﻿ማዝሙርያ.
95.
ሃይተ፤ አነ መꬍና ጎዳ ሳቦይተ። ኑና አሽያ ዛላዉ ናሸቻዉ የጾይተ። 
አ ስንꬃ ጋላታና ሺቆይተ። ጋላታ የꬃ ናሸቻን የጾይተ። 
አያዉ ጎፐ፥ መꬍና ጎዳይ ዎልቃማ ጾሳ፥ ጾሳቱዋ ኡባ ቦላ ዎልቃማ ካትያ። 
ቢታ ጪማቱ አ ኩሽያን ደኢኖ፤ ደርያ ሁጰቱካ አዋ። 
አባ ሃꬃይካ አዋ፤ ሄዋ እ መꬌዳ፤ መላ ቢታካ አ ኩሺ ኦꬄዳ። 
ሃይተ፤ ሆኪደ አነ አዉ ጎይኖይተ፤ ኑና መꬌዳ መꬍና ጎዳ ስንꬃን ጉልባቶይተ። 
አያዉ ጎፐ፥ እ ኑ ጾሳ። ኑን አ ቆሩዋን ደእያ አሳቱዋ፤ ኑን እ ሄምያ አ ዶርሳ ዉደቱዋ። ጾሳይ ህንተና ግያዋ ሀች ስስተ! 
“ካሰ ህንተ ማይዛ አዎቱ፥ ማሪባ ግያ ሳኣን ሀኔዳዋዳን፥ ሄ ጋላስ ማሳ ባዙዋን እጼዳዋዳን፥ ህንተካ ዞርያ አከናን እጾፕተ። 
ኡንቱንቱ ታ ኦሱዋ በኢደካ፥ ታና ኤቀቴድኖነ ፓጬድኖ። 
ታን ሄ የለታ ኦይታሙ ላይꬃ ሻተታድ፤ ‘ኡንቱንቱ ኡባ ዎደ ባረንቱ ዎዛናን ባሊኖ፤ ኡንቱንቱ ታ ኦግያ ኤርበይክኖ ያጋድ። 
ሄዋዳንካ ቃይ፥ ታን ሀንቀታ ጫቃደ፥ ኡንቱንቱ ታ ሸምፑዋሳ ኡባካ ገልክኖ’ ያጋድ” ያጌ። 
