﻿ማዝሙርያ.
24.
ዳዊታ ማዛሙርያ ሳአይነ ሳኣን ኩሜዳዌ ኡባይ መꬍና ጎዳዋ፤ ቢታይነ ቢታን ደእያባይ ኡባይ አዋ። 
አያዉ ጎፐ፥ ሳኣ ዎልቃማ አባ ቦላን እ ሂጼዳ፤ ጪሞ ሃꬃ ቦላን ምንሲደ ኤሴ። 
መꬍና ጎዳ ደርያ ግአናዌ ኦኔ? አ ጌሻ ሳኣን ኤቃናዌ ኦኔ? 
አ ኩሺ ናጋራፐ ጌዬዳዋ፥ አ ዎዛናይ ጌሻ ግዴዳዋ፥ ኤቃዉ ጎይነናዋ፥ ዎርዱዋን ጫቀናዋ። 
እ መꬍና ጎዳፐ አንጁዋ አካና፤ አሽያ ጾሳፐ እ ጽሎተꬃ ፕርድዳ አካና። 
ጾሳኮ ጼልያ አሳይነ ያቆባ ጾሳ ስንꬃ ኮይያ አሳይ ሀዋንቱ ማላ። 
ፐንገቱ ዶየትተ! ቦንቾ ካቲ ገላና ማላ፤ በን ፐንጋቱ አ ናሸቻን ሞክተ! 
ሄ ቦንቾ ካቲ ኦኔ? ምኑነ ዎልቃማይ መꬍና ጎዳቴ! ኦላዉካ እ ዎልቃማ መꬍና ጎዳቴ! 
ፐንገቱ ዶየትተ! ቦንቾ ካቲ ገላና ማላ፤ በን ፐንጋቱ አ ናሸቻን ሞክተ! 
ሀ ቦንቾ ካቲ ኦኔ? ሀ ቦንቾ ካቲ ሳሉዋ መተꬃቱዋ መꬍና ጎዳቴ! 
