﻿ማዝሙርያ.
99.
መꬍና ጎዳይ ካዉቴዳ! ሄዎ አሳቱ ኮኮርኖ። ክሩበቱዋፐ ግዱዋን ካዉተꬃ አራታ ቦላ ኡቴዳ፤ ሄዎ ቢታይ ቃጾ፤ 
መꬍና ጎዳይ ጽዮነን ዎልቃማ፤ ካዉተꬃ ኡባፐ እ ꬎቁ ꬎቁ ጌዳ። 
ዳሮፐ ያሽያ አ ዎልቃማ ሱንꬃ፥ ኡንቱንቱ ኡባይ ጋላትኖ። እ ጌሻ! 
ኔን፥ ዎልቃማ ካቲ፥ ልከ ፕርዳ ዶሳሳ። ኔን ያቆባ አሳዉ ሱረተꬃ ምንሳዳ። ጽሎተꬃነ ልከ ፕርዳ ኤሳዳ። 
መꬍና ጎዳ ኑ ጾሳ ꬎቁ ꬎቁ ኦꬅተ፤ አ ገዲ የꬍያሳን ጉፋኒደ አዉ ጎይንተ። እ ጌሻ! 
ሙሴነ አሮነ አ ቀሰቱዋ ግዱዋፐ ላአቱዋ፤ ሳሜልካ አ ሱንꬃን ዎሴዳዋንቱፐ እቱዋ። ኡንቱንቱ መꬍና ጎዳዉ ዋሴድኖ፤ እካ ኡንቱንቶ አሌዳ። 
እ ሻርያ ቱሳ ግዱዋና ኡንቱንቶ ሃሳዬዳ፤ ኡንቱንቱ እ እሜዳ ህግያነ ዎጋ ናጌድኖ። 
አቤት መꬍና ጎዳዉ፥ ኑ ጾሳዉ፥ ኔን ኡንቱንቱ ዎሳ ስሳዳ። ኔን ኡንቱንቱ ኢታተꬃ ድራዉ ሙሬዳዋ ግዶፐካ፥ ኡንቱንቶ አቶ ጌዳ ጾሳ። 
መꬍና ጎዳ ኑ ጾሳ፥ ꬎቁ ꬎቁ ኦꬅተ፤ አ ጌሻ ደርያ ቦላን አዉ ጎይንተ፤ አያዉ ጎፐ፥ መꬍና ጎዳይ ኑ ጾሳይ ጌሻ! 
