﻿ማዝሙርያ.
96.
መꬍና ጎዳዉ ኦራꬃ የꬃ የጽተ፤ ሳኣን ደእያ አሳይ፥ ኡባይ መꬍና ጎዳዉ የጽተ። 
መꬍና ጎዳዉ የጽተ፤ አ ሱንꬃ ሳቢተ፤ እ አሽያ ምሽራቹዋ ጋላሳን ጋላሳን ኦድተ። 
ካዉተꬃ ግዶን አ ቦንቹዋ፥ አሳ ኡባ ግዶን አ ማላልስያ ኦሱዋባ አዋይተ። 
አያዉ ጎፐ፥ መꬍና ጎዳይ ዎልቃማ፤ ግታ ጋላታይ አዉ በሴ። ጾሳቱዋ ኡባፐ አꬊደ እ ያየታናዉ በሴ። 
ሀራ አሳ ጾሳቱ ኡባይ ኤቃቱዋ፤ ሽን መꬍና ጎዳይ ሳሎቱዋ መꬌዳ ጾሳ። 
ቦንቹነ አንጋይ አ ዩሹዋን ደኤ፤ ምኖተꬃይነ ፑላይ አ ጌሻ ጎልያን ደኤ። 
ህንተኖ፥ አሳ ዛረቶ ኡባቶ፥ መꬍና ጎዳባ ኦድተ፤ “ቦንቹነ ዎልቃይ መꬍና ጎዳሳ” ጊደ ኦድተ። 
“ቦንቹ አ ሱንꬃሳ” ጊደ መꬍና ጎዳባ ኦድተ። ያርሹዋ አኪደ፥ አ ዳባባ ገልተ። 
አ ጌሻተꬃ ፑላን መꬍና ጎዳዉ ጎይንተ፤ ቢታን ደእያ አሳ ኡባዉ፥ አ ስንꬃን ኮኮርተ። 
ካዉተꬃቱዋ ግዶን፥ “መꬍና ጎዳይ ካተቴዳ! ሳአይ ምን ኤቄዳ፤ ኡባካ ቃጸና። እ አሳ ቦላ ሱረተꬃን ፕርዳና” ያግተ። 
ሳሎቱ ናሸትኖ፤ ሳአይካ ሀሹ ጎ፤ አባይነ አ ግዶን ኩሜዳዌ ጉሞ። 
ሾይቃይነ ሾይቃን ደእያ ኡባይ ናሸቶ! ዎራን ደእያ ምꬃ ኡባይካ ናሸቻን አ ስንꬃን የጻና። 
አያዉ ጎፐ፥ መꬍና ጎዳይ ዬ፤ እ ሳኣ ቦላን ፕርዳናዉ ዬ፤ እ ሀ ሳኣ ቦላ ጽሎተꬃን፥ አሳ ቦላካ ቱማተꬃን ፕርዳና። 
