﻿ማዝሙርያ.
6.
ዛማረቱዋ ካፖ ዲꬃቱዋን የጸቴዳ፥ ዳዊታ ማዝሙርያ አቤት መꬍና ጎዳዉ፥ ነ ሀንቁዋን ታና ሴሮፓርኪ፤ ዎይ ነ ይሉዋን ታና ሙሮፓርኪ። 
አቤት መꬍና ጎዳዉ፥ ታን ላባኔዳ ድራዉ፥ ታና ማራርኪ። አቤት መꬍና ጎዳዉ፥ ታ ዎዛናይ ማዱጾ ድራዉ፥ ታና ፓꬃ። 
ታ ሸምፓታ ዳሮፐ ኡንኤታዱ፤ ሽን ጾሳዉ፥ ታና ማዳናዉ ኔን አዉደ ጋካናዉ ጋምአይ? 
አቤት ጾሳዉ፥ ኔን ስማደ፥ ታና አሻ፤ ነ ማሮታ ዳሩዋን ታና ከሳ አካ። 
ሀይቄዳ ኡራይ ኦንነ ኔና ሀሳየና፤ ዱፉዋን ኔና ጋላትያዌ ባዋ። 
ታን ኦልያን ዳቡራድ፤ ቃማ ኡባን ታን ዬካደ፥ ታ ሂጻ እርጽሳድ፤ ታ ቦርኮꬃካ ታ አፎꬃን ሙሱꬍሳድ። 
ታ ሞርከቱዋ ኡባ ጋሱዋን ታን አፎጼዳ ድራዉ፥ ታ አይፊ ጋልጄዳ፤ ታ አይፊ ደመናን እጼዳ። 
መꬍና ጎዳይ ታን ዬክያ ዬኩዋ ስሴዳ ድራዉ፥ ህንተኖ፥ ኢታ ኦꬅያ ኡባቶ፥ ገደ ታፐ ሻከትተ። 
መꬍና ጎዳይ ታ ዋትዋቱዋ ስሴዳ፤ መꬍና ጎዳይ ታ ዎሳነ ስሴ። 
ታ ሞርከ ኡባቱ ዬላትኖነ ቱጋትኖ። ኡንቱንቱ ቆፐናን ዬላቲደ፥ ጉየ ስምኖ። 
