተꬃይካ መꬍና ጎዳዋ ግዳናዋ።
JON 1:1 መꬍና ጎዳ ቃላይ አሚታያ ናኣ ዮናሳኮ ሀዋዳን ያጊደ ዬዳ፤
JON 1:2 “ደንዳ! ሄ ዎልቃማ ካታማ ነነዌ ባ፤ ባደ ሄ ካታማ አሳ ኢታተꬃይ ታ ስንꬃ ጋኬዳ ግሻዉ፥ ኡንቱንቶ ማርካታ” ያጌዳ።
JON 1:3 ሽን ዮናስ መꬍና ጎዳ ስንꬃፐ ባቃቲደ፥ ታርሴሰ ግያ ጋድያ ባናዉ ደንዴዳ፤ እ ዮጰ ካታማ ዎꬊደ፥ ታርሴሰ ብያ ማርካብያ ደሜዳ። መꬍና ጎዳ ስንꬃፐ ባቃቲደ፥ ኡንቱንቱና ታርሴሰ ባናዉ ሚሻ ጭጊደ፥ ማርካብያን ገሌዳ።
JON 1:4 ሽን ማርካቢ ቢሽን፥ መꬍና ጎዳይ አባ ቦላ ዎልቃማ ጫርኩዋ ደንꬄዳ፤ ደንꬅና አባ ቤታይ ሎይꬅ ዳሬዳ ግሻዉ፥ ማርካቢ መአና ሀኔዳ።
JON 1:5 ያትና፥ ማርካብያ ላግያዋንቱ ያዪደ፥ ኡባይካ ባረንቱ ጾሳኮ ጾሳኮ ዋሴድኖ። ቃይ ማርካቢ ካዉሻና ማላ፥ አ ግዶን ደእያ ጫና ደንꬂደ፥ አባን ኦሌድኖ። ሽን ዮናስ ማርካብያዉ ግዶ ክፍልያ ገሊደ፥ ያን ግሲደ፥ ገምእሹዋ ፓኑሬዳ።
JON 1:6 ማርካብያ ካፑ ገምእሻድ ቢደ፥ “አያዉ ገምእሻዲ? ደንዳ፥ ነ ጾሳ ዎሳ! ኦን ኤሪ፥ እ ባረ ሎኦ አይፍያን ጼሊደ፥ ኑና አሻናዌንቶነ” ያጌዳ።
JON 1:7 ማርካብያ ላግያዋንቱ እቱ እቶ ሀዋዳን ያጌድኖ፤ “ሃይተ፤ ሀ ኢታባይ ኑና ኦ ጋሱዋን ጋከደንቶነ ኤራናዉ ሳማ የጎይተ” ያጌድኖ። ሳማ የግና፥ ሳማይ ዮናሳ ቦላን ዎꬌዳ።
JON 1:8 ኡንቱንቱ ዮናሳ ሀዋዳን ያጊደ ኦቼድኖ፤ “ሀ ኢታባይ ኦ ጋሱዋን ኑ ቦላ ጋከደንቶነ፥ አነ ኑዉ ኦዳ። ነ ኪታይ አዬ? ሀቃፐ ያድ? ነ ጋዲ ሀቄ? ኔን ኦ ዛረ?” ያጌድኖ።
JON 1:9 ዮናስ ዛሪደ፥ ሀዋዳን ያጌዳ፤ “ታን እብራዌ አሳ፤ አባነ ጋድያ መꬌዳ መꬍና ጎዳዉ፥ ሳሉዋ ጾሳዉ ጎይናይ” ያጌዳ።
JON 1:10 መꬍና ጎዳ ስንꬃፐ እ ባቃትያዋ እ ኡንቱንቶ ኦዴዳባፐ አሳቱ ኤሬዳ ግሻዉ ያዬድኖ። አ፥ “ላ አይባ ፓላባ ኦꬃዲ?” ያጌድኖ።
JON 1:11 ቃይ አባ ቤታይ ካሰዋፐ ሃ ዳሬዳ ግሻዉ፥ አሳቱ ዮናሳ፥ “ኑዉ አባይ ዎፓና ማላ፥ ኔና ኑን ዋታነ?” ያጊደ ኦቼድኖ።
JON 1:12 እ ኡንቱንቶ፥ “ሀ ዎልቃማ ቤታይ ህንተንቱ ቦላን ደንዲደ ታ ጋሱዋና ግድያዋ ታን ኤራይ። ሄዋ ግሻዉ፥ ታና ደንꬂደ፥ አባን ኦልተ። ያቶፐ፥ አባይ ህንተንቶ ዎፑ ጋናዋ” ያጌዳ።
JON 1:13 ሽን ማርካብያ ላግያዋንቱ ማርካብያ ጉየ አባ ዶናዉ ከሳናዉ ዎልቃፐ ባጸቴድኖ፤ ግዶፐነ፥ አባ ቤታይ ሎይꬅ ዳሬዳ ግሻዉ፥ ከሳናዉ ዳንዳይበይክኖ።
JON 1:14 ሄዋ ግሻዉ፥ ኡንቱንቱ ሀዋዳን ያጊደ፥ መꬍና ጎዳኮ ዋሴድኖ፤ “አቤት መꬍና ጎዳዉ፥ ሀ ብታንያ ሸምፑዋ ግሻዉ፥ ኔን ኑና ꬋይሰናዳንነ ሀ ጌሻ ሱꬃ አጩዋ ኔን ኑፐ አቼናዳን፥ ኑን ኔና ምንሲደ ዎሴቶ። አያዉ ጎፐ፥ መꬍና ጎዳዉ፥ ኔን ነ ኮዮዋዳን ኦꬃዳ” ያጌድኖ።
JON 1:15 ሄዋፐ ጉየ፥ ዮናሳ ደንꬂደ፥ አባን ኦሌድኖ፤ ኦልና አባ ቤታይ ዎፑ ጌዳ።
JON 1:16 ያትና፥ አሳቱ መꬍና ጎዳዉ ሎይꬅ ያዬድኖ፤ መꬍና ጎዳዉ ያርሹዋ ያርሼድኖ፤ ሺቁዋካ ሺቄድኖ።
JON 1:17 ዮናሳ ምታና ማላ፥ እት ዎልቃማ ሞልያ መꬍና ጎዳይ ጊግሴዳ፤ ሄ ሞልያ ኡሉዋን ዮናስ ሄዙ ጋላሳነ ሄዙ ቃማ ደኤዳ።
JON 2:1 ዮናስ ሞልያ ኡሉዋን ደኢደ፥ ሀዋዳን ያጊደ፥ መꬍና ጎዳኮ፥ ባረ ጾሳኮ፥ ዎሴዳ፤
JON 2:2 “ታን ታ ቱጋ ግዶን ደኣደ መꬍና ጎዳ ጼሳድ፤ ጼስና እ ታዉ ኮዬዳ። ታን ስኦልያ ኡሎ ግዶን ደኣደ ዋሳድ፤ ኔንካ ታ ዋሱዋ ስሳዳ።
JON 2:3 ኔን ታና ጪማ አባ ጋርሳን ዱገ ኦላዳ፤ ሃꬃይ ታ ዩሹዋ ዶዴዳ፤ ነ ኡምቡለትያ ነ ቤታይ ታ ቦላና አꬌድኖ።
JON 2:4 ሄዋ ግሻዉ፥ ታን ሀዋዳን ያጋድ፤ ‘ታን ነ ስንꬃፐ ዎራ ኦለታድ፤ ግዶፐነ፥ ታን ነ ጌሻ ጎልያ ዛራደ በአና’ ያጋድ።
JON 2:5 “ሃꬃይ ታዉ ቆꬍያ ጋካናዉ ምቴዳ፤ ጪማ አባይ ታና ሙኬዳ፤ አባን ደእያ ማታይካ ታ ሁጲያን ጻጸቴዳ።
JON 2:6 ታን ደር ባሰቴዳ ሳኣ ዱገ ዎꬋአድ፤ ቢታንነ አ ኩቡዋን መꬍናዉ ጎርደታድ። ሽን አቤት መꬍና ጎዳዉ፥ ታ ጾሳዉ፥ ኔን ታ ሸምፑዋ ጪማ ኦላፐ ከሳዳ።
JON 2:7 “ታን ዎደ፥ ኔና መꬍና ጎዳ ሀሳያድ። ታ ዎሳይካ ኔኮ፥ ነ ጌሻ ጎልያ ማቅዳስያ ጋኬዳ።
JON 2:8 ሀዳ ኤቃቶ ጎይንያዋንቱ ግኦድአን አማነትያዋ አጌድኖ።
JON 2:9 ሽን ታን ጋላታና ነዉ ያርሻና፤ ታን ሺቄዳዋ ኡባካ ጋꬃና። አያዉ ጎፐ፥ አቶተꬃይ መꬍና ጎዳፐ ዬ” ያጌዳ።
JON 2:10 ሄዋፐ ጉየ፥ መꬍና ጎዳይ ሞልያ አዛዝና፥ ሞሊ ዮናሳ ቢታ ቦላን ጮሼዳ።
JON 3:1 መꬍና ጎዳ ቃላይ ላኤንꬁዋ ዮናሳኮ ሀዋዳን ያጊደ ዬዳ፤
JON 3:2 “ደንዳ! ሄ ዎልቃማ ካታማ ነነዌ ባ፤ ታን ነዉ ኦድያ ቃላ ኡንቱንቶ ማርካታ” ያጌዳ።
JON 3:3 ዮናስ ደንዲደ፥ መꬍና ጎዳ ቃላዳን ነነዌ ቤዳ። ናናዌ ሎይꬅ ዎልቃማ ካታማ፤ ሀ ጋጻፐ ያ ጋጻ ጋካናዉ ሄዙ ጋላሳ ሀመትሴ።
JON 3:4 ዮናስ ካታማ ብ ጋኪደ፥ እት ጋላሳ ኦግያ ካታማ ግዱዋኮ ሀመቴዳ፤ ሀመቲደ፥ “ኦይታሙ ጋላሳፐ ጉየ፥ ናናዌ ꬋያና” ያጊደ አዋዬዳ።
JON 3:5 ያትና፥ ነነዌ አሳይ ጾሳ አማኔዳ፤ ጾማ አዋዬዳ። ዎጋፐ ቄራ ጋካናዉ፥ ኡባይካ ማቅያ ማዬድኖ።
JON 3:6 ኦዱ ነነዌ ካትያኮ ጋኬዳ፤ እ ባረ ካዉተꬃ አራታፐ ዎꬊደ፥ ካዉተꬃ ማዩዋ ማዬዳዋካ ቃሪደ፥ ማቅያ ማዪደ፥ ብድንꬃን ኡቴዳ።
JON 3:7 ያትደ ነነዌ አሳዉ ሀዋዳን ያጊደ አዋይሴዳ፤ “ካትያፐነ ካትያ ኦሳንቻቱዋፐ እመቴዳ አዛዙዋ ማራን፥ ሀቼፐ ዶሚደ፥ አሳይነ መሂ፥ ሚዛይነ ዶርሳይካ ኡባይ አያነ እንጻርሳን ላጮፕኖ፤ ሃꬃካ ጋንጾፕኖ።
JON 3:8 አሳይካ መሂካ ማቅያ ማዮ፤ አሳይ ኡባይ ምንሲደ ጾሳኮ ዋሶ፤ ባረንቱ ኢታ ኦግያፐነ ናቆ ኦሱዋፐካ ስምኖ።
JON 3:9 ያትንቶ ኦን ኤሪ፥ ጾሳይ ኑዉ ቃረቲደ፥ ኑን ꬋየናዳን፥ ባረ ዎልቃማ ሀንቁዋፐ ስማነንቶነ” ያጌዳ።
JON 3:10 ኡንቱንቱ ባረንቱ ኢታ ኦግያፐ ስሜዳዋ ጾሳይ በኤዳ ዎደ፥ ኡንቱንቶ ቃረቲደ፥ ኡንቱንቱ ቦላ አሀና ጌዳ ኢታባ አግ ባሼዳ።
JON 4:1 ሽን ሄዌ ዮናሳ ኡባካ ናሸችቤና። ሄዋ ግሻዉ፥ እ ሎይꬅ ሀንቀቴዳ፤
JON 4:2 መꬍና ጎዳ ሀዋዳን ያጊደ ዎሴዳ፤ “አቤት መꬍና ጎዳዉ፥ ታን ብሮ ታ ጋደን ደኣደ ጌዳዌ ሀዋ ግደኔ? ታን ነ ስንꬃፐ ባቃታደ ታርሴሰ ባናዉ ኤሌሌዳዌ ሀዋሳ። ኔን ቃረታይነ ማሮተꬃይ ኩሜዳ ጾሳ ግድያዋ፥ ሀንቆ ኤሌለናዋነ አገና ሲቁዋን ኩሜዳዋ፥ ቃይ አሀና ጌዳ ኢታባካ አግያ ጾሳ ግድያዋ ታን ካሰካ ኤራድ።
JON 4:3 አቤት መꬍና ጎዳዉ፥ ሀእ ስም ሀይ ሀያና ታና ዎꬋ፤ ፓጻ ደእያዋፐ ሀይቂያዌ ታዉ ሎአ” ያጌዳ።
JON 4:4 መꬍና ጎዳይ አ ሀዋዳን ያጌዳ፤ “ቱሙ ኔን ሀዎ ሀንቀታናዉ በሲ?” ያጌዳ።
JON 4:5 ዮናስ ካታማፐ ከሲደ ቤዳ፤ ቢደ ካታማፐ አዋይ ዶልያ ባጋን ኡቴዳ። ሄዋን ባረዉ ዳስያ ዳሴዳ፥ አ ኩዋን ኡቲደ፥ ካታማ ቦላ ጋክያዋ በአናዉ ናጌዳ።
JON 4:6 አዋ ሱሉዋፐ ዮናሳ አሻና ማላ፥ መꬍና ጎዳይ ጾሳይ እት ጎስያ ዶልሲደ ጊግሴዳ፤ ሄ ጎስያ ሀይꬃይካ ዮናሳ ሁጲያፐ ቦላ ባጋና ኩዋ ግዳናዳን ኦꬄዳ። ዮናስ ሄ ጎስያ ጋሱዋን ሎይꬅ ናሸቴዳ።
JON 4:7 ሽን ዎንተꬃ ጋላስ ዎንታ ጾሳይ ጉጹንያ ጊግሴዳ፤ ሄ ጉጹኒ ጎስያ ሞዋን፥ ጎሲ መል አጌዳ።
JON 4:8 አዋይ ከሶ ዎደ፥ ጾሳይ ምችያ ጫርኩዋ አዋይ ዶልያ ባጋፐ የዴዳ፤ ሄዋፐ ደንደዳዋን ዮናስ ላባናና ጋካናዉ፥ አዋይ ዮናሳ ሁጲያ ጹጌዳ። ያትና እ፥ “ፓጻ ደእያዋፐ ሀይቂያዌ ታዉ ሎአ” ያጊደ ሀይቃናዉ ዎሴዳ።
JON 4:9 ጾሳይ ዮናሳ ሀዋዳን ያጌዳ፤ “ቱሙ ኔን ሀ ጎስያ ግሻዉ ሀንቀታናዉ በሲ?” ያጌዳ። ዮናስ፥ “ኤ በሰ፤ ኡባ ሀይቃና ጋካናዉ ሀንቀታናዉ በሰ” ያጌዳ።
JON 4:10 መꬍና ጎዳይ ዮናሳ ሀዋዳን ያጌዳ፤ “እት ቃማን ዶላደ፥ ላኤንꬆ ቃማ መሌዳ ጎስያዉ፥ ኔን አን ዳቡራቤናባዉነ ድቻቤናባዉ ሀዋ ኬሻ ቃረታዳ።
JON 4:11 ኡሸቻነ ሀድርሳ ሻክ ኤርቤና ጼታነ ላታሙ ሻአ አሳይነ ዳሮ መሂ ናናዌን ደኤ። ያትና ታን ሀ ዎልቃማ ካታማዉ ቃረታናዉ በሰኔ?” ያጌዳ።
MIC 1:1 እዮኣታም፥ አካዝነ ህዝቂያስ ካል ካሊደ ይሁዳን ካተቴዳ ዎደ፥ ሞረሸታ ካታማ አሳ ግድያ ሚክያሳኮ ዬዳ መꬍና ጎዳ ቃላይ ሀዋ፤ እ በኤዳ ሳጻይ ሳማርያዋነ የሩሳላመባ።
MIC 1:2 ህንተኖ፥ አሳዉ ኡባዉ፥ ስስተ! ቃይ ሳአዉነ ሳኣን ደእያ ኡባ ገደ፥ ሀዋ ስስተ! ኡባ ሞድያ መꬍና ጎዳይ ህንተ ቦላ ማርካቴ፤ እ ባረ ጌሻ ጌሻ ጎልያን ህንተዋ ሃሳየ።
MIC 1:3 በእተ፥ መꬍና ጎዳይ ባረ ደእያ ጌሻ ሳኣፐ ዬ፤ ዱገ ዪደ፥ ደረቱዋ ሁጲያን ሀመቴ።
MIC 1:4 ኤሳ ሙቃዳይ ታማን ሴርያዋዳን፥ ደረቱ አ ገድያፐ ጋርሳና ሲላና፤ ኡንቱንቱ ደርያፐ ዛንጋራይ ዱገ ጎግያ ሃꬃዳን ጎጋና።
MIC 1:5 ሀዌ ኡባይ ሀንያዌ ያቆባ ዛራቱዋ ባይዙዋ ግሻሳነ እስራኤልያ አሳ ናጋራ ግሻሳ። ያቆባ ዛራቱዋ ባይዞ ጋሱዋ ግዴዳዌ ኦኔ? ኡንቱንቱ ካታማ ሳማርያ ግደኔ? ይሁዳ አሳይ ጎይንያ ꬎቃ ሳአይ ሀቄ? የሩሳላመ ግደኔየ?
MIC 1:6 ሄዋ ድራዉ፥ ጾሳይ ሀዋዳን ያጌ፤ “ታን ሳማርያ፥ ደምባን ኬለቴዳ ቡርጨ ሹቻነ ዎይንያ ቱራ ቶክያ ሳ ኦꬃና። ቃይ ታን አ ሹቻ ቡርጭያ ዱገ ዛንጋራዉ ኦላና፤ አ ባሱዋካ ካሎያና።
MIC 1:7 አ ኤቃ ምስለቱ ኡባይ ክንቼታና፤ አ ኤቃ ጎልያን ኦꬅያ ሻርሙጻቶ እመቴዳ ሻርሙጻ የዉ ኡባይ ታማን ጹገታናዋ፤ ታን አ ኤቃቱዋ ኡባ ꬋይሳና። አያዉ ጎፐ፥ ሄ የዉ ኡባይካ ሻርሙጺደ ደሜዳዋ ግድያ ድራዉ፥ እካ ቃይ ስሚደ፥ ሀራ ሻርሙጻዉ እመታና” ያጌ።
MIC 1:8 ሄዋ ድራዉ፥ ታን ዬካናነ ዋሳና፤ ካሎ ጺራነ መላ ገድያን ሀመታና፤ ዎራካናዳን ዋሳና፤ ቃይ ሶጎንያዳንካ አየ ጋና።
MIC 1:9 አያዉ ጎፐ፥ ሳማርያ ማዱꬃይ ፓጻናዉ ዳንዳየናዋ። ሄ ቱጋይ ይሁዳ ጋድያ ጋኬዳ፤ ቃይ ታ አሳይ ደእያ የሩሳላመ ካታማ ፐንግያካ ማቴዳ።
MIC 1:10 ጋተ ካታማን ደእያ ኑ ሞርከቶ ሄዋ ኦዶፕተ፤ ኡንቱንቱ ስንꬃን ሙለ ዬኮፕተ። ቤት-ኦፍራ ካታማን ባናን ጎንዶረትተ።
MIC 1:11 ህንተኖ፥ ሻፊራ ካታማን ደእያዋንቶ፥ ካሎቲደ ዬላቲደ፥ ኦሞዶ ቢተ። ጻእናና ካታማን ደእያዋንቱ ያፐ ከሳናዉ ጻልክኖ። ቤት-ኤጼላ ካታማይ ዬኩ ደኢያሳ ግድያ ድራዉ፥ እ ህንተንቶ አትያሳ ግዳናዉ ዳንዳየና።
MIC 1:12 መቱ መꬍና ጎዳፐ የሩሳላመ ፐንገ ጋካናዉ ዬዳ ድራዉ፥ ማሮታን ደእያ አሳይ፥ “ሎኦባይ ያንዴሻ!” ጊደ ናጊደ ዳቡሬዳ።
MIC 1:13 ህንተኖ፥ ላክሻ ካታማን ደእያዋንቶ፥ ጋርያ ጎችያ ፓራቱዋ ዋጽተ። የሩሳላመ አሳይ ናጋራ ኦꬃናዳን ጋሱዋ ግዴዳዌ ህንተና፤ አያዉ ጎፐ፥ ጽዮነ አሳ ናጋራይ ኮይሮ ህንተ ቦላ ቤቴዳ።
MIC 1:14 ሄዋ ድራዉ፥ ህንተኖ ይሁዳ አሳቶ፥ ህንተ ቢደ፥ ሞረሸታ-ጋተ ካታማ አሳዉ እሞታ እማና። አክዚባ ካታማ አሳይካ እስራኤልያ ካተቱዋ ጭምያዋንታ ግዳና።
MIC 1:15 ህንተኖ፥ ማሬሻ ካታማን ደእያዋንቶ፥ መꬍና ጎዳይ ህንተና ጾንያዋ ህንተ ቦላ አሀና፤ ቦንቼቴዳ እስራኤልያ ካለꬅያዋንቱ አዱላማ ጎንጎሉዋን ቆሰታና።
MIC 1:16 ህንተኖ፥ ይሁዳ አሳቶ፥ ህንተ ሲቅያ ናናይ ህንተፐ ኦሞደቲደ ባናዉ ደእያ ድራዉ፥ ህንተ ሁጲያ ሜደትተ፤ ህንተ ሁጲያካ አንኩዋ ሁጲያዳን ቦአይተ።
MIC 2:1 ኢታባ ሀልችያዋንቶ፥ ቃይ ባረንቱ ሂጻን ደኢደ፥ ኢታባ ዎት ኦꬃነንቶ ቆፕያዋንቶ አየ አና! ዎልቃይ ኡንቱንቱ ኩሽያን ደእያ ድራዉ፥ ሳአይ ዎንትያ ዎደ፥ ባረንቱ ሀልቹዋ ፖሊኖ።
MIC 2:2 ኡንቱንቱ ጎሻ ጋድያ አሞቶፐ፥ አሳዋ ዎልቃን አክ አጊኖ፤ ጎለቱዋ ኮዮፐካ አክ አጊኖ። አሳ ማታ የꬊደ፥ አ ላታ ጮ ቦንቂኖ።
MIC 2:3 ሄዋ ድራዉ፥ መꬍና ጎዳይ ሀዋዳን ያጌ፤ “በእተ፥ ታን ህንተ ቦላን ኢታባ አሀናዉ ሀልቻይ፤ ሄዋፐ ህንተ ከስ አካናዉ ዳንዳይክታ። ሄዌ ኢታ ዎደ ግድያ ድራዉ፥ ህንተ ኦቶረቲደ ስመረታናዉ ዳንዳይክታ።
MIC 2:4 ሄ ጋላስ ኡንቱንቱ ህንተ ቦላን ሌምስ ሌምሲደ ቅሊጫና፤ ቃይ ሀዋዳን ያግ ዝላሊደ፥ ህንተና ህዶታ ቃንጽሳና፤ “ኑን ኡባይካ ኡባና ꬋዬዶ። መꬍና ጎዳይ ኑ ጋድያ አኪደ፥ ማካላንቻቶ ግሽ ግሺደ፥ እም ድጌዳ ያጋና” ያጌ።
MIC 2:5 ሄዋ ድራዉ፥ ጋድያ ኤጻን ግሽያ ዎደ፥ መꬍና ጎዳ ሺቁዋ ግዶን ነ ሳማ ከስያ እት አሳይነ ደኤና።
MIC 2:6 አሳይ ታና ሀዋዳን ያጌ፤ “ኑ ቦላ ትምቢትያ ኦዶፓ። ‘ሀዌ ሀዌ ህንተ ቦላ ሀናና’ ጊደ ኦንነ ሃሳያናዉ ኮሸና። ሄዋ ማላ ካዉሻይ ኑ ቦላ ሙለካ ዬና” ያጊኖ።
MIC 2:7 ታን ኡንቱንታ፥ “ህንተኖ ያቆባ ዛረቶ፥ ‘መꬍና ጎዳ አያናይ ዳንዳያንቻ ግደኔየ? እ ሄዋ ማላባ ኦꬂየ?’ ያጊደ ህንተ ኦቻናዉ በሲ?” ያጋድ። ጾሳይ ሀዋዳን ያጌ፤ “ሱረ ኦግያን ብያዋንቶ ታ ቃላይ ሎኦባ ኦꬄ ግደኔ?
MIC 2:8 ሽን ማታ ዎድያፐ ዶሚደ፥ ታ አሳይ እቱ እቱዋ ቦላ ሞርክያዳን ደንዴዳ። ህንተ ሳሮ አሳቱዋ ማዩዋ፥ ኦላ ቆፋይ ሙለካ ባይናን አማነቲደ አꬍያ አሳቱዋ ማዩዋ ቃር አኪታ፤
MIC 2:9 ታ አሳ ግዶን ደእያ ማጫ አሳቱዋ ኡንቱንቱ ሎኦ ጎልያፐ ላግ ከሲታ፤ ታ አንጁዋካ ኡንቱንቱ ናናቱ ቦላፐ መꬍናዉ አክ ድጊታ።
MIC 2:10 ደንዲደ ቢተ! ሀዌ ህንተንቶ ሸምፕያ ሳ ግደና። አያዉ ጎፐ፥ ሀ ሳአይ ቱናተꬃፐ ደንዴዳዋን ዳሮ ባዬዳ።
MIC 2:11 “እት ጭምያ ዎርዳንቻይ ዪደ፥ ‘ህንተዉ ስንꬃፐ ዎይንያ ኤሳይነ ማꬆይያ ኡሻይ ጉፈታና’ ያጊደ ዎርዱዋ ትምቢትያ ኦድንቶ፥ እ ህንተንቶ ትምቢትያ ኦድያዋ ግዳና።
MIC 2:12 “ህንተኖ፥ ያቆባ ዛረቶ፥ ታን ህንተና ኡባካ ሺሻና፤ ታን እስራኤልያ አሳፐ አቴዳዋንታ ቱሙዋፐ ኡባካ ሺሻና። ዶርሳቱ ካሉዋን ሺቅያዋዳንነ ዶርሳ ዉዲ ሄንꬃ ጋደን ሺቅያዋዳን፥ ታን ኡንቱንታ እትፐ ሺሻደ ዎꬃና። ሄ ሳአይ ዳሮ አሳ ሻባረቱሳን ኩማና።
MIC 2:13 ኡንቱንታ ከስያዌ ኡንቱንቱፐ ስንꬃቲደ ከሳና፤ ኡንቱንቱካ ፐንግያ መንꬂደ፥ ሄዋና ከሲደ ባና። መꬍና ጎዳይ ባረ ሁጲያን ኡንቱንቶ ካትያ ግዲደ፥ ኡንቱንታ ስንꬃዉ አꬊደ፥ ኡንቱንታ ካለꬃና” ያጌ።
MIC 3:1 ታን ሀዋዳን ያጋድ፤ “ህንተኖ፥ ያቆባ ዛራቱዋ ካፓቶነ እስራኤልያ አሳ ካለꬅያዋንቶ፥ ስስተ! ህንተ ሱረ ፕርዳ ኤራናዉ ህንተንቶ በሰኔየ?
MIC 3:2 ህንተ ሎኡዋ እጺደ፥ ኢታ ዶሲታ። ታ አሳፐ ኡንቱንቱ ጋልባ ቃሪታ፤ ኡንቱንቱ አሹዋካ ኡንቱንቱ መቀꬃፐ ሻኪታ።
MIC 3:3 ህንተ ታ አሳ አሹዋ ሚታ፤ ኡንቱንቱ ጋልባካ ኡንቱንቱፐ ቃሪታ፤ ኡንቱንቱ መቀꬃ መንሬꬂደ፥ ኡንቱንቱ አሹዋካ ጻሩዋን የጋናዉ ሙጽያዋዳን ሙጸረቲታ” ያጋድ።
MIC 3:4 ሄ ዎደ ኡንቱንቱ መꬍና ጎዳኮ ዋሳና፥ ሽን እ ኡንቱንቶ ዛረና፤ እ ባረ ዴሙዋ ሄ ዎደ ኡንቱንቱፐ ቆሳና፤ አያዉ ጎፐ፥ ኡንቱንቱ ኢታ ኦሱዋ ኦꬄድኖ።
MIC 3:5 ባረ አሳ ዎራ ካለꬅያ ትምቢትያ ኦድያዋንቱባ መꬍና ጎዳይ ሀዋዳን ያጌ፤ “ህንተዉ ምያዋ እምያ ዎደ፥ ‘ነዉ ሳአይ ሳራ’ ያጊታ፤ ሽን ህንተና ቁማ ምዘናዋ ቦላ ኦላ አዋዪታ።
MIC 3:6 ሄዋ ድራዉ፥ ህንተንቶ ጋላሳይ ቃማ ግዳናፐ አትና፥ ሳፃ በእክታ፤ ሳአይካ ꬉማናፐ አትና፥ ላኤንꬆ ሙሩንክታ። ትምቢትያ ኦድያዋንቶ አዋይ ዉልና፥ ጋላሳይ ꬉማና።
MIC 3:7 ሳፃ በእያዋንቱ ዬላታና፤ ሙሩንያዋንቱካ ካዉሻና። ጾሳ ማታፐ ኡንቱንቶ ዛሩ ባይና ድራዉ፥ ኡንቱንቱ ዬላቲደ፥ ኡባይካ ባረንቱ ዶና ኦይቃና” ያጌ።
MIC 3:8 ሽን ታና ግዶፐ፥ ታን ያቆባ ዛረቶ ኡንቱንታ ባይዙዋ፥ እስራኤልያ አሳስካ ኡንቱንቱ ናጋራ ኦዳና ማላ፥ ዎልቃን፥ መꬍና ጎዳ አያናን፥ ሱረ ፕርዳንነ ምኖተꬃን ኩማድ።
MIC 3:9 ህንተኖ፥ ሱረ ፕርዳ እጽያነ ስታ የዉዋካ ዶቂያዋንቶ ያቆባ ዛራቱዋ ካፓቶነ እስራኤልያ አሳ ሞድያዋንቶ፥ ሀዋ ስስተ።
MIC 3:10 ህንተ ጽዮነ ካታማ ሱꬃ ጉሲደ ኬጺታ፤ የሩሳላመ ካታማካ ማካላን ኬጺታ።
MIC 3:11 አ ካፓቱ ማታይያን ፕርዲኖ፤ አ ቄሳቱ ድርጉዋን ታማርሲኖ፤ ቃይ አ ትምቢትያ ኦድያዋንቱካ ሚሻ ቃንጽና ሙሩኒኖ። ሽን ያቲደካ፥ “መꬍና ጎዳይ ኑ ግዶን ደኤ ግደኔ? ኑ ቦላ አያ ኢታባይካ ዬና” ያጊደ መꬍና ጎዳን አማነቲኖ።
MIC 3:12 ሄዋ ድራዉ፥ ህንተ ጋሱዋን ጽዮነ ደርያ ሾይቃዳን ጎሸታና፤ የሩሳላመ ካታማይካ ኮለቲደ እትሳን ዶረቴዳ ሱፓ ሹቻ ግዳናዋ። ጌሻ ጎልያ ኬጸቴዳ ሳአይካ ዎራ ግዳናዋ።
MIC 4:1 ዉርሰꬃ ጋላሳቱዋን መꬍና ጎዳ ጌሻ ጎልያ ኬጸቴዳ ደሪ ደረቱዋ ኡባፐ ꬎቂደ ቤታና፤ ከራ ኡባቱዋፐካ ቦላና ꬎቁ ꬎቁ ጋና። ጋድያ አሳይ አኮ ዛታና።
MIC 4:2 ዳሮ ካዉተꬃቱዋ አሳይ ዪደ፥ “ሃይተ፤ መꬍና ጎዳ ደርያ፥ ያቆባ ጾሳ ጌሻ ጎልያ አነ ፑደ ከሶይተ። እ ኮይያዋዳን ኑን ባና ማላ፥ እ ኑና ባረ ኦግያ ታማርሳና” ያጋና። አያዉ ጎፐ፥ ህጊ ጽዮነፐ፥ መꬍና ጎዳ ቃላይካ የሩሳላመፐ ከሳና።
MIC 4:3 እ ዳሮ አሳቱ ግዱዋን ፕርዳና፤ ሃኩዋን ደእያ ምኖ ካዉተꬃቱዋ ፓሉምያካ ሻካና። ኡንቱንቱ ባረንቱ ማሻ ማራሻ፥ ባረንቱ ቶራካ ባጫ ከሳናዉ ቆጻና፤ ካተተꬃይ ካዉተꬃ ቦላ ማሻ ደንና። ሀዋፐ ጉይያን፥ ኡንቱንቱ ኡባና ኦላ ትምርትያ ታማርክኖ።
MIC 4:4 ሽን አሳይ ኡባይ ባረ ዎይንያ ቱራ ኩዋንነ ባላስያ ኩዋን ዎፑ ጊደ ኡታና፤ አይ አሳይነ ኡንቱንታ ያሽሰና። አያዉ ጎፐ፥ ኡባፐ ዎልቃማ መꬍና ጎዳይ ሀዋ ሃሳዬዳ።
MIC 4:5 አሳይ ኡባይ ባረ መꬍና ጎዳ ጾሳ ሱንꬃን ሀመታና፤ ሽን ኑን መꬍና ጎዳ ኑ ጾሳ ሱንꬃን መꬍፐ መꬍናዉ ሀመታና።
MIC 4:6 መꬍና ጎዳይ ሀዋዳን ያጌ፤ “ሄ ጋላስ ታን ዎባቱዋ ሺሻና፤ ቃይ ኦሞዱዋን ሃኮ ሳኣ ቤዳዋንታነ ታን ቱጋዬዳዋንታካ ሺሻና።
MIC 4:7 ታን ዎባቱዋ ዉሪደ አቴዳ አቶዋንታ ኦꬃና፤ ቃይ ኦሞዱዋን ሃኮ ሳኣ ቤዳዋንታካ ምኖ ካዉተꬃ ከሳና። ሄ ዎድያፐ ዶማደ መꬍና ጋካናዉ፥ ታን መꬍና ጎዳይ ጽዮነ ደርያን ኡንቱንቱ ቦላ ካተታና” ያጌ።
MIC 4:8 ኔኖ፥ መꬍና ጎዳ አሳ ዎችያ የሩሳላመ ꬎቃ ግምቢያዉ፥ ነዉ ካሰ ነ ሞድያ ማታይ፥ ቃይ የሩሳላመ ካዉተꬃ ዛዋይ ኡባይካ ስማና።
MIC 4:9 ሀእ ኔን ኮሻ ꬎቁ ኦꬃደ ዋስያዌነ የሉ ኦይቄዳ ምሽራቲዳን ኡንኤꬅያዌ አያሴ? ነዉ ካቲ ባይና ግሻሴየ? ዎይ ኔና ዞርያዌ ꬋዬዳ ድራሴ?
MIC 4:10 ህንተኖ፥ ጽዮነ አሳቶ፥ የሉ ኦይቄዳ ምሽራቲዳን ኦሊደ ጎንዶረትተ። አያዉ ጎፐ፥ ህንተ ካታማፐ ከስያዌ አተና፤ ከሲደ ደምባን ደአና፤ ሄዋፐካ ባብሎነ ባና። ግዶፐነ፥ ያን ህንተ አታና፤ መꬍና ጎዳይ ህንተና ህንተ ሞርከቱዋ ኩሽያፐ ዎዛና።
MIC 4:11 ሽን ሀእ ዳሮ ካዉተꬃቱ ነ ቦላ ሺቄድኖ፤ ሺቂደ፥ “የሩሳላመ ቱኖ፤ ኑ አይፊካ ጽዮነ ደረቆ” ያጊኖ።
MIC 4:12 ሽን ኡንቱንቱ መꬍና ጎዳ ቆፋ ኤርክኖ፤ አ ሀልቹዋካ አኬክክኖ። ካꬃ ቡክያ ኡዱማዉ ሺሼዳ ምርቂያዳን፥ መꬍና ጎዳይ ኡንቱንታ ሙራናዉ ሺሼዳ።
MIC 4:13 ህንተኖ፥ የሩሳላመ አሳቶ፥ ደንድተ፤ ደንዲደ፥ ህንተ ሞርከቱዋ ቆጽተ። ታን ህንተ ካጭያ ብራታ፥ ህንተ ቅንጫፍልያካ ናሃሰ ኦꬃና። ህንተ ዳሮ ካዉተꬃቱዋ ክንቼሬꬃና፤ ኡንቱንቱ ሱገꬃን ሺሼዳባ ኡባ ህንተ መꬍና ጎዳዉ ዱማያና፤ ህንተ፥ ኡንቱንቱ አቁዋካ ሳኣ ኡባ ጎዳዉ እማና ያጌ።
MIC 5:1 ህንተኖ፥ የሩሳላመ አሳቶ፥ ህንተ ኦላንቻቱዋ ሺሽተ! አያዉ ጎፐ፥ ኑን ሞርከቱዋን ዳደቴዳ፤ ኡንቱንቱካ እስራኤልያ ካለꬅያዋ ጋፓታ ጋትማን ሾጫናዉ ሀኒኖ።
MIC 5:2 መꬍና ጎዳይ ሀዋዳን ያጌ፤ “ኔኖ ኤፍራታ፥ ቤተሌመ ካታማዉ፥ ኔን ይሁዳ ካታማቱዋ ግዶን ጉꬃ፤ ሽን አዉ ደንዱ በንፐ ዶሚደ፥ መꬍናፐ ግዴዳዌ፥ እስራኤልያ አሳ ሞድያዌ ታዉ ኔፐ ከሳና” ያጌ።
MIC 5:3 ሄዋ ድራዉ፥ የሉዋ ኦይቀትያ ምሽራታ ሄ ናኣ የላና ጋካናዉ፥ መꬍና ጎዳይ እስራኤልያ አሳ ሞርከቱዋ ኩሽያን አꬂደ እማና። ሄዋፐ ጉይያን፥ ኦሞዱዋን ደእያ አ እሻቱ ስሚደ፥ ባረንቱ አሳና ዋላከታና።
MIC 5:4 እ ያና፤ መꬍና ጎዳ ምኖተꬃን፥ መꬍና ጎዳ ባረ ጾሳ ሱንꬃ ግታተꬃን ባረ አሳ ሄማና። እ ሳኣ ጋጻ ጋካናዉ ዎልቃማ ግድያ ድራዉ፥ ኡንቱንቱ ሳሮተꬃን ደአና።
MIC 5:5 እ ኡንቱንቶ ሳሮተꬃ ግዳናዋ። አሶረ ጋድያ አሳቱ ኑ ጋድያ ዎራጅያ ዎደነ ኑ ጌሱዋካ የደርሲደ ገልያ ዎደ፥ ኑን አሳ ሄማናዉነ ካለꬃናዉ ግድያነ ግዲደ ፓላህያ አሳ ደንꬂደ፥ ኡንቱንቱና ኦላ ጋከታና።
MIC 5:6 ኡንቱንቱ አሶረ ጋድያ ኦላን ጾናና፤ ቃይ ሄ ጋድያን ደእያ ናምሩድ ኬጼዳ ጋድያ ሞዳና። አሶረ ጋድያ አሳቱ ኑ ጋድያ ዎራጅያ ዎደነ ኑ ዛዋካ የꬍያ ዎደ፥ ኑ ጋድያ ሞድያዌ ኑና ኡንቱንቱፐ አሻና።
MIC 5:7 ያቆባ ዛራቱ አትያዋንቱ ዳሮ ጋደ አሳ ግዶን መꬍና ጎዳይ ኪቴዳ ጮኩዋ ማላነ ማታ ቦላን ዎꬍያ ፑስያ ማላ ግዳናዋ። ጮኩነ ፑስ ያናዉ አሳ አዛዙዋ ናገናዋዳን፥ እስራኤልያ አሳይካ መꬍና ጎዳፐ አትና፥ አሳ ናገና።
MIC 5:8 ያቆባ ዛራቱ አትያዋንቱ ካዉተꬃቱዋ ግዶን፥ ዳሮ አሳ ግዶን፥ ባዙዋ ዶአቱዋ ግዶን ደእያ ጋሙዋ ማላነ ዶርሳ ዉድያ ግዶን ደእያ ዎዳላ ጋሙዋ ማላ ግዳናዋ። እ ሄዋና ካንꬅያ ዎደ የረረቴነ መንሬꬄ፤ ኦንነ አሻናዉ ዳንዳየና።
MIC 5:9 ነ ኩሺ ኔናና ኤቀትያዋንቱ ቦላ ደንዳና፤ ነ ሞርከቱ ኡባይካ ꬋያና።
MIC 5:10 መꬍና ጎዳይ ሀዋዳን ያጌ፤ “ሄ ጋላስ ታን ነ ፓራቱዋ ነ ግዶፐ ꬋይሳና፤ ነ ፓራ ጋረቱዋካ መንሬꬃና።
MIC 5:11 ታን ነ ጋድያ ካታማቱዋ ꬋይሳና፤ ነ ጌሱዋካ ኡባ ላላና።
MIC 5:12 ቃይ ነ ካዩዋ ታን ꬋይሳና፤ ሙሩንያዋንቱካ ሀዋፐ ስንꬃናዉ ነ ግዶን ደእክኖ።
MIC 5:13 ታን ነ ኤቃ ምስለቱዋነ ነ ጎይናናዉ ኤሴዳ ሹቻቱዋ ነ ግዶፐ ꬋይሳና፤ ሀዋፐ ስንꬃናዉ ኔን ነ ኩሽያን መꬌዳባዉ ጎይናካ።
MIC 5:14 ታን አሼሮ ግያ ጾሳት ምስልያ ነ ግዶፐ ꬎቆላና፤ ነ ካታማቱዋካ ꬋይሳና።
MIC 5:15 ታዉ አዛዘትቤና ካዉተꬃቱዋ ቦላ ይሉዋንነ ሀንቁዋን ታን ሀሉዋ ከሳና” ያጌ።
MIC 6:1 መꬍና ጎዳይ እስራኤልያ አሳና ሞተትያዋ ስስተ። “ደንዳ! ደንዳደ ꬎቃ ደረቱዋ ስንꬃን ፕርደታ፤ ኔን ግያዋ ደረቱካ ስስኖ።
MIC 6:2 ህንተኖ ደረቶ፥ ህንተኖ፥ ሳአይ ኤቄዳ ምኖ ባሶቶ፥ መꬍና ጎዳይ ሞትያ ሞቱዋ ስስተ። መꬍና ጎዳይ ባረ አሳና ሞተቴ፤ እስራኤልያ አሳና እ ፓሉመቴ።”
MIC 6:3 መꬍና ጎዳይ ኡንቱንታ ሀዋዳን ያጌ፤ “ታ አሳዉ፥ ታን ህንተና ዋታድታ? ታን ህንተንቶ ዋናደ ቶኩዋ ግዳድታ? አነ ታዉ ኦድተ!
MIC 6:4 ታን ህንተና ግብጼ ጋድያፐ ከሳድ፤ ቃይ ህንተና አይለተꬃፐ ዎዛድ። ህንተና ካለꬃና ማላ ሙሳ፥ አሮናነ ሚርያሞ ህንተዉ ኪታድ።
MIC 6:5 ታ አሳዉ፥ ሞኣባ ካትያ ባላቅ ሀልቼዳዋነ ብኦራ ናአይ ባላም አዉ ዛሬዳዋ ሀሳያ። ሺጽማ ግያ ሳፐ ገልጋል ኔን ብያ ዎደ፥ ኦግያን ሀኔዳዋ አነ ሀሳያ። ሄዋ ሀሳዮፐ፥ ታን መꬍና ጎዳይ ኔና አሻናዉ ኦꬄዳ ኦሱዋ ኔን አኬካና” ያጌ።
MIC 6:6 መꬍና ጎዳ፥ ꬎቃ ሳኣን ደእያ ጾሳ ስንꬃን ጎይናናዉ ያደ ታን አያ አካደ ሺቆ? አዉ ጹገትያ ያርሹዋ ግዳና ማላ፥ እት ላይꬃ ግዴዳ ኮሩማቱዋ አካደ፥ አ ስንꬃ ዮሻ?
MIC 6:7 መꬍና ጎዳይ ሻአ ዶርሳ ኦርገቱዋን ዎይ ታሙ ሻአ ሻፋቱዋን ደእያ ሃꬃ ኬሻ ዎጋራ ዛይትያን ናሸታንዴ? ታ ናቁዋ ድራዉ፥ ታ ባይራ ናኣ፥ ታ ሸምፑዋ ናጋራ ግሻዉካ ታ የሉዋ እሞሻ?
MIC 6:8 ሀይ አሳዉ፥ መꬍና ጎዳይ ነዉ ሎኦባ ኦድ ዎꬄዳቴ። መꬍና ጎዳይ ኔፐ ኮይያዌ አዬ ጎፐ፥ ኔን ሱረባ ኦꬃናዋ፥ አገና ሲቁዋ በሳናዋነ አሽከተꬃን ነ ጾሳና ሀመታናዋ።
MIC 6:9 መꬍና ጎዳዉ ያይያዌ አꬌዳ ኤራተꬃ። የሩሳላመ ካታማ አሳ ጾሳይ ሀዋዳን ያጌ፤ “ሙራና ጋትማነ ሄ ጋትማ ጊግሴዳዌካ ኦነንቶ አኬክተ።
MIC 6:10 ናጋራንቻ ጎልያን ደእያ ናጋራን ሺሼዳ ሻሉዋነ ታ እጽያ ዎርዶ ማክያ ሚሻቱዋ ታን ዶጋኔየ?
MIC 6:11 ያትና፥ ሀ ዎርዶ ሚዛናን ልክያዋነ ዎርዶ ሚሻን ማክያ አሳ ናጋራ ታን ዋታደ አቶ ጋናዉ ዳንዳያይታ?
MIC 6:12 ሄ ካታማ ዱረቱ ማካላን ኩሜዳዋንታ፤ አን ደእያ አሳይ ኡባይ ዎርዱዋ። ኡንቱንቱ ዶና ግዶን ደእያ ኡንቱንቱ እንጻርሳይካ ባረ ሁጲያዉ ጌላ።
MIC 6:13 “ሄዋ ድራዉ፥ ታን ህንተ ናጋራ ጋሱዋን ህንተና ꬋይሳናዉነ ድጋናዉ ደንዳድ።
MIC 6:14 ህንተ ማና፥ ሽን ካልክታ፤ ናፍሳይካ ህንተፐ ዱጸና። ህንተ ቡሪደ ሺሻና፥ ሽን ህንተንቶ ዳጋተና፤ ህንተ ዳጋዬዳዋካ ታን ኦላ የዳደ ꬋይሳና።
MIC 6:15 ህንተ ካꬃ ዘራና፥ ሽን ጋክና ጫክክታ፤ ዎጋራ ቴራ ጉምአና፥ ሽን ሄ ዛይትያ ኦከትክታ፤ ዎይንያ ቴራካ ህንተ ጉምአና፥ ሽን አ ኤሳ ኡሽክታ።
MIC 6:16 ህንተ ካትያ ኦምራ ዎጋ፥ አ ናኣ ካትያ አካባ ጎለ ኢታ ኦሱዋነ ኡንቱንቱ ዞርያ ካሌዳ ድራዉ፥ ታን ህንተና ꬋይሳና፤ ታን ህንተና አሳይ ኡባይ ቦርያባ ኦꬃና። አሳይ ኡባይ ህንተና ሸቂያ ሸቃካ ህንተ ቶካና” ያጌ።
MIC 7:1 አየ አና ታኖ! ታን ቴራይ ማጸት ዉር ክችና ዪደ፥ ዎይንያ ቱራፐነ ባላስያ ምꬃፐ ባረ አሞቴዳዋ ደማናዉ ዳንዳይቤና ኮሻቴዳ ብታንያ ማላ ግዳ ክቻድ።
MIC 7:2 ጾሳ ዶስያ ኬካ አሳይ ጋድያን ሙለካ ባዋ፤ አሳ ጋርሳን ሱረ አሳይ ꬋዬዳ። አሳይ ኡባይ አሳ ሱꬃ ጉሳናዉ ዙጊድ ናጌ፤ ቃይ ኡባይካ ባረ እሻ ግትያን ኦይቃናዉ ካሌ።
MIC 7:3 ኡንቱንቱ ኩሸቱ ላኡካ ኢታባ ኦꬃናዉ ሎህ ኡቴድኖ። ካፑነ ዳናይ ማታይያ ኦቺኖ፤ ዎልቃማ አሳቱ ባረንቱ አሞቴዳዋ ኦዲኖ፤ ኡንቱንቱ ኡባይካ እትፐ ኢታ ኦꬂኖ።
MIC 7:4 ኡንቱንቱ ጋርሳን ኤበሎ ኬካ ግያዌ አጉንꬃ ማላ፤ ቃይ ኤበሎ ሱረ ግያዌ ጎምኦርያ ማላ። ጾሳይ ትምቢትያ ኦድያዋንቱ ባጋና ኦዴዳዋዳን፥ እ ባረ አሳ ሙሪያ ጋላሳይ ጋኬዳ፤ ኡንቱንቱ ሻቢረትያ ዎዲካ ሀአ።
MIC 7:5 ነ ሾሩዋ አማኖፓ፤ ነ ላግያካ አማነቶፓ። ኔን ቆማደ አቅያ ነ ማቻትዉካ ኦድያዋካ አኬካደ ኦዳ።
MIC 7:6 አያዉ ጎፐ፥ ናአይ ባረ አዉዋ ካꬌ፤ ናታ ባረ ዳይ ቦላ፥ ናኣ ማቻታካ ባረ ቦሎታት ቦላ ደንድኖ፤ አዎ አዉ ሶ አሳይ ሞርከ ግዴ።
MIC 7:7 ሽን ታና ግዶፐ፥ ታን ህዶታን መꬍና ጎዳ ጼላሻና፤ ታና አሽያ ጾሳ ታን ናጋሻና፤ ታ ጾሳይ ታዋ ስሳና።
MIC 7:8 ታ ሞርክያዉ፥ ታ መቱዋን ናሸቶፓ። ታን ኩንዶፐካ ደንዳና፤ ታን ꬉማን ኡቶፐካ፥ መꬍና ጎዳይ ታዉ ፖአና።
MIC 7:9 ታን ጾሳ ናቃድ፤ ሄዋ ድራዉ፥ እ ታዉ ሞተቲደ፥ ታ ፕርዳ ከሳና ጋካናዉ፥ ታን አ ሀንቁዋ ዳንዳያና። እ ታና ፖኡዋ ከሳና፤ ታንካ እ አሽያ አሹዋ በአና።
MIC 7:10 ሄ ዎደ ታ ሞርኪካ በአና፤ ቃይ ታና፥ “መꬍና ጎዳይ ነ ጾሳይ ሀቃን ደኢ?” ያግ ያግ ቅሊጭያዌ ዬላ ማያና፤ እ ኦግያን ደእያ ኡርቃዳን የትሽንካ ታን ታ አይፍያን በአና።
MIC 7:11 ህንተኖ፥ እስራኤልያ አሳቶ፥ ህንተ ካታማ ግምቢያ ድርሳቱ ድረትያ ጋላሳይ ያና፤ ሄ ጋላስ ህንተ ዛዋይካ አካና።
MIC 7:12 ሄ ጋላስ ህንተ አሳይ ህንተኮ ስማና። ኡንቱንቱ አሶረ ጋድያፐ፥ ግብጼ ካታማቱዋፐ፥ ኤፍራጺሳ ሻፋ ሄራን ደእያ ሳአቱዋፐነ ቃይ ሃኮ ሳን ደእያ አባቱዋ ዶናፐነ ꬎቃ ደረቱዋፐ ህንተኮ ስማና።
MIC 7:13 ሽን ቢታይ አን ደእያ አሳ ኢታተꬃ ጋሱዋን አሳይ ባይና መላ ግዳና።
MIC 7:14 ኔን ነ አሳ፥ አራዳ ቢታይ ዩሹዋን ደእያ ባዙዋን ባረካ ደእያ ነ ቡዞ ዶርሳ ዉድያ ነ ጋትማን ሄማ። ኡንቱንቱ ካሰዋዳንካ ባሳነንነ ጋላኣደን ሄመትኖ።
MIC 7:15 መꬍና ጎዳይ፥ “ህንተ ግብጼ ጋድያፐ ከሴዳ ዎድያዳን፥ ታን ህንተና ማላልስያባ በሳና” ያጌ።
MIC 7:16 ካዉተꬃቱ ኡባይ ሄዋ በኢደ ዬላታና፤ ኡንቱንቱ ዎልቃይካ ሀዳ ግድያ ድራዉ፥ ኡንቱንቱ ዬላቲደ፥ ባረንቱ ዶና ኦይቃና፤ ኡንቱንቱ ሀይꬃይካ ቱላና።
MIC 7:17 ኡንቱንቱ ሾሻዳን፥ ቢታ ላጫና፤ ሳኣና ትራን ጎሸትያ መታቱዋዳን ኮኮሪደ፥ ባረንቱ ጌሱዋፐ ከሳና። ዎልቃማ ዳጋማን መꬍና ጎዳኮ፥ ኑ ጾሳኮ፥ ስማና፤ ኡንቱንቱ ኔና ያዪደ ደአና።
MIC 7:18 ናቁዋ አቶ ያግያዌ፥ ባረ አሳ አቴዳዋንቱ ማካላ ፓይደናዌ ነ ማላ ጾሳይ ኦኔ? ኔን ሀንቁ ሀንቆሽን፥ መꬍናዉ ደአ አጋካ፤ አያዉ ጎፐ፥ ኔን ነ አሳዉ ነ አገና ሲቁዋ በስያዋን ናሸታሳ።
MIC 7:19 ኔን ኑዉ ቃይካ ቃረታና፤ ኑ ናቁዋ ነ ገድያን የꬋና፤ ኤ ኑ ናጋራካ አባ ጪሙዋን ኦላና።
MIC 7:20 ኔን በንፐካ ዶማደ ኑ ማይዛ አዋቶ ገፓደ ጫቄዳዋዳን፥ አብራሃማነ ያቆባ ዛረ ግዴዳ ነ አሳዉ ነ አማነትያዋነ ነ አገና ሲቁዋ በሳና።
NAH 1:1 ኤልቆሻ ጌተትያ ሳን ደእያ ናሆመ ነነዌ ቦላ ጾሳፐ አኬዳ ኪታይነ በኤዳ ሳፃ ማጻፋይ ሀዋ።
NAH 1:2 መꬍና ጎዳይ ቃናትያነ ሀሉዋ ከስያ ጾሳ፤ መꬍና ጎዳይ ሀሉዋ ከስያዋነ ሀንቁዋን ኩሜዳዋ፤ መꬍና ጎዳይ ባረናና ኤቀትያዋንቶ ሀሉዋ ከሴ፤ ቃይ ባረ ሞርከቱዋ ሙራናዉ ባረ ሀንቁዋ ጊግስ ዎꬄዳ።
NAH 1:3 መꬍና ጎዳይ ሀንቀታናዉ ኤሌለና፤ ዎልቃይካ አዌ ዎልቃማ፤ እ ባይዛንቻ አያ ግዶፐነ፥ ሙረናን አገና። መꬍና ጎዳዉ ጎቱዋንነ ቤታ ግዶን ኦጊ ደኤ፤ ሻሪካ አ ገዲ የꬍና ደንድያ ባና።
NAH 1:4 እ አባ ሴሪደ መልሴ፤ ሻፋቱዋ ኡባካ ቶይሴ። ባሳነንነ ቃርመሎሳን ደእያ ምꬃቱነ ማታቱ ሹሊኖ። ሊባኖሳ ጪሻይካ ቆቆፈቴ።
NAH 1:5 አ ስንꬃን ደረቱ ቃጺኖ፤ ዞዘቱካ ሲሊኖ። እ ቆንጭያ ዎደ ቢታይ ሳአይ ቃጻና፤ ሳኣን ደእያባይ ኡባይካ ኮኮራና።
NAH 1:6 አ ሀንቁዋ ስንꬃን ኤቃናዌ ኦኔ? አ ሀንቁዋ ሱሉዋካ ዳንዳያናዌ ኦኔ? አ ሀንቁ ታማዳን ቡክያ ዎደ፥ ዛላቱ ዛኢደ ጳልቀቲኖ።
NAH 1:7 መꬍና ጎዳይ ኬካ፤ መቱዋ ጋላስካ ባቃት አትያሳ፤ እ ባረኮ ባቃት አታናዉ ኮይያዋንታ ኤሬ።
NAH 1:8 ሽን እ ባረ ሞርከቱዋ ድኡዋን ሙክሲደ ꬋይሳና፤ ባረናና ኤቀትያዋንታካ ꬉማዉ የደርሳና።
NAH 1:9 ህንተ መꬍና ጎዳ ቦላ ማቀትያዌ እ አዬ? እ ህንተና ኡባና ꬋይሳና፤ ላኤንꬁዋ ꬋይሳናዉ ደንደና።
NAH 1:10 ህንተንቱ፥ ባጽባለቴዳ አጉንꬃ ማላቱ፥ ቃይ ኡሺደ ማꬆቴዳዋዳን ጋንድጋርያዋንቱ፥ መላ ኡቱላዳን ታማን ጹገት ꬋያና።
NAH 1:11 ነነዌ፥ መꬍና ጎዳ ቦላ ኢታባ ቆፕያዌ፥ ኢታ ዞርያ ዞርያዌ ነ ግዶፐ ከሴዳ።
NAH 1:12 መꬍና ጎዳይ ሀዋዳን ያጌ፤ “ናናዌቱ ምኖነ ጮራ ግዶፐካ፥ ꬎቆለቲደ ꬋያና። ይሁዳ አሳዉ፥ ታን ህንተና ካሰ ቱጋያድ፤ ሽን ሀዋፐ ስንꬃናዉ ቱጋይከ።
NAH 1:13 ሀእ ታን አሶረቱዋ ሞርገ ምꬃ ህንተ ሞርግያፐ መንꬃና፤ ህንተ ኡቁና ቃሹዋካ ታን ዱሰረꬃና” ያጌ።
NAH 1:14 ነነዌ፥ መꬍና ጎዳይ ነ ቦላ ፕርዴዳ ፕርዳይ ሀዋዳን ያግያዋ፤ “ሀዋፐ ስንꬃናዉ ነ ሱንꬃ ጼስስያ ዘረꬃይ ነዉ ደኤና። ነ ጾሳቱዋ ጎልያን ደእያ ምስለቱዋነ ኤቃቱዋ ታን ꬋይሳና። ኔን ዳምበናዋ ግዴዳ ድራዉ፥ ታን ነ ዱፉዋ ቦካና” ያግያዋ።
NAH 1:15 በእተ፥ እት ኪተቴዳዌ ሎኦ ምሽራቹዋ ኦዲድነ ሳሮተꬃ አዋዪደ፥ ꬎቃ ደረቱዋ ቦላና ጋኬዳ። ህንተኖ፥ ይሁዳ አሳቶ፥ ህንተና ꬋይስያ ሞርከቱ ኡባና ꬋዬድኖ፤ ኡንቱንቱ ላኤንꬆ ህንተ ቢታ ዎራጅክኖ። ሄዋ ድራዉ፥ ህንተ ባላቱዋ ቦንችተ፤ ህንተ ሺቄዳዋካ ጋꬅተ።
NAH 2:1 ኔኖ ናናዌ ካታማዉ፥ ꬋይስያባይ ዬዳ! ሄዋ ድራዉ፥ ነ ጌሱዋ ናጋ፤ ነ ኦግያካ ዎቻ፤ ነ ዳንጩዋ ምንሳ፤ ነ ዎልቃካ ሎይꬃ ምንሳ።
NAH 2:2 ꬋይስያዋንቱ፥ እስራኤልያ አሳነ ዎይንያ ቱራ ꬋይሶፐካ፥ መꬍና ጎዳይ እስራኤልያ ቦንቹዋነ ያቆባ ቦንቹዋ ዛራና።
NAH 2:3 ኦላንቻቱዋ ጎንዳላቱ ዞኦ፤ ኦላንቻቱካ ዞኦ ማዩዋ ማዬድኖ። ኡንቱንቱ ኦላዉ ጊግያ ዎደ፥ ፓራ ጋረቱዋ ብራታይ ታማ ላጩዋዳን ጶልቁ ጊኖ፤ ኡንቱንቱ ባረንቱ ቶራ ቶማካ ጊግሴድኖ።
NAH 2:4 ፓራ ጋረቱ ኦግያን አንዳራሱዋ ክንቺኖ፤ ኡንቱንቱ ያነ ሃነ ጃሚደ፥ ካታማ ኦግያን ዩዪኖ። ቃይ ኡንቱንቱ ላጩ ፖዱ ግያ ጾምፕያ ማላቲኖ፤ ዋልቃንꬃዳንካ ኤሌሊኖ።
NAH 2:5 እ ባረ ኦላ ካፓቱዋ ጼሲደ ሺሼ፤ ሽን አ ካፓቱ ሀመቲደ ꬉበቲኖ። ኡንቱንቱ ካታማ ግምቢያ ድርሳኮ ኤሌሊኖ፤ ኡንቱንታ ሞርከቱዋ ቆሁዋፐ ናግያ ዎልቃማ ጎንዳሊ ጊጌዳ።
NAH 2:6 ሻፋ ባጋና ደእያ ካታማ ድርሳ ፐንገቱ ዶየቴድኖ፤ ካትያ ጎሊካ ሻቢረቴዳ።
NAH 2:7 ካታማታ ኦሞደታደ ባዱ፤ እዝ ማጫ ቆማቱካ ካዮቲደ፥ ሀራጰቱዋዳን ዋሲኖ፤ ባረንቱ ትራካ ባቂኖ።
NAH 2:8 ዳጋት ኡቴዳ ሃꬃይ ፖክ በስና ጎግያዋዳን፥ ነነዌ አሳይ ካታማፐ ባቃታና። አሳይ ኡንቱንቱ ባረ ቃላ ꬎቁ ኦꬂደ፥ “ኤቂተ፤ ኤቂተ!” ያጊደ ጼሳና፤ ሽን ኦንነ ጉየ ጼለና።
NAH 2:9 ሄ ካታማ አቆ፥ አን ምንጀቴዳ ቦንቾ ሚሻስካ ፓይዱ ባዋ። ሄዋ ድራዉ፥ ሄ ብራ ቦንቂተ! ሄ ዎርቃካ ቃይ ቦንቂተ!
NAH 2:10 ነነዌ ካታማይ መላ ግዴዳ፤ ቃይ ኦኒደ ባዬዳ! አሳ ዎዛናይ ያሻን ሲሌዳ፤ ጋዱካ ኮኮሬዳ፤ አሳ ኡባ ጼሳይ ጋጅ ጋጄዳ፤ ሶምኢካ ቡላቴዳ!
NAH 2:11 ጋማቱዋ ጌሱዋ ማላ፥ ዎዳላ ጋማቱ ደኢያሳ ማላነ አቱማነ ማጫ ጋማቱ ባረንቱ ማራቱዋና ኡንቱንቱ ያሽስያዌ ባይናን፥ ዩይያ ዎራ ማላ ግዴዳ ናናዌ ካታማይ ሀእ ሀቃን ደኢ?
NAH 2:12 ጋሙ ባረ ማራቶ ግድያባ ኦይቄዳ፤ ማጫ ጋማትስካ መንሬꬂደ እሜዳ። ባረ ጌሱዋ ሃስ ኦይቄዳዋን፥ ባረ ጎንጎሉዋካ ሃስ አሄዳ አሹዋን ኩንꬄዳ።
NAH 2:13 ኡባፐ ዎልቃማ መꬍና ጎዳይ ሀዋዳን ያጌ፤ “በአ፥ ታን ነ ቦላን ደንዳድ! ታን ነ ፓራ ጋረቱዋ ታማን ጹጋና፤ ነ ዎዳላ ጋማቱዋካ ማሻይ ማና። ኔን ሃሳይያዋ ታን ቢታ ኡባፐ ꬋይሳና፤ ነዉ ኪተትያዋንቱ ቃላይካ ላኤንꬆ ሙለካ ስሰተና” ያጌ።
NAH 3:1 ዳሮ አሳ ሱꬃ ጉሴዳ ነነዌ ካታማትዉ አዬሮ! ዎርዱ እዝን ኩም ኡቴዳ። እዛ ዎልቃን አኬዳነ ቦንቄዳ ዱረታዉ ፓይዱ ባዋ።
NAH 3:2 ናናዌ ካታማትን ልሱዋ አርፔሉ፥ ፓራ ጋርያ ገድያ ጉንꬃይ፥ ፓራቱዋ አንዳራሱነ ፓራ ጋረቱዋ ጉፋይ ስሰቴ።
NAH 3:3 ፓራ አሳቱ ነ ቦላ ዬድኖ፤ ማሻይ ጶሉጶሌ፤ ቶራቱካ ጶሊኖ። ዳሮ አሳይ ሀይቄዳ! አሃይ አሃ ቦላ ዶረቴዳ! ሀይቄዳባዉ ፓይዱ ባዋ! ሄዋና አꬊደ ብያ አሳይካ አሃን ꬉበቴ።
NAH 3:4 ሀዌ ኡባይ ሀኔዳዌ ዛዋይ ባይና ነነዌ ጫራተꬃ ጋሱዋና። እዛ ጮራ ሙሩኖ አቶ፤ ካዉተꬃቱዋ ባረ ጫራተꬃን፥ አሳካ ባረ ሙሩኑዋን አይለያዱ።
NAH 3:5 ኡባፐ ዎልቃማ መꬍና ጎዳይ፥ “በአ፥ ታን ነ ቦላን ደንዳድ! ታን ነ ማዩዋ ነ ቦላፐ ቃራና፤ ነ ካሉዋ ጋደ አሳ፥ ነ ፖኩዋካ ካዉተꬃቱዋ በሳና።
NAH 3:6 ታን ኔና ፕቱዋ ኦልያ ሳ ከሳና፤ ታን ኔና ካꬋና፤ ቃይ አሳይ ኡባይ ኔናን ቅሊጭያዋ ኦꬃና።
NAH 3:7 ኔና በእያ ኡባይ ኔፐ ሸልእ ጊደ፥ ‘በእተ፥ ናናዌ ካታማታ መላ ግዳዱ። እዝዉ ካዮትያዌ ኦኔ? እዞ ምንꬅያዌካ ሀቃፐ ቤታንዴሻ!’ ያጋና” ያጌ።
NAH 3:8 ኔኖ ነነዌ ካታማቴ፥ ኔን ቴብሶ ግያ ግብጼ ካታማትፐ ዳራይ? እዞ ናይለ ሻፋይ ዶድ ዎꬄዳ። ሻፋይ እዝዉ ተእያ ግምቢያ፤ ሃꬃቱካ እዝዉ ድርሳ።
NAH 3:9 ቶጲነ ግብጼ እዝዉ ዛዋይ ባይና ዎልቃ፤ ፑጸነ ሊቢ እዞ ማድያዋንታ።
NAH 3:10 ግዶፐነ፥ እዛ ኦሞደታደ ባዱ፤ እዝን ደእያ ጉꬃ ናናይካ ዳራጸቲደ፥ ኦግያ ጋጻን ኡባን ኩንዴድኖ። እዝ ቦንቼቴዳ አሳቱዋ ቦላን ሳማይ የገቴዳ፤ እዝ ዎልቃማ አሳቱ ኡባይካ ሳንꬃላታን ቃሸቴድኖ።
NAH 3:11 ኔኖ ነነዌ ካታማቴ፥ ኔን ቃይ ማꬆቲደ ጋንድጋርያ አሳዳን ሀናና። ነ ሞርከቱዋ ስንꬃፐ ቆሰታደ አትያሳ ኔን ኮያና።
NAH 3:12 ነ ጌሳቱ ኡባይ ኮይሮ ቴሬዳ ቴራይ ጋዉጨቴዳ ባላስያ ምꬃቱዋ ማላ፤ ሄ ባላስያ ምꬃ ቃꬅያ ዎደ፥ ቴራይ ምያዎ ዶናን ዎꬌ።
NAH 3:13 በአ፥ ነ ኦላንቻቱ ኡባይ ማጫ አሳ ማላ። ነ ዛዋ ፐንገቱካ ነ ሞርከቶ አኪደ ዶየቴድኖ፤ ጎርድያ ምꬃካ ታማይ ም ድጌዳ።
NAH 3:14 ነ ሞርከቱ ኔና ዶዲደ ኡንኤꬅያ ዎደ ኡሻናዉ ሃꬃ ትካ። ነ ጌሱዋካ ምንሳ፤ ኡርቃ የꬋ፤ አፐ ጹብያ መꬍያ ሚሻን ጹብያ ጊግሳ።
NAH 3:15 ኔና ያን ታማይ ማና፤ ቦሊ ካꬃ ምያዋዳን፥ ኔና ማሻን ቃንጸሬꬃና። ኔን ቦልያዳን ዳራ፤ ቦልያዋዳንካ ጮራታ።
NAH 3:16 ኔን ነ ዛልአንቻቱዋ ሳሉዋ ጾልንተቱዋፐ አꬃደ ጮራያዳ። ሽን ሄዋንቱ ኡባይ ቦልያዳን ኡባባ ም ድጊደ፥ ፓል ꬋያና።
NAH 3:17 ነ ካፓቱነ ማታይ ደእያዋንቱ፥ ሜጎ ጋላስ ድርሳ ቦላን ኡቲደ፥ አዋይ ከስያ ዎደ ፓል ꬋይያ ቦለቱዋ ማላ፤ ኡንቱንቱ ቤዳ ሳካ ኤርያዌ ባዋ።
NAH 3:18 ኔኖ አሶረ ካተዉ፥ ነ ሄንꬃንቻቱ ገምእሼድኖ፤ ነ ቦንቼቴዳ አሳቱካ ጌሮቴድኖ። ነ አሳይ ደረቱዋ ቦላን ላለቴዳ፤ ኡንቱንታ ሺሽያዌካ ባዋ።
NAH 3:19 ነ መኡ ኮለተና፤ ነ ማዱꬃይካ ፓጸና። ነባ ስሴዳ ኡባይ ናሸቲደ፥ ኩሽያ ባቃና። አያዉ ጎፐ፥ ነ ዛዋይ ባይና ኢታተꬃፐ ከስ አኬዳ አሳይ ሙለካ ባዋ።
HAB 1:1 ትምቢትያ ኦድያ እምባቆማዉ መꬍና ጎዳይ ሳጻን እሜዳ ኪታይ ሀዋ።
HAB 1:2 እምባቆመ፥ “አቤት መꬍና ጎዳዉ፥ ኔን ማዳናዳን ታን ጼስያ ዎደ፥ አዉደ ጋካናዉ ስሰናን እጻይ? ቃይ ታን ማካላዉ ነዉ ዋስያ ዎደ፥ አዉደ ጋካናዉ አሸናን እጻይ?
HAB 1:3 ሀ ናቁዋነ ባይዙዋ ታና አያዉ በሳይ? ማካላነ ባሻ ጼላደ ኔን አያዉ ጮኡ ጋደ ዳንዳያይ? ዋታይነ ኦሻይ ቢታ ኡባን ዳሬዳ።
HAB 1:4 ሄዋ ድራዉ፥ ህጊ ለፔዳ፤ ቱሙ ከስ ኤረና። ቃይ ናጋራንቻቱ ጽሎ አሳቱዋ ዶድ ኦይቄዳ ድራዉ፥ ፕርዳይ ጌላቴ” ያጌዳ።
HAB 1:5 ጾሳይ ዛሪደ፥ “ህንተ ዩሹዋን ደእያ ካዉተꬃ ጼሊደ ማላለትተ! አያዉ ጎፐ፥ ህንተዉ ኦድንቶካ ህንተ አማነና ኦሱዋ ታን ህንተ ዎድያን ኦꬃና ሀናይ።
HAB 1:6 ታን ባብሎናዌቱዋ፥ ሄ መቀꬅ ባይና ድርቢያ አሳቱዋ ደንꬃይ። ኡንቱንቱ ባረንቱባ ግደና ቢታ ኦሊደ ኦይቃናዉ ቢታ ኡባን ዩዪኖ።
HAB 1:7 ኡንቱንቱ ያሽስያዋንታነ ዳጋንꬅያዋንታ። ኡንቱንቱ ፕርዳይነ ቦንቹ ኡንቱንቱፐ ከሴ።
HAB 1:8 ኡንቱንቱ ፓራቱ ማሄቱዋፐካ አꬌዳ ድርቢያነ ኦማርሳ ኦኮራቱዋፐካ አꬌዳ ኢታ። ኡንቱንቱ ፓራ አሳቱ ፕሪጺደ፥ ሃኮ ሳፐ ዪኖ፤ ኡንቱንቱ አርጋንꬃይ አየንቶ ኦይቃናዉ ፓልያዋዳን ፓሊኖ።
HAB 1:9 ኡንቱንቱ ኦላንቻቱ ኡባይ ማካላባ ኦꬃናዉ ባዞ ጫርኩዋዳን ጫርኪደ ዪኖ። አሳ ኦሞዲደ፥ ሻፍያዳን ሺሺኖ።
HAB 1:10 ኡንቱንቱ ካተቱዋ ቦላ ቅሊጪኖ፤ ሞድያዋንታካ ሚቻ ከሲኖ፤ ቃይ ሹቻን ድረቴዳ ጌሳቱዋ ኡባን ኡንቱንቱ ሚጪኖ። ሄ ጌሶቱዋ ኦሞዳናዉ ኡንቱንቱ ላንቂያን ቢታ ኬሊኖ።
HAB 1:11 ሄዋፐ ጉይያን፥ ኡንቱንቱ ጫርኩዋዳን አꬋና። ሄ ናቂያዋንቶ ኡንቱንቱ ዎልቃይ ኡንቱንቱ ጾሳ” ያጌዳ።
HAB 1:12 አቤት መꬍና ጎዳዉ፥ ታ ጾሳዉ፥ ታ ጌሻዉ፥ ኔን መꬍናፐ ዶማደ ደእያ መꬍና ጎዳ ግድኪ? ኔን ኑ ዛላ ግድያ ድራዉ፥ ኑን ሀይቆኮ። አቤት ጾሳዉ፥ ባብሎናዌቱዋ ኑ ቦላ ፕርዳ ፖላናዳን፥ ኔን ደንꬃደ ዎልቃካ ኡንቱንቶ እማዳ።
HAB 1:13 ነ አይፈቱ ዳሮ ጌሻ ግድያ ድራዉ፥ ኢታባ ጼላናዉ ዶስክኖ፤ ኢታባይ ኦሰትያ ዎደ በኣደ ጮኡ ጋናዉ ዳንዳያካ። ያትና፥ ሀ ጭምያዋንታ አያዉ ጮኡ ጋደ ጼላይ? ናጋራንቻቱ ባረፐ ጽልያ አሳቱዋ ምትያ ዎደ አያዉ ጮኡ ጋይ?
HAB 1:14 ኔን አሳ አባ ሞለቱዋዳን፥ ካለꬅያዌ ኡንቱንቶ ባይና ትራን ጎሸትያ መታቱዋዳን ኦꬃዳ።
HAB 1:15 ባብሎናዌቱ ጋድያ አሳ ኡባ ቃጲያን ቆሪደ ከሳና፤ ኡንቱንቱ ኡንቱንታ ባረንቱ ቀሪ ግትያን ኦይቃና፤ ቃይካ ኡንቱንቱ ኡንቱንታ ባረንቱ ዎጋ ግትያን ቡሪደ ሺሻና፤ ያቲደ ኡንቱንቱ ናሸታናነ ሀሹ ጋና።
HAB 1:16 ሄዋ ድራዉ፥ ኡንቱንቱ ባረንቱ ቄራ ግትያዉ ያርሺኖ፤ ባረንቱ ዎጋ ግትያዉ እጻና ጩዋዪኖ። አያዉ ጎፐ፥ ኡንቱንቱ እሻሉዋን ደእያዌነ ማልኡዋ ምያዌ ሄ ግተቱዋ ዎልቃና።
HAB 1:17 ያትና፥ ኡንቱንቱ ባረንቱ ግትያ ቆቆፊደ ካዉተꬃቱዋ ኡባ ዎደ ቃረት ባይናን ዎꬊደ ደአኔ?
HAB 2:1 ዎችያ አዱሳ ግምቢያ ቦላ ከሳ ኤቃደ ታን ናጋና። ሄ ሳኣን ጾሳይ ታና ግያባነ ታ ማጋናዉ እ እምያ ዛሩዋ ስሳናዉ ጼላሻና።
HAB 2:2 መꬍና ጎዳይ ታዉ ዛሪደ፥ “ዎጽያ ኡራይካ ናባባና ማላ፥ ማሰቴዳ ሹቻ ቦላ ታን ነዉ ቆንጭስያ ሳፃ ኦርዱዋን ጻፋ።
HAB 2:3 አያዉ ጎፐ፥ ሳጻን ቤቴዳዌ ባረ ኬረቴዳ ዎድያ ናጌ። ሄ ሳጻይ ፖለትያ ዎዲ ኤለካ ጋካናዋ፤ ዎርዱዋ ግዲደ ደኤና። ታክያባ ማላትንቶካ ናጋ፤ አያዉ ጎፐ፥ እ ቱሙዋፐ ያና፤ ጋምኤና።
HAB 2:4 “በአ፥ እ ኦቶረቴዳ፤ አ ቆፋ ኡባይካ ሱረ ግደና፤ ሽን ጽሉ ባረ አማኑዋን ደአና።”
HAB 2:5 ዱረተꬃይ አሳ ጭሜ፤ ኦቶራንቻ አሳዉ ሸምፖ ባዋ። እ ዱፉዋዳን ዮራ ግድያ ድራዉነ ሀይቁዋዳን ካል ኤረና አሳ ግድያ ድራዉ፥ ካዉተꬃቱዋ ኡባ ባረዉ ሺሼ፤ አሳ ኡባካ ባረዉ ኦሞዴ።
HAB 2:6 “አሳይ ባረንታ ኦሞዴዳዋንታ፥ ‘ባረዋ ግደና ሚሻ ሺሺደ ዳጋይያዎነ አጩዋ አሳፐ ዎልቃን አኬዳ ማጹዋን ዱረትያዎ አየሮ! ሀዌ ሀዋዳን ሀኒደ፥ አዉደ ጋካናዉ ደአኔ?’ ያግ ቅሊጫናነ ቶቻና።
HAB 2:7 ኔን ኡንቱንቶ ታልኤዳ አሳቱ ነ አኬከናን ነ ቦላ ደንዲደ፥ ኔና ኮኮርሳና። ሄዋፐ ጉይያን፥ ኡንቱንቱ ነ ማጹዋ ኡባ ቦንቃናዋንታ።
HAB 2:8 ኔን ጮራ ያራ ማጹዋ ቦንቄዳ ድራዉ፥ ኡንቱንቱፐ አቴዳዋንቱ ነ ማጹዋ ቦንቃናዋንታ። አያዉ ጎፐ፥ ነ ዳሮ አሳ ሱꬃ ጉሳዳ፤ ቃይ ሳኣ ኡባን፥ ካታማቱዋ ቦላነ ኡንቱንቱን አሳ ቦላካ ሱገꬃ ኦሱዋ ኦꬃዳ።
HAB 2:9 “መቱ ኔና ጋከናዳን፥ ነ ጎልያ ꬎቃሳን ኬጻናዉ ናቁዋን ሚሻ ሺሽያዎ፥ ነዉ አየሮ!
HAB 2:10 ዳሮ አሳ ነ ገናደ ꬋይሴዳዋ ጋሱዋን ነ ሶ አሳ ካዉሻዳ፤ ኔን ነ ቦላ ባየꬃ አሃዳ።
HAB 2:11 ሀራይ አቶ ነ ጎልያ ግምቢያ ሹቻይካ ነ ቦላ ዋሳና፤ ቱሳቱካ ዋሱዋ አላናዋንታ።
HAB 2:12 “ካታማ ማካላን ባሲደ፥ አሳ ሱꬃን ኬጽያዋንቶ፥ ህንተዉ አየ አና!
HAB 2:13 ኡባፐ ዎልቃማ መꬍና ጎዳይ አሳይ ኦꬅያዌ ኡባይ ታማ ካተ ግዳናዳን፥ ቃይ ካዉተꬃቱ ኡባይ ዳቡርያዌ ጮ መላ ግዳናዳን፥ ቆፋ ቃች ዎꬄዳ።
HAB 2:14 አያዉ ጎፐ፥ ሃꬃይ አባ ካምያዋዳን፥ መꬍና ጎዳ ቦንቹዋ ኤራተꬃይ ሳኣ ኩማና።
HAB 2:15 “ባረ ሾሮ አሳይ ካሎትና በአና ጊደ፥ ኢታባ ጉጃንነ ኡንቱንታ ኡሺደ ማꬆይያ ኡራዉ አየ አና!
HAB 2:16 ኔን ቦንቹዋ ድራዉ ካዉሻ ማያና። ሀእ ስም ላ ኔኖ፥ ኡሻ! ኡሻደ ጋንድጋራ! መꬍና ጎዳዉ ኡሸቻ ኩሽያን ደእያ ጹአይ ኔኮ ያና፤ ነ ቦንቹ ካዉሻዉ ላመታና።
HAB 2:17 ኔን ሊባኖሳ ꬋይሴዳዋዳን፥ ኔንካ ꬋያና። ኔን ዶአቱዋ ዎራ ዉርሳዳ፤ ሀእ ቃይ ኡንቱንቱ ኔና ያሽሳና። አያዉ ጎፐ፥ ነ ዳሮ አሳ ሱꬃ ጉሳዳ፤ ቃይ ሳኣ ኡባን፥ ካታማቱዋ ቦላነ ኡንቱንቱን ደእያ አሳ ቦላካ ሱገꬃ ኦሱዋ ኦꬃዳ።
HAB 2:18 “እ ባረዉ ኤቃይ አያ ማዲ? አ አሳይ ጊግሴዳ ግደኔ? ዎርዱዋፐ አትና፥ አን ሀራባይ አያይነ ቤተና። ያትና፥ አ መꬌዳ ብታኒ ሀ አይነ ሃሳየና ኤቃ አማንያዌ አ አያ ማዳናሴ?
HAB 2:19 ምꬃፐ ማሰቴዳዋ ‘ቤጎታ!’ ግያዎ፥ ቃይ ሹቻፐ ማሰቴዳ ዱድያ፥ ‘ደንዳ ኤቃ!’ ግያዎ፥ ነዉ አየ አና! እ ዎን ነዉ አየንቶ ቆንጭሳናዉ ዳንዳዪ? በአ፥ እ ዎርቃንነ ብራን ሼሼዳዋ፤ አዉ ሸምፑ ባዋ።
HAB 2:20 “ሽን መꬍና ጎዳይ ባረ ጌሻ ጌሻ ጎልያና። ሄዋ ድራዉ፥ ቢታን ሳኣን ደእያ አሳይ ኡባይ አ ስንꬃን ጮኡ ጎ” ያጌዳ።
HAB 3:1 ትምቢትያ ኦድያ እምባቆም ማዝሙርያዳን የጺደ፥ ዎሴዳ ዎሳይ ሀዋ፦
HAB 3:2 አቤት መꬍና ጎዳዉ፥ ኔን ካሰ ኦꬄዳዋ ታን ስሳደ ያያድ። አቤት መꬍና ጎዳዉ፥ ኑ ዎድያንካ ሄ ኦሶቱዋ ዛረꬃደ ኦꬃ፤ ኡንቱንቱ ኑ ዎድያንካ ኤረትኖ። ኔን ሀንቀꬅያ ዎደ ነ ማሮታ ቆፓ።
HAB 3:3 ጾሳይ ተማና ግያ ሳኣፐ ዬ፤ ሄ ጌሻይ ፓራና ደርያፐ ዬ። አ ቦንቹ ሳሉዋ ካሜዳ፤ አ ጋላታይካ ሳኣ ኩሜዳ።
HAB 3:4 አ ጶለꬃይካ አዋ ፖኡዋ ማላ፤ አ ዎልቃይ ቆሰት ኡቴዳ አ ኩሽያፐ ፖዡ ግያ ፖኡ ከሴ።
HAB 3:5 ጾሳይ ኢታ ሀርግያ ባረፐ ስንꬃዉ ኪቴ፤ ሀይቁዋካ ባረ ጌዱዋ ካለꬄ።
HAB 3:6 እ ኤቂደ ቢታ ቃꬄዳ። ቃይ እ ጼሊደ ካዉተꬃቱዋ ኮኮርሴዳ። መꬍናደፐ ደኤዳ ደረቱ መኤረቴድኖ፤ ቃይ እ ኡንቱንቱ ቦላን ሀመትያ በኒደፐ ደኤዳ ደረቱካ ላለቴድኖ።
HAB 3:7 ታን ቶጵያ አሳይ ቱጋትሽን በኣድ፤ ምድያማ ቢታ አሳይካ ኮኮርሺና በኣድ።
HAB 3:8 አቤት መꬍና ጎዳዉ፥ ኔን አያዉ ሀንቀታዲ? ሻፋቱ ኔና ሀንቀꬅሴድኖ? ዎይ አባ ቦላ ሀንቁዋ ኤጻ ከሳዲ? ቱይት፥ ኔን ነ ፓራቱዋነ ነ ፓራ ጋረቱዋ ቶጌዳዌ ነ አሳዉ ጾኑዋ እማናሳ።
HAB 3:9 ኔን ነ ዎንዳፍያ ጊግሳዳ፤ ፖꬃቱዋ ዱካናዉ ዳፋዳ። ቢታ ጳልቃደ ሃꬃ ከሳዳ።
HAB 3:10 ደረቱ ኔና በኢደ፥ ያሻዉ ኮኮሬድኖ፤ ሃꬃ ክጻይካ አꬌዳ። ቃይ ሃꬃ ጪማቱካ ዋሲኖ፤ ዋሲደ ባረንቱ ዳምባላ ሃ ሃ ዳርሴድኖ።
HAB 3:11 እ ጾንጊደ የዴዳ ፖꬃቱ ፖኡዋንነ ነ ቶራቱዋ ጶለꬃን አዋይነ አግናይ ባረንቱ ደእያ ሳን ደእያ ሳን ኤቄድኖ።
HAB 3:12 ኔን ሀንቀታደ ቢታ ኡባን ዩያዳ፤ ካዉተꬃቱዋካ ሀንቁዋን የꬋዳ።
HAB 3:13 ኔን ነ አሳ አሻናዉነ ነ ኦከቴዳዋ አሻናዉ ከሳዳ፤ ኢታቱዋ ካፑዋ ሾጫዳ፤ አ ማዩዋ ቃራደ አ ካሎ ጺራ አሻዳ።
HAB 3:14 አ ኦላንቻቱዋ ጋዳዋ ኔን አ ቶራን አ ጫዳዳ። ኡንቱንቱ ኑና ላላናዉ ጎትያዳን ዪኖ፤ መቶታንቻካ ጌማን ምታናዉ ዶሲኖ።
HAB 3:15 ኔን ነ ፓራቱዋን አባ የꬋደ አꬍያ ዎደ፥ ዳሮ ሃꬃይ ሆሙዋ ጎፑ ጌ።
HAB 3:16 ታን ሀዋ ኡባ ስስና፥ ታ ቦላይ ጋጅ ጋጄዳ፤ ታ መተርሻይ ኮኮሬዳ፤ ታ መቀꬃይካ ዎቄዳ፤ ታ ገደቱካ ቃይ ጉንዴድኖ። ኑና ቱጋይያዋንታ ጾሳይ ሙራና ጋካናዉ፥ መቱዋ ጋላሳ ታን ዳንዳያን ናጋና።
HAB 3:17 ባላስያ ግያ ምꬃይ አይፋና ꬋዮፐካ፥ ዎይንያ ቱራን አይፊ ꬋዮፐካ፥ ዎጋራይ አይፈናን እጾፐካ፥ ጋዲ ካꬃ ሞከናን እጾፐካ፥ ስኩዋን ዶርስ ꬋዮፐካ፥ ቃይ አቁዋን መሂ ꬋዮፐካ፥
HAB 3:18 ሄዌ ኡባይ ꬋዮፐካ፥ ታን መꬍና ጎዳን ናሸታና፤ ታና አሽያ መꬍና ጎዳን ታን ናሸቻ ፖጩ ጋና።
HAB 3:19 ኡባ ሞድያ መꬍና ጎዳይ ታዉ ዎልቃ፤ ታ ገድያ ጋራ ገድያዳን ምንሴ፤ ታን ꬎቃ ሳአቱዋን ሄመታናዉ ታና ዳንዳይሴ። (የጽያዋንታ ካለꬅያዋ ሀሳይስያዋ: ሀ ማዛሙሪ ዲጽያዋ ዲጺደ የጽያ ማዝሙርያ።)
ZEP 1:1 አሞና ናአይ እዮስያስ ይሁዳን ካተቴዳ ዎደ ሶፎናሳኮ ዬዳ መꬍና ጎዳ ቃላይ ሀዋ። ሶፎናስ ኩሻ ናኣ፤ ኩሽ ጋዳልያ ናኣ፤ ጋዳሊ አማርያ ናኣ፤ አማር ካትያ ህዝቂያሳ ናኣ።
ZEP 1:2 መꬍና ጎዳይ ሀዋዳን ያጌ፤ “ታን ጋድያ ቦላን ደእያዋ ኡባ ሙልጹ ኦꬃደ ꬋይሳና።
ZEP 1:3 ታን አሳነ መህያ፥ ሳሉዋ ካፎቱዋነ አባ ሞለቱዋካ ꬋይሳና። ቃይ ታን ኢታ አሳቱዋ አꬃ የጋና፤ አሳ ዛርያካ ቢታ ቦላፐ ꬋይሳና” ያጌ መꬍና ጎዳይ።
ZEP 1:4 ቃይካ ጾሳይ ሀዋዳን ያጌ፤ “ታን ይሁዳንነ የሩሳላመን ደእያ ኡባ ሙራናዉ ታ ኩሽያ ደንꬃና፤ ባኣላ ግያ ኤቃዉ ጎይንያ አቴዳዋንታነ አዉ ኦꬅያ ቄሳቱ ዋ ሄ ሳኣፐ ሙልጹ ኦꬃደ ꬋይሳና።
ZEP 1:5 ጎልያ ሁጲያ ደምባዪደ ኦꬄድኖ፤ ሄዋ ቦላ ከሲደ፥ አዋዉ፥ አግናስነ ጾልንተቶ ጎይንያዋንታ ታን ꬋይሳና። መꬍና ጎዳዉ ጎይኒድነ አ ሱንꬃን ጫቂደ፥ ቃይ ሞሎካ ግያ ኤቃ ሱንꬃን ጫቂያዋንታ ታን ꬋይሳና።
ZEP 1:6 መꬍና ጎዳ ካልያዋ አጊደ ጉየ ስሜዳዋንታ፥ መꬍና ጎዳ ኮይቤናዋንታነ ኡንቱንታ ካለꬃናዳን ኦችቤናዋንታካ ታን ꬋይሳና” ያጌ።
ZEP 1:7 መꬍና ጎዳ ጋላሳይ ማቴዳ ድራዉ፥ ኡባ ሞድያ መꬍና ጎዳ ስንꬃን ጮኡ ጊተ! መꬍና ጎዳይ ባረ አሳ ያርሾ ጊጌዳ መህያዳን አꬅ እማናዉ ጊግሴዳ፤ ቃይ ይሁዳ ቦንቂያ ሞርከቱዋካ ዱማዪደ ጊግሴዳ።
ZEP 1:8 መꬍና ጎዳይ ሀዋዳን ያጌ፤ “ታ አሳ አꬃ እምያ ጋላስ ካፓቱዋ፥ ካትያ ናናቱዋነ አላጋ ቢታ ዎጋ ካልያዋንታ ኡባቱዋ ታን ሙራና።
ZEP 1:9 ሄ ጋላስ አላጋ ቢታ አሳቱዋዳን፥ ኤቃዉ ጎይንያዋንታነ ባረንቱ ጎዳ ጎልያ ማካላንነ ጭሙዋን ኩንꬅያዋንታ ታን ሙራና” ያጌ።
ZEP 1:10 መꬍና ጎዳይ ሀዋዳን ያጌ፤ “ሄ ጋላስ የሩሳላመ ድርሳን ሞልያ ፐንግያ ማታን ደእያ ኦራꬃ ካታማ ሻኩዋን ዋሱነ ዬኩ ስሰታና፥ ዞዘቱዋ ቦላንካ ꬎቁ ጌዳ ዶምኤꬃ ኮሻይ ጊሩማና።
ZEP 1:11 ህንተኖ፥ ካታማዉ ህርክ ባጋና ደእያዋንቶ፥ ዬክተ፤ አያዉ ጎፐ፥ ሄዋን ዛልእያ ኡባቱ ꬋዬድኖ፤ አሌቆ ሀንያ ብራ ዛልእያዋንቱካ ሀይቂ ዉሬድኖ።
ZEP 1:12 ሄ ጋላስ ታን የሩሳላመ ግዱዋ ጾምፕያን ኮያና፤ ህርግ ባይናን ዎፑ ግ ኡቲደ፥ ባረንቱ ዎዛናን፥ ‘መꬍና ጎዳይ ሎኦባነ ኦና፤ ኢታባነ ኦና’ ያግያዋንታ ታን ሙራና።
ZEP 1:13 ኡንቱንቱ ማጹ ቦንቀታናዋ፤ ኡንቱንቱ ጎሊካ ኮለታና። ኡንቱንቱ ጎልያ ኬጻና፥ ሽን ሄ ጎልያን ደእክኖ፤ ቃይ ዎይንያ ቱራቱዋካ ቶካና፥ ሽን ሄ ዎይንያ ኤሳ ኡሽክኖ” ያጌ።
ZEP 1:14 መꬍና ጎዳ ዎልቃማ ጋላሳይ ማቴዳ፤ ቃይ ሎይꬅ ኤሌሊደ ዬ። መꬍና ጎዳ ጋላሳይ ጫሞ ጋላሳ። ሄ ጋላስ ምኖ ኦላንቻቱካ ዋሱዋ ጹልሳና።
ZEP 1:15 ሄ ጋላሳይ ሀንቁዋ ጋላሳ፥ መቶነ ኡንኦ ጋላሳ፥ ባሻነ ኮለꬃ ጋላሳ፥ ꬉማነ ሻኖቻ ጋላሳነ ሻርያነ ባራ ꬉማ ጋላሳ ግዳናዋ።
ZEP 1:16 ሄ ጋላሳይ ዩሹዋ ድረቴዳ ካታማቱዋ ቦላነ አዱሳ ግምበቱዋ ቦላ ኦላ ማላካታይ ፑነትያ ጋላሳነ ኦላንቻቱ ኦላ ኮሻይ ስሰትያ ጋላሳ ግዳናዋ።
ZEP 1:17 መꬍና ጎዳይ ሀዋዳን ያጌ፤ “ኡንቱንቱ ጾሳ ናቄዳ ድራዉ፥ ቆቅያዳን ታታፋና ጋካናዉ፥ አሳቱዋ ቦላን ታን መቱዋ አሀና። ኡንቱንቱ ሱꬃይ ድኡዋዳን ጎጋና፤ ኡንቱንቱ አሃይ ፕቱዋዳን ኦለታና።
ZEP 1:18 መꬍና ጎዳ ሀንቁዋ ጋላስ ኡንቱንቱ ብራ ግድና፥ ኡንቱንቱ ዎርቃይካ ኡንቱንታ አሻናዉ ዳንዳየና። እ ሳኣን ደእያ ኡባ አኬከናን ደእሽን፥ ዉርስ ꬋይሳና፤ ቢታ ኡባይካ አ ሀንቁዋ ታማን ሜተታና” ያጌ።
ZEP 2:1 ህንተኖ፥ ዬላይ ባይና አሳቶ፥ አነ እትፐ ሺቅተ፤
ZEP 2:2 ጫርኩ ፑኒደ አፍያ ሱላዳን ቤናን ደኢደ፥ ያሽያ መꬍና ጎዳ ሀንቁ ህንተ ቦላ ዎናን ደእሽን፥ መꬍና ጎዳ ሀንቁዋ ሱሉዋ ጋላሳይካ ህንተ ቦላን ጋከናን ደእሽን፥ መꬍና ጎዳኮ ስምተ።
ZEP 2:3 ህንተኖ፥ ጋድያን ደእያ አሽከቶነ አ አዛዙዋ ኦꬅያ ኡባ ገደ፥ መꬍና ጎዳ ኮይተ፤ ጽሎተꬃ ኮይተ፤ ቃይ አሽከተꬃካ ኮይተ። ያቶፐ፥ ኦን ኤሪ፥ መꬍና ጎዳ ሀንቁዋ ጋላስ ህንተና ቆሲደ አሻነንቶነ።
ZEP 2:4 ጋዛ ካታማይ ኦናና፤ አስቃሎና ካታማይካ መላ ግዳናዋ፤ አሽዶዳ ካታማ አሳይ ሴታ ጋላስ ጎደታና፤ ኤቅሮና ካታማይካ ꬎቆለታናዋ።
ZEP 2:5 ህንተኖ፥ አባ ዶናን ደእያ ፕልስጼማ አሳቶ፥ ህንተንቶ አየ አና! ኔኖ፥ ፕልስጼማቱ ደእያ ካናነ ቢታዉ፥ መꬍና ጎዳ ፕርዳይ ነ ቦላን ዬ። ታን ኔና ꬋይሳና፤ ኔናን እት አሳይነ አተና።
ZEP 2:6 አባ ዶናን ደእያ ህንተ ቢታይ መህያ ሄምያ ሳ፥ ሄንꬃንቻቱ ደኢያሳነ መህያ ዉድያ ባሉዋ ግዳናዋ።
ZEP 2:7 አባ ዶናይ ይሁዳ አሳፐ አቴዳዋንቶ ላታ ግዳናዋ፤ ሄዋን ኡንቱንቱ ሄመታና። ሳአይ ቃምያ ዎደ ኡንቱንቱ አስቃሎና ካታማን ደእያ ጎለቱዋን አቃና፤ አያዉ ጎፐ፥ መꬍና ጎዳይ ኡንቱንቱ ጾሳይ ኡንቱንቱዋ ቆፓና፤ እ ኡንቱንታ ዛሪደ እሻልሳና።
ZEP 2:8 ኡባፐ ዎልቃማ መꬍና ጎዳይ፥ እስራኤልያ ጾሳይ፥ ሀዋዳን ያጌ፤ “ታን ሞኣባ አሳ ቅሊጩዋነ አሞና አሳ ቦርያ ስሳድ። ኡንቱንቱ ታ አሳ ቅሊጬድኖ፤ ኡንቱንቱ ቢታ ቦላንካ ኦቶረቴድኖ።
ZEP 2:9 ሄዋ ድራዉ፥ ታ ደኡዋ ሱንꬃን ጫቃይ፥ ሞኣበ ሶዶማዳን ሀናና፤ አሞና አሳይካ ጋሞራ አሳዳን ሀናና። ኡንቱንቱ መꬍናዉ ማጽንያ ቦክያ ኦላነ አጉንꬃይ ማዬዳ ባዙዋ ግዳናዋ። ታ አሳፐ አቴዳዋንቱ ኡንቱንቱ ዱሬታ ቦንቃናዋንታ፤ ኡንቱንቱ ቢታካ ላታናዋንታ” ያጌ።
ZEP 2:10 አሞናነ ሞኣበ አሳይ ኡባፐ ዎልቃማ መꬍና ጎዳ አሳ ቦላ ቅሊጪድነ ኦቶረቲደ ሃሳዬዳ ድራዉ፥ ኡንቱንቱ ቦላ ሀ መቱ ጋካናዋ።
ZEP 2:11 መꬍና ጎዳይ ኡንቱንቱን ያየቴዳዋ ግዳናዋ፤ ቢታን ደእያ ጾሳቱዋ ኡባ እ ꬋይሳና፤ ቃይ ሳኣን ደእያ ካዉተꬃቱዋን ደእያ አሳይ ኡባይ ባረ ደእያ ሳን ደእያ ሳን አዉ ጎይናና።
ZEP 2:12 ህንተኖ፥ ቶጵያ አሳቶ፥ ህንተካ ታ ማሻን ሀይቃና።
ZEP 2:13 መꬍና ጎዳይ ባረ ኩሽያ ሁጲሳ ባጋ ዛሪደ የዳና፤ አሶረ ቢታ ꬋይሳና። ቃይ ናናዌ ካታማካ መላ ባዙዋዳን፥ መላ ሳኣ ኦꬃና።
ZEP 2:14 ዉዲነ ዶአቱ ኡባይ አ ግዶን አላጻና፤ ጉቱነ ቁጻርሳይ አ ኮለቴዳ ግምበቱዋ ግዶን ደአና፤ ኡንቱንቱ ኮሻይ ማስኮትያናነ ፐንግያና ስሰታና። ጎለቱ ኬጸቴዳ ዝጋይ ካሎታና።
ZEP 2:15 ሀ ካታማይ፥ “ታና! ታፐ አትና፥ ሀራይ ባዋ” ያጊደ ኦቶረቲደ ደኤዳዋ፤ ሽን እ ሀእ ዶአቱ ጌሱ መላ ሳኣ ግዴዳ። አ ምይያና አꬍያ ኡባይ ዳሮፐ ማላለቲደ፥ ባረንቱ ኩሽያ ጾርሲደ፥ “ባርቼ!” ጋና።
ZEP 3:1 ማካላንቻትዉ፥ ቱኔዳንዉነ ባረ አሳ ቱጋዬዳ የሩሳላመ ካታማትዉ አየ አና!
ZEP 3:2 እዛ ኦናነ ስሱኩ፤ ሴርና ስሙኩ፤ መꬍና ጎዳን አማነቱኩ፤ ባረ ጾሳኮካ ሺቁኩ።
ZEP 3:3 እዝ ግዶን ደእያ ካፓቱ ጉድያ ጋሞቱዋ ማላ፤ ዳናቱካ ዎንትዉ አሸናን ደሜዳዋ ኡባ ዉርስ ም ድግያ ኦማርሳ ዋንግሬሎቱዋ ማላ።
ZEP 3:4 እዝን ናባቱ ኦቶራንቻነ ገናንቻ። እዝ ቄሳቱ ካ ጌሻባ ቱንስያዋንታ፤ ቃይ ኡንቱንቱ ጾሳ ህግያ ባረንቶ እንጀትያዋዳን፥ ምርቂደ ብሊኖ።
ZEP 3:5 ሽን እዝ ግዶን ደእያ መꬍና ጎዳይ ጽሉዋ፤ እ ባላባ ኦና፤ ዎንትና ዎንትናካ እ ባረ ጽሎ ፕርዳ ፕርዴ፤ አይ ዎንታንካ አግ ኤረና። ግዶፐነ፥ እዝን ደእያ ማካላንቻይ አይነ ዬላ ኤረና።
ZEP 3:6 ጾሳይ ሀዋዳን ያጌ፤ “ታን ካዉተꬃቱዋ ꬋይሳድ፤ ኡንቱንቱ ግምበቴዳ ሳአቱካ ኮለት ክቼድኖ። ኡንቱንቱ ካታማቱዋ እት አሳይነ ደኤና ኦና ቢታ ኦꬃድ፤ ኦገቱካ ኦንነ ሄዋና አናዋ ግዴድኖ።
ZEP 3:7 ታን ሀዋ ኡባ የሩሳላመዉ ኦꬃደ፥ ‘ስም ታ አሳይ ታና ቦንቻና፤ ታን ሴርያ ሴራካ አካና፤ ታን አዛዜዳዋካ ዶገና’ ያጋድ። ሽን ኡንቱንቱ ካሰዋፐካ ያ ያ ባረንቱ ኦሱዋን ቱኒደ ቤድኖ” ያጌ።
ZEP 3:8 መꬍና ጎዳይ ሀዋዳን ያጌ፥ “አነ ታን ፕርድያ ጋላሳይ ጋካናዉ፥ ታክ ጊተ። አያዉ ጎፐ፥ ታን አሳቱዋነ ካዉተꬃቱዋ ሺሻናዉ ቃቻድ፤ ሺሻደ ታ ሀንቁዋ ሱሉዋ ኡንቱንቱ ቦላ ጉሳና። ሳአይ ሙለናካ ታ ሀንቁዋ ታማን ጹገታና።
ZEP 3:9 “ሄ ዎደ ታን አሳ ኡባይ ጌሻ ሃሳያ ሃሳያና ማላ ኦꬃና፤ ያትና፥ ኡንቱንቱ ኡባይካ መꬍና ጎዳ ሱንꬃ ጼጋናነ እትፐ አዉ ኦꬃና።
ZEP 3:10 ላለቴዳ ታ አሳቱ፥ ታዉ ቱሙ ጎይንያዋንቱ ቶጵያ ሻፋቱዋፐ ሄፍንꬃ ባጋፐ ታዉ እሞታ አሀና።
ZEP 3:11 ሄ ዎደ ህንተ ታ ቦላ ማካሊደ ኦꬄዳ ኦሶቱዋ ጋሱዋን ዬላትክታ፤ አያዉ ጎፐ፥ ኦቶረትያነ አይያዋንታ ታን ህንተ ግዶፐ ድጋ ድጋና። ቃይ ህንተካ ሀዋፐ ስንꬃን ታ ጌሻ ደርያን ኦቶረትክታ።
ZEP 3:12 ታን ህንተ ግዶፐ ባረንቱ ሁጲያ ካዉሽያዋንታነ ዝቂ ኦꬅያ አሳቱዋ አሻና፤ ኡንቱንቱካ መꬍና ጎዳ ሱንꬃን አማነትያዋንታነ ታፐ ማዱዋ ኮይያዋንታ ግዳና።
ZEP 3:13 እስራኤልያ አሳፐ አቴዳዋንቱ ኦ ቦላነ ኢታባ ኦꬅክኖ፤ ዎርዱዋ ሃሳይክኖ፤ ኡንቱንቱ እንጻርሳንካ ጭሙ ቤተና። ሄዋ ግሻዉ፥ ኡንቱንቱ ሄመታናነ አላጻና፤ ኡንቱንታ ያሽስያባይካ ደኤና” ያጌ።
ZEP 3:14 ጽዮነ ናቴ፥ ማዛሙርያ የጻ! እስራኤልያ አሳዉ፥ እልልተ! የሩሳላመ ናቴ፥ ነ ፖሎ ዎዛናፐ ናሸታ፤ ሀሹካ ጋ!
ZEP 3:15 መꬍና ጎዳይ ህንተ ቦላ ፕርዴዳ ፕርዳ አጌዳ፤ ህንተ ሞርከቱዋካ ድጌዳ። መꬍና ጎዳይ፥ እስራኤልያ ካቲ፥ ህንተ ግዶን ደኤ፤ ሀዋፐ ስንꬃናዉ ህንተና ያሽስያዌ ባዋ።
ZEP 3:16 ሄ ጋላስ የሩሳላመባይ ሀዋዳን ያገታና፤ “ጽዮኔ፥ ያዮፓ! ነ ኩሸቱካ አርጋጮፕኖ።
ZEP 3:17 መꬍና ጎዳይ ነ ጾሳይ ነ ግዶን ደኤ፤ እ ነዉ ጾኑዋ እምያ ኦላንቻ። እ ኔናን ናሸታና፤ እ ባረ ሲቁዋን ኔና ኦራጽሳና፤ አሳይ ባላ ጋላስ የጽያዋዳን፥ እ ኔናን ናሸቴዳዋ ማዛሙርያ የጺደ በሳና” ያጋና።
ZEP 3:18 ጾሳይ ሀዋዳን ያጌ፤ “ሀዋፐ ስንꬃናዉ ነ ቦላ ባሻይ ጋከናዳን ታን ኦꬃና፤ ነ ዬላካ ቁጫና።
ZEP 3:19 በአ፥ ሄ ዎደ ታን ኔና ኡቁኔዳዋንታ ኡባ ሙራና። ታን ዎባቱዋ አሻና፤ ላለቴዳዋንታካ ሺሻና። ታን ኡንቱንቱ ካዉሻ ቦንቾ ላማና፤ ያቶፐ ሳኣን ደእያ አሳ ኡባ ማታን ኡንቱንቱ ሱንꬃይ ኤረቴዳዋ ግዳናዋ።
ZEP 3:20 ሄ ዎደ ታን ህንተና ሺሻና፤ ታን ህንተና እትፐ ሺሻደ ዛራና፤ ያታደ ታን ህንተ አይፊ በእሽን ህንተና እሻልስያ ዎደ፥ ህንተ ሀ ሳኣን ደእያ አሳ ኡባ ማታን ቦንቼቴዳዋንታነ ኤረቴዳዋንታ ግዳንታ” ያጌ መꬍና ጎዳይ።
HAG 1:1 ካቲ ዳርዮሰ ካተቴዳ ላኤንꬆ ላይꬅ፥ ኡሱፑንꬃ አግናን ኮይሮ ጋላስ መꬍና ጎዳ ቃላይ ትምቢትያ ኦድያ ሃገ ባጋና ሳላትያላ ናኣ፥ ይሁዳ ጋድያ ሞድያ ዛሩባቤላኮነ እዮጸዴቃ ናኣ፥ ቄሰ ኡባቱ ካፑዋ ኢያሱኮ ዬዳ፤
HAG 1:2 ኡባፐ ዎልቃማ መꬍና ጎዳይ፥ “ሀዌ አሳይ፥ ‘መꬍና ጎዳ ጌሻ ጎልያ ዛረꬂደ ኬጽያ ዎዲ ብሮ ጋክቤና’ ያጌ።”
HAG 1:3 ያትና፥ መꬍና ጎዳ ቃላይ ትምቢትያ ኦድያ ሃገ ባጋና፥
HAG 1:4 “ታ አሳዉ፥ ታ ጌሻ ጎሊ ኮለት ደእሽን፥ ህንተ ህንተ አሌቀቴዳ ጎለቱዋን ደአናዉ ሀዌ ህንተንቶ ዎዴየ?” ያጊድ ዬዳ።
HAG 1:5 ሄዋ ድራዉ፥ ኡባፐ ዎልቃማ መꬍና ጎዳይ፥ “አነ ህንተ ህንተና ጋኪደ ደእያዋ ቆፕተ።
HAG 1:6 ህንተ ዳሩዋ ዘሬድታ፤ ሽን ጉꬃ ሺሼድታ። ሚታ፥ ሽን ካልክታ፤ ኡሺታ፥ ሽን አልክታ። ማዪታ፥ ሽን ህንተና ሆኤና፤ ድርጉዋ አክያዌ ዳከቶ ቃርጪትያን የጋናዉ አኬ” ያጌ።
HAG 1:7 ቃይካ ኡባፐ ዎልቃማ መꬍና ጎዳይ፥ “አነ ህንተ ህንተና ጋኪደ ደእያዋ ቆፕተ።
HAG 1:8 ስም ደርያ ፑደ ከሲደ፥ ምꬃ ቃንጺደ አህተ፤ ጌሻ ጎልያ ዛረꬂደ ኬጽተ። ያቶፐ ታን አን ናሸታናነ ቦንቼታና” ያጌ መꬍና ጎዳይ።
HAG 1:9 ቃይካ ኡባፐ ዎልቃማ መꬍና ጎዳይ፥ “ህንተ ዳሮ ካꬃ ሺሻናዉ ሀልቼድታ፤ ሽን ጉꬃ ግዴዳ፤ አካ ህንተ ጎለ ገልሴዳ ዎደ፥ ታን ፑንያዋን ꬋይ አጌዳ። ሀዌ አያዉ ሀኔዴ? ታን ሀዋ ኦꬄዳዌ፥ ህንተ ኡባይካ ህንተ ጎልያ ጎልያ ኦሶ ዎጽሽን፥ ታ ጎሊ ኮለቲደ አቴዳ ግሻሳ።
HAG 1:10 ሄዋ ድራዉ፥ ቦላ ሳሉ እራ እመናን፥ ቢታይካ ካꬃ ሞከናን እጼድኖ።
HAG 1:11 ቃይ ቢታነ ደረቱዋ ቦላ፥ ካꬃ ቦላ፥ ዎይንያ ቱራነ ዛይትያ ዎጋራቱ ቦላ፥ ቢታይ ፑደ ሞክያዋ ቦላ፥ አሳነ መህያ ቦላነ ህንተ ዳቡሪደ ኦꬄዳዋ ኡባ ቦላ ታን እራ ꬋይሳድ” ያጌ።
HAG 1:12 ሄዋፐ ጉይያን፥ ሳላትያላ ናአይ ዛሩባቤል፥ እዮጸዴቃ ናአይ፥ ቄስያ ኡባቱ ካፑ ኢያሱነ ሀራ አሳይ ኡባይ መꬍና ጎዳ ባረንቱ ጾሳ ቃላዉነ መꬍና ጎዳይ ኡንቱንቱ ጾሳይ ትምቢትያ ኦድያ ሃገ ባጋና ኪቴዳ ቃላዉ አዛዘቴድኖ፤ አሳይካ መꬍና ጎዳዉ ያዬድኖ።
HAG 1:13 ያትና፥ መꬍና ጎዳይ ኪቴዳ ሀጊ አሳ፥ “አሳዉ፥ መꬍና ጎዳይ ህንተና፥ ‘ታን ህንተናና ደአይ’ ያጌ” ያግ መꬍና ጎዳ ኪታ አሳዉ ኦዴዳ።
HAG 1:14 ያትና፥ መꬍና ጎዳይ ሳላትያላ ናኣ፥ ይሁዳ ቢታ ሞድያ ዛሩባቤላ፥ እዮጸዴቃ ናኣ፥ ቄስያ ኡባቱ ካፑዋ ኢያሳነ ሀራ አሳ ኡባ ደንꬄዳ፤ ኡንቱንቱ ዪደ፥ ኡባፐ ዎልቃማ መꬍና ጎዳ፥ ባረንቱ ጾሳ ጌሻ ጎልያ ኬጹዋ ዶሜድኖ።
HAG 1:15 ሀዌ ሀኔዳዌ ካቲ ዳርዮሰ ካተቴዳ ላኤንꬆ ላይꬃን፥ ኡሱፑንꬃ አግናን ላታማነ ኦይደንꬆ ጋላሳና።
HAG 2:1 ሄ ላይꬃን ላፑንꬃ አግናን ላታማነ እተንꬃ ጋላሳን መꬍና ጎዳ ቃላይ ትምቢትያ ኦድያ ሃገ ባጋና ሀዋዳን ያጊድ ዬዳ፤
HAG 2:2 “ሳላትያላ ናኣ፥ ይሁዳ ሞድያ ዛሩባቤላዉ፥ እዮጸዴቃ ናኣ፥ ቄስያ ኡባቱ ካፑዋ ኢያሱዉነ ሀራ አሳዉ ሀዋዳን ያጋደ ኦዳ፤
HAG 2:3 ‘ሀ ጌሻ ጎልያ ቦንቹ ካሰ አያ ማለንቶ በኤዳ አሳፐ አቴዳዌ ህንተ ግዶን ደኢ? ሀቼ ህንተ አ ጼልያ ዎደ፥ ዋን ኡቴዴ? ህንተ አይፍያን እ ባይናዋ ማላቴ ግደኔ?
HAG 2:4 “ ‘ዛሩባቤላ፥ ሀእ ምና! ታን መꬍና ጎዳይ ሀዋ ኦዳይ። እዮጸዴቃ ናአዉ፥ ቄስያ ኡባቱ ካፖ ኢያሱ፥ ኔንካ ምና! ቢታን ደእያ አሳ ኡባዉ፥ ህንተካ ምንተ! ምኒደ ኦꬅተ፤ አያዉ ጎፐ፥ ታን ህንተናና ደአይ። ታን ኡባፐ ዎልቃማ መꬍና ጎዳይ ሀዋ ኦዳይ።
HAG 2:5 ህንተ ግብጼፐ ከስያ ዎደ፥ ታን ህንተናና ጫቀቴዳ ጫቁዋዳን፥ ታ አያናይ ህንተናና ደእያ ድራዉ ያዮፕተ!
HAG 2:6 “ ‘ቃይካ ታን ኡባፐ ዎልቃማ መꬍና ጎዳይ ሀዋ ኦዳይ። ታን ማታ ዎድያን እት ገደ ጉጃደ፥ ሳሎቱዋነ ሳኣ፥ አባነ መላ ቢታካ ቃꬃና።
HAG 2:7 ካዉተꬃቱዋ ኡባካ ቃꬃና፤ ካዉተꬃቱዋ ኡባን ደእያ ዱረታይ ሃ ያናዳን ኦꬃና። ታን ኡባፐ ዎልቃማ መꬍና ጎዳይ ሀ ጌሻ ጎልያ ቦንቹዋን ኩንꬃና።
HAG 2:8 ብራይ ታዋ፤ ዎርቃይካ ታዋ።
HAG 2:9 ኮይሮዋ ቦንቹዋፐ ሀ ላኤንꬆ ጌሻ ጎልያ ቦንቹ ዳራና፤ ታን ኡባፐ ዎልቃማ መꬍና ጎዳይ ሀ ሳኣን ሳሮተꬃካ እማና’ ያጋደ ኦዳ” ያጌዳ መꬍና ጎዳይ።
HAG 2:10 ዳርዮሰ ካተቴዳ ላኤንꬆ ላይꬃን፥ ኡዱፑንꬃ አግናን ላታማነ ኦይደንꬆ ጋላሳን መꬍና ጎዳ ቃላይ ትምቢትያ ኦድያ ሃገ ባጋና ሀዋዳን ያጊድ ዬዳ፤
HAG 2:11 “ኡባፐ ዎልቃማ መꬍና ጎዳይ ሀዋዳን ያጌ፤ ‘ህጊ ዋግንቶ ኤራናዉ አነ ቄሳቱ ዋ ሀዋ ኦቻ:
HAG 2:12 እት ኡራይ ያርሾ ጌሽ ዎꬄዳ አሹዋ ባረ አፍላ ጼራን ጻጽ አኪደ አፍሽን፥ ሄ አፍላ ጼራይ ኡክꬃ፥ ዎይ ዎጽያ፥ ዎይ ዎይንያ ኤሳነ ዛይትያ፥ ዎይ ሀራ አያ ቆሞ ቁማነ ቦቾፐ፥ ሄ ቦሸቴዳ ቁማይ ቱሙ ጌሻ ግዳናዉ ዳንዳዪ?’ ያጋ” ያጌዳ። ቄሳቱ፥ “ግዳናዉ ዳንዳየና” ያጊደ ዛሬድኖ።
HAG 2:13 ሀጊ ቃይካ፥ “አሃ ቦቺደ ቱኔዳ እት ኡራይ ሀዋንቱፐ እት ቆሞ ቁማነ ቦቾፐ፥ ሄ ቁማይ ቱሙ ቱናኔ?” ያጊደ ኦቼዳ። ቄሳቱ፥ “ኤ ቱናና” ያጊደ ዛሬድኖ።
HAG 2:14 ያትና፥ ሀጊ ዛረꬂደ፥ “መꬍና ጎዳይ ሀዋዳን ያጌ፤ ‘ሀ አሳይነ ሀ ካዉተꬃይ ታ ስንꬃን ሄዋካ ማላ፤ ኡንቱንቱ ኦꬅያ ኦሱነ ኡንቱንቱ ሺሽያ ያርሹ ኡባይካ ሄዋካ ማላ ቱና’ ያጌ” ያጌዳ።
HAG 2:15 ጾሳይ፥ “ሀቼፐ ዶሚደ፥ ህንተ ቦላን ጋኬዳዋአ አኬክተ! መꬍና ጎዳ ጌሻ ጎልያ ግምበቱዋ ዶማናፐ ካሰ፥
HAG 2:16 ህንተ ላኡ ኩንታለ ካꬃ አካና ጊደ፥ ካꬃ ዎꬆሳ ቤድታ፤ ሽን እት ኩንታለ ጻላላ ደሜድታ። ቃይ እት ጼቱ ሊትሮ ዎይንያ ኤሳ አካናዉ ዎይንያ ጉምእያ ኦላኮ ቤድታ፤ ሽን ህንተ መጽ ኦይታሙ ሊትሮ ጻላላ ዎይንያ ኤሳ ደሜድታ።
HAG 2:17 ታን ህንተ ኩሺ ኦꬄዳ ኦሱዋ ኡባ ቦላን መልስያ ጫርኩዋ፥ ካꬃ ሀርግያነ ሻቻ የዳደ ꬋይሳድ። ሽን ህንተ ሀ ኡባንካ ታኮ ስምበይክታ” ያጌ መꬍና ጎዳይ።
HAG 2:18 “ሀቼ ጋላሳፐ፥ ሀ ኡዱፑንꬃ አገናን ላታማነ ኦይደንꬃ ጋላሳፐ ዶሚደ፥ አነ አኬክተ፤ ቃይ መꬍና ጎዳ ጌሻ ጎልያ ባሱ ባሰቴዳ ጋላሳፐ ዶሚደ ቆፕተ።
HAG 2:19 ሀእ ዘረꬃዉ ሀንያ ካꬃይ ህንተ ዬስያን ꬋዮፐ፥ ቃይ ዎይንያ ቱራይ፥ ባላስያ ጌተትያ ምꬃ፥ ሮማንያ ጌተትያ ምꬃነ ዎጋራ ዛይትያ ምꬃይካ ሀቼ ጋካናዉ አይፍያ አይፋና ꬋዮፐ፥ ሀቼፐ ዶማደ ታን ህንተና አንጃና” ያጌ።
HAG 2:20 ሄ አገናን ላታማነ ኦይደንꬆ ጋላሳን መꬍና ጎዳ ቃላይ ላኤንꬁዋ ሃገኮ ሀዋዳን ያጊድ ዬዳ፤
HAG 2:21 “ይሁዳ ሞድያ ዛሩባቤላዉ ሀዋዳን ያጋደ ኦዳ፤ ‘ታን ሳሎቱዋነ ሳኣ ቃꬃና፤
HAG 2:22 ካዉተꬃቱዋ አራታቱዋ አꬃ የጋና፤ ኡንቱንቱ ዎልቃ ꬋይሳና። ፓራ ጋረቱዋ ኡንቱንቱ ላግያዋንቱና አꬃ የጋና፤ ፓራቱነ ፓራ አሳቱካ ኡባይ ባረንቱ ግዶን ሀይቀታና።
HAG 2:23 ታ ቆማዉ፥ ሳላትያላ ናአዉ ዘሩባቤላ፥ ታን ኡባፐ ዎልቃማ መꬍና ጎዳይ ኔና ሄ ጋላስ አካደ ታ ማታፋ ምግዱዋ ማላ ኦꬃና። አያዉ ጎፐ፥ ታን ኔና ዶራድ’ ያጋደ ኦዳ” ያጌ ኡባፐ ዎልቃማ መꬍና ጎዳይ።
ZEC 1:1 ዳርዮሰ ካተቴዳ ላኤንꬆ ላይꬃን፥ ሆስፑንꬃ አግናን መꬍና ጎዳ ቃላይ እዶ ናኣ በረክያ ናኣ ትምቢትያ ኦድያ ዛካራሳኮ ዬዳ።
ZEC 1:2 “መꬍና ጎዳይ ህንተ ማይዛ አዎቱዋ ቦላን ሎይꬅ ሀንቀቴዳ።
ZEC 1:3 ሽን ሀእ አሳዉ ሀዋዳን ያጋደ ኦዳ፤ ‘ታኮ ስምተ፤ ቃይ ታንካ ህንተኮ ስማና።’ ታን ኡባፐ ዎልቃማ መꬍና ጎዳይ ሀዋ ኦዳይ።
ZEC 1:4 ካሰ ትምቢትያ ኦድያዋንቱ፥ ‘ኡባፐ ዎልቃማ መꬍና ጎዳይ፥ ህንተ ኢታ ኦግያፐነ ኢታ ኦሱዋፐ ስምተ’ ያጌ” ያጊደ ኦድና ስሰናን እጼድኖነ ታናካ ስሰናን እጼዳ ህንተ ማይዛ አዎቱዋዳን ሀኖፕተ። ታን መꬍና ጎዳይ ሀዋ ኦዳይ።
ZEC 1:5 ህንተ ማይዛ አዎቱ ሀእ ሀቃን ደኢኖ? ሄ ትምቢትያ ኦዴዳዋንቱ መꬍናዉ ፓጻ ደኢኖ?
ZEC 1:6 ግዶ ሽን፥ ትምቢትያ ኦድያ ታ ቆማቱ ባጋና ታን ኦዴዳ ቃላቱነ ህገቱ ኡባይ ህንተ ማይዛ አዎቱዋ ቦላን ጋክበይክኖ? ያትና፥ ኡንቱንቱካ ካዮቲደ፥ ኡባፐ ዎልቃማ መꬍና ጎዳይ ኑ ኦግያዳንነ ኑ ኦሱዋዳን ኑዉ እማና ጌዳዋዳን፥ ባረ ጌዳዋ ኦꬄዳ ያጌድኖ ያጋ ያጌዳ።
ZEC 1:7 ዳርዮሰ ካተቴዳ ላኤንꬆ ላይꬃን፥ ሻባጻ ግያ ታማነ እተንꬃ አግናን፥ ላታማነ ኦይደንꬆ ጋላስ መꬍና ጎዳይ ቃላይ እዶ ናኣ በረክያ ናኣ ትምቢትያ ኦድያ ዛካራሳኮ ዬዳ።
ZEC 1:8 ታን ቃማ ሳጻን ዞኦ ፓራ ቶጌዳ እት ብታንያ በኣድ፤ እካ ዛንጋራን ደእያ ባርሴነትያ ግያ ምꬃቱዋ ጋርሳን ኤቄዳ፤ ቃይ አፐ ጉየ ባጋና ዳማ፥ ዞኦነ ቦꬃ ፓራቱ ደኢኖ።
ZEC 1:9 ያትና፥ ታን፥ ታ ጎዳዉ፥ ሀዋንቱ አዬ? ያጋድ። ታናና ሃሳይያ ኪታንቻይ ዛሪደ ታና፥ “ሀዋንቱ አየንቶ ታን ኔና በሳና ያጌዳ።
ZEC 1:10 “ያትና፥ ባርሴነትያ ጋርሳን ኤቄዳ ብታኒ፥ ሀዋንቱ ሳኣ ኡባ ዩይ ዩዪደ ጾሞሳና ማላ፥ መꬍና ጎዳይ ኪቴዳዋንታ ያጌዳ።
ZEC 1:11 “ኡንቱንቱ ባርሴነትያ ጋርሳን ኤቄዳ መꬍና ጎዳ ኪታንቻዉ ሀዋዳን ያጌድኖ፤ ‘ኑን ሳኣ ኡባ ዩይ ዩዪደ ጾሞሲደ፤ ቢታይ ሳአይ ዎፑ ጊደ፥ ሳሮ ደኤ’ ያጌድኖ።
ZEC 1:12 “ሄዋፐ ጉይያን፥ መꬍና ጎዳ ኪታንቻይ ሀዋዳን ያጌዳ፤ ‘አቤት ኡባፐ ዎልቃማ መꬍና ጎዳዉ፥ ኔን ሀንቀቶደፐ ላፑን ታሙ ላይꬃ ግዴዳ ሀ የሩሳላመነ ይሁዳ ካታማቱዋ ማረናን አዉደ ጋካናዉ ጋምአይ?’ ያጌዳ።”
ZEC 1:13 መꬍና ጎዳይ ታናና ሃሳይያ ኪታንቻዉ ሎኦነ ምንꬅያ ቃላን ዛሩዋ እሜዳ።
ZEC 1:14 ሄዋ ድራዉ፥ ታናና ሃሳይያ ኪታንቻይ ታና፥ “ሀ ቃላ አዋያ፤ ኡባፐ ዎልቃማ መꬍና ጎዳይ ሀዋዳን ያጌ፤ ‘ታን የሩሳላመዉነ ጽዮንዉ ዳሮ ምሸታይ።
ZEC 1:15 ኑን ሳሮ ደኤቶ ግያ ካዉተꬃቱዋ ቦላ ታን ዳሮ ሀንቀታድ፥ ታን ታ አሳ ቦላ ጉꬃ ሀንቀታድ ሽን ኡንቱንቱ ታ አሳ ቦላ ዳሮ ቱጋ ጋꬄድኖ።
ZEC 1:16 ሄዋ ድራዉ፥ ታን መꬍና ጎዳይ ሀዋ ኦዳይ፤ ታን የሩሳላመ ማሮታን ስማድ። ታ ጌሻ ጎሊ ያን ኬጸታና፤ የሩሳላመ ካታማይካ ዎዶሩዋን ልከታና። ታን ኡባፐ ዎልቃማ መꬍና ጎዳይ ሀዋ ኦዳይ’ ያጌ” ያጋደ አዋያ።
ZEC 1:17 “ዛረꬃደካ ሀዋዳን ያጋደ አዋያ፤ ‘ኡባፐ ዎልቃማ መꬍና ጎዳይ ታ ካታማቱዋ ዱረተꬃይ ኩም ጎጋና ቃይ ታን መꬍና ጎዳይ ጽዮነ ዛረꬃደ ምንꬃና፤ የሩሳላመካ ዛረꬃደ ዶራና ያጌ’ ያጋደ አዋያ” ያጌዳ።
ZEC 1:18 ቃይካ ታን ሳጻን ኦይዱ ካጨቱዋ በኣድ።
ZEC 1:19 ታናና ሃሳይያ ኪታንቻ፥ “ሀዋንቱ አዬ?” ያጋደ ኦቻድ። እካ ታዉ ዛሪደ፥ “ሀ ካጨቱ ይሁዳ፥ እስራኤላነ የሩሳላመ ላሌዳ ካዉተꬃቱዋ” ካዉተꬃቱዋ ሌምሳቱዋ ያጌዳ።
ZEC 1:20 ሄዋፐ ጉይያን፥ መꬍና ጎዳይ ታና ብራታ ቆጽያ ኦይዱ ሂላቱዋ በሴዳ።
ZEC 1:21 ታን፥ “ሀዋንቱ አያ ኦꬃናዉ ዬድኖ?” ያጋደ ኦቻድ። እ ዛሪደ፥ “ሀዋንቱ ኦንነ ꬎቁ ጊደ ጼለናዳን፥ ይሁዳ ቢታ ላሌዳ ካጨቱዋ ያሽሳናዉ ዬድኖ፤ ቃይ ይሁዳ ቢታ ላላናዉ ባረንቱ ካጭያ ደንꬄዳ አይሁዳ ግደና ካዉተꬃቱዋ ካጭያ ቆጺደ፥ ሳኣን የጋናዉ ዬድኖ” ያጌዳ።
ZEC 2:1 ቃይካ ሀራ ሳጻን ባረ ኩሽያን ልክያ ዎዶሩዋ ኦይቄዳ እት ብታንያ በኣድ።
ZEC 2:2 ታን፥ “ኔን ሀቃ ባይ?” ያጋደ አ ኦቻድ። እ፥ “ታን የሩሳላመ ጎምፓይነ ጌሳይ አይ ኬሸንቶ በአናዉ፥ ልካናዉ ባይ” ያጌዳ።
ZEC 2:3 ሄዋፐ ጉይያን፥ ታናና ሃሳይያ ኪታንቻይ ከሲደ ቤዳ፤ ቃይ አናና ጋከታናዉ ሀራ ኪታንቻይካ ዬዳ።
ZEC 2:4 አ ሀዋዳን ያጌዳ፤ “ዎጻ፤ ባደ ሄ ያላጋ ብታንያ፥ መꬍና ጎዳይ ሀዋዳን ያጌ፤ ‘አሳነ መህያ ዳሮተꬃፐ ደንዴዳዋን የሩሳላመ ካታማ ዩሹ ድርሳ ግምቢ ባይና ካታማዳን ደአና።
ZEC 2:5 ታን አ ዩሹዋን ታማ ድርሳ ግዳና፤ ታን አ ግዶን ቦንቹዋ ግዳና ያጌ’ ያጋ” ያጌዳ መꬍና ጎዳይ።
ZEC 2:6 መꬍና ጎዳይ ባረ አሳ ሀዋዳን ያጌ፤ “ታን ህንተና ኡባ ሳን ላላድ። ሽን ሀእ ሁጲሳ ባጋ ጋድያፐ ባቃቲደ ክችተ!” ያጌ መꬍና ጎዳይ።
ZEC 2:7 ቃይካ ጾሳይ፥ “ኔኖ፥ ጽዮኔ፥ ባብሎነ ማጫ ናናቱዋና ደእያነ ከሳ አካደ ሃያ!” ያጌ።
ZEC 2:8 አያዉ ጎፐ፥ ኡባፐ ዎልቃማ መꬍና ጎዳይ ባረ ቦንቹዋ ቆንጭሳና ማላ፥ ባረ አሳ ቦንቄዳ ካዉተꬃቱዋኮ ታና ኪቲደ፥ ሀዋዳን ያጌዳ፤ “ህንተና ቦችያዌ ታ አይፍያ ቡሉዋ ቦቼ።
ZEC 2:9 በእተ፥ ታን ታ ኩሽያ ኡንቱንቱ ቦላን ደንꬃና፤ ቃይ ኡንቱንቱካ ካሰ ባረንቱ ቆማቱዋን ኦሞደታና” ያጌዳ። ሄ ዎደ ህንተ ኡባፐ ዎልቃማ መꬍና ጎዳይ ታና ኪቴዳዋ ኤራና።
ZEC 2:10 መꬍና ጎዳይ ሀዋዳን ያጌ፤ “ጽዮነ አሳዉ፥ የጽተነ ናሸትተ! አያዉ ጎፐ፥ ታን ያደ ህንተ ግዶን ደአና” ያጌ።
ZEC 2:11 ሄ ዎደ ዳሮ አይሁዳ ግደና ካዉተꬃቱ መꬍና ጎዳና ጋከቲደ፥ አ አሳ ግዳና፤ እካ ኡንቱንቱ ግዶን ደአና። ቃይ ህንተካ ኡባፐ ዎልቃማ መꬍና ጎዳይ ታና ህንተኮ ኪቴዳዋ ሄ ዎደ ኤራና።
ZEC 2:12 ጌሻ ቢታን መꬍና ጎዳይ ይሁዳ ባረና ጋኬዳ ግሹዋ ኦꬂደ ላታና፤ የሩሳላመካ እ ዛረꬂደ ዶራና።
ZEC 2:13 መꬍና ጎዳይ ባረ ደእያ ጌሻ ሳኣን ደንዴዳ፤ ሄዋ ድራዉ፥ አሹዋ ማዬዳ ኡባይ አ ስንꬃን ጮኡ ጎ!
ZEC 3:1 ሄዋፐ ጉይያን፥ ቄስያ ኡባቱ ካፑ ኢያሱ መꬍና ጎዳ ኪታንቻ ስንꬃን ኤቄዳዋነ ሴጻናይካ ኢያሳ ሞታናዉ አፐ ኡሸቻ ባጋና ኤቄዳዋ መꬍና ጎዳይ ሳጻን ታና በሴዳ።
ZEC 3:2 መꬍና ጎዳይ ሴጻና፥ “ሴጻናዉ፥ መꬍና ጎዳይ ኔና ሴሮ፤ የሩሳላመ ዶሬዳ መꬍና ጎዳይ ኔና ሴሮ! ሀ ብታኒ ታማፐ ከሲደ አቴዳ ጺፋ ማላ ግደኔ?” ያጌዳ።
ZEC 3:3 ኢያሱ ኪታንቻ ስንꬃን ኤቄዳ ዎደ፥ ቅታ ማዩዋ ማይ ኡቴዳ።
ZEC 3:4 ኪታንቻይ ባረ ስንꬃን ኤቄዳዋንታ፥ “አፐ ሀ ቅታ ማዩዋ ቃርተ” ያጌዳ። ቃይ እ ኢያሳ፥ “በአ፥ ታን ነ ባይዙዋ ኔፐ ድጋድ፤ ቦንቹዋ ማዩዋካ ኔና ማይዛና” ያጌዳ።
ZEC 3:5 ቃይካ ታን፥ “ጌሻ ሻሽያ አ ሁጲያን ጻጽተ” ያጋድ። ኡንቱንቱካ እ አዛዜዳዋዳን ኦꬄድኖ፤ ማዩዋካ አ ማይዜድኖ። መꬍና ጎዳ ኪታንቻይ ሄ ዎደ አ ምይያን ኤቄዳ።
ZEC 3:6 ሄዋፐ ጉይያን፥ መꬍና ጎዳ ኪታንቻይ ኢያሱዉ ሀዋዳን ያጊደ ꬊሽሴዳ፤
ZEC 3:7 “ኡባፐ ዎልቃማ መꬍና ጎዳይ ሀዋዳን ያጌ፤ ‘ኔን ታ ኦግያን ሀመቶፐነ ታ አዛዙዋ ናጎፐ፥ ኔን ታ ጌሻ ጎልያ አይሳና፤ ታ ዳባባንካ አዎታና። ቃይ ሀዋን ኤቄዳዋንቱና እትፐ ኔን ገልያ ማታ ታን ነዉ እማና።
ZEC 3:8 “ ‘ነኖ ቄስያ ኡባቱዋ ካፑዋ ኢያሱ፥ ሀዋ ስሳ! ስንꬃና ያና ኬካባዉ ማላታ ግድያ ኔናና ኦꬅያዋንቱካ ሀዋ ስስኖ! ታን ታሽያ ጌተትያ ታ ቆማ አሀና።
ZEC 3:9 በአ፥ ታን ኢያሱ ስንꬃን ሹቻ ዎꬃና፤ ሄ ሹቻ ቦላ ላፑን አይፈቱ ደኢኖ፤ ታን አ ቦላን ዎጫደ ጹፍያ ጻፋና። ታን ኡባፐ ዎልቃማ መꬍና ጎዳይ ሀዋ ኦዳይ። ሄ ጋድያ ናጋራካ ታን እት ጋላስ ድጋና’ ያጌ።
ZEC 3:10 “ኡባፐ ዎልቃማ መꬍና ጎዳይ ሀዋዳን ያጌ፤ ‘ሄ ጋላስ ህንተ ኡባይካ ህንተ ዎይንያ ቱራነ ህንተ ባላስያ ምꬃ ጋርሳን ኡቲደ፥ ህንተ ሾሮቱዋ ሾባና’ ያጌ” ያጌዳ።
ZEC 4:1 ሄዋፐ ጉይያን፥ ታናና ሃሳዬዳ ኪታንቻይ ስም ዪደ፥ ገምእሼዳ አሳ ቤጎꬅያዋዳን፥ ታና ቤጎꬄዳ።
ZEC 4:2 እ ታና፥ “ኔን በእያዌ አዬ?” ያጌዳ። ታን፥ “ታን ዎርቃ ጻላላፐ ኦሰቴዳ ጾምፕያ ዎꬅያ ባላ በአይ፤ አ ጼራን ዛይትያ ጻሩ ደኤ፤ ቃይ አ ቦላን ላፑን ጾምፐቱ ደኢኖ፤ ሄ ላፑን ጾምፐቶካ ላፑን ላፑን ሉኮቱ ደኢኖ።
ZEC 4:3 ሄ ጾምፕያ ዎꬅያ ባላ ማታን ላኡ ዎጋራቱ ደኢኖ፤ ኡንቱንቱ ዛይትያ ጻሩዋፐ ኡሸቻ ባጋናነ ሀድርሳ ባጋና ደኢኖ” ያጋድ።
ZEC 4:4 ታን ታናና ሃሳይያ ኪታንቻ ቃይካ፥ “ታ ጎዳዉ፥ ሀዋንቱ አዬ?” ያጋደ ኦቻድ።
ZEC 4:5 ታናና ሃሳይያ ኪታንቻይ ዛሪደ፥ “ሀዋንቱ አየንቶ ኤርኪ?” ያጌዳ። ታን፥ “ታ ጎዳዉ፥ ታን ኤርከ” ያጋድ።
ZEC 4:6 ቃይካ እ፥ “ዛሩባቤላዉ መꬍና ጎዳይ ኦዴዳ ቃላይ ሀዋ፤ ‘ታ አያናናፐ አትና፥ ዎልቃን ዎይ ምኖተꬃን ግደና። ታን ኡባፐ ዎልቃማ መꬍና ጎዳይ ሀዋ ኦዳይ።
ZEC 4:7 ዎልቃማ ደርያዉ፥ ኔን አዬ? ኔን ዛሩባቤላ ስንꬃን ልጲ ጌዳ ደምባ ግዳና። ቃይ ዛሩባቤል ጌሻ ጎልያ ኬጽ ፖሊደ፥ ዉርሰꬃ ሹቻ ፑደ ከስያ ዎደ አሳይ፥ “ሀሹ! ሀሹ ፖለቴ!” ያጋና’ ያጌዳ።”
ZEC 4:8 ቃይካ መꬍና ጎዳ ቃላይ ዛካራሳኮ ዬዳ።
ZEC 4:9 ዛካራስ ሀዋዳን ያጌዳ፤ “ሀ ጌሻ ጎልያ ባሱዋ ዛሩባቤላ ኩሸቱ ባሴድኖ፤ ቃይ ፖሉዋካ አ ኩሸቱ ኬጺደ ፖላና። ሄዋፐ ጉይያን፥ ኡባፐ ዎልቃማ መꬍና ጎዳይ ታና ህንተኮ ኪቴዳዋ ህንተ ኤራና።
ZEC 4:10 ሀ ጉꬃ ዶመꬃ ካꬍያ ኦናነ ግዶፐ ዛሩባቤላ ኩሽያን ቱምቢያ በኤዳ ዎደ ናሸታና፤ ሀዋንቱ ላፑን ጾምፐቱ ቢታ ኡባ ዩዪደ ጼልያ መꬍና ጎዳ አይፈቱዋ” ያጌዳ።
ZEC 4:11 ታን ኪታንቻ ዛራደ፥ “ሀ ጾምፕያ ዎꬅያ ባላፐ ኡሸቻ ባጋናነ ሀድርሳ ባጋና ደእያ ሀ ላኡ ዎጋራቱ አዬ?” ያጋደ ኦቻድ።
ZEC 4:12 ታን ላኤንꬁዋካ፥ “ሀ ዛይቲ ኡንቱንቱፐ ጎግያ ላኡ ዎርቃ ቦምባቱዋ ማታን ደእያ ላኡ ዎጋራ ታሸቱካ አዬ?” ያጋደ ኦቻድ።
ZEC 4:13 እካ ዛሪደ፥ “ሀዋንቱ አየንቶ ኔን ኤርኪ?” ያጌዳ። ታንካ፥ “ታ ጎዳዉ፥ ታን ኤርከ” ያጋድ።
ZEC 4:14 እ ዛሪደ፥ “ሀዋንቱ ሳኣ ኡባ ጎዳዉ ኦꬅያ፥ ላኡ ኦከቴዳ አሳቱዋ” ያጌዳ።
ZEC 5:1 ቃይካ ታን ꬎቁ ጋደ ጼልያ ዎደ፥ እት ጻጸት ኡቴዳ ማጻፋይ ቦላና ፓልያዋ በኣድ።
ZEC 5:2 ኪታንቻይ ታና፥ “ሀ ኔን በእያዌ አዬ?” ያጊደ ኦቼዳ። ታን፥ “ታን እት ጻጸት ኡቴዳ ፓልያ ማጻፋ በአይ፤ አዉ ጌሳይ ላታሙ ዋꬋ፤ ጎምፓይካ ታሙ ዋꬋ” ያጋድ።
ZEC 5:3 እ ታና ሀዋዳን ያጌዳ፤ “ሀ ጻꬃ ማጻፋ ግዶን ደእያዌ ቢታ ኡባ ቦላን ይያ ሸቃ። ሄ ማጻፋን እት ባጋና፥ ‘ዉእያ ኡባይ ጋድያፐ ꬋያና’ ያግያዌ ጻፈቴዳ፤ ቃይ የንኮ ባጋና፥ ‘ዎርዱዋን ጫቂያ ኡባይ ꬋያና’ ያግያዌ ጻፈቴዳ።
ZEC 5:4 ኡባፐ ዎልቃማ መꬍና ጎዳይ ሀዋዳን ያጌ፤ ‘ታን ሄ ሸቃ ኪታና፤ እ ቢደ፥ ካይሱዋ ሶነ ታ ሱንꬃን ዎርዱዋን ጫቂያዋ ጎለ ገላና፤ ያን ደኢደ፥ ሄ ጎልያ እ ኬጸቴዳ ምꬃናነ ሹቻና ጋꬂደ፥ ም ꬋይሳና’ ያጌ” ያጌዳ።
ZEC 5:5 ሄዋፐ ጉይያን፥ ሄ ታናና ሃሳይያ ኪታንቻይ ታኮ ዪደ፥ “አነ ꬎቁ ጋደ፥ ሀ ይያዌ አየንቶ በአ” ያጌዳ።
ZEC 5:6 ታን፥ “እ አዬ?” ያጋደ ኦቻድ። እ ዛሪደ፥ “ሀዌ ማክያ ቁንኣ” ያጌዳ። ቃይካ ጉጂደ፥ “ሀዌ አሳይ ሀ ቢታ ኡባን ኦꬄዳ ናቁዋ ማላታ” ያጌዳ።
ZEC 5:7 እርሳስያ ግያ ብራታፐ ኦሰቴዳ ቁንኣ ቁምኢ ፖከቴዳ ዎደ እት ምሽራታ ቁንኣ ግዶን ኡቴዳኖ በኣድ።
ZEC 5:8 ኪታንቻይ ታዉ ኦዲደ፥ “ሀና ኢታተꬃቶ ጌተታዉ” ያጌዳ። እዞ ጉየ ቁንኣ ግዶ ሱግ ገልሲደ፥ እርሳስያ ቁምእያካ ዱገ ናቂደ፥ ቁንኣ ቁምኤዳ።
ZEC 5:9 ሄዋፐ ጉይያን፥ ታን ꬎቁ ጋደ ጼልያ ዎደ፥ ኡንቱንቱ ቀፍያን ጫርኩ ደእያ ላኡ ማጫ አሳቱ ይያዋንታ በኣድ፤ ኡንቱንቱ ቀፊ ሾርትያ ቀፍያ ማላ። ኡንቱንቱ ሄ ኬሻ ሳኣፐነ ሳሉዋፐ ግዶ ፑደ ደንꬄድኖ።
ZEC 5:10 ያትና፥ ታን ታናና ሃሳይያ ኪታንቻ፥ “ሀዋንቱ ቁንኣ ሀቃ አፊኖ?” ያጋደ ኦቻድ።
ZEC 5:11 እ፥ “ኡንቱንቱ ቁንኣ ጎልያ ኬጻናዉ ባብሎነ ቢታ አፊኖ፤ ጎሊ ኬጸቴዳ ዎደ፥ ኡንቱንቱ ሄ ቁንኣ አዉ ጊጌዳ ሳኣን ዎꬃና” ያጌዳ።
ZEC 6:1 ቃይካ ታን ꬎቁ ጋደ ጼላድ፤ ጼልያ ዎደ ኦይዱ ፓራ ጋረቱ ላኡ ደረቱዋፐ ግዱዋና ይያዋንታ በኣድ፤ ደረቱካ ቃይ ናሃሰ ግያ ብራታ ደረቱዋ።
ZEC 6:2 ኮይሮ ፓራ ጋርያ ዞኦ ፓራቱ ጎቺኖ፤ ላኤንꬆ ፓራ ጋርያ ካረꬃ ፓራቱ ጎቺኖ፤
ZEC 6:3 ሄዘንꬆ ፓራ ጋርያ ቦꬃ ፓራቱ ጎቺኖ፤ ኦይደንꬆ ፓራ ጋርያ ዋንጮ ፓራቱ ጎቺኖ፤ ኡንቱንቱ ኡባቱካ ዎልቃማ።
ZEC 6:4 ታን ታናና ሃሳይያ ኪታንቻ፥ “ታ ጎዳዉ፥ ሀዋንቱ አዬ?” ያጋደ ኦቻድ።
ZEC 6:5 ኪታንቻይ፥ “ሀዋንቱ ሳኣ ኡባ ጎዳ ስንꬃን ባረና ሺሺደ ከስያ ኦይዱ ሳሉዋ ጫርኮቱዋ።
ZEC 6:6 ካረꬃ ፓራቱ ጎችያ ጋሪ ሁጲሳ ባጋ ቢታ ቤ፤ ቦꬃ ፓራቱ ጎችያ ጋሪ አዋይ ዶልያ ባጋ ቤ፤ ዋንጮ ፓራቱ ጎችያ ጋሪ ቃይ ገድሳ ባጋ ቤ” ያጊደ ዛሬዳ።
ZEC 6:7 ሄ ፓራቱ ከሴዳ ዎደ፥ ቢታ ኡባ ዩዪደ ጾሞሳናዉ ፓቹሪኖ። ኪታንቻይ ኡንቱንታ፥ “ቢተ፥ ቢታ ኡባ ዩዪደ ጾሞስተ” ያጌዳ። ኡንቱንቱ ቢታ ኡባ ዩዪደ ዎቼድኖ።
ZEC 6:8 ሄዋፐ ጉይያን፥ ኪታንቻይ ባረ ቃላ ꬎቁ ኦꬅ ታኮ ዋሲደ፥ “በአ፥ ሁጲሳ ባጋ ቢታ ቤዳ ፓራቱ ባረንቱ ቤዳ ሁጲሳ ባጋ ጋድያን ጾሳ አያና ሸምፕሴድኖ” ያጌዳ።
ZEC 6:9 መꬍና ጎዳ ቃላይ ታኮ፥ ቃይካ ሀዋዳን ያጊድ ዬዳ፤
ZEC 6:10 “ባብሎነ ኦሞዱዋፐ ስሜዳ ሄልዳይ፥ ጾቢነ ያዳይ እምያ እሞታ አካ፤ ሄ ጋላስካ ጻፋንያ ናኣ እዮስያሳ ጎለ ባ።
ZEC 6:11 ኡንቱንቱፐ አኬዳ ብራፐነ ዎርቃፐ ካላቻ መꬋ፤ እዮጸዴቃ ናኣ፥ ቄስያ ኡባቱ ካፑዋ ኢያሱ ሁጲያን ዎꬃ።
ZEC 6:12 አዉ፥ ‘ኡባፐ ዎልቃማ መꬍና ጎዳይ ሀዋዳን ያጌ፤ “በአ፥ አ ሱንꬃይ ታሽያ ጌተትያ እት ብታኒ ባረ ደእያ ሳን ድጫና፤ እ መꬍና ጎዳ ጌሻ ጎልያ ዛር ኬጻና።
ZEC 6:13 መꬍና ጎዳ ጌሻ ጎልያ ኬጻናዌ አ፤ እ ካትያዳን ቦንቹዋ ማዪደ፥ ባረ ካተቱዋ አራታን ኡታናነ ሞዳና። ቃይ እ ባረ አራታን ኡቲደ ቄሰተꬃን ኦꬃና፤ ኡንቱንቱ ላኡ ባረንቱ ቆፋን እቱዋ ግዳና” ያጌ’ ያጋ።
ZEC 6:14 ሄ ካላቻይ ሄልዳያ፥ ጾቢያ፥ ያዳያነ ጻፋንያ ናኣ እዮስያሳ ሀሳይስያዋ ግዲደ፥ መꬍና ጎዳ ጌሻ ጎልያን ደአና” ያጌዳ።
ZEC 6:15 ሄ ዎደ ሃኮ ሳን ደእያዋንቱ መꬍና ጎዳ ጌሻ ጎልያ ኬጺደ ማዳናዉ ያና። ኡባፐ ዎልቃማ መꬍና ጎዳይካ ታና ህንተኮ ኪቴዳዋ ህንተ ሄዋን ኤራና። መꬍና ጎዳዉ፥ ህንተ ጾሳዉ፥ ህንተ ፖሎ አዛዘቶፐ፥ ሄዌ ሀናና።
ZEC 7:1 ዳርዮሰ ካተቴዳ ኦይደንꬆ ላይꬃን፥ ክስሌዋ ግያ ኡዱፑንꬃ አግናን፥ ኦይደንꬆ ጋላሳን መꬍና ጎዳ ቃላይ ዛካራሳኮ ዬዳ።
ZEC 7:2 ቤቴለ ካታማ አሳይ ሳርጼጸና፥ ረጌም-መለካነ ኡንቱንቱና እትፐ ደእያ አሳቱዋ መꬍና ጎዳፐ አንጁ ያና ማላ ዎሳናዉ ኪቴድኖ።
ZEC 7:3 ቃይ ኡባፐ ዎልቃማ መꬍና ጎዳ ጌሻ ጎልያን ኦꬅያ ቄሳቱ ዋነ ትምቢትያ ኦድያዋንታ፥ “ዳሮ ላይꬃፐ ኦꬃደ ጋምኤዳዋዳን፥ ታን ሀእካ አገናን እቼሸንꬆ አግናን ዬካናዉነ ጾማናዉ በሲ?” ያጊደ ኦቻናዳን ኪቴድኖ።
ZEC 7:4 ሄዋፐ ጉይያን፥ ኡባፐ ዎልቃማ መꬍና ጎዳ ቃላይ ሀዋዳን ያጊድ ታኮ ዬዳ፤
ZEC 7:5 “ቢታን ደእያ አሳ ኡባነ ቄሳቱ ዋ ሀዋዳን ያጋደ ኦቻ፤ ‘ህንተ ሄ አꬌዳ ላፑን ታሙ ላይꬃ ግዶን እቼሸንꬆ አግናንነ ላፑንꬃ አግናን ጾሜዳዋነ ዬኬዳዋ ታዉ ጾሜድቴ?
ZEC 7:6 ህንተ ምያ ዎደነ ኡሽያ ዎደ፥ ህንተንቶ ሚታነ ኡሺታ ግደኔ።
ZEC 7:7 የሩሳላመ ካታማንነ አ ዩሹዋን ደእያ ካታማቱዋን አሳይ ደኤዳ ዎደ፥ ኡንቱንቱ እሻሊደ ደኤዳ ዎደነ ኔጌበንነ አዋይ ዶልያ ባጋ ዝቃ ጋድያን አሳይ ደኤዳ ዎደ፥ መꬍና ጎዳይ ባረ ትምቢትያ ኦድያዋንቱ ባጋና ኦዴዳ ቃላይ ሀዋ ግደኔ?’ ያጋ” ያጌዳ።
ZEC 7:8 መꬍና ጎዳ ቃላይ ቃይካ ዛካራሳኮ ሀዋዳን ያጊድ ዬዳ፤
ZEC 7:9 “ኡባፐ ዎልቃማ መꬍና ጎዳይ ካሰ ሀዋዳን ያጌዳ፤ ‘ቱሙ ፕርዳ ፕርድተ። ህንተ ግዶን እቱ እቶ ኬካተꬃነ ማሮተꬃ ኦꬅተ።
ZEC 7:10 አምኤቱዋ፥ አታ አዉ ባይና ናናቱዋ፥ በተቱዋነ ህዬሳቱዋ ናቆፕተ። ቃይ ህንተፐ ኦንነ ባረ እሻ ቦላን ኢታባ ኦꬃናዉ ባረ ዎዛናን ቆፖፖ’ ያጌዳ” ያጊድ ዬዳ።
ZEC 7:11 ሽን ኡንቱንቱ ስሰናን እጼድኖ፤ ቃይ ዞክያ ዛሬድኖነ ስሰናዳን፥ ባረንቱ ሀይꬃካ ቱጬድኖ።
ZEC 7:12 ኡባፐ ዎልቃማ መꬍና ጎዳይ ባረ አያናን ካሰ ባረ ትምቢትያ ኦድያዋንቱ ባጋና ኪቴዳ ህግያነ ቃላ ስሰና ማላ፥ ኡንቱንቱ ባረንቱ ዎዛና ዛላዳን ምንሴድኖ። ሄዋ ድራዉ፥ ኡባፐ ዎልቃማ መꬍና ጎዳ ማታፐ ዎልቃማ ሀንቁ ኡንቱንቱ ቦላ ዬዳ።
ZEC 7:13 ኡባፐ ዎልቃማ መꬍና ጎዳይ ሀዋዳን ያጌ፤ “ታን ጼሴዳ ዎደ፥ ኡንቱንቱ ስሰናን እጼዳዋዳን፥ ኡንቱንቱ ጼሴዳ ዎደ፥ ታንካ ስስከ።
ZEC 7:14 ታን ጎትያ አሃደ፥ ኡንቱንታ ኡንቱንቱ ኤርቤና ካዉተꬃቱዋ ግዶን ላላድ፤ ቢታይ አሳይ ያነ ሃነ ስመረተና መላ ቢታ ግዴዳ፤ ሄዋዳን ሀኒደ፥ ሀ ሎኦ ቢታይ መላ ግዴዳ” ያጌ።
ZEC 8:1 ኡባፐ ዎልቃማ መꬍና ጎዳ ቃላይ ቃይካ ታኮ፥ ሀዋዳን ያጊድ ዬዳ፤
ZEC 8:2 “ኡባፐ ዎልቃማ መꬍና ጎዳይ፥ ‘ታን ጽዮንዉ ሎይꬃ ምሸታይ፤ ታና እ ምሹ ጹጌ’ ያጌ።
ZEC 8:3 መꬍና ጎዳይ ሀዋዳን ያጌ፤ ‘ታን ጽዮነ ስማና፤ የሩሳላመ ግዶን ደአና። ቃይ የሩሳላመካ አማነትያ ካታማ ጌተታና፤ ኡባፐ ዎልቃማ መꬍና ጎዳ ደሪ ቃይ ጌሻ ደርያ ጌተቲደ ጼሰታና’ ያጌ።
ZEC 8:4 “ኡባፐ ዎልቃማ መꬍና ጎዳይ ሀዋዳን ያጌ፤ ‘ጭሚደ ጉፍያን ብያ አቱማ አሳይነ ማጫ አሳይ ካሰዋንቱዋዳን ቃይካ የሩሳላመ ዳባባን ኡታና።
ZEC 8:5 የሩሳላመ ካታማ ኦገቱ ካሳ ካእያ አቱማ ናናቱዋንነ ማጫ ናናቱዋን ኩማና’ ያጌ።
ZEC 8:6 ኡባፐ ዎልቃማይ መꬍና ጎዳይ፥ ‘ሀዌ ሀቃ አሳፐ አቴዳዋንቶ ማላልስያባ ግዶፐነ፥ ታዉ ማላልስያባ ግደና’ ያጌ ኡባፐ ዎልቃማይ መꬍና ጎዳይ።
ZEC 8:7 ኡባፐ ዎልቃማይ መꬍና ጎዳይ ሀዋዳን ያጌ፤ ‘በእተ፥ ታን ታ አሳ አዋይ ዉልያ ባጋ ቢታፐነ አዋይ ዶልያ ባጋ ጋድያፐ አሻና።
ZEC 8:8 ኡንቱንቱ የሩሳላመ ግዶን ደአናዳን አሀና። ኡንቱንቱ ታ አሳ ግዳና፤ ታንካ ኡንቱንቱ ጾሳ፥ አማነትያነ ጽሎ ጾሳ ግዳና’ ያጌ” ያጊድ ዬዳ።
ZEC 8:9 ኡባፐ ዎልቃማ መꬍና ጎዳይ ሀዋዳን ያጌ፤ “ህንተኖ፥ ኡባፐ ዎልቃማ መꬍና ጎዳ ጌሻ ጎልያ ባሱዋ ባስያ ጋላሳፐ ዶሚደ፥ ትምቢትያ ኦድያዋንቱ ኦዴዳ ቃላ ስሴዳዋንቶ፥ ህንተ ኩሽያ ምንሲደ ፖልተ።
ZEC 8:10 አያዉ ጎፐ፥ ሄ ጋላሳቱዋፐ ካሰ ባጋን አሳዉ ድርጉ ባዋ፤ መህያዉካ ከራ ጭጋይ ባዋ፤ ቃይ ታን አሳ ኡባ እቱዋ እቱዋ ቦላ ሞርከተꬃን ደንꬃ ዎꬄዳ ድራዉ፥ ገልያዋዉነ ከስያዎ ሳሩ ባዋ።
ZEC 8:11 ሽን ሀእ ታን ሀ አሳፐ አቴዳዋንታ ካሰ ኦꬄዳዋዳን ኦꬅከ። ታን ኡባፐ ዎልቃማ መꬍና ጎዳይ ሀዋ ኦዳይ።
ZEC 8:12 “ኡንቱንቱ ባረንቱ ዘረꬃ ሳሩዋን ዘራና፤ ኡንቱንቱ ዎይንያ ቱራይካ ባረ አይፍያ አይፋና፤ ቢታይካ ካꬃ ዳርሲደ ሞካና፤ ሳሎቱካ እራ ቡካና። ሀ አሳፐ አቴዳዋንቶ ታን ሀ ኡባ አንጁዋ እማና።
ZEC 8:13 ህንተኖ ይሁዳ አሳቶ፥ ህንተኖ እስራኤልያ አሳቶ፥ ካዉተꬃቱዋ ግዶን ህንተ ሸቀቴዳዋንታ ግዲደ ደኤድታ፤ ሽን ሀእ ታን ህንተና አሻና፤ ህንተካ አንጀቴዳዋንታ ግዳና። ያዮፕተ! ህንተ ኩሽያካ ምንስተ!” ያጌ።
ZEC 8:14 ኡባፐ ዎልቃማ መꬍና ጎዳይ ሀዋዳን ያጌ፤ “ህንተ ማይዛ አዎቱ ታና ሀንቀꬄዳ ዎደ፥ ኡንቱንቱ ቦላን ኢታባ አሀና ጋደ ቃቼዳ ቆፋ ላመናን ኦꬄዳዋዳን፥
ZEC 8:15 ሄዋዳንካ ሀእ ታን የሩሳላመዉነ ይሁዳዉ ሎኦባ ኦꬃናዉ ቆፋ ቃቻድ። ስም ያዮፕተ!
ZEC 8:16 ህንተ ኦꬃናዉ ኮሽያዌ ሀዋንታ: እቱ እቱዋና ቱሙዋ ሃሳይተ፤ ህንተ ፕርዳ ጎልያንካ ቱሙዋነ ሳሩዋ አህያ ፕርዳ ፕርድተ፤
ZEC 8:17 እቱ እቱዋ ቆሀናዉ ኢታባ ህንተ ዎዛናን ማቀቶፕተ፤ ዎርዱዋን ጫቂያዋ ዶሶፕተ። ሄዋንታ ኡባ ታን መꬍና ጎዳይ እጻይ” ያጌ።
ZEC 8:18 ኡባፐ ዎልቃማ መꬍና ጎዳ ቃላይ ቃይካ ታኮ፥ ሀዋዳን ያጊድ ዬዳ፤
ZEC 8:19 “ኡባፐ ዎልቃማ መꬍና ጎዳይ ሀዋዳን ያጌ፤ ‘ኦይደንꬆ፥ እቼሸንꬆ፥ ላፑንꬆነ ታማንꬆ አግናቱዋን ህንተ ጾሜዳ ጾማቱ ይሁዳ አሳዉ ፓሽክስያ ዎደነ ናሸችያ ግብራ ግዳናዋ። ሄዋ ድራዉ፥ ህንተ ቱማተꬃነ ሳሮተꬃ ዶስተ’ ያጌ።
ZEC 8:20 “ኡባፐ ዎልቃማ መꬍና ጎዳይ ሀዋዳን ያጌ፤ ‘አሳይ፥ ኡባ ቃይ ዳሮ ካታማቱዋን ደእያ አሳይ ብሮ የሩሳላመ ያና።
ZEC 8:21 እት ካታማን ደእያ አሳይ ሀራ ካታማን ደእያ አሳኮ ቢደ፥ “መꬍና ጎዳ አንጁ ያና ማላ ዎሳናዉነ ኡባፐ ዎልቃማ መꬍና ጎዳ ኮያናዉ አነ ቤቶ፤ ታንካ ባይ” ያጋና።
ZEC 8:22 ቃይ ዳሮ አሳይነ ዎልቃማ ካዉተꬃቱ ኡባፐ ዎልቃማ መꬍና ጎዳ ኮያናዉነ ዎሳናዉ የሩሳላመ ያና’ ያጌ።
ZEC 8:23 “ኡባፐ ዎልቃማ መꬍና ጎዳይ ሀዋዳን ያጌ፤ ‘ሄ ጋላሳቱዋን ዱማ ዱማ ቃላን ሃሳይያ ካዉተꬃቱዋ ኡባፐ ታሙ አሳቱ ዪደ፥ እት አይሁዳ ብታንያ ማዩዋ ማጫራ ኦይቂደ፥ “ጾሳይ ህንተናና ደእያዋ ኑን ስሴዳ ድራዉ፥ አነ ኑንካ ኔናና ቤቶ” ያጋና’ ያጌ” ያጊድ ዬዳ።
ZEC 9:1 ሀድራካ ግያ ቢታይነ ዳማስቆ ካታማይ ሙረታናዋ ጾሳይ ኦዴዳ ፕርዳ ቃላይ ሀዋ። ሶርያ ዋና ካታማይ ዳማስቁካ መꬍና ጎዳሳ ግድያ ድራዉ፥ እስራኤልያ ዛራቱዋ ጻላላ ግደናን አሳ ኡባ አይፊ ፑደ መꬍና ጎዳኮ ጼሌ።
ZEC 9:2 ቃይ ሄ ፕርዳይ ሀድራካና ዛዋትያ ሀማታ ካታማ ቦላካ ጋካና፤ ኡንቱንቱ አꬌዳ ኤራንቻ ግዶፐነ፥ ጺሮሳነ ሲዶና ካታማቱዋካ ሀ ፕርዳይ ጋካና።
ZEC 9:3 ጺሮሳ ካታማይ ዳሮ ምኖ ጌሱዋ ግምቤዳ። ቃይ ብራ ቢታዳን ዶሬዳ፤ ዎርቃካ ኦግያ ኡርቃዳን ጉፔዳ።
ZEC 9:4 ሽን እዛ ሺሼዳዋ ኡባ ጎዳይ ዉርስ አካና፤ እዝ አባ ዎልቃ ꬋይሳና፤ ካታማይካ ታማን ሜተታና።
ZEC 9:5 አስቃሎና ካታማይ ሄዋ በኢደ ያያና፤ ጋዛ ካታማይካ በኢደ ኡንኤꬃና፤ ቃይ ኤቅሮና ካታማይካ ህዶታ ꬋያና። ጋዛ ባረ ካትያ ꬋያና፤ አስቃሎና ካታማይካ መላ ግዳናዋ።
ZEC 9:6 አሽዶዳ ካታማን ዋላካ አሳይ ደአና። ታን፥ “ፕልስጼማቱዋ ኦቶሩዋካ ꬋይሳና።
ZEC 9:7 ታን ሱꬃ ኡንቱንቱ ዶናፐ፥ ድገቴዳ ቁማ ኡንቱንቱ አቻፐ ድጋና። ኡንቱንቱፐ አቴዳዋንቱ ኑ ጾሳ አሳ ግዳና። ቃይ ይሁዳ ያራ ማላ ግዳና። ኤቅሮና አሳይ ያቡሳ አሳዳን፥ ታ አሳ ግዳና።
ZEC 9:8 ሄዋፐ ጉይያን፥ ኦላንቻቱ ካንናዳን፥ ታን ታ ጋድያ ናጋና። ታን ታ ሁጲያን ናግያ ድራዉ፥ ላኤንꬆ ኦንነ ታ አሳ ኡቁነና” ያጌ።
ZEC 9:9 ኔኖ ጽዮነ ካታማቴነ የሩሳላመ ካታማቴ፥ እልላ! በአ፥ ጾኔዳ ነ ጽሎ ካቲ ኔኮ ዬ። ነ ካቲ አሽከ ግዲደ፥ ሀርያ ቦላ፥ ሀርያ ማራ ቦላ ኡቲደ፥ ኔኮ ዬ።
ZEC 9:10 ታን፥ “ፓራ ጋረቱዋ እስራኤልያፐ፥ ኦላ ፓራቱዋካ የሩሳላመፐ ꬋይሳና፤ ኦላ ዎንዳፊካ መኤረታና። ቃይ ነ ካቲ ካዉተꬃቶ ሳሩዋ አዋያና፤ እ ሀ አባ ጋጻፐ ህን አባ ጋጻ ጋካናዉነ ኤፍራጺሳ ሻፋፐ ሳኣ ጋጻ ጋካናዉ ሞዳና ያጌ።
ZEC 9:11 “ኔና ግዶፐ፥ ቃይ ታን ኔናና ጫቀቴዳ ጫቁዋ ሱꬃ ድራዉ፥ ነ አሳቱዋ ኡንቱንቱ ቃሸቴዳ ሃꬃይ ባይና ኦላፐ ታን ከሳደ የዳና።
ZEC 9:12 ህንተኖ ህዶታን ደእያ ቃሸቶ አሳቶ፥ ህንተ ጌሱዋኮ ስምተ፤ ካሰዋ ድራዉ ዳኩዋ አቁዋ ህንተንቶ እማናዋ ሀች ታን ህንተንቶ አዋያይ።
ZEC 9:13 አያዉ ጎፐ፥ ታን ይሁዳ ዎንዳፍያዳን፥ እስራኤልያካ ዎንዳፍያ ፖꬃዳን ጎኤታና። ጽዮኔ፥ ታን ነ ናናቱዋ ግሪከ ጋድያ ናናቱ ቦላ ደንꬃና፤ ኔናካ ዎልቃማ ኦላንቻ ማሻ ማላ ኦꬃና” ያጌ።
ZEC 9:14 ሄ ዎደ መꬍና ጎዳይ ኡንቱንቱ ቦላ ቆንጫና፤ አ ዎንዳፊካ ዋልቃንꬃዳን ዋልቃማና። ኡባ ማርያ መꬍና ጎዳይ ማላካታ ፑናና፤ ገድሳ ባጋ ጎቲ አꬍያዋዳንካ አꬋና።
ZEC 9:15 ኡባፐ ዎልቃማ መꬍና ጎዳይ ኡንቱንታ ናጋና። ኡንቱንቱካ ባረንቱ ሞርከቱዋ ዉርሳና፤ ያምባርሻን ኦልያዋንታካ የꬋና። ኡንቱንቱ ባረንቱ ሞርከቱዋ ሱꬃ ዎይንያ ኤሳዳን ኡሻና፤ ሱꬃይ ከርያን ኩምያዋዳን ኩማና፤ ቃይ ያርሽያ ሳኣን ጉክያዋዳን ጉካና።
ZEC 9:16 ሄ ጋላስ መꬍና ጎዳይ ኡንቱንቱ ጾሳይ ኡንቱንታ አሻና፤ አያዉ ጎፐ፥ ኡንቱንቱ አ አሳ ዉደቱዋ። ካላቻ ቦላ ደእያ አሌቁዋዳን፥ ጾሳ ጋድያ ቦላን ኡንቱንቱ ጶላና።
ZEC 9:17 ኡንቱንቱ ዋኒደ ሎአነ ማላ ፑላ ግዳንድኖሻ! ዎዳላ ናናቱዋ ካꬃይ፥ ዎዶሮ ናናቱዋካ ዎይንያ ኤሳይ አጭሳና።
ZEC 10:1 ባልጉ ጋክያ ዎደ፥ መꬍና ጎዳይ እራ እማናዳን ዎስተ። መꬍና ጎዳይ እራ ቶኬዳ ሻርያ ኪቴ፤ ቃይ እ አሳዉ እራ እሜ፤ አታክልትያካ ሾይቃን ሞክሴ።
ZEC 10:2 ሶ ኤቃ ምስለቱ ኦድያዌ ሀዳ፤ ካይያዋንቱ ዎርዶ ሳፃ በኢኖ፤ አኩመትያዋንቱካ ዎርዶ አኩሙዋ ኦዲኖ፤ ሀዳ ምንꬁዋካ ምንꬂኖ። ሄዋ ድራዉ፥ አሳይ ዱጼዳ ዶርሳዳን ቶይላካቴ፤ ኡንቱንታ ሄምያዌ ባይና ድራዉ፥ ኡንቱንቱ ቆሄቲኖ።
ZEC 10:3 ታ ሀንቁ ሄንꬃንቻቱዋ ቦላ ኤጽ ከሴዳ፤ ሄ ካለꬅያዋንታ ታን ሙራና። አያዉ ጎፐ፥ ኡባፐ ዎልቃማ መꬍና ጎዳይ ባረ ዶርሳ ዉደ ግድያ ይሁዳ አሳ እ ሄሜ፤ እ ኡንቱንታ ኦላዉ ሳልፔዳ ባረ ዎልቃማ ፓራ ማላ ኦꬃና።
ZEC 10:4 ይሁዳ አሳ ግዶፐ ካለꬅያዋንቱ ከሳና፤ ኡንቱንቱ ጎልያዉ ጎዳ ጻጱዋ ምንስያ ሹቻዳን፥ ዱንካንያ ꬎጌዳዋዳንነ ኦላ ሚሻዳን ምኖ ግዳናዋ።
ZEC 10:5 ኡንቱንቱ ኦግያ ኡርቃ የꬍያ ምኖ ኦላንቻቱዋ ማላ ግዳናዋንታ፤ መꬍና ጎዳይ ኡንቱንቱና ደእያ ድራዉ፥ ኡንቱንቱ ኦለታና፤ ፓራ አሳቱዋካ ጾናና።
ZEC 10:6 “ታን ይሁዳ አሳ ምንꬃና፤ ዮሴፎ አሳካ አሻና፤ ታን ኡንቱንቶ ቃረትያ ድራዉ፥ ኡንቱንቱ ዛራደ አሀና፤ ቃይ ኡንቱንቱካ ታን ኡንቱንታ ካሰካ አጋቤናባ ማላ ግዳናዋ። ታን መꬍና ጎዳ ኡንቱንቱ ጾሳ ግድያ ድራዉ፥ ኡንቱንቱ ዎሳ ስሳና።
ZEC 10:7 ኤፍሬማ አሳይ ምኖ ኦላንቻ ማላ ግዳናዋ፤ ዎይንያ ኤሳ ኡሼዳ አሳዳን፥ ኡንቱንቱ ዎዛናይ ናሸታና። ኡንቱንቱ ናናይካ ሄዋ በኢደ፥ ሀሹ ጋና፤ ኡንቱንቱ ዎዛናይ መꬍና ጎዳን ናሸታና።
ZEC 10:8 “ታን ታ አሳ ሱይቃደ ጼሳና፤ ያታደ፥ ኡንቱንታ እትፐ ሺሻና። አያዉ ጎፐ፥ ታን ኡንቱንታ ዎዛድ፤ ኡንቱንቱ ካሰዋዳንካ ጮራ ግዳናዋንታ።
ZEC 10:9 ታን ኡንቱንታ አይሁዳ ግደና ካዉተꬃቱዋ ግዶን ላልንቶካ፥ ኡንቱንቱ ባረንቱ ደእያ ሃኮ ጋድያን ታና ሀሳያና፤ ቃይ ኡንቱንቱካ ኡንቱንቱ ናናይካ ፓጻ አታናነ ባረንቱ ቢታ ስማና።
ZEC 10:10 ታን ኡንቱንታ ግብጼ ጋድያፐ ዛራና፤ አሶረ ቢታፐካ ታን ኡንቱንታ ሺሻና። ኡንቱንቶ ኡትያ ሳአይ ꬋያና ጋካናዉ፥ ታን ኡንቱንታ ጋላኣደ ቢታንነ ሊባኖሳ ጋድያን ኩንꬃና።
ZEC 10:11 ኡንቱንቱ መቶ አባ ግዶና አꬍሽን፥ ታን ጾሳይ አባ ቤታ ሾጫና፤ ጪማ ግዴዳ ናይለ ሻፋይካ መላና። አሶረ ቢታ ኦቶሩ ጊያና፤ ግብጼ ካተቱዋ ጻምአይካ መአና።
ZEC 10:12 ታን ኡንቱንታ መꬍና ጎዳን ምንሳና፤ ኡንቱንቱካ አ ሱንꬃን ሀመታና። ታን መꬍና ጎዳይ ሀዋ ኦዳይ” ያጌ።
ZEC 11:1 ኔኖ፥ ልባኖሳ፥ ታማይ ነ ዝጋቱዋ ማና ማላ፥ ነ ፐንገቱዋ ዶያ!
ZEC 11:2 ኔኖ ጽድያዉ፥ ዝጋይ ኩንድ ክቼዳ ድራዉ፥ ቃይ ሄ ቦንቹዋ ምꬃቱካ ꬋይክቼዳ ድራዉ፥ አየ ጋደ ዬካ! ህንተኖ ባሳነ ጋድያ ዎላቶ፥ ሄ ኮንሶሴዳ ዎራይ ቃንጸት ክቼዳ ድራዉ፥ አየ ጊደ ዬክተ።
ZEC 11:3 ሄንꬃንቻቱ ዝላሳ ስስተ፤ አያዉ ጎፐ፥ ኡንቱንቱ ቦንቹ ꬋዬዳ! ጋሞቱ ጉድያዋካ ስስተ፤ አያዉ ጎፐ፥ ዮርዳኖሳ ዎራይ ꬋይክቼዳ።
ZEC 11:4 መꬍና ጎዳይ ታ ጾሳይ ታና ሀዋዳን ያጌዳ፤ “ሄ ሹከታናዉ ደእያ ዶርሳቱዋ ዉድያ ሄማ።
ZEC 11:5 ኡንቱንታ ሻምያዋንቱ ሹክኖ፤ ሙረተናን አትኖ። ቃይ ዛልእያዋንቱካ፥ ‘ኑን ዱረቴዶ፤ መꬍና ጎዳይ ጋላተቶ’ ያጊኖ፤ ሀራይ አትና፥ ኡንቱንቱ ሄንꬃንቻቱካ ኡንቱንቶ ቃረትክኖ” ያጌዳ።
ZEC 11:6 መꬍና ጎዳይ ሀዋዳን ያጌ፤ “ታንካ ሀዋፐ ስንꬃናዉ ሀ ጋድያን ደእያ አሳዉ ቃረትከ፤ ታን አሳ ኡባ እቱዋ እቱዋ ኩሽያንነ ካትያ ኩሽያን አꬃደ እማና። ኡንቱንቱ ጋድያ ባይዛና፤ ታንካ እት አሳነ ኡንቱንቱ ኩሽያፐ አሽከ” ያጌ።
ZEC 11:7 ሄዋ ድራዉ፥ ታን ሹከታናዉ ደእያ ዶርሳቱዋ፥ ኡባ ቃይ ዉድያ ግዶን ቱጋቴዳዋንታ ሄምያዋ ግዳድ። ቃይ ላኡ ጋትማቱዋ አካደ ኡንቱንቱፐ እቱዋ ኬካተꬃ ጋደ ሱንꬃድ፤ ላኤንꬁዋካ እትፐተꬃ ጋደ ሱንꬃድ። ያታደ ዶርሳ ዉድያ ሄማድ።
ZEC 11:8 ሄዋፐ ጉይያን፥ ታን እት አግና ግዶን ሄዙ ሄንꬃንቻቱዋ ድጋድ። አያዉ ጎፐ፥ ኡንቱንቱ ሀኖተꬃይ ታዉ ዳንዳየትቤና፤ ያትና፥ ኡንቱንቱካ ታና እጼድኖ።
ZEC 11:9 ያታ ስማደ ታን ዶርሳቱዋ፥ “ታን ህንተና ላኤንꬆ ሄምከ፤ ሀይቂያዌ ሀይቆ፤ ባይያዌ ባዮ፤ አትያዌካ እቱ እቱዋና ሜተቲደ ዉሮ” ያጋድ።
ZEC 11:10 ስማደ ታን ካዉተꬃቱዋ ኡባና ጫቀቴዳ ጫቁዋ መንꬄዳዋ በሳናዉ ኬካተꬃ ግያ ታ ጋትማ አካደ መንꬃድ።
ZEC 11:11 ሄዋ ድራዉ፥ ሄ ጋላስካ ጫቁዋ መንꬅ አጌዳ፤ ያትና፥ ሄ ዎደ ኡንኤት ኡቴዳ ታና ጼልያ ዶርሳቱ በኢደ፥ ሀዌ መꬍና ጎዳ ቃላ ግድያዋ ኤሬድኖ።
ZEC 11:12 ታን ኡንቱንቱ፥ “እማናዉ በሰ ጎፐ፥ ታ ድርጉዋ ሀምተ፤ ኮሸና ጎፐካ፥ አግ ባሽተ” ያጋድ። ኡንቱንቱ ታ ድርጉዋ ሀታሙ ጻጋራ ብራ ታዉ እሜድኖ።
ZEC 11:13 ያትና፥ መꬍና ጎዳይ ታና፥ “ኡንቱንቱ ሄዋ ከሳና ግ ማየቲደ እሜዳ ሄ ካቴዳ ብራ መꬍና ጎዳ ጎልያ ሻሉዋ ምንጅያ ጎልያ ግዱዋ ኦላ” ያጌዳ። ታን ሄ ሀታሙ ጻጋራ ብራ አፋደ፥ መꬍና ጎዳ ጎልያ ሻሉዋ ምንጅያ ጎልያ ግዶ ኦላድ።
ZEC 11:14 ሄዋፐ ጉይያን፥ ታን ይሁዳፐነ እስራኤልያፐ ግዱዋን ደእያ እሻተꬃይ መኤዳዋ በሳናዉ እትፐተꬃ ግያ ታ ላኤንꬆ ጻምኣ መንꬃድ።
ZEC 11:15 ቃይካ መꬍና ጎዳይ ታና፥ “ላኤንꬁዋካ አዛላ ሄንꬃንቻ ሚሻቱዋ አካ።
ZEC 11:16 አያዉ ጎፐ፥ ታን ሀ ጋድያን እት ሄንꬃንቻ ደንꬃና። ሽን እ ዋየትያ ዶርሳቱዋ ማደና፤ ላለቴዳዋንታ ሺሸና፤ ዎቢያዋ ኮለና፤ ፓጻካ ምዘና። እ ሄዋ አጊደ፥ ሞꬌዳዋንታ ሹክ ሹኪደ ሜ፤ ኡንቱንቱ ሹቁልያካ ቃንጼ።
ZEC 11:17 ዶርሳ ዉድያ የግ ባሼዳ ሄ ላፋ ፓና ሄንꬃንቻዉ አየ አና! አ ቀስያነ አ ኡሸቻ አይፍያ ቦላን ማሻይ ዎꬎ። አ ቀሲ ስሎ፤ አ ኡሸቻ አይፊካ ትፕ ጊደ ቶኦ” ያጌዳ።
ZEC 12:1 ሀዌ እስራኤልያባ ኦድያ መꬍና ጎዳ ቃላ። ሳሎቱዋ ምጬዳዌ፥ ሳኣካ መꬌዳዌ፥ አሳ ግዶንካ አያና መꬌዳ መꬍና ጎዳይ ሀዋዳን ያጌ፤
ZEC 12:2 “በአ፥ ታን የሩሳላመ ካታማ አ ዩሹዋን ደእያ አሳ ኡባ ኡሽና ጋንድጋርስያ ዎይንያ ኤሳ ትግያ ዋንጫ ማላ ኦꬃና፤ የሩሳላመ ዶደትያ ዎደ፥ ይሁዳ ካታማቱካ ዶደታና።
ZEC 12:3 ሄ ጋላስ ታን የሩሳላመ ካታማ አሳ ኡባዉ ዴጾ ሹቻ ማላ ኦꬃና፤ አ ደንꬅያ ኡባይ ባረዉ ደሸታና። ቃይ ሳኣ ካዉተꬃቱ ኡባይ አ ኦለታናዉ እትፐ ሺቃና።
ZEC 12:4 ሄ ጋላስ ታን ፓራ ኡባ ዳጋንꬃና፤ ፓራ ቶግያዋንታካ ጎሻና። ሄዋ ታን መꬍና ጎዳይ ኦዳይ። ይሁዳ አሳ ታን ታ ኬካ አይፍያን ጼላና፤ ሽን ሞርከቱዋ ፓራቱዋ ኡባካ ቆቅሳና።
ZEC 12:5 ሄ ዎደ ይሁዳን ካለꬅያዋንቱ ባረንቱ ዎዛናን፥ ‘የሩሳላመ አሳይ ኡባፐ ዎልቃማ መꬍና ጎዳን፥ ባረንቱ ጾሳን፥ ምኖተꬃ ደሜድኖ’ ያጋና።
ZEC 12:6 “ሄ ጋላስ ታን ይሁዳን ካለꬅያዋንታ ምꬃ ዶርያ ግዶን ደእያ ጺፋነ ምርቀቱዋ ግዶን ላጮትያ ጾምፕያ ኦꬃና። ኡንቱንቱ ባረንቱ ኡሸቻን ሀድርሳንነ ባረንቱ ዩሹዋን ደእያ አሳ ኡባ ማና፤ ሽን የሩሳላመ ካታማይ አሳይ ሳሮ ደኢያሳ ግዳናዋ።
ZEC 12:7 “ዳዊታ ጎልያ ቦንቹነ የሩሳላመን ደእያዋንቱ ቦንቹ ይሁዳ አሳ ቦንቹዋፐ አና ማላ፥ ታን መꬍና ጎዳይ ካሰታደ ይሁዳ አሳዉ ጾኑዋ እማና።
ZEC 12:8 ሄ ጋላስ ኡንቱንቱ ግዶን ዳሮ ላፋ ግያ አስካ ዳዊታ ማላ ምኖ ግዳናዳን፥ ታን መꬍና ጎዳይ የሩሳላመን ደእያዋንቶ ጎንዳለ ግዳና። ዳዊታ ጎለቱካ ጾሳ ማላ፥ ኡንቱንታ ካለꬅያ መꬍና ጎዳ ኪታንቻ ማላ ግዳና።
ZEC 12:9 ሄ ጋላስ ታን የሩሳላመ ኦላናዉ ደንድያ ካዉተꬃቱዋ ኡባ ꬋይሳናዉ ደንዳና።
ZEC 12:10 “ታን ዳዊታ ጎለቱዋ ቦላነ የሩሳላመን ደእያ አሳ ቦላ አꬎ ኬካተꬃነ ዎሳ አያና ጉሳና፤ ሄዋ ድራዉ፥ ኡንቱንቱ ባረንቱ ጫዴዳዋ በእያ ዎደ፥ አሳይ ባረ መጽ እት ናአዉ ዬክያዋዳን ዬካና፤ ቃይ ባረ ባይራ ናአዉካ ካዮትያ አሳዳን ካዮታና።
ZEC 12:11 ሄ ጋላስ የሩሳላመን ዬከትያ ዬኩ ማግዶ ደምባን ሀዳድ-ርሞናስ ዬከቴዳ ዬኩዋ ኬሻ ዎልቃማ ግዳናዋ።
ZEC 12:12 ቢታን ደእያ እት እት ዛሪ ባረዉ ባረዉ ዬካና፤ ዳዊታ ዛራቱ ባረዉ፥ ኡንቱንቱ ማቼቱካ ባረዉ፥ ናታና ዛራቱ ባረዉ፥ ኡንቱንቱ ማቼቱካ ቃይ ባረዉ ዬካና።
ZEC 12:13 ቃይካ ሌዊያ ዛራቱ ባረዉ፥ ኡንቱንቱ ማቼቱካ ባረዉ፥ ሽምአ ዛራቱ ባረዉ፥ ኡንቱንቱ ማቼቱካ ባረዉ ዬካና።
ZEC 12:14 ቃይ አቴዳ ዛሪ ኡባይካ ባረዉ ባረዉ ዬካና፤ ኡንቱንቱ ማቼቱካ ባረዉ ባረዉ ዬካና” ያጌ።
ZEC 13:1 ኡባፐ ዎልቃማ መꬍና ጎዳይ ሀዋዳን ያጌ፤ “ሄ ጋላስ ዳዊታ ጎለቱዋነ የሩሳላመን ደእያዋንታ ናጋራፐነ ቱናተꬃፐ ጌሻናዉ ፑልቱ ፑልታና።
ZEC 13:2 ሄ ጋላስ ታን ኡንቱንቱ ላኤንꬆ ሀሳየተናዳን፥ ኤቃቱዋ ሱንꬃ ጋድያፐ ꬋይሳና። ቃይ ትምቢትያ ኦድያዋንታነ ቱና አያና ጋድያፐ ꬋይሳና። ታን ኡባፐ ዎልቃማ መꬍና ጎዳይ ሀዋ ኦዳይ።
ZEC 13:3 ቃይካ ኦንነ፥ ታን ትምቢትያ ኦድያዋ ጎፐ፥ አ የሌዳ አዉነ አታ አ፥ ‘ኔን መꬍና ጎዳ ሱንꬃን ዎርዱዋ ኦድያ ድራዉ፥ ፓጻ ደአካ’ ያጋና፤ ያጊደ እ ትምቢትያ ኦድሽን፥ አ የሌዳ አዉነ አታ አ ጫዲደ ዎꬋና።
ZEC 13:4 ሄ ጋላስ ዎርዶ ትምቢትያ ኦድያ ዎደ፥ ባረ በኤዳ ሳፃ ጋሱዋን ዬላታና፤ ቃይ ጭማናዉ እስክያና ደእያ ዋሩዋካ ማየና።
ZEC 13:5 ሽን እ፥ ‘ታን ናአተꬃደፐካ ዶማደ ቢታ ኦꬅያ ጎሻንቻፐ አትና፥ ትምቢትያ ኦድያዋ ግድከ’ ያጋና።
ZEC 13:6 እት አሳይ አ፥ ‘ያትና፥ ሀ ነ ቦላን ደእያ ማዱꬃይ አዬ?’ ያጊደ ኦቾፐ፥ እ፥ ‘ሀዌ ታን ታ ላገቱዋ ሶን ማዱጼዳዋ’ ያጋና” ያጌ።
ZEC 13:7 ኡባፐ ዎልቃማ ጎዳይ ሀዋዳን ያጌ፤ “ማሻዉ፥ ታዉ ማታ ግድያ ታ ዶርሳ ሄምያዋ ቦላ ቤጎታ! ዶርሳቱ ላለታናዳን፥ ዶርሳ ሄምያዋ ሾጫ። ታንካ ሄ ጉꬃ ዶርሳቱዋ ቦላን ታ ኩሽያ ደንꬃና።
ZEC 13:8 ቢታ ኡባን ደእያ ሄዙ ኩሸ አሳፐ ላኡ ኩሺ ሾጨቲደ ሀይቃና፤ እት ኩሸ ጻላላይ ፓጻ አታና። ታን መꬍና ጎዳይ ሀዋ ኦዳይ።
ZEC 13:9 ሀ አቴዳ ሄዘንꬆ ኩሸ አሳ ታን ታማን የጋና፤ ብራይ ታማን ጌይያዋዳን፥ ኡንቱንታ ጌሻና፤ ቃይ ዎርቃይ ፓጨትያዋዳንካ ፓጫና። ሄዋፐ ጉይያን፥ ኡንቱንቱ ታ ሱንꬃን ዎሳና፤ ታንካ ኡንቱንታ ስሳና። ታን፥ ‘ሀዋንቱ ታ አሳቱዋ’ ያጋና። ኡንቱንቱካ፥ ‘መꬍና ጎዳይ ኑ ጾሳ’ ያጋና” ያጌ።
ZEC 14:1 በእተ፥ መꬍና ጎዳ ጋላሳይ ዬ፤ ሄ ዎደ ህንተፐ ቦንቄዳዋ ህንተ ጼልሽን፥ ኡንቱንቱ ሻክ አካና።
ZEC 14:2 ጾሳይ ካዉተꬃቱዋ ኡባ የሩሳላመ ቦላን ኦላዉ ሺሻና፤ ካታማይ ኦይቀታና፤ ጎለቱካ ቦንቀታናዋ፤ ማጫ አሳናካ አሳይ ዎልቃን ጋከታና። ካታማ አሳፐ ባጋይ ኦሞደቲደ ባና፤ ሽን አቴዳ አሳይ ካታማፐ ከሰና።
ZEC 14:3 ሄዋፐ ጉይያን መꬍና ጎዳይ ከሲደ፥ ካሰካ ኦላ ጋላስ ኦለትያዋዳን፥ ሄ ካዉተꬃቱዋና ኦለታና።
ZEC 14:4 ሄ ጋላስ አ ገደቱ የሩሳላመፐ አዋይ ዉልያ ባጋና ደእያ ዳብረ ዛይተ ደርያ ቦላ ኤቃና። ዳብረ ዛይተ ደሪካ አዋይ ዉልያ ባጋፐ አዋይ ዶልያ ባጋ ጋካናዉ፥ ላኡ ከሲደ ጳልቀታና፤ ሎይꬅ አኮ ዎምባይ መታና፤ ያቶፐ ደርያዉ ባጋይ ሁጲሳ ባጋ፥ ቃይ ባጋይካ ገድሳ ባጋ ሸርእ ጋና።
ZEC 14:5 ሄ ዎምባይ ቢደ አጼላ ጋካና፤ ህንተ ሄ ዎምባና አꬊደ ባቃታና። በን ይሁዳ ካትያ ኦዝያና ላይꬃ ቢታይ ቃጽና፥ ህንተ ማይዛ አዎቱ ባቃቴዳዋዳን፥ ህንተካ ባቃታና። ሄዋፐ ጉይያን፥ መꬍና ጎዳይ ታ ጾሳይ ያና፤ ቃይ ጌሻቱ ኡባይካ አናና እትፐ ያና።
ZEC 14:6 ሄ ጋላስ ሜጉ፥ ሻቻይነ ꬉማይ ደኤና፤
ZEC 14:7 ሄ ጋላሳይ ቃምነ ጋላስ ባይና፥ መꬍና ጎዳይ ኤርያ ዱማ ጋላሳ ግዳናዋ፤ ሄ ጋላስ ቃማይካ ፖኦ ግዳናዋ።
ZEC 14:8 ሄ ጋላስ ደኡዋ ሃꬃይ የሩሳላመፐ ጎጋና፤ አፐ ባጋይ ማጽንያ አባን ገላና፤ ቃይ ባጋይ ሜድተራነ አባን ገላና። ሄ ሃꬃይ ባልጉዋን ቦንያን ጎጊደ ደአና።
ZEC 14:9 ቃይ መꬍና ጎዳይ ሳኣ ኡባ ቦላ ካተታና፤ ሄ ጋላስ እት መꬍና ጎዳ ጻላላይ ደአና፤ አ ሱንꬃይካ መጽ እቱዋ ግዳናዋ።
ZEC 14:10 ገባአፐ ዶሚደ፥ የሩሳላመፐ ገድሳ ባጋና ደእያ ርሞና ግያ ካታማ ጋካናዉ ደእያ ቢታይ ኡባይ ደምባታና። ሽን የሩሳላመ ቢንያማ ፐንግያፐ ቢደ፥ በን ፐንግያ ባጋና ዞዝያ ፐንግያ ጋካናዉነ፥ ቃይ ሀናንኤላ አዱሳ ግምቢያፐ ቢደ፥ ካትያ ዎይንያ ጉምኢያሳ ጋካናዉ፥ ባረ ሳኣን ꬎቁ ጊደ ደአና።
ZEC 14:11 የሩሳላመ፥ አሳይ ደኢያሳ ግዳና፤ ሄዋፐ ጉይያን እዛ ꬋዩኩ፤ እዝን ደእያ አሳይካ ህርግ ባይናን ሳሮ ደአና።
ZEC 14:12 መꬍና ጎዳይ የሩሳላመና ኦለቴዳ አሳ ኡባ ሾጫና ቦሻይ ሀዋ: ኡንቱንቱ ኤቁዋን ደእሽን፥ ኡንቱንቱ አሹ ዎቃና፤ ኡንቱንቱ አይፊ ጮጭያን፥ ኡንቱንቱ እንጻርሳይካ ኡንቱንቱ ኮክያን ዎቃና።
ZEC 14:13 ሄ ጋላስ መꬍና ጎዳይ ኡንቱንቱ ዎልቃማ ዳጋማ ዳጋንꬃና፤ አሳይ ኡባይ እቱ እቱዋ ኩሽያ ኦይቂደ፥ እቱ እቱዋና ኦለታና።
ZEC 14:14 ይሁዳ አሳይ የሩሳላመ ባጋ ግዲደ ኦለታና። ቃይ ዩሹዋን ደእያ ካዉተꬃቱዋ ኡባቱዋ አቁዋ፥ ዎርቃ፥ ብራነ ማዩዋ ፓይዱ ባይናዋ ኦሞዲደ ሺሻና።
ZEC 14:15 ሀ ቦሻ ማላ ቦሻይ ፓራቱዋ ቦላ፥ ባቁሎቱዋ ቦላ፥ ጋሎቱዋ ቦላ፥ ሀረቱዋ ቦላነ ሞርከቱ ዱንካኔዳሳን ደእያ መህያ ኡባ ቦላ ያና።
ZEC 14:16 ሄዋፐ ጉይያን፥ የሩሳላመና ኦለቴዳ ካዉተꬃቱዋ ኡባፐ ፓጻ አቴዳ ኡባይ ካትያዉ፥ ኡባፐ ዎልቃማ መꬍና ጎዳዉ ጎይናናዉነ ዳስያ ባኣላ ቦንቻናዉ ላይꬃን ላይꬃን የሩሳላመ ባና።
ZEC 14:17 ቃይ ሀ ሳኣን ደእያ አሳፐ ኦንነ ካትያዉ፥ ኡባፐ ዎልቃማ መꬍና ጎዳዉ ጎይናናዉ የሩሳላመ ቤናን ꬋዮፐ፥ ሄ አሳዉ እራይ ቡከና።
ZEC 14:18 ግብጼ ቢታ አሳይካ ቢደ ጎይነናን እጾፐ እራይ ቡከና፥ ዳስያ ባላ ቦንቻናዉ ቤናን እጽያ አሳ መꬍና ጎዳይ ሾጭያ ቦሻይ ኡንቱንቱ ቦላንካ ያና።
ZEC 14:19 ዳስያ ባላ ቦንቻናዉ ቤናን እጽያ ግብጼነ ሀራ ካዉተꬃቱ ኡባይ ሙረታና ሙሩ ሀዋ ግዳናዋ።
ZEC 14:20 ሄ ጋላስ ፓራቱዋ ቆꬍያን አꬅያ ዳላቱዋ ቦላንካ፥ “መꬍና ጎዳዉ ጌዬዳዋ” ጌተቲደ ጻፈታና። መꬍና ጎዳ ጌሻ ጎልያን ደእያ ካꬅያ ኦቶቱካ ያርሽያ ሳኣ ስንꬃን ደእያ ጌሻ ከረቱዋ ማላ ግዳናዋ።
ZEC 14:21 የሩሳላመንነ ይሁዳን ደእያ ኦቶ ኡባይ ኡባፐ ዎልቃማ መꬍና ጎዳዉ ጌሻ ግዳናዋ፤ ያቶፐ ያርሹዋ ያርሽያ አሳይ ኡባይ ዪደ፥ ሄ ኦቶቱዋ አኪደ፥ ያርሹዋ አሹዋ ኡንቱንቱን ካꬃና። ሄ ጋላስ ኡባፐ ዎልቃማ መꬍና ጎዳ ጌሻ ጎልያ ግዶን አይ ዛልአንቻይነ ደኤና።
MAL 1:1 መꬍና ጎዳይ ሚልክያሳ ባጋና እስራኤልያ አሳ ቦላ ኦዴዳ ትምቢትያ ኪታይ ሀዋ።
MAL 1:2 መꬍና ጎዳይ ባረ አሳ፥ “ታን ህንተና ሲቃድ” ያጌ። ሽን ህንተ፥ “ኔን ኑና አያን ሲቃድ?” ያጊታ። መꬍና ጎዳይ፥ “ኤሳይ ያቆባ እሻ ግደኔዬ? ግዶፐነ ታን ያቆባ ሲቃድ፤
MAL 1:3 ሽን ኤሳ እጻድ። ታን ኤሳ ደረቱዋ መላ ኡዳድ፤ አ ጋድያካ ዎራካናቱ ደእያ ባዙዋ ኡዳድ” ያጌ።
MAL 1:4 ኤሳ ዘረꬃ ግድያ ኤዶማቱ፥ “ኑ ካታማቱ ኮለቴድኖ፤ ሽን ኑን ኡንቱንታ ዛረꬂደ ኬጻና” ያጋና። ኡባፐ ዎልቃማ መꬍና ጎዳይ፥ “ኡንቱንቱ ዛረꬂደ ኬጻናዋንታ፤ ሽን ታን ኮላና። አሳይ ኡንቱንታ፥ ‘ሀ ቢታይ፥ ኢታ ቢታ፤ ሀ ቢታ አሳይካ መꬍና ጎዳይ መꬍናዉ ሀንቀቴዳ አሳ’ ያጋና” ያጌ።
MAL 1:5 ሄዋ ህንተ ህንተ አይፍያን በኢደ፥ “መꬍና ጎዳይ እስራኤልያ ቢታ ዛዋፐ ካረናካ ዎልቃማ” ያጋና።
MAL 1:6 ኡባፐ ዎልቃማ መꬍና ጎዳይ፥ “ህንተኖ፥ ታ ሱንꬃ ካዉሽያ ቄሳቶ፥ ናአይ ባረ አዉዋ፥ ቆማይካ ባረ ጎዳ ቦንቼ። ያትና፥ ታን ህንተንቶ አዉዋ ግዶፐ፥ ህንተ ታና ቦንችያ ቦንቹ አነ? ቃይ ታን ህንተንቶ ጎዳ ግዶፐ፥ ህንተ ታዉ ያይያ ያሻይ አኔ? ያቲደ ቃይ፥ ‘ኑን ነ ሱንꬃ ዎቲደ ካዉሼዶ?’ ያጊታ።
MAL 1:7 ህንተ ታዉ ያርሽያ ሳ ቦላን ቱኔዳ ያርሹዋ ሺሽያዋን ታ ሱንꬃ ካዉሼድታ። “ቃይካ ህንተ፥ ‘ኑን ኔና ዎቲደ ቱንሴዶ?’ ያጊታ። “ህንተ መꬍና ጎዳዉ ሺሽያ ጋይታይ ካቴዳዋ ግደኔ ያጊደ ቆፕያዋን ታና ቱንሴድታ።
MAL 1:8 ህንተ ያርሹዋ ያርሽያ ዎደ፥ ቆቃ ዎይ ሀርጋንቻ ዎይ ዎባ ግዴዳ መህያ ያርሾፐ፥ ሄዌ ኢታባ ግደኔ? ህንተ ሄዋ ማላ መህያ ህንተ ካፖ እሞታ ኦꬂደ እምንቶ፥ እ ሄዋ ናሸቻን አካናዋ ህንተንቶ ማላቲ?” ያጌ መꬍና ጎዳይ።
MAL 1:9 ቃይካ ኡባፐ ዎልቃማ መꬍና ጎዳይ፥ “ጾሳይ ህንተንቶ ቃረታና ማላ፥ ሀእ አ ዎስተ። ዎን ህንተ ሄዋ ማላባ ኦꬅና፥ እ ህንተዉ ዛራናዋ ማላቲ?” ያጌ።
MAL 1:10 ኡባፐ ዎልቃማ መꬍና ጎዳይ፥ “ህንተ ታዉ ያርሽያ ሳ ቦላን ጮ ታማ ኤꬅያዋፐ፥ ህንተፐ እት ኡራይ ጌሻ ጎልያ ፐንግያ ጎርድያዋ ግዴረኔሻ! ታን ህንተናን ናሸትከ፤ ህንተ ያርሽያ ያርሹዋካ አክከ” ያጌ።
MAL 1:11 ቃይካ ኡባፐ ዎልቃማ መꬍና ጎዳይ፥ “አዋይ ዶልያሳፐ ቢደ ዉልያሳ ጋካናዉ፥ ታ ሱንꬃይ ካዉተꬃቱዋ ግዶን ዎልቃማ። ሳኣ ኡባን አሳቱ ታዉ እጻና ጩውሲኖ፤ ጌሻ ያርሹዋካ ያርሺኖ፤ አያዉ ጎፐ፥ ታ ሱንꬃይ ካዉተꬃቱዋ ግዶን ዎልቃማ” ያጌ።
MAL 1:12 ኡባፐ ዎልቃማ መꬍና ጎዳይ፥ “ሽን ህንተ፥ ‘መꬍና ጎዳዉ ሺሽያ ጋይታይ ቱና፤ አን ዎꬅያ ያርሹካ ካቴዳዋ’ ያጊደ አ ካዉሼድታ።
MAL 1:13 ቃይ ህንተ፥ ‘ሀዌ ዳቡርስያዋ’ ያግ ቅሊጪደ፥ ህንተ ሲꬍያን ስምኢታ። “ህንተ ቦንቂ አኬዳዋ ዎይ ዎባ ዎይ ሀርጋንቻ እሞታ ኦꬂደ ሺሺታ። ያትና፥ ታን ህንተ ኩሽያፐ ሄዋ አኮ?
MAL 1:14 ታዉ ያርሻና ጊደ ሺቀቴዳ አቱማ ዶርሳይ አ ዉድያ ግዶን ደእሽን፥ ሸነይያባይ ደእያ ዶርሳ ያርሽያ ሄ ጭምያዌ ሸቀቴዳዋ ግዶ! አያዉ ጎፐ፥ ታን ኡባፐ ዎልቃማ መꬍና ጎዳነ ዎልቃማ ካትያ፤ ታ ሱንꬃይካ ካዉተꬃቱዋ ግዶን ያየቴዳዋ” ያጌ።
MAL 2:1 ቃይካ ኡባፐ ዎልቃማ ጾሳይ ሀዋዳን ያጌ፤ “ቄሳቶ፥ ሀእ ሀ አዛዙ ህንተሳ።
MAL 2:2 ታ ሱንꬃ ቦንቻናዉ ህንተ ስሰናን እጾፐነ ህንተ ዎዛናን ቆፐናን እጾፐ፥ ታን ህንተ ቦላ ሸቃ ኪታና፤ ህንተ አንጁዋካ ታን ሸቃና። ህንተ ህንተ ዎዛናን ታና ቦንቻናዉ ቆፕቤና ድራዉ፥ ታን ሀእካ ህንተና ሸቃ ድጋድ።
MAL 2:3 በእተ፥ ታን ህንተ ዘረꬃቱዋ ሙራና። ህንተ ያርሾ አሄዳ መህያ ቶጭያካ ህንተ ሶምእያን ላላና፤ ህንተካ ሄ ቶጭያና እትፐ አ ኦልያ ሳ ባና።
MAL 2:4 ሄ ዎደ ታ ጫቁ ሌዊያና ምኒደ ደአናዳን፥ ታን ህንተንቶ ሀ አዛዙዋ ኪቴዳዋ ህንተ ኤራና” ያጌ።
MAL 2:5 “ታን ሌዊያና ጫቀቴዳ ጫቁ ደኡዋነ ሳሮተꬃ ጫቁዋ፤ እ ታዉ ያያናዳን፥ ታን ኡንቱንታ አዉ እማድ፤ እካ ታዉ ያዬዳነ ታ ሱንꬃካ ቦንቼዳ።
MAL 2:6 ቱሙዋ ህጊ አ ዶናን ደኤዳ፤ አ እንጻርሳንካ ዎርዱ ቤትቤና። እ ታናና ሳሮተꬃንነ ሱረተꬃን ሀመቴዳ፤ ቃይ ጮራቱዋካ ናጋራፐ ዛሬዳ።
MAL 2:7 ቄሳይ ኡባፐ ዎልቃማ መꬍና ጎዳይ ኪቴዳዋ ግዴዳ ድራዉ፥ አ ዶናይ ኤራተꬃን ኩማናዉ ኮሼ፤ አሳይካ ህግያ አ ዶናፐ ታማራናዉ በሴ” ያጌ ኡባፐ ዎልቃማ መꬍና ጎዳይ።
MAL 2:8 ኡባፐ ዎልቃማ መꬍና ጎዳይ ሀዋዳን ያጌ፤ “ሽን ቄሳቶ፥ ህንተ ኦግያፐ ዎራ ስሜድታ፤ ህንተ ትምርትያንካ ጮራቱዋ ꬉቤድታ፤ ታን ሌዊያና ጫቀቴዳ ጫቁዋካ ኮሌድታ።
MAL 2:9 ሄዋ ድራዉ፥ ህንተ ታ ኦግያን ሀመተናን እጼዳንዳን፥ ህንተ ታማርስያ ህግያንካ አሳ ኡባ እት ልከ ጼለናን እጼዳንዳን፥ ታን ህንተና አሳ ኡባ ስንꬃን ካቴዳዋንታነ ካዉሼዳዋንታ ኡዳድ” ያጌ።
MAL 2:10 ኑዉ ኡባዉ እት አዉ ደኤ ግደኔየ? ኑና እት ጾሳይ መꬌዳ ግደኔየ? ያትና፥ ኑን ኑ ማይዛ አዎቱዋ ጫቁዋ ኮልያዋን እቱ እቶ አያዉ አማነተናን እጼቶ?
MAL 2:11 ይሁዳ አሳይ አማነትቤና፤ ቃይ እስራኤልያንነ የሩሳላመን አሳይ ቱናተꬃ ኦꬄዳ፤ አያዉ ጎፐ፥ ይሁዳ አሳይ ጾሳይ ዶስያ ጌሻ ጎልያ ቱንሴዳ፤ ቃይ አላጋ ጾሳዉ ጎይንያ ማጫ ናናቱዋካ አኬዳ።
MAL 2:12 ሀዋ ኦꬅያዌ ኦና ግዶፐካ፥ መꬍና ጎዳይ አ ያቆባ ማባራፐ ꬋይሶ፤ ሄ አሳይ ኡባፐ ዎልቃማ መꬍና ጎዳዉ ያርሹዋ አህያዋ ግዶፐካ፥ መꬍና ጎዳይ አ ሾዶ።
MAL 2:13 ቃይ ህንተ ኦꬅያ ሀራባይ አዬ ጎፐ፥ መꬍና ጎዳይ ህንተ ያርሹዋኮ ጼለና ድራዉ፥ ዎይ አ አከና ድራዉ፥ ያርሽያ ሳኣ ዬኩዋን፥ አፎꬃንነ ዝላሳን ኩንꬂታ።
MAL 2:14 ህንተ፥ “እ አያዉ ኑ ያርሹዋ አከኔ?” ያጊደ ኦቾፐ፥ ጋሱ ሀዋ: ህንተ ህንተ ያላጋተꬃን አክና እታ ግዴዳ ማቻትና ማቻትና ሄ ዎደ ጫቀቴዳ ጫቁዋ ኮሌድታ፤ ሄዎ መꬍና ጎዳይ ማርካ።
MAL 2:15 መꬍና ጎዳይ ህንተዉነ ህንተ ማቻትዉካ ማቻትዉካ እት ቦላይነ እት አያናይ ደአናዳን ኦꬅቤኔየ? ሄዋ አያዉ ኦꬄዴ? ጌሻ ዘረꬃይ ደአናዳና ግደኔ? ሄዋ ድራዉ፥ ህንተፐ ኦንነ ባረ ያላጋተꬃን አኬዳ ማቻትና ጫቀቴዳ ጫቆ አማነተናዋ ግደናዳን ናገቶ።
MAL 2:16 አያዉ ጎፐ፥ “ታን መꬍና ጎዳይ፥ እስራኤልያ ጾሳይ፥ አስናይነ ማቻታ ብለትያዋ እጻይ፤ ሄዌ ኢታባ” ያጌ። ሄዋ ድራዉ፥ ኡባፐ ዎልቃማ መꬍና ጎዳይ፥ “ህንተ ማቻትና ማቻትና ጫቀቴዳ ጫቆ አማነተናዋንታ ግደናዳን ናገትተ” ያጌ ኡባፐ ዎልቃማ መꬍና ጎዳይ።
MAL 2:17 ህንተ ህንተ ሃሳያን መꬍና ጎዳ ዳቡርሴድታ። ሽን ህንተ፥ “ኑን አ ዎቲደ ዳቡርሴዶ?” ያጊታ። ህንተ አ ዳቡርሴዳዌ፥ “ኢታ ኦꬅያዋንቱ ኡባይ መꬍና ጎዳ ስንꬃን ሎአ፤ ቃይ እካ ኡንቱንቱን ናሸቴ” ያግያዋን ዎይ፥ “ቱሙዋ ፕርድያ ጾሳይ ሀቃን ደኢ?” ያግያዋና።
MAL 3:1 ኡባፐ ዎልቃማ መꬍና ጎዳይ፥ “በእተ፥ ታ ብያ ኦግያ ጊግሳናዳን፥ ታን ኪትያ አሳ ካሰታደ የዳና፤ ቃይ ህንተ ኮይያ ጎዳይካ ህንተ ቆፐናን ደእሽን፥ ባረ ጌሻ ጎልያ ፑቱ ጋና። ህንተ ናሸትያ፥ ቃላ ጫቁዋ ኪታንቻይ ያና” ያጌ።
MAL 3:2 ሽን እ ብራነ ዎርቃ ሲልሲደ ጌሽያ ታማ ማላነ ማዩዋ ሜጭያ ሳሞና ማላ ግድያ ድራዉ፥ እ ይያ ጋላስ ዳንዳያናዌ ኦኔ? ቃይ እ ቆንጭያ ዎደ አ ስንꬃን ኤቃናዉ ዳንዳይያዌ ኦኔ?
MAL 3:3 እ ብራነ ዎርቃ ጌሽያዋዳንነ ትግያዋዳን ኡቲደ፥ ሌዊያ ዛራቱዋ ጌሻና፤ ኡንቱንቱ መꬍና ጎዳዉ ልከ ያርሹዋ ያርሻና ጋካናዉ፥ እ ኡንቱንታ ጌሻና።
MAL 3:4 ያቶፐ በን ዎደቱዋዳንነ አꬌዳ ላይꬃቱዋዳን፥ ይሁዳ አሳይነ የሩሳላመ አሳይ ያርሽያ ያርሹ መꬍና ጎዳ ናሸችያዋ ግዳናዋ።
MAL 3:5 ኡባፐ ዎልቃማ መꬍና ጎዳይ፥ “ሄዋፐ ጉይያን፥ ታን ፕርዳ ፕርዳናዉ ህንተኮ ያደ፥ ሙሩንያዋንቱ ቦላ፥ ዎሹምያዋንቱ ቦላ፥ ዎርዱዋን ጫቂያዋንቱ ቦላ፥ ኦሳንቻቶ በስያ ድርጉዋ እመናን ድግያዋንቱ ቦላ፥ አስናይ ሀይቄዳ አምአቶነ አታ አዉ ሀይቄዳ ናናቱዋ ቱጋይያዋንቱ ቦላ፥ በትያ ፕርዳ ጌላይያዋንቱ ቦላነ ታዉ ያየናዋንቱ ቦላ ኤለካ ማርካታና” ያጌ።
MAL 3:6 ቃይካ ኡባፐ ዎልቃማ መꬍና ጎዳይ፥ “ታን መꬍና ጎዳይ ላመትከ፤ ሄዋ ድራዉ፥ ህንተኖ ያቆባ ዛረቶ፥ ህንተ ꬋይክታ።
MAL 3:7 ህንተ ማይዛ አዎቱዋ ዎድያፐ ዶሚደ፥ ህንተ ታ ዎጋፐ ዎራ ስሜድታ፤ አካ ናግበይክታ። ሀእ ታኮ ስምተ፤ ታንካ ህንተኮ ስማና” ያጌ። ሽን ህንተ፥ “ኑን ዋን ስማነ?” ያጊደ ኦቺታ።
MAL 3:8 መꬍና ጎዳይ፥ “አሳይ መꬍና ጎዳ ዉኢ? ሽን ህንተ ታና ዉኢታ” ያጌ። ቃይካ ህንተ፥ “ኑን ኔና ዎት ዉኤቶ? ያጊታ” ያጌ። ኡባፐ ዎልቃማ ጾሳይ፥ “ህንተ አስራታንነ እሞታን ታና ዉኢታ።
MAL 3:9 ህንተ እስራኤልያ አሳይ ኡባይ ታና ዉእያ ድራዉ፥ ህንተ ሸቀቴዳዋንታ።
MAL 3:10 ታ ጌሻ ጎልያን ቁማይ ደአናዳን፥ አስራታ ኡባ ዬስያን የግተ። ያቲደ ታን ሳሉዋ ማስኮትያ ዶያደ አንጁዋ ህንተንቶ ፓላህሳደ ጉሳና ꬋዮፐ፥ ታና ሄዋን ፓጭተ።
MAL 3:11 ህንተ ቢታይ ሞክያ ካꬃ ባይዘናዳን፥ ታን ህንተ ድራዉ ካꬃ ባይዝያባ ኡባ ሴራና፤ ጋደን ደእያ ዎይንያ ቱራይካ አይፍያ ድገና። ታን ኡባፐ ዎልቃማ መꬍና ጎዳይ ሀዋ ኦዳይ።
MAL 3:12 ህንተ ቢታይ ደአናዉ ናሸችያ ቢታ ግድያ ድራዉ፥ ካዉተꬃቱ ኡባይ ህንተና፥ ‘አንጀቴዳዋንታ’ ያጋና” ያጌ።
MAL 3:13 መꬍና ጎዳይ ሀዋዳን ያጌ፤ “ህንተ ታ ቦላ ጻላ ቃላ ሃሳዬድታ። “ያቲደ ቃይ፥ ‘ኑን ነ ቦላ ዋግ ሃሳዬዶ?’ ያጊደ ኦቺታ።
MAL 3:14 “ቃይካ ህንተ፥ ‘ጾሳዉ ኦꬅያዌ ሀዳ። አ አዛዙዋ ናግያዋንነ ኡባፐ ዎልቃማ መꬍና ጎዳ ስንꬃን ካዮቲደ ሀመትያዋን ኑን አያ ጎኤቴቶ?
MAL 3:15 ኑን ኦቶረትያዋንቱ አንጀቲና በኤቶ፤ ኢታ ኦꬅያዋንቱካ እሻሊደ ደእያዋ ጻላላ ግደናን፥ ጾሳ ፓጪደካ ከስ አኪኖ’ ያጊታ” ያጌ።
MAL 3:16 ሄ ዎደ መꬍና ጎዳዉ ያይያዋንቱ እቱ እቱዋና ሃሳዬድኖ፤ መꬍና ጎዳይካ ሀይዚደ ስሴዳ። መꬍና ጎዳዉ ያዬዳዋንቱነ አ ሱንꬃካ ቦንቼዳዋንታ ሀሳይስያ ማጻፋይ አ ስንꬃን ጻፈቴዳ።
MAL 3:17 ኡባፐ ዎልቃማ መꬍና ጎዳይ፥ “ኡንቱንቱ ታዋ ግዳናዋንታ፤ ታን ኦꬅያ ጋላስ ኡንቱንቱ ታዉ ዱማቴዳ አሳ ግዳናዋንታ፤ አዉ ባረዉ ኦꬅያ ባረ ናኣ ማርያዋዳን፥ ታን ኡንቱንታ ማራና።
MAL 3:18 ሄ ዎደ ህንተ ዛረꬂደካ ጽሉዋፐነ ናጋራንቻፐ ግዱዋን ደእያ ዛዋነ ጾሳዉ አዛዘትያዋንቱፐነ አዛዘተናዋንቱፐ ግዱዋን ደእያ ዛዋ በአና” ያጌ።
MAL 4:1 ኡባፐ ዎልቃማ መꬍና ጎዳይ ሀዋዳን ያጌ፤ “በእተ፥ ጮጭያ ታማዳን ኤጽያ ጋላሳይ ማታቴዳ፤ ኦቶረትያዋንቱነ ኢታ ኦꬅያዋንቱ ኡባይ ኡቱላ ማላ ግዳናዋ። ሄ ይያ ጋላሳይ ኡንቱንታ ጹጋና፤ ኡንቱንቶ ጻጱዋ ጼራካ አሸና።
MAL 4:2 ሽን ህንተንቶ፥ ታ ሱንꬃዉ ያይያዋንቶ አ ቀፍያ ግዶን ፓꬅያባይ ደእያ ጽሎተꬃ አዋይ ሞካና። ህንተካ አቁዋፐ ብለቴዳ ጋሎ ማራዳን ቡራቃና።
MAL 4:3 ታን ኦꬅያ ጋላስ፥ ናጋራንቻቱ ህንተ ገድያፐ ጋርሳ ባጋና ብድንꬃ ማላ ግዳናዋንታ፤ ህንተካ ኡንቱንታ የꬋንታ። ታን ኡባፐ ዎልቃማ መꬍና ጎዳይ ሀዋ ኦዳይ።
MAL 4:4 “እስራኤልያ አሳ ኡባዉ ሲና ደርያ ቦላን ታን ታ ቆማ ሙሴ ባጋና አዛዜዳ አዛዙዋነ ህግያ ሀሳይተ።
MAL 4:5 “በእተ፥ ግታነ ቦንቼቴዳ ጾሳ ጋላሳይ ያናፐ ካሰታደ፥ ታን ህንተዉ ትምቢትያ ኦድያ ኤላሳ ኪታና።
MAL 4:6 እ ዪደ፥ ታን ያደ ቢታ ሸቃን ሾጨናዳን፥ አዎቱዋ ዎዛና ናናቱዋኮ፥ ናናቱዋ ዎዛናካ አዎቱዋኮ ዛራና” ያጌ ኡባፐ ዎልቃማ መꬍና ጎዳይ።
MAT 1:1 ሀዌ ዳዊታ ዛርያነ አብራሃመ ዛረ ግዴዳ የሱስ ክርስቶሳ የለታ ኦድያ ማጻፋ።
MAT 1:2 አብራሃመ፥ ይሳቃ የሌዳ፤ ይሳቅ፥ ያቆባ የሌዳ፤ ያቆብ፥ ይሁዳነ አ እሻቱዋ የሌዳ።
MAT 1:3 ይሁዳይ ትእማርፐ ፓሬሳነ ዛራሀ የሌዳ፤ ፓሬሰ፥ ሄጽሮና የሌዳ፤ ሄጽሮነ፥ ራማ የሌዳ።
MAT 1:4 ራመ አምናዳባ የሌዳ፤ አምናዳበ፥ ናአሶና የሌዳ፤ ናአሶነ፥ ሰልሞና የሌዳ።
MAT 1:5 ሰልሞነ፥ ራኣቦ ጌተትያ ምሽራትፐ ቦኤዛ የሌዳ፤ ቦኤዝ፥ ኡሩቶ ጌተትያ ምሽራትፐ እዮቤዳ የሌዳ፤ እዮቤደ፥ እሰይ የሌዳ።
MAT 1:6 እሰይ ካትያ ዳዊታ የሌዳ። ካትያ ዳዊተ፥ ኦርያ ማቻትፐ ሶሎሞና የሌዳ።
MAT 1:7 ሶሎሞነ፥ ሮብኣማ የሌዳ፤ ሮብኣመ፥ አብያ የሌዳ፤ አቢ፥ አሳፋ የሌዳ።
MAT 1:8 አሳፈ፥ ዮሳፌጻ የሌዳ፤ ዮሳፌጸ፥ እዮራማ የሌዳ፤ እዮራመ፥ ኦዝያና የሌዳ።
MAT 1:9 ኦዝያነ፥ እዮኣታማ የሌዳ፤ እዮኣታመ፥ አካዛ የሌዳ፤ አካዝ፥ ህዝቂያሳ የሌዳ።
MAT 1:10 ህዝቂያሰ ምናሳ የሌዳ፤ ምናሰ፥ አሞጻ የሌዳ፤ አሞጸ፥ እዮስያሳ የሌዳ።
MAT 1:11 እስራኤልያ አሳይ ኦሞደቲደ፥ ባብሎነ ጋድያ ቤዳ ዎደ፥ እዮስያሰ እኮንያናነ አ እሻቱዋ የሌዳ።
MAT 1:12 ባብሎነ ኦሞዱዋፐ ጉይያን፥ እኮንያናነ ሳላትያላ የሌዳ፤ ሳላትያለ፥ ዘሩባቤላ የሌዳ።
MAT 1:13 ዘሩባቤል፥ አብዩዳ የሌዳ፤ አብዩደ፥ ኤልያቄማ የሌዳ፤ ኤልያቄም፥ አዞራ የሌዳ።
MAT 1:14 አዞረ ሳዶቃ የሌዳ፤ ሳዶቀ፥ አኪማ የሌዳ፤ አኪመ ኤልዩዳ የሌዳ።
MAT 1:15 ኤልዩደ፥ አልኣዛራ የሌዳ፤ አልኣዛረ፥ ማታና የሌዳ፤ ማታነ፥ ያቆባ የሌዳ።
MAT 1:16 ያቆብ፥ ክርስቶሳ ጌተትያ የሱሳ የሌዳ ማይራሞ ኦቼዳ ዮሴፋ የሌዳ።
MAT 1:17 ስም የለታይ ኡባይ አብራሃሞፐ ዳዊታ ጋካናዉ ታማነ ኦይዱ የለታ፤ ዳዊተፐ ዶሚደ፥ አሳይ ባብሎነ ጋድያ ኦሞደቲደ ቤዳ ዎድያ ጋካናዉ ታማነ ኦይዱ የለታ፤ አሳይ ባብሎነ ጋድያ ኦሞደቲደ ቤዳ ዎድያፐ ክርስቶስ የለቴዳ ዎድያ ጋካናዉ ታማነ ኦይዱ የለታ።
MAT 1:18 የሱስ ክርስቶሳ የለታይ ሀዋ ማላ፤ አ ዳያ ማይራማ ዮሴፎ ኦሸታ ቃሸታ ኡታዱ። ሄ ዎደ ዮሴፎና ጋከተናን ደኣደ፥ ጌሻ አያናን ሻሃራዱ።
MAT 1:19 እዞ ጊግስ ዎꬄዳ ዮሴፎ ጽሎ አሳ ግዴዳ ድራዉ፥ እዞ ካዉሻናዉ ኮይቤና፤ ኢባ ቆንጭሰናን እዞ አጋናዉ ቆፔዳ።
MAT 1:20 ሽን እ ሄዋ ቆፕሽን፥ ጎዳ ኪታንቻይ አኩሙዋን አናና ጋከቲደ፥ “ዳዊተ ናኣ ዮሴፎ፥ ማይራማ ጌሻ አያናን ሻሃሬዳ ድራዉ እዞ አካናዉ ያዮፓ።
MAT 1:21 እዛ አቱማ ናኣ የላናዉኑ፤ ኔንካ፥ እ አሳ ናጋራፐ አሽያ ድራዉ አ ሱንꬃ የሱሳ ጋደ ጼሳናሳ” ያጌዳ።
MAT 1:22 ቃይ ጎዳይ ናብያ ባጋና፥ “ወዶራታ ሻሃራናዉኑ፤ ናኣካ የላናዉኑ፤ አ ሱንꬃይካ አማኔላ ጌተታናዋ” ያጌዳዌ ፖለታና ማላ፥ ሀዌ ኡባይ ሃኔዳ፤ “አማኔላ” ያግያዌ፥ “ጾሳይ ኑናና ደኤ” ያግያዋ።
MAT 1:24 ዮሴፎ ገምእሹዋፐ ቤጎቲደ፥ ጎዳ ኪታንቻይ ባረና አዛዞዋዳን፥ ማይራሞ ባረ ጎለ አፌዳ።
MAT 1:25 ሽን ናአይ የለታና ጋካናዉ ዮሴፎ እዝኮ ሺቅቤና፤ ቃይ ናኣካ የሱሳ ጊደ ሱንꬄዳ።
MAT 2:1 የሱስ ይሁዳ ጋድያን ቤተሌመ ጌተትያ ካታማን ሄሮድሰ ካዉቲደ ደእያ ዎደ የለቴዳ፤ ሄዋፐ ጉይያን፥ ጾልንትያ ፓይድያ አሳይ አዋይፊ ዶልያ ባጋፐ የሩሳላመ ዪደ፥
MAT 2:2 “አይሁዳ ካትያ ግዳናዉ የለቴዳ ናአይ ሀቃን ደኢ? ኑን አዋይፊ ዶልያ ባጋና ከሴዳ አ ጾልንትያ በኢደ፥ አዉ ጎይናናዉ ዬዶ” ያጊደ ኦቼድኖ።
MAT 2:3 ካትያ ሄሮድሰ፥ ሄዋ ስሲደ ዳጋሜዳ፤ የሩሳላመን ደእያ አሳይ ኡባይካ ዎዛና ባዬድኖ።
MAT 2:4 ሄሮድሰ ቄሳቱዋ ካፓቱዋ ኡባቱዋነ ሙሴ ህግያ ታማርስያዋንታ ጼሲደ፥ “ክርስቶስ ሀቃን የለታንዴሻ?” ያጊደ ኦቼዳ።
MAT 2:5 ኡንቱንቱ ዛሪደ፥ “ይሁዳ ጋድያን ቤተሌመ ካታማን የለታናዋ። ናቢ፥ “ ‘ይሁዳ ጋድያን ደእያ ቤተሌመ፥ ኔን ይሁዳ ጋድያን ደእያ ዎልቃማ ካታማቱዋፐ ላፋካ። እስራኤልያ ሞድያዌ ኔፐ ከሳናዋ’ ጊደ ጻፌዳ” ያጌድኖ።
MAT 2:7 ሄዋፐ ካላ፥ ሄሮድሰ አዋይፊ ዶልያ ባጋፐ ዬዳ አሳቱዋ ጌማን ጼሲደ፥ ጾልንቲ ኡንቱንቶ ቤቴዳ ዎድያ ኡንቱንቱፐ ጌሺደ ኤሬዳ።
MAT 2:8 ያቲደ ቤተሌመ ኡንቱንታ የዲደ፥ “ቢደ ናኣ ሎይꬅ ኮይተ፤ አ ደሜዳ ዎደ ታንካ ባደ አዉ ጎይናናዳን፥ ታናካ ኤርስተ” ያጌዳ።
MAT 2:9 ኡንቱንቱ ካቲ ጌዳዋ ስስ ቢደ ኦግያን አዋይፊ ዶልያ ባጋና ኡንቱንቱ ካሰ በኤዳ ጾልንትያ በኤድኖ፤ ናአይ ደኢያሳ ጋኪደ ኤቃና ጋካናዉ፥ ጾልንቲ ኡንቱንታ ካለꬄዳ።
MAT 2:10 ኡንቱንቱ ሄ ጾልንትያ በኤዳ ዎደ፥ ዛዋይ ባይና ዳሮ ናሸቻ ናሸቴድኖ።
MAT 2:11 ጎለ ገሊደ፥ ናአይ ባረ ዳይ ማይራምና ደእያዋ በኤድኖ፤ ጉልባቲደ አዉ ጎይኔድኖ፤ ሄዋፐ ካላ፥ ባረንቱ ሳጽንያ ዶዪደ፥ ዎርቃ፥ እጻናነ ካዋራ አዉ እሞታ ሺሼድኖ።
MAT 2:12 ኡንቱንቱ ሄሮድሳኮ ስመና ማላ፥ ጾሳይ አኩሙዋን ኡንቱንታ፥ “ህንተና ኤርተ” ጊና ሀራ ኦግያና ባረንቱ ጋደ ስሜድኖ።
MAT 2:13 ኡንቱንቱ ቤዳዋፐ ጉይያን፥ ጎዳ ኪታንቻይ አኩሙዋን ዮሴፎ ቤቲደ፥ “ሄሮድሰ ናኣ ዎꬋናዉ ኮይያ ድራዉ፥ ደንዳደ ናኣነ አ ዳዮ አካደ ግብጼ ጋድያ በታ፤ ታን ነዉ ኦዳና ጋካናዉ፥ ያን ደአሻ” ያጌዳ።
MAT 2:14 ዮሴፎ ቃማ ደንዲደ፥ ናኣነ አ ዳዮ አኪደ፥ ግብጼ ጋድያ ቤዳ፤ ጎዳይ ናብያ ባጋና፥ “ታን ታ ናኣ ግብጼ ጋድያፐ ጼሳድ” ያጌዳዌ ፖለታና ማላ፥ ሄሮድሰ ሀይቃና ጋካናዉ እ ያን ደኤዳ።
MAT 2:16 ሄዋፐ ጉይያን፥ ሄሮድሰ አዋይፊ ዶልያ ባጋፐ ዬዳዋንቱ ባረና ጭሜዳዋ ኤሬዳ ዎደ፥ ዳሮ ሀንቀቲደ፥ ጾልንቲ ካሰ ቤቴዳ ዎድያ ኡንቱንቱፐ ስሴዳዋዳን፥ ዎታዳራቱዋ የዲደ፥ ቤተሌመንነ ዩሹዋን ደእያ ላኡ ላይꬃ አቱማ ናናነ ላኡ ላይꬃፐ ጋርሳና ደእያ አቱማ ናና ኡባ ዎꬍሴዳ።
MAT 2:17 ናብያ ኤርማስ፥ “ዬኩነ ዝላሳይ ራማ ጌተትያ ካታማን ስሰቴዳ፤ ራሄላ ባረ ናናዉ ዬካዉ። ኡንቱንቱ ሀይቂድጎ ድራዉ፥ አጋ ጊና፥ አገናን እጻዱ” ጊደ ኦዴዳዌ ፖለቴዳ።
MAT 2:19 ሄሮድሰ ሀይቄዳዋፐ ጉይያን፥ ጎዳ ኪታንቻይ ግብጼን ዮሴፎ አኩሙዋን ቤቲደ
MAT 2:20 አ፥ “ደንዳ፤ ናኣነ አ ዳዮ አካደ፥ እስራኤልያ ጋድያ ስማ። ናኣ ዎꬋናዉ ኮይያዋንቱ ሀይቂ ድጌድኖ” ያጌዳ።
MAT 2:21 ዮሴፎ ደንዲደ፥ ናኣነ አ ዳዮ አኪደ፥ እስራኤልያ ስሜዳ።
MAT 2:22 ሽን ዮሴፎ አርከላዎስ ባረ አዉዋ ሄሮድሳ ኦይድያን ይሁዳ ጋድያን ካዉቴዳዋ ስሴዳ ዎደ፥ ያ ባናዉ ያዬዳ፤ ጾሳይ አዉ አኩሙዋን ህንተና ኤርተ ጊና፥ ጋሊላ ጋድያ ቤዳ።
MAT 2:23 ናባቱ፥ “አሳይ አ፥ ‘ናዝሬትያ አሳ’ ጊደ ጼሳና” ያጌዳዌ ፖለታና ማላ፥ ናዝሬተ ጌተትያ ካታማ ቢደ ደኤዳ።
MAT 3:1 ሄ ዎደ ጻማቅያ ዮሃንስ አሳ፥ “ሳሉዋ ካዉተꬃይ ማታቴዳ ድራዉ፥ ህንተ ናጋራፐ ስምተ” ያጊደ፥ ይሁዳ መላ ቢታን ኦዲደ ዬዳ።
MAT 3:3 አያዉ ጎፐ፥ ናብያ ኢስያሰ፥ ዮሃንሳባ ኦዲደ፥ “እቱ መላ ቢታን ባረ ቃላ ꬎቁ ኦꬂደ፥ ‘ጎዳ ኦግያ ጊግስተ። እ ሄመታና ሎሱዋካ አዉ ስት ኦꬅተ’ ጌዳ” ያጌዳ።
MAT 3:4 ዮሃንሳዉ ጋሉዋ እስክያ ዳደቴዳ ማዩ ደኤ፤ ቃይ ባረ ጼሳን ዳፉዋ ዳንጬዳ፤ እ ምያ ቁማይካ ቦልያነ ባዙዋ ኤሳ።
MAT 3:5 አሳይ ሄ ዎደ የሩሳላመፐ፥ ይሁዳ ጋድያ ኡባ ሳፐነ ዮርዳኖሳ ሻፋ ሄራን ደእያ ጋድያ ኡባፐ አኮ ዪኖ።
MAT 3:6 ባረንቱ ናጋራ ፓጽና፥ ዮርዳኖሳ ሻፋን አሳ ጻማቄዳ።
MAT 3:7 ሽን ዮሃንስ ዳሮ ፓርሳዋቱነ ሳዱቃዋናቱ ጻማቀታናዉ ባረኮ ይያዋንታ በኢደ፥ “ሀ ሾሻቶ፥ ጾሳ ሀንቁ ያና ሀንያዋፐ አታና ማላ፥ ህንተዉ ኦኔ ኦዴዳዌ?
MAT 3:8 ስም ህንተ፥ ህንተንቱ ናጋራፐ ስሜዳዋ ኤርስያ ኦሱዋ፥ ኦꬅተ።
MAT 3:9 ህንተ ህንተንቱ ዎዛናን፥ ‘አብራሃመ ኑ አባ’ ጊደ ቆፕያዋ ህንተዉ ማላቶፖ። አያዉ ጎፐ፥ ታን ህንተንቶ ኦዳይ፤ ጾሳይ ሀ ሹቻቱዋፐ አብራሃሞ ናና ኦꬅ ደንꬃናዉ ዳንዳዬ።
MAT 3:10 ቤጽ ምꬃ ጻጱዋን ቃንጻናዉ ጊግ ኡቴዳ፤ ሎኦ አይፍያ አይፈና ምꬃ ኡባይ ቃንጸቲደ፥ ታማን የገታና።
MAT 3:11 “ህንተ ህንተንቱ ናጋራፐ ስምያዋ በሳናዉ፥ ታን ህንተና ሃꬃን ጻማቃይ፤ ሽን ታፐ ጉየና ይያዌ፥ ህንተንታ ጌሻ አያናንነ ታማን ጻማቃና። እ ታፐ ዳሮ ምኔ፤ አ ጫማ ቶካናዉካ ታን በስያ አሳ ግድከ።
MAT 3:12 አ ኩሽያን ካꬃ ሰጽያ ላይዳይ ደኤ። ኡዱማን ደእያ ካꬃ ሎይꬅ ጌሼ፤ ባረ ዛርጋ ድይያን ቆላና፤ ሽን ዳላ ቶኤና ታማን ጉዳና” ያጌዳ።
MAT 3:13 የሱስ ሄ ዎደ ዮሃንሳን ጻማቀታናዉ፥ ጋሊላፐ ዮርዳኖሳ ጌተትያ ሻፋ አኮ ቤዳ።
MAT 3:14 ሽን ዮሃንስ፥ “ታን ኔናን ጻማቀታናዉ በስያ ዎደ፥ ኔን ታኮ ያይ?” ያጊደ፥ አ ድጋናዉ ኮዬዳ።
MAT 3:15 ሽን የሱስ ዛሪደ አ፥ “ኑን ጽሎተꬃ ኦሱዋ ኡባ ሀዋዳን ፖላናዉ በስያ ድራዉ፥ ሀእ ታዉ ኤኖ ጋ” ያጌዳ። ዮሃንስካ አዉ ኤኖ ጌዳ።
MAT 3:16 የሱስ ጻማቀቶዋፐ ጉይያን፥ ኤለካ ሃꬃፐ ከሴዳ፤ ሳሉ ዶየትና፥ ጾሳ አያናይ ሀራጵያዳን ሳሉዋፐ ዎꬊደ ባረ ቦላ ይያ ዎደ በኤዳ፤
MAT 3:17 ቃይ ሳሉዋፐ፥ “ታን ሲቅያ፥ ታና ናሸችያ፥ ታ ናአይ ሀዋ” ያግያ ቃላይ ዬዳ።
MAT 4:1 ሄዋፐ ጉይያን፥ ጻላህያን ፓጨታና ማላ፥ ጌሻ አያናይ አሳይ ደኤና ሳኣ የሱሳ አፌዳ።
MAT 4:2 የሱስ ኦይታሙ ጋላሳነ ኦይታሙ ቃማ ጾሞዋፐ ጉይያን ኮሻቴዳ።
MAT 4:3 ጻላሂ ዪደ አ፥ “ኔን ጾሳ ናኣ ግዶፐ፥ አነ ሀ ሹቻቱዋ ኡክꬃ ግዳና ማላ ጋ” ያጌዳ።
MAT 4:4 ሽን የሱስ ዛሪደ፥ “ጾሳ ማጻፋን፥ ‘አሳይ ጾሳይ ሃሳይያ ቃላ ኡባን ደአናፐ አትን፥ ኡክꬃ ጻላላን ደኤና’ ያገት ጻፈቴዳ” ያጌዳ።
MAT 4:5 ሄዋፐ ጉይያን፥ ጻላሂ የሱሳ ጌሻ ካታማ አፍ ጌሻ ጎልያ ጼራን ኤሲደ፥
MAT 4:6 “ኔን ጾሳ ናኣ ግዶፐ፥ አነ ዱገ ኩንዳ። አያዉ ጎፐ፥ ጾሳ ማጻፋን፥ “ ‘ጾሳይ ባረ ኪታንቻቱዋ ነዉ አዛዛናዋ’ ቃይ ‘ኡንቱንቱ ነ ገዲ ሹቻን ꬉበተና ማላ፥ ባረንቱ ኩሽያን ኔና ደንꬃናዋንታ’ ያገት ጻፈቴዳ” ያጌዳ።
MAT 4:7 የሱስ ዛሪደ አ፥ “ቃይካ ጾሳ ማጻፋን፥ ‘ጎዳ ነ ጾሳ ፓጮፓ’ ያገት ጻፈቴዳ” ያጌዳ።
MAT 4:8 ቃይ ጻላሂ የሱሳ እት ዳሮ ዎልቃማ ደርያ ጼራ ከሲደ፥ ሀ አላምያን ደእያ ካዉተꬃ ኡባነ ኡንቱንቱ ቦንቹዋ
MAT 4:9 በሲደ አ፥ “ኔን ታዉ ጉልባታደ ጎይኖፐ፥ ታን ሀዋ ኡባ ነዉ እማና” ያጌዳ።
MAT 4:10 ሄ ዎደ የሱስ ዛሪደ አ፥ “ላ ሀ ሴጻናዉ ሃካ፤ አያዉ ጎፐ፥ ጾሳ ማጻፋን፥ ‘ጎዳዉ፥ ነ ጾሳዉ ጎይና፤ አ ጻላላ ጎሸታ’ ጌተት ጻፈቴዳ” ያጌዳ።
MAT 4:11 ሄዋፐ ጉይያን፥ ጻላሂ የሱሳ አግና፥ ኪታንቻቱ ዪደ፥ አዉ ኦꬄድኖ።
MAT 4:12 ዮሃንስ ቃሸቴዳዋ የሱስ ስሴዳ ዎደ፥ ጋሊላ ጌተትያ ጋድያ ቤዳ።
MAT 4:13 ናዝሬተፐ ከሲደ፥ ቅፍርናሆማ ካታማ ቢደ፥ ያን ደኤዳ፤ ቅፍርናሆም ዛብሎናንነ ንፍታሌመ ጋድያን ደእያ ጋሊላ አባ ማታን ደኤ።
MAT 4:14 ሀዌ ሀኔዳዌ ናብያ ኢስያስ፥
MAT 4:15 “ዛብሎነ ጋድያንነ ንፍታሌመ ጋድያን፥ አባ ኦግያን ዮርዳኖሳ ሻፋፐ ሄፍንꬃ ባጋን፥ አይሁዳ ግደና አሳይ ደእያ ጋሊላን፥
MAT 4:16 ꬉማን ደእያ አሳይ፥ ዎልቃማ ፖኡዋ በኤዳ። ቃይ ሀይቁዋ ኩዋይ ደእያ ጋድያን ኡቴዳዋንቶ ፖኡ ከሴዳ” ያጌዳዌ ፖለታና ማላሳ።
MAT 4:17 ሄ ዎድያፐ ዶሚደ የሱስ፥ “ህንተ ናጋራ ፓጽተ፤ አያዉ ጎፐ፥ ሳሉዋ ካዉተꬃይ ማታቴዳ ድራሳ” ጊደ ቃላ ኦዱዋ ዶሜዳ።
MAT 4:18 የሱስ ጋሊላ አባ ማታና አꬊደ፥ ላኡ እሻቱ ጰጽሮሳ ጌተትያ ስሞንነ አ እሻ እንድራስ፥ ሞልያ ኦይቂያዋንታ ግዶ ድራዉ፥ ዳባ አባን የግያዋንታ በኤዳ።
MAT 4:19 ኡንቱንታ፥ “ታና ካልተ፤ ታን ህንተና ሞልያ ኦይቂያዋዳን አሳ ታኮ አህያ ኦግያ ታማርሳና” ያጌዳ።
MAT 4:20 ኡንቱንቱ ኤለካ ባረንቱ ዳባ አጊደ፥ የሱሳ ካሌድኖ።
MAT 4:21 የሱስ ሄዋፐ ስንꬃኮ ቢደ፥ ሀራ ላኡ እሻቱዋ፥ ዛብድዮሳ ናና ያቆባነ አ እሻ ዮሃንሳ በኤዳ፤ ኡንቱንቱ ባረንቱ አዉዋ ዛብድዮሳና ሃꬃ ቦላን ብያ ዎንግርያ ግዶን ባረንቱ ዳባ ጊግስያዋንታ በኢደ፥ ጼሴዳ።
MAT 4:22 ኡንቱንቱ ኤለካ ሃꬃን ብያ ዎንግርያነ ባረንቱ አዉዋ አጊደ፥ የሱሳ ካሌድኖ።
MAT 4:23 የሱስ አይሁዳ ዎሳ ጎለቱዋን ታማርሲደ፥ ካዉተꬃ ምሽራቹዋ ቃላ ኦዲድነ ቃይ ሀርግያ ኡባፐነ ሳኩዋ ኡባፐ አሳ ፓꬂደ፥ ጋሊላ ጋድያ ኡባን ዩዬዳ።
MAT 4:24 አ ዋሪ ሶርያ ጋድያ ኡባ ጋኬዳ፤ ዱማ ዱማ ሀርግያን ኦይቀቲደ ሀርጌዳ አሳ ኡባ፥ ጻላሀቱዋን ኦይቀቴዳዋንታ፥ ዪጩዋ ሳኩ ደእያዋንታ፥ ቃይ ጉንዴዳዋንታ አሳይ የሱሳኮ አሄዳ፤ እ ኡንቱንታ ፓꬄዳ።
MAT 4:25 ጮራ አሳይ ጋሊላፐ፥ ታሙ ካታማቱዋፐ፥ የሩሳላመፐ፥ ይሁዳፐነ ዮርዳኖሳፐ ሄፍንꬃን ደእያ ጋድያፐ የሱሳ ካሌድኖ።
MAT 5:1 የሱስ ጮራ አሳ በኢደ፥ ፑደ ደርያ ከሲደ ኡቴዳ። አ ካልያዋንቱ አኮ ሺቄድኖ።
MAT 5:2 ኡንቱንታ ሀዋዳን ያግ ታማርሱዋ ዶሜዳ።
MAT 5:3 “ባረንቱ አያና ደኡዋን፥ ህዬሳ ግዴዳዋ ኤርያዋንቱ አንጀቴዳዋንታ፤ አያዉ ጎፐ፥ ሳሉዋ ካዉተꬃይ ኡንቱንቱሳ።
MAT 5:4 ካዮትያዋንቱ አንጀቴዳዋንታ፤ አያዉ ጎፐ፥ ጾሳይ ኡንቱንታ ምንሳና።
MAT 5:5 አሽከ ግዴዳዋንቱ አንጀቴዳዋንታ፤ አያዉ ጎፐ፥ ኡንቱንቱ ሳኣ ላታና።
MAT 5:6 ጽሎተꬃ ኮሻትያዋንቱነ ሳመትያዋንቱ፥ አንጀቴዳዋንታ፤ አያዉ ጎፐ፥ ጾሳይ ኡንቱንታ ካልሳና።
MAT 5:7 ማርያዋንቱ አንጀቴዳዋንታ፤ አያዉ ጎፐ፥ ጾሳይ ኡንቱንታ ማራና።
MAT 5:8 ዎዛና ጌሻቱ አንጀቴዳዋንታ፤ አያዉ ጎፐ፥ ኡንቱንቱ ጾሳ በአና።
MAT 5:9 አሳ ስገꬅያዋንቱ አንጀቴዳዋንታ፤ አያዉ ጎፐ፥ ጾሳይ ኡንቱንታ፥ ባረ ናና ጊደ ጼሳና።
MAT 5:10 ጽሎተꬃ ድራዉ፥ የደርሰትያዋንቱ አንጀቴዳዋንታ፤ አያዉ ጎፐ፥ ሳሉዋ ካዉተꬃይ ኡንቱንቱሳ።
MAT 5:11 “ህንተ ታና ካልያ ድራዉ፥ አሳይ ህንተና ቦርያ ዎደነ ዋይስያ ዎደ፥ ቃይ ህንተ ቦላ ኢታባ ኡባ ዎርዱዋን ሃሳይያ ዎደ፥ ህንተ አንጀቴዳዋንታ።
MAT 5:12 ህንተዉ ሳሉዋን ዎልቃማ ዎይታይ ደእያ ድራዉ፥ ናሸትተ፤ ሀሹ ጊተ፤ አያዉ ጎፐ፥ አሳይ ህንተፐ ካሰ ደኤዳ ናባቱዋ ሄዋዳን የደርሴድኖ።
MAT 5:13 “አሳ ኡባዉ ህንተ ማጽነ ማላ፤ ሽን ማጽኒ ማልአና ꬋዮፐ፥ ዛሪደ አ ዎት ማልኤꬃኔ? ካረ ኦልና፥ አሳይ አ የꬍ ሀመታናፐ አትን፥ ስንꬃዉ አይነ ማደና።
MAT 5:14 “ሀ አላመዉ ህንተ ፖኦ፤ ደርያ ሁጲያን ኬጸቴዳ ካታማይ ጌማና ዳንዳየና።
MAT 5:15 ጾምፕያ ጾምፒደ፥ ሶይን ደእያ አሳ ኡባዉ ፖአና ማላ፥ ꬎቂያ ሳን ዎꬄፐ አትን፥ ካምያ ሚሻ ግዶን ቁምእ ዎꬅያ አሳይ ኦንነ ባዋ።
MAT 5:16 ሄዋዳንካ፥ አሳይ ህንተ ኦꬅያ ሎኦ ኦሱዋ በኢደ፥ ሳሉዋን ደእያ ህንተ አዉዋ ቦንቻና ማላ፥ ህንተ ፖኡ አሳ ስንꬃን ፖኦ።
MAT 5:17 “ታን ሙሴ ህግያነ ናባቱ ታማርስያዋ ꬋይሳናዉ ዬዳዋ ህንተዉ ማላቶፖ፤ ታን ፖላናዉ ዬዳዋፐ አትን፥ ꬋይሳናዉ ያበይከ።
MAT 5:18 አያዉ ጎፐ፥ ታን ህንተዉ ቱሙዋ ኦዳይ፤ ሳሉነ ሳአይ አꬋና ጋካናዉ፥ ቃይ ኡባባይካ ፖለታና ጋካናዉ፥ ህግያፐ እት ጫቻይካ ዎይ ቄር ፕዶሊካ አና።
MAT 5:19 ሄዋ ድራዉ፥ ሀ አዛዙዋ ኡባፐ ጉጽያ እት አዛዙዋ መንꬅያ ኡራይ ኦንነ፥ ቃይ ሀራቱካ ባረዋዳን ሀናናዳን ታማርስያ ኡራይ ኦንነ፥ ሳሉዋ ካዉተꬃን ኡባፐ ጉꬃ ግዳና፤ ሽን አዛዙዋ ኦꬅያዌነ ሀራንቱካ ኦꬃናዳን ታማርስያዌ ኦንነ ሳሉዋ ካዉተꬃን ꬎቃ ግዳና።
MAT 5:20 አያዉ ጎፐ፥ ህንተ ጽሎተꬃይ ሙሴ ህግያ ታማርስያዋንቱ ጽሎተꬃፐነ ፓርሳዋቱዋ ጽሎተꬃፐ ዳራና ꬋዮፐ፥ ሳሉዋ ካዉተꬃ ህንተ ሙለ ገለናዋ ታን ኦዳይ።
MAT 5:21 “በን አሳዉ፥ ‘አሳ ዎꬎፓ፤ አሳ ዎꬌዳ ኦንነ ፕርደታና’ ጌዳዋ ስሴድታ።
MAT 5:22 ሽን ታን ህንተዉ ኦዳይ፤ ባረ እሻ ሀንቀትያ ኡባይ ፕርደታና፤ ባረ እሻ ቦርያ ኡባይ ሻንጉዋ ፕርዳዉ ሺቃና፤ ቃይ ባረ እሻ፥ ‘ꬉሎዌ’ ግያ ኡባይ ጋናምያ ታማ ፕርዳዉ ሺቃና።
MAT 5:23 ሄዋ ድራዉ፥ ኔን ያርሽያሳን ያርሽሽን፥ ነ እሻ ናቄዳባይ ነዉ ሄዋን ሀሳየቶፐ፥
MAT 5:24 ነ ያርሹዋ ሄዋን አጋደ ባ፤ ካሰታደ ነ እሻና ስገታ ድጋ፤ ሄዋፐ ካላ ያደ፥ ነ ያርሹዋ ያርሻ።
MAT 5:25 “ኔና ሞትያዋና ዎዲ ደእሽን ኤለ አናና ስገታ ድጋ፤ ሄዌ ꬋዮፐ፥ እ ኔና ዳና ስንꬃ አꬃና፤ ቃይ ዳናይ ኔና ፖልሰዉ አꬅ እምና፥ ፖልሲ ኔና ቃሾ ጎለን የጋና።
MAT 5:26 ታን ነዉ ቱሙዋ ኦዳይ፤ ኔን እት ሳንትሚ አተናን፥ ነ ማጋጩዋ ዉርሳደ ጭጋና ጋካናዉ፥ ሙለካ ቃሾ ጎለፐ ከሳካ።
MAT 5:27 “ ‘ዎሹሞፓ’ ጌዳዋ ስሴድታ።
MAT 5:28 ሽን ታን ህንተዉ ያጋይ፤ ‘ማጫዉኖ ጼሊደ አሞትያ ኡባይ፥ ባረ ዎዛና ግዶን ሄ ዎደ ኢናና ዎሹሜዳ።’
MAT 5:29 ነ ኡሸቻ አይፊ ኔና ናጋራ ኦስሶፐ፥ ኔፐ ዎጫደ ኦላ አጋ፤ አያዉ ጎፐ፥ ነ ቦላይ ሙለካ ጋናምያ ታማን ኦለትያዋፐ፥ አፐ እቱ ፓጭንቶ ነዉ ሎአ።
MAT 5:30 ቃይ ነ ኡሸቻ ኩሺ ኔና ናጋራ ኦስሶፐ፥ ኔፐ ቃንጻደ ኦላ አጋ፤ አያዉ ጎፐ፥ ነ ቦላይ ሙለካ ጋናምያ ታማን ኦለትያዋፐ፥ አፐ እቱ ፓጭንቶ ነዉ ሎአ።
MAT 5:31 “ ‘ቃይ ባረ ማቻቶ የድያ ኦንነ እዞ የድያ ፓራማ እሞ’ ጌተቴዳ።
MAT 5:32 ሽን ታን ህንተዉ ያጋይ፤ ‘ባረ ማቻታ ዎሹመናን ደእሽን የድያ ኦንነ እዞ ዎሹማ ከሴ፤ ቃይ አስናይ የዴዳ ምሽራቶ አክያዌ ኦንነ ዎሹሜ።’
MAT 5:33 “ቃይ በን አሳዉ፥ ‘ዎርዱዋን ጫቆፓ፤ ሽን ነ ጎዳዉ ጫቄዳዋ ፖላ’ ጌዳዋ ስሴድታ።
MAT 5:34 ሽን ታን ህንተዉ ያጋይ፤ ‘ኡባካ ጫቆፕተ’፤ ሳሉ ጾሳ ካዉተꬃ ኦይድያ ግድያ ድራዉ፥ ‘ሳሉዋን ጫቆፕተ’
MAT 5:35 ቃይ ሳአይ አ ገዲ የꬍያ ሳ ግድያ ድራዉ፥ ‘ሳኣን ጫቆፕተ’፤ ቃይካ፥ የሩሳላመ ዎልቃማ ካትያ ካታማ ግድያ ድራዉ፥ ‘የሩሳላመንካ ጫቆፕተ’
MAT 5:36 ኔን እት ብናናካ ቦꬃ ዎይ ካረꬃ ከሳናዉ ዳንዳየና ድራዉ፥ ‘ነ ሁጲያንካ ጫቆፓ።’
MAT 5:37 ሽን ህንተ፥ ‘ኤ’ ዎይ፥ ‘ግደና’ ጊተ፤ ሀዋንቱፐ ሀራይ ሴጻናፐ ዬ።
MAT 5:38 “ ‘አይፍያ ድራዉ አይፍያ፤ አቻ ድራዉ አቻ’ ጌዳዋ ስሴድታ።
MAT 5:39 ሽን ታን ህንተዉ ያጋይ፤ ‘ህንተዉ ኢታባ ኦꬅያ ኡራዉ ኢታን ዛሮፕተ፤ ኦንነ ነ ኡሸቻ ባጋ ሻይያ ባቆፐ፥ ነ ሀድርሳ ባጋ ሻይያካ አ በሳ፤
MAT 5:40 ነ ሻምጭያ አካናዉ እት ኡራይ ኔና ሞቶፐ፥ ሄ ኡራዉ ነ ኮትያካ ጉጃ እማ።
MAT 5:41 ኦንነ ኔና እት ሳትያ ኦግያ ባረናና ባናዳን ዎልቃንꬆፐ፥ አናና ላኡ ሳትያ ኦግያ ባ።
MAT 5:42 ኔና ዎስያ ኡራዉ እማ፤ ቃይ ኔፐ ታልአና ኮይያ ኡራዉካ ድጎፓ።’
MAT 5:43 “ ‘ነ ላገꬃቱዋ ሲቃ፤ ነ ሞርክያ ሞርካ’ ጌዳዋ ስሴድታ።
MAT 5:44 ሽን ታን ህንተዉ ያጋይ፤ ሳሉዋን ደእያ ህንተ አዎ ናና ግዳና ማላ፥ ህንተ ሞርከቱዋ ሲቅተ፤ ህንተና ሸቂያዋንታ አንጅተ፤ ህንተና እጽያዋንቶ ሎኦባ ኦꬅተ፤ ህንተና የደርስያዋንቶ፥ ጾሳ ዎስተ፤ አያዉ ጎፐ፥ ኢታ አሳዉካ ሎኦ አሳዉካ ጾሳይ ባረ አዋ አዋጽሴ፤ ቃይ ጽላቶካ ናጋራንቻቶካ ባረ እራ ቡክሴ።
MAT 5:46 ህንተ ህንተና ሲቅያዋንቱ ጻላላ ሲቆፐ፥ ህንተዉ አይ ዎይታይ ደኢ? ሀራይ አቶ፥ ናጋራንቻቱካ ሄዋዳን ኦꬂኖ።
MAT 5:47 ህንተ ህንተንቱ እሻቱዋ ጻላላ ሳሮቶፐ፥ ሀራቱ ኦꬅያዋፐ አꬍያባ አያ ኦꬄድቴ? ሀራይ አቶ፥ አይሁደ ግደና አሳይካ ሄዋዳን ኦꬄ።
MAT 5:48 ሄዋ ድራዉ፥ ሳሉዋን ደእያ ህንተ አዉ ፖሎ ግዶዋዳን፥ ህንተካ ፖሎ ግድተ።
MAT 6:1 “ህንተ ሎኦ ኦሱዋ አሳ በሳናዉ አሳ ስንꬃን ኦና ማላ ናገትተ፤ ሄዌ ꬋዮፐ፥ ሳሉዋን ደእያ ህንተ አዉ ህንተዉ ጋትያ እመና።
MAT 6:2 “ሄዋ ድራዉ፥ ህንተ አዉደነ ህዬሳዉ እምያ ዎደ፥ ሎአ ማላትያ ኢታቱ ባረንታ ቦንችሳናዉ፥ አይሁዳ ዎሳ ጎለንነ ኦግያን ሀራን በኤታናዉ ኦꬅያዋዳን ኦꬆፕተ፤ ታን ህንተዉ ቱሙዋ ኦዳይ፤ ኡንቱንቱ ባረንቱ ጋትያ አክ ድጌድኖ።
MAT 6:3 ሽን ኔን ህዬሳዉ እምያ ዎደ፥ ጌማን እማናዳን፥ ነ ኡሸቻ ኩሺ ኦꬅያዋ ሀድርሳ ኩሺ ኤሮፖ። ጌማን ኦꬄዳዋ በእያ ነ አቡ፥ ነ ሎኦ ኦሱዋ ጋትያ ዛራናዋ።
MAT 6:5 “ጾሳ ዎሲደ፥ ሎአ ማላትያ ኢታቱዋዳን ሀኖፕተ፤ አያዉ ጎፐ፥ ባረንታ አሳይ በአና ማላ፥ አይሁዳ ዎሳ ጎለንነ ኦግያ ዶናን ኤቂደ፥ ጾሳ ዎስያዋ ዶሲኖ፤ ታን ህንተዉ ቱሙዋ ኦዳይ፤ ኡንቱንቱ ባረንቱ ጋትያ ኡባካ አኬድኖ።
MAT 6:6 ሽን ኔን ጾሳ ዎስያ ዎደ፥ ነ ጎለ ገላ፤ እፍꬃ ቃቻደ፥ ቤተና ነ አዉዋ ዎሳ፤ ጌማን ኦሰቶዋ በእያ ነ አቡ ነዉ እማናዋ።
MAT 6:7 “ጾሳ ህንተ ዎስያ ዎደ፥ ጾሳ አማነና አሳዳን፥ ጮ መላ ዛረꬁዋ ዳርሶፕተ፤ ኡንቱንቱ ሃሳያ ዳሩዋን ስሰቴ ጊደ ቆፒኖ።
MAT 6:8 ሄዋ ድራዉ፥ ሄ አሳዳን ሀኖፕተ፤ አያዉ ጎፐ፥ ህንተ አቡ ህንተና ኮሽያዋ ህንተንቱ ዎሳናፐ ካሰቲደ ኤሬ።
MAT 6:9 “ስም ህንተንቱ ሀዋ ማላ ዎሳ ዎስተ፤ “ ‘ሳሉዋን ደእያ ኑ አቦ፥ ነ ጌሻ ሱንꬃይ አንጀቶ።
MAT 6:10 ነ ካዉተꬃይ ዮ፤ ነ ሸኒ ሳሉዋን ሀኔዳዋዳን፥ ሳንካ ሀኖ።
MAT 6:11 ጋላሳን ጋላሳን ኮሽያ ቁማ ኑዉ ሀቼ እማ።
MAT 6:12 ኑን ኑና ናቆዋንቶ አቶ ያግያዋዳን፥ ኔንካ ኑ ናቁዋ አቶ ጋ።
MAT 6:13 ኑና ኢታባፐ አሻፐ አትን፥ ፓጭያን ገልሶፓ። ካዉተꬃይ፥ ዎልቃይነ ቦንቹ መꬍናዉካ ኔሳ። አመንእ።’
MAT 6:14 “ህንተንቱ ህንተና ናቄዳ ሀራ አሳ ናቁዋ አቶ ጎፐ፥ ሳሉዋን ደእያ ህንተንቱ አዉካ ህንተዉ አቶ ጋና።
MAT 6:15 “ሽን ህንተንቱ ህንተና ናቄዳ ሀራ አሳ ናቁዋ አቶ ጋና ꬋዮፐ፥ ህንተንቱ አዉካ ህንተ ናቁዋ አቶ ጌና።
MAT 6:16 “ቃይ ህንተንቱ ጾምያ ዎደ፥ ሎአ ማላትያ ኢታቱዋዳን፥ ካዮትያዋ ማላቶፕተ፤ አያዉ ጎፐ፥ ኡንቱንቱ ጾምያዋ አሳይ በአና ማላ፥ ባረንቱ ሶምእያ ቡላልሲኖ፤ ታን ህንተንቶ ቱሙዋ ኦዳይ፤ ኡንቱንቱ ባረንቱ ጋትያ አኬድኖ።
MAT 6:17 “ሽን ህንተንቱ ጾምያ ዎደ፥ ህንተንቱ አቡ ህንተ ጾምያዋ ኤሮፐ አትን፥ አሳይ ኤረና ማላ፥ ህንተ ሶምእያ ሜጨትተ፤ ህንተ ሁጲያካ ኦከትተ፤ ያቶፐ፥ ቤተና ህንተ አዉ ህንተንቱ ኦꬅያዋ ጌማን በኢደ፥ ህንተ ጋትያ እማናዋ።
MAT 6:19 “ሚሻ ብልአይ ምያሳንነ ብራታይ ሽኢደ ባይዝያሳን፥ ካይሱካ ቦኪደ ዉኢያሳን፥ ሀ ሳኣን ህንተንቱ ሁጲያዉ ዳጋዮፕተ።
MAT 6:20 ሽን ብልአይ ሜናሳንነ ሽኤና ሳን፥ ካይሱካ ቦኪደ ዉኤና ሳን ህንተንቱ ሁጲያዉ ሳሉዋን ሚሻ ዳጋይተ።
MAT 6:21 አያዉ ጎፐ፥ ነ ዎዛናይ ነ ሚሻይ ደእያ ሳን ደአና።
MAT 6:22 “ቦላ ፖኡ አይፍያ፤ ሄዋ ድራዉ፥ ነ አይፊ ፓጻ ግዶፐ፥ ነ ቦላ ኡባይ ፖኦ ግዳና።
MAT 6:23 ሽን ነ አይፊ ፓጻ ግዳና ꬋዮፐ፥ ነ ቦላ ኡባይ ꬉማና፤ ስም ኔናን ደእያ ፖኡ ꬉሞፐ፥ ꬉማይ አይ ኬና ዳራኔ!
MAT 6:24 “ላኡ ጎዳቶ ሞደታናዉ ዳንዳይያዌ ኦንነ ባዋ፤ አያዉ ጎፐ፥ እቱዋ እጺደ፥ የኩዋ ሲቄ፤ ዎይ እቱዋ ቦንቺደ፥ የኩዋ ካꬌ፤ እት አሳይ ጾሳዉነ ሻሎ ሞደታናዉ ዳንዳየና።
MAT 6:25 “ሄዋ ድራዉ፥ ታን ህንተንቶ ኦዳይ፤ ህንተ ደኦ ማናባዉነ ኡሻናባዉ፥ ዎይ ህንተ ቦላዉ ማያናባዉ ህርጎፕተ፤ ሸምፑ ቁማፐ አኔ? ቃይ ቦላይ ማዩዋፐ አኔ?
MAT 6:26 ፓልያ ካፋቱዋ ጼልተ፤ ኡንቱንቱ ዘርክኖ፤ ጫክክኖ፤ ድይያንካ ቆልክኖ፤ ሽን ሳሉዋን ደእያ ህንተንቱ አዉ ኡንቱንታ ምዜ፤ ህንተንቱ ኡንቱንቱፐ ሎይꬅ ዳርክቴ?
MAT 6:27 ህንተንቱ ግዶን ዳርስ ህርጊደ፥ ባረ ጌሳ ቦላ እት ዋꬋ ጉጃናዉ ዳንዳይያዌ ኦኔ?
MAT 6:28 “አያዉ ማዮ ህርጊቴ? ደምባን ደእያ ጪሻቱ ዎት ድጪኖንቶ፥ አኬክ ጼልተ፤ ኡንቱንቱ ዳቡርክኖ ዎይ ፑቱዋ ሱቂክኖ።
MAT 6:29 ሽን ታን ህንተንቶ ኦዳይ፤ ሀራይ አቶ፥ ሶሎሞነ ሄዋ ኬና ቦንቼቴዳዋ ግዲደ፥ ሄ ጪሻቱዋፐ እቱዋ ማላካ ማይቤና።
MAT 6:30 ሽን ላፋ አማኑ ደእያዋንቶ፥ ጾሳይ፥ ሀቼ ደኢደ፥ ዎንት ታማን ኤጽያ ደምባ ማታ ማይዝያዌ፥ ህንተና ኡንቱዋፐ አꬂደ ዎት ማይዘኔ?
MAT 6:31 ስም፥ ‘ኑን አያ ማኔ? ዎይ አያ ኡሻኔ? ዎይ አያ ማያኔ?’ ያጊደ ህርጎፕተ።
MAT 6:32 አያዉ ጎፐ፥ ሄ ኡባባ ጾሳ አማነናዋንቱ ዳርሲደ ኮዪኖ፤ ሄ ኡባይ ህንተና ኮሽያዋ ሳሉዋን ደእያ ህንተንቱ አዉ ኤሬ።
MAT 6:33 ሽን ካሰቲደ፥ ጾሳ ካዉተꬃነ አ ጽሎተꬃ ኮይተ፤ እ ህንተንቶ ሄ ኡባባ እማና።
MAT 6:34 ሄዋ ድራዉ፥ ዎንትባዉ ህርጎፕተ፤ አያዉ ጎፐ፥ ዎንት ጋላሳይ ባረዉ ህርጋና፤ ጋላሳ ኡባዉካ አ ሁጰዉ ግድያ ዋዪ ደኤ።
MAT 7:1 “ጾሳይ ህንተንቱ ቦላ ፕርደና ማላ፥ ህንተካ ሀራቱዋ ቦላ ፕርዶፕተ።
MAT 7:2 አያዉ ጎፐ፥ ህንተንቱ ሀራቱዋ ቦላ ፕርድያዋዳን፥ ጾሳይ ህንተንቱ ቦላ ፕርዳና፤ ቃይ ህንተንቱ ሀራቶ እማናዉ ማክያባን እ ህንተዉ ማካና።
MAT 7:3 ነ አይፍያን ደእያ ቱሳ በአካ፤ ሽን ነ እሻ አይፍያን ደእያ ሱላ አያዉ ጼላይ?
MAT 7:4 ዎይ ነ አይፍያን ቱሳይ ደእሽን፥ ኔን ነ እሻ፥ ‘ታን ነ አይፍያፐ ሱላ ከሶ’ ዋናደ ጋናዉ ዳንዳያይ?
MAT 7:5 ላ ሀ ሎኡዋ ማላትያ ኢታዉ! ካሰታደ ነ አይፍያፐ ቱሳ ከሳ ድጋ፤ ሄዋፐ ጉይያን፥ ነ እሻ አይፍያፐ ሱላ ከሳናዉ ጌሻደ ጼላናዉ ዳንዳያ።
MAT 7:6 “ጌሻባ ካናቶ እሞፕተ፤ ኡንቱንቱ ጉየ ስሚደ፥ ህንተና ሳአና። ቃይ እንቁዋ ጌተትያ ህንተንቱ አልኦ ሹቻ ጉዱንꬃቱዋ ስንꬃን ኦሎፕተ፤ ኡንቱንቱ ባረንቱ ገድያን የꬋና።
MAT 7:7 “ዎስተ፤ ህንተ አካና። ኮይተ፤ ህንተ ደማና። ካርያኮ ዪደ ጼስተ፤ ህንተዉ ፐንጊ ዶየታና።
MAT 7:8 አያዉ ጎፐ፥ ዎስያ ኡባይ አካና፤ ኮይያ ኡራይ ደማና፤ ቃይ ካርያኮ ዪደ ጼስያ ኡራዉ ፐንጊ ዶየታና።
MAT 7:9 ዎይ ህንተንቱ ግዶን ባረ ናአይ፥ ‘ኡክꬃ እማ’ ጎፐ፥ ሹቻ እምያ አዉ ደኢ?
MAT 7:10 ቃይ፥ ‘ሞልያ እማ’ ጎፐ፥ አዉ ሾሻ እማናዌ?
MAT 7:11 ህንተንቱ ኢታ ግዲደ፥ ህንተንቱ ናናቶ ሎኦባ እምያዋ ኤሮፐ፥ ያትና፥ ሳሉዋን ደእያ ህንተንቱ አዉ ባረና ዎስያዋንቶ ሎኦባ ዎት ዳርስ እመኔ!
MAT 7:12 “ሄዋ ድራዉ፥ ሀራ አሳይ ህንተዉ ኦꬃናዉ ኮይያ ኡባባ ህንተካ አሳዉ ኦꬅተ፤ አያዉ ጎፐ፥ ሙሴ ህግያ ብለꬃይነ ናባቱ ታማርስያዌ ሀዋ።
MAT 7:13 “ኡንአ ፐንግያና ገልተ። አያዉ ጎፐ፥ ባየꬃዉ አፍያ ፐንጊ አኩዋ፤ ኦጊካ ዎጋ። ሄዋና ገልያ አሳይካ ጮራ።
MAT 7:14 “ሽን፥ ደኦ አፍያ ፐንጊ ኡንአ፤ ኦጊካ ጹንꬃ። ቃይ ሄዋ ደምያዋንቱካ ጉꬃ።
MAT 7:15 “ቦላ ባጋና ዶርሳ ማላቲደ፥ ህንተኮ ይያ ዎርዶ ናባቱዋፐ ናገትተ፤ ሽን ኡንቱንቱ ጋርሳ ባጋና ዋላቱዋ ማላ።
MAT 7:16 ኡንቱንቱ አይፍያ አይፍያዋን ህንተ ኡንቱንታ ኤራና፤ አጉንꬃይ ዎደንꬃ አይፍያ አይፈና፤ ጎምኦሪካ ኮክያ አይፍያ አይፈና።
MAT 7:17 ሄዋዳንካ፥ ሎኦ ምꬃ ኡባይ ሎኦ አይፍያ አይፌ፤ ሽን ኢታ ምꬃይ ኢታ አይፍያ አይፌ።
MAT 7:18 ሎኦ ምꬃይ ኢታ አይፍያ አይፋናዉ ዳንዳየና፤ ቃይ ኢታ ምꬃይካ ሎኦ አይፍያ አይፋናዉ ዳንዳየና።
MAT 7:19 ሎኦ አይፍያ አይፈና ምꬃ ኡባይ ቃንጸቲደ፥ ታማን የገታና።
MAT 7:20 ሄዋ ድራዉ፥ ህንተ ኡንቱንቱ አይፍያ አይፍያዋን ኡንቱንታ ኤራንታ።
MAT 7:21 “ሳሉዋን ደእያ ታ አቡ ጌዳዋ ኦꬅያ ኡራይ ሳሉዋ ካዉተꬃ ገላናፐ አትን፥ ‘ጎዳዉ፥ ጎዳዉ’ ግያ ኡባይ ገለና።
MAT 7:22 ፕርዳ ጋላስ ዳሮ አሳይ ታና፥ ‘ጎዳዉ፥ ጎዳዉ፥ ኑን ነ ሱንꬃን ጾሳይ ኪቶዋ ኦድበይኮ? ነ ሱንꬃን ጻላሀቱዋ ከስበይኮ? ቃይ ኑን ጾሳይ ኦꬅያ ማላልስያባ ነ ሱንꬃን ኦꬅበይኮ?’ ያጋናዋንታ።
MAT 7:23 ታን ሄ ዎደ ኡንቱንታ፥ ‘ታን ህንተና ኡባካ ኤርከ፤ ኢታባ ኦꬅያዋንቱ ህንተ ታ ማታፐ ሃክተ’ ያጋና።
MAT 7:24 “ሄዋ ድራዉ፥ ሀዋ ታ ቃላ ስሲደ ኦꬅያ ኡባይ ምኖ ዛላ ቦላ ባረ ጎልያ ኬጼዳ ዎዛናማ አሳ ማላ።
MAT 7:25 እራይ ቡኪደ፥ ድኡ ድኤዳ፤ ጫርኩካ ጫርኪደ፥ ሄ ጎልያ ሱጌዳ። ሽን ጎሊ ምኖ ዛላ ቦላ ኬጸቴዳ ድራዉ፥ ኩንድቤና።
MAT 7:26 “ሀዋ ታ ቃላ ስሲደ ኦና አሳይ ኡባይ፥ ባረ ጎልያ ሻፍያ ቦላ ኬጼዳ ቦዛ አሳ ማላ።
MAT 7:27 እራይ ቡኪደ፥ ድኡ ድኤዳ፤ ጫርኩካ ጫርኪደ፥ ሄ ጎልያ ሱግና፥ ጎሊ ኤለካ ኩንዴዳ። ሄ ጎሊ ዎልቃማ ኩንደꬃ ኩንዴዳ።”
MAT 7:28 የሱስ ባረ ሃሳይያዋ ዉርሴዳ ዎደ፥ አሳይ እ ታማርስያዋን ማላለቴድኖ።
MAT 7:29 አያዉ ጎፐ፥ እ ኡንቱንታ ታማርሲደ፥ ሙሴ ህግያ ታማርስያዋንቱዳን ግደናን፥ ማታይ ደእያ አሳዳን ታማርሶ ድራሳ።
MAT 8:1 የሱስ ደርያፐ ዎꬌዳ ዎደ፥ ጮራ አሳይ አ ካሌዳ።
MAT 8:2 ሄ ዎደ ኦሉ ኦይቄዳ እት ብታኒ የሱሳኮ ይ አ ስንꬃን ጉልባቲደ፥ “ጎዳዉ፥ ነ ሸነ ግዶፐ፥ ታና ፓꬃደ ጌሻናዉ ዳንዳያ” ያጌዳ።
MAT 8:3 የሱስ ባረ ኩሽያ የድ አ ቦቺደ፥ “ታን ኮያይ፤ ፓጻደ ጌያ!” ያጌዳ። ኤለካ ኦሉ ብታንያ የድ አጌዳ።
MAT 8:4 የሱስ አ፥ “ስም ሀዋ ኦስነ ኦዶፓ፤ ሽን ቄሳኮ ባደ ነ ፓጻደ ጌዬዳዋ አ በሳ፤ ነ ፓጻደ ጌዬዳዋ አሳ ኤርሳናዉ ሙሴ አዛዜዳ ያርሹዋ ጾሳዉ ያርሻ” ያጌዳ።
MAT 8:5 የሱስ ቅፍርናሆማ ካታማ ገሌዳ ዎደ፥ እት ሮማ ጋደ ጼቱዋ ካፑ አኮ ዪደ፥ “ታ ጎዳዉ፥ ታ ቆማ ቦላይ ጉንድና፥ ዳሮ ሳከቲደ፥ ሶይን ግሴዳ፤ ሀያ ጎዶ ታዉ ፓꬃርኪ” ያግ ዎሴዳ።
MAT 8:7 የሱስ፥ “ታን ባደ አ ፓꬃና” ያጌዳ።
MAT 8:8 ሽን ጼቱዋ ካፑ ዛሪደ፥ “ታ ጎዳዉ፥ ኔና ታ ሶይ ገልሳናዉ ታዉ በሰና፤ ሽን ኔን ቃላ ጻላላ ሃሳያ፤ ታ ቆማይ ፓጻናዋ።
MAT 8:9 አያዉ ጎፐ፥ ታን ታፐ ቦላና ደእያዋንቶ ኤኖ ግያ አሳ፤ ቃይ ታፐ ጋርሳና ዎታዳራቱ ደኢኖ። ታን እቱዋ፥ ‘ባ!’ ጎፐ ቤ፤ ቃይ የኩዋ፥ ‘ሃያ!’ ጎፐ ዬ፤ ታ ቆማ፥ ‘ሀዋ ኦꬃ!’ ጎፐ ኦꬄ” ያጌዳ።
MAT 8:10 የሱስ ሄዋ ስሴዳ ዎደ ማላለቲደ፥ ባረና ካልያ አሳ፥ “ታን ህንተዉ ቱሙዋ ኦዳይ፤ ታን ሀዋ ማላ አማኑዋ ሀራይ አቶ፥ እስራኤልያ ጋድያንካ በአበይከ።
MAT 8:11 ጮራ አሳይ አዋይፊ ዶልያ ባጋፐነ ዉልያ ባጋፐ ዪደ፥ አብራሃሞና፥ ይሳቃናነ ያቆባና ሳሉዋ ካዉተꬃ ጋይታን እትፐ ኡታናዋንታ ያጋይ።
MAT 8:12 ሽን ካዉተꬃን ደአናዉ በስያ አሳይ ዎልቃማ ꬉማ ጋርሳ ካረ ኦለታና፤ ሄዋን ኡንቱንቱ ዬካናነ ባረንቱ አቻ ꬋቃናዋንታ” ያጌዳ።
MAT 8:13 ሄዋፐ ካላ የሱስ ጼቱዋ ካፑዋ፥ “ነ ሶይ ባ፤ ኔን አማኔዳዋዳን ነዉ ሀኖ” ያጌዳ፤ ጼቱዋ ካፑዋ ቆማይ ሄ ሳትያንካ ፓጽ አጌዳ።
MAT 8:14 የሱስ ጰጽሮሳ ሶይ ቢደ፥ አ ቦሎታታ ቆጹዋ ሀርጋደ ግሴዳዉኖ በኤዳ።
MAT 8:15 እዝ ኩሽያ የሱስ ቦችና፥ ቆጹ እዞ ባሽ አጌዳ፤ እዛካ ደንዳደ አዉ ምያባ ጊግሳዱ።
MAT 8:16 ሳአይ ኦማርሴዳ ዎደ፥ አሳይ ኢታ አያናቱ ኦይቄዳ ጮራ አሳ የሱሳኮ አሄዳ፤ ናብያ ኢስያስ፥ “እ ኑ ዳቡራ ባረዉ አኬዳ፤ ቃይ ኑ ሀርግያካ ቶኬዳ” ያጌዳዌ ፖለታና ማላ፥ የሱስ ኢታ አያናቱዋ ባረ ቃላን ከሲደ፥ ሀርጌዳ አሳ ኡባካ ፓꬄዳ።
MAT 8:18 የሱስ ጮራ አሳይ ባረ ዩሹዋን ደእያዋንታ በኢደ፥ አባፐ ሄፍንꬃ ፕናና ማላ፥ ባረና ካልያዋንታ አዛዜዳ።
MAT 8:19 ሄዋፐ ጉይያን ሙሴ ህግያ ታማርስያ እቱ አኮ ዪደ፥ “ታማርስያዎ፥ ኔን ብያሳ ኡባ ታን ኔና ካላና” ያጌዳ።
MAT 8:20 የሱስ አ፥ “ዎራካናቶ ኦላይ ደኤ፤ ካፋቱዋስካ ኬꬃይ ደኤ፤ ሽን ታዉ፥ አሳ ናአዉ፥ ሸምፓ አክያሳይካ ባዋ” ያጌዳ።
MAT 8:21 ቃይ ካልያዋንቱፐ እቱ የሱሳ፥ “ጎዳዉ፥ ታን ስንꬃታ ባደ ታ አባ ሞጋናዉ ባ ያጋርኪ” ያጌዳ።
MAT 8:22 ሽን የሱስ አ፥ “ኔን ታና ካላ፤ ሀይቄዳዋንቱ ባረንቱ አሃ ሞግኖ” ያጌዳ።
MAT 8:23 የሱስ ዎንግርያን ገሎደ፥ አ ካልያዋንቱ አናና ቤድኖ።
MAT 8:24 ቤታይ ዎንግርያ ምታና ጋካናዉ፥ አባን ዎልቃማ ሆቢ ደንዴዳ፤ ሽን የሱስ ገምእሼዳ።
MAT 8:25 አ ካልያዋንቱ አኮ ቢደ፥ ገምእሹዋፐ ደንꬄድኖ፤ ሄዋፐ ስሚደ አ፥ “ጎዳዉ፥ ኑን ꬋዬቶ፤ ኑና አሻርኪ” ያጌድኖ።
MAT 8:26 የሱስ ኡንቱንታ፥ “ሀ አማኑ ፓጬዳዋንቶ፥ አያዉ ያዪቴ?” ያጌዳ። ሄዋፐ ጉይያን ደንዲደ፥ ጎቱዋነ ቤታ አግተ ጊና፥ ጎቱነ ቤታይ ጮኡ ጌዳ።
MAT 8:27 አሳይ ማላለቲደ፥ “ሀዌ ላ ሀራይ አቶ፥ ጎቱነ ቤታይ አዛዘትያዌ አይባ አሴ?” ያጌድኖ።
MAT 8:28 የሱስ ጋሊላ አባፐ ሄፍንꬃን ደእያ ገርገሰኖና ጌተትያ ጋድያ ፕኔዳ፤ ኢታ አያናቱ ኦይቄዳ ላኡ አሳቱ ሄ ጋድያን ደእያዋንቱ ዱፉዋፐ ከሲደ፥ አናና ጋከቴድኖ። ኡንቱንቱ ዳሮ ኢታ ግድያ ድራዉ፥ ኦንነ ሄ ኦግያና አꬋናዉ ዳንዳይቤና።
MAT 8:29 ኡንቱንቱ ባረንቱ ቃላ ꬎቁ ኦꬂደ፥ “ጾሳ ናአዉ፥ ኑናና ነዉ አይ አላሊ ደኢ? ዎዲ ጋከናን ኑና ሙራናዉ ያዲ?” ያጌድኖ።
MAT 8:30 ኡንቱንቱፐ ላፋ ሃክያሳን ጉዱንꬃ ዉዲ ሄመቴ።
MAT 8:31 ኢታ አያናቱ የሱሳ፥ “ኔን ኑና ከስያዋ ግዶፐ፥ ህን ጉዱንꬃ ዉድያ ግዶ የዳርኪ” ያጊደ ዎሴድኖ።
MAT 8:32 የሱስ ኡንቱንታ፥ “ቢተ!” ጊና ኡንቱንቱ ብታናቱዋፐ ከስ ቢደ፥ ጉዱንꬃቱዋን ገሌድኖ። ጉዱንꬃ ዉዲ ኡባይ ካካ ላንቂያና ካጆቲደ፥ አባን ገሊደ፥ ምተት አጌድኖ።
MAT 8:33 ጉዱንꬃ ዉድያ ሄምያዋንቱ ባቃቲደ ካታማ ብ አጌድኖ፤ ቤዳሳን ኢታ አያናቱ ኦይቄዳ አሳቱ ሀኔዳባ ኡባ ኦዴድኖ።
MAT 8:34 ሄዋ ስሴዳ ካታማን ደእያ አሳይ ኡባይ የሱሳና ጋከታናዉ ከሴድኖ፤ አ በኤዳ ዎደ፥ ባረንቱ ጋድያፐ ባና ማላ ዎሴድኖ።
MAT 9:1 ሀዋፐ ካላ የሱስ ዎንግርያን ገሊደ፥ አባ ፕኒደ፥ ባረ ካታማ ዬዳ።
MAT 9:2 አማሬዳ አሳይ ቦላይ ጉንዴዳ እት ብታንያ ሻንቻማን ቶኪደ፥ የሱሳኮ አሄድኖ፤ የሱስ ኡንቱንቱ አማኑዋ በኢደ፥ ቦላይ ጉንዴዳ ብታንያ፥ “ታ ናአዉ፥ ያዮፓ፤ ነ ናጋራይ አቶ ጌተቴዳ” ያጌዳ።
MAT 9:3 ህግያ ታማርስያዋንቱፐ እቱ እቱ ባረንቱ ዎዛናን፥ “ላ ሀ ብታኒ ጾሳ ቦላ ኢታባ ሃሳዬቴ!” ያግ ቆፔድኖ።
MAT 9:4 የሱስ ኡንቱንቱ ቆፋ ኤሪደ፥ ኡንቱንታ ሀዋዳን ያጌዳ፤ “ህንተንቱ ህንተ ዎዛናን ሀዋ ማላ ኢታባ አያዉ ቆፒቴ?
MAT 9:5 ‘ነ ናጋራይ አቶ ጌተቴዳ’ ያግያዌ ማቴዬ? ዎይ፥ ‘ደንዳ ኤቃደ ሀመታ’ ያግያዌ ማቴ?
MAT 9:6 ሽን ሳኣ ቦላን ናጋራ አቶ ጋናዉ ታዉ፥ አሳ ናአዉ፥ ማታይ ደእያዋ ታን ህንተና ኤርሳና” ያጊደ፥ ሄዋፐ ጉየ እ ሄ ቦላይ ጉንዴዳ ብታንያ፥ “ደንዳ ኤቃ፤ ያታደ ነ ሻንቻማ ቶካደ፥ ነ ጎለ ባ” ያጌዳ።
MAT 9:7 ጉንዴዳ ብታኒካ ደንድ ኤቂደ፥ ባረ ጎለ ቤዳ።
MAT 9:8 ሽን ዳሮ አሳይ ሄዋ በኢደ ያዬድኖ፤ አሳዉ ሀዋ ማላ ማታ እሜዳ ጾሳ ጋላቴድኖ።
MAT 9:9 የሱስ ሄዋና አꬊደ፥ ማቶሳ ያግያዌ ቃራጻ ቃንጽያ ሳን ኡቴዳዋ ደሚደ አ፥ “ታና ካላ” ያጌዳ። ማቶስካ ደንድ ኤቂደ፥ አ ካሌዳ።
MAT 9:10 የሱስ ማቶሳ ጎለን ቁማ ማናዉ ኡት ደእሽን፥ ቃራጻ አክያ ጮራ አሳይነ ናጋራንቻቱ ዪደ፥ አናናነ አ ካልያዋንቱና እትፐ ጋይታን ኡቴድኖ።
MAT 9:11 እት እት ፓርሳዋቱ ሄዋ በኢደ፥ የሱሳ ካልያዋንታ፥ “ህንተና ታማርስያዌ ቃራጻ ቃንጽያዋንቱናነ ናጋራንቻቱዋና ቁማ አያዉ እትፐ ሚ?” ያጌድኖ።
MAT 9:12 ሽን የሱስ ኡንቱንቱ ያግያዋ ስሲደ፥ “ሀርጋንቻቱዋፐ አትን፥ ፓጻቶ አክሚ ኮሸና።
MAT 9:13 ሽን ህንተንቱ ቢደ፥ ጾሳ ማጻፋይ፥ ‘ታን ማሮተꬃ ኮያይፐ አትን፥ ያርሹዋ ኮይከ’ ያግያዌ ዋግያዌንቶ ኤርተ፤ አያዉ ጎፐ፥ ታን ናጋራንቻቱዋ ጼሳናዉ ዬዳዋፐ አትን፥ ጽላቱዋ ጼሳናዉ ያበይከ” ያጌዳ።
MAT 9:14 ሄ ዎደ ዮሃንሳ ካልያዋንቱ የሱሳኮ ዪደ፥ “ኑንነ ፓርሳዋቱ ኡባ ዎደ ጾሜቶ፤ ሽን ኔና ካልያዋንቱ አያዉ ጾምክኖ?” ያጊደ አ ኦቼድኖ።
MAT 9:15 የሱስ ኡንቱንታ፥ “ቡላቻ ዬዳ አሳይ ማቻቶ አክያዌ ባረንቱና ደእሽን፥ ካዮታናዉ ዳንዳዪኖ? ዳንዳይክኖ፤ ሽን ማቻቶ አክያዋ ኡንቱንቱ ማታፐ አፋና ዎዲ ያና፤ ኡንቱንቱ ሄ ዎደ ጾማናዋንታ” ያጌዳ።
MAT 9:16 “ኤጫ ማዩዋ ቦላ ኦራꬃ ፍያ ዎꬂደ ስክያ አሳይ ባዋ፤ አያዉ ጎፐ፥ ኦራꬃ ፊ ኤጫ ማዩዋ ፔሬꬃና፤ ፔꬃይካ ካሰዋፐ ዳራናዋ።
MAT 9:17 ሆኦ ዎይንያ ኤሳ ኤጫ ኦጎሩዋን ናእያ አሳይ ባዋ። ሽን ናኦፐ፥ ሄ ዎይንያ ኤሳይ ኦጎሩዋ ዳካና፤ ባረዉካ ዎፈታና፤ ኦጎሩካ ባያናዋ። ሽን፥ ሆኦ ዎይንያ ኤሳ ኦራꬃ ኦጎሩዋን ናአናዉ በሴ፤ ላኡካ ባይክኖ” ያጌዳ።
MAT 9:18 የሱስ ኡንቱንቶ ሄዋ ኦድሽን፥ አይሁደ ዎሳ ጎለ ካፓቱዋፐ እቱ አኮ ይ አ ስንꬃን ጉልባቲደ፥ “ታ ናታ ሀእ ሀይቃዱ፤ ሽን ኔን ያደ ነ ኩሽያ እዝ ቦላ ዎꬃርኪ፤ እዛ ደኡዋን ደአናዉኑ” ያጌዳ።
MAT 9:19 የሱስ ደንዲደ፥ ባረና ካልያዋንቱና እትፐ ብታንያ ካሊደ ቤዳ።
MAT 9:20 ሄ ዎደ ታማነ ላኡ ላይꬃ ኩመንꬃ፥ እዝ ቦላፐ ሱꬃይ ጎግያ እት ምሽራታ ጉየና ሺቃደ፥ የሱሳ ማዩዋ ማጫራ ቦቻዱ።
MAT 9:21 ሀዋ እዛ ኦꬆዌ፥ እዛ ባረ ዎዛናን፥ “ታን አ ማዩዋ ጻላላ ቦቻንቶ ፓጻና” ያጋደ ቆፓዱ።
MAT 9:22 ሽን የሱስ ዩይ እዞ ጼሊደ፥ “ታ ናቴ፥ ያዮፓ፤ ኔና ነ አማኑ ፓꬄዳ” ያጌዳ። ሄ ማንእያን ምሽራታ ፓጻ አጋዱ።
MAT 9:23 የሱስ አይሁዳ ዎሳ ጎለ ካፑዋ ሶይ ጋኬዳ ዎደ፥ ዬኩዋን ድንካ ፑንያ አሳነ ዬክያ አሳ በኢደ፥
MAT 9:24 “ካረ ከስተ፤ ጉꬃ ናታ ገምእሻዱፐ አትን፥ ሀይቃበይኩ” ያጌዳ። ሄዋፐ ጉይያን አሳይ አ ቦላ ዳሪ ሚጬዳ።
MAT 9:25 ሽን ጮራ አሳ ካረ እ ከሴዳዋፐ ጉይያን፥ ጎለ ገሊደ፥ ናት ኩሽያ ኦይቄዳ፤ ናታካ ደንዳ አጋዱ።
MAT 9:26 ሄ ዋሪ፥ ሄ ማንእያን ሄ ጋድያን ኡባን ስሰቴዳ።
MAT 9:27 የሱስ ሄዋና አꬊደ ብያ ዎደ፥ ላኡ ቆቃቱ ባረንቱ ቃላ ꬎቁ ኦꬂደ፥ “ዳዊተ ናአዉ፥ ኑና ማራርኪ” ያጊደ አ ካሌድኖ።
MAT 9:28 የሱስ ጎለ ገሌዳ ዎደ፥ ቆቃቱ አኮ ዬድኖ፤ የሱስ ኡንቱንታ፥ “ታን ሀዋ ኦꬃናዉ ዳንዳይያዋ አማኒቴ?” ያጌዳ። ኡንቱንቱ፥ “ኤ ጎዳዉ” ያግ ዛሬድኖ።
MAT 9:29 ሄዋፐ ጉይያን፥ የሱስ ኡንቱንቱ አይፍያ ባረ ኩሽያን ቦቺደ ኡንቱንታ፥ “ህንተዉ ህንተንቱ አማኑዋዳን ሀኖ” ያጌዳ።
MAT 9:30 ኡንቱንቱ አይፊ ዶየት አጌዳ፤ የሱስ ኡንቱንቶ፥ “ሀዋ ኦስነ ኦዶፕተ” ያጊደ ምንሲደ ኦዴዳ።
MAT 9:31 ሽን ኡንቱንቱ ቢደ፥ ሄ ጋድያ ኡባን የሱሳባ ኦዴድኖ።
MAT 9:32 ኡንቱንቱ ከሲደ ብያ ዎደ፥ አማሬዳ አሳይ ኢታ አያናይ ኦይቂና ዱዴዳ ብታንያ የሱሳኮ አሄድኖ።
MAT 9:33 የሱስ ኢታ አያና ከሴዳዋፐ ጉይያን፥ ዱደ ብታኒ ሃሳዬዳ። አሳይ፥ “ሀዌ ኦራꬃባ፤ ሀዋ ማላባይ እስራኤልያ ጋድያን ኡባካ ሀንቤና” ያግ ማላለቴድኖ።
MAT 9:34 ሽን ፓርሳዋቱ፥ “እ ኢታ አያናቱዋ ካፑዋ ዎልቃን ጻላሀቱዋ ከሴ” ያጌድኖ።
MAT 9:35 የሱስ ኡንቱንታ አይሁዳ ዎሳ ጎለቱዋን ታማርሲደነ ካዉተꬃ ዎንጋላ ምሽራቹዋ ኦዲደ፥ ቃይ ሀርግያ ኡባፐነ ሳኩዋ ኡባፐ አሳ ፓꬂደ፥ ዎጋ ካታማቱዋንነ ቄር ካታማቱዋ ኡባን ዩዬዳ።
MAT 9:36 ጮራ አሳ በኢደ፥ ሄምያ አሳይ ባይና ዶርሳዳን አሳይ ህርገትያ ድራዉነ አሳ ማድያባይ ባይና ድራዉ፥ አሳዉ ቃረቴዳ።
MAT 9:37 ያቲደ ባረና ካልያዋንታ፥ “ቆይቻዉ ጋካ ካꬃይ ዳራ፤ ሽን ጫክያ አሳይ ጉꬃ።
MAT 9:38 ስም ካꬃ ጎዳይ ካꬃ ጫካናዉ ኦሳንቻቱዋ የዳና ማላ፥ አ ዎስተ” ያጌዳ።
MAT 10:1 የሱስ ባረ ታማነ ላኡ ካልያዋንታ ጼሲደ፥ ኡንቱንቱ ኢታ አያና ከሳና ማላ፥ ቃይ ሀርግያ ኡባነ ሳኩዋ ኡባ ፓꬃና ማላ፥ ኡንቱንቶ ማታ እሜዳ።
MAT 10:2 የሱስ ኪቴዳ ታማነ ላአቱዋ ሱንꬃይ፥ ኮይሮዌ ጰጽሮሳ ጌተትያ ስሞናነ አ እሻ እንድራሳ፥ ዛብድዮሳ ናና፥ ያቆባነ ዮሃንሳ፥
MAT 10:3 ፕልጶሳ፥ ባርታላሞሳ፥ ቶማሳ፥ ቃራጻ አክያ ማቶሳ፥ እልፕዮሳ ናኣ ያቆባነ ታዶሳ፤
MAT 10:4 ባረ ጋደዉ ቃረትያ ስሞናነ የሱሳ አꬅ እሜዳ አስቆሮቱ ይሁዳ።
MAT 10:5 የሱስ ሀ ታማነ ላአቱዋ ሀዋዳን ያጊደ ኪቴዳ፤ “አይሁዳ ግደና አሳ ጋድያ ቦፕተ፤ ቃይ ሳማረቱዋ ካታማካ ገሎፕተ፤
MAT 10:6 ሄዋ ድራ ባዬዳ ዶርሳኮ፥ እስራኤልያ አሳኮ
MAT 10:7 ቢደ፥ ‘ሳሉዋ ካዉተꬃይ ማቴዳ’ ያጊደ ኦድተ።
MAT 10:8 ሀርጋንቻቱዋ ፓꬅተ፤ አሃ ሀይቁዋፐ ደንꬅተ፤ ኦሉ ኦይቄዳዋንታ ፓꬅተ፤ ኢታ አያናቱዋካ ከስተ። ህንተንቱ ጮ አኬድታ፤ ጮ እምተ።
MAT 10:9 ዎርቃ ዎይ ብራ ዎይ ሳንትምያ ህንተንቱ ኪስያን ኦይቆፕተ፤
MAT 10:10 ዎይ ኦገዉ ቃርጪትያ፥ ዎይ ላኤንꬅያ ማዩዋ፥ ዎይ ጫማ ዎይ ጻምኣ ኦይቆፕተ። አያዉ ጎፐ፥ ኦሳንቻዉ ኮሽያባይ ቁማ።
MAT 10:11 “ህንተንቱ ገልያ ካታማን ዎይ ቄር ካታማ ኡባን ህንተና ሞካናዉ ናሸትያዌ ኦነንቶ አኬካን ጾሞስተ፤ ህንተንቱ ሄዋፐ ከሳና ጋካናዉ፥ ሄዋን ኡትተ።
MAT 10:12 ቃይ ጎለ ገሊደ ሳሮትተ።
MAT 10:13 ሄ ጎለን ደእያ አሳይ ህንተና ሞኮፐ፥ ህንተንቱ ሳሮቴዳ ሳሮታይ ኡንቱንታ ጋኮ። ሽን ኡንቱንቱ ህንተና ሞከናን እጾፐ፥ ህንተንቱ ሳሮቴዳ ሳሮታይ ህንተዉ ጉየ ስሞ።
MAT 10:14 ቃይ እት እት ጎሊ ዎይ ካታማይ ህንተና ሞከናን ዎይ ህንተንቱ ኦድያዋ ስሰናን እጾፐ፥ ሄ ጎለፐ ዎይ ሄ ካታማፐ ከሲደ፥ ህንተንቱ ገድያፐ ባና ሾጭተ።
MAT 10:15 ታን ህንተዉ ቱሙዋ ኦዳይ፤ ጾሳይ ፕርድያ ጋላስ ሄ ካታማ አሳፐ፥ ሶዶማ ካታማ አሳዉነ ጋሞራ ካታማ አሳዉ ፕርዳ ካዉሽሳና።
MAT 10:16 “በእተ! ታን ህንተና ዶርሳ ዋላቱዋ ግዶ የድያዋዳን የዳይ። ሄዋ ድራዉ፥ ሾሻዳን ጭንጫ ግድተ፤ ቃይ ሀራጵያዳን፥ አሽከ ግድተ።
MAT 10:17 ሽን አሳፐ ናገትተ። አያዉ ጎፐ፥ አሳይ ህንተና ፕርዳ ጎለዉ አꬂደ እማና፤ ቃይ ባረ አይሁዳ ዎሳ ጎለቱዋንካ ህንተና ልሱዋን ፔዳና።
MAT 10:18 ጋድያ አይስያዋንቱ ስንꬃንነ ካታቱዋ ስንꬃን ታ ድራዉ ህንተንቱ ኤቂደ፥ ኡንቱንቶነ አይሁዳ ግደና አሳ ስንꬃን ታዉ ማርካ ግዳንታ።
MAT 10:19 ሽን ኡንቱንቱ ህንተና ፕርዳዉ አꬅያ ዎደ፥ ህንተንቱ ሃሳያናባ ሄ ሳትያን ጾሳይ ህንተዉ እምያ ድራዉ፥ ህንተንቱ ጋናባዉነ ዎይ ዋጊደ ሃሳያነንቶነ ህርጎፕተ።
MAT 10:20 አያዉ ጎፐ፥ ህንተንቱን አቂደ ሃሳይያዌ ህንተንቱ አዉዋ ጌሻ አያናፐ አትን፥ ሃሳይያዋንቱ ህንተንታ ግድክታ።
MAT 10:21 “እሻይ ባረ እሻ፥ አዉ ባረ ናኣ ቦላ ደንዳና፤ ናናይ ባረንቱ አትነ አዉዋ ቦላ ደንዲደ፥ ኡንቱንታ ዎꬍሳና።
MAT 10:22 ቃይ አሳይ ኡባይ ህንተንታ ታ ሱንꬃ ድራዉ እጻና፤ ሽን ዉርሰꬃይ ጋካናዉ ገንጭያዌ አታናዋ።
MAT 10:23 ኡንቱንቱ ህንተና እት ካታማፐ የደርሶፐ፥ ሀራ ካታማ ቢተ። አያዉ ጎፐ፥ ታን ህንተዉ ቱሙዋ ጋይ፤ ታን፥ አሳ ናአይ፥ ያና ጋካናዉ፥ ህንተንቱ ህንተ ኦሱዋ እስራኤልያ ካታማ ኡባን ኦꬂደ ዉርስክታ።
MAT 10:24 “ታማርያዌ ባረና ታማርስያዋፐ ዳረና፤ ቆማይካ ባረ ጎዳፐ ዳረና።
MAT 10:25 ታማርያዌ ባረና ታማርስያዋ ኬና ግድያዌ፥ ቆማይካ ባረ ጎዳ ኬና ግድያዌ አዉ ግዳና፤ ኡንቱንቱ ጎለ ጎዳ ብኤል-ዘቡላ ጊደ ጼሶፐ፥ አ ጎለ አሳ ዋግ ጼሳኔሻ!
MAT 10:26 “ስም አሳዉ ያዮፕተ፤ አያዉ ጎፐ፥ ገንꬅ ዎꬄዳባይ ቆንጭያ ከሰናን አተና፤ ቆሴዳባይካ ኤረተናን አተና።
MAT 10:27 ታን ህንተንቶ ꬉማን ኦድያባ ፖኡዋን ሃሳይተ፤ ህንተዉ ሀይꬃን ሳሱኪደ ኦዴዳዋ፥ ꬎቃሳን አዋይተ።
MAT 10:28 አሹዋ ዎꬍያዋንቶ ያዮፕተ፤ ኡንቱንቱ፥ ሸምፑዋ ዎꬋናዉ ዳንዳይክኖ። ሽን ሸምፑዋነ አሹዋ ጋናምያን ꬋይሳናዉ ዳንዳይያ ጾሳዉ ያይተ።
MAT 10:29 ላኡ ሱንያ ካፋቱ ሳንትምያን ዛልኤትክኖ? ህንተንቱ አዉዋ ሸንያ ግዳና ꬋዮፐ፥ ሄ ሱንያ ካፋቱዋፐ እትናካ ሳኣን ዎꬋደ ባዩኩ።
MAT 10:30 ሽን ሀራይ አቶ፥ ህንተንቱ ሁጲያን ደእያ ብናናይ ኡባይካ ፓይዱዋን ደኤ።
MAT 10:31 ስም ያዮፕተ፤ ዳሮ ሱንያ ካፋቱዋፐ ህንተንቱ አꬊታ።
MAT 10:32 “ሄዋ ድራዉ፥ አሳ ስንꬃን ታባ ማርካትያ ኦስ ግዶፐነ፥ ታንካ ሳሉዋን ደእያ ታ አቡ ስንꬃን ማርካታና፤
MAT 10:33 ሽን አሳ ስንꬃን ታና ካድያ ኦናነ ታንካ ቃይ ሳሉዋን ደእያ ታ አቡ ስንꬃን አ ካዳና።
MAT 10:34 “ታን ሳአዉ ሳሮተꬃ አሀናዉ ዬዳዋ ህንተዉ ማላቶፖ፤ ታን ቶራ አሀናዉ ዬዳዋፐ አትን፥ ሳሮተꬃ አሀናዉ ያበይከ።
MAT 10:35 አያዉ ጎፐ፥ ታን ናኣ አ አቡፐ፥ ናቶ እዝ ዳይፐ፥ ናኣ ማቻቶካ እዝ ቦሎታትፐ ሻካናዉ ያድ፤
MAT 10:36 አሳዉ ሞርከቱ አ ጎለ አሳቱዋ ግዳናዋንታ።
MAT 10:37 “ባረ አባ ዎይ ባረ ዳዮ ታፐ አꬂደ ሲቅያዌ ታዋ ግዳናዉ በሰና፤ ባረ አቱማ ናኣ ዎይ ባረ ማጫ ናቶ ታፐ አꬂደ ሲቅያዌ ታዋ ግዳናዉ በሰና።
MAT 10:38 ባረ ማስቃልያ ቶኪደ፥ ታ ጌዱዋ ካለናዌ ታዋ ግዳናዉ በሰና።
MAT 10:39 ባረ ሸምፑዋ አሽያዌ ባይዛናዋ፤ ሽን ታ ድራዉ ባረ ሸምፑዋ ባይዝያዌ አሻናዋ።
MAT 10:40 “ህንተንታ ሞክያዌ ታና ሞኬ፤ ቃይ ታና ሞክያዌ ታና ኪቴዳዋ ሞኬ።
MAT 10:41 ናብያ፥ ናብያ ሱንꬃን ሞክያዌ፥ ናብያ ጋትያ አናና ግሸታናዋ፤ ቃይ ጽሉዋ፥ ጽሉዋ ሱንꬃን ሞክያዌ፥ ጽሉዋ ጋትያ አናና ግሸታናዋ።
MAT 10:42 ኦንነ ሀ ታና ካልያዋንቱፐ ጉጽያ እቶ፥ ሀራይ አቶ ቡልያ ሃꬃ ጻላላ ኡሻናዉ እሞፐካ፥ ታን ህንተንቶ ቱሙዋ ጋይ፤ እ ባረ ጋትያ አካና” ያጌዳ።
MAT 11:1 የሱስ ባረ ታማነ ላኡ ካልያዋንታ አዛዝያዋ ፖሌዳ ዎደ፥ ሄዋፐ ደንዲደ፥ ካታማቱዋን ታማርሳናዉነ ኦዳናዉ ቤዳ።
MAT 11:2 ጻማቅያ ዮሃንስ ቃሾ ጎለን ደኢደ፥ የሱስ ኦꬄዳዋ ስሲደ፥ ባረና ካልያዋንታ አኮ ኪቲደ፥
MAT 11:3 “ያናዌ ኔኔየ? ዎይ ሀራ ናጋኔ?” ያግ ኦቻናዳን ኦꬄዳ።
MAT 11:4 የሱስ ዛሪደ፥ ኡንቱንቶ ሀዋዳን ያጌዳ፤ “ቢደ ህንተንቱ በእያዋነ ስስያዋ ዮሃንሳዉ ኦድተ፤
MAT 11:5 ቆቃቱ ጼሊኖ፤ ዎባቱ ሀመቲኖ፤ ኦሉ ኦይቄዳዋንቱ ፓጺደ ጌዪኖ፤ ቱላቱ ስሲኖ፤ ሀይቄዳዋንቱ ደንዲኖ፤ ህዬሳቱ ዎንጋላ ምሽራቹዋ ስሲኖ።
MAT 11:6 ታባ ስና ኡራይ አንጀቴዳዋ” ያጌዳ።
MAT 11:7 ዮሃንሳ ካልያዋንቱ ስም ቤዳ ዎደ፥ የሱስ ዮሃንሳባ ሺቄዳ አሳዉ ሀዋዳን ያግ ሃሳዬዳ፤ “አያ በአናዉ አሳይ ደኤና መላ ቢታ ከሴድቴ? ጫርኩ ቃꬅያ ማቃ በአናዉ ከሴድቴ?
MAT 11:8 ያትና፥ አያ በአናዉ ከሴድቴ? ሎእያ ማዩዋ ማዬዳ ብታንያ በአናዉ ከሴድቴ? ሎእያ ማዩዋ ማዬዳዋንቱ ካታቱዋ ጎለን ደኢኖ።
MAT 11:9 ያትና፥ አያ በአናዉ ከሴድቴ? ናብያ በአናዉ ከሴድቴ? ኤ፥ ታን ህንተዉ ኦዳይ፤ ናብያፐካ አꬍያዋ በኤድታ።
MAT 11:10 አያዉ ጎፐ፥ ጾሳ ማጻፋን፥ “ ‘ጾሳይ፥ “በአ፥ ታን ኪትያዋ ኔፐ ስንꬃዉ የዳና።” እ ነዉ ኦግያ ጊግሳናዋ’ ያጌዳ ጌተቲደ ዮሃንሳባይ ጻፈቴዳ።”
MAT 11:11 ታን ህንተንቶ ቱሙዋ ኦዳይ፤ አት ኡሉዋፐ የለቴዳ አሳ ኡባን ጻማቅያ ዮሃንሳፐ አꬍያዌ ኦንነ ደንድቤና፤ ሽን ሳሉዋ ካዉተꬃን ኡባፐ ላፍያዌ አፐ አꬋና።
MAT 11:12 ጻማቅያ ዮሃንሳ ዎድያፐ ዶሚደ፥ ሀቼ ጋካናዉ፥ ሳሉዋ ካዉተꬃታ ዳሮ ናቀታዉ፤ ምን ባጸትያዋንቱ እዞ ደሚኖ።
MAT 11:13 አያዉ ጎፐ፥ ናባቱ ኡባቱነ ሙሴ ህጊ ዮሃንሳ ዎዲ ጋካናዉ፥ ትምቢትያ ሃሳዬድኖ፤
MAT 11:14 ስም ህንተንቱ ኡንቱንቱ ሃሳዮዋ አማናናዋ ግዶፐ፥ ያናዋ ጌተቴዳ ኤላስ ሀ ዮሃንሳ።
MAT 11:15 ስስያ ሀይꬃይ ደእያዌ ስሶ!
MAT 11:16 “ሽን ታን ሀ ዎድያ አሳ አያና ሌምሶ? ኡንቱንቱ ቆጫን ኡትያ ናና ማላቲኖ፤ ኡንቱንቱ ባረንቱ ላገꬃቱዋ ጼሲደ፥
MAT 11:17 ‘ኑን ህንተንቶ ህጽጽያ ፑኔዶ፤ ሽን ዱርበይክታ፤ ዬኩዋ የꬃካ ከሴዶ፤ ሽን ዬክበይክታ’ ያጊኖ።
MAT 11:18 አያዉ ጎፐ፥ ዮሃንስ ጾሚደነ ዎይንያ ኤሳ ኡሸናን ዪና ኡንቱንቱ፥ ‘አ ቦላ ኢታ አያናይ ደኤ’ ያጌድኖ።
MAT 11:19 ታን፥ አሳ ናአይ፥ ማደነ ኡሻደ ዪና፥ ኡንቱንቱ ታና፥ ‘ሀ ናፍሳማነ ዎይንያ ኤሳ ኡሽያዋ በእተ፤ ቃራጻ ቃንጽያዋንቱናነ ናጋራንቻቱዋና ሲቀቴ’ ያጊኖ፤ ሽን ጾሳ አꬌዳ ኤራተꬃይ ባረ ኦሱዋን ቱማ ግዲደ ቤቴ” ያጌዳ።
MAT 11:20 ሄዋፐ ጉይያን፥ የሱስ ባረ ማላታፐ ዳርያ ባጋ ኦꬄዳ ካታማቱዋን ደእያ አሳይ ባረንቱ ናጋራፐ ስምቤና ድራዉ፥ ኡንቱንታ ሀዋዳን ያጊደ፥ ቶሽያ ዶሜዳ፤
MAT 11:21 “ኮራዚነ ካታማዉ፥ ነዉ አየሮ፤ ቤተሳይዳ ካታማዉ፥ ነዉካ አየሮ፤ አያዉ ጎፐ፥ ህንተንቱ ቦላ ጾሳይ ኦꬄዳ ማላታይ ጺሮሳ ካታማንነ ሲዶና ካታማን ኦሰቶዋ ግድንቶ፥ ኡንቱንቱ ማቅያ ማዪደ፥ ብድንꬃ ኦከቲደ፥ በን ባረንቱ ናጋራፐ ስማናዋንታሽን።
MAT 11:22 ታን ህንተዉ ኦዳይ፤ ፕርዳ ጋላስ ጾሳይ ህንተፐ ጺሮሳ ካታማዉነ ሲዶና ካታማዉ ፕርዳ ካዉሽሳና።
MAT 11:23 ቃይ ቅፍርናሆማ ካታማዉ፥ ኔን ሳሉዋ ፑደ ꬎቁ ጋናዉ ኮያድ? ኔን ስኦልያ ዱገ የገታና፤ አያዉ ጎፐ፥ ነ ቦላ ጾሳይ ኦꬄዳ ማላታይ ሶዶማ ካታማን ኦሰቶዋ ግድንቶ፥ ሶዶማ ካታማይ ሀቼ ጋካናስካ ደአናዋሽን።
MAT 11:24 ታን ህንተዉ ኦዳይ፤ ፕርዳ ጋላስ ጾሳይ ኔፐ ሶዶማዉ ፕርዳ ካዉሽሳና” ያጌዳ።
MAT 11:25 የሱስ ሄ ዎደ ዛሪደ፥ ሀዋዳን ያጌዳ፤ “ታ አቦ፥ ሳሉዋ ሳኣ ጎዳዉ፥ ኔን ሀዋ አꬌዳ ኤራንቻቱዋፐነ አኬካንቻቱዋፐ ገንꬃደ፥ ኤረና ናናቶ ቆንጭሴዳ ድራዉ፥ ኔና ጋላታይ፤
MAT 11:26 ኤ ታ አቦ፥ አያዉ ጎፐ፥ ሀዌ ነ ሸንያዳን ኦሰቴዳ።
MAT 11:27 “ታ አቡ ታዉ ኡባባ እሜዳ፤ አዉዋፐ ሀራይ ናኣ ኤረና፤ ናኣፐነ ናአይ አዉዋ ቆንጭሳናዉ ኮይያ አሳፐ አትን፥ ሀራይ አዉዋ ኤረና።
MAT 11:28 “ዳቡራንቻቶ፥ ዴጹዋ ቶኮዋንቶ ኡባቶ፥ ታኮ ሃ ዪተ፤ ታን ህንተንታ ሸምፕሳና።
MAT 11:29 ታን ጋራነ ታ ዎዛናን አሽከ ግዶ ድራዉ፥ ታ ሞርገ ምꬃን ዋጸትተ፤ ታፐ ታማርተ፤ ህንተንቱ ሼምፖካ ህንተ ሸምፑዋ ደማና።
MAT 11:30 አያዉ ጎፐ፥ ታ ሞርገ ምꬃይ ጊጋ፤ ቃይ ታን ህንተንታ ቶሴዳዌካ ካዉሻ” ያጌዳ።
MAT 12:1 የሱስ ሄ ዎደ ሳምባታ ጋላስ፥ ትሻ ባንጋ ግዶና አꬍሽን አ ካልያዋንቱ ኮሻቲደ፥ ትሻ ባንጋ ዱꬂደ፥ ሙሳ ዶሜድኖ።
MAT 12:2 ሽን ፓርሳዋቱ ሄዋ በኢደ የሱሳ፥ “በአ፥ ኔና ካልያዋንቱ ሳምባታ ጋላስ ኦꬃናዉ ዎጋ ግደናባ ኦꬂኖ” ያጌድኖ።
MAT 12:3 ሽን የሱስ ኡንቱንቶ ሀዋዳን ያጌዳ፤ “ዳዊተነ አናና ደእያዋንቱ ኮሻቴዳ ዎደ፥ ዳዊተ ኦꬄዳዋ ናባብ በይክቴ?
MAT 12:4 ዳዊተ ጾሳ ጎለ ገሊደ፥ ቄሳቱዋ ጻላላይ ማናፐ አትን፥ እነ አናና ደእያዋንቱ ማናዉ ዎጋ ግደና ጾሳዉ ያርሼዳ ቁማ ሜዳ።
MAT 12:5 ዎይ ሳምባታ ኡባን ጌሻ ጎልያን ደእያ ቄሳቱ ሳምባታ ዎጋ መንꬅያዋ፥ ቃይ ኡንቱንቶ ሄዌ ባይዞ ግደናዋ ሙሴ ህግያን ናባብ በይክቴ?
MAT 12:6 ሽን ታን ህንተዉ ኦዳይ፤ ጌሻ ጎልያፐ አꬍያዌ ሀዋን ደኤ።
MAT 12:7 ጾሳ ማጻፋይ፥ ‘ታን ማሮተꬃ ኮያይፐ አትን፥ ያርሹዋ ኮይከ’ ያግያዌ ዋግያዌንቶ ህንተንቱ ኤሪተንቶ፥ ባይዙ ባይና አሳ ቦላ ፕርድክታ።
MAT 12:8 አያዉ ጎፐ፥ ታን፥ አሳ ናአይ፥ ሳምባታ ጎዳ” ያጌዳ።
MAT 12:9 የሱስ ሄዋፐ ደንዲደ፥ አይሁዳ ዎሳ ጎለ ቤዳ።
MAT 12:10 ሄዋን ኩሺ ጉንዴዳ እት ብታኒ ደኤ፤ የሱሳ ሞታናዉ ጋሱዋ ኮይያ አሳቱ፥ “ሳምባታን፥ ሀርጋንቻ ፓꬅያዌ ዎጌ?” ያጊደ አ ኦቼድኖ።
MAT 12:11 የሱስ ኡንቱንታ፥ “ህንተንቱ ግዶን እት ዶርሳይ ደእያ ኡራይ፥ ሄ ዶርሳይ ሳምባታ ጋላስ ኦላን ኩንዶፐ፥ ኦይቂደ ከሰናዌ ኦኔ?
MAT 12:12 ያትና፥ አሳይ ዶርሳፐ ዎት ሎይꬂደ ዳረኔ! ሄዋ ድራዉ፥ ሳምባታ ጋላስ ሎኦባ ኦꬅያዌ ዎጋ” ያጌዳ።
MAT 12:13 ሄዋፐ ጉይያን ብታንያ፥ “ነ ኩሽያ ፕድ ኦꬃ” ያግና ብታኒ ፕድ ኦꬆዋፐ ጉይያን፥ አ ኩሺ የኮ ኩሽያዋዳንካ ፓጽ አጌዳ።
MAT 12:14 ሽን ፓርሳዋቱ ካረ ከሲደ፥ የሱሳ ዎት ዎꬋነንቶ ማቀቴድኖ።
MAT 12:15 ሽን የሱስ ኡንቱንቱ ዞረታ ኤሪደ፥ ሄዋፐ አጊደ ብያ ዎደ፥ ዳሮ አሳይ አ ካሌዳ፤ ሀርጌዳ ኡባ ፓꬄዳ።
MAT 12:16 ጾሳይ ናብያ ኢስያሳ ባጋና ኦዴዳዌ ፖለታና ማላ፥ የሱስ አሳቶ፥ “ታባ ሀራ አሳዉ ኦዶፕተ” ያጌዳ።
MAT 12:18 ጾሳይ ኢስያሳ ባጋና ሀዋዳን ያጌዳ፤ “ታን ዶሬዳ ታ አይሊ፥ ታን ሲቅያ፥ ታና ናሸችያዌ ሀዌኩ። ታን ታ አያና አ ቦላ ዎꬃና። እ ሱረ ፕርዳ አሳዉ ኡባዉ ኦዳናዋ።
MAT 12:19 እ ፓሉመተና፤ ዎይ ዋሰና። ባረ ቃላካ ኦግያን ስሰና።
MAT 12:20 ሱረ ፕርዳይ ጾን ከሳና ጋካናዉ፥ ትንጨቴዳ ማቃ መንና፤ ቃይ ጩዋትያ ሙቃዳ ቁንጩትያካ እ ቶይሰና።
MAT 12:21 አይሁዳ ግደና አሳይ ኡባይ፥ አ ቦላ ባረንቱ ህዶታ ዎꬃና” ያጌዳ።
MAT 12:22 ሄዋፐ ጉይያን፥ አማሬዳ አሳቱ ኢታ አያናይ ኦይቂና ዱዴዳ እት ቆቃ ብታንያ የሱሳኮ አሄድኖ፤ የሱስ ሄ ዱደ ብታንያ ፓꬄዳ፤ ብታኒካ ሃሳያነ ጼላ ዶሜዳ።
MAT 12:23 አሳይ ኡባይ ማላለቲደ፥ “ላ ሀዌ ዳዊተ ናኣ ግዳንዴሻ?” ያጌድኖ።
MAT 12:24 ሽን ፓርሳዋቱ ሄዋ ስሲደ፥ “ሀ ብታኒ ኢታ አያናቱዋ ካፑ ‘ብኤል-ዘቡል’ ባረዉ ዎልቃ እምና፥ ጻላሀቱዋ ከሴ” ያጌድኖ።
MAT 12:25 ሽን የሱስ ኡንቱንቱ ቆፋ ኤሪደ፥ ኡንቱንታ ሀዋዳን ያጌዳ፤ “ባረ ግዶን ሻከትያ ካዉተꬃይ ኡባይ ꬋያና፤ ቃይ ባረ ግዶን ሻከትያ ካታማይ ዎይ ጎለን ደእያ አሳይካ ምነና።
MAT 12:26 ቃይ ሴጻናይ ሴጻና ከስያዋ ግዶፐ፥ ባረ ግዶን ሻከቴ፤ ያትና፥ አ ካዉተꬃይ ዋኒደ ምን ኤቃናዌ?
MAT 12:27 ታዉ ብኤል-ዘቡል ዎልቃ እምና፥ ታን ጻላሀቱዋ ከስያዋ ግዶፐ፥ ህንተንቱ አሳዉ ዎልቃ ኦን እምና ጻላሀቱዋ ከሳኔ? ሄዋ ድራዉ፥ ኡንቱንቱ ህንተ ቦላ ፕርዳና።
MAT 12:28 ሽን ጾሳ ጌሻ አያናይ ታዉ ዎልቃ እምና፥ ታን ጻላሀቱዋ ከስያዋ ግዶፐ፥ ስም ጾሳ ካዉተꬃይ ህንተ ቦላ ይ ድጌዳ።
MAT 12:29 “ዎይ አሳይ ካሰቲደ፥ ዎልቃማ አሳ ቃቼናን ደኢደ፥ አ ጎለ ገሊደ፥ አ ሚሻ ቦንቃናዉ ዋኒደ ዳንዳዪ? ቃቼዳዋፐ ጉይያን፥ አ ሚሻ ቦንቃናዉ ዳንዳዬ።
MAT 12:30 “ታ ባጋ ግደና ኡራይ ታዋ እጼ፤ ቃይ ታናና እትፐ ሺሸናዌ ላሌ።
MAT 12:31 ሄዋ ድራዉ፥ ታን ህንተዉ ኦዳይ፤ ጾሳይ አሳዉ አይ ናጋራ ግድናካ፥ ቃይ አይ ቦረ ግድናካ አቶ ጋና፤ ሽን ጌሻ አያና ቦርያዋ አቶ ጌና።
MAT 12:32 ታ ቦላ፥ አሳ ናኣ ቦላ፥ ኢታባ ሃሳይያ ኦ ናጋራነ ጾሳይ አቶ ጋና፤ ሽን ጌሻ አያና ቦላ ኢታባ ሃሳይያ ኦ ናጋራነ ሳኣን ግድና፥ ሳሉዋንካ ጾሳይ አቶ ጌና።
MAT 12:33 “ሎኦ አይፍያ ደማናዉ ሎኦ ምꬃ ድቻናዉ በሴ፤ ኢታ ምꬃ ህንተንቱ ድቾፐ፥ ኢታ አይፍያ ደማንታ፤ አያዉ ጎፐ፥ ምꬃይ ኤረትያዌ ባረ አይፍያ አይፍያዋና።
MAT 12:34 ሾሻቶ፥ ህንተንቱ ኢታ ግዲደ፥ ዎት ሎኦባ ሃሳያናዉ ዳንዳዪቴ? አያዉ ጎፐ፥ ዶናይ ዎዛና ግዶን ኩሜዳዋ ሃሳዬ።
MAT 12:35 ሎኦ አሳይ ባረ ሎኦ ምንጁዋፐ ሎኦባ ከሴ፤ ቃይ ኢታ አሳይ ባረ ኢታ ምንጁዋፐ ኢታባ ከሴ።
MAT 12:36 ታን ህንተንቶ ኦዳይ፤ አሳይ ባረ ሃሳዬዳ ማደና ሃሳያ ኡባዉ ፕርዳ ጋላስ ዛሩዋ እማናዋ።
MAT 12:37 አያዉ ጎፐ፥ ነ ሃሳያይ ኔና ጽልሳና፤ ዎይ ነ ሃሳያይ ነ ቦላ ፕርድሳና” ያጌዳ።
MAT 12:38 ሄዋፐ ጉይያን፥ ህግያ ታማርስያ እት እት አሳይነ ፓርሳዋቱ ዛሪደ የሱሳ፥ “ታማርስያዎ፥ ኔን ማላታ ኦꬅሽን፥ ኑን በአናዉ ኮዬቶ” ያጌድኖ።
MAT 12:39 ሽን እ ዛሪደ፥ ኡንቱንቶ ሀዋዳን ያጌዳ፤ “ሀ ዎድያ አሳይ ኢታነ ጾሳ አማነና ድራዉ፥ ማላታ ኮዬ፤ ናብያ ዮናሳ ማላታፐ አትን፥ ሀራ ማላታይ እመተና።
MAT 12:40 ዮናስ ዎጋ ሞልያ ኡሉዋን ሄዙ ጋላሳነ ሄዙ ቃማ ደኤዳዋዳን፥ አሳ ናአይካ፥ ቢታ ግዶን ሄዙ ጋላሳነ ሄዙ ቃማ ደአናዋ።
MAT 12:41 ነነዌ አሳይ ዮናስ ኦዴዳዋን ባረንቱ ናጋራፐ ስሜዳ ድራዉ፥ ፕርዳ ጋላስ ደንዲደ፥ ህንተንታ ሞታናዋንታ፤ በይተ፥ ዮናሳፐ አꬍያዌ ሀዋን ደኤ።
MAT 12:42 ዱገ ባጋ ጋድያ ካታታ ሶሎሞነዉ ደእያ አꬎ ኤራተꬃ ስሳናዉ ሳኣ ጋጻፐ ዬዳ ድራዉ፥ ፕርዳ ጋላስ ደንዳደ፥ ህንተንታ ሞታናዉኑ፤ በይተ፥ ሶሎሞነፐካ አꬍያዌ ሀዋን ደኤ።
MAT 12:43 “ኢታ አያናይ አሳፐ ከሴዳ ዎደ፥ ባረዉ ሸምፕያ ሳ ኮዪደ፥ ሃꬃይ ባይና መላሳና ዩዬ፤ ሽን ደመና።
MAT 12:44 ሄ ዎደ፥ ‘ታን አጋደ ዬዳ ታ ጎለ ስማና’ ያጌ፤ ስሚደ ይያ ዎደ፥ ጎሊ መላ ደእያዋነ ፕተት ጌዪደ፥ ጊግ ኡቴዳዋ ደሜ።
MAT 12:45 ሄዋፐ ጉይያን፥ ቢደ ባረፐ ኢትያ ላፑ ሀራ አያናቱዋ አኪደ ዬ፤ ሄ አያናቱ ገሊደ፥ ሄዋን ደኢኖ። ሄ ብታንያ ደኡ ካሰዋፐ ዳሪ ኢቴ። ሀ ዎድያ ኢታ አሳዉካ ቃይ ሄዋዳን ሀናና” ያጌዳ።
MAT 12:46 የሱስ ዳሮ አሳዉ ሃሳይሽን፥ አ ዳያነ አ እሻቱ አናና ሃሳያናዉ ኮዪደ፥ ካረን ኤቄድኖ።
MAT 12:47 ሄዋን ደእያ አሳፐ እቱ አ፥ “ነ ዳያነ ነ እሻቱ ኔናና ሃሳያናዉ ኮዪደ፥ ካረን ኤቄድኖ” ያጌዳ።
MAT 12:48 ሽን የሱስ ዛሪደ፥ “ታ ዳያ ኦኔ? ታ እሻቱ ኦኔ?” ያጌዳ።
MAT 12:49 ባረ ኩሽያን ባረና ካልያዋንቱኮ ጾርሲደ፥ “በይተ፥ ታ ዳያነ ታ እሻቱ ሀዋንቱሽ።
MAT 12:50 አያዉ ጎፐ፥ ሳሉዋን ደእያ ታ አቡ ሸንያ ኦꬅያ ኡባይ፥ ታ እሻ፥ ታ ምቻቶነ ታ ዳዮ” ያጌዳ።
MAT 13:1 የሱስ ሄ ጋላስ ሶይፐ ከሲደ፥ አባ ጋጻን ኡቴዳ።
MAT 13:2 ዳሮ ጮራ አሳይ ባረ ዩሹዋን ዩይ አꬊደ ሺቅና፥ ዎንግርያ ግዶ ገሊደ ኡቴዳ፤ አሳይ ኡባይ አባ ጋጻን ኤቄዳ።
MAT 13:3 አሳዉ ሌምሱዋን ዳሮባ ሀዋዳን ያጊደ ኦዴዳ፤ “እት ብታኒ ዘረꬃ ዘራናዉ ከሴዳ።
MAT 13:4 እ ዘርሽን፥ እት እት ዘረꬃይ ኦግያ ዶናን ዎꬌዳ፤ ያትና ካፉ ዪደ ሜዳ።
MAT 13:5 ቃይ እት እት ዘረꬃይ አንጮ ግዴዳ ቢታ ቦላ ዎꬌዳ፤ ዳሮ ቢታይ ባይና ድራዉ፥ ሄ ዘረꬃይ ኤለካ ዶሌዳ።
MAT 13:6 ሽን አዋይ ከሴዳ ዎደ ጫርሻይ ሹሌዳ፤ አዱሳ ጻጱዋ የድቤና ድራዉ መል አጌዳ።
MAT 13:7 እት እት ዘረꬃይ አጉንꬃ ግዶን ዎꬌዳ፤ ሄዋን ዶሌዳዋ አጉንꬃይ ድጪደ ጩሌዳ።
MAT 13:8 እት እት ዘረꬃይ ቱኤ ቢታን ዎꬊደ ዶሌዳ፤ እቱ ጼቱ አይፍያ፥ እቱ ኡሱፑን ታሙዋ፥ እቱ ሀታሙዋ አይፌዳ።
MAT 13:9 ስስያ ሀይꬃይ ደእያ ኡራይ ስሶ!” ያጌዳ።
MAT 13:10 የሱሳ ካልያዋንቱ አኮ ሺቂደ፥ “ኔን አያዉ አሳዉ ሌምሱዋን ኦዳይ?” ያጌድኖ።
MAT 13:11 የሱስ ዛሪደ፥ ኡንቱንቶ ሀዋዳን ያጌዳ፤ “ህንተንቶ ሳሉዋ ካዉተꬃ ጹራ ኤሩሳይ እመቴዳ፤ ሽን ኡንቱንቶ እመትቤና።
MAT 13:12 አያዉ ጎፐ፥ ደእያዎ ጉጀታና፤ አዉ ዳራናዋ፤ ሽን ባይናዋፐ ሀራይ አቶ፥ ሄ ደእያዌካ አከታናዋ።
MAT 13:13 ታን ኡንቱንቱ ጼሊደ ጼለናዋዳን፥ ስሲደ ስሰናዋዳን ሀንያ ድራዉ፥ ዎይ ቃይ አኬከና ድራዉ ኡንቱንቶ ሌምሱዋን ኦዳይ።
MAT 13:14 “እስያስ ኡንቱንቱባ ሀዋዳን ኦዶዌ ፖለታናዋ፤ “ ‘ህንተንቱ ስሳ ስሳና፤ ሽን ህንተንቶ ገለና፤ ህንተንቱ ጼላ ጼላና፤ ሽን በእክታ።
MAT 13:15 አያዉ ጎፐ፥ ሀ አሳ ዎዛናይ ጉዙሜዳ፤ ባረንቱ ሀይꬃ ቱልሴድኖ፤ ባረንቱ አይፍያካ ጪሉሜድኖ። ሀዌ ባዌንቶ፥ ኡንቱንቱ ባረንቱ አይፍያን በአና፤ ባረንቱ ሀይꬃን ስሳና፤ ባረንቱ ዎዛናንካ አኬካና፤ ኡንቱንቱ ታኮ፥ ጾሳኮ ስማና፤ ታንካ ኡንቱንታ ፓꬃና’ ያጌ።
MAT 13:16 “ሽን ህንተንቱ አይፊ ጼልያ ድራዉነ ህንተንቱ ሀይꬃይካ ስስያ ድራዉ፥ ህንተንቱ አንጀቴዳዋንታ።
MAT 13:17 ታን ህንተንቶ ቱሙዋ ኦዳይ፤ ዳሮ ናባቱነ ጽላቱ ህንተንቱ በእያዋ በአናዉ አሞቴድኖ፤ ሽን በእበይክኖ። ህንተንቱ ስስያዋ ስሳናዉ አሞቴድኖ፤ ሽን ስስበይክኖ።
MAT 13:18 “ስም ካꬃ ዘርያዋ ሌምሱዋ ብለꬃይ ግያዋ ስስተ።
MAT 13:19 ካዉተꬃ ቃላ ስሲደ፥ አኬከና ኦንነ ኦግያ ዶናን ዎꬌዳ ዘረꬃ ማላ፤ ጻላህያ ካፑ ዪደ፥ ኡንቱንቱ ዎዛናን ዘረቴዳዋ ማጽ ድጌ።
MAT 13:20 አንጮ ቢታን ዎꬌዳ ዘረꬃይ ቃላ ስሲደ፥ ኤለካ ናሸቻን አክያዋንታ ማላቴ።
MAT 13:21 ሽን ሄ አሳቱ ሀእሳፐ አትን፥ ኡንቱንቱን ጻጱ ባዋ፤ ቃላ ጋሱዋን መቱ ዎይ የደሳይ ይያ ዎደ፥ ኤለካ ꬉበት አጊኖ።
MAT 13:22 ቃይ አጉንꬃ ግዶን ዎꬌዳዌ ቃላ ስስያዋ በሴ፤ ሽን ሀ ሳኣ ደኦ ህርጉሳይነ ዱረተꬃ ሲቁሳይ ቃላ ጩሌ፤ ሀ ጋሱዋን ሄ ዘረꬃይካ አይፈናን አት አጌ።
MAT 13:23 ቱኤ ቢታን ዘረቴዳዌ፥ ቃላ ስሲደ፥ አኬክያ አሳ በሴ፤ እካ አይፌ፤ እቱ ጼቱዋ፥ እቱ ኡሱፑን ታሙዋ፥ እቱ ሀታሙዋ አይፌ” ያጌዳ።
MAT 13:24 የሱስ ኡንቱንቶ ሀራ ሌምሱዋ ሀዋዳን ያጊደ ኦዴዳ፤ “ሳሉዋ ካዉተꬃይ ባረ ጎሻን ሎኦ ዘረꬃ ዘሬዳ ብታንያ ማላቴ።
MAT 13:25 ሽን ቃማ አሳይ ገምእሽድግና፥ አ ሞርኪ ዪደ፥ ዛርጋ ዘሬዳዋ ቦላ ዛርንግያ ዘሪደ ቤዳ።
MAT 13:26 ሽን ዛርጋይ ዶል አይፌዳ ዎደ፥ ዛርንጊ ሄ ዎደ ቤቴዳ።
MAT 13:27 “አ ቆማቱ አኮ ዪደ፥ ‘ጎዳዉ፥ ኔን ነ ጎሻን ሎኦ ዘረꬃ ዘራበይኪ? ያትና፥ ዛርንጊ ሀቃፐ ዬዴ?’ ያጌድኖ።
MAT 13:28 “ሄዋፐ ጉይያን ጎዳይ፥ ‘ሄዋ ሞርኪ ኦꬄዳ’ ያጌዳ። ቆማቱ፥ ‘ኑን ቢደ ሾዳናዳን ዶሳይ?’ ያጌድኖ።
MAT 13:29 “ሽን እ፥ ‘አግተ፥ ዛርንግያ ህንተንቱ ሾዲደ፥ ዛርጋና ሾዳንታ።
MAT 13:30 ቦቾፕተ፤ ቆይጭያ ዎዲ ጋካናዉ፥ እትፐ ድጭኖ። ቆይጭያ ዎዲ ጋኮደ፥ ታን ቆይጭያዋንታ፥ ካሰቲደ ዛርንግያ ማጽተ፤ ታማን ጉዳናዉ ፖችያን ፖችያን ቃችተ፤ ሽን ዛርጋ ሺሺደ ድይያን ቆልተ’ ጋና” ያጌዳ።
MAT 13:31 የሱስ ኡንቱንቶ ሀራ ሌምሱዋ ያጊደ ኦዴዳ፤ “ሳሉዋ ካዉተꬃይ ሳናፍጭያ ጌተትያ ጉꬃ ምꬃት አይፍያ ማላቴ፤ ሄ ምꬃት አይፍያ አሳይ አኪደ፥ ባረ ጎሻን ዘሬዳ።
MAT 13:32 ሄ ዘረꬃታ ሀራ ዘረꬃ ኡባፐ ጉጻዉ፤ ሽን ድጬዳ ዎደ፥ ሀራ አታክልትያ ኡባፐ ዳራዉ፤ ካፉ ዪደ፥ እዝ ቃንካን ኬጽያዋ ኬና ዎጋ ምꬃ ግዳዱ” ያጌዳ።
MAT 13:33 ቃይ የሱስ ሀራ ሌምሱዋ ኡንቱንቶ ያጊደ ኦዴዳ፤ “ሳሉዋ ካዉተꬃይ እት ምሽራታ ሄዙ ከርያ ꬊልያ አካደ፥ ሙናቄዳ ሙናቃይ ኡባይ ደንዳና ጋካናዉ፥ አን ትጌዳ እርሹዋ ማላቴ” ያጌዳ።
MAT 13:34 የሱስ አሳዉ ሄ ኡባ ሌምሱዋን ኦዴዳ፤ ሌምሱ ባይናን እ እትባካ ኦደና፤ ናቢ፥ “ታን ኡንቱንቶ ሃሳይያ ዎደ፥ ሌምሱዋን ሃሳያይ። አላሚ መቶደፐ ዶሚደ ጌሜዳ የዋቱዋ ኦዳይ” ያጌዳዌ ፖለታና ማላ፥ ሄዋ እ ኦዴዳ።
MAT 13:36 ሄዋፐ ጉይያን፥ የሱስ አሳ አጊደ፥ ሶይ ገሌዳ፤ አ ካልያዋንቱ አኮ ቢደ፥ “ጎሻን ደእያ ዛርንግያ ሌምሱዋ ብለꬃ ኑዉ ኦዳ” ያጌድኖ።
MAT 13:37 የሱስ ዛሪደ፥ ሀዋዳን ያጌዳ፤ “ሎኦ ዘረꬃ ዘርያዌ አሳ ናኣ፤
MAT 13:38 ጎሻይ ሀ አላምያ፤ ሎኦ ዘረꬃይ ጾሳ ካዉተꬃ አሳ፤ ዛርንጊ ጻላህያ ካፑዋ ናና።
MAT 13:39 ዛርንግያ ዘሬዳዌ ሞርክያ ጻላህያ፤ ቆይቻ ዎዲ፥ ዎድያ ዉርሰꬃ፤ ቃይ ቆይጭያዋንቱ ኪታንቻቱዋ።
MAT 13:40 “ሄዋ ድራዉ፥ ዛርንግያ ማጺደ፥ ታማን ጉድያዋዳን፥ ዎድያ ዉርሰꬃን ሄዋ ማላ ግዳናዋ።
MAT 13:41 አሳ ናአይ፥ ኪታንቻቱዋ ኪታናዋ፤ ኡንቱንቱ አ ካዉተꬃ ግዶን ናጋራዉ ጋሶ ግድያ ኡባቱዋነ ኢታባ ኦꬅያዋንታ ማጺደ ከሳናዋንታ።
MAT 13:42 ያቲደ ቶኤና ታማን ኦላናዋንታ፤ ሄዋን ኡንቱንቱ ዬካናዋንታነ አቻ ꬋቃናዋንታ።
MAT 13:43 ሄ ዎደ ጽላቱ ባረንቱ አቡ ካዉተꬃን አዋዳን ፖአና። ስስያ ሀይꬃይ ደእያ ኡራይ ስሶ!
MAT 13:44 “ሳሉዋ ካዉተꬃይ ጎሻን ሞገቴዳ ሚሻ በሴ፤ እት ብታኒ ሄ ሚሻ ደሚደ፥ ዛሪደ ሞግ አጌዳ፤ ዳሮ ናሸቲደ ቢደ፥ ባረዉ ደእያዋ ኡባ ዛልኢደ፥ ሄ ጎሻ ሻሜዳ።
MAT 13:45 “ቃይ ሳሉዋ ካዉተꬃይ እንቁዋ ጌተትያ ዳሮ አልኦ ሹቻ ሻማናዉ ኮይያ ዛልአንቻ ማላቴ።
MAT 13:46 ሄ ዛልአንቻይ ዳሮ አልኦ እንቁዋ ደሚደ፥ ቢደ ባረዉ ደእያዋ ኡባ ዛልኢደ፥ አ ሻሜዳ።
MAT 13:47 “ቃይ ሳሉዋ ካዉተꬃይ ኡባ ቆሞ ሞልያ ኦይቂያ፥ አባን የገቴዳ ዳባ ማላቴ።
MAT 13:48 ሞሊ ዳባ ኩሜዳ ዎደ፥ ሞልያ ኦይቂያ አሳቱ አባፐ ጋጻ ከሲደ ኡቴድኖ፤ ያቲደ ሎኦ ሞልያ ቆሪደ፥ የግያ ሚሻን የጌድኖ፤ ሽን ኢታ ሞልያ ዎራ ኦሌድኖ።
MAT 13:49 ዎድያ ዉርሰꬃን ሄዋዳን ሀናና፤ ኪታንቻቱ ዪደ፥ ናጋራንቻቱዋ ጽላቱዋ ግዶፐ ቆሪደ፥
MAT 13:50 ቶኤና ታማን ኦላናዋንታ፤ ሄዋን ኡንቱንቱ ዬካናዋንታነ አቻ ꬋቃናዋንታ።
MAT 13:51 “ሀዌ ኡባይ ህንተንቶ ገሌዴ?” ያጊደ ኡንቱንታ ኦቼዳ። ኡንቱንቱ፥ “ኤ” ያጌድኖ።
MAT 13:52 እ፥ “ሄዋ ድራዉ፥ ሳሉዋ ካዉተꬃ ጹራ ሎይꬅ ኤርያ፥ ህግያ ታማርስያ ኡባይ፥ ባረ ሚሻ ሺሽ ዎꬄዳ ጎልያፐ ኦራꬃ ሚሻነ ኤጫ ሚሻ ሻክ ከስያ እዛዋ ማላቴ” ያግ ዛሬዳ።
MAT 13:53 የሱስ ሀ ሌምሳቱዋ ኦድ ዉርሶዋፐ ጉይያን፥ ሄዋፐ ደንዲደ፥
MAT 13:54 ባረ ካታማ ናዝሬተ ቤዳ። አይሁዳ ዎሳ ጎለን ታማርስያዋ ስሴዳ አሳይ ማላለቲደ፥ ሀዋዳን ያጌዳ፤ “ሀዌ ሀ አꬎ ኤራተꬃነ ጾሳይ ኦꬅያ ማላታ ኦꬃናዉ ዎልቃ ሀቃፐ አኬዴ?
MAT 13:55 ሀዌ አናጽያ ናኣ ግደኔ? አ ዳያ ማይራሞ ግደኬ? አ እሻቱ ያቆባ፥ ዮሴፎ፥ ስሞናነ ይሁዳ ግድክኖ?
MAT 13:56 አ ምቻቱ ኡባይ ኑናና ደእክኖ? ያትና፥ እ ሀ ኤራ ኡባ ሀቃፐ ደሜዴ?” ያጌድኖ።
MAT 13:57 ኡንቱንቱ እ ግያባ አከናን እጼድኖ። ሽን የሱስ ሄ አሳዉ፥ “ናቢ ባረ ጋድያንነ ባረ ሶይ አሳን ቦንቼተና፤ ሽን ሀራሳ ኡባን ቦንቼቴ” ያጌዳ።
MAT 13:58 ኡንቱንቱ አማንቤና ድራዉ፥ የሱስ ዳሮ ማላታ ሄ ሳን ኦꬅቤና።
MAT 14:1 ሄ ዎደ ጋሊላ ጋድያ አይስያ ሄሮድሰ የሱሳባ ስሴዳ፤
MAT 14:2 ያቲደ ባረ ቆማቶ፥ “ሀዌ ሀይቁዋፐ ደንዴዳ ጻማቅያ ዮሃንሳ፤ ጾሳይ ኦꬅያ ዎልቃማ ማላታ እ ኦꬅያዌ ሄዋሳ” ያጌዳ።
MAT 14:3 አያዉ ጎፐ፥ ሄሮድስ ባረ እሻ ፕልጶሳ ማቻት ሄሮድያድ ጋሶታን ዮሃንሳ ኦይꬅ ቃሽሲደ፥ ቃሾ ጎለን የግ ዎꬄዳ።
MAT 14:4 አያዉ ጎፐ፥ ዮሃንስ ሄሮድሳ፥ “ኔን ሄሮድያዶ፥ ነ እሻ ማቻቶ አካናዉ ህጊ ድጌ” ያጌዳ።
MAT 14:5 ሄሮድስ ዮሃንሳ ዎꬋናዉ ኮዬዳ፤ ሽን ይሁዳ አሳይ ናብያዳን ዮሃንሳ ጼሌዳ ድራዉ፥ አሳዉ ያዬዳ።
MAT 14:6 ሽን ሄሮድስ የለቴዳ ጋላሳ ባላይ ጋክና፥ ሄሮድያድ ናታ አሳ ስንꬃን ዱራደ ሄሮድሳ ናሸቻዉ።
MAT 14:7 ሄሮድስ ናቶ፥ “ኔና ሎኤዳዋ አያነ ግዶፐ፥ ታና ኦቻ፤ ታን ነዉ እማና” ያጊደ እዝዉ ጫቄዳ።
MAT 14:8 ናታ ባረ ዳይ ዞርያ አካደ ሄሮድሳ፥ “ጻማቅያ ዮሃንሳ ሁጲያ ሀ ዎጪትያን ዎꬃደ ታዉ እማ” ያጋዱ።
MAT 14:9 ካቲ አዉ ቃረቴዳ፤ ሽን ባረ ጫቁዋ ድራዉነ ባረናና ማዳን ኡቴዳ እማꬃ ድራዉ፥ እዝዉ ዮሃንሳ ሁጲ እመታና ማላ አዛዜዳ።
MAT 14:10 ካቲ ኪቲደ፥ ዮሃንሳ ቆꬍያ ቃሾ ጎለን ሙጭሴዳ።
MAT 14:11 ሁጲያ ዎጪትያን ዎꬅ አሂደ፥ ናትዉ እሜድኖ፤ ናታ ሄ ሁጲያ ባረ አትኮ አፋዱ።
MAT 14:12 ዮሃንሳ ካልያዋንቱ ዪደ፥ አ አሃ አፊደ ሞጌድኖ፤ ሄዋፐ ስሚደ ሀ የዉዋ የሱሳዉ ቢደ ኦዴድኖ።
MAT 14:13 የሱስ ሄዋ ስሲደ፥ ዎንግርያን ገሊደ፥ ሄዋፐ ባረካ አሳይ ባይናሳ ቤዳ፤ አሳይ ሄዋ ስሲደ፥ ካታማፐ ደንዲደ፥ ገድያን አ ካሌድኖ።
MAT 14:14 የሱስ ዎንግርያፐ ከሴዳ ዎደ፥ ዳሮ አሳ በኢደ፥ ሄ አሳዉ ቃረቴዳ፤ ያቲደ ኡንቱንቱና ደእያ ሀርጋንቻቱዋ ፓꬄዳ።
MAT 14:15 ሳአይ ኦማርስያ ዎደ፥ የሱሳ ካልያዋንቱ አኮ ዪደ፥ “ሀዌ ሳአይ አሳይ ባይናሳ፤ ሀእ ሳአይ ቃም ድጌዳ፤ አሳይ ኡባይ ቄር ካታማቱዋ ቢደ፥ ባረንቶ ቁማ ሻማና ማላ፥ አሳ ሞይዛ” ያጌድኖ።
MAT 14:16 ሽን የሱስ ኡንቱንታ፥ “አሳይ ባናዉ ኮሸና፤ አሳዉ ሜተትያባ ህንተንቱ እምተ” ያጌዳ።
MAT 14:17 ኡንቱንቱ ዛሪደ አ፥ “ኑዉ ሀዋን እቼሹ ኡክꬃፐነ ላኡ ሞልያፐ አትን፥ ሀራይ ባዋ” ያጌድኖ።
MAT 14:18 የሱስ ኡንቱንታ፥ “ሄዋንታ፥ ሃ ታኮ አህተ” ያጌዳ።
MAT 14:19 አሳይ ማታን ኡታና ማላ፥ የሱስ አዛዜዳ፤ እቼሹ ኡክꬃነ ላኡ ሞልያ ኦይቂደ፥ ሳሉዋ ፑደ ጼሊደ፥ ጾሳ ጋላቴዳ፤ ሄ ኡክꬃ መንꬂደ፥ ባረና ካልያዋንቶ እምና፥ ኡንቱንቱ ጮራ አሳዉ ግሼድኖ።
MAT 14:20 አሳይ ኡባይ ሚደ ካሌዳ፤ አቴዳ ሱፓ ዶካ ታማነ ላኡ ዛምቤልያ ኩሜዳዋ ደንꬄድኖ።
MAT 14:21 ሜዳ አሳይ ማጫ አሳነ ናና ፓይደናን፥ እቼሹ ሻኣ ግድያዋ ኬና።
MAT 14:22 የሱስ ጮራ አሳ ሞይዚደ፥ ባረና ካልያዋንታ ዎንግርያን ገሊደ፥ ባረፐ ስንꬃቲደ፥ አባፐ ሄፍንꬃ ፕናና ማላ አዛዜዳ።
MAT 14:23 አሳ ሞይዚደ፥ ጾሳ ዎሳናዉ ደርያ ሁጲያ ባረካ ከሴዳ፤ ሳአይ ቃም ድግናካ ሄዋን ባረካ ደኤ።
MAT 14:24 ሽን ዎንግሪ ሄ ዎደ፥ አባ ቦላን ደእሽን፥ ስንꬃ ባጋና ጫርኩ ጫርክያ ድራዉ፥ ቤታይ ዎንግርያ ያነ ሃነ ሱጌ።
MAT 14:25 ባይራ ኩቱ ዋስ ስምና፥ የሱስ አባ ቦላ ሀመቲደ፥ ኡንቱንቱኮ ዬዳ።
MAT 14:26 አ ካልያዋንቱ አባ ቦላ እ ሀመትሽን በእ ዳጋሚደ፥ “ሀዌ ሞይትልያ ግደኔ!” ግ ያዪደ ዋሴድኖ።
MAT 14:27 ሽን የሱስ ኤለካ ኡንቱንታ፥ “አይነ ባዋ፤ ታናተ፤ ያዮፕተ!” ያጌዳ።
MAT 14:28 ጰጽሮስ ዛሪደ አ፥ “ታ ጎዳዉ፥ ሀዌ ኔና ግዶፐ፥ ታን ሃꬃ ቦላና ኔኮ ባና ማላ፥ ታና አዛዛርኪ” ያጌዳ።
MAT 14:29 የሱስ ጰጽሮሳ፥ “ሃያ!” ያጌዳ። ጰጽሮስ ዎንግርያፐ ዎꬊደ፥ ሃꬃ ቦላና ሀመቲደ፥ የሱሳኮ ቡሳ ዶሜዳ።
MAT 14:30 ሽን ጫርኩዋ ዎልቃ በኢደ፥ ያዬዳ፤ ሃꬃይ ባረና ምቱዋ ዶሜዳ ዎደ፥ ባረ ኮሻ ꬎቁ ኦꬂደ፥ “ታ ጎዳዉ ታና አሻርኪ!” ያግ ዋሴዳ።
MAT 14:31 ሄ ማንእያን የሱስ ባረ ኩሽያ የድ ጰጽሮሳ ኦይቂደ፥ “ላ ሀ አማኑ ላፌዳዎ! አያዉ ስꬋዲ?” ያጌዳ።
MAT 14:32 ኡንቱንቱ ላኡ ዎንግርያን ገሌዳ ዎደ፥ ጫርኩ ዎፑ ጌዳ።
MAT 14:33 ዎንግርያ ግዶን ደእያ አ ካልያዋንቱ የሱሳ፥ “ኔን ጾሳ ናኣ ግዴዳዌ ቱማ” ያጊደ አዉ ጎይኔድኖ።
MAT 14:34 ኡንቱንቱ አባ ፕኒደ፥ ገንሳሬጻ ጌተትያ ጋድያ ጋኬድኖ።
MAT 14:35 ሄ ጋድያ አሳይ የሱሳ ግድያዋ ኤሬድኖ፤ ሄዋ ሄራ ጋድያ ኡባ ኪቲደ፥ ሀርግያ አሳ ኡባ አኮ አሄድኖ።
MAT 14:36 ሀርግያ አሳይ አ ማዩዋ ማጫራ ጻላላ ቦቻና ማላ፥ አ ዎሴድኖ፤ አ ማዩዋ ማጫራ ቦቼዳ ኡባይካ ፓጼዳ።
MAT 15:1 ሄዋፐ ጉይያን፥ ህግያ ታማርስያ እት እት አሳይነ ፓርሳዋቱ የሩሳላመፐ የሱሳኮ ዪደ፥
MAT 15:2 “ኔና ካልያዋንቱ አያዉ ኑ አዎቱዋ ዎጋ ባይዚኖ? አያዉ ጎፐ፥ ኡንቱንቱ ቁማ ማናፐ ካሰቲደ፥ ባረንቱ ኩሽያ ሜጨትክኖ” ያጌድኖ።
MAT 15:3 የሱስ ዛሪደ፥ ኡንቱንታ ሀዋዳን ያጌዳ፤ “ህንተንቱ ህንተ ዎጋ ድራዉ፥ ጾሳ አዛዙዋ ፖልያዋ አያዉ እጺቴ?
MAT 15:4 አያዉ ጎፐ ጾሳይ፥ ‘ነ አባነ ነ ዳዮ ቦንቻ’ ቃይ፥ ባረ አባ ዎይ ባረ ዳዮ ቦርያዌ ሀይቆ ያጌዳ።
MAT 15:5 ሽን ህንተንቱ፥ ‘እት አሳይ ባረ አባ ዎይ ባረ ዳዮ ማድያባይ ባረዉ ደኢና፥ ሄዌ ጾሳዋ ጎፐ፥ ባረ አባ ዎይ ባረ ዳዮ ቦንቻናዉ በሰና’ ያጊታ፤ ያቲደ ህንተንቱ ህንተንቱ ዎጋ ፖላናዉ ጾሳ ቃላዉ አዛዘትክታ።
MAT 15:7 ሀ ሎአ ማላትያ ኢታ አሳቶ፥ እስያስ ባለናን ህንተንቱባዉ ትምቢትያ ኦዲደ፥
MAT 15:8 “ ‘ጾሳይ ሀዋዳን ያጌዳ፤ “ሀዌ አሳይ ታና፥ ባረ ቦላ ዶናን ቦንቼ፤ ሽን ኡንቱንቱ ዎዛናይ፥ ታፐ ሃኩዋን ደኤ።
MAT 15:9 አሳይ ታዉ መላ ጎይኔ፤ አያዉ ጎፐ፥ አሳይ ኦꬄዳ አዛዙዋ፥ ጾሳ ህግያ ማላትሲደ፥ ታማርሴድኖ” ጌዳ’ ” ያጌዳ።
MAT 15:10 የሱስ ዳሮ አሳ ባረኮ ጼሲደ፥ “ስስተነ አኬክተ፤
MAT 15:11 አሳ ቱንስያዌ ዶና ግዶ ገልያዋ ግደና፤ ሽን አሳ ቱንስያዌ ዶናፐ ከስያዋ” ያጌዳ።
MAT 15:12 ሄዋፐ ጉይያን፥ አ ካልያዋንቱ አኮ ዪደ፥ “ፓርሳዋቱ ኔን ሃሳዬዳዋ ስሲደ፥ ሀንቀቴዳዋ አኬካይ?” ያጌድኖ።
MAT 15:13 ሽን የሱስ ዛሪደ፥ “ሳሉዋን ደእያ ታ አቡ ቶክቤና ምꬃ ኡባይ ሾደታናዋ።
MAT 15:14 ኡንቱንቶ ህርጎፕተ፤ ኡንቱንቱ ቆቃ ካለꬅያ ቆቃቱዋ፤ ቆቃይ ቆቃ ካለꬆፐ፥ ላኡካ ኦላን ኩንዴ” ያጌዳ።
MAT 15:15 ጰጽሮስ ዛሪደ፥ “ሀ ሌምሱዋ ብለꬃ ኑዉ ኦዳርኪ” ያጌዳ።
MAT 15:16 የሱስ ኡንቱንታ ሀዋዳን ያጌዳ፤ “ህንተንቶ ቃይ ሀእ ጋካናዉካ ገልቤኔ?
MAT 15:17 ዶናና ገልያ ኡባይ ኡሉዋ ግዶ ቢደ፥ ቃይ ኡሉዋፐ ካረ ከስያዋ ኤርክቴ?
MAT 15:18 ሽን ዶናፐ ከስያዌ ዎዛናፐ ከሴ፤ አሳ ቱንስያዌ ሄዋ ማላ።
MAT 15:19 አያዉ ጎፐ፥ ዎዛና ግዶፐ ኢታ ቆፋይ፥ ዎꬍያዌ፥ ዎሹምያዌ፥ ቃይ ዎሹማናዉ ካጄልያዌ ኡባይ፥ ዉእያዌ፥ ዎርዱዋን ማርካትያዌ፥ ቦሪ ከሴ።
MAT 15:20 ሄዋ ማላትያዌ አሳ ቱንስያዋፐ አትን፥ ሜጭቤና ኩሽያን ምያዌ አሳ ቱንሰና” ያጌዳ።
MAT 15:21 ሄዋፐ ጉይያን፥ የሱስ ሄዋፐ አጊደ፥ ጺሮሳነ ሲዶና ጌተትያ ካታማቱ ደእያ ጋድያ ቤዳ።
MAT 15:22 ካናነ ጌተትያ ጋድያ ማጫዉና እትና ሄዋፐ የሱሳኮ ያደ፥ ባረ ኮሻ ꬎቁ ኦꬃደ፥ “ታ ጎዳዉ፥ ዳዊታ ናአዉ፥ ታዉ ቃረታርኪ፤ ታ ናቶ ኢታ አያናይ ሎኤና ኦይꬃ ኦይቄዳ” ያጋዱ።
MAT 15:23 ሽን የሱስ እዝዉ አይ ቃላነ ቃትቤና፤ አ ካልያዋንቱ አኮ ዪደ፥ “ሀ ምሽራታ ኑ ጌዱዋ ካላ ካላደ፥ ባረ ኮሻ ꬎቁ ኦꬃደ ኦዳዉ፤ ሄዋ ድራዉ፥ ኔን እዞ የዳርኪ” ያጊደ ዎሴድኖ።
MAT 15:24 የሱስ ዛሪደ፥ “ታን ባዬዳ ዶርሳዉ፥ እስራኤልያ አሳ ጻላላዉ ኪተታድ” ያጌዳ።
MAT 15:25 ሽን እዛ ያደ፥ “ታ ጎዳዉ፥ ታና ማዳርኪ!” ያጋደ አዉ ጎይናዱ።
MAT 15:26 ቃይ እ ዛሪደ፥ “ናና ቁማ አኪደ፥ ካና ማራዉ ኦልያዌ ሎአ ግደና” ያጌዳ።
MAT 15:27 ምሽራታ፥ “ኤ ታ ጎዳዉ፥ ሄዌ ቱማ፤ ሽን ሀራይ አቶ ካና ማራቱ ባረንቱ ጎዳቱ ሚና፥ ሳምፓፐ ላለቴዳ ሱፓ ሚኖተኔ” ያጋዱ።
MAT 15:28 የሱስ ዛሪደ እዞ፥ “ሀ ምሽራቴ፥ ነ አማኑ ዎልቃማ፤ ኔን ኮዬዳዋዳን ነዉ ሀኖ” ያጌዳ። እዝ ናታ ኤለካ ፓጻ አጋዱ።
MAT 15:29 የሱስ ሄዋፐ ደንዲደ፥ ጋሊላ አባ ማታ ቤዳ፤ ቃይ እት ደርያ ቦላ ከሲደ፥ ሄዋን ኡቴዳ።
MAT 15:30 ዳሮ አሳይ ዎባቱዋ፥ ቆቃቱዋ፥ ቁናቱዋነ ዱደቱዋ፥ ቃይ ሀራ ጮራቱዋ አኮ አሂደ፥ አ ማታን ዎꬄዳ። የሱስ ኡንቱንታ ፓꬄዳ።
MAT 15:31 ሄዋ ድራዉ፥ አሳይ ዱዳቱ ሃሳይሽን፥ ቁናቱ ሱርሽን ዎባቱ ሀመትሽን፥ ቆቃቱ ጼልሽን በእ ማላለቲደ፥ እስራኤልያ ጾሳ ጋላቴድኖ።
MAT 15:32 የሱስ ባረና ካልያዋንታ ባረኮ ጼሲደ፥ “ሀ ጮራ አሳይ ታናና ሄዙ ጋላሳይ ጋካናዉ ጋምኤዳ ድራዉ፥ ታን ሀ አሳዉ ቃረታይ፤ ኡንቱንቶ ሀእ ምያዌ ባዋ። ቃይ ኡንቱንቱ ኦግያን ዳቡሪደ ኩንደና ማላ፥ ቁማ ምዘናን ኡንቱንታ መላ የዳናዉካ ኮይከ” ያጌዳ።
MAT 15:33 አ ካልያዋንቱ ዛሪደ የሱሳ፥ “ኑን ሀ ባዙዋን ሀዋ ኬና አሳ ካልስያ ቁማ ሀቃፐ ደማኔ?” ያጌድኖ።
MAT 15:34 ቃይ የሱስ ኡንቱንታ፥ “ህንተንቶ አፑን ኡክꬃይ ደኢ?” ያጊደ ኦቼዳ። ኡንቱንቱ፥ “ላፑ ኡክꬃይነ ሞለቱዋፐ አማሬዳዋንቱ ደኢኖ” ያጌድኖ።
MAT 15:35 የሱስ አሳ፥ “ሳኣን ኡትተ” ያጌዳ።
MAT 15:36 ሄ ላፑ ኡክꬃነ ሞልያ ኦይቂደ፥ ጾሳ ጋላቴዳ፤ መንሬꬂደ ባረና ካልያዋንቶ እሜዳ፤ ቃይ ኡንቱንቱ ጮራ አሳዉ እሜድኖ።
MAT 15:37 አሳይ ኡባይ ሚደ ካሌዳ፤ ሚና አቴዳ ላፑ ዛምቤልያ ኩሜዳ ሱፓ አ ካልያዋንቱ ደንꬄድኖ።
MAT 15:38 ሜዳ አሳይ ማጫ አሳነ ናና ፓይደናን፥ ኦይዱ ሻአ አቱማ አሳ።
MAT 15:39 የሱስ አሳ የዶዋፐ ጉይያን፥ ዎንግርያን ገሊደ፥ መገዶነ ጌተትያ ጋድያ ቤዳ።
MAT 16:1 እት እት ፓርሳዋቱነ ሳዱቃዋናቱ የሱሳኮ ዪደ፥ አ ፓጫናዉ ኮዬድኖ፤ ያቲደ ባረንታ ሳሉዋፐ ማላታ በሳና ማላ ዎሴድኖ።
MAT 16:2 ሽን የሱስ ዛሪደ፥ ኡንቱንታ ሀዋዳን ያጌዳ፤ “ሳአይ ቃምያ ዎደ ህንተንቱ፥ ‘ሳሉ ዞኤዳ ድራዉ፥ ሳአይ ሻማናዋ’ ያጊታ፤
MAT 16:3 ዎንቱማꬃን ቃይ፥ ‘ሳሉ ዞኢደ ጉባኔዳ ድራዉ፥ ሀቼ እራይ ቡካናዋ’ ያጊታ፤ ሳሉዋ ጼሊደ፥ ሳአይ ሀናናዋ ኤራናዉ ዳንዳዪታ፤ ሽን ታ ዩሳ ዎድያ ማላታ ሻክ ኤራናዉ ዳንዳይክቴ?
MAT 16:4 ሀ ዎድያ አሳይ ኢታይነ ዎሹምያዌ፥ ጾሳዉ አማነተናዌ፥ ማላታ ኮዬ፤ ናብያ ዮናሳ ማላታፐ አትን፥ ሀራ ማላታይ አዉ እመተና” ያጌዳ። ሄዋፐ ስሚደ፥ ኡንቱንታ አጊደ ቤዳ።
MAT 16:5 አ ካልያዋንቱ አባ ፕኔዳ ዎደ፥ ቁማ አፋናዋ ዶጌድኖ።
MAT 16:6 የሱስ ኡንቱንታ፥ “ፓርሳዋቱዋ እርሹዋፐነ ሳዱቃዋናቱዋ እርሹዋፐ ህንተንታ ኤሪደ ናገትተ” ያጌዳ።
MAT 16:7 ኡንቱንቱ ባረንቱ ግዶን፥ “እ ሀዋ ያግያዌ ኑን ቁማ አህቤና ድራሳ” ያጊደ ሃሳያ ዶሜድኖ።
MAT 16:8 ሽን ኡንቱንቱ ግያዋ የሱስ ኤሪደ፥ “ሀ አማኑ ፓጬዳዋንቶ፥ ቁማይ ባይና ድራዉ፥ አያዉ ህንተንቱ ግዶን ሃሳዪቴ?
MAT 16:9 ሀእካ ህንተንቶ ገልቤኔ? ታን እቼሹ ኡክꬃ እቼሹ ሻአ አሳ ምዛደ ካልሴዳዋ፥ ቃይ ህንተንቱ አፑን ዛምቤልያ ኩንꬂደ አቴዳ ሱፓ ደንꬄድተንቶ ዎዛና አꬅክቴ?
MAT 16:10 ዎይ ታን ላፑ ኡክꬃ ኦይዱ ሻአ አሳ ምዛ ካልሴዳዋ፥ ቃይ ህንተንቱ አፑን ዛምቤልያ ኩንꬂደ አቴዳ ሱፓ ደንꬄድተንቶ ዎዛና አꬅክቴ?
MAT 16:11 ታን ህንተንታ ፓርሳዋቱዋ እርሹዋፐነ ሳዱቃዋናቱዋ እርሹዋፐ ናገትተ ግያዋፐ አትን፥ ኡክꬃባ ህንተንቶ ሃሳያቤናዋ ህንተንቱ ዋኒደ አኬክክቴ?” ያጌዳ።
MAT 16:12 አ ካልያዋንቱ የሱስ ባረንቶ ኦዴዳዋ፥ ፓርሳዋቱዋ ትምርትያፐነ ሳዱቃዋናቱዋ ትምርትያፐ ኡንቱንቱ ናገታና ማላ ኦደቶዋፐ አትን፥ ሙናቃን ትግያ እርሹዋፐ ናገታና ማላ ግደናዋ ሄ ዎደ አኬኬድኖ።
MAT 16:13 የሱስ ቂሳርያ ፕሊጶሳ ጌተትያ ጋድያ ጋኬዳ ዎደ፥ ባረና ካልያዋንታ፥ “አሳይ ታና፥ አሳ ናኣ ኦና ጊ?” ያጊደ ኦቼዳ።
MAT 16:14 አ ካልያዋንቱ ዛሪደ፥ “ኔና እት እት አሳይ፥ ጻማቅያ ዮሃንሳ ያጌ፤ ሀራንቱ ቃይ ኤላሳ ያጊኖ፤ ቃይ ሀራንቱ ኤርማሳ ዎይ ናባቱዋፐ እቱዋ ያጊኖ” ያጌድኖ።
MAT 16:15 የሱስ ኡንቱንታ፥ “ያትና ህንተንቱ ታና ኦና ጊቴ?” ያጌዳ።
MAT 16:16 ስሞን ጰጽሮስ ዛሪደ፥ “ኔን ደኡዋ ጾሳ ናኣ ክርስቶሳ” ያጌዳ።
MAT 16:17 የሱስ ዛሪደ፥ ሀዋዳን ያጌዳ፤ “ዮና ናኣ ስሞና፥ ሀዋ ነዉ ሳሉዋን ደእያ ታ አቡ ኤርሴዳዋፐ አትን፥ አሳይ ኦንነ ኔና ኤርስቤና ድራዉ፥ ኔን አንጀቴዳዋ።
MAT 16:18 ጰጽሮሳ፥ ታን ነዉ ኦዳይ፤ ኔን ሹቻ፤ ታን ሀ ዛላ ቦላ ታ ዎሳ ጎልያ ኬጻና፤ ታ ዎሳ ጎልያ ሀራይ አቶ፥ ስኦልያ ዎልቃይካ ጾናናዉ ዳንዳየና።
MAT 16:19 ታን ነዉ ሳሉዋ ካዉተꬃ ቁልፕያ እማና፤ ኔን ሳኣን ሀኖ ጎዌ ኡባይ ሳሉዋን ጾሳ ስንꬃን ሀናና፤ ሽን ኔን ሳኣን ሀኖፖ ጌዳዌ ሳሉዋንካ ሀነና” ያጌዳ።
MAT 16:20 ሄዋፐ ጉይያን፥ እ ክርስቶሳ ግዴዳዋ አ ካልያዋንቱ ኦስነ ኦደና ማላ፥ ኡንቱንታ አዛዜዳ።
MAT 16:21 ሄ ዎድያፐ ዶሚደ የሱስ፥ “ታን የሩሳላመ ቢና፥ ታና ጭማቱ፥ ቄሳቱዋ ካፓቱነ ህግያ ታማርስያዋንቱ ዳሪ ዋይሳናዉ በሴ፤ ኡንቱንቱ ታና ዎꬋናዉነ ታን ሄዘንꬆ ጋላስ ሀይቁዋፐ ደንዳናዉ በሴ” ያጊደ፥ ባረና ካልያዋንቶ ጌሺደ ኦዱዋ ዶሜዳ።
MAT 16:22 ጰጽሮስ አ እት ባጋ ዛሪደ፥ “ታ ጎዳዉ፥ ጾሳይ ኔና ሄዋፐ አሾ፤ ሀዌ ነ ቦላ ኡባካ ዬና” ያጊደ አ ዞራናዉ ዶሜዳ።
MAT 16:23 ሽን የሱስ ጉየ ስሚደ ጰጽሮሳ፥ “ሀ ሴጻናዉ፥ ኔን ታ ማታፐ ክቻ፤ ኔን አሳይ ዶስያዋ ቆፕያዋፐ አትን፥ ጾሳይ ዶስያዋ ቆፐና ድራዉ፥ ታዉ ꬉቦ ግዳዳ” ያጌዳ።
MAT 16:24 ሄዋፐ ጉይያን፥ የሱስ ባረና ካልያዋንታ ሀዋዳን ያጌዳ፤ “ታና ካላናዉ ኮይያ ኡራይ ደኦፐ፥ ባረና ካዶ፤ ያቲደ ባረ ማስቃልያ ቶኪደ፥ ታና ካሎ።
MAT 16:25 አያዉ ጎፐ፥ ባረ ሸምፑዋ አሻናዉ ኮይያ ኡራይ ባይዛናዋ፤ ሽን ባረ ሸምፑዋ ታ ድራዉ ባይዝያ ኡራይ አሻናዋ።
MAT 16:26 እት ኡራይ ሳኣን ደእያ ኡባባ ባረዉ ሺሺደ፥ ባረ ሸምፑዋ ባይዞፐ፥ አ አያ ማዳኔ? ዎይ እት ኡራይ ባረ ሸምፑዋ ዎዛናዉ አያ እማና ዳንዳዪ?
MAT 16:27 አያዉ ጎፐ፥ ታን፥ አሳ ናአይ፥ ታ አቡ ቦንቹዋን ታ ኪታንቻቱዋና ያና ሀናይ፤ አሳ ኡባዉ ሄ ዎደ አ ኦሱዋ ጋትያ እማና።
MAT 16:28 ታን ህንተንቶ ቱሙዋ ጋይ፤ አማሬዳ አሳቱ፥ ታን፥ አሳ ናአይ፥ ካትያ ግዳደ ይያዋ በአና ጋካናዉ፥ ሀይቀናዋንቱ ሀዋን ደኢኖ” ያጌዳ።
MAT 17:1 የሱስ ኡሱፑን ጋላሳፐ ጉይያን፥ ባረናና ጰጽሮሳ፥ ያቆባነ፥ ያቆባ እሻ ዮሃንሳ አኪደ፥ ኡንቱንቱ ጻላላ ዎጋ ደርያ ሁጲያ ከሴዳ።
MAT 17:2 ቃይ ኡንቱንቱ ጼልሽን፥ ኡንቱንቱ ስንꬃን ላመቴዳ፤ አ ዴሙ አዋይፍያዳን ፖኤዳ፤ አ ማዩካ ፖኡዋዳን ጶሌዳ።
MAT 17:3 ሙሴነ ኤላስ የሱሳና ሃሳይሽን፥ ሀ ሄዙ አ ካልያዋንቱ በኤድኖ።
MAT 17:4 ጰጽሮስ የሱሳ፥ “ታ ጎዳዉ፥ ኑን ሀዋን ደእያዌ ኑዉ ሎአ፤ ኔን ዶሶፐ፥ ኑን ሀዋን ሄዙ ዳስያ እቱዋ ነዉ፥ እቱዋ ሙሴዉ፥ እቱዋ ኤላሳዉ ኬጻና” ያጌዳ።
MAT 17:5 እ ሃሳይሽን፥ ፖእያ ሻሪ ዪነ ኡንቱንታ ካም አጌዳ፤ ሻርያ ግዶፐ፥ “ሀዌ ታን ሲቅያ ታና ናሸችያ ታ ናኣ፤ እ ግያዋ ስስተ” ግያ ቃላይ ዬዳ።
MAT 17:6 አ ካልያዋንቱ ሄ ቃላ ስሴዳ ዎደ፥ ዳሮ ያዪደ፥ ጉፋን አጌድኖ።
MAT 17:7 የሱስ ኡንቱንቱኮ ዪደ፥ ኡንቱንታ ቦቺደ፥ “ደንድተ፤ ያዮፕተ” ያጌዳ።
MAT 17:8 ኡንቱንቱ ꬎቁ ጊደ ጼልያ ዎደ፥ የሱሳ ጻላላፐ አትን፥ ሀራ አሳ ኦናነ በእበይክኖ።
MAT 17:9 ኡንቱንቱ ደርያፐ ዎꬍሽን፥ የሱስ ኡንቱንታ፥ “ታን አሳ ናአይ፥ ሀይቁዋፐ ደንዳና ጋካናዉ፥ ሀ ህንተንቱ በኤዳዋ ኦስነ ኦዶፕተ” ያጊደ አዛዜዳ።
MAT 17:10 አ ካልያዋንቱ የሱሳ፥ “ያትና፥ ህግያ ታማርስያዋንቱ አያዉ፥ ‘ኤላስ ካሰቲደ ያናዉ በሴ’ ጊኖ?” ያጊደ ኦቼድኖ።
MAT 17:11 እ ዛሪደ ያጌዳ፤ “ኤላስ ካሰት ዪደ፥ ኡባባ ጊግሳናዋ።
MAT 17:12 ሽን ታን ህንተንቶ ኦዳይ፤ ኤላስ ሀዋፐ ካሰ ይ ድጌዳ። ሄ ዎደ አሳይ አ፥ ባረንቶ ኮዬዳዋዳን ኡባ ኦꬄዳዋፐ አትን አ ኤርበይክኖ፤ ሄዋዳንካ፥ ቃይ ታና፥ አሳ ናኣ፥ አሳይ ዋይሳናዋ” ያጌዳ።
MAT 17:13 አ ካልያዋንቱ ሄ ዎደ ባረንቶ የሱስ ጻማቅያ ዮሃንሳባ ኦድያዋ አኬኬድኖ።
MAT 17:14 ኡንቱንቱ ዳሮ አሳኮ ዬዳ ዎደ፥ እት ብታኒ የሱሳኮ ዪደ፥ አ ስንꬃን ጉልባቲደ፥
MAT 17:15 “ታ ጎዳዉ፥ ታ ናኣ ዎዛና ባይዝያ ሀርጊ ኦይቂና፥ እ ዳሮ ዎደ ታማን፥ ቃይ ዳሮ ዎደ ሃꬃን ኩንድያ ድራዉ፥ እ ዳሪ ሳከቴ፤ አ ፓꬃርኪ።
MAT 17:16 ኔና ካልያዋንቱኮካ አ አሃድ፤ ሽን ፓꬃናዉ ዳንዳይበይክኖ” ያጌዳ።
MAT 17:17 የሱስ ዛሪደ ኡንቱንታ፥ “አማነና ሀ ዎድያ ጌላ አሳዉ! ታን ህንተናና አዉደ ጋካናዉ ደአኔ? ቃይ ህንተንቱባ አዉደ ጋካናዉ ዳንዳያኔ? ናኣ ታኮ ሃ አኪደ ዪተ” ያጌዳ።
MAT 17:18 የሱስ ኢታ አያና፥ “አፐ ከሳ” ጊደ አዛዝና፥ ኢታ አያናይ ናኣፐ ከስ አጌዳ፤ ኤለካ ናአይ ፓጽ አጌዳ።
MAT 17:19 ሄዋፐ ጉይያን፥ አ ካልያዋንቱ ባረንቱ ጻላላ የሱሳኮ ዪደ፥ “ኑን ኢታ አያና ከሳናዉ አያዉ ዳንዳይበይኮ?” ያጌድኖ።
MAT 17:20 የሱስ ኡንቱንታ ያጌዳ፤ “ሄዌ ህንተንቱ አማኑ ጉጼዳ ድራሳ፤ ታን ህንተንቶ ቱሙዋ ኦዳይ፤ ህንተንቶ ሳናፍጭያ ጌተትያ ጉꬃ ምꬃት አይፍያ ኬና አማኑ ደእንቶ፥ ህንተንቱ ሀ ደርያ፥ ‘ሀዋፐ ያ ሺቃ’ ያግንቶ እ ሺቃና፤ ህንተንቱ አያነ ኦꬃናዉካ ዳንዳያንታ።
MAT 17:21 ሽን ሀዋ ማላ ዎሳፐነ ጾማፐ ሀራባይ ከሳናዉ ዳንዳየና” ያጌዳ።
MAT 17:22 አ ካልያዋንቱ ጋሊላን፥ እትፐ ሺቅ ኡት ደእሽን፥ የሱስ ኡንቱንታ፥ “ታና፥ አሳ ናኣ፥ አሳይ አሳዉ አꬂደ እማና።
MAT 17:23 አሳይ ታና ዎꬋናዋ፤ ሄዋፐ ጉይያን ታን ሄዘንꬅያ ጋላስ ሀይቁዋፐ ደንዳና” ያጌዳ። አ ካልያዋንቱ ዳሮ ቃረቴድኖ።
MAT 17:24 የሱስነ አ ካልያዋንቱ ቅፍርናሆማ ካታማ ዬዳ ዎደ፥ ጌሻ ጎልያስ ቃራጻ አክያዋንቱ ጰጽሮሳኮ ዪደ፥ “ህንተንታ ታማርስያዌ ጌሻ ጎልያ ጊራ ጊረኔ?” ያጌድኖ።
MAT 17:25 እ ዛሪደ፥ “ጊሬ” ያጌዳ። ጰጽሮስ ሶይ ገሌዳ ዎደ፥ የሱስ ካሰቲደ አ፥ “ስሞና፥ ነ ቆፋይ አዬ? ሀ ሳኣ ካታቱ ቃራጻ ዎይ ጊራ ኦፐ አኪኖ? ባረንቱ ጋድያ አሳፐ አኪኖ ዎይ ሀራ ጋድያ አሳፐ አኪኖ?” ያጌዳ።
MAT 17:26 ጰጽሮስ፥ “ሀራ ጋድያ አሳፐ አኪኖ” ያጌዳ። የሱስ ጰጽሮሳ፥ “ያቶፐ፥ ጋድያ አሳይ ጊራናዉ በሰና።
MAT 17:27 ሽን ኑን ሀ አሳቱዋ ሀንቀꬃናዉ ኮዮኮ፤ ኔን አባ ባደ አን ዳባ የጋ፤ ያታደ ኮይሮ ከስያ ሞልያ ኦይቃደ፥ አ ዶና ፖቅያ ዎደ፥ ጊራዉ ግድያ ሚሻ ኔን ደማና። ሄዋ አካደ፥ ታ ጊራነ ነ ጊራ ኡንቱንቶ እማ” ያጌዳ።
MAT 18:1 አ ካልያዋንቱ የሱሳኮ ሄ ዎደ ዪደ፥ “ሳሉዋ ካዉተꬃን ኡባፐ አꬍያዌ ኦኔ?” ያጌድኖ።
MAT 18:2 የሱስ እት ጉꬃ ናኣ ጼስ ኡንቱንቱ ግዶን ኤሲደ፥ ሀዋዳን ያጌዳ፤
MAT 18:3 “ታን ህንተንቶ ቱሙዋ ኦዳይ፤ ጾሳኮ ህንተንቱ ስሚደ፥ ጉꬃ ናናዳን ሀናና ꬋዮፐ፥ ሳሉዋ ካዉተꬃ ኡባካ ገላናዉ ዳንዳይክታ።
MAT 18:4 ስም ሀ ጉꬃ ናኣዳን፥ ባረና ካዉሽያ ኦንነ ሳሉዋ ካዉተꬃን ኡባፐ አꬍያዋ።
MAT 18:5 ቃይ ሀዋ ማላ ናኣ ታ ሱንꬃን ሞክያ ኦንነ ታና ሞኬ።
MAT 18:6 ሽን ታና አማንያ ሀ ጉꬃ ናናፐ እቱዋ ባለꬅያ ኦንነ፥ ጋጭያ ዎጋ ዎጻ ባረ ቆꬍያን ቃቺደ፥ አባ ጪሙዋን ምተትያዌ አዉ ሎአ።
MAT 18:7 “አላሚ አሳ ꬉቢያ ድራዉ፥ ሳአዉ አየሮ፤ አያዉ ጎፐ፥ ꬉቢያባይ ዩሳ አገና፤ ሽን ꬉቡ አ ጋሶታን ይያ ኡራዉ አየሮ።
MAT 18:8 “ኔና ኩሺ ዎይ ነ ገዲ ኔና ባለꬆፐ፥ ኔፐ ቃንጻ ኦላ፤ ኔን ላኡ ኩሽያናነ ላኡ ገድያና መꬍና ታማን ኦለትያዋፐ ዎባ ዎይ ዱጻ ኩሽያና መꬍና ደኡዋ ገልያዌ ነዉ ሎአ።
MAT 18:9 ቃይ ነ አይፊ ኔና ባለꬆፐ፥ ኔፐ ዎጫ ከሳ ኦላ፤ ኔን ላኡ አይፍያና ጋናምያ ታማን ኦለትያዋፐ እት አይፍያና መꬍና ደኡዋ ገልያዌ ነዉ ሎአ።
MAT 18:10 “ህንተንቱ ሀ ጉꬃቱዋፐ እቱዋነ ካና ማላ፥ ህንተንታ ናግተ፤ አያዉ ጎፐ፥ ታን ህንተንቶ ኦዳይ፤ ሳሉዋን ኡንቱንቱ ኪታንቻቱ ኡባ ዎደ፥ ሳሉዋን ደእያ ታ አቡ ስንꬃን ደኢኖ።
MAT 18:11 አያዉ ጎፐ፥ ታን፥ አሳ ናአይ፥ ባዬዳዋ አሻናዉ ያድ።
MAT 18:12 “እት አሳዉ ጼቱ ዶርሳቱ ደእያዋንቱፐ እቱ ባዮፐ፥ ኡዱፑ ታማነ ኡዱፑኑዋ ደርያን አጊደ፥ ሄ ባዬዳዋ ኮያናዉ ቤኔ? ህንተንቱ ዋጊቴ?
MAT 18:13 ታን ህንተንቶ ቱሙዋ ጋይ፤ እ ደሞፐ፥ ባይቤና ኡዱፑ ታማነ ኡዱፑ ዶርሳቱዋፐ አꬂደ፥ ሄ እት ዶርሳን ናሸቴ።
MAT 18:14 ሄዋዳንካ፥ ሳሉዋን ደእያ ህንተንቱ አቡ ሀ ጉꬃቱዋፐ እቱ ባያናዋካ ኮየና።
MAT 18:15 “ነ እሻይ ኔና ናቆፐ፥ ኔረካ አኮ ባደ፥ አ ናቁዋ አዉ ኦዳ፤ እ ነዋ ስሶፐ፥ ነ እሻ ባላፐ ዛራዳ።
MAT 18:16 ሽን እ ነዋ ስሰናን እጾፐ፥ ላኡ ዎይ ሄዙ ማርካይ ማርካቶዋን የዉ ኡባይ ቱማትያ ድራዉ፥ ሀራ እት ዎይ ላኡ አሳ ኔናና እትፐ አፋ።
MAT 18:17 እ ኡንቱንቱባ ስሰናን እጾፐ፥ ኡባባ አማንያ አሳዉ ኦዳ፤ ቃይ አማንያ አሳይ ግያዋካ እ ስሰናን እጾፐ፥ አማነና አሳዳንነ ቃራጻ ሺሽያ አሳዳን አ ፓይዳ።
MAT 18:18 “ታን ህንተንቶ ቱሙዋ ጋይ፤ ኔን ሳኣን ሀኖ ጎዌ ኡባይ ሳሉዋን ጾሳ ስንꬃን ሀናና፤ ሽን ኔን ሳኣን ሀኖፖ ጌዳዌ ሳሉዋንካ ሀነና።
MAT 18:19 “ቃይካ ታን ህንተንቶ ኦዳይ፤ ህንተፐ ላኡ ኡራይ ሳኣን ጾሳ ዎስያዋን አይ የዉዋንነ እት ዎዛና ግዶፐ፥ ሳሉዋን ደእያ ታ አቡ ሄዋ ህንተንቶ እማና።
MAT 18:20 አያዉ ጎፐ፥ ላኡ ኡራይ ዎይ ሄዙ ኡራይ ታ ሱንꬃን ሺቅያሳን፥ ታን ሄዋን ኡንቱንቱ ግዱዋን ደአይ” ያጌዳ።
MAT 18:21 ጰጽሮስ፤ ሄ ዎደ የሱሳኮ ዪደ፥ “ጎዳዉ፥ ታ እሻይ ታና አፑ ካላ ናቆፐ ታን አዉ አቶ ጋናዉ በሲ? ላፑኑዋ ጋካናዉ ናቂኔዬ?” ያጊደ አ ኦቼዳ።
MAT 18:22 የሱስ ዛሪደ አ፥ “ግደና፥ ታን ኔና ላፑን ታሙ ካላ ላፑኑዋ ጋይፐ አትን፥ ላፑኑዋ ጻላላ ጊከ።
MAT 18:23 “አያዉ ጎፐ፥ ሳሉዋ ካዉተꬃይ ባረ ቆማቱዋና ሚሻ ሄተታናዉ ቆፔዳ ካትያ በሴ።
MAT 18:24 ሄ ካቲ ሚሻ ሄተታናዉ ዶሜዳ ዎደ፥ ዳሮ ሚሎነ ብራ አጩ ደእያ እት ብታንያ አኮ አሄድኖ።
MAT 18:25 ሽን ሄ ቆማዉ አጩዋ ጭግያዌ ꬋይና፥ አ ጎዳይ ሄ አጩዋ ጭጋናዉ፥ አ ማቻታነ እነ አ ናናይ፥ ቃይ አዉ ደእያ ኡባባይ ዛልኤታና ማላ፥ አ አዛዜዳ።
MAT 18:26 ሄዋ ድራዉ፥ ቆማይ ባረ ጎዳ ስንꬃን ጉልባቲደ፥ ‘ታ ጎዳዉ፥ ሀያ ጎዶ ጉꬃ ዎድያ ናጋርኪ፤ ታን ነዉ ኡባባካ ጭጋና ያጊደ አ ዎሴዳ።’
MAT 18:27 አ ጎዳይ አዉ ቃረቲደ፥ አ የድ አጌዳ፤ አ አጩዋካ አዉ ማር አጌዳ።
MAT 18:28 “ሽን ሄ ቆማይ ከሲደ፥ ባረ ላገꬃ ቆማቱዋፐ እቱ ባረፐ ጼቱ ብራ ሳንትምያ ታልኤዳዋና ጋከቲደ፥ ‘ነ ቦላ ደእያ ታ ሚሻ ጭጋ’ ያግ ኦይቂደ፥ አ ጩሌዳ።
MAT 18:29 “ያትና ሄ አ ላገꬃ ቆማይ አ ስንꬃን ጉልባቲደ፥ ‘ሀእ ታይሻይ ጉꬃ ዎድያ ናጋርኪ፤ ታን ነዉ ኡባባካ ጭጋና’ ያጊደ አ ዎሴዳ።
MAT 18:30 “ሽን እጽ አክ ቢደ፥ አ ላገꬃይ ሄ አጩዋ ቃንጻና ጋካናዉ፥ ቃሾ ጎለ ገልሴዳ።
MAT 18:31 ሄዋ ድራዉ፥ አ ላገꬃ ቆማቱ ሄዋ በኢደ፥ ዳሮ ይሎቴድኖ፤ ባረንቱ ጎዳኮ ቢደ፥ እ ኦꬄዳ ኡባባ አዉ ኦዴድኖ።
MAT 18:32 “ሄዋፐ ጉይያን፥ ጎዳይ ሄ ቆማ ጼሲደ፥ ‘ሀ ኢታ ቆማዉ፥ ኔን ታና ዎሴዳ ድራዉ፥ ታን ሄ አጩዋ ኡባ ነዉ ማራ አጋድ።
MAT 18:33 ታን ነዉ ሄ አጩዋ ማሬዳዋዳን፥ ኔንካ ነ ላገꬃ ቆማዉ ማራናዉ በሰኔ?’ ያጌዳ።
MAT 18:34 ሄዋፐ ስሚደ አዉ ዳሮ ሀንቀቲደ፥ ባረ አጩዋ ኡባ እ ጭግ ዉርሳና ጋካናዉ፥ ፓጻ ካኤታና ማላ፥ ቃሾ ጎለ ገልሴዳ።
MAT 18:35 “ህንተንቱ ሁጲያን ሁጲያን ህንተንቱ እሻዉ ዎዛናፐ አቶ ጋና ꬋዮፐ፥ ሄ ጎዳይ ባረ ቆማ ኦꬄዳዋዳን፥ ሳሉዋን ደእያ ታ አቡካ ህንተንታ ሄዋዳን ኦꬃና” ያጌዳ።
MAT 19:1 የሱስ ሄ ሃሳያ ዉርሶዋፐ ጉይያን፥ ጋሊላፐ ደንዲደ፥ ዮርዳኖሳ ሻፋፐ ሄፍንꬃን ደእያ ይሁዳ ጋድያ ቤዳ።
MAT 19:2 ዳሮ አሳይ አ ካሊደ ቤዳዋ ሄዋን ፓꬄዳ።
MAT 19:3 እት እት ፓርሳዋቱ ፓጫናዉ የሱሳኮ ዪደ፥ “እት አሳይ አይ ጋሱዋንነ፥ ባረ ማቻቶ የዳናዉ ኑ ህጊ አዛዚ?” ያጊደ አ ኦቼድኖ።
MAT 19:4 የሱስ ዛሪደ፥ ሀዋዳን ያጌዳ፤ “ጾሳይ ኮይሮ ኡንቱንታ መꬊደ፥ አቱማዋነ ማጫዉኖ ኦꬄዳ።
MAT 19:5 ሄዋ ድራዉ፥ ‘እት አሳይ ባረ አባነ ባረ ዳዮ አጊደ፥ ባረ ማቻትና እትፐ ደኤ፤ ኡንቱንቱ ላኡ እት አሳ ግዲኖ’ ያግያ ቃላ ናባብበይክቴ?
MAT 19:6 ሄዋ ድራዉ፥ ኡንቱንቱ እት አሳ ግድያዋፐ አትን፥ ላኡ አሳ ግድክኖ፤ ሄዋ ድራዉ፥ ጾሳይ እትፐ ደአናዳን ጋꬆዋ አሳይ ሻኮፖ” ያጌዳ።
MAT 19:7 ፓርሳዋቱ የሱሳ፥ “ያትና፥ ሙሴ አያዉ እት ኡራይ ባረ ማቻቶ ፕርማ ፔꬊደ የዳና ማላ አዛዜዴ?” ያጌድኖ።
MAT 19:8 የሱስ ዛሪደ፥ “ህንተንቱ ህንተንቱ ማቻቱዋ የዳና ማላ፥ ሙሴ ህንተንታ አዛዜዳዌ፥ ህንተንቱ ኦድና ስሰና ጉዙማ ግዶ ድራፐ አትን፥ ኮይሮ ሄዋ ማላ ግደና።
MAT 19:9 ታን ህንተንቶ ኦዳይ፤ ባረ ማቻቶ ዎሹመናን ደእሽን የዲደ፥ ሀራሮ አክያ ኦንነ ዎሹሜ፤ ሀራይ የዴዳዉኖ አክያዌካ ዎሹሜ” ያጌዳ።
MAT 19:10 የሱሳ ካልያዋንቱ አ፥ “አስና ግዱዋንነ ማቻት ግዱዋን ደእያ ዎጋይ ሄዋ ማላ ግዶፐ፥ አከናንነ ገለናን ደእያዌ ሎአ” ያጌድኖ።
MAT 19:11 ሽን የሱስ ኡንቱንታ ያጌዳ፤ “ሄዋ ማላ ትምርቲ ጾሳይ እሞዋንቱሳፐ አትን፥ አሳ ኡባሳ ግደና፤
MAT 19:12 አያዉ ጎፐ፥ ባረንቱ ዳይ ኡሉዋፐ የለትያ ዎደካ፥ ሹፋ ግዴዳዋንቱ ደኢኖ፤ ቃይ አሳይ ቃራትና ሙሬሳ ግዴዳዋንቱ ደኢኖ፤ ቃይ ሳሉዋ ካዉተꬃ ድራዉ፥ ባረንታ ሹፋ ኦꬄዳዋንቱ ደኢኖ፤ ሀ ትምርትያ አካናዉ ዳንዳይያዌ ኦንነ አኮ” ያጌዳ።
MAT 19:13 የሱስ ሄ ዎደ ባረ ኩሽያ ጉꬃ ናና ቦላ ዎꬂደ፥ ጾሳ ዎሳና ማላ፥ እት እት አሳይ ናና አኮ አሄዳ፤ ሽን የሱሳ ካልያዋንቱ ሄ አሳ አሄና ማላ ሀንቀቴድኖ።
MAT 19:14 ሽን የሱስ፥ “ቄር ናናይ ታኮ ይያዋ ድጎፕተ፤ አያዉ ጎፐ፥ ሳሉዋ ካዉተꬃይ ሄዋንቱ ማላሳ” ያጌዳ።
MAT 19:15 ሄዋፐ ስሚደ ባረ ኩሽያ ኡንቱንቱ ቦላ ዎꬄዳዋፐ ጉይያን፥ ሄዋፐ ባሽ ቤዳ።
MAT 19:16 እት ብታኒ የሱሳኮ ዪደ፥ “ታማርስያዎ፥ ታን መꬍና ደኡዋ ደማናዉ ሎኦባ አያ ኦꬆ?” ያጌዳ።
MAT 19:17 የሱስ አ፥ “ሎኦባይ አየንቶ ታና አያዉ ኦቻይ? እቱዋ ጻላላይ ሎአ፤ ሽን ኔን መꬍናዉ ደአናዉ ኮዮፐ፥ አዛዛቱዋ ናጋ” ያጌዳ።
MAT 19:18 ብታኒ፥ “ሀቃዋንታ?” ያጊደ ኦቼዳ። የሱስ ዛሪደ፥ “ዎꬎፓ፤ ዎሹሞፓ፤ ዉኦፓ፤ ዎርዱዋ ማርካቶፓ፤
MAT 19:19 ነ አባነ ነ ዳዮ ቦንቻ፤ ነ ሾሩዋካ ነ ሁጲያዳን ሲቃ” ያጌዳ።
MAT 19:20 ሄ ያላጋ ብታኒ የሱሳ፥ “ታን ሄዋ ኡባካ ጉꬃተꬃፐ ዶማደ ናጋድ፤ ያትና፥ ታዉ ፓጭያዌ አዬ?” ያጌዳ።
MAT 19:21 የሱስ ብታንያ፥ “ኔን ፖሎ አሳ ግዳናዉ ኮዮፐ፥ ባደ ነዉ ደእያዋ ዛልኣደ፥ ሄ ሚሻ ህዬሳዉ እማ፤ ኔን ሳሉዋን ዱረታና፤ ያታደ ያደ ታና ካላ” ያጌዳ።
MAT 19:22 ሽን ሄ ያላጋ ብታኒ ሄዋ ስሴዳ ዎደ፥ እ ዳሮ ዱረ ግድያ ድራዉ፥ ቃረቲደ ባሽ ቤዳ።
MAT 19:23 የሱስ ባረና ካልያዋንቶ፥ “ታን ህንተንቶ ቱሙዋ ጋይ፤ ዱረ አሳይ ሳሉዋ ካዉተꬃ ገላናዌ ዳሮ መቶ ግዳናዋ።
MAT 19:24 ታን ጉጃደካ ህንተንቶ ኦዳይ፤ ዱረ አሳይ ጾሳ ካዉተꬃ ገላናፐ፥ ጋሉ ማርፕያ ሉኩዋና አꬋናዌ ማታቴ” ያጌዳ።
MAT 19:25 አ ካልያዋንቱ ሄዋ ስስ ማላለቲደ፥ “ያትና፥ ኦን አታናዉ ዳንዳዪ?” ያጌድኖ።
MAT 19:26 የሱስ ኡንቱንታ ጫድ ጼሊደ፥ “ሀዌ አሳዉ ዳንዳየተና፤ ሽን ጾሳዉ ኡባባይ ዳንዳየቴ” ያጌዳ።
MAT 19:27 ጰጽሮስ ሄ ዎደ ዛሪደ የሱሳ፥ “በአ፥ ኑን ኑዉ ደእያ ኡባባ ባሺደ፥ ኔና ካሌዶ፤ ያቲደ ኑን አያ ደማኔሻ?” ያጌዳ።
MAT 19:28 የሱስ ኡንቱንታ ሀዋዳን ያጌዳ፤ “ታን ህንተንቶ ቱሙዋ ጋይ፤ ታን፥ አሳ ናአይ፥ ኦራꬃ ጋድያን ታ ካዉተꬃ ኦይድያን ኡትያ ዎደ፥ ታና ካሌዳ ህንተንቱካ ታማነ ላኡ እስራኤልያ ዛራቱዋ ቦላ ፕርዳናዉ፥ ታማነ ላኡ ካዉተꬃ ኦይድያን ኡታንታ።
MAT 19:29 ታ ሱንꬃ ድራዉ፥ ጎልያ ዎይ እሻቱዋ ዎይ ምቻቱዋ፥ ዎይ አዉዋ ዎይ አቶ ዎይ ማቻቶ፥ ዎይ ናና ዎይ ጋድያ አጌዳ ኦንነ፥ ጼቱ ዳኩዋፐ ዳሩዋ አካና፤ ቃይ መꬍና ደኡዋካ ላታና።
MAT 19:30 ሽን ጮራቱ ሀእ ስንꬃቴዳዋንቱ ጉየታናዋንታ፤ ቃይ ጮራቱ ሀእ ጉየን ደእያዋንቱ ስንꬃታናዋንታ።
MAT 20:1 “ሳሉዋ ካዉተꬃይ ዎይንያ ጌተትያ ቱራ ግዱዋ ኦꬅያዋንታ ኡንያ ኦስሳናዉ፥ ዎንታ ጉራን ከሴዳ ዎይንያ ቱራ ጎዳ በሴ።
MAT 20:2 እ ሄ ኦሳንቻቶ ሀቼ ሀቼ ኦꬄዳዋ ዎልቃ ጋትያ ጭጋናዉ ኡንቱንቱና ጊጊደ፥ ባረ ዎይንያ ቱራ ግዱዋ ኦስሳናዉ ኡንቱንታ የዴዳ።
MAT 20:3 “ቃይ ሄዙ ሳትያ ግዶደ ከሲደ፥ ኦሱ ባይናን ቆጫን ኤቄዳ ሀራ አሳቱዋ በኢደ፥
MAT 20:4 ኡንቱንታ፥ ‘ህንተንቱካ ቃይ ታ ዎይንያ ቱራ ግዱዋ ኦꬃናዉ ቢተ፤ ታን ህንተንቶ በስያ ጋትያ ጭጋና’ ያጌዳ፤ ሄዋፐ ጉይያን ኡንቱንቱ ቤድኖ።
MAT 20:5 ላኤንꬁዋካ ኡሱፑን ሳትያንነ ኡዱፑ ሳትያን ከሲደ፥ ሄዋዳን ኦꬄዳ።
MAT 20:6 ታማነ እት ሳትያ ሄራን እ ከስያ ዎደ፥ ሀራንቱ ሄዋን ኤቄዳዋንታ ደሚደ፥ ‘ኦሱዋ ኦናን ኩመንꬃ ጋላሳ ሀዋን አያዉ ኤቂ ፔሼድቴ?’ ያጌዳ።
MAT 20:7 “ኡንቱንቱ፥ ‘ኑና ኦስስያ አሳይ ꬋዬዳ ድራዉ ኤቂ ፔሼዶ’ ያጌድኖ። “እ፥ ‘ኡንቱንታካ ቃይ ታ ዎይንያ ቱራ ግዱዋ ኦꬃናዉ ቢተ’ ያጌዳ።
MAT 20:8 “ሳአይ ኦማርስያ ዎደ፥ ዎይንያ ቱራ ጎዳይ ኦꬅያዋንቱ ካፑዋ፥ ‘ኦሳንቻቱዋ ጼሳደ፥ ዉርሰꬃን ኦሱዋን ገሌዳዋንቱፐ ዶማደ ኮይሮ ገሌዳዋንታ ጋካናዉ፥ ኡንቱንቱ ኦሱዋ ድርጉዋ ጭጋ’ ያጌዳ።
MAT 20:9 “ታማነ እት ሳትያ ሄራን ኦሱዋ ዶሜዳዋንቱ ዪደ፥ ሁጲያን ሁጲያን ኦꬂደ ፔሼዳ ዎልቃ ጋትያ አኬድኖ።
MAT 20:10 ኮይሮ ኦሱዋ ዶሜዳ አሳይ ዬዳ ዎደ፥ ዳሩዋ አካናዉ ቆፔድኖ፤ ሽን ኡንቱንቱካ ሁጲያን ሁጲያን ባረንቱ ኦሱዋ ዎልቃ ጋትያ አኬድኖ።
MAT 20:11 ሄዋፐ ጉይያን፥ ‘ሀ ጉየፐ ዬዳዋንቱ እት ሳትያ ጻላላ ኦꬄድኖ፤ ኩመንꬃ ጋላሳ ዳቡሪደ ጫዎቴዳ ኑዋና ኡንቱንቱ ኦሱዋ ድርጉዋ ቃራ ኦꬃዳ’ ያጊደ ባረንታ ኦሱዋን ገልሴዳዋ ቦላ ዙዙሜድኖ።
MAT 20:13 “ሽን እ ኡንቱንቱፐ እቱዋ ሀዋዳን ያጌዳ፤ ‘ታ ላገዉ፥ ታን ኔና ናቃበይከ፤ ኦꬃደ ፔሼዳ ዎልቃ ጋትያ ታናና ጊጋበይክዬ?
MAT 20:14 ነዋ አካደ ባ፤ ታን ሀእ ዉርሰꬃን ኦሱዋን ገሌዳዎካ ነዋ ኬና እማናዉ ኮያይ።
MAT 20:15 ታን ታ ሚሻን ታ ኮዬዳዋዳን ኦꬃናዉ ታዉ ማታይ ባዌ? ዎይ ታን ሎአ ግዴዳ ድራዉ፥ ኔን ቃናታይ?’ ያጌዳ።
MAT 20:16 “ሄዋዳንካ፥ ቃይ ጉየቴዳዋንቱ ስንꬃታናዋንታ፤ ስንꬃቴዳዋንቱ ቃይ ጉየታናዋንታ፤ አያዉ ጎፐ፥ ጼሰቴዳዋንቱ ጮራ፤ ሽን ዶረቴዳዋንቱ ጉꬃ” ያጌዳ።
MAT 20:17 የሱስ የሩሳላመ ቢደ፥ ኦግያን ባረናና ብያ ታማነ ላኡ ባረና ካልያዋንታ ጋጻ ከሲደ፥ ዱማ ኡንቱንቶ ያጌዳ።
MAT 20:18 “በእተ፥ ኑን የሩሳላመ ሀእ ከሴቶ። ያን ታና፥ አሳ ናኣ ቄሳቱዋ ካፓቶነ ህግያ ታማርስያዋንቶ አꬂደ እማናዋንታ፤ ኡንቱንቱ ታ ቦላ ሀይቁዋ ፕርዳ ፕርዳናዋንታ።
MAT 20:19 ቃይ አይሁዳ ግደና አሳዉካ ታና አꬂደ እማናዋንታ፤ ሄ አይሁዳ ግደና አሳይ ታ ቦላ ቅሊጫናዋንታነ ታና ልሱዋን ሾጫናዋንታ፤ ያቲደ ማስቃልያ ቦላ ምስማርያን ꬍሺደ፥ ታና ካቃናዋንታ፤ ታን ሄዘንꬅያ ጋላስ ሀይቁዋፐ ደንዳና” ያጌዳ።
MAT 20:20 ሄ ዎደ ዛብድዮሳ ናና ዳያ ባረ ናናና የሱሳኮ ያዱ፤ አ ስንꬃን ጉልባታደ እትባ አ ዎሳዱ።
MAT 20:21 የሱስ እዞ፥ “አያ ኮያይ?” ያጊደ ኦቼዳ። እዛ ዛራደ፥ “ሀ ታ ላኡ ናናይ ነ ካዉተꬃን እቱ ኔፐ ኡሸቻ ባጋና፥ ቃይ እቱ ኔፐ ሀድርሳ ባጋና ኡትኖ ያጋርኪ” ያጋደ ዎሳዱ።
MAT 20:22 ሽን የሱስ ዛሪደ ናና፥ “ህንተንቱ አያ ዎሳናዉ በስንቶ ኤርክታ። ታና ጋክያ ዎልቃማ መቱዋ መቶታንቴ? ታን ጻማቀታና ጽንቃታ ጻማቀታናዉ ዳንዳዪቴ?” ያጌዳ። ኡንቱንቱ፥ “ኤ ዳንዳያና” ያጌድኖ።
MAT 20:23 የሱስ፥ “ታና ጋክያ ዎልቃማ መቱዋ ቱማካ ህንተንቱ መቶታንታ፤ ሽን ታፐ ኡሸቻ ባጋናነ ሀድርሳ ባጋና ኡታናዋንታ ዶራናዉ ታዉ ማታይ ባዋ፤ ሽን ሄ ሳአይ ታ አቡ እማናዉ ጊግስ ዎꬄዳዋንቱሳ” ያጌዳ።
MAT 20:24 የኮ ታሙ የሱሳ ካልያዋንቱ ሄዋ ስሴዳ ዎደ፥ ሄ ላኡ እሻቶ ሀንቀቴድኖ።
MAT 20:25 ሽን የሱስ ኡንቱንቱ ኡባቱዋካ ባረኮ ጼሲደ፥ ሀዋዳን ያጌዳ፤ “አህዛበ አሳቱዋ ካፓቱነ ሀዋንታ ካለꬅያ አሳቱ ባረንቱ አሳ አይስያዋ ኤሪታ።
MAT 20:26 ህንተንቱ ግዱዋን ሄዋ ማላ ግደና፤ ሽን ህንተንቱ ግዱዋን ꬎቃተꬃ ኮይያ ኦንነ ህንተንቶ ቆማ ግዳናዉ በሴ።
MAT 20:27 ቃይ ህንተንቱ ግዱዋን ኡባፐ ቦላ ግዳናዉ ኮይያዌ ኦንነ ህንተንቶ አይለ ግዳናዉ በሴ።
MAT 20:28 ሄዋዳን ታን፥ አሳ ናአይ፥ አሳዉ ኦꬃናዉነ ዳሮ አሳ ዎዛናዉ ታ ሸምፑዋ እማናዉ ዬዳዋፐ አትን፥ አሳይ ታዉ ኦꬃና ማላ ያበይከ” ያጌዳ።
MAT 20:29 የሱስነ አ ካልያዋንቱ እያርኮፐ ከስሽን፥ ዳሮ አሳይ ኡንቱንታ ካሌዳ።
MAT 20:30 ላኡ ቆቃ አሳቱ ኦግያ ዶናን ኡቴዳዋንቱ የሱስ ሄዋና አꬍያዋ ስሲደ፥ ባረንቱ ኮሻ ꬎቁ ኦꬂደ፥ “ጎዳዉ፥ ዳዊታ ናአዉ፥ ኑዉ ቃረታርኪ” ያጌድኖ።
MAT 20:31 ዳሮ አሳይ ኡንቱንታ፥ “ሀይዝተ” ጊደ ሀንቀቴዳ፤ ሽን ኡንቱንቱ ባረንቱ ኮሻ ዳሪ ꬎቁ ኦꬂደ፥ “ጎዳዉ፥ ዳዊታ ናአዉ፥ ኑና ማራርኪ!” ያጌድኖ።
MAT 20:32 የሱስ ኦግያን ኤቂደ፥ ኡንቱንታ ጼሲደ፥ “ታን ህንተንቶ አያ ኦꬃና ማላ ኮዪቴ?” ያጌዳ።
MAT 20:33 ቆቃቱ፥ “ጎዳዉ፥ ኑ አይፍያ ፓꬃርኪ” ያጌድኖ።
MAT 20:34 የሱስ ኡንቱንቶ ቃረቲደ፥ ኡንቱንቱ አይፍያ ቦቼዳ፤ ኤለካ ኡንቱንቱ አይፊ ጼል አግና፥ አ ካል አጌድኖ።
MAT 21:1 ኡንቱንቱ የሩሳላመ ማቲደ፥ ደብረ ዛይተ ጌተትያ ደርያ ላንቂያን ደእያ ቤተፋገ ጌተትያ ቄር ካታማ ጋኬድኖ፤ የሱስ ባረና ካልያዋንቱፐ ላኡዋ ስንꬃዉ ኪቲደ፥
MAT 21:2 ኡንቱንታ ሀዋዳን ያጌዳ፤ “ህንተንቱፐ ስንꬃን ደእያ ቄር ካታማ ቢተ፤ ሄዋን እት ሀራታ ቃሹዋን ደኤዉኖ እዝ ማራና ህንተንቱ ብ ስሞ ሳንካ ደማንታ፤ ኡንቱንታ ብሊደ፥ ታዉ አክ ዪተ።
MAT 21:3 ኦንነ ህንተንታ ኦቾፐ፥ ‘ጎዳይ ሀዋንታ ኮዬ’ ያግተ፤ ኤለካ እ ኡንቱንታ የድ አጋናዋ።”
MAT 21:4 ትምቢትያ ኦድያ ናቢ፥ “ጽዮነ ካታማ አሳዉ፥ ‘በአ፥ ነ ካቲ አሽከ ግዲደ፥ ሀርያ ቦላ፥ ሀረ ማራ ቦላ ኡቲደ፥ ኔኮ ዬ’ ያግተ” ያጊደ ሃሳዬዳዌ ፖለታና ማላ፥ ሀዌ ሃኔዳ።
MAT 21:6 አ ካልያዋንቱ ቢደ፥ የሱስ ባረንታ አዛዞዋዳን ኦꬄድኖ።
MAT 21:7 ሀራቶነ ሀረ ማራ አሂደ፥ ባረንቱ ማዩዋ ኡንቱንቱ ዞክያን ዎꬄድኖ፤ ሄዋፐ ስምና የሱስ ቶጌዳ።
MAT 21:8 ሄ ጮራ አሳፐ ዳርያ ባጋይ ባረ ማዩዋ ኦግያን ሂጼዳ፤ ቃይ ሀራንቱ ምꬃ ሀይꬃ ካር ካሪደ፥ ኦግያን የጌድኖ።
MAT 21:9 የሱሳፐ ስንꬃና ሀመትያ ጮራ አሳይነ ቃይ አ ጌዱዋ ካልያ ጮራ አሳይ፥ ባረንቱ ኮሻ ꬎቁ ኦꬂደ፥ “ዳዊታ ናአይ ጋላተቶ! ጎዳ ሱንꬃን ይያዌ አንጀቴዳዋ! ጾሳይ ጋላተቶ!” ያጌዳ።
MAT 21:10 የሱስ የሩሳላመ ካታማ ገሌዳ ዎደ፥ ካታማን ደእያ አሳይ ኡባይ፥ “ሀዌ ኦኔ?” ያጊደ ሻቢረቴድኖ።
MAT 21:11 አሳይ፥ “ሀዌ ጋሊላን ደእያ ናዝሬተ ጌተትያ ካታማፐ ዬዳ ናብያ የሱሳ” ያጌዳ።
MAT 21:12 የሱስ ጌሻ ጎልያ ገሊደ፥ ሄዋን ዛልእያዋንታነ ሻምያዋንታ ኡባ ካረ የደርሴዳ፤ ቃይ ሚሻ ላምያዋንቱ ጻራጴዛነ ዶጎሙዋ ዛልእያዋንቱ ኦይድያ ጉጵ የጊደ፥
MAT 21:13 ኡንቱንታ፥ “ጾሳ ማጻፋን፥ ‘ታ ጎሊ ጾሳ ዎስያ ጎልያ ጌተታና’ ያገቲደ ጻፈት ኡቴዳ፤ ሽን ህንተንቱ አ ቦንቂያዋንቱ ቆሰትያ ጎንጎሉዋ ከሴድታ” ያጌዳ።
MAT 21:14 ቆቃቱነ ገዲ ስሌዳዋንቱ የሱሳኮ ጌሻ ጎልያ ዪና፥ እ ኡንቱንታ ፓꬄዳ።
MAT 21:15 ሽን ቄሳቱዋ ካፓቱነ ህግያ ታማርስያዋንቱ የሱስ ኦꬅያ ኦራꬃባ በኤዳ ዎደነ፥ ጉꬃ ናናይ ጌሻ ጎልያን ባረንቱ ኮሻ ꬎቁ ኦꬂደ፥ “ዳዊታ ናአይ ጋላተቶ” ያግያዋ በኤዳ ዎደ ሀንቀቴድኖ።
MAT 21:16 ያቲደ የሱሳ፥ “ሀዋንቱ ግያዋ ስሳይ?” ያጌድኖ። የሱስ፥ “ኤ ስሳይ፤ ጾሳ ማጻፋይ፥ ‘ጉꬃ ናናይነ ꬋምያ ናናይ ኔና ጋላታና ማላ፥ ኡንቱንታ ኤርሳዳ’ ያግያዋ ኡባካ ናባብ በይክቴ?” ያጌዳ።
MAT 21:17 የሱስ ኡንቱንታ አጊደ፥ ሄ ካታማፐ ቢታንያ ጌተትያ ካታማ ቢደ፥ ያን አቄዳ።
MAT 21:18 የሱስ ዎንታ ጉራና ካታማ ቤዳ ድራዉ ኮሻቴዳ።
MAT 21:19 ኦግያ ዶናን እት ባላስያ ጌተትያ ምꬃቶ በኢደ፥ ኢኮ ቤዳ፤ ብ ጋክያ ዎደ ሄ ምꬃትን ሀይꬃ ጻላላፐ አትን፥ አይፍያ አይነ ደምቤና፤ እዞ፥ “ላኤንꬁዋ መꬍናዉካ አይፎፓ” ያግና፥ ሄ ባላሳታ ኤለካ መላ አጋዱ።
MAT 21:20 አ ካልያዋንቱ ሄዋ በኢደ ማላለቲደ፥ “ሀ ባላሳታ ዋናደ እት ኩꬃን መላ አጋዴ?” ያጌድኖ።
MAT 21:21 የሱስ ዛሪደ፥ “ታን ህንተንቶ ቱሙዋ ጋይ፤ ህንተንቱ አማኑ ደእያዋንታነ ስናዋንታ ግዶፐ፥ ሀ ባላሳቶ ታን ኦꬄዳዋ ማላ ጻላላ ኦꬅክታ፤ ሽን ሀራይ አቶ ህንተንቱ ሀ ደርያ፥ ‘ደንዳደ አባን ኩንዳ’ ግንቶካ ሀናና፤
MAT 21:22 ህንተንቱ አማኒደ ጾሳ ዎስያዋ አያ ግድንቶካ አካና” ያጌዳ።
MAT 21:23 የሱስ ጌሻ ጎልያ ዪደ ታማርስሽን፥ ቄሳቱዋ ካፓቱነ አይሁዳ ጭማቱ አኮ ዪደ፥ “ኔን ሀዋ ኦꬃናዉ ነዉ አይ ማታይ ደኢ? ነዉ ሀ ማታ ኦኔ እሜዳዌ?” ያጌድኖ።
MAT 21:24 የሱስ ዛሪደ ኡንቱንታ፥ “ታንካ ህንተንታ እትባ ኦቻና፤ ህንተንቱ ታዉ ሄዋ ኦዶፐ፥ ታን ሀዋ አይ ማታን ኦꬃይታንቶ፥ ህንተንቶ ኦዳና፤
MAT 21:25 ዮሃንስ ጻማቅያ ማታይ ሀቃፐ ዬዴ? ጾሳፐ ዬደየ አሳፐ ዬዴ?” ያጌዳ። ኡንቱንቱ ባረንቱ ግዱዋን ፓሉማ ዶሚደ፥ “ኑን፥ ‘ጾሳፐ ዬዳ’ ያጎፐ እ ኑና፥ ‘ያቶፐ፥ ዮሃንስ ኦዴዳዋ አያዉ አማንበይክቴ?’ ያጋናዋ።
MAT 21:26 ሽን ኑን፥ ‘አሳፐ ዬዳ’ ያጎፐ፥ አሳይ ኡባይ ዮሃንስ ናብያ ግዴዳዋ ኤርያ ድራዉ፥ አሳዉ ያዬቶ” ያጌድኖ።
MAT 21:27 ኡንቱንቱ የሱሳዉ፥ “ኑን ኤሮኮ” ያጊደ ዛሬድኖ። የሱስ፥ “ታንካ ሀዋ አይ ማታን ኦꬃይታንቶ፥ ህንተንቶ ኦድከ” ያጌዳ።
MAT 21:28 “ሽን ህንተንቱ አያ ቆፒቴ? ላኡ ናናይ ደእያ እት ብታኒ ደኤ፤ ሄ ብታኒ ባይራ ናኣኮ ቢደ፥ ‘ታ ናአዉ፥ ሀቼ ባደ ታ ዎይንያ ቱራ ኦꬃ’ ያጌዳ።
MAT 21:29 ናአይ ዛሪደ፥ ‘ቢከ’ ጌዳ፤ ሽን ጉየፐ ባረ ዎዛናን ቆፕ አኪደ፥ ዎይንያ ቱራ ኦꬃናዉ ቤዳ።
MAT 21:30 አዉ የኮ ናኣኮ ቢደ፥ ባይራዉ ጌዳዋዳንካ አዉ ጌዳ፤ ቴፋ ናአይ ዛሪደ፥ ‘ሎአ ታ ጎዳዉ’ ያጌዳ፤ ሽን ብቤና።
MAT 21:31 ሀ ላኡ ናናፐ ባረ አዉ ኮዬዳዋ ኦꬄዳዌ ሀቃዌ?” ያጌዳ። ኡንቱንቱ፥ “ባይራ” ያጌድኖ። የሱስ ኡንቱንታ ሀዋዳን ያጌዳ፤ “ታን ህንተንቶ ቱሙዋ ጋይ፤ ቃራጻ አክያዋንቱነ ዎሹምያዋንቱ ህንተፐ ስንꬃቲደ፥ ጾሳ ካዉተꬃ ገላና።
MAT 21:32 አያዉ ጎፐ፥ ጻማቅያ ዮሃንስ ጽሎተꬃ ኦግያ ታማርሲደ፥ ህንተኮ ዪና፥ እ ግያዋ አማንበይክታ። ሽን ቃራጻ አክያዋንቱነ ዎሹምያዋንቱ እ ግያዋ አማኔድኖ፤ ህንተንቱ ሀራይ አቶ ሄዋ በኢደካ፥ ህንተንቱ ናጋራፐ ስሚደ፥ እ ግይያዋ አማንበይክታ” ያጌዳ።
MAT 21:33 ቃይካ የሱስ ሀዋዳን ያጌዳ፤ “ሀራ ሌምሱዋካ ስስተ፤ ዎይንያ ጌተትያ ቱራ ቶኬዳ እት ብታኒ ደኤ፤ ዎይንያ ቱራ ዩሽ አꬂደ ድሬዳ፤ ቃይ ሄ ዎይንያ ጉምእያ ኦላካ ቦኬዳ፤ ሄዋ ናግያ አሳዉ አዱሳ ሹቻ ግምቤዳ። ሄዋፐ ጉይያን፥ ኮꬃ ኦꬅያ አሳዉ እሚደ፥ ሀራ ጋደ ቤዳ።
MAT 21:34 ዎይንያ አይፍያ ማጽያ ዎዲ ጋክና፥ ባረና ጋክያዋ አኪደ ያና ማላ፥ ባረ ቆማቱዋ ባረ ኮꬃዋቱዋኮ ኪቴዳ።
MAT 21:35 ኮꬃዋቱ አ ቆማቱዋ ኦይቂደ፥ እቱዋ ዎꬌድኖ፤ ቃይ የኩዋ ሹቻን ጳልቄድኖ።
MAT 21:36 ቃይካ ሄ ብታኒ ካሰዋንቱፐ ዳርያ ሀራ ቆማቱዋ ኪቴዳ፤ ኮꬃዋቱ ሄ ቆማቱዋካ ካሰዋንቱዋዳን ኦꬄድኖ።
MAT 21:37 “ሽን ዉርሰꬃን እ፥ ‘ታ ናኣ ኡንቱንቱ ቦንቻናዋንታ’ ያጊደ ባረ ናኣ ኡንቱንቱኮ ኪቴዳ።
MAT 21:38 “ሽን ኮꬃዋቱ ናኣ በኢደ፥ ባረንቱ ግዱዋን፥ ‘ጋድያ ላታናዌ ሀዋ፤ ቢደ አ ዎꬊደ፥ ጋድያ ኑን ላታና’ ያጌድኖ።
MAT 21:39 ናኣ ኦይቂደ፥ ዎይንያ ቱራ ግዶፐ ጋጻ ከሲደ ዎꬌድኖ።
MAT 21:40 “ስም ዎይንያ ቱራ ጎዳይ ይያ ዎደ፥ ሄ ኮꬃዋቱዋ ዎታኔ?” ያጊደ ኦቼዳ።
MAT 21:41 ኡንቱንቱ፥ “እ ሄ ኢታ አሳቱዋ ዎꬍ ዉርሲደ፥ ዎይንያ ቱራይ አይፍያ ዎደ ባረና ጋክያዋ ዎድያን ሼꬍያ ሀራ ኮꬃዋቶ እማና” ያጌድኖ።
MAT 21:42 የሱስ ኡንቱንታ ሀዋዳን ያጌዳ፤ “ ‘ግምቢያዋንቱ ካꬊደ እጼዳ ሹቻይ፥ ጎዳ ጻጱዋ ምንስያ፥ ኡባፐ አꬍያ ሹቻ ግዴዳ። ሀዌ ጎዳይ ኦꬄዳዋ፤ ቃይ ኑ ጼላዉካ ማላልስያዋ’ ያግያዋ ጾሳ ማጻፋፐ ኡባካ ናባብ በይክቴ?
MAT 21:43 “ሄዋ ድራዉ፥ ታን ህንተንቶ ኦዳይ፤ ጾሳ ካዉተꬃይ ህንተፐ አከቲደ፥ ሎኦ አይፍያ እምያ አሳዉ እመታናዋ።
MAT 21:44 ሄ ሹቻ ቦላ ኩንድያ ኡባይ መኤረታና፤ ቃይ ሄ ሹቻይ አሳ ቦላ ኩንዶፐ፥ ሄ ኩንዴዳ ኡራ ሊቅሳና” ያጌዳ።
MAT 21:45 ቄሳቱዋ ካፓቱነ ፓርሳዋቱ የሱስ ኦዴዳ ሌምሱዋ ስሴዳ ዎደ፥ ባረንቱዋ ሃሳይያዋ ኤሬድኖ።
MAT 21:46 ኡንቱንቱ የሱሳ ኦይቃናዉ ኮዬድኖ፤ ሽን የሱሳ ዳሮ አሳይ ናብያ ጊደ ቆፕ ኡቴዳ ድራዉ፥ ሄ አሳዉ ያዬድኖ።
MAT 22:1 የሱስ አሳዉ ላኤንꬁዋ ሌምሱዋን ሀዋዳን ያጊደ ሃሳዬዳ፤
MAT 22:2 “ሳሉዋ ካዉተꬃይ ባረ ናአዉ ማችያ እማናዉ ኡባባ ማኬዳ ካትያ ማላ።
MAT 22:3 ሄ ካቲ ቡላቻዉ ኦድ ዎꬄዳ አሳቱዋ ጼሳናዉ ባረ ቆማቱዋ ኪቴዳ፤ ሽን አሳቱ ያናዉ ኮይበይክኖ።
MAT 22:4 “ቃይ ሀራ ቆማቱዋ፥ ‘ጼሰቴዳዋንታ፥ “ታን ቁማ ጊግሳድ፤ ታ ሳንጋቱነ ታ ሞꬎ ምያቱ ሹከቴድኖ፤ ኡባባይካ ማከቴዳ። ቡላቻ ሃ ዪተ” ያግተ’ ያጊደ ኪቴዳ።
MAT 22:5 ሽን ጼሰቴዳዋንቱ ኮየናን እጺደ፥ ባረንቱ ኦሶ ቤድኖ፤ እቱ ባረ ጎሻዉ ቢና፥ የኩ ባረ ዛልኤዉ ቤዳ።
MAT 22:6 አቴዳዋንቱ ቃይ ካትያ ቆማቱዋ ኦይቂ ዋꬊደ ዎꬌድኖ።
MAT 22:7 “ካቲ ዳሮ ሀንቀቴዳ፤ ቃይ ባረ ዎታዳራቱዋ የዲደ፥ ሄ ሸምፑዋ ዎꬌዳዋንታ ዎꬍሲደ፥ ኡንቱንቱ ካታማ ጉድሴዳ።
MAT 22:8 ሄዋፐ ጉይያን፥ ባረ ቆማቱዋ፥ ‘ቡላቻይ ማከቴዳ፤ ሽን ጼሰቴዳዋንቱ ቡላቻዉ በስያ አሳ ግድክኖ።
MAT 22:9 ሄዋ ድራዉ፥ ዎጋ ቃꬋ ቢደ፥ ህንተንቱ ደሜዳ አሳ ኡባ ቡላቻዉ ጼስተ’ ያጌዳ።
MAT 22:10 ሄ ቆማቱ ቃꬋ ቢደ፥ ባረንቱ ደሜዳ አሳ ኡባ ሎኡዋ ኢታ ሺሺደ፥ ቡላቻ ዳስያ ኩንꬄድኖ።
MAT 22:11 “ሽን ካቲ ቁማ ማናዉ ኡቴዳ አሳ በአናዉ ገሌዳ ዎደ፥ ቡላቻ ማዩዋ ማይቤና እት ብታንያ ሄዋን በኢደ፥
MAT 22:12 ‘ታ ላገዉ፥ ቡላቻ ማዩዋ ማየናን ዋናደ ሀዋ ገላዲ?’ ያግና ብታኒ ጮኡ ጌዳ።
MAT 22:13 “ሄዋፐ ጉይያን፥ ካቲ ባረ ቆማቱዋ፥ ‘ሀ ብታንያ ኩሽያነ ገድያ ቃቺደ፥ ካረ ꬉማ ከስ ኦልተ፤ እ ሄዋን ዬካናነ አቻ ꬋቃና’ ያጌዳ።
MAT 22:14 “አያዉ ጎፐ፥ ጼሰቴዳዋንቱ ዳራ፤ ሽን ዶረቴዳዋንቱ ጉꬃ” ያጌዳ።
MAT 22:15 ሄዋፐ ጉይያን፥ ፓርሳዋቱ ቢደ፥ አ ሃሳያፐ ባላ ደሚደ፥ አ ኦይቃና ማላ ማቀቴድኖ።
MAT 22:16 ቃይ ባረንታ ካልያዋንቱፐነ ሄሮድሳ ባጋቱዋፐ አማሬዳዋንታ አኮ ኪቴድኖ። ኡንቱንቱ፥ “ታማርስያዎ፥ ኔን ቱሙዋ ሃሳይያዋነ ጾሳ ኦግያ ቱማተꬃን ታማርስያዋ ኑን ኤሬቶ፤ አያዉ ጎፐ፥ ኔን አሳፐ አሳ ሻካካነ ዱማያካ።
MAT 22:17 ነ ቆፋይ አየንቶ ኑዉ ኦዳ፤ ኑን ሮመ ጋድያ ካትያ ቄሳረዉ ጊራ ጊርያዌ ዎጌየ ዎጋ ግደኔ?” ያጌድኖ።
MAT 22:18 ሽን የሱስ ኡንቱንቱ ኢታ ቆፋ ኤሪደ፥ “ሀ ሎአ ማላትያ ኢታ አሳቶ፥ አያዉ ታና ፓጪቴ?
MAT 22:19 ጊራ ጊርያ ሚሻ ታና በስተ” ያጌዳ። ሄዋፐ ጉየ ኡንቱንቱ ብራ ሳንትምያ አዉ አሄድኖ።
MAT 22:20 እ፥ “ሀ ማላይነ ሱንꬃይ ኦዌ?” ያጌዳ።
MAT 22:21 ሄዋፐ ስሚደ ኡንቱንታ ኦችና፥ ኡንቱንቱ፥ “ሮመ ጋድያ ካትያ ቄሳረዋ” ያጌድኖ። ሄዋፐ ጉይያን፥ የሱስ ኡንቱንታ፥ “ያቶፐ፥ ቄሳረዋ ቄሳረዉ፥ ጾሳዋ ጾሳዉ እምተ” ያጌዳ።
MAT 22:22 ኡንቱንቱ ሄዋ ስሴዳ ዎደ፥ ማላለቲደ አ አጊደ ቤድኖ።
MAT 22:23 ሀይቄዳ አሳይ ደንደና ግያ ሳዱቃዋናቱዋፐ እት እት አሳቱ ሄ ጋላስ የሱሳኮ ዪደ፥ ሀዋዳን ያጊደ፥ አ ኦቼድኖ፤
MAT 22:24 “ታማርስያዎ፥ ሙሴ፥ ‘እት አሳይ ናኣ የለናን ሀይቆፐ፥ ሄ ሀይቄዳዋ እሻይ አ ማቻቶ ላቲደ፥ ባረ እሻዉ ናኣ የላናዉ በሴ’ ያጌዳ።
MAT 22:25 ኑናና ላፑ እሻቱ ደኢኖ፤ ባይራይ ማቻቶ አኪደ፥ ናኣ የለናን ሀይቄዳ፤ ሄዋፐ ጉይያን አ ማቻቶ አ እሻይ አኬዳ።
MAT 22:26 ቃይ ላኤንꬅያዌካ ሀይቄዳ፤ ሄዘꬅያዌካ፥ ላፑንꬃ ጋካናዉካ ሄዋዳን ሀኔድኖ።
MAT 22:27 ኡባፐ ጉይያን፥ ሄ ምሽራታ ሀይቃዱ።
MAT 22:28 ያትና፥ ሀይቄዳ አሳይ ሀይቁዋፐ ደንድያ ጋላስ ሄ ምሽራታ ላፑናቱዋፐ ሀቃዎ ማቼ ግዳኔ? አያዉ ጎፐ፥ ላፑናቱ ኡባይካ እዞ አኬድኖ” ያጌድኖ።
MAT 22:29 የሱስ ዛሪደ፥ ሀዋዳን ያጌዳ፤ “ጾሳ ማጻፋቱዋ ዎይ አ ዎልቃ ህንተንቱ ኤረና ድራዉ ባሊታ።
MAT 22:30 አያዉ ጎፐ፥ ሀይቄዳ አሳይ ሀይቁዋፐ ደንድያ ጋላስ፥ ሳሉዋን ደእያ ኪታንቻቱዋ ማላ ግዳናፐ አትን፥ አቱማ አሳይነ አከና፤ ማጫ አሳይነ ገለና።
MAT 22:31 ሽን ሀይቄዳዋንቱ ደንዱዋባ ግዶፐ፥ ጾሳይ፥ ‘ታን አብራሃመ ጾሳ፥ ይሳቃ ጾሳ፥ ያቆባ ጾሳ’ ያጊደ ህንተዉ ኦዴዳዋ ኡባካ ናባብ በይክቴ? ጾሳይ ፓጻ ደእያዋንቱ ጾሳ ግድያዋፐ አትን፥ ሀይቄዳዋንቱ ጾሳ ግደና” ያጌዳ።
MAT 22:33 ዳሮ አሳይ ሄዋ ስሲደ፥ አ ትምርትያን ማላለቴድኖ።
MAT 22:34 ሽን የሱስ ሳዱቃዋናቱዋ ጮኡ ኦꬄዳዋ ፓርሳዋቱ ስሴዳ ዎደ፥ እትሳ ሺቄድኖ።
MAT 22:35 ኡንቱንቱ ግዶፐ ህግያ ታማርስያ እቱ፥ የሱሳ ፓጫናዉ እትባ ኦቼዳ።
MAT 22:36 “ታማርስያዎ፥ ህግያ ግዱዋን ኡባፐ አꬍያ አዛዙ ሀቃዌ?” ያጊደ አ ኦቼዳ።
MAT 22:37 የሱስ ዛሪደ፥ ሀዋዳን ያጌዳ፤ “ ‘ኔን ጎዳ ነ ጾሳ ነ ኩመንꬃ ዎዛናፐ፥ ነ ኩመንꬃ ሸምፑዋፐ፥ ነ ኩመንꬃ ቆፋፐ ሲቃ’ ያጌዳ።
MAT 22:38 ሄዌ ኡባፐ ዳርያ አዛዙዋነ ቃይ ኡባፐ አꬍያ አዛዙዋ።
MAT 22:39 ቃይ ላኤንꬅያ አዛዙካ አ ማላ፤ ሄዌ፥ ‘ኔን ነ ሾሩዋ ነ ሁጲያዳን ሲቃ’ ግያዋ።
MAT 22:40 ሙሴ ህግያ ኡባይነ ናባቱዋ ትምርቲ ሀ ላኡ አዛዛቱዋን ቃሸቴ” ያጌዳ።
MAT 22:41 ፓርሳዋቱ እትሳ ሺቄዳሳን የሱስ ኡንቱንታ፥ “ክርስቶሳባ ዋጊደ ቆፒቴ? እ ኦ ናኤ?” ያጊደ ኦቼዳ። ኡንቱንቱ፥ “ክርስቶስ ዳዊታ ናኣ” ያጌድኖ።
MAT 22:43 የሱስ ኡንቱንታ፥ “ያትና፥ ዳዊተ ባረና ጌሻ አያናይ ሃሳይስና ክርስቶሳ ዋጊደ፥ ‘ጎዳ’ ጊደ ጼሲ?
MAT 22:44 ቃይካ ዳዊተ፥ “ጎዳይ ታ ጎዳ፥ ታን፥ ‘ነ ሞርከቱዋ፥ ኔን የꬋ ኤቂያዋ ኦꬃና ጋካናዉ፥ ሀዋን ታፐ ኡሸቻ ባጋና ኡታደ ታናና እትፐ ዳናታ ጌዳ’ ያጌዳ።
MAT 22:45 ዳዊተ ክርስቶሳ፥ ‘ጎዳ’ ጊደ ጼሶፐ፥ ያትና፥ ክርስቶስ ዋኒደ ዳዊታ ናኣ ግዲ?” ያጌዳ።
MAT 22:46 የሱሳዉ እት ቃላ ዛራናዉ ዳንዳዬዳ እት አሳይነ ባዋ፤ ቃይ ሄ ጋላሳፐ ዶምና፥ ሀራ ኦሻ አ ኦቻናዉ ጻሌዳዌ ኦንነ ባዋ።
MAT 23:1 ሄዋፐ ጉይያን፥ የሱስ ሺቄዳ አሳዉነ ባረና ካልያዋንቶ ሀዋዳን ያጊደ ሃሳዬዳ፤
MAT 23:2 “ህግያ ታማርስያዋንቱነ ፓርሳዋቱ ሙሴ ህግያ ታማርስያ ማታና ደኢኖ።
MAT 23:3 ሄዋ ድራዉ፥ ህንተንቱ ኦꬃና ማላ፥ ኡንቱንቱ ህንተንታ አዛዝያ ኡባባ ኦꬅተነ ቃይ ናግተ፤ ሽን ኡንቱንቱ ኦꬅያዋዳን ኦꬆፕተ፤ አያዉ ጎፐ፥ ኡንቱንቱ ባረንቱ ኦድያዋ ኦꬅክኖ።
MAT 23:4 ቶካናዉ ዴጽያ ቶኩዋ ኡንቱንቱ ቃቺደ፥ አሳ ቶሲኖ፤ ሽን ባረንቱ ሁጲያን ሀራይ አቶ፥ ሄ ቶኩዋ ብራꬍያን ቦቻናዉካ ኮይክኖ።
MAT 23:5 “ሽን ኡንቱንቱ ባረንቱ ኦሱዋ ኡባ አሳይ በአናዳን ኦꬂኖ፤ አያዉ ጎፐ፥ ባረንቱ ሶምእያንነ ባረንቱ ኩሽያ ቀስያን ቃችያ ጽቅስያና ደእያ ክታፋ አሲኖነ ባረንቱ ማዩዋ ማጫራካ አዱሲኖ።
MAT 23:6 አሳይ ባረንታ ሾቢደ አፎሳን ቦንቾ ኡቱዋ ዶሲኖ፤ ቃይ አይሁዳ ዎሳ ጎለቱዋንካ ዳሮ ሎእያ ኦይድያ ዶሲኖ።
MAT 23:7 አሳይ ገዋን ባረንታ ቦንቺደ ሳሮታና ማላነ ‘ታማርስያዎ’ ጊደ ባረንታ ጼሳናዳን ኮዪኖ።
MAT 23:8 “ሽን ህንተንታ ታማርስያዌ እቱዋ ጻላላ ግዴዳ ድራዉነ ህንተንቱ ኡባይ እሻቱዋ ግዴዳ ድራዉ፥ እቱ እቱዋ፥ ‘ታማርስያዎ’ ጊደ ጼሶፕተ።
MAT 23:9 ሀ ሳኣን ኦናነ ‘አዉዋ’ ጊደ ጼሶፕተ፤ አያዉ ጎፐ፥ ህንተንቶ ሳሉዋን ደእያ እት አዉ ደኤ።
MAT 23:10 እቱ እቱዋ፥ ‘ታማርስያዎ’ ጊደካ ጼሶፕተ፤ አያዉ ጎፐ፥ ህንተንቶ እት ጎዳይ፥ ክርስቶሳ ጻላላይ ደኤ።
MAT 23:11 ህንተንቱ ግዶን ኡባፐ ዳርያዌ ህንተንቶ ቆማ ግዳናዉ በሴ።
MAT 23:12 ባረና ዳርስያዌ ኦንነ ቶሸታና፤ ቃይ ባረና ቶችያዌ ኦንነ ꬎቁ ጋና።
MAT 23:13 “ሎአ ማላትያ ኢታቶ፥ ህግያ ታማርስያዋንቶነ ፓርሳዋቶ፥ አሳዉ ሳሉዋ ካዉተꬃ ህንተንቱ ጎርድያ ድራዉ፥ ህንተንቶ አየሮ፤ አያዉ ጎፐ፥ ህንተንቱ ሁጰዉነ ገልክታ፤ ቃይ ገላናዉ ኮይያዋንታካ ገልስክታ።
MAT 23:14 “ሎአ ማላትያ ኢታቶ፥ ህግያ ታማርስያዋንቶነ ፓርሳዋቶ አምኤቱዋ ጎልያ ህንተንቱ ቦንቂደ፥ ህንተንቶ ሎአ ማላታናዉ ጾሳ ዎሳ አዱሲታ፤ ሄዋ ድራዉ፥ ህንተንቶ አየሮ፤ ኡባፐ አꬍያ ፕርዳ ህንተንቱ አካና።
MAT 23:15 “ሎአ ማላትያ ኢታቶ፥ ህግያ ታማርስያዋንቶነ ፓርሳዋቶ ህንተንቱ እት ኡራ አማንꬃናዉ አባንነ ሳኣን ዩይያ ድራዉነ ቃይ ህንተንቱ አ አማንꬅያ ዎደ፥ ሄ ኡራ ህንተንቱዋፐ ላኡ ኩሽያ ኢቴዳ ጋናመዉ ናኣ ኦꬅያ ድራዉ፥ ህንተንቶ አየሮ።
MAT 23:16 “ ‘ኦንነ ጌሻ ጎልያን ጫቆፐ፥ አይነ ባዋ፤ ሽን ጌሻ ጎልያን ደእያ ዎርቃን ጫቆፐ፥ ሄ ጫቁ አ ጋኬ’ ግያ ህንተንቶ ቆቅ ኡቲደ አሳ ካለꬅያዋንቶ፥ ህንተንቶ አየሮ።
MAT 23:17 ሀ ኤያቱ፥ ሀ ቆቃቱ፥ ዎርቃይ አꬊዬ? ዎርቃ ጌሻ ኦꬅያ ጌሻ ጎሊ አꬊ?
MAT 23:18 ቃይ ህንተንቱ፥ ‘ኦንነ ያርሹዋ ያርሽያባን ጫቆፐ፥ አይኔካ ባዋ፤ ሽን ኦንነ አ ቦላ ደእያ ያርሹዋን ጫቆፐ፥ ሄ ጫቁ አ ጋኬ’ ያጊደ ታማርሲታ።
MAT 23:19 ሀ ኤያቱ፥ ሀ ቆቃቱ፥ ያርሹ አꬊዬ? ዎይ ያርሹዋ ጌሻ ኦꬅያ አ ያርሽያባይ አꬊ?
MAT 23:20 ሄዋ ድራዉ፥ ያርሹዋ ያርሽያባን ጫቂያ ኡራይ ሄ ያርሽያዋንካ ጫቄ፤ ቃይ አ ቦላ ደእያ ኡባባንካ ጫቄ።
MAT 23:21 ጌሻ ጎልያን ጫቂያ ኡራይ፥ ሄ ጌሻ ጎልያንነ አ ግዶን ደእያ ጾሳን ጫቄ።
MAT 23:22 ሳሉዋን ጫቂያ ኡራይ፥ ጾሳ ካዉተꬃ ኦይድያንነ ሄ ኦይድያን ኡትያዋን ጫቄ።
MAT 23:23 “ሎአ ማላትያ ኢታቶ፥ ህግያ ታማርስያዋንቶነ ፓርሳዋቶ፥ ህንተንቶ አየሮ። አያዉ ጎፐ፥ ካረꬃ አኑጋፐ፥ ሽላርያፐነ ኦካሽያፐ አስራታ ህንተንቱ እሚታ፤ ሽን ህግያን ደእያ ዳሪ ኮሽያዋንታ አጊታ፤ ሄዋንቱ ፕርዳ፥ ማሮተꬃነ ጽሎተꬃ። ሀራንታካ አገናን፥ ህንተንቱ ኦꬃናዉ በስያ የዋቱ ሀዋንታ።
MAT 23:24 ህንተንቶ ቆቅ ኡቲደ፥ አሳ ካለꬅያዋንቶ፥ ህንተንቱ ኡሻፐ ኡዱንጽያ ጋጪደ፥ ጋሉዋ ምቲታ።
MAT 23:25 “ሎአ ማላትያ ኢታቶ፥ ህግያ ታማርስያዋንቶነ ፓርሳዋቶ፥ ህንተንቶ አየሮ። አያዉ ጎፐ፥ ህንተንቱ ሻታነ ከርያ ቦላ ባጋ ጌሺታ፤ ሽን አ ግዱዋን ቦንቂያንነ ኡዘተꬃን ኩንꬄድታ።
MAT 23:26 ሀ ቆቃ ፓርሳዌዉ፥ ሻታነ ከርያ ጋርሳ ካሰታደ ጌሻ ድጋ፤ ሄዋፐ ጉይያን፥ ቦላ ባጋይካ ጌሻ ግዳናዋ።
MAT 23:27 “ሎአ ማላትያ ኢታቶ፥ ህግያ ታማርስያዋንቶነ ፓርሳዋቶ፥ ህንተንቶ አየሮ። አያዉ ጎፐ፥ ካረ ባጋና ቦሽንቻን ኦከቲደ፥ ሎኦ ኡቲደ፥ ቃይ ጋርሳ ባጋና ሀይቄዳ አሳ መቀꬃይነ ዎቄዳባይ ኡባባይ ኩሜዳ ዱፎቱዋ ማላቲታ።
MAT 23:28 ሄዋዳንካ፥ ቃይ ቦላ ባጋና አሳ ኡባዉ ጽሉዋ ማላቲታ፤ ሽን ህንተንቶ ጋርሳ ባጋና ሎአ ማላትያ ኢታተꬃይነ ማካላይ ኩም ኡቴዳ።
MAT 23:29 “ሎአ ማላትያ ኢታቶ፥ ህግያ ታማርስያዋንቶነ ፓርሳዋቶ፥ ህንተንቶ አየሮ። አያዉ ጎፐ፥ ናባቱዋ ዱፉዋ ቦላ ጎልያ ኬጺታ፤ ቃይ ጽላቱዋ ዱፉዋካ ሎይꬂታ።
MAT 23:30 ቃይ ህንተንቱ፥ ‘ኑን በን ኑ አዎቱዋ ዎደ ደኤዳዋንታ ግድንቶ፥ ኡንቱንቱና እትፐ ናባቱዋ ዎꬎኮ ሽን’ ያጊታ።
MAT 23:31 ሄዋ ግዶፐ፥ ናባቱዋ ዎꬌዳዋንቱ ናና ህንተንቱ ግዴዳዋ ህንተንቱ ሁጲያን ማርካቲታ።
MAT 23:32 ስም ህንተንቱ አዎቱ ዶሜዳዋ ፖልክቴ!
MAT 23:33 “ሀ ሾሻቶ፥ ሾሻ ናናዉ፥ ጋናምያ ፕርዳፐ ዋኒደ አታንቴ?
MAT 23:34 ሄዋ ድራዉ፥ በይተ፥ ታን ናባቱዋ አꬎ ኤራንቻቱዋነ ህግያ ታማርስያዋንታ ህንተኮ ኪታና። ኡንቱንቱፐ እቱዋ እቱዋ ህንተንቱ ዎꬋናነ ማስቃልያ ቦላ ምስማርያን ꬍሺደ ካቃንታ፤ ቃይ እቱዋ እቱዋ ህንተንቱ ዎሳ ጎለቱን ልሱዋን ሾጫንታነ ካታማፐ ካታማ የደርሳንታ።
MAT 23:35 ሄዋ ድራዉ፥ ጽሉዋ አቤላ ዎꬎደፐ ዶሚደ፥ ጌሻ ጎልያፐነ ያርሽያ ሳፐ ግዱዋን ህንተንቱ ዎꬌዳ ባራክያ ናኣ ዛካራሳ ዎድያ ጋካናዉ፥ ሀይቄዳ ጽላቱዋ ኡባቱዋ ሱꬃ ድራዉ፥ ህንተንቱ ሙረታንታ።
MAT 23:36 ታን ህንተንቶ ቱሙዋ ኦዳይ፤ ሀ ኡባባይ ሀ ዎድያ አሳ ቦላ ጋካናዋ።
MAT 23:37 “የሩሳላመ ካታማ አሳዉ፥ የሩሳላመ ካታማ አሳዉ፥ ናባቱዋ ህንተንቱ ዎꬊታ፤ ጾሳይ ህንተንቱኮ ኪቴዳዋንታካ ሹቻን ጫዲታ፤ ኩታታ ባረ ማራቱዋ ባረ ቀፍያን ሀጵያዋዳን፥ ታን ህንተንቱ አሳ እትሳ ሺሻናዉ አፑ ካላ ኮያድታ! ሽን ታና ድጌድታ።
MAT 23:38 በእተ፥ ህንተንቱ ጎሊ ኡባካ ኦና ግዳናዋ።
MAT 23:39 አያዉ ጎፐ፥ ታን ህንተንቶ ኦዳይ፤ ህንተንቱ፥ ‘ጎዳ ሱንꬃን ይያዌ አንጀቴዳዋ ጋና ጋካናዉ፥ ላኤንꬁዋ ታና በእክታ’ ጋይ” ያጌዳ።
MAT 24:1 የሱስ ጌሻ ጎልያፐ ከሲደ ብያ ዎደ፥ ጌሻ ጎልያ ድርሳ ግዶን ደእያ ጎልያ በሳናዉ አ ካልያዋንቱ አኮ ዬድኖ።
MAT 24:2 የሱስ ዛሪደ ኡንቱንታ፥ “ሄዋ ኡባ በኢቴ? ታን ህንተንቶ ቱሙዋ ኦዳይ፤ ሀ ጎለቱዋን ደእያ እት ሹቻይነ አተናን ኡባይ ኮለታና” ያጌዳ።
MAT 24:3 የሱስ ደብረ ዛይተ ጌተትያ ደርያ ቦላን ኡት ደእሽን፥ አ ካልያዋንቱ ባረንቱ ጻላላ አኮ ዪደ አ፥ “ሄዌ አዉደ ሀናነንቶ፥ ኑዉ ኦዳርኪ፤ ቃይ ነ ዩሳዉነ ዎድያ ዉርሰꬃዉ ማላይ አያ ግዳኔ?” ያጌድኖ።
MAT 24:4 የሱስ ዛሪደ፥ ኡንቱንታ ሀዋዳን ያጌዳ፤ “ህንተንታ ኦንነ ባለና ማላ ናገትተ።
MAT 24:5 አያዉ ጎፐ፥ ዳሮ አሳይ ታ ሱንꬃን፥ ‘ታን ክርስቶሳ’ ያጊደ ያና፤ ያቲደ ዳሮ አሳ ባለꬃና።
MAT 24:6 ማታን ደእያ ኦላ ዋሱዋነ ሃኩዋን ደእያ ኦላ ኦዱዋ ስሳናዉ ህንተንቱ ደኢታ፤ ሄዋ ማላባይ ሀናናዉ በስያ ድራዉ፥ ናገትተ፤ ህርጎፕተ፤ ሽን ዉርሰꬃይ ብራ።
MAT 24:7 አያዉ ጎፐ፥ እት ጋድያ አሳይ ሀራ ጋድያ አሳና ኦለታና፤ ቃይ እት ካዉተꬃይ ሀራ ካዉተꬃና ኦለታና፤ ኮሻይነ ቢታ ቃꬃይ ኡባ ሳን ደአናዋ።
MAT 24:8 ሄዌ ኡባይካ ኮይሮ ኦይꬃ ማላ።
MAT 24:9 “አሳይ ሄ ዎደ ህንተንታ ዋይሳናነ ዎꬋናዋ፤ ታ ሱንꬃ ድራዉ፥ ጋደ ኡባይ ህንተንታ እጻናዋ።
MAT 24:10 ሄ ዎደ ጮራ አሳይ አማኑዋ አጋናዋንታ፤ ባረንቱ ግዶን እቱ እቱዋ አꬂደ እማናነ እቱ እቱዋ እጻናዋ።
MAT 24:11 ቃይ ዎርዶ ናባቱ ጮራቱ ደንዲደ፥ ዳሮ አሳ ጭማናዋንታ።
MAT 24:12 ማካላይ ዳርያ ድራዉ፥ ጮራ አሳ ሲቁ እርጻናዋ።
MAT 24:13 ሽን ዉርሰꬃይ ጋካናዉ ገንጭያ ኡራይ አታናዋ።
MAT 24:14 አሳዉ ኡባዉ ማርካ ግዳና ማላ፥ ካዉተꬃ ዎንጋላ ምሽራቹ ሳኣ ኡባን ኦደታናዋ፤ ሄዋፐ ጉይያን፥ ዉርሰꬃይ ጋካናዋ።”
MAT 24:15 “ሄዋ ድራዉ፥ ናብያ ዳኔል ኦዴዳ ባሻ ቱናተꬃይ ጌሻ ሳን ኤቄዳዋ ህንተንቱ በአና፤ ሄዌ ዋግያዌንቶ፥ ናባብያዌ አኬኮ።
MAT 24:16 “ይሁዳ ጋድያን ሄ ዎደ ደእያዋንቱ ደርያኮ ከስኖ።
MAT 24:17 ጎልያ ሁጲያን ደእያ ኡራይካ ባረ ሶይን ደእያዋ አካናዉ ዎꬎፖ።
MAT 24:18 ጋደን ደእያዌ ባረ ማዩዋ አካናዉ ጉየ ስሞፖ።
MAT 24:19 ሄ ዎደ ሻሃራ ማጫዋንቶነ ꬋንꬅያ ማጫዋንቶ አየሮ።
MAT 24:20 ባልጉዋን ዎይ ሳምባታን ህንተንቱ በተና ማላ፥ ጾሳ ዎስተ፤
MAT 24:21 አያዉ ጎፐ፥ አላሚ መቶደፐ ሀቼ ጋካናዉ ደእቤናባይነ ቃይ ሀዋፐ ስንꬃዉካ ኡባ ደኤና ኢታ ዋዪ ሄ ዎደ ደአናዋ።
MAT 24:22 ጾሳይ ሄ ጋላሳቱዋ ፓይዱዋ ጉꬅያዌ ባዌንቶ፥ አሳ ግዴዳ ኦንነ አተና፤ ሽን እ ባረ ዶሬዳ አሳቱዋ ድራዉ፥ ሄ ጋላሳቱዋ ፓይዱዋ ጉꬃናዋ።
MAT 24:23 “ሄ ዎደ ኦንነ ህንተንታ፥ ‘በእተ። ክርስቶስ ሀዋን ደኤ’ ዎይ፥ ‘ሄዋን ደኤ’ ያጎፐ አዋ አማኖፕተ።
MAT 24:24 አያዉ ጎፐ፥ ዎርዶ ክርስቶሳቱነ ዎርዶ ናባቱ ደንዳና፤ ያቲደ ባረንቶ ዳንዳየቶፐ፥ ሀራይ አቶ ጾሳይ ዶሬዳዋንታካ ባለꬃናዉ ዎልቃማ ማላታነ ማላልስያባ በሳናዋ።
MAT 24:25 በእተ፥ ታን ህንተዉ ሄዋ ካሰታደ ኦዳድ።
MAT 24:26 “ሄዋ ድራዉ፥ አሳይ ህንተንታ፥ ‘በእተ፥ ክርስቶስ ባዙዋን ደኤ’ ጎፐ፥ ያ ቦፕተ፤ ዎይ ህንተንታ፥ ‘በእተ፥ ቆልኦን ደኤ’ ግንቶካ፥ ኡንቱንቱባ አማኖፕተ።
MAT 24:27 አያዉ ጎፐ፥ ዋልቃንꬃይ አዋይፊ ዶልያ ባጋፐ ዋልቃሚደ፥ አዋይፊ ዉልያ ባጋ ጋካናዉ ጶልቁ ግያዋዳን፥ ታ ዩሳይ፥ አሳ ናኣ ዩሳይ፥ ሄዋዳን ሀናናዋ።
MAT 24:28 “ባኩታይ ደኢያሳ ሾርቲ ሺቃና።”
MAT 24:29 “ሄ ዎደ ዋይያፐ ጉይያን፥ ኤለካ አዋይ ꬉማና፤ አገናይ ፖእያዋ አጋናዋ፤ ጾልንታቱ ሳሉዋፐ ኩንዳናዋንታ፤ ቃይ ሳሉዋን ደእያ ዎልቃቱካ ቃጸታናዋንታ።
MAT 24:30 ሄ ዎደ ታ ማላይ፥ አሳ ናኣ ማላይ፥ ሳሉዋን ቤታናዋ፤ ሳኣን ሄ ዎደ ደእያ አሳ ዛሪ ኡባይ ዬካናዋንታ። ቃይ ታን፥ አሳ ናአይ፥ ዎልቃናነ ዎልቃማ ቦንቹዋና ሳሉዋፐ ሻርያ ግዶና ዪሽን፥ ኡንቱንቱ በአና።
MAT 24:31 እ ባረ ኪታንቻቱዋ ዎልቃማ ማላካታና ኪታና፤ ኪታንቻቱ አላመዉ ሀ ጋጻፐ ያ ጋጻ ጋካናዉ፥ ቃይ ሳኣን ኦይዱ ባጋፐ አዉ ዶረቴዳ አሳ ሺሻናዋ።
MAT 24:32 “ሌምሱዋ ባላሳቶ ጌተትያ ምꬃትፐ አኬክተ፤ ባላሳታ አጭያ ዎደነ እዝ ሀይꬃይ ቆለትያ ዎደ፥ ቦኒ ማቴዳዋ ህንተንቱ ኤራንታ።
MAT 24:33 ሄዋዳንካ፥ ህንተንቱ ሄ ኡባባ በእያ ዎደ፥ እ ማቲደ ፐንግያ ሺቄዳዋ ኤርተ።
MAT 24:34 ታን ህንተንቶ ቱሙዋ ኦዳይ፤ ሀ ኡባባይ ሀናና ጋካናዉ፥ ሀ ዎድያ አሳይ ሀይቂድገና።
MAT 24:35 ሳሉነ ሳአይ አꬋና፤ ሽን ታ ቃላይ ኡባካ አና።
MAT 24:36 “ሽን ሄ ጋላሳነ ሄ ሳትያ አዉዋ ጻላላፐ አትን፥ ሀራይ አቶ ሳሉዋን ደእያ ኪታንቻቱዋ ግድና፥ ዎይ ታና ናኣ ግድናካ ኦንነ ኤርያዌ ባዋ።
MAT 24:37 ታ ዩሳይ፥ አሳ ናኣ ዩሳይ፥ ኖሄ ዎደ ሀኖዋ ማላ ግዳናዋ።
MAT 24:38 አያዉ ጎፐ፥ ባሻ ሃꬃ ዩሳፐ ካሰ ዎደ፥ ኖሄ ማርካብያን ገሌዳ ጋላሳይ ጋካናዉ፥ አሳይ ሜነ ኡሼነ፤ ቃይ አቱማ አሳይ አኬነ ማጫ አሳይ አስና ገሌ።
MAT 24:39 ባሻ ሃꬃይ ዪደ፥ ኡንቱንታ ኡባ አፋና ጋካናዉ፥ ኡንቱንቱ አኬክበይክኖ፤ ታን፥ አሳ ናአይ፥ ይያ ዎዲ፥ ሄዋ ማላ ግዳናዋ።
MAT 24:40 “ሄ ዎደ ላኡ አሳቱ ጋደን ኦꬅያዋንቱፐ እቱዋ አፋና፤ እቱ አታናዋ።
MAT 24:41 ላኡ ማጫዋንቱ ዎጻን ጋጭያዋንቱፐ እትኖ አፋና፤ እትና አታና።
MAT 24:42 “ስም ህንተ ጎዳይ አይ ጋላስ ያናዌንቶ ህንተንቱ ኤረና ድራዉ፥ ናግ ኡትተ።
MAT 24:43 ሽን ካይሱ ቃማፐ ዎይሳ ዎድያን ያነንቶ ጎልያ ጎዳይ ኤሬደንቶ፥ ባረ ጎሊ ቦከተና ማላ፥ ቤጎቲደ ናግ ኡታናዋ ኤርተ።
MAT 24:44 ሄዋ ድራዉ፥ ህንተንቱካ ጊግ ኡትተ፤ አያዉ ጎፐ፥ ታን፥ አሳ ናአይ፥ ህንተንቱ ቆፐና ሳትያን ያና።
MAT 24:45 “ያትና፥ ባረ ሶይ አሳዉ ቁማ ኮሽያ ዎድያን እማና ማላ፥ አ ጎዳይ ሱንꬄዳ አማነቴዳ ዎዛናማ ቆማይ ኦኔ?
MAT 24:46 እ ሄዋዳን ኦꬅሽን፥ አ ጎዳይ ዪደ ደምያ ቆማይ አንጀቴዳዋ።
MAT 24:47 ታን ህንተንቶ ቱሙዋ ኦዳይ፤ ጎዳይ ሄ ቆማ ባረዋ ኡባ ቦላ ሱንꬃና።
MAT 24:48 ሽን ቆማይ ኢታ ግዶፐ፥ ‘ታ ጎዳይ ጋምኢደ ያናዋ’ ያጊደ ባረ ዎዛናን ቆፒደ፥
MAT 24:49 ባረ ላገꬃ ቆማቱዋ ዋꬋ ዶሞፐ፥ ማꬆትያዋንቱና ሞፐነ ኡሾፐ፥
MAT 24:50 ሄ ቆማ ጎዳይ እ ቆፕቤና ጋላሳንነ እ ኤርቤና ሳትያን ያና።
MAT 24:51 ሄዋፐ ጉይያን አ ቃንጸሬꬂደ፥ ሎአ ማላትያ ኢታ አሳቱ ደእያ ሳን ዎꬅና፤ ሄዋን እ ዬካናነ አቻ ꬋቃና።
MAT 25:1 “ሄ ዎደ ሳሉዋ ካዉተꬃይ ባረንቱ ኩራዝያ ኦይቂደ፥ ማቻቶ አክያዋ ሞካናዉ ካረ ከሴዳ ታሙ ዎዶራቱዋ ማላታና።
MAT 25:2 ኡንቱንቱፐ እቼሻቱ ቦዛቱዋ፤ ቃይ እቼሻቱ ጭንጫ።
MAT 25:3 ቦዛቱ ባረንቱ ኩራዝያ ኦይቄድኖ፤ ሽን ላምባ ኦይቂበይክኖ።
MAT 25:4 ሽን ጭንጫቱ ባረንቱ ኩራዝያነ ጻራሙስያን ላምባ ኦይቄድኖ።
MAT 25:5 ማቻቶ አክያዌ ዬናን ጋምእና፥ ሄ ዎዶራቱ ባረንታ ገምእሽስና ግስ አጌድኖ።
MAT 25:6 “ብላሄ ግዴዳ ዎደ፥ ‘በእተ፥ ማቻቶ አክያዌ ጋኬዳ፤ አ ሞካናዉ ካረ ከስተ’ ያግያ ዎልቃማ ጫቡ ደንዴዳ።
MAT 25:7 “ሄ ዎደ ሄ ዎዶራቱ ኡባቱ ቤጎቲደ፥ ባረንቱ ኩራዝያ ጊግሴድኖ።
MAT 25:8 ቦዛቱ ጭንጫቱዋ፥ ‘ኑ ኩራዝ ቶአና ሀንያ ድራዉ፥ ህንተንቱ ላምባፐ ኑዉ እሜርክቴ’ ያጌድኖ።
MAT 25:9 “ሽን ጭንጫቱ ዛሪደ ኡንቱንታ፥ ‘አግተ፥ ኑዉነ ህንተንቶ ግደና፤ ሄዋ ድራ ህንተዉ ዛልእያዋንቱኮ ቢደ ሻም አክተ’ ያጌድኖ።
MAT 25:10 ሄዋፐ ጉየ ቦዛ ዎዶራቱ ላምባ ሻማናዉ ብድግና፥ ማቻቶ አክያዌ ፑቱ ጊና፥ ጊግ ኡቴዳ እቼሹ ዎዶራቱ አናና እትፐ ቡላቻ ጎልያ ገሌድኖ፤ እፍꬃይካ ጎርደት አጌዳ።
MAT 25:11 “ጉየፐ ቃይ የኮ ዎዶራቱ ዪደ፥ ‘ጎዳዉ፥ ጎዳዉ፥ ኑዉ ዶያርኪ’ ያጌድኖ።
MAT 25:12 “ሽን ማቻቶ አክያዌ ዛሪደ፥ ‘ታን ህንተንቶ ቱሙዋ ኦዳይ፤ ታን ህንተንታ ኤርከ’ ያጌዳ።
MAT 25:13 “ስም ታን፥ አሳ ናአይ፥ ያና ጋላሳ ዎይ ሳትያ ህንተንቱ ኤረና ድራዉ፥ ናግ ኡትተ።
MAT 25:14 “አያዉ ጎፐ፥ ሳሉዋ ካዉተꬃይ ባረ ቆማቱዋ ጼሲደ፥ ባረዉ ደእያዋ ኡንቱንቶ ሼꬊደ፥ ኦግያ ባና ሀንያ ብታንያ በሴ።
MAT 25:15 ኡንቱንቱ ሁጲያን ሁጲያን ኡንቱንቱ ዎልቃ ኬና እቶ እቼሹ ሻአ ብራ፥ እቶ ላኡ ሻአ ብራ፥ ቃይ እቶ እት ሻአ ብራ እሚደ፥ ባረ ኦግያ ቤዳ።
MAT 25:16 እቼሹ ሻአ ብራ አኬዳ ቆማይ ኤለካ ቢደ ዛልኢደ፥ ሀራ እቼሹ ሻአ ብራ ዎꬍሴዳ።
MAT 25:17 ሄዋዳንካ፥ ቃይ ላኡ ሻአ ብራ አኬዳ ቆማይ ሀራ ላኡ ሻአ ብራ ዎꬍሴዳ።
MAT 25:18 ሽን እት ሻአ ብራ አኬዳዌ ቢደ፥ ኦላ ቦኪደ፥ ባረ ጎዳ ሚሻ ሞግ አጌዳ።
MAT 25:19 “ዳሮ ዎድያፐ ጉይያን፥ ሄ ቆማቱዋ ጎዳይ ዪደ፥ ባረ ሚሻ ኡንቱንቱና ሄተቴዳ።
MAT 25:20 እቼሹ ሻአ ብራ አኬዳ ቆማይ ዪደ፥ ሀራ እቼሹ ሻአ ብራ ሼꬊደ፥ ‘ታ ጎዳዉ፥ ኔን ታዉ እቼሹ ሻአ ብራ እማዳ፤ በአ፥ ሀራ እቼሹ ሻአ ብራ ዎꬍሳድ’ ያጌዳ።
MAT 25:21 አ ጎዳይ አ፥ ‘ሀያናሾ! ኔን ሎአነ አማነትያ ቆማ፤ ኔን ጉꬃባን አማነታዳ። ታን ኔና ዳሮባዉ ካፖ ኦꬃና፤ ሃ ገላደ ነ ጎዳና ናሸታ’ ያጌዳ።
MAT 25:22 “ቃይ ላኡ ሻአ ብራ አኬዳዌካ ዪደ፥ ‘ታ ጎዳዉ፥ ኔን ታዉ ላኡ ሻአ ብራ እማዳ፤ በአ፥ ታን ሀራ ላኡ ሻአ ብራ ዎꬍሳድ’ ያጌዳ።
MAT 25:23 አ ጎዳይ አ፥ ‘ሀያናሾ! ኔን ሎአነ አማነትያ ቆማ፤ ኔን ጉꬃባን አማነታዳ። ታን ኔና ዳሮባዉ ካፖ ኦꬃና፤ ሃ ገላደ ነ ጎዳና ናሸታ’ ያጌዳ።
MAT 25:24 “እት ሻአ ብራ አኬዳዌ ቃይ ዪደ፥ ‘ታ ጎዳዉ፥ ኔን ዘራቤናሳፐ ቆይጭያ አሳ ግድያዋነ ካꬃ ላላቤናሳፐ ማጽያ መቀꬅ ባይና አሳ ግድያዋ ታን ኤራይ።
MAT 25:25 ታን ያያድ፤ ያታደ ባደ ነ ብራ ቢታን ሞጋድ፤ በአ፥ ነ ብራይ ሀዌኩ’ ያጌዳ።
MAT 25:26 “አ ጎዳይ ዛሪደ፥ አ ሀዋዳን ያጌዳ፤ ‘ሀ ኢታ አዛላ ቆማዉ፥ ታን ዘራቤናሳፐ ቆይጭያ አሳ ግድያዋነ ካꬃ ላላቤናሳፐ ማጽያ አሳ ግድያዋ ኤራዲ?
MAT 25:27 ያትና፥ ኔን ታ ሚሻ ዎꬍስያዋንቱ ማታን ዎꬄዳዋ ግድንቶ፥ ታን ስምያ ዎደ ታ ሚሻ ዎꬍያና አካናዋሽን አቴዳ።
MAT 25:28 ሄዋ ድራዉ፥ ሄ ሚሻ አፐ ዎꬅ አኪደ፥ ታሙ ሻአ ብራይ ደእያዎ እምተ።
MAT 25:29 አያዉ ጎፐ፥ ደእያ ኡባዉ ሀራይ ጉጀታና፤ እ ባረዉ ግድያዋፐ ዳርሲደ አካና፤ ሽን ባይናዎ ሀራይ አቶ፥ ሄ አዉ ደእያ ጉꬃይካ አፐ አከታናዋ።
MAT 25:30 ጎኤና ቆማ ካረ ꬉማ ከስ ኦልተ፤ ሄዋን እ ዬካናነ ባረ አቻ ꬋቃና’ ያጌዳ።
MAT 25:31 “ታን፥ አሳ ናአይ፥ ኪታንቻቱዋ ኡባቱዋና ቦንቹዋን ይያ ዎደ፥ ታ ቦንቾ ካዉተꬃ ኦይድያን ኡታና።
MAT 25:32 ሳኣን ደእያ አሳይ ኡባይ ታ ስንꬃ ሺቃናዋንታ፤ ሄምያዌ ዶርሳቱዋ ዴሻቱዋፐ ሻክያዋዳን፥ ታን ሄ አሳ ላኡ ከሳደ ሻካና።
MAT 25:33 ቃይ ዶርሳቱዋ ታፐ ኡሸቻ ባጋና ኤሳደ፥ ዴሻቱዋ ታፐ ሀድርሳ ባጋና ኤሳና።
MAT 25:34 “ሄዋፐ ጉይያን፥ ታን ካቲ ታፐ ኡሸቻ ባጋና ደእያዋንታ ሀዋዳን ያጋና፤ ‘ታ አቡ አንጄዳዋንቶ፥ ሃ ዪደ ሳአይ መቶደፐ ሀቼ ጋካናዉ፥ ህንተንቶ ጊጌዳ ካዉተꬃ ላትተ።
MAT 25:35 አያዉ ጎፐ፥ ታን ኮሻትና ምዜድታ፤ ሳመትና ኡሼድታ፤ እማꬃ ግዳደ ቢናካ ሞኬድታ።
MAT 25:36 ታን ካሎትና ማይዜድታ፤ ሀርግና በኤድታ፤ ቃሸትና ታኮ ጋኪደ ኦቼድታ’ ያጋና።
MAT 25:37 “ሄዋፐ ጉይያን፥ ጽላቱ ዛሪደ፥ አ ሀዋዳን ያጋና፤ ‘ጎዳዉ፥ ኔን ኮሻትና፥ አዉደ በኢደ ምዜዶ? ዎይ ኔን ሳመትና፥ አዉደ በኢደ ኡሼዶ?
MAT 25:38 ኔን እማꬃ ግዳደ ዪና አዉደ በኢደ ሞኬዶ? ዎይ ኔን ካሎትና አዉደ ማይዜዶ?
MAT 25:39 ቃይ ኔን ሀርግና፥ ዎይ ቃሸትና ኔኮ ቢደ አዉደ ኔና በኤዶ?’ ያጋናዋንታ።
MAT 25:40 ታን ካቲ ዛራደ፥ ‘ታን ህንተንቶ ቱሙዋ ኦዳይ፤ ህንተንቱ ሀ ታ እሻቱዋ ኡባፐ ሀራይ አቶ፥ ላፍያ እቶ ኦꬄዳዋ ግድንቶካ፥ ሄዋ ታዉ ኦꬄድታ’ ያጋና።
MAT 25:41 “ሄ ዎደ፥ ታፐ ሀድርሳ ባጋና ደእያዋንታ ታን ያጋና፤ ‘ሀ ሸቀቴዳዋንቶ፥ ታ ማታፐ ክችተ፤ ቢደ ጻላህያ ካፖነ አ ኪታንቻቶ ጊጌዳ መꬍና ታማን ገልተ።
MAT 25:42 አያዉ ጎፐ፥ ታን ኮሻትና፥ ታና ምዝበይክታ፤ ሳመትና ኡሽበይክታ።
MAT 25:43 ታን እማꬃ ግዳደ ቢና፥ ታና ሞክበይክታ፤ ካሎትና ማይዝበይክታ፤ ቃይ ሀርግና፥ ቃሸትናካ ታና በእበይክታ’ ያጋና።
MAT 25:44 “ሄ ዎደ ኡንቱንቱ ቃይ ሀዋዳን ያጊደ ዛራናዋንታ፤ ‘ጎዳዉ፥ ኔን ኮሻትና ዎይ ሳመትና፥ ዎይ እማꬃ ግዳደ ቢና ዎይ ካሎትና፥ ዎይ ሀርግና ዎይ ቃሸትና፥ አዉደ በኢደ፥ ኔና ማደናን እጼዶ?’ ያጋናዋንታ።
MAT 25:45 “ሄ ዎደ ታን ካቲ ዛራደ ኡንቱንታ፥ ‘ታን ህንተንቶ ቱሙዋ ኦዳይ፤ ህንተንቱ ሀ ኡባፐ ላፍያ እቱዋ ማደናን እጼዳዌ፥ ታና ማደናን እጼዳዋ’ ያጋና።
MAT 25:46 ሄዋንቱ መꬍና ሙራዉ ባና፤ ሽን ጽላቱ መꬍና ደኦ ባና” ያጌዳ።
MAT 26:1 የሱስ ሀ ትምርትያ ኡባ ዉርሴዳ ዎደ፥ ባረና ካልያዋንታ፥
MAT 26:2 “ላኡ ጋላሳፐ ጉይያን፥ ፓስጋ ባላ ቦንችያ ጋላሳ ግድያዋ ኤሪታ። ሄ ጋላስ ታና፥ አሳ ናኣ፥ አሳይ ማስቃልያ ቦላ ምስማርያን ꬍሺደ ካቃናዉ አꬂደ እማና” ያጌዳ።
MAT 26:3 ሄ ዎደ ቄሳቱዋ ካፓቱነ ጋድያ ጭማቱ ቃያፋ ጌተትያ ቄሳቱዋ ኡባቱዋ ካፑዋ ዎጋ ጎልያን ሺቂደ፥
MAT 26:4 አሳይ ኤረናን የሱሳ ኦይቂደ፥ ዎꬋናዉ ማቀቴድኖ።
MAT 26:5 ሽን ኡንቱንቱ፥ “አሳይ ዋላሳ ከሰና ማላ፥ ፓስጋ ቦንችያ ጋላስ ሄዋ ኦꬆኮ” ያጌድኖ።
MAT 26:6 የሱስ ቢታንያ ካታማን ኦሉዋ ሀርግያ ስሞና ሶይን ደእሽን፥
MAT 26:7 እት ምሽራታ አልባስጽሮሳ ጌተትያ ሹቻፐ ኦሰቴዳ አልባስጽሮሳ ባሬታ ኩሜዳ ዳሪ አልኦ ሽቱዋ አካደ ዬዳዉና ቁማ እ ሚና፥ ሄ ሽቱዋ የሱሳ ሁጲያን ጫጫፋዱ።
MAT 26:8 ሽን የሱሳ ካልያዋንቱ ሄዋ በኢደ፥ “ሀ ሽቱዋ ጮ ባይዙሳይ አያሴ?
MAT 26:9 አያዉ ጎፐ፥ ሀ ሽቱዋ አልኦ ጋትያን ዛልኢደ፥ ሚሻ ህዬሳዉ እማናዉ ዳንዳየቴ” ያጌድኖ።
MAT 26:10 የሱስ ኡንቱንቱ ግያዋ ኤሪደ፥ ኡንቱንታ ሀዋዳን ያጌዳ፤ “ሀ ምሽራቶ አያዉ ዋይሲቴ? እዛ ታዉ ሎኦባ ኦꬃዱ።
MAT 26:11 ህዬሳቱ ኡባ ዎደ ህንተናና ደኢኖ፤ ሽን ታን ህንተናና ኡባ ዎደ ደእከ፤
MAT 26:12 እዛ ሀ ሽቱዋ ታ ቦላ ትግያዌ ታና ሞጋናዉ ጊግሳናሳ።
MAT 26:13 ታን ህንተንቶ ቱሙዋ ኦዳይ፤ ሳኣ ኡባን ሀ ዎንጋላ ምሽራቹዋ ኦድያሳን ሀቃንነ፥ አሳይ እዞ ዎዛና አꬃና ማላ፥ እዛ ኦꬄዳዌ ኦደታናዋ” ያጌዳ።
MAT 26:14 ሄ ዎደ ታማነ ላኡ የሱሳ ካልያዋንቱፐ እቱ ይሁዳ አስቆሮቱ ያገትያዌ ቄሳቱዋ ካፓቱዋኮ
MAT 26:15 ቢደ፥ “ታን ህንተንቶ የሱሳ ኦይꬆፐ፥ ታዉ አያ እማንቴ?” ያግና ኡንቱንቱ አዉ ሀታሙ ብራ ቆፒደ እሜድኖ።
MAT 26:16 ሄዋፐ ጉይያን፥ ይሁዳይ የሱሳ አꬅ እማናዉ እንጀትያ ዎድያ ዎቼ።
MAT 26:17 ባላ ዳቡዋ ምያ ጋላሳ ቦንችያ ኮይሮ ጋላስ፥ የሱሳ ካልያዋንቱ አኮ ዪደ፥ “ፓስጋ ቦንችያ ጋላስ ኔን ማና ቁማ ሀቃን ጊግሳኔ?” ያጌድኖ።
MAT 26:18 ሄዋፐ ጉየ የሱስ ኡንቱንታ፥ “ካታማ ቢደ፥ እት ብታንያ፥ ‘ታማርስያዌ ኔና፥ “ታዉ ዎዲ ጋኬዳ፤ ታን ታና ካልያዋንቱና ፓስጋ ቦንችያ ጋላሳ ነ ሶይን አꬃና” ጌዳ’ ጊተ” ያጌዳ።
MAT 26:19 አ ካልያዋንቱ የሱስ ባረንታ አዛዞዋዳን ኦꬂደ፥ ፓስጋ ቦንችያ ጋላስ ማና ቁማ ጊግሴድኖ።
MAT 26:20 ሳአይ ኦማርሴዳ ዎደ፥ የሱስ ታማነ ላኡ አ ካልያዋንቱና ቁማ ማናዉ ኡቴዳ።
MAT 26:21 ኡንቱንቱ ሚሽን፥ የሱስ ኡንቱንታ፥ “ታን ህንተንቶ ቱሙዋ ኦዳይ፤ ህንተፐ እት ኡራይ ታና አꬂደ እማናዋ” ያጌዳ።
MAT 26:22 ኡንቱንቱ ዳሪ ዳጋሚደ፥ ሁጲያን ሁጲያን፥ “ጎዳዉ፥ ቱሙ ታኔሻ?” ጉሳ ዶሜድኖ።
MAT 26:23 የሱስ ዛሪደ፥ “ባረ ኩሽያ ታናና እትፐ ዎጪትያፐ የዲደ ቱሽያዌ ታና አꬅ እማና።
MAT 26:24 ታን፥ አሳ ናአይ፥ ጾሳ ማጻፋይ ሀይቃና ጌዳዋዳን ሀይቃና፤ ሽን ታና፥ አሳ ናኣ፥ አꬅ እምያ ኡራዉ አየሮ፤ ሄ ኡራይ የለተናን አቴደንቶ አዉ ሎአ ሽን” ያጌዳ።
MAT 26:25 አ አꬅ እምያ ይሁዳይ ዛሪደ፥ “ታማርስያዎ፥ ኔን ግያዌ ታኔ?” ያጌዳ። የሱስ ዛሪደ አ፥ “ኔን ነ ሁጲያን ጋዳ” ያጌዳ።
MAT 26:26 ኡንቱንቱ ሚሽን፥ የሱስ ዳቡዋ አኪደ፥ ጾሳ ጋላቴዳ፤ ሄ ዳቡዋ መንሬꬂደ፥ ባረና ካልያዋንቶ እሚደ፥ “ሄይተ፤ ሚተ፤ ሀዌ ታ አሹዋ” ያጌዳ።
MAT 26:27 ጹኣ አኪደ፥ ጾሳ ጋላቴዳ። ኡንቱንቶ እሚደ፥ “ኡባይ ሀዋፐ ኡሽተ፤
MAT 26:28 አያዉ ጎፐ፥ ሀዌ ዳሮ አሳ ናጋራይ አቶ ጌተታና ድራዉ ጉክያ ታ ሱꬃ፤ ታ ሱꬃይ ኦራꬃ ጫቁዋ።
MAT 26:29 ሽን ታን ህንተንቶ ኦዳይ፤ ታን ታ አቡ ካዉተꬃን ኦራꬃ ዎይንያ ኤሳ ህንተንቱና ኡሻና ጋላሳይ ጋካናዉ፥ ላኤንꬁዋ ሀ ዎይንያ ኤሳ ኡባካ ኡሽከ” ያጌዳ።
MAT 26:30 ማዝሙርያ የጾዋፐ ጉይያን፥ ደብረ ዛይተ ጌተትያ ደርያ ቤድኖ።
MAT 26:31 የሱስ ሄ ዎደ ኡንቱንታ፥ “ሀቼ ቃማ ህንተንቱ ኡባይ ታና አጊደ ክቻና፤ አያዉ ጎፐ፥ ጾሳ ማጻፋይ፥ “ ‘ጾሳይ ዶርሳ ሄምያዋ ዎꬋናዋ፤ ሄዋፐ ጉይያን ዶርሳ ዉዲ ላለታናዋ’ ያጌ።
MAT 26:32 ሽን ታን ሀይቁዋፐ ደንዶዋፐ ጉይያን፥ ህንተፐ ካሰታደ ጋሊላ ባና” ያጌዳ።
MAT 26:33 ጰጽሮስ ዛሪደ፥ “ኡንቱንቱ ኡባቱ ኔና አጊደ ክቻናዋንታ፤ ታን ኔና ኡባካ የጋደ ክችከ” ያጌዳ።
MAT 26:34 የሱስ ጰጽሮሳ፥ “ታን ነዉ ቱሙዋ ኦዳይ፤ ሀቼ ቃማ ኩቱ ዋሳናፐ ካሰ፥ ኔን ታና ሄዙ ካላ ካዳናሳ” ያጌዳ።
MAT 26:35 ጰጽሮስ ዛሪደ፥ “ታን ሀራይ አቶ፥ ኔናና እትፐ ሀይቂንቶካ፥ ኔና ኡባካ ካድከ” ያጌዳ። ቃይ የሱሳ ካልያዋንቱ ኡባቱካ ሄዋዳን ጌድኖ።
MAT 26:36 የሱስ ሄ ዎደ ባረና ካልያዋንቱና ጌተሰማንያ ጌተትያሳ ቢደ ኡንቱንታ፥ “ታን ህን ባደ ጾሳ ዎስሽን፥ ህንተንቱ ሀዋን ኡትሽተ” ያጌዳ።
MAT 26:37 ሄዋፐ ጉየ ጰጽሮሳነ ዛብድዮሳ ናና ላኡዋ ባረናና አፊደ፥ ዳሮ ካዩዋነ ኡጋ ዶሜዳ።
MAT 26:38 ቃይ ኡንቱንታ፥ “ታን ሀይቃና ጋካናዉካ ካዮታይ፤ ሀዋን ቤጎቲደ፥ ታናና ናግተ” ያጌዳ።
MAT 26:39 ላፋ ስንꬃኮ ሺቂደ፥ ሳኣን ጉፋኒደ፥ “ታ አቦ፥ ዳንዳየትያዋ ግዶፐ፥ ሀ ጹኣ ታፐ ድጋ፤ ሽን ኔን ኮይያዋዳን ሀኖፐ አትን፥ ታን ኮይያዋዳን ሀኖፖ” ያጊደ ጾሳ ዎሴዳ።
MAT 26:40 የሱስ ባረና ካልያዋንቱኮ ስሚደ ዬዳ፤ ገምእሾዋንታ ደሚደ ጰጽሮሳ፥ “ህንተንቱ እት ሳተንቶነካ ገምእሸናን ታናና ናጋናዉ ዳንዳይበይክቴ?
MAT 26:41 ፓጭያን ህንተንቱ ገለና ማላ፥ ምንተነ ጾሳ ዎስተ፤ አያናይ ጊግ ኡቴዳ፤ ሽን አሳተꬃ ኤሻይ ዳቡራንቻ” ያጌዳ።
MAT 26:42 የሱስ ቃይ ላኤንꬁዋ ቢደ፥ “ታ አቦ፥ ታን ሀ ዎልቃማ መቱዋ አከናን ደእሽን ጹኣ ደንꬃናዉ ዳንዳየተናዋ ግዶፐ፥ ኔን ግያዌ ሀኖ” ያጊደ ጾሳ ዎሴዳ።
MAT 26:43 ቃይካ ስም ዪደ፥ አ ካልያዋንቱ አይፍያ ገምእሹ ጎዝ ዎꬄዳ ድራዉ፥ ገምእሾዋንታ ደሜዳ።
MAT 26:44 ቃይካ ኡንቱንታ የግ ቢደ፥ ሄዘንꬁዋ ካሰ ቃላ ዛሪደ፥ ጾሳ ዎሴዳ።
MAT 26:45 ሄዋፐ ጉይያን፥ ባረና ካልያዋንቶ ዪደ፥ “ሀእ ጋካናዉካ ገምእሺቴነ ሸምፒቴ? በእተ፥ ታና፥ አሳ ናኣ፥ ናጋራንቻ አሳቶ አꬂደ እምያ ዎዲ ጋኬዳ።
MAT 26:46 ደንድና ቦይተ፤ በእተ፥ ታና አꬅ እምያዌ ሀዌኩ ጋኬዳ” ያጌዳ።
MAT 26:47 የሱስ ሄዋ ብሮ ሃሳይሽን፥ ታማነ ላኡ አ ካልያዋንቱፐ እቱ፥ ይሁዳይ፥ ጋክ ዎꬌዳ፤ ቃይ ቄሳቱዋ ካፓቱነ ጋድያ ጭማቱ ኪትና፥ ማሻነ ጻምኣ ኦይቄዳ ጮራ አሳይ አናና እትፐ ዬዳ።
MAT 26:48 የሱሳ አꬅ እምያዌ ሄ ጮራ አሳ፥ “ታን የርያዌ አ፤ አ ኦይቂተ” ያጊደ ማላ ኦድ ዎꬄዳ።
MAT 26:49 ኤለካ የሱሳኮ ሺቂደ፥ “ታማርስያዎ፥ ሳሮ ደአይ” ያጊደ አ የር አኬዳ።
MAT 26:50 የሱስ ይሁዳ፥ “ታ ላገዉ፥ ኔን ኦꬃናባ ኦꬃ አጋ” ያጌዳ። ሄዋፐ ጉይያን፥ ሄ ጮራ አሳይ ሺቂደ፥ የሱሳ ሎይꬅ ኦይቄዳ።
MAT 26:51 የሱሳና ደእያዋንቱፐ እቱ ባረ ማሻ ከሲደ ቄሳቱዋ ኡባቱዋ ካፑዋ ቆማ ሀይꬃ ቃንጽ ኦሌዳ።
MAT 26:52 የሱስ ሄ ዎደ አ ሀዋዳን ያጌዳ፤ “ነ ማሻ አኬዳሳን ዛራደ ዎꬃ፤ አያዉ ጎፐ፥ ማሻ ደንꬅያ ኡባይ ማሻን ሀይቃና።
MAT 26:53 ታ አቡ ዳሮ ሻአ ኪታንቻቱዋ እት ኩꬃን የዲደ፥ ታና ማዳና ማላ፥ ታን አ ዎሳናዉ ዳንዳይያዋ ኤርኪ?
MAT 26:54 ያትና፥ ጾሳ ቃላይ ሀዋዳን ሀናናዉ በሴ ያጌዳዌ ዋኒደ ፖለታናዉ ዳንዳዪ?” ያጌዳ።
MAT 26:55 ሄዋፐ ጉይያን፥ የሱስ ሄዋን ሺቄዳ ጮራ አሳ ሀዋዳን ያጌዳ፤ “ታና ካይሶ ከሲደ፥ ካይሱዋ ኦይቂያዋዳን ኦይቃናዉ ማሻነ ጻምኣ ኦይቂደ ዬድቴ? ታን ጌሻ ጎልያን ታማርሳደ፥ ጋላሳን ጋላሳን ህንተንቱና ኦꬅያ ዎደ ታና ኦይቂበይክታ፤
MAT 26:56 ሽን ሀዌ ኡባይ ሀኔዳዌ ናባቱ ጾሳ ቃላን ጻፌዳዌ ፖለታናሳ” ያጌዳ። የሱሳ ካልያዋንቱ ሄ ዎደ ኡባቱ አ የግ ቤድኖ።
MAT 26:57 የሱሳ ኦይቄዳዋንቱ ቄሳቱዋ ኡባቱዋ ካፑዋ ቃያፋኮ፥ ህግያ ታማርስያዋንቱነ ጭማቱ ሺቄዳሳ አኪደ ቤድኖ።
MAT 26:58 ሽን ጰጽሮስ ቄሳቱዋ ኡባቱዋ ካፑዋ ድርሳ ግዶ ጋካናዉ፥ ሃኩዋን አ ካሌዳ፤ የዉዋ ዉርሰꬃ በአናዉ ድርሳ ግዶ ገሊደ፥ ናግያዋንቱና ኡት አጌዳ።
MAT 26:59 ቄሳቱዋ ካፓቱነ ሺቄዳ አሳይ ኡባይ የሱሳ ዎꬋናዉ አ ቦላ ዎርዱዋ ማርካ ደማናዉ ኮዬድኖ።
MAT 26:60 ሽን ሀራይ አቶ ጮራ አሳይ ዪደ፥ አ ቦላ ዎርዱዋን ማርካትናካ አፐ አይነ ደምበይክኖ። ጉየፐ ላአቱ ዪደ፥
MAT 26:61 “ሀ ብታኒ፥ ‘ታን ጾሳ ጌሻ ጎልያ ኮላደ፥ ሄዙ ጋላሳን ዛራደ ኬጻናዉ ዳንዳያይ’ ጌዳ” ያጌድኖ።
MAT 26:62 ቄሳቱዋ ኡባቱዋ ካፑ ደንድ ኤቂደ የሱሳ፥ “ሀዋንቱ ኔና ሞትያ ሞቶ ነዉ ዛርያባይ ባዌ?” ያጌዳ።
MAT 26:63 ሽን የሱስ ጮኡ ጌዳ፤ ቃይካ ቄሳቱዋ ኡባቱዋ ካፑ አ፥ “ታን ኔና ደኡዋ ጾሳ ሱንꬃን ጫላይ፤ ኔን ጾሳ ናኣ ክርስቶሳ ግዶፐ ኑዉ ኦዳ” ያጌዳ።
MAT 26:64 የሱስ ዛሪደ፥ “ኔን ነ ሁጰዉካ ጋዳ፤ ሽን ታን ህንተንቶ ኦዳይ፤ ሀዋፐ ስንꬃን፥ ህንተንቱ ታና፥ አሳ ናኣ፥ ዎልቃማ ጾሳፐ ኡሸቻ ባጋና ኡቴዳዋነ ሳሉዋ ሻርያና ዪሽን በአና” ያጌዳ።
MAT 26:65 ሄዋፐ ጉይያን፥ ቄሳቱዋ ኡባቱዋ ካፑ ባረ ማዩዋ ፔꬍ ኦሊደ፥ “ሀዌ ቦሬዳ፤ ኑና ሀዋፐ ስንꬃን አያዉ ሀራ ማርካ ኮሺ? እ ሀእ ቦርያዋ ህንተንቱ ስሴድታ።
MAT 26:66 ህንተንቱ ቆፋይ አዬ?” ያጌዳ። ኡንቱንቱ፥ “አዉ ሀይቁ በሴ” ያጊደ ዛሬድኖ።
MAT 26:67 ሄዋፐ ጉይያን፥ ኡንቱንቱ አ ዴሙዋን ጩቺደ፥ አ ደቼድኖ፤ ሀራንቱ ቃይ አ ባቂደ፥
MAT 26:68 “ክርስቶሳ! ኔን ኔና ናበ ጋሳሽን፥ ኔና ሾጬዳዌ ኦነንቶ አነ ኑዉ ኦዳ!” ያጌድኖ።
MAT 26:69 ጰጽሮስ ጎልያፐ ካረና ድርሳ ግዶን ኡት ደእሽን፥ እት ቆማታ አኮ ያደ፥ “ኔንካ ጋሊላ የሱሳና እትፐ ደኣ” ያጋዱ።
MAT 26:70 ሽን እ ኡንቱንቱ ኡባ ስንꬃን ሄ ቆማቶ፥ “ኔን ግያዌ አየንቶ ታን ኤርከ” ያጊደ ካዴዳ።
MAT 26:71 ቃይ ቢደ ድርሳ ፐንግያኮ ከስሽን፥ ሀራ ቆማታ አ በኣደ፥ ሄዋን ደእያ አሳቶ፥ “ሀ ብታኒ ናዝሬትያ የሱሳና ደኤ” ያጋዱ።
MAT 26:72 ጰጽሮስ ላኤንꬁዋ ጫቂደ፥ “ታን ሄዋ ብታንያ ኤርከ” ያጌዳ።
MAT 26:73 ላፋ ጋምእሽን፥ ሄዋን ኤቄዳ አሳይ ጰጽሮሳኮ ዪደ፥ “ኔንካ ቱማ ኡንቱንቱና እትፐ ደኣ፤ አያዉ ጎፐ፥ ኔን ሃሳይያ ሃሳያይካ ኔና ኤርሴ” ያጌድኖ።
MAT 26:74 ሄዋፐ ጉይያን ጰጽሮስ፥ “ታን ሄዋ ብታንያ ኤርከ!” ያጊደ፥ ባረና ሸቃነ ጫቁዋ ዶሜዳ። ሄ ዎደ ኤለካ ኩቱ ዋስ አጌዳ።
MAT 26:75 ጰጽሮስ ባረና የሱስ፥ “ኔን ኩቱ ዋሳናፐ ካሰ ሄዙ ካላ ታና ካዳናሳ” ጌዳዋ ሀሳዪደ፥ ካረ ከሲደ፥ ሴለት ዬኬዳ።
MAT 27:1 ዎንታ ጉራን ቄሳቱዋ ካፓቱ ኡባቱነ ጋድያ ጭማቱ የሱሳ ዎꬋናዉ ማቀቴድኖ፤
MAT 27:2 ኡንቱንቱ የሱሳ ቃች አፊደ፥ ጋድያ አይስያ ጵላጾሳዉ አꬅ እሜድኖ።
MAT 27:3 የሱሳ ሄ ዎደ ኦይꬄዳ ይሁዳይ ጵላጾስ የሱሳ ቦላ ፕርዴዳዋ በኢደ፥ “አዬሮ! ኦይናን አጋርክታ!” ያጊደ፥ ሄ ማንእያን ሀታሙ ብራ ቄሳቱዋ ካፓቶነ ጋድያ ጭማቶ ጉየ ዛሪደ፥
MAT 27:4 “ታን ጌሻ አሳ ኦይꬃደ ናጋራ ኦꬃድ” ያጌዳ። ሽን ኡንቱንቱ አ፥ “ሄዌ ኑዉ አያ መቴ? ሄዌ ነ ሸነ” ያጌድኖ።
MAT 27:5 ይሁዳይ ብራ ጌሻ ጎልያን ኦል አጌዳ፤ ኡንቱንቱ ማታፐ ቢደ፥ ሱለት ሀይቄዳ።
MAT 27:6 ቄሳቱዋ ካፓቱ ብራ አኪደ፥ “ሀ ብራይ ሱꬃ ሚሻ ግድሽን፥ ኑን ጌሻ ጎልያ ሚሻና ጋꬅያዌ ዎጋ ግደና” ያጌድኖ።
MAT 27:7 ሄዋፐ ጉየ እትፐ ዞረቲደ፥ እማꬃ አሳዉ ሞጎ ጋድያ ኦꬃናዉ ኡርቃፐ ሚሻ መꬍያዋንቱ ጋድያ ሻሜድኖ።
MAT 27:8 ሄዋ ድራዉ፥ ሄ ጋዲ ሀቼ ጋካናዉካ፥ ሱꬃ ጋድያ ጌተቲደ ጼሰቴ።
MAT 27:9 ናብያ ኤርማስ፥ “ኡንቱንቱ አዉ እማናዉ ቆፔዳ ሀታሙ ሹቻ ብራ አኪደ፥
MAT 27:10 ጎዳይ ታና አዛዞዋዳን፥ ኡርቃፐ ሚሻ መꬍያዋንቱ ጋድያ ሻማናዉ እሜድኖ” ጌተቶዌ ሄ ዎደ ፖለቴዳ ጌዳ።
MAT 27:11 የሱስ ጋድያ አይስያዋ ስንꬃ ሺቅና፥ ጋድያ አይስያዌ አ፥ “ኔን አይሁዳቱዋ ካቴ?” ያጊደ ኦቼዳ። የሱስ አ፥ “ኔንካ ጋደኣ” ያጌዳ።
MAT 27:12 ቄሳቱዋ ካፓቱነ ጋድያ ጭማቱ አ ሞትና፥ ኡንቱንቶ አይነ ዛሩዋ እምቤና።
MAT 27:13 ሄ ዎደ፥ ጵላጾስ የሱሳ፥ “ሀዋንቱ ኔና ሞትያባ ኡባ ስስኪ?” ያጌዳ።
MAT 27:14 የሱስ ሀራይ አቶ፥ እት ቃላካ ዛረናን እጽና፥ ጋድያ አይስያዋንቱ ዳሪ ማላለቴዳ።
MAT 27:15 ጋድያ አይስያዌ ፓስጋ ቦንችያ ጋላሳን፥ አሳይ ኮይያ እት ኡራ ቃሹዋፐ ብልያ ዎጋይ ደኤ።
MAT 27:16 ሄ ዎደ እት ባርባና ጌተትያ የሱስ ዳሮ ኤረቴዳ ኢታ ብታኒ ቃሾ ጎለን ደኤ።
MAT 27:17 ሄዋ ድራዉ፥ ጮራ አሳይ እትሳ ሺቄዳሳን ጵላጾስ፥ “ታን ህንተንቶ ባርባና ግያ የሱሳ ብሎ፥ ዎይ ክርስቶሳ ጌተትያ የሱሳ ብሎ?” ያጊደ አሳ ኦቼዳ።
MAT 27:18 አያዉ ጎፐ፥ ኡንቱንቱ ቃናቲደ የሱሳ ኦꬄዳዋ እ ኤሬ።
MAT 27:19 ጵላጾስ ፕርዳ ጎለን ኡት ደእሽን፥ አ ማቻታ አዉ፥ “ሄ ጽሎ ብታንያ አይነ ኦꬆፓ፤ አያዉ ጎፐ፥ ታን ሀቼ ቃማ አኩሙዋን አባን ዳሮ መቶታድ” ያጋደ ኪታዱ።
MAT 27:20 ሽን ቄሳቱዋ ካፓቱነ ጋድያ ጭማቱ ጵላጾስ ባርባና ብሊደ፥ የሱሳ ዎꬋናዳን፥ ሺቄዳ አሳይ አ ዎሳና ማላ፥ አሳ ጭሜድኖ።
MAT 27:21 ጵላጾስ ዛሪደ ኡንቱንታ፥ “ታን ኡንቱንቱ ላአቱዋፐ ህንተዉ ኦና ብላናዳን ኮዪቴ?” ያግና ኡንቱንቱ፥ “ባርባና ብላናዳን ኮዬቶ” ያጌድኖ።
MAT 27:22 ጵላጾስ፥ “ያትና፥ ክርስቶሳ ጌተትያ የሱሳ ዎቶ?” ያጊደ ኡንቱንታ ኦችና ኡባይ፥ “ማስቃልያ ቦላ ምስማርያን ꬍሸቲደ ካቀቶ” ያጌድኖ።
MAT 27:23 ጵላጾስ አሳ፥ “አያዉ? አይ ኢታባ ኦꬄዴ?” ያጌዳ። ሽን አሳይ ካሰዋፐካ ባረንቱ ኮሻ ꬎቁ ኦꬂደ፥ “ማስቃልያ ቦላ ምስማርያን ꬍሸቲደ እ ካቀቶ” ያጌድኖ።
MAT 27:24 ዋላሳይ ደንዳናዋፐ አትን፥ አይነ ሀነናዋ ጵላጾስ በኢደ፥ ሃꬃ አኪደ፥ “ሀ ብታኒ ሀይቂያዋን ታን ገልከ፤ ሄዋ ህንተንቱ ኤርተ” ያጊደ ሺቄዳ አሳ ስንꬃን ባረ ኩሽያ ሜጨቴዳ።
MAT 27:25 ሺቄዳ አሳይ ኡባይ ዛሪደ፥ “አ ሱꬃ ጎሚ ኑናነ ኑ ናና ጋኮ” ያጌዳ።
MAT 27:26 ሄዋፐ ጉይያን፥ ጵላጾስ ባርባና ኡንቱንቶ ብሌዳ፤ ልሱዋን የሱሳ ሾጪደ፥ ማስቃልያ ቦላ ምስማርያን ꬍሺደ ካቃናዉ ኡንቱንቶ አꬂደ እሜዳ።
MAT 27:27 ሄዋፐ ጉይያን፥ ጵላጾሳ ዎታዳራቱ የሱሳ ጋድያ አይስያዋ ቤሩዋ አፍና፥ ዎታዳራቱ ኡባይ አ ምይያን ዩይ አꬊደ ኤቄድኖ።
MAT 27:28 አ ማዩዋ ቃር አኪደ፥ ዞኦ ማዩዋ አ ማይዜድኖ።
MAT 27:29 ቃይ አጉንꬃ ካላቻ ጊግሲደ፥ አ ሁጲያን ዎꬄድኖ፤ አ ኡሸቻ ኩሽያን ማቃ ጻምኣ ኦይꬂደ፥ አ ስንꬃን ጉልባቲደ፥ “አይሁዳቱዋ ካተዉ፥ ሳሮ ደአይ!” ያጊደ፥ አ ቦላ ቅሊጬድኖ።
MAT 27:30 አ ቦላ ጩቼድኖ፤ ሄ ማቃ ጻምኣ አኪደ፥ አ ሁጲያ ሾጬድኖ።
MAT 27:31 ኡንቱንቱ አ ቦላ ቅሊጬዳዋፐ ጉይያን፥ ዞኦ ማዩዋ አፐ ቃር አኪደ፥ አ ማዩዋ አ ማይዜድኖ፤ ቃይ ማስቃልያ ቦላ ምስማርያን ꬍሺደ አ ካቃናዉ አፌድኖ።
MAT 27:32 ኡንቱንቱ ካረ ከሲደ፥ እት ስሞና ጌተትያ ቀሬና ጋደ አሳ ደሚደ፥ የሱሳ ማስቃልያ ዎልቃን ቶሴድኖ።
MAT 27:33 ጎልጎታ ጌተትያሳ ጋኬድኖ። “ጎልጎታ” ያገትያዌ “ሁጲያሳ” ግያዋ።
MAT 27:34 ሄዋን ኡንቱንቱ ጫሜዳ ዎይንያ ኤሳ የሱሳዉ ኡሻናዉ እሜድኖ፤ እ ሄዋ ጋንጽ ጼሊደ፥ ኡሸናን እጼዳ።
MAT 27:35 ኡንቱንቱ ማስቃልያ ቦላ ምስማርያን ꬍሺደ አ ካቆዋፐ ጉይያን፥ አ ማዩዋ ሻኪደ፥ ሳማ የጊደ አኬድኖ።
MAT 27:36 ሄዋፐ ጉይያን፥ አ ናጋናዉ ሄዋን ኡት አጌድኖ።
MAT 27:37 ቃይ፥ “ሀዌ አይሁዳቱ ካትያ የሱሳ” ያጊደ ሞቱ ጻፈቶዋ አ ሁጰ ባጋና ዎꬄድኖ።
MAT 27:38 የሱሳና ሄ ዎደ ላኡ ካይሳቱዋ እቱዋ አፐ ኡሸቻ ባጋና፥ ቃይ እቱዋ አፐ ሀድርሳ ባጋና፥ ማስቃልያ ቦላ ምስማርያን ꬍሺደ ካቄድኖ።
MAT 27:39 ኦግያና አꬍያ አሳይ የሱሳ ካꬊደ፥ ባረንቱ ሁጲያ ቃꬂደ ቦሬድኖ።
MAT 27:40 “ጌሻ ጎልያ ኮላደ ሄዙ ጋላሳ ግዶን ኬጽያዎ፥ ነ ሁጲያ አሻ፤ ኔን ጾሳ ናኣ ግዶፐ፥ አነ ማስቃልያ ቦላፐ ዎꬋ” ያጌድኖ።
MAT 27:41 ሄዋዳንካ፥ ቄሳቱዋ ካፓቱ ህግያ ታማርስያዋንቱናነ ጭማቱዋና እትፐ የሱሳ ቦላ ቅሊጪደ፥ ሀዋዳን ያጌድኖ፤
MAT 27:42 “ሀራንታ አሼዳ፤ ሽን ባረና አሻናዉ ዳንዳየና። እ እስራኤልያ ካትያ፤ አነ ማስቃልያ ቦላፐ ሀእ ዎꬎ፤ ኑንካ ቃይ አን አማናና።
MAT 27:43 ጾሳን እ አማነቴ፤ ጾሳይ አ አሻናዉ ኮዮፐ አነ አሾ፤ አያዉ ጎፐ፥ እ ባረና፥ ‘ታን ጾሳ ናኣ’ ጌ” ያጌድኖ።
MAT 27:44 ቃይ ሀራይ አቶ፥ አናና ማስቃልያ ቦላ ምስማርያን ꬍሸቲደ ካቀቴዳ ካይሳቱካ ሄዋዳን ጊደ፥ አ ቦላ ቅሊጬድኖ።
MAT 27:45 ኡሱፑን ሳትያፐ ዶሚደ፥ ኡዱፑ ሳትያ ጋካናዉ፥ ቢታይ ኡባይ ꬉሜዳ።
MAT 27:46 ኡዱፑ ሳተ ግድያ ሄራን የሱስ ባረ ቃላ ꬎቁ ኦꬂደ፥ “ኤሎሄ፥ ኤሎሄ፥ ላማ ሳባቅታኒ?” ያጌዳ። ሄዋ ጉሳይ፥ “ታ ጾሳዉ፥ ታ ጾሳዉ፥ ታና አያዉ ጮኡ ጋድ?” ጉሳ።
MAT 27:47 ሄዋን ኤቄዳ አሳፐ እቱ ሄዋ ስሲደ፥ “ሀ ብታኒ ኤላሳ ጼሴ” ያጌዳ።
MAT 27:48 ሄ ማንእያን ኡንቱንቱፐ እቱ ዎጺደ፥ እስፖንጅያ አኪደ፥ ጫላ ዎይንያ ኤሳ ግዶ የጊደ፥ ሄዋ ማቃ ጻምኣ ጼራን ዎꬂደ፥ ኡሻናዉ አ ዶናኮ ሺሼዳ።
MAT 27:49 ሽን የኮንቱ፥ “አነ ደአሻ፥ ኤላስ አ አሻናዉ ያናዌንቶ በአና” ያጌድኖ።
MAT 27:50 የሱስ ላኤንꬁዋ ባረ ቃላ ꬎቁ ኦꬅ ዋሲደ፥ ሀይቂ አጌዳ።
MAT 27:51 አኬክተ፤ ጌሻ ጎልያን ካቀቴዳ ጋርዱ ቆሞፐ ዱገ ጋካናዉ፥ ላኡ ከሲደ፥ ፖሸት ዎꬌዳ፤ ሳአይ ቃጼዳ። ቃይ ዛላይካ ጳልቀቴዳ፤
MAT 27:52 ጮራ ዱፉ ዶየቴዳ። ጾሳ አሳፐ ጮራቱ ሀይቄዳዋንቱ፥ ሀይቁዋፐ ደንዴድኖ።
MAT 27:53 ኡንቱንቱ ዱፉዋፐ ከሲደ፥ የሱስ ሀይቁዋፐ ደንዶዋፐ ጉይያን፥ ጌሻ ካታማ ቤድኖ፤ ሄዋን ኡንቱንታ ጮራ አሳይ በኤዳ።
MAT 27:54 ጼቱዋ ካፑነ አናና የሱሳ ናግያ ዎታዳራቱ ሳአይ ቃጽያዋነ ሄዋን ሀኔዳዋ ኡባ በኤዳ ዎደ ዳሮ ያዬድኖ፤ ያሻ ጋሱዋን፥ “ቱሙ ሀዌ ጾሳ ናኣ” ያጌድኖ።
MAT 27:55 ሄዋን ጮራ ማጫዋንቱ፥ ጋሊላፐ ዶሚደ፥ የሱሳ ማዲደ ካልያዋንቱ፥ ሃኩዋን ኤቂደ ጼሊኖ።
MAT 27:56 ኡንቱንቱ ግዶን ማግዳላ ጌተትያ ካታማፐ ዬዳ ማይራማ፥ ያቆባነ ዮሴፎ ዳያ ማይራማነ ዛብድዮሳ ናና ዳያ ደኢኖ።
MAT 27:57 ሳአይ ኦማርስያ ዎደ፥ ዮሴፎ ጌተትያ እት ዱረ ብታኒ፥ አርማትያሳ ካታማ ብታኒ ዬዳ፤ እ ባረ ሁጰዉካ የሱሳ ካልያዋ።
MAT 27:58 ዮሴፎ ጵላጾሳኮ ቢደ፥ የሱሳ አሃ አካናዉ ዎሴዳ፤ ጵላጾስ ዮሴፎ እመታና ማላ አዛዜዳ።
MAT 27:59 የሱሳ አሃ አኪደ፥ ጌሻ ሞጉዋ ማዩዋን
MAT 27:60 ጻጺደ ባረዉ ሞገታናዉ ሹቻ ዎጬዳ ኦራꬃ ጎንጎሉዋ ግዶን አ አሃ ዎꬄዳ፤ ቃይ ሄ ጎንጎሉዋ ዶናን ዎጋ ሹቻ ጎንዶርስ ዎꬂደ፥ ባሽ ቤዳ።
MAT 27:61 ማግዳላ ካታማፐ ዬዳ ማይራማነ የኮ ማይራማ ሄዋን ጎንጎሉዋኮ ስሚደ ኡቴድኖ።
MAT 27:62 ሳምባታዉ ጊገትያ ጋላሳፐ ዎንተꬃ ጋላስ፥ ቄሳቱዋ ካፓቱነ ፓርሳዋቱ ጵላጾሳና ጋከቲደ፥ ሀዋዳን ያጌድኖ፤
MAT 27:63 “ጎዳዉ፥ ሄ ዎርዱ ፓጻ ደእያ ዎደ፥ ‘ታን ሄዙ ጋላሳፐ ጉይያን፥ ሀይቁዋፐ ደንዳና’ ያጎዋ ኑን ሀሳዬዶ።
MAT 27:64 ሄዋ ድራዉ፥ አ ሞጌዳ ጎንጎሉዋ ሄዙ ጋላሳ ጋካናዉ፥ ሎይꬅ ናጋና ማላ አዛዛርኪ፤ ሄዌ ꬋዮፐ አ ካልያዋንቱ ቢደ፥ አ አሃ ዉኢደ አሳዉ፥ ‘ሀይቁዋፐ ደንዴዳ’ ያጋናዋንታ፤ ላኤንꬅያ ባላይ ካሰ ባላፐ ኡባ ያ ኢታና” ያጌድኖ።
MAT 27:65 ጵላጾስ ኡንቱንታ፥ “ህንተንቶ ናግያዋንቱ ደኢኖ፤ ቢደ ህንተንቶ ዳንዳየትያ ኬና ናግሽተ” ያጌዳ።
MAT 27:66 ሄዋፐ ጉየ ኡንቱንቱ ቢደ፥ ሹቻ ቦላ ማታፋ አታሚደ፥ ቃይ ናግያዋ ያን ዎꬂደ፥ የሱሳ ሞጌዳ ጎንጎሉዋ ናግሴድኖ።
MAT 28:1 ሳምባታይ አꬍና ዎጋ ጋላስ ዎንታ ባካልያን፥ ማግዳላ ጌተትያ ካታማፐ ዬዳ ማይራማነ የኮ ማይራማ የሱስ ሞገቴዳ ጎንጎሉዋ በአናዉ ቤድኖ።
MAT 28:2 ጎዳ ኪታንቻይ ሳሉዋፐ ዎꬌዳ ድራዉ፥ ሳአይ ዳሮ ቃጼዳ፤ ሄ ኪታንቻይ ዪደ፥ ሹቻ ጎንዶርስ ኦሊደ፥ አ ቦላ ከስ ኡቴዳ።
MAT 28:3 አ ማላይ ዋልቃንꬃ ማላቴ፤ አ ማዩካ ሻቻዳን ቦꬃ።
MAT 28:4 ናግያዋንቱ ኪታንቻዉ ያሻ ኮኮሪደ፥ ሀይቄዳ አሳዳን ሀኔድኖ።
MAT 28:5 ኪታንቻይ ማጫዋንታ ሀዋዳን ያጌዳ፤ “ያዮፕተ፤ አያዉ ጎፐ፥ ማስቃልያ ቦላ ምስማርያን ꬍሺደ ካቄዳ የሱሳ ህንተንቱ ኮይያዋ ታን ኤራይ።
MAT 28:6 እ ሀዋን ባዋ፤ አያዉ ጎፐ፥ እ ባረ ጌዳዋዳንካ ሀይቁዋፐ ደንድ ድጌዳ፤ ሃ ዪደ፥ እ ሞገት ግሶሳ በእተ።
MAT 28:7 ህንተንቱ ሀእ ኤለካ ቢደ፥ የሱሳ ካልያዋንቶ፥ ‘የሱስ ሀይቁዋፐ ደንድ ድጌዳ። ቃይ እ ህንተፐ ካሰቲደ፥ ጋሊላ ቤ፤ ህንተንቱ አ ያን በአና’ ያጊደ ኦድተ። በእተ፥ ታን ህንተንቶ ኦዳድ” ያጌዳ።
MAT 28:8 ኡንቱንቱ ያዪድነ ቃይ ዳሮ ናሸቲደ፥ የሱስ ሞገቴዳ ጎንጎሉዋ ማታፐ ኤለካ ክቺደ፥ የሱሳ ካልያዋንቶ ኦዳናዉ ዎጼድኖ።
MAT 28:9 ሄ ማንእያን የሱስ ኡንቱንቱና ጋከቲደ ኡንቱንታ፥ “ሳሮ ደኢቴ” ያግ አጌዳ፤ ኡንቱንቱ አኮ ሺቅ አ ገድያ ኦይቂደ፥ አዉ ጎይኔድኖ።
MAT 28:10 የሱስ ሄ ዎደ ኡንቱንታ፥ “ያዮፕተ፤ ታ እሻቱ ጋሊላ ባና ማላ፥ ቢደ ኡንቱንቶ ኦድተ፤ ኡንቱንቱ ታና ያን በአናዋንታ” ያጌዳ።
MAT 28:11 ሄ ማጫዋንቱ ብያ ዎደ፥ ጎንጎሉዋ ናግያ ዎታዳራቱዋፐ አማሬዳዋንቱ ካታማ ቢደ፥ ሀኔዳዋ ኡባ ቄሳቱዋ ካፓቶ ኦዴድኖ።
MAT 28:12 ቄሳቱዋ ካፓቱ ጭማቱዋና እትፐ ሺቅ ዞረቲደ፥ ዎታዳራቶ ዳሮ ሚሻ እሚደ፥
MAT 28:13 “ ‘ኑን ገምእሹዋን ደእሽን አ ካልያዋንቱ ቃማ ዪደ፥ አ አሃ ዉኤድኖ’ ያግተ።
MAT 28:14 ሀ የዉዋ ጋድያ አይስያዌ ስሶፐ፥ ኑን አዉ ኦድ አማንꬃና፤ ቃይ ህንተንታ አይነ ህርግሰናዳን ኦꬃና” ያጌድኖ።
MAT 28:15 ዎታዳራቱ ሚሻ አኪደ፥ ባረንቶ ኦዴዳዋዳን ኦꬄድኖ። ሀ የዉ አይሁዳቱዋ ማታን ሀቼ ጋካናዉ፥ ኦደቲደ ደኤ።
MAT 28:16 ሽን ታማነ እት አ ካልያዋንቱ የሱስ ባረንታ ቢተ ጌዳ ጋሊላ ጋድያ ቢደ አ በኤዳ ዎደ፥ አዉ ጎይኔድኖ፤ ሽን ኡንቱንቱፐ እቱ እቱ ስꬌድኖ።
MAT 28:18 የሱስ ኡንቱንቱኮ ሺቂደ፥ ኡንቱንታ ሀዋዳን ያጌዳ፤ “ማታይ ኡባይ ሳሉዋንነ ሳኣን ታዉ እመቴዳ።
MAT 28:19 ሄዋ ድራዉ፥ ህንተንቱ ቢደ፥ አሳ ኡባ ታና ካልያዋንታ ኦꬅተ፤ አዉዋ ሱንꬃን፥ ናኣ ሱንꬃንነ ጌሻ አያና ሱንꬃን ኡንቱንታ ጻማቅተ።
MAT 28:20 ታን ህንተንታ አዛዜዳባ ኡባ ኡንቱንቱ ናጋና ማላ፥ ኡንቱንታ ታማርስተ፤ ታን ዎድያ ዉርሰꬃይ ጋካናዉካ ኡባ ዎደ ህንተንቱና ደእያዋ አኬክተ” ያጌዳ።
MAR 1:1 ጾሳ ናኣ የሱስ ክርስቶሳ ዎንጋላ ምሽራቹዋ ዶመꬃ።
MAR 1:2 ናብያ እስያስ ጻፌዳ ማጻፋን ጾሳይ፥ “በአ፤ ታ ኪትያዋ ታን ኔፐ ስንꬃዉ የዳና። እ ነዉ ኦግያ ከሳናዋ።
MAR 1:3 እት ብታኒ ቢታ ባዙዋን ባረ ኮሻ ꬎቁ ኦꬂደ፥ ‘ጎዳ ኦግያ ጊግስተ። እ ሀመታና ሎሱዋካ፥ አዉ ሱርስተ’ ጌዳዋዳን” ሀኔዳ።
MAR 1:4 ጻማቅያ ዮሃንስ አሳ ጻማቂድነ፥ “ጾሳይ ህንተ ናጋራ አቶ ጋና ማላ፥ ህንተንቱ ናጋራፐ ስሚደ ጻማቀትተ” ያግ ቃላ ኦዲደ ቢታ ባዙዋን ከስ ዎꬌዳ።
MAR 1:5 ይሁዳ ጋድያን ደእያ አሳይ ኡባይነ የሩሳላመ ካታማ አሳይ ኡባይ ዮሃንሳኮ ዬድኖ። ባረንቱ ናጋራካ ፓጽና፥ ዮሃንስ ሄ አሳ ዮርዳኖሳ ሻፋን ጻማቄዳ።
MAR 1:6 ዮሃንስ ጋሉዋ እስክያፐ ዳደቴዳ ማዩዋ ማዪደ፥ ባረ ጼሳን ዳፉዋ ዳንጬዳ፤ ቃይ ቦልያነ ዎራ ኤሳ ሜዳ።
MAR 1:7 ዮሃንስ ቃላ ኦዲደ፥ “ታፐ ጉየና ዳሮ ምንያዌ ዬ፤ ሀራይ አቶ፥ አ ጫማካ ገድያፐ ከሳ ቶካናዉ ታን በስከ።
MAR 1:8 ታን ህንተንታ ሃꬃን ጻማቃይ፤ ሽን እ ህንተንታ ጌሻ አያናን ጻማቃናዋ” ያጌዳ።
MAR 1:9 የሱስ ሄ ዎደ ጋሊላ ጋድያን ደእያ ናዝሬተ ካታማፐ ዪና፥ ዮሃንስ ዮርዳኖሳ ሻፋን አ ጻማቄዳ።
MAR 1:10 የሱስ ሃꬃፐ ከሶሳና ሳሉ ዶየትሺናነ ጌሻ አያናይ ባረ ቦላ ሀራጵያዳን ዎꬍሽን በኤዳ።
MAR 1:11 ቃይ ሳሉዋፐ፥ “ታን ሲቅያ ታ ናአይ ኔና፤ ታና ነባይ ናሸቼ” ያግያ ቃላይ ስሰቴዳ።
MAR 1:12 ኤለካ ጌሻ አያናይ አሳይ ባይና መላ ሳ አ የዴዳ።
MAR 1:13 የሱስ አሳይ ባይና ሳን ባረና ሴጻናይ ፓጭሽን፥ ኦይታሙ ጋላሳ ጋꬄዳ፤ ዱኣናካ ደኤዳ፤ ኪታንቻቱካ ዪደ፥ አዉ ኦꬄድኖ።
MAR 1:14 ዮሃንስ ቃሸቶዋፐ ጉይያን፥ የሱስ ጾሳ ካዉተꬃ ዎንጋላ ምሽራቹዋ ኦዲደ፥ ጋሊላ ጋድያ ቢደ፥
MAR 1:15 “ዎዲ ጋኬዳ፤ ጾሳ ካዉተꬃይካ ማታቴዳ። ህንተንቱ ናጋራፐ ስሚደ፥ ዎንጋላ ምሽራቹዋ አማንተ” ያጌዳ።
MAR 1:16 የሱስ ጋሊላ አባ ላንቂያና አꬊደ፥ ሞልያ ኦይቂያዋንታ፥ ስሞናነ አ እሻ እንድራሳ፥ ባረንቱ ዳባ አባን የግያዋንታ በኤዳ።
MAR 1:17 ያቲደ ኡንቱንታ፥ “ታና ካልተ፤ ታን ህንተንታ ሞልያ ኦይቂያዋዳን አሳ ታኮ አህያ ኦግያ ታማርሳና” ያጌዳ።
MAR 1:18 ሄዋፐ ጉይያን ኡንቱንቱ ኤለካ ባረንቱ ዳባ አጊደ፥ የሱሳ ካሌድኖ።
MAR 1:19 የሱስ ጉꬃ ስንꬃዉኮ ቢደ፥ ዛብድዮሳ ናና ላኡ እሻቱዋ፥ ያቆባነ ዮሃንሳ ዎንግርያ ግዶን ባረንቱ ዳባ ጊግስያዋንታ በኤዳ።
MAR 1:20 እ በኦሳንካ ኡንቱንታ ጼስና፥ ባረንቱ አዉዋ፥ ዛብድዮሳ፥ አ ኦሳንቻቱዋና ዎንግርያ ግዶን አጊደ፥ የሱሳ ካሊደ ቤድኖ።
MAR 1:21 ኡንቱንቱ ቅፍርናሆማ ጌተትያ ካታማ ዪደ ገሌድኖ፤ የሱስ ሳምባታ ጋላሳይ ጋኮ ዎደ፥ አይሁዳ ዎሳ ጎለ ገሊደ፥ ታማርሱዋ ዶም አጌዳ።
MAR 1:22 ባረዉ ማታይ ደእያ አሳዳን፥ አሳ እ ታማርስያዋፐ አትን፥ ህግያ ታማርስያዋንቱዳን ታማርሰና ድራዉ፥ አሳይ አ ትምርትያን ማላለቴዳ።
MAR 1:23 ሄ ዎደ ኢታ አያናይ ደእያ እት ብታኒ አይሁዳ ዎሳ ጎለ ገሎሳናካ ባረ ኮሻ ꬎቁ ኦꬂደ፥
MAR 1:24 “ናዝሬትያ የሱሳ፥ ኔን ኑፐ አያ ኮያይ? ኑና ꬋይሳናዉ ያድ? ኔን ኦነንቶ ኤራይ፤ ኔን ጾሳፐ ኪተቴዳ ጌሻ ግድኪ!” ያጌዳ።
MAR 1:25 የሱስ ሄ ኢታ አያና፥ “ሀይዛ፤ ብታንያፐ ከሳ” ያጊደ አዛዜዳ።
MAR 1:26 ኢታ አያናይ ብታንያ ቡጨሬꬅ፥ ዳሪ ዋስሲደ፥ አፐ ከስ አጌዳ።
MAR 1:27 አሳይ ኡባይ ማላለቲደ፥ “ሀዌ አዬ? ሀ ብታኒ ባረ ማታን ሀራይ አቶ፥ ኢታ አያናቱዋካ አዛዜዳ፤ ኡንቱንቱካ ቃይ አዉ አዛዘቲኖ፤ ሀዌ አይበ ኦራꬃ ትምርቴ?” ያጊደ፥ ባረ ግዶን እቱ እቱዋ ኦቼዳ።
MAR 1:28 ጋሊላ ጋድያን ደእያ ሄራይ ኡባይ ኤለካ የሱሳ ዋርያ ሲሴድኖ።
MAR 1:29 የሱስ አይሁዳ ዎሳ ጎልያፐ ከሶሳን፥ ያቆባናነ ዮሃንሳና እትፐ ስሞናነ እንድራሳ ሶይ ብ አጌዳ።
MAR 1:30 ስሞና ቦሎታታ ቆጹዋ ሀርጋደ ግሴዳዉንባ እ ያ ጋኮሳናካ አዉ ኦድ አጌድኖ።
MAR 1:31 እ እዝኮ ሺቂደ፥ እዝ ኩሽያ ኦይቂደ፥ እዞ ደንꬅ ኤሴዳ፤ ቆጹ እዞ አግና፥ እዛ ኡንቱንቶ ኦꬃዱ።
MAR 1:32 ሀርጌዳ አሳ ኡባነ ኢታ አያናቱ ኦይቄዳ አሳ ኡባ ኦማርስ አዋይ ዉሌዳዋፐ ጉይያን፥ አሳይ አኮ አሄድኖ።
MAR 1:33 ካታማን ደእያ አሳይ ኡባይ ሄ ካርያ ሺቄዳ።
MAR 1:34 የሱስ ዱማ ዱማ ሀርግያን ኦይቀቴዳ ጮራ አሳ ፓꬂደ፥ ጮራ ጻላሀቱዋካ ከሴዳ። እ ክርስቶሳ ግድያዋ ኢታ አያናቱ ኤሬዳ ድራዉ፥ ኡንቱንታ ሃሳይሰናን ድጌዳ።
MAR 1:35 የሱስ ጉራ ዎንቱማꬃን ደንዲደ፥ ሶይፐ ከሲደ፥ አሳይ ባይናሳ ቢደ ያን ጾሳ ዎሴዳ።
MAR 1:36 ስሞንነ አናና ደእያዋንቱ አ ኮዪደ ቤድኖ።
MAR 1:37 ኡንቱንቱ አ ደሚደ፥ “አሳይ ኡባይ ኔና ኮዬ” ያጌድኖ።
MAR 1:38 ሄዋፐ ጉየ የሱስ ቃይ ኡንቱንታ፥ “ሄዋ ሄራን ደእያ ሀራ ካታማቱዋ ቦይተ፤ ታን ሄዋን ቃላ ኦዳናዉ በሴ፤ አያዉ ጎፐ፥ ታን ዬዳዌ ሄዋሳ” ያጌዳ።
MAR 1:39 አይሁዳ ዎሳ ጎለቱዋን ቃላ ኦዲድነ ኢታ አያናቱዋ ከሲደ፥ ጋሊላ ጋድያ ኡባ ዩዬዳ።
MAR 1:40 ኦሉ ኦይቄዳ እት ብታኒ የሱሳኮ ዪደ፥ አ ስንꬃን ጉልባቲደ፥ “ኔን ኮዮፐ፥ ታና ጌሻ ፓꬃናዉ ዳንዳያ” ያጊደ ዎሴዳ።
MAR 1:41 የሱስ አዉ ቃረቴዳ፤ ባረ ኩሽያ የድ፥ አ ቦቺደ፥ “ታን ኮያይ፤ ጌያ፤ ፓጻ!” ያጌዳ።
MAR 1:42 ኤለካ ኦሉ ብታንያ የድ አግና፥ ብታኒ ጌይ ፓጽ አጌዳ።
MAR 1:43 የሱስ ዳሪ ሀንቀቲደ፥ ኤለካ አ ከስ የዴዳ።
MAR 1:44 እ ብታንያ፥ “ኔና ኤራ! ሀዋ ኦስነ ኦዶፓ፤ ሽን ባደ ነ ቦላ ቄሳ በሳ፤ ቃይ ኔን ሀእ ጌሻ ግዴዳዋ አሳ ኤርሳናዉ፥ ሙሴ አዛዜዳ ያርሹዋ ያርሻ” ያጌዳ።
MAR 1:45 ሽን ብታኒ ቢደ፥ የዉዋ ኡባ ሳን አሳ ኡባዉ ኦዱዋነ ላለꬃ ዶሜዳ፤ ሄዋ ድራዉ፥ የሱስ ቆንጭያ ከሲደ፥ ካታማ ገላናዉ ዳንዳይቤና፤ ሽን አሳይ ባይናሳ ጋጻን ደኤዳ፤ ቃይ አሳይ ኡባ ሳፐ አኮ ዬድኖ።
MAR 2:1 አማሬዳ ጋላሳፐ ጉይያን፥ “የሱስ ቅፍርናሆማ ጉየ ስሚደ፥ ሶይን ደኤ” ግያ ሃሳያይ ስሰቴዳ።
MAR 2:2 ጎሊ አከናን እጽና፥ ሀራይ አቶ፥ ካሪካ ኡንአና ጋካናዉ ጮራ አሳይ ሺቄዳ፤ ሄዋንቶ የሱስ ቃላ ኦዴ።
MAR 2:3 ኦይዱ አሳቱ ቦላይ ስሌዳ እት ብታንያ ቶኪደ፥ አኮ አሄድኖ።
MAR 2:4 አሳይ ጮሬዳ ድራዉ፥ ብታንያ የሱሳኮ አፋናዉ ኡንቱንቶ ዳንዳየተናን እጽና፥ የሱስ ደእያ ባጋና ጎልያ ቃሪደ፥ ካራ ሉኬድኖ፤ ሄ ሉኬዳሳና ብታንያ እ ግሴዳ ሻንቻማና ዱገ ዎꬄድኖ።
MAR 2:5 የሱስ ኡንቱንቱ አማኑዋ በኢደ፥ ሄ ቦላይ ስሌዳ ብታንያ፥ “ታ ናአዉ፥ ነ ናጋራይ አቶ ጌተቴዳ” ያጌዳ።
MAR 2:6 ህግያ ታማርስያዋንቱፐ ሄዋን ኡቴዳ እቱ እቱ ባረንቱ ዎዛናን፥
MAR 2:7 “ላ ሀ ብታኒ ሀዋ ማላ ኢታባ ጾሳ ቦላ አያዉ ሃሳዪ? ጾሳ ጻላላፐ አትን፥ ሀራይ ኦኔ ናጋራ አቶ ጋናዉ ዳንዳይያዌ?” ያጊደ ቆፔድኖ።
MAR 2:8 ኡንቱንቱ ባረንቱ ዎዛናን ሄዋዳን ቆፖዋ የሱስ ኤለካ ባረ አያናን ኤሪደ፥ ኡንቱንታ “ህንተንቱ ህንተ ዎዛናን አያዉ ሄዋዳን ቆፒቴ?
MAR 2:9 ቦላይ ስሌዳ ብታንያ፥ ‘ነ ናጋራይ አቶ ጌተቴዳ’ ግያዌ ማቴዬ? ዎይ፥ ‘ደንዳ ኤቃደ ነ ሻንቻማ ቶካደ ሀመታ’ ግያዌ ማቴ?
MAR 2:10 ሽን ታን፥ አሳ ናአዉ፥ ሳኣ ቦላን ናጋራ አቶ ጋናዉ ማታይ ደእያዋ ታን ህንተንታ ኤርሳና” ያጊደ ሄ ቦላይ ስሌዳ ብታንያ፥
MAR 2:11 “ኔና ጋይ፤ ደንዳ ኤቃ፤ ያታደ ነ ሻንቻማ ቶካደ ነ ሶይ ባ” ያጌዳ።
MAR 2:12 ብታኒ ኤለካ ደንድ ኤቂደ፥ ባረ ሻንቻማ ቶኪደ፥ አሳይ ኡባይ ጼልሽን ቢና አሳይ ኡባይ ማላለቲደ፥ “ኑን ሀዋ ማላባ ኡባካ በእ ኤሮኮ” ያጊደ ጾሳ ጋላቴድኖ።
MAR 2:13 የሱስ ጉጅካ ጋሊላ አባ ዶና ቤዳ፤ አሳይ ኡባይ አኮ ዬዳዋንታ ታማርሴዳ።
MAR 2:14 ሄዋና አꬊደ፥ እልፕዮሳ ናኣ ሌዊያ፥ ግያዌ ቃራጻ ቃንጽያ ሳን ኡቴዳዋ ደሚደ፥ “ታና ካላ” ያጌዳ። ሄዋፐ ጉየ ሌዊ ደንድ ኤቂደ፥ አ ካሌዳ።
MAR 2:15 የሱስ ቁማ ማናዉ ሌዊያ ሶይን ኡቴዳ ዎደ፥ ቃራጻ አክያ ጮራ አሳይነ ናጋራንቻቱ አናናነ አ ካልያዋንቱና እትፐ ኡቴድኖ። አ ካልያዋንቱ ግዶን ሄዋንቱ ማላ አሳቱ ዳሬድኖ።
MAR 2:16 ህግያ ታማርስያ እት እት ፓርሳዋቱ የሱስ ናጋራንቻቱዋናነ ቃራጻ አክያዋንቱና ቁማ ሚሽን በኢደ፥ “እ አያዉ ናጋራንቻቱዋናነ ቃራጻ አክያዋንቱና ቁማ ሚ?” ያጊደ፥ አ ካልያዋንታ ኦቼድኖ።
MAR 2:17 የሱስ ኡንቱንቱ ግያዋ ስሲደ፥ “ሀርጋንቻቱዋፐ አትን፥ ፓጻ አሳዉ አክሚ ኮሸና፤ ታን ናጋራንቻቱዋ ጼሳናዉ ዬዳዋፐ አትን፥ ጽላቱዋ ጼሳናዉ ያበይከ” ያጊደ ኡንቱንቶ ዛሬዳ።
MAR 2:18 ጻማቂያ ዮሃንሳ ካልያዋንቱነ ፓርሳዋቱ ጾሚኖ፤ አማሬዳ አሳቱ የሱሳኮ ዪደ፥ “ዮሃንሳ ካልያዋንቱነ ፓርሳዋቱዋ ካልያዋንቱ ጾሚኖ፤ ሽን ኔና ካልያዋንቱ አያዉ ጾምክኖ?” ያጌድኖ።
MAR 2:19 የሱስ ኡንቱንታ “ቡላቻ ዬዳ አሳቱ ማቻቶ አክያዌ ባረንቱና ደእሽን፥ ጾማናዉ ዳንዳዪኖ? ማቻቶ አክያዌ ኡንቱንቱና ደእሽን፥ ጾማናዉ ዳንዳይክኖ።
MAR 2:20 ሽን ማቻቶ አክያዋ ኡንቱንቱ ማታፐ አፋና ዎዲ ያናዋ፤ ኡንቱንቱ ሄ ዎደ ጾማናዋንታ።
MAR 2:21 “ኤጫ ማዩዋ ቦላ ኦራꬃ ፍያ ዎꬅ ስክያ አሳይ ባዋ፤ ኤጫ ዎꬅ ስኮፐ፥ ኦራꬃ ፊ ኤጫ ማዩዋ ፔሬꬄ፤ ፔꬃይካ ኮይሮዋፐ ዳራና።
MAR 2:22 ቃይ ሆኦ ዎይንያ ኤሳ ኤጫ ኦጎሩዋን ናእያ አሳይ ባዋ፤ ሽን ናኦፐ፥ ሄ ዎይንያ ኤሳይ ኦጎሩዋ ዳኬ፤ ባረዉካ ዎፈቴ፤ ኦጎሩካ ባዬ፤ ሽን ሆኦ ዎይንያ ኤሳ ኦራꬃ ኦጎሩዋን ናኤቴ” ያጌዳ።
MAR 2:23 የሱስ እት ሳምባታ ጋላስ ትሻ ባንጋ ግዶና አꬍሽን፥ አ ካልያዋንቱና አናና ቢደ፥ ባንጋ ትሻፐ ዱሳ ዶሜድኖ።
MAR 2:24 ፓርሳዋቱ የሱሳ፥ “በአ፤ ኔና ካልያዋንቱ ሳምባታ ጋላስ ህገ ግደናባ አያዉ ኦꬂኖ?” ያጌድኖ።
MAR 2:25 የሱስ ኡንቱንታ፥ “ዳዊተ ኮሻቲደ፥ ምያባ ኮዬዳ ዎደ፥ ባረናና ደእያዋንቱና ኦꬄዳዋ ኡባካ ናባብ በይክቴ?
MAR 2:26 አብያታር ቄሳቶ ኡባቶ ካፖ ግዴዳ ዎደ፥ ዳዊተ ጾሳ ጎልያ ገሊደ፥ ቄሳቱዋ ጻላላይ ማናፐ አትን፥ ኦንነ ማናዉ ህገ ግደናዋ ጎዳ ስንꬃን ዎꬄዳ ቁማ ሚደ፥ ባረናና ደእያዋንቶካ እሜዳ” ያጌዳ።
MAR 2:27 ቃይካ የሱስ ኡንቱንታ፥ “ሳምባታይ አሳዉ መቴዳዋፐ አትን፥ አሳይ ሳምባታዉ መትቤና።
MAR 2:28 ሄዋ ድራዉ፥ ታን፥ አሳ ናአይ፥ ሀራይ አቶ፥ ሳምባታዉካ ጎዳ” ያጌዳ።
MAR 3:1 የሱስ አይሁዳ ዎሳ ጎልያ ሽረትካ ገሌዳ፤ ሄዋን ኩሺ ስሌዳ እት ብታኒ ደኤ።
MAR 3:2 እት እት አሳይ የሱሳ ሞታናዉ ኮዪደ፥ ኩሺ ስሌዳ ብታንያ ሳምባታን እ ፓꬆፐ በአናዉ ናጌ።
MAR 3:3 የሱስ ሄ ኩሺ ስሌዳ ብታንያ፥ “ደንዳ ኤቃደ ስንꬃዉ ሃያ” ያጌዳ።
MAR 3:4 ሄዋፐ ጉይያን አሳ፥ “ሳምባታን ሎኦባ ኦꬅያዌ ዎጌየ ኢታባ ኦꬅያዌ ዎጌ? አሳ ሸምፑዋ አሽያዌ ዎጌየ ዎꬍያዌ ዎጌ?” ያጊደ ኦቼዳ። ሽን አሳይ ጮኡ ጌዳ።
MAR 3:5 የሱስ ሀንቀቲደ፥ ኡንቱንታ ዩሽ አꬅ ጼሊደ፥ ኡንቱንቱ ኦድና ስሰናዋንታ ግድያ ድራዉ፥ ኡንቱንቶ ዳሪ ካዮቴዳ፤ ሄ ብታንያ፥ “ነ ኩሽያ ፕድ ኦꬃ” ያጌዳ፤ ብታኒ ፕድ ኦꬅና፥ አ ኩሺ ፓጽ አጌዳ።
MAR 3:6 ፓርሳዋቱ አይሁዳ ዎሳ ጎልያፐ ካረ ከሲደ፥ የሱሳ ዎት ዎꬋነንቶ ሄሮድሳና ደእያዋንቱና ማቀቴድኖ።
MAR 3:7 የሱስ ባረና ካልያዋንቱና ጋሊላ አባ ቤዳ፤ ጋሊላፐ ጮራ አሳይ አ ካሌዳ።
MAR 3:8 ቃይካ ጮራ አሳይ ይሁዳፐ፥ የሩሳላመፐ፥ ኤዶምያሳፐ፥ ዮርዳኖሳ ሻፋፐ ሄፍንꬃ ባጋፐ፥ ጺሮሳ ካታማፐነ ሲዶና ካታማፐ የሱስ ኦꬄዳዋ ስሲደ፥ አኮ ዬዳ።
MAR 3:9 የሱስ ጮራ አሳይ ባረና ሱግ ኡንኤና ማላ፥ ባረና ካልያዋንታ ዎንግርያ ባረዉ ጋምኤꬃና ማላ አዛዜዳ።
MAR 3:10 ዳሮ አሳ እ ፓꬄዳ ድራዉ፥ ሀርግያ አሳይ ኡባይ አ ቦቻናዉ ሱገረቴ።
MAR 3:11 ኢታ አያናይ ደእያ አሳቱካ አ በኤዳ ዎደ ኡባን አ ስንꬃን ጉፋኒደ፥ ባረንቱ ቃላ ꬎቁ ኦꬂደ፥ “ኔን ጾሳ ናኣ ግድኪ!” ያጌድኖ።
MAR 3:12 የሱስ ሄ ኢታ አያናቱ ባረባ አሳዉ ኦዲደ፥ ባረና ቆንጭያ ከሰና ማላ፥ ኡንቱንታ ምንሲደ አዛዜዳ።
MAR 3:13 የሱስ ደርያ ቦላ ከሲደ፥ ባረ ኮዬዳ አሳቱዋ ባረኮ ጼሴዳ፤ ሄዋፐ ጉየ አኮ ቤድኖ።
MAR 3:14 ኡንቱንቱ ባረናና ደአና ማላነ ቃላ ኦዳናዉ ኡንቱንታ ኪታና ማላ፥ ኢታ አያናቱዋ አሳፐ ከሳናዉ ኡንቱንቶ ማታይ ደአና ማላ፥ ታማነ ላኡ አሳቱዋ ዶሬዳ።
MAR 3:16 እ ዶሬዳ ታማነ ላአቱ ሀዋንታ: ጰጽሮሳ ያጊደ ሱንꬄዳ ስሞና፥
MAR 3:17 ቦኣነርጌሳ ያጊደ ሱንꬄዳ ዛብድዮሳ ናና ያቆባነ ያቆባ እሻ ዮሃንሳ። “ቦኣነርጌሳ” ግያዌ “ዎልቃማ አሳቱዋ” ግያዋ።
MAR 3:18 እንድራሳነ ፕልጶሳ፥ ባርታላሞሳነ ማቶሳ፥ ቶማሳነ እልፕዮሳ ናኣ ያቆባ፥ ታዶሳነ ባረ ቢታዉ ሴለትያ ስሞና፥
MAR 3:19 የሱሳ አꬅ እሜዳ ይሁዳ አስቆሮታ።
MAR 3:20 የሱስ ሶይ ቤዳ፤ ላኤንꬁዋካ ቃይ ጮራ አሳይ ሺቅና፥ እነ አ ካልያዋንቱና ሀራይ አቶ፥ ቁማ ማናዉካ ዳንዳይበይክኖ፤
MAR 3:21 አሳይ አ፥ “ጎዬ” ግያ ድራዉ፥ አ ዳባቱ ሄዋ ስሲደ፥ አ አካናዉ ቤድኖ።
MAR 3:22 ህግያ ታማርስያ እት እት አሳቱ የሩሳላመፐ ዪደ፥ “የሱሳ ቦላ ብኤል-ዘቡል ደኤ” ያጌድኖ፤ ቃይ፥ “ጻላሀቱዋ ካፑ ባረዉ ዎልቃ እምና፥ ኢታ አያናቱዋ ከሴ” ያጊደ ሃሳዬድኖ።
MAR 3:23 የሱስ አሳ ባረኮ ጼሲደ፥ ሌምሱዋ ኦዲደ፥ “ሴጻናይ ሴጻና ዎት ከሳናዉ ዳንዳይ?
MAR 3:24 እት ካዉተꬃይ ባረ ግዶን ሻከቶፐ፥ ሄ ካዉተꬃይ ኤቃናዉ ዳንዳየና፤
MAR 3:25 ቃይ እት ጎለ አሳይካ ባረ ግዶን ሻከቶፐ፥ ሄ ጎለ አሳይካ ኤቃናዉ ዳንዳየና።
MAR 3:26 ሴጻናይ ባረናና ዋላቀቲደ ሻከቶፐ፥ ባያናፐ አትን፥ ደአና ዳንዳየና።
MAR 3:27 “ሽን ዎልቃማ አሳ ጎለ ገሊደ ካሰቲደ አ ቃቼናን ደኢደ፥ አ ሚሻ ቦንቃናዉ ዳንዳይያ አሳይ ባዋ፤ ቃቼዳዋፐ ጉይያን፥ አ ጎልያ ቦንቃናዉ ዳንዳዬ።
MAR 3:28 “ታን ህንተንቶ ቱሙዋ ጋይ፤ ጾሳይ አሳ ናናዉ ናጋራ ኡባነ ኡንቱንቱ ቦርያ ቦርያ ኡባ አቶ ጋና፤
MAR 3:29 ሽን ጌሻ አያና ቦላ ኢታ ቦርያ ሃሳይያ ኦስነ መꬍናዉ ናጋራ ግዳናፐ አትን፥ ጾሳይ ኡባካ አቶ ጌና” ያጌዳ።
MAR 3:30 የሱስ ሄዋ ጌዳዌ፥ እት እት አሳቱ፥ “የሱሳ ቦላ ኢታ አያናይ ደኤ” ያጌዳ ድራሳ።
MAR 3:31 የሱሳ ዳያነ አ እሻቱ ዪደ፥ ካረን ኤቂ አኮ አሳ ኪቲደ፥ አ ጼስሴድኖ።
MAR 3:32 ጮራ አሳይ አ ማታን ኡቴድኖ፤ ሄ ኪተቴዳዌ አ፥ “በአ፤ ነ ዳያነ ነ እሻቱ ካረን ኤቂደ፥ ኔናና ጋከታናዉ ኮዪኖ” ያጌዳ።
MAR 3:33 የሱስ ዛሪደ፥ “ታ ዳያ ኦኔ? ቃይ ታ እሻቱ ኦኔ?” ያጌዳ።
MAR 3:34 ባረ ማታን ኡቴዳ አሳ ዩሽ አꬅ ጼሊደ፥ “በእተ፤ ታ ዳያነ ታ እሻቱ ሀዋንቱሽ።
MAR 3:35 ጾሳይ ኮይያዋ ኦꬅያ ኡባይ ታ እሻ፥ ታ ምቻቶነ ታ ዳዮ” ያጌዳ።
MAR 4:1 የሱስ ሽረትካ ጋሊላ አባ ማታን ታማርሱዋ ዶሜዳ፤ ጮራ አሳይ ባረ ምይያን ዩይ አꬊደ ሺቅ ኡትና፥ አባን ደእያ ዎንግርያ ግዶ ገሊደ፥ አን ኡቴድኖ፤ ቃይ ሄ አሳይ ኡባይ አባ ምይያን ደኤ።
MAR 4:2 እ ኡንቱንታ ዳሮባ ሌምሱዋን ታማርሲደ፥
MAR 4:3 “ስስተ፤ እት ብታኒ ዘረꬃ ዘራናዉ ከሴዳ።
MAR 4:4 እ ዘርሽን፥ እት እት ዘረꬃይ ኦግያ ዶናን ዎꬌዳ፤ ሄዋ ካፉ ዪደ ሜዳ።
MAR 4:5 እት እት ዘረꬃይ አንጮ ቢታ ቦላ ዎꬌዳ፤ ዳሮ ቢታይ ባይና ድራዉ፥ ሄ ዘረꬃይ ኤለካ ሞኬዳ።
MAR 4:6 አዋይ ከሴዳ ዎደ ሹሌዳ፤ አዱሳ ጻጱዋ የድቤና ድራዉ፥ መል አጌዳ።
MAR 4:7 እት እት ዘረꬃይ አጉንꬃ ግዶን ዎꬌዳ፤ ሄዋን ሞኬዳዋ አጉንꬃይ ድጪደ ጩልና፥ አይፈናን አቴዳ።
MAR 4:8 እት እት ዘረꬃይ ቱኤ ቢታን ዘረቲደ ሞኬዳ፤ ድጪደ እቱ ሀታሙዋ፥ እቱ ኡሱፑን ታሙዋ አይፍና፥ እቱ ጼቱዋ አይፌዳ።”
MAR 4:9 ቃይካ የሱስ፥ “ስሳናዉ ሀይꬃይ ደእያ ኡራይ ስሶ” ያጌዳ።
MAR 4:10 ታማነ ላኡ የሱሳ ካልያዋንቱነ እ ኦዴዳዋ ስሴዳ ሀራ አሳቱ እ ባረካ ደእሽን አኮ ሺቂደ፥ ሄ ሌምሱዋ ብለꬃ አ ኦቼድኖ።
MAR 4:11 የሱስ ኡንቱንቶ፥ “ህንተንቶ ጾሳ ካዉተꬃ ጹራ የዉዋ ኤራይ እመቴዳ፤ ሽን ሀራቱ ካዉተꬃፐ ካረና ደእያዋንቱ፥ ጼላ ጼሊደ በኤና ማላ፥ ቃይ ስሳ ስሲድካ አኬከና ማላ፥ ኡንቱንቱ ሽረቲደ ጾሳኮ ስምና፥ እ ኡንቱንቱ ናጋራ አቶ ጌና ማላ፥ ኡንቱንቶ ኡባባይ ሌምሱዋን ኦደቴ” ያጌዳ።
MAR 4:13 የሱስ ኡንቱንታ፥ “ሀ ሌምሱዋ ኤርክቴ? ያትና፥ ሌምሱዋ ኡባ ዎት ኤራንቴ?
MAR 4:14 ዘርያዌ ጾሳ ቃላ ዘሬ።
MAR 4:15 ቃላይ ዘረትያ ኦግያ ዶናን ደእያዋንቱ ሀዋንታ፤ ኡንቱንቱ ቃላ ስስያ ዎደ፥ ሴጻናይ ኤለካ ዪደ፥ ኡንቱንቱ ዎዛናን ዘረቴዳ ቃላ አፍ ድጌዳ።
MAR 4:16 ሀዋዳንካ ቃይ አንጮትያ ቢታን ዘረቴዳዋንቱ ሀዋንታ፤ ኡንቱንቱ ቃላ ስሲደ፥ ኤለካ ናሸቻን አኪኖ።
MAR 4:17 ኡንቱንቱ ሀእዉ ደኢኖፐ አትን፥ ኡንቱንቶ ምኖ ጻጱ ባዋ፤ ጉየፐ ቃላ ጋሱዋን ዋዪ ዎይ የደርሱ ይያ ዎደ፥ ኡንቱንቱ ኤለካ ꬉበት አጊኖ።
MAR 4:18 ቃይ አጉንꬃ ግዶን ዘረቴዳዋንቱ ሀዋንታ፤ ኡንቱንቱ ቃላ ስስያዋንታ።
MAR 4:19 ሽን ሀ ሳኣ ደኦ ህርግያዌ ዱረተꬃ ዶስያዌነ ሀራባ አሞትያዌ ኡንቱንቱ ዎዛናን ገሊደ፥ ቃላ ጩልና አይፈናን አት አጌዳ።
MAR 4:20 ሽን ቱኤ ቢታን ዘረቴዳዋንቱ ቃላ ስሲደ አክያዋንታ፤ እቱ ሀታሙዋ፥ እቱ ኡሱፑን ታሙዋ አይፍና፥ እቱ ጼቱዋ አይፌዳ” ያጌዳ።
MAR 4:21 የሱስ ጉጂደ፥ “ጾምፕያ አሂደ፥ ግላፐ ዎይ አርሳፐ ጋርሳና ዎꬅያ አሳይ ደኢ? ꬎቃሳን ዎኔ?
MAR 4:22 አያዉ ጎፐ፥ ቆሴዳባይ ኡባይ ቆንጭያ ከሳናዋ፤ ቃይ ጌማን ዎꬄዳባይ ኡባይ ቤተናን አተና።
MAR 4:23 ስሳናዉ ሀይꬃይ ደእያ ኡራይ ደኦፐ ስሶ” ያጌዳ።
MAR 4:24 ቃይካ ኡንቱንታ፥ “ህንተንቱ ስስያዋ አኬኪደ ስስተ፤ ጾሳይ ህንተ ማኬዳ ቁንኣን ህንተንቶ ማካናዋ። እ ህንተንቶ ዳርሲደ እማና፤
MAR 4:25 ደእያ ኡራዉ ጉጅ እማና፤ ባይናዋፐ ሀራይ አቶ፥ አዉ ደእያ ሄ ጉꬃቶካ አክ ድጋና” ያጌዳ።
MAR 4:26 የሱስ ቃይካ፥ “ጾሳ ካዉተꬃይ ጋደን ካꬃ ዘርያ አሳ ማላ።
MAR 4:27 ሄ ብታኒ ቃማ ገምእሼ፤ ጉራ ደንዴ፤ እ ባረ ሁጰዉ ዋንንቶ ኤረናን፥ ሄ ዘረꬃይ ሞኬነ ድጬ።
MAR 4:28 ቢታይ ካꬃ ባረካ ሞኬነ አይፌ፤ ኮይሮ ጫርሻይ ጫሬ፤ ጉየፐ አይፋናዉ ኩኩሜ፤ ቃይ ዉርሰꬃን ኩመንꬃ አይፍያ አይፌ።
MAR 4:29 ሽን ካꬃይ ጋክያ ዎደ፥ ካꬃ ሺሽያ ዎዲ ጋኬዳ ድራዉ፥ ብታኒ ኤለካ ባጫን ጫኩዋ ገል አጌዳ” ያጌዳ።
MAR 4:30 የሱስ፥ “ኑን ጾሳ ካዉተꬃ አያ ማላቴ ጋኔ? ዎይ አያና ሌምሳኔ?
MAR 4:31 ጾሳ ካዉተꬃይ ሳናፍጭያ አይፋቶ ማላቴ። ሄ አይፋታ ዘርያ ዎደ፥ ሳኣን ደእያ ምꬃ አይፊያ ኡባፐካ ጉጻዉ፤
MAR 4:32 ሄኖ ዘርና ሞካደ ሀራ አታክልትያ ኡባፐ ዳራዉ፤ ዳሮ ዳሻ ዳሻዉ። ካፉ እዝ ቃንካ ኩዋን ጎልያ ኬጻና ዳንዳዬ” ያጌዳ።
MAR 4:33 የሱስ ሀዋ ማላ ዳሮ ሌምሱዋን አሳይ ስሳናዉ ዳንዳይያዋ ኬና፥ ባረ ቃላ ኦዴዳ።
MAR 4:34 አሳዉ ሌምሱ ባይናን ኦደና፤ ሽን የሱስ ባረና ካልያዋንቱ ጻላላና ደእያ ዎደ፥ ኡንቱንቶ ኡባባ ብሊደ ኦዴ።
MAR 4:35 ሄ ጋላስ ሳአይ ኦማርስና፥ የሱስ ባረና ካልያዋንታ “አባፐ ሄፍንꬃ ፕኖይተ” ያጌዳ።
MAR 4:36 አ ካልያዋንቱ አሳ አጊደ፥ የሱስ ካሰ ገል ኡቴዳ ዎንግርያን ገሊደ፥ የሱሳ ባረንቱና አፌድኖ፤ ሀራ ዎንግራቱካ ሄዋን ደኢኖ።
MAR 4:37 ዎልቃማ ጎቱ ደንድና፥ ቤታይ ዎንግርያ ሾጭና፥ ሃꬃይ ኩማና ጋካናዉ ዎንግርያ ግዶ ገሌዳ።
MAR 4:38 ሄ ዎደ የሱስ ዎንግርያን ጉየ ባጋና ቦርኮꬃ ቦርኮቲደ ገምእሼዳ። የሱሳ ካልያዋንቱ አ ደንꬂደ፥ “ታማርስያዎ፥ ኑን ꬋይያ ዎደ ጮኡ ጋደ ጼላይ?” ያጌድኖ።
MAR 4:39 እ ቤጎቲደ ጎቱዋ፥ “ጮኡ ጋ” ጊደ፥ አባካ፥ “ዎፑ ጋ” ጌዳ፤ ጎቱካ ጮኡ ጊና፥ ኡባባይካ ዎፑ ጌዳ።
MAR 4:40 የሱስ ባረና ካልያዋንታ “አያዉ ሀዋዳን ያዪቴ? ህንተንቱ ዋን አማንክቴ?” ያጌዳ።
MAR 4:41 ኡንቱንቱ ዳሮ ያዪደ ባረንቱ ግዶን፥ “ሀዌ ላ ሀራይ አቶ፥ ጎቱነ አባይ አዛዘትያዌ ኦኔ?” ያጌድኖ።
MAR 5:1 የሱስነ አ ካልያዋንቱ አባፐ ሄፍንꬃዉ ፕኒደ፥ ገርገሰኖና ጌተትያ ጋድያ ጋኬድኖ።
MAR 5:2 አሳ ሞግያ ዱፉ ደኢያሳፐ ኢታ አያናይ ደእያ እት ብታኒ ከሲደ፥ የሱስ ዎንግርያፐ ከሴዳ ዎደ፥ የሱሳና ጋከቴዳ።
MAR 5:3 ብታኒ ሄ ዱፉ ደእያ ሳን አቅ ፔሺደ፥ ያን ደኤ፤ አ ኦንነ ሀራይ አቶ፥ ሳንꬃላታን ቃቻናዉካ ዳንዳይቤና።
MAR 5:4 አያዉ ጎፐ፥ እ ዳሮ ዎደ ኡቁናንነ ሳንꬃላታን ቃሸቲደ ደኤ፤ ሽን ሳንꬃላታ ዱሰረꬄዳ፤ ኡቁናካ መንሬꬄዳ፤ አ ጾናናዉ ዳንዳዬዳዌ ኦንነ ባዋ።
MAR 5:5 እ ኡባ ዎደ ጋላስነ ቃማ፥ ሄ ዱፉ ደኢያሳንነ ደርያ ቦላ ዋሴ፤ ባረ ቦላካ ሹቻን ጋሬ።
MAR 5:6 የሱሳ ሃኩዋን በኤዳ ዎደ፥ አኮ ዎጽ ዪደ አዉ ጎይኔዳ።
MAR 5:7 ሄ ብታኒ ባረ ኮሻ ꬎቁ ኦꬂደ፥ “ኡባፐ ቦላ ጾሳ ናአዉ፥ የሱሳ፥ ኔናነ ታና አዬ ጋꬂ? ታና ሙረና ማላ፥ ታን ኔና ጾሳ ሱንꬃን ዎሳይ” ያጌዳ።
MAR 5:8 እ ሄዋ አያዉ ጌዴ ጎፐ፥ የሱስ አ፥ “ላ ሀ ኢታ አያናዉ፥ ሀ ብታንያፐ ከሳ” ያጌዳዋሳ።
MAR 5:9 የሱስ አ፥ “ነ ሱንꬃይ ኦኔ?” ያጊደ ኦቼዳ። እ፥ “ኑን ጮራ ግድያ ድራዉ፥ ታ ሱንꬃይ ሌግዮና” ያጌዳ።
MAR 5:10 ኢታ አያናቱዋ ሄ ጋድያፐ ከስ የደና ማላ፥ የሱሳ ምንሲደ ዎሴዳ።
MAR 5:11 ሄ ደርያ ቦላን ጮራ ጉዱንꬃ ዉዲ ሄመቴ፤
MAR 5:12 ኢታ አያናቱ የሱሳ፥ “ኑና ህን ጉዱንꬃ ዉድያኮ የዳርኪ፤ ኡንቱንቱን ቢደ ገላና” ያጊደ ዎስና፥
MAR 5:13 የሱስ፥ “ቢተ” ያጌዳ። ኢታ አያናቱ ብታንያፐ ከሲደ፥ ጉዱንꬃቱዋን ገሌድኖ፤ ላኡ ሻአ ግድያ ጉዱንꬃ ዉዲ ካካ ሁጲያና ካጆቲደ፥ አባን ገሊደ፥ ምተት አጌዳ።
MAR 5:14 ጉዱንꬃ ዉድያ ሄምያዋንቱ ባቃቲደ፥ ሀኔዳዋ ካታማንነ ካታማፐ ጋጻ ጋድያን ኦዴድኖ፤ ሄዋ በአናዉ አሳይ ዬዳ።
MAR 5:15 አሳይ የሱሳኮ ዪደ፥ ጮራ ኢታ አያናቱ በን ኦይቄዳ ብታኒ ባረ ዎዛናይ ስምና፥ ማዩዋ ማዪደ፥ ሄዋን ኡቴዳዋ በኢደ፥ ኡባይ ያዬዳ።
MAR 5:16 ሄዋ በኤዳ አሳቱ ኢታ አያናቱ ኦይቄዳ ብታኒ ሀኔዳዋነ ቃይ ጉዱንꬃ ዉድያባ ሄ አሳዉ ኦዴድኖ።
MAR 5:17 ሄዋ ድራዉ፥ አሳይ ባረንቱ ጋድያፐ የሱስ ባና ማላ፥ ዎሳ ዶሜዳ።
MAR 5:18 የሱስ ዎንግርያን ገልሽን፥ ኢታ አያናቱ ኦይቄዳ ብታኒ የሱሳና ደአና ማላ፥ የሱሳ ዎሴዳ።
MAR 5:19 ሽን የሱስ እጺደ አ፥ “ነ ሶይ ስማደ፥ ጎዳይ ነዉ አይ ማላ ዎልቃማባ ኦꬄደንቶነ ቃይ እ ነዉ አይ ማላ ኬከንቶ ነ ሶይ አሳዉ ኦዳ” ያጌዳ።
MAR 5:20 ብታኒ ቢደ፥ ታሙ ካታማ ግያ ሳን ዩዪደ፥ የሱስ ባረዉ አይ ማላ ዎልቃማባ ኦꬄደንቶ፥ ኦዱዋ ዶሜዳ፤ እ ኦዴዳዋ ስሴዳ አሳይ ኡባይ ማላለቴዳ።
MAR 5:21 የሱስ ስሚደ፥ ዎንግርያን ገሊደ፥ አባ ፕኔዳዋፐ ጉይያን፥ ጮራ አሳይ አባ ማታን አኮ ዩይ አꬊደ ሺቄድኖ።
MAR 5:22 ያእሮሳ ግያዌ፥ አይሁዳ ዎሳ ጎልያ ካፓቱዋፐ እቱ፥ የሱሳ በኤዳ ዎደ አኮ ይ አ ገድያን ኩንዲደ፥
MAR 5:23 “ታ ናታ ሀርጋደ ሀይቃናዉ፤ እዛ ፓጺደ ሎኦ ደአና ማላ፥ ያደ ነ ኩሽያ እዝ ቦላ ዎꬃርኪ” ያጊደ የሱሳ ምንሲደ ዎሴዳ።
MAR 5:24 የሱስ ያእሮሳና ቤዳ፤ እ ቢሽን ጮራ አሳይ አ ካሊደ መቶꬄድኖ።
MAR 5:25 ታማነ ላኡ ላይꬃ ኡባ እዝ ቦላፐ ሱꬃይ ጎግያ እት ምሽራታ ደአዉ።
MAR 5:26 ጮራ አክማቱ እዞ አክምሽንካ፥ እዛ ፓጻ ካኤታዱ፤ ባረ ሚሻ ኡባ ዉርስናካ እዝዉ ሃ ኢቴዳዋፐ አትን፥ አይነ እዞ ማድቤና።
MAR 5:27 ሄ ምሽራታ የሱሳባ ስሳደ፥ አሳ ግዶና የሱሳፐ ጉየና ያደ፥ አ ማዩዋ ቦቻዱ።
MAR 5:28 አያዉ ጎፐ እዛ፥ “ታን ሀራይ አቶ፥ አ ማዩዋ ቦቾፐካ ፓጻና” ያጋደ ቆፓዱ።
MAR 5:29 ኢፐ ጎግያ ሱꬃይ ኤለካ ኤቂ አጌዳ፤ እዛ ባረ ዋይያፐ ፓጼዳዋ ባረ ቦላን ኤራ አጋዱ።
MAR 5:30 የሱስ ባረፐ ዎልቃይ ከሴዳዋ ባረ ሁጰዉ ኤሪደ፥ ኤለካ ጮራ አሳ ግዶን ጉየ ስሚደ፥ “ታ ማዩዋ ቦቼዳዌ ኦኔ?” ያጌዳ።
MAR 5:31 የሱሳ ካልያዋንቱ አ፥ “አሳይ ኔና ሱግያ ዎደ በኣደ፥ ‘ታና ኦኔ ቦቼዳዌ?’ ያጋይ?” ጌድኖ።
MAR 5:32 የሱስ ሄዋ ኦኔ ኦꬄደንቶነ በአናዉ ዩሽ አꬂደ ጼሌዳ፤
MAR 5:33 ሽን ምሽራታ ባረዉ ሀኔዳዋ ኤራደ፥ ያሻ ኮኮራደ ያደ የሱሳ ስንꬃን ጉፋናዱ፤ ቃይ ቱማተꬃን ሀኔዳዋ ኡባ አዉ ኦዳዱ።
MAR 5:34 የሱስ እዞ፥ “ታ ናቴ፥ ኔና ነ አማኑ ፓꬄዳ፤ ሳሩዋን ባ፤ ነ ዋይያፐነ ፓጻ” ያጌዳ።
MAR 5:35 የሱስ ብሮ ሄዋ ጊሽን፥ አይሁዳ ዎሳ ጎልያ ካፑዋ ሶይፐ ኪተቴዳ አሳቱ ዪደ፥ “ነ ናታ ሀይቃድጋዱ፤ ስም ታማርስያዋ አያዉ ዳቡርሳይ?” ያጌድኖ።
MAR 5:36 ሽን የሱስ ኡንቱንቱ ግያዋ ስሲደ፥ አይሁዳ ዎሳ ጎልያ ካፑዋ፥ “አማኖ ጻላላ አማናፐ አትን፥ ያዮፓ” ያጌዳ።
MAR 5:37 የሱስ ጰጽሮሳፐ፥ ያቆባፐነ ያቆባ እሻ ዮሃንሳፐ ሀራይ ኦንነ ባረና ካለና ማላ ድጌዳ።
MAR 5:38 ኡንቱንቱ አይሁዳ ዎሳ ጎልያ ካፑዋ ሶይ ጋኬዳ ዎደ፥ የሱስ አሳይ ሎይꬅ ዬክያዋነ ዝላልያዋ በኤዳ።
MAR 5:39 ገሊደ አሳ፥ “አያዉ ሎይꬅ ዬኪቴ? ናታ ገምእሻዱፐ አትን፥ ሀይቃበይኩ” ያጌዳ።
MAR 5:40 ሄዋፐ ጉየ አሳይ አ ቦላ ሚጬዳ፤ ሽን አሳ ኡባ ካረ ከሲደ፥ ናት አዉዋነ አቶ ሄዋን ባረናና ደእያ አ ካልያዋንታነ አኪደ፥ ናታ ደኢያሳ ገሌዳ።
MAR 5:41 የሱስ ናት ኩሽያ ኦይቂደ፥ “ጻልታ፥ ቁሚ” ያጌዳ፤ ሄዋ ብለꬃይ፥ “ጉꬃ ናቴ፥ ታን ኔና ደንዳ ጋይ” ግያዋ።
MAR 5:42 ናታ ኤለካ ደንዳ ኤቃደ ሀመታዱ፤ እዛ ታማነ ላኡ ላይꬃ ናቶ፤ ሄዌ ሀንያዋን አሳይ ዳሮ ማላለቴዳ።
MAR 5:43 የሱስ ሄዋ ኡንቱንቱ ኦስነ ኦደና ማላ፥ ኡንቱንታ ምንስ አዛዚደ፥ “እዝዉ ምያባ እምተ” ያጌዳ።
MAR 6:1 የሱስ ሄዋፐ ከሲደ፥ ባረ ጋድያ ናዝሬተ ካታማ ቤዳ፤ አ ካልያዋንቱካ አ ካሊደ ቤድኖ።
MAR 6:2 ሳምባታ ጋላስ አይሁዳ ዎሳ ጎልያን ታማርሱዋ ዶሜዳ፤ እ ታማርስያዋ ስሴዳ ጮራ አሳይ ማላለቲደ፥ “ሀዌ ሀ ኡባባ ሀቃፐ ደሜዴ? ሀ አዉ እመቴዳ አꬎ ኤራተꬃይ አዬ? ጾሳይ ኦꬅያ ማላታ እ ዎት ኦꬂ?
MAR 6:3 ሀዌ አናጽያ ግደኔ? ማይራም ናኣ፥ ያቆባ እሻ፥ ዮሳ እሻ፥ ይሁዳ እሻ፥ ስሞና እሻ ግደኔ? አ ምቻቱ ኑናና ሀዋን ደእያዋንታ ግድክኖ?” ያጊደ፥ እ ግያዋ አከናን እጼድኖ።
MAR 6:4 የሱስ ሄ አሳዉ፥ “ናቢ ባረ ጋድያን፥ ባረ ዳባቱዋንነ ባረንቱ ሶይ አሳን ቦንቼተናዋፐ አትን፥ ኡባ ሳን ቦንቼቴ” ያጌዳ።
MAR 6:5 እ ሄዋን ባረ ኩሽያ አማሬዳ አሳቱዋ ቦላ ዎꬂደ፥ ኡንቱንታ ፓꬄዳዋፐ አትን፥ ጮራ ማላታ ኦꬃናዉ አይነ ዳንዳይቤና።
MAR 6:6 አሳይ አማንቤና ድራዉ ማላለቴዳ። ሄዋፐ ጉይያን፥ የሱስ ሄዋ ሄራን ደእያ ቄር ካታማቱዋን ዩይ ዩዪደ፥ አሳ ታማርሴዳ።
MAR 6:7 የሱስ ታማነ ላኡ ባረና ካልያዋንታ ባረኮ ጼሲደ፥ ላኡዋ ላኡዋ ኪቴዳ፤ ቃይ ኡንቱንቶ ኢታ አያናቱዋ ከስያ ማታ እሜዳ።
MAR 6:8 ኡንቱንታ፥ “ኦግያ ጻምኣፐ አትን፥ ቁማ፥ ቃርጪትያ፥ ህንተዉ ሚሻ አያኔካ ኦይቆፕተ።
MAR 6:9 ህንተንቱ ገድያን ጫማካ ዎꬅተ፤ ሽን ላኡ ማዩዋ ማዮፕተ” ያጌዳ።
MAR 6:10 ቃይካ ኡንቱንታ፥ “ህንተንታ አሳይ ሀቃን ሞኮፐነ፥ ሄዋፐ ከሳና ጋካናዉ፥ ሄ ጎልያን ኡት አግተ።
MAR 6:11 ህንተንታ አሳይ ሞከናሳ ዎይ ህንተ ኦድያባ ስሰናሳ ሀቃ ግዶፐካ፥ ሄ ጋድያን ደእያ አሳዉ ሄዌ ማርካ ግዳና ማላ፥ ሄዋፐ ከሲደ፥ ህንተ ገድያፐ ባና ሾጭተ” ያጌዳ።
MAR 6:12 ታማነ ላኡ አ ካልያዋንቱ ቢደ፥ አሳይ ባረንቱ ናጋራፐ ስማናዳን፥ ቃላ ኦዴድኖ።
MAR 6:13 ኡንቱንቱ አሳፐ ዳሮ ኢታ አያናቱዋ ከሲደ፥ ሀርግያ አሳ ጮራ ዛይትያ ኦኪደ ፓꬄድኖ።
MAR 6:14 አሳይ የሱሳ ሱንꬃ ደንꬅያ ድራዉ፥ ካትያ ሄሮድሰ ሄዋ ኡባ ስሴዳ፤ እት እት አሳይ፥ “ጻማቅያ ዮሃንስ ሀይቁዋፐ ደንዴዳ፤ ሄዎ አዉ ዎልቃማ ማላታ ኦꬅያ ዎልቃይ ደኤ” ያጌዳ።
MAR 6:15 ሽን ሀራንቱ አ፥ “ሀዌ ኤላሳ” ያጌድኖ። ሀራንቱ ቃይ፥ “ሀዌ በን ዎደ ናባቱዋ ማላትያ ናብያ” ያጌድኖ።
MAR 6:16 ሽን ሄሮድሰ ሄዋ ስሴዳ ዎደ፥ “ሄዌ ታን ቆꬍያ ሙጭሴዳ ጻማቅያ ዮሃንሳ። እ ሀይቁዋፐ ፓጼዳ” ያጌዳ።
MAR 6:17 አያዉ ጎፐ፥ ሄሮድሰ ባረ እሻ ፕልጶሳ ማቻቶ ሄሮድያዶ አክ ዎꬄዳ፤ ሄሮድሰ እዝ ድራዉ፥ ባረ ሁጰዉ አሳ ኪቲደ፥ ዮሃንሳ ኦይꬂደ፥ ቃሽስ ዎꬄዳ።
MAR 6:18 አያዉ ጎፐ፥ ዮሃንስ ሄሮድሳ፥ “ኔን ነ እሻ ማቻቶ አካናዉ በሰና” ያግ ዎꬄዳ።
MAR 6:19 ሄሮድያዳ ዮሃንሳዉ ኡሉዋን ሞርክያ ኦይቃደ አ ዎꬍሳናዉ ኮያዱ፤ ሽን ዳንዳያበይኩ።
MAR 6:20 ዮሃንስ ጽሎ አሳነ ጌሻ አሳ ግዴዳዋ ሄሮድሰ ኤሬዳ ድራዉ፥ አዉ ያዪደ፥ ሎይꬅ ናግ ዎꬄዳ፤ ዮሃንስ ግያዋ ስሲደ፥ ባረ ዎዛናን ዳርስ መቶቲደካ አባ ናሸቻን ስሴዳ።
MAR 6:21 ሄሮድሰ ባረ የለቴዳ ጋላስ፥ ጋድያ አይስያዋንቶ፥ ሻላቃቶነ ጋሊላን ደእያ ዎልቃማ አሳዉ ሾብያ ጊግሴዳ ዎደ፥ ዉርሰꬃን ሄሮድያዳ እንጀ ጋላሳ ደማዱ።
MAR 6:22 ሄሮድያድ ናታ እማꬃ ሞክያሳ ገላ ዱራደ፥ ሄሮድሳነ አ እማꬃቱዋ ናሸቻዱ፤ ሄዋፐ ጉየ ካቲ ናትዉ፥ “ኔና ሎኤዳዋ አያ ግዶፐነ ታና ኦቻ፤ ታን ነዉ እማና” ያጌዳ።
MAR 6:23 ቃይ እዝዉ ዳሪ ጫቂደ፥ “ኔን ኦቼዳዋ አያ ግዶፐካ፥ ታን ነዉ እማና፤ ሀራይ አቶ፥ ታ ካዉተꬃፐ ባጋ ግዶፐካ፥ ታን ነዉ እማና” ያጌዳ።
MAR 6:24 ናታ ካረ ከሳደ ባረ ዳዮ፥ “አያ እማ ጎ?” ያጋደ ኦቻዱ። እ ዳያ፥ “ጻማቅያ ዮሃንሳ ሁጲያ እማ ጋ” ያጋዱ።
MAR 6:25 ናታ ኤለካ ካትያኮ ባደ አ፥ “ጻማቅያ ዮሃንሳ ሁጲያ ዎጪትያን ዎꬃደ፥ ኔን ሀእ ታዉ እማናዳን ኮያይ” ያጋዱ።
MAR 6:26 ሄዋፐ ጉየ ካቲ ዳሪ ቃረቴዳ፤ ሽን ባረ ጫቁዋ ድራዉነ ባረ እማꬃቱዋ ድራዉ እዝዉ ጫቄዳ ጫቁዋ ኮላናዉ ኮይቤና።
MAR 6:27 ሄዋ ድራዉ፥ ኤለካ ናግያዋ ኪቲደ፥ ዮሃንሳ ሁጲያ አሀና ማላ አዛዜዳ፤ ናግያዌ ቃሾ ጎለ ቢደ፥ ዮሃንሳ ቆꬍያ ሙጬዳ።
MAR 6:28 ሄ ሙጬዳዋ ዎጪትያን ዎꬅ አሂደ፥ ናትዉ እሜዳ፤ ናታ ቃይ ባረ አትዉ እማዱ።
MAR 6:29 ዮሃንሳ ካልያዋንቱ ሄዋ ስሴዳ ዎደ ዪደ፥ አ አሃ አፊደ ሞጌድኖ።
MAR 6:30 የሱስ ኪቴዳዋንቱ ስሚደ፥ የሱሳና ጋከቲደ፥ ባረንቱ ኦꬄዳባነ ባረንቱ ታማርሴዳባ ኡባ የሱሳዉ ኦዴድኖ።
MAR 6:31 ብያ አሳይነ ይያ አሳይ ዳርና፥ ሀራይ አቶ ቁማ ማናዉካ ኡንቱንታ ጋናን እጼዳ ድራዉ፥ የሱስ ኡንቱንታ፥ “ኑረካ ጉꬃ ሸምፕ አካናዉ አሳይ ባይናሳ ቦይተ” ያጌዳ።
MAR 6:32 የሱስነ ኡንቱንቱ ባረንቱ ጻላላ ዎንግርያን ኡቲደ፥ አሳይ ባይናሳ ቤድኖ።
MAR 6:33 ኡንቱንቱ ቢሽን፥ ጮራ አሳይ ኡንቱንታ በኢደ ኤሬዳ፤ ካታማ ኡባፐ ገድያን ዎጺደ፥ ኡንቱንቱ ብያሳ ኡንቱንቱፐ ካሰቲደ ጋኬድኖ።
MAR 6:34 የሱስ ዎንግርያፐ ከሲደ፥ ጮራ አሳ በኤዳ፤ አሳይ ሄምያ አሳይ ባይና ዶርሳ ማላ ግዴዳ ድራዉ፥ ቃረቲደ አሳ ዳሮባ ታማርሱዋ ዶሜዳ።
MAR 6:35 ሳአይ ኦማርስያ ዎደ፥ የሱሳ ካልያዋንቱ አኮ ዪደ፥ “ሀዌ ሳአይ አሳይ ባይና ሳኣ፤ ሀእ ሳአይካ ቃም ድጌዳ፤
MAR 6:36 አሳይ ሄራነ ቄር ካታማቱዋ ግዶ ቢደ፥ ባረንቶ ምያባ ሻማና ማላ፥ አሳ ሞይዛ” ያጌድኖ።
MAR 6:37 ሽን የሱስ ዛሪደ ኡንቱንታ፥ “አሳዉ ምያባ ህንተ እምተ” ያጌዳ። ሄዋፐ ጉየ ኡንቱንቱ፥ “ኑን ቢደ፥ ላኡ ጼቱ ብራ ሳንትምያ ቁማ ሻሚደ፥ አሳይ ማናዉ እማኔ?” ያጊደ አ ኦቼድኖ።
MAR 6:38 የሱስ ኡንቱንታ፥ “ህንተንቶ አፑን ዳቡ ደኢ? ቢደ በእተ” ያጌዳ። ኡንቱንቱ በኢደ፥ “እቼሹ ዳቡዋነ ላኡ ሞልያ” ያጌድኖ።
MAR 6:39 የሱስ ባረና ካልያዋንታ አሳ ኡባ ጭታን ጭታን ሻክ ሻኪደ፥ ማታን ኡትሳና ማላ አዛዜዳ።
MAR 6:40 አሳይ ጼቱ ጼቱነ እሻታሙ እሻታሙ ጭታን ጭታን ኡቴድኖ።
MAR 6:41 የሱስ እቼሹ ዳቡዋነ ላኡ ሞልያ ኦይቂደ፥ ፑደ ሳሉዋ ጼሊደ፥ ጾሳ ጋላቴዳ፤ ዳቦቱዋ መንꬂደ አሳዉ ግሻና ማላ፥ ባረና ካልያዋንቶ እሜዳ፤ ቃይ ላኡ ሞልያካ ኡንቱንቱ ኡባዉ ሻኬዳ።
MAR 6:42 አሳይ ኡባይ ሚደ ካሌድኖ።
MAR 6:43 ሄዋፐ ጉየ አቴዳ ዳቦቱዋ ዶካይነ ሞልያ ዶካይ ታማነ ላኡ ዛምቤልያ ኩሜዳዋ የሱሳ ካልያዋንቱ ደንꬄድኖ።
MAR 6:44 ዳቡዋ ሜዳ አቱማ አሳይ እቼሹ ሻአ።
MAR 6:45 ኤለካ የሱስ ሄ ጮራ አሳ ሞይዚደ፥ ባረና ካልያዋንቱ ዎንግርያን ገሊደ፥ አባፐ ሄፍንꬃን ደእያ ቤተሳይዳ ግያ ካታማ ባረፐ ስንꬃቲደ ባናዳን አዛዜዳ።
MAR 6:46 ኡንቱንታ ሞይዜዳዋፐ ጉይያን፥ ጾሳ ዎሳናዉ ዞዝያ ከሴዳ።
MAR 6:47 ሳአይ ቃምያ ዎደ ዎንግሪ ዎምባ ግዱዋን ደእሽን፥ የሱስ ዎምባፐ ጋጻን ባረካ ደኤ።
MAR 6:48 ጫርኩ አ ካልያዋንቱኮ ጫርክያ ድራዉ፥ ባረና ካልያዋንታ ዎምባ ቤታይ መቶꬅያዋ የሱስ በኢደ፥ ኩቱ ዋሳና ሀንያ ዎደ ዎምባ ቦላን ሀመቲደ፥ ኡንቱንቱኮ ዬዳ፤ ኡንቱንታ የግ አꬋናዉ ኮዬዳ።
MAR 6:49 ሽን ዎምባ ቦላን እ ሀመትሽን፥ ኡንቱንቱ አ በኢደ፥ ባረንቶ ሞይትልያ ማላትና ዋሴድኖ።
MAR 6:50 አያዉ ጎፐ፥ ኡንቱንቱ ኡባይ አ በኢደ፥ ያሻ ኮኮሬድኖ፤ ሽን ኤለካ የሱስ ኡንቱንታ፥ “አይነ ባዋ፤ ታናተኔ ያዮፕተ” ያጌዳ።
MAR 6:51 የሱስ ኡንቱንቱና እትፐ ዎንግርያን ገልና፥ ጫርኩ ዎፑ ጌዳ፤ ኡንቱንቱ ዳሮ ማላለቴድኖ።
MAR 6:52 አያዉ ጎፐ፥ ኡንቱንቱ ዎዛናይ ጆሌዳ ድራዉ፥ ኡንቱንቱ ኡክꬃባ አኬክበይክኖ።
MAR 6:53 ኡንቱንቱ አባ ፕኒደ፥ ገንሳሬጻ ግያ ቢታ ጋኬድኖ፤ ያን ዎንግርያ ጋጻ ሺሽ ቃቼድኖ።
MAR 6:54 ኡንቱንቱ ዎንግርያፐ ዎꬍያዋን፥ አሳይ ኤለካ የሱሳ ኤርነ
MAR 6:55 ሄዋ ሄራን ደእያ ጋድያ ኡባን ዎጸረቲደ፥ ሀርጋንቻቱዋ ሻንቻማን ቶኪደ፥ “የሱስ ደኤ” ጊና ስሴዳሳ አሁዋ ዶሜዳ።
MAR 6:56 የሱስ ቤዳ ሳ ኡባን ቄር ካታማን ግድና፥ ዎልቃማ ካታማን ግድና፥ ሄራ ግዶን ግድናካ፥ ገያ ደንባን አሳይ ሀርጋንቻቱዋ አኮ አፌ። የሱስ ባረ ማዩዋ ማጫራ ግዶፐነ ሀርጋንቻቱዋ ቦሽሳና ማላ፥ አሳይ አ ዎሴዳ፤ ቦቼዳ ኡባይ ፓጼዳ።
MAR 7:1 ፓርሳዋቱነ የሩሳላመፐ ዪደ፥ ሙሴ ህግያ ታማርስያ አማሬዳ አሳቱ የሱሳኮ ሺቄድኖ።
MAR 7:2 የሱሳ ካልያዋንቱፐ እቱ እቱ ቱና ኩሽያን፥ ሄዋ ግያዌ ሜጨተናን ቁማ ምያዋንታ በኤድኖ።
MAR 7:3 አያዉ ጎፐ፥ ፓርሳዋቱነ አይሁዳ አሳይ ኡባይ ባረንቱ አዎቱዋ ዎጋ ናጊደ፥ ባረንቱ ኩሽያ ሎይꬅ ሜጨተናን ሚክኖ።
MAR 7:4 ቃይ ገያፐ ዪደካ ሜጨተናን ደኢደ ሚክኖ። ቃይ ኡንቱንቱ ባረንቱ አዎቱዋፐ አኬዳ ሀራ ጮራ ዎጋይ ደኤ፤ ሄዌካ ዋንጫ፥ ከርያ፥ ብራታፐ መꬌዳ ሚሻነ አርሳ ሜጭያ ዎጋ።
MAR 7:5 ፓርሳዋቱነ ሙሴ ህግያ ታማርስያዋንቱ የሱሳ፥ “ኔና ካልያዋንቱ አያዉ ኑ አዎቱዋ ዎጋ ካለናን እጺደ፥ ባረንቱ ኩሽያ ሜጨተናን ቁማ ሚኖ?” ያጊደ ኦቼድኖ።
MAR 7:6 የሱስ ኡንቱንታ ሀዋዳን ያጌዳ፤ “እስያስ ትምቢትያ ኦዴዳ ዎደ፥ ህንተንቱባ፥ ሎአ ማላትያ ኢታቱባ ጻፌዳዋዳንካ፥ “ ‘ጾሳይ፥ “ሀዌ አሳይ ታና፥ ባረ ቦላ ዶናን ቦንቼ። ሽን ኡንቱንቱ ዎዛናይ ታፐ ሃኩዋን ደኤ፤ አሳይ ታዉ መላ ጎይኔ። አያዉ ጎፐ፥ አሳይ ኦꬄዳ አዛዙዋ፥ ጾሳ ህግያ ማላትሲደ ታማርሴ” ጌዳ’ ያጊደ ትምቢትያ ቱሙዋ ኦዴዳ።
MAR 7:8 “ጾሳ አዛዙዋ ህንተ አጊደ፥ አሳ ዎጋ ምንሲደ ናጊታ” ያጌዳ።
MAR 7:9 ቃይካ የሱስ፥ “ህንተንቱ ህንተ ዎጋ ናጋናዉ ጾሳ አዛዙዋ አጊታ።
MAR 7:10 አያዉ ጎፐ ሙሴ፥ ‘ነ አባነ ነ ዳዮ ቦንቻ’ ቃይ፥ ‘ባረ አባነ ባረ አቶ ቦርያዌ ሀይቁዋን ሙረቶ’ ያጌዳ።
MAR 7:11 ሽን እት ኡራዉ ባረ አዉዋ ዎይ ባረ አቶ ማድያባይ ደእሽን እ፥ ‘ሀዌ ቁርባንያ፤ ሀዋ ጉሳይ ጾሳባ ግያዋ’ ጎፐ፥
MAR 7:12 እ ባረ አዉዋ ዎይ ባረ አቶ ዎደፐ ማዳናዋ አይነ ኮይክታ።
MAR 7:13 ሀ ሀኖታን ህንተ ህንተንቱ ዎጋ ናጋናዉ፥ ጾሳ ቃላ ኮሊደ፥ ሄዋ ማላ ዳሮባ ኦꬂታ” ያጌዳ።
MAR 7:14 የሱስ ጮራ አሳ ቃይካ ባረኮ ጼሲደ፥ “ኡባይ ታን ግያዋ ስስተነ አኬክተ።
MAR 7:15 አሳፐ ከስያዌ አሳ ቱንስያዋፐ አትን፥ ካረፐ አሳ ግዶ ገሊደ፥ አሳ ቱንስያባይ አይነ ባዋ፤
MAR 7:16 ስሳናዉ ሀይꬃይ ደእያ ኡራይ ኦንነ ስሶ” ያጌዳ።
MAR 7:17 የሱስ ጮራ አሳ አጊደ ሶይ ገሌዳ ዎደ፥ አ ካልያዋንቱ ሄ ሌምሱዋባ አ ኦቼድኖ።
MAR 7:18 እ ኡንቱንታ፥ “ህንተንቶካ ቃይ ገልቤኔ? ካረፐ አሳ ዎዛናን ገልያባይ አይነ አሳ ቱንሳናዉ ዳንዳየናዋ አኬኪቴ?
MAR 7:19 አያዉ ጎፐ፥ ቁማይ አሳ ኡሉዋ ግዶ ገሊደ፥ ካረዉ ከስያዋፐ አትን፥ አሳ ዎዛና ግዶ ገለና” ያጌዳ። ሀዋዳንካ የሱስ ቁማ ኡባይ ቱና ግደናዋ ኤርሴዳ።
MAR 7:20 ቃይካ የሱስ ሀዋዳን ያጌዳ፤ “አሳ ቱንስያባይ አሳ ዎዛና ግዶፐ ከስያባ።
MAR 7:21 አያዉ ጎፐ፥ አሳ ዎዛና ግዶፐ ከስያዌ ኢታ ቆፋ፤ ዎሹምያዋ፤ ዉእያዋ፤ ዎꬍያዋ፤ ጫራተꬃ፤
MAR 7:22 ዮራተꬃ፤ ኡዝያ ዎይ ባረና ዶስያዋ፤ ኢታተꬃ ዎይ ጭምያዋ፤ ገንያ፤ ማጫዋ አሞትያዋ፤ ቃናትያዋ፤ ቦርያዋ ዎይ ዝግርያዋ፤ አዩዋ፤ ኤያተꬃ።
MAR 7:23 ሀ ኢታባይ ኡባይ አሳ ዎዛና ግዶፐ ከሲደ፥ አሳ ቱንሴ” ያጌዳ።
MAR 7:24 የሱስ ሄዋፐ አጊደ፥ ጺሮሳነ ሲዶና ግያ ካታማቱዋ ማታን ደእያ ጋድያ ቢደ፥ እት ጎልያ ገሌዳ፤ ቃይ እ ያን ደእያዋ ኦንነ ኤራናዋ ኮይቤና፤ ሽን ቆሰቲደ ጋምአናዉ ዳንዳይቤና።
MAR 7:25 ሽን ባረ ጉꬃ ናት ቦላ ኢታ አያናይ ደእያ እት ምሽራታ የሱሳባ ስሳደ፥ ኤለካ አኮ ያነ አ ገድያን ጉፋና አጋዱ።
MAR 7:26 ሄ ምሽራታ አይሁዳ አሳ ግዱኩ፤ አ የለቴዳዌካ ሶርያ ግያ ጋድያና፤ አ ባረ ናትፐ ጻላህያ ከሳና ማላ፥ የሱሳ ዎሳዱ።
MAR 7:27 ሽን የሱስ ዛሪደ፥ “ናናይ ካሰቲደ ቁማ ካልኖ፤ አያዉ ጎፐ፥ ናና ቁማ አኪደ፥ ካናቶ ኦልያዌ ሎአ ግደና” ያጌዳ።
MAR 7:28 ምሽራታ ዛራደ፥ “ቱማካ ታ ጎዳዉ፥ ሀራይ አቶ ሳምፓ ምይያን ደእያ ካናቱካ ናናቱዋፐ አቴዳ ሱፓ ሚኖ” ያጋዱ።
MAR 7:29 የሱስ ቃይ እዞ፥ “ሀ ኔን ሃሳዬዳ ቃላ ድራዉ፥ ጻላሂ ነ ናትፐ ከሴዳ፤ ስም ነ ሶይ ባ” ያጌዳ።
MAR 7:30 ምሽራታ ባረ ሶይ ብያ ዎደ፥ እዝ ናትፐ ጻላሂ ከስና፥ ሂጻን ግሴዳዉኖ ደማዱ።
MAR 7:31 የሱስ ጺሮሳ ጋድያፐ ከሲደ፥ ሲዶናናነ ታሙ ካታማ ግያ ጋድያና ካንꬂደ፥ ጋሊላ አባኮ ቤዳ።
MAR 7:32 አሳይ ቱለነ ዱደ ግዴዳ ብታንያ የሱሳኮ አሂደ፥ ባረ ኩሽያ አ ቦላን ዎꬃና ማላ፥ የሱሳ ዎሴድኖ።
MAR 7:33 የሱስ ባረካ ሄ ብታንያ ጮራ አሳፐ ጋጻ ከሲደ፥ ባረ ብራꬍያ አ ሀይꬃን የዴዳ፤ ቃይ ጩቻ ጩቺደ፥ አ እንጻርሳ ቦቼዳ።
MAR 7:34 ሳሉዋ ፑደ ጼሊደ፥ ቶክ ሸምፒደ፥ “ኤፍታህ” ያጌዳ፤ ሄዋ ግያዌ ዶየታ ግያዋ።
MAR 7:35 ብታንያ ሀይꬃይ ኤለካ ዶየት አጌዳ፤ ቃይ አ ሃሳየና እንጻርሳይካ ብለት አጌዳ፤ ብታኒ አይነ ዋየተናን ሃሳዪ አጌዳ።
MAR 7:36 የሱስ አሳዉ፥ “ሀዋ ኦስነ ኦዶፕተ” ያጊደ ኦዴዳ፤ ሽን እ ዳርስ ምንስ ኦድና፥ አሳይ ቃይ ኦዱዋ ያ ዳርሴዳ።
MAR 7:37 ሄዋ ስሴዳ አሳይ ኡባይ ዳሮ ማላለቲደ፥ “ኡባባካ እ ሎይꬅ ኦꬄ። ሀራይ አቶ ቱልያካ ስሴ፤ ቃይ ዱድያካ ሃሳይሴ” ያጌድኖ።
MAR 8:1 ሄ ዎደ፥ ጮራ አሳይ ቃይ የሱሳኮ ሺቄዳ፤ አሳዉ ምያባይ ꬋይና፥ የሱስ ባረና ካልያዋንታ ባረኮ ጼሲደ፥
MAR 8:2 “ሀ ጮራ አሳይ ታናና ሄዙ ጋላሳይ ጋካናዉ ጋምኢደ፥ ምያባ አይነ ደምቤና ድራዉ፥ ታን ኡንቱንቶ ቃረታይ።
MAR 8:3 ታን ኡንቱንታ ኮሻና ሶይ የዶፐ፥ ቢደ ኦግያን ዳቡሪደ ኩንዳና፤ አያዉ ጎፐ፥ እቱ እቱ ሃኮ ሳፐ ዬዳ” ያጌዳ።
MAR 8:4 አ ካልያዋንቱ ዛሪደ፥ “ሀ አሳይ ባይና ሳን ሀ አሳ ኡባ ምዛናዉ ግድያ ቁማ ደማናዉ ዳንዳይያዌ ኦኔ?” ያጌድኖ።
MAR 8:5 የሱስ ኡንቱንታ፥ “ህንተንቶ አፑን ዳቡ ደኢ?” ያጊደ ኦቼዳ። ኡንቱንቱ፥ “ላፑ ዳቡ ደኤ” ያጌድኖ።
MAR 8:6 የሱስ አሳ፥ “ሳኣን ኡትተ” ያጊደ አዛዜዳ፤ ቃይ ላፑ ዳቡዋ አኪደ፥ ጾሳ ጋላቴዳ፤ ሄ ዳቡዋ መንꬂደ፥ አሳዉ ግሻና ማላ፥ ባረና ካልያዋንቶ እሜዳ። የሱሳ ካልያዋንቱ ሄ ጮራ አሳዉ ግሼድኖ።
MAR 8:7 ኡንቱንቶ ቃይካ አማሬዳ ሱፓ ሞለቱ ደኢኖ፤ የሱስ ሄዋንቶካ ጾሳ ጋላቲደ፥ አሳዉ ግሻና ማላ፥ ባረና ካልያዋንታ አዛዜዳ።
MAR 8:8 አሳይ ኡባይ ሚደ ካልና አቴዳ ዶካይ ላፑ ዛምቤልያ ኩሜዳዋ አ ካልያዋንቱ ደንꬄድኖ።
MAR 8:9 ቁማ ሜዳ አሳይ ኦይዱ ሻአ ግዳና፤ ሄዋፐ ጉይያን፥ የሱስ አሳ የዴዳ።
MAR 8:10 እ ቃይ ባረና ካልያዋንቱና ኤለካ ዎንግርያን ገሊደ፥ ዳልማኑታ ግያ ጋድያ ቤዳ።
MAR 8:11 ፓርሳዋቱ ዪደ፥ የሱሳና ፓሉማ ዶሜድኖ። የሱሳ ፓጫናዉ ኮዪደ፥ ሳሉዋፐ ማላታ ባረንታ በሳና ማላ ኦቼድኖ።
MAR 8:12 የሱስ ዳርስ ቶክ ሸምፒደ፥ “ሀ ዎድያ አሳይ አያዉ ማላታ ኮዪ? ታን ህንተንቶ ቱሙዋ ኦዳይ፤ ሀ ዎድያ አሳዉ ማላታይ ኡባካ እመተና” ያጌዳ።
MAR 8:13 ቃይ ኡንቱንታ ሄዋን አጊደ፥ ዛር ዎንግርያን ገሊደ፥ አባፐ ሄፍንꬃ ፕኔዳ።
MAR 8:14 የሱሳ ካልያዋንቱ ቁማ አፋናዋ ዶጌድኖ፤ ኡንቱንቶ ዎንግርያ ግዶን እት ኡክꬃፐ ሀራይ ባዋ።
MAR 8:15 የሱስ ኡንቱንታ፥ “ህንተንታ ኤርተ፤ ፓርሳዋቱዋ እርሹዋፐነ ሄሮድሳ እርሹዋፐ ናገትተ” ያጊደ አዛዜዳ።
MAR 8:16 ኡንቱንቱ ባረንቱ ግዶን፥ “እ ሀዋ ግያዌ ኑዉ ቁማይ ባይና ድራሳ” ያጊደ ሃሳያ ዶሜድኖ።
MAR 8:17 የሱስ ኡንቱንቱ ግያዋ ኤሪደ፥ “ህንተንቶ ዳቡ ባይናዋ አያዉ ሃሳዪቴ? ሀእ ጋካናዉ ህንተዉ ገለኔ? ዎይ አኬክክቴ? ህንተ ዎዛናይ ጆሌዴ?
MAR 8:18 ህንተንቶ አይፊ ደኤ፤ በእክቴ? ቃይ ሀይꬃይ ደኤ፤ ስስክቴ? ህንተንቶ ሀሳየተኔ?
MAR 8:19 ታን እቼሹ ዳቡዋ እቼሹ ሻአ አሳዉ መንꬃ እሜዳ ዎደ፥ አፑን ዛምቤልያ ኩሜዳ ዶካ ደንꬄድቴ?” ያጌዳ። ኡንቱንቱ፥ “ታማነ ላኡ ዛምቤልያ ኩሜዳ ዶካ ደንꬄዶ” ያጌድኖ።
MAR 8:20 “ታን ቃይካ ላፑ ዳቡዋ ኦይዱ ሻአ አሳዉ መንꬃደ እሜዳ ዎደ፥ አፑን ዛምቤልያ ኩሜዳ ዶካ ደንꬄድቴ?” ያጌዳ። ኡንቱንቱ፥ “ላፑ ዛምቤልያ ኩሜዳ ዶካ ደንꬄዶ” ያጌድኖ።
MAR 8:21 እ ቃይ፥ “ሀእካ አኬክበይክቴ?” ያጌዳ።
MAR 8:22 የሱስነ አ ካልያዋንቱ ቤተሳይዳ ግያ ካታማ ቤድኖ፤ አሳቱ ቆቃ ብታንያ የሱሳኮ አሂደ፥ ሄ ብታንያ ቦቻና ማላ፥ አ ዎሴድኖ።
MAR 8:23 የሱስ ቆቃ ብታንያ ኩሽያ ኦይቂደ፥ ሄራፐ ጋጻ ከሴዳ፤ አ አይፍያን ጩቺደ፥ ባረ ኩሽያ አ ቦላ ዎꬂደ፥ “ነዉ አየንቶ ቤቲ?” ያጊደ ኦቼዳ።
MAR 8:24 ብታኒ ꬎቂደ፥ “ታን አሳ በአይ፤ ሽን አሳይ ሀመቲደ፥ ምꬃ ማላቴ” ያጌዳ።
MAR 8:25 ሄዋፐ ጉይያን፥ የሱስ ሽረቲደ ብታንያ አይፍያን ባረ ኩሽያ ዎꬄዳ። አ አይፊ ፓጼዳ፤ ብታኒካ ሎይꬅ ጼሌዳ፤ ቃይ ኡባባካ ጌሺደ በኤዳ።
MAR 8:26 የሱስ ብታንያ፥ “ሄራ ገሎፓ” ያግ አ ሶይ የዴዳ።
MAR 8:27 የሱስ ባረና ካልያዋንቱና ቂሳርያ ፕሊጶሳ ደእያ ቄር ሄራቱዋ ቤዳ፤ እ ቢሽን ኦግያን የሱስ፥ “ታና አሳይ ኦና ጊ?” ያጊደ ባረና ካልያዋንታ ኦቼዳ።
MAR 8:28 አ ካልያዋንቱ፥ “እት እት አሳይ ኔና፥ ‘ጻማቅያ ዮሃንሳ’ ጌ፤ ሀራንቱ፥ ‘ኤላሳ’ ጊኖ፤ ቃይ ሀራንቱ፥ ‘ናባቱዋፐ እቱዋ’ ጊኖ” ያጌድኖ።
MAR 8:29 የሱስ ኡንቱንታ፥ “ህንተሽ ታና ኦና ጊቴ?” ያጊደ ኦቼዳ። ጰጽሮስ፥ “ኔን ዶረቴዳ ክርስቶሳ” ያጊደ ዛሬዳ።
MAR 8:30 የሱስ፥ “ታባ ኦስነ ኦዶፕተ” ያጊደ ኡንቱንታ አዛዜዳ።
MAR 8:31 የሱስ ባረና ካልያዋንታ፥ “ታን፥ አሳ ናአይ፥ ዳሪ ዋየታናዉ በሴ፤ ጭማቱ፥ ቄሳቱዋ ካፓቱነ ህግያ ታማርስያዋንቱ ታና እጻናዉ በሴ፤ ኡንቱንቱ ታና ዎꬋናዉነ ታን ሄዘንꬅያ ጋላሳፐ ጉይያን፥ ሀይቁዋፐ ደንዳናዉ በሴ” ያጊደ ታማርሱዋ ዶሜዳ።
MAR 8:32 ሄዋ እ ኡንቱንቶ ጌሺደ ኦዴዳ፤ ጰጽሮስ አ እት ባጋ ዛሪደ፥ ዞረታ ዶሜዳ።
MAR 8:33 ሽን የሱስ ጉየ ስሚደ፥ ባረና ካልያዋንታ ጼሊደ ጰጽሮሳ፥ “ሀ ሴጻናዉ፥ ክቻ ታ ማታፐ! ኔን አሳይ ቆፕያዋ ቆፓሳፐ አትን፥ ጾሳይ ቆፕያዋ ግደና” ያጌዳ።
MAR 8:34 የሱስ ጮራ አሳነ ባረና ካልያዋንታ ባረኮ ጼሲደ፥ “ታና ካላና ኮይያ ኡራይ ደኦፐ፥ ባረና ካዶ፤ ያቲደ ባረ ማስቃልያ ቶኪደ፥ ታና ካሎ።
MAR 8:35 አያዉ ጎፐ፥ ባረ ሸምፑዋ አሻና ኮይያ ኡራይ ባይዛናዋ፤ ሽን ታ ድራዉነ ዎንጋላ ምሽራቹዋ ድራዉ ባረ ሸምፑዋ ባይዝያ ኡራይ አሻናዋ።
MAR 8:36 እት ኡራይ ሳኣን ደእያ ኡባባ ባረዉ ሺሺደ፥ ባረ ሸምፑዋ ባይዞፐ፥ አ አያ ማዳኔ?
MAR 8:37 እት ኡራይ ባረ ሸምፑዋ ዎዛናዉ አያ እማና ዳንዳይ?
MAR 8:38 ጾሳ አማነና ሀ ናጋራንቻ የለታ ዎድያን፥ እት ኡራይ ታናንነ ታ ቃላን ዬላቶፐ፥ ታንካ፥ አሳ ናአይ፥ ቃይ ታ አዉዋ ቦንቹዋን ጌሻ ኪታንቻቱዋና ይያ ዎደካ፥ አን ዬላታና” ያጌዳ።
MAR 9:1 የሱስ ኡንቱንታ፥ “ታን ህንተንቶ ቱሙዋ ጋይ፤ አማሬዳ አሳቱ ጾሳ ካዉተꬃይ ዎልቃና ይያዋ በኤናን ሀይቀናዋንቱ ሀዋን ደኢኖ” ያጌዳ።
MAR 9:2 የሱስ ኡሱፑን ጋላሳፐ ጉይያን፥ ባረናና ጰጽሮሳ፥ ያቆባነ ዮሃንሳ አኪደ፥ ኡንቱንቱ ጻላላ ዎልቃማ ደርያ ቦላ ከሴዳ፤ ኡንቱንቱ ስንꬃን ላመቴዳ፤
MAR 9:3 አ ማዩካ ጶሌዳ፤ ሳኣን ማዩዋ ሜጭያ ኦንነ ጌሻናዉ ዳንዳየናዋ ኬና ዳሪ ቦጼዳ።
MAR 9:4 ሄ ሄዙ የሱሳ ካልያዋንቱ፥ ኤላስነ ሙሴ የሱሳና ሃሳይያዋንታ በኤድኖ።
MAR 9:5 ጰጽሮስ የሱሳ፥ “ታማርስያዎ፥ ኑን ሀዋን ደእያዌ ኑዉ ሎአ፤ ኑን ሄዙ ዳሳቱዋ እቱዋ ነዉ፥ እቱዋ ሙሴዉ፥ ቃይ እቱዋ ኤላሳዉ ኬጻና” ያጌዳ።
MAR 9:6 እ ዋጋነንቶነ ኤርቤና፤ አያዉ ጎፐ፥ እካ የኮንቱካ ዳሪ ያዬድኖ።
MAR 9:7 ሄዋፐ ጉይያን፥ ሻሪ ዪደ ኡንቱንታ ካምና ሻርያፐ፥ “ሀዌ ታን ሲቅያ ታ ናኣ፤ እ ግያዋ ስስተ” ግያ ቃላይ ዬዳ።
MAR 9:8 ኤለካ ኡንቱንቱ ዩሽ አꬅ ጼልያ ዎደ፥ የሱሳፐ አትን፥ ሀራ ኦናነ ባረንቱ ማታን በእበይክኖ።
MAR 9:9 ኡንቱንቱ ደርያፐ ዎꬍሽን፥ የሱስ ኡንቱንታ፥ “ታን፥ አሳ ናአይ፥ ሀይቁዋፐ ደንዳና ጋካናዉ፥ ህንተ በኤዳባ ኦስነ ኦዶፕተ” ያጊደ አዛዜዳ።
MAR 9:10 እ አዛዜዳዋ ኡንቱንቱ፥ “ ‘ኤኖ’ ጊደ፥ ሀ ሀይቁዋፐ ደንድያዋ ግያዌ ዋግያዌ” ያጊደ፥ ባረንቱ ግዶን ሃሳየቴድኖ።
MAR 9:11 ኡንቱንቱ የሱሳ፥ “ህግያ ታማርስያዋንቱ አያዉ፥ ‘ኤላስ ካሰቲደ ያናዉ በሴ’ ጊኖ?” ያጊደ ኦቼድኖ።
MAR 9:12 እ ዛሪደ ያጌዳ፤ “ቱማካ፥ ኤላስ ካሰት ዪደ፥ ኡባባ ጊግሴ፤ ያትና፥ አያዉ ጾሳ ማጻፋይ፥ ‘አሳ ናአይ ዳሪ ዋየታናነ እጸታና’ ያጊ?
MAR 9:13 ሽን ታን ህንተንቶ ኦዳይ፤ ኤላስ ዬዳ፤ ቃይ አባይ ጾሳ ማጻፋን ጻፈቴዳዋዳንካ፥ አሳይ አ ባረ ኮዬዳባ ኦꬄዳ” ያጌዳ።
MAR 9:14 የሱስ፥ ጰጽሮስ፥ ያቆብነ ዮሃንስ የኮ የሱሳ ካልያዋንቱኮ ስሚደ ይያ ዎደ፥ ጮራ አሳይ ሄ ካልያዋንቱ ዩሹዋን ኤቄዳዋነ ህግያ ታማርስያ አማሬዳ አሳቱ ኡንቱንቱና ፓሉመትያዋንታ በኤድኖ።
MAR 9:15 ሄ ጮራ አሳይ የሱሳ በኤዳ ዎደ ማላለት ዳጋሚደ፥ ኤለካ አኮ ዎጽ ዪደ፥ አ ሳሮቴዳ።
MAR 9:16 የሱስ ባረና ካልያዋንታ “ኡንቱንቱና አያ ፓሉመቲቴ?” ያጊደ ኦቼዳ።
MAR 9:17 ሄ ጮራ አሳ ግዶፐ እት ብታኒ ዛሪደ፥ “ታማርስያዎ፥ ታ ናኣ ቦላን ሃሳያ ድግያ ኢታ አያናይ ደእያ ድራዉ፥ አ ኔኮ አካደ ያድ።
MAR 9:18 ሀ ኢታ አያናይ አ ኦይቂያ ዎደ ኡባን፥ አ ኦሌ፤ አ ዶናናካ ሆሙ ፓሮቴ፤ ቃይ አቻ ጋርጭሴ፤ ቦላካ ዞልሴ። አፐ ሀ ኢታ አያና ከሳና ማላ፥ ኔና ካልያዋንቶ ኦዳድ፥ ሽን ከሳናዉ ዳንዳይበይክኖ” ያጌዳ።
MAR 9:19 የሱስ ዛሪደ ኡንቱንታ፥ “አማነና ሀ ዎድያ አሳዉ! ታን ህንተንቱና አዉደ ጋካናዉ ደአኔ? ቃይ ህንተንቱባ አዉደ ጋካናዉ ዳንዳያኔ? ናኣ ታኮ ሃ አክ ዪተ” ያጌዳ።
MAR 9:20 ኡንቱንቱ ናኣ አኮ አሄድኖ፤ ሄ ኢታ አያናይ የሱሳ በኢዴ ኤለካ ናኣ ኮኮርሲ አጌዳ፤ ናአይ ሳኣን ኩንዲደ፥ ዶናና ሆሙ ጎፑ ጊሽን ጎንዶረቴዳ።
MAR 9:21 የሱስ ሄ ናኣ አዉዋ፥ “ሀዌ ነ ናኣ ኦይቆደፐ ዎይሳ ዎደ ግዳኔ?” ያጊደ ኦቼዳ። ናኣ አቡ፥ “እ ናአተꬃን ደእያ ዎድያፐ ዶሜዳ።
MAR 9:22 አ ዎꬋናዉ ዳሮ ዎደ ታማንነ ሃꬃን ኦሌዳ፤ ሽን ኔን ዳንዳዮፐ፥ ኑዉ ቃረታደ ኑና ማዳርኪ” ያጌዳ።
MAR 9:23 የሱስ አ፥ “ኔን ዳንዳዮፐ ጋይ? አማንያ አሳዉ ኡባባይ ዳንዳየቴ” ያጌዳ።
MAR 9:24 ኤለካ ናኣ አቡ ባረ ኮሻ ꬎቁ ኦꬂደ፥ “ታን አማናይ፤ ሽን ጉጃ አማናናዳን፥ ታና ማዳርኪ” ያጌዳ።
MAR 9:25 የሱስ አሳይ ዳር ዳር ብያዋ በኢደ፥ ኢታ አያና፥ “ናኣ ቱለነ ዱደ ኦꬄዳ አያናዉ፥ ሀ ናኣፐ ከሳ ጋደ ኔና ታ አዛዛይ፤ ቃይ ዛረꬃደ አን ገሎፓ” ያጌዳ።
MAR 9:26 ሄ ኢታ አያናይ ዋሲደ፥ ናኣ ዳርስ ኮኮርሲደ፥ አፐ ከሴዳ። ናአይ ሀይቄዳዋ ማላትና፥ ዳሮ አሳይ፥ “ናአይ ሀይቄዳ” ያጌዳ።
MAR 9:27 ሽን የሱስ ናኣ ኩሽያ ኦይቂደ ደንꬅና፥ ናአይ ደንድ ኤቄዳ።
MAR 9:28 የሱስ ሶይ ገሌዳዋፐ ጉይያን፥ አ ካልያዋንቱ የሱሳ ዱማ፥ “ኑን ሄ ኢታ አያና ከሳናዉ አያዉ ዳንዳይበይኮ?” ያጊደ ኦቼድኖ።
MAR 9:29 የሱስ ዛሪደ፥ “ሄዋ ማላይ ዎሳፐነ ጾማፐ አትን፥ ሀራባን ከሳናዉ ዳንዳየና” ያጌዳ።
MAR 9:30 ኡንቱንቱ ሄዋፐ ደንዲደ፥ ጋሊላና አꬊደ ቤድኖ፤ የሱስ ባረ ደኢያሳ ኦንነ ኤራና ማላ ኮይቤና።
MAR 9:31 አያዉ ጎፐ፥ እ ባረና ካልያዋንታ “ታና፥ አሳ ናኣ፥ አሳይ አሳዉ አꬂደ እማናነ ዎꬋና፤ ታን ቃይ ሄዙ ጋላሳፐ ጉይያን፥ ሀይቁዋፐ ደንዳና” ያጊደ ታማርሴ።
MAR 9:32 ሽን ኡንቱንቶ እ ግያዌ ገልቤና፤ ቃይ አ ኦቻናዉካ ያዬድኖ።
MAR 9:33 ኡንቱንቱ ቅፍርናሆማ ግያ ካታማ ቤድኖ፤ ሶይ ገሌዳዋፐ ጉይያን፥ የሱስ ኡንቱንታ፥ “ኦግያን አያ ፓሉመቲቴ?” ያጊደ ኦቼዳ።
MAR 9:34 ሽን ኡንቱንቱ ቢደ ኦግያን፥ “ኑ ግዶን ኑ ኡባፐ አꬍያዌ ኦኔ?” ያጊደ ፓሉመቴዳ ድራዉ፥ ጮኡ ጌድኖ።
MAR 9:35 የሱስ ኡቲደ፥ ታማነ ላኡ ባረና ካልያዋንታ ጼሲደ ኡንቱንታ፥ “ኦንነ ስንꬃዉ አꬋና ኮዮፐ፥ ኡባፐ ጉየ አꬊደ፥ ሄ ኡባዉ ቆማ ግዳናዉ በሴ” ያጌዳ።
MAR 9:36 እት ጉꬃ ናኣ ኦይቂደ፥ ኡንቱንቱ ግዶን ኤሴዳ፤ ሄ ጉꬃ ናኣ እድሚደ ኡንቱንታ፥
MAR 9:37 “ሀዋንቱ ማላ ጉꬃ ናናፐ እቱዋ ታ ሱንꬃን ሞክያ ኦንነ ታና ሞኬ፤ ቃይ ታና ሞክያ ኦንነ ታና ኪቴዳዋ ሞክያዋፐ አትን፥ ታ ጻላላ ሞከና” ያጌዳ።
MAR 9:38 ዮሃንስ አ፥ “ታማርስያዎ፥ እት አሳይ ነ ሱንꬃን ኢታ አያናቱዋ ከስያዋ ኑን በኢደ፥ ኑ ባጋ ግደና ድራዉ፥ አ ድጌዶ” ያጌዳ።
MAR 9:39 ሽን የሱስ ያጌዳ፤ “ኦንነ ታ ሱንꬃን ማላታ ኦꬂደ፥ ኤለካ ታ ቦላ ኢታባ ሃሳያናዉ ዳንዳይያዌ ባይና ድራዉ ድጎፕተ፤
MAR 9:40 አያዉ ጎፐ፥ ኑባ ኤቀተና ኡራይ ኑ ባጋ።
MAR 9:41 ታን ህንተንቶ ቱሙዋ ኦዳይ፤ ህንተ ታዋንታ ክርስቶሳዋንታ ግድያ ድራዉ፥ ኦንነ ህንተንቶ ታ ሱንꬃን ቡልያ ሃꬃ ኡሻናዉ እሞፐካ፥ ባረ ጋትያ አካናዋ።
MAR 9:42 “ታና አማንያ ሀ ጉꬃቱዋፐ እቱዋ ባለꬅያ ኦናነ፥ ጋጭያ ዎጋ ዎጻ አ ቆꬍያን ቃቺደ፥ አባን አ ኦልያዌ አዉ ሎአ።
MAR 9:43 ነ ኩሺ ኔና ባለꬆፐ፥ ቃንጻ ኦላ፤ ኔን ላኡ ኩሽያና ቃይ ኡባካ ቶኤና ጋናምያ ታማን ገልያዋፐ፥ ዱጻ ኩሽያና ደኡዋ ገልያዌ ነዉ ሎአ።
MAR 9:45 ነ ገዲ ኔና ባለꬆፐ፥ ቃንጻ ኦላ፤ ኔን ላኡ ገድያና ኡባካ ቶኤና ጋናምያ ታማን የገትያዋፐ፥ ዶማ ግዳደ ደኡዋ ገልያዌ ነዉ ሎአ።
MAR 9:47 ነ አይፊ ኔና ባለꬆፐ፥ ዎጫ ኦላ፤ ኔን ላኡ አይፍያና ኡባካ ቶኤና ጋናምያ ታማን የገትያዋፐ፥ እት አይፍያና ጾሳ ካዉተꬃ ገልያዌ ነዉ ሎአ።
MAR 9:49 “ቁማን ማጽንያ የግያዋዳን፥ ታማይ አሳ ኡባ ቦላ የገታና።
MAR 9:50 ማጽኒ ሎአ፤ ሽን እ ማልአና ꬋዮፐ፥ ዛሪደ አ ዎት ማልኤꬃንቴ? ህንተንቱን ማጽኒ ደኦ፤ ያቲደ እቱ እቱዋና ሳሮተꬃን ደእተ” ያጌዳ።
MAR 10:1 የሱስ ሄዋፐ ደንዲደ፥ ዮርዳኖሳ ሻፋፐ ሄፍንꬃ ባጋና ይሁዳ ጋድያ ቤዳ። ጮራ አሳይ ሽረቲደ አኮ ሺቅና፥ ካሰ እ ኦꬅያዋዳንካ ሄ አሳ ታማርሱዋ ዶሜዳ።
MAR 10:2 እት እት ፓርሳዋቱ ፓጫናዉ የሱሳኮ ዪደ፥ “እት አሳይ ባረ ማቻቶ የዳናዉ ኑዉ ህጊ አዛዚ?” ያጊደ አ ኦቼድኖ።
MAR 10:3 እ ዛሪደ፥ “ሙሴ ህንተንታ ዋግ አዛዜዴ?” ያጌዳ።
MAR 10:4 ኡንቱንቱ፥ “ሙሴ፥ ‘እት አሳይ ባረ ማቻቶ ፓራማ እሚደ የዶ’ ጌዳ” ያጌድኖ።
MAR 10:5 የሱስ ዛሪደ ኡንቱንታ፥ “ህንተንቱ ኦድና ስሰናዋንታ ግድያ ድራዉ፥ ሙሴ ሀ አዛዙዋ ህንተንቶ ጻፌዳ።
MAR 10:6 ሽን ጾሳይ ኮይሮ መꬍያ ዎደ፥ አቱማ አሳነ ማጫ አሳ ኦꬂደ፥ ኡንቱንታ መꬌዳ።
MAR 10:7 ሄዋ ድራዉ፥ እት አሳይ ባረ አባነ ባረ ዳዮ አጊደ፥ ባረ ማቻትና እቱዋ ግዴ፤
MAR 10:8 ኡንቱንቱ ላአቱ እት አሾ ግዲኖ፤ ሄዋ ድራዉ፥ ኡንቱንቱ እት አሳ ግድያዋፐ አትን፥ ላኡ አሳ ግድክኖ።
MAR 10:9 ሄዋ ድራዉ፥ ጾሳይ እትፐ ጋꬄዳዋ አሳይ ሻኮፖ” ያጌዳ።
MAR 10:10 ኡንቱንቱ ሶይ ስሜዳ ዎደ፥ የሱሳ ካልያዋንቱ ሀ የዉዋባ የሱሳ ዛር ኦቼድኖ።
MAR 10:11 የሱስ ኡንቱንታ፥ “ባረ ማቻቶ የዲደ፥ ሀራሮ አክያ ኡራይ ኦንነ እዝና ዎሹሜ።
MAR 10:12 ቃይ ማጫዉናካ ባረ አስናፐ ከሳደ ሀራ አስና ገሎፐ ዎሹማዉ” ያጌዳ።
MAR 10:13 የሱስ ጉꬃ ናና ቦቻና ማላ፥ እት እት አሳይ ናና አኮ አሄዳ፤ ሽን የሱሳ ካልያዋንቱ ሄ አሳ ሴሬድኖ።
MAR 10:14 የሱስ ሄዋ በኢደ፥ ባረና ካልያዋንታ ሀንቀቴዳ፤ ኡንቱንታ፥ “ጉꬃ ናናይ ታኮ ይያዋንታ ድጎፕተ፤ አያዉ ጎፐ፥ ጾሳ ካዉተꬃይ ሀዋንቱ ማላሳ።
MAR 10:15 ታን ህንተንቶ ቱሙዋ ጋይ፤ ጾሳ ካዉተꬃ ጉꬃ ናኣዳን አከና ኡራይ ኦንነ ሄ ካዉተꬃ ኡባካ ገለና” ያጌዳ።
MAR 10:16 ጉꬃ ናና እድሚደ፥ ባረ ኩሽያ ኡንቱንቱ ቦላ ሁጲያን ሁጲያን ዎꬂደ፥ ኡንቱንታ አንጄዳ።
MAR 10:17 የሱስ ባናዉ ከሴዳ ዎደ፥ እት ብታኒ ዎጺደ ይ አ ስንꬃን ጉልባቲደ፥ “ሎኦ ታማርስያዎ፥ መꬍና ደኡዋ ላታናዉ ታን አያ ኦꬆ?” ያጊደ አ ኦቼዳ።
MAR 10:18 የሱስ፥ “አያዉ ታና ሎኦ ጋይ? ጾሳ ጻላላፐ አትን፥ ሀራ ሎኡ ኦንነ ባዋ።
MAR 10:19 ጾሳ አዛዙዋ፥ ‘ዎꬎፓ፤ ዎሹሞፓ፤ ዉኦፓ፤ ዎርዱዋ ማርካቶፓ፤ ጭሞፓ፤ ነ አባነ ነ ዳዮ ቦንቻ’ ያግያዋ ኤራሳ” ያጌዳ።
MAR 10:20 ብታኒ የሱሳ፥ “ታማርስያዎ፥ ታን ሄዋ ኡባ ናአተꬃፐ ዶማደ ሀእ ጋካናዉካ ናጋይ” ያጌዳ።
MAR 10:21 የሱስ ብታንያ ዶሴዳ፤ አ ጫድ ጼሊደ፥ “ነዉ እትባይ ፓጬዳ፤ ባደ ነዉ ደእያባ ኡባ ዛልኣደ፥ ሄ ሚሻ ህዬሳዉ እማ፤ ኔን ሳሉዋን ዱረታና። ያቶዋፐ ጉይያን ያደ ታና ካላ” ያጌዳ።
MAR 10:22 ሽን ብታኒ ሄዋ ስሲደ፥ እ ዳሮ ዱረ ግድያ ድራዉ፥ ባረ ሶምእያ ꬉምሲደ፥ ናሸተናን አጊደ ቤዳ።
MAR 10:23 የሱስ ባረና ካልያዋንታ ዩሽ አꬅ ጼሊደ፥ “ዳሮ ዱረ አሳይ ጾሳ ካዉተꬃ ገላናዉ ዋን መታንዴሻ!” ያጌዳ።
MAR 10:24 አ ካልያዋንቱ አ ሃሳያ ስሲደ ማላለቴድኖ፤ ሽን የሱስ ቃይካ ኡንቱንታ፥ “ናቶ፥ ጾሳ ካዉተꬃ ገላናዉ ዎት መታንዴሻ!
MAR 10:25 ዱረ አሳይ ጾሳ ካዉተꬃ ገላናዋፐ፥ ጋሉ ማርፕያ ጾእያና አꬋናዌ ማታቴ” ያጌዳ።
MAR 10:26 የሱሳ ካልያዋንቱ ማላለቲደ፥ “ያትና፥ ኦኔ አታናዉ ዳንዳይያዌ?” ያጊደ እቱ እቱዋ ኦቼድኖ።
MAR 10:27 የሱስ ኡንቱንታ ጫድ ጼሊደ፥ “ሀዌ ጾሳዉ ዳንዳየትያዋፐ አትን፥ አሳዉ ዳንዳየተና፤ አያዉ ጎፐ፥ ጾሳዉ ኡባባይካ ዳንዳየቴ” ያጌዳ።
MAR 10:28 ጰጽሮስ የሱሳ፥ “በአ፤ ኑን ኑባ ኡባ አጊደ፥ ኔና ካሌዶ” ያጌዳ።
MAR 10:29 የሱስ፥ “ታን ህንተንቶ ቱሙዋ ጋይ፤ ታ ድራዉነ ዎንጋላ ምሽራቹዋ ድራዉ፥ ጎልያ ዎይ እሻቱዋ ዎይ ምቻቱዋ፥ ዎይ አዉዋ ዎይ አቶ ዎይ ማቻቶ፥ ዎይ ናና ዎይ ጋድያ አጌዳ አሳይ ኦንነ፥
MAR 10:30 ሀእ ሀ ዎድያን ጼቱ ዳኩዋፐ ዳርያ ጎለቱዋ፥ እሻቱዋ፥ ምቻቱዋ፥ አቶ፥ ናና፥ ጋድያ፥ ቃይ መቱዋካ አካናዋ። ስንꬃፐ ያና ዎድያንካ መꬍና ደኡዋ አካናዋ።
MAR 10:31 ሽን ጮራቱ ሀእ ስንꬃን ደእያዋንቱ ጉየ አꬋና፤ ቃይ ጮራቱ ሀእ ጉየን ደእያዋንቱ ስንꬃዉ አꬋና” ያጌዳ።
MAR 10:32 ኡንቱንቱ የሩሳላመ ቢደ፥ ኦግያን ደኢኖ፤ የሱስ ባረና ካልያዋንቱፐ ስንꬃና ሀመቴ። ኡንቱንቱ ማላለቴድኖ፤ አ ካልያዋንቱ ያዬድኖ። ዛሪደ ታማነ ላኡ ባረና ካልያዋንታ ጋጻ ከሲደ፥ ባረና ጋካናባ ዱማዪደ ኡንቱንቶ ሀዋዳን ያጊደ ኦዴዳ፤
MAR 10:33 “በእተ፤ ኑን የሩሳላመ ሀእ ከሶይተ፤ ያን ታና፥ አሳ ናኣ፥ ቄሳቱዋ ካፓቶነ ሙሴ ህግያ ታማርስያዋንቶ አꬂደ እማና። ኡንቱንቱ ታ ቦላን ሀይቁዋ ፕርዳ ፕርዳና፤ ቃይ አይሁዳ ግደና አሳዉካ ታና አꬂደ እማና።
MAR 10:34 ሄ አይሁዳ ግደና አሳይ ታ ቦላ ቅሊጫናነ ጩቻና፤ ታና ልሱዋን ሾጫናነ ዎꬋና፤ ታን ቃይ ሄዙ ጋላሳፐ ጉይያን፥ ሀይቁዋፐ ደንዳና።”
MAR 10:35 ዛብድዮሳ ናናይ ያቆብነ ዮሃንስ የሱሳኮ ዪደ፥ “ታማርስያዎ፥ ኑን ኔና ዎስያባ ኡባባ ኑዉ ኦꬃርኪ” ያጌድኖ።
MAR 10:36 የሱስ ኡንቱንታ፥ “ታን ህንተንቶ አያ ኦꬆ?” ያጌዳ።
MAR 10:37 ኡንቱንቱ አ፥ “ነ ቦንቾ ካዉተꬃን ኔን ኡትያ ዎደ፥ ኑፐ እቱዋ ኔፐ ኡሸቻ ባጋና ቃይ እቱዋ ሀድርሳ ባጋና ኡትሳርኪ” ያጌድኖ።
MAR 10:38 ሽን የሱስ ኡንቱንታ፥ “ህንተንቱ አያ ዎሳናዉ በስንቶካ ኤርክታ፤ ታን ኡሻናዉ በስያ መቱዋ ጹኣ ኡሻናዉ ዳንዳዪቴ? ቃይ ታን ጻማቀታናዉ በስያ ጽንቃታ ጻማቀታናዉ ዳንዳዪቴ?” ያጌዳ።
MAR 10:39 ሄዋፐ ጉየ ኡንቱንቱ ዛሪደ፥ “ኤ ዳንዳዬቶ” ያጌድኖ። የሱስ ቃይ፥ “ታን ኡሻናዉ በስያ መቱዋ ጹኣ ህንተ ኡሻና፤ ታን ጻማቀታናዉ በስያ ጽንቃታካ ህንተ ጻማቀታና።
MAR 10:40 ሽን ታፐ ኡሸቻ ባጋናነ ሀድርሳ ባጋና ኡታናዋንታ ዶርያዌ ታና ግድከ፤ ሽን ሄ ሳአይ ጾሳይ እማናዉ ጊግስ ዎꬄዳዋንቱሳ” ያጌዳ።
MAR 10:41 የኮ ታሙ የሱሳ ካልያዋንቱ ሄዋ ስሴዳ ዎደ፥ ያቆባነ ዮሃንሳ ሀንቀቴድኖ።
MAR 10:42 የሱስ ኡንቱንታ ኡባ ባረኮ ጼሲደ፥ ሀዋዳን ያጌዳ፤ “ ‘አይሁዳ ግደናዋንታ ሞድያዋንታ’ ጊደ ቆፕያዋንቱነ ሄዋንታ ካለꬅያ አሳቱ ባረንቱ አሳ ሞድያዋ ኤሪታ።
MAR 10:43 ሽን ህንተ ግዶን ሄዋ ማላ ግደና፤ ህንተ ግዶን ዎጋታና ኮይያ ኦንነ ህንተንቶ ቆማ ግዳናዉ በሴ።
MAR 10:44 ቃይ ህንተ ግዶን ኡባፐ ቦላ ግዳና ኮይያ ኦንነ ህንተ ኡባዉ አይለ ግዳናዉ በሴ።
MAR 10:45 አያዉ ጎፐ፥ ሀራይ አቶ ታን፥ አሳ ናአይካ፥ አሳዉ ኦꬃናዉነ ጮራቱዋ ዎዛናዉ ዬዳዋፐ አትን፥ አሳይ ታዉ ኦꬃና ማላ ያበይከ” ያጌዳ።
MAR 10:46 ኡንቱንቱ እያርኮ ግያ ካታማ ቤድኖ፤ የሱስ ባረና ካልያዋንቱናነ ጮራ አሳና እያርኮፐ ከስሽን፥ ጽሞሳ ናአይ ቆቃይ፥ ባርጻሞሳ ግያዌ፥ ኦግያ ዶናን ዎሲደ ኡቴዳ።
MAR 10:47 ባርጻሞስ ናዝሬትያ የሱሳ ግዴዳዋ ስሲደ፥ ባረ ኮሻ ꬎቁ ኦꬂደ፥ “ዳዊተ ናኣ የሱሳ፥ ታና ማራርኪ!” ያጉሳ ዶሜዳ።
MAR 10:48 ጮራ አሳይ አ፥ “ሀይዛ!” ጊደ ሀንቀቴዳ። ሽን፥ እ ባረ ኮሻ ካሰዋፐካ ዳርስ ꬎቁ ኦꬂደ፥ “ዳዊተ ናአዉ፥ ታና ማራርኪ!” ያጌዳ።
MAR 10:49 የሱስ ኦግያን ኤቂደ፥ “አ ሃ ጼስተ” ያጌዳ። ኡንቱንቱ ቆቃ፥ “አይነ ባዋ፤ ደንዳ ኤቃ፤ ኔና ጼሴ” ያጊደ ጼሴድኖ።
MAR 10:50 ቆቃይ ባረ ማዩዋ ኦል አጊደ፥ ጉፕ ደንድ ኤቂደ፥ የሱሳኮ ቤዳ።
MAR 10:51 የሱስ አ፥ “ታን ነዉ አያ ኦꬃናዉ ኮያይ?” ያጌዳ። ቆቃይ፥ “ታማርስያዎ፥ ታን ጼላናዋ ኮያይ” ያጌዳ።
MAR 10:52 የሱስ አ፥ “ባ፤ ነ አማኑ ኔና ፓꬄዳ” ያጌዳ። ኤለካ አ አይፊ ጼል አግና፥ ኦግያን የሱሳ ካል አጌዳ።
MAR 11:1 ኡንቱንቱ የሩሳላመ ማቲደ፥ ደብረ ዛይተ ደርያ ማታን ደእያ ቤተፋገነ ቢታንያ ጋኬድኖ፤ የሱስ ባረና ካልያዋንቱፐ ላኡዋ ስንꬃዉ ኪቲደ፥
MAR 11:2 “ህንተንቱፐ ስንꬃን ደእያ ሄራ ቢተ፤ ያ ገሎሳና ኦንነ ኡባ ቶግቤና ቃሹዋን ደእያ ሀረ ማራ ህንተ ደማና፤ አ ብል ሃ አኪደ ዪተ።
MAR 11:3 ኦንነ ህንተንታ፥ ‘ሄዋ አያዉ ኦꬅተ?’ ያጊደ ኦቾፐ፥ ‘ጎዳዉ ሀዌ ኮሼ፤ ኤለካ ዛር ሃ የዳናዋ’ ያግተ” ያጌዳ።
MAR 11:4 ኡንቱንቱ ቢደ፥ ሀረ ማራ ፐንግያ ማታን ኦግያን ቃች ዎꬄዳዋ ደሚደ ብሌድኖ።
MAR 11:5 ሄዋን ኤቄዳ እት እት አሳቱ ኡንቱንታ፥ “ሀረ ማራ ዎታናዉ ብሊቴ?” ያጌድኖ።
MAR 11:6 የሱሳ ካልያዋንቱ የሱስ ባረንታ አዛዜዳዋ ኦድና፥ አሳቱ የድ አጌድኖ።
MAR 11:7 ኡንቱንቱ ሀረ ማራ የሱሳኮ አሂደ፥ ባረንቱ ማዩዋ አ ዞክያን ዎꬄድኖ፤ የሱስ ሄ ሀረ ማራ ቶጌዳ።
MAR 11:8 ጮራ አሳይ ባረንቱ ማዩዋ ኦግያን ሂጼዳ፤ ቃይ ሀራንቱ ምꬃ ሀይꬃ ካር ካሪደ፥ ኦግያን ሂጼድኖ።
MAR 11:9 የሱሳፐ ስንꬃና ሀመትያ አሳይነ አ ጌዱዋ ካልያ አሳይ ባረንቱ ኮሻ ꬎቁ ኦꬂደ፥ “ጾሳይ ጋላተቶ! ጎዳ ሱንꬃን ይያዌ አንጀቴዳዋ።
MAR 11:10 ጎዳ ሱንꬃን ይያ ኑ አዉዋ ዳዊተ ካዉተꬃይ አንጀቴዳዋ። ሳሉዋ ኡባፐ ቦላ ሳሉዋን ደእያ ጾሳይ ጋላተቶ” ያጌድኖ።
MAR 11:11 የሱስ የሩሳላመ ቢደ፥ ጌሻ ጎልያ ገሌዳ፤ ቃይ ኡባባ ዩይ ዩይ ጼሌዳዋፐ ጉይያን፥ ሳአይ ቃምያ ድራዉ፥ ታማነ ላኡ የሱሳ ካልያዋንቱና ቢታንያ ቤዳ።
MAR 11:12 ዎንተꬃ ጋላስ ኡንቱንቱ ቢታንያፐ ከሲደ ቢሽን፥ የሱስ ኮሻቴዳ።
MAR 11:13 ሃኩዋን እት ባላስያ ግያ ምꬃቶ ሀይꬃ ማያ ኡቴዳዉኖ በኢደ፥ ኦን ኤር እ ቦላ አይፊ ቤቶፐነ ጊደ፥ በአናዉ እዝኮ ቤዳ፤ ሽን እዝኮ እ ብያ ዎደ፥ ሀይꬃ ጻላላፐ አትን፥ አይነ አይፍያ ደምቤና፤ አያዉ ጎፐ፥ ባላሲ አይፍያ ዎዲ ጋክቤና።
MAR 11:14 የሱስ ሄ ባላሳቶ፥ “ኔፐ ሽረቲደ መꬍናዉ ኦንነ አይፍያ ሞፖ” ያጌዳ። የሱሳ ካልያዋንቱ እ ግያዋ ስሴድኖ።
MAR 11:15 ኡንቱንቱ የሩሳላመ ቤድኖ፤ የሱስ ጌሻ ጎልያ ገሊደ፥ ሄዋን ዛልእያዋንታነ ሻምያዋንታ ካረ የደርሱዋ ዶሜዳ፤ ቃይ ሚሻ ላምያዋንቱ ጻራጴዛነ ዶጎሙዋ ዛልእያዋንቱ ኦይድያ አꬅ የጊደ፥
MAR 11:16 ኦንነ አየንቶ ቶኪደ፥ ጌሻ ጎልያ ግቢያ ግዶና አꬋናዋ ድጌዳ።
MAR 11:17 የሱስ አሳ ሀዋዳን ያጊደ ታማርሴዳ: “ጾሳ ማጻፋን፥ ‘ታ ጎሊ አይሁዳ ግደና አሳይ ኡባይ ጾሳ ዎስያ ጎለ ጌተታና’ ያገቲደ ጻፌት ኡቴዳ፤ ሽን ህንተ አ ቦንቃንቻቱ ቆሰትያ ጎንጎሉዋ ከሴድታ።”
MAR 11:18 ቄሳቱዋ ካፓቱነ ሙሴ ህግያ ታማርስያዋንቱ ሄዋ ስሲደ፥ አ ዎꬋና ኦግያ ኮሻ ዶሜድኖ፤ ሽን ጮራ አሳይ እ ታማርስያዋን ማላለትያ ድራዉ፥ አዉ ያዬድኖ።
MAR 11:19 ሳአይ ኦማርሴዳ ዎደ፥ የሱስነ አ ካልያዋንቱ ካታማፐ ጋጻ ከሴድኖ።
MAR 11:20 ኡንቱንቱ ዎንተꬃ ጋላስ ጉራ ኦግያና አꬊደ፥ ሄ ባላሳታ ጻጱዋና መላ ድጌዳዉኖ በኤድኖ።
MAR 11:21 ጰጽሮስ ሀሳዪደ፥ “ታማርስያዎ፥ በአ፤ ኔን ሸቄዳ ባላሳታ መላ ድጋዱ” ያጌዳ።
MAR 11:22 የሱስ ዛሪደ፥ ኡንቱንታ ሀዋዳን ያጌዳ፤ “ጾሳ አማንተ።
MAR 11:23 ታን ህንተንቶ ቱሙዋ ጋይ፤ ኦንነ ባረ ዎዛናን ስናን ባረ ጌዳባይ ሀናናዋ አማኒደ፥ ሀ ደርያ፥ ‘ደንዳደ አባን ኩንዳ’ ጎፐ ሀናና።
MAR 11:24 ሄዋ ድራዉ፥ ጾሳ ህንተ ዎስያባነ ኦችያባ ኡባ አክ ድጎዋዳን አማንተ፤ ህንተ አካና።
MAR 11:25 ጾሳ ዎሳናዉ ህንተ ኤቂያ ዎደ፥ ሳሉዋን ደእያ ህንተ አዉ ህንተ ናጋራ አቶ ጋና ማላ፥ ኦንነ ህንተንታ ናቄዳባይ ደኦፐ፥ አዉ አቶ ጊተ።
MAR 11:26 ሽን አሳ ናጋራ ህንተ አቶ ጋና ꬋዮፐ፥ ሳሉዋን ደእያ ህንተ አዉካ ህንተ ናጋራ ህንተንቶ አቶ ጌና።”
MAR 11:27 ኡንቱንቱ ቃይካ የሩሳላመ ቤድኖ፤ የሱስ ጌሻ ጎልያን ሀመትሽን፥ ቄሳቱዋ ካፓቱ፥ ሙሴ ህግያ ታማርስያዋንቱነ ጭማቱ የሱሳኮ ዬድኖ።
MAR 11:28 አ፥ “ኔን ሀዋ ኦꬃናዉ ነዉ አይ ማታይ ደኢ? ዎይ ነዉ ሀ ማታ እሜዳዌ ኦኔ?” ያጌድኖ።
MAR 11:29 የሱስ ዛሪደ ኡንቱንታ፥ “ታንካ ህንተንታ እትባ ኦቻና፤ ታዉ ኦድተ፤ ታን ቃይ ሀዋ አይ ማታን ኦꬃይታንቶ፥ ህንተንቶ ኦዳና።
MAR 11:30 ዮሃንስ ጻማቅያ ማታ አኬዳዌ ጾሳፔየ ዎይ አሳፔ? ታዉ ኦድተ” ያጌዳ።
MAR 11:31 ኡንቱንቱ ባረንቱ ግዶን ፓሉማ ዶሚደ፥ “ኑን፥ ‘ጾሳፐ ዬዳ’ ያጎፐ፥ እ ኑና፥ ‘ያትና፥ ዮሃንስ ኦዴዳዋ አያዉ አማንበይክቴ?’ ያጋና።
MAR 11:32 ሽን፥ ‘አሳፐ ዬዳ ጋኔ?’ ” ያጌድኖ፤ ቃይ አሳይ ኡባይ ዮሃንስ ናብያ ግዴዳዋ ኤርያ ድራዉ፥ አሳዉ ያዬድኖ።
MAR 11:33 ሄዋ ድራዉ፥ ኡንቱንቱ የሱሳዉ፥ “ኑን ኤሮኮ” ያጊደ ዛሬድኖ። የሱስ፥ “ታንካ ሀዋ አይ ማታን ኦꬃይታንቶ፥ ህንተንቶ ኦድከ” ያጌዳ።
MAR 12:1 የሱስ ኡንቱንቶ ኦዱዋ ሌምሱዋን ያጊደ ዶሜዳ፤ “እት ብታኒ ዎይንያ ግያ ቱራ ቶኪደ፥ ድርሳ ዩሽ አꬂደ ድሬዳ፤ ቃይ ሄ ዎይንያ ጉምእያ ኦላካ ቦኬዳ፤ ሄዋ ናግያ አሳዉ ናግያሳ ኬጼዳ፤ ሄዋፐ ጉይያን፥ ኮꬃ ኦꬅያ አሳዉ እሚደ፥ ሀራ ጋደ ቤዳ።
MAR 12:2 ዎይንያ አይፍያ ማጽያ ዎዲ ጋክና፥ ባረና ጋክያዋ አኪደ ያና ማላ፥ እት ቆማ ባረ ኮꬃዋቱዋኮ ኪቴዳ።
MAR 12:3 ኮꬃ ኦꬅያዋንቱ አ ቆማ ኦይቂ ዋꬊደ፥ ኩሸ መላ የዴድኖ።
MAR 12:4 ላኤንꬁዋ ሀራ ቆማ ኡንቱንቱኮ ኪቴዳ፤ ኡንቱንቱ ሄ ቆማ ሁጲያ ጳልቂደ ፖክስ የዴድኖ።
MAR 12:5 ዎይንያ ቱራ ጎዳይ ቃይካ ሀራ ቆማ ኪቴዳ፤ ሄ ቆማ ዎꬌድኖ፤ ቃይ ሀራ ጮራቱዋካ ሄዋዳን ኦꬄድኖ፤ እቱዋ እቱዋ ዋꬊደ፥ ሀራቱዋ ዎꬌድኖ።
MAR 12:6 “ዎይንያ ቱራ ጎዳዉ ኪታናዉ ኡባፐ ዉርሰꬃን እ ዳሪ ሲቅያ አ ናኣ ጻላላይ አቴዳ፤ እ፥ ‘ኡንቱንቱ ታ ናኣ ቦንቼናን አግክኖ’ ጊደ፥ ባረ ናኣ ኡንቱንቱኮ ኪቴዳ።
MAR 12:7 “ሽን ኮꬃ ኦꬅያዋንቱ ባረንቱ ግዶን፥ ‘ላታናዌ ሀዋ፤ ቢደ አ ዎꬎይተ፤ አዉ ደእያዌ ኑዋ ግዳና!’ ያጌድኖ።
MAR 12:8 ናኣ ኦይቂ ዎꬊደ፥ አ አሃ ዎይንያ ቱራ ግዶፐ ጋጻ ከስ ኦሌድኖ።
MAR 12:9 “ስም ዎይንያ ቱራ ጎዳይ ዎታኔ? ዪደ ሄ ኮꬃዋቱዋ ዎꬍ ዉርሲደ፥ ዎይንያ ቱራ ኮꬃ ኦꬅያ ሀራ አሳዉ እማናዋ።
MAR 12:10 “ ‘ግምቢያዋንቱ ካꬍ እጼዳ ሹቻይ ጎዳ ጻጱዋ ምንስያ፥ ኡባፐ አꬍያ ሹቻ ግዴዳ። ሀዌ ጎዳይ ኦꬄዳዋ፤ ቃይ ኑናካ ማላልስያዋ’ ያግያዋ ጾሳ ማጻፋፐ ናባብ በይክቴ?” ያጌዳ።
MAR 12:12 ቄሳቱዋ ካፓቱ፥ ህግያ ታማርስያዋንቱነ ጭማቱ የሱስ ሄ ሌምሱዋ ባረንቱን ሌምሴዳዋ ኤሬዳ ድራዉ፥ አ ኦይቃናዉ ኮዬድኖ፤ ሽን አሳዉ ያዪደ፥ ባሽ ቤድኖ።
MAR 12:13 ቃይ አ ሃሳያፐ ባላ ደማና ማላ፥ ፓርሳዋቱዋፐነ ሄሮድሳ ባጋቱዋፐ አማሬዳዋንቱ አኮ ኪትና ዪደ፥
MAR 12:14 “ታማርስያዎ፥ ኔን ቱሙዋ ሃሳይያዋነ አሳፐ አሳ ሻከናዋ ኑን ኤሬቶ፤ አያዉ ጎፐ፥ ኔን አሳ ዱማያካ፤ ቃይ ጾሳ ኦግያ ቱማተꬃን ታማርሳ። ኑን ሮማ ካትያ ቄሳረዉ ጊራ ጊርያዌ ዎጌየ ዎጋ ግደኔ? ጊራ ጊራኔዬ ድጋኔ?” ያጌድኖ።
MAR 12:15 ሽን ኡንቱንቱ ሎአ ማላትያ ኢታ አሳ ግዴዳዋ የሱስ ኤሪደ፥ “ታና አያዉ ፓጪቴ? እት ሳንትምያ ሃ ታኮ አህተ፤ ታን አነ በአና” ያጌዳ።
MAR 12:16 ኡንቱንቱ አዉ አሄድኖ፤ “ሀ ማላይነ ሱንꬃይ ኦዌ?” ያጊደ ኡንቱንታ ኦቼዳ። ኡንቱንቱ፥ “ቄሳረዋ” ያጌድኖ።
MAR 12:17 የሱስ ዛሪደ ኡንቱንታ፥ “ያቶፐ፥ ቄሳረዋ ቄሳረዉ፥ ጾሳዋ ጾሳዉ እምተ” ያግና ኡንቱንቱ አባ ማላለቴድኖ።
MAR 12:18 ሀይቄዳ አሳይ ደንደና ግያ ሳዱቃዋናቱዋፐ እት እት አሳቱ የሱሳኮ ዪደ፥ ሀዋዳን ያጊደ፥ አ ኦቼድኖ፤
MAR 12:19 “ታማርስያዎ፥ ሙሴ ኑዉ ህግያ ጻፊደ፥ ‘ማቻቶ አኬዳ አሳይ ናኣ የለናን ሀይቆፐ፥ ሄ ሀይቄዳዋ እሻይ አ ማቻቶ ላቲደ፥ ባረ እሻዉ ናኣ የላናዉ በሴ’ ያግያዋ ጻፌዳ።
MAR 12:20 እት ዎደ ላፑ እሻቱ ደእያዋንቱፐ ባይራይ ማቻቶ አኪደ፥ ናኣ የለናን ሀይቄዳ።
MAR 12:21 ላኤንꬅያ እሻይ እዞ አኬዳ፤ እካ ናኣ የለናን ሀይቄዳ፤ ሄዘንꬅያዌካ ሄዋዳን ሀኔዳ።
MAR 12:22 ላፑናቱካ እዞ አኪደ፥ ናኣ የለናን ሀይቄድኖ፤ ኡባፐ ጉይያን፥ ቃይ ሄ ምሽራታ ሀይቃዱ።
MAR 12:23 ያትና፥ ሀይቄዳ አሳይ ሀይቁዋፐ ደንድያ ዎደ፥ እዛ ኡንቱንቱፐ ሀቃዎ ማቼ ግዳኔ? አያዉ ጎፐ፥ ላፑናቱካ እዞ አኬድኖ”።
MAR 12:24 የሱስ ዛሪደ ኡንቱንታ፥ “ህንተንቱ ባለትያዌ፥ ጾሳ ማጻፋቱዋነ አ ዎልቃ ኤረና ድራሳ!
MAR 12:25 አያዉ ጎፐ፥ ሀይቄዳ አሳይ ሀይቁዋፐ ደንድያ ዎደ፥ ሳሉዋን ደእያ ኪታንቻቱዋ ማላ ግዳናፐ አትን፥ አቱማ አሳይነ አከና፤ ማጫ አሳይነ ገለና።
MAR 12:26 ሽን ሀይቄዳዋንቱ ደንዱዋባ ግዶፐ፥ ሙሴ ማጻፋን ጻፈቴዳ ጻራጋይ ምያ ቡራባ ኦድያ ሳኣን፥ ጾሳይ ሙሳ፥ ‘ታን አብራሃመ ጾሳ፥ ይሳቃ ጾሳ፥ ያቆባ ጾሳ’ ግድያዋ ኡባካ ናባብ በይክቴ?
MAR 12:27 እ ፓጻ ደእያዋንቱ ጾሳ ግድያዋፐ አትን፥ ሀይቄዳዋንቱ ጾሳ ግደና፤ ህንተ ዳርስ ባሌድታ” ያጌዳ።
MAR 12:28 ህግያ ታማርስያዋንቱፐ እቱ ኡንቱንቱ ፓሉመትያዋ ሺቂደ ስሴዳ፤ ቃይ የሱስ ኡንቱንቶ ሎኦ ዛሬዳዋ ስሲደ፥ “አዛዙዋ ኡባፐ አꬍያ አዛዙ ሀቃዌ?” ያጊደ የሱሳ ኦቼዳ።
MAR 12:29 የሱስ ዛሪደ፥ አ “አዛዙዋ ኡባፐ አꬍያ አዛዙዋ፥ ‘እስራኤልያ አሳይ ስስተ፥ ጎዳይ ኑ ጾሳይ እት ጎዳ።
MAR 12:30 ህንተንቱ ጎዳ ህንተ ጾሳ ህንተ ኩመንꬃ ዎዛናፐ፥ ህንተ ኩመንꬃ ሸምፑዋፐ፥ ህንተ ኩመንꬃ ቆፋፐ፥ ህንተ ኩመንꬃ ዎልቃፐ ሲቅተ’ ያጌ።
MAR 12:31 ቃይ አዛዙዋ ኡባፐ አꬍያ ላኤንꬆ አዛዙ ሀዋ፤ ‘ኔን ነ ሾሩዋ ነ ሁጲያዳን ሲቃ’ ግያዋ፤ ሀዋንቱፐ አꬍያ ሀራ አዛዙ ባዋ” ያጌዳ።
MAR 12:32 ህግያ ታማርስያዌ የሱሳ ያጌዳ፤ “ታማርስያዎ፥ ቱሙዋ ጋዳ፤ ኔን ‘ጾሳይ እት ጾሳ ጻላላ። አፐ አትን፥ ሀራይ ባዋ’ ጌዳዌ ቱማ።
MAR 12:33 ጾሳ ኩመንꬃ ዎዛናፐ፥ ኩመንꬃ ቆፋፐነ ኩመንꬃ ዎልቃፐ ዶስያዌነ ቃይ ባረ ሾሩዋካ ባረ ሁጲያዳን ሲቅያዌ፥ ጉድያ ያርሹዋፐነ ሀራ ያርሹዋ ኡባፐ አꬌ” ያጌዳ።
MAR 12:34 የሱስ ህግያ ታማርስያዋ ዛሩ አꬎ ኤራንቻ አሳ ዛሩዋ ግዴዳዋ በኢደ፥ “ኔን ጾሳ ካዉተꬃፐ ሃካበይካ” ያጌዳ፤ ሄዋፐ ጉይያን፥ የሱሳ ሀራባ ኦቻናዉ ኦንነ ጻልቤና።
MAR 12:35 የሱስ ጌሻ ጎልያን ታማርሲደ፥ “ህግያ ታማርስያዋንቱ ክርስቶሳ ዎት ዳዊተ ናኣ ጊኖ?
MAR 12:36 ዳዊተ ባረና ጌሻ አያናይ ሃሳይስና፥ “ ‘ጎዳይ ታ ጎዳ፥ “ታን ነ ሞርከቱዋ፥ ኔን የꬋ ኤቂያባ ኦꬃና ጋካናዉ፥ ሀዋን ታፐ ኡሸቻ ባጋና፥ ቦንቼታደ ኡታ” ጌዳ’ ያጌዳ።
MAR 12:37 ዳዊተ ባረ ሁጰዉ ክርስቶሳ፥ ‘ጎዳ’ ጊደ ጼሶፐ፥ ያትና፥ ክርስቶስ ዋኒደ፥ ዳዊተ ናኣ ግዲ?” ያጌዳ። ጮራ አሳይ የሱስ ግያዋ ናሸቻን ስሴዳ።
MAR 12:38 የሱስ ታማርሲደ፥ “ህግያ ታማርስያዋንቱፐ ናገትተ፤ ኡንቱንቱ አዱሳ ማዩዋ ማዪደ ዩይያዋነ ገያ ሄራንካ አሳይ ኡንቱንታ ቦንቺደ ሳሮትያዋ ዶሲኖ።
MAR 12:39 ኡንቱንቱ አይሁዳ ዎሳ ጎለቱዋን ዳሪ ሎእያ ኦይድያ ዶሲኖ፤ ቃይ አሳይ ባረንታ እማꬃተꬃን ሞክያሳንካ ቦንቾ ሳኣ ዶሲኖ።
MAR 12:40 ኡንቱንቱ አምኤቱ ጎልያ ቦንቂደ፥ ባረንቶ ሎአ ማላታናዉ ጾሳ ዎሳ አዱሲኖ፤ ኡንቱንቱ ኡባፐ አꬍያ ሙራ አካናዋንታ” ያጌዳ።
MAR 12:41 የሱስ ጌሻ ጎልያን እሞታ የግያ ሳጽንያ ማታን ኡቲደ፥ አሳይ ባረ ሚሻ ሄ ሳጽንያን የግያዋ በኤዳ፤ ጮራ ዱረ አሳይ ዳሮ ሚሻ ሄ ሳጽንያን የጌድኖ።
MAR 12:42 እት ህዬሳ አምአታ ያደ፥ እት ሳንትምያን ላመትያ ላኡ ሰምበራቱዋ ሄ ሳጽንያን የጋዱ።
MAR 12:43 የሱስ ባረና ካልያዋንታ ጼሲደ፥ “ታን ህንተንቶ ቱሙዋ ጋይ፤ እሞታ ሳጽንያን የጌዳ አሳ ኡባፐ ሀ ህዬሳ አምአታ ዳርሳደ የጋዱ።
MAR 12:44 አያዉ ጎፐ፥ ሀራቱ ኡባይ ባረንቶ ፓላሄዳ ሚሻፐ የጌድኖ፤ ሽን እዛ ባረ ፓጫፐ፥ ባረዉ ደእያ ደኡዋ ሙለካ እማ አጋዱ” ያጌዳ።
MAR 13:1 የሱስ ጌሻ ጎልያፐ ከስሽን፥ አ ካልያዋንቱፐ እቱ አ፥ “ታማርስያዎ፥ ሀዌ አይበ ሎኦ ሹቻተንቶነ ቃይ አይበ ሎኦ ሹቻ ጎላቱዋ በአይ!” ያጌዳ።
MAR 13:2 የሱስ ዛሪደ፥ “ሀ ዎልቃማ ሹቻ ጎላቱዋ በአይ? ሀ ጎላቱዋን ደእያ እት ሹቻይነ አተናን ኡባይ ኮለታና” ያጌዳ።
MAR 13:3 የሱስ ጌሻ ጎልያፐ ህን ባጋና ደብረ ዛይተ ደርያ ቦላን ኡቴዳ ዎደ፥ ጰጽሮስ፥ ያቆብ፥ ዮሃንስነ እንድራስ ባረንቱ ጻላላ አኮ ዪደ አ፥
MAR 13:4 “ሄዌ አዉደ ሀናነንቶ፥ ኑዉ ኦዳርኪ፤ ቃይ ሄዌ ኡባይ ፖለታና ዎድያ ኤርስያ ማላቱ አያ ግዳኔ?” ያጊደ ኦቼድኖ።
MAR 13:5 የሱስ ቃይ ኡንቱንቶ ሀዋዳን ያጊደ፥ ኦዱዋ ዶሜዳ፤ ህንተንታ ኦንነ ባለና ማላ ናገትተ።
MAR 13:6 ጮራ አሳቱ ታ ሱንꬃን፥ “ታን ክርስቶሳ” ያጊደ ያናዋ፤ ጮራ አሳ ባለꬃና።
MAR 13:7 ማታን ደእያ ኦላ ኮሻነ ሃኩዋን ደእያ ኦላ ኦዱዋ ህንተ ስስያ ዎደ፥ ህርጎፕተ፤ ሄዋ ማላባይ ሀናናዉ በሴ፤ ሽን ዉርሰꬃይ ብራ።
MAR 13:8 አያዉ ጎፐ፥ እት ጋደ አሳይ ሀራ ጋደ አሳና ኦለታና፤ ቃይ እት ካዉተꬃይ ሀራ ካዉተꬃና ኦለታና፤ ቢታ ቃꬃይ ኡባ ሳን ደአና፤ ኮሻይካ ደአና፤ ሽን ሄዌ ኮይሮ የሉዋ ኦይꬃ ማላ።
MAR 13:9 ሽን ህንተ ህንተንቱ ሁጰዉ ናገትተ፤ አያዉ ጎፐ፥ አሳይ ህንተንታ ኦይቂደ፥ ፕርዳ ጎለዉ አꬂደ እማና፤ ቃይ ባረ አይሁዳ ዎሳ ጎለቱዋንካ ህንተንታ ልሱዋን ሾጫና፤ ጋድያ ሞድያዋንቱ ስንꬃንነ ካታቱዋ ስንꬃን ታ ድራዉ ህንተ ማርካታናዉ ኤቃና።
MAR 13:10 ምሽራቹዋ ቃላይ ኮይሮና አሳዉ ኡባዉ ኦደት ድጋናዉ በሴ።
MAR 13:11 ኡንቱንቱ ህንተንታ ፕርዳ ጎለ አህያ ዎደነ አꬂደ እምያ ዎደ፥ ዎት ሃሳያንተንቶ ኮይሮና ህርጎፕተ፤ ሄ ሳትያን ጾሳይ ህንተንቶ እምያባ ሃሳይተ። አያዉ ጎፐ፥ ጌሻ አያናይ ሃሳያናፐ አትን፥ ሃሳይያዋንቱ ህንተንታ ግድክታ።
MAR 13:12 እሻይ ባረ እሻ፥ አዉ ባረ ናኣ ዎꬍሳና፤ ቃይ ናናይ ባረንቱ አዎቱዋ ቦላንነ ባረንቱ አየቱዋ ቦላ ደንዲደ፥ ኡንቱንታ ዎꬍሳና።
MAR 13:13 አሳይ ኡባይ ህንተንታ ታ ሱንꬃ ድራዉ እጻና፤ ሽን ዉርሰꬃይ ጋካናዉ ገንጭያዌ አታና።
MAR 13:14 ሽን ናብያ ዳኔል ኦዴዳ ባሻ ቱናተꬃይ ኤቃናዉ በሰናሳን ኤቂሽን ህንተ በእያ ዎደ፥ ሄዌ ዋግያዌንቶ፥ ናባብያዌ አኬኮ፤ ይሁዳ ጋድያን ሄ ዎደ ደእያዋንቱ ደርያኮ በትኖ።
MAR 13:15 ጎልያ ሁጲያን ደእያ ኡራይካ እትባ አካናዉ ዱገ ዎꬊደ፥ ባረ ሶይ ገሎፖ።
MAR 13:16 ጋደን ደእያዌካ ባረ ማዩዋ አካናዉ ጉየ ስሞፖ።
MAR 13:17 ሄ ዎደ ሻሃራ ማጫዋንቶነ ꬋንꬅያ ማጫዋንቶ አዬሮ።
MAR 13:18 ሽን ሀዌ ኡባይ ሀንያ ዎዲ ባልጉዋ ግደና ማላ፥ ጾሳ ዎስተ፤
MAR 13:19 አያዉ ጎፐ፥ ጾሳይ ሳኣ ኮይሮ መꬌዳዋፐ ዶሚደ፥ ሀእ ጋካናዉ፥ ኡባካ ደእቤና መቱ፥ ቃይ ሀዋፐ ስንꬃዉካ ኡባ ደኤና መቱ አሳ ቦላ ሄ ዎደ ደአና።
MAR 13:20 ጎዳይ ሄ ጋላሳቱዋ ፓይዱዋ ጉꬅያዌ ባዌንቶ፥ አሳ ግዴዳ ኦንነ አተና፤ ሽን እ ባረ ዶሬዳ አሳቱዋ ድራዉ፥ ሄ ጋላሳቱዋ ፓይዱዋ ጉꬄዳ።
MAR 13:21 ሄ ዎደ ኦንነ ህንተንታ፥ “በእተ፤ ክርስቶስ ሀዋን ደኤ” ዎይ፥ “በእተ፤ ክርስቶስ፥ ሄዋን ደኤ” ያጎፐ፥ ሄዋ አማኖፕተ።
MAR 13:22 አያዉ ጎፐ፥ ዎርዳንቻ ክርስቶሳቱነ ዎርዶ ናባቱ ደንዲደ ባረንቶ ዳንዳየቶፐ፥ ሀራይ አቶ ጾሳይ ዶሬዳዋንታካ ባለꬃናዉ ማላታነ ማላልስያባ በሳና።
MAR 13:23 ሽን ህንተ ናገትተ፤ ታን ህንተንቶ ኡባባ ካሰታደ ኦዳድ።
MAR 13:24 ሽን ሄ ዎደ ሄ ዋይያፐ ጉይያን፥ አዋይ ꬉማና፤ አገናይ ፖእያዋ አጋና፤
MAR 13:25 ጾልንታቱ ሳሉዋፐ ኩንዳና። ቃይ ሳሉዋን ደእያ ዎልቃቱካ ቃጸታና።
MAR 13:26 ሄ ዎደ ታን፥ አሳ ናአይ፥ ዎልቃማ ዎልቃናነ ቦንቹዋና ሻርያ ግዶና ዪሽን፥ ኡንቱንቱ በአና።
MAR 13:27 ሄ ዎደ ታን ኪታንቻቱዋ ሳኣ ኦይዱ ባጋ ኪታና፤ ሳኣ ጋጻፐ ሳሉዋ ጋጻ ጋካናዉ፥ ጾሳይ ዶሬዳ አሳ ሺሻና።
MAR 13:28 ሌምሱዋ ባላሳቶ ግያ ምꬃትፐ ታማርተ፤ ባላሳታ አጭያ ዎደነ እዝ ሀይꬃይ ሀይትያ ዎደ፥ ቦኒ ማቴዳዋ ህንተ ኤሪታ።
MAR 13:29 ሀዋዳንካ ህንተ ሄ ኡባባይ ሀንያዋ በእያ ዎደ፥ እ ማታቲደ ፐንግያ ሺቄዳዋ ኤርተ።
MAR 13:30 ታን ህንተንቶ ቱሙዋ ኦዳይ፤ ሀ ኡባባይ ሀናና ጋካናዉ፥ ሀ ዎድያ የለታይ ሀይቂድገና።
MAR 13:31 ሳሉነ ሳአይ አꬋና፤ ሽን ታ ቃላይ ኡባካ አና።
MAR 13:32 ሽን ሄ ጋላሳነ ሄ ሳትያ አዉዋ ጻላላፐ አትን፥ ሀራይ አቶ ሳሉዋን ደእያ ኪታንቻቱዋ ግድና፥ ዎይ ታና ናኣ ግድናካ ኦንነ ኤርያባይ ባዋ።
MAR 13:33 ሄ ዎዲ አዉደ ግዳነንቶ፥ ህንተ ኤረና ድራዉ፥ ናገትተ፤ ምንተ፤ ጾሳ ዎስተ።
MAR 13:34 ታ ዩሳይ ባረ ጎልያ አጊደ፥ ኦግያ ብያ ብታንያ ማላ፤ ብታኒ ባረ ቆማቶ ሁጲያን ሁጲያን ኦሱዋ እሚደ፥ ኡንቱንታ ባረ ኦሶ ካፖ ኦꬄዳ፤ ቃይ ካርያ ናግያዌካ ምንሲደ ናጋና ማላ አዛዜዳ።
MAR 13:35 ሄዋ ድራዉ፥ ምንተ፤ አያዉ ጎፐ፥ ጎልያዉ ኦማርሳ ግድና፥ ዎይ ቃማ ብላሄ ግድና፥ ዎይ ኩቱ ዋስያ ዎደ ግድና፥ ዎይ ጉራ ዎንቱማꬃን ግድና አዉደ ያነንቶ፥ ህንተ ኤርክታ።
MAR 13:36 ህንተንቱ አኬከናን እ ዮፐ፥ ህንተንታ ገምእሼዳዋንታ ደመና ማላ ምንተ።
MAR 13:37 ታን ህንተንቶ ኦድያዋ አሳ ኡባዉ ኦዳይ፤ ምንተ።
MAR 14:1 ፓስጋ ባላ ግያዋ ቦንችያ ጋላሳይነ ጫልቤና ኡክꬃ ሙሳ ቦንችያ ባላ ጋላሳይ ጋካናዉ ላኡ ጋላሳይ አቴዳ፤ ቄሳቱዋ ካፓቱነ ህግያ ታማርስያዋንቱ አሳይ ኤረናን የሱሳ ኦይቂደ ዎꬋና ኦግያ ኮዪኖ።
MAR 14:2 “አሳይ ዋላሳ ከሰና ማላ፥ ፓስጋ ቦንችያ ጋላስ ሄዋ ኦꬆኮ” ያጌድኖ።
MAR 14:3 የሱስ ቢታንያ ጋድያን ኦሉዋ ሀርግያ ስሞና ሶይን ቁማ ማናዉ ኡቴዳ ዎደ፥ እት ምሽራታ አልባስጽሮሳ ባሬታ ኩሜዳ ናርዶሳ ግያ ዳሪ አልኦ ሽቱዋ አካደ ያዱ፤ ሄ አልባስጽሮሳ ባሬታ መንꬃደ ሽቱዋ የሱሳ ሁጲያን ትጋዱ።
MAR 14:4 ሄዋን ደእያ አሳፐ እቱ እቱ ሀንቀቲደ፥ “ሀ ሽቱዋ ጮ አያዉ ባይዛይ? ሀ ሽቱዋ ሄዙ ጼቱ ብራ ሳንትምያን ዛልኢደ፥ ሚሻ ህዬሳዉ እማናዉ ዳንዳየቴ” ያጊደ ባረንቱ ግዶን ሃሳዪኖ፤ ያቲደ ሄ ምሽራቶ ዳርስ ሀንቀቴድኖ።
MAR 14:6 ሽን የሱስ ሀዋዳን ያጌዳ፤ “ሀ ምሽራቶ አይነ ጎፕተ፤ እዞ አያዉ መቶꬂቴ? እዛ ታዉ ሎኦባ ኦꬃዱ።
MAR 14:7 ህዬሳቱ ኡባ ዎደ ህንተንቱና ደኢኖ፤ ህንተ ኮዬዳ ዎደ አዉደነ ኡንቱንታ ማዳናዉ ዳንዳዪታ፤ ሽን ታን ኡባ ዎደ ህንተንቱና ደእከ።
MAR 14:8 እዛ ባረዉ ዳንዳየቴዳዋ ኦꬃዱ፤ ቃይ ታ አሳተꬃይ ሞገታናፐ ካሰታደ ሞጎ ጊግሳናዉ ሽቱዋ ኦካዱ።
MAR 14:9 ታን ህንተንቶ ቱሙዋ ኦዳይ፤ ሳኣ ኡባን ዎንጋላ ምሽራቹዋ ኦድያሳን ሀቃንኔካ፥ አሳይ እዞ ቆፓና ማላ፥ ሀ እዛ ኦꬄዳዌ ኦደታና” ያጌዳ።
MAR 14:10 ታማነ ላኡ የሱሳ ካልያዋንቱፐ እቱ ይሁዳ አስቆሮቱ ግያዌ፥ የሱሳ ቄሳቱዋ ካፓቶ አꬂደ እማናዉ ኡንቱንቱኮ ቤዳ።
MAR 14:11 ኡንቱንቱ ሄዋ ስሴዳ ዎደ ናሸቲደ፥ “ኑን ነዉ ሚሻ እማና” ያጌድኖ፤ ይሁዳ አስቆሮቱ የሱሳ አꬂደ እማናዉ እንጀትያ ዎድያ ዎቼ።
MAR 14:12 ጫልቤና ኡክꬃ ምያ ባላ ጋላሳ ቦንችያ ኮይሮ ጋላስ፥ ፓስጋ ቁማ ማናዉ ዶርሳ ሹክያ ዎደ፥ የሱሳ ካልያዋንቱ አ፥ “ፓስጋ ቦንችያ ጋላስ ኔን ማና ቁማ ኑን ሀቃ ቢደ ጊግሳኔ?” ያጊደ ኦቼድኖ።
MAR 14:13 የሱስ ባረና ካልያዋንቱፐ ላአቱዋ ሀዋዳን ያጊደ ኪቴዳ፤ “ካታማ ቢተ፤ ህንተ ቢሽን፥ ኦቱዋን ሃꬃ ቶኬዳ እት ብታኒ ህንተንቱና ጋከታናዋ፤ አ ካልተ።
MAR 14:14 እ ቢደ ገልያ ጎልያዉዋ፥ ‘ታማርስያዌ ኔና፥ “ታን ታና ካልያዋንቱና ፓስጋ ቁማ ማናዉ ታ እማꬃ ክፍሊ ሀቃኔ?” ያጌ’ ያግተ።
MAR 14:15 ጎልያዉ ህንተንታ ፖቅያ ቦላን ደእያ ጊግ ኡቴዳ አኮ ክፍልያ በሳና፤ ሄዋን ኑዉ ጊግስተ” ያጌዳ።
MAR 14:16 ሄ ላኡ የሱሳ ካልያዋንቱ ከሲደ፥ ካታማ ቤድኖ፤ የሱስ ባረንቶ ኦዴዳዋዳንካ ኡባባ ደሚደ፥ ፓስጋ ቁማ ጊግሴድኖ።
MAR 14:17 ሳአይ ኦማርስያ ዎደ የሱስ ታማነ ላኡ ባረና ካልያዋንቱና ያ ቤዳ።
MAR 14:18 ኡንቱንቱ ኡቲደ ሳምፓፐ ቁማ ሚሽን፥ የሱስ ኡንቱንታ፥ “ታን ህንተንቶ ቱሙዋ ኦዳይ፤ ህንተንቱፐ እቱ ታናና ምያዌ፥ ታና አꬂደ እማናዋ” ያጌዳ።
MAR 14:19 አ ካልያዋንቱ ሎይꬅ ስሰትና፥ ሁጲያን ሁጲያን አ፥ “ቱሙ ታኔሻ?” ግያዋ ዶሜድኖ።
MAR 14:20 የሱስ ዛሪደ፥ “እ ሀ ህንተንቱ ታማነ ላአቱዋፐ እቱዋ፤ እ ታናና እትፐ ቱሻናዉ ባረ ዳቡዋ ሻታን የድያዋ።
MAR 14:21 ታን፥ አሳ ናአይ፥ ጾሳ ማጻፋይ ሀይቃና ጌዳዋዳን ሀይቃና፤ ሽን ታና፥ አሳ ናኣ፥ አꬂደ እምያ ኡራዉ አዬሮ፤ ሄ ኡራይ የለተናን አቴደንቶ፥ አዉ ሎአ ሽን” ያጌዳ።
MAR 14:22 ኡንቱንቱ ሚሽን፥ የሱስ ዳቡዋ አኪደ፥ ጾሳ ጋላቴዳ፤ ሄ ዳቡዋ መንꬂደ፥ ባረና ካልያዋንቶ እሚደ፥ “ሄይተ፤ ሀዌ ታ አሹዋ” ያጌዳ።
MAR 14:23 ጹኣ አኪደ፥ ጾሳ ጋላቲደ፥ ኡንቱንቶ እሜዳ፤ ኡባይ ሄ ጹኣፐ ኡሼድኖ።
MAR 14:24 የሱስ፥ “ሀዌ ኦራꬃ ጫቁዋን ጮራ አሳ ድራዉ ጉክያ ታ ሱꬃ።
MAR 14:25 ታን ህንተንቶ ቱሙዋ ኦዳይ፤ ታን ጾሳ ካዉተꬃን ኦራꬃ ዎይንያ ኤሳ ኡሻና ጋላሳይ ጋካናዉ፥ ላኤንꬁዋ ሀ ዎይንያ ኤሳ ኡባካ ኡሽከ” ያጌዳ።
MAR 14:26 ማዝሙርያ የጼዳዋፐ ጉይያን፥ ደብረ ዛይተ ደርያ ቤድኖ።
MAR 14:27 የሱስ ባረና ካልያዋንቶ፥ “ህንተንቱ ኡባይ ታና የጊደ ዎጻንታ፤ አያዉ ጎፐ፥ ጾሳ ማጻፋይ፥ ‘ጾሳይ ዶርሳ ሄምያዋ ዎꬋና፤ ሄዋፐ ጉይያን ዶርሳይ ኡባይ ላለታና ጌ’ ያጌዳ።
MAR 14:28 ሽን ታን ሀይቁዋፐ ደንዴዳዋፐ ጉይያን፥ ህንተንቱፐ ካሰታደ ጋሊላ ባና” ያጌዳ።
MAR 14:29 ጰጽሮስ ዛሪደ፥ “ኡንቱንቱ ኡባቱ ኔና የጊደ ቦፐካ፥ ታን ኔና ሙለካ የግከ” ያጌዳ።
MAR 14:30 የሱስ ጰጽሮሳ፥ “ታን ነዉ ቱሙዋ ኦዳይ፤ ሀቼ ቃማ ኩቱ ላኤንꬁዋ ዋሳናፐ ካሰ፥ ኔን ታና ሄዙ ገደ ካዳናሳ” ያጌዳ።
MAR 14:31 ሽን ጰጽሮስ ካሰዋፐካ ምንሲደ፥ “ታን ሀራይ አቶ፥ ኔናና እትፐ ሀይቂንቶካ፥ ኔና ሙለካ ካድከ” ያጌዳ። ቃይ ሀራቱ ኡባቱካ ሄዋዳን ጌድኖ።
MAR 14:32 ጌተሰማነ ግያ ሳኣ ቤድኖ፤ የሱስ ባረና ካልያዋንታ “ታን ጾሳ ዎሳናዉ፥ ህንተንቱ ሀዋን ኡትሽተ” ያጌዳ።
MAR 14:33 የሱስ ጰጽሮሳ፥ ያቆባነ ዮሃንሳ ባረናና አፌዳ፤ ዳሪ ካዮቴዳነ መቶቴዳ።
MAR 14:34 ቃይ ኡንቱንታ፥ “ታን ሀይቃና ጋካናዉካ ካዮታይ፤ ሀዋን ታክሽተ፤ ገምእሾፕተ” ያጌዳ።
MAR 14:35 ጉꬃ ስንꬃኮ ሺቂደ፥ ሳኣን ጉፋኒደ፥ ዳንዳየትያዋ ግዶፐ፥ ሄ ዎዲ ባረፐ አꬋና ማላ፥ ጾሳ ዎሴዳ።
MAR 14:36 ቃይካ፥ “አባቦ፥ ታ አቦ፥ ኡባባይ ነዉ ዳንዳየቴ፤ ሀ ጹኣ ታፐ ድጋ፤ ሽን ነ ሸንያዳን ሀኖፐ አትን፥ ታ ሸንያዳን ሀኖፖ” ያጌዳ።
MAR 14:37 የሱስ ባረና ካልያዋንቱኮ ስም ዪደ፥ ገምእሼዳዋንታ ደሚደ ጰጽሮሳ፥ “ስሞና፥ ገምእሻዲ? ኔን እት ሳተንቶነ ናጋናዉ ዳንዳያበይኪ?
MAR 14:38 ፓጭያን ህንተ ገለና ማላ፥ ናገትተነ ጾሳ ዎስተ፤ አያናይ ጊግ ኡቴዳ፤ ሽን አሹ ዳቡራንቻ” ያጌዳ።
MAR 14:39 ቃይካ ቢደ ካሰዋዳንካ ጾሳ ዎሴዳ።
MAR 14:40 አ ካልያዋንቱኮ ጉየ ስሚደ እ ይያ ዎደ፥ ገምእሼዳዋንታ ደሜዳ፤ ኡንቱንቱ አይፍያ ገምእሹ ጎዝ ዎꬄዳ ድራዉ፥ አዉ አያ ሃሳዪኖንቶካ ኤርበይክኖ።
MAR 14:41 ሄዘንꬁዋ ኡንቱንቱኮ ዪደ፥ “ሀእ ጋካናዉካ ገምእሺቴነ ሸምፒቴ? ግዳና፤ ዎዲ ጋኬዳ፤ በእተ፥ ታና፥ አሳ ናኣ፥ ናጋራንቻ አሳቱዋ ኩሽያን አꬂደ እምያ ዎዲ ጋኬዳ።
MAR 14:42 ደንድና ቦይተ፤ በእተ፥ ታና አꬂደ እምያዌ ሀዌኩ ጋኬዳ” ያጌዳ።
MAR 14:43 የሱስ ሄዋ ብሮ ሃሳይሽን፥ ታማነ ላኡ አ ካልያዋንቱፐ እቱ፥ ይሁዳ አስቆሮቱ፥ ኤለካ ጋክ ዎꬌዳ፤ ቃይ ቄሳቱዋ ካፓቱ ህግያ ታማርስያዋንቱነ ጭማቱ ኪትና፥ ማሻነ ጻምኣ ኦይቄዳ ጮራ አሳይ አናና እትፐ ዬዳ።
MAR 14:44 የሱሳ አꬅ እምያዌ ሄ ጮራ አሳዉ፥ “ታን የርያዌ አ፤ አ ኦይቂደ ሎይꬅ ናጊደ፥ አፍተ” ያጊደ ማላ ኦድ ዎꬄዳ።
MAR 14:45 ይሁዳ አስቆሮቱ ጋኮሳናካ የሱሳኮ ሺቂደ፥ “ታማርስያዎ” ያጊደ የሱሳ የር አኬዳ።
MAR 14:46 ሄ ጮራ አሳይ የሱሳ ምንስ ኦይቄዳ።
MAR 14:47 ሽን ማታን ኤቄዳዋንቱፐ እቱ ባረ ጩብያ ሾድነ ቄሳቱዋ ኡባቱዋ ካፑዋ ቆማ ሾጪደ፥ አ ሀይꬃ ቃንጽ ኦሌዳ።
MAR 14:48 የሱስ ዛሪደ፥ ሄ ሺቄዳ ጮራ አሳ፥ “ታና ቦንቃንቻ ከሲደ፥ ቦንቃንቻ ኦይቂያዋዳን ኦይቃናዉ ጩብያነ ጻምኣ ኦይቂደ ዬድቴ?
MAR 14:49 ታን ጌሻ ጎልያን ታማርሳደ፥ ጋላሳን ጋላሳን ህንተንቱና ደእያ ዎደ ታና ኦይቂበይክታ፤ ሽን ጾሳ ማጻፋቱ ጌዳዌ ፖለታናዉ በሴ” ያጌዳ።
MAR 14:50 የሱሳ ካልያዋንቱ ኡባቱ አ የጊደ ብ አጌድኖ።
MAR 14:51 ናጻላ ጻላላ ማዬዳ እት ያላጋ ብታኒ የሱሳ ካልያዋ አሳይ ኦይቄዳ።
MAR 14:52 ሽን ሄ ብታኒ ናጻላ ኦሊደ፥ ካሎ ጺራ ዎጼዳ።
MAR 14:53 አሳይ የሱሳ ቄሳቱዋ ኡባቱዋ ካፑዋ ሶይ፥ ቄሳቱዋ ካፓቱዋ ኡባቱ፥ ጭማቱነ ህግያ ታማርስያዋንቱ ሺቄዳሳ አፌድኖ።
MAR 14:54 ጰጽሮስ ቄሳቱዋ ኡባቱዋ ካፑዋ ድርሳ ግዱዋ ጋካናዉ ሃኩዋን አ ካሌዳ፤ ያን ናግያዋና ታማ ካሺደ፥ ኡት አጌዳ።
MAR 14:55 ቄሳቱዋ ካፓቱነ ሄዋን ሺቄዳ አሳይ ኡባይ የሱሳ ዎꬋናዉ አ ቦላ ማርካ ኮዬድኖ፤ ሽን አይነ ደምበይክኖ።
MAR 14:56 አያዉ ጎፐ፥ ጮራ አሳቱ አ ቦላን ዎርዱዋ ማርካቴድኖ፤ ሽን ኡንቱንቱ ማርካተꬃይ እት ማላ ግደና።
MAR 14:57 እት እት አሳቱ ደንድ ኤቂደ የሱሳ ቦላ፥ “እ፥ ‘ታን አሳይ ኬጼዳ ሀ ጌሻ ጎልያ ኮላደ፥ አሳይ ኬጽቤና ሀራ ጌሻ ጎልያ ሄዙ ጋላሳ ግዶን ኬጻና’ ጊሽን፥ ኑን ስሴዶ” ያጊደ ዎርዱዋ ማርካቴድኖ።
MAR 14:59 ሽን ሀራይ አቶ ኡንቱንቱ ማርካተꬃይ ሄዋን እት ማላ ግድቤና።
MAR 14:60 ቄሳቱዋ ኡባቱዋ ካፑ አሳ ኡባ ስንꬃን ደንድ ኤቂደ የሱሳ፥ “ሀዋንቱ ኔና ሞትያ ሞቶ ነዉ ዛርያባይ ባዌ?” ያጊደ ኦቼዳ።
MAR 14:61 ሽን የሱስ ጮኡ ጊደ፥ አይነ ዛርቤና፤ ቄሳቱዋ ኡባቱዋ ካፑ አ፥ “አንጀቴዳ ጾሳ ናአይ ክርስቶስ ኔኔ?” ያጊደ ላኤንꬁዋ ኦቼዳ።
MAR 14:62 የሱስ ዛሪደ፥ “ኤ፥ ታና፤ ህንተ ታና፥ አሳ ናኣ፥ ዎልቃማ ጾሳፐ ኡሸቻ ባጋና ኡትደእሽናነ ሳሉዋ ሻርያና ዪሽን በአና” ያጌዳ።
MAR 14:63 ቄሳቱዋ ኡባቱዋ ካፑ ባረ ማዩዋ ፔꬍ ኦሊደ፥ “ኑና ሀዋፐ ስንꬃን አያዉ ሀራ ማርካ ኮሺ?
MAR 14:64 ህንተንቱ አ ቦርያ ስሴድታ፤ ህንተ ቆፋይ አዬ?” ያጌዳ፤ ኡንቱንቱ ኡባይ፥ “እ ሀይቃና በሴ” ያጊደ አ ቦላ ፕርዴድኖ።
MAR 14:65 ኡንቱንቱፐ እቱ እቱ አ ቦላ ጩሸꬃ ዶሜድኖ፤ አ አይፍያ ካም ደቺደ፥ “ኔና ደቼዳዌ ኦኔ? አነ ትምቢትያ ኦዳ!” ያጌድኖ፤ ቃይ ናግያዋንቱካ አ ቅንጻልያ ባቂደ አፌድኖ።
MAR 14:66 ጰጽሮስ ድርሳ ግዶን ህርክና ደእሽን፥ ቄሳቱዋ ኡባቱዋ ካፑዋ ማጫ ቆማቱዋፐ እትና ያዱ።
MAR 14:67 ጰጽሮስ ታማ ካሽያዋ በኣደ፥ ጫዳ ጼላደ፥ “ኔንካ ናዝሬትያ የሱሳና እትፐ ደኣ” ያጋዱ።
MAR 14:68 ሽን ጰጽሮስ፥ “ኔን ግያዌ አየንቶ ታን ኤርከ፤ ታዉ አኬከተና” ያጊደ ካዴዳ፤ ያቲደ ድርሳ ፐንግያኮ ከሴዳ፤ ኩቱካ ዋሴዳ።
MAR 14:69 ሄ ቆማታ ጰጽሮሳ በኣደ፥ አ ማታን ኤቄዳ አሳቱዋ፥ “ሀ ብታኒካ ኡንቱንቱና ደኤ” ጋደ ጉጃደ ኦዱዋ ዶማዱ።
MAR 14:70 ሽን ጰጽሮስ ቃይካ ካዴዳ። ጉꬃ ጋምእሽን፥ ማታን ኤቄዳ አሳቱ ላኤንꬁዋ ጰጽሮሳ፥ “ኔን ቱማ ኡንቱንቱና እትፐ ደኣ፤ አያዉ ጎፐ፥ ኔን ጋሊላ ጋድያ አሳ” ያጌድኖ።
MAR 14:71 ሽን ጰጽሮስ፥ “ታን ሄዋ ህንተ ግያ ብታንያ ኤርከ!” ያጊደ ባረና ሸቃነ ጫቁዋ ዶሜዳ።
MAR 14:72 ኤለካ ኩቱ ላኤንꬁዋ ዋስ አጌዳ፤ ጰጽሮስ ባረና የሱስ፥ “ኔን ኩቱ ላኤንꬁዋ ዋሳናፐ ካሰ ሄዙ ገደ ታና ካዳናሳ” ጌዳዋ ሀሳዪደ፥ ዳሪ ዬኬዳ።
MAR 15:1 ዎንታ ጉራን ኤለካ ቄሳቱዋ ካፓቱ ጭማቱዋናኔ ሙሴ ህግያ ታማርስያዋንቱና ሄዋን ሺቄዳ አይሁዳ ሻንጋቱዋ ኡባና ማቀቲደ፥ የሱሳ ቃች አፊደ፥ ጵላጾሳዉ አꬂደ እሜድኖ።
MAR 15:2 ጵላጾስ አ፥ “ኔን አይሁዳቱዋ ካቴ?” ያጊደ ኦቼዳ። የሱስ ዛሪደ አ፥ “ነ ግያዋዳና” ያጌዳ።
MAR 15:3 ቄሳቱዋ ካፓቱ የሱሳ ዳሮባን ሞቴድኖ።
MAR 15:4 ጵላጾስ ሽረቲደ የሱሳ፥ “ነዉ ዛርያባይ ባዌ? ኡንቱንቱ ነ ቦላ ዎይሳ ሞቱዋ አህንቶ በእኪ?” ያጊደ ኦቼዳ።
MAR 15:5 ሽን የሱስ ሀራባ ዛረናን እጽና፥ ጵላጾስ ማላለቴዳ።
MAR 15:6 ጵላጾሳዉ ፓስጋ ባላ ቦንችያ ጋላሳን አሳይ ኮይያ እት ኡራ ቃሹዋፐ ብልያ ዎጋይ ደኤ።
MAR 15:7 ሄ ዎደ እት ባርባና ግያ ብታኒ ዋላሳ ከሲደ ሸምፑዋ ዎꬌዳ አሳቱዋና እትፐ ቃሾ ጎልያን ደኤ።
MAR 15:8 ሺቄዳ ጮራ አሳይ ጵላጾስ ካሰ ኤረቶዋዳንካ ባረንቶ ማሮታ ኦꬃና ማላ፥ አ ኦቼድኖ።
MAR 15:9 ጵላጾስ አሳ ዛሪደ፥ “ታን ህንተንቶ አይሁዳቱዋ ካትያ ብልያዋ ኮዪቴ?” ያጊደ ኦቼዳ።
MAR 15:10 አያዉ ጎፐ፥ ቄሳቱዋ ካፓቱ የሱሳ ቃናቲደ አꬅ እሜዳዋ ጵላጾስ ኤሬዳ።
MAR 15:11 ሽን ቄሳቱዋ ካፓቱ የሱሳ ኮታ ባርባና ብላናዳን፥ ሄ ሺቄዳ አሳይ ጵላጾሳ ዎሳና ማላ፥ አሳ ማቄድኖ።
MAR 15:12 ጵላጾስ ላኤንꬁዋ ዛሪደ፥ “ያትና፥ ሀ አይሁዳ ካትያ ህንተንቱ ግያዋ ዎቶ?” ያጌዳ።
MAR 15:13 አሳይ ጵላጾሳዉ ዛር ዛር ባረንቱ ኮሻ ꬎቁ ኦꬂደ፥ “አ ካቃ” ያጌድኖ።
MAR 15:14 ጵላጾስ አሳ፥ “አያዉ? እ አይ ኢታባ ኦꬄዴ?” ያጌዳ። ሽን አሳይ ካሰዋፐካ ባረ ኮሻ ꬎቁ ኦꬂደ፥ “አ ካቃ” ያጌድኖ።
MAR 15:15 ጵላጾስ አሳ ናሸቻናዉ ኮዪደ፥ ባርባና አሳዉ ብሌዳ፤ ያቲደ ልሱዋን የሱሳ ዎታዳራቱዋን ሾጭሲደ፥ ካቃና ማላ ኡንቱንቶ አꬅ እሜዳ።
MAR 15:16 ሄዋፐ ጉይያን፥ ዎታዳራቱ የሱሳ ጋድያ ሞድያዋ ግቢያ አፊደ፥ ሀራ ዎታዳራቱዋ ኡባ እትፐ ጼሴድኖ።
MAR 15:17 ቃይ ዞኦ ማዩዋ አ ማይዜድኖ፤ አጉንꬃ ካላቻ ጊግሲደ፥ አ ሁጲያን ዎꬄድኖ።
MAR 15:18 ሄዋፐ ጉይያን አ፥ “አይሁዳቱዋ ካተዉ፥ ሳሮታይ ነዉ ግዶ” ያግ ሳሮቲደ፥ አ ቅሊጩዋ ዶሜድኖ።
MAR 15:19 የሱሳ ሁጲያ ማቃ ጻምኣን ሾጬድኖ፤ ቃይ አ ቦላን ጩቼድኖ፤ ጉልባቲደ አዉ ጎይኔድኖ።
MAR 15:20 አ ቦላ ቅሊጬዳዋፐ ጉይያን፥ ዞኦ ማዩዋ አፐ ቃር አኪደ፥ አ ማዩዋ አ ማይዜድኖ፤ ያቲደ ማስቃልያ ቦላን ምስማርያን ꬍሺደ፥ አ ካቃናዉ አፌድኖ።
MAR 15:21 ኡንቱንቱ ቢደ፥ እስክንድራነ ሩፎሳ የሌዳ አዉዋ፥ እት ስሞና ግያ ቀሬና ጋድያ አሳይ፥ ጋጻፐ ካታማ ይያዋና ጋከቲደ፥ የሱሳ ማስቃልያ ዎልቃን ቶሴድኖ።
MAR 15:22 ያቲደ ጎልጎታ ጌተትያሳ የሱሳ አፌድኖ። “ጎልጎታ” ግያዌ “ሁጲያ ጎስያሳ” ግያዋ።
MAR 15:23 ካዋራ ግያ ꬋሊ ዋላከቴዳ ዎይንያ ኤሳ የሱሳዉ ኡሻናዉ እሜድኖ፤ ሽን እ ኡሸናን እጼዳ።
MAR 15:24 ኡንቱንቱ አ ካቄድኖ፤ ቃይ ኦና ኦና ጋካነንቶ ኤራናዉ አ ማዩዋ ሻኪደ፥ ሳማ የጌድኖ።
MAR 15:25 ኡንቱንቱ አ ካቂያ ዎደ፥ ዎንታፐ ሄዙ ሳተ።
MAR 15:26 “አይሁዳቱዋ ካትያ” ያግ አ ሞትያ ጻፉ ጻፌት ኡቴዳ።
MAR 15:27 የሱሳና ላኡ ካይሳቱዋ እቱዋ አፐ ኡሸቻ ባጋና፥ ቃይ እቱዋ አፐ ሀድርሳ ባጋና ማስቃልያ ቦላ ምስማርያን ꬍሺደ ካቄድኖ።
MAR 15:28 ጾሳ ማጻፋይ፥ “ኢታባ ኦꬄዳ አሳቱዋና እ ፓይደቴዳ” ያግያዌ ፖለቴዳ።
MAR 15:29 ኦግያና አꬍያ አሳይ የሱሳ ካꬊደ፥ ባረንቱ ሁጲያ ቃꬂደ ቦሬድኖ፤ “ስም፥ ጌሻ ጎልያ ኮላደ ሄዙ ጋላሳ ግዶን ኬጽያዎ፥
MAR 15:30 አነ ማስቃልያ ቦላፐ ዎꬋደ፥ ነ ሁጲያ አሻ” ያጌድኖ።
MAR 15:31 ሀዋዳንካ ቄሳቱዋ ካፓቱ ሙሴ ህግያ ታማርስያዋንቱና እትፐ የሱሳ ቦላ፥ “ሀራ አሳቱዋ አሼዳ፤ ሽን ባረና አሻናዉ ዳንዳየና፤
MAR 15:32 ኑን በኢደ አማናና ማላ፥ ክርስቶስ እስራኤልያ ካቲ፥ አነ ማስቃልያ ቦላፐ ሀእ ዎꬎ” ጊደ ቅሊጬድኖ። ቃይ ሀራይ አቶ፥ አናና ማስቃልያ ቦላ ምስማርያን ꬍሸቲደ ካቀቴዳዋንቱካ አ ቦላ ቅሊጬድኖ።
MAR 15:33 ኡሱፑን ሳትያፐ ዶሚደ፥ ኡዱፑ ሳትያ ጋካናዉ፥ ጋድያ ኡባይ ꬉሜዳ።
MAR 15:34 ኡዱፑ ሳትያን የሱስ ባረ ቃላ ꬎቁ ኦꬂደ፥ “ኤሎሄ፥ ኤሎሄ፥ ላማ ሳባቅታኒ?” ያጌዳ። ሄዋ ግያዌ፥ “ታ ጾሳዉ፥ ታ ጾሳዉ፥ ታና አያዉ አጋዲ?” ግያዋ።
MAR 15:35 ሄዋን ኤቄዳ አሳፐ እቱ እቱ ሄዋ ስሲደ፥ “በእተ፤ ኤላሳ ጼሴ” ያጌዳ።
MAR 15:36 ሄ አሳፐ እቱ ዎጽ ዪደ፥ ዛንዛ ማላትያዋን ጫላ ዎይንያ ኤሳ ኩንꬄዳ፤ ሄዋ ማቃ ጋትማ ጼራን ዎꬂደ፥ “ደእሽተ አነ፤ ኤላስ ማስቃልያፐ አ ዎꬃናዉ ያነንቶነ አነ በኦይተ” ያጊደ የሱሳ ዶናኮ ኡሻናዉ ሺሼዳ።
MAR 15:37 የሱስ ቃላ ꬎቁ ኦꬅ ዋሲደ፥ ሀይቂ አጌዳ።
MAR 15:38 ጌሻ ጎልያን ቃሸቴዳ ጋርዱ ቆሞፐ ዱገ ጋካናዉ፥ ላኡ ከሲደ ፖሸት ዎꬌዳ።
MAR 15:39 ማስቃልያፐ ስንꬃ ባጋና ሄዋን ኤቄዳ እት ጼቱዋ ካፑ፥ ሄዋ ኬና የሱስ ዋሲደ ሀይቄዳዋ በኤዳ ዎደ፥ “ሀ ብታኒ ቱሙ ጾሳ ናኣ” ያጌዳ።
MAR 15:40 ሄዋን ሃኩዋን ኤቂደ ጼልያ አማሬዳ ማጫዋንቱ ደኢኖ፤ ኡንቱንቱ ግዶን ማግዳላ ግያ ካታማፐ ዬዳ ማይራማ፥ ቴፋ ያቆባነ ዮሳ ዳያ ማይራማነ ሳሎማ ደኢኖ።
MAR 15:41 ሄ ማጫ አሳቱ የሱስ ጋሊላን ደእያ ዎደ፥ አ ካሌዳዋንታነ አ ማዴዳዋንታ፤ ቃይ የሱሳና እትፐ የሩሳላመ ቤዳ ሀራ ጮራ ማጫ አሳቱ ሄዋን ደኢኖ።
MAR 15:42 ሳአይ ኦማርሴዳ ዎደ፥ ሄዋን ሺቄዳ አሳን ቦንቼቴዳ እት ዮሴፎ ግያ ብታኒ፥ ጾሳ ካዉተꬃይ ያናዋ ናግ ኡቴዳዌ፥ አርማትያሳ ግያ ካታማ አሳይ ዬዳ፤ ሄ ጋላሳይ ዎንተꬃ ሳምባታዉ ጊገትያ ጋላሳ ግዴዳ ድራዉ፥ ዮሴፎ ጻሊደ ጵላጾሳኮ ቢደ፥ የሱሳ አሃ አካናዉ ዎሴዳ።
MAR 15:44 ጵላጾስ፥ የሱስ ኤለካ ሀይቂ ድጌዳዋ ስሴዳ ዎደ ማላለቴዳ፤ ጼቱዋ ካፑዋ ጼሲደ፥ “እ ሀይቆደፐ ጋምኤዴ?” ያጊደ ኦቼዳ።
MAR 15:45 ጵላጾስ የሱስ ሀይቄዳዋ ጼቱዋ ካፑዋፐ ስሲደ፥ አ አሃ ዮሴፎ አካናዳን ኦꬄዳ።
MAR 15:46 ዮሴፎ ሞጉዋ ማዩዋ ሻሜዳ፤ የሱሳ አሃ ማስቃልያፐ ዎꬅ ማዩዋን ጻጺደ፥ ሹቻ ዎጬዳ አሳ ሞግያ ጎንጎሉዋ ግዶን አ አሃ ዎꬄዳ፤ ቃይ ሄ ጎንጎሉዋ ዶናን ዎልቃማ ሹቻ ጎንዶርሲደ ዎꬄዳ።
MAR 15:47 ማግዳላ ካታማፐ ዬዳ ማይራማነ ዮሳ ዳያ ማይራማ የሱሳ አሃ ኡንቱንቱ ሀቃን ዎꬅንቶ በኢኖ።
MAR 16:1 ሳምባታይ አꬌዳዋፐ ጉይያን፥ ማግዳላ ካታማፐ ዬዳ ማይራማ፥ ያቆባ ዳያ ማይራማነ ሳሎማ ቢደ፥ የሱሳ አሃ ኦካናዉ ሽቱዋ ሻሜድኖ።
MAR 16:2 ዎጋ ጋላስ ዎንቱማꬃ ዳሮ ጉራን ጻልቂ ከስሽን፥ ሄ ጎንጎሉዋ ቤድኖ።
MAR 16:3 ኡንቱንቱ ባረንቱ ግዶን እቱ እቱዋና፥ “ጎንጎሉዋ ዶናፐ ኑዉ ሹቻ ኦኔ ጎንዶርሲደ ድጋናዌሻ?” ያጊደ ሃሳዪኖ።
MAR 16:4 ኡንቱንቱ ጼልያ ዎደ፥ ሄ ዳሮ ዎልቃማ ሹቻ ጎንዶርስድጌዳዋ በኤድኖ።
MAR 16:5 የሱስ ሞገቴዳ ጎንጎሉዋ ግዶ ገልያ ዎደ፥ እት ዎዳላ ብታኒ ቦꬃ ማዩዋ ማዪደ፥ ኡሸቻ ባጋና ኡቴዳዋ በኢደ ዳጋሜድኖ።
MAR 16:6 ሽን እ ኡንቱንታ፥ “ዳጋሞፕተ። ማስቃልያ ቦላ ካቀቴዳ ናዝሬትያ የሱሳ ህንተንቱ ኮይያዋ ኤራይ። እ ሀዋን ባዋ፤ ደንድ ድጌዳ። ኡንቱንቱ አ ዎꬄዳሳ ሀዋ በእተ።
MAR 16:7 ሽን ቢደ የሱስ ባረና ካልያዋንቶነ ጰጽሮሳዉ፥ ‘የሱስ ህንተንቱፐ ካሰቲደ ጋሊላ ቤ፤ እ ህንተንቶ ኦዴዳዋዳንካ ህንተንቱ አ ያን በአና’ ያጊደ ሀዋ ኦድተ” ያጌዳ።
MAR 16:8 ማጫ አሳቱ ያሻን ኮኮሪደ፥ የሱስ ሞገቴዳ ጎንጎሉዋፐ ከሲደ ባቃት አጌድኖ፤ ቃይ ኡንቱንቱ ያዬዳ ድራዉ፥ አሳዉ ሄዋ ኦስነ አይነ ኦድበይክኖ። ማጫ አሳቱ ቢደ፥ ባረንቶ ኦደቴዳባ ኡባ ጰጽሮሳዉነ አናና ደእያዋንቶ ቃንꬃን ኦዴድኖ፤ ሄዋፐ ጉይያን፥ የሱስ ባረ ሁጰዉ ባረና ካልያዋንቱ ቦላ፥ መꬍናዉ አሽያ ላመተና ጌሻ ምሽራቹዋ ቃላ፥ አዋይ ሞክያሳፐ ዉልያሳ ጋካናዉ ኪቴዳ።
MAR 16:9 የሱስ ሀይቁዋፐ ደንዴዳዋፐ ጉይያን፥ ዎጋ ጋላስ ጉራ፥ ላፑ ኢታ አያናቱዋ ከሴዳ ማግዳላ ካታማፐ ዬዳ ማይራምዉ ካሰቲደ ቤቴዳ።
MAR 16:10 እዛ ባደ ካሰ አናና ደእያዋንቶ፥ ቃረቲድነ ዬኪደ ኡቴዳዋንቶ ኦዳዱ፤
MAR 16:11 ሽን የሱስ ፓጻ ደእያዋነ እዝዉ ቤቴዳዋ ኡንቱንቱ ስሴዳ ዎደ፥ እዝ ኦዱዋ ቱማ ግበይክኖ።
MAR 16:12 ሄዋፐ ጉይያን፥ ኡንቱንቱፐ ላአቱ ካታማፐ ከሲደ ቢሽን፥ ኦግያን የሱስ ኮይሮዋፐ ዱማቲደ፥ ኡንቱንቶ ቤቴዳ።
MAR 16:13 ኡንቱንቱ ጉየ ስሚደ፥ ሀራቶ ኦዴድኖ፤ ሽን ሄዋንቱ ኡንቱንቱ ኦዱዋ ቱማ ግበይክኖ።
MAR 16:14 ጉየፐ ታማነ እት የሱሳ ካልያዋንቱ ቁማ ሚሽን፥ የሱስ ኡንቱንቶ ቤቴዳ። ኡንቱንቶ አማኑ ባይና ድራዉ፥ እ ኡንቱንታ ሴሬዳ፤ ቃይ ሀይቁዋፐ እ ደንዴዳዋ በኤዳዋንቱ ኡንቱንቶ ኦድና፥ ኡንቱንቱ አማነናን እጼዳ ድራዉነ ኦድና ስሰናዋንታ ግድያ ድራዉ፥ እ ኡንቱንታ ሴሬዳ።
MAR 16:15 እ ኡንቱንታ ሀዋዳን ያጌዳ፤ “አላምያ ኡባ ቢደ፥ አሳ ኡባዉ ዎንጋላ ምሽራቹዋ ቃላ ኦድተ።
MAR 16:16 አማኖዌነ ጻማቀቶዌ አታና፤ ሽን አማነናዋ ቦላ ጾሳይ ፕርዳና።
MAR 16:17 ታናን አማንያዋንቱ ሀ ማላታቱዋ ኦꬃናዋንታ: ኡንቱንቱ ታ ሱንꬃን ኢታ አያናቱዋ ከሳናዋንታ፤ ቃይ ኡንቱንቱ ዱማ ዱማ ኦራꬃ ቃላን ሃሳያናዋንታ።
MAR 16:18 ኡንቱንቱ ሾሻ ኦይቆፐካ፥ ዎይ አያነ ዎꬍያ ማርዝያ ኡሽንቶካ ኡንቱንታ ቆሄና። ቃይ ኡንቱንቱ ባረንቱ ኩሽያ ሀርጋንቻቱዋ ቦላ ዎꬃና፤ ሄ ሀርጋንቻቱ ፓጻና” ያጌዳ።
MAR 16:19 ጎዳ የሱስ ባረና ካልያዋንቱና ሃሳዬዳዋፐ ጉይያን፥ ጾሳይ አ ፑደ ሳሉዋ አፍና፥ ጾሳፐ ኡሸቻ ባጋና ኡቴዳ።
MAR 16:20 አ ካልያዋንቱ ቢደ፥ ኡባ ሳን ዎንጋላ ምሽራቹዋ ኦዴድኖ። ጎዳይካ ኡንቱንቱና እትፐ ኦꬄ፤ ኡንቱንቱ ኦድያ ቃላይካ ቱማ ግዴዳዋ ኡንቱንቱ ኦꬅያ ማላታቱዋን ኤርሴዳ።
LUK 1:1 ቦንቼቴዳ ቶፍሎሳ፥ ኮይሮ ባረንቱ አይፍያን በኤዳዋንቱነ ባረንቱ ቃላን ማርካቴዳዋንቱ ኑዉ ኦዴድኖ። ጻፈቴዳ የዉዋ ታ ባጋን ኡባ ጻጱዋፐ ብዳ ጼሎዋፐ ጉየ፥ ታርክያ ማራ ናጌዳ ኦግያን ነዉ ጻፋናዉ ሎአ ግዴዳዌ ታዉ ቤቴዳ።
LUK 1:5 ይሁዳ ጋድያ ካትያ ሄሮድሳ ዎድያን፥ አብያ ቄሳተꬃ ኦሱዋ ባጋፐ ግዴዳ ዛካራሳ ጌተትያ እት ቄሳይ ደኤ። ማቻታካ ኤልሳቤጾ ጌተትያ አሮነ ያራፐ የለቴዳዉኖ።
LUK 1:6 ላአቱካ ጎዳ አዛዙዋነ ሴራ ዳርሲደ ናግያዋንታነ ካꬌ ባንታን ጾሳ ስንꬃን ደእያ ጽላቱዋ።
LUK 1:7 ግዶፐ አትን ኤልሳቤጻ ማንꬃ ግዶ ድራዉ፥ የሉ ኡንቱንቶ ባዋ። ላአቱካ ላይꬃ ሱጌዳዋንታ።
LUK 1:8 እት ጋላስ ዛካራስ ባረ ባጋ ካላን ጾሳ ስንꬃን ቄሳተꬃን ኦꬅያ ዎደ፥
LUK 1:9 ባረ ቄሳተꬃ ዎጋ ዶያዳን ጌሻ ጎልያ ገሊደ እጻና ጩውሱዋ ሳማይ አ ጋኬዳ።
LUK 1:10 እጻናይ ጩውያ ዎደ አሳይ ኡባይ ካረን ኤቂደ ዎስ ደኤ።
LUK 1:11 ጎዳ ኪታንቻይ እጻና ያርሹዋ ሳፐ ኡሸቻና ኤቂደ አዉ ቤቴዳ።
LUK 1:12 ዛካራስካ በኤዳ ዎደ ዳጋሚደ ያሻን ምተቴዳ።
LUK 1:13 ኪታንቻይካ ቃይ ያጌዳ፥ “ዛካራሳ፥ ያዮፓ፤ ነ ዎሳይ ስሰቴዳ፥ ነ ማቻታ ኤልሳቤጻ አቱማ ናኣ የላናዉኑ።
LUK 1:14 አ የለታን ናሸታይነ እሻሉ ነዉ ሀናናዋ፤ ጮራቱካ እ የለቶ ድራዉ ሀሹ ጋናዋንታ፤
LUK 1:15 እካ ጎዳ ስንꬃን ዳራ ግዳናዋ። ማꬆይያ ዎይንያ ኡሻ ግዶ ሀራ ማꬆይያ ኡሻ አይነ ኡሸና፤ ባረ ዳይ ኡሉዋን ደእሽን አያና ጌሻይ አን ኩማናዋ።
LUK 1:16 “እስራኤልያ አሳቱዋፐካ ጮራቱዋ ኡንቱንቱ ጎዳ ጾሳኮ፥ እ ዛራናዋ።
LUK 1:17 እካ ጊገና አሳ ጎዳዉ ጊግሳናዉ፥ አዎቱዋ ዎዛና ናናቱዋኮ፥ አዛዘተናዋንታካ ጽሎተꬃ ኤራኮ ዛራናዉ፥ ኤላሳ አያናንነ ዎልቃን ጎዳፐ ስንꬃና ቤ።”
LUK 1:18 ዛካራስካ ኪታንቻ፥ “ታን ጭማድ፥ ታማቻታካ ባረ ላይꬃን ሱጌዳዉኖ፥ ሀዋ ታን አያን ኤራንታ?” ጌዳ።
LUK 1:19 ኪታንቻይካ ዛሪደ፥ “ታን ጾሳ ስንꬃን ኤቂያ ጋብሬላ፤ ሀዋ ምሽራቹዋ ነዉ ኦዳናዉ ኔኮ ኪተታድ፤
LUK 1:20 ሄኮ ሄ ዎድያን ሀናና ታ ቃላ ነ አማናቤና ድራዉ፥ ሀ የዉ ሀናና ጋላሳይ ጋካናዉ ኔን ዱደ ግዳናሳ፤ ሃሳያናዉካ ዳንዳያካ” ጌዳ።
LUK 1:21 ሄ ዎደ አሳይ፥ ዛካራስ ጌሻ ጎልያፐ ከሰናን አያዉ ጋምኤደንቶ ማላለቲደ ናጊኖ።
LUK 1:22 ከሴዳ ዎድያንካ ሃሳያናዉ ዳንዳይቤና፤ ጌሻ ጎልያን ሳፃ እ በኤዳዋ አኬኬድኖ፤ እካ ሃሳያናዉ ዳንዳይቤናዋ ጾርስ በሲደ፥ ዱደ ግዲደ ደኤዳ።
LUK 1:23 ዛካራስካ ባረ ኦሱዋ ዎድያ ዉርሶ ዎደ፥ ባረ ጎለ ስሜዳ።
LUK 1:24 ሄዋፐ ጉይያን አ ማቻታ ኤልሳቤጻ ሻሃራደ እቼሹ አገና ባረና ገንꬃዱ።
LUK 1:25 ኤልሳቤጻካ፥ “ታ ቶሽያ አሳ ግዶፐ ድጋናዉ ጎዳይ ባረ ማሮተꬃን ታና ጼሎ ዎደ፥ ሀዋዳን ታዉ ኦꬄዳ” ጋዱ።
LUK 1:26 ኡሱፑንꬃ አገናን ጾሳ ኪታንቻ ጋብሬል ጋሊላ ጋድያን ናዝሬተ ካታማ
LUK 1:27 ዳዊታ ያራፐ ግዴዳ ዮሴፎ ጌተትያ ብታነዉ ኦሸታ ቃሸቴዳ ዎዶራትኮ ጾሳ ማታፐ ኪተቴዳ፤ ዎዶራት ሱንꬃይካ ማይራሞ ጌተቴ።
LUK 1:28 ኪታንቻይካ ማይራምኮ ዪደ፥ “ዳርሳደ ዶሰታዉኔ፥ ሳሮተꬃይ ነዉ ግዶ፤ ጎዳይካ ኔናና ጋꬆ ደኤ፤ ኔንካ ማጫዋንቱ ግዶን አንጀቴዳዉኖ” ያጌዳ።
LUK 1:29 ማይራማካ አ ሃሳያፐ ደንዶዋን ዳርሳ ዳጋማደ፥ “ሀዌ አያ ማላ ሳሮታ ግዳኔ” ጋደ የዉዋ ቆፓዱ።
LUK 1:30 ኪታንቻይ እዞ፥ “ሀነ ማይራሜ፥ ጾሳ ማታን ሳባ ደማዳ ያዮፓ።
LUK 1:31 ኔን ሻሃራደ፥ አቱማ ናኣ የላናሳ፤ አ ሱንꬃካ የሱሳ ጋናሳ።
LUK 1:32 እካ ዳራ ግዳናዋ፤ ኡባፐ ꬎቃ ጾሳ ናኣ ጌተታና፤ ጎዳ ጾሳይ አ አቡ ዳዊታ ካዉተꬃ ኦይድያ አዉ እማናዋ።
LUK 1:33 እካ ያቆባ ጎለን መꬍናዉ ካዉታናዋ፤ አ ካዉተꬃዉካ ዉርሰꬃይ ባዋ” ያጌዳ።
LUK 1:34 ማይራማካ ኪታንቻ፥ “ታን ዎዶራቶ ግዶ ድራዉ፥ ሀዌ ዎት ሀናናዌ?” ያጋዱ።
LUK 1:35 ኪታንቻይካ ዛሪደ እዝዉ፥ “አያና ጌሻይ ነ ቦላ ያናዋ፤ ꬎቃ ጾሳ ዎልቃይ ኔናን ሸምፓናዋ። ሄዋ ድራዉ፥ ኔፐ የለትያዌ ጌሻ ጾሳ ናኣ ጌተታና።
LUK 1:36 ነ ዳባታ ኤልሳቤጻ ባረ ጭማተꬃ ዎድያን አቱማ ናኣ ሻሃራዱ። ማንꬃ ጌተቴዳዉና ኤልሳቤጻ ሻሃሮደፐ ኡሱፑንꬃ አገና ኦይቃዱ።
LUK 1:37 ጾሳ ጾንያ የዉ ባዋ” ያጌዳ።
LUK 1:38 ማይራማካ፥ “ታን ጎዳ አይላቶ፤ ኔን ጎዋዳን ሀኖ” ጋዱ። ሄዋፐ ጉይያን ኪታንቻይ እዝ ማታፐ ቤዳ።
LUK 1:39 ማይራማካ ሄ አገና ግዶን ደንዳደ ክል ዞዘትያ ይሁዳ ጋደን ደእያ እት ካታማ ኤሌላ ከሳዱ።
LUK 1:40 ዛካራሳ ጎለ ገላደ ኤልሳቤጾ ሳሮታዱ።
LUK 1:41 ኤልሳቤጻካ ማይራም ሳሮታ ስሴዳ ዎደ፥ እዝ ኡሉዋን ደእያ ሻሃራይ ጉፔዳ፤ ኤልሳቤጻካ አያና ጌሻን ኩማዱ።
LUK 1:42 ባረ ኮሻካ ꬎቁ ኦꬃደ፥ “ኔን ማጫዋንቱ ግዶፐ አንጀቴዳዉኖ። ኔፐ የለትያዌካ አንጀቶዋ።
LUK 1:43 ኔን ታ ጎዳ ዳያ ታኮ ያናዉ ታን ኦኔ?
LUK 1:44 ሄኮ ነ ሳሮታ ኮሻይ ታ ሀይꬃን ስሰቴዳ ዎደ፥ ታ ኡሉዋን ደእያ ሻሃራይ ናሸቻን ጉፔዳ።
LUK 1:45 ጎዳይ ፖለቴ ጊደ እዝዉ ኦዴዳዋ አማኔዳዉና እዛ አንጀቴዳዉኖ” ያጋዱ።
LUK 1:46 ማይራማካ፥ “ታ ሸምፓታ ታ ጎዳ ቦንቻዉ፥
LUK 1:47 ታ አያናይካ ታ ጾሳ፥ ታ ꬋልያን፥ ሎይꬃ ናሸታዉ።
LUK 1:48 እካ ባረ አይላት ቶሽያ ጼሌዳ። ሀቼፐ ዶሚደ የለታይ ኡባይ አንጀቴዳዉኔ ጊኖ።
LUK 1:49 ዎልቃማ ግዴዳ እ፥ ዳሮ የዉዋ ታዉ ኦꬄዳ፤ አ ሱንꬃይካ ጌሻ።
LUK 1:50 አ ማሮታይ ያይያዋንቶ፥ የለታፐ የለታይ ጋካናዉ ደኤ።
LUK 1:51 ባረ ዎልቃን ምኖ ኪታ ኪተቴዳ፤ ባረንቱ ዎዛና ቆፋን ኦቶረትያዋንታ፥ ላሌዳ።
LUK 1:52 ሞድያዋንታ ካዉተꬃ ማታ ኦይድያፐ ዎꬄዳ፤ አሽካቱዋካ ቃይ ꬎቁ ꬎቁ ኦꬄዳ።
LUK 1:53 ኮሻቴዳዋንታ ሎኦ የዉዋን ካልሴዳ፤ ዱራቱዋ ቃይ መላ የደርሴዳ።
LUK 1:54 ባረ ማሮተꬃ ቆፒደ፥ ባረ አይልያ እስራኤልያ ማዴዳ።
LUK 1:55 ኑ አዋቶ እ ኦዴዳዋዳን፥ አብራሃመዉነ አ ያራዉ ጌዳዋ፥ መꬍናዉ ናጋና ድራሳ” ያጋዱ።
LUK 1:56 ማይራማካ ሄዙ አገና ኬና ኤልሳቤጽ ማታን ጋምኦዋፐ ጉይያን ባረ ጎለ ስማዱ።
LUK 1:57 ኤልሳቤጽዉካ የልያ ዎዲ ጋክና፥ አቱማ ናኣ የላዱ።
LUK 1:58 እዝ ሾራቱነ እዝ ዳቦ ግዴዳዋንቱ፥ ጎዳይ ማሮተꬃ እዝዉ ኦꬄዳዋ ስሲደ እዝና እትፐ ናሸቴድኖ።
LUK 1:59 ሆስፑንꬃ ጋላሳን ናኣ ቃጻራናዉ ዬድኖ፤ አ፥ አዉዋ ሱንꬃን ዛካራሳ ጊደ ሱንꬃናዉ ኮዬድኖ።
LUK 1:60 አ ዳያ ቃይ፥ “ሀነና፥ ዮሃንሳ ጌተታናዉ ኮሼ” ያጋዱ።
LUK 1:61 ኡንቱንቱካ እዞ፥ “ነ ዳባቱዋፐ ሀቼ ጋካናዉ እቱካ ሀ ሱንꬃን ጼሰትቤና” ያጌድኖ።
LUK 1:62 አ አባ፥ ኦና ግያ ሱንꬃን ጼገታናዉ ኮይንቶ ጾርስ ኦቼድኖ።
LUK 1:63 አ አቡካ ጻፍያባ ኦች አኪደ፥ “ናኣ ሱንꬃይ ዮሃንሳ” ጊደ ጻፍና፥ ኡባቱካ የዉዋን ማላለቴድኖ።
LUK 1:64 ሄዋንካ ዛካራሳ ዶናይ ዶየቴዳ፥ አ እንጻርሳይካ ብለትና ሃሳያ ዶሜዳ፥ ጾሳካ ጋላቴዳ።
LUK 1:65 አ ሾራቱካ ደኢያሳ ኡባን ያሻን ኩሜድኖ። ሀ የዉካ ዞዘትያ ይሁዳ ጋድያ ኡባን ዳሪ ሃሳየቴዳ።
LUK 1:66 ሀዋካ ስሴዳዋንቱ ኡባቱ፥ “ሀ ናአይ አያ ግዳኔሻ?” ያጊደ የዉዋ ባረንቱ ዎዛናን ኦይቄድኖ፤ ጾሳይካ አናና ደእያዋ ኤሬድኖ።
LUK 1:67 ዮሃንሳ አቡ ዛካራስ አያና ጌሻን ኩሚደ ትምቢትያ ያግ ኦዴዳ:
LUK 1:68 “እስራኤልያ ጎዳይ ጾሳይ አንጀቶ፤ ዪደ ባረ አሳ ጾሞሴዳነ ዎዜዳ።
LUK 1:69 ባረ አይልያ ዳዊተ ጎልያን፤ ዎልቃማ አሽያዋ ኑዉ ጊግሴዳ።
LUK 1:70 ሀዌካ በን ጎዳ ጌሻ ናባቱዋ ዶናን ኦደቶዋዳን፥
LUK 1:71 እ ኑና፥ ኑ ሞርከቱዋፐነ፥ ኑናና ኤቀትያዋንቱ ኩሽያፐ አሻናሳ።
LUK 1:72 ሀዋካ እ ኦꬄዳዌ፥ ኑ አዋቶ፥ ማሮተꬃ በሳናሳነ፥ ባረ ጌሻ ጫቁዋ ዎዛና አꬃናሳ።
LUK 1:73 ኑ አዉዋ አብራሃሞ፥ ጫቄዳ ጫቁዋ ቆፓናዉ፥
LUK 1:74 ኑ ሞርከቱዋ ኩሽያፐ ከሲደ፥ ያሻይ ባንታን አዉ ኦꬃናዳን፥ ማታ ኑዉ እሜዳ።
LUK 1:75 ሀዌኔካ፥ ኑና ኑ ዎድያ ኡባን፥ ጌሻተꬃንነ ጽሎተꬃን፥ ባረ ስንꬃን ኤሳና ድራሳ።
LUK 1:76 ዛሪደካ፥ ኔኖ፥ ታ ናአዉ፥ ꬎቃ ጾሳ ናብያ ጌተታናሳ፤ ኦግያ ጊግሳናዉ ጎዳፐ ስንꬃና፥ ባናሳ።
LUK 1:77 አሳ ናጋራ ማርያ አቶተꬃ ኤራ፥ ኡንቱንቶ እማናሳ።
LUK 1:78 ሄዌካ ክልፐ ዬዳ ፖኡ፥ ኑና ጾሞሴዳዌ፥ ኑ ጾሳ ማሮተꬃነ ቃረታ ጋሱዋና።
LUK 1:79 አ ፖኡካ ꬉማንነ ሀይቁዋ ኩዋን፥ ኡቴዳዋንቶ ፖእሴ፤ ኑ ገድያካ ሳሮተꬃ ኦግያን ሱርሴ።”
LUK 1:80 ናአይካ ድጪደ፥ አያናን ምኔዳ፤ እስራኤልያ አሳዉ ቤቴዳ ጋላሳይ ጋካናዉ መላ ቢታን ደኤዳ።
LUK 2:1 ሄ ዎደ ሮማ ካዉተꬃ ጋርሳን ደእያ አሳይ ኡባይ ሱንꬃ ጻፈታናዳንነ ፓይደታናዳን አዉግስጾሰ ቄሳረፐ አዛዙ ከሴዳ።
LUK 2:2 ሄዌኔካ፥ ቀረነዮሰ ሶርያ ጋድያ ሞድያ ዎደ ሀኔዳ ኮይሮ አሳ ፓይዱዋ።
LUK 2:3 ሀዋ ድራዉ እት እት አሳይ ጻፈታናዉ ባረ ካታማ ባረ ካታማ ቤዳ።
LUK 2:4 ዮሴፎካ ዳዊታ ጎልያፐነ ያራፐ ግድያ ድራዉ ጋሊላ አዉራጃን ደእያ ናዝሬተ ካታማፐ ደንዲደ ዳዊታ ካታማ ግዴዳዉንኮ ይሁዳን ደእያ ቤተሌመ ጌተትያ ካታማ ከሴዳ።
LUK 2:5 ሄ ዎደ የልያ ዎዲ ማቴዳ አዉ ኦሸታ ኡቴዳ ማይራማካ አናና እትፐ ባዱ።
LUK 2:6 ኡንቱንቱ ሄዋን ደእሽን እዝዉ የልያ ዎዲ ጋኪ አጌዳ።
LUK 2:7 እዛካ ባይራ ናኣ ግዴዳ አቱማ ናኣ የላዱ፤ እማꬃይ ሸምፕያ ሳ ደማቤና ድራዉ፥ ናኣ ማዩዋን ጻጻደ ጋጳትያን ቀራዱ።
LUK 2:8 ሄ ጋድያን ቃማ ባረንቱ ዉድያ ሄሚደ ደምባን አቅያዋንቱ ደኢኖ።
LUK 2:9 ጾሳ ኪታንቻይ ቆፐናን ዪደ ኡንቱንቱ ምይያን ኤቄዳ፤ ጎዳ ቦንቹ ኡንቱንቱ ዩሹዋን ፖኤዳ ዎደ፥ ዎልቃማ ያሻይ ኡንቱንታ ኦይቄዳ።
LUK 2:10 ኪታንቻይ ኡንቱንታ፥ “ያዮፕተ፥ አሳዉ ኡባዉ ሀንያ ዳሮ ናሸችያ ምሽራቹዋ ታን ህንተንቶ አሃድ።
LUK 2:11 ሀቼ ዳዊታ ካታማን አሽያዌ የለቴዳ። እካ ጎዳ ክርስቶሳ።
LUK 2:12 ሀዌ ህንተንቶ ማላ ግዶ: ጋጭኖ ናአይ ማዩዋን ጻጸቲደ ጋጳትያ ግዶን ግሴዳዋ ደማንታ” ያጌዳ።
LUK 2:13 ቆፐናን ጮራ ጾሳ ኪታንቻቱ ኮይሮ ኪታንቻና እትፐ ቆንጬድኖ።
LUK 2:14 ጾሳካ ጋላቲደ፥ ሀዋዳን ጌድኖ: “ቦንቹ ጾሳዉ ቦላ ሳሉዋን ግዶ። ሳኣን እ ዶስያ አሳዉ ሳሮተꬃይ ግዶ” ያጌድኖ።
LUK 2:15 ኪታንቻቱ ኡንቱንቱፐ ሻከቲደ ሳሉዋ ከሶዋፐ ጉየ፥ ዉድያ ሄምያዋንቱ፥ “ጎዳይ ኑዉ ቆንጭሴዳዋ፥ ሀዋ ሀኔዳ የዉዋ በአናዉ ቤተሌመ ቦይተ” ጌተቴድኖ።
LUK 2:16 ኡንቱንቱካ ኤሌሊደ ቤድኖ። ማይራሞነ ዮሴፎ ደሚደ፥ ጋጭኖ ናአይካ ጋጳትያን ግሴዳዋ በኤድኖ።
LUK 2:17 ሄዋፐ ጉይያን ጉꬃ ናኣ ድራዉ ኦደቴዳዋ ቆንጭሲደ ኦዴድኖ።
LUK 2:18 ሀዋ ስሴዳ ኡባይ ኡንቱንቱ ኦዴዳ የዉዋን ማላለቴድኖ።
LUK 2:19 ማይራማ ቃይ ሀዋ ኡባ ባረ ዎዛናን ኦይቃደ ቆፓደ ጋምኣዱ።
LUK 2:20 ዉድያ ሄምያዋንቱካ ኡባ የዉ ኡንቱንቶ ኦደቴዳዋዳን ሀንና ደሞ ድራዉ፥ ስሴዳዎነ በኤዳዎ ኡባዉ ጾሳ ቦንቺድነ ጋላቲደ ስሜድኖ።
LUK 2:21 ናአዉ ሆስፑን ጋላሳ ግድና ቃጻረትያ ዎዲ ጋኮ ዎደ፥ እ አት ኡሉዋን አታናፐ ካሰ፥ ኪታንቻይ ከሶ ሱንꬃን፥ የሱሳ ጌተቴዳ።
LUK 2:22 ሙሴ ዎጋ ማራዳን ጌይያ ዎዲ ፖለቴዳ ዎደ ዮሴፎነ ማይራማ ጋጭኖ ናኣ ጾሳዉ ሼꬋናዉ የሩሳላመ አክ ቤድኖ።
LUK 2:23 ሄዌኔካ ጎዳ ዎጋን፥ “አቱማ ናኣ ግዴዳ ባይራ ናአይ ኡባይ ጾሳዉ ዱማቴዳዋ ግዳናዋ” ጌተት ጻፈቴዳዋዳንነ፥
LUK 2:24 ቃይካ ጎዳ ዎጋን፥ “ላኡ ዶጎማቱዋ ዎይ ላኡ ሀራጰ ማራቱዋ” ጌተቶዋዳን፥ ጎዳዉ ያርሹዋ ያርሻናዉ አፌድኖ።
LUK 2:25 ሄ ዎደ ጽሎነ ገንጫ ግዴዳ ስሞና ጌተትያ እት ብታኒ የሩሳላመን ደኤ። እካ፥ እስራኤልያ አሳዉ አቶተꬃ ህዶታ ናግያዋነ አያና ጌሻይ አ ቦላን ሸምፔዳ አሳ።
LUK 2:26 ጎዳን ኦከቴዳ ክርስቶሳ በኤናን ሀይቀናዋ አያና ጌሻን አዉ ቆንጭሴዳ።
LUK 2:27 እካ ሄ ዎደ አያና ጌሻይ ካለꬅና፥ ጌሻ ጎልያ ገሌዳ። ናኣ የላዋንቱ ኤርያ ዎጋ ማራዳን፥ ኮሽያዋ አዉ ፖላናዉ ጉꬃ ናኣ የሱሳ ኦይቂደ ገሎ ዎደ፥
LUK 2:28 ስሞነ ሞክ አክ ናኣ እድሚደ ጾሳ ጋላቲደ ሀዋ ያጌዳ:
LUK 2:29 “ጎዳዉ፥ ኔን ቃላ ገሎ ማራዳን፥ ሀእ ታና ነ አይልያ ሳሩዋን ኔኮ አፋ።
LUK 2:30 ጋሱካ፥ ታ አይፋቱ፥ አሳ ኡባ ስንꬃን ኔን ጊግሴዳ፥ አሽያ ህዶታ በኤድኖ።
LUK 2:32 ሄዌካ እስራኤልያ ግደና አሳዉ፥ ቆንጨꬃ እምያ ፖኡዋ። ቃይ ነ አሳዉ እስራኤለዉ ቦንቹዋ።”
LUK 2:33 ዮሴፎነ አ ዳያ አ ድራዉ ሃሳየቴዳ የዎ ማላለቴድኖ።
LUK 2:34 ስሞንካ አንጂደ ማይራሞ፥ “ሀዌ ናአይ እስራኤልያን ጮራቶ ደንዱዋስነ ኩንደꬃዉ ጋሶ ግዳናዉ፥ ቃይካ ኢታ ሃሳይያዋንቶ ማላ ግዳናዉ ዶረቴዳ።
LUK 2:35 ጮራቶካ ዎዛና ቆፋይ ቆንጮዋ ግዳናዉ፥ ነ ሸምፑካ ማሻን ቃንጾዋዳን ሴለታናዋ” ያጌዳ።
LUK 2:36 ቃይካ አሴራ ያራፐ ግዴዳ ፓኑኤላ ናታ ሃኖ ጌተትያ ናባታ ደአዉ፤ እዛካ ሎይꬃ ጭማዱ። ባረ ዎዶሮተꬃን ገሌዳ አስናና ላፑ ላይꬃ ደኤዳዉኖ።
LUK 2:37 እዝ ላይꬃይካ ሆስፑን ታማነ ኦይዱዋ ግዳና ጋካናዉ ጋላሳነ ቃማ ጌሻ ጎልያፐ ሻከተናን ጾማንነ ዎሳን ኪተታደ አምኤ ግዳደ ጋምኣዱ።
LUK 2:38 ሄ ዎደካ ሺቃደ ጾሳ ጋላታዱ፤ ቃይካ የሩሳላመ አሳይ ዎዘታናዉ ናግያዋንቶ ኡባቶ ጋጭኖ ናኣ የሱሳባ ኦዳዱ።
LUK 2:39 ዮሴፎነ ማይራማ ጎዳ ህግያን አዛዘቴዳዋ ኡባ ፖሎዋፐ ጉየ ጋሊላ አዉራጃን ደእያ ባረንቱ ካታማ ናዝሬተ ስሜድኖ።
LUK 2:40 ጉꬃ ናአይካ ድጪደነ ምኒደ ቤዳ፤ አꬎ ኤራንካ ኩሜዳ፤ ጾሳ አꬎ ኬካተꬃይ አ ቦላን ሸምፔዳ።
LUK 2:41 ዮሴፎነ ማይራማ ላይꬃን ላይꬃን ፓስጋ ባላ ቦንቻናዉ የሩሳላመ ካታማ ቢኖ።
LUK 2:42 ናአዉካ ታማነ ላኡ ላይꬃ ግዶ ዎደ ዶያዳን ባላዉ ህን የሩሳላመ ከሴድኖ።
LUK 2:43 ባላ ፖሎዋፐ ካላ ባረንቱ ጎለ ኡንቱንቱ ስሞደ ጉꬃ ናኣ የሱስ ዮሴፎነ ማይራማ ኤረናን የሩሳላመን አት አጌዳ።
LUK 2:44 ኡንቱንቱና እትፐ ደእያዋ ማላትና እት ጋላሳ ኦግያ ሀመቴድኖ። ጉየፐ ቃይካ ባረንቱ ዳባቱዋናነ ባረንቱ ሲቀትያዋንቱ ማታን ኮሻ ዶሜድኖ።
LUK 2:45 ꬋዮ ዎደ ኮዪደ ህን የሩሳላመ ስሜድኖ።
LUK 2:46 ሄዙ ጋላሳፐ ጉየ፥ ታማርስያዋንቱ ግዶን የሱስ ኡቲደ ኡንቱንቱ ግያዋ ስሲደነ ኡንቱንታ ኦቺደ ጌሻ ጎልያ ጋርሳን ደእያዋ በኤድኖ።
LUK 2:47 ስስያዋንቱ ኡባቱካ፥ አ አኬካንነ አ ዛሩዋን ማላለቴድኖ።
LUK 2:48 ዮሴፎነ አ ዳያ አ በኦ ዎደ ማላለቴድኖ። አ ዳያካ፥ “ታ ናአዉ፥ አያዉ ኑና ሀዋዳን ኦꬃይ? ነ አቡነ ታነ ኔና ኮዪደ፥ ዳሮ መቶቴዶ” ያጋዱ።
LUK 2:49 የሱስካ ኡንቱንቶ፥ “አያዉ ታና ኮዪቴ? ታ አቡ ጎለን ደአናዉ ታዉ ኮሽያዋ ኤርበይክቴ?” ያግ ዛሬዳ።
LUK 2:50 ሄዋ ያግ ኦዶፐ አትን፥ ኡንቱንቶ እ ኦዴዳ የዉ አያ ግንቶ ገልቤና።
LUK 2:51 ሄዋፐ ስሚደ፥ ኡንቱንቱና እትፐ ህን ናዝሬተ ቤዳ፤ ሄዋንካ ኡንቱንቶ አዛዘቴ። አ ዳያካ ሄዋ ኡባ ባረ ዎዛናን ዎꬃዱ።
LUK 2:52 የሱስካ ኤራንነ ጌሳን፥ ሳባንካ ጾሳነ አሳ ስንꬃን ድጬዳ።
LUK 3:1 ጽባርዮሳ ጌተትያ ካቲ ካዉቴዳ ታማነ እቼሸꬅያ ላይꬃን ጰንጸናውያ ጵላጾስ ይሁዳ ሞድያ ዎደ፥ ሄሮድሰ ጋሊላን ኦይደንꬅያ ሻኩዋ ሞድያ ዎደ፥ አ እሻይ ፕልጶስካ እጹርያንነ ጽርኮንዶሳን ኦይደንꬅያ ሻኩዋ ሞድያ ዎደ፥ ልሳንዮስካ አብሌነን ኦይደንꬅያ ሻኩዋ ሞድያዋ ግዲደ ሞድ ደእሽን፥
LUK 3:2 ሃንነ ቀያፋይ ቄሳቱዋ ካፓቱዋ ግዲደ ደእሽን፥ ጾሳ ቃላይ ዛካራሳ ናኣ ዮሃንሳኮ መላ ቢታን ዬዳ።
LUK 3:3 ዮሃንስ ዮርዳኖሳ ሻፋ ሄራ ኡባ ቢደ፥ “ህንተ ናጋራይ አቶ ጌተታና ማላ ናጋራ ፓጺደ ጻማቀትተ” ያግ ታማርሴዳ።
LUK 3:4 ናብያ ኢስያሳ ማጻፋን ጻፈቴዳ ቃላዳን፥ “መላ ቢታን ዋስያ ብታንያ ኮሻይ፥ ‘ጎዳዉ ኦግያ ጊግስተ፤ አ ኦግያካ ሱርስተ።
LUK 3:5 ኦላይ ኡባይ ኩሞ፤ ደሪነ ዞዚ ደንባ ግዶ፥ ጊገና ኦጊ ኡባይ ጊጎ፥ ሀንችሮ ኦጊ ኡባይ ሊቆ።
LUK 3:6 ሄዋ ግዶፐ፥ አሳይ ኡባይ ጾሳይ አሽያዋ በአና’ ” ያጌዳ።
LUK 3:7 ሀዋ ድራዉ ዮሃንስ አ ኩሽያን ጻማቀታናዉ ከሴዳ አሳዉ ሀዋዳን ኦዱዋ ዶሜዳ፥ “ሄንተኖ፥ ሾሻ ናቶ፤ ይያ ሀንቁዋፐ አታና ማላ ህንተንታ ኦን ማቄዴ?
LUK 3:8 ስም ህንተንቱ ናጋራፐ ስሜዳዋንቶ በስያ አይፍያ አይፍተ። ህንተንቱ ዎዛናን አብራሃሞ ኑ አቡ ደኤ ጎፕተ። ጾሳይ አብራሃሞ ናና ሀ ሹቻቱዋፐ ደንꬃናዉ ዳንዳዬ ያጋደ ታን ህንተንቶ ኦዳይ።
LUK 3:9 ሀእ ኡባ ቤጽ ምꬃ ጻጱዋን ቃንጻናዉ ጊግ ኡቴዳ፤ ስም ሎኦ አይፍያ አይፈና ምꬃይ ኡባይ ቃንጸቲደ ታማን ኦለታናዋ።”
LUK 3:10 “ያትና ሀእ ኑ አያ ኡዳኔ?” ያጊደ አ ጮራ አሳይ ኦቼዳ።
LUK 3:11 ዮሃንስካ፥ “ላኡ ማዩ ደእያዌ ባይናዎ እሞ፤ ቁማይ ደእያዌካ ባይናዎ ግሾ” ያግ ዛሬዳ።
LUK 3:12 ቃራጻ ሺሽያዋንቱካ ጻማቀታናዉ ዪደ፥ “ታማርስያዎ፥ ኑ አያ ኡዳኔ?” ያግ ኦቼድኖ።
LUK 3:13 እ ኡንቱንቶ፥ “ጌተቶዋፐ አꬎ ቃራጻ አꬅ ሺሾፕተ” ያግ ኦዴዳ።
LUK 3:14 ሄዋፐ ካላ ዎታዳራቱ፥ “ኑንሽ፥ አያ ኡዳኔ?” ያግ አ ኦቼድኖ። ዮሃንስካ፥ “አሳ ሻሉዋ ናቁዋን ቦንቂ አኮፕተ፥ ኦናነ ዎርዱዋን ሞቶፕተ፥ ህንተንቱ ድርጉ ህንተንቶ ግዳና” ያግ ዛሬዳ።
LUK 3:15 ሄ ዎደ አሳይ ኡባይ ክርስቶሳ ዩሳ ናጊደ ደእያ ድራዉ ዮሃንሳ፥ “ሀዌካ ክርስቶሳ ግደናን አተና” ያጊደ ባረንቱ ዎዛናን ማሌድኖ።
LUK 3:16 ዮሃንስ ኡባቱዋካ፥ “ታን ሃꬃን ጻማቃይ፤ ግዶፐ አትን ታፐ ዎልቃማይነ ታንካ አ ጫማ ቃሹዋ ብላና ዳንዳየናዌ ብሮ ያናዋ፤ እካ አያና ጌሻንነ ታማን ጻማቃናዋ፤
LUK 3:17 አ ኩሽያን ካꬃ ዳላፐ ሻክ ጌሽያ ላይዳይ ደኤ። ካꬃ ኡዱማን ቡኮዋ ጌሽ ፑኒደ አይፍያ ድይያን ቆሌ፤ ሽን ዳላ ቶኤና ታማን ጉዴ።”
LUK 3:18 ዮሃንስካ ሀራ ጮራ ቃላን ጮራ አሳ ማቂደ ምሽራቹዋ ቃላ ኦዴዳ።
LUK 3:19 ጋሊላ ሞድያ ሄሮድሳ ቃይ ባረ እሻ ፕልጶሳ ማቻቶ ሄሮድያዶ እ አኬዳ ድራዉነ ሀራካ ጮራ ኢታ ኪታ ኪተቶ ድራዉ፥ ዮሃንስ ሴሬዳ።
LUK 3:20 ሀዋ ድራዉ ሀ ኡባ ጉጂደ ሄሮድሰ ዮሃንሳ ቃሾ ጎለ ገልሴዳ።
LUK 3:21 አሳይ ኡባይ ጻማቀት ስሞዋፐ ጉይያን የሱስ ጻማቀቴዳ። እ ዎስ ደእሽንካ ሳሉ ዶየት አጌዳ።
LUK 3:22 ጌሻ አያናይካ ሀራጵያ ማላቲደ አ ቦላን ዎꬌዳ። ሳሉዋፐካ፥ “ታ ዶስያ ናአይ ኔና፤ ኔናን ታን ናሸታይ” ያግያ ቃላይ ዬዳ።
LUK 3:23 የሱስ ታማርሱዋ ዶሞደ አዉ ሀታሙ ላይꬃ ግዴዳ፤ ጮራ አሳይካ ባረንቶ ማላቶዋዳን አ ዮሴፎ ናኣ ያጊኖ፤ ዮሴፎ ኤለ ናኣ፤
LUK 3:24 ኤለ ማተ ናኣ፤ ማተ ሌዊያ ናኣ፤ ሌዊ ምልከ ናኣ፤ ምልከ ዮና ናኣ፤ ዮን ዮሴፎ ናኣ፤
LUK 3:25 ዮሴፎ ማታትያ ናኣ፤ ማታት አሞጸ ናኣ፤ አሞጸ ናሆመ ናኣ፤ ናሆመ ኤስሊመ ናኣ፤ ኤስሊመ ናገ ናኣ፤
LUK 3:26 ናገ ማኣተ ናኣ፤ ማኣተ ማታትዩ ናኣ፤ ማታትዩ ሴመየ ናኣ፤ ሴመይ ዮሴፎ ናኣ፤ ዮሴፎ ዮዳ ናኣ፤
LUK 3:27 ዮድ ዮናና ናኣ፤ ዮናን ሬሰ ናኣ፤ ሬሰ ዘሩባቤላ ናኣ፤ ዘሩባቤል ሳላትያላ ናኣ፤ ሳላትያለ ኔለ ናኣ፤
LUK 3:28 ኔል ምልከ ናኣ፤ ምልከ ሃደ ናኣ፤ ሃደ ዮሳሰ ናኣ፤ ዮሳሰ ቆሳማ ናኣ፤ ቆሳም ኤልማዶመ ናኣ፤ ኤልማዶመ ኤረ ናኣ፤
LUK 3:29 ኤረ ዮሴኤ ናኣ፤ ዮሴኤ፥ ኤልኤዘራ ናኣ፤ ኤልኤዘረ፥ ዮራመ ናኣ፤ ዮራም ማጻተ ናኣ፤ ማጻተ ሌዊያ ናኣ፤
LUK 3:30 ሌዊ ስሞና ናኣ፤ ስሞነ ይሁዳ ናኣ፤ ይሁዳይ ዮሴፎ ናኣ፤ ዮሴፎ ዮናና ናኣ፤ ዮናን ኤልያቄማ ናኣ፤
LUK 3:31 ኤልያቄም ሜልያ ናኣ፤ ሜልየ ማይናና ናኣ፤ ማይናን ማጻተ ናኣ፤ ማጻተ ናታነ ናኣ፤ ናታነ ዳዊተ ናኣ፤
LUK 3:32 ዳዊተ እሰይ ናኣ፤ እሰይ እዮቤዳ ናኣ፤ እዮቤድ ቦኤዛ ናኣ፤ ቦኤዝ ሳልሞና ናኣ፤ ሳልሞን ናህሾና ናኣ፤
LUK 3:33 ናህሾን አምናዳባ ናኣ፤ አምናዳብ ራማ ናኣ፤ ራም አሪና ናኣ፤ አሪናይ ሄዝሮና ናኣ፤ ሄዝሮን ፐሬዛ ናኣ፤ ፐሬዝ ይሁዳ ናኣ፤
LUK 3:34 ይሁዳይ ያቆባ ናኣ፤ ያቆብ ይሳቃ ናኣ፤ ይሳቅ አብራሃሞ ናኣ፤ አብራሃሞ ታራ ናኣ፤ ታር ናኮራ ናኣ፤
LUK 3:35 ናኮር ሴሮሄ ናኣ፤ ሴሮህ ራጋዋ ናኣ፤ ራጋው ፐለጋ ናኣ፤ ፐለግ አቤራ ናኣ፤ አቤር ሳላ ናኣ፤
LUK 3:36 ሳል ቃይናና ናኣ፤ ቃይናን አርፋክሲደ ናኣ፤ አርፋክሲደ ሴመ ናኣ፤ ሴም ኖሄ ናኣ፤ ኖሄ ላሜሄ ናኣ፤
LUK 3:37 ላሜህ ማቱሳላ ናኣ፤ ማቱሳል ሄኖከ ናኣ፤ ሄኖክ ያሬዳ ናኣ፤ ያሬድ ማላልኤላ ናኣ፤ ማላልኤል ቃይናና ናኣ፤
LUK 3:38 ቃይናን ሄኖሳ ናኣ፤ ሄኖስ ሴተ ናኣ፤ ሴት አዳማ ናኣ፤ አዳም ጾሳ ናኣ።
LUK 4:1 የሱስ ጌሻ አያናን ኩሚደ ዮርዳኖሳ ሻፋፐ ስሜዳ፤ አያናን መላ ሳኣ ካለሰቲደ ቤዳ።
LUK 4:2 ሄዋን ኦይታሙ ጋላሳ ዳብሎሳን ፓጨቴዳ። ሄ ጋላሳቱዋን አያነ ምቤና ድራዉ ዉርሰꬃ ፖሉዋ ሄራን እ ኮሻቴዳ።
LUK 4:3 ዳብሎስካ፥ “ኔን ጾሳ ናኣ ግዶፐ ሀ ሹቻ፥ ‘ኡክꬃ ግዳ’ ጋደ አዛዛ” ያጌዳ።
LUK 4:4 የሱስካ፥ “ ‘አሳይ ጾሳ ቃላ ኡባፐ አትን ኡክꬃ ጻላላን ደኤና’ ጌተት ጾሳ ቃላን ጻፈቴዳ” ያግ ዛሬዳ።
LUK 4:5 ዳብሎስካ ꬎቃ ግዴዳ ደርያ የሱሳ ከሲደ አላምያ ካዉተꬃ ኡባ ልጶ አይፊ ስማናዉ በሴዳ።
LUK 4:6 ዳብሎስካ፥ “ሀ ካዉተꬃ ማታይነ ቦንቹ ኡባይ ታዉ እመቴዳ። ታን ታ ዶስያ ኦስነ እማና፤ ነዉካ እማና።
LUK 4:7 ሄዋ ግድያ ድራዉ፥ ነ ታ ስንꬃን ታዉ ጎይኖፐ ሀ ኡባይ ኔሳ ግዳናዋ” ያጌዳ።
LUK 4:8 የሱስካ ዛሪደ፥ “ ‘ጎዳ ጾሳዉ ጎይና፥ አ ጻላላ ጎዳያ’ ጌተት ጾሳ ቃላን ጻፈቴዳ” ያጌዳ።
LUK 4:9 ዳብሎስካ የሱሳ የሩሳላመ አፊደ ጌሻ ጎልያ ሁጲያ ከሲደ፥ “ ‘ጾሳይ ኔና ናጋና ማላ፥ ኪታንቻቱዋ ኪታናዋ፥ ኡንቱንቱካ ነ ገዲ ሹቻን ꬉበተና ማላ፥ ባረንቱ ኩሽያን ኔና ደንꬃናዋንታ’ ያገቲደ፥ ጌሻ ማጻፋን ጻፈቴዳ፤ አነ ኔን ጾሳ ናኣ ግዶፐ፥ ሀዋፐ ዱገ ኔና ኦላ” ያጌዳ።
LUK 4:12 የሱስካ ዛሪደ፥ “ ‘ነ ጎዳ ጾሳ ፓጮፓ’ ጌተቴዳ” ያጌዳ።
LUK 4:13 ዳብሎስካ ፓጭያ ኡባ ዉርሶዋፐ ጉየ ጉꬃ ዎደዉ የሱሳፐ ሻከቴዳ።
LUK 4:14 የሱስካ አያና ዎልቃን ጋሊላ ጋድያ ስሜዳ። አ ዋሪካ ዩሹዋን ደእያ ኡባ ጋኬዳ።
LUK 4:15 የሱስካ አይሁዳቱዋ ዎሳ ጎልያን ታማርሲደ አሳን ኡባን ጋላተቴዳ።
LUK 4:16 እ ባረ ድጮ ካታማ ናዝሬተ ዬዳ፤ ካሰ ኦꬅያዋዳንካ ሳምባታ ጋላስ አይሁዳቱዋ ዎሳ ጎለ ገሊደ ናባባናዉ ደንዲደ ኤቄዳ።
LUK 4:17 ናብያ ኢስያሳ ን ጻፈቲደ ጻጸቴዳ ማጻፋ አዉ እሜድኖ። ሄ ማጻፋ ብሊደ: “ታን ህየሳቶ ምሽራቹዋ ኦዳናዉ ኦከቴዳ ድራዉ ጎዳ አያናይ ታ ቦላን ደኤ። ቃሸቴዳዋንቶ ብለꬃ፥ ቆቃቶ ጼላና ማላ ኦዳናዉ፥ ቃይካ ናቀቴዳዋንታ ናቁዋፐ ከሳና ማላ ዶሰቴዳ ጎዳ ላይꬃ ኦዳና ማላ፥ ታና ኪቴዳ” ጌተት ጻፈቴዳሳ ደሜዳ።
LUK 4:20 ማጻፋካ ጻጺደ አይሁዳቱዋ ዎሳ ጎልያን ኦꬅያዎ እሚደ ኡቴዳ። አይሁዳቱዋ ዎሳ ጎልያን ደእያ አሳይ ኡባይ አ ጫድ ጼሌዳ።
LUK 4:21 የሱስካ፥ “ሀቼ ህንተዉ ናባበትና ህንተንቱ ስሴዳ ቃላይ ፖለቴዳ” ያጌዳ።
LUK 4:22 ኡባይ አዉ ማርካቴድኖ። አ ዶናፐ ከስያ አꬎ ኬካተꬃ ቃላፐ ደንዴዳዋን ማላለቲደ፥ “ሀዌ ዮሴፎ ናኣ ግደኔ?” ጌድኖ።
LUK 4:23 የሱስካ ስ ባንታን ሀ ሌምሱዋን፥ “ህንተንቱ ታዉ ‘ꬋልያ ጎዳዉ፥ ነ ሁጲያ ፓꬃ፥ ኔን ቅፍርናሆማን ኦꬅና ኑ ስሶዋ ኡባ ሀ ነ ካታማንካ ቃይ ኦꬃ’ ያጊደ ኦዲታ” ያጌዳ።
LUK 4:24 ቃይካ፥ “ቱሙዋ ያጋይ፥ ናቢ ባረ የለቶ ጋድያን ጋማካ ቦንቼተና።
LUK 4:25 “የዉዋን ቃይ ቱሙዋ ኦዳይ: ኤላሳ ዎድያን ሄዙ ላይꬃነ ኡሱፑን አገና እራይ ቡከናን እጽና ሳኣ ኡባን ዎልቃማ ኮሻይ ገሌዳ ዎደ፥ እስራኤለን ጮራ አምአቱ ደኢኖ።
LUK 4:26 ኤላስካ ሲዶና ጋድያን ደእያ ሰራፍታ ሄራ እት አምአትኮ ኪተቴዳፐ አትን ኦኮነ ኪተትቤና።
LUK 4:27 ናብያ ኤልሳአ ዎድያንካ እስራኤልያን ጮራ ኦሉዋ ሀርግያን ኦይቀቴዳዋንቱ ደኢኖ፤ ሶርያ ቢታን ደእያ ንእማነፐ አትን ኡንቱንቱፐ ኦንነ ፓጽ ቤና” ያጌዳ።
LUK 4:28 አይሁዳቱዋ ዎሳ ጎልያን ደእያዋንቱ ኡባቱ ሀዋ ስሲደ ዳርሲደ ሀንቀቴድኖ።
LUK 4:29 ኡንቱንቱ ደንዲደ የሱሳ ካታማፐ ጋጻ ከሲደ ዱገ ኦላናዉ ካታማይ ኬጸቴዳ ደርያ ሁጲያ አፌድኖ።
LUK 4:30 ሽን የሱስ ኡንቱንቱ ግዱዋና አꬊደ ቤዳ።
LUK 4:31 ሄዋፐ ጉይያን የሱስ ጋሊላ ጋድያን ደእያ ቅፍርናሆማ ካታማ ቤዳ። ሳምባታ ጋላሳንካ አሳ ታማርሴዳ።
LUK 4:32 እ ታማርስያ ትምርቲ ማታን ግድያ ድራዉ ስሴዳ አሳይ ኡባይ ማላለቴድኖ።
LUK 4:33 አይሁዳቱዋ ዎሳ ጎልያን ኢታ አያናይ ኦይቄዳ ብታኒ ደኤ፤ ባረ ኮሻ ꬎቁ ኦꬅ ዋሲደ፥
LUK 4:34 “ሀያ ጎዶ አጋርኪ ናዝሬትያ የሱሳ፤ ኑዉ ኔናና አይ እትፐተꬃይ ደኢ? ኑና ባይዛናዉ ያድ? ኔን ኦነንቶ ኤራድ፤ ኔን ጾሳ አዉ ኪቴዳ ጌሻ ግድኪ!” ያጌዳ።
LUK 4:35 የሱስካ፥ “ጮኡ ጋ፥ አፐካ ከሳ” ያግ ሴሬዳ። ኢታ አያናይ ብታንያ ኡንቱንቱ ግዱዋን ኩንድሲደ አይነ ቆሄናን አፐ ከሴዳ።
LUK 4:36 አሳይ ኡባይ ማላለቲደ እቱ እቶ፥ “ሀዌ አያ ቃሌ? ባረዉ ደእያ ማታንነ ዎልቃን ኢታ አያናቱዋ ሴሬ፤ ቃይ ኢታ አያናይካ ከሴ” ያጊደ ሃሳዬድኖ።
LUK 4:37 አ ዋሪካ ሄ ዩሹዋን ደእያ ጋድያ ኡባ ጋኬዳ።
LUK 4:38 የሱስ አይሁዳቱዋ ዎሳ ጎልያፐ ደንዲደ ስሞና ጎልያ ገሌዳ፥ ስሞና ቦሎታታ ዎልቃማ ቆጹዋ ሀርግያን ሀርገታደ ግሴዳዉንዉ የሱስ እዞ ፓꬃናዳን አሳይ አ ዎሴዳ።
LUK 4:39 እ ማታን ኤቂደ ቆጹዋ ሀርግያ ሴርና፥ ሀርጊ የዲሼዳ፤ ሄ ዎድያንካ ደንዳደ ኡንቱንቶ ኪተታዱ።
LUK 4:40 አዋይ ዉሎ ዎድያን ዱማ ዱማ ሀርግያን ኦይቀቴዳ ሀርጋንቻቱዋ ኡባ አኮ አሄድኖ፤ እካ እቱዋ እቱዋ ቦላ ባረ ኩሽያ ዎꬂደ ፓꬄዳ።
LUK 4:41 ኢታ አያናቱካ፥ “ኔን ክርስቶሳ ጾሳ ናኣ” ያግ ዋሲደ ጮራ አሳፐ ከሴድኖ። እ ክርስቶሳ ግዶዋ ኡንቱንቱ ኤሬዳ ድራዉ ሃሳየና ማላ ድጌዳ።
LUK 4:42 ሳአይ ዎንቶ ዎደ አሳይ ባይናሳ ቤዳ፤ አሳይ ኡባይ አ ኮዪደ እ ደኢያሳ ዬድኖ። ባረንቱፐ ሻከት ቤናዳን ድጋናዉ ኮዬድኖ።
LUK 4:43 እ ቃይ፥ “ህን ሀራ ካታማቶ ባደ ጾሳ ካዉተꬃ ምሽራቹዋ ቃላ ኦዳናዉ ኮሼ፤ ታን ኪተቴዳዌ ሀዋ ድራሳ” ያጌዳ።
LUK 4:44 ጋሊላን ደእያ አይሁዳቱዋ ዎሳ ጎለን ቃላ ታማርሲደ ጋምኤዳ።
LUK 5:1 እት ጋላስ የሱስ ገንሳሬጸ አባ ጋጻን ኤቂደ ደእሽን ጮራ አሳይ አኮ ሺቂደ ጾሳ ቃላ ስሳናዉ ሱገት ደኢኖ።
LUK 5:2 ሄ ዎደ ላኡ ዎንግራቱ አባ ጋጻን ኤቆዋ እ በኤዳ፤ ሞልያ ጲርያዋንቱ ቃይ ዎንግራቱዋፐ ዎꬊደ ባረንቱ ዳባ ሜጭ ደኢኖ።
LUK 5:3 የሱስ ዎንግራቱዋ ግዶፐ ስሞናዉኖ ግዴዳዉንን ገሊደ ሳኣፐ ያ አባኮ ጉꬃ ሺሻናዳን ኦቼዳ። ሄዋፐ ጉየ ዎንግርያ ቦላን ኡቲደ አሳ ታማርሱዋ ዶሜዳ።
LUK 5:4 ታማርሱዋ በꬆዋፐ ጉይያን ስሞና፥ “ዎንግርያ ያ አባ ጪሙዋኮ ሺሽተ፤ ህንተንቱ ዳባካ ሞልያ ጲራናዉ ኦልተ” ያጌዳ።
LUK 5:5 ስሞንካ፥ “ጎዳዉ፥ ቃማ ኩመንꬃ ዳቡር አቂደ አይነካ ኦይቂበይኮ፤ ሽን ሀእ ኔን ጎዋዳን ዳባ ኦሌቶ” ያግ ዛሬዳ።
LUK 5:6 ሄዋዳንካ ኦꬄዳ ዎደ፥ ዳሮ ጮራ ሞልያ ኦይቄድኖ። ኡንቱንቱ ዳባቱካ ዱጸረታናዉ ሀኔድኖ።
LUK 5:7 ሀራ ዎንግርያን ደእያ ላገꬃቱ ዪደ ማዳናዳን ዉቴድኖ፤ ኡንቱንቱ ላኡ ዎንግራቱዋንካ ሞልያ ኩንꬅና ዎንግራቱ ምተቱሳ ዶሜድኖ።
LUK 5:8 ስሞን ጰጽሮስካ ሀዋ በኤዳ ዎደ የሱሳ ጉልባታን ኩንዲደ፥ “ጎዳዉ፥ ታን ናጋራንቻ አሳ ግዶ ድራዉ ታፐ ሻከታ” ያጌዳ።
LUK 5:9 ሀዋ ጌዳዌ እነ አናና እትፐ ደእያዋንቱ ኡባይ ባረንቱ ኦይቄዳ ሞልያ ጮራተꬃን ማላለቴድኖ።
LUK 5:10 ሄዋዳንካ ቃይ ስሞና ላገꬃ ግዴዳዋንቱ ዛብድዮሳ ናናቱ ያቆብነ ዮሃንስ ማላለቴድኖ። የሱስካ ስሞና፥ “ያዮፓ ሀዋፐ ጉይያን አሳ ጲርያዋ ግዳናሳ” ጌዳ።
LUK 5:11 ኡንቱንቱካ ዎንግራቱዋ ሃꬃፐ ጋጻ ከሲደ፥ ኡባባ አጊደ የሱሳ ካሌድኖ።
LUK 5:12 የሱስ ካታማቱዋፐ እቱዋን ደእሽን ኦሉ ቦላ ኡባ ሜዳ ብታኒ ደእያዌ የሱሳ በኢደ አ ስንꬃንካ ኩንዲደ፥ “ጎዳዉ፥ ኔን ኮዮፐ ታና ፓꬃናዉ ዳንዳያ” ያጊደ ዎሴዳ።
LUK 5:13 የሱስካ ባረ ኩሽያ የድ ቦቺደ፥ “ዶሳይ ጌያ!” ጌዳ። ሄማንእያንካ ኦሉ አ የዴዳ።
LUK 5:14 የሱስ አ፥ “ሀዋ ኦስነ ኦዶፓ። ሽን ቄሳኮ ባደ ኔና በሳ። ሄዋፐ ጉየ ኦሉዋ ሀርግያፐ ፓጼዳዎ ማርካ ግዳናዳን ሙሴ ህግያን አዛዘቴዳ ያርሹዋ ሺሻ” ጌዳ።
LUK 5:15 ግዶ ሽን አ ዋሪ ሎይꬅ አኪደ ቤዳ፤ ዳሮ ጮራ አሳይካ የሱስ ኦድያዋ ስሳናዉነ ባረንቱ ሀርግያፐ ፓጻናዉ ሺቄድኖ።
LUK 5:16 የሱስ ጮራ ዎደ ጌማሳ ቢደ ዎሴ።
LUK 5:17 እት ጋላስ የሱስ ታማርሲደ ደእሽን ጋሊላፐነ ይሁዳ ሄራ ኡባፐ፥ የሩሳላመ ዬዳ ፓርሳዋቱነ ህግያ ታማርስያዋንቱ ኡት ደእሽን ሀርጋንቻቱዋ ፓꬃና ማላ ጾሳ አዉዋ ዎልቃይ አዉ እመቴዳ።
LUK 5:18 ሄ ዎደ ቦላይ ስሌዳ እት ብታንያ አማሬዳ አሳይ ሻንቻማን ቶክ አህ ጎለ ገልሲደ የሱሳ ስንꬃን ዎꬃናዉ ኮዬድኖ።
LUK 5:19 አሳ ጮራተꬃፐ ደንዴዳዋን የሱሳኮ ሺቃናዉ ዳንዳይበይክኖ። ሄዋ ድራዉ ቦላዉ ግእ ጎልያ ካራ ቃሪደ አ፥ ሻንቻማና አሳ ግዶን የሱሳ ስንꬃን ዎꬄድኖ።
LUK 5:20 የሱስካ ኡንቱንቱ አማኑዋ በኢደ፥ “ሀ ብታነዉ፥ ነ ናጋራይ አቶ ጌተቴዳ” ያጌዳ።
LUK 5:21 ሙሴ ህግያ ታማርስያዋንቱነ ፓርሳዋቱ፥ “ሀዌ ጾሳ ቦርያዌ ኦኔ? እት ጾሳፐ አትን ናጋራ አቶ ጋናዉ ኦን ዳንዳዪ?” ያግ ቆፋ ዶሜድኖ።
LUK 5:22 የሱስካ ኡንቱንቱ ቆፋ ኤሮ ድራዉ ሀዋዳን ጌዳ፥ “አያዉ ህንተንቱ ዎዛናን ሀዋዳን ቆፒቴ?
LUK 5:23 ‘ነ ናጋራይ አቶ ጌተቴዳ’ ጋናዋፐነ ‘ደንዳደ ባ’ ጋናዋፐ ሀቃዌ ማቴ?
LUK 5:24 የዉዋን ቃይ ሀዋ ታን ጌዳዌ፥ አሳ ናአይ ቢታ ቦላን ናጋራ ማራናዉ ማታይ ደእያዋ ህንተንቱ ኤራናዳና።” ሄዋፐካ ጉንዴዳ ብታንያ፥ “ደንዳ ነ ሻንቻማ ቶካደ ነ ጎለ ባ ጋይ” ያጌዳ።
LUK 5:25 ጉንዳይካ አሳ ስንꬃን ደንዶዋሽን ባረ ሻንቻማ ቶኪደ ጾሳ ጋላቲደ ባረ ሶይ ቤዳ።
LUK 5:26 ሀ ዎደ ኡባቱካ ዳሪ ማላለቴድኖ፤ ጾሳካ ጋላቲደ፥ “ሀቼ ማላባ በኤዶ” ያጊደ ያሻን ኩሜድኖ።
LUK 5:27 ሄዋፐ ጉይያን የሱስ ከሲደ ቤዳ፤ ሌዊያ ጌተትያ ቃራጻ ሺሽያዌ፥ ቃራጻ ሺሽያሳን ኡቶዋ በኢደ፥ “ታና ካላ” ጌዳ።
LUK 5:28 እካ ደንዲደ ኡባባ አጊደ አ ካሌዳ።
LUK 5:29 ሄዋፐ ስሚደ ሌዊ ባረ ጎለን ዳሮ ሾብያ ጊግሴዳ፤ ጮራ ቃራጻ ሺሽያዋንቱነ ሀራ ጮራ አሳይካ ኡንቱንቱና ኡቲደ ም ደኢኖ።
LUK 5:30 ፓርሳዋቱነ ህግያ ታማርስያ፥ ኡንቱንቱና ኦꬅያዋንቱ፥ የሱሳ ካልያዋንቱ ቦላን፥ “አያዉ ቃራጻ ቃንጽያዋንቱናነ ናጋራንቻቱዋና ሚቴኔ ኡሺቴ?” ያጊደ ዙዙሜድኖ።
LUK 5:31 የሱስካ፥ “ሀርጋንቻ አሳፐ አትን ፓጻ አሳዉ አክምያ ኮሸና።
LUK 5:32 ታን ዬዳዌ፥ ናጋራንቻቱ ባረንቱ ናጋራ ፓጺደ ስማናዳናፐ አትን፥ ጽላቱዋ ጼሳናዉ ያበይከ” ያግ ዛሬዳ።
LUK 5:33 ሀዋፐ ጉይያን የሱሳ፥ “ዮሃንሳ ካልያዋንቱነ ፓርሳዋቱዋ ካልያዋንቱ ኡባ ዎደ ጾሚኖነ ዎሲኖ፤ ሽን ኔና ካልያዋንቱ ቃይ ኡባ ጋላስ ሚኖነ ኡሺኖ” ያጊደ ኦቼድኖ።
LUK 5:34 የሱስካ፥ “ምሽራይ ኡንቱንቱና ደእሽን ምያታቱ ጾማናዉ ዳንዳዪኖ?
LUK 5:35 የዉዋን ቃይ ምሽራይ ኡንቱንቱፐ ሻከቲደ ባና ዎዲ ያናዋ፤ ሄ ዎደ ጾማናዋንታ” ያግ ዛሬዳ።
LUK 5:36 የሱስካ ካልያ ሌምሱዋ ኦዴዳ: “ኦራꬃ ማዩዋፐ ፔꬍ አኪደ ኤጫ ማዩዋ ቦላን ፕያዌ ባዋ፤ ጋሱካ ሀዋዳ ኦꬆፐ ኦራꬃ ማዩዋ ፔꬌ፤ ኦራꬃ ፊካ ኤጫ ማዩዋን ጊገና።
LUK 5:37 ሀዋዳንካ ኤጬዳ ጭልግያን ኦራꬃ ዎይንያ ኤሳ ዎꬅያዌ ባዋ፤ ዎꬆፐ ቃይ ኦራꬃ ዎይንያ ኤሳይ ጭልግያ ꬉሴ፤ ኤሳይካ ጉኬ፤ ጭልጋይካ ባዬ።
LUK 5:38 ኦራꬃ ዎይንያ ኤሳ፥ ኦራꬃ ጭልግያን ዎꬃናዉ በሴ።
LUK 5:39 ኤጫ ዎይንያ ኤሳ ኡሺደ ኦራꬃ ኮይያዌ ኦንነ ባዋ፤ ጋሱካ ኤጫይ ማልኤ ግያ ድራዉ።”
LUK 6:1 ሳምባታ ጋላስ የሱስ ባረና ካልያዋንቱና እትፐ እት ጎሻ ግዱዋና አꬍያ ዎደ አ ካልያዋንቱ ዛርጋፐ ትሻ ዱꬂደ ባረንቱ ኩሽያን ሽገቺደ ሙሳ ዶሜድኖ።
LUK 6:2 ፓርሳዋቱዋ ግዶፐ፥ “ሳምባታ ጋላሳን ኦꬃናዉ ዎጋ ግደናዋ አያዉ ኦꬂቴ?” ያጌድኖ።
LUK 6:3 የሱስ፥ “ካትያ ዳዊተነ እትፐ ደእያዋንቱ ኮሻቴዳ ዎደ ኦꬄዳዋ ናባብ በይክቴ?
LUK 6:4 ዳዊተ ጾሳ ጎልያ ገሊደ ቄሳቱዋፐ አትን ሀራ አሳይ ሜናዳን ድገቴዳ፥ ጾሳዉ ያርሸቴዳ ቁማ ሜዳ። እትፐ ደእያዋንቱካ እ እምናደ ሜድኖ” ያግ ዛሬዳ።
LUK 6:5 ሀዋፐ ካሊደ የሱስ፥ “አሳ ናአይ ሳምባታዉ ጎዳ!” ጌዳ።
LUK 6:6 ሀራ ሳምባታ ጋላሳን የሱስ አይሁዳቱዋ ዎስያ ጎልያ ገሊደ ታማርስ ደኤ። ሄዋንካ ኡሸቻ ኩሺ ስሌዳ ብታኒ ደኤ።
LUK 6:7 ህግያ ታማርስያዋንቱነ ፓርሳዋቱ የሱሳ ሞትያ ጋሱዋ ደማናዉ እ ሳምባታን አሳ ፓꬆፐ በአና ጊደ ናግ ደኢኖ።
LUK 6:8 እካ ኡንቱንቱ ቆፋ ኤሪደ ኩሺ ስሌዳ ብታንያ፥ “ደንዳ አሳ ግዱዋን ኤቃ” ያጌዳ። ብታኒካ ደንድ ኤቄዳ።
LUK 6:9 ሄዋፐ ስሚደ የሱስ፥ “ሀንንቶነ ሳምባታ ጋላሳን ሎኦባ ኦꬃናዉ በሲዬ ኢታባ ኦꬃናዉ በሲ? ሸምፑዋ አሻናዉ በሲዬ ዎꬋናዉ በሲ?” ያጌዳ።
LUK 6:10 የሱስ ባረ ዩሹዋን ደእያ አሳ ኡባ ጼሎዋፐ ጉይያን ብታንያ፥ “ነ ኩሽያ ምጫ!” ያጌዳ። እካ ምጪደ ፓጼዳ።
LUK 6:11 ኡንቱንቱ ሎይꬅ ሀንቄቲደ የሱሳ ቦላ ኦꬃናዋ ባረንቱ ግዶን ማቀቴድኖ።
LUK 6:12 ሄ ዎድያን የሱስ ደርያ ቦላ ዎሳናዉ ከሴዳ፤ ሄዋንካ ቃማ ኩመንꬃ ጾሳኮ ዎሲደ አቄዳ።
LUK 6:13 ሳአይ ዎንቶዋን ባረና ካልያዋንታ ጼሴዳ። ሄዋንቱፐካ ታማነ ላአቱዋ ዶሪደ፥ “ኪተቴዳዋንታ” ያጊደ ሱንꬄዳ።
LUK 6:14 ኡንቱንቱ ሱንꬃይካ: ጰጽሮሳ ጊደ እ ሱንꬄዳ ስሞና፥ አ እሻ እንድራሳ፥ ያቆባ፥ ዮሃንሳ፥ ፕልጶሳነ ባርታላሞሳ፥
LUK 6:15 ማቶሳ፥ ቶማሳ፥ እልፕዮሳ ናኣ ያቆባ፥ ባረ ጋደዉ ሴለትያ ስሞና፥
LUK 6:16 ያቆባ ናኣ ይሁዳነ የሱሳ አꬅ እሜዳ አስቆሮቱ ይሁዳ።
LUK 6:17 የሱስካ ኡንቱንቱና እትፐ ደርያፐ ዎꬊደ ደምባሳን ኤቄዳ። አ ካልያዋንቱፐካ ጮራ አሳይ ሄዋን ደኤ። ቃይካ አፐ ስሳናዉነ ባረንቱ ሀርግያፐ ፓጻናዉ ይሁዳ ጋድያፐ፥ የሩሳላመ ካታማፐ፥ አባ ማታን ደእያ ጺሮሳፐነ ሲዶናፐ ዬዳ ጮራ አሳይ ሄዋን ደኢኖ።
LUK 6:18 ሀ አሳይካ አ ስሳናዉነ ባረንቱ ሀርግያፐ ፓጻናዉ ዬድኖ። ቱና አያናን ኦይቀቲደ መቶትያዋንቱካ ፓጼድኖ።
LUK 6:19 ዎልቃይ አፐ ከሲደ ኡባ ፓꬅያ ድራዉ አሳይ ኡባይ አ ቦቻናዉ ኮዬ።
LUK 6:20 ባረና ካልያዋንታ ጼሊደ ያጌዳ: “ህንተንቱ ማንቃቱ አንጀቴዳዋንታ፤ አያዉ ጎፐ፥ ጾሳ ካዉተꬃይ ህንተንቱዋ።
LUK 6:21 ህንተንቱ ሀእ ኮሻትያዋንቱ አንጀቴዳዋንታ፤ ግድን ካላንታ፤ ህንተንቱ ሀእ ዬክያዋንቱ አንጀቴዳዋንታ፤ ግድን ሚጫንታ።
LUK 6:22 “አሳ ናኣ ድራዉ ህንተንታ አሳይ እጽያ ዎደነ ቶችያ ዎደ፥ ህንተንቱ ሱንꬃካ ኢታን ደንꬅያ ዎደ፥ አንጀቴድታ።
LUK 6:23 ሳሉዋን ህንተንቱ አካና ዎይታይ ዳራ ግድያ ድራዉ ሄ ጋላስ ናሸቻን ጉፕተ፤ ጋሱካ ካሰ ህንተንቱ አዎቱ ናባቱዋ ቦላን ሀዋዳን ኦꬂደ ደኤድኖ።
LUK 6:24 “የዉዋን ቃይ፥ ዱረ አሳቶ ህንተንቶ አየ፤ ህንተንቱ እሻሎ ደኡዋን ደኤድታ።
LUK 6:25 ህንተንቶ ሀእ ካሌዳዋንቶ አየ፤ ግድን ኮሻታንታ፤ ህንተንቶ ሀእ ሚጭያዋንቶ አየ፤ ግድን ካዮታንታነ ዬካንታ።
LUK 6:26 አሳይ ኡባይ ህንተንቱ ሎኦተꬃባ ሃሳይያ ዎደ፥ ህንተንቶ አየ፤ ካሰ ህንተንቱ አዎቱ ዎርዶ ናባቶ፥ ሀዋዳን ኦꬄድኖ።
LUK 6:27 “ሽን ታን ኦድያዋ ስስያዋንቶ ያጋይ: ህንተንቱ ሞርከቱዋ ዶስተ፤ ህንተና እጽያዋንቶ፥ ሎኡዋ ኦꬅተ፤
LUK 6:28 ህንተና ሸቂያዋንታ አንጅተ፥ ህንተና ናቂያዋንቶ፥ ዎስተ።
LUK 6:29 እት ባጋ ሻይያ ባቂያዎ፥ ላኤንꬁዋካ በሳ፤ ኦንነ ነ ኮትያ አክያዎ፥ ነ ሻምጭያካ ድጎፓ።
LUK 6:30 “ነዉ ደእያዋ ኔና ዎስያዎ፥ እማ፤ ነዋ አኬዳዋ፥ ዛራ ጋደ ኦቾፓ።
LUK 6:31 አሳይ ህንተንቶ ኦꬃና ማላ ህንተንቱ ዶስያዋዳን፥ ህንተንቱካ ሀራዉ ሀዋዳን ኦꬅተ።
LUK 6:32 “ህንተንታ ዶስያዋንታ ጻላላ ዶሶፐ አይ ጋላታይ ደኢ? ሀዋ ግዶፐ ናጋራንቻቱካ ባረና ዶስያዋንታ ዶሲኖ።
LUK 6:33 ህንተንቶ ሎኦባ ኦꬅያዋንቱ ጻላላዉ ህንተንቱ ሎኦባ ኦꬆፐ ሄዎ አይ ጋላታይ ደኢ? ናጋራንቻቱካ ሀዋዳን ኦꬂኖ።
LUK 6:34 ታልኢደ ህንተዉ ዛራናዉ ዳንዳይያዋንቱ ጻላላዉ ታልኦፐ አይ ጋላታይ ደኢ? ባረ ታልኤዳዋ ዛሪደ አካናዉ ናጋራንቻቱካ ባረንቱ ጋርሳን ታልኤቲኖ።
LUK 6:35 ሽን ህንተንቱ፥ ህንተንቱ ሞርክያ ዶስተ፤ ኡንቱንቶካ ሎኦባ ኦꬅተ፤ ህንተንቱፐ ታልኦዋ ዛሪድ አካናዉ ቆፖፕተ። ሀዋ ህንተንቱ ፖሎፐ ህንተንቶ ጋቲ ዳራናዋ። ቃይ ህንተንቱ ኡባፐ ቦላ ጾሳ ናና ግዳንታ። እ ኢታቶነ ጋላተናዋንቶካ ኬካ።
LUK 6:36 ህንተንቱ አቡ ማርያዋ ግዶዋዳን ህንተንቱካ ማርያዋንታ ግድተ።
LUK 6:37 “ኦ ቦላንካ ፕርዶፕተ፥ ህንተንቱ ቦላንካ ፕርደተና፤ ሀራ ቦላ ኩናንያ ኦꬆፕተ፤ ህንተንቱ ቦላንካ ኩናን ኦሰተና። አቶ ጊተ፤ ጾሳይ ህንተንቶ አቶ ጋና።
LUK 6:38 እምተ፤ ህንተንቶ እመታና። ህንተንቱ ማኬዳ ማካን ህንተንቶ ማከታና። ባቂ ናቂና ሲል ኩም ፓላህ ላለትያ ማካ ህንተንቱ ክዉዋን እድንꬃና” ጌዳ።
LUK 6:39 ቃይካ የሱስ ሀዋፐ ካልያ ሌምሱዋ ኦዴዳ፤ “ቆቃይ ቆቃ ካለꬃናዉ ዳንዳዪ? ቆቃይ ቆቃ ካለꬆፐ ላአቱካ ኦይቀቲደ ኦላን ኩንድክኖ?
LUK 6:40 ታማርያዌ ባረና ታማርስያዋፐ አና፤ ታማርያዌ ምን ታማሮፐ ባረና ታማርሶዋ ማላ ግዳናዉ ዳንዳዬ።
LUK 6:41 “ነ አይፍያ ግዶን ደእያ ቱሳ ከሰናን ደኣደ ሀራ ነ ላግያ አይፍያ ግዶን ደእያ ሱላ አያዉ ጼላይ?
LUK 6:42 ነ አይፍያ ጋርሳን ደእያ ቱሳ በኤናን ሀራ አሳኮ ሺቃደ፥ ‘ታ እሻዉ፥ ነ አይፍያ ጋርሳፐ ሱላ ታ ከሶ?’ ያጋናዉ ዎታ ዳንዳያይ? ሀ ሎኡዋ ማላትያ ኢታዉ፥ ኮይሮታደ ነ አይፍያ ግዶን ደእያ ቱሳ ከሳ። ሄዋፐ ጉይያን ነ እሻ አይፍያ ግዶን ደእያ ሱላ ከሳናዉ ጌሻደ ጼላናዉ ዳንዳያ።
LUK 6:43 “ሎኦ ምꬃይ ኢታ አይፍያ አይፈና፤ ሄዋዳንካ ኢታ ምꬃይ ሎኦ አይፍያ አይፋናዉ ዳንዳየና።
LUK 6:44 ምꬃይ ኡባይ ባረ አይፍያ አይፍያዋን ኤረቴ። አጉንꬃፐ ዎደንꬃ አይፊ ማጸተና፤ ሀዋዳንካ፥ ጹንዱቂያፐ ላድያ አይፍያ ማጻናዉ ዳንዳየተና።
LUK 6:45 ሎኦ አሳይ ባረ ሎኦ ዎዛናፐ ሎኦ የዉዋ ሃሳዬ። ቃይ ኢታ አሳይ ባረ ኢታ ዎዛናፐ ኢታ የዉዋ ሃሳዬ። አያዉ ጎፐ፥ አሳይ ባረ ዶናን ሃሳይያዌ ባረ ዎዛናን ኩሜዳዋ ዶናይ ሃሳይያ ድራሳ።
LUK 6:46 “ታን ኦዶዋ ኦꬅክታ፥ ሽን አያዉ ጎዳዉ፥ ጎዳዉ፥ ያጊደ ታና ጼጊቴ?
LUK 6:47 ታኮ ይያ ኡባይ ታ ቃላካ ስሲደ ኦሱዋን ፔሽያዌ ኦና ማላትንቶ ታ ህንተንታ በሳና፤
LUK 6:48 እካ ጎልያ ኬጺደ ዳሮ ኦላ ቦኪደ ዛላ ቦላ ግንቢደ ኬጼዳ አሳ ማላቴ፤ ድኡ ድኢደ ሄ ጎልያ ሱግናካ፥ ምኖ ዛላ ቦላ ኬጸቶ ድራዉ ቃꬃናዉ ዳንዳይቤና።
LUK 6:49 ቃይ ታ ቃላ ስሲደ ኦሱዋን ፔሸና ኡራይ ባሱ ባንታሳ ሻፍያ ቦላን ጎልያ ኬጼዳዋ ማላቴ። ድኡ ድኢደ ሄ ጎልያ ሱጎ ዎደ ኤለካ ኩንዴዳ፤ ሄ ጎሊካ ኢታ ዎዳ ዎዲደ ባዬዳ” ያጌዳ።
LUK 7:1 የሱስካ ሀዋ ኡባ አሳ ስንꬃን ሃሳይ ዉርሶዋፐ ጉይያን ህን ቅፍርናሆማ ቤዳ።
LUK 7:2 ሄዋንካ እት ጼቱዋ ካፑ ደኤ። እ ዳሮፐ ዶስያ አ ቆማይ ሀርጊደ ሀያናዉ ማቴዳ።
LUK 7:3 እካ የሱሳባ ስሴዳ ዎደ፥ ባረ ቆማ ዎሲደ ፓꬃና ማላ ይሁዳ ጭማቱዋ ህን አኮ ኪቴዳ።
LUK 7:4 ኡንቱንቱካ የሱሳኮ ዪደ፥ “ሀ ብታኒ፥ ኔን አ ማዳናዳን ዳሮፐ ኮዬዳ፤
LUK 7:5 ጋሱካ ኑ አሳ እ ዳሮፐ ዶሲደ አይሁዳቱዋ ዎስያ ጎልያ ኬጽሶዌካ አ” ያጊደ ዳሮፐ ዎሴድኖ።
LUK 7:6 የሱስካ ኡንቱንቱና እትፐ ቤዳ። እካ ህን ጎልያ ሄራ ጋኬዳ ዎደ ጼቱዋ ካፑ ባረ ላገꬃቱዋ ባረኮ ጼሲደ፥ “ታ ጎዳዉ፥ ዳቡሮፓ፤ አያዉ ጎፐ፥ ኔና ታ ጎልያ ካራፐ ጋርሳ ባጋና ገልሳናዉ ታዉ በሰና።
LUK 7:7 ሀዋ ድራዉ ነ ስንꬃን ኤቃናዉካ ሀራይ አቶ በስያዋ ግድከ። ሽን ኔን ቃላ ጻላላ ኦዳ፤ ታ ቆማይካ ፓጻናዋ።
LUK 7:8 ታን ታፐ ቦላና ማታይ ደእያዋንቶ ኤኖ ጋደ ደእያ አሳ። ታፐ ጋርሳናካ ታን ኪትስያ ዎታዳራቱ ደኢኖ። እቱዋ፥ ‘ባ’ ያግያ ዎደ፥ ቤ፤ ሀራካ ቃይ፥ ‘ሃያ’ ጎፐ ዬ። ታ ቆማይካ፥ ሀዋ ‘ኦꬃ’ ግያ ዎደ አዛዘቴ፤ ኦꬄ” ያጌዳ።
LUK 7:9 የሱስካ ሀዋ ስሲደ አ የዉዋን ማላለቴዳ፤ ጉየ ስሚደ አ ካልያ ዳሮ አሳ፥ “ታን ህንተንቶ ቱሙዋ ጋይ፤ ታን ሀዋ ማላ አማኑዋ ሀራይ አቶ፥ እስራኤልያ ጋርሳንካ በአበይከ” ያጌዳ።
LUK 7:10 ካሰ ኪተቴዳ አሳቱካ ጼቱዋ ካፑዋ ጎለ ጉየ ስምያ ዎደ፥ አ ቆማይ ፓጾዋ በኤድኖ።
LUK 7:11 ዎንትሳ ጋላስ የሱስ ባረና ካልያዋንቱናነ ጮራ አሳና እትፐ ናይኖ ጌተትያ ካታማቶ ቤድኖ።
LUK 7:12 የሱስ ካታማ ጋካና ጼቱዋ ዎደ፥ አሳይ ሀይቄዳ አሃ ቶኪደ ከሴድኖ። ሀይቆዌካ ባረ ዳይዉ መጽ እት ናኣ፤ አታካ አስናይ ባይና አምአቶ። ዳሮ ካታማ አሳይካ እዞ ካሌድኖ።
LUK 7:13 የሱስካ እዞ በኤዳ ዎደ ቃረቲደ፥ “ዬኮፓ!” ያጌዳ።
LUK 7:14 ሺቂደ ሻንቻማ ቦቼዳ፤ ቶኮዋንቱካ ኤቄድኖ። የሱስ፥ “ኔኖ ያላጋዉ፥ ደንዳ ጋይ!” ያግና፥
LUK 7:15 ብታኒ ሱር ኡቴዳ። ሃሳያካ ዶሜዳ። የሱስካ አ፥ አ ዳይዉ እሜዳ።
LUK 7:16 ኡባይካ ያሻን ኩሚደ፥ “ዎልቃማ ናቢ ኑ ጋርሳን ደንዴዳ፤ ጾሳይካ ባረ አሳ አሻናዉ ዬዳ!” ያጊደ ጾሳ ጋላቴድኖ።
LUK 7:17 ሄዌኔካ የሱሳ ዋሪ ይሁዳ ዩሹዋን ደእያ ጋድያ ኡባን ስሰቴዳ።
LUK 7:18 ዮሃንሳ ካልያዋንቱ ሀኖዋ ኡባ አዉ ኦዴድኖ። ዮሃንስካ ባረና ካልያዋንቱፐ ላአቱዋ ጼሲደ፥
LUK 7:19 “ያናዌ ኔኔየ? ዎይ ኑን ሀራ ናጋኔ?” ያግ፥ ኡንቱንቱ ኦቻና ማላ ህን የሱሳኮ ኪቴዳ።
LUK 7:20 አሳቱካ የሱሳኮ ዪደ፥ “ጻማቅያ ዮሃንስ፥ ያና ጌተቴዳዌ ኔኔየ? ዎይ ሀራ ናጋኔ? ያጊደ ኦቻና ማላ ኔኮ ኪቴዳ” ያጌድኖ።
LUK 7:21 ሄ ዎድያን የሱስ ጮራ አሳ ዱማ ዱማ ሀርግያፐ ፓꬄዳ፤ ቱና አያናቱዋካ አሳፐ ከሴዳ፤ ጮራ ቆቃቱዋ አይፍያ ዶዬዳ።
LUK 7:22 የሱስካ ዮሃንስ ኪቶዋንቶ፥ “ቢደ ህንተንቱ በኤዳዋነ ስሴዳዋ ዮሃንሳዉ ኦድተ፤ ቆቃቱ ጼላናዋንታ፤ ጉንዳቱ ሀመታናዋንታ፤ ኦሉ ኦይቆዋንቱ ጌያናዋንታ፤ ቱሌዳዋንቱ ስሳናዋንታ፤ ሀይቄዳዋንቱ ደንዳናዋንታ፤ ህዬሳቶካ ምሽራቹዋ ቃላይ ኦደታናዋ።
LUK 7:23 ታናን ꬉበተና አሳይ ኡባይ አንጀቴዳዋንታ” ያጌዳ።
LUK 7:24 ዮሃንስ ኪቴዳዋንቱ ብድጎዋፐ ጉይያን የሱስ አሳዉ ዮሃንሳባ ኦዱዋ ዶሜዳ: “አያ በአናዉ ቢታ ባዙዋ ከሴድቴ? ጫርኩ ቃꬅያ ኡሱንꬃ?
LUK 7:25 ዎይ አያ በአናዉ ከሴድቴ? ሎኦ ማዩዋ ማዬዳ አሳ ደኡዋ? ሎኦ ማዩዋ ማዬዳዋንቱነ ባረና ጊግስያዋንቱ ካትያ ጎለን ደኢኖ።
LUK 7:26 ዎይ አያ በአናዉ ከሴድቴ? ናብያ በአናዉ ከሴድቴ? ኤ፤ ታን ህንተንቶ ያጋይ፤ ህንተንቱ በአናዉ ከሶዌ ናብያፐካ አꬉዋ።
LUK 7:27 ጾሳ ማጻፋን፥ ‘ነ ኦግያ ኔፐ ስንꬃና ጊግስያ ኪታንቻ ኔፐ ስንꬃያደ ኪታና’ ጌተት ዮሃንሳባይ ጻፈቴዳዌ ሀዋ።
LUK 7:28 ማጫዋንቱፐ የለቴዳዋንቱ ጋርሳን ጻማቅያ ዮሃንሳፐ አꬍያ ኦንነ ባዋ። ጾሳ ካዉተꬃን ቃይ ኡባፐ ላፋ ጌተትያዌካ አፐ አꬋናዋ” ያጌዳ።
LUK 7:29 ሀራይ አቶ ሽን ቃራጻ ከስያዋንቱ አተናን ሀዋ የሱስ ሃሳዮዋ ስሴዳ ኡባይ ዮሃንሳ ኩሽያን ጻማቀቶዋንቱ ጾሳዉ በስያ ቦንቹዋ እሜድኖ።
LUK 7:30 ሽን ህግያ ታማርስያዋንቱነ ፓርሳዋቱ ዮሃንሳን ጻማቀትቤና ድራዉ፥ ጾሳይ ኡንቱንቶ ቆፔዳዋ እጼድኖ።
LUK 7:31 የሱስ፥ “ስም ታን ሀ ዎድያ አሳ አያና ሌምሶ? ኡንቱንቱ አያ ማላቲኖ?
LUK 7:32 ኡንቱንቱ ገያሳን ኡቲደ እቱ እቱዋ ጼሲደ፥ ‘ሱሱልያ ህንተንቶ ፑንናካ ካእበይክታ፤ ዬኩዋ የꬃ ከሴዶሽንካ ዬክበይክታ ያገትያ ናና ማላቲኖ’ ጌዳ።
LUK 7:33 ጻማቅያ ዮሃንስ ቁማ ሜናን ዎይንያ ኤሳካ ኡሸናን ዪና፥ ‘አ ቦላን ጋሌናይ ደኤ’ ያጌድታ።
LUK 7:34 ታን አሳ ናአይ ማደነ ኡሻደ ዪና፥ ‘ሀዌ ናፍሳማ፤ ዎይንያ ኤሳካ ኡሽያዋ፤ ቃራጽያዋንቶነ ናጋራንቻቶ ዳቡዋ’ ያጊታ።
LUK 7:35 ግዶፐ አትን ጾሳ አꬎ ኤራተꬃይ ባረ ኦሱዋን ቱማ ግዲደ ቤቴዳ” ያጌዳ።
LUK 7:36 ፓርሳዋቱዋፐ እቱ ባረናና ቁማ ማና ማላ ሾቢና፥ የሱስ አ ሶይ ቢደ ማናዉ ኡቴዳ።
LUK 7:37 ሄ ካታማን ናጋራንቻ ጌተቴዳ እት ምሽራታ ደኤዉና፥ የሱስ አ ሶይን ኡቴዳዋ ስሳደ፥ አልባስጽሮሳ ጌተትያ ሹቻፐ ኦሰቴዳ አልባስጽሮሳ ባሬታ ኩሜዳ ሽቱዋ አካ ያዱ።
LUK 7:38 ጉየና አ ገድያ ማታን ኤቃደ፥ ዬካደ አ ገድያካ ባረ አፎꬃን ኦካ ዶማዱ፤ እዝ አፎꬃይ ባይዜዳ አ ገድያካ ባረ ሁጲያ ብናናን ቁጫደነ አ ገድያ የራደ ገድያን ሽቱዋካ ጫጫፋዱ።
LUK 7:39 የሱሳ ባረ ሶይ ጼሴዳ ፓርሳዊካ ሀዋ በኢደ፥ “ሀዌ ናብያ ግዴደንቶ፥ ሀና አ ቦችያ ምሽራታ ኦነንቶነ ቃይካ እዛ ናጋራንቻ ግድያዋ እ ኤራና ሽን” ያጌዳ።
LUK 7:40 የሱስካ ዛሪደ፥ “ስሞና፥ ታን ነዉ ኦድያ የዉ ደኤ” ያግና፥ ስሞንካ፥ “ታማርስያዎ፥ ኦዳ” ያጌዳ።
LUK 7:41 የሱስ፥ “እት ብታንያፐ ሚሻ ታልኤዳ ላኡ አሳቱ ደኢኖ። እቱዋ ማታን እቼሹ ጼቱ ዲናር፥ ቃይ የኩዋ ማታን እሻታሙ ደኤ።
LUK 7:42 ላአቶካ ጭግያዌ ꬋይና፥ ላአቱዋ አጩዋካ ማር አጌዳ። ሀዋንቱፐ ሀቃዌ ሎይꬅ ዶስያዋ ማላቲ?” ያጌዳ።
LUK 7:43 ስሞንካ ዛሪደ፥ “ዳሩዋ አጎዋ ማላቴ” ያጌዳ። የሱስካ፥ “ቱሙዋ ዛራዳ” ያጌዳ።
LUK 7:44 የሱስ ምሽራትኮ ጼሊደ፥ ስሞና ሀዋዳን ያጌዳ፤ “ሀኖ ምሽራቶ በኣዲ? ታን ነ ጎለ ዪና ሀራይ አቶ ሽን ሃꬃካ ታ ገድያዉ እማ በይካ፤ ሽን እዛ ባረ አፎꬃን ታ ገድያ እርጽሳዱ፤ ባረ ሁጲያ ብናናንካ ቁጫዱ።
LUK 7:45 ኔን ታና የራ በይካ፤ ሽን እዛ ታን ገሎደፐ ዶማደ ታ ገድያ የርያዋ አጋ በይኩ።
LUK 7:46 ኔን ታ ሁጲያን ዛይትያ ኦካ በይካ፤ ሽን እዛ ታ ገድያን ሽቱዋ ጫጫፋዱ።
LUK 7:47 ሀዋ ድራዉ ታ ህንተንቶ ኦዳይ: ዳሮፐ እዛ ዶሴዳዋ ድራዉ፥ ዳሮ ናጋራይ እዝዉ ደእያዌ ማረቴዳ፤ ጉꬃይ ማረትያዌ ጉꬃ ዶሴ” ያጌዳ።
LUK 7:48 የሱስ ምሽራቶ፥ “ነ ናጋራይ ቁጨቴዳ” ያጌዳ።
LUK 7:49 የሱሳና እትፐ ቁማ ማናዉ ኡቴዳዋንቱ ባረንቱ ዎዛናን፥ “ናጋራ ማራናዉ ዳንዳይያዌ ሀዌ ኦኔ?” ያጌድኖ።
LUK 7:50 የሱስ ምሽራቶ፥ “ነ አማኑ ኔና አሼዳ፥ ሳሮተꬃን ነ ጎለ ባ” ያጌዳ።
LUK 8:1 የሱስ ሀዋፐ ስሚደ፥ ሳባኪድነ ጾሳ ካዉተꬃ ምሽራቹዋ ቃላ ካታማንነ ሄራን ኦዲደ አꬌዳ። ታማነ ላኡ የሱሳ ካልያዋንቱካ አናና እትፐ ደኢኖ።
LUK 8:2 ኢታ አያናፐነ ዎልቃማ ሀርግያፐ ፓጼዳዋንቱ እት እት ማጫዋንቱካ ደኢኖ። ሄዋንቱካ: ላፑ ጻላሂ ከሴዳ ማግዳላ ጌተትያ ካታማፐ ዬዳ ማይራሞነ፥
LUK 8:3 ሄሮድሳ ጎልያን ሱንꬃ ግዴዳ ኩዛ ማቻት ዮሃኖ፥ ሶስና ጌተተዉናነ ሀራ ጮራቱዋና እትፐ ግዲደ፥ የሱሳነ አ ካልያዋንታ ሚሻን ማዴድኖ።
LUK 8:4 ጮራ አሳይ ዳሮ ካታማቱዋፐ ሺቂደ፥ የሱሳኮ ዬዳ ዎድያን ሌምሱዋን፥
LUK 8:5 “ዘርያዌ ዘረꬃ ዘራናዉ ከሴዳ። ዘርያ ዎደ እት እት ዘረꬃይ፥ ኦግያ ዶናን ዎꬊደ የቴዳ። ያትና ሳሉዋ ካፉ ሄዋ ሜዳ።
LUK 8:6 ሀራይ ቃይ ዛላ ቦላ ዎꬊደ ዶሌዳ ዎደ ኮሽያ ሃꬃ ደመና ድራዉ መሌዳ።
LUK 8:7 ሀራ ዘረꬃይ አጉንꬃ ጋርሳን ዎꬌዳ። አጉንꬃይ እትፐ ድጪደ ምቴዳ።
LUK 8:8 ሀራይ ሎእያ ቱኤ ቢታን ዎꬌዳ። ዶሎዋፐ ጉይያን፥ ዘረቶዋፐ ጼቱ ኩሽያ ዳኩዋ ሞኬዳ” ያጌዳ። የሱስ ሀዋ ሃሳዪደ፥ “ሀይꬃይ ደእያ ኡባይ ስሶ” ያግ ቃላ ꬎቁ ኦꬂደ ዋሴዳ።
LUK 8:9 አ ካልያዋንቱ፥ “ሀ ሌምሱ አያ ጉሴ?” ያግ አ ኦቼድኖ።
LUK 8:10 እካ ዛሪደ፥ “ህንተንቶ ጾሳ ካዉተꬃ ጹራ ኤራይ እመቴዳ፤ ሽን ሀራቶ፥ ጼሊድካ ኤረና ማላ፥ ስሲድካ አኬከና ማላ ሌምሱዋን ኦዳይ” ያጌዳ።
LUK 8:11 የሱስ፥ “ዘረꬃ ሌምሱ ሀዋ: ዘረꬃይ ጾሳ ቃላ።
LUK 8:12 ኦግያ ጋጻን ዎꬌዳ ዘረꬃይ፥ ጉꬃ ዎደዉ ቃላ ስስያ አሳ፤ ኤለካ ጻላሂ ዪነ፥ ኡንቱንቱ ስሶዋን አማን አተና ማላነ ቃላይ ዎዛናፐ ዶገታና ማላ ኦꬄ።
LUK 8:13 ዛላ ቦላን ዎꬌዳ ዘረꬃይ፥ ኮይሮ ቃላ ናሸቻን ስስያዋንታ። ሄዋንቱካ ጉꬃ ዎድያ አማንኔ ፓጪ ጋክያ ዎድያን ጻጱ ባንታ ድራዉ ኤለካ አማኑዋ ካዲኖ።
LUK 8:14 አጉንꬃ ጋርሳን ዎꬌዳ ዘረꬃይ፥ ቃላ ስስያዋንታ፤ ሽን ደኡዋ ህርጋይነ ዱረተꬃ እሻሉ ጩሌዳዋንታ። ሄዋንቱ ሎኦ አይፍያ እማናዉ ዳንዳይክኖ።
LUK 8:15 ሎኦ ቱኤ ቢታን ዎꬌዳ ዘረꬃይ በስያዌ፥ ሎአነ ጽሎ ዎዛናን ቃላ ስሲደ ናግያ አሳነ ሄ ቃላን ምን ኤቂደ ሎኦ አይፍያ አይፍያዋንታ።
LUK 8:16 “ጾምፕያ ሳꬂደ እትባን ቁምእ አግያዌ ዎይ አርሳፐ ጋርሳና ዎꬅያዌ ኦንነ ባዋ።
LUK 8:17 ቆንጨናን ቆሱዋን አትያባይ እት የዉነ ባዋ። ኤረተናንነ ቤትያሳ ከሰናን አታናባይ አይነ ባዋ።
LUK 8:18 ሄዋ ግድያ ድራዉ ሎይꬅ አኬካን ስስተ። ዎዛናፐ ስስያዎ ኡባዉ ጉጅ አኬካይ እመታና፤ አኬከናዋፐ ሄ አዉ ደእያዋ ማላትያ አኬካይካ አከታናዋ” ያጌዳ።
LUK 8:19 ሄ ዎድያን አታነ እሻቱ የሱሳና ጋከታናዉ አኮ ዬድኖ፤ ሽን አሳ ጮራተꬃፐ ደንዶ ጋሱዋን አ ደማናዉ ዳንዳይበይክኖ።
LUK 8:20 እት ብታኒ፥ “ነ ዳያነ ነ እሻቱ ኔናና ጋከታናዉ ኮዮ ድራዉ ካረን ዪደ ኤቄድኖ” ያግ ኦዴዳ።
LUK 8:21 እካ፥ “ታ ዳያነ ታ እሻቱ፥ ጾሳ ቃላ ስሲደ ኦሱዋ ቦላን ፔሽያዋንታ” ያግ ዛሬዳ።
LUK 8:22 እት ጋላስ የሱስ ባረና ካልያዋንቱና እትፐ ዎንግርያ ገሊደ፥ “አባፐ ሄፍንꬃ ቦይተ” ጌዳ። ኡንቱንቱካ ደንዲደ ሀመታ ዶሜድኖ።
LUK 8:23 ፕን ደእያ ዎደ፥ የሱስ ገምእሼዳ። አባን ጎቱዋ ጫርኩ ደንዶ ድራዉ፥ ዎንግርያ ጋርሳን ሃꬃይ ኩምና ዳሮ መቶቴድኖ።
LUK 8:24 ኡንቱንቱ የሱሳኮ ሺቂደ፥ “ጎዳዉ፥ ጎዳዉ! ኑን ባዮይተቴ!” ያጊደ አ ቤጎꬄድኖ። እካ ቤጎቲደ ጎቱዋነ ሃꬃ ቤታ ሴርና፥ ጎቱነ ሃꬃ ቤታይ ኤቄዳ፤ ኡባባይካ ጮኡ ጌዳ።
LUK 8:25 እካ፥ “ህንተንቶ አማኑ ሀቃን ደኢ?” ያጌዳ። ኡንቱንቱካ ያይ ማላለቲደ እቱ እቱዋ፥ “ሀዋዳን ጫርኩነ ሃꬃይ ጮኡ ጊተ ጊና አዛዘትያዌ ሀዌ ኦኔ?” ያገቴድኖ።
LUK 8:26 ጋሊላ አባፐ ሄፍንꬃና ደእያ ገርገሰኖና ጌተትያ ጋድያ፥ የሱስነ አ ካልያዋንቱ፥ ዎንግርያን ፕኒደ ጋኬድኖ።
LUK 8:27 ሄ ሃꬃፐ ፕን ሳኣ ዎꬎ ዎደ፥ ኢታ አያናን ኦይቀቴዳ እት ብታኒ፥ ካታማፐ ከሲደ አናና ጋከቴዳ። ዳሮ ዎድያፐ ዶሚደ ማዩዋ ማየናን ካሎ ጎልያ አጊደ ዱፉዋን ደኤ።
LUK 8:28 የሱሳ ደሞዋፐ ጉይያን፥ ዋስ አ ስንꬃን ጉፋኒደ ዎልቃማ ኮሻን፥ “ዎልቃማ ጾሳ ናኣ የሱሳ፥ ታዉነ ነዉ አይበ እትፐተꬃይ ደኢ? ታና ዋይሶፓርኪ፤ ታ ኔና ዎሳይ” ያጌዳ።
LUK 8:29 እ ሄዋ አያዉ ጌዴ ጎፐ፥ ብታንያ የግ ከሳና ማላ የሱስ አ አዛዞ ድራሳ። ኢታ አያናይ ብታንያ ኦይቆደፐ ዳሮ ዎደ ግዶ ድራዉ፥ ብራታ ሳንꬃላታን ገድያነ ኩሽያ ቃሸቲደ ናገቴ። ሳንꬃላታ ዱꬅ አኪደ ኢታ አያናይ ካለꬅና ባዙዋ ቤ።
LUK 8:30 የሱስካ፥ “ነ ሱንꬃይ ኦኔ?” ያግ ኦቼዳ። እካ ጮራ ኢታ አያናይ ገል ኡቶ ድራዉ፥ “ሌግዮና” ያጌዳ።
LUK 8:31 ባረንታ የሱስ፥ “ህን ጪሞ ኦላ ቢተ” ያገና ማላ ዎሴድኖ።
LUK 8:32 ሄዋን ደእያ ዞዝያ ጋጻን ሄመትያ ጮራ ጉዱንꬃቱ ደኢኖ። ጮራ ቱና አያናቱ፥ ሄ ጉዱንꬃቱዋ ጋርሳ፥ “ገልተ” ጋና ማላ የሱሳ ዎሴድኖ። እካ፥ “ቢደ ገልተ” ጌዳ።
LUK 8:33 ኢታ አያናቱካ ብታንያፐ ከሲደ ጉዱንꬃቱዋ ጋርሳ ገሌድኖ። ጉዱንꬃ ዉዲካ ላንቂያፐ ካጆቲደ ኤለካ አባን ምተቴድኖ።
LUK 8:34 ጉዱንꬃ ሄምያዋንቱ ሀኖዋ ኡባ በኦ ዎደ ሀራሳ ቢደ፥ ሄ ካታማንነ ዩሹዋን ሀኖዋ ኦዴድኖ።
LUK 8:35 አዬ ሀኔደንቶ በአናዉ ከሲደ፥ አሳይ የሱሳኮ ዬድኖ። ኢታ አያናይ ከሴዳ ብታኒ፥ አ ዎዛናይ ስምና ማዩዋ ማዪደ የሱሳ ገድያ ማታን ኡቶዋ በኢደ ያዬድኖ።
LUK 8:36 ኢታ አያናን ኦይቀቴዳ ብታኒ ዎት ፓጼደንቶ በኤዳ አሳይ፥ ሀራ አሳዉ ኦዴድኖ።
LUK 8:37 ገርገሰኖና ጋድያንነ ሄ ሄራን ደእያ አሳይ ኡባይ ዳሪ ያዬዳ ድራዉ፥ የሱስ ባረንቱ ማታፐ ባና ማላ ዎሴድኖ። እካ ዎንግርያን ገሊደ ቤዳ።
LUK 8:38 ኢታ አያናይ ከሴዳ ብታኒካ የሱሳና ባና ጊደ፥ አ ዎሴዳ፤ ሽን የሱስ፥
LUK 8:39 “ነ ጎለ ስማደ ጾሳይ ነዉ ኦꬆ ዎልቃማባይ አየንቶ ማርካታ” ያግ የዴዳ።
LUK 8:40 የሱስ ስሜዳ ዎደ አሳይ ኡባይ ናግ ደእያ ድራዉ፥ አ ሞክ አኬድኖ።
LUK 8:41 ሄ ዎደ፥ አይሁደ አሳ ዎሳ ጎለዉ ሱንꬃ ግዴዳ ያእሮሳ ያገትያ ብታኒ አኮ ዬዳ። እካ የሱሳ ገድያ ስንꬃን ኩንዲደ፥ ባረ ጎለ ገላና ማላ ዎሴዳ።
LUK 8:42 ጋሶተꬃይካ ታማነ ላኡ ላይꬃይ ኩሜዳ አዉ ደእያ እት ናታ ሀይቃናዉ ማታ ኡቶ ድራሳ። የሱስ ብያ ዎደ ጮራ አሳይ አ ዩሹዋን ሱገቲደ መቶꬄድኖ።
LUK 8:43 ሄ አሳ ግዶን ሄ ዎድያን ታማነ ላኡ ላይꬃ ኡባ ሱꬃይ ጎግያ ምሽራታ ደአዉ። ባረ ደእያ ሻሉዋ ኡባ ꬋልያ ኤርያዋንቶ ዉርስናካ ፓꬃናዉ ዳንዳዮዌ ኦንነ ባዋ።
LUK 8:44 ጉየና ያደ አ ማዩዋ ማጫራ ቦቻዱ፤ ሄ ማንእያን ኢፐ ጎግያ ሱꬃይ ኤቂ አጌዳ።
LUK 8:45 የሱስ፥ “ኦኔ ታና ቦቾዌ?” ያጌዳ። ኡባይ ካድና ጰጽሮስ፥ “ጎዳዉ፥ አሳይ ሱገቲደ መቶትያ ዎደ፥ ‘ኦኔ ታና ቦቾዌ’ ያጋይ?” ጌዳ።
LUK 8:46 ሽን የሱስ፥ “እት አሳይ ታና ቦቼዳ፤ ዎልቃይካ ታፐ ከሶዋ ታን ኤራይ” ያጌዳ።
LUK 8:47 ምሽራታካ፥ የሱሳ እዛ ቦቾዌ ኤረተናን አትቤናዋ ኤራደ፥ ኮኮራደ ዮና የሱሳ ስንꬃን ኩንዳ አጋዱ። አያ ጋሱዋን የሱሳ ቦቻደንቶ እዛ ፓጾዋ ኡባ አሳ ስንꬃን ኦዳዱ።
LUK 8:48 እካ እዝዉ፥ “ሀ ምሽራቴ! ነ አማኑ ኔና ፓꬄዳ፤ ሳሮ ባ” ያጌዳ።
LUK 8:49 የሱስ ሃሳይ ደእሽን፥ አይሁዳ አሳ አማንያዋንቱ ሱንꬃ ሶይፐ እት ብታኒ ዬዳዌ፥ “ነ ናታ ሀያዱ፤ ስም ታማርስያዋ መቶꬆፓ” ያጌዳ።
LUK 8:50 የሱስ ሀዋ ስሲደ፥ “ያእሮሳ፥ አማናፐ አትን፥ ያዮፓ! እዛ ፓጻናዉኑ” ያግ ዛሬዳ።
LUK 8:51 ሶይ ገሊደ: ጰጽሮሳፐ፥ ያቆባፐ፥ ዮሃንሳፐ፥ ናት አቡፐነ ናት ዳይፐ አትን፥ ኦንነ ገላናዳን ኤኖ ግቤና።
LUK 8:52 ኡባይ ሄ ናትዉ ዬኪደነ ካዮቲድ ደኢኖ። ሽን የሱስ፥ “ዬኮፕተ፥ ግሳዱፐ አትን ሀያበይኩ” ያጌዳ።
LUK 8:53 እዛ ሀይቄዳዋ ኤሪደ አ ቦላ ሚጬድኖ።
LUK 8:54 ግዶፐ አትን የሱስ እዝ ኩሽያ ኦይቂደ፥ “ሀ ናቴ፥ ቤጎታ!” ያጌዳ።
LUK 8:55 እዝ ሸምፑካ ስምና ኤለካ ደንዳ ኤቂና ማናባ እማና ማላ፥ የሱስ አዛዜዳ።
LUK 8:56 እዝ አቡነ እዝ ዳያ ማላለቴድኖ፤ ሽን የሱስ ኡንቱንታ፥ ሀኖ የዉዋ ኦስነ ኦደና ማላ አዛዜዳ።
LUK 9:1 የሱስ ታማነ ላኡ አ ካልያዋንታ እትፐ ባረኮ ጼሲደ፥ ጻላህያ ኡባ አሳፐ ከሳናዉነ ሀርግያዋንታ ፓꬃና ማላ ዎልቃነ ማታ እሜዳ።
LUK 9:2 ጾሳ ካዉተꬃባ ኦዳናዉነ ሀርጋንቻቱዋ ፓꬃና ማላ ኡንቱንታ ኪቴዳ።
LUK 9:3 እ ኡንቱንታ ኪቲደ፥ “ኦግያ ቢደ፥ ጻምኣ ግድናካ፥ ዎይ ቃርጪትያ፥ ዎይ ቁማ፥ ዎይ ሚሻ ግድናካ አያነ ኦይቆፕተ፤ ላኤንꬅያ ማዩዋካ ኦይቆፕተ።
LUK 9:4 ህንተና አሳይ ሀቃን ሞኮፐነ፥ ሄዋፐ ከሳና ጋካናዉ፥ ህንተንቱ ገሌዳ ጎልያን ጋምእተ።
LUK 9:5 ሄ ካታማ አሳይ ህንተና ሞከናን እጾፐ፥ ሄዋፐ ከሲደ፥ ኡንቱንቱ ህንተና ሞከናን እጾዎ ማርካ ግዳና ማላ፥ ህንተንቱ ገድያፐ ባና ሾጭ ድጊደ ቢተ” ያጌዳ።
LUK 9:6 አ ካልያዋንቱ ቢደ፥ ቄር ካታማ ኡባን ምሽራቹዋ ቃላ ኦዲደነ ሀርጋንቻ ፓꬂደ ዩዬድኖ።
LUK 9:7 ሀእ ጋሊላ ቢታ ካትያ ሄሮድሰካ ሀኔዳ የዉዋ ስሲደ ያት ጌዳ። ጋሶተꬃይነካ እት እት አሳይ፥ “ዮሃንስ ሀይቁዋፐ ደንዴዳ” ያጌ።
LUK 9:8 ሀራ አሳይ፥ “ኤላስ ከሲደ ቤቴዳ” ያግያ ዎደ፥ ሀራንቱ ቃይ፥ “በን ናባቱዋፐ እቱ ሀይቁዋፐ ደንዴዳ” ያጊኖ።
LUK 9:9 ሄሮድሰካ፥ “ታን ዮሃንሳ ቆꬍያ ቃንጽሳ ድጋድሽን፥ ሀዋዳን አሳይ ሃሳይያ ብታኒ ኦኔ?” ያጊደ፥ የሱሳ በአናዉ ኮዬዳ።
LUK 9:10 የሱስ ኪቶዋንቱ ስሚደ፥ ኡንቱንቱ ኦꬄዳዋ ኡባባ የሱሳዉ ኦዴድኖ። እካ ኡንቱንታ አኪደ፥ ቤተሳይዳ ያገትያ ካታማ ማታን ደእያ ታካሳ ቤዳ።
LUK 9:11 አሳይ እ ደኢያሳ ኤሪደ ካልና፥ ኡንቱንታ ሞክ አኪደ ጾሳ ካዉተꬃባ ኦዴዳ፤ ሀርግያፐ ፓጻናዉ በስያዋንታካ ፓꬄዳ።
LUK 9:12 ሳአይ ኦማርስያ ዎደ፥ የሱሳ ካልያ ታማነ ላአቱ አኮ ዪደ፥ “ሀ አሳይ ኡባይ ኑ ዩሹዋን ደእያ ሄራ ግዶነ ቄር ካታማቱዋ ግዶ ቢደ፥ አቅያሳነ ቁማ ደማና ማላ ሞይዛ፤ አያዉ ጎፐ ኑን ሀዋን አሳይ ባይናሳን ደኤቶ” ያጌድኖ።
LUK 9:13 ሽን የሱስ ኡንቱንታ፥ “አሳዉ ሜተትያባ ህንተንቱ እምተ” ያጌዳ። ኡንቱንቱ ዛሪደ፥ “አነ ቢደ፥ ሀ ኡባ አሳዉ ቁማ ሻመናን ꬋዮፐ ኑዉ እቼሹ ሶሉዋፐነ ላኡ ሞልያፐ ሀራይ ባዋ፤ ሄዎ ኑን ሀ ጮራ አሳዉ ቁማ ሻማና ማላ ኮያይ?” ያጌድኖ።
LUK 9:14 (ጋሱካ፥ ሄዋን ደእያ አሳይ እቼሹ ሻኣ ኬና።) የሱስ ባረና ካልያዋንታ፥ “እሻታሙ እሻታሙ አሳ ጭታን ጭታን ሻክ ሻክ ኡትስተ” ያጌዳ።
LUK 9:15 ኡንቱንቱካ እ ጎዋዳን ኡባ አሳካ ኡትሴድኖ።
LUK 9:16 የሱስካ እቼሹ ሶሉዋነ ላኡ ሞልያ ኦይቂደ፥ ፑደ ሳሉዋ ቦንጎት ጼሊደ ጾሳ ጋላቴዳ፤ ዱꬂደ፥ አሳዉ ግሻና ማላ አ ካልያዋንቶ እሜዳ።
LUK 9:17 አሳይ ኡባይካ ሚደ ካሌድኖ። ኡንቱንቱፐ አቴዳ ዶካ፥ ታማነ ላኡ ሳምፓ ኩሜዳዋ ደንꬄድኖ።
LUK 9:18 እት ጋላስ የሱስ ባረካ ዎስያ ዎደ፥ አ ካልያዋንቱካ አናና እትፐ ደእሽን፥ “አሳይ ታና ኦና ጊኖ?” ጊደ ኡንቱንታ ኦቼዳ።
LUK 9:19 ኡንቱንቱ ዛሪደ፥ “አሳይ ኔና ጻማቅያ ዮሃንሳ ያጌ፤ ሀራ አሳይ ቃይ ኤላሳ ያጌ፤ ሀራይ ቃይ በን ናባቱዋፐ እቱ ደንዴዳ ያጌ” ያጌድኖ።
LUK 9:20 የሱስ ኡንቱንታ፥ “ህንተሽ፥ ታና ኦና ጊቴ?” ያጌዳ። ጰጽሮስካ ዛሪደ፥ “ኔን ጾሳይ ኦኬዳ ክርስቶሳ” ያጌዳ።
LUK 9:21 የሱስካ ኡንቱንታ፥ “ሀዋ ኦስነ ኦዶፕተ” ያግ ምንስ አዛዚደ፥
LUK 9:22 “ታን፥ አሳ ናአይ፥ ዳሮ መቱዋ አካናዉ በሴ፤ ጭማቱዋን፥ ቄሳቱዋ ካፓቱዋንነ ሙሴ ህግያ ታማርስያዋንቱን እጸታናዉ ኮሼ፤ ኡንቱንቱ ታና ዎꬋናዋንታ፤ ታንካ ሄዘንꬆ ጋላስ ሀይቁዋፐ ደንዳናዉ በሴ” ያጌዳ።
LUK 9:23 የሱስካ አሳ ኡባ፥ “ታና ካላናዉ ዶስያዌ ደኦፐ፥ ባረ ሁጲያ ካዶ፤ ባረ ማስቃልያ ጋላሳን ጋላሳን ቶኪደ ታና ካሎ።
LUK 9:24 ባረ ሸምፑዋ አሻናዉ ዶስያዌ ኡባይ ባይዜ፤ ሽን ታ ድራዉ ባረ ሸምፑዋ ባይዝያዌ ኡባይ አሼ።
LUK 9:25 እት ኡራይ ሀ አላምያባ ኡባ አሺደ ባረ ሸምፑዋ ባይዞፐ ዎይ ባረዉ ፓጭሶፐ፥ አያ ማዲ?
LUK 9:26 አሳይ ታናንነ ታ ቃላን ዬላቶፐ፥ ታን አሳ ናአይ፥ ታ ቦንቹዋናነ ጌሻ ኪታንቻቱዋ ቦንቹዋና ይያ ዎደ አን ዬላታናዋ።
LUK 9:27 ታን ህንተንቶ ቱሙዋ ያጋይ፤ ሀዋን ደእያ አሳፐ፥ ጾሳ ካዉተꬃ በአና ጋካናዉ ሀይቁዋ ሀይቀናዋንቱ እቱ እቱ ደኢኖ” ያጌዳ።
LUK 9:28 የሱስ ሀዋ ጎዋፐ ጉይያን፥ እት ሳምንታ ኬና ጋምኢደ፥ ጰጽሮሳነ ዮሃንሳ፥ ያቆባካ አኪደ፥ ዎሳናዉ ደርያ ሁጲያ ከሴዳ።
LUK 9:29 እ ዎስሽን፥ አ ዴሙዋ ማላይ ላመቴዳ፤ አ ማዩካ ቦጺደ ጶልቄዳ።
LUK 9:30 ቆፐናን ላኡ አሳቱ፥ ሙሴነ ኤላስ ከስ ቤቲደ፥ የሱሳና ሃሳይ ደኢኖ።
LUK 9:31 ኡንቱንቱ ቦንቹዋን ቆንጭ ቤቲደ፥ የሱስ ጾሳ ቆፋ ፖላናዉ የሩሳላመን ሀይቃናዋ አናና ሃሳዬድኖ።
LUK 9:32 ጰጽሮሳነ አናና እትፐ ደእያዋንታ ገምእሹ ጌሮዬዳሽን፥ ኤለካ ቤጎቲደ አ ቦንቹዋነ አናና ጋꬆ ኤቄዳ ላኡ አሳቱዋ በኤድኖ።
LUK 9:33 ሄ ላኡ አሳቱ፥ የሱሳ ምይያፐ ሻከትያ ዎደ፥ ጰጽሮስ የሱሳ፥ “ጎዳዉ፥ ሀዋን ደእያዌ ኑዉ ሎአ ግድያ ድራዉ፥ ሄዙ ዳስያ እቱዋ ነዉ፥ እቱዋ ሙሴዉ፥ እቱዋ ኤላሳዉ ኬጻና” ያጌዳ።
LUK 9:34 ጰጽሮስ ሄዋ ሃሳይ ደእሽን፥ ሻሪ ዪደ ኡንቱንታ ካም አግና የሱሳ ካልያዋንቱ ያዬድኖ።
LUK 9:35 ሻርያፐካ፥ “ታን ዶሬዳ ታ ናአይ ሀዋ፤ እ ግያዋ ስስተ” ያግያ ቃላይ ዬዳ።
LUK 9:36 ቃላይ ስሰቶዋፐ ጉይያን፥ የሱስ ባረ ጻላላ ግዲደ ቤቴዳ፤ ኡንቱንቱካ የዉዋ ባረንቱ ዎዛናን ኦይቂደ ሄ ዎድያን ኦንነካ አያነ ኦድቤና።
LUK 9:37 ዎንተꬃ ጋላስ፥ የሱስነ ሄዙ አ ካልያዋንቱ ደርያፐ ዱገ ዎꬍያ ዎደ፥ ጮራ አሳይ የሱሳና ጋከቴዳ።
LUK 9:38 ሄ ዎደ አሳፐ እት ብታኒ ባረ ኮሻ ꬎቁ ኦꬂደ፥ “ታማርስያዎ፥ ታዉ ደእያዌ እት ናኣ ግዶ ድራዉ፥ ኔን አ በአና ማላ ኔና ዎሳይ፤
LUK 9:39 ቃይ ኢታ አያናይ ዎዛና አናን ደንዲደ አ ዋስሴ፤ ዶናና ፓሮያና ጋካናዉ አ ኮኮርሲደ፥ ኡባ ጋላስ መቶꬅያዋፐ አትን፥ አ ኤለ የደና።
LUK 9:40 ኔና ካልያዋንቱ ሄ ኢታ አያና ከሳና ማላ፥ ታን ኡንቱንታ ዎሳድ፤ ሽን ዳንዳይበይክኖ” ያጌዳ።
LUK 9:41 የሱስ ዛሪደ ኡንቱንታ፥ “አማነና ሀ ዎድያ ደሻ አሳዉ፥ ታን ህንተናና አዉደ ጋካናዉ ደአኔ? ቃይ ህንተንቱባ አዉደ ጋካናዉ ዳንዳያኔ? ነ ናኣ ሃ አካያ” ያጌዳ።
LUK 9:42 ናአይ ዪደ ደእሽን፥ ኢታ አያናይ አ ሳኣን ኦሊደ ኮኮርሴዳ፤ የሱስ ኢታ አያና አጋ ግ ናኣ ፓꬂደ አ አቦ ዛሪደ እሜዳ።
LUK 9:43 አሳይ ኡባይካ ጾሳ ዎልቃማ ዎልቃፐ ደንዶዋን ማላለቴድኖ።
LUK 9:44 “ታና አሳ ናኣ፥ አሳይ አሳ ኩሽያን አꬂደ እማናዋ፤ ህንተንቱ ሀ የዉዋ ዶጎፕተ” ያጌዳ።
LUK 9:45 ሽን እ ግያዋ ኡንቱንቱ አኬክበይክኖ። ኡንቱንቶ ገለና ማላ ኡንቱንቱፐ ጌሜዳ ድራዉ፥ ሀ የዉዋ የሱሳ ኦቻናዉ ያዬድኖ።
LUK 9:46 አ ካልያዋንቱ፥ “ኑ ግዶፐ ዳርያዌ ኦኔ?” ያጊደ ፓሉመቴድኖ።
LUK 9:47 የሱስ ኡንቱንቱ ዎዛና ቆፋ ኤሪደ፥ ጉꬃ ናኣ አሂደ፥ ባረ ማታን ኤሲደ፥
LUK 9:48 “ሀ ጉꬃ ናኣ ታ ሱንꬃን ሞክያዌ ኦንነ ታና ሞኬዳ፤ ቃይ ታና ሞክያ ኡባይ፥ ታና ኪቴዳ ታ አባ ሞኬ። ህንተንቱ ኡባፐ ጉጽያዌ ኡባፐ ዳራ” ያጌዳ።
LUK 9:49 ዮሃንስካ ዛሪደ፥ “ጎዳዉ፥ እት አሳይ ነ ሱንꬃን ኢታ አያናቱዋ ከስያዋ ኑን በኢደ፥ ኑ ባጋ ግደና ድራዉ፥ አ ድጌዶ” ያጌዳ።
LUK 9:50 ሽን የሱስ አ፥ “ህንተንቱ ግያዋ ጳልቀናዌ ህንተንቱ ባጋ ግድያ ድራዉ፥ አ ድጎፕተ” ያጌዳ።
LUK 9:51 የሱስ ሳሉዋ ብያ ዎዲ ማትና፥ ባረ ዎዛና ቆፋ የሩሳላመኮ ዛሬዳ።
LUK 9:52 ባረፐ ስንꬃዉ ኡባ የዉዋ ጊግሳና ማላ፥ ኪተትያ አሳ ሳማርያ ካታማ ኪቴዳ።
LUK 9:53 ሽን እ የሩሳላመ ባናዉ ደንዴዳ ድራዉ፥ አሳይ አ ሞክበይክኖ።
LUK 9:54 አ ካልያዋንቱ ያቆብነ ዮሃንስ ሄዋ በኢደ፥ “ጎዳዉ፥ ኑን ኤላስ ኦꬆዋዳን፥ ታማይ ሳሉዋፐ ዪደ ኡንቱንታ ማናዳን ጼሳና ማላ ኮያይ?” ያጌድኖ።
LUK 9:55 ሽን የሱስ ጉየ ስሚደ፥ ኡንቱንታ ሴሬዳ።
LUK 9:56 “ታን፥ አሳ ናአይ፥ አሳ ሸምፑዋ አሻናዉ ዮዋፐ አትን፥ ባይዛናዉ ያበይከ” ያጌዳ። ኡንቱንቱ ሀራሳን ደእያ ቄር ካታማ ቤድኖ።
LUK 9:57 ኡንቱንቱ ኦግያና ቢሽን፥ እት ብታኒ የሱሳ፥ “ጎዳዉ፥ ኔን ብያሳ ኡባ ታን ኔና ካላና” ያጌዳ።
LUK 9:58 የሱስ አ፥ “ዎራካናቶ ኦላይ፥ ሳሉዋ ካፋቶካ ጎሊ ደኤ፤ ሽን ታን፥ አሳ ናአይ፥ ገላ ሸምፓ አክያ ሳአይ ታዉ ባዋ” ያጌዳ።
LUK 9:59 የሱስ ሀራ ኡራ፥ “ታና ካላ” ያጌዳ። ሽን፥ ብታኒ፥ “ጎዳዉ፥ ታን ካስያን ባደ ታ አባ ሞጋና” ያጌዳ።
LUK 9:60 የሱስ፥ “ሀይቆዋንታ ባረንቱ ሀይቆዋንቱ ሞግኖ፤ ኔን ባደ፥ ጾሳ ካዉተꬃባ ኦዳ” ያጌዳ።
LUK 9:61 ቃይ ሀራ ብታኒ፥ “ጎዳዉ፥ ታን ኔና ካላና፤ ሽን ኮይሩዋን ታ ሶይ አሳ ባደ ሳሮታና” ያጌዳ።
LUK 9:62 ሽን የሱስ አ፥ “ቦራ ጎሻናዉ ዶሞዌ ኦንነ ጉየ ጼሎፐ ጾሳ ካዉተꬃዉ በሰና” ያጌዳ።
LUK 10:1 ሀዋፐ ካላ ጎዳይ ሀራ ላፑን ታሙ አሳ ሱንꬂደ ላኡዋ ላኡዋ ኦꬂደ እ ባናዉ ደእያ ካታማ ኡባ ኪቴዳ።
LUK 10:2 የሱስ ኡንቱንታ፥ “ቆይቻዉ ጋኬዳ ካꬃይ ዳራ፤ ኪተትያ አሳይ ጉꬃ። ስም ቆይጨትያ ካꬃ ጎዳይ፥ ቆይቻዉ ኪተትያዋንታ የዳና ማላ ዎስተ።
LUK 10:3 ታን ዶርሳቱዋዳን ዋላቱዋ ግዶ ህንተና ኪታይ፥ ቢተ።
LUK 10:4 ህንተንቱ ኦገዉ አያነ ኦይቆፕተ: ቦርሳ፥ ቃርጪትያ፥ ጫማ፥ ግድናካ ኦይቆፕተ፤ አሳና ሳሮተቲደ ኦግያን ዎድያ ዉርሶፕተ።
LUK 10:5 “ህንተንቱ ገልያ ጎለ ኡባ ካስያን፥ ‘ሳሮተꬃይ ሀ ጎለዉ ግዶ’ ያግተ።
LUK 10:6 ሄ ጎልያን ሳሮተꬃ ዶስያ አሳይ ደኦፐ፥ ህንተንቱ ሳሮታይ ሄ ጎልያን አቃናዋ፤ ኮየናዋ ግዶፐ፥ ህንተንቱ ሳሮታይ ህንተንቶ ስማናዋ።
LUK 10:7 ሄ ጎልያን ኡንቱንቶ ደእያዋፐ ሚድነ ኡሺደ ደእሽተ፤ ኦሳንቻዉ አ ድርጉዋ ጭጋይ ኮሼ፤ እት ጎልያፐ ሀራ ጎልያ ዩዮፕተ።
LUK 10:8 “አይ ካታማነ ህንተንቱ ገልያ ዎደ፥ አሳይ ህንተና ሞክ አኪደ ምዛናዉ ሺሾዋ አያነ ሚተ።
LUK 10:9 ሄ ካታማትን ደእያ ሀርጋንቻቱዋ ፓꬂደ አሳዉ፥ ‘ጾሳ ካዉተꬃይ ህንተኮ ማቴዳ’ ያጊደ ኦድተ።
LUK 10:10 የዉዋን ቃይ አይ ካታማነ ገሎደ፥ አሳይ ህንተንታ ሞክ አከናዋንታ ግዶፐ ሄ ካታማ ቃꬋአኮ ከስኔ፥
LUK 10:11 ‘ኑን ህንተና ዬላያናዉ፥ ሀራይ አቶ ኑ ገድያ ቦላን ደእያ ህንተንቱ ካታማ ባናካ ህንተንቶ ቆቆፌቶ ፤ የዉዋን ቃይ፥ ጾሳ ካዉተꬃይ ህንተንቱኮ ማቴዳዋ ኤርተ’ ያግተ።
LUK 10:12 ፕርዳ ጋላስ ሀ ካታማትፐ ሶዶማ ካታማ ጋኬዳ ሙራይ ካዉሻናዋ ያጋደ ታን ህንተዉ ኦዳይ።
LUK 10:13 “አየ ነዉ ኮራዚነ፤ አየ ነዉ ቤተሳይደ፤ ህንተንቱን ሀኔዳ ማላታቱ ጺሮሳ ካታማንነ ሲዶና ካታማን ሀኔደንቶ፥ ሄዋን ደእያ አሳቱ ካዩዋ ማዩዋ ማዪደ፥ ብድንꬃ ቦላን ኡቲደ፥ በንፐ ባረንቱ ናጋራፐ ስማናዋንታሽን።
LUK 10:14 ሀዋ ድራዉ፥ ሙረትያ ጋላስ ህንተንቱፐ አꬂደ ጺሮሳ ካታማዉነ ሲዶና ካታማዉ ሙራይ ካዉሻናዋ።
LUK 10:15 ሀነ ቅፍርናሆመ፥ ኔን ሳሉዋ ፑደ ꬎቁ ጋናዉ ኮያድ? ዱገ ስኦልያ ዎꬋናሳ።
LUK 10:16 “ህንተንቱ ግያዋ ስስያ አሳይ፥ ታን ግያዋ ስሴ፤ ህንተንታ እጽያ ኡራይ ታና እጼ፤ ታና እጽያ ኡራይ ታና ኪቴዳዋካ እጼ” ያጌዳ።
LUK 10:17 ላፑን ታሙ አሳቱካ፥ “ጎዳዉ፥ ኢታ አያናቱካ ነ ሱንꬃን ኑዉ አዛዘቴድኖ” ያጊደ ናሸቻን ስሜድኖ።
LUK 10:18 የሱስካ ኡንቱንቶ፥ “ሴጻናይ ዋልቃንꬃዳን ሳሉዋፐ ዎꬍሽን በኣድ።
LUK 10:19 ስም ሾሻነ ሶጉዋ የꬋናዳን ህንተንቱ ሞርክያ ጻላህያ ዎልቃ ጾናና ማላ ማታ እማድ። ህንተንታ ቆሀናዌ አይኔካ ደኤና።
LUK 10:20 ግዶፐ አትን ህንተንቱ ሱንꬃይ ሳሉዋ ማዝጎብያን ጻፈቶ ድራዉ፥ ናሸትተፐ አትን ኢታ አያናቱ አዛዘቶ ድራዉ ናሸቶፕተ” ያጌዳ።
LUK 10:21 ሄ ዎድያን የሱስ አያና ጌሻን ዳሮ ናሸቲደ፥ “ሳሉዋነ ሳኣ ጎዳዉ፥ ኔን ሀ የዉዋ ታማሮዋንቱፐነ አꬎ ኤራንቻቱዋፐ ገንꬃደ፥ ቄር ናናዉ ቆንጭሶ ድራዉ፥ ኔና ጋላታይ፤ ኤ፥ ታ አቦ፥ አያዉ ጎፐ፥ ሀዋ ኦꬃናዉ ነ ሎኦ ሸነ ግዴዳ።
LUK 10:22 “ኡባ የዉ ታዉ ታ አቡፐ እመቴዳ። ናአይ ኦነንቶ አዉዋፐ አትሽን ኦንነ ኤርያዌ ባዋ፤ ሄዋዳንካ አዉ ኦነንቶ ናኣፐነ እ ቆንጭሳናዉ ኮዮ ኡራፐ አትን፥ ሀራይ ኦንነ ኤርያዌ ባዋ” ያጌዳ።
LUK 10:23 ካሊደካ የሱስ ባረና ካልያዋንቱኮ ስም ዎꬊደ፥ ኡንቱንቱ ጻላላ፥ “ህንተንቱ በእያዋ ጼልያ አይፋቱ አንጀቴዳዋንታ።
LUK 10:24 ታ ህንተዉ ኦድያዌ አዬ ጎፐ፥ ጮራ ናባቱነ ካታቱ ህንተንቱ በእያዋ በአናዉ አሞቴድኖሽን በእበይክኖ፤ ህንተንቱ ስስያዋካ ስሳናዉ አሞቴድኖ፤ ሽን ስስበይክኖ” ያጌዳ።
LUK 10:25 እት ጋላስ ህግያ ኤርያዌ እቱ የሱሳ ፓጫናዉ አኮ ዪደ፥ “ታማርስያዎ፥ መꬍና ደኡዋ ላታናዉ፥ ታን አያ ኦꬆ?” ያግ ኦቼዳ።
LUK 10:26 የሱስ ዛሪደ፥ “ሙሴ ህግያ ማጻፋን ጻፈቶዌ አዬ? ኔን አያ ጋደ ብላይ?” ያጌዳ።
LUK 10:27 ብታኒካ፥ “ሙሴ ህግያ ማጻፋይ፥ ‘ጾሳ ነ ጎዳ ፖሎ ነ ዎዛናፐ፥ ፖሎ ነ ሸምፑዋፐ፥ ፖሎ ነ ዎልቃፐነ ፖሎ ነ ቆፋፐ ሲቃ፤ ሄዋዳንካ ነ ላገꬃካ ነ ሁጲያዳን ዶሳ’ ጌ” ያጌዳ።
LUK 10:28 የሱስ አ፥ “ልከ፥ ቱሙዋ ጋዳ፤ ስም ኔንካ ሀዋ ኦꬃ፤ ደኡዋን ደአናሳ” ያጌዳ።
LUK 10:29 ሙሴ ህግያ ታማርስያ ብታኒ ቃይ ባረና ጽሎ ኦꬃናዉ ኮዪደ የሱሳ፥ “ሀኖሽን፥ ታ ላገꬃይ ኦኔ?” ያጊደ ኦቼዳ።
LUK 10:30 የሱስ ዛሪደ፥ “እት ብታኒ የሩሳላመፐ እያርኮ ቢደ ደእሽን፥ ኦግያ ቦላን ፓናቱ አ ደሚደ፥ አ ማዩዋ ቃሮዋፐ ጉየ ሾጪደ፥ ሀይቃናዉ ፖሉ ጎደ ኦሊደ ቤድኖ።
LUK 10:31 ቆፐናን እት ቄሳይ ሄ ኦግያና ብደእያዌ፥ ሾጨቲደ ኩንዴዳ ብታንያ በኤዳ ዎደ፥ አያነ ኦናን ምይያና አꬊደ ቤዳ።
LUK 10:32 ሄዋዳንካ እት ሌዊ ሄ ኦግያና ብደኤ። እካ ብታንያ በኢደ፥ ምየት አꬌዳ።
LUK 10:33 ሽን ሳማርያ አሳ ግዴዳ እት ብታኒ፥ ሄ ባጋና አꬊደ፥ ሀ ብታንያኮ ዬዳ። አ በኤዳ ዎደ አዉ ቃረቴዳ።
LUK 10:34 አኮካ ሺቂደ፥ ዛይትያነ ዎይንያ ኤሳ አ ማይꬃን ትጊደ፥ ቃቼዳ። ሄዋፐ ጉየ ባረ ሀርያ ቶግሲደ፥ እማꬃይ አቅያ ጎልያ አክ ቤዳ፤ ሄዋን ብꬋዪደ ናጌዳ።
LUK 10:35 ዎንተꬃ ጋላስ ጉꬃ ብራ ባረ ኪስያፐ ከሲደ፥ እማꬃይ አቅያ ጎልያ ጎዳዉ እሚደ፥ ‘ሀ ብታንያ ታዉ ሎይꬃ ብꬋያ፤ ሀዋፐ ዳሩዋ ኔን ከሶፐካ፥ ታን ስምያ ዎደ ነዉ ጭጋና’ ያጌዳ።
LUK 10:36 “ስም ሀ ሄዙ አሳቱዋፐ፥ ፓናቱዋ ኩሽያን ሾጨቲደ ኩንዴዳ ብታነዉ፥ ላገ ግዴዳዌ ሀቃዋ ማላቲ?” ያጌዳ።
LUK 10:37 ህግያ ታማርስያዌካ፥ “ሄ አዉ ቃረቶዋ” ያጌዳ። የሱስካ አ፥ “ስም ባደ ኔንካ ሄዋዳን ኦꬃ” ያጌዳ።
LUK 10:38 የሱስ ባረና ካልያዋንቱና ኦግያ ቢደ፥ እት ሄራ ጋርሳ ጋኬዳ። ሄዋን ማርቶ ጌተትያ እት ምሽራታ ባረ ጎለን ሞካዱ።
LUK 10:39 እዝዉካ ማይራሞ ጌተትያ ምቻታ ደአዉ፤ ሄናካ የሱሳ ገድያ ማታን ኡታደ፥ እ ኦድያዋ ሀይዛደ ደአዉ።
LUK 10:40 ማርታ ቃይ ሶይባ ጊግሳደ ዳቡራ ደአዉ፤ ሄዋ ድራዉ የሱሳኮ ሺቃደ፥ “ሀና ታ ምቻታ፥ ኪታ ኡባ ታ ቦላ ኦልና፥ ታን ታረካ ላባኖደ ጼላደ ጮኡ ጋይ? ሀያና ታና ማዳናዳን እዝዉ ኦዳ” ያጋዱ።
LUK 10:41 የሱስካ ዛሪደ እዞ፥ “ማርቴ፥ ማርቴ፥ ኔን ጮራ የዉዋ ቆፓደ ህርጋ፤ ቃይካ መቶታ።
LUK 10:42 ሽን ኮሽያዌ እትባ፤ ማይራማ ባረፐ ኦንነ አከና ሎኦባ ዶራዱ” ያጌዳ።
LUK 11:1 እት ጋላስ የሱስ እትሳን ዎሳ ዎስ ደኤ። ዎሳ ዉርሶዋፐ ጉየ አ ካልያዋንቱፐ እቱ፥ “ጎዳዉ! ዮሃንስ ባረና ካልያዋንታ ዎሳ ታማርሶዋዳን፥ ኑናካ ኔን ዋግ ዎሳነንቶ ታማርሳ” ያጌዳ።
LUK 11:2 እካ ኡንቱንታ፥ “ጾሳ ዎሲደ ያግ ዎስተ: “ ‘ሳሉዋን ደእያ ኑ አቦ፥ ነ ሱንꬃይ አንጀቶ፤ ነ ካዉተꬃይ ዮ፤ ነ ሸኒ ሳሉዋን ሀኖዋዳን ሳንካ ሀኖ፤
LUK 11:3 ጋላሳን ጋላሳን ኮሽያ ቁማ፥ ኑዉ ሀቼ እማ፤
LUK 11:4 ኑን ኑና ናቄዳዋንቱዋ፥ ኡባ አቶ ጎዋዳን፥ ኔንካ ኑ ናቁዋ አቶ ያጋ፤ ኑና ኢታፐ ናጋፐ አትን፥ ፓጭያን ገልሶፓ’ ያግተ” ያጌዳ።
LUK 11:5 ቃይካ የሱስ ባረና ካልያዋንታ፥ “ህንተንቱፐ እቶ ሲቆ ላጊ ደእንቶ ግዶ ብላህያን አኮ ዪደ፥ ‘ታ ሲቆ ላገዉ፥ ታዉ ሄዙ ሶሉዋ ታልአ፤
LUK 11:6 አያዉ ጎፐ፥ እት ታ ላገꬃይ ዪና አ ምዝያዋ ꬋያድ’ ያግ ዎሴዳ ጎይተ።
LUK 11:7 ባረ ጎለን ደእያ አ ሲቆ ላጊ ሶይፐ ሃሳዪደ፥ ‘ታና መቶꬆፓ፤ ፐንጊ ቃሸቴዳ፤ ታናናይካ ታናና ግሴድኖ፤ ሄዋ ድራዉ ታን ደንዳደ ነዉ አይነ እማናዉ ዳንዳይከ’ ጋናዌ?
LUK 11:8 ታን ህንተንቶ ኦድያዌ አዬ ጎፐ፥ እ አዉ ሲቆ ላግያ ግዶ ድራዉ፥ እመነንቶኔካ ኡንኤꬆ ድራዉ እ ኮይያዋ ኡባ እሜ።
LUK 11:9 ሀዋ ድራዉ፥ ‘ዎስተ፥ ህንተንቶካ እመታናዋ፤ ኮይተ፥ ደማንታ፤ ካርያ ዪደ ጼስተ፥ ህንተንቶ ዶየታናዋ’ ያጋይ።
LUK 11:10 ጋሱካ፥ ዎስያ ኡባይ አካናዋ፤ ኮይያ ኡራይካ ደማናዋ፤ ካርያ ዪደ ጼስያ ኡራዉ፥ ፐንጊ ዶየታናዋ።
LUK 11:11 “ህንተንቱ ግዶፐ ባረ ናአዉ፥ ሞልያ ዎስና ሾሻ፥ ቁማ እማ ጊና ሹቻ እምያ አዉ ደኢ?
LUK 11:12 ዎይ ቁቁልያ ዎስና ሶጉዋ እምዬ?
LUK 11:13 ህንተንቱ ኢታ ግድ ደኢደ ህንተንቱ ናናዉ ሎኦባ እምያዋ ኤሮፐ፥ ያትና ሳሉዋን ደእያ ህንተንቱ አዉ ባረና ዎስያዋንቶ አያና ጌሻ ዎት ዳርሲደ እማንዴሻ?” ያጌዳ።
LUK 11:14 እት ጋላስ የሱስ እት ብታንያፐ ዱድስያ አያና ከሶዋፐ ጉየ ዱደ ብታኒ ሃሳያ ዶምና፥ አሳይ ማላለቴዳ።
LUK 11:15 ሽን ኡንቱንቱፐ እቱ እቱ፥ “ጋሌናቱዋ ካፑዋ ብኤል-ዘቡል አዉ ዎልቃ እምና ጋሌናቱዋ ከሴ” ያጌድኖ።
LUK 11:16 እቱ እቱ ቃይ የሱሳ ፓጫናዉ ሳሉዋፐ ማላታ በሳናዳን አፐ ኮዬድኖ።
LUK 11:17 ሽን የሱስካ ኡንቱንቱ ቆፋ ኤሪደ ኡንቱንታ ሀዋ ያጌዳ: “ባረ ግዶን ሻከትያ ካዉተꬃይ ኡባይ ꬋያናዋ፤ ሻከትያ ጎሊካ ኩንዴ።
LUK 11:18 ያትና ሴጻና ካዉተꬃይ ባረ ግዶን ሻከቶፐ አ ካዉተꬃይ ዎት ኤቃናዌ? ህንተንቱ ታና፥ ‘ጻላህያ ካፑዋ ብኤል-ዘቡል ነዉ ዎልቃ እምና ከሳ’ ያግ ሃሳዪታ።
LUK 11:19 ስም ታን ብኤል-ዘቡላ ዎልቃን ጋሌናቱዋ ከስያዋ ግዶፐ ህንተንቱ ናናይ ኦ ዎልቃን ከሳናዋንቴ? ሀዋ ግድያ ድራዉ፥ ኡንቱንቱ ህንተንቱ ቦላን ፕርድያዋንታ ግዳናዋንታ።
LUK 11:20 ሽን ታን ጋሌናቱዋ ከስያዌ ጾሳ ዎልቃና ግዶፐ፥ ስም ጾሳ ካዉተꬃይ ህንተንቱኮ ዬዳዋ ኤርተ።
LUK 11:21 “ዎልቃማ አሳይ በስያዋዳን ምኒደ ባረ ጎልያ ናጎፐ፥ አ ሻሉ ሎይꬅ ናገታናዋ።
LUK 11:22 የዉዋን ቃይ አፐ ምኑዋ ዳርያዌ ዪደ አ ቆሆፐነ ጾኖፐ እ አማነቴዳ ቶራነ ጎንዳልያ አፐ ዎꬅ አኪደ፥ አዉ ደእያ ሚሻ ግሸት አኬ።
LUK 11:23 “ታ ባጋ ግደናዌ ታናና ኤቀቴ፤ ታናና ሺሽ ቤናዌካ ላሌ።
LUK 11:24 “ቱና አያናይ አሳፐ ከሴዳ ዎደ፥ ባረዉ ሸምፕያ ሳ ኮዪደ፥ ሃꬃይ ባንታሳና አꬍ ቤ። ሸምፕያ ሳ ደመናን አቶፐ፥ ‘ታን ካሰ የጋ ከሴዳ ታ ጎልያ ስማና’ ያጌ፤
LUK 11:25 ስምያ ዎደካ ጎሊ ፕተቲደ ጊጎዋ ደሜ።
LUK 11:26 ሄዋፐ ካላ፥ ቢደ ሀራ አፐ ኢታ ላፑ ቱና አያናቱዋ አክ ያ ገሊደ፥ ሄዋን ደኢኖ፤ ሄ ብታንያ ደኡ ኮይሮዋፐ ካላዌ ኢቶዋ ግዴ” ያጌዳ።
LUK 11:27 የሱስ ሀዋ ሃሳይ ደእሽን፥ እት ምሽራታ ጮራ አሳ ግዶፐ ባረ ኮሻ ꬎቁ ኦꬃደ፥ “ኔና የሌዳዉናነ ꬋንꬄዳ ነ ዳያ አንጀቴዳዉኖ” ያጋዱ።
LUK 11:28 የሱስ ቃይ፥ “አንጀቴዳዋንቱ ጾሳ ቃላ ስሲደ አዛዘትያዋንታ” ያግ ዛሬዳ።
LUK 11:29 ጮራ አሳይ ሺቆ ዎደ የሱስ፥ “ሀ የለታይ ኢታ፤ ኦራꬃ ማላታ ኮዬ፤ ሽን ናብያ ዮናሳ ማላታፐ ሀራይ እመተና።
LUK 11:30 ጋሱካ ዮናስ ነነዌ ካታማ አሳዉ ማላታ ግዶዋዳን፥ ታን፥ አሳ ናአይካ፥ ሀ የለታዉ ማላታ ግዳና።
LUK 11:31 አዋይ ሞክያሳ ጼልያ ዎደ፥ ኡሸቻ ዱገ ባጋና ደእያ ጋድያ ካታታ ሶሎሞነዉ ደእያ አꬎ ኤራተꬃ ስሳናዉ ቢታ ጋጻፐ ዬዳ ድራዉ፥ ፕርዳ ዎደ ሀ የለታን ደንዳደ ፕርዳናዉኑ፤ በእተ፥ ሶሎሞነፐካ አꬍያዌ ሀዋን ደኤ።
LUK 11:32 ነነዌ አሳይ ፕርዳ ዎደ ህንተንቱ ቦላ ደንዲደ ፕርዳናዋንታ፤ አያዉ ጎፐ፥ ኡንቱንቱ ዮናስ ኦዶዋ ስሲደ ባረንቱ ናጋራ ፓጽ ስሜዳ ድራሳ፤ በእተ፥ ዮናሳፐ አꬍያዌ ሀዋን ደኤ።
LUK 11:33 “ሶይ ገልያ አሳዉ ፖአናዳን፥ ጾምፕያ ጾምፒደ ꬎቃሳን ዎꬃናፐ አትን፥ ጌማሳን ዎይ ፖኡዋ ካምያ የዉዋፐ ጋርሳና ዎꬅያዌ ኦንነ ባዋ።
LUK 11:34 ነ አሳተꬃዉ ነ አይፊ ጾምፕያ ማላ፤ ነ አይፊ ፓጻ ግዶፐ ነ ኩመንꬃ አሳተꬃይካ ፖኡዋ ደሜ፤ ሽን ነ አይፊ ሀርጎፐ ነ ኩመንꬃ አሳተꬃይካ ꬉማ።
LUK 11:35 አኬካ፤ ሄዋ ግድያ ድራዉ፥ ነ ጋርሳን ደእያ ፖኡ ꬉመናዳን ናገታ።
LUK 11:36 ስም ነ አሳተꬃይ ኡባይ ፖኡዋን ኩሜዳዋ ግዶፐነ፥ ꬉሜዳ አሳተꬃይ ኔናን ባይናዋ ግዶፐ፥ ነ አሳተꬃይ ኡባይ፥ ጾምፒ ባረ ፖኡዋ ነ ቦላን ፖእስያዋዳን፥ ነ ቦላን ዋጋጋ ፖኡዋ ግዳናዋ” ያጌዳ።
LUK 11:37 የሱስ ሃሳያ ዉርሶዋፐ ካላ፥ እት ፓርሳዌ ብታኒ ባረ ጎለን ቁማ ማናዳን አታሌዳ፤ የሱስካ እትፐ ገሊደ ጋይታን ኡቴዳ።
LUK 11:38 ፓርሳዊካ የሱሳ ቁማ ማናፐ ካስያን ኩሽያ ሜጨት ቤናዋ በኢደ ማላለትና፥
LUK 11:39 ጎዳይካ፥ “ህንተንቶ ፓርሳዋቶ፥ ጹኣነ ሻታ ቦላ ባጋ ጌሺታ፤ ሽን ህንተንቱ ጋርሳይ ኡዝያንነ ኢታተꬃን ኩሜዳ።
LUK 11:40 ህንተንቶ ኤያቶ! ቦላ ባጋ መꬌዳዌ ጋርሳ መꬍቤኔ?
LUK 11:41 ሽን ህንተንቱ ጹኣንነ ሻታ ጋርሳን ደእያዋ ህዬሳቶ እምተ፤ ሄ ዎደ ኡባባይካ ህንተዉ ጌሻ ግዳናዋ።
LUK 11:42 “ሽን ህንተንቶ ፓርሳዋቶ፥ ህንተዉ አየ! አያዉ ጎፐ፥ አኑጋፐነ ጻሎትያፐ፥ አጉፕያ ዶኡዋፐ፥ ታሙ ኩሽያፐ እት ኩሽያ ጾሳዉ እሚታ፤ ሽን ቱሙ ፕርዳነ ጾሳ ሲቅያዋ ህንተንቱ አጊታ። የዉዋን ቃይ ሄዋ አገናን ሀዋ ኦꬃናዉ በሴ።
LUK 11:43 “ህንተንቶ ፓርሳዋቶ፥ ህንተዉ አየ! አያዉ ጎፐ፥ አይሁዳ አሳ ዎሳ ጎለን ቦንቾ ኡቱዋ፥ ገያ ግዶንካ ቦንቾ ሳሮታ ኮዪታ።
LUK 11:44 “አሳይ ኤረናን ቦላና ሀመትያ ቤተና ዱፉዋ ማላትያ ድራዉ ህንተዉ አየ!” ያጌዳ።
LUK 11:45 ሙሴ ህግያ ታማርስያዋንቱፐ እቱ፥ “ታማርስያዎ፥ ኔን ሀዋ ያጋ ሃሳዮ ድራዉ ኑና ቦራዳ” ያግ ዛሬዳ።
LUK 11:46 የሱስ፥ “ህንተኖ ህግያ ኤርያዋንቶ፥ ሄንተዉ አየ! አያዉ ጎፐ፥ አሳይ ቶኪደ ዳንዳየና ዴጾ ቶኩዋ ሀራ ቶሲታ፤ ሽን ህንተንቱ ህንተ ሁጰዉ ብራꬍያንካ ቦችክታ።
LUK 11:47 “ህንተንቱ አዎቱ ዎꬌዳ ናባቱዋ ዱፉዋ ሎይꬅያ ድራዉ ህንተዉ አየ!
LUK 11:48 ስም ህንተንቱ አዎቱ ናባቱዋ ዎꬍና፥ ህንተንቱ ኡንቱንቱ ዱፉዋ ቦላን ጎልያ ኬጽያ ድራዉ፥ ናባቱዋ ኦሱ ሎአ ያጊደ፥ ኡንቱንቱዋ ማርካቲታ።
LUK 11:49 ሀዋ ድራዉ፥ ጾሳ አꬎ ኤራተꬃይ፥ ታን ናባቱዋነ የሱስ ኪቶዋንታ ኡንቱንቱኮ ኪታና፤ ኡንቱንቱካ ሄዋንቱፐ እቱዋ እቱዋ ዎꬋናዋንታ፤ እቱዋ እቱዋ መቶꬃናዋንታ ያጌዳ።
LUK 11:50 ሀዋ ግድያ ድራዉ፥ ሀ አላሚ መቶደፐ ዶሚደ ጉኬዳ ናባቱዋ ሱꬃዉ ሀ የለታይ ኦሸቴ።
LUK 11:51 አቤላፐ ዶሚደ ያርሹዋሳፐነ ጌሻ ጎልያፐ ግዱዋን ጉኬዳ ዛካራሳ ሱꬃ ጋካናዉ ኮየቴ። ኤ! ታን ጋይ፤ ሀ የለታይ ሀዎ ኦሸትያዋ።
LUK 11:52 “ህንተንቶ ሙሴ ህግያ ኤርያዋንቶ፥ ህንተዉ አየ! አያዉ ጎፐ ኤራ ፐንግያ ዶይያ ቁልፕያ አኬድታ። ህንተንቱ ህንተ ሁጰዉካ ገልበይክታ፤ ቃይ ገላናዉ ኮይያዋንታካ ድጌድታ” ያጌዳ።
LUK 11:53 የሱስ ሄዋፐ ከሶዋፐ ጉይያን፥ ህግያ ታማርስያዋንቱነ ፓርሳዋቱ አ ኦሻን ኡርጉንꬁሳነ ኤቀቱሳ ዶሜድኖ።
LUK 11:54 አ ዶናፐ ሎኤናባይ ከሶፐ ኦይቃናዉ ጌዲኖ፤ ሽን ደምበይክኖ።
LUK 12:1 ሄ ዎድያን ጮራ ሻኣን ፓይደትያ አሳይ እቱ እቱዋ የꬋና ጋካናዉ ሺቅ ደእሽን፥ የሱስ ባረና ካልያዋንቶ ኮይሮ ኦዳናዉ ዶሚደ፥ “ፓርሳዋቱዋ እርሹዋፐ ናገትተ፤ ሀዌካ ሎአ ማላትያ ኡንቱንቱ እምያ ኢታ ትምርትያ።
LUK 12:2 ሽን አያንነ ካመቴዳ የዉ ቆንጭያ ከሰናን አተና፤ ቃይካ ጌሜዳ የዉ ኤረተናን አተና።
LUK 12:3 ሄዋ ድራዉ ህንተ ꬉማን ሃሳዮዌ ኡባይ፥ ጋላስ ፖኡዋን ስሰታናዋ፤ ህንተንቱ አሳይ ባይናሳን ህን ግሶ ጎልያን ሀይꬃን ሳሱኮዌ ኡባይ ꬎቁ ጌዳ ስሰትያ ቆንጨሳን አዋየታናዋ።
LUK 12:4 “ታናዳን አማንያዋንቶ፥ ታን ህንተዉ ያጋይ፤ ሀእ አሹዋ ዎꬍያዋንታ፥ ሄዋፐ ካላ ቃይ አያነ ኦꬃናዉ ዳንዳየናዋንታ ያዮፕተ።
LUK 12:5 የዉዋን ቃይ ህንተንቱ ኦስ ያያናዉ በስንቶ ታን ህንተንታ ኤርሳና፤ ሄዌካ ዎꬎዋፐ ጉይያን ጋናምያን ኦላናዉ ማታይ ደእያ ጾሳ ጻላላዉ ያይተ፤ ኤ፥ አዉ ያይተ ያጋይ።
LUK 12:6 “እቼሹ ሱንያ ካፋቱ ሳንትምያን ሻመትክኖየ? ሄዋንቱፐ እትኖነ ኡሳ ጾሳይ ዶገና።
LUK 12:7 ሽን ሀራይ አቶ ህንተንቱ ሁጲያን ደእያ ብናናይ ኡባይካ ፓይደቴዳዋ፤ ሀዋ ድራዉ ያዮፕተ፤ ህንተንቱ ጮራ ሱንያ ካፋቱዋፐ ዳሪታ።
LUK 12:8 “ታን ህንተዉ ኦዳይ፤ ታባ አሳ ስንꬃን ማርካትያዎ ኦስነ ታንካ አሳ ናአይ፥ ቃይ ጾሳ ኪታንቻቱዋ ስንꬃን ማርካታና፤
LUK 12:9 ሽን አሳ ስንꬃን ታና ካድያዋንታ ታንካ አሳ ናአይ፥ ቃይ ጾሳ ኪታንቻቱዋ ስንꬃን ካዳና።
LUK 12:10 “ታ ቦላ፥ አሳ ናኣ ቦላ፥ ቦርያ ቃላ ሃሳይያዌ ደኦፐ አ ናቁ አቶ ጌተታና፤ ሽን ጌሻ አያና ቦላ ቦርያ ቃላ ሃሳይያዌ ደኦፐ ቃይ አ ናቁ አቶ ጌተተና።
LUK 12:11 “አሳይ ህንተንታ አይሁደ ዎስያ ጎልያኮ፥ ጋድያ አይስያዋንቱኮነ ማታይ ደእያዋንቱ ስንꬃ ፕርዳዉ ሺሽያ ዎደ፥ ‘ዋግ ዛራኔሻ? ዎይ አያ ጊደ ሃሳያኔሻ?’ ያጊደ ህርጎፕተ፤
LUK 12:12 አያዉ ጎፐ፥ ህንተና አያና ጌሻይ ህንተንቱ ሄ ሳትያን ሃሳያናዉ በስያባ ታማርሳናዋ” ያጌዳ።
LUK 12:13 አሳ ጋርሳፐ እት ብታኒ የሱሳ፥ “ታማርስያዎ፥ ኑ አቡ ሀይቂና ኑን ላታና ማላ አቴዳባ፥ ታዉ ግሻና ማላ ሀያ ጎዶ ታ እሻዉ ኦዳ” ያጌዳ።
LUK 12:14 የሱስ ቃይ፥ “ሀ ብታነዉ፥ ህንተንቱ ቦላን ፕርድያዋ ግዳናዳነ ሄዋ ህንተዉ ግሻናዳን ታና ኦኔ ሱንꬄዳዌ?” ያጌዳ።
LUK 12:15 ጉጂደካ ኡባቱዋ፥ “አሳ ሸምፖ ሻሉዋ ዱረተꬃይ ደኡዋ እመና ድራዉ፥ ያረትያዋፐነ ዮራትያዋፐ ናገትተ፤ ዱረተꬃ አሙዋ ኡባፐካ ህንተና ናግተ” ያጌዳ።
LUK 12:16 ካሊደካ ሀዋዳን ያግ ሌምሱዋ ኡንቱንቶ ኦዴዳ: “አዉ ደእያ ቢታይ ዳርሲደ ካꬃ ሞኬዳ እት ዱረ ብታኒ ደኤ።
LUK 12:17 ሀ ብታኒ፥ ‘ታዉ ታ ካꬃ ዎꬃናዉ ግድያ ሳአይ ባንታዋ ድራዉ አያ ኦꬆሻ?’ ያጊደ፥ ባረ ዎዛናን ቆፔዳ፤
LUK 12:18 ሀዋዳን ያግ ማሌዳ፤ ‘ታን ዎታነ ጎፐ፥ ታዉ ደእያ ዬስያ ኮላደ፥ ሀራ አክያ ዬስያ መꬋና ያጊደ ማሌዳ፤ ሄዋን ታ ካꬃነ ታዉ ደእያ ሚሻ ኡባ ዎꬃና።
LUK 12:19 ያታደ ታና፥ “ነ ካጫይ ዳሮ ሎአ፤ ነዉ ዳሮ ዎድያዉ ግድያ ማጹዋ ሺሻዳ፤ ስም ሸምፓደ ማ፥ ኡሻ፥ ናሸታ” ጋና’ ያጌዳ።
LUK 12:20 “ሽን ጾሳይ አ፥ ‘ሀ ቦዛዉ፥ ሀቼ ቃማ ኔን ሀይቃ። ያትና ሀ ኔን ሺሼዳ ማጹ ኡባይ ኦስ ግዳናዌ?’ ያጌዳ።
LUK 12:21 “ባረዉ ቢታ ቦላን ሻሉዋ ሺሽያዌ፥ ጾሳ ስንꬃን ቃይ ማንቆ ግዴዳ አሳይ ሀ ብታንያ ማላ” ያጌዳ።
LUK 12:22 ሀዋፐ ካላ የሱስ ባረና ካልያዋንታ፥ “ሀዋ ድራዉ፥ ታ ህንተዉ ኦዳይ: ህንተንቱ ፓጻ ደአናዉ አያ ማኔ? ህንተንቱ ቦላዉ አያ ማያኔ? ያጊደ ህርጎፕተ።
LUK 12:23 “ጋሱካ፥ ሸምፑ ቁማፐ፥ ቃይ አሳተꬃይ ማዩዋፐ አኔ?
LUK 12:24 አነ ቁራቱዋ ጼልተ፤ ኡንቱንቱ ዘርክኖ፤ ጫክክኖ፤ ኡንቱንቶ ካꬃ ሺሽያ ሳአይ ዎይ ዬሲ ባዋ፤ ሀኖፐ አትን፥ ኡንቱንታ ጾሳይ ምዜ፤ ህንተንቱ ካፋቱዋፐ ዳሮፐ ዳርክቴ?
LUK 12:25 ህንተንቱፐ ዳሪ ቆፒደ ዳሮ ዎድያ ደአናዉ ዳንዳይያዌ ኦኔ?
LUK 12:26 “ስም ህንተንቱ ሀ ላፋባ ኦꬃናዉ ዳንዳየናዋንታ ግዶፐ አያዉ ሀራባዉ ህርገቲቴ?
LUK 12:27 ጪሻቱ ዎት ድጪኖንቶ አነ ጼልተ፤ ኡንቱንቱ ኪታን ዳቡርክኖ፤ ፑቱዋ ሱቂክኖ፤ ግዶ ሽን ታን ህንተዉ ኦድያዌ፥ ሶሎሞነ ሄዋ ኬና ቦንቼቴዳዋ ግዲደ፥ ሄ ጪሻቱዋፐ እቱዋ ማላነ ማይቤና።
LUK 12:28 ህንተንቶ ላፋ አማኑ ደእያዋንቶ፥ ያቶፐ ጾሳይ ሀቼ ቤቲደ፥ ዎንት ታማን ኤጻናዉ ኦለትያ፥ ደንባን ዶልያ ማታ ሀዋዳን ማይዝያዋ ግዶፐ፥ ህንተንታ ዎቲደ ኡንቱንቱፐ አꬂደ ማይዘኔ?
LUK 12:29 “ሀዋ ድራዉ፥ ‘አያ ማኔ? አያ ኡሻኔ?’ ያጊደ ኡባ ዎደ ኮዮፕተነ ህርጎፕተ።
LUK 12:30 አያዉ ጎፐ፥ ሀዋ ደማናዉ ሀ አላምያን ደእያ ጾሳን አማነተና አሳይ ህርገቲኖ። ህንተንቶ ሀዌ ኡባይ ኮሽያዋ ሳሉዋን ደእያ ህንተንቱ አዉ ኤሬ።
LUK 12:31 ሄዋ ሀንያዋ አጊደ፥ ጾሳ ካዉተꬃ ኮይተ፤ እ ህንተንታ ኮሽያዋ ኡባ እማናዋ።
LUK 12:32 “ህንተንቱ ጉꬃ ግድንቶነ፥ ሳሉዋ ህንተንቱ አዉ ባረ ካዉተꬃ ህንተንቶ እማናዉ ናሸቴዳ ድራዉ ያዮፕተ።
LUK 12:33 “ህንተዉ ደእያዋ ዛልኢደ ማንቆ እምተ፤ ካይሱ ሺቀናሳን፥ ብልአይካ ሜናሳን፥ ሳሉዋን ዉረና ሚሻ ዳጋዪደ፥ ኤጨና ቃርጭታቱዋ ህንተንቱ ሁጰዉ ዎꬅተ።
LUK 12:34 አያዉ ጎፐ፥ ህንተንቱ ዎዛናይ ህንተ ሚሻይ ደእያ ሳን ደአናዋ።
LUK 12:35 “ህንተ ጼሳይ ዳንጨቶዋ፥ ህንተ ጾምፒካ ፖኤዳዋ ግዶ።
LUK 12:36 ህንተንቱካ፥ ባረንቱ ጎዳይ ዪደ ፐንግያ ቆጽያ ዎደ፥ ኤለካ ዶያናዉ ቡላቻፐ ስማና ጋካናዉ ናግያ ኦሳንቻቱዋ ማላትተ።
LUK 12:37 ባረንቱ ጎዳይ ሶይ ዬዳ ዎደ ቤጎት ደእሽን ደምያ ሄ ኦሳንቻቱ አንጀቴዳዋንታ። ታን ቱሙዋ ጋይ፤ እ ኡንቱንታ፥ ‘ኡትተ’ ጊደ፥ ባረ ዳንጩዋ ምንሲደ ኡንቱንቶ ቁማ አꬂደ ሾባናዋ።
LUK 12:38 ጎዳይ ሄካ ብላህያን ዎይ ሄካ ብላህያፐ ካላ ዬዳ ዎደ፥ ቤጎቲደ ገንጭ ናጊደ ቤትያ ቆማቱ አንጀቴዳዋንታ።
LUK 12:39 ሀዋ ቃይ ኤርተ፤ ካይሱ አይ ሳትያን ይንቶ ጎልያዉ ኤርንቶ፥ ጎሊ ቦከትያ ዎደ ጮኡ ጊደ ጼለናሽን።
LUK 12:40 አሳ ናአይ ቆፐና ሳትያን ያናዋ፤ ህንተንቱ ጊገት ናግተ” ያጌዳ።
LUK 12:41 ጰጽሮስካ “ጎዳዉ፥ ሀ ሌምሱዋ ኔን ኦድያዌ ኑ ጻላላሴ ሀራ ኡባዉካ እትፐ ኦዳይ?” ያጌዳ።
LUK 12:42 ጎዳይካ፥ “ስም ኡንቱንቱ ባረ ሶይ አሳዉ ቁማ እማናዉ በስያ ሳትያን እማና ማላ፥ አ ጎዳይ ሱንꬅያ አማነቴዳነ ኤራንቻ ምዝያ ቆማይ ኦኔ?” ያጌዳ።
LUK 12:43 ጎዳይ ስምያ ዎደ ሀዋዳን ኪተቲና ደምያ ቆማይ እ አንጀቴዳዋ።
LUK 12:44 ታን ህንተዉ ቱሙዋ ኦዳይ፤ ደእያ ማጹዋ ኡባ ቦላን አ ሱንꬃናዋ።
LUK 12:45 የዉዋን ቃይ ሄ ቆማይ፥ “ታ ጎዳይ ኤለ ዬና፤ ጋምአናዋ” ያግ ባረ ዎዛናን ቆፖፐነ አቱማነ ማጫ ቆማቱዋ ሾቻ ዶሞፐ፥ ቃይካ ኮዮዋዳን ሙሳነ ኡሻ፥ ማꬆቱሳካ ዶሞፐ፥
LUK 12:46 ሄ ቆማ ጎዳይ፥ እ ቆፐና ጋላስነ ስꬍቤና ሳትያን ያናዋ፤ ሄ ዎድያን አ ቃንጸሬꬂደ፥ አ ግሹዋ ካጫካ አማነናዋንቱና እትሳ ኡዳናዋ።
LUK 12:47 ባረ ጎዳ ሸንያ ኤሪደ ጊገናዌነ አ ሸንያዳን ኪተተና ቆማይ፥ እ ኢታ ꬎኦባ ꬎኦበታናዋ።
LUK 12:48 ኤርቤናዌ ቃይ ꬎኦበታናዉ በስያዋ ኦꬄዳዌ፥ ጉꬃ ꬎኦበቴ። ዳሮባይ እመቴዳ አሳ ኡባፐ፥ አፐ ዳሮባይ ኮየቴ፤ ዎልቃማ ሀዳራይ እመቶዋፐ፥ አፐ ዳርሲደ ኮየቴ።
LUK 12:49 የሱስ፥ “ታን ዬዳዌ፥ ሀ ሳኣ ቦላ ታማ ሳꬃናሳ፤ ሀእካ ኤጼደንቶ፥ ታና አይ ኬና ናሸቻናዌሻ።
LUK 12:50 ታን ጻማቀታና መቱዋ ጽንቃታይ ፖለታና ጋካናዉ ዋናደ ኡንኤታይታ!
LUK 12:51 ሀ ሳኣ ታን ዬዳዌ፥ ሳሮተꬃ አሀናሳ ማላቲዬ? ህንተዉ ማላቶፖ። ታን ዮዌ፥ ሳሮታዉ ግደናን ሻካናሳፐ አትን።
LUK 12:52 አያዉ ጎፐ፥ ሀእፐ ዶምና እት ጎልያን ደእያ እቼሹ አሳቱ ሻከታናዋንታ፤ ሄዛቱ ላአቱዋ ቦላ፥ ላአቱካ ሄዛቱዋ ቦላ ደንዲደ ዋላቀታናዋንታ።
LUK 12:53 አዉ ናኣ ቦላ፥ ናአይካ አዉዋ ቦላ፥ አታ ናት ቦላ፥ ናታካ አት ቦላ፥ ቦሎታታ ናኣ ማች ቦላ፥ ናኣ ማቻካ ቦሎታት ቦላ፥ ዋላሳን ደንዲደ ሻከታናዋንታ” ያጌዳ።
LUK 12:54 ቃይካ የሱስ አሳዉ፥ “አዋይ ዉልያ ባጋና ህንተ ሻርያ በኦፐ፥ ‘ሀእ ሀ ሳትያን ሄኮ ዎልቃማ እራይ ቡካና ሀኔ’ ያጊታ፤ ቱሙካ ቃይ ቡኬ።
LUK 12:55 ዱገ ባጋና ጫርኩ ጫርኮደ፥ ‘ሀቼ ሻማናዋ’ ያጊታ፤ ጌተቶዋዳንካ ቃይ ሀኔ።
LUK 12:56 ህንተኖ ሎአ ማላትያ ኢታቶ፥ ሳኣነ ሳሉዋ ጼሊደ፥ ሀናናዋ ኤሪታ፤ ሽን ሀ ዎድያባ ዎት ኤራናዉ ዳንዳይክቴ?
LUK 12:57 “ዎደ ህንተንቱ ጽሎ ግዴዳ የዉዋ ህንተንቶ አያዉ ፕርድክቴ?
LUK 12:58 ነ ሞርክያና እትፐ ፕርድያ ዳና ስንꬃን ሺቃናዉ ቦደ፥ ብሮ ኦግያ ቦላ ደእሽን ስገታ ድጋ። ሄዌ ꬋዮፐ ኔና ጎቺደ ፕርድያ ዳናኮ አፋና፤ ዳናይካ ፖልሰዉ አꬅ እማናዋ፤ ፖልሲ ቃሾ ጎለን የጋናዋ።
LUK 12:59 ታን ነዉ ኦድያዌ፥ ዉርሰꬃ አጩዋ ጭጋና ጋካናዉ ሄዋፐ ከሳካ” ያጌዳ።
LUK 13:1 ሄ ዎድያን እት እት አሳቱ የሱሳኮ ዪደ ጵላጾስ ጋሊላ አሳ ዎꬊደ ኡንቱንቱ ሱꬃ ያርሹዋና እትፐ ዋላኬዳዋ አዉ ኦዴድኖ።
LUK 13:2 የሱስካ ዛሪደ፥ “ሀዋንቱ ጋሊላ አሳቱ ሀይቄዳ ድራዉ፥ ያትና ኡንቱንቶ ሀራ ጋሊላ አሳ ኡባፐካ አꬊደ ናጋራንቻቱዋ ግዶዋንታ ማላቲኖ?
LUK 13:3 ታን ያጋይ፥ ሀዋዳን ግደና፤ የዉዋን ቃይ ህንተ ናጋራ ፓጺደ ናጋራፐ ስመናን እጾፐ፥ ህንተንቱ ኡባቱካ ሄዋዳን ሀይቂታ።
LUK 13:4 ዎይ ሳልሆማ ግምቢ ኡንቱንቱ ቦላ ኩንዲደ፥ ዎꬌዳ ታማነ ሆስፑን አሳቱዋ የሩሳላመን ደእያዋንቱ ኡባፐ አꬊደ ናቆዋንታ ማላቲኖ?
LUK 13:5 ሀዋዳን ግደና ያጋይ፤ የዉዋን ቃይ ናጋራ ፓጻና ꬋዮፐ ኡባቱካ ሀዋዳን ባያንታ” ያጌዳ።
LUK 13:6 የሱስካ ሀዋዳን ያግ ሌምሱዋ ኦዴዳ፥ “እት ብታነዉ ዎይንያ ቱራ ጎሻ ጋደን ቶከቴዳ ባላስያ ጌተትያ አይፊ ሜተትያ ምꬃታ ደአዉ፤ ሄ ብታኒካ ምꬃታ አይፋደንቶነ ጊደ ዬዳዌ፥ አይኔካ አይፍያ ደምቤና።
LUK 13:7 ዎይንያ ቱራ ናግያዋ እ፥ ‘ታን ሀ ባላስያ ጌተትያ ምꬃትፐ አይፍያ ደማናዉ ሄዙ ላይꬃ ስመረታደ አያነ ደማበይከ። ሄዋ ድራዉ ደካ ደንꬃ ድጋ፤ አያዉ ቢታ ጮ መልሳይ?’ ያጌዳ።
LUK 13:8 ናግያዌካ ዛሪደ፥ ‘ጎዳዉ፥ ታን እ ዩሹዋ ሀሩማናዉነ ፕቱዋ ኦላናዉ፥ ሀ ላይꬃ ጻላላዉ ባሻ።
LUK 13:9 ስንꬃዉ አይፎፐ ሎአ፤ ሽን አይፈናን እጾፐ ደከቱ’ ጌዳ” ያጌዳ።
LUK 13:10 የሱስካ እት ሳምባታ ጋላስ አይሁዳ ዎሳ ጎላቱዋፐ እቱዋን ታማርስ ደኤ።
LUK 13:11 ሄዋንካ ታማነ ሆስፑን ላይꬃ ኩመንꬃ ቱና አያናይ ቁንሴዳ ምሽራታ ደአዉ። እዛካ ሱራደ ኤቃናዉ አይነ ዳንዳያበይኩ።
LUK 13:12 የሱስካ እዞ በኤዳ ዎደ ጼሲደ፥ “ሀ ምሽራቴ፥ ነ ሀርግያፐ ፓጻዳ” ያጌዳ።
LUK 13:13 የሱስ ባረ ኩሽያ እዝ ቦላ ዎꬅና፥ ሄ ዎደ ሱራ ስት ጋ ኤቃደ ባረ ጾሳ ጋላታዱ።
LUK 13:14 ሽን አይሁዳ ዎሳ ጎለ ካፑ ቃይ የሱስ ሳምባታን ፓꬄዳዋ ድራዉ ሀንቀት ዛሮዋሽን አሳቱዋ፥ “ኪተታናዉ በስያ ኡሱፑን ጋላሳቱ ደኢኖ፤ ሄ ጋላሳቱን ዪደ ፓጽተፐ አትን ሳምባታን ግደና” ያጌዳ።
LUK 13:15 ጎዳይካ ዛሪደ፥ “ሀ ሎአ ማላትያ ኢታ አሳቶ፥ ህንተንቱፐ እቱካ ሳምባታ ጋላስ ቦራ ማጋዱዋፐ ዎይ ሀርያ ጋጻታፐ ብሊደ ሃꬃ ኡሻናዉ አፈኔ?
LUK 13:16 ሀና አብራሃሞ ያራ ግዴዳዉና፥ ታማነ ሆስፑን ላይꬃ ኩመንꬃ ጻላሂ ቃቼዳዉና ሳምባታ ጋላስ ሄ ቃሹዋፐ ብለታናዉ በሰኬ?” ያጌዳ።
LUK 13:17 ሀዋ ኦዴዳ ዎደ ኤቀትያዋንቱ ኡባይ ዬላቴድኖ፤ አሳይ ኡባይ ቃይ እ ኦꬄዳ ማላልስያ ኦሱዋን ኡባን ናሸቴድኖ።
LUK 13:18 የሱስካ፥ “ጾሳ ካዉተꬃይ አያ ማላቲ? እ አያ ማላትንቶ፥ ታን ህንተንታ ዎታ በሶ?
LUK 13:19 ጾሳ ካዉተꬃይ ሳናፍጭያ ጌተትያ ቄር ምꬃት አይፍያ ማላቴ። ሄ ምꬃት አይፍያ አሳይ አኪደ ጎሻ ጋርሳን ዘሬዳ፤ ዘረቶና ድጫደ ዎጋ ምꬃ ግዳዱ፤ ያትና ሳሉዋ ካፋቱካ እዝ አጫ ቦላ ባረንቶ ጎልያ ኬጼድኖ” ያጌዳ።
LUK 13:20 የሱስካ ዛሪደ፥ “ጾሳ ካዉተꬃይ አያ ማላትንቶ፥ ታን ህንተንታ ዎታ በሶ?
LUK 13:21 እት ምሽራታ ሄዙ ከርያ ꬊልያ አካደ፥ ሙናቄዳ ሙናቃይ ኡባይ ደንዳና ጋካናዉ፥ አን ትጌዳ እርሹዋ ማላቴ” ያጌዳ።
LUK 13:22 ሄዋፐ ካላ የሱስ የሩሳላመ ቢደ፥ ዎጋ ካታማንነ ቄር ካታማን ደእያ አሳ ታማርሲደ አꬌዳ።
LUK 13:23 ሄ ዎደ እት ብታኒ ሺቂደ አ፥ “ጎዳዉ፥ ጾሳ ፕርዳፐ አትያዋንቱ ጉꬃ አሳ ጻላሌ?” ያጌዳ። ሄዋፐ ጉየ የሱስ ኡንቱንታ፥
LUK 13:24 “ታን ህንተንቶ ኦዳይ፤ ኡንአ ፐንግያና ገላናዉ ባጸትተ። ጮራ አሳይ ገላናዉ ኮዪኖ፤ ሽን ዳንዳይበይክኖ።
LUK 13:25 ጎልያዉ ደንዲደ፥ እፍꬃ ቃቾዋፐ ጉየ ህንተንቱ ካረን ኤቂደ፥ ‘ጎዳዉ፥ ጎዳዉ፥ ኑዉ ዶያርኪ’ ያጊደ ጼሳ ዶምያ ዎደ፥ እካ ዛሪደ፥ ‘ሀቃፐ ዬድተንቶ፥ ታን ህንተንታ ኤርከ’ ያጋናዋ።
LUK 13:26 “ሄ ዎደ ህንተንቱ፥ ‘ኑን ኔናና እትፐ ሜዶ፤ ኡሼዶ፤ ኔን ኑ ሄራንካ ታማርሳዳ’ ያጋናዋንታ።
LUK 13:27 “የሱስ ቃይ፥ ‘ታን ህንተንቶ ኦዳይ፤ ህንተንቱ ሀቃፐ ዬድተንቶ፥ ታን ህንተንታ ኤርከ፤ ኡባቱካ ማካላንቻቱ ታ ማታፐ ሃክተ’ ያጋናዋ።
LUK 13:28 “አብራሃሞ፥ ይሳቅ፥ ያቆብነ ናባቱ ኡባይ ህንተንቱ ካረን ኤቂሽን፥ ጾሳ ካዉተꬃን ደእያዋንታ ህንተንቱ በእያ ዎደ፥ ህንተንቶ ዬኮነ አቻ ꬋቁዋ ግዳናዋ።
LUK 13:29 “አሳይ አዋይ ዶልያሳፐነ ዉልያሳፐ፥ ቃይ ክልባጋፐነ ህርክባጋፐ ዪደ፥ ጾሳ ካዉተꬃ ጋይታን ኡቲኖ።
LUK 13:30 በእተ፤ ጉየቴዳዋንቱ፥ ስንꬃታናዋንታ፤ ስንꬃቴዳዋንቱ ቃይ ጉየታናዋንታ” ያጌዳ።
LUK 13:31 ሄ ዎደ ፓርሳዋቱዋፐ እቱ እቱ የሱሳኮ ዪደ፥ “ሄሮድሰ ኔና ዎꬋናዉ ኮይያ ድራዉ፥ ሀዋፐ ባ ድጋ” ያጌድኖ።
LUK 13:32 የሱስ ዛሪደ፥ “ቢደ ሄ ዎራካናዉ፥ ‘ሀቼነ ዎንት ኢታ አያናቱዋ ከሳና፤ ሀርጋንቻቱዋካ ፓꬃና፤ ሄዘንꬆ ጋላስ ታ ኦሱዋ ዉርሳና’ ያግተ።
LUK 13:33 ሀኖፐ አትን ናቢ የሩሳላመፐ ሀራሳን ሀይቃናዉ በሰና ድራዉ፥ ታን ሀቼ፥ ዎንትነ ዎንትፔሽ ኦግያ ቦላ ደአናዉ በሴ።
LUK 13:34 “የሩሳላመ ካታማ አሳዉ፥ የሩሳላመ ካታማ አሳዉ፥ ናባቱዋ ዎꬍያዋንቶ፥ ህንተንቱኮ ኪተቶዋንታ ሹቻን ጫድያዋንቶ፥ ኩታታ ባረ ማራቱዋ ባረ ቀፍያፐ ጋርሳና ሺሻ ሀጵያዋዳን፥ ታን ህንተንቱ ናና እት ጋድያ ሺሻናዉ አፑ ገደ ኮያድታ! ሽን ታና ድጌድታ።
LUK 13:35 በእተ፤ ጾሳይ ህንተንቱ ጎልያ አይነ ኦልቤና፤ ታን ህንተንቶ ያጋይ፤ ህንተንቱ፥ ‘ጎዳ ሱንꬃን ይያዌ አንጀቴዳዋ’ ጋና ጋካናዉ፥ ታና በእክታ” ያጌዳ።
LUK 14:1 ሳምባታ ጋላስ ፓርሳዋቱዋ ሱንꬃቱዋፐ እቱዋ ጎለ የሱስ ቁማ ማናዉ ገሌዳ ዎደ፥ አያ ኪተትንቶ በአናዉ አሳቱ ናግ ደኢኖ።
LUK 14:2 ቦላይ ጋፍና መቶትያ እት ብታኒ የሱሳፐ ስንꬃና ደኤ።
LUK 14:3 የሱስ ህግያ ታማርስያዋንታነ ፓርሳዋቱዋ፥ “ሳምባታን ፓꬃናዉ ዳንዳየት ዳንዳየተኔ?” ጊደ ኦቼዳ።
LUK 14:4 ኡንቱንቱካ ጮኡ ጌድኖ። እ ሄ ብታንያ ቦላ ቦች ፓꬂደ አ ሞይዜዳ።
LUK 14:5 የሱስ ኡንቱንታ፥ “ህንተንቱፐ ሀሪ ዎይ ቦራይ ኦላን ኩንድንቶ፥ ሳምባታ ጊደ ኤሌል ከሰናዌ ኦኔ?” ጌዳ።
LUK 14:6 ኡንቱንቱካ ሀ የዎ እት ዛሩዋነ እማናዉ ዳንዳይበይክኖ።
LUK 14:7 የሱስ ሾበቶዋንቱ ቦንቾሳ ዶርያ ዎደ ጼሊደ፥
LUK 14:8 “ኦንነ ቡላቻ ጼሶፐ፥ ቦንቼቴዳሳን ኡቶፓ፤ ኦን ኤር ኔፐ አꬂደ ቦንቼቶዌ ጼሰቴዳዋ ግዳናዋ።
LUK 14:9 ኔናነ አነ ጼሳዌ ዪደ፥ ‘ሀዎ፥ ኡቱዋ አዉ ዬዳ’ ያግና፤ ሄ ዎድያን ዬላታደ ጻደና ደእያ ሳን ኡቱዋ ዶማሳ፤
LUK 14:10 የዉዋን ቃይ ኔን ጼሴቶ ዎደ ኔና ጼሶዌ ዪደ፥ ‘ታ ላገዉ፥ ክል ꬎቃሳን ኡታ’ ጋና ማላ፥ ባደ ኡባፐ ሆካሳን ኡታ፤ ሄ ዎደ ኔናና እትፐ ኡቴዳዋንቱ ኡባቱዋ ስንꬃን ነዉ ቦንቹ እመታናዋ፤
LUK 14:11 ባረ ሁጲያ ꬎቁ ኦꬅያ ኡባይ ቶሸታናዋ፤ ባረ ሁጲያ ቶችያዋንቱ ꬎቁ ጊኖ” ያግ ሌምሱዋ ኡንቱንቶ ኦዴዳ።
LUK 14:12 የሱስ ባረና ጼሴዳዋ ዛሪደ፥ “ኔን ላጻ ዎይ ካዉዋ ጊግሴዳ ዎደ፥ ነ ላገꬃቱዋ ዎይ ነ እሻቱዋ ዎይ ዱረ ነ ሾራቱዋ ጼሶፓ፤ አያዉ ጎፐ፥ ኡንቱንቱ ኔና ባረንቱ ታራን ጼሲደ ኩሽያ ጭጋና ዳንዳዪኖ።
LUK 14:13 ሽን አታልያባ ጊግሴዳ ዎደ፥ ህዬሳቱዋ፥ ጉንዳቱዋ፥ ዶማቱዋነ ቆቃቱዋ ጼሳ።
LUK 14:14 ኡንቱንቱ ነዉ ኩሽያ ዛራናዉ ዳንዳየናዋንታ ግድያ ድራዉ፥ ኔን አንጀታናሳ። ጽላቱ ሀይቁዋፐ ደንድያ ዎደ ጾሳይ ነዉ ኩሽያ ዛራናዋ” ያጌዳ።
LUK 14:15 የሱስ ሃሳያ ዉርስያ ዎደ፥ ቁማ ማናዉ ኡቶ አሳፐ እቱ ሀዋ ስሲደ፥ “ጾሳ ካዉተꬃ ጋይታን ኡትያዌ አንጀቴዳዋ” ጌዳ።
LUK 14:16 የሱስካ ሀዋዳን ጌዳ፤ “እት ብታኒ ዳሮ ሎኦ ካዉዋ ጊግሲደ፥ ጮራ አሳቱዋ ጼሴዳ።
LUK 14:17 ካዉዋ ዎዲ ጋክና፥ ካሰ ጼሰቶዋንታ፥ ‘ሀእ ካዉ ጊጌዳ፥ ሃይተ’ ጊደ ጼሳና ማላ ባረ ጎለን ኪተትያ ቆማ ኡንቱንቱኮ ኪቴዳ።
LUK 14:18 ሽን ኡባቱካ እትፐ፥ ቤናዳን አጋና ማላ ዎሴድኖ፤ ኮይሮ ብታኒ ቆማዉ ኦዲደ፥ ‘ታን ቢታ ሻሜዳ ድራዉ ባደ በአናዉ ኮሼ፤ ሄዋ ድራዉ ሀያ ጎዶ ታዉ ሀንቀቶፓርክ’ ጌዳ።
LUK 14:19 “ላኤንꬅያዌ ቃይ፥ ‘ታን እቼሹ ዋꬃ ቦራቱዋ ሻሜዳዋንታ ዋጻ በአናዉ ብያ ድራዉ፥ ሀያ ጎዶ ታዉ ሀንቀቶፓርክ’ ጌዳ።
LUK 14:20 “ሀራይ ቃይ፥ ‘ታን ማቻቶ አኬዳ ድራዉ፥ ያናዉ ዳንዳያበይከ’ ጌዳ።
LUK 14:21 “ቆማይካ ዪደ ባረ ጎዳዉ፥ ሀኖዋ ኡባ ኦዴዳ። ሄ ዎደ ጎዳይ ዳሮ ሀንቀቲደ፥ ባረ ጎልያን ኪተትያ ቆማ፥ ‘ህን ካታማ ኦግያነ ሎሶ ኦግያ ኤሌላደ ከሳ፤ ማንቃቱዋነ ጉንዳቱዋ፥ ዶማቱዋነ ቆቃቱዋ ሃ አካደ ያ’ ጌዳ።
LUK 14:22 “አ ቆማይካ፥ ‘ጎዳዉ፥ ኔን ታና አዛዞዋዳን ኦꬃድ፤ ሽን ሀእካ ሀራ አሳ አክያ ሳአይ ደኤ’ ጌዳ።
LUK 14:23 ጎዳይካ ባረ ቆማ፥ ‘ታ ጎሊ ኩማናዳን ህን ኦግያፐ ካረ ባጋነ ድርሳ ጋጻ ኡባ ከሳደ፥ አሳ ታ ጎለ አካደ ያ።
LUK 14:24 አያዉ ጎፐ፥ ኮይሮ ታ ጎለ ሾበቴዳዋንቱፐ እት አሳይነ ታ ቁማ ሜና’ ጌዳ” ያጌዳ።
LUK 14:25 ጮራ አሳይ የሱሳና እትፐ ብደእያ ዎደ፥ እካ አሳኮ ጉየ ስሚደ፥
LUK 14:26 “ኦንነ ታኮ ይያዌ ደኦፐ ባረ አባነ አቶ፥ ባረ ማቻቶነ ባረ ናና፥ ባረ እሻቱዋነ ምቻቱዋ፥ ባረ ደኡዋ አሸናን ታፐ አꬅ ዶሶፐ፥ ታና ካልያዋ ጌተታናዉ ዳንዳየና።
LUK 14:27 ኦንነ ባረ ማስቃልያ ቶኪደ፥ ታ ጌዱዋ ካለናን ꬋዮፐ፥ ታና ካልያዋ ግዳናዉ ዳንዳየና።
LUK 14:28 “ህንተንቱፐ እቱ ሹቻ ጎልያ ኬጻናዉ ኮዮፐ፥ ኪታ ዉርሳናዉ ግድያ ሻሉዋ ካሰቲደ ኡት ሄተናዌ ኦኔ?
LUK 14:29 ሄዌ ꬋዮፐ፥ ጎልያ ዶሚደ፥ ኪታ ዉርሳናዉ ዎልቃይ እጾፐ፥
LUK 14:30 በኤዳዋንቱ ኡባይ፥ ‘ሀ ብታኒ ኬጻናዉ ዶሜዳ፤ ሽን ኪታ ዉርሳናዉ ዳንዳይቤና’ ጊደ ቅሊጪኖ።
LUK 14:31 “ዎይ ታሙ ሻአ ኦላንቻቱዋ ኦይቄዳ እት ካቲ፥ ሀራ ላታሙ ሻአ ኦላንቻቱዋ ኦይቄዳዋንቱና ኦለታናዉ ዳንዳዮፐነ ኮይሮና፥ ታን ጾናኔ ጾንክታሻ ጊደ ኡት ቆፐኔ?
LUK 14:32 ባረዉ ዳንዳየተናን ꬋዮፐ፥ ኦላዉ ይያ የኮ ካቲ ሃኩዋን ደእሽን ኪቲደ ስገታናዉ ዎሴ።
LUK 14:33 ስም ሀዋዳንካ ህንተንቱፐ ኦንነ ባረዉ ደእያዋ ኡባ አገናዌ፥ ታና ካልያዋ ግዳናዉ ዳንዳየና።
LUK 14:34 “ማጽኒ ሎአ፤ ሽን ሎቅሎቀናን ꬋዮፐ፥ ላኤንꬆ አ ዎት ሎቅሎቅሳናዉ ዳንዳየቲ?
LUK 14:35 ቢታዉካ ሎኤና፤ ቱኤያናዉካ ማደናዋ ግዶ ድራዉ፥ አሳይ አ ኦል አጌ። ስስያ ሀይꬃይ ደእያዌ ሀዋ ስሶ” ያጌዳ።
LUK 15:1 እት ጋላስ፥ ቃራጻ ሺሽያዋንቱነ ናጋራንቻቱ ኡባይ የሱሳ ስሳናዉ አኮ ሺቄድኖ።
LUK 15:2 ፓርሳዋቱነ ሙሴ ህግያ ታማርስያዋንቱ፥ “ሀ ብታኒ፥ ናጋራንቻቱዋ ሺሽያዋነ ኡንቱንቱና ቁማ ምያዋ” ያጊደ ዙዙሜድኖ።
LUK 15:3 የሱስካ ሌምሱዋን ዛሩዋ ሀዋዳን ያግ ኦዴዳ:
LUK 15:4 “ጼቱ ዶርሳይ ደእያ ኡራይ ህንተንቱ ግዶፐ ደእንቶ ሄዋፐ እቱ ባይንቶ ኡዱፑ ታማነ ኡዱፑኑዋ ደንባን አጊደ ባዬዳዋ ቤታና ጋካናዉ ኮየናዌ ኦኔ?
LUK 15:5 ደሜዳ ዎደ ናሸቻን ባረ ሀሽያ ቦላን ዶርሳ ቶክ፥
LUK 15:6 ባረ ጎለ ስሚደ፥ ባረ ዶስያዋንታነ ሾራቱዋ እትፐ ጼሲደ፥ ‘ባዬዳ ታ ዶርሳ ደሞ ድራዉ፥ ታናና እትፐ ናሸትተ’ ያጊደ ኦዴ።
LUK 15:7 ሄዋዳንካ ናጋራ ፓጸꬃ ኮሸና ኡዱፑ ታማነ ኡዱፑ ጽላቱዋፐ አꬂደ ናጋራ ፓጽያ እት ናጋራንቻን ሳሉዋን ዳሮ ናሸቻይ ግዳናዋ።
LUK 15:8 “ቃይካ ታሙ ናሃስያ ሳንትሚ ደእያ ምሽራታ ታሙዋፐ እቱ ባይንቶ ደማና ጋካናዉ ጾምፕያ ጾምፓደ፥ ጎልያ ፕታደ ሎይꬃ ኮየናዉና እዛ ኦኔ?
LUK 15:9 እዛካ ደሜዳ ዎድያን ባረ ዶስያዋንታነ ባረ ሾራቱዋ እትፐ ጼሳደ፥ ‘ታፐ ባዬዳ ሳንትምያ ደሜዳ ድራዉ፥ ታናና እትፐ ናሸትተ’ ያጋደ ኦዳዉ።
LUK 15:10 ሄዋዳንካ ናጋራ ፓጽያ እት ናጋራንቻ ጋሶተꬃን ጾሳ ኪታንቻቱዋ ስንꬃን ናሸቻይ ሀናናዋ” ያጌዳ።
LUK 15:11 ጉጂደ የሱስ፥ “ላኡ ናናይ ደእያ እት ብታኒ ደኤ፤
LUK 15:12 ኡንቱንቱፐካ ቴፋ ናአይ፥ ‘ነ ማጹዋፐ ታና ጋክያዋ እማ’ ጌዳ። አዉካ ባረ ማጹዋፐ ናናቶ ግሼዳ።
LUK 15:13 ጉꬃ ዎድያፐ ጉይያን ቴፋ ናአይ ባረና ጋኬዳዋ ኡባ ሺሽ አኪደ ህን ሃኮ ጋደ ቤዳ፤ ሄዋን ባረ አኬዳ ሚሻ ኡባ ላል ዉርስ አጌዳ።
LUK 15:14 እካ ደእያዋ ኡባ ዉርሴዳዋፐ ጉይያን ሄ ጋደን ዎልቃማ ኮሻይ ገሌዳ፤ እካ መቱዋን ኡንኤቱሳ ዶሜዳ።
LUK 15:15 ሀዋ ድራዉ ሄ ጋደን ደእያዋንቱፐ እቱዋኮ ሺቂደ፥ ‘ታና ነዉ ቆማ ኦꬃርኪ?’ ያግና፥ ብታኒካ ባረ ጉዱንꬃ ዉድያ ሄማና ማላ አ ደምባ የዴዳ።
LUK 15:16 ጉዱንꬃ ዉዲ ምያ ሀልኡዋ ማናዉ አሞቴዳ፤ ሽን ሄዌንቶካ አዉ እምያዌ ቤትቤና።
LUK 15:17 “ባረ ባይዙዋ ኤሮ ዎደ፥ ‘ቁማይ ጾኒደ ሳኣን አትያ ታ አቦ ኦꬅያዋንቱ አፑኔ፤ ሽን ታን ሀዋን ኮሻን ሀይቃና ማታይታ?
LUK 15:18 ደንዳደ ታ አቡኮ ባኔ’ ሀዋዳን ያጋና፤ ‘ታ አቦ፥ ጾሳካ ኔናካ ናቃድ፤
LUK 15:19 ሀንፐ ጉየ ነ ናኣ ያገታደ ጼሰታናዉ በስከ፤ ነዉ ኪተትያዋንቱፐ እቱዋዳን ታና ዎꬃርኪ ጋና’ ጌዳ።
LUK 15:20 ሄ ማንእያን ደንዲደ ባረ አቡኮ ዬዳ። “እ ብሮ ሃኩዋን ደእሽን፥ አዉ በኢደ፥ አዉ ቃረቴዳ፤ አኮ ዎጽ ቢደ፥ አ እድም የሬዳ።
LUK 15:21 “ናአይካ፥ ‘ታ አቦ፥ ታን ጾሳካ ኔናካ ናቃድ፤ ሀንፐ ጉየ ነ ናኣ ጌተታደ ጼሰታናዉ በስከ’ ያጌዳ።
LUK 15:22 “ሽን አዉ ባረ ኦሳንቻቱዋ፥ ‘ኤሌል ቢደ፥ ኡባፐ ዶረቴዳ ሎኦ ማዩዋ አሂደ፥ አ ማይዝተ፤ አ ብራꬍያን ምግዱዋ፥ አ ገድያንካ ጫማ ዎꬅተ።
LUK 15:23 ሞꬌዳ ኮሩማ አሂደ ሹክተ፤ ሞይተ፥ ናሸቶይተ።
LUK 15:24 አያዉ ጎፐ፥ ሀዌ ታ ናአይ ሀይቄዳ፤ ሽን ሀእ ፓጼዳ፤ ባዬዳ፤ ሽን ሀእ ቤቴዳ’ ያግና፥ ናሸቻ ዶሜድኖ።
LUK 15:25 “ሄ ዎድያን፥ ባይራ ናአይ ጋደን ደእያዌ ዪደ ጎለኮ ማትያ ዎደ፥ የꬃነ ዱሩዋ ኮሹንቻ ስሴዳ።
LUK 15:26 እካ የዉ አየንቶ ኤራናዉ ኮዪደ፥ ቆማቱዋፐ እቱዋ ጼሲደ፥ ‘ሀዌ አዬ?’ ጊደ ኦቼዳ።
LUK 15:27 ቆማቱካ፥ ‘ነ እሻይ ሳሮ ዬዳ ድራዉ፥ ነ አቡ ሞꬎ ኮሩማ አዉ ሹኬዳ’ ያግ ኦዴድኖ።
LUK 15:28 “ባይራ ናአይ ሀንቀቲደ ጎለ ገልከ ያግ እጽና፥ አዉ ካረዉ ከሲደ፥ ገላናዳ ዎሴዳ።
LUK 15:29 ሽን እ ዛሪደ ባረ አባ፥ ‘ሄኮ ሀዋ ኬና ዎድያ ቆማዳን ነዉ ኪተታድ፤ ነ አዛዞዋፐ እቱዋነካ ፓጭሳ በይከ፤ ታ ላገꬃቱዋና እትፐ ናሸታና ማላ ሀራይ አቶ እት ዴሻ ቡልኡዋነ ታዉ እማ በይካ፤
LUK 15:30 ሽን ሀዌ ነ ናአይ ነ ሚሻ ጫራቱዋና እትፐ ዲፍሲደ ዪና፥ ꬊኮ ቦራ ሹካዳ’ ያጌዳ።
LUK 15:31 “አዉካ አ፥ ‘ታ ናአዉ፥ ኔን ኡባ ጋላሳ ታናና እትፐ ደኣ፤ ታሳ ግዴዳባይ ኡባይካ ነዋ።
LUK 15:32 ሽን ሀዌ ነ እሻይ፥ ሀይቄዳዌ ፓጾ ድራዉነ ባዬዳዌ ቤቶ ድራዉ፥ ኑን ሚድነ ኡሺደ ናሸታናዉ በሴ’ ያጌዳ” ጊደ ኦዴዳ።
LUK 16:1 የሱስ ባረና ካልያዋንቶ ኦዲደ፥ “እት ዱረ ብታኒ፥ ባረ ጎልያ ኡባ ቦላ ሱንꬄዳ እት ብታኒ ደኤ፤ ሽን ሀ ብታኒ አ ሚሻ ባይዜ ያግያ ዝግርሳይ አ ጋኬዳ፤
LUK 16:2 ሄዋ ድራዉ ባረ ሱንꬄዳ ብታንያ ጼሲደ፥ ‘ሀዌ ታን ስስያ የዉ አዬ? ሀንፐ ጉየ ኔን ታ ጎልያንነ ታ ሚሻ ቦላ ታፐ ጋርሳና ሱንታደ ኪተታናዉ ዳንዳያቤና ድራዉ፥ ሀቼ ጋካናዉ ኪተቴዳዋ ሄታደ ሼꬋ’ ያጌዳ።
LUK 16:3 “ሱንቴዳዌ ባረ ዎዛናን፥ ‘ታ ጎዳይ ታና ሱንꬃተꬃፐ ኮላና ሀኔ፤ ሽን ታ ዋኖሻ? ጎሻናዉ ዎልቃይ ታዉ ባዋ፤ ዎሳናዉ ቃይ ታዉ ፖኬ።
LUK 16:4 ታ ኦꬃናባ ታ ኤራይ፤ እ ታና ሱንꬃተꬃፐ ከሶፐ፥ ባረንቱ ጎለ ቢና፥ ታና ሞክያ ላገꬃቱዋ ታን ደማና’ ያጌዳ።
LUK 16:5 “ባረ ጎዳፐ ሻሉዋ ታልኤዳ አሳቱዋ ሁጲያን ሁጲያን ጼሲደ፥ ኮይሮ ብታንያ፥ ‘ኔን ታ ጎዳፐ ዎይሳ ኬና ሻሉዋ ታልኣዲ?’ ያጌዳ።
LUK 16:6 “እካ፥ ‘ታን ጼቱ ባሬታ ኩሜዳ ዛይትያ ታልኣድ’ ያጌዳ። “ሱንቴዳ ብታኒካ፥ ኔን ፓራማና ዋራቃታ ሄይ፤ ኡታደ ኤለካ ‘እሻታማ’ ጋደ ጻፋ ያጌዳ።
LUK 16:7 “ሄዋፐ ሀራ ብታንያ፥ ‘ኔን አፑኑዋ ታልኣዲ?’ ያጌዳ። “ ‘ጼቱ ቁንኣ ዛርጋ’ ያጌዳ። “ሱንꬃይካ፥ ‘ዋራቃታ ሄይ፤ ሆስፑን ታማ ጋደ ጻፋ’ ያጌዳ።
LUK 16:8 “ሄ ሱንꬃይ ጭንጫተꬃን ኦꬄዳ ድራዉ፥ አ ጎዳይ አ ጋላቴዳ፤ አያዉ ጎፐ፥ ሀ አላምያ አሳይ ባረንቱዎ ፖኡዋ አሳፐ አꬌዳ ጭንጫቱዋ።
LUK 16:9 “ታን ህንተንቶ ያጋይ፥ ‘ሀ አላምያ ሻሉ ዉርያ ዎደ፥ መꬍናዉ ዉረና ጎልያን ህንተንታ ሞካና ማላ፥ ሀ ሚሻን ህንተንቶ ላግያ ደምተ።
LUK 16:10 ላፋ የዉዋን አማነቴዳዌ፥ ዎጋባንካ አማነቴ። ሽን ላፋ የዉዋን አማነትቤናዌ፥ ዎጋባንካ አማነተና።
LUK 16:11 ስም ህንተንቱ ሀ አላምያ ሻሉዋን አማነተናዋ ግዶፐ፥ ቱማተꬃ ሻሉዋ ህንተንቶ ኦኔ ሀዳራ ጊደ እማናዌ?
LUK 16:12 ህንተንቱ ሀራ አሳ ሻሉዋን አማነተናዋ ግዶፐ፥ ህንተንቱ ሚሻ ኦኔ ህንተንቶ እማናዌ?’ ጌዳ።
LUK 16:13 “እት ካላ ላኡ ጎዳቶ ቆማታናዉ ዳንዳይያዌ አይ ቆማይካ ባዋ፤ አያዉ ጎፐ፥ እቱዋ እጺደ፥ ሀራ ዶሴ፤ ዎይ እቱዋ ቦንቺደ፥ ሀራ ካꬌ፤ ጾሳዉነ ሻሎ ሞደታናዉ ዳንዳይክታ” ያጌዳ።
LUK 16:14 ሻሉዋ ዶስያ ፓርሳዋቱ ሀዋ ኡባ ስሲደ፥ የሱሳ ቦላ ቅሊጬድኖ።
LUK 16:15 ሽን የሱስ ኡንቱንታ፥ “ህንተንቱ አሳ ስንꬃን ህንተንታ ጽሎ አሳ ኦꬅያዋንታ፤ ሽን ጾሳይ ህንተንቱ ዎዛና ኤሬ፤ አያዉ ጎፐ፥ አሳ ስንꬃን ቦንቼቴዳዌ ጾሳ ስንꬃን ቱና ግዴ።
LUK 16:16 “ሙሴ ህግያነ ናባቱ ጻፌዳ ማጻፋ ዮሃንሳ ዎድያ ጋካናዉ አሳይ አዛዘቲደ ደኤድኖ፤ ሄዋፐ ካላ ቃይ ጾሳ ካዉተꬃይ ኦደቴዳ፤ አሳይ ኡባይ ያ ገላናዉ ኬሰቴ።
LUK 16:17 ሽን ህግያፐ እትባይ አትያዋፐ ሳሉነ ሳአይ አꬍያዌ ማታቴ።
LUK 16:18 “ባረ ማቻቶ ብሊደ ሀራሮ አክያዌ ኡባይ ዎሹሜ፤ ቃይ አስናፐ ብለቴዳ ማጫዉኖ አክያዌ ኦንነካ ዎሹሜ።
LUK 16:19 “ጋቲ ሎይꬂደ አልኦ ግዴዳ ማዩዋ ማዪድነ ጋላሳን ጋላሳን ኦቶሩዋን ናሸቲደ ደእያ እት ዱረ ብታኒ ደኤ።
LUK 16:20 ቃይካ ኩመንꬃ አሳተꬃን ማይꬃይ ደእያ እት አልኣዛራ ጌተትያ ህዬሳይ፥ ሀ ዱረ ብታንያ ካርያን ግሴዳ።
LUK 16:21 ሀ ዱረ ብታንያ ሳምፓፐ ላለቴዳ ሱፓ ማናዉ አሞቴ፤ ሀራይ አቶ ካናቱካ ዪደ አ ማይꬃ ላጪኖ።
LUK 16:22 “ሀ ህዬሳ ብታኒ ሀይቂና፥ ኪታንቻቱ አ አብራሃሞ ባጋ ቦንቾሳ አፌድኖ፤ ዱረ ብታኒካ ቃይ ሀይቂደ ሞገቴዳ።
LUK 16:23 ስኦልያን ዳሮ ሴለቲደ ደእሽን፥ ꬎቁ ጊደ ሃኩዋን አልኣዛራ፥ አብራሃሞ ባጋን ደእያዋ በኤዳ።
LUK 16:24 “እካ ባረ ኮሻ ꬎቁ ኦꬂደ፥ ‘አብራሃሞ፥ ታ አቦ፥ ታዉ ቃረታ። ሀ ታማ ሴላን መቶታ ደእያ ድራዉ፥ አልኣዛር ባረ ብራꬍያ ጼራ ሃꬃን ቦቺደ፥ ታ እንጻርሳ እርጽሳናዳን ሀያና ታኮ ኪታርኪ’ ያጌዳ።
LUK 16:25 “አብራሃሞ ቃይ፥ ‘ታ ናአዉ፥ ኔን ፓጻ ደኣደ፥ ሎኦ ደኡዋ ደእና፥ አልኣዛር ሎኤና መቶ ደኡዋ ደኤዳዋ ቆፓ። ሀእ ቃይ እ ሀዋን ናሸትያ ዎደ፥ ኔን መቱዋ ቦላ ደኣ።
LUK 16:26 “ ‘ሀዋፐ ሀራይ ቃይ፥ ሀዋፐ ያ ህንተንቱኮ አꬋናዉ ኮይያዋንቱ አናዳን፥ ያን ደእያዋንቱካ ቃይ ሃ ኑኮ ፕነናዳን፥ ኑ ግዶንነ ህንተንቱ ግዶን ዎጋ አፉ መቴዳ’ ያጌዳ።
LUK 16:27 “ዱረ ብታኒካ፥ ‘አብራሃሞ፥ ስም ሄዋ ግዶፐ፥ ኔን አልኣዛራ ታ አቡ ጎለ የዳና ማላ፥ ኔና ዎሳይ።
LUK 16:28 አያዉ ጎፐ፥ ታዉ እቼሹ እሻቱ ደእያ ድራዉ፥ ኡንቱንቱ ቃይ ሀ መቱዋሳ ዬና ማላ፥ ኡንቱንቶ አልኣዛር ቢደ ማርካቶ’ ያጌዳ።
LUK 16:29 “አብራሃሞ ቃይ፥ ‘ሙሴነ ናባቱ ጻፌዳ ማጻፋይ ኡንቱንቶ ደኤ፤ ሄ ማጻፋይ ግያዋ ኡንቱንቱ ስሲኖ’ ያጌዳ።
LUK 16:30 “ዱረ ብታኒ፥ ‘ህኢ፤ አብራሃሞ፥ ታ አቦ፥ ሄዋ ግደና፤ ሽን እት ብታኒ ሀይቁዋፐ ደንዲደ፥ ኡንቱንቱኮ ብንቶ፥ ኡንቱንቱ ባረንቱ ናጋራ ፓጺደ፥ ስማናዋንታ’ ያጌዳ።
LUK 16:31 “አብራሃሞካ፥ ‘ኡንቱንቱ ሙሴነ ናባቱ ጻፌዳ ማጻፋ ስሰናዋ ግዶፐ፥ ሀራይ አቶ እት ኡራይ ሀይቁዋፐ ደንድ ይንቶካ አማንክኖ’ ጌዳ” ያጌዳ።
LUK 17:1 የሱስ ባረና ካልያዋንታ፥ “አሳ ባለꬅያዌ ዬናን አተና፤ ሽን ባለꬅያዋ አህያ ኡራዉ አዉ አየ፤
LUK 17:2 ሄ ብታኒ ሀ ጉꬃቱዋፐ እቱዋ ባለꬅያዋፐ፥ ጋጭያ ዎጻ ባረ ቆꬍያን ቃሸቲደ አባን ምተትያዌ አዉ ሎአ።
LUK 17:3 ህንተ ሁጰዉ ናገትተ። “ነ እሻይ ኔና ናቆፐ፥ አ ዞራ። ቃይ ናጋራፐ እ ስሞፐ፥ አዉ አቶ ያጋ።
LUK 17:4 እት ጋላስ እ ኔና ላፑ ገደ ናቂደ፥ ላፑ ገደካ፥ ‘ኔና ታ ናቃድ፥ ታና ማራ’ ጊደ ኔኮ ዮፐ፥ አዉ አቶ ጋ” ያጌዳ።
LUK 17:5 ኪተቴዳዋንቱካ ጎዳ፥ “ኑዉ አማኑዋ ጉጃ” ያጊደ ኦቼድኖ።
LUK 17:6 ጎዳይካ፥ “ህንተዉ ሳናፍጭያ አይፍያ ኬና አማኑ ደእንቶ፥ ህንተንቱ ሀ ቦእያ፥ ‘ሀዋፐ ሾደታደ፥ አባን ቶከታ’ ግንቶ ህንተዉ ኤኖ ጋና” ያጌዳ።
LUK 17:7 ቃይካ የሱስ፥ “ህንተፐ ጎሽያዌ ዎይ ምያ ሄምያ ቆማይ ደእያ አሳይ ሀቀት ደኦፐ፥ ጎሻ ጋደፐ ዎይ ምያ ጋደፐ ስሞ ዎደ ኤለካ፥ ‘ሃያ ሸምፓ አካ፥ ቁማ ማናዉ ኡታ’ ያግያዌ ኦኔ?
LUK 17:8 የዉዋን ቃይ፥ ‘ታ ማና ካዉዋ ጊግሳ፤ ታ ማናነ ኡሻና ጋካናዉ ምናደ ታና ኤቃደ ምዛ። ሄዋፐ ጉየ ነዉ ማ፥ ኡሻ’ ያግያዋ ግደኔ?
LUK 17:9 ሄ ቆማይ ኪተቴዳባ ኦꬄዳ ድራዉ፥ ሄ ብታኒ ጋላታናዉ በሰኔ?
LUK 17:10 ሄዋዳንካ ህንተ ቃይ አሳይ ህንተና ኪቶ ኦሱዋ ኦꬄዳ ዎደ፥ ‘ኑን ማደና ቆማቱዋ፤ ኑ ኦሶ ጻላላ ኦꬄዶ’ ያግተ” ያጌዳ።
LUK 17:11 የሱስ የሩሳላመ ቢደ፥ ጋሊላፐነ ሳማርያ ግያ ጋዳቱዋፐ ግዱዋና አꬌዳ።
LUK 17:12 እ እት ጉꬃ ካታማቶ ገልያ ዎድያን፥ ሃኩዋን ኤቄዳ ታሙ ኦሉዋን ኦይቀቴዳዋንቱ አ በኤድኖ። ኡንቱንቱካ ሃኩዋን ኤቂደ፥
LUK 17:13 ባረንቱ ኮሻ ꬎቁ ኦꬂደ፥ “የሱሳ፥ ጎዳዉ፥ ሀያ ጎዶ ኑና ፓꬃርኪ!” ያጌድኖ።
LUK 17:14 የሱስ ኡንቱንታ በኢደ፥ “ቢደ፥ ህንተንቱ ቦላ ቄሳቱዋ በስተ” ያጌዳ። ኡንቱንቱካ ቄሳቱዋኮ ብደኢደ ኦሉዋፐ ፓጼድኖ።
LUK 17:15 ኡንቱንቱፐ እቱ ባረ ሀርግያፐ ፓጼዳዋ በኢደ፥ ባረ ኮሻ ꬎቁ ኦꬂደ፥ ጾሳ ቦንቺደ ስሜዳ።
LUK 17:16 ጋላቲደካ የሱሳ ገድያ ማታን ጉልባቴዳ። ሄ ብታኒ ሳማርያ አሳ።
LUK 17:17 የሱስ ዛሪደ፥ “ታሙ ፓጽበይክኖ? ያትና ኡዱፑናቱ ሀቃን ደኢኖ?
LUK 17:18 አይሁዳ አሳ ግደና ሳማርያ ብታንያፐ አትን፥ ጾሳ ቦንቻናዉ ስሜዳዋንቱ ባዋ ጉሴ?” ያጌዳ።
LUK 17:19 የሱስ አ፥ “ደንዳ ባ፤ ነ አማኑ ኔና ፓꬄዳ” ያጌዳ።
LUK 17:20 ፓርሳዋቱ እት ጋላስ፥ “ጾሳ ካዉተꬃይ አዉደ ያኔ?” ጊደ ኦችና የሱስ፥ “ጾሳ ካዉተꬃይ ህንተንቱ ናግያ ኦግያን ዬና” ያግ ዛሬዳ።
LUK 17:21 ቃይካ፥ “ኦንነ፥ ‘ጾሳ ካዉተꬃይ ሀዋን ደኤ’፥ ዎይ ‘ሄዋን ደኤ’ ጋናዉ ዳንዳየና፤ ጾሳ ካዉተꬃይ ህንተንቱ ዎዛና ግዶን ደኤ” ያጌዳ።
LUK 17:22 የሱስ ባረና ካልያዋንቶ ኦዲደ፥ “አሳ ናአይ ቆንጭያ ጋላሳቱዋፐ እቱዋ በአናዉ ህንተንቱ አሞትያ ዎዲ ያና፤ ሽን በእክታ።
LUK 17:23 ቃይ ኡንቱንቱ ህንተና፥ ‘ሀዌኩ ሀዋና’ ዎይ ‘ሄዋና’ ያጋናዋንታ። ሽን ኡንቱንታ ካሊደ፥ ኡንቱንቱና ቦፕተ።
LUK 17:24 ዋልቃንꬃይ ሳሉዋን ዎልቃምያ ዎደ፥ ሀ ጋጻፐ ህን ጋጻ ፖኡ ፖእያዋዳን፥ አሳ ናኣ ዩሳይካ ሄዋዳን ሀናናዋ።
LUK 17:25 ሽን ኮይሮቲደ አሳ ናአይ ዳሮ መቱዋ መቶታናዉነ ሄ ዎድያን ደእያ የለታን እጸታናዉ በሴ።
LUK 17:26 “ኖሄ ዎድያን ሀኖዋዳንካ፥ አሳ ናአይ ቆንጭያ ጋላሳንካ ሄዋዳን ሀናናዋ።
LUK 17:27 ኖሄ ማርካብያ ገሎ ጋላሳይ ጋካናዉ ኡንቱንቱ፥ ሚድነ ኡሺደ፥ አኪድነ አከቲደ ደእሽን፥ ባሻ ሃꬃይ ዪደ ኡባ አሳካ ባይዜዳ።
LUK 17:28 “ሄዋዳንካ፥ ሎጸ ዎድያን፥ አሳይ ሚድነ ኡሺደ፥ ዛልኢደ፥ ቶኪድነ ጎልያ ኬጺደ ደኤድኖ።
LUK 17:29 ሽን ሎጸ፥ ሶዶማፐ ከሶ ጋላሳን ቃይ ሳሉዋፐ ታማይነ ኤጽያ ቦንቆ ሹቻይ ቡኬዳ፤ ኡባባካ ሚደ ዉርሴዳ።
LUK 17:30 “አሳ ናአይ ቆንጭያ ጋላሳንካ ሀዋዳን ሀናናዋ።
LUK 17:31 ሄ ጋላሳን፥ ጎልያ ሁጲያን ደእያዌ፥ ጎለ ጋርሳን ደእያ ሚሻ አካናዉ ዎꬎፖ፤ ሀዋዳንካ ጎሻ ጋደን ደእያዌ፥ ጉየ ስሞፖ።
LUK 17:32 አነ ሎጸ ማቻትባ ቆፕተ!
LUK 17:33 ባረ ሸምፑዋ አሻናዉ ኮይያ ኡባይ፥ ባይዜ፤ ባረ ሸምፑዋ ባይዝያ ኡባይ፥ ደኡዋን ናጌ።
LUK 17:34 ታ ህንተዉ ኦድያዌ አዬ ጎፐ፥ ሄ ቃማን ላኡ አሳቱ እት ግሱዋን ግሳናዋንታ፤ ኡንቱንቱፐ እቱ አከትና ላኤንꬅያዌ አታናዋ።
LUK 17:35 ላኡ ማጫ አሳቱ እት ዎጻን ጋጫናዋንታ፤ እትና አከትና፥ እትና አታናዉኑ።
LUK 17:36 ላኡ አሳቱ ጎሻ ጋርሳን ደኢኖ፤ እቱ አከታናዋ፥ ላኤንꬅያዌ አታናዋ” ያጌዳ።
LUK 17:37 አ ካልያዋንቱ የሱሳ፥ “ጎዳዉ፥ ሄዌ ሀቃን ሀናናዌ?” ያጌድኖ። እካ ዛሪደ፥ “ባኩታይ ደኢያሳ ሾርቲ ሺቃናዋ” ያጌዳ።
LUK 18:1 የሱስ ባረና ካልያዉንቶ፥ ሳለተናን ኡባ ጋላስ ዎሳናዳን ሌምሱዋን ኦዴዳ።
LUK 18:2 እካ፥ “እት ካታማን ጾሳዉ ያየናዌ፥ አሳካ ቦንቼና እት ዳናይ ደኤ።
LUK 18:3 ሄ ካታማን አምኤ ምሽራታ ደአዉ። እዛካ ሄ ዳናኮ ያደ፥ ‘ታ ሞርከዉነ ታዉ ደእያ የዉዋ ፕርዳ’ ያጋዱ።
LUK 18:4 “ዳሮ ዎድያን እዝዉ ፕርደናን እጼዳ። ሽን ባረ ዎዛናን ቆፒደ፥ ‘ታን፥ ኡባ ጾሳዉ ያያና ꬋዮፐካ፥ አሳካ ቃይ ቦንቻና ꬋዮፐ፥
LUK 18:5 ሀ አምኤ ምሽራታ ታና ላባንꬅያ ድራዉነ ኡባ ዎደ ታኮ ያደ ታና ዳቡርሰና ማላ፥ ታን እዝዉ ፕርዳና’ ጌዳ።
LUK 18:6 “ሄ ማካላንቻ ዳናይ ጎዋ አኬክተ።
LUK 18:7 ጾሳይ ጋላስነ ቃማ ባረንታ ማዳና ማላ፥ ዳንዳያን አኮ ዋስያ ዶረታዋንቶ ፕርደኔየ? እ ኡንቱንቶ ኤለካ ዛረኔ?
LUK 18:8 ታን ህንተንቶ ያጋይ፤ ኡንቱንቶ ኤሌል ፕርዳና፤ ሽን አሳ ናአይ ይያ ዎደ ሀ ቢታን አማኑዋ ደማኔሻ?” ያጌዳ።
LUK 18:9 ባረንታ ጌሻ ጊደ አማነትያዋንቶነ ሀራ ኡባ ዳሪ ካꬍያዋንቶ፥ የሱስ ሀ ሌምሱዋ ኦዴዳ:
LUK 18:10 “ላኡ አሳቱ ዎሳናዉ ጌሻ ጎልያ ገሌድኖ። ሄዋንቱፐ እቱ ፓርሳዊያ፤ እቱ ቃይ ቃራጻ ቃንጽያዋ።
LUK 18:11 ፓርሳዊ ደንድ ኤቂደ ባረ ዎዛናን ዎሲደ፥ ‘ጾሳዉ፥ ታን ሀራ አሳዳን: ቦንቂያዋንቱዳን፥ ማካልያዋንቱዳን፥ ዎሹምያዋንቱዳን፥ ዎይ ሀዋዳን ቃራጻ ሺሸና ድራዉ ኔና ጋላታይ።
LUK 18:12 ሳምንታን ላኡ ካላ ጾማይ፤ ታን ደምያ ኡባፐ ታሙ ኩሽያፐ እቱዋ እማይ’ ያጌዳ።
LUK 18:13 “ሽን ቃራጽያ ብታኒ ሃኩዋን ኤቂደ፥ ባረ አይፍያን ፑደ ሳሉዋ ꬎቁ ጊደ ጼላናዉካ ኮይቤና። ሽን ባረ ትራ ባቂደ፥ ‘ጾሳዉ፥ ታን ናጋራንቻ፤ ታና ማራ’ ያጌዳ።
LUK 18:14 ታን ህንተንቶ ኦድያዌ አዬ ጎፐ፥ ካሰ ብታንያፐ አꬊደ ሀ ብታኒ ጽሎ ግዲደ ባረ ጎለ ስሜዳ፤ ባረና ꬎቁ ኦꬅያ ኡባይ ካዉሻና፤ ባረና ቃይ ካዉሽስያ ኡራይ ꬎቁ ጋና” ያጌዳ።
LUK 18:15 የሱስ ባረ ኩሽያ ዎꬂደ አንጃና ማላ አሳይ ጉꬃ ናና አኪደ አኮ ዬድኖ። አ ካልያዋንቱካ በኢደ፥ አሳ አሄና ማላ ጌድኖ።
LUK 18:16 የሱስ ቃይ ጉꬃ ናና ባረኮ ጼሲደ፥ “ጉꬃ ናናይ ታኮ ያና ማላ አግተ፥ ድጎፕተ፤ ጾሳ ካዉተꬃይ ሀዋንቱ ማላሳ።
LUK 18:17 ታን ህንተንቶ ቱሙዋ ኦዳይ፤ ጾሳ ካዉተꬃ ጉꬃ ናኣዳን አከናዋንቱ ኡባይ ሄ ካዉተꬃ ሙለካ ገለና” ያጌዳ።
LUK 18:18 ይሁዳ ቢታ ሞድያዋንቱፐ እቱ፥ “ሎኦ ታማርስያዎ፥ ታን መꬍና ደኡዋ ላታናዉ አያ ኦꬃናዉ በሲ?” ያጊደ የሱሳ ኦቼዳ።
LUK 18:19 የሱስካ አዉ፥ “አያዉ ታና ሎኦ፥ ያጋይ? እት ጾሳፐ አትን፥ ሎኡ ኦንነ ባዋ፤
LUK 18:20 ጾሳ አዛዛቱዋ፥ ‘ዎሹሞፓ፥ ዎꬎፓ፥ ዉኦፓ፥ ዎርዱዋ ማርካቶፓ፥ ነ አባነ ነ ዳዮ ቦንቻ ያግያዋ ኤራ’ ” ያጊደ ዛሬዳ።
LUK 18:21 ብታኒ ዛሪደ፥ “ሀዋ ኡባ፥ ናአተꬃፐ ዶማደ ናጋድ” ያጌዳ።
LUK 18:22 የሱስካ ሀዋ ስሲደ፥ “እትባይ ኔን ብሮን ኦናን አቶዌ ደኤ፤ ሄዌኔካ፥ ነዉ ደእያዋ ኡባ ዛልኣደ ማንቃቶ እማ፤ ሀዋ ኦꬆፐ ሳሉዋንካ ኔን ዱረታና፤ ሄዋፐ ጉየ ታ ጌዱዋ ካላ” ያጌዳ።
LUK 18:23 ሄ ብታኒ ቃይ ሄዋ ስሲደ ዳሮ ዱረ ግዶ ድራዉ ዳሮ ካዮቴዳ።
LUK 18:24 የሱስካ ሀ ብታኒ ዳሮ ካዮቶዋ በኢደ፥ “ዱረ አሳይ ጾሳ ካዉተꬃ ገላናዉ ዎት መታንዴሻ!
LUK 18:25 ዱረ አሳይ ጾሳ ካዉተꬃ ገላናዋፐ ጋሉ ማርፕያ ጾእያና አꬋናዌ ማታቴ” ያጌዳ።
LUK 18:26 ሄዋ ስሴዳ አሳይ፥ “ስም ኦን አታናዉ ዳንዳዪ?” ያጌድኖ።
LUK 18:27 እካ ቃይ ዛሪደ፥ “አሳዉ ዳንዳየተናዌ ጾሳዉ ዳንዳየቴ” ያጌዳ።
LUK 18:28 ጰጽሮስ ዛሪደ፥ “ስም ኑን ኑዉ ደእያ ኡባ አጊደ ኔና ካሌዶ” ያጌዳ።
LUK 18:29 እካ፥ “ቱሙዋ ጋይ፥ ጾሳ ካዉተꬃ ድራዉ ባረ ጎልያ፥ ዎይ ባረና የላዋንታ፥ ዎይ ባረ ማችያ፥ ዎይ ባረ ናና፥ ዎይ እሻቱዋ አጌዳዌ፥
LUK 18:30 ሀ ዎድያን ዳሮ ዳኩዋ፥ ስንꬃ ይያ ካዉተꬃንካ መꬍና ደኡዋ አከናዌ ኦንነ ባዋ” ያጌዳ።
LUK 18:31 የሱስካ ታማነ ላኡ ባረና ካልያዋንታ ባረኮ ጼሲደ፥ “ስም የሩሳላመ ባና፤ አሳ ናኣባይካ ናባቱ ማጻፋን ጻፈቴዳባይ ኡባይ ያን ፖለታና።
LUK 18:32 አይሁደ ግደናዋንቶ አ አꬅ እማና፥ ቅሊጫና፥ ዳሮ መቶꬃና፥ አ ቦላን ጩቻና፤
LUK 18:33 ሾጮዋፐ ጉይያን ዎꬋና፥ ሄዘንꬅያ ጋላስ እ ደንዳና” ያጌዳ።
LUK 18:34 ኡንቱንቱካ ሀ የዉዋፐ አያነ አኬክበይክኖ፤ ሀይቁካ ኡንቱንቶ አኬከትቤና ድራዉ እ ሃሳዮባካ ኤርበይክኖ።
LUK 18:35 የሱስ እያርኮኮ ማቴዳ ዎድያን፥ እት ቆቃ ብታኒ ዎሲደ ኦግያ ጋጻን ኡቴዳ።
LUK 18:36 ጮራ አሳይ አꬍያዋ ስሲደ፥ “ሀዌ አዬሻ?” ያግ ኦቼዳ።
LUK 18:37 አሳይካ አዉ፥ “ናዝሬትያ የሱስ ሀዋና አꬍ ደኤ” ያግ ዛሬድኖ።
LUK 18:38 እካ፥ “ዳዊተ ናኣ የሱሳ፥ ታና ማራርኪ” ጊደ ዋሴዳ።
LUK 18:39 አፐ ስንꬃና ቢደ ደእያዋንቱካ፥ ጮኡ ጋናዳን ሀንቀቴድኖ። እ ቃይ፥ “ዳዊተ ናአዉ፥ ታና ማራርኪ” ጊደ ዳሪ ዋሴዳ።
LUK 18:40 የሱስካ ኤቂደ፥ ባረኮ አሀናዳን አሳዉ ኦዴዳ።
LUK 18:41 የሱሳኮ እ ጼቱዋ ዎድያን፥ የሱስ፥ “ታን ነዉ አያ ኦꬃናዳን ኮያይ?” ያጊደ አ ኦቼዳ። እካ ዛሪደ፥ “ጎዳዉ፥ ጼላናዉ ኮያይ” ጌዳ።
LUK 18:42 የሱስካ፥ “ጼላ፥ ነ አማኑ ኔና ፓꬄዳ” ያጌዳ።
LUK 18:43 ሄ ዎድያንካ ጼል አጌዳ፤ ጾሳካ ቦንቺደ አ ጌዱዋ ካሌዳ። አሳይ ኡባይ ብታንያ ጼሊደ፥ ጾሳ ጋላቴድኖ።
LUK 19:1 የሱስ ህን እያርኮ ካታማ ገሊደ፥ ሄዋና አꬍ ደኤ።
LUK 19:2 ሱንꬃይ ዛክዮሳ ጌተትያ እት ዱረ ብታኒ ሄዋን ደኤ። እካ ቃራጽያዋንቶ ካፑዋ።
LUK 19:3 ዛክዮስ የሱሳ ጌተትያዌ ሀቃዌንቶ በአናዉ ኮይሽን ቃንꬃ ግዴዳዋ ድራዉ፥ አሳ ጮራተꬃፐ ደንዶዋን በአናዉ ዳንዳይቤና።
LUK 19:4 የሱስ ሄ ኦግያና አꬍያ ድራዉ፥ ስንꬃዉ አꬊደ እት ቦእያ ቦላ ከሴዳ።
LUK 19:5 የሱስ ሄ ሳኣ ጋኪደ፥ ꬎቁ ግ ፑደ ጼሊደ፥ “ዛክዮሳ፥ ሀቼ ነ ጎለን ፔሻናዉ በስያ ድራዉ ኤለ ዎꬋ” ያጌዳ።
LUK 19:6 እካ ኤሌል ቦእያፐ ዎꬊደ፥ ናሸቻን የሱሳ ሞኬዳ።
LUK 19:7 ሄዋን ደእያ አሳ ኡባይ ሀዋ በኢደ፥ “ሀዌ ናጋራንቻ ጎለን ገሊደ እማꬃ ግዲደ ሾበታና ሀኔ” ጊደ ኡባቱካ ዙዙንꬃ ዶሜድኖ።
LUK 19:8 ዛክዮስካ ቃይ ኤቂደ ጎዳ፥ “ጎዳዉ፥ ስም ታዉ ደእያዋ ኡባፐ ባጋ ህየሳቶ እማና፤ ኦፐነካ ዎርዱዋን አኬዳዋ ግዶፐ፥ ኦይዱ ዳኩዋ ኡዳደ ዛራና” ያጌዳ።
LUK 19:9 የሱስካ ዛክዮሳዉ ኦዲደ፥ “ኔንካ አብራሃሞ ሼሻ ግድያ ድራዉ፥ ሀቼ አቶተꬃይ ሀ ጎለ አሳዉ ዬዳ።
LUK 19:10 አያዉ ጎፐ፥ አሳ ናአይ ባዬዳዋ ኮያናዉነ አሻናዉ ዬዳ” ያጌዳ።
LUK 19:11 አሳይ ሀዋ ስሲደ ደእሽን የሱስ፥ ህን የሩሳላመ ጼቱዋ ድራዉነ ኡንቱንቶ ጾሳ ካዉተꬃይ ሀእካ ቆንጭያዋ ማላቶ ድራዉ ሌምሱዋ ኦዴዳ።
LUK 19:12 ሀዋዳን ያግ ዶሜዳ፤ “እት ዎልቃማ ብታኒ ባረዉ ካዉተꬃ ቦንቹዋ አኪደ ስማናዉ፥ ህን ሃኮ ጋድያ ቤዳ።
LUK 19:13 ባረ ቆማቱዋ ግዶፐ ታሙዋ ጼሲደ፥ ኡንቱንቶ ታሙ ሚና ጌተትያ ሚሻ እሞዋሽን፥ ‘ታን ስማደ ያና ጋካናዉ፥ ሀ ሚሻን ዛልእሽተ’ ያጌዳ።
LUK 19:14 “ሽን አ ጋድያ አሳይ አ እጾ ድራዉ፥ ‘ሀ ብታኒ ኑ ቦላ ካተታናዳን ኑን ኮዮኮ’ ያጊደ፥ ጉየና እ ደኢያሳ አሳ ኪቴድኖ።
LUK 19:15 ግዶፐ አትን፥ ሀ ብታኒ ካተ ግዲደ ህን ባረ ጋደ ስሜዳ። ሄ ቆማቱ ሁጲያን ሁጲያን እ እሞ ሚሻን ዛልኢደ አይ ኬና ዎꬍሴድኖንቶ ኤራናዉ ጼስሴዳ።
LUK 19:16 “ኮይሮ ቆማይ ሺቂደ፥ ‘ጎዳዉ፥ ኔን ታዉ እሜዳ ታሙ ሚና ዎꬍያ ታሙዋ ደማድ’ ያጌዳ።
LUK 19:17 አ ጎዳይ አ፥ ‘ሀያናሾ! ኔን ሎኦ ቆማ፤ ኔን ጉꬃ የዉዋን አማነቴዳዋ ግዳደ ቤቶ ድራዉ፥ ታሙ ካታማቱዋ ቦላን ማታይ ነዉ እመቴዳ’ ያጌዳ።
LUK 19:18 “ላኤንꬅያዌካ ሺቂደ፥ ‘ጎዳዉ፥ ኔን ታዉ እሜዳ እቼሹ ሚና ጌተትያ ሚሻይ እቼሹዋ ዎꬌዳ’ ያጌዳ።
LUK 19:19 አ ጎዳይካ አ፥ ‘ነዉ እቼሹ ካታማቱዋ ቦላን ማታይ እመቴዳ’ ያጌዳ።
LUK 19:20 ሀራ ሄዘንꬅያ ቆማይ ሺቂደ፥ ‘ጎዳዉ፥ ጩርቃን ጻጻ ዎꬄዳ ነ ሚሻ ሀዋ በአ።
LUK 19:21 አያዉ ጎፐ፥ ኔን ዎꬃቤናሳፐ አክያዋ፤ ዘራቤናዋ ቆይጭያ መቀꬅ ባይና አሳ ግድያ ድራዉ፥ ነዉ ያያድ’ ያጌዳ።
LUK 19:22 “ጎዳይካ፥ ‘ሀ ኢታ ቆማይ፤ ኔን ሃሳዮ ቃላን ነ ቦላ ታን ፕርዳና። ዎꬃቤናዋ አክያዋ፥ ዘራቤናዋ ቆይጭያ መቀꬅ ባይና አሳ ግድያዋ ኤሮፐ፥
LUK 19:23 ታን ያደ ታ ሚሻ ዎꬍያና አካና ማላ፥ አያዉ ዎꬍስያዋንቶ እማበይኪ?’ ያጌዳ።
LUK 19:24 “ጎዳይካ፥ ሄዋን ኤቆዋንታ፥ ‘ሀ ሚሻ አፐ ዎꬅ አኪደ ታሙ ሚናይ ደእያዎ እምተ’ ያጌዳ።
LUK 19:25 ኡንቱንቱካ፥ ‘ጎዳዉ፥ አዉ ታሙ ሚናይ ደኤ’ ያጌድኖ።
LUK 19:26 “እካ፥ ‘ታን ህንተንቶ ኦድያዌ፥ ደእያዎ ኡባዉ ጉጀታናዋ፤ ባይናዋፐ ቃይ ሄ ደእያዌካ አከታናዋ።
LUK 19:27 የዉዋን ቃይ ታን ኡንቱንቱ ቦላን ካዉተናዳን ኮዬዳ ታ ሞርካቱዋ ታኮ አሂደ ታ ስንꬃን ሹክተ’ ጌዳ” ያጌዳ።
LUK 19:28 የሱስ ሀዋ ጎዋፐ ካላ ህን የሩሳላመ ከሳናዉ ባረና ካልያዋንቱፐ ስንꬃቲደ ቤዳ።
LUK 19:29 ደብረ ዛይተ ጌተትያ ደርያ ማታን ደእያ ህን ቤተፋገን ቢታንያ ጌተትያ ሄራ ካታማቱዋኮ ሺቄዳ ዎደ ባረና ካልያዋንቱፐ ላአቱዋ፥
LUK 19:30 “ህንተንቱፐ ስንꬃን ደእያ ቄር ካታማቱዋ ቢተ፤ ያ ህንተንቱ ገልያ ዎደ፥ ኦንነ ብሮ ኡትቤና ሀረ ማራይ ቃሸት ኡቴዳዋ ደማንታ፤ አ ብሊደ ሃ አክ ዪተ።
LUK 19:31 ኦንነ ህንተንታ፥ ‘ሀዋ አያዉ ብሊቴ?’ ጊደ ኦቾፐ፥ ‘እ ባረ ጎዳዉ ኮሽያ ድራሳ’ ያግተ” ያጌዳ።
LUK 19:32 ኪተቴዳዋንቱካ ቢደ፥ የሱስ ኡንቱንቶ ኦዶዋዳን ሀንና ደሜድኖ።
LUK 19:33 ኡንቱንቱ ሀረ ማራ ብልያ ዎደ በኢደ ሀርያ ጎዳይ፥ “ሀረ ማራ አያዉ ብሊቴ?” ያጌዳ።
LUK 19:34 ኡንቱንቱካ፥ “ጎዳዉ ሀዌ ኮሼ” ያጊደ፥
LUK 19:35 ሀረ ማራ የሱሳኮ አሄድኖ፤ ባረንቱ ማዩዋ አ ቦላን ዎꬂደ የሱሳ ሀርያ ቶግሴድኖ።
LUK 19:36 አሳይካ የሱስ ብያ ኦግያ ቦላ ባረንቱ ማዩዋ ሂጼድኖ።
LUK 19:37 እ ደብረ ዛይተ ጌተትያ ደርያ ዱገꬃ አፍያ ኦግያ ማቴዳ ዎደ፥ ዳሮ ጮራ ግዴዳ አ ካልያዋንቱ በኤዳ ጾሳይ ኦꬄዳ ማላታዉ ኡባዉ ናሸቲደ፥ ባረንቱ ኮሻ ꬎቁ ኦꬂደ፥
LUK 19:38 “ጎዳ ሱንꬃን ይያ ካቲ፥ አንጀቴዳዋ፤ ሳሉዋን ሳሮታይ ግዶ። ቃይ ክል ꬎቃ ሳሉዋን ደእያ፥ ጾሳይ ቦንቼቶ” ያጌድኖ።
LUK 19:39 አሳ ጋርሳን ደእያ እት እት ፓርሳዋቱ የሱሳ፥ “ታማርስያዎ፥ ኔና ካልያዋንታ ጮኡ ኦꬃርኪ” ያጌድኖ።
LUK 19:40 እካ ዛሪደ፥ “ታን ህንተንቶ ኦዳይ፥ ኡንቱንቱ ጮኡ ጎፐ፥ ሹቻይካ ዋሳናዋ” ያጌዳ።
LUK 19:41 የሱስ የሩሳላመ ማቴዳ ዎደ፥ ካታማቶ በኢደ፥ ዬኪደ፥
LUK 19:42 “ነ ሳሮታዉ ግድያዋ ኔን ሀቼ ኤራድንቶ ሎአ፤ ሽን ሀእ ሄዌ ነ አይፍያፐ ጌሜዳ።
LUK 19:43 አያዉ ጎፐ፥ ነ ቦላ ያና ዎዲ ደኤ፤ ሄ ዎደ ኔና እጽያዋንቱ ነ ዩሹዋን ድርሳ ድሪደ፥ ያፐነ ሃፐነ ዶዲደ፥ ኔና ኡንኤꬅያ ዎዲ ያናዋ።
LUK 19:44 ኔናነ ነ ድርሳ ጋርሳን ደእያ ነ አሳ መንሬꬃና። ጾሳይ ኔና በአናዉ ዬዳ ዎድያ ኔን ኤራቤና ድራዉ፥ ኔና እጽያዋንቱ ሹቻ ኡባ እቱዋ እቱዋ ቦላፐ ደንꬂደ ላላናዋ” ያጌዳ።
LUK 19:45 ሀዋፐ ካላ የሱስ ጌሻ ጎልያ ገሊደ፥ ዛልእያዋንታ ሄዋፐ ከሴዳ።
LUK 19:46 የሱስ ዛሪደ፥ “ ‘ታ ጎሊ ጾሳ ዎስያ ጎልያ ግዳናዋ’ ጌተቲደ ጾሳ ቃላን ጻፈቴዳ። ሽን ህንተንቱ አ ፓኑዋ ጎንጎሉዋ ኦꬄድታ” ያጌዳ።
LUK 19:47 የሱስ ኡባ ዎደ ጌሻ ጎልያን ታማርስ ደእሽን፥ ቄሳቱዋ ካፓቱ፥ ሙሴ ህግያ ታማርስያዋንቱነ አሳ አይስያዋንቱ አ ዎꬋናዉ ኮዪኖ።
LUK 19:48 ሽን አሳይ ኡባይ አ ሃሳያፐ እቱነ አተናን ስስ ኡቶ ድራዉ፥ አ ዎꬍያ ኦግያ ኡንቱንቱ ꬋዬድኖ።
LUK 20:1 እት ጋላስ የሱስ አሳ ጌሻ ጎልያን ታማርሲደነ ምሽራቹዋ ቃላ ኦዲደ ደእያ ዎደ፥ ቄሳቱዋ ካፓቱነ ሙሴ ህግያ ታማርስያዋንቱ ጋድያ ጭማቱዋና እትፐ የሱሳኮ ዬድኖ።
LUK 20:2 ኡንቱንቱካ፥ “ሀ የዉዋ ኔን ኦꬅያዌ አይ ማታነንቶ ኦዳ፤ ሀ ማታካ ነዉ እሜዳዌ እ ኦኔ?” ያጊደ ኦቼድኖ።
LUK 20:3 እካ፥ “ታ ህንተና እት ኦሻ ኦችያዌ ደእያዋ አነ ዛርተ።
LUK 20:4 ዮሃንሳ ጽንቃታይ ጾሳፔ ዎይ አሳፔ?” ያግ ኦቼዳ።
LUK 20:5 ኡንቱንቱ ባረ ግዶን ማቀቲደ፥ “ጾሳፐ ጎፐ፥ ሄዋ ግዶፐ ‘አያዉ አማንበይክቴ’ ኑና ያጋናዋ፤
LUK 20:6 ‘አሳፐ’ ጎፐ፥ አሳይ ኡባይ ዮሃንስ ናብያ ግድያዋ አማንያ ድራዉ ሹቻን ኑና ደቻናዋንታ” ያጌድኖ።
LUK 20:7 ሀዋስ፥ “ሀቃፐ ዬደንቶ ኤሮኮ” ጊደ አዉ ዛሬድኖ።
LUK 20:8 የሱስካ፥ “ሀዋ ግዶፐ ታንካ፥ ታን ኦ ማታን ሀ የዉዋ ኦꬃይታንቶ ህንተንቶ ኦድከ” ያጌዳ።
LUK 20:9 ሀዋፐ ስሚደ የሱስ አሳዉ ሀ ሌምሱዋ ያግ ኦዱዋ ዶሜዳ: “እት ብታኒ ዳሮ ዎይንያ ቱራቱዋ ቶኬዳ። ጎሻንቻቶ ኮꬃዉ እሚደ፥ እ ህን ሀራ ጋድያ ቢደ ጮራ ዎድያ ጋምኤዳ።
LUK 20:10 ዎይኒ አይፍያ አይፎ ዎደ፥ ዎይንያ ጎሻ ጎዳይ ባረና ጋክያዋ አሀናዳን እት ቆማ ኮꬃዋቱዋኮ ኪቴዳ። ኪተት ቤዳዋካ ꬎኦቢደ፥ መላ ኩሽያ የዴድኖ።
LUK 20:11 ሄዋፐ ሀራ ቆማ ኪቴዳ። ኡንቱንቱ ሄዋካ ቃይ ꬎኦቢደ፥ ቶቺደ፥ መላ ኩሽያ የዴድኖ።
LUK 20:12 ሀእካ ሀራ ሄዘንꬅያ ቆማ ኪቴዳ። ኡንቱንቱካ ቃይ አ ማሱንꬂደ፥ ህን ካረ ኦሌድኖ።
LUK 20:13 “ሄ ዎይንያ ቱራ ጎዳይካ፥ ‘ስም አያ ኦꬆ? አነ ሀእ ታ ዶስያ ናኣ ኪታና፤ ኦን ኤር አ ቦንቾፐነ’ ጌዳ።
LUK 20:14 ጎሻንቻቱ ቃይ ናኣ በኤዳ ዎደ፥ ‘ሀዌ አ ላትያዋ ግዶ ድራዉ፥ ሀይተ ዎꬎይተ፤ ሄዋፐ ጉየ፥ ቢታይ ኑሳ ግዳናዋ’ ጊደ ዞረቴድኖ።
LUK 20:15 ዎይንያ ቱራ ሳኣፐ፥ ህን ካረዉ ከሲደ አ ዎꬌድኖ። “ዎይንያ ቱራ ጎዳይካ ኡንቱንታ አያ ኦꬃንዴሻ?
LUK 20:16 ዮፐ ሄ ጎሻንቻቱዋ፥ ዎꬋናዋ፤ ዎይንያ ቱራ ሳኣካ ሀራንቶ እማናዋ” ያጌድኖ። አሳቱካ ሀዋ ስሶ ዎደ፥ “ሀዋ ማላባ አሆፖ” ያጌድኖ።
LUK 20:17 የሱስካ ህን ኡንቱንቱኮ ጼሊደ፥ “ ‘ስም ሹቻ ጎልያ ኬጽያዋንቱ ካꬌዳ ሹቻይ፥ እ ዋና ጎልያ ምንስያ ሁጰ ሹቻ ግዴዳ’ ጌተቲደ ጻፈቴዳዋ ብለꬃይ አዬ?
LUK 20:18 ሀ ሹቻ ቦላን ኩንድያ ኡባይ መኤረቴ፤ ሹቻይካ አ ቦላን ኩንድያ ኡባይ ቡንቼታናዋ” ያጌዳ።
LUK 20:19 ሙሴ ህግያ ጻፍያዋንቱነ ቄሳቱዋ ካፓቱ የሱስ ሃሳዬዳ ሌምሱ፥ ኡንቱንቱ ቦላን ጌተቶዋ ኤሮ ድራዉ፥ ሄ ሳትያንካ አ ኦይቃናዉ ኮዬድኖ። ሽን አሳዉ ያዬድኖ።
LUK 20:20 የሱሳ፥ ሄ ጋድያ ሞድያዎነ አ ማታዉ አꬂደ እማናዉ አ ዶናፐ ከስያ ቃላን ኦይቃናዉ እንጀትያ ዎድያ ናጊኖ። ሄዋ ድራዉ ጌሻ ማላቲደ ኦይꬃናዉ ዎችያዋንታ ኪቴድኖ።
LUK 20:21 ሄ ኪተቶዋንቱካ የሱሳ፥ “ታማርስያዎ፥ ኔን ቱማ የዉዋ ሃሳይያዋነ ታማርስያዋ፥ ሄዋዳንካ ቃይ ጾሳ ኦግያ ቱማተꬃን ታማርስያዋነ ኦስነ ዱማየናዋ ኑን ኤሬቶ።
LUK 20:22 ቃይካ ኡንቱንቱ፥ ሮማ ካትያ ቄሳረዉ ጊራ ጭጋናዉ ኮሺ ዎይ ኮሸኔ?” ያግ ኦቼድኖ።
LUK 20:23 እ ቃይ ኡንቱንቱ ደሻተꬃ ኤሪደ፥
LUK 20:24 “አነ ታና እት ዲናርያ በስተ፤ ሄዋ ቦላን ደእያ ምስሊነ ጻፈቶዌ ኦና በሲ?” ጌዳ።
LUK 20:25 ኡንቱንቱካ፥ “ቄሳረዋ” ጊደ ዛሬድኖ። እኔካ፥ “ሄዋ ግዶፐ: ቄሳረዋ፥ ቄሳረዉ እምተ፤ ጾሳዋ፥ ጾሳዉ እምተ” ያጌዳ።
LUK 20:26 ኡንቱንቱካ፥ እ ሃሳዬዳ ቃላን አሳ ስንꬃን ኦይቃናዉ ዳንዳይበይክኖ። አ ዛሩዋን ማላለቲደ ጮኡ ጌድኖ።
LUK 20:27 ሳዱቃዋናቱፐ እቱ እቱ የሱሳኮ ዪደ፥ ኦሻ አዉ ሺሼድኖ።
LUK 20:28 ኡንቱንቱካ የሱሳ፥ “ታማርስያዎ፥ እት ብታኒ ማቻቶ አኪደ ናኣ የለናን ሀይያዋ ግዶፐ፥ ምሽራቶ ሄዋ እሻይ ላታ አክ ናኣ የሊደ ባረ እሻዉ ዘረꬃ ዎꬃና ማላ ሙሴ ኑዉ ጻፌዳ።
LUK 20:29 እት ዎድያን ላፑ እሻቱ ደእያዋንቱፐ፥ ባይራይ ማቻቶ አኪደ የለናን ሀይቂ አጌዳ።
LUK 20:30 ላኤንꬅያዌካ እዞ ላቴዳ።
LUK 20:31 ሄዘንꬅያዌካ ቃይ እዞ አኬዳ፤ ላፑናቱካ እዞ አኪደ ናኣ የለናን ሀይቄድኖ።
LUK 20:32 ዉርሰꬃን ምሽራታካ ሀይቃ አጋዱ።
LUK 20:33 ስም ላፑናቱካ ሄ ምሽራቶ አኬዳ ድራዉ፥ ሀይቁዋፐ ደንዴዳ ዎደ፥ እዛ ኦስ ማቼ ግዳኔ?” ያግ ኦቼድኖ።
LUK 20:34 የሱስካ፥ “ሀ አላምያ ናናይ አኪኖነ አከቲኖ።
LUK 20:35 ሽን ሀይቁዋፐ ደንዲደ፥ ስንꬃፐ ይያ ዎድያን ደአናዉ በስያዋንቱ አክክኖነ አከትክኖ።
LUK 20:36 ኡንቱንቱ ጾሳ ኪታንቻ ማላቲደ ደእያ ድራዉ፥ ሄዋፐ ስሚደ ሀይቂክኖ። ሀይቁዋፐ ደንድያዋንታ ግድያ ድራዉ ኡንቱንቱ ጾሳ ናና።
LUK 20:37 ሙሴ፥ ጾሳይ አዉ ቆንጬዳ ዎራባ ጻፌዳ ታርክያ ጋርሳን፥ ጎዳ ጾሳ፥ ‘አብራሃሞ ጾሳ፥ ይሳቃ ጾሳ፥ ያቆባ ጾሳ’ ያጊደ ጼሱሳይ፥ ሀይቃዋንቱ ደንድያዋ በሴ።
LUK 20:38 ኡባይካ አዉ ሀይቂ ቤናዋንታ ግድያ ድራዉ፥ እ ሀይቂቤናዋንቱ ጾሳፐ አትን፥ ሀይቆዋንቱዋ ግደና” ያጌዳ።
LUK 20:39 እት እት ሙሴ ህግያ ጻፌዳዋንቱካ፥ “ታማርስያዎ፥ ሎኡዋ ሃሳያዳ” ያጌድኖ።
LUK 20:40 ሀዋፐ ስሚደ፥ እቱካ አ ኦቻናዉ ጻሎዌ ባዋ።
LUK 20:41 ሀዋፐ ካላ የሱስ ኡንቱንታ፥ “አሳይ ክርስቶሳ ዎት ‘ዳዊተ ናኣ’ ያጊኖ?
LUK 20:42 ጋሶተꬃይኔካ፥ ዳዊተ ባረ ሁጰዉ ማዝሙረ ማጻፋ ጋርሳን፥ “ ‘ጎዳይ ታ ጎዳ፥ “ታን ነ ሞርከቱዋ፥ ነ ገድያፐ ጋርሳና ደአናዳን ኦꬃና ጋካናዉ፥ ታ ኡሸቻን ኡታ” ጌዳ’ ያጌዳ።
LUK 20:44 “ስም ዳዊተ ክርስቶሳ፥ ‘ጎዳ’፥ ጊደ ጼስያዋ ግዶፐ፥ ዎት አዉ ናኣ ግዳና ዳንዳዪ?” ያጌዳ።
LUK 20:45 አሳይ ኡባይ ስስሽን ባረና ካልያዋንቶ፥
LUK 20:46 “ሙሴ ህግያ ታማርስያዋንቱፐ ናገትተ፤ ኡንቱንቱካ፥ አዱሳ ቃምሽያ ማዪደ ዩያናዉ፥ ገያይ ደእያ ሳን ቦንቾ ሳሮታ አካናዉ፥ ዎስያ ጎለን ቦንቾ ኦይድያን ኡታናዉ፥ ሾበቴዳሳን ቦንቾሳ ኮይያዋንታ።
LUK 20:47 ሄዋንቱካ አምአቱዋ ጎልያ ካሎይያዋንታ፤ ባረንታ በሳናዉ ዎሳ አዱስያዋንታ፤ ኡንቱንታ ኢታ ፕርዳይ ናገ” ያጌዳ።
LUK 21:1 የሱስ ꬎቁ ጊደ ጼልያ ዎደ፥ ዱረ አሳይ ጌሻ ጎልያን እሞታ ሺሽያ ሚሻ ግዶን ባረንቶ ደእያዋፐ ኡንቱንቱ የግያ ዎደ በኤዳ።
LUK 21:2 ቃይካ እት ህዬሳ አምኤ ምሽራታ ላኡ ሰምበርያ ሄዋን የግያ ዎደ በኢደ፥
LUK 21:3 “ታ ህንተዉ ቱሙዋ ጋይ፥ ሀ ህዬሳ አምኤ ምሽራታ፥ ኦፐነ ዳሩዋ እማዱ።
LUK 21:4 ሀ አሳይ ኡባይ ባረንቶ ፓላሆዋፐ እሜድኖ፤ ሽን እዛ ባረ ህዬሳተትሃ ዎልቃን ባረዉ ደእያዋ ኡባ እማዱ” ያጌዳ።
LUK 21:5 አ ካልያዋንቱፐ እቱ እቱ፥ “ጌሻ ጎሊ ሎኦ ሹቻንነ ባላ ሺቁዋ እሞታን ሎኤዳዋ” ያግ ሃሳይያ ዎደ የሱስ፥
LUK 21:6 “ሀዌ ህንተንቱ በእያዌ ኡባይ ኮለተናን፥ ሹቻይ ሹቻ ቦላን ኬለቲደ አተና ዎዲ ያናዋ” ያጌዳ።
LUK 21:7 ኡንቱንቱካ፥ “ታማርስያዎ፥ ስም ሀዌ ሀናናዌ አዉዴ? ቃይካ ሀዌ ሀናናዉ ማላይ አዬ?” ያጊድ ኦቼድኖ።
LUK 21:8 እካ፥ “ኦንነ ባለናዳን ናገትተ፤ ጮራ አሳይ፥ ‘ታን ክርስቶሳ’ ያጊደ ቃይካ፥ ‘ዎዲ ማቴዳ’ ያጊደ ታ ሱንꬃን ያናዋንታ፤ ህንተንቱ ቃይ ኡንቱንታ ካሎፕተ።
LUK 21:9 ኦላ የዉዋነ አሳ ማካላባ ስስያ ዎደ ዳጋሞፕተ፤ ሀዌ ኮይሮ ሀናናዉ በስያዋ ግዶ ድራፐ አትን ዉርሰꬃይ ብራ” ያጌዳ።
LUK 21:10 ሄዋፐ ካሊደ አሳዉ፥ “አሳይ አሳ ቦላ፥ ካዉተꬃይካ ካዉተꬃ ቦላ፥ ደንዳናዋ፤
LUK 21:11 ዎልቃማ ቢታ ቃꬃይ ሀናናዋ፤ ኮሻይነ ሀርጊ፥ ዱማ ዱማሳን መታናዋ፤ ያሽያ የዉነ ኡባካ ዎልቃማ ማላታይ ሳሉዋፐ ሀናናዋ።
LUK 21:12 “ሀዌ ኡባይ ሀናናፐ ካስያን ቃይ አሳይ ህንተንታ ኦይቃናዋንታ፥ መቶꬃናዋንታ፤ ህን አይሁዳቱዋ ዎሳ ጎለ አሳዉ አꬅ እማናዋንታ፤ ቃሾ ጎለካ ገልሳናዋንታ፤ ካታቱዋ ስንꬃንነ ሞድያዋንቱ ስንꬃን ሺሻናዋንታ፤ ሀዌ ኡባይ ታ ሱንꬃ ጋሱዋን ህንተንታ ጋካናዋ።
LUK 21:13 ሀዌካ ማርካታናዉ ህንተዉ ሎኦ ካጫ ግዳናዋ።
LUK 21:14 ሀዋ ግድያ ድራዉ፥ አይ ዛሩዋ እማኔ ጊደ ኮይሮቲደ ህንተንቱ ኡንኤተና ማላ ሀዋ ዎዛና አꬅተ።
LUK 21:15 ኤቀትያዋንቱ ኡባይ፥ ኤቀታናዉነ ላካናዉ ዳንዳየና ቃላነ አꬎ ጭንጫተꬃ ታን ህንተንቶ እማና።
LUK 21:16 ህንተንታ የሌዳዋንቱነ ህንተንቱ እሻቱ፥ ህንተንቱ ዳባቱነ ህንተንቱ ላገꬃቱካ አተናን ህንተንታ አꬅ እማናዋንታ፤ ህንተንቱፐካ እቱዋ እቱዋ ዎꬋናዋንታ።
LUK 21:17 ታ ሱንꬃ ድራዉ አሳ ኡባ ማታን እጸቴዳዋንታ ግዳንታ።
LUK 21:18 የዉዋን ቃይ ህንተንቱ ሁጲያ ብናናፐካ እትናነ ባዩኩ።
LUK 21:19 ምን ኤቂደ ህንተንቱ ሸምፑዋ አሺታ።
LUK 21:20 “የሩሳላመ ኦላ አሳን ዶደቴዳ ዎደ፥ እዝ ባየꬃይ ማቴዳዋ ኤርተ።
LUK 21:21 ሄ ዎደ ይሁዳን ደእያዋንቱ ደርያኮ ባቃትኖ፤ ካታማን ደእያዋንቱ ቃይ ሄዋፐ ከስኖ፤ ባላጋርያን ደእያዋንቱካ ያ ካታማኮ ገሎፕኖ፤
LUK 21:22 ጾሳ ቃላን ጻፈቴዳዌ ኡባይ ፖለታናዳን ሀዌ ሀሉዋ ከስያ ዎድያ።
LUK 21:23 ቢታ ቦላን ዎልቃማ መቱ ሀናናዋ፤ ሀእ ደእያ አሳ ቦላን ሀንቁ ያናዋ፤ ሄዋ ድራዉ ሄ ዎድያን ሻሃሮዋንቶነ ꬋንꬅያዋንቶ አየ!
LUK 21:24 አሳይ ኡባይ ማሻን ሀይቃናዋንታ፤ ጾሳ ኤረና ጋድያ ኡባቱካ ኦሞዱዋን ባናዋንታ፤ የሩሳላመካ አይሁዳ ግደናዋንቱ ዎዲ ፖለታና ጋካናዉ፥ ኡንቱንቱን የቴዳዉኖ ግዳናዉኑ።
LUK 21:25 “አዋ፥ አገናንነ ጾልንትያ ቦላ ማላታይ ሀናናዋ፤ አባፐነ ቤታ ኮሻፐ ደንዶ ጋሱዋን ቢታ ቦላን ደእያ አሳይ ኡባይ ኡንኤታናዋንታ፤ ህርጋናዋንታ።
LUK 21:26 ሳሉዋ ዎልቃይ ኡባይ ቃጽያ ድራዉ አሳይ ያሻንነ አላምያ ቦላ አዬ ያናዌሻ ያጊደ ናጉዋን ዳቡራናዋንታ።
LUK 21:27 ሄ ዎደ አሳ ናአይ ዎልቃንነ ዎልቃማ ቦንቹዋን ሻርያን ይያ ዎደ በአናዋንታ።
LUK 21:28 ህንተንቱካ፥ ሀ የዉ ፖለቱሳ ዶምያ ዎደ፥ ዎዙ ጼቱዋ ድራዉ ስት ጊደ ኤቂተ፤ ፑደ ꬎቁ ጊደ ጼልተ” ጌዳ።
LUK 21:29 ካሊደካ፥ ሀዋ ያግ ሌምሱዋ ኦዴዳ፥ “ዎደንꬃፐነ ሀራ ምꬃ ኡባፐ ጼልተ፤
LUK 21:30 ሀይꬃይ አጭና በእያ ዎደ፥ ሄ ዎደ ቦኒ ማቴዳዋ ህንተንቱ ኤሪታ።
LUK 21:31 ሄዋዳንካ ቃይ የዋቱ ፖለትያዋ በእያ ዎደ፥ ጾሳ ካዉተꬃታ ማቴዳዉኖ ኤርተ።
LUK 21:32 “ታን ህንተዉ ቱሙዋ ጋይ፤ ሀዌ ኡባይ ፖለታና ጋካናዉ ሀ የለታይ አና።
LUK 21:33 ሳሉነ ሳአይ አꬋና፤ ሽን ታ ቃላይ አና።
LUK 21:34 ስም ዛዋይ ባይና ደኡዋን፥ ኡሻ ዳሩዋነ ደኡዋባን ኡንኤትሽን ህንተንቱ ዎዛናይ ለፐናዳንነ ሄ ጋላሳይ ጲርያዳን ቆፐናን ህንተና ጋከናዳን ናገትተ፤
LUK 21:35 ሀዌ ቢታ ኡባን ደእያዋንቱ ኡባቱዋ ቦላን ጋካናዋ።
LUK 21:36 ስም ይያ ኢታባ ኡባፐ ህንተንቱ አታናዳንነ አሳ ናኣ ስንꬃንካ ኤቃናዉ ዳንዳያና ማላ፥ ኡባ ዎደ ምን ዎስተ” ያጌዳ።
LUK 21:37 የሱስ ጋላስ ጋላስ ጌሻ ጎልያን ታማርሲደ፥ ቃማ ቃማ ደብረ ዛይተ ያገትያ ደርያኮ ከሲደ አቄ።
LUK 21:38 አሳይ ኡባይ አ ስሳናዉ ጉራን ያ ጌሻ ጎልያ አኮ ዪኖ።
LUK 22:1 ፓስጋ ጌተትያ ማጋገ ኡክꬃ ምያ ባላይ ማቴዳ።
LUK 22:2 ቄሳቱዋ ካፓቱነ ሙሴ ህግያ ጻፍያዋንቱ የሱሳ ዎት ዎꬋነንቶ፥ ዎꬍያ ኦግያ ጌማን ኮዪኖ፤ ሽን አሳዉ ያዪኖ።
LUK 22:3 ጻላሂካ ታማነ ላኡ ካልያዋንቱፐ እቱዋ ግዴዳ አስቆሮቱ ይሁዳን ገሌዳ።
LUK 22:4 እካ ቢደ፥ የሱሳ ዎት አꬅ እማነንቶ ቄሳቱዋ ካፓቱዋናነ ጌሻ ጎልያ ናግያዋንቱ ካፓቱዋና እትፐ ሃሳዬዳ።
LUK 22:5 ኡንቱንቱካ ናሸቲደ፥ ሚሻካ ይሁዳዉ እማናዉ ዉለቴድኖ።
LUK 22:6 እካ ኤኖ ጌዳ፤ አሳይ ባይና ሳን የሱሳ አꬅ እማናዉ እንጀትያ ዎድያ ኮዬ።
LUK 22:7 ማጋገ ኡክꬃ ምያ ባላ ቦንችያ ዎዲ ጋኬዳ፤ ሄ ዎዲካ ፓስጋዉ ዶርሳ ሹካናዉ በስያ ዎድያ።
LUK 22:8 የሱስ ጰጽሮሳነ ዮሃንሳ፥ “ፓስጋ ቁማ ኑን ማናዳን ቢደ ጊግስተ” ጊደ ኪቴዳ።
LUK 22:9 ኡንቱንቱካ ዛሪደ፥ “ሀቃን ጊግሳናዳን ኮያይ?” ያግ ኦቼድኖ።
LUK 22:10 እካ፥ “ህንተንቱ፥ ካታማ ገልያ ዎደ ኦቱዋና ሃꬃ ቶኬዳ ብታኒ ህንተንቱና ጋከታናዋ፤ እ ገልያ ጎልያ አ ካሊደ ገልተ፤
LUK 22:11 ሄ ጎልያዋካ፥ ‘ታማርስያዌ ኔና፥ “ታን፥ ታና ካልያዋንቱና እትፐ ፓስጋ ቁማ ምያ እማꬃ ክፍሊ ሀቃ ባጋና ደኢ?” ያጌ’ ጊተ።
LUK 22:12 ሄ ብታኒካ ፖቅያ ቦላን ደእያ ሂጸት ኡቴዳ አኮ ክፍልያ ህንተንታ በሳናዋ፤ ሄዋንካ ሳኣ ጊግስተ” ያጌዳ።
LUK 22:13 ኡንቱንቱ ቢደ፥ የሱስ ጎዋዳንካ ብታንያ ደሚደ ፓስጋ ቁማ ጊግሴድኖ።
LUK 22:14 ፓስጋ ቁማይ ሜተትያ ሳቲ ጋኮ ዎደ፥ ታማነ ላኡ ኪተቶዋንቱና እትፐ ቁማ ማናዉ ኡቴዳ።
LUK 22:15 እካ፥ “ታና መቱ ጋካናፐ ካስያን ህንተንቱና ሀ ፓስጋ ቁማ ማናዉ ዳሮ አሞታደ ደአይ።
LUK 22:16 አያዉ ጎፐ፥ ታ ህንተዉ ኦድያዌ፥ ሀዌ ጾሳ ካዉተꬃን ፖለታና ጋካናዉ፥ ታን ላኤንꬁዋ ሀዋፐ ሚከ” ያጌዳ።
LUK 22:17 ጹኣ አኪደ፥ ጾሳ ጋላቲደ፥ “ሀዋ ሄይተ፥ ህንተንቱ ግዱዋን ግሸት ኡሽተ።
LUK 22:18 አያዉ ጎፐ፥ ታ ህንተንቶ ያጋይ፥ ጾሳ ካዉተꬃይ ያና ጋካናዉ፥ ሀቼፐ ዶማደ ዎይንያ ኤሳ ኡሽከ” ያጌዳ።
LUK 22:19 ቃይ ማጋገ ኡክꬃ አኪደ፥ ጾሳ ጋላቴዳ፤ ሄ ኡክꬃ መንꬅ ኡንቱንቶ እሚደ፥ “ሀዌ ህንተንቶ እመትያዌ ታ አሹዋ፤ ሀዋን ታና ቆፓና ማላ ሀዋ ሚተ” ያጌዳ።
LUK 22:20 ካዉዋ ሞዋፐ ጉይያን፥ ካሰዋዳን ጹኣ ደንꬅ ኡንቱንቶ እሚደ፥ ሀዋዳን ያጌዳ: “ሀ ጹአይ፥ ታ ህንተንቱ ድራዉ ጉስያ ታ ሱꬃ ቆፈꬅያ ኦራꬃ ጫቁዋ።
LUK 22:21 ሽን በእተ፥ ታና አꬅ እማናዉ ደእያ ብታኒ ጋይታን ታናና እትፐ ሜ።
LUK 22:22 አያዉ ጎፐ፥ ታን አሳ ናአይ ጾሳይ ጎዋዳን ባይ፤ ሽን ታና አꬂደ እምያ ኡራዉ አዉ አየ” ያጌዳ።
LUK 22:23 ኡንቱንቱ ግዶፐ ሄዋ ኦꬃናዉ ደእያዌ ኦና ግዳነንቶ፥ ባረንቱ ግዶን ኦሻ ዶሜድኖ።
LUK 22:24 ቃይ ባረንቱ ግዶፐ ኦን አꬍንቶ ያገትያ ፓሉማይ ኡንቱንቱ ግዶን ከሴዳ።
LUK 22:25 የሱስ ኡንቱንታ ያጌዳ: “ሀ አላምያ ሞድያዋንቱ ባረንቱ አሳ ቦላ ጎዳቲኖ፤ ኡንቱንታ ሞድያዋንቱ ኬካቱዋ ጌተቲኖ።
LUK 22:26 ሽን ህንተንቱ ሀዋዳን ሀኖፕተ፤ የዉዋን ቃይ ህንተንቱፐ ꬎቃ ግዴዳዌ ህንተ ኡባፐ ጉጽያዋ፤ ህንተንታ ሞድያዌካ፥ ህንተንቶ ቆማዳን ሀኖ።
LUK 22:27 “ቁማ ማናዉ ኡቴዳዋፐነ ቁማ አሳዉ አꬅያዋፐነ ኦን ቦንቼቲ? ቁማ ማናዉ ኡቴዳዋ ግደኔ? ታን ቃይ ህንተንቱ ግዶን ቁማ አꬅያ ቆማ ማላ።
LUK 22:28 ቃይ ታን ፓጨትያ ዎድያን ህንተንቱ ታናና እትፐ ምን ኤቄዳዋንታ።
LUK 22:29 አ ካዉተꬃ ኦይድያን ኡታና ማላ ታ አቡ ታና ሱንꬆዋዳን፥ ታን ቃይ ታ ካዉተꬃን ታ ጋይታፐ ማናዳንነ ኡሻናዳን፥ ታማነ ላኡ እስራኤልያ ያራቱዋ ቦላ ፕርዲደ፥ ካዉተꬃ ኦይድያን ኡታና ማላ ህንተንታ ሱንꬃድ” ያጌዳ።
LUK 22:31 ጎዳይ፥ “ስሞና፥ ስሞና፥ ታን ኦድያዋ ስሳ፤ ጻላሂ ህንተንታ አሳይ ዛርጋ ሀልእያዋዳን፥ ሀልአናዉ ጾሳ ዎሴዳ።
LUK 22:32 ሽን ታን ነ አማኑ ባየናዳን ነ ድራዉ ጋናታድ። ኔን ታኮ ስምያ ዎደ ነ እሻቱዋ ምንሳ” ያጌዳ።
LUK 22:33 ስሞን ዛሪደ፥ “ጎዳዉ፥ ታን ኔናና ቃሸታናዉነ ኔናና እትፐ ሀይቃናዉ ጊጋ ኡታድ” ያጌዳ።
LUK 22:34 የሱስ ቃይ፥ “ጰጽሮሳ፥ ታን ነዉ ያጋይ፤ ሀቼ ብላህያን፥ ኩቱ ዋሳናዉ ሄዙ ገደ ታና ኔን፥ ‘አ ታን ኤርከ’ ጋደ ካዳናሳ” ያጌዳ።
LUK 22:35 የሱስ ባረና ካልያዋንቶ፥ “ኮሮጁ፥ ቃርጪቲነ ጫማይ ባንታን ታን ህንተንታ ኪቶ ዎደ፥ ህንተንቶ እትባይ ፓጮዌ ደኢ?” ያጌዳ። ኡንቱንቱካ፥ “እትባይነ ኑዉ ፓጭቤና” ያጌድኖ።
LUK 22:36 እካ ዛሪደ፥ “ሀእ ቃይ ኮሮጁኡ ደእያዌ አክ ቦ፤ ቃርጪት ደእያዌካ ሄዋዳን ኦꬆ፤ ባይናዌ ቃይ ባረ ማዩዋ ዛልኢደ ማሻ ሻሞ።
LUK 22:37 አያዉ ጎፐ ታ ህንተዉ ያጋይ፥ ‘ሀዌ ማካላንቻቱና እትፐ ፓይደቴዳ’ ያገት ጾሳ ማጻፋን ጻፈቴዳዌ፥ ታናን ፖለተናን አተና። ኤ፥ ታዉ ጌተቴዳዌ ሀእ ፖለታናዋ” ያጌዳ።
LUK 22:38 አ ካልያዋንቱ፥ “ጎዳዉ፥ ሀዋን ላኡ ማሻይ ደኤ” ያግና እካ፥ “ሄዌ ግዳናዋ” ያጌዳ።
LUK 22:39 የሱስ ካታማፐ ከሲደ፥ ሀራ ጋላስ ብያዋዳንካ ደብረ ዛይተ ቤዳ። ቃይ አ ካልያዋንቱካ አ ጌዱዋ ቤድኖ።
LUK 22:40 ሄ ሳኣ ጋኪደ፥ “ፓጭያን ህንተንቱ ገለናን አታና ማላ፥ ዎስተ” ያጌዳ።
LUK 22:41 ሹቻ ኦልና ጋክያሳ ኬና ኡንቱንቱፐ ሃክ ቤዳ። ጉልባቲደ፥
LUK 22:42 “ታ አቦ፥ ኔን ኮይያዋ ግዶፐ፥ ሀ መቱዋ ጹኣ ታፐ ድጋ፤ ሽን ታ ሸነ ግዶፖ፤ ነ ሸነ ግዶፐ አትን” ያጊደ ዎሴዳ።
LUK 22:43 ሳሉዋፐ ዪደ ምንስያ ኪታንቻይ አዉ ቤቴዳ።
LUK 22:44 ባረ ዎዛና ግዶን ሴለቲደ፥ ዳሪ ዎሴዳ። እ ጫዎትያ ጫዉካ ሳኣ ቦላን ጾክያ ሱꬃ ማላቴዳ።
LUK 22:45 ዎሳፐ ደንዲደ፥ ባረና ካልያዋንቱኮ ጉየ ቢደ፥ ኡንቱንቱ ዳሮፐ ቃረቴዳ ድራዉ፥ ዳቡሪደ ገምእሾዋንታ ጼሊደ፥
LUK 22:46 “አያዉ ገምእሺቴ? ፓጭያን ገለናዳን ደንድ ዎስተ” ያጌዳ።
LUK 22:47 የሱስ ሄዋ ሃሳይ ደእሽን፥ ጮራ አሳይ ዬድኖ። ታማነ ላኡ አ ካልያዋንቱፐ እቱዋ ግዴዳ ይሁዳ ጌተትያዌ ሄ አሳ ካለꬂደ የራናዉ የሱሳኮ ሺቄዳ።
LUK 22:48 የሱስ ቃይ፥ “ይሁዳዉ፥ ኔን ታና አሳ ናኣ የራደ አꬃ እማይ?” ያጌዳ።
LUK 22:49 አ ዩሹዋን ደእያ አ ካልያዋንቱ ሀነትያ የዉዋ በኦ ዎደ አ፥ “ጎዳዉ፥ ሀ አሳ ኑን ማሻን ቃንጻኔ?” ያጌድኖ።
LUK 22:50 ኡንቱንቱፐ እቱ፥ ቄሳቱዋ ኡባቱዋ ካፑዋ ቆማ ሾጪደ፥ አ ኡሸቻ ሀይꬃ ቃንጽ ኦሌዳ።
LUK 22:51 የሱስ ቃይ ዛሪደ፥ “አግተ፥ ባሽተ” ያጌዳ። ብታንያ ሀይꬃካ ቦቺደ ፓꬄዳ።
LUK 22:52 የሱስካ ባረኮ ዬዳ ቄሳቱዋ ካፓቶ፥ ጌሻ ጎልያ ናግያዋንቶ፥ ሱንꬃቶነ ጋድያ ጭማቶ፥ “ፓኑዋ ኦይቂያዋዳን ማሻነ ጻምኣ ኦይቂደ ዪቴ?
LUK 22:53 ጌሻ ጎልያን ታን ጋላሳን፥ ጋላሳን ህንተንቱና ደእያ ዎደ፥ ታና ኦይቂበይክታ፤ ሽን ሀእ ሀዌ ህንተንቱ ዎደነ ꬉማ ዎልቃ ዎደ” ያጌዳ።
LUK 22:54 የሱሳ ኦይቂ ቃቺደ፥ ቄሳቱዋ ኡባ ካፑዋ ጎለ አፊደ ገልሴድኖ። ጰጽሮስካ ኡንቱንቱፐ ጉየ ሃኩዋን ኡንቱንቱ ጌዱዋ ካሌ።
LUK 22:55 ድርሳ ግዶን ታማ ኤꬂደ፥ እትፐ ኡት ደእሽን፥ ጰጽሮስ ኡንቱንቱ ግዶን ዪደ ኡት አጌዳ።
LUK 22:56 ታማይ ፖእያ ባጋና ጰጽሮስ ኡቲደ ደእሽን፥ እት ቆማታ ሎይꬃ ጼላደ፥ “ሀዌካ አናና እትፐ ደኤ” ያጋዱ።
LUK 22:57 ጰጽሮስ ቃይ፥ “ሀነ ምሽራቴ፥ ታን አ ኤርከ” ያግ ካዴዳ።
LUK 22:58 ጉꬃ ዎድያፐ ጉይያን፥ ሀራ ብታኒ ጰጽሮሳ በኢደ፥ “ኔን ኡንቱንቱና ጋꬆ ደኣ” ያግና፦ ጰጽሮስ ቃይ፥ “ሀዎ ብታነዉ፥ ታን አናና ጋꬆ ደእከ” ያጌዳ።
LUK 22:59 እት ሳተ ግድያዋ ጋምኢደ ሀራ ብታኒ ቆንጭሲደ፥ “እ ጋሊላ ጋደ አሳ ግድያ ድራዉ፥ ሀ ብታኒ አናና እትፐ ደእያዌ ቱማ” ያጌዳ።
LUK 22:60 ጰጽሮስ ቃይ፥ “ሀ ብታነዉ፥ ኔን ግያዌ አየንቶ ታን ኤርከ” ያጌዳ። ሄ ዎድያን እ ብሮካ ሃሳይ ደእሽን፥ ኤለካ ኩቱ ዋስ አጌዳ።
LUK 22:61 ጎዳይ ጉየ ስሚደ፥ ጰጽሮሳ ጼሌዳ። ጰጽሮስ ጎዳይ ባረና፥ “ሀቼ ኩቱ ዋሳና ጋካናዉ፥ ሄዙ ገደ ታና ካዳናሳ” ጌዳ ጎዳ ቃላይ አዉ ቆፈት አጌዳ።
LUK 22:62 ጰጽሮስ ድርሳፐ ካረ ከሲደ፥ ሴለቲደ ዬኬዳ።
LUK 22:63 የሱሳ ኦይቄዳ አሳይ ቅሊጪኖነ ሾጪኖ።
LUK 22:64 አ አይፍያ ጎዝ ባቂደ፥ “ኔና ባቄዳዌ ኦኔ? ናብያ ግዶፐ ኔና ደቻዋ አነ ኦዳ” ያጊደ አ ኦቼድኖ።
LUK 22:65 ቃይ አ ሀራ ጮራ ቦርያ ቦሬድኖ።
LUK 22:66 ሳአይ ዎንትና ጋድያ ጭማ አሳቱ፥ ቄሳቱዋ ካፓቱነ ሙሴ ህግያ ታማርስያዋንቱ፥ የሱሳ ባረንቱ ሺቄዳሳ አፊደ፥
LUK 22:67 “ክርስቶስ ኔኔ? አነ ኑ ኦዳ” ያጌድኖ። ሽን እ፥ “ታን ህንተንቶ ኦዶፐ ታና አማንክታ፤
LUK 22:68 ቃይ ህንተንታ ታን ኦቾፐ ኦድክታ፤ ዎይ ቃሹዋፐ ታና ብልክታ።
LUK 22:69 ሽን ሀ ሳትያፐ ዶምና ታን አሳ ናአይ፥ ሀእፐ ዶማደ፥ ዎልቃማ ጾሳ ኡሸቻ ባጋና ኡታና” ያጌዳ።
LUK 22:70 ኡንቱንቱ ኡባይ የሱሳ፥ “ያትና ኔን ጾሳ ናኤ?” ያጌድኖ። እካ ዛሪደ፥ “ታን ጾሳ ናኣ ግዶዋ ህንተንቱ ሃሳዬድታ” ያጌዳ።
LUK 22:71 ኡንቱንቱካ፥ “ኑን ኑ ሁጰዉ አ ዶናፐ ስሴዶ፤ ሀዋፐ ስንꬃዉ አይ ማርካ ኮሺ?” ያጌድኖ።
LUK 23:1 ሄዋን ሺቄዳ ኡባቱካ እትፐ ደንዲደ፥ የሱሳ ጵላጾሳኮ አፌድኖ።
LUK 23:2 ኡንቱንቱካ፥ “ሀ ብታኒ ኑ አሳ ባለꬂደ፥ አሳይ ሮመ ቢታ ካትያ ቄሳራዉ ጊራ እመና ማላ ድጊደ፥ ቃይ፥ ‘ታን ካትያ’ ያግሽን ደሜዶ” ያጊደ ሞቱዋ ዶሜድኖ።
LUK 23:3 ጵላጾስካ የሱሳ፥ “ሀዎ፥ አይሁዳቱዋ ካቲ ኔኔ?” ያጊደ ኦቼዳ። የሱስ ዛሪደ አ፥ “ኔን ጋ ደኣሳ” ያጌዳ።
LUK 23:4 ጵላጾስ ቄሳቱዋ ካፓቶነ አሳዉ ኦዲደ፥ “ታን ሀ ብታንያ ቦላን አይነ ኢታ ኦሱዋ ደማበይከ” ያጌዳ።
LUK 23:5 ግዶፐ አትን ኡንቱንቱ፥ “ሀ ብታኒ ጋሊላፐ ዶሚደ፥ ሀራይ አቶ ሀዋ ጋካናዉካ፥ ይሁዳ ጋድያ ኡባ ባረ ትምርትያን ቃꬂደ ደኤ” ያጊደ ምንስ ኦዴድኖ።
LUK 23:6 ጵላጾስካ ሀዋ ስሲደ፥ “እ ጋሊላ አሴ?” ያጊደ ኤራናዉ ኦቼዳ።
LUK 23:7 ጵላጾስ ሄሮድሰ ሞድያ ጋድያፐ የሱስ ዬዳዋ ኤሬዳ ዎደ፥ ሄሮድሰካ ቃይ ሄ ዎድያን የሩሳላመን ደእያ ድራዉ፥ አኮ የሱሳ የዴዳ።
LUK 23:8 ሄሮድሰ ዳሮ ዎድያፐ ዶሚደ የሱሳ በአናዉ አሞት ደእያ ድራዉ፥ አ በኤዳ ዎደ ዳሮፐ ናሸቴዳ። የሱሳ ዋርያ ስሴዳዋ ድራዉ፥ እ ኦራꬃባ ኦꬅሽን በአናዉ ህዶታን ጋምኤዳ።
LUK 23:9 ሄሮድሰ የሱሳ ዳሮባ ኦቼዳ፤ ሽን የሱስ አዉ አያነ ዛርቤና።
LUK 23:10 ቄሳቱዋ ካፓቱነ ሙሴ ህግያ ታማርስያዋንቱ ሄዋን ኤቂደ፥ የሱሳ ሎይꬅ ሞቲደ ደኢኖ።
LUK 23:11 ሄሮድሰነ አ ዎታዳራቱ የሱሳ ካꬊደ፥ አ ቦላ ቅሊጬድኖ። ቦንቼቴዳ ማዩዋ አ ማይዚደ፥ ጵላጾሳኮ ዛሪደ የዴድኖ።
LUK 23:12 ሄሮድሰነ ጵላጾስ ሀዋፐ ካሰና ሞርክያን ደኢኖ፤ ሽን ሄ ጋላስ ስገቴድኖ።
LUK 23:13 ጵላጾስ ቄሳቱዋ ካፓቱዋ፥ አይስያዋንታነ ሀራ ጮራ አሳ እትፐ ጼሲደ፥
LUK 23:14 ሀዋዳን ያጌዳ፥ “ ‘ሀ ብታኒ አሳ ማካላተꬃዉ ደንꬄ’፥ ያጊደ ታኮ አሄድታ፤ ታንካ ህንተንቱ ስንꬃን ብዳ ጼላደ፥ ህንተንቱ ሺሼዳ ሞቱዋን እት ባላነ አ ቦላን ደማበይከ።
LUK 23:15 ቃይ ሄሮድሰካ አ ቦላን አይነ ደምቤና ድራዉ፥ ሃ ኑኮ ዛር የዴዳ፤ ህንተንቱ በእያዋዳንካ፥ ሀ ብታኒ አ ሀይቆ ጋꬅያባ አይነ ኦꬅቤና።
LUK 23:16 ሀዋ ድራዉ ታን አ ሙራደ ብላና” ያጌዳ።
LUK 23:17 
LUK 23:18 አሳይ ኡባይ እትፐ ግዲደ፥ “ሀ ብታንያ ያ ድጋ! ባርባና ግያ የሱሳ ኑዉ ብላ!” ያጊደ ጫቦቴድኖ።
LUK 23:19 ባርባን ካታማን ዋላሳ ደንꬂደ፥ አሳ ዎꬌዳ ድራዉ፥ ቃሸቴዳዋ።
LUK 23:20 ጵላጾስ የሱሳ ብላናዉ ኮዪደ፥ አሳዉ ላኤንꬁዋ ጉጂደ ሃሳዬዳ።
LUK 23:21 ሽን ኡንቱንቱ፥ “ማስቃልያ ቦላ ምስማርያን ꬍሻደ ካቃ! ካቃ!” ያግ ዋሴድኖ።
LUK 23:22 ጵላጾስካ ሄዘንꬁዋ ኡንቱንታ፥ “አያዉ? ሀ ብታኒ ኦꬄዳ ኢታ ኦሱ አዬ? ታን አ ሀይቆ ጋꬅያ ናቁዋ አይነ አፐ ደማበይከ፤ ሀዋ ድራዉ፥ አ ሙራደ ብላ የዳና” ያጌዳ።
LUK 23:23 ሽን ኡንቱንቱ ባረንቱ ኮሻ ꬎቁ ኦꬂደ፥ ካቀታናዳን ዳሪ ዋሴድኖ። ኡንቱንቱ ዋሱካ ጵላጾሳ ቆፋ ላሜዳ።
LUK 23:24 ሀዋ ድራዉ፥ ጵላጾስካ ኡንቱንቱ ኦሻይ ስማናዳን የሱሳ ቦላን ፕርዴዳ።
LUK 23:25 አሳ ማካላዉ ደንꬂደነ ሸምፑዋ ዎꬊደ፥ ቃሸቴዳ ብታንያ ብለታናዳን ኡንቱንቱ ዎሶ ድራዉ፥ ሄ ብታንያ ብሌዳ። ሽን የሱሳ ባረንቱ ሸንያዳን ኮዮዋ ኦꬃና ማላ፥ አꬅ እሜዳ።
LUK 23:26 የሱሳ ኦይቂ አፊደ ደእሽን፥ ስሞና ጌተትያ ቀሬና ብታኒ ሄራፐ ዪደ ደእሽን ደሚደ፥ ማስቃልያ ቶሲደ የሱሳና ባና ማላ ኦꬄድኖ።
LUK 23:27 ዳሮ ጮራ አሳይነ ዬክያ ማጫዋንቱ ጉየና ካሊኖ።
LUK 23:28 የሱስ ጉየ ስሚደ ኡንቱንቶ፥ “ህንተኖ፥ የሩሳላመ ማጫዋንቶ፥ ህንተንቱ ሁጰዉነ ህንተንቱ ናናዉ ዬክተፐ አትን፥ ታዉ ዬኮፕተ፤
LUK 23:29 ‘ማንꬃ ግዴዳዋንቱነ የልቤና ኡሉ፥ ꬋንꬅቤና ꬋንꬃይ፥ አንጀቴዳዋንታ’ ጌተትያ ዎዲ ያናዋ።
LUK 23:30 ሄ ዎድያን፥ ‘ዞዛቶ፥ ኑ ቦላ ዎድተ፤ ዙኩላቱዋካ፥ ኑና ቆስተ’ ያጋንታ።
LUK 23:31 ስም ቃየ ምꬃን ሀዋዳን ሀኖፐ፥ መላ ምꬃን ዋናናዌ?” ያጌዳ።
LUK 23:32 የሱሳና እትፐ ካቀታና ማላ፥ ኢታ ኦሱዋ ኦꬄዳ ሀራ ላኡ አሳቱዋካ አፌድኖ።
LUK 23:33 ቄራነዉ ጌተትያሳ ጋኬዳ ዎድያን፥ የሱሳ ካቄድኖ። ኢታ ኦꬆዋንታካ፥ እቱዋ ኡሸቻና፥ የኩዋ ሀድርሳና ካቄድኖ።
LUK 23:34 የሱስ፥ “ታ አቦ፥ ኡንቱንቱ ባረንቱ ኦꬅያዋ ኤረና ድራዉ፥ ኡንቱንቱ ናጋራ አቶ ጋ” ያጌዳ። ኡንቱንቱካ አ ማዩዋ ሳማ የገቲደ ግሸት አኬድኖ።
LUK 23:35 አሳይ ኤቂ ጼልሽን፥ ጋድያ ሞድያዋንቱ፥ “ሀራንታ አሼ፤ ጾሳን ዶረቴዳ ክርስቶስ አ ግዶፐ፥ አነ ባረ ሁጲያ አሸኔ?” ያጊደ ቅሊጬድኖ።
LUK 23:36 ቃይ ዎታዳራቱካ ሺቂደ ቅሊጬድኖ፤ ጫሜዳ ዎይንያ ኤሳ አዉ አህ እሚደ፥
LUK 23:37 “ሀዎ፥ ኔን አይሁዳ ካትያ ግዶፐ፥ ነ ሁጲያ አሻ!” ያጌድኖ።
LUK 23:38 ሁጲሳናካ፥ “ሀዌ አይሁዳ ካትያ” ያግያ ጻፉዋ ጻፌድኖ።
LUK 23:39 ኢታ ኦꬂደ ካቀቴዳዋንቱፐ እቱ፥ ቦሪድነ ቶቺደ፥ “ሀዎ ኔን ክርስቶሳ ግድኪ? አነ አ ግዶፐ፥ ነ ሁጲያነ ኑና አሻ” ያጌዳ።
LUK 23:40 የኩ ቃይ አ፥ “ኔን ሀዋ ማላትያ ፕርዳ ቦላ ደኣደካ ጾሳዉ ያይኪ?
LUK 23:41 ኑን ኪተቴዳ ባላን ሙራ አኪደ ደኤቶ፤ ኑዉ በስያ ሙራ ቦላን ደኤቶ፤ ሽን ሀ ብታኒ እት ኢታባነ ኦꬅቤና” ያግ ዛሬዳ።
LUK 23:42 እ የሱሳ፥ “ኔን ነ ካዉተꬃ ዎልቃን ይያ ዎደ፥ ታና ቆፓ” ያጌዳ።
LUK 23:43 የሱስካ፥ “ታን ነዉ ቱሙዋ ኦዳይ፥ ሀቼ ታናና እትፐ ጋናትያን ደአናሳ” ያጌዳ።
LUK 23:44 ሄ ዎደ ኡሱፑን ሳተ ግድያ ኬና፤ ሄዋፐ ኡዱፑ ሳትያ ጋካናዉ፥ ቢታ ኡባ ቦላን ꬉማ ግዴዳ።
LUK 23:45 አዋይካ ባረ ፖኡዋ ድጌዳ፤ ጌሻ ጎልያ ጋርዱካ ፔቲደ ላኡዋ ከሴዳ።
LUK 23:46 የሱስካ ዳሮ ꬎቁ ጌዳ ቃላን ዋሲደ፥ “ታ አቦ፥ ታን ታ ሸምፑዋ ነ ኩሽያን አꬃ እማይ!” ያግ ስሞዋፐ ጉይያን እ ሀይቄዳ።
LUK 23:47 ጼቱዋ ካፑ ሀኔዳ የዉዋ በኤዳ ዎደ፥ “ሀ ብታኒ ቱማካ ጽሎ አሳ” ያጊደ ጾሳ ጋላቴዳ።
LUK 23:48 ሀዋ በአናዉ እትሳ ሺቄዳ አሳይ ኡባይ ሀኔዳ የዉዋ በኢደ፥ ባረንቱ ትራ ባቂደ ስሜድኖ።
LUK 23:49 የሱሳ ኤርያ አሳይ ኡባይነ ጋሊላፐ ዶሚደ አ ካሌዳ ማጫዋንቱ ሀዋ ጼሊደ፥ ሃኩዋን ኤቄድኖ።
LUK 23:50 አይሁዳ ሻንጋቱዋ ግዴዳዋንቱፐ እቱ፥ ዮሴፎ ጌተትያ ሎአነ ጽሎ ብታኒ ደኤ።
LUK 23:51 ሀ ብታኒ ሻንጋቱዋ ማቁዋነ ኡንቱንቱ ኦሱዋን እትፐተꬃ ኦꬅቤና። ጾሳ ካዉተꬃ ዩሳ ህዶታን ናጊደ ደኤ።
LUK 23:52 ዮሴፎካ ጵላጾሳኮ ቢደ፥ የሱሳ አሃ አካናዉ ዎሴዳ።
LUK 23:53 አካናዳን ጌተቶዋፐ ጉየ፥ አሃ ቦላፐ ዎꬂደ፥ ሎኦ ሞጉዋ ማዩዋን ጻጺደ፥ ሹቻፐ ዎጨቲደ መቴዳ፥ ኦንነ ካሰ ሞገትቤና ኦላ ግዶን ዎꬄዳ።
LUK 23:54 ጋላሳይካ ሳምባታ ሞካናዉ ጊግያ ጋላሳ፤ ሳምባታይካ ገላና ሀኔ።
LUK 23:55 ጋሊላፐ ዶሚደ የሱሳና እትፐ ዬዳ ማጫዋንቱ ካሊደ፥ ዱፉዋን አ አሃ ዎቲደ ዎꬄድኖንቶ በኤድኖ።
LUK 23:56 ኡንቱንቱ ሀዋፐ ሶይ ስሚደ፥ ሽቱዋነ ኦክያዋ አንሀዉ ጊግሴድኖ። ህግያ ማራዳን ሳምባታ ጋላስ ሸምፔድኖ።
LUK 24:1 ሳምንታፐ ኮይሮ ጋላሳ፥ ማጫዋንቱ ጊግሴዳ ሽቱዋ ኦይቂደ ዳሪ ጉሪደ ዱፉዋኮ ቤድኖ።
LUK 24:2 ሹቻይካ ዱፉዋ ዶናፐ ጎንዶረትና በኤድኖ።
LUK 24:3 ኡንቱንቱ ዱፉዋ ጋርሳ ኦላ ገሎ ዎደ፥ ጎዳ የሱሳ አሃ ደምበይክኖ።
LUK 24:4 ማጫዋንቱ ስꬊደ ደእሽን፥ ዋጭዋጭያ ማዩዋ ማዬዳ ላኡ አሳቱ፥ ቆፐናን ኡንቱንቱ ምይያን ኤቄድኖ።
LUK 24:5 ማጫዋንቱካ ያሻፐ ደንዶዋን ሳኣ ጼሊደ ደእሽን፥ ላኡ አሳቱ፥ “ደኡዋን ደእያዋ፥ አ አያዉ ሀይቆዋንቱ ግዶፐ ኮዪቴ?
LUK 24:6 እ ደንዴዳ፤ ሀዋን ባዋ። ቃይካ ጋሊላን ደእያ ዎድያን፥ ‘አሳ ናአይ ናጋራንቻቱዋ ኩሽያን አꬍ እመታናዋ፤ ማስቃልያ ቦላን ካቀታናዋ፥ ሄዘንꬆ ጋላስ ሀይቁዋፐ ደንዳናዋ’ ያገቶዋ ቆፕተ” ያጌድኖ።
LUK 24:8 ማጫዋንቱካ ሄ ዎደ ቃላ አኬኬድኖ።
LUK 24:9 ኡንቱንቱካ ዱፉዋፐ ስሚደ ሀ ኡባ የዉዋ ታማነ እት ኪተቶዋንቶነ ኡንቱንታ ካልያዋንቶ ኡባቶ ኦዴድኖ።
LUK 24:10 ሀዋ የሱስ ኪቶዋንቶ ኦዴዳዋንቱ: ማግዳላፐ ዬዳ ማይራሞ፥ ዮሃኖ፥ ያቆባ ዳዮ ማይራሞነ ኡንቱንቱና እትፐ ደእያ ሀራ ማጫዋንታ።
LUK 24:11 ኡንቱንቶ ማጫዋንቱ ኦድያ ቃላይ ቃጅያዋ ማላትና አማንበይክኖ።
LUK 24:12 ሽን ሄ ዎደ ጰጽሮስ ደንዲደ ዱፉዋኮ ዎጼዳ። ያ ጋኪደ ሆክ ጼልያ ዎደ፥ ጋርሳን ሞጉዋ ማዮ ጻላላይ ደእያዋ በኤዳ። ሀኖ የዉዋንካ ማላለቲደ፥ ጎለ ስሜዳ።
LUK 24:13 ሄ ጋላስ የሱሳ ካልያዋንቱፐ ላኡ አሳቱ የሩሳላመፐ ላኡ ሳትያ ሃክያ ኤማሁሳ ጌተትያ ሄራ ቢደ፤
LUK 24:14 እቱ እቱዋና ሀኔዳ የዉዋ ኡባ ሃሳይ ደኢኖ።
LUK 24:15 ኡንቱንቱ ሃሳዪድነ ዞረቲደ ደእሽን፥ የሱስ ባረ ሁጰዉ ዪደ ኡንቱንቱ ምይያ ሺቂደ ኡንቱንቱና ቢደ ደኤ።
LUK 24:16 ሽን ኡንቱንቱ ባረ አይፍያን ጼሊደ አ ግድያዋ ሻክ ኤራናዉ ዳንዳይበይክኖ።
LUK 24:17 የሱስ፥ “ህንተንቱ ኦግያ ቦላን እቱ እቱዋና ሃሳይያዌ አዬ?” ያግ ኦቼዳ። ኡንቱንቱካ ዳጋማን ለቹሚደ ኤቄድኖ።
LUK 24:18 ኡንቱንቱፐ እቱ ቀልዮጳ ጌተትያዌ፥ “ሀ ግዱዋን የሩሳላመን ሀኖ የዉዋ ኤረናዌ ነ ጻላላይ ሀ ጋደዉ እማꬄ?” ያግ ዛሬዳ።
LUK 24:19 የሱስ፥ “እ አዬ?” ያግና፥ ኡንቱንቱካ፥ “ጾሳ ስንꬃንነ አሳ ኡባ ስንꬃን ቃላንነ ኪታን ምኖ ናብያ ግዴዳ ናዝሬትያ የሱሳባ ሃሳዬቶ።
LUK 24:20 አካ ቄሳቱዋ ካፓቱነ ኑና ሞድያዋንቱ ሀይቁዋ ፕርዳዉ አꬅ እሜድኖ፤ ማስቃልያ ቦላን ዎꬌድኖ።
LUK 24:21 ኑን ካሰና፥ ‘እስራኤልያ አሳ ዎዛናዋ’ ያግ ህዶቶዌ አ፤ ሽን ሀ የዉ ሀነቲደ አꬎደፐ ሄዙ ቃማ ግዴዳ።
LUK 24:22 ኑ ግዶፐ እት እት ማጫዋንቱ ኑና ማላልሴድኖ። ኡንቱንቱ ጉራን ህን ዱፉዋ ቤድኖ፥
LUK 24:23 ሽን የሱሳ አሃ ኡንቱንቱ ꬋዮ ዎደ ሽረት ስሚደ፥ እ ደንዴዳ፤ ያግያዋ ኪታንቻቱ ኦድሽን በኤዶ ያግ ኦዴድኖ።
LUK 24:24 ኑ ግዶፐካ እት እት አሳይ ዱፉዋ ቢደ ኡንቱንቱ ጎዋዳን ሀንና በኤድኖ፤ ሽን የሱሳ አሃ ደምበይክኖ” ያጌድኖ።
LUK 24:25 የሱስ ኡንቱንቶ፥ “ህንተኖ፥ አኬከና አሳቶ፥ ህንተንቱ ዎዛናን ናባቱ ኦዶዋ ኡባ ኤለ አማነናዋንቶ፤
LUK 24:26 ክርስቶስ ሀ መቱዋ አካናዉነ ባረ ቦንቹዋኮ ገላናዉ በሰኔ?” ያጌዳ።
LUK 24:27 ሄዋፐ ስሚደ የሱስ ሙሴ ማጻፋቱዋፐነ ናባቱ ጻፌዳ ማጻፋቱዋፐ ዶሚደ፥ ጾሳ ማጻፋቱዋ ኡባን ጻፈቴዳ ባረባ ኡንቱንቶ ብሊደ ኦዴዳ።
LUK 24:28 ኡንቱንቱ ብደእያ ሄራ ማቴዳ ዎደ፥ የሱስ ሀራሳ ብያዋ ማላቴዳ።
LUK 24:29 ሄ ዎደ ኡንቱንቱ አ፥ “ጋላሳይ ቃሚደ ደእያ ድራዉ፥ ኦማርሳይ ማቴዳ፤ ኑናና እትፐ አቃ!” ያግ ምንስ ዎሴድኖ። ሀዋ ድራዉ፥ እካ ኡንቱንቱና እትፐ አቃናዉ ገሌዳ።
LUK 24:30 ኡንቱንቱ እትፐ ጋይታን ኡቴዳ ዎደ፥ ዳቡዋ ደንꬂደ አንጄዳ፤ መንꬂደ ኡንቱንቶ እሜዳ።
LUK 24:31 ኡንቱንቱ አይፊካ አ አኬካና ማላ ዶየትና፥ የሱሳ ግድያዋ ኤሬድኖ። እካ ኡንቱንቱ ስንꬃፐ ጌሜዳ።
LUK 24:32 ኡንቱንቱካ እቱ እቱዋ፥ “ቃꬋአን እትፐ ኑ ደእሽን፥ ኑና እ ሃሳይስያ ዎድያንነ ጾሳ ማጻፋቱዋካ ኑዉ ቆንጭሲደ እ ኦድያ ዎድያን፥ ኑ ዎዛና ግዶን ታማዳን ሴሌ ግደኔ?” ጌተቴድኖ።
LUK 24:33 ሄ ዎድያንካ ደንዲደ የሩሳላመ ስሜድኖ። የሱስ ኪቶ ታማነ እታቶነ ኡንቱንቱና እትፐ ደእያዋንቶ፥ “ጎዳይ ቱሙዋካ ደንዴዳ፥ ስሞናዉካ ቤቴዳ” ያጊደ ሄዋን እትፐ ሺቅ ኡቴዳዋንታ ደሜድኖ።
LUK 24:35 ሄ ላአቱ፥ ቃꬋአን ሀኔዳዋነ የሱስ ዳቡዋ መንꬅያ ዎደ ዎት አ ኤሬድኖንቶ ኡንቱንቶ ኦዴድኖ።
LUK 24:36 ሀዋ ኡንቱንቱ ሃሳይ ደእሽን፥ የሱስ ኡንቱንቱ ግዶን ኤቂደ፥ “ሳሮተꬃይ ህንተዉ ግዶ” ያጌዳ።
LUK 24:37 ኡንቱንቶ ሞይትልያ በኦዋ ማላትና ዳጋሚደ፥ ያሻን ኩሜድኖ።
LUK 24:38 እካ ኡንቱንታ፥ “አያዉ ዳጋሚቴ? አያ ድራዉ ህንተንቱ ዎዛናይ ስꬊ?
LUK 24:39 ታን የሱሳ ግድያዋ ኤራናዉ፥ አነ ታ ኩሽያነ ታ ገድያ በእተ፤ ታናን ህንተንቱ በእያዋዳን፥ ሞይትለዉ አሹነ መቀꬃይ ባዋ። አነ ታና ህንተንቱ ኩሽያን ኦይቂ በእተ” ያጌዳ።
LUK 24:40 ሀዋ ያግ ስሚደ፥ ባረ ኩሽያነ ባረ ገድያ በሴዳ።
LUK 24:41 ኡንቱንቱካ ናሸቻፐ ደንዶዋን፥ አማነናን ማላለት ደእሽን እ፥ “ሀዋን ሜተትያዌ ህንተንቶ ደኢ?” ያግ ኡንቱንታ ኦቼዳ።
LUK 24:42 ኡንቱንቱካ፥ ጺጸቴዳ ሞልያፐ ላፋ ፑሩዋ አዉ እሜድኖ።
LUK 24:43 እካ አኪደ ኡንቱንቱ ስንꬃን ሜዳ።
LUK 24:44 እካ፥ “ታን ህንተንቱና እትፐ ደኣደ፥ ‘ሙሴ ማጻፋን፥ ናባቱዋ ማጻፋንነ ቃላን ጻፈቶ ማዝሙረቱዋን ታ ድራዉ ጻፈቴዳ ኡባይ ፖለታናዉ በሴ’ ያጋደ ህንተንቶ ኦዴዳ የዉ ሀዋ” ያጌዳ።
LUK 24:45 ሄ ዎድያንካ ጾሳ ማጻፋቱዋን ጌተቶዋ አኬካና ማላ፥ ኡንቱንቱ ዎዛና ዶዬዳ።
LUK 24:46 ኡንቱንቶ፥ “ ‘ክርስቶሳ መቱ ጋካናዋ፤ ሄዘንꬅያ ጋላስ ሀይቁዋፐ ደንዳናዋ።
LUK 24:47 አ አ ሱንꬃን ናጋራ ፓጸꬃይነ ማሮታ ደሙሳይ የሩሳላመፐ ዶሚደ አሳዉ ኡባዉ ኦደታናዋ’ ያገቲደ ጻፈቴዳ።
LUK 24:48 “ህንተንቱካ ሀዎ ማርካቱዋ።
LUK 24:49 ታ ህንተንቶ፥ ታ አቡ ቃላ ገሌዳ ህዶታ የዳና፤ ሄዌ ጋካናዉነ ህንተንቶ ዎልቃይ ሳሉዋፐ እመታና ጋካናዉ፥ የሩሳላመ ካታማን ናግሽተ” ያጌዳ።
LUK 24:50 ሀዋፐ ጉይያን፥ ቢታንያ ጌተትያ ካታማ ጋካናዉ፥ ኡንቱንታ አፌዳ፤ ባረ ኩሽያ ምጪደ ኡንቱንታ አንጄዳ።
LUK 24:51 ኡንቱንቱፐ ሻከቲደ፥ ሳሉዋ ቤዳ።
LUK 24:52 ኡንቱንቱ አዉ ጎይኒደ፥ ዳሮ ናሸቻን የሩሳላመ ስሜድኖ።
LUK 24:53 ቃይ ፓጨናን ጾሳ ጋላቲደ፥ ጌሻ ጎልያን ደኤድኖ።
JOH 1:1 ቃላይ ኮይሮ ደኤ፤ ቃላይካ ጾሳና እትፐ ደኤ፤ ቃላይካ ጾሳ።
JOH 1:2 እ ኮይሮፐካ ጾሳና ደኤ።
JOH 1:3 ኡባባይ ቃላ ባጋና መቴዳ። መቴዳባን ኡባባን እ ባይናን እትባይነ መትቤና።
JOH 1:4 አን ደኡ ደኤ፤ ደኡ አሳዉ ፖኡዋ።
JOH 1:5 ፖኡ ꬉማን ፖኤ፤ ꬉማይ ፖኡዋ ጾንቤና።
JOH 1:6 ጾሳፐ ኪተት ዬዳ አ ሱንꬃይ ዮሃንሳ ጌተትያ እት ብታኒ ደኤ።
JOH 1:7 አሳይ ኡባይ አ ባጋና አማናና ማላ፥ ፖኡዋባ ማርካታናዉ ዬዳ።
JOH 1:8 ፖኡዋባ ማርካታናዉ ዬዳፐ አትን፥ እ ባረ ሁጰዉ ፖኡዋ ግደና።
JOH 1:9 እካ ቱሙ ፖኡዋ ግዴዳዌ አሳዉ ፖእሳናዉ ሀ ሳኣ ይያዋ።
JOH 1:10 ቃላይ አላምያን ደኤ፤ ጾሳይ ቃላን አላምያ መꬌዳ፤ ሽን አላሚ አ ኤርቤና።
JOH 1:11 እ ባረ ባጋቱዋኮ ዬዳ፤ ሽን ኡንቱንቱ አ ሺሽ አክበይክኖ።
JOH 1:12 ግዶፐ አትን እ ባረና ሺሽ አኬዳ ኡባቶ፥ ባረ ሱንꬃን አማኔዳዋንቶ፥ ጾሳ ናና ግዳና ማላ፥ ማታ እሜዳ።
JOH 1:13 ኡንቱንቱ ጾሳፐ የለቴድኖፐ አትን፥ አሳይ የልያ ማራን ዎይ አሹዋ ሸንያን ዎይ አቱማ አሳ ሸንያ ጻላላን የለትበይክኖ።
JOH 1:14 ቃላይ አሳ ግዲደ፥ አꬎ ኬካተꬃንነ ቱማተꬃን ኩሚደ ኑ ግዱዋን ደኤዳ። ኑን፥ እ ባረ አቦ እት ናኣ ግዲደ አኬዳ አዉ ደእያ ባረ አዉዋ ቦንቹዋ በኤዶ።
JOH 1:15 ዮሃንስ አባ ባረ ኮሻ ꬎቁ ኦꬂደ፥ “ታን፥ ‘ታፐ ካላ ይያዌ ታፐ ቦላ፤ አያዉ ጎፐ፥ ታ የለታናፐ ካሰና እ ደእያዋ’ ጋደ ህንተንቶ ኦዶዌ ሀዋ” ያግ ማርካቴዳ።
JOH 1:16 ኑን ኡባይ አ ኩመንꬃ አꬎ ኬካተꬃን ፓላሄዳ አንጁዋ አኬዶ።
JOH 1:17 ጾሳይ ህግያ ሙሴ ባጋና እሜዳ፤ ሽን አꬎ ኬካተꬃይነ ቱማተꬃይ የሱስ ክርስቶሳ ባጋና ዬዳ።
JOH 1:18 ጾሳ በኤዳ አሳይ ኦንነ ባዋ፤ ባረ አዉዋ ማታን ደእያ ባረ ሁጰዉ ጾሳ ግዴዳዌ እት ናኣ ጻላላይ አባ ማርካቴዳ።
JOH 1:19 የሩሳላመን ደእያ አይሁዳቱዋ አይስያዋንቱ ቄሳቱዋነ ሌዋቱዋ ዮሃንሳኮ፥ “ኔን ኦኔ?” ጊደ አ ኦቻና ማላ ኪትና፥ ዮሃንስ ኡንቱንቶ ማርካቴዳ ማርካተꬃይ ሀዋ።
JOH 1:20 ዮሃንስ፥ “ታን ክርስቶሳ ግድከ” ያጊደ ጌሽ ማርካቴዳዋፐ አትን፥ ማርካቱሳ እጽቤና።
JOH 1:21 ኡንቱንቱ፥ “ያትና፥ ኔን ኦኔ? ኔን ኤላሴ?” ያጊደ ኦቼድኖ። ዮሃንስ፥ “አ ግድከ” ያጌዳ። ቃይካ ኡንቱንቱ፥ “ኔን ናቤ?” ያጊደ ኦቼድኖ። ዮሃንስ፥ “ግድከ” ያግ ዛሬዳ።
JOH 1:22 ኡንቱንቱ፥ “ያትና ኔን ኦኔ? ኑን ኑና ኪቴዳዋንቶ ኦዳና ማላ፥ ኔን ኔና ኦና ጋይ?” ያጌድኖ።
JOH 1:23 ዮሃንስ ዛሪደ፥ “ናብያ እሳያሰ ጌዳዋዳን፥ ዎራን ባረ ቃላ ꬎቁ ኦꬂደ፥ “ ‘ጎዳ ኦግያ ስት ኦꬅተ!’ ግያ ኮሻይ ታዋ” ያጌዳ።
JOH 1:24 ቃይ ፓርሳዋቱ ኪቴዳ አሳቱ
JOH 1:25 ዮሃንሳ፥ “ኔን ክርስቶሳ ዎይ፥ ኤላሳ ዎይ ናብያ ግዳና ꬋዮፐ፥ ያትና አያዉ ጻማቃይ?” ያጊደ ኦቼድኖ።
JOH 1:26 ዮሃንስ፥ “ታን ሃꬃን ጻማቃይ፤ ሽን ህንተንቱ ኤረናዌ እቱ ሀዋን ህንተንቱ ግዱዋን ደኤ።
JOH 1:27 እ ታፐ ካላ ዬ። ታን አ ጫማ ቃሹዋ ብላናዉካ በስከ” ያግ ዛሬዳ።
JOH 1:28 ሀዌ ኡባይ ዮርዳኖሳ ሻፋፐ ሄፍንꬃ ባጋ ዮሃንስ ጻማቅያሳ ቢታንያን ሀኔዳ።
JOH 1:29 ዮሃንስ ዎንተꬃ ጋላስ የሱስ ባረኮ ይያዋ በኢደ፥ “ጾሳ ኦርገ ዶርሳ፥ አላምያ አሳ ናጋራ ꬋይስያዌ፥ ሀዌሽ!
JOH 1:30 ታን፥ ‘ታፐ ካላ እቱ ያናዋ፤ እ ታፐ ቦላ፤ አያዉ ጎፐ፥ ታ የለታናፐ ካሰና እ ደእያዋ’ ጋደ ኦዴዳዌ ሀዋ።
JOH 1:31 እ ኦነንቶ ታን ኤርከ፤ ሽን እስራኤልያ አሳዉ አ ቆንጭሳናዉ ሃꬃን ጻማቃደ ያድ” ያጌዳ።
JOH 1:32 ዮሃንስ ማርካቲደ፥ “ጌሻ አያናይ ሳሉዋፐ ሀራጵያዳን ዎꬍሺናነ አ ቦላን ኡትሽን፥ ታን በኣድ።
JOH 1:33 ታን አ ኤርከ፤ ሽን ሃꬃን ጻማቃና ማላ ታና ኪቴዳ ጾሳይ፥ ‘ጌሻ አያናይ ዎꬊደ፥ እት አሳ ቦላ ሸምፕሽን፥ ኔን በአና፤ እካ ጌሻ አያናን ጻማቄ’ ያጊደ ታዉ ኦዴዳ።
JOH 1:34 ታን ሄዋ በኣድ፤ እ ጾሳ ናኣ ግድያዋካ ማርካታይ” ያጌዳ።
JOH 1:35 ዎንተꬃ ጋላስ ዮሃንስ ሽረቲደካ ባረና ካልያዋንቱፐ ላአቱዋና እትፐ ኤቄዳ፤
JOH 1:36 እ የሱስ አꬍሽን በኢደ፥ “ጾሳ ዶርሳይ ሀዌሽ!” ያጌዳ።
JOH 1:37 ዮሃንሳ ካልያ ላአቱ ዮሃንስ ግያዋ ስሲደ፥ የሱሳ ካሌድኖ።
JOH 1:38 የሱስ ባረና ካልያዋንታ ጉየ ስም በኢደ፥ “አያ ኮዪቴ?” ያግ ኦቼዳ። ኡንቱንቱ ዛሪደ፥ “ረቢ፥ ኔን ሀቃን ደአይ?” ያጌድኖ። “ረቢ” ጉሳይ “ታማርስያዎ” ግያዋ።
JOH 1:39 የሱስ ኡንቱንታ፥ “ሃ ዪደ በእተ” ያጌዳ። ኡንቱንቱ ቢደ፥ እ ደኢያሳ በኤድኖ፤ ሄ ጋላስ ሳአይ ታሙ ሳተ ሄራ ግድያ ድራዉ፥ ኡንቱንቱ አናና ፔሼድኖ።
JOH 1:40 ዮሃንስ ጌዳዋ ስሲደ፥ የሱሳ ካሌዳ ላኡ አሳቱዋፐ እቱ፥ ስሞና ጰጽሮሳ እሻ እንድራሳ።
JOH 1:41 እንድራሰ ኮይሮ ባረ እሻ ስሞና ደሚደ፥ “ኑን ጾሳይ ኪቴዳዋና ጋከቴዶ” ያጌዳ። ሄዋ ጉሳይ “ክርስቶሳ” ግያዋ።
JOH 1:42 እንድራሰ ስሞና የሱሳኮ አሄዳ። የሱስ ስሞና በኢደ፥ “ኔን ዮሃንሳ ናኣ ስሞና፤ ነ ሱንꬃይ ኬፋ ጌተታናዋ” ያጌዳ። “ኬፋ” ግያዋ ብለꬃይ “ጰጽሮሳ” ዎይ “ዛላ” ግያዋ።
JOH 1:43 ዎንተꬃ ጋላስ የሱስ ጋሊላ ባናዉ ቆፋ ቃቼዳ፤ እ ፕልጶሳና ጋከቲደ፥ “ታና ካላ!” ያጌዳ።
JOH 1:44 ፕልጶስ፥ እንድራስነ ጰጽሮሰ ደኤዳ ቤተሳይዳ ጌተትያ ካታማፐ ዬዳ አሳ።
JOH 1:45 ፕልጶስ ናትናኤላና ጋከቲደ፥ “ሙሴ ማጻፋቱዋንነ ናባቱዋ ማጻፋቱዋን አባይ ጻፈቴዳዋዳን፥ ዮሴፎ ናኣ የሱስ ናዝሬተ ካታማን ደእያዋና ኑን ጋከቴዶ” ያግ ኦዴዳ።
JOH 1:46 ናትናኤል ዛሪደ፥ “ናዝሬተ ካታማፐ ሎኦባይ ከሳናዉ ዳንዳዪ?” ያጌዳ። ፕልጶስ፥ “ያደ በአ” ያጌዳ።
JOH 1:47 ናትናኤል ባረኮ ይያዋ የሱስ በኢደ፥ “ማካላይ ባይና ቱሙ እስራኤልያ አሳይ ሀዋ!” ያጌዳ።
JOH 1:48 ናትናኤል የሱሳ፥ “ኔን ታና ሀቃን ኤራይ?” ያግ ኦቼዳ። የሱስ ዛሪደ፥ “ፕልጶስ ኔና ጼሳናፐ ካሰ፥ ኔን ባላስያ ጌተትያ ምꬃፐ ህርክና ደእሽን፥ ታን ኔና በኣድ” ያጌዳ።
JOH 1:49 ናትናኤል ዛሪደ፥ “ታማርስያዎ፥ ኔን ጾሳ ናኣ! ኔን እስራኤልያ ካትያ!” ያጌዳ።
JOH 1:50 የሱስ፥ “ታን ኔና ባላስያ ጌተትያ ምꬃፐ ህርክና በኣድ ጌዳ ድራዉ አማናይ? ኔን ሀዋፐ አꬍያዋ በአና!” ያጌዳ።
JOH 1:51 ቃይካ የሱስ፥ “ታን ህንተንቶ ቱሙዋ ኦዳይ፤ ሳሉ ዶየትና፥ ጾሳ ኪታንቻቱ ታ ቦላ፥ አሳ ናኣ ቦላ፥ ፑደ ከስሺናነ ዱገ ዎꬍሺን፥ ህንተንቱ በአና” ያጌዳ።
JOH 2:1 ሄዘንꬆ ጋላስ ጋሊላ ጋድያን ቃና ጌተትያ ካታማን ቡላቻይ ቡላቼቴዳ፤ የሱሳ ዳያ ሄ ቡላቻን ደአዉ።
JOH 2:2 የሱስካ ባረና ካልያዋንቱና እትፐ ሄ ቡላቻ ጼሰቴዳ።
JOH 2:3 ዎይንያ ኡሻይ ዉር ድግና፥ የሱሳ ዳያ አ፥ “ኡንቱንቶ ዎይንያ ኡሻይ ዉር ድጌዳ” ያጋ ኦቻዱ።
JOH 2:4 የሱስ ዛሪደ፥ “ታ ዳዬ፥ ሀዌ ታ ኦሱዋ ግድያ ድራዉ፥ ነ ያያና ኮሸና። ታ ዎዲ ብሮ ጋክቤና” ያጌዳ።
JOH 2:5 የሱሳ ዳያ ኪተትያዋንቶ፥ “እ ህንተንቶ ኦድያዋ አያ ግዶፐነ ኦꬅተ” ያጋ ኦዳዱ።
JOH 2:6 አይሁዳቱ ካሰ ኦꬅያ ዶያዳን፥ ሜቻ ዎጋዉ እቱ እቱ ጼቱ ጻራሙስያ ኦይቂያ ኡሱፑን ሹቻ ባꬃቱ ሄዋን ደኢኖ።
JOH 2:7 የሱስ ኪተትያዋንታ፥ “ባꬃቱዋን ሃꬃ ኩንꬅተ” ያጌዳ፤ ጌተቶዋዳንካ ኡንቱንቱ ባꬃቱዋን ዶና ጋካናዉ ሃꬃ ኩንꬄድኖ።
JOH 2:8 የሱስ ኡንቱንታ፥ “ሀእ ዱቂደ፥ ቡላቻ ካፖ እምተ” ያጌዳ፤ ኡንቱንቱ አዉ አፊደ እሜድኖ።
JOH 2:9 ቡላቻ ካፑ ዎይንያ ኡሻ ግዴዳ ሃꬃ ጋንጽ ጼሊደ፥ ሀቃፐ ዬደንቶ ኤርቤና፤ ሽን ሃꬃ ኩንꬄዳ ኦሳንቻቱ ኤሪኖ። ቡላቻ ካፑ ማቻቶ አክያዋ ጼሲደ፥
JOH 2:10 “ኦንነ አይፈ ግዴዳ ዎይንያ ኡሻ እማꬃ አሳ ካሰቲደ ኡሼ፤ ያቲደ አሳይ ዳርስ ኡሼዳዋፐ ጉይያን፥ ቅራርያ ኡሼ። ሽን ኔን አይፈ ግዴዳ ዎይንያ ኡሻ ሀኖ ጋካናዉ ናጋዳ!” ያጌዳ።
JOH 2:11 የሱስ ባረ ኦꬄዳ ዎልቃማ ማላታቱዋፐ ሀዋ ኮይሩዋ ጋሊላ ጋድያን ቃና ጌተትያ ሄራን ኦꬄዳ፤ ሄዋን ባረ ቦንቹዋ እ ቆንጭስና፥ አ ካልያዋንቱ አን አማኔድኖ።
JOH 2:12 ሄዋፐ ጉይያን፥ የሱስ ባረ ዳይና፥ ባረ እሻቱዋናነ ባረና ካልያዋንቱና እትፐ ቅፍርናሆማ ጌተትያ ካታማ ቢደ አማሬዳ ጋላሳ ታኬድኖ።
JOH 2:13 አይሁዳቱ ቦንችያ ፓስጋ ባላ ጋላሳይ ማታትና፥ የሱስ የሩሳላመ ቤዳ።
JOH 2:14 ጌሻ ጎልያ ግቢያን ሚዛ፥ ዶርሳነ ዶጎማቱዋ ዛልእያ አሳ ደሜዳ፤ ቃይ ሀራቱ ባረንቱ ኦይድያን ኡቲደ፥ ሚሻ ላምያዋንታ ደሜዳ።
JOH 2:15 እ ጎላ ጅራፍያ ዶቂደ፥ አሳ ኡባ ዶርሳናነ ምያና ጌሻ ጎልያ ግቢያፐ ካረዉ ከሲደ የደርሴዳ። ሚሻ ላምያዋንቱ ኦይድያካ አꬅ የጊደ፥ ኡንቱንቱ ሚሻ ላሌዳ።
JOH 2:16 ዶጎሙዋ ዛልእያዋንታ እ፥ “ሀ ዶጎማቱዋ ሀዋፐ ከስተ፤ ታ አቡ ጎልያ ገያ ኦꬆፕተ!” ያጌዳ።
JOH 2:17 የሱሳ ካልያዋንቱ ጾሳ ማጻፋን፥ “ታን ነ ጎለዉ ሴለትያ ሴላይ ታና ታማዳን ጉዴ” ጌተቲደ ጻፈቴዳዋ ሀሳዬድኖ።
JOH 2:18 ሄዋፐ ጉየ፥ አይሁደ አሳ አይስያዋንቱ ዛሪደ፥ “ነዉ ሀዋ ኦꬃናዉ ዳንዳይያ ማታይ ደእያዋ ኑና አያ ማላታ በሳኒ?” ያጌድኖ።
JOH 2:19 የሱስ፥ “ሀ ጌሻ ጎልያ ኮልተ፤ ታን ሄዙ ጋላሳን ዛራደ ኬጻና” ያጌዳ።
JOH 2:20 ቃይካ አይሁደ አሳ አይስያዋንቱ፥ “ሀ ጌሻ ጎልያ ኬጻናዉ ኦይታማነ ኡሱፑን ላይꬃ አኬዳ፤ ሽን ኔን ሄዙ ጋላሳን ኬጻኒ?” ያጌድኖ።
JOH 2:21 ሽን እ ሃሳዬዳ ጌሻ ጎሊ ባረ አሳተꬃባ።
JOH 2:22 ሄዋ ድራዉ፥ የሱስ ሀይቁዋፐ ደንዴዳዋፐ ጉይያን፥ የሱሳ ካልያዋንቱ እ ሄዋ ጌዳዋ ሀሳዬድኖ። ቃይ ኡንቱንቱ ጾሳ ማጻፋይ ጌዳዋነ የሱስ ሃሳዬዳዋ አማኔድኖ።
JOH 2:23 ፓስጋ ባላ ቦንችያ ዎደ፥ የሱስ የሩሳላመን ደእሽን፥ እ ኦꬄዳ ማላታ በኢደ፥ ጮራ አሳይ አ አማኔድኖ።
JOH 2:24 ሽን የሱስ አሳ ኡባ ኤርያ ድራዉ፥ ሄዋንታ አማንቤና።
JOH 2:25 አሳባ ኦንነ አዉ ማርካታና ማላ ኮይቤና፤ አያዉ ጎፐ፥ አሳ ዎዛናን አዬ ደእንቶ፥ እ ባረ ሁጰዉ ኤርያ ድራሳ።
JOH 3:1 ፓርሳዋቱዋፐ ግዴዳ ካፑዋ ንቆድሞሳ ጌተትያ እት ብታኒ ደኤ።
JOH 3:2 ንቆድሞስ ቃማ የሱሳኮ ዪደ፥ “ታማርስያዎ፥ ኔን ኑና ታማርሳና ማላ ጾሳይ ኪቴዳ ግድያዋ ኑን ኤሬቶ፤ አያዉ ጎፐ፥ ጾሳይ አናና ደእያ አሳፐ አትን፥ ሀ ኔን ኦꬅያ ዎልቃማ ማላታቱዋ ኦꬃናዉ ዳንዳይያ አሳይ ባዋ” ያጌዳ።
JOH 3:3 የሱስ ዛሪደ፥ “ታን ነዉ ቱሙዋ ኦዳይ፤ አሳይ ላኤንꬁዋ የለታና ꬋዮፐ፥ ጾሳ ካዉተꬃ በአናዉ ዳንዳየና” ያጌዳ።
JOH 3:4 ንቆድሞስ፥ “ጭማ አሳይ ዋኒደ ላኤንꬁዋ የለታናዉ ዳንዳዪ? ባረ ዳይ ኡሉዋ ስም ገሊደ፥ ላኤንꬁዋ የለታናዉ አሳይ ዳንዳዪ?” ያጌዳ።
JOH 3:5 የሱስ ዛሪደ፥ “ታን ነዉ ቱሙዋ ኦዳይ፤ አሳይ ሃꬃፐነ ጌሻ አያናፐ የለታና ꬋዮፐ፥ ጾሳ ካዉተꬃ ገላናዉ ዳንዳየና።
JOH 3:6 አሳይ አሹዋን አሳፐ የለቴ፤ ሽን አሳይ አያናን ጌሻ አያናፐ የለቴ፤
JOH 3:7 ‘ህንተንቱ ላኤንꬁዋ የለታናዉ በሴ’ ጋደ ታን ኦዴዳ ድራዉ፥ ማላለቶፓ።
JOH 3:8 ጫርኩ ባረ ኮዬዳሳ ጫርኬ። ኔን አ ኮሹንቻ ስሳሳ፤ ሽን እ ሀቃፐ ይንቶ ዎይ ሀቃ ብንቶ ኤራካ። ጌሻ አያናፐ የለቴዳ ኡባይ ሄዋ ማላ” ያጌዳ።
JOH 3:9 ንቆድሞስ፥ “ሀዌ ዋኒደ ሀናናዉ ዳንዳዪ?” ያጊደ ኦቼዳ።
JOH 3:10 የሱስ ዛሪደ፥ “ኔን እስራኤላቱዋ ታማርስያዋ ግዳደ ሀዋ ኤርኪ?
JOH 3:11 ታን ነዉ ቱሙዋ ኦዳይ፤ ኑን ኤርያዋ ሃሳዬቶነ በኤዳዋ ማርካቴቶ፤ ሽን ኑን ማርካትያዋ ህንተንቱ አክክታ።
JOH 3:12 ታን ህንተንቶ ሳኣባ ኦድና፥ አማነናዋንታ ግዶፐ፥ ሳሉዋባ ኦድና ዋን አማናንቴ?
JOH 3:13 ሳሉዋፐ ዎꬌዳ ታፐ አትን፥ ሳሉዋ ከሴዳዌ ኦንነ ባዋ፤ ሳሉዋን ደእያ አሳ ናአይ ታና።
JOH 3:14 “ሙሴ ዎራን ጻንቂማሉዋ ሾሻ ሱሌዳዋዳን፥ ታና አማኔዳ ኡባይ መꬍና ደኡዋ አካና ማላ፥ ታን አሳ ናአይ ማስቃልያ ቦላ ፑደ ደንዳና በሴ።
JOH 3:16 “ጾሳ ናኣ አማንያ ኡባይ መꬍና ደኡዋ አካናፐ አትን፥ ꬋየና ማላ፥ ጾሳይ ሀ አላምያ አሳ ሎይꬅ ሲቄዳ ድራዉ፥ ባረ መጽ እት ናኣ እሜዳ።
JOH 3:17 አያዉ ጎፐ፥ ጾሳይ ባረ ናኣ ሀ አላምያ አሳ ፕርዳናዉ ኪትቤና፤ ሽን ኡንቱንታ አ ባጋና አሻናዉ ኪቴዳ።
JOH 3:18 “አ ናኣ አማንያ ኦንነ ፕርደተና፤ ሽን ናኣን አማነና ኦንነ፥ ጾሳ ናኣ እቱዋ አማንቤና ድራዉ፥ ሀእካ ፕርደት ኡቴዳ።
JOH 3:19 አሳ ቦላ ይያ ፕርዳይ ሀዋ: ፖኡ ሀ አላምያ ዬዳ፤ ሽን አሳ ኪታይ ኢታ ግድያ ድራዉ፥ ፖኡዋፐ አꬂደ፥ ꬉማ ሲቄዳ።
JOH 3:20 ኢታባ ኦꬅያ ኦንነ ፖኡዋ እጼ፤ አያዉ ጎፐ፥ ባረ ኪታይ ቆንጨና ማላ፥ ፖኡዋኮ ሺቀና።
JOH 3:21 ሽን ቱሙዋ ኦꬅያ ኦንነ ጾሳይ አዛዜዳዋዳን፥ እ ኦꬄዳዋ ፖኡ ቆንጭሳና ማላ፥ ፖኡዋኮ ሺቄ” ያጌዳ።
JOH 3:22 ሄዋፐ ጉይያን፥ የሱስነ አ ካልያዋንቱ ይሁዳ ጋድያ ቤድኖ፤ የሱስ ሄ ጋድያን ኡንቱንቱና አማሬዳ ዎድያ ኡቲደ፥ አሳ ጻማቂደ ደኤ።
JOH 3:23 ቃይ ዮሃንስ ሳሌመ ማታን ደእያ ሄኖና ግያ ሳን ዎጋ ሃꬃይ ደእያ ድራዉ፥ አሳይ አኮ ዪና ጻማቄ።
JOH 3:24 ሄዌ ሀኔዳዌ ዮሃንስ ቃሸታናፐ ካሰና።
JOH 3:25 ሄዋፐ ጉይያን፥ ዮሃንሳ ካልያዋንቱና አማሬዳ አይሁዳቱዋ ሜቻ ዎጋባ ፓሉመቴድኖ።
JOH 3:26 ኡንቱንቱ ዮሃንሳኮ ቢደ፥ “ታማርስያዎ፥ ዮርዳኖሳ ሻፋፐ ሄፍንꬃን ኔናና ደእያዌ፥ ኔን አባ ማርካቶዌ፥ በአ ሀእ ጻማቄ፤ አሳይ ኡባይካ አኮ ቤ” ያጌድኖ።
JOH 3:27 ዮሃንስ ዛሪደ፥ “ጾሳይ እማና ꬋዮፐ፥ አሳይ አይነ አካናዉ ዳንዳየና።
JOH 3:28 ‘ታን ክርስቶሳ ግድከ፤ ሽን ታን አፐ ስንꬃዉ ኪተታድ’ ጌዳዎ ህንተ ህንተንቱ ሁጰዉ ማርካ።
JOH 3:29 ምሽራ ማጫዉና ደእያ ኡራይ እካ ምሽራ፤ ሄ ምሽራ ምያታይ ኤቂደ፥ እ ግያዋ ስስያዌ አ ሃሳያን ዳሮ ናሸቴ። ሄዋ ድራዉ፥ ሀዌ ታ ናሸቻይ ፖለቴዳ።
JOH 3:30 እ ዳርና ታ ጉጻና በሴ” ያጌዳ።
JOH 3:31 ቦላፐ ይያዌ ኡባፐ ቦላ። ሳኣፐ ቤቴዳዌ ሳኣሳ። እካ ሳኣባ ሃሳዬ። ሳሉዋፐ ይያዌ ኡባፐ ቦላ።
JOH 3:32 እ ባረ በኤዳባነ ስሴዳባ ማርካቴ፤ ሽን አ ማርካተꬃ አክያዌ ባዋ።
JOH 3:33 አ ማርካተꬃ አክያ ኦንነ ጾሳይ ቱማንቻ ግድያዋ ሄዋን ማርካቴ።
JOH 3:34 ጾሳይ ኪቴዳዌ ጾሳ ቃላ ኦዴ፤ አያዉ ጎፐ፥ ጾሳይ ባረ ጌሻ አያና ፓላህሲደ እሜ።
JOH 3:35 ጾሳይ ባረ ናኣ ሲቂደ ኡባባ አ ኩሽያን ዎꬄዳ።
JOH 3:36 ናኣ አማንያ ኡራዉ መꬍና ደኡ ደኤ፤ ሽን ናኣ አማነናዋ ቦላ ጾሳ ሀንቁ ደአናዋፐ አትን፥ እ ደኡዋ በኤና።
JOH 4:1 የሱስ ዮሃንሳዋፐ ዳርያ ባረና ካልያዋንታ ባረኮ ሺሼነ ጻማቄ ግያዋ ፓርሳዋቱ ስሴዳዋ የሱስ ኤሬዳ ዎደ፥ ይሁዳ አጊደ፥ ጋሊላ ቤዳ፤ ግዶፐነ፥ የሱሳ ካልያዋንቱ ጻማቄዳዋፐ አትን፥ የሱስ ባረ ሁጰዉ ኦናነ ጻማቅቤና።
JOH 4:4 ጋሊላ ቢደ፥ ሳማርያና አꬋናዌ አ አሸናባ ግዴዳ።
JOH 4:5 ሄዋ ድራዉ፥ ያቆብ ባረ ናኣ ዮሴፎ እሜዳ ጋድያ ማታን ደእያ ስካሮ ጌተትያ ሳማርያ ካታማ ቤዳ።
JOH 4:6 ሄ ሳኣን ያቆባ ሃꬃ ኦላይ ደኤ፤ የሱስ ሀመታን ዳቡሪደ፥ ሄ ሃꬃ ኦላ ማታን ኡቴዳ። ሄ ዎደ ሳአይ ኡሱፑን ሳትያ ሄራ።
JOH 4:7 ሳማርያ ምሽራታ ሃꬃ ዱቃናዉ ዬዳዉኖ የሱስ፥ “ታና ሃꬃ ኡሻርኪ!” ያጌዳ።
JOH 4:8 የሱሳ ካልያዋንቱ ቁማ ሻማናዉ ካታማ ቤድኖ።
JOH 4:9 ሄ ምሽራታ ዛራደ አ፥ “ኔን አይሁዳ አሳ ግዳደ፥ ሳማርያ ማጫ አሳ ግዴዳ ታና፥ ዎታ ደኡዋ እምያ ሃꬃ ኡሻ ጋይ?” ያጋዱ፤ አያዉ ጎፐ፥ አይሁዳቶነ ሳማርያ አሳዉ እትፐተꬃይ ባይና ድራሳ።
JOH 4:10 የሱስ ዛሪደ እዞ፥ “ኔን ጾሳ እሞታነ ቃይ ኔና ‘ታና ሃꬃ ኡሻ’ ግያዌ ኦነንቶ ኤርያዋ ግድንቶ፥ አ ዎሳናሳ፤ እካ ነዉ ደኡዋ እምያ ሃꬃ እማና” ያጌዳ።
JOH 4:11 ምሽራታ ዛራደ፥ “ጎዳዉ፥ ነዉ ዱቂያባይ ባዋ፤ ኦላይካ ጪሙዋ። ያትና፥ ደኡዋ እምያ ሃꬃ ሀቃፐ አካኒ?
JOH 4:12 ኑዉ ሀ ሃꬃ ኦላ እሜዳ ኑ አዉዋ ያቆባፐ ኔን ዳራይ? እ፥ አ ናናይነ አ መሂ ሀዋፐ ኡሼድኖ” ያጋዱ።
JOH 4:13 የሱስ ዛሪደ፥ “ሀ ሃꬃፐ ኡሽያ ኦንነ ላኤንꬁዋ ሳመታናዋ።
JOH 4:14 ሽን ታን እምያ ሃꬃ ኡሽያ ኦንነ ላኤንꬁዋ ሳመተና። ታን እምያ ሃꬃይ ሄ አ ግዶን መꬍና ደኡዋስ ፑልትያ ፑልቱዋ ግዳናዋ” ያጌዳ።
JOH 4:15 ምሽራታ፥ “ጎዳዉ፥ ታን ሳመተና ማላነ ሃꬃ ትካናዉካ ሃ ዬና ማላ፥ ታዉ ሄ ሃꬃ እማ!” ያጋዱ።
JOH 4:16 የሱስ እዞ፥ “ባደ ነ አስና ጼሳደ ሃ ስማ” ያጌዳ።
JOH 4:17 ምሽራታ ዛራደ፥ “ታዉ አስናይ ባዋ” ያጋዱ። የሱስ፥ “ታዉ አስናይ ባዋ ግያዋን ቱሙዋ ጋዳ።
JOH 4:18 ኔን እቼሹ አስና ገላዳ፤ ሀእ ኔናና ደእያ ብታኒ ነ አስና ግደና። ኔን ሀእ ታዉ ኦዴዳዌ ቱማ” ያጌዳ።
JOH 4:19 ምሽራታ ቃይ፥ “ጎዳዉ፥ ኔን ናብያ ግድያዋ ታ ሀእ ኤራድ፤
JOH 4:20 ኑ ሳማርያ አሳ አዎቱ ሀ ደርያን ጎይኔድኖ፤ ሽን አይሁዳቱ ህንተንቱ አሳይ ጾሳዉ ጎይናናዉ በስያ ሳአይ የሩሳላመና ያጊታ” ያጋዱ።
JOH 4:21 የሱስ፥ “ሀ ምሽራቴ፥ ታና አማና፤ ሀ ደርያን ዎይ የሩሳላመን አዉዋ ጾሳዉ ህንተንቱ ጎይነና ዎዲ ያናዋ።
JOH 4:22 ህንተንቱ ሳማርያ አሳይ ህንተ ኤረናባዉ ጎይኒታ፤ ጾሳይ ኑና አይሁዳቱዋ ጎኤቲደ አቶተꬃ አህያ ድራዉ፥ ኑን ኑ ኤርያዎ ጎይኔቶ።
JOH 4:23 ሽን አዉዋ ጾሳዉ ቱሙዋፐ ጎይንያዋንቱ አ፥ ጌሻ አያና ዎልቃንነ ጾሳ ጾሳተꬃዳን ጎይንያ ዎዲ ማታቴዳ፤ ኡባ ሀእካ ጋኬዳ። አያዉ ጎፐ፥ አሳ ባረዉ ጎይናና ማላ፥ አዉ ጾሳይካ ሀ ኦግያን ጎይንያዋንታ ኮዬ።
JOH 4:24 ጾሳይ አያና፤ አዉ ጎይንያዋንቱካ ጌሻ አያና ዎልቃን ጾሳ ጾሳተꬃዳን ጎይናናዉ በሴ” ያጌዳ።
JOH 4:25 ምሽራታ፥ “ማስህያ ጌተትያ ኦከቶዌ ያናዋ ታን ኤራይ። እ ይያ ዎደ ኑዉ ኡባባ ኦዳናዋ” ያጋዱ።
JOH 4:26 የሱስ፥ “ሀ ኔናና ሃሳይያዌ ታን አ” ያጌዳ።
JOH 4:27 ሀዋ ኡንቱንቱ ሃሳይሽን፥ የሱሳ ካልያዋንቱ ቤዳሳፐ ስሜድኖ። የሱስ ምሽራትና ሃሳይሽን ኡንቱንቱ በኢደ ዳርስ ማላለቴድኖ፤ ሽን ምሽራቶ፥ “አያ ኮያይ?” ዎይ የሱሳ፥ “ኢናና አያዉ ሃሳያይ?” ጊደ ኦቾዌ ኦንነ ባዋ።
JOH 4:28 ሄዋፐ ጉይያን፥ ምሽራታ ባረ ሃꬃ ኦቱዋ አጋ ባሻ ጉየ ካታማ ባደ አሳዉ፥
JOH 4:29 “ታን ኦꬄዳዋ ኡባ ታዉ ኦዴዳ ብታንያ በአናዉ ደንድተ፤ ሄዌ ክርስቶሳ ግዳንዴሻ?” ያጋዱ።
JOH 4:30 አሳይ ካታማፐ ከሲደ፥ የሱሳኮ ቤዳ።
JOH 4:31 ሄዌ ሀንሽን፥ አ ካልያዋንቱ የሱሳ፥ “ጉꬃባ ማርኪ!” ያጊደ ዎሴድኖ።
JOH 4:32 ሽን እ፥ “ታዉ ህንተንቱ ኤረና ቁማይ ታን ምያዌ ደኤ” ያጌዳ።
JOH 4:33 ሄዋ ድራዉ፥ አ ካልያዋንቱ ባረንቱ ግዶን፥ “አዉ ምያባ አሄዳ አሳይ ደአንዴሻ?” ያጌድኖ።
JOH 4:34 የሱስ ኡንቱንቶ፥ “ታ ቁማይ ታና ኪቴዳዋ ሸንያ ኦሱሳነ አ ኦሱዋ ፖሉሳ።
JOH 4:35 ህንተንቱ፥ ‘ኦይዱ አገናፐ ጉይያን፥ ካꬃይ ጫከታናዋ’ ጊክቴዬ? ታን ህንተንቶ ኦዳይ፤ ጎሻ ሎይꬅ ጼልተ፤ ካꬃይ ጫካ በሴዳ።
JOH 4:36 ዘርያዌነ ጫክያዌ እትፐ ናሸታና ማላ፥ ጫክያዌ ድርጉዋ አኬነ ካꬃ መꬍና ደኦ ሺሼ።
JOH 4:37 ሀ ጋሱዋን፥ ‘እቱ ዘሬ፤ ቃይ እቱ ጫኬ’ ግያ ሃሳያይ ቱማ።
JOH 4:38 ህንተንቱ ዳቡርቤናዋ ጫካና ማላ፥ ታን ህንተንታ ኪታድ፤ ሀራቱ ኦꬅ ዳቡሬድኖ፤ ህንተንቱ ሀራቱዋ ዳቡራን ገሌድታ” ያጌዳ።
JOH 4:39 ምሽራታ፥ “እ ታን ኦꬄዳ ኡባባ ኦዴዳ” ጋደ ማርካቴዳ ድራዉ፥ ሄ ካታማን ደእያ ሳማርያ አሳፐ ጮራይ የሱሳ አማኔዳ።
JOH 4:40 ሳማርያ አሳይ የሱሳኮ ዬዳ ዎደ፥ ባረንቱ ማታን ጋምአና ማላ፥ የሱሳ ዎስና እ ያን ላኡ ጋላሳ ኡቴዳ።
JOH 4:41 እ ኦድያ ቃላ ድራዉ፥ ካሰዋፐ ጮራ አሳይ አማኔዳ፤
JOH 4:42 ቃይ ኡንቱንቱ ምሽራቶ፥ “ኑን ኑ ሁጰዉ እ ግያዋ ስሲደ አማኔዳዋፐ አትን፥ ኔን ማርካቴዳ ድራሳ ግደና፤ እ ቱሙ አላምያ አሳ አሽያዋ ግድያዋካ ኑን ኤሬዶ” ያጌድኖ።
JOH 4:43 ላኡ ጋላሳፐ ጉይያን፥ የሱስ ሳማርያፐ ከሲደ፥ ጋሊላ ጋድያ ቤዳ።
JOH 4:44 አያዉ ጎፐ፥ እ ባረ ሁጰዉ፥ “ናቢ ባረ ጋድያን ቦንቼተና” ያግ ኦዴዳ።
JOH 4:45 የሱስ ጋሊላ ጋኬዳ ዎደ፥ ጋሊላ አሳይ አ ሞኬዳ፤ ፓስጋ ቦንችያ ጋላስ ኡንቱንቱ የሩሳላመን ደእያ ድራዉ፥ እ ኦꬄዳ ኡባባ በኤድኖ።
JOH 4:46 የሱስ ሃꬃ ዎይንያ ኡሻ ከሴዳ፥ ጋሊላን ደእያ ቃና ካታማ ቤዳ። ቅፍርናሆማን አ ናአይ ሳከትያ፥ ካትያ ጎለን ኦꬅያ እት ካፑ ደኤ።
JOH 4:47 የሱስ ይሁዳፐ ጋሊላ ዬዳዋ ሄ ካፑ ስሲደ፥ አኮ ዪደ ሀይቃናዉ ማቴዳ ባረ ናኣ ቢደ ፓꬃና ማላ፥ የሱሳ ዎሴዳ።
JOH 4:48 የሱስ ሄ ካፑዋ፥ “ጾሳይ ኦꬅያ ማላታነ ሄቾ ጊስያባ በኤናን ደኢደ፥ ህንተንቱ አይነ አማንክታ” ያጌዳ።
JOH 4:49 ሄ ካፑ ዛሪደ፥ “ጎዳዉ፥ ታ ናአይ ሀይቀናን ደእሽን፥ ታናና ባርኪ” ያጌዳ።
JOH 4:50 የሱስ፥ “ባ፤ ነ ናአይ ፓጻ ደአናዋ!” ያጌዳ። ሄ ካፑ የሱስ ጌዳዋ አማኒደ ቤዳ።
JOH 4:51 እ ባረ ጎለ ቢሽን፥ አ ቆማቱ አናና ኦግያን ጋከቲደ አ፥ “ነ ናአይ ፓጻ ደኤ” ጌድኖ።
JOH 4:52 እ ባረ ቆማቱዋ ባረ ናአዉ አይ ሳትያን ኬኬደንቶ ኦችና ኡንቱንቱ፥ “ዝኖ ላፑ ሳትያን ቆጹ አ አጌዳ” ያጌድኖ።
JOH 4:53 ናኣ አዉ የሱስ ባረዉ፥ “ነ ናአይ ፓጻ ደአናዋ” ጌዳዌ ሄ ሳትያና ግዴዳዋ ሀሳዬዳ። ሄዋ ድራዉ፥ እነ አ ሶይ አሳይ ኡባይ አማኔድኖ።
JOH 4:54 ሀዌ የሱስ ይሁዳፐ ጋሊላ ዪደ ኦꬄዳ ላኤንꬆ ማላታ።
JOH 5:1 ሄዋፐ ጉይያን፥ የሱስ አይሁዳቱ ቦንችያ ባላዉ የሩሳላመ ቤዳ።
JOH 5:2 የሩሳላመን ዶርሳ ፐንግያ ማታን እብራይስጸ ቃላን ቤተሳይዳ ጌተትያ ዳጋት ኡቴዳ ሃꬃይ ደኤ፤ ሄ ዳጋት ኡቴዳ ሃꬃ ዩይ አꬌዳ እቼሹ ካሻይ ደኤ።
JOH 5:3 ሄዋን ጮራ ሀርጋንቻቱ፥ ቆቃቱ፥ ዎባቱነ ስሌዳዋንቱ ግሴድኖ። [ሃꬃይ ቃጽያዋ ናጊኖ።
JOH 5:4 አያዉ ጎፐ፥ እት እት ገደ ጎዳ ኪታንቻይ ሄ ዳጋቴዳ ሃꬃኮ ገሊደ፥ ሃꬃ ቃꬄ፤ ሃꬃይ ቃጼዳዋፐ ጉይያን፥ ኮይሮ ገሌዳ ኡራይ ባረና ኦይቄዳ አይ ሀርግያፐካ ፓጼ።]
JOH 5:5 ሄዋን ሀታማነ ሆስፑን ላይꬃ ሳከቴዳ እት ብታኒ ደኤ።
JOH 5:6 ሄ ብታኒ ሄዋን ግሴዳዋ የሱስ በኢደ፥ ዳሮ ዎድያ ሳከቴዳዋካ ኤሪደ ብታንያ፥ “ፓጻናዉ ኮያይ?” ያጌዳ።
JOH 5:7 ሳከትያ ብታኒ ዛሪደ፥ “ጎዳዉ፥ ሃꬃይ ቃጽያ ዎደ፥ ታና ሃꬃን የግያ አሳይ ꬋዬዳ፤ ታን ገላና ሀንያ ዎደ፥ ሀራ ኡራይ ታፐ ካሰቲደ ገል አጌ” ያጌዳ።
JOH 5:8 የሱስ አ፥ “ደንዳ ኤቃ፤ ኔን ግሶዋ ቶካደ ባ” ያጌዳ።
JOH 5:9 ብታኒ ኤለካ ፓጽ አጌዳ፤ ባረ ግሱዋ ቶኪደ ቤዳ። ሄዌ ሀኔዳዌ ሳምባታ ጋላሳና።
JOH 5:10 ሄዋ ድራዉ፥ አይሁዳቱ ፓጼዳ ብታንያ፥ “ሀቼ ሳአይ ሳምባታ፤ ኔን ነ ግሱዋ ቶካ ብያዌ ዎጋ ግደና” ያጌድኖ።
JOH 5:11 ሽን ብታኒ፥ “ታና ፓꬄዳዌ፥ ‘ነ ግሱዋ ቶካደ ባ’ ያጌዳ” ጊደ ኡንቱንቶ ዛሬዳ።
JOH 5:12 ኡንቱንቱ አ፥ “ኔና፥ ‘ነ ግሱዋ ቶካደ ባ’ ጌዳዌ እ ኦኔ?” ጊደ ኦቼድኖ።
JOH 5:13 ሽን ሄዋን ጮራ አሳይ ደእያ ድራዉነ፥ የሱስካ ጌመቴዳ ድራዉ፥ ብታኒ ባረና ፓꬄዳዌ ኦነንቶ ኤረና።
JOH 5:14 የሱስ ጉየፐ ሄ ብታንያ ጌሻ ጎልያን ደሚደ፥ “በአ፥ ኔን ሀእ ፓጻዳ፤ ሀዋፐካ ኢታባይ ኔና ጋከና ማላ፥ ላኤንꬆ ናጋራ ኦꬆፓ” ያጌዳ።
JOH 5:15 ሄዋፐ ጉይያን፥ ብታኒ ቢደ፥ ባረና ፓꬄዳዌ የሱሳ ግድያዋ አይሁዳ አሳ ካፓቶ ኦዴዳ።
JOH 5:16 የሱስ ሀዋ ሳምባታን ኦꬄዳ ድራዉ፥ ኡንቱንቱ የሱሳ የደሳን ዋይሱዋ ዶሜድኖ።
JOH 5:17 የሱስ ዛሪደ ኡንቱንቶ፥ “ታ አቡ ኡባ ዎደ ኦꬄ፤ ታንካ ኦꬃናዉ በሴ” ያጌዳ።
JOH 5:18 ሄዋ ድራዉ፥ የሱስ ሳምባታ ጋላሳ ቦንቼና ድራ ጻላላሳ ግደናን፥ ባረና ጾሳና ቃራዪደ፥ “ጾሳይ ታ አባ” ጌዳ ድራዉ፥ አይሁዳ አሳ ካፓቱ አ ዎꬋናዉ ካሰዋፐ ምንሲደ ኮዪኖ።
JOH 5:19 የሱስ ዛሪደ ኡንቱንቶ፥ “ታን ህንተንቶ ቱሙዋ ኦዳይ፤ ናአይ ባረካ አይነ ኦና። እ ባረ አቡ ኦꬅሽን በእያዋ ጻላላ ኦꬄ፤ አዉ ኦꬅያዋ ናአይካ ኦꬄ።
JOH 5:20 አያዉ ጎፐ፥ አዉ ባረ ናኣ ሲቄ፤ ቃይ እ ኦꬅያ ኦሱዋ ኡባባ ባረ ናኣ በሴ። ኡባ ህንተንቱ ማላለታና ጋካናዉ፥ እ ሀዋፐ አꬍያ ኦሱዋካ ባረ ናኣ በሳናዋ።
JOH 5:21 ጋሱኔ፥ አዉ ሀይቄዳዋንታ ሀይቁዋፐ ደንꬂደ ሸምፑዋና ዎꬅያዋዳን፥ ናአይካ ቃይ ባረ ኮዮዋንታ ሸምፑዋና ዎꬄ።
JOH 5:22 አሳይ ኡባይ አዉዋ ቦንችያዋዳን፥ ናኣካ ቦንቻና ማላ፥ አዉ ፕርዳ ኡባ ናአዉ እሜዳዋፐ አትን፥ እ ኦናነ ፕርደና፤ ናኣ ቦንቼና ኡራይ፥ አ ኪቴዳ አዉዋካ ቦንቼና።
JOH 5:24 “ታን ህንተንቶ ቱሙዋ ኦዳይ፤ ታ ቃላ ስስያዎነ ታና ኪቴዳዋን አማንያዎ መꬍና ደኡ ደኤ። ሀይቁዋፐ ደኦ እ ፕኔዳዋፐ አትን፥ ፕርደተና።
JOH 5:25 ታን ህንተንቶ ቱሙዋ ኦዳይ፤ ሀይቄዳ አሳይ ጾሳ ናኣ ኮሻ ስስያ ዎዲ ያናዋ፤ ሄዌኔካ ሀአ። ሄ ኮሻ ስስያዋንቱ ሸምፑዋና ደአና።
JOH 5:26 አያዉ ጎፐ፥ አዎ ደኡዋ እምያ ዎልቃይ ደእያዋዳን፥ ደኡዋ እምያ ሄ ዎልቃ ባረ ናአዉካ እሜዳ።
JOH 5:27 ጾሳ አዉ ባረ ናአዉ ፕርድያ ማታ እሜዳ፤ አያዉ ጎፐ፥ ናአይ አሳ ናኣ።
JOH 5:28 “ሀዋን ማላለቶፕተ፤ አያዉ ጎፐ፥ ዱፉዋን ደእያዋንቱ አ ኮሻ ስስያ ዎዲ ዬ።
JOH 5:29 ስሲደ ኡንቱንቱ ዱፉዋፐ ጋጻ ከሳና፤ ሎኦባ ኦꬄዳዋንቱ ደኡዋን ደአናዉ ደንዳና፤ ቃይ ኢታባ ኦꬄዳዋንቱ ፕርደታናዉ ደንዳናዋንታ።
JOH 5:30 “ታን ታፐ አይነ ኦꬃናዉ ዳንዳይከ፤ ጾሳይ ታዉ ኦዴዳዋዳን ፕርዳይ። ታ ፕርዳይ ቱማ፤ አያዉ ጎፐ፥ ታን ታና ኪቴዳዋ ሸንያ ፖልያዋፐ አትን፥ ታን ዶስያዋ ኦꬅከ።
JOH 5:31 “ታን ታ ሁጰዉ ታባ ማርካቶፐ፥ ታ ማርካተꬃይ ቱማ ግደና።
JOH 5:32 ታባ ማርካትያዌ ሀራይ ደኤ፤ እ ታባ ማርካትያዌ ቱማ ግድያዋ ታን ኤራይ።
JOH 5:33 “ህንተንቱ ዮሃንሳኮ አሳ ኪትና፥ እ ኡንቱንቶ ቱሙዋ ማርካቴዳ።
JOH 5:34 ታን ሄዋ ህንተንታ አትኖ ጋደ ግያዋፐ አትን፥ አሳ ማርካተꬃይ ታዉ ኮሽና ግደና።
JOH 5:35 ዮሃንስ ሙቃዳዳን፥ ኤጼዳነ ፖእሴዳ፤ ህንተንቱካ አማሬዳ ዎድያ አ ፖኡዋን ናሸታናዉ ኮዬድታ።
JOH 5:36 “ሽን ታዉ ዮሃንሳዋፐ አꬍያ ማርካተꬃይ ደኤ፤ አያዉ ጎፐ፥ ታን ዉርሳናዉ ታ አቡ ታዉ እሜዳ ኪታይ፥ ሀ ታን ኦꬅያዌ፥ እ ታና ኪቴዳዋ ግድያዋ ማርካቴ።
JOH 5:37 “ቃይ ታና ኪቴዳ ታ አቡ ባረ ሁጰዉ ታባ ማርካቴ። ህንተንቱ አ ኮሻ አይነ ስስበይክታ፤ አ ማላካ በእበይክታ።
JOH 5:38 እ ኪቴዳዋ አማነና ድራዉ፥ አ ቃላይ ህንተንቱ ዎዛናን ባዋ።
JOH 5:39 “ጾሳ ማጻፋቱዋፐ መꬍና ደኡዋ ደምያዋ ህንተዉ ማላትና፥ ኡንቱንታ ብዲታ፤ ኡንቱንቱካ ታባ ማርካትያዋንታ።
JOH 5:40 ሽን ደኡዋ ደማናዉ ታኮ ይያዋ ህንተንቱ ኮይክታ።
JOH 5:41 “ታን አሳፐ ቦንቹዋ ኮይከ።
JOH 5:42 ሽን ታን ህንተንቱ ዎዛናን ጾሳ ሲቁ ባይናዋ ኤራይ።
JOH 5:43 ታን ታ አቡ ሱንꬃን ያድ፤ ሽን ታና አክበይክታ። ሽን ሀራ አሳይ ባረ ሱንꬃን ይያ ዎደ፥ አ አኪታ።
JOH 5:44 ህንተንቱ እቱ እቱዋ ቦንቺታ፤ ሽን እት ጾሳፐ ይያ ቦንቹዋ ኮይክታ። ያትና፥ ዋኒደ አማናናዉ ዳንዳዪተ?
JOH 5:45 “ታን ታ አቡ ስንꬃን ህንተንታ ሞትያዋ ህንተዉ ማላቶፖ፤ ህንተንታ ሞትያዌ፥ ህንተ ህዶታ ዎꬅያ ሙሳ።
JOH 5:46 ህንተንቱ ሙሳ አማኔዳባ ግድንቶ፥ ታናካ አማናንታ፤ አያዉ ጎፐ፥ ታባ ጻፌዳዌ አ።
JOH 5:47 ሽን ህንተንቱ እ ጻፌዳዋ አማነናን እጾፐ፥ ታን ግያዋ ዎት አማናንቴ?” ያጌዳ።
JOH 6:1 ሄዋፐ ጉይያን፥ የሱስ ጋሊላ አባፐ ዎይ ጽብርያዶሳ አባፐ ሄፍንꬃ ፕኔዳ።
JOH 6:2 እ ሀርጋንቻቱዋ ቦላ ኦꬄዳ ዎልቃማ ማላታ በኤዳ ድራዉ፥ ጮራ አሳይ አ ካሌዳ።
JOH 6:3 የሱስ ደርያ ከሲደ፥ ያን ባረና ካልያዋንቱና እትፐ ኡቴዳ።
JOH 6:4 አይሁዳቱ ቦንችያ ፓስጋ ጋላሳይ ጋኬዳ።
JOH 6:5 የሱስ ስንꬃኮ ጼሊደ፥ ጮራ አሳይ ባረኮ ይያዋ በኢደ ፕልጶሳ፥ “ሀ አሳ ኡባ ምዛናዉ ግድያ ቁማ ሀቃፐ ሻማኔ?” ያጌዳ።
JOH 6:6 እ ሄዋ ፕልጶሳ ፓጫናዉ ጌዳ፤ አያዉ ጎፐ፥ እ ባረ ሁጰዉ አያ ኦꬃና በስንቶ ኦꬃናባ ኤሬ።
JOH 6:7 ፕልጶስ ዛሪደ የሱሳ፥ “ሁጲያን ሁጲያን፥ ሀራይ አቶ እት እት ባርሱዋ ጋꬃናዉ፥ ላኡ ጼቱ ድናርያን ሻሜዳ ኡክꬃይካ ግደና” ያጌዳ።
JOH 6:8 ቃይ የሱሳ ካልያዋንቱፐ እቱ፥ ስሞን ጰጽሮሳ እሻይ እንድራስ፥
JOH 6:9 “ባንጋ ኡክꬃ እቼሹነ ላኡ ሞሊ ደእያ እት ናአይ ሀዋን ደኤ፤ ሽን ሀ አሳ ኡባዉ ሄዌ ዎት ግዳኔ?” ያጌዳ።
JOH 6:10 የሱስ ባረና ካልያዋንታ፥ “አሳይ ኡታናዳን ኦꬅተ” ያጌዳ። ሄ ሳኣን ዳሮ ማታይ ደኤ። አሳይ ኡባይ ኡቴዳ፤ አቱማ አሳይ እቼሹ ሻኣ ግድያዋ።
JOH 6:11 የሱስ ኡክꬃ አኬዳ፤ ጾሳ ጋላቲደ፥ ሄዋን ኡቴዳ አሳዉ ግሼዳ። ሞልያካ ሄዋዳን ኦꬅና አሳይ ባረ ኮዬዳዋ ኬና ሜዳ።
JOH 6:12 ኡንቱንቱ ኡባይ ካሌዳዋፐ ጉይያን፥ የሱስ ባረና ካልያዋንታ “እትባይካ ጮ ባየና ማላ፥ አቴዳ ዶካ ሺሽተ” ያጌዳ።
JOH 6:13 ሄዋ ድራዉ፥ ኡንቱንቱ ኡባካ ሺሼድኖ፤ አሳይ ካልና አቴዳ ባንጋ ኡክꬃ ዶካ ሺሺደ፥ ታማነ ላኡ ዛምቤልያ ኩንꬄድኖ።
JOH 6:14 አሳይ የሱስ ኦꬄዳ ዎልቃማ ማላታ በኤዳ ዎደ፥ “ሀዌ ቱሙዋፐ ሀ ሳኣ ያና ጌዳ ናብያ” ያጌድኖ።
JOH 6:15 ኡንቱንቱ ዪደ ባረና ዎልቃን ኦይቂ ካትያ ኦꬃናዉ ሀንያዋ የሱስ ኤሪደ፥ ባረካ ደርያ ቦላ ሽረቲደ ከሴዳ።
JOH 6:16 ሳአይ ኦማርሴዳ ዎደ፥ የሱሳ ካልያዋንቱ አባኮ ቤድኖ፤
JOH 6:17 ሳአይ ቃሜዳ፤ ሽን የሱስ ኡንቱንቱኮ ሄ ሳቲ ጋካናዉ ይቤና፤ ሄዎ ኡንቱንቱ ዎንግርያን ገሊደ፥ አባ ፕን ሄፍንꬃ ቅፍርናሆማ ቤድኖ።
JOH 6:18 ዎልቃማ ጫርኩ ጫርኬዳ ድራዉ፥ አባይ ቃጼዳ፤
JOH 6:19 እት ሳትያ ኬና ኡንቱንቱ አባ ሻጎዋፐ ጉይያን፥ የሱስ አባ ቦላና ሀመቲደ ይያዋ በኢደ ያዬድኖ።
JOH 6:20 ሽን እ፥ “ያዮፕተ፤ ታናቴ!” ያጌዳ።
JOH 6:21 ኡንቱንቱ ዎንግርያን አ ገልሳናዉ ኮዬድኖ፤ ዎንግሪ ኡንቱንቱ ብያሳ አባ ጋጻ ኤለካ ጋክ አጌዳ።
JOH 6:22 ዎንተꬃ ጋላስ፥ አባፐ ሄፍንꬃና አቴዳ ጮራ አሳይ አባ ቦላ እት ዎንግርያ ጻላላይ ደእያዋ በኤድኖ፤ የሱስ ባረና ካልያዋንቱና ዎንግርያን ገሊደ፥ ኡንቱንቱና ቤናን፥ ኡንቱንቱ ባረካ ቤዳዋ አኬኬድኖ።
JOH 6:23 ሽን ጽብርያዶሳፐ ሀራ ዎንግራቱ የሱስ ጾሳ ጋላትና፥ አሳይ ኡክꬃ ሜዳሳ ማታ ዬድኖ።
JOH 6:24 አሳይ የሱስ ዎይ አ ካልያዋንቱ ሄዋን ባይናዋ በኢደ፥ የሱሳ ኮያናዉ ዎንግርያን ገሊደ፥ ቅፍርናሆማ ቤድኖ።
JOH 6:25 አሳይ የሱሳ አባፐ ሄፍንꬃን ደሜዳ ዎደ፥ “ታማርስያዎ፥ ሀዋ አዉደ ያዲ?” ያጌድኖ።
JOH 6:26 የሱስ ዛሪደ፥ “ታን ህንተንቶ ቱሙዋ ኦዳይ፤ ህንተንቱ ታና ኮይያዌ ኡክꬃ ሜዳ ድራሳነ ካሌዳ ድራሳ ግድያዋፐ አትን፥ ዎልቃማ ማላታ በኤዳ ድራሳ ግደና።
JOH 6:27 መꬍና ደኡዋ ቁማዉ፥ ታን አሳ ናአይ ህንተንቶ እማናዎ፥ ኦꬅተፐ አትን፥ ሳምያ ቁማዉ ኦꬆፕተ፤ አያዉ ጎፐ፥ አዉ ጾሳይ ሄዋ ꬊሽሳናዉ ማታፋ አታም ዎꬄዳ” ያጌዳ።
JOH 6:28 ሄዋፐ ጉይያን ኡንቱንቱ፥ “ኑን ጾሳ ኦሱዋ ኦꬃናዉ አያ ኦꬃናዉ በሲ?” ያጊደ የሱሳ ኦቼድኖ።
JOH 6:29 የሱስ ዛሪደ፥ “ህንተንቱ ኦꬃና ማላ፥ ጾሳይ ኮይያ ኪታይ ሀዋ፤ እ ኪቴዳዋን አማንተ” ያጌዳ።
JOH 6:30 ኡንቱንቱ ዛሪደ፥ “ኑን በኢደ፥ ኔናን አማናና ማላ፥ አይ ዎልቃማ ማላታ ኦꬃኒ? አያ ኪተታኒ?
JOH 6:31 ጾሳ ማጻፋን፥ ‘ኡንቱንቱ ማና ማላ ሳሉዋፐ ኡክꬃ እሜዳ’ ያገት ጻፈቶዋዳን፥ ኑ አዎቱ መላ ቢታን ማና ሜድኖ” ያጌድኖ።
JOH 6:32 የሱስ፥ “ታን ህንተንቶ ቱሙዋ ኦዳይ፤ ህንተንቶ ሳሉዋፐ ቱሙ ኡክꬃ እምያዌ ታ አባፐ አትን፥ ህንተንቶ ሳሉዋፐ ኡክꬃ እሜዳዌ ሙሳ ግደና።
JOH 6:33 አያዉ ጎፐ፥ ቱማ ግዴዳ ጾሳ ኡክꬃይ፥ ሳሉዋፐ ዎꬍያዌ ሀ አላምያ አሳዉ ደኡዋ እሜ” ያጌዳ።
JOH 6:34 ኡንቱንቱ ዛሪደ፥ “ጎዳዉ፥ ኑካ ሄ ኡክꬃ ኡባ ዎደ እማ” ያጌድኖ።
JOH 6:35 የሱስ፥ “ታን ደኡዋ ኡክꬃ፤ ታኮ ይያ ኡራይ ኡባካ ኮሻተና። ቃይ ታና አማንያ ኡራይ አይነ ሳመተና።
JOH 6:36 ሽን ታን ህንተንቶ ኦዴዳዋዳን፥ ህንተንቱ ታና በኤድታ፤ ሽን አማንክታ።
JOH 6:37 ታ አቡ ታዉ እምያ ኡባይ ታኮ ያናዋ፤ ቃይ ታኮ ይያ ኦናነ ኡባካ ታን ካረ የድከ።
JOH 6:38 አያዉ ጎፐ፥ ታን ታና ኪቴዳዋ ሸንያ ፖላናዉ ሳሉዋፐ ያድፐ አትን፥ ታ ሸንያ ፖላናዉ ያበይከ።
JOH 6:39 ታና ኪቴዳዌ ኮይያዌ ሀዋ፤ ታን እ ታዉ እሜዳ ኡባቱዋካ ዉርሰꬃ ጋላስ ደንꬃናፐ አትን፥ እቱዋካ ባይዛና ማላ ኮየና።
JOH 6:40 አያዉ ጎፐ፥ ታ አቡ ኮይያዌ ሀዋ፤ ታና ናኣ በኢደ፥ አማንያ ኡባቱ መꬍና ደኡዋ አካናዋንታ፤ ታንካ ሄ ኡባቱዋ ዉርሰꬃ ጋላስ ደንꬃና” ያጌዳ።
JOH 6:41 የሱስ፥ “ታን ሳሉዋፐ ዎꬌዳ ኡክꬃ” ጌዳ ድራዉ፥ አይሁዳቱ አ ቦላ ዙዙሜድኖ።
JOH 6:42 ኡንቱንቱ፥ “ሀዌ ኑን አ አዉዋነ አ አቶ ኤርያ ዮሴፎ ናኣ የሱሳ ግደኔ? ያትና፥ እ ዋጊደ፥ ‘ታን ሳሉዋፐ ዎꬋድ’ ጋናዉ ዳንዳዪ?” ያጌድኖ።
JOH 6:43 የሱስ ዛሪደ፥ “እቱ እቱዋና ዙዙምያዋ አግተ።
JOH 6:44 ታና ኪቴዳ ታ አቡ ታኮ አሄዳ አሳፐ አትን፥ ታኮ ያናዉ ዳንዳይያ አሳይ ባዋ፤ ታንካ ዉርሰꬃ ጋላስ አ ደንꬃና።
JOH 6:45 ናባቱ ‘ጾሳይ አሳ ኡባ ታማርሳና’ ያጊደ ጻፌድኖ፤ አዉ ግያዋ ስስያዌነ አዉዋፐ ታማርያዌ ኦንነ ታኮ ዬ።
JOH 6:46 ጾሳ ማታፐ ዬዳዋፐ አትን፥ ጾሳ በኤዳ አሳይ ባዋ፤ አ ጻላላይ ጾሳ በኤዳ።
JOH 6:47 “ታን ህንተንቶ ቱሙዋ ኦዳይ፤ ታና አማንያ ኡራዉ መꬍና ደኡ ደኤ።
JOH 6:48 ታን ደኡዋ ኡክꬃ።
JOH 6:49 ህንተንቱ አዎቱ መላ ቢታን ማና ሜድኖ፤ ሽን ሀይቄድኖ።
JOH 6:50 አሳይ አፐ ሚደ ሀይቀና ኡክꬃይ ሳሉዋፐ ይያዌ ሀዋ።
JOH 6:51 ሳሉዋፐ ዎꬌዳ ደኡዋ ኡክꬃይ ታና፤ ኦንነ ሀ ኡክꬃፐ ሞፐ፥ መꬍናዉ ደአናዋ፤ ቃይ ሀ አላምያ አሳዉ ደኦ ግዳና ማላ፥ ታን እማና ኡክꬃይ ታ አሹዋ” ያጌዳ።
JOH 6:52 አይሁዳቱ፥ “ሀ ብታኒ ባረ አሹዋ ኑን ማና ማላ፥ ኑዉ ዎቲደ እማናዉ ዳንዳዪ?” ያጊደ ባረንቱ ግዱዋን ፓሉመቴድኖ።
JOH 6:53 ሄዋ ድራዉ፥ የሱስ ኡንቱንታ፥ “ታን ህንተንቶ ቱሙዋ ኦዳይ፤ ታ አሹዋ፥ አሳ ናኣ አሹዋ፥ ህንተንቱ ማና ꬋዮፐ፥ ቃይ ታ ሱꬃካ ኡሻና ꬋዮፐ፥ ህንተዉ ደኡ ባዋ።
JOH 6:54 ታ አሹዋ ምያ ኡራዉነ፥ ታ ሱꬃ ኡሽያ ኡራዉ መꬍና ደኡ ደኤ። ታን ዉርሰꬃ ጋላስ ኡንቱንታ ደንꬃና።
JOH 6:55 አያዉ ጎፐ፥ ታ አሹ ቱሙ ቁማ፤ ታ ሱꬃይካ ቱሙ ኡሻ።
JOH 6:56 ታ አሹዋ ምያ ኡራይነ ታ ሱꬃ ኡሽያ ኡራይ ታናን ደኤ፤ ታንካ አናን ደአይ።
JOH 6:57 ደኡዋ አዉ ታና ኪትና፥ ታን አ ጋሱዋን ደእያዋዳን፥ ታና ምያ ኡራይካ ታ ጋሱዋን ደአና።
JOH 6:58 ሳሉዋፐ ዎꬌዳ ኡክꬃይ ሀዋ፤ ህንተንቱ አዎቱ ሚደ ሀይቄዳ ማና ማላ ግደና፤ ሀ ኡክꬃ ምያ ኡራይ መꬍናዉ ደአና” ያጌዳ።
JOH 6:59 የሱስ ቅፍርናሆማ ካታማን አይሁዳ ዎሳ ጎለን ታማርሲደ፥ ሀዋ ኦዴዳ።
JOH 6:60 የሱሳ ካልያዋንቱፐ ዳርያ ባጋይ ሄዋ ስሴዳ ዎደ፥ “ሀዌ ገለና ትምርትያ፤ ሀዋ ኦን አካናዌ?” ያጌድኖ።
JOH 6:61 ሽን የሱስ ባረና ካልያዋንቱ ሄዎ ዙዙሜዳዋ ኤሪደ፥ “ሀዌ ህንተንታ ꬉቢ?
JOH 6:62 ስም ታን፥ አሳ ናአይ፥ ካሰ ደኢያሳ ፑደ ከስሽን በእንቶ አያ ጋንቴ?
JOH 6:63 ጌሻ አያናይ ደኡዋ እሜ፤ አሳ ምኖታይ አይነ ጎኤና። ታን ህንተንቶ ኦዴዳ ቃላይ አያናነ ደኡዋ።
JOH 6:64 ሽን ህንተንቱ ግዱዋን አማነናዋንቱ ደኢኖ” ያጌዳ፤ አያዉ ጎፐ፥ አማነናዋንቱ ሀቃዋንተንቶነ ባረና አꬅ እማናዌ ኦነንቶ የሱስ ኮይሮፐ ዶሚደ ኤሬዳ።
JOH 6:65 ቃይካ የሱስ፥ “ታ አቡፐ ግዳና ꬋዮፐ ኦንነ ታኮ ያናዉ ዳንዳየና ያጋደ ታ ኦዴዳዌ ሄዋ ድራሳ” ያጌዳ።
JOH 6:66 ሄዋ ጋሱዋን፥ የሱሳ ካልያዋንቱፐ ጮራቱ አ አጊደ፥ ጉየ ስሜድኖ፤ ላኤንꬆ አ ካልበይክኖ።
JOH 6:67 የሱስ ቃይ ታማነ ላኡ ባረና ካልያዋንታ “ህንተካ አጊደ ባናዉ ኮዪቴ?” ያጌዳ።
JOH 6:68 ስሞን ጰጽሮሰ ዛሪደ፥ “ጎዳዉ፥ ኑን ኦኮ ባኔ? ነዉ መꬍና ደኡዋ ቃላይ ደኤ።
JOH 6:69 ኔን ጾሳ ጌሻ ግድያዋ ኑን አማኔቶነ ኤሬቶ” ያጌዳ።
JOH 6:70 የሱስ ኡንቱንታ፥ “ታን ህንተንታ ታማነ ላአቱዋ ዶራበይክታ? ቃይ ህንተፐ እቱ ጻላህያ” ያጌዳ።
JOH 6:71 የሱስ ሄዋ ስሞና ናኣ ይሁዳ አስቆሮታ ጌ፤ አያዉ ጎፐ፥ ይሁዳይ የሱሳ ካልያ ታማነ ላአቱዋፐ እቱዋ፤ እ የሱሳ አꬅ እማናዋ።
JOH 7:1 ሄዋፐ ጉየ፥ የሱስ ጋሊላን ያ ሃ ዩዬዳ፤ አይሁዳቱ አ ዎꬋናዉ ኮይያ ድራዉ፥ ይሁዳን ዩያና ኮይቤና።
JOH 7:2 አይሁዳቱ ቦንችያ ዳስያ ባላይ ጋክ ኡቴዳ።
JOH 7:3 ሄዋ ድራዉ፥ የሱሳ እሻቱ አ፥ “ኔና ካልያዋንቱ ኔን ኦꬅያዋ በአና ማላ፥ ሀዋፐ ደንዳደ ይሁዳ ጋድያ ባ።
JOH 7:4 አያዉ ጎፐ፥ ባረዉ ኤረታናዉ ኮይያ አሳይ ኦንነ ባረ ኦሱዋ ገንና። ኔን ሀዋንታ ኦꬅና፥ ነባ አላምያ ኡባይ ኤሮ!” ያጌድኖ።
JOH 7:5 አያዉ ጎፐ፥ ሀራይ አቶ አ እሻቱካ አ አማንበይክኖ።
JOH 7:6 የሱስ ኡንቱንታ፥ “ታዉ እንጀትያ ዎዲ ጋክቤና፤ ሽን ህንተንቶ አይ ዎደካ እንጀቴ።
JOH 7:7 አላሚ ህንተንታ እጻናዉ ዳንዳየና፤ ሽን ታን ሳኣ ኪታይ ኢታ ግድያዋ ማርካትያ ድራዉ፥ ታና እጼዳ።
JOH 7:8 ባላ ቦንችያሳ ህንተንቱ ቢተ፤ ታዉ እንጀትያ ዎዲ ጋክቤና ድራዉ፥ ታን ባላ ቦንችያሳ ባናዌ ብራ” ያጌዳ።
JOH 7:9 እ ሀዋ ጊደ፥ ጋሊላን አቴዳ።
JOH 7:10 ሽን አ እሻቱ ባላ ጋላሳ ቦንችያሳ ቤዳዋፐ ጉይያን፥ እካ አሳይ በኤናን ጌማን ያ ቤዳ።
JOH 7:11 አይሁዳቱ ባላ ጋላሳ ቦንችያሳን አ ኮዪኖነ፥ “እ ሀቃን ደኢ?” ያጊደ፥ አ ላቢኖ።
JOH 7:12 አሳ ግዱዋን ዳሮ ዙዙንꬃይ ደንዴዳ። አማሬዳ አሳይ፥ “እ ሎኦ አሳ” ያጌ፤ ሀራቱ ቃይ፥ “አ፥ እ አሳ ባለꬄ” ያጊኖ።
JOH 7:13 ሽን አይሁዳቱ ያዬዳ ድራዉ፥ ኦንነ አባ ቆንጭያን ሃሳየና።
JOH 7:14 ባላ ቦንችያ ጋላሳ ባጋን፥ የሱስ ጌሻ ጎልያ ቢደ፥ ታማርሱዋ ዶሜዳ።
JOH 7:15 አይሁዳቱ ማላለቲደ፥ “ሀ ብታኒ አይነ ታማረናን ሀዋ ኬና ዋን ኤሬዴ?” ያጌድኖ።
JOH 7:16 ሄዋ ድራዉ፥ የሱስ ዛሪደ፥ “ታና ታማርስያዌ ታና ኪቴዳ ጾሳ ማታፐ ይያዋፐ አትን፥ ታዋ ግደና።
JOH 7:17 ጾሳ ሸንያ ኦꬃናዉ ዶስያ ኦንነ ሀ ታን ታማርስያዌ ጾሳ ማታፐ ይንቶ ዎይ ቃይ ታን ታፐ ሃሳያይታንቶ ኤራና።
JOH 7:18 ባረዋ ሃሳይያ ኡራይ ባረ ሁጲያዉ ቦንቹዋ ኮዬ፤ ሽን ባረና ኪቴዳዌ ቦንቼታና ማላ ኮይያ ኡራይ ቱማንቻ፤ አን ዎርዶባይ ባዋ።
JOH 7:19 ሙሴ ህንተንቶ ህግያ እምቤኔ? ሽን ህንተፐ እቱነ ህግያ ናገና። ታና አያዉ ዎꬋናዉ ኮዪቴ?” ያጌዳ።
JOH 7:20 አሳይ ዛሪደ፥ “ኔናን ጻላሂ ደኤ፤ ኔና ዎꬋናዉ ኦኔ ኮዬዳዌ?” ያጌዳ።
JOH 7:21 የሱስ፥ “ታን እት ዎልቃማባ ኦꬅና፥ ህንተንቱ ኡባይ ማላለቴድታ።
JOH 7:22 ህንተንቱ ናና ህንተንቱ ዶካላና ማላ፥ ሙሴ ህንተንታ አዛዜዳ። ሽን ዶካሉሳይ ህንተንቱ አዎቱዋና ዬዳዋፐ አትን፥ ሙሴና ይቤና፤ ሄዎ ህንተንቱ ሳምባታን አቱማ ናና ዶካሊታ።
JOH 7:23 ሙሴ ህጊ አዛዜዳ ድራዉ፥ ህንተንቱ ሳምባታን ዶካልያዋ ግዶፐ፥ ያትና ታን እት አሳዉ ኩመንꬃ ቦላ ፓꬄዳ ድራዉ፥ ታና አያዉ ሀንቀቲቴ?
JOH 7:24 ቱሙ ፕርዳ ፕርድተፐ አትን፥ አሳ ዴሙዋ ጼሊደ ፕርዶፕተ” ያጌዳ።
JOH 7:25 ሄዋ ድራዉ፥ የሩሳላመ አሳፐ እቱ እቱ፥ “ኡንቱንቱ ዎꬋናዉ ኮይያ ብታኒ ሀዋ ግደኔ?
JOH 7:26 በእተ፥ ቆንጭያን እ ሃሳዬ፤ ኡንቱንቱ አ አይነ ጊክኖ። ሀዌ ክርስቶሳ ግድያዋ ኑ ካፓቱ ቱሙ ኤሪኖሻ?
JOH 7:27 ሽን ኑን አ ሀቃፐ ዬደንቶ ኤሮይተ፤ ክርስቶስ ይያ ዎደ፥ እ ሀቃፐ ይንቶነ ኦንነ ኤረና” ያጌድኖ።
JOH 7:28 ሄዋፐ ጉይያን፥ የሱስ ጌሻ ጎልያን ታማርሲደ፥ ባረ ቃላ ꬎቁ ኦꬂደ፥ “ህንተንቱ ታና ኤሪታ፤ ቃይ ታን ሀቃፐ ዬደንቶካ ኤሪታ። ታን ታ ሸንያን ያበይከ፤ ሽን ታና ኪቴዳዌ ቱማንቻ፤ ህንተንቱ አ ኤርክታ።
JOH 7:29 ሽን ታን አ ኤራይ፤ አያዉ ጎፐ፥ እ ታና ኪትና፥ ታን አ ማታፐ ያድ” ያጌዳ።
JOH 7:30 ሄዋ ድራዉ፥ ኡንቱንቱ አ ኦይቃናዉ ኮዬድኖ፤ ሽን አ ዎዲ ብሮ ጋክቤና ድራዉ፥ ኦንነ አ ቦላ ኩሽያ ዎꬅቤና።
JOH 7:31 ሽን ዳሮ አሳይ የሱሳ አማኒደ፥ “ክርስቶስ ይያ ዎደ፥ ሀ ብታኒ ኦꬄዳ ማላታፐ ዳርያዋ ኦꬃኔዬ?” ያጌድኖ።
JOH 7:32 ፓርሳዋቱ ዳሮ አሳይ የሱሳባ ዙዙምያዋ ስሴድኖ፤ ቄሳቱዋ ካፓቱነ ፓርሳዋቱ አ ኦይቂ ቃሽሳናዉ አማሬዳ ዎታዳራቱዋ ኪቴድኖ።
JOH 7:33 የሱስ፥ “ታን ህንተናና ላፋ ጋምአና፤ ሄዋፐ ጉይያን፥ ታና ኪቴዳዋኮ ባና።
JOH 7:34 ህንተንቱ ታና ኮያና፤ ሽን ደምክታ፤ አያዉ ጎፐ፥ ታን ደእያ ሳኣ ህንተንቱ ባናዉ ዳንዳይክታ” ያጌዳ።
JOH 7:35 አይሁዳቱ እቱ እቱዋና፥ “ሀዌ ኑን አ ደመናሳ ሀቃ ባና ሀኒ? አይሁዳቱ ደእያ ግሪከ ካታማ ቢደ፥ ግሪከ አሳቱዋ ታማርሳና ሀኒ?
JOH 7:36 እ፥ ‘ህንተ ታና ኮያና፤ ሽን ደምክታ’ ቃይ፥ ‘ታን ደኢያሳ ህንተንቱ ባናዉ ዳንዳይክታ’ ያጌ፤ ሄዋ ግያዌ ዋግያዌ?” ያጌድኖ።
JOH 7:37 ሄ ባላ ጋላሳ ቦንችያ ጋላሳፐ ዋናትያ ዉርሰꬃ ጋላሳን የሱስ ደንድ ኤቂደ፥ ባረ ቃላ ꬎቁ ኦꬂደ፥ “ሳመቴዳ ኡራይ ኦንነ ታኮ ዪደ ኡሾ።
JOH 7:38 ታናን አማንያዎ፥ ጾሳ ማጻፋይ ግያዋዳን፥ አ ኡሉዋፐ ደኡዋ እምያ ሃꬃ ፑልቱ ጎጋናዋ” ያጌዳ።
JOH 7:39 እ ሄዋ አ አማኔዳዋንቱ አካና ጌሻ አያናባ ሃሳዬዳ። የሱስ ብሮ ባረ ቦንቹዋኮ ከስቤና ድራዉ፥ ሄ ዎደ ጌሻ አያናይ ኡንቱንቶ እመትቤና።
JOH 7:40 ሄ አሳፐ ዳርያ ባጋይ እ ግያዋ ስሲደ፥ “ቱሙ ሀዌ ናገትያ ናብያ” ያጌድኖ።
JOH 7:41 ሀራንቱ፥ “ሀዌ ክርስቶሳ” ያጌድኖ። ሽን ሀራንቱ ቃይ፥ “ክርስቶስ ጋሊላፐ ዬና።
JOH 7:42 ጾሳ ማጻፋይ፥ ‘ክርስቶስ ዳዊተ ዛርያፐ፥ ዳዊተ ደኤዳ ቤተሌመ ካታማፐ ያና’ ጌነዬ?” ያጌድኖ።
JOH 7:43 የሱሳ ጋሱዋን አሳይ ባረ ግዱዋን ሻከቴዳ።
JOH 7:44 ሄ አሳፐ እቱ እቱ አ ኦይቃናዉ ኮዬድኖ፤ ሽን ኩሽያንነ አ ቦችበይክኖ።
JOH 7:45 ጌሻ ጎልያ ናግያዋንቱ ቄሳቱዋ ካፓቱዋኮነ ፓርሳዋቱዋኮ ስም ዬዳ ዎደ ኡንቱንቱ ናግያዋንታ፥ “አያዉ አ አህበይክቴ?” ያጊደ ኦቼድኖ።
JOH 7:46 ጌሻ ጎልያ ናግያዋንቱ ኡንቱንቶ፥ “ሀ ብታኒ ሃሳዬዳዋዳን፥ ኡባካ ኦንነ ሃሳይቤና!” ያጊደ ዛሬድኖ።
JOH 7:47 ፓርሳዋቱ ዛሪደ፥ “እ ህንተናካ ባለꬁዋ?
JOH 7:48 ካፓቱዋፐ ዎይ ፓርሳዋቱዋፐ አ አማኔዳ አሳይ ደኢ?
JOH 7:49 ሽን ህግያ ኤረና ሀ አሳይ ሸቀቴዳዋ” ያጌድኖ።
JOH 7:50 ኡንቱንቱፐ እቱ ካሰና የሱሳኮ ቤዳ ንቆድሞስ ኡንቱንታ፥
JOH 7:51 “እት ኡራይ ግያባ ስሰናን ዎይ እ አያ ኦꬄደንቶ ኤረናን ደኢደ፥ ካሰቲደ አ ቦላ ፕርድያዌ ኑ ህግያን ደኢ?” ያጌዳ።
JOH 7:52 ኡንቱንቱ ዛሪደ አ፥ “ኔንካ ቃይ ጋሊላ ጋድያ አሴ? ጋሊላ ጋድያፐ ናቢ ቤተናዋ ጾሳ ማጻፋቱዋ ብዳደ ኤራ” ያጌድኖ።
JOH 7:53 አሳይ ኡባይ አጊደ፥ ባረ ሶይ ባረ ሶይ ቤዳ።
JOH 8:1 ሽን የሱስ ዎጋራ ምꬃን ኤረቴዳ ደርያኮ ቤዳ።
JOH 8:2 ዎንተꬃ ጋላስ ጉራን ጌሻ ጎልያ ስሜዳ፤ ኡባ አሳይ አኮ ዪና፥ ኡቲደ ኡንቱንታ ታማርሱዋ ዶሜዳ።
JOH 8:3 ሙሴ ህግያ ታማርስያዋንቱነ ፓርሳዋቱ ዎሹምሽን ኦይቀቴዳ እት ምሽራቶ አኮ አሄድኖ። ኡንቱንቱ አሳ ኡባ ስንꬃን እዞ ኤሲደ የሱሳ፥
JOH 8:4 “ታማርስያዎ፥ ሀ ምሽራታ ዎሹማደ ኦይቀታዱ።
JOH 8:5 ህግያ ቦላን ሙሴ ሀን ማላ ማጫ አሳ ሹቻን ጫዳና ማላ፥ ኑና አዛዜዳ። ያትና ኔን ዋጋይ?” ያጌድኖ።
JOH 8:6 ኡንቱንቱ ሄዋ ጌዳዌ የሱሳ ሞትያዋ ደሚደ አ ፓጫናሳ፤ ሽን የሱስ ሆኪደ፥ ባረ ብራꬍያን ቢታ ቦላ ጻፌዳ።
JOH 8:7 ኡንቱንቱ አ ኦቺደ አገናን እጽና፥ ፑደ ꬎቁ ጊደ፥ “ህንተንቱ ግዱዋን ናጋራ ኦꬅቤና አሳይ ካሰቲደ፥ እዞ ሹቻን ጫዶ” ያጌዳ።
JOH 8:8 ቃይካ ሆኪደ፥ ቢታ ቦላ ጻፌዳ።
JOH 8:9 ኡንቱንቱ ሄዋ ስሴዳ ዎደ፥ ካሰቲደ ጭማቱ ከስና፥ እቱ እቱ ከሲደ ዉሬድኖ፤ አ ስንꬃን ምሽራታ ኤቃ ደእሽን፥ የሱስ ባረ ጻላላ አቴዳ።
JOH 8:10 እ ፑደ ꬎቁ ጊደ ምሽራቶ፥ “ምሽራቴ፥ አሳቱ ሀቃን ደኢኖ? ኦንነ ነ ቦላ ፕርድቤኔ?” ያጌዳ።
JOH 8:11 ምሽራታ፥ “ጎዳዉ፥ ኦንነ ታ ቦላ ፕርድቤና” ያጋዱ። የሱስ እዞ፥ “ታንካ ነ ቦላ ፕርድከ፤ ባ፤ ላኤንꬃደ ናጋራ ኦꬆፓ” ያጌዳ።
JOH 8:12 ቃይካ የሱስ አሳዉ፥ “ታን አላመዉ ፖኡዋ፤ ታና ካልያ ኦንነ ደኡዋ እምያ ፖኡዋ ደማናፐ አትን፥ ꬉማን ኡባካ ሀመተና” ያጊደ ሃሳዬዳ።
JOH 8:13 ሄዋፐ ጉየ ፓርሳዋቱ፥ “ኔን ነባ ማርካታሳ፤ ነ ማርካተꬃይ ቱማ ግደና” ያጌድኖ።
JOH 8:14 የሱስ ዛሪደ፥ “ታን ታባ ማርካቶፐካ፥ ታ ማርካተꬃይ ቱማ፤ አያዉ ጎፐ፥ ታን ሀቃፐ ያድታንቶነ ቃይ ሀቃ ባይታንቶ ኤራይ፤ ሽን ህንተንቱ ኤርክታ።
JOH 8:15 አሳይ ፕርድያ ኦግያን ህንተንቱ ፕርዲታ፤ ታን እት ኡራ ቦላካ ፕርድከ።
JOH 8:16 ሽን ታን ፕርድያዋ ግዶፐነ፥ ታ ፕርዳይ ቱማ፤ አያዉ ጎፐ፥ ታና ኪቴዳ ታ አቡ ታናና ደኤፐ አትን፥ ታን ታረካ ደእከ።
JOH 8:17 ላኡ አሳ ማርካተꬃይ ቱማ ግድያዌ ህንተንቱ ህግያን ጻፈት ኡቴዳ።
JOH 8:18 ታን ታባ ታ ሁጰዉ ማርካታድ፤ ቃይ ታና ኪቴዳ ታ አቡካ ታባ ማርካቴ” ያጌዳ።
JOH 8:19 ኡንቱንቱ፥ “ነ አቡ ሀቃን ደኢ?” ያጊደ የሱሳ ኦቼድኖ። የሱስ ዛሪደ፥ “ህንተንቱ ታናካ ዎይ ታ አባካ ኤርክታ፤ ታና ኤሬዳዋ ግድንቶ፥ ታ አባካ ኤራንታ” ያጌዳ።
JOH 8:20 የሱስ ጌሻ ጎልያ ታማርሲደ፥ እሞታ ሚሻይ ኡትያ ሳጽንያ ማታን ሄዋ ሃሳዬዳ። አ ኦንነ ኦይቂቤና፤ አያዉ ጎፐ፥ አ ዎዲ ብሮ ጋክበና።
JOH 8:21 ቃይካ የሱስ ኡንቱንታ፥ “ታን ባና ህንተንቱ ታና ኮያና፤ ሽን ህንተንቱ፥ ህንተንቱ ናጋራን ሀይቃንታ። ታን ብያሳካ ባናዉ ህንተንቱ ዳንዳይክታ” ያጌዳ።
JOH 8:22 አይሁዳቱ፥ “እ፥ ‘ታን ብያሳ ህንተንቱ ባናዉ ዳንዳይክታ’ ያጌ፤ እ ባረና ባረካ ዎꬋኔየ?” ያጌድኖ።
JOH 8:23 የሱስ ዛሪደ፥ “ህንተንቱ ጋርሳ አሳ፤ ታን ቦላ አሳ። ህንተንቱ ሀ አላምያ አሳ፤ ታን ሀ አላምያ አሳ ግድከ።
JOH 8:24 ህንተንቱ፥ ህንተንቱ ናጋራን ሀይቃናዋ ታን ህንተንቶ ኦዴዳዌ ሀዋሳ፤ ታን ታና ግድያዋ ህንተንቱ አማናና ꬋዮፐ፥ ህንተንቱ፥ ህንተንቱ ናጋራን ሀያንታ” ያጌዳ።
JOH 8:25 ኡንቱንቱ፥ “ኔን ኦኔ?” ያጊደ ኦቼድኖ። የሱስ ዛሪደ፥ “ታን ታና።
JOH 8:26 ታን ህንተባ ሃሳይያባይነ ፕርድያባይ ዳሮባይ ደኤ። ሽን ታና ኪቴዳዌ ቱማንቻ፤ ቃይ ታን አፐ ስሴዳዋ አላምያ አሳዉ ኦዳይ” ያጌዳ።
JOH 8:27 እ ባረ አዉዋባ ሃሳይያዋ ኡንቱንቱ አኬክበይክኖ።
JOH 8:28 ሄዋ ድራዉ፥ የሱስ ኡንቱንታ፥ “ታና አሳ ናኣ ህንተንቱ ማስቃልያ ቦላ ፑደ ደንꬅያ ዎደ፥ ታን ታና ግድያዋነ ቃይ ታን ታ አቡ ታና ታማርሴዳዋዳን ሃሳይያዋፐ አትን፥ ታ ሸንያን አይነ ኦናዋ ህንተንቱ ኤራንታ።
JOH 8:29 ቃይ ታና ኪቴዳዌ ታናና ደኤ፤ ታን ኡባ ዎደ አ ናሸችያዋ ኦꬅያ ድራዉ፥ እ ታ ጻላላ አግቤና” ያጌዳ።
JOH 8:30 የሱስ ሄዋ ሃሳይሽን ስሴዳ ዳሮ አሳይ አ አማኔድኖ።
JOH 8:31 የሱስ ባረና አማኔዳ አይሁዳቱዋ፥ “ህንተንቱ ታን ታማርስያዎ አዛዘቶፐ፥ ቱሙ ታና ካልያዋንታ።
JOH 8:32 ህንተንቱ ቱማተꬃካ ኤራንታ፤ ቃይ ቱማተꬃይ ህንተንታ አይለተꬃፐ ከሳናዋ” ያጌዳ።
JOH 8:33 ኡንቱንቱ ዛሪደ፥ “ኑን አብራሃሞ ዛረ፤ ኑን ኦስነካ አይለትበይኮ። ያትና ኔን ዋጋደ፥ ‘አይለተꬃፐ ህንተንቱ ከሳንታ’ ጋይ?” ያጌድኖ።
JOH 8:34 የሱስ፥ “ታን ህንተንቶ ቱሙዋ ኦዳይ፤ ናጋራ ኦꬅያ ኦንነ ናጋራ አይልያ።
JOH 8:35 አይሊ ኡባ ዎደ ሶይን ደኤና፤ ሽን ናአይ መꬍናዉ ጎለን ደኤ።
JOH 8:36 ናአይ ህንተንታ አይለተꬃፐ ከሶፐ፥ ህንተንቱ አይለተꬃፐ ቱሙ ከሳንታ።
JOH 8:37 ህንተንቱ አብራሃሞ ዛረ ግድያዋ ታን ኤራይ፤ ሽን ታ ታማርስያዋ ህንተንቱ አከና ድራዉ፥ ታና ዎꬋናዉ ኮዪታ።
JOH 8:38 ታን ታ አቡ ታና በሴዳዋ ሃሳያይ፤ ቃይ ህንተንቱካ ህንተንቱ አዉዋፐ ስሴዳዋ ኦꬂታ” ያጌዳ።
JOH 8:39 ኡንቱንቱ ዛሪደ፥ “ኑ አቡ አብራሃማ” ያጌድኖ። የሱስ ኡንቱንታ፥ “ህንተንቱ አብራሃሞ ናና ግዴደንቶ፥ እ ኦꬄዳ ኦሱዋ ማላ ኦꬃንታ።
JOH 8:40 ሽን ጾሳፐ ስሴዳ ቱሙዋ ኦዴዳ ታና ህንተንቱ ዎꬋናዉ ኮዪታ፤ አብራሃመ ሄዋዳን ኦꬅቤና።
JOH 8:41 ህንተንቱ፥ ህንተንቱ አዉ ኦꬄዳዋ ኦꬂታ” ያጌዳ። ኡንቱንቱ ዛሪደ፥ “ኑን ዎሹማን ድቃላተꬃ የለትበይኮ፤ ኑዉ እት አዉ፥ ጾሳ ጻላላይ ደኤ” ያጌድኖ።
JOH 8:42 የሱስ ኡንቱንታ፥ “ህንተንቱ ጾሳ ናና ቱሙ ግዴደንቶ፥ ታና ሲቃና፤ አያዉ ጎፐ፥ ታን ጾሳ ማታፐ ያደ ሀዋን ደአይ። ታና እ ኪቴዳዋፐ አትን፥ ታን ታ ሸንያን ያበይከ።
JOH 8:43 ታን ታማርስያዋ ህንተንቱ አኬከናዌ አያሴ? ታን ታማርስያዋ ህንተንቱ አከና ድራሳ።
JOH 8:44 ህንተንቱ፥ ህንተንቱ አዉዋ ኢታ አያና ናና፤ ቃይ ህንተንቱ፥ ህንተንቱ አዉ አሞትያዋ ኦꬃናዉ ኮዪታ። እ ካሰፐ ዶሚደ፥ ሸምፑዋ ዎꬌዳዋ፤ ቱማተꬃይ አን ባይና ድራዉ፥ ቱማተꬃኮ ሺቅ ኤረና። እ ዎርዱዋ ሃሳይያ ዎደ፥ ባረፐ ሃሳዬ፤ አያዉ ጎፐ፥ እ ዎርዳንቻነ ቃይ ዎርዶካ አዉዋ።
JOH 8:45 ሽን ታን ቱሙዋ ሃሳይያ ድራዉ፥ ህንተንቱ ታና አማንክታ።
JOH 8:46 ህንተፐ ታና ናጋራ ኦꬅሽን በኣድ ጋናዉ ዳንዳይያዌ ኦኔ? ታን ቱሙዋ ሃሳይያዋ ግዶፐ፥ ታና አያዉ አማንክቴ?
JOH 8:47 ጾሳ አሳ ግዴዳ ኡራይ ጾሳይ ግያዋ ስሴ፤ ህንተንቱ ጾሳ አሳ ግደና ድራዉ፥ ጾሳይ ግያዋ ስስክታ” ያጌዳ።
JOH 8:48 አይሁዳቱ ዛሪደ፥ “ኑን ኔና፥ ‘ኔን ሳማርያ አሳ፤ ኔናን ኢታ አያናይ ደኤ’ ጊደ ባይዜዶ?” ያጌድኖ።
JOH 8:49 የሱስ ኡንቱንታ፥ “ታ ቦላ ኢታ አያናይ ባዋ። ታን ታ አባ ቦንቻይ፤ ሽን ህንተንቱ ታና ካዉሺታ።
JOH 8:50 ታን ታ ሁጲያዉ ቦንቹዋ ኮይከ፤ ሄዋ ታዉ ኮይያዌነ ፕርድያዌ ደኤ።
JOH 8:51 ታን ህንተንቶ ቱሙዋ ኦዳይ፤ ታን ታማርስያዋ ናግያ ኦንነ ኡባካ ሀይቀና” ያጌዳ።
JOH 8:52 አይሁዳቱ ዛሪደ፥ “ነ ቦላ ኢታ አያናይ ደእያዋ ኑን ሀእ ኤሬዶ። አብራሃመ ሀይቄዳ፤ ናባቱ ሀይቄድኖ፤ ሽን ኔን፥ ‘ታ ቃላ ናግያ ኦንነ ኡባካ ሀይቀና’ ያጋ።
JOH 8:53 ኔን ሀይቄዳ ኑ አዉዋ አብራሃሞፐ ዳራይ? ናባቱ ቃይ ሀይቄድኖ። ኔን ኔና ኦና ጋደ ቆፓይ?” ያጌድኖ።
JOH 8:54 የሱስ፥ “ታን ታና ቦንቾፐ፥ ታ ቦንቹ መላ፤ ህንተንቱ ኑ ጾሳ ግያ ታ አቡ ታና ቦንቼ።
JOH 8:55 ህንተንቱ አ ኤራና ꬋዮፐካ፥ ታን አ ኤራይ። ታን አ ኤርከ ጎፐ፥ ህንተንቱዋዳን ዎርዶ ግዳይ፤ ሽን ታን አ ኤራይ፤ ቃይ አ ቃላካ ናጋይ።
JOH 8:56 ህንተንቱ አዉ አብራሃመ፥ ታ ዩሳ ዎድያ በአናዉ ላሞቴዳ፤ በኢደካ ናሸቴዳ” ያጌዳ።
JOH 8:57 አይሁዳቱ ዛሪደ አ፥ “ነዉ ሀራይ አቶ እሻታሙ ላይꬃ ኩምቤናዌ አብራሃማ በኣዲ?” ያጌድኖ።
JOH 8:58 የሱስ ኡንቱንታ፥ “ታን ህንተንቶ ቱሙዋ ኦዳይ፤ አብራሃሞ የለታናፐካ ካሰ ታን ታና” ያጌዳ።
JOH 8:59 ሄዋ ድራዉ፥ ኡንቱንቱ የሱሳ ጫዳናዉ ሹቻ አኬድኖ፤ ሽን የሱስ ኡንቱንቱፐ ጌመቲደ፥ ጌሻ ጎልያፐ ቤዳ።
JOH 9:1 የሱስ ቢደ፥ የለቶደፐ ቆቃ ግዲደ ደእያ እት ብታንያ በኤዳ።
JOH 9:2 የሱሳ ካልያዋንቱ የሱሳ፥ “ታማርስያዎ፥ ሀ ብታኒ ቆቃ ግዲደ የለታናዳን፥ ናጋራ ኦꬄዳዌ ኦኔ? እ ኦꬄዴየ? ዎይ አ የሌዳዋንቱ ኦꬄድኖ?” ያጊደ ኦቼድኖ።
JOH 9:3 የሱስ፥ “ጾሳ ኪታይ አ ቦላን ቆንጫና ማላ ቆቄዳፐ አትን፥ እ ዎይ አ ዳያነ አ አቡ ናጋራ ኦꬅበይክኖ።
JOH 9:4 ኑን ሳአይ ቃመናን ደእሽን፥ ታና ኪቴዳዋ ኦሱዋ ኦꬃናዉ በሴ። ኦንነ ኦꬃናዉ ዳንዳየና ቃማይ ዬ።
JOH 9:5 ታን አላምያን ደኣደ አላመዉ ፖኦ” ያጌዳ።
JOH 9:6 የሱስ ሄዋ ጊደ፥ ሳኣን ጩቼዳ፤ ባረ ጩቻን ጉꬃ ኡርቃ ሹግሲደ፥ ሄ ኡርቃን ቆቃ ብታንያ አይፍያ ኦኪደ፥
JOH 9:7 “ባደ ሳልሆማ ግያ ዳጋቴዳ ሃꬃን ነ አይፍያ ሜጫ” ያጌዳ። “ሳልሆማ” ግያዌ “ኪተቴዳዋ” ጉሳ። ሄዋ ድራዉ፥ ብታኒ ቢደ፥ ባረ አይፍያ ሜጨቲደ፥ ጼሊደ ስሜዳ።
JOH 9:8 ብታንያ ሾራቱነ ብታኒ ካሰ ዎስሽን በኤዳ አሳይ፥ “ሀዌ ኡቲደ ዎስያ ብታንያ ግደኔዬ?” ያጌድኖ።
JOH 9:9 ቃይ አማሬዳዋንቱ፥ “ሀዌ አተኔ” ያጌድኖ። ሀራንቱ ቃይ፥ “ቱይት፥ ሀዌ አ ማላትያዋፐ አትን፥ አ ግደና” ያጌድኖ። ሽን ብታኒ፥ “ታን አቴ” ያጌዳ።
JOH 9:10 ኡንቱንቱ ብታንያ፥ “ያትና፥ ነ አይፊ ዋን ጼሌዴ?” ያጊደ ኦቼድኖ።
JOH 9:11 እ ዛሪደ፥ “የሱሳ ጌተትያ ብታኒ ጉꬃ ኡርቃ ሹግሲደ፥ ታ አይፍያ ኦኪደ፥ ‘ሳልሆማ ጌተትያ ዳጋቴዳ ሃꬃን ባደ ነ አይፍያ ሜጨታ’ ያጌዳ። ታን ባደ ሜጨታደ ጼላድ” ያጌዳ።
JOH 9:12 ኡንቱንቱ አ፥ “እ ሀቃን ደኢ?” ያጊደ ኦቼድኖ። ብታኒ፥ “ታን ኤርከ” ያጌዳ።
JOH 9:13 ኡንቱንቱ ካሰ ቆቂደ ጼሌዳ ብታንያ ፓርሳዋቱዋኮ አፌድኖ።
JOH 9:14 የሱስ ኡርቃ ሹግሲደ፥ ብታንያ አይፍያ ፓꬄዳ ጋላሳይ ሳምባታ ጋላሳ።
JOH 9:15 ሄዋ ድራዉ፥ ብታኒ ዋን ጼሌደንቶነ ፓርሳዋቱ አ ጉጂደ ኦቼድኖ። ብታኒ ኡንቱንቶ፥ “እ ታ አይፍያን ጉꬃ ኡርቃ ዎꬄዳ። ታ አይፍያ ሜጨታደ ሀእ ጼላድ” ያጌዳ።
JOH 9:16 ፓርሳዋቱዋፐ እቱ እቱ፥ “ሀዋ ኦꬄዳ ብታኒ ሳምባታ ህግያ ናገና ድራዉ፥ ጾሳ ማታፐ ይቤና” ያጌድኖ። ሽን ሀራንቱ፥ “ናጋራንቻ አሳይ ሀዋ ማላ ዎልቃማ ማላታ ዋን ኦꬃናዉ ዳንዳዪ?” ያጊደ ኡንቱንቱ ባረንቱ ግዱዋን ሻከቴድኖ።
JOH 9:17 ሄዋ ድራዉ፥ ፓርሳዋቱ ብታንያ እት ካላ ጉጂደ፥ “እ ነ አይፍያ ዶዬዳ ድራዉ፥ አባ ዋጋይ?” ያጌድኖ። ብታኒ፥ “እ ናብያ” ያጌዳ።
JOH 9:18 አይሁዳቱ ሄ ጼሌዳ ብታንያ አቶነ አዉዋ ጼሲደ ኦቻና ጋካናዉ፥ ብታኒ ቆቃ ግዴዳዋነ ሀእ እ ጼልያዋ አማንበይክኖ።
JOH 9:19 አይሁዳቱ አ አቶነ አዉዋ፥ “ህንተንቱ፥ ‘ቆቃ ግዲደ የለቴዳ’ ግያ ህንተንቱ ናአይ ሀዌ? ያትና፥ ሀእ ዋኒደ ጼሌዴ?” ያጊደ ኦቼድኖ።
JOH 9:20 ብታንያ ዳያነ አዉ፥ “ሀዌ ኑ ናኣ ግዴዳዋነ ቆቃ ግዲደ የለቴዳዋ ኑን ኤሬቶ።
JOH 9:21 ሽን ሀእ እ ዋን ጼሌደንቶ፥ ኑን ኤሮኮ፤ ዎይ አ አይፍያ ኦን ፓꬄደንቶ፥ ኑን ኤሮኮ። አ ኦችተ፤ እ ዶንዛ አሳ፤ ባረባ ሃሳያናዉ ዳንዳዬ!” ያጌድኖ።
JOH 9:22 ብታንያ ዳያነ አዉ አይሁዳቶ ያዬዳ ድራዉ፥ ሄዋ ጌድኖ፤ አያዉ ጎፐ፥ አይሁዳቱ የሱስ ክርስቶሳ ያጊደ ማርካትያ ኡራይ ደኦፐ፥ ሄ ኡራ አይሁዳ ዎሳ ጎልያፐ ከሳናዉ ካሰት ቆፋ ቃች ዎꬄድኖ።
JOH 9:23 አ ዳያነ አዉ፥ “እ ዶንዛ አሳ፤ አ ኦችተ!” ጌዳዌ ሀዋሳ።
JOH 9:24 ሄዋ ድራዉ፥ ቆቃ ግዲደ የለቴዳ ብታንያ ኡንቱንቱ ላኤንꬁዋ ጼሲደ፥ “ጾሳ ጋላታ፤ ሀ ብታኒ ናጋራንቻ ግድያዋ ኑን ኤሬቶ” ያጌድኖ።
JOH 9:25 ብታኒ፥ “እ ናጋራንቻ ግድያዋነ፥ ግደናዋ ኤርከ፤ ታን ቆቃ ግድያዋነ ሀእ ጼልያዋ ሄ እትባ ኤራይ” ያጌዳ።
JOH 9:26 ኡንቱንቱ ዛሪደ ብታንያ፥ “እ ነዉ አያ ኦꬄዴ? እ ነ አይፍያ ዎት ፓꬄዴ?” ያጌድኖ።
JOH 9:27 እ ኡንቱንታ፥ “ታን ህንተንቶ ኦዳድ፤ ስስበይክታ። አያዉ ላኤንꬁዋ ስሳናዉ ኮዪቴ? ህንተካ የሱሳ ካልያዋንታ ግዳናዉ ኮዪቴ?” ያጌዳ።
JOH 9:28 ኡንቱንቱ አ ቦሪደ፥ “ኔን ሄ ብታንያ ካልያዋ፤ ኑን ሙሳ ካልያዋንታ።
JOH 9:29 ጾሳይ ሙሴዉ ሃሳዬዳዋ ኑን ኤሬቶ፤ ሽን ሀ ብታንያ ግዶፐ፥ እ ሀቃፐ ዬደንቶነ ኑን ኤሮኮ” ያጌድኖ።
JOH 9:30 ብታኒ፥ “እ ሀቃፐ ዬደንቶነ ህንተንቱ ኤረናዌ ማላልስያዋ፤ ሽን እ ታ አይፍያ ፓꬄዳ!
JOH 9:31 ጾሳዉ ያይያ ኡራይነ ጾሳይ ኮይያዋ ኦꬅያ ኡራይ ደኦፐ፥ ሄ ኡራባ ጾሳይ ስስያዋፐ አትን፥ ናጋራንቻቱዋባ ስሰና።
JOH 9:32 ቆቃ ግዲደ የለቴዳ አሳ አይፍያ ኦንነ ፓꬅና፥ ሳአይ መቶደፐ ዶምና፥ ስሰት ኤረና።
JOH 9:33 ሀ ብታኒ ጾሳፐ ይቤናዋ ግድንቶ፥ እትባነ ኦꬃናዉካ ዳንዳየና” ያጌዳ።
JOH 9:34 ኡንቱንቱ ዛሪደ አዉ፥ “ኔን ናጋራን የለታደ ድጬዳዌ ኑና ታማርሳናዉ ኮያይ?” ያጌድኖ፤ አይሁዳ ዎሳ ጎልያፐ ካረ አ ከሴድኖ።
JOH 9:35 ኡንቱንቱ ብታንያ ካረ ከሴዳዋ የሱስ ስሴዳ፤ የሱስ ብታንያ ደሚደ፥ “አሳ ናኣ አማናይ?” ያጌዳ።
JOH 9:36 ብታኒ የሱሳ፥ “ጎዳዉ፥ ታን አ አማናናዳን እ ኦኔ? ታዉ ኦዳርኪ!” ያጌዳ።
JOH 9:37 የሱስ ብታንያ፥ “ኔን አ በኣዳ፤ ሀ ኔናና ሃሳይያዌካ አ” ያጌዳ።
JOH 9:38 ብታኒ ዛሪደ፥ “ጎዳዉ፥ አማናይ” ያጊደ የሱሳዉ ጎይኔዳ።
JOH 9:39 የሱስ፥ “ቆቃቱ ጼላና ማላነ ጼልያዋንቱ ቆቃና ማላ፥ ታን ፕርዳናዉ ሀ ሳኣ ያድ” ያጌዳ።
JOH 9:40 አናና ደእያ አማሬዳ ፓርሳዋቱ ሄዋ ስሲደ፥ “ኑንካ ቆቀዬ?” ያጊደ ኦቼድኖ።
JOH 9:41 የሱስ፥ “ህንተንቱ ቆቃ ግዴደንቶ፥ ህንተንቶ ናጋራ ግደና፤ ሽን ሀእ ህንተንቱ፥ ‘ኑን ጼሌቶ’ ያጊታ፤ ህንተንቱ ናጋራና ደኢታ” ያጌዳ።
JOH 10:1 የሱስ፥ “ታን ህንተንቶ ቱሙዋ ኦዳይ፤ ዶርሳ ስኩዋ ፐንግያና ገለናን ሀራሳና ገልያ ኦንነ ካይሱዋነ ፓኑዋ።
JOH 10:2 ሽን ፐንግያና ገልያዌ ዶርሳ ሄምያ አሳ።
JOH 10:3 ፐንግያ ናግያዌ አዉ ፐንግያ ዶዬ፤ ዶርሳቱካ አ ኮሻ ስሳና፤ እ ባረ ዶርሳቱዋ ኡንቱንቱ ሱንꬃን ሱንꬃን ጼሲደ፥ ካረ ካለꬃና።
JOH 10:4 እ ባረዋንታ ካረ ከሴዳዋፐ ጉይያን፥ ኡንቱንቱፐ ስንꬃና ሀመቴ፤ ኡንቱንቱካ አ ኮሻ ኤርያ ድራዉ፥ አ ካሊኖ።
JOH 10:5 ሀራ ኡራ ኮሻ ኡንቱንቱ ኤረና ድራዉ፥ አፐ ባቃታናፐ አትን፥ አ ጌዱዋ ካልክኖ” ያጌዳ።
JOH 10:6 የሱስ ኡንቱንቶ ሀ ሌምሱዋ ኦዴዳ፤ ሽን እ ኡንቱንቶ አይ ኦድንቶነካ ኡንቱንቱ አኬክበይክኖ።
JOH 10:7 የሱስ ቃይካ ኡንቱንቶ፥ “ታን ህንተንቶ ቱሙዋ ኦዳይ፤ ታን ዶርሳቶ ገልያ ፐንግያ።
JOH 10:8 ታፐ ካሰ ዬዳ ኡባይ ካይሱዋነ ፓኑዋ፤ ሽን ዶርሳቱ ኡንቱንቱ ግያዋ ስስበይክኖ።
JOH 10:9 ፐንጊ ታና፤ ታናን ገልያ ኦንነ አታናዋ። እ ገላናነ ከሳና፤ ቃይ ሎኦ ማታይ ደእያ ሳካ ደማናዋ።
JOH 10:10 ካይሱ ዉአናዉ፥ ዎꬋናዉነ ꬋይሳናዉ ይያዋፐ አትን፥ ሀራባዉ ዬና፤ ታን ኡንቱንቶ ደኡ ደአና ማላነ ኩሚደ ፓላሀና ማላ ያድ።
JOH 10:11 “ታን ዶርሳ ሎይꬃ ሄምያዋ፤ ዶርሳ ሎይꬅ ሄምያዌ ሄ ዶርሳቱዋ ድራዉ ሀይቄ።
JOH 10:12 ሚሻ አኪደ ሄምያ ኡራይ ዋልያ ይያ ዎደ በኢደ፥ ዶርሳቱዋ የግ ባሺደ ባቃቴ። አያዉ ጎፐ፥ ዶርሳቱ አዋንታ ግድክኖ፤ ቃይ እካ ዶርሳቱዋ ሄምያዋ ግደና። ሄዋ ድራዉ፥ ዶርሳቱዋ ኦይቄነ ላሌ።
JOH 10:13 ሻሉዋ አኪደ ሄምያዌ ባረ ሻሎ ሄምያ ድራዉነ ዶርሳባይ አ ቆፈና ድራዉ፥ ዶርሳቱዋ አጊደ ባቃቴ።
JOH 10:14 “ታን ዶርሳ ሎይꬃ ሄምያዋ፤ ታ አቡ ታና ኤርያዋዳን፥ ታንካ ቃይ ታ አባ ኤራይ። ሄዋዳንካ፥ ታን ታ ዶርሳቱዋ ኤራይ፤ ታ ዶርሳቱካ ታና ኤሪኖ። ቃይ ታን ታ ዶርሳቱዋ ድራዉ፥ ሀይቃናዉ ኮያድ።
JOH 10:16 ሀ ስኩዋን ባይና ሀራ ዶርሳቱካ ታዉ ደኢኖ። ታን ኡንቱንታካ አሀናዉ በሴ። ቃይ ኡንቱንቱ ታ ኮሻ ስሳና፤ እት ዉዲ ደአና፤ ሄምያዌካ እቱዋ ግዳናዋ።
JOH 10:17 “ታን ታ ሸምፑዋ ዛራደ አካና ማላ፥ አꬃደ እማናዉ ኮይያ ድራዉ፥ ታ አቡ ታና ሲቄ።
JOH 10:18 ታን ዶሳደ ታ ሸምፑዋ አꬃ እምያዋፐ አትን፥ ታፐ ኦንነ አከና። ታዉ ታ ሸምፑዋ አꬃ እምያ ማታይ ደኤ፤ ቃይ ዛራደ አካናዉካ ማታይ ደኤ። ታን ሀ አዛዙዋ ታ አዉዋፐ አካድ” ያጌዳ።
JOH 10:19 ሄ ሃሳያ ድራዉ፥ አይሁዳቱዋ ግዱዋን ቃይካ ሻኩ መቴዳ።
JOH 10:20 ኡንቱንቱፐ ዳርያ ባጋይ፥ “አን ጻላሂ ደኤ! እ ጎዬ! አ ሃሳያ አያዉ ስሲቴ?” ያጌድኖ።
JOH 10:21 ሀራቱ ቃይ “ጻላሂ ኦይቄዳ አሳይ ሀዋዳን ሃሳየና፤ ጻላሂ ቆቃ አሳ አይፍያ ጼልሳናዉ ዳንዳዪዬ?” ያጌድኖ።
JOH 10:22 የሩሳላመን ጌሻ ጎልያ አንጅሴዳ ጋላሳ ሀሳይስያ ባላይ ጋኬዳ፤ ሳአይ ሄ ዎደ ባልጉዋ።
JOH 10:23 የሱስ ጌሻ ጎልያን ሶሎሞና ባራንዳን፥ ያነ ሃነ ሀመቴ።
JOH 10:24 አይሁዳቱ የሱሳ ማታን ዩይ አꬊደ፥ “ኔን ኑና አዉደ ጋካናዉ ስꬍሳደ ዎꬃኒ? ኔን ክርስቶሳ ግዶፐ፥ ኑዉ ጌሻደ ኦዳ” ያጌድኖ።
JOH 10:25 የሱስ ኡንቱንቶ ዛሪደ፥ “ታን ህንተንቶ ኦዳድ፤ ሽን ታና አማንክታ፤ ታን ታ አቡ ሱንꬃን ኦꬅያ ኪታይ ታባ ማርካቴ።
JOH 10:26 ሽን ህንተንቱ ታ ዶርሳ ግደና ድራዉ አማንክታ።
JOH 10:27 ታ ዶርሳቱ ታ ኮሻ ስሲኖ፤ ታን ኡንቱንታ ኤራይ፤ ኡንቱንቱካ ታና ካሊኖ።
JOH 10:28 ታን ኡንቱንቶ መꬍና ደኡዋ እማይ፤ ቃይ ኡንቱንቱ ኡባካ ሀይቂክኖ። ኦንነ ታ ኩሽያፐ ኡንቱንታ ዎꬅ አካናዉ ዳንዳየና።
JOH 10:29 ኡንቱንታ ታዉ እሜዳ ታ አቡ ኦፐነ አꬌ፤ ኦንነ ታ አቡ ኩሽያፐ ኡንቱንታ ዎꬅ አካናዉ ዳንዳየና።
JOH 10:30 ታነ ታ አቡ እቱዋ” ያጌዳ።
JOH 10:31 አይሁዳቱ የሱሳ ጫዳናዉ ቃይካ ሹቻ ደንꬄድኖ።
JOH 10:32 የሱስ ኡንቱንታ፥ “ታን ኦꬃናዉ ታ አቡ ታዉ እሜዳ ዳሮ ሎኦ ኦሱዋ ህንተንታ በሳድ፤ ሄዋንቱፐ ሀቃዋንቱ ድራዉ፥ ታና ሹቻን ጫዳናዉ ኮዪቴ?” ያጌዳ።
JOH 10:33 አይሁዳቱ ዛሪደ፥ “ኑን ኔና ሎኦ ኦሱዋ ድራዉ፥ ሹቻን ጫዳናዉ ኮዮኮ፤ ሽን ኔን ጾሳ ቦላ ቦርያ ቃላ ሃሳይያ ድራዉነ ቃይ አሳ ግዳደ ነ ሁጲያ ጾሳ ኦꬄዳ ድራዉ፥ ጫዳናዉ ኮዬቶ!” ያጌድኖ።
JOH 10:34 የሱስ ዛሪደ፥ “ህንተንቱ ህግያን ጾሳይ፥ ‘ህንተ ጾሳቱዋ’ ጌዳዌ ጻፈትቤኔ?
JOH 10:35 ጾሳ ማጻፋቱዋ ላማናዉ ዳንዳየተና፤ ጾሳይ ባረ ቃላይ ዬዳ አሳቱ፥ ‘ጾሳቱዋ’ ጊደ ጼሴዳዋ ግዶፐ፥
JOH 10:36 ታን፥ ‘ታን ጾሳ ናኣ’ ጌዳ ድራዉ፥ ታ አቡ አንጂደ፥ ሳኣ ኪቴዳ ታና፥ ‘ጾሳ ቦላ ቦርያ ቃላ ሃሳያ’ ያጊቴ?
JOH 10:37 ታን ታ አቡ ኦꬅያዋ ኦꬃና ꬋዮፐ፥ ታና አማኖፕተ።
JOH 10:38 ሽን ታን ኦꬅያዋ ግዶፐ፥ ሀራይ አቶ ህንተንቱ ታና አማናና ꬋዮፐካ፥ ታ አቡ ታናን ደእያዋነ ታንካ ታ አቡን ደእያዋ ኤራናዳንነ አኬካናዳን፥ ታ ኦሱዋ አማንተ” ያጌዳ።
JOH 10:39 ቃይካ ኡንቱንቱ አ ኦይቃናዉ ኮዬድኖ፤ ሽን እ ኡንቱንቱፐ ከስ አኪደ ቤዳ።
JOH 10:40 ዮሃንስ ካሰ ጻማቅያሳ ዮርዳኖሳ ሻፋፐ ሄፍንꬃ የሱስ ፕኒደ፥ ያን ደኤዳ።
JOH 10:41 ዳሮ አሳይ የሱሳኮ ዪደ፥ “ዮሃንስ ዎልቃማ ማላታ ኦꬅቤና፤ ሽን እ ሀ ብታንያባ ሃሳዬዳባይ ኡባይ ቱማ” ያጌድኖ።
JOH 10:42 ያን ዳሮ አሳይ የሱሳ አማኔዳ።
JOH 11:1 ቢታንያ ግያ ቄር ካታማን አልኣዛራ ግያ እት ብታኒ ሀርጌዳ፤ ሄ ካታማይ ማይራማነ እዝ ምቻታ ማርታ ደኤዳ ካታማ።
JOH 11:2 ጎዳ ገድያ ሽቱዋ ኦካደ፥ ባረ ብናናን አ ገድያ ቁጬዳዉና ሄ ማይራሞ፤ ሀርጌዳዌ ቃይ እዝ እሻ አልኣዛራ።
JOH 11:3 ሄዋ ድራዉ፥ ምቻቱ፥ “ጎዳዉ፥ ኔን ሲቅያዌ ሀርጌዳ” ጊደ የሱሳዉ ኪቴድኖ።
JOH 11:4 የሱስ ሄዋ ስሴዳ ዎደ፥ “ታን ጾሳ ናአይ ሀርግያ ጋሱዋን ቦንቼታና ማላ፥ ጾሳ ቦንቾ ሀ ሀርጊ አልኣዛራ ኦይቄዳፐ አትን፥ ዎꬍያ ሀርግያ ግደና” ያጌዳ።
JOH 11:5 የሱስ ማርቶ፥ እዝ ምቻቶነ አልኣዛራ ሲቄ፤
JOH 11:6 አልኣዛር ሀርጌዳዋ የሱስ ስሴዳ ዎደ፥ ባረ ደእያ ሳኣን ላኡ ጋላሳ ፔሼዳ።
JOH 11:7 ሄዋፐ ጉይያን፥ የሱስ ባረና ካልያዋንታ “ላኤንꬁዋ ይሁዳ ጋድያ ቦይተ” ያጌዳ።
JOH 11:8 የሱሳ ካልያዋንቱ ዛሪደ፥ “ታማርስያዎ፥ ጉꬃ ዎድያፐ ካሰ አይሁዳቱ ኔና ሹቻን ጫዳናዉ ኮዬድኖ፤ ቃይካ ያ ባኒ?” ያጌድኖ።
JOH 11:9 የሱስ፥ “እት ጋላሳን ታማነ ላኡ ሳቲ ደኤኔየ? ጋላስ ሀመትያ አሳይ ꬉበተና፤ አያዉ ጎፐ፥ እ ሀ ሳኣ ፖኡዋ በኤ።
JOH 11:10 ሽን ቃማ ሀመትያ ኡራይ ደኦፐ፥ ፖኡ አን ባይና ድራዉ፥ ꬉበቴ” ያጌዳ።
JOH 11:11 የሱስ ሄዋ ጌዳዋፐ ጉይያን፥ ቃይካ ኡንቱንቶ፥ “ኑ ዳቡ አልኣዛር ገምእሼዳ፤ ሽን ገምእሹዋፐ አ ደንꬃናዉ ታን ባይ” ያጌዳ።
JOH 11:12 የሱሳ ካልያዋንቱ ዛሪደ፥ “ጎዳዉ፥ እ ገምእሼዳዋ ግዶፐ፥ አዉ ሎአናዋ” ያጌድኖ።
JOH 11:13 አልኣዛር ሀይቄዳዋ የሱስ ኦዴዳ፤ ሽን አልኣዛር ገምእሺደ ግሴዳዋ ኦዴዳ ጊደ፥ ኡንቱንቱ ቆፔድኖ።
JOH 11:14 ሄዋ ድራዉ፥ የሱስ ጌሺደ ኡንቱንታ፥ “አልኣዛር ሀይቄዳ።
JOH 11:15 ህንተንቱ አማናና ማላ፥ ታን ሄ ሳኣን ደኤናዎ፥ ህንተንቱ ድራዉ ናሸታይ። ሽን ደንድተ፤ አኮ ቦይተ” ያጌዳ።
JOH 11:16 ሄዋፐ ጉይያን፥ ማንትያ ጌተትያ ቶማስ ባረ ላገꬃቱዋ የሱሳ ካልያዋንታ፥ “የሱሳና ሀይቃናዉ ኑንካ ቃይ ቦይተ!” ያጌዳ።
JOH 11:17 የሱስ ጋክያ ዎደ፥ አልኣዛራዉ ሞገቶደፐ ኦይዱ ጋላሳ ግዴዳዋ ደሜዳ።
JOH 11:18 ቢታንያ ካታማይ የሩሳላመፐ ሄዙ ኪሎ ሚትርያ ኬና ሃኬ።
JOH 11:19 ዳሮ አይሁዳቱ ማርቶነ ማይራሞ ኡንቱንቱ እሻይ ሀይቄዳዎ መንꬃናዉ ዬድኖ።
JOH 11:20 ማርታ የሱስ ዬዳዋ ስሳደ፥ አ ሞካናዉ ከሳዱ፤ ሽን ማይራማ ጎለን አታዱ።
JOH 11:21 ማርታ የሱሳ፥ “ጎዳዉ፥ ኔን ሀዋን ደኤዳዋ ግድንቶ፥ ታ እሻይ ሀይቀና።
JOH 11:22 ሽን ኔን ዎስያዋ አይ ግዶፐነ፥ ጾሳይ ነዉ ሀራይ አቶ ሀእካ እማናዋ ታን ኤራይ” ያጋዱ።
JOH 11:23 የሱስ፥ “ነ እሻይ ሀይቁዋፐ ደንዳና” ያጌዳ።
JOH 11:24 ማርታ፥ “ዎድያ ዉርሰꬃን ደንዱዋ ጋላስ፥ እ ሀይቁዋፐ ደንዳናዋ ታን ኤራይ” ያጋዱ።
JOH 11:25 የሱስ እዝዉ፥ “ታን ደንዱዋነ ደኡዋ፤ ታና አማንያ ኡራይ ሀራይ አቶ፥ ሀይቆፐካ ደኡዋን ደአናዋ።
JOH 11:26 ቃይ ደኡዋን ደእያ ኡራይነ ታና አማንያ ኡራይ ኡባይ ኡባካ ሀይቀና፤ ሄዋ ኔን አማናይ?” ያጌዳ።
JOH 11:27 ማርታ ዛራደ፥ “ጎዳዉ፥ ኤ ታን አማናይ፤ ኔን ጾሳ ናኣ፥ ሳኣ ያናዉ ደእያ ክርስቶሳ ግድያዋ ታን አማናይ” ያጋዱ።
JOH 11:28 ማርታ ሄዋ ጌዳዋፐ ጉይያን፥ ባደ ባረ ምቻትዉ ጌማን ጼሳደ፥ “ታማርስያዌ ዪደ፥ ኔና ኮዬ” ያጋዱ።
JOH 11:29 ማይራማ ሄዋ ስሴዳ ዎደ፥ ኤሌላ ደንዳ ኤቃደ የሱሳኮ ባዱ።
JOH 11:30 የሱስ ማርታ አ ሞኬዳ ሳኣን ደኤፐ አትን፥ ብሮ ቄር ካታማ ጋክቤና።
JOH 11:31 ማይራሞ መንꬂደ፥ ጎለን እዝና ደእያ አይሁዳቱ፥ እዛ ኤለካ ደንዳ ኤቃደ ካረ ከስያዋ በኢደ፥ አልኣዛር ሞገቴዳ ዱፉዋ ባደ ያን ዬካናዉ ሀናዉ ያጊደ፥ እዞ ካሊደ ከሴድኖ።
JOH 11:32 ማይራማ የሱስ ደኢያሳ ባደ የሱሳ በኤዳ ዎደ፥ አ ገድያ ቦላን ኩንዳዱ፤ “ጎዳዉ፥ ኔን ሀዋን ደኤዳዋ ግድንቶ፥ ታ እሻይ ሀይቀና ሽን!” ያጋዱ።
JOH 11:33 የሱስ እዛ ዬክያዋነ ቃይ እዝና ዬዳ አይሁዳቱካ ዬክያዋ በኢደ፥ ባረ ዎዛናን ዳሮ ሴለቴዳ፤ ቃይ ቶክ ሸምፔዳ።
JOH 11:34 ኡንቱንታ፥ “ሀቃን ሞጌድቴ?” ያጊደ ኦችና፥ “ጎዳዉ፥ ያደ በአ” ያጊደ ዛሬድኖ።
JOH 11:35 የሱስ አፎጼዳ።
JOH 11:36 ሄዋ ድራዉ፥ አይሁዳቱ፥ “አልኣዛራ እ አይ ኬና ሲቅንቶ በእተ!” ያጌድኖ።
JOH 11:37 ሽን ኡንቱንቱፐ እቱ እቱ፥ “ሀዌ ቆቃ ብታንያ ጼልሴዳዌ ሀ ብታኒ ሀይቀናዳን ኡዳናዉ ዳንዳየኔ?” ያጌድኖ።
JOH 11:38 የሱስ ቃይካ ዎዛናፐ ቃረቲደ፥ አልኣዛር ሞገቴዳ ዱፉዋኮ ቤዳ፤ ሄ ዱፉ ጎንጎሉዋ ግዲደ ሹቻን ቁምኤት ኡቴዳ።
JOH 11:39 የሱስ፥ “ሹቻ ድግተ!” ያጊደ አዛዜዳ። ሀይቄዳ ብታንያ ምቻታ ማርታ፥ “ጎዳዉ፥ እ ሀይቆደፐ ኦይዱ ጋላሳ ግዴዳ ድራዉ፥ ሀእ ጽንቃናዋ!” ያጋዱ።
JOH 11:40 የሱስ ማርቶ፥ “አማንያዋ ግዶፐ፥ ኔን ጾሳ ቦንቹዋ በአናዋ ታን ነዉ ኦዳበይክታ?” ያጌዳ።
JOH 11:41 ኡንቱንቱ ሹቻ ደንꬄድኖ፤ የሱስ ሳሉዋ ፑደ ጼሊደ፥ “አዎ፥ ታን ግያዋ ኔን ስሴዳ ድራዉ፥ ኔና ጋላታይ።
JOH 11:42 ኔን ኡባ ዎደ ስስያዋ ታን ኤራይ፤ ሽን ሀዋን ዩይ አꬊደ ኤቄዳ አሳይ ኔን ታና ኪቴዳዋ አማናና ማላ፥ ሀዋ ታን ኡንቱንቱ ድራዉ ጋይ” ያጌዳ።
JOH 11:43 የሱስ ሄዋ ጌዳዋፐ ጉይያን፥ ባረ ቃላ ꬎቁ ኦꬂደ፥ “አልኣዛራ፥ ሃ ከሳ!” ያጌዳ።
JOH 11:44 ሀይቄዳ አልኣዛራ ኩሺነ ገዲ ሻሉዋን ቃሸት ኡቲደ አ ዴሙካ አፍላን ካመት ኡቴዳዌ ከስና የሱስ ኡንቱንታ፥ “ብል አግተ! ቦ!” ያጌዳ።
JOH 11:45 ሄዋ ድራዉ፥ ማይራምኮ ዬዳ አይሁዳቱዋፐ ጮራቱ የሱስ ኦꬄዳዋ በኢደ፥ አ አማኔድኖ።
JOH 11:46 ሽን ኡንቱንቱፐ እቱ እቱ ፓርሳዋቱዋኮ ቢደ፥ የሱስ ኦꬄዳዋ ኡንቱንቶ ኦዴድኖ።
JOH 11:47 ሄዋፐ ጉይያን፥ ቄሳቱዋ ካፓቱነ ፓርሳዋቱ ሽቁዋ ሺሺደ፥ “ሀ ብታኒ ዳሮ ዎልቃማ ማላታ ኦꬅያ ድራዉ፥ አያ ኦꬃኔ?
JOH 11:48 ኑን አ ጮኡ ጊደ፥ አጎፐ፥ አሳይ ኡባይ አ አማናናዋ፤ ቃይ ሮመ ጋድያ አሳቱ ዪደ፥ ኑ ጌሻ ጎልያነ ኑ አሳ ꬋይሳና” ያጌድኖ።
JOH 11:49 ኡንቱንቱፐ እቱ ቃያፋ ግያ፥ ሄ ላይꬅ ቄሳቱዋ ኡባቱዋ ካፖ ግዴዳዌ፥ “ህንተንቱ አይነ ኤርክታ!
JOH 11:50 አሳይ ኡባይ ꬋይያዋፐ አሳ ኡባ ድራዉ፥ እት አሳይ ሀይቂያዌ ሎአ ግድያዋ ህንተንቱ አኬክተ?” ያጌዳ።
JOH 11:51 እ ሄዋ ባረፐ ግቤና፤ ሽን ሄ ላይꬅ ቄሳቱዋ ኡባቱዋ ካፖ ግድያ ድራዉ፥ የሱስ አይሁዳ አሳ ድራዉ ሀይቃናዉ በስያዋ ናቢ ኦዴዳ።
JOH 11:52 ቃይ የሱስ አይሁዳ አሳ ጻላላዉ ሀይቀና፤ ሽን ላለት ደእያ ጾሳ ናና እቱዋ ኦꬅ ሺሻናዉ ሀይቃናዋ።
JOH 11:53 ሄ ጋላሳፐ ዶሚደ፥ ኡንቱንቱ አ ዎꬋናዉ ማቀቴድኖ።
JOH 11:54 ሄዋ ድራዉ፥ የሱስ አይሁዳቱ ግዱዋን ቆንጭያን ያ ሃ ሀመትቤና፤ ሽን መላ ቢታ ጋጻን ደእያ ጋድያ፥ ኤፍሬማ ጌተትያ ካታማ ቤዳ። ባረና ካልያዋንቱና ሄዋን ታኬዳ።
JOH 11:55 አይሁዳቱ ፓስጋ ቦንችያ ጋላሳይ ማቴዳ፤ ቃይ ዳሮ አሳይ ባረና ጌሻናዉ፥ ፓስጋ ቦንችያ ጋላሳይ ጋካናፐ ካሰ ዱማ ዱማ ሳፐ የሩሳላመ ቤዳ።
JOH 11:56 ኡንቱንቱ የሱሳ ኮዪኖ፤ ጌሻ ጎልያን ኤቂደ፥ “አያ ቆፒቴ? ፓስጋ ቦንችያሳ የሱስ ዬኔ?” ያጊደ እቱ እቱዋ ኦቼድኖ።
JOH 11:57 ቃይ ቄሳቱዋ ካፓቱነ ፓርሳዋቱ የሱሳ ቃቻናዉ፥ እ ደኢያሳ ኤርያዌ ኦንነ ባረንቶ ኦዳና ማላ አዛዜድኖ።
JOH 12:1 ፓስጋ ቦንችያ ጋላሳፐ ኡሱፑን ጋላሳ ካሰቲደ፥ የሱስ እ ሀይቁዋፐ ደንꬄዳ አልኣዛር ደእያ ቢታንያ ግያ ካታማ ቤዳ።
JOH 12:2 ሄ ሳኣን ኡንቱንቱ አዉ ካዉዋ ካꬄድኖ፤ አልኣዛር አናና ኡቲደ እትፐ ምያዋንቱ ግዶን ኡት ደእሽን፥ ማርታ ካዉዋ ግሻ ምዛዱ።
JOH 12:3 ማይራማ ዳሮ ሻሉዋን ዛልኤትያ እት ጻራሙስያ ግድያ ናርዶሳ ጌተትያ ጌሻ ሽቱዋ አሃደ፥ የሱሳ ገድያ ኦካደ ባረ ብናናን አ ገድያ ቁጫዱ፤ ጎልያ ኡባይ ሽቱዋ ሳዉዋን ቶሽኩ ጌ።
JOH 12:4 ሽን የሱሳ ካልያዋንቱፐ እቱ፥ የሱሳ አꬅ እማናዌ፥ ይሁዳ አስቆሮቱ፥
JOH 12:5 “ሀ ሽቱ ሄዙ ጼቱ ዲናርያን ዛልኤትና፥ አያዉ ሄዌ ህዬሳዉ እመተኔ?” ያጌዳ።
JOH 12:6 እ ካይሱዋ ግዴዳ ድራዉ፥ ሄዋ ጌዳፐ አትን፥ ህዬሳዉ ቃረቲደ ግቤና፤ እ ሚሻ ቃርጪትያ ኦይቂያዋ ግድያ ድራዉ፥ ኡባ ዎደ አፐ ባረዉ አኬዳ።
JOH 12:7 የሱስ፥ “ሀ ሽቱዋ ታን ሞገትያ ጋላሳይ ጋካናዉ እዛ አያዉ ምንጃኔ? እዞ አግተ።
JOH 12:8 ህዬሳቱ ኡባ ዎደ ህንተናና ደአና፤ ሽን ታን ኡባ ዎደ ህንተናና ደእከ” ያጌዳ።
JOH 12:9 አይሁዳቱዋፐ ዳሮ አሳይ የሱስ ቢታንያን ደእያዋ ስሲደ፥ ያ ቤዳ፤ ኡንቱንቱ የሱሳ በአና ግሻ ጻላላዉ ግደናን፥ እ ሀይቁዋፐ ደንꬄዳ አልኣዛራካ በአናዉ ቤድኖ።
JOH 12:10 ሄዋ ድራዉ፥ ቄሳቱዋ ካፓቱ አልኣዛራካ ቃይ ዎꬋናዉ ማቀቴድኖ።
JOH 12:11 አያዉ ጎፐ፥ አልኣዛራ ጋሱዋን ዳሮ አይሁዳቱ ባረና ካለꬅያዋንታ አጊደ፥ የሱሳ አማኒኖ።
JOH 12:12 ዎንተꬃ ጋላስ ፓስጋ ቦንችያሳ ዬዳ ዳሮ አሳይ የሱስ የሩሳላመ ብያዋ ስሴዳ።
JOH 12:13 ያቲደ ዛምባ ሀይꬃ ኦይቂደ፥ አ ሞካናዉ ከሴድኖ። ባረንቱ ኮሻ ꬎቁ ኦꬂደ፥ “ጾሳይ ጋላተቶ! ጾሳ ሱንꬃን ይያ እስራኤልያ ካቲ አንጀቴዳዋ!” ያጌድኖ።
JOH 12:14 ጾሳ ማጻፋይ፥ “ጽዮነ ካታማዉ፥ ያዮፓ! በአ፥ ነ ካቲ ሀረ ማራ ቦላ ኡቲደ ዬ” ግያዋዳን፥ የሱስ ሀረ ማራ ደሚደ፥ አ ቶጌዳ።
JOH 12:16 የሱሳ ካልያዋንቱ ሄዋ ካሰ አኬክበይክኖ፤ ሽን የሱስ ቦንቼቴዳዋፐ ጉይያን፥ ጾሳ ማጻፋይ ሄዋ ኡባ ጌዳዋነ ቃይ ኡንቱንቱካ ሄዋ ኡባ የሱሳዉ ኦꬄዳዋ ሀሳዬድኖ።
JOH 12:17 አልኣዛር ሞገቴዳ ጎንጎሉዋፐ የሱስ አ ጼሲደ፥ ሀይቁዋፐ ደንꬄዳ ዎደ፥ የሱሳና ደእያ ዳሮ አሳይ የሱሳዉ ማርካቴዳ።
JOH 12:18 ዳሮ አሳይ አ ሞካናዉ ከሴዳዌ፥ እ ሄ ዎልቃማ ማላልያዋ ኦꬄዳ ድራሳ።
JOH 12:19 ሄዋ ድራዉ፥ ፓርሳዋቱ እቱ እቱዋ፥ “ህንተንቱ አይነ ኦꬃናዉ ዳንዳየናዋ በኢቴ! በእተ፥ ጋደ ኡባይ አ ጌዱዋ ካሌዳ” ያጌድኖ።
JOH 12:20 ፓስጋ ቦንችያ ጋላስ ጎይናናዉ የሩሳላመ ቤዳዋንቱ ግዶን እት እት ግሪከ አሳቱ ደኢኖ።
JOH 12:21 ኡንቱንቱ ጋሊላ ጋድያን ቤተሳይዳ ጌተትያ ካታማፐ ዬዳ ፕልጶሳኮ ቢደ፥ “ጎዳዉ፥ ኑን የሱሳ በአናዉ ኮዬቶ” ያጊደ ዎሴድኖ።
JOH 12:22 ፕልጶስ ቢደ፥ እንድራሳዉ ኦድና ላአቱካ ቢደ፥ የሱሳዉ ኦዴድኖ።
JOH 12:23 የሱስ ኡንቱንቶ ሀዋዳን ያጌዳ፤ “ታን፥ አሳ ናአይ፥ ቦንቼትያ ሳቲ ጋኬዳ።
JOH 12:24 ታን ህንተንቶ ቱሙዋ ኦዳይ፤ እት ዛርጋ አይፋታ ቢታን ዎꬋአደ ዎቃና ꬋዮፐ፥ ባረካ አታዉ። ሽን ሄ ዛርጋ አይፋታ ዎቆፐ፥ ዳሮ አይፍያ አይፋዉ።
JOH 12:25 ባረ ሸምፑዋ ሲቅያ ኦንነ ባይዜ፤ ቃይ ባረ ሸምፑዋ ሀ ሳኣን እጽያ ኦንነ መꬍና ደኦ አሼ።
JOH 12:26 ኦንነ ታዉ ኦꬆፐ፥ ታና ካላናዉ በሴ፤ ቃይ ታን ደእያ ሳኣን ታዉ ኦꬅያዌካ ደአናዋ። ታዉ ኦꬅያ ኦናነ፥ ታ አቡካ አ ቦንቻናዋ።
JOH 12:27 “ሀእ ታ ሸምፑ ዳሮ ኡንኤቴዳ፤ ያትና ዋጎ? ታን፥ ‘ታ አቦ፥ ታና ሀ ሳታትፐ አሻርክ’ ያጎ? ቱይት፥ ታን ሀ ሳትያን ዬዳዌ ሀዋ ድራሳ።
JOH 12:28 ታ አቦ፥ ነ ሱንꬃ ቦንቻ” ያጌዳ። ሄ ዎደ ሳሉዋፐ፥ “ታን ታ ሱንꬃ ቦንቻድ፤ ቃይካ ጉጃደ ቦንቻና” ያግያ ቃላይ ዬዳ።
JOH 12:29 ሄ ሳኣን ኤቄዳ ጮራ አሳይ ሄ ቃላ ስሲደ፥ “ሄዌ ጉጉንꬃ” ያጌዳ። ሀራንቱ ቃይ፥ “ኪታንቻይ አዉ ሃሳዬዳ” ያጌድኖ።
JOH 12:30 የሱስ ዛሪደ ኡንቱንታ፥ “ሀ ቃላይ ህንተንቱ ድራዉ ዬዳዋፐ አትን፥ ታ ድራሳ ግደና።
JOH 12:31 ሀ ሳአይ ፕርደትያ ዎዲ ሀአ፤ ሀ ሳኣ ሞድያዌ ሀእ ካረ ኦለታናዋ።
JOH 12:32 ቃይ ታን ማስቃልያ ቦላ ካቀትያ ዎደ፥ አሳ ኡባ ታኮ ጎቻና” ያጌዳ።
JOH 12:33 እ ሄዋ ጌዳዌ አይ ማላ ሀይቁዋ እ ሀይቃነንቶነ ኡንቱንታ ኤርሳናሳ።
JOH 12:34 ዳሮ አሳይ ዛሪደ የሱሳ፥ “ኑ ህጊ ክርስቶስ መꬍናዉ ደእያዋ ኦዴ። ያትና፥ ኔን ዋጋደ፥ ‘አሳ ናአይ ማስቃልያ ቦላ ካቀታና’ ጋይ? ሄ አሳ ናአይ ኦኔ?” ያጌድኖ።
JOH 12:35 የሱስ፥ “ፖኡ ህንተናና ጉꬃ ዎድያ ጋምአናዋ። ህንተንቶ ꬉመና ማላ፥ ፖኡ ደእሽን፥ ፖኡዋን ሀመትተ። ꬉማን ሀመትያ ኡራይ ሀቃ ብንቶነ ኤረና።
JOH 12:36 ፖኡዋ አሳ ግዳና ማላ፥ ህንተንቶ ፖኡ ደእሽን፥ ፖኡዋ አማንተ” ያጌዳ። የሱስ ሄዋ ሃሳዬዳዋፐ ጉይያን፥ ቢደ ኡንቱንቱፐ ጌመቴዳ።
JOH 12:37 እ ሄዋ ኬና ዎልቃማ ማላታ ኡንቱንቱ ስንꬃን ኦꬆፐካ፥ ናብያ እሳያሰ፥ “ጎዳዉ፥ ኑ ማርካተꬃ ኦን አማኔዴ? ጎዳይ ባረ ዎልቃ ኦና በሴዴ?” ጌዳዌ ቱማ ግዳና ማላ፥ ኡንቱንቱ አ አማንበይክኖ።
JOH 12:39 እሳያሰ ቃይካ፥ “ኡንቱንቱ አይፊ ጼለና ማላ፥ ኡንቱንቱ ዎዛናይካ አኬከና ማላ፥ ኡንቱንቱ ጾሳኮ ስምና፥ እ ኡንቱንታ ፓና ማላ፥ ጾሳይ ኡንቱንቱ አይፍያ ቆቅሴዳ። ኡንቱንቱ ዎዛና ዳምሴዳ” ጌዳ ድራዉ፥ ኡንቱንቱ አማናናዉ ዳንዳይበይክኖ።
JOH 12:41 እሳያሰ የሱሳ ቦንቹዋ በኤዳ ድራዉነ ቃይ አባ ሃሳዬዳ ድራዉ፥ ሄዋ ጌዳ።
JOH 12:42 ሄዋ ግድናካ፥ ሀራይ አቶ አይሁዳቱ ካፓቱዋፐካ ጮራቱ የሱሳ አማኔድኖ። ሽን ፓርሳዋቱ ባረና አይሁዳቱ ዎሳ ጎልያፐ ከሲኖ ጊደ ያዬዳ ድራዉ፥ አማኔዳ ጊደ ማርካትበይክኖ።
JOH 12:43 አያዉ ጎፐ፥ ኡንቱንቱ ጾሳ ሳባፐ አꬂደ፥ አሳ ሳባ ሲቄድኖ።
JOH 12:44 የሱስ ባረ ቃላ ꬎቁ ኦꬂደ ያጌዳ፤ “ታና አማንያ ኦንነ ታና ኪቴዳዋካ አማንያዋፐ አትን፥ ታ ጻላላ አማነና።
JOH 12:45 ታና በእያ ኦንነ ታና ኪቴዳዋካ በኤ።
JOH 12:46 ታና አማንያ ኡባይ ꬉማን ደኤና ማላ፥ ታን ፖኡዋ ግዳደ ሳኣ ያድ።
JOH 12:47 ታ ቃላ ስሲደ አዛዘተና ኡራ ኦናነ ታን ፕርድከ፤ አያዉ ጎፐ፥ ታን አላምያ አሻናዉ ዬዳዋፐ አትን፥ ፕርዳናዉ ያበይከ።
JOH 12:48 ታና እጽያ ኦናነ ቃይ ታ ቃላ አከና ኦናነ ፕርድያዌ ደኤ። ታን ኦዴዳ ቃላይ ዉርሰꬃ ጋላስ ሄ ኡራ ፕርዳና።
JOH 12:49 አያዉ ጎፐ፥ ታን ሀዋ ታፐ ሃሳያበይከ፤ ሽን ታና ኪቴዳ ታ አቡ ታን ጋናዋነ ሃሳያናዋ ታና አዛዜዳ።
JOH 12:50 ቃይ አ አዛዙ መꬍና ደኡዋ አህያዋ ታን ኤራይ፤ ሄዋ ድራዉ፥ ታን ኦድያዌ ታ አቡ ታና ኦዳ ጊደ ኦዴዳዋ” ያጌዳ።
JOH 13:1 ፓስጋ ቦንችያ ጋላሳይ ጋካናፐ ካሰቲደ፥ ሀ ሳኣፐ ሻከቲደ፥ አዉዋኮ ብያ ዎዲ ጋኬዳዋ የሱስ ኤሬዳ፤ ሀ ሳኣን ደእያ ባረዋንታ ኡባ ዎደ ሲቄዳ፤ ዉርሰꬃይ ጋካናዉ ኡንቱንታ ሲቄዳ።
JOH 13:2 የሱስነ ካልያዋንቱ ካዉዋ ሚሽን፥ ስሞና ናኣ ይሁዳ አስቆሮቱ የሱሳ አꬅ እማናዳን፥ ጻላሂ አ ቆፍስ ዎꬄዳ።
JOH 13:3 የሱስ ባረ አዉ ኡባባ አ ኩሽያን ዎꬄዳዋ፥ ቃይ ጾሳ ማታፐ እ ዬዳዋነ፥ ስሚደ አኮ ባናዋ ኤሬዳ።
JOH 13:4 የሱስ ምያሳፐ ደንድ ኤቂደ፥ ቦላ ባጋ ማዩዋ ቃር ዎꬂደ፥ ፖጻ ባረ ጼሳን ዳንጬዳ።
JOH 13:5 ሄዋፐ ጉይያን፥ ሃꬃ ሜቻ ሚሻን ትጊደ፥ ባረና ካልያዋንቱ ገድያ ሜቻነ ባረ ጼሳን ዳንጬዳ ፖጻን ቁጩሳ ዶሜዳ።
JOH 13:6 የሱስ ስሞን ጰጽሮሳኮ ዪና ጰጽሮሰ፥ “ጎዳዉ፥ ኔን ታ ገድያ ሜጫናዉ ሀናይዬ?” ያጌዳ።
JOH 13:7 የሱስ ዛሪደ አ፥ “ታን ኦꬅያዋ ኔን ሀእ ኤራካ፤ ሽን ጉየፐ ኤራናሳ” ያጌዳ።
JOH 13:8 ጰጽሮሰ፥ “ኔን ታ ገድያ ኡባካ ሜጫካ!” ያጌዳ። የሱስ አ፥ “ታን ነ ገድያ ሜጫና ꬋዮፐ፥ ነዉነ ታዉነ እትፐተꬃይ ባዋ” ያጊደ ዛሬዳ።
JOH 13:9 ስሞና ጰጽሮሰ የሱሳ፥ “ጎዳዉ፥ ያቶፐ፥ ታ ገድያ ጻላላ ሜጮፓ፤ ታ ኩሽያካ ታ ሁጲያካ ሜጫ!” ያጌዳ።
JOH 13:10 የሱስ ዛሪደ፥ “ቦላ ሜጨት ድጌዳ ኡራይ ኦንነ ገድያፐ ሀራባ ሜጨታናዉ ኮሸና፤ አዉ ኡባሳይካ ጌሻ። ቃይ ህንተንቱካ ጌሻ፤ ሽን ኡባይ ጌሻ ግድክታ” ያጌዳ።
JOH 13:11 አያዉ ጎፐ፥ የሱስ ባረና አꬅ እማና ኡራይ ኦነንቶነ ኤሬዳ፤ እ፥ “ህንተንቱ ኡባይ ጌሻ ግድክታ” ጌዳዌ ሀዋሳ።
JOH 13:12 ኡንቱንቱ ገድያ ሜጬዳዋፐ ጉይያን፥ የሱስ ባረ ማዩዋ ማዪደ፥ ባረሳ ጉየ ስም ብ ኡቲደ ኡንቱንታ ያጌዳ፤ “ታን ህንተንቶ ኦꬄዳዋ አኬኪቴ?
JOH 13:13 ህንተንቱ ታና፥ ታማርስያዎነ ጎዳዉ ጊታ፤ ታን ሄ ህንተንቱ ግያዋ ግድያ ድራዉ፥ ሎይꬄድታ።
JOH 13:14 ታን ህንተንቶ ጎዳነ ህንተንታ ታማርስያዋ ግዳደ፥ ህንተንቱ ገድያ ሜጭያዋ ግዶፐ፥ ህንተንቱካ እቱ እቱዋ ገድያ ሜጫናዉ በሴ።
JOH 13:15 አያዉ ጎፐ፥ ታን ህንተንቶ ኦꬄዳዋዳን፥ ህንተንቱካ ኦꬃና ማላ፥ ህንተንቶ ሌምሱዋ ግዳድ።
JOH 13:16 ታን ህንተንቶ ቱሙዋ ኦዳይ፤ ቆማይ ባረ ጎዳፐ አና። ቃይ ኪተቴዳ ኡራይካ ባረና ኪቴዳዋፐ አና።
JOH 13:17 ህንተንቱ ሄዋ ኤሪደ ኦꬅያዋ ግዶፐ አንጀቴዳዋንታ።
JOH 13:18 “ታን ህንተንቶ ኡባባ ሃሳይከ። ታን ዶሬዳዋንታ ኤራይ፤ ሽን ጾሳ ማጻፋይ፥ ‘ታን ባርሴዳዌ ታ ኩሽያ ሳኤዳ’ ጌዳዌ ቱማ ግዳናዉ በሴ።
JOH 13:19 ሄዌ ሀንያ ዎደ ታን ታና ግድያዋ ህንተንቱ አማናና ማላ፥ ሄዌ ሀናናፐ ካሰታደ ህንተንቶ ሀናናዋ ኦዳይ።
JOH 13:20 ታን ህንተንቶ ቱሙዋ ኦዳይ፤ ታን ኪትያ ኦናነ ሞክያ ኡራይ ታናካ ሞኬ፤ ቃይ ታና ሞክያ ኦንነ ታና ኪቴዳዋ ሞኬ” ያጌዳ።
JOH 13:21 የሱስ ሄዋ ሃሳዬዳዋፐ ጉይያን፥ ባረ ዎዛናን ዳሮ መቶቲደ፥ “ታን ህንተንቶ ቱሙዋ ኦዳይ፤ ታና ህንተፐ እቱ አꬅ እማናዋ” ጊደ ቆንጭያን ኦዴዳ።
JOH 13:22 እ ኦና ሃሳይንቶነ፥ ካልያዋንቶ ኡባካ ኤረተናን እጽና፥ እቱ እቱዋ ጼሌድኖ።
JOH 13:23 የሱሳ ካልያዋንቱፐ እቱ፥ የሱስ ሲቅያዌ፥ የሱሳ ማታን ኡቴዳ።
JOH 13:24 ሄዋ ድራዉ፥ ስሞና ጰጽሮሰ ሄ ካልያዋ ስምኢደ፥ “እ ኦና ግንቶ፥ አነ አ ኦቻ” ያጌዳ።
JOH 13:25 ሄዋ ድራዉ፥ ሄ ካልያዌ የሱሳ ሀይꬃኮ ሺቂደ፥ “ጎዳዉ፥ እ ኦኔ?” ያጌዳ።
JOH 13:26 የሱስ ዛሪደ፥ “ታን ኡክꬃን ጫባ ቱሻደ እምያዌ አ” ያጌዳ። ቃይ ኡክꬃ መንꬅ አኪደ፥ ጫባ ቱሺደ፥ ስሞና ናኣ፥ ይሁዳ አስቆሮታዉ እሜዳ።
JOH 13:27 ይሁዳይ ኡክꬃ መንꬆዋ አኮዋፐ ጉይያን፥ ሴጻናይ ኤለካ ይሁዳን ገሌዳ። የሱስ አ፥ “ኔን ኦꬃናዋ ኤሌላ ኦꬃ!” ያጌዳ።
JOH 13:28 ሽን ሄ ሳኣን ኡቴዳዋንቱፐ ኦንነ የሱስ ሄዋ አ አያዉ ጌደንቶነ ኤርቤና።
JOH 13:29 ይሁዳይ ሚሻ ቃርጪትያ ኦይቂያ ድራዉ፥ ካልያዋንቱፐ እቱ እቱ የሱስ ይሁዳ፥ “ፓስጋ ቦንችያ ጋላሳዉ ባረና ኮሽያዋ ባደ ሻማ ዎይ ህዬሳዉ ምጹዋታ እማ ጌዳ” ያጊደ ቆፔድኖ።
JOH 13:30 ይሁዳይ ኡክꬃ መንꬆዋ አኪደ፥ ኤለካ ካረ ከሴዳ፤ ሄ ዎደ ሳአይ ቃማ።
JOH 13:31 ይሁዳይ ካረ ከሴዳዋፐ ጉይያን፥ የሱስ ያጌዳ፤ “ሀእ ታን አሳ ናአይ ቦንቼታድ: ጾሳይካ ታ ባጋና ቦንቼቴዳ።
JOH 13:32 ጾሳይ ታ ባጋና፥ አሳ ናኣ ባጋና ቦንቼቶፐ፥ እ ባረ ሁጰዉ ታና አሳ ናኣ ቦንቻናዋ፤ ቃይ እ ታና ኤለካ ቦንቻናዋ።
JOH 13:33 ታ ናቶ፥ ታን ህንተናና ዳሮ ዎድያ ጋምእከ። ህንተንቱ ታና ኮያና፤ ሽን ታን አይሁዳቱዋ፥ ‘ታን ብያሳ ህንተንቱ ባናዉ ዳንዳይክታ’ ጌዳዋዳን፥ ህንተዉካ ሀእ ኦዳይ።
JOH 13:34 ታን ህንተንታ ኦራꬃ አዛዙዋ አዛዛይ፤ እቱ እቱዋ ሲቅተ። ታን ህንተንታ ሲቄዳዋዳንካ፥ ህንተንቱ እቱ እቱዋ ሲቃና በሴ።
JOH 13:35 ህንተንቱ እቱ እቱዋና ሲቀቶፐ፥ ታና ካልያዋንታ ግድያዋ አሳይ ኡባይ ኤራና” ያጌዳ።
JOH 13:36 ስሞን ጰጽሮሰ የሱሳ፥ “ጎዳዉ፥ ኔን ሀቃ ባይ?” ያጌዳ። የሱስ ዛሪደ፥ “ታን ብያሳ ኔን ሀእ ታና ካላናዉ ዳንዳያካ፤ ሽን ጉየፐ ካላና” ያጌዳ።
JOH 13:37 ጰጽሮሰ፥ “ጎዳዉ፥ ታን ኔና ሀእ ካላናዉ አያዉ ዳንዳይክታ? ታን ነ ድራዉ፥ ሀይቃናዉካ ጊጋ ኡታድ!” ያጌዳ።
JOH 13:38 የሱስ ዛሪደ፥ “ታ ድራዉ ሀይቃናዉ ሀእ ቱሙ ጊጋ ኡታዲ? ታን ነዉ ቱሙዋ ኦዳይ፤ ኩቱ ዋሳናፐ ካሰ፥ ኔን ታና ሄዙ ገደ ካዳናሳ” ያጌዳ።
JOH 14:1 የሱስ ካልያዋንታ “ህንተንቱ ዎዛናይ ህርጎፖ፤ ጾሳን አማንተ፤ ታናንካ አማንተ።
JOH 14:2 ታ አቡ ጎለን ዳሮ ሳአይ ደኤ። ሄዋ ግደነንቶ፥ ታን ህንተንቶ ሄዋ ኦድከ፤ ታን ህንተንቶ ሳኣ ጊግሳናዉ ባይ።
JOH 14:3 ታን ባደ ሳኣ ጊግሴዳዋፐ ጉይያን፥ ታን ደእያ ሳኣን ህንተንቱካ ደአና ማላ፥ ስማ ያደ ህንተንታ ታኮ አፋና።
JOH 14:4 ቃይ ህንተንቱ ታን ብያ ኦግያ ኤሪታ” ያጌዳ።
JOH 14:5 ቶማስ፥ “ጎዳዉ፥ ኔን ብያሳ ኑን ኤሮኮ፤ ኦግያ ዋኒደ ኤራናዉ ዳንዳዬቶ?” ያጌዳ።
JOH 14:6 የሱስ ዛሪደ፥ “ኦጊ፥ ቱሙነ ደኡ ታና፤ ታ ባጋናፐ አትን፥ ኦንነ ታ አቡኮ ባናዉ ዳንዳየና።
JOH 14:7 ህንተንቱ ታና ኤርያዋ ግድንቶ፥ ታ አባካ ኤራና፤ ሀእፐ ዶሚደ፥ ህንተንቱ አ ኤሪታነ ቃይ አ በኤድታ” ያጌዳ።
JOH 14:8 ፕልጶስ የሱሳ፥ “ጎዳዉ፥ አዉዋ ኑና በሳ፤ ሄዌ ኑዉ ግዳናዋ” ያጌዳ።
JOH 14:9 የሱስ ዛሪደ ያጌዳ፤ “ፕልጶሳ፥ ታን ሀዋ ኬና ዎድያ ህንተናና ደእናካ ታና ኤርኪ? ታና በኤዳ ኡራይ አዉዋካ በኤዳ፤ ያትና፥ ኔን ዋጋደ፥ ‘አዉዋ ኑና በሳ’ ጋይ?”
JOH 14:10 ታን አዉዋ ግዶን ደእያዋ ቃይ አዉካ ታ ግዶን ደእያዋ ኔን አማንኪ? ታን ህንተንቶ ኦድያ ቃላ ታን ታፐ ኦድከ፤ ሽን ታ ግዶን ደእያ አዉ ባረ ኦሱዋ ኦꬄ።
JOH 14:11 ታን አዉዋ ግዶን ደእያዋነ ቃይ አዉካ ታ ግዶን ደእያዋ ታና አማንተ፤ ሄዌ ꬋዮፐ፥ ታ ኦሱዋባዉ ታና አማንተ።
JOH 14:12 “ታን ህንተንቶ ቱሙዋ ኦዳይ፤ ታና አማንያ ኡራይ ታን ኦꬅያ ኦሱዋ ኦꬃና። ታን አዉዋኮ ብያ ድራዉ፥ ሄ ኡራይ ሀዋፐ አꬍያ ኦሱዋ ኦꬃና።
JOH 14:13 አዉ ናኣ ጋሱዋን፥ ታ ባጋና ቦንቼታና ማላ፥ ታ ሱንꬃን ህንተንቱ ዎስያ ኡባባ ታን ህንተንቶ ፖላና።
JOH 14:14 ህንተንቱ ታ ሱንꬃን ታና አያነ ኦቾፐካ፥ ታን ፖላና።
JOH 14:15 “ህንተንቱ ታና ሲቅያዋ ግዶፐ፥ ታ አዛዙዋ ናጋና።
JOH 14:16 ታን አዉዋ ዎሳና፤ ህንተናና መꬍናዉ ደአና ማላ፥ ቱማተꬃ አያና፥ ሀራ መንꬅያዋ ህንተንቶ እ እማና። ሀ ሳአይ ሄ ቱማተꬃ አያና በኤናዋነ ኤረናዋ ግድያ ድራዉ፥ አ አካናዉ ዳንዳየና፤ ሽን እ ህንተናና ደእያ ድራዉነ ህንተንቱ ግዶን ደአና ድራዉ፥ ህንተንቱ አ ኤሪታ።
JOH 14:18 “ታን ህንተንታ አዉነ አታ ባይና ዪኦ ናናዳን ህንተረካ አጋባሽከ፤ ታን ስማደ ህንተንቱኮ ያና።
JOH 14:19 ጉꬃ ዎድያፐ ጉይያን፥ አላሚ ታና ላኤንꬁዋ በኤና፤ ሽን ህንተንቱ ታና በአና፤ ታን ደኡዋን ደእያ ድራዉ፥ ህንተንቱካ ቃይ ደኡዋን ደአና።
JOH 14:20 ታን ታ አዉዋ ግዶን ደእያዋነ ህንተንቱ ታ ግዶን ደእያዋ፥ ቃይ ታን ህንተንቱ ግዶን ደእያዋነ ህንተንቱ ሄ ጋላስ ኤራና።
JOH 14:21 “ታ አዛዙ አ ማታን ደእያ አሳይ፥ ቃይ ሄ አዛዙዋካ ናግያዌ፥ እ ታና ሲቅያ አሳ። ታና ሲቅያ አሳ ታ አቡካ ሲቄ፤ ታንካ አ ሲቃይ። ታን አዉ ቆንጫና” ያጌዳ።
JOH 14:22 ይሁዳ አስቆሮታ ግደና ይሁዳይ የሱሳ፥ “ጎዳዉ፥ ኔን ነ ሁጲያ አላምያ በሰናን፥ ኑና በሳና ግያዋ ዋጋደ ጋይ?” ያጌዳ።
JOH 14:23 የሱስ፥ “ታና ሲቅያ ኦንነ ታ ቃላ ናጌ፤ ታ አቡ አ ሲቃናዋ፤ ቃይ ታ አቡነ ታንነ አኮ ዪደ፥ አናና ደአና።
JOH 14:24 ታና ሲቀና ኡራይ ኦንነ ታ ቃላዉ አዛዘተና፤ ህንተንቱ ስስያ ቃላይ ታና ኪቴዳ አዉዋፐ አትን፥ ታዋ ግደና።
JOH 14:25 “ታን ህንተናና እትፐ ደኣደ ሀዋ ህንተንቶ ኦዳድ፤
JOH 14:26 ሽን ጌሻ አያናይ፥ መንꬅያዌ፥ አዉ ታ ሱንꬃን ኪታናዌ፥ ህንተንታ ኡባባ ታማርሳናዋ። ታን ህንተንቶ ኦዴዳ ኡባባካ ህንተንታ ሀሳይሳናዋ።
JOH 14:27 “ታን ሳሮተꬃ ህንተናና ዎꬃይ፤ ታ ሳሮተꬃ ህንተንቶ እማይ። ታን አላሚ እምያ ሳሮተꬃ ማላ እምከ። ህንተንቱ ህርጎፕተነ ያዮፕተ።
JOH 14:28 ታን ህንተንቶ፥ ‘ታን ባይ፤ ሽን ስማደ ህንተንቱኮ ያና’ ጌዳዋ ስሴድታ፤ ህንተንቱ ታና ሲቄዳዋ ግድንቶ፥ ታፐ አዉ ዳርያ ድራዉ፥ ታን አዉዋኮ ብያዋን ህንተንቱ ናሸታንታ።
JOH 14:29 ሄዌ ሀንያ ዎደ ህንተንቱ አማናና ማላ፥ ሄዌ ሀነናን ደእሽን፥ ሃናና ካሰታደ ታን ህንተንቶ ኦዳድ።
JOH 14:30 “ሀ አላምያ ሞድያዌ ይያ ድራዉ፥ ታን ሀዋፐ ስንꬃን ህንተናና ሎይꬃ ሃሳይከ። ታና እ አይነ ኦꬃናዉ ዳንዳየና።
JOH 14:31 ሽን ታን አዉዋ ሲቅያዋ አላሚ ኤራናዉ በሴ፤ ቃይ ታንካ አዉ ታና አዛዜዳዋዳን ኦꬃይ። ደንድ ኤቂተ፤ ሀዋፐ ቦይተ።
JOH 15:1 “ታን ዎይንያ ጌተትያ ቱራዉ ቱሙ አኖ፤ ጎሻንቻይ ታ አባ።
JOH 15:2 ታ ግዶን ደእያ አይፍያ አይፈና ቱራ ማራ ኡባ እ ካሬ፤ አይፍያ ቱራ ማራ ኡባይ ካሰዋፐ ሎይꬅ አይፋናዳን፥ ሄ ማራ ጼራ እ ጭጊደ ጌሻና።
JOH 15:3 ታን ህንተንቶ ሀእ ኦዴዳ ቃላ ጋሱዋን፥ ህንተንቱ ጌሻ።
JOH 15:4 ታ ግዶን ደእተ፤ ታንካ ህንተንቱ ግዶን ደአና። ዎይንያ ቱራ ማራይ አኑዋና እትፐ ደኤናን ꬋዮፐ፥ ሄ ማራይ ባረካ አይፍያ አይፋናዉ ዳንዳየናዋዳን፥ ህንተንቱካ ታ ግዶን ደኤናን ꬋዮፐ፥ አይፍያ አይፋናዉ ዳንዳይክታ።
JOH 15:5 “ታን ዎይንያ ቱራዉ አኖ፤ ህንተንቱ ሄ ቱራ ማራቱዋ። ታ ግዶን ደእያ ኡራይ፥ ታንካ አ ግዶን ደእያ ኡራይ፥ ዳሮ አይፍያ አይፋና፤ አያዉ ጎፐ፥ ታን ባይናን ህንተረካ አይነ ኦꬃናዉ ዳንዳይክታ።
JOH 15:6 ታ ግዶን ደኤና ኡራይ ቱራ ማራዳን፥ ካረን የግና መሌዳዋ ሺሺደ ታማን ዎꬅና፥ እ ኤጻናዋ።
JOH 15:7 ህንተንቱ ታ ግዶን ደኦፐ፥ ቃይ ታ ቃላይካ ህንተንቱ ግዶን ደኦፐ፥ ህንተንቱ ኮዬዳዋ አያ ግድናካ ዎስተ፤ ህንተንቱ አካንታ።
JOH 15:8 ህንተንቱ ዳሮ አይፍያ አይፎፐነ ቃይ ታና ካልያዋንታ ግዶፐ፥ ሄዋን ታ አቡ ቦንቼታናዋ።
JOH 15:9 አዉ ታና ሲቄዳዋዳን፥ ታንካ ህንተንታ ሲቃድ፤ ታ ሲቁዋን ደእተ።
JOH 15:10 ታን ታ አቡ አዛዙዋ ናጋደ አ ሲቁዋን ደኤዳዋዳን፥ ህንተንቱካ ታ አዛዙዋ ናጎፐ፥ ታ ሲቁዋን ደአንታ።
JOH 15:11 “ታ ናሸቻይ ህንተናና ደአና ማላነ፥ ህንተንቱ ናሸቻይ ኩመንꬃ ግዳና ማላ፥ ታን ሀዋ ህንተንቶ ኦዳድ።
JOH 15:12 ታ አዛዙ ሀዋ፤ ታን ህንተንታ ሲቅያዋዳን፥ ህንተንቱካ እቱ እቱዋና ሲቀትተ።
JOH 15:13 ባረ ሸምፑዋ ባረ ላገዉ አꬂደ እምያዋፐ አꬍያ ሲቁ ኦስነካ ባዋ።
JOH 15:14 ታን ህንተንታ አዛዜዳዋ ኡባ ኦꬆፐ፥ ህንተንቱ ታ ላገቱዋ።
JOH 15:15 “አይሊ ባረ ጎዳይ ኦꬅያዋ ኤረና ድራዉ፥ ታን ህንተንታ ሀዋፐ ስንꬃዉ አይላቱዋ ጊከ፤ ሽን ታን ህንተንታ ታ ላገቱዋ ጋድ። አያዉ ጎፐ፥ ታ አዉዋፐ ስሴዳ ኡባባ ታን ህንተንቶ ኦዳድ።
JOH 15:16 ታን ህንተንታ ዶሬዳዋፐ አትን፥ ህንተንቱ ታና ዶርበይክታ። ህንተንቱ ቢደ አይፍያ አይፋና ማላነ ደአና ማላ፥ ታን ህንተንታ ሱንꬃድ። ቃይ አዉካ ህንተንቱ ታ ሱንꬃን ዎሴዳዋ ኡባ እማና።
JOH 15:17 ታን ህንተንታ አዛዝያዌ ሀዋ፤ እቱ እቱዋና ሲቀትተ።
JOH 15:18 “አላሚ ህንተንታ እጾፐ፥ ካሰቲደ ታና እጼዳዋ አኬክተ።
JOH 15:19 ህንተንቱ አላምያሳ ግዴደንቶ፥ አላሚ ባረዋዳን ህንተንታ ሲቃና፤ ሽን ታን ህንተንታ አላምያፐ ዶሬዳዋፐ አትን፥ ህንተንቱ አላምያሳ ግድክታ፤ አላሚ ህንተንታ እጽያዌ ሀዋሳ።
JOH 15:20 ‘አይሊ ባረ ጎዳፐ ዳረና’ ጋደ ታን ህንተንቶ ኦዴዳዋ ሀሳይተ። ኡንቱንቱ ታና የደርሴዳዋ ግዶፐ፥ ህንተናካ የደርሳና። ኡንቱንቱ ታ ቃላ ናጌዳዋ ግዶፐ፥ ህንተንቱ ቃላካ ናጋናዋንታ።
JOH 15:21 ሽን ኡንቱንቱ ታና ኪቴዳዋ ኤረና ድራዉ፥ ሀ ኡባ ታ ጋሱዋን ኡንቱንቱ ህንተንቱ ቦላ ኦꬃናዋንታ።
JOH 15:22 ታን ያደ ኡንቱንቶ ኦደናዋ ግድንቶ፥ ኡንቱንቶ ናጋራ ግደና፤ ሽን ሀእ ኡንቱንቱ ኦꬅያ ናጋራ ጋሶይያዌ ባዋ።
JOH 15:23 ታና እጽያዌ ታ አዉዋካ እጼዳ። ኦንነ ኦꬅቤና ኦሱዋ ኡንቱንቱ ግዶን ታን ኦꬃቤናባ ግድንቶ፥ ኡንቱንቶ ናጋራ ግደናን አታናዋ፤ ሽን ሀእ ኡንቱንቱ ታን ኦꬄዳ ኦሱዋ በኢደ፥ ታናካ ታ አዉዋካ እጼድኖ።
JOH 15:25 ሽን ኡንቱንቱ ህግያን፥ ‘ታና ጮ እጼድኖ’ ጌተቲደ ጻፈቴዳዌ ፖለታና ማላ፥ ሀዌ ሀኔዳ።
JOH 15:26 “ሽን አዉዋፐ ይያ ቱማተꬃ አያናይ መንꬅያዌ ያናዋ። ታን አዉዋፐ ህንተንቶ አ የዳና፤ ቃይ እ ታባ ማርካታናዋ።
JOH 15:27 ህንተካ ቃይ ካሰፐ ዶሚደ፥ ታናና ደእያ ድራዉ፥ ታባ ማርካታና።
JOH 16:1 “ታን ሀዋ ህንተንቱ ꬉበተና ማላ፥ ህንተንቶ ኦዳድ።
JOH 16:2 ኡንቱንቱ ህንተንታ ባረንቱ አይሁዳ ዎሳ ጎልያፐ ከስ የዳናዋንታ። ሄዋ ቦላ ቃይ ህንተንታ ዎꬍያ ኡራይ ጾሳዉ ኦꬅያዋ አዉ ማላትያ ዎዲ ያናዋ።
JOH 16:3 ኡንቱንቱ ሄዋ ህንተንቱ ቦላ ኦꬅያዌ ታናነ አዉዋ ኤረና ድራሳ።
JOH 16:4 ሽን ኡንቱንቱ ሄዋ ህንተንቱ ቦላ ኦꬅያ ዎዲ ጋክያ ዎደ፥ ታን ህንተንቶ ኦዴዳዋ ህንተንቱ ሀሳያና ማላ፥ ታን ህንተንቶ ሀዋ ኦዳድ። “ታን ህንተናና ደእያ ድራዉ፥ ኮይሮ ሄዋ ህንተንቶ ኦዳበይከ።
JOH 16:5 ሽን ሀእ ታን ታና ኪቴዳዋኮ ባይ፤ ሽን ህንተፐ ኦንነ፥ ‘ሀቃ ባይ?’ ጊደ ታና ኦችያዌ ባዋ።
JOH 16:6 ሽን ታን ሀዋ ኦዴዳ ድራዉ፥ ህንተንቱ ዎዛናን ዳሮ ካዩ ደኤ።
JOH 16:7 ሽን ታን ህንተንቶ ቱሙዋ ኦዳይ፤ ታን ብያዌ ህንተንቶ ሎአ። አያዉ ጎፐ፥ ታን ባና ꬋዮፐ፥ መንꬅያዌ ህንተንቱኮ ዬና፤ ሽን ታን ቦፐ፥ አ ህንተንቱኮ የዳና።
JOH 16:8 ቃይ መንꬅያዌ ዪደ፥ ኡንቱንቱ ናጋራባ፥ ጾሳ ጽሎተꬃባነ ፕርዳባ ሀ ሳኣ አሳይ ባይዜዳዋ በሳናዋ።
JOH 16:9 ናጋራባይ አሳይ ታና አማነና ድራሳ።
JOH 16:10 ጽሎተꬃባይ ቃይ ታን አዉዋኮ ብያ ድራዉ፥ ህንተንቱ ታና ላኤንꬁዋ በእክታ።
JOH 16:11 ጾሳ ፕርዳባይ ቃይ አላምያ ሞድያዌ ፕርደቴዳ ድራሳ።
JOH 16:12 “ታን ህንተንቶ ኦድያባይ ዳሮባይ ደኤ፤ ሽን ሀእ ህንተንቶ ገለና።
JOH 16:13 ቱማተꬃ አያናይ ይያ ዎደ፥ ህንተንታ ቱማተꬃ ኡባኮ ካለꬃናዋ። አያዉ ጎፐ፥ እ ባረ ስሴዳዋ ኦዳናፐ አትን፥ ባረፐ አይነ ኦደና። ቃይ ስንꬃፐ ያናባ ህንተንቶ እ ኦዳናዋ።
JOH 16:14 እ ታና ቦንቻናዋ፤ አያዉ ጎፐ፥ እ ታዉ ደእያዋፐ አኪደ፥ ህንተንቶ ኦዳናዋ።
JOH 16:15 አዎ ደእያባይ ኡባይ ታዋ፤ መንꬅያዌ ታዉ ደእያባፐ አኪደ፥ ህንተንቶ ኦዳናዋ ታን ጌዳዌ ሀዋሳ።
JOH 16:16 “ጉꬃ ዎድያፐ ጉይያን፥ ህንተንቱ ታና በእክታ፤ ቃይ ጉꬃ ዎድያፐ ጉይያን፥ ህንተንቱ ታና በአና” ያጌዳ።
JOH 16:17 የሱሳ ካልያዋንቱፐ እቱ እቱ ባረንቱ ግዶን፥ “ ‘ጉꬃ ዎድያፐ ጉይያን፥ ህንተንቱ ታና በእክታ፤ ቃይ ጉꬃ ዎድያፐ ጉይያን፥ ህንተንቱ ታና በአንታ፤ አያዉ ጎፐ፥ ታን አዉዋኮ ባይ’ ግያዌ ሄዌ ዋግያዌ?” ያጌድኖ።
JOH 16:18 “ ‘ጉꬃ ዎድያፐ ጉይያን’ ግያዌ ዋግያዌ? እ አያዉ ሃሳይንቶነ ኑዉ ኤረተና” ያጌድኖ።
JOH 16:19 ኡንቱንቱ ባረና ኦቻናዉ ኮይያዋ የሱስ ኤሪደ፥ ኡንቱንታ ያጌዳ፤ “ታን፥ ‘ጉꬃ ዎድያፐ ጉይያን፥ ህንተንቱ ታና በእክታ፤ ቃይ ጉꬃ ዎድያፐ ጉይያን፥ ህንተንቱ ታና በአና’ ጌዳዎ ህንተንቱ እቱ እቱዋ ኦቺቴ?
JOH 16:20 ታን ህንተንቶ ቱሙዋ ኦዳይ። ህንተንቱ ዬካናነ ካዮታና፤ ሽን ሀ አላሚ ናሸታና። ቃይ ህንተንቱ ካዮታና፤ ሽን ህንተንቱ ካዮቶዌ ናሸቻ ግዳናዋ።
JOH 16:21 እት ምሽራታ ናኣ የላና ሀንያ ዎደ፥ ባረ የልያ ዎዲ ጋኬዳ ድራዉ፥ ኦይቀታዉ፤ ሽን ናአይ የለቴዳዋፐ ጉይያን፥ ናአይ ሀ ሳኣን የለቴዳ ናሸቻ ድራዉ፥ ባረ ኦይꬃ ሀሳዩኩ።
JOH 16:22 ሄዋ ድራዉ፥ ህንተንቱካ ህንተንቱ ዎዛናን ካዮቲታ፤ ሽን ታን ላኤንꬁዋ ህንተንታ በአና፤ ቃይ ህንተንቱ ዎዛናይ ሎይꬅ ናሸታና፤ ህንተንቱ ናሸቻ ኦንነ ህንተፐ አከና።
JOH 16:23 “ሄ ጋላስ ህንተንቱ ታና አይነ ዎስክታ። ታን ህንተንቶ ቱሙዋ ኦዳይ፤ ህንተንቱ ታ ሱንꬃን ዎስያዋ ኡባ አዉ ህንተንቶ እማናዋ።
JOH 16:24 ሀእ ጋካናዉ ታ ሱንꬃን አይነ ዎስበይክታ፤ ህንተንቱ ናሸቻይ ፖለታና ማላ፥ ጾሳ ዎስተ፤ ህንተንቱ አካና።
JOH 16:25 “ሀዋ ታን ህንተንቶ ሌምሱዋን ኦዳድ፤ ሽን ታን ሌምሱዋን ኦደና ዎዲ ያናዋ፤ ሽን አዉዋባ ታን ህንተንቶ ቆንጭያን ኦዳና።
JOH 16:26 ታን ሄ ጋላስ፥ ህንተንቱ ታ ሱንꬃን አዉዋ ዎሳና፤ ቃይ ህንተንቱ ድራዉ፥ ታን አዉዋ ዎሳና ጊከ።
JOH 16:27 አያዉ ጎፐ፥ አዉ ባረ ሁጰዉ ህንተንታ ሲቄ፤ ህንተንቱ ታና ሲቅያ ድራዉነ ታን አዉዋ ማታፐ ዬዳዋ አማኖ ድራዉ፥ እ ህንተንታ ሲቄ።
JOH 16:28 ታን አዉዋ ማታፐ ሀ አላምያ ያድ፤ ቃይ ሀ አላምያ አጋደ አዉዋኮ ባና” ያጌዳ።
JOH 16:29 የሱሳ ካልያዋንቱ ዛሪደ የሱሳ፥ “በአ፥ ሀእ ኔን ቆንጭያን ሃሳያሳ፤ ሌምሱዋን አይነ ሃሳያካ።
JOH 16:30 ኔን ኡባባ ኤርያዋ ኑን ሀእ ኤሬቶ፤ ቃይ ኔና ኦንነ ኦቻና ማላ፥ ኔን ኮየናዋ ኤሬቶ። ሄዌ ኑና ኔን ጾሳፐ ዬዳዋ አማንꬄ” ያጌድኖ።
JOH 16:31 የሱስ ዛሪደ ኡንቱንታ፥ “ሀእ አማኒቴ?
JOH 16:32 በእተ፥ ህንተንቱ ህንተንቱ ጎለ ጎለ ላለትያ ዎዲነ ታ ጻላላ የግ ባሽያ ዎዲ ያናዋ፤ ሀእካ ይ ድጌዳ። ሽን አዉ ታናና ደእያ ድራዉ፥ ታ ጻላላ ግድከ።
JOH 16:33 ህንተንቱ ታ ግዶን ደኢደ፥ ሳሮ ደአና ማላ፥ ታን ሀዋ ህንተንቶ ኦዳድ። አላምያን ህንተንቱ ዋየታና። ሽን ምንተ፤ ታን አላምያ ጾናድ” ያጌዳ።
JOH 17:1 የሱስ ሄዋ ሃሳዬዳዋፐ ጉይያን፥ ፑደ ሳሉዋ ጼሊደ፥ ሀዋዳን ያጌዳ፤ “ታ አቦ፥ ዎዲ ጋኬዳ፤ ነ ናአይ ኔና ቦንቻና ማላ፥ ኔንካ ነ ናኣ ቦንቻ።
JOH 17:2 አያዉ ጎፐ፥ ኔን አዉ እሜዳ ኡባዉ መꬍና ደኡዋ እ እማና ማላ፥ አሳ ኡባ ቦላን አዉ ማታ እማዳ።
JOH 17:3 አሳይ ኔና እት ቱሙ ጾሳ ግዴዳዋ ኤራና ማላነ፥ ቃይ ኔን ኪቴዳ የሱስ ክርስቶሳ ኤራና ማላ፥ ሀዌ መꬍና ደኡዋ።
JOH 17:4 ኔን ታዉ ኦꬃናዉ እሜዳ ኦሱዋ ፖላደ፥ ኔና ሳኣን ቦንቻድ።
JOH 17:5 ሀእካ ቃይ አዎ፥ አላሚ መታናፐ ካሰ ነ ማታን ታዉ ደእያ ቦንቹዋን ነ ስንꬃን ታና ቦንቻ።
JOH 17:6 “አላምያ አሳፐ ኔን ታዉ እሜዳዋንቶ ነ ሱንꬃ ኤርሳድ፤ ኡንቱንቱ ነዋንታ፤ ቃይ ኔን ኡንቱንታ ታዉ እማዳ። ኡንቱንቱ ነ ቃላዉካ አዛዘቴድኖ።
JOH 17:7 ሀእ ኔን ታዉ እሜዳ ኡባባይ ኔፐ ዬዳዋ ኡንቱንቱ ኤሪኖ።
JOH 17:8 አያዉ ጎፐ፥ ኔን ታዉ እሜዳ ቃላ ታን ኡንቱንቶ እማድ፤ ኡንቱንቱካ ሄ ቃላ አኬድኖ። ታን ነ ማታፐ ዬዳዌ ቱማ ግድያዋ ኤሪደ ኔን ታና ኪቴዳዋካ አማኔድኖ።
JOH 17:9 “ታን ኡንቱንቶ ዎሳይ፤ አላመዉ ኔና ዎስከ። ሽን ኔን ታዉ እሜዳ አሳዉ ዎሳይ፤ አያዉ ጎፐ፥ ኡንቱንቱ ነዋንታ።
JOH 17:10 ታዉ ደእያ ኡባባይ ነባ፤ ቃይ ነዉ ደእያ ኡባባይካ ታባ። ታን ኡንቱንቱ ባጋና ቦንቼታድ።
JOH 17:11 ታን ሀዋፐ ጉይያን፥ አላምያን ደእከ፤ ኡንቱንቱ አላምያን ደኢኖ፤ ታን ሀእ ኔኮ ባይ። ጌሻ አዎ፥ ሀ ኔን ታዉ እሜዳዋንቱ ኔንነ ታን እቱዋ ግድያዋዳን፥ ኡንቱንቱ እቱዋ ግዳና ማላ፥ ኡንቱንታ ነ ሱንꬃን ናጋ።
JOH 17:12 ታን ኡንቱንቱና አላምያን ደኣደ፥ ኔን ታዉ እሜዳ ነ ሱንꬃ ዎልቃን ኡንቱንታ ናጋድ። ታን ኡንቱንታ ናጋድ፤ ጾሳ ማጻፋይ ጌዳዌ ፖለታና ማላ፥ ባሻይ በስያ ኡራፐ አትን፥ ኡንቱንቱፐ ሀራይ ኦንነ ባይቤና።
JOH 17:13 “ሀእ ታን ኔኮ ባይ፤ ኡንቱንቱ ዎዛናን ታ ናሸቻይ ፖለታና ማላ፥ ሀዋ ታን አላምያን ሃሳያይ።
JOH 17:14 ታን ኡንቱንቶ ነ ቃላ እማድ፤ ታን አላምያሳ ግደናዋዳን፥ ኡንቱንቱካ አላምያሳ ግደና ድራዉ፥ አላሚ ኡንቱንታ እጼዳ።
JOH 17:15 ኔን ጻላህያፐ ኡንቱንታ ናጋና ማላ ዎስያዋፐ አትን፥ አላምያፐ ከሳና ማላ ዎስከ።
JOH 17:16 ታን አላምያሳ ግደናዋዳን፥ ኡንቱንቱካ አላምያሳ ግድክኖ።
JOH 17:17 ኔን ቱማተꬃን ኡንቱንታ ነዋንታ ኦꬃ፤ ነ ቃላይካ ቱማተꬃ።
JOH 17:18 ኔን ታና አላምያ ኪቴዳዋዳን፥ ታንካ ኡንቱንታ አላምያ ኪታድ፤
JOH 17:19 ቃይ ኡንቱንቱ ቱማተꬃን ነዉ ዱማታና ማላ፥ ኡንቱንቱ ድራዉ፥ ታን ታ ሁጲያ ነዉ ዱማያድ።
JOH 17:20 “ታን ኡንቱንቱ ጻላላዉ ዎስከ፤ ሽን ኡንቱንቱ ቃላ ኦድና፥ ታና አማኔዳዋንቶካ ዎሳይ።
JOH 17:21 ኡንቱንቱ ኡባይ እቱዋ ግዳና ማላ፥ ታን ዎሳይ። አዎ፥ ኔን ታ ግዶን ደእያዋዳን፥ ቃይ ታንካ ነ ግዶን ደእያዋዳን፥ ኡንቱንቱ ኑ ግዶን ደኢኖ። ቃይ ኔን ታና ኪቴዳዋ አላሚ አማናና ማላ፥ ኡንቱንቱ እቱዋ ግድኖ።
JOH 17:22 ኔንነ ታን እቱዋ ግድያዋዳን፥ ኡንቱንቱ እቱዋ ግዳና ማላ፥ ኔን ታና ቦንቼዳዋዳን፥ ታንካ ኡንቱንታ ቦንቻድ።
JOH 17:23 ታን ኡንቱንቱ ግዶን ደእና፥ ኔን ታ ግዶን ደእና፥ ቃይ ኔን ታና ሲስያዋዳን፥ ኡንቱንታካ ሲቆዋነ ኔን ታና ሀ አላምያ ኪቴዳዋ አላሚ ኤራናዳን፥ ኡንቱንቱ ኡባ እቱዋ ግድኖ።
JOH 17:24 “አዎ፥ ሳአይ መታናፐ ካሰ ኔን ታና ሲቄዳ ድራዉ፥ ታዉ እሜዳ ታ ቦንቹዋ ኡንቱንቱ በአና ማላ፥ ኔን ታዉ እሜዳዋንቱ ታን ደእያ ሳኣን ታናና ደአና ማላ ኮያድ።
JOH 17:25 “ጽሎ አዎ፥ አላምያ አሳይ ኔና ኤረና፤ ሽን ታን ኔና ኤራይ። ቃይ ኔን ታና ኪቴዳዋ ሀዋንቱ ኤሪኖ።
JOH 17:26 ኔን ታና ሲቄዳ ሲቁ ኡንቱንቱ ግዶን ደአና ማላ፥ ቃይ ታንካ ኡንቱንቱ ግዶን ደአና ማላ፥ ታን ነ ሱንꬃ ኡንቱንታ ኤርሳድ፤ ስንꬃዉካ ኤርሳና” ያጌዳ።
JOH 18:1 የሱስ ሄዋ ጊደ፥ ጾሳ ዎሴዳዋፐ ጉይያን፥ ባረና ካልያዋንቱና ቀድሮና ግያ ዛንጋራ ፕኔዳ። ሄ ሳኣን አትክልትያ ሳአይ ደኤ፤ የሱስነ የሱሳ ካልያዋንቱ ገሌድኖ።
JOH 18:2 የሱሳ አꬅ እሜዳ ይሁዳይ ሄ ሳኣ ኤሬዳ፤ አያዉ ጎፐ፥ የሱስ ኡባ ዎደ ባረና ካልያዋንቱና ሄዋን ሺቄ።
JOH 18:3 ሄዋ ድራዉ፥ ካለꬅያ ቄሳቱዋ ካፓቱነ ፓርሳዋቱ ይሁዳና ባናዳን እሜዳ ሮማ ዎታዳራቱነ ጌሻ ጎልያ ናግያዋንቱ ኩራዝያ፥ ያቢያነ ቶራ ኦይቂደ ሄ ሳኣ ቤድኖ።
JOH 18:4 የሱስ ባረና ጋካናዉ ሀንያ ኡባባ ኤሪደ፥ ጋጻ ከሲደ፥ “ኦና ኮዪቴ?” ያጌዳ።
JOH 18:5 ኡንቱንቱ ዛሪደ፥ “ናዝሬትያ የሱሳ ኮዬቶ” ያጌድኖ። የሱስ ዛሪደ፥ “ታን አ” ያጌዳ። የሱሳ አꬅ እሜዳ ይሁዳይካ ሄዋን ኡንቱንቱና ኤቄዳ፤
JOH 18:6 የሱስ፥ “ታን አ” ጌዳ ዎደ፥ ኡንቱንቱ ጉየኮ ሺቂደ፥ ሳኣን ኩንዴድኖ።
JOH 18:7 የሱስ ቃይካ፥ “ኦና ኮዪቴ?” ያግ ኦችና ኡንቱንቱ፥ “ናዝሬትያ የሱሳ” ያጌድኖ።
JOH 18:8 የሱስ ዛሪደ፥ “ታን አ ግድያዋ ህንተንቶ ኦዳድ፤ ስም ህንተንቱ ታና ኮይያዋ ግዶፐ፥ ሀዋንታ የድተ” ያጌዳ።
JOH 18:9 እ፥ “ታ አቦ፥ ኔን ታዉ እሜዳዋንቱፐ ሀራይ አቶ፥ እቱዋካ ባይዛበይከ” ጌዳዌ ፖለታና ማላ፥ ሄዋ ጌዳ።
JOH 18:10 ስሞን ጰጽሮሳዉ ማሻይ ደኤ፤ እ ሄ ማሻ ሾድነ ቄሳቱዋ ኡባቱዋ ካፑዋ ቆማ ኡሸቻ ሀይꬃ ሾጪደ፥ ቃንጽ የጌዳ። ሄ ቆማ ሱንꬃይ ማልኮሳ።
JOH 18:11 የሱስ ጰጽሮሳ፥ “ነ ማሻ ሾኩዋን ዛራደ ዎꬃ! ታ አቡ ታዉ እሜዳ መቱዋ ጹኣ ታን ኡሽክታ?” ያጌዳ።
JOH 18:12 ሻላቃይ፥ ዳሮ ዎታዳራቱነ ቃይ ጌሻ ጎልያ ናግያዋንቱ የሱሳ ኦይቂደ ቃቼድኖ።
JOH 18:13 ኮይሮ የሱሳ ሃናኮ አፌድኖ፤ ሃን ሄ ላይꬅ ቄሳቱዋ ካፓቱዋ ግዴዳ ቃያፋ ቦሉዋ።
JOH 18:14 “አሳ ኡባ ድራዉ፥ እት አሳይ ሀይቂንቶ ሎአ” ጊደ አይሁዳቱዋ ዞሬዳዌ ቃያፋ።
JOH 18:15 ስሞን ጰጽሮስነ ሀራ እት ካልያዌ የሱሳ ካሊደ ቤድኖ። ሄ ሀራ ካልያዋ ቄሳቱዋ ካፑ ኤሬዳ፤ ሄዌ የሱሳና ቄሳቱዋ ካፑዋ ድርሳ ጋርሳ ገሌዳ።
JOH 18:16 ሽን ጰጽሮሰ ካረና ድርሳ ፐንግያን ኤቄዳ። ቄሳቱዋ ኡባቱዋ ካፑ ኤርያ ሀራ ካልያዌ ካረ ከሲደ፥ ፐንግያ ናግያ ናትዉ ኦዲደ፥ ጰጽሮሳ ድርሳ ጋርሳ ገልሴዳ።
JOH 18:17 ፐንግያ ናግያ ናታ ጰጽሮሳ፥ “ኔን ሀ ብታንያ ካልያዋንቱፐ እቱዋ ግድኪዬ?” ያጋዱ። እ፥ “ቱይት፥ ታን ግድከ” ያጌዳ።
JOH 18:18 ሳአይ ሜግያ ድራዉ፥ አይላቱነ ጌሻ ጎልያ ናግያዋንቱ ታማ ኤጺደ፥ ቦንቄዳዋ ዩይ አꬍ ኤቂደ ካሺኖ፤ ጰጽሮስካ ኡንቱንቱና ኤቂደ፥ ሄ ታማ ካሼ።
JOH 18:19 ቄሳቱዋ ኡባቱዋ ካፑ፥ የሱሳ ካልያዋንቱባነ አ ትምርትያባ ኦቼዳ።
JOH 18:20 የሱስ አዉ ዛሪደ፥ “ታን አሳ ኡባዉ ቆንጭያን ኦዳድ። ታን አይሁዳ ኡባይ ሺቅያ አይሁዳ ዎሳ ጎለንነ ጌሻ ጎልያን ኡባ ዎደ ታማርሳድ፤ ጌማን አይነ ሃሳያበይከ።
JOH 18:21 ያትና፥ ኔን ታና አያዉ ኦቻይ? ታን ኦዴዳዋ ስሴዳ አሳ ኦቻ፤ ሄ አሳይ ታን ኦዴዳዋ ኤሬዳ” ያጌዳ።
JOH 18:22 የሱስ ሄዋ ጌዳ ዎደ፥ ሄዋን ኤቄዳ ዎታዳራቱዋፐ እቱ የሱሳ ባቂደ፥ “ቄሳቱዋ ኡባቱዋ ካፑዋ ቦላ ሀዋዳን ዛራይ?” ያጌዳ።
JOH 18:23 የሱስ ዛሪደ፥ “ታን ባላባ ሃሳዬዳዋ ግዶፐ፥ ሀዋን ደእያ አሳ ኡባዉ ኦዳ፤ ሽን ታን ቱሙዋ ሃሳዬዳዋ ግዶፐ፥ ታና አያዉ ባቃይ?” ያጌዳ።
JOH 18:24 ሄዋ ድራዉ፥ ሃን፥ ቃሸት ኡቴዳ የሱሳ፥ ቄሳቱዋ ኡባቱዋ ካፑዋ፥ ቃያፋኮ የዴዳ።
JOH 18:25 ጰጽሮስ ሄዋን ኤቂደ፥ ታማ ካሼ፤ ሀራንቱ አ፥ “ኔን ሀ ብታንያ ካልያዋንቱፐ እቱዋ ግድኪዬ?” ያጌዳ። ጰጽሮሰ፥ “ቱይት፤ ታን ግድከ” ያጊደ ካዴዳ።
JOH 18:26 ቄሳቱዋ ኡባቱዋ ካፑዋ ቆማቱዋፐ እቱዋ፥ ጰጽሮሰ ሀይꬃ ቃንጼዳ ብታንያ ዳቡ ጰጽሮሳ፥ “ታን ኔና አናና ዳሮ አታክልትያ ግዶን በአበይክታዬ?” ያጊደ ኦቼዳ።
JOH 18:27 ጰጽሮሰ ቃይካ ካዴዳ፤ ኤለካ ኩቱ ዋስ አጌዳ።
JOH 18:28 ኡንቱንቱ የሱሳ ቃያፋ ጎለፐ ሮመ አሳ አይስያዋ ኦሶ ጎልያ አፌድኖ። ሳአይ ዎንታ ጉራ፤ አይሁዳቱ ፓስጋ ቦንችያ ጋላሳ ቁማ ማናዉ፥ ባረንቱ ሁጲያዉ ቱነና ማላ፥ ሮመ አሳ አይስያዋ ኦሶ ጎልያ ገልበይክኖ።
JOH 18:29 ሄዋ ድራዉ፥ ጵላጾስ ኡንቱንቱኮ ካረ ከሲደ፥ “ሀ ብታንያ ህንተንቱ አያን ሞቲቴ?” ያጌዳ።
JOH 18:30 ኡንቱንቱ፥ “እ ኢታባ ኦꬅቤናዋ ግድንቶ፥ ኑን አ ኔኮ አሆኮ” ያጌድኖ።
JOH 18:31 ጵላጾስ ዛሪደ ኡንቱንቶ፥ “ህንተንቱ አ አፊደ፥ ህንተንቱ ህጊ ግያዋዳን፥ አ ቦላ ፕርድተ” ያጌዳ። አይሁዳቱ፥ “ኦናነ ዎꬍያ ማታይ ኑዉ ባዋ” ያጌድኖ።
JOH 18:32 ሀዌ ሀኔዳዌ የሱስ አይ ማላ ሀይቁዋ ሀይቃነንቶ ኤርሳናዉ ሃሳዬዳዌ ፖለታናሳ።
JOH 18:33 ጵላጾስ ባረ ኦሱዋ ጎለ ላኤንꬁዋ ገሊደ፥ የሱሳ ጼሲደ፥ “ኔን አይሁዳ ካቴ?” ያጊደ አ ኦቼዳ።
JOH 18:34 የሱስ ጵላጾሳ፥ “ሀ ኦሻ ኔን ኔፐ ኦቻይዬ ዎይ ሀራ አሳይ ነዉ ታባ ኦዴዴ?” ያጌዳ።
JOH 18:35 ጵላጾስ ዛሪደ፥ “ታና አይሁዳ አሳ ጋይ? ነ ዛራቱነ ቄሳቱዋ ካፓቱ ኔና ታዉ አꬅ እሜድኖ፤ ኔን አያ ኦꬃዲ?” ያጌዳ።
JOH 18:36 የሱስ፥ “ታ ካዉተꬃይ ሀ አላምያና ግደና። ታ ካዉተꬃይ ሀ አላምያና ግዴደንቶ፥ ታና አይሁዳቶ አꬅ እመናዳን፥ ታዉ ኦꬅያዋንቱ ታዉ ኦለታና፤ ሽን ታ ካዉተꬃይ ሀ አላምያና ግደና” ያጌዳ።
JOH 18:37 ሄዋ ድራዉ፥ ጵላጾስ የሱሳ፥ “ያትና፥ ኔን ካቴየ?” ያጊደ ኦቼዳ። የሱስ ዛሪደ፥ “ኔን ታና ካትያ ጋዳ። ታን ቱሙዋ ማርካታና ድራዉ የለታድ፤ ቃይ ሄዋ ድራዉ፥ ሀ አላምያ ያድ። ቱሙዋ ባጋ ግዴዳ ኦንነ ታን ግያዋ ስሴዳ” ያጌዳ።
JOH 18:38 ጵላጾስ፥ “ቱሙ አዬ?” ያጌዳ። ጵላጾስ ሄዋ ጌዳዋፐ ጉይያን፥ አይሁዳቱዋኮ ካረ ከሲደ፥ “ታን አን አይ ባላነ ደማበይከ።
JOH 18:39 ሽን ፓስጋ ቦንችያ ጋላስ፥ እት አሳ ታን ህንተንቶ ቃሹዋፐ ብልያ ዶያይ ደኤ፤ ታን ህንተንቶ አይሁዳቱ ካትያ ብልያዋ ኮዪቴ?” ያጌዳ።
JOH 18:40 ኡንቱንቱ ዛሪደ፥ ባረንቱ ኮሻ ꬎቁ ኦꬂደ፥ “ባርባና ብላፐ አትን፥ አ ግደና!” ያጌድኖ። ሽን ባርባን ፓኑዋ።
JOH 19:1 ሄዋፐ ጉይያን፥ ጵላጾስ የሱሳ ኦይቂደ፥ ልሱዋን ሾጬዳ።
JOH 19:2 ዎታዳራቱ አጉንꬃፐ ካላቻ ጊግሲደ፥ አ ሁጲያን ዎꬄድኖ፤ ቃይ ዞኦ ማዩዋካ አ ማይዜድኖ።
JOH 19:3 አኮ ሺቂደ፥ “አይሁዳ ካተዉ፥ ሸምፑዋ ጋምአ!” ያጊደ አ ሻይያ ባቄድኖ።
JOH 19:4 ጵላጾስ ቃይካ ካረ ከሲደ አይሁዳቱዋ፥ “በእተ፥ ታን አን አይ ባላነ ደማቤናዋ ህንተንቱ ኤራና ማላ፥ አ ህንተንቱኮ ካረ ከሳና” ያጌዳ።
JOH 19:5 ሄዋፐ ጉይያን፥ የሱስ አጉንꬃ ካላቻ ባረ ሁጲያን ዎꬂደ፥ ዞኦ ማዩዋ ማዪደ፥ ካረ ከሴዳ፤ ጵላጾስ አይሁዳቱዋ፥ “ብታንያ ሀዋ በእተ” ያጌዳ።
JOH 19:6 ቄሳቱዋ ካፓቱነ ዎታዳራቱ አ በኤዳ ዎደ፥ ባረንቱ ኮሻ ꬎቁ ኦꬂደ፥ “ማስቃልያ ቦላ ምስማርያን ꬍሻደ አ ሱላ! ሱላ!” ያጌድኖ። ጵላጾስ ኡንቱንታ፥ “ህንተንቱ አ አፊደ፥ ማስቃልያ ቦላ ምስማርያን ꬍሺደ ሱልተ፤ አያዉ ጎፐ፥ ታን አይ ባላነ ደማበይከ” ያጌዳ።
JOH 19:7 አይሁዳቱ ዛሪደ፥ “ኑዉ ህጊ ደኤ፤ ኑ ህጊ ግያዋዳን፥ እ ሀይቃናዉ በሴ፤ አያዉ ጎፐ፥ እ ባረና ጾሳ ናኣ ኦꬄዳ” ያጌድኖ።
JOH 19:8 ጵላጾስ ሄዋ ስሴዳ ዎደ፥ ካሰዋፐ ሎይꬅ ያዬዳ።
JOH 19:9 ቃይካ ጵላጾስ ባረ ኦሱዋ ጎለ ስም ገሊደ የሱሳ፥ “ኔን ሀቃፐ ያዲ?” ያጊደ ኦቼዳ፤ ሽን የሱስ አዉ አይነ ዛርቤና።
JOH 19:10 ሄዋ ድራዉ፥ ጵላጾስ አ፥ “ታዉ ኦድኪ? ኔና ብላናዉ ዎይ ማስቃልያ ቦላ ምስማርያን ꬍሻደ ካቃናዉ ታዉ ማታይ ደእያዋ ኤርኪየ?” ያጌዳ።
JOH 19:11 የሱስ፥ “ጾሳይ ነዉ ቦላፐ ማታ እምቤናባ ግድንቶ፥ ነዉ ታ ቦላ ማታይ ደኤና ሽን። ሄዋ ድራዉ፥ ታና ነዉ አꬅ እሜዳዌ አꬍያ ናጋራ ኦꬄዳ” ያጌዳ።
JOH 19:12 ጵላጾስ ሄዋ ስሴዳ ዎደ፥ የሱሳ ብላናዉ ኦግያ ኮዬዳ፤ ሽን አይሁዳቱ ባረንቱ ኮሻ ꬎቁ ኦꬂደ፥ “ኔን አ ብልያዋ ግዶፐ፥ ካትያ ቄሳረ ዳቦ ግዳካ! ባረና ካትያ ግያ ኦንነ ቄሳረ ሞርከ!” ያጌድኖ።
JOH 19:13 ጵላጾስ ሄዋ ስሲደ፥ የሱሳ ካረ ከሴዳ። ያቲደ ሹቻ ባሱዋ ግያ ሳኣን ፕርዳ ኦይድያን ኡቴዳ፤ እብራይስጸ ቃላን ሄ ሳአይ ጋይታ ግያዋ።
JOH 19:14 ሄ ጋላሳይ ፓስጋ ቦንችያ ጋላሳዉ ጊግስያ ጋላሳ፤ ሳአይ ኡሱፑን ሳትያ ሄራ ግዳናዋ። ጵላጾስ አይሁዳቱዋ፥ “ህንተንቱ ካትያ ሀዋ በእተ!” ያጌዳ።
JOH 19:15 አይሁዳቱ ባረንቱ ኮሻ ꬎቁ ኦꬂደ፥ “ድጋ! ድጋ! ማስቃልያ ቦላ ምስማርያን ꬍሻደ ሱላ!” ያጌድኖ። ጵላጾስ ዛሪደ፥ “ህንተንቱ ካትያ ታን ማስቃልያ ቦላ ምስማርያን ꬍሻደ ሱልያዋ ኮዪቴ?” ያጊደ ኦቼዳ። ቄሳቱዋ ካፓቱ፥ “ቄሳረፐ ሀራ ካቲ ኑዉ ባዋ!” ያጌድኖ።
JOH 19:16 ሄዋፐ ጉይያን፥ ኡንቱንቱ ማስቃልያ ቦላ ምስማርያን ꬍሺደ፥ የሱሳ ካቃና ማላ፥ ጵላጾስ ኡንቱንቶ አꬅ እሜዳ። ኡንቱንቱ የሱሳ ኦይቂደ፥ አፌድኖ።
JOH 19:17 የሱስ ባረ ማስቃልያ ቶኪደ፥ ጉግያሳ ጌተትያሳ ቤዳ። “ጉግያሳ” ግያዌ እብራይስጸ ቃላን “ጎልጎታ” ግያዋ።
JOH 19:18 ኡንቱንቱ ሄ ሳኣን ማስቃልያ ቦላ ምስማርያን ꬍሺደ፥ የሱሳ ካቄድኖ፤ ቃይ አናና ሀራ ላኡ አሳቱ፥ እቱዋ ያ ባጋና ቃይ እቱዋ ሀ ባጋና የሱሳ ግዱዋን ዎꬂደ፥ ማስቃልያ ቦላ ምስማርያን ꬍሺደ ካቄድኖ።
JOH 19:19 ጵላጾስ ጽፋትያ ጻፊደ፥ ማስቃልያ ቦላ ዎꬄዳ። እ ጻፌዳዌ፥ “አይሁዳቱ ካትያ፥ ናዝሬትያ የሱሳ” ያጌ።
JOH 19:20 የሱስ ማስቃልያ ቦላ ምስማርያን ꬍሸቲደ ሱለቴዳ ሳአይ ካታማ ማታን ደእያ ድራዉ፥ ዳሮ አይሁዳቱ ሄ ጽፋትያ ናባቤድኖ። ጽፋቲ እብራይስጸ ቃላን፥ ሮማይስጸ ቃላንነ ግሪከ ቃላን ጻፈቴዳ።
JOH 19:21 ሄዋ ድራዉ፥ አይሁዳ ቄሳቱዋ ካፓቱ ጵላጾሳ፥ “ ‘ሀ ብታኒ ባረና አይሁዳ ካትያ ያጌዳ’ ጋደ ጻፋፐ አትን፥ ‘አይሁዳ ካትያ’ ጋደ ጻፎፓ” ያጌድኖ።
JOH 19:22 ጵላጾስ፥ “ታን ጻፌዳዋ ጻፋ ድጋድ” ያጊደ ዛሬዳ።
JOH 19:23 ዎታዳራቱ ማስቃልያ ቦላ ምስማርያን ꬍሺደ፥ የሱሳ ካቄዳዋፐ ጉይያን፥ አ ማዩዋ አኪደ፥ ኦይዱ ከስ ሻኬድኖ፤ እት እት ዎታዳራ እት ሻኩ ጋኬዳ። አ አዱሳ ማዩዋካ አኬድኖ፤ አዱሳ ማዩ ሀሽያፐ ዶሚደ፥ ዱገ ጋካናዉ የድ ማየትያዋፐ አትን፥ ቃንጸቲደ ስከትቤና።
JOH 19:24 ዎታዳራቱ እቱ እቱዋ፥ “ኦና ጋካነንቶ፥ ሳማ ዎይ ኤጻ የጋናፐ አትን፥ ማዩዋ ፔꬎኮ” ያጌድኖ። ሄዌ ሀኔዳዌ ጾሳ ማጻፋይ፥ “ታ ማዩዋ ሻክ አኬድኖ፤ ታ አዱሳ ማዩዋን ሳማ የጌድኖ” ግያዌ ፖለታናሳ። ሄዋ ድራዉ፥ ዎታዳራቱ ሄዋ ኦꬄድኖ።
JOH 19:25 ሽን የሱሳ ማስቃልያ ማታን አ ዳያ፥ አ አት ምቻታ፥ ቃልዮጳ ማቻታ ማይራማነ ማግዳላ ጌተትያ ካታማፐ ዬዳ ማይራማ ኤቄድኖ።
JOH 19:26 የሱስ ባረ ዳያነ እ ሲቅያ ካልያዌ ሄዋን ኤቄዳዋንታ በኢደ፥ ባረ ዳዮ፥ “ሀ ምሽራቴ፥ ነ ናኣ ሀዋ በአ!” ያጌዳ።
JOH 19:27 ሄዋፐ ጉይያን፥ ሄ ካልያዋ “ነ ዳዮ ሀኖ በአ!” ያጌዳ። ሄ ካልያዌ እዞ ሄ ሳትያፐ ዶሚደ፥ ባረ ሶይ አፌዳ።
JOH 19:28 ሄዋፐ ጉይያን፥ የሱስ ኡባባይ ሀቅ ፖለቴዳዋ ኤሪደ፥ ጾሳ ማጻፋይ ጌዳዌ ፖለታና ማላ፥ “ታና ሳሜ” ያጌዳ።
JOH 19:29 ሄ ሳኣን እት ጹጋ ኩሜዳ ጫላ ዎይንያ ኤሳይ ደኤ። ኡንቱንቱ እስፖንጅያ ሄ ዎይንያ ኤሳን የጊደ፥ ህሶጵያ ጌተትያ ምꬃ ጼራን ዎꬂደ፥ የሱሳ ዶናኮ ሺሼድኖ።
JOH 19:30 የሱስ ዎይንያ ኤሳ ጋንጽ በኤዳዋፐ ጉይያን፥ “ፖለቴዳ” ያጌዳ። ቃይ ሄዋፐ ጉይያን፥ ባረ ሁጲያ ቶቺደ፥ ባረ ሸምፑዋ እሜዳ።
JOH 19:31 ሄ ጋላሳይ አይሁዳቶ ጊገትያ ጋላሳ ግድያ ድራዉነ ቃይ ሄ ሳምባታይ ዳሮ ቦንቾ ግድያ ድራዉ፥ ሳምባታን አሳቱዋ አሃይ ማስቃልያ ቦላ ፔሸና ማላ፥ ሱለቴዳ አሳቱዋ ሱይልያ መንꬂደ፥ ማስቃልያፐ ዎꬃና ማላ፥ አይሁዳቱ ጵላጾሳ ዎሴድኖ።
JOH 19:32 ሄዋ ድራዉ፥ ዎታዳራቱ ዪደ፥ የሱሳና ሱለቴዳ ኮይሮ ብታንያ ሱይልያ መንꬄድኖ፤ ቃይ አናና ሱለቴዳ ላኤንꬆ ብታንያ ሱይልያካ መንꬄድኖ።
JOH 19:33 ሽን የሱሳኮ ዬዳ ዎደ እ ሀይቂ ድጌዳዋ በኢደ፥ አ ሱይልያ መንꬅበይክኖ።
JOH 19:34 ግዶፐነ፥ ዎታዳራቱዋፐ እቱ አ ምይያ ቶራን ጫዴዳ። ኤለካ ሱꬃይነ ሃꬃይ ጎግ አጌዳ።
JOH 19:35 ህንተንቱ አማናና ማላ፥ ሀዋ በኤዳዌ ማርካቴዳ፤ እ ማርካትያዌካ ቱሙዋ፤ ቃይ ባረ ሃሳያይ ቱማ ግድያዋ እ ኤሬዳ።
JOH 19:36 ሄዌ ሀኔዳዌ ጾሳ ማጻፋይ፥ “አ መቀꬃቱዋፐ እቱነ መኤና” ጌዳዌ ፖለታናሳ።
JOH 19:37 ቃይካ ጾሳ ማጻፋይ ሀራይ፥ “አሳይ ባረ ጫዴዳዋ በአና” ያጌ።
JOH 19:38 ሄዋፐ ጉይያን፥ አርማትያሳ ጌተትያ ካታማፐ ዬዳ ዮሴፎ የሱሳ አሃ አኪደ አፋናዉ ጵላጾሳ ዎሴዳ፤ ዮሴፎ አይሁዳቶ ያዬዳ ድራዉ፥ አሳይ ኤረናን የሱሳ ካልያዋ። ዮሴፎ ዎስና ጵላጾስ፥ “አፋ” ያጌዳ። ሄዋ ድራዉ፥ ዮሴፎ ቢደ፥ የሱሳ አሃ አፌዳ።
JOH 19:39 ቃይ ንቆድሞስ ሄዋፐ ካሰ የሱሳኮ ቃማ ዬዳዌ፥ ካዋራናነ ጎዳረ ኡꬃና ዋላከቴዳ ኦይታማነ እቼሹ ኪሎ ግራመ ግድያዋ ኬና ሽቱዋ ኦይቂ አኪደ፥ ዮሴፎና ዬዳ።
JOH 19:40 ሄ ላኡ አሳቱ የሱሳ አሃ አኪደ፥ አይሁዳቱ አሃ ጻጽያ ዎጋዳን፥ ሽቱዋና ጋꬂደ፥ ሞጉዋ አፍላን ጻጼድኖ።
JOH 19:41 የሱስ ማስቃልያ ቦላ ምስማርያን ꬍሸቲደ ሱለቴዳ ሳኣን ዳሮ አትክልትያ ሳአይ ደኤ፤ ሄ አትክልትያ ሳኣ ግዶን ሹቻ ዎጭ ከሴዳ ብሮ ኦንነ ሞገትቤና ኦራꬃ ዱፉ ደኤ።
JOH 19:42 ሄ ዱፉ ማታን ደእያ ድራዉነ ቃይ አይሁዳቱ ሳምባታዉ ጊገትያ ጋላሳ ግድያ ድራዉ፥ የሱሳ ያን ዎꬄድኖ።
JOH 20:1 ዎጋ ጋላስ ጉራን፥ ብሮ ዳብዳብያዋን፥ ማግዳላ ጌተትያ ካታማፐ ዬዳ ማይራማ የሱስ ሞገቴዳ ዱፉዋኮ ባደ ሹቻይ ሄ ጎንጎሉዋ ዶናፐ ደንድክቼዳዋ በኣዱ።
JOH 20:2 ስሞን ጰጽሮሳኮነ የሱስ ሲቅያ የኮ ካልያዋኮ፥ እዛ ዎጻደ ባደ፥ “ዱፉዋፐ ጎዳ አፍ ድጌድኖ፤ ሀቃን አ ዎꬄድኖንቶነ ኑን ኤሮኮ” ያጋዱ።
JOH 20:3 ሄዋ ድራዉ፥ ጰጽሮስነ የኮ ካልያዌ አጊደ፥ ዱፉዋኮ ቤድኖ።
JOH 20:4 ላኡካ እትፐ ዎጼድኖ፤ ሽን የኮ ካልያዌ ጰጽሮሳፐ አꬍ ካሰቲደ፥ ሄ ዱፉዋኮ ጋኬዳ።
JOH 20:5 ሄ ካልያዌ ሆኪደ፥ ሞጉዋ አፍላ በኤዳ፤ ሽን ግዶ ገልቤና።
JOH 20:6 ስሞን ጰጽሮሰ አ ካል ዪደ፥ ዱፉዋ ግዶ ገሌዳ። ያቲደ ሞጉዋ አፍላይ ሄዋን ደእያዋ በኤዳ፤
JOH 20:7 ቃይ የሱሳ ሁጲያን ጻጸት ኡቴዳ አፍላይ ሄ ጻጸቴዳዋዳንካ ዱማ እት ሳኣን ደእያዋ በኤዳ፤ ሄ አፍላይ ዱማ ደኤፐ አትን፥ ሞጉዋ አፍላና እትፐ ደኤና።
JOH 20:8 ሄ ዎደ፥ ካሰቲደ ጎንጎሉዋኮ ጋኬዳ የኮ ካልያዌ ገል በኢደ አማኔዳ።
JOH 20:9 የሱስ ሀይቁዋፐ ደንዳናዉ በስያዋ ኦድያ ጾሳ ማጻፋ ኡንቱንቱ ብሮ አኬክበይክኖ።
JOH 20:10 ሄዋፐ ጉይያን፥ ካልያዋንቱ ባረንቱ ጎለ ስሚደ ቤድኖ።
JOH 20:11 ሽን ማይራማ ሄ ዱፉዋ ዶናን ኤቃደ ዬካደ ሆካደ ዱፉዋ ግዶ ጼላዱ።
JOH 20:12 ቦꬃ ማዩዋ ማዬዳ ላኡ ኪታንቻቱ የሱሳ አሃይ ግሴዳ ሳኣን እቱ ሁጲሳና እቱ ገድሳና ኡቴዳዋንታ በኣዱ።
JOH 20:13 ኡንቱንቱ እዞ፥ “ምሽራቴ፥ አያዉ ዬካይ?” ያጊደ ኦቼድኖ። እዛ፥ “አሳቱ ታ ጎዳ አፍ ድጌድኖ፤ ኡንቱንቱ ሀቃን ዎꬄድኖንቶነ ታን ኤርከ” ያጋዱ።
JOH 20:14 ሄዋ ጌዳዋፐ ጉይያን፥ ጉየ ስማ ጼላደ፥ የሱስ ኤቄዳዋ በኣዱ። ሽን እ የሱሳ ግዴዳዋ አኬካበይኩ።
JOH 20:15 የሱስ እዞ፥ “ምሽራቴ፥ አያዉ ዬካይ? ኦና ኮያይ?” ያጊደ ኦቼዳ። ማይራማ አትክልትያ ናግያዋ ጋደ፥ “ጎዳዉ፥ ኔን አኬዳዋ ግዶፐ፥ አ ሀቃን ዎꬃድንቶ፥ ታዉ ኦዳርኪ፤ ታን አ አካና” ያጋዱ።
JOH 20:16 የሱስ እዞ፥ “ማይራሜ” ያጌዳ። አ አኮ ስማደ፥ እብራይስጸ ቃላን “ራቡኒ” ያጋዱ፤ ሄዋ ብለꬃይ “ታማርስያዎ” ግያዋ።
JOH 20:17 የሱስ እዞ፥ “ታን ብሮ ታ አዉዋኮ ባቤና ድራዉ፥ ታና ቦቾፓ፤ ሽን ታ እሻቱዋኮ ባደ፥ ‘ታን ታ አዉዋኮነ ህንተንቱ አዉዋኮ፥ ታ ጾሳኮነ ህንተንቱ ጾሳኮ፥ ፑደ ባይ ጌዳ’ ጋደ ኡንቱንቶ ኦዳ” ያጌዳ።
JOH 20:18 ማግዳላ ጌተትያ ካታማፐ ዬዳ ማይራማ ጎዳ በኤዳዋነ እዝዉ እ ሄዋ ኦዴዳዋ ባደ ካልያዋንቶ ኦዳዱ።
JOH 20:19 ሄ ዎጋ ጋላስ ኦማርስ፥ ካልያዋንቱ አይሁዳቶ ያዬዳ ድራዉ፥ ፐንግያ ጎርዲደ፥ ሺቅ ኡት ደእሽን፥ የሱስ ዪደ፥ ኡንቱንቱ ግዱዋን ኤቂደ፥ “ሳሮተꬃይ ህንተንቶ ግዶ” ያጌዳ።
JOH 20:20 ሄዋ ጌዳዋፐ ጉይያን፥ ባረ ኩሽያነ ባረ ምይያ ኡንቱንታ በሴዳ፤ ካልያዋንቱ ጎዳ በኤዳ ዎደ ሎይꬅ ናሸቴድኖ።
JOH 20:21 የሱስ ላኤንꬁዋ ኡንቱንቶ፥ “ሳሮተꬃይ ህንተንቶ ግዶ፤ ታ አቡ ታና ኪቴዳዋዳን፥ ታንካ ህንተንታ ኪታይ” ያጌዳ።
JOH 20:22 ሄዋ ጌዳዋፐ ጉይያን፥ ኡንቱንቱ ቦላ ኡፉ ጊደ ሸምፔዳ፤ ቃይ፥ “ጌሻ አያና አክተ።
JOH 20:23 ህንተንቱ አቶ ጌዳ አሳ ናጋራይ አቶ ጌተታናዋ፤ ህንተንቱ አቶ ጌናዋንቱ ናጋራይ አቶ ጌተተና” ያጌዳ።
JOH 20:24 ሽን ታማነ ላኡ ካልያዋንቱፐ እቱ፥ ማንትያ ግያ ቶማስ፥ የሱስ ዬዳ ዎደ ኡንቱንቱና ባዋ።
JOH 20:25 ሄዋ ድራዉ፥ የኮ ካልያዋንቱ ቶማሳዉ፥ “ኑን ጎዳ በኤዶ!” ያጌድኖ። ሽን ቶማስ ኡንቱንቶ፥ “ምስማርያን እ ጫደቴዳ አ ኩሽያን ደእያ ማላ በኤናንነ ሄ ማላ ታ ብራꬍያን ቦቼናን፥ ቃይ ታ ኩሽያ አ ምይያን ዬዳ በኤናን ታን አማንከ” ያጌዳ።
JOH 20:26 ሳምንታፐ ጉይያን፥ የሱሳ ካልያዋንቱ ቃይካ ጎለን ሺቅ ኡቴድኖ፤ ቶማስካ ኡንቱንቱና ደኤ። ፐንጊ ቃሸት ኡት ደእሽን፥ የሱስ ዪደ፥ ኡንቱንቱ ግዱዋን ኤቂደ፥ “ሳሮተꬃይ ህንተንቶ ግዶ” ያጌዳ።
JOH 20:27 ሄዋፐ ጉይያን፥ የሱስ ቶማሳ፥ “ነ ኩሽያ ሃ አሃደ፥ ታ ኩሽያ በአ፥ ቃይ ነ ኩሽያ ሃ አሃደ፥ ታ ምይያን ዬዳ በአ፥ ኔን አማንያዋ ግዳፐ አትን፥ አማነናዋ ግዶፓ!” ያጌዳ።
JOH 20:28 ቶማስ ዛሪደ፥ “ታ ጎዳዉ፥ ታ ጾሳዉ!” ያጌዳ።
JOH 20:29 የሱስ፥ “ኔን ታና በኤዳ ድራዉ አማናዳ፤ በኤናን አማኔዳዋንቱ አንጀቴዳዋንታ” ያጌዳ።
JOH 20:30 የሱስ ሀ ማጻፋን ጻፈትቤና ሀራ ዳሮ ማላታቱዋ ባረና ካልያዋንቱ ስንꬃን ኦꬄዳ።
JOH 20:31 ሽን የሱስ፥ እ ክርስቶሳ፥ ጾሳ ናኣ ግድያዋ ህንተንቱ አማናና ማላነ፥ ቃይ አ አማኒደ አ ሱንꬃን ደኡዋ ህንተንቱ ደማና ማላ፥ ሀዌ ጻፈቴዳ።
JOH 21:1 ሄዋፐ ጉይያን፥ የሱስ ጽብርያዶሳ ጌተትያ አባ ጋጻን ባረ ካልያዋንቶ ላኤንꬁዋ ቤቴዳ። እ ኡንቱንቶ ሀዋዳን ቤቴዳ።
JOH 21:2 ስሞን ጰጽሮስነ ማንትያ ጌተትያ ቶማስ፥ ቃና ጋሊላፐ ዬዳ ናትናኤል፥ ዛብድዮሳ ናናይነ የሱሳ ካልያዋንቱፐ ሀራ ላአቱ እትፐ ደኢኖ።
JOH 21:3 ስሞን ጰጽሮሰ ኡንቱንቶ፥ “ታን ሞልያ ኦይቃናዉ ባይ” ያጌዳ። ኡንቱንቱ፥ “ኑንካ ኔናና ባና” ያጊደ፥ ከሲደ ዎንግርያ ግዶ ገሌድኖ፤ ሽን ኡንቱንቱ ሄ ጋላስ ቃማ ሞልያ አይነ ኦይቂበይክኖ።
JOH 21:4 ዎንትያ ዎደ አዋይ ከሳናፐ ካሰ፥ የሱስ አባ ጋጻን ኤቄዳ፤ ሽን አ ካልያዋንቱ የሱሳ ግዴዳዋ ኤርበይክኖ።
JOH 21:5 የሱስ ኡንቱንታ፥ “ናቶ፥ ሞልያ ኦይቂበይክቴየ?” ያጌዳ። ኡንቱንቱ ዛሪደ፥ “አይነ ኦይቂበይኮ” ያጌድኖ።
JOH 21:6 እ ዛሪደ፥ “ህንተንቱ ዳባ ዎንግርያፐ ኡሸቻ ባጋኮ የግተ፤ አማሬዳዋ ህንተንቱ ኦይቃና” ያጌዳ። ሄዋ ድራዉ፥ ዳባ ኡሸቻ ባጋኮ የግና፥ ሞሊ ዳሬዳ ድራዉ፥ ጎች ከሳናዌ ኡንቱንታ ጾኔዳ።
JOH 21:7 የሱስ ሲቅያ አ ካልያዌ ጰጽሮሳ፥ “ሀዌ ጎዳተኔ!” ያጌዳ። ስሞን ጰጽሮሰ ጎዳ እ ግዴዳዋ ስሴዳ ዎደ፥ ካሎ ደእያ ድራዉ፥ ባረ ማዩዋ ማዪደ፥ አባ ግዶ ጉፕ ገሌዳ።
JOH 21:8 ሽን የኮ ካልያዋንቱ ሞሊ ኩም ኡቴዳ ዳባ ጎቺደ፥ ዎንግርያን አባፐ ጋጻ ከሴድኖ፤ ኡንቱንቱ አባፐ ላኡ ጼቱ ዋꬋ ኬና ሃኪደ ደኢኖፐ አትን፥ ሎይꬅ ሃኪደ ደእክኖ።
JOH 21:9 ኡንቱንቱ አባፐ ጋጻ ከሴዳ ዎደ፥ ጺጹንꬃ ቦንቁዋን ሞሊ ደእያዋነ ኡክꬃ በኤድኖ።
JOH 21:10 የሱስ ኡንቱንታ፥ “ሀእ ህንተንቱ ኦይቄዳ ሞልያፐ አማሬዳዋ ሃምተ” ያጌዳ።
JOH 21:11 ስሞን ጰጽሮሰ ዎንግርያን ገሊደ፥ ጼታነ እሻታማነ ሄዙ ዎጋ ሞለቱ ኩም ኡቴዳ ዳባ ጎቺደ፥ አባፐ ጋጻ ከሴዳ፤ ሞሊ ሄዋ ኬና ዳሮ ግድናካ ዳባይ ዳከትቤና።
JOH 21:12 የሱስ ኡንቱንታ፥ “ሀ ዪደ፥ ቃንእያ ቃንእተ” ያጌዳ። የሱሳ ካልያዋንቱፐ እቱነ፥ “ኔን ኦኔ?” ጊደ አ ኦቻናዉ ጻልቤና፤ አያዉ ጎፐ፥ ጎዳ እ ግዴዳዋ ኡንቱንቱ ኤሬድኖ።
JOH 21:13 የሱስ ዪደ፥ ኡክꬃ አኪደ፥ ኡንቱንቶ እሜዳ፤ ሞልያካ ሄዋዳን እሜዳ።
JOH 21:14 የሱስ ሀይቁዋፐ ደንዴዳዋፐ ጉይያን፥ ባረ ካልያዋንቶ ቤትሽን ሀዌ ሄዘንꬁዋ።
JOH 21:15 ኡንቱንቱ ቁማ ሜዳዋፐ ጉይያን፥ የሱስ ስሞን ጰጽሮሳ፥ “ዮሃንሳ ናኣ ስሞና፥ ታና ሀዋንቱፐ አꬃደ ሲቃይ?” ያጌዳ። ስሞን ጰጽሮሰ፥ “ኤ ጎዳዉ፥ ታን ኔና ዶስያዋ ኔን ኤራሳ” ያጌዳ። የሱስ አ፥ “ታ ዶርሳ ማራቱዋ ሄማ” ያጌዳ።
JOH 21:16 የሱስ ቃይካ፥ “ዮሃንሳ ናኣ ስሞና፥ ታና ሲቃይ?” ያጌዳ። ስሞን ጰጽሮሰ፥ “ኤ ጎዳዉ፥ ታን ኔና ዶስያዋ ኔን ኤራሳ” ያጌዳ። የሱስ፥ “ታ ዶርሳቱዋ ሄማ” ያጌዳ።
JOH 21:17 የሱስ ሄዘንꬁዋ፥ “ዮሃንሳ ናኣ ስሞና፥ ታና ዶሳይ?” ያጌዳ። የሱስ ሄዘንꬁዋ ስሞን ጰጽሮሳ፥ “ታና ዶሳይ?” ያጊደ ኦቼዳ ድራዉ፥ ጰጽሮሰ ካዮቲደ፥ “ጎዳዉ፥ ኔን ኡባባ ኤራሳ፤ ታን ኔና ዶስያዋ ኔን ኤራሳ” ያጌዳ። የሱስ፥ “ታ ዶርሳቱዋ ሄማ።
JOH 21:18 ታን ነዉ ቱሙዋ ኦዳይ፤ ኔን ዎዳላተꬃን ደእያ ዎደ፥ ነ ጼሳን ሳቂያ ኔረካ ዳንጫደ፥ ኔን ኮዬዳሳ ባሳ። ሽን ጭሜዳዋፐ ጉይያን፥ ነ ኩሽያ ምጫ በሳሳ። ኔና ሀራ ኡራይ ዳንጭሳናዋ፤ ኔን ዶሰናሳካ አፌ” ያጌዳ።
JOH 21:19 የሱስ ሄዋ ጰጽሮሰ አይ ማላ ሀይቁዋ ሀይቂደ፥ ጾሳ ቦንችሳነንቶነ ኤርሳናዉ ጌዳ፤ ቃይ ሄዋ ጌዳዋፐ ጉይያን፥ የሱስ ጰጽሮሳ፥ “ታና ካላ” ያጌዳ።
JOH 21:20 ጰጽሮሰ ጉየ ስሚደ፥ የሱስ ሲቅያ ካልያዌ ባረፐ ጉየና ይያዋ በኤዳ፤ ሄ ካልያዌ ካዉዋ ምያ ሳኣን የሱሳኮ ሺቂደ አ፥ “ጎዳዉ፥ ኔና አꬅ እማናዌ ኦኔ?” ያጌዳዋ።
JOH 21:21 ጰጽሮሰ ሄ ካልያዋ በኢደ የሱሳ፥ “ጎዳዉ፥ ሀ ብታኒ ቃይ ዋናኔ?” ያጌዳ።
JOH 21:22 የሱስ አ፥ “ታን ያና ጋካናዉ እ ደአና ማላ ታን ኮዮፐ፥ ሄዌ ኔና አያ መቲ? ኔን ታና ካላ” ያጌዳ።
JOH 21:23 ሄዋ ድራዉ፥ ሄ ካልያዌ ሀይቀና ግያ ሃሳያይ እሻቱዋ ኡባኮ ጋኬዳ፤ ሽን የሱስ፥ “ታን ያና ጋካናዉ፥ እ ደአና ማላ፥ ታን ኮዮፐ፥ ኔና አያ መቲ?” ጌዳዋፐ አትን፥ “ሀይቀና” ግቤና።
JOH 21:24 ሄ የዉዋባ ማርካቴዳዌነ ቃይ ሄዋ ጻፌዳዌ ሄ ካልያዋ አ ማርካተꬃይ ቱማ ግድያዋ ኑን ኤሬቶ።
JOH 21:25 የሱስ ኦꬄዳ ሀራ ዳሮባይካ ደኤ፤ ኡባባይ ሁጲያን ሁጲያን ጻፈትንቶ፥ ጻፈትያ ማጻፋቶ ሀ ሙለ አላሚ ግዳናዋ ታዉ ማላተና።
ACT 1:1 ቶፍሎሳ፥ የሱስ ሳሉዋ ቤዳ ጋላሳይ ጋካናዉ፥ ኦꬃናዉነ ታማርሳናዉ ዶሜዳዋ ኡባባ ታን ታ ኮይሮ ማጻፋን ጻፋድ። ሳሉዋ ባናፐ ካሰ እ ባረ ዶሪደ ኪቴዳዋንታ ጌሻ አያናን አዛዜዳ።
ACT 1:3 እ ባረ ኪቴዳዋንቶ ኦይታሙ ጋላሳ ቤቲድነ ቃይ ጾሳ ካዉተꬃባ ኡንቱንቶ ኦዲደ፥ ባረ ዋይያፐ ጉይያን፥ ሀይቁዋፐ ደንዴዳዋ ስ ባይናን ሎይꬅ አማንꬂደ፥ ባረና ኡንቱንታ በሴዳ።
ACT 1:4 ኡንቱንቱና እትፐ ደኢደ፥ ኡንቱንታ ሀዋዳን ያጊደ አዛዜዳ፤ “የሩሳላመፐ ከሶፕተ፤ ሽን ህንተንቱ ታፐ ስሴዳ ታ አቡ ህንተንቶ እማና ጊደ ህዶቴዳዋ ናግተ።
ACT 1:5 አያዉ ጎፐ፥ ዮሃንስ ሃꬃን ጻማቄዳ፤ ሽን ጉꬃ ዎድያፐ ጉይያን፥ ጌሻ አያናን ህንተንቱ ጻማቀታንታ” ያጌዳ።
ACT 1:6 የሱስ ኪቴዳዋንቱ የሱሳና ጋከቴዳ ዎደ አ፥ “ጎዳዉ፥ ሀ ዎድያን እስራኤላቶ ካዉተꬃ ዛራኒ?” ያጊደ ኦቼድኖ።
ACT 1:7 የሱስ ኡንቱንታ፥ “ታ አቡ ባረ ጎዳተꬃን ኬሬዳ አገናነ ዎድያ ህንተንቱ ኤራናሳ ግደና።
ACT 1:8 ሽን ጌሻ አያናይ ህንተንቱ ቦላ ዎꬍያ ዎደ፥ ዎልቃ ህንተንቱ አካንታ፤ ያቲደ የሩሳላመንነ ይሁዳ ጋድያ ኡባን፥ ሳማርያንነ ጋድያ ጋጻ ኡባ ጋካናዉ ታዉ ማርካትያዋንታ ግዳንታ” ያጌዳ።
ACT 1:9 ሄዋ ጌዳዋፐ ጉይያን፥ ኡንቱንቱ ጼልሽን፥ ꬎቁ ꬎቁ ጊደ፥ ሳሉዋ ቢና፥ ኡንቱንቱ አይፍያፐ ሻሪ አ ገንꬄዳ።
ACT 1:10 የሱስ ቦላዉ ደንድያ ዎደ፥ ኡንቱንቱ ሳሉዋ ጫድ ጼልሽን፥ ቦꬃ ማዩዋ ማዬዳ ላኡ አሳቱ ኤለካ ኡንቱንቱ ማታን ኤቂደ፥
ACT 1:11 “ጋሊላ አሳቶ፥ ሳሉዋ ጼሊደ፥ ህንተንቱ አያዉ ኤቄድቴ? ሀ ህንተንቱፐ ሳሉዋ ቤዳ የሱስ ሳሉዋ ብያዋ ህንተንቱ በኤዳዋዳንካ፥ ስሚደ ያናዋ” ያጌድኖ።
ACT 1:12 ሄዋፐ ጉይያን፥ የሱስ ኪቴዳዋንቱ ደብረ ዛይተ ጌተትያ ዎጋራ ምꬃ ደርያፐ የሩሳላመ ስሜድኖ። ዎጋራ ምꬃ ደሪ የሩሳላመፐ እት ኪሎ ምትርያ ኬና።
ACT 1:13 የሱስ ኪቴዳዋንቱ የሩሳላመ ገሊደ፥ ባረንቱ ደእያ ሳኣ ꬎቃ ፑደ ከሴድኖ፤ ያ ከሴዳዋንቱ ሱንꬃይ ጰጽሮሳ፥ ዮሃንሳ፥ ያቆባ፥ እንድራሳ፥ ፕልጶሳ፥ ቶማሳ፥ ባርታላሞሳ፥ ማቶሳ፥ እልፕዮሳ ናኣ ያቆባ፥ ባረ ጋድያዉ ሴለትያ ስሞናነ ያቆባ ናኣ ይሁዳ።
ACT 1:14 ሀዋንቱ ኡባቱ ማጫዋንቱና፥ የሱሳ ዳይ ማይራምናነ የሱሳ እሻቱዋና ኡባይ እት ዎዛና ግዲደ፥ ኡባ ዎደ እትፐተꬃን ዎሳዉ ሺቂኖ።
ACT 1:15 ሄ ዎደ፥ ጰጽሮስ ጼታነ ላታማ ግድያ አማንያ አሳ ሺቁዋን እትፐ ደእያ ባረ እሻቱዋ ግዶን ደንድ ኤቂደ፥ ሀዋዳን ያጌዳ፤
ACT 1:16 “ታናዳን አማንያዋንቶ፥ የሱሳ ኦይቄዳዋንታ ካለꬄዳ ይሁዳባ ጌሻ አያናይ ካሰ ዳዊተ ዶናን ኦዴዳ ጾሳ ማጻፋ ቃላይ ፖለታናዉ በሴ።
ACT 1:17 አያዉ ጎፐ፥ ይሁዳ አስቆሮቱ ኑናና ደኤ፤ ቃይ ኑናና እቱዋ ግድ ፓይደቲደ ኦሱዋ ባጋይ ደአና ማላ ዶረቴዳ” ያጌዳ።
ACT 1:18 ይሁዳ አስቆሮቱ ባረ ኢታ ኦሱዋን ደሜዳ ሚሻን ጋድያ ሻሜዳ፤ ስንꬃዉ ጉፋኒደ ኩንድና፥ አ ኡሉ ግዱዋፐ ዳከቴዳ፤ አ ማራጪ ኡባይካ ካረዉ ጱልጸት ከስ አጌዳ።
ACT 1:19 ይሁዳ ቦላ ሀኔዳዋ የሩሳላመን ደእያ አሳይ ኡባይ ስሴዳ፤ ሄዋ ድራዉ፥ ሄ ጋድያ ባረንቱ ቃላን አከልዳማ ጊደ ሱንꬄድኖ፤ ሄዋ ብለꬃይ ሱꬃ ጋድያ ግያዋ።
ACT 1:20 ጰጽሮስ ኦዲደ፥ አያዉ ጎፐ፥ ማዝሙርያ ማጻፋን፥ አ ጎሊ መላ አቶ፤ ኦንነ ሄዋን ደኦፖ ቃይ አ ሱንꬃተꬃካ ሀራይ አኮ ጌተቲደ ጻፈቴዳ።
ACT 1:21 ሄዋ ድራዉ፥ እት አሳይ ጎዳ የሱሳ ደንዱዋ ማርካታናዉ፥ ኑናና ጋከታናዉ በሴ፤ ዮሃንስ ጻማቄዳ ዎድያፐ ዶሚደ፥ የሱስ ኑፐ ሳሉዋ ቤዳ ዎዲ ጋካናዉ፥ ጎዳ የሱስ ኑናና ሀመቴዳ ዎድያ ኡባን እ ኑናና ደእያዋንቱፐ እቱዋ ግድ ሱንታናዉ በሴ።
ACT 1:23 ሄዋፐ ጉየ አማንያ አሳይ ዶሮ ዮስጾሳ ግያ ባርሳባ ጌተትያ ዮሴፎነ ማትያሳ ላኡዋ ኤሴድኖ።
ACT 1:24 ሄዋፐ ጉይያን፥ ጾሳ ዎሲደ፥ “ኡባ ዎዛና ኤርያ ጎዳዉ፥ ይሁዳ አስቆሮቱ ባረሳ ባናዉ የጊደ ቤዳ ኦሱዋነ የሱስ ኪቴዳ ኦሱዋ ሀዳራ አካናዳን፥ ሀ ላኡ አሳቱዋፐ እቱዋ ኔን ዶሬዳዋ ኑና በሳ” ያጌድኖ።
ACT 1:26 ኡንቱንቱን ሳማ የጌድኖ፤ ሳማይ ማትያሳ ቦላን ዎꬍና፥ ማትያስ የሱስ ኪቴዳ ታማነ እት ኪተታዋንቱና ፓይደቴዳ።
ACT 2:1 ጰንጸቆስተ ግያ ጋላሳይ ጋኬዳ ዎደ፥ አማንያዋንቱ ኡባቱ እትፐ ግዲደ፥ እትሳ ሺቅ ደእሽን፥
ACT 2:2 ዎልቃማ ጎቱዋዳን ጉምያ ጉንꬃይ ዎዛና አናን ሳሉዋፐ ዪደ፥ ኡንቱንቱ ኡቴዳ ጎልያ ኡባ ኩሜዳ።
ACT 2:3 ቃይ ታማ ላጩዋዳን ፖዱግያዌ ኡንቱንቶ ቤቲደ፥ ሻከት ሻከት፥ ኡንቱንቱ ኡባ ቦላ ዎꬌዳ።
ACT 2:4 ኡንቱንቱ ኡባን ጌሻ አያናይ ኩሚደ፥ ዱማ ዱማ ቃላን ሃሳያና ማላ፥ ኡንቱንታ ዳንዳይስና፥ ሃሳያ ዶሜድኖ።
ACT 2:5 ሳኣን ደእያ አሳ ዘረꬃ ኡባፐ ዪደ፥ ጾሳዉ ያይያ እትፐ ደእያ አይሁዳቱ የሩሳላመን ደኢኖ።
ACT 2:6 ሀ ጉንꬃ ስሴዳ ዎደ፥ አሳይ ኡባይ ሺቄዳ፤ ኡንቱንቱ ባረንቱ ቃላን ቃላን ሃሳይሽን ስሴዳ ድራዉ፥ ግያዋ ꬋዬድኖ።
ACT 2:7 አሳይ ኡባይ ማላለቲደነ ሀዌ ኦራꬃባ ጊደ፥ “በእተ፤ ሀ ሃሳይያዋንቱ ኡባቱ ጋሊላ አሳቱዋ ግድክኖ?
ACT 2:8 ያትና፥ ኑን ኑ የለቴዳ ጋደ ቃላን ኡንቱንቱ ሃሳይሽን ዋኒደ ስሴቶ?
ACT 2:9 ኑን ጳርተ አሳቱ፥ ሜዶነ አሳቱ፥ ኤላሜጸ አሳቱ፥ ላኡ ሻፋቱዋፐ ግዱዋን ደእያዋንቱ፥ ይሁዳን፥ ቃጳዶቅያን፥ ጳንጾሳን፥ ኢስያን፥
ACT 2:10 ፕርግያን፥ ጵንፍልያን፥ ግብጼን፥ ቀሬና ባጋን ደእያ ሊብያ ዎራዳቱዋን ደእያዋንቱ፥ ሮመፐ ዬዳ እማꬃቱ፥ አይሁዳቱ፥ አይሁዳተꬃዉ ላመቴዳ ኑፐ አማሬዳዋንቱ፥ ቃርጼሰ አሳቱነ፥ አራብያ አሳቱ፥ ጾሳይ ኦꬄዳ ዎልቃማ ኦሱዋ ኑ ቃላን ኡንቱንቱ ሃሳይሽን ስሴዶ” ያጌድኖ።
ACT 2:12 ኡባይካ ማላለቲደ፥ የዉ ባረንቶ ገለናን እጽና ባረንቱ ግዶን፥ “ላ ሀዌ ዋግያዌ?” ያጌድኖ።
ACT 2:13 ሽን ሀራ አሳቱ አማንያዋንቱ ቦላን ቅሊጪደ፥ “ሀዋንቱ ኡሺደ ማꬆቴድኖ” ያጌድኖ።
ACT 2:14 ሽን ጰጽሮስ፥ የሱስ ኪቴዳ ሀራ ታማነ እት ኪተቶዋንቱና ደንድ ኤቂደ፥ ባረ ኮሻ ꬎቁ ኦꬂደ፥ ኡንቱንቶ ሀዋዳን ያግ ኦዴዳ፤ “አይሁዳቶ፥ ቃይ የሩሳላመን ደእያ ኡባቶ፥ ታን ኦድያዋ ስስተ። ሀዌ ህንተንቶ ኤረቶ፤ ህንተንቱ ቆፕያዋዳን፥ ሀዋንቱ ማꬆትበይክኖ።
ACT 2:15 አያዉ ጎፐ፥ ዎንታፐ ብሮ ሄዙ ሳተ ግዴ።
ACT 2:16 ሽን ሀዌ ናብያ ኢዩኤል ሃሳዬዳዋ።
ACT 2:17 “እ ሃሳዪደ፥ ‘ጾሳይ ሀዋዳን ያጌዳ፤ ዎድያ ዉርሰꬃን ሀዋዳን ሀናናዋ። ታን አሳ ኡባ ቦላን ታ አያና ጉሳና። ህንተንቱ አቱማ ናናይነ ህንተንቱ ማጫ ናናይ ትምቢትያ ኦዳናዋንታ። ህንተንቱ ዎዳላ ናናይካ ሳፃ በአናዋንታ፤ ህንተንቱ ጭማቱካ አኩሙዋ አኩመታናዋንታ።
ACT 2:18 ሄ ጋላሳቱን ታ አቱማ ቆማቱዋ ቦላንነ ታ ማጫ ቆማቱዋ ቦላን ታን ታ አያና ጉሳና። ሄዋፐ ጉየ ኡንቱንቱ ትምቢትያ ኦዳናዋንታ።
ACT 2:19 ቃይ ታን ቦላ ሳሉዋን ኦራꬃባ፥ ጋርሳ ሳንካ ማላታ በሳና። ሱꬃይ፥ ታማይነ ሻርያዳን፥ ካሜዳ ጩዋይ ደአና።
ACT 2:20 ዎልቃማነ ቦንቾ ግዴዳ ጎዳ ጋላሳይ፥ ጋካናፐ ካሰ አዋይ ꬉማና፤ አገናይካ ሱꬃ ማላታና።
ACT 2:21 ሄ ዎደ ሀዋዳን ሀናናዋ፤ ጎዳ ሱንꬃ ጼስያ ኦንነ አታና’ ያጌዳ።
ACT 2:22 “እስራኤልያ አሳቶ፥ ሀ ቃላ ስስተ፤ ናዝሬትያ የሱስ ህንተንቱ ግዶን ጾሳይ ባረናን ኦꬄዳ ዎልቃማ ኦሱዋን፥ ኦራꬃባንነ ማላታን ህንተንቶ ꬊሽሴዳ አሳ፤ ሄዋ ህንተንቱካ ኤሪታ።
ACT 2:23 የሱስ ህንተንቶ እመታና ማላ፥ ጾሳይ ካሰ ባረ ሸንያንነ ባረ ኤራን ባረ ቆፋ ቃች ዎꬄዳ፤ ያትና፥ አ ህንተንቱ ናጋራንቻቱዋ ኩሽያን ማስቃልያ ቦላ ምስማርያን ꬍሽሲደ፥ ካቅስ ዎꬍሴድታ።
ACT 2:24 ሽን ሀይቁ የሱሳ ኦይቃናዉ ዳንዳይቤና ድራዉ፥ ጾሳይ ሀይቁዋ ሴላ አፐ ꬋይሲደ፥ አ ደንꬄዳ።
ACT 2:25 አያዉ ጎፐ፥ ዳዊተ የሱሳባ ሀዋዳን ያጌዳ፤ “ ‘ታን መቶተናዳን፥ ጎዳይ ታ ኡሸቻን ደእያ ድራዉ፥ ታን ኡባ ዎደ ጎዳ ታ ማታን በአይ።
ACT 2:26 ሄዋ ድራዉ፥ ታ ዎዛናይ ናሸቴዳ፤ ታ እንጻርሳንካ ናሸቻይ ኩሜዳ። ቃይ ታ ቦላይካ ሎኦ ደአና ጊደ፥ ናሸቻን ናጌ።
ACT 2:27 አያዉ ጎፐ፥ ታ ሸምፑዋ፥ ስኦልያን አጋካ። ቃይ ነ ጌሻ ናኣ አሃካ ዎቀꬃካ።
ACT 2:28 ኔን ታና ደኡዋ ኦግያ ኤርሳዳ። ኔን ታናና ደእያዋን፥ ታን ዳሪ ናሸታይ’ ያጌዳ።
ACT 2:29 “እሻቶ፥ ኑ አዎቱዋ ካፑዋ ዳዊተባ ታን ህንተንቶ ጌሻደ ኦዳናዉ በሴ፤ ዳዊተ ሀይቂደ ሞገቴዳ፤ አ ዱፉ ሀቼ ጋካናዉካ ኑ ማታን ደኤ።
ACT 2:30 ዳዊተ ናብያ ግዴዳ ድራዉነ ጾሳይ አ ናና ዘረꬃፐ እቱዋ አ ካዉተꬃ ኦይድያን ኡትሳናዉ አዉ ጫቄዳዋ ኤሬዳ ድራዉ፥
ACT 2:31 ክርስቶሳ ደንዱዋ ስንꬃዉ ጼሊደ፥ ‘አ ሸምፑ ስኦልያን አትቤና፤ አ ቦላይካ ዎቂቤና’ ጊደ ኦዴዳ።
ACT 2:32 “ጾሳይ የሱሳ ሀይቁዋፐ ደንꬄዳዎ ኑን ኡባይ ማርካ።
ACT 2:33 ሄዋ ድራዉ፥ ጾሳይ ባረፐ ኡሸቻ ባጋን አ ꬎቁ ꬎቁ ኦꬂደ፥ አዉ ጌሻ አያና እማና ጌዳዋዳን፥ ጌሻ አያና አኪደ፥ ሀዋ ህንተንቱ ሀእ በእያዋነ ስስያዋ ኑ ቦላ ጉሴዳ።
ACT 2:34 “አያዉ ጎፐ፥ ዳዊተ ባረ ሁጰዉ ሳሉዋ ከስቤና፤ ሽን ያጌዳ፤ “ ‘ጎዳይ ታ ጎዳ፤ “ታን ነ ሞርከቱዋ፥ ኔን ገድያን የꬋ ኤቂያዋ ኦꬃና ጋካናዉ ሀዋን ታፐ ኡሸቻ ባጋና ኡታ” ጌዳ’ ያጌዳ።
ACT 2:36 “ሄዋ ድራዉ፥ ጾሳይ ማስቃልያ ቦላ ምስማርያን ሀ ህንተንቱ ꬍሺደ ካቄዳ የሱሳ ጎዳነ ክርስቶሳ ኦꬄዳዋ እስራኤልያ አሳ ዘረꬃይ ኡባይ ቱሙፐ ኤሮ” ያጌዳ።
ACT 2:37 አሳይ ጰጽሮስ ጌዳዋ ስሴዳ ዎደ፥ አሳዉ ዎዛናይ ዳሮፐ ቦሸትና፥ ጰጽሮሳነ የሱስ ኪቴዳ ሀራቱዋ፥ “ኑ እሻቶ፥ ያትና ኑን አያ ኡዳኔ?” ያጌድኖ።
ACT 2:38 ጰጽሮስ ኡንቱንታ፥ “ህንተንቱ ናጋራይ አቶ ጌተታና ማላ፥ ናጋራፐ ስሚደ፥ ህንተንቱ ሁጲያን ሁጲያን የሱስ ክርስቶሳ ሱንꬃን ጻማቀትተ። ጾሳይ እምያ ጌሻ አያና ህንተንቱ አካና።
ACT 2:39 አያዉ ጎፐ፥ ጾሳይ እማና ጌዳ ቃላይ ህንተንቱሳ፥ ህንተንቱ ናናቱዋሳነ ጎዳይ ኑ ጾሳይ ባረኮ ጼስያ ሃኩዋን ደእያዋንቱ ኡባሳ” ያጌዳ።
ACT 2:40 ጰጽሮስ ኡንቱንቶ ቃላ ሀራካ ጉጅ ማርካቲደ፥ “ሀ ዎድያ ጌላ አሳፐ ህንተንቱ ሁጲያ አሽተ” ያጊደ ዞሬዳ።
ACT 2:41 ጰጽሮስ ኦዴዳዋ አኬዳዋንቱ ጻማቀቴድኖ፤ ሄ ጋላስ ሄዙ ሻአ ግድያ አሳይ አማኔድኖ።
ACT 2:42 ኡንቱንቱ የሱስ ኪቴዳዋንቱ ትምርትያን፥ እትፐተꬃን ኡክꬃ መንꬅ ምያዋንነ ጾሳ ዎሳን ገንጪኖ።
ACT 2:43 የሱስ ኪቴዳዋንቱ ኩሽያን ዳሮ ኦራꬃባይነ ማላታቱ ኦሰትና፥ አሳ ኡባ ያሻይ ኦይቄዳ።
ACT 2:44 አማኔዳ ኡባቱ እትፐ ደኢኖ፤ ቃይ ባረንቶ ደእያባ ኡባካ እትፐ ሻክ አኬድኖ።
ACT 2:45 ኡንቱንቱ ባረንቱ ጋድያነ ባረንቶ ደእያባ ዛልእ ዛልኢደ፥ ኦናነ ኮሼዳ ኬና ሚሻ ኡባዉ ሻኬድኖ።
ACT 2:46 ቃይ ኡባ ጋላስ፥ እት ዎዛና ግዲደ፥ ጌሻ ጎልያን ፓጨናን ጋከቲደ፥ ባረንቱ ጎለ ጎለ ጼሰቲደ ናሸቻንነ ፓሽካ ዎዛናን ቁማ ሚኖ።
ACT 2:47 ጾሳ ጋላቲደ፥ አሳ ኡባን ሳበቴድኖ። ቃይ ጎዳይ አማን አትያዋንታ ጋላስ ጋላስካ ኡንቱንቱ ቦላ ጉጄ።
ACT 3:1 እት ጋላስ፥ ጰጽሮስነ ዮሃንስ ጾሳ ዎሳናዉ ኡዱፑ ሳትያን ጌሻ ጎልያ ቤድኖ።
ACT 3:2 የለቶደፐ ዶሚደ፥ ጉንዳ ግዲደ ደእያ እት ብታኒ ጌሻ ጎልያ ገልያ አሳፐ ሚሻ ዎሳናዉ፥ ኡባ ጋላስ ዳሪ ሎአ ግያ ጌሻ ጎልያ ፐንግያን አሳይ አፊደ ዎꬅያዌ ደኤ።
ACT 3:3 ሄ ዎባ ብታኒ፥ ጰጽሮስነ ዮሃንስ ጌሻ ጎልያ ገላና ሀንሽን በኢደ፥ ሚሻ ኡንቱንታ ዎሴዳ።
ACT 3:4 ጰጽሮስ ዮሃንሳና አ ጫድ ጼሊደ፥ “ኑኮ ሃ ጼላ” ያጌዳ።
ACT 3:5 ዎባ ብታኒ ኡንቱንቱፐ እትባ አካናዉ ኮዪደ፥ ኡንቱንቱኮ ጼሌዳ።
ACT 3:6 ሽን ጰጽሮስ አ፥ “ታዉ ሚሻይ ባዋ፤ ሽን ታዉ ደእያባ ታን ነዉ እማና፤ ናዝሬትያ የሱስ ክርስቶሳ ሱንꬃን ደንዳደ ሀመታ” ያጌዳ።
ACT 3:7 ያቲደ፥ ዎባ ብታንያ ባረ ኡሸቻ ኩሽያን ኦይቂደ፥ ፑደ ደንꬄዳ፤ ኤለካ አ ገዲነ ሜሽ መቀꬃይ ምን አጌዳ።
ACT 3:8 ብታኒ ፑደ ጉፒደ፥ ደንድ ኤቄዳ፤ ያነ ሃነ ሀመታ ዶሜዳ። ሄዋፐ ጉይያን ሀመቲደ፥ ጉፒድነ ጾሳ ጋላቲደ፥ ኡንቱንቱና እትፐ ጌሻ ጎልያ ገሌዳ።
ACT 3:9 እ ሀመትሺናነ ጾሳ ጋላትሽን፥ አሳይ ኡባይ አ በኤዳ።
ACT 3:10 ያቲደ፥ ሚሻ ዎሳናዉ ዳሪ ሎአ ግያ ጌሻ ጎልያ ፐንግያን ኡቴዳዌ አ ግዴዳዋ አኬኬድኖ፤ እ ሀኔዳዋ በኢደ ማላለቴድኖ።
ACT 3:11 ብታኒ ጰጽሮሳነ ዮሃንሳ ኦይቂ ኡቴዳ ዎደ፥ አሳይ ኡባይ ማላለቲደ፥ ሶሎሞነ ባራንዳ ግያ ሳን እትፐ ኡንቱንቱኮ ዎጼድኖ።
ACT 3:12 ጰጽሮስ አሳ በኤዳ ዎደ ኡንቱንቶ ያጌዳ፤ “እስራኤልያ አሳቶ፥ አያዉ ሀዎ ማላለቲቴ? ዎይ አያዉ ኑና ጫድ ጼሊቴ? ኑን ኑ ዎልቃን ዎይ ጾሳ ማላትያዋን ሀ ብታንያ ሀመꬄዳዋ ህንተንቶ ማላቲ?
ACT 3:13 አብራሃሞ ጾሳይ፥ ይሳቃ ጾሳይ፥ ያቆባ ጾሳይ፥ ኑ አዎቱዋ ጾሳይ፥ ህንተንቱ አꬅ እሜዳዋ ጵላጾስ ብላናዉ ቆፕ ኡቴዳ ዎደ፥ ህንተንቱ አ ስንꬃን፥ ‘ኑን አ ኤሮኮ’ ጌዳ ባረ ናኣ የሱሳ ቦንቼዳ።
ACT 3:14 ሽን ህንተንቱ ጌሻነ ጽሉዋ፥ ‘ኑን አ ኤሮኮ’ ጊደ፥ ሸምፑዋ ዎꬌዳዋ አ ድራ ህንተንቶ ብላናዉ ጵላጾሳ ዎሴድታ።
ACT 3:15 ደኡዋ እምያዋ ህንተንቱ ዎꬌድታ፤ ሽን ጾሳይ ሀይቁዋፐ አ ደንꬄዳዎ ኑን ማርካ።
ACT 3:16 ሀ ዎባ ብታንያ የሱሳ ሱንꬃ ዎልቃይ ምንሴዳ፤ ህንተንቱ በእያዌነ ኤርያዌካ እ አ ሱንꬃን አማንያዋን ኦሰቴዳ፤ ሀ ህንተንቱ ኡባ ስንꬃን አ ሀዋዳን ሎይꬄዳዌ፥ የሱሳ እ አማንያዋ።
ACT 3:17 “ሀእካ ታናዳን አማንያዋንቶ፥ ህንተንቱካ ህንተንታ ካልያዋንቱዳን፥ ኤረናን ኦꬄዳዋ ታን ኤራይ።
ACT 3:18 ሽን ጾሳይ በን፥ ናባቱዋ ኡባቱዋ ዶናን፥ ‘ክርስቶስ ዋየታና በሴ’ ያጊደ ኦዴዳ፤ ባረ ኦዴዳዋካ ሄዋዳን ፖሌዳ።
ACT 3:19 ስም ጾሳይ ህንተንቱ ናጋራ ማራናዳን፥ ጎዳ ማታፐ አያና ምኖተꬃ ዎዲ ህንተንቶ ያናዳንነ ጾሳይ የሱስ ክርስቶሳ ካሰ ህንተንቶ ኦደቶዋዳን የዳናዳን፥ ህንተንቱ ናጋራ ፓጺደ ጾሳኮ ስምተ።
ACT 3:21 ጾሳይ ጌሻ ግዴዳ ባረ ናባቱዋ ዶናን በንፐ ዶሚደ ሃሳዬዳዋዳን፥ ኡባባይ ኦራጽያ ዎዲ ጋካናዉ፥ የሱስ ሳሉዋን ጋምአናዉ በሴ።
ACT 3:22 ሙሴ፥ ‘ጎዳይ ጾሳይ፥ ህንተንቱ ዛርያ ግዶፐ ህንተንቶ ታናዳን ናብያ ደንꬃና፤ ህንተንቱ እ ግያዋ ኡባ ስስተ።
ACT 3:23 ሄ ናቢ ኦድያዋ ስሰና አሳይ ኦንነ አሳ ግዶፐ ሻከት ꬋዮ’ ያጌዳ።
ACT 3:24 “ቃይ ሳሜላፐ ዶሚደ፥ አፐ ካላ ደንዴዳ ናባቱ ኡባቱ፥ ሀ ዎድያባ ኦዴድኖ።
ACT 3:25 ህንተንቱ ናባቱዋ ናና፤ ቃይ ጾሳይ አብራሃሞ፥ ‘ሳኣን ደእያ አሳ ኡባ ታን ነ ዘረꬃ ባጋና አንጃና’ ያጊደ ኑ አዎቱዋና ጫቄዳ ጫቁዋ ላትያ ናና።
ACT 3:26 ጾሳይ ህንተንታ ኡባቱዋ ህንተንቱ ኢታ ኦሱዋፐ ዛሪደ አንጃና ማላ፥ ባረ ቆማ ደንꬂደ፥ ህንተንቶ ኮይሮ የዴዳ” ያጌዳ።
ACT 4:1 ጰጽሮስነ ዮሃንስ አሳዉ ኦድሽን፥ ቄሳቱዋ ካፓቱ፥ ጌሻ ጎልያ ዎታዳራቱዋ አዛዝያዌነ ሳዱቃዋናቱ፥
ACT 4:2 ኡንቱንቱ አሳ ታማርስያ ድራዉነ ሀራ አሳቱ ሀይቁዋፐ ደንዳናዎ ማርካ ግዳና ማላ፥ የሱስ ሀይቁዋፐ ደንዴዳዋ ኦዴዳ ድራዉ፥ ዳሪ ይሎቲደ፥ ኡንቱንቱኮ ዬድኖ።
ACT 4:3 ኡንቱንታ ኦይቂደ፥ ሳአይ ኦማርስድጎ ድራዉ ዎንታናዉ ቃሾ ጎለ ገልሴድኖ።
ACT 4:4 ሽን ቃላ ስሴዳዋንቱፐ ጮራቱ አማኔድኖ፤ አቱማ አሳ ፓይዱ እቼሹ ሻአ ኬና ግዴዳ።
ACT 4:5 ዎንተꬃ ጋላስ፥ ኡንቱንታ ሞድያዋንቱ፥ አይሁዳ አሳ ጭማቱ፥ ሙሴ ህግያ ታማርስያዋንቱ፥ ቄሳቱዋ ኡባቱዋ ካፓቱ ሃን፥ ቃያፍ፥ ዮሃንስ እስክንድርነ ቄሳቱዋ ኡባቱዋ ካፓቱዋ ዳባቱ ኡባይ የሩሳላመን ሺቄድኖ።
ACT 4:7 የሱስ ኪቴዳዋንታ ባረንቱ ግዱዋን ኤሲደ፥ “አያ ዎልቃን ዎይ ኦ ሱንꬃን ሀዋ ህንተንቱ ኦꬄድቴ?” ያጊደ ኦቼድኖ።
ACT 4:8 ሄ ዎደ ጰጽሮስ ባረናን ጌሻ አያናይ ኩምና፥ ኡንቱንታ ሀዋዳን ያጌዳ፤ “አሳ ካለꬅያዋንቶ፥ አይሁዳ አሳ ጭማቶ፥
ACT 4:9 ሀቼ ሀ ሀርጋንቻ ብታንያዉ ኦሰቴዳ ሎኦ ኦሱዋባነ እ ዋን ፓጼደንቶ፥ ህንተንቱ ኑና ኦቾፐ፥
ACT 4:10 ማስቃልያ ቦላ ምስማርያን ህንተንቱ ꬍሺደ ካቂና፥ ጾሳይ ሀይቁዋፐ ደንꬄዳ ናዝሬትያ የሱስ ክርስቶሳ ሱንꬃን ሀ ብታኒ ፓጺደ፥ ህንተንቱ ስንꬃን ኤቄዳዌ ህንተንቱ ኡባዉነ እስራኤልያ አሳ ኡባዉ ኤረቶ።
ACT 4:11 ጎልያ ኬጽያዋንቱ ህንተንቱ ካꬊደ እጼዳ ቱሳይ ጎልያ ኡባ ቶክያ ኮሽያ ቱሳ ግዴዳ።
ACT 4:12 አሳይ አቶተꬃ የሱሳ ባጋና ደማናፐ አትን፥ ሀራ ኦ ባጋናነ ደመና፤ ኑን አ ሱንꬃን ኦꬃናዉ በሴ፤ አያዉ ጎፐ፥ ጾሳይ ሳሉዋፐ ጋርሳን አሳዉ እሜዳ ሀራ ሱንꬃይ ባዋ” ያጌዳ።
ACT 4:13 ሺቁዋ አሳይ ጰጽሮስነ ዮሃንስ ጻሌዳ ጻላ በኤዳ ዎደ፥ ኡንቱንቱ ታማርቤና ጮ አሳ ግዴዳዋ አኬኪደ ማላለቴድኖ፤ ኡንቱንቱ የሱሳና ደእያዋካ ኤሬድኖ።
ACT 4:14 ቃይ ፓጼዳ ብታኒ ጰጽሮሳናነ ዮሃንሳና ኤቄዳዋ አሳይ በኢደ፥ ግያዋ ꬋዬድኖ።
ACT 4:15 ሽን ጰጽሮስነ ዮሃንስ ሺቁዋፐ ካረ ከሳና ማላ አሳይ አዛዚደ፥ ባረ ግዶን ዞረቲደ፥
ACT 4:16 “ሀ አሳቱዋ አያ ኡዳኔ? አያዉ ጎፐ፥ ኡንቱንቱ ኩሽያን ኦሰቴዳ ዎልቃማ ማላታቱ የሩሳላመን ደእያ ኡባዉ ቤቴዳ። ኑን ሄዋ ኤሮኮ ጋናዉ ዳንዳዮኮ።
ACT 4:17 ሽን የዉ አሳዉ ላለተና ማላ፥ ሀዋፐ ስንꬃዉ ሀ አሳቱ የሱሳ ሱንꬃ ኦስነ ኦደናዳን፥ ምንሲደ ኡንቱንታ፥ ‘ህንተና ኤርተ’ ጎይተ” ያጌድኖ።
ACT 4:18 ኡንቱንቱ ጼሲደ፥ የሱሳ ሱንꬃ ሙለካ ደንናዳንነ አባ ታማርሰናዳን አዛዜድኖ።
ACT 4:19 ሽን ጰጽሮስነ ዮሃንስ ዛሪደ፥ “ጾሳዉ ኤኖ ግያዋ አጊደ፥ ህንተንቶ ኤኖ ግያዌ ጾሳ ስንꬃን ሎኤንቶነ አነ ህንተ ፕርድተ።
ACT 4:20 አያዉ ጎፐ፥ ኑን በኤዳባነ ስሴዳባ ኦደናን አጋናዉ ዳንዳዮኮ” ያጊደ ሺቄዳ አሳዉ ኦዴድኖ።
ACT 4:21 ሺቄዳ አሳይ ኡንቱንታ ሙራናዉ ጋሶትያባይ ꬋይና፥ ላኤንꬁዋ ዳርስ ፓሉመቲደ፥ ሀኔዳባዉ አሳይ ኡባይ ጾሳ ጋላትያ ድራዉ፥ ኡንቱንታ ብሊደ የዴድኖ።
ACT 4:22 ሄ ሀርግያፐ ፓꬅያ ማላታቱ አዉ ኦሰቴዳ ብታኒ የለቶደፐ ላይꬃይ አዉ ኦይታሙዋፐ አꬌዳ።
ACT 4:23 ጰጽሮስነ ዮሃንስ ብለቲደ፥ ባረንቱ ዳባቱዋኮ ቢደ፥ ቄሳቱዋ ካፓቱነ አይሁዳ ጭማቱ ባረንታ ጌዳባ ኡባ ኡንቱንቶ ኦዴድኖ።
ACT 4:24 ኡንቱንቱ ሄዋ ስሴዳ ዎደ፥ እት ዎዛና ግዲደ፥ ጾሳ ሀዋዳን ያጊደ ዎሴድኖ፤ “ኡባ ሞድያ ጎዳዉ፥ ሳሉዋ፥ ሳኣ፥ አባነ ኡንቱንቱ ግዶን ደእያ ኡባባ መꬌዳዎ፥
ACT 4:25 ኔን ነዉ ኦꬅያ ኑ አዉዋ ዳዊተ ዶናን ጌሻ አያናን ሃሳያደ፥ “ ‘አይሁዳ ግደና አሳይ አያዉ ይሎቴዴ? ቃይ አሳይ አያዉ ዳንበናባዉ ማቀቴዴ?
ACT 4:26 ሳኣ ካታቱ ጊገቴድኖ፤ ጋድያ ሞድያዋንቱ ጎዳ ቦላንነ እ ኦኬዳ ክርስቶሳ ቦላ እትፐ ደንዴድኖ’ ያጋደ ሃሳያዳ።
ACT 4:27 “አያዉ ጎፐ፥ ሄሮድስነ ጰንጸናውያ ጵላጾስ አይሁዳ ግደና አሳናነ እስራኤልያ አሳና፥ ኔን ኦኬዳ ክርስቶሳ ነ ጌሻ ናኣ የሱሳ ቦላ ደንዳናዉ፥ ሀ ካታማን ሺቄዳዌ ቱማ።
ACT 4:28 ቃይ ኔን ነ ዎልቃንነ ነ ሸንያን ሀናና ጋደ ቆፓ ኡቴዳባ ኡባ ኦꬃናዉ ሺቄድኖ።
ACT 4:29 ሀእካ ጎዳዉ፥ ኡንቱንቱ ናስያ ጼላ፤ ኑን ኔና ካልያዋንቱ፥ ነ ቃላ ኩመንꬃ ቆንጨተꬃን ኦዳናዳን፥ ኑና ዳንዳይሳ።
ACT 4:30 ፓꬃናዉ ነ ዎልቃ በሳ፤ ቃይ ነ ጌሻ ናኣ የሱሳ ሱንꬃን ኦራꬃባነ ማላታ ኦስሳ” ጊደ ዎሴድኖ።
ACT 4:31 ኡንቱንቱ ጾሳ ዎሴዳዋፐ ጉይያን፥ ሄ ኡንቱንቱ ሺቄዳሳይ ቃጼዳ። ኡንቱንቱ ኡባን ጌሻ አያናይ ኩምና፥ ጾሳ ቃላ ቆንጨተꬃን ኦዴድኖ።
ACT 4:32 አማንያዋንቱ ኡባቱ ቆፋንነ ዎዛናን እቱዋ ግዴድኖ። ኡንቱንቱ መሂ ኡባይ እትፐ ደእያዋፐ አትን፥ ባረዉ ደኤዳባ ኦንነ ባረንቱባ ግቤና።
ACT 4:33 የሱስ ኪቴዳዋንቱ ጎዳ የሱስ ሀይቁዋፐ ደንዴዳዋ ዎልቃማ ዎልቃን ማርካቲኖ፤ ቃይ ጾሳይ ኡንቱንቶ ኡባዉ አꬎ ኬካተꬃ ዳርሲደ እሜዳ።
ACT 4:34 አማንያዋንቱ ግዶን መቶታንቻይ እቱነ ባዋ፤ አያዉ ጎፐ፥ ቢታይ ዎይ ጎሊ ደእያዋንቱ ኡባቱ ዛልኢደ፥ አኬዳ ሚሻ አሂደ፥
ACT 4:35 የሱስ ኪቴዳዋንቶ እሚኖ፤ ሄ ሚሻይ አሳዉ ኮሽያዋዳን ሻከት፥ ሁጲያን ሁጲያን እመቴ።
ACT 4:36 ቆጲሮሳ ጌተትያ ሳን የለቴዳ ዮሴፎ ግያ ሌዊያ ዛሪ እቱ ደኤ፤ አ ሱንꬃ የሱስ ኪቴዳዋንቱ ባርናባሳ ጌድኖ። ሄዋ ብለꬃይ “መንꬅያ ናኣ” ግያዋ።
ACT 4:37 ባርናባስ ባረዉ ደእያ ጋድያ ዛልኤዳ ሚሻ አሂደ፥ የሱስ ኪቴዳዋንቶ እሜዳ።
ACT 5:1 እት ሀናንያ ጌተትያ ብታኒ ባረ ማቻት ሳጲርና ጋድያ ዛልኤዳ።
ACT 5:2 ሄ ዛልኤዳ ሚሻፐ ባረ ማቻታ ኤርሽን አሺደ፥ አቶዋ የሱስ ኪቴዳዋንቶ እሜዳ።
ACT 5:3 ሽን ጰጽሮስ ሀናንያ፥ “ኔን ጌሻ አያና ጭማደ ነ ጋድያ ዛልኤዳ ሚሻፐ ሻካ አሻና ማላ፥ ጻላሂ ነ ዎዛናን አያዉ ገሌዴ?
ACT 5:4 ኔን ዛልአናፐ ካሰ ጋዲ ነዋ ግደኔ? ቃይ ኔን ዛልአ ስምናካ ሚሻይ ኔሳ ግደኔ? ያትና፥ ሀዋ ማላባ ኦꬃናዉ አያዉ ነ ዎዛናን ቆፓዲ? ኔን ጾሳዉ ዎርዶቶዋፐ አትን፥ አሳዉ ዎርዶታበይካ” ያጌዳ።
ACT 5:5 ሀናኒ ሄ ቃላ ስሴዳ ኤለካ ኩንዲደ ሀይቂ አጌዳ፤ ሄዋ ስሴዳ ኡባይ ዳሮ ያዬዳ።
ACT 5:6 ዎዳላ አሳቱ ሶይ ገሊደ፥ አ አሃ ጻጺደ፥ ካረዉ ከስ አ ሞጌድኖ።
ACT 5:7 ሄዙ ሳተ ግዶዋፐ ጉይያን፥ ሀናንያ ማቻታ ሄዋ ኤረናን ደኣደ ገላዱ።
ACT 5:8 ጰጽሮስ እዞ፥ “ህንተንቱ ጋድያ ሀን ኬና ሚሻን ዛልኤድቴ? አነ ታዉ ኦዳ” ያጌዳ። እዛ፥ “ኤ ሀን ኬና ሚሻን ዛልኤዶ” ያጋዱ።
ACT 5:9 ጰጽሮስ ምሽራቶ፥ “ኔንነ ነ አስናይ ጎዳ አያና ፓጫናዉ አያዉ ዞረቴድቴ? በአ፤ ነ አስና ሞጌዳ አሳቱ ካረን ደኢኖ፤ ነ አሃካ ኡንቱንቱ ካረ ከሳና” ያጌዳ።
ACT 5:10 ምሽራታ ሄ ማንእያን ጰጽሮሳ ገድያ ማታን ኩንዳደ ሀይቃ አጋዱ፤ ዎዳላ አሳቱ ገልያ ዎደ ሀይቄዳዉኖ ደሚደ፥ ካረ ከሴዳዋፐ ጉየ፥ እዝ አስና ዱፉዋ ማታን ሞጌድኖ።
ACT 5:11 አማንያ አሳ ኡባይነ ሄዋ ስሴዳ ሀራ አሳይ ኡባይ ዳሪ ያዬዳ።
ACT 5:12 የሱስ ኪቴዳዋንቱ ዳሮ ማላታነ ኦራꬃባ አሳ ግዶን ኦꬂኖ፤ አማንያ ኡባቱ ሶሎሞነ ባራንዳን እትፐ ሺቂኖ።
ACT 5:13 ሀራ አሳፐ ኡንቱንቱና ጋከታናዉ ሀራይ አቶ እቱነ ጻልቤና፤ ሽን አሳይ ኡንቱንታ ቦንቼ።
ACT 5:14 አማንያ አቱማ አሳይነ ማጫ አሳይ ካሰዋፐ ጮራይ ጎዳዉ ጉጀቴ።
ACT 5:15 ሄዋ ድራዉ፥ አሳይ ሀርጋንቻቱዋ ሻንቻማንነ ሳሌናን ቀር ቶኪደ፥ ጰጽሮስ ሄዋና አꬍያ ዎደ ሀራይ አቶ፥ አዉ ኩዌንቶነ ኡንቱንቱፐ እቱዋ እቱዋ ቦላና አꬋና ማላ፥ ካታማ ኦግያ ዶና ከሲደ ዎꬄ።
ACT 5:16 ቃይ ጮራ አሳይ የሩሳላመ ማታን ደእያ ካታማቱዋፐ ሀርጋንቻቱዋነ ኢታ አያናን ኦይቀቴዳ አሳቱዋ አክ ዬድኖ፤ ኡባቱካ ፓጼድኖ።
ACT 5:17 ሄዋፐ ስምና ቄሳቱዋ ካፑነ አናና ደእያ ሳዱቃዋናቱ ኡባቱ የሱስ ኪቴዳዋንታ ዳሮ ቃናቲደ፥ ኡንቱንቱ ቦላ ደንዴድኖ።
ACT 5:18 ቃይ የሱስ ኪቴዳዋንታ ኦይቂደ፥ ኡባ አሳ ቃችያ ጎልያን የጌድኖ።
ACT 5:19 ሽን ጎዳ ኪታንቻይ ቃማ ቃሾ ጎለ ፐንግያ ዶዪደ፥ የሱስ ኪቴዳዋንታ ካረ ከሲደ፥
ACT 5:20 “ህንተንቱ ቢደ፥ ጌሻ ጎልያን ኤቂደ፥ ሀ ኦራꬃ ደኡዋ ቃላ ኡባ አሳዉ ኦድተ” ያጌዳ።
ACT 5:21 የሱስ ኪቴዳዋንቱ ሄዋ ስሴዳ ዎደ፥ ዎንቱማꬃን ጌሻ ጎልያ ገሊደ፥ ታማርሳናዉ ዶሜድኖ። ቃይ ቄሳቱዋ ካፑነ አናና ደእያዋንቱ ዪደ፥ ሺቄዳ አሳና እስራኤልያ ጭማቱዋ ኡባቱዋ እትፐ ጼሲደ፥ የሱስ ኪቴዳዋንታ ባረንቱ ስንꬃ አሀና ማላ፥ ዎታዳራቱዋ ቃሾ ጎለ ኪቴድኖ።
ACT 5:22 ሽን ዎታዳራቱ ቃሾ ጎለ ቢደ፥ የሱስ ኪቴዳዋንታ ደምበይክኖ፤ ጉየ ስሚደ ሺቄዳ አሳዉ፥ “ኑን ብያ ዎደ ቃሾ ጎለ ካርያ ዳሮ ምንስ ቃችና፥ ናግያዋንቱካ ፐንግያን ኤቄዳዋንታ ደሜዶ፤ ሽን ኑን ቃሾ ጎልያ ዶይያ ዎደ፥ ጎለ ጋርሳን ሀራይ አቶ እት አሳይነ ባዋ” ያጌድኖ።
ACT 5:24 ጌሻ ጎልያ ዎታዳራቱዋ ኪትያዌነ ቄሳቱዋ ካፓቱ ሄዋ ስሴዳ ዎደ፥ “ሀዌ ዋኑዋሻ? ቃይ ግድን አዬ ሀናንዴሻ?” ያጊደ ህርጌድኖ።
ACT 5:25 ሄዋፐ ጉይያን፥ እት ብታኒ ኡንቱንቱኮ ዪደ፥ “በእተ፤ ቃሾ ጎልያን ህንተ ቃቼዳ አሳቱ ጌሻ ጎልያን ኤቂደ፥ አሳ ታማርሲኖ” ያጊደ ኡንቱንቶ ኦዴዳ።
ACT 5:26 ጌሻ ጎልያ ዎታዳራቱዋ አዛዝያዌ ዎታዳራቱዋና ቢደ፥ የሱስ ኪቴዳዋንታ አሄዳ፤ ሽን ኡንቱንቱ ባረንታ አሳይ ሹቻን ጫዳናዋንታ ጊደ ያዬዳ ድራዉ፥ ኡንቱንታ ሎዳን አሄድኖ።
ACT 5:27 ኡንቱንቱ የሱስ ኪቴዳዋንታ አሂደ፥ ሄዋ ሺቄዳ ሻንጉዋ ስንꬃን ኤስና፥ ቄሳቱዋ ካፑ ኡንቱንታ፥
ACT 5:28 “ህንተንታ ኑን ሄ ብታንያ ሱንꬃን ታማርሰና ማላ ምንሲደ አዛዝበይኮ? በእተ፤ ህንተ ትምርትያ የሩሳላመ ካታማ ኡባ ጋꬄድታ፤ ቃይ ሄ ብታንያ ሸምፑዋን ኑና ኦይꬃናዉ ቆፒታ!” ያጊደ ኦቼዳ።
ACT 5:29 ጰጽሮስነ የሱስ ኪቴዳ ሀራንቱ ዛሪደ ያጌድኖ፤ “ኑን አሳዉ አዛዘታናፐ ጾሳዉ አዛዘታናዉ በሴ።
ACT 5:30 ማስቃልያ ቦላ ምስማርያን ꬍሽ ካቂደ፥ ህንተ ዎꬌዳ የሱሳ ኑ አዎቱዋ ጾሳይ ሀይቁዋፐ ደንꬄዳ፤
ACT 5:31 እስራኤላቶ ናጋራፐ ስማነ ናጋራ አቶ ጉሳ የሱስ እማና ማላ፥ ጾሳይ ሞድያዋነ አሽያዋ አ ኦꬂደ፥ ባረፐ ኡሸቻ ባጋን ꬎቁ ꬎቁ ኦꬄዳ።
ACT 5:32 ሄዎ ኑን ማርካ፤ ቃይ ጾሳይ ባረዉ አዛዘትያዋንቶ እሜዳ ጌሻ አያናይካ ማርካ” ያጌድኖ።
ACT 5:33 ሺቄዳ አሳይ ሄዋ ስሴዳ ዎደ፥ ዳሮ ይሎቲደ፥ የሱስ ኪቴዳዋንታ ዎꬋናዉ ቆፔድኖ።
ACT 5:34 ሽን አሳ ኡባን ዳሮ ቦንቼቴዳ ጋማልያላ ጌተትያ፥ ህግያ ታማርስያ እት ፓርሳዊ፥ ሺቁዋን ደንድ ኤቂደ፥ የሱስ ኪቴዳዋንቱ ጉꬃ ዎድያ ካረ ከሳና ማላ
ACT 5:35 አዛዚደ ሄዋን ሺቄዳ አሳ ሀዋዳን ያጌዳ፤ “እስራኤልያ አሳቶ፥ ህንተ ሀ አሳቱዋ ኦꬃና ቆፕያዋን ህንተንታ ናግተ።
ACT 5:36 አያዉ ጎፐ፥ ሀዋፐ ካሰ ዎድያን ተዎዳሳ ጌተትያዌ ባረና ዎልቃማ ጊደ ደንዴዳ፤ ደንድና ኦይዱ ጼቱ ግድያ አሳቱ አናና ጋከቴድኖ፤ ሽን አ ዎꬍና፥ አ ካሌዳ ኡባቱካ ላለቲደ፥ ማደና አሳ ግዲደ አቴድኖ።
ACT 5:37 ሄዋፐ ጉይያን፥ አሳይ ፓይደትያ ዎደ፥ ጋሊላ ይሁዳይ ደንዲደ፥ ዳሮ አሳ ፓኑዋ ኦꬂደ ካለꬄዳ፤ ሽን አካ ዎꬍና፥ አ ካሌዳ አሳይ ኡባይ ላለቴዳ።
ACT 5:38 “ሀእካ ታን ህንተንቶ ኦዳይ፤ ሀ አሳቱዋፐ ሻከትተ፤ ኡንቱንታ ቦቾፕተ። አያዉ ጎፐ፥ ሀ ቆፋይነ ሀ ኦሱ አሳይ ኦꬄዳዋ ግዶፐ ꬋያና።
ACT 5:39 ሽን ሀ ቆፋይነ ሀ ኦሱ ጾሳፐ ዬዳዋ ግዶፐ፥ ህንተ ኡንቱንታ ꬋይሳናዉ ዳንዳይክታ፤ ኦን ኤር ሀዋ ሀኒደ ጾሳና ህንተ ኢተተናዳን” ያጌዳ።
ACT 5:40 ሄዋፐ ጉየ ሺቄዳ አሳይ ጋማልያላ ዞርያ አኪደ፥ የሱስ ኪቴዳዋንታ ጼሲደ፥ ልሱዋን ሾጭሴድኖ፤ ሄዋፐ ጉይያን ኡንቱንታ፥ “የሱሳ ሱንꬃ ላኤንꬁዋ ኡባካ ደንꬆፕተ” ግ ብሊደ የዴድኖ።
ACT 5:41 የሱሳ ሱንꬃ ድራዉ፥ ኡንቱንቱ ኡጋቲደ ዬላታናዉ በስያባ ቆፔዳ ድራዉ፥ ሻንጉዋ ስንꬃፐ ናሸቲደ ከሴድኖ።
ACT 5:42 ኡንቱንቱ ኡባ ጋላስ ጌሻ ጎልያንነ አሳ ሶይን የሱስ፥ ክርስቶሳ ግዴዳዋ ታማርስያዋነ ኦድያዋ ያ ጉጄድኖ።
ACT 6:1 ሄ ዎደ፥ ካልያዋንቱ ፓይዱ ዳር ዳር ቢሽን፥ ግሪከ ቃላ ሃሳይያ አይሁዳቱነ ይሁዳን ደእያ አይሁዳቱ ዋላቀቴድኖ፤ አያዉ ጎፐ፥ ግሪከ ቃላ ሃሳይያ አይሁዳቱ፥ “ኡባ ጋላስ ግሸትያ ቁማን ኑ አስናይ ሀይቆ ማጫዋንቱ ናቀቲኖ” ያጌድኖ።
ACT 6:2 የሱስ ኪቴዳ ታማነ ላአቱ ዎሳ ጎለ አሳ ኡባ ጼሲደ፥ ሀዋዳን ያጌድኖ፤ “ኑን ጾሳ ቃላ ኦድያዋ አጊደ፥ ቁማ ግሻናዉ ኑዉ በሰና።
ACT 6:3 እሻቶ፥ ሎአ ጌተትያዋንታ ጌሻ አያናይነ አꬎ ኤራተꬃይ ኩሜዳ ላፑ አሳቱዋ ህንተ ግዶፐ ዶርተ፤ ኑን ቃይ ኡንቱንታ ሀ ኦሶ ሱንꬃና።
ACT 6:4 ሽን ኑን ጾሳ ዎሳንነ ቃላ ኦዱዋን ምናና” ያጌድኖ።
ACT 6:5 የሱስ ኪቴዳዋንቱ ሃሳዬዳ ሃሳያይ አሳ ኡባ ናሸቼዳ፤ ሄዋፐ ጉየ፥ አማኑነ ጌሻ አያናይ ኩሜዳ እስጽፋኖሳ፥ ፕልጶሳ፥ ጵሮኮሮሳ፥ ንቃሮና፥ ጽሞና፥ ጳርሜናነ አይሁዳቱዋ አማኑዋን ገሌዳ አንጾክያ ኒቆላዎሳ ዶሬድኖ።
ACT 6:6 ያቲደ የሱስ ኪቴዳዋንቱ ስንꬃን ኡንቱንታ ኤስና፥ የሱስ ኪቴዳዋንቱ ጾሳ ዎሴዳዋፐ ጉይያን፥ ባረንቱ ኩሽያ ኡንቱንቱ ቦላ ዎꬄድኖ።
ACT 6:7 ጾሳ ቃላይ አክ አክ ቤዳ፤ ካልያዋንቱ ፓይዱዋን የሩሳላመን ዳርስ ዳር ዳር ቤዳ፤ ቃይ ጮራ ቄሳቱካ አማኔድኖ።
ACT 6:8 አꬎ ኬካተꬃይነ ዎልቃይ ኩሜዳ እስጽፋኖስ፥ አሳ ግዶን ኦራꬃባነ ዎልቃማ ማላታ ኦꬄ።
ACT 6:9 አይለተꬃፐ ከሴዳ አሳ ግያ አይሁዳ አማንያዋንቱፐ፥ ቀሬናፐ፥ እስክንድርያ አሳቱዋፐ፥ ክልቂያፐነ ኢስያፐ ዬዳ እት እት አሳቱ ደንዲደ፥ እስጽፋኖሳና ፓሉመቴድኖ።
ACT 6:10 ሽን እስጽፋኖስ አꬎ ኤራተꬃንነ አያናን ሃሳይያዋ ድጋናዉ ዳንዳይበይክኖ።
ACT 6:11 ሄ ዎደ ኡንቱንቱ፥ “ሙሴ ቦላነ ጾሳ ቦላ እ ቦርያ ቃላ ሃሳይሽን ስሴዶ” ግያ ዎርዶ አሳቱዋ ሻሜድኖ።
ACT 6:12 አሳ ኡባ፥ ጭማቱዋነ ሙሴ ህግያ ታማርስያዋንታ ሀንቀꬄድኖ፤ እስጽፋኖሳኮ ዪደ አ ኦይቂደ፥ ሺቄዳ አሳኮ አህና፥
ACT 6:13 አ ቦላ ጼሴዳ ዎርዶ ማርካቱ፥ “ሀ ብታኒ ሀ ጌሻ ጎልያነ ሙሴ ህግያ ቦርያዋ አዉደነ አገና።
ACT 6:14 አያዉ ጎፐ እ፥ ‘ሀዌ ናዝሬትያ የሱስ ሀ ጌሻ ጎልያ ኮላና፤ ሙሴ ኑዉ እሜዳ ህግያካ ላማና’ ያግሽን፥ ኑን ስሴዶ” ያጌድኖ።
ACT 6:15 ሺቁዋን ኡቴዳ አሳይ ኡባይ እስጽፋኖሳ አኬኪደ ጼልያ ዎደ፥ አ ሶምእ ኪታንቻ ሶምእያ ማላቴ።
ACT 7:1 ቄሳቱዋ ኡባቱዋ ካፑ እስጽፋኖሳ፥ “ሀዌ ቱሜ?” ያጊደ ኦቼዳ።
ACT 7:2 እስጽፋኖስ፥ “ታናዳን አማንያዋንቶ፥ ታ አዋቶ፥ ስስተ! ኑ አዉዋ አብራሃሞ ብሮ ካራነ ባናፐ ካሰ ማስጰጾምያን ደእሽን፥ ቦንቾ ጾሳይ አዉ ቤቲደ፥
ACT 7:3 ‘ነ ቢታፐነ ነ ዳባቱዋፐ ሻከታደ፥ ታን ኔና በስያ ጋድያ ባ’ ያጌዳ።
ACT 7:4 ሄ ዎደ አብራሃሞ ካላዳዋቱ ጋድያፐ ከሲደ፥ ካራነን ደአናዉ ቤዳ። አ አቡ ሀይቄዳዋፐ ጉይያን፥ ጾሳይ አ ሀ ጋደ ህንተ ሀእ ደኢያሳ አሄዳ።
ACT 7:5 እ ሀ ጋድያፐ ሀራይ አቶ፥ ገድያን የꬍያ ሳኣካ አብራሃሞ እምቤና፤ ሽን አዉ ናአይ ꬋዮፐካ፥ ጾሳይ አ፥ ‘ታን ነዉነ ኔፐ ጉይያን፥ ነ ዘረꬃዉ ሀ ጋድያ ላታ ኦꬃደ እማና’ ያጌዳ።
ACT 7:6 ጾሳይ አብራሃሞ፥ ‘ነ ዛራቱ ሀራ ጋድያን ደአና፤ ያን ኦይዱ ጼቱ ላይꬃዉ ኡንቱንቱ አይለታናነ ናቀታና።
ACT 7:7 ሽን ታን ነ ዘረꬃ ሞድያ አሳ ቦላ ፕርዳና፤ ሄዋፐ ጉይያን፥ ኡንቱንቱ ሄ ጋድያፐ ከሲደ፥ ሀዋን ታዉ ጎይናና’ ያጌዳ።
ACT 7:8 ጾሳይ አብራሃመ ዘረꬃይ ቃጻረታና ማላ አናና ጫቂና፥ ይሳቃ እ የሊደ፥ ሆስፑንꬃ ጋላስ ቃጻሬዳ፤ ይሳቅ ያቆባ ቃጻርና፥ ቃይ ያቆብ ታማነ ላኡ አዎቱዋ ካፓቱዋ ቃጻሬዳ።
ACT 7:9 “አዎቱዋ ካፓቱ ዮሴፎ ቃናቲደ፥ ግብጼ ጋድያዉ አይለታናዳን፥ አ ዛልኤድኖ፤ ሽን ጾሳይ አናና እትፐ ደኤ።
ACT 7:10 ጾሳይ ዋይያ ኡባፐካ አ ከሴዳ፤ ቃይ ግብጼ ካትያ ስንꬃንካ ናሹዋነ አꬎ ኤራተꬃ አዉ እሜዳ፤ ግብጼ ካቲ ዮሴፎዉ ግብጼ ጋድያነ ባረ ጎልያ ኡባ ሞዳናዳን፥ ሱንꬃተꬃ እሜዳ።
ACT 7:11 “ግብጼ ጋድያንነ ካናነ ጋድያን ኡባን ኮሻይ ገሊደ፥ ጮራ አሳ መቶꬄዳ፤ ሄ ጋሱዋን ኑ አዎቱ ቁማ ደምበይክኖ።
ACT 7:12 ያቆብ ግብጼ ጋድያን ካꬃይ ደእያዋ ስሲደ፥ ኑ አዎቱዋ ኮይሮ ያ የዴዳ።
ACT 7:13 ላኤንꬁዋ ቡሳን ዮሴፎ ባረ እሻቶ ኤረቴዳ፤ ቃይ ግብጼ ካቲካ ዮሴፎ ዛርያ ኤሬዳ።
ACT 7:14 ዮሴፎ ባረ አዉዋ ያቆብነ ባረ ዳቡ ኡባይ ሙለካ ላፑን ታማነ እቼሹ አሳይ ባረኮ ያና ማላ፥ ኪቲደ ጼግሴዳ።
ACT 7:15 ያቆብ ግብጼ ጋድያ ዎꬊደ ሀይቄዳ፤ ኑ አዎቱካ ያን ሀይቄድኖ።
ACT 7:16 ኡንቱንቱ አሃይ ሄዋፐ ሰኬማ ጌተትያ ጋድያ ቶከቲደ፥ ያን አብራሃሞ ሀሞራ ናናፐ ዳሮ ብራን ሻሜዳ ዱፉዋን ሞገቴዳ።
ACT 7:17 “ሽን ጾሳይ አብራሃሞ እማና ጌዳዌ ፖለትያ ዎዲ ጋካና ማትና፥ ዮሴፎ ኤረና ሀራ ካቲ ግብጼ ጋድያን ደንዳና ጋካናዉ፥ አሳይ ዳር ዳር ቤዳ።
ACT 7:19 ሄ ካቲ ኑ ዛርያ ጭሚደ፥ ጉꬃ ናናይ ሀይቃና ማላ፥ ካረ ኡንቱንታ ከስ ኦላናዳን፥ ኑ አዎቱዋ ኡንኤꬄዳ።
ACT 7:20 “ሙሴ የለቴዳዌ ሄ ዎደ፤ ጾሳ ስንꬃን እ ዳሮ ሎኦ ናኣ ግዴዳ፤ ባረ አዉዋ ጎልያን ሄዙ አገና ጋካናዉ ድጬዳ።
ACT 7:21 ሙሴ ዎራ ኦለቴዳ ዎደ፥ ግብጼ ካትያ ናታ ደማደ ባረ ናኣዳን አ ድቻዱ።
ACT 7:22 ሙሴ ግብጻቱዋ አꬎ ኤራተꬃ ኡባ ታማሪደ፥ ቃላንነ ኦሱዋን ዎልቃማ አሳ ግዴዳ።
ACT 7:23 “ሽን ሙሴዉ የለቶደፐ ላይꬃይ ኦይታሙዋ ኩሜዳ ዎደ፥ ባረ እሻቱዋ፥ እስራኤልያ አሳቱዋ በአናዉ ባረ ዎዛናን ቆፔዳ።
ACT 7:24 እስራኤላቱዋፐ እቱዋ ግብጼፐ እቱ ናቂሽን በኢደ፥ ሄ እስራኤልያ ማዴዳ፤ ሄ ናቄዳ ግብጼ ብታንያ ዎꬊደ፥ አ ሀሉዋ ከሴዳ።
ACT 7:25 ሙሴ ባረ እሻቱዋ ባረ ባጋና ጾሳይ አሻና ሀንያዋ ኡንቱንቱ አኬኬድኖ ጊደ ቆፔዳ፤ ሽን ኡንቱንቱ አኬክበይክኖ።
ACT 7:26 “ዎንተꬃ ጋላስ ላኡ እስራኤልያ አሳቱ እቱ እቱዋና ዋትያዋንታ ደሚደ፥ ኡንቱንታ ስገꬃናዉ ኮዪደ፥ ‘አሳቶ፥ እሻቱ ህንተንቱ አያዉ እቱ እቱዋ ናቂቴ?’ ያጌዳ።
ACT 7:27 “ሽን ሄ ባረ ሾሩዋ ናቂያዌ ሙሳ፥ ‘ኔና ኑ ቦላ ሞድያዋነ ዳና ኦꬂደ፥ ሱንꬄዳዌ ኦኔ?
ACT 7:28 ኔን ዝኖ ግብጼ ብታንያ ዎꬌዳዋዳን፥ ታናካ ዎꬋናዉ ኮያይ?’ ያጊደ፥ ሙሳ ካረዉ ሱግ የጌዳ።
ACT 7:29 ሙሴ ሄዋ ስሴዳ ዎደ ግብጼፐ ከሲደ፥ ምድያማ ጋድያን በተ ግድ ደኢደ፥ ላኡ አቱማ ናና ያን የሌዳ።
ACT 7:30 “ጎዳ ኪታንቻይ ኦይታሙ ላይꬃፐ ጉይያን፥ ሲና ደርያ ማታን ደእያ ባዙዋ ቡራን ኤጽያ ታማ ላጩዋ ግዶን ሙሴዉ ቤቴዳ።
ACT 7:31 ሙሴ ባረ በኤዳዎ ማላለቲደ፥ አኬክ ጼላናዉ ቡራ ማታን እ ሺቅ ደእሽን፥ ጎዳ ቃላይ፥ ‘ታን ነ አዎቱዋ ጾሳ፥ አብራሃመ ጾሳ፥ ይሳቃ ጾሳ፥ ያቆባ ጾሳ’ ያጊደ ሙሴኮ ዬዳ። ሙሴ ያሻ ኮኮሪደ፥ ጼላናዉ ጻልቤና።
ACT 7:33 “ጎዳይ ሙሳ፥ ‘ኔን ኤቄዳ ቢታይ ጌሻ ግድያ ድራዉ፥ ነ ገድያን ደእያ ጫማካ ከሳ።
ACT 7:34 ታን ግብጼን ደእያ ታ አሳ ዋይያ ጌሻ በኣደ፥ ቃይ ኡንቱንቱ ኦልያካ ስሳደ፥ ኡንቱንታ አሻናዉ ዎꬋአድ። ሀእ ሃያ። ታን ኔና ግብጼ ኪታና’ ያጌዳ።
ACT 7:35 “ሄ ሙሳ እስራኤላቱ፤ ‘ኔና ኑና ሞድያዋነ ዳና ኦꬂደ ሱንꬄዳዌ ኦኔ?’ ያጊደ እጼድኖ፤ ቡራ ግዶን አዉ ቤቴዳ ኪታንቻን ሞድያዋነ አሽያዋ ግዳና ማላ፥ ጾሳይ አ ኪቴዳ።
ACT 7:36 ሄ ሙሴ እስራኤላቱዋ ግብጼ ጋድያን ዞኦ አባንነ መላ ቢታን፥ ኦይታሙ ላይꬃዉ ኦራꬃባነ ማላታ ኦꬂደ፥ ግብጼፐ ካለꬄዳ።
ACT 7:37 “እስራኤልያ አሳዉ፥ ‘ጾሳይ ታና ደንꬄዳዋዳን፥ ህንተ ዛርያ ግዶፐ ታ ማላ ናብያ ህንተንቶ ደንꬃናዋ’ ያጌዳዌ ሄ ሙሳ።
ACT 7:38 እ እስራኤልያ አሳ ማባራና እትፐ መላ ቢታን ደኤዳዋ፤ እ ኑ አዎቱዋናነ ሲና ደርያ ቦላን ባረዉ ሃሳዬዳ ኪታንቻና እትፐ ደኤዳ። ያቲደ ጾሳፐ ደኡዋ ቃላ ኑዉ እማናዉ አኬዳ።
ACT 7:39 “ሙሴዉ ኑ አዎቱ አዛዘታናዉ ዶስበይክኖ፤ ሽን ገደ አ ሱግ ኦሊደ፥ ጉየ ግብጼ ስማናዉ አሞቴድኖ።
ACT 7:40 ቃይ አሮና፥ ‘ኑና ካለꬅያ ጾሳቱዋ ኑዉ መꬋ፤ አያዉ ጎፐ፥ ሀ ኑና ግብጼፐ አሄዳ ሙሴ ዋኔደንቶ ኑን ኤሮኮ’ ያጌድኖ።
ACT 7:41 ሚዛ ማራ ማላትሲደ፥ ሄ ዎደ ኤቃ ኦꬄድኖ፤ ሄ ኤቃዉ ያርሹዋ ያርሺደ፥ ባረንቱ ኩሺ ኦꬄዳ ኦሱዋን ናሸቴድኖ።
ACT 7:42 ሽን ጾሳይ ኡንቱንቶ ዞክያ ዛሬዳ፤ ኡንቱንቱ ሳሉዋ ጾልንትያዉ ጎይናናዳን፥ ኡንቱንታ አጌዳ፤ ናባቱዋ ማጻፋን፥ “ ‘እስራኤልያ አሳቶ፥ ኦይታሙ ላይꬃ፥ አሳይ ባይና ሳን ሹኬዳ መህያነ ያርሹዋ፥ ታዉ ያርሼድቴ?
ACT 7:43 ህንተንቱ ህንተንቶ ጎይናናዉ ኦꬄዳ ኤቃቱዋ፥ ሞሎካ ዱንካንያነ ረፋና ግያ ህንተ ጾሳ ጾልንትያ ቶኬድታ። ታን ህንተንታ ባብሎነፐ ህን ባጋ የዳና’ ጌተቲደ ጻፈቴዳ።
ACT 7:44 “ሙሴ ባረ በኤዳዋ ማላትሲደ፥ ጎዳይ አዉ ኦዴዳዋዳን መꬌዳ ማርካ ዱንካኒ ኑ አዋቶ መላ ቢታን ደኤ።
ACT 7:45 ቃይ ኑ አዎቱ ዱንካንያ ባረንቱ አዎቱዋፐ ካላን አኪደ፥ ጾሳይ ካሰ የደርሴዳ አይሁዳ ግደና አሳ ቢታ ኦይቄዳ ዎደ፥ ኢያሱና ገልሴድኖ፤ ሄ ዱንካኒ ዳዊተ ደእያ ዎዲ ጋካናዉካ ሄዋን ደኤዳ።
ACT 7:46 ዳዊተ ጾሳን ሳበቴዳ፤ ቃይ ያቆባ፥ ጎዳይ ደአና ጎልያ ኬጻናዉ ጾሳ ዎሴዳ።
ACT 7:47 ሽን አዉ ጎልያ ኬጼዳዌ ሶሎሞና።
ACT 7:48 “ሽን ናቢ፥ “ ‘ጎዳይ፥ “ሳሉ ታ ካዉተꬃ ኦይድያ፤ ሳአይካ ታ ገዲ የꬍያ ሳ። ያትና፥ ታዉ አያ ማላ ጎልያ ኬጻንቴ? ዎይ ታን ሸምፓናሳይ ሀቃኔ? ሀ ኡባባ ታ ኩሽያን መꬋበይክታ?” ያጌ’ ጌዳዋዳን፥ ኡባፐ ቦላ ጾሳይ አሳይ ኬጼዳ ጎልያን ደኤና።
ACT 7:51 “ህንተንቱ አይበ ሞርጊ ምኖ አሴ? ህንተንቱ ዎዛናይ ጾሳ ቃላ አካናዉ አይበ ዳሜዳዌ? ህንተንቱ ሀይꬃይካ ዋን ቱሌዴ? ኡባ ዎደ ጌሻ አያናዉ አዛዘተናን እጺታ።
ACT 7:52 ናባቱዋን ህንተንቱ አዎቱ የደርስቤናዌ ኦኔ? ጾሳ ናአይ ጽሉ ያናዋ ካሰቲደ ኦዴዳዋንታካ ዎꬌድኖ። ሀእ ህንተንቱካ ኪታንቻቱዋ ኩሽያፐ ጾሳ ህግያ አኪደ አዛዘትቤናዋንቱ፥ ጽሉዋ አꬅ እሚደ ዎꬌድታ” ያጌዳ።
ACT 7:54 ኡንቱንቱ ሄዋ ስሴዳ ዎደ፥ ባረንቱ ዎዛናን እስጽፋኖሳዉ ዳሮ ይሎቲደ፥ ባረንቱ መተርሻ ሳኢደ ናሴድኖ።
ACT 7:55 ሽን እስጽፋኖስ ባረናን ጌሻ አያናይ ኩምና፥ ሳሉዋ ፑደ ጫድ ጼሊደ፥ ጾሳ ቦንቹዋነ የሱስ ጾሳፐ ኡሸቻ ባጋን ኤቄዳዋ በኤዳ።
ACT 7:56 ያቲደ፥ “ጼልተ፥ ታን ሳሉ ዶየትና፥ አሳ ናአይ ጾሳፐ ኡሸቻ ባጋን ኤቄዳዋ በአይ” ያጌዳ።
ACT 7:57 ኮሻ ꬎቁ ኦꬅ ዋሲደ፥ ባረንቱ ሀይꬃ ቱጪደ፥ እትፐ ግድ አኮ ዎጼድኖ።
ACT 7:58 ካታማፐ ጋጻ አ ከሲደ፥ ሹቻን ጫዴድኖ። ማርካቱካ ባረንቱ ማዩዋ ከሲደ፥ እት ሳኦላ ጌተትያ ዎዳላ ማታን ዎꬄድኖ።
ACT 7:59 እስጽፋኖስ፥ “ታ ጎዳ የሱሳ፥ ታ ሸምፑዋ አካ” ያጊደ ጼግሽን፥ ኡንቱንቱ ሹቻን አ ደቺኖ።
ACT 7:60 ሄ ዎደ እ ጉልባቲደ፥ ባረ ኮሻ ꬎቁ ኦꬂደ፥ “ታ ጎዳዉ፥ ሀ ናጋራ ኡንቱንቶ አቶ ጋ” ያጌዳ። ሄዋ ጊነ ሀይቂ አጌዳ።
ACT 8:1 ሳኦል እስጽፋኖሰ ሀይቁ ሎአ ግ አኬዳ። ሄ ጋላስ የሩሳላመን ደእያ አማንያዋንቱ ቦላ ዎልቃማ የደርሱ ደንዴዳ፤ የሱስ ኪቴዳዋንቱፐ አትን፥ አማንያዋንቱ ኡባቱ ይሁዳ ጋድያንነ ሳማርያ ጋድያን ላለቴድኖ።
ACT 8:2 ጾሳ አሳቱ እስጽፋኖሳ ሞጌድኖ፤ ቃይ አዉ ዳሮ ዬኬድኖ።
ACT 8:3 ሽን ሳኦል አማንያ አሳ ꬋይሳናዉ ባጸቴ፤ ኡባ ጎልያ ገል ገሊደ፥ አቱማ አሳነ ማጫ አሳ ጎች ጎቺደ፥ ቃሾ ጎለ የዴ።
ACT 8:4 ላለቴዳ አማንያዋንቱ ቃላ ኦዲደ፥ ኡባሳ ቤድኖ።
ACT 8:5 ፕልጶስ ሳማርያ ካታማ ዎꬊደ፥ ክርስቶሳባ አሳዉ ኦዴዳ።
ACT 8:6 ጮራ አሳይ ፕልጶስ ጌዳዋ ዳርስ አኬኪደ ስሴዳ፤ እ ኦꬅያ ማላታካ በኤዳ።
ACT 8:7 አያዉ ጎፐ፥ ኢታ አያናቱ ኮሻ ꬎቁ ኦꬅ ሃሳዪደ፥ ጮራ አሳፐ ከሴድኖ፤ ቃይ ጮራ ስሌዳዋንቱነ ዎባቱ ፓጼድኖ።
ACT 8:8 ሄ ካታማን አሳይ ዳሮ ናሸቴዳ።
ACT 8:9 ሽን ስሞና ጌተትያ እት ብታኒ ካሰ፥ ባረና ዎልቃማ ግ ካዪድ፥ ሳማርያ አሳ፥ “ላ ሀዌ አይበ ኦራꬃቤ” ጊሲደ ሄ ካታማን ደኤዳ።
ACT 8:10 ጉꬃተꬃፐ ዶሚደ፥ ዎጋተꬃ ጋካናዉ፥ አሳይ ኡባይ፥ “ጾሳ ዎልቃይ ዳሮ ዎልቃማይ ሀዋ” ጊደ አባ ስሴ።
ACT 8:11 ዳሮ ዎድያፐ ዶሚደ፥ ካዩዋን ሳማርያ አሳ “ላ ሀዌ አይባ ኦራꬃቤ” ጊሴዳ ድራዉ፥ አሳይ አባ ስሴ።
ACT 8:12 ሽን ፕልጶስ ጾሳ ካዉተꬃባነ የሱስ ክርስቶሳ ሱንꬃባ አቱማዋንቶነ ማጫዋንቶ ምሽራቹዋ ኦዲደ፥ ኡንቱንቱ አባ አማኒደ ጻማቀቴድኖ።
ACT 8:13 ቃይ ስሞንካ ባረ ሁጰዉ አማኒደ ጻማቀቴዳዋፐ ጉይያን፥ ፕልጶሳና እትፐ ደኢደ፥ ኦሰትያ ማላታነ ጾሳይ ኦꬄዳ ዎልቃማ ማላታ በኢደ ማላለቴዳ።
ACT 8:14 የሱስ ኪቴዳ የሩሳላመን ደእያዋንቱ፥ ሳማርያ አሳይ ጾሳ ቃላ አኬዳዋ ስሴዳ ዎደ፥ ጰጽሮሳነ ዮሃንሳ ኡንቱንቱኮ የዴድኖ።
ACT 8:15 ጰጽሮስነ ዮሃንስ ዎꬊደ፥ አማንያዋንቱ ጌሻ አያና አካና ማላ፥ ኡንቱንቶ ጾሳ ዎሴድኖ፤
ACT 8:16 አያዉ ጎፐ፥ ሳማርያ አሳቱ ጎዳ የሱሳ ሱንꬃን ጽንቃታ ጻላላ ጻማቀቴዳዋፐ አትን፥ ኡንቱንቱፐ እቱዋ ቦላንነ ጌሻ አያናይ ዎꬍቤና።
ACT 8:17 ሄ ዎደ ጰጽሮስነ ዮሃንስ ባረንቱ ኩሽያ ኡንቱንቱ ቦላ ዎꬆዋፐ ጉይያን ኡንቱንቱ ጌሻ አያና አኬድኖ።
ACT 8:18 የሱስ ኪቴዳዋንቱ ባረንቱ ኩሽያ ኡንቱንቱ ቦላ ዎꬅና፥ ኡንቱንቶ ጌሻ አያናይ እመቴዳዋ ስሞን በኤዳ ዎደ፥ ጰጽሮሳስነ ዮሃንሳዉ ሚሻ አሂደ፥
ACT 8:19 “ታንካ ታ ኩሽያ ዎꬅያ ኡባይ ጌሻ አያና አካና ማላ፥ ሀ ማታ ታዉካ እሜርክቴ” ያጌዳ።
ACT 8:20 ሽን ጰጽሮስ አዉ ሀዋዳን ያጌዳ፤ “ኔን ጾሳ እሞታ ሚሻን ሻማናዉ ቆፔዳ ድራዉ፥ ነ ሚሻይ ኔናና ጮ ꬋዮ።
ACT 8:21 ነ ዎዛናይ ጾሳ ስንꬃን ሱረ ግደና ድራዉ፥ ነዉ ሀዋን ግሹ ባዋ።
ACT 8:22 ያቶዋፐ ጉይያን ሀ ነ ዎዛና ኢታ ቆፋ ድራዉ፥ ናጋራፐ ስማ፤ ኦን ኤር ነ ዎዛናን ደእያ ኢታ ቆፋ ጾሳይ አቶ ጋነንቶነ ጾሳ ዎሳ።
ACT 8:23 አያዉ ጎፐ፥ ኔን ዳሮ ቃናትያ ኦይቃደ ናጋራ ቃሹዋን ደእያዋ ታን በአይ” ያጌዳ።
ACT 8:24 ሄዋፐ ጉየ ስሞን ጰጽሮሳስነ ዮሃንሳዉ ዛሪደ፥ “ህንተንቱ ጌዳዋፐ እትባይነ ታና ጋከና ማላ፥ ህንተ ታዉ ጾሳ ዎስተ” ያጌዳ።
ACT 8:25 ጰጽሮስነ ዮሃንስ ማርካቴዳዋፐነ ጎዳ ቃላ ኦዴዳዋፐ ጉይያን፥ ጉየ የሩሳላመ ስሜድኖ፤ ያቲደ ሳማርያን ደእያ ዳሮ ቄር ካታማቱዋን ምሽራቹዋ ቃላ ኦዴድኖ።
ACT 8:26 ጎዳ ኪታንቻይ ፕልጶሳ፥ “ደንዳደ የሩሳላመፐ ጋዛ አፍያ አስ ባይና መላ ሳኣ ኦግያኮ ባ፤ ሄ ኦጊ አዋይ ከስያሳ ጼልያ ዎደ ኡሸቻ ዱገሃ ባጋና ደኤ” ያጌዳ።
ACT 8:27 ፕልጶስ ደንዲደ ቤዳ። ህንደኮ ጌተትያ ቶጵያ ካታትዉ ቢታ ሞድያ እ ሚሻ ኡባካ ናግያ ቶጵያ አሳ ግዴዳ እት ሹፋይ ደእያዌ ጎይናናዉ የሩሳላመ ቤዳ።
ACT 8:28 ፓራይ ጎችያ ጋርያን ኡቲደ፥ የሩሳላመፐ ጉየ ስሚደ፥ ናብያ ኢስያሳ ማጻፋ ናባቤ።
ACT 8:29 ጌሻ አያናይ ፕልጶሳ፥ “ሄ ጋርያኮ ሺቃደ እትፐ ግዳ” ያጌዳ።
ACT 8:30 ፕልጶስ ዎጽ ዪደ፥ ናብያ ኢስያሳ ማጻፋ ሹፋይ ናባብሽን ስሲደ አ፥ “ኔን ናባብያዋ አኬካይ?” ያጌዳ።
ACT 8:31 ሹፋይ፥ “ታዉ ኦዲደ አኬክስያ አሳይ ባይናን ዋኒደ አኬከቲ?” ያጌዳ፤ ቃይ ባረናና ጋርያን ከሲደ ኡታና ማላ፥ ፕልጶሳ ዎሴዳ።
ACT 8:32 ሹፋይ ናባብያ ማጻፋይ፥ “ዶርሳዳን እ ሹከታናዉ ላገቴ። ዶርሳ ማራይ ባረ እስክያ ቃንጽያዋ ስንꬃን ጮኡ ግያዋዳን፥ እካ ባረ ዶና ፖክቤና።
ACT 8:33 እ ካዉሼዳዋዳን አዉ ጽሎ ፕርዳይ ꬋዬዳ። የሱሳ ደኡ ሀ ሳኣፐ ፑደ አከት ድጌዳ ድራዉ፥ አ ዛርያባ ኦኔ ኦዳናዌ?” ያጌዳ።
ACT 8:34 ሹፋይ ዛሪደ ፕልጶሳዉ፥ “ናቢ ሀዋ ኦዋ ኦዲ? ባረባ ኦድዬ ዎይ ሀራ አሳባ ኦዲ? ታዉ ኦዳርኪ” ያጌዳ።
ACT 8:35 ፕልጶስ ዛሪደ፥ ጾሳ ማጻፋ እ ናባብያሳፐ ዶሚደ፥ የሱሳባ ምሽራቹዋ ቃላ አዉ ኦዴዳ።
ACT 8:36 ኡንቱንቱ ኦግያ ኦይቂ ቢደ፥ ሃꬃይ ደኢያሳ ጋኬድኖ፤ ሹፋይ፥ “ሃꬃ ሀዋ በአ፤ ጻማቀትያዋ ታና ድግያዌ አዬ?” ያጌዳ።
ACT 8:37 ፕልጶስ አ፥ “ኔን ነ ኩመንꬃ ዎዛናፐ አማኖፐ፥ ዳንዳያ” ያጌዳ። እ ዛሪደ፥ “የሱስ ክርስቶስ ጾሳ ናኣ ግድያዋ ታን አማናይ” ያጌዳ።
ACT 8:38 ጋር ኤቃና ማላ ሹፋይ አዛዝና፥ እነ ፕልጶስ ላአቱ ዱገ ዎꬊደ፥ ሃꬃን ገልና ፕልጶስ አ ጻማቄዳ።
ACT 8:39 ኡንቱንቱ ሃꬃፐ ጋጻ ከሴዳ ዎደ፥ ጎዳ አያናይ ፕልጶሳ ልጵ ኦꬂደ፥ አፍ አጌዳ፤ ላኤንꬁዋ ሹፋይ ፕልጶሳ በእቤና፤ ሽን ባረ ኦግያ ናሸቲደ ቤዳ።
ACT 8:40 ፕልጶስ ባረ ሁጰዉ አዞጾሳን ደእያዋ ኤሬዳ፤ ቃይ ቂሳርያ ያና ጋካናዉካ፥ ካታማ ኡባን ዩዪደ ምሽራቹዋ ቃላ ኦዴ።
ACT 9:1 ሽን ሳኦል ጎዳ ካልያዋንታ ዎꬋናዉ ማንዲደ፥ ቄሳቱዋ ኡባቱዋ ካፑዋኮ ቤዳ።
ACT 9:2 ያቲደ ጎዳ ኦግያ ካልያ አሳቱዋ ማጫዋንታነ አቱማዋንታ ደሞፐ፥ ቃቺደ የሩሳላመ አሀናዉ፥ ዳማስቆን ደእያ አይሁዳ ዎሳ ጎለቶ ዳብዳቢያ ጻፋናዉ አ ዎሴዳ።
ACT 9:3 እ ቢደ፥ ዳማስቆ ካታማ ጋካና ማቶደ፥ ቆፐናን ሳሉዋፐ ዎልቃማ ፖኡ አ ዩሹዋ ኡባን ፖኤዳ።
ACT 9:4 ሳኦል ሳኣን ኩንድ ኡትና፥ “ሳኦላ ሳኦላ፥ አያዉ ታና ዋይሳይ?” ግያ ቃላ ስሴዳ።
ACT 9:5 ሳኦል፥ “ታ ጎዳዉ፥ ኔን ኦኔ?” ያጊደ ኦቼዳ። የሱስካ፥ “ታን ኔን የደርሳደ ደእያ የሱሳ” ያጌዳ።
ACT 9:6 ሽን ሳኦል ኮኮሪድነ ማላለቲደ፥ “ታ ጎዳዉ፥ ታን አያ ኦꬃናዳን ኮያይ?” ያጌዳ። ጎዳይ አ፥ “ደንዳደ ካታማ ገላ፤ ኔን ኦꬃናዉ በስያባይ ነዉ ያን ኦደታናዋ” ያጌዳ።
ACT 9:7 ሳኦላና ኦግያን ብያ አሳቱ አይነ ሃሳየናን ኤቂ አጊደ፥ ኮሻ ስሲኖ፤ ሽን ኦናነ በእበይክኖ።
ACT 9:8 ሳኦል ሳኣፐ ደንድና፥ አ አይፊ ዶየቴዳ ዎደ፥ አይነ ጼላናዉ ዳንዳይቤና፤ ሄዋ ድራዉ፥ ኡንቱንቱ አ ኩሽያ ኦይቂ ጎቺደ፥ ዳማስቆ ገልሴድኖ።
ACT 9:9 ሄዙ ጋላሳ ጋካናዉካ እ ጼልቤና፤ አይነ ምቤና፤ አያኔካ ኡሽቤና።
ACT 9:10 ዳማስቆን እት ሀናንያ ግያ ካልያዌ ደኤ፤ ጎዳይ ሳጻን አ፥ “ሀናነዉ” ያጌዳ። ሀናኒ፥ “ታ ጎዳዉ፥ ሀዋን ደአይ” ያጌዳ።
ACT 9:11 ጎዳይ አ፥ “ደንዳደ ሱረ ጌተትያ ኦግያ ባደ፥ ይሁዳ ሶይን እት ሳኦላ ግያ ጸርሴሰፐ ዬዳ ብታንያ ኮያ፤ አያዉ ጎፐ፥ እ ዎሴ።
ACT 9:12 ቃይ ሀናንያ ግያ ብታኒ ገሊደ፥ ሳኦል ላኤንꬁዋ ጼላናዳን፥ ባረ ኩሽያ አ ቦላ ዎꬅያዋ ሳጻን በኤዳ” ያጌዳ።
ACT 9:13 ሀናኒ ዛሪደ፥ “ታ ጎዳዉ፥ የሩሳላመን ነ ጌሻ አሳ ቦላ ሄ ብታኒ አይ ኬና ኢታባ ኦꬄደንቶ፥ ታን ዳሮ አሳፐ ስሳድ።
ACT 9:14 ቃይ ዳማስቆን ነ ሱንꬃ ጼስያዋንታ ኡባ ቃቻናዉ፥ ቄሳቱዋ ካፓቱ አዉ ማታ እሜድኖ” ያጌዳ።
ACT 9:15 ሽን ጎዳይ አ፥ “ሳኦል አይሁዳ ግደና አሳ ስንꬃን፥ ካታቱዋ ስንꬃንነ እስራኤልያ አሳ ስንꬃን፥ ታ ሱንꬃ ኤርሳናዉነ ታዉ ኦꬃናዳን ዶረቴዳ ሚሻ ግድያ ድራዉ፥ ኔን ባ።
ACT 9:16 አያዉ ጎፐ፥ ታ ሱንꬃ ድራዉ፥ እ አይ ኬና ዋየታናዉ በስንቶ፥ ታን አ በሳና” ያጌዳ።
ACT 9:17 ሀናኒ ቢደ፥ ሶይ ገሊደ፥ ባረ ኩሽያ ሳኦላ ቦላ ዎꬂደ፥ “ታ እሻዉ ሳኦላ፥ ኔን ይያ ኦግያን ነዉ ቤቴዳ የሱስ፥ ኔን ጼላና ማላነ ጌሻ አያናይ ኔናን ኩማና ማላ፥ ታና ኪቴዳ” ያጌዳ።
ACT 9:18 ኤለካ፥ አየንቶ ፖቁዋ ማላይ ሳኦላ አይፍያፐ ዎꬍና፥ ሳኦል ላኤንꬁዋ ጼሌዳ፤ ቃይ ደንዲደ ጻማቀቴዳ።
ACT 9:19 ቁማ ሚደ ምነት፥ ዳማስቆን ደእያ ካልያዋንቱና አማሬዳ ጋላሳ ጋምኤዳ።
ACT 9:20 ኤለካ፥ “የሱስ ክርስቶስ ጾሳ ናኣ” ያጊደ፥ አይሁዳ ዎሳ ጎለቱዋን ቃላ ኦዴዳ።
ACT 9:21 ሄዋ ስሴዳ ኡባይ ማላለቲደ፥ “ሀዌ የሩሳላመን የሱሳ ሱንꬃ ጼስያዋንታ ꬋይስያዋ ግደኔ? ቃይ ኡንቱንታ ቃቺደ፥ ቄሳቱዋ ካፓቱዋ ስንꬃ አፋናዉ ይቤኔየ?” ያጌድኖ።
ACT 9:22 ሽን ሳኦል ቃላ ኦድያ ኦዱ ምን ምን ቤዳ፤ የሱስ ቃይ ክርስቶሳ ግድያዋካ እ አኬክሲደ ኦዴዳ ድራዉ፥ ዳማስቆን ደእያ አይሁዳቱ አዉ ዛርያዋ ꬋዬድኖ።
ACT 9:23 ጮራ ጋላሳፐ ጉይያን፥ አይሁዳቱ ሺቂደ፥ ሳኦላ ዎꬋናዉ ዞረቴድኖ።
ACT 9:24 ሽን አይሁዳቱ ባረና ዎꬋናዉ ቆፖዋ ሳኦል ስሴዳ፤ ኡንቱንቱ አ ዎꬋናዉ ቃማነ ጋላስ ካታማ ፐንግያ ናጊኖ።
ACT 9:25 ሽን ካልያዋንታ አ ቃማ አፊደ፥ ድርሳ ሁጲያና ቁንኣን ዱገ ዎꬄድኖ።
ACT 9:26 ሳኦል የሩሳላመ ጋኬዳ ዎደ፥ ካልያዋንቱና እትፐ ጋከታናዉ ሺቅ በኤዳ፤ ሽን ካልያዋ እ ግዴዳዋ ኡባይ አማነናን እጺደ፥ አዉ ያዬድኖ።
ACT 9:27 ሽን ባርናባስ ሳኦላ የሱስ ኪቴዳዋንቱኮ አፌዳ፤ ኦግያን ጎዳ እ ዋኒደ በኤደንቶ፥ አዉ ጎዳይ ዎት ሃሳዬደንቶነ ቃይ ሳኦል ዳማስቆን የሱሳ ሱንꬃን ያየናን ዎት ቃላ ኦዴደንቶ፥ ኡንቱንቶ ጌሺደ ኦዴዳ።
ACT 9:28 ሳኦል የሩሳላመን ዩዪደነ ጎዳ የሱሳ ሱንꬃን ያየናን ቃላ ኦዲደ፥ የሱስ ኪቴዳዋንቱና እትፐ ደኤዳ።
ACT 9:29 ቃይ ሳኦል ግሪከ ቃላ ሃሳይያ አይሁዳቱዋና ሃሳዬነ ፓሉመቴ፤ ሽን ኡንቱንቱ አ ዎꬋናዉ ኮዬድኖ።
ACT 9:30 እሻቱ ሄዋ ስሲደ፥ ሳኦላ ዱገ ቂሳርያ አፊደ፥ ጸርሴሰ የዴድኖ።
ACT 9:31 ይሁዳን፥ ጋሊላንነ ሳማርያን ኡባን ደእያ አማንያ አሳቱ ሳሮተꬃን ደኤድኖ፤ ቃይ ምኔድኖ፤ ጎዳዉ ያይያዋንነ ጌሻ አያና ማዱዋን ጌመቲደ፥ ፓይዱዋንካ ዳር ዳር ቤድኖ።
ACT 9:32 ጰጽሮስ ኡባ ሳን ዩዪደ፥ ሊዳን ደእያ ጌሻ አሳቱዋኮ ቃይ ዎꬌዳ።
ACT 9:33 ያቲደ ሄዋን ሆስፑን ላይꬃ ስሊደ፥ አርሳን ግሲደ ደእያ እት ኤንያ ግያ ብታንያ ደሜዳ።
ACT 9:34 ጰጽሮስ ኤንያ፥ “ኤናዉ፥ የሱስ ክርስቶስ ኔና ፓꬄ፤ ደንዳደ ነ ሂጻ የጋ” ያጌዳ። ሄዋፐ ጉየ ኤለካ ደንድ ኤቄዳ።
ACT 9:35 ሊዳንነ ሳሮናን ደእያ አሳይ ኡባይ ኤንያ በኢደ፥ ጎዳኮ ስሜድኖ።
ACT 9:36 ዮጰ ካታማን እት ጻቢቶ ጌተትያ አማነዉና ደአዉ፤ ጻቢቶ ጉሳይ ግሪከ ቃላን ዶርቆ ግያዋ። እዛ ባረ ደኤዳ ዎድያ ኡባን ሎኦባ ኦꬃደነ ህዬሳ ማዳደ ደአዉ።
ACT 9:37 ሄ ዎደ እዛ ሀርጋደ ሀይቂና፥ አሳይ እዝ አሃ ሜጪደ፥ ፖእያ ፑደ ከሲደ ግስሴዳ።
ACT 9:38 ሊዳይ ዮጰዉ ማታ፤ ካልያዋንቱ ጰጽሮስ ሊድያን ደእያዋ ዮጰን ስሲደ፥ “ሀያና ኑኮ ኤለካ ያርኪ” ያግያ ኪታ ላኡ አሳቱዋ ቦላ አኮ ኪቴድኖ።
ACT 9:39 ሄዋፐ ጉየ ጰጽሮስ ደንዲደ፥ ኡንቱንቱና ብ ጋክና፥ ፖቅያ ፑደ አ ከሲደ፥ ክፍልያ ገልሴድኖ። አስን ባይና አምኤ ማጫዋንቱ ኡባይ ዬኪደነ ዶርቃ ኡንቱንቱና ደእያ ዎደ ኦꬄዳ ቃምሻቱዋነ ማያቱዋ ኡባ ጰጽሮሳ በሲደ፥ አ ዩሹዋን ዩይ አꬊደ ኤቄድኖ።
ACT 9:40 ጰጽሮስ ኡንቱንታ ኡባ ካረ ከሲደ፥ ጉልባት ጾሳ ዎሴዳ፤ ቃይ አሃኮ ስሚደ፥ “ጻቢቴ፥ ደንዳ” ያጌዳ፤ ጻቢታካ ባረ አይፍያ ዶያ ጰጽሮሳ በኣደ፥ ꬎቃ ኡታዱ።
ACT 9:41 ጰጽሮስ እዞ ባረ ኩሽያን ማዲደ፥ ደንꬅ ኤሴዳ፤ ሄዋፐ ጉይያን፥ አማንያዋንታነ አስን ባይና አምኤ ማጫዋንታ ጼሲደ፥ ፓጼዳዉኖ ኡንቱንቶ እሜዳ።
ACT 9:42 ሀ የዉ ዮጰ ካታማ ኡባን ላለትና ጮራ አሳይ ጎዳ አማኔድኖ።
ACT 9:43 ጰጽሮስ ዮጰን እት ስሞና ግያ ጋልባ ቃጭያዋና ዳሮ ዎድያ ጋምኤዳ።
ACT 10:1 ቂሳርያን “ጻላቱዋ ኦላ አሳቱዋ” ጌተትያ ኦላንቻቶ እት ጼታቱዋ ካፑ ቆርነልዮሳ ግያዌ ደኤ።
ACT 10:2 ቆርነልዮስ ጾሳ ሎይꬂደ አማንያ አሳነ፥ ባረ ሶይ አሳ ኡባና እትፐ ጾሳዉ ጎይንያ አሳ፤ አይሁዳ ህዬሳካ እ ዳሮ ማዴ፤ ቃይ ጾሳ ኡባ ዎደ ዎሴ።
ACT 10:3 እት ጋላስ ኡዱፑ ሳትያ ሄራን፥ “ቆርነልዮሳ” ጊደ ጼስያ ጾሳ ኪታንቻይ ባረኮ ገልሽን፥ ቆርነልዮስ ሳጻን ጌሺደ በኤዳ።
ACT 10:4 ቆርነልዮስ ያዪደ፥ ኪታንቻ ጫድ ጼሊደ፥ “ታ ጎዳዉ፥ እ አዬ?” ያጌዳ። ኪታንቻይ ዛሪደ፥ ሀዋዳን ያጌዳ፤ “ነ ዎሳይነ ኔን ህዬሳ ማድያዌ ጾሳ ስንꬃን ሀሳየታናዉ ሳሉዋ ቤዳ።
ACT 10:5 ሀእ ዮጰ አሳ ኪታደ፥ ጰጽሮሳ ጌተትያ ስሞና አህሳ።
ACT 10:6 ጰጽሮስ አባ ዶናን ደእያ ጋልባ ቃጭያ ስሞና ጎለን እማꬃተꬃን ኡቴዳ፤ ኔን ኦꬃናዉ በስያዋ እ ነዉ ኦዳናዋ” ያጌዳ።
ACT 10:7 ቆርነልዮስ ባረዉ ኦዴዳ ኪታንቻይ ቢና፥ ባረ ቆማቱዋፐ ላአቱዋነ ጾሳዉ ጎይንያ ባረፐ ሻከተና ዎታዳራቱዋፐ እቱዋ ጼሲደ፥
ACT 10:8 ኡንቱንቶ ኡባባ ኦዲደ፥ ኡንቱንታ ዮጰ ኪቴዳ።
ACT 10:9 ዎንተꬃ ጋላስ ኡንቱንቱ ቢደ፥ ዮጰ ካታማኮ ማትሽን፥ ጰጽሮስ ኡሱፑን ሳትያ ሄራን ጎልያ ቦላን ደምባዪደ ኦꬄዳሳ ጾሳ ዎሳናዉ ከሴዳ።
ACT 10:10 ቃይ ኮሻቲደ፥ ቁማ ማናዉ ኮዬዳ፤ ሽን ቁማይ ካእሽን፥ ሳፃ በኤዳ።
ACT 10:11 ሳሉ ዶየትና፥ ዎልቃማ ማዩዋ ማላትያባይ ኦይዱ ባጋና ኦይቀቲደ፥ ሳኣን ዎꬍሽን፥ ጰጽሮስ በኤዳ።
ACT 10:12 ሄዋን ኦይዱ ገድያና ደእያ መሂ፥ ዶአይ፥ ሾሻይ፥ ዛሪነ ካፉ ኡባይ ደኤ።
ACT 10:13 “ጰጽሮሳ፥ ደንዳ ኤቃደ ሹካ ማ” ግያ ቃላይ አኮ ዬዳ።
ACT 10:14 ሽን ጰጽሮስ፥ “ታ ጎዳዉ፥ ሀነና! ታን ቱናባነ ሸነይያባ ኡባካ ማ ኤርከ” ያጌዳ።
ACT 10:15 ቃይ ላኤንꬁዋ፥ “ጾሳይ ጌሼዳዋ ኔን ቱንሶፓ” ግያ ቃላይ አኮ ዬዳ።
ACT 10:16 ሄዙ ገደ ሄዋዳን ጌዳ፤ ሄዋፐ ጉይያን፥ ኤለካ ሄ ዎልቃማ ማዩዋ ማላትያዌ ፑደ ሳሉዋ አከት አጌዳ።
ACT 10:17 ጰጽሮስ ባረ በኤዳ ሳፃ ብለꬃይ አያ ግዳንዴሻ? ያጊደ፥ ባረ ዎዛና ግዶን፥ “ላ ሀዌ አዬ?” ጊሽን፥ ቆርነልዮስ ኪቴዳ አሳቱ ስሞና ጎሊ ደኢያሳ ኮዪደ፥ አ ፐንግያን ኤቄድኖ።
ACT 10:18 ባረንቱ ኮሻ ꬎቁ ኦꬂደ፥ “ጰጽሮሳ ጌተትያ ስሞና ግያ እማꬃይ ሄዋን ደኢ?” ያጊደ ኦቼድኖ።
ACT 10:19 ጰጽሮስ ሳጻን በኤዳባ አኬካናዉ ቆፋን ሼክደእሽን፥ ጌሻ አያናይ አ፥ “በአ፥ ሄዙ አሳቱ ኔና ኮዪኖ፤
ACT 10:20 ደንዳደ ዎꬋ፤ ታን ኡንቱንታ ኪቴዳ ድራዉ፥ ስናን ኡንቱንቱና ባ” ያጌዳ።
ACT 10:21 ጰጽሮስ አሳቱዋኮ ዎꬊደ፥ “ህንተንቱ ኮይያዌ ታና። አያ አካና ዬድቴ?” ያጌዳ።
ACT 10:22 ኡንቱንቱ፥ “ጾሳዉ ያይያ ጽሉ አይሁዳ አሳ ኡባን ዳሮ ቦንቼቴዳ ጼታቱዋ ካፑዋ ቆርነልዮስ፥ ኔና ባረ ሶይ አፍሲደ፥ ቃላ ኔፐ ስሳና ማላ፥ ጾሳ ጌሻ ኪታንቻይ አዉ ኦዴዳ” ያጌድኖ።
ACT 10:23 ጰጽሮስ አሳቱዋ እማꬃ ኦꬅ ሾባናዉ ሶይ ሞኬዳ። ዎንተꬃ ጋላስ፥ ደንዲደ ኡንቱንቱና ቤዳ፤ ዮጰ ካታማን ደእያ እሻቱዋፐ እቱ እቱ አናና እትፐ ቤድኖ።
ACT 10:24 ዎንተꬃ ጋላስ፥ ቂሳርያ ጋኬድኖ፤ ቆርነልዮስ ባረ ዳባቱዋነ ባረ ላገꬃቱዋ እትፐ ጼስ ሺሺደ፥ ጰጽሮሳ ናጌ።
ACT 10:25 ጰጽሮስ ገላና ሀንሽን፥ ቆርነልዮስ አናና ጋከቲደ፥ አ ስንꬃን ኩንዲደ፥ አዉ ጎይኔዳ።
ACT 10:26 ሽን ጰጽሮስ፥ “ደንዳ! ታንካ ታ ሁጰዉ አሳ” ያጊደ አ ደንꬄዳ።
ACT 10:27 ጰጽሮስ ቆርነልዮሳና ሃሳዪደ፥ ሶይ ገሌዳ፤ እ ገልያ ዎደ ጮራ አሳይ ሺቄዳዋ ደሚደ፥
ACT 10:28 አሳ፥ “አይሁዳ አሳይ ሀራ ዛርያና እትፐተꬃን ደአናዉ፥ ዎይ ጋከታናዉ ዎጋ ግደናዋ ህንተ ሁጰዉ ኤሪታ፤ ሽን ታን ኦናነ ቱና ዎይ ሸነይያባ ጌና ማላ፥ ጾሳይ ታና በሴዳ።
ACT 10:29 ሄዋ ድራዉ፥ ህንተ ታዉ ኪትና፥ ፓሉማይ ባይናን ያድ። ሀእ፥ ‘ታና አያዉ አህሴድቴ?’ ያጋደ ህንተንታ ኦቻይ” ያጌዳ።
ACT 10:30 ቆርነልዮስ ሀዋዳን ያጌዳ፤ “ታን ሀቼ ኦይዱ ጋላሳፐ ካሰ ሀ ሳትያን ኡዱፑ ሳትያ ዎሳ ታ ሶይን ጾሳ ዎስሽን፥ ጶልቂያ ማዩዋ ማዬዳ አሳይ ታ ስንꬃን ኤቂደ፥
ACT 10:31 ታና፥ ‘ቆርነልዮሳ፥ ጾሳይ ነ ዎሳ ስሴዳ፤ ኔን ህዬሳ ማድያዋካ ሀሳዬዳ።
ACT 10:32 ስም አሳ ዮጰ ኪታደ፥ ስሞን ጰጽሮሳ ግያዋ ጼስሳ፤ ስሞን ጰጽሮስ ስሞና ግያ ጋልባ ቃጭያዋ ጎለን አባ ዶናን እማꬃተꬃ ኡቴዳ’ ያጌዳ።
ACT 10:33 ሄዋ ድራዉ፥ ታን ኔኮ ኤለካ ኪታድ፤ ኔንነ ያደ ሎይꬃዳ፤ ስም ኔን ኑዉ ኦዳናዉ ጾሳይ ኔና አዛዜዳዋ ኡባ ስሳናዉ ሀእ ኑን ኡባይ ሀዋን ጾሳ ስንꬃን ደኤቶ” ያጌዳ።
ACT 10:34 ጰጽሮስ ሃሳያ ሀዋዳን ያግ ዶሜዳ፤ “ጾሳይ አሳ ሶምእያ ጼለና፤ ሽን ጋደ ኡባን ባረዉ ያይያዋነ ጽሎ ኦሱዋ ኦꬅያዋ ጋላትያዋ ታን ቱሙ አኬካድ።
ACT 10:36 ጾሳይ አሳ ኡባ ጎዳ፥ የሱስ ክርስቶሳ ባጋና፥ ሳሮተꬃ ኦዲደ፥ ሀ ዎንጋላ ምሽራቹዋ እስራኤልያ አሳዉ ኪቴዳዋ ህንተንቱ ኤሪታ።
ACT 10:37 ዮሃንስ ቃላ ኦዴዳ ጽንቃታፐ ጉይያን፥ ጋሊላፐ ዶሚደ፥ ይሁዳ ጋድያ ኡባን ሀኔዳዋ ህንተ ኤሪታ።
ACT 10:38 ጾሳይ ናዝሬትያ የሱሳ ጌሻ አያናንነ ዎልቃን ኩንꬄዳ፤ ጾሳይ አናና ደእያ ድራዉ፥ ሎኦባ እ ኦꬂድነ ጻላህያ ካፖ ሞደቴዳ ኡባ ፓꬂደ ዩዬዳ።
ACT 10:39 “አይሁዳ ጋድያንነ የሩሳላመን እ ኦꬄዳ ኡባባዉ ኑን ማርካ። ኡንቱንቱ ማስቃልያ ቦላ ምስማርያን ꬍሽ ካቂደ፥ አ ዎꬌድኖ።
ACT 10:40 ሽን ጾሳይ ሄዘንꬅያ ጋላሳን ሀይቁዋፐ አ ደንꬂደ በሴዳ።
ACT 10:41 ጾሳይ ኮይሮ ዶሬዳ ማርካቱዋ ኑና፥ አ በሴዳፐ አትን፥ አሳ ኡባ ግደና፤ ሀይቁዋፐ እ ደንዴዳዋፐ ጉይያን፥ ኑን አናና ሜዶነ ኡሼዶ።
ACT 10:42 ጾሳይ ዎንጋላ ምሽራቹዋ አሳዉ ኑን ኦዳናዉነ፥ ፓጻ ደእያዋንቱ ቦላንነ ሀይቄዳዋንቱ ቦላን ፕርዳናዉ እ ሱንꬄዳዌ የሱሳ ግዴዳዋ ኑን ማርካታናዉ ኑና አዛዜዳ።
ACT 10:43 ጾሳይ አን አማንያ ኡባ ናጋራ አ ሱንꬃን አቶ ጋናዋ ናባቱ ኡባቱ ማርካቲኖ” ያጌዳ።
ACT 10:44 ጰጽሮስ ብሮ ሄ የዉዋ ኦድሽን፥ ቃላ ስስያ ኡባ ቦላ ጌሻ አያናይ ዎꬍ አጌዳ።
ACT 10:45 ጰጽሮሳና ዮጰፐ ዬዳ፥ አማንያ ቃጻረቴዳ አይሁዳ ኡባቱ አይሁዳ ግደናዋንቱ ቦላንካ ጌሻ አያና እሞታይ ጉኬዳ ድራዉ ማላለቴድኖ።
ACT 10:46 አያዉ ጎፐ፥ ኡንቱንቱ ዱማ ዱማ ቃላን ሃሳይሺንነ ጾሳ ዳሮተꬃ ሳቢሽን ስሴድኖ። ሄ ዎደ ጰጽሮስ ዛሪደ፥
ACT 10:47 “ሀዋንቱ ቃይ ኑናዳን ጌሻ አያና አኬዳዋንቱ ጻማቀተናዳን፥ ሃꬃ ኡንቱንታ ድጋናዉ ዳንዳይያዌ ኦኔ?” ያጌዳ።
ACT 10:48 ኡንቱንቱ የሱስ ክርስቶሳ ሱንꬃን ጻማቀታና ማላ፥ ኡንቱንታ አዛዜዳ፤ ሄዋፐ ጉይያን፥ ኡንቱንቱ ባረንቱና አማሬዳ ጋላሳ ኡታና ማላ፥ አ ዎሴድኖ።
ACT 11:1 የሱስ ኪቴዳዋንቱነ ይሁዳ ኡባን ደእያ እሻቱ፥ አይሁዳ ግደናዋንቱካ ጾሳ ቃላ አኬዳዋ ስሴድኖ።
ACT 11:2 ጰጽሮስ የሩሳላመ ቤዳ ዎደ፥ ቃጻረቴዳ አሳቱ አናና ፓሉመቲደ፥
ACT 11:3 አ፥ “ኔን ቃጻረትቤናዋንቱኮ ገላደ፥ ኡንቱንቱና ቁማ ማዳ” ያጌድኖ።
ACT 11:4 ሽን ጰጽሮስ ሀኔዳዋ ኮይሩዋፐ ዶሚደ፥ ማራን ማራን ሀዋዳን ያጊደ ኦዴዳ፤
ACT 11:5 “ታን ዮጰ ካታማን ጾሳ ዎስሽን፥ ታን አያናን ግዳደ ሳፃ በኣድ፤ ዎልቃማ ማዩዋ ማላትያዌ ኦይዱ ባጋና ኦይቀቲደ፥ ሳሉዋፐ ዎꬊደ፥ ታኮ ዬዳ።
ACT 11:6 ሄዋ ግዱዋ ታን ጫዳ ጼልያ ዎደ፥ ኦይዱ ገዲ ደእያ መህያ፥ ዱኣ፥ ሾሻ፥ ዛርያነ ካፉዋ በኣድ።
ACT 11:7 ቃይ፥ ‘ጰጽሮሳ፥ ደንዳ፤ ሹካ ማ’ ግያ ቃላ ታን ስሳድ።
ACT 11:8 “ሽን ታን፥ ‘ታ ጎዳዉ፥ ሀነና! ቱናባይ ዎይ ሸነይያባይ ኡባካ ታ ዶናኮ ሺቅ ኤረና’ ጋድ።
ACT 11:9 “ቃላይ ሳሉዋፐ ላኤንꬁዋካ፥ ‘ጾሳይ ጌሼዳዋ ኔን ቱና ጎፓ’ ያጊደ ታዉ ዛሬዳ።
ACT 11:10 “ሄዌ ሄዙ ገደ ሀንና፥ ዉርሰꬃን ኡባባይ ሳሉዋ ፑደ ጎሸቴዳ።
ACT 11:11 ሄ ማንእያን ሄዙ አሳቱ ቂሳርያፐ ታኮ ኪተቲደ፥ ታን ደእያ ጎልያ ጋክ አጌድኖ።
ACT 11:12 ታንካ ስናን ኡንቱንቱና ባና ማላ፥ ጌሻ አያናይ ታዉ ኦዴዳ። ቃይ ሀ ኡሱፑን እሻቱ ዮጰፐ ታናና ቂሳርያ ቢና፥ ኑን ቆርነልዮሳ ሶይ ገሌዶ።
ACT 11:13 ኪታንቻይ ባረ ሶይን ኤቂደ ባረና፥ ‘ጰጽሮሳ ጌተትያ ስሞና ጼሳናዉ አሳ ዮጰ ኪታ፤ ኔንነ ነ ጎለ አሳይ ኡባይ አትያ ቃላ እ ነዉ ኦዳናዋ’ ጌዳዋ ቆርነልዮስ ዎት ስሴደንቶ፥ ኑዉ ኦዴዳ።
ACT 11:15 “ታን ሃሳያናዉ ዶምያዋን ጌሻ አያናይ ኮይሮ ኑ ቦላ ዎꬌዳዋዳን፥ ኡንቱንቱ ቦላካ ዎꬍ አጌዳ።
ACT 11:16 ጎዳይ፥ ‘ዮሃንስ ሃꬃን ጻማቄዳ፤ ሽን ህንተንቱ ጌሻ አያናን ጻማቀታንታ’ ያጌዳ ቃላ ታን ሀሳያድ።
ACT 11:17 ጾሳይ ኑዉ ጎዳ የሱስ ክርስቶሳ አማኔዳዋንቶ እሜዳ እሞታ ማላ አይሁዳ ግደናዋንቶካ ቃይ እሞፐ፥ ስም ጾሳ ድጋናዉ ታን ኦኔ?” ያጌዳ።
ACT 11:18 ኡንቱንቱ ሀዋ ስሴዳ ዎደ ባረንቱ ፓሉማ አጊደ፥ “ያትና፥ ጾሳይ አይሁዳ ግደናዋንቱካ ቃይ ናጋራፐ ስሚደ ደአናዳን፥ ኡንቱንታ ካጬዳ” ያጊደ ጾሳ ጋላቴድኖ።
ACT 11:19 እስጽፋኖሳ ቦላ ጋኬዳ ዋይያ ጌዱዋን ላለቴዳ አማንያዋንቱ ቃላ አይሁዳቱዋ ጻላላፐ አትን፥ ሀራዉ እቶነ ኦደናን፥ ፕንቀ፥ ቆጲሮሳነ አንጾክያ ጋካናዉ ዩዬድኖ።
ACT 11:20 ሽን ቆጲሮሳፐነ ቀሬናፐ ዬዳ እት እት አማንያ አሳቱ አንጾክያ ቢደ፥ ጎዳ የሱሳ ዎንጋላ ምሽራቹዋ ኦዲደ፥ ግሪከ አሳዉካ ኦዴድኖ።
ACT 11:21 ጎዳ ዎልቃይ ኡንቱንቱና ደኤ፤ ቃይ ጮራ አሳይ አማኒደ፥ ጎዳኮ ስሜድኖ።
ACT 11:22 ሀ የዉ የሩሳላመን ደእያ አማንያ አሳዉ ስሰትና፥ አማንያ አሳይ ባርናባሳ አንጾክያ ኪቴዳ።
ACT 11:23 ባርናባስ አንጾክያ ቤዳ ዎደ፥ ጾሳ አꬎ ኬካተꬃ ኦሱዋ በኢደ ናሸቴዳ፤ ኡንቱንቱ ኡባይ ጎዳን ባረንቱ ኩመንꬃ ዎዛናፐ ምን ደአናዳን፥ ኡንቱንታ ዞሬዳ።
ACT 11:24 አያዉ ጎፐ፥ ባርናባስ ጌሻ አያናይነ አማኑ ኩሜዳ ሎኦ አሳ፤ ሄ ጋሱዋን ጮራ አሳይ ጎዳኮ ዬድኖ።
ACT 11:25 ሄዋፐ ጉይያን፥ ባርናባስ ሳኦላ ኮያናዉ ጸርሴሰ ቤዳ።
ACT 11:26 ያቲደ ሳኦላ ደሜዳ ዎደ፥ አንጾክያ አሄዳ። ባርናባስነ ሳኦል አማንያ አሳና እት ላይꬃ ኩመንꬃ ኡቲደ፥ ጮራ አሳ ታማርሴድኖ፤ ካልያዋንቱ አንጾክያን አማንያ አሳ ጌተቲደ፥ ኮይሮ ጼሰቴድኖ።
ACT 11:27 ናባቱ የሩሳላመፐ አንጾክያ ሄ ዎደ ዎꬌድኖ።
ACT 11:28 ኡንቱንቱ ግዶፐ አጋቦሳ ግያዌ ደንዲደ፥ ሳኣ ኡባን ዎልቃማ ኮሻይ ደንዳናዋ አያና ዎልቃን ትምቢትያ ኦዴዳ፤ ሄዌ ሀኔዳዌ ቃላዉደዮሳ ካዉተꬃ ዎድያና።
ACT 11:29 ካልያዋንቱ ሁጲያን ሁጲያን ባረንቱ ዎልቃ ኬና ሚሻ ከሲደ፥ ይሁዳን ደእያ ባረንቱ እሻቶ ማዱዋ የዳናዉ ቆፋ ቃቼድኖ።
ACT 11:30 ኡንቱንቱ ሄዋዳን ኦꬂደ፥ ሚሻ ባርናባሳ ቦላንነ ሳኦላ ቦላ ዎሳ ጎለ ጭማቶ የዴድኖ።
ACT 12:1 ካትያ ሄሮድሰ ሄ ዎደ ዎሳ ጎለ አሳፐ አማሬዳዋንታ ዋይሱዋ ዶሜዳ።
ACT 12:2 ዮሃንሳ እሻ ያቆባ ማሻን ዎꬍሴዳ።
ACT 12:3 ሄዌ አይሁዳቱዋ ናሸቼዳዋ በኢደ፥ ጉጅ ጰጽሮሳካ ኦይቄዳ፤ ሄዌ ማጋገ ኡክꬃ ባላ ቦንችያ ጋላሳቱዋና።
ACT 12:4 ጰጽሮሳ ኦይቂደ ቃቼዳ። ፓስጋ ባላ ቦንችያ ጋላሳቱዋፐ ጉይያን፥ ጋደ አሳ ስንꬃ አꬃናዉ ቆፒደ፥ ኦይዱ ኦይዱ ዎታዳራቱ አ ናጋናዳን፥ ታማነ ኡሱፑን ዎታዳራቶ አꬂደ እሜዳ።
ACT 12:5 ሄዋ ድራዉ፥ ጰጽሮስ ቃሾ ጎልያን ናገቴ፤ ሽን ዎሳ ጎለ አሳይ አዉ ምንሲደ ጾሳ ዎሴ።
ACT 12:6 ሄሮድሰ ጰጽሮሳ አሳ ስንꬃ አꬃናዉ ቆፓናፐ ካሰ ቃማ፥ ጰጽሮስ ላኡ ሳንꬃላታን ቃሸቲደ፥ ላኡ ዎታዳራቱዋፐ ግዱዋን ገምእሼዳ፤ ናግያዋንቱካ ቃሾ ጎለ ፐንግያን ኤቂደ ናጊኖ።
ACT 12:7 አኬከናን ደእሽን፥ ጎዳ ኪታንቻይ ሄዋን ኤቂ አጌዳ፤ ቃሾ ጎለንካ ፖኡ ፖኢ አጌዳ። ኪታንቻይ ጰጽሮሳ ምይያ ደች ቤጎꬂደ አ፥ “ኤለ ደንዳ” ያጌዳ፤ ሄ ማንእያን ሳንꬃላታይ አ ኩሽያፐ ዎꬍ አጌዳ።
ACT 12:8 ኪታንቻይ አ፥ “ነ ሱርያ ዳንጫ፤ ነ ጫማካ ዎꬃ” ያግና፥ ጰጽሮስ ሄዋዳን ኦꬄዳ፤ ኪታንቻይ፥ “ነ ማዩዋ ማያደ ታና ካላ” ያጌዳ።
ACT 12:9 ጰጽሮስ ቃሾ ጎልያፐ ከሲደ፥ ኪታንቻ ካሌዳ፤ አዉ ሳፃ በእያዋ ማላቴዳፐ አትን፥ ኪታንቻይ ኦꬅያባይ ቱማ ግዴዳዋ ኤርቤና።
ACT 12:10 ኪታንቻይነ ጰጽሮስ ኮይሮ ዎታዳራፐነ ላኤንꬆ ዎታዳራፐ አꬊደ፥ ካታማ አፍያ ብራታ ፐንግያኮ ጋኬድኖ፤ ፐንጊካ ኡንቱንቶ ባረካ ዶየት አጌዳ፤ ኡንቱንቱ ከሲደ እት ኦግያና ቢሽን፥ ኪታንቻይ ኤለካ ጰጽሮሳፐ ሻከት አጌዳ።
ACT 12:11 ጰጽሮስ ባረና ጋኬዳባ አኬኪደ፥ “ታና ጎዳይ ባረ ኪታንቻ ኪቲደ፥ ሄሮድሳ ኩሽያፐነ አይሁዳ አሳይ ናግ ኡቴዳ ኡባባፐ አሼዳዋ ሀእ ቱሙ ኤራድ” ያጌዳ።
ACT 12:12 እ ሄዋ አኬኬዳ ዎደ፥ ጮራ አሳይ እትፐ ሺቂደ ጾሳ ዎስያሳ፥ ማርቆሳ ግያ ዮሃንሳ ዳይ ማይራም ሶይ
ACT 12:13 ቢደ ፐንግያን ጼስና፥ እት ሮዶ ግያ ቆማታ ዶያናዉ ያዱ።
ACT 12:14 ሮዳ ጰጽሮሳ ቃላ ግዴዳዋ ኤሬዳ ዎደ፥ ባረና ናሸችና፥ ፐንግያ ዶየናን ጉየ ዎጻደ፥ ጰጽሮስ ካረን ኤቄዳዋ አሳዉ ኦዳዱ።
ACT 12:15 አሳይ እዞ፥ “ሀነ፥ ኔን ጎያ” ያጌዳ። ሮዳ ጰጽሮሳ ግዴዳዋ ጌሻደ ኦዳዱ። ኡንቱንቱ፥ “ሄዌ አ ኪታንቻ” ያጌድኖ።
ACT 12:16 ሽን ጰጽሮስ ካረን ጼሲደ አገናን እጽና፥ አሳይ ካርያ ዶይ፥ አ በኢደ ማላለቴድኖ።
ACT 12:17 ሽን ኡንቱንቱ ጮኡ ጋና ማላ፥ ጰጽሮስ ባረ ኩሽያን ጾርሲደ፥ ጎዳይ ቃሾ ጎልያፐ አ ዎት ከሴደንቶ፥ ኡንቱንቶ ቆንጭስ ኦዲደ፥ “ሀዋ ያቆባዉነ እሻቶ ኦድተ” ጊደ፥ ከስ ሀራሳ ቤዳ።
ACT 12:18 ሳአይ ዎንቴዳ ዎደ፥ ጰጽሮስ ሀቃ ብድጌደንቶ ጊና ዎታዳራቱዋ ግዶን ዳሮ ዋላሳይ ከሴዳ።
ACT 12:19 ሄሮድሰ ጰጽሮሳ ኮይሽን፥ እ ꬋዬዳ ዎደ፥ ናግያዋንታ ቆሪደ፥ ኡንቱንታ ዎꬋና ማላ አዛዜዳ፤ ሄዋፐ ጉይያን፥ ይሁዳፐ ቂሳርያ ዎꬊደ፥ ሄዋን አማሬዳ ዎድያ ኡቴዳ።
ACT 12:20 ሄሮድሰ ጺሮሳ አሳዉነ ሲዶና አሳዉ ሎይꬅ ሀንቀቴዳ፤ ኡንቱንቱ ጋደ አሳይ ካꬃ ሄሮድሳ ጋደ አሳፐ ደምያ ድራዉ፥ ኡንቱንቱ እትፐ ግዲደ፥ አ ጎልያ ካፑዋ ብላስጾሳ ባረንቱ ባጋ ኦꬂደ፥ ስገታና ማላ ዎሳናዉ ሄሮድሳኮ ቤድኖ።
ACT 12:21 ሄሮድሰ ሱንቴዳ ጋላስ፥ ባረ ካዉተꬃ ማዩዋ ማዪደ፥ ካዉተꬃ ኦይድያን ኡቲደ፥ አሳዉ ሃሳዬዳ።
ACT 12:22 አሳይ፥ “ሀዌ ጾሳ ቃላ፤ አሳ ቃላ ግደና” ያጊደ ኮሻ ꬎቂሲደ ሃሳዬዳ።
ACT 12:23 ሄሮድሰ ጾሳ ቦንችቤና ድራዉ፥ ሄ ማንእያን ጎዳ ኪታንቻይ አ ደችና፥ ጉጹንያን ሜተቲደ፥ ሀይቂ አጌዳ።
ACT 12:24 ሽን ጾሳ ቃላይ ድጬነ ዳር ዳር ቤ።
ACT 12:25 ባርናባስነ ሳኦል ባረንቱ ኦሱዋ ፖሊደ፥ ማርቆሳ ግያ ዮሃንሳ ባረንቱና አኪደ፥ የሩሳላመፐ ስሜድኖ።
ACT 13:1 አንጾክያን ደእያ አማንያ አሳ ግዶን ናባቱነ ታማርስያዋንቱ ደኢኖ፤ ኡንቱንቱካ ባርናባሳ፥ ካረꬃ ግያ ስሞና፥ ቀሬናፐ ዬዳ ሉቅዮሳ፥ ጋድያ ሞድያ ሄሮድሳና ድጬዳ ምናሀነ ሳኦላ።
ACT 13:2 ኡንቱንቱ ጎዳዉ ጎይንሽናነ ጾምሽን፥ ጌሻ አያናይ፥ “ታን ጼሴዳ ኦሶ ባርናባሳነ ሳኦላ ታዉ ዱማይተ” ያጌዳ።
ACT 13:3 ኡንቱንቱ ጾሜዳዋፐነ ዎሴዳዋፐ ጉይያን፥ ባረንቱ ኩሽያ ባርናባሳ ቦላንነ ሳኦላ ቦላን ዎꬂደ፥ ኡንቱንታ የዴድኖ።
ACT 13:4 ሄዋ ድራዉ፥ ጌሻ አያናይ ኡንቱንታ ኪትና፥ ሴሉቅያ ዎꬌድኖ፤ ሄዋፐ ዎንግርያን ገሊደ፥ ቆጲሮሳ ሃꬃን ዶደቴዳሳ ቤድኖ።
ACT 13:5 ኡንቱንቱ ስልማና ጋኪደ፥ አይሁዳ ዎሳ ጎለቱዋን ጾሳ ቃላ ኦዴድኖ፤ ኡንቱንታ ማዳናዉ ዮሃንስ ኡንቱንቱና ደኤ።
ACT 13:6 ኡንቱንቱ ቆጲሮሳ ሃꬃን ዶደቴዳ ሳኣ ኡባ ጳፉ ጋካናዉ ዩዪደ፥ ናብያ እት ዎርዳንቻ፥ አይሁዳ አሳ ባር-የሱሳ ግያ ሻሬቹዋ ደሜድኖ።
ACT 13:7 ሄ ሻሬቹ ጋድያ ሞድያ ሳርግዮሳ ጳዉሎሳ ግያ አኬካንቻ ብታንያና ደኤ። ሳርግዮሳ ጳዉሎሳ ባርናባሳነ ሳኦላ ባረኮ ጼሲደ፥ ጾሳ ቃላ ስሳናዉ ኮዬዳ።
ACT 13:8 ሽን ሻሬቹዋ ኤልማስ (ግሪከ ቃላን ሄዌ አ ሱንꬃ) ጋድያ ሞድያዋ አማኑዋ ድጋናዉ ኮዪደ፥ ኡንቱንቱ ሃሳያ ጳልቄዳ።
ACT 13:9 ሽን ጳዉሎሳ ግያ ሳኦል ባረናን ጌሻ አያናይ ኩምና፥ ሻሬቹዋ ጫድ ጼሊደ፥
ACT 13:10 አ፥ “ላ ሀ ጻላህያ ካፑዋ ናአዉ፥ ገነተꬃይ ኡባይነ ኢታተꬃይ ኡባይ ኩሜዳዎ፥ ጽሎተꬃ ኡባ ሞርከዉ፥ ጎዳ ኦግያ ሱርያ ጌላይያዋ አግኪ?
ACT 13:11 በአ፤ ሀእ ጎዳ ኩሺ ነ ቦላ ደኤ፤ ኔን ቆቃ ግዳና፤ አማሬዳ ዎዲ ጋካናዉ፥ አዋ ፖኡዋ በአካ” ያጌዳ። ሄ ማንእያን ሻኖቻይነ ꬉማይ አ አይፍያ ጎዝና፥ ባረ ኩሽያ ኦይቂደ፥ ካለꬅያ ኡራ ኮዪደ ዩዬዳ።
ACT 13:12 ሄ ዎደ ጋድያ ሞድያዌ ሄዋ በኤዳ ዎደ፥ ጎዳይ ታማርስያዋን ማላለቲደ አማኔዳ።
ACT 13:13 ጳዉሎስነ አናና ደእያዋንቱ ጳፉፐ ደንዲደ፥ ጵንፍልያን ደእያ ጰርገ ዎንግርያን ቤድኖ፤ ዮሃንስ ኡንቱንቱፐ ሻከት፥ የሩሳላመ ስሜዳ።
ACT 13:14 ሽን ኡንቱንቱ ጰርገፐ አꬊደ፥ ጲሲድያን ደእያ አንጾክያ ጋኬድኖ፤ ሳምባታ ጋላሳን አይሁዳ ዎሳ ጎለ ገሊደ ኡቴድኖ።
ACT 13:15 ሙሴ ህጊነ ናባቱዋ ማጻፋይ ናባበቴዳዋፐ ጉይያን፥ አይሁዳ ዎሳ ጎለ ካፓቱ፥ “ኑ እሻቶ አሳ ምንስያ ቃላይ ህንተንቶ ደኦፐ፥ አሳዉ ሃሳዬርክቴ” ያጊደ ኡንቱንቶ ኪቴድኖ።
ACT 13:16 ጳዉሎስ ደንድ ኤቂደ፥ ባረ ኩሽያን ጾርሲደ፥ ሀዋዳን ያጌዳ፤ “እስራኤልያ አሳቶ፥ ጾሳዉ ያይያዋንቶ ስስተ።
ACT 13:17 ሀ እስራኤልያ አሳ ጾሳይ ኑ አዎቱዋ ዶሪደ፥ ግብጼ ጋድያን እማꬃተꬃን ኡንቱንቱ ደእሽን፥ ኡንቱንታ ጮርሴዳ፤ ባረ ዎልቃማ ዎልቃንካ ግብጼ ጋድያፐ ኡንቱንታ ከሴዳ።
ACT 13:18 ባዙዋን ኦይታሙ ላይꬃ ኬና ኑ አዎቱዋ እ ዳንዳዬዳ።
ACT 13:19 ካናነ ግያ ጋድያን አይሁዳ ግደና ላፑ ካዉተꬃ ꬋይሲደ፥ ኡንቱንቱ ጋድያ ባረ አሳ ላትሴዳ።
ACT 13:20 ሄዋፐ ጉይያን፥ ናብያ ሳሜላ ዎድያ ጋካናዉ፥ ኦይዱ ጼታነ እሻታሙ ላይꬃ ኬና ዳናቱዋ ኡንቱንቶ እሜዳ።
ACT 13:21 ሄዋፐ ጉይያን፥ ኡንቱንቱ ባረንቶ ካትያ እማና ማላ ዎስና፥ ጾሳይ ቢንያማ ዛርያፐ ቂሳ ናኣ ሳኦላ ኦይታሙ ላይꬃዉ ካተታና ማላ፥ ኡንቱንቶ እሜዳ።
ACT 13:22 ጾሳይ ሳኦላ ሻሬዳዋፐ ጉይያን፥ ኡንቱንቱ ቦላ ዳዊተ ካተታና ማላ፥ አ ደንꬄዳ፤ ዳዊተባ ማርካቲደ፥ ‘ታን ኮይያ ኡባባ ታ ዎዛናዳን ኦꬅያ እሰይ ናኣ ዳዊታ ደማድ’ ያጌዳ።
ACT 13:23 “ጾሳይ፥ ‘ታን ዳዊታ ዛርያፐ እስራኤልያ አሳ አሽያዋ አሀና’ ቃላ ገሌዳዋዳንካ፥ የሱሳ አሄዳ።
ACT 13:24 የሱስ ያናፐ ካሰ እስራኤልያ አሳይ ኡባይ ባረንቱ ናጋራፐ ስሚደ ጻማቀታና ማላ፥ ዮሃንስ ቃላ ኦዴዳ።
ACT 13:25 ቃይ ዮሃንስ ባረ ኦሱዋ ዉርሳና ሀኒደ አሳ፥ ‘ታና ኦና ጊደ ቆፒቴ? ታን ህንተ ናግያዋ ግድከ፤ ሽን በእተ፥ አ ገድያ ጫማ ቃሹዋካ ገድያፐ ብላናዉ ታዉ በሰናዌ ታፐ ጉየና ዬ’ ያጌዳ።
ACT 13:26 “ታናዳን አማንያዋንቶ፥ አብራሃመ ዘረꬃቶ፥ ቃይ ሀዋን አይሁዳ ግደናዋንቶ ጾሳዉ ያይያዋንቶ፥ ሀ አቶተꬃ ቃላይ ኑዉ ኪተቴዳ።
ACT 13:27 አያዉ ጎፐ፥ የሩሳላመን ደእያ አሳይነ ኡንቱንቱ ካፓቱ የሱሳነ ሳምባታ ጋላሳ ኡባን ናባበትያ ናባቱዋ ቃላ አኬክቤና ድራዉ፥ አ ቦላ ፕርዲደ፥ ናባቱዋ ቃላ ፖሌድኖ።
ACT 13:28 የሱሳ ዎꬍሳናዉ እት ጋሱካ ኡንቱንቶ ቤተናን እጽና፥ ጵላጾስ አ ዎꬋና ማላ ዎሴድኖ።
ACT 13:29 “ኡንቱንቱ የሱሳባይ ጾሳ ማጻፋን ጻፈቴዳዋ ኡባ ፖሌዳ ዎደ፥ ማስቃልያፐ አ ዎꬂደ ሞጌድኖ።
ACT 13:30 ሽን ጾሳይ ሀይቁዋፐ የሱሳ ደንꬄዳ።
ACT 13:31 ሄዋፐ ጉይያን እ ባረናና ጋሊላፐ የሩሳላመ ዬዳ አሳቶ ጮራ ጋላሳ ቤቴዳ ኡንቱንቱ ሀእ አባ አሳዉ ማርካቲኖ።
ACT 13:32 “ጾሳይ ኑ አዋቶ እማና ጌዳ ዎንጋላ ምሽራቹዋ ኑን ህንተንቶ ኦዴቶ።
ACT 13:33 ዳዊተ ማዝሙርያ ማጻፋን ላኤንꬆ ሸምፑዋን፥ “ ‘ኔን ታ ናኣ። ሀቼ ታን ነ አዉዋ ግዳድ’ ጌተቲደ ጻፈቴዳዋዳን፥ ጾሳይ የሱሳ ደንꬂደ፥ ኑ አዋቶ እማና ጌዳዋ ኑዉ ኡንቱንቱ ናናዉ ፖሌዳ።
ACT 13:34 ላኤንꬁዋ እ ሀይቀና ማላ፥ ሀይቁዋፐ አ ደንꬄዳዎ ጾሳይ፥ ‘ታን ዳዊተዉ እማና ጌዳ አማነቴዳ ጌሻ አንጁዋ ህንተንቶ እማና’ ያጊደ ሃሳዬዳ።
ACT 13:35 ሄዋ ድራዉ፥ ማዝሙርያ ማጻፋን ሀራሳን ቃይ፥ ‘ነ ጌሻ ናኣ አሃካ ሙስሳካ’ ያጌዳ።
ACT 13:36 አያዉ ጎፐ፥ ዳዊተ ባረ ዎድያን ጾሳ ቆፋ ኦꬄዳዋፐ ጉይያን ሀይቂደ፥ ባረ አዎቱዋና ሀይቂ ሙሴዳ።
ACT 13:37 ሽን ጾሳይ ሀይቁዋፐ ደንꬄዳዌ ሙስቤና።
ACT 13:38 “ሄዋ ድራዉ፥ ታናዳን አማንያዋንቶ፥ ናጋራ አቶ ጌተቴዳዌ ህንተንቶ የሱሳ ባጋና ኦደቴዳዌነ፥ ሙሴ ህግያን ጽላናዉ ህንተንቶ ዳንዳየተና ኡባባፐ አን አማንያ ኡባይ ጽላናዌ ህንተንቶ ኤረቶ።
ACT 13:40 ሄዋ ድራዉ፥ ናባቱ ጌዳዌ ህንተ ቦላ ጋከና ማላ ናገትተ፤
ACT 13:41 “ ‘ጾሳይ ጌዳባ ቅሊጭያዋንቶ፥ በእተ፤ ሀራይ አቶ እት ኡራይ ህንተንቶ ኦድንቶካ፥ ህንተ አማነና ኦሱዋ ታን ህንተንቱ ዎድያን፥ ኦꬅያ ድራዉ፥ ፖራ ጊተ፤ ሀይቂተ’ ጌድኖ” ያጌዳ።
ACT 13:42 ጳዉሎስነ ባርናባስ አይሁዳ ዎሳ ጎልያፐ ከስሽን፥ አሳይ ኡንቱንታ ላኤንꬁዋ ሳምባታንካ ሄዋ ጉጂደ ኦዳና ማላ ዎሴድኖ።
ACT 13:43 ሺቁ ላለቴዳዋፐ ጉይያን፥ ጮራ አይሁዳቱነ አይሁዳቱዋ አማኑዋን ገሊደ ጾሳዉ ያይያ ጮራቱ፥ ጳዉሎሳነ ባርናባሳ ካሌድኖ፤ የሱስ ኪቴዳዋንቱ ጾሳ አꬎ ኬካተꬃን ምን ደአና ማላ፥ ኡንቱንቶ ኦዲደ ምንሴድኖ።
ACT 13:44 ላኤንꬁዋ ሳምባታን አማሬዳ አሳቱዋፐ አትን፥ ካታማ አሳይ ኡባይ ጾሳ ቃላ ስሳናዉ ሺቄዳ።
ACT 13:45 ሽን አይሁዳቱ ጮራ አሳ በኤዳ ዎደ፥ ጳዉሎሳ ቃናቴድኖ፤ አ ሃሳያ ጳልቂደ፥ አ ቦሬድኖ።
ACT 13:46 ጳዉሎስነ ባርናባስ ጻሊደ፥ “ጾሳ ቃላይ ካሰቲደ ህንተንቶ ኦደታናዉ ኮሼ፤ ሽን ቃላ ህንተ እጼዳ ድራዉነ መꬍና ደኡዋ አካናዉ ህንተንቶ በሰና ጊደ፥ ህንተ ህንተንቱ ሁጲያን ፕርዴዳ ድራዉ፥ በእተ፥ ኑን አይሁዳ ግደናዋንቱኮ ስሜቶ።
ACT 13:47 አያዉ ጎፐ፥ ጎዳይ ኑና፥ “ ‘አሳይ ኡባይ ህንተ ባጋና አታና ማላ፥ ህንተንታ ታን፥ አይሁዳ ግደናዋንቶ ፖኡዋ ኦꬃድ’ ያግ አዛዜዳ” ያጌድኖ።
ACT 13:48 አይሁዳ ግደናዋንቱ ሄዋ ስሴዳ ዎደ፥ ናሸቲደ ጾሳ ቃላ ቦንቼድኖ፤ ቃይ መꬍና ደኦ ዶረቴዳ ኡባይ አማኔድኖ።
ACT 13:49 ጎዳ ቃላይ ሄ ጋድያ ኡባ ጋኬዳ።
ACT 13:50 ሽን አይሁዳቱ ጾሳዉ ጎይንያ ቦንቼቴዳ ማጫዋንታነ ካታማን ደእያ ዎልቃማ አሳቱዋ ጳዉሎሳ ቦላንነ ባርናባሳ ቦላ ደንꬅና፥ አሳቱ ኡንቱንታ የደርሱዋ ዶሚደ፥ ባረንቱ ጋድያፐ ከሴድኖ።
ACT 13:51 ሽን የሱስ ኪቴዳዋንቱ ኡንቱንታ እጽያዋንቶ ማላታ ግዳና ማላ፥ ባረንቱ ገድያፐ ባና ሾጪደ፥ እቆንዮነ ካታማ ቤድኖ።
ACT 13:52 ቃይ አንጾክያን ደእያ ካልያዋንቱንካ ጌሻ አያናይነ ናሸቻይ ኩሜዳ።
ACT 14:1 ካሰዋዳንካ ጳዉሎስነ ባርናባስ እቆንዮነን አይሁዳቱዋ ዎሳ ጎለ ገሊደ፥ ቃላ ኦዴድኖ፤ ሄዋፐ ጉይያን ጮራ አይሁዳቱነ አይሁዳ ግደናዋንቱ አማኔድኖ።
ACT 14:2 ሽን አማንቤና አይሁዳቱ አይሁዳ ግደናዋንቱ ዎዛና ላሚደ፥ እሻቱዋ ቦላ ሀንቀꬄድኖ።
ACT 14:3 የሱስ ኪቴዳዋንቱ ሄዋን ዳሮ ዎድያ ጋምኤድኖ፤ ኡንቱንቱ ጎዳባ ያየናን ኦዴድኖ፤ ጎዳይ ማላታነ ኦራꬃባ ኡንቱንቱ ኦꬃና ማላ፥ ኡንቱንቶ ዎልቃ እሜዳዋን ባረ አꬎ ኬካተꬃ ቃላባይ ቱማ ግዴዳዋ ማርካቴዳ።
ACT 14:4 ሽን ካታማ አሳይ ሻከት፥ ባጋይ አይሁዳቱዋኮ፥ ባጋይ የሱስ ኪቴዳዋንቱኮ ስሜድኖ።
ACT 14:5 አይሁዳ ግደናዋንቱነ አይሁዳቱ ባረንቱ ካፓቱዋና እትፐ የሱስ ኪቴዳዋንታ ቆሀናዉነ ሹቻን ጫዳናዉ ቆፔዳ ዎደ፥
ACT 14:6 የሱስ ኪቴዳዋንቱ ሄዋ ኤሪደ፥ ልስጽራነ ደርበ ጌተትያ ልቃኦንያ ካታማቱዋነ ኡንቱንቱ ሄራን ደእያ ጋድያ ብ አጌድኖ፤
ACT 14:7 ሄዋን ዎንጋላ ምሽራቹዋ ኦዲኖ።
ACT 14:8 ባረ ዳይ ኡሉዋፐ የለቶደፐ ዶሚደ፥ ላኡ ገዲ ስልና፥ ኡባካ ሀመተና እት ብታኒ ልስጽራን ደኤ።
ACT 14:9 ሄ ብታኒ ጳዉሎስ ኦድሽን ስሴ፤ ጳዉሎስ አ ጫድ ጼልያ ዎደ፥ ፓጻናዉ አዉ አማኑ ደእያዋ በኢደ፥
ACT 14:10 ኮሻ ꬎቂሲደ አ፥ “ስት ጋደ ነ ገድያን ኤቃ” ያጌዳ፤ ጉፕ ደንዲደ፥ ሀመታ ዶሜዳ።
ACT 14:11 ጳዉሎስ ኦꬄዳዋ አሳይ በኢደ፥ ባረ ኮሻ ልቃኦንያ ቃላን ꬎቁ ኦꬂደ፥ “ጾሳቱ አሳ ማላቲደ ኑኮ ዎꬌድኖ” ያጌዳ።
ACT 14:12 አሳይ ባርናባሳ፥ “ድያ” ጊደ፥ ጳዉሎስ ሃሳያዉ ዋናትያ ድራዉ፥ አ፥ “ሄርሜሳ” ጊደ ሱንꬄዳ።
ACT 14:13 ጌሻ ጎሊ ካታማ ማታን ደእያ ድያ ቄሳይነ አሳይ ኮሩማቱዋነ ዳሪ ሎእያ ጪሻቱዋ የሱስ ኪቴዳዋንቶ ያርሹዋ ያርሻናዉ ኮዪደ፥ ፐንግያ አሄድኖ።
ACT 14:14 ሽን የሱስ ኪቴዳ ባርናባስነ ጳዉሎስ ሄዋ ስሴዳ ዎደ ባረንቱ ማዩዋ ፔꬊደ፥ አሳ ግዶ ዎጺደ፥
ACT 14:15 ባረንቱ ኮሻ ꬎቁ ኦꬂደ፥ ሀዋዳን ያጌድኖ፤ “አሳዉ፥ ሀዋ አያዉ ኦꬂቴ? ኑንካ ህንተንቱዋዳን መቴዳ አሳ፤ ሀ ፓና የዉዋፐ ሳሉዋነ ሳኣ፥ አባነ ኡንቱንቱ ግዶን ደእያ ኡባባ መꬌዳ ደኡዋ ጾሳኮ ህንተ ስማና ማላ፥ ህንተንቶ ኑን ዎንጋላ ምሽራቹዋ ኦዴቶ።
ACT 14:16 እ በን አሳ ዘረꬃይ ኡባይ ባረንቱ ኦግያ ባና ማላ የድ አጌዳ።
ACT 14:17 ህንተንቶ እራ ሳሉዋፐ ቡክሴዳ፤ ካꬃካ እ ዎድያን እሜዳ፤ ቃይ ቁማ እሚደ፥ ህንተንታ ሎይꬅ ናሸቼ፤ ያቲደ ህንተንቶ ሎኦባ ኦꬂደ፥ ኡባ ዎደካ ባረዉ ማርካ ꬋይቤና” ያጌድኖ።
ACT 14:18 የሱስ ኪቴዳዋንቱ ሄዋ ጊደ፥ ባረንቶ አሳይ ያርሸና ማላ፥ መቶቲደ ድጌድኖ።
ACT 14:19 አንጾክያፐነ እቆንዮነፐ ዬዳ አይሁዳቱ አሳ ባረንቱ ባጋ ዛሪደ፥ ሹቻን ጳዉሎሳ ጫዴድኖ፤ ኡንቱንቶ ሀይቄዳዋ ማላትና፥ ካታማፐ ካረዉ አ ጎች ከሴድኖ።
ACT 14:20 ሽን ካልያዋንቱ አ ማታን ዩይ አꬊደ ኤቂሽን፥ እ ደንዲደ፥ ካታማ ገሌዳ። ዎንተꬃ ጋላስ ባርናባሳና እትፐ ደርበ ቤዳ።
ACT 14:21 ኡንቱንቱ ደርበ ካታማን ዎንጋላ ምሽራቹዋ ኦዲደ፥ ጮራ አሳይ የሱሳ አማናና ማላ ኦꬄዳዋፐ ጉይያን፥ ልስጽራ፥ እቆንዮነነ ጲሲድያን ደእያ አንጾክያ ስሜድኖ፤ ያቲደ ሄዋን ካልያዋንታ ምንሲደነ ኡንቱንቱ አማኑዋን ምን ደአና ማላ ዞሪደ፥ “ኑን ጾሳ ካዉተꬃ ገላናዉ ሎይꬅ ዋየታና በሴ” ያጌድኖ።
ACT 14:23 ቃይ አማንያዋንቶ ደእያ ሳን ደእያ ሳን ጭማቱዋ ዶሪደ፥ ጾሜዳዋፐነ ዎሴዳዋፐ ጉይያን፥ ኡንቱንቱ አማኔዳ ጎዳዉ ኡንቱንታ ሀዳራ እሜድኖ።
ACT 14:24 ጲሲድያ ጋድያፐ አꬊደ፥ ጵንፍልያ ዬድኖ፤
ACT 14:25 ጰርገን ቃላ ኦዴዳዋፐ ጉይያን፥ አጻልያ ቤድኖ።
ACT 14:26 ሄዋፐ ኡንቱንቱ ባረንቱ ፖሌዳ ኦሱዋ ድራዉ፥ አሳይ ኡንቱንቱ ሀዳራ ጾሳ አꬎ ኬካተꬃዉ እሜዳ አንጾክያ ማርካብያን ስሜድኖ።
ACT 14:27 አንጾክያ ጋኬዳ ዎደ አማንያ አሳ ሺሺደ፥ ጾሳይ ባረንቱና እትፐ ኦꬄዳ ኡባባነ፥ አይሁዳ ግደና አሳይ አማናና ማላ፥ ኡንቱንቶ ፐንግያ ዶዬዳዋ፥ አሳዉ ኦዴድኖ።
ACT 14:28 ያቲደ ሄዋን ካልያዋንቱና ዳሮ ዎድያ ጋምኤድኖ።
ACT 15:1 እት እት አሳቱ ይሁዳፐ አንጾክያ ዎꬊደ፥ “ሙሴ ዎጋዳን፥ ህንተ ቃጻረተናዋ ግዶፐ፥ አታናዉ ዳንዳይክታ” ያጊደ እሻቱዋ ታማርሱዋ ዶሜድኖ።
ACT 15:2 ጳዉሎስነ ባርናባስ ኡንቱንቱና ዳርስ ዋላቀቲደ ፓሉመትና፥ አንጾክያን ደእያ እት እት ሀራ አሳቱ ሄ ፓሉማ ድራዉ፥ ጳዉሎሳናነ ባርናባሳና የሩሳላመ ቢደ፥ የሱስ ኪቴዳዋንቱናነ ጭማቱዋና ጋከታናዉ ቆፋይ ቃሸቴዳ።
ACT 15:3 አማንያ አሳቱ ኡንቱንታ ኪቲደ ኦግያን ማድሽን፥ አይሁዳ ግደናዋንቱ ጾሳኮ ስሜዳዋ ኦዲደ፥ ፕንቂያናነ ሳማርያና አꬌድኖ፤ ሄዌ እሻቱዋ ኡባ ሎይꬅ ናሸቼዳ።
ACT 15:4 ኡንቱንቱ የሩሳላመ ጋኬዳ ዎደ፥ አማንያዋንቱ፥ የሱስ ኪቴዳዋንቱነ ጭማቱ ኡንቱንታ ሞኬድኖ፤ ጾሳይ ባረንቱን ኦꬄዳዋ ኡባ ኦዴድኖ።
ACT 15:5 ሽን ፓርሳዋቱዋ ባጋፐ አማኔዳ እት እት አሳቱ ደንድ ኤቂደ፥ “ህንተንቱ ኡንቱንታ ቃጻራናዉነ ሙሴ ህግያ ናጋና ማላ አዛዛናዉ በሴ” ያጌድኖ።
ACT 15:6 የሱስ ኪቴዳዋንቱነ ጭማቱ ሄዋ ዞረታናዉ ሺቄድኖ።
ACT 15:7 ሎይꬅ ሃሳዬዳዋፐ ጉይያን፥ ጰጽሮስ ደንድ ኤቂደ፥ ኡንቱንታ ሀዋዳን ያጌዳ፤ “ታናዳን አማንያዋንቶ፥ አይሁዳ ግደናዋንቱ ዎንጋላ ምሽራቹዋ ቃላ ታ ዶናፐ ስሲደ አማናና ማላ፥ ታና ጾሳይ ህንተ ግዶፐ በን ዶሬዳዋ ህንተንቱ ኤሪታ።
ACT 15:8 አሳ ዎዛና ኤርያ ጾሳይ ጌሻ አያና ኑዉ እሜዳዋዳን፥ ኡንቱንቶካ እሚደ ቱማዬዳ።
ACT 15:9 ኡንቱንቱ አማኔዳ ድራዉ፥ እ ኡንቱንቱ ዎዛና ጌሺደ፥ ኑ ግዱዋንነ ኡንቱንቱ ግዱዋን ዱማተꬃ ዎꬅቤና።
ACT 15:10 ሄዋ ድራዉ፥ ኑ አዎቱነ ኑን ቶካናዉ ዳንዳይቤና ዎልቃማ ቶኩዋ ካልያዋንቱ ሞርግያን ዎꬂደ፥ ሀእ ህንተ አያዉ ጾሳ ፓጪቴ?
ACT 15:11 ሽን ጎዳ የሱስ ክርስቶሳ አꬎ ኬካተꬃን ኡንቱንቱ አቴዳዋዳን፥ ኑንካ አቴዳዋ አማኔቶ” ያጌዳ።
ACT 15:12 አሳይ ኡባይ ጮኡ ጊደ፥ ባርናባስነ ጳዉሎስ አይሁዳ ግደና አሳ ግዶን ባረንቱ ባጋና ጾሳይ ኦꬄዳ ማላታነ ኦራꬃባ ኡባ ኦድሽን ስሴ።
ACT 15:13 ኡንቱንቱ ሃሳያ ዉርሴዳዋፐ ጉይያን፥ ያቆብ ሀዋዳን ያጊደ ዛሬዳ፤ “እሻቶ፥ ታን ግያዋ ስስተ።
ACT 15:14 ጾሳይ አይሁዳ ግደናዋንቱ ግዶፐ ባረዉ ሀንያ አሳ አካናዉ አይሁዳ ግደናዋንቶ ኮይሮ ዎት ቆፔደንቶ ስሞን ኦዴዳ።
ACT 15:15 ናብያ ቃላይ ሀዋና ጊጌ፤ ጎዳይ ዳሮ ዎድያፐ ዶሚደ፥ አሳ ሀዋ ኤርሲደ፥ ጾሳ ማጻፋን ሀዋዳን ያጌዳ፤ “ ‘ሀዋፐ ጉይያን፥ ሳኣን ደእያ ሀራ አሳይ ኡባይ፥ ታዋ ግዳናዉ፥ ታን ጼሴዳ አይሁዳ ግደና አሳይ ኡባይ፥ ጎዳ ኮያና ማላ፥ ታን ስማና። ታን ኮለቲደ ኩንዴዳ ጎልያዳን፥ ሀኔዳ ዳዊተ ካዉተꬃ ደንꬃና። ኮለቴዳዋካ ዛራደ ኬጻና፤ ታን ላኤንꬁዋ አ ኤሳና’ ያጌዳ።
ACT 15:19 “ሄዋ ድራዉ፥ ታ ቆፋ ግዶፐ፥ አይሁዳ ግደናዋንቱፐ ጾሳኮ ስምያዋንታ ኑን መቶꬃናዉ ኮሸና።
ACT 15:20 ሽን ኡንቱንቱ ኤቃን ቱኔዳዋ ሜና ማላ፥ ዎሹመና ማላ፥ ባኩቴዳ መህያ አሹዋ ሜና ማላነ ሱꬃ ኡሸና ማላ፥ ኡንቱንቶ ኑን ዳብዳቢያ ጻፋናዉ ኮሼ።
ACT 15:21 አያዉ ጎፐ፥ ሙሴ ህግያ ካሰ የለታፐ ዶሚደ ሳምባታን ሳምባታን አይሁዳ ዎሳ ጎለቱዋን ናባቢደ፥ አ ቃላ ካታማ ኡባን ኦድያዋንቱ ደኢኖ” ያጌዳ።
ACT 15:22 ሄዋፐ ጉይያን፥ የሱስ ኪቴዳዋንቱነ ጭማቱ ዎሳ ጎለ አሳ ኡባና እትፐ ባረንቱ ግዶፐ አማሬዳ አሳቱዋ ዶሪደ፥ ጳዉሎሳናነ ባርናባሳና አንጾክያ የዳናዉ ቆፋ ቃቼድኖ፤ ኡንቱንቱ ዳሮ ቦንቼቴዳ ላኡ አሳቱዋ ባርሳባ ጌተትያ ይሁዳነ ስላሳ ዶሬድኖ።
ACT 15:23 ያቲደ ሀዋዳን ግያ ዳብዳቢያ ጻፊደ፥ ኡንቱንቱ ቦላ ኪቴድኖ፤ “ኑን የሱስ ኪቴዳዋንቱነ ጭማቱ ህንተ እሻቱ፥ አንጾክያን፥ ሶርያንነ ክልቂያን ደእያ አይሁዳ ባጋ ግደና እሻቶ ኑ ሳሮታ ኪቴቶ።
ACT 15:24 “ኑን አዛዝቤና አሳቱ ኑ ግዶፐ ቢደ፥ ‘ህንተንቱ ቃጻረታናዉነ ሙሴ ህግያ ናጋናዉ በሴ’ ጊደ፥ ህንተንታ መቶꬄዳዋነ ይሎዬዳዋ ስሲደ፥
ACT 15:25 ኑ ጎዳ የሱስ ክርስቶሳ ሱንꬃ ድራዉ፥ ባረንቱ ሸምፑዋ ኦሌዳ ኑን ሲቅያ ባርናባሳናነ ጳዉሎሳና ዶረቴዳ አሳቱዋ ህንተንቱኮ ኪታናዉ እት ዎዛናን ኑ ቆፋ ቃቼዶ።
ACT 15:27 ሄዋ ድራዉ፥ ኑን ጻፌዳዋ ኡንቱንቱ ባረንቱ ሁጰዉ ባረንቱ ዶናን ህንተንቶ ኦዳና ማላ፥ ይሁዳነ ስላሳ ኪቴዶ።
ACT 15:28 “አያዉ ጎፐ፥ ኤቃዉ ያርሼዳዋ ሞፕተ፤ ሱꬃ ኡሾፕተ፤ ባኩቴዳ መህያ አሹዋ ሞፕተ፤ ዎሹሞፕተ። ሀ ኮሽያዋንቱፐ አትን፥ ሀራ ዴጽያ የዉዋ ህንተንታ ቶሰና ማላ፥ ኑንነ ጌሻ አያናይ የዉዋ ኤኖ ጊደ አኬዶ፤ ሀ ኡባባፐ ህንተ ሁጲያ ናጎፐ፥ ህንተንቱ ሎኦባ ኦꬂታ። ስም ሳሮ ደእተ” ያጌድኖ።
ACT 15:30 ሄዋ ድራዉ፥ ኪተቴዳዋንቱ ሞይዘት፥ አንጾክያ ዎꬊደ፥ አማንያ አሳ ሺሺደ፥ ዳብዳቢያ አሳዉ እሜድኖ።
ACT 15:31 ኡንቱንቱ ሄ ምንስያ ዳብዳቢያ ናባቤዳ ዎደ፥ ናሸቴድኖ።
ACT 15:32 ቃይ ይሁዳይነ ስላሰ ባረንቱ ሁጰዉ ናባቱዋ ግድያ ድራዉ፥ እሻቱዋ ሎይꬅ ማቂደ ምንሴድኖ።
ACT 15:33 ኡንቱንቱ አንጾክያን አማሬዳ ጋላሳ ኡቴዳዋፐ ጉይያን፥ እሻቱ ሳሮተꬃን ሞይዝና፥ ባረንታ ኪቴዳዋንቱኮ ስሜድኖ።
ACT 15:34 ሽን ስላሰ ያን አታናዉ ባረ ቆፋ ቃቼዳ።
ACT 15:35 ቃይ ጳዉሎስነ ባርናባስ ሀራ ጮራ አሳቱዋና እትፐ ጎዳ ቃላ ታማርሲደነ ዎንጋላ ምሽራቹዋ ኦዲደ፥ አንጾክያን ኡቴድኖ።
ACT 15:36 አማሬዳ ጋላሳፐ ጉይያን፥ ጳዉሎስ ባርናባሳ፥ “ኑን ጎዳ ቃላ ኦዴዳ ካታማ ኡባን ኑ እሻቱ ዎት ደኢኖንቶ፥ ጉየ ስሚደ፥ ጾሞስ በኦይተ” ያጌዳ።
ACT 15:37 ሄዋፐ ጉየ ባርናባስ ማርቆሳ ጌተትያ ዮሃንሳ ባረንቱና አፋናዉ ኮዬዳ።
ACT 15:38 ሽን ጳዉሎስ ማርቆሳ ባረንቱና አፋናዉ ኮይቤና፤ አያዉ ጎፐ፥ እ ኡንቱንቱፐ ጵንፍልያን ሻከቴዳ፤ ቃይ ኡንቱንቱና ኦሶ ብቤና።
ACT 15:39 ኡንቱንቱ ግዱዋን ሎኤና ዋላሳይ ከስና፥ እቱ እቱዋፐ ሻከቴዳ፤ ባርናባስ ማርቆሳ አኪደ፥ ማርካብያን ቆጲሮሳ ቤዳ።
ACT 15:40 ሽን ጳዉሎስ ስላሳ አክና፥ እሻቱ አ ሀዳራ ጾሳ አꬎ ኬካተꬃዉ እሜዳዋፐ ጉይያን ቤዳ።
ACT 15:41 ያቲደ አማንያ አሳቱዋ ምንሲደ፥ ሶርያናነ ክልቂያና አꬌዳ።
ACT 16:1 ጳዉሎስ ቃይ ደርበነ ልስጽራ ቤዳ፤ ሄዋን ጽሞቶሳ ጌተትያ ካልያዌ፥ እት አማንያ አይሁዳ ምሽራት ናአይ ደኤ፤ አ አቡ ግሪከ አሳ።
ACT 16:2 ልስጽራንነ እቆንዮነን ደእያ እሻቱ ጽሞቶሳባ ሎይꬅ ማርካቴድኖ።
ACT 16:3 ጳዉሎስ አ ጽሞቶሳ ባረናና አፋናዉ ኮዪደ፥ አ አቡ ግሪከ አሳ ግዴዳዋ ሄዋን ደእያ አይሁዳ ኡባይ ኤርያ ድራዉ፥ አ ኦይቂደ ቃጻሬዳ።
ACT 16:4 ኡንቱንቱ ካታማቱዋና ቢደ፥ የሱስ ኪቴዳ የሩሳላመን ደእያዋንቱነ ጭማቱ ዎꬄዳ ህግያ አማንያዋንቱ ናጋና ማላ፥ ኡንቱንቶ ኦዲደ አꬌድኖ።
ACT 16:5 ሄዋ ድራዉ፥ አማንያዋንቱ አማኑዋን ምን፥ ፓይዱዋንካ ጋላሳፐ ጋላሳን ዳር ዳር ቤድኖ።
ACT 16:6 ኢስያን ቃላ ኦደና ማላ፥ ጌሻ አያናይ ኡንቱንታ ድጌዳ ድራዉ፥ ፕርግያ ጋድያናነ ጋላትያ ጋድያና አꬌድኖ።
ACT 16:7 ኡንቱንቱ ሚስያ ዛዋ ጋኬዳ ዎደ፥ ቢታንያ ባናዉ ኮዬድኖ፤ ሽን የሱሳ አያናይ ኡንቱንታ ድጌዳ።
ACT 16:8 ሄዋ ድራዉ፥ ኡንቱንቱ ሚስያ ማታና አꬊደ፥ ጽሮኣዳ ዎꬌድኖ።
ACT 16:9 ጳዉሎስ ቃማ ሳጻን እት ማቅዶንያ ብታኒ ባረና፥ “ማቅዶንያ ፕናደ ኑና ማዳርኪ” ያጊደ ኤቂ ዎስሽን በኤዳ።
ACT 16:10 ሳፃ እ በኤዳዋፐ ጉይያን፥ ኑን ኤለካ ማቅዶንያ ባናዉ ኮዬዶ፤ አያዉ ጎፐ፥ ዎንጋላ ምሽራቹዋ ያን ደእያ አሳዉ ኦዳናዉ፥ ጾሳይ ኑና ጼሴዳዋ ኑዉ ማላቴዳ።
ACT 16:11 ሄዋ ድራዉ፥ ጽሮኣዳፐ ደንዲደ፥ ስት ጊደ ማርካብያን ሳሞትራቀ ቤዶ፤ ዎንተꬃ ጋላስ ናጱለ ቤዶ።
ACT 16:12 ሄዋፐ ፕልጵስዮሳ ቤዶ፤ ፕልጵስዮስ ማቅዶንያ ቢታዉ ሁጰ ካታማ፤ ቃይ ሮመ አሳይ ደእያ ካታማ፤ ኑን ሄ ካታማን አማሬዳ ጋላሳ ኡቴዶ።
ACT 16:13 ሳምባታ ጋላስ፥ ካታማፐ ጋጻን ሻፋ ዶናን አይሁዳቱ ጾሳ ዎስያ ሳአይ ደእያዋ አኬኪደ ቤዶ፤ ሄዋን ኡቲደ ሺቄዳ ማጫ አሳዉ ቃላ ኦዴዶ።
ACT 16:14 እት ሊድያ ጌተተዉና፥ ትያጽሮና ካታማፐ ያደ ጾሳ አማነዉና፥ ዞኦ ማዩዋ ዛልእያ ምሽራታ፥ ኑን ኦድያዋ ስሳዱ፤ ጳዉሎስ ኦድያዋካ እዛ ስሳና ማላ ጾሳይ እ ዎዛና ዶዬዳ።
ACT 16:15 ሊድያ ባረ ሶይ አሳና እትፐ ጻማቀቴዳዋፐ ጉይያን ኑና፥ “ህንተንቱ ታና ጎዳ ቱማተꬃን አማናዉ ጊደ ቆፖፐ፥ ታ ሶይን ደእሽተ” ጋደ ዎሳዱ፤ ምንሳደ ሾባዱ።
ACT 16:16 ኑን ጾሳ ዎስያሳ ቢሽን፥ ኢታ አያናይ እዝ ቦላ አቅና ካይያ እት ቆማ ናታ ኑናና ጋከታዱ፤ ሄ ናታ ካያደ ዳሮ ሚሻ ባረ ጎዳቶ ደማዱ።
ACT 16:17 ጋከታደ ጳዉሎሳነ ኑና ካላደ፥ “ሀዋንቱ ህንተንቶ አታና ኦግያ ኦድያዋንቱ፥ ኡባፐ ቦላ ጾሳ አይለቱዋ” ጋደ ኮሻ ꬎቁ ኦꬃደ ሃሳያዉ።
ACT 16:18 ኡባ ጋላስ ሄዋዳን ጋዉ፤ ሽን ጳዉሎስ ይሎቲደ ጉየ ስም፥ ሄ ኢታ አያና፥ “ኔን ኢፐ ከሳና ማላ የሱስ ክርስቶሳ ሱንꬃን ኔና አዛዛይ” ያጌዳ፤ ሄ ማንእያን ኢታ አያናይ ኢፐ ከስ አጌዳ።
ACT 16:19 ሽን እዝ ጎዳቱ ባረንቱ ሚሻ ደማና ኦጊ ꬋዬዳዋ በኢደ፥ ጳዉሎሳነ ስላሳ ኦይቂደ፥ ገያ ሳኣን ደእያ ዳናቱዋ ስንꬃ ጎች ከሴድኖ።
ACT 16:20 ዳናቱዋ ስንꬃ ኡንቱንታ አፊደ፥ “ሀዋንቱ አይሁዳ አሳ ግዲደ፥ ኑ ካታማ አሳ ሎይꬅ መቶꬂኖ።
ACT 16:21 ኑን ሮመ ጋድያ አሳ ግዲደ፥ አካናዉነ ኦꬃናዉ ዎጋ ግደናባ ታማርሲኖ” ያጌድኖ።
ACT 16:22 አሳይ እት ባጋ ግዲደ፥ ጳዉሎሳ ቦላንነ ስላሳ ቦላ ደንዴዳ፤ ዳናቱካ ኡንቱንቱ ማዩዋ ቃር አኪደ፥ ጻምኣን ኡንቱንታ ሾጫና ማላ አዛዜድኖ።
ACT 16:23 ኡንቱንቱ ዳርስ ዋꬌዳዋፐ ጉይያን፥ ቃሾ ጎልያን የጌድኖ። ቃሾ ጎልያ ናግያዌካ ኡንቱንታ ምንስ ናጋናዳን አዛዜድኖ።
ACT 16:24 ቃሾ ጎልያ ናግያዌ ሄ አዛዙዋ አኪደ፥ ጳዉሎሳነ ስላሳ ቃሾ ጎልያ ቆልኦ ገልሴዳ፤ ኡንቱንቱ ገድያካ ምꬃና ጋꬅ ዳራጺደ ቃቼዳ።
ACT 16:25 ሽን ቃማ ብላሄ ግድያ ሄራን ጳዉሎስነ ስላሰ ጾሳ ዎሲደ፥ ማዝሙርያ የጺደ ጾሳ ጋላቲኖ፤ ቃሸቶ አሳይ ኡንቱንቱ ግያዋ ስሴ።
ACT 16:26 ቃሾ ጎልያ ጻጱ ቃጻና ጋካናዉ ዎዛና አናን ቢታይ ዳርስ ቃጼዳ፤ ሄ ማንእያን ፐንጊካ ኡባይ ዶየት አግና፥ ቃሸቴዳ አሳ ኡባ ሳንꬃላታይ ብለት ዎꬌዳ።
ACT 16:27 ቃሾ ጎልያ ናግያዌ ገምእሹዋፐ ቤጎትያ ዎደ፥ ቃሾ ጎልያ ፐንጊካ ኡባይ ዶየቴዳዋ በኢደ፥ ቃሸቶ አሳይ ከስ አኪደ ብድጌዳዋ አዉ ማላትና፥ ባረና ዎꬋናዉ ቆፒደ፥ ጩብያ አኬዳ።
ACT 16:28 ሽን ጳዉሎስ ኮሻ ꬎቁ ኦꬂደ፥ “ኔን ኔና አያነ ኦꬆፓ፤ አያዉ ጎፐ፥ ኑን ኡባይ ሀዋን ደኤቶ” ያጌዳ።
ACT 16:29 ቃሾ ጎልያ ናግያዌ ጾምፕያ ዎስ አኪደ፥ ኤለካ ቆልኦ ዎጼዳ፤ ኮኮሪደ ጳዉሎሳ ስንꬃንነ ስላሰ ስንꬃን ጉፋኔዳ፤
ACT 16:30 ኡንቱንታ ካረ ከሲደ፥ “ታ ጎዳቶ፥ ታን አታናዉ አያ ኦꬃና በሲ?” ያጌዳ።
ACT 16:31 ጳዉሎስነ ስላሰ አ፥ “ጎዳ የሱስ ክርስቶሳ አማና፤ ኔን አታና፤ ነ ሶይ አሳይካ” ያጌድኖ።
ACT 16:32 ኡንቱንቱ አዉነ አ ሶይን ደእያ ኡባዉ ጎዳ ቃላ ኦዴድኖ።
ACT 16:33 ቃማ ሄ ሳትያንካ ቃሾ ጎልያ ናግያዌ ኡንቱንታ አፊደ ኡንቱንቱ ማይꬃ ሜጬዳ፤ ሄ ማንእያን ባረ ሶይ አሳ ኡባና ጻማቀት አጌዳ።
ACT 16:34 ጳዉሎሳነ ስላሳ ፑደ ባረ ሶይ አፊደ፥ ኡንቱንቶ ቁማ አꬄዳ፤ እ ባረ ሶይ አሳ ኡባና ጾሳ አማኔዳ ድራዉ፥ ናሸቴዳ።
ACT 16:35 ዎንትና ዳናቱ፥ “ሄ አሳቱዋ ብላ” ያጊደ፥ ፖልስያ ካፓቱዋ አኮ ኪቴድኖ።
ACT 16:36 ሄዋፐ ጉየ ቃሾ ጎልያ ናግያዌ፥ “ህንተንቱ ብለታና ማላ፥ ዳናቱ ታዉ ኪቴድኖ፤ ስም ሀእ ከሲደ ሳሮተꬃን ቢተ” ያጊደ ሄ ኪታ ጳዉሎሳዉ ኦዴዳ።
ACT 16:37 ሽን ጳዉሎስ ሄ ፖልስያ ካፓቱዋ፥ “ኑን ሮመ ጋደ አሳ ግድሽን፥ ኡንቱንቱ ኑና ፕርዳይ ባይናን አሳ ስንꬃን ዋꬊደ፥ ቃሾ ጎልያን የጌድኖ። ሀእ ኑና ጌማን ከስ የዲኖ? ሀነና፤ ኡንቱንቱ ባረንቱ ሁጰዉ ዪደ፥ ኑና ከስኖ” ያጌዳ።
ACT 16:38 ፖልስያ ካፓቱ ዳናቶ ሄዋ ኦድና፥ ጳዉሎስነ ስላሰ ሮመ ጋደ አሳ ግዴዳዋ ስሴዳ ዎደ፥ ያዬድኖ።
ACT 16:39 ሄዋ ድራዉ፥ ዳናቱ ዪደ ኡንቱንታ፥ “ኑን ህንተንታ ናቄዶ” ጌድኖ። ቃሾ ጎልያፐ ካረ ኡንቱንታ ከሲደ፥ ካታማፐ ከሲደ ባና ማላ ዎሴድኖ።
ACT 16:40 ጳዉሎስነ ስላሰ ቃሾ ጎልያፐ ከሲደ፥ ሊድያ ሶይ ቤድኖ፤ ያን እሻቱዋና ጋከቲደ፥ ኡንቱንታ ምንሲደ ሄዋፐ ቤድኖ።
ACT 17:1 ጳዉሎስነ ስላሰ፥ አምፕጶሊሳናነ አጶሎንያና አꬊደ፥ ተሰሎንቀ ዬድኖ፤ ተሰሎንቀን አይሁዳ ዎሳ ጎሊ ደኤ።
ACT 17:2 ጳዉሎስ ባረ ዶያዳንካ ያ ገሌዳ፤ ሄዋን ሄዙ ሳምባታ ጋላሳቱዋን ጾሳ ማጻፋቱዋፐ አሳና ሃሳዬዳ፤
ACT 17:3 ክርስቶስ ዋይያ አካናዉነ ሀይቁዋፐ ደንዳናዉ በስያዋ ኡንቱንቶ ብሊደ ኦዲድነ ቱማ ግዴዳዋካ ኡንቱንታ ኤርሲደ፥ “የሱስ ሀ ታን ህንተንቶ ኦድያዌ ክርስቶሳ” ያጌ።
ACT 17:4 ኡንቱንቱፐ እቱ እቱ የዉ ቱማ ግዴዳዋ አኬኪደ፥ ጳዉሎሳናነ ስላሰና ጋከቴድኖ፤ ሀዋዳንካ፥ ጾሳዉ ጎይንያ ጮራ ግሪከ አሳይነ ጮራ ቦንቼቴዳ ማጫዋንቱ፥ ጳዉሎሳናነ ስላሰና ጋከቴድኖ።
ACT 17:5 ሽን አይሁዳቱ ቃናቲደ፥ እት እት ኦሱ ባይና ኢታ አሳቱዋ ቆጫፐ ሺሺደ ካታማ አሳ ዋላሴድኖ፤ ጳዉሎሳነ ስላሳ አሳኮ ከሳና ማላ ኮዪደ፥ ያሶና ጎልያ ዶዴድኖ።
ACT 17:6 ጳዉሎስነ ስላሰ ኡንቱንቶ ቤተናን እጽና፥ ያሶናነ እት እት እሻቱዋ ካታማ ካፓቱዋኮ አፊደ፥ “ሀዋንቱ ጋድያ ኡባ መቶꬄዳዋንቱ፥ ሀዋካ ዬድኖ።
ACT 17:7 ያትና ያሶን ኡንቱንታ ባረ ሶይን ዎꬄዳ፤ ሀዋንቱ ኡባይ፥ ‘የሱሳ ግያ ሀራ ካቲ ደኤ’ ጊደ ቄሳረ አዛዙዋ ምንሲኖ” ያጊደ፥ ኮሻ ꬎቂሲደ ሃሳዬድኖ።
ACT 17:8 ሺቄዳ አሳይነ ካታማ ካፓቱ ሄዋ ስሲደ መቶቴድኖ።
ACT 17:9 ካፓቱ ያሶናነ ሀራቱዋ ዋስያን ብሌድኖ።
ACT 17:10 አማንያዋንቱ ጳዉሎሳነ ስላሳ ሳአይ ቃምያዋን ኤለካ ቤርያ የዴድኖ። ያ ጋኪደ፥ አይሁዳ ዎሳ ጎለ ገሌድኖ።
ACT 17:11 ቤርያ አሳቱ ተሰሎንቀን ደእያ አሳቱዋፐካ አꬍ ዶየቶ ዎዛናይ ደእያ ድራዉ፥ “ጳዉሎስ ጌዳዌ ቱመንቶነ” ያጊደ፥ ኡባ ጋላስ ጾሳ ማጻፋቱዋ ታማሪደ፥ ቃላ ኩመንꬃ ላሞታን አኬድኖ።
ACT 17:12 ሄዋ ድራዉ፥ ኡንቱንቱፐ ጮራቱ፥ ግሪካቱዋፐ ቦንቼቴዳ ጮራ ማጫዋንቱነ ጮራ አቱማ አሳቱ አማኔድኖ።
ACT 17:13 ሽን ተሰሎንቀን ደእያ አይሁዳቱ ጳዉሎስ ጾሳ ቃላ ቤርያንካ ኦዴዳዋ ስሴዳ ዎደ፥ ቤርያ ዪደ፥ አሳ አናና ዋላሴድኖ።
ACT 17:14 ሄዋፐ ጉይያን፥ እሻቱ ኤለካ ጳዉሎሳ አባ ማታን የድ አጌድኖ፤ ሽን ስላሰነ ጽሞቶሰ ቤርያን አቴድኖ።
ACT 17:15 ጳዉሎሳ ሞይዜዳ አሳቱ አቴና ጋꬄድኖ፤ ሄ አሳቱ ስላሰነ ጽሞቶሰ ባረንቶ ዳንዳየቴዳዋዳን፥ ኤለካ ባረኮ ያና ማላ፥ ጳዉሎስ ኪቴዳ ኪታ አኪደ፥ ቤርያ ስሜድኖ።
ACT 17:16 ጳዉሎስ አቴናን ስላሳነ ጽሞቶሳ ናጊደ፥ ካታማን ኤቃይ ኩሜዳዋ በኢደ ይሎቴዳ።
ACT 17:17 ሄዋ ድራዉ፥ አይሁዳ ዎሳ ጎልያን አይሁዳቱዋናነ ጾሳዉ ጎይንያ አይሁዳ ግደና አሳቱዋና ፓሉመቴ፤ ቃይ ኡባ ጋላስ ገያን ባረናና ጋከትያ አሳናካ ፓሉመቴ።
ACT 17:18 ቃይ ኤፕቆሮሳፐነ እስጾእክያፐ ዬዳ እት እት ኤራንቻቱ ጳዉሎሳና ፓሉመቴድኖ፤ ኡንቱንቱፐ እቱ እቱ፥ “ሀ ቶፊናይ አያ ሃሳያናዉ ኮዪ?” ያጌድኖ። ሀራቱ ጳዉሎሳ የሱሳባነ ሀይቁዋፐ እ ደንዴዳዋ ባረንቶ ኦድያ ድራዉ፥ “ኦራꬃ ጾሳቱባ ኦድያዋ ማላቴ” ያጌድኖ።
ACT 17:19 ጳዉሎሳ ኦይቂደ፥ “ሀ ኔን ታማርስያ ኦራꬃ የዉ አየንቶ ኑና ኤርሳርኪ? አያዉ ጎፐ፥ ኔን ኑዉ ኦራꬃባ ኦዳሳ፤ ስም ሀዌ አየንቶ ኑን ኤራናዉ ኮዬቶ” ያጊደ ጳዉሎሳ አርዮስፓጎሳ ጌተትያሳ አፌድኖ።
ACT 17:21 አቴና አሳይ ኡባይነ ሄዋን ደእያ እማꬃቱ ኦራꬃባ ሃሳዪድነ ስሲደ ፔሽያዋፐ አትን፥ ሀራባን ፔሽክኖ።
ACT 17:22 ጳዉሎስ አርዮስፓጎሳን ደእያ ሺቁዋ ስንꬃን ኤቂደ፥ ሀዋዳን ያጌዳ፤ “አቴና አሳቶ፥ ጾሳቶ ኡባባን ህንተንቱ ዳሪ ያይያዋ ታን በአይ።
ACT 17:23 አያዉ ጎፐ፥ ታን ህንተንቱ ጎይንያዋ ጼላደ አꬍሽን፥ ‘ኤረተና ጾሳዉ’ ጌተቲደ ጻፈቴዳ ያርሹዋ ሳኣ ቃይ ደማድ፤ ሄዋ ድራዉ፥ ሀ ህንተ ኤረናን ጎይንያዋ ታን ህንተንቶ ኦዳይ።
ACT 17:24 “አላምያነ አላምያን ደእያ ኡባባ መꬌዳ ጾሳይ ሳሉዋነ ሳኣ ጎዳይ፥ አሳይ ኬጼዳ ጌሻ ጎልያን ደኤና።
ACT 17:25 አየንቶ ፓጬዳ አሳዳን፥ አሳ ኩሽያ እ ጼለና፤ አያዉ ጎፐ፥ እ ባረ ሁጰዉ ደኡዋ ሸምፑዋነ ኡባባ አሳ ኡባዉ እሜዳ።
ACT 17:26 ጾሳይ አሳ ዛርያ ኡባ እት ኡራፐ መꬊደ፥ ጋድያ ኡባን ዎꬄዳ፤ እ ባረ ሁጰዉ ኡንቱንቱ ደአና ዎድያነ ሳኣ ካሰ ዛዋዬዳ።
ACT 17:27 “እ ሄዋ ኦꬄዳዌ ኡንቱንቱ ኦይቂ ኦይቂ ጼሊደ፥ ባረና ኮዪደ፥ ኦን ኤር ደማናዋንቴሻ ግያዋና፤ ግዶፐነ፥ ጾሳይ ኑፐ ኦስነ ሃኮ ግደና።
ACT 17:28 አያዉ ጎፐ፥ ህንተንቱፐ እት እት ኤራንቻቱ፥ ‘ኑን አ ናና’ ጌዳዋዳን፥ ኑን አን ፓጻ ደኤቶነ ቃጸቴቶ።
ACT 17:29 ስም ኑን ጾሳ ናና ግዴዳ ድራዉ፥ ጾሳይ አሳ ጭንጫተꬃንነ ቆፋን ዎርቃፐ ዎይ ብራፐ ዎይ ሹቻፐ ኦሰቴዳዋ ማላቴ ያጊደ፥ ቆፓናዉ በሰና።
ACT 17:30 ሄዋ ድራዉ፥ ጾሳይ አሳይ ኤርቤና ዎድያ አꬄዳ፤ ሽን ሀእ ኡባ ሳን አሳይ ኡባይ ናጋራፐ ስማና ማላ አዛዜዳ።
ACT 17:31 አያዉ ጎፐ፥ ጾሳይ ዎድያ ኬር ዎꬄዳ፤ ሄ ዎድያን ባረ ዶሬዳ ኡራን ሳኣን ደእያ አሳ ኡባ ቦላ ጽሎ ፕርዳ እ ፕርዳና፤ አሳ ኡባዉ ሀይቁዋፐ የሱሳ ደንꬄዳዋን ሄዋ ቱማዬዳ” ያጌዳ።
ACT 17:32 ኡንቱንቱፐ እት እት አሳቱ ሀይቁዋፐ ደንዱዋባ ጳዉሎሳፐ ስሲደ፥ አ ቦላ ቅሊጬድኖ፤ ሽን ሀራ አሳቱ አ፥ “ኑን ሀዋ ኔፐ ጉጂደ ስሳና ኮዬቶ” ጌድኖ።
ACT 17:33 ሄዋ ድራዉ፥ ጳዉሎስ ኡንቱንቱ ግዶፐ ከሴዳ።
ACT 17:34 ሽን እት እት አቱማ አሳቱ ጳዉሎሳና ጋከቲደ አማኔድኖ፤ ኡንቱንቱ ግዱዋን አርዮስፓጎሳን ደእያ ፕርዳ ጎለ ዳናይ ድዮናስዮስ፥ ዳማሪሶ ጌተትያ እት ምሽራትና ሀራ አሳቱ ደኢኖ።
ACT 18:1 ሄዋፐ ጉይያን፥ ጳዉሎስ አቴናፐ ከሲደ፥ ቆሮንቶሳ ቤዳ።
ACT 18:2 ሄዋን አቂላ ግያ እት አይሁዳ ብታንያ ደሜዳ፤ አቂላይ ጳንጾሳን የለቴዳ፤ አይሁዳ አሳይ ኡባይ ሮመፐ ከሳና ማላ፥ ቃላዉደዮስ አዛዜዳ ድራዉ፥ አማሬዳ ዎድያፐ ካሰ፥ እ ባረ ማቻት ጵርስቂላና ጻልያፐ ዬዳ፤ ጳዉሎስ ኡንቱንቱና ጋከታናዉ ቤዳ።
ACT 18:3 አ ኦሱነ ኡንቱንቱ ኦሱ እት ማላ ዱንካንያ ስካ ግድያ ድራዉ፥ ኡንቱንቱና ኡቲደ፥ እትፐ ኦꬄዳ።
ACT 18:4 ጳዉሎስ ሳምባታ ኡባን አይሁዳቱዋና ግሪካቱዋ አማንꬃናዉ አይሁዳ ዎሳ ጎልያን ፓሉመቴ።
ACT 18:5 ስላሰነ ጽሞቶሰ ማቅዶንያፐ ዬዳ ዎደ፥ ጳዉሎስ አይሁዳቶ የሱስ ባረ ሁጰዉ ክርስቶሳ ግዴዳዎ ቃላ ኦዱዋ ቶሌዳ።
ACT 18:6 ሽን ኡንቱንቱ ጳዉሎሳ ሃሳያ ጳልቂናነ አ ቦርና፥ ጳዉሎስ ባረ ማዩዋፐ ባና ቆቆፊደ፥ “ህንተንቱ ኢታተꬃይ ህንተንታ ኦይቆ፤ ታን ሄዋን ገልከ፤ ሀዋፐ ህን ባጋን ታን አይሁዳ ግደና አሳኮ ባይ” ያጌዳ።
ACT 18:7 ሄዋፐ ከሲደ፥ ጾሳዉ ጎይንያ ዮስጾሳ ግያ ብታንያ ሶይ ቤዳ፤ ዮስጾሳ ጎሊ አይሁዳ ዎሳ ጎልያ ማታን ደኤ።
ACT 18:8 አይሁዳ ዎሳ ጎለ ካፑ ቃርስጶስ ባረ ሶይ አሳ ኡባና ጎዳ አማኔዳ፤ ቆሮንቶሳ አሳቱዋፐካ ጮራቱ ጾሳ ቃላ ስሴዳ ዎደ፥ አማኒደ ጻማቀቴድኖ።
ACT 18:9 ጎዳይ እት ቃማ ሳጻን ጳዉሎሳ፥ “ያዮፓ፤ ኦዳ፤ ጮኡ ጎፓ። ታን ኔናና ደእያ ድራዉ፥ ኔና ቆሀናዉ ኢታባን የጋና አሳይ ኦንነ ባዋ፤ አያዉ ጎፐ፥ ታዉ ሀ ካታማን ጮራ አሳይ ደኤ” ያጌዳ።
ACT 18:11 ጳዉሎስ ጾሳ ቃላ አሳ ታማርሲደ፥ እት ላይꬃነ ኡሱፑን አገና ኡንቱንቱና ኡቴዳ።
ACT 18:12 ጋልዮሰ አካይያ ጋድያ ሞድያ ዎደ፥ አይሁዳቱ እትፐ ጳዉሎሳ ቦላ ደንዲደ፥ ፕርዳ ጎለ አ አፊደ፥
ACT 18:13 “ሀ ብታኒ ሙሴ ህግያ እጺደ፥ አሳይ ጾሳዉ ጎይናና ማላ ጭሜ” ያጌድኖ።
ACT 18:14 ጳዉሎስ ሃሳያና ሀንሽን፥ ጋልዮሰ አይሁዳቱዋ፥ “አይሁዳቶ፥ ሄዌ ባላ ኦሱዋ ዎይ ኢታ ናቆ ግዶፐ፥ ታን ህንተንቱባ ዳንዳያደ ስሳናዉ በሴ።
ACT 18:15 ሽን ቃላዉ ሱንꬃዉነ ህንተ ሁጰ ህግያዉ ህንተንቱ ፓሉመቶፐ፥ ህንተ ሁጰዉ ኤርተ፤ ሀዋ ታን ፕርድከ” ያጌዳ።
ACT 18:16 ፕርዳ ጎልያፐ ካረዉ ኡንቱንታ ከሴዳ።
ACT 18:17 ሄዋፐ ጉይያን፥ ግሪከ አሳይ ኡባይ አይሁዳ ዎሳ ጎለ ካፑዋ ሶስተኒሳ ኦይቂደ፥ ፕርዳ ጎልያ ስንꬃን ሾጬድኖ፤ ሽን ጋልዮሳ ሄዌ አይነ መትቤና።
ACT 18:18 ጳዉሎስ ዳሮ ዎድያ ቆሮንቶሳን ኡቴዳዋፐ ጉይያን፥ እሻቱዋ ሳሮቲደ፥ ጵርስቂልናነ አቂላና ማርካብያን ሶርያ ቤዳ፤ ባረዉ ሺቄዳ ጋሱ ደእያ ድራዉ፥ ክንክርያ ካታማን ባረ ሁጲያ ሜደቴዳ።
ACT 18:19 ኡንቱንቱ ኤፈሶነ ጋኬዳ ዎደ፥ ጳዉሎስ ጵርስቂሎነ አቂላ ያን የግ ዬዳ፤ ሽን ባረዉ አይሁዳ ዎሳ ጎለ ገሊደ፥ አይሁዳቱዋና ፓሉመቴዳ።
ACT 18:20 ኡንቱንቱ ባረንቱና ዳሮ ዎድያ ኡታና ማላ ጳዉሎሳ ዎስና እ እጼዳ።
ACT 18:21 ሽን ኡንቱንቱፐ ሻከቲደ፥ “ጾሳይ ጎፐ፥ ላኤንꬁዋ ህንተንቱኮ ስማና” ያጊደ ኤፈሶናፐ ማርካብያን ቤዳ።
ACT 18:22 ቂሳርያ ጋኬዳ ዎደ የሩሳላመ ቢደ፥ አማንያ አሳ ሳሮቴዳዋፐ ጉይያን፥ አንጾክያ ዎꬌዳ።
ACT 18:23 ያን አማሬዳ ዎድያ ጋምኢደ ቤዳ፤ ካልያዋንታ ኡባ ምንሲደ፥ ጋላትያናነ ፕርግያና አꬌዳ።
ACT 18:24 እስክንድርያን የለቴዳ አይሁዳ አሳ እት አጲሎሳ ግያ ሎኦ ሃሳይያዌ ኤፈሶነ ቤዳ፤ ጾሳ ማጻፋቱዋ እ ዳርስ ኤርያ አሳ።
ACT 18:25 ጎዳ ኦግያካ ታማሬዳ አሳ፤ ዮሃንሳ ጽንቃታ ጻላላ ኤሪደ፥ አያናን ባረ ጋርሳን ኤጸቲደ፥ የሱሳባ ሱርሲደ ሃሳዬዳነ ታማርሴዳ።
ACT 18:26 ያቲደ አይሁዳ ዎሳ ጎልያን ያየናን ሃሳያ ዶሜዳ። ጵርስቂላይነ አቂላይ እ ኦድያዋ ስሴዳ ዎደ፥ ባረንቱና ሶይ አ አፊደ፥ ጾሳ ኦግያ ካሰፐ ሱርሲደ፥ አዉ ጌሽ ኦዴድኖ።
ACT 18:27 አጲሎስ አካይያ ፕናና ኮይና፥ እሻቱ አ ምንሲደ፥ አካይያን ደእያ ካልያዋንቱ አ ሞካና ማላ፥ ኡንቱንቶ ዳብዳቢያ ጻፌድኖ፤ እ ያ ጋኪደ፥ ጾሳ አꬎ ኬካተꬃን አማንያዋንታ ዳሮ ማዴዳ።
ACT 18:28 አያዉ ጎፐ፥ የሱስ ባረ ሁጰዉ ክርስቶሳ ግዴዳዋ አይሁዳቶ ጾሳ ማጻፋቱዋፐ ቆንጭሲደ፥ አሳ ስንꬃን ምንሲደ ኦዴዳ።
ACT 19:1 አጲሎስ ቆሮንቶሳን ደእሽን፥ ጳዉሎስ ቆሞ ባጋና አꬊደ፥ ኤፈሶነ ቤዳ፤ እት እት ካልያዋንታ ደሜዳ።
ACT 19:2 ጳዉሎስ ኡንቱንታ፥ “ህንተንቱ አማኔዳ ዎደ ጌሻ አያና አኬድቴ?” ያጊደ ኦቼዳ። ኡንቱንቱ፥ “ቱይት፥ አክበይኮ፤ ሀራይ አቶ፥ ጌሻ አያናይ ደእያዋካ ስስበይኮ” ያጌድኖ።
ACT 19:3 ጳዉሎስ ኡንቱንታ፥ “ያትና፥ አያን ጻማቀቴድቴ?” ያጌዳ። ኡንቱንቱ፥ “ኑን ዮሃንሳ ጽንቃታን ጻማቀቴዶ” ያጊደ ዛሬድኖ።
ACT 19:4 ጳዉሎስ፥ “ዮሃንስ ባረፐ ጉይያን ይያ የሱስ ክርስቶሳን አሳይ አማናና ማላ፥ አሳዉ ኦዲደ፥ ናጋራፐ ስምያ ጽንቃታን ጻማቄዳ” ያጌዳ።
ACT 19:5 ኡንቱንቱ ሄዋ ስሴዳ ዎደ፥ ጎዳ የሱስ ክርስቶሳዉ ግዳናዉ ጻማቀቴድኖ።
ACT 19:6 ጳዉሎስ ባረ ኩሽያ ኡንቱንቱ ቦላ ዎꬄዳ ዎደ ጌሻ አያናይ ኡንቱንቱ ቦላን ዎꬍና፥ ዱማ ዱማ ቃላን ሃሳዬድኖ፤ ቃይ ትምቢትያካ ኦዴድኖ።
ACT 19:7 ሄዋን ታማነ ላኡ አሳቱዋ ግድያዋንቱ ደኢኖ።
ACT 19:8 ጳዉሎስ አይሁዳ ዎሳ ጎለ ገሊደ፥ ጾሳ ካዉተꬃባ ፓሉመቲድነ አኬክሲደ፥ አሳና ሄዙ አገና ግድያዋ ኬና ያየናን ሃሳዬ።
ACT 19:9 ሽን ኡንቱንቱፐ እቱ እቱ ማካሊደ፥ ጮራ አሳ ስንꬃን ጎዳ ኦግያ ቦሪደ አማነናን እጽና፥ ጳዉሎስ ኡንቱንቱፐ ሻከት፥ ባረና ካልያዋንታ ባረናና አፌዳ፤ ጽራኖሳ ግያ ትምርተ ጎልያን ኡባ ጋላስ ፓሉመቴ።
ACT 19:10 ጳዉሎስ ላኡ ላይꬃ ጋካናዉ ቃላ ኦዴዳ፤ ሄዋ ድራዉ፥ ኢስያን ደእያ አሳይ ኡባይ፥ አይሁዳቱካ አይሁዳ ግደናዋንቱካ ጎዳ ቃላ ስሴድኖ።
ACT 19:11 ጾሳይ ጳዉሎሳ ባጋና ዱማ ማላታ ኦꬄዳ።
ACT 19:12 ሄዋ ድራዉ፥ አሳይ አ ቦላይ ቦቼዳ ማራብያ ዎይ ማዩዋ ሀርጋንቻቶ አፌ፤ ሀርጋንቻቱካ ፓጺኖ፤ ኢታ አያናቱካ ኡንቱንቱፐ ከሲኖ።
ACT 19:13 ኢታ አያናቱዋ ከሲደ ዩይያ አይሁዳቱዋፐ እቱ እቱ፥ “ጳዉሎስ ቃላ ኦድያ የሱሳ ሱንꬃን ኑን ህንተንታ ከስተ ጊደ አዛዜቶ” ያጊደ፥ ኢታ አያናቱ ደእያ አሳቱዋ ቦላን ጎዳ የሱሳ ሱንꬃ ጼስ በኤድኖ።
ACT 19:14 ቄሳቱዋ ካፑዋ አስቄዋ ግያ እት አይሁዳ ብታንያዉ ሄዋ ኦꬄዳ ላፑ ናናይ ደኢኖ።
ACT 19:15 ኢታ አያናይ ኡንቱንቶ ዛሪደ፥ “ታን የሱሳ ኤራይ፤ ጳዉሎሳካ ኤራይ። ሽን ህንተንቱ ኦኔ?” ያጌዳ።
ACT 19:16 ኢታ አያናይ ደእያ ብታኒ ኡንቱንቱ ቦላ ጉፕ ዎꬍና፥ ኡንቱንቱ ማሱንጺደ፥ ሄ ጎልያፐ ካሎ ዎጻና ጋካናዉ፥ ዎልቃሚደ ጾኔዳ።
ACT 19:17 ኤፈሶነን ደእያ አይሁዳቱነ አይሁዳ ግደናዋንቱ ኡባይ ሄዋ ስሲደ ኡባይ ዳሮ ያዬድኖ፤ ጎዳ የሱሳ ሱንꬃይካ ዳሮ ቦንቼቴዳ።
ACT 19:18 አማንያዋንቱፐ ጮራ አሳቱ ባረንቱ ኦꬄዳዋ ፓጺድነ ቆንጭያን ኦዲደ ዪኖ።
ACT 19:19 ብትያዋንቱፐ ጮራቱ ባረንቱ ማጻፋቱዋ ሺሺደ፥ አሳ ኡባ ስንꬃን ጉዴድኖ፤ ሄ ማጻፋቱዋ ጋትያ ሄትያ ዎደ፥ እሻታሙ ሻአ ብራ ሳንትምያ ግዴዳ።
ACT 19:20 ሄዋ ማላ ዎልቃማ ኦግያን ጾሳ ቃላይ ድጬነ አኬ።
ACT 19:21 ሄዌ ፖለቴዳዋፐ ጉይያን ጳዉሎስ፥ “ታን የሩሳላመ ባደ ሮመካ ቃይ በአናዉ በሴ” ያጊደ፥ ማቅዶንያናነ አካይያና አꬊደ፥ የሩሳላመ ባናዉ ቆፋ ቃቼዳ።
ACT 19:22 ቃይ ባረና ማድያዋንቱፐ ላአቱዋ ጽሞቶሳነ ኤራስጾሳ ማቅዶንያ ኪቲደ፥ ባረዉ ኢስያን አማሬዳ ዎድያ ጋምኤዳ።
ACT 19:23 ጎዳ ኦግያ ድራዉ፥ ሄ ዎደ ዳሮ ዋላሳይ ከሴዳ።
ACT 19:24 አያዉ ጎፐ፥ ጻጋራ ብራ ሙሽሲደ ትግ መꬍያ ድመጽሮሳ ግያ እት ብታኒ አርጸሚስ ጌሻ ጎልያ ምስልያ ብራፐ ትግ ትጊደ፥ ኦሳንቻቶ ዳሮ ዎꬍያ ደሜ።
ACT 19:25 ሄዋንታነ ኡንቱንቱዋ ማላ ኦሱዋ ኦꬅያዋንታ እትፐ ሺሺደ፥ ሀዋዳን ያጌዳ፤ “አሳዉ፥ ኑ ዱረተꬃይ ሀ ኦሱዋና ግድያዋ ህንተ ኤሪታ።
ACT 19:26 ሄዌ ጳዉሎስ፥ ‘አሳ ኩሺ መꬌዳዋንቱ ጾሳቱዋ ግድክኖ’ ያጊደ፥ ኤፈሶነ ጻላላን ግደናን አማሬዳ ጋዳቱዋፐ አትን፥ ኢስያን ኡባን ጮራ አሳዉ ኦድ አማንꬄዳዋ ህንተንቱ በኤድታነ ስሴድታ።
ACT 19:27 ሎኤናባይ፥ ኑ ኦሱ ካታናዋ ጻላላ ግደና፤ ሽን ኢስያን ደእያ ኡባቱነ ሳኣ ኡባን ደእያዋንቱ ጎይንያ ዎልቃማ ጾሳቶ ጌተትያ አርጸሚስ ጌሻ ጎሊ ቦንቼተናን አታናዋነ፥ እዝ ዳሮተꬃይ ኩንዳናዋ” ያጌዳ።
ACT 19:28 አሳይ ሄዋ ስሴዳ ዎደ ሎይꬅ ሀንቀቲደ “ኤፈሶነ አርጸሚሳ ዎልቃማ” ያጊደ ጫቦቴድኖ።
ACT 19:29 ካታማ ኡባን ዋላሳይ ደንዴዳ፤ ጳዉሎሳና ሀመትያ ማቅዶንያ አሳቱዋ ጋዮሳነ አርስጽሮኮሳ ባረንቱና ኦይቂ አኪደ፥ እትፐ ካሳ ሳኣ ዎጼድኖ።
ACT 19:30 ጳዉሎስካ አሳይ ሺቄዳሳ ገላናዉ ኮዬዳ። ሽን ካልያዋንቱ አ ድጌድኖ።
ACT 19:31 ኢስያ ጋድያ ካፓቱዋፐ ጳዉሎሳ ላገꬃቱዋፐ እቱ እቱ ጳዉሎሳዉ ኪቲደ፥ ካሳ ሳኣን ቆንጭያ ከሲደ እ ቤተና ማላ፥ አ ዎሴድኖ።
ACT 19:32 ሺቁዋን ዋላሳይ ደንድና፥ ዳርያ ባጋ አሳይ ሀራይ አቶ አያዉ ሺቄደንቶ ኤረና ድራዉ፥ እቱ እትባዉ ዋላቀትያ ዎደ፥ የኩ ቃይ ሀራባዉ ዋላቀቴ።
ACT 19:33 አይሁዳቱ እስክንድራ አꬅ በስና፥ እት እት አሳይ እ ሃሳያና ማላ፥ አሳ ግዶፐ ስንꬃዉ አ አꬄዳ፤ አሳይ ጮኡ ጋና ማላ፥ እ ባረ ኩሽያን ጾርስ በሲደ፥ አሳዉ ሞተታናዉ ኮዬዳ።
ACT 19:34 ሽን እስክንድረ አይሁዳ አሳ ግዴዳዋ አሳይ ኤሬዳ ዎደ፥ ላኡ ሳተ ግድያዋ ኬና ኡባይ እት ቃላን፥ “ኤፈሶነ አርጸሚሳ ዎልቃማ” ያጊደ ጫቦቴድኖ።
ACT 19:35 ካታማዉ ጻፈ ግዴዳዌ አሳ ጮኡ ኦꬂደ፥ ሀዋዳን ያጌዳ፤ “ኤፈሶነ አሳዉ፥ ኤፈሶነ ካታማይ ዎልቃማ አርጸሚስስነ ሳሉዋፐ ዎꬌዳ ኤቃ ሹቻዉ ኤቃ ጎልያ ናግያዋ ግዴዳዋ ኤረና አሳይ ኦኔ?
ACT 19:36 ሀዋ ካድያ አሳይ ባይና ድራዉ፥ ህንተንቱ ዎፑ ጋናዉነ ድርበናን አጋናዉ በሴ።
ACT 19:37 አያዉ ጎፐ፥ ሀዋንቱ ጌሻ ጎልያ ሚሻ ዉእቤናዋንታ ኑ ጾሳቱዋካ ቦርቤናዋንታ አሄድታ።
ACT 19:38 ሄዋ ድራዉ፥ ድመጽሮስነ አናና ደእያ ኦሳንቻቱ አሳ ሞታናዉ ኮዮፐ፥ ፕርዳ ጎሊ ዶያ ደኤ፤ ቃይ ጋድያ ሞድያዋንቱካ ደኢኖ፤ ኡንቱንቱ ባረንቱ ግዶን ሞተቲኖ።
ACT 19:39 ሽን ህንተ ሀራ የዉዋ ኮዮፐ፥ ህግያ ሺቁዋን የዉዋ ቃቻና።
ACT 19:40 አያዉ ጎፐ፥ ሀቼ ሀኔዳዋ ሻቢረꬃ ጊደ፥ ሮመ ጋድያ አሳቱ ኑና ሞታና፤ ሀ ሺቆካ ጋሱ ባይና ድራዉ፥ ኑን ጋሱዋ ኦዳናዉ ዳንዳዮኮ”
ACT 19:41 ያጊደ ሺቁዋ ላሌዳ።
ACT 20:1 ዋላሳይ እርጼዳዋፐ ጉይያን፥ ጳዉሎስ ካልያዋንታ አህሲደ ዞሬዳ፤ ኡንቱንታ፥ “ሳሩዋን ደእተ” ጊደ፥ ማቅዶንያ ባናዉ ከሴዳ።
ACT 20:2 ሄ ጋድያና አꬊደ፥ ቃላ ኦዲደ፥ አሳ ሎይꬅ ምንሴዳዋፐ ጉይያን፥ ግሪከ ጋደ ዬዳ።
ACT 20:3 እ ሄዋን ሄዙ አገና ኡቲደ፥ ማርካብያን ሶርያ ባናዉ ቆፕሽን፥ አይሁዳቱ ባረና ዎꬋናዉ ኮይያዋ በኢደ፥ ማቅዶንያና ጉየ ስማናዉ ባረ ቆፋ ቃቼዳ።
ACT 20:4 ጳዉሎሳ ሞይዜዳዋንቱ፥ ቤርያፐ ጳርሃሳ ናኣ ሶሲጳጽሮሳ፥ ተሰሎንቀፐ አርስጽሮኮሳነ ስኮንድሳ፥ ደርበፐ ጋዮሳነ ኢስያፐ ትክቆሳነ ጽሮፍሞሳ፥ ቃይ ጽሞቶሳ።
ACT 20:5 ሄዋንቱ ስንꬃዉ ቢደ፥ ኑና ጽሮኣዳን ናጊኖ።
ACT 20:6 ኑን ኡክꬃ ባላ ጋላሳ ቦንቾዋፐ ጉይያን፥ ፕልጵስዮሳ ግያ ጋድያፐ ማርካብያን ደንዲደ፥ እቼሹ ጋላሳን ጽሮኣዳን ኡንቱንታ ጋኪደ፥ ያን ላፑ ጋላሳ ኡቴዶ።
ACT 20:7 ኑን ዎጋ ጋላስ ኡክꬃ መንꬃናዉ ሺቅ ደእሽን፥ ጳዉሎስ ዎንትና ባናዉ ቆፔዳ ድራዉ፥ ኡንቱንቶ ቃላ ኦዲደ፥ ቃማ ብላሂ ጋካናዉ የዉዋ አዱሴዳ።
ACT 20:8 ኑን ሺቅ ኡቴዳ ፖቅያን ጮራ ጾምፒ ደኤ።
ACT 20:9 ኤዉጽኮሳ ግያ እት ዎዳላይ ማስኮትያ ቦላ ኡቲደ፥ ዳርስ ገምእሼዳ። ጳዉሎስ ሃሳያ አዱሴዳ ዎደ፥ ኤዉጽኮስ ገምእሹዋን ሀይሬዳዌ ሄዘንꬅያ ፖቅያፐ ሳኣን ኩንዲደ ሀይቄዳዋ አሳይ ደንꬄዳ።
ACT 20:10 ሽን ጳዉሎስ ዎꬊደ፥ አ ቦላ ጉፋኔዳ። አ እድሚደ፥ “አ ሸምፑ ከስቤና ድራዉ ህርጎፕተ” ያጌዳ።
ACT 20:11 ያቲደ ፑደ ፖቅያ ከሲደ፥ ኡክꬃ መንꬂደ ሜዳ፤ ሳአይ ዎንታና ጋካናዉ፥ ዳሮ ዎድያ ሃሳዬዳዋፐ ጉይያን ቤዳ።
ACT 20:12 ዎዳላይ ፓጽና፥ ሶይ አፊደ፥ ዳርስ ናሸቴድኖ።
ACT 20:13 ሽን ጳዉሎስ ባረና ያፐ ኑን ሞካና ማላ፥ ኑዉ ኦዴዳ ድራዉ፥ ካሰቲደ ማርካብያኮ ቢደ፥ አሶሳ ባናዉ ደንዴዶ፤ አያዉ ጎፐ፥ ገድያን ባናዉ እ ቆፔዳ ድራዉ ኑና ሄዋዳን አዛዜዳ።
ACT 20:14 እ ኑናና አሶሳን ጋከትና፥ ማርካብያን አ አኪደ ምጽሊነ ዬዶ።
ACT 20:15 ዎንተꬃ ጋላስ ያፐ ማርካብያን ደንዲደ፥ ክዮሳ ሄራ ጋኬዶ፤ ቃይ ዎንተꬃ ጋላስ ሳሞሳ ፕኔዶ፤ ትሮግልዮመን አቂደ፥ ዎንትና ምሊጸ ዬዶ።
ACT 20:16 አያዉ ጎፐ፥ ጳዉሎስ ኢስያን ዳሪ ጋምኤናን ኤፈሶነ ላንቂያና አꬋናዉ ባረ ቆፋ ቃቼዳ፤ ባረዉ ዳንዳየቶፐ፥ ጰንጸቆስተ ጌተትያ ጋላስ የሩሳላመ ጋካናዉ ኤሌሌ።
ACT 20:17 ጳዉሎስ ምሊጸፐ ኤፈሶነ ኪቲደ፥ አማንያ አሳ ካለꬅያዋንታ ጼግሴዳ።
ACT 20:18 ዎሳ ጎለ ጭማቱ ጳዉሎሳኮ ዪና፥ ኡንቱንታ እ ሀዋዳን ያጌዳ፤ “ታን ኢስያ ገሌዳ ኮይሮ ጋላሳፐ ዶምና፥ ካዉሻተꬃንነ ዳሮ አፎꬃን ጎዳዉ ኦꬃደ፥ አይሁዳቱዋ ሺቁዋፐ ታና ጋኬዳ ፓጨ ግዴዳ ዎድያ ኡባን ህንተንቱና ዋናደ ደኣድታንቶ ህንተንቱ ኤሪታ።
ACT 20:20 ናጋራፐ ጾሳኮ ስምያዋነ ኑ ጎዳ የሱስ ክርስቶሳ አማንያዋ አይሁዳቶነ አይሁዳ ግደናዋንቶ ማርካታደ፥ ሺቁዋንካ ህንተንቱ ጎለን ጎለንካ ህንተንቶ ኦዳደ ታማርሴዳዋፐ አትን፥ ህንተንታ ጎእያባፐ እትባነ ፓጭሳ በይከ።
ACT 20:22 “በእተ፤ ሀእካ ታን ጌሻ አያናዉ አዛዘታደ፥ የሩሳላመባይ፤ ያን ታዉ አዬ ከሳነንቶነ ኤርከ።
ACT 20:23 ጌሻ አያናይ ቃሹነ ዋዪ ታና ናግያዋ ካታማ ኡባን ታዉ ኦዴ።
ACT 20:24 ሽን ታ ዎꬃ ፖላናዉነ ጎዳ የሱስ ክርስቶሳፐ ታን አኬዳ ኦሱዋ ጾሳ አꬎ ኬካተꬃ ዎንጋላ ምሽራቹዋ ማርካትያዋ ፖላናዉ፥ ታ ሸምፑዋ ማደናዋዳን ፓይዳይ።
ACT 20:25 “በእተ፤ ታን ሀእካ ጾሳ ካዉተꬃባ ኦዳደ፥ ህንተንቱ ኡባ ግዶን ዩያድ፤ ስም ሀዋፐ ስንꬃዉ ህንተንቱፐ ኦንነ ታና በኤናዋ ኤራይ።
ACT 20:26 ሄዋ ድራዉ፥ ህንተንቱፐ እት ኡራይ ባዮፐካ ታን ሄዋን ገለናዋ ሀቼ ህንተንቶ ጌሻደ ኦዳይ።
ACT 20:27 አያዉ ጎፐ፥ ጾሳይ ኦꬃናዉ ቆፔዳዋ ኡባ ህንተንቶ አይነ አሸናን ኦዳድ።
ACT 20:28 “የሱስ ባረ ሱꬃን ዎዜዳ ጾሳ አማንያዋንታ ናግተ፤ ቃይ ጌሻ አያናይ ህንተንታ ካፓቱዋ ኦꬂደ ሱንꬄዳ ዉድያ ኡባነ ህንተንቱ ሁጲያ ናግተ።
ACT 20:29 ታን ቤዳዋፐ ጉይያን፥ ዉድያዉ ቃረተና ኢታ ዎራካናቱ ህንተንቱ ግዶ ገላናዋንታነ፥ ካልያዋንታ ባረንቱ ጌዱዋ ካለꬃናዉ ዎርዱዋ ሃሳይያ አሳቱ ህንተንቱ ግዶፐ ደንዳናዋ ኤራይ።
ACT 20:31 ሄዋ ድራዉ፥ ታን ሄዙ ላይꬃ ቃማነ ጋላሳ አፎꬃን ህንተንታ ሁጲያን ሁጲያን ምንስያዋ አጋቤናዋ ቆፒደ ገንጭተ።
ACT 20:32 “ሀእካ ህንተንታ ምንሳናዉነ ጌሻ አሳ ኡባ ግዶን ላትሳናዉ ዳንዳይያ ጾሳዉነ አ አꬎ ኬካተꬃ ቃላዉ ህንተንታ ሀዳራ እማይ።
ACT 20:33 “ታን ኦፐነ ብራ ዎይ ዎርቃ ዎይ ማዩዋ አሞታበይከ፤
ACT 20:34 ታን ሀ ታ ኩሽያን ታናነ ታናና እትፐ ደእያዋንታ ኮሼዳዋ ኦꬄዳዋ ህንተንቱ ህንተንቱ ሁጰዉ ኤሪታ።
ACT 20:35 ህንተንቱ ሀዋዳን ዳቡር ኦꬂደ፥ ዳቡራንቻቱዋ ማዳናዉነ ጎዳ የሱስ ባረ ሁጰዉ፥ ‘አክያዋፐ እምያዌ አንጀቴዳዋ’ ጌዳዋዳን፥ አ ቃላ ህንተንቱ ዎዛና አꬃናዉ በስያዋ ታን ጮራ ኦግያን ህንተንታ በሳድ” ያጌዳ።
ACT 20:36 ጳዉሎስ ሄዋ ሃሳይ ዉርሲደ፥ ኡንቱንቱ ኡባና እትፐ ጉልባቲደ፥ ጾሳ ዎሴዳ።
ACT 20:37 ኡንቱንቱ ኡባይ ጳዉሎሳ እድሚደ፥ ዬኪደ የሬድኖ።
ACT 20:38 ኡባፐ እ፥ “ታና ላኤንꬁዋ ኡባካ በእክታ” ያጌዳ ቃላይ ኡንቱንታ ዳሮ ቃረꬅና ማርካብያ ጋካናዉ አ ሞይዜድኖ።
ACT 21:1 ኑን ኤፈሶነ ጭማቱዋፐ ሻከቲደ፥ ቆሳ ጌተትያ ሃꬃን ዶደቶ ሳኣ ዪ አጌዶ፤ ዎንትሳ ጋላስ ሮዳ ጋኬዶ፤ ሄዋፐ ጳጽራ ቤዶ።
ACT 21:2 ፕንቀ ፕንያ ማርካብያ ደሚደ፥ አን ገሊደ ባናዉ ደንዴዶ።
ACT 21:3 ኑን ቆጲሮሳፐ በአናዉ ዳንዳይያሳ ዪደ፥ አዋይ ከስያሳ ጼልያ ዎደ ቆጲሮሳ ሀድርሳ ባጋ የጊደ፥ ሶርያ ቤዶ፤ ሄዋፐ ጉይያን ጺሮሳ ጋኬዶ፤ አያዉ ጎፐ፥ ማርካቢ ባረ ጫና ጺሮሳን ዎꬄ።
ACT 21:4 ያን ካልያዋንታ ደሚደ፥ ኡንቱንቱና ላፑ ጋላሳ ኡቴዶ፤ ጳዉሎስ የሩሳላመ ቤና ማላ፥ ኡንቱንቱ አዉ አያናን ኦዴድኖ።
ACT 21:5 ኑን ኡንቱንቱና ኡትያ ዎዲ ዉርና፥ ከሲደ ቤዶ፤ ኡንቱንቱ ኡባቱ ባረንቱ ማጫዋንቱናነ ባረንቱ ናናና እትፐ ካታማፐ ካረዉ ከሳና ጋካናዉ፥ ኑና ሞይዜድኖ፤ ኑን አባ ዶናን ጉልባቲደ፥ ጾሳ ዎሴዶ።
ACT 21:6 ሄዋፐ ጉይያን፥ እቱ እቱዋ ሳሮቲደ፥ ማርካብያን ገሌዶ፤ ኡንቱንቱ ባረንቱ ሶይ ስሜድኖ።
ACT 21:7 ኑን አባ ኦግያ ዉርሲደ፥ ጺሮሳፐ ጰጸለማይሰ ጋኬዶ፤ እሻቱዋ ሳሮቲደ፥ ኡንቱንቱ ማታን እት ጋላሳ ፔሼዶ።
ACT 21:8 ዎንትሳ ጋላስ ከሲደ፥ ቂሳርያ ቤዶ፤ ዎንጋላ ምሽራቹዋ ኦድያ ፕልጶሳ ሶይ ጋኪደ፥ አ ማታን ኡቴዶ፤ የሩሳላመን ዶረቴዳ ላፑናቱዋፐ እ እቱዋ።
ACT 21:9 ፕልጶሳዉ ናባቱዋ ግዴዳ ኦይዱ ዎዶሮ ማጫ ናናቱ ደኢኖ።
ACT 21:10 ኑን ኡንደኔዳ ጋላሳ ኡቴዳ ዎደ፥ ናብያ አጋቦሳ ግያ ብታኒ ይሁዳፐ ቂሳርያ ዬዳ።
ACT 21:11 ኑኮ ዪደ፥ ጳዉሎሳ ሳቂያ አኪደ ባረ ኩሽያነ ባረ ገድያ ቃቺደ፥ “ጌሻ አያናይ ግያዌ ሀዋ፤ ሀ ሳቂያ ጎዳ የሩሳላመን አይሁዳቱ ሀዋዳን ቃቺደ፥ አይሁዳ ግደና አሳቶ አꬂደ እማና” ያጌዳ።
ACT 21:12 ኑን ሄዋ ስሴዳ ዎደ፥ ኑንነ ያን ደእያ አሳቱ ጳዉሎስ የሩሳላመ ቤና ማላ ዎሴዶ።
ACT 21:13 ሽን ጳዉሎስ ዛሪደ፥ “ህንተንቱ ዬኪደነ ታ ዎዛና ቃረትሲደ ዋኒቴ? ታን ጎዳ የሱሳ ሱንꬃ ድራዉ ቃሸታናዋ ጻላላ ግደናን፥ ሀራይ አቶ የሩሳላመን ሀይቃናዉካ ጊጋ ኡታድ” ያጌዳ።
ACT 21:14 ዞርያ እ አከናን እጽና፥ “ጎዳይ ጌዳዌ ሀኖ” ያጊደ ጮኡ ጌዶ።
ACT 21:15 ያን አማሬዳ ዎድያ ጋምኤዳዋፐ ጉይያን፥ ጊገቲደ የሩሳላመ ባናዉ ከሴዳ።
ACT 21:16 ቂሳርያን ደእያ ካልያዋንቱፐ አማሬዳዋንቱ ቃይ ኑናና ቤድኖ፤ ኡንቱንቱ ኑን አቃናሳ ምናሶና ግያ ቆጲሮሳ ብታንያ ሶይ ኑና አፌድኖ፤ ምናሶን ዳሮ ዎድያፐ ዶሚደ ካልያዋ።
ACT 21:17 ኑን የሩሳላመ ጋኬዳ ዎደ፥ እሻቱ ኑና ናሸቻን ሞኬድኖ።
ACT 21:18 ዎንትሳ ጋላስ፥ ጳዉሎስነ ኑን ያቆባና ጋከታናዉ ቤዶ። ዎሳ ጎለ ጭማቱ ኡባቱካ ደኢኖ።
ACT 21:19 ጳዉሎስ ኡንቱንታ ሳሮቴዳዋፐ ጉይያን፥ አይሁዳ ግደና አሳ ግዶን ባረ ባጋና ጾሳይ ኦꬄዳዋ ኡንቱንቶ ዉርሲደ ኦዴዳ።
ACT 21:20 ኡንቱንቱ ሄዋ ስሴዳ ዎደ ጾሳ ጋላቲደ፥ ጳዉሎሳ ሀዋዳን ያጌድኖ፤ “ኑ እሻዉ፥ አይሁዳቱዋ ግዶን ጾሳ አማኔዳዋንቱፐ አፑን ሻአይ ደኢኖንቶ በኣሳ፤ ኡንቱንቱ ኡባይ ህግያ ምንስ ናጊኖ።
ACT 21:21 የሩሳላመ አይሁዳቱ፥ አይሁዳ ግደናዋንቱ ጋድያን ደእያ አይሁዳ ኡባቱ ባረንቱ ናና ቃጻረና ማላ፥ ዎይ አይሁዳቱ ኦꬅያዋ ካለና ማላ፥ ሙሴ ህግያካ ባይዛና ማላ ኔን ታማርስያዋ ስሴድኖ።
ACT 21:22 ያትና፥ አዬ ሎኡ? ኔን ዬዳዋ ጮራቱ ስስያ ድራዉ፥ ሺቀናን አግክኖ።
ACT 21:23 “ሄዋ ድራዉ፥ ሀዋ ኑን ነዉ ኦድያዋ ኦꬃ፤ እትፐ ሺቁ ደእያ ኦይዱ አሳቱ ኑ ማታን ደኢኖ።
ACT 21:24 ኡንቱንታ አካደ ኡንቱንቱና ጌያ፤ ቃይ ኡንቱንቱ ባረንቱ ሁጲያ ሜደታና ማላ፥ ኡንቱንቶ ሚሻ እማ፤ ኡንቱንቱ ኡባይ ነዋ ሲሴዳዌ ቱማ ግደናዋነ ኔን ነ ሁጰዉካ ቃይ ሙሴ ህግያ ናጋደ ማራን ደእያዋ ኤራና።
ACT 21:25 “ሽን አማኔዳ አይሁዳ ግደና አሳቱዋ ግዶፐ፥ ኡንቱንቱ ኤቃዉ ያርሼዳዋ ሜና ማላነ ሱꬃ ኡሸና ማላ፥ ባኩቴዳ መህያ አሹዋ ሜና ማላነ ዎሹመና ማላ፥ ኑን የዉዋ ቃቺደ፥ ኡንቱንቶ ዳብዳቢያ ጻፌዶ” ያጌድኖ።
ACT 21:26 ሄዋፐ ጉይያን፥ ጳዉሎስ ዎንትሳ ጋላስ አሳቱዋ አኪደ፥ ኡንቱንቱና ጌዬዳ፤ እ ባረንታ ጌሹሳ አዉደ ፖልንቶ ኤርሳናዉነ ቃይ ያርሹዋ ሁጲያን ሁጲያን አዉደ እማነንቶ ኤርሳናዉ ጌሻ ጎልያ ገሌዳ።
ACT 21:27 ላፑ ጋላሳይ ዉራና ሀኖደ፥ ኢስያፐ ዬዳ አይሁዳቱ ጌሻ ጎልያን ጳዉሎሳ በኢደ፥ አሳ ኡባ ሀንቀꬂደ፥ “እስራኤልያ አሳዉ፥ ኑና ማድተ፤ እስራኤልያ አሳ፥ ሙሴ ህግያነ ሀ ጌሻ ጎልያ እጺደ፥ ኡባ ሳን አሳ ኡባ ታማርስያዌ ሀ ብታንያ፤ ጉጂደ ቃይ ግሪከ አሳካ ጌሻ ጎልያ ገልሲደ፥ ሀ ጌሻ ሳኣ ቱንሴዳ” ያግ ዋሲደ፥ ጳዉሎሳ ኦይቄድኖ።
ACT 21:29 ኡንቱንቱ ካሰ ኤፈሶነን ደእያ ጽሮፍሞሳ ጳዉሎሳና ካታማን በኤዳ ድራዉ፥ ጌሻ ጎልያ ጳዉሎስ አ ገልሴዳዋ ኡንቱንቶ ማላቴዳ።
ACT 21:30 ካታማ ኡባይ ሻቢረቴዳ፤ አሳይ ኡባይ ሺቂደ ጳዉሎሳ ኦይቂደ፥ ጌሻ ጎልያፐ ካረዉ ጎች ከሴዳ፤ ሄ ማንእያን ጌሻ ጎልያ ፐንገቱ ቃሸት አጌድኖ።
ACT 21:31 አሳይ ጳዉሎሳ ዎꬋና ሀንሽን፥ “የሩሳላመ ካታማይ ሙለካ ሻቢረት ድጌዳ” ግያ ሃሳያይ ሮመ ጋድያ ኦላ ካፖ ጋኬዳ።
ACT 21:32 ሄ ኦላ ካፑ ዎታዳራቱዋነ ጼታቱዋ ካፓቱዋ እትፐ አኪደ፥ ዎጺደ አሳ ቦላ ከስ ዎꬌዳ፤ አሳይ ኦላ ካፑዋነ ዎታዳራቱዋ በኤዳ ዎደ፥ ጳዉሎሳ ሾጭያዋ ባሽ አጌዳ።
ACT 21:33 ሄ ዎደ፥ ሄ ኦላ ካፑ ሺቅ፥ ጳዉሎሳ ኦይቂደ፥ ላኡ ሳንꬃላታን ቃሸታና ማላ አዛዚደ፥ እ ኦነንቶነ ቃይ አያ ኦꬄደንቶነ አሳ ኦቼዳ።
ACT 21:34 አሳፐ ባጋይ እትባዉ ዋስያ ዎደ፥ ባጋይ ሀራባዉ ዋሴ፤ ዋሱ ጮሬዳ ድራዉ፥ ኦላ ካፖ ቱሙዋ ኤራናዉ ዳንዳየተናን እጽና፥ ዎታዳራቱ ጳዉሎሳ ባረንቱ ደኢያሳ አፋና ማላ፥ ኡንቱንታ አዛዜዳ።
ACT 21:35 የꬊደ ከስያ ደꬃ ጳዉሎስ ጋኬዳ ዎደ፥ አሳ ሱገꬃ ድራዉ፥ ዎታዳራቱ አ ቶኬድኖ።
ACT 21:36 አያዉ ጎፐ፥ ጮራ አሳይ፥ “አ ዎꬋ!” ያጊድነ ዋሲደ ካሌ።
ACT 21:37 ዎታዳራቱ ጳዉሎሳ ባረንቱ ደኢያሳ አፋና ሀንሽን ጳዉሎስ ኦላ ካፑዋ፥ “ታን ነዉ እትባ ኦዶ?” ያጌዳ። ሄ ኦላ ካፑ ጳዉሎሳ፥ “ኔን ግሪከ ቃላ ኤራይ?
ACT 21:38 ኔን ሀዋፐ ካሰ ዎደ፥ ዋላሳ ከሳደ ሸምፑዋ ዎꬌዳዋንቱፐ ኦይዱ ሻአ አሳቱዋ አሳይ ባይና መላ ሳኣ ካለꬄዳ ግብጼ ብታንያ ግድኪ?” ያጌዳ።
ACT 21:39 ሽን ጳዉሎስ፥ “ታን አይሁዳ አሳ፤ ቃይ ክልቂያን ደእያ ጸርሴሰን የለቴዳ ሁጰ ካታማን ደእያ አሳ። ሀያና ታና አሳዉ ሃሳይሳርኪ?” ያጌዳ።
ACT 21:40 ኦላ ካፑ አ፥ “ሃሳያ” ያግና፥ ጳዉሎስ የꬊደ ከስያ ደꬃን ኤቂደ፥ አሳይ ጮኡ ጋና ማላ፥ ባረ ኩሽያን አሳኮ ጾርሴዳ። አሳይ ጮኡ ጊና፥ እብራይስጸ ቃላን ሃሳዪደ፥ ሀዋዳን ያጌዳ።
ACT 22:1 “ታናዳን አማንያዋንቶ፥ ታ አዋቶ፥ ታን ሀእ ህንተንቶ ኦድያ የዉዋ ስስተ!”
ACT 22:2 ጳዉሎስ ኡንቱንቶ እብራይስጸ ቃላን ሃሳይያዋ ስሲደ፥ ካሰፐ ሎይꬅ ጮኡ ጊና እ ሀዋዳን ያጌዳ።
ACT 22:3 “ታን ክልቂያን ደእያ ጸርሴሰን የለታደ፥ ሀ ካታማን ጋማልያል ታና ታማርስና ድጫደ፥ ኑ አዎቱዋ ህግያካ ምንሳ ታማራደ፥ ሀቼ ህንተ ኡባይ ሀንያዋዳንካ፥ ታን ጾሳ የዎ ሴለትያ አይሁዳ አሳ።
ACT 22:4 ታን ማጫ አሳነ አቱማ አሳ ኦይቃ ኦይቃደ ቃሾ ጎለን የጌዳ አሳነ፥ ሀ ኦግያ ካልያ አሳ ዎꬍሳና ጋካናዉ መቶꬄዳ አሳ።
ACT 22:5 ሀዋዳንካ፥ ቃይ፥ ቄሳቱዋ ኡባቱዋ ካፑነ ጭማ ኡባ ሺቁ ታዋ ማርካታናዉ ዳንዳዬ፤ ታን ዳማስቆን ደእያ ኡንቱንቱ እሻቱዋ አይሁዳቶ፥ ኡንቱንቱፐ ዳብዳቢያ አካደ፥ ሄዋን ደእያ አሳቱ ቆሄቲደ ሙረታናዳን፥ የሩሳላመ ኡንቱንታ አሀናዉ ያ ባድ።
ACT 22:6 “ታን ባደ ዳማስቆ ማቴዳ ዎደ፥ ሴታ ጋላሳ ግድሽን፥ ቆፐናን ሳሉዋፐ ዎልቃማ ፖኡ ታ ማታን ዩይ አꬊደ ፖኤዳ።
ACT 22:7 ታን ሳኣን ኩንዳ ኡታደ፥ ‘ሳኦላ፥ ሳኦላ፥ ታና አያዉ የደርሳይ?’ ግያ ቃላ ስሳድ።
ACT 22:8 “ታን ዛራደ፥ ‘ታ ጎዳዉ፥ ኔን ኦኔ?’ ያጋድ። “ሄዋፐ ጉየ፥ ‘ታን ኔን የደርስያ ናዝሬትያ የሱሳ’ ያጌዳ።
ACT 22:9 ታናና እትፐ ደእያዋንቱ ፖኡዋ በኢደ ያዬድኖ፤ ሽን ታዉ ሃሳይያዋ ቃላ ስስበይክኖ።
ACT 22:10 “ ‘ታ ጎዳዉ፥ ታን አያ ኦꬆ?’ ያጋድ። “ጎዳይ ታና፥ ‘ደንዳደ ዳማስቆ ባ። ኔን ኦꬃናዉ ጾሳይ ቆፔዳ ኡባባይ ነዉ ያን ኦደታናዋ’ ያጌዳ።
ACT 22:11 ሄ ዎልቃማ ፖኡዋ ድራዉ፥ ታ አይፊ ቆቅና፥ ታናና ደእያ አሳቱ ታ ኩሽያ ኦይቂደ፥ ታና ጎችና፥ ዳማስቆ ጋካድ።
ACT 22:12 “ዳማስቆን ደእያ አይሁዳ ኡባይ ሎይꬅ ቦንችያ እት ሀናንያ ግያ ብታኒ፥ ኑ ህግያዉ አዛዘቲደ፥ ጾሳዉ እመቴዳ አሳ።
ACT 22:13 ሀናኒ ታኮ ዪደ፥ ታ ማታን ኤቂደ ታና፥ ‘ታ እሻዉ ሳኦላ፥ ጼላ’ ያጌዳ። ታን ሄ ዎደ ሄ ማንእያን አኮ ጼላ አጋድ።
ACT 22:14 “እ ታና ሀዋዳን ያጌዳ፤ ‘ኑ አዎቱዋ ጾሳይ ኔን አ ቆፋ ኤራናዉ፥ አ ጽሎ ናኣ በአናዉነ አ ዶናፐካ ሃሳያ ስሳናዉ ኔና ካሰና ዶሬዳ።
ACT 22:15 አያዉ ጎፐ፥ ኔን በኤዳባነ ስሴዳባ አሳ ኡባ ስንꬃን አዉ ማርካታናሳ።
ACT 22:16 ሀእካ አያዉ ጋምአይ? ደንዳደ ጻማቀታ፤ አ ሱንꬃ ጼሳደ፥ ነ ናጋራፐካ ሜጨታ’ ያጌዳ።
ACT 22:17 “ታን ጉየ የሩሳላመ ስማደ ጌሻ ጎልያን ዎስሽን፥ ታ አያናን ግዳድ።
ACT 22:18 ጎዳይ ታና፥ ‘ኤሌላደ፥ የሩሳላመ ከሳ አያዉ ጎፐ፥ ኔን ታዉ ሀዋን ማርካትያዋ አሳይ አከና’ ያግሽን ታን አ በኣድ።
ACT 22:19 “ታን፥ ‘ታ ጎዳዉ፥ አይሁዳ ዎሳ ጎልያ ኡባን ኔና አማንያዋንታ ኦይቃደ ዋꬌዳዋነ ቃሾ ጎልያን የጌዳዋ ኡንቱንቱ ኤሪኖ።
ACT 22:20 ኡንቱንቱ ነ ማርካ እስጽፋኖሳ ዎꬍያ ዎደ፥ ታን ሄ የዉዋ ኤኖ ጋድ። ቃይ ኡንቱንቱ ምይያን ኤቃደ፥ አ ዎꬍያዋንቱ ማዩዋ ናጋይ’ ያጌዳ።
ACT 22:21 “ጎዳይ ታና፥ ‘ታን ኔና አይሁዳ ግደና አሳኮ ሃኮ ሳ ኪትያ ድራዉ ባ’ ጌዳ” ያጌዳ።
ACT 22:22 ጳዉሎስ ሄ ቃላ ሃሳያና ጋካናዉ አሳይ እ ግያዋ ስሴ፤ ሄዋፐ ጉይያን፥ ባረንቱ ኮሻ ꬎቁ ኦꬂደ፥ “ሀዋ ጋድያፐ ꬋይሳ፤ እ ደአናዉ በሰና” ያጌድኖ።
ACT 22:23 ኡንቱንቱ ዋስሽን፥ ባረንቱ ማዩዋ ቦላዉ ኦልሺንነ ባና ጫርኩዋን ላልሽን፥ ኦላ ካፑ ዎታዳራቱ ጳዉሎሳ ባረንቱ ደኢያሳ አፋና ማላ አዛዜዳ። ቃይ አሳይ አያዉ ሄዋዳን አ ቦላ ዋሴድኖንቶ ኤራናዉ፥ ጳዉሎሳ ልሱዋን ሾጫና ማላ፥ ኡንቱንታ አዛዜዳ።
ACT 22:25 ሽን ዎታዳራቱ ጳዉሎሳ ዳፉዋን ምንስ ቃቼዳ ዎደ፥ ጳዉሎስ ባረ ማታን ኤቄዳ ጼታቱዋ ካፑዋ፥ “ሮመ ጋድያ አሳ ፕርዳይ ባይናን ሾጭያዌ ህንተንቶ ዎጌ?” ያጌዳ።
ACT 22:26 ሄዋ ጼታቱዋ ካፑ ስሴዳ ዎደ፥ ኦላ ካፑዋኮ ቢደ፥ “ሀ ብታኒ ሮመ አሳ። ኔን አያ ኦꬃና ቆፓይ?” ያጊደ ኦቼዳ።
ACT 22:27 ኦላ ካፑ ጳዉሎሳኮ ሺቂደ፥ “ኔን ሮመ አሴ? ታዉ ኦዳ” ያጌዳ። ጳዉሎስ፥ “ኤ” ያጌዳ።
ACT 22:28 ኦላ ካፑ ጳዉሎሳዉ ዛሪደ፥ “ታን ሀ ዛረተꬃ ዳሮ ሚሻን ሻማድ” ያጌዳ። ሽን ጳዉሎስ፥ “ታን ሄ ዘረꬃፐ የለታድ” ያጌዳ።
ACT 22:29 ሄዋ ድራዉ፥ ጳዉሎሳ ብዳናዉ ቆፔዳዋንቱ ኤለካ አፐ ሻከት አጌድኖ። ኦላ ካፑካ ጳዉሎስ ሮመ አሳ ግዴዳዋ ኤሬዳ ዎደ ያዬዳ፤ አያዉ ጎፐ፥ ሳንꬃላታን አ ቃሽስ ዎꬄዳ።
ACT 22:30 ዎንተꬃ ጋላስ ኦላ ካፑ፥ አይሁዳቱ ጳዉሎሳ አያዉ ሞቴድኖንቶነ ጌሺደ ኤራናዉ ኮዪደ፥ ጳዉሎሳ ብሌዳ። ያቲደ ቄሳቱዋ ካፓቱነ አሳይ ኡባይ ሺቃና ማላ አዛዜዳ፤ ቃይ ጳዉሎሳ ዱገ ዎꬂደ፥ ኡንቱንቱ ስንꬃን ኤሴዳ።
ACT 23:1 ጳዉሎስ ሄዋን ሺቄዳ አሳ ጫድ ጼሊደ፥ “ታናዳን አማንያዋንቶ፥ ታን ሀቼ ጋካናዉካ ጾሳ ስንꬃን ታ ደኡዋ ኡባን ትላ ዎዛናን ደኣድ” ያጌዳ።
ACT 23:2 ቄሳቱዋ ኡባቱዋ ካፑ ሀናኒ፥ ጳዉሎሳ ዶና ባቃና ማላ፥ አ ማታን ኤቄዳዋንታ አዛዜዳ።
ACT 23:3 ጳዉሎስ ሄ ዎደ አ፥ “ላ ሀ ቦሽንቻን ኦኬዳ ጎዳዉ፥ ጾሳይ ኔና ባቃና። ኔን ታ ቦላ ህግያን ፕርዳናዉ ኡታደ፥ ዎጋይ ባይናን ታና ባቃና ማላ አዛዛይ?” ያጌዳ።
ACT 23:4 ጳዉሎሳ ማታን ኤቄዳዋንቱ አ፥ “ኔን ጾሳ ቄሳቱዋ ኡባቱዋ ካፑዋ ቦራይ?” ያጌድኖ።
ACT 23:5 ሄዋፐ ጉየ ጳዉሎስ፥ “ታናዳን አማንያዋንቶ፥ እ ቄሳቱዋ ኡባቱዋ ካፑዋ ግዴዳዋ ታን ኤራበይከ፤ አያዉ ጎፐ፥ ‘ነ ጋድያ ሞድያዋ ቦላ ኢታ ቃላ ሃሳዮፓ’ ጌተቲደ ጾሳ ማጻፋን ጻፈቴዳ” ያጌዳ።
ACT 23:6 ሽን ጳዉሎስ ባጋቱ ሳዱቃዋናቱዋ፤ ባጋቱ ፓርሳዋቱዋ ግዴዳዋ በኢደ፥ “ታናዳን አማንያዋንቶ፥ ታን ፓርሳዊያነ ፓርሳዊያ ናኣ፤ ‘ሀይቄዳዋንቱ ሀይቁዋፐ ደንዳናዋንታ’ ጋደ ታን ናሸቻን ናግያ ድራዉ፥ ኡንቱንቱ ታ ቦላ ፕርዲኖ” ያጊደ፥ ꬎቁ ኦꬂደ ሃሳዬዳ።
ACT 23:7 ጳዉሎስ ሄዋ ያግና፥ ፓርሳዋቱዋ ግዶንነ ሳዱቃዋናቱዋ ግዶን ዋላሳይ ከስና፥ ሺቄዳ አሳይ ላለቴዳ።
ACT 23:8 አያዉ ጎፐ፥ ሳዱቃዋናቱ፥ “ሀይቄዳ አሳይ ደንደና፤ ኪታንቻይካ አያናይካ ባዋ” ያጌድኖ፤ ፓርሳዋቱ ቃይ ላኡካ ደእያዋ አማኒኖ።
ACT 23:9 ዎልቃማ ዋላሳይ ደንዴዳ፤ ፓርሳዋቱዋ ባጋፐ ሙሴ ህግያ ታማርስያዋንቱ ደንድ ኤቂደ፥ “ሀ ብታንያ ቦላ አይነ ባላ ደምበይኮ፤ አዉ አያናይ ዎይ ኪታንቻይ ሃሳየናን አገና” ያጊደ ፓሉመቴድኖ።
ACT 23:10 ዋላሳይ ዳርና፥ ኦላ ካፑ ጳዉሎሳ ኡንቱንቱ መንሬꬃነንቶነ ግ ያዪደ፥ ባረ ዎታዳራቱ ዎꬊደ፥ ኡንቱንቱ ግዶፐ አ ኤለካ ከሲደ፥ ባረንቱ ደኢያሳ አፋና ማላ አዛዜዳ።
ACT 23:11 ሄ ቃማ ጎዳይ ጳዉሎሳ ማታን ኤቂደ፥ “ጳዉሎሳ፥ ኔን ታዉ የሩሳላመን ማርካቴዳዋዳን፥ ሮመንካ ማርካታናዉ በሴ፤ ምና፤ አይነ ባዋ” ያጌዳ።
ACT 23:12 ዎንትሳ ጋላስ፥ አይሁዳቱ ጳዉሎሳ ዎꬋና ጋካናዉ፥ ሜናዳንነ ኡሸናዳን፥ ጫቀቲደ ጊገቴድኖ።
ACT 23:13 ጳዉሎሳ ቦላ ሄዋ ማቀቴዳ አሳቱ ኦይታሙዋፐ ዳሪኖ።
ACT 23:14 ኡንቱንቱ ቄሳቱዋ ካፓቱዋኮነ ጭማቱዋኮ ዪደ፥ “ኑን ጳዉሎሳ ዎꬋና ጋካናዉ፥ አይነ ባረናዳን፥ ጊገት ኡቴዶ።
ACT 23:15 ሄዋ ድራዉ፥ ህንተንቱነ ሺቄዳ አሳይ ጳዉሎሳባ ጌሺደ ብድያዋ ማላቲደ፥ ኦላ ካፑ አ ህንተንቱኮ ዱገ ዎꬃና ማላ ኦችተ፤ ኑን እ ሃ ሺቃናፐ ካሰና አ ዎꬋናዉ ጊግ ኡቴዶ” ያጌድኖ።
ACT 23:16 ሽን ጳዉሎሳ ምቻት ናአይ ሄ ማቁዋ ስሴዳ ዎደ፥ ቢደ ዎታዳራቱ ደኢያሳ ገሊደ፥ ጳዉሎሳዉ ኦዴዳ።
ACT 23:17 ጳዉሎስ ጼታቱዋ ካፓቱዋፐ እቱዋ ጼሲደ፥ “ሀ ናኣ ኦላ ካፑዋኮ አፋ፤ አያዉ ጎፐ፥ ኦላ ካፖ እ ኦድያዌ ደኤ” ያጌዳ።
ACT 23:18 ሄዋ ድራዉ፥ ጼታቱዋ ካፑ ናኣ ኦላ ካፑዋኮ አፊደ፥ “ቃሾ ጎለን ደእያ ጳዉሎስ፥ ሀ ናአይ ነዉ አየንቶ ኦድያባይ ደእያ ድራዉ፥ ታና ባረኮ ጼሲደ፥ አ ኔኮ አሀናዳን፥ ታና ዎሴዳ” ያጌዳ።
ACT 23:19 ኦላ ካፑ ናኣ ኩሽያ ኦይቂደ፥ ዱማ ጋጻ ከሲደ፥ “ኔን ታዉ ኦዳናባይ አዬ?” ያጊደ ኦቼዳ።
ACT 23:20 ናአይ ኦላ ካፖ፥ “አይሁዳቱ ጳዉሎሳባ ካሰፐ ምንስ ኦችያዋ ማላቲደ፥ ኔን ሺቁዋ አ ኡትሳናዳን፥ ኔና ዎንት ዎሳናዉ ዞረታ ቃቼድኖ።
ACT 23:21 ሽን ኔን ኡንቱንቱ ግያዋ ስሶፓ፤ አያዉ ጎፐ፥ ኦይታሙዋፐ ዳርያ አሳቱ ጳዉሎሳ ዎꬋና ጋካናዉ፥ ቁማ ሜናዳንነ ሃꬃ ኡሸናዳን፥ ጫቀቲደ ጌመት ኡቲደ አ ናጊኖ፤ ኔን ግያዋ ስሳናዉ ሀእካ ጊገት ኡቲደ ናጊኖ” ያጌዳ።
ACT 23:22 ሄዋ ድራዉ፥ ኦላ ካፑ ናኣ፥ “ሀ የዉዋ ኔን ታና ኤርሴዳዋ ኦስነ ኦዶፓ” ያጊደ አዛዜዳዋፐ ጉይያን፥ አ የዴዳ።
ACT 23:23 ኦላ ካፑ ጼታቱዋ ካፓቱዋፐ ላኡዋ ጼሲደ፥ “ቂሳርያ ባናዉ፥ ላኡ ጼቱ ዎታዳራቱዋ፥ ላፑን ታሙ ፓራ ኦይቄዳ አሳቱዋነ ላኡ ጼቱ ቶራንቻቱዋ ቃማፐ ሄዙ ሳትያን ጊግስተ፤
ACT 23:24 ጋድያ ሞድያ ፍልክሳኮ ጳዉሎሳ ሳሮተꬃን ጋꬃናዉ ቶግስያ መህያነ ጊግስተ” ያጊደ፥ ኡንቱንታ አዛዜዳ።
ACT 23:25 ኦላ ካፑ ሀዋዳን ግያ ዳብዳቢያ ጻፌዳ።
ACT 23:26 “ቃላዉደዮሳ ሉስዮሳፐ፤ ጋድያ ሞድያ ቦንቼቴዳ ፍልክሳ! ሳሮተꬃይ ነዉ ግዶ።
ACT 23:27 አይሁዳቱ ሀ ብታንያ ኦይቂደ ዎꬋና ሀንሽን፥ ሮመ ካታማ አሳ እ ግዴዳዋ ኤራደ፥ ዎታዳራቱዋና ጋካደ አ አሻድ።
ACT 23:28 ኡንቱንቱ አ አያዉ ሞቴድኖንቶ ኤራናዉ ኮያደ፥ ዱገ ኡንቱንቱ ሺቆ አ አፋድ።
ACT 23:29 ኡንቱንቱ ባረንቱ ህግያባ እ ኦቼዳዎ አ ሞቴዳዋፐ አትን፥ አ ዎꬍስያ ዎይ ቃሽስያ ሞቶ ግደና።
ACT 23:30 ኡንቱንቱ ሀ ብታንያ ቦላ ማቀት ኡቴዳ ዝግርሳይ ታና ጋክና፥ ታን ሄ ማንእያን አ ኔኮ የዳ አጋድ፤ አ ሞትያዋንቱካ ቢደ፥ ነ ስንꬃን ሞታና ማላ ኦዳድ፤ ሳሮ ደአ” ያጌዳ።
ACT 23:31 ሄዋ ድራዉ፥ ዎታዳራቱ አዛዘቴዳዋዳንካ ጳዉሎሳ አኪደ፥ ቃማ አንትጳጽሪሳ ጋꬄድኖ።
ACT 23:32 ዎንትሳ ጋላስ አናና ባና ማላ ፓራ ቶጎ አሳቱዋ ዎꬂደ፥ ገድያን ብያዋንቱ ጉየ ዎታዳራቱ ደኢያሳ ስሜድኖ።
ACT 23:33 ፓራዋንቱ ቂሳርያ ገሊደ፥ ዳብዳቢያ ጋድያ ሞድያዎ እሚደ፥ ጳዉሎሳ አ ስንꬃ አꬄድኖ።
ACT 23:34 ጋድያ ሞድያዌ ዳብዳቢያ ናባቤዳዋፐ ጉይያን፥ ጳዉሎስ ሀቃ አዉራጃ አሰንቶ አ ኦቼዳ፤ ክልቂያ አሳ እ ግዴዳዋ ኤሬዳ ዎደ፥
ACT 23:35 “ታን ነባ ኔና ሞትያዋንቱ ይያ ዎደ ስሳና” ያጊደ፥ ዎታዳራቱ ሄሮድሳ ካዉተꬃ ጎለን አ ናጋና ማላ አዛዜዳ።
ACT 24:1 እቼሹ ጋላሳፐ ጉይያን፥ ቄሳቱዋ ኡባቱዋ ካፑ፥ ሀናንያ፥ ጭማቱዋናኔ ጻርጻሉሳ ግያ እት ጻባቃና ዱገ ቂሳርያ ዎꬌዳ፤ ኡንቱንቱ ጋድያ ሞድያዋ ቦላ ጳዉሎሳ ሞቴድኖ።
ACT 24:2 ጳዉሎስ ጼሰቴዳ ዎደ፥ ጻርጻሉሰ አ ሀዋዳን ያጊደ፥ ሞቱዋ ዶሜዳ። “ቦንቼቴዳ ፍልክሳ፥ ኑን ነ ባጋና ዳሮ ሳሮተꬃ ደሜዶሽን፥ ነ ቆፋን ሀ ጋድያዉ ኡባባን ኡባሳንካ ሎኦ ላሚ ቤትያዎ ኔና ሎይꬅ ጋላቲደ፥ ሀዋ አኬቶ።
ACT 24:4 ሽን ታን ኔና ጋምኤናን፥ ዶያ ግዴዳ ነ ኬካተꬃን ኑባ ኔን ቃንꬃን ስሳና ማላ፥ ኔና ዎሳይ።
ACT 24:5 አያዉ ጎፐ፥ ሀ ብታኒ ꬉቦ ግዲደ፥ ሳኣ ኡባን ደእያ አይሁዳቱዋ ግዶን ዋላሳ ደንꬄዳ፥ ናዝራዋቱ ባጋ አሳ ካለꬅያዋ ግዴዳዋ ኤሬዶ።
ACT 24:6 ሀራይ አቶ ጌሻ ጎልያካ ቱንሳናዉ ኮይሽን አ ኦይቂደ፥ ኑ ህግያዳን፥ አ ቦላ ፕርዳናዉ ቆፔዶ፤
ACT 24:7 ሽን ኦላ ካፑዋ ሉስዮስ ዪደ፥ ዎልቃን ኑ ኩሽያፐ አ ዎꬅ አኬዳ።
ACT 24:8 አ ሞትያዋንቱካ ኔኮ ያና ማላ አዛዜዳ፤ ኔን ነ ሁጰዉ ሀ ብታንያ ብዳደ፥ ኑን አ ሞትያ የዉዋ ኡባ ኤራናዉ ዳንዳያ” ያጌዳ።
ACT 24:9 አይሁዳቱካ ቃይ፥ “ሀ የዉ ቱማ” ጊደ፥ አ ቆፋ አኬድኖ።
ACT 24:10 ጋድያ ሞድያዌ ጳዉሎሳ ያናዳን ዉትና፥ እ ሀዋዳን ያጊደ ዛሬዳ፤ “ኔን ዳሮ ዎድያፐ ዶማደ፥ ሀ አሳዉ ፕርዳደ ደእያዋ ታን ኤራደ፥ ታ የዉዋ ናሸቻን ዛራይ።
ACT 24:11 ታን የሩሳላመ ጎይናናዉ ከሶደፐ ታማነ ላኡ ጋላሳፐ ዳረናዋ ኔን ነ ሁጰዉ ኤራና ዳንዳያ።
ACT 24:12 አይሁዳቱ ታና ጌሻ ጎልያን ግድና፥ አይሁዳ ዎሳ ጎለን ግድና፥ ካታማን ግድና፥ ኦናናነ ፓሉመትሽን ዎይ አሳ ሺሻደ ማቂሽን፥ እት ኡራናነ በእበይክኖ።
ACT 24:13 ኡንቱንቱ ሀእካ ታና ሞትያዋ ሻትማናዉ ዳንዳይክኖ።
ACT 24:14 “ሽን ታን ሀዋ ነዉ ኦዳይ፤ ታን ሙሴ ህግያን ደእያዋነ ናባቱ ጻፌዳ ኡባባ አማናናዳን፥ ኑ አዎቱዋ ጾሳዉ ኡንቱንቱ ዎርዶ ግያ ኦግያን ጎሸታይ።
ACT 24:15 ሀዋንቱ ባረንቱ ሁጰዉ፥ ‘አሳይ ኡባይ፥ ዎርዱካ ጽሉካ ሀይቁዋፐ ደንዳናዋንታ’ ግያዋዳን፥ ታንካ ኡንቱንቱ ደንድያዋ ጾሳን ህዶታ ዎꬃደ አሙዋን ናጋይ።
ACT 24:16 ሄዋ ድራዉ፥ ታን ቃይ፥ ጾሳ ስንꬃንነ አሳ ስንꬃን ኡባ ዎደ፥ ፖኩ ባይና ትላ ዎዛናይ ታዉ ደአና ማላ ምናይ።
ACT 24:17 “ታን የሩሳላመፐ ከሶደፐ ጮራ ላይꬃፐ ጉይያን፥ ታ ጋደ ህዬሳዉ ሚሻ እማናዉነ ያርሹዋ ያርሻናዉ የሩሳላመ ባድ።
ACT 24:18 ሄዋ ኦꬅሽን፥ አሳይ ሺቀናን፥ ዋላሳይ ደንደናን፥ ታን ጌሻ ጎልያን ጌይሽን፥ ኡንቱንቱ ታና ደሜድኖ።
ACT 24:19 ሽን ኢስያፐ ዬዳ እት እት አይሁዳቱ ሄዋን ደኢኖ፤ ኡንቱንቱ ታ ቦላ የዉዋ ኮዮፐ፥ ዪደ ታና ነ ቦላን ሞታናዉ በሴ።
ACT 24:20 ዎይ ታን ኡንቱንቱ ግዶን ኤቃደ፥ ‘ሀይቄዳዋንቱ ደንዳናዋ አማንያ ድራዉ፥ ሀቼ ህንተ ስንꬃን ታ ቦላ ፕርዲኖ’ ጋደ ሃ ꬎቂሳደ ሃሳዬዳ እት ቃላፐ አትን፥ ሺቁዋ ስንꬃን ኤቂሽን፥ ታ ቦላ እት ባይዙዋ ደሜዳዋ ግዶፐ፥ ሀዋንቱ ባረንቱ ሁጰዉ ሀዋን ኦዳናዋንታ” ያጌዳ።
ACT 24:22 ሽን ፍልክሰ ጾሳ ኦግያባ ጌሽ ኤሬዳ ድራዉ፥ “ታን ህንተ የዉዋ ኦላ ካፑዋ ሉስዮስ ይያ ዎደ ኦግያ ኦይꬃና” ያጊደ፥ ፕርድያ ዎድያ ስንꬃዉ ኬሬዳ።
ACT 24:23 ፍልክሰ ቃይ ጳዉሎሳ ቃቼናን ናጋና ማላነ አ ዳባቱዋፐ ኦንነ አዉ ኦꬅሽን፥ ዎይ አኮ ዪሽን ድገና ማላ፥ ጼታቱዋ ካፑዋ አዛዜዳ።
ACT 24:24 አማሬዳ ጋላሳፐ ጉይያን፥ ፍልክሰ አይሁዳ አሳ ዛረ ግዴዳ ባረ ማቻት ድሩስልና ዪደ፥ ጳዉሎሳ ኪት አህሲደ፥ የሱስ ክርስቶሳን አማንያ ኦግያ እ ሃሳይሽን ስሴዳ።
ACT 24:25 ጳዉሎስ ጽሎተꬃባ፥ ባረ ሁጲያ ናጉዋባነ ያና ፕርዳባ ሃሳይሽን፥ ፍልክሰ ያዪደ፥ “ኔን ሀእዉ ባ፤ ታዉ ሚኬዳ ዎደ፥ ኔና ኪታደ ጼግሳና” ያጌዳ።
ACT 24:26 ሄ ዎደ ቃይ ጳዉሎስ ብለታናዉ፥ ባረዉ ማጋንጻ እማንዴሻ ጊደ ቆፔዳ፤ ሄዋ ድራዉ፥ ዳሮ ዎደ አ አህስ አህሲደ፥ አናና ሃሳዬ።
ACT 24:27 ላኡ ላይꬃ ኩሜዳዋፐ ጉይያን፥ ፍልክሳ ኮታ ጶርቂዮሳ ፕስጾስ አኬዳ። ፍልክሰ አይሁዳቱዋ ናሸቻናዉ ኮዪደ፥ ቃሾ ጎለን ጳዉሎሳ ባሽ አጌዳ።
ACT 25:1 ፕስጾስ አዉራጃ ገሌዳ ሄዘንꬅያ ጋላሳፐ ጉይያን፥ ቂሳርያፐ የሩሳላመ ቤዳ።
ACT 25:2 ያን ቄሳቱዋ ካፓቱነ አይሁዳቱዋ ካለꬅያዋንቱ ጳዉሎሳ ሞቴድኖ።
ACT 25:3 ኡንቱንቱ ጳዉሎሳ ዎꬋናዉ ኦግያን ቆሰት ኡታናዉ፥ ባረንቶ ሎኦባ ኦꬂደ አ የሩሳላመ አሀና ማላ፥ ፕስጾሳ ዎሴድኖ።
ACT 25:4 ፕስጾስ ኡንቱንቶ፥ “ጳዉሎስ ቂሳርያን ቃሸት ኡቴዳ፤ ታን ታ ሁጰዉካ ኤለካ ያ ጉየ ስማናዉ ቆፓ ኡታድ።
ACT 25:5 ሄዋ ድራዉ፥ እ አየንቶ ባይዜዳዌ ደኦፐ፥ ህንተንቱ ግዶን አዎትያዋንቱ ታናና ቂሳርያ ቢደ፥ አ ሞትኖ” ያጊደ ዛሬዳ።
ACT 25:6 ፕስጾስ የሩሳላመን ሆስፑን ዎይ ታሙ ጋላሳፐ አናን ኡቲደ፥ ቂሳርያ ቤዳ፤ ዎንትሳ ጋላስ ፕርድያሳን ኡቲደ፥ ጳዉሎሳ አሀና ማላ አዛዜዳ።
ACT 25:7 እ ጋኬዳ ዎደ፥ የሩሳላመፐ ዬዳ አይሁዳቱ አ ማታን ዩይ አꬍ ኤቂደ፥ ባረንቶ ሻትማናዉ ዳንዳየተና ዳሮ ዴጾ ሞቱዋ አ ቦላ ዎꬄድኖ።
ACT 25:8 ጳዉሎስ ሞተቲደ፥ “ታን አይሁዳቱዋ ህግያካ ጌሻ ጎልያካ ሮመ ካትያ ቄሳራካ አይነ ናቃበይከ” ያጌዳ።
ACT 25:9 ፕስጾስ አይሁዳቱዋ ናሸቻናዉ ኮዪደ ጳዉሎሳ፥ “ፑደ የሩሳላመ ከሳደ፥ ሀ የዉዋባ ያን ታ ስንꬃን ኦሸታናዉ ኮያይ?” ያጊደ ኦቼዳ።
ACT 25:10 ሽን ጳዉሎስ፥ “ታን ኦሸታናዉ በስያ ቄሳራ ፕርዳ ጎለን ኤቃድ። ኔንካ ሎይꬃ ኤርያዋዳን፥ ታን አይሁዳቱዋ አይነ ናቃበይከ።
ACT 25:11 ስም ታን ናቄዳዋ ዎይ ሀይቃናዉ በስያዋ ኦꬄዳዋ ግዶፐ፥ ሀይቁዋፐ አታና ጊከ፤ ሽን ኡንቱንቱ ታና ሞትያ ሞቱ መላ ግዴዳዋፐ ህን ባጋን፥ ኦንነ ታና ኡንቱንቶ አꬂደ እማናዉ ዳንዳየና፤ ቄሳረ ታባ ፕርዶ ጋደ ኦቻይ” ያጌዳ።
ACT 25:12 ሄዋፐ ጉይያን፥ ፕስጾስ ባረናና ዞረትያዋንቱና ዞረት ስሚደ አ፥ “ኔን ቄሳረ ታባ ፕርዶ ጋደ ኦቻዳ፤ ቄሳራኮ ባናሳ” ያጊደ ዛሬዳ።
ACT 25:13 አማሬዳ ጋላሳፐ ጉይያን፥ ካትያ አግሪጳይነ ባርኒቀ ፕስጾሳ ሳሮታናዉ ቂሳርያ ቤድኖ።
ACT 25:14 ያን ኡንቱንቱ ጮራ ጋላሳ ኡት ደእሽን፥ ፕስጾስ ካትያዉ ጳዉሎሳባ ሀዋዳን ያጊደ ኦዴዳ፤ “ሀዋን ፍልክሰ ቃቺደ ባሽ ቤዳ እት ብታኒ ደኤ።
ACT 25:15 ታን የሩሳላመን ደእሽን፥ ቄሳቱዋ ካፓቱነ አይሁዳ ጭማቱ አ ቦላ ፕርዳና ማላ፥ ታና ዎሲደ፥ አባ ታዉ ኦዴድኖ።
ACT 25:16 ታን፥ ‘ሞተቴዳ ኡራይ ባረና ሞትያዋንቱና እትፐ ኤቀናንነ ባረና ሞቴዳ የዎ ዛሩዋ እመናን፥ ኦና ግዶፐነ አꬂደ እምያዌ ሮመ አሳዉ ዎጋ ግደና’ ያጋደ ኡንቱንቶ ዛራድ።
ACT 25:17 “ሄዋ ድራዉ፥ ኡንቱንቱ ሀዋን ሺቄዳ ዎደ፥ ታን ጋምኤናን ዎንትሳ ጋላስ፥ ፕርዳ ጎለ ገላደ ጳዉሎሳ አሀና ማላ አዛዛድ።
ACT 25:18 አ ሞትያዋንቱ ኤቂደ፥ ኢታባን አ ሞተናን አግክኖ ጋደ ታን ቆፔዳዋዳን፥ አይነ አ ሞትበይክኖ።
ACT 25:19 ሽን ኡንቱንቱ ባረንቱ አማኔዳባንቱባነ ጳዉሎስ፥ ‘ፓጻ ደኤ’ ግያ ሀይቄዳ እት የሱሳ ጌተትያ ብታንያባ አናና ፓሉመቴድኖ።
ACT 25:20 ታን ሀ የዉዋ ዎታደ ብዳ ደማንታንቶ፥ ቆፋ ቃቼናን ደኣደ፥ ጳዉሎስ የሩሳላመ ቢደ፥ ሀ የዉዋ ያን ኦሸታናዉ ኮይንቶነ ጋደ አ ኦቻድ፤
ACT 25:21 ሽን ጳዉሎስ ባረ የዉዋ አዉግስጾሰ ቄሳረ ኦግያ ኦይꬃና ጋካናዉ ናገታናዳን ኦችና፥ ታን አ ቄሳራኮ የዳና ጋካናዉ፥ እ ቃሸታና ማላ አዛዛድ” ያጌዳ።
ACT 25:22 ሄዋፐ ጉየ አግሪጳይ ፕስጾሳ፥ “ታን ታ ሁጰዉካ ቃይ ሄ ብታኒ ግያዋ ስሳና ኮያይ” ያጌዳ። ፕስጾስ አ፥ “ኔን ዎንት እ ግያዋ ስሳናሳ” ያጌዳ።
ACT 25:23 ዎንትሳ ጋላስ፥ አግሪጳይነ ባርኒቀ ዳሮ ቦንቹዋን ኦላ ካፓቱዋናነ ካታማን ደእያ ዎልቃማ አሳና ዪደ፥ ፕርዳ ጎለ ገሌድኖ፤ ፕስጾስ ጳዉሎሳ አሀና ማላ አዛዝና አሄድኖ።
ACT 25:24 ፕስጾስ ሀዋዳን ያጌዳ፤ “ካትያ አግሪጳ፥ ሀዋን ኑናና ደእያ አሳ ኡባዉ፥ አይሁዳ አሳይ ኡባይ የሩሳላመንካ ሀዋንካ ዋሲደ፥ ‘እ ሀዋፐ ስንꬃዉ ፓጻ ደአናዉ በሰና’ ያጊደ፥ ታና ዎሴዳ ብታንያ ሀዋ በኢታ።
ACT 25:25 ሽን እ አይነ ሀይቃናዉ በስያዋ ኦꬄዳዋ ታን ደማበይከ፤ እ ባረ ሁጰዉ፥ ‘አዉግስጾሰ ቄሳረ ታባ ፕርዶ ያጋደ ኦቻድ’ ጌዳ ድራዉ፥ ቄሳራኮ አ የዳናዉ ታን ቆፓድ።
ACT 25:26 ታን አባ ታ ጎዳ አዉግስጾሰ ቄሳረዉ ጻፋናዉ ቱሙ የዉ ታዉ አይነ ባዋ፤ ሄዋ ድራዉ፥ እ ሎይꬅ ኦሸቶዋፐ ጉይያን፥ ታን ጻፍያባ ደማና ማላ፥ ህንተንቱ ስንꬃ፥ ካትያ አግሪጳ፥ ኡባ ነ ስንꬃ አ አሃድ።
ACT 25:27 አያዉ ጎፐ፥ ቃሸቴዳ ኡራ ኪትያ ዎደ፥ አ አያዉ ሞቴደንቶ፥ ኤርሰናን ጮኡ ግ ባሽያዌ ታዉ ኤያተꬃ ማላቴ” ያጌዳ።
ACT 26:1 አግሪጳይ ጳዉሎሳ፥ “ኔን ነባ ሃሳያናዉ ዳንዳያ” ያጌዳ። ሄ ዎደ ጳዉሎስ ባረ ኩሽያ ምጪደ ሀዋዳን ያግ ዛሬዳ።
ACT 26:2 “ካትያ አግሪጳ፥ አይሁዳቱዋ ዎጋነ ፓሉማ ኡባ ኔን ሎይꬃደ ኤርያ ድራዉ፥ ታና አይሁዳቱ ሞትያ የዉዋ ኡባ ሀቼ ታን ነ ስንꬃን ዛርያዎ ታ ካጫይ ዳርስ ሎአ ያጋደ ቆፓይ፤ ሄዋ ድራዉ፥ ኔን ታ ሃሳያ ሳለተናን ስሳና ማላ፥ ኔና ዎሳይ።
ACT 26:4 “ታን ናአተꬃፐ ዶማደ ታ አሳ ግዶንነ የሩሳላመን ደኤዳ ታ ደኡዋ አይሁዳ ኡባቱ ካሰፐ ዶሚደ ኤሪኖ።
ACT 26:5 ታን ኮይሮፐ ዶማደ፥ ኑ አማኑዋ ህግያ ኦፐነ ምንሲደ ናግያ ፓርሳዋቱዋ ባጋ ፓርሳዌ ግዳደ ደእያዋ፥ ኡንቱንቱ ማርካታናዉ ኮዮፐ ኤሪኖ።
ACT 26:6 ታን ሀእካ ጾሳይ ኑ አዋቶ እማና ጌዳዋ ናሸቻን ናግያ ድራዉ፥ ፕርደታናዉ ሀዋን ኤቃይ።
ACT 26:7 ቃይ ታማነ ላኡ ኑ አዎቱዋ ዛራቱ ጾሳዉ ቃማነ ጋላስ ኡባደ ምንስ ጎይኒደ፥ ጾሳይ እማና ጌዳዋ አካናዉ ናሸቻን ናጊኖ፤ ካትያ አግሪጳ፥ አይሁዳቱ ታና ሞትያዌ ታን ሄዋ ናሸቻን ናግያ ድራሳ።
ACT 26:8 አይሁዳቶ፥ ጾሳይ ሀይቄዳዋንታ ደንꬅያዋ አያዉ አማንክቴ?
ACT 26:9 “ታን ታ ሁጰዉካ ናዝሬትያ የሱሳ ኤቀታናዉ በሴ ጋደ ካሰ ቆፓድ።
ACT 26:10 ታን የሩሳላመን ኦꬄዳዌ ሀዋ፤ ቄሳቱዋ ካፓቱዋፐ ማታ አካደ፥ ጾሳ አሳቱዋፐ ጮራቱዋ ቃሽሳድ፤ ኡንቱንታ ዎꬍያ ዎደካ ኡንቱንቱ ሀይቂያዋ ዶሳድ።
ACT 26:11 አይሁዳ ዎሳ ጎለ ኡባን ዳሮ ዎደ ኡንቱንታ ሙራደ፥ ባረንቱ አማኑዋ ኡንቱንቱ አጋና ማላ ጎደታድ፤ ታን ዎጋይ ባይናዋ ኡንቱንቶ ሀንቀታደ፥ ሀራይ አቶ፥ ሀራ ጋድያ ካታማ ጋካናዉካ ኡንቱንታ መቶꬃይ።
ACT 26:12 “ታን ሀ የዎ ቄሳቱዋ ካፓቱዋፐ ማታነ አዛዙዋ አካደ ዳማስቆ ባድ።
ACT 26:13 ካተዉ፥ ታን ሴታ ጋላስ ኦግያን ደእሽን፥ አዋ ፖኡዋፐ ሎይꬅ አꬍያ ፖኡ ታናነ ታናና ቤዳዋንታ ዩይ አꬊደ፥ ሳሉዋፐ ፖእሽን በኣድ።
ACT 26:14 ኑን ኡባይ ሳኣን ኩንዴዳ ዎደ፥ እብራይስጸ ቃላን፥ ‘ሳኦላ፥ ሳኦላ፥ ታና አያዉ የደሳን መቶꬃይ? ኔን ታና እጹሳን ኔና ቆሃሳ’ ያጊደ ታዉ ኦድሽን ስሳድ።
ACT 26:15 “ያታደ፥ ‘ታ ጎዳዉ፥ ኔን ኦኔ?’ ያጋድ። “ጎዳይ፥ ‘ታን ኔን የደሳን መቶꬅያ የሱሳ።
ACT 26:16 ሽን ደንዳ ኤቃ፤ አያዉ ጎፐ፥ ሀቼ ኔን ታና ቤኤዳዋነ ታን ኔና ስንꬃፐ በሳናዋ ሀራንቶ ማርካታና ማላ፥ ታዉ ኦꬅያዋ ኡዳደ ኔና ሱንꬃናዉ ነዉ ቆንጫድ።
ACT 26:17 ኡንቱንቱ ታና አማንና፥ ኡንቱንቱ ናጋራይ አቶ ጌተታናዳን፥ ጾሳይ ዶሬዳ አሳ ግዶን ኡንቱንቱ ባረንቱ ደኢያሳ ደማናዳን፥ ቃይ ꬉማፐ ፖኡዋ ስማናዳንነ ጻላህያ ጎዳተꬃፐካ ጾሳኮ ስማናዳን፥ ኡንቱንቱ አይፍያ ኔን ዶያና ማላ፥ እስራኤልያ አሳፐነ ታን ኔና ኡንቱንቱኮ ኪትያ አይሁዳ ግደናዋንቱፐ ኔና አሻና’ ያጌዳ።
ACT 26:19 “ካትያ አግሪጳ፥ ሄዋ ድራዉ፥ ታዉ ሳሉዋፐ ቤቴዳ ሳጻዉ ታን አዛዘታናዋ እጻበይከ።
ACT 26:20 ሽን ታን ካሰታደ፥ ዳማስቆንነ የሩሳላመን ሄዋፐ ጉይያን፥ ይሁዳ ጋድያ ኡባን ደእያዋንቱስነ አይሁዳ ግደናዋንቶ ባረንቱ ናጋራፐ ስማና ማላ፥ ቃይ ናጋራፐ ስማናዉ በስያዋ ኦꬂደ፥ ጾሳኮ ስማና ማላ ቃላ ኦዳድ።
ACT 26:21 ሄዋ ድራዉ፥ አይሁዳቱ ታና ጌሻ ጎልያን ኦይቂደ ዎꬋናዉ ኮዬድኖ።
ACT 26:22 ሄዋ ድራዉ፥ ታን ጾሳ ማዱዋ አካደ፥ ዳሮነ ጉꬃዉ ሀቼ ጋካናዉካ ኤቃደ ማርካታይ። ናባቱነ ሙሴ፥ ‘ክርስቶስ መቶታናዉ በሴ፤ ቃይ ሀይቁዋፐ ኮይሮ ደንዲደ፥ አይሁዳቶነ አይሁዳ ግደናዋንቶ አቶተꬃ ፖኡዋ ኦዳናዉ በሴ’ ጌዳዋዳን፥ ታንካ ኡንቱንቱ ሃሳዬዳዋፐ ሀራ እትባነ ሃሳዬዳባይ ባዋ” ያጌዳ።
ACT 26:24 ጳዉሎስ ባረንቱባ ሀዋዳን ያጊደ ዛርሽን፥ ፕስጾስ ኮሻ ꬎቁ ኦꬂደ አ ሃሳያ ꬉባናዉ፥ “ጳዉሎሳ፥ ኔን ጎያ፤ ኔን ዳሪ ታማሬዳዌ ኔና ጎሻና ሀኔ” ያጌዳ።
ACT 26:25 ሽን ጳዉሎስ ሀዋዳን ያጌዳ፤ “ቦንቼቴዳ ፕስጾሳ፥ ታን ቱማተꬃን ሎኦ የዉዋነ ዎዛና ቆፋ ሃሳይያዋፐ አትን ጎይከ።
ACT 26:26 ታን ካትያ አግሪጳዉ ሀ የዉዋ ቆንጭያን ኦድያዋ እ ኤሬ፤ አያዉ ጎፐ፥ ሀ የዉ ጌማን ኦሰትቤና ድራዉ፥ ሀዋፐ እቱነ አፐ ጌመናዋ ታን ጌሻደ ኤራይ።
ACT 26:27 “ካትያ አግሪጳ፥ ኔን ናባቱ ጌዳዋ አማናይ? ኔን ኡንቱንቱ ጌዳዋ አማንያዋ ታን ኤራይ” ያጌዳ።
ACT 26:28 ካትያ አግሪጳይ ጳዉሎሳ፥ “ሀእ ሀ ቃንꬃ ዎዳትንካ ታና አማንꬃናዉ ኮያይ?” ያጌዳ።
ACT 26:29 ሄዋፐ ጉየ ጳዉሎስ፥ “ዳሮ ዎደ ግድና፥ ጉꬃ ዎደ ግድና፥ ነ ጻላላ ግዳካ፤ ሽን ሀቼ ታን ኦድያዋ ስስያ ኡባይ ቃይ ታዋዳን ቃሸቶፕኖ አትን፥ ታ ማላ ግዳናዳን ጾሳ ዎሳይ” ያጌዳ።
ACT 26:30 ሄዋፐ ጉይያን ካቲ፥ ሞድያ ፕስጾሰ፥ ባርኒቀነ፥ ኡንቱንቱና ደእያ ኡባይ ደንድ፥
ACT 26:31 እት ባጋ ስሚደ፥ እቱ እቱዋና፥ “ሀ ብታኒ ሀይቁሳይ አቶ ሽን፥ ቃሹዋስካ በስያባ ኦꬅቤና” ያግ ሃሳዬድኖ።
ACT 26:32 አግሪጳይ ፕስጾሳ፥ “ሀ ብታኒ፥ ‘ቄሳሪ ታባ ፕርዶ’ ግቤነንቶ፥ ብለታናዉ ዳንዳዬ ሽን” ያጌዳ።
ACT 27:1 ኑን ማርካብያን ጻልያ ባናዉ ቆፕ ኡቴዳ ዎደ፥ ጳዉሎሳነ ሀራ አማሬዳ ቃሸቴዳ አሳቱዋ አዉግስጾሳ ዎታዳራቱዋ ግያዋንቱፐ እት ዩልዮሳ ግያ ጼታቱዋ ካፖ አꬂደ እሜድኖ።
ACT 27:2 ኢስያ ጋጻን ደእያ ጋዳቱዋ ብያ አድራምጽዮና ማርካብያን ገሊደ ቤዶ፤ ማቅዶንያ አሳ ግድያ ተሰሎንቀ አርስጽሮኮስ ኑናና ደኤ።
ACT 27:3 ዎንትሳ ጋላስ ኑን ሲዶና ጋክሽን፥ ዩልዮስ ጳዉሎሳዉ ዳሮፐ አ፥ “ነ ዳባቱ ኔና ኮሽያባ ማዳና ማላ፥ ኔን ኡንቱንቱኮ ባናዉ ዳንዳያ” ያጌዳ።
ACT 27:4 ሄዋፐ ደንዲደ፥ ስንꬃና ኑ ቦላ ጫርክያ ድራዉ፥ ቆጲሮሳ ሃꬃን ዶደቴዳ ሳኣን ጫርከና ባጋ ቤዶ።
ACT 27:5 ክልቂያ ማታንነ ጵንፍልያ ማታን ደእያ አባ ፕኒደ፥ ልቅያን ደእያ ሙራ ጋኬዶ።
ACT 27:6 ሄዋን ጼታቱዋ ካፑ ጻልያ ብያ እስክንድርያ ማርካብያ ደሚደ፥ አን ኑና ገልሴዳ።
ACT 27:7 ኑን ጮራ ዎድያ ሎዳን ቢደ፥ ዳሮ መቱዋን ቀንዶሳ ካታማ ጋኬዶ፤ ሄዋና ባናዉ ኑና ጫርኩ ድግና ሳልሞናና አꬊደ፥ ሃꬃን ዶደቴዳ ቃርጼሳን ጫርኩዋፐ ተኤቲደ ቤዶ።
ACT 27:8 ቃይካ ዳሮ መቱዋን ጋጻና ጋጻና አꬊደ፥ ላስያ ካታማ ማታን ደእያ አባ ዶናን ማርካቢ ዎፑ ጊደ ሸምፕያ ሳ ጌተትያሳ ዬዶ።
ACT 27:9 ኑን ሄዋን ጮራ ዎድያ ጋምኤዳዋፐ ጉይያን፥ ጾማይ ብለት ድጌዳ ድራዉ፥ ማርካብያን ብያዌካ ህርግሽን ጳዉሎስ ኡንቱንታ ዞሪደ፥
ACT 27:10 “አሳዉ፥ ኑ ቡሳን ዎልቃማ ቦሻይነ ዳሮ ባሻይ ደአናዌ ታዉ ቤቴ፤ ባሻይ ይያዌ ጫና ቦላነ ማርካብያ ቦላ ጻላላን ግደና፤ ኑ ሸምፑዋ ቦላካ ያናዋ” ያጌዳ።
ACT 27:11 ሽን ጼታቱዋ ካፑ ጳዉሎስ ጌዳዋፐ አꬂደ፥ ማርካብያን ደእያዋንታ አዛዝያዌነ ማርካብያ ጎዳይ ግያዋ አማኔ።
ACT 27:12 ሄ አባ ማታ ካታማይ ባልጉዋ ሻጫናዉ ኡንቱንቶ ሚከና ካታማ፤ ሄዋ ድራዉ፥ ጮራ አሳቱ ባረንቶ ዳንዳየቶፐ፥ ፕንቀ ግያ ካታማ ጋኪደ፥ ባልጉዋ ያን ሻጫና ማላ፥ ያፐ ደንዳናዉ ዞረቴድኖ፤ ፕንቀን ደእያ ማርካቢ ሸምፕያ ሚኮ ሳአይ ዶየቴዳዌ፥ አዋይ ዉልያሳፐነ ኡሸቻ ባጋፐ ግዱዋን፥ ቃይ ዉልያሳፐነ ሀድርሳፐ ግዱዋና።
ACT 27:13 አዋይ ከስያሳ ጼልያ ዎደ ኡሸቻ ዱገሃ ባጋ ጫርኩ ሎዳን ጫርኬዳ ዎደ፥ ባረንቱ ቆፔዳዋዳን ሀኔዳዋ ኡንቱንቶ ማላትና ደንዴድኖ፤ ማርካቢ ቤና ማላ ኦይቂያ ብራታ ፑደ ዳፊደ፥ ቃርጼሳ ማታቲደ፥ ላንቂያና አꬌድኖ።
ACT 27:14 ሽን ዳሪ ጋምኤናን፥ “አዉራቂስ” ግያ ዳሮ ዎልቃማ ጎቱ ሃꬃ ግዶን ደእያ ሳኣፐ ዱገ ኡንቱንቱ ቦላ ደንዴዳ።
ACT 27:15 ሄ ጎቱ ማርካብያ ደቺደ አናን ድግና፥ ባናዉ ኑዉ ዳንዳየተናን እጼዳ ድራዉ፥ ማርካብያ እ አፍያሳ አጊደ ቤዶ።
ACT 27:16 ኑን ቄዳ ግያ ሃꬃን ዶደቴዳ ጫርኩዋፐ ጌሜዳ ሳና አꬍያ ዎደ፥ ዳርስ መቶቲደ ማርካብያ ዎንግርያን ናግ አሻናዉ ዳንዳዬዶ።
ACT 27:17 ኡንቱንቱ ዎንግርያ ፑደ ከሴዳዋፐ ጉይያን፥ ጋድያን ማርካብያ ጻጺደ፥ ምንስ ቃቼድኖ፤ ስርጽሳ ግያ ሻፊ ኩሜዳ ሳን ባረንታ ኩንድሳነንቶነ ጊደ ህርጊደ፥ ማርካብያ አፍያ ሻራ ዎꬂደ፥ ጫርኩዋን ማርካብያ ጮ የድ አጌድኖ።
ACT 27:18 ጎቱ ዎልቃሚደ ኑ ቦላን ዎልቃሜዳ ድራዉ፥ ዎንትሳ ጋላስ ጫናፐ አባን ኦሉዋ ዶሜድኖ።
ACT 27:19 ሄዘንꬅያ ጋላስካ ማርካብያን ደእያ ሚሻ ኡንቱንቱ ባረንቱ ኩሽያን ኦሌድኖ።
ACT 27:20 ኑን ዳሮ ዎድያ አዋነ ጾልንትያ በኤናን፥ ዎልቃማ ኡሹ ኑ ቦላ ቡክሽን፥ ስንꬃፐ ꬋየናን አቶኮ ጊደ ቆፔዶ።
ACT 27:21 ኡንቱንቱ ዳሮ ዎድያ ቁማ ሜናን ጋምኤዳዋፐ ጉይያን፥ ጳዉሎስ ሄ ዎደ ኡንቱንቱ ግዶን ደንድ ኤቂደ፥ ሀዋዳን ያጌዳ፤ “አሳዉ፥ ህንተንቱ ታ ዞርያ አኬደንቶነ ቃርጼሳፐ ደንደናን አቴደንቶ፥ ሀዋ ማላ ባየꬃይነ ቆሁ ኑና ጋከና።
ACT 27:22 ሽን ሀእካ ታን ህንተንታ ያዮፕተ ጋደ ዞራይ፤ አያዉ ጎፐ፥ ሀ ማርካቢ ባያናፐ አትን፥ ህንተንቱፐ እት ኡራ ሸምፑካ ባየና።
ACT 27:23 አያዉ ጎፐ፥ ጾሳ ኪታንቻይ፥ ታና ሞዴዳ ታን ጎይንያ ጾሳዌ፥ ዝኖ ቃማ ታ ማታን ኤቂደ፥
ACT 27:24 ‘ጳዉሎሳ፥ ያዮፓ፤ ኔን ሮመ ጋድያ ካትያ ቄሳራ ስንꬃን ኤቃናዉ በሴ፤ በአ፥ ጾሳይ ባረ ኬካተꬃን ኔናና ብያ አሳ ኡባ ሸምፑዋ አሻና’ ያጌዳ።
ACT 27:25 ሄዋ ድራዉ አሳዉ፥ ያዮፕተ። አያዉ ጎፐ፥ ሄ ኪታንቻይ ታዉ ኦዴዳዋዳን ሀናናዋ ታን ጾሳ አማናይ፤
ACT 27:26 ሽን ጫርኩ ኑና እት ሃꬃን ዶደቴዳ ሳኣን አባ ዶናን ዶምእሳና” ያጌዳ።
ACT 27:27 ታማነ ኦይደንꬆ ጋላስ ሜድትራንያ አባን ኑና ጫርኩ ያነ ሃነ ሱግሽን፥ ማርካብያን ኦꬅያዋንቶ ቃማ ብላሂ ቢታኮ ማቴዳዋ ማላቴዳ።
ACT 27:28 ኡንቱንቱ ልክያ ጋድያ ጼራን ዴጽያባ ቃቺደ፥ ሃꬃን የግና፥ ሃꬃይ ኦይታሙ ምትርያ ጪማቴዳዋ ኤሬድኖ። ጉꬃ ጋምኢደ፥ ላኤንꬁዋ የጊደ፥ ሀታሙ ምትርያ ጪማቴዳዋ ኤሬድኖ።
ACT 27:29 ኡንቱንቱ ሹቻትያሳን ኩንደና ማላ ያዪደ፥ ማርካቢ ቤና ማላ ኦይቂያ ኦይዱ ብራታ ማርካብያፐ ጉየና አባን የጊደ፥ ሳአይ ዎንታና ማላ፥ ባረንቱ ጾሳቱዋ ዎሲኖ።
ACT 27:30 ማርካብያን ኦꬅያዋንቱ ማርካብያፐ ክቻናዉ ኮዪደ፥ ማርካቢ ቤና ማላ ኦይቂያ አማሬዳ ብራታቱዋ ማርካብያፐ ስንꬃ ባጋና አባን የግያዋ ማላቲደ፥ ዎንግርያ አባን ዎꬄዳ ዎደ፥
ACT 27:31 ጳዉሎስ ጼታቱዋ ካፑዋነ ዎታዳራቱዋ፥ “ሀዋንቱ ማርካብያ ግዶን ደአና ꬋዮፐ፥ ህንተንቱ አታናዉ ዳንዳይክታ” ያጌዳ።
ACT 27:32 ሄዋፐ ጉይያን፥ ዎታዳራቱ ዎንግሪ ቃሸቴዳ ጋድያ ቃንጺደ፥ የድ አጌድኖ።
ACT 27:33 ሳአይ ዎንታና ሀንሽን፥ ጳዉሎስ ኡባይ ቁማ ማና ማላ፥ ሀዋዳን ያጊደ ዎሴዳ፤ “ህንተንቱ ሀቼና ታማነ ኦይዱ ጋላሳ ናጌድታ፤ ቃይ ሄ ኡባንካ ቁማ ምበይክታ።
ACT 27:34 ሄዋ ድራዉ፥ ጉꬃ ቁማ ህንተንቱ ማና ማላ፥ ታን ህንተንታ ዎሳይ፤ አያዉ ጎፐ፥ ህንተንቱ ፓጻ ደአናዉ ጉꬃ ቁማ ማና ኮሼ፤ ሀራይ አቶ ህንተንቱ ሁጲያ ብናናፐ እቱካ ባየና” ያጌዳ።
ACT 27:35 ጳዉሎስ ሀዋ ጊደ፥ ኡክꬃ አኪደ፥ ኡባ ስንꬃን ጾሳ ጋላቴዳ፤ መንꬅ ሙሳ ዶሜዳ።
ACT 27:36 ሄዋፐ ጉይያን ኡባይ ሎይꬅ፥ ባረንቶ ቃይ ቁማ ሜድኖ።
ACT 27:37 ኑን ማርካብያን ደእያዋንቱ ላኡ ጼታነ ላፑን ታማነ ኡሱፑና።
ACT 27:38 ኡንቱንቱ ሚደ ካሌዳ ዎደ፥ ጫና ዛርጋ አባን ኦሊደ ማርካብያ ዴጹዋ ካዉሽሴድኖ።
ACT 27:39 ሳአይ ዎንቴዳ ዎደ፥ ማርካብያን ኦꬅያዋንቱ ጋድያ ኤርበይክኖ፤ ሽን ሃꬃይ ጎጊደ አባን ገሌዳሳ ምይያን ደእያ ሻፍያ አኬካን ጼሌድኖ። ባረንቶ ዳንዳየትንቶ፥ ማርካብያ ሄ ሻፍያኮ ላጋናዉ ባረንቱ ቆፋ ቃቼድኖ።
ACT 27:40 ያቲደ ማርካቢ ቤና ማላ ኦይቂያ ብራታቱዋ ብሊደ፥ አባ ግዶ የጌድኖ፤ ሄ ዎደ፥ ማርካብያ ኮዬዳሳ ዛሪደ ላግያ ምꬃ ቃቼዳ ጋድያ ብሌድኖ፤ ሄዋፐ ጉይያን፥ ጫርኩ ማርካብያ ስንꬃዉ ሱጋና ማላ፥ ማርካብያ አፍያ ሻራ ስንꬃ ባጋና ꬎቁ ኦꬂደ፥ ቡሳ ዶሜድኖ።
ACT 27:41 ሽን ማርካቢ ጪሙ ደኢያሳፐ አꬊደ ሃꬃን ዶደቴዳ ሳኣ ማታን ደእያ ደꬃሳን ዶምኤት ኤቄዳ፤ ማርካብያዉ ጉየ ባጋይ ቤታ ሱገꬃን መኤረትሽን፥ ስንꬃ ባጋይ ዱገ ꬍሸቲደ፥ ቃጸናን እጽ አጌዳ።
ACT 27:42 ዎታዳራቱ ቃሸቴዳ አሳፐ እቱነ ሃꬃ ዋꬊደ ከስ አክቤና ማላ፥ ኡንቱንታ ዎꬋናዉ ዞረቴድኖ።
ACT 27:43 ሽን ጼታቱዋ ካፑ ጳዉሎሳ አሻናዉ ኮዪደ፥ ዎታዳራቱዋ ማቁዋ እጼዳ፤ ሃꬃ ዋꬋ ኤርያ ኡባይ ማርካብያፐ ሃꬃን ጉፕ ጉፒደ ካሰቲደ ጋጻ ከሳና ማላ አዛዜዳ።
ACT 27:44 አቴዳዋንቱፐ አማሬዳዋንቱ ሳንቃን፥ አማሬዳዋንቱ ቃይ ማርካብያ መኡዋን ከሳና ማላ አዛዜዳ፤ ሄዋዳን ኡባቱካ ጋጻ ሳሮተꬃን ከሴድኖ።
ACT 28:1 ኑን ጋጻ ሳሮተꬃን ከሴዳ ዎደ፥ ሄ ሃꬃን ዶደቴዳ ሳአይ ማልታ ጌተትያዋ ኤሬዶ።
ACT 28:2 ሃꬃን ዶደቴዳ ሳኣን ደእያ አሳቱ ኑዉ ዳሮ ኬካተꬃ ኬኬድኖ፤ እራይ ቡካናዉ ዶሜዳ ድራዉነ ሜጉዋ ድራዉ፥ ታማ ኤꬂደ፥ ኑና ኡባ ሞኬድኖ።
ACT 28:3 ጳዉሎስ ዳሮ ቃይጼርያ ምꬃ ምጺደ ታማን የግሽን፥ ማርዛማ ሾሻይ ሴላ ድራዉ ከሲደ፥ አ ኩሽያን ጻጸቲደ፥ አ ዱኬዳ።
ACT 28:4 ሃꬃን ዶደቴዳ ሳኣን ደእያ አሳቱ ቅርጫንትያ ሾሻይ ጳዉሎሳ ኩሽያን ጻጸቴዳዋ በኤዳ ዎደ እቱ እቶ፥ “ቱሙ ሀ ብታኒ ሸምፑዋ ዎꬍያ አሳ፤ ሀራይ አቶ አባፐ እ አትናካ ኑ ጾሳ ፕርዳይ አ ፓጻ ደኦ ግቤና” ያጌድኖ።
ACT 28:5 ሽን ጳዉሎስ ባረ ኩሽያፐ ቅርጫንትያ ሾሻ ዉጻኪደ፥ ታማን ኦሌዳ፤ አ አይነ ኦꬅቤና።
ACT 28:6 ኡንቱንቱ፥ “አ ቦላይካ ጋፌ፤ ዎይ አኬከናን ኩንዲደ ሀዬ” ያጊደ አ ናጊኖ፤ ሽን ጮራ ዎድያ ናጊደ፥ አ ቦላን አይነ ዱማቴዳባይ ꬋይና፥ “ሀዌ ጾሳ” ያጊደ ባረንቱ ቆፋ ባሽ አጌድኖ።
ACT 28:7 ሄዋ ሄራን ሃꬃን ዶደት ኡቴዳ ሳኣ ካፑዋ ፑፕልዮሳ ግያዎ ጋዲ ደኤ፤ እ ኑና እማꬃተꬃ፥ ሄዙ ጋላሳ ሲቁዋን ሞክ ሞይዜዳ።
ACT 28:8 ፑፕልዮሳ አቡ ቆጹዋ፥ ሴላነ ኡሉዋ ካꬋ ሳከት ግሲደ ደኤ፤ ጳዉሎስ አ ሶይ ገሊደ፥ አዉ ጾሳ ዎሴዳ፤ ባረ ኩሽያ አ ቦላ ዎꬂደ፥ አ ፓꬄዳ።
ACT 28:9 ሄዋፐ ጉይያን፥ ሄ ሃꬃን ዶደቴዳ ሳኣን ሀርግያ ሀራ ኡባ አሳይካ ቃይ ዪደ ፓጼዳ።
ACT 28:10 ሄዋፐ ስምና ኑና ዳሮ ቦንቹዋ ቦንቼድኖ፤ ኑን ማርካብያን ባናዉ ደንዴዳ ዎደ፥ ኦገዉ ኑና ኮሽያባ ኑዉ እሜድኖ።
ACT 28:11 ሄዙ አገናፐ ጉይያን፥ ሃꬃን ዶደቴዳ ሳኣን ባልጉዋ አꬂደ፥ “ማንተ ጾሳ” ግያ እስክንድርያ ማርካብያን ባናዉ ደንዴዶ።
ACT 28:12 ኑን ስራኩሰ ግያ ካታማ ገሊደ፥ ያን ሄዙ ጋላሳ ኡቴዶ።
ACT 28:13 ሄዋፐ ዩዪደ፥ ረጊዩመ ግያ ካታማ ጋኬዶ። እት ጋላሳፐ ጉይያን፥ አዋይ ከስያሳ ጼልያ ዎደ ኡሸቻ ዱገሃ ባጋ ጫርኩ ጫርክና፥ ዎንትሳ ጋላስ ፑትያሉሳ ግያ ካታማ ዬዶ።
ACT 28:14 ሄዋን ኑን እት እት አማንያዋንታ ደምና፥ ባረንቱና ላፑ ጋላሳ ኡታና ማላ፥ ኑና ዎሴድኖ፤ ሄዋፐ ቃይ ሮመ ዬዶ።
ACT 28:15 ሮመን ደእያ አማንያዋንቱ ኑባ ስሲደ፥ አፍያሳ ገያነ “ሄዙ አቅያሳ ጌተትያሳ” ጋካናዉ ኑና ሞካናዉ ዬድኖ፤ ጳዉሎስ ኡንቱንታ በኤዳ ዎደ ጾሳ ጋላቲደ፥ ዎዛናን ምንሴዳ።
ACT 28:16 ኑን ሮመ ገሌዳ ዎደ፥ ጳዉሎስ ባረና ናግያ ዎታዳራና ባረካ ደአናዳን ኦሰቴዳ።
ACT 28:17 ሄዙ ጋላሳፐ ጉይያን፥ ጳዉሎስ አይሁዳቱዋ ካፓቱዋ ባረኮ ጼሴዳ፤ ኡንቱንቱ ሺቄዳ ዎደ፥ ኡንቱንታ ሀዋዳን ያጌዳ፤ “ታናዳን አማንያዋንቶ፥ ታን ኑ አሳ ዎይ ኑ አዎቱዋ ዎጋ ኢታባ አይነ ኦናን፥ ታና የሩሳላመን ቃቺደ፥ ሮመ አሳዉ አꬂደ እሜድኖ።
ACT 28:18 ኡንቱንቱ ታና ብዴዳዋፐ ጉየ፥ ሀይቃናዉ በስያባይ ታ ቦላ አይነ ባይና ድራዉ፥ ታና ብላናዉ ኮዬድኖ።
ACT 28:19 ሽን ሄዋ አይሁዳቱ ኤኖ ጌናን እጼዳ ዎደ፥ ‘ታባ ቄሳረ ፕርዶ’ ጋናዌ ታና ኮሼዳፐ አትን፥ ታን ታ ዛርያ ሞትያባይ ታዉ ደእና ግደና።
ACT 28:20 ታን ህንተንቱና ጋከታናዉነ ሃሳያናዉ ህንተንታ ጼሴዳዌ ሄዋሳ፤ አያዉ ጎፐ፥ እስራኤልያ አሳይ ናሸቻን ናግያዋ ድራዉ ታን ሀ ሳንꬃላታን ቃሸታድ” ያጌዳ።
ACT 28:21 አይሁዳ ጭማቱ ጳዉሎሳ፥ “ኑን ይሁዳፐ ነባዉ ዳብዳቢያ አክበይኮ። ኑ እሻቱዋፐካ ሀራይ አቶ፥ እቱካ ዪደ፥ ነባ ኦድቤና፤ ዎይ ነ ሱንꬃ ባይዚደ፥ ኑዉ ኦድቤና።
ACT 28:22 ሽን ሄ አሳ ሱንꬃ ኡባ ሳን አሳይ ባይዚደ ሃሳይያዋ ኑን ኤርያ ድራዉ፥ ነ ቆፋ ስሳናዉ ኮዬቶ” ያጌድኖ።
ACT 28:23 ኡንቱንቱ ባረንቱ ያና ጋላሳ ጳዉሎሳዉ ኬሪደ፥ ሄ ጋላስ ጮሪደ እ ደኢያሳ ዬድኖ፤ እካ ኡንቱንቶ ጾሳ ካዉተꬃባ ማርካቴዳ። ቃይ ኡንቱንቱ የሱሳባ አማናና ማላ፥ ሙሴ ህግያፐነ ናባቱ ጻፌዳዋፐ አኪደ ኡንቱንታ ታማርሲደ፥ ዎንታፐ ኦማርስ ጋካናዉ ሎይꬅ ኦዴዳ።
ACT 28:24 ባጋቱ ጳዉሎስ ጌዳዋ አማኔድኖ፤ ሽን ባጋቱ አማንበይክኖ።
ACT 28:25 ኡንቱንቱ ባረንቱ ግዶን የዉዋ ኤኖ ጌናን እጼዳ ዎደ፥ ጳዉሎስ እትባ ጌዳዋፐ ጉይያን ቤድኖ፤ እ ሀዋዳን ያጌዳ፤ “ጌሻ አያናይ ኑ አዋቶ ናብያ ኢስያሳ ማጻፋን፥
ACT 28:26 “ ‘ኔን ሄ አሳኮ ባደ ሀዋዳን ጋ፤ “ህንተንቱ ስሳ ስሳና፥ ሽን ህንተንቶ ገለና፤ ህንተንቱ ጼላ ጼላና፥ ሽን በእክታ።
ACT 28:27 አያዉ ጎፐ፥ ሀ አሳ ዎዛናይ ጉዙሜዳ፤ ባረንቱ ሀይꬃ ቱልሴድኖ፤ ባረንቱ አይፍያካ ጪሉሜድኖ። ሄዌ ባዌንቶ፥ ባረንቱ አይፍያን በአና፤ ኡንቱንቱ ሀይꬃይካ ስሳና፤ ኡንቱንቱ ዎዛናይካ አኬካና፤ ኡንቱንቱ ታኮ ጾሳኮ ስማና። ቃይ ታንካ ኡንቱንታ ፓꬃና” ያጋ’ ያጌዳ።
ACT 28:28 “ስም ሀዌ ጾሳ አቶተꬃይ፥ አይሁዳ ግደናዋንቶ ኪተቴዳዌ ህንተንቶ ኤረቶ። ቃይ ኡንቱንቱካ ስሳና” ያጌዳ።
ACT 28:29 [ጳዉሎስ ሄዋ ጌዳዋፐ ጉይያን፥ አይሁዳቱ ባረንቱ ግዶን ዳሮ ፓሉመቲደ ቤድኖ።]
ACT 28:30 ጳዉሎስ ክራ ጎልያን ላኡ ላይꬃ ኩመንꬃ ደኢደ፥ ባረኮ ይያ ኡባ ሞኬ።
ACT 28:31 ባረና ኦንነ ድገናን ጾሳ ካዉተꬃባነ ጎዳ የሱስ ክርስቶሳባ ኦዲደ፥ ያየናን ዳሪ ቆንጭሲደ ታማርሴዳ።
ROM 1:1 ባረ ምሽራቹዋ ቃላ ኦዳናዉ ጾሳይ ዶሪደ ጼሴዳ ክርስቶሳ የሱሳ ቆማይ፥ የሱስ ክርስቶስ ኪቴዳ ጳዉሎስ፥ ታን ሀ ዳብዳቢያ ጻፋይ።
ROM 1:2 ጾሳይ ዳሮ ዎደፐ ካሰ ባረ ናባቱዋ ባጋና ምሽራቹዋ ቃላ እማና ያጌዳዌ ጾሳ ጌሻ ማጻፋቱዋን ጻፈቴዳ፤
ROM 1:3 ሄ ምሽራቹዋ ቃላይ አሳ ግዲደ ዳዊተ ዛርያፐ የለቴዳ ጾሳ ናኣ፥ ኑ ጎዳ የሱስ ክርስቶሳባ።
ROM 1:4 ቃይ እ ባረ ጌሻ አያናን ሀይቁዋፐ ደንዴዳዋን፥ ጾሳ ናኣ ግድያዋ ዎልቃማ ዎልቃን በሴዳ።
ROM 1:5 አይሁዳ ግደና አሳይ ኡባይ አማናናዳንነ አዛዘታናዳን፥ ኑን ኡንቱንታ ካለꬃና ማላ፥ ጾሳይ ክርስቶሳ ሱንꬃ ድራዉ፥ ክርስቶሳ ባጋና አꬎ ኬካተꬃነ የሱስ ኪቴዳዋንታ ግድያ ማታ ኑዉ እሜዳ።
ROM 1:6 የሱስ ክርስቶሳዋ ግዳናዳን፥ ጾሳይ ጼሴዳ ህንተንቱካ ሄዋንቱ ግዶን ደኢታ።
ROM 1:7 ጾሳይ ሲቅያዋንቶነ ጌሻባ ኦꬃናዉ ጼሴዳ ሮመ ጋድያን ደእያ ኡባቶ ጾሳ ኑ አዉዋፐነ ጎዳ የሱስ ክርስቶሳፐ አꬎ ኬካተꬃይነ ሳሮተꬃይ ህንተንቶ ግዶ።
ROM 1:8 ካሰታደ ታን ህንተንቱ አማኑ ሳኣ ኡባን ስሰቴዳ ድራዉ፥ የሱስ ክርስቶሳ ባጋና ህንተንቶ ታን ጾሳ ጋላታይ።
ROM 1:9 አያዉ ጎፐ፥ ታን ኡባ ዎደ ታ ዎሳን ህንተንታ ሀሳይስያዎ፥ ጾሳይ፥ ታን አ ናኣ ምሽራቹዋ ቃላ ኦድያዋን ታ አያናን አዉ ኦꬅያዌ ማርካ። ጾሳይ፥ ባረ ሸንያን፥ ታን ሀእ ህንተንቱኮ ባናዉ ታ ኦግያ ሚኮያናዳን፥ ኡባ ዎደ ዎሳይ።
ROM 1:11 አያዉ ጎፐ፥ ታን ህንተንታ ምንሳናዉ፥ ህንተንቱና እትፐ አያና እሞታ ሻካና ማላ፥ ህንተንታ በአናዉ ላሞታይ።
ROM 1:12 ታን ግያዌ፥ ህንተንቱካ ታካ እት ዎደ ምነታና። ህንተንቱ ታ አማኑዋን፥ ቃይ ታንካ ህንተ አማኑዋን ምነታና።
ROM 1:13 ታናዳን አማንያዋንቶ፥ ታን ኡባ ዎደ ህንተንቱኮ ባናዉ ቆፓድ። ሽን ታና ድግያባይ ደእያዋ ህንተ ኤራናዉ በሴ፤ ታን ሀራይ አቶ አይሁዳ ግደና ሀራ አሳፐካ አይፍያ ደሜዳዋዳን፥ ህንተንቱፐካ አይፍያ ደማናዉ ኮያይ።
ROM 1:14 ታን አሳ ኡባዉ፥ ግሪከ አሳዉነ ታማርቤና አሳዉ ቃይ አꬎ ኤራንቻቶነ ኤያቶ ቃንጻና አጩ ደኤ።
ROM 1:15 ሄዋ ድራዉ፥ ታዉ ዳንዳየቴዳ ኬናን ሮመን ደእያ ህንተንቶካ ምሽራቹዋ ቃላ ኦዳናዉ አሞታይ።
ROM 1:16 ምሽራቹዋ ቃላይ ታና ዬላየና፤ እ አማንያ ኡባ፥ ካሰቲደ አይሁዳ አሳ ቃይ አይሁዳ ግደና አሳ አሻናዉ ጾሳፐ ይያ ዎልቃ።
ROM 1:17 አያዉ ጎፐ፥ ጾሳ ማጻፋይ፥ “ጽሉ ጾሳን አማነቲደ ደአና” ያግያዋዳን፥ ጾሳይ አሳ ኮይሮፐ ዉርሰꬃ ጋካናዉ፥ አማኑዋን ጽልስያዋ ምሽራቹዋ ቃላይ ቆንጭሴ።
ROM 1:18 ቱማተꬃይ ኤረታናዋ ባረንቱ ኢታ ሀኖታን ድግያ ናጋራ ኦሱዋ ኡባ ቦላንነ አሳ ኢታ ኦሱዋ ኡባ ቦላን፥ ጾሳ ሀንቁ ሳሉዋፐ ዎꬊደ ቆንጫና።
ROM 1:19 ኡንቱንቱ ጾሳባ ኤራና ዳንዳይያዌ ኡንቱንቶ ቆንጬ፤ አያዉ ጎፐ፥ ጾሳይ ኡንቱንቶ ቆንጭሴዳ።
ROM 1:20 ቤተና አ ሀኖታይ፥ ሄዌካ አ መꬍና ዎልቃይነ አ ጾሳተꬃይ እትፐ ጾሳይ ሀ አላምያ መꬌዳዋፐ ዶሚደ፥ ኡንቱንቶ ቆንጪደ ቤቴዳ፤ ኡንቱንቱ ሄዋ ጾሳይ መꬌዳባፐ በአናዉ ዳንዳይያ ድራዉ፥ ኡንቱንቶ ጋሶይያባይ ባዋ።
ROM 1:21 አያዉ ጎፐ፥ ኡንቱንቱ ጾሳ ኤሮፐካ፥ አዉ በስያ ቦንቹዋ እምበይክኖ፤ ቃይ አ ጋላትክኖ። ሽን ኡንቱንቱ አላለ ከሰናባ ቆፒኖ፤ ቃይ ኡንቱንቱ አኬከና ዎዛናይ ꬉሜዳ።
ROM 1:22 ኡንቱንቱ ባረንታ አꬌዳ ኤራንቻ ጊኖ፤ ሽን ኡንቱንቱ ኤያ።
ROM 1:23 ኡንቱንቱ ሀይቀና ጾሳዉ ጎይንያዋ እጺደ፥ ሀይቂያ አሳ መታ፥ ካፋቱዋ መታ፥ ዶአቱዋ መታነ ትራን ጎሸትያዋንቱ መታ መቴዳዋንቶ ጎይኔድኖ።
ROM 1:24 ሄዋ ድራዉ፥ ኡንቱንቱ እቱ እቱዋና ፖኮባ ኦꬃና ማላ፥ ጾሳይ ኡንቱንቱ ዎዛናይ አሞትያ ቱናባ ኦꬃናዳን ኡንቱንታ አጌዳ።
ROM 1:25 አያዉ ጎፐ፥ ኡንቱንቱ ጾሳ ቱማተꬃ ዎርዱዋን ላሜድኖ፤ ቃይ መꬌዳ ጾሳ አጊደ፥ እ መꬌዳባዉ ጎይኔድኖነ ኦꬄድኖ። ጾሳይ መꬍናዉ ጋላተቴዳዋ። አመንእ።
ROM 1:26 ሄዋ ድራዉ፥ ጾሳይ ኡንቱንቱ ፖኮባ አሞታና ማላ፥ ኡንቱንታ አጌዳ፤ ሀራይ አቶ ኡንቱንቱ ማጫዋንቱ ባረንቶ በስያዋ አጊደ፥ በሰናዋ ሀኔድኖ።
ROM 1:27 ሀዋዳንካ፥ አቱማ አሳይ ቃይ ባረንቶ በስያዋዳን ማጫዋንቱና ጋከትያዋ አጊደ፥ እቱ እቱዋና ጋከታናዉ ኮዬድኖ፤ አቱማ አሳይ እቱ እቱዋና ፖኮባ ኦꬂደ፥ ባረንቱ ኦꬄዳ ባላን ባረንቶ በስያ ፕርዳ አኬድኖ።
ROM 1:28 ኡንቱንቱ ጾሳ ኤራናዉ ዶሰናን እጼዳዋ ኬና ጾሳይ ኡንቱንቱ በሰናዋ ኦꬃና ማላ፥ ኡንቱንቶ ፓና ቆፋ እሜዳ።
ROM 1:29 ኡንቱንቱን ቱናተꬃይ፥ ኢታተꬃይ፥ ዮራተꬃይነ ኢታ ሀኖታይ ኩሜዳ፤ ቃይ ኡንቱንቱን ቃናቲ፥ ሸምፑዋ ዎꬍያ ቆፋይ፥ ፓሉማይ፥ ጭሙሳይነ ኢታ ቆፋይ ኩሜዳ፤ ቃይ ኡንቱንቱ ሶቅያዋንታ፥
ROM 1:30 ዝግርያዋንታ፥ ጾሳ እጽያዋንታ፥ ቦርያዋንታ፥ ኦቶረትያዋንታ፥ ጬቀትያዋንታ፥ ኢታባ ኦꬃናዉ ኮይያዋንታነ ባረንቱ አዎነ አትዉ አዛዘተናዋንታ፥
ROM 1:31 ቆፋይ ባይናዋንታ፥ አማኑ ባይናዋንታ፥ ሀራንቶ ቃረተናዋንታነ ማረናዋንታ።
ROM 1:32 ኡንቱንቱ ሀዋንቱ ማላ ኦꬅያዋንቶ ሀይቁ በሴ ግያ ጾሳ ህግያ ኤሪደ፥ ሀዋንታ ኦꬂኖ፤ ሄዋ ጻላላ ግደናን፥ ሀዋንታ ኦꬅያዋንታካ ኦꬅተ ጊደ ምንሲኖ።
ROM 2:1 ሄዋ ድራዉ፥ ኔኖ ሀራንቱ ቦላ ፕርድያዎ፥ ነዉ ጋሶይያባይ ባዋ፤ አያዉ ጎፐ፥ ኔን ሀራንቱ ቦላ ፕርዳደ፥ ሄ ኔን ኡንቱንቱ ቦላ ፕርድያዋ ማላ ኦꬆፐ፥ ነ ቦላ ፕርዳሳ።
ROM 2:2 ኑን ሀዋ ማላ ኦሱዋ ኦꬅያዋንቱ ቦላ ጾሳይ ጽሎ ፕርዳ ፕርድያዋ ኤሬቶ።
ROM 2:3 ኔኖ፥ ሀዋ ማላ ኦሱዋ ኦꬅያዋንቱ ቦላ ፕርድያዎ፥ ቃይ ሄ ኔን ፕርድያዋ ማላ ኦꬅያዎ፥ ኔን ጾሳ ፕርዳፐ አትያዋ ማላቲ?
ROM 2:4 ዎይ ጾሳ ዎልቃማ ኬካተꬃ፥ ገንጩዋነ ዳንዳያ ካꬋይሻ? ጾሳይ ኔና ናጋራፐ ዛራናዉ ኮይያ ድራዉ፥ እ ኬካ ግድያዋ ኔን ኤራሳ።
ROM 2:5 ሽን ህንተንቶ ጉዙማ ዎዛናይነ ናጋራፐ ስመና ዎዛናይ ደኤ፤ ሄዋ ድራዉ፥ ጾሳ ሀንቁነ ጽሎ ፕርዳይ ቆንጭያ ጋላስ፥ ኔን ነ ቦላ ሀንቁዋ ካሰዋፐ ዳርሳሳ።
ROM 2:6 ጾሳይ አሳ ኡባዉ አ ኦሱዋ ማላ እማናዋ።
ROM 2:7 እት እት አሳቱ ሎኦባ ዳንዳያን ኦꬂኖ፤ ቃይ ጋላታ፥ ቦንቹዋነ ባየና ደኡዋ ኮዪኖ፤ ኡንቱንቶ ጾሳይ መꬍና ደኡዋ እማና።
ROM 2:8 ሽን ሀራንቱ ኢታባ ኦꬃናዉ ያረቲኖነ ቱማተꬃ እጺኖ፤ ጾሳይ ኡንቱንቱ ቦላ ባሻነ ሀንቁዋ የዳና።
ROM 2:9 ኢታባ ኦꬅያ አሳይ ኡባይ መቶታናነ ዋየታና፤ ሄዌ ካሰቲደ፥ አይሁዳ አሳ ጋካና፤ ሄዋፐ ቃይ አይሁዳ ግደና አሳ ጋካና።
ROM 2:10 ሽን ጾሳይ ሎኦ ኦሱዋ ኦꬅያ ኡባቶ ጋላታ፥ ቦንቹዋነ ሳሮተꬃ እማና። ካሰቲደ አይሁዳቶ እማና፤ ሄዋፐ ቃይ አይሁዳ ግደናዋንቶ እማና።
ROM 2:11 አያዉ ጎፐ፥ ጾሳ አይፍያን አሳይ ኡባይ እት ማላ።
ROM 2:12 ሙሴ ህጊ ባይናን ናጋራ ኦꬄዳ ኡባይ ህጊ ባይናን ꬋያና። ሙሴ ህጊ ደእሽን፥ ናጋራ ኦꬄዳ ኡባይ ህግያን ፕርደታና።
ROM 2:13 አያዉ ጎፐ፥ ጾሳ ስንꬃን ህግያ ናግያዋንቱ ጽሊኖፐ አትን፥ ህግያ ስስያዋንቱ ጽልክኖ።
ROM 2:14 አይሁዳ ግደና አሳዉ ህጊ ባዋ፤ ሽን ባረንቱ ትላ ቆፋን ህጊ አዛዝያዋ ኦꬂኖ፤ ኡንቱንቶ ህጊ ꬋዮፐካ፥ ኡንቱንቱ ባረንቱ ሁጰዉ ህገ።
ROM 2:15 ህጊ አዛዝያዌ ኡንቱንቱ ዎዛና ግዶን ጻፈቴዳዋ ኡንቱንቱ ሀኖታይ በሴ፤ እት እት ካላ ኡንቱንቱ ትላ ቆፋይ ኡንቱንቶ ማርካትያ ድራዉነ ቃይ እት እት ካላ ኡንቱንቱ ቆፋይ ኡንቱንታ ሞትያ ድራዉ፥ ዎይ ቃይ ኡንቱንቱና ጋዳትያ ድራዉ፥ ሄዌ ቱማ ግድያዋ ኤርሴ።
ROM 2:16 ታን ታማርሴዳ ምሽራቹዋ ቃላዳን፥ አሳ ዎዛናን ጌሜዳ ቆፋ ጾሳይ የሱስ ክርስቶሳ ባጋና ሀዋዳን ፕርዳና።
ROM 2:17 ሽን ኔን ኔና አይሁዳ ጋሳ፤ ህግያን ዘምፓደ ጾሳን ጬቀታሳ።
ROM 2:18 ኔን ኦꬃና ማላ፥ ጾሳይ ኮይያዌ አየንቶ ኤራ፤ ቃይ ቱማ ግድያዋ ዶራናዉ ህግያፐ ታማራዳ።
ROM 2:19 ኔን ቆቃቱዋ ካለꬅያዋ፥ ቃይ ꬉማን ደእያዋንቶካ ፖእስያዋ፥ ኤረናዋንታ ኤርስያዋነ ናናቱዋ ታማርስያዋ ግድያዋ ኤራድ፤ ህግያፐ ኔን ኩመንꬃ ኤራተꬃነ ቱማተꬃ ደምያዋ ኤራሳ።
ROM 2:21 ያትና፥ ኔን ሀራቱዋ ታማርስያዌ ኔና ነ ሁጰዉ አያዉ ታማርስኪ? ኔን፥ “ዉኦፓ” ያጋደ ቃላ ኦዳሳ። ሽን ኔን ነ ሁጰዉ ዉአይየ?
ROM 2:22 ኔን፥ “ዎሹሞፓ” ያጋ። ሽን ኔን ነ ሁጰዉ ዎሹማይ? ኔን ኤቃ ሸነታ። ሽን ኤቃይ ደእያ ጎልያ ቦንቃይ?
ROM 2:23 ጾሳ ህጊ ነዉ ደእያ ድራዉ፥ ኔን ጬቀታሳ፤ ሽን ሄ ህግያ መንꬃደ ጾሳ ዬላያይ?
ROM 2:24 አያዉ ጎፐ፥ ጾሳ ማጻፋይ፥ “አይሁዳ አሳቶ፥ ህንተ ጋሱዋን አይሁዳ ግደና አሳቱዋ ግዶን ጾሳ ሱንꬃይ ባዬ” ያጌ።
ROM 2:25 ኔን ህገዉ አዛዘቶፐ፥ ነ ቃጻራይ ማዱዋና ደኤ፤ ሽን ኔን ህግያ መንꬆፐ፥ ኔን ቃጻረቴዳዌ ቃጻረትቤናዋዳን ፓይደቴ።
ROM 2:26 አይሁዳ ግደና አሳይ ቃጻረተናን ህጊ አዛዝያዋ ናጎፐ፥ ጾሳይ አ ቃጻረቴዳዋዳን ፓይደኔ?
ROM 2:27 ህንተንቱ፥ አይሁዳ አሳቱ፥ ህንተንቶ ጻፈቴዳ ህጊ ደኦፐካ ቃይ ህንተ ቃጻረቶፐካ፥ ህግያ ህንተ መንꬅያ ድራዉ፥ አይሁዳ ግደና አሳይ ቦላ ቃጻረታና ꬋዮፐካ፥ ህገዉ አዛዘቲደ፥ ህንተ ቦላ ፕርዳና።
ROM 2:28 አያዉ ጎፐ፥ አይሁዳ አሳ ማላትያ ኡባይ ቱሙ አይሁዳ አሳ ግደና፤ ቃይ አሳይ ባረ አሹዋ አሳተꬃ ቃጻረቴዳ ድራዉ፥ ቱሙ አይሁዳ አሳ ግደና።
ROM 2:29 ሽን ቱሙ አይሁዳ አሳ ግያ ኡራይ ጋርሳ ባጋና አይሁዳ አሳ ግዴዳዋ፤ ቃጻረትያዋ ጾሳ አያናን ኦሰትያ ዎዛና ቃጻራፐ አትን፥ ጻፈቴዳ ህግያና ግደና፤ ሄ ኡራይ ባረ ጋላታ ጾሳፐ አክያዋፐ አትን፥ አሳፐ አክቤና።
ROM 3:1 ያትና፥ አይሁዳ አሳቱ አያን አይሁዳ ግደና አሳፐ አꬊኖ? ዎይ ቃጻረትያዋን አይ ማዱ ደኢ?
ROM 3:2 ሀዌ አይሁዳቱዋ ኡባባን ሎይꬅ ማዴ፤ ኡባባፐ ካሰ ጾሳይ ባረ ኪታ ሀዳራ አይሁዳቶ እሜዳ።
ROM 3:3 ያትና ኡንቱንቱፐ እቱ እቱ አማነተናዋ ግዶፐ፥ ዋኒ? ሄዋ ድራዉ፥ ጾሳይ አማነተና ያግያዌ?
ROM 3:4 ሄዋ ግደና፤ አሳይ ኡባይ ዎርዳንቻ ግዶፐካ፥ ጾሳይ ግያዌ ቱማ ግዳናዉ በሴ። ጾሳ ማጻፋይ፥ “ኔን ሃሳይያ ዎደ፥ ኔን ጽሎ ግድያዋ ኤርሳናዉ ኮሼ፤ ኔን ሞተትያ ዎደ፥ ሻትማናዉ በሴ” ያጌ።
ROM 3:5 ሽን ኑ ባይዙ ጾሳ ጽሎ ኦሱዋ ኤርስንቶ፥ ኑን ዋጋኔ? ኑ ቦላ ሀንቁዋ አህያ ጾሳይ ባይዛንቼ? ታን አሳይ ግያዋዳን ጋይ።
ROM 3:6 ሄዌ ዋዪ ሀናና። አያዉ ጎፐ፥ ሄዋዳን ግዶፐ፥ ጾሳይ ሀ አላምያ ቦላ ዎት ፕርዳኔ?
ROM 3:7 ሽን ታ ዎርዱዋን ጾሳ ቱማተꬃይ አ ቦንቾ ዳሮፐ፥ ያትና፥ ሀዋ ጋካናዉ አያዉ ታ ቦላ ናጋራንቻዳን ፕርዲ?
ROM 3:8 ያትና ኑን፥ “ሎኡ ያናዳን፥ አነ ኢታባ ኦꬆይተ” አያዉ ጎኮ? እት እት አሳይ ሀዋ ታና ሞቲደ ቦሬድኖ፤ ኡንቱንቱ ጾሳፐ በስያ ፕርዳ አካና።
ROM 3:9 ሄዋ ድራዉ፥ ኑን ዋጋኔ? ኑን አይሁዳቱ፥ አይሁዳ ግደና አሳፐ ዳሬቶ? ሄዋ ግደና፤ አያዉ ጎፐ፥ አይሁዳቱካ አይሁዳ ግደና አሳቱካ ኡባይ እትፐ ናጋራፐ ጋርሳን ደእያዋ ታን ካሰ ህንተንቶ ኦዳድ።
ROM 3:10 ጾሳ ማጻፋይ ሀዋዳን ያጌ፤ “ጽሎ አሳይ እቱነ ባዋ።
ROM 3:11 አኬክያ አሳይካ ባዋ፤ ዎይ ጾሳ ኮይያዌካ ባዋ።
ROM 3:12 አሳይ ኡባይ ኦግያፐ ካረ ከሴድኖ፤ ኡባይ ሙለካ ማደናዋ ግዴዳ። ሎኦባ ኦꬅያ ኦንነ ባዋ፤ ሀራይ አቶ እቱነ ባዋ።
ROM 3:13 ኡንቱንቱ ዶናይ ዶያ ደእያ ዱፉዋ ማላ። ባረንቱ እንጻርሳን ዎርዶቴድኖ። ኡንቱንቱ ዶናፐ አሳ ዎꬍያ ሾሻ ይሻ ማላ ሃሳያይ ከሴ።
ROM 3:14 ኡንቱንቱ ዶናን ሸቃይነ ጫሞባይ ኩሜዳ።
ROM 3:15 ኡንቱንቱ ሱꬃ ጉሳናዉ፥ ዳሪ ኤሌሊኖ።
ROM 3:16 ባይዙነ ኮለꬃይ፥ ኡንቱንቱ ቤዳሳን ሀቃንነ ꬋየና።
ROM 3:17 ኡንቱንቱ ሳሮተꬃ ኦግያካ ኤርክኖ።
ROM 3:18 ቃይ ጾሳዉ ያይያባይ፥ ኡንቱንቱ ቆፋን ባዋ” ያጌ።
ROM 3:19 አሳ ኡባ ሃሳያ ድጋና ማላነ ኩመንꬃ ሳኣ ጾሳ ፕርዳፐ ጋርሳዉ አꬃና ማላ፥ ህግያ ግዶን ኦደቴዳ ኡባባይ ህግያፐ ጋርሳን ደእያ አሳዉ ሃሳይያዋ ኑን ኤሬቶ።
ROM 3:20 ጾሳ ስንꬃን ኦንነ ህጊ አዛዝያዋ ኦꬅያዋን ጽለና፤ ህጊ እት አሳይ ናጋራ ኦꬄዳዋ ኤራናዳን ኦꬄ።
ROM 3:21 ሽን ጾሳይ አሳ ጽልስያ ኦጊ ህጊ ባይናን ሀእ ቆንጬዳ፤ ህጊነ ናባቱ ሄ ጽሎተꬃባ ማርካቴድኖ።
ROM 3:22 ጾሳይ አሳ የሱስ ክርስቶሳ አማንያዋን ጽልሴ፤ ጾሳይ ሄዋ አ አማንያ ኡባዉ ኦꬄ፤ አይ ሻኮተꬃይነ ባዋ።
ROM 3:23 አያዉ ጎፐ፥ አሳይ ኡባይ ናጋራ ኦꬄዳ፤ ጾሳ ቦንቹካ ኡንቱንቶ ጉጼዳ።
ROM 3:24 ሽን ኡንቱንቱ ጾሳይ እምያ አ አꬎ ኬካተꬃን፥ ባረንታ ዎዝያ ክርስቶስ የሱሳ ባጋና ጮ ጽሌድኖ።
ROM 3:25 የሱሳ ሱꬃን አሳይ አ አማኒደ፥ ባረ ናጋራዉ ማሮተꬃ ደማናዉ፥ ጾሳይ አ እሜዳ፤ ጾሳይ ሄዋ ባረ ጽሎተꬃ በሳናዉ ኦꬄዳ፤ እ በን ዎድያን አሳ ናጋራ ዳንዳዪደ፥ ካꬍ ባሽ አጌዳ፤ ሽን
ROM 3:26 ሀ ዎድያን ባረ ጽሎተꬃ በሳናዉ አሳ ናጋራ አገና፤ ጾሳይ ሄዋ ኦꬅያዋን እ ባረ ሁጰዉ ጽሎ ግድያዋነ የሱሳ አማንያ ኡባ ጽልስያዋ በሴ።
ROM 3:27 ያትና፥ ኑን አያዉ ጬቀታኔ? አይነ ባዋ። አያ ጋሱዋኔ? ኑን ህገዉ ኤኖ ግያዋኔ? ግደና፤ አማኑዋ ህግያናፐ አትን።
ROM 3:28 አያዉ ጎፐ፥ አሳይ አማኑዋን ጽላናፐ አትን፥ ህጊ አዛዝያዋ ኦꬅያዋና ግደና ያጊደ ቆፔቶ።
ROM 3:29 ዎይ ጾሳይ አይሁዳቱዋ ጻላላዉ ጾሴ? አይሁዳ ግደና አሳዉ ጾሳ ግደኔ? ቱማ፥ አይሁዳ ግደናዋንቶካ እ ቃይ ጾሳ።
ROM 3:30 እት ጾሳ ጻላላይ ደኤ፤ አይሁዳቱዋ ኡንቱንቱ አማኑዋን እ ጽልሳና፤ ቃይ አይሁዳ ግደናዋንታካ ኡንቱንቱ አማኑዋን ጽልሳና።
ROM 3:31 ያትና፥ ኑን ህግያ አማኑዋን ጋጻ ሱጋኔ? ግደና፤ ህግያ ምንሶይተፐ አትን።
ROM 4:1 ያትና፥ ኑን ኑዉ አሹዋን ዛረ ግድያ አብራሃሞ አያ ደሜዳ ጋኔ?
ROM 4:2 አያዉ ጎፐ፥ አብራሃሞ ኦሱዋን ጽሌዳዋ ግዶፐ፥ አዉ ጬቀትያባይ ደኤ፤ ሽን ጾሳ ስንꬃን ጬቀታና ዳንዳየና።
ROM 4:3 አያዉ ጎፐ፥ ጾሳ ማጻፋይ ዋጊ? “አብራሃሞ ጾሳ አማኔዳ፤ ጾሳይ ሄዋ አዉ ጽሎተꬃን ፓይዴዳ” ያጌ።
ROM 4:4 ኦꬅያ ኡራይ አክያ ሚሻ ባረዉ በስና አኬፐ አትን፥ አዉ ጮ እመትያዋዳን ፓይደተና።
ROM 4:5 ሽን ኦሱዋ ኦናን፥ ናጋራንቻ ጽልስያ ጾሳ አማንያ ኡራ፥ ጾሳይ አ አማኑዋን አ ጽልሴ።
ROM 4:6 ሀዋዳንካ፥ አይ ኦሱነ ባይናን፥ ጾሳይ ጽሉዋዳን ፓይዴዳ አሳ ናሸችያባ ዳዊተ ሃሳዬዳ ዎደ ጌዳዌ ሀዋ።
ROM 4:7 “ጾሳይ ኡንቱንቱ ባይዙዋ አቶ ጌዳዋንቱነ ኡንቱንቱ ናጋራ ካሜዳዋንቱ አንጀቴዳዋንታ።
ROM 4:8 ጎዳይ አ ናጋራ ፓይደና አሳይ አንጀቴዳዋ” ያጌ።
ROM 4:9 ያትና፥ ሀ ዳዊተ ሃሳዬዳ አንጁ ቃጻረቴዳ አሳ ጻላላሴየ? ዎይ ቃይ ቃጻረትቤና አሳቱዋሴ? አያዉ ጎፐ ኑን፥ “ጾሳ ማጻፋይ፥ ‘አብራሃሞ ጾሳ አማኔዳ፤ ጾሳይ ሄዋ አዉ ጽሎተꬃን ፓይዴዳ’ ያጌ” ጎይተ።
ROM 4:10 ያትና፥ ሀዌ አዉደ ሀኔዴ? አብራሃሞ ቃጻረት ስምነየ? ዎይ ቃጻረታናፐ ካሰኔ? ቃጻረታናፐ ካሰናፐ አትን፥ ቃጻረትና ግደና።
ROM 4:11 ጉየፐ እ ቃጻረቴዳ፤ ጾሳይ አ አማኑዋ ድራዉ፥ እ ቃጻረታናፐ ካሰ አ ጽሎ ኦꬄዳዋ ኤርሳናዉ፥ አ ቃጻራይ ማላ ግዴዳ። ሄዌካ ቃይ ቃጻረተናን ጾሳ አማንያ ኡባቱዋ ጾሳይ ጽሎ ኦꬂደ ፓይዳናዳን፥ ኡንቱንቶ አብራሃሞ አዉዋ ግዳናሳ።
ROM 4:12 እ ቃጻረቴዳዋንቶካ አዉዋ፤ ግዶፐካ፥ ኡንቱንቱ ቃጻረቴዳ ድራሳ ግደና፤ ሽን ኑ አዉዋ አብራሃሞ ቃጻረታናፐ ካሰ አማንያ አማኑዋ ማላ ካልያዋንቶካ አዉዋ።
ROM 4:13 አብራሃሞስነ አ ዘረꬃዉ ጾሳይ፥ “ሀ ሳኣ ታን ህንተንቶ እማና” ያጌዳዌ፥ አብራሃሞ ጾሳ አማኒደ ጽሌዳ ድራሳፐ አትን፥ ህገዉ እ አዛዘቴዳ ድራሳ ግደና።
ROM 4:14 አያዉ ጎፐ፥ ህገዉ አዛዘትያዋንቱ ጾሳይ እማና ጌዳዋ ላትያዋንታ ግዶፐ፥ አሳ አማኑ ማደናባ ግዴዳ፤ ጾሳይ ጌዳዌካ መላ ግዴዳ፤
ROM 4:15 ህጊ ጾሳ ቦሻ አሄ፤ ሽን ህጊ ባይናሳን ህግያ መንꬅያባይ ባዋ።
ROM 4:16 ሄዋ ድራዉ፥ ህግያ ናግያዋንቱ ጻላላዉ ግደናን፥ ቃይ አብራሃሞ አማኔዳዋዳን፥ አማንያ አብራሃመ ዘረꬃ ኡባዉ ጾሳይ እማና ጌዳዌ፥ ዎይታዳን ቱማታናዌ አማኑዋና። አብራሃሞ ኑዉ ኡባዉ አዉዋ። ጾሳ ማጻፋይ፥ “ታን ኔና ጮራ ካዉተꬃቶ አዎ ኦꬃድ” ግያዋዳን፥ ሀይቄዳዋንቶ ደኡዋ እምያ፥ ባረ አዛዙዋን ባይናባ ደእያባዳን ኦꬂደ ጼስያ፥ እ አማኔዳ ጾሳ ስንꬃን አብራሃሞ ኑዉ ኡባዉ አዉዋ።
ROM 4:18 ጾሳ ማጻፋይ አብራሃሞ፥ “ነ ዘረꬃይ ሀዋ ኬና ግዳና” ያጌዳዋዳን፥ ሀዋ ኬና ግዳና ጊደ፥ ናሸቻን ናጋናዉ ዳንዳየና ዎደ፥ አብራሃሞ አማኒደነ ስንꬃፐ ደማና ጊደ፥ ናሸቻን ናጊደ፥ ጮራ ዘረꬃዉ አዉዋ ግዴዳ።
ROM 4:19 ሄ ዎደ፥ አብራሃሞ የለቶደፐ ጼቱ ላይꬃ ኩማና ሀንያ ጭማ፤ ሽን ባረ ዳቡራንቻ አሳተꬃነ ሳራ ናኣ የላናዉ ዳንዳየናዋ ቆፔዳ ዎደ፥ እ ባረ አማኑዋን ዳቡርቤና።
ROM 4:20 ጾሳ እ ቦንቺደ፥ አዉ እማና ጌዳ ጾሳይ ቃይ ፖላናዉ ዳንዳይያዋ ሎይꬅ ኤሪደ ባረ አማኑዋን ምኔዳዋፐ አትን፥ አማነናን እጺደ፥ ጾሳይ እማና ጌዳዋ ስꬍቤና።
ROM 4:22 ሄዋ ድራዉ፥ ጾሳይ ቃይ አ አማኑዋ ጽሎተꬃን ፓይዴዳ።
ROM 4:23 “አዉ ጽሎተꬃን ፓይዴዳ” ግያ ቃላይ አ ጻላላዉ ጻፈትቤና።
ROM 4:24 ሄ ቃላይ ኑ ጎዳ የሱሳ ሀይቁዋፐ ደንꬄዳ ጾሳ አማንያ ኑዉካ ጽሎተꬃን ፓይደታና ማላ ጻፈቴዳ።
ROM 4:25 ጾሳይ አ ኑ ናጋራ ድራዉ፥ ሀይቆ አꬂደ እምና፥ እ ኑና ጽልሳናዉ ሀይቁዋፐ ደንዴዳ።
ROM 5:1 ሄዋ ድራዉ፥ ኑን አማኑዋን ጽሌዳዋን፥ ኑ ጎዳ የሱስ ክርስቶሳ ባጋና ኑዉ ጾሳና ሳሮተꬃይ ደኤ፤
ROM 5:2 ቃይ እ ኑና ሀእ ኑን ደእያ ጾሳ አꬎ ኬካተꬃ ግዶ አማኑዋን አሄዳ፤ ያትና፥ ኑን ጾሳ ቦንቹዋ ሻካናዉ ኑዉ ደእያ ህዶታን ጬቀቴቶ።
ROM 5:3 ሄዋ ጻላላ ግደና፤ ኑን ኑ ዋይያንካ ናሸቴቶ፤ አያዉ ጎፐ፥ ዋይያፐ ዳንዳያይ፥ ቃይ ዳንዳያፐ ፓጭያን ምንያዌ፥ ፓጭያን ምኖታፐ ህዶታይ ይያዋ ኑን ኤሬቶ።
ROM 5:5 ጾሳይ ኑዉ እሜዳ ጌሻ አያና ባጋና ባረ ሲቁዋ ኑ ዎዛናን ጉሴዳ ድራዉ፥ ሄ ኑን ደማናዉ ናሸቻን ናግ ኡቴዳዌ ኑና ዬላየና።
ROM 5:6 አያዉ ጎፐ፥ ኑን ብሮ ዎልቃይ ባይናዋንታ ግዲደ ደእሽን፥ ጾሳይ ዶሬዳ ዎዲ ጋክና፥ ክርስቶስ ናጋራንቻቱዋ ድራዉ ሀይቄዳ።
ROM 5:7 ጽሎ ኡራ ድራዉ፥ እት ኡራይ ሀይቃናዌ ዳሮ መቶባ፤ ሽን ሎኦ አሳ ድራዉ ሀይቃናዉ፥ “ኤኖ” ግያ ኡራይ ኦን ኤር ቤተናን አገና።
ROM 5:8 ሽን ኑን ብሮ ናጋራንቻ ግዲደ ደእሽን፥ ክርስቶስ ኑ ድራዉ ሀይቄዳ፤ ሄዌ ጾሳይ ኑና አይ ኬና ሲቅንቶነ አ ሲቁዋ ኤርሴ።
ROM 5:9 ስም ኑን ሀእ አ ሱꬃን ጽሌዳዋ ግዶፐ፥ አ ባጋና ጾሳ ሀንቁዋፐ አታና።
ROM 5:10 አያዉ ጎፐ፥ ኑን ጾሳና ካሰ ሞርከ፤ ሽን አ ናኣ ሀይቁዋን አናና ስገቴዶ። ሄዋፐ አꬂደ፥ ሀእ ኑን ጾሳና ስገቴዳዋፐ ጉይያን፥ እ ፓጻ ግድያ ድራዉ ኑና አሻና።
ROM 5:11 ሽን ሄዋ ጻላላ ግደና፤ ሀእ ኑና ጾሳና ስገꬄዳ ኑ ጎዳ የሱስ ክርስቶሳ ባጋና ኑና ጾሳባይ ናሸቼ።
ROM 5:12 ሄዋ ድራዉ፥ ናጋራይ ሀ ሳኣ እት አሳ ባጋና ገሌዳ፤ ሄ ናጋራይ ባረናና ሀይቁዋ አሄዳ፤ ሄዋ ጋሱዋን፥ አሳይ ኡባይ አዳማ ባጋና ናጋራ ኦꬄዳ ድራዉ፥ ሀይቁ አሳ ዛርያ ኡባ ጋኬዳ።
ROM 5:13 ህጊ እመታናፐ ካሰ፥ ሀ አላምያን ናጋራይ ደኤ፤ ሽን ህጊ ባይና ዎደ ናጋራይ ፓይደተና።
ROM 5:14 ሽን አዳማ ዎድያፐ፥ ሙሴ ዎድያ ጋካናዉ፥ ሀይቁ አሳ ኡባ ሞዴዳ፤ ሀራይ አቶ አዳም ጾሳ ህገዉ አዛዘተናን እጼዳዋዳን፥ ናጋራ ኦꬅቤናዋንታካ ሀይቁ ሞዴዳ። አያዉ ጎፐ፥ አዳም ያናዎ ሌምሱዋ።
ROM 5:15 ሽን ጾሳ እሞታይ አዳማ ናጋራ ኬና ግደና ድራዉ፥ ኡንቱንቱ እት ማላ ግድክኖ፤ እት ብታንያ ናጋራ ድራዉ፥ ጮራ አሳይ ሀይቄዳዌ ቱማ፤ ሽን ጾሳ አꬎ ኬካተꬃይነ አ እሞታይ እት አሳ አꬎ ኬካተꬃ ባጋና፥ የሱስ ክርስቶሳ አꬎ ኬካተꬃ ባጋና ጮራ አሳዉ ዳሬዳ።
ROM 5:16 ጾሳ እሞታይ ናጋራ ኦꬄዳ ብታንያ ባጋና ዬዳዋ ማላ ግደና፤ አያዉ ጎፐ፥ አዳም እት ናጋራ ኦꬄዳዋፐ ጉይያን፥ ጾሳይ አ ባይዜዳዋዳን ፕርዴዳ፤ ሽን አሳይ ዳሮ ናጋራ ኦꬄዳዋፐ ጉይያን ጾሳይ፥ “ህንተንቱ ባይዝበይክታ” ጊደ፥ ባረ አꬎ ኬካተꬃ ኡንቱንታ በሴ።
ROM 5:17 አያዉ ጎፐ፥ እት ብታንያ ናጋራ ጋሱዋን፥ አ ናጋራ ባጋና፥ ሀይቁ ካዉቴዳዌ ቱማ፤ ሽን እት ኡራይ፥ የሱስ ክርስቶስ ኦꬄዳባይ አይ ኬና ዳሬ፤ ጾሳ ዳሮ አꬎ ኬካተꬃነ ጽሎተꬃ እሞታ አክያ ኡባይ ክርስቶሳ ባጋና ጾኒደ ደአና።
ROM 5:18 ስም እት ኡራይ ናጋራ ኦꬄዳ ጋሱዋን አሳ ኡባ ቦላ ባይዜዳዋዳን ፕርዳይ ዬዳ። ሄዋዳንካ እት ኡራይ ጽሎባ ኦꬄዳ ጋሱዋን፥ ጾሳይ አሳ ኡባ፥ “ባይዝበይክታ” ጊደ ኡንቱንቶ ደኡዋ እሜዳ።
ROM 5:19 አያዉ ጎፐ፥ እት ኡራይ አዛዘተናን እጼዳ ጋሱዋን፥ ዳሮ አሳይ ናጋራንቻ ግዴዳ፥ ሀዋዳንካ ቃይ እቱ ኤኖ ጌዳዋን ጮራ አሳይ ጽላና።
ROM 5:20 ናጋራ ዳርሳናዉ፥ ህጊ ዬዳ፤ ሽን ናጋራይ ዳርያ ዎደ ጾሳ አꬎ ኬካተꬃይ ሎይꬅ ዳሬዳ።
ROM 5:21 ናጋራይ ሀይቁዋ ዎልቃን ካዉቴዳዋዳን፥ ሀዋዳንካ ቃይ ጾሳ አꬎ ኬካተꬃይ ጽሎተꬃ ዎልቃን ካዉቲደ፥ ኑ ጎዳ የሱስ ክርስቶሳ ባጋና፥ ኑና መꬍና ደኦ ካለꬄ።
ROM 6:1 ያትና፥ ኑን ዋጋኔ? ጾሳ አꬎ ኬካተꬃይ ዳራናዳን፥ ናጋራን ምኒደ ደአኔ?
ROM 6:2 ግደና፤ ኑን ናጋራ ኦና ማላ ሀይቂድጌዶ። ያትና፥ ኑን ሀዋፐ ስንꬃዉ ዎት አ ግዶን ደአኔ?
ROM 6:3 ዎይ ኑን ኡባቱ ክርስቶሳ የሱሳና እትፐ ግዳናዉ፥ ጻማቀቴዳ ዎደ፥ አ ሀይቁዋንካ አናና እትፐ ግዳናዉ ጻማቀቴዳዋ ኤርክቴ?
ROM 6:4 ሄዋ ድራዉ፥ ክርስቶስ ባረ አዉዋ ቦንቾ ዎልቃን ሀይቁዋፐ ደንዶዋዳን፥ ኑንካ ኦራꬃ ደኡዋ ደአናዉ፥ አ ሀይቁዋ አናና ሻካናዉ ጽንቃታን አናና እትፐ ሞገቴዶ።
ROM 6:5 አያዉ ጎፐ፥ ኑን እ ሀይቄዳዋዳን ሀይቂደ፥ አናና እቱዋ ግዶፐ፥ ሀዋዳንካ፥ ሀይቁዋፐ እ ደንዶዋዳን ኑንካ ደንዲደ፥ አናና እቱዋ ግዳና።
ROM 6:6 ኑን ሀዋፐ ስንꬃዉ ናጋራዉ አይለ ግደና ማላ፥ ቃይ ኑ ናጋራንቻ አሳተꬃ ዎልቃይ ꬋያና ማላ፥ ኑ ኤጫ አሳተꬃ ክርስቶሳና ማስቃልያ ቦላ ምስማርያን ꬍሸት ካቀቴዳዋ ኤሬቶ።
ROM 6:7 አያዉ ጎፐ፥ እት ኡራይ ሀይቂያ ዎደ ናጋራ ዎልቃይ አ ሞደና፤ ሽን
ROM 6:8 ኑን ክርስቶሳና ሀይቄዳዋ ግዶፐ፥ አናና ቃይ ደአናዋ አማኔቶ።
ROM 6:9 አያዉ ጎፐ፥ ክርስቶስ ሀይቁዋፐ ደንዴዳዋ፥ ቃይ ላኤንꬁዋ እ ሀይቀናዋነ ሀይቁ ስንꬃፐ አ ሞደናዋ ኑን ኤሬቶ።
ROM 6:10 እ እት ካላካ ሀይቄዳ፤ ናጋራዉ አ ቦላ ዎልቃይ ባዋ፤ ሽን እ ሀ ደእያ ደኡዋ ጾሳዉ ደኤ።
ROM 6:11 ሀዋዳን ቃይ ህንተ ናጋራ ኦናዳን፥ ህንተንታ ሀይቄዳዋዳን ቆፕተ፤ ሽን ጎዳ ክርስቶሳ የሱሳ ባጋና ጾሳዉ ህንተ ፓጻ ደእያዋዳን፥ ህንተንታ ቆፕተ።
ROM 6:12 ሄዋ ድራዉ፥ ህንተ ህንተንቱ አሳተꬃ አሞ አዛዘታና ማላ፥ ናጋራይ ሀይቂያ ህንተ አሳተꬃ ሞዶፖ።
ROM 6:13 ቃይ ህንተ አሳተꬃፐ እት ሳነ ኢታ ኦሱዋ ኦꬃናዉ ናጋራዉ እሞፕተ፤ ሽን ሀይቁዋፐ ደንዴዳ አሳዳን ህንተንታ ጾሳዉ እምተ፤ ቃይ ህንተ ኩመንꬃ አሳተꬃካ ጽሎ ኦሱዋ ኦꬃናዉ ጾሳዉ እምተ፤
ROM 6:14 አያዉ ጎፐ፥ ናጋራይ ህንተንታ ሞዳናዉ ዳንዳየና፤ ህንተ ጾሳ አꬎ ኬካተꬃ ጋርሳና ደኢታፐ አትን፥ ህግያፐ ጋርሳና ደእክታ።
ROM 6:15 ያትና፥ ዋናኔ? ጾሳ አꬎ ኬካተꬃ ጋርሳና ደኢኖፐ አትን፥ ህግያፐ ጋርሳና ደኤና ድራዉ፥ ናጋራ ኦꬃኔ? ግደና፤
ROM 6:16 ህንተ ህንተንታ እት ኡራዉ አዛዘታናዉ፥ አይልያዳን ኦꬂደ እምያ ዎደ፥ ሄ ህንተንታ አዛዝያዎ አይለቱዋ ግድያዋ ኤሪታ፤ ዎይ ህንተ ህንተንቶ ሀይቁዋ አህያ ናጋራዉ ኤኖ ጊታ፤ ዎይ ህንተ ህንተንታ ጽሎ ኦꬅያ አዛዞ ኤኖ ጊታ።
ROM 6:17 ሽን ጾሳዉ ጋላታይ ግዶ፤ አያዉ ጎፐ፥ ናጋራዉ ካሰ ህንተ አይለ፤ ሽን ጉየፐ ህንተ አኬዳ ትምርትያ ግዶን ደእያ ቱማተꬃዉ ህንተ ኩመንꬃ ዎዛናፐ አዛዘቴድታ።
ROM 6:18 ህንተንቱ ናጋራ አይለተꬃፐ ከሲደ፥ ጽሎተꬃዉ አይለ ግዴድታ።
ROM 6:19 ህንተንቱ መታን ዳቡራንቻ ግድያ ድራዉ፥ ታን ኦስካ ገልያ ሃሳያ ሃሳያይ፤ ህንተ ካሰ ህንተ ኩመንꬃ አሳተꬃ ናቁዋ ኦꬃናዉ፥ ቱናተꬃዉነ ናቆ አይለ ኦꬂደ እሜድታ፤ ሀእ ሄዋዳንካ ህንተ ኩመንꬃ አሳተꬃ ጌሻባ ኦꬃናዉ፥ ጽሎተꬃዉ አይለ ኦꬂደ እምተ።
ROM 6:20 ህንተንቱ ናጋራዉ አይለቲደ ደእያ ዎደ፥ ጽሎተꬃይ ህንተንቶ ጎዳ ግደና።
ROM 6:21 ህንተንታ ሀእ ዬላይያ የዋቱዋ ሄ ዎደ ኦꬄዳዋፐ አይ ማዱዋ ደሜድቴ? አያዉ ጎፐ፥ ሄ የዋቱዋ ዉርሰꬃይ ሀይቁዋ።
ROM 6:22 ሽን ናጋራ አይለተꬃፐ ህንተ ከሲደ፥ ጾሳዉ ኤኖ ጌድታ፤ ቃይ ህንተ ኦꬅያ ኡባባን ህንተንታ ኡባካ አዉ አꬂደ እሜድታ። ሄዌ ህንተንቶ ዎረ፤ ሄዋ ዉርሰꬃይ መꬍና ደኡዋ።
ROM 6:23 አያዉ ጎፐ፥ ናጋራ ጋቲ ሀይቁዋ። ሽን ጾሳይ ኑ ጎዳ ክርስቶሳ የሱሳ ባጋና እምያ እሞታይ መꬍና ደኡዋ።
ROM 7:1 ታናዳን አማንያዋንቶ፥ ህንተንቱ ኡባይ ህግያ ኤርያ ድራዉ፥ ታን ግያዋ ሎይꬅ ኤሪታ፤ ህጊ እት አሳይ ፓጻ ደኤዳ ዎደ ጻላላን አ ሞዴ።
ROM 7:2 አያዉ ጎፐ፥ አስና ገሌዳ ምሽራታ እዝ አስናይ ፓጻ ደኤዳ ኬናን፥ ህግያን አናና ቃሸታ ኡታዱ፤ ሽን እዝ አስናይ ሀይቆፐ፥ አናና ጫቄዳ ህጊ እዞ ሞደና።
ROM 7:3 ሄዋ ድራዉ፥ እዛ ባረ አስናይ ፓጻ ደእሽን፥ ሀራ አቱማዋ ገሎፐ፥ አሳይ እዞ፥ “ዎሹመዉኖ” ጋና። ሽን እዝ አስናይ ሀይቆፐ፥ ህጊ እዞ ሞደና፤ እዛ ሀራ አስና ገሎፐነ እዞ ኦንነ፥ “ዎሹመዉኖ” ጌና።
ROM 7:4 ታናዳን አማንያዋንቶ፥ ሄዋዳን ህንተንቱ ቃይ ክርስቶሳ አሳተꬃፐ እት ባጋ ግድያ ድራዉ፥ ህንተንቱ አ ባጋና ሀይቄድታ። ቃይ ኑን ጾሳ ማድያ ኦሱዋ ኦꬃና ማላ፥ ህንተንቱ ጾሳይ ሀይቁዋፐ ደንꬄዳ ክርስቶሳዋንታ።
ROM 7:5 አያዉ ጎፐ፥ ኑን ኑ አሳተꬃይ ኮዬዳዋዳን ደእያ ዎደ፥ ህጊ ኑን ናጋራ ኦꬃናዳን፥ ኑና ደንꬄ፤ ኑ አሳተꬃ ግዶን ኢታ አሙ ደእያ ድራዉ፥ ኑን ሀይቆ አይፍያ አይፌዶ።
ROM 7:6 ሽን ሀእ ኑን ኑና ቃቼዳዎ ሀይቄዳ ድራዉ፥ ጾሳይ ኑና ህግያ ቃሹዋፐ ብሌዳ። ሄዋ ድራዉ፥ ኑን ጌሻ አያናይ ጊግሴዳ ኦራꬃ ኦግያን ጾሳዉ ኤኖ ጋናዋፐ አትን፥ ጻፈቴዳ ህጊ ኑዉ ጊግሴዳ ኤጫ ኦግያን ኤኖ ጎኮ።
ROM 7:7 ያትና፥ ኑን ዋጋኔ? ህጊ ባረ ሁጰዉ ናጋሬ? ሄዋ ግደና፤ ሽን ህጊ ናጋራይ አየንቶ ታና ኤርሴዳ። አያዉ ጎፐ፥ ታን ህጊ፥ “አሳባ አሞቶፓ” ግቤነንቶ፥ አሳባ አሞትያዌ አየንቶ ኤርከ።
ROM 7:8 ሽን ናጋራይ ታን ኡባባ አሞታና ማላ፥ አዛዙዋ ባጋና ታ ቦላ ኦግያ ደሜዳ፤ አያዉ ጎፐ፥ ህጊ ባዌንቶ፥ ናጋራዉ ዎልቃይ ባዋ።
ROM 7:9 ካሰ ህጊ ባይና ዎደ ታን ፓጻ፤ ሽን አዛዙ ዬዳ ዎደ ናጋራይ ደኦ ስምና፥
ROM 7:10 ታን ቃይ ሀይቃድ፤ ታና ፓጻ ዎꬃናዉ ጾሳይ ቆፔዳ አዛዙ፥ ታዉ ሀይቁዋ አሄዳ።
ROM 7:11 አያዉ ጎፐ፥ ናጋራይ አዛዙዋ ባጋና ታና ጭምያ ኦግያ ደሚደ፥ ሄ አዛዙዋን ታና ዎꬌዳ።
ROM 7:12 ሄዋ ድራዉ፥ ህጊ ጌሻ፤ አዛዙካ ጌሻ፥ ጽላነ ሎአ።
ROM 7:13 ያትና፥ ሎኦባይ ታዉ ሀይቁዋ አሄዴ? ሄዋ ግደና፤ ሽን ታዉ ሄዋ ናጋራይ አሄዳ፤ አሳይ ናጋራይ አየንቶ ሻኪደ ኤራና ማላ፥ ናጋራይ ሎኦባ ባጋና፥ ታዉ ሀይቁዋ አሄዳ። ቃይ አዛዙ፥ “ኦንነ ናጋራ ኦꬃናዉ በሰና” ያግያ ድራዉ፥ ናጋራይ ካሰዋፐ አꬍ ኢቴዳ።
ROM 7:14 ኑን ህጊ ጾሳዋ ግድያዋ ኤሬቶ፤ ሽን ታን ታና ናጋራዉ ዛልኤዳ ሀይቂያ አሳ፤
ROM 7:15 ታን ኦꬅያዋ ዎዛና አꬅከ፤ አያዉ ጎፐ፥ ታን እጽያዋ ኦꬃይፐ አትን፥ ታን ኦꬃናዉ ዶስያዋ ኦꬅከ።
ROM 7:16 ታን እጽያዋ ኦꬅያዋ ግዶፐ፥ ህጊ ሎአ ግድያዋ ማርካታይ።
ROM 7:17 ሄዋ ግዶፐ፥ ሄ የዉዋ ታ ቦላ ደእያ ናጋራይ ኦꬅያዋፐ አትን፥ ሀእ ታን ኦꬅከ።
ROM 7:18 ታናን፥ ሄዌነ ታ አሳተꬃን ሎኦባይ ደኤናዋ ታን ኤራይ፤ አያዉ ጎፐ፥ ሎኦባ ኦꬅያ አሙ ታ ቦላ ደኦፐካ፥ ታን ሄ ሎኦባ ኦꬃናዉ ዳንዳይከ።
ROM 7:19 ታን እጽያ ኢታባ ኦꬃይፐ አትን፥ ታን ዶስያ ሎኦባ ኦꬅከ።
ROM 7:20 ሽን ታን እጽያዋ ኦꬅያዋ ግዶፐ፥ ሄዋ ታ ቦላ ደእያ ናጋራይ ኦꬅያዋፐ አትን፥ ሀእ ሄዋ ኦꬅያዌ ታና ግድከ።
ROM 7:21 ስም ታን ሎኦባ ኦꬃናዉ ዶስሽን፥ ኢታባ ኦꬅያዌ ታዉ ህገ ግድያዋ ደማድ።
ROM 7:22 አያዉ ጎፐ፥ ታን ታ ዎዛና ግዶን ጾሳ ህግያን ናሸታይ፤
ROM 7:23 ሽን ታ ቦላ ግዶን ደእያ ታ ዎዛና ቆፋ ህግያና ዋትያ ዱማ ህግያ በአይ። ሄ ህጊ ታ ቦላ ግዶን ደእያ ናጋራ ኦስስያ ህግያን ታና ቃሽሴ።
ROM 7:24 ታን አይባ ናሸች ባይና አሴ! ታና ሀይቆ አፍያ ሀ አሳተꬃፐ አሻናዌ ኦኔ?
ROM 7:25 ኑ ጎዳ የሱስ ክርስቶሳ ባጋና ጾሳዉ ጋላታይ ግዶ። ስም ታን ታ ዎዛና ቆፋን ጾሳ ህገዉ ኤኖ ጋይ። ሽን ታ አሳተꬃን ታና ናጋራ ኦስስያ ህገዉ ኤኖ ጋይ።
ROM 8:1 ሄዋ ድራዉ፥ ክርስቶሳ የሱሳና ደእያዋንቱ ቦላን ፕርዳይ ሀእ ባዋ፤
ROM 8:2 አያዉ ጎፐ፥ ክርስቶሳ የሱሳ ባጋና ኑዉ ደኡዋ እምያ ጌሻ አያና ህጊ ታና ናጋራ ህግያ አይለተꬃፐነ ሀይቁዋ ህግያ አይለተꬃፐ ከሴዳ።
ROM 8:3 አሳ አሳተꬃይ ዳቡራንቻ ግድያ ድራዉ፥ ህጊ ኦꬃናዉ ዳንዳይቤናዋ ጾሳይ ኦꬄዳ፤ ናጋራንቻቱዋ አሳተꬃ ማላ አሳተꬃና ደእያ ባረ ናኣ፥ አሳይ ኦꬄዳ ናጋራዉ ያርሹዋ ግዳናዉ ጾሳይ ኪቲደ፥ አሳ አሳተꬃ ግዶን ደእያ ናጋራ ፕርዴዳ።
ROM 8:4 ጌሻ አያናይ ኮይያዋዳን ደእያዋንቱፐ አትን፥ ኑ አሳተꬃይ ኮይያዋዳን ደአናዋንቱ ቦላ፥ ኑ ቦላ፥ ህግያ ጽሎ አዛዙ ፖለታና ማላ፥ ጾሳይ ሀዋ ኦꬄዳ።
ROM 8:5 ባረንቱ አሳተꬃይ ኮይያዋዳን ደእያዋንቱ ባረንቱ አሳተꬃባ ቆፒኖ፤ ሽን ጌሻ አያናይ ኮይያዋዳን ደእያዋንቱ ጌሻ አያናባ ቆፒኖ።
ROM 8:6 አሳተꬃባ ቆፉሳይ ሀይቁዋ አሄ፤ ሽን ጌሻ አያናባ ቆፉሳይ ደኡዋነ ሳሮተꬃ አሄ።
ROM 8:7 አሳተꬃባ ቆፉሳይ ጾሳዉ እጾ፤ አያዉ ጎፐ፥ አሳተꬃይ ጾሳ ህገዉ ኤኖ ጌና፤ ቃይ ኤኖ ጋናዉካ አዉ ዳንዳየተና።
ROM 8:8 ባረንቱ አሳተꬃዉ ኤኖ ግያዋንቱ ጾሳ ናሸቻናዉ ዳንዳይክኖ።
ROM 8:9 ሽን ጾሳ አያናይ ህንተንቱን ደኦፐ፥ ጌሻ አያናይ ግያዋዳን ደኢታፐ አትን፥ ህንተ አሳተꬃይ ኮይያዋዳን ደእክታ። ሽን ኦንነ ክርስቶሳ አያናይ ባይናዋ ግዶፐ፥ ሄ ኡራይ ክርስቶሳዋ ግደና።
ROM 8:10 ሽን ክርስቶስ ህንተንቱን ደኦፐ፥ ህንተ አሳተꬃይ ናጋራ ጋሱዋን ሀይቄዳዋ፤ ሽን ህንተ አያናይ ጽሎተꬃ ጋሱዋን ህንተንቱን ፓጻ ደኤ።
ROM 8:11 ሽን የሱሳ ሀይቁዋፐ ደንꬄዳ ጾሳ አያናይ ህንተ ግዶን ደኦፐ፥ ሀይቁዋፐ ክርስቶሳ ደንꬄዳ ጾሳይ ቃይ ህንተንቱን ደእያ ባረ ጌሻ አያናን፥ ሀይቂያ ህንተ አሳተꬃዉካ ደኡዋ እማና።
ROM 8:12 ስም ታናዳን አማንያዋንቶ፥ ኑን አጩዋና ደኤቶ፤ ኑ አሳተꬃይ ኮይያዋዳን ደአናዉ ኑዉ በሰና።
ROM 8:13 አያዉ ጎፐ፥ ህንተ ህንተ አሳተꬃይ ግያዋዳን ደኦፐ፥ ህንተ ሀይቃና፤ ሽን ህንተ ህንተ ናጋራ ኦሱዋ ጌሻ አያናን ዎꬎፐ፥ ፓጻ ደአና።
ROM 8:14 ጾሳ አያናይ ካለꬅያ ኡባቱ ጾሳ ናና።
ROM 8:15 አያዉ ጎፐ፥ ኑን ኑ ኮሻ ꬎቁ ኦꬂደ፥ “አባ! ታ አቦ” ያጊደ ጼስያ፥ ኑና ጾሳ ናና ከስያ ጌሻ አያና ጾሳፐ አኬዶፐ አትን፥ ላኤንꬁዋ ያያናዉ አይለ ከስያ አያና አክበይኮ።
ROM 8:16 ጾሳ አያናይ ባረ ሁጰዉ ኑ አያናና ግዲደ፥ ኑን ጾሳ ናና ግድያዋ ማርካቴ።
ROM 8:17 ኑን አ ናና ግዶፐ፥ እ ባረ አሳዉ ምንጄዳ አንጁዋ ላታና፤ ቃይ ኑን ጾሳይ ክርስቶሳዉ ምንጄዳዋካ አናና ላታና፤ ኑን ክርስቶሳ ዋይያ አናና ሻኮፐ፥ አ ቦንቹዋካ አናና ሻካና።
ROM 8:18 አያዉ ጎፐ፥ ኑን ሀእ ዋየትያ ዋይያ ኑዉ ስንꬃፐ ቆንጫና ቦንቹዋና ጋꬃናዉ፥ ኡባካ ዳንዳየተና ጋደ ታን ቆፓይ።
ROM 8:19 ጾሳይ መꬌዳ መታ ኡባይ ጾሳ ናናይ ቆንጫናዋ ሎይꬅ ላሞት ኡቴዳ።
ROM 8:20 አያዉ ጎፐ፥ መታ ኡባይ ማዱ ባይናባ ግዳናዳን፥ ጾሳይ አ ቦላ ፕርዴዳ፤ ስንꬃፐ ደማና ጊደ ናሸቻን ናግ ኡታናዳን ኦꬄዳ ጾሳይ ኮዬዳ ድራዉ ሀኔዳፐ አትን፥ መታ ኡባይ ባረ ሁጰዉ ኮዬዳዋን ግደና።
ROM 8:21 መታ ኡባይ ባረ ሁጰዉ ባሻ አይለተꬃፐ እት ጋላስ ከሳናዋ፤ ቃይ ሄ መታቱ ጾሳ ናናይ አይለተꬃፐ ከሴዳ ቦንቾ ከሳ ሻካና።
ROM 8:22 አያዉ ጎፐ፥ መታ ኡባይ እትፐ ሀዋ ጋካናዉ፥ ማጫ አሳ የሉ ኦይቂና ኦልያዋዳን፥ ሳኩዋን ኦልያዋ ኑን ኤሬቶ።
ROM 8:23 ቃይ ሄዋ ጻላላ ግደና፤ ኑን፥ ጌሻ አያና ጾሳ ባይራ እሞታዳን ኦꬂደ አኬዳዋንቱ፥ ኑ ሁጰዉ ጾሳይ ኑና ባረ ናና ኦꬃናዳንነ ኑ ኩመንꬃ አሳተꬃ ዎዛናዳን ናጊደ፥ ኑ ግዶን ኦሌቶ።
ROM 8:24 አያዉ ጎፐ፥ ኑን ጾሳይ እማና ጌዳዋን አቴዶ። ሽን ኑን ጾሳይ እማና ጌዳዋ በኦፐ፥ ያትና፥ ሄዌ ናሸቻን ናግያዋ ግደና፤ አያዉ ጎፐ፥ ባረ በእያዋ ደማና ጊደ፥ ናሸቻን ናግያዌ ኦኔ?
ROM 8:25 ሽን ኑን በኤናዋ ደማና ጊደ፥ ናሸቻን ናጎፐ፥ ሄዋ ዳንዳዪደ ናጌቶ።
ROM 8:26 ሀዋዳን ቃይ ጌሻ አያናይ ኑ ዳቡራ ማዳናዉ ዬ፤ አያዉ ጎፐ፥ ኑን ጾሳ ዎት ዎሳናዉ በስንቶ ኤሮኮ፤ ሽን ጌሻ አያናይ ባረ ሁጰዉ ቃላን ቆንጭሳናዉ ዳንዳየተና ኦልያን ኑዉ ጋናቴ።
ROM 8:27 ቃይ አሳ ዎዛና ብድያ ጾሳይ፥ ጌሻ አያናይ እ ኮይያዋዳን፥ ጾሳ ናቶ ጋናትያ ድራዉ፥ ጌሻ አያና ቆፋይ አየንቶ ኤሬ።
ROM 8:28 ጾሳይ ባረና ሲቅያዋንቶ፥ ባረ ቆፋዳን ጼሴዳዋንቶ፥ ኡባ የዉዋ ሎኦተꬃዉ ኦꬅያዋ ኑን ኤሬቶ።
ROM 8:29 ጾሳይ ባረ ናአይ ጮራ እሻቱዋ ግዶን ባይራ ግዳናዳን፥ እ ካሰ ኤሬዳዋንታ ቃይ ባረ ናኣ ማላታናዳን፥ ካሰቲደ ቆፋ ቃቼዳ።
ROM 8:30 ጾሳይ ካሰቲደ ቆፔዳዋንታ፥ ኡንቱንታ ቃይ ጼሴዳ፤ ሄ ጼሴዳዋንታካ ጌሼዳ፤ ሄ ጌሼዳዋንታካ ቃይ ቦንቼዳ።
ROM 8:31 ያትና፥ ኑን ሀዋ ኡባ ዋጋኔ? ጾሳይ ኑ ባጋ ግዶፐ፥ ኑና ኦን ኤቀታናዌ?
ROM 8:32 እ ሀራይ አቶ ባረ ናኣካ ዋይያፐ ጉየ አሽቤና፤ ሽን አ ኑዉ ኡባዉ አꬂደ እም አጌዳ። እ ባረ ናኣ እሜዳዌ ቃይ ኑዉ ኡባባ ጮ እመኔ?
ROM 8:33 ጾሳይ ዶሬዳዋንታ ኦኔ ሞታናዌ? ጾሳይ ባረ ሁጰዉ ኡንቱንታ ጽልሴዳ።
ROM 8:34 ያትና፥ ኡንቱንቱ ቦላ ፕርዳናዉ ዳንዳይያዌ ኦኔ? ሄዋ ጎፐ፥ ሀይቁዋፐ ደንዲደ፥ ጾሳፐ ኡሸቻ ባጋና ኡቴዳ፥ ክርስቶስ የሱሳ፤ እ ቃይ ኑዉ ጋናቴ።
ROM 8:35 ስም ኑና ክርስቶሳ ሲቁዋፐ ሻካናዌ ኦኔ? ዋዪ ዎይ መቱ ዎይ የደርሱ ዎይ ኮሻይ ዎይ ካሉ ዎይ ያሻይ ዎይ ኦላይ ኑና ሻካኔ?
ROM 8:36 ጾሳ ማጻፋይ፥ “ኑን ነ ድራዉ፥ ኡባ ጋላስ ሀይቄቶ፤ ሹካዉ አፍያ ዶርሳዳን ፓይደቴቶ” ያጌ።
ROM 8:37 ሽን ኑን ኑና ሲቄዳ አን ሀ የዉዋ ኡባን ኑና ጾንያዋንቱፐ አꬌቶ።
ROM 8:38 አያዉ ጎፐ፥ ሀይቁዋ ግድና፥ ደኡዋ፥ ኪታንቻቱዋ ግድና፥ ሞድያዋንታ፥ ሀእ ደእያዋንታ ግድና፥ ስንꬃፐ ያናዋ፥ ዎልቃማቱዋ ግድና፥ ቦላ ሳሉዋ ግድና፥ ጋርሳ ሳኣ፥ አይ መታ ግድናካ፥ ኑ ጎዳ ክርስቶሳ የሱሳን ደእያ ጾሳ ሲቁዋፐ ኑና ሻካናዉ ዳንዳየናዋ ታን ኤራድ።
ROM 9:1 ታን ቱሙዋ ሃሳያይ፤ ታን ክርስቶሳሳ፤ ቃይ ዎርዶትከ። ጌሻ አያናይ ሞድያ ታ ትላ ዎዛናይ ታን ዎርዶተናዋ ታዉ ማርካቴ።
ROM 9:2 ታዉ አሹዋን ዛረ ግድያ ታናዳን አማንያዋንቶ፥ ታ ዎዛናን ዳሮ ቃረታይነ አገና ቆፋይ ደኤ። አያዉ ጎፐ፥ ታን ታ ሁጰዉ ኡንቱንቱ ድራዉ፥ ጾሳ ሸቃፐ ጋርሳና ደኣርክታሻ! ቃይ ክርስቶሳፐካ ሻከታርክታሻ!
ROM 9:4 ኡንቱንቱ እስራኤልያ አሳቱዋ፤ ጾሳይ ኡንቱንታ ባረ ናና ኦꬂደ፥ ባረ ቦንቹዋ ኡንቱንቱና ሻኬዳ። ኡንቱንቱና ቃላ ገሊደ፥ ህግያ ኡንቱንቶ እሜዳ። ኡንቱንቱ ጾሳዉ በስያ ኦግያን ጎይኒኖ፤ ቃይ ጾሳይ እማና ጌዳዋካ አኬድኖ።
ROM 9:5 ኡንቱንቱ ዘረꬃን ካሰ አዎቱዋ ዛረ፤ ቃይ ክርስቶስካ አሹዋን ኡንቱንቱ ዛረ። እ፥ ኡባፐ ቦላ ግዲደ ሞድያ፥ መꬍናዉ ጋላተቴዳዌ ጾሳ። አመንእ።
ROM 9:6 ሽን ታን፥ “ጾሳይ እማና ጌዳዌ አታና” ያግከ። አያዉ ጎፐ፥ እስራኤልያ አሳ ኡባቱ ጾሳይ ዶሬዳዋንታ ግድክኖ።
ROM 9:7 ቃይ አብራሃመ ዘረꬃቱ ኡባቱ ጾሳ ናና ግድክኖ። ጾሳይ አብራሃሞ፥ “ነ ዘረꬃይ ይሳቃ ባጋና ጼሰታናዋ” ያጌዳ።
ROM 9:8 ሄዋ ጉሳይ ኡንቱንቱ ጾሳይ እማና ጌዳ ኦግያን የለቴዳ ናናይ ዛርያዳን ፓይደታና፤ ሽን አሳ ቆፋዳን የለቴዳዋንቱ ጾሳ ናና ግድክኖ ጉሳ።
ROM 9:9 አያዉ ጎፐ፥ ጾሳይ እማና ጊደ ሃሳዬዳዌ ሀዋ፤ “ታን ሀ ጌተቴዳዋዳን ሄ ዎደ ያና፤ ሳራካ አቱማ ናኣ የላና” ያጌዳ።
ROM 9:10 ሄዋ ጻላላካ ግደና፤ እርቢቃ የሌዳ ማንተ ናና አዉ እቱዋ፤ እካ ኑ አዉዋ ይሳቃ።
ROM 9:11 ሽን እት ናኣ ዶሬዳ ጾሳይ ባረ ሁጰዉ ቆፔዳዋ ግዳናዳን፥ ጾሳይ እርቢቅዉ፥ “ባይራይ ቴፋዉ አዛዘታና” ያጌዳ፤ እ ሄዋ ኡንቱንቱ የለታናፐነ ኢታባ ዎይ ሎኦባ አይነ ኦꬃናፐ ካሰና ጌዳ። ሄዋ ድራዉ፥ ጾሳ ዶሩ አ ጼሴዳዋዳንፐ አትን፥ ኡንቱንቱ ኦꬄዳዋና ግደና።
ROM 9:13 ጾሳ ማጻፋይ፥ “ያቆባ ሲቃድ፤ ሽን ኤሳ እጻድ” ያጌ።
ROM 9:14 ያትና፥ ኑን ዋጋኔ? ጾሳይ ደሽሲደ ፕርዲ? ሄዋ ግደና።
ROM 9:15 አያዉ ጎፐ፥ ሙሴዉ እ፥ “ታን ማራናዉ ኮይያዋንታ ማራና፤ ቃይ ቃረታናዉ ኮይያዋንቶካ ቃረታና” ያጌዳ።
ROM 9:16 ስም ጾሳይ አሳ ማርያዌ እ ማራናዉ ኮይያ ድራሳፐ አትን፥ አሳይ ኮይያ ዎይ ኦꬅያ ድራሳ ግደና።
ROM 9:17 አያዉ ጎፐ፥ ጾሳ ማጻፋይ ግብጼ ካትያዉ፥ “ታን ታ ዎልቃ ኔናን በሳናዉነ ታ ሱንꬃይ አላምያ ኡባን ኦደታናዉ፥ ሄዎ ታን ኔና ካዉꬃድ” ያጌ።
ROM 9:18 ስም ጾሳይ ማራና ኮይያዋ ማሬ፤ ቃይ ዎዛና ጎርዳና ኮይያዋ ዎዛና ጎርዴ።
ROM 9:19 ስም ህንተ ታና፥ “ሄዌ ቱማ ግዶፐ፥ ጾሳይ አሳ ባይዞ አያዉ ቶሺ? ጾሳይ ጌዳዋ እጻድ ጋናዌ ኦኔ?” ያጋናዉ ዳንዳዪታ።
ROM 9:20 ሽን ታ ላገዉ፥ ጾሳዉ ዛራናዉ ኔን ኦኔ? ኡርቃፐ መቴዳ ሚሻይ ጉየ ዛሪደ ባረና መꬌዳዋ፥ “ታና ሀዋዳን አያዉ መꬋዲ?” ጊደ ኦቻናዉ ዳንዳዪ?
ROM 9:21 ዎይ ኡርቃ መꬍያዌ ባረ መꬍያ ኡርቃ ባረ ኮይያዋዳን ኦꬃናዉነ እት ማላ ኡርቃፐ እቱዋ ቦንቾ ሚሻ ኦꬂደ፥ ቃይ እቱዋ ቶሸቴዳ ኦሱዋ ኦꬅያ ሚሻ ኦꬂደ መꬋናዉ አዉ ማት ባዌ?
ROM 9:22 ጾሳይ ኦꬄዳዌ ሀዋና እቱዋ። እ ባረ ሀንቁዋ በሳናዉነ ባረ ዎልቃ ኤርሳናዉ ኮዬዳ፤ እ ባረ ሀንቁዋን ፕርዳናዋንታ፥ ባይዛናዉ ጊግ ኡቴዳዋንታ፥ ዳሮ ገንጩዋን ዳንዳዬዳ።
ROM 9:23 ቃይ እ ማሬዳዋንቶ፥ ባረ ቦንቹዋ አካናዉ ጊግስ ዎꬄዳዋንቶ እ አይ ኬና ቦንቼትንቶነ በሳናዉ ኮዬዳ።
ROM 9:24 ኑን እ ጼሴዳዋንታ፤ ሽን አይሁዳ አሳ ጻላላፐ ግደናን፥ አይሁዳ ግደና አሳ ግዶፐካ ጼሴዳ።
ROM 9:25 ሆሰአ ማጻፋን እ ግያዌ ሀዋ፤ “ታ አሳ ግደናዋንታ፥ ‘ታ አሳ’ ጋደ ጼሳና። ታን ሲቃቤና ዛርያካ፥ ‘ታ ሲቃቶ’ ጋደ ጼሳና።
ROM 9:26 ‘ህንተንቱ ታ አሳ ግድክታ’ ግያዋ፥ ኡንቱንቱ ስሴዳ ሄ ሳኣን፥ ኡንቱንቱ፥ ‘ደኡዋ ጾሳ ናና’ ጌተቲደ ጼሰታናዋንታ” ያጌ።
ROM 9:27 እስያስ እስራኤልያ አሳባ ያጊደ ሃሳዬዳ፤ “እስራኤልያ አሳይ አባ ማታን ደእያ ሻፍያ ኬና ግዶፐካ፥ ኡንቱንቱፐ አማሬዳዋንቱ ጻላላይ አታና።
ROM 9:28 አያዉ ጎፐ፥ ጎዳይ ሳኣ ቦላን ደእያ አሳ ኡባ ቦላ፥ ኤለካ ፕርዳና” ያጌዳ።
ROM 9:29 እስያስ ካሰቲደ፥ “ኡባፐ ዎልቃማ ጎዳይ፥ ኑዉ አማሬዳ ዘረꬃ አሸነንቶ፥ ኑን፥ ሶዶማ ካታማዳንነ፥ ጋሞራ ካታማዳን ሀኔዶሽን” ያግ ሃሳዬዳ።
ROM 9:30 ያትና፥ ኑን ዋጋኔ? ጽሎተꬃ ኮይቤና አይሁዳ ግደና አሳይ አማኑዋን ጽሌዳ፤
ROM 9:31 ሽን እስራኤልያ አሳይ ባረንታ ጽልስያ ህግያ ኮዬዳዋንቱ ሄ ህግያ ደምበይክኖ።
ROM 9:32 አያዉ ደምበይክኖ? ኡንቱንቱ ኦሱዋናፐ አትን፥ አማኑዋን ጽሎተꬃ ኮይቤና ድራሳ። ኡንቱንቱ ጾሳ ማጻፋይ፥ “አኬክተ፤ ታን ጽዮነን አሳ ꬉቢያ ሹቻ፥ ኡንቱንቱ ኦግያን ዛላ ዎꬃና። ሽን አን አማንያ ኦንነ ዬላተና” ያጊደ ጻፈቶዋዳን ꬉቢያ ሹቻን ꬉበቴድኖ።
ROM 10:1 ታናዳን አማንያዋንቶ፥ ታን እስራኤልያ አሳዉ ታ ኩመንꬃ ዎዛናፐ አሞትያዌነ ጾሳ ዎስያዌ ኡንቱንቱ አታናሳ፤
ROM 10:2 አያዉ ጎፐ፥ ኡንቱንቱ ጾሳዉ ኦꬃናዉ ሎይꬅ ኮይያዋ ታን ማርካታይ፤ ሽን ኡንቱንቱ ጾሳዉ ኦꬃናዉ ሎይꬅ ኮይያ ኮሻይ ቱሙ ኤራተꬃፐ ግደና።
ROM 10:3 አያዉ ጎፐ፥ ጾሳይ አሳ ጽልስያ ኦግያ ኡንቱንቱ ኤረናን፥ ባረንቱ ሁጰ ጽሎተꬃ ኤሳናዉ ኮዬድኖ፤ ቃይ ባረንቱ ሁጰዉ ጾሳይ አሳ ጽልስያ ኦገዉ ኤኖ ግበይክኖ።
ROM 10:4 አያዉ ጎፐ፥ አማኔዳ ኡባይ ጽላናዳን፥ ክርስቶስ ህግያ ቆፋ ፖሌዳ።
ROM 10:5 አሳይ ህገዉ አዛዘቲደ ጽልያባዉ ሙሴ፥ “ህጊ አዛዝያዋ ኦꬅያ ኦንነ ሄ ህግያን ፓጻ ደአና” ያግ ጻፌዳ፤
ROM 10:6 ሽን አማኑዋን ጽልያባዉ ጌተቴዳዌ ሀዋ፤ “ነ ዎዛናን፥ ‘ኦን ሳሉዋ ፑደ ባኔ?’ ጎፓ። ሄዌ ክርስቶሳ ዱገ ዎꬃናሳ፤
ROM 10:7 ዎይ ‘ዱገ ሳኣ ጋርሳ ዎꬋናዌ ኦኔ?’ ጎፓ። ሄዌ ክርስቶሳ ሀይቁዋፐ ደንꬃናሳ።
ROM 10:8 ሽን እ ግያዌ ሀዋ፤ ‘ጾሳ ቃላይ ነ ማታና፤ ነ ዶናንነ ነ ዎዛናን ደኤ’ ጌተቴዳ” ያጌ። ሄዌካ ኑን ህንተንቶ ኦድያ አማኑዋ ቃላ።
ROM 10:9 ኔን፥ “የሱስ ጎዳ” ጋደ ነ ዶናን ማርካቶፐ፥ ቃይ ጾሳይ ሀይቁዋፐ አ ደንꬄዳዋ ነ ዎዛናን አማኖፐ፥ ኔን አታና።
ROM 10:10 አያዉ ጎፐ፥ አሳይ ባረ ዎዛናን አማኒደ ጽሌ፤ ባረ ዶናንካ ማርካቲደ አቴ።
ROM 10:11 ጾሳ ማጻፋይ፥ “አን አማንያ ኦንነ ዬላተና” ያጌ።
ROM 10:12 አይሁዳ አሳነ አይሁዳ ግደና አሳ ግዶን ዱማተꬃይ ባዋ። እት ጾሳይ ኡባ ጎዳ፤ እ ባረና ጼስያ ኡባቶ ዳሮ ኬካ።
ROM 10:13 አያዉ ጎፐ፥ ጾሳ ማጻፋይ፥ “ጎዳ ሱንꬃ ጼስያ ኦንነ አታና” ያጌ።
ROM 10:14 ያትና፥ ኡንቱንቱ አ አማንቤናዋንታ ግዶፐ፥ ዎት አ ጼሳናዉ ዳንዳዪኖ? ቃይ ቃላ ስስቤናዋንቱ ዋን አማናናዉ ዳንዳዪኖ? ቃላ ኦድያዌ ꬋዮፐ፥ ኡንቱንቱ ዋን ስሳናዉ ዳንዳዪኖ?
ROM 10:15 ቃይ ቃላ ኦድያዋንቱ ኪተተናን አጎፐ፥ ኦሱ ዎት ኦደታናዉ ዳንዳዪ? አያዉ ጎፐ፥ ጾሳ ማጻፋይ፥ “ናሸችያ ምሽራቹዋ ኦድያዋንቱ ዩሳይ ዎት ሎኢ!” ያጌ።
ROM 10:16 ሽን ኡንቱንቱ ኡባይ ዎንጋላዉ አዛዘትበይክኖ፤ አያዉ ጎፐ እስያስ፥ “ታ ጎዳዉ፥ ኑን ማርካቴዳዋ ኦን አማኔዴ?” ያጌዳ።
ROM 10:17 ስም አሳይ ቃላ ስሲደ አማኔ፤ ቃይ እት ኡራይ ክርስቶሳ ቃላ፥ ኦድና ስሴ።
ROM 10:18 ሽን ኡንቱንቱ ቃላ ስስቤናዌ ቱሜ ጋደ ታን ኦቻይ። ቱማ ኡንቱንቱ ስሴድኖ፤ ጾሳ ማጻፋይ፥ “ኡንቱንቱ ሃሳያ ኮሻይ ሳኣ ኡባን ላለቴዳ፤ ኡንቱንቱ ቃላይካ ሳኣ ጋጻ ጋኬዳ” ያጌዳ።
ROM 10:19 ሽን እስራኤልያ አሳቱ ኤርበይክኖዬ ጋደ ታን ኦቻይ። ሙሴ ካሰ፥ “ታን ህንተንታ አሳ ግደና አሳቱዋን ሴልሳና፤ ቃይ ኤያ አሳቱዋን ታን ህንተንታ ሀንቀꬅሳና” ያጌዳ።
ROM 10:20 ቃይ እስያስ ዳሮ ጻሊደ፥ “ታና ኮይቤናዋንቶ ቤታድ፤ ታና ኦችቤናዋንቶካ ቆንጫድ” ያጌ።
ROM 10:21 ሽን እስራኤላቱዋባ እ ሃሳዪደ፥ “ጋላሳ ኡባ አዛዘተናዋንቶነ ታዋ እጽያዋንቶ ታ ኩሽያ ምጫድ” ያጌ።
ROM 11:1 ያትና፥ ጾሳይ ባረ አሳ እጼደ ጋደ ኦቾ? ሄዋ ግደና፤ አያዉ ጎፐ፥ ታን ታ ሁጰዉ እስራኤልያ አሳ፤ አብራሃመ ዛረ፤ ቢንያማ ያራ።
ROM 11:2 ጾሳይ ኮይሮ ዶሬዳ ባረ አሳቱዋ እጸና፤ ጾሳ ማጻፋይ፥ ኤላሳ ታርክያ ግዶን፥ ኤላስ እስራኤላቱዋ ጾሳ ስንꬃን ዎት ሞትንቶ፥ ህንተ ኤሪታ።
ROM 11:3 “ጎዳዉ፥ ኡንቱንቱ ሄ ሱንꬃን ናባቱዋ ዎꬌድኖ፤ ነ ያርሽያ ሳካ ኮሌድኖ። ያትና፥ ታን ታ ጻላላይ አታድ። ቃይ ኡንቱንቱ ታናካ ዎꬋናዉ ኮዪኖ” ያጌዳ።
ROM 11:4 ጾሳይ አዉ ዋግ ዛሬዴ? “ታን ኤቃ ባኣላዉ ጉልባትቤና ላፑ ሻአ አሳ ታዉ አሻድ” ያጌዳ።
ROM 11:5 ሀዋዳንካ ቃይ ሀ ዎድያን፥ ጾሳይ ባረ አꬎ ኬካተꬃን ዶሬዳ አማሬዳ አሳቱ ደኢኖ።
ROM 11:6 ሽን እ ባረ አꬎ ኬካተꬃን ዶሬዳፐ አትን፥ ኡንቱንቱ ኦሱዋን ኡንቱንታ ዶርቤና፤ ሄዌ ꬋዮፐ፥ አ አꬎ ኬካተꬃይ ቱሙ አꬎ ኬካተꬃ ግደና።
ROM 11:7 ያትና፥ አዬ? እስራኤልያ አሳቱ ባረንቱ ኮይያዋ ደምበይክኖ፤ ሽን ጾሳይ ዶሬዳ አማሬዳዋንቱ ደሜድኖ። የኮንቱ ዎዛናይ ምኔዳ።
ROM 11:8 ሀዋዳንካ፥ ጾሳ ማጻፋይ፥ “ጾሳይ ኡንቱንቱ ባረንቱ አይፍያን በኤናዳንነ ባረንቱ ሀይꬃን ስሰናዳን፥ ሀዋ ጋካናዉ ኡንቱንቶ፥ አዛላ አያና እሜዳ” ያጌዳ።
ROM 11:9 ቃይ ዳዊተ ያጌዳ፤ “ኡንቱንቱ ምያ ጋይታይ ኡንቱንታ ጲርያዳን ኦይቆ፤ ኡንቱንታ ጉፋንꬆ፤ ኡንቱንቶ ኩሽያ ሽር ጭጎ።
ROM 11:10 ኡንቱንቱ ጼለናዳን፥ ኡንቱንቱ አይፊ ጎዘቶ፤ ኡባ ዎደ ባረንቱ መቱዋን ቁኒደ ደኢኖ” ያጌዳ።
ROM 11:11 ያትና፥ አይሁዳቱ ꬉበቴዳ ዎደ፥ ደንደናዳን ኩንዴድኖ? ሄዋ ግደና፤ ኡንቱንቱ ናጋራ ኦꬄዳ ድራዉ፥ አቶተꬃይ ኡንቱንቱ አይሁዳ ግደና አሳቱዋ ቃናታናዳን፥ አይሁዳ ግደና አሳዉ ዬዳ።
ROM 11:12 ሽን አይሁዳቱ ናጋራ ኦꬄዳ ድራዉ፥ አላመዉ ዳሮ አንጁ ዬዳ፤ ቃይ ኡንቱንቱ ኩንደꬃይካ አይሁዳ ግደና አሳዉ ዳሮ አንጁዋ አሄዳ። ያትና፥ አይሁዳቱ ኡባይ ጉጀትያ ዎደ፥ አንጁ ዎይሳ ኬና ዳራንዴሻ!
ROM 11:13 ሽን ታን ሀእ ህንተንቶ፥ አይሁዳ ግደና አሳዉ ሃሳያይ፤ ታን አይሁዳ ግደና አሳዉ የሱስ ኪቴዳዋ ግድያ ድራዉ፥ ታ ኦሱዋ ቦንቻና።
ROM 11:14 ታን ታ ዛረ ግድያ አሳቱዋ ቃናታንቻቱዋ ኦꬆፐ፥ ኦን ኤር ኡንቱንቱፐ አማሬዳዋንታ አሸናን አግከ።
ROM 11:15 አያዉ ጎፐ፥ ጾሳይ ኡንቱንታ እጼዳ ዎደ፥ ሀ አላሚ ጾሳና ስገቴዳ። ያትና ጾሳይ ኡንቱንታ ሺሽ አክያ ዎደ፥ ሀይቄዳዌ ደኡዋ ደማናፐ አትን፥ አዬ ሀናኔ?
ROM 11:16 ኮይሮ አይፈ ባጋ ሙናቃይ አንጀቴዳዋ ግዶፐ፥ ሙመ ሙናቃይካ ቃይ አንጀቴዳዋ ግዳና፤ እት ምꬃ ጻጱ አንጀቴዳዋ ግዶፐ፥ ሀይꬃይ ኡባይካ ቃይ አንጀቴዳዋ ግዳና።
ROM 11:17 ሽን ዎራን ዶሌዳ ዎጋራ ምꬃ ቃንካፐ እቱዋ እቱዋ ካሬዳሳን፥ ኔና ዎራን ዶሌዳ ዎጋራ ምꬃ ማላ ሄ ዎጋራና ጋꬅ ቃቼዶ፤ ኔን ቃይ ዛይቲ ከስያ ዎጋራ ምꬃ ጻጱዋና እትፐ ደኣ።
ROM 11:18 ስም ኔን ሄ ካረት ዎꬌዳ ቃንካቱዋ ቦላን ኦቶረታናዉ በሰና፤ ሽን ኔን ኦቶረትያዋ ግዶፐካ፥ ጻጱ ኔና ቶኬፐ አትን፥ ኔን ጻጱዋ ቶከናዋ አኬካ።
ROM 11:19 ሄዋ ድራዉ ኔን፥ “ኤ፤ ሽን ቃንካቱ ታን ኡንቱንቱ ሳኣን ገላናዳን ካረቴድኖ” ያጋና።
ROM 11:20 ሄዌ ቱማ፤ ኡንቱንቱ አማንቤና ድራዉ፥ ካረቴድኖ፤ ኔን አማኔዳ ድራዉ፥ ሄ ሳኣን ኤቃዳ። ሽን ያያፐ አትን፥ ኦቶሮ ቆፋ ቆፖፓ።
ROM 11:21 አያዉ ጎፐ፥ ጾሳይ መታ ቃንካ ማላትያዋንቶ፥ አይሁዳቶ ቃረትቤናዋ ግዶፐ፥ ነዉ ቃረትያዋ ማላቲ?
ROM 11:22 ስም ጾሳ ኬካተꬃነ ጻላተꬃ በአ። ኩንዴዳዋንቶ እ ጻላ፤ ሽን ኔን አ ኬካተꬃን ምናደ ደኦፐ፥ እ ነዉ ኬካ፤ ሄዌ ꬋዮፐ፥ ኔንካ ቃይ ቃንጸታና።
ROM 11:23 አይሁዳቱካ ቃይ አማነናን እጽያዋ አጎፐ፥ ጾሳይ ካሰ ኡንቱንቱ ደእያ ሳን ዛሪደ ዎꬃና፤ አያዉ ጎፐ፥ እ ኡንቱንታ ዛሪደ ዎꬃናዉ ዳንዳዬ።
ROM 11:24 አያዉ ጎፐ፥ ጾሳይ ህንተንታ ዎራን ደእያ ኮይሮ መታ ዎጋራ ምꬃፐ ቃንጺደ፥ ህንተንቱ መታን ዎራን ዶሎዋንቱዳን ግደናን ጋደን ቶኬዳ ዎጋራ ምꬃና ጋꬅ ኦይꬄዳዋ ግዶፐ፥ ያትና፥ ሄ ካረት ዎꬌዳ ኮይሮ መታ ቃንካቱዋ ዛረꬂደ፥ ኡንቱንታ ኮይሮ መታን ዶሌዳ ባረንቱ ዎጋራ ምꬃና ጋꬅ ቃቻናዉ፥ አ አዬ ጾናናዌ?
ROM 11:25 ታናዳን አማንያዋንቶ፥ ታን ህንተ ኤራናዳን ኮይያ ቱሙ ጹራ የዉ ደኤ፤ ሄዌ ህንተ ህንተንታ ህንተረካ፥ ኑን አꬌዳ ኤራንቻ ያጊደ ቆፕያዋ ድጌ፤ እስራኤልያ አሳፐ ባጋይ ስሰናን እጼዳ፤ ሽን ሄ ስሰናን እጽያዌ አይሁዳ ግደና አሳ ኩመንꬃ ፓይዱ ጾሳኮ ጋካናዉ ጋምአና።
ROM 11:26 ሀዋዳንካ፥ እስራኤልያ አሳይ ኡባይ አታና፤ ጾሳ ማጻፋይ ሀዋዳን ያጌ፤ “አሽያዌ ጽዮነ ጌተትያ ካታማፐ ዪደ፥ ናጋራ ኦሱዋ ኡባ ያቆባ ዛርያፐ ድጋና።
ROM 11:27 ታን ኡንቱንቱ ናጋራ አቶ ያግያ ዎደ፥ ኡንቱንቱና ገላና ቃላ ጫቁ ሀዋ” ያጌ።
ROM 11:28 አይሁዳ ግደና አሳቶ፥ አይሁዳቱ ዎንጋላ ምሽራቹዋ ባጋና ህንተ ድራዉ፥ ጾሳና ሞርከ፤ ሽን ጾሳ ዶሩዋ ባጋና አዎቱዋ ድራዉ፥ ኡንቱንቱ እ ሲቅያዋንታ።
ROM 11:29 አያዉ ጎፐ፥ ጾሳይ ባረ እሜዳዋ ጉየ አከና፤ ቃይ ባረ ጼሴዳዋ እጻድ ጌና።
ROM 11:30 አይሁዳ ግደናዋንቶ፥ ጾሳዉ ህንተ ካሰና አዛዘትበይክታ፤ ሽን አይሁዳቱ አዛዘተናን እጼዳ ድራዉ፥ ጾሳ ማሮተꬃ ሀእ ህንተ አኬድታ።
ROM 11:31 ሀዋዳን፥ ህንተ አኬዳ ማሮተꬃ ድራዉ፥ አይሁዳቱ ቃይ ጾሳ ማሮተꬃ ሀእ አካናዳን፥ ጾሳዉ አዛዘተናን እጼድኖ።
ROM 11:32 አያዉ ጎፐ፥ ጾሳይ አሳ ኡባ ማራና ማላ፥ አሳይ ኡባይ አዉ አዛዘተናን እጽያ ሀኖታን ቃቼዳ።
ROM 11:33 ጾሳ ዱረተꬃይ ዎይሳ ኬና ዳሬ? አ አꬎ ኤራተꬃይነ አ ኤራተꬃይ ዎይሳ ኬና ጪሜ? አ ፕርዳ ኦዳናዌ ኦኔ? እ ባረ ኦꬅያዋ አያዉ ኦꬅንቶ፥ ኦኔ አኬክያዌ?
ROM 11:34 ሄዋ ጾሳ ማጻፋይ፥ “ጎዳ ዎዛና ኤርያዌ ኦኔ? አ ዞራናዉ ዳንዳይያዌ ኦኔ?
ROM 11:35 ዎይ ባረ ኩሽያ ዛራና ማላ፥ አዉ እትባ እሜዳዌ ደኢ?” ያጌ።
ROM 11:36 አያዉ ጎፐ፥ ኡባባ እ መꬌዳ፤ ቃይ ኡባባይካ አ ማታንነ አዉነ ደኤ፤ ጾሳዉ መꬍናዉ ቦንቹ ግዶ። አመንእ።
ROM 12:1 ስም ታናዳን አማንያዋንቶ፥ ህንተ ህንተ ኦናተꬃ ጾሳ ናሸችያ ደኦነ ጌሻ ያርሹዋ ኦꬂደ፥ ጾሳዉ ሺሻናዳን፥ ታን ህንተንታ ጾሳ ማሮተꬃን ዎሳይ፤ ጾሳዉ ህንተ ጎይናናዉ በስያ ቱሙ ኦጊ ሄዋ።
ROM 12:2 ጾሳይ ህንተ ቆፋ ኡባና ዱማዪደ፥ ህንተንታ ላሞፐ አትን፥ ሀ አላምያ አሳ ማላቶፕተ። ሄ ዎደ ህንተ፥ ጾሳ ሸኒ፥ ሎኦባይ፥ አ ናሸችያባይነ ቃይ ፖሎ ግዴዳባይ አየንቶ ኤራንታ።
ROM 12:3 ጾሳይ ታዉ እሜዳ አꬎ ኬካተꬃን ታን ህንተንቶ ኦዳይ። ህንተንቱ ቆፓናዉ በስያዋፐ አꬂደ፥ ኦቶሩዋን ቆፖፕተ፤ ሄዋ አጊደ፥ ዎዛናማ አሳዳን ቆፕተ፤ ጾሳይ ህንተንቶ ሁጲያን ሁጲያን እሜዳ አማኑዋ ኬናን ህንተ ቦላ ፕርድተ።
ROM 12:4 ኑ እት ቦላ ግዶን፥ ጮራ ቦላ ቆሞቱ ደኢኖ፤ ሄ ቆሞቱዋ ኡባዉካ ዱማ ዱማ ኦሱ ደኤ።
ROM 12:5 ሀዋዳን፥ ኑን ጮራ አሳ ግዶፐካ፥ ክርስቶሳ ባጋና እት አሳ። ቃይ ኑን እት አሳተꬃ ቆሞቱዋዳን፥ እቱ እቱዋና ኦይቀት ኡቴዶ።
ROM 12:6 ጾሳይ ኑዉ እሜዳ አꬎ ኬካተꬃን ዱማ ዱማ እሞታይ ደኤ። ኑ እሞታይ ናበተꬃ ግዶፐ፥ ኑዉ ደእያ አማኑዋ ኬና ኦዳናዉ በሴ።
ROM 12:7 ሀራቱዋ ማዱሳ ግዶፐ፥ ሄ ኦሱዋን ምናናዉ በሴ፤ ታማርሱሳ ግዶፐ፥ ሄ ታማርሱዋን ምናናዉ በሴ።
ROM 12:8 ሀራ አሳቱዋ ምንሱሳ ግዶፐ፥ ሄ ኦሱዋን ምናናዉ በሴ። ባረ ሁጰዉ ደእያባፐ ሀራቶ እምያ ኦንነ ዎዛናፐ እሞ። ማታይ ደእያ ኡራይ ምንስ ኦꬃናዉ በሴ፤ ሀራቶ ኬክያ ኡራይ ናሸቻን ኬካናዉ በሴ።
ROM 12:9 ህንተንቱ ሲቁ አሳ በሳናዉ ሲቀትያዋ ግዳናዉ በሰና። ኢታባ እጽተ፤ ሎኦባ ምንሲደ ኦይቂተ።
ROM 12:10 እቱ እቱዋና እሻቱዋዳን ሲቀትተ፤ እቱ እቱዋ ቦንችያዋን ናሸትተ።
ROM 12:11 ምኒደ ኦꬅተ፤ አዛሎፕተ፤ ህንተ ኩመንꬃ ዎዛናፐ ጎዳዉ ኦꬅተ።
ROM 12:12 ጾሳይ ህንተንቶ እማና ጌዳዋን ናሸትተ፤ ዋይያን ገንጭተ። ኡባ ዎደ ጾሳ ዎስተ፤
ROM 12:13 ጾሳ አሳቱዋ ኮሽያባን ማድተ፤ እማꬃ ሞክተ።
ROM 12:14 ህንተንታ የደርስያዋንታ አንጅተ፤ ኡንቱንታ አንጅተፐ አትን፥ ሸቆፕተ።
ROM 12:15 ናሸትያዋንቱና ናሸትተ፤ ዬክያዋንቱናካ ዬክተ።
ROM 12:16 አሳ ኡባዉ እት ማላ ቆፋ ቆፕተ፤ ኦꬅያባን ኡባን ህንተንታ ቶቺደ ደእተፐ አትን፥ ኦቶረቶፕተ፤ ህንተንታ ህንተረካ አꬎ ኤራንቻ ጊደ ቆፖፕተ።
ROM 12:17 ኦንነ ህንተንቶ ኢታባ ኦꬆፐ፥ ሄ ኡራዉ ኢታባ ኦꬅ ዛሮፕተ፤ አሳ ኡባዉ ሎኦባ ኦꬃናዉ ቆፕተ።
ROM 12:18 አሳ ኡባና ሳሮተꬃን ደአናዉ፥ ህንተ ባጋና፥ ህንተንቶ ዳንዳየቴዳባ ኡባ ኦꬅተ።
ROM 12:19 ታናዳን አማንያዋንቶ፥ ህንተ ህንተ ሁጰዉ አሳዉ ሀሉዋ ከሶፕተ። ጾሳይ ሀሉዋ ከሳናዳን፥ አ ቦላ ኦልተ። አያዉ ጎፐ፥ ጾሳ ማጻፋይ፥ “ጎዳይ፥ ‘ታን ሀሉዋ ከሳና፤ ታን ኩሽያ ጭጋና’ ጌ” ያጌ።
ROM 12:20 ሽን ጾሳ ማጻፋይ፥ “ነ ሞርኪ ኮሻቶፐ፥ ምዛ። ሳመቶፐ፥ ኡሻ። አያዉ ጎፐ፥ ኔን ሄዋ ኦꬅያዋን፥ አ ዳርሳ ዬላያሳ” ያጌ።
ROM 12:21 ኢታባ ሎኦባን ጾናፐ አትን፥ ኢታባይ ኔና ጾኖፖ።
ROM 13:1 አሳይ ኡባይ ጋድያ አይስያዋንቶ ኤኖ ጋናዉ በሴ፤ አያዉ ጎፐ፥ ጾሳይ ጌናን ደእሽን፥ ጋድያ አይስያዌ ደአናዉ ዳንዳየና። ሀእ ደእያ አይስያዋንቱካ ጾሳይ ዎꬄዳዋንታ።
ROM 13:2 ሄዋ ድራዉ፥ ሀእ ደእያ አይስያዋንታ እጽያ ኦንነ ጾሳ አዛዙዋ እጼ፤ ባረ ቦላ ፕርዳ አሄ።
ROM 13:3 አያዉ ጎፐ፥ አይስያዋንቱ ኢታባ ኦꬅያዋንታ ያሻናዋፐ አትን፥ ሎኦባ ኦꬅያዋንታ ያሽክኖ። አይስያዎ ያየናን አጋናዉ ኮያይ? ያቶፐ ሎኦባ ኦꬃ፤ እ ኔና ጋላታና።
ROM 13:4 አያዉ ጎፐ፥ እ ነዉ ሎኦባ ኦꬃናዉ፥ ጾሳዉ ቆማ። ሽን ኔን ኢታባ ኦꬆፐ፥ ኢታባ ኦꬄዳዋ እ ሴርያ ድራዉ፥ አዉ ያያ፤ እ ጾሳ ቆማ። ቃይ ኢታባ ኦꬅያዋንቱ ቦላ ጾሳ ሀንቁዋ እ አሄ።
ROM 13:5 ሄዋ ድራዉ፥ ጋድያ አይስያዋንቶ ኤኖ ግያዌ ጾሳ ሙራ ጻላላሳ ግደናን፥ ህንተንቱ ዎዛና ቆፋ ድራዉካ ኤኖ ጋናዉ በሴ።
ROM 13:6 አያዉ ጎፐ፥ ጋድያ አይስያዋንቱ ባረንቱ ኦሱዋ ኦꬅያ ዎደ፥ ጾሳዉ ኦꬅያ ድራዉ፥ ህንተ ቃራጻ ቃንጽያዌ ሄዋሳ።
ROM 13:7 ኡባ አሳዉካ በስያዋ እምተ። ጊራ ጊራናዉ በስያዎ ጊርተ፤ ቃራጻ ቃንጻናዉ በስያዎ ቃንጽተ፤ ያያናዉ በስያዎ ያይተ፤ ቦንቹ በስያዋ ቦንችተ።
ROM 13:8 ህንተንቱ እቱ እቱዋና ሲቀታናፐ አትን፥ ሀራ አጩ ኦ ቦላንነ ደኦፖ። አያዉ ጎፐ፥ ሀራ ሲቅያ ኦንነ ህጊ ግያዋ ፖሌዳ።
ROM 13:9 “ዎሹሞፓ፤ ዎꬎፓ፤ ዉኦፓ፤ አሳባ አሞቶፓ” ግያ አዛዛቱነ ሀራ አዛዛቱ ኡባቱ፥ “ነ ሾሩዋ ነ ሁጲያዳን ሲቃ” ግያ አዛዙዋን ኩሚኖ።
ROM 13:10 ባረ ሾሩዋ ሲቅያ ኦንነ አዉ ኢታባ ኦና፤ ሄዋ ድራዉ፥ ሾሩዋ ሲቅያዌ ህግያ ኡባዉ ኤኖ ግያዋ።
ROM 13:11 ገምእሹዋፐ ህንተ ቤጎትያ ሳቲ ሀእ ጋኬዳ ድራዉ፥ ሀ ዎድያ አኬክተ። አያዉ ጎፐ፥ ኑን ኮይሮ አማኔዳ ዎድያፐ፥ ኑን አትያ ዎዲ ሀእ ኑኮ ማታቴዳ።
ROM 13:12 ቃማይ አꬋናዉ ሀኔ፤ ጋላሳይ ማታቴዳ። ስም ኑን ꬉማ ኦሱዋ አጊደ፥ ፖኡዋን ኦለታናዉ፥ ኦላ ሚሻ ማዮይተ፤
ROM 13:13 ጋላስ ፖኡዋን ደእያ አሳዳን፥ አነ ማራ ደኦይተ። የꬃንነ ማꬁዋን ግዶፖ፤ ዎሹሙሳንነ ዎሹማናዉ ካጄሉሳና ግዶፖ፤ ፓሉማንነ ቃናትያን ግዶፖ።
ROM 13:14 ሽን ጎዳ የሱስ ክርስቶሳ፥ ኦላ ሚሻ አ ማይተ፤ ህንተ ናጋራንቻ አሳተꬃይ ባረ ዎዛና አሙዋ ፖላናዳን፥ አዉ ቆፖፕተ።
ROM 14:1 አማኑዋን አዛልያ ኡራ ሺሽ አክተ። ሽን እ ባረ ሁጰዉ ቆፕያባን አናና ፓሉመቶፕተ።
ROM 14:2 እት ኡራ አማኑ እ አያ ሚናነ ድገና። ሽን አማኑዋን አዛልያ ኡራይ ጋደን ሞኬዳባ ጻላላ ሜ።
ROM 14:3 ኡባባ ምያ ኡራይ ኡባባ ሜና ኡራ ካꬎፖ፤ ኡባባ ሜና ኡራይካ ኡባባ ምያ ኡራ ቦላ ፕርዶፖ። አያዉ ጎፐ፥ ጾሳይ አ ሺሽ አኬዳ።
ROM 14:4 ሀራ አሳ ቆማ ቦላ ፕርድያዌ ኔን ኦኔ? እ ኩንድና ዎይ ደንድና ባረ ጎዳሳ፤ ሽን ጎዳይ አ ደንꬃናዉ ዳንዳይያ ድራዉ፥ እ ኤቃና።
ROM 14:5 እት ኡራይ፥ “ህቃ ጋላሳይ ሀራ ጋላሳቱዋፐ አꬌ” ያጊደ ቆፕያ ዎደ፥ ሀራይ፥ “ኡባ ጋላሳቱካ እት ማላ” ጊደ ቆፔ። አሳይ ኡባይ ሁጲያን ሁጲያን ሄዋዳን አያዉ ቆፕንቶ አኬኮ።
ROM 14:6 እት ጋላሳ ሀራ ጋላሳቱዋፐ አꬂደ ቦንችያ ኡራይ ጎዳ ቦንቾ ቦንቼ፤ ቁማ ምያ ኡራይካ ጎዳ ቦንቾ ሜ። አያዉ ጎፐ፥ እ ሄ ቁማ ድራዉ፥ ጾሳ ጋላቴ። ቁማ ሜናዌካ ጎዳ ቦንቾ ሜናን አጌዳ፤ ቃይ ጾሳ ጋላቴ።
ROM 14:7 አያዉ ጎፐ፥ ኑፐ ኦንነ ባረ ሁጰ ጻላላዉ ደኤና፤ ቃይ ኦንነ ባረ ሁጰ ጻላላዉ ሀይቀና።
ROM 14:8 ኑን ፓጻ ደኦፐ፥ ጎዳዉ ደኤቶ፤ ቃይ ሀይቆፐካ፥ ጎዳዉ ሀይቄቶ። ስም ኑን ፓጻ ደኦፐ ዎይ ሀይቆፐካ ጎዳሳ።
ROM 14:9 ሄዋ ድራዉ፥ ክርስቶስ ፓጻ ደእያዋንቶነ ሀይቄዳዋንቶ ጎዳ ግዳናዉ ሀይቂደ፥ ሀይቁዋፐ ደንዴዳ።
ROM 14:10 ያትና፥ ኔን ነ እሻ ቦላ አያዉ ፕርዳይ? ዎይ ኔን ነ እሻ አያዉ ካꬋይ? ኑን ኡባይካ ጾሳ ፕርዳ ኦይድያ ስንꬃን ኤቃና።
ROM 14:11 አያዉ ጎፐ፥ ጾሳ ማጻፋይ፥ “ ‘ታን ጎዳይ ታ ደኡዋን ጫቃይ፤ አሳይ ኡባይ ታ ስንꬃን ጉልባታና። ቃይ ታን ጾሳ ግድያዋ፥ አሳይ ኡባይ ማርካታና’ ያጋይ” ያጌ።
ROM 14:12 ስም ኑን ሁጲያን ሁጲያን ኑባ ጾሳዉ ኦዳና።
ROM 14:13 ሄዋ ድራዉ፥ ኑን እቱ እቱዋ ቦላ ፕርድያዋ ሀዋፐ ስንꬃዉ አነ አጎይተ። ሽን ኡባፐ አꬂደ፥ ህንተ እሻ ꬉቢያባ ዎይ ናጋራን ኦልያባ ኦናዳን ቆፋ ቃችተ።
ROM 14:14 ታን ጎዳ የሱስ ክርስቶሳና ደእያዋን፥ ባረ ሁጰዉ ቱና ግድያባይ ባይናዋ ኤራይነ አኬካይ። ሽን እት ኡራይ እትባ ቱና ጊደ ቆፖፐ፥ ሄዌ አዉ ቱና ግዴ።
ROM 14:15 ኔን ምያባ ድራዉ፥ ነ እሻ ቆሆፐ፥ ስም ኔን ሲቁዋን ደአካ። ክርስቶስ አ ድራዉ ሀይቄዳ አሳ ነ ምያ ቁማን ባይዞፓ።
ROM 14:16 ስም ኔን ሎኦባ ግያዋ አሳይ ካꬎፖ።
ROM 14:17 አያዉ ጎፐ፥ ጾሳ ካዉተꬃይ ጌሻ አያናይ እምያ ጽሎተꬃ፥ ሳሮተꬃነ ናሸቻ ግድያዋፐ አትን፥ ሙሳነ ኡሻ ግደና።
ROM 14:18 አያዉ ጎፐ፥ ክርስቶሳዉ ሀዋዳን ኦꬅያ ኡራይ ኦንነ ጾሳ ናሸቼ፤ አሳይካ አ ጋላቴ።
ROM 14:19 ያቶፐ፥ አነ ኑን ሳሮተꬃ አህያባነ ኑና እቱዋ እቱዋና ምንስያባ ኡባ ኮዬቶ።
ROM 14:20 ጾሳ ኦሱዋ ቁማ ድራዉ ባይዞፓ። ቁማይ ኡባይ ጌሻ፤ ሽን ሀራ ኡራ ናጋራን የግያዋ ሙሳይ ኢታ።
ROM 14:21 ሄዎ አሹዋ ሜናን ዎይ ኡሻ ኡሸናን አግያዌ ዎይ ነ እሻ ꬉቢያባ አያነ ኦናን አግያዌ ሎአ።
ROM 14:22 ሀ የዉዋን ነ አማኑዋ ኔፐነ ጾሳፐ ግዱዋን ናጋ። እት ኡራይ ሎአ ጊደ እ አማነቴዳዋ ኦꬅያ ዎደ፥ “ታን ሎኡዋ ኦꬃድ” ጊደ ባረ ዎዛናን አማነቶፐ፥ ሄ ኡራይ ቱሙ አንጀቴዳዋ።
ROM 14:23 ሽን እ ሄ ምያባን ስꬎኦፐ፥ አ ሙሳይ አማኑዋና ግደና ድራዉ፥ ጾሳይ አ ቦላ ፕርዴ፤ ቃይ አማኑ ባይናን ኦꬄዳዌ አያይኔካ ናጋራ።
ROM 15:1 ኑን አማኑዋን ምኔዳዋንቱ ዳቡራንቻቱዋ ቶኩዋ ቶካናዉ በሴ፤ ኑን ኑ ጻላላ ናሸቻናዉ በሰና።
ROM 15:2 ኑን ሁጲያን ሁጲያን ኑ እሻ ማዳናዉ፥ አማኑዋን አ ምንሳናዉነ ናሸቻናዉ በሴ።
ROM 15:3 አያዉ ጎፐ፥ ሀራይ አቶ ክርስቶስካ ባረና ናሸችቤና። ሽን ጾሳ ማጻፋይ፥ “ኔና ቦሬዳዋንቱ ቦሬዳ ቦሪ ታ ቦላ ዎꬌዳ” ጌዳዋዳን ሀኔዳ።
ROM 15:4 ጾሳ ማጻፋይ ኑዉ እምያ ገንጫንነ ምኖታን ኑን ደማና ጊደ ናሸቻን ናግ ኡቴዳዌ ደአና ማላ፥ ጾሳ ማጻፋን ጻፈቴዳ ኡባባይ ኑና ታማርሳናዉ ጻፈቴዳ።
ROM 15:5 ህንተንቱ ኡባይ እት ዎዛና ግዲደ፥ እት ቃላን ጾሳ፥ ኑ ጎዳ የሱስ ክርስቶሳ አዉዋ፥ ቦንቻና ማላ፥ ገንጩዋነ ምኖተꬃ እምያ ጾሳይ፥ ህንተንቶ ክርስቶስ የሱስ ኦꬄዳዋዳን፥ እቱ እቱዋና እትፐ ደእያ እት ቆፋ እሞ።
ROM 15:7 ሄዋ ድራዉ፥ ክርስቶስ ህንተንታ ሞኬዳዋዳን፥ ጾሳ ቦንቾ እቱ እቱዋ ሞክተ።
ROM 15:8 አያዉ ጎፐ፥ ጾሳይ አማነቴዳዋ ግድያዋ ኤርሳናዉ፥ ጾሳይ አዋቶ እማና ጌዳዋ ቱማያናዉነ አይሁዳ ግደና አሳይ ጾሳ አ ማሮተꬃ ድራዉ ቦንቻናዉ ክርስቶስ አይሁዳቶ ቆማ ግዴዳዋ ህንተንቶ ኦዳይ። ሄዋ ጾሳ ማጻፋይ፥ “ሄዋ ድራዉ፥ ታን ኔና፥ አይሁዳ ግደና አሳ ግዶን ጋላታና፤ ነ ሱንꬃካ ሳባና” ያጌ።
ROM 15:10 ቃይካ፥ “አይሁዳ ግደና አሳቶ፥ ጾሳ አሳቱዋና ናሸትተ” ያጌ።
ROM 15:11 ቃይካ ጉጂደ፥ “ህንተንቶ፥ አይሁዳ ግደና አሳቶ ኡባቶ፥ ጎዳ ጋላትተ፤ አሳዉ ኡባዉ፥ አ ጋላትተ” ያጌ።
ROM 15:12 ቃይካ እስያስ፥ “እሰይ ዘረꬃይ ዪደ፥ አይሁዳ ግደና አሳ ሞዳናዉ ደንዳና። ቃይ ኡንቱንቱ አ ባጋና ደማና ጊደ፥ ናሸቻን ናጋና” ያጌ።
ROM 15:13 ህንተንቱ አካና ጊደ ናሸቻን ናግያዌ ጌሻ አያና ዎልቃን ድጫናዳን፥ ህንተንቶ እማና ጌዳ ጾሳይ፥ ህንተ አ አማንያ ድራዉ፥ ህንተንቶ ናሸቻነ ሳሮተꬃ ኩንꬂደ እሞ።
ROM 15:14 ታናዳን አማንያዋንቶ፥ ህንተንቱን ሎኦተꬃይነ ኤራተꬃይ ኡባይ ኩሜዳዋነ ቃይ እቱ እቱዋ ዞራናዉ ዳንዳይያዋ ታን ታ ሁጰዉ ኤራድ።
ROM 15:15 ሽን ታን ህንተንታ እትባ እትባ ጉጃ ቆፍሳናዉ፥ ሀ ዳብዳቢያ ግዶን አይነ ያየናን ህንተንቶ ጻፋድ። ታን ክርስቶሳ የሱሳ ቆማ ግዳደ፥ አይሁዳ ግደና አሳዉ ኦꬃናዳን፥ ጾሳይ ታዉ አꬎ ኬካተꬃ እሜዳ ድራዉ፥ ታን አይነ ያያበይከ፤ አይሁዳ ግደና አሳይ ጌሻ አያና ባጋና ጾሳዉ ጌሻ ግዲደ፥ አ ናሸችያ ያርሹዋ ግዳናዳን፥ ጾሳ ዎንጋላ ምሽራቹዋ ኦድያዋን ጌሻተꬃን ኦꬃይ።
ROM 15:17 ሄዋ ድራዉ፥ ታን ክርስቶሳ የሱሳን ግዳደ ጾሳዉ ኦꬅያባን ጬቀታናዉ ዳንዳያይ።
ROM 15:18 አይሁዳ ግደና አሳይ ጾሳዉ አዛዘታናዳን፥ ክርስቶስ ታ ባጋና ቃላን፥ ኦሱዋን፥ ማላን፥ ማላታ ዎልቃንነ ጌሻ አያና ዎልቃን ኦꬄዳዋ ጻላላ ታን ኦዳናፐ አትን፥ ሀራባ ኦዳናዉ ጻልከ። ሄዋ ድራዉ፥ የሩሳላመፐ ዶማደ፥ እልዋርቆና ጌተትያ ጋድያ ጋካናዉ ዩያደ፥ ክርስቶሳ ዎንጋላ ምሽራቹዋ ዉርሳ ኦዳድ።
ROM 15:20 ሀዋዳንካ፥ ታን ሀራ አሳይ ዶሜዳዋ ቦላን ዶመናዳን፥ ክርስቶሳ ሱንꬃይ ጼሰትቤናሳን ዎንጋላ ምሽራቹዋ ኦዳናዉ አሞታድ።
ROM 15:21 ሽን ጾሳ ማጻፋይ፥ “አባይ ሀዋ ጋካናዉ ኦደትቤናዋንቱ አ በአናዋንታ፤ ቃይ አባ ስስቤናዋንቱ አኬካናዋንታ” ያጌ።
ROM 15:22 ሄዋ ድራዉ፥ ታን ጮራ ዎደ ህንተንቱኮ ያናዉ ኮያይ፤ ሽን ያናዉ ዳንዳያበይከ።
ROM 15:23 ሽን ታን ሀእ ሀ ሄራን ታ ኦሱዋ ዉርሴዳ ድራዉነ ጮራ ላይꬃፐ ዶማደ ህንተንታ ባደ በአናዉ ላሞቴዳ ድራዉ
ROM 15:24 ሀእካ ህንተንቱኮ ባና ጋደ ቆፓይ፤ ታን እስፔነ ጌተትያ ጋድያ ባደ ህንተንታ በአናዉ ኮያይ፤ ቃይ አማሬዳ ዎድያ ህንተንታ በኣደ ናሸቶዋፐ ጉይያን፥ እስፔነ ቢሽን፥ ህንተ ታና ማዳና ማላ ኮያይ።
ROM 15:25 ሽን ሀእ ታን ጾሳ አሳቱዋ ማዳናዉ፥ የሩሳላመባይ።
ROM 15:26 አያዉ ጎፐ፥ ማቅዶንያነ አካይያ ጌተትያ ጋድያን ደእያ ዎሳ ጎለ አሳቱ የሩሳላመን ደእያ ህዬሳቶ ሚሻ እማናዉ ኮዬድኖ።
ROM 15:27 ኡንቱንቱ ባረንቱ ሁጰዉ ሀዋ ኦꬃናዉ ቆፋ ቃቼድኖ። ኡንቱንቱ ሄ ህዬሳቱዋ ማዳናዌ ኡንቱንቶ አጩ ደኤ፤ አያዉ ጎፐ፥ አይሁዳቱ ባረንቱ አያና አንጁዋ አይሁዳ ግደና አሳቱዋና ሻኬዳዋ ግዶፐ፥ አይሁዳ ግደና አሳቱካ ቃይ ባረንቶ ደኤዳባን አይሁዳቱዋ ማዳናዉ በሴ።
ROM 15:28 ሄዋ ድራዉ፥ ታን ሀ ኦሱዋ ዉርሴዳዋፐ ጉይያንነ ኡንቱንቶ ሺቄዳ ሚሻ ኡባ እሜዳዋፐ ጉይያን፥ እስፔነ ባደ ህንተ ማታና አꬋና።
ROM 15:29 ታን ህንተንቱኮ ብያ ዎደ፥ ክርስቶሳ አንጁ ታናን ኩምና ባናዋ ኤራይ።
ROM 15:30 ታናዳን አማንያዋንቶ፥ ታዉ ጾሳ ህንተ ዎሲደ፥ ዎሳን ህንተ ታናና ምናናዳን፥ ጎዳ የሱስ ክርስቶሳ ባጋናነ ጌሻ አያናይ እምያ ሲቆተꬃን ታን ህንተንታ ዎሳይ።
ROM 15:31 ታን ይሁዳን ደእያ አማነናዋንቱፐ አታናዳንነ ቃይ ታን የሩሳላመን ኦꬅያ ኦሱ ያን ደእያ ጾሳ አሳቱዋ ናሸችያዋ ግዳናዳን፥ ጾሳ ዎስተ።
ROM 15:32 ቃይ ጾሳይ ጎፐ፥ ታን ህንተንቱኮ ናሸቻን ባደ፥ ህንተ ማታን ሸምፓና።
ROM 15:33 ሳሮተꬃ ጾሳይ ህንተንቱና ኡባና ግዶ። አመንእ።
ROM 16:1 ክንክርያ ጌተትያ ካታማን ደእያ አማንያ አሳና ኦꬅያ ኑ ምቻታ ፔባ ሎኦ ማጫ አሳ ግድያዋ ታን ህንተንታ ኤርሳይ።
ROM 16:2 ህንተንቱ እዞ ጌሻቱ ጎዳ ሱንꬃን ሞክያዋዳን ሞክተ፤ ቃይ እዛ ህንተንቱፐ ኮይያዌ አያ ግዶፐካ፥ እዞ ማድተ፤ አያዉ ጎፐ፥ እዛ ባረ ሁጰዉ ጮራ አሳ ማዳዉ፤ ቃይ ታና ታ ሁጰዉካ ዳርሳ ማዳዉ።
ROM 16:3 ክርስቶሳ የሱሳ ኦሱዋ ታናና እትፐ ኦꬅያ ጵርስቂልዉነ እዝ አስና አቂላስ ታ ሳሮቶዋ ኦድተ።
ROM 16:4 ኡንቱንቱ ታ ሸምፑዋ ድራዉ፥ ባረንቱ ሸምፑዋ አꬅ እሜድኖ። ኡንቱንታ ታ ጻላላ ግደናን፥ አይሁዳ ግደና አሳ አማንያ አሳይ ኡባይካ ጋላቴ።
ROM 16:5 ቃይ ኡንቱንቱ ጎልያ አማንያ አሳይ ሺቅያሳ ኦꬂደ ጋከትያ አሳ ኡባ ሳሮ ጊተ። ኢስያ ጋድያን ክርስቶሳ ኮይሮ አማኔዳ ታ ሲቅያ ኤፓነቶሳዉ፥ ታ ሳሮቶዋ ኦድተ።
ROM 16:6 ህንተንቶ ሎይꬃ ዳቡሬዳ ማይራሞ ሳሮትተ።
ROM 16:7 ታናና ቃሾ ጎለን ደኤዳ ታ ዳቦ ግዴዳ አይሁዳቱዋ፥ አንድሮንቆሳነ ዩንያሳ ሳሮትተ። የሱስ ኪቴዳዋንቱ ግዶን ኡንቱንቱ ሎይꬅ ኤረቴዳዋንታ። ቃይ ኡንቱንቱ ክርስቶሳ ታፐ ካሰና አማኔድኖ።
ROM 16:8 ጎዳና እትፐተꬃን ደእያ ታ ሲቆ ላግያ አምፕልያቶሳዉ ታ ሳሮቶዋ ኦድተ።
ROM 16:9 ክርስቶሳ ኦሱዋ ኑናና እትፐ ኦꬅያ ኡርባኖሳነ ታን ሲቅያ እስጻኩሳ ሳሮትተ።
ROM 16:10 ክርስቶሳና እ ደእያዌ ኤረትና ፓጭያ ጾኔዳ አጰሊሳዉ ታ ሳሮቶዋ ኦድተ፤ አርስጾብሎሳ ሶይ አሳዉካ ታ ሳሮቶዋ ኦድተ።
ROM 16:11 ታ ዳቦ ግዴዳ አይሁዳዊያ ሄሮድዮናነ ክርስቶሳ አማንያ ናርሲሰሳ ሶይ አሳ ሳሮትተ።
ROM 16:12 ጎዳ ኦሱዋን ዳቡርያ ትሩፋይናነ ትሩፎሶ ጌተትያ ማጫዋንታ ሳሮትተ፤ ቃይ ጎዳዉ ዳሮ ዳቡራደ ኦꬅያ ሲቅያ ፐርሲሶ ሳሮትተ።
ROM 16:13 ጎዳ ኦሱዋን ሎይꬅ ኤረቴዳ ሩፎሳየዉነ ታና ባረ ናኣዳን ማዴዳ አ ዳይዉ ታ ሳሮቶዋ ኦድተ።
ROM 16:14 ታ ሳሮቶዋ አስንክሪቶሳዉ፥ ፕሌጎናዉ፥ ሄርሜሳዉ፥ ፓትሮባሳዉነ ኡንቱንቱና ደእያ አማንያ እሻቱዋ ኡባዉ ኦድተ።
ROM 16:15 ፕሌጎና፥ ዩሎ፥ ኔርያ፥ አ ምቻቶ፥ ኦሉምፖሳነ ኡንቱንቱና ደእያ ጾሳ አሳቱዋ ኡባ ሳሮትተ።
ROM 16:16 ጌሻ አሳዉ በስያ የረታ የረቲደ፥ እቱ እቱዋ ሳሮትተ፤ ክርስቶሳን አማንያዋንቱ ኡባቱ ህንተንታ ሳሮ ያጌድኖ።
ROM 16:17 ታናዳን አማንያዋንቶ፥ አሳ ግዶን ሻኮተꬃ መꬍያዋንታ፥ አሳ አማኖ ꬉቦ ግድያዋንታነ ህንተ ታማሬዳ ትምርትያና ጋከተናዋ ታማርስያዋንታ አኬካናዳን፥ ታን ህንተንታ ዎሳይ። ኡንቱንቱኮ ሺቆፕተ።
ROM 16:18 አያዉ ጎፐ፥ ሄዋ ማላባ ኦꬅያዋንቱ ባረንቱ ኡሎ ኦꬂኖፐ አትን፥ ኑ ጎዳ የሱስ ክርስቶሳዉ ኦꬅክኖ፤ ባረንቱ ላብያ ሃሳያንነ ቅꬍያን ኢታባ ቆፐና አሳ ዎዛና ባለꬂኖ።
ROM 16:19 ዎንጋላዉ ህንተ አዛዘቴዳዋ አሳይ ኡባይ ስሴዳ። ሄዋ ድራዉ፥ ታን ህንተባን ናሸታይ፤ ሽን ሎኦተꬃዉ ህንተ አꬌዳ ኤራንቻ ግዳናዳንነ ቃይ ኢታባዉ አሽከ ግዳናዳን ኮያይ።
ROM 16:20 ሳሮተꬃ ጾሳይ ሴጻና ህንተ ገድያፐ ጋርሳና ሃከና ማታ ዎደ ጋጫና። ኑ ጎዳ የሱስ ክርስቶሳ አꬎ ኬካተꬃይ ህንተንቱና ግዶ።
ROM 16:21 ታናና ኦꬅያ ጽሞቶሰ ህንተንታ ሳሮ ያጌ፤ ቃይ ሀዋዳንካ፥ ታ ዳባቱ ሉቅዮስ፥ ያሶንነ ሶሲጳጽሮስ ህንተንታ ሳሮ ያጊኖ።
ROM 16:22 ታን፥ ጻርጽዮስ፥ ሀ ዳብዳቢያ ጻፌዳዌ፥ ህንተንቶ ጎዳ ሱንꬃን ሳሮታ ኪታይ።
ROM 16:23 አማንያ አሳይ ኡባይ አ ሶይን ሺቅያ ታ ሲራ ጋዮስ ህንተንታ ሳሮ ያጌ፤ ካታማ ሚሻ ኦይቂያ ኤራስጾስነ ኑ እሻይ ቁዋርጾስ ህንተንታ ሳሮ ያጊኖ።
ROM 16:24 ኑ ጎዳ የሱስ ክርስቶሳ አꬎ ኬካተꬃይ ህንተንቱና ኡባና ግዶ። አመንእ።
ROM 16:25 ኑን ጾሳ ጋላቴቶ። ታን ዎንጋላ ባጋና የሱስ ክርስቶሳባ ኦዴዳዋዳንነ ዳሮ ዎድያፐ ጌሚደ፥ ሀእ ቆንጬዳ ቱማተꬃዳን፥ ህንተ አማኑዋን ህንተንታ ጾሳይ ምንሳናዉ ዳንዳዬ።
ROM 16:26 ሽን ሀእ ናባቱ ጻፌዳዋ ባጋና ቱማተꬃይ ቆንጭያን ኤረታናዳን ኦꬄዳ፤ ቃይ አሳ ኡባይ ጾሳ አማኒደ አዛዘታናዳን፥ መꬍና ጾሳ አዛዙዋን፥ ሀ አላምያን ደእያ አሳ ዘረꬃ ኡባዉ ቆንጬዳ።
ROM 16:27 አꬌዳ ኤራተꬃይ አ ጻላላዉ ደእያ እት ጾሳዉ የሱስ ክርስቶሳ ባጋና መꬍናዉ ቦንቹ ግዶ። አመንእ።
1CO 1:1 ታን፥ ጾሳ ሸንያን የሱስ ክርስቶስ ኪቴዳዋ ግዳናዉ ጼሰቴዳ ጳዉሎስነ፥ ኑ እሻ ሶስተኒስ፥
1CO 1:2 ቆሮንቶሳን ደእያ ጾሳ አማንያ አሳቶ፥ የሱስ ክርስቶሳን ጌዬዳዋንቱስነ፥ ኑዉ ጎዳ ግድያ ኑ ጎዳ የሱስ ክርስቶሳ ሱንꬃ ኡባ ሳኣን ጼስያ ኡባቱዋና ጌሻ ግዳናዉ ጼሰቴዳዋንቶ ሀ ዳብዳቢያ ጻፌቶ።
1CO 1:3 ጾሳይ፥ ኑ አዉነ ኑ ጎዳይ የሱስ ክርስቶስ ህንተንቶ አꬎ ኬካተꬃነ ሳሮተꬃ እሞ።
1CO 1:4 ጾሳይ ክርስቶሳ የሱሳ ባጋና ህንተንቶ እሜዳ አꬎ ኬካተꬃ ድራዉ፥ ታን ኡባ ዎደ ህንተንቶ ጾሳ ጋላታይ።
1CO 1:5 ታን ክርስቶሳዉ ማርካትያዌ ህንተንቱን ምኔዳ ድራዉ፥ ህንተ ኡባባን፥ ሃሳያ ኡባን ኤራተꬃ ኡባን፥ አን ዱረቴድታ።
1CO 1:7 ሀዋዳን ህንተ ኑ ጎዳ የሱስ ክርስቶሳ ዩሳ ናግሽን፥ አያና እሞታፐ ሀራይ አቶ እቱነ ህንተንቶ ፓጨና።
1CO 1:8 ቃይ ኑ ጎዳ የሱስ ክርስቶሳ ጋላሳን ህንተ ካꬌ ባይናዋንታ ግዳናዳን፥ ዉርሰꬃይ ጋካናዉ እ ህንተንታ ምንሳናዋ።
1CO 1:9 ባረ ናኣ ኑ ጎዳ የሱስ ክርስቶሳ እትፐተꬃዉ ህንተንታ ጼሴዳ ጾሳይ አማነቴዳዋ።
1CO 1:10 ሽን ታናዳን አማንያዋንቶ፥ እት ዎዛናንነ እት ቆፋን እትፐ ግዳናፐ አትን፥ ሻኮተꬃይ ህንተ ግዶን ደኤና ማላ፥ ህንተ ኡባይ እት ሃሳያ ሃሳያናዳን፥ ኑ ጎዳ የሱስ ክርስቶሳ ሱንꬃን ታን ህንተንታ ዎሳይ።
1CO 1:11 አያዉ ጎፐ፥ ታናዳን አማንያዋንቶ፥ ቃሎአ ሶይ አሳይ ህንተንቱባ፥ ህንተ ግዶን ዋላሳይ ደእያዋ፥ ታዉ ኦዴድኖ።
1CO 1:12 ታን ግያዌ ሀዋ፤ ህንተንቱ ሁጲያን ሁጲያን፥ “ታን ጳዉሎሳዋ። ታን አጲሎሳዋ። ታን ኬፋዋ። ታን ክርስቶሳዋ” ያጊታ።
1CO 1:13 ክርስቶስ ሻከቴዴ? ህንተንቱ ድራዉ፥ ማስቃልያ ቦላ ምስማርያን ꬍሸቲደ ካቀቴዳዌ ጳዉሎስ? ዎይ ህንተ ጳዉሎሳዉ ግዳናዉ ጻማቀቴድቴ?
1CO 1:14 ታን ቃርስጶሳፐነ ጋዮሳፐ አትን፥ ህንተንቱፐ ኦናነ ጻማቃቤና ድራዉ፥ ጾሳ ጋላታይ።
1CO 1:15 ሄዋ ድራዉ፥ ኦንነ ህንተንታ ታዉ ግዳናዳን ጻማቀቴድታ ጋናዉ ዳንዳየና።
1CO 1:16 ቃይ፥ ኤ፥ እስጽፋኖሳ ሶይ አሳካ ታን ጻማቃድ። ሽን ሀራ ጉጃደ ጻማቃድታንቶነ ዎዛና አꬅከ።
1CO 1:17 አያዉ ጎፐ፥ ክርስቶስ ታና ምሽራቹዋ ቃላ ኦዳና ማላ ኪቴዳፐ አትን፥ ጻማቃና ማላ ኪትቤና፤ ቃይ ክርስቶስ ማስቃልያ ቦላ ሀይቄዳዌ መላ ግደና ማላ፥ ታን አሳ አꬌዳ ኤራተꬃ ቃላን ታማርስከ።
1CO 1:18 አያዉ ጎፐ፥ ክርስቶስ ማስቃልያ ቦላ ሀይቄዳዋ ኦድያ ቃላይ ꬋይያዋንቶ ኤያተꬃ። ሽን ኑዉ አትያዋንቶ ጾሳ ዎልቃ።
1CO 1:19 ጾሳ ማጻፋይ፥ “ታን ኤራንቻቱዋ አꬌዳ ኤራተꬃ፥ ባይዛና፤ ቃይ አኬካንቻቱዋ አኬካካ ꬋይሳና” ያጌ።
1CO 1:20 አꬌዳ ኤራንቻይ ሀቃን ደኢ? ህግያ ታማርስያዌ ሀቃን ደኢ? ዎይ ሀ አላምያ ጾናናዉ ፓሉመትያዋንቱ ዋናንድኖሻ? ጾሳይ ሀ ሳኣ አꬎ ኤራተꬃይ ኤያተꬃ ግድያዋ በሴዳ!
1CO 1:21 አያዉ ጎፐ፥ አሳይ ባረ ሁጰ አꬎ ኤራተꬃን ባረና ጾሳ ኤረና ማላ፥ ጾሳይ ባረ አꬎ ኤራተꬃን ድጊደ፥ ኑን ኦድያ ኤያ ቃላን አማንያዋንታ አሻናዉ ቆፔዳ።
1CO 1:22 አይሁዳቱ ማላታ ኦቺኖ። ቃይ ግሪከ አሳቱ አꬎ ኤራተꬃ ዎልቃማ ኮሻ ኮዪኖ።
1CO 1:23 ሽን ኑን ማስቃልያ ቦላ ምስማርያን ꬍሸቲደ ካቀቴዳ ክርስቶሳባ ኦዴቶ። ሄዌ አይሁዳቶ ꬉቦ፤ ቃይ አይሁዳ ግደናዋንቶ ኤያተꬃ።
1CO 1:24 ሽን ጾሳይ ጼሴዳዋንቶ አይሁዳቶካ ግሪካቶካ ኑን ኦድያ ጾሳ ዎልቃይነ አ አꬎ ኤራተꬃይ ክርስቶሳ።
1CO 1:25 አያዉ ጎፐ፥ ጾሳ ኤያተꬃይ አሳ አꬌዳ ኤራተꬃፐ አꬌ፤ ቃይ አ ላፋተꬃ ጌተትያዌካ አሳ ምኖተꬃፐ ምኔ።
1CO 1:26 ስም ታናዳን አማንያዋንቶ፥ ጾሳይ ህንተንታ ጼስያ ዎደ ህንተ ዎይሳ ማላ አሰንቶ ቆፕተ። አሳ ቆፋን ህንተ ግዶን አꬎ ኤራንቻቱ፥ ዎልቃማቱነ ꬎቃ ሼሻቱ ዳራ ግድክኖ።
1CO 1:27 ሽን ጾሳይ አꬌዳ ኤራንቻቱዋ ዬላያናዉ፥ አላምያን ደእያ ኤያቱዋ ዶሬዳ፤ ቃይ ምናቱዋ ዬላያናዉ፥ አላምያን ደእያ ላፋቱዋ ዶሬዳ።
1CO 1:28 ጾሳይ ሀ አላምያን ዎልቃማባ ጊደ ቆፕያዋ ꬋይሳናዉ፥ ሀ አላምያ ማደናባ ካቶባነ ሀንቤናባ ዶሬዳ።
1CO 1:29 ሄዋ ድራዉ፥ ኦንነ ጾሳ ስንꬃን ጬቀታናዉ በሰና።
1CO 1:30 ሽን ጾሳይ ህንተንቶ ክርስቶስ የሱሳ ደኡዋ ኦꬅ እሜዳ። ክርስቶስ ኑዉ አꬎ ኤራተꬃ፥ ጽሎተꬃ፥ ጌሻተꬃነ አቶተꬃ ግዴዳ።
1CO 1:31 ሄዋ ድራዉ፥ ጾሳ ማጻፋይ፥ “ጬቀትያ ኡራይ ኦንነ፥ ጎዳይ ኦꬄዳዋን ጬቀቶ” ያጌ።
1CO 2:1 ታናዳን አማንያዋንቶ፥ ታን ጾሳ ቱማተꬃ ጹራ ህንተንቶ ኦዳናዉ ህንተንቱኮ ዬዳ ዎደ፥ ꬎቃ ቃላንነ አꬌዳ ኤራተꬃን ኦዳናዉ ያበይከ።
1CO 2:2 አያዉ ጎፐ፥ ታን ህንተንቱና ደኣደ፥ የሱስ ክርስቶሳፐነ ቃይ ማስቃልያ ቦላ ምስማርያን ꬍሸቲደ እ ካቀቴዳዋፐ አትን፥ ሀራባ ኤረናዳን፥ ታ ቆፋ ቃቻድ።
1CO 2:3 ታን ዳቡራንነ ያሻን ዳሮ ኮኮርሳን ህንተንቱና ደኣድ።
1CO 2:4 ታን ታማርስያዋነ ኦድያዋ ጾሳ አያናንነ ዎልቃን ቆንጭሳይፐ አትን፥ ጪማ ግዲደ አꬌዳ ኤራተꬃ ቃላና ግደና።
1CO 2:5 ሄዋ ድራዉ፥ ህንተ አማኑ ጾሳ ዎልቃናፐ አትን፥ አሳ አꬎ ኤራተꬃን ዘምፕቤና።
1CO 2:6 ኑን አያናን ዎዛናማቱዋ ግዶን አꬎ ኤራተꬃ ሃሳዬቶ። ሽን ሄዌካ ሀ አላምያ አꬎ ኤራተꬃ ግደና፤ ዎይ ሀ አላምያ ሞድያ ꬋይያዋንቱ አꬎ ኤራተꬃ ግደና።
1CO 2:7 ሽን ኑን ኦድያ አꬎ ኤራተꬃይ፥ ጾሳይ ካሰቲደ፥ ጮራ ዎድያፐ ካሰ ኑ ቦንቾ ዶሬዳ አሳፐ ጌሜዳ አ ጹራ አꬎ ኤራተꬃ።
1CO 2:8 ሀ አላምያ ሞድያዋንቱፐ ኦንነ ሀ አꬎ ኤራተꬃ ኤርቤና። ኡንቱንቱ ኤሬዳዋ ግድንቶ፥ ቦንቾ ጎዳ ማስቃልያ ቦላ ምስማርያን ꬍሺደ ካቂክኖ።
1CO 2:9 ሽን ጾሳ ማጻፋይ፥ “ኦንነ አይፍያን በእቤናዌ፥ ሀይꬃንካ ስስቤናዌ፥ ቃይ ኦንነ ባረ ዎዛናን ቆፕቤናዌ ጾሳይ ባረና ሲቅያዋንቶ ጊግሴዳዋ” ግያዋዳን ኑን ሃሳዬቶ።
1CO 2:10 ጾሳይ ባረ ጹራ የዉዋ ባረ አያናን ኑና ኤርሴዳ፤ አያዉ ጎፐ፥ ጌሻ አያናይ ጾሳባ ሀራይ አቶ ጌሜዳ የዉዋ ኡባ ብዴ።
1CO 2:11 አያዉ ጎፐ፥ አሳን ደእያ አሳ አያናፐ አትን፥ አሳባ ኤርያዌ ኦኔ? ሀዋዳንካ፥ ቃይ ጾሳባ ጾሳ አያናፐ አትን፥ ኦንነ ኤረና።
1CO 2:12 ኑን ጾሳይ ኑዉ እሜዳባ ኡባ ኤራናዉ እ ኑዉ የዴዳ አያና አኬዶፐ አትን፥ አላምያ አያና አክበይኮ።
1CO 2:13 ኑን አያና የዉዋ አያና የዉዋና ጋꬂደ፥ ጌሻ አያናይ ኑና ታማርሴዳ ቃላን ሀዋ ሃሳዬቶፐ አትን፥ አሳ አꬎ ኤራተꬃይ ኑና ታማርሴዳ ቃላን ሃሳዮኮ።
1CO 2:14 ሽን ጌሻ አያናይ ባይና አሳይ ጾሳ አያና የዉዋ አከና፤ አያዉ ጎፐ፥ ሄዌ አዉ ኤያተꬃ። የዉ ጌሻ አያናን ፓጨትያ ድራዉ፥ እ ኤራናዉ ዳንዳየና።
1CO 2:15 ሽን ጌሻ አያናይ ደእያ አሳይ ኡባባ ሻኬ፤ ሽን እ ባረ ሁጰዉ ኦናንነ ሻከተና።
1CO 2:16 አያዉ ጎፐ፥ ጾሳ ማጻፋይ፥ “ጎዳ ዎዛና ኤርያዌ ኦኔ? አ ዞራናዉ ዳንዳይያዌ ኦኔ?” ያጌ። ሽን ኑዉ ክርስቶሳ ዎዛናይ ደኤ።
1CO 3:1 ታናዳን አማንያዋንቶ፥ ታን ጌሻ አያናይ ደእያ አሳዉ ሃሳይያዋዳን፥ ህንተንቶ ሃሳያናዉ ዳንዳያበይከ። ሽን ሀ አላምያ አሳዉ ሃሳይያዋዳንነ አማኑዋን ምንቤና ክርስቶሳን ደእያ ጉꬃ ናና ማላ አሳዉ ሃሳይያዋዳን ሃሳያድ።
1CO 3:2 ህንተንቱ ብሮ ምኖ ቁማ ማናዉ ዳንዳይቤና ድራዉ፥ ታን ህንተንታ ማꬃ ፓካድ፤ ሀራይ አቶ፥ ሀእካ ዳንዳይበይክታ።
1CO 3:3 አያዉ ጎፐ፥ ህንተ ሀእካ ሀ አላምያ አሳዳን ደኢታ። ህንተንቱ ሀ አላምያ አሳ ግድያዋ ህንተ ግዶን ደእያ ቃናቲነ ፓሉማይ ኤርሰኔ? ቃይ ሀ አላምያ አሳዳን ስመረቲታ።
1CO 3:4 አያዉ ጎፐ፥ ህንተንቱፐ እቱ፥ “ታን ጳዉሎሳዋ” ጎፐ፥ ሀራይ ቃይ፥ “ታን አጲሎሳዋ” ጎፐ፥ ሀ አላምያ አሳ ማላ ግድክቴ?
1CO 3:5 ያትና፥ አጲሎስ ኦኔ? ጳዉሎስ ኦኔ? ኑን ህንተንታ አማንꬄዳ ጾሳ ካልያዋንታ። ጾሳይ ኑዉ ሁጲያን ሁጲያን እሜዳ ኦሱዋ ኦꬄቶ።
1CO 3:6 ታን ፑትያ ቶካድ፤ አጲሎስ ሃꬃ ኡሼዳ፤ ሽን ጾሳይ ፑትያ ድቼዳ።
1CO 3:7 ሄዋ ድራዉ፥ ድችያ ጾሳፐ አትን፥ ቶክያዌካ ሃꬃ ኡሽያዌካ አያነ ግደና።
1CO 3:8 ቶክያዌነ ሃꬃ ኡሽያዌ እት ማላ፤ ሽን ጾሳይ ሁጲያን ሁጲያን አ ዳቡራ ኬና አዉ ዎይታና።
1CO 3:9 ኑን ጾሳዉ እትፐ ኦꬅያ አ ኦሳንቻቱዋ ግድያ ድራዉ፥ ህንተ አ ኦሱዋ ሳኣ። ቃይካ ህንተ ጾሳ ጎልያ።
1CO 3:10 ጾሳይ ታዉ እሜዳ አꬎ ኬካተꬃን ኤራንቻ አናጽያዳን፥ ጎልያ ባሱዋ ባሳድ። ሀራ ኡራይ አ ቦላ ኬጼ። ሽን አ ቦላ ኬጽያ ኦንነ ዎት ኬጽንቶ፥ ባረ ሁጰዉ ናገቶ።
1CO 3:11 አያዉ ጎፐ፥ ጾሳይ የሱስ ክርስቶሳ ጻላላ ባሶ ኦꬂደ ዎꬄዳ። አፐ ሀራ ባሱዋ ባሳናዉ ኦንነ ዳንዳየና።
1CO 3:12 ሽን ሀ ባሱዋ ቦላ ኦንነ ዎርቃን ግድና፥ ብራን ግድና፥ አልኦ ሹቻን ግድና፥ ምꬃን ግድና፥ ጋታን ዎይ ማቃን ኬጾፐ፥
1CO 3:13 አሳ ኡባ ኦሱ ቆንጭያ ከሳናዋ። አያዉ ጎፐ፥ ታማን ቆንጫና ድራዉ፥ ሄ ጋላሳይ አሳ ኡባ ኦሱዋ በሳና። አሳይ ኡባይ ባረ ኦሱዋ ዎት ኦꬄደንቶነ ታማይ ፓጫና።
1CO 3:14 ኦንነ ባሱዋ ቦላ ኬጼዳ ኦሱ ምኒደ አቶፐ፥ እ ዎይታ አካናዋ።
1CO 3:15 ኦ ኦሱነ ጉደቶፐ፥ ሄ ኡራይ ቆሄታና። እ ባረ ሁጰዉ አታና፤ ሽን ታማ ግዶፐ ከስ አኮዋዳን አታና።
1CO 3:16 ህንተንቱ ጾሳይ አቅያ ጌሻ ጎልያ ግድያዋነ ጾሳ አያናይ ህንተንቱን ደእያዋ ኤርክቴ?
1CO 3:17 ኦንነ ጾሳ ጌሻ ጎልያ ኮሎፐ፥ ጾሳይ አ ኮላና። አያዉ ጎፐ፥ ጾሳይ አቅያ ጌሻ ጎሊ ጌሻ፤ ሄ ጌሻ ጎሊካ ህንተንታ።
1CO 3:18 ኦንነ ባረ ሁጲያ ጭሞፖ። ህንተንቱፐ ኦንነ ባረና ሀ አላምያን አꬎ ኤራንቻ ያጊደ ቆፖፐ፥ አꬎ ኤራንቻ ግዳናዉ፥ ኤያ ግዶ።
1CO 3:19 አያዉ ጎፐ፥ ሀ አላምያ አꬎ ኤራተꬃይ ጾሳ ስንꬃን ኤያተꬃ። ጾሳ ማጻፋይ፥ “ጾሳይ አꬎ ኤራንቻቱዋ፥ ኡንቱንታ ኡንቱንቱ ገንያን ኦይቄ” ያጌ።
1CO 3:20 ቃይ፥ “አꬌዳ ኤራንቻቱዋ ቆፋይካ፥ ማዱ ባይናዋ ግድያዋ ጎዳይ ኤሬ” ያጌ።
1CO 3:21 ሄዋ ድራዉ፥ ኦንነ አሳን ጬቀቶፖ። አያዉ ጎፐ፥ ኡባባይካ ህንተዋ።
1CO 3:22 ጳዉሎስካ፥ አጲሎስካ፥ ኬፋይካ፥ ሀ አላሚካ፥ ደኡካ፥ ሀይቁካ፥ ሀእ ደእያዌካ፥ ስንꬃፐ ያናዌካ፥ ኡባይካ ህንተዋ።
1CO 3:23 ህንተንቱ ክርስቶሳዋንታ፤ ክርስቶስካ ጾሳዋ።
1CO 4:1 አሳይ ኑና ክርስቶሳዉ ኦꬅያዋንቱዳንነ ጾሳ ጎለን ደእያ ጹራ ናግያ አሳዳን ቆፖ።
1CO 4:2 ያቲደ ሄ አሳቱ ባረንቱ ጎዳዉ አማነቴዳዋንታ ግዲደ፥ ቤታናዉ ኮሼ።
1CO 4:3 ሽን ህንተ ዎይ ሀራይ ታ ቦላ ፕርዶፐ፥ አይነ ግደና። ሀራይ አቶ፥ ታንካ ታ ሁጲያን ፕርድከ።
1CO 4:4 አያዉ ጎፐ፥ ታን ታ ሁጲያን አያኔካ ኤርያባይ ባዋ፤ ሽን ታና ሄዌ ጽልሰና። ታና ፕርድያዌ ጎዳ።
1CO 4:5 ሄዋ ድራዉ፥ ጎዳይ ꬉማን ጌሜዳባ ፖኡዋ ከስያዌ፥ ዎዛና ቆፋ ቆንጭስያዌ ያና ዎዲ ጋካናዉ ኦ ቦላንነ ኦናነ ፕርዶፕተ። ሄ ዎደ፥ አሳይ ኡባይ ሁጲያን ሁጲያን ጾሳፐ ሳባ ደማናዋ።
1CO 4:6 ታናዳን አማንያዋንቶ፥ ህንተንቱፐ ኦንነ እቱ ታማርስያዋ ሳቢደ፥ ሀራይ ታማርስያዋ ቦረና ማላ፥ “ጾሳ ማጻፋን ጻፈቴዳዋ ቦንቻ” ያግያዋ ህንተ ኑናና ታማራና ማላ፥ ህንተ ድራዉ፥ ታባነ አጲሎሳባ ሌምሱዋዳን ኦዳድ።
1CO 4:7 አያዉ ጎፐ፥ ሀራቱዋፐ ኔና ኦኔ ꬎቂሴዳዌ? ኔን ጾሳፐ አካቤናባይ ነዉ አዬ ደእያዌ? ያትና፥ ኔን አኬዳዋ ግዶፐ፥ አያዉ አካቤናዋዳን ጬቀታይ?
1CO 4:8 ሀእ ህንተ ካሌድታ። ሀእ ዱረቴድታ። ኑን ባይናን ህንተረካ ካዉቴድታ። ኑንካ ህንተንቱና ካተታናዳን፥ ህንተ ካዉቴድተንቶ ሎአ ሽን።
1CO 4:9 አያዉ ጎፐ፥ ታዉ ማላትያዋዳን፥ ኑን ሀ ሳአዉ፥ ኪታንቻቶነ አሳዉ ካሳ ግዴዳ ድራዉ፥ ጾሳይ ኑና የሱስ ኪቴዳዋንታ ሀይቆ ፕርደቴዳ አሳዳን፥ ኡባፐ ዉርሰꬃ ኦꬄዳ።
1CO 4:10 ኑን ክርስቶሳ ድራዉ ኤያ፥ ሽን ህንተ ክርስቶሳን አꬌዳ ኤራንቻ። ኑን ዳቡራንቻ፥ ሽን ህንተ ምና። ህንተንቱ ቦንቼቴዳዋንታ፥ ሽን ኑን ቶሸቴዳዋንታ።
1CO 4:11 ሀ ዎዲ ጋካናዉ፥ ኑን ኮሻቴቶ፤ ሳመቴቶ፤ ካሎቴቶ፤ ደሸቴቶ። ቃይ ደእያ ሳኣ ꬋዪደ ዩዬቶ።
1CO 4:12 ኑን ኑ ኩሽያን ኦꬂደ ዳቡሬቶ። ኑና አሳይ ሸቂያ ዎደ፥ አንጄቶ። ኑና የደርስ ዩይያ ዎደካ ዳንዳዬቶ።
1CO 4:13 ኑ ቦላ ኢታባ ሃሳይያ ዎደ፥ ኑን ሎኦ ቃላ ዛሬቶ። ኑን ሀዋ ጋካናስካ፥ ሀ ሳኣ ፕቱዋነ ኡባባ ቡራ ግዴዶ።
1CO 4:14 ታን ታ ሲቅያ ናናዳን፥ ህንተንታ ሴራናዉ ሀዋ ጻፋድፐ አትን፥ ዬላያናዉ ጻፋበይከ።
1CO 4:15 አያዉ ጎፐ፥ ክርስቶሳን ህንተንታ ድችያ ታሙ ሻአ አሳይ ህንተንቶ ደኦፐካ፥ ህንተንቶ እት አዉዋፐ ሀራይ ባዋ። አያዉ ጎፐ፥ ታን ምሽራቹዋ ቃላ ህንተንቶ አሄዳዋዳን፥ ክርስቶሳ የሱሳን ህንተንቶ አዉዋ ግዳድ።
1CO 4:16 ስም ታናዳን ሀንተ ያጋደ ህንተንታ ዎሳይ።
1CO 4:17 ሄዋ ድራዉ፥ ጎዳን አማነቴዳ ታ ሲቅያ ታ ናኣ ጽሞቶሳ ህንተንቱኮ ኪታድ። እ ኡባ ሳኣን ደእያ አማንያ አሳ ኡባዉ ታን ታማርስያ ክርስቶሳ የሱሳን ደእያ ታ ኦግያ ህንተንታ ሀሳይሳናዋ።
1CO 4:18 ታን ህንተንታ በአናዉ ህንተንቱኮ ዬናባ ማላትና፥ ኦቶረትያ እት እት አሳቱ ደኢኖ።
1CO 4:19 ሽን ጎዳይ ጎፐ፥ ታን ህንተንቱኮ ኤለካ ባደ ሄ ኦቶረትያ አሳቶ ሃሳያ ግደናን፥ ኡንቱንቱ ዎልቃ ኤራና።
1CO 4:20 አያዉ ጎፐ፥ ጾሳ ካዉተꬃይ ጾሳ ዎልቃናፐ አትን፥ ሃሳያና ግደና።
1CO 4:21 ታን ህንተንቱኮ ሙርያ ጻምኣና ዮየ ዎይ ሲቁዋናነ አሽከ አያናና ዮ? ሀቃዋ ዶሪቴ?
1CO 5:1 ህንተንቱ ግዶን ፖኮ ዎሹማ ኦሱ ደእያዌ ዝግረቴ፤ ሄዋ ማላ ፖኮ ዎሹማ ኦሱ ሀራይ አቶ፥ ጾሳ አማነና አሳ ግዶንነ ባዋ። አያዉ ጎፐ፥ ባረ አዉዋ ማቻቶ አኬዳ አሳይ ደኤ።
1CO 5:2 ህንተንቱካ ኦቶረቴድታ። ሄዋፐ ህንተ ካዮታናዉ በሰኔ? ሄዋ ማላ ፖኮ ኦሱዋ ኦꬄዳ ብታኒ ህንተ ግዶፐ ክቻናዉ በሴ።
1CO 5:3 አያ ግድናካ ታን ታ አሳተꬃን ህንተንቱና ደኤናን ꬋዮፐካ፥ አያናን ህንተንቱና ደአይ። ሀእ ህንተንቱና ደእያዋዳን ሀናደ፥ ሄዋ ማላ ኦሱዋ ኦꬄዳ ብታንያ ቦላ ኑ ጎዳ የሱስ ክርስቶሳ ሱንꬃን ፕርዳድጋድ። ህንተንቱነ ታ አያናይ ኑ ጎዳ የሱስ ክርስቶሳ ዎልቃና እትፐ ሺቂደ፥
1CO 5:5 ሄ ብታንያ አያናይ ጎዳ የሱስ ፕርዳዉ ይያ ጋላሳን አታና ማላ፥ ናጋራን ኩሜዳ አ ቦላ ኮላናዳን ሴጻናዉ ህንተ እማናዳን፥ ታን ፕርዳድ።
1CO 5:6 ህንተንቱ ጬቁ ሎአ ግደና። ጉꬃ እርሹ ሙናቃ ኡባ ደንꬅያዋ ኤርክቴ?
1CO 5:7 ህንተንቱ ኦራꬃ ግዳና ማላ፥ ናጋራ እርሹ ጫሌዳዋ ከስተ። ህንተንቱ እርሹ ባይና ሙናቃ ማላ። አያዉ ጎፐ፥ ኑ ፓስጋ ዶርሳይ፥ ክርስቶስ ያርሸቴዳ።
1CO 5:8 ሄዋ ድራዉ፥ ኑን ኡክꬃ ባላ ሱረተꬃንነ ቱማተꬃን ቦንቻናፐ አትን፥ ጫላ እርሹዋን፥ ኢታተꬃ እርሹዋንነ ጌላተꬃ እርሹዋን ቦንቾኮ።
1CO 5:9 ዎሹማናዉ ቆፕያዋንቱና ህንተ እትፐ ጋይተና ማላ፥ ህንተንቶ ዳብዳቢያ ጻፋድ።
1CO 5:10 ታን ግያዌ ሀ አላምያን ደእያ ዎሹማናዉ ቆፕያዋንቱፐ ዎይ ዮራትያዋንቱፐ፥ ካይሶትያዋንቱፐነ ዎይ ኤቃዉ ጎይንያዋንቱፐ ኡባካ ሻከታና ማላ ግደና። ሄዋ ግዶፐ፥ ሀ አላምያፐ ህንተ ሻከት ባናዉ በሴ ጉሳ።
1CO 5:11 ሽን እሻቱዋ ሀእ ጌተትያዋንቱፐ እቱነ ዎሹማናዉ ቆፕያዋንቱ ዎይ ሚሻዉ ዮራትያዋንቱ ዎይ ኤቃዉ ጎይንያዋንቱ ዎይ አሳ ሱንꬃ ባይዝያዋንቱ ዎይ ማꬆትያዋንቱ ዎይ ዉእያዋንቱና ህንተንቱ እትፐተꬃ ኦና ማላ፥ ታን ህንተንቶ ጻፋድ። ሄዋንቱ ማላና ሀራይ አቶ፥ ቁማካ እትፐ ሞፕተ።
1CO 5:12 አያዉ ጎፐ፥ ዎሳ ጎለፐ ካረና ደእያዋንቱ ቦላ ፕርዳናዉ ታና አዬ ጋꬂ? ህንተንቱ ግዶን ዎሳ ጎለን ደእያዋንቱ ቦላን ህንተ ፕርድክቴየ?
1CO 5:13 ሽን ካረና ደእያዋንቱ ቦላን ጾሳይ ፕርዳና። ሄ ኢታባ ኦꬅያ ኡራ ህንተ ግዶፐ ከስ ድግተ።
1CO 6:1 ህንተንቱፐ እት ኡራዉ ባረ እሻና ሞቱ ደእያባ ግዶፐ፥ አማንያዋንቱ ቦላ ፕርደታናዋ ባሺደ፥ አማነናዋንቱ ቦላ ፕርደታናዉ ዋን ጻሊደ ቤዳ?
1CO 6:2 አማንያዋንቱ አላምያ ቦላ ፕርዳናዋ ኤርክቴ? ያትና፥ አላምያ ቦላ ህንተ ፕርዳናዋንታ ግዶፐ፥ ኡባባፐ ጉጽያዋ ፕርዳናዉ ዳንዳይክቴ?
1CO 6:3 ሀ ደኡዋባይ አቶ ሽን፥ አማንያዋንቱ ኪታንቻቱዋ ቦላ ፕርዳናዋ ኤርክቴ?
1CO 6:4 ያትና፥ ህንተንታ ሀ አላምያ ደኡዋባዉ ፕርዳ ጎለ ቡሳይ ኮሾፐ፥ አማንያ አሳይ ካꬌዳ አሳን ፕርድሳናዉ አፊቴ?
1CO 6:5 ታን ህንተንታ ዬላያናዉ ሀዋ ጋይ፤ ሀዋ ግዳናዉ በሲ? ህንተንቱ ግዶን እሻቱዋ ስገꬃናዉ ዳንዳይያ ሎኦ ኤራንቻ አሳይ እቱነ ባዌ?
1CO 6:6 ሽን እት እሻይ የኮ እሻ ፕርዳ ጎለን ሞቲደ፥ ሄ የዉዋ አማነና አሳን ፕርድሲ?
1CO 6:7 ስም እቱ እቱዋ ሞትያዌ ህንተ ግዶን ደኦፐ፥ ሄዌ ህንተ ኩንዴዳዋ በሴ። ሄዋፐ ህንተ ናቀትያዌነ ጭመትያዌ ሎኤኔ?
1CO 6:8 ሽን ህንተ ህንተ ሁጰዉ እቱ እቱዋ ሀራይ አቶ፥ ህንተ እሻቱዋካ ናቂታነ ጭሚታ።
1CO 6:9 ዎይ ማካላንቻቱ ጾሳ ካዉተꬃ ላተናዋ ኤርክቴ? ባሎፕተ። ዎሹማናዉ ቆፕያዋንቱ ዎይ ኤቃዉ ጎይንያዋንቱ ዎይ ዎሹምያዋንቱ ዎይ አቱማዋ ግዲደ፥ አቱማዋና ግስያዋንቱ፥
1CO 6:10 ዎይ ካይሳቱ ዎይ ሚሻዉ ዮራትያዋንቱ ዎይ ማꬆትያዋንቱ ዎይ አሳ ሱንꬃ ባይዝያዋንቱ ዎይ ቦንቂያዋንቱ ጾሳ ካዉተꬃ ላትክኖ።
1CO 6:11 ህንተንቱፐካ እት እት አሳይ ሄዋንቱ ማላ። ሽን ጎዳ የሱስ ክርስቶሳ ሱንꬃንነ ኑ ጾሳ አያናን ህንተ ሜጨቲደ ጌዬድታ፤ ቃይ ጽሌድታ።
1CO 6:12 እት ኡራይ፥ “ታን ኮዬዳባ ኡባ ኦꬃናዉ ዳንዳያይ” ጋና ዳንዳዬ። ሽን ኡባይካ ታና ማደና። ታን ኮዬዳባ ኡባ ኦꬃናዉ ዳንዳያይ። ሽን አዬኔካ ታና ሞደና።
1CO 6:13 ቃይ ሀራይካ፥ “ቁማይ ኡሉዋሳ፤ ኡሉካ ቁማሳ” ጌ። ሽን ጾሳይ ኡሉዋካ ቁማካ ꬋይሳና። አሳ አሳተꬃይ ጎዳ የሱሳሳፐ አትን፥ ዎሹማሳ ግደና። ጎዳ የሱስካ አሳ አሳተꬃሳ።
1CO 6:14 ጾሳይ ጎዳ የሱሳ ሀይቁዋፐ ደንꬄዳ፤ ቃይ ኑናካ ሀይቁዋፐ ባረ ዎልቃን ደንꬃና።
1CO 6:15 ህንተንቱ አሳተꬃይ ክርስቶሳ አሳተꬃና እቱዋ ግድያዋ ህንተ ኤርክቴ? ያትና፥ ታን ክርስቶሳ አሳተꬃና እቱዋ ግዴዳዋ አፋደ፥ ጫራት አሳተꬃና እቱዋ ኦꬃናዉ በሲ? በሰና!
1CO 6:16 ዎይ ጫራትና እትፐተꬃ መꬍያ ኡራይ እዝና እት አሳተꬃ ግድያዋ ኤርክቴ? አያዉ ጎፐ፥ ጾሳ ማጻፋይ፥ “ኡንቱንቱ ላአቱ እት አሾ ግዳና” ያጌ።
1CO 6:17 ሽን ጎዳና እትፐተꬃ መꬍያ ኡራይ አያናን አናና እቱዋ ግዴ።
1CO 6:18 ዎሹማፐ ሃክተ። እት ኡራይ ኦꬅያ ሀራ ናጋራ ኡባይ አ አሳተꬃፐ ካረና ደኤ፤ ሽን ዎሹምያዌ ባረ ቦላን ናጋራ ኦꬄ።
1CO 6:19 ዎይ ህንተ ቦላይ ጾሳይ ህንተንቶ እሜዳ ህንተንቱን ደእያ ጌሻ አያናይ አቅያ ጌሻ ጎልያ ግድያዋ ኤርክቴ? ቃይ ህንተ ህንተ ሁጲያሳ ግድክታ።
1CO 6:20 አያዉ ጎፐ፥ ጾሳይ ህንተንታ ጋትያን ሻሜዳ። ሄዋ ድራዉ፥ ህንተ አሳተꬃን አ ቦንችተ።
1CO 7:1 ህንተንቱ ታዉ ጻፌዳ የዎ አቱማ አሳይ ማጫዉኖ ቦቼነንቶ ሎአ።
1CO 7:2 ሽን ዎሹማ ጋሱዋ ድራዉ፥ አቱማ አሳዉ ሁጲያን ሁጲያን ማቻታ ደኡ። ቃይ ማጫ አሳዉካ ሁጲያን ሁጲያን አስናይ ደኦ።
1CO 7:3 አስናይ ባረ ማቻትዉ አስናተꬃን በስያባ ኦꬆ፤ ቃይ ሄዋዳን፥ ማቻታካ ባረ አስናዉ ማቼተꬃን በስያባ ኦꬁ።
1CO 7:4 ማቻታ ባረ አሳተꬃዉ ጎዳ ግዱኩ፤ ሽን እዝ አስናይ ጎዳ። ሀዋዳንካ፥ ቃይ አስናይ ባረ አሳተꬃዉ ጎዳ ግደና፤ ሽን አ ማቻታ ጎዳ።
1CO 7:5 ህንተንቱ ህንተ ግዶን ጾሳ ዎሳን ገንጫናዉ ሄ ዎድያዉ ዞረታን ድገታናፐ አትን፥ እቱ እቱዋ ድጎፕተ። ህንተንቱ ህንተንታ ናገና ድራዉ፥ ሴጻናይ ህንተንታ ፓጨናዳን፥ እትፐ ደእተ።
1CO 7:6 ሽን ታን ህንተንታ ሄዋ ህንተ ዶሶዋዳን ሀንተ ጋይፐ አትን፥ አዛዝከ።
1CO 7:7 ታን አሳይ ኡባይ ታናዳን ሀንንቶ ዶሳይ። ሽን ጾሳይ አሳዉ ሁጲያን ሁጲያን ዱማ ዱማ እሞታ እም ዎꬄዳ፤ እቶ ሀዋዳን፥ ቃይ የኮ ሄዋዳን እም ዎꬄዳ።
1CO 7:8 ሄዋ ድራዉ፥ ታን ማቻቶ አክቤናዋንቱነ አስናይ ሀይቆ ማጫዋንቱ ታናዳን ጮ ደኢኖንቶ፥ ኡንቱንቶ ሎአ ጋይ።
1CO 7:9 ሽን አሙዋን ጉደትያዋፐ አክያዌነ ገልያዌ ሎአ ግድያ ድራዉ፥ ኡንቱንቱ ባረንታ ናጋናዉ ዳንዳያና ꬋዮፐ፥ አክኖነ ገልኖ።
1CO 7:10 ማቻታ ባረ አስናፐ ሻከቱፑ። ሽን ሻከቶፐነ ገለናን ደኡ፤ ዎይ ባረ አስናና ስገቱ። አስናይካ ባረ ማቻቶ የዶፖ ያጋደ፥ አኬዳዋንታነ ገሌዳዋንታ አዛዛይ። ሽን ሀዋ አዛዝያዌ ጎዳፐ አትን፥ ታና ግድከ።
1CO 7:12 ታን ሀራቱዋ ሀዋዳን ጋይ፤ ጎዳ ግደና። አማነና ማቻታ ደእያ አማንያ አሳይ ኦንነ ደኦፐ፥ አ ማቻታ አናና እትፐ ደእያዋ እ ዶሶፐ፥ እዞ የዶፖ።
1CO 7:13 ቃይ አማነና አስናይ ደእያ አማንያ ማቻታ ደኦፐ፥ እዝ አስናይ እዝና እትፐ ደእያዋ እዛ ዶሶፐ፥ አፐ ሻከቱፑ።
1CO 7:14 አያዉ ጎፐ፥ አማነና አስናይ ባረ አማንያ ማቻትና ደኢደ ጌዬዳ። ቃይ አማነና ማቻታ ባረ አማንያ አስናና ደኣደ ጌያዱ። ሄዌ ባዌንቶ፥ ህንተንቱ ናናይ ቱና፤ ሽን ሀእ ኡንቱንቱ ጌሻ።
1CO 7:15 ሽን አማነናዌ ሻከታና ኮዮፐ ሻከቶ። አማንያ ማቻቶ ግድና፥ ዎይ አስና ግድና፥ ሀዋ ማላ የዉዋን ቃሸትክኖ። አያዉ ጎፐ፥ ጾሳይ ኑና ሳሮተꬃን ደአናዉ ጼሴዳ።
1CO 7:16 አማንያ ማቻቴ፥ ኔን ነ አስና አሻንንቶነ ኦ ኤር? ዎይ አማንያ አስናዉ ኔን ነ ማቻቶ አሻንንቶነ ኦ ኤር?
1CO 7:17 ግዶፐነ፥ አሳይ ሁጲያን ሁጲያን ጎዳይ አዉ እሜዳዋዳንነ ቃይ ጾሳይ ባረና ጼሴዳዋዳን ደኦ። ሄዌ አማንያ አሳ ኡባ ታን ታማርሴዳ ህግያ።
1CO 7:18 ኦንነ ቃጻረት ኡቲደ፥ ጾሳ አማኔዳዋ ግዶፐ፥ ባረ ቃጻራ ማላ ድጎፖ። ቃይ ኦንነ ቃጻረተናን ደኢደ፥ ጾሳ አማኔዳዋ ግዶፐ ቃጻረቶፖ።
1CO 7:19 አያዉ ጎፐ፥ ጾሳ አዛዙዋ ናጋናፐ አትን፥ ቃጻረትና ቃጻረታና ꬋይና አላሊ ባዋ።
1CO 7:20 አሳይ ሁጲያን ሁጲያን ጾሳይ ባረና ጼስያ ዎደ ደእያዋዳን ደኦ።
1CO 7:21 ጾሳይ ኔና ጼስያ ዎደ ኔን አይለ? አይነ ባዋ፤ ሽን ኔን አይለተꬃፐ ከሳናዉ ዳንዳዮፐ ከሳ።
1CO 7:22 አያዉ ጎፐ፥ አይለ ግድ ኡቴዳ አሳ ጎዳይ ጼሶፐ፥ እ ጎዳይ አይለተꬃፐ ከሴዳ አሳ። ሀዋዳንካ፥ አይለ ግደና አሳ ክርስቶስ ጼሶፐ፥ እ ክርስቶሳ አይለ።
1CO 7:23 ጾሳይ ህንተንታ ጋትያን ሻሜዳ። አሳ አይለ ግዶፕተ።
1CO 7:24 ታናዳን አማንያዋንቶ፥ አሳይ ሁጲያን ሁጲያን ጾሳይ አ ጼስያ ዎደ ደእያ ደኡዋዳን፥ ጾሳና ደኦ።
1CO 7:25 ዎዶራቶ ጎዳይ ታና አዛዜዳባይ ባዋ። ሽን ታን ጎዳዉ አማነቴዳዋ ግዴዳ ድራዉ፥ አፐ ማሮተꬃ አኬዳዋዳን፥ ህንተንታ ዞራይ።
1CO 7:26 ስም ሀእ መቶ ታዉ ሀዌ ሎአ ማላቴ፤ አሳይ ሀዋዳን ሀኒደ ደኦፐ ሎአ።
1CO 7:27 ኔን ማቻቶ አካ ድጌዳዋ ግዶፐ፥ እዞ የዳናዉ ኮዮፓ። ማቻቶ አካቤናዋ ግዶፐ፥ አካናዉ ኮዮፓ።
1CO 7:28 ሽን ኔን ማቻቶ አኮፐ፥ ናጋራ ኦꬃበይካ። ወዶራታካ አስና ገሎፐ፥ ናጋራ ኦꬃበይኩ። ሽን አከትያዋንቶነ ገለትያዋንቶ ኡንቱንቱ ደኡዋን ዎልቃማ መቱ ደኤ። ታን ህንተንታ ሄ መቱዋፐ አሻናዉ ኮያይ።
1CO 7:29 ሽን ታናዳን አማንያዋንቶ፥ ታን ግያዌ ሀዋ፤ ዎዲ ዉሬዳ። ሀዋፐ ስንꬃዉ አኬዳ አሳቱ፥ አክቤና አሳዳን ሀንኖ።
1CO 7:30 ዬክያዋንቱ ዬከናዋዳን፥ ናሸትያዋንቱ ናሸተናዋዳን፥ ሻምያዋንቱካ ሻሚደ አይነ ባይናዋዳን፥
1CO 7:31 ሀ አላምያ ደኡዋን ማደትያዋንቱ ኡባካ ማደተናዋዳን ሀንኖ። አያዉ ጎፐ፥ ሀ አላምያ ደኡ አትያዋ።
1CO 7:32 ህንተንቱ ህርገናን ደአናዋ ታን ዶሳይ። አክቤናዌ ጎዳ ናሸቻናዉ ኮይያ ድራዉ፥ አ ኦሱዋባ ቆፔ።
1CO 7:33 ሽን አኬዳዌ ባረ ማቻቶ ናሸቻናዉ ኮይያ ድራዉ፥ ሳኣባ ቆፔ።
1CO 7:34 አ ቆፋይ ሻከቴዳ። አስና ገላቤና ወዶራታ ባረ አሹዋንነ ባረ ሸምፑዋን ጌያናዉ ኮይያ ድራዉ፥ ጎዳ ኦሱዋባ ቆፓዉ። ሽን አስና ገሌዳዉና ባረ አስና ናሸቻናዉ ኮይያ ድራዉ፥ ሳኣባ ቆፓዉ።
1CO 7:35 ታን ሀዋ ህንተንታ ማዳና ማላ ጋይፐ አትን፥ ህንተንታ ꬉባናዉ ጊከ። ሽን ህንተ በስያዋዳን ደኢደ፥ ጎዳ ኦሱዋ ህንተና እሚደ ኦꬃና ማላ ኮያይ።
1CO 7:36 ኦንነ ባረ ጊግሴዳ ዎዶራቶ አክያ ዎዲ ጋክና፥ ባረና ናጋናዉ አዉ ዳንዳየተናን እጾፐ፥ እዞ አኮ። እ እዞ አኮፐ፥ ሄዋን ናጋራይ ባዋ።
1CO 7:37 ሽን እ ባረ ዎዛናን ምኖፐ፥ አከናን ጋምአና ዳንዳዬ። ቃይ ባረና ናጊደ፥ ባረ ጊግሴዳ ዎዶራቶ አከናን ጋምአና ጎፐ፥ ኦንነ ዎልቃንናን ባረ ዎዛናን ቆፋ ቃቼዳዋ ግዶፐ ሎይꬄዳ።
1CO 7:38 ሄዋ ድራዉ፥ ዎዶራቶ አክያ ኡራይ ሎይꬄዳ፤ ቃይ አከናዌ ኡባ አꬅ ሎይꬄዳ።
1CO 7:39 አስና ገሌዳ ምሽራታ ባረ አስናይ ደኤዳ ኬናን አናና እትፐ ደአናዳን ቃሸታ ኡታዱ። ሽን እ ሀይቆፐ፥ ጎዳ አማንያ አሳ ኦናነ ግዶፐ፥ ባረ ዶሴዳ አስና ገላናዉ ዳንዳያዉ።
1CO 7:40 ታ ቆፋ ግዶፐ፥ ገለናን ደአንቶ፥ እዛ ናሸቻን ደአና። ቃይ ታናን ጾሳ አያናይ ደእያዋ ታን ኤራይ።
1CO 8:1 ኤቃዉ ያርሼዳ ቁማባ ግዶፐ፥ ኑን ኡባይካ ኤሬቶ። ኤራይ ኦቶርሴ፤ ሽን ሲቁ አማኑዋን ድቼ።
1CO 8:2 ኦንነ ባረዉ እትባ ኤርያዋ ማላቶፐ፥ እ ብሮ ኤራናዉ በስያዋ ኤርቤና።
1CO 8:3 ሽን ኦንነ ጾሳ ሲቆፐ፥ ጾሳይ አ ኤሬ።
1CO 8:4 ሄዋ ድራዉ፥ ኤቃዉ ያርሼዳ ቁማ ሙሳባ ግዶፐ፥ ኤቃ ኡባይ አላምያን አያነ ግደናዋነ፥ እት ጾሳፐ አትን፥ ሀራይ ባይናዋ ኑን ኤሬቶ።
1CO 8:5 አያዉ ጎፐ፥ ጮራ ጾሳቱነ ጮራ ጎዳቱ ደኢኖ። ሽን ሀራይ አቶ፥ ሳሉዋን ግድና ሳኣን ግድና፥ ጾሳቱዋ ጌተትያዋንቱ ደኦፐካ፥
1CO 8:6 ኡባባ መꬌዳዌ ኑን አዉ ደእያዌ፥ እት ጾሳይ፥ አዉ፥ ኑዉ ደኤ። ቃይ ኡባባይ አን መቴዳዌነ ኑን አን ደእያዌ እት ጎዳይ፥ የሱስ ክርስቶስካ ኑዉ ደኤ።
1CO 8:7 ሽን ሀ ኤራይ አሳ ኡባዉ ደኤና። እት እት አሳቱ ኤቃ ዶዬዳ ድራዉ፥ ሀእ ጋካናዉካ፥ “ኤቃዉ ያርሼዳ ቁማ” ያጊደ ሚኖ። ቃይ ኡንቱንቱ ዎዛናይ ሹጋ ግዴዳዋን፥ ኡንቱንቶ ሀ ቁማን ቱኔዳዋ ማላቴ።
1CO 8:8 ሽን ቁማይ ኑና ጾሳኮ ሺቃናዳን ማደና። ኑን ማና ꬋይንቶካ ኑዉ አይነ ፓጨና፤ ሞፐነ ኑዉ አይነ ጉጀተና።
1CO 8:9 ሽን ሀዌ ህንተ ህንተ ዶሶዋዳን ሀንያዌ ሹጎ አማኑዋና ደእያዋንታ ናጋራን የገና ማላ ናገትተ።
1CO 8:10 አያዉ ጎፐ፥ ኔን ኤራንቻይ ኤቃዉ ያርሼዳ ቁማ ማናዉ ኤቃ ጎልያን ኡቴዳ ዎደ፥ ሹጎ አማኑዋና ደእያ እት አሳይ ኔና በኦፐ፥ ኤቃዉ ያርሼዳ ቁማ እ ማናዉ አ ዎዛናይ ቆፐኔዬ?
1CO 8:11 ሄዋ ግዶፐ ሀ ሹጎ አማኑዋና ደእያ ነ እሻይ፥ ክርስቶስ አ ድራዉ ሀይቄዳዌ፥ ነ ኤራን ባዬ።
1CO 8:12 ሀዋዳንካ፥ ህንተ ህንተ እሻቱዋ ናቂያዋንነ ኡንቱንቱ ሹጎ ዎዛና ማይꬅያዋን ክርስቶሳ ናቂታ።
1CO 8:13 ሄዋ ድራዉ፥ ቁማይ አማንያ ታ እሻ ꬉቢያዋ ግዶፐ፥ አ ꬉበና ማላ፥ ታ ደእያ ላይꬃን ሙለካ አሹዋ ሚከ።
1CO 9:1 ታን አይለተꬃይ ባይና አሳ ግድክታ? የሱስ ኪቴዳዋ ግድክታ? ኑ ጎዳ የሱስ ክርስቶሳ በአበይክታ? ህንተንቱ ታን ጎዳዉ ኦꬄዳ ታ ኦሱዋፐ ቤቴዳዋንታ ግድክቴዬ?
1CO 9:2 ታን ሀራንቶ የሱስ ኪቴዳዋ ግዳና ꬋዮፐካ፥ ህንተንቶ የሱስ ኪቴዳዋ ግድያዌ ኤረቴዳዋ፤ አያዉ ጎፐ፥ ታን ጎዳን የሱስ ኪቴዳዋ ግድያዎ ህንተ ማርካ።
1CO 9:3 ታና ቦርያዋንቶ ታን እምያ ዛሩ ሀዋ።
1CO 9:4 ማናዉነ ኡሻናዉ ኑዉ ማት ባዌ?
1CO 9:5 የሱስ ኪቴዳ ሀራቱዋዳንነ ጎዳ እሻቱዋዳን፥ ጰጽሮሳዋዳን፥ ኤኖ ግያ ማቻቶ እትፐ አኪደ ባናዉ ኑዉ ማታይ ባዌ?
1CO 9:6 ዎይ ኑ ደኦ ኦꬂደ ባጸታናዉ በስያዌ ታናነ ባርናባሳ ጻላሌ?
1CO 9:7 አይ ዎደነ ባረ ሚሻ ሚደ፥ ዎታዳራተꬃ ኦꬅያዌ ኦኔ? ዎይ ዎይንያ ቱራ ቶኪደ፥ አ አይፍያ ሜናዌ ኦኔ? ዎይ ሚዛ ዉድያ ሄሚደ፥ ሄ ሚዛ ዉድያፐ ማꬃ ኡሸናዌ ኦኔ?
1CO 9:8 ታን ሀዋ አሳ ቆፋ ጻላላን ጋይታ? ዎይ ህጊ ቃይ ሀዋ ጌኔ?
1CO 9:9 አያዉ ጎፐ፥ ሙሴ ህግያን፥ “ካꬃ የꬍያ መህያ ዶና ቃቾፓ” ጌተቲደ ጻፈቴዳ። ጾሳይ መህያባ ቆፒደ ሀዋ ጊ?
1CO 9:10 ዎይ እ ሄዋ ግያዌ ሙለካ ኑ ድራሳ ግደኔ? ቱማካ ኑ ድራዉ ጻፈቴዳ፤ ጎሽያ ብታኒካ ካꬃ ቡክያ ብታኒካ፥ “ታና ጋክያዋ አካና” ያጊደ ኦꬃናዉ በሴ።
1CO 9:11 ኑን ህንተ ግዶን አያና የዉዋ ዘሬዳዋንታ ግዲደ፥ ኑ አሾ ማዶ ግድያዋ ህንተንቱፐ ጫኮፐ ዳሮቤ?
1CO 9:12 ሀራቱ ሄዋ ህንተንቱፐ አካናዉ ኡንቱንቶ ማታይ ደኦፐ፥ ኑዉ ኡንቱንቱዋፐ አꬍያ ማታይ ባዌ? ሽን ኑን ክርስቶሳ ምሽራቹዋ ቃላዉ ꬉቦ ግደናዳን፥ ኡባባ ገንጭያዋፐ አትን፥ ሄ ማታን ጎኤትበይኮ።
1CO 9:13 ጌሻ ጎልያን ኦꬅያ አሳቱ ባረንቱ ቁማ ጌሻ ጎልያፐ አክያዋ ኤርክቴ? ቃይ ያርሽያሳን ኦꬅያዋንቱ ያርሹዋፐ አክያዋ ኤርክቴ?
1CO 9:14 ሀዋዳንካ፥ ቃይ ምሽራቹዋ ቃላ ኦድያዋንቱ ባረንቱ ደኦ ኮሽያባ አፐ ደማናዳን፥ ጎዳይ አዛዜዳ።
1CO 9:15 ሽን ታን ሀ ማታ ኡባን አይነ ጎኤታበይከ። ታን ሀዋ ጻፌዳዌ ሄዋ ማላ ማታይ ታዉ ደአናዉ በሴ ያግያዋና ግደና። አያዉ ጎፐ፥ ታ ጬቁዋ ኦንነ መላ ከስያዋፐ ሀይቂያዌ ታዉ ሎአ።
1CO 9:16 ምሽራቹዋ ቃላ ኦዳናዉ ታን አዛዘታ ኡቴዳ ድራዉ፥ አ ኦዶፐካ ታዉ ጬቀትያባይ ባዋ። ምሽራቹዋ ቃላ ኦደናን አጎፐ፥ ታዉ አየሮ።
1CO 9:17 አያዉ ጎፐ፥ ታን ሀዋ ዶሳደ ኦꬆፐ፥ ታዉ ዎይታይ ደኤ። ሽን ታን ዶሰናን እጾፐካ፥ ምሽራቹዋ ቃላ ድራዉ ሀዳራ ጾሳይ ታዉ እሜዳ።
1CO 9:18 ያትና፥ ታ ዎይታይ አዬ? ምሽራቹዋ ቃላ ኦዳደ፥ ታዉ ዎንጋላን ደእያ ኩመንꬃ ማታን ጎኤተናን፥ ምሽራቹዋ ቃላ ጮ ኦድያዋ።
1CO 9:19 ታን ኦስነ አይለ ግድከ ሽን፥ ጮራቱዋ ዛራናዉ ታና ኡባዉ አይለ ከሳድ።
1CO 9:20 ታን አይሁዳቱዋ ዛራናዉ ኡንቱንቱና ኡንቱንታ ግዳደ ደኣድ። ታ ሁጰዉ ህግያፐ ጋርሳና ደእከ። ሽን ህግያፐ ጋርሳና ደእያዋንታ ዛራናዉ ህግያፐ ጋርሳና ደእያ አሳ ማላ ግዳድ።
1CO 9:21 ታን ህጊ ባይና አሳቱዋና ደኣደ፥ ህጊ ባይና አሳዳን ሀናድ። ጾሳ ህጊ ꬋይና ግደና። ሽን ህጊ ባይናዋንታ ዛራናዉ፥ ክርስቶሳ ህግያፐ ጋርሳና ደኣድ።
1CO 9:22 ታን አማኑዋን ዳቡርያዋንታ ዛራናዉ፥ ኡንቱንቱ ማላ ግዳድ። ታን አይ ኦግያንነ አማሬዳ አሳቱዋ አሻናዉ፥ ኡባ አሳቱዋና ኡባባን ኡንቱንቱ ማላ ግዳድ።
1CO 9:23 ታን ምሽራቹዋ ቃላ አንጁዋ ሻካናዉ፥ ምሽራቹዋ ቃላ ድራዉ፥ ኡባባ ኦꬃይ።
1CO 9:24 ዎꬃን ጾናና ጊደ ዎጽያ ኡባይ እትፐ ዎጼ። ሽን እቱዋ ጻላላይ ዎይታ አክያዋ ኤርክቴ? ሀዋዳን ህንተንቱካ ዎይታ አካናዉ ዎጽተ።
1CO 9:25 ካሳዉ ባረና ጊግስያ ኦንነ ኡባባን ባረና ናጌ። አሳይ ሄዋ ዳቡርያዌ ጾኔዳዎ እመትያ ባይያ ካላቻ ደማናሳ። ሽን ኑን ዳቡርያዌ መꬍናዉ ደእያዋነ ባየና ካላቻ ደማናሳ።
1CO 9:26 ሄዋ ድራዉ፥ ታን ቆፍ ባይናን ዎጽያዋዳን ዎጽከ። ጫርኩዋ ይምፕያ አሳዳንካ ጮ ኦለትከ።
1CO 9:27 ሽን ታን ሀራንቶ ኦዴዳዋፐ ጉይያን፥ ታ ሁጰዉ ዎይታፐ አተና ማላ፥ ታ አሳተꬃ ናገታናዳን ኦꬃይ።
1CO 10:1 ሄዋ ቦላን ታናዳን አማንያዋንቶ፥ ታን ህንተ ሀዋ ኤራና ማላ ኮያይ። ኑ አዎቱ ኡባይ ሻርያፐ ጋርሳና ደኤድኖ፤ ኡባይካ አባ ግዶና ፕኔድኖ።
1CO 10:2 ኡንቱንቱ ኡባይ ሙሴና እትፐ ግዳናዉ፥ ሻርያንነ አባን ጻማቀቴድኖ።
1CO 10:3 ኡንቱንቱ ኡባይ ሄ እት አያና ቁማ ሜድኖ።
1CO 10:4 ቃይ ኡባይካ ሄ እት አያና ኡሻ ኡሼድኖ። አያዉ ጎፐ፥ ኡንቱንቱ ባረንታ ካለꬅያ አያና ዛላፐ ፑልቶዋ ኡሼድኖ፤ ሄ ዛላይካ ክርስቶሳ።
1CO 10:5 ሽን ጾሳይ ኡንቱንቱፐ ዳርያ ባጋቱዋን ናሸትቤና ድራዉ፥ ኡንቱንቱ አሃይ አሳይ ባይና ሳን ላለቴዳ።
1CO 10:6 ኡንቱንቱ ኢታባ አሞቴዳዋዳን፥ ኑ ዎዛናይ ቃይ ኢታባ አሙዋፐ ናገታናዳን፥ ሄዌ ኡባይ ኑዉ ትምርተ ግዴዳ።
1CO 10:7 ጾሳ ማጻፋይ፥ “አሳይ ማናዉነ ኡሻናዉ ኡቴድኖ፤ ቃይ ዱሮ ደንድ ኤቄድኖ” ያግያዋዳን፥ ኡንቱንቱፐ እቱ እቱ ኤቃዉ ጎይኔዳዋዳን፥ ህንተ ጎይኖፕተ።
1CO 10:8 ኡንቱንቱፐ እቱ እቱ ዎሹሜዳዋዳን፥ ኑን ዎሹማናዉ በሰና። ሄዋ ጋሱዋን ኡንቱንቱፐ እት ጋላስ ላታማነ ሄዙ ሻአይ ሀይቄዳ።
1CO 10:9 ኡንቱንቱፐ እቱ እቱ ጎዳ ፓጪደ፥ ሾሻን ዱከት ሀይቄዳዋዳን፥ ኑን ጎዳ ፓጫናዉ በሰና።
1CO 10:10 ኡንቱንቱፐ እቱ እቱ ዙዙምና፥ ዎꬍያ ኪታንቻን ኡንቱንታ ꬋይሴዳዋዳን ዙዙሞፕተ።
1CO 10:11 ሀዌ ኡባይ ሀራቶ ትምርተ ግዳናዳን ኡንቱንቱ ቦላ ጋኬዳ። ቃይ ኑና ዎድያ ዉርሰꬃይ ጋካና ማቴዳዋንታ ሴራናዉ ጻፈቴዳ።
1CO 10:12 ሄዋ ድራዉ፥ ምና ኤቃድ ጊደ ቆፕያ ኡራይ ኦንነ ኩንደናዳን፥ ባረና ናጎ።
1CO 10:13 ህንተንታ ጋክያ ፓጪ፥ አሳ ኡባ ጋክያ ፓጭያ ማላፐ አትን፥ አይነ ዱማተና። ህንተንቱ ዎልቃይ ዳንዳይያዋፐ አꬍያ ፓጭያን ህንተ ፓጨታናዉ ኮየና ጾሳይ አማነቴዳዋ። ሽን ህንተንታ ፓጪ ጋክያ ዎደ፥ ሄ ፓጭያ እ ህንተንታ ዳንዳይሳና። ቃይ ሄ ፓጭያፐ ህንተንቱ ከስያ ኦግያካ እ እማና።
1CO 10:14 ሄዋ ድራዉ፥ ታ ዶስያዋንቶ፥ ኤቃዉ ጎይኖፕተ።
1CO 10:15 ህንተንቱ ዎዛናማ አሳ ግዴዳ ድራዉ፥ ታን ህንተንቶ ኦዳይ። ታን ግያዋ ህንተ ፕርድተ።
1CO 10:16 ኑን ጾሳ ጋላቲደ ሻክያ አንጁዋ ጹአይ ክርስቶሳ ሱꬃና እትፐተꬃይ ደእያዋ ግደኔ? ቃይ ኑን መንꬅያ ኡክꬃይ ክርስቶሳ አሹዋና እትፐተꬃይ ደእያዋ ግደኔ?
1CO 10:17 እት ኡክꬃይ ደእያ ድራዉ፥ ኑን ጮራ ግዶፐካ፥ እት አሳተꬃ። አያዉ ጎፐ፥ ኑን ኡባይካ ሄ እት ኡክꬃ ሻከቴቶ።
1CO 10:18 እስራኤልያ አሳ ጼልተ። ያርሹዋ ምያዋንቱ ያርሽያሳና እትፐተꬃይ ደእያዋንታ ግድክኖ?
1CO 10:19 ስም ታን ዋጋይታ? ኤቃዉ ያርሸቴዳ ቁማይ ማዲ ዎይ ኤቃይ ማዲ?
1CO 10:20 ማደና፤ ሽን ታን ግያዌ ጾሳ አማነና አሳቱ ኢታ አያናቶ ያርሽያዋፐ አትን፥ ጾሳዉ ያርሽክኖ። ኢታ አያናቱዋና ህንተ እትፐ ዙፐታና ማላ፥ ታን ኮይከ።
1CO 10:21 ጎዳ ጹኣፐ ኡሺደ ቃይ ኢታ አያናቱዋ ጹኣፐ ኡሻናዉ ህንተ ዳንዳይክታ። ጎዳ ጋይታፐ ህንተ ግሸቲደ ቃይ ኢታ አያናቱዋ ጋይታፐ ማናዉ ዳንዳይክታ።
1CO 10:22 ሄዋ ኦꬂደ ኑን ጎዳና ጺኖታናዉ ኮሺ? ኑን አፐ ምኔቶ?
1CO 10:23 ህንተፐ እቱ እቱ፥ “ኡባባ ኦꬃናዉ ታና ድግያባይ ባዋ”፤ ሽን ኡባባይ ማደና። “ኡባባ ኦꬃናዉ ድግያባይ ባዋ፤ ሽን ኡባባይ ጌሸና” ያጊኖ።
1CO 10:24 ኦንነ ሀራ አሳ ማድያባ ቆፖፐ አትን፥ ሀራይ አቶ እቱነ ባረና ማድያባ ቆፖፖ።
1CO 10:25 ገያን አጻረ ታራን ዛልኤትያ አሹዋ ህንተ ዎዛና ቆፋን፥ አይነ ስናን ሚተ።
1CO 10:26 አያዉ ጎፐ፥ አላሚነ አን ደእያባይ ኡባይ ጎዳባ።
1CO 10:27 እት አማነና አሳይ ህንተንታ እማꬃ ኦꬅ ሾባናዉ ጼስና ባናዉ ኮዮፐ፥ ህንተ ዎዛና ቆፋን፥ አይነ ስናን ህንተ ስንꬃ እ አꬅያባ ኡባ ሚተ።
1CO 10:28 ሽን እት ኡራይ ህንተንቶ፥ “ሀዌ ኤቃዉ ያርሼዳዋ” ጎፐ፥ ሄ ህንተንቶ ኦዴዳ ብታንያ ድራዉነ ቃይ ህንተ ዎዛና ቆፋ ድራዉ፥ ሄ ቁማ ሞፕተ።
1CO 10:29 ታን ግያዌ ነ ዎዛና ቆፋ ድራሳ ግደና፤ ሽን የኮ ብታንያ ዎዛና ቆፋ ድራሳ። ታን ታ ሀናናዉ ዳንዳይያ ታ ሀኖታ ሀራ አሳ ዎዛናይ አያዉ ፕርዲ?
1CO 10:30 ታን ጾሳ ጋላታደ ቁማ ሞፐ፥ ጾሳ ጋላታደ ሜዳ ቁማዉ አያዉ ቦረታይታ?
1CO 10:31 ስም ህንተ አያነ ሞፐ፥ ዎይ አያነ ኡሾፐ፥ ዎይ ህንተ አያነ ኦꬆፐ፥ ኡባባ ጾሳ ቦንቾ ኦꬅተ።
1CO 10:32 ህንተንቱ አይሁዳ አሳቶ ዎይ ግሪከ አሳቶ ዎይ ጾሳ አማንያዋንቶ ꬉቦ ግዶፕተ።
1CO 10:33 ታን ቃይ ጮራቱ አታና ማላ፥ ኡንቱንቱ ኡባ ማዳናዳንፐ አትን፥ ታ ሁጰዉ ማዱዋ ኮየናን፥ አሳ ኡባ ኡባባን ናሸችያዋዳን፥ ህንተንቱካ ሄዋዳ ኦꬅተ።
1CO 11:1 ታን ክርስቶሳ ሌምሱዋ ካልያዋዳን፥ ህንተንቱካ ታዋ ካልተ።
1CO 11:2 ታናዳን አማንያዋንቶ፥ ህንተ ኡባባን ታና ሀሳይያ ድራዉነ፥ ዎጋ ታን ህንተንቶ እሜዳዋዳን፥ ህንተ ምንሲደ ናግያ ድራዉ፥ ህንተንታ ጋላታይ።
1CO 11:3 ሽን ክርስቶስ አቱማዋ ኡባዉ ሁጰ ግድያዋ፥ አቱማ አሳይ ማጫ አሳዉ ሁጰ ግድያዋነ ቃይ ጾሳይ ክርስቶሳዉ ሁጰ ግድያዋ ህንተ ኤራና ማላ ኮያይ።
1CO 11:4 ጾሳ ዎሲደ፥ ዎይ ትምቢትያ ኦዲደ፥ ባረ ሁጲያ ጎዝያ አቱማ አሳይ ኡባይ ክርስቶሳ ቶቼ።
1CO 11:5 ቃይ ጾሳ ዎሳደ ዎይ ትምቢትያ ኦዳደ፥ ባረ ሁጲያ ጎዘና ማጫዉና ባረ አስና ቶቻዉ፤ አያዉ ጎፐ፥ እዛ ባረ ሁጲያ ሜደታ ድጎንና እት ማላ።
1CO 11:6 ማጫዉና ባረ ሁጲያ ጎዛና ꬋዮፐ፥ ቃንጽሱ። ሽን እዛ ባረ ሁጲያ ቃንጽሳናዌ ዎይ ሜድሳናዌ ፖኮፐ፥ ባረ ሁጲያ ጎዙ።
1CO 11:7 አቱማዌ ጾሳ ሌምሱዋነ ቦንቹዋ ግድያ ድራዉ፥ ባረ ሁጲያ ጎዛናዉ በሰና፤ ሽን ማጫዉና አቱማዎ ቦንቾ።
1CO 11:8 አያዉ ጎፐ፥ ማጫዉና አቱማዋፐ ቤታዱፐ አትን፥ አቱማዌ ማጫዉንፐ ቤትቤና።
1CO 11:9 አያዉ ጎፐ፥ ማጫዉና አቱማዋ ድራዉ መታዱፐ አትን፥ አቱማዌ ማጫዉን ድራዉ መትቤና።
1CO 11:10 ሄዋ ድራዉ፥ ማጫዉና ባረ አስና አይሱዋፐ ጋርሳና ደእያዋ ኤርሳናዉነ ኪታንቻቱዋ ድራዉ፥ እዝ ሁጲያን ጎዝያባይ ደአናዉ በሴ።
1CO 11:11 ሽን ጎዳን ማጫዉና አቱማዌ ባይናን ደኡኩ፤ አቱማዌካ ማጫዉና ባይናን ደኤና።
1CO 11:12 አያዉ ጎፐ፥ ማጫዉና አቱማዋፐ መቴዳዋዳን፥ ቃይ አቱማዌካ ማጫዉንፐ የለቴዳ። ቃይ ኡባባይካ ጾሳፐ ዬ።
1CO 11:13 ህንተንቱ ህንተ ሁጰዉ ፕርድተ። ማጫዉና ባረ ሁጲያ ጎዘናን ጾሳ ዎሳናዉ በሲ?
1CO 11:14 አቱማዌ ባረ ሁጲያ ድቾፐ፥ አዉ ፖኮ። ሽን ማጫዉና ባረ ሁጲያ ድቾፐ፥ እዝዉ ቦንቾ ግድያዋ ሀራይ አቶ፥ መተንቶነ ህንተንታ ታማርሰኔ? አያዉ ጎፐ፥ ማጫዉን ሁጲ እዞ ካማናዉ እዝዉ እመቴዳ።
1CO 11:16 ሽን ኦንነ ሀ የዉዋን ፓሉመታናዉ ኮዮፐ፥ ኑዉ ግድና ዎይ ጾሳ አማንያዋንቶ ግድናካ፥ ሀዋፐ ሀራ ዎጋይ ባዋ።
1CO 11:17 ህንተ ሺቅያዌ ኢታባሳፐ አትን፥ ሎኦባሳ ግደና ድራዉ፥ ታን ሀ አዛዙዋ እማደ ህንተንታ ጋላትከ።
1CO 11:18 ሽን ህንተ ዎሳ ጎለን ሺቅያ ዎደ፥ ህንተ ግዶን ጳልቀꬃይ ደእያዋ ታን ስሳይ። ቃይ ሄዌ እት ባጋና ቱማ ግድያዋ አማናይ።
1CO 11:19 አያዉ ጎፐ፥ ህንተ ማታን አማነቴዳዋንቱ ቆንጭ ኤረታና ማላ፥ ህንተ ግዶንካ ቃይ ሻኩ ደአናዉ በሴ።
1CO 11:20 ሄዋ ድራዉ፥ ህንተ እትፐ ሺቅያ ዎደ፥ ህንተ ሺቁ ጎዳ ካዉዋ ማናሳ ግደና።
1CO 11:21 አያዉ ጎፐ፥ ህንተ ቁማ ምያ ዎደ፥ ኡባይ ሁጲያን ሁጲያን ባረዋ ባረዋ ምያ ድራዉ፥ እቱ ኮሻቴ፤ እቱ ቃይ ማꬆቴ።
1CO 11:22 ማናዉነ ኡሻናዉ ህንተንቶ ጎሊ ባዌ? ዎይ ጾሳ ዎሳ ጎልያ ካꬊቴ? ቃይ አይነ ባይናዋንታ ዬላዪቴ? ታን ህንተንታ ዋጎ? ሀ የዉዋን ታን ህንተንታ ጋላቶ? ጋላትከ።
1CO 11:23 አያዉ ጎፐ፥ ታን ቃይ ህንተንቶ እሜዳ ትምርትያ ጎዳፐ አካድ። ጎዳ የሱስ ኡንቱንቱ አ አꬂደ እሜዳ ቃማ ዳቡዋ አኪደ፥
1CO 11:24 ጾሳ ጋላቴዳ፤ ዳቡዋ መንꬂደ፥ “ሄይተ፤ ሚተ። ሀዌ ህንተ ግሻታዉ ባረና እሜዳ ታ አሹዋ። ሀዋን ታና ቆፕተ” ያጌዳ።
1CO 11:25 ሀዋዳንካ፥ ካዉዋ ሚደ ስምና፥ ጹኣ ቃይ አኪደ፥ “ሀዌ ጹአይ ታ ሱꬃን ታን ጫቄዳ ኦራꬃ ጫቁዋ። ህንተንቱ አፐ ኡሼዳ ዎደ ኡባን ሄዋን ታና ቆፕተ” ያጌዳ።
1CO 11:26 አያዉ ጎፐ፥ ህንተ ሀ ዳቡዋ ሜዳ ዎደ ኡባንነ ሀ ጹኣፐ ኡሼዳ ዎደ ኡባን ጎዳይ ያና ጋካናዉካ፥ አ ሀይቁዋ ኦዲታ።
1CO 11:27 ሄዋ ድራዉ፥ በሰናን ደኢደ ጎዳ ዳቡዋ ምያዌ፥ ዎይ ጎዳ ጹኣፐ ኡሽያዌ ኦንነ አ አሹዋነ አ ሱꬃ አጮቴ።
1CO 11:28 ሽን አሳይ ባረ ሁጲያ ፓጮ። ያቲደ ዳቡዋ ሞ። ጹኣፐካ ኡሾ።
1CO 11:29 አያዉ ጎፐ፥ ጎዳ አሹዋ ሻኪደ ኤረናን ዳቡዋ ምያዌነ ጹኣፐካ ኡሽያዌ ባረ ሁጰዋ ፕርዳ ሜኔ ኡሼ።
1CO 11:30 ሄዋ ድራዉ፥ ህንተ ግዶን ጮራቱ ዳቡራንቻነ ሀርጋንቻ ግዴድኖ፤ ቃይ ኡንደኔዳዋንቱ ሀይቄድኖ።
1CO 11:31 ሽን ኑን ኑ ሁጲያ ቱሙ ፓጬደንቶ፥ ጾሳይ ኑና ፕርደና።
1CO 11:32 ኑን ፕርደትያ ዎደ፥ ሀ አላምያና እትፐ ፕርደተና ማላ፥ ጎዳይ ኑና ሴሬ።
1CO 11:33 ሄዋ ድራዉ፥ ታናዳን አማንያዋንቶ፥ ጎዳ ካዉዋ ማናዉ ህንተ ሺቅያ ዎደ፥ እቱ እቱዋ ናግተ።
1CO 11:34 ኦንነ ኮሻቴዳዋ ግዶፐ፥ እትፐ ሺቅያ ዎደ ጾሳ ፕርዳን ህንተ ገለና ማላ፥ ባረ ሶይን ሞ። አቴዳዋ ታን ያ ባደ ጊግሳና።
1CO 12:1 ታናዳን አማንያዋንቶ፥ ጌሻ አያና እሞታባ ህንተ ኤራናዉ ኮያይ።
1CO 12:2 ህንተንቱ ጾሳ አማነና ዎደ፥ ኡባ ዎደ ካልያዋዳንካ፥ ሃሳየና ኤቃቱዋኮ ህንተ ቤዳዋ ኤሪታ።
1CO 12:3 ሄዋ ድራዉ፥ ጾሳ አያናይ ካለꬅያ አሳይ ኦንነ፥ “የሱስ ሸቀቶ” ያጊደ ሃሳየናዋነ ቃይ ጌሻ አያናይ ካለꬆፐፐ አትን፥ ሀራይ አቶ እት አሳይነ፥ “የሱስ ጎዳ” ጋናዉ ዳንዳየናዋ ታን ህንተንታ ኤርሳይ።
1CO 12:4 አያና እሞታይ ዱማ ዱማ፤ ሽን እምያ አያናይ እቱዋ።
1CO 12:5 ቃይ ኦꬅያ ኦሱ ዱማ ዱማ፤ ሽን ጎዳይ እቱዋ።
1CO 12:6 ኦሱዋ ኦꬃናዉ ዱማ ዱማ ኦጊ ደእሽን፥ ሄ ኦꬅያ ኦግያ ኡባ አሳ ኡባዉ ቆንጭስያ ጾሳይ እቱዋ።
1CO 12:7 ሽን አሳ ኡባ ማዳናዉ፥ ጌሻ አያና ቆንጭስያ ዎልቃይ ኡባዉ ሁጲያን ሁጲያን እመቴዳ።
1CO 12:8 አያዉ ጎፐ፥ ጌሻ አያናይ እቶ አꬎ ኤራተꬃ ሃሳያ እሜዳ፤ ቃይ እቶ ኤራተꬃ ሃሳያ እሜዳ።
1CO 12:9 ሄ ጌሻ አያናይ እቶ አማኑዋ እሚደ፥ የኮ ሀርጋንቻ ፓꬅያ ዎልቃ እሜዳ።
1CO 12:10 ጌሻ አያናይ እቶ ማላታ ኦꬅያ ዎልቃ እሚደ፥ እቶ ትምቢትያ ኦድያ ዎልቃ እሜዳ። እቶ አያናቱዋ ግዱዋን ደእያ ዱማተꬃ ኤርያ ዎልቃ እሚደ፥ እቶ ዱማ ዱማ ቃላን ሃሳይያ ዎልቃ እሜዳ። ቃይ እቶ ዱማ ዱማ ቃላን ሃሳዬዳዋ ብልያ ዎልቃ እሜዳ
1CO 12:11 ሽን ሀ ኡባባ ኦꬅያዌ ሄ እት ጌሻ አያና። አሳ ኡባዉ እ ባረ ኮይያዋዳን፥ ዱማ ዱማ እሞታ ሻክ ሻኪደ እሜዳ።
1CO 12:12 ክርስቶስ ጮራ አሳተꬃቱ ደእያ እት ቦላ ማላ። ቦላይ ጮራ አሳተꬃቱዋፐ መቴዳዋ ግዶፐካ፥ እት ቦላ።
1CO 12:13 አያዉ ጎፐ፥ ኑን አይሁዳ አሳ ግዶፐነ ዎይ ግሪከ አሳ ግዶፐ፥ ዎይ አይለ ግዶፐነ ዎይ ዎማኖ ግዶፐ፥ ኡባይ እት ጌሻ አያናን እት ቦላ ግዳናዉ ጻማቀቴዶ። ቃይ ኑን ኡባይ እት ጌሻ አያና ኡሼዶ።
1CO 12:14 አያዉ ጎፐ፥ ቦላዉ አሳተꬃይ ጮራ ግድያዋፐ አትን፥ እቱዋ ግደና።
1CO 12:15 ገዲ፥ “ታን ኩሽያ ግደና ድራዉ፥ ቦላ ቆሞ ግድከ” ጎፐ፥ እ ሄዋ ግያዌ ቦላ ቆሞ ግድያዋ ድጋኔ?
1CO 12:16 ሀይꬃይካ፥ “ታን አይፍያ ግደና ድራዉ፥ ቦላ ቆሞ ግድከ” ጎፐ፥ እ ሄዋ ግያዌ ቦላ ቆሞ ግድያዋ ድጋኔ?
1CO 12:17 ቦላይ ኡባይ አይፍያ ጻላላ ግድንቶ፥ ዎቲደ ስሳናዉ ዳንዳዪ? ቃይ ቦላይ ኡባይ ሀይꬃ ጻላላ ግድንቶ፥ ዎቲደ ስንጋናዉ ዳንዳዪ?
1CO 12:18 ሽን ጾሳይ ባረ ኮዬዳዋዳን፥ ቦላ አሳተꬃቱዋ እቱዋ እቱዋ ቦላን ዎꬄዳ።
1CO 12:19 ኡባይ እት ቆሞ ግድንቶ፥ ቦላይ ሀቃን ደአኔ?
1CO 12:20 ሽን አሳተꬃቱ ጮራ ግዶፐካ፥ ቦላይ እቱዋ።
1CO 12:21 አይፊ ኩሽያ፥ “ኔን ታና ኮሻካ” ጋናዉ ዳንዳየና። ዎይ ቃይ ሁጲ ገዳቱዋ፥ “ህንተንቱ ታና ኮሽክታ” ጋናዉ ዳንዳየና።
1CO 12:22 ሽን ላፋ ማላትያ ቦላ አሳተꬃቱ ሎይꬅ ኮሽያዋንታ።
1CO 12:23 ቦላ አሳተꬃቱዋፐ ቦንቼተናዋንታ ኑዉ ማላትያዋንታ ኑን ሎይꬅ ቦንቼቶ። ቃይ ኑና ዬላይያ ቦላ አሳተꬃቱዋካ ሎይꬅ ቦንቼቶ።
1CO 12:24 ኑ ቦላፐ ቤትያ ባጋዉ ማዩ ኮሸና፤ ሽን ፖክያ ባጋ አሳተꬃቱዋ ሎይꬅ ማይዛናዳን፥ ጾሳይ አሳተꬃ እትፐ ጋꬄዳ።
1CO 12:25 ቦላ አሳተꬃቱ እቱ እቶ እት ማላ ቆፋ ቆፓናፐ አትን፥ ቦላን ዱማተꬃይ ደአናዉ በሰና።
1CO 12:26 ቦላ አሳተꬃቱዋፐ እቱ ሴለቶፐ፥ ቦላ አሳተꬃቱ ኡባይካ አናና ሴለቲኖ፤ ቦላ አሳተꬃቱዋፐ እቱ ቦንቼቶፐ፥ ቦላ አሳተꬃቱ ኡባይ አናና ናሸቲኖ።
1CO 12:27 ህንተንቱ ኡባይ ክርስቶሳ ቦላ፤ ቃይ ሁጲያን ሁጲያን ህንተ ኡባይካ አ ቦላ አሳተꬃቱዋ።
1CO 12:28 ጾሳይ ዎሳ ጎለን እት እት አሳቱዋ፥ ኮይሩዋን የሱስ ኪቴዳዋንታ፥ ላኤንꬁዋን ናባቱዋ፥ ሄዘንꬁዋን ታማርስያዋንታ፥ ሄዋፐ ጉይያን፥ ማላታ ኦꬅያዋንታ፥ ሄዋፐ ጉይያን፥ ፓꬅያ ዎልቃይ ደእያዋንታ፥ ማድያዋንታ፥ ዎሳ ጎልያ አይስያዋንታ ዱማ ዱማ ቃላን ሃሳይያዋንታ ኦꬄዳ።
1CO 12:29 ኡባቱ የሱስ ኪቴዳዋንቴ? ኡባቱ ናባቴ? ኡባቱ ታማርስያዋንቴ? ኡባቱ ማላታ ኦꬂኖ?
1CO 12:30 ኡባዉ ፓꬅያ ዎልቃይ ደኢ? ኡባቱ ዱማ ዱማ ቃላን ሃሳዪኖ? ቃይ ዱማ ዱማ ቃላን ሃሳዬዳዋ ኡባቱ ብሊኖ?
1CO 12:31 ሽን ኡባፐ አꬍያ እሞታ ሎይꬅ ኮይተ። ቃይ ኡባፐ ሎይꬅ አꬍያ ኦግያ ታን ህንተንታ በሳና።
1CO 13:1 ታን አሳ ቃላንነ ኪታንቻ ቃላን ሃሳዮፐካ ታዉ ሲቁ ꬋዮፐ፥ ታ ሃሳያይ ጮ ዋስያ ዳዋላ ማላ፤ ዎይ ቆልጫካትያ ጽናጽልያ ማላ።
1CO 13:2 ናበተꬃ እሞታይ ታዉ ደኦፐካ፥ ታን ጌሜዳ የዉዋ ኡባነ ኤራተꬃ ኡባ ኤርንቶካ፥ ቃይ ደርያ ደንꬅ ድግያ አማኑ ታዉ ደኦፐካ፥ ሲቁ ꬋዮፐ፥ ታን አያነ ግድከ።
1CO 13:3 ታዉ ደእያዋ ኡባ ህዬሳቱዋ ምዛናዉ እምንቶካ ሀራይ አቶ፥ ታ ቦላ ታማን ጉዳናዉ አꬃ እምንቶካ ሲቁ ꬋዮፐ፥ ታና አይነ ማደና።
1CO 13:4 ሲቁ ዳንዳያንቻ። ሲቁ ኬኬ። ሲቁ ቃናተና። ጬቀተና፤ ቃይ ኦቶረተና።
1CO 13:5 ሲቁ ባረዉ በሰናዋ ኦና፤ ኡዜተና፤ ይሎተና፤ ሲቁ ናቀቴዳዋካ ፓይደና።
1CO 13:6 ሲቁ ቱማተꬃን ናሸትያዋፐ አትን፥ ዎርዱዋን ናሸተና።
1CO 13:7 ሲቁ ኡባባ ዳንዳዬ። ኡባባይካ ሀናናዋ ጊደ፥ ናሸቻን ናጌ። ኡባባን ገንጬ።
1CO 13:8 ሲቁ ሙለካ ꬋየና። ሽን ናበተꬃይካ አታና። ዱማ ዱማ ቃላን ሃሳይያዌካ አታና። ኤራተꬃይካ ꬋያና።
1CO 13:9 አያዉ ጎፐ፥ ኑን ኤራተꬃፐ ፓጫ ኤሬቶ፤ ትምቢትያፐካ ፓጫ ኦዴቶ።
1CO 13:10 ሽን ኩመንꬃ ግዴዳዌ ይያ ዎደ፥ ፓጫይ ꬋያና።
1CO 13:11 ታን ናአተꬃን ደእያ ዎደ፥ ናኣዳን ሃሳያይ። ናኣዳን ቆፓይ። ቃይ ናኣዳንካ አኬካይ። ዎዳላ ግዴዳ ዎደ፥ ናአተꬃ ሀኑዋ አጋድ።
1CO 13:12 ኑን ሀእ በእያዌ ማስቶትያን በእያ ለምእ ለምእያ ማላ ማላ፤ ሽን ሄ ዎደ ኑን ኑ አይፍያን ቆንጭያን በአና። ሀእ ታን ኤራተꬃፐ ፓጫ ኤራይ፤ ሽን ጾሳይ ታና ዉርሲደ ኤርያዋዳን፥ ሄ ዎደ ታንካ ዉርሳ ኤራና።
1CO 13:13 ሽን ሄዋ ግዶፐ፥ አማኑ፥ ሀናናዋ ጊደ ናሸቻን ናግያዌነ ሲቁ፥ ሀዋንቱ ሄዛቱ ምኒደ ደኢኖ። ሀዋንቱፐ አꬍያዌ ሲቁዋ።
1CO 14:1 ሲቁዋ ካልተ። አያና እሞታካ ሎይꬅ ኮይተ። ሽን ኡባፐ አꬂደ፥ ናበተꬃ ኮይተ።
1CO 14:2 አያዉ ጎፐ፥ ዱማ ዱማ ቃላን ሃሳይያ ኡራይ ጾሳዉ ሃሳዬፐ አትን፥ አሳዉ ሃሳየና። አያዉ ጎፐ፥ እ ሃሳይያዋ ኦንነ አኬከና። ሽን አሳዉ ቆንጭቤና የዉዋ አያና ዎልቃን ሃሳዬ።
1CO 14:3 ሽን ናቢ አሳ ማዳናዉ፥ ዞራናዉነ ምንሳናዉ አሳዉ ሃሳዬ።
1CO 14:4 ዱማ ዱማ ቃላን ሃሳይያ ኡራይ ባረና ማዴ። ሽን ናቢ ዎሳ ጎልያ ማዴ።
1CO 14:5 ህንተንቱ ኡባይ ዱማ ዱማ ቃላን ሀሳያናዋ ታን ዶሳይ። ሽን ናበተꬃ ሄዋፐ አꬃደ ዶሳይ። አያዉ ጎፐ፥ ዱማ ዱማ ቃላን ሃሳይያዌ ሄ ሃሳዬዳዋ ዎሳ ጎልያ ማዳናዉ ብልያ አሳይ ꬋዮፐ፥ ዱማ ዱማ ቃላን ሃሳይያዋፐ ናበተꬃይ አꬌ።
1CO 14:6 ሽን ታናዳን አማንያዋንቶ፥ ሀእ ታን ህንተንቱኮ ባደ፥ ዱማ ዱማ ቃላን ሃሳያደ፥ ሳጻን ዎይ ኤራተꬃን ዎይ ናበተꬃን ዎይ ታማርስያዋን ህንተንቶ ኦዳና ꬋዮፐ፥ ታን ህንተንታ አያ ማዳይታ?
1CO 14:7 ሀራይ አቶ፥ ሸምፑ ባይናባይ ሱሱልያ ግድና ዎይ ዲꬃ ግድና ካኢደ፥ ባረ ካሳ ዱማተꬃ ኤርሳና ꬋዮፐ፥ ሱሱልያ ፑኖፐነ፥ ዎይ ዲꬃ ዲጾፐ፥ አሳይ ዎቲደ ኤራኔ?
1CO 14:8 ቃይ ጹሩምባ ዋሱ ሎይꬅ ኤረታና ꬋዮፐ፥ ኦላዉ ኦኔ ጊገታናዌ?
1CO 14:9 ሀዋዳንካ፥ ቃይ ዱማ ዱማ ቃላን ህንተ ሃሳይያዌ ቆንጨ ግደናን ꬋዮፐ፥ ህንተ ሃሳይያዋ አሳይ ዎት አኬካኔ? አያዉ ጎፐ፥ ጫርኮ ህንተ ሃሳዪታ።
1CO 14:10 ሀ አላምያን ጮራ ቃላይ ደኤ፤ ሽን ብለꬃይ ባይና ቃላይ እቱነ ባዋ።
1CO 14:11 ሽን እት አሳይ ሃሳይያ ቃላ ታን ኤራና ꬋዮፐ፥ ሄ ሃሳይያዌ ታዉ እማꬃ ግዴ፤ ታንካ አዉ እማꬃ ግዳይ።
1CO 14:12 ሀዋዳንካ፥ ቃይ ጌሻ አያና እሞታ ህንተ አካናዉ ሎይꬅ ኮይያዋንታ ግድያ ድራዉ፥ ዎሳ ጎልያ ድቻናዉ ማዳዋ ኡባባፐ አꬂደ ኮይተ።
1CO 14:13 ሄዋ ድራዉ፥ ዱማ ዱማ ቃላን ሃሳይያዌ ባረ ሃሳዬዳዋ ብላናዉ ዳንዳያና ማላ፥ ጾሳ ዎሶ።
1CO 14:14 አያዉ ጎፐ፥ ታን ዱማ ዱማ ቃላን ጾሳ ዎሶፐ፥ ታ አያናይካ ዎሴ፤ ሽን ታ ጋርሳ ቆፋይ አይነ ጎኤተና።
1CO 14:15 ያትና፥ ታን ዎቶ? ታን ታ አያናን ጾሳ ዎሳና፤ ቃይ ታ ቆፋንካ ጾሳ ዎሳና። ታ አያናን የጻና፤ ቃይ ታ ቆፋንካ የጻና።
1CO 14:16 ሄዋ ግዳና ꬋዮፐ፥ ኔን ነ አያና ጻላላን ጾሳ ጋላትያዋ ግዶፐ፥ ሄ ሳኣን ኔን ግያዋ ኤረና አሳይ ኔን ጾሳ ጋላትያዋ ኤረናን፥ ኔን ጋላቴዳዋን ዎቲደ፥ “አመንእ” ጋኔ?
1CO 14:17 ኔን ጾሳ ጋላትያዌ ሎአ፤ ሽን ሄዌ የኮ ብታንያ ማደና።
1CO 14:18 ታን ዱማ ዱማ ቃላን ህንተ ኡባፐ አꬃደ ሃሳይያ ድራዉ፥ ጾሳ ጋላታይ።
1CO 14:19 ሽን ታን ዎሳ ጎለን ሀራቱዋ ታማርሳናዉ ዱማ ዱማ ቃላን ታሙ ሻአ ቃላቱዋ ሃሳይያዋፐ እቼሹ ቃላቱዋ ታ ዎዛና ቆፋን ሃሳያናዉ ዶሳይ።
1CO 14:20 ታናዳን አማንያዋንቶ፥ ህንተ ኢታ የዉዋን ጉꬃ ናና ማላ ግዳናፐ አትን፥ ቆፋን ጉꬃ ናና ማላ ግዶፕተ፤ ህንተ ጋርሳ ቆፋን ዎዛናማቱዋ ግድተ።
1CO 14:21 ጾሳ ማጻፋን፥ “ጎዳይ፥ ‘ታን ሀ አሳዉ፥ ዱማ ዱማ ቃላን ሃሳይያ አሳንነ፥ እማꬃቱዋ ዶናን ሃሳያና። ሽን ሄዋንካ፥ ታን ግያዋ ኡንቱንቱ ስስክኖ’ ያጌ” ጌተቲደ ጻፈቴዳ።
1CO 14:22 ስም ዱማ ዱማ ቃላን ሃሳይያዌ አማነናዋንቶ ማላታ ግድያዋፐ አትን፥ አማንያዋንቶ ማላታ ግደና። ቃይ ናባቱዋፐ ሃሳየትያዌ አማንያዋንቶ ማላታ ግድያዋፐ አትን፥ አማነናዋንቶ ማላታ ግደና።
1CO 14:23 ሄዋ ድራዉ፥ አማንያ አሳይ ኡባይ እትፐ ሺቂደ፥ ቃይ ኡባይካ ዱማ ዱማ ቃላን ሃሳዮፐ፥ ታማርቤና አሳይ ዎይ አማነና አሳይ ገሊደ፥ ህንተንታ ኡባ፥ “ጎዪታ” ጌኔ?
1CO 14:24 ሽን ታማርቤና አሳይ ዎይ አማነና አሳይ ዎሳ ጎለ ገልያ ዎደ፥ አሳይ ኡባይ ትምቢትያ ኦዶፐ፥ እ ባረ ስስያዋን ባረ ናጋራ አኬኬ። ቃይ ሄ ስሴዳባ ኡባንካ እ ፕርደታና።
1CO 14:25 አ ዎዛናን ጌሜዳ ቆፋይካ ቆንጫና። ሀዋዳንካ ቃይ፥ “ጾሳይ ቱሙ ህንተ ግዶን ደኤ” ያጊደ ማርካቲደ፥ ጉፋኒደ ጾሳዉ ጎይናና።
1CO 14:26 ስም ታናዳን አማንያዋንቶ፥ አዬ? ህንተንቱ እትፐ ሺቅያ ዎደ፥ ሁጲያን ሁጲያን፥ እቶ ማዝሙሪ ደኤ፤ እቶ ታማርስያዌ ደኤ፤ እቶ ሳጻይ ደኤ፤ ቃይ እቶ ዱማ ዱማ ቃላን ሃሳይያዌ ደኤ፤ እቶ ብልያዌ ደኤ። ኡባይካ ዎሳ ጎልያ ማድያዋ ግዳናዉ በሴ።
1CO 14:27 ኦንነ ዱማ ዱማ ቃላን ሃሳዮፐ፥ ላኡ ግዲደ፥ ዎይ ዳሮፐ ሄዙ ግዲደ፥ ካላን ካላን ሃሳያናዉ በሴ። ቃይ ሀራ እቱ ኡንቱንቱ ሃሳዬዳዋ ብሎ።
1CO 14:28 ሽን ብልያ አሳይ ꬋዮፐ፥ ዱማ ዱማ ቃላን ሃሳይያዌ ዎሳ ጎልያን ጮኡ ጎ። ባረ ሁጰዉነ ጾሳዉ ሃሳዮ።
1CO 14:29 ናባቱካ ላኡ ግዲደ ዎይ ሄዙ ግዲደ ሃሳይኖ። ቃይ ሀራንቱ ኡንቱንቱ ግያዋ ሻክኖ።
1CO 14:30 ሽን ጾሳይ ሄ ሳኣን ኡቴዳ ሀራዉ እትባ ቆንጭሶፐ፥ ካሰና ሃሳይያዌ ጮኡ ጎ።
1CO 14:31 አያዉ ጎፐ፥ ኡባይ ታማራና ማላነ ኡባይ ምናና ማላ፥ ካላን ካላን ትምቢትያ ኦዳናዉ ዳንዳዪታ።
1CO 14:32 ትምቢትያ ኦድያዋንቱ እሞታይ ኡንቱንቶ አዛዘቴ።
1CO 14:33 አያዉ ጎፐ፥ ጾሳይ ሳሮተꬃ ጾሳፐ አትን፥ ጫቡዋ ጾሳ ግደና። ጌሻቱ ዎሳ ጎለቱዋ ኡባን፥
1CO 14:34 ማጫዋንቱ ሺቁዋ ጋርሳን ጮኡ ጊኖ። አያዉ ጎፐ፥ አይሁዳቱዋ ህጊ ግያዋዳንካ ኡንቱንቱ ሞደታናፐ አትን፥ ሺቁዋ ጋርሳን ሃሳያናዉ ኡንቱንቶ ማት ባዋ።
1CO 14:35 ማጫዋንቱ ሺቁዋ ጋርሳን ሃሳይያዌ ፖኮ ግድያ ድራዉ፥ አየንቶ ኤራናዉ ኮዮፐነ ሶይን ባረንቱ አስና ኦችኖ።
1CO 14:36 ጾሳ ቃላይ ኮይሮ ህንተፐ ዬዴ? ዎይ ህንተ ጻላላኮ ዬዴ?
1CO 14:37 ኦንነ ባረና ናብያ ዎይ ጾሳ አያናይ ደእያ አሳ ያጊደ ቆፖፐ፥ ታን ህንተንቶ ጻፍያዌ ጎዳ አዛዙዋ ግድያዋ አኬኮ።
1CO 14:38 ሽን ኦንነ አኬካና ꬋዮፐ፥ አኬኮፖ ባሽ አጎ።
1CO 14:39 ሄዋ ድራዉ፥ ታናዳን አማንያዋንቶ፥ ትምቢትያ ኦዳናዉ ሎይꬅ አሞትተ። ቃይ ዱማ ዱማ ቃላን ሃሳይያዋካ ድጎፕተ።
1CO 14:40 ሽን ኡባባይካ ዎጋንነ ማራን ሀኖ።
1CO 15:1 ታናዳን አማንያዋንቶ፥ ታን ህንተንቶ ኦዴዳ ምሽራቹዋ ቃላ ህንተ አኬዳዋነ ቃይ ህንተ አማኑ አን ኤቄዳዋ ህንተንታ ቆፈꬃይ።
1CO 15:2 ህንተንቱ አማኑ መላ ግዳና ꬋዮፐ፥ ቃይ ታን ህንተንቶ ኦዴዳ ቃላ ሎይꬅ ኦይቆፐ፥ ህንተ ሄ ምሽራቹዋ ቃላን አቴድታ።
1CO 15:3 አያዉ ጎፐ፥ ታን ቃይ አኬዳዋ ኡባባፐ አꬊደ ኮሽያዋ ካሰታደ ህንተንቶ እማድ። ሄዌ አዬ ጎፐ፥ ጾሳ ማጻፋይ ግያዋዳን፥ ክርስቶስ ኑ ናጋራ ድራዉ
1CO 15:4 ሀይቂደ ሞገቴዳ። ጾሳ ማጻፋይ ግያዋዳንካ፥ ሄዘንꬅያ ጋላስ ሀይቁዋፐ
1CO 15:5 ደንዲደ፥ ጰጽሮሳዉ ቆንጬዳ። ሄዋፐ ጉይያን፥ ባረ ኪቴዳ ታማነ ላአቶ ቆንጬዳ።
1CO 15:6 ሄዋፐ ጉይያን፥ እቼሹ ጼቱዋፐ ዳርያ ባረና ካልያ አሳዉ እት ካላ ቆንጬዳ። ኡንቱንቱፐ ዳርያ ባጋይ ሀኖ ጋካናስካ ፓጻ ደኢኖ፤ ሽን አማሬዳዋንቱ ሀይቄድኖ።
1CO 15:7 ሄዋፐ ጉይያን፥ ያቆባዉ ቆንጬዳ፤ ጉየፐ ባረ ኪቴዳ ኡባቶ ቆንጬዳ።
1CO 15:8 ቃይ ኡባፐ ዉርሰꬃን፥ ዎዲ ጋከናን የለቴዳ ታዉካ ቆንጬዳ።
1CO 15:9 አያዉ ጎፐ፥ የሱስ ኪቴዳ ኡባፐ ታን ላፋ፤ ታን ጾሳ ዎሳ ጎልያ ዋይሴዳ ድራዉ፥ የሱስ ኪቴዳዋ ጌተታደ ጼሰታናዉካ በስከ።
1CO 15:10 ሽን ጾሳ አꬎ ኬካተꬃን ታን ታናካ። ቃይ ታዉ እ እሜዳ አꬎ ኬካተꬃይ መላ ግድቤና፤ ሽን ታን ኡንቱንታ ኡባፐ አꬃደ ኦꬃድ። ሽን ታናና ደእያ ጾሳ አꬎ ኬካተꬃይ ኦꬄዳፐ አትን፥ ታና ግድከ።
1CO 15:11 ስም ታና ግዶፐካ፥ ዎይ ኡንቱንታ ግዶፐካ፥ ኑን ኡባይ ኦድያዌ ሀዋ፤ ህንተንቱካ ሀዋ አማኔድታ።
1CO 15:12 ክርስቶስ ሀይቁዋፐ ደንዴዳዋ ኦድያዋ ግዶፐ፥ ህንተንቱፐ እት እት አሳቱ ያትና ዎቲደ፥ “ሀይቄዳ አሳይ ሀይቁዋፐ ደንደና” ያጊኖ?
1CO 15:13 ሀይቄዳ ኡራይ ሀይቁዋፐ ደንድቤናዋ ግዶፐ፥ ያትና ሄኮ ክርስቶስካ ሀይቁዋፐ ደንድቤና ግያዋ።
1CO 15:14 ክርስቶስ ሀይቁዋፐ ደንድቤናዋ ግዶፐ፥ ያትና ኑን ኦድያዌካ መላ፤ ቃይ ህንተ አማኑካ መላ።
1CO 15:15 ቃይ ኑን፥ “ክርስቶሳ ሀይቁዋፐ ደንꬄዳ” ያጊደ ጾሳባ ማርካቴዳ ድራዉ፥ አ ዎርዶ ማርካቱዋ ግዲደ ቤቴዶ። ሽን ሀይቄዳዋንታ ሀይቁዋፐ እ ደንꬅቤናዋ ግዶፐ፥ ክርስቶሳካ ደንꬅቤና።
1CO 15:16 አያዉ ጎፐ፥ ሀይቄዳዋንቱ ሀይቁዋፐ ደንደናዋ ግዶፐ፥ ስም ክርስቶስካ ደንድቤና።
1CO 15:17 ክርስቶስ ሀይቁዋፐ ደንድቤናዋ ግዶፐ፥ ህንተ አማኑካ መላ፤ ቃይ ህንተ ሀዋ ጋካናዉካ ናጋራና ደኢታ።
1CO 15:18 ስም ክርስቶሳ አማኒደ ሀይቄዳዋንቱካ ቃይ ꬋዬድኖ ግያዋ።
1CO 15:19 ኑን ሀ ደኡዋ ጻላላዉ ክርስቶሳን ህዶቴዳ ግዶፐ፥ ሀ አላምያን ደእያ አሳ ኡባፐካ ኑባይ ሎኤና።
1CO 15:20 ሽን ክርስቶስ ሀይቄዳዋንቱ ደንዶ ባይራ ግዲደ፥ ሀይቁዋፐ ደንዴዳዌ ቱማ።
1CO 15:21 አያዉ ጎፐ፥ ሀይቁ እት አሳ ባጋና ሀ አላምያ ዬዳ፥ ሀይቄዳዋንቱ ደንዱካ ቃይ እት አሳ ባጋና ዬዳ።
1CO 15:22 አያዉ ጎፐ፥ አሳይ ኡባይ አዳማና እትፐተꬃ መꬌዳ ድራዉ ሀይቄዳዋዳን፥ ክርስቶሳና እትፐተꬃ መꬌዳ ድራዉ፥ ኡባይ ደኦ ደንዳና።
1CO 15:23 ሽን ኡባይካ ባረ ካላን ካላን ደንዳና። ክርስቶስ ኡባፐ ካሰቲደ ደንዴዳ፤ ሄዋፐ ጉይያን፥ ክርስቶሳዋንቱ ክርስቶስ ይያ ዎደ ደንዳና።
1CO 15:24 ሄዋፐ ጉይያን፥ ክርስቶስ ማታ ኡባ፥ ጎዳተꬃ ኡባነ ዎልቃ ኡባ ꬋይሲደ፥ ጾሳዉ ባረ አቦ ካዉተꬃ እምያ ዎደ፥ ዎድያ ዉርሰꬃይ ያናዋ።
1CO 15:25 አያዉ ጎፐ፥ ጾሳይ አ ሞርከቱዋ ኡባ አ ገድያፐ ጋርሳና ዎꬃና ጋካናዉ፥ ክርስቶስ ሞዳናዉ በሴ።
1CO 15:26 ኡባፐ ዉርሰꬃን ꬋዪደ ደእያ ሞርኪ ሀይቁዋ።
1CO 15:27 አያዉ ጎፐ፥ ጾሳ ማጻፋይ፥ “ጾሳይ ኡባባ አ ገድያፐ ጋርሳና ዎꬂደ ሞድሴዳ” ያጌ። ሽን ኡባባ አ ገድያፐ ጋርሳና ዎꬂደ ሞድሴዳ ግያ ዎደ፥ ኡባባ ኦꬄዳ ጾሳፐ አትን፥ የኮ ኡባይ ሞደቴዳ ግያዌ ቆንጨ።
1CO 15:28 ሽን ኡባባይ ክርስቶሳዉ ሞደቴዳዋፐ ጉይያን፥ ክርስቶስ ቃይ ባረ ሁጰዉ ኡባባ ባረና ሞድሴዳ ጾሳዉ ሞደታና። ጾሳይ ቃይ ኡባባ ዉርሲደ ሞዳና።
1CO 15:29 ሄዋ ግዳና ꬋዮፐ፥ ሀይቄዳዋንቱ ኮታ ጻማቀትያዋንቱ አያ ኦꬂኖ? ሀይቄዳዋንቱ ኡባካ ደንደናዋ ግዶፐ፥ አሳይ ሀይቄዳዋንቱ ኮታ አያዉ ጻማቀቲ?
1CO 15:30 ያትና፥ ኑን ኡባ ዎደ አያዉ ሀሳየና መቱዋን ገሌቶ?
1CO 15:31 ታናዳን አማንያዋንቶ፥ ታን ኑ ጎዳ ክርስቶሳ የሱሳን ታዉ ደእያ ህንተናን ጬቀታደ፥ ጋላሳን ጋላሳን ሀይቃይ።
1CO 15:32 ታን ኤፈሶነን አሳ ቆፋዳን ዱኣና ባጸቴዳዌ ታና አያ ማዲ? ሽን ሀይቄዳዋንቱ ሀይቁዋፐ ደንደናዋ ግዶፐ፥ “ስም ሞይተነ ኡሾይተ፤ አያዉ ጎፐ፥ ኑን ዎንት ሀይቃና” ግያዋ ማላ።
1CO 15:33 ጭመቶፕተ፤ ኢታ ላገተꬃይ ሎኦ ሀኖታ ባይዜ።
1CO 15:34 ጽሎተꬃኮ ስምተ። ናጋራ ኦꬆፕተ። ህንተንቱፐ እት እት አሳይ ጾሳ ኤረና፤ ታን ሀዋ ህንተንታ ዬላያናዉ ጋይ።
1CO 15:35 ሽን እት አሳይ፥ “ሀይቄዳ አሳይ ዋኒደ ደንዳኔ? ኡንቱንቱ አያ ማላ ቦላና ያኔ?” ያገናን አገና።
1CO 15:36 ኔኖ ኤያዉ፥ ኔን ጋድያን ዘርያ ዘረꬃይ ሀይቀናን ሞከና።
1CO 15:37 ኔን ዘርያዌ ዛርጋ ግድና ዎይ ሀራ ቆሞ ካꬃ ግድና፥ አይፍያ ጻላላፐ አትን፥ ላም ዶሊደ ከስያዋ ግደና።
1CO 15:38 ሽን ጾሳይ ዘረꬃዉ ባረ ዶሴዳ ቦላ እሜ፤ ቃይ ዘረꬃ ኡባዉካ ሁጲያን ሁጲያን ኡንቱንቱ ቦላ እሜ።
1CO 15:39 መታ ኡባ አሹ እቱዋ ግደና። ሽን አሳ አሹ እቱዋ፤ መህያ አሹ ዱማ፤ ካፋቱዋ አሹካ ዱማ፤ ቃይ ሞልያ አሹካ ዱማ።
1CO 15:40 ቃይ ሳሉዋ አሳተꬃቱነ ሳኣ አሳተꬃቱ ደኢኖ። ሽን ሳሉዋ ቦላ ቦንቹ ዱማ፤ ቃይ ሳኣ ቦላ ቦንቹ ዱማ።
1CO 15:41 አዋይፍያዉ አ ሁጰ ቦንቹ ደኤ። አገናዉካ አ ሁጰ ቦንቹ ደኤ። ቃይ ጾልንታቶካ ዱማ ቦንቹ ደኤ፤ አያዉ ጎፐ፥ እት ጾልንቲ የኮ ጾልንትያፐ ቦንቹዋን ዱማቴ።
1CO 15:42 ቃይ ሀይቄዳዋንቱ ሀይቁዋፐ ደንድያ ዎደ ሄዋዳን ሀናና፤ ሀይቂያ ቦላይ ሞገቲደ፥ ሀይቀና ቦላ ግዲደ ደንዳና።
1CO 15:43 ቦላይ ቶሽያን ሞገቲደ፥ ቦንቹዋን ደንዳና። ቃይ ዳቡራን ሞገቲደ፥ ዎልቃን ደንዳና።
1CO 15:44 መታ ቦላይ ሞገቲደ፥ ጌሻ አያናን ካለሰትያ ቦላ ግዲደ ደንዳና። መታ ቦላይ ደኦፐ፥ ቃይ ጌሻ አያናን ካለሰትያ ቦላይካ ደኤ።
1CO 15:45 ሀዋዳንካ፥ ቃይ ጾሳ ማጻፋን፥ “ኮይሮ ብታኒ፥ አዳም፥ ፓጻ ደእያ አሳ ግዲደ መቴዳ” ያጌ። ሽን ዉርሰꬃ አዳም ደኡዋ እምያ አሳ ግዴዳ።
1CO 15:46 ሽን መታ አሳይ ኮይሮ ዪና፥ ጌዶፐ አያና አሳይ ዬዳፐ አትን፥ አያናዌ ኮይሮ ይቤና።
1CO 15:47 ኮይሮ አዳም ቢታፐ መቴዳ፤ እ ቢታፐ መቴዳዋ። ላኤንꬁዋ አዳም ሳሉዋፐ ዬዳ።
1CO 15:48 ሀ ሳኣ አሳቱ ቢታፐ መቴዳዋ ማላቲኖ። ቃይ ሳሉዋ አሳቱ ሳሉዋፐ ዬዳዋ ማላቲኖ።
1CO 15:49 ኑን ቢታፐ መቴዳዋ ማላ ማዬዳዋዳን፥ ሳሉዋፐ ዬዳዋ ማላካ ቃይ ማያና።
1CO 15:50 ታናዳን አማንያዋንቶ፥ ታን ግያዌ ሀዋ፤ አሹነ ሱꬃይ ጾሳ ካዉተꬃ ላታና ዳንዳየና። ቃይ ዎቂያዌ ዎቀናዋ ላተና።
1CO 15:51 ስስተ! ታን ህንተንቶ እትባ ጹራይ። ኑን ኡባይ ሀይቆኮ። ሽን ዉርሰꬃ ጹሩምባይ ፑነትያ ዎደ፥ ልጴዳ አይፊ ጼላናዉ ዎዛና አናን ላመታና። አያዉ ጎፐ፥ ጹሩምባይ ፑነትያ ዎደ፥ ሀይቄዳ አሳይ ዎቀና አሳ ግዲደ ደንዳና፤ ኑንካ ላመታና።
1CO 15:53 አያዉ ጎፐ፥ ሀዌ ዎቂያዌ ዎቀናዋ ማያናዉ በሴ፤ ቃይ ሀዌ ሀይቂያዌ ሀይቀናዋ ማያናዉ በሴ።
1CO 15:54 ሽን ሀዌ ዎቂያዌ ዎቀናዋ ማይያ ዎደ፥ ቃይ ሀዌ ሀይቂያዌ ሀይቀናዋ ማይያ ዎደ፥ ሄ ዎደ፥ ጾሳ ማጻፋይ፥ “ሀይቁ ጾነቲደ ምተቴዳ።
1CO 15:55 ሀይቆ፥ ነ ይሻይ ሀቃኔ? ሀይቆ፥ ነ ጾኑ ሀቃኔ?” ጌዳ ቃላይ ፖለታና።
1CO 15:56 ሀይቁ ዱክያ ዎልቃ ናጋራፐ ደሜ፤ ቃይ ናጋራይ ዎልቃ ህግያፐ ደሜ።
1CO 15:57 ሽን ኑ ጎዳ የሱስ ክርስቶሳ ባጋና ኑና ጾንስያ ጾሳ ጋላታይ ጋኮ።
1CO 15:58 ታን ሲቅያ ታናዳን አማንያዋንቶ፥ ሄዋ ድራዉ፥ ቃጸናን ምን ኤቂተ። ህንተንቱ ዳቡራይ ጎዳ ባጋና መላ ግደናዋ ኤሪደ፥ ኡባ ዎደ ጎዳ ኦሱዋ አዛለናን ኦꬅተ።
1CO 16:1 ጾሳ አሳቶ ሚሻ ሺሻናዉ ጋላትያን ደእያ አማንያ አሳቶ ታን ቃላ ገሌዳዋዳን፥ ህንተንቱካ ቃይ ሄዋዳን ኦꬅተ።
1CO 16:2 ህንተንቱ ታን ያ ብያ ዎደ፥ ሚሻ ሺሸና ማላ፥ ህንተ ኡባይ ዎጋ ጋላስ ጋላስ፥ ህንተ ደምያ ኬናፐ ህንተ ጎለን ዳጋይተ።
1CO 16:3 ታን ያ ጋክያ ዎደ፥ ህንተ አማንያ አሳ ኦና ግዶፐነ፥ ህንተ እሜዳዋ ጋꬃና ማላ፥ ዳብዳቢያና ኡንቱንታ የሩሳላመ ኪታና።
1CO 16:4 ቃይ ታን ኡንቱንቱና ባናዉ ኮሾፐ፥ ኡንቱንቱ ታናና እትፐ ባናዋንታ።
1CO 16:5 ታን ማቅዶንያና አꬋአደ፥ ህንተንቱኮ ባና፤ አያዉ ጎፐ፥ ታን ማቅዶንያና አꬋይ።
1CO 16:6 ታን ብያሳ ሀቃ ግዶፐነ፥ ታ ቡሳን ህንተ ታና ማዳና ማላ፥ ህንተ ማታን አማሬዳ ዎድያ ጋምኤናን አግከ። ዎይ ባልጉዋካ ህንተ ማታን ሻጨናን ዋያ አጋና።
1CO 16:7 አያዉ ጎፐ፥ ታን ሀእ ያና አꬋአደ ሄ ኦግያና ህንተንታ በአናዉ ኮይከ። ጎዳይ ጎፐ፥ ህንተ ማታን አማሬዳ ዎድያ ታካናዉ ቆፓይ።
1CO 16:8 ሽን ታን ጰንጸቆስተ ግያ ጋላሳይ ጋካናዉ ኤፈሶነን ጋምአና።
1CO 16:9 ታዉ ኦሱ ኩሜዳ አኮ ፐንጊካ ያን ዶየቴዳ። ቃይ ታዉ ጮራ ሞርከቱ ደኢኖ።
1CO 16:10 ጽሞቶሰ ህንተንቱኮ ዮፐ፥ ህንተ ማታን እ ያየናን ደአናዳን፥ አ ሎይꬅ ኦይቂተ። አያዉ ጎፐ፥ እካ ቃይ ጎዳ ኦሱዋ ኦꬄ።
1CO 16:11 ሄዋ ድራዉ፥ ኦንነ አ ካꬎፖ። ሽን እ ታኮ ሳሮ ስማና ማላ፥ አ ማዲደ ሳሮተꬃን ሞይዝተ። አያዉ ጎፐ፥ ታን እ እሻቱዋና ስማናዋ ናጋ ኡታድ።
1CO 16:12 ሽን ኑ እሻ አጲሎስ የኮ እሻቱዋና ህንተንቱኮ ባና ማላ፥ ታን አ ምንሳ ዎሳድ። ሽን ሀእ ህንተንቱኮ ባናዉ ኮይቤና፤ እ ባረዉ ሚክያ ዎደ ህንተንቱኮ ባናዋ።
1CO 16:13 ቤጎትተ። አማኑዋን ምን ኤቂተ። ጻልተ። ጎብተ።
1CO 16:14 ኦሱዋ ኡባ ሲቁዋን ኦꬅተ።
1CO 16:15 ታናዳን አማንያዋንቶ፥ እስጽፋኖስነ አ ሶይ አሳይ ግሪከን ኮይሮ አማኔዳዋንታ ግድያዋነ ጾሳ አሳቶ ኦꬃናዉ ባረንታ እሜዳዋ ህንተ ኤሪታ። ህንተንቱካ ኡንቱንቱ ማላ አሳዉነ፥ ኡንቱንቱና ኦꬅያ ኡባዉ ዳቡርያ ኡባዉ ኤኖ ጋናዳን፥ ታን ህንተንታ ዎሳይ።
1CO 16:17 እስጽፋኖስ፥ ፓርዶናጽስነ አካይቆስ ህንተ ባይናሳን ታና ቦራስስቤና ድራዉ፥ ኡንቱንቱ ዩሳን ታን ናሸታይ።
1CO 16:18 ኡንቱንቱ ህንተንታ አያናን ምንሴዳዋዳን፥ ታናካ አያናን ምንሴዳ ድራዉ፥ ሄዋንቱ ማላ አሳቱዋ ዶጎፕተ።
1CO 16:19 ኢስያን ደእያ አማንያ አሳይ ህንተንታ፥ “ሳሬ፥ ሎኤ” ጊኖ። አቂላይነ ጵርስቂላ ባረንቱ ሶይን ሺቅያ ዎሳ ጎለ አሳናካ ህንተንቶ ጎዳ ሳሮታ ዎዛናፐ ኪቲኖ።
1CO 16:20 እሻቱ ኡባይ ህንተንቶ ሳሮታ ኪቲኖ። እቱ እቱዋና ጌሻ የረታ የረቲደ ሳሮተትተ።
1CO 16:21 ታን ጳዉሎስ ሀ ሳሮታ ታ ኩሽያን ጻፋድ።
1CO 16:22 ጎዳ የሱስ ክርስቶሳ ሲቀና አሳይ ደኦፐ፥ እ ሸቀቴዳዋ ግዶ። ኑ ጎዳዉ፥ ሃያ።
1CO 16:23 ጎዳ የሱስ ክርስቶሳ አꬎ ኬካተꬃይ ህንተንቱና ግዶ።
1CO 16:24 ክርስቶሳ የሱሳን ደእያ ህንተንቱ ኡባና ታ ሲቁ ግዶ። አመንእ።
2CO 1:1 ታን ጳዉሎስ፥ ጾሳ ሸንያን፥ ክርስቶስ የሱስ ኪቴዳዌነ ኑ እሻይ ጽሞቶስ ጾሳዉ ጎይንያ ቆሮንቶሳ ካታማን ደእያ አማንያዋንቶነ አካይያን ደእያ ጾሳ ናናቶ ሀ ዳብዳቢያ ጻፌቶ።
2CO 1:2 ጾሳ ኑ አዉዋፐነ ጎዳ የሱስ ክርስቶሳፐ፥ አꬎ ኬካተꬃይነ ሳሮተꬃይ ህንተንቶ ግዶ።
2CO 1:3 ጾሳ ኑ ጎዳ የሱስ ክርስቶሳ አዉዋ፥ ማሮተꬃ አዉዋነ መንꬁዋ ኡባ ጾሳ ጋላታይ ጋኮ፤
2CO 1:4 ጾሳይ ኑና ኑ ሁጰዉ መንꬄዳ መንꬁዋዳን፥ ዳሮ ዋይያ ዋየትያዋንታ ኑንካ መንꬃናዳን፥ ኑ ዋይያ ኡባን እ ኑና መንꬄ።
2CO 1:5 አያዉ ጎፐ፥ ኑን ክርስቶሳ ባጋና ዳሮ ዋይያ ዋየትያዋዳን፥ ሄዋዳንካ፥ ቃይ ኑና አ ባጋና ዳሮ መንꬁዋን መንꬄ።
2CO 1:6 ኑን ዋየቶፐ፥ ሄዌ ህንተና መንꬃናሳነ ህንተና አሻናሳ፤ ቃይ ኑን ምነቶፐ፥ ኑን ዳንዳዬዳ ዋይያ ማላ ህንተካ ገንጪደ ዳንዳያና ማላ፥ ጾሳይ ህንተዉካ ቃይ መንꬁዋነ ዳንዳያ እማናሳ።
2CO 1:7 ህንተ ደማና ጊደ፥ ህዶታን ናግ ኡቴዳዌ ዳሮ ምና፤ አያዉ ጎፐ፥ ህንተ ኑናና ዋየቴዳዋዳን፥ ሄዋዳን መንꬁዋካ ኑናና አካናዋ ኑን ኤሬቶ።
2CO 1:8 ኑ ኑናዳን ጾሳ ካልያዋንቶ፥ ኑን ኢስያ ጋድያን ዋየቴዳ ዋይያ ህንተና ሀሳይሳናዉ ኮዬቶ፤ ኑ ዋዪ ኑ ዎልቃፐ ዳርና፥ ኑና ዎꬌ ጊደ፥ ህርጋና ጋካናዉ፥ ኑና ዎጋይ ባይናዋ ዴጼዳ።
2CO 1:9 ኑን ኑ ቦላ ሀይቁዋ ፕርዳይ ፕርደቴዳ ያጊደ ቆፔዶ፤ ሽን ሄዌ ሀኔዳዌ ሀይቄዳ አሳ ሀይቁዋፐ ደንꬅያ ጾሳን ኑን አማነታናፐ አትን፥ ኑ ሁጲያን አማነተናዳና።
2CO 1:10 ጾሳይ ሀዋ ማላ ኢታ ሀይቁዋፐ ኑና አሼዳ፤ እ ኑና አሻና፤ ስንꬃፐካ እ ኑና አሻናዋ ጊደ፥ ህዶታን ናግ ኡቴዶ።
2CO 1:11 ህንተ ዎሴዳ ዳሮ ዎሳን ኑዉ አንጁ ስሜዳ ድራዉ፥ ዳሮ አሳይ ኑ ድራዉ ጾሳ ጋላታና ማላ፥ ህንተካ ቃይ ኑና ዎሳን ማዳና ኮሼ።
2CO 1:12 ኑን ጬቀትያዌ ሀዋ፤ ሀ ሳኣን ኑን ደእያ ደኡ፥ ኡባ ቃይ ህንተናና ኑዉ ደእያ እትፐተꬃይ ጾሳ አꬎ ኬካተꬃናፐ አትን፥ አሳ አꬌዳ ኤራተꬃና ግደናዋ፥ ቃይ ጾሳይ እሜዳ ጌሻተꬃንነ ሱረተꬃን ኑን ደእያዋ ዎዛና ቆፋይ ኑዉ ማርካቴ።
2CO 1:13 አያዉ ጎፐ፥ ህንተ ናባባናዉነ አኬካናዉ ዳንዳይያዋ ጻላላ ህንተንቶ ጻፍያዋፐ አትን፥ ኑን ሀራባ ህንተንቶ ጻፎኮ። ኑ ጎዳ የሱሳ ጋላስ ኑን ህንተናን ጬቀታናዋዳን፥ ህንተካ ኑናን ጬቀታና ማላ፥ ህንተ ሀእ ዉርስ አኬከና የዉዋ ግድን ዉርስ አኬካና ጋደ ቆፓይ።
2CO 1:15 ሄዋ ታን ሎይꬃ ኤሬዳ ድራዉ፥ ህንተ ላኡ ገደ ጎኤታና ማላ፥ ኡባፐ ካሰታደ ህንተኮ ባናዉ ቆፋ ቃቻድ።
2CO 1:16 ታን ማቅዶንያ ባደ ህንተናና ጋከታናዋነ ቃይ ያፐ ስማደ ህንተ ማታና ይሁዳ አꬍሽን፥ ህንተ ታና ማዳናዋ ቆፓ ኡታድ።
2CO 1:17 ሄዋ ድራዉ፥ ታን ሄዋ ቆፓደ ታናን አማነትበይክታ? ታን ታ ቆፋ ቃችያ ዎደ፥ ሳኣ አሳዳን እት ኩꬃን፥ “ኤ፥ ኤ” ዎይ፥ “ግደና፥ ግደና” ጋናዉ ጊጋ ኡታድታ?
2CO 1:18 ሽን ጾሳይ አማነቴዳዋ ግድያዌ ቱማ ግድያዋዳን፥ ኑን ህንተንቶ ኦድያ ቃላይ “ኤ” ግያዋነ “ግደና” ግያዋ ግደና።
2CO 1:19 አያዉ ጎፐ፥ ታን፥ ስላሰነ ጽሞቶስ ህንተ ግዶን ኦዴዳ ጾሳ ናአይ፥ የሱስ ክርስቶስ “ኤ” ግያዋፐ አትን፥ “ግደና” ግያዋ ግደና። ሽን ጾሳ ባጋና እ ኡባ ዎደካ “ኤ”።
2CO 1:20 አያዉ ጎፐ፥ ጾሳይ እማና ጌዳባዉ ኡባዉ ኤኖ ጌዳዌ ክርስቶሳ ባጋና ፖለታና፤ ሄዋ ድራዉ፥ ኑን ክርስቶሳ ባጋና ጾሳ ቦንቾ፥ አመንእ ጌቶ።
2CO 1:21 ጾሳይ ክርስቶሳ ባጋና ኑናነ ህንተና መንꬄነ ኦኬ።
2CO 1:22 ኑን አዋ ግድያዋ ኤርስያ ማታፋ እ ኑ ቦላ ዎꬂደ፥ ባረ ጌሻ አያና ዋስያዳን፥ ኑ ዎዛና ግዶን ዎꬄዳ።
2CO 1:23 ቃይ ታን ቆሮንቶሳ ቤናን አጌዳዌ ህንተና ቆሄናዳና። ሄዌ ዎርዶ ግዶፐ ታና ሙራናዉ ታ ሸምፑዋን ጾሳይ ማርካ።
2CO 1:24 ኑን ህንተና ናሸቻናዉ ህንተናና እትፐ ኦꬅያዋንታፐ አትን፥ ህንተ አማንያዋን ህንተና ጎደታናዉ ኮይያዋንታ ግዶኮ፤ አያዉ ጎፐ፥ ህንተንቱ ህንተ አማኑሳን ምኒደ ደኢታ።
2CO 2:1 ታን ላኤንꬁዋ ህንተና ካዮየና ማላ፥ ህንተኮ ቤናዳን፥ ታ ቆፋ ቃቻድ።
2CO 2:2 አያዉ ጎፐ፥ ታን ህንተና ካዮይያዋ ግዶፐ፥ ሀ ታን ካዮዬዳ ህንተ ታና ናሸቻናፐ አትን፥ ኦኔ ታና ናሸቻናዌ?
2CO 2:3 ታን ህንተንቶ ሄ ዳብዳቢያ ጻፌዳዌ፥ ታና ናሸቻናዉ በስያ አሳቱዋን ታን ካዮታናዉ ህንተኮ ባናዉ ኮያቤናዋሳ፤ ታን ናሸትያ ዎደ፥ ህንተ ኡባይካ ቃይ ናሸታናዋ ህንተ ኡባን አማነታይ።
2CO 2:4 አያዉ ጎፐ፥ ታን ህንተንቶ ዳሮ ዋይያንነ ቱጋን ቃይ ዳሮ አፎꬃና ጻፌዳዌ፥ ህንተና ካዮያናሳ ግደና፤ ሽን ታን ህንተና ኡባቱዋ አይ ኬና ሲቃይታንቶ ህንተ ኤራናዳና።
2CO 2:5 ሽን እት ኡራይ ሀራ ካዮዬዳዋ ግዶፐ፥ ታን አ የዉዋ ዳርሳናዉ ኮይከ፤ እ ህንተና ኡባቱዋ ካዮዬዳፐ አትን፥ ታ ጻላላ ካዮይቤና።
2CO 2:6 ህንተፐ ዳርያ ባጋ አሳይ ሄ ብታንያ ማላ አሳ ሄዋዳን ሙሮፐ፥ ሄ ሙራይ አዉ ግዳናዋ።
2CO 2:7 ሄዋ ድራዉ፥ ሄ ብታኒ ሎይꬅ ካዮተና ማላ፥ ህንተ አዉ አቶ ጋናዉነ አ መንꬃናዉ በሴ።
2CO 2:8 ሄዋ ድራዉ፥ ህንተ አ ምንሲደ ሲቅያዋ እ ኤራና ማላ፥ ታን ህንተና ዎሳይ።
2CO 2:9 አያዉ ጎፐ፥ ህንተ ታዉ አዛዘታናዉ ኡባ ዎደ ጊግ ኡቴድተንቶነ ቃይ ፓጭያ ህንተ ዳንዳይንቶ ኤራናዉ፥ ሄ ዳብዳቢያ ህንተንቶ ጻፋድ።
2CO 2:10 እት ኡራይ ናቄዳዋ ህንተ አቶ ግያ ዎደ፥ ታንካ ቃይ አቶ ጋይ፤ ታን አቶ ጌዳዋ ግዶፐ፥ አቶ ጌዳዋ አያነ ክርስቶሳ ስንꬃን ህንተ ድራዉ፥ አቶ ጋድ።
2CO 2:11 ሴጻናይ ኑኮ ዪደ፥ ኑና ጭመና ማላ፥ ታን አቶ ጋድ፤ አያዉ ጎፐ፥ ኑን አ ቆፋ ኤሬቶ።
2CO 2:12 ታን ክርስቶሳ ምሽራቹዋ ቃላ ኦዳናዉ ጽሮኣዳ ቤዳ ዎደ፥ ጎዳይ ያን ታዉ ፐንግያ ዶይ ዎꬄዳ።
2CO 2:13 ታን ታ እሻ ቲታ ያን ደማቤና ድራዉ፥ ታዉ አያናይ ሸምፕቤና። ሄዋ ድራዉ፥ ያን ደእያ አሳ፥ “ሳሮ ደእተ” ጋደ ማቅዶንያ ባድ።
2CO 2:14 ሽን ክርስቶሳ ባጋና ኡባ ዎደ ኑና ጾኖ ካለꬅያ ጾሳ፥ ቃይ ክርስቶሳ ትምርትያ ኑ ባጋና ሽቱዋዳን፥ ኡባሳ ጋꬅያዋ ጋላታይ ጋኮ።
2CO 2:15 አያዉ ጎፐ፥ ኑን አትያ አሳ ግዱዋንነ ꬋይያ አሳ ግዶን ክርስቶስ ጾሳዉ ያርሽያ ሳዉዋ ቶሽኩ ግያ ሽቱዋ ማላ።
2CO 2:16 ኑን ꬋይያዋንቶ ዜእያ ሀይቁዋ፤ ቃይ አትያዋንቶ ደኡዋ እምያ ሳዊያ ሽቱዋ፤ ያትና፥ ሄዋ ኦꬃናዉ ዳንዳይያዌ ኦኔ?
2CO 2:17 ኑን ጾሳ ቃላ ገሎባዳን፥ ዋላኪደ ዛልእያ ሀራ ጮራ አሳቱዋ ማላ ግዶኮ፤ ሽን ጾሳይ ኑና ኪትና፥ አማነቲደ ጾሳ ስንꬃን ክርስቶሳ ባጋና ቃላ ኦዴቶ።
2CO 3:1 ኑን ሽረቲደ፥ ኑ ሁጲያ ሳባናዉ ዶሜዶዬ? ዎይ ሀራ አሳቱዋዋዳን፥ ሳባ ዳብዳቢያ ህንተንቶ የዳናዉ ዎይ ህንተፐ አካናዉ ኮዬቶ?
2CO 3:2 ህንተንቱ ህንተ ሁጲያን አሳይ ኡባይ ኤራናዳንነ ናባባናዳን፥ ኑ ዎዛናን ጻፈት ኡቴዳ ኑ ዳብዳቢያ።
2CO 3:3 ሀ ዳብዳቢያ ክርስቶስ ባረ ሁጲያን ጻፊደ፥ ኑ ቦላ ኪቴዳዌ ቱማ፤ ሀ ዳብዳቢ ደኡዋ ጾሳ ጌሻ አያናን አሳ ዎዛናን ጻፈቴዳዋፐ አትን፥ ሹቻ ቦላ ቃላምያን ጻፈትቤና።
2CO 3:4 ኑዉ ክርስቶሳ ባጋና ጾሳን ሀዋ ማላ አማኑ ደኤ።
2CO 3:5 ኑ ዳንዳያይ ጾሳፐ ይያዋፐ አትን፥ ሀ ኦሱዋ ኑን ኑ ሁጲያን ኦꬃናዉ ዳንዳዬቶ ግያዌ ኑዉ አያይነ ባዋ።
2CO 3:6 ኑን ኦራꬃ ጫቆ ኦꬃና ማላ፥ ጾሳይ ኑና ዳንዳይሴዳ፤ ሄ ኦራꬃ ጫቁ ጌሻ አያናዋፐ አትን፥ ጻፈቴዳ ህግያዋ ግደና። ጻፈቴዳ ህጊ ሀይቁዋ አሄ፤ ሽን ጌሻ አያናይ ደኡዋ አሄ።
2CO 3:7 ሹቻ ዎጪደ ጻፌዳ ህጊ እመትያ ዎደ፥ ጾሳ ቦንቹ ቤቴዳ፤ ሙሴ ሶምእያን ደእያ ጶለꬃይ ꬋይያዋ ግዶፐካ፥ ሄ ጶለꬃይ ዳሮ ዎልቃማ ግድያ ድራዉ፥ እስራኤልያ አሳይ አ ሶምእያ ትሽ ኦꬅ ጼላናዉ ዳንዳይቤና። ሀይቁዋ አህያ ህጊ ኦꬅያ ኦሱ ሀዋ ማላ ቦንቹዋና ይያዋ ግዶፐ፥
2CO 3:8 ጌሻ አያናይ ኦꬅያ ኦሱዋ ቦንቹ አይ ኬና ዳራኔ?
2CO 3:9 አያዉ ጎፐ፥ አሳይ ፕርዳ አክያ ኦሱ ቦንቾ ግዶፐ፥ አሳይ ጽልያ ኦሱዋ ቦንቹ ዋኒደ ዳራንዴሻ?
2CO 3:10 አያዉ ጎፐ፥ ካሰ ቦንቹ ሀእ ባረፐ ሎይꬅ አꬍያ ቦንቹዋ ጋሱዋን ቦንቹዋ ꬋዬዳዌ ቱማ።
2CO 3:11 አያዉ ጎፐ፥ ሄ ꬋዬዳዋን ቦንቹ ደእያዋ ግዶፐ፥ መꬍናዉ ደእያዋን አይ ኬና ዎልቃማ ቦንቹ ደአንዴሻ?
2CO 3:12 ኑን ህዶታን ናግያ ሀዋ ማላባይ ኑዉ ደእያ ድራዉ፥ ቆንጭያን ጻሊደ ሃሳዬቶ።
2CO 3:13 እስራኤልያ አሳይ ꬋይያ ቦንቹዋ ዉርሰꬃ በኤና ማላ፥ ባረ ሶምእያ ናጻላን ካሜዳ ሙሴ ማላ ግዶኮ።
2CO 3:14 ሽን ኡንቱንቱ ዎዛናይ ዶንጭሌዳ፤ አያዉ ጎፐ፥ ኡንቱንቱ ኤጫ ጫቁዋ ናባብያ ዎደ፥ ሀቼ ጋካናዉካ፥ ሄ ናጻላይ ኡንቱንቱ ዎዛና ካም ዎꬄዳ፤ ኦንነ ክርስቶሳና ጋከትያ ዎደ ጻላላን ሄ ናጻላይ ክቼ።
2CO 3:15 ሽን ኡንቱንቱ ሙሴ ማጻፋ ናባብያ ዎደ ኡባን ሀቼ ጋካናዉካ፥ ሄ ናጻላይ ኡንቱንቱ ዎዛና ካም ዎꬄዳ።
2CO 3:16 ሽን ጾሳ ማጻፋይ፥ “ኦንነ ጎዳኮ ስምያ ዎደ፥ አዉደነ ሄ ናጻላይ ቃረቴ” ያጌ።
2CO 3:17 ጎዳይ ጌሻ አያና። ጎዳ አያናይ ደእያ ሳን አይለተꬃይ ባዋ።
2CO 3:18 ኑን ኡባይካ ናጻላን ካመትቤና ሶምእያን ጎዳ ቦንቹዋ በአና ቃይ ጌሻ አያና ግድያ ጎዳፐ ይያ ሄ ቦንቹ ኑና ባረና ማላትሲደ፥ ቦንቹዋፐ ቦንቾ ላማና።
2CO 4:1 ስም ጾሳይ ኑዉ ሀ ኦሱዋ ባረ ማሮተꬃን ኦꬃናዳን እሜዳ ድራዉ፥ ኑን ሳለቶኮ።
2CO 4:2 ኑን ጌማን ኦꬅያ ዬላይያ ኦሱዋ ኡባ አጎይተ፤ ቃይ ገንያ ኦሱዋካ ኦꬆኮ፤ ዎይ ጾሳ ቃላ ዎርዱዋና ዋላኮኮ። ሄዋዳንካ፥ ቱሙዋ ቆንጭያን ሃሳዪደ፥ ጾሳ ስንꬃን ሱረ ዎዛናዉ ኑና ሺሾይተ።
2CO 4:3 ኑን ኦድያ ዎንጋላ ምሽራቹ ጌሜዳዋ ግዶፐካ፥ ꬋይያ አሳቱዋ ጻላላዉ ጌሜዳ።
2CO 4:4 ሀ ሳኣ ጾሳይ አማነና አሳቱዋ ቆፋ ጆልሴዳ፤ ክርስቶሳ ቦንቹዋ፥ ዎንጋላ ምሽራቹዋ ፖኡዋ ባረንቶ ፖእያዋ፥ ጾሳ ማላትያዋ ኡንቱንቱ በኤና ማላ፥ ኡንቱንታ ድጌዳ።
2CO 4:5 አያዉ ጎፐ፥ የሱስ ክርስቶስ ጎዳ ግድያዋነ አ ድራዉ ኑን ኑ ሁጲያን ህንተንቶ ቆማ ግድያዋ ኦደቶፐ አትን፥ ኑባ ኦዶኮ።
2CO 4:6 አያዉ ጎፐ፥ “ꬉማፐ ፖኡ ፖአና” ጌዳ ጾሳይ ኑ ዎዛናን ባረ ፖኡዋ ፖእሴዳ፤ ቃይ እ ባረ ቦንቾ ኤራተꬃ ፖኡዋ ክርስቶሳ ስንꬃን ፖእያዋ ኑዉ እማናዉ ፖእሴዳ።
2CO 4:7 ሽን ኡባፐ አꬍያ ዎልቃይ ጾሳዋፐ አትን፥ ኑሳ ግደናዋ በሳናዉ ኑዉ ሀ ምንጃይ ኡርቃፐ መቴዳ ሚሻ ግዴዳ ኑ ግዶን ደኤ።
2CO 4:8 ኑን ኡባ ባጋናካ ኡንኤቴዶ፤ ሽን መኤረትበይኮ፤ ቃይ እት እት ዎደ ስꬌቶ፤ ሽን ኑ ኡባናካ አግበይኮ።
2CO 4:9 ኑን የደርሰቴዶ፤ ሽን ጾሳይ ኑና ኦልቤና፤ ቃይ ኑ ሞርከቱ ኑና ኦል አጌድኖ፤ ሽን ኑን ꬋይበይኮ።
2CO 4:10 ቃይ የሱሳ ደኡ ኑ አሳተꬃን ቤታና ማላ፥ ኑን ኡባ ዎደ አ ሀይቁዋ ኑ አሳተꬃን ቶክ ዩዬቶ።
2CO 4:11 አያዉ ጎፐ፥ ሀይቂያ ኑ አሳተꬃ ቦላ የሱሳ ደኡ ቤታና ማላ፥ ፓጻ ደእያ ኑን አ ድራዉ፥ ኡባ ዎደ ሀይቄቶ።
2CO 4:12 ሄዋ ድራዉ፥ ሀይቁ ኑ ግዶን ኦꬄ፤ ሽን ደኡ ቃይ ህንተ ግዶን ኦꬄ።
2CO 4:13 ጾሳ ማጻፋይ፥ “ታን አማኔዳ ድራዉ ሃሳያድ” ያጌ፤ ሄ አማኑዋ አያናይ ኑዉካ ደእያ ድራዉ፥ ኑንካ አማኔቶ፤ ሄዋ ድራዉ፥ ሃሳዬቶ።
2CO 4:14 ጾሳይ፥ ጎዳ የሱሳ ሀይቁዋፐ ደንꬄዳዌ፥ ኑናካ ቃይ የሱሳና ሀይቁዋፐ ደንꬂደ፥ ህንተናና እትፐ ባረ ስንꬃ ሺሻናዋ ኤሬቶ።
2CO 4:15 ሀዌ ኡባይ ህንተ ድራሳ፤ ጾሳ አꬎ ኬካተꬃይ ዳሮ አሳ ጋክያ ዎደ፥ አሳይ ጾሳ ቦንቾ ዳሮ ጋላታ እማና።
2CO 4:16 ሄዋ ድራዉ፥ ኑን ሳለቶኮ፤ ኑዉ ሀራይ አቶ፥ ቦላ ባጋ አሳተꬃይ ዎቂንቶካ፥ ጋርሳ ባጋ አሳተꬃይ ጋላሳን ጋላሳን ኦራጼ።
2CO 4:17 አያዉ ጎፐ፥ ሀእዉ ዋየትያ ሀ ጉꬃ ዋዪ፥ ኡባፐ ሎይꬅ ዳርያ መꬍና ቦንቹዋ ኑዉ ቤትሳና።
2CO 4:18 ኑን ቤተናዋ ጼሌቶፐ አትን፥ ቤትያዋ ጼሎኮ፤ አያዉ ጎፐ፥ ቤትያባይ ሀእሳ፤ ሽን ቤተናዌ መꬍናዉ ደእያዋ።
2CO 5:1 አያዉ ጎፐ፥ ኑን ደእያ ሀ ሳኣ ዱንካኒ ኮለቶፐ፥ ኑዉ አሳይ ኬጽቤና ጎሊ፥ ጾሳይ ኬጼዳዌ፥ ሳሉዋን መꬍናዉ ደእያዋ ኑን ኤሬቶ።
2CO 5:2 ኑን ሀ አላምያን ደኢደ ዳሮ ኦሌቶነ ሳሉዋን ደአና ኑ ጎልያ ማያናዉ ሎይꬅ አሞቴቶ።
2CO 5:3 ኑን ሄዋ ማዪደ፥ ካሎቶኮ፤
2CO 5:4 ኑን ሀ ሳኣ ዱንካንያን ደኢደ፥ ዴጸቲደ ኦሌቶ፤ አያዉ ጎፐ፥ ሀይቂያ አሳተꬃይ ደኡዋን ምተታና ማላ፥ ኑን ማያናዉ ኮዬቶፐ አትን፥ ካሎታናዉ ኮዮኮ።
2CO 5:5 ኑና ሀዎ ጊግሴዳዌ ጾሳ፤ ቃይ እ ባረ ጌሻ አያና ዋሰ ኦꬂደ፥ እሜዳዌ አ።
2CO 5:6 ሄዋ ድራዉ፥ ኑን ኡባ ዎደ አማነቴቶ፤ ቃይ ኑን ኑ ጎለን ሀ አሳተꬃን ደኤዳ ኬናን፥ ጎዳፐ ሻከቲደ ደእያዋካ ኤሬቶ።
2CO 5:7 አያዉ ጎፐ፥ ኑን አማኑዋን ደኤቶፐ አትን፥ በእያዋን ደኦኮ።
2CO 5:8 ኑና አማንꬄ፤ ቃይ ሀ አሳተꬃን ኑ ጎልያ አግ ጎለ ቢደ ጎዳና እትፐ ደእያዌ ኑና ናሸቼ።
2CO 5:9 ሄዋ ድራዉ፥ ኑን ቃይ አሹዋን ደእና ደአና ꬋይና፥ ኑ ቆፋይ አ ናሸቻናሳ።
2CO 5:10 አያዉ ጎፐ፥ ኑን ሁጲያን ሁጲያን ኦꬄዳ ኦሱ ሎአ ግድና፥ ዎይ ኢታ ግድና፥ ኑዉ በስያዋ አካናዉ፥ ክርስቶሳ ፕርዳ ኦይድያ ስንꬃን ኡባይካ ሺቃናዉ በሴ።
2CO 5:11 ሄዋ ድራዉ፥ ኑን ጾሳዉ ያዩሳይ አየንቶ ኤሪደ፥ ሄዋዳን ቃይ አሳካ አማንꬄቶ፤ ጾሳይ ኑና ኡባና ኤሬ፤ ቃይ ህንተካ ህንተ ዎዛና ቆፋን ኑና ኤሪታ ያጋደ ቆፓይ።
2CO 5:12 ቤትያባን ጬቀትያዋንቱፐ አትን፥ ዎዛናን ደእያዋን ጬቀተና አሳቶ ህንተ ኦድ ዛርያባይ ደአና ማላ፥ ህንተ ኑናን ጬቀታናዳን፥ ኑን ህንተንቶ ጋሱዋ ግዳናዉ ኮይያዋፐ አትን፥ ኑና ጋላታናዉ ኮዮኮ።
2CO 5:13 ኑን ጎይያዋ ግዶፐ፥ ጾሳ ቦንቹዋሳ፤ ዎይ ቃይ ዎዛናና ደእያዋ ግዶፐካ፥ ህንተና ጎአናሳ።
2CO 5:14 ክርስቶሳ ሲቁ ኑና ግዴ፤ አያዉ ጎፐ፥ እት አሳይ አሳ ኡባዉ ሀይቄዳዋ ኑን አኬኬዶ፤ ሄዋ ግዶፐ አሳይ ኡባይ አናና ሀይቄዳ።
2CO 5:15 ፓጻ ደእያዋንቱ ባረንቱ ድራዉ ሀይቄዳዎነ ቃይ ሀይቁዋፐ ደንዴዳዎ ደአናፐ አትን፥ ስንꬃፐ ባረንቱ ሁጰዉ ደኤና ማላ፥ እ አሳ ኡባ ድራዉ ሀይቄዳ።
2CO 5:16 ሄዋ ድራዉ፥ ኑን ሀዋፐ ስንꬃዉ ኦናነ አሳ ቆፋን ፕርዶኮ፤ ሀራይ አቶ፥ ኑን ክርስቶሳ ካሰ አሳ ቆፋን ፕርዴዳዋ ግዶፐካ፥ ስም ስንꬃፐ ሄዋዳን ፕርዶኮ።
2CO 5:17 ሄዋ ድራዉ፥ ኦንነ ክርስቶሳና ደኦፐ፥ ኦራꬃ መታ፤ ጭማይ አꬌዳ፤ በእተ፥ ኡባባይካ ኦራጼዳ።
2CO 5:18 ክርስቶሳ ባጋና ኑና ባረናና ስገꬄዳ ጾሳይ ኡባባካ ኦꬄዳ፤ ቃይ እ ኑዉ ሀራቱዋ ባረናና ስገꬅያ ኦሱዋ እሜዳ።
2CO 5:19 ጾሳይ ክርስቶሳ ባጋና አሳ ኡባ ባረናና ስገꬄ፤ አሳ ናጋራካ አሳ ቦላ ፓይደና፤ ቃይ አሳ ባረናና ስገꬅያ ኪታካ ኑዉ እሜዳ።
2CO 5:20 ስም ጾሳይ ኑ ባጋና ህንተንቶ ሃሳይያዋዳን፥ ኑንካ ክርስቶሳ ድራዉ ሃሳይያ እ ኪቴዳዋንታ፤ ቃይ ኑን ህንተና፥ “ጾሳና ስገትተ” ጊደ፥ ክርስቶሳ ድራዉ ዎሴቶ።
2CO 5:21 ኑን ጾሳ ጽሎተꬃ ክርስቶሳ ባጋና አካና ማላ፥ ናጋራ ኤረና ክርስቶሳ ኑ ድራዉ፥ ጾሳይ ናጋራንቻ ኦꬄዳ።
2CO 6:1 ህንተ ኑናና ጾሳ ኦሱዋ ኦꬂደ፥ አ አꬎ ኬካተꬃ አኪደ ሀነና ኦግያን ጎኤተና ማላ፥ ኑን ህንተና ዎሴቶ።
2CO 6:2 አያዉ ጎፐ ጾሳይ፥ “ታን እንጀ ዎድያን፥ ኔን ግያዋ ስሳድ፤ ቃይ አቶተꬃ ጋላስ፥ ኔና ማዳድ” ያጌ። በእተ፥ እንጀ ዎዲ ሀአ። በእተ፥ አቶተꬃ ጋላሳይ ሀቻ።
2CO 6:3 ኑን ኑ ኦሱዋ ኦንነ ቦራናዋ ኮዮኮ፤ ቃይ ኦናነ ꬉባናዋ ኮዮኮ።
2CO 6:4 ሽን ኡባባን ኑን ጾሳ ኦሳንቻቱዋ ግድያዋ ኑ ሁጲያን በሴዶ፤ ዳሮ ገንጫን፥ ዋይያን፥ መቱዋን፥ ዎልቃማ ቱጋን፥
2CO 6:5 ልሱዋን ሾጨትያዋን፥ ቃሹዋን፥ ሻቢረቱሳን፥ ዳቡራን፥ ገምእሹዋ ꬋይያዋን፥ ጾማን፥
2CO 6:6 ጌሻተꬃን፥ ኤራተꬃን፥ ዳንዳያን፥ ኬካተꬃን፥ ጌሻ አያናን፥ ቱሙ ሲቁዋን፥
2CO 6:7 ቱሙዋ ሃሳይያዋን፥ ጾሳ ዎልቃን ኑን ጾሳ ኦሳንቻቱዋ ግድያዋ ኑ ሁጲያን በሴዶ፤ ቃይ ጽሎተꬃ ቶራ ኡሸቻ ኩሽያን፥ ጎንዳልያ ሀድርሳ ኩሽያን ኦይቃና።
2CO 6:8 ኑን ቦንቼቴዶነ ቶሸቴዶ፤ ቦረቴዶነ ጋላተቴዶ። ቃይ ቱሙዋ ሃሳዬቶ፤ ሽን አሳይ ኑና ዎርዱዋ ጊደ ቆፔ።
2CO 6:9 ኑን አሳይ ኤረና አሳ ማላ፤ ሽን አሳይ ኡባይ ኑና ኤሬ፤ ኑን ሀይቄዳ አሳ ማላ፤ ሽን ህንተ በእያዋዳንካ ደኤቶ፤ ሙረቴዳ አሳ ማላ፤ ሽን ሀይቂበይኮ።
2CO 6:10 ኑን ካዮትያዋንታ ግዶፐካ፥ ኡባ ዎደ ናሸቴቶ። ህዬሳ ማላቴቶ፤ ሽን ዳሮ አሳ ዱረዬቶ፤ ቃይ አያይነ ባይና አሳ ማላቴቶ፤ ሽን ኡባባይካ ኑዋ።
2CO 6:11 ቆሮንቶሳን ደእያ አሳዉ፥ ኑን ህንተንቶ ቆንጭያን ኦዴዶ፤ ኑ ኡሉዋካ ህንተና በሴዶ፤
2CO 6:12 ኑን ህንተንቶ ꬍብበይኮ፤ ꬍቤዳዋንቱ ህንተና። ኑን ኑ ኡሉዋ ህንተንቶ ገንꬅበይኮ፤ ሽን ህንተ ኡሉዋ ኑዉ ገንꬄዳዋንቱ ህንተና።
2CO 6:13 ሀእ ታን ታ ናናዉ ሃሳይያዋዳን፥ ህንተንቶ ሃሳያይ፤ ኑን ህንተና ኑ ኡሉዋ በሴዳዋዳን፥ ህንተካ ኑና ህንተ ኡሉዋ አስ ዶዪደ በስተ።
2CO 6:14 አማነና አሳቱዋና ዙፐቲደ፥ ጊገና ኦሱዋ ኦꬆፕተ። አያዉ ጎፐ፥ ጽሎተꬃዉነ ናጋራዉ አያን ጋከꬃይ ደኢ? ፖኦነ ꬉማዉ አያን እትፐተꬃይ ደኢ?
2CO 6:15 ክርስቶሳነ ዳብሎሳ እትፐ ጋꬅያባይ አዬ? ቃይ አማንያዌነ አማነናዌ ኮጽያዌ አዬ ደኢ?
2CO 6:16 ጾሳ ጌሻ ጎለዉነ ኤቃዉ አይበ ዙፐተꬃይ ደኢ? አያዉ ጎፐ ጾሳይ፥ “ታን ኡንቱንቱ ግዶን ደአናነ ኡንቱንቱ ግዶን ሀመታና። ታን ኡንቱንቱ ጾሳ ግዳና፤ ቃይ ኡንቱንቱካ ታ አሳቱዋ ግዳና” ጌዳዋዳን፥ ኑን ደኡዋ ጾሳ ጌሻ ጎልያ።
2CO 6:17 ሄዋዳንካ፥ ቃይ ጎዳይ፥ “ኡንቱንቱ ግዶፐ ከስተ፤ ኡንቱንቱፐ ሻከትተ። ቱናባካ ቦቾፕተ። ታን ህንተና ሞካ አካና።
2CO 6:18 ቃይ ታን ህንተንቶ አዉዋ ግዳና፤ ህንተካ ታዉ አቱማ ናናቱዋነ፥ ማጫ ናናቱዋ ግዳንታ። ታን ኡባፐ ዎልቃማ ጎዳይ፥ ሀዋ ኦዳይ” ያጌዳ።
2CO 7:1 ሄዋ ድራዉ፥ ታ ሲቃቶ፥ ጾሳይ ሀ ኡባባ ኑዉ እማና ጌዳዋፐ ህን ባጋን፥ ኑ አሹዋነ ኑ ሸምፑዋ ቱንስያ ኡባባፐ ኑ ሁጲያ አነ ጌሾይተ፤ ቃይ ጾሳዉ ያይያዋን ኡባና ጌዪደ ደኤቶ።
2CO 7:2 ህንተ ኡሉዋ ኑና በስተ፤ ኑን ኦናነ ናቂበይኮ፤ ኦናነ ቆህበይኮ፤ ቃይ ኦናነ ጭምበይኮ።
2CO 7:3 ታን ሄዋ ህንተ ቦላ ፕርዳናዉ ጊከ፤ አያዉ ጎፐ፥ ታን ካሰ ህንተንቶ ጌዳዋዳንካ፥ ህንተንቱ ኑ ዎዛናን ደኢታ፤ ኑን ደእናካ ሀይቂናካ፥ እትፐ ደኤቶ።
2CO 7:4 ታን ሃሳይያዋ ህንተፐ ቆስከ፤ ታን ህንተናን ጬቀታይ፤ ኑ ዋይያ ኡባን ታን ሎይꬃ ምናይነ ናሸታይ።
2CO 7:5 አያዉ ጎፐ፥ ሀራይ አቶ ኑን ማቅዶንያ ቤዳ ዎደ፥ ኡባ ባጋንካ ዋየቴዶፐ አትን፥ ሸምፕበይኮ፤ ሀራ አሳና ዋላሳይ ደኤ፤ ኑ ዎዛናንካ ያሻይ ደኤ።
2CO 7:6 ሽን ካዉሼዳዋንታ መንꬅያ ጾሳይ፥ ቲቶ ዩሳን ኑና መንꬄዳ።
2CO 7:7 ኑና ካሰዋፐ አꬅ ናሸችያዌ፥ ቲቶ ዩሳ ጻላላ ግደና፤ ሽን ህንተ አ መንꬄዳዌ፥ ህንተ ታና በአናዉ አሞቴዳዋነ ታዉ ቃረቴዳዋ ቃይ ህንተ ታና ማዳናዉ ጊገቴዳዋ እ ኑዉ ኦዴዳ።
2CO 7:8 አያዉ ጎፐ፥ ታ ዳብዳቢ ህንተና ካዮዬዳዋ ግዶፐካ፥ አያዉ ጻፋድታሻ ጊከ፤ አያዉ ጻፋድታሻ ጎፐካ፥ ታ ዳብዳቢ ህንተና ጉꬃ ዎድያ ካዮዬዳዋ በአይ።
2CO 7:9 ሀእ ታና ናሸችያዌ ታን ህንተና ካዮዬዳ ድራሳ ግደና፤ ሽን ህንተ ካዩ ህንተና ናጋራፐ ዛሬዳዋ ድራሳ፤ አያዉ ጎፐ፥ ኑን ህንተና አያንነ ቆሄናዳን፥ ጾሳይ ባረ ኮዬዳዋዳን፥ ህንተና ካዮዬዳ።
2CO 7:10 አያዉ ጎፐ፥ ጾሳይ ኮይያ ካዩ ናጋራፐ ዛሪደ አቶተꬃኮ አሄ፤ ሄዌካ ታን ባይዛድ ጌና ዎዛና፤ ሽን አላምያ ካዩ ሀይቁዋ አሄ።
2CO 7:11 ጾሳይ ሄ ህንተ ካዩዋን አይ አይፍያ እሜደንቶ በእተ። ህንተና አይ ኬና ደንꬄደንቶነ ህንተ ጌሻተꬃ ቱማያናዉ ህንተና አይ ኬና ዛሩዋ እምሴደንቶ፥ አይ ኬና ሀንቀꬄደንቶነ አይ ኬና ታዉ ያሽሴደንቶ፥ አይ ኬና ሴልሴደንቶ፥ አያ ኬና ታና ላሞትሴደንቶነ ናቆ ኦሱዋ ኦꬃዋንታ ሙራናዉ አይ ኬና ጊግሴደንቶ ፓጭ በእተ፤ ህንተ ህንተ ሁጲያን ጌሻ ግዴዳዋ ኡባባንካ ኤርሴድታ።
2CO 7:12 ሄዋ ድራዉ፥ ታን ሄ ዳብዳቢያ ህንተንቶ ጻፌዳዋ ግዶፐካ፥ ናቄዳ ኡራ ዎይ ናቀቴዳ ኡራ ድራሳ ግደና፤ ሽን ህንተ ኑዉ ዎይሳ ቆፕንቶነ ጾሳ ስንꬃን ህንተንቶ ቆንጭሳናዉ ታን ጻፋድ።
2CO 7:13 ኑን ምኔዳዌ ሄዋ ድራሳ፤ ሄ ኑ ምኖታ ቦላ፥ ቲቶ ናሸቴዳዎ ኑን ኡባፐ ዳርያ ናሸቻ ናሸቴዶ። አያዉ ጎፐ፥ ህንተ ኡባይ አ ህርጋፐ ሸምፕሴድታ።
2CO 7:14 ታን ህንተዋ ሳባደ አዉ ኦድና፥ ህንተ ታና ዬላይበይክታ፤ ሽን ኑን ህንተንቶ ኡባ ዎደ ቱሙዋ ሃሳዬዶ፤ ሄዋዳንካ፥ ኑን ቲቶ ስንꬃን ህንተዋ ሳቤዳዌ ቱማ ግዴዳ።
2CO 7:15 ሄዋ ድራዉ፥ ህንተ ኡባይ አዉ ያዪደ ኮኮሪደ፥ አ ዎት ሞኬድተንቶነ ቃይ አዉ አይ ኬና አዛዘቴድተንቶ እ ሀሳይያ ዎደ፥ ህንተና ሎይꬅ ሲቄ።
2CO 7:16 ታን ኡባባን ህንተና አማንያ ድራዉ ናሸታይ።
2CO 8:1 ኑዋዳን ጾሳ አሳቶ፥ ጾሳ አꬎ ኬካተꬃይ ማቅዶንያ አማንያዋንቱ ግዶን ኦꬄዳዋ ህንተና ኤርሳናዉ ኮዬቶ።
2CO 8:2 ኡንቱንቱ አꬌዳ ዋይያን ዎልቃማ ፓጭያ ፓጨቴድኖ፤ ሽን ኡንቱንቱ ህዬሳ ግዶፐካ፥ ባረንቱ እምያዋን ዳሮ ኬክኖነ ቃይ ዎልቃማ ናሸቻ ናሸቲኖ።
2CO 8:3 አያዉ ጎፐ፥ ኡንቱንቱ ባረንቱ ዎልቃ ኬና ቃይ ሀራይ አቶ ባረንቱ ዎልቃፐካ ዳርያዋ ዶሲደ እሜዳዎ ታን ማርካ።
2CO 8:4 ኡንቱንቱ ጾሳ አሳቱዋ ማድያ ሎኦ ኦሱዋ ኑናና ኦꬃናዉ ኑና ዳሮ ዎሴድኖ።
2CO 8:5 ኡንቱንቱ ኑን ቆፔዳዋፐ አꬂደ ኦꬄድኖ፤ ካሰቲደ ኡንቱንቱ ባረንቱ ሁጲያ ጎዳዉ እሜዳዋፐ ጉይያን፥ ጾሳ ሸንያዳን፥ ኑዉካ ባረንቱ ሁጲያ እሜድኖ።
2CO 8:6 ሄዋ ድራዉ፥ ኑን ሀ ሎኦ ኦሱዋ ዶሜዳ ቲቶ ጉጅ ኦꬃናዳንነ ህንተና ማዲደ፥ ሄ ኦሱዋ ፖልሳናዳን አ ዎሴዶ።
2CO 8:7 ሽን ህንተ ኡባባን፥ አማኑዋን፥ ሃሳያን፥ ኤራተꬃን፥ ዎልቃማ ሎኦ አሙዋን፥ ኑና ሲቅያዋንካ ዱረቴዳዋዳን፥ ሀ ሎኦ ኦሱዋንካ ህንተንቱ ኬካ ግዳናዋ ኑን ኮዬቶ።
2CO 8:8 ታን ሄዋ አዛዛናዉ ጊከ፤ ሽን ሀራቱዋ ዎልቃማ ሎኦ አሙዋ ባጋና ህንተ ሲቁ አይ ኬና ቱመንቶ ኤራናዉ ጋይ።
2CO 8:9 አያዉ ጎፐ፥ ህንተ ኑ ጎዳ የሱስ ክርስቶሳ አꬎ ኬካተꬃ ኤሪታ፤ ክርስቶስ ዱረ ግድ ደኢደ፥ ህንተ አ ህዬሳተꬃን ዱረታናዳን፥ ህንተ ድራዉ ህዬሴዳ።
2CO 8:10 ታን ሀ የዉዋ ህንተና ዞርያዌ ሀዋ፤ ዝላይꬅ ህንተ ዶሜዳዋ ሀእ ዉርስያዌ ህንተንቶ ሎአ፤ ህንተ ኦሶ ጻላላዉ ግደናን፥ ኦꬃና ቆፋዉካ ካሰቴዳዋንታ።
2CO 8:11 ህንተ ኦꬃናዉ ሎይꬅ አሞቴዳዌ ኦꬂደ ፖሌዳዋና ጊጋ ግዳና ማላ፥ ህንተንቶ ዳንዳየቴዳዋዳንካ ኦሱዋ ፖልተ።
2CO 8:12 አያዉ ጎፐ፥ እት ኡራይ እማናዉ ሎይꬅ ኮዮፐ፥ እ ባረዉ ደኤዳ ኬና እማናፐ አትን፥ አዉ ባይናዋ አፐ አከና።
2CO 8:13 አያዉ ጎፐ፥ ታን ሀራንቱ ዋይያፐ ሸምፕና፥ ህንተ ዋየትተ ጊከ፤ ህንተ ኡባይካ ቃራ ደአናዳናፐ አትን።
2CO 8:14 ኡንቱንቱ ፓላሀይ ህንተ ፓጫ ኩንꬃና ማላ፥ ህንተንቶ ሀ ዎድያን ደእያ ፓላሀይ ኡንቱንቱ ፓጫ ኩንꬃና ኮሼ፤ ላኡካ ሄዋን ቃራን ጎኤቲኖ።
2CO 8:15 ጾሳ ማጻፋን፥ “ዳርሲደ ሺሼዳዎ ፓላህቤና፤ ቃይ ጉꬃ ሺሼዳዎካ ፓጭቤና” ጌተቲደ ጻፈቴዳ።
2CO 8:16 ሽን ኑን ህንተንቶ ቆፕያዋ ማላ፥ ዎልቃማ ቆፋ ቲታ ቆፍሴዳ ጾሳ ጋላታይ ጋኮ።
2CO 8:17 ቲቶ ህንተኮ ባናዉ ባረ ቆፋ ቃቼዳዌ፥ ባረ ሁጲያን ህንተና ማዳናዉ ዳሮ አሞቴዳ ግሻፐ አትን፥ ኑ ዞርያ ጻላላ አኬዳዋና ግደና።
2CO 8:18 ምሽራቹዋ ቃላ ኦድያ ባረ ኦሱዋን አማነትያ አማንያዋንቱ ስንꬃ ኡባን ዳሮ ቦንቼቴዳ እሻ ኑን አናና እትፐ ኪቴቶ።
2CO 8:19 ሄዋ ቦላን ቃይ፥ ሀ ኑን ኦꬅያ ሎኦ ኦሱዋ እ ኑናና እትፐ ኦꬃናዉነ ጎዳ ቦንቾ ኑን ሀራቱዋ ማዳናዉ ሎይꬅ አሞትያዋ በሳናዉ አማንያ አሳቱ አ ዶሪደ ሱንꬄድኖ።
2CO 8:20 ኑን ኦꬅያ ሀ ኬካ እሞታ ድራዉ፥ ኦንነ ኑና ዝግረና ማላ ናገቴቶ።
2CO 8:21 አያዉ ጎፐ፥ ኑን ጎዳ ስንꬃን ሎኦባ ኦꬃናዋ ጻላላ ግደና፤ ሽን አሳ ስንꬃንካ ሎኦባ ኦꬃናዉ ቆፔቶ።
2CO 8:22 ኑን ዳሮ ገደ ፓጭ በኤዳ ኑ እሻ፥ ኡባ ዎደ ህንተና ማዳናዉ ዳሮ አሞትያዋ፥ ሀ አሳቱዋና ህንተኮ ኪቴቶ፤ ቃይ ሀእ እ ህንተና ዳሮ አማንያ ድራዉ፥ ህንተና ማዳናዉ ካሰዋፐ አꬂደ ሎይꬅ አሞቴ።
2CO 8:23 ቲቶዋ ግዶፐ፥ እ ህንተና ማዳናዉ ታናና እትፐ ኦꬅያ ታ ላግያ፤ የኮ እሻቱዋባ ግዶፐ፥ ኡንቱንቱ አማንያ አሳቱ ኪቴዳዋንታነ ኡንቱንቱ ደኡ ክርስቶሳ ቦንችስያዋ።
2CO 8:24 ስም አማንያዋንቱ ኡባቱ ህንተ ሲቁ ቱማ ግድያዋ ኤራና ማላ፥ ቃይ ኑን ህንተዋ ሳቢያዌ ልከ ግድያዋ ኤራና ማላ፥ ህንተ ሲቁዋ ኡንቱንታ በስተ።
2CO 9:1 ይሁዳን ደእያ ጌሻ አሳቱዋ ማዳናዉ የድያባዉ ታን ህንተንቶ ጻፋናዉ ኮሸና።
2CO 9:2 ህንተ ማዳናዉ ሎይꬅ አሞትያዋ ታን ኤርያ ድራዉ፥ ማቅዶንያን ደእያ አሳዉ ህንተዋ ሳባድ። ታን ኡንቱንቶ፥ “አካይያን ደእያ እሻቱ ዝላይꬅፐ ዶሚደ፥ ማዳናዉ ጊገቴድኖ” ያጋደ ኦዳድ፤ ቃይ ህንተ ዎልቃማ አሙካ ኡንቱንቱፐ ዳርያ ባጋ ደንꬄዳ።
2CO 9:3 ሽን ታን ኡንቱንቶ ጌዳዋዳንካ ኑን ሀ የዉዋ ህንተናን ጬቀትያዌ መላ ግደና ማላ፥ ህንተ ጊገቴዳዋንታ ግዳናዳን፥ ሀ እሻቱዋ ህንተኮ ኪታይ።
2CO 9:4 ማቅዶንያ አሳቱ ታናና ዪደ፥ ህንተ ጊገተናን ደእሽን፥ ህንተና ደሞፐ፥ ኑ ጻላላ ግደናዳን፥ ህንተ ኑፐ አꬉዋ ዬላታንታ፤ ሽን ኑን ህንተና ሎይꬅ አማኒደ ጬቀቴዳዋሳ።
2CO 9:5 ሄዋ ድራዉ፥ ታን ሀ እሻቱ ታፐ ስንꬃት ህንተኮ ቢደ፥ ህንተ እማና ጌዳ እሞታ ካሰቲደ ጊግሳና ማላ፥ ኡንቱንታ ዎሳናዉ ኮሽያዋ አኬካድ። ሄዋፐ ጉይያን፥ ሄ እሞታይ ታን ጋክያ ዎደ ጊግ ኡታናዋ፤ ሄዌ ቃይ ዎልቃን ህንተ እምያዋ ግደናን፥ ዶሲደ እምያዋ ኤርሴ።
2CO 9:6 ሀዋ አኬክተ፤ ጉꬃ ዘረꬃ ዘርያ ኡራይ ጉꬃ ካꬃ ጫካና፤ ዳሮ ዘረꬃ ዘርያ ኡራይ ቃይ ዳሮ ካꬃ ጫካና።
2CO 9:7 ጾሳይ ናሸቻን እምያ ኡራ ሲቅያ ድራዉ፥ ቃረቲደ ዎይ ዶሰናን እምያዋ ግደናን፥ እምያ ኡራይ ሁጲያን ሁጲያን ባረ ዎዛናን ቆፔዳዋ እሞ።
2CO 9:8 ጾሳይ ህንተንቶ ግድያዌ ኡባ ዎደ ደአናዳንነ ቃይ ሀራቶካ ህንተ እማናዉ ግድያዌ ደአናዳን ህንተና ኮሽያ ኡባባ ህንተንቶ እማናዉ ዳንዳዬ።
2CO 9:9 ጾሳ ማጻፋይ፥ “እ ህዬሳ አሳዉ ዳርሲደ እሜ፤ ቃይ አ ጽሎተꬃይ መꬍናዉ ደአናዋ” ያጌ።
2CO 9:10 ጾሳይ፥ ዘርያዎ ዘረꬃነ ማናዉ ቁማ እምያዌ፥ ህንተና ኮሽያ ዘረꬃ ኡባ ህንተንቶ እማና፤ ቃይ ህንተ ጽሎተꬃፐ ዳሮ አይፍያ አይፍሳናዉ ሄ ዘረꬃ ድቻናዋ።
2CO 9:11 ዳሮ አሳይ ህንተ እምያ እሞታ ኑፐ አኪደ፥ ጾሳ ጋላታናዳን፥ ህንተ ኡባ ዎደ ዳርሲደ እምያዋንታ ግዳና ማላ፥ ጾሳይ ህንተና ኡባ ባጋና ዱረያና።
2CO 9:12 አያዉ ጎፐ፥ ሀ ህንተ ኦꬅያ ኦሱ ጾሳ ናናዉ ኮሽያዋ ኩንꬅ እምያዋ ጻላላ ግደና፤ ሽን ጾሳዉ ዳሮ ጋላታ እምያዋን ኩሚደ ጎጌ።
2CO 9:13 ሀ ህንተ ኦሱ ህንተ አማኑዋ ኤርስያ ድራዉ፥ ዳሮ አሳይ ክርስቶሳ ዎንጋላ ህንተ አማኒደ ማርካትያዎነ ህንተ ማዱዋ ኡንቱንቱናነ ሀራ ኡባቱዋና ሻኪደ፥ ዳርስ እምያዎ ጾሳ ቦንቻና።
2CO 9:14 ኡንቱንቱ ህንተንቶ ጾሳ ዎሲደ፥ ህንተናን ደእያ ጾሳ አꬎ ኬካተꬃይ ዛዋይ ባይናዋ ድራዉ፥ ህንተና ላሞቴቶ።
2CO 9:15 ዛዋይ ባይና ጾሳ አꬎ ኬካተꬃ ድራዉ፥ ጾሳ ጋላታይ ጋኮ።
2CO 10:1 ታን ጳዉሎስ፥ ህንተ፥ “እ ኑናና ደእያ ዎደ አሽከ” ግያዌ፥ ቃይ፥ “ኑፐ ሃክ ደእያ ዎደ ኑ ቦላ ጻሌ” ግያዌ፥ ሎአነ አሽከ ግዴዳ ክርስቶሳ ባጋና ህንተና ዎሳይ።
2CO 10:2 ኑና ሀ ሳኣ ዶያዳን ደኢኖ ጊደ ቆፕያ እት እት አሳቱዋ ቦላ ታን ጻላናዋ ኤራይ፤ ሽን ታን ህንተኮ ብያ ዎደ ህንተ ታና ጻልሰና ማላ፥ ህንተና ዎሳይ።
2CO 10:3 አያዉ ጎፐ፥ ኑን ሀ ሳኣን ደኦፐካ፥ ሀ ሳኣ አሳዳን ኦለቶኮ።
2CO 10:4 አያዉ ጎፐ፥ ኑን ኦለትያ ቶራይ ሀ ሳኣዋ ግደና። ሽን ጌሱዋ ላላናዉ ዎልቃና ደእያ ጾሳ ቶራ። ኑን አሳ ቆፋ ꬋይሴቶ፤ ቃይ ጾሳ ኤራተꬃ ቦላ ደንዲደ ꬉቢያ ኦቶሮ ቆፋ ኡባ ላሌቶ። ሄ ቆፋ ኡባይ ክርስቶሳዉ አዛዘታና ማላ ኦሞዴቶ።
2CO 10:6 ህንተ አዛዘትያዋ ፖሌዳዋፐ ጉይያን፥ አዛዘተናን እጽያዋ ኡባ ኑን ሙራናዉ ጊገታና።
2CO 10:7 ህንተ ስንꬃን ደእያዋ ጼልተ፤ ኦንነ ባረና ክርስቶሳዋ ጊደ ቆፖፐ፥ ሄዋ ጉጅ ቆፖ፤ ክርስቶሳዋ እ ግዴዳዋዳን፥ ኑንካ ቃይ አዋ።
2CO 10:8 አያዉ ጎፐ፥ ጎዳይ ኑዉ እሜዳ ኑ አዎተꬃን ታን ሎይꬃ ኦቶረትያዋ ግዶፐካ፥ ሄዋን ዬላትከ፤ ሄ ኑዉ እሜዳ አዎተꬃይ ህንተና ኬጻናሳፐ አትን፥ ኮላናሳ ግደና።
2CO 10:9 ታን ታ ዳብዳቢያን ህንተና ያሽሳናዉ ጻፎ አሳ ማላታደ ቤታናዉ ኮይከ።
2CO 10:10 አያዉ ጎፐ፥ እት እት አሳይ፥ “ጳዉሎሳ ዳብዳቢ ዴጾነ ዎልቃማ፤ ሽን ጼልያ ዎደ እ ዳቡራንቻ፤ አ ሃሳያይካ ፓና” ያጌ።
2CO 10:11 ሄዋ ማላ አሳይ ኑን ሃኩዋን ደኢደ ጻፍያ ዳብዳቢያንነ ያን ህንተናና ደኢደ ኦꬅያ ኦሱዋን ዱማተꬅ ባይናዋ አኬካና ኮሼ።
2CO 10:12 ኑን ባረና ናሽያ እት እት አሳቱዋና ኑና ፓይዳናዉ ዎይ ልክሳናዉ ኮዮኮ፤ ሽን ኡንቱንቱ ባረና እቱ እቱዋና ልክሲድነ ቃይ ባረና እቱ እቱዋና ቃራዪደ፥ ኡባና ኤዬድኖ።
2CO 10:13 ሽን ኑን ጾሳይ ኑዉ ኤሴዳ ዛዋ ግዶን ጬቀትያዋፐ አትን፥ ሄ ዛዋፐ ፕኒደ ጬቀቶኮ፤ ሄ ዛዋይ ህንተኮካ ጋኬ።
2CO 10:14 ኑን ህንተኮ ጋክቤናዋ ማላቲደ፥ ዛዋ ፕኖኮ፤ አያዉ ጎፐ፥ ኑን ክርስቶሳ ምሽራቹዋ ቃላ ኦዲደ፥ ህንተኮ ካሰ ጋኬዶ።
2CO 10:15 ኑን ጾሳይ ኤሴዳ ዛዋ ፕኒደ፥ ሀራ አሳይ ኦꬄዳ ኦሱዋን ጬቀቶኮ፤ ሽን ህንተ አማኑ ድጭ ድጭ ብያ ዎደ፥ ኑን ህንተ ግዶን ኦꬅያ ኦሱዋ ዛዋይ ካሰዋፐ ሎይꬅ አክ አክ ባናዋ ጊደ ቆፔቶ።
2CO 10:16 ኑን ምሽራቹዋ ቃላ ህንተ ደኢያሳፐ ህን ባጋን ኦዳና፤ ቃይ ሀራ ዛዋን ኦሰት ድጌዳ ኦሱዋንካ ጬቀቶኮ።
2CO 10:17 ሽን ጾሳ ማጻፋይ፥ “ጬቀትያ ኡራይ ኦንነ ጎዳ ሎኦተꬃባን ጬቀቶ” ያጌ።
2CO 10:18 አያዉ ጎፐ፥ ጎዳይ ናሽያ ኡራፐ አትን፥ ባረና ናሽያ ኡራይ ጋላተተና።
2CO 11:1 ህንተ ታ ኤያተꬃ ጉꬃ ዳንዳይንቶ ሎአ። ሀያና ዳንዳይተ።
2CO 11:2 ጾሳይ ቃናትያዋዳን፥ ታንካ ህንተዉ ቃናታይ፤ አያዉ ጎፐ፥ ታን ህንተና እት አቱማዎ፥ ክርስቶሳዉ እማና ጋደ፥ አቱማዋ ኤረና ጌሻ ዎዶራቲዳን ጊግሳ ዎꬃድ።
2CO 11:3 ሽን ሾሻይ ባረ ማካላን ሄዋኖ ባለꬄዳዋዳን፥ ክርስቶሳዉ ህንተ እሜዳ ህንተ ሱረ ቆፋይ ባይቤናዌ ዎራ ባንዴሻ ጋደ ህርጋይ።
2CO 11:4 አያዉ ጎፐ፥ እት ኡራይ ዪደ፥ ኑን ህንተንቶ ኦዴዳ የሱሳፐ ሀራ የሱሳ ህንተንቶ ኦዶፐ፥ ዎይ ህንተ አኬዳ አያናፐነ ዎንጋላፐ ዱማ አያናነ ዎንጋላ ህንተ አኮፐ፥ ህንተ ኤኖ ጊደ አኬድታ ጉሳ።
2CO 11:5 የሱስ ኪቴዳ ሀ ዋናቱዋፐ ታን አያንካ ላፍያዋ ታዉ ማላተና።
2CO 11:6 ታን ሃሳይያ ሃሳያን ታማራቤና አሳ ግዶፐካ፥ ኤራተꬃን ግድከ፤ ሽን ኑን ህንተንቶ ሀ የዉዋ አሳ ኡባ ግዶን ኡባ ባጋና ቆንጭሴዶ።
2CO 11:7 ዎይ ታን ህንተና ሚሻ ኦቼናን፥ ጾሳ ምሽራቹዋ ቃላ ህንተንቶ ጮ ኦዴዳዌነ ህንተና ꬎቁ ኦꬃናዉ ታ ሁጲያ ቶቼዳዌ ታዉ ናጋራ ግዳንዴሻ?
2CO 11:8 ታን ህንተንቶ ኦꬃናዉ ሀራ አማንያ አሳፐ ሚሻ አኬዳዎ፥ ሄዋንታ ቦንቃድ።
2CO 11:9 ቃይ ታን ህንተናና ደእሽን፥ ታና መትና፥ ህንተፐ እት ኡራካ ዋይሳበይከ። አያዉ ጎፐ፥ ማቅዶንያፐ ዬዳ እሻቱ ታና ኮሼዳ ኡባባ ታዉ እሜድኖ፤ ታን ህንተና ዋይሰና ማላ፥ ካሰ ቶኮ ግዳቤናዋዳንካ ስንꬃዉካ ቶኮ ግድከ።
2CO 11:10 ክርስቶሳ ቱማተꬃይ ታናን ደእሽን፥ ሀ ታ ጬቁ አካይያ ጋድያን ሀቃንነ አተና።
2CO 11:11 ታን ሀዋ አያዉ ጋይታ? ህንተና ሲቀና ድራሴ? ታን ህንተና ሲቅያዋ ጾሳይ ኤሬ።
2CO 11:12 ሽን ሄ ባረንቱ ጬቀትያዋን ኑን ኦꬅያዋዳን ኦꬃናዉ ጋሶትያዋንቱ ጋሱዋ ድጋናዉ፥ ሀእ ታን ኦꬅያ ኦሱዋ ጉጃደ ኦꬃና።
2CO 11:13 አያዉ ጎፐ፥ ኡንቱንቱ የሱስ ኪትቤና ዎርዶ አሳቱዋ፤ ሄዋንቱ ማላ አሳቱ ክርስቶስ ኪቴዳዋንታ ማላታናዉ ባረንቱ ማላ ላመረꬅያ ኪተትቤና ዎርዳንቻቱዋነ ላባንቻ ኦሳንቻቱዋ።
2CO 11:14 ሄዌ ማላልስያዋ ግደና፤ አያዉ ጎፐ፥ ሴጻናይ ባረ ሁጰዉ ፖኡዋ ኪታንቻ ማላታናዉ ባረ ማላ ላሜ።
2CO 11:15 ሄዋ ድራዉ፥ ሴጻና ኦሳንቻቱ ጽሎተꬃ ኦሳንቻቱዋ ማላታናዉ ባረንቱ ማላ ላሞፐ፥ ሄዌ ዎልቃማባ ግደና፤ ኡንቱንቱ ዉርሰꬃን ባረንቱ ኦሱዋ ማላ አካና።
2CO 11:16 ታን ላኤንꬁዋካ ጋይ፤ ታና ኦንነ ኤያ ጊደ ቆፖፖ፤ ሽን ህንተ ታና፥ እ ኤያ ጎፐካ፥ ታን ጉꬃ ጬቀታናዳን፥ ታና ኤያ ጊተ።
2CO 11:17 ታን ሀዋዳን ጻላደ ጬቀታደ ሃሳይያዌ፥ ኤያተꬃ ሃሳያፐ አትን፥ ታና ጎዳይ አዛዝና ግደና።
2CO 11:18 ዳሮ አሳይ ሀ ሳኣባን ጬቀትያ ድራዉ፥ ታንካ ጬቀታና።
2CO 11:19 ህንተ አꬌዳ ኤራንቻ ግድያ ድራዉ፥ ኤያ አሳዋ ናሸቻን ዳንዳዪታ።
2CO 11:20 አያዉ ጎፐ፥ ኦንነ ህንተና አይለዮፐ፥ ዎይ ህንተዋ ሞፐ፥ ዎይ ህንተዋ ቦንቆፐ፥ ህንተ ቦላ ኦቶረቶፐ፥ ዎይ ህንተ ሻይያ ባቆፐ፥ ዳንዳዪታ።
2CO 11:21 ኑን ሄዋ ኦꬃናዉ ዳሮ ዳቡራንቻ ግዴዳዋ ታን ዬላታደ ኦዳይ። ሽን ኦንነ እትባን ጻሊደ ጬቀቶፐ፥ ታንካ ጬቀታናዉ ጻላይ፤ ታን ኤያ አሳዳን ሃሳያይ።
2CO 11:22 ኡንቱንቱ እብራዌ? ታንካ እብራዌ። ኡንቱንቱ እስራኤልያ አሴ? ታንካ እስራኤልያ አሳ። ኡንቱንቱ አብራሃመ ዛረ? ታንካ ቃይ አብራሃማ ዛረ።
2CO 11:23 ኡንቱንቱ ክርስቶሳ ቆማቴ? ታንካ ኡንቱንቱፐ አꬍያ ቆማ፤ ታን ጎይያ አሳዳን ሃሳያይ፤ ታን ዳሮ ኦꬃ ዳቡራድ፤ ዳሮ ዎድያ ቃሸታድነ ልሱዋን ሾጨታድ፤ ቃይ ዳሮ ዎድያ ሀይቃደ አታድ።
2CO 11:24 አይሁዳቱ ታና እቼሹ ገደ፥ ሀታማነ ኡዱፑኑዋ ልሱዋን ሾጬድኖ።
2CO 11:25 ሮመ አሳይ ታና ሄዙ ገደ ጻምኣን ሾጬዳ፤ እት ጋላስ ሹቻን ጫድ ጫዲደ አጌዳ፤ ማርካቢ ሄዙ ገደ መእና፥ አባ ግዶን እት ቃማነ እት ጋላሳ አቃደ ፔሻድ።
2CO 11:26 ታን ዳሮ ኦግያ ሀመታድ፤ ታና ኩንꬆ ሃꬃይነ ቦንቃንቻቱ ቦንቂ ድጊደ አሼዳ፤ ቃይ ታ ቢታ አሳይነ አይሁዳ ግደና አሳይ ቦንቂ ድጊደ አሼድኖ። ቃይካ ካታማይ፥ ባዙ፥ አባይ፥ ታና ያሽሴዳ፤ ዎርዱዋ ዳባቱካ ታና ቦንቂ ድጊደ አሼድኖ።
2CO 11:27 ታን ዳቡራድነ መቶታድ። ዳሮ ገደ ገምእሹዋ ꬋያድ፤ ኮሻታድ፤ ሳመታድ። ዳሮ ገደ ጾማድ፤ ቃይ ሜገታድነ ካሎታድ።
2CO 11:28 ሀራባ ኡባፐካ ኡባ ጋላስ ታዉ ቶኩዋ ግዴዳባይ፥ ዎሳ ጎልያ ኡባዉ ህርግያዋ።
2CO 11:29 ዳቡርያዌ ኦኔ? ታን ዳቡርክታዬ? ናጋራን ገልያዌ ኦኔ? ታን ኡንኤታደ አዉ ቃረትክታዬ?
2CO 11:30 ታን ጬቀታናዉ ኮሽያዋ ግዶፐ፥ ታን ዳቡራንቻ ግድያዋ ኤርስያዋን ጬቀታና።
2CO 11:31 መꬍናዉ አንጀቴዳ ጾሳይ፥ ኑ ጎዳ የሱስ ክርስቶሳ አዉ፥ ታን ዎርዶተናዋ ኤሬ።
2CO 11:32 ዳማስቆ ካታማን አረታሳ ግያ ካትያፐ ጋርሳና ጋድያ ሞድያዌ፥ ታና ኦይꬃናዉ ዳማስቆ ካታማ ናግሴ።
2CO 11:33 ሽን ካታማ ግምቢያ ድርሳ ማስኮትያና ታና ቁንኣን ዱገ ዎꬅና፥ አፐ ከሳ አካድ።
2CO 12:1 ጬቀትያዌ ታዉ አይነ ጎኤናዋ ግዶፐካ፥ ታን ጬቀታናዉ በሴ። ሽን ታን ሳጻባነ ጎዳፐ ቆንጬዳዋ ሃሳያና።
2CO 12:2 ታማነ ኦይዱ ላይꬃፐ ካሰ፥ ሄዘንꬆ ሳሉዋ ፑደ ቤዳ እት ብታንያ፥ ክርስቶሳ አማንያዋ፥ ታን ኤራይ፤ ሄ ብታኒ ባረ አሳተꬃን ቤዴ ዎይ ሳጻን ቤደንቶ፥ ታን ኤርከ፤ ጾሳይ ኤሬ።
2CO 12:3 ሄ ብታንያ፥ ሄዘንꬆ ሳሉዋ ፑደ ቤዳዋ፥ ኤራይ፤ እ ባረ አሳተꬃን ቤደንቶነ ዎይ ሳጻን ቤደንቶ፥ ታን ኤርከ፤ ጾሳይ ኤሬ።
2CO 12:4 ሄዋን ሄ ብታኒ አሳይ ሃሳያናዉ ዳንዳየናዋ፥ አሳ እንጻርሳይካ ሃሳያናዉ ዳንዳየናዋ ስሴዳ።
2CO 12:5 ታን ሄ ብታንያባን ጬቀታና፤ ሽን ታን ዳቡራንቻ ግድያዋ ኤርስያ ድራዉ፥ ታ ሁጲያን ጬቀትከ።
2CO 12:6 ታን ጬቀታናዉ ኮይያዋ ግዶፐካ ኤያ ግድከ፤ አያዉ ጎፐ፥ ታን ቱሙዋ ሃሳያይ። ሽን አሳይ ታዋ ታናን በእያዋፐነ ታፐ ስስያዋፐ አꬂደ ቆፐና ማላ ናገታይ።
2CO 12:7 ቃይ ጾሳይ ታዉ ዳሮ ቆንጬዳ ዎልቃማ የዉዋፐ ደንዴዳዋን ኦቶረተናዳን ድጋናዉ ታና ጫድ ኦይቂያ፥ ሴጻና ኪታንቻይ፥ ታና መቶꬃናዉነ ታን ኦቶረተና ማላ፥ ታና ናጋናዉ ታዉ እመቴዳ።
2CO 12:8 ሄዋ ታፐ ሻካና ማላ፥ ታን ጎዳ ሄዙ ገደ ዎሳድ።
2CO 12:9 ጎዳይ ታና፥ “ታ አꬎ ኬካተꬃይ ነዉ ግዳናዋ፤ አያዉ ጎፐ፥ ታ ዎልቃይ ነ ዳቡራን ፖለቴ” ያጌዳ፤ ሄዋ ድራዉ፥ ክርስቶሳ ዎልቃይ ታናን ደአና ማላ፥ ታ ዳቡራን ጬቀታናዉ ታን ዳሮ ናሸታይ።
2CO 12:10 ታን ክርስቶሳ ድራዉ ዳቡርያዋን፥ አሳን ቦረትያዋን፥ ዋየትያዋን፥ የደርሰትያዋን፥ መቶትያዋን ናሸታይ፤ አያዉ ጎፐ፥ ታን ዳቡርያ ዎደ፥ ሄ ዎደ ምናይ።
2CO 12:11 ታን ጬቀቴዳዋን ኤያድ፤ ሽን ሄዋ ህንተ ታና ዎልቃን ኦስሴድታ፤ አያዉ ጎፐ፥ ህንተ ታና ጋላታናዉ በሴ፤ ታን አያንነ ኤረተናን ꬋዮፐካ፥ የሱስ ኪቴዳ ꬎቃ ጌተቴዳ ኡባቱዋፐ ላፍከ።
2CO 12:12 ታና የሱስ ኪቴዳዌ ቱማ ግድያዋ ኤርስያ ማላይ፥ ኦራꬃባይነ ዎልቃማ ኦሱ ህንተ ግዶን ዳሮ ገንጫን ኦሰቴዳ።
2CO 12:13 ታን ታ ሁጲያን ህንተና ዋይሳቤናዋፐ አትን፥ ሀራ አማንያ አሳቱዋፐ ህንተ አያን ላፊቴ? ሀያና ታን ህንተና ናቄዳዋ ታዉ አቶ ጊተ።
2CO 12:14 ታን ህንተኮ ባናዉ ጊጎደፐ፥ ሀዌ ታዉ ሄዘንꬆ ዎደ፤ ታን ህንተና ዋይስከ። ታን ህንተና ኮይያዋፐ አትን፥ ህንተ ሚሻ ኮይከ፤ አያዉ ጎፐ፥ አዉነ አታ ባረንቱ ናናዉ ሚሻ ምንጅያዋፐ አትን፥ ናናይ ባረንቱ አዎነ አትዉ ምንጅክኖ።
2CO 12:15 ታን ህንተ ሸምፖ ታዉ ደእያዋ ታናና ጋꬃደ ናሸቻን እማና፤ ያትና፥ ታን ህንተና ሎይꬃ ሲቅያ ድራዉ፥ ህንተ ታና ላፋ ሲቂቴ?
2CO 12:16 ግዶፐካ፥ ታን ህንተና ዋይሳበይከ፤ ሽን ህንተ ታና፥ “ኔን ኑና ጭማደ ማካላን ኦይቃዳ” ያጋንታ።
2CO 12:17 ታን ሀራይ አቶ፥ ህንተኮ ኪቴዳ እት አሳ ባጋናካ ህንተፐ ጎኤታድታ?
2CO 12:18 ቲቶ ህንተኮ ባና ማላ፥ ታን ዎሳድ፤ ቃይ አማንያ እሻካ አናና የዳድ። ቲቶ ህንተፐ ጎኤቴዴ? ኑን ኑ ኦሱዋ እት ቆፋን ኦꬅበይኮ? ቃይ ኑ ሀኑካ እቱዋ ግደኔዬ?
2CO 12:19 ኑን ኡባ ዎደካ ህንተ ስንꬃን ኑ ሁጰዉ ሞተትያዋ ህንተንቶ ማላቲ? ኑን ክርስቶሳን ደእያዋንቱዳን፥ ጾሳ ስንꬃን ሀእ ጋካናስካ ሃሳዬቶ። ኑ ሲቃቶ፥ ኑን ኦꬅያ ኡባባይካ ህንተና ማዳናሳ።
2CO 12:20 አያዉ ጎፐ፥ ታን ህንተኮ ብያ ዎደ፥ ኦን ኤር ታን ኮይያዋ ማላ ህንተ ግደናን አጋነንቶነ፤ ቃይ ታንካ ህንተ ኮይያዋ ማላ ግደናን አጋነንቶነ። ቃይ ኦን ኤር ሄዋን ፓሉሚ፥ ቃናቲ፥ ሀንቁ፥ ዮራይ፥ ዝግርሳይ፥ ሳሮተꬃ ድጉሳይ፥ ኦቶሩ፥ መቱ ደኤናን ዋዪ አጋና፤ ታና ያሼ።
2CO 12:21 ታን ህንተኮ ላኤንꬁዋ ብያ ዎደ፥ ታ ጾሳይ ህንተ ስንꬃን ታና ካዉሻነንቶነ ያያይ፤ ታን ናጋራ ካሰ ኦꬂደ፥ ባረንቱ ኦꬄዳ ቱናተꬃፐ፥ ዎሹምያዋፐነ አሙዋፐ ስምቤና ዳሮ አሳቶ ዬከናን አግከ ጋደ ያያይ።
2CO 13:1 ሀዌ ታዉ ህንተኮ ዩሳይ ሄዘንꬆ ዎደ። አይ ሞቱካ ላኡ ዎይ ሄዙ ማርካይ ማርካትና ፕርደታናዉ ኮሼ።
2CO 13:2 ታን ላኤንꬁዋ ህንተናና ጋከቴዳ ዎደ፥ ህንተና ናገትተ ጋድ፤ ሀእካ ሃኩዋን ደኦፐካ፥ ህንተና ናገትተ ጋይ። ታን ቃይካ ህንተኮ ብያ ዎደ፥ ናጋራ ካሰ ኦꬄዳዋንታካ ቃይ ሀራቱዋ ኡባቱዋካ ሙረናን አግከ።
2CO 13:3 አያዉ ጎፐ፥ ክርስቶስ ታ ባጋና ሃሳይያዋ ኤርስያዋ ህንተ ኮዪታ። እ ህንተናና ሃሳይያ ዎደ አ ዎልቃፐ አትን ቤትያዌ አ ዳቡራ ግደና።
2CO 13:4 አያዉ ጎፐ፥ ክርስቶስ ማስቃልያ ቦላ ምስማርያን ꬍሸቲደ፥ ዳቡራን ካቀቴዳ፤ ሽን ጾሳ ዎልቃን ፓጻ ደኤ። አያዉ ጎፐ፥ እ ዳቡራንቻ ግዴዳዋዳን፥ ኑንካ ዳቡራንቻ፤ ሽን ህንተናና ሃሳይያዋን ኑን ጾሳ ዎልቃን አናና ደአና።
2CO 13:5 አማኑዋን ህንተ ምን ደእንቶ አነ ህንተና ፓጭተ፤ ህንተና ብድተ። ክርስቶስ ህንተናን ደእያዋ ህንተ ኤርክቴ? ሄዌ ꬋዮፐ ፓጭያን ኩንዴድታ ጉሳ።
2CO 13:6 ኑን ፓጭያን ኩንድቤናዋ ህንተ ኤርያዋ አማናይ።
2CO 13:7 ህንተ ኢታባ ሙለካ ኦና ማላ፥ ኑን ጾሳ ዎሴቶ። ኑን ፓጭያ ዳንዳይያዋንታ ግዲደ ቤታናሳ ግደና፤ ሽን ኑን ፓጭያ ዳንዳየናዋንታ ማላቲደ ቤቶፐካ፥ ሎኦባ ህንተ ኦꬃናሳ።
2CO 13:8 አያዉ ጎፐ፥ ኑን ቱሙዋ ጻላላዉ ኦꬃናፐ አትን፥ ቱሙዋፐ ሀራ አይነ ኦꬃናዉ ዳንዳዮኮ፤
2CO 13:9 ኑን ዳቡራንቻ ሽን ህንተ ዎልቃማ ግዶደ ናሸቴቶ። ህንተ ፖሎ ግዳና ማላ ኑን ጾሳ ዎሴቶ።
2CO 13:10 ታን ህንተፐ ሃኩዋን ደኣደ ጻፌዳዌ ሄዋ ድራሳ፤ ታን ህንተኮ ብያ ዎደ፥ ጎዳይ ታዉ እሜዳ ማታን ዘምፓደ፥ ህንተና መቶꬃናዉ ታና ዋዪ ኮሻና። ሄ ማታይ ታን ህንተና ኬጻናዉ ታዉ እመቴዳዋፐ አትን፥ ህንተና ኮላናዉ እመትቤና።
2CO 13:11 ዉርሰꬃን ታናዳን ጾሳ ካልያዋንቶ፥ ሳሮ ደእተ፤ ባል ባይናን ደእተ፤ ታ ዞርያ ስስተ፤ እት ዎዛና ግዲደ ደእተ፤ ሳሮተꬃን ደእተ። ሲቁዋነ ሳሮተꬃ ጾሳይ፥ ህንተናና እትፐ ደአና።
2CO 13:12 እቱ እቱዋና ጌሻ የረታ የረቲደ ሳሮተትተ።
2CO 13:13 ጾሳ አሳ ኡባቱ ህንተና ሳሮ ሳሮ ጊኖ።
2CO 13:14 ጎዳ የሱስ ክርስቶሳ አꬎ ኬካተꬃይ፥ ጾሳ ሲቁ፥ ጌሻ አያና እትፐተꬃይ ህንተናና ኡባና ግዶ። አመንእ።
GAL 1:1 ታን ጳዉሎስ፥ የሱስ ክርስቶስነ ቃይ ሀይቁዋፐ አ ደንꬄዳ ጾሳይ አዉ ኪቴዳዋፐ አትን፥ አሳፐ ዎይ አሳ ባጋና ኪተቴዳዋ ግድከ።
GAL 1:2 ሀ ታንነ ታናና ደእያ አማንያ እሻቱ ኡባይ፥ ጋላትያ ጋድያን ደእያ አማንያ አሳ ኡባዉ ሳሮታ ኪቴቶ።
GAL 1:3 ጾሳይ ኑ አዉነ ኑ ጎዳይ የሱስ ክርስቶስ ህንተንቶ አꬎ ኬካተꬃነ ሳሮተꬃ እሞ።
GAL 1:4 ኑ ጾሳ፥ ኑ አዉዋ ሸንያን ክርስቶስ ሀ ኢታ ኦሱ ኦሰትያ ዎድያፐ ኑና አሻና ማላ፥ ኑ ናጋራ ድራዉ፥ ባረ ሁጲያ እሜዳ።
GAL 1:5 ጾሳዉ መꬍፐ መꬍና ጋካናዉ ቦንቹ ግዶ። አመንእ።
GAL 1:6 ክርስቶሳ አꬎ ኬካተꬃን ህንተንታ ጼሴዳ ጾሳ አጊደ፥ ሀራ ዎንጋላኮ፥ ህንተ ኤሌሊደ፥ ዎት ስሜድተንቶ ታዉ ኦራꬃባ ግዴዳ።
GAL 1:7 ህንተንታ ቡልአክያዋንቱነ ክርስቶሳ ምሽራቹዋ ቃላ ጌላያናዉ ኮይያ አማሬዳ አሳቱ ደኢኖፐ አትን፥ ቱሙፐ ሀራ ምሽራቹዋ ቃላይ ባዋ።
GAL 1:8 ሽን ሀራይ አቶ ኑና ግድና፥ ዎይ ሳሉዋፐ ኪታንቻ ግድና፥ ኑን ህንተንቶ ካሰ ኦዴዳ ምሽራቹዋ ቃላፐ ዱማትያዋ ህንተንቶ ኦድያዋ ግዶፐ፥ እ መꬍናዉ ሸቀቴዳዋ ግዶ።
GAL 1:9 ካሰ ኑን ጌዳዋዳን፥ ሀእካ ላኤንꬁዋ ታን ኦዳይ፤ ህንተ አኬዳ ምሽራቹዋ ቃላፐ ዱማትያዋ ኦንነ ህንተንቶ ኦዶፐ፥ ሄ ኡራይ መꬍናዉ ሸቀቴዳዋ ግዶ።
GAL 1:10 ሀዌ ታና አሳፐ ሳባ ኮይያዋ ማላትሲ? ማላትሰና! ታን ጾሳይ ሎአ ግያዋ ኮያይ። ዎይ ታን አሳ ናሸቻናዉ ኮያይታ? ታን ሀእካ አሳ ናሸቻናዉ ኮይያዋ ግዶፐ፥ ክርስቶሳ አይለ ግድከ።
GAL 1:11 ታ እሻቶ፥ ታን ህንተንቶ ኦዴዳ ምሽራቹዋ ቃላይ አሳፐ ግደናዋ ህንተንቶ ኦዳይ።
GAL 1:12 አያዉ ጎፐ፥ ታዉ የሱስ ክርስቶስ ቆንጭሴዳፐ አትን፥ ታን ምሽራቹዋ ቃላ አሳፐ አካበይከ፤ አሳይ ታና ታማርስቤና።
GAL 1:13 ካሰ ታን አይሁዳ አማኑዋን ደእያ ዎደ፥ ዋናደ ደኣድታንቶ፥ ህንተ ስሴድታ፤ ታን ክርስቶሳ አማንያዋንታ ቃረታይ ባይናን የደርሳድነ ꬋይሳናዉ ባጸታድ።
GAL 1:14 ታ ዎደ ደኤዳ አሳቱዋፐ ጮራቱዋ አይሁዳ አማኑዋ ህግያ ናጉዋን አꬋይ፤ ኑ አዎቱዋ ዎጋ ኦፐነ አꬋአደ ሲቃድ።
GAL 1:15 ሽን ጾሳይ ባረ አꬎ ኬካተꬃን፥ ታን ብሮ ታ ዳይ ኡሉዋን ደእሽን፥ ባረዉ ኦꬃናዉ ታና ጼሴዳ፤ አባ ኦድያ ምሽራቹዋ ቃላ አይሁዳ ግደና አሳዉ ታን ኦዳና ማላ፥ ጾሳይ ባረ ናኣ ታዉ ቆንጭሳናዉ ኮዬዳ ዎደ፥ ዞረታናዉ ኦኮነ ባበይከ።
GAL 1:17 ዎይ ታፐ ካሰ የሱስ ኪቴዳዋንቱና ጋከታናዉ የሩሳላመ ባበይከ፤ ሽን ታን ኤለካ አራብያ ጌተትያ ጋድያ ባድ። ሄዋፐ ዳማስቆ ግያ ካታማ ስማድ።
GAL 1:18 ሄዙ ላይꬃፐ ጉይያን፥ ጰጽሮሳና ጋከታናዉ የሩሳላመ ባደ፥ አናና ታማነ እቼሹ ጋላሳ ኡታድ።
GAL 1:19 ሽን የሱስ ኪቴዳዋንቱፐ ጎዳ እሻ ያቆባፐ አትን፥ ሀራቱዋና ጋከታበይክ።
GAL 1:20 ታን ህንተንቶ ጻፍያዋን ዎሪ ባዋ፤ ታን ህንተንቶ ዎርዱዋ ኦደናዋ ጾሳይ ማርካ!
GAL 1:21 ሄዋፐ ጉይያን፥ ሶርያ ጌተትያ ጋድያነ ክልቂያ ጌተትያ ጋድያ ባድ።
GAL 1:22 ይሁዳን ደእያ ክርስቶሳን አማንያዋንቱ ታናና ኤረታ ግድክኖ።
GAL 1:23 ሽን ሀራ አሳይ፥ “ኑና የደርስ ዩይያ ብታኒ ሀዋፐ ካሰ እ ꬋይሳናዉ ኮይያ አማኑዋባ ሀእ ኦዴ” ግያዋ ኡንቱንቱ
GAL 1:24 ስሲደ ታባን ጾሳ ጋላቴድኖ።
GAL 2:1 ሄዋፐ ስማደ ታን ታማነ ኦይዱ ላይꬃፐ ጉይያን፥ ባርናባሳና ላኤንꬁዋ የሩሳላመ ባደ፥ ቲታካ ታናና አካደ ባድ።
GAL 2:2 ጾሳይ ታዉ ሳጻን ቆንጭሴዳ ድራዉ ባደ ታን ሀእ ኦꬅያ ኦሱ ዎይ ካሰ ኦꬄዳዌ መላ አተና ማላ፥ ክርስቶሳን አማንያዋንታ ካለꬅያዋንታ ዱማ ሺሻደ፥ አይሁዳ ግደና አሳዉ ታን ኦድያ ምሽራቹዋ ቃላይ አይ ማለንቶ ኡንቱንቶ ኦዳድ።
GAL 2:3 ሽን ሀራይ አቶ ታናና ደእያ ቲታ እ ግሪከ ጋድያ አሳ ግድሽን፥ ቃጻረቶ ጊደ ጎደትበይክኖ።
GAL 2:4 ግዶፐነካ፥ ዎርዱዋን ኑዉ እሻቱዋ ማላት ዪደ፥ ኑናና ዋላከቴዳ ጮራ አሳቱ አ ቃጻራናዉ ኮዬድኖ። ሄ አሳቱ ክርስቶሳ የሱሳን ኑዉ ደእያ ኑን ኮዬዳዋዳን ሀናና ዳንዳይያ ላአተꬃ ዎቺደ ꬊሻናዉ፥ ዉኤቲደ ኑ ግዶ ገሊደ ኑና አይለ ኦꬃናዉ ኮዬድኖ።
GAL 2:5 ሽን ምሽራቹዋ ቃላ ቱማተꬃይ ህንተንቱና ምን ደአና ማላ፥ ኑን ሀራይ አቶ ጉꬃ ዎድያካ ኡንቱንቶ ሞደትበይኮ።
GAL 2:6 ሽን ካፓቱዋ ማላትያዋንቱ ታዉ አይነ ኦራꬃ ቆፋ እምበይክኖ፤ ሀዋ አያዉ ጋይታ ጎፐ፥ ሀዋፐ ካሰ ኡንቱንቱ ኦና ግድናካ ታና መትያባ ግደና፤ ጾሳይ አሳ ሶምእያ ጼሊደ ፕርደና።
GAL 2:7 ሽን ጉየፐ ጾሳይ ጰጽሮሳዉ፥ አይሁዳቶ ምሽራቹዋ ቃላ ኦድያ ሀዳራ እሜዳዋዳን፥ ታዉካ አይሁዳ ግደና አሳዉ ምሽራቹዋ ቃላ ኦድያ ሀዳራ እሜዳዋ ኡንቱንቱ በኤድኖ።
GAL 2:8 አያዉ ጎፐ፥ ጰጽሮስ አይሁዳቶ የሱስ ኪቴዳዋ ግዴዳዋዳን፥ ታንካ ጾሳ ዎልቃን አይሁዳ ግደና አሳዉ የሱስ ኪቴዳዋ ግዳድ።
GAL 2:9 ቃይ ካለꬅያዋንታ ማላቲደ ቤትያዋንቱ፥ ያቆብ፥ ጰጽሮስነ ዮሃንስ፥ ታዉ እመቴዳ አꬎ ኬካተꬃ ኤሪደ፥ ታናነ ባርናባሳ ኑ ኩሽያ ኦይቂደ ሳሮቴድኖ። ታንነ ባርናባስ አይሁዳ ግደና አሳ ግዶን ኦꬃናዳን፥ ቃይ ኡንቱንቱ አይሁዳቱዋ ግዶን ኦꬃናዳን ቃቺደ ደንዴዶ።
GAL 2:10 ኡንቱንቱ ኑና ካሰፐካ ታን ኦꬃናዉ ቆፓደ ደእያ ህዬሳቱዋ ማዳናዋ ጻላላ ቆፍሴድኖ።
GAL 2:11 ሽን ጰጽሮስ አንጾክያ ግያ ካታማ ዬዳ ዎደ፥ እ ባይዜዳ ድራዉ፥ ቆንጭያን ታን አ፥ “ኔን ባይዛንቻ” ያጋድ።
GAL 2:12 አያዉ ጎፐ፥ ያቆባ ማታፐ ኪተቴዳ አማሬዳ አሳይ ያናፐ ካሰ አይሁዳ ግደና አሳቱዋና ቁማ ሜ፤ ሽን ኡንቱንቱ ዬዳዋፐ ጉይያን፥ አይሁዳ ግደናዋንቱ አማንያዋንታ ግዳናዉ ቃጻረታናዉ ኮሼ ግያዋንቶ ያዬዳ ድራዉ፥ ምያዋ ኤሲደ፥ አይሁዳ ግደናዋንቱፐ ሻከቴዳ።
GAL 2:13 ቃይ የኮ አማኔዳ አይሁዳቱ ጰጽሮሳና ያሻ ዶሜድኖ፤ ሀራይ አቶ ባርናባስካ ኡንቱንቱና ያሻንቻ ግዴዳ።
GAL 2:14 ሽን ኡንቱንቱ ምሽራቹዋ ቃላ ቱማተꬃዳን፥ ሱረ ሀመተናዋ በኣደ፥ ጰጽሮሳ ሄ ኡባ አሳ ስንꬃን፥ “ኔን ጾሳ አሳ አይሁዳ ግዳደ፥ ኡንቱንቱዳን ግደናን ጾሳ አሳ ግደና አይሁዳ ግደናዋንቱዳን ደኣ፤ ሽን ያትና፥ ዎታደ አይሁዳ ግደናዋንታ፥ ‘አይሁዳቱዋዳን ደእተ’ ጋደ ግዳይ?” ያጋድ።
GAL 2:15 ኑን የለታን አይሁዳ፤ “ናጋራንቻ ግዴዳ አይሁዳ ግደና አሳቱዋ” ግዶኮ።
GAL 2:16 ሄዋ ግዶፐካ፥ አሳይ የሱስ ክርስቶሳ አማኒደ ጾሳ ስንꬃን ጽላናፐ አትን፥ ሙሴ ህግያ ናጉዋን ጽለናዋ ኤሬዶ፤ አሹዋ ማዬዳ አሳይ ኡባይ ሙሴ ህግያ ናጉዋን ጽለና ድራዉ፥ ኑን ኑ ሁጰዉካ ሙሴ ህግያ ናጉዋን ግደናን፥ ክርስቶሳን አማኒደ ጽላና ማላ፥ ክርስቶስ የሱሳን አማኔዶ።
GAL 2:17 ሽን ኑዉ ክርስቶሳን ደእያ እትፐተꬃን ጽላናዉ ኮይያዋንታ ግዲደ፥ ኑ ሁጰዉ ናጋራንቻ ግዲደ ቤቶፐ፥ ያትና ክርስቶስ ናጋራ ታማርስያዌ? ሄዌ ሙለካ ዎርዶ!
GAL 2:18 አያዉ ጎፐ፥ እት ካላካ አጋ ድጌዳዋ ታን ላኤንꬁዋ ኦꬅያዋ ግዶፐ፥ ታን ታ ሁጰዉ ህግያ መንꬅያዋ ግድያዋ ኤርሳይ።
GAL 2:19 ታን ጾሳዉ ፓጻ ደአና ማላ፥ ህግያ ባጋና ህገዉ ሀይቃድ።
GAL 2:20 ታን ክርስቶሳና አ ማስቃልያ ቦላ ምስማርያን ꬍሸታደ ካቀታድ፤ ስም፥ ሀእ ፓጻ ደእያዌ ታና ግድከ። ሽን ክርስቶስ ታ ግዶን ደኤ፤ ታን ሀእ ደእያ ደኡ፥ ታና ሲቂደ፥ ታ ድራዉ፥ ባረ ሁጲያ እሜዳ ጾሳ ናኣን ደእያ አማኑዋና።
GAL 2:21 ታን ጾሳ አꬎ ኬካተꬃ እጽከ፤ አሳይ ህግያ ባጋና ጽሎተꬃ ደምያዋ ግዶፐ፥ ክርስቶስ ጮ መላ ሀይቄዳ ጉሳ።
GAL 3:1 አኬካይ ባይና ጋላትያ አሳቶ፥ ታን ህንተና ክርስቶስ ማስቃልያ ቦላን ምስማርያን ꬍሸቲደ ካቀቴዳዋ ቆንጭሳደ ታማርሳድ። ያትና፥ ቱሞ ህንተ ኤኖ ጌና ማላ፥ ህንተንታ ብቴዳዌ ኦኔ?
GAL 3:2 አነ ታዉ ሀ እት የዉዋ ጻላላ ኦድተ: ጾሳ አያና፥ ህጊ ግያዋ ናጊደ አኬድቴ ዎይ አማኑዋን ስሲደ አኬድቴ?
GAL 3:3 ህንተንቱ ሄዋ ኬና ኤዬ? ጾሳ አያናን ደኡዋ ዶሚደ፥ ሀእ ህንተ ዎልቃን ፖሊቴ?
GAL 3:4 ህንተንቱ ዳቡራ ኡባዉ አይነ ማዱ ባዌ? ቱማ ማዱ ደኤ።
GAL 3:5 ያትና፥ ጾሳይ ህንተንቶ ጌሻ አያና እምያዌነ ህንተ ግዶን ማላታ ኦꬅያዌ፥ ሙሴ ህግያ ህንተ ኦꬄዳ ድራሴ? ዎይ ምሽራቹዋ ቃላ ስሲደ፥ ህንተ አማኔዳ ድራሴ?
GAL 3:6 ሀዋዳንካ፥ አብራሃሞ ጾሳ አማኔዳ ድራዉ፥ ጾሳይ አ ጽሉዋዳን ጼሌዳ።
GAL 3:7 ሄዋ ድራዉ፥ አማንያዋንቱ አብራሃመ ዛረ ግድያዋ ኤርተ።
GAL 3:8 ጾሳይ አይሁዳ ግደና አሳ አማኑዋን ጽልሳናዋ ጾሳ ማጻፋይ ካሰት በኢደ፥ “ሀ አላምያን ደእያ አሳይ ኡባይ ኔናን አንጀታና” ያጊደ፥ ምሽራቹዋ ቃላ አብራሃሞ ካሰቲደ ኦዴዳ።
GAL 3:9 ሄዋ ድራዉ፥ አብራሃሞ አማኒደ አንጀቴዳዋዳን፥ አማንያዋንቱ አዋዳካ አንጀታና።
GAL 3:10 ህግያ ኦሱዋን አማነቲደ ደእያዋንቱ ኡባይ ሸቃ ግዶን ደኢኖ፤ አያዉ ጎፐ፥ ጾሳ ማጻፋይ፥ “ህግያ ማጻፋን ጻፈቴዳ ኡባባን ደኤናዌነ ፖለናዌ ኦንነ ሸቀቴዳዋ” ያጌ።
GAL 3:11 ጾሳ ማጻፋይ፥ “ጾሳ ስንꬃን ጽላቱ አን አማነቲደ ደኡዋን ደአና” ግያ ድራዉ፥ ኦንነ ጾሳ ስንꬃን ህግያ ናግያዋን ጽለናዌ ኤረቴዳዋ።
GAL 3:12 ህጊ አማኑዋን ባሰት ኤቂቤና፤ ሽን ጾሳ ማጻፋይ፥ “ህጊ ግያዋ ፖልያዌ አን ደኡዋን ደአና” ያጌ።
GAL 3:13 ጾሳ ማጻፋን፥ “ምꬃ ቦላ ካቀት ሀይቂያ ኦንነ ሸቀቴዳዋ” ጌተት ጻፈቴዳ ድራዉ፥ ክርስቶስ ኑ ድራዉ ሸቀቴዳዋ ግዲደ፥ ኑና ህግያ ሸቃፐ ዎዝ አኬዳ።
GAL 3:14 ክርስቶስ ሄዋ አያዉ ኦꬄዴ ጎፐ፥ ጾሳይ እማና ጎፐ፥ ጌሻ አያና ኑን አማኑዋን አካናዳንነ አብራሃመ አንጁ ባረ ባጋና አይሁዳ ግደና አሳ ጋካና ማላ ጊደ ኦꬄዳ።
GAL 3:15 ታናዳን አማንያዋንቶ፥ ታን አሳይ ግያዋዳን ህንተንቶ ጋይ፤ ሀራይ አቶ ላኡ አሳቱ እት የዉዋ ሃሳዪደ፥ ጫቁዋ ዎꬄዳዋፐ ህን ባጋን፥ ኦንነ ሄ ጫቁዋ ብላናዉ ዎይ ሀራባ ሄ ጫቁዋ ቦላ ጉጃናዉ ዳንዳየና።
GAL 3:16 አብራሃሞነ አ ዛሪ ጾሳይ ስንꬃፐ እማና ጊደ ሃሳዬዳዋ ስሴድኖ። ጾሳ ማጻፋይ ጮራ አሳዉ ሃሳይያዋዳን፥ “ነ ዘረꬃቶ” ጌና፤ ዋጊ ጎፐ፥ “ነ ዛረዉ” ያጌ። ሄዌነ፥ እት አሳ ጻላላ ጌ፤ እካ ክርስቶሳ።
GAL 3:17 ታን ግያዌ ሀዋ፤ ጾሳይ አብራሃሞ ጫቂደ፥ ሀ ጫቁዋ ታን ናጋና ያጌዳ። ኦይዱ ጼታነ ሀታሙ ላይꬃፐ ጉይያን ዬዳ ሙሴ ህጊ ጾሳይ ዎꬄዳ ሀ ጫቁዋ ꬋይሳናዉነ ስንꬃፐ እማና ጊደ ሃሳዬዳዋ ድጋናዉ ዳንዳየና።
GAL 3:18 አያዉ ጎፐ፥ ጾሳይ እምያ ላታይ ህግያን ቤትያዋ ግዶፐ፥ ያትና ጾሳይ ስንꬃፐ እማና ጊደ፥ ቃላ ገሌዳዋና ግደና ግያዋ፤ ሽን ጾሳይ እማና ጊደ ቃላ ገሌዳዋን ላታ አብራሃሞ እሜዳ።
GAL 3:19 ያትና፥ ህጊ አያዉ ደኢ? ህጊ ባይዞ ኦሱዋ ግድያባይ አየንቶ በሳናዉ ጾሳይ እማና ጊደ ሃሳዬዳ አብራሃመ ዛሪ ያና ጋካናዉ ጉጀቴዳ፤ ኪታንቻ ባጋና ሙሴ ጋናትያዋን እመቴዳ።
GAL 3:20 ጋናይ እት ኡራ ጻላላሳ ግደና፤ ሽን ጾሳይ እቱዋ።
GAL 3:21 ያትና፥ ጾሳይ ስንꬃፐ እማና ጊደ ሃሳዬዳዋ፥ እት ህጊ፥ “ሀነና” ያጊ? አአ! ሄዋ ጌና። አያዉ ጎፐ፥ ህጊ አሳዉ ደኡዋ እማናዉ ዳንዳይያባ ግዶፐ፥ ጽሎተꬃይካ ቱሙ ህግያ አዛዘትያዋፐ ቤቴ ግያዋ።
GAL 3:22 ሽን የሱስ ክርስቶሳ አማንና፥ ጾሳይ ስንꬃፐ እማና ጊደ ቃላ ገሌዳ ላአተꬃይ፥ አማንያዋንቶ እመታና ማላ፥ አሳይ ኡባይ ናጋራዉ ሞደቲደ ደእያዋ፥ ጾሳ ማጻፋይ ኦዴ።
GAL 3:23 ሽን ካሰ ሀ አማኑ ያናዉ፥ ስንꬃፐ ቆንጫና አማኖ ህጊ ኑና ቃሸቴዳ አሳዳን ጎርድ ዎꬄዳ።
GAL 3:24 ሄዋ ድራዉ፥ ኑን አማኑዋን ጽላና ማላ፥ ክርስቶስ ያና ጋካናዉ ህጊ ኑና ናግያዋ ግዴዳ።
GAL 3:25 ሽን ሀእ ስም አማኑ ዬዳ ድራዉ፥ ህጊ ሀዋፐ ስንꬃዉ ኑና ናግያዋ ግደና።
GAL 3:26 ህንተንቱ ኡባይ አማኑዋ ባጋና ክርስቶሳ የሱሳን እቱዋ ግዴዳ ጾሳ ናና።
GAL 3:27 አያዉ ጎፐ፥ ህንተ ክርስቶሳና እቱዋ ግዳና ማላ ጻማቀቴዳ ኡባቱ ክርስቶሳ ማዬድታ።
GAL 3:28 ሄዋ ድራዉ፥ አይሁዳ አሳ ግዶንነ ግሪከ አሳ ግዶን ዱማተꬃይ ባዋ፤ አይልያ ዎይ ዎማኑዋ ግዶን ዱማተꬃይ ባዋ፤ አቱማዋ ዎይ ማጫ አሳ ግዶን ዱማተꬃይ ባዋ። አያዉ ጎፐ፥ ህንተንቱ ኡባይካ ክርስቶሳ የሱሳን እት አሳ።
GAL 3:29 ህንተንቱ ክርስቶሳዋ ግዶፐ፥ ስም ህንተንቱ አብራሃመ ዛረ፤ ቃይ ጾሳይ ስንꬃፐ እማና ጊደ ቃላ ገሌዳዋ ላትያዋንታ።
GAL 4:1 ሽን አኬክተ፤ ባረ አቡዋ ላትያ ናአይ ናአተꬃን ደኢደ፥ ደእያዋ ኡባዉ ጎዳ ግዶፐካ፥ አይላቱዋፐ አዉ ዱማትያሳይ ባዋ።
GAL 4:2 ሽን ባረ አቡ ጌዳ ዎዲ ዉራና ጋካናዉ፥ አ ሀዳራ አኬዳዋንቱ ኩሽያንነ አ ሚሻ ናግያዋንቱ ኩሽያን ደኤ።
GAL 4:3 ሀዋዳን ኑንካ ቃይ ናአተꬃን ደእያ ዎደ፥ ሀ አላምያ ሞድያ አያናቶ አይለቴዶ።
GAL 4:4 ሽን ያናዉ በስያ ዎዲ ጋኬዳ ዎደ፥ ጾሳይ ማጫዉንፐ የለቶዋ፥ ሙሴ ህገዉ ሞደትያ አሳ ጋርሳን የለቴዳዋ፥ ባረ ናኣ ኪቴዳ።
GAL 4:5 አያዉ ኪቴዴ ጎፐ፥ ህግያን ሞደቲደ ደእያዋንታ ዎዛናዉነ ኑና ባረ ናና ኦꬃናዉ ኪቴዳ።
GAL 4:6 ጾሳይ ህንተ አ ናና ግድያ ድራዉ፥ “አባቦ፥ ታ አቦ” ጊደ ዋስያ ባረ ናኣ አያና፥ ኑ ዎዛና ግዶ ኪቴዳ።
GAL 4:7 ሄዋ ድራዉ፥ ሀዋፐ ስንꬃዉ ኔን ጾሳ ናኣ ግድያዋፐ አትን፥ አይለ ግዳካ፤ ቃይ ኔን አ ናኣ ግዶፐ፥ ክርስቶሳ ባጋና ጾሳይ ቃላ ገሌዳባ ላትያዋ።
GAL 4:8 ሽን ህንተ ሀዋፐ ካሰ ጾሳ ኤረናን ደኢደ፥ ቱማ ግደና ጾሳቶ አይለ ግዲደ ኤኖ ጌድታ።
GAL 4:9 ሽን ሀእ ጾሳ ኤሪደ፥ ኡባካ ጾሳን ኤረቲደ፥ ላፋነ ቃይ ካቴዳ ሀ አያናቱዋኮ ዋኒደ ስሚቴ? ሽረት ስም፥ አይለ ግዲደ፥ ላኤንꬁዋ ኡንቱንቶ ኤኖ ጋናዉ ኮዪቴ?
GAL 4:10 ዱማቴዳ ጋላሳቱዋ፥ አገናቱዋ፥ ዎደቱዋነ ላይꬃቱዋ ህንተ ሎይꬅ ናጉዋን አይለቴድታ።
GAL 4:11 ታና ህንተባይ ያሼ፤ ታን ህንተንቶ ጮ ጋደ መላ ዳቡራድታሻ?
GAL 4:12 ታናዳን አማንያዋንቶ፥ ታን ህንተንቱዳን ሀኔዳ ድራዉ፥ “ህንተንቱካ ታናዳን ሀንተ” ጋደ፥ ህንተንታ ዎሳይ፤ ህንተ ታና አይነ ናቂበይክታ።
GAL 4:13 ታን ኮይሮ ህንተንቶ ምሽራቹዋ ቃላ ኦዴዳዌ ታና ሀርግስሺና ግድያዋ ህንተ ኤሪታ።
GAL 4:14 ታዉ ፓጻተꬃይ ꬋዪደ፥ ህንተንቶ ፓጨ ግድናካ፥ ታና ካꬍበይክታ፤ ሸነትካበይክታ። ሄዋ ድራ ኡባ ታና ጾሳ ኪታንቻ ሞክያዋዳን፥ ዎይ ክርስቶሳ የሱሳ ሞክያዋዳን ሞኬድታ።
GAL 4:15 ያትና፥ ሄኮ ህንተ ናሸትያዌ ቤተና! ታና ግዶፐ፥ ህንተንቶ ዳንዳየትያባ ግድና፥ ታዉ ህንተ ህንተንቱ አይፍያ ዎጭ እምንቶነ እጸናዋ ማርካታይ።
GAL 4:16 ያትና ታን ህንተንቶ ቱሙዋ ኦድያ ድራዉ፥ ህንተ ሞርከ ግዳይታ?
GAL 4:17 ሀራ አሳቱ ህንተንቶ ቃረትያዋ ማላቲኖ፤ ሽን ኡንቱንቱ ቆፋይ ሎኤና፤ አያዉ ጎፐ፥ ህንተ ኡንቱንቶ ቃረታና ማላ፥ ታፐ ህንተንታ ሻካናዉ ኮዪኖ።
GAL 4:18 ሽን ታን ህንተ ማታን ደእያ ዎደ ጻላላን ግደናን፥ ኡባ ዎደካ ሎኦባን ህንተ ኮየትያዋንታ ግዶፐ ሎአ።
GAL 4:19 ታ ሲቆ ናቶ፥ ክርስቶሳ መታይ ህንተንቱን ቤታና ጋካናዉ፥ ማጫዉኖ ኦይꬃይ ሳክያ ኬና፥ ታን ህንተ ድራዉ ሳከታይ።
GAL 4:20 ሽን ታን ህንተንቶ ህርግያ ድራዉ፥ ሀእ ህንተ ማታ ባደ ህንተንቱና ዶናን ሃሳያንቶ፥ ዳሪ ዶሳይ።
GAL 4:21 ሙሴ ህግያን ሞደቲደ ደአናዉ ኮይያዋንቶ፥ ህጊ ግያዋ ስስክቴ? አነ ታዉ ኦድተ።
GAL 4:22 አያዉ ጎፐ፥ ጾሳ ማጻፋይ፥ “አብራሃሞ ዳንጋጽራትፐነ ጎዳትፐ የለቴዳ ላኡ ናናይ ደኢኖ” ያጌ።
GAL 4:23 ሽን ዳንጋጽራት ናአይ አሳይ ናኣ የልያ ማራዳንካ የለቴዳ፤ ቃይ ጎዳት ናአይ፥ ጾሳይ ስንꬃፐ እማና ጊደ ቃላ ገሌዳዋን የለቴዳ።
GAL 4:24 ሀ ላኡ ማጫዋንቱ ላኡ ጫቆ ግድያ ሌምሶ። ኡንቱንቱፐ እትና፥ ሙሴዉ ህጊ እመቴዳ ሲና ደርያፐ ጫቁ ዬዳዉና፥ ባረ ናና አይለተꬃዉ የላዱ፤ እዛካ አጋሮ።
GAL 4:25 ሀ አጋራ አራብያ ጌተትያ ጋድያን ደእያ ሲና ደርያን ሌምሰታዉ፤ ቃይካ ሀእ ደእያ የሩሳላመን ሌምሰታዉ፤ አያዉ ጎፐ፥ የሩሳላመ ካታማይ ባረ ግዶን ደእያ አሳ ኡባና ሙሴ ህግያ አይለተꬃን ደኤ።
GAL 4:26 ሽን ሳሉዋን ደእያ የሩሳላመ አይለተꬃን ደኡኩ፤ እዛ ኑዉ አቶ ግዴዳ ሳሮ።
GAL 4:27 አያዉ ጎፐ፥ ጾሳ ማጻፋይ፥ “ሀኔ፥ የላቤና ማንꬃቴ፥ ናሸታ፤ የሉዋ ኦይꬃይ ኦይቂ ኤረናዉኔ፥ ነ ኮሻ ꬎቁ ኦꬃደ እልላ! አያዉ ጎፐ፥ ባረ አስናና ደእያ ማጫዉንፐ፥ ባረካ ደእያ ማጫዉንዉ ጮራ ናናይ ደአና” ያጌ።
GAL 4:28 ታናዳን አማንያዋንቶ፥ ኑንካ ሳር ናኣ ይሳቃዳን፥ ጾሳይ ስንꬃፐ እማና ጊደ ቃላ ገሌዳ ናና።
GAL 4:29 ሽን ሄ ዎደ አሳ ማራዳን የለቴዳዌ፥ ጾሳ አያናይ ጌዳዋዳን የለቴዳዋ የደርስ ድጎዋዳን፥ ሀእካ ሄዋ ማላ።
GAL 4:30 ሽን ጾሳ ማጻፋይ ዋጊ? “ዳንጋጽራት ናአይ ጎዳት ናኣና እትፐ ላተና ድራዉ፥ ዳንጋጽራቶ እዝ ናኣና እትፐ ከሳ የዳ” ያጌ።
GAL 4:31 ሄዋ ድራዉ፥ ታናዳን አማንያዋንቶ፥ ኑን ጎዳት ናና ግድያዋፐ አትን፥ ዳንጋጽራት ናና ግዶኮ።
GAL 5:1 ኑን አይለተꬃይ ባይናን፥ ደአና ማላ፥ ክርስቶስ ኑና አይለተꬃፐ ከሴዳ፤ ስም ምኒደ ኤቂተ፤ ላኤንꬁዋ አይለተꬃ ሞርገ ምꬃን ዋጸቶፕተ።
GAL 5:2 ስስተ፥ ታን ጳዉሎስ፥ ህንተንታ ያጋይ፤ ህንተ ቃጻረትያዋ ግዶፐ፥ ክርስቶስ ህንተንታ አይነ ማደና።
GAL 5:3 ቃጻረትያ ኡባቱ ህጊ ግያዋ ኡባ ፖሊደ ናጋናዉ በስያዋ ጉጃደ ቆፈꬃይ።
GAL 5:4 ህግያ ናጊደ ጽላናዉ ኮይያዋንቶ፥ ክርስቶሳፐ ሻከቴድታ፤ ጾሳ አꬎ ኬካተꬃፐካ ኩንዴድታ።
GAL 5:5 ኑና ግዶፐ፥ ኑን ጾሳ አያና ባጋና አማኑዋን ጽላናዉ ናሸቻን ናጌቶ።
GAL 5:6 አያዉ ጎፐ፥ ኑን ክርስቶስ የሱሳና እትፐ ደኦፐ፥ ሲቁዋን ኦꬅያ አማኑዋፐ አትን፥ ቃጻረትናካ፥ ቃጻረተናን አግናካ ኑና አይነ ማደና።
GAL 5:7 ካሰ ሎኦ ዎጺታ፤ ሽን ቱማተꬃዉ ህንተ ኤኖ ጌና ማላ፥ ኦኔ ህንተንታ ድጌዳዌ?
GAL 5:8 ሀ ጭሙ ህንተንታ ጼሴዳ ጾሳፐ ይቤና።
GAL 5:9 አሳይ ግያዋዳን፥ ጉꬃ እርሹ ሙናቃ ኡባ ደንꬄ።
GAL 5:10 ህንተንቱ ሀራባ ቆፐናዋ ታን ጾሳን አማነታይ፤ ሽን ህንተንታ መትያ ኡራይ ኦና ግዶፐነ፥ ጾሳፐ ባረ ፕርዳ አካናዋ።
GAL 5:11 ሽን ታናዳን አማንያዋንቶ፥ ታን ሀዋ ጋካናዉ ቃጻራይ ኮሽያዋ ኦድያዋ ግዶፐ፥ ታና አያዉ የደርሲኖ? ሄዌ ቱማ ግዶፐ፥ ታን ክርስቶሳ ማስቃልያባ ታማርስና አይነ መትያባይ ባዋ።
GAL 5:12 ህንተንታ መቶꬅያዋንቱ ባረንታ ባረንቶካ ጎይሬርክኖሻ!
GAL 5:13 ህንተንታ ግዶፐ፥ ታናዳን አማንያዋንቶ፥ አይለተꬃፐ ከሳናዉ ጼሰቴድታ። ግዶፐነካ አይለተꬃፐ ህንተ ከሴዳዋን፥ ህንተ አሳተꬃ አሙ ህንተንታ ሞዶፖ። ሄዋ ድራ ሲቁዋን እቱ እቶ ሞደትተ።
GAL 5:14 አያዉ ጎፐ፥ ህጊ ኡባይ እት ሃሳያን ቃሸቴዳ፤ እካ፥ “ነ ሾሩዋ ነ ሁጲያዳን ሲቃ” ያግያዋ።
GAL 5:15 ሽን ህንተ እቱ እቱዋና ሳኤትያዋነ ሜተትያዋ ግዶፐ፥ ህንተ ህንተ ግዶን ዉረና ማላ ናገትተ።
GAL 5:16 ሽን ስስተ፤ ጾሳ አያናይ ህንተንታ ካለꬅያዋ ግዶፐ፥ ህንተ አሹዋ አሙዋ ሙለካ ፖልክታ።
GAL 5:17 አያዉ ጎፐ፥ ኑ አሹ አሞትያዋ ጌሻ አያናይ እጼ፤ ቃይ ጌሻ አያናይ አሞትያዋ ኑ አሹ እጼ፤ ሀዋንቱ እቱ እቱዋና እጸቲኖ። ሄዋ ድራዉ፥ ህንተ ዶስያዋ ኦꬃናዉ ዳንዳይክታ።
GAL 5:18 ሽን ጾሳ አያናይ ህንተንታ ካለꬅያዋ ግዶፐ፥ ሙሴ ህጊ ህንተንታ ሞደና።
GAL 5:19 አሹዋ ኦሱ ኤረቴዳዋ፤ እካ አዬ ጎፐ፥ ዎሹምያዋ፥ ቱናተꬃ፥ አꬌዳ ቱናተꬃ ኦሱዋ፥
GAL 5:20 ኤቃዉ ጎይንያዋ፥ ብትያዋ፥ ሞርከተꬃ፥ ፓሉማ፥ ቃናትያዋ፥ ሀንቁዋ፥ ባረና ዶስያዋ፥ ዋላቀትያዋ፥ እቱ እቱዋፐ ሻከትያዋ፥
GAL 5:21 አሳዋ አሞትያዋ፥ ማꬆትያዋ፥ የꬃንቻ ግድያዋነ ሀዋንታ ማላትያዋንታ። ካሰካ ታን ህንተንቶ ኦዴዳዋዳን፥ ሀዋንታ ማላትያዋንታ ኦꬅያዋንቶ ጾሳ ካዉተꬃን ገልያሳይ ባዋ።
GAL 5:22 ሽን ጌሻ አያና አይፊ፥ ሲቁዋ፥ ናሸቻ፥ ሳሮተꬃ፥ ዳንዳያ፥ ኬካተꬃ፥ ሎኦተꬃ፥ አማነትያዋ፥
GAL 5:23 አሽከተꬃ፥ ባረ ሁጲያ ናግያዋ። ሄዋንታ ማላትያዋንታ ድግያ ህጊ ባዋ።
GAL 5:24 ክርስቶሳ የሱሳባ ግድያዋንቱ ባረንቱ አሳተꬃ አ ኢታ ቆፋናነ አ አሙዋና እትፐ ማስቃልያ ቦላን ምስማርያን ꬍሺደ ካቄድኖ።
GAL 5:25 ኑዉ ጌሻ አያናይ ደኡዋ እሞዋፐ ጉይያን፥ ኑና ቃይ እ ካለꬆ።
GAL 5:26 አነ ኦቶረትያዋ፥ ዎይ እቱ እቱዋ ሀንቀꬅያዋ፥ ዎይ እቱ እቱዋ ቃናትያዋ አጎይተ።
GAL 6:1 ታናዳን አማንያዋንቶ፥ ህንተናን ጌሻ አያናን ደእያዋንቱ እት ኡራይ አይ ባይዙዋ ኦꬂደ፥ ቤቶፐካ፥ አሽከተꬃ አያናን አ ሱርስተ፤ ቃይ ህንተ ፓጨተና ማላ፥ ህንተ ሁጲያ ናግተ።
GAL 6:2 እቱ እቱዋ ቶኩዋ ቶክተ፤ ሄዋ ኦꬅያዋን ክርስቶሳ ህገዉ አዛዘቲታ።
GAL 6:3 አያዉ ጎፐ፥ እት ኡራይ አይነ ሀነናን ደኢደ፥ እትባ እ ሀኔዳዋ አዉ ማላቶፐ፥ ባረ ሁጲያ ጭሜ።
GAL 6:4 ሽን አሳይ ኡባይ ሁጲያን ሁጲያን ባረ ኦሱዋ ፓጮ፤ ሄዋፐ ጉይያን፥ ሀራ አሳዋና ልከናን፥ ባረ ሁጰ ኦሱዋ ጻላላን አማነትያዋ ደማና።
GAL 6:5 አያዉ ጎፐ፥ አሳይ ኡባይ ሁጲያን ሁጲያን ባረፐ ናገትያዋ ኦꬃና በሴ።
GAL 6:6 ሽን ጾሳ ቃላ ታማርያዌ ባረዉ ደእያ ሎኦባ ኡባ ባረና ታማርስያዋና ሻኮ።
GAL 6:7 ህንተንታ ህንተረካ ጭሞፕተ። ኦንነ ጾሳ ቦላ ቅሊጫናዉ ዳንዳየና፤ አያዉ ጎፐ፥ አሳይ ባረ ዘርያዋ ዛረꬂደ ቆይጫና።
GAL 6:8 ባረ አሹዋ አሙዋን ዘርያዋ ግዶፐ፥ አሹዋ አሙዋፐ ሀይቁዋ ቆይጫና። ሽን ጾሳ አያናን ዘርያዋ ግዶፐ፥ ጾሳ አያናፐ መꬍና ደኡዋ ቆይጫና።
GAL 6:9 አነ ሎኦ ኦሱዋ ኦꬃናዉ ምኖይተ። አያዉ ጎፐ፥ ኑን ምን ኦꬆፐ፥ ቆይጭያ ዎዲ ስንꬃፐ ያናዋ።
GAL 6:10 ሄዋ ግዶፐ ሀ ኦꬃናዉ ኑን ዳንዳይያዋን፥ አሳ ኡባዉ ሎኦባ ኦꬆይተ፤ ሽን ኡባፐ አꬂደ፥ ኑናና አማኑዋን ደእያዋንቶ ሎኦባ ኦꬆይተ።
GAL 6:11 ታን ታ ኩሽያን፥ አይ ማላ ዎልቃማ ፕዶላቱዋን፥ ሀዋ ህንተንቶ ጻፋድታንቶ በእተ።
GAL 6:12 አሳ ስንꬃን ሎኢደ ቤታናዉ ኮይያ ኡባቱ፥ ህንተ ቃጻረታና ማላ ኮዪኖ፤ ሽን ሄዋ ኡንቱንቱ ኦꬅያዌ ባረንቶ ክርስቶሳ ማስቃልያ ድራዉ የደርሰተናን አታና ጻላላሳ።
GAL 6:13 አያዉ ጎፐ፥ ኡንቱንቱ ህንተ ቃጻረቴዳዋን ጬቀታናዉ ህንተንታ ቃጻረትኖ ጊኖፐ አትን፥ ሀራይ አቶ ቃጻረቴዳዋንቱካ ባረንቱ ሁጰዉ ሙሴ ህግያ ናግክኖ።
GAL 6:14 ሽን አላሚ ታዉ ካቀትና፥ ታንካ አላመዉ ካቀቴዳ የሱስ ክርስቶሳ ማስቃልያፐ አትን፥ ታን ጬቀትያባይ ሀራባይ ታፐ ሃኮ።
GAL 6:15 አያዉ ጎፐ፥ ክርስቶስ የሱሳን ኦራꬃ መታ ግድያዌ ማዴፐ አትን፥ ቃጻረትናካ ቃጻረተናን አግናካ አይነ ማደና።
GAL 6:16 ሀ ዎጋን ሀመትያ ኡባቱዋ ቦላንነ ጾሳ አሳ ኡባ ቦላ፥ ሳሮተꬃይነ ማሮተꬃይ ግዶ።
GAL 6:17 ታን የሱሳዉ ማይቴዳ ማላ ታ ቦላን ቶኬዳ ድራዉ፥ ሀዋፐ ስንꬃዉ እት አሳይካ ታና መቶꬆፖ።
GAL 6:18 ታናዳን አማንያዋንቶ፥ ኑ ጎዳ የሱስ ክርስቶሳ አꬎ ኬካተꬃይ ህንተንቱና ግዶ። አመንእ።
EPH 1:1 ታን ጾሳ ሸንያን ክርስቶስ የሱስ ኪቴዳ ጳዉሎስ፥ ኤፈሶናን ደእያ ጾሳ ናናዉ ቃይ ክርስቶሳ የሱሳዉ አማነቲደ ደእያዋንቶ ሀ ዳብዳቢያ ጻፋይ።
EPH 1:2 ጾሳ ኑ አዉዋፐነ ጎዳ የሱስ ክርስቶሳፐ አꬎ ኬካተꬃይነ ሳሮተꬃይ ህንተንቶ ግዶ።
EPH 1:3 አያና አንጁዋ ኡባን ክርስቶሳ ባጋና ቦላ ሳሉዋን ኑና አንጄዳ ጾሳ፥ ኑ ጎዳ የሱስ ክርስቶሳ አዉዋ፥ ኑን ጋላቴቶ።
EPH 1:4 ኑን አ ስንꬃን ጌሻቱዋነ ፖኩ ባይናዋንታ ግዳና ማላ፥ ጾሳይ ኑና ሳአይ መታናፐ ካሰ፥ ክርስቶሳ ባጋና ባረ ሲቁዋን ዶሬዳ።
EPH 1:5 ጾሳይ ባረ ሸንያን ባረ ዶሴዳዋዳን፥ የሱስ ክርስቶሳ ባጋና ኑና ባረ ናናቱዋ ኦꬃናዉ ካሰቲደ ቆፕ ዎꬄዳ።
EPH 1:6 ጾሳይ ባረ ሲቅያ ናኣ ባጋና ኑዉ ጮ እሜዳ አꬎ ኬካተꬃ ቦንቹዋ ድራዉ፥ ኑፐ ጋላታ አካናዉ ሄዋ ኦꬄዳ።
EPH 1:7 ኑን ጾሳ አꬎ ኬካተꬃ ዳሩዋዳን፥ ክርስቶሳ ሱꬃን ዎዘቴዶ፤ ሄዋን ጾሳይ ኑ ናጋራ አቶ ጌዳ።
EPH 1:8 ጾሳይ ባረ አꬌዳ ኤራተꬃ ኡባንነ ባረ ዎዛና ቆፋ ኡባን ባረ አꬎ ኬካተꬃ ኑዉ ዳርሲደ እሜዳ።
EPH 1:9 አያዉ ጎፐ፥ ጾሳይ ባረ ቆፔዳዋ ኦꬄዳ፤ ቃይ ክርስቶሳ ባጋና ፖላናዉ ቆፕ ዎꬄዳ ጹራ የዉዋ ኑና ኤርሴዳ።
EPH 1:10 ጾሳይ ዎድያ ዉርሰꬃይ ጋክያ ዎደ ፖላናዉ ቆፔዳ ቆፋይ ክርስቶሳ ዋና ኦꬂደ፥ ሳሉዋንነ ሳኣን ደእያ መታ ኡባ እትፐ አን ሺሻናዋ።
EPH 1:11 ኡባባይ ጾሳ ቆፋዳንነ እ ጌዳዋዳን ሀኔዳ፤ ጾሳይ ካሰቲደ ቆፕ ዎꬄዳዋዳን፥ ክርስቶሳ ባጋና ኑን አዋንታ ግዳናዳን፥ ኑና ዶሬዳ።
EPH 1:12 ኑን ካሰቲደ፥ ክርስቶሳ ባጋና አካና ጊደ ናሸቻን ናግያዋንቱ፥ ጾሳ ቦንቹዋ ጋላቴቶ።
EPH 1:13 ህንተዉካ ቃይ ሄዋዳን ሀኔዳ፤ ቱሙ ኪታ፥ ህንተንቶ አቶተꬃ አሄዳ ምሽራቹዋ ቃላ፥ ህንተ ስሴዳ ዎደ ክርስቶሳ አማኔድታ፤ ጾሳይ ህንተንቶ እማና ጌዳ ጌሻ አያና ባጋና፥ ህንተ አዋ ግድያዋ ኤርስያ ማታፋ ህንተ ቦላ ዎꬄዳ።
EPH 1:14 ጾሳይ ባረ አሳዉ እማና ጌዳዋ ኑን ላታና ጋካናዉ፥ ጌሻ አያና ዋሰተꬃ ኦይቄዶ። ሄዌ ቃይ አ ቦንቾ፥ ጋላታ ግዳናዋ።
EPH 1:15 ሄዋ ድራዉ፥ ጎዳ የሱሳ ህንተ አማንያዋነ ጌሻቱዋ ኡባ ህንተ ሲቅያዋ ታን ስሶደፐ ዶማደ፥
EPH 1:16 ህንተንቶ ጾሳ ጋላትያዋ አጋበይከ፤ ጾሳ ዎሳደ ህንተዉካ ዎሳይ።
EPH 1:17 ቃይ ጎዳ የሱስ ክርስቶሳ ጾሳይ፥ ቦንቹዋ አዉ፥ ጾሳ ህንተ ኤራናዳን፥ ህንተና አꬌዳ ኤራንቻ ኦꬅያ ቃይ ጾሳ ህንተንቶ ቆንጭስያ ጌሻ አያና ህንተንቶ እማናዳን፥ ታን ዎሳይ።
EPH 1:18 ጾሳይ ህንተ አካና ጊደ፥ ናሸቻን ናግ ኡቴዳዎ ህንተና ጼሴዳዋነ እ ባረ አሳዉ እማና ግያ አንጁ አይ ኬና ዱረንቶ ህንተ ኤራናዳን፥ ጾሳይ ህንተ ዎዛና ዶይና፥ አ ፖኡዋ ህንተ በአናዳን፥ ታን ጾሳ ዎሳይ።
EPH 1:19 ቃይ አ አማንያ ኑናን አ ዎልቃይ ሎይꬅ ኦꬄ። ሀ ኑናን ደእያ ዎልቃይነ ሀይቁዋፐ ክርስቶሳ ደንꬂደ፥ ሳሉዋ ሳኣን ጾሳፐ ኡሸቻ ባጋና ኡትሴዳ ዎልቃማ ዎልቃይ እቱዋ።
EPH 1:21 ክርስቶስ ሳሉዋ ሱንꬃቱዋፐ፥ ጎዳተꬃይ ደእያዋንቱፐ፥ ዎልቃማቱዋፐነ ጎዳቱዋ ኡባፐ ቦላ ግዲደ ሞዴ፤ እ ሀእ ደእያ የለታ ጻላላን ግደናን፥ ስንꬃፐ ያና የለታንካ ሀራ ሱንꬃተꬃ ኡባፐ ꬎቄ።
EPH 1:22 ጾሳይ ኡባባ ክርስቶሳ ገድያፐ ጋርሳን ሞድሲደ፥ ቃይ ጾሳይ እ ኡባባን ኡባፐ ቦላና ጎዳ ግዳናዳን፥ ዎሳ ጎለዉ አ እሜዳ።
EPH 1:23 ዎሳ ጎሊ ክርስቶሳ አሳተꬃ፤ ዎሳ ጎሊ ክርስቶስ ኡባ ሳን ኡባባ ኩንꬅያ አ ፖሉዋ።
EPH 2:1 ህንተ አዛዘተናን እጼዳ ድራዉነ ህንተ ናጋራ ድራዉ፥ ካሰ ዎድያን አያና ሀይቁዋ ሀይቄድታ።
EPH 2:2 ሄ ዎደ ህንተ ሀ አላምያ የለታ ኢታ ኦግያ ሀመቴድታ፤ ጫርኩዋ ግዶን ደእያ ዎልቃማ አያናቱዋ ካፖ ቃይ ጾሳዉ አዛዘተና አሳ ሀእ ሞድያ አያናዉ አዛዘቴድታ።
EPH 2:3 ኑንካ ቃይ ኡባይ ሄ አሳ ማላ፤ ቃይ ኑን ኑ አሹዋ አሙዋዳን ደኤዶ፤ ኑ አሹነ ኑ ዎዛናይ ኮዬዳዋ ኦꬄዶ። ኑንካ ሀራቱዋዳን፥ ኑ መታን ጾሳ ሀንቁዋ አካናዉ ደኤቶ።
EPH 2:4 ሽን ጾሳ ማሮተꬃይ ዳራ ግድያ ድራዉ፥ ባረ ሲቁዋ ዳሩዋዳን፥
EPH 2:5 ኑን አዉ አዛዘተናን እጺደ፥ ሀራይ አቶ አያናን ሀይቄዳዋንታ ግድናካ፥ እ ክርስቶሳና ኑዉ ደኡዋ እሜዳ። ጾሳ አꬎ ኬካተꬃን ህንተ አቴድታ።
EPH 2:6 ኑን ክርስቶስ የሱሳና ሳሉዋነ ሳኣነ ሞዳናዳን፥ ጾሳይ ኑና አናና እትፐ ሀይቁዋፐ ደንꬄዳ።
EPH 2:7 እ ስንꬃፐ ያና ዎድያን፥ ኑዉ ክርስቶስ የሱሳን ደእያ ኬካተꬃን፥ ኡባፐ አꬍያ ባረ አꬎ ኬካተꬃ ꬎቃተꬃ በሳናዉ ሄዋ ኦꬄዳ።
EPH 2:8 አያዉ ጎፐ፥ ህንተ ጾሳ አꬎ ኬካተꬃን፥ አማኑዋን አቴድታ፤ ሀዌ ጾሳ እሙዋፐ አትን፥ ህንተ ኦሱዋና ግደና።
EPH 2:9 ህንተ ዳቡራን ቤትቤና ድራዉ፥ ህንተ ጬቀትያባይ አያይነ ባዋ።
EPH 2:10 አያዉ ጎፐ፥ ኑን ጾሳ መታ፤ እ ኑዉ ካሰቲደ ጊግስ ዎꬄዳ ሎኦ ኦሱዋ ኑን ኦꬃናዳን፥ ክርስቶስ የሱሳ ባጋና ኑና መꬌዳ።
EPH 2:11 ሄዋ ድራዉ፥ ህንተኖ ዛርያን አይሁዳ ግደና አሳቶ፥ ባረንቱ አሳተꬃ ቦላ ኩሽያን ኦሰቴዳዋን፥ ባረና ቃጻረቴዳዋንታ ግያ አይሁዳቱ፥ ቃጻረትቤናዋንታ ጊደ ጼስያዋንቶ፥ ህንተ ካሰ ኦነንቶ አኬክተ።
EPH 2:12 ሄ ዎደ ህንተ ክርስቶሳፐ ሻከቴድታ፤ እማꬃ ግዲደ፥ እስራኤልያ አሳፐ ሃኪደ ደኤድታ፤ ጾሳይ ባረ አሳዉ እማና ጊደ ጫቄዳ ጫቁዋፐ አይነ ደምበይክታ፤ ሀ ሳኣ ቦላ ህንተ ደማና ጊደ፥ ናሸቻን ናግ ኡቴዳዋ ደመናንነ ቃይ ጾሳይ ባይናን ደኤድታ።
EPH 2:13 ሽን ህንተ ካሰ ሃኪደ ደእያዋንቱ ሀእ ክርስቶሳ የሱሳና ደኢደ፥ ክርስቶሳ ሀይቁዋን ማታ ሺቄድታ።
EPH 2:14 አያዉ ጎፐ፥ ክርስቶስ አይሁዳ አሳነ አይሁዳ ግደና አሳ እቱዋ ኦꬂደ፥ ኑዉ ሳሮተꬃ አሄዳ። ኡንቱንቱ ላኡዋ ሻኪደ፥ ሞርከ ኦꬅ ዎꬄዳ ሞርከተꬃ ጎዳ ባረ አሳተꬃን ኮል የጌዳ።
EPH 2:15 እ ባረ ሁጰዉ ሀ ላኡ ዛራቱዋፐ እት ኦራꬃ አሳ መꬊደ ሳሮተꬃ ዎꬃናዉ፥ አይሁዳ አሳቱዋ ህግያ አ አዛዛቱዋነ ዎጋቱዋና እትፐ ꬋይሴዳ።
EPH 2:16 ክርስቶስ ማስቃልያ ቦላ ምስማርያን ꬍሸቲደ ሀይቄዳ ባረ ሀይቁዋን ሞርከተꬃ ꬋይሴዳ፤ ቃይ ማስቃልያ ባጋና ላኡ ዛራቱዋካ እት አሳ ኦꬅ ስገꬂደ፥ ጾሳኮ አሄዳ።
EPH 2:17 ክርስቶስ ዪደ፥ ጾሳፐ ሃኪደ ደእያ ህንተንቶ አይሁዳ ግደናዋንቶነ፥ አ ማታን ደእያ አይሁዳቶ ኡባዉ፥ ምሽራቹዋ ቃላ ሳሮተꬃ ኦዴዳ።
EPH 2:18 አያዉ ጎፐ፥ ኑን ኡባይ፥ አይሁዳቱካ አይሁዳ ግደናዋንቱካ፥ እት ጌሻ አያናን ክርስቶሳ ባጋና አዉዋ ስንꬃ ሺቃናዉ ዳንዳዬቶ።
EPH 2:19 ስም ህንተ አይሁዳ ግደና አሳቱ ሀዋፐ ስንꬃዉ አላጋ ዎይ እማꬃ ግድክታ፤ ሀእ ህንተነ ጌሻቱ እት ቢታ አሳ፤ ቃይ ጾሳዉ ህንተ ሶይ አሳ።
EPH 2:20 የሱስ ኪቴዳዋንቱነ ትምቢትያ ኦድያዋንቱ ባሴዳ ባሱዋ ቦላ ህንተካ ኬጸቴድታ፤ ጎዳ ጻጱዋ ምንስያ ዋና ሹቻይ ክርስቶስ የሱሳ።
EPH 2:21 እ ጎልያ ኡባ እትፐ ሺሽ ኦይቂደ፥ ጾሳ ባጋና ጌሻ፥ ጾሳ ጌሻ ጎለ ግዳና ማላ ድቼ።
EPH 2:22 ህንተ ቃይ ጾሳይ ባረ አያናን ደእያ ጎልያ ግዳናዉ፥ ሀራቱዋ ኡባና እትፐ ክርስቶሳን ኬጸቲታ።
EPH 3:1 ሄዋ ድራዉ፥ ህንተኖ አይሁዳ ግደና አሳቶ፥ ታን ጳዉሎስ ህንተ ድራዉ ክርስቶስ የሱሳ ቃሾ አሳ ግዴዳዌ፥ ጾሳ ዎሳይ።
EPH 3:2 ጾሳይ ባረ አꬎ ኬካተꬃን፥ ታን ህንተና ማዳናዳን፥ ሀ ኦሱዋ ታዉ እሜዳዋ ህንተ ሎይꬅ ስሴድታ።
EPH 3:3 ጾሳይ ባረ ጹራ ቆፋ ታዉ ቆንጭሲደ፥ ታና ኤርሴዳ፤ ታን ሄዋ ቃንꬃን ጻፋድ።
EPH 3:4 ቃይ ታን ጻፌዳዋ ህንተ ናባብያ ዎደ፥ ክርስቶሳ ጹራ ታን ዎታ አኬካድታንቶነ ኤራናዉ ዳንዳዪታ።
EPH 3:5 በን ዎደ አሳይ ሄ ጹራ የዉዋ ስስቤና፤ ሽን ጾሳይ ሄዋ የሱስ ኪቴዳ ጾሳ ናናቶነ ትምቢትያ ኦድያዋንቶ፥ ጌሻ አያናን ሀእ ቆንጭሴዳ።
EPH 3:6 ጹራ የዉ ሀዋ፤ አይሁዳ ግደና አሳይ ዎንጋላ ባጋና፥ ጾሳ አንጁዋ አይሁዳቱዋና እትፐ ላቲኖ፤ ኡንቱንቱ እት አሳተꬃን ሻከተናን ደኢኖ፤ ቃይ ክርስቶስ የሱሳ ባጋና ጾሳይ እማና ጌዳዋ አይሁዳቱዋና ሻኪኖ።
EPH 3:7 ጾሳይ ባረ ኦሱዋ ዎልቃ ባጋና ታዉ እሜዳ አꬎ ኬካተꬃን ታን ሀ ዎንጋላዉ ቆማ ግዳድ።
EPH 3:8 ታን ጌሻቱዋ ኡባ ግዶን ላፍያዋ ግዶፐካ፥ አይሁዳ ግደና አሳዉ ዛዋይ ባይና ክርስቶሳ ዱረተꬃ ምሽራቹዋ ቃላ ኦድያ ሀ ካጫ ጾሳይ ታዉ እሜዳ።
EPH 3:9 ቃይ ታን ሄዋን ጾሳ ጹራ ቆፋ አሳ ኡባዉ ቆንጭሳ ኦዳና፤ ኡባባ መꬌዳ ጾሳይ ባረ ጹራ የዉዋ በን ዎደ ገንꬅ ዎꬄዳ። ጾሳይ ሀእ ሄዋ ዎሳ ጎልያ ባጋና ሳሉዋ ሳኣን ደእያ ካፓቶነ ጎዳተꬃይ ደእያዋንቶ ዛዋይ ባይና ባረ አꬌዳ ኤራተꬃ ቆንጭሳናዉ ኦꬄዳ።
EPH 3:11 ጾሳይ ሄዋ ኑ ጎዳ ክርስቶስ የሱሳ ባጋና እ ፖሌዳ ባረ መꬍና ቆፋዳን ኦꬄዳ።
EPH 3:12 ኑን ክርስቶስ የሱሳና እትፐ ግዲደ፥ አ አማንያ አማኑዋን አማነቲደ፥ አይነ ያየናን ጾሳ ስንꬃ ሺቃናዉ ዳንዳዬቶ።
EPH 3:13 ሄዋ ድራዉ፥ ታን ህንተዋን መቶትያዋን ህንተ ህርገና ማላ፥ ህንተና ዎሳይ፤ አያዉ ጎፐ፥ ታን ህንተ ቦንቾ መቶታይ።
EPH 3:14 ሄዋ ድራዉ፥ ታን ሳሉዋንነ ሳኣን ደእያ አማንያ ጎልያ አሳይ ኡባይ አፐ ዬዳ ጾሳ ስንꬃን ጉልባታይ።
EPH 3:16 ጾሳይ ባረ ቦንቹዋ ዳሩዋዳን፥ ባረ ጌሻ አያናን፥ ህንተንቶ ህንተ ጋርሳ አሳተꬃን ህንተ ምንያ ዎልቃ እማናዳንነ፥ ቃይ አማኑዋ ባጋና ክርስቶስ ህንተ ዎዛና ባረ ጎልያ መꬋናዳን፥ ታን ጾሳ ዎሳይ፤ ቃይካ ህንተ ጻጱዋ የዲደ፥ ቶከቲደ ሲቁዋን ምናናዳን፥ ጾሳ ዎሳይ።
EPH 3:18 ቃይ ጌሻቱዋ ኡባና ክርስቶሳ ሲቁ አይ ኬና አከንቶ፥ አዱሰንቶ፥ ꬎቀንቶነ ጪመንቶ ኤርያ ዎልቃ ህንተንቱ ደማናዳን፥ ታን ጾሳ ዎሳይ።
EPH 3:19 ኤራተꬃፐ አꬍያ ክርስቶሳ ሲቁዋ ህንተ ኤራናዳንነ ቃይ ጾሳዋ ግድያ ኡባባን ህንተ ፖል ኩማናዳን፥ ታን ጾሳ ዎሳይ።
EPH 3:20 ስም ኑ ግዶን ኦꬅያ ባረ ዎልቃ ባጋና ኑን ዎስያዋ ዎይ ቆፕያዋ ኡባፐ ሎይꬅ ዳርስ ኦꬃናዉ ዳንዳይያ ጾሳዉ፥ ዎሳ ጎልያንነ ክርስቶስ የሱሳን ኡባ ዎደ መꬍናፐ መꬍና ጋካናዉ ቦንቹ ግዶ። አመንእ።
EPH 4:1 ሄዋ ድራዉ፥ ታን ጎዳዉ ኦꬅያ ድራዉ ቃሸቴዳዌ ጾሳይ ህንተና ጼሴዳ ጼሳዉ በስያ ደኡዋ ህንተ ደአናዳን፥ ታን ህንተና ዎሳይ።
EPH 4:2 ኡባ ዎደ ህንተ ህንተ ሁጲያ ካዉሽያዋንታ፥ አሽከቱዋነ ዳንዳያንቻቱዋ ግድተ፤ እቱ እቱዋ ማድያዋን ህንተ ሲቁዋ በስተ።
EPH 4:3 ህንተና እትፐ ጋꬅ ቃችያ ሳሮተꬃን፥ ጌሻ አያናይ ህንተንቶ እምያ እትፐተꬃ ናጋናዉ ምንተ።
EPH 4:4 ጾሳይ ህንተና ጼሴዳ ህዶታይ፥ ህንተ ደማና ጊደ ናግ ኡቴዳዌ መጽ እቱዋ ግዶዋዳን፥ እት አሳተꬃይነ እት ጌሻ አያናይ ደኤ።
EPH 4:5 እት ጎዳይ፥ እት አማኑነ እት ጽንቃታይ ደኤ።
EPH 4:6 ኡባ ጎዳይ፥ ኡባ ባጋና ኦꬅያዌ፥ ኡባ ግዶን ደእያዌ፥ እት ጾሳይ፥ ኡባ አዉ ደኤ።
EPH 4:7 ሽን ክርስቶስ እሜዳ እሙዋዳን፥ ኑን ሁጲያን ሁጲያን ዱማ እሙዋ አኬዶ።
EPH 4:8 ሄዋ ድራዉ፥ ጾሳ ማጻፋይ፥ “እ ፑደ ꬎቃሳ ከሴዳ ዎደ፥ ኦሞደቴዳዋንታ አፌዳ፤ አሳዉካ እሞታ እሜዳ” ያጌ።
EPH 4:9 ያትና፥ “ፑደ ከሴዳ” ግያዌ ዋግያዌ? እ ኮይሮ ዱገ ዎꬌዳ፤ ሄዌ ሳአዉ ህርክ ዉርሰꬃሳ ዎꬌዳ ግያዋ።
EPH 4:10 ሀ ዱገ ዎꬌዳዌ ባረ ሁጰዉ አ፤ ሄ እ ኡባባ ኩማናዳን፥ ሳሉዋ ኡባፐ ꬎቂያሳ ፑደ ከሴዳ።
EPH 4:11 አሳዉ እሞታ እሜዳዌ አ፤ እ እቱዋ እቱዋ የሱስ ኪቴዳዋንታ፥ ሀራቱዋ ትምቢትያ ኦድያዋንታ፥ ቃይ ሀራቱዋ ምሽራቹዋ ቃላ ኦድያዋንታ፥ ቃይካ ሀራቱዋ ዎሳ ጎልያ ካለꬅያዋንታነ ታማርስያዋንታ ኦꬅ ሱንꬄዳ።
EPH 4:12 እ ሄዋ ጌሻቱ ኡባይ አማንያ አሳ ኦሱዋ ኦꬃናዳንነ ክርስቶሳ ቦላን ኬጸታናዳን ጊግሳናዉ ኦꬄዳ።
EPH 4:13 ቃይ ኑን ኡባይ ጾሳ ናኣ አማንናነ ኤርና ቤትያ እትፐተꬃኮ ጋካና፤ ኑን ክርስቶሳ ፖሎ ድቻ ኬና ድጪደ፥ ዶንዛ አሳ ግዳናዳና።
EPH 4:14 ኑን ቤታን ያነ ሃነ ሾጨቲደ፥ ባረንቱ ጭምያ ሀኖታን አሳ ባላ ኦግያ ካለꬅያ ገንያ አሳ ትምርትያ ጫርኩዋ ኡባን ሱገቲደ፥ ሀዋፐ ስንꬃዉ ናኣ ግዳናዉ በሰና።
EPH 4:15 ሽን ኑን ሲቆተꬃን ቱሙዋ ሃሳዪደ፥ ሁጰ ግድያ ክርስቶሳኮ ኡባባን ድጫናዉ በሴ።
EPH 4:16 ቦላ ግዶን ደእያ ዱማ ዱማ ሻኮታይ አን እትፐ ኦይቀቴድኖ፤ ቃይ ኩመንꬃ ቦላይ ባረዉ እመቴዳሳ ኡባን እቱ እቱዋና ጋከቲደ፥ እትፐ ኦይቀት ኡቴዳ፤ ሄ ዱማ ዱማ ሻኮታይ ኦꬃናዉ በስያዋ ኦꬅያ ዎደ፥ ኩመንꬃ ቦላይ ሲቁዋን ድጬነ ባረና ኬጼ።
EPH 4:17 ሄዋ ድራዉ፥ ታን ሀዋ ህንተንቶ ጎዳ ሱንꬃን ኦዳይነ ማርካታይ። ህንተ ጎእ ባይና ቆፋ ቆፕያ አይሁዳ ግደና አሳቱዋዳን ደኦፕተ።
EPH 4:18 ኡንቱንቱ ዎዛናይ ꬉማን ደኤ፤ ኡንቱንቱ አይነ ኤረናዋንታነ አዛዘተና ድራዉ፥ ጾሳይ እምያ ደኡዋፐ ሃኬድኖ።
EPH 4:19 ኡንቱንቱ ማታን ዬላ ግያዌ ባዋ፤ ኡንቱንቱ ዎሹማዉ ካጄላናዉ ባረንቱ ሁጲያ አꬅ እሚኖ፤ ቃይ ቱናባ ኡባ ፓጭ ባይናን ኦꬃናዉ ሎይꬅ ዮራትያዋንታ።
EPH 4:20 ሽን ህንተ ክርስቶሳዋ ሄዋዳን ታማርበይክታ።
EPH 4:21 አባ ቱሙ ስሴድታ፤ ቃይ ቱማተꬃይካ የሱሳን ደእያዋ፥ አፐ ታማሬድታ።
EPH 4:22 ህንተ ካሰ ደእያ ደኡዋ አግተ፤ ቃይ ባረ ጭምያ አሙዋን ꬋይያ ህንተ ኤጫ አሳተꬃ ꬋይስተ።
EPH 4:23 ህንተ ዎዛናይነ ቆፋይ ኡባና ኦራጻናዉ በሴ።
EPH 4:24 ቱሙ ጽሎተꬃንነ ጌሻተꬃን ጾሳ ሌምሱዋን መቴዳ ኦራꬃ አሳተꬃ ማይተ።
EPH 4:25 ስም ዎርዶቶፕተ። ኑን ኡባይ ክርስቶሳ አሳተꬃን እት አሳ ግድያ ድራዉ፥ አሳይ ኡባይ ባረ እሻዉ ቱሙዋ ሃሳያናዉ በሴ።
EPH 4:26 ሀንቀትተ፤ ሽን ህንተ ሀንቁዋን ናጋራ ኦꬆፕተ። ህንተ ሀንቁዋን ደእሽን፥ አዋይ ዉሎፖ።
EPH 4:27 ጻላሄዉ ጾእያ እሞፕተ።
EPH 4:28 ዉእያ ኡራይ ሀዋፐ ስንꬃዉ ዉኦፖ፤ ሽን ሄዋ አጊደ፥ ህዬሳቱዋ ማዳናዉ፥ ባረ ኩሽያን ሎኦባ ኦꬂደ ዳቡሮ።
EPH 4:29 ህንተ ሃሳያይ ስስያዋንታ ጎአና ማላ፥ ኮሽያዋዳን መንꬅያ ሎኦ ቃላይ ህንተ ዶናፐ ከሶፐ አትን፥ ኢታ ቃላይ ሙለካ ከሶፖ።
EPH 4:30 ጾሳይ ህንተና ዎዝያ ጋላሳዉ ህንተ አታመት ኡቴዳ ጾሳ ጌሻ አያና ካዮዮፕተ።
EPH 4:31 እጽያ ሀኖታ፥ ይሉዋ፥ ሀንቁዋ፥ ዋሱዋነ ጫሻ ኡባ ኢታተꬃ ኡባና ህንተፐ ꬋይስተ።
EPH 4:32 እቱ እቶ ኬክተነ ቃረትተ፤ ቃይ ጾሳይ ክርስቶሳ ባጋና ህንተንቶ አቶ ጌዳዋዳን፥ ህንተካ እቱ እቱዋ አቶ ጊተ።
EPH 5:1 ስም ጾሳይ ሲቅያ ናናቱዋዳን፥ አ ማላትተ።
EPH 5:2 ቃይ ክርስቶስ ኑና ሲቂደ፥ ባረ ሁጲያ ጾሳዉ ናሸችያ ያርሹዋዳንነ እሞታ ኦꬂደ እሜዳዋዳን፥ ህንተካ ሲቁዋን ደአናዉ በሴ።
EPH 5:3 ሽን ጾሳ ናናዉ በስያዋዳን፥ ህንተ ግዶን ዎሹምያዌነ ቱናተꬃ ኡባይ፥ ዎይ ሚሻ አሞትያዌ ሙለካ ስሰቶፖ።
EPH 5:4 ዬላይያዌነ ኤያ ሃሳያይ ዎይ ፓና ቅꬊ ህንተንቶ በሰናዋ ግድያ ድራዉ፥ ህንተ ማታን ኡባካ ደኦፖ፤ ህንተ ሄዋ ኡባ አጊደ፥ ጾሳ ጋላታናዉ በሴ።
EPH 5:5 ሀዋ ኤርተ፤ ኦንነ ዎሹምያዋ ዎይ ቱናባ ኦꬅያዋ፥ ዎይ ሚሻ አሞትያዋ ግዶፐ፥ ክርስቶሳ ካዉተꬃነ ጾሳ ካዉተꬃ ላታናዉ ዳንዳየና፤ ሚሻ አሞትያዌ ኤቃዉ ጎይንያዋፐ ዱማተና።
EPH 5:6 ህንተና ኦንነ ፓና ሃሳያን ጭሞፖ፤ አያዉ ጎፐ፥ ሀዋ ጋሱዋን ጾሳ ሀንቁ አዛዘተና አሳ ቦላ ያና።
EPH 5:7 ስም ሄዋ ማላ አሳና ዙፐቶፕተ።
EPH 5:8 አያዉ ጎፐ፥ ካሰ ህንተ ꬉማን ደኤድታ፤ ሽን ጎዳ ባጋና ሀእ ፖኡዋን ደኢታ፤ ፖኡዋን ደእያ አሳዳን ፖኡዋን ሀመትተ።
EPH 5:9 አያዉ ጎፐ፥ ፖኡ ሎኦተꬃ፥ ጽሎተꬃነ ቱማተꬃ ኡባ አይፌ።
EPH 5:10 ጎዳ ናሸችያባይ አየንቶ ታማርተ።
EPH 5:11 ጎእ ባይና ꬉማ ኦሱዋ ቆንጭስ በስተፐ አትን አናና ዋላከቶፕተ።
EPH 5:12 ኡንቱንቱ ጌማን ኦꬅያዌ ሀራይ አቶ ሃሳይያዌካ ፖኬ።
EPH 5:13 ሽን ኡባባይ ፖኡዋ ከስያ ዎደ፥ ቆንጭያን ቤታና፤ አያዉ ጎፐ፥ ቆንጭያን ቤትያ ኡባባይ ፖኡዋ።
EPH 5:14 ሄዋ ድራዉ፥ “ገምእሽያዎ፥ ቤጎታ፤ ሀይቁዋፐካ ደንዳ፤ ክርስቶስ ነዉ ፖእሳናዋ” ያጌ።
EPH 5:15 ስም ህንተ ዋን ደእንቶ አኬክተ፤ አꬌዳ ኤራተꬃና ደእያ አሳዳን ደእተፐ አትን፥ አꬌዳ ኤራተꬃይ ባይና አሳዳን ደኦፕተ።
EPH 5:16 ዎዲ ኢታ ግድያ ድራዉ፥ ህንተ ዎድያ ህንተዉ ዳንዳየቶዋዳን ሎኦተꬃዉ ጎኤትተ።
EPH 5:17 ሄዋ ድራዉ፥ ጎዳይ ኮይያዌ አየንቶ አኬክተፐ አትን፥ ኤያ ግዶፕተ።
EPH 5:18 ቃይ ህንተናን ጌሻ አያናይ ቃንጸናን ኩሞፐ አትን፥ ህንተና ባይዝያ ዎይንያ ግያ ኤሳ ኡሺደ ማꬆቶፕተ።
EPH 5:19 ማዝሙርያ የꬃን፥ ጋላቲደ የጽያዋንነ አያና የꬃን እቱ እቱዋና ሃሳይተ፤ ቃይ ጋላትያ የꬃንነ ማዝሙርያ የጽያዋን ህንተ ዎዛናን ጎዳ ጋላቲደ የጽተ።
EPH 5:20 ኑ ጎዳ የሱስ ክርስቶሳ ሱንꬃን፥ አዉዋ ጾሳ ኡባባዉ ኡባ ዎደ ጋላትተ።
EPH 5:21 ክርስቶሳዉ ያዪደ፥ እቱ እቶ ሞደትተ።
EPH 5:22 ማቼቶ፥ ጎዳዉ ሞደትያዋዳን፥ ህንተ አስናዉ ሞደትተ።
EPH 5:23 አያዉ ጎፐ፥ ክርስቶስ ዎሳ ጎለዉ ሁጰ ግድያዋዳን፥ አስናይካ ባረ ማቻትዉ ሁጰ፤ ቃይ ክርስቶስ ባረ ሁጲያን፥ ባረ ቦላ ግድያ ዎሳ ጎልያ አሽያዋ።
EPH 5:24 ሽን ዎሳ ጎሊ ክርስቶሳዉ ሞደትያዋዳን፥ ማቼቱ ቃይ ባረንቱ አስናዉ ኡባባን ሞደታናዉ በሴ።
EPH 5:25 አስናቶ፥ ክርስቶስ ዎሳ ጎልያ ሲቂደ፥ ባረ ሁጲያ እዝዉ እሜዳዋዳን፥ ህንተካ ህንተ ማቻቱዋ ሲቅተ።
EPH 5:26 እ ዎሳ ጎልያ ባረ ቃላንነ ሃꬃን ሜጭ ጌሺደ፥ ጾሳዉ ዱማያናዉ ሀዋ ኦꬄዳ።
EPH 5:27 ክርስቶስ ዎሳ ጎልያ ቅታይ ዎይ ዴሙዋ ጭꬍስያዌ ዎይ ሄዋ ማላትያዌ ባይናን፥ አ ኩመንꬃ ቦንቹዋና ጌሻነ ቦረተናዋ ኦꬂደ፥ ባረ ሁጰዉ ሺሻናዉ ኮዬዳ።
EPH 5:28 ስም ቃይ አስናይ ባረ ማቻቶ ባረ ቦላዳን ሲቃናዉ በሴ፤ ባረ ማቻቶ ሲቅያዌ ባረና ሲቄ።
EPH 5:29 አያዉ ጎፐ፥ ባረ ቦላ እጽያ አሳይ ሙለካ ባዋ፤ ሽን ክርስቶስ ዎሳ ጎልያ ሙዝያዋዳንነ ናግያዋዳን ኦንነ ባረ ቦላ ሙዜነ ናጌ።
EPH 5:30 አያዉ ጎፐ፥ ኑን አ ቦላ ዱማ ዱማ አሳተꬃ።
EPH 5:31 ጾሳ ማጻፋይ፤ “ሄዋ ድራዉ፥ አቱማዌ ባረ አዉዋነ ባረ ዳዮ አጊደ፥ ባረ ማቻትና እትፐ ደአና፤ ኡንቱንቱ ላኡካ እት አሹዋ ግዳና” ያጌ።
EPH 5:32 ሀ ጹራይ ዎልቃማ ቱማተꬃ፤ ሽን ታን ሀዌ ክርስቶሳባነ ዎሳ ጎልያባ ኦዴ ያጋይ።
EPH 5:33 ግዶፐካ፥ ቃይ አስናይ ሁጲያን ሁጲያን ማችያ ባረ ሁጲያዳን ሲቃናዉ በሴ፤ ማቻታካ ባረ አስና ቦንቻናዉ በሴ።
EPH 6:1 ናቶ፥ ህንተና የሌዳዋንቶ ጎዳ ቦንችያዋዳን አዛዘትተ፤ አያዉ ጎፐ፥ ሀዌ ኦꬃናዉ በስያዋ።
EPH 6:2 “ነዉ ኡባባይ ሎአናዳንነ ሳኣን ነ ላይꬃይ አዱቃናዳን፥ ነ አዉዋነ ነ ዳዮ ቦንቻ” ግያ አዛዙ ጾሳይ እማና ጌዳ ህዶታና ደእያ ኮይሮ አዛዙዋ።
EPH 6:4 አዋቶ፥ ህንተ ህንተ ናናቱዋ ጎዳ ሴራንነ ዞርያን ድችተፐ አትን፥ ኡንቱንታ ሀንቀꬆፕተ።
EPH 6:5 አይላቶ፥ ክርስቶሳዉ ኦꬅያዋዳን፥ ህንተ ጎዳቶ ያሻተꬃንነ ኮኮርሳን ሱረ ዎዛናፐ አዛዘትተ።
EPH 6:6 ጾሳይ ጌዳዋ ኦꬅያዋንቱዳን፥ ክርስቶሳ አይላቱዋዳን፥ ዎዛናፐ ኦꬅተፐ አትን፥ አሳ ናሸቻናዉ ኦꬅያዋዳን፥ አሳይ በኦ ጊደ ኦꬆፕተ።
EPH 6:7 አሳዉ ግደናን ጎዳዉ ኦꬅያዋዳን፥ ꬍበናን ዎዛናፐ ኦꬅተ።
EPH 6:8 አይለ ግድና ዎይ ዎማኑዋ ግድና፥ እ ኦꬅያ ሎኦ ኦሶ ኡባዉ ጎዳይ ሁጲያን ሁጲያን ዎይታናዋ ኤሪታ።
EPH 6:9 ጎዳቶ፥ ህንተ አይለቱዋ ናስያዋ አጊደ፥ ኡንቱንቶ ሄዋዳን ኦꬅተ፤ ህንተናነ ኡንቱንታ ጋꬅ ሞድያ ጎዳይ፥ ኦናነ ማድ ፕርደናዌ፥ ሳሉዋን ደእያዋ ኤሪታ።
EPH 6:10 ዉርሰꬃን፥ ጎዳንነ አ ዎልቃማ ዎልቃን ኡባ ዎደ ምንተ።
EPH 6:11 ጻላህያ ኢታ ጭሙዋ ተአናዉ ህንተ ዳንዳያና ማላ፥ ጾሳይ ህንተንቶ እምያ ኦላ ማዩዋ ኡባ ማይተ።
EPH 6:12 አያዉ ጎፐ፥ ኑን ቦላ ሳሉዋ ደእያ ኢታ አያና ዎልቃቱዋና፥ ሞድያዋንቱና፥ ጎዳተꬃይ ደእያዋንቱናነ ሀ ꬉማ ቢታ ሞድያዋንቱና ኦለትያዋፐ አትን፥ አሳና ኦለቶኮ።
EPH 6:13 ሄዋ ድራዉ፥ ኢታ ጋላሳን ተአናዉነ ቃይ ዉርሰꬃይ ጋካናዉ ዋቶዋፐ ጉይያን፥ ምን ኤቃናዉ ህንተ ዳንዳያና ማላ፥ ጾሳ ኦላ ሚሻ ኡባ ኦይቂተ።
EPH 6:14 ሄዋ ድራዉ፥ ጼሳን ሳቂያ ዳንጭያዋዳን ቱማተꬃ ዳንጪደ፥ ትራን ዎꬅያ ኦላ ሚሻዳን ጽሎተꬃ ማዪደ፥ ህንተ ገድያን ጫማ ዎꬅያዋዳን ሳሮተꬃ ምሽራቹዋ ቃላ ኦዳናዉ ጊጊደ፥ ምን ኤቂተ።
EPH 6:16 ሄ ኡባፐ አꬂደ፥ ጻላሂ የድያ ዎንዳፍያ ታማ ኡባ ቶይሳናዉ፥ አማኑዋ ኡባ ዎደ ጎንዳልያዳን ኦይቂተ።
EPH 6:17 አቶተꬃ ሁጲያን ዎꬅያ ብራታ ቆብያዳን ዎꬅተ፤ ቃይ ጌሻ አያና ማሻ ግዴዳ ጾሳ ቃላ ኦይቂተ።
EPH 6:18 ጾሳ ዎሲደነ አ ማዱዋ ኦቺደ፥ ኡባ ዎደ ጌሻ አያናን ጾሳ ዎስተ። ሄዋ ድራዉ፥ ምንተ፤ ሳለቶፕተ፤ ጌሻቱዋ ኡባዉ ጾሳ ኡባ ዎደ ዎስተ።
EPH 6:19 ቃይ ታን ያየናን ዎንጋላ ጹራ ኦዳናዉ፥ ጾሳይ ታ ዶና ዶዪደ፥ ሃሳይያዋ እማናዳን፥ ታዉካ ጾሳ ዎስተ።
EPH 6:20 ታን ሀእ ቃሹዋን ደኦፐካ፥ ሀ ዎንጋላ ድራዉ ታን ኪተቴዳዋ፤ ታን አባ ታዉ በስያዋዳን ያየናን ኦዳና ማላ፥ ታዉ ጾሳ ዎስተ።
EPH 6:21 ሽን ታን ዋና ደእንቶነ አያ ኦꬃይታንቶ ህንተካ ኤራናዳን፥ ኑ ሲቆ እሻይ፥ ጎዳ ኦሱዋን አማነቴዳ ቆማይ ትክቆስ፥ ታዋ ኡባ ህንተንቶ ኦዳናዋ።
EPH 6:22 ኑን ኡባይ ዋን ደእንቶ ህንተንቶ ኦዲደ፥ ህንተና ምንሳና ማላ፥ ታን አ ህንተኮ ኪታድ።
EPH 6:23 ጾሳ አዉዋፐነ ጎዳ የሱስ ክርስቶሳፐ ሳሮተꬃይነ ሲቆተꬃይ አማኑዋና እትፐ እሻቱዋ ኡባዉ ግዶ፤
EPH 6:24 ዶቼና ሲቁዋን ኑ ጎዳ የሱስ ክርስቶሳ ሲቅያ ኡባቱዋና ጾሳ አꬎ ኬካተꬃይ ግዶ። አመንእ።
PHI 1:1 ኑን የሱስ ክርስቶሳ ኦሳንቻቱ ጳዉሎስነ ጽሞቶስ፥ ክርስቶሳ የሱሳን ደእያዋንቶ፥ ፕልጵስዮሳ ግያ ካታማን ደእያ ጌሻቶ ኡባቶ፥ አማንያዋንታ ካለꬅያዋንቶነ ማድያዋንቶ ሀ ዳብዳቢያ ጻፌቶ።
PHI 1:2 ኑ አዉዋ ጾሳፐነ ጎዳ የሱስ ክርስቶሳፐ አꬎ ኬካተꬃይነ ሳሮተꬃይ ህንተንቶ ግዶ።
PHI 1:3 ታን ህንተና ሀሳይያ ዎደ ኡባን ታ ጾሳ ጋላታይ።
PHI 1:4 ህንተ ኮይሮ ጋላሳፐ ሀኖ ጋካናዉ፥ ምሽራቹዋ ቃላ ኦድያዋን ታና ማዴዳ ድራዉ፥ ታን ኡባ ዎደ ህንተንቶ ኡባዉ ናሸቻን ጾሳ ዎሳይ።
PHI 1:6 ቃይ ህንተንቱ ግዶን ሎኦ ኦሱዋ ዶሜዳ ጾሳይ፥ ክርስቶስ የሱስ ስምያ ጋላሳይ ጋካናዉ ፖላናዋ ኤራይ።
PHI 1:7 ታን ህንተንቶ ኡባዉ ሄዋዳን ቆፓናዉ በሴ፤ አያዉ ጎፐ፥ ታን ህንተና ኡባ ዎደ ሀሳያይ። ሀእ ታን ቃሹዋን ደእያዋንነ ዎንጋላዉ ሞተትያዋን፥ ቃይ ዎንጋላ ምንሳ ኤስያዋንነ፥ ጾሳይ ታዉ ካጬዳ ካጫ ህንተካ ታናና ግሽ አኬድታ።
PHI 1:8 አያዉ ጎፐ፥ ታን ህንተና ኡባቱዋ ክርስቶስ የሱሳፐ ይያ ሲቁዋን አይ ኬና ሲቅንቶ፥ ጾሳይ ታዉ ማርካ።
PHI 1:9 ቃይ ታን ህንተንቶ ጾሳ ዎስያዌ ሀዋ፤ ሎኦባ አያኔካ ዶራናዉ ህንተንቱ ዳንዳያናዳንነ፥ ቃይ ህንተንቱ ሲቁ ቱሙ ኤራተꬃናነ አኬካ ኡባና እትፐ ጉጅ ጉጅ ድጫናዳን፥ ጾሳ ዎሳይ፤ ያቲደ ክርስቶስ ስምያ ጋላሳን ህንተንቱ ሱረነ ፖኩ ባይናዋንታ ግዳና።
PHI 1:11 ቃይ ህንተንቱ ሸምፑካ ጾሳ ቦንቾነ ጋላታዉ የሱስ ክርስቶሳ ባጋና ቤትያ ጽሎተꬃ አይፍያ አይፋና።
PHI 1:12 ታናዳን ጾሳ ካልያዋንቶ፥ ሀ ታና ጋኬዳዌ ምሽራቹዋ ቃላይ አካናዳን ቱሙ ማዴዳዋ ህንተንቱ ኤራና ማላ ኮያይ።
PHI 1:13 ታን ክርስቶሳ ድራዉ ቃሸቴዳዋ፥ ካትያ ጎልያ ናግያ ኡባቱነ ሀዋን ደእያ ሀራቱ ኡባቱ ኤሪኖ።
PHI 1:14 ቃይ ታን ቃሸቴዳዌ ኑ እሻቱዋፐ ዳርያዋንቱ ጎዳን ሎይꬅ አማነቲደ፥ ጾሳ ቃላ ያሽ ባይናን ካሰዋፐ ጻሊደ ኦዳናዳን ማዴዳ።
PHI 1:15 ቱሙፐ እቱ እቱ ቃናትያ ድራዉነ ፓሉምያ ድራዉ፥ ክርስቶሳዋ ኦዲኖ፤ ሽን ሀራንቱ ሎኦ አሙዋን ኦዲኖ።
PHI 1:16 ሀዋንቱ ጾሳይ ታዉ ዎንጋላ ናግያ ኦሱዋ እሜዳ ድራዉ፥ ሲቂደ ቃላ ኦዲኖ።
PHI 1:17 ሽን የኮንቱ ታን ቃሹዋን ደእሽን፥ ታ ቦላ ዋይያ አሀናዋ ኡንቱንቶ ማላትና፥ ባረና ሲቅያ ዎልቃማ አሙዋን ክርስቶሳዋ ኦድኖፐ አትን፥ ዎዛናፐ ኦድክኖ።
PHI 1:18 አይነ ባዋ፤ ማላትስያ ኦዶነ ግዶ ዎይ ቱሙ ኦዶነ ግዶ፥ አይ ኦግያንነ ክርስቶሳዋ ኦዶፐ፥ ታን ሄዋን ናሸታይ። ስንꬃናዉካ ቃይ ታን ናሸታና።
PHI 1:19 አያዉ ጎፐ፥ ታን ህንተንቱ ዎሳንነ የሱስ ክርስቶሳ አያናፐ ይያ ማዱዋን አታናዋ ኤራይ።
PHI 1:20 ታ ዎልቃማ አሙነ ጾሳፐ አካና ጋደ ታን ናሸቻን ናግያ ናጉ አዬ ጎፐ፥ ታን ፓጻ ደእናካ ዎይ ሀይቂናካ ያየናን፥ ካሰዋዳን ሀእካ ታ ኩመንꬃ አሳተꬃን ክርስቶስ ቦንቼታናዋፐ አትን፥ ታን ሀራይ አቶ እትባንካ ዬላተናን አታናሳ።
PHI 1:21 አያዉ ጎፐ፥ ታዉ ደኡ ክርስቶሳ፤ ቃይ ሀይቁካ ታዉ ጎአ።
PHI 1:22 ሽን ታን ፓጻ ደእያዋን ዳሮ ጎእያዋ ኦꬃናዋ ግዶፐ፥ ሀቃዋ ዶራነንቶ ታዉ ኤረተና።
PHI 1:23 ታን ሀ ላኡ የዋቱዋን መቶታይ፤ ሀ ደኡዋፐ ሻከታናዉነ ቃይ ክርስቶሳና እትፐ ደአናዉ አሞታይ፤ ክርስቶሳና እትፐ ደእያዌ ኡባፐ አꬌዳ ዳሮ ሎኦባ።
PHI 1:24 ሽን ታን ሀይቂያዋፐ ህንተንቱ ድራዉ ፓጻ ደእያዌ ህንተና ዳሮ ኮሽያዋ።
PHI 1:25 ሀዌ ቱማ ግድያዋ ታን ጌሻደ ኤራይ፤ ቃይ አማኑዋን ህንተንቱ ድጫናዳንነ ናሸታናዳን፥ ታን ህንተናና ኡባና ፓጻ ደአና።
PHI 1:26 ሄዋ ድራዉ፥ ታን ህንተናና ላኤንꬁዋ ይያ ዎደ፥ ክርስቶሳ የሱሳና ህንተ ደእያ ደኡዋን፥ ታባን ጬቀትያባይ ህንተንቶ ዳራና።
PHI 1:27 ግዶፐካ፥ ህንተንቱ ህንተንቱ ሁጰዉ ክርስቶሳ ዎንጋላዉ በስያ ደኡዋ ደእተ፤ ታን ህንተና ባደ ዎይ በአና ꬋይና፥ ህንተንቱ እት ቆፋን ምኒደ ኤቄዳዋነ፥ ቃይ ዎንጋላ አማኖ እት ዎዛና ግዲደ እትፐ ባጸትያዋ ስሳና።
PHI 1:28 ህንተ ሞርከቶ አያንካ ያዮፕተ፤ ሄዌ ኡንቱንቶ ኡንቱንቱ ባሻ ꬊሽሴ፤ ሽን ጾሳይ ህንተና ጾንስያ ድራዉ፥ ህንተንቶ አቶተꬃ ꬊሽሴ።
PHI 1:29 አያዉ ጎፐ፥ ክርስቶሳዉ ኦꬅያ ካጫይ ህንተና ጋኬዳዌ ህንተንቱ አን አማናና ጻላላሳ ግደናን አ ድራዉ ዋይያካ አካናሳ።
PHI 1:30 ታን ካሰ ባጸትሽን ህንተንቱ በኤዳዋ ማላ ባጺነ ቃይ ሀእካ ታን ባጸትያዋ ህንተንቱ ስስያዋ ማላይ ህንተና ጋኬዳ።
PHI 2:1 ክርስቶሳን ህንተንቱ ደእያ ደኡ ህንተና ዎዛንꬂ? አ ሲቁ ህንተና መንꬂ? ጌሻ አያናና ህንተንቶ እትፐተꬃይ ደኢ? ህንተ እቱ እቶ ኬኪቴኔ ቃረቲቴ?
PHI 2:2 ያቶፐ፥ ህንተንቱ ቆፋን፥ ሲቁዋን፥ ዎዛናንነ ቆፋ ፖሉዋን እቱዋ ግዲደ፥ ታና ፖሎ ናሸችተ።
PHI 2:3 ህንተና ሲቅያዋን ዎይ ጬቀታናዉ ኮይያ መላ አሙዋን እትባነ ኦꬆፕተ፤ ሽን እቱ እቱዋፐ ꬎቃይ ያጊደ ቆፐናን፥ እቱ እቶ ህንተንቱ ሁጲያ ካዉሽተ።
PHI 2:4 ቃይ እቱ እቱዋ ጎእያዋ ኮያናፐ አትን፥ ህንተንቱ ሁጰ ጻላላ ጎእያዋ ኮዮፕተ።
PHI 2:5 ክርስቶሳ የሱሳን ደእያ ሀ አሽከተꬃ ቆፋይ ቃይ ህንተናንካ ደአናዉ በሴ።
PHI 2:6 እ ኡባ ዎደ ጾሳ ግዲደ ደኤዳ፤ ሽን እ ዎልቃን ጾሳ ኬና ግድያ ማታይ ደእያዋ በስያዋዳን ፓይድቤና።
PHI 2:7 ሽን እ ባረ ሸንያን ኡባባ አጊደ፥ አይልያ መታ አኬዳ፤ ቃይ አሳ ማላቲደ ቆንጬዳ።
PHI 2:8 እ ባረና ካዉሼዳ፤ ሀይቆ፥ ኡባ ሀራይ አቶ፥ ማስቃልያ ቦላ ሀይቃናዉካ አዛዘቴዳ።
PHI 2:9 ሄዋ ድራዉ፥ ጾሳይ አ ሎይꬅ ꬎቁ ꬎቁ ኦꬄዳ፤ ቃይ ሱንꬃ ኡባፐካ አꬍያ ꬎቃ ሱንꬃ አዉ እሜዳ።
PHI 2:10 ሄዋ ድራዉ፥ ሳሉዋንነ ሳኣን፥ ሳኣፐ ጋርሳን ደእያ ኡባይ፥ የሱሳ ሱንꬃ ቦንቻናዉ ጉልባታና።
PHI 2:11 ቃይ አሳይ ኡባይ የሱስ ክርስቶስ ጎዳ ያጊደ፥ ጾሳ አዉዋ ቦንቾ ማርካታና።
PHI 2:12 ሄዋ ድራዉ፥ ታ ዳባቶ፥ ታን ህንተናና ደእያ ዎደ ኡባን ህንተንቱ ታዉ አዛዘቴዳዋዳን፥ ሀእ ታን ህንተንቱ ማታን ደኤና ዎደካ፥ ህንተንቱ ካሰዋፐ አꬂደ ታዉ አዛዘታናዉ በሴ፤ ያሻተꬃንነ ኮኮርሳን ህንተንቱ አቶተꬃ ፖላናዉ ኦꬅተ።
PHI 2:13 አያዉ ጎፐ፥ ጾሳይ ህንተና ባረዉ ኤኖ ጊሳናዳንነ ቃይ እ ቆፔዳዋ ህንተንቱ ኦꬃናዳን ህንተንቱ ግዶን ኡባ ዎደ ኦꬄ።
PHI 2:14 ጌላነ ናጋራንቻ አሳ ግዶን ፖኩ ባይናዋንታ፥ ጌሻቱዋ፥ ጾሳ ናናቱዋዳንካ ፖኩ ባይናዋንታ ግድተ፤ ቃይ ዙዙመናን ዎይ ኢታባ ቆፐናን ኡባባ ኦꬅተ። ሄ አሳ ግዶንካ ሳሉዋን ፖእያ ጾልንትያዳን ፖኢደ፥
PHI 2:16 ደኡዋ ምሽራቹዋ ቃላ ኡንቱንቶ ኦድተ፤ ሄ ዎደ ታ ዳቡራይነ ታ ኦሱ መላ ꬋይቤናዌ ኤረትያ ድራዉ፥ ክርስቶስ ስምያ ጋላስ ታን ህንተናን ጬቀታና።
PHI 2:17 ሀራይ አቶ ህንተንቱ አማኑ ጾሳዉ ያርሽያ ያርሹዋ ቦላ ታ ሱꬃይ ኡሻ ያርሹዋዳን ጉኮፐካ፥ ታን ናሸታይ፤ ህንተናና ኡባና እትፐ ናሸታይ።
PHI 2:18 ሄዋዳን ህንተካ ቃይ ናሸታናዉ በሴ፤ ታናና እትፐ ናሸትተ።
PHI 2:19 ሽን ታን ህንተንቱ ደኡዋባ ስሳደ ናሸታናዳን፥ ጽሞቶሳ ህንተኮ ኤለካ የዳናዋ ጎዳ የሱሳን አማነታይ።
PHI 2:20 አያዉ ጎፐ፥ ህንተንቱ ደኡዋባዉ ዎዛናፐ ህርግያ አ ማላ አሳይ ሀራይ ኦንነ ታዉ ባዋ።
PHI 2:21 አያዉ ጎፐ፥ ሀራቱ ኡባቱ ባረንቱ ሁጰ ጎኣ ኮዪኖ፤ የሱስ ክርስቶሳዋ ኮይክኖ።
PHI 2:22 ሽን ናአይ ባረ አቡ ኦꬅያዋዳን፥ ጽሞቶስ ታናና እትፐ ግዲደ፥ ዎንጋላ ኦሱዋ ኦꬄዳዋን፥ አማነትያ አሳ ግድያዋ ኤርሴዳዋ ህንተንቱ ኤሪታ።
PHI 2:23 ሄዋ ድራዉ፥ ታን የዉ ሀንያዋ በኣደ፥ ኤለካ አ ህንተኮ የዳና ጋደ ቆፓይ።
PHI 2:24 ታን ታ ሁጰዉ ማታ ዎድያን ህንተኮ ባናዋ ጎዳን አማነታይ።
PHI 2:25 ሽን ታን ታ እሻ ኤፓፍሮድቶሳ፥ ታናና እትፐ ታ ባጋ ግዲደ ኦꬄዳዋ፥ ኦለቴዳዋነ፥ ቃይ ታና ማድያዋን ህንተንቶ ኪተቲደ ኦꬄዳዋ ህንተኮ ኪታናዉ ኮሽያዋ ቆፓድ።
PHI 2:26 አያዉ ጎፐ፥ እ ህንተና ኡባ በአናዉ ላሞቴ፤ ቃይ እ ሳከቴዳዋ ህንተንቱ ስሴዳ ድራዉ፥ ባረ ዎዛናን ዳሮ መቶቴ።
PHI 2:27 እ ቱሙ ሳከቲደ፥ ሀይቂ አቴዳ፤ ሽን ጾሳይ አዉ ቃረቴዳ፤ አ ጻላላዉ ግደናን ካዩ ካዩዋ ቦላ ጉጀተናዳን፥ ታዉካ ቃረቴዳ።
PHI 2:28 ስም ህንተንቱ ላኤንꬁዋ አ በኢደ ናሸታናዳን፥ ታዉካ ታ ዎዛና ካዩ እርጻናዳን፥ ታን ኤለካ አ ህንተኮ የዳና።
PHI 2:29 ሄዋ ድራዉ፥ ጎዳን ደእያ እሻዳን፥ ኩመንꬃ ናሸቻን አ ሞክተ፤ ቃይ አ ማላትያ አሳ ኡባካ ቦንችተ።
PHI 2:30 አያዉ ጎፐ፥ ህንተንቱ ህንተንቱ ሁጰዉ ታና ማዳና ዳንዳየና ማዱዋ ማዳናዉ፥ ክርስቶሳ ኦሱዋ ድራዉ፥ ባረ ሸምፑዋ ሸነኮ ጊደ፥ ሀይቂ አቴዳ።
PHI 3:1 ዉርሰꬃን፥ ታናዳን ጾሳ ካልያዋንቶ፥ ጎዳይ ህንተንቶ ናሸቻ እሞ። ታን ካሰ ጻፌዳዋ ዛረꬃደ ጻፍያዌ ታና ዋይሰና፤ ቃይ ሄ ጻፍያዌ ህንተና ናጋና።
PHI 3:2 ኢታባ ኦꬅያዋንቱፐ፥ ሄ ካናቱዋ ኤሻይ ደእያዋንቱፐ፥ ቃጻራይ ኮሼ ግያ አሳቱዋፐ ናገትተ።
PHI 3:3 አያዉ ጎፐ፥ ኑን ጾሳ ጌሻ አያናን ጾሳዉ ጎይንያ ድራዉነ ኑ ደኡዋን ጎዳ ክርስቶሳ የሱሳን ናሸትያ ድራዉ፥ ቱሙ ቃጻራ ቃጻረቴዳዋንታ፤ አሳተꬃ ቦላ ኦሰትያዋን አማኖኮ።
PHI 3:4 ቃይ ታዉ ታ ሁጲያንካ ታ አሳተꬃን አማነትያዌ ደኤ። አይ አሳይነ ባረ አሳተꬃን አማነትያዌ ባረዉ ደኤ ጊደ ቆፖፐ፥ ታን አፐ ሎይꬃ አꬋይ።
PHI 3:5 ታን የለቶደፐ ሆስፑንꬃ ጋላሳን ቃጻረታድ። ታን የለታን እስራኤልያ፤ ቢንያማ ዛረ፤ ዋላካይ ባይና አይሁዳ አሳ። አይሁዳ ህግያ ናግያዋን ግዶፐ፥ ታን ፓርሳዌ፤
PHI 3:6 አይሁዳ አማኖ ሴላ ግዶፐ፥ ታን አማንያዋንታ ዋይሳድ፤ እት ኡራይ ሙሴ ህገዉ አዛዘቲደ ጽልያዋ ባጋ ግዶፐ፥ ታናን ፖኮባይ ቤትቤና።
PHI 3:7 ሽን ታና ጎእያ ሄ ኡባባ ክርስቶሳ ድራዉ ባዬዳዋዳን ፓይዳይ።
PHI 3:8 ቱማካ፥ ሄዋንቱ ጻላላ ግደና፤ ታን ታ ጎዳ ክርስቶስ የሱሳ ኤርያዌ ኡባባፐ ሎይꬅ አꬍያ ድራዉ፥ ኡባባ ታና ሙለካ ጎኤናዋዳን ፓይዳይ፤ ታን አ ድራዉ ኡባባ የጋ ባሻድ። ክርስቶሳ ደማናዉነ አናና ደአናዉ ኡባባ ዎራ ኦሌዳዋዳን ፓይዳይ፤ ታን ሙሴ ህገዉ አዛዘታደ ደምያ ታ ሁጰ ጽሎተꬃይ ታዉ ባዋ። ክርስቶሳ አማንና፥ ጾሳይ እምያ ጽሎተꬃይ፥ አማኑዋን ጾሳ ማታፐ ይያ ጽሎተꬃይ ታዉ ሀእ ደኤ።
PHI 3:10 ታን ክርስቶሳነ አ ደንዱዋ ዎልቃ ኤራናዉ ኮያይ፤ ያታደ ታን ታ ሁጰዉ ሀይቁዋፐ ደንዳና ያግያዋን፥ አ ዋይያ አናና ዋየታናዉነ አ ሀይቁዋን አ ማላታናዉ አሞታይ።
PHI 3:12 ታን ሀእ ደማ ድጋድ ዎይ ታናን ባል ባዋ ጊከ። ሽን ክርስቶስ የሱስ ታና ባረዉ ኦꬄዳ ዎይታ ደማና ጋደ ኤሌላይ።
PHI 3:13 ታናዳን ጾሳ ካልያዋንቶ፥ ታን ሄዋ ደማ ድጋድ ጋደ ቆፕከ፤ ሽን ታን እትባ ኦꬃይ፤ ታፐ ጉየና ደእያዋ ዶጋደ ስንꬃን ደእያዋ ኦይቃናዉ ዋታይ።
PHI 3:14 ጾሳይ ክርስቶስ የሱሳ ባጋና ቦላ ደኦ ጼስያ ዎይታ አካናዉ፥ ታ ጋካናዉ ዎጻይ።
PHI 3:15 ስም ኑን አያናን ምኔዳዋንቱ ኡባቱ ሀዋ ቆፓናዉ በሴ፤ ቃይ ህንተፐ አማሬዳዋንቶ አያንነ ዱማ ቆፋይ ደኦፐ፥ ሄዋካ ጾሳይ ህንተንቶ ቆንጭሳና።
PHI 3:16 ግዶፐካ፥ ኑን ሀኖ ጋካናዉ ደኤዳ ማራዳን፥ አነ ስንꬃዉ ሄ ማራ ካሎይተ።
PHI 3:17 ታናዳን ጾሳ ካልያዋንቶ፥ ታን ሀንያዋዳን ሀንተ። ኑን ህንተንቶ ሌምሱዋ ግዴዶ፤ ሄዋዳን ህንተካ ኑን ህንተንቶ ሌምሱዋ ግዴዳ ማራ ካልያዋንታ አኬክተ።
PHI 3:18 አያዉ ጎፐ፥ ታን ሄዋ ህንተንቶ ካሰ ጮራቶ ኦዳድ፤ ቃይ ሀእ ላኤንꬁዋካ አፎጻደ ህንተንቶ ኦዳይ፤ ክርስቶስ ማስቃልያ ቦላ ምስማርያን ꬍሸቲደ ሀይቄዳዎ ባረንቱ ሸምፑ ባረና ሞርከ ኦꬄዳ ዳሮ አሳቱ ደኢኖ።
PHI 3:19 ኡንቱንቱ ዉርሰꬃይ ባሻ፤ ኡንቱንቱ ኡሉ ኡንቱንቶ ጾሳ፤ ዬላታናዉ በስያዋን ኡንቱንቱ ኦቶረቲኖ፤ ቃይ ሀ ሳኣባ ጻላላ ቆፒኖ።
PHI 3:20 አያዉ ጎፐ፥ ኑ ቢታይ ሳሉዋና፤ ኑን ቃይ ሳሉዋፐ ያና ኑና አሽያ ጎዳ የሱስ ክርስቶሳ ናጌቶ።
PHI 3:21 ክርስቶስ ኡባባ ባረፐ ጋርሳን ዎꬃናዉ ዳንዳይያ ባረ ዎልቃን፥ ኑ ዳቡራንቻ አሳተꬃ ላሚደ፥ ባረ ቦንቾ አሳተꬃ ማላትሲደ ኦꬃና።
PHI 4:1 ታናዳን ጾሳ ካልያዋንቶ፥ ታን ሲቅያዋንቶ፥ ላሞትያዋንቶ፥ ታና ናሸችያዋንቶ፥ ታና ꬎቁ ኦꬅያዋንቶ፥ ታ ዳባቶ፥ ስም ጎዳን ህንተንቱ ምን ኤቃናዉ በሴ።
PHI 4:2 ኤዎደነ ስንጺኬ፥ ህንተንቱ ላኡካ ቆፋን እቱዋ ግዲደ፥ ጎዳን ደአናዳን፥ ታን ህንተና ዞራይ።
PHI 4:3 ቃይ ታናና ኦꬅያ አማነቴዳዎ፥ ኔን ሀ ማጫ አሳቱዋ ማዳናዳን፥ ታን ኔና ዎሳይ፤ አያዉ ጎፐ፥ ኡንቱንቱ ታናናነ ኡንቱንቱ ሱንꬃይ ጾሳ ደኡዋ ማጻፋን ጻፈቴዳ ቃለምንጾሳና ቃይ ታናና እትፐ ኦꬅያ ሀራቱዋ ኡባና ዎንጋላ ኡባሳ ጋꬃናዉ ዳቡሬድኖ።
PHI 4:4 ጎዳና ህንተንቱ ደእያ ደኡዋን ኡባ ዎደ ናሸትተ፤ ታን ሀዋ ጉጃደካ ጋይ፤ ናሸትተ።
PHI 4:5 አሳይ ኡባይ ህንተንቱ አሽከተꬃ ኤሮ፤ ጎዳይ ማታን ያና።
PHI 4:6 ጾሳ ህንተንቱ ዎስያ ዎሳ ኡባን አ ሎይꬅ ጋላቲደ፥ ህንተና ኮሽያዋ ኡባዉ ዎስተፐ አትን፥ እትባዉካ ህርጎፕተ።
PHI 4:7 ቃይ አሳ ኤራተꬃ ኡባፐ አꬍያ ጾሳ ሳሮተꬃይ ህንተንቱ ዎዛናነ ህንተንቱ ቆፋ ጎዳ የሱስ ክርስቶሳ ባጋና ናጋና።
PHI 4:8 ዉርሰꬃን፥ ታናዳን ጾሳ ካልያዋንቶ፥ ህንተንቱ ዎዛናን ሎኦባነ ጋላትስያዋ ቆፕተ፤ ቱማ ግድያባ ኡባ፥ ቦንችስያዋ ኡባ፥ ባይዙዋ ግደናባ ኡባ፥ ጌሻባ ኡባ፥ ሲቁዋ ኡባ፥ ሱረ ግድያባ ኡባ ቆፕተ።
PHI 4:9 ህንተንቱ ታፐ ታማሬዳዋ፥ አኬዳዋ፥ ስሴዳዋነ በኤዳዋ ኡባ ኦꬅተ፤ ቃይ ኑዉ ሳሮተꬃ እምያ ጾሳይ ህንተናና እትፐ ግዳናዋ።
PHI 4:10 ሽን ዳሮ ዎድያፐ ጉይያን፥ ሀእ ህንተንቱ ታዋ ላኤንꬁዋ ቆፓናዉ ዶሜዳ ድራዉ፥ ታን ጎዳን ሎይꬃ ናሸታይ፤ ታዉ ቆፓናዉ ህንተንቶ እንጀተናን እጼዳዋፐ አትን፥ ታዉ ቆፋ ቆፒታ።
PHI 4:11 ታን ሀዋ ታና መቴዳ ድራዉ ጊከ፤ አያዉ ጎፐ፥ ታዉ ደእያባይ ታዉ ግዳና ግያዋ ታን ታማራድ።
PHI 4:12 ታን መቶቲደ ዎት ደአነንቶ ኤራይ፤ ቃይ ዱረቲደ ደእያዌካ አየንቶ ኤራይ፤ ሀቃን ግድናካ አዉደ ግድናካ፥ ታን ካሉዋነ ኮሻ ቃይ ፓጫነ ፓላሃ ታማራድ።
PHI 4:13 ክርስቶስ ታዉ እሜዳ ዎልቃን፥ ኡባባ ኦꬃናዉ ታን ዳንዳያይ።
PHI 4:14 ግዶፐካ፥ ህንተንቱ ታ መቱዋ ታናና መቶቲደ ዳሮ ሎይꬄድታ፤
PHI 4:15 ፕልጵስዮሳ አሳዉ፥ ዎንጋላ ምሽራቹ ኮይሮ ህንተ ግዶን ኦደቴዳ፤ ሽን ታን ማቅዶንያፐ ከሴዳ ዎደ፥ ታና አማንያ ህንተንቱፐ አትን፥ ሀራይ ማድቤናዋ ህንተንቱ ህንተንቱ ሁጰዉ ኤሪታ፤ ቃይ እምያባንካ አክያባንካ ህንተፐ አትን፥ ሀራይ ታና ማድቤና።
PHI 4:16 አያዉ ጎፐ፥ ታና መቱ ኦይቄዳ ዎደ፥ ሀራይ አቶ ታን ተሰሎንቀን ደእሽንካ ታና ዛር ዛሪደ ማዴድታ።
PHI 4:17 ታን ህንተዋ ቦላ ሀራባይ ጉጀታናዋ ኮይያዋፐ አትን፥ ዎይታ ጻላላ አካናዉ ኮይከ።
PHI 4:18 ሽን ታን ህንተንቱ እሜዳዋ ኡባ አካድ፤ ቃይ ታዉ ፓላሂደ ግድያዌ ደኤ። ህንተ ኪቴዳ ኡባባ ኤፓፍሮድቶሳፐ አካድ፤ ኮሽያ ኡባይ ታዉ ደኤ። ህንተ ታዉ ኪቴዳ እሙ ጾሳዉ ሳዉዋ ቶሽኩ ግያነ እ ዶስያ፥ አ ናሸችያ ያርሹዋ ማላ።
PHI 4:19 ቃይ ታ ጾሳይ ባረ ቦንቾ ዱረተꬃ ዳሩዋን ክርስቶስ የሱሳ ባጋና ህንተና ኮሽያዋ ኡባ ህንተንቶ እማና።
PHI 4:20 ኑ ጾሳዉ፥ ኑ አዎ መꬍናፐ መꬍና ጋካናዉ ቦንቹ ግዶ። አመንእ።
PHI 4:21 ክርስቶስ የሱሳዋ ግድያ ጾሳ አሳቱዋ ኡባቱዋ ሳሮ ጊተ። ታናና ሀዋን ደእያ እሻቱ ህንተና ሳሮ ጊኖ።
PHI 4:22 ሀዋን ደእያ ጾሳ አሳቱዋ ኡባቱ፥ ኡባፐካ አꬂደ ካትያ ቄሳረ ጎልያን ደእያዋንቱ ህንተና ሳሮ ጊኖ።
PHI 4:23 ኑ ጎዳ የሱስ ክርስቶሳ አꬎ ኬካተꬃይ ህንተናና ግዶ።
COL 1:1 ታን ጳዉሎስ፥ ጾሳ ሸንያን ክርስቶስ የሱስ ኪቴዳዋ ግዴዳዌነ ኑ እሻይ ጽሞቶስ፥
COL 1:2 ቆላስያሳ ግያ ካታማን ደእያ ጾሳ ናናቶ፥ ክርስቶሳን አማነቴዳ እሻቶ ሀ ዳብዳቢያ ጻፌቶ። ጾሳ ኑ አዉዋፐነ ጎዳ የሱስ ክርስቶሳፐ፥ አꬎ ኬካተꬃይነ ሳሮተꬃይ ህንተንቶ ግዶ።
COL 1:3 ኑን ህንተንቶ ዎሲደ፥ ኑ ጎዳ የሱስ ክርስቶሳ አዉዋ፥ ጾሳ ኡባ ዎደ ጋላቴቶ።
COL 1:4 አያዉ ጎፐ፥ ኑን ክርስቶስ የሱሳ ህንተንቱ አማንያዋነ ጾሳ አሳቱዋ ኡባ ሲቅያዋ ስሴዶ።
COL 1:5 ቱሙ ኪታይ ዎንጋላይ ኮይሮ ህንተኮ ዬዳ ዎደ፥ ጾሳይ ስንꬃፐ እማና ጌዳዋ ስሴድታ። ስም ህንተንቱ አማኑነ ሲቁ ሳሉዋን ጊጊደ ናግያ፥ ጾሳይ ስንꬃፐ እማና ጌዳዋን ዶመቴዳ።
COL 1:6 ሄ ዎንገሊ ህንተኮ ጋኬዳ፤ ህንተንቱ አ ስሶደፐነ ጾሳ አꬎ ኬካተꬃ ቱማተꬃን ኤሮደፐ ዶሚደ፥ ህንተንቱ ግዶን ደእያዋዳንካ፥ ቢታ ኡባን አንጁዋ አሄነ ኡባሳ አኬ።
COL 1:7 ህንተንቱ ሄዋ ኑናና እትፐ ቆማ ግዴዳ ሲቆ ኤፓፍራፐ ታማሬድታ፤ እ ኑ ድራዉ ክርስቶሳዉ አማነቲደ ኦꬅያዌ፥
COL 1:8 ጾሳ አያናን ሀራቱዋ ህንተንቱ ሲቅያዋ ኑዉ ኦዴዳ።
COL 1:9 ሄዋ ድራዉ፥ ኑን ቃይ ሄዋ ስሴዳ ጋላሳፐ ዶሚደ፥ ጾሳይ ህንተንቶ ባረ ሸንያ ኤርያ ኤራተꬃ፥ ጾሳ አያናይ እምያ አꬌዳ ኤራተꬃናነ አኬካና እትፐ ኩንꬂደ እማናዳን፥ ኡባ ዎደ ባለናን ጾሳ ዎሴቶ።
COL 1:10 ሄዋፐ ጉይያን፥ ጎዳይ ኮይያዋዳን ህንተንቱ ደአናዉነ፥ ኡባ ዎደ አ ናሸችያባ ኦꬃናዉ ዳንዳያና፤ ህንተንቱ ኦꬅያ ሎኦ ኦሱዋ ኡባን ህንተንቱ ደኡ ጎአና ደእያዋ ግዳናዋ፤ ቃይ ጾሳ ኤርያዋን ድጭ ድጭ ባንታ።
COL 1:11 ህንተንቱ ኡባባን ናሸቻን ገንጫናዳንነ ዳንዳያናዳን፥ ጾሳይ ባረ ቦንቹዋ ግታተꬃዳን እምያ ዎልቃ ኡባን ምንተ።
COL 1:12 ቃይ ጾሳ ናናቶ ጊጌዳ ፖኦ ካዉተꬃ ላታናዉ፥ ኑና ዳንዳይሴዳ ጾሳ አዉዋ ጋላትተ።
COL 1:13 እ ኑና ꬉማ ዎልቃፐ አሺደ፥ ባረ ሲቅያ ናኣ ካዉተꬃኮ ፕንꬄዳ።
COL 1:14 ቃይ እ ባረ ናኣን ኑና ዎዚደ፥ ኑ ናጋራ አቶ ጌዳ።
COL 1:15 ክርስቶስ ቤተና ጾሳ ቆንጭስያዋ፤ እ መቴዳዋ ኡባፐ አꬍያ ባይራ ናኣ።
COL 1:16 አያዉ ጎፐ፥ ኡባባይካ አን መቴዳ፤ ቤትያዋንቱ፥ ቤተናዋንቱ፥ አያናቱዋፐ ቤትያ ዎልቃይነ ጎዳተꬃይ፥ ꬎቃተꬃይነ ማታይ፥ ሳሉዋንነ ሳኣን ደእያ ኡባባይካ አንነ አዉ መቴዳ።
COL 1:17 እ ኡባባፐ ካሰ ደኤዳ፤ ኡባባይካ አን ባረ ሳኣ ሳኣ ኦይቂደ ደኤ።
COL 1:18 እ ባረ ሁጰዉ፥ ዎሳ ጎለዉ ሁጰነ ደኦ፤ እ ኡባፐ ቦላ ግዳና ማላ፥ ካሰቲደ ሀይቁዋፐ ደንዴዳ ባይራ ናኣ ግዴዳ።
COL 1:19 አያዉ ጎፐ፥ ጾሳይ ኮዬዳዋዳን፥ አን ጾሳተꬃ ኩመንꬃይ ደኤ።
COL 1:20 ያትና ጾሳይ ክርስቶሳ ባጋና ኡባባ ባረናና ስገꬃናዉ የዉዋ ቃቼዳ፤ ባረ ናአይ ማስቃልያ ቦላን ጉሴዳ ሱꬃን ሳሉዋንነ ሳኣን ደእያ ኡባባ ባረናና ስገꬄዳ።
COL 1:21 ሀዋፐ ካሰ፥ ህንተንቱ ኢታባ ቆፔዳ ድራዉነ ኦꬄዳ ድራዉ፥ ጾሳፐ ሻከቲደ፥ አናና ሞርከቴድታ።
COL 1:22 ሽን ጾሳይ ሀእ ህንተንታ ፖኮባይ ባይናዋንታነ ቃይ ጌሻቱዋ ኦꬂደ፥ ባረ ስንꬃ ሺሻናዉ፥ ባረ ናኣ ሀይቄዳዋ አሳተꬃን ባረናና ህንተንታ ስገꬄዳ።
COL 1:23 ሄዌ ህንተንቱ ቱሙ አማኑዋን ምን ኤቂደ፥ ምሽራቹዋ ቃላ ስሲደ፥ ስንꬃፐ አካና ጌዳዋፐ ቃጸናን ምኒደ ደኦፐ ሀናና፤ ሄ ዎንጋላ ምሽራቹ ሳኣን ደእያ መታ ኡባ ማታን ኦደቴዳ። ታን ጳዉሎስካ ምሽራቹዋ ቃላ ኦድያዋ ግዳድ።
COL 1:24 ታን ህንተንቶ ዋየቴዳ ድራዉ፥ ሀእ ናሸታይ፤ ክርስቶስ ባረ ሁጰዉ፥ ሄዋ ግያዌ ዎሳ ጎለዉ፥ ዋየትሽን ፓጬዳዋ ታን ታ ቦላ ሳኩዋን ኩንꬃይ።
COL 1:25 ጾሳይ ታና ህንተንታ ማድያዋነ አ ቃላ ፖላደ ኦድያ ቆማተꬃ ኪታ ታዉ እሜዳ።
COL 1:26 ሀ ቃላይ ሀዋፐ ካሰ ባጋ ኡባን፥ አሳ ኡባዉ ኤረተናን ጌሚደ ደኤ፤ ሽን ባረና አማንያዋንቶ ጾሳይ ሀእ ቆንጭሴዳ።
COL 1:27 ጾሳይ አይሁዳ ግደና አሳዉ ዎꬄዳ ሀ አሳዉ ቆንጭቤና ቦንቹዋነ ዱረ የዉ አየንቶ ጌሻቱዋ ኤርሳናዉ ኮዬዳ፤ ሀ አሳዉ ሀእ ቆንጬዳዌ አዬ ጎፐ፥ ክርስቶስ ህንተንቱን ደእያዋ፤ ሄዋ ግያዌ ጾሳ ቦንቹዋ አናና ህንተንቱ አካናዋ።
COL 1:28 ሄዋ ድራዉ፥ ኑን አሳ ኡባዉ ክርስቶሳዋ ኦዴቶ፤ አሳ ኡባ ክርስቶሳን ኩመንꬃ አሳ ኦꬂደ፥ ጾሳኮ ሺሻና ማላ፥ ኑዉ አꬌዳ ኤራተꬃ ኡባን ህንተንታ ሴረቶነ ታማርሴቶ።
COL 1:29 ታን ሀዋ ፖላናዉ፥ ታናን ኦꬅያ ክርስቶስ ታዉ እምያ ዎልቃን ባጸታይነ ዳቡራይ።
COL 2:1 ታን ህንተንቶነ ሎዶቅያ ግያ ካታማን ደእያ አሳቶነ ቃይ ታና በእቤና አማንያዋንቶ ኡባቶ አይ ኬና ባጸታድታንቶ ህንተንቱ ኤራና ማላ ኮያይ።
COL 2:2 ኡንቱንቱ ዎዛናይ ምናና ማላ፥ ሲቁዋን እትፐ ግዲደ፥ ቱሙ አኬካን ቤትያ ዱረተꬃ ኡባ ኡንቱንቱ አካና ማላነ ቃይ ኡንቱንቱ ጾሳይ አሳዉ ቆንጭስቤናዋ፥ ክርስቶሳ አ ሁጰዉ ኤራና ማላ፥ ታን ዳቡራይ።
COL 2:3 ጌማን ጾሳይ ምንጄዳ ኤራይነ አꬌዳ ኤራተꬃይ ኡባይ አን ደኤ።
COL 2:4 ኦንነ ህንተንታ ጭምያ ቃላን ባለና ማላ፥ ታን ህንተንታ ሀሳይሳይ።
COL 2:5 አያዉ ጎፐ፥ ታን ህንተንቱ ማታፐ ሃካደ ደኦፐካ፥ አያናን ህንተንቱና ደአይ፤ ህንተንቱ ደእያ ማራነ ክርስቶሳ ህንተንቱ ምኒደ አማንያዋ በኣደ ናሸታይ።
COL 2:6 ስም ህንተንቱ ጎዳ ክርስቶስ የሱሳ አኬዳዋዳን፥ አን ደእተ።
COL 2:7 አን ጻጱዋ የዲደ ድጭተ፤ ህንተንቱ ታማሬዳዋዳን አማኑዋን ምንተ፤ ጾሳ ኡባ ዎደ ጋላትተ።
COL 2:8 ክርስቶሳፐ ግደና ትምርትያን፥ ሀ ሳኣ ሞድያ አያናቱዋ ትምርትያንነ፥ አሳፐ ዬዳ ኤራተꬃን፥ ቃይ መላ ጭሙዋን ህንተንታ ኦንነ ኦሞደና ማላ ናገትተ።
COL 2:9 አያዉ ጎፐ፥ ክርስቶሳ አሳተꬃ ቦላን ጾሳተꬃ መታ ኩመንꬃይ ደኤ።
COL 2:10 ቃይ ኡባ አያናቱዋ ካፖተꬃዉነ ጎዳተꬃዉ ኡባዉ ሁጰ ግድያ ክርስቶሳፐ ኩመንꬃ ደኡዋ ደሜድታ።
COL 2:11 ህንተንቱ ክርስቶሳና እት አሳ ማላ ግዲደ፥ አሳ ቃጻራ ማላ ግደናን፥ ህንተንቱ ናጋራንቻ መታ ድግያ ቃጻራ፥ ሀዌካ አሹዋ ቃጻራ ግደናን ክርስቶስ ኦꬄዳዋ።
COL 2:12 ህንተንቱ ጻማቀቴዳ ዎደ፥ ክርስቶሳና ሞገቲደ፥ ክርስቶሳ ሀይቁዋፐ ደንꬄዳ ጾሳ ዎልቃ አማኔዳ ድራዉ፥ ኦራꬃ ደኦ ጽንቃታን ክርስቶሳና እትፐ ደንዴድታ።
COL 2:13 ህንተንቱ ህንተንቱ ናቁዋንነ ህንተንቱ ኤጫ አሳተꬃ ቃጻረተናን አጌዳዋን ሀይቂደ ደእያ ዎደ፥ ጾሳይ ህንተንቱ ናቁዋ አቶ ጊደ፥ ክርስቶሳና ህንተንታ ፓጻ ዎꬄዳ።
COL 2:14 ኑና እጽያ፥ አጩዋ ፓራማ አ ጫቁዋና እትፐ ጾሳይ ዳኬዳ፤ ማስቃልያ ቦላን ꬍሺደ፥ ኦግያፐ ድጌዳ።
COL 2:15 ክርስቶስ ሄ ማስቃልያን ካፓቱዋፐነ ጎዳቱዋፐ ዎልቃ ዎꬅ አኪደ፥ ባረ ጾኑዋነ ኦሞደቴዳዋንታ ቆንጭያን በሴዳ።
COL 2:16 ሄዋ ድራዉ፥ ሙሳን ዎይ ኡሻን፥ ባላ ጋላሳ ዎይ አገናይ ጼርያ ዎድያ ቦንችያዋን፥ ዎይ ሳምባታ ቦንችያዋን፥ ኦንነ ህንተንቱ ቦላ ፕርዶፖ።
COL 2:17 ሀዋንቱ ስንꬃፐ ያና የዋቶ ኤሹዋ፤ ሽን ቱማተꬃይ ክርስቶሳዋ።
COL 2:18 ዎርዱዋ አሽከ ማላታናዉነ ኪታንቻዉ ጎይናናዉ ኮይያዌ፥ በእቤናዋ ሳጻን በኣድ ጊደ ኦቶረትያዌ፥ አሳተꬃ ቆፋን ጮ አይያዌ፥ ኦንነ ህንተንቱ ቦላ ፕርዶፖ።
COL 2:19 ሄዋ ማላ አሳይ ሁጰ ግድያ ክርስቶሳ ምንስ ኦይቄዳዋ ለፕሴ። ቦላ ኡባይ ሄ ሁጲያፐ ዎልቃ ደሚደ፥ ቦላን ደእያ ኩርያናነ ጻጱዋና እትፐ ኦይቀቲደ፥ ጾሳይ ድችያ ድሹዋዳን ድጬ።
COL 2:20 ህንተንቱ ሀ ሳኣ ሞድያ አያናቱዋፐ ሃኪደ፥ ክርስቶሳና ሀይቄድታ፤ ያትና፥ አያዉ ሀ ሳኣ ዎጋን ደእያ አሳዳን ደኢቴ? “ኦይቆፓ፤ ባራ በኦፓ፤ ቦቾፓ” ያግያ ህገቶ አያዉ አዛዘቲቴ?
COL 2:22 ሀ ኡባባይካ አሳይ መꬌዳ ህገነ ትምርተ ግድያ ድራዉ፥ ዎድያፐ ጉይያን ꬋያና።
COL 2:23 ኡንቱንቱ ኪታንቻዉ ጎይንያዋንነ ዎርዱዋ አሽከ ማላትያዋን ቃይ ባረንቱ አሳተꬃ ግልቂስያዋን አꬌዳ ኤራንቻ ማላቲኖ፤ ሽን አሹዋ አሙዋ ድጋናዉ ጎኤና።
COL 3:1 ስም ህንተንቱ ክርስቶሳና ሀይቁዋፐ ደንዴዳዋ ግዶፐ፥ ጾሳፐ ኡሸቻ ባጋና ኡቴዳ ክርስቶስ ደእያ ሳን ሳሉዋን ደእያዋ ምንስ ኮይተ።
COL 3:2 ሳሉዋን ደእያዋ ህንተንቱ ቆፓናፐ አትን፥ ሳኣን ደእያዋ ቆፖፕተ።
COL 3:3 አያዉ ጎፐ፥ ህንተንቱ ሀይቄድታ፤ ቃይ ህንተንቱ ሸምፑ ጾሳን ክርስቶሳና ጌሜዳ።
COL 3:4 ህንተዉ ደኦ ግዴዳ ክርስቶስ ቆንጭያ ዎደ፥ ሄ ዎደ ህንተካ አናና ቦንቹዋን ቆንጫና።
COL 3:5 ሄዋ ድራዉ፥ ህንተንቱን ደእያ ሀ ሳኣ አሞቱዋ ዎꬍተ፤ ሄዋንቱካ ዎሹምያዋ፥ ቱናተꬃ፥ ዎሹማናዉ ኮይያዋ፥ ኢታ አሙዋ፥ ሚሻ አሞትያዋ። ዮራንቻ ግዱሳይ ኤቃዉ ጎይንያዋፐ ዱማተና።
COL 3:6 ሀዋንቱ ጋሱዋን፥ ጾሳይ አዛዘተና አሳቱዋ ሀንቀታናዋ።
COL 3:7 ካሰ ህንተንቱ ሀ ኢታ ቆፋቱዋን ደእያ ዎደ ኡንቱንቱን ሞደቴድታ።
COL 3:8 ሽን ሀእ ህንተንቱ ቃይ ሀንቁዋ፥ ይሉዋ፥ እጹዋ፥ ህንተንቱ ዶናፐ ከስያ ጫሻነ ዬላይያ ሃሳያ ሀዋንታ ኡባ ህንተፐ ꬋይስተ።
COL 3:9 እቱ እቶ ዎርዶቶፕተ፤ አያዉ ጎፐ፥ ናጋራንቻ መታ አ ኦሱዋና ህንተፐ ꬋይስ ድጊደ፥
COL 3:10 ጾሳይ፥ አ መꬌዳዌ፥ ባረና ማላትሳናዉነ ባረዉ ደእያ ኤራተꬃ ኡባ እማናዉ፥ ኡባ ዎደ ኦራꬅያ ኦራꬃ መታ ማዬድታ።
COL 3:11 ሀ ኦራꬃ መታን፥ ግሪከ አሳ ዎይ አይሁዳ አሳ፥ ቃጻረቴዳዋ ዎይ ቃጻረትቤናዋ፥ እማꬃቱዋነ አይነ ታማርቤናዋ፥ አይልያ ዎይ ዎማኑዋ ጊደ ሻክያባይ ባዋ፤ ሁጰ አላሊ ክርስቶሳ፤ እ ኡባንካ ደኤ።
COL 3:12 ሄዋ ድራዉ፥ ጾሳይ ዶሬዳዋንቱዳን፥ ጌሻነ ሲቅያዋንታ ግዲደ፥ ማሮተꬃ፥ ቃረታ፥ ኬካተꬃ፥ ህንተንቱ ሁጲያ ካዉሽያዋ፥ አሽከተꬃነ ዳንዳያ ማይተ።
COL 3:13 እቱ እቱዋዋ ዳንዳይተ፤ ኦንነ ባረ ላግያ ቦላ ሀንቀቴዳዌ ደኦፐ፥ እቱ እቶ አቶ ያጎ። ክርስቶስ ህንተንቶ አቶ ጌዳዋዳን፥ ህንተካ አቶ ጊተ።
COL 3:14 ሄዋ ኡባ ቦላ፥ ኡባባ እትፐ ሺሽ ቃችያ ሲቁዋ ማይተ።
COL 3:15 ክርስቶስ እምያ ሳሮተꬃይ ህንተንታ ሞዶ፤ አያዉ ጎፐ፥ ጾሳይ ህንተንታ እት አሳ ኦꬂደ፥ ሄ ሳሮተꬃዉ ጼሴዳ ጾሳ ጋላትተ።
COL 3:16 ክርስቶሳ ቃላይ ህንተንቱ ዎዛናን ኩሚደ ደኦ፤ ህንተንቶ ደእያ አꬌዳ ኤራተꬃ ኡባን እቱ እቱዋ ታማርስተነ ዞርተ፤ ህንተንቱ ዎዛናን ጾሳ ጋላቲደ፥ ዎሳነ ማዝሙርያ፥ ጾሳ ሱንꬃ ꬎቁ ኦꬅያ የꬃ የጽተ።
COL 3:17 ህንተ አይ ሃሳይያዋ ዎይ አይ ኦꬅያዋ ግዶፐካ፥ አዉዋ ጾሳ የሱሳ ባጋና ጋላቲደ፥ ኦꬅያዋ ኡባ ጎዳ የሱሳ ሱንꬃን ኦꬅተ።
COL 3:18 ማቼቶ፥ አማንያ አሳዉ በስያዋዳን፥ ህንተንቱ አስናዉ ሞደትተ።
COL 3:19 አቱማ አሳቶ፥ ህንተንቱ ማጫ አሳ ሲቅተ፤ ኡንቱንቱና ዎፑ ጊደ ደእተ።
COL 3:20 ናቶ፥ ህንተንታ የሌዳዋንቶ ኡባባን አዛዘትተ። አያዉ ጎፐ፥ ህንተንቱ ኡንቱንቶ አዛዘትያዌ ጾሳ ዳሮ ናሸቼ።
COL 3:21 አዋቶ፥ ህንተንቱ ናናይ ዎዛና ባየና ማላ፥ ኡንቱንታ ይሎዮፕተ።
COL 3:22 አይለቶ፥ ሳኣን ህንተንቶ ጎዳ ግድያዋንቶ ኡባባን አዛዘትተ፤ ጎዳዉ ያዪደ፥ ሱረ ዎዛናን ኦꬅተፐ አትን፥ አሳ ናሸቻናዉነ አሳይ በኦ ግያዋን አዛዘትያዋንታ ግዶፕተ።
COL 3:23 ህንተ ኦꬅያ ኦሱ ኡባ አሳዉ ግደናን ጎዳዉ ኦꬅያዋዳን፥ ዎዛናፐ ኦꬅተ።
COL 3:24 ጎዳ ክርስቶሳዉ ህንተንቱ ኦꬅያ ድራዉ፥ እ ባረዋንቶ እማናዉ ጊግስ ዎꬄዳዋ ህንተንቱ ላታናዋ አኬክተ።
COL 3:25 ባላባ ኦꬄዳ ኡራይ ኦንነ፥ ባረ ኦꬄዳ ባላዳን ዎይታ አካና፤ አያዉ ጎፐ፥ ጾሳይ ፕርዲደ፥ ኦናነ ማደና።
COL 4:1 ጎዳቶ፥ ህንተዉካ ሳሉዋን ጎዳይ ደእያዋ ኤሪደ፥ ህንተንቱ አይለቶ ጽሎተꬃንነ ሱረተꬃን ኮሽያዋ ኦꬅተ።
COL 4:2 ጾሳ አገናን ዎስተ፤ ቃይ ዎሲደ አዛለናን፥ አ ጋላቲደ ዎስተ።
COL 4:3 ቃይ ህንተንቱ ዎስያ ዎደ ኡባን፥ ካሴደፐ አሳዉ ቆንጭቤናዋ፥ ክርስቶሳዋ ኑን ኦዳና ማላ፥ ጾሳይ ኑዉ እንጀያናዳን፥ ኑዉካ ጾሳ ዎስተ፤ አያዉ ጎፐ፥ ሀእ ታን ቃሾ ጎልያን ደእያዌ ሄዋሳ።
COL 4:4 ቃይካ ታን በስያዋ ኬና ቆንጭሳደ ሀ የዉዋ ኦዳና ማላ፥ ታዉ ጾሳ ዎስተ።
COL 4:5 ህንተዉ ደእያ ዎድያ ጎእ ባይናሳን ꬋይሰናን፥ አማነናዋንቱ ማታን ጭንጫተꬃን ደእተ።
COL 4:6 ህንተንቱ አሳ ኡባዉ ዎት ዛራናዉ በስንቶ ኤራና ማላ፥ ህንተንቱ ሃሳያይ ኡባ ዎደ፥ ስሳናዉ ሎእያዋነ ናሸችያዋ ግዳናዉ በሴ።
COL 4:7 ኑ ሲቆ እሻይ ትክቆስ፥ ታናና እትፐ ጎዳ ኦሱዋን ቆማ ግዴዳ አማነትያ ኦሳንቻይ፥ ታ ደኡዋባ ህንተንታ ኤርሳና።
COL 4:8 ታን አ ህንተኮ ኪትያዌ፥ ኑን ዋን ደእንቶ ህንተንቶ እ ኦዲደ፥ ህንተንታ መንꬃና ድራሳ።
COL 4:9 አናስሞስ፥ አማነትያ ሲቆ እሻይ፥ ህንተንቱ ጋደዌ፥ አናና እትፐ ህንተኮ ቤ፤ ኡንቱንቱ ሀዋን ሀንያ ኡባባ ህንተንታ ኤርሳና።
COL 4:10 ታናና ቃሹዋን ደእያ አርስጽሮኮስነ ባርናባሳዉ አዉዋ ግዴዳ ማርቆስ ህንተንታ ሳሮቲኖ፤ ታን ህንተንታ ካሰ አዛዜዳዋዳን፥ ማርቆስ ህንተኮ ቦፐ፥ ዎዛናፐ አ ሞክተ።
COL 4:11 ዮስጾሳ ግያ የሱስካ ህንተንታ ሳሮ ሳሮ ጌ፤ አይሁዳ አሳቱዋፐ ታናና ጾሳ ካዉተꬃዉ ኦꬅያዌ፥ ሀ ሄዙ አሳቱዋፐ ሀራይ ባዋ፤ ሀዋንቱ ታና ዳሮ ማዴድኖ።
COL 4:12 ኤፓፍር፥ ህንተንቱ ጋደዌ፥ ክርስቶስ የሱሳ ቆማይ፥ ህንተንታ ሳሮ ሳሮ ጌ። እ ህንተንቱ ጾሳን ምኒደ ኤቃናዳንነ ጾሳይ ኮይያዌ ኡባይ አየንቶ ኤሪደ፥ ፖል አማናናዳን፥ ኡባ ዎደ ጾሳ ምንስ ዎሴ።
COL 4:13 አያዉ ጎፐ፥ እ ህንተንቶ፥ ሎዶቅያ አሳዉነ ህራፖሊሳ ግያ ካታማ አሳዉ ዳሮ ዳቡርያዋ ታን ማርካታይ።
COL 4:14 ኑ ሲቆ ዶቶሪ ሉቃስነ ዴማስ ህንተንታ ሳሮ ደኢቴ ያጊኖ።
COL 4:15 ሎዶቅያን ደእያ ኑ እሻቶነ ንምፕዉ ቃይ እዝ ጎልያን ሺቅያ አማንያ አሳቶ ኑ ሳሮታ ኦድተ።
COL 4:16 ሀ ዳብዳቢያ ህንተንቱ ናባቤዳዋፐ ጉይያን፥ ሎዶቅያ አማንያዋንቶካ ናባብስተ፤ ህንተካ ሎዶቅያ አማንያዋንቱካ ህንተንቶ የድያ ዳብዳቢያ ናባብተ።
COL 4:17 ቃይ አርክፖሳዉ፥ “ጎዳይ ነዉ እሜዳ ኦሱዋ ፖላናዋ ዶጎፓ” ያጊደ ኦድተ።
COL 4:18 ታን ጳዉሎስ፥ ታ ኩሽያን ሳሮታ ጻፌዳዋ ሀዋ በእተ፤ ታን ቃሹዋን ደእያዋ ዶጎፕተ። ጾሳ አꬎ ኬካተꬃይ ህንተንቱና ግዶ።
1TH 1:1 ኑን ጳዉሎስ፥ ስላሰነ ጽሞቶስ ተሰሎንቀን ደእያ አማንያ አሳቶ ሀ ዳብዳቢያ ጻፌቶ፤ ሄዋንቱ ጾሳ ኑ አቡዋንቶነ ጎዳ የሱስ ክርስቶሳዋንቶ፥ አꬎ ኬካተꬃይነ ሳሮተꬃይ ግዶ።
1TH 1:2 ኑን ዎሳን ጾሳ ጋላቲደ፥ ኡባ ዎደ ህንተና ኡባቱዋ ሀሳዬቶ።
1TH 1:3 ኑን ኑ ጾሳ፥ ኑ አዉዋ ስንꬃን አማኑዋን ህንተንቱ ኦꬄዳ ኦሱዋነ፥ ሲቁዋን ህንተንቱ ዳቡሬዳ ዳቡራ፥ ቃይ ኑ ጎዳ የሱስ ክርስቶሳን ህንተዉ ደእያ ህዶታን ገንጭያ ገንጩዋ ኡባ ዎደ ሀሳዬቶ።
1TH 1:4 ኑናዳን ጾሳ ካልያዋንቶ፥ ጾሳይ ህንተና ሲቅያዋነ ህንተና ባረዉ ናና ኦꬃናዉ ዶሬዳዋ ኑን ኤሬቶ።
1TH 1:5 አያዉ ጎፐ፥ ኑን ዎንጋላ፥ ዎልቃን፥ ጌሻ አያናንነ ሄ ዎንገሊ ቱማ ግዴዳዋ ዉርስ አማንያዋን ህንተንቶ አሄዳዋፐ አትን፥ አሳ ቃላ ጻላላን አህበይኮ። ኑን ህንተናና ደእያ ዎደ፥ ህንተንቱ ድራዉ ዋን ደኤደንቶ፥ ህንተንቱ ኤሪታ።
1TH 1:6 ቃይ ህንተንቱ ዳሮ ዋየቶፐካ፥ ጌሻ አያናይ እሜዳ ናሸቻን ኪታ አኬድታ፤ ሄዋን ኑ ሌምሱዋነ ጎዳዋ ካሌድታ።
1TH 1:7 ሄዋ ድራዉ፥ ማቅዶንያንነ አካይያ ግያ ጋድያን ደእያ አማንያ ኡባቶ ሌምሱዋ ግዴድታ።
1TH 1:8 አያዉ ጎፐ፥ ጎዳ ቃላይ ህንተፐ ከሲደ፥ ማቅዶንያንነ አካይያ ጻላላን ስሰትቤና፤ ሽን ጾሳ ህንተንቱ አማንያዌ ኡባ ሳን ስሰቴዳ። ስም ኑን ሃሳያናዉ ኮሽሽን አቶዌ አይነ ባዋ።
1TH 1:9 አያዉ ጎፐ፥ ኑን ህንተኮ ቤዳ ዎደ፥ ህንተንቱ ኑና ዎት ሞኬደንቶነ ቃይ ህንተንቱ ህንተንቱ ኤቃዉ ኦꬅያዋ አጊደ፥ ዎርዶተና ደኡዋ ጾሳዉ ኦꬃናዉ ዋን ጾሳኮ ስሜድተንቶ፥ ኡንቱንቱ ባረንቱ ሁጲያን ሃሳዪኖ።
1TH 1:10 ቃይ ጾሳ ናአይ የሱስ፥ ጾሳይ ሀይቁዋፐ ደንꬄዳዌ፥ ኑና ስንꬃፐ ያና ጾሳ ሀንቁዋፐ አሽያዌ ሳሉዋፐ ያናዋ ህንተንቱ ናግያዋ ኡንቱንቱ ሃሳዪኖ።
1TH 2:1 ኑናዳን ጾሳ ካልያዋንቶ፥ ኑን ህንተኮ ቤዳዌ መላ ግደናዋ ህንተንቱ ህንተንቱ ሁጰዉ ኤሪታ።
1TH 2:2 ሽን ኑን ህንተኮ ያናፐ ካሰ ፕልጵስዮሳ ግያ ካታማን ዋየቴዳዋነ ቦረቴዳዋ ህንተንቱ ኤሪታ፤ ዳሮ ጳልቀꬃይ ደኦፐካ፥ ህንተንቶ አ ምሽራቹዋ ቃላ ኦዳና ማላ፥ ጾሳይ ኑዉ ምኖተꬃ እሜዳ።
1TH 2:3 ኑን ህንተና ዎስያዌ ባሊደ ዎይ ቱናተꬃን ዎይ ገንያን ግደና።
1TH 2:4 ሽን ጾሳይ ዎንጋላ ሀዳራ አካናዉ ኑን አማነትያዋንታ ግድና፥ ኑዉ ሄ ሀዳራ እሜዳ፤ ሄ እሜዳዋዳንካ ኑን ሃሳዬቶ። ቃይ ኑን ኑ ዎዛና ጾሞስያ ጾሳ ናሸችያዋዳን ሃሳዬቶፐ አትን፥ አሳ ናሸችያዋዳን ሃሳዮኮ።
1TH 2:5 ኑን ህንተኮ ጭምያ ሃሳያና፥ ዎይ ኑን ዮራ ገንꬅያ ሀኖታን ይቤናዋ ህንተንቱ ሎይꬅ ኤሪታ፤ ጾሳይካ ኑዉ ማርካ።
1TH 2:6 ኑን አሳፐ፥ ዎይ ህንተፐ፥ ዎይ ሀራንቱ ኦፐነካ ቦንቹዋ አካናዉ ኮይበይኮ።
1TH 2:7 ኑን ክርስቶስ ኪቴዳዋንታ ግዲደ፥ ቦንቹዋ ህንተንቱፐ ኦቻናዉ ዳንዳዬቶ። ሽን አታ ባረ ናናቱዋ ሲቁዋን ድችያዋዳን፥ ህንተንቱ ግዶን አሽከ ግዴዶ።
1TH 2:8 ህንተንቱ ኑዉ ዳሮ አልኦ ግዴዳ ድራዉ፥ ጾሳ ዎንጋላ ህንተንቶ እማናዋ ጻላላ ግደናን፥ ኑ ደኡዋካ ህንተንቶ እማናዉ ጊግ ኡቴዶ፤ አያዉ ጎፐ፥ ህንተና ኑን ሎይꬅ ሲቄዶ።
1TH 2:9 ኑናዳን ጾሳ ካልያዋንቶ፥ ኑ ኦሱዋነ ኑ ዳቡራ ህንተንቱ አኬኪታ፤ ህንተንቶ ጾሳ ምሽራቹዋ ቃላ ኦዲደ፥ ህንተና አይነ ዋይሰና ማላ፥ ቃማነ ጋላስ ኑን ኦꬄዶ።
1TH 2:10 ኑ ደኡ ህንተንቱ ማታን፥ አማንያዋንቱ ማታን፥ ጌሻ፥ ጽሎነ ቦረተናዋ ግድያዎ ህንተነ ጾሳይ ማርካ።
1TH 2:11 ኑን ህንተንቶ ሁጲያን ሁጲያን አዉ ባረ ናናዉ ሀንያዋዳን ሀኔዳዋ ኤሪታ።
1TH 2:12 ኑን ህንተና ዞሬዶ፤ መንꬄዶነ ህንተንቶ ማርካቴዶ። ሄዌኔካ ህንተና ጼሴዳ ጾሳ ናሸችያ ደኡዋ ህንተንቱ ደአናዳናነ አ ካዉተꬃነ አ ቦንቹዋ ገላናዳና።
1TH 2:13 ህንተ ኑፐ ጾሳ ቃላ ቱማ ግዴዳዋዳን አኬዳ ዎደ፥ ጾሳ ኪታዳን አኬዳዋፐ አትን፥ አሳ ኪታዳን አክቤና ድራዉ፥ ጾሳ ቃላይ አማንያ ህንተናን ኦꬄ፤ ሄ ጋሱዋን ኑን ጾሳ ኡባ ዎደ ጋላቴቶ።
1TH 2:14 አያዉ ጎፐ፥ ኑናዳን ጾሳ ካልያዋንቶ፥ ክርስቶስ የሱሳን እቱዋ ግዴዳ ይሁዳ ግያ ጋድያን ደእያ አማንያዋንታ፥ ህንተንቱ ሌምሰቲታ፤ ሄዋንቱ ጾሳ አማንያዋንታ። አይሁዳቱ ኡንቱንታ ዋይሴዳዋዳን፥ ህንተንቱ ቢታ አሳይካ ህንተና ዋይሴዳ።
1TH 2:15 ሄ አይሁዳቱ ጎዳ የሱሳነ ናባቱዋ ዎꬌድኖ፤ ቃይ ኑና የደርሴድኖ። ኡንቱንቱ ጾሳ ናሸችክኖ፤ አሳ ኡባካ እጺኖ።
1TH 2:16 አይሁዳ ግደና አሳይ አታና ማላ፥ ኑን ኡንቱንቶ ቃላ ኦድያዋ ድጊኖ። ቃይ ኡንቱንቱ ናጋራይካ ኡባ ዎደ ዳር ዳር ቤ። ሽን ዉርሰꬃን ጾሳ ሀንቁ ኡንቱንቱ ቦላ ዎꬌዳ።
1TH 2:17 ሽን ኑናዳን ጾሳ ካልያዋንቶ፥ ኑን ኑ ቆፋን ግደናዳን፥ አሳተꬃ ጻላላን ህንተፐ ጉꬃ ዎደዉ ሻከቴዳ ዎደ፥ ህንተና ዳሮ ላሞቲደ፥ አይፍያን በአናዉ ሎይꬅ ኮዬዶ።
1TH 2:18 አያዉ ጎፐ፥ ኑን ህንተኮ ስሚደ ባናዉ ኮዬዶ። ኡባ ታን ጳዉሎስ ዛራ ዛራደ ህንተኮ ባናዉ ማላ በኣድ፤ ሽን ሴጻናይ ኑና ድጌዳ።
1TH 2:19 አያዉ ጎፐ፥ ኑ ጎዳ የሱስ ክርስቶስ ይያ ዎደ፥ ኑን በአና ጊደ ናሸቻን ናግያዌ፥ ዎይ ኑ ናሸቻይ፥ ዎይ ኑን ጬቀትያ ካላቻይ ኦኔ? ህንተና ግድክቴዬ?
1TH 2:20 አያዉ ጎፐ፥ ህንተንቱ ኑ ቦንቹዋነ ኑ ናሸቻ።
1TH 3:1 ሄዋ ድራዉ፥ ኑዉ ገንጫናዉ ዳንዳየተናን እጼዳ ዎደ፥ አቴና ግያ ካታማን ኑረካ አታናዉ ቆፋ ቃቼዶ።
1TH 3:2 ህንተና ዞራናዳንነ ህንተንቱ አማኑዋን ህንተና ምንሳናዳን፥ ጾሳዉ ኦꬅያ ኑ እሻ፥ ኑናና እትፐ ክርስቶሳ ምሽራቹዋ ቃላ ኦድያ ጽሞቶሳ ህንተኮ ኪቴዶ።
1TH 3:3 ሀ ዋይያ ጋሱዋን ህንተፐ ኦንነ ጉየ ስመና ማላ፥ አ ኪቴዶ። ኑን ሄዎ ዶረቴዳዋ ህንተንቱ ህንተንቱ ሁጰዉ ኤሪታ።
1TH 3:4 አያዉ ጎፐ፥ ኑን ህንተናና ደኢደ፥ ኑን ዋየታናዋ ካሰቲደ ህንተንቶ ኦዴዶ፤ ቃይ ህንተንቱ ኤርያዋዳንካ ካሰ ሄዋዳን ሀኔዳ።
1TH 3:5 ሄዋ ድራዉ፥ ቃይ ገንጫናዉ ታዉ ዳንዳየተናን እጼዳ ዎደ፥ “ኦን ኤር ጻላህያ ካፑ ህንተና ፓጨናን አገና። ኑ ዳቡራይካ መላ ግደናን አገና” ያጋደ ህንተንቱ አማኑዋ ኤራናዉ ጽሞቶሳ ህንተኮ ኪታድ።
1TH 3:6 ሽን ሀእ ጽሞቶስ ህንተንቱ ማታፐ ኑኮ ዪደ፥ ህንተንቱ አማኑዋባነ ህንተንቱ ሲቁዋባ ህንተንቶ ምሽራቹ ጊደ ኑዉ ኦዴዳ። ቃይ ኑን ህንተና በአናዉ ላሞትያዋዳን ህንተካ ኑና በአናዉ ላሞቲደ፥ ኡባ ዎደ ኑዉ ሎኦባ ቆፕያዋ እ ኦዴዳ።
1TH 3:7 ሄዋ ድራዉ፥ ኑናዳን ጾሳ ካልያዋንቶ፥ ኑ ዋይያንነ ኑ ቱጋን ኡባን ህንተንቱ አማኑዋ ባጋና ህንተዋን ኑ ምነቴዶ።
1TH 3:8 ጎዳን ምኒደ ህንተንቱ ደኦፐ፥ ኑንካ ሀእ ደኤቶ።
1TH 3:9 አያዉ ጎፐ፥ ኑን ህንተባዉ ጾሳ ጋላቴቶ። ኑን ኑ ጾሳ ስንꬃን ህንተንቱ ድራዉ ደእያ ናሸቻ ኡባዉ አ ዳሮ ጋላቴቶ።
1TH 3:10 ኑን ህንተና በአናዉነ ህንተንቱ አማኖ ፓጬዳዋ ኩንꬃናዉ፥ ቃማነ ጋላስ ኑ ኩመንꬃ ዎዛናፐ ጾሳ ዎሴቶ።
1TH 3:11 ኑ አዉ፥ ኑ ጾሳይ ባረ ሁጰዉ፥ ቃይ ኑ ጎዳይ የሱስ ክርስቶስ ኑን ህንተኮ ብያ ኦግያ ኑዉ ጊግሶ።
1TH 3:12 ኑን ህንተና ሎይꬅ ሲቅያዋዳን፥ ጎዳይ ህንተንቱ እቱ እቱዋ ሲቅያ ሲቁዋነ ቃይ አሳ ኡባ ሲቅያ ሲቁዋ ህንተንቶ ዳርሶነ ጉጆ።
1TH 3:13 ኑ ጎዳይ የሱስ ባረ ጌሻቱዋ ኡባና ይያ ዎደ፥ ኑ ጾሳ፥ ኑ አዉዋ ስንꬃን ህንተ ዎዛናይ ጌሻነ ፖኩ ባይናዋ ኦꬂደ፥ ህንተና እ መንꬆ።
1TH 4:1 ስም ዉርሰꬃን፥ ኑናዳን ጾሳ ካልያዋንቶ፥ ጾሳ ናሸቻናዉ ህንተንቱ ዋን ደአናዉ በስንቶ፥ ኑፐ ታማሬድታ። ሄዌ ህንተንቱ ካሴደፐ ደእያ ማራ፤ ሽን ሀእ ህንተንቱ ካሰዋፐ ሎይꬂደ ኦꬃናዳን፥ ጎዳ የሱሳ ሱንꬃን ህንተና ዎሴቶነ ዞሬቶ።
1TH 4:2 አያዉ ጎፐ፥ ኑን ጎዳ የሱሳ ማታ ባጋና ህንተንቶ እሜዳ አዛዙ ሀቃዌንቶ፥ ህንተንቱ ኤሪታ።
1TH 4:3 አያዉ ጎፐ፥ ጾሳይ ህንተፐ ኮይያዌ አዬ ጎፐ፥ ህንተንቱ ጌሻ ግዳናዋነ ዎሹምያዋ ኡባና አጋናዋ ኮዬ።
1TH 4:4 ህንተንቱ ሁጲያን ሁጲያን ጌሻተꬃንነ ቦንቹዋን ህንተንቱ ማችያና ዎት ደአነንቶ ኤራናዉ በሴፐ አትን፥
1TH 4:5 ጾሳ ኤረና አማነና አሳቱዋዳን፥ ሎይꬅ አሞትያዋን አካናዉ በሰና።
1TH 4:6 ኑን ቃይ ካሰ ህንተንቶ ኦዴዳዋዳንነ ህንተና ምንስ ዞሬዳዋዳን፥ ጎዳይ ሀዋ ማላባን ኡባን ሀሉዋ ከስያዋ ግድያ ድራዉ፥ ኦንነ ሀ የዉዋን ባረ እሻ ናቃናዉነ ጭማናዉ በሰና።
1TH 4:7 አያዉ ጎፐ፥ ጾሳይ ኑና ጌሻተꬃን ደአናዉ ጼሴዳዋፐ አትን፥ ቱናተꬃን ደአናዉ ጼስቤና።
1TH 4:8 ሄዋ ድራዉ፥ ሀ ትምርትያ እጽያ ኦንነ ህንተንቶ ባረ ጌሻ አያና እምያ ጾሳ እጼፐ አትን፥ አሳ እጸና።
1TH 4:9 ህንተ ህንተንቱ ሁጲያን እቱ እቱዋ ሲቃናዳን፥ ጾሳይ ህንተና ታማርሴዳ ድራዉ፥ ህንተንቱ ህንተንቱ እሻቱዋ ዎት ሲቃናዉ በስንቶ፥ ኑን ጻፋናዉ ኮሸና።
1TH 4:10 ቃይ ማቅዶንያ ቢታ ኡባን ደእያ እሻቱዋ ኡባቱዋ ቱሙ ህንተንቱ ሲቂታ። ሽን ኑናዳን ጾሳ ካልያዋንቶ፥ ህንተንቱ ሄዋፐ ጉጅ ጉጂደ ኡንቱንታ ሲቃና ማላ፥ ህንተና ዎሴቶ።
1TH 4:11 ኑን ካሰ ህንተንቶ ኦዴዳዋዳን፥ ዎፑ ጌዳ ደኡዋ ደእተ። ቃይ ህንተና ኮሽያዋ ደማናዉ፥ ህንተ ኩሽያን ኦꬅተ።
1TH 4:12 ሄዋ ግዶፐ፥ አማነናዋንቱ ማታን ህንተንቱ ቦንቼታናነ ቃይ ህንተና ኮሽያባዉ ኦናነ አዉዳሽክታ።
1TH 4:13 ሽን ኑናዳን ጾሳ ካልያዋንቶ፥ ህንተንቱ ህዶታይ ባይና አሳቱዋዳን ካዮተና ማላ፥ ሀይቄዳ አሳቱዋባ ህንተንቱ ኤራና ማላ ኮዬቶ።
1TH 4:14 ኑን የሱስ ሀይቄዳዋነ ቃይ ሀይቁዋፐ እ ደንዴዳዋ አማኔቶ፤ ሄዋዳንካ፥ ጾሳይ የሱሳ አማኒደ ሀይቄዳዋንታ የሱሳና አሀናዋ አማኔቶ።
1TH 4:15 አያዉ ጎፐ፥ ኑን ህንተንቶ ኦድያ ጎዳ ቃላይ ሀዋ፤ ኑን፥ ጎዳ ላኤንꬁዋ ዩሳ ጋላሳይ ጋካናዉ ሀዋን ፓጻ ደእያዋንቱ፥ ሀይቄዳዋንቱፐ ካሰቶኮ።
1TH 4:16 አያዉ ጎፐ፥ ጎዳይ ባረ ሁጲያን አዛዙዋና፥ ኪታንቻቱዋ ካፑዋ ኮሻና፥ ጾሳ ማላካታ ጊረꬃና ሳሉዋፐ ዎꬋና። ክርስቶሳ አማኒደ ሀይቄዳዋንቱ ካሰቲደ ሀይቁዋፐ ደንዳና።
1TH 4:17 ሄዋፐ ጉይያን፥ ኑን ሄ ዎደ ፓጻ ደእያዋንቱ፥ ጎዳና ጫርኩዋ ግዶን ጋከታናዉ ኡንቱንቱና እትፐ ሻርያን ደንዳና። ሄዋ ድራዉ ኑን ጎዳና እትፐ ኡባ ዎደ ደአና።
1TH 4:18 ሄዎ፥ ሀ ቃላን እቱ እቱዋ መንꬅተ።
1TH 5:1 ሽን ኑናዳን ጾሳ ካልያዋንቶ፥ ሀ የዋቱ አዉደ ሀናነንቶ፥ ዎድያነ አገና ህንተንቶ ጻፋናዉ ኮሸና።
1TH 5:2 አያዉ ጎፐ፥ ጎዳ ጋላሳይ ካይሱ ቃማ ይያዋዳን ያናዋ ህንተንቱ ሎይꬅ ኤሪታ።
1TH 5:3 አሳይ፥ “ኡባባይ ሳራ፤ አያይካ ሀነና” ጊሽን፥ ማጫ አሳ የሉ ኦይቂያዋዳን፥ ባሻይ ኡንቱንቱ ቆፐናን ኡንቱንቱ ቦላ ያና። ኡንቱንቱ ሙለካ ከስ አክክኖ።
1TH 5:4 ሽን ኑናዳን ጾሳ ካልያዋንቶ፥ ሄ ጋላሳይ ህንተንቶ ካይሱ ይያዋዳን ያናዉ ህንተንቱ ꬉማን ደእክታ።
1TH 5:5 ህንተ ኡባይ ፖኡዋ አሳነ ጋላሳ አሳ፤ ኑን ቃማ አሳ ዎይ ꬉማ አሳ ግዶኮ።
1TH 5:6 ሄዋ ድራዉ፥ ኑን ሀራቱ ገምእሽያዋዳን ገምእሻናዉ በሰና። ኑን ቤጎታናዉነ ዎጋን ደአናዉ በሴ።
1TH 5:7 አያዉ ጎፐ፥ ገምእሽያዋንቱ ቃማ ገምእሺኖ፤ ማꬆትያዋንቱካ ቃማ ማꬆቲኖ።
1TH 5:8 ሽን ኑን ጋላሳ አሳ ግድያዋንቱ ዎጋን ደአናዉ በሴ። ኑን አማኑዋነ ሲቁዋ ትራን ዎꬅያ ኦላ ሚሻዳን ኦይቂደ፥ ኑን ህዶታን ናግያ አቶተꬃ፥ ብራታ ቆብያዳን፥ ሁጲያን ዎꬃናዉ በሴ።
1TH 5:9 አያዉ ጎፐ፥ ጾሳይ ኑና ኑ ጎዳ የሱስ ክርስቶሳ ባጋና አቶተꬃ ደማናዉ ዶሬዳዋፐ አትን፥ አ ሀንቁዋ አካናዉ ዶርቤና።
1TH 5:10 ኑን ፓጻ ግድና ዎይ ሀይቄዳዋንታ ግድና፥ ክርስቶሳና እትፐ ደአና ማላ፥ ክርስቶስ ኑ ድራዉ ሀይቄዳ።
1TH 5:11 ሄዋ ድራዉ፥ ህንተንቱ ቃይ ሀእ ኦꬅያዋዳን፥ ሀራቱዋ መንꬅተነ እቱ እቱዋ ድችተ።
1TH 5:12 ኑናዳን ጾሳ ካልያዋንቶ፥ ህንተንቱ ግዶን ኦꬅያዋንታ፥ ህንተና አማኑዋ ኦግያን ካለꬅያዋንታነ ዞርያዋንታ፥ ህንተንቱ ቦንቻና ማላ፥ ህንተና ዎሴቶ።
1TH 5:13 ኡንቱንቱ ኦꬅያ ኦሱዋ ድራዉ፥ ኡንቱንታ ሎይꬅ ቦንችተነ ሲቅተ። እቱ እቱዋና ሳሮተꬃን ደእተ።
1TH 5:14 ኑናዳን ጾሳ ካልያዋንቶ፥ ኑን ህንተና ዞሬቶ፤ ማራይ ባይና ደኡዋ ደእያዋንታ ሴርተ። ያይያዋንታ መንꬅተ። ዎልቂ ባይናዋንታ ማድተ። አሳ ኡባ ዳንዳይተ።
1TH 5:15 ኦንነ ኢታ ድራዉ ኢታ ዛረና ማላ ናገትተ፤ ሽን ኡባ ዎደ፥ እቱ እቶነ ቃይ አሳ ኡባዉ ሎኦባ ኦꬃናዉ ምንተ።
1TH 5:16 ኡባ ዎደ ናሸትተ።
1TH 5:17 ኡባ ዎደ ቃንጸናን ጾሳ ዎስተ።
1TH 5:18 ኡባባን ጋላትተ። አያዉ ጎፐ፥ ክርስቶሳ የሱሳ ባጋና ጾሳይ ህንተፐ ኮይያዌ ሄዋ።
1TH 5:19 ጌሻ አያና ታማ ቶይሶፕተ።
1TH 5:20 ትምቢትያ ቃላ ካꬎፕተ።
1TH 5:21 ኡባባካ ፓጭተ። ሎኦባ ኦይቂተ።
1TH 5:22 ኢታ ኦሱዋ ኡባፐ ሃክተ።
1TH 5:23 ሳሮተꬃ ጾሳይ ባረ ሁጰዉ ህንተና ኡባባን ፖሎ ጌሾ፤ ቃይ ኑ ጎዳይ የሱስ ክርስቶስ ይያ ዎደ፥ ጾሳይ ህንተንቱ አያና፥ ሸምፑዋነ አሳተꬃ እትፐ ቦረተናዋነ ፖሎ ኦꬂደ ናጎ።
1TH 5:24 ህንተና ጼስያዌ አማነቴዳዋ፤ ቃይ ሄዋ እ ፖላና።
1TH 5:25 ኑናዳን ጾሳ ካልያዋንቶ፥ ኑዉ ጾሳ ዎስተ።
1TH 5:26 እሻቱዋ ኡባ ጌሻ የሩዋ የሪደ ሳሮትተ።
1TH 5:27 ህንተ ሀ ዳብዳቢያ ጌሻ እሻቱዋ ኡባዉ ናባባናዳን፥ ጎዳ ሱንꬃን ህንተና ዎሳይ።
1TH 5:28 ኑ ጎዳ የሱስ ክርስቶሳ አꬎ ኬካተꬃይ ህንተናና እትፐ ግዶ።
2TH 1:1 ኑን ጳዉሎስ፥ ስላሰነ ጽሞቶስ፥ ተሰሎንቀን ደእያ አማንያ አሳቶ ሀ ዳብዳቢያ ጻፌቶ። ሄዋንቱ ጾሳ ኑ አቡዋንታነ ጎዳ የሱስ ክርስቶሳዋንታ።
2TH 1:2 ጾሳ ኑ አዉዋፐነ ጎዳ የሱስ ክርስቶሳፐ፥ አꬎ ኬካተꬃይነ ሳሮተꬃይ ህንተንቶ ግዶ።
2TH 1:3 ኑናዳን ጾሳ ካልያዋንቶ፥ ህንተንቱ አማኑ ሎይꬅ ድጭያ ድራዉነ፥ ህንተንቱ እቱ እቱዋ ሲቅያ ሲቁ ዳርያ ድራዉ፥ ኑን ህንተንቶ በስያዋዳን፥ ጾሳ ኡባ ዎደ ጋላታናዉ በሴ።
2TH 1:4 ሄዋ ድራዉ፥ ህንተንታ የደሳይነ ዋይያ ኡባይ ጋክናካ ህንተንቱ ገንጭያዋነ አማንያዋ ኑን ኑ ሁጰዉ ጾሳ አማንያዋንቶ ኦዲደ፥ ህንተዋን ጬቀቴቶ።
2TH 1:5 ህንተንቱ ዋየትያ ጾሳ ካዉተꬃዉ በስያዋንታ ግዲደ ፓይደታና ማላ፥ ጾሳይ ፕርድያ ጽሎ ፕርዳ በስያ ማላ።
2TH 1:6 ጾሳይ ቱሙ ፕርዳ ፕርዳና። ጎዳይ የሱስ ባረ ዎልቃማ ኪታንቻቱዋና ታማ ላጩዋ ግዶን ሳሉዋፐ ይያ ዎደ፥ ጾሳይ ህንተንታ ዋይስያዋንቱ ቦላ ዋይያ አሀና። ቃይ ዋየትያ ህንተናነ ኑና ሸምፕሳና።
2TH 1:8 ቃይ ጾሳይ ባረና ኤረናዋንታነ ኑ ጎዳ የሱስ ክርስቶሳ ዎንጋላ ምሽራቾ አዛዘተናዋንታ ሙራና።
2TH 1:9 ሄ ጋላስ እ ባረ ጌሻቱዋን ቦንቼታናዉነ ቃይ ባረና አማንያ ኡባቱዋን ሳበታናዉ ይያ ዎደ፥ ኡንቱንቱ ጎዳ ስንꬃፐነ አ ዎልቃ ቦንቹዋፐ ሻከቲደ፥ መꬍና ባሻን ሙረታና። ጋሱነካ፥ ኑን ህንተንቶ ኦዴዳ ኪታይ አማነቴዳ።
2TH 1:11 ኑን ህንተንቶ ኡባ ዎደ ጾሳ ዎስያዌ ሄዋሳ። ኑ ጾሳይ ጼሴዳ ደኦ ህንተንታ በስያዋንታ ጊደ ፓይዳናዳን፥ ኑን አ ዎሴቶ፤ ህንተንቱ ሎኦባ ኡባ አሞትያዋነ ህንተንቱ አማኑዋ ኦሱዋ እ ባረ ዎልቃን ፖሎ።
2TH 1:12 ሄዋን ኑ ጾሳ አꬎ ኬካተꬃንነ ቃይ ኑ ጎዳ የሱስ ክርስቶሳ አꬎ ኬካተꬃን፥ ጎዳ የሱሳ ሱንꬃ ህንተንቱ ቦንቻና፤ ህንተናካ እ ቦንቻና።
2TH 2:1 ሀእ ኑናዳን ጾሳ ካልያዋንቶ፥ ኑ ጎዳ የሱስ ክርስቶሳ ዩሳባዉነ ኑን አናና ደአናዉ አኮ ሺቃናባዉ፥
2TH 2:2 ትምቢትያ አሳይ ህንተንቶ ኦድያዋን ዎይ ሀራ አሳፐ ስሴዳ ቃላን፥ ዎይ ኦንነ ኑፐ ዬዳ ኪታዳን ሃሳይያዋን፥ “ጎዳ ጋላሳይ ጋኬዳ” ጊደ ህንተንቱ ኤለካ ዳጋመናዳንነ ዎዛና ባየናዳን፥ ኑን ህንተንታ ዎሴቶ።
2TH 2:3 ህንተንታ ኦንነ አይ ኦግያንነ ባለꬆፖ። አያዉ ጎፐ፥ ካሰቲደ ማካልያዌነ ቃይ ናጋራንቻይ፥ ባሻ ናአይ ቆንጨናን ደእሽን፥ ሄ ጋላሳይ ጋከና።
2TH 2:4 አሳይ ጎይንያ ኡባባነ አሳይ ጾሳ ግያ ኡባባ እ እጻና። እ ባረና ኡንቱንቱ ኡባፐ ꬎቁ ኦꬃና። ቃይ ሀራይ አቶ ጾሳ ጌሻ ጎልያ ገል ኡቲደካ፥ “ታን ጾሳ” ጋና።
2TH 2:5 ህንተንቱ ሀሳይክቴ? ታን ሄዋ ህንተንቶ ህንተናና ደኣደ ኦዳድ።
2TH 2:6 እ ባረ ዎድያን ያናፐ አትን፥ ሀእ ያናዋ አያይ አ ተቂንቶ፥ ህንተንቱ ኤሪታ።
2TH 2:7 አያዉ ጎፐ፥ ጹራ ግዴዳ ማካላይ ሀእ ኦꬄ፤ ሽን ሄ ተእያዌ ኦግያፐ ክቻና ጋካናዉ፥ እ ቆንጨና።
2TH 2:8 ሄዋፐ ጉይያን፥ ሄ ማካላንቻይ ቆንጭና፥ ጎዳይ የሱስ ባረ ዶና ፔኑዋን አ ዎꬋና። ቃይ የሱስ ባረ ላኤንꬆ ቦንቾ ዩሳን አ ሙለካ ꬋይሳና።
2TH 2:9 ሄ ማካላንቻይ ሴጻና ኦሱዋን ዪደ፥ ዳሮ ዎልቃን ዎርዶ ማላታነ ማላልስያዋ ኦꬃና።
2TH 2:10 ሄዋዳንካ፥ ቃይ ꬋይያ አሳቱዋ ዱማ ዱማ ኢታ ጭሙዋን ባለꬃና። ꬋይያዋንቱ አታናዉ ቱማተꬃ ሲቂደ አክቤና ድራዉ ꬋያና።
2TH 2:11 ሄዋ ድራዉ፥ ቱማተꬃ አማንቤና ኡባ አሳቱ፥ ናጋራ ኦꬅያዋን ናሸትያዋንቱ ኡባይ ፕርደታናዳንነ ዎርዶ ግድያባ አማናናዳን፥ ጾሳይ ዎልቃማ ባላ ኡንቱንቱ ግዶ የዳና።
2TH 2:13 ሽን ጎዳይ ሲቅያ ኑናዳን ጾሳ ካልያዋንቶ፥ ኑን ጾሳ ህንተንቱ ድራዉ፥ ኡባ ዎደ ጋላታናዉ በሴ። አያዉ ጎፐ፥ ጌሻ አያና ዎልቃንነ ቱማተꬃ ህንተንቱ አማንያዋን ህንተንታ አሻናዉ፥ ጾሳይ ህንተና ባይራዳን ዶሬዳ።
2TH 2:14 ጾሳይ ህንተንታ ኑን ህንተንቶ ኦዴዳ ኑ ምሽራቹዋ ቃላ ባጋና ጼሴዳዌ፥ ህንተንቱ ኑ ጎዳ የሱስ ክርስቶሳና እትፐ ቦንቼታናሳ።
2TH 2:15 ስም ኑናዳን ጾሳ ካልያዋንቶ፥ ምኒደ ኤቂተ፤ ኑን ህንተና ኑ ዶናን ግድና፥ ዎይ ኑ ዳብዳቢያን ግድና፥ ታማርሴዳ ዎጋ ኦይቂተ።
2TH 2:16 ኑ ጎዳ የሱስ ክርስቶስ ባረ ሁጲያን ቃይ ጾሳይ፥ ኑ አዉ ኑና ሲቂደ፥ ባረ አꬎ ኬካተꬃን ኑዉ መꬍና ዳንዳያነ ሎኦ ህዶታ እሜዳዌ፥ ቃይ ህንተንቱ ሎኦባ ኡባ ኦꬃናዳንነ ሃሳያናዳን፥ ህንተንቱ ዎዛና ምንሶነ መንꬆ።
2TH 3:1 ዉርሰꬃን ኑናዳን ጾሳ ካልያዋንቶ፥ ጎዳ ቃላይ ህንተንቱ ግዶን፥ ኤለካ አካናዳንነ ቦንቼታናዳን፥ ኑዉ ጾሳ ዎስተ።
2TH 3:2 ቃይ አሳይ ኡባይ አማነና ድራዉ፥ ጾሳይ ኑና ናጋራንቻ አሳቱዋፐነ ኢታ አሳቱዋፐ አሻና ማላ፥ ኑዉ ዎስተ።
2TH 3:3 ሽን ጎዳይ አማንꬅያዋ፤ እ ህንተና መንꬃናነ ቃይ ኢታፐካ ናጋና።
2TH 3:4 ኑን ህንተና አዛዝያዋ ህንተንቱ ሀእ ኦꬅያዋነ ቃይ ስንꬃፐካ ኦꬃናዋ ጎዳይ ኑና ህንተዋን አማንꬄ።
2TH 3:5 ጎዳይ ህንተንቱ ዎዛና ጾሳ ሲቁዋኮነ ክርስቶስ እምያ ዳንዳያኮ ካለꬆ።
2TH 3:6 ኑናዳን ጾሳ ካልያዋንቶ፥ ህንተንቱ ኑፐ አኬዳ ዎጋ ካለናን አዛላ ደኡዋ ደእያ እሻ ኡባፐ ህንተንቱ ሻከታናዳን፥ ኑ ጎዳ የሱስ ክርስቶሳ ሱንꬃን ህንተና አዛዜቶ።
2TH 3:7 አያዉ ጎፐ፥ ኑን ህንተናና ደእያ ዎደ አዛልቤና ድራዉ፥ ህንተንቱ ኑዋዳን ሀኒደ ደአናዉ በስያዋ ህንተንቱ ህንተንቱ ሁጲያን ኤሪታ።
2TH 3:8 ኑን ህንተፐ ኦስነ ቶኩዋ ግደና ማላ፥ ቃማነ ጋላስ ዳቡሪደነ ጃሚደ ኦꬂደ ደኤዳዋፐ አትን፥ ኦፐነ ቁማ ጮ ምቦኮ።
2TH 3:9 ኑን ሄዋ ኦꬄዳዌ ህንተንቱ ኑዋዳን ሀኒደ ደአናዳን፥ ኑን ህንተንቶ ሌምሱዋ ግዳናዳፐ አትን፥ ሄዋ ህንተና ኦቻናዉ ኑዉ ማታይ ꬋይና ግደና።
2TH 3:10 አያዉ ጎፐ፥ ኑን ሀራይ አቶ ህንተናና ደኢደካ፥ “ኦꬃናዉ ኮየና ኡራይ ኦንነ ሞፖ” ያጊደ ህንተና አዛዜዶ።
2TH 3:11 አያዉ ጎፐ፥ አሳ የዉዋን ገልያዋፐ አትን፥ አይነ ኦናዋንቱ፥ አዛላ ደኡዋ ደእያ አማሬዳ አሳቱ ህንተንቱ ግዶን ደእያዋ ኑን ስሴዶ።
2TH 3:12 ኑን ሄዋንቱ ማላ አሳቱ ማራ ደኡዋ ደአናዳንነ ኦꬂደ ቁማ ማናዳን፥ ጎዳ የሱስ ክርስቶሳ ሱንꬃን አዛዜቶነ ዞሬቶ።
2TH 3:13 ሽን ህንተንቱ ኑናዳን ጾሳ ካልያዋንቶ፥ ሎኦ ኦሱዋ ኦꬃናዉ አዛሎፕተ።
2TH 3:14 ቃይ ኑን ሀ ዳብዳቢያን ኪቴዳ ኪታዉ አዛዘተና ኡራይ ኦንነ ደኦፐ፥ ሄ ኡራ አኬክተ። እ ዬላታና ማላ፥ አፐ ሻከትተ።
2TH 3:15 ሽን እሻዳን አ ሴርተፐ አትን፥ ሞርክያዳን ጼሎፕተ።
2TH 3:16 ሳሮተꬃ ጎዳይ ባረ ሁጲያን ህንተንቶ ኡባ ዎደነ ኡባ ባጋና ሳሮተꬃ እሞ። ጎዳይ ህንተናና ኡባና ግዶ።
2TH 3:17 ታን ጳዉሎስ፥ ሀ ሳሮታ ታ ኩሽያን ጻፋድ፤ ታ ዳብዳቢያ ኡባዉ ሀዌ ታ ፍርማ። ሀዌ ታን ጻፍያ ኦግያ።
2TH 3:18 ኑ ጎዳ የሱስ ክርስቶሳ አꬎ ኬካተꬃይ ህንተናና ኡባና ግዶ።
1TI 1:1 ኑና አሽያ ጾሳይነ ኑን በአና ጊደ ናሸቻን ናግያ የሱስ ክርስቶስ አዛዜዳ አዛዙዋዳን፥ የሱስ ክርስቶስ ኪቴዳዋ ግዴዳ ታን ጳዉሎስ፥
1TI 1:2 አማኑዋ ባጋና ታ ቱሙ ናአዉ፥ ጽሞቶሳዉ ሀ ዳብዳቢያ ጻፋይ። ጾሳ ኑ አዉዋፐነ ኑ ጎዳ ክርስቶሳ የሱሳፐ አꬎ ኬካተꬃይ፥ ማሮተꬃይነ ሳሮተꬃይ ነዉ ግዶ።
1TI 1:3 ታን ማቅዶንያ ባደ ነዉ ጌዳዋዳን፥ ኔን ኤፈሶነን ጋምአና ማላ ኮያድ። እት እት አሳቱ ዎርዱዋ ትምርትያ ታማርሲኖ፤ ሄዋንቱ ታማርሰና ማላ፥ አግተ ጋደ ኦዳ።
1TI 1:4 ኡንቱንቱ ቶሳ ኦድያዋነ ባረንቱ ዛርያ ጋይርያዋ አጋናዳን ኦዳ። አያዉ ጎፐ፥ ሄዋ ማላባይ ፓሉማ ካለꬄ፤ ቃይ ጾሳ ቆፋ አማኑዋን ኤረትያዋ ኦꬅክኖ።
1TI 1:5 ሀ አዛዞ ዋና ቆፋይ ጌሻ ዎዛናፐ፥ ሎኦ ሱረ ዎዛናፐ፥ አሳይ በኦ ግያባይ ባይና አማኑዋፐ ቤትያ ሲቁዋ ደንꬃናሳ።
1TI 1:6 እት እት አሳቱ ሀዋ አጊደ፥ ማደና ሃሳያኮ ስሜድኖ።
1TI 1:7 ኡንቱንቱ አያ ሃሳይንቶነ ዎይ ባረንቱን አማነቲደ ኦድያባይ አየንቶ ኤርክኖ፤ ሽን ጾሳ ህግያ ታማርስያዋንታ ግዳናዉ ኮዪኖ።
1TI 1:8 አሳይ በስያዋዳን ህግያን ጎኤቶፐ፥ ህጊ ሎአ ግድያዋ ኑን ኤሬቶ።
1TI 1:9 እትባ አኬካናዉ ኮሼ። ህጊ ሎኦ አሳዉ መትቤና። ሽን ህግያ መንꬅያዋንቶ፥ አዛዘተናዋንቶ፥ ማካላንቻቶ፥ ናጋራንቻቶ፥ ጌሻተꬃይ ባይናዋንቶ፥ ቱናቶ፥ ባረንቱ ዳዮ ዎይ አባ ዎꬍያዋንቶ፥ ሸምፑዋ ዎꬍያዋንቶ፥
1TI 1:10 ዎሹማናዉ ካጄልያዋንቶ፥ አቱማ አሳይ አቱማ አሳና ዎሹምያዋንቶ፥ አሳ ዛልእያዋንቶ፥ ዎርዳንቻቶነ ዎርዱዋን ጫቂያዋንቶ፥ ዎይ ቱሙ ትምርትያና ጋከተና አይ ኦሱዋ ግድናካ ኦꬅያዋንቶ ከሴዳ።
1TI 1:11 ሄ ቱሞ ትምርቲ አንጀቴዳ ጾሳይ ታን አዋያና ማላ፥ ታዉ ሀዳራ እሜዳ ቦንቾ ዎንጋላ ግዱዋን ደኤ።
1TI 1:12 ታን ኦꬅያ ኪታን ታዉ ዎልቃ እሜዳ ኑ ጎዳ ክርስቶሳ የሱሳ ጋላታይ። ታና ባረ ኦሳንቻ ሱንꬂደ፥ ታና ሄ ኦሶ በስያ አማነቶዋ ጊደ ፓይዴዳ ድራዉካ አ ጋላታይ።
1TI 1:13 ታን ሀዋፐ ካሰ አ ቦርያዋ፥ አ የደርስያዋነ ቱጋይያዋ ግዶፐነ፥ ታዉ ሀዋ እ ኦꬄዳ። ሽን ታን ኤረናን ኦꬄዳ ድራዉነ አማናቤና ድራዉ፥ ጾሳይ ታና ማሬዳ።
1TI 1:14 ቃይ ኑ ጎዳይ ዛዋይ ባይና ባረ አꬎ ኬካተꬃ ታ ቦላን ጉሲደ፥ ክርስቶሳ የሱሳ ባጋና ኑባ ግዴዳ አማኑዋነ ሲቁዋ ታዉ እሜዳ።
1TI 1:15 ክርስቶሳ የሱስ ናጋራንቻቱዋ አሻናዉ ሀ ሳኣ ዬዳ ግያ ሃሳያይ አማነቴዳዋነ አሳይ ኡባይ ቱማ ጊደ አካናዉ በስያዋ። ኡባፐ አꬍያ ናጋራንቻይ ታና።
1TI 1:16 ሽን መꬍና ደኡዋ አካናዉ አን አማናናዉ በስያ አሳዉ ታን ሌምሱዋ ግዳናዳን፥ ኡባፐ አꬍያ ናጋራንቻዉ ታዉ የሱስ ክርስቶሳ ዳሮ ዳንዳያዳን፥ ጾሳይ ታና ማሬዳ።
1TI 1:17 አይፍያን ቤተና መꬍና ጾሳዉ እቶ፥ መꬍና ካተዉ፥ መꬍናፐ መꬍና ጋካናዉ ጋላታይነ ቦንቹ ግዶ። አመንእ!
1TI 1:18 ታ ናኣ ጽሞቶሳ፥ ካሰ ነባ ትምቢትያ ኦዴዳዋዳን፥ ሄ ኦዴዳዋዳን ሎኦ ኦላ ኔን ኦለታና ማላ፥ ሀ አዛዙዋ ነዉ ሀዳራ እማይ።
1TI 1:19 አማኑነ ሎኦ ሱረ ዎዛናይ ነዉ ደኦ። እቱ እቱ ባረንቱ ሱረ ዎዛና የግ አጊደ፥ ላግያዌ ባይና ማርካቢ ባይያዋዳን፥ ባረንቱ አማኑዋ ባይዜድኖ።
1TI 1:20 ጾሳ ቦርያዋ አጋና ማላ፥ ሄዋ ታማራናዉ ታን ሴጻናዉ አꬃ እሜዳ ሄመነዮስነ እስክንድር ኡንቱንቱ ግዶን ደኢኖ።
1TI 2:1 ኑን ጾሳ ማላትያዋን፥ ጌሻተꬃ ኡባን፥ ሳሮተꬃንነ አሽከተꬃን ደአና ማላ፥ አሳ ኡባዉ፥ ካተቶነ ሱንꬃተꬃይ ደእያ ኡባቶ፥ ጾሳ ኦቻናዉ፥ ዎሳናዉ፥ ጋናታናዉነ ጋላታናዉ በስያዋ ኡባባፐ ካሰታደ ታን ኔና ኤርሳይ።
1TI 2:3 አሳይ ኡባይ አታናዳንነ ቱማተꬃ ኤራናዳን ኮይያ ኑና አሽያ ጾሳ ስንꬃን ሀዌ ሎእያባነ ናሸችያዋ።
1TI 2:5 አያዉ ጎፐ፥ እት ጾሳይ ደኤ፤ ጾሳፐነ አሳፐ ግዱዋን ግዲደ ጋናትያ እቱ ደኤ። ሄዌካ ክርስቶስ የሱሳ ግያ አሳ።
1TI 2:6 እ አሳ ኡባ ዎዛናዉ ባረና ኡባዉ እሜዳ። ጾሳይ ባረ ዎድያን አሳ ኡባ ዎዛናዉ ኮይያዋ በስያ ማርካይ ሀዋ።
1TI 2:7 ታን ጾሳ ቃላ ኦድያዋ፥ የሱስ ኪቴዳዋነ ቃይ አማኑዋንነ ቱማተꬃን አይሁዳ ግደና አሳ ታማርስያዋ ግዳደ ሱንቴዳዌ ሀዋሳ። ታን ዎርዶትከ፤ ቱሙዋ ሃሳያይ።
1TI 2:8 ሄዋ ድራዉ፥ ኡባ ሳን ደእያ አቱማ አሳይ ሀንቁነ ፓሉሚ ባይናን፥ ባረ ጌሻ ኩሽያ ፑደ ደንꬂደ፥ ጾሳ ዎሳናዳን፥ ታን ኮያይ።
1TI 2:9 ሄዋዳን ቃይ ማጫዋንቱካ በስያ ማዩዋ ያሻተꬃንነ ባረንታ ሞድያዋን ማይኖ። ጾሳዉ ያያይ ግያ ማጫ አሳ በስያዋዳን፥ ሎኦባ ኦꬅያዋናፐ አትን፥ ሁጲያ ሹሩባ ዳድያዋን፥ ዎርቃን ዎይ እንቁዋን፥ ዎይ ዳሮ አልኦ አፍላን ባረና አሌቂሶፕኖ።
1TI 2:11 ማጫዉና ኡባባን ሞደታደ፥ ጮኡ ጋደ ታማሩ።
1TI 2:12 ታን ማጫዉና ጮኡ ጋደ ደኡ ጋይፐ አትን፥ አቱማ አሳ ታማርሱነ ዎይ ኡንቱንቱ ቦላ አዎቱ ጊከ።
1TI 2:13 አያዉ ጎፐ፥ አዳም ኮይሮ መቴዳ፤ ሄዋና ጉየፐ መታዱ።
1TI 2:14 ሄዋና ጭመታደ ጾሳ ህግያ መንꬃዱፐ አትን፥ አዳም ጭመትቤና።
1TI 2:15 ሽን ማጫዉና አማኑዋን፥ ሲቁዋን፥ ጌሻተꬃንነ ባረና ሞዳደ ደኦፐ፥ ናና የልያዋን አታና።
1TI 3:1 ኦንነ ዎሳ ጎልያ ካለꬅያዋ ግዳናዉ ኮዮፐ፥ ሎኦባ አሞቴዳ ግያ ሃሳያይ ቱማ።
1TI 3:2 ዎሳ ጎልያ ካለꬅያ ኡራይ ቦርሰናዋ፥ እት ማቻት ጻላላይ ደእያዋ፥ ባረና ሞድያዋ፥ ባረና ናግያዋ፥ ባረዉ በስያዋ ኦꬅያዋ፥ እማꬃ ሞክያዋ፥ ታማርሳናዉ ዳንዳይያዋ፥
1TI 3:3 ማꬆተናዋ፥ አሽከተꬃፐ አትን ዋላቀተናዋ፥ ፓሉመተናዋ፥ ሻሉዋ ሲቀናዋ፥
1TI 3:4 ናናይ አዉ አዛዘትያዋነ ቦንችያዋ፥ ቃይ ባረ ጎልያ አይሳናዉ ዳንዳይያዋ ግዳናዉ በሴ።
1TI 3:5 አያዉ ጎፐ፥ እት ኡራይ ባረ ጎልያ አይሳናዉ ዳንዳየናዋ ግዶፐ፥ ጾሳ አማንያዋንታ ዎት አይሳናዉ ዳንዳዪ?
1TI 3:6 ኦቶሩዋን ሱገቲድ፥ ጻላህያ ካፑ ጾሳ ፕርዳን ኩንዴዳዋዳን ኩንደና ማላ፥ ኦራꬃ አማኔዳ አሳ ግዳናዉ በሰና።
1TI 3:7 ጻላህያ ካፑዋ ቦርያንነ ጲርያን ገለና ማላ፥ ሄ ኡራይ ዎሳ ጎልያፐ ካረና ደእያ አሳን ናሸትያዋ ግዳናዉ በሴ።
1TI 3:8 ሄዋዳን ቃይ ዎሳ ጎልያ ማድያዋንቱ አሳይ ቦንችያዋንታ፥ ላኡ ዶና ሃሳየናዋንታ፥ ዳሮ ዎይንያ ኤሳ ኡሸናዋንታ፥ ሚሻዉ ያረተናዋንታ፥
1TI 3:9 አማኑዋ ጹራ ጌሻ ዎዛና ቆፋን ናግያዋንታ ግዳናዉ በሴ።
1TI 3:10 ሄዋንቱ ካሰቲደ ፓጨታናዉ ኮሼ። ፓጭያ አꬎዋፐ ጉይያን፥ ዎሳ ጎለን ኦꬅያዋንታ ግዲደ ኦꬅኖ።
1TI 3:11 ሄዋዳንካ ቃይ ኡንቱንቱ ማቻቱ አሳይ ቦንችያዋንታ፥ ዝግረናዋንታ፥ ባረና ሞድያዋንታ፥ ኡባባን አማነትያዋንታ ግዳናዉ በሴ።
1TI 3:12 ዎሳ ጎልያ ማድያዌ እት ማቻት ጻላላይ ደእያዋነ ቃይ ባረ ናናነ ባረ ጎልያ ሎይꬅ አይስያዋ ግዳናዉ በሴ።
1TI 3:13 አያዉ ጎፐ፥ ዎሳ ጎልያ ማድያዋንታ ግዲደ፥ ሎኦ ኦሱዋ ኦꬅያዋንቱ ባረንቱ ሁጰዉ ዎልቃማ ቦንቹዋ ደሚኖ፤ ቃይ ክርስቶሳ የሱሳን ባረንቶ ደእያ አማኑዋ ሎይꬅ ጻሊደ ሃሳያናዉ ዳንዳዪኖ።
1TI 3:14 ታን ኔኮ ኤለካ ባና ጋደ ሀዋ ነዉ ጻፋይ።
1TI 3:15 ሽን ታን ቤናን ጋምኦፐ፥ ጾሳ ጎለን ኔን ዎታ ደአናዉ በስንቶ ኤራና ማላ ጻፋይ። ሄ ጎሊ ቱማተꬃዉ ቱሳነ ባሶ ግድያ ደኡዋ ጾሳ ዎሳ ጎልያ።
1TI 3:16 ኑ አማኑዋ ጹራይ ዎልቃማ ግድያዋ ኦንነ ስꬋናዉ ዳንዳየና። ክርስቶስ አሹዋን ቆንጬዳ፤ እ ጽሉዋ ግድያዋ ጌሻ አያናይ ማርካቴዳ። ኪታንቻቱካ አ በኤድኖ፤ አይሁዳ ግደና አሳይ አባ ኦድና ስሴዳ። ሳኣን ደእያ አሳይ አ አማኔዳ፤ ቦንቹዋን እ ሳሉዋ ቤዳ።
1TI 4:1 እት እት አሳይ ዉርሰꬃ ዎድያን አማኑዋ አጋናዋ ጌሻ አያናይ ቆንጭያን ኦዴዳ። ኡንቱንቱ ዎርዶ አያናቶ አዛዘታና፤ ቃይ ጻላሀቱዋ ትምርትያ ካላና።
1TI 4:2 ሀዋ ማላ ትምርቲ፥ ትላ ዎዛና ታማን ቦንቄዳ ብራታን ጉዴዳዋዳን ዶንጭሌዳ ዎርዶ አሳቱዋ ባጋና ዬዳ።
1TI 4:3 ሀዋንቱ ማላ አሳቱ አክያዋነ ገልያዋ ቃይ እት እት ቆሞ ካꬃ ምያዋ ድጊኖ። ሽን አማንያዋንቱነ ቱማተꬃ ኤርያዋንቱ ጾሳ ጋላቴዳዋፐ ጉይያን ማና ማላ፥ ጾሳይ ካꬃ መꬌዳ።
1TI 4:4 አያዉ ጎፐ፥ ጾሳይ መꬌዳባይ ኡባባይካ ሎአ። ጾሳ ጋላቲደ አኮፐ፥ ኦለትያዌ አያይነ ባዋ።
1TI 4:5 አያዉ ጎፐ፥ ሄ ኡባባይ ጾሳ ቃላንነ ዎሳን አንጀቴዳዋ።
1TI 4:6 ሄዋ ድራዉ፥ ኔን እሻቱዋ ሄዋ ሀሳይስያዋ ግዶፐ፥ አማኑዋነ ኔን ካሌዳ ሎኦ ትምርትያ ቃላን ኤቆፐ ኔን ክርስቶስ የሱሳዉ ሎኦ ኦሳንቻ ግዳናሳ።
1TI 4:7 ሽን አማንያ አሳዉ ሎኤና ሃሳያፐነ ቃይ ጭማ ማጫ አሳ ቶሳፐ ባቃታ። ቃይ ጾሳ ማላትያዋን ኔና ሎህሳ።
1TI 4:8 አያዉ ጎፐ፥ አሳይ ባረ ቦላ ምንስያዌ ላፋ ጎኤ። ሽን ጾሳ ማላትያዋን ሎህስያዌ ሀእካ ስንꬃፐካ ደኡዋ እማና ግያ ድራዉ፥ ኡባባዉካ ጎኤ።
1TI 4:9 ሀ ሃሳያይ አሳይ ኡባይ አካናዉ በስያ ቱሙ ሃሳያ።
1TI 4:10 ኑን ሄዋ ደማናዉ ዳቡሬቶነ ሎይꬅ ኦꬄቶ፤ ሄዎ ኑን ህዶታ ዎꬄዳዌ አሳ ኡባ፥ ኡባፐ አꬂደ፥ አማንያዋንታ አሽያ ደኡዋ ጾሳ።
1TI 4:11 ሀዋ አዛዛነ ታማርሳ።
1TI 4:12 ኔን ያላጋ ግድያ ድራዉ፥ ኔና ኦንነ ካꬎፖ። ሽን አማንያዋንቶ ነ ሃሳያን፥ ሀኖተꬃን፥ ሲቁዋን፥ አማኑዋንነ ጌሻተꬃን ሌምሱዋ ግዳ።
1TI 4:13 ታን ያና ጋካናዉ አሳዉ ጾሳ ማጻፋ ናባብያዋን፥ ጾሳ ቃላ ኦድያዋንነ ታማርስያዋን ምና።
1TI 4:14 ትምቢትያ ኦድያዋንቱ ሃሳይናነ ጭማቱ ባረንቱ ኩሽያ ነ ቦላ ዎꬅና፥ ኔን አኬዳ፥ ኔናን ደእያ ጌሻ አያና እሙዋ ቶቾፓ።
1TI 4:15 ነ ድቻይ አሳ ኡባዉ ቆንጫና ማላ፥ ሄዋ ምንሳ ቆፓ። ሀዋ ኡባ ዎደ ኦꬃ።
1TI 4:16 ነ ሁጲያነ ነ ትምርትያ ናጋ። ኔን ሄዋ ኦꬆፐ፥ ኔናነ ኔን ግያዋ ስስያዋንታ አሽያ ድራዉ፥ አገናን ኦꬃ።
1TI 5:1 ጭማ አሳ ነ አባ ቦንችያዋዳን ቦንቻፐ አትን፥ ቶቾፓ። ያላጋቱዋ ነ እሻዳን፥
1TI 5:2 ቃይ ጭማ ማጫ አሳ ነ አቲዳን፥ ያላጋ ማጫ አሳ ነ ምቻቲዳን፥ ኩመንꬃ ጌሻተꬃን ቦንቻ።
1TI 5:3 ባረ ጻላላ ግዴዳ ቱሙ አምኤቱዋ ቦንቻ።
1TI 5:4 ሽን አምአትዉ ናናይ ዎይ ናና ናናይ ደኦፐ፥ ሄ ናናይ ጾሳ ማላትያዋ ባረንቱ ሶይ አሳ በስያዋንነ ቃይ ሄዋ ኦꬅያዋን ባረንታ የሌዳዋንቱ ኩሽያ ዛርያዋ ታማርኖ። አያዉ ጎፐ፥ ሄዌ ጾሳ ናሸችያዋ።
1TI 5:5 አያ ማዱካ ባይና ባረ ደእያ ቱሙ አምአታ ጾሳይ እማና ጋደ ናሸቻን ናጋ ኡታዱ። ቃይ ጋላስነ ቃማ ጾሳይ እዞ ማዳና ማላ፥ ዎሳዉነ ኦቻዉ።
1TI 5:6 ሽን ባረና እሻልስያ አምአታ ፓጻ ደኦፐካ፥ እዛ ሀይቃድጋዱ።
1TI 5:7 ቃይ ኦንነ ኡንቱንታ ቦረና ማላ፥ ሀ አዛዙዋ እማ።
1TI 5:8 ሽን ባረንቱዎ ቃይ ኡባፐ አꬂደ፥ ባረ ሶይ አሳዉ ቆፐና ኡራይ ኦናነ ግዶፐ፥ ሄዌ ባረ አማኑዋ ካዴዳዋ። አማነና አሳፐካ አꬊደ አዉ ኢታ።
1TI 5:9 ኡሱፑን ታሙ ላይꬃይ ኩምቤና አምአት ሱንꬃ ማዝጎብያን ጻፎፓ። ሄዋ ቦላን ቃይ እዛ እት አስናፐ ሀራ ገላቤናዉኖ ግዳናዉ ኮሼ።
1TI 5:10 ናና ድችያዋን፥ እማꬃ ሞክያዋን፥ ጌሻቱዋ ገድያ ሜጭያዋን፥ ዋየቴዳ አሳ ማድያዋን፥ ሎኦ ኦሱዋ ኡባ ካልያዋን፥ ሀ ሎኦ ኪታ ኪተትያዋን ኤረቴዳዉኖ ግዳናዉ በሴ።
1TI 5:11 ሽን ያላጋ አምኤቱዋ የኮንቱ ሱንꬃና ጋꬃ ጻፎፓ። አያዉ ጎፐ፥ ኡንቱንቱ ባረንታ፥ አስና ገላ ገላ ግያ ዎደ፥ ክርስቶሳ አጋናዋንታ።
1TI 5:12 ኮይሮ አማኑዋ ካꬌዳ ድራዉ፥ ኡንቱንቱ ፕርደታና።
1TI 5:13 ሄዌ ባይናን ኦሱዋ ꬋዪደ እት ጎልያፐ ሀራ ጎልያ ዩዪደ፥ ሀመትያዋ ሳላላ ግደናን፥ ባረንቶ በሰናባ ሃሳዪደ፥ ዝግርሳነ የዉዋን ጮ ገልያዋ ታማሪኖ።
1TI 5:14 ሄዋ ድራዉ፥ ኑ ሞርከቱ ኑ ቦላ ሃሳይያ ኢታባ ደመና ማላ፥ ያላጋ አምአቱ አስና ገሊደ፥ ናኣ የሊደ፥ ባረንቱ ጎልያ አይሳና ማላ ዞራይ።
1TI 5:15 አያዉ ጎፐ፥ ሀዋፐ ካሰ አማሬዳ አምአቱ ሴጻና ካላናዉ አጊደ ጉየ ስሜድኖ።
1TI 5:16 አማንያ ምሽራትዉ ሀቃንካ ዳቦ አምአቱ ደኦፐ፥ እዛ ኡንቱንታ ማዳናዉ በሴ። አማንያ አሳቱ ማዱ በስያ ቱሙ አምኤቱዋ ማዳና ማላ፥ ኡንቱንቱ አማንያዋንቶ ቶኮ ግዶፕኖ።
1TI 5:17 ሎይꬅ ሄምያ ጭማቱ፥ ቃይ ኡባፐ አꬂደ፥ ቃላ ኦድያዋንነ ታማርስያዋን ዳቡርያዋንቱ፥ ዳኮ ቦንቹዋ አካናዉ በሲኖ።
1TI 5:18 አያዉ ጎፐ፥ ጾሳ ማጻፋይ፥ “ኡዱማን ካꬃ የꬍያ ቦራ ዶና ቃቾፓ” ቃይ፥ “ኦሳንቻይ ባረ ድርጉዋ አካናዉ በሴ” ያጌ።
1TI 5:19 ላኡ ዎይ ሄዙ ማርካይ ባይናን፥ ዎሳ ጎልያ ጭማ ሞትያዋ ስሶፓ።
1TI 5:20 ሀራቱ ያያና ማላ፥ ናጋራ ኦꬅያ ኡባቱዋ አሳ ኡባ ስንꬃን ሴራ።
1TI 5:21 ኔን አይነ አሳ ዴሙዋ ጼለናን፥ እቱዋ እቱዋፐ ዱማየናን ሀ አዛዙዋ ናጋና ማላ፥ ጾሳንነ የሱስ ክርስቶሳን ዶረቴዳ ኪታንቻቱዋ ስንꬃን ኔና ታን ዞራይ።
1TI 5:22 ኦ ቦላንነ ኤሌላደ ነ ኩሽያ ዎꬆፓ። ሀራቱዋ ናጋራን ገሎፓ። ኔና ጌሻተꬃን ናጋ።
1TI 5:23 ኔን ኡባ ዎደ ሳከትያ ድራዉነ ነ ኡሉዋ ድራዉ፥ ጉꬃ ዎይንያ ኤሳ ኡሻፐ አትን፥ ሃꬃ ጻላላ ኡሾፓ።
1TI 5:24 እት እት አሳቱዋ ናጋራይ በአናዉ ቆንጨ፤ ኡንቱንቱ ናጋራይ ኡንቱንታ ፕርዳናዉ ኡንቱንቱፐ ስንꬃዉ አꬌ። ሽን ሀራቱ ናጋራይ ጉየፐ ቆንጬ።
1TI 5:25 ሄዋዳንካ፥ ሎኦ ኦሱካ ቆንጬ። ቆንጭቤናባ ግዶፐነ፥ ጌማናዉ ዳንዳየና።
1TI 6:1 ጾሳ ሱንꬃይነ ኑ ትምርቲ ቦረተና ማላ፥ አይለተꬃ ሞርገ ምꬃ ግዶን ደእያዋንቱ ባረና ሞድያ ጎዳቶ ቦንቹ በስያዋ ኤርኖ።
1TI 6:2 አማንያ አሳ አይልያ ግዴዳዋንቶ ኡንቱንቱ ጎዳቱ ኡንቱንቶ እሻ ግድያ ድራዉ፥ ኡንቱንታ ካꬎፕኖ። ሽን ባረንቱ ኪታን ጎኤትያዋንቱ ኡንቱንቱ ሲቅያ አማንያዋንታ ግድያ ድራዉ፥ ኡንቱንቱ ካሰዋፐ አꬂደ ኦꬃናዉ በሴ። ኔን ሀ የዋቱዋ ታማርሳናዉነ ኦዳናዉ በሴ።
1TI 6:3 ኦንነ ዱማ ትምርትያ ታማርስያዋ ግዶፐ፥ ቃይ ኑ ጎዳ የሱስ ክርስቶሳ ቱሙ ቃላናነ ኑ አማኑዋ ትምርትያና ጋከተና ኡራይ ዳሮ ኦቶረቴ፤ አይነ ኤረና። ቃይ ቃላ ቦላን ፓሉመታናዉነ ዋላቀታናዉ ኡንቱንቶ ጊገና ቆፋይ ደኤ። ሄዌ ቃናትያ፥ ፓሉማ፥ ቦርያ፥ ኢታ ስꬍያ ካለꬄ።
1TI 6:5 ቃይ ኡንቱንቱ ሁጲ ኦና። ቱማተꬃይ ባይና አሳቱዋናካ ፓሉማ ካለꬄ። ኡንቱንቱ ጾሳ ማላትያዋን ዱረታና ጊደ ቆፒኖ። ኔን ሄ አሳቱዋፐ ሻከታ።
1TI 6:6 ሽን ታዉ ደእያባይ ታዉ ግዳና ግያ ኡራ ጾሳ ማላትያዌ ዱረዬ።
1TI 6:7 አያዉ ጎፐ፥ ኑን ሀ አላምያ አይነ አህበይኮ፤ ቃይ አፐ አይነ አፎኮ።
1TI 6:8 ሽን ምያባይነ ማይያባይ ደኦፐ፥ ሄዌ ኑዉ ግዳናዋ።
1TI 6:9 ሽን ዱረታናዉ ኮይያዋንቱ ፓጭያንነ ጲርያን ገሊኖ፤ ቃይ ዳሮ አሳ ባሻዉነ ꬋዮ ጎች አፍያ ዳሮ ኤያነ ቆህያ አሙዋን ኩንዲኖ።
1TI 6:10 አያዉ ጎፐ፥ ሻሉዋ ሲቅያዌ ኢታተꬃ ኡባዉ ፑልቱዋ። እቱ እቱ ሄዋ አሞቲደ፥ አማኑዋፐ ባለቲደ፥ ዳሮ መቱዋን ባረንታ ቆሄድኖ።
1TI 6:11 ሽን ኔኖ፥ ጾሳ አሳዉ፥ ሄዋፐ ባቃታ። ጽሎተꬃ፥ ጾሳ ማላትያዋ፥ አማኑዋ፥ ሲቁዋ፥ ዳንዳያነ አሽከተꬃ ካላ።
1TI 6:12 አማኑዋ ባጽያ ሎይꬃ ባጸታ። ዳሮ አሳ ስንꬃን ሎኦ ማርካ ማርካታደ፥ ኔና ጾሳይ ጼሴዳ መꬍና ደኡዋ ኦይቃ።
1TI 6:13 ኡባባዉ ደኡዋ እምያ ጾሳ ስንꬃንነ፥ ቃይ ጰንጼናውያ ጵላጾሳ ጌተትያ ጋድያ ሞድያዋ ስንꬃን ሎኦ ማርካ ማርካቴዳ ክርስቶስ የሱሳ ስንꬃን ታን ኔና ሀዋ አዛዛይ።
1TI 6:14 ኑ ጎዳ የሱስ ክርስቶስ ቆንጫና ጋካናዉ፥ ቅታይ ባይናንነ ቦሪ ባይናን ሄ አዛዙዋ ናጋ።
1TI 6:15 አ ቆንጨꬃ፥ እት ሱንꬃይ ደእያ አንጀቴዳ ጾሳይ፥ ካታቱዋ ካቲ፥ ጎዳቱዋ ጎዳይ፥ ባረ በስያ ዎድያን በሳና።
1TI 6:16 ሀይቀናዌ እት አ ጻላላ። ኦንነ አኮ ሺቃናዉ ዳንዳየና ፖኡዋን ደኤ። ኦንነ አ በእቤና፤ ቃይ በአናዉካ ዳንዳየና። ቦንቹነ መꬍና ዎልቃይ አዉ ግዶ። አመንእ።
1TI 6:17 ሀእ ሀ ዎድያን ዱረ ግድያዋንቱ ኦቶረተናዳንነ ቃይ ኑን ናሸታናዳን፥ ኡባባ ፓላህሲደ ኑዉ እምያ ደኡዋ ጾሳን አማነታናዋፐ አትን፥ አꬍያ ዱረተꬃን ኡንቱንቱ አማነተናዳን፥ ኡንቱንታ አዛዛ።
1TI 6:18 ኡንቱንቱ ሎኦባ ኦꬃናዳን፥ ሎኦ ኪታን ዱረታናዳን፥ ኬክያዋንታነ ሀራቱዋና ሻክ አክያዋንታ ግዳናዳን አዛዛ።
1TI 6:19 ሄዋ ያትያዋን ኡንቱንቱ ስንꬃዉ ባረንቶ ምኖ ባሶ ግድያ ሻሉዋ ባረንቶ ሺሽኖ። ሄዋፐ ጉይያን፥ ኡንቱንቱ ቱሙ ደኡዋ አካና።
1TI 6:20 ጽሞቶሳ፥ እት እት አሳይ ባላን ኤራተꬃ ግያ ኤያ ፓሉምያፐነ መላ ሃሳያፐ ባቃታደ፥ ነዉ እመቴዳ ሀዳራ ናጋ።
1TI 6:21 አያዉ ጎፐ፥ እቱ እቱ ኑዉ ኤራተꬃይ ደኤ ያጊደ፥ አማኑዋ ባሌድኖ። ጾሳ አꬎ ኬካተꬃይ ህንተናና ኡባና ግዶ።
2TI 1:1 ታን ጳዉሎስ፥ ጾሳይ እማና ጌዳ ክርስቶስ የሱሳና ኑዉ ደእያ ደኡዋባ ኦዳናዉ፥ ጾሳይ ጌዳዋዳን፥ ክርስቶስ የሱስ ኪቴዳዌ፥
2TI 1:2 ታ ሲቆ ናኣ ጽሞቶሳዉ ሀ ዳብዳቢያ ጻፋይ። ጾሳ አዉዋፐነ ኑ ጎዳ ክርስቶስ የሱሳፐ፥ አꬎ ኬካተꬃይ፥ ማሮተꬃይነ ሳሮተꬃይ ነዉ ግዶ።
2TI 1:3 ታ ዛራቱ ኦꬄዳዋዳን፥ ታንካ ታና ዞርያ ጌሻ ዎዛናፐ ኦꬅያ ጾሳ ቃማነ ጋላስ ዎስያ ዎሳን ኡባ ዎደ ኔና ሀሳይያ ድራዉ፥ አ ጋላታይ።
2TI 1:4 ታን ነ አፎꬃ ሀሳያ ሀሳያደ ናሸታና ማላ፥ ኔና በአናዉ ዳሮ ላሞታይ።
2TI 1:5 ኔናን ደእያ ዎርዶ ባይና አማኑዋ ሀሳያይ። ሄ አማኑ በን ነ ዳይ ዳይ ሎይድንነ ነ ዳይ ኤዉኒቅን ደእያ አማኑዋ ማላ፤ ቃይ ኔናንካ ሄዌ ደእያዋ ኤራድ።
2TI 1:6 ሄዋ ድራዉ፥ ታን ታ ኩሽያ ላኡዋ ነ ቦላ ዎꬄዳ ዎደ፥ ጾሳይ ነዉ እሜዳ እሙዋ ኔን ዶሽሰና ማላ፥ ኔና ሀሳይሳይ።
2TI 1:7 አያዉ ጎፐ፥ ጾሳይ ኑዉ ዎልቃ፥ ሲቁዋነ ኑ ሁጲያ ናግያዋ እምያ ጌሻ አያና እሜዳፐ አትን፥ ያሻ አያና እምቤና።
2TI 1:8 ስም፥ ኑ ጎዳዉ ማርካትያዋን ዎይ አ ድራዉ ቃሹዋን ደእያ ታዋንካ ዬላቶፓ። ሽን ጾሳይ ነዉ እምያ ዎልቃ ኬናን ታናና ምሽራቹዋ ቃላዉ ዋየታ።
2TI 1:9 ጾሳይ ባረ ቆፋንነ ባረ አꬎ ኬካተꬃን ኑና አሺደ፥ ባረ አሳ ኦꬃናዉ ጼሶዋፐ አትን፥ ኑን ኦꬄዳ ኦሱዋ ድራዉ ግደና። እ ሀ አꬎ ኬካተꬃ ክርስቶስ የሱሳ ባጋና ዎዲ ዶመታናፐ ካሰ ኑዉ እሜዳ።
2TI 1:10 ሽን ሀእ ሀ አꬎ ኬካተꬃይ ኑና አሽያ ክርስቶስ የሱሳ ዩሳን ኑዉ ቆንጬዳ። ቃይ ሀይቁዋ ዎልቃካ እ ꬋይሴዳ። ዎንጋላ ምሽራቹዋ ባጋና ባየና ደኡዋ ኑዉ ቆንጭሴዳ።
2TI 1:11 ታን የሱስ ኪቴዳዋነ አይሁዳ ግደና አሳ ታማርስያዋ ግዳደ፥ ዎንጋላ ምሽራቹዋ ኦዳና ማላ፥ ጾሳይ ታና ዶሬዳ።
2TI 1:12 ቃይ ታን ሀ መቱዋ አክያዌ ሄዋ ድራሳ። ሽን ታን አማኔዳዋ ኤርያ ድራዉ፥ ዬላትከ። ቃይ እ ታዉ እሜዳ ሀዳራ ሄ ጋላሳይ ጋካናዉ፥ እ ናጋናዉ ዳንዳይያዋ ኤራይ።
2TI 1:13 ታን ኔና ታማርሴዳ ቱሙ ቃላ ሌምሱዋ ኡዳ ኦይቃደ፥ ክርስቶስ የሱሳን ኑዉ ደእያ አማኑዋንነ ሲቁዋን ደአ።
2TI 1:14 ኑ ግዶን ደእያ ጌሻ አያና ባጋና ነዉ ሀዳራ እሜዳ ሎኦባ ናጋ።
2TI 1:15 ኢስያ ግያ ቢታን ደእያ ኡባቱ ታፐ ባቃቴዳዋ ኤራሳ፤ ኡንቱንቱ ግዶን ፕገሉስነ ሄርሞገኔስ ደኢኖ።
2TI 1:16 ሄነስፎሩ ታና ዳሮ ዎደ መንꬄዳ ድራዉ፥ ጎዳይ አ ሶይ አሳዉ ማሮተꬃ እሞ። ቃይ ታን ቃሾ ጎለን ደእያዋ እ ዬላትቤና።
2TI 1:17 ሽን ሮመ ግያ ካታማ ጋኬዳሳና ታና ሎይꬅ ኮዪደ ደሜዳ።
2TI 1:18 ሄ ጋላስ ጎዳፐ ማሮተꬃ ደማናዳን፥ ጎዳይ አዉ እሞ። ቃይ ኤፈሶና ግያ ካታማን እ ታና አይ ኬና ማዴደንቶነ ኔን ሎይꬃ ኤራሳ።
2TI 2:1 ስም ታ ናአዉ፥ ክርስቶስ የሱሳን ደእያ አꬎ ኬካተꬃን ምና።
2TI 2:2 ቃይ ዳሮ ማርካቱ ደእያ ሳን ታፐ ኔን ስሴዳ የዋቱዋ ሀራቱዋ ታማርሳናዉ ዳንዳይያ አማነቴዳ አሳቶ ሀዳራ እማ።
2TI 2:3 ክርስቶሳ የሱሳዉ አማነቴዳ ዎታዳራዳን፥ ታናና ዋየታ።
2TI 2:4 ኦላ ብያ ዎታዳራይ ባረ ካፑዋ ናሸቻናዉ፥ ዎታዳራ ግደና አሳይ ኦꬅያ ኪታን ዋላከተና።
2TI 2:5 ቃይ ዎꬃን ኬሰትያ ኡራይካ ዎጋዳን ዎጻና ꬋዮፐ፥ ዎይታ አከና።
2TI 2:6 ዳሮ ዳቡሪደ ኦꬄዳ ቢታ ጎሽያ ብታኒ ሺቄዳ ካꬃፐ ባረና ጋክያዋ ኮይሮ አካናዉ በሴ።
2TI 2:7 ኔን ኡባባ አኬካናዳን፥ ጎዳይ ኔና ዳንዳይሳና ድራዉ፥ ታን ግያዋ ቆፓ።
2TI 2:8 ታን ዎንጋላ ምሽራቹዋ ኦድያዋዳን፥ ሀይቁዋፐ ደንዴዳ ዳዊተ ዛርያ የሱስ ክርስቶሳ ቆፓ።
2TI 2:9 ታን ዎንጋላ ምሽራቹዋ ኦድያ ድራዉ፥ ኢታባ ኦꬄዳዋዳን፥ ሀራይ አቶ ቃሸታና ጋካናዉ ዋየታይ። ሽን ጾሳ ቃላይ ቃሸተና።
2TI 2:10 ሄዋ ድራዉ፥ ታን ጾሳይ ዶሬዳ አሳቱካ ክርስቶስ የሱሳን ደእያ አቶተꬃ መꬍና ቦንቹዋና ደማናዳን፥ ኡንቱንቱ ድራዉ፥ ታን ኡባባን ዋየታይ።
2TI 2:11 ሀዌ፥ “ኑን አናና እትፐ ሀይቄዳዋ ግዶፐ፥ አናና እትፐ ደአና።
2TI 2:12 ኑን ገንጮፐ፥ አናና እትፐ ካተታና። ኑን አ ካዶፐ፥ እካ ኑና ካዳና።
2TI 2:13 ኑን አማነተናን አጎፐካ፥ እ አማነትያዋ ግዲደ ደአናዋ። አያዉ ጎፐ፥ እ ባረና ባረ ሁጰዉ ኤርከ ጋናዉ ዳንዳየና” ግያዌ ቱሙ ሃሳያ።
2TI 2:14 ኔን ነ አሳ ሀዋ ሀሳይሳ፤ ኡንቱንቱ ቃላን ፓሉመተና ማላ፥ ጾሳ ስንꬃን ዞራ። ሄዌ ስስያ አሳ ባይዝያዋፐ አትን፥ አይነ ጎኤና።
2TI 2:15 ኔን ጾሳ ቱማተꬃ ቃላ ሱረተꬃን ኦድያዋነ ቃይ አ ኦሶ ዬላተና ኦሳንቻ ግዳደ፥ ጾሳይ ሳቢያ አሳዳን፥ ነ ሁጲያ ጾሳዉ እማናዉ ምና።
2TI 2:16 ሽን ሀ ሳአዉ እንጀትያ ማደና ሃሳያፐ ኔና ናጋ። አያዉ ጎፐ፥ ሄዌ ጾሳፐ አሳ ሃሴ።
2TI 2:17 ቃይ ኡንቱንቱ ታማርስያዌ ቦላ ጭቱዋዳን ኡባሳ ጋካናሳ። ሄ ታማርስያዋንቱፐ ላአቱ ሄመነዮሳነ ፕሊጾሳ።
2TI 2:18 ኡንቱንቱ ቱሙዋ ኦግያ አጊደ፥ “ሀይቁዋፐ ደንድያዌ ካሰ አꬍድጌዳ” ያጊደ አማሬዳ አማንያ አሳቱዋ አማኑዋ ባይዚኖ።
2TI 2:19 ግዶፐካ፥ ጾሳይ ኤሴዳ ምኖ ቱሳይ ቃጻና ዳንዳየና። ቃይ አ ቦላን፥ “ጎዳይ ባረዋንታ ኤሬ”፤ ቃይ “ጎዳዋ ግድያ ኦንነ ኢታ ኦሱዋ አጎ” ያግያ ቃላቱ ጻፈቴድኖ።
2TI 2:20 እት ዎልቃማ ጎለን ዎርቃፐነ ብራፐ መቴዳ ሚሻ ጻላላ ግደናን፥ ምꬃፐነ ኡርቃፐ መቴዳ ሚሻቱካ ደኢኖ። ሄዋንቱፐ ባጋቱ ቦንቾ ኦሱዋ ኡንቱንቱን ኦꬃናዉ፥ ቃይ ባጋቱ ቶሸትያባ ኡንቱንቱን ኦꬃናዉ መቴድኖ።
2TI 2:21 ሄዋ ድራዉ፥ ኦንነ ሀ ኢታባ ኡባፐ ባረና ጌሾፐ፥ እ ባረ ጎዳ ጎእያ ኦሱዋ ኦꬃናዉ ባረና እሜዳ ድራዉ፥ ቦንቾ ኦሱዋ ኦꬅያ ሚሻ ግዳናዋ። ቃይ ሎኦ ኦሱዋ ኡባ ኦꬃናዉ ጊገቴዳዋ ግዳናዋ።
2TI 2:22 ሽን ኔን ኢታ ዎዳላተꬃ አሙዋፐ ባቃታ። ባረንታ ማዳናዉ ጌሻ ዎዛናፐ ጎዳ ጼስስያዋንቱና እትፐ፥ ጽሎተꬃ፥ አማኑዋ፥ ሲቆተꬃነ ሳሮተꬃ ምንሳደ ካላ።
2TI 2:23 ሽን ኤያቱዋ ፓሉሚነ አይነ ኤረናዋንቱ ፓሉሚ ዋላሳ ካለꬅያዋ ኤራደ አፐ ባቃታ።
2TI 2:24 ጎዳ ቆማይ ኡባዉ ኬክያዋ፥ ሎይꬅ ታማርስያዋነ ዳንዳያንቻ ግዳናዉ በሴፐ አትን፥ ዋላቀታናዉ በሰና።
2TI 2:25 ቃይ እ ባረና እጽያዋንታ አሽከተꬃን ሴርያዋ ግዳናዉ በሴ። ኡንቱንቱ ባረንቱ ናጋራፐ ስሚደ፥ ቱማተꬃ ኤራናዳን ጾሳይ ኦꬃነንቶ፥ ኦን ኤር።
2TI 2:26 ቃይ ኡንቱንቱ ባረንቱ ዎዛና ቆፋዉ ስሚደ፥ ኡንቱንታ ባረ ኮዬዳባዉ አዛዘታና ማላ ኦይቄዳ ጻላህያ ካፑዋ ዳባፐ ከስ አካና።
2TI 3:1 ሽን ዉርሰꬃ ጋላስ ዋይስያ ዎዲ ያናዋ አኬካ።
2TI 3:2 አያዉ ጎፐ፥ አሳይ ባረና ሲቅያዋንታ፥ ሻሉዋ ሲቅያዋንታ፥ ጬቀትያዋንታ፥ አይያዋንታ፥ ቦርያዋንታ፥ ባረና የሌዳዋንቶ አዛዘተናዋንታ፥ ጋላተናዋንታ፥ ጌሻተꬃይ ባይናዋንታ፥
2TI 3:3 ሲቁ ባይናዋንታ፥ ስገተናዋንታ፥ ዝግርሳንቻቱዋ፥ ባረና ናገናዋንታ፥ ኬከናዋንታ፥ ሎኦባ ዶሰናዋንታ፥
2TI 3:4 ኡባ ኤርከ ግያዋንታ፥ ድርቢያዋንታ፥ ኦቶሩዋን ሱገትያዋንታ፥ ቃይ ጾሳፐ አꬂደ፥ እሻሉዋ ዶስያዋንታ ግዳና።
2TI 3:5 ኡንቱንቱ ጾሳዉ ጎይንያዋ ማላቲኖ፤ ሽን አ ዎልቃ ካዴድኖ። ሄዋንቱ ማላ አሳቱዋኮ ሺቆፓ።
2TI 3:6 አያዉ ጎፐ፥ ኡንቱንቱፐ እቱ እቱ አሳ ጎልያ ገሊደ፥ ናጋራይ ዴጼዳዋንታ፥ ዱማ ዱማ አሙዋን ሱገትያዋንታ፥ ኡባ ዎደ ታማሪደ፥ ቱማተꬃ ኤራ አካናዉ ሙለ ዳንዳይቤና ዳቡራንቻ ማጫዋንታ ባለꬂኖ።
2TI 3:8 ያኔስነ ያምባሬስ ሙሴ የዉዋ ጳልቆዋዳን፥ ሄዋዳን ቃይ ሀዋንቱ፥ ሱረ ቆፋይ ባይናዋንታ አማኑዋን ኩንዴዳዋንቱ፥ ቱማተꬃባ ጳልቂኖ።
2TI 3:9 ሽን ያኔሳ ኤያተꬃይነ ያምባሬሳ ኤያተꬃይ ቃይ ቆንጬዳዋዳን፥ ኡንቱንቱ ኤያተꬃይካ አሳ ኡባዉ ቆንጫና ድራዉ፥ ኡንቱንቱ ካሰዋፐ አꬊደ ድጭክኖ።
2TI 3:10 ሽን ኔን ታ ትምርትያ፥ ታ ሀኖታነ ታ ቆፋ፥ ታ አማኑዋነ ታ ዳንዳያ፥ ታ ሲቁዋነ ታ ገንጩዋ፥
2TI 3:11 ታ የደሳነ ታ ዋይያ በኣዳ። አንጾክያነ፥ እቆንዮነነ ልስጽራ ግያ ካታማቱዋን ታና ጋኬዳባነ ታን ዳንዳዬዳ የደሳ ኤራሳ። ጎዳይ ታና ሄ ኡባፐ አሼዳ።
2TI 3:12 ቱማተꬃን ክርስቶስ የሱሳን ጾሳ ማላቲደ ደአናዉ ዶስያ ኡባይ የደርሰታና።
2TI 3:13 ሽን ኢታ አሳቱነ ባለꬅያዋንቱ ሀራቱዋ ባለꬂደነ ባረንቱ ሁጰዉ ባሊደ፥ ካሰፐ ኢት ኢት ቢኖ።
2TI 3:14 ሽን ኔን ሄ ቱማተꬃ ኦፐ ታማሬደንቶነ ኤራደ፥ ኔን ታማሬዳዋንነ ኤሬዳዋን ምናደ ደአ።
2TI 3:15 ኔን ጉꬃ ናአተꬃፐ ዶማደ ክርስቶስ የሱሳ አማናደ፥ አቶተꬃይ ቤትያ አꬌዳ ኤራ እማናዉ ዳንዳይያ ጌሻ ማጻፋቱዋ ኤራዳ።
2TI 3:16 ጾሳ ማጻፋ ኡባን ጾሳ አያናይ ደኤ። ቃይ ሄ ማጻፋቱ ጾሳዉ ኦꬅያ አሳይ ኩመንꬃነ ሎኦ ኦሱዋ ኡባዉ ጊጌዳዋ ግዳና ማላ፥ ቱማተꬃ ታማርሳናዉ፥ ባላ ሴራናዉ፥ ባይዙዋ ሱርሳናዉነ ጽሎተꬃ ደኦ ዞርያ እማናዉ ማዲኖ።
2TI 4:1 ታን ኔና ጾሳ ስንꬃንነ፥ ደኡዋን ደእያ አሳነ ሀይቄዳ አሳ ፕርዳናዉ ደእያ ክርስቶስ የሱሳ ስንꬃን፥ ቃይ አ ዩሳንነ አ ካዉተꬃን ኔና ዞራይ።
2TI 4:2 ቃላ ኦዳ። ዎዲ እንጀትና እንጀታና ꬋይና፥ ምናደ ኦዳ። ዳሮ ዳንዳያን አሳ ታማርሳደ ሱርሳ፥ ሴራነ ዞራ።
2TI 4:3 አያዉ ጎፐ፥ አሳይ ቱሙ ትምርትያ ስሰናን እጽያ ዎዲ ያናዋ። ሽን አሳይ ባረንቱ አሙዋ ካሊደ፥ ስሳናዉ ናሸችያዋ ኦድያ ታማርስያዋንታ ጉጅ ጉጅ ሺሻና።
2TI 4:4 ኡንቱንቱ ቱሙ የዉዋ ስስያዋ አጊደ፥ ቶሳ ስሳናዉ ባረንቱ ሀይꬃ ዎራ ዛራና።
2TI 4:5 ሽን ኔን ኡባባን ነ ሁጲያ ናጋናዉ በሴ። ዋይያ ዳንዳያ። ዎንጋላ ምሽራቹዋ ኦድያዌ ኦꬅያ ኦሱዋ ኦꬃ። ጾሳ ቆማዳን፥ ነ ኦꬅያ ኦሱዋ ኡባ ፖላ።
2TI 4:6 ታና ግዶፐ፥ ታ ሱꬃይ ጉኪደ ያርሸትያ ዎዲነ ቃይ ሀ ደኡዋ አጋደ ብያ ዎዲ ጋኬዳ።
2TI 4:7 ታን ሎኦ ባጽያ ባጸታድ፤ ዎꬃ ዎጻደ ዉርሳድ፤ አማኑዋካ ናጋድ።
2TI 4:8 ስንꬃፐ ታዉ ጽሎተꬃ ካላቻይ ጊግ ኡቴዳ። ሄዋ ጽሎ ፕርዳ ፕርድያ ጎዳይ ሄ ጋላስ ታዉ እማና። ቃይ ክርስቶስ ቆንጫናዋ ዶስያ ኡባ ሳፐ አትን፥ ታ ጻላላሳ ግደና።
2TI 4:9 ታኮ ኤለካ ያናዉ ምና።
2TI 4:10 አያዉ ጎፐ፥ ዴማስ ሀ አላምያ ዶሲደ፥ ታና አጊደ፥ ተሰሎንቀ ግያ ካታማ ቤዳ። ቀርቂስ ጋላትያ ግያ ጋድያ ቢና፥ ቃይ ቲቶ ድልማጽያ ግያ ጋድያ ቤዳ።
2TI 4:11 ሉቃሳ ጻላላይ ታናና ደኤ። ማርቆስ ታና ኪታን ሎይꬅ ማዳናዉ ዳንዳይያ ድራዉ፥ አ ደማደ ኔናና አካደ ያ።
2TI 4:12 ሽን ታን ትክቆሳ ኤፈሶና ግያ ካታማ ኪታድ።
2TI 4:13 ኔን ያደ፥ ጽሮኣዳ ግያ ካታማን ካርፖሳዋን ታን የጋደ ዬዳ ታ ጋብያነ ቃይ ማጻፋቱዋ ታዉ አካደ ያ። ሽን ዱማያደ ጋልባን ጻፈቴዳ ማጻፋቱዋ አያ ግዶፐነ፥ አከናን ዮፓ።
2TI 4:14 ብራታ ቆጽያ እስክንድር ታና ዳሮ ቆሄዳ፤ ጎዳይ አዉ አ ኦሱዋዳን ዛራና።
2TI 4:15 እ ኑን ኦድያዋ ሎይꬅ ጳልቂያ ድራዉ፥ ኔን አፐ ኔና ናጋ።
2TI 4:16 ኮይሮ ታና ሞትያ ዎደ፥ ኡባይካ አጌዳዋፐ አትን፥ ታና ኦንነ ማድቤና። ጾሳይ ሄዋ ኡንቱንቶ ፓይዶፖ።
2TI 4:17 ሽን ታን ኩመንꬃ ኪታ አይሁዳ ግደና አሳይ ኡባይ ስሳናዉ ኦዳና ማላ፥ ጎዳይ ታ ማታን ኤቂደ፥ ታዉ ዎልቃ እሜዳ። ቃይ ጋሙዋ ዶናፐካ ታና አሼዳ።
2TI 4:18 ጎዳይ ታና ኢታባ ኡባፐ አሺደ፥ ባረ ሳሉዋ ካዉተꬃ ሳሮተꬃን አፋና፤ አዉ መꬍ መꬍናዉ ቦንቹ ግዶ። አመንእ።
2TI 4:19 ጵርስቂልዉ፥ አቂላስነ ሄነስፎሩ ሶይ አሳዉ ታ ሳሮታ ኦዳ።
2TI 4:20 ኤራስጾስ ቆሮንቶሳ ግያ ካታማን አቴዳ። ሽን ጽሮፊሞስ ሳከቴዳ ድራዉ፥ ምሊጸ ግያ ካታማን አ ዎꬃድ።
2TI 4:21 ባልጉ ዎꬋናፐ ካሰ ያናዉ ምና። ኤዉቡሉስ፥ ጱዴስ፥ ሊኖስነ ቅላዉደ ቃይ ሀራ እሻቱ ኡባይካ ኔና ሳሮ ሳሮ ጊኖ።
2TI 4:22 ጎዳይ ነ አያናና ግዶ። አꬎ ኬካተꬃይ ህንተናና ኡባና ግዶ። አመንእ።
TIT 1:1 የሱስ ክርስቶስ ኪቴዳ ታን ጳዉሎስ፥ ጾሳ አይል፥ ሀ ዳብዳቢያ ጻፋይ። ጾሳይ ዶሬዳ አሳዉ አማኑ ደአናዳንነ ጾሳ ቱማተꬃ ኤራኮ ኡንቱንታ ካለꬃናዳን ታን ዶረታደ ኪተታድ።
TIT 1:2 ዎርዶተና ጾሳይ ኑዉ ሀ መꬍና ደኡዋ ዳሮ ዎድያፐ ካሰ እማና ጌዳ።
TIT 1:3 ጾሳይ ኑና አሽያዌ ልከ ዎድያን ባረ ቃላን ሀዋ ቆንጭሴዳ፤ እ ሀዳሪደ ታና አዛዜዳዋዳን፥ ታን አ ቃላ ኦዳይ።
TIT 1:4 አማኑዋ እትፐተꬃን ታ ቱሙ ናኣ ነዉ ቲቶ፥ ጾሳ አዉዋፐነ ኑና አሽያ የሱስ ክርስቶሳፐ፥ አꬎ ኬካተꬃይ፥ ማሮተꬃይነ ሳሮተꬃይ ግዶ።
TIT 1:5 ታን ኔና ቃርጼሳን አጋደ ዬዳዌ፥ ኔን አቶዋ ጊግሳናሳነ፥ ታን አዛዜዳዋዳን፥ ካታማ ኡባን ዎሳ ጎልያ ጭማቱዋ ዶራናሳ።
TIT 1:6 ጭማይ ቦረተናዋነ እት ማቻት ጻላላይ ደእያዋነ አማንያ ናናይ ደእያዋ ግዳናዉ በሴ፤ አ ናናይ ሻሉዋ ባይዝያባንነ ዎይ አዛዘተናን እጽያባን አሳይ አማሳለናዋንታ ግዳናዉ በሴ።
TIT 1:7 አያዉ ጎፐ፥ ሄ ጭማይ ጾሳ ኦሱዋ አዛዝያ ካፑዋ ግዲደ፥ ፖክሰናዋ፥ ኦቶረተናዋነ ኤለ ሀንቀተናዋ ግዳናዉ በሴ፤ ቃይ ማꬆተናዋ፥ ሱገናዋነ ዮራተናዋ ግዳናዉ በሴ።
TIT 1:8 ሽን እማꬃ ሞክያዋነ ሎኦባ ዶስያዋ ግዳናዉ በሴ፤ ቃይ አኬካንቻ፥ ጽሉዋ፥ ጌሻነ ባረና ናግያዋ ግዳናዉ በሴ።
TIT 1:9 አማነትያ ደኡ ቤትያ ትምርትያና ጊግያ ቃላ እ ሎይꬅ ኦይቆ። ያቶፐ ሀራቱዋ ቱሙ አማኑዋ ታማርስያዋን መንꬃናዉነ ቃይ ሄዋ እጽያዋንታካ ዞራናዉ ዳንዳያናዋ።
TIT 1:10 አያዉ ጎፐ፥ አዛዘተናዋንቱ፥ ማደናዋ ሃሳይያዋንቱ፥ ሀራቱዋ ጭምያዋንቱነ ቃጻረቴዳ አይሁዳ አማንያዋንቱ ባጋ ግዴዳ ዳሮ አሳቱ ደኢኖ።
TIT 1:11 ኡንቱንቱ ታማርሳናዉ በሰና ፖክያ ኦግያን ሚሻ ደማናዉ ታማርስያዋን ጎልያ ኡባ ባይዝያ ድራዉ፥ ኡንቱንቱ ሃሳያ ተአና በሴ።
TIT 1:12 ኡንቱንቱ ግዶፐ እቱ፥ ትምቢትያ ኦድያዌ ኡንቱንቶ፥ “ቃርጼሰ አሳይ ኡባ ዎደ፥ ዎርዳቱዋ፥ ኢታ ዱአቱዋነ ዮራንቻ፤ ቃይ አዛላ አሳ” ያጌዳ።
TIT 1:13 እ ማርካቶዌ ቱማ፤ ሄዋ ድራዉ፥ ኔን ኡንቱንቶ ምኖ አማኑ ደአናዳንነ ቃይ አይሁዳቱዋ ቶሳነ ቱሙዋ እጼዳ አሳቱዋ አዛዙዋ ኡንቱንቱ ስሰናዳን፥ ኡንቱንታ ምንሳደ ሴራናዉ በሴ።
TIT 1:15 ባረንቱ ሁጰዉ ጌሻ ግዴዳዋንቶ ኡባባይካ ጌሻ፤ ሽን ቱናቶነ አማነናዋንቶ ኡንቱንቱ ዎዛና ቆፋይነ ኡንቱንታ ሱረ ዎዛናይ ቱኔዳ ድራዉ፥ ኡንቱንቶ አያይነ ጌሻ ግደና።
TIT 1:16 ኡንቱንቱ ባረንቱ ጾሳ ኤርያዋ ቆንጭያን ኦዲኖ፤ ሽን ኡንቱንቱ ሸነይያዋንታ፥ አዛዘተናዋንታነ ኦሱዋ ኡባዉካ ጊገናዋንታ ግድያ ድራዉ፥ ባረንቱ ኪታን አ ኤሮኮ ጊኖ።
TIT 2:1 ሽን ኔን ደኡዋ ደማናዉ ጊግያ ትምርትያ ታማርሳናዉ በሴ።
TIT 2:2 ጭማ አቱማ አሳይ አማኑዋን፥ ሲቁዋንነ ዳንዳያን ምኖ ግዳናዳን፥ ቃይ ማꬆተናዋ፥ ቦንቼትያዋነ ባረናካ ናግያዋ ግዳናዳን ዞራ።
TIT 2:3 ሄዋዳንካ ጭማ ማጫ አሳይ ጌሻ ደኡዋ ደእያዋንታ፥ ዝግረናዋንታ፥ ዎይንያ ኤሳዉ ሞደተናዋንታነ ሎኦባ ታማርስያዋንታ ግዳናዉ በሴ።
TIT 2:4 ኡንቱንቱ ጾሳ ቃላይ ቦረተና ማላ፥ ባረንቱ አስናቱዋነ ባረንቱ ናና ሲቅያዋንታ፥ ባረንታካ ናግያዋንታ፥ ጌሻቱዋ፥ ባረንቱ ጎለን ኦꬅያዋንታ፥ ኬካቱዋነ ባረንቱ አስናቶካ አዛዘትያዋንታ ግዳና ማላ፥ ያላጋ ማጫዋንታ ታማርሳ።
TIT 2:6 ሄዋዳንካ ያላጋ አቱማ አሳቱ ባረንታ ናጋና ማላ ዞራ።
TIT 2:7 ኔን ነ ሁጰዉካ ሎኦ ኦሱዋ ኡባን ኡንቱንቶ ሌምሶ ግዳ፤ ኔን ታማርስያዋንካ አማነትያዋነ ቦንቼትያዋ ግዳ።
TIT 2:8 ነ ሞርከቱ ኑና ዝግርያባይ ኡንቱንቶ ꬋይያ ዎደ ኡንቱንቱ ዬላታና ማላ፥ ኔን ቦረተና ሎኦ ሃሳያ ሃሳያ።
TIT 2:9 አይለቱ ባረንቱ ጎዳቶ አዛዘታና ማላነ፥ ኡንቱንቱና ፓሉመተናን ኡባባን ኡንቱንታ ናሸቻና ማላ ዞራ።
TIT 2:10 ኡንቱንቱ ባረንቱ ጎዳቱዋፐ ዉኤና ማላ፥ ቃይ ኑና አሽያ ጾሳዋ ታማርስያዋ ኡባባን ጋላትሳናዉ፥ ባረንቱ ኦꬅያ ኪታን ኡባ ዎደ ሎአነ አማነትያዋንታ ግድያዋ በሳና ማላ፥ ኡንቱንታ ዞራ።
TIT 2:11 አያዉ ጎፐ፥ ጾሳይ አሳ ኡባ አሽያ ባረ አꬎ ኬካተꬃ ቆንጭሴዳ።
TIT 2:12 ሄ አꬎ ኬካተꬃይ ናጋራ ኦሱዋነ ሀ አላምያ አሙዋ ኑን አጋናዳንነ ኑ ሁጲያ ናጊደ፥ ጾሳ ማላቲደ፥ ጽሎተꬃን ደአናዳን፥ ኑና ታማርሴ።
TIT 2:13 ኑን ኑ ዎልቃማ ጾሳይ፥ ኑና አሽያ የሱስ ክርስቶስ ቤታና ጌዳ አንጀቴዳ ቦንቾ ጋላሳ ናጌቶ።
TIT 2:14 ኢታ ኦሱዋ ኡባፐ እ ኑና ዎዛናዉነ ሎኦባ ኦꬃናዉ አሞትያ ባረ ጌሻ አሳ ከሳናዉ፥ ኑ ድራዉ፥ ባረ ሁጲያ እሜዳ።
TIT 2:15 ኔን ሀዋ ታማርሳ፥ ነ ኩመንꬃ ማታን ዞራነ ሴራ፤ ኦንነ ኔና ካꬎፖ።
TIT 3:1 ኡንቱንቱ ሞድያዋንቶነ ማታይ ደእያዋንቶ ሞደታናዉ፥ አዛዘታናዉነ ሎኦ ኦሱዋ ኡባ ኦꬃናዉ ጊገታናዳን ኡንቱንታ ሀሳይሳ፤ ቃይ ኡንቱንቱ ኦ ቦላንነ ኢታ ቃላ ሃሳየና ማላ፥ ኦናናነ ዋላቀተና ማላ፥ አሳ ኡባ አሽከተꬃነ ስጋተꬃ በስያዋንታ ግዳናዳን ዞራ።
TIT 3:3 አያዉ ጎፐ፥ ኑን ካሰ ኑ ሁጰዉካ ኤያቱዋ፥ አዛዘተናዋንታ፥ ባልያዋንታነ አሞነ ዱማ ዱማ ናሸቻዉ አይልያዳን ሞደትያዋንታ፤ ቃይ ኢታተꬃንነ ቃናትያን ደእያዋንታ፤ አሳን እጸትያዋንታነ እቱ እቱዋካ እጽያዋንታ።
TIT 3:4 ሽን ኑና አሽያ ጾሳ ኬካተꬃይነ አሳ እ ሲቅያ ሲቁ ቆንጬዳ ዎደ፥
TIT 3:5 እ ባረ ማሮተꬃዳንካ፥ ኦራꬃ የለቱሳን ሀኔዳ ጌዩሳንነ ጌሻ አያናን ኦራጼዳዋን ኑና አሼዳዋፐ አትን፥ ኑን ጽሎ ኦሱዋ ኦꬄዳዋና ግደና።
TIT 3:6 ጾሳይ ባረ አꬎ ኬካተꬃን ኑን ጽላናዳንነ፥ እ እማና ጌዳ መꬍና ደኡዋ ላታናዳን፥ ኑና አሽያ የሱስ ክርስቶሳ ባጋና ጌሻ አያና ኑ ቦላ ዳርሲደ ትጌዳ።
TIT 3:8 ሀ ሃሳያይ አማነቴዳዋ፤ ጾሳ አሳቱ ሎኦ ኦሱዋ ኦꬃናዉ ጊጋናዳን፥ ሀ የዉዋ ኡንቱንቶ ኔን ምንሳደ ኦዳናዉ ኮያይ፤ ሀዋንቱ አሳዉ ሎአነ ጎእያዋንታ።
TIT 3:9 ሽን ኤያተꬃ ፓሉማፐ፥ ዛርያ ፓይድያዋፐ፥ ዋላሳፐነ ህግያባን ዋላቀትያዋፐ ናገታ። አያዉ ጎፐ፥ ሄዋንቱ ጎኤናዋንታነ ማደናዋንታ።
TIT 3:10 ሻኮተꬃ መꬍያ ኡራይ ጌላ አሳ ግድያዋነ ባረ ሁጲያን ፕርዲደ ናጋራ ኦꬅያዋ ኤራደ፥ እት ገደ ዎይ ላኡ ገደ አ ሴሬዳዋፐ ጉይያን፥ ሄዋ ማላትያ አሳፐ ሻከታ።
TIT 3:12 ታን አርጸማሳ ዎይ ትክቆሳ ኔኮ ኪትያ ዎደ፥ ኔን ታኮ ንቆጲልዮና ያናዉ ምና። አያዉ ጎፐ፥ ታን ባልጉዋ ያን ሻጫናዉ ቆፋ ቃቻድ።
TIT 3:13 ህግያ ኤርያ ዜናስነ አጲሎስ ኦግያ ብያ ዎደ፥ ኡንቱንቶ አያይነ ፓጨና ማላ፥ ኡንቱንታ ሎይꬃ ማዳ።
TIT 3:14 ኑ አሳይካ ማደና አሳ ግዲደ አተና ማላ፥ ባረንታ ሎይꬅ ኮሽያዋ ደማናዉ፥ ሎኦ ኦሱዋ ምኒደ ኦꬅያዋ ታማርኖ።
TIT 3:15 ታናና ደእያ ኡባቱ ኔና ሳሮ ሳሮ ጌድኖ። ኑና አማኑዋን ሲቅያዋንታ ሳሮ ሳሮ ጋ። ጾሳ አꬎ ኬካተꬃይ ህንተናና ኡባና እትፐ ግዶ። አመንእ።
PHM 1:1 ታን ጳዉሎስ፥ የሱስ ክርስቶሳ ድራዉ ቃሹዋን ደእያዌነ ኑ እሻ ጽሞቶስ፥ ኑናና ኦꬅያ ኑን ሲቅያ ፕልሞናዉ፥
PHM 1:2 ነ ጎለን ሺቅያ አማንያዋንቶ፥ ኑ ምቻት አፍብስነ ኑናና እትፐ ደእያ ክርስቶሳ ዎታዳራ አርክፖሳዉ ሀ ዳብዳቢያ ጻፌቶ።
PHM 1:3 ጾሳ ኑ አዉዋፐነ ኑ ጎዳ የሱስ ክርስቶሳፐ አꬎ ኬካተꬃይነ ሳሮተꬃይ ህንተንቶ ግዶ።
PHM 1:4 ኔን ጾሳ አሳቱዋ ሲቅያዋነ ጎዳ የሱሳ አማንያዋ ታን ስስያ ድራዉ፥ ጾሳ ዎሳደ ኔና ሀሳይያ ዎደ ኡባን፥ ታ ጾሳ ጋላታይ።
PHM 1:6 ኔን ነ አማኑዋ ሀራቱዋና ሻክያዌ ኑዉ ክርስቶስ የሱሳ ባጋና ይያ ሎኦባ ኡባ ኤርሳና ማላ፥ ታን ጾሳ ዎሳይ።
PHM 1:7 አያዉ ጎፐ፥ ጾሳ አሳቱዋ ዎዛናይ ነ ኪታን ምኔዳ ድራዉ፥ ታ እሻዉ፥ ታን ነ ሲቁዋን ዳሮ ናሸቻነ መንꬁዋ ደማድ።
PHM 1:8 ሄዋ ድራዉ፥ ኔን ኦꬃናዉ በስያዋ ኦꬃና ማላ፥ ታን ኔና አዛዛናዉ ክርስቶሳ ባጋና ጻሎፐካ፥
PHM 1:9 ታን ጳዉሎስ ጭሜዳዌ፥ ክርስቶስ የሱሳዉ ሀእካ ቃሹዋን ደእያዌ፥ ሲቁዋ ድራዉ፥ ኔና ዎሳይ።
PHM 1:10 ታን ቃሹዋን ደኣደ አዉ አዉዋ ግዴዳ ታ ናኣ አናስሞሳ ድራዉ፥ ኔና ዎሳይ።
PHM 1:11 እ ካሰ ኔና ጎኤና፤ ሽን ሀእ ኔናካ ታናካ ቱሙ ጎኤ።
PHM 1:12 ታን ዎዛናፐ ዶስያ አናስሞሳ ኔኮ የዶዌ ታ ዎዛና የዶዋ። ታን ዎንጋላ ድራዉ ቃሸታ ኡታ ደእሽን፥ ኔና ኮቺደ፥ ታና ማዳና ማላ፥ ታ ማታን አ አሻናዉ ኮያይ።
PHM 1:14 ሽን ኔን ነ ሸንያዳን ኦꬃናዋ ኮያይፐ አትን፥ ኔናና ዞረተናን ዎልቃን አይነ ኦꬃናዉ ኮይከ።
PHM 1:15 አናስሞስ ጉꬃ ዎድያ ኔፐ ሻከቴዳዌ፥ ኦን ኤር ስሚደ፥ ኡባ ዎደካ ኔናና ደአናሰንቶነ።
PHM 1:16 ስም ሀዋፐ ስንꬃዉ አናስሞስ አይልያ ግደና፤ ሽን አይልያፐ እ ሎይꬅ አꬌ፤ እ ታዉ አይ ኬና ሲቆ እሼ! ቃይ እ ነዉ አሳ ባጋናካ ጎዳ ባጋናካ አይ ኬና አꬌዳ እሻ ግዳንዴሻ!
PHM 1:17 ስም ኔን ታና ነ ላገꬃ ግያዋ ግዶፐ፥ ታና ሞክያዋዳን፥ አ ሞካ።
PHM 1:18 እ ነዉ ባይዜዳባይ ዎይ አ ቦላ ነዉ አጩ ደኦፐ፥ ታፐ ጭጋ አካ።
PHM 1:19 ሄ አጩዋ ታን ጭጋና ጋደ፥ ታን ጳዉሎስ ታ ኩሽያን ጻፋይ። ኔን ታዉ ነ ሸምፑዋ አጮታ ኡቴዳዋ ታን ኔና ሀሳይሳናዉ ኮሸና።
PHM 1:20 ኤ፥ ታ እሻዉ፥ ጎዳ ባጋና ኔፐ ማዱዋ ደማናዉ ኮያይ። ክርስቶሳ ባጋና ታና መንꬃ።
PHM 1:21 ታን ጌዳዋፐ ዳሩዋ ኔን ኦꬃናዋ ኤራደ፥ ቃይ ነ ታዉ አዛዘታናዋካ አማናደ፥ ሀዋ ነዉ ጻፋይ።
PHM 1:22 ቃይ ህንተንቱ ኤለካ ታዉ እማꬃይ ሸምፕያ ጎልያ ጊግስተ። አያዉ ጎፐ፥ ጾሳይ ህንተንቱ ዎሳን ታና ህንተንቶ ጉየ ዛሪደ እማና ጋደ ቆፓይ።
PHM 1:23 ክርስቶስ የሱሳ ድራዉ፥ ታናና ቃሹዋን ደእያ ኤፓፍር ኔና ሳሮ ሳሮ ጌ።
PHM 1:24 ቃይ ታናና እትፐ ኦꬅያ ማርቆስ፥ አርስጽሮኮስ፥ ዴማስነ ሉቃስ ኔና ሳሮ ሳሮ ጊኖ።
PHM 1:25 ጎዳ የሱስ ክርስቶሳ አꬎ ኬካተꬃይ ህንተንቱ አያናና ግዶ።
HEB 1:1 ጾሳይ በን ዎደ፥ ኑ አዎቱ ናባቱዋ ባጋና ዱማ ዱማ ኦግያንነ ዳሮ ዎድያን ሃሳዬዳ።
HEB 1:2 ሽን ሀ ዉርሰꬃ ዎድያን፥ ኡባባ አ ላትሲደ፥ የለታ አ ባጋና መꬌዳ ባረ ናኣ ባጋና ኑዉ ሃሳዬዳ።
HEB 1:3 ናአይ ጾሳ ቦንቾ ፖኡዋ ጶሌ፤ ቃይ ኩመንꬃ ጾሳ ኤሻ አኪደ፥ ባረ ዎልቃማ ቃላን ሀ ሳኣ ናጌ፤ ያቲደ አሳ ናጋራፐ ጌሺደ፥ ኡባፐ ቦላ ጾሳፐ ኡሸቻ ባጋና ሳሉዋን ኡቴዳ።
HEB 1:4 ጾሳይ አዉ እሜዳ ሱንꬃተꬃይ ኪታንቻቱዋፐ ꬎቃ ግድያዋዳንካ፥ ኡንቱንቱፐ አ ሎይꬅ ꬎቁ ኦꬄዳ።
HEB 1:5 አያዉ ጎፐ፥ ጾሳይ ባረ ኪታንቻቱዋፐ ኦና፥ “ኔን ታ ናኣ፤ ታን ሀቼ ነዉ አዉዋ ግዳድ” ጌዴ? ዎይ ቃይ ኦና፥ “ታን አዉ አዉዋ ግዳና፤ እካ ታዉ ናኣ ግዳና” ጌዴ?
HEB 1:6 ቃይ ጾሳይ ባረ ባይራ ናኣ ሀ ሳኣ የዳና ሀኒደ፥ “ታ ኪታንቻቱዋ ኡባቱካ አዉ ጎይንኖ” ያጌዳ።
HEB 1:7 ጸሳይ ኪታንቻቱዋባ ሃሳዪደ፥ “ታን ታ ኪታንቻቱዋ ጫርኩዋ ከሳይ፤ ቃይ ታ ኦሳንቻቱዋካ ታማ ላጩዋ ከሳይ” ያጌ።
HEB 1:8 ሽን ባረ ናኣዋ ሃሳዪደ፥ “ጾሳዉ፥ ነ ካዉተꬃ ኦይዲ፥ መꬍ መꬍናዉ ደኤ። ነ ካዉተꬃ ጽሎተꬃን አሃሳ።
HEB 1:9 ኔን ጽሎተꬃ ሲቃደ፤ ናቁዋ እጻዳ። ጾሳይ፥ ነ ጾሳይ ኔና፥ ነ ላገቱዋፐ አꬂደ፥ ናሸቻን እልልስያ ዛይትያ ኦኬዳዌ ሀዋሳ” ያጌ።
HEB 1:10 ጾሳይ ሀዋዳን ያጌ፤ “ጎዳዉ፥ ኮይሮ ኔን ሳኣ መꬋዳ፤ ሳሉዋካ ነ ኩሽያን መꬋዳ።
HEB 1:11 ሄዋንቱ ኡባይ ꬋያና፤ ሽን ኔን ደአና። ኡንቱንቱ ኡባይካ አፍላዳን ዉራና።
HEB 1:12 ኔን ኡንቱንታ ጋብያዳን ዳኮያና፤ ቃይ ኡንቱንቱ አፍላዳን ላመታናዋንታ። ሽን ኔን ኔናካ፤ ነ ላይꬃይ ኡባካ ዉረና” ያጌ።
HEB 1:13 ሽን ጾሳይ ባረ ኪታንቻቱዋፐ እቱዋነ፥ “ታን ነ ሞርከቱዋ ኔን ገድያን የꬍያዋ ኦꬃና ጋካናዉ፥ ሀዋን ታፐ ኡሸቻ ባጋን ኡታ” ግቤና።
HEB 1:14 ኪታንቻቱ ኡባይ ጾሳዉ ኦꬃናዉነ አቶተꬃ ደማና አሳቱዋ ማዳናዉ ጾሳይ ኪቴዳ አያናቱዋ ግድክኖዬ?
HEB 2:1 ሄዋ ድራዉ፥ ኑን ስሴዳ ቱሙ የዉዋፐ ሱገት ዎራ ቤና ማላ፥ ሄ የዉዋ ሎይꬅ ኦይቃናዉ በሴ።
HEB 2:2 አያዉ ጎፐ፥ ኪታንቻቱ ኦዴዳ ቃላይ ቱማ ግድያ ድራዉ፥ ናቂያ ዎይ አዛዘተና አሳይ ኡባይ ሙረቴዳዋ ግዶፐ፥
HEB 2:3 ያትና፥ ኑን ሀ ዎልቃማ አቶተꬃ ሸነኮ ጎፐ፥ ዋኒደ አታኔ? ጎዳይ ኮይሮ ባረ ሁጰዉ ሀ አቶተꬃ ኦዴዳ፤ ቃይ እ ኦዴዳዋ ስሴዳዋንቱ ኑዉ ጌሺደ ኦዴድኖ።
HEB 2:4 ሄ ስሴዳዋንቱ ማርካቴዳዌ ቦላ ጾሳይካ ማላ፥ ኦራꬃባነ ዱማ ዱማ ማላታ ኪተትያዋን ጉጅ ማርካቴዳ፤ ቃይ ጌሻ አያና እሙዋካ ባረ ኮዬዳዋዳን፥ ግሽ ጋꬄዳ።
HEB 2:5 አያዉ ጎፐ፥ ጾሳይ ኑን ሃሳይያ ስንꬃፐ ያና አላምያ፥ ኪታንቻቱዋ ሞድስቤና።
HEB 2:6 ሽን ጾሳ ማጻፋይ እትሳን ሀዋዳን ያጌ፤ “ጾሳዉ፥ ኔን አሳዋ ቆፓናዉ አሳይ አዬ? ዎይ ኔን አዉ ህርጋናዉ እ አዬ?
HEB 2:7 ኔን ኪታንቻቱዋፐ፥ አማሬዳ ዎድያ አ ጉꬃዳ። አ ሁጲያንካ ቦንቹዋነ፥ ሳባ ካላቻ ዎꬃዳ።
HEB 2:8 ቃይ ኡባባ አ ገድያፐ ጋርሳና ዎꬃደ ሞድሳዳ” ያጌ። አያዉ ጎፐ፥ ጾሳይ ኡባባካ አ ሞድሴዳዋዳን አን ሞደትቤናዌ አያይነ ባዋ፤ ሽን ሀእ ኡባባይ አዉ ሞደትያዌ ኑዉ ቤተና።
HEB 2:9 ሽን ኑን የሱሳ በኤቶ፤ የሱስ ጾሳ አꬎ ኬካተꬃ ባጋና አሳ ኡባዉ ሀይቃና ማላ፥ አማሬዳ ዎድያ ኪታንቻቱዋፐ ጋርሳ ግዴዳ። ቃይ ሀይቁዋ ዋይያ እ ዋየቴዳ ድራዉ፥ ፖእያ ቦንቹዋነ ሳባ ካላቻ ዎꬄዳዋ ሀእ ኑን በኤቶ።
HEB 2:10 ጾሳይ ኡባባ መꬌዳዌ፥ ኡባባካ ናግያዌ፥ የሱስ ዳሮ ናና አሂደ፥ ባረናና ቦንችሳና ማላ፥ ዋይያ ባጋና የሱሳ ባላይ ባይናዋ ኦꬄዳዋ በሴ፤ አያዉ ጎፐ፥ ሄ ናና አቶተꬃዉ ካለꬅያዌ የሱሳ።
HEB 2:11 አያዉ ጎፐ፥ አሳ ጌሽያ የሱሳዉካ ቃይ ሄ ጌዬዳ አሳ ኡባዉካ አዉ እቱዋ። የሱስ ኡንቱንታ፥ “ታ እሻቱዋ” ጊደ ዬላተናን ጼስያዌ ሀዋሳ።
HEB 2:12 የሱስ፥ “ታን ነ ሱንꬃ ታ እሻቶ አዋያና። ማባራ ሺቁዋንካ ኔና ጋላታና” ያጌ።
HEB 2:13 ቃይ እ፥ “ታን ታ አማኑዋ ጾሳን ዎꬃና” ቃይካ፥ “ጾሳይ ታዉ እሜዳ ናናቱዋና ታን ሀዋን ደአይ” ያጌ።
HEB 2:14 ናና ጊደ እ ጼስያዋንቱ፥ አሹዋፐነ ሱꬃፐ መቴዳ አሳቱዋ ግድያ ድራዉ፥ የሱስ ባረ ሁጰዉ ኡንቱንታ ማላቲደ፥ ኡንቱንቱ መታ አኬዳ፤ ቃይ እ ሄዋ ኦꬄዳዌ፥ ጻላህያ ካፑዋ ሀይቁዋ ቦላ ማታይ ደእያዋ ባረ ሀይቁዋን ꬋይሳናሳ።
HEB 2:15 ቃይ ባረንቱ ደኡዋ ኡባን ሀይቆ ያዪደ፥ ሀይቆ አይለቲደ ደእያዋንታ ኡባቱዋ አይለተꬃፐ ከሴዳ።
HEB 2:16 አያዉ ጎፐ፥ አብራሃማ ዛርያ እ ማድያዋፐ አትን፥ ኪታንቻቱዋ ማደናዌ ኤረቴዳ።
HEB 2:17 ሄዋ ድራዉ፥ አሳ ናጋራይ አቶ ጌተታና ማላ፥ ጾሳ ኪታን አማነቴዳ ማርያ ቄሳቱዋ ኡባቱዋ ካፑዋ ግዳና ማላ፥ ኡባባን እ ባረ እሻቱዋ ማላታናዉ በሴ።
HEB 2:18 አያዉ ጎፐ፥ እ ባረ ሁጰዉ ፓጨቴዳ ድራዉነ ዋየቴዳ ድራዉ፥ ፓጨትያዋንታ ማዳናዉ ዳንዳዬ።
HEB 3:1 ሄዋ ድራዉ፥ ጾሳይ ጼሴዳ ጌሻ እሻቶ፥ ኑ ማርካተꬃ ጾሳይ ኪቴዳዋ ቄሳቱዋ ኡባቱዋ ካፑዋ፥ የሱስ ክርስቶሳ ቆፕተ።
HEB 3:2 ሙሴ ባረ ኪታን ጾሳ ጎልያ ኡባን አማነቴዳዋ ግዴዳዋዳን፥ የሱስካ ባረና ዶሪደ፥ ሀ ኦሶ የዴዳ ጾሳዉ አማነቴዳዋ።
HEB 3:3 አያዉ ጎፐ፥ ኬጸትያ ጎልያፐ ኬጽያ ብታኒ ቦንቼትያዋዳን፥ ሙሴዋፐ አꬍያ ቦንቹዋ እ አካናዉ በስያዌ ኤረቴዳዋ።
HEB 3:4 አያዉ ጎፐ፥ ጎልያ ኡባ ኬጼዳዌ እት አሳ፤ ሽን ኡባባ ኬጼዳዌ ጾሳ።
HEB 3:5 ሙሴ ጾሳ ጎልያ ኡባን አማነቴዳ ኦሳንቻ ግዲደ፥ ጾሳይ ስንꬃፐ ጋናዋ ማርካቴዳ።
HEB 3:6 ሽን ክርስቶስ ጾሳ ጎለን ናኣዳን አማነቴዳዋ፤ ኑን አካና ጊደ ናሸቻን ናግያዋ ጻላተꬃንነ አማኑዋን ናጎፐ፥ ጾሳዉ ጎልያ ግዴቶ።
HEB 3:7 ሄዋ ድራዉ፥ ጌሻ አያናይ ሀዋዳን ያጌ፤ “ጾሳ ቃላ ህንተንቱ ሀቼ ስስያባ ግዶፐ፥
HEB 3:8 ህንተንቱ አዎቱ ታዉ እጽ ማካሊደ፥ ኦይታሙ ላይꬃ ታ ኦሱዋ በኤዳ ባዙዋ ፓጭያ ጋላሳዳን፥ ህንተንቱካ ዞርያ አከናን እጾፕተ።
HEB 3:10 ሄዋ ድራዉ፥ ታን፥ ሄ አሳ ሀንቀታደ፥ ‘ኡንቱንቱ ኡባ ዎደ ባረንቱ ዎዛናን ባሊኖ። ታ ኦግያካ ኤርበይክኖ’ ያጋድ።
HEB 3:11 ሄዋዳንካ ቃይ፥ ታን ሀንቀታ ጫቃደ፥ ‘ታን ሸምፕያ ሳ ኡንቱንቱ፥ ኡባካ ገልክኖ’ ያጋድ” ያጌ።
HEB 3:12 ታናዳን አማንያዋንቶ፥ ደኡዋ ጾሳፐ ህንተንታ ሻክያ ኢታ አማነና ዎዛናይ ህንተናን ኦናንነ ደኤና ማላ ናገትተ።
HEB 3:13 ሽን ጾሳይ ህንተንታ ኡባ ጋላስ ሀቼ ጊደ ጼስሽን፥ ህንተፐ ኦናነ ናጋራይ ባለꬅና፥ ዞርያ አከናን እጸና ማላ፥ እቱ እቱዋ ዞርተ።
HEB 3:14 አያዉ ጎፐ፥ ኑን ኮይሮ ኑዉ ደእያ አማኑዋ ዉርሰꬃይ ጋካናዉ ሎይꬅ ናጎፐ፥ ክርስቶሳና እትፐ ሻካና።
HEB 3:15 ጾሳ ማጻፋይ፥ “ጾሳ ቃላ ህንተንቱ፥ ሀቼ ስስያዋ ግዶፐ፥ ሄ ዎደ ኡንቱንቱ እጽ ማካሌዳዋዳን፥ ዞርያ አከናን እጾፕተ” ያጌዳ።
HEB 3:16 ጾሳይ ግያዋ ስሲደ፥ አዉ ማካሌዳ አሳቱ ኦኔ? ሙሴ ግብጼፐ ካለꬅና ከሴዳ ኡባቱዋ ግድክኖዬ?
HEB 3:17 ጾሳይ ኦይታሙ ላይꬃ ኦናን ሀንቀቴዴ? አሃይ ዎራን አቴዳ አሳቱዋ፥ ናጋራ ኦꬄዳዋንታ ግድክኖዬ?
HEB 3:18 ቃይ ጾሳይ ባረዉ አዛዘተናን እጼዳዋንቱ እ ሸምፕያ ሳኣ ኡባካ ገለና ማላ፥ ኡንቱንቶ ጫቄዳዋፐ አትን፥ ኦስ ጫቄዴ?
HEB 3:19 ኡንቱንቱ አማንቤና ድራዉ፥ ሸምፕያ ሳ ገላናዉ ዳንዳይቤናዋ ኑን በኤቶ።
HEB 4:1 ስም ጾሳይ ኑና ባረ ሸምፕያ ሳ፥ “ገልሳና” ጌዳዌ ብራ ግዶፐ፥ ህንተፐ ኦንነ ሄ ሸምፕያ ሳ ገለናን አተና ማላ ናገቶ።
HEB 4:2 አያዉ ጎፐ፥ ኡንቱንቱ ዎንጋላ ምሽራቹዋ ስሴዳዋዳን፥ ኑንካ ስሴዶ፤ ኡንቱንቱ ስሴድኖ፥ ሽን አማኒደ አክቤና ድራዉ፥ አይነ ኡንቱንታ ጎእቤና።
HEB 4:3 ግዶፐካ፥ ጾሳ ኪታይ ሳአይ መቶደፐ ዶምና ፖለቴዳዋ ግዶፐነ፥ ጾሳይ፥ “ታን ሀንቀታ ጫቃደ፥ ‘ኡንቱንቱ ታን ሸምፕያ ሳ ኡባካ ገልክኖ’ ያጋድ” ጌዳዋዳን፥ ኑን አማኔዳዋንቱ እ ሸምፕያ ሳ ገላና።
HEB 4:4 አያዉ ጎፐ፥ ላፑንꬃ ጋላሳባ እትሳን ጾሳ ማጻፋይ፥ “ጾሳይ ላፑንꬃ ጋላሳን ባረ ኦሱዋ ኡባፐ ሸምፔዳ” ያጌዳ።
HEB 4:5 ቃይ ሄ ሳኣን፥ “ኡንቱንቱ ታን ሸምፕያ ሳ ኡባካ ገልክኖ” ያጌዳ።
HEB 4:6 ዎንጋላ ምሽራቹዋ ኮይሮ ስሴዳዋንቱ አዛዘትቤና ድራዉ፥ ሸምፑዋ ሳኣ ገልበይክኖ፤ እት እት አሳቱ ያ ገላናዋንቱ ደኢኖ።
HEB 4:7 ጾሳይ ዳሮ ዎድያፐ ጉይያን፥ ዳዊታ ባጋና ላኤንꬁዋ እት ጋላሳ፥ “ሀቼ” ግያ ቃላን ኬሪደ፥ “ጾሳ ቃላ ህንተንቱ ሀቼ ስስያዋ ግዶፐ፥ ዞርያ አከናን እጾፕተ” ያጌዳ።
HEB 4:8 ጾሳይ ሸምፕያ ሳ አሳ አፊደ ኢያሱ ሸምፕሴዳዋ ግድንቶ፥ ጾሳይ ሀራ ጋላሳዋ ጉየ ኬረና።
HEB 4:9 ሄዋ ድራዉ፥ ጾሳ አሳዉ ሳምባታ ሸምፑ ናገት ኡቴዳ።
HEB 4:10 አያዉ ጎፐ፥ ጾሳይ ሸምፕያ ሳ ገልያ ኦንነ፥ ጾሳይ ባረ ኦሱዋፐ ሸምፔዳዋዳን፥ እካ ባረ ኦሱዋፐ ሸምፓና።
HEB 4:11 ስም እስራኤልያ አሳይ አዛዘተናን እጺደ፥ ጾሳና እትፐ ሸምፕያ ሳ ገለናን አቴዳዋዳን፥ ኑፐ ኦንነ ሄዋ ማላ ኤኖ ጌናን እጹዋን ያ ገለናን አተና ማላ ምኖይተ።
HEB 4:12 አያዉ ጎፐ፥ ጾሳ ቃላይ መꬍናዉ ደእያዋኔ ኦꬅያዋ፤ ላኡ ባጋና ሌፈቴዳ ማሻፐካ አꬊደ ኩሴ። ሄ ቃላይ ሸምፑነ አያናይ፥ ኩሪነ ኮልዚ እትፐ ጋከትያሳ ሻካና ጋካናዉ ጫዴ። ቃይ አሳ ዎዛናን ደእያ ኮሻነ ቆፋ እ ሻኬ።
HEB 4:13 ኑን ኦꬅያዋ ዎችያ ጾሳ ስንꬃን ኡባባይካ ቤትያዋፐነ ቆንጭያን ደእያዋፐ አትን፥ አ አይፍያን ጌምያ መታይ አያይነ ባዋ።
HEB 4:14 ስም ሳሉዋ ቤዳ፥ ቄሳቱዋ ኡባቱዋ ዎልቃማ ካፑ፥ ጾሳ ናአይ የሱስ፥ ኑዉ ደእያ ድራዉ፥ ኑ አማኑዋ ሎይꬅ ናጌቶ።
HEB 4:15 አያዉ ጎፐ፥ ኑ ቄሳቱዋ ኡባቱዋ ካፑ ኑን ዳቡርያ ዎደ ኑዉ ቃረታናዉ ዳንዳዬ፤ ናጋራ እ ኦꬅቤናዋፐ አትን፥ ኑናዳን ኡባባንካ ፓጨቴዳ።
HEB 4:16 ስም ኑና ኮሽያ ዎደ ማድያ ማሮተꬃ አካናዉነ አꬎ ኬካተꬃ ደማናዉ፥ አꬎ ኬካተꬃይ ደእያ ሳኣ ጾሳ አራታኮ፥ ያየናን ሺቆይተ።
HEB 5:1 ቄሳቱዋ ኡባቱዋ ካፓቱ ሁጲያን ሁጲያን ባረ አሳ ግዶፐ ዶረቲደ፥ ሄ አሳ ግሻታዉ ጾሳዉ ኦꬃናዉ፥ እሙዋ እማናዉነ ናጋራ ያርሹዋ ያርሻናዉ ሱንቴድኖ።
HEB 5:2 እ ባረ ሁጰዉ ዳቡራንቻ ግድያ ድራዉ፥ ታማርቤናዋንቶነ ባልያዋንቶ ቃረታናዉ ዳንዳዬ።
HEB 5:3 ሄዋ ድራዉ፥ ሄ ቄሳቱዋ ኡባቱዋ ካፑ አሳ ድራዉ ያርሹዋ ያርሽያዋዳን፥ ባረ ሁጰ ናጋራ ድራዉካ ያርሻናዉ በሴ።
HEB 5:4 ጾሳይ አሮና ቄሳቱዋ ኡባቱዋ ካፑዋ ግዳና ማላ ጼሴዳዋዳን፥ ጾሳይ ጼሳናፐ አትን፥ ኦንነ ቄሳቱዋ ኡባቱዋ ካፑዋ ግድያ ቦንቹዋ ባረዉ አካናዉ ዳንዳየና።
HEB 5:5 ሄዋዳንካ፥ ክርስቶስ ቄሳቱዋ ኡባቱዋ ካፑዋ ግድያ ቦንቹዋ ባረዉ አክቤና፤ ሽን ጾሳይ አ፥ “ኔን ታ ናኣ። ታን ሀቼ ነዉ አዉዋ ግዳድ” ያጌዳ።
HEB 5:6 ሄዋዳንካ ቃይ ሀራሳን፥ “ማልክ-ጸደቂ ቄሳ ግዴዳዋዳን፥ ኔንካ መꬍናዉ ቄሳ ግዳና” ያጌዳ።
HEB 5:7 የሱስ ሳኣን ደእያ ዎደ፥ ባረና ሀይቁዋፐ አሻናዉ ዳንዳይያ ጾሳ ሎይꬅ ዬኪደነ አፎጺደ ዎሴዳነ ኦቼዳ፤ ጾሳይ አ ዎሳ ስሴዳዌ፥ እ ባረና ቶቼዳዋሳነ አዉ ያዬዳዋሳ።
HEB 5:8 የሱስ ጾሳ ናኣ ግዶፐነ፥ ባረ ዋየቴዳ ዋይያን አዛዘትያዋ ታማሬዳ።
HEB 5:9 የሱስ ባረ ኦሱዋ ፖሌዳ ዎደ፥ ባረዉ አዛዘትያ ኡባዉ መꬍና አቶተꬃ ደማናዉ ጋሶ ግዴዳ።
HEB 5:10 ቃይ ጾሳይ ማልክ-ጸደቃ ሱንꬃተꬃዳን፥ ቄሳቱዋ ኡባቱዋ ካፑዋ ግዳና ማላ፥ አ ሱንꬄዳ።
HEB 5:11 ኑን ሀ የዉዋን ሃሳያናባይ ዳሮባይ ደኤ፤ ሽን ህንተንቱ አኬካናዉ አዛላ ግድያ ድራዉ፥ ህንተንቶ ኦድ ገልሳናዉ ዋይሴ።
HEB 5:12 አያዉ ጎፐ፥ ህንተንቱ ሀ ዎድያን ታማርስያዋንታ ግዳናዉ በሶፐካ፥ ጾሳ ቃላ ኮይሮ ትምርትያ ህንተንታ ዛር ታማርስያ እት ኡራ ኮሼ፤ ህንተንታ ኡሽያ ማꬃ ኮሼፐ አትን፥ ጮምያ ቁማ ኮሸና።
HEB 5:13 ማꬃ ፓከቲደ ደእያ ኦንነ ጋጭኖ ናኣ ግድያ ድራዉ፥ ጽሎተꬃ ትምርትያዋ ኤረና።
HEB 5:14 ሽን ምኖ ቁማይ ኢታነ ኬካ ደኡዋ ዳሩዋን ሻክ ኤሬዳ ዎዛናማ አሳሳ።
HEB 6:1 ሄዋ ድራዉ፥ ክርስቶሳ ትምርትያ ብሮ ዶምያዋ አጊደ፥ ዎዛናማ አሳ ትምርተዉ ስንꬃዉ ቦይተ፤ ኮይሮ ኑን ታማራናዉ ኮሽያ ትምርትያ ዎꬍ ኤቂደ ታማራናዉ ኑዉ በሰና፤ ሄ ትምርቲ አዬ ጎፐ፥ ማደና ኦሱዋፐ ስምያዋ፥ ጾሳ አማንያዋ፥ ጽንቃታቱዋባ፥ ኩሽያ ዎꬁዋባ፥ ሀይቁዋፐ ደንዱዋባነ መꬍና ፕርዳባ።
HEB 6:3 ጾሳይ ኦꬅተ ጎፐ፥ ሄዋ ኑን ኦꬃና።
HEB 6:4 አያዉ ጎፐ፥ እቶደካ ፖኡ ፖኤዳዋንታነ ሳሉዋ እሙዋ ባር በኤዳዋንታ፥ ቃይ ጌሻ አያናካ ሻክ አኬዳዋንታነ ጾሳ ቃላይ ሎአ ግዴዳዋ ስስ ኤሬዳዋንታ፥ ስንꬃፐ ያና ሳኣ ዎልቃካ ቦች ጼሌዳዋንታ፥
HEB 6:6 ሄዋፐ ጉየ ስሚደ ካዴዳዋንታ ናጋራፐ ላኤንꬁዋ ዛራናዌ ዳንዳየተና። አያዉ ጎፐ፥ ሄዋንቱ ጾሳ ናኣ ማስቃልያ ቦላ ምስማርያን ꬍሺደ ካቂያዋንታነ አሳ ስንꬃን ካዉሽያዋንቱ ማላ።
HEB 6:7 ኡባ ዎደ ቡክያ እራ ኡሽና፥ ጎሼዳ ኡራ ጎእያ ካꬃ ሞክያ ቢታ ጾሳይ አንጄ።
HEB 6:8 ሽን ቡሉዋነ ቡዙዋ ሞኮፐ፥ አይነ ጎኤና፤ ሸቃዉ ሺቅ ኡቴዳ። ቃይ ዉርሰꬃን ጉደታና።
HEB 6:9 ሽን ኑ ሲቃቶ፥ ኑን ሀዋዳን ሃሳይያዋ ግዶፐነ፥ ህንተንቱ አቶተꬃዉ ግድያ ሎኦባይ ህንተንቶ ደእያዋ ኤሬቶ።
HEB 6:10 አያዉ ጎፐ፥ ህንተንቱ ኦꬄዳ ኦሱዋነ ቃይ አማንያዋንታ ማዴዳዋንነ ሀእካ ማድያዋን ጾሳ ሲቄዳ ሲቁዋ ጾሳይ ዶጋናዉ ማካላ ግደና።
HEB 6:11 ህንተንቱ ሁጲያን ሁጲያን ደማና ጊደ፥ ህዶታን ናግ ኡቴዳ ኩመንꬃ ቱማተꬃ ዉርሰꬃይ ጋካናዉ፥ ካሰዋዳን ምንሲደ ኦꬃና ማላ አሞቴቶ።
HEB 6:12 ጾሳይ እማና ጌዳዋ አማኑዋንነ ገንጫን ላትያዋንቱ ማላ ህንተንቱ ግዳናዋ ኑን ኮይያዋፐ አትን፥ አዛላ ግዳናዋ ኮዮኮ።
HEB 6:13 ጾሳይ አብራሃሞ እማና ጊደ ጫቄዳ ዎደ፥ ባረፐ አꬍያ ዎልቃማይ ባይና ድራዉ፥ ባረ ሁጲያን ጫቄዳ።
HEB 6:14 ጾሳይ አ፥ “ታን ኔና አንጃና፤ ነ ዘረꬃካ ጮርሳና” ያጊደ ጫቄዳ።
HEB 6:15 ሄዋዳንካ፥ አብራሃሞ ገንጭ ናጊደ፥ ጾሳይ እማና ጌዳዋ አኬዳ።
HEB 6:16 አያዉ ጎፐ፥ አሳይ ባረፐ ꬎቂያ ኡራን ጫቄ፤ ቃይ ሄ ጫቁ ፓሉምያ ኡባካ ተኤ።
HEB 6:17 ሄዋ ድራዉ፥ ጾሳይ ባረ እማና ጌዳዋ ላታናዋንቶ ባረ ቆፋ ኡባካ ላመናዋ ጌሽ ኦዳናዉ ሎይꬅ ኮዪደ፥ ሄዌ ቱማ ግዴዳዎ ጫቄዳ።
HEB 6:18 ጾሳይ ዎርዶታናዉ ዳንዳየና ሀ ላኡ ላመተና የዋቱዋን፥ እ እማና ጌዳ ኑ ስንꬃን ደእያዋ ኦይቃናዉ አኮ ባቃቴዳ ኑዉ ዎልቃማ መንꬁ ደኤ።
HEB 6:19 ሀ ኑን ደማና ጊደ ናሸቻን ናግ ኡቴዳዌ፥ ኑ ሸምፖ ማርካብያ ኦይቂያ ቃጸና ብራታ ማላ፤ ሄ ኑን ደማና ጊደ፥ ናሸቻን ናግ ኡቴዳዌ ኤረቴዳ ምኖ ግዲደ፥ ጋርዱዋ ግዶ ጌሻ ሳ ገሌ።
HEB 6:20 ቃይ የሱስ ማልክ-ጸደቃ ሱንꬃተꬃዳን፥ መꬍናዉ ቄሳቱዋ ኡባቱዋ ካፑዋ ግዲደ፥ ኑ ግሻታዉ ኑፐ ካሰቲደ፥ ሄ ሳኣ ገሌዳ።
HEB 7:1 ሀ ማልክ-ጸደቂ፥ ሳሌማ ካቲ፥ ኡባፐ ቦላ ጾሳ ቄሳይ፥ አብራሃሞ ካተቱዋ ዎꬊደ ኦላፐ ስምሽን፥ አናና ጋከቲደ፥ አ አንጄዳ።
HEB 7:2 አብራሃሞ ባረ ኦሞዴዳ ኡባፐ አስራታ ከሲደ፥ አዉ እሜዳ፤ ማልክ-ጸደቃ ሱንꬃዉ ኮይሮ ብለꬃይ ጽሎተꬃ ካትያ ግያዋ፤ ቃይ ሳሌማ ካትያ እ ግድያ ድራዉ፥ ላኤንꬆ ብለꬃይ ሳሮተꬃ ካትያ ግያዋ።
HEB 7:3 ማልክ-ጸደቃዉ ዳያ ዎይ አዉ፥ ዎይ አዉ ዛርያ ፓይዱ ባዋ፤ ቃይ አ የለታዉ ዶመꬃይ ዎይ አ ሀይቆ ዉርሰꬃይ ባዋ፤ ሽን ጾሳ ናኣ ማላቲደ፥ መꬍናዉ ቄሳ ግዴዳ።
HEB 7:4 ኑ አዎቱዋ ካፑ አብራሃሞ ኦላን ኦሞዲደ፥ አሄዳዋፐ አስራታ እሜዳ ማልክ-ጸደቂ አይ ኬና ꬎቁ ግያዌንቶ በእተ።
HEB 7:5 ቄሳ ግድያ ሌዊያ ዛራቱ እስራኤልያ አሳፐ፥ ሄዌነ ባረንቱ ጋደ አሳፐ ሀራይ አቶ ኡንቱንቱ አብራሃሞ ዛረ ግዶፐነ፥ አስራታ አካና ማላ፥ ህግያን አዛዘቴድኖ።
HEB 7:6 ማልክ-ጸደቂ ሌዊያ ዛረ ግደና፤ ሽን አብራሃሞፐ አስራታ አኪደ፥ ጾሳይ እማና ጌዳዋ ናግያ አብራሃማ አንጄዳ።
HEB 7:7 ቃይ አንጅያዌ አንጀትያዋፐ ꬎቁ ግያዌ ፓሉንና።
HEB 7:8 እት ባጋና፥ ሀይቂያ አሳይ አስራታ ከሴ፤ ሽን ሀራ ባጋና ቃይ፥ ሀይቀና ጊደ ማርካትያ ኡራይ አስራታ ከሴ።
HEB 7:9 ሀዋዳን ሃሳያናዉ ሀራይ አቶ፥ አስራታ ከስያ ሌዊካ አብራሃሞ ባጋና አስራታ እሜዳ።
HEB 7:10 አያዉ ጎፐ፥ ማልክ-ጸደቂ አብራሃሞና ጋከትያ ዎደ፥ ሌዊ ብሮ የለትቤና፤ ሽን ባረ ዛርያ አብራሃማ ጉልባታን ደኤ።
HEB 7:11 እስራኤልያ አሳዉ ህጊ ሌዊያ ዘረꬃቱዋ ቄሰተꬃ ባጋና እመቴዳ። ሄ ቄሰተꬃ ኪታይ ባላይ ባይናዋ ግዶፐ፥ አሮናዋ ማላ ግደናን ማልክ-ጸደቃ ማላ ሀራ ቄሳይ ሱንታናዉ አያዉ ኮሺ?
HEB 7:12 አያዉ ጎፐ፥ ቄሰተꬃይ ላመትያ ዎደ፥ ህጊካ ቃይ ላመታናዉ ኮሼ።
HEB 7:13 ሀ የዉ ሃሳየቴዳ ኡራይ ሀራ ዛሪ፤ አ ዛርያፐ ኦንነ ያርሽያሳን ቄሳዳን ኦꬅቤና።
HEB 7:14 ኑ ጎዳይ ይሁዳ ዛርያፐ ዬዳዌ ኤረቴዳዋ ግድያ ድራዉ፥ ሙሴ ቄሳቱዋባ ሃሳዪደ፥ ሄ ዛርያባ አይነ ሃሳይቤና።
HEB 7:15 ማልክ-ጸደቃ ማላ ሀራ ቄሳይ ዬዳዋ ግድንቶ፥ ሀዌ አꬊደ ኤረታናዋ።
HEB 7:16 እ አሳ ህግያንነ ዎጋን ቄሳ ግድቤና፤ ሽን ዉረና ደኡዋ ዎልቃን ቄሳ ግዴዳ።
HEB 7:17 አያዉ ጎፐ፥ ጾሳ ማጻፋይ፥ “ማልክ-ጸደቂ ቄሳ ግዴዳዋዳን፥ ኔንካ መꬍናዉ ቄሳ ግዳናዋ” ያጊደ ማርካቴ።
HEB 7:18 በን ደእያ ህጊ ላፋነ ማደናዋ ግድያ ድራዉ አቴዳ።
HEB 7:19 አያዉ ጎፐ፥ ሙሴ ህጊ አያነ ባላይ ባይናዋ ኦꬃናዉ ዳንዳየና፤ ቃይ ኑን አ ባጋና ጾሳኮ ሺቃና ጊደ ናሸቻን ናግ ኡቴዳ ኡባፐ አꬍያዌ ዬዳ።
HEB 7:20 ሄዋ ቦላን ቃይ ጾሳ ጫቁካ ደኤ፤ ሀራቱ ቄሳ ግዴዳ ዎደ፥ ሄዋ ማላ ጫቁ ባዋ።
HEB 7:21 ሽን የሱስ ጫቁዋን ቄሳ ግዴዳ፤ ጾሳይ አ፥ “ጎዳይ ጫቄዳ፤ እ ባረ ቆፋ ላመና። ‘ኔን መꬍናዉ ቄሳ ግዳና’ ጌዳ” ያጌዳ።
HEB 7:22 ሄዋ ድራዉ፥ የሱስ ኡባፐ አꬍያ ጫቆ ዋሰ ግዴዳ።
HEB 7:23 ካሰ ቄሳቱዋ ፓይዱ ጮራ፤ አያዉ ጎፐ፥ ኡንቱንቱ ኦꬃና ኦሱዋ ሀይቁ ድጌዳ።
HEB 7:24 ሽን የሱስ መꬍናዉ ደእያ ድራዉ፥ አ ቄሰተꬃይ ላመተና።
HEB 7:25 ሄዋ ድራዉ፥ እ ኡንቱንቱ ግሻታዉ ጋናታናዉ መꬍናዉ ደእያ ድራዉ፥ ጾሳኮ ባረ ባጋና ይያዋንታ ኡባቱዋ አሻናዉ ዳንዳዬ።
HEB 7:26 ኑዉ ጊግያ ሀዋ ማላ፥ ቄሳቱዋ ኡባቱዋ ካፑ ደአናዉ ኮሼ፤ እ ጌሻ፤ አን ገኒነ ካꬅያባይ ባዋ፤ ናጋራንቻቱዋና እ ጋከተና፤ ቃይ ꬎቃ ሳሉዋንካ እ ቦንቼቴዳ።
HEB 7:27 ሀራ ቄሳቱዋ ኡባቱዋ ካፓቱዋዳን፥ እ ኮይሮ ባረ ሁጰ ናጋራዉ ያርሺደ፥ ቃይ ጉየፐ አሳ ናጋራዉ ሀቼ ሀቼ ያርሻናዉ ኮሸና፤ እ ባረና ያርሼዳ ዎደ፥ ላኤንናን እት ገደ ያርሼዳ።
HEB 7:28 አያዉ ጎፐ፥ ሙሴ ህጊ ዳቡራንቻ አሳ ቄሳቱዋ ኡባቱዋ ካፑዋ ኦꬂደ ሱንꬄ፤ ሽን ጾሳይ እማና ጊደ ጫቄዳ ህግያፐ ጉየ ዬዳ ቃላይ መꬍናዉ ባላይ ባይናዋ፥ ጾሳ ናኣ ሱንꬄ።
HEB 8:1 ኑን ሃሳይያ ዎልቃማባይ ሀዋ፤ ሳሉዋን ኡባፐ ቦላ ጾሳይ ኡትያ ካዉተꬃ ኦይድያፐ ኡሸቻ ባጋና ኡቴዳ ቄሳቱዋ ኡባቱዋ ካፑ፥ ሀዋ ማላይ ኑዉ ደኤ።
HEB 8:2 ጌሻ ሳኣንነ ቱሙ ዱንካንያን እ ኦꬄ፤ ሄ ዱንካኒ አሳይ ኤሴዳዋ ግደናን፥ ጾሳይ ኤሴዳዋ።
HEB 8:3 ቄሳቱዋ ኡባቱዋ ካፑ ኡባይ እሙዋነ ያርሹዋ ጾሳዉ እማናዉ ሱንቴዳ ድራዉ፥ ሀ ቄሳቱዋ ኡባቱዋ ካፖካ ያርሻናዉ እትባይ ደአናዉ ኮሼ።
HEB 8:4 ስም ሳኣን እ ደእያዋ ግዶፐ፥ ኡባካ ቄሳ ግደና፤ አያዉ ጎፐ፥ ህጊ አዛዝያዋዳን፥ እሙዋ እምያ ቄሳቱ ደኢኖ።
HEB 8:5 ኡንቱንቱ ቄሳቱዋዳን ኦꬅያ ኪታይ ሳሉዋን ደእያ ኦሶ ቱሙ ሌምሱዋነ ኤሹዋ፤ አያዉ ጎፐ፥ ሙሴ ዱንካንያ ኤሳና ሀንሽን፥ ጾሳይ አ፥ “አኬካ፤ ኡባባካ ታን ኔና ደርያ ሁጲያን በሴዳ ሌምሱዋ ካላደ ኦꬃ” ያጌዳ።
HEB 8:6 ሽን የሱስ ጋናትያ ጫቁ ካሰዋፐ አꬍያዋዳንካ፥ አዉ እመቴዳ ኦሱካ ኡንቱንቱዋፐ አꬌ፤ አያዉ ጎፐ፥ ሄ ጫቁ ጾሳይ እማና ጌዳ ኡባፐ አꬍያ ኪታን ኦሰቴዳ።
HEB 8:7 አያዉ ጎፐ፥ ኮይሮ ጫቁዋን ባላይ ባይናዋ ግድንቶ፥ ላኤንꬆ ጫቁዋ ኮሸና።
HEB 8:8 ሽን ኡንቱንታ ቦሪደ፥ ጎዳይ ሀዋዳን ያጌ፤ “ታን እስራኤልያ አሳናነ ይሁዳ አሳና፥ ኦራꬃ ጫቁዋ ጫቀትያ ጋላሳቱ ያናዋ።
HEB 8:9 ሄ ጫቁ ታን ግብጼ ጋድያፐ፥ ኡንቱንቱ አዎቱዋ ኩሽያ ኦይቃደ፥ ጎቻ ከሴዳ ዎደ፥ ኡንቱንቱና ጫቀቴዳ ጫቁዋ ማላ ግደና። ኡንቱንቱ ታ ጫቁዋን አማነትቤና ድራዉ፥ ታንካ ኡንቱንታ አጋድ። ታን፥ ጎዳይ፥ ሀዋ ኦዳይ።
HEB 8:10 አያዉ ጎፐ፥ ሄ ጋላሳቱዋፐ ጉይያን፥ ታን እስራኤልያ አሳና ጫቀታና ጫቁ ሀዋ: ታን ታ ህግያ ኡንቱንቱ ቆፋን ዎꬃና፤ ቃይ ኡንቱንቱ ዎዛናንካ ጻፋና። ታን ኡንቱንቱ ጾሳ ግዳና፤ ኡንቱንቱካ ታ አሳ ግዳና።
HEB 8:11 ኡንቱንቱፐ ኦንነ ባረ ሾሩዋ፥ ዎይ ባረ እሻ፥ ‘ጎዳ ኤራ’ ያጊደ ታማርሰና። አያዉ ጎፐ፥ ኡንቱንቱ ናኣፐ ጭማ ጋካናዉ ኡባይ ታና ኤሪኖ።
HEB 8:12 ታን ኡንቱንቱ ናቁዋ ማራና፤ ኡንቱንቱ ናጋራካ ላኤንꬆ ሀሳይከ” ያጌ።
HEB 8:13 ጾሳይ ኦራꬃ ጫቁዋ ጊደ ሃሳይያዋን ኮይሮዋ ኤጭሴዳ፤ ቃይ ኤጭያባይነ ዉርያባይ ኤለካ ꬋያና።
HEB 9:1 ኮይሮ ጫቆ ጾሳዉ ጎይንያ ዎጋይነ አሳይ ኦꬄዳ ጌሻ ጎሊ ደኤ።
HEB 9:2 አያዉ ጎፐ፥ ኮይሮ ዱንካኒ ኤቄዳ፤ አ ግዱዋን ሙቃዳ ዎꬅያዌ፥ ጻራጴዛይነ ጎዳ ስንꬃን ዎꬅያ ኡክꬃይ ደኤ፤ ሄ ሳአይ ጌሻ ሳ ጊደ ጼሴቴ።
HEB 9:3 ላኤንꬆ ጋርዱዋ ጉየ ባጋና ኡባፐ አꬍያ ጌሻ ሳኣ ጌተትያ ዱንካኒ ደኤ።
HEB 9:4 አ ግዱዋን እጻና ጩዋያናዉ ዎርቃፐ ኦꬄዳ ሳጽኒነ ኡባ ሳና ዎርቃን ሼሼዳ ቃላ ጫቁዋ ታቦታይ ደኤ። ሄ ቃላ ጫቁዋ ታቦታን ማናይ ደእያ ዎርቃ ጻሩ፥ አሮና ጻምአይ አጬዳዌነ ቃይ ሙሴ ህጊ ጻፈቴዳ ላኡ ማሰቴዳ ሹቻቱ ደኢኖ።
HEB 9:5 ሄ ቃላ ጫቁዋ ታቦታፐ ቦላ ባጋና አቶ ግያ ሳኣ ቁምእያ ባረንቱ ቀፍያን ገንꬅያ ቦንቾ ክሩበቱ ደኢኖ፤ ሽን ሀ ኡባባ ሀእ ዉርስ ኦዳናዉ ዳንዳዮኮ።
HEB 9:6 ሄዌ ሄዋዳን ጊግ ደእሽን፥ ቄሳቱ ኡባ ዎደ፥ ባረንቱ ኦሱዋ ኦꬃናዉ ኮይሮ ዱንካንያ ገሊኖ።
HEB 9:7 ሽን ቄሳቱዋ ኡባቱዋ ካፑዋ ጻላላይ ላኤንꬆ ዱንካንያ ላይꬃፐ እት ገደ ገሊደ ባረ ድራዉነ ኤረናን አሳይ ኦꬄዳ ናጋራ ድራዉ፥ ጾሳዉ ያርሽያ ሱꬃ አኪደ ገሌ።
HEB 9:8 ኮይሮ ዱንካኒ ኤቂደእሽን፥ ኡባፐ አꬍያ ጌሻ ሳኣ አፍያ ኦጊ ብሮ ዶየትቤናዋ ጌሻ አያናይ ሄዋን ኤርሴ።
HEB 9:9 ሄ ዱንካኒ ሀ ዎደዉ ሌምሱዋ፤ ሄዋ ግያዌ ጾሳዉ እምያ እሙነ ያርሹ ጎይንያዋ ሱረ ዎዛና ባላይ ባይናዋ ኦꬃናዉ ዳንዳይክኖ።
HEB 9:10 ሄዋንቱ ሙሳባ፥ ኡሻባነ ዱማ ዱማ ሜቻባ ኦድያ ካረ ባጋ ዎጋቱዋ፤ ኡንቱንቱ ኦራጽያ ዎዲ ጋካናዉ ኦሰትያ ዎጋቱዋ።
HEB 9:11 ሽን ክርስቶስ ሀዋን ደእያ ሎኦባዉ ቄሳቱዋ ኡባቱዋ ካፑዋ ግዲደ ይ ድጌዳ። እ ገሊደ ኦꬅያ ዱንካኒ ኡባፐ አꬍያዋነ ባላይ ባይናዋ፤ ቃይ ሄ ዱንካንያ አሳይ ኦꬅቤና፤ ሀ መቴዳ ሳኣባካ ግደና።
HEB 9:12 ክርስቶስ ኡባፐ አꬍያ ጌሻ ሳኣ ገልያ ዎደ፥ ዴሻ ሱꬃነ ጋሎ ማራ ሱꬃ ኦይቂደ ገልቤና፤ ሽን ባረ ሱꬃ ኦይቂደ፥ ኑዉ መꬍና አቶተꬃ እሚደ፥ ላኤናን እት ገደ ገሌዳ።
HEB 9:13 ቱኔዳ አሳ ቦላ ኮሩማ ሱꬃነ ዴሻ ሱꬃ ጫጫፊደ፥ ጉደቴዳ ኡሳት ብድንꬃ ቆልና፥ ሄ ኡራ ቱናተꬃፐ ጌሻናዉ ዳንዳዮፐ፥
HEB 9:14 መꬍና ጌሻ አያና ባጋና ባላይ ባይና ያርሹዋዳን፥ ጾሳዉ ባረና እሜዳ ክርስቶሳ ሱꬃይ፥ ኑን ደኡዋ ጾሳዉ ኦꬃና ማላ፥ ካሰ ኑ ሀይቄዳ ኦሱዋፐ ኑ ሱረ ዎዛና ዎት ጌሻንዴሻ!
HEB 9:15 ሄዋ ድራዉ፥ ጾሳይ ጼሴዳዋንቱ እ እማና ጌዳ መꬍና አንጁዋ ላታና ማላ፥ ክርስቶስ ኦራꬃ ጫቆ ጋናቴዳ፤ ሄዌ ሀናና ዳንዳይያዌ፥ አሳይ ኮይሮ ጫቁዋፐ ጋርሳን ደኢደ ኦꬄዳ ባላ አይለተꬃፐ ከስያ ሀይቁ ደእያ ድራሳ።
HEB 9:16 አያዉ ጎፐ፥ ሀይቂያ ኡራይ ዎይቴዳዌ ደኦፐ፥ ሄ ኡራይ ሀይቆዌ ኤረታናዉ ኮሼ።
HEB 9:17 አያዉ ጎፐ፥ ዎይቴዳ ኡራይ ሀይቄዳ ዎደ፥ እ ዎይቴዳዌ ፖለቴዳ፤ ሄ ዎይቴዳዌ ፓጻ ደእሽን፥ አይነ ፖለተና።
HEB 9:18 ሀራይ አቶ፥ ኮይሮ ጫቁካ ሱꬃይ ባይናን እንጀትቤናዌ ሀዋሳ።
HEB 9:19 አያዉ ጎፐ፥ ህግያን ደእያ አዛዙዋ ኡባ ሙሴ አሳ ኡባዉ ኦዴዳ፤ ሄዋፐ ጉይያን፥ ጋሎ ማራ ሱꬃነ ዴሻ ሱꬃ፥ ሃꬃና፥ ዞኦ ዶርሳ እስክያናነ ህሶጵያ ግያ ምꬃ ቦንጭያና እትፐ አኪደ፥ “ሀዌ ህንተንታ ጾሳይ አዛዜዳ ጫቁዋ ሱꬃ” ያጊደ፥ ህግያ ማጻፋ ቦላነ አሳ ኡባ ቦላ ጫጫፌዳ።
HEB 9:21 ሄዋዳንካ፥ ዱንካንያ ቦላነ ኦꬅያ ሚሻ ኡባ ቦላ ሱꬃ ሙሴ ጫጫፌዳ።
HEB 9:22 ህጊ ግያዋዳን፥ ቱሙካ አማሬዳዋፐ አትን፥ ኡባባይካ ሱꬃን ጌዬ፤ ሱꬃይ ጉካና ꬋዮፐ፥ አቶተꬃይ ባዋ።
HEB 9:23 ሄዋ ድራዉ፥ ሳሉዋን ደእያዋንታ ማላትያዋንቱ ሄ ያርሹዋን ጌያናዉ ኮሼ፤ ሽን ሳሉዋን ደእያዋንቱካ ባረንቱ ሁጰዉ ጌያናዉ አꬍያ ያርሹዋ ኡንቱንታ ኮሼ።
HEB 9:24 አያዉ ጎፐ፥ ክርስቶስ ቱሙ ጌሻ ሳን ሌምሰትያ አሳይ ኦꬄዳ ጌሻ ሳ ገልቤና፤ ሽን እ ሀእ ኑ ግሻታዉ ጾሳ ስንꬃን ቤታናዉ ያ ሳሉዋ ገሌዳ።
HEB 9:25 ቄሳቱዋ ኡባቱዋ ካፑ ላይꬃን ላይꬃን ባረ ሱꬃ ግደናዋ ኦይቂደ፥ ጌሻ ሳኣ ገልያዋዳን፥ ክርስቶስ ባረና ኡባደ ያርሻናዉ ገልቤና።
HEB 9:26 ሄዋ ግድንቶ፥ ክርስቶስ ሳአይ መቶደፐ ዶሚደ ዳሮ ገደ ዋየታናዉ ኮሼ፤ ሽን ሀእ ዎድያ ዉርሰꬃን ናጋራ ꬋይሳናዉ ባረና ያርሺደ፥ ላኤናን እት ገደ ቤቴዳ።
HEB 9:27 አሳይ ኡባይ እት ገደ ሀይቃናዉ በሴ፤ ሄዋፐ ጉይያን ጾሳይ አሳ ፕርዳና።
HEB 9:28 ሄዋዳንካ፥ ቃይ ክርስቶስ ዳሮ አሳ ናጋራ ꬋይሳናዉ እት ገደ ያርሸቴዳ፤ ቃይ እ ባረና ሎይꬅ ናግያዋንታ አሻናዉ ቤታናፐ አትን፥ ላኤንꬆ ናጋራ ቶካናዉ ቤተና።
HEB 10:1 አያዉ ጎፐ፥ ህገዉ ያና ሎኦባ ኤሹዋ ጻላላይ ደኤ፤ አዉ ቱሙ ሌምሱ ባዋ። ኡባ ዎደ ላይꬃን ላይꬃን እት ማላ ያርሹ ያርሸቴ፤ ሄዋ ድራዉ፥ ህጊ ጾሳኮ ሺቅያ አሳ ሄ ያርሹዋን ባላይ ባይና አሳ ኦꬃናዉ ኡባካ ዳንዳየና።
HEB 10:2 ጾሳዉ ጎይንያ አሳይ ባረ ናጋራፐ ኡባና ጌዬዳባ ግድንቶ፥ ሱረ ዎዛናን ላኤንꬁዋ ናጋራ ቆፐና፤ ቃይ ያርሽያዋካ አጋና።
HEB 10:3 ሽን አሳይ ላይꬃን ላይꬃን ሄ ያርሹዋን ባረ ናጋራ ሀሳዬ።
HEB 10:4 አያዉ ጎፐ፥ ኮሩማ ሱꬃይነ ዴሻ ሱꬃይ ናጋራ ꬋይሳናዉ ኡባካ ዳንዳየና።
HEB 10:5 ሄዋ ድራዉ፥ ክርስቶስ ሀ አላምያ ያና ሀኒደ፥ ሀዋዳን ያጌዳ፤ “ኔን ያርሹዋነ እሙዋ ኮያበይካ፤ ሽን ታዉ ቦላ ጊግሳዳ።
HEB 10:6 ኔን ጹግያ ያርሹዋንነ፥ ናጋራ ያርሹዋን ኡባካ ናሸታካ።
HEB 10:7 ታን ሄ ዎደ፥ ‘ጻꬃ ማጻፋን ታባይ ጻፈቴዳዋዳንካ፥ ጾሳዉ፥ ታን ኔን ኮይያዋ ኦꬃናዉ ያድ’ ያጋድ” ያጌዳ።
HEB 10:8 ያርሹ ያርሸታና ማላ፥ ህጊ አዛዝያዋ ግዶፐነ፥ ክርስቶስ ኮይሮ፥ “ኔን ያርሹዋ፥ እሞታ፥ ጹግያ ያርሹዋነ ናጋራ ያርሹዋ ኡባካ ኮያበይካ፤ ሄዋንቱን ናሸታካ” ያጌዳ።
HEB 10:9 ሄዋፐ ጉይያን ክርስቶስ፥ “ጾሳዉ፥ ታን ኔን ኮይያዋ ኦꬃናዉ ያድ” ያጌዳ። ሄዋ ድራዉ፥ ክርስቶስ ላኤንꬁዋ ኤሳናዉ ኮይሮዋ ꬋይሴ።
HEB 10:10 የሱስ ክርስቶስ ጾሳይ ኮዬዳዋ ኦꬄዳ ድራዉ፥ ባረ አሹዋ ላኤንናን እት ገደ ያርሼዳዋን ኑን ኑ ናጋራፐ ጌይ አጌዶ።
HEB 10:11 ቄሳቱዋ ኡባቱ ሀቼ ሀቼ ኤቂደ፥ ባረ ኦሱዋ ኦꬂኖ፤ ቃይ ናጋራ ꬋይሳናዉ ኡባካ ዳንዳየና እት ማላ ያርሹዋ ዛር ዛሪደ ያርሺኖ።
HEB 10:12 ሽን ክርስቶስ ናጋራ ድራዉ፥ ኡባ ዎደዉ ግዴዳ እት ያርሹዋ ያርሺደ፥ ጾሳፐ ኡሸቻ ባጋና ኡት አጌዳ።
HEB 10:13 ጾሳይ ስንꬃፐ ክርስቶሳ ሞርከቱዋ ክርስቶሳዉ ገድያን የꬍያዋ ኦꬃና ጋካናዉ፥ ያን ናጌ።
HEB 10:14 አያዉ ጎፐ፥ እ እት ገደ ያርሼዳዋን፥ ናጋራፐ ጌዬዳዋንታ መꬍናዉ ባላይ ባይናዋንታ ኦꬄዳ።
HEB 10:15 ቃይ ጌሻ አያናይ ኑዉ ማርካቲደ፥ ሀዋዳን ያጌ፤
HEB 10:16 “ታን ሄ ጋላሳቱዋፐ ጉይያን፥ ኡንቱንቱና ጫቀትያ ጫቁ ሀዋ: ታን ታ ህግያ ኡንቱንቱ ቆፋን ዎꬃና፤ ቃይ ኡንቱንቱ ዎዛናንካ ጻፋና” ያጌ።
HEB 10:17 ቃይ ሄዋፐ ጉየና፥ “ታን ኡንቱንቱ ናጋራነ፥ ኡንቱንቱ ማካላ ኦሱዋ ላኤንꬆ ሀሳይከ” ያጌ።
HEB 10:18 ጾሳይ ሄ ናጋራ አቶ ጌዳ ዎደ፥ ናጋራ ꬋይሳናዉ ሀዋፐ ስንꬃዉ ያርሹዋ ኮሸና።
HEB 10:19 ስም ታናዳን አማንያዋንቶ፥ ኑን የሱሳ ሱꬃ ባጋና ኡባፐ አꬍያ ጌሻ ሳኣ ገላናዉ ኑዉ ጻላተꬃይ ደኤ።
HEB 10:20 ክርስቶስ ኑዉ ኦራꬃ ኦግያነ ደኡዋ ኦግያ ጋርዱዋ ባጋና፥ ሄዋ ጉሳይ ባረ ቦላ ባጋና ዶዬዳ።
HEB 10:21 ኑዉ ጾሳ ጎለን ሱንቴዳ ዎልቃማ ቄሳይ ደእያ ድራዉ፥
HEB 10:22 ኑን ሱረ ዎዛናና፥ ቱሙ አማኑዋና፥ ኢታ ዎዛናፐ ጌዬዳ ዎዛናናነ ቃይ ጽሎ ሃꬃን ሜጨቴዳ ቦላና ጾሳኮ ሺቆይተ።
HEB 10:23 ኑዉ እማና ጌዳ ጾሳይ አማንꬅያ ድራዉ፥ ኑን ደማና ጊደ ናሸቻን ናግ ኡቴዳዋ ሎይꬅ ኦይቆይተ።
HEB 10:24 እቱ እቱዋና ዋን ሲቀታነንቶነ ቃይ ሎኦ ኦሱዋ ዎት ኦꬃነንቶ፥ እቱ እቶ ቆፔቶ።
HEB 10:25 እቱ እቱ ሺቁዋ ዶያ ኦꬂደ ሺቅያዋዳን፥ ኑንካ እትፐ ሺቅያዋ አጎኮ፤ ሽን ጎዳ ጋላሳይ ማታትያዋ ህንተንቱ በእያ ድራዉ፥ እቱ እቱዋ መንꬄቶ።
HEB 10:26 ኑን ቱማተꬃ ኤራ አክ ድጊደ፥ ኤሪደ ናጋራ ኦꬅያዋ ግዶፐ፥ ሀዋፐ ስንꬃዉ ናጋራ ꬋይስያ ያርሹ እትባይነ ባዋ።
HEB 10:27 ሽን ያሽያ ፕርዳ ናግያዌነ ጾሳ እጽያ ኡባ ማናዉ ዎልቃማ ታማይ ደኤ።
HEB 10:28 ሙሴ ህገዉ አዛዘተና ኡራይ፥ ላኡ ኡራይ ዎይ ሄዙ ኡራይ አ ቦላ ማርካቶፐ፥ ቃረት ባይናን ሀይቄ።
HEB 10:29 ጾሳ ናኣ ካꬌዳ ኡራይ፥ ባረና ናጋራፐ ጌሼዳ ጾሳ ጫቁዋ ሱꬃ ቱናባዳን ቆፔዳ ኡራይ፥ ቃይ አꬎ ኬካተꬃ ጌሻ አያና ቦርያ ኡራይ፥ አይ ኬና ኢታ ፕርዳ አካናዉ በስንቶነ አነ ቆፕተ።
HEB 10:30 አያዉ ጎፐ፥ “ታን ሀሉዋ ከሳናነ ኩሽያ ዛራና” ጌዳዋ ኑን ኤሬቶ፤ ቃይካ፥ “ጎዳይ ባረ አሳ ፕርዳና” ያጌዳ።
HEB 10:31 ደኡዋ ጾሳ ኩሽያን ኩንዳናዌ ዳሮ ያሽያዋ።
HEB 10:32 ህንተንቶ ጾሳ ፖኡ ፖኤዳዋፐ ጉይያን፥ ህንተንቱ ዳሮባን ዋየቲደ፥ ዎልቃማ ዋታን ገንጬዳ በን ዎድያ ሀሳይተ።
HEB 10:33 እት እት ገደ ህንተንታ አሳ ስንꬃን ቦሬድኖነ ፓጻ ካኤድኖ፤ ቃይ ሀራ ዎደ ሄዋዳን ኦꬄዳዋንቱናነ እትፐ ደኤድታ።
HEB 10:34 አያዉ ጎፐ፥ ቃሹዋን ደእያ አሳቶ ህንተንቱ ቃረቴድታ፤ ያቲደ ህንተንቶ መꬍናዉ ዉረና ኡባፐ አꬍያ ሻሉ ሳሉዋን ደእያዋ ህንተንቱ ሁጰዉ ኤሬዳ ድራዉ፥ ህንተባ ኡባ አክ ድጎፐ ህዶታን ገንጬድታ።
HEB 10:35 ሄዋ ድራዉ፥ ዎልቃማ ዎይታና ደእያ ህንተንቱ ጻላተꬃ ኦሎፕተ።
HEB 10:36 ጾሳይ ኮይያዋ ኦꬂደ፥ እ ህንተንቶ እማና ጌዳዋ አካናዉ ገንጫና ኮሼ።
HEB 10:37 አያዉ ጎፐ፥ ጾሳ ማጻፋይ፥ “አማሬዳ ዎዲ አቴዳ። ይያዌ ያናዋ፤ ጋምኤና።
HEB 10:38 ታ ጽሉ አማነቲደ ደአናዋ። ሽን ኦንነ ጉየ ስሞፐ፥ ታና ናሸቼና” ያጌ።
HEB 10:39 ኑን አማነቲደ አቴዳዋንቱ ባጋ ግድያዋፐ አትን፥ ጉየ ስሚደ ꬋዬዳዋንቱ ባጋ ግዶኮ።
HEB 11:1 አማኑዋ ግያዌ፥ ደማና ጊደ ናሸቻን ናግ ኡቴዳባይ አማንꬅያዋነ በአናዉ ዳንዳየናባ ኤርስያዋ።
HEB 11:2 ጾሳይ በን ጭማ አሳዉ ማርካታዌ፥ ኡንቱንቱ አማኔዳዋና።
HEB 11:3 ሳሉነ ሳአይነ ጾሳ ቃላን መቴዳዋ አማኑዋን ኑን ኤሬቶ፤ ሄዋ ድራዉ፥ ቤትያባይ ቤተናባፐ መቴዳ።
HEB 11:4 አቤል ቃዬላዋፐ አꬍያ ያርሹዋ ጾሳዉ ያርሼዳዌ አማኑዋና። ጾሳይ አ እሙዋባ ማርካቲደ፥ እ ጽሉዋ ግዴዳዋካ ማርካቴዳ፤ አቤል ሀራይ አቶ ሀይቄዳሽንካ፥ ባረ አማኑዋን ሀእ ጋካናዉ ሃሳዬ።
HEB 11:5 ሄኖክ ሀይቀናን ሳሉዋ ቤዳዌ አማኑዋና፤ ጾሳይ አፌዳ ድራዉ፥ ኦንነ አ በአናዉ ዳንዳይቤና። ጾሳ ማጻፋይ፥ “ሄኖክ ሳሉዋ ባናፐ ካሰ ጾሳ ናሸቼዳ” ያጌ።
HEB 11:6 አማኑ ባይናን ኦንነ ጾሳ ናሸቻናዉ ዳንዳየና፤ አያዉ ጎፐ፥ ጾሳኮ ይያ ኦንነ ጾሳይ ደእያዋነ ባረና ኮይያዋንቶ ዎይታ እምያዋ አማናናዉ ኮሼ።
HEB 11:7 ኖሄ በአናዉ ዳንዳየና ስንꬃፐ ሀናናባዉ ጾሳይ፥ “ኔና ናጋ” ጊና፥ ጾሳዉ ያዪደ፥ ባረናነ ባረ ሶይ አሳ አሻናዉ ማርካብያ መꬌዳዌ አማኑዋና፤ ያቲደ ሄዋን ሀ ሳኣ ቦላ ፕርዲደ፥ አማኑዋን ቤትያ ጽሎተꬃካ ጾሳፐ አኬዳ።
HEB 11:8 አብራሃሞ ላታናዳን፥ ጾሳይ ባረዉ እማና ጌዳ ጋድያ ባና ማላ፥ ጾሳይ ባረና ጼሴዳ ዎደ፥ አዛዘቴዳዌ አማኑዋና፤ እ ባረ ጋድያፐ ከሲደ ብያ ዎደ፥ ሀቃ ብንቶነ ኤረናን ከሴዳ።
HEB 11:9 አብራሃሞ ጾሳይ ባረዉ እማና ጌዳ ጋድያን ሀራ ቢታ አሳዳን ደኤዳዌ አማኑዋና፤ ጾሳይ ሄ እማና ጌዳዋ ባረናና እትፐ ላታና ይሳቃናነ ያቆባና ዱንካንያን ደኤዳ።
HEB 11:10 አያዉ ጎፐ፥ አብራሃሞ ጾሳይ ሎኦ ባሱዋን ቆፒደ ኬጼዳ ካታማ ናጌ።
HEB 11:11 ሳራ ባረ ሁጰዉ ሀራይ አቶ ኤጫደካ፥ እማና ጌዳ ጾሳይ አማነቴዳዋ ግዴዳዋ ኤሬዳ ድራዉ፥ ናኣ ሻሃራናዉ ዎልቃ ደሜዳዌ አማኑዋና።
HEB 11:12 ሄዋ ድራዉ፥ ሀይቄዳ አሳ ማላትያ እት ብታንያፐ ሳሉዋን ደእያ ጾልንትያ ኬና፥ አባ ጋጻን ደእያ ፓይዱ ባይና ሻፍያ ኬና ዛራቱ የለቴድኖ።
HEB 11:13 ሄ አሳቱ ኡባቱ አማኑዋን ሀይቄድኖ፤ ባረንቶ ጾሳይ እማና ጌዳዋካ አክበይክኖ፤ ሽን ሃኩዋን ሄዋ በኢደ፥ ሳሮቴድኖ። ቃይ ኡንቱንቱ ሳኣን እማꬃነ የደርሰቲደ ከሴዳ አሳቱዋ ግዴዳዋ ኤሬድኖ።
HEB 11:14 አያዉ ጎፐ፥ ሄዋዳን ግያ አሳቱ ባረንቱ ሁጰ ጋድያ ኮይያዋ ኤርሲኖ።
HEB 11:15 ኡንቱንቱ ሄ የጊደ ከሴዳ ጋድያ ስማናዉ ቆፔዳዋ ግድንቶ፥ ጉየ ስምያ ካጫ ደመናን አግክኖ፤ ሽን
HEB 11:16 ኡንቱንቱ ሄዋ አጊደ፥ ሎእያ ጋድያ ላሞቲኖ፤ ሄዌ ሳሉዋ ጋድያ። ሄዋ ድራዉ፥ ጾሳይ ኡንቱንቱ ጾሳ ጌተታናዉ ዬላተና። አያዉ ጎፐ፥ እ ኡንቱንቶ ካታማ ጊግስ ዎꬄዳ።
HEB 11:17 አብራሃሞ ይሳቃ ያርሻነንቶ ዎይ ያርሸነንቶ፥ ጾሳይ ኤራናዉ ጾሞሴዳ ዎደ፥ አብራሃሞ አማኑዋን አ ያርሼዳ። ጾሳይ አብራሃማ፥ “ነ ዛሪ ይሳቃ ባጋና ጼሰታናዋ” ጌዳሽንካ፥ አብራሃሞ ባረ ናኣ ይሳቃ ያርሻናዉ ጊጌዳ።
HEB 11:19 አብራሃሞ ጾሳይ ይሳቃ ሀራይ አቶ፥ ሀይቁዋፐካ ፓꬃናዉ ዳንዳይያዋ ኤሬዳ፤ ሄዋ ድራዉ፥ ሀይቁዋፐ ጉየ አ ዛሪደ አኬዳ።
HEB 11:20 ይሳቅ ስንꬃፐ ሀናናባዉ ያቆባነ ኤሳ አንጄዳዌ አማኑዋና።
HEB 11:21 ያቆብ ሀይቃና ሀኒደ፥ ዮሴፎ ናና ሁጲያን ሁጲያን አንጄዳዌነ ጋትማን ጉፈቲደ፥ ጾሳዉ ጎይኔዳዌ አማኑዋና።
HEB 11:22 ዮሴፎ ሀይቃናዉ ማቲደ፥ እስራኤልያ አሳይ ግብጼፐ ከሳናዋ ሃሳዬዳዌነ ባረ መቀꬃ ኦꬃናባ ኡንቱንታ አዛዜዳዌ አማኑዋና።
HEB 11:23 ሙሴ የለቴዳዋፐ ጉይያን፥ አዉነ አታ ማላ ሎኦ ናኣ ግዴዳዋ በኢደ፥ ሄዙ አገና ቆሴዳዌ አማኑዋና፤ ኡንቱንቱ ካትያ አዋዮካ ያይበይክኖ።
HEB 11:24 ሙሴ ድጬዳዋፐ ጉይያን፥ ግብጼ ካትያ ናት ናኣ ጌተታናዋ እጼዳዌ አማኑዋና።
HEB 11:25 ናጋራን ሙሴ ጉꬃ ዎድያ ናሸታናዋፐ፥ ጾሳ አሳና ዋየታናዋ ዶሬዳ።
HEB 11:26 ዎደፐ ደማና ዎይታ እ ትሽ ኦꬂደ ጼሎ ድራዉ፥ ግብጼ ጋድያ ሻሉዋ ኡባፐ ክርስቶሳ ድራዉ ቦረትያዌ ዳሮ አꬍያ ዱረተꬃ ግዴዳዋ ቆፔዳ።
HEB 11:27 ካትያ ሀንቆ ሙሴ ያየናን፥ ግብጼ ጋድያፐ ከሴዳዌ አማኑዋና፤ አያዉ ጎፐ፥ ቤተና ጾሳ በኤዳዋዳን፥ ገንጪደ ስንꬃዉ ቤዳ።
HEB 11:28 ሀይቁዋ ኪታንቻይ እስራኤልያ አሳዉ ባይራ ናና ቦቼናዳን፥ ሙሴ ፓስጋ ቦንቼዳዌነ ጉባንያን ሱꬃ ጫጫፍሴዳዌ አማኑዋና።
HEB 11:29 እስራኤልያ አሳይ መላ ቢታን ሀመትያዋዳን፥ ዞኦ አባ ፕኔዳዌ አማኑዋና፤ ሽን ግብጼ አሳቱ ፓጨዉ ገልሽን፥ ሃꬃይ ኡንቱንታ ምት አጌዳ።
HEB 11:30 እስራኤልያ አሳይ እያርኮ ግያ ካታማ ሹቻ ድርሳ ላፑ ጋላሳ ዩይ ዩይ አꬎዋፐ ጉይያን፥ ሄ ሹቻ ድርሳይ ኩንዴዳዌ አማኑዋና።
HEB 11:31 ጫራታ ራኣባ የዉዋ ቆርያዋንታ ሎይꬃ ሞኬዳ ድራዉ፥ ጾሳዉ አዛዘተናን እጼዳ አሳና ሀይቀናን አቴዳዌ አማኑዋና።
HEB 11:32 ስም ሀራባ ጉጃደ አያ ኦዶ? ጌዶናባ፥ ባራቃባ፥ ሳምሶናባ፥ ዮፍታሄባ፥ ዳዊተባነ ሳሜላባ፥ ቃይ ናባቱዋባ ኦዳናዉ ታዉ ዎዲ ግደና።
HEB 11:33 ኡንቱንቱ ካትያ ኡባና ኦለቲደ ጾኔዳዌነ ጽሎባ ኦꬄዳዌ አማኑዋና፤ ያቲደ ጾሳይ እማና ጌዳዋ አኬድኖ፤ ጋሞቱዋ ዶናካ ጎርዴድኖ።
HEB 11:34 ዎልቃማ ታማ ቶይሴድኖ፤ ኩሳ ማሻፐ አቴድኖ፤ ኡንቱንቱ ዳቡራንቻ፤ ሽን ምኔድኖ፤ ቃይ ኦላን ምኒደ፥ ሀራ ጋድያ ኦላ አሳ የደርሴድኖ።
HEB 11:35 ማጫዋንቱ ባረንቱ ሀይቄዳዋንታ ሀይቁዋፐ ደንድና አኬድኖ። ቃይ ሀራንቱ ቃሹዋፐ ብለታናዋ እጺደ፥ ኬክያ ደኦ ሀይቁዋፐ ደንዳናዉ፥ ኡጋቲደ ሀይቄድኖ።
HEB 11:36 ሀራቱዋ ቦላ አሳይ ቅሊጭ ካኤዳ፤ ልሱዋን ሾጨቴድኖነ ሳንꬃላታን ቃሸቲደ፥ ቃሾ ጎልያ ገሌድኖ።
HEB 11:37 ሹቻን ጫደቴድኖ፤ ማጋዝያን ላኡ ከሲደ ጳልቀቴድኖ፤ ፓጨቴድኖ፤ ማሻን ሀይቄድኖ፤ ኡንቱንቶ ኡባባይካ ꬋይና፥ ዋየቲደ ቱጋቲደ፥ ዶርሳ ጫላነ ዴሻ ጫላ ማዪደ ዩዬድኖ።
HEB 11:38 ኡንቱንቶ ሀ አላሚ ጊገናን እጽና፥ ዎራን፥ ደርያን፥ ጎንጎሉዋ ግዶንነ ኦላ ግዱዋን ዩዬድኖ።
HEB 11:39 ጾሳይ ኡንቱንቱ አማኑዋ ማርካቶፐካ፥ ሄዋንቱ ኡባቱ እ፥ እማና ጌዳዋ አክበይክኖ።
HEB 11:40 ጾሳይ ኑዉ እት ሎኦ ቆፋ ቆፕ ዎꬄዳ ድራዉ፥ ኡንቱንቱ ኑን ባይናን ባላይ ባይናዋንታ ግድክኖ።
HEB 12:1 ስም ኑዉ ሀዋ ኬና ዳሮ አሳይ፥ ሻርያዳን ኑ ማታን ዩይ አꬊደ ማርካትያዌ ደእሽን፥ ኑና ꬉቢያ ኡባባነ ባቂ ኦይቂያ ናጋራ ድጊደ ኑ ስንꬃን ደእያ ኑን ዎጻና ዎꬃ ገንጪደ ዎጾይተ።
HEB 12:2 ኑን ኑ አማኖ ኦግያ ዶዬዳዋነ ፖልስያዋ ግዴዳ የሱሳ ጼሎይተ። የሱስ ዬላ ካꬊደ፥ ስንꬃፐ አዉ ደእያ ናሸቻ ድራዉ፥ ማስቃልያ ቦላ ምስማርያን ꬍሸቲደ ሀይቃናዋ ገንጪደ፥ ጾሳ ካዉተꬃ ኦይድያፐ ኡሸቻ ባጋና ኡቴዳ።
HEB 12:3 ህንተንቱ ህንተንቱ ዎዛና ባይዚደ ዳቡረና ማላ፥ ናጋራንቻቱ ባረና ዳሮ እጽናካ ገንጬዳ የሱሳ ቆፕተ።
HEB 12:4 ናጋራና ህንተንቱ ባጸቲደ፥ ሱꬃ ጉሳና ጋካናዉ ብሮ ኦለት ድግበይክታ።
HEB 12:5 ጾሳይ ባረ ናናዳን፥ ህንተንታ ዞርያዋ ዶጌድቴ? ጾሳይ ህንተንታ፥ “ታ ናአዉ፥ ጾሳይ ኔና ሙርያ ዎደ፥ ላፋባዳን ቆፖፓ። እ ኔና ሴርያ ዎደካ ያዮፓ።
HEB 12:6 አያዉ ጎፐ፥ እ ባረ ሲቅያ ኡራ ሙሬ፤ ቃይ ባረ ናኣዳን አክያ ኡባካ ልሱዋን ሾጬ” ያጌዳ።
HEB 12:7 ጾሳይ ህንተንታ ሙርያ ዎደ ገንጭተ። አያዉ ጎፐ፥ እ ህንተንታ ናናዳን ኦꬄ። አዉ ሴረና ናአይ ደኢ?
HEB 12:8 ናና ኡባ ሴርያዋዳን፥ ህንተንታ ሙረናን አጎፐ፥ ካረን የለቴዳዋንታ ግዲታፐ አትን፥ ቱሙ ናና ግድክታ።
HEB 12:9 ሄዋ ቦላን ቃይ፥ ኑና የሌዳ ኑ አዎቱ ኑና ሙሬዳ ዎደ፥ ኑን ኡንቱንታ ቦንቼዶ። ያትና፥ ኑን ዋኒደ አያና አቦ ሎይꬅ ዳርስ ሞደቲደ ደኦኮ?
HEB 12:10 አያዉ ጎፐ፥ ኑና የሌዳ ኑ አዎቱ ባረንታ ሎኦዋዳን፥ አማሬዳ ዎድያ ኑና ሙሬድኖ፤ ሽን ጾሳይ ኑን አ ጌሻተꬃ አካና ማላ፥ ኑና ማዳናዉ ሙሬ።
HEB 12:11 ኑን ሙረትያ ዎደ፥ ሀእዉ ይሎዬ፤ ናሸቼና። ሽን ሙሬዳዋንቶ ጉየፐ ሄ ሙራይ ጽሎተꬃ ደኡዋ ሳሮተꬃ ዎይታ እማና።
HEB 12:12 ሄዋ ድራዉ፥ ህንተንቱ አርጋጬዳ ኩሽያነ ህንተንቱ ዳቡሬዳ ጉልባታ መንꬅተ።
HEB 12:13 ዎቢያ ገዲ ፓጻናፐ አትን፥ ቡርቀና ማላ፥ ሱረ ኦግያን ሀመትተ።
HEB 12:14 አሳ ኡባና ሳሮ ደአናዉ ምንተ፤ ቃይ ጌሻ ደኡዋ ደእተ። አያዉ ጎፐ፥ ጌሻተꬃይ ባይናን ኦንነ ጎዳ በአናዉ ዳንዳየና።
HEB 12:15 ጾሳ አꬎ ኬካተꬃ ኦንነ አከናን አተና ማላ ናገትተ፤ ቃይ ዶላደ፥ ባረ ማርዝያን አሳ ዋይስያ ጫሞ ምꬃዳን ሀኒደ፥ ኦንነ ዳሮ አሳ ቱንሰና ማላ ናገትተ።
HEB 12:16 ዎሹማናዉ ካጄልያ አሳይ ኦንነ ደኤና ማላ፥ ዎይ ቃይ እት ገደ ምያባዉ ባረ ባይራተꬃ ዛልኤዳ፥ አያናባ ካዉሽስያ ኤሳ ማላ አሳይካ ደኤና ማላ ናገትተ።
HEB 12:17 ሄዋፐ ጉይያን፥ ኤሳይ ባረ አቡ አንጁዋ አካናዉ ኮዬዳዋ ኤሪታ፤ ሽን አ አቡ አ አንጀናን እጼዳ፤ አያዉ ጎፐ፥ ናጋራፐ ስምያ ኦግያ እ ሀራይ አቶ፥ አፎጽ ኮዪደካ ደማናዉ ዳንዳይቤና።
HEB 12:18 ህንተንቱ ቦቻናዉ ዳንዳይያ ደርያኮነ ኤጽያ ታማኮ፥ ꬉማኮ፥ ሻርያኮነ ጎቱዋኮ፥
HEB 12:19 ቃይ ማላካታ ዋሱዋኮነ ቃላ ኮሻኮ ይበይክታ። አሳይ ሄ ኮሻ ስሴዳ ዎደ፥ ሀራ ጉጅ ስሰና ማላ ዎሴዳ።
HEB 12:20 አያዉ ጎፐ፥ ጾሳይ ኡንቱንታ፥ “ሀራይ አቶ፥ ዶአይካ ሄ ደርያ ቦቾፐ፥ ሹቻን ጫደቲደ ሀይቆ” ያጌዳ አዛዙዋ ኡንቱንቱ ገንጫናዉ ዳንዳይበይክኖ።
HEB 12:21 አይፍያን ቤትያዌ ዳሮ ዳጋንꬅያዋ ግድያ ድራዉ ሙሴ፥ “ታን ያሻን ኮኮራይ” ያጌዳ።
HEB 12:22 ሽን ህንተንቱ ጽዮነ ደርያ፥ ደኦ ጾሳይ ደእያ ካታማ፥ እትፐ ሺቂደ ናሸትያ ዳሮ ሻአ ኪታንቻቱዋኮ ሳሉዋ የሩሳላመ ዬድታ።
HEB 12:23 ጾሳ ባይራ ናናቱዋኮ፥ እትፐ ሺቄዳዋንቱኮ፥ ኡንቱንቱ ሱንꬃይ ሳሉዋን ጻፈቴዳዋንቱኮ ዬድታ፤ ቃይ አሳ ኡባ ፕርድያ ጾሳኮነ፥ ባላይ ባይናዋንታ ኦꬄዳ ጽሎ አሳቱዋ አያናቱዋኮ ዬድታ።
HEB 12:24 ኦራꬃ ጫቆ ጋናትያ የሱሳነ አቤላ ሱꬃፐ አꬍያዋ ኦድያ ጉኬዳ ሱꬃኮ ዬድታ።
HEB 12:25 ህንተንቶ ኦድያ ኡራ የዉዋ ስስያዋ ህንተንቱ እጸና ማላ፥ ህንተንታ ናግተ። ጾሳ ኪታ ሳኣን ባረንቶ ኦድያዌ ኦድያዋ ስሰና እጼዳዋንቱ አታና ꬋዮፐ፥ ሳሉዋን፥ “ህንተና ናግተ” ግያ ጾሳፐ ኑን ዋኒደ አታኔ?
HEB 12:26 ሄ ዎደ አ ኮሻይ ሳኣ ቃꬄዳ፤ ሽን እ ሀእ፥ “ታን ሳኣ ጻላላ ግደናን፥ እት ገደ ጉጃደ ሳሉዋካ ቃꬃና” ያጌዳ።
HEB 12:27 “እት ገደ ጉጃደ” ግያ ቃላይ ቃጸናባይ ምኒደ ደአና ማላ፥ መቴዳባይ ቃጻናዋነ ክቻናዋ ጌሺደ በሴ።
HEB 12:28 ኑን ቃጻናዉ ዳንዳየና ካዉተꬃ አክያ ድራዉ፥ አነ ጾሳ ጋላቶይተነ አ ናሸቾይተ፤ አዉ በስያዋዳን ቦንቹዋንነ ያሻተꬃን አዉ ጎይኖይተ።
HEB 12:29 አያዉ ጎፐ፥ ኑ ጾሳይ ቱሙ ባይዝያ ታማ።
HEB 13:1 ህንተንቱ እሻቱዋ ሲቅያዋ አጎፕተ።
HEB 13:2 እማꬃ ሞክያዋካ ዶጎፕተ። አያዉ ጎፐ፥ ያትያዋን እት እት አሳይ ኤረናን ኪታንቻቱዋ ሞኬዳ።
HEB 13:3 ቃሾ ጎለን ደእያዋንቱባ ህንተንቱካ ኡንቱንቱና እትፐ ቃሾ ጎለን ደእያዋዳን ቆፕተ፤ ቃይ ህንተንቱ ህንተንቱ ሁጰዉ ዋየትያዋዳን፥ ዋየትያዋንቱባ ቆፕተ።
HEB 13:4 አክያዋነ ገልያዋ አሳይ ኡባይ ቦንቻናዉ በሴ፤ ቃይ አስናይነ ማቻታ እቱ እቶ አማነታናዉ በሴ፤ አያዉ ጎፐ፥ ጾሳይ ዎሹማናዉ ካጄልያዋንታነ ዎሹምያዋንታ ፕርዳና።
HEB 13:5 ሚሻ ሲቁዋፐ ህንተንታ ናግተ፤ ህንተንቶ ደእያዌ ህንተንቶ ግዶ። አያዉ ጎፐ፥ ጾሳይ ባረ ሁጰዉ፥ “ታን ኔና ኡባካ የግከ ዎይ አግከ” ያጌዳ።
HEB 13:6 ሄዋ ድራዉ፥ ኑን ጻሊደ፥ “ጎዳይ ታና ማድያዋ፤ ታን ያይከ። አሳይ ታና አይ ኦꬂ?” ያጌቶ።
HEB 13:7 ጾሳ ቃላ ህንተንቶ ኦዴዳ ህንተንታ ካለꬄዳዋንታ ሀሳይተ፤ ኡንቱንቱ ዋን ደኤድኖንቶነ ሀሳይተ፤ ቃይ ኡንቱንቱዋዳን አማንተ።
HEB 13:8 የሱስ ክርስቶስ ዝኖካ ሀቼካ መꬍናዉካ ላመተና።
HEB 13:9 ዱማ ዱማ ኦራꬃ ትምርትያን ዎራ ቦፕተ። ኑ ዎዛናይ ጾሳ አꬎ ኬካተꬃን ምኖፐ ሎኦ ግድያዋፐ አትን፥ ቁማ ዎጋቶ አዛዘትያዋ ግደና፤ ሄዎ አዛዘቴዳዋንቱካ ማደትበይክኖ።
HEB 13:10 ኑዉ ያርሽያሳይ ደኤ፤ ዱንካንያ ግዶን ኦꬅያዋንቱ ሄ ያርሽያ ሳፐ ማናዉ ኡንቱንቶ ማታይ ባዋ።
HEB 13:11 ቄሳቱዋ ኡባቱዋ ካፑ ናጋራ ድራዉ፥ መህያ ሱꬃ ያርሻናዉ ኡባፐ አꬍያ ጌሻ ሳኣ አፌ፤ ሽን ሄ መህያ አሹዋ ቃይ ድርሳፐ ካረና ጉዴ።
HEB 13:12 ሄዋ ድራዉ፥ የሱስካ ቃይ ናጋራፐ አሳ ባረ ሱꬃን ጌሻናዉ፥ ካታማ ፐንግያፐ ካረና ዋየቴዳ።
HEB 13:13 ስም ኑን እ ቦረቴዳ ቦርያ አኪደ፥ ድርሳፐ ካረ አኮ ከሶይተ።
HEB 13:14 አያዉ ጎፐ፥ ኑዉ ሀዋን መꬍናዉ ደእያ ካታማይ ባዋ፤ ሽን ኑን ያና ካታማ ናጌቶ።
HEB 13:15 ስም ጾሳዉ የሱሳ ባጋና ኡባ ዎደ ጋላታ ያርሹዋ እሞይተ፤ ሄዋ ግያዌ መተርሻይ አ ሱንꬃዉ እምያ ጋላታ ግያዋ።
HEB 13:16 ሎኦባ ኦꬅያዋነ እቱ እቱዋ ማድያዋ ዶጎፕተ። አያዉ ጎፐ፥ ጾሳ ናሸችያዌ ሄዋ ማላ ያርሹዋ።
HEB 13:17 ህንተና ካለꬅያዋንቶ አዛዘትተ፤ ቃይ ኡንቱንቱ አዛዝያዋካ ኦꬅተ። ኡንቱንቱ ባረንቱ ኦꬄዳዋ ጾሳዉ ኦዳና ድራዉ፥ ህንተንቱ ሸምፑዋ ሎይꬅ ናጊኖ፤ ህንተንቱ ኡንቱንቶ አዛዘቶፐ፥ ባረንቱ ኦሱዋ ናሸቲደ ኦꬃና፤ ሄዌ ꬋዮፐ፥ ኡንቱንቱ ይሎቲደ ኦꬃና፤ ሄዌ ህንተንታ አይነ ማደና።
HEB 13:18 ኑዉ ጾሳ ዎስተ። ኑን ኡባ ዎደ ሎኦባ ኦꬃናዉ ኮይያ ድራዉ፥ ኑና ዞርያ ሎኦ ዎዛናይ ኑዉ ደኤ።
HEB 13:19 ጾሳይ ታና ህንተንቱኮ ኤለካ ዛራና ማላ፥ ጾሳ ህንተንቱ ሎይꬅ ዎሳናዳን፥ ታን ህንተንታ ሎይꬃ ዎሳይ።
HEB 13:20 ሳሮተꬃ ጾሳይ፥ ኑ ጎዳ የሱሳ፥ ዶርሳቱዋ ሄንꬃንቻ ዎልቃማ፥ መꬍና ጫቁዋ ሱꬃን ሀይቁዋፐ ደንꬄዳ።
HEB 13:21 ጾሳይ የሱስ ክርስቶሳ ባጋና ባረ ስንꬃን ባረና ናሸችያዋ ህንተንታ ኦስሲደ፥ ህንተንቱካ እ ኮዬዳዋ ኦꬃና ማላ፥ ሎኦ ኦሱዋ ኡባን ህንተንታ እ ጊግሶ፤ ጾሳይ መꬍ መꬍናዉ ቦንቼቶ። አመንእ።
HEB 13:22 ታናዳን አማንያዋንቶ፥ ታን ሀ ዳብዳቢያ ህንተንቶ ቃንꬃን ጻፌዳ ድራዉ፥ ህንተንቱ ሀ ዞርያ ሳለተናን ስሳና ማላ፥ ታን ህንተንታ ዎሳይ።
HEB 13:23 ኑ እሻይ፥ ጽሞቶስ ቃሹዋፐ ብለቴዳዋ ኤርተ። ኤሌል እ ሃ ዮፐ፥ ታን አናና ባደ ህንተንታ በአና።
HEB 13:24 ህንተና ካለꬅያ ኡባቱዋነ ጾሳ አሳቱዋ ኡባ ሳሮ ሳሮ ጊተ። ጻልያፐ ዬዳ አማንያዋንቱ ህንተንታ ሳሮ ሳሮ ጊኖ።
HEB 13:25 አꬎ ኬካተꬃይ ህንተናና ኡባና እትፐ ግዶ። አመንእ።
JAM 1:1 ታን ያቆብ ጾሳ አይሊነ ጎዳ የሱስ ክርስቶሳ አይሊ፥ ቢታ ኡባን ላለቴዳ ታማነ ላኡ ዘረꬃቶ ሳሮታ ኪታይ።
JAM 1:2 ታናዳን ጾሳ ካልያዋንቶ፥ ህንተ አማኑ ፓጨትያዌ ህንተንቶ ዳንዳያ እማናዋ ኤሪደ፥ ዱማ ዱማ ፓጪ ህንተና ጋክያ ዎደ፥ ሄዋ ኩመንꬃ ናሸቻዳን ፓይድተ።
JAM 1:4 ህንተ ዳንዳያይ አይነ ባል ባይናን ህንተና ምኔዳዋንታነ ፓጭ ባይናዋንታ ኦꬂደ፥ ባረ ኦሱዋ ፖሎ።
JAM 1:5 ሽን ህንተፐ ኦንነ ባረዉ አꬌዳ ኤራተꬃይ ꬋዮፐ፥ ካናን ኡባዉ ኬካተꬃን እምያ ጾሳ ዎሶ። እ አዉ እማና።
JAM 1:6 ሽን እ አያንነ ስናን አማኑዋን ጾሳ ዎሶ። አያዉ ጎፐ፥ ስꬍያ ኡራይ ጫርኩ ሱግና ቃጽያ አባ ቤታ ማላ።
JAM 1:7 አያዉ ጎፐ፥ ላኡ ቆፋይ ደእያ ኡራይ፥ ባረ ኦግያ ኡባን ባረ ቆፋ ቃቼናዌ፥ ሄ ኡራይ ጎዳፐ አይነ ደማናዉ ቆፖፖ።
JAM 1:9 ሽን ህዬሳ እሻይ ጾሳይ አ ꬎቁ ኦꬄዳ ዎደ ናሸቶ።
JAM 1:10 ቃይ ዱረ እሻይካ ጾሳይ አ ካዉሽሴዳ ዎደ ናሸቶ። አያዉ ጎፐ፥ ዱረ ብታኒ ማታ ግዶን ድጭያ ጪሻዳን ꬋያና።
JAM 1:11 አያዉ ጎፐ፥ አዋይ ባረ ሴላና ከሲደ፥ ማታ መልስና፥ ጪሻይ ꬋዬ፤ ቃይ አ ማላ ሎኦተꬃይካ ꬋዬ፤ ሄዋዳንካ ቃይ ዱረ ብታኒ ባረዋ ኦꬂደ ꬋያና።
JAM 1:12 ዋይያን ገንጭያ ኡራይ አንጀቴዳዋ፤ አያዉ ጎፐ፥ ሄ ዋይያ ጾኔዳዋፐ ጉይያን፥ ጾሳይ ባረና ሲቅያዋንቶ እማና ጌዳ ደኡዋ ካላቻ እ አካና።
JAM 1:13 ኦንነ ፓጨቴዳ ዎደ፥ “ታና ጾሳይ ፓጬ” ጎፖ። አያዉ ጎፐ፥ ጾሳይ ኢታን ፓጨታናዉ ዳንዳየና፤ ቃይ እ ባረ ሁጰዉ ኦናነ ፓጨና።
JAM 1:14 ሽን አሳይ ሁጲያን ሁጲያን ባረ ሁጰ ኢታ አሙዋን ጎሸትያ ዎደነ ጭመትያ ዎደ ፓጨቴ።
JAM 1:15 ሄዋፐ ጉይያን፥ አሙ ሻሃሪደ፥ ናጋራ የሌ፤ ቃይ ናጋራይ ድጪደ፥ ሀይቁዋ የሌ።
JAM 1:16 ታናዳን ጾሳ ካልያዋንቶ፥ ጭመቶፕተ።
JAM 1:17 ሎኦ እሙዋ ኡባይነ ኩመንꬃ ዎይታ ኡባይ ሳሉዋፐ ዬ። ሳሉዋ ፖኡዋ መꬌዳ አዉዋፐ ዬ፤ ጾሳይ ባረ ሁጰዉ ዱማተናነ ዎይ ባረ ኩዋ ላመና።
JAM 1:18 ኑን እ መꬌዳ መታቱዋ ግዶን ꬎቃሳ አካናዳን፥ ኑና ባረ ሸንያን ቱሙ ቃላን የሌዳ።
JAM 1:19 ታናዳን ጾሳ ካልያዋንቶ፥ ሀዋ ሀሳይተ፤ አሳይ ኡባይ ስሳናዉ ኤሌሎ፤ ሽን ሃሳያናዉነ ሀንቀታናዉ ኤሌሎፖ።
JAM 1:20 አያዉ ጎፐ፥ አሳ ሀንቁ ጾሳይ ኮይያ ጽሎተꬃ አሄና።
JAM 1:21 ሄዋ ድራዉ፥ ቱና ሀኖታ ኡባነ ኢታተꬃ ኡባ ህንተፐ ꬋይሲደ፥ ጾሳይ ህንተ ዎዛናን ቶኬዳ ህንተ ሸምፑዋ አሻናዉ ዳንዳይያ ቃላ አሽከተꬃን አክተ።
JAM 1:22 ሽን ጾሳ ቃላ ኦሱዋን ፔሽተፐ አትን፥ ስሳ ጻላላን ህንተ ሁጲያ ጭሞፕተ።
JAM 1:23 አያዉ ጎፐ፥ ቃላ ስሲደ ኦና ኡራይ ደኦፐ፥ እ ባረ ማላ ማስቶትያ ጼልያ ኡራ ማላ።
JAM 1:24 እ ባረና ጼሊደ ቤ፤ ኤለካ እ አይ ማለንቶነ ዶግ አጌ።
JAM 1:25 ሽን ኦንነ አይለተꬃፐ ከስያ ባል ባይና ህግያ ጼሊደ፥ አን አቅያዌ ቃይ አ ናግያዌ፥ ስሴዳዋካ ዶገናዌ፥ ሄ ኡራይ ባረ ኦꬅያ ኦሱዋን አንጀታና።
JAM 1:26 ባረ እንጻርሳ ናገናን ባረና ጭሚደ፥ ባረዉ ጾሳ ጎይንያዋ ማላትያ ኡራይ ደኦፐ፥ አ ጎይናይ መላ።
JAM 1:27 ጾሳ አዉዋ ስንꬃን ፖኩ ባይና ጌሻ ጎይናይ ሀዋ፤ ሄዌ ሀቃዌ ጎፐ፥ አታ አዉ ባይና ናናቱዋነ ዋየትያ አምኤቱዋ ማዳናዋነ ሳኣ ናጋራ ቅታፐ ባረ ሁጲያ ናጋናዋ።
JAM 2:1 ታናዳን ጾሳ ካልያዋንቶ፥ ህንተ ኑ ቦንቾ ጎዳ የሱስ ክርስቶሳ አማን ደኢደ፥ ዴሙዋ ጼሊደ፥ አሳ ቦንቾፕተ።
JAM 2:2 አያዉ ጎፐ፥ ዎርቃ ምግዱዋ ዎꬂደ፥ ሎኦ ማዩዋ ማዬዳ እት አሳይ ህንተ ሺቁዋ ዮፐ፥ ቃይ ጩርቃ ማዩዋ ማዬዳ ህዬሳ አስካ ዮፐ፥
JAM 2:3 ሎኦ ማዩዋ ማዬዳ ብታንያ ህንተ አꬅ ቦንቺደ አ፥ “ኔን ሀዋን ኡባፐ ሎእያ ኦይድያን ኡታ” ጊደ ቃይ ህዬሳ ብታንያ፥ “ኔን ህንና ኤቃሻ፤ ዎይ ሀዋን ታ ገድያ ማታን ሳኣን ኡታ” ጎፐ፥
JAM 2:4 ያትና ህንተ ህንተ ግዶን ሻኮተꬃ መꬍያዋንታነ ኢታ ቆፋና ደእያ ዳናቱዋ ግድክቴዬ?
JAM 2:5 ታናዳን ጾሳ ካልያዋንቶ፥ ስስተ፤ ጾሳይ ሀ ሳኣን ደእያ ህዬሳ አሳይ አማኑዋን ዱረታናዉነ ባረና ሲቅያዋንቶ እማና ጌዳ ሳሉዋ ካዉተꬃ ላታናዉ ዶርቤነዬ?
JAM 2:6 ሽን ህንተ ህዬሳቱዋ ቶቼድታ። ዱረቱ ህንተና ቱጋይያዋንታ ግድክኖዬ? ኡንቱንቱ ህንተና ዳናን ሞትያዋንታ ግድክኖዬ?
JAM 2:7 ህንተዉ እመቴዳ ሎኦ ሱንꬃ ቦርያዋንቱ ኡንቱንታ ግድክኖዬ?
JAM 2:8 ሽን ጾሳ ማጻፋን፥ “ነ ሾሩዋ ነ ሁጲያዳን ሲቃ” ጌተቲደ ጻፈቴዳ ካትያ ህግያ ህንተ ፖሎፐ፥ ሎኦባ ኦꬂታ።
JAM 2:9 ሽን ህንተ አሳ ዴሙዋ ጼሊደ ቦንቾፐ፥ ናጋራ ኦꬂታ፤ ቃይ ህጊ ህንተ ቦላ፥ ህግያ መንꬄዳዋንቱዳን ፕርዳና።
JAM 2:10 አያዉ ጎፐ፥ ኦንነ ህግያ ኡባ ናጊደ፥ እትኖ መንꬅያዋ ግዶፐ፥ ሄ ኡራይ ህግያ ኡባ መንꬄ።
JAM 2:11 አያዉ ጎፐ፥ “ዎሹሞፓ” ጌዳዌ ቃይ “ዎꬎፓ” ጌዳ፤ ሽን ኔን ዎሹማና ꬋዮፐካ፥ ዎꬌዳዋ ግዶፐ፥ ህግያ መንꬃዳ።
JAM 2:12 አሳ አይለተꬃፐ ከስያ ህግያን፥ ፕርዳ አካና አሳቱዋዳን ሃሳይተነ ኡንቱንቱዋዳን ኦꬅተ።
JAM 2:13 አያዉ ጎፐ፥ አሳ ማርቤና ኡራ ጾሳይ ማረናን ፕርዳና፤ ማሮተꬃይ ፕርዳ ጾኔ።
JAM 2:14 ታናዳን ጾሳ ካልያዋንቶ፥ እት ኡራይ ባረዉ አማኑ ደኤ ጎፐ፥ ቃይ አ አማኑዋ አ ኦሱ ኤርሳና ꬋዮፐ፥ አ አይ ጎአኔ? አ አማኑ አ አሻናዉ ዳንዳዪ?
JAM 2:15 እት እሻይ፥ ዎይ እት ምቻታ ካሎቶፐ፥ ቃይ ኡንቱንቶ ኡባ ጋላስ ምያባይ ꬋዮፐ፥
JAM 2:16 ህንተፐ እት ኡራይ ኡንቱንታ፥ “ሳሮ ቢተ። ታማ ሆእተ። ካሊደ ሚተ” ጊደ፥ ኡንቱንቶ ኮሽያዋ እማና ꬋዮፐ፥ ኡንቱንታ አይ ጎአኔ?
JAM 2:17 ሄዋ ድራዉ፥ አማኑ ኦሱ ባይናን ባረካ ደኦፐ ሀይቄዳዋ።
JAM 2:18 ሽን እት ኡራይ፥ “ነዉ አማኑ ደኤ፤ ቃይ ታዉ ኦሱ ደኤ። ኔን ነ አማኑዋ ነ ኦሱዋፐ ሻካደ ታና በሳ፤ ታንካ ታ አማኑዋ ታ ኦሱዋን ኔና በሳና” ጋና።
JAM 2:19 ኔን እት ጾሳይ ደእያዋ አማናሳ፤ ሄዌ ሎአ። ጻላሄቱካ ቃይ አማኒኖ፤ ያሻን ኮኮሪኖ።
JAM 2:20 ኔን ኤያይ! አማኑ ኦሱዋፐ ሻከቲደ ጎኤናዋ ኤራናዉ ኮያይ?
JAM 2:21 ኑ አቡ አብራሃሞ ባረ ናኣ ይሳቃ ያርሽያ ሳኣ ቦላ ዎꬄዳ ዎደ፥ ባረ ኦሱዋን ጽልቤኔ?
JAM 2:22 አ አማኑነ አ ኦሱ እትፐ ኦꬄዳዋነ አ አማኑ አ ኦሱዋን ፖለቴዳዋ በእኪ?
JAM 2:23 ጾሳ ማጻፋይ “አብራሃሞ ጾሳ አማኔዳ። ጾሳይካ ሄዋ አዉ ጽሎተꬃን ፓይዴዳ” ጌዳዌ ፖለቴዳ፤ ቃይ ጾሳ ዳቦ ጌተቲደ እ ጼሰቴዳ።
JAM 2:24 አሳይ አማኖ ጻላላና ግደናን፥ ኦሱዋን ጽልያዋ ህንተ በኢታ።
JAM 2:25 ሄዋዳንካ ቃይ ጫራታ ራኣባ ኪተቶዋንታ ሞካደ ሀራ ኦግያና ኡንቱንታ ሞይዜዳ ዎደ፥ ባረ ኦሱዋን ጽላበይኬ?
JAM 2:26 አያዉ ጎፐ፥ ሸምፑ ሻከቴዳ ቦላይ ሀይቄዳዋ ግድያዋዳን፥ ሄዋዳንካ ቃይ ኦሱ ሻከቴዳ አማኑ ሀይቄዳዋ።
JAM 3:1 ታናዳን ጾሳ ካልያዋንቶ፥ ኑን ሀራቱዋፐ አꬍያ ፕርዳ አካናዋ ህንተ ኤርያ ድራዉ፥ ህንተፐ ጮራቱ ታማርስያዋንታ ግዶፕተ።
JAM 3:2 ኑን ኡባይካ ዳሮባን ባሌቶ፤ እት ኡራይ ባረ ሃሳያን ሙለካ ባላና ꬋዮፐ፥ እ ባረና ናጋናዉ ዳንዳይያ ባል ባይና አሳ።
JAM 3:3 ፓራቱ ኑዉ አዛዘታና ማላ፥ ብጻላ ባርሲደ፥ ኑን ኮይያሳ ኡባ ኡንቱንታ አፌቶ።
JAM 3:4 በእተ፥ ማርካባቱካ ቃይ ሄዋ ኬና ዎልቃማ ግዲደ፥ ጎቱዋ ጫርኩዋን ላገቶፐካ፥ ኡንቱንታ ላግያዌ ባረዋ ኮይያሳ ዛሪደ ላግያ ቄር ጉꬃ ምꬃን ላገቲደ ቢኖ።
JAM 3:5 ሄዋዳን እንጻርሳይ ቦላ ግዶን ጉꬃ አሳተꬃ ግዶፐካ፥ ዳሮ ዎልቃማባን ጬቀቴ። ጉꬃ ታማይ ዋኒደ ዎልቃማ ዎራ ጉዲ! አኬክተ።
JAM 3:6 እንጻርሳይካ ታማ ማላ። እ ኑ አሳተꬃ ግዶን ኢታባ ኡባ ኦꬃና ዳንዳዬ፤ አሳተꬃ ኡባ ቱንሴ። ቃይ ኑ ደኡዋ ዎꬃካ ታማን ጉዴ፤ ጋናምያ ታማን እ ጉደታናዋ።
JAM 3:7 አያዉ ጎፐ፥ ዶአቱዋ፥ ካፋቱዋ ዛርያ፥ ትራን ጎሸትያ ሾሻቱ ዛርያነ አባን ደእያ መታቱዋ ዛርያ ኡባ አሳይ አድሴዳ፤ ቃይ ኡንቱንቱካ አዴድኖ።
JAM 3:8 ሽን ኦንነ እንጻርሳ አድሳናዉ ዳንዳይቤና፤ እንጻርሳይ ዎꬍያ ማርዚ ኩሜዳ ጮኡ ጌና ኢታ መታ።
JAM 3:9 ኑን እንጻርሳን ኑ ጎዳነ አዉዋ ጋላቴቶ፤ ቃይ አንካ ጾሳ ማላቲደ መቴዳ አሳ ሸቄቶ።
JAM 3:10 እት ዶናፐ ጋላታይነ ሸቃይ ከሴ። ታናዳን ጾሳ ካልያዋንቶ፥ ሄዌ ሄዋዳን ሀናናዉ በሰና።
JAM 3:11 ፑልቱ እት ኦላፐ ማልእያ ሃꬃነ ጫምያ ሃꬃ ፑልታናዉ ዳንዳዪ?
JAM 3:12 ታናዳን ጾሳ ካልያዋንቶ፥ ባላስያ ግያ ምꬃይ ዎጋራ አይፋናዉ ዳንዳዪ? ዎይ ዎይንያ ቱራይ ባላስያ ግያ ምꬃ አይፋናዉ ዳንዳዪ? ማጽነ ማጽነ ግያ ሃꬃፐካ ማልኦ ሃꬃይ ከሳና ዳንዳየና።
JAM 3:13 ህንተ ግዶን አꬌዳ ኤራንቻይነ አኬካንቻይ ኦኔ? ባረ ሎኦ ደኡዋን ኦሰቴዳ ባረ ኦሱዋ አꬌዳ ኤራተꬃፐ ይያ አሽከተꬃን በሶ።
JAM 3:14 ሽን ህንተ ዎዛናን ጫምያ ቃናቲነ ይርጊ ደኦፖ። ቃይ ቱማተꬃ ቦላካ ዎርዶቶፕተነ ኦቶረቶፕተ።
JAM 3:15 ሄዋ ማላ አꬌዳ ኤራተꬃይ ሳሉዋፐ ዎꬍያዋ ግደና፤ ሽን ሄዌ ሳኣባ፥ አሳዋ፥ ጻላሀቱዋ።
JAM 3:16 አያዉ ጎፐ፥ ቃናቲነ ይርጊ ደእያ ሳን ዋላሳይነ ኢታ ኦሶ ኡባይ ደኤ።
JAM 3:17 ሽን ቦላፐ ይያ አꬌዳ ኤራተꬃይ ኡባፐ ካሰ ጌሻ። ቃይ ሳሮተꬃ ዶስያዋ፥ አሽከነ ኤኖ ግያዋ፤ ቃይ ማሮተꬃይነ ሎኦ አይፊ ኩሜዳዋ። ስꬊነ ሎኦ ማላትያ ኢታተꬃይ ባይናዋ።
JAM 3:18 ጽሎተꬃ አይፊ ሳሮተꬃ ኦꬅያዋንቱ ሳሮተꬃን ዘሬዳ ዘረꬃፐ ቤቴዳ።
JAM 4:1 ኦላይነ ዋላሳይ ህንተ ግዱዋ ሀቃፐ ዪ? ኡንቱንቱ ዬዳሳይ ህንተ ቦላ ግዶን ኦለትያ ህንተ ናሸታናዉ ዎልቃማ አሙዋ አሞትያዋፐ ግደኔ?
JAM 4:2 ህንተ አሞቲታ፤ ሽን ደምክታ፤ ዎꬊታ። ሎይꬅ ኮዪታ፤ ሽን ደማናዉ ዳንዳይክታ፤ ዋላቀቲታነ ኦለቲታ። ሽን ጾሳ ዎሰና ድራዉ፥ ህንተ ኮይያዋ ደምክታ።
JAM 4:3 ጾሳ ዎሲታ፥ ሽን ደምክታ፤ ጋሱካ ባላ ኦግያን ዎሲታ። ሄዋ ህንተና ናሸችያዋን ፔሻናዉ ኮይያ ድራሳ።
JAM 4:4 ስም ዎሹምያዋንቶ፥ ሀ አላምያና ዳቦትያዌ ጾሳዉ ሞርከ ግድያዋ ኤርክቴ? አያዉ ጎፐ፥ ሀ አላምያና ዳቦታናዉ ኮይያዌ ኦንነ ጾሳና ሞርከቴ።
JAM 4:5 ዎይ ጾሳ ማጻፋይ፥ “ጾሳይ ኑናን ዎꬄዳ አያናይ ዎልቃማ አሙዋ ኑዉ አሞቴ” ግያዋ ህንተንቶ ጮ ግያዋ ማላቲ?
JAM 4:6 ሽን ጾሳይ አꬎ ኬካተꬃ አꬂደ እሜ። ሄዋ ድራዉ፥ ጾሳ ማጻፋይ፥ “ጾሳይ ኦቶረትያዋንታ እጼ፤ ሽን ባረና ካዉሽያዋንቶ አꬎ ኬካተꬃ እሜ” ያጌ።
JAM 4:7 ስም፥ ህንተ ጾሳዉ ሞደትተ። ያቲደ ጻላህያና ኤቀትተ፤ እ ህንተፐ ባቃታና።
JAM 4:8 ጾሳኮ ሺቅተ፤ እካ ህንተኮ ሺቃና። ህንተኖ ናጋራንቻቶ፥ ህንተ ኩሽያ ሜጨትተ። ላኡ ቆፋይ ደእያዋንቶ፥ ህንተ ዎዛና ጌሽተ።
JAM 4:9 ቱጋትተ፤ ካዮትተነ ዬክተ። ህንተ ሚቻ ዬኮ ላምተ፤ ህንተ ናሸቻካ ካዮ ላምተ።
JAM 4:10 ጎዳ ስንꬃን ህንተ ሁጲያ ቶችተ፤ ቃይ እ ህንተና ꬎቁ ꬎቁ ኦꬃና።
JAM 4:11 ታናዳን ጾሳ ካልያዋንቶ፥ እቱ እቱዋ ዝግሮፕተ። ባረ እሻ ዝግርያዌነ አ ቦላ ፕርድያዌ ህግያ ዝግሬነ ህግያ ቦላ ፕርዴ። ኔን ህግያ ቦላ ፕርዶፐ፥ ህግያ ቦላ ፕርድያዋ ግዳሳፐ አትን፥ ህገዉ አዛዘትያዋ ግዳካ።
JAM 4:12 ህግያ እምያዌነ ፕርድያዌ ጾሳ ጻላላ፤ እ አሻናዉነ ꬋይሳናዉ ዳንዳዬ፤ ሽን ነ ሾሩዋ ቦላ ፕርድያዌ ኔን ኦኔ?
JAM 4:13 ህንተኖ፥ “ኑን ሀቼ ዎይ ዎንት ሄ ካታማ ባና፤ ሄዋን ላይꬃ ኡታና፤ ዛልአናነ ቃይ ሚሻ ዎꬍሳና” ግያዋንቶ፥ በእተ።
JAM 4:14 ዎንት ህንተ ደኡ አያ ሀናነንቶነ ኤርክታ፤ ጉꬃ ዎደዉ ህንተ ቤቲደ፥ ጉየፐ ꬋይያ ፔኑዋ ማላ።
JAM 4:15 ሄዋ አጊደ፥ “ጎዳይ ጎፐ፥ ኑን ደአና፤ ሀዋ ዎይ ሄዋ ኦꬃና” ጋናዉ በሴ።
JAM 4:16 ሽን ህንተ ሀእ ህንተንቱ ꬎቃተꬃን ጬቀቲታ፤ ሄዋ ማላ ጬቁ ኡባይ ኢታ።
JAM 4:17 ሄዋ ድራዉ፥ ሎኦባ ኦꬃናዉ ኤሪደ ኦና ኡራዉ ሄዌ ናጋራ።
JAM 5:1 ሀእካ ህንተኖ ዱረ አሳቶ፥ ህንተ ቦላ ይያ ቱጋዉ “አየ! አየ!” ያጊደ ዬክተነ ዝላልተ።
JAM 5:2 ህንተ ዱረተꬃይ ባይ ድጌዳ፤ ቃይ ህንተ አፍላካ ብልአይ ም ድጌዳ።
JAM 5:3 ህንተ ዎርቃይነ ህንተ ብራይ ሽእ ድጌዳ። ቃይ ሄ ሽአይ ህንተ ቦላ ማርካታና፤ ህንተ ቦላካ ታማዳን ማና። ህንተ ህንተ ሚሻ ስንꬃዉ ዳጋይ ደኢታ።
JAM 5:4 አኬክተ፤ ህንተ ጋደን ካꬃ ቆይጬዳ አሳቶ ጭግቤና ክራ ሚሻይ ዋሴ፤ ኡንቱንቱ ዋሱ ዎልቃማ ጎዳ ሀይꬃን ስሰቴዳ።
JAM 5:5 ህንተዉ እንጀትና፥ ሳኣን እሻሊደ ደኤድታ፤ ሹካ ጋላሳዉ ꬊክያዋዳን፥ ህንተ ቦላ ꬊኬድታ።
JAM 5:6 ጽሎ አሳ ቦላ ፕርዴድታ፤ ቃይ አ ዎꬌድታ፤ እ ህንተናና ኤቀተና።
JAM 5:7 ሄዋ ድራዉ፥ ታናዳን ጾሳ ካልያዋንቶ፥ ጎዳይ ያና ጋካናዉ ገንጭተ፤ ቢታ ጎሽያዌ አድልያ እራይነ አሱራ እራይ ያና ጋካናዉ ገንጪደ፥ አልኦ ካꬃ እ ዎት ናጊደ ጋꬅ አክንቶ በእተ።
JAM 5:8 ህንተካ ቃይ ገንጭተ፤ ህንተ ዎዛና ምንስተ። አያዉ ጎፐ፥ ጎዳ ዩሳይ ማታቴዳ።
JAM 5:9 ታናዳን ጾሳ ካልያዋንቶ፥ ጾሳይ ህንተ ቦላ ፕርደና ማላ፥ እቱ እቱዋ ቦላ ዙዙሞፕተ። በእተ፥ ፕርድያዌ ፐንግያን ኤቄዳ።
JAM 5:10 ታናዳን ጾሳ ካልያዋንቶ፥ ዋይያስነ ገንጫዉ ሌምሱዋ ግዴዳዋንታ፥ ጎዳ ሱንꬃን ሃሳዬዳ ናባቱዋ ሀሳይተ።
JAM 5:11 በእተ፥ ዳንዳዪደ ገንጬዳዋንታ ኑን አንጀቴዳዋንታ ጌቶ። ኢዮባ ገንጫ ህንተ ስሴድታ፤ ቃይ ጎዳይ አዉ ዉርሰꬃን እሜዳዋካ ቤድታ። አያዉ ጎፐ፥ ጎዳይ ማሮታይነ ቃረታይ ኩሜዳዋ።
JAM 5:12 ሽን ኡባፐ ካሰ፥ ታናዳን ጾሳ ካልያዋንቶ፥ ሳሉዋን ግድና፥ ዎይ ሳኣን ግድና፥ ዎይ ሀራ ጫቁዋን ግድና፥ አያንካ ጫቆፕተ። ሽን ጾሳ ፕርዳን ህንተ ገለናዳን፥ ህንተ የዉ ኤ ግያዋ ግዶፐ፥ “ኤ” ጊተ፤ ግደና ግያዋ ግዶፐ፥ “ግደና” ጊተ።
JAM 5:13 ህንተ ግዶን ዋየትያ ኡራይ ኦንነ ደኦፐ፥ ጾሳ ዎሶ፤ ናሸትያ ኡራይ ኦንነ ደኦፐ፥ የጺደ ጋላቶ።
JAM 5:14 ህንተፐ ሳከትያ ኡራይ ኦንነ ደኦፐ፥ አማንያ አሳ ካለꬅያ ጭማቱዋ ባረኮ ጼሶ፤ ኡንቱንቱ ጎዳ ሱንꬃን ዛይትያ አ ኦኪደ፥ አዉ ጾሳ ዎስኖ።
JAM 5:15 አማኑዋን ጾሳ ዎሴዳ ዎሳይ ሀርጋንቻ ፓꬃና፤ ጎዳይካ አ ሀርግያፐ ደንꬃና፤ ቃይ ናጋራ እ ኦꬄዳዋ ግዶፐካ ጎዳይ አዉ አቶ ጋና።
JAM 5:16 ሄዋ ድራዉ፥ ህንተ ፓጻና ማላ፥ ህንተ ናጋራ እቱ እቶ ፓጽተነ እቱ እቶ ጾሳ ዎስተ፤ ጽሎ አሳ ዎሳይ ዎልቃማ ኦሱዋ ኦꬄ።
JAM 5:17 ኤላስ ኑ ማላ አሳ። እራይ ሳኣን ቡከናዳን፥ እ ምንሲደ፥ ጾሳ ዎስና ሄዙ ላይꬃነ ኡሱፑን አገና ሳኣን እራይ ቡክቤና።
JAM 5:18 ላኤንꬁዋ ጾሳ እ ዎስና፥ ሳሉዋፐ እራይ ቡኬዳ፤ ሳአይካ ባረ ካꬃ ሞኬዳ።
JAM 5:19 ታናዳን ጾሳ ካልያዋንቶ፥ ህንተፐ ኦንነ ቱሙዋፐ ዎራ ቦፐ፥ ቃይ እቱ አ ጉየ ሄ ቱሙዋኮ ዛሮፐ፥
JAM 5:20 ናጋራንቻ አ ባላ ኦግያፐ ዛርያ ኦንነ አ ሸምፑዋ ሀይቁዋፐ አሻናዋነ ዳሮ ናጋራ ካማናዋ ኤሮ።
1PE 1:1 ታን፥ የሱስ ክርስቶስ ኪቴዳ ጰጽሮስ፥ ጾሳይ ዶሬዳ አሳቶ ጳንጾሳ ጋድያን፥ ጋላትያ ጋድያን፥ ቃጳዶቅያ ጋድያን፥ ኢስያ ቢታንነ ቢታንያ ጋድያን በትያን ደእያዋንቶ ዳብዳቢያ ጻፋይ።
1PE 1:2 የሱስ ክርስቶሳዉ ህንተ አዛዘታና ማላነ አ ሱꬃን ጌያና ማላ፥ ጾሳይ አዉ ዶሬዳ ህንተንቶ ባረ አያናን ጌሼዳዋንቶ፥ አꬎ ኬካተꬃይነ ሳሮተꬃይ ግዶ።
1PE 1:3 ኑን ጾሳ፥ ኑ ጎዳ የሱስ ክርስቶሳ አዉዋ፥ ባረ ማሮተꬃ ዳሩዋዳንካ ኑና ላኤንꬁዋ የሌዳዋ፥ የሱስ ክርስቶሳ ሀይቁዋፐ ደንꬄዳዋን ኑዉ ደኡዋ ህዶታ እሜዳዋ ጋላቴቶ።
1PE 1:4 ቃይ ጾሳይ ህንተንቶ እማና ዳሮ ላታይ ዎቀናዌ፥ ባየናዌነ ꬋየናዌ ሳሉዋን ናጌ።
1PE 1:5 ሄዌካ ህንተንቶ፥ ጾሳ ዎልቃን አማኑዋን ናገት ኡቲደ፥ አቶተꬃዉ ጊጌዳዋንቶ ዉርሰꬃ ዎድያን ቆንጫናዋ።
1PE 1:6 ሀእ ጉꬃ ዎደዉ ሀራይ አቶ ዱማ ዱማ ፓጭያን ህንተ ፓጨታናዉ ኮሾፐካ፥ ሀዋን ዳሮ ናሸትተ።
1PE 1:7 ሄዌ ሀራይ አቶ፥ ታማን የግና ꬋይያ ዎርቃፐካ ህንተ አማኑ ዳሮ አልኦነ ባል ባይናዋ ግድያዋ በሳናሳ፤ ያቲደ የሱስ ክርስቶስ ቤትያ ዎደ፥ ጋላታ፥ ቦንቹዋነ ሳባ ህንተ አካና።
1PE 1:8 ህንተ አ ኤራና ꬋዮፐካ፥ ሲቂታ፤ ህንተ ሀእ አ በአና ꬋዮፐካ፥ አማኒታ። ቃይ ህንተ ህንተ አማኖ ፖሎ ግድያ ህንተ ሸምፑዋ አቶተꬃ አክያ ድራዉ፥ ኦዳናዉ ዳንዳየተና ቦንቹ ኩሜዳ ናሸቻ ናሸቲታ።
1PE 1:10 ጾሳይ ህንተንቶ እማና አꬎ ኬካተꬃባዉ ትምቢትያ ኦዴዳ ናባቱ ሎይꬅ ብዲደ፥ ሀ አቶተꬃባ ኮዬድኖ።
1PE 1:11 ኡንቱንቱን ደእያ ክርስቶሳ አያናይ ክርስቶሳ ቱጋባነ ሄዋፐ ጉይያን ያና ቦንቹዋባ ካሰቲደ ማርካቲደ፥ አዉደ ዎይ ዋኔዳ ዎድያን ያነንቶነ አኬክሴዳዋዳን፥ ኡንቱንቱ ኮዬድኖ።
1PE 1:12 ሄ ትምቢትያ ኦድያዋንቱ ኦꬄዳ ኦሱ ህንተሳፐ አትን፥ ኡንቱንቱ ሁጲያሳ ግደናዋ ጾሳይ ኡንቱንቶ ቆንጭሴዳ፤ ሀእ ህንተ ስሴዳ ምሽራቹዋ ቃላ ህንተንቶ ኦዴዳ አሳቱ፥ ባረዉ ሳሉዋፐ ኪተቴዳ ጌሻ አያና ዎልቃን ኦዴድኖ። ሄዋ ኪታንቻቱካ በአናዉ አሞቲኖ።
1PE 1:13 ሄዋ ድራዉ፥ ኦሱዋ ኦꬃናዉ ህንተ ዎዛናን ቆፋ ጊግሲደ ህንተ ሁጲያ ናግተ። የሱስ ክርስቶስ ቆንጭያ ዎደ አꬎ ኬካተꬃ ህንተ አክያ ድራዉ፥ ኩመንꬃ ህዶታን ናግተ።
1PE 1:14 ጾሳዉ አዛዘትያ ናናዳን፤ ህንተ ካሰ ኤረናን አሞቴዳ አሙዋ ካሎፕተ።
1PE 1:15 ሽን ህንተና ጼሴዳ ጾሳይ ጌሻ ግዴዳዋዳን፥ ህንተካ ህንተ ኦሱዋ ኡባን ጌሻ ግድተ። ጾሳ ማጻፋን፥ “ታን ጌሻ ግድያ ድራዉ፥ ህንተካ ጌሻ ግድተ” ጌተቲደ ጻፈቴዳ።
1PE 1:17 አሳ ሁጲያን ሁጲያን ዴሙዋ ጼለናን አ ኦሱዋዳን ፕርድያ ጾሳ ዎሲደ ህንተ፥ “ኑ አቦ” ጊደ አ ጼስያዋ ግዶፐ፥ ሀ አላምያን በተ ግዲደ ህንተ ደእያ ዎድያን ያሻተꬃን ደእተ።
1PE 1:18 ህንተ ህንተ አዎቱዋፐ ላቴዳ ፓና ደኡዋፐ ዎዘቴዳዌ፥ ꬋይያ ብራ ዎይ ዎርቃ ማላና ግደናዋ ኤሪታ፤ ቦርስያባይ ዎይ ቅታይ ባይና ዶርሳ ሱꬃዳን፥ አልኦ ክርስቶሳ ሱꬃን ህንተ ዎዘቴድታ።
1PE 1:20 ጾሳይ ሳአይ መታናፐ ካሰ ክርስቶሳ ዶር ዎꬄዳ፤ ሽን ህንተ ድራዉ፥ ሀ ዎድያ ዉርሰꬃን እ ቤቴዳ።
1PE 1:21 ህንተ አማኑነ ህንተ አካና ጊደ ናሸቻን ናግ ኡቴዳባይ ጾሳን ደአና ማላ፥ ጾሳይ ሀይቁዋፐ አ ደንꬂደ፥ አዉ ቦንቹዋ እሜዳዋ አን አማኒታ።
1PE 1:22 ቱማተꬃዉ ህንተ አዛዘትያዋን፥ ሎአ ማላትያ ኢታተꬃይ ባይናን ህንተ እሻቱዋ ሲቃናዉ ህንተ ሁጲያ ጌሺደ፥ እቱ እቱዋና ምንሲደ ዎዛናፐ ሲቀትተ።
1PE 1:23 ህንተ ሀይቂያ ዘረꬃፐ ላኤንꬁዋ የለትበይክታ፤ ሽን መꬍናዉ ደእያዋነ ስንꬃዉካ ደአና ጾሳ ቃላን ሀይቀና ዘረꬃፐ የለቴድታ።
1PE 1:24 አያዉ ጎፐ፥ ጾሳ ማጻፋይ፥ “አሳይ ኡባይ ማታ ማላ፤ አ ቦንቹ ኡባይካ ማታ ጪሻ ማላ። ማታይ መሌ፤ ጪሻይካ ቆቆፈቴ።
1PE 1:25 ሽን ጎዳ ቃላይ መꬍናዉ ደኤ” ያጌ። ሀዌ ህንተንቶ ጎዳይ ኦዴዳ ምሽራቹዋ ቃላ።
1PE 2:1 ሄዋ ድራዉ፥ ህንተፐ ኢታተꬃ ኡባ፥ ጭምያዋ ኡባ፥ ሎአ ማላትያ ኢታተꬃ፥ ቃናትያነ ዝግርሳ ኡባ ድግተ።
1PE 2:2 ጎዳይ ኬካ ግዴዳዋ ህንተ ደኡዋን በኤዳዋ ግዶፐ፥ ሀእ የለቴዳ ጋጭኖ ናናቱዋዳን፥ ኡሺደ ድጫናዉነ አታናዉ ጽሎ ግዴዳ አያና ማꬃ ላሞትተ።
1PE 2:4 ጎዳኮ ደኦ ሹቻኮ ሺቅተ። አሳይ አ እጼዳ፤ ሽን ጾሳ ማታን እ ዶረቴዳ አልኦ።
1PE 2:5 ህንተካ ቃይ ደኦ ሹቻዳን፥ ጌሻ ቄሳ ግዲደ፥ የሱስ ክርስቶሳ ባጋና ጾሳ ናሸችያ አያና ያርሹዋ ጾሳዉ ያርሻናዉ፥ ህንተ ህንተ ሁጰዉ አያና ኬꬃዳን ኬጸትተ።
1PE 2:6 አያዉ ጎፐ፥ ጾሳ ማጻፋይ፥ “በእተ፥ ታን ጽዮነ ግያ ካታማን ጎልያ ጎዳ ጻጱዋ ምንስያ፥ ዶረቴዳ፥ አልኦ ሹቻ ዎꬃይ፤ አን አማንያ ኦንነ ዬላተና” ያጌ።
1PE 2:7 ሄዋ ድራዉ፥ ሀ ሹቻይ ህንተንቶ አማንያዋንቶ ዳሮ አልአ፤ ሽን አማነናዋንቶ፥ “ግምቢያዋንቱ ካꬌዳ ሹቻይ ጎዳ ጻጱዋ ምንስያ፥ ኡባፐ አꬍያ ሹቻ ግዴዳ” ያጌ።
1PE 2:8 ቃይካ፥ “ሀ ሹቻይ አሳ ꬉቢያ ሹቻነ አሳ ኩንድስያ ዛላ” ያጌ፤ ኡንቱንቱ ጾሳ ቃላ አማነና ድራዉ፥ ኡንቱንቶ ካሰና ቆፈቴዳዋዳን ꬉበቴድኖ።
1PE 2:9 ሽን ጾሳይ ꬉማፐ ማላልስያ ባረ ፖኦ ህንተና ጼሴዳ፤ ህንተ አ ኦራꬃ ኦሱዋ ኦዳናዉ ዶረቴዳ ዛረ፤ ህንተ ካትያ ቄሳቱዋ፤ ጌሻ አሳነ ጾሳዉ ቡዞ አሳ።
1PE 2:10 ህንተ ካሰ ጾሳ አሳ ግድክታ፤ ሽን ሀእ ህንተ አ አሳ፤ ህንተ ካሰ ማሮተꬃ አክበይክታ፤ ሽን ሀእ ማሮተꬃ አኬድታ።
1PE 2:11 ታ ዳባቶ፥ ህንተ ሀ ሳኣን እማꬃነ በተ ግዲደ ደእያዋንታ ግዴዳዋዳን፥ ኡባ ዎደ ህንተ ሸምፑዋና ኦለትያ አሳተꬃ አሙዋፐ ህንተ ሃካና ማላ፥ ታን ህንተና ዎሳይ።
1PE 2:12 አማነና አሳይ ህንተና ኢታባ ኦꬅያዋንቱዳን ዝግርያ ዎደ፥ ክርስቶስ ይያ ጋላስ ህንተ ሎኦ ኦሱዋ ኡንቱንቱ አኬኪደ፥ ጾሳ ጋላታና ማላ፥ ህንተ ደኡዋ ኡንቱንቱ ግዶን ሎይꬅ ናግተ።
1PE 2:13 ጎዳ ድራዉ፥ አሳ ህግያ ኡባዉ ሞደትተ፤ ካቲካ ኡባፐ ቦላ ግድያ ድራዉ፥ አዉ ሞደትተ።
1PE 2:14 ቃይ ጋድያ ሞድያዋንቶካ ሞደትተ። አያዉ ጎፐ፥ ኡንቱንቱ ኢታባ ኦꬅያዋንታ ሙራናዉነ ሎኦባ ኦꬅያዋንታ ጋላታናዉ ካትያፐ ኪተቴድኖ።
1PE 2:15 አያዉ ጎፐ፥ ጾሳይ ህንተ ህንተ ሎኦ ኦሱዋን ካꬍያ ኤያ አሳቱዋ ሃሳያ ጮኡ ኡዳናዋ ኮዬ።
1PE 2:16 አይለተꬃፐ ከሲደ፥ ጾሳ አይልያዳን ደእተፐ አትን፥ ሄ አይለተꬃፐ ከሴዳዋ ኢታተꬃ ገንꬅያዋ ኦꬆፕተ።
1PE 2:17 አሳ ኡባ ቦንችተ። ህንተ እሻቱዋ ሲቅተ። ጾሳዉ ያይተ። ካትያ ቦንችተ።
1PE 2:18 አይላቶ፥ ህንተ ሎኦ ጎዳቱዋ ጻላላዉነ አሽከ ጎዳቱዋ ጻላላዉ ግደናን፥ ኢታቶካ ዳሮ ያዪደ ሞደትተ።
1PE 2:19 አያዉ ጎፐ፥ አሳይ ናቂያ ዎደ ዋየትያ ኡራይ ጾሳ ቆፒደ፥ ኦገ ባይናን ናቀቶፐ ጾሳይ አ አንጃና።
1PE 2:20 አያዉ ጎፐ፥ ህንተ ናጋራ ኦꬅና፥ ህንተና ደችያ ዎደ፥ ህንተ ዳንዳዮፐ፥ ህንተንቶ አይ ጋላታይ ደኢ? ሽን ሎኦባ ኦꬂደ ዋይያ ህንተ ዳንዳዮፐ፥ ጾሳይ ህንተና ሄዎ አንጃና።
1PE 2:21 ጾሳይ ህንተና ጼሴዳዌ ሄዋ ድራሳ፤ አያዉ ጎፐ፥ ክርስቶስ ህንተንቶ ዋየቴ፤ ህንተ አ ቃታማ ካላና ማላ፥ ህንተንቶ ሌምሱዋ ግዴዳ።
1PE 2:22 ናጋራ እ ኦꬅቤና፤ ባረ ዶናፐ ዎርዱዋ ሃሳይቤና።
1PE 2:23 አሳይ ባረና ቦርያ ዎደ፥ ዛሪደ ቦርቤና፤ ዋየትያ ዎደካ ማንድቤና። ሽን ጽሉዋ ፕርድያ ጾሳዉ ባረና አꬂደ እሜዳ።
1PE 2:24 ኑን ናጋራዉ ሀይቂደ፥ ጽሎተꬃዉ ደአና ማላ፥ ክርስቶስ ባረ ሁጰዉ ባረ አሹዋን ኑ ናጋራ ማስቃልያን ቶኬዳ፤ ህንተ አ ማይꬃን ፓጼድታ።
1PE 2:25 አያዉ ጎፐ፥ ህንተ ኦጊ ባሌዳ ዶርሳ ማላ፤ ሽን ሀእ ህንተ ሸምፑዋ ሄምያዋኮነ ናግያዋኮ ስሜድታ።
1PE 3:1 ሄዋዳንካ ማቼቶ፥ ህንተ አስናቱዋፐ ጾሳ ቃላዉ አዛዘተና እቱ እቱ ደኦፐካ፥ ህንተ ፓሉመተናን፥ ኡንቱንቱ ህንተ ያሻተꬃነ ህንተ ጌሻ ደኡዋ በኢደ ጾነታና ማላ፥ ኡንቱንቶ ሞደትተ።
1PE 3:3 ህንተ ህንተ ሁጲያ አልኦባን ጊግስያዋንነ ዎርቃ ዎꬅያዋን ዎይ አልኦ ማዩዋ ማይያዋን ህንተንቱ ቦላ ባጋ ሎይꬆፕተ።
1PE 3:4 ሽን ህንተ ጋርሳን ቆሰቴዳ አሳተꬃ ሎኦተꬃይ ጾሳ ስንꬃን ህንተንቶ ዳሮ አልኦ ግዲደ፥ ꬋየና አሽከነ ዎፑ ጌዳ አያና ግዶ።
1PE 3:5 አያዉ ጎፐ፥ ሄዋዳን ጾሳን ህዶቴዳ ጌሻ ማጫ አሳቱ በን ዎደ ባረንቱ አስናዉ ሞደቲደ፥ ባረንታ ዳሮ ሎይꬄድኖ።
1PE 3:6 ሄዋዳን ሳራ አብራሃማ፥ “ታ ጎዳዉ” ያጋ ጼሳደ፥ አዉ አዛዘታዱ፤ ህንተካ እትባዉነ ያየናን ሎኦባ ኦꬆፐ፥ እ ናናቱዋ።
1PE 3:7 ሄዋዳን አስናቶ፥ ህንተ ማጫ አሳቱዋና አኬካን እትፐ ደእተ። ኡንቱንቶ ዳቡራንቻ አሳተꬃይ ደእያ ድራዉ፥ ኡንቱንታ ቦንችተ፤ ህንተ ዎሳይ ꬉበተና ማላ፥ ጾሳይ እሜዳ ደኡዋ አꬎ ኬካተꬃ ኡንቱንቱ ህንተናና እትፐ ላትኖ።
1PE 3:8 ዉርሰꬃን፥ ኡባይ እት ቆፋን ደእተ። እቱ እቶ ቃረትተ፤ እሻቱዋዳን ሲቀትተ፤ ቃይ እቱ እቶ ኬክያዋንታነ ህንተ ሁጲያ ካዉሽያዋንታ ግድተ።
1PE 3:9 ኢታ ድራዉ ኢታ ዎይ ሸቃ ድራዉ ሸቃ ዛሮፕተ፤ ሄዋ አጊደ፥ ጾሳይ ህንተንቱ አንጁዋ ላታናዳን ህንተና ጼሴዳ ድራዉ፥ አንጅተ።
1PE 3:10 አያዉ ጎፐ፥ ጾሳ ማጻፋይ ሀዋዳን ያጌ፤ “ደኡዋ ዶስያዌነ ሎኦ ጋላሳ በአናዉ ኮይያዌ ኦና ግዶፐነ ባረ እንጻርሳን ኢታባ ሃሳይያዋነ ዎርዱዋ ኦድያዋ አጎ።
1PE 3:11 “ኢታባ ኦꬅያዋ አጊደ፥ ሎኦባ ኦꬆ፤ ሳሮተꬃካ ሎይꬅ ኮዮነ ካላናዉ ባጸቶ።
1PE 3:12 “አያዉ ጎፐ፥ ጎዳ አይፊ ጽሎቱዋኮ ጼሌ፤ ቃይ አ ሀይꬃይ ኡባ ዎደ ኡንቱንቱ ዎሳዉ ዶያ ደኤ። ሽን ጎዳይ ኢታባ ኦꬅያዋንታ ባረ ሀንቁዋ ሶምእያን ጼሌ” ያጌ።
1PE 3:13 ህንተ ሎኦባ ኦꬃናዉ አሞቶፐ፥ ህንተና ቆሀናዌ ኦኔ?
1PE 3:14 ሽን ሀራይ አቶ፥ ጽሎተꬃ ድራዉ ህንተ ዋየቶፐካ፥ አንጀቴዳዋንታ። አሳዉ ያዮፕተነ ህርጎፕተ።
1PE 3:15 ሽን ክርስቶሳ ህንተ ዎዛናን ቦንችተነ አ ህንተ ጎዳ ኦꬅተ። ጾሳይ ህንተንቶ ህዶቴዳ ደኦ ጋሱዋ ኦችያ ኦስነ ዛሩዋ እማናዉ ኡባ ዎደ ጊግ ኡትተ፤
1PE 3:16 ሽን ሄዋ አሽከተꬃንነ ያሻተꬃን ኦꬅተ። ቃይ ክርስቶሳን ህንተ ደእያ ሎኦ ደኡዋ ኢታባ ኦꬄዳዋዳን፥ ህንተ ቦላን ኢታባ ሃሳይያ አሳይ ባረ ዝግርያዋን ዬላታና ማላ፥ ህንተ ዎዛናይ ጌሻ ግዶ።
1PE 3:17 አያዉ ጎፐ፥ ጾሳይ ጌዳዋ ግዶፐ፥ ኢታባ ኦꬄዳ ድራዉ ዋየትያዋፐ፥ ሎኦባ ኦꬄዳ ድራዉ ዋየትያዌ ኬካ።
1PE 3:18 አያዉ ጎፐ፥ ክርስቶስ ኑና ጾሳኮ አፋናዉ፥ ባረዉ ጽሎ ግዲደ፥ ማካላንቻቱዋ ድራዉ፥ እት ገደ ኡባ ናጋራዉ ሀይቄዳ፤ እ ባረ አሳተꬃን ሀይቄዳ፤ ሽን አያናን ፓጼዳ።
1PE 3:19 ቃይ ሄ አያናን፥ ቃሹዋን ደእያ አያናቱዋኮ ቢደ፥ ኡንቱንቶ ቃላ ኦዴዳ።
1PE 3:20 ሄ አያናቱ አማሬዳ፥ ሆስፑን አሳቱ ሃꬃን አቴዳ ማርካብያ ኖሄ ኬጽሽን፥ ጾሳይ ዳንዳዪደ ጋምኤዳ ዎደ፥ ጾሳዉ አዛዘትቤና አሳ አያናቱዋ።
1PE 3:21 ሄዌ ጽንቃታዉ ሌምሱዋ ግዲደ፥ ህንተና ሀእ አሼ፤ ሱረ ዎዛናፐ ጾሳ ዎስያዋፐ አትን፥ ቦላ ቅታ ሜጭያዋ ግደና፤ ሄዌ ህንተና የሱስ ክርስቶስ ሀይቁዋፐ ደንዴዳዋን አሼ።
1PE 3:22 ሳሉዋ ቢደ ጾሳፐ ኡሸቻ ባጋን እ ኡቲደ፥ ኪታንቻ ኡባ፥ ማታና ደእያዋንታነ ዎልቃማቱዋ ሞዴ።
1PE 4:1 ሄዋ ድራዉ፥ ክርስቶስ ባረ አሹዋን ኑዉ ዋየቴዳ ድራዉ፥ ህንተካ ሄ ቆፋን ዳንጨትተ። አያዉ ጎፐ፥ ባረ አሹዋን ዋየቴዳ ኡራይ ናጋራ ኦꬅያዋ አጌዳ።
1PE 4:2 ሀዋፐ ስንꬃን፥ ሀ ሳኣን ሸምፑዋና ደአናዉ አቴዳ ዎድያን፥ ጾሳይ ኮይያዋዳን ደአናዉ በስያዋፐ አትን፥ አሳ አሙዋዳን ደአናዉ በሰና።
1PE 4:3 አያዉ ጎፐ፥ አማነና አሳይ ኦꬃናዉ ዶስያዋ ህንተ ኦꬂደ፥ ዎሹማናዉ ካጄልያዋን፥ አሙዋን፥ ማꬁዋን፥ የꬃን፥ ኡሻን፥ ፖክያ ኤቃዉ ጎይንያዋን፥ ደኤዳ ካሰ አꬌዳ ዎዲ ህንተንቶ ግዳናዋ።
1PE 4:4 አማነና አሳና ህንተ ሾራይ ባይና ኦሱዋ እትፐ ኦና ድራዉ ማላለቲደ፥ ህንተና ቦሪኖ።
1PE 4:5 ሽን ኡንቱንቱ ፓጻ ደእያ አሳ ቦላነ ሀይቄዳ አሳ ቦላ ፕርዳናዉ ጊግ ኡቴዳ ጾሳዉ ዛሩዋ እማና።
1PE 4:6 ሀይቄዳ አሳይ ባረ አሳተꬃን አሳይ ፕርደትያዋዳን ፕርደታናዉነ ቃይ አያናን ጾሳይ ደእያዋዳን ደአናዉ፥ ዎንጋላ ምሽራቹ ኡንቱንቶ ሄዎ ኦደቴዳ።
1PE 4:7 ኡባባዉካ ዉርሰꬃይ ማታቴዳ። ሄዋ ድራዉ፥ ጾሳ ዎሳናዉ ቆፋን ጌዪደ፥ ህንተና ናግተነ ምንተ።
1PE 4:8 ሲቁ ዳሮ ናጋራ ካምያ ድራዉ፥ ኡባባፐ አꬂደ እቱ እቱዋና ዎዛናፐ ሲቀትተ።
1PE 4:9 ዙዙመናን እቱ እቱዋ እማꬃተꬃን ሞክተ።
1PE 4:10 ህንተ ሁጲያን ሁጲያን ጾሳፐ ዱማ ዱማ አꬎ ኬካተꬃ አኬዳዋዳንካ፥ ጾሳ ዱማ እሙዋ ሀዳራ ሎይꬅ ከስያዋንቱዳን፥ እቱ እቶ ኦꬅተ።
1PE 4:11 የሱስ ክርስቶሳ ባጋና ኡባባን ጾሳይ ጋላተታና ማላ፥ ኦንነ ኦድያዋ ግዶፐ፥ ቃላ ጾሳፐ አኪደ ኦድያዋዳን ኦዶ። ቃይ ኦንነ ማድያዋ ግዶፐ፥ ጾሳይ አዉ እምያ ዎልቃን ማዶ። ቦንቹነ ጎዳተꬃይ ጾሳዉ መꬍናፐ መꬍናዉ ግዶ። አመንእ።
1PE 4:12 ታ ሲቃቶ፥ ህንተ ግዶን ታማዳን ጉዲደ ፓጭያ ዋዪ ይያዋ ኦራꬃባይ ሀንያዋዳን ማላለቶፕተ።
1PE 4:13 ሽን ክርስቶሳ ቦንቹ ቤትያ ዎደ ህንተ ናሸታና ማላ፥ አናና ዋየትያዋን ናሸትተ።
1PE 4:14 አሳይ ህንተና ክርስቶሳ ሱንꬃ ድራዉ ቦርያዋ ግዶፐ፥ ህንተ አንጀቴዳዋንታ፤ አያዉ ጎፐ፥ ቦንቾ አያናይ፥ ጾሳ አያናይ፥ ህንተ ቦላ ሸምፓና።
1PE 4:15 ህንተፐ ኦንነ ሸምፑዋ ዎꬌዳዋዳን፥ ዎይ ካይሱዋዳን፥ ዎይ ኢታባ ኦꬄዳ አሳዳን፥ ዎይ ሀራ አሳ የዉዋ ገሌዳዋዳን ዋየቶፖ።
1PE 4:16 ሽን ኦንነ ክርስታንያ ግድያ ድራዉ ዋየቶፐ፥ ክርስቶሳ ሱንꬃ ድራዉ፥ ጾሳ ጋላታናፐ አትን፥ ዬላቶፖ።
1PE 4:17 አያዉ ጎፐ፥ ፕርዳይ ጾሳ ጎልያን ዶመትያ ዎዲ ጋኬዳ። ቃይ ሄ ፕርዳይ ኮይሮ ኑ ቦላ ዶመትያዋ ግዶፐ፥ አ ዎንጋላዉ አዛዘተናዋንቱ ዉርሰꬃይ አያ ግዳኔ?
1PE 4:18 ጽሎ አሳይ ቱጋን አትያዋ ግዶፐ፥ ማካላንቻይነ ናጋራንቻይ ያትና ዋናኔ?
1PE 4:19 ሄዋ ድራዉ ቃይ፥ ጾሳይ ጌዳዋዳን ዋየትያዋንቱ ሎኦባ ኦꬂደ፥ ባረንቱ ሸምፑዋ ሀዳራ ባረና መꬌዳ አማነትያ ጾሳዉ እምኖ።
1PE 5:1 ስም ታን ዎሳ ጎልያ ጭማቱዋና ጭማ ግድያዌነ፥ ክርስቶሳ ዋይያ ማርካትያዌ፥ ቃይ ቆንጫና ቦንቹዋ ሻካናዌ ህንተ ግዶን ደእያ ጭማቱዋ ዞራይ።
1PE 5:2 ህንተ ግዶን ደእያ ጾሳ ዉድያ ጾሳይ ኮይያዋዳን ሄምተ። ዶሱዋናፐ አትን፥ ዎልቃን ግደና። ቃይ ህንተ ጎአ ጻላላ ጼለናን፥ ሎኦ ቆፋን ሄምተ።
1PE 5:3 ዉደዉ ህንተ ሌምሱዋ ግድተፐ አትን፥ ህንተ ሄምያዋንታ ዎልቃን ሄሞፕተ።
1PE 5:4 ቃይ ሄምያዋንቱ ካፑ ቆንጭያ ዎደ፥ ባየና ቦንቾ ካላቻ ህንተ አካና።
1PE 5:5 ሄዋዳንካ ያላጋ አሳቶ፥ ጭማቶ ሞደትተ። ኡባይካ እቱ እቶ ኦꬃናዉ ህንተ ሁጲያ ካዉሽያዋ አፍላዳን ማይተ። አያዉ ጎፐ፥ ጾሳይ ኦቶረትያዋንታ እጼ፤ ሽን ባረና ካዉሽያዋንቶ አꬎ ኬካተꬃ እሜ።
1PE 5:6 ጾሳይ ባረ ሎኦ ዎድያን ህንተና ꬎቁ ኦꬃና ማላ፥ ዎልቃማ ጾሳ ኩሽያፐ ጋርሳና ህንተና ቶችተ።
1PE 5:7 እ ህንተንቶ ቆፕያ ድራዉ፥ ህንተና ህርግስያ ኡባባ አ ቦላ ኦልተ።
1PE 5:8 ጻላህያ ካፑ፥ ህንተ ሞርኪ፥ ምትያ ኡራ ኮዪደ፥ ጉድያ ጋሙዋዳን ህንተ ዩሹዋን ዩይያ ድራዉ ናገትተነ ቤጎትተ።
1PE 5:9 ሳኣን ደእያ ህንተ እሻቱ ሄዋዳን ዋየትያዋ ኤሪደ፥ አማኑዋን ምኒደ፥ አናና ኤቀትተ።
1PE 5:10 አꬎ ኬካተꬃ ኡባ ጾሳይ፥ ባረ መꬍና ቦንቾ ክርስቶስ የሱሳ ባጋና ህንተና ጼሴዳዌ፥ አማሬዳ ዎድያ ህንተ ዋየቴዳዋፐ ጉይያን፥ እ ባረ ሁጰዉ ህንተና ሽር ኦራꬃናነ ምንሳና። ቃይ እ ህንተና ማዳናነ ባስ ኤሳና።
1PE 5:11 ዎልቃይ መꬍናፐ መꬍና ጋካናዉ አዉ ግዶ። አመንእ።
1PE 5:12 ሀዌ ጾሳ ቱሙ አꬎ ኬካተꬃ ግድያዋ ታን ህንተንቶ ማርካታደነ ህንተና ዞራደ፥ ህንተንቶ ቃንꬃን ጻፌዳ ዳብዳቢያ አማነትያ እሻ ጋደ ታን ቆፕያ ስላሰ ቦላ ኪታድ፤ ሄ አꬎ ኬካተꬃን ምኔድታ።
1PE 5:13 ህንተናና እትፐ ዶረቴዳ ባብሎነን ደእያ ዎሳ ጎልያ አሳይነ ታ ናአይ ማርቆስ ህንተና “ሳሮ ሳሮ” ጊኖ።
1PE 5:14 ሲቁዋ የረታ የረቲደ፥ እቱ እቱዋ ሳሮትተ። ህንተዉ፥ ክርስቶሳና እቱዋ ግዴዳዋንቶ ኡባቶ ሳሮተꬃይ ግዶ። አመንእ።
2PE 1:1 ታን ስሞን ጰጽሮስ፥ የሱስ ክርስቶሳ ጽሎተꬃ ባጋና ኑዋ ማላ አማኑዋ አኬዳዋንቶ፥ ሀ ዳብዳቢያ ጻፋይ።
2PE 1:2 ጾሳነ ኑ ጎዳ የሱሳ ህንተ ኤርያዋን አꬎ ኬካተꬃይነ ሳሮተꬃይ ህንተንቶ ፓላሂደ ግዶ።
2PE 1:3 ኑን ጾሳ ቦንቹዋነ ሎኦተꬃ ላታና ማላ፥ ኑና ጼሴዳዋ ኑን ኤርያዋን፥ ደኡዋስነ ጾሳ ማላቱሳዉ ኑና ኮሽያዋ ኡባ ጾሳ ዎልቃይ ኑዉ እሜዳ።
2PE 1:4 ህንተ አ እሙዋ ባጋና ሳኣን ደእያ ባይዝያ አሙዋፐ ከስ አካናዳንነ ጾሳ ጾሳተꬃ ላታናዳን፥ እ ባረ እማና ጌዳ ዳሮ ዎልቃማነ አልኦ እሙዋ ኑዉ እሜዳ።
2PE 1:5 ሄዋ ድራዉ፥ ህንተና በስያዋ ኡባ ምን ኦꬂደ፥ ህንተ አማኑዋ ቦላ ሎኦተꬃ፥ ሎኦተꬃ ቦላ ኤራተꬃ፥
2PE 1:6 ኤራተꬃ ቦላ ህንተና ናግያዋ፥ ህንተና ናግያዋ ቦላ ገንጫ፥ ገንጫ ቦላ ጾሳ ማላትያዋ፥
2PE 1:7 ጾሳ ማላትያዋ ቦላ እሻተꬃ ሲቁዋ፥ እሻተꬃ ሲቁዋ ቦላ ሲቁዋ ጉጅተ።
2PE 1:8 አያዉ ጎፐ፥ ሀዋንቱ ህንተንቶ ሎይꬅ ዳርያዋ ግዶፐ፥ ህንተና ጎዳ የሱስ ክርስቶሳ ኤራተꬃን ትሻነ አይፍያና ደእያዋንታ ኦꬃና።
2PE 1:9 ሽን ሄዋንቱ ባይና ኡራይ ባረ ማታን ደእያዋ ጻላላ ደሜ፤ ቃይ እ ቆቃ፤ እ ካሰ ኦꬄዳ ናጋራይ አቶ ጌተቴዳዋ ዶጌዳ።
2PE 1:10 ሄዋ ድራዉ፥ ታናዳን ጾሳ ካልያዋንቶ፥ ህንተና ጾሳይ ጼሴዳዋነ ዶሬዳዋ ሎይꬅ ኤርሳናዉ፥ ካሰዋፐ አꬍ ምንተ፤ አያዉ ጎፐ፥ ህንተ ሄዋ ኦꬅያዋ ግዶፐ፥ ꬉበትክታ።
2PE 1:11 ሄዋዳን ቃይ ኑ ጎዳነ ኑና አሽያ የሱስ ክርስቶሳ መꬍና ካዉተꬃ ገልያ ኩመንꬃ ማታይ ህንተንቶ እመታና።
2PE 1:12 ሄዋ ድራዉ፥ ህንተ ሀ የዋቱዋ ኤርያዋ ግዶፐካ፥ ቃይ ህንተ ኦይቄዳ ቱሙዋን ምኔዳዋንታ ግዶፐካ፥ ታን ህንተና ሀ የዋቱዋ ኡባ ዎደ ሀሳይስያዋ አግከ።
2PE 1:13 ታን ፓጻ ደኤዳ ኬናን፥ ህንተና ሀሳይሳደ ቃሰꬃናዉ ኮሽያዋ ታዉ ማላቴ።
2PE 1:14 ኑ ጎዳይ የሱስ ክርስቶስ ታዉ ቆንጭያን ኦዴዳዋዳን፥ ታን ሀ ሀይቂያ አሳተꬃ ጋምኤናን ቃራ ኦላናዋ ኤራይ።
2PE 1:15 ታን ሀይቄዳዋፐ ጉይያን ግድናካ፥ ህንተ ሀ የዋቱዋ ኡባ ዎደ ቆፓናዉ ዳንዳያና ማላ፥ ታዉ ዳንዳየቴዳዋ ኡባ ኦꬃና።
2PE 1:16 ኑን አ ዎልቃማ ቦንቹዋ ኑ አይፍያን በኢደ ኦደቶፐ አትን፥ መꬍ አኬዳ ቶሳን ኑ ጎዳ ክርስቶሳ ዎልቃነ ዩሳ ህንተንቶ ኦድበይኮ።
2PE 1:17 አያዉ ጎፐ፥ ዳሮ ዎልቃማ ቦንቹዋፐ፥ “ታን አን ዳሮ ናሸትያ ታ ሲቆ ናአይ ሀዋ” ያግያ ኮሻይ ዬዳ ዎደ፥ ጾሳ አዉዋፐ ቦንቹዋነ ጋላታ እ አኬዳ።
2PE 1:18 ቃይ ኑንካ ጌሻ ደርያ ቦላን አናና ደኢደ፥ ሄ ኮሻይ ሳሉዋፐ ዬዳዋ ስሴዶ።
2PE 1:19 አሳይ ሄዋፐ ሎይꬅ አꬍያ ትምቢትያ ኦድያዋንቱ ሃሳዬዳ ኑና ሎይꬅ አማንꬅያ ቃላይ ኑዉ ደኤ፤ ህንተ ሄ ቃላ ናግያዋ ግዶፐ ሎይꬄድታ። አያዉ ጎፐ፥ ሄዌ ሳአይ ዎንታና ጋካናስነ ዎንታ ጾልንትያ ፖኡ ህንተ ዎዛናን ፖአና ጋካናዉ፥ ꬉማን ፖእያ ፖኡዋ ማላ።
2PE 1:20 ኡባፐ ካሰቲደ፥ ሀዋ ኤርተ፤ ጾሳ ማጻፋን ጻፈቴዳ ትምቢትያ ኦዴዳዋ ኦንነ ባረካ ብላናዉ ዳንዳየና።
2PE 1:21 አያዉ ጎፐ፥ ትምቢትያ ኦዴዳዌ ኡባይ ጌሻ አሳቱ ጌሻ አያናይ ካለꬅና፥ ጾሳ ቃላ ሃሳዬድኖፐ አትን፥ አሳ ሸንያን ሃሳየትቤና።
2PE 2:1 ሽን ትምቢትያ ኦድያ ዎርዳቱ አሳ ግዶን ካሰ ደእያዋዳን፥ ህንተ ግዶንካ ዎርዱዋ ታማርስያዋንቱ ደአና። ኡንቱንቱ ባረና ዎዜዳ፥ ጎዳ ካዲደ፥ ባይዝያ ዎርዶ ትምርትያ አሀና፤ ቃይ ኡንቱንቱ አኬከና ባሻ ባረንቱ ቦላ አሀና።
2PE 2:2 ቃይ ዳሮ አሳይ ዬላይያ ኡንቱንቱ ኢታ ኦግያ ካላና፤ ኡንቱንቱ ጋሱዋን ቱሙዋ ኦጊ ቦረታና።
2PE 2:3 ዎርዱዋ ታማርስያ ሄዋንቱ ሻሎ ያረትያዋን ባረንቱ መꬍ አኬዳ ቶሳን ህንተና ቦንቃና፤ በንፐ ዶሚደ፥ ኡንቱንቱ ፕርዳይ ጊግ ኡቴዳ፤ ኡንቱንታ ꬋይስያዌ ቤጎቲደ ናጌ።
2PE 2:4 ናጋራ ኦꬄዳ ኪታንቻቶ ጾሳይ ቃረተናን፥ ፕርዳ ጋላሳይ ጋካናዉ ꬉማ ኦላን ኡንቱንቱ ቃሸት ኡቴዳ ጋናምያን የጌዳ።
2PE 2:5 ጾሳይ ናጋራንቻቱዋ ቦላ ባሻ ሃꬃ የዴዳፐ አትን፥ በን አሳዉ ኬክቤና፤ ሽን ጽሎተꬃባ ኦዴዳ ኖሀነ ሀራ ላፑ አሳቱዋ አሼዳ።
2PE 2:6 ጾሳይ ሶዶማነ ጋሞራ ግያ ካታማቱዋ ቢታ ብድንꬃ ኦꬂደ፥ ጉድ ꬋይሲደ፥ ናጋራንቻ ግድያዋንታ ጋካናባዉ ሌምሱዋ ኦꬄዳ።
2PE 2:7 ህገዉ አዛዘተና ቱናተꬃ ኦꬅያ አሳቱዋ ግዶን ቱጋቲደ ደእያ ጽሉዋ ሎጻ ጾሳይ አሼዳ።
2PE 2:8 ሄ ሎኦ ብታኒ ኡንቱንቱ ግዶን ደኢደ፥ ኡንቱንቱ ኦꬅያ ኢታ ኦሱዋ ጋላስ ጋላስ በኤዳ ዎደነ ስሴዳ ዎደ አ ሎኦ ዎዛናይ ኡንኤቴዳ።
2PE 2:9 ሄዋ ግዶፐ፥ ጎዳይ ጾሳዉ ጎይንያ አሳቱዋ ፓጭያፐ ዎት አሻነንቶ ኤሬ፤ ናጋራንቻቱዋ ቃይ ኡባፐ አꬂደ፥ ቱና አሙዋን አሹዋ አሙዋ ካልያዋንታነ ቃይ ጾሳ ዎልቃ ካꬍያዋንታ፥ ፕርዳ ጋላሳይ ጋካናዉ ጎዳይ ሙሪደ ዎꬃናዋካ ኤሬ። ዎርዱዋ ታማርስያ ሄዋንቱ ጻላነ ኦቶራንቻ ግዴዳዋን፥ ቦላን ደእያ ቦንቾ መታ ቦሪኖፐ አትን፥ ቦንችክኖ።
2PE 2:11 ሄ ዎርዱዋ ታማርስያ አሳቱዋፐ ዳሮ ምኖነ ዎልቃማ ግድያ ኪታንቻቱካ ኡንቱንታ ጎዳ ስንꬃን ቦርያን ሞታናዉ ኮይክኖ።
2PE 2:12 ሽን ሄ አሳቱ ኦይቀቲደ ꬋያናዉ የለቴዳ ባረንቱ መታን ዎዛናይ ባይና ዎራ ዶአቱዋዳን ሀኒኖ፤ ኡንቱንቱ ኤረናባ ቦሪኖ፤ ቃይ ባረንቱ ባይዙዋን፥ ኡንቱንቱ ጮ ꬋያና።
2PE 2:13 ኡንቱንቱ ባረንቱ መꬌዳ መቱዋን መቶታና፤ ጋላስ የጺደ ዱርያዋ ናሸችያባ ጊደ ቆፒኖ፤ ኡንቱንቱ ካዉሽስያዋንታነ ቱናቱዋ ግድ ኡቲደ፥ ህንተናና ምያ ቁማ ሙሳን ናሸቲኖ።
2PE 2:14 ጫራትያ ማጫ አሳ ጼልያዋ አገና አይፊ ኡንቱንቶ ደኤ፤ ቃይ ናጋራ ኦꬅያዋካ አግክኖ። አማኑዋን ምንቤና አሳ ጭሚኖ። አሙዋ ዶዬዳ ዎዛናይ ኡንቱንቶ ደኤ፤ ኡንቱንቱ ሸቀቴዳዋንታ።
2PE 2:15 ሱረ ኦግያ አጊደ ባሌድኖ። ብኦራ ናኣ ባላማ ኦግያና ቤድኖ፤ ባላም ማካላን ሚሻ አካናዉ ኮዬዳ።
2PE 2:16 እ ትምቢትያ ኦድያዋ፤ ሽን አ ናጋራ ድራዉ፥ አ ሀሪ አሳዳን ሃሳያን ሴሪደ፥ ጎሻ ማላ ሀኑዋፐ አ ተኤዳ።
2PE 2:17 ሄ አሳቱ መል ድጌዳ ፑልቱዋ ማላ፤ ቃይ ጎቱ ቶኪደ አፍያ ሻርያ ማላ፤ ጾሳይ ኡንቱንቶ ሳካና ꬉማ ጊግስ ዎꬄዳ።
2PE 2:18 አያዉ ጎፐ፥ ኡንቱንቱ መላነ ኦቶሮ ሃሳያ ሃሳዪኖ፤ ባሊደ ደእያ አሳፐ ከስ ዬዳዋንታ ዎልቃማ አሹዋ አሙዋን ጭሚኖ።
2PE 2:19 ኡንቱንቱ ባረዉ ባሻ አሙዋና ደኢደ ኡንቱንታ፥ “ህንተ አይለተꬃፐ ከሳና” ያጊኖ፤ አያዉ ጎፐ፥ እት አሳይ ባረና ጾኔዳባዉ አያዉነ አይልያ።
2PE 2:20 ኡንቱንቱ ኑ ጎዳነ ኑና አሽያ የሱስ ክርስቶሳ ኤራተꬃን ሀ ሳኣ ቱናተꬃፐ ከስ አኬዳዋፐ ጉይያን፥ ጉየ ስሚደ፥ አን ꬉበቲደ ጾነትያዋ ግዶፐ፥ ካሰ ደእያ ደኡዋፐ ጉየዌ ኡንቱንቶ ኢታና።
2PE 2:21 አያዉ ጎፐ፥ ኡንቱንቶ እመቴዳ ጌሻ አዛዙዋ ኤሪደ አግያዋፐ ኡንቱንቱ ጽሎተꬃ ኦግያ ኤረናን አግንቶ ሎአ ሽን።
2PE 2:22 “ካናይ ባረ ጮሻኮ ጉየ ስሜ” ግያ ሌምሱነ ቃይ፥ “ሜጨቴዳ ጉዱንꬃይ ጉየ ስሚደ፥ ኡርቃን ጎንዶረቴ” ግያ ሌምሱ ቱማ ግድያዋ ኡንቱንታ ጋኬዳዌ በሴ።
2PE 3:1 ታ ሲቃቶ፥ ሀዌ ታን ህንተንቶ ጻፌዳ ላኤንꬆ ዳብዳቢያ፤ ታን ሄ ላኡ ዳብዳበቱዋካ ህንተ ሱረ ቆፋ ቆፓናዳን ደንꬃናዉ ህንተና ሀሳይሳናዳን ጻፋድ።
2PE 3:2 ጌሻ ግዴዳ ናባቱ በን ኦዴዳ ቃላ ህንተ ሀሳያና ማላነ ጎዳይ ህንተና አሽያዌ፥ ባረ ኪቴዳዋንቱ ባጋና ህንተና አዛዜዳ አዛዙዋ ህንተ ሀሳያና ማላ ኮያይ።
2PE 3:3 ዎድያ ዉርሰꬃን፥ አሳ ቶችያ ባረንቱ አሙዋዳን ደእያዋንቱ አሳ ቶቺደ ደንዳናዋ ኡባፐ ካሰቲደ ኤርተ።
2PE 3:4 ኡንቱንቱ፥ “እ ‘ያና’ ያጌዳ። ግቤኔ? ያትና ሀቃን ደኢ? አያዉ ጎፐ፥ ኑ አዎቱ ሀይቂ ድጌድኖ፤ ሽን ኡባባይካ ሳአይ መቶደፐ ዶሚደ ደእያዋዳንካ ደኤ” ያጋና።
2PE 3:5 ዳሮ ዎድያፐ ካሰ ጾሳይ ሃሳይና፥ ሳሉነ ሳአይ መቴዳዋ ኤሪደ፥ ኡንቱንቱ አኬከናን እጼድኖ። ሳአይ ሃꬃፐነ ሃꬃን መቴዳ።
2PE 3:6 ቃይ ሄዋ ጋሱዋን፥ ሄ ዎደ ደእያ ሳአይ ሄ ሃꬃን ምተት ꬋዬዳ።
2PE 3:7 ሽን ሀእ ደእያ ሳሉነ ሳአይ፥ ጾሳዉ ጎይነና አሳቱ ፕርደትያ ጋላሳይነ ꬋይያ ጋላሳይ ጋካናዉ ታኪደ፥ ሄ ቃላን ታማ ናጊኖ።
2PE 3:8 ሽን ታ ሲቃቶ፥ ሀ እት የዋቶ ዶጎፕተ፤ ጎዳ ማታን፥ እት ጋላሳይ ሻአ ላይꬃ ማላ ግድያዋነ፥ ቃይ ሻአ ላይꬃይ እት ጋላሳ ማላ ግድያዋ ዶጎፕተ።
2PE 3:9 እቱ እቱ ቆፕያዋዳን፥ ጎዳይ ባረ ኦꬃና ጌዳዋ ኦꬃናዉ ታከና፤ ሽን ኦንነ ባረ ናጋራፐ ስማናዳን ኮዬፐ አትን፥ ኦንነ ꬋያና ማላ ኮየና ድራዉ፥ ህንተዉ ጊደ ዳንዳያን ጋምኤ።
2PE 3:10 ሽን ጎዳ ጋላሳይ ካይሱዋዳን ያና። ሄ ጋላስ ሳሎቱ ዎልቃማ ጉንꬃን ꬋያና፤ ሳሉዋ መታቱ ዎልቃማ ሴላን ሲላና፤ ሳአይነ አ ቦላን ደእያ ኡባባይ ꬋያና።
2PE 3:11 ኡባባይካ ሄዋዳን ꬋይያዋ ግዶፐ፥ ህንተ አይ ማላ አሳ ግዳናዉ በሲ? ህንተ ደኡ ጌሻነ ጾሳ ማላትያዋ ግዳናዉ ኮሼ።
2PE 3:12 ህንተ ጾሳ ጋላሳ ናግሽና፥ ሄ ጋላሳይ ኤለካ ጋካናዳን፥ ህንተንቶ ዳንዳየትያዋ ኦꬅተ፤ ሄ ጋላስ ሳሎቱ ጉደቲደ ꬋያናነ ሳሉዋ መታቱካ ዎልቃማ ሴላን ሲላና።
2PE 3:13 ሽን ኑን ጾሳይ እማና ጌዳ ኦራꬃ ሳሉዋነ ኦራꬃ ሳኣ ጽሉ ደአናሳ ናጌቶ።
2PE 3:14 ሄዋ ድራዉ፥ ታ ሲቃቶ፥ ሄ ጋላሳ ናጊደ፥ ፖኩነ ዬላይያባይ ባይናዋንታ ግዲደ፥ አናና ሳሮተꬃን ደአና ማላ ሎኦባ ኡባ ኦꬅተ።
2PE 3:15 ጎዳ ዳንዳያይ አቶተꬃ ግድያዋ ህንተ ዎዛናን ቆፕተ፤ ሄዋዳን ቃይ ኑ ሲቆ እሻይ ጳዉሎስ፥ ጾሳይ ባረዉ እሜዳ አꬌዳ ኤራተꬃን ህንተንቶ ጻፌዳ።
2PE 3:16 ባረ ጻፍያ ዳብዳቢያን፥ ሄ የዉዋባ ጻፍያ ዎደ፥ ታማርቤና አሳቱነ ምንቤና አሳቱ ሀራ ጾሳ ማጻፋቱዋ ጌላይያዋዳንካ፥ ሄ ዳብዳቢያ ግዶን ደእያ አኬካናዉ ዋይስያ የዉዋ ጌላዪኖ። ኡንቱንቱ ሄዋ ኦꬅያዋን ባረንቱ ቦላ ባሻ አሂኖ።
2PE 3:17 ሄዋ ድራዉ፥ ታ ሲቃቶ፥ ህንተ ሄዋ ኤርያ ድራዉ፥ ማካላንቻቱዋ ባላን ጭመቲደ፥ ዎራ ቤና ማላነ፥ ቃይ ምኒደ ደእያ ሳኣፐ ኩንደና ማላ ናገትተ።
2PE 3:18 ሽን ህንተ ኑ ጎዳ፥ ኑና አሽያ የሱስ ክርስቶሳ አꬎ ኬካተꬃንነ ኤራተꬃን ድጭተ። አዉ ሀእነ መꬍና ጋላሳይ ጋካናዉ ጋላታይ ጋኮ። አመንእ።
1JO 1:1 ኑን ኮይሩዋፐ ዶሚደ ደእያ፥ ኑ አይፍያን በኢደ፥ ኑ ኩሽያን አ ቦች በኤዳ ደኡዋ ቃላባ ህንተንቶ ጻፌቶ። ኑን አ በኤዶ፤ ኑ ኩሺካ አ ቦች በኤዳ።
1JO 1:2 ሄ ደኡ ቆንጭና፥ ኑን አ በኢደ፥ አባ ህንተንቶ ማርካቴቶ፤ ቃይ ጾሳ አዉዋ ማታን ደእያ ኑዉ ቆንጬዳ መꬍና ደኡዋባ ህንተንቶ ኦዴቶ።
1JO 1:3 ቃይ ኑናና ህንተንቶ እትፐተꬃይ ደአና ማላ፥ ኑን በኤዳዋነ ስሴዳዋ ህንተንቶ ኦዴቶ፤ ኑዉ አዉዋናነ አ ናኣ የሱስ ክርስቶሳና እትፐተꬃይ ደኤ።
1JO 1:4 ኑን ኑ ናሸቻይ ፖለታና ማላ፥ ሀዋ ህንተንቶ ጻፌቶ።
1JO 1:5 ኑን ጾሳ ናኣፐ ስሲደ፥ ህንተንቶ ኦድያ ኪታይ፥ “ጾሳይ ፖኡዋ፤ አን ꬉማይ ሙለካ ባዋ” ያግያዋ።
1JO 1:6 ኑን ኑዉ አናና እትፐተꬃይ ደኤ ጊደ ꬉማን ደኦፐ፥ ኑ ሃሳያንነ ኑ ኦሱዋን ዎርዶቴቶ።
1JO 1:7 ሽን ፖኡዋን እ ደእያዋዳን፥ ኑንካ ፖኡዋን ደኦፐ፥ ኑዉ እቶ እቱዋና እትፐተꬃይ ደኤ፤ ቃይ አ ናኣ፥ የሱስ ክርስቶሳ ሱꬃይ ናጋራ ኡባፐ ኑና ጌሼ።
1JO 1:8 ኑን ናጋራ ኦꬅበይኮ ጎፐ፥ ኑረካ ኑና ጭሜቶ፤ ኑናን ቱማተꬃይካ ባዋ።
1JO 1:9 ሽን ኑን ጾሳዉ ኑ ናጋራ ፓጾፐ፥ እ ኑ ናጋራ አቶ ጋናዉነ ኑ ባይዞ ኦሱዋ ኡባፐ ኑና ጌሻናዉ፥ አማነትያዋነ ቱሙዋ ኦꬅያዋ።
1JO 1:10 ኑን ናጋራ ኦꬅበይኮ ጎፐ፥ ጾሳ ዎርዱዋ ጌቶ፤ አ ቃላይካ ኑ ዎዛናን ደኤና።
1JO 2:1 ታ ናቶ፥ ናጋራ ህንተ ኦናዳን፥ ታን ሀዋ ህንተንቶ ጻፋይ፤ ሽን ኦንነ ናጋራ ኦꬆፐ፥ አዉዋ ማታን ኑዉ ጋናትያ የሱስ ክርስቶስ፥ ጽሉ፥ ደኤ።
1JO 2:2 ቃይ ኑን ኑ ናጋራ አቶ ጌተቱሳ ክርስቶሳ ባጋና ደሜቶ፤ ክርስቶስ ያርሸቴዳዌ አሳ ኡባ ናጋራ ድጋናሳፐ አትን፥ ኑ ናጋራ ጻላላ ድጋናሳ ግደና።
1JO 2:3 ኑን ጾሳ አዛዙዋ ናጎፐ፥ ቱሙ አ ኤርያዋ ሄዋን ሻካናዉ ዳንዳዬቶ።
1JO 2:4 እት ኡራይ፥ “ታን አ ኤራይ” ጊደ፥ ቃይ አ አዛዙዋ ናገናን አጎፐ፥ ሄ ኡራይ ዎርዱዋ፤ ቱማተꬃይካ አን ባዋ።
1JO 2:5 ሽን አ ቃላዉ አዛዘትያ ኦና ግዶፐነ፥ ሄ ኡራይ ጾሳ ሲቅያዌ ቱሙ ፖለቴዳ። ኑን ጾሳን ደእያዋ ሀዌ ኑና ኤርሴ። ሄዌካ፥
1JO 2:6 “ታን፥ ጾሳን ደአይ” ግያ ኦንነ ክርስቶስ ደኤዳዋዳን ደአናዉ በሴ።
1JO 2:7 ታ ሲቃቶ፥ ታን ህንተንቶ ኮይሩዋፐ ደእያ ኤጫ አዛዙዋ ጻፋይፐ አትን፥ ኦራꬃ አዛዙዋ ጻፍከ፤ ሄ ኤጫ አዛዙ ህንተ ስሴዳ ቃላ።
1JO 2:8 ግዶፐካ፥ ታን ህንተንቶ ላኤንꬁዋ ኦራꬃ አዛዙዋ ጻፋይ፤ ሄ አዛዙዋ ቱማተꬃይካ ክርስቶሳንነ ህንተናን ቤቴ። አያዉ ጎፐ፥ ꬉማይ ꬋዬ፤ ቱሙ ፖኡ ሀእ ፖኤ።
1JO 2:9 ፖኡዋን ደአይ ጊደ፥ ባረ እሻ እጽያ ኦንነ ሀኖ ጋካናዉካ ꬉማን ደኤ።
1JO 2:10 ባረ እሻ ሲቅያ ኦንነ ፖኡዋን ደኤ፤ ሄ ኡራን ሀራ ኡራ ꬉቢያባይ አያይነ ባዋ።
1JO 2:11 ሽን ባረ እሻ እጽያ ኦንነ ꬉማን ደኤ፤ ꬉማን ሀመቴ። ꬉማይ አ አይፍያ ቆቅስ ዎꬄዳ ድራዉ፥ ሀቃ ብንቶነ ኤረና።
1JO 2:12 ታ ናቶ፥ ጾሳይ ክርስቶሳ ሱንꬃ ድራዉ፥ ህንተ ናጋራ አቶ ያጌዳ ድራዉ፥ ታን ህንተንቶ ጻፋይ።
1JO 2:13 አዋቶ፥ ኮይሩዋፐ ደእያዋ ህንተ ኤሬዳ ድራዉ፥ ህንተንቶ ጻፋይ። ያላጋቶ፥ ጻላህያ ካፑዋ ህንተ ጾኔዳ ድራዉ፥ ህንተንቶ ጻፋይ። ጉꬃ ናቶ፥ ጾሳ አዉዋ ህንተ ኤሬዳ ድራዉ፥ ህንተንቶ ጻፋይ።
1JO 2:14 አዋቶ፥ ኮይሩዋፐ ደእያዋ ህንተ ኤሬዳ ድራዉ፥ ህንተንቶ ጻፋይ። ያላጋቶ፥ ህንተ ምኖ ግድያ ድራዉነ ጾሳ ቃላይ ህንተናን ደእያ ድራዉ፥ ቃይ ጻላህያ ካፑዋ ህንተ ጾኔዳ ድራዉ፥ ህንተንቶ ጻፋይ።
1JO 2:15 ሀ አላምያ ዎይ አላምያን ደእያ አያነ ሲቆፕተ። ህንተ ሀ አላምያ ሲቆፐ፥ ጾሳ ሲቁ ህንተናን ባዋ።
1JO 2:16 አያዉ ጎፐ፥ ሀ አላምያን ደእያ ኡባባይ፥ ሄዌካ: አሳተꬃ አሙ፥ አይፍያን ጼሊደ ካጄልያዌነ ባረ ደእያዋን ጬቀትያዌ ሀ አላምያፐ ዬዳዋፐ አትን፥ ጾሳፐ ይቤና።
1JO 2:17 ሀ አላሚነ ሀ አላምያን አሳይ አሞትያ ኡባባይ አꬋና። ሽን ጾሳይ ጌዳዋ ኦꬅያ ኡራይ መꬍናዉ ደአና።
1JO 2:18 ታ ናቶ፥ ዎድያ ዉርሰꬃይ ማታቴዳ፤ ክርስቶሳ ኤቀትያዌ ስንꬃፐ ያናዋ ህንተ ስሴዳዋዳን፥ ሀራይ አቶ ሀእካ አ ኤቀትያዋንቱ ጮራቱ ደንዴድኖ። ሄዋ ድራዉ፥ ዎድያ ዉርሰꬃይ ማታቴዳዋ ኑን ሄዋን ኤሬቶ።
1JO 2:19 ሀ ኤቀትያዋንቱ ኑ ባጋ ግደና ድራዉ፥ ኑ ግዶፐ ከሴድኖ፤ አያዉ ጎፐ፥ ኡንቱንቱ ኑ ባጋ ግድያባ ግድንቶነ፥ ኑ ግዶን ደአና፤ ሽን ኡንቱንቱፐ ኦንነ ኑ ባጋ ግደናዌ ኤረታና ማላ፥ ኑ ግዶፐ ከሴድኖ።
1JO 2:20 ሽን ክርስቶስ ህንተ ቦላ ጌሻ አያና ጉሴዳ፤ ቃይ ህንተ ኡባይ ቱሙዋ ኤሪታ።
1JO 2:21 ቱሙዋ ህንተ ኤርያ ድራዉነ ቃይ ቱሙዋን ዎርዱ አያይነ ባይናዋ ህንተ ኤርያ ድራዉ፥ ታን ህንተንቶ ጻፋይፐ አትን፥ ቱሙዋ ህንተ ኤረና ድራዉ ጻፍከ።
1JO 2:22 የሱስ ኦከቴዳ ክርስቶሳ ግድያዋ ኤርከ ግያ ኡራፐ አትን፥ ዎርዱ ኦኔ? ሄዌ ጾሳ አዉዋነ ናኣ ኤርከ ግያዌ ክርስቶሳ ኤቀትያዋ።
1JO 2:23 ጾሳ ናኣ ኤርከ ግያ ኦናነ ጾሳ አዉካ ኤረና፤ ጾሳ ናኣ ኤራይ ግያ ኦናነ ቃይ ጾሳ አዉካ ኤሬ።
1JO 2:24 ሄዋ ድራዉ፥ ኮይሩዋፐ ህንተ ስሴዳዋ ህንተ ዎዛናን ምንሲደ ናግተ። ኮይሩዋፐ ስሴዳዋ ህንተ ናጎፐ፥ ህንተንቶ ቃይ ጾሳ ናኣናነ ጾሳ አዉዋና እትፐተꬃይ ደአና።
1JO 2:25 ቃይ ክርስቶስ ባረ ሁጰዉ ኑዉ እማና ጌዳዌ መꬍና ደኡዋ።
1JO 2:26 ታን ሀዋ ህንተንቶ ሄ ህንተና ባለꬅያ አሳቱዋ ድራዉ ጻፋድ።
1JO 2:27 ሽን ክርስቶስ ህንተ ቦላ ባረ ጌሻ አያና ጉሴዳ። ጌሻ አያናይ ህንተናን ደእያ ድራዉ፥ ኦንነ ህንተና ታማርሳና ኮሸና፤ አያዉ ጎፐ፥ አ ጌሻ አያናይ ህንተና ኡባባ ታማርሴ። እ ታማርስያዌ ቱሙዋፐ አትን ዎርዱዋ ግደና። ሄዋ ድራዉ አያና ጌሻ ትምርተዉ አዛዘቲደ፥ ክርስቶሳና እትፐተꬃን ደእተ።
1JO 2:28 ታ ናቶ፥ ቃይ እ ቆንጭያ ዎደ፥ ኑን ያሽ ባይናዋንታ ግዳናዳንነ፥ አ ዩሳ ጋላስ አ ስንꬃን ኑን ዬላተናዳን፥ አናና እትፐተꬃን ደእተ።
1JO 2:29 ክርስቶስ ጽሎ ግድያዋ ህንተ ኤሮፐ፥ ጽሎባ ኦꬅያ ኡባይ ጾሳ ናኣ ግድያዋ ኤራናዉ በሴ።
1JO 3:1 ኑን ጾሳ ናናቱዋ ጌተቲደ ጼሰታና ማላ፥ ጾሳይ ኑና አይ ኬና ሲቄደንቶነ በእተ። ኑን ቱሙካ አ ናናቱዋ። ሀ አላሚ ጾሳ ኤረና ድራዉ፥ ኑናካ ኤረና።
1JO 3:2 ታ ሲቃቶ፥ ሀእ ኑን ጾሳ ናናቱዋ፤ ኑን አያ ሀናነንቶ ብሮ ኤረትቤና፤ ሽን ክርስቶስ ቆንጭያ ዎደ፥ ኑን አ ማላታናዋ ኤሬቶ። አያዉ ጎፐ፥ እ ቱሙ አ ግድያዋ ኑን ኩመንꬃን በአና።
1JO 3:3 ቃይ ክርስቶሳ በአና ጊደ ናሸቻን ናግያ ኦንነ ክርስቶስ ጌሻ ግዴዳዋዳን፥ ባረና ጌሼ።
1JO 3:4 ናጋራ ኦꬅያ ኡባይ ጾሳ ህግያ መንꬄ፤ አያዉ ጎፐ፥ ናጋራይ ጾሳ ህግያ መንꬁሳ።
1JO 3:5 ክርስቶስ አሳ ናጋራ ꬋይሳናዉ ቆንጬዳዋ ህንተ ኤሪታ፤ አን ናጋራይ ባዋ።
1JO 3:6 ክርስቶሳን ደእያ ኦንነ ናጋራ ኦꬂደ ደኤና፤ ቃይ ናጋራ ኦꬂደ ደእያ ኦንነ አ በእቤና ዎይ ኤርቤና።
1JO 3:7 ታ ናቶ፥ ኦንነ ህንተና ባለꬆፖ። ክርስቶስ ጽሎ ግድያዋዳን፥ ጽሎባ ኦꬅያ ኡራይ ጽሉዋ።
1JO 3:8 ጻላህያ ካፑ ኮይሩዋፐ ናጋራ ኦꬄዳ ድራዉ፥ ናጋራ ኡባ ዎደ ኦꬅያ ኡራይ ጻላህያ ካፑዋሳ፤ ሄዋ ድራዉ፥ ጾሳ ናአይ ጻላህያ ካፑዋ ኦሱዋ ꬋይሳናዉ ቆንጬዳ።
1JO 3:9 ጾሳ ናናቱዋ ግድያ ኡባይ ጾሳ መታይ ኡንቱንቱን ደእያ ድራዉ፥ ናጋራ ኡባ ዎደ ኦꬅክኖ፤ ቃይ ጾሳይ ኡንቱንቱ አዉዋ ግድያ ድራዉ፥ ናጋራ ኦꬃናዉ ዳንዳይክኖ።
1JO 3:10 ጾሳ ናናቱ ግዱዋንነ ጻላህያ ካፑዋ ናናቱዋ ግዶን ደእያ ዱማተꬃይ ሀዋን ኤረቴ፤ ጽሎባ ኦናዋንቱነ ዎይ ባረ እሻ ሲቀናዋንቱ ኦንነ ጾሳ ናናቱዋ ግድክኖ።
1JO 3:11 አያዉ ጎፐ፥ ኮይሩዋፐ ህንተ ስሴዳ ኪታይ፥ “እቱ እቱዋና ሲቀታናዉ በሴ” ያግያዋ።
1JO 3:12 ኑን ቃዬላ ማላ ግዳናዉ በሰና። ቃዬል ጻላህያ ካፑዋሳ፤ ሄዋ ግዶ ድራዉ፥ ባረ እሻ ዎꬌዳ። እ ባረ እሻ አያዉ ዎꬌዴ? እ ኦꬄዳ ኦሱ ኢታ ግድና፥ አ እሻይ ኦꬄዳ ኦሱ ሎአ ግዴዳ ድራዉ ዎꬌዳ።
1JO 3:13 ታናዳን ጾሳ ካልያዋንቶ፥ ሀ ሳኣ አሳይ ህንተና እጾፐ፥ ኦራꬃባ ጎፕተ።
1JO 3:14 ኑን አማንያዋንታ ሲቅያ ድራዉ፥ ሀይቁዋፐ ደኦ ፕኔዳዋ ኤሬቶ፤ አማንያዋንታ ሲቀና ኡራይ ኦንነ ሀይቁዋ ግዶን ደኤ።
1JO 3:15 አማንያዋንታ እጽያ ኦንነ ሸምፑዋ ዎꬌዳዋ፤ ቃይ ሸምፑዋ ዎꬌዳዋን መꬍና ደኡ ባይናዋ ህንተ ኤሪታ።
1JO 3:16 ክርስቶስ ባረ ሸምፑዋ ኑ ድራዉ አꬂደ እሜዳዋን ሲቁ አየንቶ ኑን ኤሬዶ፤ ኑንካ አማንያዋንቱ ድራዉ፥ ኑ ሸምፑዋ አꬂደ እማናዉ በሴ።
1JO 3:17 ሽን ዱረ አሳይ ኦንነ ባረ እሻይ መቶትያዋ በኢደ፥ አዉ ቃረተናን እጾፐ፥ ባረ ዎዛናን ጾሳ ሲቃይ ጋናዉ ዋን ዳንዳዪ?
1JO 3:18 ታ ናቶ፥ ኑን ኦሱዋንነ ቱማተꬃን ሲቀቶይተፐ አትን፥ ጮ ሃሳያን ዎይ ቦላ ዶናን ሲቀታናዉ በሰና።
1JO 3:19 ኑን ቱሙዋ ባጋን ደእያዋ ሄዋን ኤራና፤ ቃይ ኑ ዎዛናይ ኑ ቦላ ፕርድያ ዎደ ኡባን፥ ጾሳ ስንꬃን ቱማተꬃ ኑና ሄዋን ኤርሴ። አያዉ ጎፐ፥ ጾሳይ ኑ ዎዛናፐ ዎልቃማ፤ ቃይ እ ኡባባ ኤሬ።
1JO 3:21 ታ ሲቃቶ፥ ኑ ዎዛናይ ኑ ቦላ ፕርደናዋ ግዶፐ፥ ኑን ጾሳ ስንꬃን ያዮኮ።
1JO 3:22 ኑን አ አዛዙዋ ናግያ ድራዉነ አ ናሸችያባ ኦꬅያ ድራዉ፥ ዎስያ ኡባባ አፐ አኬቶ።
1JO 3:23 ጾሳ አዛዙ ሀዋ: ክርስቶስ ኑና አዛዜዳዋዳንካ፥ ጾሳ ናኣ የሱስ ክርስቶሳ ሱንꬃን ኑን አማናናዳንነ እቱ እቱዋና ሲቀታናዳን ጾሳይ ኑና አዛዜዳ።
1JO 3:24 ጾሳ አዛዙዋ ናግያ ኦንነ ጾሳ ግዶን ደኤ፤ ጾሳይካ አ ግዶን ደኤ፤ ጾሳይ ኑዉ እሜዳ አ አያና ባጋና እ ኑ ግዶን ደእያዋ ኑን ኤሬቶ።
1JO 4:1 ታ ሲቆቶ፥ ጾሳ አያናይ ታናን ደኤ ግያ ኡባ አማኖፕተ፤ ሽን ኡንቱንቱን ደእያ አያናይ ጾሳፔየ ዎይ ግደነንቶ ፓጭተ። አያዉ ጎፐ፥ ጮራ ዎርዶ ናባቱ ኡባሳ ቤድኖ።
1JO 4:2 ጾሳ አያና ግድያዋ ህንተ ሀዋን ኤራና፤ “የሱስ ክርስቶስ አሳ ግዲደ ዬዳዋ አማናይ” ግያ ኦናንነ ደእያ አያናይ ኡባይ ጾሳፐ ዬ።
1JO 4:3 ቃይ ክርስቶስ አሳ ግዲደ ዬዳዋ አማናይ ጌናዋ አያናይ ኡባይ ጾሳፐ ይቤና፤ አን ክርስቶሳ ኤቀትያ አያናይ ደኤ። ህንተ ሄዌ ያናዋ ካሰ ስሴድታ፤ እ ሀራይ አቶ ሀእካ ሀ አላምያን ደኤ።
1JO 4:4 ታ ናቶ፥ ህንተ ጾሳዋንታ፤ ህንተ ግዶን ደእያ ጌሻ አያናይ ሀ አላምያን ደእያ አያናፐ ዳሮ ዎልቃምያ ድራዉ፥ ዎርዶ ናባቱዋ ህንተ ጾኔድታ።
1JO 4:5 ኡንቱንቱ ሀ አላምያ አሳ ግድያ ድራዉ፥ ሀ አላምያባ ሃሳዪኖ፤ ሀ አላምያ አሳይካ ኡንቱንቱ ሃሳያ ስሴ።
1JO 4:6 ኑን ጾሳዋንታ፤ ጾሳ ኤርያ ኦንነ ኑን ግያዋ ስሴ። ጾሳ ኤረና ኦንነ ኑን ግያዋ ስሰና። ኑን ቱሙ አያናነ ዎርዶ አያና ሄዋን ሻኬቶ።
1JO 4:7 ታ ሲቃቶ፥ ሲቁ ጾሳፐ ይያ ድራዉ፥ አነ እቱ እቱዋና ሲቀቶይተ። ሲቀትያ ኦንነ ጾሳ ናና፤ ጾሳካ ኤሪኖ።
1JO 4:8 ጾሳ ኤሻይ ሲቆ ግድያ ድራዉ፥ ሲቀና ኡራይ ኦንነ ጾሳ ኤረና።
1JO 4:9 ጾሳይ ኑና ባረ ሲቁዋ ሀዋን በሴዳ፤ ኑን አ ባጋና ደኡዋ ደማና ማላ፥ ባረ እት ናኣ ሀ አላምያ ኪቴዳ።
1JO 4:10 ሲቁዋ ግያዌ ሀዋ፤ ጾሳይ ኑና ሲቂደ፥ ኑን ኑ ናጋራፐ ማሮተꬃ ደሜዳ ባረ ናኣ ኑዉ ኪቴዳፐ አትን፥ ኑን አ ሲቄዳዋና ግደና።
1JO 4:11 ታ ሲቆቶ፥ ጾሳይ ኑና ሀዋዳን ሲቄዳዋ ግዶፐ፥ ኑንካ እቱ እቱዋና ሲቀታናዉ በሴ።
1JO 4:12 ጾሳ ኦንነ ሙለካ በእቤና፤ ኑን እቱ እቱዋና ሲቀቶፐ፥ ጾሳይ ኑ ግዶን ደኤ፤ አ ሲቁካ ኑ ግዶን ፖለቴዳ።
1JO 4:13 ጾሳይ ባረ አያና ኑዉ እሜዳ ድራዉ፥ ኑን ጾሳ ግዶን ደእያዋነ እካ ኑ ግዶን ደእያዋ ኤሬቶ።
1JO 4:14 ጾሳ አዉ ባረ ናኣ ሀ አላምያ አሽያዋ ግዳናዉ ኪቴዳዋ ኑን በኢደ ማርካቴቶ።
1JO 4:15 የሱስ ጾሳ ናኣ ግድያዋ ማርካትያ ኦ ግዱዋንነ ጾሳይ ደኤ፤ እካ ጾሳ ግዶን ደኤ።
1JO 4:16 ጾሳይ ኑና ሲቅያዋ ኑን ኑ ሁጰዉ ኤሬቶነ አማኔቶ። ጾሳይ ሲቁዋ። ሲቁዋን ደእያ ኦንነ ጾሳ ግዶን ደኤ፤ ጾሳይካ አ ግዶን ደኤ።
1JO 4:17 ኑ ደኡ ሀ አላምያን ክርስቶስ ደኤዳዋ ማላ ግድያ ድራዉ፥ ፕርዳ ጋላስ ኑን ያየና ማላ፥ ሲቁ ኑ ግዶን ፖለቴዳ።
1JO 4:18 ሲቁዋን ያሽ ባዋ፤ ጋሱካ ቱሙ ሲቁ ያሻ ከስ ኦሌ። ያሻይነ ሙራይ እትፐ ብያ ድራዉ፥ ያይያ ኡራ ሲቁ ኩመንꬃ ግደና።
1JO 4:19 ጾሳይ ኮይሮ ኑና ሲቄዳ ድራዉ፥ ኑን አ ሲቄዶ።
1JO 4:20 ኦንነ፥ “ታን ጾሳ ሲቃይ” ጊደ ባረ እሻ እጾፐ፥ እ ዎርዱዋ። አያዉ ጎፐ፥ በኤዳ ባረ እሻ ሲቀናዌ በእቤና ጾሳ ሲቃናዉ ዋን ዳንዳዪ?
1JO 4:21 ቃይ ክርስቶስ ኑዉ እሜዳ አዛዙ ሀዋ፤ ጾሳ ሲቅያ ኡራይ ባረ እሻካ ሲቃናዉ በሴ።
1JO 5:1 ኦከቴዳ ክርስቶሳ ያጊደ፥ የሱሳ አማንያ ኡባይ ጾሳ ናና፤ ቃይ ጾሳ አዉዋ ሲቅያ ኦንነ አ ናናቱዋካ ሲቄ።
1JO 5:2 ኑን ጾሳ ሲቅያዋንነ አ አዛዙዋ ናግያዋን፥ ጾሳ ናናቱዋ ሲቅያዋ ኤሬቶ።
1JO 5:3 አያዉ ጎፐ፥ ኑን ጾሳ ሲቅያዌ አ አዛዙዋ ናግያዋ፤ አ አዛዙካ ዴጾ ግደና።
1JO 5:4 አያዉ ጎፐ፥ ጾሳ ናኣ ግድያ ኦንነ ሀ አላምያ ጾናናዉ ዳንዳዬ፤ ኑንካ ሀ አላምያ ጾናናዌ ኑ አማኑዋና።
1JO 5:5 ሀ አላምያ ጾናናዉ ዳንዳይያዌ ኦኔ? የሱስ ጾሳ ናኣ ግድያዋ አማንያዋ ጻላላይ ጾናና።
1JO 5:6 ጽንቃታ ሃꬃናነ ሀይቁዋ ሱꬃና ዬዳዌ ሀዋ፤ እካ የሱስ ክርስቶሳ፤ ሃꬃናነ ሱꬃና እ ዬዳዋፐ አትን፥ ሃꬃ ጻላላና ይቤና። ጌሻ አያናይ ቱማ ግድያ ድራዉ፥ ሄዌ ቱማ ግድያዋ እ ባረ ሁጰዉ ማርካቴ።
1JO 5:7 አያዉ ጎፐ፥ ሄዙ ማርካቱ ደኢኖ።
1JO 5:8 ሄዋንቱ፥ ጾሳ አያና፥ ሃꬃነ ሱꬃ፤ ሀ ሄዛቱ እቱ እቱዋዋ ጳልቂክኖ።
1JO 5:9 ኑን አሳይ ማርካትያዋ አማኖፐ፥ ጾሳይ ማርካትያዌ አሳዋፐ ሎይꬅ አꬌ፤ አያዉ ጎፐ፥ ጾሳይ ባረ ናኣባ ማርካቴዳ ማርካተꬃይ ሀዋ።
1JO 5:10 ጾሳ ናኣ አማንያ ኡራ ዎዛናን ሀ ማርካተꬃይ ደኤ። ጾሳ አማነና ኡራይ ኦንነ ጾሳይ ባረ ናአዉ ማርካቴዳ ማርካተꬃ አማንቤና ድራዉ፥ ጾሳ ዎርዱዋ ጌ።
1JO 5:11 ስም ማርካተꬃይ ሀዋ፤ ጾሳይ ኑዉ መꬍና ደኡዋ እሜዳ፤ ሄዌካ አ ናኣን ደኤ።
1JO 5:12 ጾሳ ናአይ ደእያ ኦስነ ደኡ ደኤ፤ ጾሳ ናአይ ባይና ኦስነ ደኡ ባዋ።
1JO 5:13 ጾሳ ናኣ ሱንꬃን አማንያ ህንተንቶ መꬍና ደኡ ደእያዋ ህንተ ኤራና ማላ፥ ሀዋ ህንተንቶ ጻፋድ።
1JO 5:14 ጾሳይ ኮይያዋዳን፥ አይነ ኑን አ ዎሶፐ፥ እ ስስያዋ ኑን ኤርያ ድራዉ፥ አ ስንꬃን ያዮኮ።
1JO 5:15 ኑን ዎስያ ኡባን እ ስስያዋ ኤሮፐ፥ ኑን አ ዎሴዳዋ እ ዛሬዳዋ ኤሬቶ።
1JO 5:16 ኦንነ ሀይቁ በሰና ናጋራ ባረ እሻይ ኦꬅሽን በኦፐ፥ ጾሳ ዎሳናዉ በሴ፤ ሀይቁ በሰና ናጋራ ኦꬄዳዋንቶ ጾሳይ ደኡዋ እማና። ሀይቁ በስያ ናጋራይ ደኤ፤ ታን ህንተና ሄዎ ጾሳ ዎስተ ጊከ።
1JO 5:17 ባይዞ ኦሱ ኡባይ ናጋራ፤ ሽን ሀይቁ በሰና ናጋራይ ደኤ።
1JO 5:18 ጾሳ ናናይ ኦንነ ናጋራ ኡባ ዎደ ኦናዋ ኑን ኤሬቶ። አያዉ ጎፐ፥ ጾሳ ናአይ ኡንቱንታ ናጌ፤ ቃይ ጻላህያ ካፑካ ኡንቱንታ ቆሀናዉ ዳንዳየና።
1JO 5:19 ኑን ጾሳዋንታ ግድያዋነ ሀ አላሚ ኡባይ ጻላህያ ካፑዋን ሞደቴዳዌ ኤሬቶ።
1JO 5:20 ኑን ቱሙ ጾሳ ኤራናዳን፥ ጾሳ ናአይ ዬዳዋነ ኑዉ አኬካ እሜዳዋ ኤሬቶ። ኑን ቱሙ ጾሳ ግዶን፥ አ ናኣ የሱስ ክርስቶሳ ግዶን ደኤቶ፤ እ ቱሙ ጾሳነ መꬍና ደኡዋ።
1JO 5:21 ታ ናቶ፥ ኤቃቱዋፐ ህንተ ሁጲያ ናግተ።
2JO 1:1 ታን አማንያዋንታ ካለꬅያ ጭማይ፥ ህንተንቶ፥ ዶረቴዳ ገንዉነ እዝ ናናዉ ሀ ዳብዳቢያ ጻፋይ፤ ኑ ግዶን ደእያ ቃይ ኑናና መꬍናዉ ደአና ቱማተꬃ ድራዉ፥ ታን ህንተና ቱሙ ሲቃይ። ቃይ ታ ጻላላ ግደናን፥ ቱማተꬃ ኤርያ ኡባቱ ህንተና ሲቂኖ።
2JO 1:3 ጾሳ ኑ አዉዋነ አ ናኣ የሱስ ክርስቶሳ አꬎ ኬካተꬃይ፥ ማሮተꬃይነ ሳሮተꬃይ ቱማተꬃንነ ሲቁዋን ኑናና እትፐ ግዶ።
2JO 1:4 ጾሳ አዉ ኑና አዛዜዳዋዳን፥ ነ ናናቱዋፐ አማሬዳዋንቱ፥ ቱማተꬃን ደእያዋ በኣደ ታን ዳሮ ናሸታድ።
2JO 1:5 ሲቆ ገኔ፥ ሀእካ ኑን ኡባይ እቱ እቱዋና ሲቀታና ማላ፥ ታን ኔና ዎሳይ፤ ሀ አዛዙ ካሴደፐ ኑናና ደእያ አዛዙዋፐ አትን፥ ታን ነዉ ኦራꬃ አዛዙዋ ጻፍከ።
2JO 1:6 ሲቁዋ ግያዌ ኑን ጾሳ አዛዙዋ ናጊደ ደእያዋ ግያዋ። ቃይ ኮይሩዋፐ ህንተ ስሴዳዋዳንካ፥ አ አዛዙ አዬ ጎፐ፥ ህንተ ኡባይ ሲቁዋን ደአናዋ።
2JO 1:7 አያዉ ጎፐ፥ የሱስ ክርስቶስ አሳ ግዲደ ዬዳዋ አማኖኮ ግያዋንቱ፥ ባለꬅያ ዳሮ አሳቱ፥ ጋደ ግዶ ገሌድኖ። ሄዋ ማላ ኡራይ ኦንነ አሳ ባለꬅያዋነ ክርስቶሳ ኤቀትያዋ።
2JO 1:8 ህንተ ኦꬄዳዎ ኩመንꬃ ዎይታ አካናፐ አትን፥ ኑን ኦꬄዳዋ ባይዘና ማላ፥ ህንተና ናግተ።
2JO 1:9 ክርስቶሳ ትምርትያፐ ሃክያ ኡራዉነ ቃይ አ ትምርትያን ደኤና ኡራዉ ጾሳና እትፐተꬃይ ባዋ። ክርስቶሳ ትምርትያን ደእያ ኡራዉ ጾሳ አዉዋናነ አ ናኣና እትፐተꬃይ ደኤ።
2JO 1:10 ኦንነ ህንተኮ ዪደ፥ ሀ ትምርትያ አሄናን አጎፐ፥ ህንተ ጎለ አ ገልሶፕተ፤ ሳሮካ ጎፕተ።
2JO 1:11 አያዉ ጎፐ፥ አ ሳሮ ግያ ኡራይ አ ኢታ ኦሱዋ አናና ግሸቴ።
2JO 1:12 ታን ህንተንቶ ጻፋናዉ ኮዬዳ ዳሮባይ ደኤ፤ ሽን ዋራቃታንነ ቃላምያን ጻፋናዉ ኮያበይከ፤ ሽን ኑ ናሸቻይ ፖለታና ማላ፥ ህንተናና ዶናን ሃሳያናዉ ህንተኮ ባና ጋደ ቆፓይ።
2JO 1:13 ሲቆ ገኔ፥ ጾሳይ ዶሬዳ ነ ምቻት ናናይ ኔና ሳሮ ሳሮ ያጊኖ።
3JO 1:1 ታን አማንያዋንታ ካለꬅያ ጭማይ፥ ቱሙ ሲቅያ ታ ሲቁዋ ጋዮሳዉ ሀ ዳብዳቢያ ጻፋይ።
3JO 1:2 ታ ሲቆ፥ ኔን ጾሳና ደእያ ደኡ ሎአ ግድያዋ ታን ኤርያዋዳን፥ ኔና አያይነ ዋይሰና ማላነ ቃይ ነ አሳተꬃይ ፓጻ ግዳና ማላ፥ ጾሳ ዎሳይ።
3JO 1:3 አያዉ ጎፐ፥ አማሬዳ እሻቱ ዪደ፥ ኡባ ዎደ ኔን ቱማተꬃን ደእያዋነ ነ ቱማተꬃባ ማርካቴዳ ዎደ፥ ታን ዳሮ ናሸታድ።
3JO 1:4 ታ ናናይ ቱማተꬃን ደእያዋ ስስያዋፐ አꬊደ፥ ታና ናሸችያባይ ባዋ።
3JO 1:5 ታ ሲቆ፥ ኑ እሻቱ እማꬃ ግዶፐካ፥ ኔን ኡንቱንቶ ኦꬅያ ኦሱዋ ኡባን አማነቴዳ ኦሱዋ ኦꬃዳ።
3JO 1:6 ቃይ ኡንቱንቱ ነ ሲቁዋባ አማንያ አሳቶ ማርካቴድኖ፤ ኡንቱንቱ ቃንጸናን ባረ ኦግያ ባና ማላ ጾሳይ ዶስያዋዳን፥ ኔን ሎኦባ ኦꬃደ ኡንቱንታ ማዳርኪ።
3JO 1:7 አያዉ ጎፐ፥ ጾሳ አማነናዉንቱፐ አይነ አከናን፥ ክርስቶሳ ሱንꬃ ድራዉ ከሴድኖ።
3JO 1:8 ሄዋ ድራዉ፥ ኑን ቱማተꬃ ኡንቱንቱና እትፐ ኦꬃና ማላ፥ ሀዋንቱ ማላ አሳቱዋ ማዳናዉ በሴ።
3JO 1:9 ታን አማንያዋንቶ፥ ዳብዳቢያ ጻፋድ፤ ሽን ኡንቱንቱ ካፑዋ ግዳናዉ ኮይያ ድዮትራፍሰ ኑን ግያዋ አከና።
3JO 1:10 ሄዋ ድራዉ፥ ታን ያ ብያ ዎደ፥ እ ኑ ቦላን ሃሳይያ ኢታ ሃሳያነ እ ኦꬄዳ ኦሱዋ ህንተንቶ ኦዳና፤ ቃይ እ ሄዌ ጉጼዳ ጊደ፥ ኑ እሻቱ ይያ ዎደ ሞከና፤ ሀራይ አቶ ኡንቱንታ ሞካናዉ ኮይያዋንታካ ድጊደ፥ አማንያዋንቱ ግዶፐ ከሴ።
3JO 1:11 ታ ሲቆ፥ ሎኦባፐ አትን፥ ኢታባ ማላቶፓ። ሎኦባ ኦꬅያ ኦንነ ጾሳ አሳ፤ ሽን ኢታባ ኦꬅያ ኦንነ ጾሳ ኤረና።
3JO 1:12 ድመጽሮስ ሎአ ግድያዋ አሳይ ኡባይ ማርካቴ፤ ቱማተꬃይ ባረ ሁጲያንካ አባ ማርካቴ። ኑንካ ቃይ አባ ማርካቴቶ፤ ኑ ማርካተꬃይ ቱማ ግድያዋ ህንተካ ኤሪታ።
3JO 1:13 ታን ነዉ ጻፋናዉ ኮዬዳ ዳሮባይ ደኤ፤ ሽን ዋራቃታንነ ቃላምያን ጻፋናዉ ኮይከ።
3JO 1:14 ሽን ታን ማታን ኔናና ጋከታናዉ ቆፓይ፤ ሄ ዎደ ኑን ጋከቲደ ሃሳያና።
3JO 1:15 ሳሮተꬃይ ኔናና ግዶ። ነ ዳባቱ ኔና ሳሮ ሳሮ ያጊኖ። ኑ ዳባቱዋ ኡባ ኡንቱንቱ ሱንꬃ ሱንꬃ ጼሳደ፥ ታና ሳሮ ሳሮ ጌዳ ያጋ።
JUD 1:1 ታን የሱስ ክርስቶሳ ቆማይ ይሁዳይ፥ ያቆባ እሻይ፥ ጾሳይ ጼሴዳዋንቶ፥ ጾሳይ አዉ ሲቅያዋንቶ፥ ቃይ የሱስ ክርስቶስ ናግያዋንቶ፥ ሀ ዳብዳቢያ ጻፋይ።
JUD 1:2 ማሮተꬃይ፥ ሳሮተꬃይነ ሲቆተꬃይ ህንተናን ኩሞ።
JUD 1:3 ታ ሲቃቶ፥ ኑን እትፐ ሻክ አካና አቶተꬃባ ህንተንቶ ጻፋናዉ ታን ዳሮ ዳቡርያ ዎደ፥ ጾሳይ ባረ ናናቶ ላኤናን እት ገደ እሜዳ አማኖ ህንተ ባጸታና ማላ፥ ህንተና ዞራደ ጻፋናዉ ኮሽያዋ አኬካድ።
JUD 1:4 አያዉ ጎፐ፥ ጾሳ ኤረና እት እት አሳቱ ኦንነ በኤናን ህንተ ግዶ ገሌድኖ። ሄዋንቱ ኑ ጾሳ አꬎ ኬካተꬃባ ኦድያ ኪታ ኢታ ቱናተꬃዉ ጌላይ ታማርሲኖ፤ ኡንቱንቱ ኑ እት ካትያ፥ ኑ ጎዳ የሱስ ክርስቶሳ ኤሮኮ ያጊኖ፤ ቃይ ኡንቱንቱ ፕርዳ አካናዋ ጾሳ ማጻፋቱ ዳሮ ዎድያፐ ካሰ ኦዴድኖ።
JUD 1:5 ሽን ህንተ ሀ ኡባባ ኤርያዋ ግዶፐካ፥ ጎዳይ እስራኤልያ አሳ ግብጼ ጋድያፐ ዎት አሼደንቶነ ቃይ አማንቤናዋንታ ጉየፐ ዎት ꬋይሴደንቶ፥ ታን ህንተና ሀሳይሳናዉ ኮያይ።
JUD 1:6 ቃይ ባረንቱ ደኢያሳ አጊደ፥ ባረንቶ እመቴዳ ካፖተꬃ ናግቤና ኪታንቻቱ ፕርዳ አክያ ዎልቃማ ጋላሳይ ጋካናዉ ጾሳይ ኡንቱንታ ናግያሳን፥ ꬉማፐ ጋርሳን መꬍናዉ ቃች ዎꬄ።
JUD 1:7 ሄዋዳን ሶዶማነ ጋሞራ ግያ ካታማቱዋንነ ኡንቱንቱ ሄራን ደእያ ካታማቱዋን ደእያ አሳይ ሄ ኪታንቻቱዋዳን ዎሹሜድኖነ ዎሹማናዉ ሎይꬅ ካጄሌድኖ፤ ሄዋንቱ መꬍና ታማን ኤጺደ፥ ሀራቶ ሌምሱዋ ግዴድኖ።
JUD 1:8 ሄዋዳን ቃይ ሄ አኩመትያ አሳቱ ባረንቱ አሳተꬃ ቱንሲኖ፤ ጾሳ ጎዳተꬃ ካꬊኖ፤ ቦንቾ መታቱዋካ ቦሪኖ።
JUD 1:9 ሽን ኪታንቻቱዋ ካፑ ምካኤል ሙሴ አሃባ ጻላህያና ፓሉመቴዳ ዎደ፥ “ጎዳይ ኔና ሴሮ” ጌዳዋፐ አትን፥ ቦርያ ቃላን አ ቦላ ፕርዳናዉ ኮይቤና።
JUD 1:10 ሽን ሄ አሳቱ ባረዉ አኬከናባ ኡባ ቦሪኖ፤ ቃይ ኡንቱንቱ ዩሽ ቆፐና ዶአቱዋዳን፥ መታ ኤራተꬃን ኤርያ የዋቱ ኡንቱንታ ꬋይስያዋንታ።
JUD 1:11 ኡንቱንቶ አዬሮ! አያዉ ጎፐ፥ ኡንቱንቱ ቃዬል ሀመቴዳ ኦግያ ሀመቴድኖ። ሻሉዋ ድራዉ ጊደ፥ ባላም ኦꬄዳዋ ማላ ባይዙዋ ኦꬄድኖ። ቃይ ቆረ ግያ ብታኒ ማካሊደ ꬋዬዳዋዳን፥ ኡንቱንቱካ ማካሊደ ꬋዬድኖ።
JUD 1:12 ሄዋንቱ ሲቁዋን ሾቢያ ህንተ ምያሳን ህንተናና ያሽ ባይናን ምያ ዎደ፥ ቆሰቴዳ ꬉቡዋ ማላ። ኡንቱንቱ ባረንቱ ጻላላ ናጊኖ። ኡንቱንቱ ጫርኩ አፍያ እራይ ባይና ሻርያ ማላ፤ ቃይ ኡንቱንቱ ቦንያን አይፍያ አይፈና፥ ጻጱዋና ሾደቲደ፥ ሙለካ መሌዳ ምꬃ ማላ።
JUD 1:13 ኡንቱንቱ ባረንቱ ፖኩዋ ገንና ሆሞትያ፥ ኢታ አባ ቤታ ማላ። ኡንቱንቱ፥ ጾሳይ፥ መꬍናዉ ሳካና ꬉማን ሳኣ ጊግስ ዎꬄዳ ዩይያ ጾልንታቱዋ ማላ።
JUD 1:14 ሄኖክ አዳማፐ ዶምና፥ ላፑንꬃ የለታ ግድያዌ፥ ዳሮ ዎድያፐ ካሰ ኡንቱንቱዋ ትምቢትያ ኦዲደ፥ ሀዋዳን ያጌዳ፤ “አኬክተ፤ ጾሳ ኤረና ናጋራንቻ አሳቱ ኦꬄዳ፥ ኢታ ኦሱዋ ኡባዉነ፥ ቃይ ጾሳ ኤረና ሄ ኢታ አሳቱ፥ ጾሳ ቦላ ሃሳዬዳ ኢታ ሃሳያ ኡባዉ፥ ጎዳይ ኡንቱንቱ ኡባ ቦላ ፕርዳናዉ፥ ባረ ጮራ ሻአ ጌሻቱዋና እትፐ ያና” ያጌዳ።
JUD 1:16 ሄ አሳቱ ኡባ ዎደ ዙዙሚኖነ ሀራቱዋ አማሳሊኖ፤ ቃይ ባረንቱ ኢታ አሙዋ ካሊኖ፤ ባረንቱ ሁጰዉ ጎአ ደማናዉ ሀራቱዋ ሳቢኖነ ባረንቱ ኮሻ ዎጋፐ አꬂደ፥ ꬎቁ ኦꬅ ሃሳዪኖ።
JUD 1:17 ሽን ታ ሲቃቶ፥ ኑ ጎዳ የሱስ ክርስቶስ ኪቴዳዋንቱ ህንተንቶ በን ሃሳዬዳ ቃላ አኬክተ።
JUD 1:18 ኡንቱንቱ ህንተንቶ፥ “ዉርሰꬃ ዎድያን፥ ባረንቶ ጾሳይ ባይናዋንቱ፥ ባረንቱ አሙዋ ካልያዋንቱ፥ ቃይ ህንተ ቦላ ቅሊጭያዋንቱ ያና” ያጌድኖ።
JUD 1:19 ሄዋንቱ አሳ ግዶን ሻኮተꬃ መꬍያዋንታነ፥ ባረንቱ ኢታ አሞ ሞደቴዳዋንታ፤ ቃይ ጌሻ አያናይ ባይናዋንታ።
JUD 1:20 ሽን ታ ሲቃቶ፥ ኡባፐ አꬍያ ጌሻ አማኑዋን ህንተ ሁጲያ ኬጽተ፤ ቃይ ጌሻ አያና ዎልቃን ጾሳ ዎስተ።
JUD 1:21 ቃይ ኑ ጎዳይ የሱስ ክርስቶስ ባረ ማሮተꬃን ህንተንቶ እማና መꬍና ደኡዋ ናጊደ፥ ህንተ ሁጲያ ጾሳ ሲቁዋን ዎꬅተ።
JUD 1:22 እት እት ስꬊ ደእያ አሳቶ ቃረትተ።
JUD 1:23 እቱዋ እቱዋ ታማፐ ዳፍ ከሲደ አሽተ። ቃይ ሀራይ አቶ ኡንቱንቱ ኢታ አሙዋን ቱኔዳ ማዩዋ እጺደካ፥ እቶ እቶ ያሻተꬃን ቃረትተ።
JUD 1:24 ህንተ ኩንደናዳን፥ ህንተና ናጋናዉነ ፖኩ ባይናዋንታ ኦꬂደ፥ ባረ ቦንቹዋ ስንꬃ ዎልቃማ ናሸቻን ሺሻናዉ ዳንዳይያ ኑና አሽያ እት ጾሳዉ፥ ኑ ጎዳ የሱስ ክርስቶሳ ባጋና ቦንቹ፥ ግታተꬃይ፥ ዎልቃይነ ማታይ፥ አꬌዳ ዎደ ኡባፐነ ሀእነ መꬍና ጋካናዉ ግዶ። አመንእ።
REV 1:1 ኤሌል ሀናናዉ በስያዋ ባረ ኦሳንቻቱዋ በሳና ማላ፥ ጾሳይ የሱስ ክርስቶሳዉ እሜዳ ሳጻይ ሀዋ፤ የሱስ ባረ ኪታንቻ ኪቲደ፥ ሀ ሳፃ ባረ ኦሳንቻ ዮሃንሳ ኤርሴዳ።
REV 1:2 ዮሃንስ በኢደ ቱማተꬃን ኦዴዳ ኡባባይ፥ ጾሳ ቃላነ የሱስ ክርስቶሳ ማርካተꬃ።
REV 1:3 ሀ ማጻፋ ናባብያ ኡራይ አንጀቴዳዋ፤ ቃይ ሀ ትምቢትያ ማጻፋ ስስያዋንቱነ ሀ ማጻፋን ጻፈቴዳዋ ናግያዋንቱ አንጀቴዳዋንታ፤ አያዉ ጎፐ፥ ሀ የዉ ፖለታናዉ ዎዲ ማታቴዳ።
REV 1:4 ታን ዮሃንስ፥ ኢስያ ጋድያን ደእያ ላፑ ዎሳ ጎለቶ ያጋይ፤ ካሰ ደእያ ጾሳፐ፥ ሀእካ ደእያ ጾሳፐ፥ ስንꬃፐካ ያና ጾሳፐ፥ ቃይ አ ካዉተꬃ ኦይድያ ስንꬃን ደእያ ላፑ አያናቱዋፐ፥ አꬎ ኬካተꬃይነ ሳሮተꬃይ፥ ህንተንቶ ግዶ።
REV 1:5 ቃይ አማነቴዳ ማርካ፥ ሀይቁዋፐ ኮይሮ ደንዴዳ ናኣፐ፥ ሳኣ ካታቱዋ ሞድያ የሱስ ክርስቶሳፐ፥ አꬎ ኬካተꬃይነ ሳሮተꬃይ፥ ህንተንቶ ግዶ። እ ኑና ሲቄነ፥ ቃይ ኑ ናጋራ አይለተꬃፐካ፥ ባረ ሱꬃን ኑና ከሴዳ።
REV 1:6 ኑና ባረ ጾሳዉነ አዎ ኦꬃና ማላ፥ እ ኑና ካታቱዋነ፥ ቄሳቱዋ ኦꬄዳ፤ አዉ መꬍናፐ መꬍና ጋካናዉ፥ ቦንቹነ ሞድያ ዎልቃይ ግዶ። አመንእ።
REV 1:7 በእተ፥ የሱስ ሻርያን ዬ። አሳይ ኡባይ፥ ሀራይ አቶ፥ አ ጫዴዳዋንቱካ፥ አ በአና፤ ሳኣን ደእያ አሳይ ኡባይ፥ አ ጋሱዋን ዬካናዋንታ። ሀዌ ቱሙፐ ሀናናዋ። አመንእ።
REV 1:8 ካሰ ደእያዌ፥ ሀእካ ደእያዌ፥ ስንꬃፐካ ያና ጎዳይ፥ ኡባፐ ዎልቃማ ጾሳይ፥ “ኡባባዉ አልፋይነ ኦሜጋይ፥ ኮይሩነ ዉርሰꬃይ ታና” ያጌ።
REV 1:9 ታን ዮሃንስ፥ ህንተንቱ እሻይ፥ ህንተናና የሱስ ክርስቶሳ ዋይያነ አ ካዉተꬃ ቃይ አ ዳንዳያ እትፐ ሻከትያዌ፥ ጾሳ ቃላ ኦዴዳ ድራዉነ የሱሳዋ ማርካቴዳ ድራዉ፥ ፒጽሞ ግያ ሃꬃይ ዶዶ ቢታን ደኣድ።
REV 1:10 ጎዳ ጋላሳን ታን አያናን ደአይ፤ ታን ታፐ ጉየና ማላካታ ዋሱዋ ማላ ዎልቃማ ኮሻ ስሳድ።
REV 1:11 ሄ ኮሻይ ታና፥ “ኔን በእያዋ ማጻፋን ጻፋ፤ ኢስያን ደእያ ላፑ ዎሳ ጎለቶ፥ ኤፈሶና፥ ሳምርኔሳ፥ ጰርጋሞና፥ ትያጽሮና፥ ሳርዴሳ፥ ፕላደልፍያ፥ ሎዶቅያ ዎሳ ጎለቶ ዬዳ” ያጌዳ።
REV 1:12 ታን ታዉ ኦድያ ኮሻ በአናዉ ጉየ ስማድ፤ ጾምፕያ ዎꬅያ ላፑ ዎርቃ ባላቱዋ በኣድ።
REV 1:13 ሄ ባላቱዋ ግዶን አሳ ናኣ ማላትያዋ በኣድ፤ አዱሳ አፍላ ባረ ገድያ ጋꬅ ማዪደ፥ ዎርቃ ዳንጩዋ ባረ ትራን ዩሽ አꬄዳ።
REV 1:14 አ ሁጲነ አ ሁጲያ ብናናይ ቦꬃ ዶርሳ እስክያነ ሄዋፐካ አꬊደ ሻቻ ማላቴ፤ አ አይፊካ ታማ ላጩዋ ማላቴ።
REV 1:15 አ ገዲካ ጮጭያ ታማን ቴሪደ ጶልያ ናሃስያ ግያ ብራታ ማላቴ፤ አ ኮሻይካ ዎልቃማ ሻፋ ጉንꬃ ማላ።
REV 1:16 እ ባረ ኡሸቻ ኩሽያን ላፑ ጾልንታቱዋ ኦይቄዳ። አ ዶናፐ ላኡ ባጋና ቃረቴዳ ማሻይ ከሴዳ። አ ዴሙካ ሎይꬅ ፖእያ አዋይፍያ ማላቴ።
REV 1:17 ታን አ በኤዳ ዎደ ሀይቄዳዋዳን ሀናደ፥ አ ገድያ ማታን ኩንዳድ። ባረ ኡሸቻ ኩሽያ ታ ቦላ ዎꬂደ፥ ታና ሀዋዳን ያጌዳ፤ “ያዮፓ፤ ኮይሩካ ዉርሰꬃይካ ታና።
REV 1:18 ታን ደኡዋን ደእያዋ። ታን ሀይቃድ፤ ሽን በአ፥ መꬍ መꬍናዉካ ደኡዋን ደአይ። ሀይቁዋ ቁልፒነ ስኦልያ ቁልፒ ታ ኩሽያን ደኤ።
REV 1:19 ስም ኔን በኤዳባነ ሀእ ደእያዋ፥ ቃይ ስንꬃፐ ሀናናባ ጻፋ።
REV 1:20 ኔን ታ ኡሸቻ ኩሽያን በኤዳ ላፑ ጾልንታቱዋ ብለꬃይነ ቃይ ጾምፓቱዋ ዎꬅያ ላፑ ዎርቃ ባላቱዋ ብለꬃይ ሀዋ፤ ላፑ ጾልንታቱ ላፑ ዎሳ ጎለቱዋ ኪታንቻቱዋ፤ ዎሳ ጎልያ ላፑ ዎርቃ ባላቱ ላፑ ዎሳ ጎልያ።”
REV 2:1 ኤፈሶነን ደእያ ዎሳ ጎለ ኪታንቻዉ ሀዋዳን ያጋደ ጻፋ: “ባረ ኡሸቻ ኩሽያን ላፑ ጾልንትያ ኦይቄዳዌ፥ ጾምፓቱዋ ዎꬅያ ላፑ ዎርቃ ባላቱዋ ግዱዋና ሀመትያዌ ሀዋዳን ያጌ።
REV 2:2 ታን ነ ኪታ፥ ነ ዳቡራነ ነ ገንጩዋ ኤራይ። ቃይ ኔን ኢታ አሳቱዋ ገንጫናዉ ዳንዳያቤናዋካ ታን ኤራይ፤ የሱስ ኪቴዳዋንታ ግደናን ደኢደ ባረንታ፥ ‘ኑን የሱስ ኪቴዳዋንታ’ ግያዋንታ ኔን ጾሞሳደ፥ ኡንቱንቱ ዎርዶ ግድያዋ ደሜዳዋካ ኤራይ።
REV 2:3 ኔን ገንጫዳ፤ ቃይ ታ ሱንꬃ ድራዉካ መቱዋ ዳንዳያዳ፤ ዳቡራበይካ።
REV 2:4 ሽን ታን ኔና ካꬍያባይ ደኤ፤ አያዉ ጎፐ፥ ኔን ካሰ ነ ሲቁዋ አጋዳ።
REV 2:5 ስም ኔን ሀቃፐ ኩንዳድንቶ አኬካ። ነ ናጋራፐ ስማ፤ ኔን ካሰ ኦꬅያ ኦሱዋ ኦꬃ። ሄዌ ꬋዮፐ፥ ታን ኔኮ ያና፤ ያደ ኔን ነ ናጋራፐ ስማና ꬋዮፐ፥ ኔን ጾምፕያ ዎꬅያ ነ ባላ አ ሳኣፐ አካ ድጋና።
REV 2:6 ሽን እትባ ሎይꬃዳ፤ ኒቆላዋቱዋ ኦሱዋ፥ ታን እጽያዋ ኔንካ እጻዳ።
REV 2:7 “ስሳናዉ ሀይꬃይ ደእያ ኡራይ ጌሻ አያናይ ዎሳ ጎለቶ ግያዋ ስሶ፤ ታን ጾንያ ኡራዉ ጾሳ ገነትያን ሞክያ ደኡዋ ምꬃ አይፍያ ማናዉ እማና ያጌ” ያጋደ ጻፋ።
REV 2:8 ሳምርኔሳን ደእያ ዎሳ ጎለ ኪታንቻዉ ሀዋዳን ያጋደ ጻፋ: “ሀይቄዳዌ፥ ሀይቁዋፐካ ደንዴዳዌ፥ ኮይሩነ ዉርሰꬃይ ሀዋዳን ያጌ።
REV 2:9 ታን ነ ዋይያነ ነ ህዬሳተꬃ ኤራይ፤ ሽን ኔን ዱረ። አይሁዳ ግደናን ደኢደ ባረንታ፥ ኑን አይሁዳ ግያዋንቱ ቦርያዋ ታን ኤራይ፤ ሽን ኡንቱንቱ ሴጻና ማባራን ደኢኖ።
REV 2:10 ኔን ዋየታና ዋየዉ ያዮፓ። በአ፥ ጻላህያ ካፑ ህንተፐ አማሬዳዋንታ ጾሞሳናዉ ቃሾ ጎለን የጋና፤ ታሙ ጋላሳ ጋካናዉ ህንተንቱ ዋየታና። ሀይቃና ጋካናስካ አማነቴዳዋ ግዳ፤ ታን ነዉ ደኡዋ ካላቻ እማና።
REV 2:11 “ሀይꬃይ ደእያ ኡራይ ጌሻ አያናይ ዎሳ ጎለቶ ግያዋ ስሶ! “ጾንያ ኡራይ ላኤንꬁዋ ሀይቁዋን ቆሄተና ያጌ” ያጋደ ጻፋ።
REV 2:12 ጰርጋሞናን ደእያ ዎሳ ጎለ ኪታንቻዉ ሀዋዳን ያጋደ ጻፋ: “ላኡ ባጋና ሌፈቴዳ ማሻይ ደእያዌ ሀዋዳን ያጌ።
REV 2:13 ‘ታን ኔን ደእያ ሳኣ ኤራይ። ኔን ሴጻና ካዉተꬃ ኦይዲ ደእያ ሳኣን ደኣሳ፤ ታ ሱንꬃ ምንሳ ናጋሳ። ሀራይ አቶ፥ ሴጻናይ ደእያ ሳኣን ህንተንቱ ማታን አሳይ ዎꬌዳ ታን አማንያ ማርካይ አንትጳስ ደእያ ዎደካ ታና አማንያዋ አጋ በይካ።
REV 2:14 ሽን ታን ኔና ቦርያ ጉꬃባይ ደኤ፤ እስራኤልያ አሳይ ኤቃዉ ያርሼዳ ቁማ ማናዳንነ ዎሹማናዳን ኡንቱንታ ናጋራ ኦስሴዳ ባላቃ ታማርሴዳ ባላማ ትምርትያ ታማርያ አማሬዳ አሳቱ ኔናና ደኢኖ።
REV 2:15 ሄዋዳንካ፥ ቃይ ኒቆላዋቱዋ ትምርትያ ታማርያ አሳቱ ኔናና ደኢኖ።
REV 2:16 ሄዋ ድራዉ፥ ኔን ነ ናጋራፐ ስማ፤ ሄዌ ꬋዮፐ፥ ታን ኔኮ ኤለካ ያና፤ ሄ አሳቱዋና ታ ዶናፐ ከስያ ማሻን ኦለታና።
REV 2:17 “ ‘ሀይꬃይ ደእያ ኡራይ ጌሻ አያናይ ዎሳ ጎለቶ ግያዋ ስሶ። ጾንያ ኡራዉ ታን ጌማን ደእያ ማናፐ አማሬዳዋ እማና። ቃይ ታን ቦꬃ ሹቻካ አዉ እማና፤ አክያ ኡራፐ አትን፥ ኦንነ ኤረና ኦራꬃ ሱንꬃይ ሄ ሹቻ ቦላ ጻፈት ኡቴዳ’ ያጌ” ያጋደ ጻፋ።
REV 2:18 ትያጽሮነን ደእያ ዎሳ ጎልያ ኪታንቻዉ ሀዋዳን ያጋደ ጻፋ: “ጾሳ ናአይ፥ ታማ ላጩዋ ማላትያ አይፊ ደእያዌ፥ ቃይ ጮጭያ ታማን ቴሪደ ጶልያ ናሃስያ ጌተትያ ብራታ ማላትያ ገዲ ደእያዌ፥ ሀዋዳን ያጌ።
REV 2:19 ታን ነ ኦሱዋ፥ ነ ሲቁዋ፥ ነ አማኑዋ፥ ነ ማዱዋነ ነ ገንጩዋ ኤራይ፤ ኔን ኮይሮ ኦꬅያዋፐ ሀእ ዳርሳደ ኦꬅያዋ ታን ኤራይ።
REV 2:20 ሽን ታን ኔና ካꬍያባይ ደኤ፤ ባረና፥ ታን ናባቶ ያግያ ምሽራቶ ኤልዛቤሎ ሸነኮ ጋዳ፤ ሄ ምሽራታ ታ ኦሳንቻቱ ዎሹማናዳንነ ኤቃዉ ያርሼዳ ቁማ ማናዳን፥ ታማርሳዉነ ባለꬃዉ።
REV 2:21 እዛ ባረ ናጋራፐ ስማና ማላ፥ ታን እዝዉ ዎድያ እማድ፤ ሽን ዎሹማናዉ ካጄልያዋፐ እዛ ስማናዉ ኮያበይኩ።
REV 2:22 በእተ፥ ታን እዞ ግሱዋን ኩንድስና፤ ሳኩዋን እዛ ዋየታና። እዝና ዎሹምያዋንቱ ሄ እዝና ኦꬅያ ናጋራፐ ስማና ꬋዮፐ፥ ኡንቱንታካ ዎልቃማ ዋይያን የጋና።
REV 2:23 ታን እዝ ናናካ ዎꬋና፤ ቃይ ዎሳ ጎልያ ኡባይካ ታን አሳ ቆፋነ አሙዋ ኤርያዋ ግድያዋ ኤራና፤ ታን ህንተንቶ ህንተንቱ ኪታ ማላ እማና።
REV 2:24 “ትያጽሮነን ደእያ ሀራቶ፥ ሀ ኢታ ትምርትያ ታማርቤናዋንቶ፥ ሀራቱ፥ ሴጻና ጪሞ የዉዋ ግያዋ ህንተንቱ ታማርቤይክታ፤ ታን ህንተንታ ሀራ ዴጹዋ ቶስከ ጋይ።
REV 2:25 ሽን ታን ያና ጋካናዉ ህንተንቶ ደእያዋ ሎይꬅ ናግተ።
REV 2:26 “ጾኔዳዎነ ዉርሰꬃይ ጋካናዉ፥ ታ ኪታ ናጌዳዎ፥ አሳ ዛርያ ኡባ ሞዳና ማላ፥ ታን ታ አዉዋፐ አኬዳ ማታ ማላ አዉ እማና፤
REV 2:27 “እ አሳ ዛርያ ኡባ ብራታ ጻምኣን ሞዳናነ፥ ኡርቃፐ መታ ሚሻ መንꬅያዋዳን መንꬃና።
REV 2:28 ቃይ ታን አዉ ባካልያ ጾልንትያ እማና።
REV 2:29 ስሳናዉ ሀይꬃይ ደእያ ኡራይ ጌሻ አያናይ ዎሳ ጎለቶ ግያዋ ስሶ ያጌ” ያጋደ ጻፋ።
REV 3:1 ሳርዴሳን ደእያ ዎሳ ጎልያ ኪታንቻዉ ሀዋዳን ያጋደ ጻፋ: “ጾሳ አያና ላፑናቱነ ላፑ ጾልንታቱ ደእያዌ ሀዋዳን ያጌ። ታን ነ ኪታ ኤራይ፤ አሳይ ኔና ሸምፑዋና ደኣሳ ግንቶካ፥ ኔን ሀይቃዳ።
REV 3:2 ቤጎታ! አቴዳዋነ ሀይቃናዉ ማቴዳዋ መንꬃ። አያዉ ጎፐ፥ ነ ኪታይ ታ ጾሳ ስንꬃን ፖሎ ግደናዋ ታን ደማድ።
REV 3:3 ስም ኔን አኬዳዋነ ስሴዳዋ አኬካ፤ ናጋ፤ ነ ናጋራፐካ ስማ። ኔን ቤጎተናዋ ግዶፐ፥ ታን ኔኮ ካይሱዋዳን ያና፤ ታን ዎይሳደ ያነንቶ ኔን ኤራካ።
REV 3:4 ሽን ባረንቱ ማዩዋ ቅትስቤና አማሬዳ አሳቱ ሳርዴሳን ኔናና ደኢኖ። ኡንቱንቱ ቦꬃ ማዩዋ ማዪደ ታናና ሀመታና፤ አያዉ ጎፐ፥ ኡንቱንቱ ቦꬃ ማዩዋ ማያናዉ በስያዋንታ።
REV 3:5 ጾንያዌ ሄዋዳንካ ቦꬃ ማዩዋ ማያና። ታን አ ሱንꬃ ደኡዋ ማጻፋፐ ቁጭከ፤ ታን ታ አቡ ስንꬃንነ አ ኪታንቻቱዋ ስንꬃን እ ታዋ ግድያዋ ማርካታና።
REV 3:6 “ስሳናዉ ሀይꬃይ ደእያ ኡራይ ጌሻ አያናይ ዎሳ ጎለቶ ግያዋ ስሶ ያጌ” ያጋደ ጻፋ።
REV 3:7 ፕላደልፍያን ደእያ ዎሳ ጎልያ ኪታንቻዉ ሀዋዳን ያጋደ ጻፋ: “ዳዊተ ቁልፕያ ኦይቄዳዌ፥ ኦንነ ጎርዳናዉ ዳንዳየናዳን ዶይያዌ፥ ቃይ ኦንነ ዶያናዉ ዳንዳየናዳን ጎርድያዌ ጌሻይነ፥ ቱማንቻይ ሀዋዳን ያጌ።
REV 3:8 ታን ነ ኪታ ኤራይ። በአ፥ ታን ነ ስንꬃን ኦንነ ጎርዳናዉ ዳንዳየና ፐንግያ ዎꬃድ፤ አያዉ ጎፐ፥ ነ ዎልቃይ ጉꬃ ግዶፐነ፥ ታ ቃላ ናጋዳነ ታ ሱንꬃካ ኤርከ ጋበይካ።
REV 3:9 በአ፥ አይሁዳ ግድክኖ ሽን ባረና፥ ‘ኑን አይሁዳ’ ጊደ ዎርዶትያ ሴጻና አይሁዳ ዎሳ ጎልያ ታን አሃደ፥ ነ ስንꬃን ጎይንሳናነ ኔና ሲቅያዋካ ኡንቱንታ ኤርሳና።
REV 3:10 ኔን ገንጩዋን ታ አዛዙዋ ናጌዳ ድራዉ፥ ሳኣን ደእያ አሳ ፓጫናዉ ኩመንꬃ ሳኣ ቦላ ይያ ዋይያ ዎድያፐ ታንካ ኔና ናጋና።
REV 3:11 ታን ኤለካ ያና፤ ኦንነ ነ ካላቻ አከና ማላ፥ ነዉ ደእያዋ ምንሳ ኦይቃ።
REV 3:12 ታን ጾንያ ኡራ ታ አዉዋ ጌሻ ጎልያን ቱሳ ኦꬃና፤ እ ሄዋፐ ኡባካ ከሰና። ታን ታ ጾሳ ሱንꬃ፥ ታ ጾሳ ካታማ ሱንꬃነ ታ ጾሳ ማታፐ ዎꬋና ኦራꬃ የሩሳላመ ሱንꬃ አ ቦላ ጻፋና። ቃይ ታን ታ ኦራꬃ ሱንꬃካ አ ቦላ ጻፋና።
REV 3:13 ስሳናዉ ሀይꬃይ ደእያ ኡራይ ጌሻ አያናይ ዎሳ ጎለቶ ግያዋ ስሶ ያጌ” ያጋደ ጻፋ።
REV 3:14 ሎዶቅያን ደእያ ዎሳ ጎልያ ኪታንቻዉ ሀዋዳን ያጋደ ጻፋ: “አማነቴዳ ቱማንቻ ማርካይ፥ ጾሳይ መꬌዳዋ ኮይሩ፥ አመንእ ግያዌ ሀዋዳን ያጌ።
REV 3:15 ታን ነ ኪታ ኤራይ። ኔን እርጻ ግዳካ፤ ዎይ ሴልያዋ ግዳካ፤ እርጻ ዎይ ሴልያዋ ግዳርኪ።
REV 3:16 ኔን እርጻ ዎይ ሴልያዋ ግደናን፥ ዶምቦሎላ ግድያ ድራዉ፥ ታን ኔና ታ ዶናፐ ጩቻና ሀናይ።
REV 3:17 አያዉ ጎፐ ኔን፥ ‘ታን ዱረ፤ ሚሻና ደአይ፤ ታና አይነ ኮሸና’ ያጋሳ። ሽን ኔን መቶትያ አሳ፥ ቃረꬅያ አሳ፥ ህዬሳ፥ ቆቃነ ካሎቴዳ አሳ ግድያዋ ኤራካ።
REV 3:18 ሄዋ ድራዉ፥ ኔን ዱረታና ማላ፥ ታማን ጌዬዳ ዎርቃ፥ ኔና ዬላይያ ነ ካሉዋ ካማናዉ ቦꬃ ማዩዋነ ቃይ ሎይꬃ ጼላናዉ ነ አይፍያ ኦክያ ꬋልያ ታፐ ሻማናዳን፥ ታን ኔና ዞራይ።
REV 3:19 ታን ሲቅያ ኡባ ሴራይነ ሙራይ፤ ስም ሎይꬃ ሴለታ፤ ነ ናጋራፐካ ስማ።
REV 3:20 በአ፥ ታን ካረን ኤቃደ ጼሳይ። ኦንነ ታን ጼስያዋ ስሲደ፥ ካርያ ዶዮፐ፥ ታን አኮ ገላደ አናና እትፐ ካዉዋ ማና፤ እካ ታናና እትፐ ማና።
REV 3:21 ቃይ ታን ጾናደ ታ አዉዋና አ ካዉተꬃ ኦይድያን ኡቴዳዋዳን፥ ጾንያ ኡራዉ ታናና ታ ካዉተꬃ ኦይድያን ኡትያ ማታ እማና።
REV 3:22 “ስስያ ሀይꬃይ ደእያ ኡራይ ጌሻ አያናይ ዎሳ ጎለቶ ግያዋ ስሶ ያጌ ያጋደ ጻፋ” ያጌዳ።
REV 4:1 ሄዋፐ ጉይያን፥ ታን ሳሉዋን ዶያ ፐንግያ በኣድ፤ ቃይ ታዉ ማላካታዳን ኦድሽን፥ ታን ስሴዳ ኮይሮ ኮሻይ ታና፤ “ሀዋፐ ጉይያን፥ ሀናናዉ በስያዋ ታን ኔና በሳና፤ ሃ ከሳ” ያጌዳ።
REV 4:2 ኤለካ ታን ጌሻ አያና ሞዱዋ ግዶ ገላ አጋድ። በእተ፥ ሳሉዋን ካዉተꬃ ኦይዲ ደኤ፤ ሄ ኦይድያን እቱ ኡቴዳ።
REV 4:3 ሄ ኡቴዳዋ ማላይ አልኦ እያስጲድያ ሹቻዳንነ አልኦ ሰርድኖነ ሹቻዳን ጶሌ። ካዉታ ኦይዲ ዙሉዋን ዩይ አꬊደ ኡባ ባጋና አልኦ ማርግድያ ሹቻዳን ጶሌ።
REV 4:4 ሄ ካዉተꬃ ኦይድያ ዩይ አꬊደ፥ ሀራ ላታማነ ኦይዱ ካዉተꬃ ኦይደቱ ደኢኖ፤ ኡንቱንቱን ቦꬃ ማዩዋ ማዪደ፥ ሁጲያን ዎርቃ ካላቻ ዎꬄዳ ላታማነ ኦይዱ ጭማቱ ኡቴድኖ።
REV 4:5 ካዉተꬃ ኦይድያፐ ዋልቃንꬃይ፥ ኮሹንቻይነ ጉጉንꬃ ጉንꬃይ ከሴዳ፤ ቃይ ካዉተꬃ ኦይድያ ስንꬃን ላፑ ጾምፓቱ ፖኢኖ። ሄዋንቱ ጾሳ ላፑ አያናቱዋ።
REV 4:6 ካዉተꬃ ኦይድያ ስንꬃን ብርልያ ማላትያ ቡርጩኩዋ አባይ ደኤ። ሄ ካዉተꬃ ኦይድያፐ ስንꬃናነ ጉየና አ ማታን ዩይ አꬊደ፥ አይፊ ኩሜዳ ኦይዱ ደኡዋን ደእያ መታቱ ደኢኖ።
REV 4:7 ኮይሮ ደኡዋን ደእያ መታይ ጋሙዋ ማላቴ፤ ላኤንꬁ ሚዛ ማራ ማላቴ፤ ሄዘንꬁዋ ሶምእ አሳ ዴሙዋ ማላቴ፤ ቃይ ኦይደንꬁ ፓልያ አርጋንꬃ ማላቴ።
REV 4:8 ኦይዱ ደኡዋን ደእያ መታቶ ሁጲያን ሁጲያን ኡሱፑን ቀፊ ደኤ፤ ኡንቱንቶ ቦላን ጋርሳንካ ኡባ ሳን አይፊ ኩሜዳ። ኡንቱንቱ ቃማነ ጋላስ፥ “ጌሻዉ፥ ጌሻዉ፥ ጌሻዉ፥ ካሰ ደእያዎ፥ ሀእካ ደእያዎ፥ ቃይ ስንꬃፐ ያናዎ፥ ጎዳዉ፥ ኡባፐ ዎልቃማ ጾሳዉ” ግያዋ አግክኖ።
REV 4:9 ሄ መታቱ ካዉተꬃ ኦይድያን ኡቴዳ መꬍ መꬍናዉ ደኡዋን ደእያዋ ማዝሙርያን ሳቤዳ ዎደ፥ ቦንቼዳ ዎደነ ጋላቴዳ ዎደ፥
REV 4:10 ላታማነ ኦይዱ ጭማቱ ካዉተꬃ ኦይድያን ኡቴዳ መꬍ መꬍናዉ ደእያዋ ስንꬃን ጉፋኒደ፥ አዉ ጎይኒኖ፤ ባረንቱ ካላቻ ካዉተꬃ ኦይድያ ስንꬃን ዎꬂደ ሀዋዳን ያጊኖ።
REV 4:11 “ኑ ጎዳዉ ጾሳዉ፥ ኔን ቦንቹዋ፥ ሳባነ ዎልቃ አካናዉ በሳሳ። አያዉ ጎፐ፥ ኡባባ ኔን መꬋዳ፤ ቃይ ኡባባይካ፥ ኔን ኮዬዳዋዳን ሀኔዳነ ደኤዳ” ያጊኖ።
REV 5:1 እት ጻጸቶ ማጻፋይ ካዉተꬃ ኦይድያን ኡቴዳዋ ኡሸቻ ኩሽያን ደእያዋ በኣድ፤ ሄ ጻጸቶ ማጻፋይ ላኡ ባጋናካ ጻፈት ኡቴዳ፤ ቃይ ላፑ ማታፋይ አ ቦላ አታመቴዳ።
REV 5:2 ታን እት ዎልቃማ ኪታንቻይ ባረ ቃላ ꬎቁ ኦꬂደ፥ “ማታፋ ዶዪደ፥ ጻጸቶ ማጻፋ ብላናዉ በስያ ኡራይ ኦኔ?” ያጊደ፥ አዋይያዋ በኣድ።
REV 5:3 ሳሉዋን ግድና ዎይ ሳኣን ግድና፥ ዎይ ሳኣፐ ጋርሳን ግድና፥ ሄ ጻጸቶ ማጻፋ ብላናዉ ዎይ አ ግዱዋ ጼላናዉ ኦንነ በስያዌ ባዋ።
REV 5:4 ጻꬃ ማጻፋ ብላናዉ ዎይ አ ግዱዋ ጼላናዉ በስያ ኡራይ ባይና ድራዉ፥ ታን ዳሮ ዬካድ።
REV 5:5 ጭማቱዋፐ እቱ ታና፥ “ዬኮፓ፤ በአ፥ ይሁዳ ዛርያ ግዴዳ ጋሙ፥ ዳዊተ ዛሪ ጾኔዳ። እ ማታፋ ዶያናዉነ ጻጸቶ ማጻፋ ብላናዉ በሴ” ያጌዳ።
REV 5:6 ታን ካዉተꬃ ኦይድያፐ፥ ደኡዋን ደእያ ኦይዱ መታቱዋፐነ ቃይ ጭማቱዋፐ ግዱዋን፥ ሹከቴዳ ዶርሳ ማላቲደ ኤቄዳዋ በኣድ፤ አዉ ላፑ ካጨቱነ ላፑ አይፈቱ ደኢኖ። ሄዋንቱ አላምያ ኡባ ኪተቴዳ ጾሳ ላፑ አያናቱዋ።
REV 5:7 ሄ ዶርሳይ ቢደ፥ ካዉተꬃ ኦይድያ ቦላ ኡቴዳዋ ኡሸቻ ኩሽያፐ ጻጸቶ ማጻፋ አኬዳ።
REV 5:8 እ ሄ ጻጸቶ ማጻፋ አኬዳ ዎደ፥ ደኡዋን ደእያ ኦይዱ መታቱነ ላታማነ ኦይዱ ጭማቱ አ ስንꬃን ኩንዴድኖ። ኡንቱንቱ ሁጲያን ሁጲያን ዲꬃነ እጻናይ ኩሜዳ ዎርቃ ሚሻ ኦይቄድኖ። ሄ እጻናይ ጌሻቱ ጾሳ ዎስያዋ።
REV 5:9 ኡንቱንቱ፥ “ጻꬃ ማጻፋ አካናዉነ፥ ማታፋ ዶያደ፥ ጼላናዉ ነዉ በሴ። አያዉ ጎፐ፥ ኔን ሹከታዳ። ኔን ቆሙዋ ኡባፐ፥ ዱማ ዱማ ጋድያ ቃላ ኡባፐ፥ ያራ ኡባፐነ፥ ዛርያ ኡባፐ፥ ነ ሱꬃን፥ ጾሳዉ አሳ ዎዛዳ።
REV 5:10 ኑ ጾሳዉ ኦꬃና ማላ፥ ኡንቱንታ ኔን፥ ካታቱዋነ፥ ቄሳቱዋ ኦꬃዳ። ቃይ ኡንቱንቱ ሳአንካ ሞዳና” ያጊደ ኦራꬃ ማዝሙርያ የጺኖ።
REV 5:11 ሄዋፐ ጉይያን፥ ታን ጼላደ፥ ካዉተꬃ ኦይድያ፥ ደኡዋን ደእያ ኦይዱ መታቱዋነ ጭማቱዋ ዩይ አꬊደ ኤቄዳ ዳሮ ኪታንቻቱዋ ኮሻ ስሳድ፤ ኡንቱንቱ ሻኣንነ ሚሎንያን ፓይደቴድኖ።
REV 5:12 ሄ ኪታንቻቱ ባረንቱ ቃላ ꬎቁ ኦꬂደ፥ “ሹከቴዳ ዶርሳይ ዎልቃ፥ ዱረተꬃ፥ አꬌዳ ኤራ፥ ምኖተꬃ፥ ቦንቹዋ፥ ሳባ፥ ጋላታ አካናዉ በሴ!” ያጌድኖ።
REV 5:13 ሄዋፐ ጉይያን፥ ሳኣን፥ ሳሉዋን፥ ሳኣፐ ጋርሳንነ አባ ግዱዋን ደእያ መታ ኡባይነ ቃይ ሄዋንቱን ደእያ መታ ኡባይ፥ “ካዉተꬃ ኦይድያ ቦላ፥ ኡቴዳዎነ ዶርሳዉ፥ ጋላታይ፥ ቦንቹ፥ ሳባይነ ዎልቃይ፥ መꬍ መꬍናዉ ግዶ!” ያጊደ የጽሽን ስሳድ።
REV 5:14 ደኡዋን ደእያ ኦይዱ መታቱ፥ “አመንእ” ያግና፥ ጭማቱ ጉፋኒደ ጎይኔድኖ።
REV 6:1 ዶርሳይ ላፑ ማታፋቱዋፐ እቱዋ ዶይሽን በኣድ፤ ቃይ ሸምፑዋና ደእያ ኦይዱ መታቱዋፐ እቱ ጉጉንꬃ ጉንꬃ ማላትያ ኮሻን፥ “ሃያ!” ያግያዋ፥ ታን ስሳድ።
REV 6:2 ታን እት ቦꬃ ፓራ በኣድ። ሄ ፓራ ቶጌዳዌ ዎንዳፍያ ኦይቄዳ፤ ቃይ አዉ ካላቻይ እመቴዳ። ኦላ እ ጾኒድነ ቃይካ ጾናናዉ ከሴዳ።
REV 6:3 ዶርሳይ ላኤንꬆ ማታፋ ዶዬዳ ዎደ፥ ሸምፑዋና ደእያ መታቱዋ ላኤንꬁ፥ “ሃያ!” ያግያዋ፥ ታን ስሳድ።
REV 6:4 ቃይ ሀራ ዳማ ፓራይ ከሴዳ። አሳይ እቱ እቱዋና ሹከታና ማላ፥ ሄ ፓራ ቶጌዳዎ ሳኣን ሳሮተꬃ ድግያ ዎልቃይ እመቴዳ። ዎጋ ማሻይ አዉ እመቴዳ።
REV 6:5 ዶርሳይ ሄዘንꬆ ማታፋ ዶዬዳ ዎደ፥ ደኡዋን ደእያ መታቱዋ ሄዘንꬁ፥ “ሃያ!” ያግያዋ፥ ታን ስሳድ። ያታደ ካረꬃ ፓራይ ከሴዳዋ በኣድ፤ ቃይ ሄ ፓራ ቶጌዳዌ ባረ ኩሽያን ሚዛንያ ኦይቄዳ።
REV 6:6 ታን ደኡዋን ደእያ ኦይዱ መታቱዋ ግዶፐ ኮሻ ማላትያባ ስሳድ። ሄ ኮሻይ፥ “እት ጋላሳ ኦሶ ድርጉ ባጋ ኪሉዋ ዛርጋ፤ ቃይ እት ጋላሳ ኦሶ ድርጉ እት ኪሉዋ ባጋ ባንጋ። ሽን ዛይትያነ ዎይንያ ኤሳ ቆሆፓ” ያግያዋ ስሳድ።
REV 6:7 ዶርሳይ ኦይደንꬆ ማታፋ ዶዬዳ ዎደ፥ ደኡዋን ደእያ መታቱዋ ኦይደንꬁ፥ “ሃያ!” ያግያዋ፥ ታን ስሳድ።
REV 6:8 ታን ግራጨ ፓራይ ከሴዳዋ በኣድ። ሄ ፓራ ቶጌዳዋ ሱንꬃይ ሀይቁዋ፤ አ ጌዱዋ ስኦሊ ካሌዳ። ሀይቁነ ስኦሊ ሳኣፐ ኦይደንꬆ ኩሽያ ኦላን፥ ኮሻን፥ ሀርግያን፥ ዶኣን ዎꬍሳና ማላ፥ ኡንቱንቶ ማታይ እመቴዳ።
REV 6:9 ዶርሳይ እቼሸንꬆ ማታፋ ዶዬዳ ዎደ፥ ኡንቱንቱ ጾሳ ቃላ ኦዴዳ ድራዉነ ባረንቱ ማርካተꬃን አማነቴዳ ድራዉ፥ ሹኬዳ አሳ ሸምፑዋ ያርሹዋ ያርሽያ ሳፐ ጋርሳን በኣድ።
REV 6:10 ኡንቱንቱ ባረንቱ ቃላ ꬎቁ ኦꬂደ፥ “ኡባ ሞድያ ጎዳዉ፥ ጌሻዉ፥ ቱማንቻዉ፥ ሳኣን ደእያ አሳ ቦላ አዉደ ፕርዳይ? ቃይ ኑ ሱꬃ አዉደ ጭገታይ?” ያጌድኖ።
REV 6:11 ኡንቱንቶ ሁጲያን ሁጲያን ቦꬃ ማዩ እመቴዳ። ኡንቱንቱዋዳን ሀይቃናዉ በስያ ኡንቱንቱ ላገꬃ ኦሳንቻቱዋ ፓይዱነ ኡንቱንቱ እሻቱዋ ፓይዱ ኩማና ጋካናዉ፥ ኡንቱንቱ አማሬዳ ዎድያ ታክሻና ማላ፥ ኡንቱንቶ ኦደቴዳ።
REV 6:12 ዶርሳይ ኡሱፑንꬃ ማታፋ ዶዬዳ ዎደ፥ ታን በኣድ፤ ቢታይ ሎይꬅ ቃጼዳ። አዋይፊ ካረꬃ ማዩዋዳን ካረጼዳ፤ አገናይካ ሙለ ሱꬃ ማላቴዳ።
REV 6:13 ባላስያ ግያ ምꬃት ጋምኤ አይፊ፥ ዎልቃማ ጫርኩ ቃꬅና፥ ሳኣን ቆቆፈትያዋዳን፥ ጾልንታቱ ሳሉዋፐ ሳኣን ቆቆፈቴድኖ።
REV 6:14 ሳሉ ጻጸቶ ማጻፋይ ጻጸትያዋዳን፥ ጻጸቲደ ꬋይ አጌዳ፤ ደር ኡባቱነ ሃꬃን ዶደቴዳ ሳአይ ኡባይ ባረንቱ ደኢያሳፐ ክች አጌድኖ።
REV 6:15 ሄዋፐ ጉይያን፥ ሳኣ ካታቱ፥ ደርያ ሞድያዋንቱ፥ ሻላቃቱ፥ ዱራቱ፥ ዎልቃማቱ፥ ቃይ ሀራ አሳይ ኡባይ፥ አይለቱ፥ ዎማናቱ፥ ደርያ ከሲደ፥ ጎንጎሉዋ ግዶንነ ደርያን ደእያ ዛላ ጉየ ባጋን ቆሰቴድኖ።
REV 6:16 ያቲደ ደረቱዋነ ሹቻ፥ “ካዉተꬃ ኦይድያን ኡቴዳዋ አይፍያፐነ ዶርሳ ሀንቁዋፐ ኑ ቦላ ኩንዲደ፥ ኑና ገንꬄርክቴሻ!
REV 6:17 አያዉ ጎፐ፥ ኡንቱንቶ ዎልቃማ ሀንቁዋ ጋላሳይ ጋክ ክቼዳ፤ ሄ ሀንቁዋ ዳንዳያናዌ ኦኔ?” ያጌድኖ።
REV 7:1 ሄዋፐ ጉይያን፥ ታን ኦይዱ ኪታንቻቱ ኦይዱ ባጋ ሳኣ ጋጻን ኤቄዳዋንታ በኣድ። ሄ ኪታንቻቱ ሳኣ ቦላን፥ ዎይ አባ ቦላን፥ ዎይ አይ ምꬃ ቦላን፥ ጫርኩ ጫርከናዳን ተኤድኖ።
REV 7:2 ቃይካ ደኡዋ ጾሳ ማታፋ ኦይቂደ ሀራ ኪታንቻይ አዋይ ሞክያሳፐ ከስያዋ ታን በኣድ። ሄ ኪታንቻይ ባረ ኮሻ ꬎቁ ኦꬂደ፥ ሳኣነ አባ ቆሀናዉ ዎልቃይ እመቴዳ ኦይዱ ኪታንቻቱዋ
REV 7:3 ጼሲደ፥ “ኑ ጾሳ ኦሳንቻቱዋ ዴሙዋን ኑን ማታፋ ዎꬃና ጋካናዉ፥ ሳኣ ግድና ዎይ አባ ግድና፥ ዎይ ምꬃ ግድናካ ቆሆፕተ” ያጌዳ።
REV 7:4 ታን ጾሳ ማታፋ ዴሙዋን ዎꬄዳዋንቱ ፓይዱዋ ስሳድ። እስራኤልያ ዛርያ ኡባፐ እት ጼታነ ኦይታማነ ኦይዱ ሻአ አሳቱዋ ዴሙዋን ማታፋይ ዎꬌዳ።
REV 7:5 ይሁዳ ዛርያፐ፥ ታማነ ላኡ ሻኣ ዴሙዋን ማታፋይ፥ ዎꬌዳ። ሮቤላ ዛርያፐ፥ ታማነ ላኡ ሻኣ። ጋደ ዛርያፐ፥ ታማነ ላኡ ሻኣ።
REV 7:6 አሴራ ዛርያፐ፥ ታማነ ላኡ ሻኣ። ንፍታሌመ ዛርያፐ፥ ታማነ ላኡ ሻኣ። ምናሰ ዛርያፐ፥ ታማነ ላኡ ሻኣ።
REV 7:7 ስሞና ዛርያፐ ታማነ ላኡ ሻኣ። ሌዊያ ዛርያፐ ታማነ ላኡ ሻኣ። ይሳኮራ ዛርያፐ ታማነ ላኡ ሻኣ።
REV 7:8 ዛብሎና ዛርያፐ፥ ታማነ ላኡ ሻኣ። ዮሴፎ ዛርያፐ፥ ታማነ ላኡ ሻኣ። ቢንያማ ዛርያፐ፥ ታማነ ላኡ ሻኣ ዴሙዋን ማታፋይ፥ ዎꬌዳ።
REV 7:9 ሄዋፐ ጉይያን፥ ዛርያ ኡባፐ፥ ቆሙዋ ኡባፐ፥ ያራ ኡባፐነ ዱማ ዱማ ጋድያ ቃላ ኡባፐ ኦንነ ፓይዳናዉ ዳንዳየና ዛዋይ ባይና ጮራ አሳ ታን በኣድ። ሄ አሳይ ቦꬃ ማዩዋ ማዪደ፥ ዛምባ ሀይꬃ ባረንቱ ኩሽያን ኦይቂደ፥ ካዉተꬃ ኦይድያ ስንꬃንነ ዶርሳ ስንꬃን ኤቄዳ።
REV 7:10 ኡንቱንቱ ባረንቱ ቃላ ꬎቁ ኦꬂደ፥ “ኑ አቶተꬃይካ፥ ካዉተꬃ ኦይድያን ኡቴዳ፥ ኑ ጾሳፐነ ዶርሳፐ ዬ” ያጌድኖ።
REV 7:11 ኪታንቻቱ ኡባይ ካዉተꬃ ኦይድያ፥ ጭማቱዋነ ደኡዋን ደእያ ኦይዱ መታ ዩይ አꬊደ ኤቄድኖ። ኡንቱንቱ ካዉተꬃ ኦይድያ ስንꬃን ባረንቱ ዴሙዋን ጉፋኒደ ጾሳዉ ጎይኒደ፥
REV 7:12 “አመንእ! አንጁ፥ ቦንቹ፥ አꬌዳ ኤራተꬃይ፥ ጋላታይ፥ ሳባይ፥ ዎልቃይ፥ ምኖተꬃይ፥ መꬍናፐ መꬍና ጋካናዉ ኑ ጾሳዉ ግዶ። አመንእ!” ያጌድኖ።
REV 7:13 ጭማቱዋፐ እቱ ታና፥ “ሀ ቦꬃ ማዩዋ ማዬዳ አሳቱ ኦኔ? ኡንቱንቱ ሀቃፐ ዬድኖ?” ያጊደ ኦቼዳ።
REV 7:14 ታን፥ “ታ ጎዳዉ፥ ኔን ኤራሳ” ያጋድ። እ ታና ሀዋዳን ያጌዳ፦ “ሀዋንቱ ዳሮ ዋይያ ዋየቲደ ዬዳዋንታ። ኡንቱንቱ ባረንቱ ማዩዋ ዶርሳ ሱꬃን ሜጪደ፥ ቦጼዳዋንታ።
REV 7:15 ሄዋ ድራዉ፥ ኡንቱንቱ ጾሳ ካዉተꬃ ኦይድያ ስንꬃን ኤቂደ፥ ቃማነ ጋላስ፥ አ ጌሻ ጎልያን፥ አዉ ኦꬂኖ። ቃይ እ ባረ ካዉተꬃ ኦይድያን ኡቴዳዌ፥ ኡንቱንቱ ግዱዋን ደአና።
REV 7:16 ሀዋፐ ስንꬃናዉ ኡባካ፥ ኡንቱንቱ ኮሻትክኖ፤ ዎይ ሳመትክኖ። አዋይ ኡንቱንታ ሜና፤ ቃይ አይ ሴላይካ ኡንቱንታ ጉደና።
REV 7:17 አያዉ ጎፐ፥ ካዉተꬃ ኦይደዉ፥ ግዱዋን ኡቴዳ ዶርሳይ፥ ኡንቱንታ ሄማና። ደኡዋ ሃꬃ ፑልቱዋኮካ፥ ኡንቱንታ ካለꬃና። ጾሳይካ ኡንቱንቱ አይፍያ አፎꬃ ኡባ ቁጭ ድጋና” ያጌዳ።
REV 8:1 ዶርሳይ ላፑንꬃ ማታፋ ዶዬዳ ዎደ፥ ባካ ሳትያ ግድያዋ ኬና ሳሉ ጮኡ ጌዳ።
REV 8:2 ሄዋፐ ጉይያን፥ ታን ላፑ ኪታንቻቱዋ ጾሳ ስንꬃን ኤቂያዋንታ በኣድ፤ ኡንቱንቶ ላፑ ማላካታይ እመቴዳ።
REV 8:3 እጻና ጩዋይያ ዎርቃ ሚሻ ኦይቄዳ ሀራ ኪታንቻይ ዪደ፥ ያርሽያ ሳ ማታን ኤቄዳ። ዎርቃፐ መቴዳ ያርሽያሳይ ካዉተꬃ ኦይድያ ስንꬃን ደኤ፤ ሄ ያርሽያ ሳ ቦላ ጌሻ ኡባቱዋ ዎሳ ጉጃና ማላ፥ ኪታንቻዉ ዳሮ እጻናይ እመቴዳ።
REV 8:4 እጻና ጩዋይ ጌሻቱዋ ዎሳና እትፐ ሄ ኪታንቻ ኩሽያፐ ፑደ ጾሳኮ ቤዳ።
REV 8:5 ሄዋፐ ጉይያን፥ ኪታንቻይ እጻና ጩዋይያዋ አኪደ፥ ያርሽያ ሳፐ ታማ ቦንቁዋ አኪደ፥ አን ኩንꬄዳ። ሄ እጻና ጩዋይያዋ ዱገ ሳኣ ኦልና፥ ጉጉንꬃይ ጉሜዳ። ዋልቃንꬃይ ዎልቃሜዳ፤ ቃይ ቢታይካ ቃጼዳ።
REV 8:6 ቃይ ላፑ ማላካታ ኦይቂደ ላፑ ኪታንቻቱ ማላካታ ፑናናዉ ጊጌድኖ።
REV 8:7 ኮይሮ ኪታንቻይ ባረ ማላካታ ፑንና ሱꬃና ዋላከቴዳ ሻቻይነ ታማይ ሳኣን ቡኬዳ። ሳኣፐ ሄዘንꬆ ኩሺ ጉደቴዳ፤ ምꬃፐካ ሄዘንꬆ ኩሺ ጉደቴዳ፤ ማታ ኡባይካ ጉደቴዳ።
REV 8:8 ላኤንꬆ ኪታንቻይካ ባረ ማላካታ ፑኔዳ። ዎልቃማ ደርያ ማላትያባይ ታማን ኤጺደ፥ አባን የገቴዳ፤ ያትና፥ አባፐ ሄዘንꬆ ኩሺ ሱꬃ ግዴዳ።
REV 8:9 አባን ደኡዋን ደእያ መታቱዋ ሄዘንꬆ ኩሺ ሀይቄዳ፤ ማርካበቱዋፐካ ሄዘንꬆ ኩሺ ꬋዬዳ።
REV 8:10 ሄዘንꬆ ኪታንቻይ ባረ ማላካታ ፑንና ሻፋፐነ ፑልቱዋ ሃꬃፐ ሄዘንꬆ ኩሽያ ቦላ ሳሉዋፐ ጾምፕያዳን ኤጽያ ዎልቃማ ጾልንቲ ዎꬌዳ።
REV 8:11 ሄ ጾልንትያ ሱንꬃይ ጫሙዋ ጌተቴ። ሃꬃፐ ሄዘንꬆ ኩሺ ጫሜዳ፤ ቃይ ሃꬃይ ጫሜዳ ድራዉ፥ ዳሮ አሳይ ሄ ሃꬃ ኡሺደ ሀይቄዳ።
REV 8:12 ኦይደንꬆ ኪታንቻይ ባረ ማላካታ ፑኔዳ። አዋፐ፥ አገናፐነ ጾልንትያፐ ሄዘንꬆ ኩሺ ደሸቴዳ፤ ኡንቱንቱ ፖኡዋፐካ ሄዘንꬆ ኩሺ ꬉሜዳ። ሄዋ ድራዉ፥ ጋላሳፐ ሄዘንꬆ ኩሺ፥ ቃማፐካ ሄዘንꬆ ኩሺ ꬉሜዳ።
REV 8:13 እት አርጋንꬃይ ሳሉዋን ፓልያዋ ታን በኣድ። ሄ አርጋንꬃይ ባረ ቃላ ꬎቁ ኦꬂደ፥ “ሄዙ ኪታንቻቱ ፑናና በስያ የኮ ማላካታይ ፑነትያ ዎደ፥ ሳኣን ደእያ አሳዉ አዬሮ! አዬሮ! አዬሮ!” ያግያዋ ስሳድ።
REV 9:1 ሄዋፐ ጉይያን፥ እቼሸንꬆ ኪታንቻይ ባረ ማላካታ ፑንና ሳሉዋፐ ዱገ ሳኣ ኩንዴዳ ጾልንትያ በኣድ። ሄ ጾልንተዉ ጪሞ ኦላ ቁልፒ እመቴዳ።
REV 9:2 ጾልንቲ ጪሞ ኦላ ዶዬዳ፤ አኮ ጮጭያፐ ከስያ ጩዋ ማላ ጩዋይ ሄ ጪሞ ኦላፐ ከሴዳ። ቃይ አዋይነ ሳአይ ሄ ጪሞ ኦላፐ ከሴዳ ጩዋን ꬉሜድኖ።
REV 9:3 ጩዋፐ ቦሊ ዱገ ሳኣ ዬዳ። ሳኣን ደእያ ሶጋቶ ደእያ ዎልቃ ማላ ዎልቃይ ቦለዉካ እመቴዳ።
REV 9:4 ጾሳ ማታፋይ ዴሙዋን ባይና አሳ ጻላላ ቆሀናፐ አትን፥ ሳኣን ደእያ ማታ ዎይ አጭያ ምꬃ ግድና ዎይ አይ ምꬃ ግድናካ ቆሄና ማላ፥ ቦለዉ ኦደቴዳ።
REV 9:5 ቦሊ ሄ አሳ እቼሹ አገና ግድያዋ ፓጻ ካአና ማላ፥ ማታይ እመቴዳዋፐ አትን፥ አዉ አሳ ዎꬋናዉ ማታይ እመትቤና። ሶጉ አሳ ዱኪደ ሴልስያዋ ኬና ቦሊ ሴልሴ።
REV 9:6 ሄ ጋላሳቱዋን አሳይ ሀይቁዋ ኮያና፤ ሽን ደመና። ቃይ ሀይቃናዉካ አሞታና፤ ሽን ሀይቁ አሳፐ ባቃታና።
REV 9:7 ቦሊ ኦላዉ ጊግ ኡቴዳ ፓራ ማላቴ። ቦልያ ሁጲያን ዎርቃ ማላትያ ካላቻይ ደኤ፤ አ ዴሙካ አሳ ዴሙዋ ማላቴ።
REV 9:8 አ ብናናይካ ማጫ አሳ ብናናይዳ አዱቄ፤ አ አቻይካ ጋሙዋ አቻ ማላቴ።
REV 9:9 አ ትራይ ብራታን ኦꬄዳ ጎንዳልያ ማላትያዋን ጎዘት ኡቴዳ፤ ቃይ አ ቀፍያ ኮሻይ ኦላ ባናዉ ፕሪጽያ ፓራቱ ጎችያ ጋርያ ኮሻ ማላ።
REV 9:10 አዉ ሶጉዋ ዱፍያ ማላትያ ዱፊ ደኤ፤ አ ዱፍያን ዱክያባይ ደኤ። ሄ ዱፍያን እቼሹ አገና ግድያዋ አሳ ቆሀናዳን፥ አዉ ማታይ እመቴዳ።
REV 9:11 አ ሞድያ ካቲ ደኤ። ሄ ካቲ ጪሞ ኦላ ኪታንቻ። አ ሱንꬃይካ እብራይስጸ ቃላን አብዶና፤ ቃይ ግሪከ ቃላን አጶልዮና ጌተቴ። አጶልዮና ግያዎ ብለꬃይ፥ ꬋይስያዋ ግያዋ።
REV 9:12 ኮይሮ አዬሮ ግያዌ አꬌዳ፤ በአ፥ ብሮ ሀራ ላኡ አዬሮ ግያዌ ያናዋ።
REV 9:13 ኡሱፑንꬃ ኪታንቻይ ባረ ማላካታ ፑኔዳ። ጾሳ ስንꬃን ኤቄዳ ዎርቃፐ መꬌዳ ያርሽያሳን ደእያ ኦይዱ ጋጻ ካጨቱዋፐ እት ኮሻ ስሳድ።
REV 9:14 ሄ ኮሻይ ማላካታይ ደእያ ኡሱፑንꬃ ኪታንቻ፥ “ኤፍራጺሳ ግያ ዎጋ ሻፋን ቃሸቴዳ ኦይዱ ኪታንቻቱዋ ብላ” ያጌዳ።
REV 9:15 አሳ ዛርያፐ ሄዘንꬆ ኩሽያ ዎꬋናዉ፥ ሀ ሳትያዉ፥ ጋላሳዉ፥ አገናዉነ ላይꬃዉ ጊግስ ዎꬄዳ፥ ኦይዱ ኪታንቻቱ ብለቴድኖ።
REV 9:16 ኦላ ፓራ ቶግያ አሳ ፓይዱ ላኡ ጼቱ ሚሎነ ግድያዋ ታን ስሳድ።
REV 9:17 ቃይካ ታን ሳጻን ፓራቱዋነ ሄ ፓራቱዋ ቶጌዳ አሳ በኣድ። አሳዉ ትራን ዎꬅያ ብራታ ጎንዳልያ ማላይ ደኤ። ሄ ትራን ዎꬅያ ብራታ ጎንዳልያ ማላይ ታማዳን ዞኦ፤ ሳማይያ፤ ቃይ ኤጽያ ዲንያ ማላ። ፓራቱዋ ሁጲ ጋሙዋ ሁጲያ ማላ። ኡንቱንቱ ዶናፐ ታማይ፥ ጩዋይነ አድልያ ጪሻ ማላትያ ኤጽያ ዲንያ ታማይ ከሴዳ።
REV 9:18 ፓራቱዋ ዶናፐ ከሴዳ ታማን፥ ጩዋንነ ኤጽያ ዲንያን ሀ ሄዙ ቦሻቱዋን አሳ ዛርያፐ ሄዘንꬆ ኩሺ ሀይቄዳ።
REV 9:19 አያዉ ጎፐ፥ ፓራቶ ዎልቃይ ዶናንነ ዱፍያን ደኤ። ኡንቱንቱ ዱፊካ ሁጲያና ደእያ ሾሻ ማላቴ፤ ሄዋን ኡንቱንቱ አሳ ቆሂኖ።
REV 9:20 ሀ ቦሻቱዋን ሀይቀናን አቴዳ አሳይ ባረ ኩሽያን ኦꬅያዋ አግቤና። ቃይ ዎርቃፐ፥ ብራፐ፥ ናሃስያ ጌተትያ ብራታፐ ሹቻፐነ ምꬃፐ ኦሰቴዳ፥ ጼላናዉ ዎይ ስሳናዉ ዎይ ሀመታናዉ ዳንዳየና ኤቃዉነ ጻላህያዉ ጎይንያዋካ አግቤና።
REV 9:21 አሳይ ኤሪድ ዎꬌዳዋ፥ ዎይ ባረ ብቴዳዋ፥ ዎይ ባረ ዎሹሜዳዋ፥ ዎይ ባረ ዉኤዳዋ አጊደ፥ ባረ ናጋራፐ ስምቤና።
REV 10:1 ቃይካ ታን ሀራ ዎልቃማ ኪታንቻይ ሳሉዋፐ ከሲደ፥ ዱገ ዎꬍያዋ በኣድ። ሻርያ እ ማይ ኡቴዳ፤ ቃይ ዙሉ አ ሁጲያ ዩይ አꬍ ኡቴዳ። አ ዴሙካ አዋ ማላ፤ አ ገዲካ ታማ ቱሳ ማላ።
REV 10:2 ሄ ኪታንቻይ ዶያ ደእያ እት ጉꬃ ጻጸቶ ማጻፋ ባረ ኩሽያን ኦይቄዳ። ባረ ኡሸቻ ገድያ አባ ቦላ ኤሲደ፥ ባረ ሀድርሳ ገድያ ቢታ ቦላ ኤሴዳ።
REV 10:3 ጉድያ ጋሙዋዳን፥ ዎልቃፐ ጉዴዳ። እ ጉዴዳዋፐ ጉይያን፥ ላፑ ጉጉንꬃቱ አናና ጉንꬃን ሃሳዬድኖ።
REV 10:4 ኡንቱንቱ ጉሜዳ ዎደ ታን ጻፋናዉ ቆፓድ። ሽን ሳሉዋፐ፥ “ላፑ ጉጉንꬃቱ ሃሳዬዳዋ አሳዉ ቃቶፓነ ጻፎፓ” ያግያ ኮሻይ ታዉ ስሰቴዳ።
REV 10:5 ሄዋፐ ጉየ፥ አባ ቦላንነ ቢታ ቦላን ኤቂደእሽን ታን በኤዳ ኪታንቻይ፥ ባረ ኡሸቻ ኩሽያ ሳሉዋ ፑደ ምጬዳ።
REV 10:6 ሳሉዋነ ሳሉዋን ደእያ ኡባባ፥ ሳኣነ ሳኣን ደእያ ኡባባ፥ አባነ አባን ደእያ ኡባባ፥ መꬌዳ መꬍ መꬍናዉ ደእያ ጾሳ ሱንꬃን ጫቄዳ። ያቲደ፥ “ዎዲ ዉራናዉ ጋምኤና።
REV 10:7 ሽን ላፑንꬃ ኪታንቻይ ባረ ማላካታ ፑንያ ዎደ፥ ጾሳይ ናባቱዋ ግዴዳ ባረ ቆማቶ ቃላ ኦድ ዎꬄዳዋዳንካ፥ እ ጹሬዳ ቆፋይ ፖለታና” ያጌዳ።
REV 10:8 ሄዋፐ ጉይያን፥ ሳሉዋፐ ሃሳይሽን ታን ስሴዳ ኮሻይ ላኤንꬁዋ ዛሪደ ታና፥ “አባ ቦላንነ ቢታ ቦላን ኤቄዳ ኪታንቻ ኩሽያን ዶያ ደእያ ጻጸቶ ማጻፋ ባደ አካ” ያግያዋ ስሳድ።
REV 10:9 ታን ሄ ኪታንቻኮ ባደ፥ ጉꬃ ጻጸቶ ማጻፋ ታዉ እማና ማላ፥ አ ኦቻድ። እ ታና፥ “አካደ ማ፤ ማጻፋይ ነ ኡሉዋ ጫምሳናዋ፤ ሽን ነ ዶናን ኤሳዳን፥ እ ማልአናዋ” ያጌዳ።
REV 10:10 ሄዋፐ ጉየ፥ ታን ኪታንቻ ኩሽያፐ ሄ ጉꬃ ጻጸቶ ማጻፋ አካደ ማድ፤ ታ ዶናን ማጻፋይ ኤሳዳን ማልኤዳ። ሽን ታን ሜዳዋፐ ጉይያን፥ ታ ኡሎ ግዱ ጫሜዳ።
REV 10:11 ቃይካ ታና፥ “ያራ ኡባ፥ ዛርያ ኡባ፥ ዱማ ዱማ ቢታ ቃላነ ካታቱዋባ ኔን ትምቢትያ ቃንጸናን ሃሳያናዉ በሴ” ያጌዳ።
REV 11:1 ሄዋፐ ጉየ፥ ማቃ ማላትያ ልክያ ጻምአይ ታዉ እመቴዳ፤ ታና ጌዳዌ ሀዋ፤ “ባደ ጾሳ ጌሻ ጎልያነ ያርሽያ ሳ ልካ። ሄዋን ጎይንያዋንታካ ፓይዳ።
REV 11:2 ሽን ጌሻ ጎለዉ ካረ ባጋ አጋ ባሻ፤ ሄዋ ልኮፓ። አያዉ ጎፐ፥ ሄ ሳአይ አይሁዳ ግደና አሳዉ እመቴዳ። አይሁዳ ግደና አሳይ ጌሻ ካታማ ኦይታማነ ላኡ አገናዉ የꬋና።
REV 11:3 ታን ጋብያ ማዬዳ ታ ላኡ ማርካቱዋ ኪታና፤ ኡንቱንቱ እት ሻአነ ላኡ ጼታነ ኡሱፑን ታሙ ጋላሳን ጾሳ ኪታ ኦዳና” ያጌዳ።
REV 11:4 ሄ ላኡ ማርካቱ ሀ ሳኣ ጎዳ ስንꬃን ኤቂያ ጾምፕያ ዎꬅያ ላኡ ባላቱዋ።
REV 11:5 ኦንነ ኡንቱንታ ቆሀናዉ ኮዮፐ፥ ኡንቱንቱ ዶናፐ ታማይ ከሲደ ኡንቱንቱ ሞርከቱዋካ ꬋይሴ። ቃይ ኦንነ ኡንቱንታ ቆሀናዉ ኮዮፐ፥ ሄዋዳንካ ሀይቃና።
REV 11:6 ኡንቱንቱ ጾሳ ኪታ ኦድያ ዎድያን እራይ ቡከናዳን፥ ሳሉዋ ጎርዳናዉ ኡንቱንቶ ማታይ ደኤ። ኡንቱንቶ ሃꬃ ሱꬃ ከስያ ማታይካ ደኤ፤ ቃይ ኡንቱንቱ ባረና ኮሽያ ዎደ፥ ሳኣ ዱማ ዱማ ቦሻን ሾጫናዉ ኡንቱንቶ ማታይ ደኤ።
REV 11:7 ኡንቱንቱ ባረንቱ ማርካተꬃ ዉርሴዳዋፐ ጉይያን፥ ጪሞ ኦላፐ ፑደ ከስያ ዶአይ ኡንቱንቱና ኦለታና። ሄ ዶአይ ኡንቱንታ ጾኒደ ዎꬋና።
REV 11:8 ኡንቱንቱ ጎዳይ ማስቃልያ ቦላን ምስማርያን ꬍሸቲደ ሱለቴዳ ካታማ ዎጋ ኦግያን ኡንቱንቱ አሃይ ግሳናዋ። ሄ ካታማይ ሌምሱዋን ሶዶማ ዎይ ግብጼ ጌተቲደ ጼሰቴ።
REV 11:9 ቃይ ያራ ኡባፐ፥ ቆሙዋ ኡባፐ፥ ዱማ ዱማ ቢታ ቃላፐነ ዛርያ ኡባፐ ዬዳ አሳይ ኡንቱንቱ አሃ ሄዙ ጋላሳነ ባጋ በአና። አሃይ ሞገተና ማላ፥ ሄ አሳይ ድጋና።
REV 11:10 ሳኣን ደእያ አሳይ ሀ ትምቢትያ ኦድያ ላኡ አሳቱዋ ሀይቁዋን ናሸታና። አሳይ ኡንቱንቱ ሀይቁዋ እቱ እቱዋና እሞታ ላመቲደ ቦንቻናዋ፤ አያዉ ጎፐ፥ ሳኣን ደእያ አሳ ኡንቱንቱ ዳርስ መቶꬄድኖ።
REV 11:11 ሄዙ ጋላሳነ ባጋፐ ጉይያን፥ ደኡዋ ሸምፑዋ ጾሳይ ኡንቱንቱን ሸምፕና፥ ኡንቱንቱ ደንድ ኤቄድኖ። ኡንቱንታ በኤዳ ኡባይ ኢታ ያሻ ያዬዳ።
REV 11:12 ሄዋፐ ጉይያን፥ ሄ ትምቢትያ ኦድያ ላኡ አሳቱ ሳሉዋፐ፥ “ሃ ፑደ ከስተ” ግያ ዎልቃማ ኮሻ ስሴድኖ። ባረንቱ ሞርከቱ ባረንታ ጼልሽን፥ ኡንቱንቱ ሻርያን ገሊደ፥ ፑደ ሳሉዋ ቤድኖ።
REV 11:13 ሄ ሳትያን ቢታይ ሎይꬅ ቃጽና ካታማፐ ታሙንꬃ ኩሺ ꬋዬዳ። ቃይ ቢታ ቃꬃን ላፑ ሻአ አሳይ ሀይቄዳ። አቴዳ አሳይ ሎይꬅ ኮኮር ያዪደ፥ ሳሉዋ ጾሳ ግታተꬃ ሳቤዳ።
REV 11:14 ላኤንꬆ አዬሮ ግያዌ አꬌዳ። ሽን አኬክተ፤ ሄዘንꬆ አዬሮ ግያዌ ኤለካ ያናዋ።
REV 11:15 ሄዋፐ ጉይያን፥ ላፑንꬃ ኪታንቻይካ ባረ ማላካታ ፑኔዳ። ሳሉዋን፥ “አላምያ ካዉተꬃይ ሀእ ኑ ጎዳሳነ ክርስቶሳሳ፤ ቃይ መꬍናፐ መꬍና ጋካናዉ እ ሞዳና” ያግያ ዎልቃማ ኮሻይ ስሰቴዳ።
REV 11:16 ባረንቱ ኦይድያን ኡቴዳ ላታማነ ኦይዱ ጭማቱ ጾሳ ስንꬃን ዱገ ጉፋኒደ፥ ጾሳዉ ጎይኒደ ሀዋዳን ያጌድኖ፤
REV 11:17 “ሀእ ደእያዎ፥ ካሰፐካ ደእያዎ፥ ጎዳዉ፥ ኡባፐ ዎልቃማ ጾሳዉ፥ ነዉ ዎልቃማ ዎልቃይ ደእያ ድራዉነ፥ ኔን ሞዳናዉ ዶሜዳ ድራዉ፥ ኑን ኔና ጋላቴቶ።
REV 11:18 አይሁዳ ግደና አሳይ ሀንቀቴዳ፤ ነ ሀንቁካ ዬዳ። ሀይቄዳዋንቱ ፕርደትያ ዎዲ ሀአ፤ ቃይ ኔን ነ ኦሳንቻቶ፥ ናባቶ፥ ጌሻቶ፥ ነ ሱንꬃዉ ያይያዋንቶ፥ ꬎቃቶነ ላፋቶ ኡንቱንቱ ኦሱዋዳን፥ እምያ ዎዲካ ሀአ። ሳኣ ꬋይስያዋንታካ ኔን ꬋይስያ ዎዲ ሀአ” ያጌድኖ።
REV 11:19 ሳሉዋን ደእያ ጾሳ ጌሻ ጎሊ ዶየቴዳ፤ አ ጌሻ ጎልያን ጾሳ ቃላ ጫቁዋ ታቦታይ ቤቴዳ። ቃይ ዋልቃንꬃይ ዎልቃሜዳ፤ ጉንꬃይ ስሰቴዳ፤ ጉጉንꬃይ ጉሜዳ፤ ቢታይ ቃጼዳ፤ ዎልቃማ ሻቻይካ ሻጬዳ።
REV 12:1 ሄዋፐ ጉይያን፥ ሳሉዋን ዎልቃማ ማላይ ቤቴዳ። አዋ ማዬዳ እት ምሽራታ፥ አገና ቦላ ኤቄዳዉና፥ ታማነ ላኡ ጾልንትያ ካላቻ ባረ ሁጲያን ዎꬄዳዉና ሄዋን ደአዉ።
REV 12:2 ሄ ምሽራታ ሻሃራ፤ እዞ የሉዋ ኦይꬃይ፥ ኡንኤꬅና ዋሳዱ።
REV 12:3 ሀራ እት ዎልቃማ ማላይ ሳሉዋን ቤቴዳ። ታሙ ካጭያና ደእያ ላፑ ሁጲያን ካላቻ ዎꬄዳ እት ዎልቃማ ዞኦ ዳዊ ደኤ።
REV 12:4 ሄ ዳዊ ባረ ዱፍያን ሄዘንꬆ ኩሸ ጾልንትያ ሳሉዋፐ ዳፊደ፥ ሳኣን ኦሌዳ። ሄ ዳዊ የለት ዎꬎሳናካ ናኣ ማናዉ የላና ሀንያ ምሽራት ስንꬃን ኤቄዳ።
REV 12:5 ምሽራታ አቱማ ናኣ፥ አይሁዳ ግደና አሳ ኡባ ብራታ ጻምኣን ሞዳናዋ የላዱ። ሽን ናአይ ጾሳኮነ አ አራታኮ፥ ፑደ ኤለካ አከቴዳ።
REV 12:6 ምሽራታ እት ሻአነ ላኡ ጼታነ ኡሱፑን ታሙ ጋላሳዉ ምዚደነ ኡሺደ ዎꬃናዉ ጾሳይ ጊግስ ዎꬄዳ ሳኣ ባዙዋ ባቃታዱ።
REV 12:7 ሄዋፐ ጉይያን፥ ሳሉዋን ኦላይ ደንዴዳ። ምካኤል ባረ ኪታንቻቱዋና እትፐ ዳዊያ ኦለቴዳ፤ ዳዊካ ባረ ኪታንቻቱዋና ግዲደ፥ ዛር ኦለቴዳ።
REV 12:8 ሽን ዳዊ ጾነትና ዳዊያስነ አ ኪታንቻቶ ሳሉዋን ሳአይ ꬋዬዳ።
REV 12:9 ዎልቃማ ዳዊ፥ ጻላህያ ካፑዋ ዎይ ሴጻና ግያዌ፥ በን ሾሻይ፥ አላምያ ኡባ ባለꬅያዌ ኦለቴዳ፤ እ ባረ ኪታንቻቱዋና እትፐ ዱገ ሳአዉ ኦለቴዳ።
REV 12:10 ሄዋፐ ጉይያን፥ ታን ሳሉዋፐ ሀዋዳን ያግያ ኮሻ ስሳድ፤ “ጾሳ አቶተꬃይ ሀእ ዬዳ። ጾሳይ ባረዉ ካተ ግድያዋዳንካ፥ ባረ ዎልቃ በሴዳ፤ አ ክርስቶስ ባረ ማታ በሴዳ። አያዉ ጎፐ፥ ቃማነ ጋላስ ጾሳ ስንꬃን ኤቂደ፥ ኑ እሻቱዋ ሞትያዌ፥ ሳሉዋፐ ዱገ ኦለቴዳ።
REV 12:11 ኑ እሻቱ ዶርሳ ሱꬃንነ፥ ባረንቱ ቱሙ ማርካተꬃን ዳዊያ ኦለቲደ ጾኔድኖ። ቃይ ኡንቱንቱ ባረንቱ ሸምፑዋ አꬅ እምያዎ፥ ቃረትበይክኖ።
REV 12:12 ሄዋ ድራዉ፥ ሳሉነ ሳሉዋ ግዶን ደእያዋንቱ፥ ናሸትተ። ሽን ሳአዉነ አባዉ አዬሮ! አያዉ ጎፐ፥ ጻላህያ ካፑ፥ ባረዉ ጉꬃ ዎዲ አቴዳዋ ኤርያ ድራዉ፥ ዎልቃማ ሀንቁዋን፥ ዱገ ህንተንቱኮ ዎꬌዳ” ያጌዳ።
REV 12:13 ቃይ ዳዊ ባረና ዱገ ሳኣ ኦሌዳዋ በኤዳዋፐ ጉይያን፥ ሄ አቱማ ናኣ የሌዳ ምሽራቶ የደርሱዋ ዶሜዳ።
REV 12:14 ምሽራቶ ሾሻይ ቆሄና ማላ፥ ሄዙ ላይꬃነ ባጋ ማደነ ኡሻደ እዛ ናገትያሳ ባዙዋ ፓላደ ባና ማላ፥ ላኡ ዎልቃማ አርጋንꬃ ቀፊ እዝዉ እመቴዳ።
REV 12:15 ሄዋፐ ጉይያን፥ ምሽራቶ ድኡ ድኢደ አፋና ማላ፥ ሾሻይ ሻፋ ሃꬃ ኬና ሃꬃ ባረ ዶናፐ ምሽራት ጌዱዋን ጉሴዳ።
REV 12:16 ሽን ቢታይ ምሽራቶ ማዴዳ፤ ቢታይ ባረ ዶና ዶዪደ፥ ዳዊያ ዶናፐ ከሴዳ ሃꬃ ምት አጌዳ።
REV 12:17 ዳዊ ምሽራትዉ ዳርስ ሀንቀቲደ፥ እዝ ዘረꬃ ጾሳ አዛዙዋ ናግያ ኡባቱዋነ የሱስ ቆንጭሴዳ ቱሙ አማነትያዋንታ ኦላናዉ፥
REV 12:18 ቢደ አባ ዶናን ደእያ ሻፍያን ኤቄዳ።
REV 13:1 ሄዋፐ ጉይያን፥ እት ዶአይ አባፐ ከስሽን፥ ታን በኣድ። አዉ ታሙ ካጪነ ላፑ ሁጲ ደኤ፤ አ ታሙ ካጭያ ቦላን ታሙ ካላቻይ ደኤ። አ ሁጲያንካ ቦርያ ሱንꬃይ ጻፈት ኡቴዳ።
REV 13:2 ታን በኤዳ ዶአይ ማህያ ማላቴ፤ አ ገዲ ባባንꬃ ጌተትያ ኢታ ዱኣ ገድያ ማላቴ፤ አ ዶናይ ጋሙዋ ዶና ማላቴ። ዳዊ ባረ ዎልቃ፥ ባረ ካዉተꬃ ኦይድያነ ባረ ዎልቃማ ማታ ሄ ዶአዉ እሜዳ።
REV 13:3 ሄ ዶኣ ሁጰቱዋፐ እቱ ሀይቄዳዋ ማላትያዋ ታን በኣድ፤ ሽን ዎꬍያ ማይꬃይ ፓጼዳ። ሳኣ አሳይ ኡባይ ማላለቲደ፥ ሄ ዱኣ ጌዱዋ ካሌዳ።
REV 13:4 ዳዊ ባረ ማታ ዶአዉ እሜዳ ድራዉ፥ አሳይ ኡባይ ዳዊያዉ ጎይኔዳ። ቃይ ሄ አሳይ፥ “ዶኣ ማላይ ኦኔ? አናና ኦለታናዉ ኦን ዳንዳዪ?” ያጊደ፥ ዶአዉ ጎይኔዳ።
REV 13:5 ሄ ዶአዉ ፓላ የዉዋነ ቦርያ ሃሳይያ ዶናይ እመቴዳ። ኦይታማነ ላኡ አገናዉ ኦꬃና ማላ፥ አዉ ማታይ እመቴዳ።
REV 13:6 ሄ ዶአይ ጾሳ፥ አ ሱንꬃ፥ እ ደኢያሳነ ሳሉዋን ደእያ ኡባቱዋ ቦርያ ዶሜዳ።
REV 13:7 ሄ ዶአይ ጾሳ አሳቱዋና ኦለቲደ፥ ኡንቱንታ ጾናና ማላ፥ አዉ ማታይ እመቴዳ። ቆሙዋ ኡባ፥ ያራ ኡባ፥ ዱማ ዱማ ቢታ ቃላ ኡባነ ዛርያ ኡባ ሞድያ ማታይ አዉ እመቴዳ።
REV 13:8 ሳአይ መታናፐ ካሰ ሹከቴዳ ዶርሳ ደኡዋ ማጻፋን ሱንꬃይ ጻፈትቤና አሳይ፥ ሳኣን ደእያዌ ኡባይ፥ ሄ ዶአዉ ጎይናና።
REV 13:9 ስስያ ሀይꬃይ ደእያ ኡራይ ስሶ።
REV 13:10 ኦሞደታና አሳይ ደኦፐ፥ ኦንነ ኦሞደታናዋ። ማሻን ሹከታና አሳይ ደኦፐ፥ ኦንነ ማሻን ሹከታናዋ። ጌሻቱዋ ዳንዳያይነ፥ አማኑ ሀዋን ኤረታናዋ።
REV 13:11 ሄዋፐ ጉይያን፥ ሀራ ዶአይ ሳኣፐ ከስያዋ ታን በኣድ። ዶርሳ ካጭያ ማላትያ ላኡ ካጪ አዉ ደኤ፤ ሽን ሄ ዶአይ ዳዊያዳን ሃሳዬዳ።
REV 13:12 ሄ ዶአይ ኮይሮ ዶኣ ዎልቃማ ማታ ኡባ አ ስንꬃን ኦꬄዳ። ሳአይነ ሳኣን ደእያ አሳይ ኡባይ አ ዎꬍያ ማይꬃይ ፓጼዳ ኮይሮ ዶአዉ ጎይናና ማላ፥ ሄ ዶአይ ጎዳቴዳ።
REV 13:13 ሄ ላኤንꬆ ዶአይ ዎልቃማ ማላታቱዋ ኦꬄዳ፤ ሀራይ አቶ ታማ ሳሉዋፐ አሳ ኡባ ስንꬃ ሳኣ ዎꬃና ጋካናዉ ማላታቱዋ ኦꬄዳ።
REV 13:14 ኮይሮ ዶኣ ስንꬃን ኦꬃናዉ፥ አዉ እመቴዳ ማላታቱዋን ሳኣን ደእያ አሳ ኡባ እ ባለꬄዳ። ማሻን ማይꬃቶፐነ ፓጻ ደእያ ኮይሮ ዶኣ ቦንቾ ምስልያ ጊግሳናዳን፥ ሳኣ አሳ ኡባዉ ላኤንꬆ ዶአይ ኦዴዳ።
REV 13:15 ቃይ ኮይሮ ዶኣ ምስሊ ሃሳያናዳንነ ባረዉ ጎይነና ኡባ ዎꬋናዳን፥ ላኤንꬆ ዶአይ ባረ ሸምፑዋ ኮይሮ ዶኣ ምስልያን ሸምፑዋ ገልሳናዉ አዛዘቴዳ።
REV 13:16 አሳይ ኡባይ ዎጋይነ ቄራይ፥ ማንቁነ ዱሪ፥ ዎማኑነ አይሊ ባረ ኡሸቻ ኩሽያን ዎይ ባረ ዴሙዋን ማላ ዎꬃናዳን፥ ሄ ላኤንꬆ ዶአይ ጎዳቴዳ።
REV 13:17 ሄ ዶኣ ሱንꬃይ ዎይ አ ሱንꬃ ፓይዱ ደእያ ማላይ ባይና አሳይ ኦንነ ዛልአናዉነ ሻማናዉ ዳንዳየና።
REV 13:18 አꬌዳ ኤራተꬃይ ሀዋን ደኤ። ኤራይ ደእያ ኦንነ ሄ ዶኣ ፓይዱዋ ብለꬃ ኤሮ፤ አያዉ ጎፐ፥ ሄ ፓይዱ እት አሳ ሱንꬃ። አ ፓይዱ ኡሱፑን ጼታነ ኡሱፑን ታማነ ኡሱፑና።
REV 14:1 ሄዋፐ ጉይያን፥ ታን በኣድ። በእተ፥ ዶርሳይ ጽዮነ ደርያ ቦላ ኤቄዳ። አ ሱንꬃይነ አ አቡ ሱንꬃይ ዴሙዋን ጻፈቴዳ፥ እት ጼታነ ኦይታማነ ኦይዱ ሻአ አሳቱ አናና እትፐ ደኢኖ።
REV 14:2 ሳሉዋፐ ኩንꬆ ሃꬃ ጉንꬃነ ዳዳ ጉንꬃ ማላትያ ዎልቃማ ኮሻ ታን ስሳድ። ቃይ ታን ስሴዳ ኮሻይ ዲꬃ ዲጽያዋንቱ ባረንቱ ዲꬃ ዲጽና ስሰትያ ኮሻ ማላቴ።
REV 14:3 እት ጼታነ ኦይታማነ ኦይዱ ሻአ አሳቱ ካዉተꬃ ኦይድያ ስንꬃን፥ ኦይዱ ፓጻ ደእያ መታቱዋ ስንꬃንነ ጭማቱዋ ስንꬃን ኤቄድኖ። ሳኣፐ ዎዘቴዳ ኡንቱንቱፐ አትን፥ ሀራይ ኦንነ ታማራናዉ ዳንዳየና ኦራꬃ ማዝሙርያ የጼድኖ።
REV 14:4 ሀዋንቱ ጌሻ አሳቱዋ ግድያ ድራዉ፥ ማጫዋንቱና ጋከቲደ ባረና ቱንስበይክኖ። ዶርሳይ ብያሳ ኡባ ኡንቱንቱ ካሊኖ። ኡንቱንቱ ጾሳዉነ ዶርሳዉ ባይራ ግዳናዉ፥ ሳኣ አሳ ግዶፐ ዎዘቴዳዋንታ።
REV 14:5 ኡንቱንቱ ኡባካ ዎርዶት ኤርክኖ፤ ኡንቱንቱን ባይዙ ባዋ።
REV 14:6 ሳኣን ደእያ አሳ ኡባዉ፥ ዛርያ ኡባዉ፥ ቆሙዋ ኡባዉ፥ ዱማ ዱማ ቢታ ቃላ ኡባዉነ ያራ ኡባዉ መꬍና ዎንጋላ ምሽራቹዋ አዋያናዉ፥ ቦላ ሳሉዋን ፓልያ ሀራ ኪታንቻ ታን በኣድ።
REV 14:7 ሄ ኪታንቻይ ባረ ቃላ ꬎቁ ኦꬂደ፥ “ጾሳዉ ያይተ፤ አ ቦንችተ። አያዉ ጎፐ፥ ሳኣ አሳ እ ፕርድያ ሳቲ ጋኬዳ። ሳሉዋ፥ ሳኣ፥ አባነ ሃꬃ ፑልቱዋ መꬌዳ ጾሳዉ ጎይንተ” ያጌዳ።
REV 14:8 ሀራ ላኤንꬆ ኪታንቻይ፥ “ዎልቃማ ባብሎና ኩንዳዱ፤ እዛ ኩንዴዳ ጋሱነካ አሳ ዛርያ ኡባ ኢታ ኦሱዋ ኦስስያ ድራሳ” ያጊደ፥ ኮይሮ ኪታንቻ ካሌዳ።
REV 14:9 ሄዘንꬆ ኪታንቻይ ባረ ኮሻ ꬎቁ ኦꬂደ፥ ሀዋዳን ያጊደ፥ ኮይሮ ላኡ ኪታንቻቱዋ ካሌዳ፤ “ዶአዉነ አ ምስለዉ ጎይንያ ኦንነ ቃይ አ ማላ ባረ ዴሙዋን ዎይ ባረ ኩሽያን ዎꬅያ ኦንነ ደኦፐ፥
REV 14:10 ጾሳይ ባረ ዎልቃማ ሀንቁዋ ቡርጩኩዋን ኩንꬄዳ ሀንቁዋ ዎይንያ ኤሳ እ ኡሻና። ሄዋ ኦꬄዳ ኡባይ ጌሻ ኪታንቻቱዋ ስንꬃንነ ዶርሳ ስንꬃን፥ ታማንነ ኤጽያ ዲንያን ፓጻ ካኤታና።
REV 14:11 ኡንቱንታ ፓጻ ካእያ ታማ ጩዋይ መꬍ መꬍናዉ ጩዋታና። ዶአዉነ ሄ ዶኣ ምስለዉ ጎይንያ ኦስነ ቃይ ሄ ዶኣ ሱንꬃ ማላታና ደእያ ኦስነ ቃማነ ጋላስ ሸምፑ ባዋ” ያጌዳ።
REV 14:12 ጾሳዉ አዛዘትያነ የሱሳዉ አማነትያ ጌሻቱ ዳንዳይያ ዳንዳያይ ሀዋና።
REV 14:13 ሄዋፐ ጉይያን ሳሉዋፐ፥ “ሀዋ ጻፋ፤ ሀዋፐ ስንꬃዉ ጎዳን ሀይቂያዋንቱ አንጀቴዳዋንታ” ያግያ ኮሻ ታን ስሳድ። አያናይ፥ “ቱማ፤ ኡንቱንቱ ባረንቱ ዳቡራፐ ሸምፓና፤ አያዉ ጎፐ፥ ኡንቱንቱ ሎኦ ኪታዉ፥ ጾሳይ ሎኡዋን ዛራና” ያጌ።
REV 14:14 ቃይካ ታን በኣድ። በእተ፥ ቦꬃ ሻሪ ደኤ። ሻርያ ቦላን አሳ ናኣ ማላትያዌ ኡቴዳ፤ አ ሁጲያን ዎርቃ ካላቻይ፥ ቃይ አ ኩሽያን ቃራ ባጫይ ደኤ።
REV 14:15 ሀራ ኪታንቻይ ጌሻ ጎልያፐ ከሲደ፥ ሻርያ ቦላን ኡቴዳዎ ባረ ቃላ ꬎቁ ኦꬂደ፥ “ቆይቻ ሳቲ ጋኬዳ ድራዉ፥ ነ ባጫ የዳደ ካꬃ ቆይጫ፤ አያዉ ጎፐ፥ ሳኣ ካꬃይ መሌዳ” ያጌዳ።
REV 14:16 ሻርያ ቦላን ኡቴዳዌ፥ ባረ ባጫ ሳኣ የዲደ፥ ሳኣ ካꬃ ጫኬዳ።
REV 14:17 ቃይካ ሳሉዋን ደእያ ጌሻ ጎልያፐ ሀራ ኪታንቻይ ከሴዳ፤ አዉካ ኩሳ ባጫይ ደኤ።
REV 14:18 ታማዉ ካፖ ግዴዳ ሀራ ኪታንቻይ ያርሽያ ሳፐ ከሲደ፥ ኩሳ ባጫይ ደእያ ኪታንቻዉ ባረ ቃላ ꬎቁ ኦꬂደ፥ “ዎይንያ አይፊ ቴሬዳ ድራዉ፥ ነ ኩሳ ባጫ የዳደ፥ ሳኣን ደእያ ዎይንያ ቱራፐ ሆንዶዳ አይፍያ ቃንጻ!” ያጌዳ።
REV 14:19 ሄ ኪታንቻይ ባረ ባጫ ሳኣ የዲደ፥ ሳኣን ደእያ ዎይንያፐ ሆንዶዳ አይፍያ ቃንጼዳ፤ ጾሳ ዎልቃማ ሀንቁዋ ሄ ዎይንያ ጉምእያ ኦላን የጌዳ።
REV 14:20 ካታማፐ ጋጻን ደእያ ዎይንያ አይፍያ ጉምእያ ኦላን ዎይንያ አይፊ ጉምኤቴ። ሱꬃይ ከሲደ፥ ሄ ዎይንያ ጉምእያ ኦላፐ ሄዙ ጼቱ ኪሎ ሚትርያ ኬና ሃኪደ፥ ፓራዉ ፑሉዋ ጋክያዋ ኬና ꬎቁ ጊደ ኤሌዳ።
REV 15:1 ታን ሳሉዋን ሀራ ዎልቃማነ ማላልስያ ማላ በኣድ። ጾሳ ሀንቁ ኡንቱንቱ ቦላን ፖለትያ ድራዉ፥ ዉርሰꬃ ላፑ ቦሻና ደእያ ላፑ ኪታንቻቱ ደኢኖ።
REV 15:2 ቃይካ ታን ቡርጩኩዋ አባ ማላትያዋ ታማና ዋላከቴዳዋ በኣድ። ቃይ ዶኣ፥ አ ምስልያነ አ ሱንꬃ ፓይዱዋ ጾኔዳዋንታ በኣድ። ጾሳይ ኡንቱንቶ እሜዳ ዲꬃቱዋ ኦይቂደ፥ ቡርጩኩዋ ማላትያ አባ ማታን ኡንቱንቱ ኤቄድኖ።
REV 15:3 ኡንቱንቱ፥ ጾሳ ኦሳንቻ ሙሴ ማዝሙርያነ ዶርሳ ማዝሙርያ ሀዋዳን የጼድኖ። “ጎዳዉ፥ ኡባፐ ዎልቃማ ጾሳዉ፥ ነ ኪታይ ግታነ ማላልስያዋ። አሳ ዛርያ ኡባ ካተዉ፥ ነ ኦጊ ጽሉዋነ ቱሙዋ።
REV 15:4 ጎዳዉ፥ ነዉ ያየናዌነ ነ ሱንꬃ ቦንቼናዌ ኦኔ? አያዉ ጎፐ፥ ጌሻይ ነ ጻላላ። አሳ ዛርያ ኡባይ ዪደ፥ ነ ስንꬃን ጎይናና፤ አያዉ ጎፐ፥ ነ ጽሎ ኪታይ ኡባዉ ቆንጬዳ” ያጊደ የጺኖ።
REV 15:5 ሄዋፐ ጉይያን፥ ታን ሳሉዋን ደእያ ጌሻ ጎሊ ዶየቶዋ ሄዌካ ማርካተꬃ ዱንካንያ በኣድ።
REV 15:6 ላፑ ቦሻና ደእያ ላፑ ኪታንቻቱ ጌሻ ጎልያፐ ከሴድኖ። ኡንቱንቱ ጶሊደ ቦጽያ ላይኑዋ ማዩዋ ማዬድኖ፤ ባረንቱ ትራ ዎርቃ ዳንጩዋን ዩሽ አꬂደ ቃቼድኖ።
REV 15:7 ደኡዋን ደእያ ኦይዱ መታቱዋፐ እቱ፥ መꬍ መꬍናዉ ጋካናዉ ደእያ ጾሳ ሀንቁ ኩሜዳ ላፑ ዎርቃ ከረቱዋ ላፑ ኪታንቻቶ እሜዳ።
REV 15:8 ጾሳ ቦንቹዋፐነ አ ዎልቃፐ ዬዳ ጩዋይ ጌሻ ጎልያ ኩሜዳ። ላፑ ኪታንቻቱ አሄዳ ላፑ ቦሻቱ ፖለታና ጋካናዉ፥ ጌሻ ጎልያ ኦንነ ገላናዉ ዳንዳይቤና።
REV 16:1 ሄዋፐ ጉይያን፥ ላፑ ኪታንቻቶ፥ “ቢደ ጾሳ ሀንቁዋ ላፑ ከርያፐ ሳኣን ጉስተ” ያጊደ፥ ጌሻ ጎልያፐ ሃሳይያ ዎልቃማ ኮሻ ታን ስሳድ።
REV 16:2 ኮይሮ ኪታንቻይ ቢደ፥ ባረ ከርያን ደእያዋ ሳኣን ጉስና፥ ዶኣ ማላይ ደእያዋንቱ ቦላነ ሄ ዶኣ ምስለዉ ጎይንያዋንቱ ቦላ ሎይꬅ ሳክያ ማይꬃ ከሴዳ።
REV 16:3 ላኤንꬆ ኪታንቻይ ባረ ከርያን ደእያዋ አባን ጉስና አባ ሃꬃይ ሀይቄዳ አሳ ሱꬃ ማላቴዳ። ቃይ አባን ደእያ መታ ኡባይካ ሀይቂ አጌዳ።
REV 16:4 ሄዘንꬆ ኪታንቻይ ባረ ከርያን ደእያዋ ሻፋቱዋንነ ፑልታቱዋን ጉስና ኡንቱንቱ ሱꬃ ግዴድኖ።
REV 16:5 ሃꬃዉ አዎትያ ኪታንቻይ ሀዋዳን ያግያዋ፥ ታን ስሳድ፤ “ካሰካ ሀእካ ደእያ ጎዳዉ፥ ጌሻዉ፥ ሀ ፕርዳ ፕርዴዳ ድራዉ፥ ኔን ጽሉዋ።
REV 16:6 ኡንቱንቱ ጌሻቱዋ ሱꬃነ፥ ናባቱዋ ሱꬃ ጉሴዳ ድራዉ፥ ኔን ኡንቱንታ ኡሻናዉ፥ ሱꬃ ኡንቱንቶ እማዳ። ኡንቱንቱ ባረንቶ፥ በስያዋ አኬድኖ” ያጌዳ።
REV 16:7 ያርሹዋ ያርሽያ ሳፐ፥ “ጎዳዉ፥ ኡባፐ ዎልቃማ ጾሳዉ፥ ነ ፕርዳይ ቱሙዋነ ጽሉዋ!” ያግያ ኮሻ ታን ስሳድ።
REV 16:8 ኦይደንꬆ ኪታንቻይ ባረ ከርያን ደእያዋ አዋይፍያ ቦላን ጉስና ባረ ታማ ሴላን አሳ ጉዳናዉ፥ አዋይፈዉ ማታይ እመቴዳ።
REV 16:9 አሳይ ዎልቃማ ሴላን ጉደቲደ ሀ ቦሻቱዋ ቦላን ማታይ ደእያ ጾሳ ሱንꬃ ቦሬዳ። ሽን ባረ ናጋራፐ ስምቤናነ ጾሳ ግታተꬃካ ቦንችቤና።
REV 16:10 እቼሸንꬆ ኪታንቻይ ባረ ከርያን ደእያዋ ዶኣ ካዉተꬃ ኦይድያ ቦላ ጉስና፥ ሄ ዶኣ ካዉተꬃይ ꬉሜዳ። አሳይ ባረ ሴላ ድራዉ፥ ባረ እንጻርሳ ሳኤዳ።
REV 16:11 ቃይ አሳይ ባረ ሴላ ድራዉነ ባረ ማይꬃ ድራዉ ሳሉዋ ጾሳ ሸቄዳ። ሽን ባረ ኦꬄዳ ናጋራፐ ስምቤና።
REV 16:12 ኡሱፑንꬃ ኪታንቻይ ባረ ከርያን ደእያዋ ዎጋ ኤፍራጺሳ ጌተትያ ሻፋን ጉስና አዋይ ዶልያ ባጋፐ ያና ካታቶ ኦጊ ጊጋናዳን፥ ሃꬃይ መሌዳ።
REV 16:13 ሄዋፐ ጉይያን፥ ታን ሼꬍያ ማላትያ ሄዙ ቱና አያናቱ ዳዊያ ዶናፐ፥ ዱኣ ዶናፐነ ዎርዱዋ ትምቢትያ ኦድያዋ ዶናፐ ከስሽን በኣድ።
REV 16:14 ኡንቱንቱ ማላቱዋ ኦꬅያ ጻላሀቱዋ አያናቱዋ። ሄ ሄዙ ኢታ አያናቱ ኡባፐ ዎልቃማ ጾሳ ዎልቃማ ጋላሳን፥ ሳኣ ካታቱዋ ኡባ ኦላዉ ሺሻናዉ ባና።
REV 16:15 “በአ፥ ታን ካይሱዋዳን ያና። አሳ ስንꬃን ካሎ ሀመቲደ ዬላተና ማላ፥ ገምእሸናን ባረ ማዩዋ ማዪደ ናግያ ኡራይ አንጀቴዳዋ!” ያጌዳ።
REV 16:16 ሄ ኢታ አያናቱ ካተቱዋ እብራይስጸ ቃላን አርማገዶና ጌተትያ ሳኣ ሺሼድኖ።
REV 16:17 ላፑንꬃ ኪታንቻይ ባረ ከርያን ደእያዋ ጫርኩዋን ጉስና፥ ጌሻ ጎልያን ደእያ አራታፐ፥ “ፖለቴዳ” ያግያ ዎልቃማ ኮሻይ ዬዳ።
REV 16:18 ሄዋፐ ጉይያን፥ ዋልቃንꬃይ ዎልቃሜዳ፤ ጉንꬃይ ስሰቴዳ፤ ጉጉንꬃይካ ጉሜዳ። ቃይ ቢታይ ፓላ ቃꬃ ቃጼዳ። አሳይ ሳኣን መቶደፐካ ቢታይ ሄዋ ማላ ቃꬃ ቃጽ ኤረና፤ ሄዌ ኡባፐ አꬌዳ ቃꬃ።
REV 16:19 ዎልቃማ ካታማይ ሄዙ ከሲደ ዛኤዳ። ቢታ ኡባን ደእያ ካታማቱ ꬋዬድኖ። ጾሳይ ዎልቃማ ባብሎኖ ቆፒደ፥ ባረ ኢታ ሀንቁዋ ዎይንያ ኤሳይ ኩሜዳ ቡርጩኩዋፐ ዎይንያ ኤሳ ባብሎኖ ኡሼዳ።
REV 16:20 አባን ዶደቴዳ ቢታይ ኡባይ ꬋዬዳ፤ ደሪካ ቤትቤና።
REV 16:21 አሳ ቦላ ኦይታሙ ኪሎ ኬና ዴጽያ ዎልቃማ ሻቻይ ሳሉዋፐ ዎꬌዳ። አሳይ ሄ ሻቻ ቦሻ ድራዉ፥ ጾሳ ቦሬዳ፤ አያዉ ጎፐ፥ ቦሻይ ዳሮ ዎልቃማ።
REV 17:1 ሄዋፐ ጉይያን፥ ላፑ ከረቱ ደእያ ላፑ ኪታንቻቱዋፐ እቱ ታኮ ዪደ፥ ታና ሀዋዳን ያጌዳ፤ “ሃያ፤ ዳሮ ሻፋቱዋ ጋጻን ደእያ ዎሹምያ፥ ዎልቃማ ካታማታ፥ ዋና ሙረታነንቶ፥ ታን ኔና በሳና።
REV 17:2 ሳኣን ደእያ ካታቱ እዝና ዎሹሜድኖ፤ ሳኣን ደእያ አሳይካ እዝ ዎይንያ ኤሳ ኡሽ ማꬆቲደ እዝና ዎሹሜዳ” ያጌዳ።
REV 17:3 ሄ ኪታንቻይ ታና አያናን ባዙዋ አፌዳ። ሄዋን ታን እት ምሽራቶ ቦርያ ሱንꬃይ ቦላ ኡባን ጻፈት ኡቴዳ ዞኦ ዶኣ ቶጌዳዉኖ በኣድ፤ ሄ ዶአዉ ላፑ ሁጲያን ታሙ ካጪ ደኤ።
REV 17:4 ሄ ምሽራታ ቴራ ኦቻ ማላትያ ማዩዋነ ዞኦ ማዩዋ ማያዱ፤ እዛ ቃይ ዎርቃን፥ ቦንቾ ሹቻንነ እንቁዋ ጌተትያ አልኦ ሹቻን አሌቃዱ። እዛ ዎሹምያ ቱናባይነ ሸነይያባይ ኩሜዳ ዎርቃ ቡርጩኩዋ ባረ ኩሽያን ኦይቃዱ።
REV 17:5 እዝ ዴሙዋን ጹራ የዉዋ ብለꬃይ ደእያ ሱንꬃይ፥ “ዎልቃማ ባብሎኖ፤ ሳኣን ደእያ ዎሹምያዋንቶነ ሳኣን ደእያ ሸነይያባዉ አቶ” ያግያዌ ጻፈት ኡቴዳ።
REV 17:6 ቃይ ሄ ምሽራታ ጌሻቱዋ ሱꬃነ የሱሳዉ ማርካትሽን ዎꬌዳዋንቱ ሱꬃ ኡሻደ ማꬆቴዳዉኖ ታን በኣደ ማላለታድ።
REV 17:7 ኪታንቻይ ታና፥ “ኔን አያዉ ሀዋዳን ማላለታዲ? ታን ነዉ ምሽራት ጹራ የዉዋነ እዛ ቶኬዳ ላፑ ሁጲያን ታሙ ካጪ ደእያ ዱኣ ጹራ የዉዋ ኦዳና።
REV 17:8 ኔን በኤዳ ዶአይ ካሰ ደኤ፤ ሽን ሀእ ባዋ። ሄ ዶአይ ጪሞ ኦላፐ ኤለ ከሲደ፥ ባሻዉ ባናዋ። አላሚ መቶደፐ ዶሚደ፥ ደኡዋ ማጻፋን ኡንቱንቱ ሱንꬃይ ጻፈትቤና ሳኣን ደእያ አሳይ ዶኣ በኢደ ማላለታና። አያዉ ጎፐ፥ እ ካሰ ደኤ፤ ሀእ ባዋ፤ ሽን ስንꬃፐ ያናዋ።
REV 17:9 “ሀዌ አꬌዳ ኤራተꬃነ አኬካ ኮዬ። ላፑ ሁጲ ምሽራታ ኡትያ ላፑ ደረቱዋ፤ ሄዋንቱ ቃይ ላፑ ካታቱዋ።
REV 17:10 ኡንቱንቱፐ እቼሹ ካታቱ ኩንዴድኖ። እቱ ሀእ ጋካናስካ ሞዴ፤ የኮ ካቲ ይቤና። እ ዪደ፥ ጉꬃ ዎድያ ታካናዉ በሴ።
REV 17:11 ካሰ ደኤዳ ዶአይ፥ ሀእ ባይናዌ፥ እ ባረ ሁጰዉ ሆስፑንꬃ ዱኣ። እ ላፑ ዶአቱዋፐ እቱዋ፤ እ ꬋያናዉ ቤ።
REV 17:12 “ኔን በኤዳ ታሙ ካጨቱ ሞዳናዉ ዶምቤና ታሙ ካተቱዋ። ሽን ኡንቱንቱ ዶኣና እትፐ እት ሳተዉ ካተቱዋዳን ሞዳናዉ ኡንቱንቶ ማታይ እመታና።
REV 17:13 ኡንቱንቶ ኡባዉ እት ቆፋይ ደኤ፤ ኡንቱንቱ ባረንቱ ዎልቃነ ባረንቱ ማታ ዶአዉ እማና።
REV 17:14 ኡንቱንቱ ዶርሳና ኦለታና፤ ሽን ዶርሳይነ ዶርሳና ደእያዋንቱ፥ እ ጼጌዳዋንቱነ ዶሬዳዋንቱ፥ አ ካልያ አማነቴዳዋንቱ፥ ሄ ካተቱዋ ጾናና፤ አያዉ ጎፐ፥ እ ጎዳቱዋ ጎዳነ ካተቱዋ ካትያ” ያጌዳ።
REV 17:15 ኪታንቻይ ቃይካ ታና ሀዋዳን ያጌዳ፤ “ጫራታ ኡቴዳ ሄ ኔን በኤዳ ሃꬃይ ያራቱዋ፥ ጮራ አሳ፥ አሳ ዛራቱዋነ ዱማ ዱማ ቢታ ቃላ።
REV 17:16 ቃይ ኔን በኤዳ ታሙ ካጪነ ዶአይ ዎሹመዉኖ እጻናዋንታ። ኡንቱንቱ እዝዉ ደእያ ኡባባ አክ ድጋና። ቃይ እዞ ካሎ አሻናነ እዝ አሹዋ ም ድጋና፤ ያቲደ ኡንቱንቱ እዞ ታማን ጉዳና።
REV 17:17 አያዉ ጎፐ፥ ጾሳ ቃላይ ቱማታና ጋካናዉ፥ ኡንቱንቱ ቆፋይ እቱዋ ግዳናዳን፥ ኡንቱንቱ ባረንቱ ሞድያ ዎልቃ ዶአዉ እማናዳንነ ጾሳይ ቆፔዳዋ ኡንቱንቱ ኦꬃናዳን፥ ኡንቱንቱ ዎዛናን ጾሳይ አሙዋ ዎꬄዳ።
REV 17:18 “ሄ ኔን በኤዳ ምሽራታ ሳኣ ካተቱዋ ሞድያ ዎልቃማ ካታማቶ” ያጌዳ።
REV 18:1 ሄዋፐ ጉይያን፥ ዎልቃማ ማታይ ደእያ ሀራ ኪታንቻይ ሳሉዋፐ ዎꬍሽን፥ ታን በኣድ። ሄ ኪታንቻ ቦንቹ ሳኣ ፖእሴዳ።
REV 18:2 ሄ ኪታንቻይ ባረ ኮሻ ꬎቁ ኦꬂደ፥ “እዛ ኩንዳዱ! ዎልቃማ ባብሎና ኩንዳዱ! ባብሎና ጻላሀቱ አቅያሳ ግዳዱ፤ ኢታ አያናቱ ኡባቱነ፥ እጸትያ ኢታ ካፋቱ ኡባቱ ኢን ደኢኖ።
REV 18:3 አያዉ ጎፐ፥ አሳ ዛርያ ኡባ፥ ባረ ማꬆይያ ዎይንያ ኤሳ ኡሽና፥ እዝና ዎሹሜድኖ። ቃይካ ሳኣ ካታቱ፥ እዝና ዎሹሜድኖ። እዝ እሻሎ ዎልቃ ጋሱዋን፥ ሳኣን ደእያ ዛልአንቻቱ ዱረቴድኖ” ያጌዳ።
REV 18:4 ሄዋፐ ጉይያን፥ ታን ሳሉዋፐ፥ ሀዋዳን ያግያ ሀራ ኮሻ ስሳድ፤ “ታ አሳዉ፥ ኢፐ ከስተ! እዝ ናጋራ እዝና ኮጾፕተ! እዝ ሙራ ግሸቶፕተ።
REV 18:5 አያዉ ጎፐ፥ እዝ ናጋራይ፥ ሳሉዋ ጋካናዉ ዶረት ኡቴዳ። ጾሳይ እዝ ኢታ ባይዙዋ፥ ሀሳዬዳ።
REV 18:6 እዛ እሜዳዋ ኬና ዛሪደ፥ እዝዉ እምተ። እዛ ኦꬄዳዎ፥ ላኡ ኩሽያ እዝዉ ቃንጽተ። እዛ ህንተንቶ ጊግሴዳ ኡሻፐ፥ ላኡ ኩሽያ ኡሻ፥ እዝ ቡርጩኩዋ ኩንꬅተ።
REV 18:7 እዛ ቦንቼቴዳዋነ፥ እሻሌዳዋ ኬና፥ እዞ ቱጋይተነ ካዮይተ። እዛ ባረ ዎዛናን፥ ‘ታን ካታቲዳን ኡታይ፤ ታን አስናይ ባይና ማጫዉኖ ግድከ፤ ቃይ ኡባካ ካዮትከ’ ያጋዉ።
REV 18:8 ሄዋ ድራዉ፥ እዝ ቦሻ ኡባይ፥ ሀርጊ፥ ካዩነ ኮሻይ፥ እዞ እት ጋላስ ኦይቃና። ቃይ እዛ ታማን ጉደታና፤ አያዉ ጎፐ፥ እዝ ቦላ ፕርድያ ጎዳ ጾሳይ፥ ዎልቃማ” ያጌዳ።
REV 18:9 ሳኣ ካታቱ፥ እዝና ዎሹሚደ እሻሌዳዋንቱ ሄ ካታማታ ጉደትና፥ ከስያ ጩዋ በኤዳ ዎደ፥ ካታማትዉ ኡንቱንቱ ዋሳናነ ዬካና።
REV 18:10 ኡንቱንቱ ሄ ካታማት ኡጋዉ ያዬዳ ድራዉ፥ ሃክ ኤቂደ፥ “ሀ ዎልቃማ ካታማቴ! ዎልቃማ ካታማቴ! ባብሎኔ፥ ነዉ አዬሮ! ኔን አይ ማላ ቱጋታኒሻ። ኔን እት ሳትያ ግዶን ነ ፕርዳ አካዳ” ያጋና።
REV 18:11 ኡንቱንቱ ማርካብያ ጫና ሀዋፐ ስንꬃናዉ ሻምያባይ ባይና ድራዉ፥ ሳኣን ደእያ ዛልአንቻቱ ሄ ካታማትዉ ዋሳናነ ካዮታና።
REV 18:12 ኡንቱንቱ ዎርቃ፥ ብራ፥ ቦንቾ ሹቻ፥ እንቁዋ ጌተትያ አልኦ ሹቻ፥ ቴራ ኦቻ ማላትያ ማዩዋ፥ ሱፍያ ማላ ማዩዋ፥ ሀርያ ጌተትያ ማዩዋ፥ ዞኦ ማዩዋ፥ ኡባ ቆሞ ሳዊያ ምꬃ፥ ኡባ ቆሙዋን ኦꬄዳ ዳንጋርሳ አቻ፥ አልኦ ምꬃፐ መቴዳባ፥ ናሃስያ፥ ብራታ፥ እብነበረድያ ጌተትያ ሹቻ፥
REV 18:13 ቃራፋ፥ ቅማምያ፥ እጻና፥ ሽቱዋ፥ ሳዊያ እጻና ꬊልያ፥ ዎይንያ ኤሳ፥ ዎጋራ ዛይትያ፥ ሊቄዳ ꬊልያ፥ ዛርጋ፥ ሚዛ፥ ዶርሳ፥ ፓራነ ፓራይ ጎችያ ጋርያ፥ ኡንቱንቱ አይለቱዋነ ሀራይ አቶ አሳ ሸምፑነ ሻምያባይካ ባዋ።
REV 18:14 ዛልአንቻቱ ምሽራትዉ፥ “ኔን አሞቴዳ፥ ሎኦባይ ኡባይ ኔፐ ሀል ድጌዳ። ነ ደኡነ፥ አሌቀትያባይ ኡባይ ꬋይድጌዳ። ኔን ላኤንꬆ ኡንቱንታ ኡባካ ደማካ” ያጌድኖ።
REV 18:15 ሄ ካታማትን ዛልኢደ ዱረቴዳ ዛልአንቻቱ እዝ ኡጋዉ ያዪደ፥ ኢፐ ሃኪደ ኤቃና። ኡንቱንቱ ዬካናነ ካዮታና።
REV 18:16 ቃይ፥ “ሱፍያ ጌተትያ፥ ክርያን ዳደቴዳ ማዩዋ፥ ቴራ ኦቻ ማላትያ፥ ማዩዋነ ዞኦ ማዩዋ ማያደ፥ ዎርቃ አሌቁዋን፥ ቦንቾ ሹቻንነ፥ እንቁዋ ጌተትያ አልኦ ሹቻን አሌቄዳ፥ ሄ ዎልቃማ ካታማትዉ አዬሮ!
REV 18:17 ሀዋ ኬና ዎልቃማ ማጹ ኡባይ፥ እት ሳትያ ግዶን፥ ድፕ ግ ꬋይ አጌዳ” ያጌድኖ። ማርካብያ ላግያ ኡባቱ፥ ማርካብያን ብያ ኡባቱ፥ ማርካብያን ኦꬅያ ኡባቱነ አባን ኦꬅ ጎኤትያ ኡባቱ ሃክ ኤቄድኖ።
REV 18:18 ሄ ካታማታ ጉደትና ከስያ ጩዋ በኤዳ ዎደ ባረንቱ ኮሻ ꬎቁ ኦꬂደ፥ “ሀ ዎልቃማ ካታማቶ ማላትያ ካታማይ ኡባካ ባዋ” ያጌድኖ።
REV 18:19 ኡንቱንቱ ባረንቱ ሁጲያን ባና ቆሊደ፥ ዋሴድኖነ ካዮቴድኖ፤ “አባን ማርካባቱ ደእያ ኡባ፥ ባረ ማቁዋን ዱረዬዳ፥ ዎልቃማ ካታማትዉ አዬሮ! ቃይ እዝዉ ደእያባይ ኡባይ እት ሳትያ ግዶን ꬋይ አጌዳ።
REV 18:20 ሄ ካታማታ ꬋዬዳ ድራዉ፥ ሳሎ፥ ናሸታ! ጌሻቶ፥ የሱስ ኪቴዳዋንቶ፥ ናባቶ፥ ናሸትተ! አያዉ ጎፐ፥ እዛ ህንተንታ ኦꬄዳዋ ድራዉ፥ ጾሳይ እዞ ፕርዴዳ” ያጌዳ።
REV 18:21 ሄዋፐ ጉይያን፥ ዎልቃማ ኪታንቻይ፥ ዎጻ ማላትያ ዎልቃማ ሹቻ፥ ደንꬅ አባን ኦሊደ ሀዋዳን ያጌዳ፤ “ዎልቃማ ካታማታ፥ ባብሎና፥ ሱግና ሀዋዳን ኩንዳና፤ እዛ ሀቼፐ ስንꬃዉ፥ ኡባካ ቤቱኩ።
REV 18:22 ዲꬃ ዲጽያዋንቱነ፥ ማዝሙርያ የጽያዋንቱ፥ ሱሱልያነ ማላካታ ፑንያዋንቱ፥ ኮሻይ ሀዋፐ ህን ባጋን፥ ነ ግዶን ኡባካ ስሰተና። ኩሽያ ሂላ ኤርያ ኦንነ፥ ላኤንꬆ ኡባካ ደኤና። ዎጻ ኮሻይካ ሀዋፐ ስንꬃዉ ነ ግዶን ስሰተና።
REV 18:23 ጾምፕያ ፖኡካ ላኤንꬁዋ ነ ግዶን ፖኤና። አክያዋ ኮሻይነ ገለዉን ኮሻይ፥ ስንꬃዉ ነ ግዶን ስሰተና። ነ ዛልአንቻቱ ሳኣ ኡባን፥ ኤረቴዳ ዎልቃማቱዋ። ነ ብትያዋን አሳ ዛርያ ኡባይ ጭመቴዳ።
REV 18:24 ናባቱዋ ሱꬃይ፥ ጌሻቱዋ ሱꬃይነ፥ ሳኣን ሀይቄዳ ኡባቱዋ ሱꬃይ፥ እዝን ቤቴዳ ድራዉ፥ ባብሎና፥ ሙረታዱ” ያጌዳ።
REV 19:1 ሄዋፐ ጉይያን፥ ሳሉዋን ጮራ አሳ ኮሻዳን ኮሹምያ ዎልቃማ ኮሻይ ሀዋዳን ያግያዋ ታን ስሳድ፤ “ጾሳ ጋላታይ ጋኮ። አቶተꬃይ፥ ቦንቹነ ዎልቃይ፥ ኑ ጾሳሳ።
REV 19:2 አ ፕርዳይ ቱሙዋነ ጽሉዋ። ጫራታደ ሳኣ ቱንሴዳ፥ ዎልቃማ ጫራቶ ጾሳይ ፕርዴዳ፤ ጾሳ ኦሳንቻቱዋ እዛ ዎꬌዳ ድራዉ፥ ጾሳይ እዞ ሙሬዳ” ያጌዳ።
REV 19:3 አሳይ ላኤንꬁዋ ባረ ኮሻ ꬎቁ ኦꬂደ፥ “ጾሳ ጋላታይ ጋኮ። ሄ ካታማታ መꬍ መꬍናዉ ጩዋታና” ያጌድኖ።
REV 19:4 ላታማነ ኦይዱ ጭማቱነ ሸምፑዋና ደእያ ኦይዱ መታቱ ካዉተꬃ ኦይድያን ኡቴዳ ጾሳዉ ጉፋኒደ፥ “አመንእ። ጾሳ ጋላታይ ጋኮ” ያጊደ ጎይኔድኖ።
REV 19:5 ሄዋፐ ጉይያን፥ “ጾሳ አይላቱ ኡባይ፥ ጾሳዉ ያይያ ጉꬃይ፥ ዳሩ ኡባይ ኑ ጾሳ ጋላትተ” ያግያ ኮሻይ ካዉተꬃ ኦይድያፐ ከሴዳ።
REV 19:6 ሄዋፐ ጉይያን፥ ጮራ አሳዳን ኮሹምያ፥ ዎልቃማ ሻፋዳን ጉምያ፥ ዎልቃማ ጉጉንꬃዳን ጉጉምያ ኮሻ ታን ስሳድ። ሄ ኮሻይ፥ “ጾሳ ጋላታይ ጋኮ። አያዉ ጎፐ፥ ኑ ጎዳይ፥ ኡባፐ ዎልቃማ ጾሳይ ካዉቴዳ።
REV 19:7 ዶርሳ ቡላቻ ጋላሳይ ጋኬዳ ድራዉነ፥ ገለዉናካ ቡላቻዉ ባረና ጊግሴዳ ድራዉ፥ ኑን ፓሽኮይተነ ናሸቶይተ፤ ቃይ ዶርሳ ቦንቾይተ።
REV 19:8 ገለዉንዉ ማያናዉ፥ ሱፍያ ጌተትያ ክርያን ዳደቴዳ፥ ጶልያ ቦꬃ ማዩ እመቴዳ። ሱፍያ ጌተትያ ክርያን ዳደቴዳ ማዩ፥ ጌሻቱዋ ጽሎ ኦሱዋ” ያግያዋ፥ ታን ስሳድ።
REV 19:9 ሄዋፐ ጉይያን፥ ኪታንቻይ ታና፥ “ ‘ዶርሳ ቡላቻዉ ጼሰቴዳዋንቱ አንጀቴዳዋንታ’ ያጋደ ጻፋ” ያጌዳ። ሄ ኪታንቻይ ቃይካ ታና፥ “ሀዌ ጾሳ ቱሙ ቃላ” ያጌዳ።
REV 19:10 ሄዋፐ ጉየ ታን አዉ ጎይናናዉ አ ገድያን ኩንዳድ። ሽን እ ታና፥ “ሄዋ ኦꬆፓ። ታን ነ ማላነ የሱስ ኡንቱንቶ ቆንጭሴዳ ቱማተꬃ ኦይቄዳ ነ እሻቱዋ ኡባ ማላ አይልያ። ጾሳዉ ጎይና። አያዉ ጎፐ፥ የሱስ ቆንጭሴዳ ቱማተꬃይ ትምቢትያ ኦድያዎ ደንꬅያዋ” ያጌዳ።
REV 19:11 ያትና፥ ሳሉ ዶየቴዳዋ ታን በኣድ። ሄዋን ቦꬃ ፓራይ ደኤ፤ ሄ ፓራ ቶጌዳዌ አማነትያዋነ ቱማንቻ ጊደ ጼሰቴ። ቶጌዳዌ ጽሎተꬃን ፕርዴነ ባረ ኦላካ ኦለቴ።
REV 19:12 አ አይፊ ታማ ላጩዋ ማላቴ፤ ቃይ እ ባረ ሁጲያን ዳሮ ካላቻ ዎꬄዳ። አ ቦላ ጻፈት ኡቴዳ ሱንꬃይ ደኤ፤ ሽን ሄ ሱንꬃይ አየንቶነ አፐ አትን፥ ኦንነ ኤረና።
REV 19:13 እ ማዬዳ ማዩ ሱꬃን ናቂ ከሴዳዋ። አ ሱንꬃይካ ጾሳ ቃላ።
REV 19:14 ሳሉዋ ዎታዳራቱ ቦꬃ ጌሻ ሱፍያ ጌተትያ ክርያን ዳደቴዳ ማዩዋ ማዪደ፥ ቦꬃ ፓራቱዋ ቶጊደ፥ አ ጌዱዋ ካሊኖ።
REV 19:15 አሳ ዘረꬃ እ ꬋይስያ ኩሳ ማሻይ አ ዶናፐ ከሴ። ብራታ ጻምኣን አሳ እ ሞዳና። ኡባፐ ዎልቃማ ጾሳይ ባረ ሀንቁዋ ዎይንያ ኤሳይ ጉምኤትያሳን፥ ጉምኢደ በሳና።
REV 19:16 አ ማዩዋ ቦላነ አ ዎድርያ ቦላ፥ “ካታቱዋ ካትያነ ጎዳቱዋ ጎዳ” ያግያ ሱንꬃይ ጻፈት ኡቴዳ።
REV 19:17 ሄዋፐ ጉይያን፥ ታን እት ኪታንቻይ አዋን ኤቄዳዋ በኣድ። ሄ ኪታንቻይ ሳሉዋን ꬎቂደ ፓልያ ካፉዋ ኡባቶ ባረ ኮሻ ꬎቁ ኦꬂደ፥ “ሃ ዪተ። ጾሳ ካዎ እትሳ ሺቅተ።
REV 19:18 ዪደ ካታቱዋ አሹዋ፥ ሻላቃቱዋ አሹዋካ ዎታዳራቱዋ አሹዋ ሚተ፤ ፓራቱዋ አሹዋካ ፓራቱዋ ቶጌዳዋንቱ አሹዋካ ሚተ፤ ቃይ አሳ ኡባ አሹዋ አይልያዋነ ዎማኑዋ፥ ꬎቃዋነ ሆካዋ ሚተ” ያጌዳ።
REV 19:19 ፓራ ቶጌዳዋናነ አ ዎታዳራቱዋና ኦለታናዉ፥ ዶአይነ ሳኣ ካታቱ ቃይ ኡንቱንቱ ዎታዳራቱ እት ሳኣ ሺቅ ኡቴዳዋንታ ታን በኣድ።
REV 19:20 ሄ ዶአይ አ ስንꬃን ማላታ ኦꬄዳ ዎርዶ ናብያና እትፐ ኦይቀቴዳ። ዶኣ ማላይ ደእያዋንታነ ዶኣ ምስለዉ ጎይኔዳዋንታ እ ባለꬄዳዌ ሄ ኦꬅያ ማላታቱዋና። ዶአይነ ዎርዱዋ ትምቢትያ ኦድያዌ ላአቱካ ዲንያን ኤጽያ ታማ አባን ፓጻ የገቴድኖ።
REV 19:21 ኡንቱንቱ ዎታዳራቱ ፓራ ቶጌዳዋ ዶናፐ ከስያ ማሻን ሀይቄድኖ። ካፋቱ ኡባቱ ኡንቱንቱ አሹዋፐ ባረንቶ ዳንዳዬዳዋ ኬና ሜድኖ።
REV 20:1 ጪሞ ኦላ ቁልፕያነ ዎልቃማ ሳንꬃላታ ባረ ኩሽያን ኦይቄዳ እት ኪታንቻይ ሳሉዋፐ ይያዋ ታን በኣድ።
REV 20:2 ኪታንቻይ ዳዊያ፥ ሄ በን ሾሻ፥ ጻላህያ ካፑዋ ዎይ ሴጻና ግያዋ ኦይቄዳ፤ ያቲደ ሻአ ላይꬃዉ ቃቼዳ።
REV 20:3 ኪታንቻይ ጪሞ ኦላን አ የጊደ፥ ሻአ ላይꬃይ ዉራናዉ፥ አሳ ዘረꬃ ላኤንꬁዋ ባለተና ማላ፥ ሄ ጪሞ ኦላ ቁልፕ ጎርዲደ አታሜዳ። ሄዋፐ ጉይያን፥ ዳዊ አማሬዳ ዎድያ ብለታናዉ በሴ።
REV 20:4 ሄዋፐ ጉይያን፥ ታን አራታቱዋነ ኡንቱንቱን ኡቴዳዋንታ በኣድ፤ ኡንቱንቶ ፕርድያ ማታይ እመቴዳ። የሱስ ቆንጭሴዳ ቱሙዋነ ጾሳ ቃላ አዋዬዳ ድራዉ፥ ባረንቱ ቆꬍያ ቃንጸቴዳ አሳ ሸምፑዋካ ታን በኣድ። ኡንቱንቱ ዶአዉ ዎይ ዶኣ ምስለዉ ጎይንበይክኖ። ኡንቱንቱ ዶኣ ማላ ባረንቱ ዴሙዋን ዎይ ባረንቱ ኩሽያን ዎꬅቤይክኖ። ኡንቱንቱ ሀይቁዋፐ ደንዲደ፥ ክርስቶሳና እትፐ ካተቱዋዳን ሻአ ላይꬃዉ ሞዴድኖ።
REV 20:5 ሀይቄዳዋንቱፐ ጮራቱ ሻአ ላይꬃይ ዉራና ጋካናዉ፥ ሀይቁዋፐ ደንድበይክኖ። ሄዌ ኮይሮ ደንዱዋ።
REV 20:6 ኮይሮ ደንዱዋን ደንዴዳዋንቱ አንጀቴዳዋንታነ ጾሳ አሳቱዋ። ኡንቱንቱ ቦላ ላኤንꬆ ሀይቆ ዎልቃይ ባዋ። ኡንቱንቱ ጾሳዉነ ክርስቶሳዉ ቄሳቱዋ ግዳና፤ ኡንቱንቱ አናና እትፐ ሻአ ላይꬃዉ ሞዳና።
REV 20:7 ሻአ ላይꬃይ ዉሬዳዋፐ ጉይያን፥ ሴጻናይ ቃሹዋፐ ብለታና።
REV 20:8 እ ሳኣን ኡባ ሳን ደእያ አሳ ዘረꬃ ባለꬃናዉ ከሳና፤ ሄዌ ጎጋነ ማጎጋ ጌተትያዋ። ሴጻናይ አባ ሻፍያ ኬና ዘረꬃ ኦላዉ ሺሻና።
REV 20:9 ሄ ዛራቱ ቢታ ኡባ ማዪደ ጌሻቱዋ ሄራነ ጾሳይ ሲቅያ ካታማቶ ዩይ አꬍ ኤቄድኖ። ሽን ታማይ ሳሉዋፐ ዎꬊደ፥ ኡንቱንታ ሜዳ።
REV 20:10 ዶአይነ ዎርዶ ናቢ የገቴዳ ኤጽያ ዲንያ ታማ አባን ጻላህያ ካፑ፥ አሳ ዘረꬃ ባለꬄዳዌ፥ የገቴዳ። ኡንቱንቱ ቃማነ ጋላስ መꬍ መꬍናዉ ፓጻ ካኤታና።
REV 20:11 ሄዋፐ ጉይያን፥ ታን ዎልቃማ ቦꬃ አራታነ ሄ አራታን ኡቴዳዋ በኣድ። ሳአይነ ሳሉ አ ስንꬃፐ ባቃቴድኖ፤ ላኤንꬆ ቤትበይክኖ።
REV 20:12 ሀይቄዳዋንቱ፥ ꬎቁ ግያዋንቱነ ጉꬃቱ አራታ ስንꬃን ኤቄዳዋንታ ታን በኣድ። ማጻፋቱ ዶየቴድኖ፤ ሀራ ማጻፋይ፥ ደኡዋ ማጻፋይካ ዶየቴዳ። ሀይቄዳዋንቱ ባረንቱ ኦሱዋዳን፥ ማጻፋቱዋን ጻፈት ኡቴዳዋዳንካ ፕርደቴድኖ።
REV 20:13 አባይ ባረ ግዶን ደእያ ሀይቄዳዋንታ እሜዳ፤ ሀይቁነ ስኦሊ ባረንቱ ግዶን ደእያ ሀይቄዳዋንታ እሜድኖ። ኡባይካ ባረንቱ ኦሱዋዳን ፕርደቴድኖ።
REV 20:14 ሄዋፐ ጉይያን፥ ሀዩነ ስኦሊ ታማ አባን የገቴድኖ። ሄ ታማ አባይ ላኤንꬆ ሀይቁዋ።
REV 20:15 ደኡዋ ማጻፋን ባረ ሱንꬃይ ጻፈትቤና አሳይ ኦንነ ታማ አባን የገቴዳ።
REV 21:1 ሄዋፐ ጉይያን፥ ታን ኦራꬃ ሳሉዋነ ኦራꬃ ሳኣ በኣድ። ኮይሮ ሳሉነ ኮይሮ ሳአይ ꬋዬዳ። አባይካ ꬋዬዳ።
REV 21:2 ጌሻ ካታማታ ኦራꬃ የሩሳላመ፥ ባረ አስናዉ ማያደ ጊጌዳ ገልያ ዎዶሮ ናቲዳን፥ ጊጋ ኡቴዳዉና ሳሉዋፐ ጾሳ ማታፐ ዱገ ዎዉኖ ታን በኣድ።
REV 21:3 ዎልቃማ ኮሻይ አራታፐ ሀዋዳን ያጊደ፥ ሃሳይሽን፥ ታን ስሳድ፤ “ጾሳ ጎሊ አሳና ደኤ፤ ጾሳይ አሳና እትፐ ደአና። ኡንቱንቱ አ አሳ ግዳና፤ ጾሳይ ባረ ሁጰዉ ኡንቱንቱና ደአና። እ ኡንቱንቱ ጾሳ ግዳና።
REV 21:4 ጾሳይ ኡንቱንቱ አይፍያ አፎꬃ ኡባ ቁጫና። ሀዋፐ ስንꬃናዉ ሀይቁነ ካዩ ዎይ ዋሱነ ሳኩ ባዋ። አያዉ ጎፐ፥ ኤጫባይ ꬋዬዳ” ያጌዳ።
REV 21:5 አራታን ኡቴዳዌ፥ “ታን ኡባባ ኦራጽሳይ” ያጌዳ። ቃይካ ጉጂደ ታና፥ “ታን ሃሳይያዌ አማነትያዋነ ቱማ ግድያ ድራዉ ጻፋ” ያጌዳ።
REV 21:6 ቃይካ ታና ሀዋዳን ያጌዳ፤ “ፖለቴዳ። ታን አልፋነ ኦሜጋ፤ ዶመꬃነ ፖሉዋ። ሳመቴዳ ኦናነ ታን ደኡዋ ሃꬃ ፑልቱዋፐ ጮ ኡሻና።
REV 21:7 ጾንያ ኡራይ ኦንነ ሀዋ ኡባ ላታና። ታን አዉ ጾሳ ግዳና፤ እካ ታ ናኣ ግዳና።
REV 21:8 ሽን ያይያዋንቱ፥ አማነናዋንቱ፥ ቱናቱ፥ ሸምፑዋ ዎꬍያዋንቱ፥ ዎሹምያዋንቱ፥ ብትያዋንቱ፥ ኤቃዉ ጎይንያዋንቱነ ዎርዶትያዋንቱ ኡባይ ደእያ ሳአይ ታማይነ ኤጽያ ዲኒ ኤጽያ አባ ግዳናዋ። ሄዌ ላኤንꬆ ሀይቁዋ” ያጌዳ።
REV 21:9 ላፑ ዉርሰꬃ ቦሻቱ ኩሜዳ ላፑ ከረቱዋ ኦይቄዳ ላፑ ኪታንቻቱዋፐ እቱ ታኮ ዪደ ታና፥ “ሃያ። ታን ኔና ገለዉኖ ዶርሳ ማቻቶ በሳና” ያጌዳ።
REV 21:10 ኪታንቻይ ታና ዳሮ ꬎቃ ደርያ ሁጲያ አያናን ከሲደ ጌሻ ካታማታ፥ የሩሳላማ ሳሉዋፐ ጾሳ ማታፐ ዱገ ዎዉኖ ታና በሴዳ።
REV 21:11 ሄ ካታማታ ጾሳ ቦንቹዋን ፖአዉ። ሄ ካታማት ፖኡ ያስጲድያ ጌተትያ አልኦ ሹቻ ማላ፤ ብርሊያዳን ጶላዉ።
REV 21:12 ሄ ካታማትዉ ታማነ ላኡ ፐንገቱነ ሄ ፐንገቱዋን ታማነ ላኡ ኪታንቻቱ ናግያ ዎልቃማ አዱሳ ድርሳይ ደኤ። ፐንገቱዋን ታማነ ላኡ እስራኤልያ ዛራቱዋ ሱንꬃይ ጻፈት ኡቴዳ።
REV 21:13 አዋይ ዶልያ ባጋና ሄዙ ፐንገቱ ደኢኖ። ቃይ ህርክ ባጋና ሄዙ ፐንገቱነ ሁጲሳ ባጋና ሄዙ ፐንገቱ ደኢኖ። አዋይ ዉልያ ባጋናካ ሄዙ ፐንገቱ ደኢኖ።
REV 21:14 ካታማት ድርሳይ ዶርሳይ ኪቴዳ ታማነ ላአቱዋ ሱንꬃይ ጻፈቴዳ ታማነ ላኡ ሹቻቱዋ ቦላ ግምበቴዳ።
REV 21:15 ታናና ሃሳዬዳ ኪታንቻዉ ካታማቶ፥ እዝ ፐንገቱዋነ እዝ ድርሳ ልክያ ዎርቃ ጋትማይ ደኤ።
REV 21:16 ካታማትዉ ኦይዱ ጋጻይ ደኤ፤ ካታማት ጌሳይነ ጎምፓይ እት ማላ። ኪታንቻይ ካታማቶ ባረ ጋትማን ልኬዳ። ካታማታ ላኡ ሻአነ ላኡ ጼቱ ኪሎ ሚትርያ ግዳዱ፤ ካታማት ጌሳይ፥ ጎምፓይነ ꬎቃተꬃይ እት ማላ።
REV 21:17 ኪታንቻይ ቃይ ድርሳካ ልኬዳ። አሳ ኩሽያን እት ጼታነ ኦይታማነ ኦይዱ ዋꬋ ግዴዳ። ሄዌ ኦንነ ልክያ ኦግያን ኪታንቻይ ልክናዳ።
REV 21:18 ካታማት ድርሳይ ያስጲድያ ጌተትያ ሹቻን ድረቴዳ። ካታማታ ብርሊያዳን ጶልያ ጌሻ ዎርቃን መታዱ።
REV 21:19 ካታማት ድርሳዉ ሂጸቴዳ ሹቻይ ቦንቼቴዳ ሹቻ ኡባን አሌቀቴዳ፤ ኮይሮ ሂጸቴዳ ሹቻይ ያስጲድያ፤ ላኤንꬁ ሳምፔርያ፤ ሄዘንꬁ ከልቀዶንያ፤ ኦይደንꬁ ባሉርያ፤
REV 21:20 እቼሸንꬁ ሳርዶንክሳ፤ ኡሱፑንꬁ ሳርድዮና፤ ላፑንꬁ ክርስትሎባ፤ ሆስፑንꬁ ብራል፤ ኡዱፑንꬁ ቶጳዝዮንያ፤ ታሙንꬁ ክርስጵራሲሳ፤ ታማነ እተንꬁ ያክንትያ፤ ታማነ ላኤንꬁ አመተስጽኖስያ።
REV 21:21 ታማነ ላኡ ፐንገቱ ታማነ ላኡ እንቁዋ ጌተትያ አልኦ ሹቻ፤ እት እት ፐንጊ እት እንቁዋን ኦሰቴዳ። ካታማት ኦጊ ብርልያ ማላ ጌሻ ዎርቃ።
REV 21:22 ጎዳይ፥ ኡባፐ ዎልቃማ ጾሳይነ ዶርሳይ ካታማት ጌሻ ጎልያ ግድያ ድራዉ፥ ታን ሄ ካታማትን ጌሻ ጎልያ በአበይከ።
REV 21:23 ካታማትዉ ፖእያ አዋይ ዎይ አገናይ ኮሸና። አያዉ ጎፐ፥ ጾሳ ቦንቹ ሄ ካታማትን ፖኤ፤ ዶርሳይካ ሄ ካታማትዉ ጾምፕያ።
REV 21:24 አሳ ዘረꬃይ ካታማት ፖኡዋን ሀመታና። ሳኣ ካታቱካ ባረንቱ ቦንቹዋ ሄ ካታማትኮ አሀና።
REV 21:25 ካታማት ፐንገቱ ኡባ ጋላስካ ዶያ ደአና፤ ኡባካ ጎርደትክኖ። አያዉ ጎፐ፥ ሄዋን ቃማይ ባዋ።
REV 21:26 አሳ ዘረꬃ ግታተꬃይነ ቦንቹ ሄ ካታማትኮ ሺቃና።
REV 21:27 ሽን ቱናባይ ዎይ ካዉሻባ ኦꬅያዌ፥ ዎይ ዎርዶትያዌ ኦንነ ሄ ካታማቶ ገለና። ቃይ ዶርሳ ደኡዋ ማጻፋን ሱንꬃይ ጻፈቴዳዋንቱ ጻላላይ ሄ ካታማቶ ገላና።
REV 22:1 ሄዋፐ ጉይያን፥ ኪታንቻይ ታና ጾሳ ካዉተꬃ ኦይድያፐነ ዶርሳ ካዉተꬃ ኦይድያፐ ጎግያ ብርሊያዳን ጶልያ ደኡዋ ሃꬃ ሻፋ በሴዳ።
REV 22:2 ሄ ሻፋይ ካታማ ኦግያ ግዱዋና ዱገ ጎጌ። ሻፋፐ ሄፍንꬃ ባጋናነ ሀፍንꬃ ባጋና አገናን እት ገደነ ላይꬃን ታማነ ላኡ ገደ አይፍያ ደኡዋ ምꬃይ ደኤ። ሄ ምꬃ ቦንቹ ደእያዌ፥ ዛርያ ኡባ ሀርግያፐ ፓꬃናሳ።
REV 22:3 ሄ ካታማን ጾሳ ሸቃይ አይነ ባዋ። ጾሳ ካዉተꬃ ኦይዲነ ዶርሳ ካዉተꬃ ኦይዲ ሄ ካታማን ደአና። ጾሳ ኦሳንቻቱ ጾሳዉ ጎይናና።
REV 22:4 ኡንቱንቱ አ ዴሙዋ በአና፤ አ ሱንꬃይ ኡንቱንቱ ዴሙዋን ጻፈታና።
REV 22:5 ሄዋፐ ስንꬃዉ ሀራ ቃማይ ባዋ። ኡንቱንቶ ጾምፕያ ዎይ አዋ ፖኡዋ ኮሸና፤ አያዉ ጎፐ፥ ጎዳይ ጾሳይ ኡንቱንቶ ጾምፕያ ግዳናዋ። ኡንቱንቱ መꬍ መꬍናዉ ካተታና።
REV 22:6 ሄዋፐ ጉይያን፥ ኪታንቻይ ታና ሀዋዳን ያጌዳ፤ “ሀ ታን ሃሳይያዌ ቱሙዋነ አማነትያዋ። ናባቶ ባረ ጌሻ አያና እምያ ጎዳይ ጾሳይ፥ ማታን ሀናናዉ በስያዋ ባረ ኦሳንቻቱዋ በሳናዉ ባረ ኪታንቻ ኪቴዳ” ያጌዳ።
REV 22:7 የሱስ፥ “በአ! ታን ኤለካ ያና። ሀ ማጻፋን ደእያ ትምቢትያ ናግያዋንቱ አንጀቴዳዋንታ” ያጌዳ።
REV 22:8 ታን ዮሃንስ፥ ሀ ኡባባ ስሳድነ በኣድ። ታን ሀዋ ስሴዳ ዎደነ በኤዳ ዎደ፥ ሄዋ ታና በሴዳ ኪታንቻዉ ጎይናናዉ፥ አ ገድያን ኩንዳድ።
REV 22:9 ሽን ኪታንቻይ ታና፥ “ሄዋ ኦꬆፓ። ታን ኔናዳንነ ናበ ግዴዳ ነ እሻቱዋዳን፥ ቃይ ማጻፋን ደእያባዉ አዛዘትያ ኡባቱዋዳን አይልያ። ጾሳዉ ጎይና” ያጌዳ።
REV 22:10 ሄዋፐ ጉይያን፥ ኪታንቻይ ታና፥ “ሀናና ጌዳ ሀ ማጻፋ ቃላ ማታፋን ጎርዶፓ። አያዉ ጎፐ፥ ሀ ኡባባይ ፖለትያ ዎዲ ማታቴዳ።
REV 22:11 ኢታባ ኦꬅያዌ ጉጂደካ ኢታባ ኦꬆ፤ ቱናይ ጉጂደካ ቱኖ። ሎኦባ ኦꬅያዌ ጉጂደካ ሎኦባ ኦꬆ፤ ጌሻይነ ጉጂደካ ጌሻ ግዶ” ያጌዳ።
REV 22:12 የሱስ፥ “በአ! ታን ኤለካ ያና። አሳ ኡባዉ አ ኦሱዋዳን እማናዉ፥ ታ ዎይታ አካ ያና።
REV 22:13 ታን አልፋነ ኦሜጋ፤ ኮይሩዋነ ዉርሰꬃ፤ ዶመꬃነ ፖሉዋ” ያጌዳ።
REV 22:14 ባረንቱ ማዩዋ ጌሽ ሜጭያዋንቱ አንጀቴዳዋንታ። ደኡዋ ምꬃ አይፍያ ማናዉነ ካታማ ፐንግያና ገላናዉ ኡንቱንቶ ማታይ እመቴዳ።
REV 22:15 ሽን ካናቱ፥ ብትያዋንቱ፥ ዎሹምያዋንቱ፥ ሸምፑዋ ዎꬍያዋንቱ፥ ኤቃዉ ጎይንያዋንቱነ ባረንቱ ሃሳያንነ ባረንቱ ኪታን ዎርዶትያዋንቱ ካረና ደኢኖ።
REV 22:16 “ታን የሱስ፥ ሀ የዉዋ ህንተንቶ ዎሳ ጎለቱዋን ማርካታና ማላ፥ ታ ኪታንቻ ኪታድ። ታን ዳዊታ ጎልያ የለታ። ታን ፖእስያ ዎንታ ባካልያ” ያጌዳ።
REV 22:17 ጌሻ አያናይነ ገለዉና፥ “ሃያ” ያጊኖ። ቃይ ሀዋ ስስያዌ ኦንነ፥ “ሃያ” ያጎ። ሳመቴዳ አሳይ ኦንነ ሃ ዮ። ደኡዋ ሃꬃ ኮይያ አሳይ ኦንነ ጮ አኮ።
REV 22:18 ታን ሀ ማጻፋን ጻፈቴዳ ሀናና ጌዳ ቃላ ስስያ ኦናነ ዞራይ። ኦንነ ሀ ቃላ ቦላ እትባ ጉጆፐ፥ ጾሳይ ሀ ማጻፋን ጻፈቴዳ ቦሻ አ ቦላ ጉጃና።
REV 22:19 ኦንነ ማጻፋን ደእያ ትምቢትያ ቃላፐ አያነ ፓጭሶፐ፥ ሀ ማጻፋ ግዶን ቆንጭሴዳ ደኡዋ ምꬃ አይፍያፐነ ጌሻ ካታማፐ አ ጋክያ ግሹዋ ጾሳይ ፓጭሳና።
REV 22:20 ሀ ኡባባዉ ማርካትያዌ፥ “ቱማ! ታን ኤለካ ያና” ያጌ። አመንእ። ጎዳ የሱሳ፥ ኔን ሃያ።
REV 22:21 ጎዳ የሱስ ክርስቶሳ አꬎ ኬካተꬃይ ህንተናና ኡባና ግዶ። አመንእ።
