PRO 3:5 Bamumawa yinabba yana babba. Ngabalakalaya yana nakkebba babba ngarranamidja ngabayukawa komabba nakkeba babba koma njindjabba barra-balobala djuwarowo nganawala, nganawala kanja babawuyakka djalawa njindjabba koma djakalawa nganeya kanja.
MAR 4:35 Njelnjel kakóna, Djisas kangadjina yiberra djawirna, “Ngaberra ngana nanakawa n-karlakarrbba.”
MAR 4:36 Barrakarrowa banbarrayiya bakkanjdja, djawirna barraddjorrkka Djisas ngana kabbala. Yalawa nganawarla kabbala banadabera.
MAR 4:37 Barrabarra maloya karrabba balawurrwurr kabarlirriya. Kabba marr-ngarla kamerbina ngana kabbala. Kabbala karnibaya kirriya.
MAR 4:38 Djisas kakōya ngana kabbala bila kanabira kakóya. Djawirna barranjabela barrangadjina yana “Djabba, ngalewara kanja nganayóra? Njinjdjabba kōma ngurrmangka ngurrurenjdjeya baddjorlbba. Baddjorlbba kōmabba ngabarnibaya.”
MAR 4:39 Djisas kakkamiyana kangadjina lorr balawurrwurr karrabba kabba karlaweyana kandjina. Balawurrwurr karlaweyanaba maburlarr kanabiyana.
MAR 4:40 Djisas kangadjina yiberra djawirna “ngalewara kanja narraremaya yana balawurrwurr? Ngayabba ngakarrawanga. Kōma barrakalawa ngayabba?”
MAR 4:41 Barrangadjina njana barremala, “Njungkawara djiya yidja? Ngalewara kanja balawurrwurr karrabba marrngarla barrakalaya nakkébba?” Barrebba djanama barranarrabina karrabba barrarameyana.
MAR 16:1 Yaláwa karrangarnódjabba ka-kóna Saturday. Barrébba yibérra barra-njéwara karrangarnódjabba. Yaláwa warrwarra ya-rlabína, nganéyabba barra-njéwara ka-múyuwana. Yaláwa barra-náwarla barra-ngarrámiba barra-béna barra-mánga burbum barra-bbánjdjanga ngana Djísas nga-rnamíddja, yaláwa barrébba ba-nmarabúya nakébba nga-nakkúrrangarnawa. Yaláwa barra-néyabba Mary, Magdalena karrabba Salome karrabba Mary nja-barrábarrabba yana James.
MAR 16:2 Djisas kayawela Friday. Sunday/Sande wekkana ngana warrwarra yakameyana barrangarrameba barrabena ngana nawalakirribba. Mardba barrabanjdjanga benjdjena Djisas. Barrangarrameba Mary Magdalene Salome Mary njabbarrarrabba James.
MAR 16:3 Angumarrajbung aminy wamung lawamin “Marrungunaj banimarripi ba rawarrgama wadiyad ba adbanulan wuka aldarr? Baraga ijalkud rawarragama ngarrung”. Wanad ldbarran ba warragamumu ijdbuguny yurrngud bayung marrungunaj inmalda rimarijbung ba rawarragama wadiyad.
MAR 16:5 Ijbulang arj wuka aldarr, bayung warrgbi baning wuka nulinuli jinying bidbarrandung ba buldirrgi. Wanad awurdbalangan.
MAR 16:6 Janad abin, “Inang gudburdbin. Nuwurri gurrujalmang Jesus jumung gigalk, warrgbi budan Nazareth ba buwung budban wuka aldirr. God remadyigbung. Janad galu bani gani. Gudnuga. Gani budban ba janad gigalk, gayirrk galu bani gani”.
MAR 16:7 Karrabba nakébba ka-ngadjína yibérra, “Barra-wákka ngana nakébba yana barra-bórrmanga kanja nangúddjaya yibérra: “Núrrabba ngana neyawákka Kalili wíbba. Djísas nakébba keyárra yiwúyakka yinúrra, karrabba kanja núrrabba neya-wákka nganéyabba núrrabba yalawa neyá-kkana nakébba. Núrrabba narra-lawaya, nakébba ka-ngadjína yinúrra ngana wurdeyak. Núrrabba neya-ngóddja djeya ngúddja yana Peter karrabba barranáwarrakala barra-bórrmanga.”
MAR 16:8 Kanja barra-ngarrámiba koma ngaléwara beya-lawáyana. Barrebba barra-warayémanga barrébba barra-raméra nganjdjarlarrabéya. Barrebba barra-rlarrabina yakanádja djadjórla yalawa barra-djórrkka-ngaya na-rlakkárla. Barra-néya barra-ngarrámiba kanja barra-warayémanga barra-ngadjína yibérra barranáwarrakala. Barrébba yalawa barra-djórrkka-ngaya na-rlakkála.
MAR 16:9 Karrakarnódjabba kakona Sunday karrakarnódjabba, yena barranéyaba barrangarrámiba barrabéna ngana djadjórla, Djisas kabalákkana djínjawa bakkánjdja. Nakkebba kalamayina yibérra Mary Magdelene barranana nakkebba nkékkakabbayiwuyakka. Náwarla nganéyabba yalawa djíya Djisas kaddjórrka karlarrabína 7 barrabókka barrabarrómaya kadjórrkka karlarrabína yángaya.
MAR 16:10 Nganéyabba Mary kanana Djisas, ngayábba yibéna ngana nakébba yana barrabórramanga, kanja bárrarlakarra barrandabirlínjiniba nakébba. Nganéyabba yakkamíyana yíbena nganéyabba, barrébba mangúya barriyawéla barrúkana yalawa barranjínjdjanga.
MAR 16:11 Mary yangadjína yibérra, ''Djisas djínjawa kakóna. Ngáyabba yalawa nganana nakébba.'' Njana koma balawáyana ngayábba bamúmawa yangadjínan ngayábba.
MAR 16:12 Kandaládja kábba bakkánjdja 2 nakébba Djisas birriborrmanga birrikébba birrirow birribéna ngana Djerusalem ngana nganáwarrakala wiba nárrurra káddakadja. Djisas kawolobéna yibérra kalamayína yibérra yalawa barranána nakébba.
MAR 16:13 Naka yalawa barrébba barriyanéla kanja bamúmawa nakébba. Barrébba yalawa...
LUK 2:6 Ngana Bédiliyem Joseph (Djodjib) karrabba Mary (Meri) barriyanélanja wíba yárra-yarra njána kóma karnmáwa babardarra-bínanja. Kóma njána barrabénanja barrakóyanja ngána wíba karanjdjína bulíkkang, djárrang, djib, nanígud, ngána yalába barrabalíba. Nganéyabba yaláwa, barréyabba kakóna kabéna yángaya Meri karaméra karókkadja. Ngáyabba yaláwa nganéyabba karaméra karókkadja njabarrábbarraba keyakabéra marnbúrr-ba nayéna, karrabba kayéngka barranáwarrakala barra-barrábarraba bánd-birrikobo. Marnbúrrba nayéna kayóra ngána bulíkkang, djarrang, djib yalába barrabáliba.
LUK 2:8 Kóma karrakárriba keyanarína kánja wékkana kakóna barrakarrówa yídja barraranjdjína narrúrriba ngána makúkkiba. Banbirrinána barrúkkana yibérra sheep (djib).
LUK 2:9 Yálawa balbalana Babba kalamíwara nakkébba barraranjdjína badjórlbba nganéyabba nakkébba karárramanga karanjdjina marbarda karawera nakkébba Bábba Kod kanáyana barranayana barraranjdjina kandabilinjdjíyina yiberra barréba. Yaláwa barréba barrarawayémanga.
LUK 2:10 Njana bálbalana yana kangadjína yibérra, “Kóma nurrawarayémaya. Ngáyabba ngá-rama bamúmawa rdórdbalk ngúdja yínurra. Kárrabba rdórdbalk ngúdja yibbérra barra-nawarla wíba barranora.
LUK 2:11 Yéna njadjákka ngarráma karaméra karókkaddja ngana-yórlorr ngána Bédiliyem, nganéyabba wíba ngána David (Daybid) keyarrárl-manga. Néyarra núrrabba neyúkkana nakkéba. Njabbarrábarraba keyakabéra marnbúrrba nayéna kayóra ngána bulíkkang, djarrang, djib yalába barra-báliba. Yaláwa nakálawa djíya ngúddja bamúmawa. Karókaddja yaláwa kaworlabéna núrrabba yinúrra nandama-yámaya yána ngandákana ngandaríma yána nárralakarra. Kánja Bábba ndjánama karaméra kawalamíwara yinúrra. Nakkébba yaláwa kakarráwanga kawarlobéna yingúrra waláya-karenjdjeya mándjad kangóddjbanana keyakóya bárr-barr.”
JOH 14:1 Djisas ka-ngadjina yiberra, “Koma nurra-lawaya. Ngabakalaya Babba Kod, nelakalaya ngabuyanga.
JOH 14:2 Babba yarra yarra karama djadjorla. Ngayabba nganguddjeya bamumawa. Ngayabba ngeyarra wiba ngeyngoddjba yinurra.
JOH 14:3 Yalawa ngayabba ngeybalakka nandakkama nandadjorrkka baldjorba nga-ba-yukana.
JOH 14:4 Narra-lawaya kalakorrba ngirriya.”
JOH 14:5 Djomidj (Thomas) ka-ngadjina yana Djisas, “Djapa, njirrabba njarra-nibba kanmawa dje-yarra wiba njana njurra-bba ndjarra-nibba ngana kanmawa kalakorrba nganjdjirriya.”
JOH 14:6 Djisas kangadjina yana “Ngayabba kalakorrba. Nga-yabba nga-mumawa. Ngayabba ngangudjeya yikoyanga bamumawa ngayabba nga-njiyawa. Ngayabba njandarrawudja njewa. Njungkawara ka-yarra ngana Babba. Njindjabba djabalirriya ngana ngayabba yalawa ngayabba djakadjorkka ngana nakebba. Warabbana kalakorrbba ngana Babba.”
ACT 1:8 Djisas kangadjina yiberra nganabba nbarraborramanga, “Nganjamarnkala Barromaya keybalayarra yinurra yalawa marnabba nadakawa yana rdordbalk mabbarda yalawa nurrabba nangudjaya yiberra barralarrakarra kanja ngayabba ngana Djirujalem karrabba nganawala ngana Djudia wiba karrabba Jamiria wiba kanja nurrabba neyarra ngana yiberra barralakarra nganeyakanja wiba karendjeya kiyiyirra keyamuwaya kabalakora karrabba wiba barranora nurrabba bakamiba ngayabba.”
ACT 1:9 Nganeyabba Djisas kangadjina yiberra nakkebba Kod karrangababera nakkebba ngana malaya wiba. Nganabba barraborramanga barreba barranana nakkebba kakamiyana kabena malaya yalawa marnabba kawalobena keyarralolanga yiwuyakka ngana Djisas. Yalawa nganabba barraborramanga koma karrabba bakanjdja bakanjdjena. Yalawa dila badabirra kalawiyana barranana barraranjdjina marnabba keyarralolanga. Yalawa karnmawa birrilirrbina karnayedjabba barrilkarra birrimirbina nganararrama marnburrba barreyabba barraranjdjina yiberra.
ACT 1:11 Yalawa barrangadjina, “Nayarra narralkarra yakanadja kawa Kalilee ngalewara kanja nurrabba narraya narrarenjdjeya djiya narrakarrawanga ngana wiba malaya? Kod kadjorrkka Djisas malaya wiba njana nakebba keyabbalaka warabbana kayokkaya narranana kabena wiba djimandja barnomandja nakebba yalawa keyabbalaka djijabba webba ngana narranana kabena.”
ACT 1:12a Djiya nguddja kamibana ngana wiba Olib kurla malayamarnabba.
