﻿ኢስያሳ.
4.
ሄ ጋላስ ላፑን ማጫ አሳቱ እት አቱማዋ ኦይቂደ፥ “ኑን ኑ ቁማ ማና፤ ኑ ማዩዋ ማያና፤ ነ ሱንꬃን ጼሰታና ማላ ኦꬃደ ኑ ካዉሻ ኑፐ ቃራርኪ” ያጊደ ዎሳና። 
ሄ ጋላስ መꬍና ጎዳ ምꬃ ታሺ ሎአናነ ቦንቼታና፤ እስራኤልያ አሳፐ አቴዳዋንቶ ሄ ጋድያ ካꬃይ ጬቆነ ቦንቹዋ ግዳናዋ። 
ጽዮነን አትያዋንቱ፥ የሩሳላመን ጋምእያዋንቱ፥ የሩሳላመን ፓጻ ደእያዋንቱና ጻፈትያዋንቱ፥ “ኡንቱንቱ ጌሻቱዋ” ጌተታና። 
ጎዳይ ጽዮነ ማጫ አሳቱዋ ቅታ ሜጫና፤ ፕርዳ አያናንነ ጹግያ አያናን ሱꬃ ጉስያ ባይዙዋ የሩሳላመፐ እ ጌሻና። 
መꬍና ጎዳይ ጽዮነ ደርያ ኡባ ቦላነ ያን ሺቅያዋንቱ ቦላ ጋላስ ሻርያነ ጩዋ፥ ቃማ ኤጽያ ታማ ፖኡዋ መꬋና፤ ቦንቹ ኡባ ቦላ ካምያዋ ግዳናዋ። 
እ ጋላሳ አዋ ሱሉዋፐ አሽያ ኩዋነ ጎትያፐነ እራፐ ባቃት አትያሳ ግዳናዋ። 
