﻿ማዝሙርያ.
85.
ዛማረቱዋ ካፖ የጸቴዳ፥ ቆራሀ ናናቱዋ ማዛሙርያ አቤት መꬍና ጎዳዉ፥ ኔን ነ ቢታዉ ኬካዳ፤ ያቆባ አሳ ኦሞዱዋፐ ዛራዳ። 
ኔን ነ አሳ ናቁዋ አቶ ጋዳ፤ ኡንቱንቱ ናጋራ ኡባ ካማዳ። 
ኔን ነ ሀንቁዋ ኡባ አጋዳ፤ ነ ሀንቁዋ ሱሉዋፐካ ስማዳ። 
አቤት ኑና አሽያ ጾሳዉ፥ ኑና ጉየ ዛራ። ኔን ኑዉ ሀንቀቴዳዋ አጋ። 
ኔን ኑና መꬍናዉ ሀንቀታይ? ነ ሀንቁዋ የለታ ኡባ ጋካናዉ ጋምእሳይ? 
ነ አሳይ ኔናን ናሸታና ማላ፥ ኑና ኦራꬃ። 
አቤት መꬍና ጎዳዉ፥ አገና ነ ሲቁዋ ኑና በሳ፤ ኔን ኑና አሻ። 
ታን መꬍና ጎዳይ ጾሳይ ኦድያዋ ስሳና። ኑን ኑ ቦዛ ኦግያ ጉየ ባና ꬋዮፐ፥ እ ኑዉ፥ ባረ አሳዉ፥ “ሳሮተꬃ እማና” ጊደ ኦዴ። 
ቱሙካ ጾሳዉ ያይያዋንታ አሻናዉ እ ማታን ደኤ፤ ሄዌነ፥ አ ቦንቹ ኑ ቢታን ደአናሳ። 
አገና ሲቁነ ቱማተꬃይ እትፐ ጋከታና። ጽሎተꬃይነ ሳሮተꬃይ፥ እትፐ የረታና። 
ቱማተꬃይ ሳኣፐ ፑደ ከሳና፤ ጾሳ ጽሎተꬃይ ሳሉዋፐ ዱገ ጼላና። 
ኤ፥ መꬍና ጎዳይ ኬካባ እማና፤ ኑ ቢታይካ ሎኦ ካꬃ ሞካና። 
ጽሎተꬃይ ጾሳፐ ስንꬃና ሄመታና፤ አዉ ኦግያ ጊግሳና። 
