﻿John.
14.
Djisas ka-ngadjina yiberra, “Koma nurra-lawaya. Ngabakalaya Babba Kod, nelakalaya ngabuyanga. 
Babba yarra yarra karama djadjorla. Ngayabba nganguddjeya bamumawa. Ngayabba ngeyarra wiba ngeyngoddjba yinurra. 
Yalawa ngayabba ngeybalakka nandakkama nandadjorrkka baldjorba nga-ba-yukana. 
Narra-lawaya kalakorrba ngirriya.” 
Djomidj (Thomas) ka-ngadjina yana Djisas, “Djapa, njirrabba njarra-nibba kanmawa dje-yarra wiba njana njurra-bba ndjarra-nibba ngana kanmawa kalakorrba nganjdjirriya.” 
Djisas kangadjina yana “Ngayabba kalakorrba. Nga-yabba nga-mumawa. Ngayabba ngangudjeya yikoyanga bamumawa ngayabba nga-njiyawa. Ngayabba njandarrawudja njewa. Njungkawara ka-yarra ngana Babba. Njindjabba djabalirriya ngana ngayabba yalawa ngayabba djakadjorkka ngana nakebba. Warabbana kalakorrbba ngana Babba.”
