GEN 1:1 शुरु मा परमेश्वर सोरग आरु धरती क बनायो।
GEN 1:2 धरती क बनावट नी हुती आरु सुनली पड़तली हुती, आरु उन्डा जळ क उपोर आंधारो हुतो; एने परमेश्वर क आत्मा जळ क उपोर मण्डरायतो हुतो।
GEN 1:3 ती परमेश्वर न कयो, “विजाळो होय,” ती विजाळो होय गोयो।
GEN 1:4 आरु परमेश्वर न विजाळा क देख्‍यो कि वारु छे; आरु परमेश्वर न विजाळा क आंधारा सी ओलोग कोर्‌यो।
GEN 1:5 आरु परमेश्वर न विजाळा क दाहड़ो आरु आंधारा क रात कोयो। एने सांतो हुयो आरु ओळतेन सोंदारो हुयो। ओस कोरीन पेहलो दाहड़ो होय गोयो।
GEN 1:6 ओळतेन परमेश्वर कयो, पानीन वीच एक ओसो गाळो होय कि जळ दुय वाटाम होय जाय।
GEN 1:7 ती परमेश्वर न एक गाळो कोरीन ओका नेचा क जळ आरु ओका उपोर क ओलोग कोर्‌यो; आरु ओसोत होय गोयो। आरु परमेश्वर न इना गाळा क वादळो कयो। एने सान्तो हुयो ओळतेन सोंदारो हुयो। ओस कोरिन दुसरु दाहड़ु होय गोयु।
GEN 1:8 आरु परमेश्वर न हेका आकाश कोयो। एने सांतो हुयो ओळतेन भोर हुयो। एने रीते दुसरु दाहड़ु होयु।
GEN 1:9 ओळतेन परमेश्वर न कयो, “वादळा क नेचो जळ एक जागा मा एकठो होय जाय आरु सुकली जागा देखा पोड़े,” आरु ओसोत होय गोयो ( 2 पत 3:5)
GEN 1:10 आरु परमेश्वर न सुकला जागाक कोळी कोयो, एने जो जळ एकठो हुयो ओको हुयो दोरिया कोयो; आरु परमेश्वर न देख्यो कि वारु छे।
GEN 1:11 ओळतेन परमेश्वर न कयो, “धोरती सि निळ्ळो खोड़ो, एने बिजावाळा नानला झाड़ आरु फोव आपन्या झाड़ वी जेनदरा बिजा हेना मा एक एक जाती क ओनसारे रोहे कोळी पोर उगे,” आरु होसोत हुय गोयो। (1 कुरि 15:38)
GEN 1:12 ओस कोरीन कोळी सि निळ्ळो खोड़ो, आरु नानला झाड़े जिनाम आपसी जाति क ओनसारे बिज रोहे, आरु फोव आपन्या झाड़ जेन्दरा बिजा एक एक क जाति क ओनसारे हेरेमा छे उगे; आरु परमेश्वर न देख्यो कि वारु छे।
GEN 1:13 एने सांतो हुयो ओळतेन सोंदारो हुयो। ओस कोरिन तिसरो दाहड़ो होय गोयो।
GEN 1:14 ओळतेन परमेश्वर न कयो, “दाहड़ा क रात सी अलोग करने क लिय वादळा क गाळा मा विजाळो होय; आरु ये सोहलानी, आरु खोरी टेम, आरु दाहड़ा, आरु साल क कारण होय;
GEN 1:15 आरु यो विजाळ्ळो वादळा क गाळा मा कोळी पोर विजाळो आपन्यो वी कोवाये,” आरु ओसोत हुय गोयो।
GEN 1:16 ती परमेश्वर न दुय मोटला विजाळा बोनायो; हेनामा सी मोटलो विजाळो क दिसु पोर राज कोरने क लिय, आरु नानला विजाळा क रात पोर राज कोरने क लिय बोनायो; आरु तारामन्डळीक बी बोनायो।
GEN 1:17 परमेश्वर न ओको वादळा क गाळा मा ओतरान कोरिन मेक्यो की हुये कोळी पोर विजाळो आपे,
GEN 1:18 एने दिस आरु रात पोर राज कोरे आरु विजाळा क आंधारा सि ओलोग कोरे; आरु परमेश्वर न देख्यो कि वारु छे।
GEN 1:19 एने सांतो हुयो ओळतेन सोंदारो हुयो। ओस कोरीन चोथो दाहड़ो हुय गोयो।
GEN 1:20 ओळतेन परमेश्वर न कयो, “जळ जिवतला जिवो सी बेसको भोराय जाय, आरु चिल्‌ला कोळी क उपोर वादळा क गाळा मा उड़े।”
GEN 1:21 ओतरान कोरिन परमेश्वर न जाति क मोटा जळ जिवो क आरु हेनु सब जिवतला जिवो क वी बोनायो जे चालता फिरता छे जेनासी जळ बेसका भोराय गोया आरु एक एक जाति क उड़नेवाळा चिल्‌ला क वी बोनायो; आरु परमेश्वर न देख्यो कि वारु छे।
GEN 1:22 परमेश्वर न यो कोहीन ओको बोरकोत आप्यो, “फुलो फलो, आरु दरिया क जळ मा भोयार जावु, आरु चिल्‌ला कोळी पोर बेसका होय जाय।”
GEN 1:23 एने सांतो हुयो ओळतेन सोंदारो हुयो। ओस कोरीन पाचवो दाहड़ु हुय गोयो।
GEN 1:24 ओळतेन परमेश्वर न कयो, “कोळी सी एक एक जाति क जिवतला जिवे, यानी घोरुन ढुरे, आरु रेंगनेवाळा जिवे, आरु कोळी क जोंगली ढुरे, जाति जातिन क ओनसारे पोयदा होये,” आरु ओसोत होय गोयो।
GEN 1:25 ओस कोरीन परमेश्वर न कोळी क जाती जाति क जोंगली ढुरो क आरु जाति जातिन क घोर पावन्या ढुरो क, आरु जाति जातिन क कोळी पोर सब रेंगनेवाळा जिवो क बोनायो; आरु परमेश्वर न देख्यो कि वारु छे।
GEN 1:26 ओळतेन परमेश्वर न कयो “हामु मानुस क आपसा रुपो क ओनसारे आपने जोसा बोनावजे; आरु हुये दोरिया क माछा, आरु वादळा क चिल्‌ला आरु घोरपावन्या ढुरो, आरु आखी कोळी पोर, आरु सब रेंगनेवाळा जिवो पोर जो कोळी पोर रेंगे छे, हुकुम राखे।”
GEN 1:27 ती परमेश्वर न मानुसक आपसा रुपो क ओनसारे बोनायो, आपसात रुपो क ओनसारे परमेश्वर न ओको पोरदा कोर्‌यो; नर आरु नारी कोरीन हुयो मानुस क बोनायो। (मत्ती 19:4, मर 10:6)
GEN 1:28 आरु परमेश्वर न हेनुक बोरकोत आप्यो; आरु हेनुक कोयो, “फुलो फलो, आरु कोळी मा भोराय जावु, आरु ओको आपसा होको मा कोर लेवु; आरु दोरीया क माछा, एने वादळा क चिल्‌ला, आरु कोळी पोर रेंगनेवाळा सब जिव पोर होक राखे।”
GEN 1:29 ओळतेन परमेश्वर न हेनु सी कोयो, “सोमळु, जोतरा बीजवाळा फोव रोहे, चे सब हांव तुमुक आपलु छे; हुये तुमरा खाने क लिय छे (14 : 2)
GEN 1:30 आरु जोतरा कोळी क ढुरे, आरु वादळा क चिल्‌ला, आरु कोळी पोर रेंगनेवाळा जिवे छे, जिनामा जिवन क जिव छे, हेनु सब क खाने क लिय हांव सब निळ्ळा निव्ळा नानला झाड़ आपलो छे,” आरु ओसोत होय गोयो।
GEN 1:31 ती परमेश्वर न जो काई बोनायो हुतो, सब क देख्यो, ती काय देख्यो, कि हुयो बेसको वारु छे। एने सांतो हुयो ओळतेन सोंदारो हुयो। ओस कोरीन छटवो दाहड़ो होय गोयो। (1 तीमु 4:4)
GEN 2:1 इनी रीतिये सोरोग आरु धरती आर जो काय ओका मा छे उनी आखी चीज बनी।
GEN 2:2 आरु परमेश्वर न आपसो काम जो हुयो कोरतो हुतो सातवे दाहड़े सार देदु, आरु हुये आपसा कोरला काम सी सातवे दाहड़े आराम कोर्यु।
GEN 2:3 आरु परमेश्वर न सातवा दाहड़ा क बोरकोत आप्यो आरु चुखलो कोयो; काहकी हेनामा हुयो कोळी क घोड़ीन आपसो आखो कामो सी आराम कोर्यु।
GEN 2:4 वादळा आरु कोळी क उबेजनो क वाराम यो छे की जोत्यार हुये पयदा होया यानी जेने दाहड़े योहोवा परमेश्वर न कोळी आरु वादळा क बोनाय:
GEN 2:5 ती खोयड़ा क काई पोवधो कोळी पोर नी हुतो, आरु नी खोयड़ा क काई नानो झाड़ उगलो हुतो, काहकी योहोवा परमेश्वर न कोळी पोर जळ नी पाड़्यु होतु, आरु कोळी पोर खेती करने क लिय मानुस वी नी हुतो;
GEN 2:6 ते वी धुरो कोळी सी उठतो होतो तेरे सी कोळी पोर पानी देदला जोसो होय जातलो।
GEN 2:7 ती योहोवा परमेश्वर न आदम क कोळी क धुळा सी बोनायो, आरु ओका नाको मा जिवन क सास फुक देदो; आरु आदम जिवतो जीव बोन गोयो।
GEN 2:8 आरु योहोवा परमेश्वर न उगेवनो अदन मा एक वाड़ी लागाड़्यो, आरु होंया आदम क जेनाक हुयो बोनायो होतो, मेक देदो।
GEN 2:9 आरु योहोवा परमेश्वरन कोळी सी सब भाती क झाड़, जे देखने मा घोन वारु जेनाक खाने मा वारु छे, उगाड़्यो, आरु वाड़ी क वीच मा जिवन क झाड़ क आरु वारु एने भुण्डा क गियान क झाड़ क वी लागाड़्यो। (प्रकाशितवाक्य 2:7, 22:2,14)
GEN 2:10 हेनी वाड़ी क पानी देने क लिय एक मोटली नोदी अदन सी निकोळी आरु होंया सी ओगी उहवीन चार भागो मा वाटाय गोय।
GEN 2:11 पेहली धारा क नाव पीशोन छे; यी ची छे जी हवीला नाव क आखो देश क जाँ सोनो छे, च्यारो मेर घेर रय।
GEN 2:12 हेना देश क सोनो चुखो छे; होंया मोती आरु सुलेमानी दोगड़ा वी जोड़तला छे।
GEN 2:13 दुसरी नदी क नाव गीहोन छे; यी ची छे जी कुश क आखा देश क घेरवायली छे।
GEN 2:14 आरु तीसरी नोदीन नाव हिद्देकेल छे; यी ची छे जी अश्‍शुर क उगेवनो भिनी उहवे। आरु चोथी नोदीन नाव फरात छे।
GEN 2:15 ती योहोवा परमेश्वर न आदम क लीन अदन क वाड़ी मा मेक देदो, कि हुयो हेरेम काम कोरे आरु वाड़ी क गुवाळी करे।
GEN 2:16 आरु योहोवा परमेश्वर न आदम क यो हुकुम आप्यो, तु वाड़ी क आखा झाड़ क फोव विगुर निसंदेह खाय सोकतलु छे;
GEN 2:17 बाखुन वारु भुण्डान क गियान क जो झाड़ छे, ओको फोव ती कोदी झुनी खाय: काहकी जेने दाहड़े तु हेना फोव क खाईस तेने दाहड़े छाचीन मोर जाईस ( रोमियो 6:23)
GEN 2:18 ओळी योहोवा परमेश्वर न कयो, “मानुसक एखलो रयनो वारु नी हयस; हांव एरे जुगु एक ओसो सहायक बोनावीस जो एरे सी मेळ खाय।”
GEN 2:19 आरु योहोवा परमेश्वर कोळी मा सी सब जाती क बनेला ढुरे, आरु वादळा क सब भाती क चिल्‌ला क बोनावीन आदम क पास ली आयो कि देख्यो कि हुयो हेन्दरो नाव काय काय पाड़े; आरु जिना जिनान जिवतला जिव क जो जो नाव आदम न पाड़्यो चोत ओको नाव होय गोयो।
GEN 2:20 अत: आदम न सब जाति क घोरोन ढुरो, आरु वादळ क चिल्‌ला, आरु सब जाती क बनेले ढुरो क नाव पाड़्यो; बाखुन आदम क लिय कोय ओको सहायक नी जोड़्यो जो हेरे सी मेळ खाय सोके।
GEN 2:21 ति योहोवा परमेश्वर न आदम क भारी नींदो मा सुवाड़ देदो, आरु जोत्यार हुयो सुय गोयो ती हुयो ओकी एक पासळी निकाळीन हेरे जागे मास भोर देदो।
GEN 2:22 आरु योहोवा परमेश्वर न ओकी पासळी क जो हुयो आदम मासी निकाळ्यो हुतो, बायर बोनाय देदो; आरु आदम क पास ली आयो।
GEN 2:23 ती आदम न कयो, हिमी यी मारु हाड़की मा की हाड़की आरु मारा मास मा क मास छे; ओतरान कोरिन एरो नाव नारी होयसे, काहकी यी नर मासी निकवली गोयली छे। (उत्पत्ति 29:14, 2 शामुएल 5:1, 1 कुरिन्थियो 11:8, 1 तिमु, 2:13)
GEN 2:24 इने रिते मानुस आसी बासाक छुड़ीन आपसी घोरवाळी सी मिलीन रोहसे, आरु हुये एकुत डील बोनला रोहसे। (मत्ती 19:5, 1 कुरि. 6:16, इफि. 5:31)
GEN 2:25 आदम आरु ओकी घोरवाळी दुयु नांगा होता, बाखुन लाजवायता नी होता।
GEN 3:1 योहोवा भगवान जतरा जंगली जोनवारीयान क बोनायो हुतो, हेनु सब मा घोड़सो धुर्त हुतो; हुयो बाई सी कयो, काय छाचीन छे कि परमेश्वर न कयो, तुमु इनी वाड़ी क काहना झाड़ोन फोव नी खानो ( रोम 12:9, योएल 8:44, प्रका. 20:2)
GEN 3:2 बाई न घोड़सा सी कोहि, इनी वाड़ी क झाड़ क फोव हामु खाय सोकजे;
GEN 3:3 बाकु जो झाड़ वाड़ी क वीच मा छे, तेना फोव क वारा मा परमेश्वर कोवले छे कि नी ते तुमु ओको खाजे आरु नी ओको छिमजो नी ते तुमु मोर जासु
GEN 3:4 ती घोड़सो न बायोर सी कयो, तुमु छाचीन नी मोरसु
GEN 3:5 बाखुन परमेश्वर जाने की जेने दाहड़े तुमु हेरो फोव खासु तेने दाहड़े तुमरा डुळा उगड़ी जासे, आरु तुमु वारु भुण्डा क गियान जोड़से ती परमेश्वर जोसा होय जासु (यहेज. 28:2)
GEN 3:6 एने: जोत्यार बायर न देखी की हेना झाड़ क फोव खाने मा वारु, आरु देखने मा मनभाऊ, आरु ओकोल आपने क लिय ओसो वी छे, ती होयी हेनाम सी तुड़ीन खादी; आरु आपसा घोरवाळा क वी आपी, जु हेरे सात मा हुतो; आरु हुयो वी खादो।
GEN 3:7 ती हेनु दुयो क डुळा उगड़ी गोया, आरु ओको मालुम होयो कि हुये नांगा छे; ओतरान कोरिन हुये अंजीर क पान्टा जुड़ जुड़ीन छिन्दरा बोनाय लेदा।
GEN 3:8 योहोवा परमेश्वर, जु दाहड़ा क सेळ्ळे टेमे वाड़ी मा फिरतो हुतो, ओको बुल सोमळाय देदो। ती आदम आरु ओकी घोरवाळी वाड़ी क झाड़ क वीच योहोवा परमेश्वर सी डुकाय गोया।
GEN 3:9 ती योहोवा परमेश्वर न आयड़ीन आदम सी पुछ्यो, “तु काँ छे?”
GEN 3:10 हुयो कयो, “हांव तारा बुले वाड़ी मा सोमळीन बिह गोयु, काहकी हांव नांगु होतु; एकालिय डुकाय गोयु।”
GEN 3:11 योहोवा परमेश्वर न कयो, “कुन तुसे बताड्यो की तु नांगु छे? जेना झाड़ क फोव खाने क हांव तुसे मोना कोर्यु होतु, काय तु हेरो फोव खादलु छे?”
GEN 3:12 आदम न कयो, “जेनी बायर क तु मारे पुठी रोहने क आपलो छे होयी हेना झाड़ क फोव मेसे आपी, आरु हांव खादु।”
GEN 3:13 ती योहोवा परमेश्वर न बायर सी कयो, “तु यो कोरली छे?” बायर न कोहि, घोड़सो न मेसे बोहकाड़ देदो, ती हांव खादी (रोम 7:11, 2 कुरि 11:3, 1 तीमु 2:14)
GEN 3:14 ति योहोवा परमेश्वर न घोड़सा सी कयो, “तु जो यो काम कोरलु छे ओतरान कोरिन तु आखा घरोन ढुरोक, आरु आखा जोंगली ढुरो सी जादा‍ शापित छे; तु पेटोल भुरसे जालीस, आरु जीवन भोरीन धुळु चाटतु रोहीस;
GEN 3:15 आरु हांव तारे आरु एनी बायोर क वीच मा, आरु तारा ओवलियाद आरु ओकी ओवलियाद क विच मा घाड़ाय पोयदा कोरीस, हुयो तारो मुनका क कुचनी नाखसे, आरु तु एरी पाय पाटली क चावीस।”
GEN 3:16 ओळतेन बायोर सी हुयो कयो, हांव तारी पीड़ा आरु तारा भारपाये होयने क दुख क बेस वोदाड़ीस; तु मान्दी होईन पुर्याक पोयदा कोरीस; आरु तारी लालोस तारा घोरवाळा क भीनी रोहसे, आरु हुयो तोर पोर पोरबुता कोरसे (1 कुरि 11:3, इफि 5:22, कुलु 3:18)
GEN 3:17 आरु आदम सी हेनासी कयो, “तु जो आपसी घोरवाळी क वात सोमळ्यु, आरु जेना झाड़ क फोव क वारा हांव तुसे हुकुम आपलु होतु की तु हेनाक नी खानो, ओको तु खादलो‌‌ छे, ओतरान कोरिन कोळ तार कारण शापित छे। तु ओको उपज जिवन भोर दुख क सात खाया कोरीस (इब्रा 6:8)
GEN 3:18 आरु हुयो तारे लिय काटा आरु ऊँटकटारे उगाड़से, आरु खेत क उपज खाईस;
GEN 3:19 आरु आपसा माथा क पेसोव क रुटा खाया कोरीस, आरु आखरी मा धुळा मा मेळ जाईस; काहकी तु एना मासी निकावला गोयला छे, तु धुळु ते छे आरु धुऴा मा ओळी मीळ जाईस।”
GEN 3:20 आदम न आपसी घोरवाळी क नाव हेवा पाड़्यो; काहकी जोतरा मानसे जीवतला छे हेनु सब क मुलमाता हुयी होयी।
GEN 3:21 आरु योहोवा परमेश्वर न आदम आरु ओकी लाड़ी क लिय चामड़ा क छिन्दरा बोनाविन ओको पेहराय देदो।
GEN 3:22 ओळी योहोवा परमेश्वर न कयो, “मानुस वारु भुण्डा क गियान पावीन हामु मा सी एक क जोसा होय गोया छे: ओतरान कोरिन हिमी ओसो नी होय, कि हुयो हात बोड़ावीन जिवन क झाड़ क फोव वी तुड़ीन खाय ले आरु होमीसा जिवतो रोहे।”
GEN 3:23 ओतरान कोरिन योहोवा परमेश्वर न ओको अदन क वाड़ी मासी निकाळ देदो कि हियो हेना जागा पोर किरसानी कोरे जेनामा सी त्यो बोनावलो गोयो हुतो।
GEN 3:24 ओतरान कोरिन आदम क हुयो निकाळ देदो आरु जिवन क झाड़ क वाट क पेहरो देने क लिय अदन क वाड़ी क उगेवनो भिनी करुबो क, आरु च्यारु मेर फिरनेवाऴा आगठा जोसो तलवार क वी नेवाड़ कोर देदो।
GEN 4:1 जब आदम आपसी घोरवाळी हेवा क पास गोयो ती होयी भारेपाये होईन केन क जन्म आपी आरु कोयु, “हांवने योहोवा क सहायता सी एक पुर्य क जनम देदो छे।”
GEN 4:2 ओळतेन हुयी ओका भाई हाबील क वी जन्म देदी, हाबिल ते गाडरा बुकड़ा क गुळाळ्या बोन गोया, बाखुन केन भुमी क खेती कोरनेवाळो किरसान बोन्यो।
GEN 4:3 थुड़ाक दाहड़ा क वाद केन योहोवा क पास कोळी क उपज मा सी काहीन भेंट ली आयु (यहु 1:11)
GEN 4:4 आरु हाबील वी आपसा गाडरा बुकड़ा क काई एक पेहली पयदावारीन पीलान क भेंट चोढ़ावने ली आयो आरु ओकी चोरबी भेंट चोड़ाया; ती योहोवा न हाबिल आरु ओकी भेंट क ते ग्रहण कोर्‌यो, (इब्रा 11:4)
GEN 4:5 बाखुन केन आरु ओकी भेंट क हुयो कबुल नी कोर्‌यो। ति केन बेस रिसवाय गोयु, आरु ओका मुयो पोर उदासी छाय गोय।
GEN 4:6 ती योहोवा न केन सी कयो, “तु काहा रिसवाय रोयु? आरु तारा मुयो पोर उदासी काहा छाय गोयली छे?
GEN 4:7 काहमाईन तु भोलो कोरे, ती काय तारी भेंट ग्रहण न कोरी जासे? आरु काहमाईन तु भोलो नी कोरे, ते पाप झोपला पर छापायलो रोहे, आरु ओकी लालसा तारे भिनी रोहसे, आरु तुखे हेर पोर राज कोरनो छे।”
GEN 4:8 ती केन न आपसा भाईस हाबील सी काहीन कोयो; आरु जब हुये खोयड़ा मा हुता, ती केन न आपसा भाईस पोर होमलु कोरीन मार देदो।
GEN 4:9 ति योहोवा न केन सी पुछ्यो, “तारु भाई हाबील काँ छे?” हुयो कोयो, “मालुम नी; काय हांव आपसा भाई क राखवायु छे?”
GEN 4:10 हुयो कयो, तु काय कोरलु छे? तारा भाई क लुहुय कोळी मा सि मेसे आयड़ीन मार सी विनता कोरने बाज रोयो (इब्रा 12:24)
GEN 4:11 ओतरान कोरिन हिमी कोळी जी तारा भाई क लुहुय तारा हात सी पिने क लिय आपसो मुय उगाड़लो छे, ओकी भीनी सी तु शापित छे।
GEN 4:12 चाहे तु कोळी पोर खेती कोरे, ते वी ओकी उपज ओळी तुसे नी जोड़से, आरु तु कोळी पोर भटकने वाळा आरु भगोड़ा होयसे।
GEN 4:13 ती केन न योहोवा सी कयो, “मारो डोन नी वेठाये ओसो छे।
GEN 4:14 देख, तु आज क दाहड़े मेसे कोळी पोर सी निकाळो छे आरु हांव तारी निगाह क आड़ मा रोहीस आरु कोळी पोर भोटकने वाळु आरु भगोड़ा रोहीस; आरु जो काई मेसे मिळसे, मेसे मार देसे।”
GEN 4:15 ओसो कोरिन योहोवा न ओका सी कयो, “जो काई केन क मारसे हेनासी सात गुणा बोदलु लियु जासे।” आरु योहोवा न केन क लिय एक सोहलानी राख्यु ओसो नी होय की काई हेनाक मिळसे ने मार देये।
GEN 4:16 ति केन योहोवा क ओगोळ सी निकोळी गोयु आरु नोद नावोन देश मा, जे अदन क उगेवनो भिनी छे, रोहने लाग्यु।
GEN 4:17 जब केन आपसी घोरवाळी क पास गोयो ती हुयी भारेपाये होयी आरु हनोक क जन्म देदी; ओळतेन केन न एक नोगोर बोसाड़्यो आरु हेना नगर क नाव आपसा पुर्या क नाव पोर हनोक पाड़्यो।
GEN 4:18 हनोक सी ईराद पोयदा हुयो, आरु ईराद महुयाएल पोयदा हुयो आरु महुयाएल सि मतुशाएल, आरु मतुशाएल सी लेमेक पोयदा हुयो।
GEN 4:19 लेमेक न दुय बायोर ईयाव कोर्यु: जिनामा सी एक क नाव आदा आरु दुसरा क सिल्‌ला छे।
GEN 4:20 आदा न याबाल क जन्म देदो। हुयो हेनु मानशो क बाबो हुतो जो तंबु मा रोहता हुता आरु ढुरो क पाळन कोरने जिवन जिवता हुता।
GEN 4:21 ओका भाई क नाव युबाल हुतो: हुयो हेनु मानशो क बाबो हुतो जी वीणा आरु पाळवी वाजाड़ता हुता।
GEN 4:22 आरु सिल्‌ला न वि तुबल केन नामक एक पुर्या क जन्म देदो: हुयी पितळ आरु लुहड़ा क आखा धारवाळा होतीयार क गुपायनेवाळा हुता। आरु तुबल केन क बोहनीस नामाह होती।
GEN 4:23 लेमेक न आपसी लाड़ी सी कयो, हे आदा आरु हे सिल्‌ला मारी सोमळु; हे लेमेक क घोरवाळी, मारु वात पोर कानटा लागाड़ु: हांव एक मानुसक जे मेसे चुट लागाड़तो हुतो, अर्थात एक जुवान क जो काई मेसे घायोल कोरता हुता, घात कोरलो छे।
GEN 4:24 जब केन क बोदलु सातगुणा लियो जासे। ती लेमेक क सतहत्तर गुणा लेयो जासे (मत्ती 18:24)
GEN 4:25 आरु आदम आपसी घोरवाळी क पास ओळी गोयो; आरु ओको एक पुर्या क जन्म देदो आरु ओको नाव यो कोहीन शेत पाड़्यो कि परमेश्वर न मारे लिय हाबील क बोदले, जेनाक केन मार्‌यो हुतो, एक आरु ओवलियाद आप्यो (उत्प 5:3-4)
GEN 4:26 आरु शेत क वी एक पुर्य पोयदा हुयो आरु ओको नाव एनोश पाड़्यो। तेने टेमे सी मानशे योहोवा सी विनता कोरने लाग्या।
GEN 5:1 आदम क ओवलियाद यी छे। जोतयार परमेश्वर न मानुसक बोनायो ती आपसात रुपो मा ओको बोनायो (उत्पत्ती 1:27)
GEN 5:2 हुयो नर आरु नारी कोरीन मानशो क बोनायो की आरु हेनुक बोरकोत आपे, आरु हेनुक बोनावने क दीन ओको नाव आदम पाड्यो। (उत्पत्ती 1:27-28)
GEN 5:3 जोतयार आदम एक सोव तिस साल क हुयो, ती ओका द्वारा ओकोत जोसा मात हेना सी हेरेजोसो एक पुर्य पोयदा हुयो। ओको नाव शेत पाड़्यो।
GEN 5:4 आरु शेत क पोयदा होयने क वाद आदम आठ सोव साल जिवतलो रोयो, आरु ओका आरु वी पुर्या पुरायटा पोयदा होया।
GEN 5:5 ओस कोरीन आदम क आखा मेविन नोव सोव साल क हुयो, तेवाद हुयो मोर गोयो।
GEN 5:6 जब शेत एक सोव पाच साल क हुयो, हेनासी एनोश हुयो।
GEN 5:7 एनोश क पोयदा होयने क वाद शेत आठ सोव साल जिवतलो रोयो, आरु ओका आरु वी पुर्या पुरायटा पोयदा होया।
GEN 5:8 ओस कोरीन शेत क पुरी उमोर नोव सोव बारे साल क हुयो; ओळतेन मोर गोयु।
GEN 5:9 जोतयार एनोश नब्बे साल क हुयो, ती हुयो केनान क जन्म देदो।
GEN 5:10 केनान क जन्म क वाद एनोश आठ सोव पोन्द्रे साल जिवतलो रोयो, आरु ओका आरु वी पुर्या पुरायटा पोयदा होया।
GEN 5:11 ओस कोरीन एनोश क पुरी उमोर नोव सोव पाच साल हुयो; ती हुयो मोर गोयो।
GEN 5:12 जब केनान सत्तर साल क हुयो, ती हुयो महललेल जन्म देदो।
GEN 5:13 महललेल क जन्म क वाद केनान आठ सोव चाळीस साल जिवतलो रोयो, आरु ओका आरु वी पुर्या पुरायटा पोयदा हुया।
GEN 5:14 ओस कोरीन केनान क पुरी उमोर नोव सोव दस साल क हुयो; ति हुयो मोर गोयो।
GEN 5:15 जब महललेल पेसठ साल क हुयो, ती हुयो येरेद क जन्म देदो।
GEN 5:16 येरेद क जन्म क वाद महललेल आठ सोव तीस साल जिवतलो रोयो, आरु ओका आरु वी पुर्या पुरायटा पोयदा हुया।
GEN 5:17 ओस कोरीन महललेल क आखी उमोर आठ सोव साल पंचानवे साल क हुयो; ती ओळतेन हुयो मोर गोयो।
GEN 5:18 जोतयार येरेद एक सोव बासठ साल क हुयो, जब हेनोक क जन्म देदो।
GEN 5:19 हनोक क जन्म क वाद येरेद आठ सोव साल जिवतलो रोयो, आरु ओका आरु वी पुर्या पुरायटा होया।
GEN 5:20 ओस कोरीन येरेद क पुरि उमोर नोव सोव बासठ साल क हुयो; तेरे वाद हुयो मोर गोयो।
GEN 5:21 जब हनोक पेसठ साल क हुयो, ती हुयो मतुशेलह क जन्म देदो।
GEN 5:22 मतुशेलह क जन्म क वाद हनोक तीन सोव साल लोगुन परमेश्वर क सात साते चालतो रोयो, आरु ओका आरु वी पुर्या पुरायटा पोयदा होया।
GEN 5:23 ओस कोरीन हनोक क पुरी उमोर तीन सोव पेसठ साल क हुयो।
GEN 5:24 हनोक परमेश्वर क सात साते चालतो हुतो; ओळतेन हुयो लोप हुय गोयो काहकी परमेश्वर न ओको उठाय लेदो (इब्रानियो 11:5, प्रकशित 4:10, 2 राजा 2:11, युहन्ना 14)
GEN 5:25 जब मतुशेलह एक सोव सत्तासी साल क हुयो, ती हुयो लेमेक क जन्म देदो।
GEN 5:26 लेमेक क जन्म क वाद मतुशेलह सात सोव बयासी साल जिवतलो रोयो, आरु ओका आरु वी पुर्या पुरायटा पोयदा हुया।
GEN 5:27 ओस कोरिन मतुशेलह क पुरि उमोर नोव सोव उनसोतोर क हुयो; तेर वाद मोर गोयो।
GEN 5:28 जब लेमेक एक सोव बयासी साल क हुयो, ती हुयो एक पुर्या क जन्म देदो।
GEN 5:29 हुयो यो कोहीन ओको नाव नुह पाड़्यो, कि “योहोवा न कोळी क शाप आपलो छे, ओका वारामा यो पुर्य आमरे काम मा, आरु ओको कोठिन मेहनोत मा जो हामु कोरजे, आमुक शांति आपसे।”
GEN 5:30 नुह क जन्म क वाद लेमेक पाच सोव पंचानवे साल जिवतलो रोयो, आरु ओका आरु वी पुर्या पुरायटा पोयदा होया।
GEN 5:31 ओस कोरीन लेमेक क पुरी उमोर सात सोव सतहतर साल क हुयो; तेरे वाद हुयो मोर गोयो।
GEN 5:32 आरु नुह पाच सोव साल क हुयो; आरु नुह न शेम, आरु हाम आरु येपेत क जन्म देदो।
GEN 6:1 ओळतेन जोत्यार मानसे कोळी क उपोर घोना बोढ़ने लाग्या, आरु ओका पुरायटा पोयदा होय,
GEN 6:2 ती परमेश्वर क पुर्या न मानसो क पुरायटा क देख्या, कि हुये घाटावा‌ छे, आरु हुये जेनु जेनुक चाहया तेरेसी ईयाव कोर लेदा।
GEN 6:3 ति योहोवा न कयो, “मारो जीव मानुस सी होमीसा विवाद नी कोरसे, काहकी मानुस वी डीलुत छे; ओकी उमोर एक सोव साल होयसे।”
GEN 6:4 तेनु दाहड़ा मा कोळी पोर दानव रोहता हुता; आरु ओका वाद जोत्यार परमेश्वर क पुर्या मानुसक पुरायटा क पास गोया ती ओका लारे जे पुर्या पोयदा हुया चे शुरवीर होता, जेन्दरी वात पेहले घोनी चालतली। (गिनती 13:33)
GEN 6:5 योहोवा न देख्यो कि मानुसक बुराय कोळी पोर बोढ़ गयली छे, आरु ओका मन क विचार मा जो काइ पोयदा होये चो घोनोस भुण्डो होये छे। (मत्ती 24:37, लुका 17:26, 1 पतरस 3:20)
GEN 6:6 आरु योहोवा कोळी पोर मानुसक बोनावने सी पोछतायो, आरु हुयो मोनो मा घोनो दुखी हुयो।
GEN 6:7 ती योहोवा न कयो, “हांव मानुसक जेनुक हांव बोनवलु छे कोळी पोर सी मिटाड़ दिस; काय मानुस, काय ढुरे, काय रेंगनेवाळा जिवे, काय वादळा क चिल्‌ला, सब काई मिटाय दिस, काहकी हांव हेनुक बोनावने सी पोछतायो।”
GEN 6:8 बाखुन योहोवा क गिन क निगाह नुह पोर बोनी रोही।
GEN 6:9 नुह नु ओवलियाद यी छे। नुह धोरमी मानुस आरु आपसे टेमे क मानषो मा खोरु होतु ;आरु नुह परमेश्वर पुठी चालतु रोयु।
GEN 6:10 आरु नुह सी शेम, आरु हाम, आरु येपेत नावोन तीन पुर्या पोयदा हुया।
GEN 6:11 तेने टेमे कोळी परमेश्वर क निगाह मा बिगड़ गोय होती, आरु झगड़ो करावनो सी भोराय गोय होती।
GEN 6:12 आरु परमेश्वर न कोळी पोर जी निगाह कोर्‌यो ती काय देख्‍यो कि हुयी बिगड़ी होयली छे; काहकी आखा जिवे न कोळी पोर आपसो चाल चलन बिगाड़ लेदा हुता।
GEN 6:13 ती परमेश्वर न नुह सी कयो, “सब जिवो क खोतोम कोरने क सोवाल मारे ओगोव आय गोयलो छे काहकी हेन्दरे कारण कोळी झगड़ो करावनो सी भोराय गोयली छे, ओतरान कोरिन हांव हेनुक कोळी भेळ नाश कोर दीस।
GEN 6:14 ओतरान कोरिन तु गोपोर झाड़ क लाकड़ा क एक ढोन्डयो बोनाव, तेरेमा खुल्या बनावजी, आरु माहाय खोयड़े हेना पोर राल लागाड़जी।
GEN 6:15 इने रीते तु बोनावजी: ढोन्डया क नाम्बाय तीन सोव हात, चोवड़ो पोचास हात, आरु उचो तिस हातोन रोहे।
GEN 6:16 ढोन्डया मा एक खिड़की बोनावजी, आरु एक हात उपोर सी ओकी छोत बोनावजी, आरु ढोन्ड्या क एकुत झोपलु राखजी; आरु ढोनड्या मा पेहलु, दुसरु, तिसरु खोण्डे बोनावजी।
GEN 6:17 आरु सोमोळ, हांव आपसुत कोळी पोर मोटलु पानी पाड़िस आखा जीवोक, जिनामा जिवोन जीवे, वादळान नेड़ा सी नास कोरने मा छे; आरु आखा जो कोळी पोर गोथा मोर जासे।
GEN 6:18 बाखुन तारे साते हांव वायदु बान्दो; ओतरान कोरिने हुयु आपसा पुर्या, लाड़ी, आरु उहड़सीया भेळ ढोनड्या मा भोराय जाजी।
GEN 6:19 आरु सब जीवतला जिवो मा सी तु एक एक जाती क दुयदुय, यानी एक नर आरु एक मादा ढोनड्या मा ली जाईन, आपसे साते जिवतला राखजी।
GEN 6:20 एक एक जाती क चिल्‌ला, आरु एक एक जाती क ढुरे, आरु एक एक जाति क कोळी पोर रेंगनेवाळा, सब मासी दुय तारे जुळ आवसे, कि तु हेनुक जिवतला राखे।
GEN 6:21 आरु भाती भातीन क खानो चिज जे खातला छे, ओको तु लिन तारे जुळ एकठो कोरीन राखजी; जो तारे आरु ओका खाने क लिय होयसे।”
GEN 6:22 परमेश्वर क इनी हुकुम क ओनसारे नुह न कोर्‌यो। (इब्रानियो 11:7)
GEN 7:1 तोत्यार योहोवा भगवान नुह सी कयो, “तु आपसा आखा घोरल्याक लीन ढोन्ड्या मा जा; काहकी हांव इनु टेम क मानसो मा सी तुखेत मारी निंगा मा धोरमी जोड़लु छे।
GEN 7:2 आखी जाती क चुखला ढुरो मा सी तु सात साते जुड़ो अर्थात् नर आरु मादा लावजी; बाखुन जे चुखला नी होय, तेनु मासी दुयदुयलावजी, अर्थात् नर आरु मादा (लेव्यव्यवस्ता 11)
GEN 7:3 आरु आकाश क चिल्‌ला मा सी वी सात साते जुड़ो, अर्थात् नर आरु मादा लेजी, की हेन्दरो ओवलियाद वाचीन आखी कोळी क उपोर बोनलो रोहे।
GEN 7:4 काहकी हीमी सात दाहड़ा वितने पोर हांव कोळी पोर चावीस दाहड़ा आरु चावीस रात लोगुन पानी पाड़तु रोहीस; आरु जोतरा जिवे मा बोनावलु छे हेनु सब क धोरती पोर सी मिटाय दिद।”
GEN 7:5 योहोवा क इनी हुकुम क ओनसारे नुह न कोर्‌यो।
GEN 7:6 नुह क ओमोर छ: सोव साल की हुती, जोत्यार जल प्रलय कोळी पोर आयो।
GEN 7:7 नुह आपसा पुर्या, लाड़ी, आरु उहड़सीया भेळ जल–प्रलय सी वाचने क लिय ढोन्ड्या मा गोया। (मत्ती 24:38-49, लुका 17:27)
GEN 7:8 चुखला आरु विटोळ, दुयु भातीन क ढुरो मा सी, चिल्‌ला,
GEN 7:9 आरु कोळी पोर रेंगनेवाळा जिवो मा सी वी, दुयदुय, अर्थात् नर आरु मादा, ढोन्ड्या मा नुह क पास गोया, जोसु परमेश्वर नुह क हुकुम आप्यो हुतो।
GEN 7:10 सार दाहड़ा क वाद प्रलय क जळ कोळी पोर आवने लाग्यो।
GEN 7:11 जोत्यार नुह क ओमोर क छ: सोव साल क दुसरा मोहना क सत्रवो दाहड़ो आयो; तेनेत दाहड़े मोटला उंडा दरीया क आखा सोत फुट निकोळ्या आरु आकाश क झरोखा उगड़ी गोया ( 2 पतरस 3:6)
GEN 7:12 आरु पानी चावीस दाहड़ा आरु चावीस रात एकसारकु कोळी पोर पोड़तु रोयु।
GEN 7:13 ठीस तेनेर दाहड़े नुह आपसा पुर्या शेम, हाम, आरु येपेत, आरु आपसी लाड़ी, आरु तीनु उहड़ीसा भेळ,
GEN 7:14 आरु ओका सात एक एक जाति क आखा बनेले ढुरे, आरु एक एक जाति क आखा घोरोन ढुरे, आरु एक एक जाति क सब उड़नेवाळा चिल्‌ला ढोन्ड्या मा गोया।
GEN 7:15 जोतरा जीवो मा जिवन क जिव हुतो आखी जाति मा सी दुयदुय नुह क पास ढोन्ड्या म गोया।
GEN 7:16 आरु जर गोया चे परमेश्वर क हुकुम क ओनसारे आखी जाति क जिवो मासी नर आरु मादा गोया। ती योहोवा न ढोन्ड्या क झपलो बोन्द कोर दिदो।
GEN 7:17 कोळी पोर चावीस दाहड़ा लोगुन जल–प्रलय होयतो रोयो; आरु पानी बेसको बोड़तो गयो, जिनासी ढोन्ड्यो उपोर क उठने लाग्यो; आरु हुयो धोरती पोर सी उचो उठ गयो।
GEN 7:18 जळ जाद् जादा धोरती पोर बेसको बोड़ गोयो, आरु ढोन्ड्यो पानी क उपोर झेपतो रोयो।
GEN 7:19 पानी कोळी पोर बेसकोत बोड़ गोयो, यां लोगुन कि आखी धोरती पोर जोतरा मोट्टा मोटा बोयड़ा हुता, आखा डूब गोया।
GEN 7:20 पानी पोन्द्रे हात आरु उपोर बोड़ गोयो, आरु बोयड़ा वी डूब गोया।
GEN 7:21 आरु काय चिल्‌ला, काय घोरोन ढुरे, काय बनेले ढुरे, आरु कोळी पोर सब चालनेवाळा जिवे, आरु जोतरा जिवे कोळी मा घोन जोबोर सी भोराय गोया हुता, चे आखा आरु आखा मानुस मोर गोया।
GEN 7:22 जे जागा पोर हुता, हेनुसी जोतरा वी नाको मा जोवोन दोम लेता हुता, आखा मोर मिट्या।
GEN 7:23 आरु काय मानसे, काय ढुरे, काय रेंगनेवाळा जिवे, काय आकाश क चिल्‌ला, जे धोरती पोर हुता आखा कोळी पोर सी मोर मिट गोया; केवल नुह, आरु जोतरा ओका सात ढोन्ड्या मा हुता, चेत वाच गोया।
GEN 7:24 आरु पानी कोळी पोर एक सोव पोचास दाहड़ा लोगुन रोयो।
GEN 8:1 बाखुन परमेश्वर नुह आरु जोतरा बनेले ढुरे आरु पावन्या ढुरे ओका सात मा ढोन्ड्या म हुता, तेनु आखाक फोम राख्यु:आरु परमेश्वर कोळी पोर वाहवो उहवाड्यो, आरु जळ कोम होयने लाग्यो;
GEN 8:2 आरु ऊण्डा दरीया क सोता आरु आकाश क झरोखा बंद हुय गोया; आरु जिना सी पानी पोड़तो हुतो चो वी रुक गयो;
GEN 8:3 आरु डेड़ सोव दाहड़ा क वाद मा जळ धरती पोर गुथो घोटने लागयो।
GEN 8:4 सातवा महीना क सत्रवे दाहड़े, ढोन्ड्यो अरारात नावन बयड़ा पोर टेक गियो।
GEN 8:5 आरु पानी दसवे मोहने लोगुन घोटतो रोयो, आरु दसवे मोहने क पेहले दाहड़े क बयड़ान चोट्या देखा पोड़ी।
GEN 8:6 ओळतेन ओसो हुयो कि चाळीस दाहड़ा क वाद मा नुह आपसा बोनावला ढोन्यान खिड़की उगाड़ीन,
GEN 8:7 एक हाड़गावाक उड़ाय दिदो: जोत्यार लोगुन पानी धोरती पोर गोथो सुख्यो नी, तालोक लोगुन हाड़गावो ओथोन ओथो फिरतो रोयो।
GEN 8:8 ओळतेन हेर जुळ एक पेरवी काजे वी उड़ाय देदो ने देख्यो कि जळ धोरती पोर सी घोट्यो की नी।
GEN 8:9 तेनी पेरवी काजे आपसा पाय टेकवने वाटे काय साहरो नी जोड्यो, ती ची पोछी तेरेनचा ढोन्ड्या पोर आतरोय : काहकी आखी धोरती पोर पानी त् होतो। तोत्यार हात ओगु कोरीन आपसान चा ढोन्ड्या मा ली लेदो।
GEN 8:10 तोत्यार ओवी सात दाहड़ा वीत गोया ने, हुयो तेनीत पेरवी काजे ढोन्ड्या मा सी ओळी उड़ाय देदो:
GEN 8:11 आरु पेरवी सान्ती क टेम ओका पास मा आय लागी, ती काय देख्यो की ओकी चोंच मा जैतुन क एक पान्टो छ: एना सी नुह जान लेदो की जळ धोरती पोर गोथो घोट गोयो।
GEN 8:12 ओळतेन नुह सात दाहड़ा आरु वाट जुवीन तेनीत पेरवी क उड़ाय दिदो: आरु ओळतेन ची पेरवी तेरेनचा पोछी फीरीन नी आवी।
GEN 8:13 नुह की उमोर छोव सोव एक साल क पेहले मोहिने क पेहले दाहड़े जळ धोरती पोर गोथो सुक गोयो। तव
GEN 8:14 तोत्यार दुसरे मोहने क सत्ताईसवे दाहड़े क धोरती पोर सी आखे रीते सुक गोय।
GEN 8:15 तोत्यार परमेश्वर नुह क कयो,
GEN 8:16 तु तारा पुर्या, घोरवाळी आरु उहुड़सीया आखाक लिन ढोन्ड्याम मा सी बाहर नीकोळी जा।
GEN 8:17 काय चिल्‌ला, काय ढुरे, काय आखी भातीन क रेंगनेवाळा जिवे जे कोळी पोर रोवे–जोतरा डीलोवाळा जीवजन्तु तारे पुठी छे, तेनु आखाक तारे साते निकाय ले की कोळी पोर तेन्दरा घोना पुर्या होये आरु चे फुले फलें, आरु कोळी पोर खोव्‌वाय जाए।
GEN 8:18 तोत्यार नुह आरु ओका पुर्या आरु घोरवाळी आरु उहुड़सीया निकोळी गोया:
GEN 8:19 आरु आखा चारपाया, रेंगनेवाळा जीवे, आरु चिल्‌ला, आरु जोतरा जिवजोन्तु कोळी पोर चालता फिरता छे, आखी जाती जातीन कोरिन ढोन्ड्या मा सी नीकोळी आया।
GEN 8:20 तोत्यार नुह योहोवा क लिय एक वेदी बनायो; आरु आखा चुखला ढुरो आरु आखा चूखला चिल्‌ला मा सी थुड़ा थुड़ाक लीन वेदी पोर होमबली चढ़ायो।
GEN 8:21 इना पोर योहोवा सुखदायक गंदायन्य लीन विचार कोर्यु, “मानुसक कारण हांव ओळी कोदी कोळी क शाप नी आपो, बाखुन मानुसक मन मा बचपन सी जो काय पोयदा हुये चोत भुण्डोत रोवे; तेवी जोसु मे आखा जिवोक हिमी मारलु छे, तोसु तेनुक ओळतेन कोदी नी मारो।
GEN 8:22 हिमी सी जोत्यार लोगुन कोळ बोनली रोहसे, तोत्यार लोगुन वेरने आरु काटने क टेम, सेळा आरु तोपोन, धूपकाल आरु शीतकाल, दाहड़ा आरु रात लोगातार होयतो रोहसे।”
GEN 9:1 ओळतेन परमेश्वर नुह आरु ओका पुर्या क बोरकोत आप्यो आरु उना सी कयो फुलो–फलो, आरु वोदु, आरु कोळी मा भोराय जावु।
GEN 9:2 तुमरी बीक आरु भय कोळी क आखो ढुरो, आरु आकाश क सब चिल्‌ला, आरु कोळी पोर क सब रेंगनेवाळा जीवो, आरु दरीया क सब माछा पोर बोनलो रोहसे: ये आखा तुमरा होको मा कोर दिदो जातो छे।
GEN 9:3 आखा चालनेवाळा जिवे तुमरो खानो बोनसे; जोसो तुमुक निळ्वा निव्वा नानला झाड़ आपला हुता, तोसोत हिमी वी आखो आपो।
GEN 9:4 बाखुन मांस क जिवो साते अर्थात् लुहुय भेव तमु झुणी खाता। (लेव्यव्यवस्ता 19:26, 15:23, व्यव्थाविवरण 12:16,23, उत्पत्ती 17:10-1)
GEN 9:5 आरु खोरीत हांव तुमरे लुहुय अर्थात जीवोन बोदलु लीस: आखा ढुरे आरु मानसो, दुयो सी हांव हुयो लिस; मानसोन जीवो क बदलो एक एक क भाई बोन्या सी लीस।
GEN 9:6 जो कुदु मानषोन लुहुय उहवाड़से तेरो लुहुय मानषोन से उहावाड़ीयो जासे, काहकी परमेश्वर मानुसकाजे आपसा रुपोन ओनसारे बनावलो छे। (उत्पत्ती 1:26, निर्गमन 20:13)
GEN 9:7 आरु तुमु फुलो–फलो, आरु वोदु, आरु कोळी पोर घोनसोटा ओवलियाद पोयदा कोरिन एरेम भोरय जावु (उत्पत्ती 1:28)
GEN 9:8 ओळतेन परमेश्वर नुह आरु ओका पुर्या से कयो,
GEN 9:9 “सोमळु, हांव तुमरे साते आरु तुमरे वाद मा जी तुमरी ओवलियाद होयसे, ओका सात मा वी वायदु बाधो;
GEN 9:10 आरु आखा जीवतला जीवो सी वी जे तुमरे साते छे काय चिल्‌ला काय पावन्या ढुरे काय कोळी क सब बनेले ढुरे, कोळी क जोतरा जिवजोनतु ढोन्ड्या सी निकोवला छे।
GEN 9:11 आरु हांव तुमरे साते आपसु यु वायदु बांधो कि आखा जिव ओळतेन जळ–प्रलय सी नष्ट नी होयसे: आरु कोळी क नाश कोरने क लिय ओळी जळ–प्रलय नी होयसे।”
GEN 9:12 ओळतेन परमेश्वर कयो, “जु वायदु हांव तुमरे साते, आरु जोतरा जिवतला जिवे तुमरे साते छे तेनु सब क साथ वी जोलोम जोलोम् क पीढ़ी क लिय बांधो, ओकी यी सोहलानी छे:
GEN 9:13 हांव वादळा मा आपनु बाम मेकलु छे, चो मारे आरु कोळी क विच मा वाचा क सोहलानी रोहसे।
GEN 9:14 आरु जोत्यार हांव कोळी पोर वादळो फेलावीस ती वादळा मा बाम देखा पोड़से।
GEN 9:15 ती मारी जी वाचा तुमरे आरु सब जिवतला डीलवाळा जीवो क सात बन्धी छे; उको हांव फोम राखीस, ती ओसो जळ–प्रलय ओळी नी होयसे जिनासी सब जिवो क विनाश होय।
GEN 9:16 वादवा मा जो धनुष होयसे हांव तेनाक देखीन यो हमीशा फोम राखीस, जो परमेश्वर क आरु कोळी पोर सब जीवतला डीलोवाळा जिवे क विच वायदु छे।”
GEN 9:17 ओळतेन परमेश्वर नुह सी कुयो, “जी वाचा हांव कोळी भोर क सब जिवो क सात मा बांदली छे, ओकी सोहलानी यी छे।”
GEN 9:18 नुह क पुर्य जो ढोन्ड्या मा सी निकोळया चे, शेम, हाम आरु येपेत हुता; आरु हामु कनान का बाबो हुतो।
GEN 9:19 नुह क तीन पुर्या येत छे, आरु ओकी ओवलियाद आखी कोळी पोर जात रोया।
GEN 9:20 नुह जो एक किरसान हुतो, दाखन वाड़ी लगाड़ने वाळो पेहलो मानुस हुयो।
GEN 9:21 आरु हुयो दाखमधु पीन छाक गुयो; आरु आपसा घोर धोड़्ये नांगरु हुय गोयु।
GEN 9:22 ती कनान क बाबो हाम आपसा क नांगो देख्यो, आरु खोयड़े आवीन आपसा दुयो भाई क कय दिदो (लेव्यव्यवस्ता 20:13)
GEN 9:23 ती शेम आरु येपेत दुयु छिंदरो लिन आपसा खांदा पोर मेल्या आरु पोछोळ फिरिन ओन्दा चलिन आपसा बास क नांगा क डील क ढाक दिदा, आरु चे आपसो मुख पोछोल कोरला हुता एकालीय हिये आपसा बाबा क नांगो नी देख्या।
GEN 9:24 जोत्यार नुह क नशो उतरीयो गियो। ती हियो जान लियो कि ओको नानलो पुर्‌यो ओका सात मा काय कोरलो छे।
GEN 9:25 एकालीय हियो कयो, “कनान शापित होये हियो आपसा भाय बोन्यान क दासो क दास होये।”
GEN 9:26 ओळी हीयो कयो, “शेम का परमेश्वर योहोवा सोयाव्वु छे, आरु कनान शेम का दास होये।
GEN 9:27 परमेश्वर येपेत क ओवलियाद क फेलावे; आरु हुयो शेम क तम्बुओं मा वोसे, आरु कनान ओको दास हुये।”
GEN 9:28 जळ–प्रलय क वाद मा नुह तीन सोव पचास साल जीवतलो रयो।
GEN 9:29 ओस कोरिन नुह क उमोर साढ़े नोव सोव साल हुयो; तेर वाद मा मोर गयो।
GEN 10:1 नुह क पुर्या शेम, हाम, आरु येपेत हुता; हेरा पुर्या जळ–प्रलय क वाद मा पोयदा होयली; हेन्दरी ओवलियाद छे।
GEN 10:2 येपेत क पुर्य : गोमेर, मागोग, मादे, यावान, तुबल, मेशेक, आरु तिरास हुए।
GEN 10:3 गोमेर क पुर्य: अशकनज, रीपत, आरु तोगर्मा हुए।
GEN 10:4 आरु यावान क ओवलियाद मा एलिशा, आरु तर्शीश, आरु कित्ति, आरु दोदानी लोग हुए।
GEN 10:5 इनरी ओवलियाद अन्यजातियान क द्वीपों क देशोम मा ओसा वाटाय गोया की दिसरी त् बुली, कुलें आरु जाति क अनसारे आंगे आंगेय् होय गोया।
GEN 10:6 हाम क पुर्या: कुश, मिसर, फुत आरु कनान हुया
GEN 10:7 आरु कुश क पुर्या सबा, हवीला, सबता, रामा, आरु सबुतका हुया। आरु रामा क पुर्या शबा, आरु ददान हुया।
GEN 10:8 कुश क ओवलियाद मा निम्रोद वी हुयो; कोळी पोर पेहलु ताकोतवाळु जीकन्यु हुयु।
GEN 10:9 हीयु योहोवा की निंगा मा ताकोतवाळु शिकार खेलनेवाळु रोयु, इना सी यी कहावत चाल्ली छे; “निम्रोद क जोसो योहोवा की निमगा मा ताकोतवाळु शिकार खेलनेवाळो।”
GEN 10:10 हेरा राज्य क शुरु शिनार देश मा बेबीलोन, एरेख, अक्कद आरु कलने से हुयो।
GEN 10:11 हेना देश सी हुयो निकोळीन अश्शुर क गयो, आरु नीनवे, रहोबोतिर आरु कालह क,
GEN 10:12 आरु नीनवे आरु कालह क वीच जो रेसेन छे, तेनाक वी वसाड़ीयो; मोटलो नोगोर योत छे।
GEN 10:13 मिसर क ओवलियाद मा लुदी, अनामी, लहाबी, नप्तुही,
GEN 10:14 आरु पत्रुसी, कसलुहि आरु कप्तोरी मानुस हुया, कसलुहीयो मा सी ते पलिश्ती मानुस निकोळ्या।
GEN 10:15 कनान क ओवलियाद मा ओको मोटलो पुर्य सीदोन, तब हित्त,
GEN 10:16 यबुसी, एमोरी, गिर्गाशी,
GEN 10:17 हिव्वी, अर्की, सीनी,
GEN 10:18 अर्वदी, समारी, आरु हमाती मानुस वी हुया; ओळतेन कनानी क कुल वी फेल गया;
GEN 10:19 आरु कनानियो क सिंयो सीदोन सी लीन गरार क वाट क होईन अज्जा लोगुन आरु ओळतेन सदोम आरु अमोरा, गमोरा, आरु अदमा आरु सबोयीम क वाट सी होईन लाशा लोगुन होयी।
GEN 10:20 हाम क ओवलियाद मा येत हुया, आरु ये भाति भातीन कुले, बुली, देशों आरु जाती क अनसारे आंगे आंगेय् हुय गोया।
GEN 10:21 शेम, चू आखी एबेर ओवलियाद क खास मानुस होयु, आरु जु येपेत क मोटलो भाईष् हुतो, ओको बी पुर्‌यो हुयो।
GEN 10:22 शेम क पुर्य: एलाम, अश्शुर, अर्पक्षद, लुद सीरिया आरु अराम हुया।
GEN 10:23 अराम क पुर्य: ऊस हुल, गेतेर आरु मश हुया।
GEN 10:24 आरु अर्पक्षद न शेलह क, आरु शेलह न एबेर क जोन्मो दिदा।
GEN 10:25 आरु एबेर क दुय पुर्य पोयदा हुया, एक क नाव पेलेग ओतरान कोरता राख्या की तीनु दाहड़ा मा कोळी वाटाय गोयली, आरु ओका भाईष् क नाव योक्तान हुतो।
GEN 10:26 आरु योक्तान न अल्मोदाद, शेलेप, हसर्मावेत, येरह,
GEN 10:27 यदोरवाम, ऊजाल, दिक्ला,
GEN 10:28 ओबाल, अबीमाएल, शबा,
GEN 10:29 ओपीर, हवीला आरु योबाब क जोन्मो दिदा: येत आखो योक्तान क पुर्य हुया।
GEN 10:30 इनदरो रोयने क जागो मेशा सी लागाड़ीन सपारा, जो उगेवनो मे एक बोयड़ो छे, तेने वाट्ये लोगुन हुयो।
GEN 10:31 शेम क पुर्य येत हुया: आरु ये भाति भातीन कुले, बुली, देशों आरु जातीयां क अनसारे आंगे आंगेय् होय गुया।
GEN 10:32 नुह क पोर्या क घोराने योत छे: आरु ओकी जाति क ओनसारे ओकी ओवलियाद यित छे; आरु जळ–प्रलय क वाद कोळी भोरीन जाती एनु मा होईन वाटाय गोय।
GEN 11:1 आखी कोळी पोर एकुत भाषा आरु एकुत बुली होती।
GEN 11:2 तेन टेम मानुस उगेवना भिनी जाता हुता शिनार देश मा एक खोयड़ु जोड़्यु चां वोस गोया।
GEN 11:3 तोत्यार चे हियेत कोहने लग्या, “चालु, आपनु ईटड़ा बोना बोनईन वारु पाकाड़ता।” आरु चे दोगड़ान जागे ईटड़ा सी आरु चूना क जागा पोर धूळा क गारो सी काम लिदा।
GEN 11:4 ओळतेन हिये कोया, “चालु, आपनु एक नगर आरु एक गुम्मट बोनावता, तेरी चोटी आकाश सी वात कोरे, ओसा कोरीन आपनु म्हारो नाळ कोरजे। ओसो नी होये की आपनु क आखी कोळी मा वेरवायनो पोड़ जाय।”
GEN 11:5 जोत्यार मानुस नगर आरु गुम्मट बोनावने लग्या, ती हीनुक देखने योहोवा उतरीन आयु।
GEN 11:6 आरु योहोवा कयो, “हांव काय देखो की आखा एकुत दल मा छे। आरु बुली वी इनु आखान एकुत छे, आरु हियो ओसो काम शुरु कर दिदा; आरु हिमी जो काय कोरनेन क यत्न कोरसे, एरेमा काय वी इनदरे वाटू वातड़ो नी होयसे।
GEN 11:7 ओतरान कोरिन आवु, आपनु उतरीन इन्दरी बुली मा गोड़बोड़ी कोरता, तेरे सी एक दिसरा क बुली क पोल्ले नी पोड़ सोके।”
GEN 11:8 ओस कोरिन योहोवा ओकी होंया सी आखी कोळी उपोर फैला दिदो: आरु हिये उना नोगोर क बनावनो छुड़ दिदा।
GEN 11:9 ओस कोरीन हिना नोगोर क नाव बेबीलोन पोड़्यो; काहकी आखी कोळीक बुली मा जी गोड़बोड़ी छे, ची योहोवा हीयांत नाखलु छव, आरु हियांत सी योहोवा मानुसक आखी कोळी क उपोर फैलाय दीदो।
GEN 11:10 शेम कि ओवलियाद छे। जळ–प्रलय क दुय साल क वाद जोत्यार शेम एक सोव साल क हुयो, ती हिना सी अर्पक्षद क जोन्मो हुयो;
GEN 11:11 आरु अर्पक्षद क जोन्म क वाद मा शेम पांच सोव साल जिवत्लु रोयु; आरु ओकी आरु वी पुर्या पुरायटा पोयदा हुया।
GEN 11:12 जोत्यार अर्पक्षद पोयतीस साल क हुयो, ती हिना सी शेलह क जोन्मो हुयो;
GEN 11:13 आरु शेलह क जोन्म क कवाद मा अर्पक्षद चार सोव तीन साल आरु जीवत्लो रोयो, आरु ओकी आरु वी पुर्या पुरायटा पोयदा हुया।
GEN 11:14 जोत्यार शेलह तीस साल क होयो, ती ओको द्वारा एबेर क जोन्मो होयो;
GEN 11:15 आरु एबेर क जोन्म क वाद मा शेलह चार सोव तीन साल आरु जीवत्लो रोयो, आरु ओकी आरु वी पुर्या पुरायटा पोयदा हुया।
GEN 11:16 जोत्यार एबेर चोवतीस साल क हुयो, ती ओको द्वारा पेलेग क जोन्म हुयो;
GEN 11:17 आरु पेलेग क जोन्म क वाद मा एबेर चार सोव तीस साल आरु जीवत्लो रोयो, आरु ओकी आरु वी पुर्या पुरायटा पोयदा हुया।
GEN 11:18 जोत्यार पेलेग तीस साल क हुयो, ती ओको द्वारा रु क जोन्मो हुयो;
GEN 11:19 आरु रु क जोन्म क वाद मा पेलेग दो सोव नोव साल आरु जीवत्लो रोयो, आरु ओकी आरु वी पुर्या पुरायटा पोयदा हुया।
GEN 11:20 जोत्यार रु बोत्तीस साल क हुयो, ती ओको द्‍वारा सरुग क जोन्मो हुयो;
GEN 11:21 आरु सरुग क जोन्म क वाद मा रु दो सोव सात साल आरु जीवत्लो रोयो, आरु ओकी आरु वी पुर्या पुरायटा पोयदा हुया।
GEN 11:22 जोत्यार सरुग तीस साल क हुयो, ती ओको द्वारा नाहोर क जोन्मो हुयो;
GEN 11:23 आरु नाहोर क जोन्मो क वाद मा सरुग दो सोव साल आरु जीवत्लो रोयो, आरु ओकी आरु वी पुर्या पुरायटा पोयदा हुया।
GEN 11:24 जोत्यार नाहोर उनतीस साल क हुयो ती ओको द्वारा तेरह क जोन्मो हुयो;
GEN 11:25 आरु तेरह क जोन्म क वाद मा नाहोर एक सोव उन्नीस साल आरु जीवत्लो रोयो, आरु ओकी आरु वी पुर्या पुरायटा पोयदा हुया।
GEN 11:26 जोत्यार लोगुन तेरह सोत्तोर साल क हुयो, ती लोगुन ओको द्वारा अब्राम आरु नाहोर आरु हारान पोयदा हुया।
GEN 11:27 तेरह क ओवलियाद यी छे। तेरह अब्राम, नाहोर आरु हारान क जोन्मो हुयो; आरु हारान सी लुत क जोन्मो हुयो।
GEN 11:28 हारान आपसा बाबा तेरह क सामनेत कसदियो क ऊर नावोन नोगोर मा, जो ओकी पोयदा होयनेन जागु होतु, मोर गोयु।
GEN 11:29 अब्राम आरु नाहोर दुयु ईयाव कोर्या। अब्राम क लाड़ी क नाव सारै आरु नाहोर क लाड़ी क नाव मिल्का हुतो। यी हारान क बेटी होतली, जी मिल्का आरु यिस्का दुयो क बाबो हुतो।
GEN 11:30 सारै ते वान्टी होती; ओकी ओवलियाद नी होयी।
GEN 11:31 तेरह आपसा पुर्य अब्राम, आरु आपसा पोता लुत, जौ हारानक पुर्य हुतो, आरु आपसी उहड़ीस सारै, जौ ओकी अब्राम क लाड़ी हुती, इनु आखा क लीन कसदियोम क ऊर नोगोर सी नीकोळीन कनान देश जाने कोरिन गोयु; बाखुन हारान नावोन देश मा पुगीन हीयांत रोहने लाग्यु।
GEN 11:32 जोत्यार तेरह दो सोव पांच साल क हुयो; ती हुयो हारान देश मा मोर गोयो।
GEN 12:1 योहोवा अब्राम सी कयो, आपना देश, आरु तारा घोरल्याक, आरु तारा बाबा क घोर छुड़ीन उना देश मा चाल जो हांव तुखे देखाड़ीस। (प्रेरित 7:2-3, इब्रानियो 11:8)
GEN 12:2 आरु हांव तार सी एक मोटली जाति बोनावीस, आरु तुखे बोरकोत आपीस, आरु तारो नाव मोटो कोरीस, आरु तु बोरकोत क मुल रोहीस।
GEN 12:3 जो तुखे बोरकोत आपे, तेनाक मे बोरकोत आपीस, आरु जु कुदु वेला पाड़से, तेनाक हांव शाप आपीस; आरु कोळी क आखा कुल तारे लारे बोरकोत पावसे (गलातियो 3:8)
GEN 12:4 योहोवा क इना बुलो क अनसारे अब्राम चाल्यो, आरु लुत वी ओका सात मा‍ चाल्यो; आरु जोत्यार अब्राम हारान देश सी निकोळ्यो तेन टेमे हुयो पचहत्तर साल क हुतो।
GEN 12:5 ओस कोरीन अब्राम हेरी लाड़ी सारै, आरु हेरा भोतेरज्यास लुत क, आरु जो धोन हुयो एकठो कोर्‌यो हुतो, आरु ढुरे हुयो हारान मा जोड़्ला हुता, आखाक लीन कनान देश मा जाने क निकोळी गयो; आरु हुये कनान देश मा आय गुया।
GEN 12:6 तेना देश क विचो सी जाता होता अब्राम शकेम मा, चां मोरे क बांज झाड़ छे, पुग्या। तेन टेमे हिना देश मा कनानी मानुस रोहता हुता।
GEN 12:7 ओळतेन योहोवा अब्राम क दर्शन आपिन कयो, “यो देश मे तारा ओवलियाद क आपीस।” आरु हुयो चां योहोवा क लिय, जो हेनाक दर्शन आप्यो हुतो, एक वेदी बनायो। (गलातियो 3:16, प्रेरित 7:5)
GEN 12:8 ओळतेन होयां सी ओगा बोड़ीन होया तेना बोयड़ा पोर आया, जु बेतेल क उगेवनो भीनी छे, आरु हिन्दरो तंबु हेना जागा मा उबो किया जिना बुडेवनो भिनी बेतेल आरु उगेवनो भीनी ऐ छे। चां वी हुयो योहोवा क लिय एक वेदी बनायो आरु योहोवा सी विनता करीयो।
GEN 12:9 आरु अब्राम ओगु जाईन कनान दोखेवरे देश भीनी जात रोयो।
GEN 12:10 तेना देश मा काळ पोड़्यु: ओतरान कोरिन अब्राम मिसर देश मा जात रोयु की चां जाईन पोरदेशी बोनीन रोहे काहकी देश मा घोन जोबोर काळ पोड़लो हुतो।
GEN 12:11 ओळतेन ओसो हुयो की मिसर क धोड़े पुगीन, हुयो हेरी लाड़ी सारै सी कयो, सोमोळ, मेखे मालुम‍ छे की तु घोन घाटावी बयोर छे;
GEN 12:12 आरु जोत्यार मिसरी लोगहन तुखे देखसे ती कोवसे, यी हेरी लाड़ी छे, ओतरान कोरिने हीये मेखे मार नाखसे, बाखुन तार पोर जीती राख लेसे।
GEN 12:13 ती: यो कोहजी, मे एरी बोहनीस छे, जिना सी तारे लारे मारो वी भलो होये, आरु मारु जीव तारे लारे वाचसे (उत्पत्ती 20:2, 26:7)
GEN 12:14 ओळतेन ओसो हुयो की जोत्यार अब्राम मिसर मा आयो, ती मिसरी मानुस हेरी लाड़ीक देख्या की हीयी घोन घाटावी छे।
GEN 12:15 आरु फिरोन क मुखी ओको देखीन फिरोन क सामने ओकी तारीफ कोर्या; ओतरान कोरिन हुयी बायर फिरोन क घोर मा पुगाड़ दिदा।
GEN 12:16 आरु फिरोन हेरेन कोरीन अब्राम क भोलो हुयो; आरु ओको गाडरा बुकड़ा, गाय बुईल, दास दासीया, गदड़ा गोदड़ीया, आरु उटड़ा वी जोड़या।
GEN 12:17 बाखुन योहोवा फिरोन आरु ओका घोराना पोर, अब्राम क लाड़ी सारै क कारण मोटी मोटी पिड़ा नाख्यु।
GEN 12:18 ती फिरोन अब्राम क बुलावीन कयो, “तु मार साते काय कोर्यु? तु मेसे काहा नी कोयु की यी मारी लाड़ी छे?
GEN 12:19 तु काहा कोयु की यी मारी बोहनीस छे? हांव हेनी काजे मारी लाड़ी बोनावने क लिय लेदु; बाखुन हीमी तारी लाड़ीक लीन यां गोथू जात रोव।”
GEN 12:20 आरु फिरोन न आपसा मानषो क ओका वारा मा हुकुम आप्यु आरु हुये ओको आरु ओकी लाड़ी क, आखी धोनो भेव जी हेरी होती, मुकली देदा।
GEN 13:1 तोत्यार अब्राम हेरी लाड़ी आरु आपसी आखी जायदाद लीन, लुत काजे वी पुठी लीन, मिसर काजे छुड़ीन कनान क दोखेवरे देश मा आया।
GEN 13:2 अब्राम गाडरा बुकड़ा, गाय बुईल, आरु सोना रिपिया क मोटो धनी हुतो।
GEN 13:3 ओळतेन हेना दोखेवरे देश गोथा बेतेल क पास तेनात जागा मा पुग्या, जां पेहले हुयो हेरु तंबु उबो करीयो हुतो, जो बेतेल आरु ऐ क वीच मा छे।
GEN 13:4 यु जागु तेनी वेदी क छे, जु हीयु पेहले बनायो हुतो; आरु होयां अब्राम ओळी योहोवा सी विनता कोर्‌यो।
GEN 13:5 लुत क पास वी, जु अब्राम क सात मा चालतो हुतो, गाडरा बुकड़ा, गाय बुईल, आरु तंबु हुतो।
GEN 13:6 ओतरान कोरिन हीना देश मा हीनु दुय क लिय पुरतु जागु नी होतु क हुये एकठा रोय सोके; काहकी हीन्दरे जुळ घोन सोंटो धोन हुतो ओतरान कोरिन हीये एकठा नी रोय सोकतला।
GEN 13:7 अब्राम आरु लुत क गाडरा बुकड़ा आरु गाय बुईल क गुवाळ्या मा झगड़ो हुयो। तेन टेमे कनानी आरु परिज्जी मानुस उना देश मा रोहता हुता।
GEN 13:8 अब्राम लुत सी कोहने लाग्यो, मारा आरु तारा वीच, आरु मारा आरु तारे गुवाळ्या क वीच मा झगड़ो नी होयनो जुवे; काहकी आपनु भाई बन्धु छे।
GEN 13:9 काय आखो देश तारे सामने नी? ओतरान कोरिन मार सी ओलोग हुय जा; बाखुन तु डाख्र्यु जाउ ती मे जेवड़ु जाईस; आरु तु जेवड़ु जाय ती मे डाख्र्यु जाइस
GEN 13:10 ती लुत डुळा उचाकोरीन, यरदन नदी क पास वाली आखी तराई क देख्यो कि हियी आखी सिंचली छे। जोत्यार लोगुन योहोवा न सदोम आरु गमोरा क नष्ट नि करीयो हुतो, तित्यार लोगुन सोअर क वाट तक हियी तराई योहोवा की वाटिक, आरु मिसर देश क जोसो उपजाऊ हुती। (उत्प. 20:10)
GEN 13:11 ओतरान कोरिन लुत हेरे लिय यरदन क आखी तराई क नेवाड़ीन उगेवनो भीनी चाल्यो, आरु हुये एक दिसरा सी ओलोग हुय गोया।
GEN 13:12 अब्राम कनान देश मा रोयो, लुत तेनी तराई क नोगोर मा रोहने लाग्यो; आरु आपसो तंबु सदोम क धोड़े उबो कोर्‌यो।
GEN 13:13 सदोम क मानुस योहोवा क लेखा मा मोटा दुष्ट आरु पापी हुता।
GEN 13:14 जोत्यार लुत अब्राम सी ओलोग हुय गोयो तेरे वाद मा योहोवा अब्राम सी कयो, “डुळा उचा कोरीन जेना जागा पोर तु छे चां सी दोखेवरे बोखेवरो, उगेवनो बुडेवनो, च्यारु मेर निगा कोर।
GEN 13:15 काहकी जोतरु जागु तुसे देखा पोड़े हेना सब क मे तुसे आरु तारा ओवलियाद क जोलोम् जोलोम क लिय आपीस। (प्रेरित 7:5)
GEN 13:16 आरु हांव तारा ओवलियाद क कोळी क धूवा क किनका क समान घोना कोरीस, या तोक की जौ कुदु कोळी क धुवु क किनका क गिन सोके तोसो तारा ओवलियाद वी गिन सोकसे।
GEN 13:17 उठ, एना देश क नाम्बाय आरु चोड़ाई मा चाल फिर, काहकी हांव तेनाक तुसे आपीस।”
GEN 13:18 एरे वाद अब्राम आपस तंबु उखावीन, मम्रे क वांजिया झाड़ क वीच जी हेब्रोन मा हुता, जाईन रोहने लाग्या; आरु होया वी योहोवा क एक वेदी बनायो।
GEN 14:1 शिनार ज राजा अम्रापेल, आरु एल्‌लासार क राजा अर्‌योक, आरु एलाम क राजा कदोर्लाओमेर, आरु गोयीम क राजा तिदाल क दाहड़ा मा ओसो हुयो,
GEN 14:2 कि हुये सदोम क राजा बेरा, आरु गमोरा क राजा बिर्शा, आरु अदमा क राजा शिनाब, आरु सबोयीम क राजा शमेबेर, आरु बेला जो सोअर वी कोवाये।
GEN 14:3 ये पांचू सिद्दीम नावोन तराई मा, जो खारा ताल क धोड़े छे, एका कोर्‌यो।
GEN 14:4 बारे साल लोगुन ते ये कदोर्लाओमेर क हको तळे रोया; बाखुन तेरे साल मा ओका खिलाफ विद्रोहन काम कोर्‌यो।
GEN 14:5 चोदवां साल मा कदोर्लाओमेर आरु ओका साती राजा आए, आरु अशतरोत्कनम मा रपाय क, आरु हाम मा जुजियो क, आरु शाबे किरयातेम मा एमियो क,
GEN 14:6 आरु सेईर नावोन क बोयड़ा पोर होरीयो क कुटता कुटतात् तेना एल्पारान लोगुन जो जोंगोल क धड़े छे, पुग गया।
GEN 14:7 होंया गोथा पोछा आवीन एन्मिशपात क आया, जो कादेश वी कोवाये, आरु अमालेकियो क आखा देश क आरु तेना एमोरिया क वी जीत लियो, जो हससोन्तामार मा रोहता हुता।
GEN 14:8 ती सदोम, गमोरा, अदमा, सबोयीम, आरु बेला, जो सोअर वी कवाये, इन्दरु राजा निकले आरु सिद्दीम नावोन तराई मा उना सात लोड़ाय क लिय पाति बान्दया:
GEN 14:9 अर्थात एलाम क राजा कदोर्लाओमेर, गोयीम क राजा तिदाल, शिनार क राजा अम्रापेल, आरु एल्‌लासार क राजा अर्‌योक, इनु च्यारु क विरुद चे पांचू मेवीन पाति बान्दया।
GEN 14:10 सिद्दिम नावोन तराई मा जा लसार धुळा क खाड़ात खाड़ा हुता; सदोम आरु गमोरा क राजा ढास ढासता तेनुमा हीट पोड़्या, आरु जे वाच्या चे बोयड़ा पोर ढास गया।
GEN 14:11 ती चे सदोम आरु गमोरा क आखो धोन आरु खानेन सोमान क लुट लुटीन जात रोया।
GEN 14:12 आरु अब्राम क भतीजो लुत, जो सदोम मा रोहतो हुतो, तेरो वी धोन लिन जात रोया।
GEN 14:13 ती एक जोनु जु ढासीन वाच नीकोळ्यो हुतो हुयो जाईन इब्री अब्राम क खोबोर आप्यो; अब्राम ते एमोरी मम्रे, जो एश्कोल आरु आनेर क भाईष् हुतो, ओका बांज झाड़ क वीच मा रोहतो हुतो; आरु ये मानुस अब्राम क सात मा वायदु बांधला हुता।
GEN 14:14 यो सोमळीन कि ओको भतीजो धोराय गयो, अब्राम हेरा तीन सोव ओठारे भोनला, वार लोड़ायने मा पाका दासो क लीन जो ओको कुटुम्ब मा पोयदा हुया होता, होतीयार लीन दान लोगुन हिन्दरे पोछोळ पोड़्या;
GEN 14:15 आरु रात क आपसा दास क आंगे आंगेय् दल बांधीन उन पोर होमलु कोरीन तेनुक मार लेदा आरु होबा लोगुन, जो दमिश्क क उत्तर की भेनी छे, तिन्दरे पोछोळ पोड़्या।
GEN 14:16 आरु हुये आखो धन क, आरु आपसा भोतीजे लुत आरु ओको धोन क, आरु बायराक, आरु सब धोरायला क पोछा ली आया।
GEN 14:17 जोत्यार हुये कदोर्लाओमेर आरु ओका साती राजा क जितीन पोछा आवता हुता ती सदोम क राजा शावे नावोन तराई मा, जु राजा क तराई वी कोवायतली, तेनासी मेवने कोरिन आयो।
GEN 14:18 ती शालेम क राजा मलिकिसिदक, जु ईश्वर क मोटलो याजक हुतो, रुटू आरु दाखमधु ली आयो। (इब्रा. 7:1-10, भजन 110:4)
GEN 14:19 आरु हुयो अब्राम क यो बोरकोत आप्यो, “मोटला भोगवान भिनी गोथो, जु आकाश आरु कोळ क आधिकारी छे, तु सोयाव्वु होये।
GEN 14:20 आरु सोयाव्वु छे मोटलु भोगवान, जिनासी तारा वेरी क तारा वश मा कोर देदो।” ती अब्राम ओको आखा सामानोन दशमांश आप्यो।
GEN 14:21 ति सदोम क राजा अब्राम सी कयो, “जीवे क तो मेखे आप, आरु धोन क आपसे पास राख।”
GEN 14:22 अब्राम सदोम क राजा सी कयो, “मोटलु भोगवान योहोवा, आकाश आरु कोळी क आधिकारी छे,
GEN 14:23 ओकी मे शपथ खाम, कि जो काय तारो छे तेना सी नी ते हांव ककय वी, आरु नी खासड़ा क बोन्दे, नी काय आरु चीज नीकावो की तु ओसु नी कोहने बाजजाय की अब्राम मारेत लारे लोगपोती होयलु छे।
GEN 14:24 बाखुन जो काय ईनु जुवान्या खाय लेदला छे, आरु इना वाटा, जे मारे साते गोयला छे अर्थात् आनेर, एश्कोल, आरु मम्रे, हांव नी पोछु आवो, चे ते आपसु त् वाटू राख लेये तोसे।”
GEN 15:1 इनी वातो क वाद मा योहोवा क यो बुल दोर्शोन मा अब्राम क पास मा पुग्यो : “हे अब्राम, मा बिहये; तारी ढाल आरु तारो घोनो मोटो फोव मे छे।”
GEN 15:2 अब्राम कयो, “हे भोगवान योहोवा, हांव ते निर्ओ ओवलियाद छे, आरु मारा घर क वारिस ये दमिश्कवासी एलीएजेर रोहसे, अत: तु मेसे काय आपीस?”
GEN 15:3 आरु अब्राम न कयो, “मक क तु ओवलियाद नी दियो, आरु काय देखो की मारे घोर मा पोयदा होयलो एक जन मारो वारीस रोहसे।”
GEN 15:4 ति योहोवा क यो बुल ओका पास मा पुग्यो, “यो तारो वारिस नो रोहसे, तारो जो निज पुर्यु रोहसे, वही तारो वारीस रोहसे।”
GEN 15:5 आरु हुयो ओको खोयड़े लिजाईन कयो, “वादळा भीनी नीगाह नाखीन तारागण क गिन, काय तु ईनुक गिन सोके काय?” ओळतेन हुयो हेनाक कयो, तारा ओवलियाद वी ओसा रोहसे (रोम. 4:18, इब्रा. 11:12)
GEN 15:6 हुयो योहोवा पोर विश्वास करीयो; आरु योहोवा न इनी वार क ओका लेखा मा धर्म गिन्यो (रोम. 4:3, गला. 3:6, याकुब 2:23)
GEN 15:7 ती हुयो हिनासी कयो, “हांव वही योहोवा छे जु तुखे कसदियो क ऊर नोगोर सी खोयड़े ली आवलु, की तुसे एना देश क होक आपो।”
GEN 15:8 चो कयो, “हे भोगवान योहोवा, हांव कोसु जानो कि हांव एरु होकदार्यु होईस?”
GEN 15:9 योहोवा अब्राम सी कयो, “मारे जुगु तीन साल क एक कलोर, आरु तीन साल एक बुकड़ो, आरु तीन साल क एक गाडरा, आरु एक पिण्डुक आरु एक पेरवा क पिलो लीले।”
GEN 15:10 ईनु आखा क लीन हुयो तिन्दरो वीच मा दी दुय टुकड़ा कोर दिदो, आरु टुकड़ा क आम्बा–साम्बा मेक दिदो; बाखुन चिल्‌ला क हुयो टुकड़ा नी करीयो।
GEN 15:11 जोत्यार मासवाळा चिल्‌ला लोथो पोर आय लाग्या, ती अब्राम न ओको उड़ाय दिदो।
GEN 15:12 जोत्यार दाहड़ु डूबने लाग्यु, ती अब्राम क बेसकी नींद आवी; आरु देखु, बेसकी बीक आरु घोने जोबोर आतंक होय गोयो (अय्युब 4:13-14)
GEN 15:13 बती योहोवा न अब्राम सी कयो, “यो खोरी जान की तारा ओवलियाद पारका देश मा वी हुलक्र्या बोनीन रोहसे, आरु तेना देश क मानुषो क दास हुय जासे; आरु हुये चे ओको चार सोव साल लोगुन वेला पाड़से ( निर्ग. 1:1-14, प्रेरि. 7:6)
GEN 15:14 ओळतेन जिना देस क हुये दास होयसे तेनाक मे डोन आपीस आरु ओका वाद मा मोटो धोन चा गोथू लिन निकोळी जाइस (निर्ग. 12: 40-41, प्रेरि. 7:7)
GEN 15:15 तु ते आपसा पितरों मा कुशल क सात वारु मिळ जाईस; तुखे आखा डाहवारा मा धुळु आपसे।
GEN 15:16 बाखुन हुये चोथी पीढ़ी मा यां ओळी आवसे: काहकी हिमी लोगुन एमोरिया क ओधोरोम पुरो नी होयलो छे।”
GEN 15:17 आरु ओसो होयो कि जोत्यार दाहड़ु बुड गोयु आरु घोनो आंधारो होय गोयो, ती एक अंगीठी जीना सी धूवाडू निकवतलु आरु एक धोपोतली मशाल देखा पोड़ी जी तेना भुकरा क वीच मा होईन निकोळी गोय।
GEN 15:18 इने दाहड़े योहोवा न अब्राम क सात मा वायदु बांध्यु, “मिसर क महनद से लीन परात नावोन मोटली नद लोगुन जोतरा देश‍ छे (प्रेरि. 7:5)
GEN 15:19 अर्थात केनियो, कनिज्जियो, कदमोनियो,
GEN 15:20 हित्तीयो, परिज्जियो, रपायो,
GEN 15:21 एमोरियो, कनानियो, गिर्गाशियो आरु यबुसियो क देश हांव तारा ओवलियाद क आपलो छे।”
GEN 16:1 अब्राम क लाड़ी सारै क कोय ओवलियाद नी होती। ओकी हाजिरा नाव क एक मिसरी दासी होती।
GEN 16:2 सारै ने अब्राम सी कोहि, “देख, योहोवा न तो मारी कुख बोन्द राखली छे, ओतरान कोरिन हांव तार सी विनत कोरो कि मारी दासी क पास जा; सम्भव छे की मारो घोर ओके द्वारा बोस जाय।” सारै क यी वात अब्राम न मान लिदो।
GEN 16:3 ओतरान कोरिन जोत्यार अब्राम क कनान देश मा रोहता दोस साल वित गोया ती ओकी लाड़ी सारै न आपसी मिसरी दासी हाजिरा क लीन आपसा घोरवाळा अब्राम क आपी, की हुयी हेरी लाड़ी होये।
GEN 16:4 हुयो हाजिरा क पास मा गयो, आरु हुयी भारेपाये हुयी, ती हुयी जानी कि हांव भारपाये छे, ती हुयी आपसी स्वामिनी काजे तुच्छ निगाह से देखने बाज गोय।
GEN 16:5 ती सारै न अब्राम सी कोहि, “जो मार पोर झगड़ो करावनो होयो चो तारात मुनका पोर होये। मे ते आपसी दासी क तारी लाड़ी कोर देदी; बाखुन हुयी जानी कि हांव भारपाये छे, ती मेखे वीटोळ जानने लाग गोय; ओतरान कोरिन योहोवा मारे आरु तारे वीच मा नियाव कोरे।”
GEN 16:6 अब्राम न सारै सी कयो, “देख, तारी दासी तारा होको मा छे; जोसो तुखे वारु लागे तोसोत हेरे पुठी कोर।” ती सारै हेनीक वेला आपने वाज गोय, आरु हुयो हेरे सामने सी ढास गोय।
GEN 16:7 ती योहोवा क दुत न ओको जोंगोल मा शुर क वाट्ये पोर पानीन झोरोन चा देखिन कोयो,
GEN 16:8 हे सारै क दासी हाजिरा, तु कां गोथी आवी आरु कां जाय रोय; हुयी कोहि, “हांव मारी स्वामिनी सारै क सामने सी ढासीन आय रोय।”
GEN 16:9 योहोवा क दुत न हेनी सी कयो, “आपसी स्वामिनी क पास म पोछी जा आरु ओका होको मा रोव।”
GEN 16:10 आरु योहोवा क दुत ओको यो वी कयो, “मे तारी ओवलियाद क ओळी वोदाड़ीस, या तोक की घोनसोटा की गिनाये नि सोके।”
GEN 16:11 आरु योहोवा क दुत हेनी सी कयो, देख, तु भारपाये छे, आरु पुर्य होयसे; तु ओको नाव इश्माएल राखजी, काहकी योहोवा न तारा दुख क हाल सोमळी लेदलो छे।
GEN 16:12 आरु हुयो मानुस बनेले गदड़ा क जोसो होयसे, ओको हात सब क विरुद्ध उठसे आरु सब क हात ओका विरुद्ध मा उठसे; आरु हुयो आपसा सब भाई–बोन्या क वीच मा रोहसे।
GEN 16:13 ती हुयो परमेश्वरन नाव जो हेना सी वात कोर्‌यो हुतो अत्ताएलरोई राखी कयो, “काय मे या वी ओको जातला देखिस आरु देखने क वाद मा जिवतली रोहिस?”
GEN 16:14 ओस कोरिन तेना कुवा क नाव लहेरोई कुवो पोड़्यो; होयो ते कादेश आरु बेरेद क विच मा छे
GEN 16:15 हाजिरा क अब्राम क द्वारा एक पुर्य होयो; आरु अब्राम न आपसा पुर्या क नाव, जो हाजिरा पोयदा कोरी, इश्माएल पाड़्यु। (गला. 4:22)
GEN 16:16 जोत्यार हाजिरा न अब्राम क द्वारा इश्माएल क जोन्म देदी तेन टेमे अब्राम छियासी साल क थो।
GEN 17:1 जोत्यार अब्राम एक कोम सोव सालोन होय गयो, ति योहोवा न ओको दर्शन दिन कयो, हांव सर्वशक्तिमान ईश्वर छे; मारी हाजरी मा चाल आरु खोरु होयतु जा।
GEN 17:2 हांव तारे साते वायदु बान्दीस, आरु तारा ओवलियाद क बेस वोदाड़ीस।
GEN 17:3 ती अब्राम मुयोन भुरसे हिट पोड़्यु: आरु परमेश्वर हेना सी होसुत वात कोतु रोयु,
GEN 17:4 देख, मारु वायदु तारा सात मा बान्दायलु रोहसे, ओतरान कोरिन तु जाति क टुळा क मुलपिता होय जाईस।
GEN 17:5 ओतरान कोरिन हीमी गोथो तारो नाव अब्राम नी रोहसे, बाखुन तारो नाव अब्राहम होयसे; काहकी मे तुखे जातियो क टुळा क मुलपिता बोनाय देदलु छे। (रोम. 4:17)
GEN 17:6 हांव तुखे घोनु फलवन्त कोरिस, आरु तुसेक जाति जातिन मुल बनाय दिस, आरु तारा ओवलियाद म राजा पोयदा होयसे।
GEN 17:7 आरु हांव तारे पुठी, आरु तारा वाद की पीढ़ी पीढ़ी लोगुन तारा ओवलियाद क सात वी इने आशय क जोलोम जोलोमन वायदु बान्धो, की मे तारे आरु वाद क तारा ओवलियाद क वी परमेश्वर रोहिस। (लुका 1:55)
GEN 17:8 आरु हांव तुखे, आरु तारा वाद तारा ओवलियाद क वी, यो आखो कनान देश जेनामा तु हुलक्र्यु होईन रोहतलु, इने रिते आपीस कि चो होमीशा–होमीशा ओकी घोरुन जागु रोहसे, आरु हांव हेन्दरु परमेश्वर रोहिस (प्रेरि. 7:5)
GEN 17:9 ओळतेन परमेश्वर न अब्राहम सी कयो, “तु वी मारा सात बान्दली वाचा क पाळ्या कोरजी।
GEN 17:10 मारे साते बान्दली वाचा, तेरो पाळन तुसे आरु तारा वाद क तारा ओवलियाद क कोरनो पोड़से, ची यी छे : तुमरे मा सी एक एक मानुसक खतनो होये (रोम. 4:11, प्रेरि. 7:8)
GEN 17:11 तुमु आपनी आपनी खालड़ी क खतनो कोराय लेजु : जु वाचा मारे आरु तुमरे विच मा छे, तेरो यो सोहलानी होयसे।
GEN 17:12 पीढ़ी पीढ़ी मा केवल तारा ओवलियाद काज मानुस नी बाखुन जु तारे घोर पोयदा होयला छे, अथवा परदेशियो सी पोयस्‌या आपीन मुले लि लेजु।
GEN 17:13 जु तारा घोर मा पोयदा होये, अथवा तारा पोयस्‌या सी मुले लेदलो रोहे, ओको खतनो वी कोरनो; ओस कोरिन मारा वायदान सोहलानी तुमरा डीलो मा रोहसे हुयो जोलोम जोलोम् रोहसे।
GEN 17:14 जु मानुस विगुर फातोरकाती रोहसे, अर्थात जेरी खालड़ी क खतनो नो होये, चो जीव आपना मानषो मा सी नोष्ट कोर्‌यो जासे, काहकी हुयो मारे पुठी वायदु बान्दला काजे तुड़ देदो।”
GEN 17:15 ओळी परमेश्वर न अब्राहम सी कयो, “तारी जी लाड़ी सारै छे, ओको तु हिमी सारै झुण कोहे, ओको नाव सारा होयसे।
GEN 17:16 हांव हेनीक बोरकोत आपीस, आरु तुखे ओका द्वारा एक पुर्य आपीस, आरु हांव ओको ओसो बोरकोत आपीस की हुयी जाति जातिन मुलमाता होय जासे; आरु ओका ओवलियाद मा राज्य–राज्य क राजा पोयदा होयसे।”
GEN 17:17 ती अब्राहम मुयोन भुरसे हुट पोड़यु आरु हासने, आरु मोनोत मोनोम कोहने लाग्यु, “काय सोव साल क मानुसक वी ओवलियाद होयसे आरु काय सारा जी नोब्बे साल कि छे पुर्य जोनसे?”
GEN 17:18 आरु अब्राहम न परमेश्वर सी कयो, “इश्माएल तारी निगाह मा बोनलु रोहे! योत बेस छे।”
GEN 17:19 ती परमेश्वर न कयो, “खोरी तारी लाड़ी सारा क तार सी एक पुर्य पोयदा होयसे; आरु तु ओको नाव इसहाक राखजी; आरु हांव ओका सात मा ओसी वाचा बान्धीस जी ओका वाद मा ओकी ओवलियाद क लिय जोलोम जोलोम् कि वाचा रोहसे।
GEN 17:20 इश्माएल क वारा मा वी हांव तारी सोमवलु छे; मे ओको वी बोरकोत आपीस, आरु ओको फलवन्त कोरिस आरु घोनु वोदाड़ीस; हेना सी बारे डाहला पोयदा होयसे, आरु हांव हेना सी एक मोटली जाति बोनाविस।
GEN 17:21 बाखुन हांव आपसी वाचा इसहाक पुठीत बान्दीस जु सारा सी अगले साल इने टेमे पोयदा होयसे।”
GEN 17:22 ती परमेश्वर न अब्राहम सी वात कोरनो बोन्द करीयो आरु ओका चा रोईन उपोर जात रोयो।
GEN 17:23 ती अब्राहम न आपसा पुरया इश्माएल क लिदो; आरु ओका घोर मा जोत्रा वी पोयदा होयला हुता, आरु जोतरा हेरा पोयस्‌या मुले लेदला हुता, अर्थात् ओका घोर मा जोत्रा मानुस हुता तेनु आखाक लीन तेने दाहड़े परमेश्वर क बुलोन ओनसारे हेन्दरी खालड़ी क खतनो करीयो।
GEN 17:24 जोत्यार अब्राहम क खालड़ी क खतनो हुयो ती अब्राहम एक कोम सोव सालोन होतु।
GEN 17:25 आरु जोत्यार हेरा पुर्या इश्माएल क खालड़ी क खतनो हुयो ती हुयो तेरे सालोन हुतो।
GEN 17:26 अब्राहम आरु ओको पुर्य इश्माएल दुयो क खतनो एकज दाहड़े हुयो;
GEN 17:27 आरु ओका घोर मा जोत्रा मानुस हुता, जे घोर मा पोयदा होयला ओळी जो पोरदेशी क हातो सी पोयस्‌यान मुले लेदला हुता, सब क खतनो ओकाज सात मा हुयो।
GEN 18:1 अब्राहम मम्रे क बांज झाड़ क वीच बेस तोपो क टेमे तंबु क झोपला पोर बोठ रोयु होतु, ती योहोवा न ओको दर्शन दिदो:
GEN 18:2 हुयो डुळा उचाकोरीन निगाह कोर्‌यो ति काय देख्यो कि तिन मानुस ओका सामने उब रोया। (इब्रा. 13:2)
GEN 18:3 “हे पोरबु, काहमाईन मार पोर तारी गिनोन निगाह होय ती हांव विनता कोरो कि आपसा दासोन चा गोथू झुणी जाय।
GEN 18:4 हांव थुड़ोस जळ लियावो, आरु आप आपसा पाय धुविन इना झाड़ क नेचो आराम कोरो।
GEN 18:5 ओळी हांव एक भुकरु रुटान ली आवो, आरु तिनासी आप आपसा जीव क तृप्‍त कोरजे, ती ओका वाद मा ओगा बोड़जे; काहकी आप आपसा दास क पास ओतरान कोरिन आवलु छे।” हुयो कयो, “जोसो तु कोयो तोसोत कोर।”
GEN 18:6 ती अब्राहम तोत्यारुत तंबु मा सारा क पास गयो आरु कयो, “छाटीत दोस किलु मोयदु लिन कुसोन आरु तेरा रुटा बोनाय ले।”
GEN 18:7 ती अब्राहम गाय बुईल क टुळा मा दौवड़्यु आरु एक बेस वारु आरु वारु बछड़ो लिन आपसा दास क आप्यो, आरु तेनाक छाटू रान्दाड़्यु
GEN 18:8 ती हुयो दुध आरु दही आरु बछड़ा क मांस, जो हुयु रान्दाड़लु हुतु, लीन हेरे ओगोळ वाट देदु; आरु आप झाड़ क नेड़ो पोलान चा उबो रोह, आरु हुये खाने लाग्या।
GEN 18:9 हुये हेना सी पुछ्या, “तारी लाड़ी सारा कां छे?” हुयो कयो, “ची तंबु मा छे।”
GEN 18:10 हुयो कयो, “हांव वसन्त ऋतु मे छाचीन तारेन्चा आवीस, आरु तारी लाड़ी सारा क एक पुर्य पोयदा होयसे।” सारा तंबु क झपला पोर जु अब्राहम क पोछो हुतो, सोमळती होती। (रोम. 9:9)
GEN 18:11 अब्राहम आरु सारा दुयु बेसका डाळा होता; आरु सारा क मासिक धर्म बोन्द हुय गोया हुता।
GEN 18:12 ओतरान कोरिन सारा मोनो मा हासीन कोहने लागी, हांव ते डावी छे, आरु मारु घोरवावु वी ते डावु छे, ती काय यो सुख होयसे (1 पत. 3:6)
GEN 18:13 ती योहोवा न अब्राहम सी कयो, “सारा यो कोवीन काहा हासे कि काय मारे, जो ओतरी डावी होय गोय, छाचीन होयसे?”
GEN 18:14 काय योहोवा क लिय काय काम वातड़ो छे? सोय टेमो मा, अर्थात वसन्त ऋतु मा, हांव तारे पास ओळी आवीस, आरु सारा क पुर्य पोयदा होयसे (लुका 1:37)
GEN 18:15 ती सारा बिहिन कोहने बाज गोय “मे नी हासी।” हुयो कयो, “नी; तु ते हासली हुती।”
GEN 18:16 ओळतेन चे मानुस चां गोथा सी चाल्या आरु सदोम भीनी निगाह कोर्या की; आरु अब्राहम तेनुक विदा कोरने क लिय ओका सात मा चाल्यो।
GEN 18:17 ती योहोवा न कयो, “यो जो हांव कोरो, चो काय अब्राहम सी डुकाड़ी राखो?
GEN 18:18 अब्राहम सी ते छाचीन एक मोटी आरु सामर्थी जाति उबेजसे, आरु कोळी का आखी जाती ओका लारे बोरकोत पावसे।
GEN 18:19 काहकी हांव जानो कि हुयो पासा पुर्या आरु घोरल्या क, जे ओका पोछोळ रोय जासे, हुकुम आपसे कि चे योहोवा क वाटो मा अटल बोनला रोहु, आरु धर्म आरु नियाव कोरता रोहु; काहकी जो काय योहोवा न अब्राहम क वारा मा कोहलो छे ओको पुरो कोरे।”
GEN 18:20 ओळी योहोवा न कयो, “सदोम आरु गमोरा कक आयड़नो वोद गोयो, आरु ओलो पाप बेस भारी होय गोयलो छे;
GEN 18:21 ओतरान कोरिन हांव उतरीन देखिस कि हेरे जोसो आयड़नो मारा कान्टा लोगुन पुगलो छे, हुये ठीक तोसोत काम कोर्या कि नी; आरु नी कोर्या होय ति हांव हेना पारखी लीस।”
GEN 18:22 ती चे मानुस होया सी मुड़ीन सदोम भिनी जाने लाग्या; बाखुन अब्राहम योहोवा क ओगोळ उबो रोय गोयो।
GEN 18:23 ती अब्राहम हेरे धोड़े जाईन कोहने लाग्यु, “काय तु छाचीन भुण्डला पुठी वारलान वी नाश कोरीस?
GEN 18:24 काहमाईन हेना नोगोर मा पोचास धोरमी होसे; ती काय तु छाचीन हेना जागा क नष्ट कोरिस आरु हेनु पोचास धोरमी क लिय जो हेरेम छे, नी छुड़ीस?
GEN 18:25 ओसलो काम कोरने तार सी नाम्बे रोहे कि भुण्डा क सात धोरमी क वी मार नाखीस, आरु धोरमी आरु भुण्डा दुयो क एकुज रोहसे। यो तार सी नाम्बे रोहे। काय आखी कोळी क नियाव कोरन्यु नियाव नि लोरे?”
GEN 18:26 योहोवा न कयो, “काहमाईन मेसे सदोम मा पोचास धोरमी जोड़े। ती तिन्दरै जुगु तेना आखा जागा क छुड़दीस।”
GEN 18:27 ओळतेन अब्राहम न कयो, “हे पोरबु, सोमोळ, हांव ते धुळा आरु रुखड़ु छे, तेवी हांव ओतरी हिमोत नी कि तारसी वात कोरो।
GEN 18:28 काहमाईन हेनु पोचास धोरमी मा पांच घोट जाय; ती काय तु पांचूत क घोटने क कारण तेनु आखा नोगोर काजे नाश कोरिस?” हुयो कोयो, “काहमाईन मेसे हेनुमासी चावीस ने पाच वी जोड़े, तीवी ओको नाश नी कोरो।”
GEN 18:29 ओळी हुयो हेनासी यो वी कयो, “काहमाईन होयां चावीस जोड़े।” हुयो कयो, “ते हांव चावीस क कारण वी ओसो नी कोरीस।”
GEN 18:30 ओळी हुयो कयो, “हे पोरबु, रीस झुण कोरे ती हांव काय ओळी कोहो। काहमाईन होया तीस जोड़े।” हुयो कयो, “काहमाईन मेसे होया तीस वी जोड़े, तेवी ओसो नी कोरीस।”
GEN 18:31 ओळी हुयो कयो, “हे पोरबु सोमोळ, हांव ओतरी ढिठाई ते कोरलु छे की तार सी वात कोरो: काहमाईन हेरेमा वीस जोड़े।” हुयो कयो, “हांव विस क लिये वी ओको नाश नी कोरो।”
GEN 18:32 ओळी हुयो कयो, “हे पोरबु, रीस झुन कोरे, मे एक कावार आरु कोहिस; काहमाईन हेरेमा दोस जोड़े।” हुयो कयो, “ति हांव दोस क लिय वी ओको नाश नी कोरिस।”
GEN 18:33 जोत्यार योहोवा अब्राहम सी वात कोर लिदो, ती जात रोयु; आरु अब्राहम आपसे घोर क जात रोयु।
GEN 19:1 वेळा क चे दुय दुत सदोम क पास आया; आरु लुत सदोम क झोपला क पास बोठलो हुतो। तेनुक देखीन हुयो तेनुक मेळने कोरीन उठ्यो, आरु मुय क भुरसे झुकीन वांदतु जाईन कोयु,
GEN 19:2 “हे मारा भोगवाने, आपस दास क घोर मा आवु, आरु रात भोरीन आराम कोरु, आरु आपसा पाय धुवु, ओळतेन कुकड़ुवासे उठीन आपने वाट्ये जात रोहजु।” हुये कोया, “नी, हामु, चोकड़ी पोर रात रोय लेसु।”
GEN 19:3 बाखुन हुयो हेन्दरे सी बेस विनता कोरिन मोनयु; ओतरान कोरिन चे ओका सात जाईन हेरा घोर मा आया; आरु हुयो हिन्दरे लिय खनो तियार कोर्‌यो, आरु विगुर खोमीर करुटा बोनावीन खावाड़ीयो।
GEN 19:4 हेनुक सुवने से पेहले, सदोम नोगोर क मानुस न, जुवान्या सी लागाड़ीन डाहला लोगुन, बाखुन च्यारु मेरोन आखा मानुस आवीन हेना घोन क घेरवी लेदा;
GEN 19:5 आरु लुत क आयड़ीन कोहने लाग्या, जे मानुस आज रात क तारेनचा आवला छे चे कां छे? हेनुक आमरेनचा खोयड़े ली आव कि हामु हिन्दरे सी संभोग कोरजे (न्यायीयो 19:22-24)
GEN 19:6 ती लुत हिन्दरे धड़े झपला क खोयड़े गयो, आरु किवाड़ क आपसे पोछोळ बोन्द कोरीन कोयो,
GEN 19:7 “हे मारा भाष्यो, हांव तुमरे सी विनता कोरो, ओसी बुराई मा कोरु।
GEN 19:8 सोमळु, मारी दुय पुराय छे चे हांजु लोगुन मानषोन मुय नी देख्या; मोरजी होय ति हांव तेनुक तुमरेन्चा खोयड़े लि आवो, आरु तुमुक जोसो वारु लागे तोसो वेहवार हिन्दरे सी कोरु; बाखुन ईनु मानषो सी काय नी कोरु; काहकी ये मारी छोतो तोळे आवला छे।”
GEN 19:9 हुये कोया, “छेटु जा!” ओळी कोहने लाग्या, तु ते हुलक्र्यु होईन यां रोहने क लिय आयो, बाखुन हीमी नियायी वी बोन बोठ्यु; ओतरान कोरिन हीमी हामु हेन्दरे वी वोदु तार पुठी बुराय कोरसु। आरु चे तेना मानुस लुत क घोना डाबने लाग्या, आरु किवाड़ तुड़ने क लिय धोड़े आया।
GEN 19:10 ती चे पाहन्तरीया हात ओगु कोरीन लुत क आपसे चां घोर मा हापकी लेदा, आरु किवाड़ क बोन्द कोर दिदा।
GEN 19:11 आरु हुये काय नाना, काय मोटा, आखा मानुस क जो घोर क झपला पोर होता, आंधवा कोर दिदा, अत: चे झोपला क टाटवी टाटवीन थाक गोया ( 2 राजा 6:18)
GEN 19:12 ओळतेन हुये पाहन्तरिया न लुत सी पुछ्या, “यां तारो आरु कुन कुन छे? जोवाय, पुर्या, पुरायटा, आरु नोगोर मा तारो जो कुदु होय, तेनुक आखाक लिन इना जागा सी नीकोळी जा।
GEN 19:13 काहकी हामु इना जागा क खोतोम कोरने पोर छे, ओतरान कोरिन कि इन्दरी ओवाज योहोवान क सामने बोढ़ गोयली छे; आरु योहोवा न आमुक ओको सत्यनाश करने क लिय मोकेल्लो छे।”
GEN 19:14 ती लुत न नीकोळीन आपसा जोवाय क, जिन्दरे साते हेरा पुरायटान सोगाय होयली होती, सोनझाड़ीन कया, उठू, इना जागा सी निकोळीन जावु; काहकी योहोवा इना नोगोर क नोष्ट कोरने पोर‌ छे। बाखुन हुयु आपा जोवायन निगाहा मा ठट्ठा कोरनेवाळु जान पोड़्यु।
GEN 19:15 जोत्यार पौ फाटने लागी, ती दुते न लुत सी छाटा कोरने कोरीन कयो आरु कोया, “उठ, आपसी लाड़ी आरु दुयु पुरायटाक जे या छे ली जा, नी ते तु वी इना नोगोर क ओधोरोम मा रुखड़ु होय जाइस।”
GEN 19:16 बाखुन हुयु वार लागाड़तु रोयु; ओस कोरीन चे मानुस हेरो आरु हेरी लाड़ीन, आरु दुयु पुरायटान हात धोर्या, काहकी योहोवा की गीन हेर पोर होती; आरु हेनुक नीकाळीन नोगोर सी बाहर कोर देदा (2 पत. 2:17)
GEN 19:17 आरु ओसो हुयो कि जोत्यार हुये हेनुकक खोयड़े निकाळया। ती कोया, “आपसी जीव लिन ढास जा; पोछू फिरीन झुणी भावे, आरु तराई भोर मा झुनी रुकाये; तेना बोयड़ा पोर ढास जाजु नी ते तु वी रुखड़ु होय जाइस।”
GEN 19:18 लुत न तेनु सी कयो, “हे पोरबु, ओसो मा कोरे!
GEN 19:19 देख, तारो दास पोर तारी गिन क निगाह होयली छे, आरु तु न इनी मा मोटी गीन देखाड़्यु कि मारो जुव क बाचाड़लो छे; बाखुन हांव बोयड़ा पोर नी ढास सोकतलु, काहमाईन ओसो नी की काहीन पिड़ा मार पोर आय पोड़े, आरु हांव पोर जाम।
GEN 19:20 देख, हुयो नोगोर ओसो धोड़्ये छे कि हांव होया ढास सोकीस, आरु हुयो नानो वी छे। मेसे होयांत ढास जाने दे, काय हुयो नोगोर नानो नी होय? आरु मारो जीव वाच जासे।”
GEN 19:21 हुये हेना सि कया, “देख, मे ते इना वाराम तारी विनता मानलु छे, कि जिना नोगोर क वात तु कोरलु छे, ओको मे नोष्ट नी कोरीस।
GEN 19:22 तावनी सी होयां ढास जा; काहकी जोत्यार तु होयां नी पुगे, ती लोगुन हांव काय नी कोर सोकीस।” ओतरान कोरीन हेना नोगोर क नव सोअर पोड़्यो।
GEN 19:23 लुत क सोअर क धोड़े पुगीन दाहड़ु कोळी पोर उगज्यु।
GEN 19:24 ती योहोवा न अपसे भीनी सी सदोम आरु गमोरा पोर आकाश सी गन्धक आरु आगठो पाड़्यो (मत्ती 10:15, लुका 10:12, 2 पर. 2:6)
GEN 19:25 आरु हेना नोगोर क आरु हेनी आखी तराई क, आरु नोगोर क सब मानषो क, धोरती क आखी उपज भेळ नष्ट कोर देदो।
GEN 19:26 लुत क लाड़ी न जो ओका पोछोळ होती पोछी फीरीन निगाह नाखी, आरु हुयी नोनोन खाम्बु बोन गोय।
GEN 19:27 सोन्दारे क अब्राहम उठीन तेना जागा क गयो, जां हुयो योहोवा क सामने उबो हुतो;
GEN 19:28 आरु सदोम आरु गमोरा, आरु हेनी तराई क आखा देश क भीनी डुळा उचाकोरीन काय देख्यो कि हेना देश मा सी धोधेकतली भाटी क सो धुवाड़ो उठ रयो छे।
GEN 19:29 आरु ओसो हुयो कि जोत्यार परमेश्वर न हेनी तराई क नोगोर क, जिनामा लुत रहतो हुतो, उलट–पुलट कोरीन नष्ट करीयो, ती हुयो अब्राहम क फोम कोर्‌यो लुत क हेनी गोरा सी वाचाड़ लेदो
GEN 19:30 ओळतेन लुत न सोअर क छुड़ देदो, आरु बोयड़ा पोर आपसी दुय पुराय पुठी रोहने लाग्यो; काहकी हुयो सोअर मा रोहने सी बिहतो हुतो; ओतरान कोरिन हुयो आरु ओकी दुय पुराय चां एक गुफा मा रोहने लाग्या।
GEN 19:31 ती मोटली पुराय न नानली सी कोहि, “आपनु बाबु डावु छे, आरु कोळी भर मा कोय ओसो मानुस नी होय जु संसार क रीति क ओनसारे आपने चां आवे।
GEN 19:32 ओतरान कोरिन आव, आपनु आपना बाबा क दाखमधु पाविन हेरे पुठी सुवता, जैरे सी कि आपनी बाबा क ओवलियाद वाचली रोहे।”
GEN 19:33 अत: हिये तेनेत दाहड़े रात क टेमे बाबा क दाखमधु पाया, ती मोटली पुराय जाईन आपसा बास क पास लुट गोय; बाखुन हुयो नी जान्यो कि हुयी कोत्यार लुटी ने कोत्यार उठ गोय।
GEN 19:34 आरु ओसो हुयो कि दिसरे दाहड़े मोटली नानली सी कोहि, “देख, काल राती हांव आपसा बाबा क सात सुवी; ओतरान कोरिन आज वी रात क आपनु ओको दाखमधु पावसु; ती तु जाईन ओका सात मा सुवजी की आपनु आपना बाबा क लारे ओवलियाद पोयदा कोरजे।”
GEN 19:35 अत: हुये तेनेत दाहड़े राती क टेमे आपसा बाबा क दाखमधु पाया; आरु नानली पुराय जाईन ओका पास लुट गोय, बाखुन ओको हेरो वि सुवने आरु उठने क टेम क गियान नि हुतो।
GEN 19:36 ओसकोरिन सि लुत क दुयु पुराय आपसा बाबा सी भारेपाये होयी।
GEN 19:37 मोटली एक पुर्य जोन्म देदी, आरु ओको नाव मोआब पाड़्या; हुयो मोआब नावोन जाती क जो आज लोगुन छे मुलपिता हुयो।
GEN 19:38 आरु नानली वी एक पुर्य जोन्म देदी, आरु ओको नाव बेनम्मी पाड़्या; हुयो अम्मोन ओवलियादियो क जो आज लोगुन छे मुलपिता हुयो।
GEN 20:1 ओळतेन अब्राहम चा सी निकोळीन दोखेवरे देश मा अवीन कादेश आरु शुर क विच मा रुकायो, आरु गरार मा रोहने लाग्यो।
GEN 20:2 आरु अब्राहम न आपसी लाड़ी साराक वारा मा कयो, “हुयी मारी बोहनीस छे,” ओतरान कोरिने गरार क राजा अबीमेलेक न दुत मोकलीन सारा क बुलाय लिदो।
GEN 20:3 रात क परमेश्वर न सोपना मा अबीमेलेक क पास आवीन कयो, सोमोळ। जेनी बायोर क तु राख लेदलु छे ओको कारण तु मोर जाईस काहकी हुयी सुहागिन छे।
GEN 20:4 बाखुन अबीमेलेक हेरेन्चा नी गयो हुतो; ओतरान कोरिने हुयो कयो, “हे पोरबु, काय तु विनगुणाकी जाति क वी मार दीस?
GEN 20:5 काय होयोत खुद मारे सी नी कोयो, ‘यि मारी बोहनीस छे?’ आरु हुयी बायर वी खुद कोहि, ‘यु मारु भाईश छे’ हांव ते मारा मोनोन सुदो आरु मारा व्यवहारोन क छाचो यो काम करीयो।”
GEN 20:6 परमेश्वर न हेनासी सोपना मा कयो, हाव्, हांव वी जानो की आपना मोनो क खोराई सी तु यो काम कोरलु छे, आरु हांव ते तुखे रुकिन राख रोयु कि तु मारे विरुद्ध पाप नी कोरे; ओतरान कोरिन मे तुसेक हेनीक छिमने नी देतु।
GEN 20:7 ओतरान कोरिन हीमी हेना मानुसक लाड़ी क हेना पोछू आप दे; काहकी हुयु कागळीयो छे, आरु तारे लिय विनता कोरसे, आरु तु जिवत्लु रोहिस; बाखुन तु हेनाक नि पोछू आपे ति फोम राखजी की तु आरु जोत्रा मानुस छे, आखा छाचीन मोर जासे।
GEN 20:8 सबेरे अबीमेलेक न तड़के उठीन आपसा कामकोरन्याक बुलावीन यो आखाक वात सोमवाळ्यु; आरु चे मानुस बेस बिही गोया।
GEN 20:9 ती अबीमेलेक न अब्राहम क बुलावीन कयो, “तु न मारा सार यो काय करीयो? हांव तरो काय बिगाड़ु कि तु मारा आरु मारा राजो क उपर ओसो मोटो पाप नाख देदो छे? तु मारा सात चो काम करीयो जो वारु नी हुतो।”
GEN 20:10 ओळी अबीमेलेक न अब्राहम सी पुछ्यो, “तु काय सोमझीन ओसो काम सोयो?”
GEN 20:11 अब्राहम न कयो, “हांव यो सोच्यो हुतो को इना जागा मा परमेश्वर क काय वी बीक नि रोहसे; ओतरान कोरिन ये मानुस मारी लाड़ी क कारण मेखे मार देसे।
GEN 20:12 एर सिवाय छाचीन यी मारी बोहनीस छे; हुयी मारा बाबान पुराय ते छे, बाखुन मारी आयान पुराय नी; ते वी हुयी मारी लाड़ी होय गोय।
GEN 20:13 आरु ओसो हुयो कि जोत्यार परमेश्वर न मको आपस बाबा क घोर छुड़ीन निकोळने क हुकुम आप्यो, ती हांव ते ओको कयो, ओतरी गीन तारी मार पोर कोरनो पोड़से कि हामु जां–जां जाजे चां–चां तु मारा वाराम मा कहनो कि यो मारो भाईष् छे।”
GEN 20:14 ती अबीमेलेक न गाडरा–बुकड़ा, गाय–बुईल, आरु दास–दासीया लीन अब्राहम क आप्यो, आरु ओकी लाड़ी सारा क वी हुयो पोछो आड़ दिदो।
GEN 20:15 आरु अबीमेलेक न कयो, “देख, मारो देश तारे सामने छे, जां तुसे पोटे चां रोव।”
GEN 20:16 सारा सी हुयो कयो, “देख, हांव ते तारा भाष्यो क रिपियान एक होजार भुकरा आपलो छे। देख, तारा आखा संगियो क सामने हुयोत तारो डुला क पोरदो बोनसे, आरु सभो क ओगोळ त वारु होईस।”
GEN 20:17 ती अब्राहम न योहोवा सी विनता करीयो की, आरु परमेश्वर अबीमेलेक, आरु ओकी लाड़ी आरु दासीया क आरगा कोर्‌यो आरु चे आरगा होय गोया।
GEN 20:18 काहकी योहोवा न अब्राहम क लाड़ी साराक कारण अबीमेलेक क घोर क आखा बायरा क कुखों क पुरे रिते सी बोन्द कोर दियो हुतो।
GEN 21:1 योहोवा जसो कयो तसोत सारा क फोम राख्यो की ओका सात आपनो बुल क ओनसारे करीयो।
GEN 21:2 सारा अब्राहम सी भारेपाय होयी; आरु हेरा डाहवारा मा ओको नावाड़ले टेम पोर जु परमेश्वर तेनाक टाकलो हुतो, एक पुर्य होयो।
GEN 21:3 अब्राहम न हेरा पुर्या क नाव जो सारा सी पोयदा होयो थो इसहाक पाड़्यो।
GEN 21:4 आरु जोत्यार ओका पुर्य इसहाक आठ दिन क होयो, ती हुयो परमेश्वर क हुकुम क ओनसारे अब्राहम हेको खतनो करीयो।
GEN 21:5 जोत्यार अब्राहम क पुर्य इसहाक पोयदा हुयो ती अब्राहम एक सोव साल क थो।
GEN 21:6 आरु सारा न कयी, “परमेश्वर न मक घोनो खुश कोरलो छे; ओतरान कोरिन आखा सोमळनेवाळा वी मार सात मा खुश होवसे।”
GEN 21:7 ओळी हुयी यो वी कोहि, “काय कुदु कदी अब्राहम सी कय सोकतो हुतो की सारा पुर्या क दुद पावसे? बाखुन देखु, मारसी ओका डाहवारा मा एक पुर्य पोयदा हुय गोयो।”
GEN 21:8 चो पुर्य मोटो हुयो आरु ओको दुद छुड़ाय देदा; आरु इसहाक क दुध छुड़ावने क दाहड़े अब्राहम न मोटो भोज कोर्‌यो।
GEN 21:9 ती सारा क मिसरी हाजिरा क पुर्य, जो अब्राहम सी पोयदा हुयो थो, हासतलो देखा पोड़्यो।
GEN 21:10 ओस कोरीन हुयी अब्राहम सी कयो, “इनी दासी क पुर्या भेळ नीकाय दे; काहकी इनी दासी क पुर्य मारा पुर्या इसहाक क सात नी भेसकायसे।”
GEN 21:11 यी वात अब्राहम क आपसा पुर्या क कारण बेस भुण्डी लागी।
GEN 21:12 बाखुन परमेश्वर अब्राहम सी कयो, “हेना पुर्या आरु आपसी दासी क कारण भुण्डो नी लागे; जी वात सारा तुसे कोहि, तेनीक मान, काहकी जी तारी ओवलियाद कोवायसे ची इसहाक सीत चालसे।
GEN 21:13 दासी क पुर्या सी वी मे एक जाति उबजाड़ीस, ओतरान कोरिन कि हुयो तारो ओवलियाद छे।”
GEN 21:14 ओतरान कोरिन अब्राहम न वेगोत उठिन रुटा आरु पानी सी भरलो चामड़ा क थयलो वी हाजिरा क आप्यो, आरु ओका कान्धा पोर मेल्यो, आरु ओका पुर्या क वी हेनीक आपिन ओको मोकोळी देदो। हुयी जात रोय, आरु बेरसेबा क जोन्गोल मा वाहरायने लागी।
GEN 21:15 जोत्यार थोयली मा वाळो पानी सोर गोयो, ती हुयी पुर्याक एक झाड़ो तोळे छेड़ देदी।
GEN 21:16 आरु हुयी हेना सी थुड़ी नाम्बे जाईन ओका वाराम यो वीचारीन बोठ गोय, “मेसे पुर्यान मोत देखनो नी पोड़े।” ती हुयी ओका सामने बोठीन आयड़ी आयड़ीन रोड़ने वाज गोय।
GEN 21:17 परमेश्वर न हेना पुर्या क सोमळ्यो, आरु ओका दुत न सोरोग सी हाजिरा क आयड़ीन कया, “हे हाजिरा, तारे काय होय गोयो? मा बिहये; काहकी जा तारु पुर्यु छे चां सी ओकी ओवाज परमेश्वर क सोमवली छे।
GEN 21:18 उठ, आपसा पुर्या क चूट आरु आपसा हात सी सोमाळ; काहकी हांव ओका द्वारा एक मोटी जाति बोनावीस।”
GEN 21:19 ती परमेश्वर न ओका डुळा उगाड़ दिदो, आरु ओको एक कुवो देखा पोड़्यो; ती हुयी जाईन थोयली क पानी भोरीन पुर्या क पावी।
GEN 21:20 आरु परमेश्वर हेना पुर्या क सार रोयो; आरु जव हुयो मोटो होयो, ती उजाड़ बयड़ा मा रयीन रोहीन धनुर्धारी बोन गोयो।
GEN 21:21 हुयो पारान नावोन जोन्गोल मा रोहतो हुतो; आरु ओको आईश् न ओक लिय मिसर देश सी एक बायोर मांगाड़ी।
GEN 21:22 तेनु दाहड़ा मा ओसो हुयो कि अबीमेलेक आपसा सिपायड़ा पीकोलक सात लीन अब्राहम सी कोहने लाग्यो, “जो तु काय कोरे ओका मा परमेश्वर तारे साते रोवे;
GEN 21:23 ओतरान कोरिन हीमी मेसे यां इना वारामां परमेश्वर क शपथ खाय कि तु नी ते मार पुठी धुकु कोरीस आरु नि ते कोदी मेरा होको सी कोरीस, बाखुन जोसी गीन हांव तार पोर कोरलु तोसुत तु मार पोर आरु एना देश पोर वी, जिनामा तु रोहे, कोरजी।”
GEN 21:24 अब्राहम न कयो, “हांव शपथ खाईस।”
GEN 21:25 ती अब्राहम न अबीमेलेक क एक कुवा क वारा मा जो अबीमेलेक क दासो न ताकोतसी ली लेदा होता, उलाहना आप्यो।
GEN 21:26 ती अबीमेलेक न कयो, “हांव नि जानो कि कुन यो काम कोर्‌यो; आरु तु वी मेसे नि कोयु, आरु नी हांव आज सी पेहेल इना वाराम काय सोमळ्यु।”
GEN 21:27 ती अब्राहम न गाडरा बुकड़ा आरु गाय–बुईल अबीमेलेक क आप्यो; आरु हिये दुयु आम्बा साम्बा वायदु कोर्या।
GEN 21:28 अब्राहम न गाडरा क सात पुर्या ओलोग मेल्यो।
GEN 21:29 ती अबीमेलेक न अब्राहम सी पुछ्यो, “ईनु सात पिला क, जो तु नेवाड़ रोयु, काय कोरीस?”
GEN 21:30 हुयो कयो, “तु इनु सात गिदल्या क इने वाते गोवा जानीन मारा हातो सि ली के हांव यु कुवु खुंदलु छे।”
GEN 21:31 हुये दुयु जे हेना जागा मा आपसा शपथ खादला, ओतरान कोरीन हेना जागान नाव बेरसेबा पोड़यो।
GEN 21:32 जोत्यार बेरसेबा मा जोत्यार वाचा बान्धे, ती अबीमेलेक आरु ओको सिपायड़ो पीकोल उठीन पलिश्तियो क देश मा पोछा गोया।
GEN 21:33 ओळतेन अब्राहम न बेरसेबा मा झाऊ क एक झाड़ लागाड़्या आरु होया योहोवा सी जो जलमको परमेश्वर छे विनता करियो।
GEN 21:34 अब्राहम पलिश्तियान क देश मा घना दाहड़ा लोगुन हुलक्र्यु रोयु।
GEN 22:1 इनी वातो क वाद मा ओसो हुयो कि परमेश्वर न अब्राहम सी यो कोवीन ओको पारखोन लेदु, “हे अब्राहम!” अब्राहम कयो, “ए पोरबु देख, हांव यां छे, काय हुकुम छे।”
GEN 22:2 हुयो कयो, “आपसा पुर्या क अर्थात् आपसा एकखुयव्या पुर्या इसहाक क, जिना सी तु मोंग राखे, पुठी लीन मोरिय्याह देश मा जात रोह; आरु होयां ओको एक बोयड़ा क उपोर जो हांव तुसे कोहीस होमबली कोरीन चोड़ावजी।”
GEN 22:3 ती: अब्राहम वेगोत उठीन आरु आपसा गोदड़ा पोर लाकड़ा चीरिन आपसा दुय चाखर्या, आरु आपसा पोर्या इसहाक को पुठी ली गयो, आरु होमबली वाटे लाकड़ा चीर लिदो; ती नीकोळीन उना जागा भेणी चाल दिदा, जेका वारा मा परमेश्वर न हेकेक कयलो हुतो।
GEN 22:4 तीसरे दाहड़े अब्राहम न डुळा उचाकोरीन हेना जागा क नांबे सी देख्यो;
GEN 22:5 तव अब्राहम हेका चाकरीयान सी कयो, “गदड़ा क पास मा उबा रोहजु; यो पुर्य आरु हांव होयां लोगुन जाजे, आरु वान्दीन, ओळतेन तुमरेन्चा आत रोहसु।”
GEN 22:6 ती अब्राहम न होमबली क लाकड़ा लेदो आपसा पुर्या इसहाक पोर मेल्यो, आरु आगठो आरु छोक्कु आपसा हातो मा लेदो; आरु हुये दुयु एकठा चाल पोड़्या।
GEN 22:7 इसहाक हेका बाप अब्राहम सी कयो, “ए म्हारा बाप,” त्यो कयो, काय वात छे? इसहाक कयो, “देख, आगठो आरु लाकड़ा ते छे; पुन होमबली वाटे गाडरो कांह छे?”
GEN 22:8 अब्राहम न कयो, हे मार पुर्या, परमेश्वर होमबली क गाडरो क उपाय हुयोत कोरसे आरु हुये दुयु सातसाती ओगा चालता रोया।
GEN 22:9 जोत्यार हुये हेना जागा क जु परमेश्वर न ओको बताड़ीयो हुतो पुग्या; ती अब्राहम न होयां वेदी बोनावीन लाकड़ा क नेवाड़ी नेवाड़ीन मेक्या, आरु आपसा पुर्या इसहाक बान्दीन वेदी पोर क लाकड़ा क उपोर मेल दिदो।
GEN 22:10 ओळतेन अब्राहम न हात बोड़ावीन चोक्कु क ली लेदो कि आपसा पुर्या क बलि कोरे।
GEN 22:11 ती योहोवा क दुत न सोरोग सी ओको आयड़ीन कयो, “हे अब्राहम!” हुयो कयो, “देख, हांव यां छे।”
GEN 22:12 त्यो कोयो, “हेना पुर्या पोर हात झुनी बोड़ावे, आरु नी हेका पोर हात मा बोड़ावे; काहकि तु जो मारे सी आपसा पोर्याक, आपसा एकखुळ्या पोर्याक वी नी छुड़्यो; हेमी हांव जान लेदु कि तु परमेश्वरन बीक मानसे।”
GEN 22:13 ती अब्राहम न डुळा क उठयो, आरु काय देख्यो कि ओका पोछोळ एक गाडरा आपसा सिंगड़ा सी एक झाड़का मा गुजवायलो छे; अत: अब्राहम न जाईन तिन गाडरा क लि लिदो, आरु आपसा पुर्या क जागा पोर तिनाक होमबली चढ़ायो।
GEN 22:14 अब्राहम न हेना जागा क नाव योहोवा यिरे पाड़्यो। हेरेन जोसो आज लोगुन वी कोहे को योहोवा क बयड़ा पोर उपाय कोर्‌यो जासे।
GEN 22:15 ओळतेन योहोवा क दुत न दुसरी वार सोरोग सी अब्राहम आयड़ीन कयो,
GEN 22:16 “योहोवा क यो बुल छे, की हांव आपसीत यी शपथ खाम की तु यो काम कोरलु छे कि आपसा पुर्या, बाखुन आपसा एकखुयव्या पुर्या क वी नि मकेक्यो;
GEN 22:17 ओसकोरीन हांव छाची तुसे बोरकोत आपीस; आरु छाची तार ओवलियाद क आकाश क तारागण, आरु दोरिया क तीर बालु क किनका क जोसो निगिनाये कोरीस, आरु तारा ओवलियाद आपसा जोमो क नोगोर क डाहला रोहसे;
GEN 22:18 आरु कोळी क आखी जाति आपसा क तारा ओवलियाद क कारण सोयाव्वु मानसे: काहकी तु मारी वात मानलो छे।”
GEN 22:19 ती अब्राहम आपसा चाखर्या क चां पोछा आया, आरु हुये आखा बेरसेबा क सात–सात गोया; आरु अब्राहम बेरसेबा मा रोवने लाग्यु।
GEN 22:20 इनी वात क वाद मा ओसो हुयो कि अब्राहम क खोबोर जोड़ी, “मिल्‍का क तारा भाईष् नाहोर सी ओवलियाद होयली छे।”
GEN 22:21 मिल्‍का क पुर्य ते ये हुया, अर्थात् हेरु जेठा ऊस, आरु ऊस क भाई बुज, आरु कमुएल, जु अराम क बाबो हुयो,
GEN 22:22 ओळतेन केसेद, हजो, पिल्दाश, यिद्लाप, आरु बतुएल।
GEN 22:23 ईनु आठो क मिल्का न अब्राहम क भाई नाहोर क द्वारा जोन्म दिदो। आरु बतुएल सी रिबका पोयदा होयी।
GEN 22:24 ओळतेन, नाहोर क रुमा नावोन एक रखेल वी होती; जेरे सी तेबह, गहम, तहश, आरु माका पोदा हुया।
GEN 23:1 सारा एक सोव सत्ताईस साल क होय गोय; आरु जोत्यार सारा क ओतरी ओमोर होयी,
GEN 23:2 ती हुयी किरयतरबा मा मोर गोय। यो कनान देश मा छे, आरु हेब्रोन वी कोवाये। ओतरान कोरिन अब्राहम सारा क लिय रोड़ने हुयां गोयु।
GEN 23:3 ती अब्राहम धोड़ोन क पास सी उठिन हित्तियो सी कोहने लाग्यु,
GEN 23:4 हांव तुमरा वीच मा पाहन्त्रयु आरु पारका छे; मेसे तुमरे विच मा बिड़ा क लिय ओसु जागु आप जु मारुत हय जाय, की हांव मारा मोरला क गाड़ीन मारा डुळा क ओट कोरो।
GEN 23:5 हित्तियो न अब्राहम सी कयो,
GEN 23:6 “हे आमरा परमेश्वर, आमरी सोमोळ; तु ते आमरा वीच मा मोटू डाहलु छे। आमरा बिड़ा मासी जो तुसे पोटे तेनामा तारा मोरला क गाड़; आमरे मा सी कोय तुसे आमरा बिड़ा लेने सी नी रुकसे, की तु तारा मोरला क हेनामा गाड़ नी पाय।”
GEN 23:7 ती अब्राहम उठीन उबु होयु, आरु हित्तियो क सामने, जो हेना देश क मानुस हुता, वान्दीन कोहने लाग्यु,
GEN 23:8 काहमाईन तुमरी यी मोरजी होय कि हांव मारा मोरला क गाड़ीज आपसा डुळा क ओट कोरो, ति मारी विनता छे कि सोहर क पुर्य एप्रोन सी मार लिय विनता कोरु,
GEN 23:9 कि हुयो आपनी मकपेला वाळी गुफा, जो ओकी जागा क धोड़े छे, हेरु पुरु रिपियान दाम लीन मेसे आप देये, की हुयो तुमरे वीच बीड़ा क लिय मारु जागु होय जाय।
GEN 23:10 एप्रोन त हित्तियो क विच होयां बोठलो हुतो, ओतरान कोरिन जोतरा हित्ति ओका नोगोर क झोपला सी होईन जाता हुता, तेनु आखा क ओगोळ हुयो अब्राहम क जोपाप आप्यो,
GEN 23:11 “हे मारा मालिक, ओसो नी, मारी सोमोळ; हुयु जागु हांव तुसे आप दोम, आरु ओका जो गुफा छे, हुयी वी हांव तुसे आपो दोम; आपना जाति भाईष् क ओगोळ हांव हेनाक तुखे आप दोम; अत: आपसा मोरला क बीड़ा मा मेक।”
GEN 23:12 ती अब्राहम न हेना देश क मानषो क ओगोळ वान्द्यु।
GEN 23:13 आरु हेरी सोमोळतात एप्रोन सी कयो, “काहमाइन तु ओसो चाहे, ती मारी सोमोळ: हेना जागाक जो दाम छे, चो मे तुसे आपने हिन्डो हुयो मार जुळ मुले ली ले, ती हांव मारा मोरला क होयां गाड़दीस।”
GEN 23:14 एप्रोन न अब्राहम क यो जोपाप आप्यो,
GEN 23:15 “हे मारा पोरबु, मारी वात सोमोळ; हेनी जागा क दाम ते चार सोव शेकेल रिपिया छे; बाखुन मारा आरु तारा वीच मा यो काय छे? आपसा मोरला क बीड़ा मा मेक।”
GEN 23:16 अब्राहम न एप्रोन क मानीन ओको होतरा रुप्या तुल दिदो, जोतरा हुयो हित्तियो क सोमवतला कोयो हुतो, अर्थात् चार सोव ओसा शेकेल जे व्यापारी मा चालता हुता।
GEN 23:17 ओस कोरीन एप्रोन क जागो, जो मम्रे क सामने मकपेला मा हुती, हुयो गुफा भेळ आरु हेनु आखा झाड़ो भेळ जो ओका मा आरु ओका च्यारु मेर पावी पोर हुता,
GEN 23:18 जोतरा हित्ति ओका नोगोर क झोपला सी लागाड़ीन माहाय जाता होता, हेनु आखा क ओगोळ अब्राहम क हुकुम पाक्के रिते आय गोय।
GEN 23:19 एर वाद अब्राहम न आपसी लाड़ी सारा क हेन मकपेला वाळी जागा क गुफा मा, जो मम्रे क अर्थात हेब्रोन क ओगोळ कनान देश मा छे, धुळु आप्या।
GEN 23:20 ओस कोरीन हुयु जागु गुफा भेळ जु हेरेमा होतो, हित्तियो क भीनी सी बीड़ा क लिय अब्राहमन हुकुम मा पाक्के रीते सी आय गोय।
GEN 24:1 अब्राहम हीमी डावो हुय गयो होतो आरु ओकी ओमोर घोनी होती आरु योहोवा न आखी वातो मा ओको बोरकोत आपलो हुतो।
GEN 24:2 अब्राहम न आपसा हेना दास सी, जो ओका घोर मा पुरनिया आरु ओकी आखी जायदाद पोर होक होतो, कयो, “आपसु हात मारा जांघ क निचो मेल;
GEN 24:3 आरु मार सी आकाश आरु कोळी क परमेश्वर योहोवा क इना वारा मा शपथ खा की तु मारा पुर्या क लिय कनानियो क पुरायटा मा सी, जिन्दरे विच मा रोवे, कुदाक नी लावसे।
GEN 24:4 बाखुन तु मारा देश मा मारात कुटुम्ब क पास जाईन माता पुर्या इसहाक क लिय एक लाड़ी ली आवीस।”
GEN 24:5 दास न हेनासी कयो, “काहमाईन हुयी बाई इना देश मा मारा सात नि आवने हिण्डे; ती काय मेसे तारा पुर्य क हेना देश मा जां सी तु आयो छे ली जानो पोड़से?”
GEN 24:6 अब्राहम न हेना सी कयो, “चोकचोयु रोह, मारा पुर्या क होयां कदी नी ली जाजी।
GEN 24:7 सोरोग क परमेश्वर योहोवा, जु मेसे मारा बाबा क घोर सी आरु मारु जोन्मोन–जागु गोथू ली आवीन मार सी शपथ खादो आरु कयो कि हांव एना देश तारा ओवलियाद क आपीस, हुयोत आपसा दुत तारे ओगोळ मुकेलसे कि तु मारा पुर्या क लिय जां सी एक बायोर ली आवे।
GEN 24:8 बाखुन काहमाईन हुयी बायर तारे साते आवने नी चाहे तित्यार तु इनी शपथ सी छूट जाईस; बाखुन मारा पुर्या क होयां झुनी लिजाय।”
GEN 24:9 ती हेरो दास न आपना स्वामी अब्राहम क जांघ क नेचो आपसो हात मेलीन हेनासी इन वाराम शपथ खादो।
GEN 24:10 ती हुयो दास स्वामी क उटड़ा मा सी दस उटड़ा नेवाड़ीन, ओका सब वारु–वारु पदार्थ मा सी काहाई काहाईन लिन चाल्यु आरु मेसोपोटामिया देश मा नाहो क नाहोर क पास पुग्यो।
GEN 24:11 हुयो उटड़ा क नगर सी खोयड़े एक कुवा क पास बठाड़ीयो। हुयो सान्तोन टेम हुतो, जेने टेमे बायरा पानी भोरने क लिय नीकोळे।
GEN 24:12 हुयो कोहने लाग्यु, “हे मारा स्वामी अब्राहम क परमेश्वर योहोवा, आज मारा काम क वारु कोर, आरु मारा स्वामी अब्राहम पोर गीन कोर।
GEN 24:13 देख, हांव जळ क इना कुवा क पास उबो छे; आरु गाववाळा क पुरायटा पानी भोरने क लिय नीकोळीन आय रोया:
GEN 24:14 ओतरान कोरिन ओसो होयने दे कि जेनि पुराय सी हांव कोहो, ‘तारु वोटळु मारे भिनी नेड़ो कोर कि हांव पानी पियो,’ आरु हुयी कोहे, ‘ले, पी ले, पोछोळ हांव तारा उटड़ा क वी पावीस,’ : यो तोसोत होये जो तु आपसा दास इसहाक लिय राखलो होय; इन रीते हांव जान लिस कि रु मारा स्वामी पोर गीन कोरलु छे।”
GEN 24:15 आरु ओसो होयो कि जोत्यार हुयो विनता करतोत् हुतो कि रिबका, जी अब्राहम क भाई नाहोर क पोयदा होयली मिल्का क पुर्य बतुएल क पुराय होती, हुयी खांदा पोर वोटवो लीन आवी।
GEN 24:16 रीबिका घण घाटळी आरु छल्लि हुती, आरु कुदा मानुसक मुय नी देखी हुती। हुयी कुवा मा झोर क पास उतोर गोय, आरु आपसो वोटवो भोरीन ओळी उपोर आवी।
GEN 24:17 ती होयो दास हिनी से मिळने कोरीन दोवड़्यो, आरु कयो, “आपसा वोटळा मासी थुड़ोक पानी मेसे पाय दे।”
GEN 24:18 हुयी कोहि, “हे मारा पोरबु, पी ले,” आरु हुयी तावनी सी वोटवो उतारीन हात हाते ओको पाय देदी।
GEN 24:19 जोत्यार हुयी ओको पाय देदी, ती कयी, “हांव मारा उटड़ा क लिय वी ती लोगुन पानी भोर भोरीन लियावीस, जोत्यार लोगुन चे पानी नी पिदा।”
GEN 24:20 ती हुयी तोत्यारुत आपसा वोटळाम क पानी होदा मा उथलावीन ओळी कुवा पोर भोरने क दौवड़ीन गोय, आरु ओका सब उटड़ा क लिय पानी भोर देदी।
GEN 24:21 हुयु मानुस हेरे भीनी हुग हुगु घबरायने क सात ताकतो रोईन विचार कोरतो हुतो कि योहोवा मारी यात्रा सफल कोर्‌यो की नी।
GEN 24:22 जोत्यार उटड़ा पी लेदा, ती हुयु मानुसन आदला तुलान सोना क एक नोथ निकाळीन ओको आप्यो, आरु दस तुला क काळ्या हातो मा पेराय देदो;
GEN 24:23 आरु पुछ्यो, “तु कुनीन पुराय छे, यो मेसेक कोव। काय तारा बाबान घोर मा आमरे रोहने क लिय जागु छे?”
GEN 24:24 जोपाप आपी, “हांव ते नाहोर क जन्माए मिल्का क पुर्य बतुएल क पुराय छे।”
GEN 24:25 आरु हुयी हेनासी कोहि, “आमरे यां पुआल आरु चारो बेस छे, आरु रोहने क लिय जागो वी छे।”
GEN 24:26 ती हुयु मानुसन मुनको झुकावीन योहोवा क वांदीन कयो,
GEN 24:27 “सोयाव्वु छे मारु स्वामी अब्राहम क परमेश्वर योहोवा, जु आपसी गीन आरु छाचाय क मारा स्वामी पोर सी छेटो नी कोर्‌यो; योहोवा न मेसे वारु वाट पोर चालाड़ीन मारा स्वामी क भाई बोन्या क घोर पोर पुगाड़ देदलु छे।”
GEN 24:28 ती होयी पुराय दौवड़ीन आपसी आईश् क घोर मा यी आखी कोवीन सोमवाड़ी।
GEN 24:29 ती लाबान जो रिबका क भाई हुतो, खोयड़े कुवा क पास हेना मानुसक पास दोड़ीन गयो।
GEN 24:30 आरु ओसो हुयो कि जोत्यार हुयो ओका नथ आरु आपसी बहनीश् रिबका क हात मा हुये कंगन वी देख्यो, आरु ओकी यी वात वी सोमयो कि हुयो मानुस मार सी ओसी वात कोर्‌यो; ती हुयो हेना मानुसक पास गयो; आरु काय देख्यो की हुयो कुवा क धोड़े उटड़ा क पास उबो छे।
GEN 24:31 हुयो कयो, “हे योहोवान चां सी सोयाव्वु मानुष, धोड़्ये आव। तु काहा खोयड़े उबु छे? हांव घोर काजे, आरु उटड़ा क लिय वी जागो तियार कोरलो छे।”
GEN 24:32 इना पोर हुयो मानुस घोरमा गोयो; आरु लाबान न उटड़ा क काठीया उगाड़िन हेनुक पुआल आरु चारो आप्यो, आरु ओकोक आरु ओका साती क पाय धुवने क पानी आप्यो।
GEN 24:33 ती अब्राहम क दास क ओगोळ जलपान क लिय काहीन मेल देदा; बाखुन हुयो कयो, “हांव जोत्यार लोगुन आपसो प्रयोजन नि कोय दोम, ती लोगुन काय नी खाईस्।” लाबान न कयो, “कय दे।”
GEN 24:34 ती हुयो कोयो, “हांव ते अब्राहम क दास छे।
GEN 24:35 योहोवा न मारा स्वामी क मोटी बोरकोत आपलो छे, ओतरान कोरिन हुयो मोटो मानुस होय गोयो छे; आरु हुयो ओका गाडरा–बुकड़ा, गाय बुईल, सोनो रिपिया, दास दासीया, उटड़ा आरु गोदड़ा छे।
GEN 24:36 आरु मारा स्वामी क लाड़ी सारा क डाहवारा मा हिनासी एक पुर्य पोयदा होयलो छे; आरु हेना पोर्या क अब्राहम न आपसो आखा काहिय आप देदलो छे।
GEN 24:37 मारा स्वामी न मेसे यी शपथ खावाड़लो छे, ‘हांव ओका पुर्या क लिय कनानियो क पुरयटा मा सी, जिना देश हुयु रोहे, कुय पुराय नी लावीस।
GEN 24:38 हांव ओका बाबा क घोर आरु कुल क मानषो क पास जाईन ओका पुर्या क लिय एक बायर ली आवीस।’
GEN 24:39 ती हांव आपसा स्वामी सी कयो, ‘काहमाईन हुयी बायर मारे पोछोळ नी आवे।’
GEN 24:40 ती हुयो मारी सी कयो, ‘योहोवा, जिना ओगोळ हांव चालतु आय रोयु, हुयो तारे पुठी आपसा दुत क मोकोळीन तारी यात्रा क सोफोल कोरसे; आरु तु मारा कुल, आरु मारा बाबा क घोराना मासी पुर्या क लिय एक बायर लाय सोकीस।
GEN 24:41 तु तीत मारी शपथ सी छुटीस, जोत्यार तु मारा कुल क मानषो क पास पुगीस; आरु काहमाईन हुये तुखे पुराय नी आपे, ती तु मारी शपथ सी छूटीस।’
GEN 24:42 ओतरान कोरिन हांव आज हेना कुवा क धोड़े आवीन कोहने लाग्यु, ‘हे मारा स्वामी अब्राहम क परमेश्वर योहोवा, काहमाईन तु मारी इनी यात्रा क सोफोल कोरतु होय;
GEN 24:43 ती देख, हांव पानी क इना कुवा क धोड़े उबो छे; आरु ओसो होये कि जो कुमारी पानी भोरने क लिय आवे, आरु हांव तेनी सी कोवो, “आपसा वोटळा मासी मेसे थुड़ो पानी पाव,”
GEN 24:44 आरु हुयी मार सी कोहे, “पी ले, आरु हांव तारा उटड़ा क पिने क लिय वी पानी भोर दीस,” हुयी चीत बायर रोहे जेनीक योहोवा मारा स्वामी क पुर्या क लिय राखलो छे।’
GEN 24:45 मे ते मोनोत मोनोम यो कोवतु होतु कि देख्यु रिबका खांदा पोर वोटलो लीन निकोळीन आवी; ओळतेन हुयी झोरो क पास उतरीन भोरने लागी। हांव हेनीसी कयो, ‘मेसे पाय दे।’
GEN 24:46 आरु हुयी छाटीत सी आपसा वोटळा क खांदा पोर सी उतारीन कोयी, ‘ले, पी ले, पोछोळ हांव तारा उटड़ा क वी पायदीस,’ ओसकोरीन हांव पी लेदु, आरु हुयी उटड़ा क वी पाय देदी।
GEN 24:47 ती हांव हेनीक पुछ्यु, ‘तु कुनीन पुराय छे?’ हुयी कोहि ‘ मे ते नाहोर क जन्माए मिल्का क पुर्य बतुएल क पुराय छे,’ ती हांव हेनीक नाक मा हुयो नथ आरु ओका हातोम हुये कंगन पेराय देदु।
GEN 24:48 ओळतेन हांव मुनको नेड़ो कोरिन योहोवा क वान्द्यो, आरु आपसा स्वामी अब्राहम क परमेश्वर योहोवा क सोयाव्वु कयो, काहकी हुयो मेसे वारु वाट्ये पुगाड़लु कि हांव आपसा स्वामी क पुर्या क लिय ओकाज कुटुम्ब क पुराय क लीन जाम।
GEN 24:49 ओतरान कोरिन हीमी, काहमाईन तुमु मारा स्वामी क सात गीन आरु छाचाय क वेहवार कोरनो चाहे, ती मेसेक कोहु; आरु काहमाईन नी चाहता होय, तेवी मेसेक कोय देवु; तोसु हांव जेवड़्या भीनी एने डाख्र्या भिनी ओळी जाम।”
GEN 24:50 ती लाबान आरु बतुएल न जोपाप आप्या, “यी वात योहोवा भिनी गोथी होयली छे; ओतरान कोरिन हामु मानुस तार सी नी तो भलो कय सकता छे नी भुण्डो।
GEN 24:51 देख, रिबका तारे ओगोळ छे, हेनीक ली जा, आरु हुयो योहोवा क बुलो क ओनसारे तारा स्वामी क पुर्या क लाड़ी होय जाय।”
GEN 24:52 हेन्दरी यी वात सोमळीन, अब्राहम क दास न भिमा पोड़ीन योहोवा क वान्द्यो।
GEN 24:53 ओळतेन हुयो दास न सोना आरु या रिपिया गोहनो, आरु छींदरा निकाळीन रिबका क आप्यो; आरु ओका भाई आरु आईस क वी हुयो अनमोल सोमान आप्यो।
GEN 24:54 ती हुये आपसा संगी जोना भेळ खादा, आरु रात हुयांत रोया। हुये वेगात उठिन कोया, “मेसेक मारा स्वामी क पास जाने क लिय विदा कोरु।”
GEN 24:55 रिबका क भाई आरु आया न कया, “पुराय क आमरे पास थुड़ाक दाहड़ा, अर्थात कोम सी कोम दोस दाहड़ा आरु रोहने दे; ओळतेन हेरे वाद यी जात रोहसे।”
GEN 24:56 हुयो हेनुक कयो, “योहोवा न जु मारी यात्रा क सफल कोरलो छे, ओतरान कोरिन तुमु मेसे मा रुकु, हीमी मेसे जाने देवु कि मे आपसा स्वामी क पास जाम।”
GEN 24:57 हुये कोया, “हामु पुराय क बुलावीन पुछ लेजे, आरु देखसु कि होयी काय कोवे।”
GEN 24:58 आरु हुये रिबका क बुलाविन हेनीसी पुछ्या, “काय तु इना मानषो क सात जाईस?” हुयी कोहि, “हाव्, हांव जाईस।”
GEN 24:59 ती हुये आपसी बोहनीस रिबका, आरु ओकी धाय, आरु अब्राहम क दास आरु ओका साती, सबो क विदा कोर्या।
GEN 24:60 आरु हुये रिबका क बोरकोत आपीन कोया, “हे आमरी बोहनीस, तु हजारु लाखो क आदिमाता होये, आरु तारा ओवलियाद आपसा जोमो क नोगोर क आदिकारी होये।”
GEN 24:61 ती रिबका आपसी सहेलिया भेळ गोय, आरु उटड़ा पोर चोढ़ीन हेना मानुसक पोछोळ जात रोय। ओस कोरीन हुयो दास रिबका क सात लीन चाल दिदो।
GEN 24:62 इसहाक जु दोखेवरे देश मा रोहतु होतु, लहेरोई नावोन कुवा सी होईन आवतु होतु।
GEN 24:63 सांतोन टेम इसहाक खोयड़ा मा धीयान कोरीन निकोळ्या हुता; आरु हुयो डुळा उचाकोरीन काय देख्यो कि उटड़ा आवने बाज रोया।
GEN 24:64 रिबका वी डुळा उचाकोरीन इसहाक क देखी, आरु देखीजुन उटड़ा पोर सी उतरी पोड़ी।
GEN 24:65 ती हुयो दास सी पुछ्यो, “जे मानुस खोयड़ा पोर आपनुक मेळने क आवे, ती कुन छे?” दास न कयो, “हुयो ते मारो स्वामी छे।” ती रिबका न घुमतो लीन आपसा मुय क ढां लेदी।
GEN 24:66 दास न इसहाक हेरो आखी वात सोमवाड़्यो।
GEN 24:67 ती इसहाक रिबका क आपसी आया सारा क तंबु मा ली आयो, आरु ओको इहयाव कोरीन हेनीसी मोंग कोर्‌यो। ओस कोरिन इसहाक क आया क मौत क वाद मा शान्ति जोड़ी।
GEN 25:1 ती अब्राहम न एक आरु लाड़ी बनायो जेरो नाव कतुरा हुतो।
GEN 25:2 हेरेसी जिम्रान, योक्षान, मदान, मिद्यान, यिशबाक, आरु शुह पोयदा हुया।
GEN 25:3 योक्षान सी शबा आरु ददान पोयदा हुया; आरु ददान क ओवलियाद मा अश्शुरी, लतुशी, आरु लुम्मी लुग हुया।
GEN 25:4 मिद्यान क पुर्या एपा, एपेर, हनोक, अबीदा, आरु एल्दा हुया, ये सब कतुरा की ओवलियाद हुया।
GEN 25:5 इसहाक क ते अब्राहम न आपसो आखो काय आप्यो।
GEN 25:6 बाखुन अब्राहम आपसी रखेलियो क पुर्या क काहीन आपीन आपसा जिवतात आपसा पुर्या इसहाक क पास सी उगेवनो देश मा मोकली देदो।
GEN 25:7 अब्राहम क पुरी ओमोर एक सोव पचहत्तर साल क हुयो।
GEN 25:8 अब्राहम क डोबोल ओमोर होयने क कारण अर्थात् आखा डाहवारा क टेमे जीव छूट गयो, आरु हुयो आपसा मानषो मा जाय भेटायु।
GEN 25:9 हेरा पुर्या इसहाक आरु इश्माएल न, हित्ती सोहर क पुर्या एप्रोन क मम्रे क ओगोळवाळी जागा मा, जी मकपेला क गुफा हुती, ओको गाड़्या;
GEN 25:10 अर्थात् जु जागु अब्राहम न हित्तियो सी मुले लेदो हुतो; ओकाज मा अब्राहम आरु ओकी लाड़ी सारा दुयो क गाड़ दिदा। (उत्पत्ती 23:16)
GEN 25:11 अब्राहम क मोरने क वाद मा परमेश्वर न ओका पुर्या इसहाक क जु लहेरोई नावोन कुवा क पास रोहतो हुतो, बोरकोत आप्यो।
GEN 25:12 अब्राहम क पुर्य इश्माएल जु सारा क मिसरी दासी हाजिरा सी पोयदा हुयो होतो, ओकी यि ओवलियाद छे।
GEN 25:13 इश्माएल क पुर्या क नाव आरु ओवलियाद यि छे: अर्थात् इश्माएल क मोटलो पुर्य नबायोत, ओळी केदार, अद्बेल, मिबसाम,
GEN 25:14 मिश्मा, दुमा, मस्सा,
GEN 25:15 हदद, तेमा, यतुर, नापीश, आरु केदमा।
GEN 25:16 इश्माएल क पुर्या ये ओतरात हुया, आरु ईनु क नावो क ओनसारे इन्दरो गाँव, आरु छावनियो क नाव वी पोड़्यो; आरु येत बारे आप आपसा कुक का डाहला हुया।
GEN 25:17 इश्माएल क पुरी ओमोर एक सोव तीन कोम चावीस साल क हुयो; ती ओका जीव छूट गयो, आरु हुयो आपसा मानषो मा भेसकाय गोयो।
GEN 25:18 ओका ओवलियाद हवीला सी शुर लोगुन, जे मिसर क ओगोळ अश्शुर क वाटो मा छे, बोस गोया; आरु हेन्दरु वाटू ओका भाई बोन्या क ओगोळ पोड़्यो।
GEN 25:19 अब्राहम क पुर्या इसहाक क ओवलियाद यी छे : अब्राहम सी इसहाक पुयदा हुयो;
GEN 25:20 आरु इसहाक न चावीस साल क होईन रिबका सी, जी पद्दनराम क वासी, अरामी बतुएल क पुराय आरु अरामी लाबान क बहनीष हुती; इयाव कोर लेदु।
GEN 25:21 इसहाक क लाड़ी वान्टी होती, ओतरान कोरिन हुयो हेरा योहोवा सी विनता कोर्‌यो; आरु योहोवा न ओकी विनता सोमळीयो, ओसकोरीन ओकी लाड़ी रिबका भारपाये होयी
GEN 25:22 पुर्या ओका पेटो मा आम्बासाम्बा थाबाईन एक दीसरा क कुटने लाग्या। ति हुयी कोहि, “मारी जी ओसी वेला रोहसे ती हांव कोसी जोवत्ली रोहिस?” आरु हुयी योहोवा क मोरजी पुछने क गोय।
GEN 25:23 ती योहोवा न हेनी सीइ कयो, “तारा पेटो मा दुय जाति छे, आरु तारा कुखो सी जोसा निकोळसे दुय राज्य क मानुस आंग्ये होयसे, आरु एक राज्य क मानुस दुसरा सी वोदु ताकोतवाळा रोहसे, आरु मोटलो पुर्यु नानला क होको मा रोहसे।”
GEN 25:24 जोत्यार हेरो पोखड़ायने क टेम आयो, ती काय देखा पोड़्यो की ओका कुखो मा जोवळीया पुर्या छे।
GEN 25:25 पेहलु जु पोयदा होयु चू रातलु निकोळ्यु, आरु ओको आखो डील काम्बवा क जोसो रोममय हुतो; ओतरान कोरिन ओको नाव एसाव पाड़्या।
GEN 25:26 पोछोळ ओको भाई आपसा हातो सी एसाव क पायोनपाटली क धोरीन पोयदा हुयो; आरु ओको नाव याकुब पाड़्या। जोत्यार रिबका न हेनुक जोन्म देदी ती इसहाक साठ साल क हुतो।
GEN 25:27 ओळतेन हुये पुर्या मोटा होयने लाग्या, आरु एसाव ते जोन्गोलो मा रोहीन चतुर शिकार खेलनेवाळो हुय गोयो, बाखुन याकुब सुदो मानुस हुतो आरु तोम्बुत मा रोया कोरतु होतु।
GEN 25:28 इसहाक एसाव क अहेर क मांस खाया कोरतो हुतो, ओतरान कोरिन हुयो हेनासी मोंग रोखतो हुतो; बाखुन रिबका याकुब सी मोंग राखती हुती।
GEN 25:29 एक दाहड़ो याकुब खाने क लिय काहीन दाळ चुड़ेवतु होतु; आरु एसाव जोन्गोल सी घाबरायीन आयु।
GEN 25:30 ती एसाव न याकुब सी कयो, “हुयी जी रातली चीज छे, हेनी रातली चीजों मासी मेसे काहीन खावाड़, काहकी हांव घाबराय रोयु।” ओस कोरिन हेरो नाव एदोम वी पोड़्यो।
GEN 25:31 याकुब न कयो, “आपसा पहिलौठेक होक आज मारे हातोम वेच दे।”
GEN 25:32 एसाव न कयो, “देख, हांव ते हीमी मोरने पोर छे : ओतरान कोरिन पहिलौठे क होक सी मारो काय फायदु होयसे?”
GEN 25:33 याकुब न कयो, “मार सी हीमी शपथ खा,” अत: हुयो हेना सी शपथ खादो, आरु आपसा पहिलौठा क होक याकुब क हात वेच देदो।
GEN 25:34 इना पोर याकुब न एसाव क रुटा आरु चुड़वली मसुर कि दाळ आप्यो; आरु हुयो वी खादा पीदा, आरु उठीन जात रोयो। यो एसाव न आपसो पहलौठे क होको क भुण्डोत जान्यो।
GEN 26:1 उका देश मा काळ पोड़्यो, यो उना पेहला काळो सी ओलोग हुतो जो अब्राहम क दाहड़ा मा पोड़लो हुतो। ओतरान कोरिन इसहाक गरार क पलिश्तिया क राजा अबीमेलेक क पास गुयो।
GEN 26:2 हुयां योहोवा न ओको दोर्शन आपीन कयो, “मिसर मा मां जाय; जो देश हांव तुखे देखाड़ो तेना मा रोव।
GEN 26:3 तु एना देश मा रोवे, आरु हांव तारे साते रोहीस, आरु तुखे बोरकोत आपीस; आरु यो आखो देश हांव तुसेक आरु तारी ओवलियाद क आपीस; आरु जु वायदु मे तारा बाबा अब्राहम सी खादु होतु, चो हांव पुरो कोरीस।
GEN 26:4 हांव तारे ओवलियाद क वादळा क तारागण क जोसा कोरीस; आरु हांव तारा ओवलियाद क यो आखो देश आपीस, आरु कोळी क आखी जातीक तारा ओवलियाद क लारे सोयाव्वु मानायसे।
GEN 26:5 काहकी अब्राहम मारी वात मान्यु, आरु जो हांव हेनाक आप्यु होतु हेनाक आरु मारी हुकुम, कायदा आरु व्यवस्था क पाळन कोर्‌यो।”
GEN 26:6 ओतरान कोरिन इसहाक गरार मा रोय गोयु।
GEN 26:7 जोत्यार हेना जागा क मानुस हेरी घोरवाळी क वारा मा पुछ्या, तोत्यार हुयु यो बिहिन विचारीन कि काहमाईन हांव इनुक मारी घोरवाळी कोहीस ती यां वाळा मानुस रिबका क लीय यी घोन घाटावी छे मेसेक मार देसे, जोपाप आप्यु, यी ते मारी बोहनीस छे (उत्प 12:12,13. 20:2)
GEN 26:8 जोत्यार इसहाक क होंया रोहता बेस दाहड़ा वित गोया, ती एक दाहड़ु पलिश्तिन राजा अबीमेलेक खिड़की मा सी छापिन काय देख्यु की इसाहक आपसी घोरवाळी रिबका क सात मोंग कोरने बाज रोयु।
GEN 26:9 ती अबीमेलेक इसहाक क बुलावीन कोयु, होयी ते खोरी तारी घोरवाळी छे; ते वी तु काहा आपसी बोहनीस कोयु? इसहाक जोपाप आप्यु, “हांव यो विचारलु कि ओसो नी होवे की एरे जुगु मारी मोत होये।”
GEN 26:10 अबीमेलेक कोयु, “तु आमरे सी यो काय कोर्यु? ओसो ते पोंचू मासी कोय तारी घोरवाळी क पुठी सहज सी कुकर्म कोर सोकतो, आरु तु आमुक पापो मा फोसाड़तु।”
GEN 26:11 ओतरान कोरिन अबीमेलेक न आपसी आखी पोंचू क हुकुम आप्यो, “जु कोय एना मानुस निते एरी घोरवाळी क छीमसे, चो खोरी माराय जासे।”
GEN 26:12 ओळतेन इसहाक न तेना देश मा जुप्यु वेर्यु, आरु तेनात साल मा सोव गुणा फोव कोमायु; आरु योहोवा न ओको बोरकोत आप्यु,
GEN 26:13 आरु हुयो बोढ़्यो आरु ओकी उन्नती होयति रोही, यां लोगुन कि हुयो बेस मोटु मानुस होय गोयु।
GEN 26:14 जोत्यार हेरा गाडरा बुकड़ा, गाय बुईल, आरु बेसका चाखर्रीया होया, ती पलिश्ति हेनासी घाड़ाय कोरने लाग्या।
GEN 26:15 ओतरान कोरिन जोतरा कुवा क हेरा बाबा अब्राहम क दास न अब्राहम जोवतलो हुतो ती खुंदला, तेनुक पलिश्तिन मानुस धुळा सी भोर देदा।
GEN 26:16 ती अबीमेलेक न इसहाक सी कयो, “आमरेन चा रोहीन जात रोव; काहकी तु आमरे सी बेस मोटू होय गोयलु छे।”
GEN 26:17 ती इसहाक होयां सी जात रोयु, आरु गरार क घाटी मा आपसु तंबु उबु कोरीन रोहने लाग्यु।
GEN 26:18 ती जे कुवा ओको बाबो अब्राहम क दाहड़ा मा खुंदला होता, आरु अब्राहम क मोरने क वाद पलिश्तिन मानुस भोर देला, तेनुक इसहाक पोछू खुंदाड़्यु; आरु हेन्दरा चेत नाव राख्यु, जो हेरु बाबु पाड़लु।
GEN 26:19 ओळतेन इसहाक क दासो क घाटी मा खुंद खुंदता उहवता जळ क एक झोर जोड़्यो।
GEN 26:20 ती गरार क गुळाव्या न इसाहक क गुळाव्या सी लोड़ाय पाड़ला आरु कोया, “यो जळ आमरो छे।” ओतरान कोरिने हेना कुवा क नाव एसेक पाड़्या; काहकी हुये हेन्दरे सी लोड़ाया हुता।
GEN 26:21 ओळतेन हुये दुसरु कुवु खुन्दया, आरु हेये हेना क लिय वी लोड़ाय कोर्या; ओतरान कोरिन हेये ओको नाव सित्ना पाड्या।
GEN 26:22 ती हुये होयां गोथा निकोळीन एक आरु कुवु खुंदाड़्यु; आरु हेना वाटु हेये नी लोड़ाया; ओतरान कोरिन हुये ओको नाव यो कोवीन रहोबोत पाड्या, “हिमी ते योहोवा न आमरे लिय बेस जागु आपलु छे, आरु आमु एना देश मा फुले फलेंगे।”
GEN 26:23 होयां सी हुये बेरसेबा जात रोया।
GEN 26:24 आरु तेने दाहड़ योहोवा राती ओको दर्शन आपीन कोयो, “हांव तारा बाबा अब्राहम क परमेश्वर छे; मा बिहये, काहकी हांव तारे साते छे, आरु मारा दास अब्राहम क लिय तुसे बोरकोत आपीस, आरु तारा ओवलियाद वोदाड़ीस।”
GEN 26:25 ती हुयो होयां एक वेदी बोनायो, आरु योहोवा सी विनता कोर्‌यो, आरु आपसु तंबु होयांत उबो कोर्‌यो; आरु होयां इसाहक क दासो न एक कुवो खुंदो।
GEN 26:26 ती अबीमेलेक आपसा मुखी अहुज्जत आरु आपसा सेनापती पीकोल क सात लीन गरार सी ओका पास मा गयो।
GEN 26:27 इसाहक न हेना सी कयो, “तु मार सी घाड़ाय कोर्‌यो तुमरे विच मा सी निकाय देदलु, हिमी मारेनचां काहा आय रोयु?”
GEN 26:28 हुयो कयो, “हामु ते प्रत्यक्ष देखला छे कि योहोवा तारे साते रवे छे; ओतरान कोरिन आमु विचार्या कि तु ते योहोवा भीनी से सोयाव्वु छे, एने आमरे विच मा वायदु खादा, आरु हामु तार सी इना वाराम वायदु बान्दे,
GEN 26:29 की जसा हामु तुको नी छिम्या, पुन थारे साथ मा वारलोत् करला छे, आरु तुको शान्ति सी मोकलीया, हेकात् अनसारे तुको बी योहोवा सी बरकत जड़से करे।”
GEN 26:30 ती हुयो हेनुक खाने आप्यु आरु हेये खादा पिदा।
GEN 26:31 सोन्दारे हुये आखा वेगाद उठिन आम्बा साम्बा वायदु खादा; ती इसहाक न हेनुक विदा कोर्‌यो, आरु हुये वारु खुशी सी ओका चां सी जोत रोया।
GEN 26:32 तेने दाहड़े इसहाक क दासे आवीन आपसा खुंदला कुवा क वाराम कोया, “आमुक जळ क एक सोतो जोड़लो छे।”
GEN 26:33 ती हुये ओको नाव शिबा पाड़्यो; एने कारण इना नगर क नाव आज लगुन बेरसेबा छे।
GEN 26:34 जव एसाव चावीस साल क हुयो, ती त्यो ओकी हित्ती बेरी न बेटी यहुदीत, आरु हित्ती एलोन की बेटी बाशमत सी इयाव कोर लेदी;
GEN 26:35 आरु इनु बाय क कारण इसहाक आरु रिबका क मन को बुरो लाग्यो।
GEN 27:1 जोत्यार इसहाक डावु होय गोयु, आरु ओका डुळा ओसा धुंधला पोड गोया कि ओको देखायतो नी होतो, ती हुयो आपसा मोटला पुर्या एसाव क बुलाविन कयो, “हे मारा बेटा,” हुयो कयो, “काय हुकुम।”
GEN 27:2 हुयो कयो, “सोमोळ, मे ते डावु होय गोयलु छे, आरु नु जानो कि मारी मोतोन दाहड़ु कोत्यार होयसे:
GEN 27:3 ओतरान कोरिन हिमी तु आपसा तेकश आरु धनुष आदि होतियार लीन खोयड़ा मा जा, आरु मारे जुगु अहेर कोरीन ली आव।
GEN 27:4 तोत्यार मारे गोंहवतो खानो बोनावीन मारेनचा ली आवजी, की मे तेनाक खाईन मोरने सी पेहेल तुसे जी भोरीन बोरकोत आपो।”
GEN 27:5 तोत्यार एसाव अहेर करने क खोयड़ा मा गोयु। जोत्यार इसहाक एसाव सी यी वात कोवतु होतु, ती रिबका सोमळती होती।
GEN 27:6 ओतरान कोरिन रिबका आपसा पुर्या याकुब सी कोहि, “सोमोळ, हांव तारा बाबा क तारा भाईष एसाव सी यो कोहतला सोमळी छे,
GEN 27:7 ‘तु मारे जुगु अहेर कोरीन ओको सोवादो खानो बोनावे, की हांव तेनाक खाईन तुसे योहोवा क ओगोळ मोरने सी पेहेल बोरकोत आपो।’
GEN 27:8 ओतरान कोरिन हिमी, हे मारा पुर्या, मारी सोमोळ, आरु यी हुकुम मान,
GEN 27:9 कि बुकड़ान चा जाईन बुकड़ा क दुय वार वारु गिदल्या ली आव; आरु हांव तारा बाबा क लिय ओको गोंहवे ओसो हेन्दरो मास क सोवाद खानो बोनावीस।
GEN 27:10 ती तु तेनाक तारा बाबान्‍चा जाजी, की हुयो तेनाक मोरने सी पेहेल तुसेक बोरकोत आपे।”
GEN 27:11 याकुब न आपसी आया रिबका सी कयो, “सोमोळ, मारु भाईष एसाव ते रोंआर मानुस छे, आरु हांव रोमहीन मानुस छे।
GEN 27:12 काहमाईन मारु बाबु मेसे पुपावने लाग्यु, ती हांव हेरी निगाह मा ठोगारु रोहीस; आरु बोरकोतोन बोदले शाप कोमाईस।”
GEN 27:13 हेरी आया हेना सी कोहि, “हे मारा बेटा, शाप तारे पोर नी मारे पोर पोड़े, तु मारी सोमोळ, आरु जाईन चे गिदल्या लिन मारेन्चा आव।”
GEN 27:14 तोत्यार याकुब जाईन हेरी आयान चा ली आयु, आरु आया हेरा बाबा क गोंहवे ओसो सोवादो खानो बोनाय देदी।
GEN 27:15 ती रिबका आपसा मोटला पुर्यान एसाव न घाटावा छिंदरा, जे हेरे जुळ घरमा हुता, लीन आपसा नानला पोर्या याकुब क पेराय देदी;
GEN 27:16 आरु गिदल्यान खालड़ा क हेरा हातो मा आरु ओका चुपड़ा गोळा मा वेटाय देदी;
GEN 27:17 आरु हुयी सोवादो खानो आरु आपसा बोनावला रुटा वी आपसा पुर्या याकुब क हातो मा आप देदी।
GEN 27:18 ती हुयो आपसा बाबा क पास मा गयो आरु कयो आरु कयो, “हे मारा बाबा,” हुयो कयो, “काय वात छे? हे मारा पुर्या, तु कुन छे?”
GEN 27:19 याकुब न आपसा बाबा सी कयो, “हांव तारु मोटलु पुर्यु एसाव छे। हांव तारा हुकुम क ओसो कोरलो छे; ओतरान कोरिन उठ आरु बोठीन मारो शिकार क मांस मा सी खा, की तु मेसे बोरकोत आपे।”
GEN 27:20 इसहाक न आपसा पुर्या सी कयो, “हे मारा पुर्या, काय कारण छे की हुये तुसे ओतरो छाटो जोड़ गोयो?” हुयु जोपाप आप्यु, “तारु परमेश्वर योहोवा न ओको मारे ओगोळ कोर देदो।”
GEN 27:21 ओळतेन इसहाक न याकुब सी कयो, “हे मारा पुर्या, धोड़े आव, हांव तुसे पुपावीन जानो कि तु छाचीन मारु पुर्यु एसाव छे की नी।”
GEN 27:22 ती याकुब आपसा बाबा इसहाक क धड़ गयो, आरु हुयो ओको पुपावीन कयो, “कोळ ते याकुब क सो छे, बाखी हात एसाव क सो मालुम पोड़े।”
GEN 27:23 आरु हुयो ओको नी उळख्यो नी, काहकी ओका हात हेरा भाईष एसाव सारको बुराळो नी हुतो; एने हुये ओको बोरकोत आप्यो।
GEN 27:24 आरु हुयो पुछ्यो, “काय तु छाचीन मारु पुर्यु एसाव छे?” हुयो कयो, “हाव, हांव छे।”
GEN 27:25 तोत्यार हुयो कयो, “खानाक मारे धड़ ली आव, कि हांव आपसा पुर्या क अहेर क मांस मासी खाईन, तुसे बोरकोत आपो।” ती हुयो ओको हेरा धड़ मा आयो, आरु हुयो खादो; आरु हुयो ओको पास मा दाखमधु वी लायो, आरु हुयो पिदो।
GEN 27:26 ती हेरो बाबा इसहाक न हेना सी कयो, “हे मारा पुर्या, धड़े आवीन मेसे गुवु दे।”
GEN 27:27 ओका धड़ जाईन ओको गुवु देदो; आरु हुयो ओका छिन्दरा क गोन्दीन ओको यो बोरकोत आप्यो, देख, मारा पुर्या क गन्ध जो ओसा खेत क स छे जिना पोर योहोवा न बोरकोत आपली होय;
GEN 27:28 परमेश्वर तुसे वादळा सी धुरा, आरु कोळी क वारु सी वारी फोव, आरु घोनो सोटो अनाज आरु नवली दाखमधु आपे।
GEN 27:29 राज राजोन मानुस तारा होको मा रोहे, आरु देश देशन मानुस तुसे वान्दे। तु आपसा भाष्यो क डाहलो होये, आरु तारी आया क पुर्या तुसे वान्‍दे जु तुसे शाप आपे चु श्रापित होये, आरु जु तुसे बोरकोत आपे तेनुक वी बोरकोत जोड़े।
GEN 27:30 जोसोत यो बोरकोत इसहाक याकुब क आप्योत की, आरु याकुब आपसा बाबा इसहाक क ओगोळ सी निकोळी ही हुतो, की एसाव अहेर लीन आय पुग्यो।
GEN 27:31 ती हुयो वी सोवादो खानो बोनावीन आपसा बाबा क पास ली आयो, आरु हेना सी कयो, “हे मारा बाबा, उठिन आपसा पुर्या क अहेर का मांस खा, ओळतेन मेसे बोरकोत आपे।”
GEN 27:32 हेरा बाबा इसहाक पुछ्यो, “तु कुन छे?” हुयो कयो, “हांव तारु मोटलु पुर्यु एसाव छे।”
GEN 27:33 ती इसाहक ति थोर थोर् कापतु जाईन कयो, “ओळतेन हुयो कुन होतो जु अहेर कोरिन मारेन्चा ली आवलो हुतो, आरु हांव तारे आवने सि पेहेल आखा मासी काहांय काहांय खादु आरु ओको बोरकोत आप देदु? हिमी हेनाक बोरकोत लागली वी रोहसे।”
GEN 27:34 आपसा बाबान यी वात सोमळीन एसाव घोने जुरे आरु दुख सी भोरायला बुलो सि आयड़ीन आपसा बाबा सी कयो, “हे मारा बाबा, मेसे वी बोरकोत आप!”
GEN 27:35 हुयो कयो, “तारो भाईष चालाकी सी आवलो, आरु तारो बोरकोत क लिन जात रोयो।”
GEN 27:36 हुयो कयो, “काय हेरो नाव याकुब याने नी पाड़्या? हुयु मेसे दुय कावा रुक देदु। मारो मोटलो होक हुयुत ली ले लेदु; आरु हिमि देख, हुयु मारो बोरकोत वी ली लेदु।” ओळतेन हुयु कोयु, “काय तु मार जुगु काई वी बोरकोत नी विचारलु छे काय?”
GEN 27:37 इसहाक एसाव क जोपाप अपीन कोयु, “सोमोळ, मे ते हेनाक तारो स्वामी बोनायु, आरु हेरा आखा भाईष क ओका होको मा कोर देदु, आरु अनाज आरु दाखमधु आपीन ओको पुष्ट कोरलु छे। ओतरान कोरिन हिमी, हे मारा बेटा, हांव तारे जुगु काय कोरो?”
GEN 27:38 एसाव न आपसा बाबा सी कयो, “हे मारा बाबा, काय तारा मन मा एकुत बोरकोत छे? हे मारा बाबा, मेसे वी बोरकोत आप दे।” ओसो कोवीन एसाव बेस रोड़्यु।
GEN 27:39 हेरु बाबु इसहाक हेना सी कयो, सोमोळ, तारो रोहनो पीयोत जागा सी छेटु होये, आरु उपोर सी वादळा क धुरो तेना पोर नी पोड़े।
GEN 27:40 तु आपसी तलवार क भुरसे जोवतलो रोहीस, आरु आपसा भाईष क होको मा ते छे; बाखुन तु स्वाधीन होय जाईस, ती हेरा जुड़ा क आपसा खांदा पोर सी तुड़ नाखीस।
GEN 27:41 एसाव ते याकुब सी आपसा बाबा क आपला बोरकोत क लिए घाड़ाय राख्यु; आरु हुयु विचार कोर्यु, “मारा बाबान आखरी दाहड़ा धोड़े छे, ओवळतेन हांव आपसा भाईष क मार दीस।”
GEN 27:42 जोत्यार रिबका क हेरो मोटलो पुर्यु एसाव नी यी वाते देखाड़ी गोयी, ती हुयी आपसा नानला पुर्या याकुब क बुलावीन कोहि, “सोमोळ, तारो भाईष एसाव तुसे मारने कोरीन आपसा मन मा गोम राखलु छे।
GEN 27:43 ओतरान कोरिन हिमी, हे मारा बेटा, मारी सोमोळ, आरु हारान क मारा भाईष लाबान क पास ढास जा;
GEN 27:44 आरु थुड़ा दाहड़ा लोगुन, यानी जोत्यार लोगुन तारा भाईष क रीष नी उतरे ति लोगुन हेरेन चा रोहजी।
GEN 27:45 ओळतेन जोत्यार तारा भाईष क रीश तार पोर सी उतरे, आरु जो काम तु हेर सी कोरलु छे चो हुयु विसरी जाय; ती हांव तुसे होंया बुलावने मुकलिस। ओसो काहा होये की एकुत दाहड़े मा मेसे तुमु दुयो सी रहित होयनो पोड़े?”
GEN 27:46 ओळतेन रिबका न इसहाक सी कोहि, “हित्ती पुरायटा क कारण हांव आपसा जिव सी घिन कोरो; ओतरान कोरिन काहमाईन ओसो हित्ती पुरायटा मा सी, जोसो एना देश क पुरायटा छे, याकुब वी एक सी कोहे की इयाव कोर ले, ती मारा जीवोन मा काय फायदु होयसे?”
GEN 28:1 ती इसहाक न याकुब क बुलावीन बोरकोत आप्यो, आरु हुकुम आप्यो, “तु कुदी कनानी पुराय सी ईयाव झुणी कोरे।
GEN 28:2 पद्दनराम मा तारा मामान बाबा बतुएल क घर जाईन, होंया तारा लाबान की एक पुराय सी ईयाव कोर लेजी।
GEN 28:3 जुरभोर्यु भोगवान तुसे बोरकोत आपे, आरु फलवन्त कोरिन बोढावे, आरु तु राज राज क मण्डळी क डाहलो होये।
GEN 28:4 हुयो तुसे आरु तारी ओवलियाद क वी अब्राहम जोसी बोरकोत आपे, कि तु यो देश पोरदेशी होईन रोहे, आरु जिना परमेश्वर न अब्राहम क आपलो हुतो, ओको होक होय जाय।”
GEN 28:5 आरु इसहाक याकुब क विदा कोर्‌यो, आरु पद्दनराम क अरामी बतुएल क पुर्य लाबान क पास जा, जो याकुब आरु एसाव कि आईश् रिबका क भाईष हुतो।
GEN 28:6 जोत्यार इसहाक न याकुब क बोरकोत आपीन पद्दनराम मुकली देदो, कि हुयो होंया सी लाड़ी लावे, आरु ओको बोरकोत आपने क टेमे यो हुकुम आप्यो, “तु कुदी कनानी पुराय सी ईयाव झुणी कोरे,”
GEN 28:7 आरु याकुब आसी बासान नु मानीन पद्दनराम क चाल देदु।
GEN 28:8 ती एसाव यो आखो देखीन आरु यो वी विचार कोर्यु की कनानी पुरायटा मारा बाबा क इसहाक क वारु नी लागे,
GEN 28:9 अब्राहम क पुर्य इश्माएल क पास गोयु, आरु इश्माएल की पुराय महलत क, जी नबायोत क बोहनीस हुती, ईयाव कोरीन घोरवाळी मा मेळवी लेदी।
GEN 28:10 याकुब बेरसेबा सी निकोळीन हारान भीनी चाल्यु।
GEN 28:11 आरु हुयु काहना जागाम मा पुगीन रात होयात रोहने क विचार कोर्यु, काहकी दाहड़ु बुड गोयु होतु; एकालीय हुयो हेना जागा क दोगड़ा मासी एक दगड़ा क आपसो ताकीयो बोनावीन मेल्यो, आरु हेनात जागाम सुय गोयु।
GEN 28:12 ती सोपना मा काय देख्यो, की एक नीसुन कोळी पोर उबी छे, आरु हेरो मुनको सोरोग तोक पुगलो छे; आरु परमेश्वर क दुत हेरे पोर सी चोहड़े उतरे।
GEN 28:13 आरु योहोवा हेरे पोर उबु होईन कोहे, “हांव योहोवा, तारा डाहला बाबा अब्राहम क परमेश्वर, आरु इसहाक क वी परमेश्वर छे; जेनी जागा पोर तु लुट रोयु, होयी हांव तुसेक आरु तारी ओवलियाद क आपीस।
GEN 28:14 आरु तारो ओवलियाद कोळी क धुळा क किनका क जोसा बेस होयसे, आरु बुडेवना, उगेवना, दोखेवरे, बोखेवरो, च्यारु मेर फैल जासे: आरु तारा आरु तारा ओवलियाद क लारे कोळी क आखा कुल बोरकोत वाळा होयसे।
GEN 28:15 आरु सोमोळ, हांव तारे साते रोहीस, आरु जां कावी तु जाय चां तारी गुवावी कोरीस, आरु तुसे एना देश मा पोछू ली आवीस।”
GEN 28:16 ती याकुब जाग उठ्यु, आरु कोहने लाग्यु, “छाचीन एना जागा मा योहोवा छे; आरु हांव इनी वात क नी जानतु होतु।”
GEN 28:17 आरु बिहतु जाईन हुयु कोयु, “यु जागु काय बिहाड़े छे! यो ते परमेश्वर क भवन क छुड़ीन आरु काय नी होय सोके; बाकी यो सोरोग क झोपलो त होसे।”
GEN 28:18 कुकड़ु वासरेक याकुब उठ्यु, आरु आपसा गादि क दगड़ु लीन हेरु खाम्बु उबु कोर्यु, आरु ओका मुन्डा पोर तेल नाख देदु।
GEN 28:19 हेना जागान क नाव बेतेल पाड्यु; बाखीन हेना नगर क नाव पेहेल लुज होतो।
GEN 28:20 ती याकुब न यी मानता मान्यु, “काहमाईन परमेश्वर मारे साते रोहीन इनी यात्रा मा मारी गुवाळी कोरे, आरु मेसे खाने क लिय रुटा, आरु पेहरने क लिय छिंदरा आपे,
GEN 28:21 आरु हांव आपसा बाबा क घोर वारु पोछु आवो; ती ती योहोवा मारु परमेश्वर कोवायसे।
GEN 28:22 आरु यु दोगड़ु, जिनाक हांव उबु कोरलु छे, परमेश्वर क भवन कोहायसे: आरु जो काय तु मेसे आपसे हेरेमासी दशमांश हांव छाचीन तुसेक आप्या कोरीस।”
GEN 29:1 ओवळतेन याकुब न आपसी वाट लेदु, आरु पुर्बियो क देश मा आयु।
GEN 29:2 हुयो निगाह कोरिन काय देख्यो की खोयड़ा मा एक कुवु छे, आरु ओका पास मा गाडरा बुकड़ा क तिन टुवा बोठला छे; काहकी जो दगड़ो हेना कुवा क मुयो पोर धरा रोहतलो हुतो, जिनामा सी टुवा क जळ पाया कोरता हुता, हुयो भारो होतो।
GEN 29:3 आरु जोत्यार आखा टुवु होंया एकठो होय जाय ती गुवाया हेना दगड़ा क कुवा क मुयो पोर गोबड़ावीन गाडरा बुकड़ा क पानी पावे, आरु ओळतेन दगड़ा क कुवा क मुयो पोर जोसा क तोसो मेल देता हुता।
GEN 29:4 अत: याकुब न गुवाळ्या सी पुछ्यो, हे मारा भाष्यो, तुमु कां वाळा छे? हुये कोया, “आमु हारान वाळा छे।”
GEN 29:5 ती हुये हेना सी पुछ्या, “काय तु नाहोर क पोते लाबान क उवखे?” हुये कोया, “हाव, हामु हेनाक जानजे।”
GEN 29:6 ओळतेन हुयो हेनुक पुछ्यो, “काय हुयु वारलु छे?” हुये कोया, “हाव, आरगु छे आरु होयी देख, हेरु पुराय राहेल गाडरा बुकड़ा क लिय आवने बाज रोय।”
GEN 29:7 हुये कोया, “देखु, हांजु ते दाहड़ु घोनु छे, ढुरोन एकठा होयनेन टेम नी; ओतरान कोरिन गाडरा बुकड़ा क पानी पावीन ओळी लीजाईन च्यारु।”
GEN 29:8 हुये कोया, “हामु हिमी ओसा नी कोर सोकतला; जोत्यार आखा टुवा भेळा होये ती दगड़ा क कुवा क मुय पोर सी ढुव्वी देतला छे, आरु ती हामु गाडरा बुकड़ा क पानी पावतला छे।”
GEN 29:9 हेन्दरी यी वात होयती होती कि राहेल, जी ढुरे चारती होती, आपसा बाबा क गाडरा बुकड़ा क लिन आय लागी।
GEN 29:10 याकुब न आपसा मामा लाबान की पुराय राहेल क, आरु ओका गाडरा बुकड़ा क देख्यो ती धोड़े जाईन कुवा क मुयो पोर सी दगड़ा क ढुवयो आरु आपसा मामा लाबान क गाडरा बुकड़ा क पानी पायो।
GEN 29:11 ती याकुब न राहेल क गुवु देदो, आरु घोने जुर्ये रोड्यु।
GEN 29:12 आरु राहेल याकुब न राहेल क कोय देदु, की हांव तारु फुफेरु भाईष छे, यानी रिबका क पुर्यु छे। ती होयी दोवड़ीन आपसा बाबा सी कोय देदी।
GEN 29:13 आपसा भान्जुस याकुब क खोबोर जोड़तात लाबान हेनाक मेळने कोरीन दोवड़ीन आयु, आरु गळे लागाड़ीन गुवा देदु, ओळतेन आपसे घोर ली आयु। याकुब न लाबान क आपसी आखी वात सोमवाड़्यु।
GEN 29:14 ती लाबान न याकुब सी कयो, “तु ते छाचीन मारी हाड़की आरु मांस छे।” आरु याकुब एक मोहनो भोरीन हेरे साते रोयु।
GEN 29:15 ती लाबान न याकुब सी कयो, “कुटुम्ब होयने क कारन तुसे ओसीत चाखरी कोरावनो मारे जुगु वारु नी होय; ओतरान कोरिन कोह हांव तुसे तारी चाखरीन बोदले काय आपो?”
GEN 29:16 लाबान न दुय पुराय होती, जेनु मासी मोटली लिआ: आरु नानली राहेल होती।
GEN 29:17 लिआ: क ते धुन्धला डुळा होता, बाखुन राहेल रुपवती आरु घाटावी होती।
GEN 29:18 ओतरान कोरिन याकुब न, जी राहेल सी मोंग राखतु होतु, कयो, “हांव तारी नानली पुराय राहेल क लिय सात साल तारी चाखरी कोरीस।”
GEN 29:19 लाबान न कयो, “एनीक पारका मानसोनचा आपने सी तुसे आपनो वारु होयसे; ओतरान कोरिन मारेंचा रोव।”
GEN 29:20 अत: याकुब न राहेल क लिय सात साल चाखरी कोर्यु; आरु हुये राहेल क मोंगो क लारे थुड़ाक दाहड़ा क बराबर जान पोड़्या।
GEN 29:21 ती याकुब न लाबान सी कोयो, “मारी घोरवाळी मेसे आप दे, आरु हांव हेरेन्चा जाईस, काहकी मारो टेम पुरो होय गोयलो छे।”
GEN 29:22 अत: लाबान न हेना जागा क आखा मानषो क बुलावीन एकठो कोर्‌यो, आरु एक खावटी आप्यु।
GEN 29:23 सान्तो क टेमे हुयु आपसी पुराय लिआ: क याकुब क पास ली गयो, आरु हुयो हेरे पास गयो।
GEN 29:24 लाबान न आपसी पुराय लिआ: क ओकी दासी होयने क लिय आपसी दासी जिल्पाक आप्यो।
GEN 29:25 सोन्दारे मालुम होयो की यी ते लिआ: छे, ओतरान कोरिन हुयो लाबान सी कयो, “यो तु मारे साते काय कोर्यु? हांव तारे पुठी रोहीन जी चाखरी कोर्यु, ती काय राहेल क लिय नी काय? ओळतेन तु मारे सी ओसो छल कोरलु छे?”
GEN 29:26 लाबान न कयो, “आमरे यां ओसी रीती नी की मोटली पुराय सी पेहेल दीसरीन ईयहाव कोर देये।
GEN 29:27 एरु साप्तु ते पुरु कोर; ओळतेन दीसरी वी तुसे हेरी‍‍ चाखरी क लिय जोड़से जो तु मारे साते रोहीन आरु सात साल लोगुन कोरजी।”
GEN 29:28 याकुब न ओसोत कोर्‌यो, आरु लिआ: क सापतु क पुरु कोर्यु; ती लाबान न आपसी बेटी राहेल क वी आप्यो कि हेरी घोरवाळी होये।
GEN 29:29 लाबान न आपसी बेटी राहेल क दासी होयने क लिय आपसी दासी बिल्हा क आप देदो।
GEN 29:30 ती याकुब राहेल क पास वी गयो, आरु ओको मोंग लिआ: से जादा हेरे पोर होयो; आरु हुयो लाबान क सात रोहीन सात साल आरु ओकी चाखरी कोर्‌यो।
GEN 29:31 जोत्यार योहोवा न देख्यो, की लिआ: नी गोंहती होयी, ती हेरी कुख खुल्यु, बाखुन राहेल वान्टी रोही।
GEN 29:32 अत: लिआ: भारेपाये होये आरु ओको एक पुर्य पोयदा होयो, आरु हेरो यो कोवीन हेरो नाव रुबेन पाड़्यो, “योहोवा न मारा दुख पोर निगांह कोरलु छे, हिमी मारु घोरवावु मार सी मोंग राखसे।”
GEN 29:33 ओळतेन हुयी भारेपाये होयी आरु ओको एक पुर्य पोयदा होयो; ती हुयी यो कोहि, “यो सोमळीन कि मे मोंगाव्वी नी होय, योहोवा न मेसे यो वी पुर्य आपलो छे।” एकालिय हियी एरो नाव शिमोन पाड़ी।
GEN 29:34 ओळतेन हुयी भारेपाये होयी आरु ओको एक पुर्य पोयदा होयो; आरु हुयी कोहि, “एने वार ते मारु घोरवावु मेसे जोड़ जासे, काहकी हेनासी मारा तीन पुर्या पोयदा होयला छे।” ओतरान कोरिने एरो नाव लेवी पोड़्यो।
GEN 29:35 आरु ओळतेन हुयी भारपाये होयी आरु ओको एक आरु पुर्य पोयदा होयो; आरु हुयी कोहि, “एने कावा ते हांव योहोवा क धन्यवाद कोरीस।” एकालीय हुयी हेरो नाव यहुदा पाड़्यु ती हेरी कुख बोन्द होय गोय।
GEN 30:1 जोत्यार राहेल न देखी की याकुब क लिय मारी सी कुई ओवलियाद नी होयती, ती हुयी आपसी बोहनीस सी घाड़ाय कोरने लागगोय आरु याकुब सी कोहि, “मेसे वी ओवलियाद आप, नी ते मे मोर जाईस।”
GEN 30:2 ती याकुब राहेल सी रीसवाईन कोयु, “काय मे परमेश्वर छे? तारो कुख ते होयु बोन्द कोरलु छे।”
GEN 30:3 राहेल कोहि, “वारलो, मारी दासी बिल्हा हाजिर छे; ओका पास मा जा, होयी मारा माण्डा पोर पोयदा कोरसे, आरु ओका लारे मारो वी घोर बोससे।”
GEN 30:4 ती होयु हेरी आपसी दासी बिल्हा क आपी की होयी हेरी घोरवाळी होये; आरु याकुब हेरेन्चा गोयु।
GEN 30:5 आरु बिल्हा भारेपाये होयी आरु याकुब सी हेरो एक पुर्य होयो।
GEN 30:6 ती राहेल कोहि, “परमेश्वर न मारो नियाव चुकाड़्यु आरु मारी सोमळीन मेसे एक पुर्य आप्यु।” ओतरान कोरिन होयी हेरो नाव दान पाड़ी।
GEN 30:7 राहेल न दासी बिल्हा ओळी भारेपाये होयी आरु याकुब सी एक पुर्य आरु पोयदा होयो।
GEN 30:8 तव राहेल कयी, “हांव म्हार बोयणी क सात मोटी लड़ाय करली छे।” एने हांव जीत गयी हतरान करीन हेका पोर्यान नाव नप्ताली पाड़ी।
GEN 30:9 जोत्यार लिआ: न देखी की हांव पोयदा कोरी नी सोको, ती होयी आपसी दासी जिल्पा क लिन याकुब क लाड़ी होयने कोरीन आप देदी।
GEN 30:10 आरु लिआ: सी दासी जिल्पा क वी याकुब सी एक पुर्य पोयदा होयो।
GEN 30:11 ती लिआ: न कोहि, “अहो भाग!” ओतरान कोरिन होयी हेरो नाव गाद पाड़ी।
GEN 30:12 ओळी लिआ: की दासी जिल्पा क याकुब सी एक आरु पुर्य पोयदा होयो।
GEN 30:13 ती लिआ: न कोहि, “हांव सोयाळी छे; खोरी बायरा मेसे सोयाली कोहसे।” ओतरान कोरिन होयी हेरो नाव आशेर पाड़ी।
GEN 30:14 गोंहोव काटने क दाहड़ा मा रुबेन क खोयड़ा मा दुदाफळ जोड़्या, आरु होयु तेनाक आपसी आईस लिआ: क पास ली गोयु। ती राहेल न लिआ: सी कोहि, “आपसा पुर्या क दुदाफळ मासी काहीन मेसे आप।”
GEN 30:15 होयी हेनीक कोहि, तु जी मारा घोरवाळा क ली लेदली छे काय यी नानी वात छे? हिमी काय तु मारा पुर्या क दुदाफळ वी मांगने होय रोय? राहेल कोहि, “वारु, तारा पुर्या क दुदाफळ क बोदले होयु आज रात क तारा साते सुवसे।”
GEN 30:16 सान्तो जोत्यार याकुब खोयड़ा सी आवतु होतु, ती लिआ: हेनाक मेळने गोय, आरु कोहि, “तुसे मारेन्चात आवनो पोड़से, काहकी हांव मारा पुर्या क दुदाफळ आपीन तुसे छाचीन मुले ली लेदी।” ती होयु तेने रात क ओकाज सात मा सुयो।
GEN 30:17 ती परमेश्वर न लिआ: क सोमळ्यो, आरु होयी भारेपाये होई आरु याकुब सी हेरो पान्चवो पुर्‌यो हुयो।
GEN 30:18 ती लिआ: न कोहि, “हांव जी मारा घोरवाळा क मारी दासीक आपी, ओतरान कोरिन परमेश्वर न मेसे मारी दाहड़की आपलो छे।” ओतरान कोरिन होयि हेरो नाव इस्साकार पाड़ी।
GEN 30:19 लिआ: ओळी भारेपाये होयी आरु याकुब सी ओको छठवो पुर्य पोयदा होयो।
GEN 30:20 ती लिआ: न कोहि, “परमेश्वर न मेसे वारु दान आपलु छे; एने कावा मारा घोरवावु मारे साते बोनलु रोहसे, काहकी मारा छव पुर्या होय गोयला छे।” ओतरान कोरिन होयी हेरो नाव जबुलुन पाड़ी।
GEN 30:21 तेरे वाद मा हेरी एक पुराय वी होयी, आरु ओको नाव दीना पाड़ी।
GEN 30:22 परमेश्वर न राहेल क वी सुधी लेदो, आरु ओकी वी कुख उगाड़ीयो।
GEN 30:23 ओतरान कोरिन होयी भारेपाये होयी आरु होयी एक पुर्या क जन्म देदी, ती होयी कोहि, “परमेश्वर न मारी नावधोराई क छेटो कोर्यु।”
GEN 30:24 ओतरान कोरिन होयी यो कोहीन हेरो नाव युसुफ पाड़ी, “परमेश्वर मेसे एक पुर्य आरु आपसे।”
GEN 30:25 जोत्यार राहेल सी युसुफ पोयदा होयु, ती याकुब न लाबान सी कयो, “मेसे विदा कोर की हांव मारा देश आरु जागा क जाम।
GEN 30:26 मारी घोरवाळी आरु मारा पुर्या, जिन्दरे वाटू हांव तारु चाखरी कोरलु छे, हेनुक मेसे आप दे कि जार रोहो; तु ते जाने की हांव तारी चाखरी कोरलु छे।”
GEN 30:27 लाबान न हेना सी कयो, “काहमाईन तारी निगाह मा हांव गीन जोड़लो छे, ती तु यांत रोय जा; काहकी हांव पारख सी जान लेदो की योहोवा न तारे लारे मेसे वि बोरकोत आपलो छे।”
GEN 30:28 ओळी हुयो कयो, “तु ठिक कोह कि हांव तुसे काय आपो, आरु हांव चो आपीस।”
GEN 30:29 हुयो हेनासी कयो, “तु जाने कि हांव तारी कोसी चाखरी कोर्यु, आरु तारा ढुरे मारेन्चा कोसा रोया।
GEN 30:30 मारे आवने सी पेहेल हुये कोतरा होता, आरु हीमी कोतरा होय गोया; आरु योहोवा न मारे आवने सी तुसे बोरकोत आपलु छे। बाखुन हांव मारे घोर क काम कोत्यार कोरीस?”
GEN 30:31 हुयो औळी कयो, “हांव तुसे काय आपो?” याकुब कयो, “तु मेसे काय मा आपे; काहमाईन तु मारे जुगु एक काम कोरे, ती हांव ओळी तारा गाडरा बुकड़ा क चारीस, आरु हेन्दरी गुवाळी कोरिस।
GEN 30:32 हांव आज तारा आखा गाडरा बुकड़ा क विन रोहीन निकविस, आरु जर गाडरा ने बुकड़ा चित्तीवाली आरु चितकबरी होय, आरु जे गाडरा काळा होय, आरु जे बुकड़ा चित्तीवाली आरु चितकबरी होय, तेनुक हांव ओलोग राखीस; आरु मारी दाहड़की मा वी ठहरसे।
GEN 30:33 आरु जोत्यार ओगोळ क मारी दाहड़की क चर्चा तारे ओगोळ चाले, ती धर्म क योत गोवा होरसे; अर्थात बुकड़ा मासी जी काई चित्तीवाली आरु चितकबरी होय, आरु गाडरा मासी जी काई काळी नी होय, काहमाईन मारेन्चा निकोळे ती चुरीन कोवायसे।”
GEN 30:34 ती लाबान न कयो, “तारे कोहने क ओनसार होये।”
GEN 30:35 अत: हुयो तेने दाहड़े आखा धारीवाळा आरु चिरकाब्रया बुकड़ा, आरु सब चित्तीवाऴा आरु चितकाब्रया बुकड़ा क, अर्थात जिनामा काहिय उजलापन हुतो, ओको आरु सब काळा गाडरा क वी ओलोग कोरीन आपसा पुर्या क हात मा आप दिदो;
GEN 30:36 आरु हुयो आपसा आरु याकुब क वीच मा तीन दिन क वाट क जागा कोहायसे; आरु याकुब लाबान क गाडरा बुकड़ा क चारने लाग्यो।
GEN 30:37 ती याकुब न चिनार, आरु बादाम, आरु अर्मोन झाड़ क निळा निळा झाड़ोक लीन, हेन्दरा छोलटा काई काई छुलीन, तेनुक धारीदार बोनाय देदो, ओसी की हेनुक लाकड़ीयाण क धोळो देखायने लागे।
GEN 30:38 ती छुल्‌ला लाकड़्या क गाडरा बुकड़ा क ओगोळ हेनुक पानी पिने क नाळी मा (नांद मां) उबो कोर्‌यो; आरु जोत्यार हुये पानी पिने क लिय आवे ती गाभीन होय गोय।
GEN 30:39 लाकड़िया क ओगोळ गाभीन होईन, गाडरा बुकड़ा धारीवाळा, चित्तीवाळा आरु चितकबरा गिदल्या जोन्या।
GEN 30:40 ती याकुब न गाडरा क पिला क ओलोग ओलोग कोर्‌यो, आरु लाबान क गाडरा बुकड़ा क मुय क चित्तीवाळा, आरु सब काळा पिला क ओलोग कोर देदो; आरु आपसा टुवा क हेन्दरे सी ओलोग राख्यो, आरु लाबान क गाडरा बुकड़ा सी मीळने नी देदो।
GEN 30:41 आरु जोत्यार ताकोत वाळा गाडरा बुकड़ा गाभोन होयती होता, तोत्यार याकुब तेनु लाकड़ीया क भारा म हेन्दरे ओगोळ मेक देता हुता; जिनासी तेनु लाकड़िया क देखीन गाभोन होय जाय।
GEN 30:42 बाखुन नी ताकोत वाळा गाडरा बुकड़ा गाभोन होयता हुता, ती हुये हेन्दरे ओगोळ नि राखतु होतु। इनासी कोमजुर कोमजुर्या लाबान की रोही, आरु ताकोतवाळा ताकोतवाळा याकुब क होय गोया।
GEN 30:43 ओस कोरीन हुयो मानुस बेस धनावान हपोय गोयु, आरु ओका घोना सोटा गाडरा बुकड़ा, आरु दासीया आरु दासे, आरु उटड़ा आरु गोदड़ा होय गोया।
GEN 31:1 ओळी लाबान क पुर्या कि यी वाते याकुब क सोमळने मा आवी, “याकुब न आपना बाबा क आखो काहिय हापकी लेदलो छे, आरु आपनु बाबा क धोन क लिय ओकी यी ठाट बाट छे।”
GEN 31:2 आरु याकुब न लाबान क मुय पोर निगाह कोर्या आरु ताड़ देदा कि हुये ओका जोसा पेहले क जोसा नि छे।
GEN 31:3 ति योहोवा न याकुब सी कयो, आपसा बाबा क देश आरु तारी पोयदावारीन जागा क जात तोह, आरु हांव तारे साते रोहीस।
GEN 31:4 ती याकुब राहेल आरु लिआ: क खोयड़ा मा आपसा गाडरा बुकड़ा क धोड़े बुलाविन कयो,
GEN 31:5 “तुमरा बाबान मुयो सी मेसे ओसो लागे की हुयो मेसे पेहले जोसो हिमी नी देखायतो; बाखुन मारा बाबान परमेश्वर मारे साते छे।
GEN 31:6 तुमु वी जानु की हांव तुमरा बाबान चाखरी जिव लागाड़ीन कोरलु छे।
GEN 31:7 ओळी वी तुमरु बाबु मारे सी छल कोरीन मारी दाहड़की क दस वार बोदली देदो; बाखुन परमेश्वर न ओको मारे नुकसान नी कोरने देदो।
GEN 31:8 जोत्यार हुयो ओसो कोयो, ‘चित्तीवाळा पिला तारी दाहड़की कोहायसे,’ ती आखा गाडरा बुकड़ा‍ चित्तीवाळात होयने लाग्या; आरु जोत्यार होयु कोयु, ‘धारी वाळा पिला तारी दाहड़की कोहायसे’ ति आखा गाडरा बुकड़ धारीवाळा होयने लाग्या।
GEN 31:9 ओस कोरीन परमेश्वर न तुमरा बाबा क ढुरोक लीन मेसे आपलु छे।
GEN 31:10 गाडरा बुकड़ा क गाभीन होयने क टेम हांव सोपना मा काय देख्यु कि जे बुकड़ा पोर चोढ़ने बाज रोया, चै धारीवाळा, चित्तीवाळा, आरु घब्बेवाळा छे।
GEN 31:11 ती परमेश्वर क दुत न सोपना मा मेसे कोयो की, ‘हे याकुब,’ हांव कोयु, काय हुकुम,
GEN 31:12 हुयो कयो, डुळा उचाकोरीन हेनु आखा बुकड़ा क जे बुकड़ा पोर चोढ़ाई कोर रोया देख, की हुये धारीवाळा, चित्तीवाळा, आरु धब्बावाळा छे; काहकी जे काई लाबान तार सी कोरे, चो हांव देखलु छे।
GEN 31:13 हांव तेना बेतेल क परमेश्वर छे, जां तु न एक खाम्बा पोर तेल नाख देदलु, आरु मारी मानता मानलु होतु। होमि चाल, एना देश सी निकोळीन आपसी पोयदावारीन जागा क जा।”
GEN 31:14 ती राहेल आरु लिआ: न हेनासी कोया, “काय आमरु बाबा क घोर मा हिमी वि आमरो काई हिस्सो आरु ओवलियाद वाचलो छे?
GEN 31:15 काय हामु ओकी निगाह मा पारका नी रोहजे? देख, हुयो ते आमुक ते वेच देदो, आरु आमरु पोयस्या खाय गोयलु छे।
GEN 31:16 ओतरान कोरिन परमेश्वर न आमरा बाबा क जोत्रा धोन ले लेदलौ छे, हुयो आमरो आरु आमरा पुर्या क छे; हिमी जो काहिय परमेश्वर न तुसेक कवलो छे, चोत कोर।”
GEN 31:17 ती याकुब न आपसा पुर्या आरु बायरा क उटड़ा पोर चोढ़ायु;
GEN 31:18 आरु जोतरा ढुरे क हुयो पद्दनराम मा एकठा कोर्‌यो मातभोर होय गयो हुतो, सब क कनान मा आपसा बाबा इसहाक क पास जाने क विचाय सी, साते ली गयो।
GEN 31:19 लाबान आपसा गाडरा क रुई कतरने क लिय जार रोयो हुतो, आरु राहेल आपसा बाबा क घोरुनदेवता क चुरीन ली गोय।
GEN 31:20 अत: याकुब लाबान अरामी क पास सी मोनेन जात रोयु, ओको न बताड़ियो कि हांव ढासीन जात रोहीस।
GEN 31:21 हुयो आपसो आखो काहिई लीन ढास्यु, आरु महानदी क पार उतरीन आपसो मुय गिलाद क बोयड़ा देश भिनी कोर्यु।
GEN 31:22 तीसरे दाहड़े लाबान क पोतु चाल्यो कि याकुब ढास गोयो।
GEN 31:23 ओतरान कोरिन हुयो आपसा भाईस क पुठी लिन ओको सात दाहड़ा लोगुन पोछोळ पोड़्यो, आरु गिलाद क बोयड़ा देश मा ओको जाईन धोर्‌यो।
GEN 31:24 बाखुन परमेश्वर न रात क सोपना मा अरामी लाबान क पास आविन कयो, “चोकचोयु रोव, तु याकुब सी नी ते वारु भुण्डो नी कोहजी।”
GEN 31:25 आरु लाबान याकुब क पास पुग गोयो। याकुब आपसा तंबु गिलाद नावोन बोयड़ा देश मा उबो कोर्यु होतु; आरु लाबान न वी आपसा भाई क सात आपसा तंबु ओकी बोयड़ा देश मा उबा कोर्या।
GEN 31:26 ति लाबान याकुब सी कोवने लाग्यो, “तु यो काय कोर्यु कि मारे पास सी मोनेन आत रोयु, आरु मारा पुरायटा क ओसो ली आयो, मानो तोलवार सी बोन्दी बोनाय गोयली होय?
GEN 31:27 तु काहा मोनेन ढास आयु, आरु मार सी विगुर काई कोहे मारे पास सी मोनेन चाली आयु; नी ते हांव तुसे खुशी क सात टुमेकड़ी (तबली) आरु झुमकु वाजाड़तु, आरु गीते गावता जाईन मुकोलता?
GEN 31:28 तु ते मेसे मारा पुर्या पुरायटा क गुवु लोगुन नी देदु? तु ते गाण्डाय कोरलु छे।
GEN 31:29 तुमु मानषो क नुकसान कोरने क शक्ति मारे हातो मा ते छे; बाखुन तुमरु बाबु परमेश्वर न मारे सी वितली रात मा कोयु, ‘चोकचोयु रोव, याकुब सी नी ते वारु कोहजी आरु नी भुण्डो।’
GEN 31:30 वारु, हिमी तु आपसा बाबा क घोर क मोटा इच्छा होईन आत रोयु ति आत रोयु, बाखुन मारा देवताक तु काहा चूर लायु?”
GEN 31:31 याकुब न लाबान क जोपाप आप्यो, “हांव यो विचारीन बिहि गोयलु की काहमाईन तु तारा पुरायटा क मारे सी हापकी नी लेय।
GEN 31:32 जेरे कुदा जुळ तु मारा देवता जोड़से, जो जिवतलो नी वाचसे। मारे जुळ तारो जो काई निकोळे, चो तु भाई बोन्या क ओगोळ उवखीन ली ले।” काहकी याकुब जनतो नी हुतो कि राहेल घोरुन देवता क चूरीन लावली छे।
GEN 31:33 यो सोमळीन लाबान, याकुब आरु लिआ: आरु दुयो दासीयो क तंबु मा गयो; आरु काई नी जोड़्यो। ती लिआ: क तंबु मासी निकोळीन राहेल क तंबु मा गोयो।
GEN 31:34 राहेल ते घोरुन देवता क उटड़ा क काठी मा मेलीन तेनु पोर बोस रोहली। लाबान न ओका आखा तंबु क चावयो ते वी जोड़्यो।
GEN 31:35 राहेल आपसा बाबा सि कोहि, “हे मारा पोरबु; इना सी खुश नी होय की हांव तारे ओगोळ नि उठी; काहकी हांव मासिक धोरोम सी छे।” अत: तेनाक हेरने सी वी घोरुन देवता नी जोड़या।
GEN 31:36 ती याकुब रिसवाईन लाबान सी लोड़ायने लाग्यु, आरु कोयु, “मारु काय गुनु छे? हांव काय पाप कोर्यु की तु ओतरु रिसवाइन मार पोछोळ पोड़शयु?
GEN 31:37 तु जे मारो आखो सोमान चावविन देख्यु, ती तुसेक आपसा घोरोन आखो सोमान मासी काहीन जोड़्यो काय? काई जोड़्यो होय ती ओको याँ आपसा आरु मारा भाईश क ओगोळ मेक दे, आरु चे आपनु दुयो क वीच नियाव कोरे।
GEN 31:38 एनु वीस साल लोगुन हांव तारेन्चा रोयु; एनामा नी ते तारा गाडरा बुकड़ा क कुख पोड़्यो, आरु न तारा मेढ़ो क मास हांव कोदी नी खादु।
GEN 31:39 जेनुक बनेले जिवो न फाड़ नाख्यो ओको हांव तारे पास न लावतो होतो, ओकी नुकसानी हांव ही उठावतलु; चाहे दाहड़ा क चुरी जाय चाहे ती राती क, तु मारे सी माँग लेतलु।
GEN 31:40 मारी ते यी दशा होती कि दिसु क ते तोप आरु राती क सेळो मेसे खाय गयो; आरु निंद मारा डुळ सी ढाक जाती होती।
GEN 31:41 वीस साल लोगुण हांव तारे घोर मा रोयु; चोवदे साल ते हांव तारी दुय पुराय जुगु; आरु छव साल तारा गाडरा बुकड़ा क चाखरी कोर्यु; आरु तु ते मारी दाहड़की क दोस वार टाय देये।
GEN 31:42 मारा बाबा क परमेश्वर, अर्थात अब्राहम क परमेश्वर, जेरे बीक इसहाक वी माने, काहमाईन मारे भीनी नी होयतु ती छाचीन तु हिमी मेसे छुछे हात जाने देतु। मारो दुख आरु मारो हातो क मेहनोत क देखीन परमेश्वर न विति रात क तुसे लोड़्यो।”
GEN 31:43 लाबान न याकुब सी कयो, “यी पुराय ते मारीत छे, आरु ये पुर्या वी मारात छे, आरु ये गाडरा बुकड़ा वी मारात छे, आरु जो काई तुसे देखा पोड़े चो आखो मारोत छे। बाखुन हिमि मारी इनु बेटी, आरु ओकी ओवलियाद सी काय कोर सोको?
GEN 31:44 हिमि आव, हांव आरु तु दुयु आपसा वायदु कोरजे, आरु हुये मारे आरु तारे वीच मा वायदु कोहायसे।”
GEN 31:45 ती याकुब न एक दोगड़ो लिन ओको एक खांम्बो उबो कोर्‌यो।
GEN 31:46 ती याकुब न आपसा भाई बोन्या सी कोयो, “दोगड़ा एकठा कोरु,” यो सोमळीन हुये दोगड़ा एकठा कोरिन एक ढ़ीग लागाड़या, आरु तेनात ढीगो क पास बोसीन खादा।
GEN 31:47 तेना ढिगोनक नाव लाबान न ते जैगर सहदुथा, बाखुन याकुब न गिलियाद पाड़्यो।
GEN 31:48 लाबान न कयो, “यो ढीग आज सी मारे आरु तारे वीच गोवा रोहसे,” ओस कोरीन ओको नाव गिलियाद पोड़्यो,
GEN 31:49 आरु मिजपा वी; काहकी हुयो कयो, “जोत्यार हामु एक दिसरा सी नाम्बे रोहसु ती योहोवा मारी आरु तारी गुळाळी कोरे।
GEN 31:50 काहिमाईन तु मारा पुरायटा क दुख आपे, निते ओको सिवाय आरु बाई सी इयाव कोरे, ती आमरे हाते कुदु मानुस नी रोहसे; बाखुन देख, मारे तारे वीच मा परमेश्वर गोवा रोहसे।”
GEN 31:51 ओळी लाबान न याकुब सी कयो, “एना ढीग क देख आरु एना खाम्बा क वि देख, जिनाक हांव आपसे आरु तारे वीच मा उबो कोरलु छे।
GEN 31:52 यो ढीग आरु यो खाम्बो दुयु एनी वातोन गोवा रोवे कि नुकसान कोरने क विचार सी नी ते हांव एना ढीग क पोल धोड़े तारे पास जाईस, नी ते तु एन ढीग आरु एना खाम्बा क पार कोरीन मारेन्चा आवीस।
GEN 31:53 अब्राहम आरु नाहोर आरु हेन्दरो बाबा; तिनो क जो परमेश्वर छे, हुयोत आपनु दुयो क वीच नियाव कोरे।” ती याकुब न ओकी आन खादु जेरो बिक हेको बाबो इसहाक मानतो हुतो;
GEN 31:54 आरु याकुब न हेना बोयड़ा पोर मेलबलि चोढ़ायु, आरु आपसा भाई बोन्या क खाने जुगु बुलायो; ती हुयो खाईन बोयड़ा पोर रात रोया।
GEN 31:55 वेगोत लाबान उठ्यो, आरु आपसा बेटा बेटी क गुवा दीन आरु बोरकोत आपीन चाल पोड़यु, आरु आपसा जागा पोर आत रोयु।
GEN 32:1 याकुब न वी आपसी वाट लेदो आरु परमेश्वर क दुत ओको आय मिळ्या।
GEN 32:2 हेनुक देखतात याकुब कोयो, “यो परमेश्वर क टुळु छे।” ओतरान कोरिन हुयो हेना जागा क नाव महनेम पाड़्यु।
GEN 32:3 ती याकुब न सेईर देश मा, अर्थात एदोम देश मा, आपसा भाईस एसाव क पास आपसा ओगोळ खोब्र्या मुकोळी देदु,
GEN 32:4 आरु हुयो हेनुक यो हुकुम आप्यु, “मारा पोरबु एसाव सि यो कोहजु: तारु दास याकुब तुसेक ओसु कोहे के हांव लाबान क याँ सी पारकु होईन हिमि लोगुन रोयु;
GEN 32:5 आरु मार जुळ गाय बुईल, गोदड़ा, गाडरा बुकड़ा, आरु दास दासीया छे: आरु हांव आपसा पोरबु क पास ओतरान कोरिन खोबोर मुकली रोयु कि तारी निगाह मार पोर रोहे।”
GEN 32:6 चे दुत याकुब क पास पोछा आवीन कोहने लाग्या, “हामु तारा भाई एसाव क पास गोया होता, आरु हुयो वी तुसेक मिळने कोरीन चार सोव मानुस लिन आवने बाज रोयो।”
GEN 32:7 ती याकुब बेस बिही गोयु आरु पीड़ा मा पोड़्यु; आरु यो विचारिन आपसा साती क, आरु गाडरा बुकड़ाक, गाय बुईल, आरु उटड़ा क वी ओलोग ओलोग दुय टुळु कोर लेदु,
GEN 32:8 कि एसाव आवीन पेहला टुळा क मारे ती दीसरु टुळु वाचीन ढास जाईस।
GEN 32:9 ओळी याकुब न कयो, “हे योहोवा, हे मारा डाहला बाबा अब्राहम क परमेश्वर, हे मारा बाबान इसहाक क परमेश्वर, तु ते मारी सी कोयु होतु कि आपसा देश आपसा पोयदावारीन जागाम जा, आरु हांव तारी भोलो कोरीस:
GEN 32:10 तु ते जो जो काम आपसी दया आरु छाचाय सी आपसा दास क सात कोरलु छे, की हांव जो आपसी लाकड़ीत लीन एनी योरदोन नोदी क पार उतरी आया, आरु हिमी दुय टुऴा होय गोयाला छे; तारा ओसा ओसा काम मासी हांव एक क वी योग्य ते नी होय।
GEN 32:11 मारी विनता सोमळीन मेसे मारा भाईस एसाव क हात सी वाचाड़: हांव ते हेना सी बिहयो, काहिय ओसो नि होये कि हुयो आवीन मेसे आरु आया भेळ पुर्या क वी मार देये।
GEN 32:12 तु ते कोहलु की हांव छाचीन तारो भोलो कोरीस, आरु तारी ओवलियाद क दोरीया क बालु क किनका क जोसो बेसको कोरिस, जे घोनासोटा कि मारे सी नी गिनाये सोके।”
GEN 32:13 हुयो तेने दाहड़े होयात रात रोयो; आरु जो काई ओका पास होतो ओका मा सी भाईष एसाव क भेंट क लिय नेवाड़ निकाळ्यो;
GEN 32:14 अर्थात दुय सोव बुकड़ा, आरु वीस बुकड़ा, आरु दुय सोव गाडरा, आरु वीस गाडरा,
GEN 32:15 आरु पिला भेळ दुत आपने वाळी उटड़ीयाँ, आरु चावीस गाय, आरु दोस बुईल आरु वीस गोदड़ा आरु ओका दोस पिला।
GEN 32:16 इनुक हुयो टुवान टुवा कोरीन, आपसा दासो क सोपीन हुयो कयो, “मारे ओगोळ होयु; आरु टुळा क वीच वीच मा गाळु राखु।”
GEN 32:17 ओळतेन हुयो ओगला टुळा क गुळाव्या क हुकुम आप्यो, “जोत्यार मारु भाईष एसाव तुसे मेळे, आरु पुछे, ‘तु कुनीन दास छे, आरु काँ सी आवे, आरु ये तारे ओगोळ ओगोळ छे, ये कुनीन छे?’
GEN 32:18 ती कोहजी, यो तारा दास याकुब क छे। हे मारा पोरबु एसाव, यो भेंट क लिय तारे पास मुकेल्लु छे, आरु हुयो आपसो वी आमरे पोछोळ पोछोळ आवे बाज रोयु।”
GEN 32:19 आरु हुयो दिसरा आरु राखवाळया क वी, बाखुन तेनु आखा क जे टुवा क पोछोळ पोछोळ हुतो ओसोत हुकुम आप्यो के जोत्यार एसाव तुमुक मिळे ती ओसा कोहजु।
GEN 32:20 आरु कोहजु, “तरो दास याकुब आमरे पोछोळ पोछोळ आवने बाज रोयु।” काहकी हुयो यो विचार्‌यो की भेंट जि मारे ओगोळ ओगोळ जाय, ओका लारे हांव हेरो रीस कोम कोरो ती ओको दर्शन कोरीस; होय सोके हुयो मार सी वारु नी होय।
GEN 32:21 ओतरान कोरिन हुयो भेंट याकुब सी पेहेल पार उतरी गोया, आरु हुयो आपसुत् राती छावनी मा रोयो।
GEN 32:22 तेने राती हुयो उठ्यो आरु आपसी दुयु घोरवाळी, आरु दुयु दासी आरु ग्यारे पुर्या क पुठी लीन घाट सी यब्बोक नोदी क पार उतरी गोयो।
GEN 32:23 हुयो हेनुक नोदी क पार उतार देदो, बाखुन आपसो आखो काई पार उतार देदो।
GEN 32:24 आरु याकुब आपसो एखलो रोय गोयो; तु कोय मानुस आवीन पौ फाटने लोगुन हेनासी मल्लयुद्ध कोरतु रोयु।
GEN 32:25 जोत्यार हुयो देख्यो दी हांव याकुब पोर वातड़ु नि होय, तु होयु हेरी सारवा क नस क छीम्यु; आरु याकुब क सातवा क नस मल्लयुद्ध कोरतात चोढ़ गोय।
GEN 32:26 ती होयु कोयु, “मेसे जाने दे, काहकी सोन्दारो होयने वाळो छे,” याकुब कोयु, “जोत्यार लोगुन तु मेसे बोरकोत नी आपे, तु लोगुन हांव तुसे नी जाने दोम।”
GEN 32:27 आरु हुयो याकुब सी हेरो नाव पुछ्यो, “तारो नाव काय छे?” हुयो कयो, “याकुब।”
GEN 32:28 हुयो कयो, तारो नाव हिमी याकुब नी, बाखुन, इसराएल होयसे, काहकी तु परमेश्वर सी आरु मानषो सी वी लोड़ाय कोरने मा जितलु छे (उत्पत्ति 35:10)
GEN 32:29 याकुब न कयो, “हांव विनता कोरो, मेसे आपसो नाव देखाड़।” हुयो कयो, “तु मारो नाव काहा पुछे?” ती हुयो हेनाक हुयोत बोरकोत आप्यो।
GEN 32:30 ती याकुब न यो कोवीन हेना जागा क नाव पनीएल पाड़्यो; “परमेश्वर क आंम्बा साम्बा देखने सी वी जिवतलु रोय गोयु।”
GEN 32:31 पनीएल क पास चालता चालता दाहड़ु उग गोयु, आरु हुयो सातवा सी भागड़ु होय गोयु।
GEN 32:32 इसराएली जे ढुरो क सातवा क जुड़ोवाळा जंघानस क आजुन दाहड़े लोगुन नी खाता, ओतरान कोरिन योत कि हेयो याकुब क सातवा क जुड़ मा जंघानस क छिम्यो।
GEN 33:1 याकुब न डुळा उचा कोरीन देख्यो कि एसाव चार सोव मानषो पुठी लीन आवे। ती हुयो पुर्या क ओलोग ओलोग वाटिन लिआ: आरु राहेल आरु दुयु दासी क आप देदो।
GEN 33:2 आरु हुयो आखान ओगोळ पुर्या भेळ दासीयो क, ओका पोछोळ पुर्या भेळ लिआ: क आरु आखा क पोछोळ राहेल आरु युसुफ क मेल्यो,
GEN 33:3 आरु आपसु हेनु आखा क ओगोळ गोयु आरु सातु वार भिमा पोड़ीन वान्द्यु, आरु आपसा भाईष क पास पुग्यो।
GEN 33:4 ती एसाव हेनाक मेळने कोरीन दोवड़्यो, आरु ओको हृदय सी लागाड़ीन, गोळा सी थाबाईन गुवा देदो; ओळी हुये दुयु रोड़ने लाग्या।
GEN 33:5 ती हुयो डुळा उचाकोरीन बायरा आरु पुर्या क देख्यो, आरु पुछ्‌यो, “ये जे तारे साते छे ये कुन छे?” हुयो कोयो, “ये दास क पुर्या छे, जे परमेश्वर न गिन कोरीन आपलो छे।”
GEN 33:6 ति पुर्या भेळ दासीयो न धड़ आवीन वान्द्यो;
GEN 33:7 ओळी पुर्या भेळ लिआ: धोड़े आवी आरु हुये वी वान्द्या; आखरी मा युसुफ आरु राहेल वी धोड़े आवीन वान्द्या।
GEN 33:8 ती हुयो पुछ्यो, “तारु यु मोटलु टुळु मेसे जोड़्यु, काय वात छे?” हुयो कयो, “यि की मारा पोरबुन गिन मार पोर होयी।”
GEN 33:9 एसाव न कयो, “हे मारा भाईष, मारे जुळ ते बेस छे; जो काई तारो छे चोत तारो रोहे।”
GEN 33:10 याकुब न कयो, “नि नि, काहमाईन तारी गिन मार होय, ती मारी भेंट ली ले; काहकी मे ते तुसे मेळीन, जोसो परमेश्वर सी मेळ लेदु, आरु तु मार सी वारु होय गोयु।
GEN 33:11 ओतरान कोरिन यी भेंट जी तुसेक मुकेल्ली छे, ली ले; काहकी परमेश्वर न मार पोर गिन कोरलु छे, आरु मारे जुळ बेस छे।” जोत्यार होयो हेनासी बेसकु विनता कोर्यु, ती हुयो भेट क ली लेदो।
GEN 33:12 ओळतेन एसाव न कयो, “आव, हिमी ओगा चालता; आरु हांव तारे ओगोळ चालीस।”
GEN 33:13 याकुब न कयो, “हे मारा पोरबु, तु जाने की मारे साते पुर्या, आरु दुध आपन्या गाडरा बुकड़ा आरु गाय छे; एने ओसो ढुरे एक दाहड़ु वी वोदु पिसला होय जाय, ती आखा की आखा मोर जासे।
GEN 33:14 ओतरान कोरिन मारो पोरबु आपसा दास क ओगोळ चाल, आरु हांव इनु ढुरो क चाल क ओनसारे जे मारे ओगोळ छे, आरु पिल क चाल क ओनसारे धीरा धीरा चालीन सेईर मा आपसा पोरबु क पास पुग जाईस।”
GEN 33:15 एसाव कोयो, “तु आपसा साती मासी हांव कुदा एक तारे साते मेल जाम।” हुयो कयो, ओसो काहा? ओतरोत बेस की मारु पोरबु क गीन की निगाह मार पोर बोनली रोहे।"
GEN 33:16 ती एसाव न तेने दाहड़े सेईर जाने क आपसी वाट लेदो।
GEN 33:17 बाखुन याकुब होंसा सी निकोळीन कर सुक्कोत क गोयो, आरु होंया आपसे जुगु एक घोर, आरु ढुरो क लिय खोपड़ो बोनायो। ओतरान कोरिन हेना जागा क नाव सुक्कोत पोड़्यो।
GEN 33:18 याकुब जो पद्दनराम सी आयो हुतो, हुयो कनान देश क शकेम नगर क पास आरगु पुगीन नगर क ओगोळ डेरु उबु कोर्यु।
GEN 33:19 आरु कोळी क जिना खोण्डो पोर हुओ आपसी तंबु उबु कोर्यु, ओको हुयो शकेम क बाबा हमोर क पुर्या क हात सी एक सोव कसीतों मा मुले लेदु।
GEN 33:20 होंया हुयो एक वेदी बोनवीन ओको नाव एल एलोहे इस्राएल पाड़्यु।
GEN 34:1 एक दाहड़ु लिआ:न पुराय दीना, जी याकुब सी पोयदा होयी होती, तेना देश क पुरायटा सी मेळने कोरीन निकोळी।
GEN 34:2 ती हेना देश क डाहलो हिव्वी हमोर क पुर्य शकेम न ओको देख्यो, आरु ओको ली जाईन ओका सात कुकर्म कोरीन भ्रष्ट कोर नाख्यु।
GEN 34:3 ती ओको मन याकुब क बेटी दीना सी लाग गोयो, आरु हुयो हेनी पुराय सी मोंगोन वार कोर्यु, आरु हेरे सी मोंग कोरने लाग्यु।
GEN 34:4 अत: शकेम न आपसा बाबा हमोर सी कयो, “मेसे इनी पुराय क मारु घोरवाळी होयने क लिय आपड़ दे।”
GEN 34:5 आरु याकुब न सोमळ्यो कि शकेम न मारी पुराय दीना क विटळी देदु; बाखुन हेरा पुर्या तेने टेमे ढुरो क सात खोयड़ा मा हुता, ओतरान कोरिन हुयो हेनुक आवता लोगुन हुगु रोयु।
GEN 34:6 ती‍ शकेम क बाबो हमोर निकोळीन याकुब सी वात कोरने क लिय ओका पास आयो।
GEN 34:7 याकुब क पुर्या यो सोमळीन खोयड़ा सी बेस उदास आरु रिसवाईन आया; काहकी शकेम न याकुब क पुराय क सात कुकर्म कोरीन इस्राएल क घोराना सी विनोकल्या क जोसो काम कोर्‌यो हुतो, जो कोरनो वारु नी होतो।
GEN 34:8 हमोर न हेनु आखासी कयो, “मारु पुर्यु शकेम क मोन तुमरी पुराय पोर बेस लागलो छे, ओतरान कोरिन हेनीक एरी घोरवाळी होयने कोरीन आप देवु।
GEN 34:9 आरु आमरे साते इयाव कोरु; तुमरा पुरायटा क आमुक आप्या कोरु, आरु आमरा पुरायटा तुमु लि जाया कोरु।
GEN 34:10 आमरे पुठी बोसला रोहु; आरु यो देश तुमरे ओगोळ पोड़लो छे, इना मा रोहीन लेन देन कोरु, आरु इनी जागा क आपसे वाटू ली लेवु।”
GEN 34:11 शकेम न वी दीना क बाबा आरु भाष्यो सी कयो, काहमाईन मार पोर तुमु मानषो क गीनोन निगाह होय, ती जो काई मार सी कोहु, चो हांव आपीस।
GEN 34:12 तुमु मार सी कोतरो वी दाम आरु बोदलु काहा नी मांगु, ते वी हांव तुमरे कोहे ओनसारे आपीस; बाखुन हेनी पुराय क घोरवाळी होयने कोरीन मेसे आपु।
GEN 34:13 ती यो विचारु कि शकेम न आमरी बोहनीस दीना क विटळो छे, याकुब क पुर्या न शकेम आरु ओका बाबा हमोर क छल क सात यो जोपाप आप्या,
GEN 34:14 “हामु ओसो काम नी कोर सोकतला कि कुदु खतनाविगुर मानुसक आमरी बोहनीस आपजे, काहकी इनासी आमरी नावबोद्दी होयसे।
GEN 34:15 इनी वात पोर ते हामु तुमरी पुराय मान लेसु क आमरे जोसा तुमरे सि होर एक मानुसक खोतनो कोर्‌यो जाए।
GEN 34:16 ती हामु आमरी पुराय तुमरे सी इयाव कोरसु, आरु तुमरा पुरायटा सी इयाव, आरु तुमरे पुठी बोस्या वी कोरसु, आरु हामु दुयो एकुत टुळान क मानुस होय जासु।
GEN 34:17 बाखुन काहमाइन आमरी वात नी माने आपसो खोतनो नी कोरावी, ती हामु आमरी पुराय क लिन याम सि जात रोहसु।”
GEN 34:18 हेन्दरी इनी वात पोर हमोर आरु ओको पुर्य शकेम खुश होया।
GEN 34:19 आरु हुये जुवान्या जे याकुब क पुराय क बेस चाहता हुता, इना काम क कोरने मा हुये तवार नी कोर्या। हुये आपसा बाबा क आखा घोराना मा बेस प्रतिष्‍ठित हुता।
GEN 34:20 ओतरान कोरिन हमोर आरु ओका पुर्य शकेम आपसा नगर क झोपला क धोड़े जाईन नगरवाळा क यो सोमझाड़ने लाग्यो,
GEN 34:21 “चे मानुस आपने साते मिळीन रोहने चाहता छे, अत: हुये इना देश मा रोहीन लेनदेन कोरने देवु: देखु, यो देश हेन्दरे जुगु बेस‌ छे; ओळी हामु मानुस हेन्दरा पुरायटा सी इयाव लेजे, आरु आपना पुरायटा क हेनुक आप देजे।
GEN 34:22 चे मानुस केवल इनी वात पोर आपने सारे रोहसे आरु एकुत समुदाय क मानुस होयने क खुस छे की ओका जोसा आपना आखा मानषो क खोतनो कोर्‌यो जाय।
GEN 34:23 काय हेन्दरा गाडरा बुकड़ा, आरु गाय बुईल बाखुन हेन्दरो आखा ढुरे आरु धोन जायदाद आपनी नी होय जासे? ओतरोत कि हामु मानुस हेन्दी वात मान ले, ती हुये आमरे साते रोहसे।”
GEN 34:24 ओतरान कोरिन जोतरा हेना नगर क झोपला सी निकोळता हुता, हेनी आखा न हमोर क आरु ओका पुर्य शकेम क वात माने; आरु होर एक मानुस खोतनो कोरावे, जोतरा हेना नगर क झोपला सी निकोळता हुता।
GEN 34:25 तीसरे दाहड़े, जोतयार हुये मानुस मान्दा पोड़ गोया, ती ओसो होयो कि शिमोन आरु लेवी नावोन याकुब क दुय पुर्या न, जे दीनान क भाई हुता, आपसी आपसी तोलवार लीन नगर मा विगुर बिहये भोराईन आखा मानषो क मार देदा।
GEN 34:26 हमोर आरु ओका पुर्या शकेम क हुये तलवार सी मार देदा, आरु दीना क शकेम क घर सी निकाळ ली गया।
GEN 34:27 याकुब क पुर्या क मारने पोर वी नगर क ओतरान कोरिन लुट लेदा की हेना मा हेन्दरी बोहनीस विटळी गोय होती।
GEN 34:28 हुये गाडरा बुकड़ा, आरु गाय बुईल, आरु गोदड़ा, आरु नगर आरु खोयड़ा मा जोतरो धोन हुतो लिजात रोया।
GEN 34:29 हेनु आखाक, आरु हेन्दरा बाळ पुर्या, आरु बायरा क वी ली गोया, बाखुन घोर घोर मा जो काई हुतो चो वी लुट लेदा।
GEN 34:30 ती याकुब न शमोन आरु लेवी सी कयो, “तुमु जो एना देश क मानषो कनानियो आरु परिज्जियो क मन मा मारे जुगु घाड़ाय पोयदा कोर्या, इना सी तुमु मेसे पिड़ा मा नाख देदला‌ छे, काहकी मारे साते ते थुड़ा मानुस छे; ओतरान कोरिन हिमि हुये एकठा होईन मार पोर चोहड़से, आरु मेसे मार देसे, ती हांव आपसा घोराना भेळ खोतोम हय जाईस।”
GEN 34:31 हुये कोया, “काय हुयी आमरी बोहनीस क सारे वेश्या क जोसा व्यवहार कोरे?”
GEN 35:1 ती परमेश्वर न याकुब सी कयो, “या सी निकोळीन बेतेल क जा, आरु होयात रोव; आरु हुँया परमेश्वर क लिय वेदी बोनाव, जु तुखे दर्शन आप्यो, जोत्यार तु आपसा भाईस एसाव क बिक सी ढासतो हुयो।”
GEN 35:2 ती याकुब न आपसा घोराना सी, आरु हुये बी जे हेरे पुठी हुता, कोया, “तुमरे विच मा जु पारकु देवता छे, हेना निकाल नाखु; आरु आपसा-आपसा क चुखा कोरु, आरु आपसा छिंदरा बोदली लेवु;
GEN 35:3 आरु आवु, आपनु याँ सी निकोळीन बेतेल क जाजे; होंया हांव परमेश्वर क लिय एक वेदी बोनाविस, जु वेला क दाहड़ा मा मारी सोमवलु, आरु जेने वाट्ये सि हांव चालतु होतु, तेरेमा मारे साते रोयु।”
GEN 35:4 ओतरान कोरिन जोतरा पारका देवता हेंदरे जुळ होता; आरु कुण्डल हेन्दरा कान्टा मा होता, हेनु सब क हुये याकुब क आप्या; आरु हुयो हेनु तेरो बांज झाड़ क नेचो, जो शेकेम क पास मा छे, गाड़ देदा।
GEN 35:5 ती हुये कुच कोर्या; आरु हेन्दरे‍ च्यारु मेर क नगर मा रोहन्या क मन मा परमेश्वर क भीनी दी ओसो बिक सोमाय गोयो, कि हुये याकुब क पुर्या क पोछोळ नी पोड़्या।
GEN 35:6 याकुब हेनु आखा भेळ, जो हेरे पुठी हुता, कनान देश क लुज नगर क आया। चो नगर बेतेल वी कोवाये।
GEN 35:7 होंया हुयो एक वेदी बोनायो, आरु हेना जागा क नाव एल बेतेल पाड़्यो; काहकी जोत्यार हुयो आपसा भाईस क बिक सी ढास जातलु ती परमेश्वर हेर पोर प्रगट होयलु।
GEN 35:8 आरु रिबका क दुध पाळनेवाळी दाई दबोरा मोर गोय, आरु बेतेल क बांज झाड़ क नेचो हेनीक गाड़ देदा, आरु हेना बांज झाड़ क नाव अल्लोनबक्कुत पाड़्या।
GEN 35:9 ओळतेन याकुब क पद्दनराम सी आवने क वाद परमेश्वर न दुसरी वार ओको दर्शन आपीन बोरकोत आप्यो।
GEN 35:10 आरु परमेश्वर न हेनासी कोयो, हिमी लोगुन ते तेरो नाव याकुब रोहलो छे; बाखुन ओगो क तेरो नाव याकुब नी रोहसे, तु इस्राएल कोवाईस। ओस कोरीन हुयो हेरो नाव इस्राएल पाड़्या।
GEN 35:11 ओळतेन परमेश्वर न हेना सी कोयो, “हांव सर्वशक्तिमान परमेश्वर छे। तु फुले फले आरु वोदे; आरु तार सी एक जाति बाखुन जातिन एक माण्डळी वी पोयदा होयसे, आरु तारी ओवलियाद मा राजा पोयदा होयसे।
GEN 35:12 आरु जु देश हांव अब्राहम आरु इसाहक क आपलो छे, चो देश तुसेक आपो, आरु तारे पोछोल तारी ओवलियाद क वी आपीस।”
GEN 35:13 ती परमेश्वर हेना जागा मा, जा हुयो याकुब सी वात कोर्‌यो, ओका पास सी उपोर चोढ़ गोयो।
GEN 35:14 आरु जेना जागा मा परमेश्वर न याकुब सी वात कोर्‌यो, चाँ याकुब न दोगड़ा क एक खाम्बो उबो कोर्‌यो, आरु हेर पोर अर्घ तेल नाख देदो।
GEN 35:15 जाँ परमेश्वर न याकुब सी वात कोर्‌यो, हेना जागा क नाव हुयो बेतेल पाड़्यो।
GEN 35:16 ओळतेन हुये बेतेल दी कुच कोर्या; आरु एप्रात थुड़ेत नांबे रोय गोया हुता कि राहेल क पुर्य क जनने क घोनी पीड़ा लागी।
GEN 35:17 जोत्यार हेनीक मोटी मोटी पीड़ा होयतली ती दाई न हेरेसी कोहि, “मा बिहये; हेमी वी तारु पुर्युत होयसे।”
GEN 35:18 ती ओसो होयो कि हुयी मोर गोय, आरु जिव निकोळता निकोळतात् हुये हेना पुर्या क नाव बेनोनी पाड़्या; बाखुन हेरा बाबा न हेरे नाव बिन्यामीन पाड्या।
GEN 35:19 यो राहेल मोर गोय, आरु एप्रात, यानी बैतलहम क वाट मा, ओको गाड़ देदा।
GEN 35:20 आरु याकुब न ओको कबर पोर एक खाम्बो उबो कोर्‌यो: राहेल क बिड़ा क हुयो खाम्बो आज लोगुन बोनलो छे।
GEN 35:21 ओळतेन इस्राएल न कुच कोर्‌यो, आरु एदेर नावोन गुम्मट क ओगा बोड़ीन आपसो तंबु उबो कोर्‌यो।
GEN 35:22 जोत्यार इस्राएल हेना देश मा वोसलु होतु, ती एक दाहड़े ओसो हुयो की रुबेन न जाईन आपसा बाबा की रखेल बिल्हा क सात कुकर्म कोर्‌यो; आरु यी वात इस्राएल क मालुम होय गोय। याकुब क बारे पुर्या होया।
GEN 35:23 हेनामासी लिआ क पुर्या ये हुता; यानी याकुब क जेठा, रुबेन, ओळतेन शिमोन, लेवी, यहुदा, इस्साकार, आरु जबुलुन।
GEN 35:24 आरु राहेल क पुर्या ये हुता; यानि युसुफ, आरु बिन्यामीन।
GEN 35:25 आरु राहेल क दासी बिल्हा क पुर्या ये हुता; यानी दान, आरु नप्ताली।
GEN 35:26 आरु लिआ क दासी जिल्पा क पुर्या ये हुता; यानी गाद, आरु आशेर। याकुब क येत पुर्या होया, जे हेनासी पद्दनराम मा पोयदा होया।
GEN 35:27 आरु याकुब मम्रे मा, जे किरयतरबा, यानी हेब्रोन छे, जाँ अब्राहम आरु इसहाक पारकु होईन रोहलु होतु, आपसा बाबा क पास आयो। (इब्रा 11:9)
GEN 35:28 इसहाक क उमोर एक सोव चार विस क होय गोयो।
GEN 35:29 आरु इसहाक क जिव छुट गोयो, आरु हुयो मोर गोयो, आरु हुयो डावो आरु पुरी उमोर क होईन आपसा मानसो मा जाय मेळ्यु; आरु ओका पुर्या एसाव आरु याकुब न ओको धुळु आप्या।
GEN 36:1 एसाव जु एदोम वी कोवाये ओकी यि ओवलियाद छे।
GEN 36:2 एसाव न ते कनानी पुराय सी इयाव कोर्यु; यानी हित्ती एलोन क पुराय आदा क, आरु ओहोलीबामा क जी अना की पुराय, आरु हिव्वी सिबोन क नातिन होती।
GEN 36:3 ओळतेन हुयो इश्माएल क पुराय बाशमत क वी, जी नबायोत क बोहनीस हुती, इयाव कोर्‌यो।
GEN 36:4 आदा न ते एसाव क द्‍वारा एलीपज क, आरु बासमत न रुएल क जोन्म देदी।
GEN 36:5 आरु ओहोलीबामा न युश, आरु यालाम, आरु कोरह क पयदा कोर्‌यो, एसाव क येत पुर्या कनान देश मा पोयदा होयला।
GEN 36:6 एसाव आपसी घोरवाळी, आरु पुर्या पुरायटा, आरु घर क आखा जीवो, आरु आपसा गाडरा बुकड़ा, आरु गाय बुईल आदि आखा ढुरो, निदान आपसी आखी जायदाद क, जे हेना कनान देश मा एकठो कोरला हुता, लीन आपसा भाई याकुब क पास सी दिसरा देश क चाली गोयो।
GEN 36:7 काहकी हेन्दरी जायदाद ओतरी होय गोयली, कि हुये एकठा नी रोय सोक्या; आरु ढुरो क घोना सोटा होयने क कारण हेना देश मा, जाँ हुये पारका होईन रोहता हुता, हुये सोमाय नी सोक्या।
GEN 36:8 एसाव जु एदोम वी कोवाये, सेईर नावोन बोयड़ा देश मा रोहने लाग्या।
GEN 36:9 सेईर नावोन बोयड़ा देश मा रोहनेवाळा एदोमियो क मुल मानुस एसाव क ओवलियाद यी छे
GEN 36:10 एसाव क पुर्या क नाव ये छे; यानी एसाव क घोरवाळी आदा क पुर्य एलीपज, आरु हेरीत एसाव क घोरवाळी बासमत क पुर्य रुएल।
GEN 36:11 आरु एलीपज क ये पुर्य हुया; यानी तेमान, ओमार, सपो, गाताम, आरु कनज।
GEN 36:12 एसाव क पुर्य एलीपज क तिम्ना एक रखेल होती, जिनासी एलीपज क द्वारा अमालेक क जन्म देदी; एसाव क घोरवाळी आदा क ओवलियाद मा येत हुया।
GEN 36:13 रुएल क ये पुर्या हुया; यानी नहत, जेरह, शम्मा, आरु मिज्जा एसाव क घोरवाळी बासमत क ओवलियाद मा येत छे।
GEN 36:14 ओहोलीबामा जी एसाव क घोरवाळी, आरु सिबोन क नातिन आरु अना क पुराय हुती, ओका ये पुर्या हुया: यानी हुयो एसाव क द्वारा युश यालाम आरु कोरह क जन्म देदी।
GEN 36:15 एसाव ओवलियाद क अधिपति ये हुया: यानी एसाव क मोटलो एलीपज क ओवलियाद मा सी ते तेमान अधिपती, ओमार अधिपति, सपो अधिपति, कनज अधिपति,
GEN 36:16 कोरह अधिपति, गाताम अधिपति, अमालेक अधिपति एलीपज ओवलियाद मा सी एदोम देश मा येत अधिपति हुया: आरु येत आदा क ओवलियाद मा हुया।
GEN 36:17 एसाव क पुर्य रुएल क ओवलियाद मा येत हुया; यानी नहत अधिपति, जेरह अधिपति, शम्मा अधिपति, मिज्जा अधिपति रुएल ओवलियाद मा सी, एदोम देश मा येत अधिपति होया; आरु येत एसाव क घोरवाळी बासमत क ओवलियाद मा होया।
GEN 36:18 एसाव क घोरवाळी ओहोलीबामा क ओवलियाद मा येत हुया; यानी युश अधिपति, यालाम अधिपति, कोरह अधिपति, अना क पुराय ओहोलीबामा जी एसाव क घोरवाळी हुती ओकी ओवलियाद मा येत हुया।
GEN 36:19 एसाव जु एदोम वी कोहाये, ओका ओवलियाद येत छे, आरु हेन्दरा अधिपति वी येत हुया।
GEN 36:20 सेईर ज होरी नावोन जाती क हुतो, ओको यो पुर्य हेना देश मा पेहले सी रोहता हुता; यानी लोतान, शोबाल, सिबोन, अना,
GEN 36:21 दीशोन, एसेर, आरु दीशान: एदोम देश मा सेईर क येत होरी जातीवाळा अधिपति हुया।
GEN 36:22 लोतानन पुर्यो, होरी आरु हेमाम होया; आरु लोतानोन बोहनीस तिम्ना होती।
GEN 36:23 शोबाल क ये पुर्या हुया: यानी आल्वा, मानहत, एबाल, शपो, आरु ओनाम।
GEN 36:24 आरु सीदोन क ये पुया हुया: अय्या, आरु अना; ये चेत अना छे जेको जोंगोल मा आपसा बाबा सिबोन क गदड़ा क चारता चारता तातला पानी क झोरना मा मेवलो।
GEN 36:25 आरु अना क दीशोन नावोन पुर्या हुया, आरु हेना अना क ओहोलीबामा नावोन पुराय होयी।
GEN 36:26 दीशोन क ये पुर्या हुया: हेमदान, एशबान, यित्रान, आरु करान।
GEN 36:27 एसेर क ये पुर्या हुया: बिल्हान, जावान, आरु अकान।
GEN 36:28 दीशान क ये पुर्या हुया: ऊस, आरु अरान।
GEN 36:29 होरीयो क अधिपति, ये हुया: लोतान अधिपति, शोबाल अधिपति, सिबोन अधिपति, अना अधिपति,
GEN 36:30 दीशोन अधिपति, एसेर अधिपति, दीशान अधिपति, सेईर देश मा होरी जातिवाळा येत अधिपति हुया।
GEN 36:31 ओळतेन जोत्यार इसराएली पोर कोय राजा न राजा न कोर्या हुता, ती वी एदोम क देश मा ये राजा हुया
GEN 36:32 बोर क पुर्या बेला न एदोम मा राज कोर्या, आरु ओकी देश क नाव दिन्हाबा छे।
GEN 36:33 बेला क मोरने पोर, बोसरानिवासी जेरह क पुर्या योबाब ओका जागा पोर राजा हुयो।
GEN 36:34 योबाब क मोरने पोर, तेमानिया क देश क रोहन्या हुशाम हेना जागा पोर राजा होयु।
GEN 36:35 ओळतेन हुशाम क मोरने पोर, बदद क पुर्या हदद हेना जागा पोर राजा हुया यो चोत छे जेना मिद्यानियो क मोआब क देश मा मार लेदो, आरु ओकी राजधानी क नाव अबीत छे।
GEN 36:36 हदद क मोरने पोर, मस्रेकावासी सम्ला हेना जागा पोर राजा हुयु।
GEN 36:37 ओळतेन सम्ला क मोरने पोर, शाऊल जु महानद क तटवाळा रहोबोत नगर क हुतो, हेना जागा पोर राजा हुयो।
GEN 36:38 शाऊल क मोरने पोर, अकबोर क पुर्य बाल्हानान हेना जाग पोर राजा हुयु।
GEN 36:39 अकबोर क पुर्य बाल्हानान क मोरने पोर, हदर हेना जागा पोर राजा हुयु आरु हेनी राजधानी क नाव पाऊ छे; आरु ओकी घोरवाळी क नाव महेतबेल छे, जु मेजाहाब क नातीन आरु मत्रेद क पुराय हुती।
GEN 36:40 ओळतेन एसाव ओवलियाद क अधिपतियो क कुलों, आरु जागा क ओनसारे ओको नाव यो छे तिम्ना अधिपति, अल्वा अधिपति, यतेत अधिपति,
GEN 36:41 ओहोलीबामा अधिपति, एला अधिपति, पीनोन अधिपति,
GEN 36:42 कनज अधिपति, तेमान अधिपति, मिबसार अधिपति,
GEN 36:43 मग्दीएल अधिपति, ईराम अधिपति एदोम ओवलियादियो न जु देश आपसु कोर लेदु होतु, ओको निवास जाग मा हेन्दरा येत अधिपति हुया; आरु एदोमी जाती क डाहलु मानुस एसाव छे।
GEN 37:1 याकुब ते कनान देश मा रयतो हतो, जां सारीक ओको बाप बाहर देश वाळो बनीन रवतो हतो।
GEN 37:2 आरु याकुब न ओवलियादन पुरावु यो छे: युसुफ सोतरा सालन होईन ओका भाई न साथ मा गाडरा बोकरा चरावतो हुतो आरु त्यो पोर्‌यो ओका बाप न पेयली लाड़ी बिल्हा, आरु जिल्पान पोर्यान क साथ मा रयतो हुतो; आरु हेनकी बुराईन वाराम मा ओका बाप क खबर पुगाड़्या कोरतो हुतो।
GEN 37:3 आरु इस्राएल हेका सारा पोर्या सी जादा युसुफ सी जादा मोंग राखतो हुतो, काहकी त्यो ओका डाहवारान पोर्‌यो हुतो आरु याकुब ओका वाट्ये भाती भातीन रंग वाळा चोगला बनवायो।
GEN 37:4 पुन युसुफन दिसरा भाई देख्या कि हामरो बाप हामु आखा सी जादा मोंग हेका सी राखे, तव त्या लोगहन हेका सी घाड़ाय कोरने लाग्या आरु ओका साथ मा वारु वात नी कोरता हुता।
GEN 37:5 युसुफ एक सपनो देख्यो आरु त्यो सपनो ओका भाई लोगहन क देखाड़्यो तव त्या युसुफ सी आरु वी जादा घाड़ाय कोरने लाग्या।
GEN 37:6 युसुफ उन लोगहन सी कयो, “जो सपनो हांव देख्यो, ओको समळु
GEN 37:7 हामु लोगहन खेत मा पुळा बाँधता हुता आरु काय देखो कि म्हारो बांधलो पुळो उबो हुय गयो; तव तुमरा पुळा म्हारा पुळाक च्यारो मेर सी घेर लेदा आरु ओको झुकीन वांद्या।”
GEN 37:8 तव ओका भाई युसुफ सी कोया काय तु छाचली हामरे पोर राज कोरीस? एने काय छाचली तु हामरे पोर होक कोरीस? अतरा करीन त्या लोगहन युसुफ सपना आरु ओका वातन कारण सी ओकासी आरु वी जादा घाड़ाय कोरने लाग्या।
GEN 37:9 ओळतेन एक दाहड़ु आरु एक सपनो देख्यो, आरु ओका भाई लोगहन क वी यो सपनो देखाड़्यो, “समळु, हांव एक आरु सपनो देखलो छे, कि दाहड़ु आरु चांद आरु ग्यारे तारा मखे वांद्र्या।”
GEN 37:10 एना सपनान वारामा युसुफ ओका बाप आरु भाई लोगहन क सामने पुरावो देखाड़्यो: तव हेको बाप युसुफ क लड़्यो आरु कयो यो कसो सपनो छे ज तु देख्यो? काय छाची हांव आरु थारी माय आरु थारा भाई सब जाईन थारे अगळ धरती पोर पड़ीन वांदसु?
GEN 37:11 हेका भाई ते हेका सी रीस आरु घाड़ाय कोरता हुता पुन हेको बाप हेका कयला बुलोक फोम राख्यो।
GEN 37:12 आरु हेका भाई लोगहन हेनका बापन गाडरा बकड़ा चरावने करीन शेकेम गया।
GEN 37:13 तव याकुब युसुफ सी कयो, “थारा भाई लोगहन ते शेकेम मा गाडरा बकड़ा चरावता हसे, अतरान करीन हांव तुख हेनके पास मुकलो।” त्यो हेका सी कयो, “जसो थारो हुकुम हांव हजुर छे।”
GEN 37:14 युसुफ याकुब सी कयो जा, तारा भास्योन आरु गाडरा बुकड़ान हाल देखिन आव कि चे वारु ते छे कि, ओळी मार जुळ खबर लीन आवजी। अतरान करीन त्यो हेको हेब्रोनोन झुळा मा मुकली देदो, आरु त्यो शेकेम मा आयो।
GEN 37:15 आरु एक जनो हेको खयड़ा मा अथोन आथो भटकतला देखीन हेका सी पुछ्यो तु काय हेरे?
GEN 37:16 त्यो कयो, “हांव ते म्हार भाई लोगहन क हेरी रयो गीन करीन मख देखाड़ कि त्या गाडरा बकड़ान क कां चार रोया?”
GEN 37:17 त्यो मानुस हेका सी कयो, “त्या लोगहन ते यां सी जात रोया; आरु हांव हेनको यो कहवतला समळ्यो, की आवु, हामु दोतान भेनी जाजे अतरान करीन युसुफ हेका भाईन लोगहन क पास जाने लाग्यो आरु हेनको दोतान मा हेर लेदो।”
GEN 37:18 आरु त्या लोगहन जसा हेकेक नांबे रीन आवतला देख्या, ती हेका साते आवने सी पेहलेज हेको मारनेन विचार बोनाया।
GEN 37:19 आरु त्या एक दिसरा सी कयने लाग्या, “देखु, त्यो सपनो देखनेवाळो आवने मंडरीयो।
GEN 37:20 ती आवु, हामु हेको धुकु कोरिन काहला खाढा मा नाख देजे, आरु यो कय देसु, कि काहलो जंगली जोनवार आयो हेको खाय गयो। ओळतेन हामु देखसु की हेका सपनान फोव काय हयसे।”
GEN 37:21 यो समळीन रुबेन हेको उन लोगहन क हाथ सी वाचाड़ने करीन मन राखीन कयो, हामु हेको जीव सी ते नी मारता।
GEN 37:22 ओळतेन रुबेन उन लोगहन सी कयो, “लुहुय मा उहवाड़ु, हेको जंगलन एना खाढा मा नाख देजे आरु हेका पोर हाथ मा उठावु।” त्यो हेको हेनका हाथ सी वाचाड़ीन हेका बाप क पास पछ पुगाड़ने हिनतो हुतो।
GEN 37:23 अतरान करीन असो हुयो कि जव युसुफ हेका भाई लोगहन क पास पुग्यो तव त्या लोगहन हेका रंगबिरंगा चोगला तेनाक त्यो पेहरलो हुतो निकाळ लेदा।
GEN 37:24 आरु युसुफ क हाकोळीन खाढा मा नाख देदा त्यो खाडो ते सुकलो हुतो आरु उना मा कायबी पानी नी हुतो।
GEN 37:25 तव त्या लोगहन रोटो खाने करीन बठ गया आरु नजर उँची करीन यो देख्या की इश्माएलियान एक टुळु उटड़ा पोर वारु गंधायन्यो चीज बलसान, आरु गन्धरस सी भरायला, गिलाद सी मिसर भेनी जाने लाग रया हुता।
GEN 37:26 तव यहुदा न हेका भाई लोगहन सी कयो, “हेका भाई क मारने करीन आरु हेको लुहुय साताड़ने सी काय फायदु हवसे?
GEN 37:27 आवु, हामु हेको इश्माएलियान हाथोम वेच देजे, आरु हेका हाथ उना पोर नी हाकलिया, काहकी त्या हामरा भाई आरु हामरीज हाड़की आरु माँस छे।” आरु हेका भाई लोगहन न हेकी वात मान लेदा।
GEN 37:28 तव मिद्यानी वेपारी ओथा सी होईन ओका पास पुग्या। युसुफ क भाई लोगहन न हेको उना खाड़ा मा सी हापकीन निकाळ्या, आरु इश्माएलियान क हाथ चाँदी क वीस टुकड़ा मा वेच देदा; आरु त्या युसुफ क मिसर मा ली गुया।
GEN 37:29 रुबेन न खाढा पोर लौटीन काय देख्या कि युसुफ खाढा मा नी छे; अतरान करीन त्यो हेका पुतल्या फाड़्यो,
GEN 37:30 आरु हेका भाई क पास लौटीन कहने लाग्यो, “पुर्‌यो ते नी होय; हेमी हांव कांखेर जाम?”
GEN 37:31 तव त्या युसुफ क अंगरखो लेदा, आरु एक बुकड़ा क मारीन हेको लुहुय डुबाड़ देदा।
GEN 37:32 आरु त्या उना रंग बिरंगा अंगरका क हेका बास क पास मुकलीन यो खबर आप्या; “यो हामुक मिळ्यो, देखिन उळखी ले की यो तारा पुर्या क अंगरखो छे कि नी।”
GEN 37:33 त्यो हेको उळखी लेदो, आरु, “हाव यो म्हाराज पुर्या क अंगरखो छे; काहनलो दुष्ट ढुर न ओको खाय लेदो छे: नि:सन्देह युसुफ फाड़ नाख्यो छे।”
GEN 37:34 तव याकुब न हेका पुतल्या फाड़्यो आरु कमर मा गंटो वेटायो, आरु आपसा पुर्या क लिय घना दाहड़ा लगुन विलाप करतो रयो।
GEN 37:35 आरु हेका आखा पुर्या पुरायटा न ओको शान्ति आपनेन कोशिश कर्या; पुन हेको शान्ति नी मीळी; आरु त्यो योज कयतो रयो, “हांवज विलाप करतो जाईन हेका पुर्या क पास अधोलोक मा उतरी जाईस।” इने रीते ओको बास ओका लिय रड़तोज रयो।
GEN 37:36 एना वीच मिद्यानियो न युसुफ क मिसर मा ली जाईन पोतीपर नावोन फिरोन क एक हाकिम आरु अंगरक्षको क डाहला, क हाथ वेच नाख्यो।
GEN 38:1 हेनुत दाहड़ा मा ओसो हुयो की यहुदा आपसा भाई क पास सी जात रोयो, आरु हीरा नावोन एक अदुल्‌लामवासी मानुसक पास डेरो कोर्‌यो।
GEN 38:2 चाँ यहुदा न शुआ नावोन एक कनानी मानुसक पुराय क देख्यो; आरु ओको इयाव कोरीन ओका पास गोयो।
GEN 38:3 हुयी भारपाये हुयी, आरु ओको एक पुर्य होयो; आरु यहुदा न ओको नाव एर पाड़्यो।
GEN 38:4 आरु हुयी ओळी भारपाये हुयी, आरु ओको एक पुर्य आरु होयो; आरु ओको नाव ओनान पाड़ देदा।
GEN 38:5 ओळतेन हेरो एक पुर्य आरु होयो, आरु ओको नाव शेल पाड़ देदा; आरु जेने टेमे एरो जन्म हुयो हेने टेमे यहुदा कजीब मा रोहता हुता।
GEN 38:6 आरु यहुदा न तामार नावोन एक बायोर सी आपसा मोटला एर क इयाव कोर देदो।
GEN 38:7 बाखुन यहुदा क हुयो मोटलो एर योहोवा क लेखा मा दुष्ट हुतो, ओतरान कोरिन योहोवा न ओको मार देदो।
GEN 38:8 ती यहुदा न ओनान सी कयो, “आपसी भोजाय क पास जा, आरु ओका सात देवर क काम पुरो कोरीन आपसा भाई क लिय ओवलियाद पोयदा कोर।”
GEN 38:9 ओनान ते जानतो हुयो की ओवलियाद मारी कोहायसे; ओतरान कोरिन ओसो हुयो कि जोत्यार हुयो आपसी भोजाय क पास गोयो, ती हुयो नेड़ु वीर्य पाड़ीन नाश कोर्यु, जिनासी ओसो नी होये की ओको भाई क नाव सी ओवलियाद चाले।
GEN 38:10 यो काम ज हुयो कोर्‌यो हेनासी योहोवा खुश नु होयु आरु हुयो हेनाक वी मार देदो।
GEN 38:11 ती यहुदा न इनी बिक सी क काई ओसो नी होये की आपसा भाई क जोसो शेला वी मोरे, आपसी उहड़ीस तामार सी कयो, जोत्यार लोगुन मारु पुर्यु शेला सयाना नी होय जाय ती लोगुन आपसा बाबा क घोर मा रोडायलीत बोस रोह। ओतरान कोरिन तामार आपसा बाबा क घोर मा रोहने लागी।
GEN 38:12 घोनी टेम क वितने पोर यहुदा क घोरवाळी जी शुआ क पुराय होती, ची मोर गोय; ओळतेन यहुदा शोक क दाहड़ा वितने पोर आपसा जुड़ीदार हीरा अदुल्‌लामवासी भेळ आपसा गाडरा बुकडा क रुई कातरनेवाळा क पास तिम्नाह क गोया।
GEN 38:13 आरु तामार क यो खोबोर जोड़ी, “तारो सेसरो आपसा गाडरा बुकड़ा क रुई कातरावने क लिय तिम्नाह क जाने वाज रोयु।”
GEN 38:14 ती हुयी यो विचारीन कि शेला सयाना ते होय गोयु बाखुन हांव हेरी घोरवाळी नी होय पाय; आपसा विधवापन क पेहरोट उतारी आरु घुमतु पाँगरीन आपसा क ढाक लेदी, आरु एनेम नगर क झोपला क पास, ज तिम्नाह क वाटे मा छे, जाय बोसी।
GEN 38:15 जोत्यार यहुदा न ओको देख्यो, हुयो हेनीक वेश्या सोमझ्यो; काहकी हुयी आपसो मुय ढाकली होती।
GEN 38:16 हुयो वाटी सी हेरे भिनी फिर्यु, आरु हेनीक कोहने लाग्यु, मेसेक तारेन्चा आवने दे (काहकी ओको यो मालुम नी हुतो कि हुयी ओकी उहड़ीस छे।) आरु हुयी कोहने लागी, “काहमाइन हांव तुसेक मारे याँ आवने दीस, ती तु मेसे काय आपीस?”
GEN 38:17 हुयो कोयो, “हांव मारा बुकड़ा मा सी बुकड़ान एक गिदल्यो तारेन्चा मुकली दीस।” ती हुयी कोहि, “भलो हुयो मुकलने लोगु काय तु आमरे पास काहीन रेहन मेक जाईस?”
GEN 38:18 हुयो पुछ्यो, “हांव तारे पास काय रेहन मेक जाम?” हुयी कोहि, “आपसी मुहर, आरु बाजुबंद, आरु आपसा हातोन लाकुड़।” ती हुयो हेनीक होयि चिजे आप देदु, आरु ओका पास गोयो, आरु हुयी भारपाये होयी।
GEN 38:19 ती हुयी उठिन जात रोय, आरु आपसो घुमतो उतारीन आपसो विधवापन क पेहरोट ओळी पेहेर लेदी।
GEN 38:20 ती यहुदा न बुकड़ान गिदल्यो आपसा जुड़ीदार हेना अदुल्‌लामवासी क हात सी मुकली देदो की हुयी रेहन राखली चिजो हेनी बायोर क हात सि छुड़ाय ली आवे; बाखुन हुयी बायोर हेनाक नी मीळी।
GEN 38:21 ती हुयो चाँ वाळा मानशो सी पुछ्यो, “ची देवदासी जी एनेम मा वाटी क एक धोड़े बोसी होती, काँ छे?” हुये कोया, “याँ ते कुसु देवदासी नी होती।”
GEN 38:22 ओतरान कोरिन हुयो यहुदा क पोछो आवीन कोयो, “मेसे ची नी मीळी; आरु हेना जागा क मानसे कोया ‘ याँ ते कोय देवदासी नी होती।’”
GEN 38:23 ती यहुदा न कोयो, “वारु, हुयो बन्धक हेरेनचा रोहने दे, नी ते आपनु मानसे तुच्छ गिनाय जासु; देख, मेते बुकड़ा क यो गिदल्यो मुकली देदो हुतो, बाखुन हुयी तुसे नी जोड़ी।”
GEN 38:24 घोनाघोना तीन मोहना क वाद यहुदा क यो खोबोर जोड़ी, “तारी उहड़ीस तामार न छिनावो कोरली छे; बाखुन हुयी व्यभिचार सी भारपाये वी होय गोयली छे।” ती यहुदा न कोयो, “ओको खोयड़े ली आवु की हेनीक धोपाड़ देजे।”
GEN 38:25 जोत्यार हेनीद खोयड़े निकाळता होता, ती होयी, आपसा सेसराक पास यो कोय मुकली, “जेना मानसो क ये चिजे छे, हेना सी हांव भारपाये छे,” ओळी हुयी यो वी कोवाड़ी, “उवोख ते खोरु की यी मुहर, आरु बाजुबंद, आरु लाकड़ी कुनीन छे।”
GEN 38:26 यहुदा न हेनुक उळखीन कोयु, “हुयी ते मारसी कम गुनावी छे; काहकी हांव हेरे मारा पुर्या शेला सी इयाव नी कोर्यु।” आरु हुयो हेरेसी ओळी कोदी प्रसंग नी कोर्यु।
GEN 38:27 जब हेरो फोवरि होयने क टेम आवी, ती यो जान पोड़्यो की हेरा पेटो मा जोवया पुर्या छे।
GEN 38:28 आरु जब हुयी फोवरी होयने लाती ती एक पुर्या क हात खोयड़े आयो, आरु दाई न रातला सुत लीन हेरा हातो मा यो कोवती जाईन बाँद देदी, “पेहेल यु पोयदा होयु।”
GEN 38:29 जब हुयी हात सेमटी लेदी, ती हेरु भाईस पोरदा होय गोयु, ती होयी दाई न कोहि, “तु काहा बरबस निकोळी आवलु छे?” एका लिय ओको नाव पेरेस राख देदा।
GEN 38:30 पोछोळ ओको भाई जेरा हात मा रातलो सुत बान्दलो हुतो पोयदा हुयो, आरु ओको नाव जेरह राख देदा।
GEN 39:1 जब युसुफ काजे मिसर मा पुग गोयु, ती पोतीपर नावोन एक मिसरी न, जुळ फिरोन क हाकिम, आरु अंगरक्षक क डाहलु होतु, ओको इश्माएलियो क हात सी जु हेना होया ली गोयु होतु, मुले लेदु।
GEN 39:2 युसुफ आपसा मिसरी स्वामी क घर मा रोहतु होतु, आरु योहोवा ओका संग होतु; ओतरान कोरिन हुयु भागोवाळु मानुस होय गोयु। (प्रेरि 7:9)
GEN 39:3 आरु युसुफ क स्वामी न देख्यो, की योहोवा हेनका पुठी रोहे, आरु जो काम हुयो कोरे ओको योहोवा ओका हात सी सफल कोर देये। (प्रेरि 7:9)
GEN 39:4 ती हेरा फोकटन दया क निगाह युसुफ पोर होयी, आरु हुयो हेनाक ओकी सेवा चाखरी कोरने क लिय नेवाड़ कोर लेदो; ओळी हुयो हेनाक आपसा घोर क आधिकारी बोनावीन आपसो आखो काई ओका हात मा सोप देदु।
GEN 39:5 जब सी हुयो हेनाक आपसा घोर क आरु हेरु आखी जायदाद क होकदार बोनायु, ती योहोवा युसुफ क कारण हेना मिसरी क घर पोर बोरकोत आपने लाग्यु; आरु काई घर मा, काय खोयड़ा मा, ओको जो काई हुतो, सब पोर योहोवा क बोरकोत होयने लागी।
GEN 39:6 ओतरान कोरिन हुयो आपसा सब काई युसुफ क हात मा याँ तक छुड़ देदु की आपसा खाने क रुटा क छुड़िन, हुयो हेरी जायदाद क हान काई नि जानतो हुतो। युसुफ घाटावु आरु रुपवान होतु।
GEN 39:7 एनी बातो क वाद ओसो हुयो, की हेरा स्वामी क घोरवाळी न युसुफ क भीनी डुळा लागाड़ी आरु कोहि, “मारे साते सुळ।”
GEN 39:8 बाखुन हुयो नि कोहतु जाईन आपसा स्वामी क घोरवाळी सी कोयु, “सोमोळ, जो काई इना घोर मा छे मारा हातो मा छे; हुयो मारु स्वामी काई नी जाने, आरु हुयो आपसो आखो काई मेसे मार हातो मा सोप देदलु छे।
GEN 39:9 एना घोर मा मार सी मोटो कुदु नी; आरु हुयो तुसे छुड़िन, जि हेरी घोरवाळी छे; मारसी काई नी मेक छुड़्यु; ओतरान कोरिन भोलो, हांव ओसी मोटी दुष्टता कोरीन परमेश्वर क गुनावु काहा बोनो?”
GEN 39:10 आरु ओसो हुयो की हुयी दाहड़ीन युसुफ सी वात कोरती रोही, बाखुन हुयो हेरी नी मान्यु कि हेरे पास लुटे ने हेरे पुठी सुवतु रोहे।
GEN 39:11 एक दाहड़ु काय होयो कि युसुफ आपस काम काज करने क लिय घोर मा गोयो, आरु घोर क चाखर्या मासी कोय वी घोर मा नी होतो।
GEN 39:12 ति हुयी बायोर न ओका छिन्दरा धोरीन कोहि, “मारे साते सुव,” बाखुन हुयु आपसा छिन्दरा हेरा हात मा नाखिन ढास गोयु, आरु खोयड़े निकोळी गोयु।
GEN 39:13 यो देखीन कि होयी आपसा छिन्दरा मारा हातो मा रोहन्दीन ढास गोयु,
GEN 39:14 होयी बायोर न आपसा घोर क चाखर्या क बुलावीन कोहि, “देखु, हुयो एक इब्री मानुसक आपनो तिरस्कार करने क लिय मारे पास ली आवलो छे। हुयो ते मारे साते सुवने क मोतलोब सी मारे पास माहाय आवलो हुयो आरु हांव जुरे आयड़ी देदी।
GEN 39:15 आरु मारी मोटेत आयड़ी सोमळीन हुयो आपसा लुगड़ा मारे याँ नाखीन ढास गोयो, आरु खोयड़े निकोळी गोयो।”
GEN 39:16 आरु हुयो ओका लुगड़ा ओका स्वामी क घोर आवने लोग आपसे जुळ मेक रोय।
GEN 39:17 ती हुयो हेनासी ओसी वात कोरी कि, “हुयो इब्री दास जेनाक तु आपने पास ली आवलु छे, हुयो मेसे हासी करने क लिय मारे पास आयो हुतो;
GEN 39:18 आरु जब हांव घोन जुरे आयड़ि देदी, तु हुयो हेरा लुगड़ा मारे याँ नाखिन खोयड़े ढास गोयो।”
GEN 39:19 आपसी घोर वाळी क यी बात सोमळीन क तारो दास मार सी ओसो ओसो काम कोर्‌यो, युसुफ क स्वामी क कोप भोड़क्यो।
GEN 39:20 आरु युसुफ क स्वामी न ओको धोरीन जेलखाना मा, जाँ राजा क केदड़ा बोन्द होता, बोन्द कोराय देदु; एने हुयो हेना जेलखाना मा रोयो।
GEN 39:21 बाखुन योहोवा युसुफ क पुठ पुठी रोयो, आरु ओका पोर गीन कोर्यु, आरु जेलखाना क दरोगा मुखी क गिन क निगाह हेना पोर पोड़ली होती।
GEN 39:22 ओतरान कोरिन जेलखाना क दरोगा मुखी न हेनु सब बान्दायला क, जे जेलखाना मा होता, युसुफ क हात मा सोप देदो; आरु जो जो काम हुये कोरता होता, चो हेरात हुकुम सी होयतो होतो।
GEN 39:23 युसुफ क होको मा जो काई होतो हेनामा सी जेलखाना क दरोगा मुखी क काई वी चिज देखनो नी पोड़तो होतो; काहकी योहोवा युसुफ क सात होतो; आरु जो काई हुयो कोरतो हुतो, योहोवा ओको ओकामा सफलता आपतो हुतो।
GEN 40:1 एनी वातो क वाद ओसो हुयो, कि मिसर क राजा क पिलानेहारे आरु खावड़ावनीया पिवड़ावनीया आपसा स्वामी क विरुद्ध गुनु कोर्या।
GEN 40:2 ती फिरोन न आपसा हेनु दुयो हाकिमो, यानी पिलानेहारो क डाहला, आरु पकानेहारो क डाहला पोर रिसवाईन
GEN 40:3 हेनुक बुजाड़िनम, अंगरक्षक क डाहला क घोर क हेना जेलखाना मा, जा युसुफ बोंद होतु, नाखाड़ देदु।
GEN 40:4 ती अंगरक्षक क डाहला न ओको युसुफ क हातो मा सोवंप्यो, आरु हुयो हेन्दरु सेवा चाखरी कोरने लाग्यु; एने हुये थुड़ा दाहड़ा लोगुन जेलखाना मा रोया।
GEN 40:5 मिसर क राजा क पिलानेहारा आरु पकानेहारा, जे जेलखाना मा बंद हुता, हेनु दुयु न एकुत रातो मा, आपसा-आपसा होनहार क ओनसारे, सोपना देख्या।
GEN 40:6 सोन्दारे जब युसुफ हेन्दरे पास माहाय गोयु, ती हेन्दरे पोर निगाह कोर्यु, ती काय देख्यु, की हुये घाबरायला छे।
GEN 40:7 ओतरान कोरिन हुये फिरोन क हेनु हाकिमो सी, जो ओका सात हेन्दरो स्वामी क घोर क जेलखाना मा होता, पुछ्‍या, “आज तुमरो मुय काहा उतरी रोयो?”
GEN 40:8 हुये हेनुक कोया, “हामु दुयु सोपनो देखला छे, आरु हेन्दरो फळक बताड़नेवाळो कोय नी होय।” युसुफ न हेनुसी कोयो, “सोपना क फोव कोहनो परमेश्वर क काम नी छे? मेसे आपनो आपनो सोपनो देखाड़ु।”
GEN 40:9 ति पिलानेहारे क डाहलो हेरो सोपनो युसुफ क यो देखाड़ने लाग्यो: हांव सोपना मा देख्यु, कि मारे ओगोळ एक अंगुर न मुरे छे;
GEN 40:10 आरु हेनी दाखलता मा तीन डाळ्या छे; आरु हेरेमासी ओसा मुरे लागला छे, आरु चे फुली आरु हेरा गुमछा मा अंगुर लागीन पाक गोयो।
GEN 40:11 आरु फिरोन क कटोरो मारा हात मा हुतो; आरु हांव हेना दाख क लीन फिरोन क कटोरा मा निफयु आरु कटोरा क फिरोन क हात मा आप्यु।
GEN 40:12 युसुफ न हेनासी कोयो, “एरो फोव यो छे: तीन डाळन मतलब छे
GEN 40:13 ओतरान कोरिन हिमि तीन दाहड़ा क माहाय फिरोन तारो मुनको उँचो कोरसे, आरु ओळी सी तारा पद पोर तुसे नेवाड़से, आरु तु पेहले क जोसु फिरोन क पिलानेहारा होईन ओको कटोरो ओका हात मा ओळी आप्या कोरीस।
GEN 40:14 एने: जब तारो भोलो होय जाय ती मेसे फोम कोरजी, आरु मार पोर गीन कोरिन फिरोन सी मारी वात चालाड़जी, आरु इना घोर सी मेसे छुड़ाय देजी।
GEN 40:15 काहकी छाचिन इब्रानी क देश सी मेसे चुराविन लावला छे, आरु याँ वी हांव ओसो काई ओसो काम नी कोर्यु, जेरे जुगु मे इना जेलखाना मा रोहनो जुवे।”
GEN 40:16 यो देखिन कि हेन्दरा सोपना क फोव वारु निकोळ्यो, पकानेहारे क डाहलो न युसुफ सी कोयो “हांव वी सोपनो देखलो छे, चो यो छे: हांव देख्यु की मारा मुनका पर धोवळ्या रुटा क तीन टोगारा छे
GEN 40:17 आरु ऊपोर क टोगारा मा फिरोन क लिय सब भातीन क चुड़लो चिजे छे; आरु चिल्‌ला मारा मुनका पोर क टोगारा मा सी तेनु चिज क खाय रोया।”
GEN 40:18 युसुफ न कयो, “एरो फोव यो छे: तीन टोगारा क मतलव तीन दाहड़ा छे।
GEN 40:19 हीमी सी तिन दाहड़ा क माहाय फिरोन तारा मुनको काटाड़ीन तुसे एक झाड़ पोर टांगाड़ देसे, आरु चिल्‌ला तारो मांस क नुची नुचीन खासे।”
GEN 40:20 आरु तिसरे दाहड़े फिरोन क जन्मदिन हुतो, हुयो आपसा आखा कामकोर्न्या क भोज आप्यो, आरु हेरेमा सी पिलानेहारो क डाहलो, आरु पकानेहारो क डाहलो सुयो क जेलखाना सी निकायमांग्यो।
GEN 40:21 पिलानेहारो क डाहलो क ते पिलानेहारे क जागा पोर ओळी सी नेवाड़ लेदो, आरु हुयो फिरोन क हात मा कटोरो आपने लाग्यो।
GEN 40:22 बाखुन पकानेहारे क डाहला क हुयो टांगाड़ देदो, जोसो कि युसुफ न हेरा सोपना क फोव हेनाक कोवलो हुतो।
GEN 40:23 ते वी पिलानेहारो क डाहलो न युसुफ क फोम नि राख्यो: बाखुन हेनाक वीसरी गोयो।
GEN 41:1 पुरा दुय साल क वितने पोर फिरोन न यो सोपनो देख्यो की हुयो नील नदी क कातरे उबो छे।
GEN 41:2 आरु तेनी नदी मा सी सात घाटावी आरु माती माती गाय निकोळीन नंदिन दंगवु चोरने लागी।
GEN 41:3 आरु, काय देख्यु कि हेन्दरे पोछोळ आरु सात गाय, जे नानी कुरुप आरु कोमजुर छे, नदी दी निकोळी; आरु दुसरी गायो क धोड़े नदी क तट पोर जाईन उबी होय।
GEN 41:4 ती ये नानी आरु कोमजुर गाये हेनु सात घाटावी आरु माती माती गाय क खाई गोय। ती फिरोन जाग उठ्यु।
GEN 41:5 आरु हुयो ओळी सुय गोयो आरु दुसरो सोपनो देख्यो कि एक पुवा मा सी सात मोटी आरु वार वारु उम्बीया निकोळी।
GEN 41:6 आरु, काय देख्यो कि हेन्दरे पोछोळ सात उमबिया पातळी आरु उगनले धड़ेन वावही सी चिमायली निकळी।
GEN 41:7 आरु इनु पातळी उम्बीया क गिळ लेदी। ती फिरोन जाग्यु, आरु हेनाक मालुम होयो कि यो सोपनोत हुतो।
GEN 41:8 भोर क फिरोन क मन‍ व्याकुल हुयो; आरु हुयो मिसर क सब ज्योतिषियो, आरु पंडितो क बुलावने मुकल्यु; आरु हुये मारा सोपना क देखाड़े; बाखुन हेन्दरे मा सी कोय नी हेरो फोव फिरोन क नी देखाड़ सोक्या।
GEN 41:9 ती पिलानेहारो क डाहलो फिरोन सी कोय पोड़्यु, “मारु गुनु आज मेसे फोम आवि:
GEN 41:10 जोत्यार फिरोन आपसा दास सी रिसवायलु होतु, आरु मेसे आरु पकानहारे क डाहला क केद कोराळीन अंगरक्षको क डाहला क घोर क जेलखाना मा नाख देदु होतु;
GEN 41:11 ती हामु दुयु ने एकुत सोपनो रात मा, आपना आपसा होनहार क ओनसारे देखला;
GEN 41:12 आरु चाँ आमरे साते एक इब्री जुवान होतु, जु अंगरक्षक क डाहला क दास हुतो; एने: आमु हेना देखाड़ला, आरु हुयो आमरा सोपना क फोव आमरी सी कोयो, आमरे मा सी एक एक क सोपना क फोव हुयो देखाड़ देदलो।
GEN 41:13 आरु जोस जोसो फोव हुयो आमरे सी कोहलो हुतो, तोसोत होयलो वी, यानी मेसेक ते मारु जागु जोड़ गोयु, बाखुन हुयो फांसी पोर टांग देदा।”
GEN 41:14 ती फिरोन न युसुफ क बुलावने मुकल्यु। आरु हेनाक तावनी पाड़िन जेलखाना सी निकाळ लाया, आरु झोटा विचरिन, आरु छिन्दरा बोदलीन फिरोन क ओगोळ आयो।
GEN 41:15 फिरोन न युसुफ सी कोयो, “हांव एक सोपनो देखलु छे, आरु हेरे फोव क देखाड़नेवाळो कोय वि नी; आरु हांव तार वाराम सोमवलु छे, कि तु सोपनो सोमवतात हेरो फोव देखाड़ सोके।”
GEN 41:16 युसुफ न फिरोन सि कोयो “हांव ते काई नी जानो: परमेश्वरुत फिरोन वाटू वारलो बुल आपसे।”
GEN 41:17 ओळी फिरोन युसुफ सी कोहने लाग्यु, “हांव मारा सोपना मा देख्यु, कि नील नदी क किनारे पोर उबलु छे।
GEN 41:18 ओळी, काय देख्यु, कि नदी मा सी सात माती आरु घाटावी घाटावी गाय निकोळीन दंगवु क खोड़ो चोरने लाग गोय।
GEN 41:19 ओळी, काय देख्यु, कि हेन्दरे पोछोळ सार आरु गाय निकोळी, जी पातळी, आरु बेस कुरुप, आरु दुर्बल छे: हांवते आखा मिसर देश मा ओसी कुडोल गाये कोदी नी देख्यु।
GEN 41:20 इनु कोमजुर आरु डगरी गायोन हेनु पेहली सातो माती माती गाय क खाई गय।
GEN 41:21 आरु जब हुये हेनुक खाई गोय ती यो मालुम नी हुयतो थो कि हुये ओको खाई गयली छे, काहकी चे पेहेल क जोसी क जोसी कुडोल रोही। ती हांव जाग उठ्यु।
GEN 41:22 ओळी हांव दिसरो सोपनो देख्यु, कि एकुत पुवा मा सात वार वारु आरु दाना सी भोरायली उम्बीया निकोळी।
GEN 41:23 ओळी काय देख्यु, कि पोछोळ आरु सात उम्बीया छूछी छूछी आरु पातळी आरु पुरवाई सि मुरझायली निकोळी।
GEN 41:24 आरु इनी पातळी उम्बीया न हेनु सात वार वारु उम्बीया क गिळ गोय। यी हांव नजर बांदा काजे बताड़ीयो, बाखुन यो सोमाझाड़ने वाळो कोय नी मिळ्यो।”
GEN 41:25 ती युसुफ न फिरोन सी कयो, फिरोन क सोपनो एकुत छे, परमेश्वर जो जाम कोरने चाहे, तेनाक हुयो फिरोन पोर प्रकट कोरलो छे।
GEN 41:26 चे सात वार वारु गाय सात साल छे; आरु चे सात वार वारु उम्बिया वी सार साल छे; सोपनो एकुत छे।
GEN 41:27 ओळी हेन्दरे पोछोळ जे कोमजुर आरु डगरी गाये निकोळी, आरु जे सात छूछी आरु पुरवाई सी मुरझायली होयली उम्बीया निकोळी, चे अकाल क सात साल होयसे।
GEN 41:28 यी चीत् वात् छे जी हांव फिरोन काजे कोय देदु, की परमेश्वर जो काम कोरने चाहाय, चो हुयो फिरोन काजे देखाड़लो छे।
GEN 41:29 सोमोळ, आखा मिसर देश मा सात साल ते घोनो सोटो ओनाज फोळसे।
GEN 41:30 एरे वाद सात साल काव क आवसे, आरु आखा मिसर देश मा मानसे इनी आखी कोमाई क विसरी जासे; आरु काव सी देश क नाश होयसे।
GEN 41:31 आरु सुकाव (बहुतायत क कोमाई) देश मा ओळी फोम नी रोहसे काहकी काव घोने जोबोर होयसे।
GEN 41:32 आरु फिरोन न जो यो सोपनो दुय वार देखलो छे एरो दाखलो योत छे कि योत छे कि यो वात परमेश्वर क भीनी सी नेवाड़ होय चुकलो छे, आरु परमेश्वर एनाक घोनो छाटोत पुरो कोरसे।
GEN 41:33 ओतरान कोरिन हिमि फिरोन कुदाक समझदार आरु ओकोल वाळा मानुसक हेर कोरीन तेनाक मिसर देश पोर प्रधानमंत्री बोनावसे।
GEN 41:34 फिरोन यो करे कि देश पोर होक क नेवाड़ कोरे, आरु जब लोगुन सुकाल क सात साल रोहे तोत्यार लोगुन हुयो मिसर देश क कोमाई क पांचवु वाटू लिया कोरे।
GEN 41:35 आरु चे एनु वारला सालो मा सब भाती क खाने क चिज एकठो कोरे, आरु नगर नगर मा भण्डार घर भोजन क लिय, फिरोन क होकोम कोरीन ओकी गुळावी कोरे।
GEN 41:36 आरु हुयो खानेन चिज काव क हेनु सात साल क लिय, जे मिसर देश मा आवसे, देश क भोजन क निमित्त राख राखे, जिनासी देश हेना काव सी सत्यानाश नी हो जाय।
GEN 41:37 यी वात फिरोन आरु ओका आखा कामकोरनया क वारु लागी।
GEN 41:38 ओतरान कोरिन फिरोन न आपस कामकोरन्या सी कोयो, “काय आमुक ओसो मानुष, जोसो यु छे, जेरेमा परमेश्वर क आत्मा रोहे छे, मिळ सोक छे?”
GEN 41:39 ओळी फिरोन न युसुफ सी कोयो, परमेश्वर नजो तुसे ओतरो गियान आपलो छे, कि तार जोसो कुदु समझदार आरु ओकोलवाळु नी;
GEN 41:40 ओतरान कोरीन तु मारा घोर क होकदार होयसे, आरु तारा हुकुम क ओनसारे मारी आखी प्रजा चालसे, केवल राजगाद्दी क वारामा हांव तार सी मोटू कोवाईस (प्ररि 7:10)
GEN 41:41 ओळी फिरोन न युसुफ सी कोयो, “सोमोळ, हांव तुसेक मिसर क आखा देश क उपोर होक आपो।”
GEN 41:42 ती फिरोन न आपसु हात सी मुँदी निकाळीन युसुफ क हात म पेराय देदु; आरु ओको घोना वारु मलमल क छिन्दरा पेराय देदा, आरु हेरा गोळा मा सोना क माला पेराय देदा;
GEN 41:43 आरु ओको आपसा दिसरा रथ पोर चोढाया; आरु मानसे हेरे ओगोळ ओगोळ यो पोरचार कोरता चाल्या, कि मान्डा टेकविन वान्दु आरु हुयो इनाक मिसर देश क पोर प्रधानमंत्री बोनायो।
GEN 41:44 ओळी फिरोन न युसुफ सी कोयो, “फिरोन ते मे छे, आरु आखा मिसर देश मा कोय वी तारा हुकुम क विगुर हात पाय नी हालवे।”
GEN 41:45 फिरोन न युसुफ क नाव सापनत पानेह पाड़्यु। आरु ओन नगर क याजक पोतीपेरा क पुराय आसनत सी ओकी इयाव कोराय देदो। आरु युसुफ आखा मिसर देश क मा दौर कोरने लाग्यु।
GEN 41:46 जब युसुफ मिसर क राजा फिरोन क ओगोळ उबो हुयो, ती हुयो तिस साल क हुतो। हुयो फिरोन क ओगोळ सी निकोळीन आखा मिसर देश मा दौरु कोरनर लाग्यु।
GEN 41:47 सुकाल क सातु साल मा धोरती बेसकी धान पाकाड़ती रोही।
GEN 41:48 आरु युसुफ हेनु सात साल मा आखी भातीन क खानेन चीजे, जे मिसर देश मा होयती होती, एकठो कोरीन नगर क च्यारु मेर क खेतो क भोजन चीजो क हुयो हेना नगर मा एकठो कोरतो गोयो।
GEN 41:49 ओस कोरीन युसुफ न धान क दरीया क रेत क जोसो घोनो सोटो सा टोका टोका गिनीन मेक लेदु, याँ लोगुन कि हुयो हेन्दरो गिननो छुड़ देदो; काहकी हुये निगिनाये ओसा होय गोयो।
GEN 41:50 काव क पेहला साल क आवने सी पेहेल युसुफ क दुय पुर्या, ओन क याजक पोतीपेरा क पुराय आसनत सी जन्म्या।
GEN 41:51 “आरु युसुफ न आपसा मोटला क नाव मनश्शे पाड़्यु, कि परमेश्वर न मार सी मारो आखो घोरानो विसराड़ देदलु छे।”
GEN 41:52 दिसरा क नाव हुयो यो कोविन एपरेम पाड़्यु, कि मेसे दुख वेठने क देश मा परमेश्वर न फलवन्त कोरलु छे।
GEN 41:53 आरु मिसर देश क सुकाल क सात साल सोर गोया।
GEN 41:54 आरु युसुफ क कोहने क ओनसारे सात साल क लिय काव सुरु होय गोयु। आखा देशो मा काव पोड़ने लाग्यु; बाखुन आखा मिसर देश मा धान होतो। (प्रेरि 7:11)
GEN 41:55 जब मिसर क आखा देश भुके मोरने लाग्या; ती मानसे फिरोन सी आयड़ी आयड़ीन रुटा माँगने लाग्या; आरु हुये आखा मिसरी सी कोया कोरतलु, युसुफ क पास जावु; आरु जो काई हुयो तुमरे सी कोहे, चोत कोरु (प्रेरि 7:11)
GEN 41:56 ओतरान कोरिन जब काव आखी कोळी पोर होय गोय, आरु मिसर देश मा काव क बेस जोबोर रुप होय गोयो; ती युसुफ सब भण्डारन घर क उगाड़ीन मिसरी लोगहन क ओन वोचने लाग्यु।
GEN 41:57 ओतरान कोरिन आखी कोळी क मानसे मिसर मा ओन मुले लेने क लिय युसुफ क पास आवने लाग्या, काहकी आखी कोळी पोर बेस जोबोर काव होतु।
GEN 42:1 जब याकुब न सोमळ्यो कि मिसर मा ओन छे, ती हुयो आपसा पुर्या सी कयो, “तुमु एक दिसरान मुय काय देख रोया।”
GEN 42:2 ओळी हुयो कोयो, हांव सोमवलु छे की मिसर मा ओन छे; ओतरान कोरिन तुमु होंया जाईन आपने जुगु ओन मुले लि आवु, जेरेसे आपनु नी मोरजे, बाखुन जुवतला रोहजे (प्रेरि 7:12)
GEN 42:3 एने: युसुफ क दस भाई ओन मुले लेने क लिय मिसर क गोया।
GEN 42:4 बाखुन युसुफ क भाई बिन्यामीन क याकुब न यो विचारीन भाष्‍यो क भेळ नी मुकल्यो कि काहमाईन ओसो नि होये कि हेर पोर काहिन वेला आय पोड़े।
GEN 42:5 ओस कोरीन जे मानशे ओन मुले लिन आया ओका सात इस्राएल क पुर्या वी आया; काहकी कनान देश मा वी भारी काव होतु (प्रेरि 7:11)
GEN 42:6 युसुफ ते मिसर देश क आधिकारी होतु, आरु हेना देश क सब मानशो क हात हुयोत ओन वेचतो हुतो; ओतरान कोरिन जब युसुफ क भाई आया ती भिमा मुयोन भुरसे पोड़िन ओको वांद्या।
GEN 42:7 हेनुक देखिन युसुफ न उळखी ते लेदु, बाखुन हेन्दरे ओगोळ भुळु बोनीन वातड़ु होईन हेनुक पुछ्यु, “तुमु का सी आय रोया?” हुये कोया, “हामु ते कनान देश सी ओन मुले लेने क लिय आवला छे।”
GEN 42:8 युसुफ न आपसा भाई क उळखी लेदु, बाखुन हुये हेनाक नी उळख्या।
GEN 42:9 ती युसुफ आपसा हेनु सोपना क फोम कोरिन जे हुये हेर वाराम देखला होता, हेनुक कोहने लाग्यु, “तुमु जासुस छे; एना देश न वेला क देखने क लिय आय रोया।”
GEN 42:10 हुये हेनाक कोया, “नि, नि, हे पोरबु, तारा दास खानेन चीजे मुले लेने क लिय आय रोया।
GEN 42:11 आमु आखा एकुत बाबान पुर्या छे, हामु सुदा मानशे छे, तारा दास जासुस नी होय।”
GEN 42:12 हुयु हेनुक कोयु, “नी, तुमु एना देश क वेला देखनेत क आवला छे।”
GEN 42:13 हुये कोया, “हामु तारा दास बारे भाईश छे, आरु कनान देशवासी एकुत मानुसक पुर्य छे, आरु नानलो एने टेमे आमरा बाबा क पास छे, आरु एक नी रोयु।”
GEN 42:14 ती युसुफ न हेनु सी कोयु हांव ते तुमरे सी कोय देदु, कि जासुस करनिया छे;
GEN 42:15 इने रिते तुमु पारखाय जासु, फिरोन क जिवन क शपथ, जोत्यार लोगुन तुमरु नानलु भाईस याँ नी आवे ती लोगुन तुमु याँ सी जाय नि सोकु।
GEN 42:16 ओतरान कोरिन आपसा मा सी एक क मुकली देवी कि चू तुमरा भाईस क लि आवे, आरु तुमु मानशो बान्दायन रोहसु; ओस कोरीन तुमरी वात पारखाय जासे कि तुमु छाचा छे की नी। कदाम तुमु खोरा नी निकोळ्या ती ते फिरोनन जीवण शपथ तुमु छाचीन जासुस कोवायसु।
GEN 42:17 ती हुयु हेनुक तिन दाहड़ा लोगुन जेलखाना मा बुज रोयु।
GEN 42:18 तिसरे दाहड़े युसुफ न हेन्दरे सी कोयु, “एक काम कोरु ती जीवतला रोहसु; काहकी हांव परमेश्वर क बिक मानो;
GEN 42:19 काहमाईन तुमु सुदा मानसे होय, ति तुमु आखा भाष्यो मा सी एक जन एना जेलखाना मा बादायलु रोहे; आरु तुमु आपसा घोरवाळा क भुक मिटावने क लिय ओन ली जावु।
GEN 42:20 आरु आपसा नानला भाई क मारे पास ली आवु; ओस कोरिन तुमरी वात खोरली कोहायसे, आरु तुमु मारे नी जासु।” ति हुये तोसोत कोर्या।
GEN 42:21 हेये हुयेत आपसा-आपसा कोया, “बेफीकुर आपना भाई क वारा मा गुनु छे, काहकी जोत्यार हुयु आपने सी गिड़गिड़ावीन विनती कोर्यु, ती वी आपनु यो देखीन, की हेरो जीवोन कोसो पिड़ा मा पोड़लो होसे, हेरी नी सोमळ्या; ओस कोरीन हामु वी हिमी इनी वेला मा पोड़ला छे।”
GEN 42:22 रुबेन न हेरेसी कोयो, “काय हांव तुमरे सी नी कोयु होतु कि पुर्या क गुनावा मा बोनु? बाखुन तुमु नी सोमळ्या। देखु, हिमी तेरा लुहुय क बोदलु भुकती रोया।”
GEN 42:23 युसुफ काजे आरु हेरी वात जी एक दुय बुलीन लारे होयती होती; इनासी हेनुक मालुलम नी हुयो कि हुयो हेन्दरी बुली सोमजे।
GEN 42:24 ती हुयो हेनका धड़ सी छेटो होईन रड़ने लाग्यो; हेनका पास पोछु आवीन आरु हेन्दरे सि वात कोरीन हेन्दरे मा सी शिमोन क नेवाड़ीन आरु ओको ओगोळ बोन्दी बोनाय लेदु।
GEN 42:25 ती युसुफ न हुकुम आप्यो, की हेन्दरा थोयला ओनो सी भोर देवु आरु एक एक जन क थोयला मा ओका रिपिया वि मेक देवु, ओळी हेन्दरे वाट्ये क लिय खानेन चीज आपु। एने: हेन्दरे पुठी ओसोत कोर्या।
GEN 42:26 ती हुये आपसा ओनन थोयला आपसा गोदड़ा पोर मेलीन होंया सी चाल देदा।
GEN 42:27 सराय मा जब एक न आपसा गोदड़ा क च्यारु आपने क लिय थोयलो उगाड़ियो, ती ओको रिपिया थोयला क मुयो पोर मेकलो हुतो देखा पोड़्यो।
GEN 42:28 ती हुयो आपसा भाष्यो सी कोयो, “मारा रिपिया ते पोछा आप देदलो छे, देखु, हुयो मारा थोयला मा छे,” ती हेन्दरा जिवो मा जिव नी रोयु, आरु हुये एक दिसरा क आरु बिक सी ताकने लाग्या, आरु कोया, “परमेश्वर न यो आमरे सी काय कोरलु छे?”
GEN 42:29 ती हुये कनान देश मा आपसा बाबा याकुब क पास आया, आरु आपसी आखी वात क ओस कोरीन कोया:
GEN 42:30 “जो मानुस हेना देश क स्वामी छे, हुयो आमुक घोनो वातड़ो क सात वात कोर्‌यो, आरु आमुक देश क भेदिया कोयो।
GEN 42:31 ती हामु हेरेसी कोया, ‘हामु सुदा मानशे छे, भेदिया नी।
GEN 42:32 हामु बारे भाईष एकुत बाबान पुर्या छे, एक ते जातु रोयु, बाखुन नानलु एने टेमे कनान देश मा आमरा बाबा क पास छे।’
GEN 42:33 ती होयु मानुसन, जो हेना देश क स्वामी छे, आमुक कोयु, एनासी मालुम होय जाय की तुमु सुदा मानसे होय; तुमु आपसा मा सी एक क मारे पास छुड़िन आपसा घोरवाळा क भुख मिटावने क लिय थुड़ोक ली जावु,
GEN 42:34 आरु आपसा नानला भाई क मारे पास ली आवु। ती मेसे विश्वास होय जाय कि तुमु भेदिया नी, सुदा मानशे छे। ओळी हांव तुमरा भाईष क तुमुक आप दीस, आरु तुमु एना देश मा लेनो देनो कोर सोकसु।”
GEN 42:35 यो कोहीन हुये आपसा-आपसा थोयला सी ओन निकाळने लाग्या, ती, काय देख्या, की एक एक जन क रिपिया क थोयली ओकाज थोयला मा मेकली छे। ती रुप्या क थोयलिया क देखीन हुये आरु हेन्दरो बाबा बेस बिह गोयु।
GEN 42:36 ती हेन्दरो बाबो याकुब न हेनु सि कोयो, “मेसेक तुमु विगुर ओवलियाद नु कोर देदा, देखु, युसुफ नी रोयु, आरु शिमोन वी नी आयु, आरु हिमी तुमु बिन्यामीन क वी ली जाने हिय रोया। यी आखी पीड़ा मारे उपोर आय पोड़ली छे।”
GEN 42:37 रुबेन आपसा बाबा सी कोयु, “काहमाईन हांव हेनाक तारे पास नी लावो, ती मारा दुयु पुर्या क मार देजी; तु ओको मारा हातो मा सोप दे, हांव हेनाक तारेन्चा ओळी पुगाड़ दिस।”
GEN 42:38 हुयो कोयो, “मारु पुर्यु तुमरे पुठी नी जासे; काहकी हेरु भाईस मोर गोयलु छे, आरु हुयो एखलो हिमी रोय गोयलो छे: ओतरान कोरिन जेने वाट्ये सी तुमु जासु, हेरेमा काहमाईन हेरे पोर काई वि पीड़ा आवे, ती तुमरे कारण हांव इना डाहवारा क टेमे मा शोक क सात अधोलोक मा उतरी जाईस।”
GEN 43:1 देश मा काव आरु वी बेस जोबोर होयतो गोयो।
GEN 43:2 जव त्यो ओन जो हुये मिसर सी लि आया होता, सोर गोयो तो हेन्दरो बाबु न हेनुक कोयो, “ओळी जाईन आपने लिय थुड़ोक सो खानेन चीज मुले ली आवु।”
GEN 43:3 ती यहुदा न हेनुसी कोयु, “हेयो मानुसन आमुक चेतावनी आपिन कोहलो, ‘काहमाईन तुमरो भाई तुमरे साते नी आवे, ती तुमु मारे ओगोळ नी आय पावसु।’
GEN 43:4 ओतरान कोरिन काहमाईन तु आमरा भाई क आमरे साते नी मुकले, ति ते हामु जाईन तारे जुगु खानेनचीज मुले ली आवसु;
GEN 43:5 बाखुन काहमाईन तु हेनाक नी मुकले, ती आमु नी जाजे, काहकी हेना मानुसन आमरे सी कोयो, काहमाईन तुमरो भाईश तुमरे साते नी होय, ती तुमु मारे ओगोळ नी आय पावसु।”
GEN 43:6 ती इस्राएल न कोयो, “तुमु हेना मानुसक यो कोया की आमरु एक आरु भाईष छे, काहा मारेसी भुण्डो बर्ताव कोर्यु?”
GEN 43:7 हुयो कोयो, “जब हुयो मानुसन आमरी आरु आमरे कुटुम्बयो क स्थिति क वारा मा इने रिते पुछ्यो, ‘काय तुमरु बाबु हिमी लोगुन जिवतलु छे? काई तुमरु काई आरु भाईष वी छे?’ ती हामु इनु सोवालो क ओनसारे हुयो वर्णन कोर्यु; ओळी हामु काय जानता हुता कि हुयो कोहसे, आपसा भाई क याँ ली आवु।”
GEN 43:8 ओळी यहुदा न आपसा बाबा इस्राएल सी कोयो, “हेन पुर्या क मारे पुठी मुकली देवु, की हामु जात रोहजे; एनासी हामु, आरु तु, आरु आमरा बाळ बोच्‌चा मोर नी पावसे, बाखुन जुवतला रोहसे।
GEN 43:9 हांव हेरु जामनी होयो; मारात हातो सि तु पोछू लावजी। काहमाईन हांव ओको तारे पास पुगाड़ीन ओगोळ नि उबो कोर दोम, ती ते हांव होमीसा क लिय गुनावु कोवाईस।
GEN 43:10 यदि हामु मानषो क वार नी कोरतु, ति हान्जु लोगुन दुय कावार पौछा आत रोहता।”
GEN 43:11 ती हेन्दरु बाबु इस्राएल न हेनुक कोयु, “काहमाईन छाचीन ओसीत वात छे, ती यो कोरु; इना देश क वार वारु चीजो मासी काई काई आपना थोयला मा हेना मानुसक लिय भेंट ली जावु: जोसो थुड़ो सो डीग, आरु थुड़ो सो मधु, आरु काई गोंदायन्यो तेल, आरु गन्धरस, पिस्ते, आरु बादाम।
GEN 43:12 ओळी आपना आपना सात दुना रिपिया ली जावु; आरु जे रुप्या तुमरा थोयला क मुयावा पोर मेकलो पोछो आप देदलो हुतो, तेनाक वी लेता जावु; काहमाईन यो विसरीन सी होयो होय।
GEN 43:13 आपसा भाई क वी पुठी लीन हेना मानुसक पास ओळी जावु,
GEN 43:14 आरु जुरभोर्यु परमेश्वर हेना मानुसक तुमरे पोर गिन कोरसे, जेरेसे कि हुयो तुमरा दिसरा भाई क आरु बिन्यामीन क वी आवने देय: आरु काहमाईन हांव वीगुर ओवलियाद न होयो ती हयने देवु।”
GEN 43:15 ती हेना मानषो न होयी भेंट, आरु दुय गुना रिपिया, आरु बिन्यामीन क वी पुठी लिज्या, आरु चाल देदा आरु मिसर मा पुगीन युसुफ क ओगोळ उबा होया।
GEN 43:16 हेन्दरे पुठी बिन्यामीन क देखीन युसुफ न आपसा घोर क आधिकारी सी कोयु, “हेनु मानषो क घोर मा पुगाड़ देवु, आरु पशु मारिन खानेन तियारी कोरु; काहकी हुये मानसे सिरान मारे साते खासे।”
GEN 43:17 ती हुये आधिकारी मानुस युसुफ क कोहनेन ओनसारे हेनु मानषो क युसुफ क घोर मा लि गोया।
GEN 43:18 जोत्यार हुये युसुफ क घोर मा पुगाड़ देदा ती हुये आपसात बिहता जाईन कोहने लाग्या, “जो रिपिया पेहली वार आपना थोयला मा पोछा आप देदला होता, हेरे जुगु आपनुक माहाय बुलावलो छे; जेरेसे कि हुयो मानुस आपने पोर टुट पोड़े, आरु हेरे होको मा कोरीन आपसा दास बोनावे, आरु आपना गोदड़ा क वी हापकी लेय।”
GEN 43:19 ती हुये युसुफ घोर क आधिकारी क धोड़े जाईन घर क झपला पोर ओसा कोहने लाग्या,
GEN 43:20 हे आमरा पोरबु, जोत्यार हामु पेहली कावा ओन मुले लेने आया हुता,
GEN 43:21 ती हामु घर जानेन टेमे सराय मा पुगीन आमरा थोयला उगाड़्या, ती काय देख्या, की एक एक जन क पुरो पुरो रिपिया ओका थोयला क मुयावा पोर मेकला छे; एकालिय हामु ओको आपसा सात ओळी लिन आवला छे।
GEN 43:22 आरु दिसरा पोस्या वी खानेन चीज मुले लेने क लिय लावला छे; हामु नी जानजे क आमरा पोस्या थोयला मा कुन मेक देदो हुतो।
GEN 43:23 हुयो कोयो, “तुमरो वारलो होय, मा बिहयु: तुमरु परमेश्वर, जुळ तुमरु पिता क वी परमेश्वर छे, हुयोत तुमुक तुमरा थोयला मा धोन आप्यो होसे, तुमरा रुप्‌या ते मेसेक मिळी गोया हुता।” ओळी त्यो शिमोन क निकाळीन हेनका पुटी कोर देदो
GEN 43:24 ती हेना जन न हेनु मानषो क युसुफ क घोर मा लि जाईन पानी आप्यु, ती हुये आपसा पायो क धुया; ओळी हुये हेन्दरा गोदड़ा च्यारु आप्यो।
GEN 43:25 ती यो सोमळीन, की आज आमुक यात खानो छे, हुये युसुफ क आवने क टेमे लोगुन, यानी सिरान लोगुन, हेरे भेंट क एकठो तीयार कोरीन मेक्या।
GEN 43:26 जोत्यार युसुफ घोर आयो ती तेनी भेंट क, जो हेन्दरा हातो मा होतो, ओका ओगोळ घोर मा ली गोया, आरु नेड़ा पोड़िन हेनाक वांदया।
GEN 43:27 हुयो हेनुक हालचाल पुछ्यो आरु कोयो, काय तुमरु डुकरु बाबु, जेरी तुमु वात कोरला, वारलु छे की? काय होयु हांजु लोगुन जिवतलु छे?
GEN 43:28 हुये कोया, “हाव तारु दास आमरु बाबु वारलु‌ छे आरु हिमि लोगुन जिवतलु छे।” ती हुये मुनको झुकाड़ीन ओळी वांद्या।
GEN 43:29 ती हुयो डुळा उचाकोरीन आरु आपसा सोगा भाईष बिन्यामीन क देखीन पुछ्यो, “काय तुमरु यु नानलु भाईश, जेरी वात तुमु मार सी कोर्या हुता, यु छे?” ओळी हुयो कोयो, “हे मारा पुर्या, परमेश्वर तारे पोर गिन कोरे।”
GEN 43:30 ती आपसा भाईष क मोंगो सी मोन भोर आवने क कारण आरु यो विचारीन कि हांव काँ जाईन रोड़ो, युसुफ तोत्यारुत आपसा कोपरा मा गोयु, आरु चाँ रोड़ पोड़्यु।
GEN 43:31 ओळी आपसो मुय धुवीन निकोळी आरु, आरु आपसा क हुगु कोरीन कोयु, खानो निकावु।
GEN 43:32 ती हुयो हेरे वाटू ओहोग, आरु भाष्यो वाटू वी ओलोग, आरु जे मिसरी हेरे साते खाता होता, हेन्दरे वाटू वी ओलोग, खानो निकाया; ओतरान कोरिन कि मिसरी इब्री क पुठी खानो नी खाय सोकतला, बाखुन मिसरी ओसो कोरनो घाड़ाय सोमझता हुता।
GEN 43:33 ती युसुफ क भाई ओका ओगोळ, मोटा मोटा पेहेल, आरु नाना नाना पोछोल, आपसा-आपसा अवस्था क ओनसारे, वारी सी बोसाड़्या; यो देखीन हुये विस्मित होईन एक दिसरा भिनी भावने लाग्या।
GEN 43:34 ती युसुफ आपसे ओगोळ सी खानेन चीजे चुटी चुटीन हेन्दरे पास ली मुकलने लाग्यु, आरु बिन्यामीन क आपसा भाष्यो सी पाँचगुना खानेनचीजे मिळी। आरु हुये ओका पुठी मन गोंहतो खादा पिदा।
GEN 44:1 ती हुयो आपसा घोर क आधिकारी क हुकुम आप्यो की, “एनु मानषो क थोयला मा जोतरो खानेन चीजे सोमाये तोतरो भोर देवु, आरु एक एक जन रिपिया क ओका थोयला क मुयावा पोर मेल देवु।
GEN 44:2 आरु मारो चाँदी क कोटोरो नानास थोयला क मुयावा पोर ओका ओन क रुप्या क सात मेक देवु।” युसुफ क इनी हुकुम क ओनसारे हुये कोर्या।
GEN 44:3 सोंदारे वेगात होयतात हुये मानुस आपसा गोदड़ा भेळ चाल देदा।
GEN 44:4 हुये नगर सी निकोळ्यात हुया, आरु नाम्बे वीनी गोया होता कि युसुफ न आपसा घोर क आधिकारी सी कोयु हेनु मानषो क पोछोळ पोड, आरु हेनुक हेरीन कोह कि, तुमु वारला क बोदला मा बुराय काहा कोर्या? काहा तुमु म्हारा स्वामी क वाटको चुर लेदा?
GEN 44:5 काय यी ची चीजे नी जेरेमा मारु स्वामी पितलु‌ छे, आरु जिना हुयो सातायली वातोक कोरे? तुमु यो जु कोरला छे ते वारु नी कोर्या।
GEN 44:6 ती हुयो हेनुक जाईन धोर्‌यो, आरु ओसीत वात हेन्दरे कोयु।
GEN 44:7 हुये हेनासी कोया “हे मारा पोरबु, तु ओसी वात काहा कोवे छे? हामु वायदु कोरजे कि ओसो काम हामु नी कोरते।
GEN 44:8 देख जे रुप्या आमरा थोयला क मुयावा पोर निकोळ्या हुता, जब आमु ओको कनान देश सी ली आवीन तुसे पोछो आप देदा, ती वारु, तारा स्वामी क घोर मा सी हामु काई चाँदी ने सोनो क चीजे कोसा चुराय सोकतला छे?
GEN 44:9 तारा दास मा सी जेरे कुदा क पास हुयो निकोळे,‍ चो मार नाख्यो जाय, आरु हामु वी आपसा हेना स्वामीन दास होय जासु।”
GEN 44:10 घोरोन होकदारीयो कोयो, “तुमरोत कोहनो खोरो, जेरे जुळ हुयो वाटको निकोळे चो मारो दास होयसे; आरु तुमु मानुस विनगुनाळा कोहायसु।”
GEN 44:11 एर पोर हुये तावनी सी आपसा-आपसा थोयला उतारीन भीमा मेलीन थोयला उगाड़ने लाग्या।
GEN 44:12 ती हुये हेरने लाग्या, आरु मोटला क थोयला सी लीन नानला क थोयला लोगुन हेर कोर्या: आरु कटोरा बिन्यामीन क थोयला मा मिळ्यो।
GEN 44:13 ती हुये दुख मा आपसा-आपसा छिन्दरा फाड़्या आरु आपसा आपस गोदड़ा पोर मेलीन नगर क जात रोया।
GEN 44:14 जोत्यार यहुदा आरु ओका भाई युसुफ क घर पुग्या, आरु युसुफ होयाँत हुयो, ती हुये हेरे ओगोळ भुमी पोर पोड़्या।
GEN 44:15 युसुफ न हेनुसी कोयो, “तुमु मानसे न कोसो काम कोरला छे? काय तुमु नी जानता हुता की मार सी मानुस सातायली वातक जान सोकतलो?”
GEN 44:16 यहुदा न कोयो, “आमु मानषो आपसा स्वामी सी काय कोहे? हामु काय कोहीन आपसा क निर्दोषी कोहो? परमेश्वर न तारा दास क ओधोरोम क धोरीन लेदला छे। हामु, आरु जेरे पास कटोरो निकोळ्यो हुयो वी, आमु आखा की आखा आमरा स्वामीन दासुत छे।”
GEN 44:17 हुयो कयो, “ओसो कोरनो मारसे नांबे रोहे, जेरे मानुसक पास कटोरो निकोळ्लो छे, चोत मारो दास होयसे; आरु तुमु मानुस आपसा बाबा क पास वारु रिते जात रोहु।”
GEN 44:18 ती यहुदा ओका पास जाईन कोहने लाग्यो, “हे मारा पोरबु, तारा दास को आपसा पोरबु सी कोहने को हुकुम होय, आरु तारी रिस तारा दास पोर नी भोड़के; काहकी तु ते फिरोन के जोसो छे।
GEN 44:19 मारा पोरबु न आपसा दासो सी पुछ्‌यो हुयो, ‘काय तुमरु बाबु ने दिसरा भाईश छे?’
GEN 44:20 आरु हामु आपसा पोरबु सी कोया, ‘हाव, आमरु ढुकरु बाबु छे, आरु ओका डाहवारा क एक नानो सोव पुर्‌यो वी छे, वाखुन ओको भाई मोर गोयलो छे, ओतरान कोरिन हुयो हेमी आपसी आईस क एखलोत रोय गोयो, आरु ओको बाबो ओको मोंग राखतो छे।’
GEN 44:21 ती तु आपसा दासो सी कयो हुतो, ‘ओको मार पास ली आवु, जेरेसे हांव ओको देखो।’
GEN 44:22 ति हामु आपसा पोरबु सि कोया हुता, ‘हुयो पुर्‌यो आपसा बाबा क नी छुड़ सोकतो; नी ते हेरो बाबो मोर जासे।’
GEN 44:23 आरु तु आपसा दास सी कोयो, ‘काहमाईन तुमरु नानलु भाइस तुमरे पुठी नी आवे, ती तुमु मारे ओगोळ ओळी नी आय पावसु।’
GEN 44:24 ओतरान कोरिन जब हामु आमरा बाबा तारा दास क पास गोया, ती हामु हेरेसी आपसा पोरबु कि वाते कोया।
GEN 44:25 ती आमरु बाबु न कोयु, ‘ओळी जाईन आपने जुगु थुड़ो सो खानेन चिज मुले ली आवु।’
GEN 44:26 हामु कोया, ‘हामु नु जाय सोकतला, हाव, काहमाईन आमरु नानलु भाईस आमरे पुठी रोहे, ती हामु जासु; काहली काहमाईन आमरु नानलु भाईस आमरे पुठी नी रोहे, ती हामु हेना मानुसक ओगोळ नी जाय पावसु।’
GEN 44:27 ती तारा दास मारा बाबा न हामु सी कोयो, ‘तुम ते जानु होय की राहेल सि दुय पुर्या पोयदा हुया।
GEN 44:28 आरु हेना सी एक ते मेसेक छुड़ित गोयो, आरु हांव छाचिन कोर लेदु, की हुयो फाड़ देदु गोयु होसे; आरु ती सी हांव हेरो मुय नी देख पायु।
GEN 44:29 एने: काहमाईन तुमु ओको वी मारा डुळा क आड़ मा ली जावु, आरु काई वेला एर पोर पोड़े, ती तुमरे कारण हांव एना डाहवारा क टेमे मा शोक क सात अधोलोक मा उतरी जाईस।’
GEN 44:30 ओतरान कोरिन जब हांव आपसा बाबा तारा दास क पास पुगजे, आरु यो पुर्‌यो पुठी नी रोहे, ती, ओको जीव जो एरे पोर ओटेलो रोहे छे,
GEN 44:31 ओस कोरीन, यो देखीन की पुर्‌यो नी छे, हुयो तोत्यारुत मोर जासे। ती तारा दास क कारण तारा दास आमरो बाबो, जो डाहवारा क टेमे मा छे, शोक क सात अधोलोक मा उतरी जासे।
GEN 44:32 ओळी तारो दास आपसा बाबा क याँ यो कोहीन एना पुर्या क जामनी हुयो छे, ‘काहमाईन हांव एना तारा पास नी पुगाड़ दोम, ती ते हांव होमीसा क लिय तारु गुनावु कोवाईस।’
GEN 44:33 एकालिय हिमी तारा दास एना पुर्या क बोदले आपसा पोरबु क दास होईन रोहने क हुकुम पावे, आरु एना पुर्या आपसा भाईस क पुठी जाने दे।
GEN 44:34 काहकी पुर्या क विगुर पुठी रोहे हांव कोसु आपसा बाबा क पास जाय सोकीस; ओसो नी होये की मारा बाबा पोर जुळ दुख पोड़से चो मेसे देखने पोड़े।”
GEN 45:1 ती युसुफ हेनु सब क ओगोळ, जे हेरे आड़े धोड़े उबला होता, आपसा क आरु रुक नी सोक्यो; आरु आयड़ीन कोयो, “मारा आड़े धोड़े सी सब मानषो क खोयड़े कोर देवु।” भाष्यो क ओगोळ आपसा क प्रगट कोरने क टेमे युसुफ क सात आरु कोय नी रोयो।
GEN 45:2 ती हुयो जुरेत रोड़ने लाग्यो; आरु मिसरि मानुस सोमळ्या, आरु फिरोन क घोर क मानषो क वी एरी खोबोर मिळी।
GEN 45:3 ती युसुफ आपसा भाष्यो सी कोहने लाग्यु, “हांव युसुफ छे, काय मारु बाबु हाँजु लोग जिवतलु छे?” एरो जोपाप हेरा भाई नी आप सोक्या; काहकी हुये घाबराय गुया होता।
GEN 45:4 ओळी युसुफ न आपसा भाष्यो सी कोयो, “मारे धोड़े आवु।” यो सोमळीन हुये धोड़े गोया। ओळी हुये कोया, “हांव तुमरु भाईस युसुफ छे, जेनाक तुमु मिसर आवनेवाळा वेपारीन हात वेच देदाला। (प्रेरि. 7:9)
GEN 45:5 हिमी तुमु मानुस मा पोछतायु, आरु तुमु जो मेसे याँ वेच देदा, एरेसे उदास मा होयु; काहकी परमेश्वर न तुमरा जीवोक वाचाड़ने क लिय मेसे तुमरे ओगोळ मुकोल देदलो छे (प्रेरि. 7:15)
GEN 45:6 काहकी हिमी दुय साल सी एना देश मा काव छे; आरु हिमी पाच साल आरु ओसोत होयसे कि हेरेमा नी ते होळ चालसे आरु नी धान काटयसे। (प्रेरि. 7:15)
GEN 45:7 ओतरान कोरिन परमेश्वर न मेसे तुमसे ओगोळ एकाजलिय मुकेलो की तुमु कोळी पोर जिवतला रोहु, आरु तुमरा जिवो क वाचड़ने सी तुमरो ओवलियाद वोदे।
GEN 45:8 इने रिते हिमी मेसेक याँ सारतीक मुकलन्या तुमु नी, परमेश्वर कोहायसे; आरु हुयोत मेसे फिरोन क बाबा सारको, आरु आखा मिसर देश क पोरबु बोनाय देदलु छे।
GEN 45:9 एने: तावनी सी मारा बाबा क पास जाईन कोहु, तारु पुर्यु युसुफ ओस कोरीन कोहे छे, के परमेश्वर न मेसे आखा मिसर क स्वामी बोनायो छे; ओतरान कोरिन तु मारा पास विगु वार लागाड़्ये चाली आव। (प्रेरि. 7:14)
GEN 45:10 आरु तारा निवास गोशेन देश मा होयसे, आरु तु, पुर्या, पोता, गाडरा बुकड़ा, गाय बुईल, आरु आपसो आखो काई भेळ मेसे धोड़े रोहसे।
GEN 45:11 आरु काव क जे पाच साल आरु होयसे, हेरेमा हांव होयाँत पालन पोषण कोरीस; ओसो नी हय की तु, आरु तारो घोराना, वरन् जोतरा तारा छे, चे भुकला मोरे (प्रेरि. 7:14)
GEN 45:12 आरु तुमु आपसा डुळा सी देख रोया, आरु मारा भाईष बिन्यामीन वी आपसा डुऴा सी देखतो छे की जो आमरे सी वात कर रोया छे चो युसुफ छे।
GEN 45:13 तुमु मारा सब ठाट बाट, को मिसर मा छे आरु जो काई तुमु न देख्यो छे, हेनु सब क मारा बाबा सी वात कोरजु; आरु तुरन्त मारा बाबाक याँ लीन आवु।”
GEN 45:14 आरु हुयो आपसा भाई बिन्यामीन क गोळे सी लिपटाईन रोड़्यु; आरु बिन्यामीन वी ओको गळे सि लिपटाईन रोड़्यु।
GEN 45:15 हुयो आपसा सब भाई क चुमीन रोड्यु आरु एरे वाद ओका भाई हेरेसी वात कोरने लागे।
GEN 45:16 एनी वात क खोबोर क युसुफ क भाई आवला छे, फिरोन क भवन लोगुन पुग गोय, आरु एरेसे फिरोन हेरा कामकोरन्या घोना खुश होय गया (प्रेरि. 7:13)
GEN 45:17 ओतरान कोरिन फिरोन न युसुफ सि कोयो, “आपसा भाष्यो सी कोह की एक काम कोरु; आपसा ढुरो क लादीन कनान देश मा जात रोहु।
GEN 45:18 आरु आपसा बाबा आरु आपसा-आपसा घोर क मानशो क लिन मारे पास आवु; आरु मिसर देश मा जो काई वारु सी वारु छे चो मे तुमुक आपीस, आरु तुमरा देश क वारु सी वारी खानो खाने क मिळ्से। (प्रेरि. 7:14)
GEN 45:19 आरु तुसे हुकुम मिळी चे, तुमु एक काम कोरु कि मिसर देश सी आपसा बाळ बोच्‌चा आरु बायरा क लिय गाड़ीया ली जावु, आरु आपसा बाबा क ली आवु। (प्रेरि 7:14)
GEN 45:20 आरु आपसो सोमान क फिकुन झुण कोरता; काहकी आखा मिसर देश मा जो काई वारु सि वारु छे चो तुमरो छे”
GEN 45:21 इस्राएल क पुर्या न ओसोत कोर्या; आरु युसुफ न फिरोन क हुकुम क ओनसारे हेनुक गाड़ीया आप देदु, आरु वाट्ये क लिय खानेन चिजे वी आप्यु।
GEN 45:22 हेरेमा सी एक एक जोना क ते हुयो एक एक जुड़ी छिन्दरा वी आप्यो; आरु बिन्यामीन क तीन सोव चाँदीन सिक्का आरु पाच जुड़ी छिन्दरा आप्यो।
GEN 45:23 आपसा बाबा क पास हुयो जु ली मुकेल्लो चो यो छे, यानी मिसर क वारु चीजे सि भोरीन दोस गोदड़ा, आरु ओन आरु रुटा आरु हेरे बाबा क वाट्ये क लिय खानेन चीजे सी भोरीन दोस गोदडी।
GEN 45:24 ती हुये आपसा भाष्यो क मुकल्यो, आरु हुये चाल देदा; आरु हुये हेनाक कोया, “वाट्ये काँखेर झुणी लोड़ायता।”
GEN 45:25 मिसर सी चालिन हुये कनान देश मा आपसा बाबा याकुब क पास पुग्या।
GEN 45:26 आरु हेरेसे यी आखी वात कोर्या, “युसुफ हाँजु लोगुन जिवतलु छे, आरु आखा मिसर देश पोर राज हुयोत कोरे छे।” बाखुन हुयो हेन्दरे पोर विश्वास नी कोर्‌यो, आरु हुयो सन्न रोय गुयो।
GEN 45:27 ती हुयो आपसा बाबा याकुब सी युसुफ क आखी वाते, जी हुयो हेनाक कोहने कोहलु, कोय देद; जब हुयो हेनी गाड़ीया क देख्यो, जो युसुफ न हेनाक ली आवने क लिय मुकेललो होती, ती ओका मनक शांती मिळी।
GEN 45:28 आरु इस्राएल न कोयो “बस, मारु पुर्यु युसुफ हिमी वी जिवतलु छे; हांव मारे मोरने सी पेहेल जाईन हेनाक देख लिस।”
GEN 46:1 ती इस्राएल आपसो आखो काई लीन बेरसेबा क गोयो, आरु होंया आपसा बाबा इसहाक क परमेश्वर क बलिदान चोड़ायो।
GEN 46:2 ती परमेश्वर न इस्राएल दी रात क दर्शन मा कोयो, “हे याकुब हे याकुब।” हुयो कोयो, “काय हुकुम।”
GEN 46:3 हुयो कोयो, “हांव परमेश्वर तारा बाबा क परमेश्वर छे, तु मिसर मा जाने सी मा बिहये; काहकी हांव तार सी होंयाँ एक मोटी जाति बोनावीस।
GEN 46:4 हांव तारे पुठी पुठी मिसर क चालता छे; आरु हांव तुसे होंयाँ सी ओळी ली आवीस; आरु युसुफ आपसा हातो सी तारा डुळा क बोन्द कोरसे।”
GEN 46:5 ती याकुब बेरसेबा सि चाल्यो; आरु इस्राएल क पुर्या आपसा बाबा याकुब, आरु आपसा बाळ बोच्‌चा, आरु बायरा क हेनु गाड़ीया पर, जे फिरोन न हेन्दरे जुगु ली मुकोल लो हुतो, चोड़ावीन चाल देदा।
GEN 46:6 याकुब आपसा गाडरा बुकड़ा, गाय बुईल, आरु कनान देश मा आपस एकठो कोरला आखा धन क लिन मिसर मा आया।
GEN 46:7 आरु याकुब आपसा बेटा बेटिया, आरु पोता पोती, यानी आपसी ओवलियाद भोरीन आपसे पुठी मिसर मा लि आयो।
GEN 46:8 याकुब क सात मा जे इसराएली, यानी हेरा पुर्या, पोता, आदि मिसर मा आया, हेन्दरा नाव ये छे याकुब क मोटलो रुबेन हुतो।
GEN 46:9 आरु रुबेन क पुर्य हनोक, पल्लु, हेस्रोन, आरु कर्म्मी हुता।
GEN 46:10 शिमोन क पुर्या, यमुएल, यामीन, ओहद, याकीन, सोहर, आरु एक कनानी बायोर सी जोनम्यो शाऊल वी हुतो।
GEN 46:11 लेवी क पुर्या गेर्शोन, कहात, आरु मरारी हुता।
GEN 46:12 यहुदा क एर, ओनान, शेला, पेरेस, आरु जेरह नावोन पुर्यु होयु होतु; बाखुन एर आरु ओनान कनान देश मा मोर गोया हुता; आरु पेरेस क पुर्य, हेस्रोन आरु हामुल हुता।
GEN 46:13 इस्साकार क पुर्या, तोला, पुव्वा, योब, आरु शिम्रोन हुता।
GEN 46:14 जबुलुन क पुर्या, सेरेद, एलोन, आरु यहलेल हुता।
GEN 46:15 लिआ क पुर्या जे याकुब सी पद्दनराम मा पोयदा होया हुता, ओका पुर्या पोता येत होता, आरु एरे सी सोटा ओको ओकाज सात एक बेटी दीना क वी जन्म दिदो, याँ लोगुन ते याकुब क आखा ओवलियाद डेड़ वीस ने तीन मानसे हुया।
GEN 46:16 ओळी गाद क पुर्या, सपोन, हाग्गी, शुनी, एसबोन, एरी, अरोदी, आरु अरेली हुता।
GEN 46:17 आशेर क पुर्या, यिम्ना, यिश्वा, यिश्वी, आरु बरिआ हुता, आरु ओकी बहीन सेरह हुती; आरु बरिआ क पुर्या, हेबेर आरु मल्कीएल हुतो।
GEN 46:18 जिल्पा, जेनिक लाबान न आपसी पुराय लिआ क आप्यो हुतो, ओका पुर्या पारी आदी येत हुता; आरु ओका द्वारा याकुब क सुव्वे जिवे पोयदा हुया।
GEN 46:19 ओळी याकुब क घोरवाळी राहेल क पुर्य युसुफ आरु बिन्यामीन हुया।
GEN 46:20 आरु मिसर देश मा ओन क याजक पोतीपेरा क पुराय आसनत सी युसुफ क ये पुर्या पोयदा हुया, याणी मनश्शे आरु एपरेम।
GEN 46:21 बिन्यामीन क पुर्या, बेला, बेकेर, अश्बेल, गेरा, नामान, एही, रोश, मुप्पीम, हुप्पीम, आरु अर्द हुता।
GEN 46:22 राहेल क पुर्या जे याकुब सी पोयदा हुया ओका येत पुर्या हुया; ओका सब पुर्या पारी चोवदे जिवे हुया।
GEN 46:23 ओळी दान क पुर्य हुशीम हुतो।
GEN 46:24 नप्ताली क पुर्याम यहसेल, गुनी, सेसेर, आरु शिल्लेम हुता।
GEN 46:25 बिल्हा, जेनाकक लाबान न आपसी पुराय राहेल क आप्यो हुतो, ओका पुर्या पारी येत हुता; ओका द्वारा याकुब क ओवलियाद मा सात जिवे हुया।
GEN 46:26 याकुब क निज ओवलियाद क जे जिवे मिसर आ आया, चे ओका उहड़ीसा क छुड़ीन सब मेळीन छियासठ जिवे हुया।
GEN 46:27 आरु युसुफ क पुर्या, जे मिसर मा हेरेसे पोयदा हुया, चे दुय जोना हुता; ओस कोरीन याकुब क घोराना क जे मानुस मिसर मा आया हुता चे आखा मिळीन सत्तर हुया।
GEN 46:28 ओळी हुयो यहुदा क आपसे ओगोळ युसुफ क पास मुकली देदो कि हुयो ओको गोशेन क वाट देखाड़्या; आरु गोशेन देश मा आयो।
GEN 46:29 ती युसुफ आपसी घुड़ागाड़ी जुपाड़ीन आपसा बाबा इस्राएल सि मीळने कोरिन गोशेन देश क गोयो, आरु हेरेसे मिळने कोरीन हेरे गोळे सी लिपटाय गोया, आरु काईन वार लोगुन ओका गोळा सी लिपटाईन रोड़ता रोया।
GEN 46:30 ती इस्राएल न युसुफ सी कोयो, “हांव हिमी मोरने सी वी खुश छे, काहकी तुसे जिवतलु देख्यु आरु तारो मुय देख लेदु।”
GEN 46:31 ती युसुफ न आपसा भाई सी आरु आपसा बाबा क घोराना सी कोयो, “मे जाईन फिरोन क यो खोबोर आपीस, ‘मारा भाईस आरु मारा बाबा क आखो घोराना क मानषे, जे कनान देश मा रोहता हुता, चे मारे पास आय गोयला छे;
GEN 46:32 आरु हुये मानुस गुवाळ्या छे, काहकी हुये ढुरोक पाळता आवला छे; ओतरान कोरिन हुये आपसा गाडरा बुकड़ा, गाय बुईल, आरु जो काई ओको छे, आखो ली आवला छे।’
GEN 46:33 जब फिरोन तुमुक बुलावीन पुछे, ‘तुमरो उद्यम काय छे?’
GEN 46:34 ती यो कोहजु, ‘तारा दास लड़कपन सी लीन आज लोगुन ढुरो क पाळता आया छे, बाखुन आमरा डाहडा वी ओसात कोरता हुता।’ इनासी तुमु गोशेन देश मा रोहने पावसु; काहकी सब गुवाळ्या सी मिसरि मानुस घाड़ाय कोरतला छे।”
GEN 47:1 ती युसुफ न फिरोन क पास जाईन यो खोबोर आप्या, “मारु बाबु आरु मारा भाईष, आरु ओका गाडरा बुकड़ा, गाय बुईल आरु जो काई ओकोज छे, आखो कनान देश सी आय गोयला छे; आरु हेमी ते चे गोशेन देश मा छे।”
GEN 47:2 ओळी हुये आपसा भाई मा सी पाच जोन लिन फिरोन क ओगोळ उबो कोर देदा।
GEN 47:3 फिरोन न ओका भाइश सी पुछ्यो, “तुमरो उद्यम काय छे?” हुये फिरोन सी कोया, “तारा दास गुवाळ्या छे, आरु आमरा डाहडा वी ओसात रोया।”
GEN 47:4 ओळी हुये फिरोन सि कोयो, “आमु इना देश मा पारका जोसा रोहने क लिय आवला छे; काहकी कनान देश मा भारी काव छे कोरीन तारा दास क गाडरा बुकड़ा क लिय च्यारु नी रोयो; ओतरान कोरिन आपसा दास क गोशेन देश मा रोहने क हुकुम आप्यो।”
GEN 47:5 ति फिरोन न युसुफ सि कोयो, “तारा बाबा आरु तारा भाईश तारा पास आय गोयला छे,
GEN 47:6 आरु मिसर देश तारे ओगोळ पोड़लो छे; एना देश क जो आखा रोईन वारु भाग होय, हेरेमा आपसा बाबा आरु भाइश्यो क वोसाड़ दे; यानी चे गोशेन देश मात रोहे; आरु काहमाईन तु जानतु होय, की हेरेमा सी मेहनोती मानुस छे, ती हुये मारा ढुरो क मुखी बोनाय दे।”
GEN 47:7 ती युसुफ न आपसा बाबा याकुब क ली आवीन फिरोन क ओगोळ उबो कोर्‌यो; आरु याकुब न फिरोन क बोरकोत आप्या।
GEN 47:8 ती फिरोन न याकुब सी पुछ्यो, “तारी उमोर कोतरा दाहड़ान होयली छे?”
GEN 47:9 याकुब न फिरोन सी कोयो, “हांव ते एक सोव तीस साल पारका होईन आपसो जीवन विताड़ चुकलो छे; मारा जीवन क दाहड़ा थुड़ा आरु दुख सी भोरायला वी होयला हुता, आरु मारा डाहडा पारका होईन जोतरा दाहड़ा लोगुन जिवतला रोया तोतर दाहड़ा क म्हारा हिमि नी होयो।”
GEN 47:10 आरु याकुब फिरोन क बोरकोत आपीन ओका ओगोळ सी जात रोयो।
GEN 47:11 ती युसुफ न आपसा बाबा आरु भाश्यो क बसाड़ देदो, आरु फिरोन क हुकुम क ओनसारे मिसर देश क वारु सी वारु वाटा मा, यानी रामसेस नावोन प्रदेश मा, जागु आपीन ओको सोप देदा।
GEN 47:12 आरु युसुफ आपसा बाबा क, आरु आपसा भाष्यो क आरु बाबा क आखा घोराना क, एक एक क बाळ पुर्या क गिनती क ओनसारे, ओन आपीन ओको पाळन पोषण कोरने लाग्या।
GEN 47:13 हेना आखा देश मा खाने क काई नी रोहो; काहकी काव घोने जोबोर हुतो, आरु काव क कारन मिसर आरु कनान दुयु देश नाश होय गोया।
GEN 47:14 आरु जोत्रा रुप्या मिसर आरु कनान देश मा हुतो, सब क युसुफ न हेना ओन क बोदले, जो हेरा निवासी मुले लेता हुता एकठा कोरीन फिरोन क घोर मा पुगाड़ देदा।
GEN 47:15 जब मिसर आरु कनान देश क रिपिया सोर गोया, ती सब मिसरी युसुफ क पास आव आवीन कोहने लाग्या, “आमुक खानेन चीजे आपे, काय हामु रुप्या क नी रोहने सी तारे रोहते होय मोर जाजे?”
GEN 47:16 युसुफ न कोयो, “काहमाईन रिपिया न होय ते आपना ढुरोक आप दे, आरु हांव ओका बोदले तुमुक खाने क आपीस।”
GEN 47:17 ती हुये आपसा ढुरे युसुफ क पास लि आया; आरु युसुफ ओका घुल्‌ला, गाडरा बुकड़ा, गाउ बुईल आरु गोदड़ा क बोदले खाने क आपने लाग्यो: हेना साल मा हुये सब जाती क ढुरो क बोदले खाने आपीन ओको पाळोन पोषन कोरता रोया।
GEN 47:18 हुये साल ते यो काट देदा; ती ओगले साल मा हुये ओका पास आवीन कोया, “हामु आपसा पोरबु सी यो वात साताड़ नी राख्से के आमरा रिपिया सोर गोया छे, आरु आमरे सब भातीन क ढुरे आमरा पोरबु क ओगोळ आमरा डील आरु जागु‌ छुड़ीन आरु काय नी रोयो।
GEN 47:19 हामु तारे देखतेत काहा मोरे, आरु आमरी जागा काहा उजाड़ जाजे? आमुक आरु आमरी जागा क खानेन चीजे क बोदले मुले लेजे, कि हामु आपस जागा भेळ फिरोन क दास होय आरु आमुक बिज आपे, कि हामु मोरजे नी, बाखुन जिवतला रोया, आरु जागु नी उजड़े।”
GEN 47:20 ती युसुफ न मिसर क आखी जागा क फिरोन क लिय मुले लेदा; काहकी हेना घोना काव क पोड़ने सि मिसरीक आपनो आपनो खेत वोचनो पोड़्यो। ओस कोरीन आखी जागा फिरोन क होय गोय।
GEN 47:21 आरु एक धोड़े सी लीन दिसरे धोड़े लोगुन आखा मिसर देश मा जे मानसे रोहता हुता, ओका हुये नगर मा लावीन बोस गोया।
GEN 47:22 बाखुन याजक क जागा ते हुये मुले नी लेदो; काहकी याजक क लिय फिरोन क भीनी सी नित्य खानो क बंदोबस्त हुतो, आरु नित्य जो खानो फिरोन हेनुक आपता हुता हुये चेत खाता हुता; ओस कोरीन हेनुक आपसु जागु वेचनो नी पोड़्यो।
GEN 47:23 ती युसुफ न प्रजा क मानषो सी कोयो, “सोमवु, मे आज क दाहड़े तुमुक आरु तुमरी जागा क वी फिरोन क लिय मुले लेदलो छे; देखु, तुमरे जुगु याँ बिज छे, इनाक धोरती मा वेरु।
GEN 47:24 आरु जो काई उगे पांचवो वाटो फिरोन क आपनो, बाकी चार अंश तुमरा रोहसे कि तुमु हेनाक आपना खेतो मा वेरे, आरु आप आपसा बाळ पुर्या आरु घोर क दिसरा मानसे खाया कोरे।”
GEN 47:25 हुये कोया, “तु आमुक वाचाड़लु छे; आमरा पोरबु क गीन क निगाह आमरे पोर बोनली रोहे, आरु हामु फिरोन क दास होईन रोहसे।”
GEN 47:26 ओस कोरीन युसुफ न मिसर क जागा क वारा मा ओसो कायदो कोहायसे, जो आज क दाहड़े लोगुन चाली आयो छे कि पंचमांश फिरोन क मिळ्या कोरे; केवल याजकोत क जागा फिरोन क नी होये।
GEN 47:27 इसराएली मिसर क गोशेन प्रदेश मा रोहने लाग्या; आरु होंया क जागा क जागाम हेरे होको मा हुतो, आरु फुले फले, आरु घोना वोदे।
GEN 47:28 मिसर देश मा याकुब सतरह साल जुवतलो रोयो ओस कोरीन याकुब क आखी उमोर एक सोव पाच कोम पोचा साल क हुया।
GEN 47:29 जब इस्राएल क मोरने क दाहड़ा आय गोया, ती हुये आपसा पुर्या युसुफ क बुलावीन कोयो, “काहमाईन तारो गीन मार पोर होय, ते आपसो हात मारी जाँघ क तळे मेकीन वायदु खा, की तु मारे साते गिन आरु छाचाय क यो काम कोरसे, कि मेसे मिसर मा धुळु नी आपीस।
GEN 47:30 जब हांव आपसा बाप दादा क पुठी सुय जाईस, ती तु मेसे मिसर से उठाविन जाईन तेना बिड़ा मा मेकीस।” ती युसुफ न कोयो, “हांव तारा बुलो के ओनसारे कोरीस।”
GEN 47:31 ओळी हुयो कोयो, “मार सी वायदु खा।” एने: हुये हेनासी वायदु खादो, ती इस्राएल न खाटला क मुन्डास्या भिनी मुनको नेचो कोरीन विनता कोर्‌यो। (इब्रा 11:21)
GEN 48:1 एनी वात क वाद कुदु युसुफ सी कोयो, “सोमोळ, तारु बाबु मान्दलु छे।” ती हुयो मनश्शे आरु एपरेम नावोन आपसा दुयु पुर्या क पुठी लिन ओका पास चाल्या।
GEN 48:2 कुदु याकुब क कोय देदो, “तारु पुर्यु युसुफ तारे पास आवने बाज रोयु,” ती याकुब आपसा क सोमाळीन खाटला पोर बोर गोयु।
GEN 48:3 आरु याकुब न युसुफ सी कोयो, “जुरभोर्यु परमेश्वर न कनान देश क लुज नगर क पास मेसे दर्शन आपीन बोरकोत आप्यो,
GEN 48:4 आरु कोयो, ‘सोमोळ, हांव तुसे फलवन्त कोरीन वोदाड़ीस, आरु तुसे राज राजन मण्डळी क मुल बोनावीस, आरु तारा ओवलियाद क यो देश आपीस, जेनासी की हुयो होमीसा लोगुन ओका वावड़्या जागु बोनलु रोहे।’
GEN 48:5 आरु हिमी तारा पुर्या, जे मिसर मा मारे आवने सी पेहेल पोयला छे, चे मारात कोहायसे; यानी जेने रीते सी रुबेन आरु शिमोन मारा छे, हेने रीते एपरेम आरु मनश्‍शे वी मारा कोहायसे।
GEN 48:6 आरु ओका वाद तारी जी ओवलियाद होये, चे तारात कोहायसे; बाखुन वाटान टेमे हुये आपसा भाष्यो त क ओवलियाद मा गिन्या जासे।
GEN 48:7 जोत्यार हांव पद्दान सि आवता हुता, ती एप्रात पुगने सी थुड़ेत नांबे पेहेल राहेल कनान देश मा, वाट्ये मा, मारे ओगोळ मोर गोय; आरु हांव हेनीक होयाँत, यानी एप्रात ज बैतलहम वी कोहाये छे, ओकाज वाट मा धुळु आप्यु।”
GEN 48:8 ती इस्राएल क युसुफ क पुर्या देखा पोड़्या, आरु हुये पुछने लाग्यो, “यो कुण छे?”
GEN 48:9 युसुफ न आपसा बाबा सी कोयो, “ये मारा पुर्या छे, जे परमेश्वर न मेसे याँ आपलो छे।” हुयो कोयो, “हेनुक मारे पास ली आवु की हांव हेनुक बोरकोत आपो।”
GEN 48:10 इस्राएल क डुळ डाहवारा क कारन धुन्दला होय गोया हुता, याँ लोगुन की हेनाक कोम सुझतो हुतो। ती युसुफ हेनुक हेरे पास ली गोयु; आरु हुयो हेनुक गुळा दिन गोळे लागाड़ लेदु।
GEN 48:11 ती इस्राएल न युसुफ सी कोयो, “मारो विचार नी होतो, कि हांव तारो मुख ओळी देखने पावीस: बाखुन देख, परमेश्वर न मेसे तारा ओवलियाद वी देखाड़्यो छे।”
GEN 48:12 ती युसुफ न हेनाक आपसा मान्डा क विच से छेटा कोरीन आरु धोरती भैनी नेड़ु भावीन वान्द्यु।
GEN 48:13 ती युसुफ न हेनुक दुयोक लिन, यानी एपरेम क आपसा जेवड़्या हात सी, कि हुयो इस्राएल क डाख्र्या हात पोड़े, आरु मनश्शे क आपसो डाख्र्‌यो हात सी, कि इस्राएल क जेवड़्यो हात पोड़े, हेनुक ओका पास ली गोयो।
GEN 48:14 ती इस्राएल न आपसो जेवड़्यो हात ओगु कोरीन एपरेम क मुनका पोर जु नानलु होतु, आरु आपसु डाख्र्यु हात ओगु कोरिन मनश्शे क मुनका पोर नेक देदु; हुयो ते जान बुजीन ओसो कोर्‌यो; नी ते मोटलो पुर्‌यो मनश्शे त हुतो।
GEN 48:15 ओळी हुयो युसुफ क बोरकोत आपिन कोयो, परमेश्वर जेरे ओगोळ मारा डाहडा अब्राहम आरु इसहाक चालता हुता चोत परमेश्वर मारी पोयदा वारी सी लिन आज क दाहड़े तक मारु गुवाळ्यु बोनलु छे (इब्रा. 11:21)
GEN 48:16 आरु हुये दुत मेसे आखी बुराय सी छुड़ावता आवला छे; हुये इनु पुर्या क बोरकोत आपे; आरु ये मारा आरु मारा डाहडा अब्राहम आरु इसहाक क कोहायसे; आरु कोळी मा वारु रिते वोदे (इब्रा. 11:21)
GEN 48:17 जोत्यार युसुफ न देख्यो कि मारा बाबा न आपसो जेवड़्यो हात एपरेम क मुनका पोर छे, ती यी वात ओको भुण्डी लागी; ओतरान कोरिन हुयो आपसा बाबा क हात एनी मोनसा सी धोर लेदो, कि एपरेम क मुनका पोर सी चुटीन मनश्शे क मुनका पर मेल दे।
GEN 48:18 आरु युसुफ न आपसा बाबा सी कोयो, “हे बाबा, ओसो नी; काहकी मोटलो यो छे; आपसु जेवड़्यु हात एरा मुनका पोर मेल।”
GEN 48:19 हेरु बाबु कोयु, “नी, सोमोळ, हे मारा बेटा, हांव इनी वात क वारु रीते जानो बाखुन एनासी वी मानषो क एक मन्डळी पोयदा होयसे, आरु यो वी मोटो होय जासे, ते वी एरो नानलो भाई एरेसे जादा मोटो होय जासे, आरु ओका ओवलियाद सी बेस सी जातिया निकोळसे।”
GEN 48:20 ओळी हुयो हेने दाहड़े यो काहिन ओको बोरकोत आप्यो, “इसराएली मानसे तारो नाव लीन ओसो बोरकोत आप्या कोरसे ‘ परमेश्वर तुसे एपरेम आरु मनश्शे क जोसो बोनाय देये’” आरु हुयो मनश्शे सी पेहेल एपरेम क नाव लेदो।
GEN 48:21 ती इस्राएल न युसुफ सी कोयो, देख, हांव ते मोरने पोर छे बाखुन परमेश्वर तुमु मानसो क पुठी रोहसे, आरु तुमुक तुमरा डाहडा क देश मा ओळी पुगाड़ देसे।
GEN 48:22 आरु हांव तुसेक भाष्यो सी मोटु जागा क एक वाटू आपो, हेनाक मे एमोरियो क हात सि आपसी तलवार आरु धनुष क भुरसे लि लेदलो छे (युह 4:5)
GEN 49:1 ओळी याकुब न आपसा पुर्या क यो कोहीन बुलायो, एकठा होय जावु, हांव तुमुक देखाड़ीस, की‍ चेहला दाहड़ा मा तुमरे पोर काय काय वितसे।
GEN 49:2 हे याकुब क पुर्या, एकठा होईन सोमळु, आपसा बाबा इस्राएल भिनी कान्टा लागाड़ु।
GEN 49:3 हे रुबेन, तु मारु मोटलु पुर्यु, मारी ताकोत, आरु मारा मानुस होयनेन पेहलु फळ‌ छे; प्रतिष्ठा क वारु वाटू, आरु ताकोत क वी वारु वाटू तु त छे।
GEN 49:4 तु जळ क जोसो उकोळनेवाळु छे, ओतरान कोरिन दिसरा सी वारु नी कोहायसे; काहकी तु आपसा बाबा क खाटला पोर चोढ़्यु, ती तु ओको विटोळ कोर्यु; हुयो मारा आथरन्या पोर चोढ गोयु।
GEN 49:5 शिमोन आरु लेवी ते भाईभाईस छे, हेन्दरी तोलवार झगड़ो करावनो क होतीयार छे।
GEN 49:6 हे मारा जीव, हेन्दरा मर्म मा नी पोड़, हे मारी महिमा, हेन्दरी सभा मा झुणी मिळे; काहकी हुये रीस सी मानषो क मार देदा, आरु आपसीत मोरजी पोर चालीन बयलीयो क लेंगड़ा बोनायो।
GEN 49:7 धिक्कार हेन्दरा रीस क, जो प्रचण्ड हुतो; आरु हेन्दरो रोष क, जो निर्दय हुतो; हांव हेनद्रा याकुब मा आंगेआंगे आरु इस्राएल मा तितर बितर कोर दिस।
GEN 49:8 हे यहुदा, तारा भाई तारो धन्यवाद कोरीस, तारा हात तारा शत्रु क गोळा पर पोड़से; तारा बाबा क पुर्य तुसे वान्दसे।
GEN 49:9 यहुदा नाहोर क पुर्य छे। हे मारा पुर्य, तु अहेर कोरीन गुफा मा गोयो छे हुयो नाहार एने नाहरनी क जोसो दोबीन बोस गोय; ओळी कुन हेनुक छेड़से। (प्रका 5:5)
GEN 49:10 जोत्यार लोगुन शीलो नी आवे ती लोगुन नी ते यहुदा सी राजडोन छुटसे, नी हेरो ओवलियाद सी व्यवस्‍था आपनेवाळु आंगे होयसे; आरु राज राजन मानुस हेरा होक क होय जासे। (युह. 11:52)
GEN 49:11 हुये आपसा जुवान्या गोदड़ा क दाखलता मा, आरु आपसा गोदडी क पिला क वारु जाती क दाखलता मा बान्धया कोरसे (प्रका 7:14, प्रका 22:14) हुये आपसा छिन्दरा दाखमधु मा, आरु आपसी पेहरोट दाखो क रस मा धोयो छे।
GEN 49:12 ओका डुळा अंगुरन रस जसी चमकीला आरु ओका दात दुध जसा धळा होयसे
GEN 49:13 जबुलुन दरिया धोड़े पोर रोया कोरसे, आरु ढोन्या क लिय बंदरगाह क काम कोरसे, आरु ओको परलो वाटू सीदोन क धोड़े पुगसे
GEN 49:14 इस्‍साकार एक मोटो आरु बलवन्त गोदड़ो छे, जे ढुरो क वाड़ा क वीच मा लुटलो रोहे छे।
GEN 49:15 हुयो एक आरामोनजागु देखिन, कि वारु छे, आरु एक देश, क मनोहर छे, आपसा खादा क बोझ चुटने क लिय झुकायो, आरु बेगारी मा दास क सो काम कोरने लाग्यो।
GEN 49:16 दान इस्राएल क एक गोत्र होईन आपसी जाती भाई क नीयाव कोरसे।
GEN 49:17 दान वाट मा क एक घोड़सो, आरु वाट्ये मा क एक नाग होयसे, जु घुल्‌ला क नळी क डोसतो छे, जेनासीइ ओको सोवर पोछोळ हिट पोड़े छे।
GEN 49:18 हे योहोवा, हांव तारी सी छुटकारो पावने क वाट जुवो।
GEN 49:19 गाद पोर एक दल चोढ़ाई ते कोरसे; बाखुन हुये हेना दल क पोछोला वाटा पोर आक्रमण करसे।
GEN 49:20 आशेर सी ज आन पोयदा हुयसे चो वारु हुयसे, आरु हुयो राजा क योग्य सोवादो खानो आप्या कोरसे।
GEN 49:21 नप्ताली एक छुटली होयनी छे; हुयो घाटावी वात कोहे छे।
GEN 49:22 युसुफ बलवन्त लता क एक डाळ छे, हुयो सोता क पास लागली होयी फलवन्त लता क एक डाळ छे; ओकी डाळ्या भितड़ा पोर सी चोड़ीन खोव्‌वाय जाय छे।
GEN 49:23 धनुर्धारि न ओको खेदित कोर्या, आरु हेरे पोर तीर देये, आरु ओका पोछोळ पोड़े छे।
GEN 49:24 बाखुन हेरो धोन्दली दृढ़ रयो, आरु ओका बाहा आरु हात याकुब क हेरो जुरभोर्या परमेश्वर क हातो क द्वारा छाटा हुया, जेरे पास सी हुये गुवाळ्या आवसे, जे इस्राएल क चाफर्या वी कोहायसे।
GEN 49:25 यो तारा बाबा क हेना परमेश्वर क काम छे, जुळ तारी मोदोत कोरसे, हेना जुरभोर्या क जो तुसे उपोर सी वादळा मा क बोरकोत, आरु नेचा सी उन्डा जळ मा क बोरकोत, आरु स्तनो, आरु कुख क बोरकोत आपसे।
GEN 49:26 तारा बाबा क बोरकोत मारा पितरों क बोरकोत सी सोटो वोद गोयो छे आरु सनातन बोयड़ा क मनचाही चीजो क जोसो बोनलो रोहसे चे युसुफ क मुनका पोर, जो आपसा भाई सी ओलोग कोर्‌यो गोयो हुतो, हेरात मुनका क मुकुट पोर फुले फळसे।
GEN 49:27 बिन्यामीन फाड़नेवाळु लेंडियो छे, सोंदारे ते हुयो अहेर मारसे, आरु सान्तु क लुटलो वाट लेसे।
GEN 49:28 इस्राएल क बारा गोत्र येत छे आरु ओका बाबा न जेना जेनाक बुल सी बोरकोत आप देदु, चे येत छे; एक एक क हेरा बोरकोत क ओनसारे हुयो बोरकोत आप्यो।
GEN 49:29 ती हुयो यो कोहीन हेनुक हुकुम आप्यो, हांव मारा मानषो क पुठी मिळने पोर‌ छे: ओतरान कोरिन मेसे हित्ती एप्रोन क जागावाळी गुफा मा मारा डाहडा क पुठी धुळु आपजु, (प्रेरि 7:16)
GEN 49:30 यानी हेना गुफा मा जो कनान देश मा मम्रेक ओगोळ वाळी मकपेला क जागा मा छे; हेना जागा क अब्राहम न हित्ती एप्रोन क हात सी ओतरान कोरिन मुले लेदो हुतो, कि हुयो बिड़ा क लिय ओको वावड़्यो जागो होय।
GEN 49:31 “होंया अब्राहम आरु ओकी घोरवाळी सारा क धुळु आपलो हुतो; आरु हुयो इसहाक आरु ओकी घोरवाळी रिबका क वी धुळु आपला; आरु हुयो हांव लिआ क वी धुळु आपलु।
GEN 49:32 हुयु जागु आरु हेरेम क गुफा हित्ती क हात सी मुले लेदला।”
GEN 49:33 याकुब जब आपसा पुर्याक यो हुकुम आप्यो हुतो, ती आपस पाय खाटला पोर सेमटीन जीव छुड़्यु, आरु आपसा मानसो मा जाय मिळ्यु। (प्रेरि. 7:15)
GEN 50:1 तोत्यार युसुफ आपसा बाबा क मुयो पोर पोड़ीन रोड़्यु आरु ओको गुळा देदु।
GEN 50:2 आरु युसुफ न हेनु वैद्यो क, जे हेरा चाखर्या हुता, हुकुम आप्यो की हेर बाबा क धड़ मा आनतर तेल भोर; दीयात वैद्यो न इस्राएल क धड़ मा गोंदायन्यो तेल भोर दियात।
GEN 50:3 आरु ओका चाळीस दाहड़ा पुरा हुया, काहकी जेरा धड़ मा गोंदायन्यो तेल भोर देये, ओको ओतरात दाहड़ा पुरा लागतला छे; आरु मिसरी मानुस ओका लिय सत्तर दाहड़ा लोगुन कलपिया कोरता रोया।
GEN 50:4 जब ओका कलेपणेन क दाहड़ा वित गोया, ती युसुफ फिरोनन क घोराना क मनुष सी कोहने लाग्या, “काहमाईन तुमरा गिन क निगाह मार पोर होय ती मारी यी खबर फिरोन क सोमवाड़ु,
GEN 50:5 मारु बाबु न यो कोहीन, ‘देख हाऊ मोरने मा छे,’ मेसे यु वायदु खावाड़्यु, ‘जो बिड़ो हांव आपसा जुगु कनान देश मा खुँदाड़लु छे हेना मा तु मेसे धुळु आपजी।’ ओतरान कोरिन हिमि मेसे होंयाँ जाईन मारा बाबा क धुळु आपनेन हुकुम आप, तेर वाद मा पोछू आत रोहीस।”
GEN 50:6 ती फिरोन न कोयो, “जाईन आपसा बाबा क खादला वायदा क ओनसारे ओको धुळु आप।”
GEN 50:7 ओतरान कोरिन युसुफ आपसा बाबा क धुळु आपने क लिय चाल्यो, आरु फिरोन क आखा कामकोरन्या, यानी हेरा घोर क पुरनिया, आरु मिसर देश क आखा पुनिया ओका पुठी चाल्या।
GEN 50:8 आरु युसुफ क गर क आखा मानषे, आरु ओका भाई, आरु ओका बाबा क घोर क आखा मानुस वी पुठी गोया; बाखुन हुये आपस बाळ बोच्‌चा, आरु गाडरा बुकड़ा, आरु गाय बुईल क गोशेन देश मा छुड़ीन गोया।
GEN 50:9 आरु ओका पुठी घुड़ागाड़ी आरु सोवार गोया, ओस कोरीन भीड़ घोने जोबोर होय गोय।
GEN 50:10 जोत्यार हुये आताद क खलिहान लोगुन, जे यरदन नदी क पार छे, पुग्या, ती होया घोने जोबोर विलाप कोर्या, आरु युसुफ न आपसा बाबा क लिय सात दाहड़ा क विलाप कोरायो।
GEN 50:11 आताद क खलिहान मा क विलाप क देखिन हेना देश क मानुस कनानी न कोया, “यो ते मिसरी क काई घोनो विलाप होसे।” कोरीन हेना जागा क नाव अबिलमिसरेम पोड़्यो, आरु हुयो यरदन क पार छे।
GEN 50:12 इस्राएल क पुर्या न ठिक चोत काम कोर्या जोसो हुयो हेनुक हुकुम आप्यो हुतो:
GEN 50:13 यानी हुये ओको कनान देश मा ली जाईन मकपेला क हेनी जागावाळी गुफा मा, जि मम्रे क ओगोळ छे, धुळु आप्या; जेनाक अब्राहम न हित्ती एप्रोन क हात सी ओतरान कोरिन मुले लेदा हुता, की हुये बिड़ा क लिय हेन्दरी वावड़्यु जागु होय।
GEN 50:14 आपसा बाबा क धुळु आपीन युसुफ आपसा भाष्यो आरु हेनु आखा भेळ, जु हेरा बाबा क धुळु आपने क लिय ओका पुठी गोया हुता, मिसर पोछा आया।
GEN 50:15 जब युसुफ क भाईष्यो न देख्या कि आमरु बाबु ते मोर गोयलु छे, ती कोहने लाग्या, “कदाचित् युसुफ हिमी आमरे पोछोळ पोड़े, आरु जोतरी कुहराय हेर सी आपनु कोरला हुता आखा क बोदलो आपने सी लेये।”
GEN 50:16 ओतरान कोरिन हुये युसुफ क पास यो कोय मुकल्या, “तारा बाबा न मोरने सी पेहेल आमुक यो हुकुम आप्यो हुतो,
GEN 50:17 तुमु मानुस युसुफ सु ओस कोरीन कोहजु, की हामु विनता कोरजे, की तु आपसा भाष्यो क गुना आरु पाप क माफ कोर; हामु तार सी कुहराय कोर्या हुता, बाखुन हिमी आपसा बाबा क परमेश्वर क दासो क गुना माफ कोर” हेन्दरी यी वात सोमळीन युसुफ रोड़ पोड़्यु।
GEN 50:18 आरु ओका भाई आपसात वी ओका ओगोळ नेड़ा पोड़्या, आरु कोया, देख, हामु तारा दास छे।
GEN 50:19 युसुफ न हेनुक कोयु, “मा बिहयु, काय हांव परमेश्वर क जागा पोर छे?
GEN 50:20 बाखुन तुमु मानुस मारे जुगु कुहराय क विचार कोरला हुता; बाखुन परमेश्वर न हेनी वात मा भोलान विचार कोर्‌यो, जेरेसी हुयो ओसो कोरे, जोसे आज क दाहड़े प्रगट‌ छे, की बेस का मानुस क जिव नी वाचलो छे।
GEN 50:21 ओतरान कोरिन हिमी मा बिहयु: हांव तुमरु आरु तुमरा बाळ बोच्‌चा क पाळन पुषोन कोरतु रोहीस।” ओस कोरीन हेनुक सोमझाड़िन हेमोत आप्यु।
GEN 50:22 युसुफ आपसा बाबा क घराना भेळ मिसर मा रोहतु रोयु, आरु युसुफ एक सोव दस साल जिवतलु रोयु।
GEN 50:23 आरु युसुफ एपरेम क परपोता लोगुन क देखने पायो आरु मनश्शे क पोता, जो माकीर क पुर्य हुतो, चे पोयदा हुया आरु युसुफ न हेनुक खुळाम लेदु।
GEN 50:24 युसुफ न आपसा भाष्यो सी कोयु, हांव ते मोरने पोर छे; बाखुन परमेश्वर छाचीन तुमुक फोम राखसे, आरु तुमुक इन देश सी निकाळीन हेना देश मा पुगाड़ देसे, जेनाक आपने क हुयो अब्राहम, इसहाक, आरु याकुब सी वायदु खादलु होतु (इब्रा 11:22)
GEN 50:25 ओळी युसुफ न इसराएलीयो सी कोयो कि परमेश्वर छाचीन तुमुक फोम राखसे, हेनुक इना वाराम क वायदु खावाड़्यु, हामु तारा हाड़का क याँ सी हेना देश मा ली जासु (इब्रानियो 11:22)
GEN 50:26 ओस कोरिन युसुफ एक सोव दस साल क होईन मोर गोयो; आरु ओका धड़ मा गोंदायन्यो तेल भोर देदा, आरु हुयो धड़ मिसर मा एक सन्दुक मा मेल देदा।
EXO 1:1 याकुब न पोर्या क नाव, जो आपसा- आपसा घराना को लीन याकुब क साथ मा मिसर देश मा आया, चे या छे;
EXO 1:2 रुबेन, शिमोन, लेवी, यहुदा,
EXO 1:3 इस्साकार, जबुलुन, बिन्यामीन,
EXO 1:4 दान, नप्ताली, गाद, आरु आशेर।
EXO 1:5 आरु युसुफ ते मिसर मा पेहलुत आय गयलो हुतो। याकुब क आपसी ओवलियाद मा सी पयदा हुयला त्या आखा मेळीन सत्तर लोगहन हुता।
EXO 1:6 युसुफ आरु सब उना भाईस, आरु उनी पीढ़ीन सब लोगहन मर गया।
EXO 1:7 पुन इसराएल नी ओवलियाद जादा पयदा हुयने लाग गय; आरु त्या घण जबर ताकत वाळा बनता गया; आरु अतरा जादा वद गिया कि सारो मिसर देश उन लोगहन सी भराय गियो।
EXO 1:8 मिसर देश मा एक नवलो राजा राज गाद्दी पर बठ्यो जो युसुफ को नी जानतो हुतो।
EXO 1:9 आरु त्यो आपसा लोगहन सी कयो, “देखो, इसराएली लोगहन हामरे सी गिनती आरु ताकत मा घण जबर वद गयला छे।
EXO 1:10 अतरान करीन आवो, हामु त्या लोगहन क साथ मा ओकल सी व्यहवार करजे, असो नी त्या कि कदाम त्या घण जबर वद जाय, आरु लड़ाय करनेन दाहड़ा आय पड़े, ती त्या हामरा वैरी सी मेळ करीन हामरे साते लड़ाय करे आरु इना मिसर देश सी निकळ जाय।”
EXO 1:11 अतरान करीन मिसर देश वाळा उन लोगहन क लिये रिकामा काम करने वाळा नेवाड़ीया कि त्या इस्राएल क लोगहन पर मुखी भार न्हाकी-न्हाखीन दु:ख दिया करे; तव त्या फिरोन क लिये पितोम आरु रामसेस नावन नगर मा भण्डारन घर वाळा नगर बनाया।
EXO 1:12 पुन जसा-जसा त्या लोगहन दु:ख देता गया तसा-तसा इसराएली लोगहन वद्ता गिया; अतरान करीन इसराएली सी मिसर देश वाळा घण जबर बीह गिया आरु घुस्‍सो कनरनो लागी गयला हुता।
EXO 1:13 ती आरु मिसरी लोगहन इसराएली लोगहन सी वातड़ी चाकरी कराया;
EXO 1:14 आरु उन लोगहन के जीवन गारा, ईटड़ा आरु भाँती- भाँतीन काम न वातड़ी चाकरी करावीन जिवनो काठो कोर देदा; जिना बी काम त्या उन लोगहन सी चाकरी करावता हुता उना मा वातड़ो व्यवहार करता हुता।
EXO 1:15 शिप्रा आरु पुआ नावन दुय इबरी सुवारनी को मिसर देशन राजा हुकुम दिदो,
EXO 1:16 “जव तुमु इबरी बाय जात को पोखड़ाये तव धीयान से देखजु कदाम पोर्‌यो हय, ती उको मार देजु; आरु कदाम पोराय हय ती जीवती रहवने देजु।”
EXO 1:17 पुन ची सुवारनी योहोवा भगवान न बीक मानती हुती, अतरान करीन मिसर देशन राजान हुकुम नी मानिया आरु पोर्यान क जीवतला छुड़ देती हुती।
EXO 1:18 तव मिसर देशन राजा उन सुवारनीया क बुलावीन पुछियो, “तुमु पोर्यान क जीवतला छुड़ देय, ती असा काह करो?”
EXO 1:19 सुवारनीया फिरोन राजा को जवाब देदी, “इबरी जातीन बायरा मिसरी बायरान सारका नी हय; चे असा उतवाळीया छे कि सुवारनी न जाने सी पेहलुत उको पोर्‌यो पयदा हुय जाय।”
EXO 1:20 अतरान करीन योहोवा भगवान उन सुवारनी क साथ मा भलो करीयो; आरु त्या लोगहन वदीन घण ताकत वाळा हुय गया।
EXO 1:21 अतरान करीन कि सुवारनीया योहोवा भगवानन बीक मानती हुती आरु योहोवा भगवान हेनको घर बसायो।
EXO 1:22 तव फिरोन आपसी सारी परजान लोगहन को हुकुम दिदो, “इबरी जातीन जतरा पोर्या पयदा हुयला छे उन सब को तुमु नील नदी मा न्हाक देजो, आरु सब पोराईयो को जीवता छुड़ देजो।”
EXO 2:1 लेवी क घरानान एक मनुस एक लेवी जाती न बायर सी वीयाव कर लिदो।
EXO 2:2 ची बायर भार पाये हय आरु उको एक पोर्‌यो पयदा हुयो; आरु यो देखीन कि त्यो बाळो घाटाळो छे, उना उनासी बाळा क तीन महीना तक सातीन राखी।
EXO 2:3 जव ची बायर उको जादा समय तक सातीन नी राख सकी तव उका लियन टुकरान बनावली एक खिल्‌ली लेदी आरु उनी पर चिकनु धुळु आरु राल लगाड़ीन, उना मा बाळा को मेळीन नील नदीन काठा पर काहळान वीच मा छुड़ी आवी।
EXO 2:4 उना बाळान बयनी दुर उबी रहवी यो देखने कि ओको काय हाल हुयसे।
EXO 2:5 तव फिरोन राजान पोराय ऊंगळने करीन नदी न काटा पर आवी; ओकी पावराय बी काठा पर फिरती हुती; तव ची काहळान वीच मा खिल्‌ली को देखीन आपसी पावराय को उको ली आवने करीन लेने मोकली।
EXO 2:6 तव फिरोन राजान पोराय उनी खिल्‌ली काजे उगाड़ीन देखी कि उका मा रोड़तलो एक बाळो छे; तव उको उना बाळा पर दया आवी आरु ची कयने लागी, “यो ते इबरी जाती बाळो हसे।”
EXO 2:7 तव बाळान बयनी फिरोन राजा नी पोरय सी कयने लागी, “काय हांव जाईन इबरी बायर माईन काहली एक बाय को तारे पास बुलाय लावो जो तारे लिये बाळा को दुध पिवाड़िया करे?”
EXO 2:8 फिरोन न पोराय कहवी, “जा।” तव ची पोराय जाईन बाळान माय को बुलाय लावी।
EXO 2:9 फिरोन राजा न पोराय उना सी कयी, “तु इना बाळा को ली जाईन म्हारे लिये दुध पाया कर, आरु हांव तुको दाहड़की देय दिस।” तव ची बायर बाळा को ली जाईन दुध पावने लागी।
EXO 2:10 जव बाळो थुड़क मोटो हुयो तव ची उना बाळा को फिरोन न पोराय क पास मा ली गय, आरु त्यो उको पोर्‌यो बनियो; आरु ची यो कयीन उको नाव मुसा राखी, “कि हांव उको पानी मा सी निकावली हुती।”
EXO 2:11 जव मुसा जुवान हुयो, आरु उना दाहड़ा मा बाहर आपसा भाईबनिया क पास जाईन उन लोगहन क दु:खो क देखने लागीयो; तव त्यो देखियो कि कोय मिसरी मनुस ओको एक इबरी को सात लड़ाईन उको दी रयो।
EXO 2:12 जव मुसो अथोन-अथो देखियो कि कोय नी हय, तव उना मिसरी मनुस को मुसो मारीन बालु रेतळा मा सात दीदो।
EXO 2:13 ओळते दिसरे दाहड़े बाहर जाईन देखियो कि दुय इबरी मनुस आपसुत लड़ाय कर रीया; ती मुसो गुनाका मनुस को कयो, तु तारा भाई क काय लेने दी रयो?
EXO 2:14 त्यो मनुस कयो, “कुन तुको हामरे पर हक राखनीयो मुखी आरु नियाव करने वाळो बनायो? जिने रीतिये तु मिसरी मनुस को मार न्हाकीयो तिनिये रीतिये तु मेखे बी मारने हुय रीयो?” तव मुसा यो सोचीन बिह गयो कि छाची यी वात उजन्ती हुय गय।
EXO 2:15 जव फिरोन इनी वात को समळीयो तव मुसा को मार न्हाखने योजना बनायो। पुन मुसा फिरोन क सामने सी ढास गियो, आरु मिद्यान देश मा जाईन रोहने लाग्यो; आरु त्यो वाँ सारी एक कुँवान पास मा जाईन बठ गियो।
EXO 2:16 मिद्यान न पुजारान सात पोराय्यो हुती; आरु ची वाँ आवीन पानी भरने लागी कि कठड़ा मा पानी भरीन आपसा बाप न गाडरा-बुकड़ा को पानी पिलावे।
EXO 2:17 तव गुवाळीया आवीन हेनको छेटा करने लागीया; अतरा पर मुसा उबो हईन उनी पोराईयोन मद्त करीयो, आरु गाडरा–बुकड़ान को पानी पिवाड़ियो।
EXO 2:18 जव ची पोराईयो आपसा बाप रुएल क पास आर आवी, तव त्यो पोराइयो सी पुछियो, “काय कारण छे कि आज तुमु अतरा छाटा आत रीया?”
EXO 2:19 चे कया, एक मिसरी मनुस हामुक गुवाळीया सी छुड़ायो, आरु हामरे लिये घण सवटो पानी भरीन गाडरा–बुकड़ान को पिवाड़ियो।
EXO 2:20 तव रुएल आपसी पोराईयो सी पुछियो, “त्यो काँ छे? तुमु उको काय लेने छुड़ी आया? उको बुलाय लावो कि त्यो खानो खाय।”
EXO 2:21 आरु मुसा उना मनुस क सात मा रयने खुश हुयो; त्यो मुसा सी आपसी पोराय सिप्पोरा सी वियाव कर दीदो।
EXO 2:22 आरु उको एक पोर्‌यो पयदा हुयो, तव मुसा यो कयीन कि, हांव बाहर देश मा परदेशी छे, करीन उको नाव गेर्शोम राखियो।
EXO 2:23 घण दाहड़ा क बाद मिसर क राजा मर गियो। आरु इसराएली वातड़ी सेवान कारण ओकी–ओकी दम लेने लागीया, आरु आयड़ता हुता, आरु उन लोगहन की वातड़ी सेवा क कारण हेनको आयेड़नो योहोवा भगवान तक पुग गियो।
EXO 2:24 आरु योहोवा भगवान उन लोगहन क आयेड़नो समळीन ओकी वाचा को, जो योहोवा भगवान अबराहम, आरु इसहाक, आरु याकुब क साथ मा बाँधली हुती फोम करीयो।
EXO 2:25 आरु योहोवा भगवान इसराएली लोगहन पर नजर लगाड़ीन मन लगाड़ीयो।
EXO 3:1 मुसा आपसा सेसरा यित्रो नावन मिद्यान क पुजारान गाडरा–बुकड़ान क चारावतो हुतो; आरु‍ त्यो गाडरा–बुकड़ान को जंगलो मा पश्चिम तरफ होरेब नावन योहोवा देव बयड़ान पास मा ली गियो।
EXO 3:2 आरु योहोवा देवोन दुत एक काटा वाळी झाड़ोन वीच मा आग्ठान लपट मा मुसा को दर्शन दीदो; आरु त्यो नजर नाखीन देखियो कि झाड़को धप रीयो, पुन खतम नी हुयती।
EXO 3:3 तव मुसा आपसा मोनोम विचारीयो, हांव हतो जाईन इना विछेळीया काम को देखीस कि त्यो झाड़को काह नी धपतो।
EXO 3:4 जव योहोवा देव यो देख्‌यो कि मुसा देखने करीन आय रीयो, तव योहोवा देव झाड़ीन वीच मा सी मुसा को आयड़ी कयो, “ए मुसा, ए मुसा” मुसा कयो काय, काय हुकुम।
EXO 3:5 योहोवा देव कयो, उरो मा आवे, आरु तारा पाय मा सी खासड़ा निकाळ दे, काहकी जिना जागा पर तु उबो हुय रीयो त्यो चुखलो छे।
EXO 3:6 अतळते त्यो कयो, हांव तारा बाप को परमेश्वर, आरु अबराहम को परमेश्वर, इसहाक क परमश्वेर, आरु याकुब को परमेश्वर छे। तव मुसा जो योहोवा देव न तरफ भावनेन बिह गोयी, एकालिय उको मुय ढाक लीदो।
EXO 3:7 अळते योहोवा देव कयो, “हांव म्हारी जातीन क लोगहन जो मिसर मा छे हेनका दु:ख को छाचो देखलो छे, आरु वातड़ी मेहनत करावने सी हेन्को आयेड़ेन ओवाज उको हांव बी समळलो छे, आरु हेन्दरी पीड़ा पर हांव मन लगाड़ीयो।
EXO 3:8 अतरान करीन अब हांव नेचो उतरी आवलो छे कि उन लोगहन को मिसरीयान हाथ मा सी छुड़ावो, आरु उना देश सी निकाळीन एक वारला आरु मोटा देश मा जिना मा दुध आरु माहळन धार उहवे, मतलब कि कनानी, हित्ती, एमोरी, परिज्जी, हिव्वी, आरु यबुसी लोगहन क जागा मा पुगाड़ीस।
EXO 3:9 अतरान करीन अब समळ, इसराएलीयान आयेड़नो मखे समळाय पड़ियो, आरु मिसरीयान उन लोगहन वेला पाड़नो बी मखे देखाय पड़लो छे,
EXO 3:10 अतरान करीन आव, हांव तुको फिरोन क पास मुकलो कि तु इसराएल जातीन लोगहन को मिसर देश सी निकाळ ली आवे।”
EXO 3:11 तव मुसा योहोवा सी कयो, “हांव कुन छे, जो फिरोन क पास मा जामो, आरु इसराएलीयो को मिसर देश सी निकाळ लावो?”
EXO 3:12 योहोवा देव कयो, पाको हांव तारे साते रहीस; आरु इनी वात को कि तुखे मोकलने वाळो हांव छे, तारे लिये यी सोहलानी रहवसे; कि जव तुउन लोगहन को मिसर देश सी निकाळ लीस तव तुमु इनात् बयड़ा पर म्हारी सेवा भक्ती करसु।
EXO 3:13 मुसा योहोवा देव सी कयो, जव हांव इसराएलियो क पास मा जाईन हेनको यो कयो, कि तुमरा डाहडान देव मखे तुमरे पास मोकलीयो, तव कदाम त्या म्हार सी पुछे, उको नाव काय छे? तव हांव उन लोगहन को काय देखाड़ीस?
EXO 3:14 योहोवा देव मुसा सी कयो, “हांव जु छे चु छे।” ओळते त्यो मुसा सी कयो, तु इसराएलियो सी कयजी जेरो नाव हांव छे चो छे त्यो मखे तुमरे याँह मोकलीयो।
EXO 3:15 ओळते योहोवा देव मुसा सी यो बी कयो, तु इसराएलियो सी यो कयजी, तुमरा डाहडान योहोवा देव, मतलब अबराहम को परमेश्वर, इसहाक को परमेश्वर, आरु याकुब को परमेश्वर, त्योत् मखे तुमरे पास मोकलीयो। देख सदा तक म्हारो नाव योत् रयसे, आरु पीढ़ी–पीढ़ी मा म्हारी फोम इना सी हुया करसे।
EXO 3:16 अतरान करीन अब जाईन इसराएली डाहडान को एखटा कर, आरु उन लोगहन सी कय तुमरा डाहडा अबराहम, इसहाक, आरु याकुबन परमेश्वर, योहोवा मखे दर्शन दीन कयलो छे कि हांव तुमरे पर आरु तुमरे साते जो गलत व्यवहार मिसर हुयतलो उना पर मन लगाड़लो छे;
EXO 3:17 आरु हांव ठान लियो कि तुमुक मिसर देशन दु:ख मा सी निकाळीन कनानी, हित्ती, एमोरी, परिज्जी, हिव्वी, आरु यबुसी लोगहन क देश मा ली जाईस, जो असो देश छे कि जिनाम मा दुध आरु माहळनी धार उहळे।
EXO 3:18 तब त्या मान लेसे; आरु तु इसराएली डाहडान को सात मा ली जाईन मिसर देशन राजा को यो कयजी, इबरीयान परमेश्वर, योहोवा भगवान सी हामरी भेटावनी हुयली छे; अतरान करीन अब हामुक तीन दाहड़ान वाटिये जंगल मा जानी दे कि हामरा परमेश्वर योहोवा क बलिदान चढ़ावजे।
EXO 3:19 हांव यो जानो कि मिसर देशन राजा तुमुक जाने नी देय पुन एक मोटी ताकतुत तुमु लोगहन क जाने क लिय ओको वेला पाड़से।
EXO 3:20 अतरान करीन हांव हाथ बढ़ावीन उन सब पर विनछेळीया काम मिसरन वीच मा करीस उना देश को मारीस; आरु उना बाद त्यो तुमुक जाने देसे।
EXO 3:21 तव हांव मिसरी जाती सी म्हारी इनी जाती पर दया करावीस; आरु जव तुमु निकेळसु तव ठारला हाथ सी नी निकळु।
EXO 3:22 पुन तुमरी एक–एक बायर आपसी–आपसी पड़ोस वाळी, आरु आपसा–आपसा घर मा रहवने वाळी सी सोना चाँदीन गयनो, आरु छिंदरा मांग लेसे, आरु तुमु ओको तुमरा पोर्या आरु पोराईयोन को पेहरावजो; इनिये रीतिये तुमु मिसरी लोगहन को लुट लेसो।
EXO 4:1 तव मुसा जवाब दीदो, त्या तार पर विश्वास नी करे आरु नी म्हारी समळे, पुन कयसे, योहोवा तुखे दर्शन नी दीदो।
EXO 4:2 योहोवा देव मुसा सी कयो, “तारा हाथ मा त्यो काय छे?” मुसा बोलियो “लाकड़ी।”
EXO 4:3 योहोवा देव कयो, ओको धरती पर न्हाख दे। जव मुसा उको धरती पर न्हाक दीदो तव‍ त्यो घोड़सो बन गयो, आरु मुसा उना सामने सी ढास गीयो।
EXO 4:4 तव योहोवा मुसा सी कयो, हाथ बढ़ावीन ओकी छेमटी धर ले, काहकी त्या लोगहन विश्वास करे कि तुमरा आड़ाबुड़ा क परमेश्वर मतलब अबराहम क परमेश्वर, इसहाक क परमेश्वर, याकुब क परमेश्वर, योहोवा तुखे दर्शन आपलो छे।
EXO 4:5 ओस कोरीन चे भुरसु कोरसे जव हाथ बढ़ावीन उको धर लीदो तव त्यो उना हाथ मा पछी लाकड़ी बन गय। अबराहमन परमेश्वर इसहाकोन परमेश्वर आरु याकुबोन परमेश्वर मेसे दोरसोन आप्यु
EXO 4:6 ओळी योहोवा मुसा सी यो बी कयो, तारो हाथ छाती पर मेलीन ढाक ले। तसोत् मुसा उना हाथ छाती पर मेलीन ढाक लीयो; ओळते जव उको निकाळीयो तव यो देख्‌यो कि उको हाथ कुढ़न कारण बोरोफ क सारको धवळीयो हुय गयो।
EXO 4:7 तव योहोवा मुसा सी कयो, “तार हाथ छाती पर मेलीन ढाकले।” आरु मुसा ओको हाथ छाती पर मेलीन ढाक लीदो; आरु जव मुसा ओको हाथ छाती पर सी निकाळीयो ती यो देख्‌यो कि‍ त्यो ओळी आखा डीलोन तसो हुय गीयो।
EXO 4:8 तव योहोवा कयो, “कदाम त्या तारी वात पर विश्वास नी करे, आरु पेहली सोहलानी को नी माने, ती दिसरी सोहलानी पर विश्वास करसे।
EXO 4:9 आरु कदाम त्या इनु दुयु सोहलानी पर विश्वास नी करे आरु तारी वात को नी माने, तव तु नील नदी मा सी थुड़क पानी लीन सुखली धरती पर न्हाकजी; आरु जो पानी तु नदी सी निकाळीस त्यो सुकली धरती पर लुहुय बन जासे।”
EXO 4:10 मुसा योहोवा सी कयो, “ए म्हारा पोरबु। हांव बुलने मा पाको नी हय, नी ते पेहले हुतो, आरु नी जव सी तु तारा दास सी वात करने लागीयो; हांव ते मुयन बुबड़ो आरु जीभ को गुंगड़ो छे।”
EXO 4:11 योहोवा मुसा सी कयो, मानुस को मुय कुन बनायो? आरु मनुस को गुँगड़ो, या बेहरो, या देखने वाळो, या आंधवो, मखे छुड़ीन कुन बनावे?
EXO 4:12 अब जा, हांव तारा मुय सी जो काय तुखे कयनो छे त्यो तुखे सिखाड़तो जाईस।
EXO 4:13 त्यो कयो, “ए म्हारा पोरबु, थार सी विनती छे कि तु कुदा दिसरा मनुस को मोकली दे।”
EXO 4:14 तव पोरबुन रीस मुसा पोर भड़की। पोरबु कयो, काय लेवी ओवलियादन हारुन तारो भाईन नी होय? हांव जानो कि त्यो वारलो बुलसे देख, त्यो तार सी मिळने आय रोयो। जव त्यो तुसे देखसे तव आपसा काळजजा मा खुश होयजी।
EXO 4:15 तु उनासी वार कोरजी। आरु ओको बताड़जी की काय कोरनो छे, हांव तुको आरु उको बुलने मा मदत कोरीस। आरु तुमुक काय कोरनो छे, यो सिकाड़ीस।
EXO 4:16 हारुन तारे भेनि सी म्हार लोगहन सी वात कोरसे, त्यो तारो बुलन्यो हुयसे, आरु तु हेका लिय परमेश्वर सारको कोवायसे।
EXO 4:17 तु आपसा पुठी लाकुड़ ली जाजी, तु हेरे लारे मोटा काम कोरनेन सोहलानी देखाड़ीस।
EXO 4:18 मुसा वां सी चाली गुयो। त्यो आपसा सेसरा यितरो क पास गुयो। हेको कयो, मेसे जाने देवु हांव आपसा भाय बोन्या क पास, जे मिसर देश मा छे पोछा ली आवो। हांव जाईन देखीस की काय त्या हेमी जिवतला छे, यित्रो न मुसा सी कयो, “वारु शांती सी जा।”
EXO 4:19 पोरबु न मिद्यान देश मा मुसा सी कयो, मिसर देश क लौटी जा; काहकी जे लोगहन तारा जीव लेनो चाहता हुता, त्या आखा मोर गोयला छे।
EXO 4:20 मुसा न आपसी लाड़ी आरु पुर्या क गोदड़ा पोर बोसाड़्यो आरु मिसर देश भेनी निकळ्यो, आरु मुसा न परमेश्वर न उना लाकुड़ को लेदो।
EXO 4:21 तव योहोवा न मुसा सी कयो, जव तु मिसर देश मा पुगे तव धियान रोहे कि जे मोटला काम हांव तारा होक मा कोरल छे उना आखा क फिरोन क देखाड़जी; पुन हांव हेनको मोन वातड़ो कोरीस, आरु त्या म्हार लोगन क जाने नी देये।
EXO 4:22 आरु तु फिरोन सी कोहजो, योहोवा असो कोहे छे, कि इस्राएल म्हार पुरीया पुन मारो पेहलो पुर्‌यो छे,
EXO 4:23 आरु हांव ज तुसे कोहलो छे कि म्हार पुर्या क जाने दे की त्या म्हार वायदान चाखरी कोरे; आरु तु न हेमि लगुन हेको जाने नी देदो, एना कारण हांव हेमी तारा मोटला पुर्या को मारीस।
EXO 4:24 तव असो हुयो कि वाट मा धोरोमसाहवा मा योहोवा न मुसा को मार नाखनो चाहाया।
EXO 4:25 तव सिप्पोरा न एक धारवाळो दगड़ो लीन आपसा पुर्यान खाल क काट नाखी, आरु मुसा क पायोम यो कोहीन नाख देदा, छाचिन तु म्हार लिय लुहुय उहवाड़ने वाळो म्हारो धेनी छे।
EXO 4:26 तव योहोवा न हेको छुड़ देदो, उना टेमे खतना क कारण त्या बुली, “तु लुहुय उहवाड़ने वाळो धेनी छे।”
EXO 4:27 तव योहोवा न हारुन सी कयो, “मुसा सी मिळने कोरीन जंगल मा जा।” त्यो गुयो आरु परमेश्वर क बोयड़ा पोर उनासी मिळ्यो आरु मुसा को गुळु देदो।
EXO 4:28 तव मुसा न हारुन को यो बतलायो कि योहोवा न काय काय वात कोविन हेको मुकल्यो छे, आरु काहनली काहनली सोहलानी देखाड़नेन हुकुम हेको आपलो छे।
EXO 4:29 तव मुसा आरु हारुन ज जाईन इसराएलीयो क आखा डाहडा क एकठा कोर्या।
EXO 4:30 आरु जोतरी आखी वात योहोवा न मुसा सी कोयो हुतो ची आखी वात हारुन न हेको समवाड़्यो, आरु लोगहन क डुळा अगळ त्या सोहलानी वी देखाड़्या।
EXO 4:31 आरु लोगहन न हेनको विश्वास कोर्या; आरु यो समळीन कि योहोवा न इसराएलीयोन फोम करीयो आरु हेनका दुख पोर निंगा कोरलो छे, त्या मुनका नेचा करीण वांद्या।
EXO 5:1 तव मुसा आरु हारुन जाईन फिरोन सी कया, “इसराएल को योहोवा भगवान यो कहे: म्हारी परजान लोगहन को जाने दे कि त्या जंगल मा म्हारे लिए एक तिहवार मनावे।”
EXO 5:2 फिरोन कयो, “योहोवा कुन छे कि हांव ओको वचन मानीन इसराएली लोगहन को जाने द्योव? हांव योहोवा को नी जानो, आरु हांव इसराएलीयान को नी जाने द्योव।”
EXO 5:3 त्या कय इबरीयान योहोवा भगवान हामरे सी मेवायलो छे; अतरान करीन हामुक जंगल मा तीन दाहड़ान वाटिये जाने दे, कि हामरा योहोवा भगवान को बलीदान करजे, असो नी हये कि त्यो हामरे मा मरी फैलावे या तोलवार चलाड़े।
EXO 5:4 मिसरन राजा उन लोगहन सी कयो, ए मुसा, ए हारुन, तुमु काहा लोगहन को काम छुड़ावने हय रीया? तुमु जाईन तुमरो-तुमरो काम करो।
EXO 5:5 आरु फिरोन कयो, सुनो, इना देश मा त्या लोगहन घणा हुय गयला छे, हिमी तुमु उन लोगहन को काम सी आराम आपाड़ने हिय रिया!
EXO 5:6 फिरोन उना दाहड़े तिनु काठी मेहनत कराने वाळान को जो उन लोगहन पर हुता, आरु उन लोगहन क मेटड़ा लोगहन को यो हुकुम दिदो,
EXO 5:7 “तुमु जो अब तक इटड़ा बनावने करीन लोगहन को चारान ढिग दिया करतो हुतो अब ओगळ कथो झुण आपे; त्या आपसुत् जाईन च्यारु एखटा करसे।
EXO 5:8 तव बी जतरा ईटड़ा उन लोगहन को बनावनो पड़तलो ततरात् ओगो बनाय मांगजी, इटड़ान गिनती थुड़ीक बी झुण घटाड़े; काहकी त्या उजग्या छे, इना कारण यो कहीन आयड़े, हामु जाईन हामरा योहोवा भगवान को बलीदान करजे।
EXO 5:9 उन मनुसो सी आरु जादा वातड़ो काम करावजी कि त्या उना मा वातड़ो काम करता रहवे आरु झुटी वातो पर मन नी लगाड़े।”
EXO 5:10 तव लोगहन को काम करवाने वाळा आरु मेटड़ा बाहर जाईन उन लोगहन सी कया, फिरोन असो कहे, कि हांव तुमुक च्यारु नी आपो।
EXO 5:11 तुमुत् जाईन जाँ काहा बी च्यारु जड़े वाँ सी उको एखटो करीन ली आवु; पुण तुमरो काम थुड़ोक बी नी घटाड़ो।
EXO 5:12 अतरान करीन त्या लोगहन सारा मिसर देश मा तितर-बितर हुय गिया कि चारान बदले खुट्या एखटा करे।
EXO 5:13 काम करावने वाळा यो कहीन उन लोगहन को उतवाळी करावता रिया, कि जिनिये रीतिये तुमु धुळु मांगीन काम करता रया तसात् तुमरो दाहड़ीन काम हेमी बी पुरो करो।
EXO 5:14 आरु इसराएलीयो मा सी जिनु सरदारीयान को फिरोन न काम करनीया उन लोगहन क आदिकारीया बनावला हुता त्या घण मार खादा आरु उन लोगहन सी सरदारीया पुछिया कि काय ओसो छे कि तुमु तुमरी आपली गिनतीन अनसारे पेहलेन तसा काल आरु आज पुरी नी कराया?
EXO 5:15 तब इसराएलियान सरदारीया जाईन फिरोन सी यो कहीन रावनिया करीया, “तु तारा दासो सी असो व्यवहार काह कर रीयो?
EXO 5:16 तारा दासोन को च्यारु ते आपता नी आरु त्या हामरे सी कयता रहे, कि ईटड़ा बनावो, आरु तारा नेवाड़ला दास लोगहन बी मार खादा; पुण गुनु तारात् लोगहन को छे।”
EXO 5:17 फिरोन कयो, तुमु उजग्या छे, उजग्या; अतरान करीन तुमु यो कहवो की हामुक योहोवा भगवान क लिये बलिदान चढ़ावने जाने दे।
EXO 5:18 अब जाईन तुमरो काम करो; आरु च्यारु तुमुक नी आपजे। पुण इटड़ान गिनती पुरी करनो पड़से।
EXO 5:19 जव इसराएलीयान सरदारीया यी वात समळीया तिन्दरा ईटड़ान गिनती नी घटे, आरु दाहड़ीन ततरोत् काम करनो पड़से, तव त्या जान गया कि उन लोगहन पर काठला दाहड़ा आय गिया।
EXO 5:20 जव त्या फिरोनन सामने सी बाहर निकळी आया तव मुसा आरु हारुन, जो तिन्दरे सी मेळ भेट करने करीन उबा हुय रीया हुता, उन लोगहन को भेटीया;
EXO 5:21 आरु त्या लोगहन मुसा आरु हारुन सी कया, योहोवा भगवान तुमरे पर नजर करीन नियाव करे, काहकी तुमुत् हामुक फिरोन आरु उना आदिकारीयान नजर मा खुटा बनावीन हामुक मारवने करीन उन लोगहन क हाथ मा तोलवार आप देदला छे।
EXO 5:22 तव मुसा योहोवा भगवान क पास पछो जाईन कयो, “ए पोरबु, तु इनी जाती काजे काहा तोकलीप आप रोयु? आरु तु मखे याँ सारी काहा मोकलीयो?
EXO 5:23 जव सी हांव तारा नाव सी फिरोन क पास वात करने करीन गियो तव सी त्यो इनी जातीन साथ खुटो व्यवहार करियो, आरु तु तारी जातीन लोगहन को काय बी छुटकारो करियो।”
EXO 6:1 तव योहोवा भगवान मुसा सी कयो, “जो वेवहार हांव फिरोन क पुठी कोरीस, हेमी तु ओको देखीस। त्यो म्हार मोटी ताकोक क कारन आपसा देश सी ओको मुकलसे। विनभुरसे म्हार मोटी ताकोत क कारण त्यो ओको निकाळ देसे।”
EXO 6:2 योहोवा भगवान मुसा सी कयो, हांव योहोवा भगवान छे।
EXO 6:3 हांव आखा सी मोटो ताकोत वाळो भगवान क नाव सी अबराहम, इसहाक, आरु याकुब को दर्शन देतो हुतो, पुण योहोवा भगवान क नाम सी तिन्दरे पर उजेन्तो नी हुयो।
EXO 6:4 आरु हांव उन लोगहन क साथ मा म्हारी वाचा वातड़ी करलो छे, मतलब कनान देश जिना मा त्या बाहर देश वाळा बनीन हयता हुता, त्यो हेन्को आपदेयो।
EXO 6:5 इसराएली जिनुक मिसरी लोगहन आपसा हको तळे राखे, तिन्दरो आयेड़नो बी समळीन हांव म्हारी वाचाक फोम करलो छे।
EXO 6:6 अतरान करीन तु इसराएलीया सी कय, हांव योहोवा भगवान छे, आरु तुमुक मिसरीयान भारो तळे रईन निकाळीस, आरु तिन्दरा गुलामी सी तुमुक छुड़ावीस, आरु म्हारो हाथ बढ़ावीन आरु वातड़ो दण्ड आपीन तुमुक छुड़ाय लीस,
EXO 6:7 आरु हांव तुमुक म्हारा लोग बनावने करीन मान लीस, आरु हांव तुमरो योहोवा भगवान ठेहरीस; आरु तुमु जान जासु कि हांव तुमको मिसरियान भारो तळे रईन निकाळ लायो।
EXO 6:8 आरु जिना देश को आपनेन हांव अबराहम, इसहाक, आरु याकुब सी हात उचो कोरीन वायदो करलो हुतो उनात् मा हांव तुमको पुगाड़ीन उको तुमरो होक बनाय दिस। हांव तो योहोवा छे।
EXO 6:9 यी सारी वात मुसा इसराएलीया लोगहन को समळाय दिदो; पुण हेनको मन दु:खी हुयने सी आरु गुलामीन वेलान कारण सी मुसान नी समळीया।
EXO 6:10 तव योहोवा मुसा सी कयो,
EXO 6:11 "तु जाईन मिसरन राजा फिरोन सी कय कि इसराएली लोगहन थार देश मा सी निकळी जाने दे।
EXO 6:12 आरु मुसा योहोवा सी कयो, "देख, इसराएली लोगहन म्हारी नी समळीया; ओळी फिरोन म्हार गुंगड़ान वात काहा समळसे?"
EXO 6:13 तव योहोवा मुसा आरु हारुन को इसराएली आरु मिसरन राजा फिरोन क लिये इनीये रीतिये हुकुम दीदो कि त्या इसराएली लोगहन को मिसर देश सी निकाळी ली जाय।
EXO 6:14 हेनका डाहडान क घरानान खास ओदमी या छे: इसराएलन पेहला खुळान रुबेन क पोर्‌यो हनोक, पल्लु, हेसरोन आरु कर्मी हुता; इनु सी रुबेनन खानदानी निकळी।
EXO 6:15 आरु शिमोन को पोर्‌यो: यमुएल, यामीन, ओहद, याकीन, आरु सोहर हुता, आरु एक कनानी बायोरन पोर्‌यो शाऊल बी हुतो; इनु सी शिमोन नी खानदनी निकळी।
EXO 6:16 लेवीन पोर्या जीनु सी ओवलियाद चाली, उन लोगहन क नाव यो छे: गेर्शोन, कहात आरु मरारी, आरु लेवीन पुरी उमोर एक सोव सयतीस साली हय।
EXO 6:17 गेर्शोन न पोर्‌यो जिनु सी हेनकी खानदानी चाली: लिबनी आरु शिमी हुता। ये आपसी जातीन डाहला हुता।
EXO 6:18 कहातन पोर्या: अम्राम, यिसहार, हेब्रोन, आरु उज्जीएल हुता, आरु कहात न पुरी उमोर एक सोव सेंतीस सालोन हय।
EXO 6:19 मरारी न पोर्या: महली आरु मुशी हुता। लेवियान जाती जिनु सी हेनकी ओवलियाद चाली यात् छे।
EXO 6:20 अम्राम आपसी फुय योकेबेद सी वियाव कर लिदो आरु उना सी मुसा हारुन पयदा हुया, आरु अम्रामन पुरी उमोर एक सोव सेमतीस सालन हय।
EXO 6:21 यिसहारन पोर्या: कोरह, नेपेग आरु जिक्री हुता।
EXO 6:22 उज्जीएल न पोर्या: मीशाएल, एलसाफान आरु सित्री हुता।
EXO 6:23 हारुन अम्मीनादाब न बेटी, आरु नहशोन नी बयणी एलीशीबा सी वियाव कर लीदो; आरु उना सी नादाब, अबीहु, एलीयाजर आरु ईतामार पयदा हुया।
EXO 6:24 कोरहन पोर्या: अस्सीर, एल्काना आरु अबीआसाप हुता; आरु इनु सी कोरहियान जाती निकळी।
EXO 6:25 हारुन न पोर्या एलीयाजर पुतीएल न पोराई सी वियाव कर लीदो; आरु उका सी पीनहास पयदा हुयो। जिना सी हेनकी जाती चाली। लेवियान डाहडान घरानान यात् ओदमी छे।
EXO 6:26 हारुन आरु मुसा त्यात् छे जिनुक योहोवा भगवान हुकुम आपलो "इसराएली लोगहन को टुळुन टुळु करीन हेनका जत्थान अनसारे मिसर निकाळ ली आवो।"
EXO 6:27 या त्यात् मुसा आरु हारुन छे जे मिसर देश न राजा फिरोन सी कया कि हामु इसराएली लोगहन को मिसर सी निकाळ ली जासु।
EXO 6:28 जव योहोवा मिसर देश मा मुसा सी यी वात करीयो,
EXO 6:29 त्यो मुसा सी कयो, "हांव ते योहोवा छे; अतरान करीन जो काय हांव तुमुक कयीस त्यो सब मिसर देशन राजा फिरोन सी कयजो।
EXO 6:30 पुण मुसा योहोवा को जवाब दीदो, हांव ते बुलने मा गुंगड़ो छे; आरु फिरोन म्हारी वात कसो समळसे?"
EXO 7:1 तव योहोवा भगवान मुसा सी कयो, "समळ, हांव तुको फिरोन क लिये परमेश्वर सारको बनावो; आरु थारो भाय हारुन थारो कागळीयो कोवायसे।
EXO 7:2 जो–जो हुकुम हांव तुको आपीस त्योत् कयजी, आरु हारुन उना हुकुम को फिरोन सी कयसे जिना सी त्यो इसराएली लोगहन को आपसा देश सी निकळ जाने देय।
EXO 7:3 पुण हांव फिरोन क मन को वातड़ो कर दीस, आरु म्हारी सोहलाणी आरु चमत्कार मिसर देश मा जबर देखाड़ीस।
EXO 7:4 ते बी फिरोन तुमरी नी समळे; आरु हांव मिसर देश पर म्हारो हाथ अगो कोरीन मिसरी लोगहन को बेसको दण्ड आपीन म्हारी इसराएली जाती को मिसर देश सी निकाळ लीस।
EXO 7:5 आरु जव हांव मिसर पर हाथ अगो कोरिन इसराएली लोगहन को हेनको वीच मा रईन निकाळीस तव मिसरी लोगहन जान जासे, कि हांव योहोवा छे।"
EXO 7:6 तव मुसा आरु हारुन योहोवान हुकुम क अनसारेत करीया।
EXO 7:7 जब त्या फिरोन सी वात करने लागिया तव मुसा ते अस्सी सालन हुतो, आरु हारुन तिरासी सालन हुतो।
EXO 7:8 योहोवा मुसा आरु हारुन सी इने रीतिये सी कयो,
EXO 7:9 "जव फिरोन तुमरे सी कये, कि तुमरी सोहलानीन काहय वीनछेळीयो काम देखाड़ो,' त तु हारुन सी कयजी, थार लाकड़ी लीन फिरोन क सामने न्हाक दे, कि घड़सु बन जाय।"
EXO 7:10 तव मुसा आरु हारुन फिरोन क पास मा जाईन योहोवान हुकुमन अनसारे करीया; आरु फिरोनन अधिकारियान सामने न्हाक दीदा, तव लाकड़ी घड़सु बन गय।
EXO 7:11 तव फिरोन झाड़ु झोपाय करने वाळान क बुलायो; आरु मिसर नजरबान्दा आपसा तंत्र मंत्र सी तसात् करीया।
EXO 7:12 त्या लोगहन बी आपसी–आपसी लाकड़ी को न्हाक दीदा, आरु चे बी घड़सु बन गय। पुण हारुनन लाकड़ी हेनकी लाकड़ी को गीळ गय।
EXO 7:13 पुण फिरोनन मन अळी वातड़ो हुय गयो, आरु योहोवान वचन कि अनसारे त्यो मुसा आरु हारुनन वातो को नी मानीयो।
EXO 7:14 तव योहोवा मुसा सी कयो, "फिरोन को मन वातड़ो हुय गयलो छे आरु त्यो इनी जाती को जाने नी देसे।
EXO 7:15 जव फिरोन संदारे नदी भेनी आवसे तव तु हेका पास जाजी, तु नील नोदी क धड़े हेकी वाट जुवजी, जी लाकुड़ घोड़सु बोन गोयली हुती ओको आपसा हात मा धर लेजी।
EXO 7:16 आरु तु उना सी ईनिये रीतिये सी कयजी, 'इबरीयान योहोवा भगवान मेखे यो कयने करीन थारे पास मोकलीयो कि म्हारी जातीन लोगहन को जाने दे जिना सी कि त्या जंगल मा जाईन म्हारी विनता करे; आरु हाय तक तु म्हारो कयनो नी मानीयो।
EXO 7:17 योहोवा यो कये, कि इना सी तु जान लीस कि हांव योहोवा भगवान छे; देक, हांव म्हार लाकड़ी को नील नदी न पानी पर दीस, आरु पानी लुहुय सारको बन जायसे,
EXO 7:18 आरु जो माछली नोंदी मा छे त्या मर जासे, आरु नील नदी गंधायने लाग जासे, आरु मिसरीयान जीव नदीन पानी पीने नी करसे।"
EXO 7:19 ओळते योहोवा मुसा सी कयो, "हारुन सी कय कि थार लाकड़ी लीन मिसर देश मा जतरो पानी छे, मतलब ओकी नोंदी, नहरम, झील, आरु पानीन कुण्डिया, सबन पर थार हाथ बढ़ाव कि ओको पानी लुहुय बन जाय; आरु सारा मिसर देश मा लाकड़ान आरु दगड़ान दुय भाँतीन ठिकरा मा लुहुयत् लुहुय हुय जासे।"
EXO 7:20 तव मुसा आरु हारुन योहोवान हुकुम क अनसारे करीया, मतलब त्या लाकड़ी को हाकलीन फिरोन आरु उना आदिकारीया न देखान्तो नील नदीन पानी पर देदो, आरु नदीन सारो पानी लुहुय बन गयो।
EXO 7:21 आरु नील नदी मा माछली हुती त्या सब मर गय; आरु नदी सी गंध आवने लाग गय, आरु मिसरी लोगहन नदीन पानी नी पी सकीया; आरु सारा मिसर देश मा लुहुय लुहुय हुय गयो।
EXO 7:22 तव मिसर नजरबान्दा आपसा तंत्र मंत्र सी वसात् करीया; तव फिरोनन मन वातड़ो हुय गयो, आरु योहोवान कयनेन अनसारे त्यो मुसा आरु हारुनन नी मानीयो।
EXO 7:23 फिरोन इना पर धियान नी दीदो, आरु मुय फिरवीन आपसा घर मा जाती रीयो।
EXO 7:24 आरु सब मिसरी लोगहन पीनेन पानी क लियेन नील नदी धड़े–धड़े खुँदने लाग गीया, काहकी त्या नदीन पानी नी सकता हुता।
EXO 7:25 जव सी योहोवा नील नदी को देदो तव सी लगाड़ीन सात दाहड़ा हुय गयला हुता।
EXO 8:1 तव योहोवा ओळी मुसा सी कयो, "फिरोनक पास जाईन कय, 'योहोवा तुखे इनीये रीतिये कय रीयो, म्हारी परजान लोगहन को जाने दे जिना सी कि त्या म्हारी विनता करे।
EXO 8:2 पुण कदाम तु हेनको जाने नी देय ती समळ, हांव डेटकान को मोकलीन थारा सारा देश मा नुक्सान करने वाळो छे।
EXO 8:3 आरु नील नदी डेटका सी भराय जासे, आरु त्या थारा भवन मा, आरु थारा आथरुन पर, आरु आदिकारीयान घरो मा, आरु थारी परजा पर, थारा चुला आरु पीठु कुसननेन परात मा बी चढ़ जासे।
EXO 8:4 आरु थार पर, आरु थारी परजा, आरु करमचारिया, पर आखा डेटका चढ़ जासे।"
EXO 8:5 ओळते योहोवा मुसा को हुकुम दीदो, "हारुन सी कय दे, कि नोंदीया, नहरोम, आरु झीलोन ऊपर लाकड़ी क साथ मा हाथ अगो कोरीन डेटकान को मिसर देश पोर चढ़ाय ली आवे।"
EXO 8:6 एकालिय हारुन मिसरन पानीन जागा पर आपसा हाथ को बढ़ायो; आरु डेटका मिसर देश पर चढ़ीन उका पर वेरवाय गया।
EXO 8:7 आरु नजरबान्दा बी आपसा तंत्र मंत्र सी तिने रीतिये मिसर देश पर डेटका चढ़ाय ली आया।
EXO 8:8 तव फिरोन मुसा आरु हारुन को बुलावीन कयो, "योहोवा सी विनता करो कि त्यो इनु डेटकान को म्हार सी आरु म्हार परजा सी दुर कर देय; आरु म्हार इसराएली लोगहन क जाने दीस। जेरेसी त्या योहोवा क लिय बलिदान चोड़ावसु।
EXO 8:9 तब मुसा न फिरोन सी कयो, ओतरी वात क लिय मेसे हुकुम आप दे कि हेमी तारे आरु तारा कामकोरन्या, आरु मानसो क निमित्त कोत्यार विनता कोरो, की योहोवा तारे पास सी आरु तारा घरो मा सी डेडरा क छेटा कोर, आरु त्या केवल नील नदी मा ओतरेत रोवे।
EXO 8:10 हुयो कयो, “वाहने।” हुयो कयो, “तारा बुलोन क ओनसारे होयसे, जेरेसी तुख यो जानाय जाय की आमरो परमेश्वर योहोवा क जसो कोय दिसरो नी होय।
EXO 8:11 आरु डेडरा तारे पास सी आरु तारा घरो म सी तारा कामकोरन्या आरु मानसे क पास सी छेटो होईन केवल नदी मा रोहसे।”
EXO 8:12 तोत्यार मुसा आरु हारुन फिरोन क पास सी निकळ गोया; आरु मुसा न हेनु डेडरा क वाराम, योहोवा क विनता आप्या ज त्या फिरोन पोर मुकल्या हुता।
EXO 8:13 आरु योहोवा न मुसा क कोहने क ओनसारे कोर्‌यो; आरु डेडरा घोरोम, आँगना, गाँव आरु खेतोम मा मोर गोया।
EXO 8:14 आरु मिसर देशन लोगहन एकठा करीन ओको ढेर लागाड़ देदा, आरु आखा देश भुंडात गोंद सी भोराय गोयो।
EXO 8:15 बाखुन जब फिरोन न देख्यो की हेमी आराम जोड़्यो छे ती योहोवा क कोहने क ओनसारे हुयो ओळी आपना मोनोक वातड़ो कोर्‌यो, आरु हेनकी नी सोमळ्यो।
EXO 8:16 ओळी योहोवा न मुसा सी कोयो, “हारुन क हुकुम आप, तु आपनी लाकड़ी ओगु कोरुन धोरती क धुळा पोर दे, जेरेसी हुयो मिसर देश भरीन मा पिसाळा बोन जाय।”
EXO 8:17 आरु हुये होसात कोर्या जसो; यानी हारुन न लाठी क लिन हात ओगु कोरिन धोरती क धुळा पोर देदो, ती मानसो आरु ढुरे दुयो पोर पिसाळा होय गोय, बाखुन आखा मिसर देश मा धोरती क धुळु पिसाळा बोन गोय।
EXO 8:18 तोत्यार जादुगरो न चाहाय्या की आपना तंत्र-मंत्र क ताकोत सी हामु वी पिसाळा लि आवजे, बाखुन यो हेनुसी नि होय सोक्यो। ओस करीन मानसो एने डुरो दुयो पोर पिसाळा बोनी रोही, आरु होर जागे पीसाळात हुता।
EXO 8:19 तोत्यार नजर बांदा फिरोन सी कोया, “यो ते परमेश्वर क हातन काम छे।” तेवी योहोवा क कहने क ओनसारे फिरोन क मोन वातड़ो होयतो गोयो, आरु हुयो मुसा आरु हारुन क वात नी मान्यो, जसो योहोवा कयो हुतो।
EXO 8:20 ओळतेन योहोवा न मुसा सी कयो, “सोंदारे उठिन फिरोन क ओगळ उबो होयनो, हुयो ते जळ क भैनी आवसे, आरु हेरेसी कोहजी, योहोवा तारेसी यो कोहे छे: मारु प्रजा क मानसो क जाने दे की हुये मारु विनता करे।
EXO 8:21 काहमाइन तु मारु प्रजा क नी जाने देसे ती सोमोळ, हांव तार पोर आरु तारा कामकोरन्या आरु तारा मानसो पोर, आरु तारा घरो मा टुळुन टुळुन डांसीया मुकलीस; आरु मिसर लोगहन क घर आरु ओक रोहने क धरती वी डांसीया सी भोराय जासे।
EXO 8:22 तेने दाहड़े हांव गोशेन देश क जेरेम मारी प्रजा रोहे छे ओलोग कोरिस, आरु हेरेम माखान क टुळा होयसे; जेरेसी तु जान लेय की कळीन विच मा हांवज् योहोवा छे।
EXO 8:23 आरु हांव म्हार लोगहन आरु तार लोगहन मा फोरोक राकीस। यी सोहलानी चमत्कार वाहने होयसे।”
EXO 8:24 आरु योहोवा न तसोत कोर्‌यो, आरु फिरोन क भवन आरु उना कामकोरन्या क घरोम मा, आरु आखा मिसर देश मा माखान टुळान टुळा भोराय गोया, आरु माखान क मारे हुयो देश नाश हुय गुयो।
EXO 8:25 तोत्यार फिरोन न मुसा आरु हारुन क बुलावीन कोयो, “तुमु जाईन आपना परमेश्वर क लिय एना देश मा बलिदान चड़ावु।”
EXO 8:26 मुसा न कोयो, “ओसो कोरनो वारु नी; काहकी हामु आपना परमेश्वर योहोवा क लिय मिसरियो क घाड़ायन सोमान बलिदान कोरसु; आरु काहमाइन हामु मिसरियो क देखता उना घाड़ायन सोमान बलिदान कोरजे ती काय हुये आमरे पोर दोगाड़ाटसे नी?
EXO 8:27 हामु सुनला जंगल मा तिन दाहड़ा क चालो पोर जाईन आपना परमेश्वर योहोवा क लिय जसो हुयो हामरे सी कोहसे तसाज् बलिदान चड़ावसु।”
EXO 8:28 फिरोन न कयो, “हांव तुमक जंगल मा जाने दिस की तुमु आपना परमेश्वर योहोवा क लिय सुनला जंगल मा बलिदान चड़ावु; पुन जादा म्हाय घुन जाता, आरु म्हार लिय विनता कोरु।”
EXO 8:29 तोत्यार मुसा न कोयो, “सोमळ, हांव तारे यां सी खोयड़े जाईन योहोवा सी विनता कोरीस की माखान क टुळो तारे, आरु तारा कामकोरन्या, आरु हेका लोगहन क पास सी वाहनेत छेटो होये; बाखुन फिरोन ओगो कोरीन हामु योहोवा क लिय बलिदान करने क जाने देने क लिय मोना झुणी कोरे।”
EXO 8:30 मुसा न फिरोन क पास सी खोयड़े जाईन योहोवा सी विनता कोर्‌यो।
EXO 8:31 आरु योहोवा न मुसा क कोहनेन ओनसारे माखान टुळा क फिरोन, आरु उना कामकोरन्या, आरु ओकी प्रजा सी छेटो कोर्‌यो; याँ लोगुन की एक वी डांसीयो नी रोयो।
EXO 8:32 तोत्यार फिरोन न एन वार वी आपसा काळ्जाक वातड़ो कोर लेदो, आरु इसरायली लोगहन क जाने नी दिदो।
EXO 9:1 ओळी योहोवा मुसा को कयो, "फिरोन क पास जाईन कय, इबरीया को योहोवा भगवान तुको इनिये रीतिये कय रीयो, कि म्हारी परजान लोगहन को जाने दे, कि म्हारी विनता करे।
EXO 9:2 कदाम तु उन लोगहन को जाने नी देय आरु हेमी वी रुक रोव,
EXO 9:3 ती समळ, थारा जो घुल्‌ला, गोदड़ो, उटड़ा, गाय-बयल्या, गाडरा, बोकड़ा आरु घण सवटा ढुरे जो मयदान छे, उनान पर योहोवा भगवान क हाथ असो पड़से कि घण जोबोर महामारी हुयसे।
EXO 9:4 ओळी योहोवा इसराएलीयान क ढुरो माईन आरु मिसरीयान ढुरोम असो फोरक पाड़ देसे कि जो इसराएलीयान छे, उनाम सी कुय बी नी मरे।"
EXO 9:5 ओळते योहोवा यो कयीन टेम टाक दीदो, "हांव यो काम मिसर देश मा वाहनाम करीस।"
EXO 9:6 दिसरे दाहड़े योहोवा असोत् करीयो; आरु मिसरन ते आखा ढुरे मर गिया, पुन इसराएलीयान एक बी ढुर नी मरीया।
EXO 9:7 आरु फिरोन लोगहन को मोकली दीदो, कि एक वी ढुर मोरलो होय की नी, पुण इसराएलीयान क ढुरो माईन एक बी नी मरलो हुतो। ते बी फिरोनन मन वातड़ो हुय गियो, आरु त्यो उन लोगहन को जाने नी दीदो।
EXO 9:8 ओळी योहोवा मुसा आरु हारुन सी कयो, "समळो दुयु भाटी माईन एक–एक मुठ रुखड़ो ली लेयो, आरु मुसा उको फिरोन क अगळ वादळा भेनी उड़ाय देय।
EXO 9:9 तव त्यो रुखड़ो झीनलो धुळो बनीन आखा मिसर देश मा मानसो आरु ढुरो दुयो पर फुफला आरु फुड़ा बन निकळसे।"
EXO 9:10 अतरान करीन त्या भाटीन मुठ भरीन रुखड़ो लीन फिरोन क सामने उबा हुया, आरु मुसा उना रुखड़ा को वाहळा मा वादळा भेनी उड़ाय दीदो, आरु त्यो मानसो आरु ढुरो दुयो पर फुफला आरु फुड़ा बन गिया
EXO 9:11 एकालिय उना फुड़ा न कारण नजर बांदा मुसा अगळ उबा नी रय सकीया, काहकी त्या फुड़ान सारका आखा मिसरीया पर निकळीया तसात् उन नजर बांदा पर बी फुड़ा निकळी गीया हुता।
EXO 9:12 तव योहोवा फिरोनन काळ्जाक वातड़ो कर दीदो, आरु जसो योहोवा मुसा सी कलो हुतो, त्यो ओकी नी समळीयो।
EXO 9:13 ओळी योहोवा मुसा सी कयो, "सदारे उठीन फिरोन क अगळ उबो हुय जा, आरु उका सी कय इबरीयान परमेश्वर योहोवा इनीये रीते कयरियो, म्हारी पोरजान लोगहन को जाने दे, कि त्या म्हारी विनता करे
EXO 9:14 अब कि बार हाव तारे पर, आरु थारा कर्मचारीया आरु तारा लोगहन आखी भातीन पीड़ा नाख दीस, जिनासी तु जानलीस कि आखी कवजुगमा मारेन तोसो कुदु नि होय।
EXO 9:15 हांव ते हेमी आपसो हाथ अगो कोरीन तुको आरु तारी पोरजान लोगहन को बिमारी मरी सी मार दीतो, आरु तु धरती पर सी नाश हुय जातो;
EXO 9:16 पुण छाची हांव तुको ओका लिय सी तुको जिवतलो राख रीयो कि तुको हांव म्हारी शक्ति देखाड़ो आरु म्हारो नाव नावसादियो करो।
EXO 9:17 ती वी तु हेमी वी घाड़सीयो छे आरु म्हार लोगहन को जाने नी देतो।
EXO 9:18 समळ हांव वाहने इनी टेम पर असा मोटा–मोटा गारा पाड़ीस, जसो मिसर देश बोनलो उना दाहड़ा सी हेमी लगुन नी हुयो।
EXO 9:19 “एकालिय हेमी आपसा मानसो को मोकलीन तारा ढुरोक आरु खोयड़ान जागा उघाड़ला मा छे, उको वारला जागाम पुगाड़ दे; आरु जे लोगहन आरु ढुरे खोयड़े रोय गोयला छे, उना पोर मोटला गारा पोड़से आरु त्या मोर जासे।”
EXO 9:20 अतरान करीन फिरोनन थुड़ाक चाकरीया मा जे योहोवान वचनन बीक मानता हुता, आरु त्या आपसा दास आरु ढुरोक आसरु आपने कोरीन घर मा ली आया।
EXO 9:21 पुन जतरा योहोवा भगवानन वचन पर धियान नी लगाड़ीया आरु आपसा काळजा मा जागो नी आप्या, त्या आपसा चाकरीयान को आरु पशु को खयड़ा मा रयने दीदा।
EXO 9:22 तव योहोवा भगवान मुसा सी कयो, "थारो हाथ वादळा भेनी ओगो कोर कि आखा मिसर देश न मानसो, आरु ढुरे, आरु खेतोन आखी फसल आरु जोतरो निळो हुतो आखा पोर गारा पड़े।"
EXO 9:23 तव मुसा आपसी लाकड़ीक वादळा भेनी उचो कोरियो; आरु योहोवान ताकत सी वादळो गाजने लागियो आरु गारा पड़ने लाग गीया, आरु आगठो धरती पर लगुन आवतो रयो, इनीये रीतिये योहोवा मिसर देश पर गारा पाड़ीयो।
EXO 9:24 जो गारा पड़ता हुता उना साथ मा विजळी बी भेसकायली हुती, आरु त्या अतरा भारी हुता कि जव सी मिसर देस बसलो हुतो तव सी आखा मिसर देश मा असा गारा नी पड़ला हुता।
EXO 9:25 अतरान करीन मिसर देशन खेतो मा काय मानसे, काय ढुर, जतरा बी हुता त्या सब गारा हेनका ऊपर गारा पड़ने सी मर गिया, आरु गारा पड़ने सी खेतोन आखी फसल नाश हुय गय, आरु खोयड़ान आखा झाड़े बी टुट गीया।
EXO 9:26 गोशेन परदेश मा अतरा गारा नी पड़ीया जां इसराएली लोगहन रयता हुता।
EXO 9:27 तव फिरोन मुसा आरु हारुन क बुलावने मोकलीयो आरु उन लोगहन सी कयो, "इनी वार हांव पाप करलो छे; योहोवा धरमी छे, आरु हांव आरु म्हारी पोरजा धरमी नी होय।
EXO 9:28 वादळान गाजनो आरु गारा बेसका पड़ लेदा; अब योहोवा सी विनता करो; तव हांव तुमु सबन को जाने दीस, आरु नी रुको।"
EXO 9:29 मुसा फिरोन सी कयो, "जसोज हांव नगर सी खयड़े जाईस, योहोवा भेनी आपसो हातोक उचा कोरीस, तव वादळान गाजनो बोंद होय जासे, आरु गारा नी पड़े, इना सी तु जान लीस कि यो कोळजुग योहोवा भगवानन जुन छे।
EXO 9:30 ते बी हांव यो जानो, कि नी ते तु आरु नी थारा चाकरिया योहोवा भगवानन बीक माने।
EXO 9:31 सन आरु जोव गँहव ते गारा पड़ने सी मर गिया, काहकी जोव गँहवन कनुस निकळी गयला हुता आरु सोन मा फुले आय गयला हुता।
EXO 9:32 पुन काहनो वी गहोव नाश नी हुयो, काहकी त्या वाद मा पाके।
EXO 9:33 जव मुसा फिरोन क पास सी नगरन बाहर निकळीन योहोवा भगवान भेणी आपसा हातोक ऊचो करीयो ने विनता करीयो, तव वादळान गाजनो आरु गारान पड़नो बन्द हुय गियो, आरु ओळते जादा पानी धरती पर नी पड़ीयो।
EXO 9:34 पुन जव फिरोन देख्यो की गारा पोड़नो आरु वादळो गाजनो बन्द हुय गुयो, तव त्यो पोछो पाप करीयो आरु त्यो आरु हेका चाकरीया आपसा काळ्जा क वातड़ो कोर लेदा
EXO 9:35 इनिये रीतिये फिरोनन मन वातड़ो हुय गयो, आरु त्यो इसराएली लोगहन को जाने नी दीदो; जसो कि योहोवा भगवान मुसान लारे कवाड़लो हुतो।
EXO 10:1 ओळी योहोवा भगवान मुसा सी कयो, "फिरोन क पास जा; काहकी हांवत् छे जो उको आरु उना करमचारियान मन क अतरान करीन वातड़ो करीयो म्हार मोटा चमत्कारन काम उन लोगहन के वीच मा देखाड़ो
EXO 10:2 आरु तुम लोगहन तुमरा पोर्या पारीन लारे एको पुरावो करो कि योहोवा भगवान मिसरीयान को कसो हासी उड़ायो आरु काय–काय चमत्कार सोहलानी उन लोगहन को वीच मा उजेन्तो करीयो; जिना सी तुमु यो जान जासु कि हांवत् योहवा छे।"
EXO 10:3 तव मुसा आरु हारुन फिरोन क पास मा जाईन कया, इबरीयान योहोवा भगवान थार सी इनीये रीतिये कय रीयो, कि तु कब तक म्हारे सामने निचळो हुयने मा संका करतो रहीस? म्हारी परजान लोगहन को जाने दे कि त्या म्हारी विनता करे।
EXO 10:4 कदाम तु म्हारी परजान लोगहन को जाने नी देय तो सुन, वाहने हांव थारा देश मा टिडिया ली आवीस।
EXO 10:5 आरु त्या धरती पर असा छावाय जासे कि धरती देखाय नी पड़े; आरु तुमरो जो काय बी गारा सी वाचलो छे उको त्या खाय जासे, आरु तुमरा जतरा बी झाड़े खयड़ा मा लागला छे उको बी खाय जासे,
EXO 10:6 आरु त्‍या थारा आरु थारा सारा करमचारियान को, याँ तक कि आखा मिसरीयान को घरो मा भराय जासे; अतरा टिड्डिया थारा बाप-दादा बी नी देखिया हसे।" आरु त्या मुय मुयड़ीन फिरोन क पास सी बाहर जात रीया।
EXO 10:7 तव फिरोनन करमचारिया उका सी कयने लागीया, त्यो मनुस काँ लुगन हामरे लिए फंदो बनलो रयसे? उन मनुस न को जाने दे कि त्या हेनका योहोवा भगवान नी विनता करे; काय तु हाय बी नी जाने कि सारो मिसर देश नाश हुय गयलो छे?
EXO 10:8 ओतरान कोरीन मुसा आरु हारुन को फिरोन क पास बुलाया, आरु त्यो मुसा आरु हारुन सी कयो, "जावो जात रयो, तुमरा योहोवा भगवान नी विनता करो; पुन जो जाने वाळा मानसे त्या कुन–कुन छे?"
EXO 10:9 मुसा कयो, हामु ते पोर्या-पारी, गाडरा-बोकड़ा, गाय-बयल्यान क साते याँ तक कि नानला पोर्यान सी लगाड़ीन डाहला डोकरान तक आखा की आखा जासु, काहकी हामुक योहोवा भगवान क लिये तिहवार वावनो छे।"
EXO 10:10 त्यो इनीये रीतियेबुन लोगहन सी कयो, योहोवा भगवान तुमरे साथमा जव हांव तुमुक नानला पोर्यान क साथमा जाने देयो; देखो तुमरा मन मा बुराई छे।
EXO 10:11 नी असो नी होये; तुमु ओदेमड़ात् जाईन योहोवा भगवान नी विनता करो, तुमको योत् जुवतो हुतो।" आरु मुसा आरु फिरोन क अगळ सी निकाळ दिदा।
EXO 10:12 तव योहोवा भगवान मुसा सी कयो, "मिसर देश भेनी थारो हात ओगो कर कि टिडिया मिसर देश पर चहड़े आरु देशन होरीक धरतीन जतरो बी ओन छे जो गारा सी वाचला छे उको सब खाय जाय।"
EXO 10:13 एकालिय मुसा ओकी लाकुड़ को मिसर देश भेनी फिरीन हात उचो करीन अगो करीयो, तव योहोवा भगवान दाहड़ु भरीन आरु रात भरीन मिसर देश पर उगेनली वाहळी चलाड़ीयो; आरु जव भोळभाको हुयो तव उनी वाहळी मा टिडिया आया।
EXO 10:14 आरु टिडियान टुळो आवीन मिसर देशन सारी जागा पर बठ गीया, हेनको टुळो घण सवटो हुतो, नी ते उना सी पेहले असा टिडिया आवला हुता, आरु नी ते हेनको बाद मा ओळी असा आवसे।
EXO 10:15 त्या ते सारी धरती पर छावाय गय, याँ तक कि आखा मिसर देश मा आंधारो हुय गीयो, आरु ओको सारो ओन आरु झाड़न सब फोव, आरु जो काय गारा पड़ीन खतम हुयने सी वाचलो हुतो, त्यो सब टिडिया खाय गीया; याँ तक कि मिसर देश मा नी ते कायला झाड़ पर नीळ्ळा पोत्ता कायबी नी रीया आरु नी खयड़ा मा वाळा झाड़े आरु पवधा वाचीया।
EXO 10:16 तव फिरोन उतवाळीयो मुसा आरु हारुन को बुलावीन कयो, "हांव ते तुमरा योहोवा भगवानन सी पाप करलो छे।
EXO 10:17 अतरान करीन मारो हिमलो पाप माफ करो, आरु तुमरा योहोवा भगवान सी विनता करो कि त्यो अतरोत करे कि म्हारे उपर सी इनी मोत को दुर कर देय।"
EXO 10:18 तव मुसा फिरोन क पास सी निकळीन योहोवा भगवान सी विनता करियो।
EXO 10:19 तव योहोवा भगवान घण भारी वाहळी चालाड़ीन टिडियान को उड़ावीन रातला दरिया मा न्हाक दीदो, आरु मिसर देशन काहला बी जागा पर एक बी टिडियो नी रयो।
EXO 10:20 तव बी योहोवा भगवान फिरोनन मन काजे वातड़ो कर दीदो, जिना सी त्यो इसराएलीयान को जाने नी दीदो।
EXO 10:21 ओळी योहोवा भगवान मुसा सी कयो, थारो हात सोरगन भेणी बढ़ाव कि मिसर देश पर आंधारो हुय जाय, असो आंधारो कि हात सी टुटळाये।"
EXO 10:22 तव मुसा आपसो हात सोरग भेणी बढ़ायो, आरु सारा मिसर देश मा तीन दाहड़ा तक बेसको आंधारो हुयलो रयो।
EXO 10:23 मसर देशन मानसे तीन दाहड़ा तक नी ते कोय कुदान को देखियो, आरु नी कोय आपसा जागा सी उठीयो; पुण सारा इसराएलीयान घरो मा विजाळो रीयो।
EXO 10:24 तव फिरोन मुसा क पास बुलावीन कयो, "तुम लोगहन जावो, योहोवा नी विनता करो; तुमरा पोर्या-पारीन को बी सात मा ली जावो; तुमरा गाडरा-बोकड़ान को अतरा यात रयने देयो।"
EXO 10:25 मुसा फिरोन सी कयो, "तुको हामरे हात मा मेलबलि आरु होमबली बी आपनो पड़से, जिनको हामु हामरा योहोवा भगवान क लिए बलिदान चढ़ावासु।
EXO 10:26 अतरान करीन हामरा ढुरे बी हामरे साते जासे, हेनको एक खुर बी याँह नी रये, काहकी उना मा सी हामुक हामरा योहोवा भगवान क लिए आराधना करनेन सामान लेनो छे। आरु हामु जव तक वाँ सारी नी पुग जाजे तव तक हामुक नी मालोम हय कि काय–काय लीन योहोवा भगवान नी विनता करनो पड़से।"
EXO 10:27 पुण योहोवा भगवान फिरोनन मोन को वातड़ो कर दीदो, जिना सी त्यो उन लोगहन को जाने नी दीदो।"
EXO 10:28 तव फिरोन मुसा सी कयो “म्हार सामने सी जात रय; आरु चोकचोळीयो रयजी; मखे थारो मुय पछो झुण देखड़े; काहकी जिने दाहड़े तु मखे मुय देखाड़ीस उनी दाहड़े तको मार न्हाखसु।”
EXO 10:29 मुसा कयो, तु वारुत् कयो; हांव थारा मुय को कदी पछो नी देखो।"
EXO 11:1 ओळी योहोवा भगवान मुसा सी कयो, एक आरु पीड़ा हांव फिरोन आरु मिसर देश पर न्हाको, तव‍‍ त्यो तुम लोगहन को वाँ सी जाने देसे, आरु जव त्यो तुम लोगहन को जाने देय तव तुमु सबन को पाक्‌कोत् निकाळ देसे।
EXO 11:2 म्हारी परजान लोगहन को म्हारो यो हुकुम समळाड़ कि एक–एक ओदमी आरु एक–एक बाय लोग आपसी साते वाळा सी सोना–चाँदीन गयनो मांग लेय।"
EXO 11:3 तव योहोवा भगवान मिसरियान को आपसी परजान क लोगहन पर दया वाळा बनायो। आरु इना सी त्यो मनुस मुसा मिसर देश मा फिरोनन करमचारिया आरु पंचु लोगहन क नजर सामने घणो मोटो हुतो।
EXO 11:4 ओळते मुसा न फिरोन सी कयो, योहोवा भगवान इनीये रीतिये कय रीयो, कि आदीक रातन टेमे हांव मिसर देशन वीच मा सी चालीस।
EXO 11:5 तव मिसर देश मा राजगाद्दी पर बठने वाळा फिरोन सी लगाड़ीन चक्की दोळने वाळी पावेरनीन तक पेहल खुळीया याँ तक कि पशुन बी पेहलो पयदा मर जासे
EXO 11:6 आरु सारा मिसर देश मा घणो मोटो विखो पड़जासे, या तक कि ओको सारको नी ते कदी हुयो आरु नी हुये।
EXO 11:7 पुन इसराएलीयान विरुध्द मा, काय मनुस, काय पशु, कुदा पर बी कुदु कुतरो बी नी भोकसे; जिना सी तुम लोगहन जान जासु कि मिसरिया आरु इसराएलीया मा हांव योहोवा नेवाड़ो पाड़ो।
EXO 11:8 तव थारा ये सब करमचारिया म्हारे पास आवीन मखे वान्दीन यो कयसे, थारा आखा लोगहन क साथ मा निकळी जा।' तव हांव निकळी जाईस यो कहीन मुसा फिरोन क पास सी घणो किचवाईन निकळी गीयो।
EXO 11:9 योहोवा मुसा सी कय दीयो हुतो, "फिरोन तुमरी वात नी समळे; काहकी म्हारी यी मरजी छे कि मिसर देश मा घण सवटी सोहलानी देखाड़ो।"
EXO 11:10 मुसा आरु हारुन फिरोनन सामने यी घण सवटी विनछेळाय सोहलानी देखाड़ीया; पुन योहोवा भगवान फिरोन क मन को आरु वातड़ो कर दीदो, अतरान करीन त्यो इसराएलीयान को उना देश को छुड़ी जाने नी दीदो।
EXO 12:1 ओळी मिसर देश मा योहोवा भगवान मुसा आरु हारुन सी कयो,
EXO 12:2 यो मयनो तुम लोगहन क लिये पेहलो टाकायसे; मतलब यो कि सालोन पेहलो मयनो यो टाकायलो रयनो जुवे।
EXO 12:3 इसराएलन सारी मण्डळी सी इनीये रीतिये कयो, कि इना मयनान दसवा दाहड़ाक तुम लोगहन तुमरो डाहडान घरानान अनसारे, घरो पछोळ एक–एक गाडरो लीन राखो।
EXO 12:4 आरु कदाम काहला घरो मा एक गाडराक खानेन करीन मनुस कम हय, ती त्यो आपसे साते रयने वाळा फळेन लोगहन क सात मा जीवोन गिनतीन अनसारे एक गाडरो लीन राखे; आरु तुमु आखा क लियेन खानेन अनारे गाडरान हिसाब करजो।
EXO 12:5 तुमरो गाडरो विनगुनाको नी आरु पेहले सालोन नर हुयनो जुवे, आरु उको चाहे गाडरा माईन लेजो चाहे ती बुकड़ा माईन।
EXO 12:6 आरु इना मयनान चोवदे दाहड़ा तक उको मेल राखजो, आरु उना दाहड़े शांतन टेम पर इसराएलन सारी मण्डळीन लोगहन उको बली कर।
EXO 12:7 तव उना लुहुय माईन थुड़क लीन जिना घर मा गाडरान को खास हेनका झपला दुय धड़े चोखट पर लगाड़जो।
EXO 12:8 आरु त्या ओको मास को उनी रात आगठा मा चुयनीन पान्यान रोटान क सात मा आरु कड़वा भाजी क सात मा खानो।
EXO 12:9 उको मुनका, पाय आरु आतड़ियान क सात मा आगठाम चुयनीन खाजो काचलो या पानी मा थुड़क पकाड़ीन नी खानो।
EXO 12:10 आरु उना माईन थुड़क बी संदारे तक नी रयने देजो, आरु कदाम संदारे तक रय बी जाय, ती उको आगठाम धपाड़ देजो।
EXO 12:11 आरु उको खानेन रीति यी छे: कि कड़ीयाम बांध लेय, पाय मा खासड़ा पेहर लेय आरु हात मा लाकड़ी लीन उको उतावाळीया खाजो; त्यो ते योहोवा भगवानन तिहवार हुयसे।
EXO 12:12 काहकी उनी रात मा हांव मिसर देशन वीच मा रईन जाईस, आरु मिसर देशन काय मानसे, काय ढुर, सबन पेहला खुळीयान को मारीस; आरु मिसर देशन सारा देवतान को बी हांव डन आपीस;हांव ते योहोवा छे।
EXO 12:13 आरु जिना घरो मा तुमु रयसु उना घर पर‍ त्यो लुहुय तुमरे लिये सोहलानी बनसे; मतलब हांव उना लुहुय को देखीन तुमको छुड़ीन जात रईस, आरु जव हांव मिसर देशन लोगहन को मारी, तव त्यो पीड़ा तुमरे उपर नी पड़े आरु तुमु नाश नी हुयो।
EXO 12:14 आरु त्यो दागड़ो तुमुक फोम देवाड़ने वाळो रयसे, आरु तुमु उको योहोवा भगवान क लिये तिहवार करीन मनावजो;‍ त्यो तुमरी पीड़ी क लियन जलोमकी रीति जानीन तिहवार को मनावजो।
EXO 12:15 परमेश्वर कयो, "सात दाहड़ा तक अखमीरी रोटो खाया करजो, उनाम सी पेहलेत दाहड़े तुमरा घरो मा सी खमीर चुट लेजो, याँ तक कि जो पेहले दाहड़े सी लगाड़ीन सातवे दाहड़े तक कोय खमीरी चीज को खाजे, उना जीवड़ो इसराएल मा सी नाश होय जासे।
EXO 12:16 पेहले दाहड़े एक चुखली मीटिंग, आरु सातवे दाहड़े बी एक चुखली मीटिंग करजो; तनी दुयु दाहड़ा मा कोय बी काम को नी करनो हय; पुण अतरोत कि जिना जीवड़ा को जो खानो छे ओको चो ओतरोत तुमु रांद सोकतला।
EXO 12:17 अतरान करीन तुमु बीना खमीरन रोटान तिहवार मनावजो, काहकी उना दाहड़े यो मानो कि हांव तुमुक टुळुन टुळु करीन मिसर देश मा सी निकाळ्ळो छे; इना कारण सी त्यो दाहड़ो तुमरी पीड़ी मा जलोमकी रीति जानीन मनावजो।
EXO 12:18 पेहला मयनान चोवदे दाहड़ान सान्तो सी लगाड़ीन इक्कीस दाहड़ान सान्तो तक तुमु अखमीरी रोटो खाया करजो।
EXO 12:19 सात दाहड़ा तक तुमरा घरो मा काय बी खमीर नी वाचणो जुवे, पुण जो काय काहली खमीरी चीज को खाय, चाहे त्यो देशी हय चाहे पारको, त्यो आखा मानसे इसराएली लोगहन मा रईन नाश हुय जासे।
EXO 12:20 कोय खमीरी चीज को नी खानो, तुमरा घरो मा विगुर खमीरन रोटो खाया करजो।"
EXO 12:21 तव मुसा इसराएलीन सब डाहडान को बुलावीन कयो, "तुमु तुमरा आपसा कुलन अनसारे एक–एक गाडरो अलग करीन राखो, आरु फसहन गाडरो बलिदान करजो।
EXO 12:22 आरु उको लुहुय जो वाटका मा हुयसे उना मा एक गछळो डुबाड़ीन उना तसला माईन लुहुय को झपलान चुखट कुना आरु दुयु धड़ मा थुड़ोक लगाड़जो; आरु भोळ भाका तक तुमरे माईन कोय घर सी बाहर झुण निकळता।
EXO 12:23 काहकी योहोवा भगवान मिसर देशन वीच मा रईन मिसरीयान को मारतो जासे; अतरान करीन जाँ सारीक त्यो चुखोटन कुना, आरु दुयु धड पर उना लुहुय को देखसे, वाँ सारीक त्यो झपला को छुड़ीन जात रयसे, आरु नाश करने वाळा को तुमरा घरो मा मारने करीन जाने नी देय।
EXO 12:24 ओळते तुमु इनी रीति को तुमरे आरु तुमरी ओवलियाद क लिये जोलमकात रिति जानीन मानीया करो।
EXO 12:25 जव तुमु उना देशम मा जिनाक योहोवा कि कयनेन अनसारै तुमुक आपसे भरायजो, तव ज्यी रितीन पाळनी पाळजो।
EXO 12:26 आरु जव तुमरा पोर्या वाळा तुमरे सी पुछे, कि इनी रिती सी तुमरा काय मतलब छे?'
EXO 12:27 तव तुमु हेनको यो जवाब देजो, योहोवा जो मिसरीयान को मारनेन टेमे मिसर मा रयने वाळा हामु इसराएलीयान घरोक वाचाड़ीयो इना कारण सी उका लिये फसहन यो बलिदान करजो।" तव लोगहन मुनका झुकाड़ीन आराधना कोरीया।
EXO 12:28 तव त्या इसराएलीया लोगहन जाईन, जो हुकुम योहोवा मुसा आरु हारुन को आपलो, उनात् अनसारे करीया।
EXO 12:29 असो हुयो कि आदी राती योहोवा मिसर देश मा राजगाद्दी पर बसीन राज करने वाळा फिरोन सी लगाड़ीन जेलोम मा पड़ला केदड़ा लगुन सबन पेहल खुळीया को, याँ तक कि पशुन पेहल खुळीयान को बी मार न्हाकीयो।
EXO 12:30 आरु फिरोन रातो मा उठीन बठो हुयो, आरु सब करमचारिया, याँ तक कि सारा मिसर वाळा उठ गीया; आरु मिसर वाळा आखान या मोटो विखो हुयो, काहकी एक बी घर असो नी हुतो जिनाम मोत नी हय।
EXO 12:31 तव फिरोन रातो मा मुसा आरु हारुन को बुलाईन कयो, तुमु इसराएलीयान को लीन म्हारी परजान वीच मा रईन निकळीन जात रय; आरु थारे कयुनेन अनसारे जाईन योहोवा भगवानन विनता कर।
EXO 12:32 थारे कयने अनसारे थारा गाडरा–बोकड़ान आरु गाय–बयलीयान को सात मा ली जावो आरु मखे सोयबरकत कय जावो।"
EXO 12:33 आरु मिसरी जो कयता हुता, हामु ते सब मरीन खतम हुय गीया; त्या इसराएली लोगहन पर दबाव बनावीन कया, "इना देश सी उतवाळीयात् निकळीन जात रयो।"
EXO 12:34 तव त्या हेनको परातियान मा कुसनला पीठा को बीना खमीर को टाहरा क सात मा छिंदरा मा बाँधीन आपसा–आपसा खांदा पर न्हाक लीदा।
EXO 12:35 इसराएलीया मुसान कयनेन अनसारे मिसरीया सी सोना–चाँदीन गयनो आरु छिंदरा मांग लीदा।
EXO 12:36 आरु योहोवा भगवान मिसरीयान को ओकी परजान लोगहन पर दयाळा बना दीदो कि त्या जो–जो मांगीया त्यो सब हेनको आप दीदा। इनीये रीतिये इसराएलीया मिसरीयान को लुट लीदा।
EXO 12:37 तव इसराएली लोगहन रामसेस सी थुड़ाक अगा जाईन सुक्कोत मा जात रीया, आरु नानला पोर्यान आरु बायरा को छुड़ीन छव लाख पाये चालीन जानेवाळा ओदेमड़ा हुता।
EXO 12:38 हेनका सात मा दिसरा जे इसरायली नु हुता। भेसकायलु टुळु गयु, आरु गाडरा–बोकड़ा, गाय–बयलीया, घण सवटा जीव जनवारीया बी गिया।
EXO 12:39 आरु जो कुसनलो पीठो हुतो उको त्या मिसर सी सात मा ली गीया कि ओकी त्या वीन खमीरन रोटा बनाया; काहकी त्या मिसर सी असा उतवाळीया निकळी गीया, कि हेनको टेम बी नी जड़ीयो कि वाट्‌ये खाने करीन थुड़ोक खानो बनायलेय, इना कारण सी त्या विगुर खमीरन कुसनलो पीठो हुतो।
EXO 12:40 मिसर मा रयने वाळा इसराएलीयान को चार सोव तीस साल वीत गयला हुता।
EXO 12:41 आरु उना चार सोव तीस सालोन वीतने पर, ठीक उना दाहड़े, योहोवा भगवानन सारी सेना मिसर देश सी निकळी गय।
EXO 12:42 योहोवा इसराएलीयान को मिसर देश सी निकाळ लायो, इना कारण त्यी रात उको फोम करने लीयन छे यी योहोवान त्यो रात छे जिनाक पीढ़ी–पीढ़ी मा माननो इसराएलीयान क लिये पाकी छे।
EXO 12:43 ओळते योहोवा मुसा हारुन सी कयो, "तिहवार न रीति यी छे; कि कोय पारका देशन उना माईन नी खानो;
EXO 12:44 पुण जो कुय मुले लीदलो पावर हय, आरु तुम लोगहन उको चामड़ो काटीन नक करला हय ती त्यो खाय सकतलो।
EXO 12:45 पारका देश वाळो आरु दाहड़कीयो उना माईन नी खानो।
EXO 12:46 उको खानो एकुज घर मा हुयनो जुवे; मतलब तुमु उना मास माईन थुड़ोक बी घर सी खयड़े नी ली जानो; आरु बली करला गाडरान हाड़की झुण तोड़ता।
EXO 12:47 तिहवार को माननो इसराएलन सारी मण्डळीन काम छे।
EXO 12:48 आरु कदाम कोय पारका देशम वाळो तुमरे सात मा रयीन योहोवा क लिये तिहवार मनावने करे, ती त्यो उना याँ रयने वाळा सब ओदमीन को फातोरकाती करावे, तव त्यो साते आवीन उको माने; आरु त्यो पारका देश वाळा मनुस को सारको हुयसे। पुण कुय वीना नक करलो ओदमी उना माईन नी खानो जुवे।
EXO 12:49 ओको रीति देशी आरु तुमरे वीच मा रयने वाळा पारका देश वाळानज दुयोन एक हुयनो जुवे।"
EXO 12:50 यो हुकुम जो योहोवा मुसा आरु हारुन को आपलो उको अनसारे सारा इसराएलीया करीया।
EXO 12:51 आरु ठीक उना दाहड़े योहोवा इसराएलीयान को मिसर देश सी टुळुन–टुळु करीन निकाळ ली गयो।
EXO 13:1 ओळते योहोवा मुसा सी कयो,
EXO 13:2 "काय मनुसन, काय ढुरन, इसराएलीया मा जतरा बी आपसी–आपसी माय को पेहल खुळीयो हय, उको म्हारे लिये चुखलो मानुस, त्यो ते म्हारोत् छे।"
EXO 13:3 ओळते मुसा लोगहन सी कयो, "इना दाहड़ा को फोम राखो, जिना मा तुम लोगहन बांधायला हुता, मतलब मिसर सी निकळीन आवला छे; योहोवा ते तुमुक वाँ सी उका हातन ताकत सी निकाळ लावु; इना मा खमीरोन रुटा नी खानो।
EXO 13:4 अबीब न मोहना मा आजुन दाहड़े तुमु निकळ्ळा छे।
EXO 13:5 अतरान करीनज जव योहोवा तुमुक कनानी, हित्ती, एमोरी, हिव्वी, आरु यबुसी लोगहन क देश मा पुगाड़से, जिनाक आपने त्यो तुमरा वेगला डाहडा सी वायदो कोरलो हुतो, आरु जिनाम दुधन आरु माहवन धार उहवे, तव तुमु इने मयने विनता न तिहवार मनावजो।
EXO 13:6 सात दाहड़ा तक अखमीरी रोटो खाया करजो, आरु सातवे दाहड़े योहोवा भगवान क लिये तिहवार मनावजो।
EXO 13:7 इनु सात दाहड़ा मा अखमीरी रोटो खाजो, आरु तुमरा आखा देशम नी खमीर वाळा रुटा, नी खमीर तुमरे जुळ देखायनो जुवे।
EXO 13:8 आरु उना दाहड़े तुमु तुमरा पोर्यान को यो कयीन समझाड़ देजो, कि यो ते हामु उना काम क कारण करजे, जो योहोवा हामरे मिसर देश सी निकळनेन टेमे हामरे लिये करलो हुतो।
EXO 13:9 ओळते यो तुमरे लिये तुमरा हातो मा एक सोहलानी हुयसे, आरु तुमरा दुळान सामने फोम करावने वाळी चीज हयसे; जिना सी योहोवान नियम तुमरा मुय पर रये काहकी योहोवा भगवान तुमुक उना ताकत वाळा हातो सी मिसर देश सी निकाळ्ळो छे।
EXO 13:10 अतराज कोरीन तुमु इना नियम को सालो डीट टेमे-टेमे मानीया करजो।
EXO 13:11 "ओळी जव योहोवा भगवान उनी कसम क अनसारे, जो त्यो तुमरा वेगला डाहडा सी आरु तुमरे सी बी खादलो छे, तुमुक कनानीयान देश मा पुगाड़ीन उको तुमुक आप देसे,
EXO 13:12 तव तुमरे माईन जतरा आपसी–आपसी मायन मोटलो पोर्‌यो छे, आरु तुमरा पशु माईन जो असा हय उको बि योहोवा भगवान क लिये अर्पण करजो; सब नर बच्चे हय तो योहोवान छे।
EXO 13:13 आरु गोदड़ीन हर एक पेहल खुळीयान बदले गाडरो आपीन उको छुड़ाय लेजो, आरु कदाम तुमुक उको नी छुड़ाव हय ती उको गळो तुड़ देजो। पुन मानसोन सब पेहल खुळीया पोर्यान क बदलो दीन छुड़ाय लेजो।
EXO 13:14 आरु आवने वाळा दाहड़ा मा जव तुमरा पोर्या तुमरे सी पुछे, 'यो काय छे?' ती उन सी कयजो, योहोवा हामुक आखा लोगहन को बन्दीन घर सी मतलब मिसर देश सी उका हातोन ताकत सी निकाळ लावलो छे।
EXO 13:15 उना टेमे मा जव फिरोन वातड़ो हईन हामुक जाने नी देतो हुतो, तव योहोवा न मिसर देश मा मानसो सी लीन ढुरन लगुन आखान पेहला खुळ्याक मार नाख्यो। एकालिय ढुरो मा सी जोतरा आपसी माय क पेहला खुळ्या नर छे, हेको हामु योहोवा क लिय बलिदान कोरे; पु आपसा आखा पेहला खुळ्या पुर्या क हामरे बोदले आपीन छुड़ाय लेये।
EXO 13:16 यो तुमरे हातो पर एक सोहलानी आरु पापनीया वीच मा टीका सारको बनसे; काहकी योहोवा हामुक मिसर देश सी उना हातोन ताकत सी लावलो छे।"
EXO 13:17 जव फिरोन लोगहन को जानेन हुकुम दियो, तव कदाम पलिश्तियान देश मा हईन जो रस्तो जाय त्यो नानलो हुतो; ते बी योहोवा भगवान यो सोचीन उनी वाट सी नी ली गयो कि असो नी हुय जाय कि जव या लोगहन लड़ाई देखे ती कदाम मिसर मा पछा जात रये।
EXO 13:18 अतरान करीन परमेश्वर उन लोगहन को भंगलाड़ीन रातला दरियान जंगलो माईन ली गयो। आरु इसराएली टुळुन टुळु मिसर सी निकळी गीया।
EXO 13:19 आरु मुसा युसुफन हाड़कान को सात मा लेतो गीयो; काहकी युसुफ इसराएलीया सी यो कयीन कि योहोवा भगवान छाची तुमुख फोम करसे,' उन लोगहन इनी वातोन वाराम कसम खावड़लो हुतो कि उना हाड़कान को हेनका सात मा लेता जाय।
EXO 13:20 ओळते त्या सुक्कोत सी थुड़ाक अगा जाईन जंगलोन छेळ पर एताम मा रुकीया।
EXO 13:21 आरु योहोवा हेनको दिसु वाट देखाड़ने करीन वादळान खाम्बा मा, आरु राती विजाळो आपने करीन आगठान खाम्बा मा हयीन हेनका ओगळ–ओगळ चालतो जातो हुतो, जिना सी त्या राती आरु दाहड़ाम दुय मा चाल सके।
EXO 13:22 त्यो नी ते वादळान खाम्बाक दिसु आरु नी ते आगठान खाम्बाक रात मा लोगहन क ओगळ सी छेटो करीयो।
EXO 14:1 योहोवा मुसा सी कयो,
EXO 14:2 "इसराएलीयान को हुकुम दे, कि त्या पछा आवीन मिग्दोल आरु दरियान वीच मा पीहहीरोतन साने बालसपोन न सामने आपसो तम्बु कोरे, ओकोत् ओगळ दरियान धड़े तम्बु करे।
EXO 14:3 तव फिरोन इसराएलीयान वाराम विचार करसे, त्या ओनजान देश मा भंगलायीन घबराय गयला छे, सुनसान पोरदेश मा हेनको बन्दि बोनाय लेदला छे।
EXO 14:4 तव हांव फिरोन क मन को वातड़ो कर दीस, आरु हेनको पछोळ पड़से, तव फिरोन आरु ओकी सारी सेनान लारे म्हारी मोहिमा हुयसे; आरु मिसरी जान जासे कि हांव योहोवा छे।" आरु त्या वसात् करिया।
EXO 14:5 जव मिसरन राजा को यो खबर मिळी कि त्या लोगहन ढास गीया, तव फिरोन आरु उका करमचारियान मन हेनका विरोध मा उल्टो हुय गीयो, आरु त्या कयने लाग गीया, "हामु यो काय करीया, कि इसराएलीयान को ओकी सेवा चाकरी सी छुटकारो आपीन जाने दीदो।
EXO 14:6 तव त्यो उको रथ तियार करायो आरु आपसी सेना को पुठी ली गीयो।
EXO 14:7 त्यो छव सोव वारु सी वारु घुड़सवारी मिसर न आखी घुड़सवारी लीन आरु हेनु आखा पर सरदार बठाड़ीयो।
EXO 14:8 आरु योहोवा भगवान मिसरन राजा फिरोनन मन को वातड़ो कर दीदो। अतरान करीन त्यो इसराएली लोगहन पछोळ पड़ीयो; पुण इसराएली ती नीचळात् निकळीन जाता हुता।
EXO 14:9 पुण फिरोनन सब घुल्‌ला, आरु घुड़सवारो क पुठी मिसरी सेना हेनको पछोळ पड़ीन हेनका पास, जो पीहहीरोत क पास, बालसपोन क सामने, दरियान धड़े तम्बु डालीन पड़ला हुता, वाँ सी जाय पुगीया।
EXO 14:10 जव फिरोन साते आयो, तव इसराएलीयान ढुळा उगाड़ीन देखीया, कि मिसरी हामरे पछोळ पड़ीन आय रीया; आरु इसराएली घण बिह गीया, आरु आयड़ीन योहोवा भगवानन विनता करीया।
EXO 14:11 आरु त्या मुसा सी कयने लाग गीया, "काय मिसर मा बीड़ा नी हुता जो तु हामुक वाँ रईन मरने करीन जंगलो मा ली आयो? तु हामरे साते यो काय करीयो कि हामुक मिसर देश सी निकाळ लायो?
EXO 14:12 काय हामु थार सी मिसर देश मा रईन यी वात नी कया कि हामुक रयने दे कि हामु मिसरीयान सेवा चाकरी करजे? हामरे लिये ते मरने सी मिसरीयान सेवा करनो वारलो हुतो।"
EXO 14:13 मुसा लोगहन सी कयो, बिहयो मा, उबा रईन त्या छुटकारान काम देखो, जो योहोवा भगवान आज तुमरे लिये करसे; काहकी जिनु मिसरीयान को आज तुमु देख रीया, हेनको ओळी पोछा कदी नी देखु।
EXO 14:14 योहोवा भगवान आपसुत् तुमरे लिये लड़से, अतरान करीन तुमु हुगा रयो।"
EXO 14:15 तव योहोवा भगवान मुसा सी कयो, "तु काय लेने मखे आयड़ी रीयो? इसराएलीयान को हुकुम दे कि याँ सी थुड़ोक काहय करे।
EXO 14:16 आरु तु थारी लाकड़ी थारो हात दरियान उपर अगो बढ़ाव, आरु‍ त्यो दुय वाटा हुय जासे; तव इसराएली दरियान वीच मा रईन सुकली धरती परुत् चालीन जात रयसे।
EXO 14:17 आरु समळ, हांव मिसरीयान मन को वातड़ो करो, आरु त्या हेनका पछोळ पड़ीसे। तव फिरोन आरु हेका मानसे दरिया मा भराय जासे, तव फिरोन आरु ओकी सेना, आरु घुड़सवारीन लारे म्हारी मोहिमा हुयसे।
EXO 14:18 आरु जव फिरोन, आरु उका घुल्‌ला गाड़ी, आरु सवारोन लारे म्हारी मोहिमा हुयसे, तव मिसरी जान लेसे कि हांव योहोवा भगवान छे।"
EXO 14:19 तव योहोवा भगवान को दुत जो इसराएली सेना क अगोळ–अगोळ चालतो जातो हतो हेनको पछोळ हुय गीयो; आरु वादळान खाम्बो हेनको अगोळ सी हेनको पछोळ जाय पुगीयो।
EXO 14:20 इने रीतिये त्यो मिसरी सेना आरु इसराएली सेनान वीच मा आय गीयो; आरु वादळो आरु आंधारो ते हुयो, ते बी आगठान खाम्बा सी हेनको विजाळो जड़तो रीयो; आरु त्या रात भरीन एक दीसरान क पास म नी आया।
EXO 14:21 तव मुसा उको हात दरियान उपर अगो करीयो; आरु योहोवा भगवान रात भरीन घण भारी हवा चालाड़ीयो, आरु दरिया को पानी दुय वाटा मा वाटाय गुयो पोरबु दरिया सुकलो जागो बोनाय देदो।
EXO 14:22 तव इसरायली दरियान वीच मा धरती पर चालीन जात रीया, आरु पानी हेनके जेवड़े आरु डाखरीये दुयु तरफ भीतन तसो हुय गीयो आरु भीतन काम करतो हुतो।
EXO 14:23 तव मिसरी लोगहन, मतलब कि फिरोनन सब घुल्‌ला, घुड़सवारी, आरु सवार हेनको पछोळ पड़ीन दरियान वीच मा जात रीया।
EXO 14:24 आरु रातन छेहला पेहराम योहोवा भगवान वादळान आरु आगठान खाम्बा मा रईन मिसरीया पर नजर न्हाखीन हेनको घबराय दीदो।
EXO 14:25 आरु त्यो हेनकी घुड़सवारीन चाकटाक निकाळ दीदो, जिना सी हेनको चालनो काठो हुय गीयो; तव मिसरी एक दीसरा सी कयने लाग गीया; आवो हामु इसराएलीयान क अगळ सी ढास जाजे; काहकी योहोवा भगवान हेनका भेनी रईन मिसरीयान विरुद मा लड़ाय कर रीयो।"
EXO 14:26 ओळते योहोवा भगवान मुसा सी कयो," थारो हात दरियान उपर बढ़ाब, कि पानी मिसरीया, आरु हेनकी घुड़सवारी, आरु सवार पर ओळी पछो उहवे तसे।
EXO 14:27 तव मुसा उको हात दरियान उपर करीयो आरु भळभाको हयता–हुयता काय हुयो कि दरियो ओळी जसो हुतो तसो हुय गीयो आरु आपसा जागा पर आय गीयो; आरु मिसरी उलटा ढ़ासने लाग गीया, पुण योहोवा भगवान हेनको दरियान वीच मात् उहवाड़ दीदो।
EXO 14:28 आरु पानीन पछो पलटने सी, जतरी घुड़सवारी आरु सवार इसराएलीयान पछोळ आवला हुता, त्या सब आरु फिरोनन सारी सेना उका मा डूब गुया, आरु उका माईन एक बी नी वाचीयो।
EXO 14:29 पुण इसराएली दरियान वीच मा धरती पोर चालीन जात रीया, आरु पानी हेनके जेवड़े आरु डाखरीये दुयु धड़े भीतन बनीन उबो रयो।
EXO 14:30 इनीये रीतिये योहोवा भगवान उना दाहड़े इसराएलीयान को मिसरीयान क हकोम रईन छुड़ायो; आरु इसराएलीया मिसरीयान को दरियान धड़े काठा पर मरला पड़ रयला देखीया।
EXO 14:31 जव इसरालियो न मिसर क रोहने वाला पोर योहोवा न आपसी ताकोत देखाड़ीयो, तव त्या बिहने लाग्या ती हेका सेवक मुसा पोर विश्वास कोरीया।
EXO 15:1 तव मुसा आरु इसराएलीया योहोवा भगवान क लिये यो गीत गाया। त्या कया, "हांव योहोवान गीत गावीस, काहकी त्यो आखा सी मोटो छे; त्यो घुल्‌लान क सात मा घुल्‌ला सवार को त्यो दरिया मा उहवाड़ दीदो।
EXO 15:2 योहोवा परमेश्वर म्हारी ताकत आरु भजनन दाखुलु छे, आरु‍ त्योत् म्हारो छुड़ावने वाळो बी बनीयो; म्हारो योहोवा भगवान त्योत् छे, हांव उकोत् गीत गावीन भक्ती करीस, हांव योहोवा भगवान क लिये रयनेन जागो बनावी, म्हारा वेगला डाहडान योहोवा भगवान त्योत् छे, हांव उकोत् भाळतो रयीस।
EXO 15:3 योहोवा लड़ाय मा जीतनियो छे; उको नाव योहोवा छे।
EXO 15:4 त्यो फिरोनन घुड़सवार आरु सेना को दरिया मा न्हाक दीदो; आरु उका वारु सी वारली घुड़सवारी आरु आधिकारी रातला दरिया मा डूब गीया।
EXO 15:5 उण्डो पानी हेनको ढाक लीदो; त्या दगड़ा सारका उण्डला जागाम डूब गीया।
EXO 15:6 ए योहोवा, थारो जेवड़ीयो हात ताकोत मा मोटो हुयो ए योहोवा, थारो जेवड़ीयो हात जोम वेरी को झीनो कर देय।
EXO 15:7 तु थारा विरुधियान को थारी मोटी ताकत सी पाड़ देय; तु थारी रीस को भड़कावे, आरु त्या झीनला झीकटन सारका भसम हुय जाय।
EXO 15:8 थारा नाकन दोम सी पानी एखटो हुय गीयो, पानीन धार ठेळान तसी एक जागे उबी हुय गय; दरियान वीच मा उण्डो पानी जम गीयो।
EXO 15:9 वेरी जोम कयो, हांव जाईन धरीस, हांव लुटलो माल को वाट लीस, उका सी म्हारो जीव भराय जासे। हांव म्हारी तरवार हापकीन म्हार हात सी हेनको नाश कर दीस।
EXO 15:10 तु थारी दोमोन वाहळ्ळी चलाड़ीयो, तव दरियो न हेनको ढाक लिदो; त्या दरिया मा लुहड़ान तसा डूब गीया।
EXO 15:11 “ए यहोवा, देवता मा थारे सारको कुन छे? तुते चुखापन मा मोटो छे, आरु थारी बढ़ाय करने वाळान मन मा बीक राखने जुगु छे, आरु विनछेळ्यो काम मोटो काम करे।
EXO 15:12 तु थारो डाखरीयो हात बढायो, आरु धरती उको गीळ गय।
EXO 15:13 थारी दया सी तु थारी छुड़ावली परजान अगवाय करीयो, थारी ताकत सी उको थारा चुखला जागा मा लीन गयो।
EXO 15:14 देम–देशन लोगहन यो समळीन काप उठसे; पिलिश्तियान मा रोहने वाळान पोखड़ायनेन पीड़ा सारकी पीड़ा होयसे।
EXO 15:15 एदोमन डाहडा घबराय जासे; मोआबन ताकत वाळा कापने लाग जासे; सब कनान मा रयने वाळान मन निचळो हुय जासे।
EXO 15:16 उन लोगहन मा बीक आरु घबरायनो समाय जासे; थारा खुळान ताकत सी त्या दगड़ान तसा विन मुया हुय जासे, जव तक ए योहोवा, थारी परजान लोगहन जिनुक तु मोल लेदलो छे पार नी छेक जाय।
EXO 15:17 तु उन लोगहन को पुगाड़ीन थार आपसा हकन वाटा पर बठाड़ीस, यो‍ त्योत् जागो छे, ए योहोवा जिनाक तु थारा रयनेन जागा जुगु बनायो, आरु त्योत् चुखलो जागो छे जिनाक, ए पोरबु, तु आपसुत् उबो करलो छे।
EXO 15:18 योहोवा जलोमको राज करतो रयसे।”
EXO 15:19 यो गीत गावनेन कारण यो छे, कि फिरोनन घुड़सवारी आरु सवारन सात मा दरियान वीच मा जात रीया, आरु योहोवा हेनको उपर दरियान पानी पछो ली आयो; पुण इसराएली दरियान वीच मा धरतीन जागा परुत् चालीन छेक गीया।
EXO 15:20 तव हारुनन बयनी मरियममन नावन कागळीयो हात मा ढुलगो लीदो; आरु सब बायरा ढपली लीन नाचता जाईन उका पछोळ चाल पड़ीया।
EXO 15:21 आरु मरियम हेनको सात मा यो गीत गावता गीया कि; योहोवान गीत गावो, काहकी त्यो मोटो ताकत वाळो बनीयो; घुल्‌लान को सात मा त्यो सवार करने वाळान को दरिया मा न्हाक दीदो।
EXO 15:22 तव मुसा इसराएलीयान को रातला दरिया सी अगो लीन गयो, आरु त्या शुर नावन जंगलो मा आया; आरु जंगल मा जाता जाईन तीन दाहड़ा लगुन पानीन झर नी जड़ीयो।
EXO 15:23 ओळते मारा नावन एक जागा पर पुगीया, वाँ वाळो पानी कड़वो हुतो, आरु त्या उको पी नी सकीया; इना कारण सी उना जागान नावन मारा पड़ गीयो।
EXO 15:24 तव त्या यो कयीन मुसान विरुद मा कुड़कुड़ायने लागीया, “हामु काय पीजे?”
EXO 15:25 तव मुसा योहोवा सी विनता करीयो, आरु योहोवा भगवान उको एक झाड़ देखाड़ीयो, जिना सी जव उको पानी न्हाकीयो, तव त्यो पानी गुळो हुय गीयो। वाँत् योहोवा हेनका लिये एक नियम बनायो, आरु वाँत् त्यो यो कयीन हेनकी पारख करीयो,
EXO 15:26 “कदाम तु थारा योहोवा भगवानन वचन तन मन सी समळे, आरु जो ओकी नजर मा वारु छे त्योत् करे, आरु ओको हुकुम पर कानटा लगाड़े आरु उना सब नियम को माने, ती जतरी बिमारी हांव मिसरीया पर मकलीयो, उका माईन एक बी थारे पर नी मकलो; काहकी हांव तुमरो आरगाय आपने वाळो योहोवा छे।”
EXO 15:27 तव त्या एलीम मा आया, जाँ सारी पानीन बारे झोरे आरु तीन कोम आठ वीस खजुरन झाड़ हुता; आरु वाँ त्या पानीन पास मा तम्बु करीया।
EXO 16:1 ओळते एलीम सी थुड़ाक अगा जाईन इसराएलीयान सारी मण्डळी, मिसर देश सी निकळीन ओळते दिसरे मयनान पंदरवे दाहड़ाम, सीन नावन जंगलो मा, जो एलीमन आरु सीनाय बयड़ान वीच मा छे, वाँ पुग गीया।
EXO 16:2 जंगलो मा इसराएलीयान सारी मण्डळी मुसा आरु हारुनन विरुद मा कुड़कुड़ायने लाग गीया।
EXO 16:3 आरु इसराएली हेनका सी कयने लागीया, “जव हामु मिसर देश मा मासन ढेचका क पास मा बठीन मन मा आवे तसो खाता हुता, तव कदाम हामु योहोवा भगवानन हात सी मरी बी जाता ती वारु त्योत् हुतो; पुण तुमु हामुक इना जंगलो मा अतरान करीन निकाळ लाया कि इना आखा लोगहन को भुकला म्हार न्हाके।”
EXO 16:4 तव योहोवा भगवान मुसा सी कयो, “देखो हांव तुम लोगहन क लिये सरग माईन खानेन चीजन को पाड़ीस; आरु याँ लोगहन दाहड़ीन बाहर जाईन खानो एख्टो करसे, इना सी हांव हेनकी पारख करीस, कि त्या म्हारा कायदा पर चाले कि नी चाले।
EXO 16:5 आरु असो हुयसे कि छटवे दाहड़े त्या खानो आरु गाहड़ा सी वदीन हुयसे, अतरान करीन जो काय त्या उना दाहड़े एखटा करसे उको तीयार करीन राखे।”
EXO 16:6 तव मुसा आरु हारुन सारा इसराएलीया सी कय दीदा, “शांता तुमु जान जासो कि जि तुम लोगहन को मिसर देश मा सी निकाळ लायो, त्यो योहोवा छे।
EXO 16:7 आरु भोळभाकाम तुमुक योहोवा भगवानन विजाळो देखाय पड़से, काहकी तुमु जो योहोवा पर कुड़कुड़ाये उका सी त्यो समळे। आरु हामु काय छे। कि तुमु हामरे पर कुड़कुड़ाये?”
EXO 16:8 जव मुसा कयो, यो तव हुयसे जव योहोवा भगवान शांतो तुम लोगहन को खाने करीन मास आरु भोळभाकाम रोटो मन पड़े तसो आपसे, काहकी तुमु जो उका पर कुड़कुड़ाये उका सी त्यो समळे। आरु हामु काय छे? तुमरो कुड़कुड़ायनो हामरे पर नी पुण योहोवा भगवान पर हुये।
EXO 16:9 ओळते मुसा हारुन सी कयो, “इसराएलीयान सारी मण्डळीक हुकुम दीदो, कि योहोवान सामने पुण उका साते आवे, काहकी त्यो हेनको कुड़कुड़ायनो समळ्ळो छे।”
EXO 16:10 आरु असो हुयो कि जव हारुन इसराएलीयान सारी मण्डळी सी असीत् वात करतो हुतो, कि त्या जंगल भेणी नजर न्हाखीन देखीया, आरु हेनको योहोवान विजाळो वादळा मा देखाय पड़ीयो।
EXO 16:11 तव योहोवा मुसा सी कयो,
EXO 16:12 इसराएलीयान कुड़कुड़ायनो हांव समळ्ळो छे; उना लोगहन सी कय दे, कि दुय दाहड़ा दाहड़ु डूबनेन टेमे सी तुमु मास खासु आरु भोळभाकाम तुमरो रोटा सी पेट भरायसे; आरु तुमु यो जान लेसो कि हांव तुमरो योहोवा भगवान छे।
EXO 16:13 तव असो हुयो कि शांता बटेरे आवीन आखी छावनी पर बठ गय; आरु भोळभाकाम छावनीन चारो मेर धुवरो पड़ीयो।
EXO 16:14 आरु जव धुवरो सुख गयो ती काय देखीया, कि जंगलन मा धरती पर नाना–नाना छलटा पाळान धड़े कचरान तसा पड़ रीया।
EXO 16:15 जव इसराएली देख्या, त्या एक दिसरा सी कयने लाग गीया यो ते मन्ना छे। जो नी जानता हुता कि यो काय चीज छे, तव मुसा हेनको कोयो, जो चीज योहोवा खाने करीन तुमुक आपे।
EXO 16:16 जो हुकुम योहोवा भगवान आपीयो त्यो यो छे, कि तुमु उका माईन तुमरे लिये खानेन कामको हय त्यो एख्टो करजो, मतलब तुमरा प्राणीन गिनतीन अनसारे, हर एक मनुसन पछोळ एक–एक ओमेर एखटा करजो; जिनान टेरा जतरा हय त्यो हेनको लिये एखटा करे।
EXO 16:17 आरु इसराएलीया वसात् करीया; आरु कोय जादा आरु कोय थुड़क एखटा करीया।
EXO 16:18 जव त्या हेनको ओमेर सी मापीया, तव जिना पास जादा हुता उको पास ओळते जादा नी रीयो, आरु जिना पास थुड़ोक हुतो उको कोय कमी नी हय; काहकी एक–एक मनुस हेनको खाने जुगु एखटा कर लीदाला हुता।
EXO 16:19 ओळते आरु मुसा कयो, कोय इना माईन थुड़ोक बी सोंदारे तक झुण रयने दीता।
EXO 16:20 ती बी त्या मुसान वात नी मानीया; अतरान करीन जव कोय मनुस उका माईन सोंदारे तक मेल राखीया हुता, ती उका मा कीड़ा पड़ गीया आरु त्यो गंदायने लाग गीयो; तव मुसा उन लोगहन पर किचवायने लागीयो।
EXO 16:21 त्या भोळभाका मा हेनका लिये खाने करीन एखटा कर लेता हुता, आरु दाहड़ान को घणो तपतो हुतो, तव त्यो पिघळी जातलो।
EXO 16:22 ओळते हसो हुयो कि छटवे दाहड़े एक दाहड़ा मा डबल, मतलब कि एक मनुसन पछोळ दुय-दुय ओमेर एखटा कर लेदा, आरु मण्डळीन सब वेगला डाहला आवीन मुसा को देखाड़ दीदा।
EXO 16:23 त्यो उन लोगहन सी कयो, यो ते चीत वात हुयी जो योहोवा भगवान नी कयो, मतलब योहोवा क लिये चुखलो आराम हुयसे; अतरान करीन तुमुक जो तंदुर मा पकाड़नो हय उको पकाड़ो, आरु जिनाक बाफनो छे त्यो वाफजो, आरु उका माईन जतरा पीला हय हेनको सोंदारे तक राखजो।
EXO 16:24 जव त्या इना काम को मुसान इना हुकुमन अनसारे सोंदारे तक मेल राखीया, तव त्यो नी ते गोंदायो, आरु नी उका मा किड़ा पड़ीया।
EXO 16:25 तव मुसा कयो, "आज उकोत् खावो, काहकी आज योहोवान आराम को दाहड़ो छे; अतरान करीन आज तुमुक खयड़ा मा नी जड़े।
EXO 16:26 छव दाहड़ा ते तुमु उको एखटा करसो; पुण सातवे दाहड़ो ते आरामन दाहड़ो छे, उका मा त्यो नी जड़े।"
EXO 16:27 ते बी लोगहन माईन कोय–कोय सातवे दाहड़े बी एखटा करने करीन बाहर गीया, पुण हेनको काय बी नी जड़ीयो।
EXO 16:28 तव योहोवा मुसा सी कयो, तुम लोगहन म्हारा हुकुम आरु कायदा को कोत्यार लोगुन नी पाळन कोरसु?
EXO 16:29 देखु, योहोवा जो तुमुक आरामन दाहड़ो आपलो छे, इना कारण सी त्यो छटवे दाहड़ेत् दुय दाहड़ान खानो तुमुक आप देय; अतरान करीन तुमु तुमरा–तुमरा जागा पर बठ रयजो, सातवे दाहड़े कोय बी तुमरा जागा सी खोयड़े झुण जाता।
EXO 16:30 एकालिय इसरायली लोगहन सातवे दाहड़े आराम करीया।
EXO 16:31 इसराएलन घरानो उनी चीज को नाव मन्ना राखीया; आरु त्यो जुवार न धवळीया बिजा सारको धवळीयो हुतो, आरु उको सवाद माहळन बनला पुळा जसो हुतो।
EXO 16:32 ओळते ओळी मुसा कयो, योहोवा जो हुकुम आपीयो त्यो यो छे, कि इना माईन ओमेर भरीन “मन्ना” तुमरी पीड़ी क लिये मेल राखो, जिना सी त्या जाने कि योहोवा हामुक मिसर देश मा सी निकाळीन जंगल मा कसो रोटा खावाड़तो हुतो।
EXO 16:33 तव मुसा हारुन सी कयो, एक वोटवो लीन उका मा ओमरे भर “मन्ना” लीन उको योहोवा क ओगळ मेल दे, कि त्यो तुमरी पीड़ी क लिये मेकलो रये।
EXO 16:34 योहोवा मुसा आरु हारुन क हुकुम आपलो हुतो, ओकोत् अनसारे हारुन उको गवाह न सन्दुकन ओगळ मेल दीदो, कि त्यो वाँत् रये।
EXO 16:35 इसराएली जव तक उना देश मा नी पुग गुया, तव तक चालीस साल लगुन इसराएली लोगहन “मन्ना” खाता रीया; त्या जव तक कनान देशन काकड़ पर नी पुगीया तव तक “मन्ना” खाता रीया।
EXO 16:36 एक ओमरे ते एपा न दसवो भाग छे।
EXO 17:1 ओळी इसराएलीयान आखी मण्डळी सीन नावन जंगल मा सी निकळीन जाने लागी, आरु योहोवान हुकुम अनसारे थुड़ाक अगा जाईन रपीदीम जागाम मा हेनका डेरा उबा करीया; आरु वाँ त्या लोगहन को पीनेन पानी नी जड़ीयो।
EXO 17:2 एकालिय हुये मुसा वाद विवाद कोरीन कोहने लाग्या, “आमुक पीने क पानी आप।” मुसा न हेनुसी कोयो, “तुमु मार सी काहा वाद-विवाद करु? आरु योहोवा क पारोख काहा कोरु?”
EXO 17:3 पुन उना लोगहन को पीस लागी, ती हुये यो कोहीन मुसा पोर बुड़बुड़ायने लाग्या, “तु हामरा बाळ-बोच्‌चा आरु ढुरो भेळ तिसला मारने क लिय मिसर सी काहा ली आयो?”
EXO 17:4 ती मुसा न योहोवा सी विनता कोर्‌यो, आरु कोयो, एनु मानसो साते हांव काय कोरो? ये आखा मेसे दोगड़ाटने क तियार छे।
EXO 17:5 योहोवा न मुसा सी कोयो, “इसराएलन डावा होयला मानसो मा सी थुड़ाक क आपसे पुठी ली गोयो; आरु जेनी लाकुड़ सी तु न नील नोदी पोर देदलो हुतो, ओको आपसा हात मा लीन मानसो क ओगोळ चाल।
EXO 17:6 देख, हांव तारे ओगोळ चालीन होरेब बोयड़ा क एक चाफुर पोर उबु रोहीस; आरु ओको तु हेनी लाकुड़ को चाफुर पोर देजी, ती हेरेम सी पानी निकळसे, जेरेसी ये मानसे पीये।” ति मुसा न इस्राएल क डाहला मानसोन डुळा देखता होसोत कोरीयो।
EXO 17:7 आरु मुसा न हेना जागा क नाव मस्सा आरु मरीबा पाड़्यो, काहकी इसराएलीयान न होया वाद-विवाद कोरला हुता, आरु योहोवा क पारोख यो कोहीन कोर्या की, “काय योहोवा आमरे विच छे की नी?”
EXO 17:8 ऐरे वाद अमालेकी जाति आविन रपीदीम मा इसराएलीयो सी लोड़ायने लाग्या।
EXO 17:9 ती मुसा न योहोसु सी कोयो, “आपने जुगु काई मानसो क नेवाड़ ले, आरु वाहने खोयड़े जाईन अमालेकीयो सी लोड़ाये; आरु हांव काल परमेश्वर क म्हार लाकुड़ हात मा लीन बोयड़ा क चोटी पोर जाईन उबु रोहीस।”
EXO 17:10 जसो की मुसान हुकुमन ओनसारे योहोसु अमालेकियो सी लोड़ायने लाग्यो, आरु मुसा हारुन आरु हुर बोयड़ा पोर चोहोड़ गुया।
EXO 17:11 जोत्यार लगुन मुसा आपसा हात उचा कोर रोहतो हुतो ति लोगुन इस्राएल जीतता हुता; बाखुन जोत्यार जोत्यार हुयो नेचो कोरे ती ती अमालेक जीतता हुता।
EXO 17:12 पुन जव मुसान हात घबराय गुया, तव हारुन आरु हुर न एक दगड़ो नेचो मेक देदो। आरु मुसा उना पोर बोठ गुयो, आरु हारुन आरु हुर एक एक वाहळा मा हेनका हातोक समाळ रोया; एक जेवड़े भेनी आरु एक डाखरे भेनी उका हात दाहड़ु डुबने लगुन उचा कोरला रोया।
EXO 17:13 आरु योहोसु न आपसा लोगहन क साथ अमालेकियो क तलवार क ताकोत सी हाराय दिदो।
EXO 17:14 तव योहोवा न मुसा सी कयो, यी वात किपात मा फोम राखे क लिय लिख ले आरु योहोसु क समवाड़ दे, कि हांव वादवा क नेचो सी अमालेकी जाती क फोम राखनेन सोहलानी आखो बुरवी दीस।
EXO 17:15 ती मुसा न एक वेदी बोनावीन ओको नाव “योहोवा निस्सी” राख्यो;
EXO 17:16 आरु त्यो कोयो, योहोवा क झंडो धोर रोव, योहोवा अमालेकियो सी पीढ़ी सी पीढ़ी लोगुन पोरबु क लिय हामरो लोड़ाय होयतो रोहसे।
EXO 18:1 जब मुसा क सेसरा मिद्यान क याजक यित्रो न यो सुन्यो की परमेश्वर न मुसा आरु आपसा मानसो इस्राएल क लिय काय काय कोर्‌यो, यो की काहने रीते सी योहोवा इसराएलीयो क मिसर सी निकाळ ली आयो,
EXO 18:2 ती मुसा क ससुर यित्रो मुसा क लाड़ी सिप्पोरा क, जी पेहेल मायके मुकली देदो हुता,
EXO 18:3 आरु उना पुर्या क वी लीन आयो; एनुमा सी एक क नाव मुसा न यो कोहीन गेर्शोम पाड़्यो हुतो: “हांव दिसरा देश मा पारकु छे।”
EXO 18:4 आरु दुसरा क नाव हुयो यो कोहीन एलीएजेर राख्यो: “मारा बाबा परमेश्वर न मारो सहायक होईन मेसे फिरोन नु तलवार सि वाचाड़्यो।”
EXO 18:5 मुसा की लाड़ी आरु पुर्याक, उना सेसरो यित्रो पुठी लीन मुसा क पास सुनला जोंगल क उना जागा मा ली आयो, जाँ परमेश्वर क बोयड़ान पास ओको डेरो हुतो।
EXO 18:6 आरु आवीन हुयो मुसा क पास यो कोय मुकल्यो, “हांव मुसा तारु सेसरुस यित्रो छे, आरु दुयु पुर्या भेळ तारी लाड़ी क तारे पास ली आय रोयु।”
EXO 18:7 ओतरान कोरता मुसा आपसा सेसरा सी मिळने क लिय निकळ्यो, आरु ओको वान्दीन गुळु देदो; आरु हुये आपसा वारु हावभाव पुछता जाईन डेरा पोर आय गोया।
EXO 18:8 होंया मुसान आपसा सेसरा सी उना आखा कामोन वाराम बताड़ीयो। योहोवा न इसराएलीयो क जुगु फिरोन आरु मिसरियो सी काय-काय कोर्‌यो, आरु इसरालियो न वाट मा काय-काय वेला कोर्‌यो, ओळी योहोवा हेनुक कोसो-कोसो छुड़ावतो आयो।
EXO 18:9 जव यित्रो न उना आखा भलाई क कारण जो योहोवा न इसरालियो क साथ कोरीयो हुतो, कि हेनको मिसर क होक सी छुड़ावलो हुतो, खुश होयीन कयो,
EXO 18:10 यित्रो न कयो, “सोयाव्वु छे योहोवा, जु तुमु क फिरोन आरु मिसरियो क होकोम सी छुड़ायु, जुळ तुमु मानसो क मिसरीयान हातोम सी छुड़ायु छे।
EXO 18:11 हिमी हांव ते जान लेदु की योहोवा आखा देवता सी मोटू छे; बाखुन हेका वाराम वी जिनासी इसरालियो क पुठी घाड़ायीन वेवहार कोरला हुता।”
EXO 18:12 ती मुसा क सेसरो यित्रो न परमेश्वर क लिय होमबली आरु मेलबलि चोढ़ायो, आरु हारुन इसराएलियान आखा डाहडा पुजारा भेळ मुसा क सेसरा यित्रो क पुठी परमेश्वर क ओगोळ भोजन कोरने आया।
EXO 18:13 दिसरे दाहड़े मुसा मानसो क नियाव कोरने क बोठ्यो, आरु वेगोत सी सांतो लोगुन मानसे मुसा क आड़ेधोड़े उबा रोया।
EXO 18:14 जव मुसान सेसरो न हेनको लोगहन क नियाय कोरता देख्यो तव उनासी पुछ्यो लोगहन क लिय तु यो काय कोर रयो? काय कारण छे कि तु एखलो बठ रयो, आरु लोगहन संदोरे सी शांतो लोगुन तार आड़े धोड़े उबा रोहे?
EXO 18:15 मुसा न आपसा सेसरा सी कयो, “एको कारण यो छे कि लोगहन म्हार पास परमेश्वर सी नियाव सिखने क लिय आवे।
EXO 18:16 जोत्यार जोत्यार हेनको काहीन लोड़ाय होये छे ती ती हुये मारा पास आवे छे, आरु हांव हेनका वीच नियाव कोरो, आरु परमेश्वरन कायदा आरु व्यवस्था हेनको सोमजाड़ो।”
EXO 18:17 मुसा क सेसरो न मुसा सी कोयो, “जो काम तु कोरे छे, त्यो वारु नी।
EXO 18:18 एना सी तु काय, बाखुन तु आरु तारा लोगहन वी तारे पुठी छे छाचिन खाबराय जासे, काहकी यो काम तारे जुगु बेस काठो छे; तु इनाक एखलो नी कोर सोके।
EXO 18:19 हिमी तु म्हार ओवाज समळ ले, हांव तुसेक सोला आपो, आरु परमेश्वर तारे पुठी रोहे! तु इनु लोगहन क लिय परमेश्वरन ओगोळ जाया कोर, आरु हेनकी तोकलीप को परमेश्वर क पास पुगाड़ दीया कोर।
EXO 18:20 तु हेनको परमेश्वर क कायदा आरु नियम सिकाड़जो आरु जो इनको कोरनो छे आरु काहने वाटे पोर चालनो छे बताड़ देजो।
EXO 18:21 पुन तु आखा इसरारली पाका मानसोक निवाड़ लेजो परमेश्वर क बीक मानतो होय आरु खोरो, गुनाको, नियाव मा फायदा सी छेटो रोहने वाळाक नेवाड़ लेजो। आरु ओसा लोगहन को हजार-हजार, सोव-सोव, पचास-पचास, आरु दस-दस लोगहन क टुळा पोर निवाय न होकदारीया निवाड़ कोर देजो।
EXO 18:22 आरु हुये आखा टेम पोर इनु मानसो क नियाव कोरसे; आरु मोटा मोटा झोगड़ा क ते तारे पास ली आया कोरे, आरु नाना झोगड़ा क नियाव आपसा ज कोरीय कोरसे; ती तारो भार होळको होयसे, काहकी इना भार क हुये वी तारे पुठी हुचले।
EXO 18:23 कदाम तु यो उपाय कोरे, आरु परमेश्वर तुसेक ओसो हुकुम आपे देये, तव तु एक जागे रोहायसे, आरु ये आखा मानसे आपना जागाम वारु रीते पुगसे।”
EXO 18:24 आपसा सेसरा की यी सोलाक मानीन मुसा न हेना आखा बुलोन ओनसारे करीयो।
EXO 18:25 मुसा आखा इसराएल लोगहन मा गोथा गुणी लोगहन क नेवाड़ीन हेनको हजार-हजार, सोव-सोव, पचास-पचास, दस-दस लोगहन पोर डाहला बोनायो।
EXO 18:26 आरु त्या आखा लोगहन न नियाव कोरने लाग्या; जो झोगड़ो वातड़ो होयतो होय तेनाक मुसा क पास ली आवता हुता, आरु आखा नानला मुकद्दमा क नियाव हुये आपसा कोर्या कोरतला हुता।
EXO 18:27 ती मुसा न आपसा सेसरा क वोवाव दिदो, आरु हुये आपसा देशम चाली गुयो।
EXO 19:1 एकालिय इसरालियो क मिसर देश सी निकोवला जेने दाहड़े सी तीन मोहना वित गुया, उना दाहड़े त्या सीनाय जंगल मा आया।
EXO 19:2 आरु जव हुये रपीदीम सी उतवाळ्या कोरीन सीनाय जंगल मा आया, ती हुये जंगल मा डेरो उबा कोरीया; आरु त्या बोयड़ान ओगोळ इसराएली लोगहन न डेरो नाख्या।
EXO 19:3 आरु मुसा बोयड़ा पोर परमेश्वर क पास चहोड़ गोया, आरु योहोवा न बोयड़ा पोर सी हेनको आयड़ीन कोयो, याकुब क घोराना सी ओसो कोह, आरु इसरालियोन क मारो यो बुल सोमळाव:
EXO 19:4 तुमु देखला छे की हांव ने मिसरया पुठी सी काय-काय करीयो; तुमुक मानो घुवड़ चिल्‌ला क पाखड़ा पोर बसाड़ीन आपसा धोड़े ली आवलो।
EXO 19:5 एकालिय हिमी कदाम तुमु खोरी मारी मानसु, आरु म्हार वायदान पाळन कोरसु, ती आखा मानसो मा सी तुमुत मारा खास धोन कोहायसु; आखी कळी ते मारीत छे
EXO 19:6 आरु तुमु मारी नजर मा याजको क मुलुक आरु चुखलो मुलुक कोवायसे। जी वाते तुमुक इसराएलीयो सी कोहनो छे ची यी छे।
EXO 19:7 ती मुसा न आवीन मानसो क डाहला पुजारा लोगहन को बुलायो, आरु यी आखी वात, जेनको कोहनेन हुकुम योहोवा न उको आपलो हुतो, हेनको सोमजाय देदो।
EXO 19:8 आरु आखा मानसे मीळीन जपाप आप्या, “जो काय योहोवा न कोहलो चो आखा हामु कोरसु।” लोगहन यी वात मुसा न योहोवा क सोमवाड़्यो।
EXO 19:9 ती योहोवा न मुसा सी कोयो, “सोमोळ, हांव काळ्ळा वादळान आंधारा मा रोहिन तार पास आवो, एकालिय की जव हांव तार सी वात कोरो तव त्या सोमळे, आरु होमीसा तार पोर विश्वास कोरे।” आरु मुसा न योहोवा सी लोगहन वातोन वाराम कोयो।
EXO 19:10 तव योहोवा न मुसा सी कोय, लोगहन पास जा आरु हेनको आज आरु वाहने चुखा कोर, आरु त्या आपसा लुगड़ा धुय लेये,
EXO 19:11 आरु त्या तीसरे दाहड़े लोगुन तीयार होय जाय; काहकी तीसरे दाहड़े योहोवा आखा लोगहन क डुळान देखतात सीनाय बोयड़ा पोर उतोर आवीस।
EXO 19:12 आरु तु लोगहन क लिय च्यारु धोड़े वाड़ बाँदजी, आरु उनासी कोहजो: तुमु चोकचोया रोहु की बोयड़ा पोर नी चोहड़ो आरु उना वाड़ काजे छिमता झुणी आरु जो कुय बोयड़ा को छिमसे त्यो छाचो मार न्याखो जासे।
EXO 19:13 ओको कोय हात सी नी छिमे; जु छीमसे उका पोर दोगड़ाटसे, एने उको तीर से मार देसे; चाहाय ढुर होय चाहे मानुस, चो जिवतलो नी वाचे। जव गाडरान सिंगड़ान नरसिंगा वाळा बुल घनी वार लगुन सोमळाय देये, ती मानसे बोयड़ा पोर चोहड़से।
EXO 19:14 तव मुसा न बोयड़ा पोर सी उतरीन लोगहन पास आवीन हेनको चुखो कोरायो; आरु त्या आपसा लुगड़ा धुय लेदा।
EXO 19:15 आरु त्यो लोगहन सी कयो, “तीसरे दाहड़े लोगुन तीयार होय जावु; आपसी लाड़ी क पास नी जानो।”
EXO 19:16 जव तीसरो दाहड़ो आयो तव संदारे वादळो गाजने लाग्यो आरु विजळी चोमकने लागी, आरु बोयड़ा पोर काळ्ळो वादळो छाय गोयो, ओळी नरसिंगान मोटो भारी बुल समळायो, आरु छावनी मा जोतरा लोगहन हुता आखा लोगहन कापने लाग्या।
EXO 19:17 ती मुसा लोगहन क परमेश्वर सी मीळने करीन छावनी सी निकाळ ली गोया; आरु त्या बोयड़ान नेड़ा उबा हुया।
EXO 19:18 आरु योहोवा त्यो आगठा मा रोहीन सीनाय बोयड़ा पोर उतरियो हतो, एना कारण आखा बोयड़ा धुवाड़ा सी भोराय गोयो; आरु ओको धुवो भट्टा सारको हुय गोयो, आरु आखा बोयड़ा काप रोया होता।
EXO 19:19 ओळी जव नरसिंगा को बुल बोढ़तो आरु बेसको जादा होयतो गोयो, तव मुसा कोयो, आरु परमेश्वर बुल सोमळाड़ीन ओको जोपाप आप्यो।
EXO 19:20 आरु योहोवा सीनाय बोयड़ान चोटी पोर सी नेचो उतरीयो; आरु मुसा को बोयड़ा चोटी पोर बुलायो, आरु मुसा उपोर चोहड़ गोयो।
EXO 19:21 तव योहोवा न मुसा सी कोयो, “नेचो उतरीन लोगहन क चेतावनी आप, काय असो नी होये कि त्या यी वाड़ी तुड़ीन योहोवा क पास देखने लिय भराय जाय, आरु उनाम सी बेसका नाश होय जाय।
EXO 19:22 आरु पुजारा जे योहोवा क धोड़े आया कोरे, त्या वी आपसाक चुखा कोरे, काय ओसो नी होय की योहोवा हेनको डोन आपे।”
EXO 19:23 मुसा न योहोवा सी कोयो, “त्या लोगहन सीनाय बोयड़ा पोर नी चोढ़ सोके; तु ते आपसो हामुक यो कोहीन चोकचोया कोरीयो कि बोयड़ान च्यारु मेर वाड़ बाँधीन ओको चुखो राखु।”
EXO 19:24 योहोवा न उनासी कोयो, “उतर ते जा, आरु हारुन भेळ तु ऊपर आव; बाखुन पुजारा आरु दीसरा लोगहन योहोवा क पास वाड़ तुड़ीन नी‍ चोहोड़ आवे, असो नी होये की होये की त्यो हेनको डोन आपे।”
EXO 19:25 यी वाते मुसा न लोगहन क पास उतरीन हेनको सोमवाड़्यो।
EXO 20:1 तव परमेश्वर न ये आखो बुल कोयो:
EXO 20:2 “हांव तारु परमेश्वर योहोवा छे, जो तुसे गुलामीन घोर यानी मिसर देश सी निकाळीन लावलु छे।
EXO 20:3 “तु मेसे छुड़ीन दिसरा क परमेश्वर कोरिन झुणी मानजी।
EXO 20:4 “तु आपसा लिय काय मुर्ती खुँदिन झुणी बोनवे, नी कुदान जनारक मुर्ति आरु चीज बोनावजी, जो वादळा मा, एने कळी पोर, एने कळीन नेचो जळ मां छे।
EXO 20:5 तु ओसो वान्दे झुणी, आरु नी हेनको विनता कोरजी; काहकी हांव तारु परमेश्वर योहोवा जळन राखने वाळु परमेश्वर छे, आरु जुळ मार सी घाड़ाय कोरे, हेका पुर्या, पोता, आरु परपोतो क वी डाहडानक वी डोन आप्या कोरो,
EXO 20:6 आरु जो म्हार सी मोंग राखे आरु मारा हुकुम क माने, हेनु हजारु पीढ़ीया पोर गीन कोरिया कोरो।
EXO 20:7 “तु आपसा परमेश्वर क नाव उदुड़ नी लेनो; काहकी जो योहोवा क नाव उदुड़ लेये चो ओको वीन गुनाकु नी कोहायसे।
EXO 20:8 “तु आरामोन दाहड़ा क चुखो मानने क लिय फोम राखजी।
EXO 20:9 छोळ दाहड़ा लोगुन तु काम कोरीया कोर आपसो काम-काज कोर;
EXO 20:10 बाखुन सातवो दाहड़ो तारा परमेश्वर योहोवा क लिय आरामोन दाहड़ो छे। हेरेमा नी ते तु कोहने वि रीते क काम-काज कोरजी, आरु नी तारा पुर्या, नी तारी पुराय, नी तारा दास, नी तारी दासी, नी तारा ढुरे, नी काई पारकाओ जो तारा झोपला क धोड़े होय।
EXO 20:11 काहकी छोव दाहड़ा मा योहोवा न वादळा, आरु कळी, आरु दोरया, आरु जो काई हेरेम छे, आखो बोनायो, आरु सातवे दाहड़े आराम कोर्‌यो; ओस कोरीन योहोवा न आरामोन दाहड़ा क बोरकोत आप्यो आरु ओको चुखलो कोयो।
EXO 20:12 “तु आपसा बाबा आरु आपसी आयान आदर कोरजी, जेरेसी जे देश तारा परमेश्वर योहोवा तुखेक आपे छे हेरेम तु घोना दाहड़ा लौगुन रोय सोके।
EXO 20:13 “तु खुन झुणी कोरे।
EXO 20:14 “तु व्यभिचार झुणी कोरे।
EXO 20:15 “तु चूरी झुणी कोरे।
EXO 20:16 “तु कुदान विरुद्ध झुटु गोवा नी देजी।
EXO 20:17 “तु कुदान घोर क लालच झुणी कोरजी; नीते कुदान बायोर क लालच कोरजु, आरु नी कुदा क दास-दासी एने बुईल-गोदड़ा क, नी कुदा क काई चिजो क लालच कोरजु।”
EXO 20:18 आखा मानसे वादळो गाजनो आरु विजवी आरु नरसिंगा क बुल सोमळीन, आरु धुवाड़ा क उठतो हुवे बोयड़ा क देखता रोया, आरु देख क, कापता जाईन छेटा उबा होय गोया;
EXO 20:19 आरु हुये मुसा सी कोहने लाग्या, “तुत आमरे सी वात कोर, ती ते हामु सोमळी सोकसु; बाखुन परमेश्वर आमरे सी वात नी कोरे, ओसो नी होय की हामु मोर जाजे।”
EXO 20:20 मुसा न मानसो सी कोयो, “मा बीहयु; काहकी परमेश्वर इकालिय आयो छे की तुमरी पारोख कोरे, आरु ओको बीक तुमरा मोन मा बोनलो रोहे की तुमु पाप नी कोरु।”
EXO 20:21 आरु त्या लोगहन छेटा उबा रोया पुन मुसा उना घोना आंधारा धोड़े गुयो जां परमेश्वर हुतो।
EXO 20:22 तव योहोवा न मुसा सी कोयो, तु इसराएलियो को म्हार ये बुले सोमवाड़: तुमु लोगहन आपसा देख्या की हांव तुमरे पुठी वादळा सी वात कोरलो छे।
EXO 20:23 म्हार विगुर आराधना क देवता जुगु आपसा लिय सोना चाँदीन भगवान झुणी बोनावता।
EXO 20:24 मारे जुगु धुळान क एक वेदी बोनावीन, आरु आपसा गाडरा-बुकड़ा आरु गाय-बुल्यो क होमबली आरु मेलबलि क हेर पोर चोढ़ावजु; होर जागाम जाँ हांव आपसा नाव क फोम कोरावो चाँ चाँ हांव आवीन तुमुक बोरकोत आपीस।
EXO 20:25 आरु कदाम तुमु मारे लिय दोगड़ा क वेदी बोनावु, ती तराशे हुया दोगड़ा सी नी बोनावजु; काहकी जाँ तुमु न हेर पोर आपसो होतीयार लागाड़े चाँ तुमु हेनाक विटवी देसु।
EXO 20:26 आरु मारी वेदी पोर पान्छ्या सी कोदी नी चोड़नो, काहिय ओसो नि होय कि तारो डिल हेर पोर नांगो देखा पोड़े।
EXO 21:1 ओळी जे कायदा तुखे हेनको समझावनो छे त्या ये छे:
EXO 21:2 जोत्यार तुमु काय इबरी दास मुले लेये, तव त्यो छोव साल लोगुन चाखरी कोरतो रोहे, आरु सातवा साल स्वतन्त्र विगुर दाम आपे जात रोहे।
EXO 21:3 कदाम हुये छोल्लो आयो होय, ती छोल्लो जात रोहे; आरु कदाम लाड़ी भेळ आयो होय, ती उना साथ ओकी लाड़ी वी जात रोहे।
EXO 21:4 कदाम हेको मालीक न उको लाड़ी बोनाय देदो होय आरु उना उकासी पुर्या आरु पुरायटा पोयदा होया होय, ति ओकी लाड़ी आरु बाळक हेरा मालीक क त रोहे, आरु हुयो एखलो जात रोहे।
EXO 21:5 बाखुन कदाम हुयो दास हिमोत कोरीन कोहे, हांव आपसा मालिक, आरु आपसी लाड़ी, आरु पुर्या सी मोंग राखो; एकालिय हा स्वतन्त्र होईन नी जाईस;
EXO 21:6 ती हेको मालिक उको योहोवा भगवान क पास मा ली जाय; ओळते उको भितड़ान छिवनियान धड़ मा ली जायीन उका कान्टा मा सुजेन सी वीन्द देय; तव त्यो जलोमको ओकी चाखरी करतो रये।
EXO 21:7 कदाम कोय आपसी पोराय को दासी हुयने करीन वेच देय, तो त्यी दासी सारकी खोयड़े नी जाय।
EXO 21:8 कदाम त्यो आपसा मालीक क आपसा लिय मुले लेदलो होय, आरु उको मालिक उको आपसी लाड़ी बनावे, आरु ओळते उका सी त्यो खुश नी हुये, ती त्यो उको उना दाम मा पछो छुड़वने देय; उको भुरसो तुड़नेन ओळते बाहर देश वाळान को वेचनेन उको हक नी रये।
EXO 21:9 कदाम त्यो उका पोर्यान क सात मा वियाव बी कर दीदो हय, तो उका सी पोराईन सारको वेवहार करे।
EXO 21:10 चाहे त्यो दिसरी लाड़ी कर लेय, तेबी, त्यो उनी पेहली लाड़ीन खानो, छिंदरा, सातसोंगत कम नी करनो जुळे।
EXO 21:11 आरु कदाम त्यो इनी तीन वातो मा कमी करे ती, त्या बायोर उना मालिक को रुप्‌या आपे विगुर जात रये।
EXO 21:12 जु कोय कुदा मनुस को असो देय की त्यो मर जाय, ती त्यो मारने वाळान सजा यी छे कि त्यो बी छाचो मार दियो जाय।
EXO 21:13 कदाम त्यो ओको केड़ु हय नी बठलो हय, आरु योहोवा भगवानन मरजी सी त्यो उका हाथ मा पड़ गयो हय, ती असो मारने वाळान क लिए हांव एक जागो तियार कर राखीस जाँ सारी त्यो ढास जाय।
EXO 21:14 पुण कदाम कोय रीस करीन कुदा सी लड़ाय करीन उको सी धुको करीन मार देय, ती उना मारने वाळा को मारने करीन म्हारी वेदी सी बी छेटा ली जाजु।
EXO 21:15 जो कोय आपसा- माय या बाप को सात मा मार पीट करे ती त्यो छाचो मार दियो जाय।
EXO 21:16 जो कोय कुदा मानुस क चुरावे, चाहे त्यो उको वेच देय, चाहे उको याँ जप जाय, ती उना चुरावने वाळान को छाचो मार न्हाखे।
EXO 21:17 जो कोय आपसा बाप या माय को सराप देय, त्यो बी छाचो मार दियो जाय।
EXO 21:18 कदाम मनुस लड़ायता हय, आरु एक दिसराक दगड़ा या धुमा दीन मांदो कर देय आरु त्यो खाटला मा पड़ जाय।
EXO 21:19 ती जव त्यो उठीन लाकड़ीन टेका चालने फिरने लाग जाय, तव मारने वाळो गुणेगार नी रये: उनी टेम मा त्यो मार खाने वाळान पड़ रयनेन दाहड़ान नुक्शानी भर देय; आरु उको आरगो करने इलाज बी कराय देय।
EXO 21:20 कदाम कोय आपस दास या दासी को सुटा देय आरु त्यो असो देय कि त्यो हेको देने सी मर जाय, तव उको छाचो डण्ड जड़नो जुळे।
EXO 21:21 पुण कदाम त्यो दुयेक दाहड़ा जीवतलो रये, ती ओको मालिक को डण्ड नी देनो; काहकी त्यो दास उका रुप्‌या छे।
EXO 21:22 कदाम कोय मानुस एकि दिसरा सी मार पीट करीन काहली भारपाये बायोर को चुट लगाड़े आरु उको चुट लगाड़ने सी उनी बायोर को कुख गिर जाय, पुण आरु काहय दिसरी नुक्शानी नी हुये, ती मारेने वाळा सी तरोत डण्ड लेनो जतरो उनी बायोर को धेणी पंचुन राजी सी देखाड़े।
EXO 21:23 पुण कदाम उको दिसरी काहय नुक्शानी हुये, ती जीव को बदले जीवन,
EXO 21:24 आरु डुळान बदले डुळु, आरु दाँतन बदले दाँत, आरु हातन बदले हात, आरु पायन बदले पाय,
EXO 21:25 आरु आगठो चोसटाड़ने बदले आगठो चोसटाड़नो, आरु घावन बदले घाव, आरु मारन बदले मार हुयनो जुळे।
EXO 21:26 जव कोय आपसा दास या दासीन डुळा पर असो देय कि ओको डुळो फुट जाय, ती त्यो उना डुळान बदले छुट आपीन जाने देय।
EXO 21:27 आरु कदाम त्यो आपसा दास या दासी को देय आरु ओको दात तुड़ देय, ती त्यो उका दातन बदले उको छुट आपीन जाने देय।
EXO 21:28 कदाम बयल्यो कोय बायोर एने ओदमी को असो सींगड़ो मारे कि त्यो मर जाय, ती उना बयलीयो छाचो दगड़ा दीन मार देनो, आरु ओको मास नी खानो; पुण बयल्यान मालिक गुनेगार नी बने।
EXO 21:29 पुन कदाम उना बयलीयोन पेहले सु सींगड़ो देनेन टेळ होय, आरु उका मालिक को कय देने पर बाँधीन नी राखे, आरु कोय बायोर या ओदमी को मार देय, तव उना बयल्या को दगड़ावे, आरु उको मालिक को बी मोतन डण्ड आपीन मार देय।
EXO 21:30 कदाम उका पर छुटनेन गुनु राखे, ती जीव छुड़वनेन जो दाम काय हेरेन करीन टाकलो, उको तरोत आपनो पड़से।
EXO 21:31 चाहे बयल्यो कोय को पोर्यान को, चाहे पोराई को सिंगड़ो लागाड़े, तेबी उना नियम क अनसारे उका मालिक क सात वेवहार करे।
EXO 21:32 कदाम बयलीयो कोय दास या दासी को सींगड़ो सी मारीयो हय, ती बयल्यान मालिक उना दास क मालिक को चाँदीन तीस सिक्के आप देय, आरु उना बयल्या पर दगड़ा देय।
EXO 21:33 कदाम कोय मनुस खाडो खुंदीन या खुंदीन उको पछो नी बुरवे, आरु उना मा कोय को बयलीयो या ते गदड़ो पड़ जाय,
EXO 21:34 ती जिनान त्यो खाडो छे त्यो उनी नुक्शानी को भर देय; त्यो उना पशुन मालिक को ओको मुले आप देय, आरु त्यो ढुर खाढा वाळान रये।
EXO 21:35 कदाम कोय को बयलीयो कोय दिसरान बयल्या को असो चुट लगाड़े कि त्यो मर जाय, ती त्या दुयु मनुस जीवतला बयल्या को वेचीन ओको रुप्‌या आपस मा वाट लेय; आरु मोरला बयल्या को बी तसात वाट लेय।
EXO 21:36 कदाम यो उजन्तो कय कि उना बयलीयोन पेहले सी सींगड़ा मारनेन आदत पड़ली हुती, पुण उना बयल्यान मालिक ओको बाँधीन नी राखे, ती छाचो त्यो बयल्यान बदले बयल्यो आप देय, पुण मोरलो ढुर ओको रये।
EXO 22:1 कदाम कोय मनुस बयलीयो, या गाडरा, या बकड़ा चुरी करीन उको मार न्हाखे या वेच देय, ती त्यो बयल्यान बदले पाच बयल्या, आरु गाडरान-बकड़ान बदले चार गाडरा-बकड़ा भर देय।
EXO 22:2 कदाम चुर चुरी करतलो धराय जाय, आरु उना पर असी मार पड़े कि त्यो मर जाय, ती उका खुन को गुणो नी लागे;
EXO 22:3 कदाम दाहड़ो उग जाय, तव चुर क मारने वाळा पोर गुनो लागे, पुन त्यो चुर नुकसान नी भोराये, ती त्यो चुर को वेच देय।
EXO 22:4 कदाम चुरावलो बयलीयो या गदड़ो, या गाडरो, या बकड़ो उना जुळ जीवतलो जड़ जाय, त्यो उको दुय गुणा भर देय।
EXO 22:5 कदाम कुय आपसो ढुर सी कुदाण खेतोम एने अंगुरोन वाड़ीम चोरे, आपसा ढुर क ओसो छुड़ देये कि त्यो पारका खेतोम चोर लेये ती त्यो आपसा खेतोन आरु आपसी अंगुरोन वाड़ीन वारु सी वारु मेर मा सी ओकी नुकसानी भोरे।
EXO 22:6 कदाम कोय ओदमी आपसा खेत मा आगठो धपाड़े, आरु आगठो काटा मा लाग जाय आरु फुलोन ढिगोम या ओन या उबलो खेत धप जाय, ती त्यो आगठो लगाड़ियो हय त्यो नुक्शान हयो वतरो भर देय।
EXO 22:7 कदाम कोय दिसरा न क पास मा सी रुप्‌या या सामान गिरीवी मेले, आरु त्यो उना घर चुरी हुय जाय, ती कदाम चुर धराय जाय ती उको दुय गुना भरनो पड़से।
EXO 22:8 कदाम चोर नी धराये, ती घर को मालिक को योहोवा भगवान कि पास मा लावे कि मालुम हुय जाय की त्यो उना सोगाय साय वाळान धोन पोर हात लगाड़ीयो छे की नी।
EXO 22:9 चाहे बयलीयो, चाहे गदड़ो, चाहे गाडरो या बकड़ो, चाहे छिंदरा, चाहे काहली बी भाँती खुवायली चीजोन वाराम गुनु काहनी लागड़लो हय, जिनाक दुय जना म्हारी म्हारी कयता हय, ती उना दुय जन को झोगड़ान क योहोवा भगवान को पास मा आवे; आरु जिनाक योहोवा भगवान गुनागार बनावे त्यो दिसरान दुय गुना भर देय।
EXO 22:10 कदाम कोय दीसरान को गदड़ो या बयलीया या गाडरो- बकड़ो या काहलो बी ढुर को उका जुळ भाळने करीन मेले, आरु कुदान बी बिना देखे त्यो जनवार मर जाय, ता काहय चोट लाग जाय, या आहानाय ली जाय,
EXO 22:11 ती उन दुयन क वीच मा योहोवा भगवान न कसम देवाड़नो, कि हांव एकी सम्पती पर हाथ नी लगाड़ीयो; तव सम्पती को मालिक उनी वात को पाको माने आरु दिसरा को काहय बी भरने नी देनो जुळे।
EXO 22:12 कदाम त्यो पाको उका हात सी चुरावलो हय, ती त्यो ओका मालिकन नुक्शानी को भर देय।
EXO 22:13 आरु कदाम त्यो जोंगली जोवारीयो फाड़ दियो हय, ती त्यो फड़लात् जनवार को गोवान कोरता ली आवे, तव उना क बी नुक्सानी भरनो नी पड़े।
EXO 22:14 ओळी कोय दिसरा सी पशु माँगीन ली आवे आरु उना मालिक क साथ मा नी रये ने आरु ओको चुट लाग जाय या मर जाय, ती त्यो पाको ओकी नुक्शानी भर देय।
EXO 22:15 कदाम ओको मालिक साथ मात् रये, ती दिसरा को नुक्शानी नी भरनो पड़े; आरु कदाम त्यो भाड़ा पर लावलो हय ती ओकी नुक्शानी उना भाड़ा मा आय गय।
EXO 22:16 कदाम कोय ओदमेड़ो काहली छोल्ली पोराय को, जिनीन वियाव न वात नी हयली हय, फुसलावीन उना साथ मा विनलागीयो काम करे, ती त्यो पाको ओको मोल आपीन उना सी वियाव कर लेय।
EXO 22:17 पुन कदाम ओको बाप उनी पोराय को वियाव सी पुरो मना कर देय, ती गुनु करने वाळो पोरई को मोलन रीतिन अनसारे रुप्‌या तुल देय।
EXO 22:18 तु जादु टोना करने वाळी बायर को जीवतली झुण रयने देय।
EXO 22:19 जो कोय संवसार करतो होय, ती त्यो पाको मार दियो जाय।
EXO 22:20 जो कोय योहोवा को छुड़ीन आरु कुदा दिसरा देवतान करीन बलि करे ओको सत्यनाश करीयो जाय।
EXO 22:21 तुमु बाहर देश वाळान को झुण सतावता आरु उना पर घाड़साय झुण करता, काहकी मिसर देश तुमु बी बाहर देश वाळा हुता।
EXO 22:22 काहली रोन्डायली बायोर एने विखा वाळा पोर्यान को दु:ख झुण देय।
EXO 22:23 कदाम तुमु असलान को काहले बी रीतिये सी दु:ख देयो आरु त्या म्हार सी विनता करे, ती हांव छाचो हेनकी विनता समळीस;
EXO 22:24 तव हांव रीसवाय जाईस, आरु हांव तुमुक तोलवार सी मारावीस, आरु तुमरी धेन्यारी रोन्डाय जासे आरु तुमरा पोर्या पारी विखा वाळा हुय जासे।
EXO 22:25 कदाम तु म्हारी परजान लोगहन मा सी नेचळा को जो तारे जुळ रयतो हय आरु बियाजता रुप्‌या आपे ती उना सी नाव सोवकार सारका बियाज झुण लेतो।
EXO 22:26 कदाम तु कदी थारा भाई बयणीयान छिंदरा खण्डीन राखी बी लेय, ती दाहड़ो डुबने सी पहले तक उको पछो आप देजी;
EXO 22:27 काहकी त्यो ओको पाँगरुन छे, उना डीलन त्योत् एकुत छिंदरो रयसे; ओळते त्यो काय पाँगरीन सुवसे? आरु जव म्हार सी विनता करसे तव हांव हेनकी विनता समळी लीस, काहकी हांव दया वाळो छे।
EXO 22:28 योहोवा भगवान को शाप झुण देय, आरु नी थारा लोगहन को डाहडान को सराप देय।
EXO 22:29 आपसा खेतोन अनाज को आरु फवोन रस मा सी काहय मखे आपने करीन काहय बी वार झुण लगाड़े। आरु पोर्या माईन पयला खुळान बाळो मखे आपजी।
EXO 22:30 तसोत् थारी गाय आरु गाडरो-बकड़ान पेहली पयदावारीन बी आपजी; सात दाहड़ा तक ते पीलो या नानलो बाळो आपसी माय को पास मा रये, आरु आठवे दाहड़े ओको मखे चड़ाय आप देजी।
EXO 22:31 तुमु म्हार चुखला लोगहन बोनु; इना कारण सी जो ढुर खयड़ा मा फाड़ खादलो आरु मरलो जड़े उको मास झुण खाता, पुण उको कुतरान ओगळ न्हाक देजो।
EXO 23:1 झुटी वात झुण फैलावे। अन्यायी गवा बनीन पापी मनुस को सात झुण देय।
EXO 23:2 बुराय करने करीन गण सवटा पछल झुण जाय; आरु नी ते हेनका पछोळ फिरीन नियाव बिगाड़ने करीन गवाय देय;
EXO 23:3 आरु गरीबन नियवा मा उना तरफ बी झुण हये।
EXO 23:4 कदाम थारा वेरीन बयलीयो या गदड़ो खुवाय जाय आरु त्यो तुको भेटाये, ती उको उना पास मा छाचो पछो ली आवजी।
EXO 23:5 जव उमा मनुस को गदड़ा क भार तळे दबायलो देखे, तव उना मनुस सी कुहराय क विसरीन उना गदड़ा को उठाड़नेम मदत कोर आरु गदड़ा को भार सी छुड़ाव।
EXO 23:6 तारा लोगहन मा सी जो गरीब हय, उका पंचु मा उका नियाव को झुण बीगाड़े।
EXO 23:7 झुटा नियाव सी दुर रयजी, आरु देरो गुणो नी हय आरु धरमी जन को कुड़ो हईन नुक्शान झुण करे, काहकी हांव दुष्ट को विन गुनाको नी बनावो,
EXO 23:8 पयस्या झुण लेये काहकी पयस्या मनुस को छाचाय सी आंधवो कर देये आरु वीन गुनाकान नियाव को बिगाड़ देय।
EXO 23:9 बाहर देश वाळा काजे दोमता झुण; तुमु ते बाहर देश वाळान मन को जानो, काहकी तुमु बी मिसर मा अनजानिया हुता।
EXO 23:10 छव साल ते थारी जागा पर वेरजी आरु ओको ओनाज एख्टो करजी;
EXO 23:11 पुण सातवा साल मा उको पड़वीति रयने देजी आरु तसोत् छुड़ देजी। ती तारा भाय बोन्या माईन गरीब लोगहन ओको खाय ओते, आरु जो काहिन उनासी वि वाचे त्यो जोंगली ढुरोक खानेम काम आवे। आपसी अंगुर आरु जैतुनन वाड़ी सी वी ओसाज कोरजु
EXO 23:12 छव दाहड़ा तक थारो काम काज करजी, आरु सातवे दाहड़े आराम करजी काहकी थारा बयलीयो आरु गदड़ा आराम करे आरु थारी पावेरनीयान पोर्या आरु बाहर देश वाळा बी आपसा जीव को शेळो करे।
EXO 23:13 जो काय हांव तुमरे सी कयो उना मा चोकचोळीया रयजु; आरु दिसरा देवतान नावन वात विचार मत करज, पुन त्या तुमरा मुय सी बी नी समळायनो चाहे।
EXO 23:14 सालो डीट तीन वार म्हारे जुगे तीहवार वाळजु।
EXO 23:15 अखमीरी रोटान तीहवार वाळजु; उनामा म्हारा हुकुमन अनसारे अबीब मोहना न टाकली टेम पर सात दाहड़ा तक अखमीरी रोटा खाया करजो, काहकी उना मोहना मा तुमु मिसर देश सी निकळीन आवला हुता। कुय वी मनुस म्हार दोरसोन क लिय ठाहरला हात झुन आवता।
EXO 23:16 जव थारा वेरला खेतोन पेहली फसल उगीन तीयार हुय जाय, तव काटनीन तीहवार वाळजी। सालोन आखरी मा जव तु आरामन फोव भेळा करीन ढिक वाळलेय तव भेळा करनेन तीहवार वाळजी।
EXO 23:17 सालो डीट तीनु वार थारा सब ओदेमड़ा योहोवा भगवान को अगळ होजुय हये।
EXO 23:18 मारा चढ़ावला ढुरन लुहुय खमीरी रोटान साथ मा नी खानो, आरु नी म्हारा तीहवारन वारला चढ़ावा माईन काहय बी संदारे तक झुण रयने देता।
EXO 23:19 थार खेतोन पेहली फसलन पेहलो वाटो योहोवा भगवान न भवन मा लावजी। गाडरा आरु बकड़ान पीला ओकी माय न दुत मा चुड़ेवता झुण।
EXO 23:20 “समळ, हांव एक दुत थारे ओगळ ओगळ मोकलो जो वाटिये थारी राखवाळी करसे, आरु जिना जागा को हांव तियार करलो छे उना मा तुक पुगाड़से।
EXO 23:21 उना ओगळ जाळवायतो रयजी, आरु ओकी समळजी, ओको विरुद झुण करे, काहकी त्यो तुमरा पापोन को माफ नी करे; अतरान करीन कि उका मा म्हारो नाव रये।
EXO 23:22 कदाम तु छाचो ओकी समळे आरु जो काय हांव कयो त्यो तु करे, ती हांव थारा वेरीन को वेरी आरु थारा दुश्मनोन दुश्मन बनीस।
EXO 23:23 इनी रीति सी म्हारो दुत थारे ओगळ ओगळ चालीन तुको एमोरी, हित्ती, परिज्जी, कनानी, हिब्बी, आरु यबुसी लोगहन को या पुगाड़ीस, आरु हांव हेनको नाश करी दीस।
EXO 23:24 हेनका देवता न को झुण वान्दे, आरु नी ते हेनकी भक्ति करे, आरु नी ते हेनका सारका काम करजी, पुण हेनी मुरतियान को आखो पुरो नाश कर देजी, आरु उन लोगहनन पुजान खंबा को टुकड़ा टुकड़ा कर देजो।
EXO 23:25 तु थारा योहोवा भगवानन विनता करजी, तव त्यो थारा ओन जल पर सय बरकत आपसे, आरु थारे वीच मा रईन बिमारी पीड़ा दुर करसे।
EXO 23:26 थारा देश मा नी ते कोय को पुरीयो खोखळाये आरु नी ते कोय वांजाय रयसे; आरु थारी उमर हांव पुरी करीस।
EXO 23:27 जतरा लोगहन को वीच मा तु जाईस हेनो सबन मन मा हांव म्हारी बीक पेहल सी असो भर दीस कि हेनको घबराड़ दीस, आरु हांव तुको आखा वेरीन वासो देखाड़ीस।
EXO 23:28 आरु हांव थार सी पेहल गेन्डरान मोखड़ा को मोकलीस जो हिब्बी, कनानी, आरु हित्ती लोगहन को थारे सामने सी ढसाड़ीन दुर कर देसे।
EXO 23:29 हांव उन लोगहन को थार ओगळ सी एकात् साल मा नी निकाळो, असो नी हये कि देश उजड़ी जाय, आरु जंगली जोनवारीया वदीन तुको पीड़ा आपे।
EXO 23:30 जव तारी गिनाय वोदीन देश को थारा हको मा नी कर लेय तव तक हांव हेनको थार ओगळ सी थोड़ा थोड़ा करीन निकाळतो रयीस।
EXO 23:31 हांव रातला दरिया सी लगाड़ीन पलिश्तियान दरिया तक वाळा देश आरु जंगल सी लगाड़ीन फरात महानद तक क देश को थारा हको तळे कर दीस; हांव उना देशन रयनेवाळान को बी थारा हको तळे कर दीस, आरु हेनको आपने ओगळ रईन खरो निकाळ दीस।
EXO 23:32 तु हेन लोगहन सी काय वात झुण वायदु कोरे आरु नी ते हेनका देवता सी।
EXO 23:33 त्या थारा देश मा नी रयनो जुळे, असो नी हयनो जुळे कि त्या थार सी म्हार विरुद मा पाप करावे; काहकी कदाम तु हेनका देवतान विनता करीस, ती यो थार वाटे जाळ बन जासे।”
EXO 24:1 ओळी मुसा सी कयो, तु, हारुन, नादाब, अबीहु, आरु इसराएलीयान सत्तर डाहडान को सात लावीन योहोवा भगवान क पास मा आवीन दुर सी आराधना कोरजी।
EXO 24:2 आरु मुसा अतरोत योहोवा भगवान क पास मा आवजी; पुन त्या लोगहन पास मा नी आवनो, आरु दिसरा लोगहन उना सात मा ऊपर नी आवनो।
EXO 24:3 तव मुसा लोगहन को पास मा जाईन योहोवा भगवान नी सब वात आरु सब नियम कायदा सुना दियो; तव सब लोगहन एकसारको रेंग निकाळीन बुलने लाग गीया। “जतरी वात योहोवा भगवान कयलो छे उनी सब वातोन को हामु मानसु।”
EXO 24:4 तव मुसा योहोवा भगवानन सब वचन को लिख दीदो। आरु सोन्दारे उठीन बयड़ान नेचा एक बेदी आरु इसराएलन बारे गोत्रान ओनसारे खम्बा बनवाड़ीया।
EXO 24:5 तव त्यो घण सवटा इसराएली जवानीया को मोकलीयो जे योहोवा क लिए होमबली आरु पशु को मेलबलि चढ़ावे।
EXO 24:6 आरु मुसा आदो लुहुय लीन वाटका मा राखीयो, आरु आदो बेदी पर छिड़की दीदो।
EXO 24:7 तव वाचान किपात को लीन लोगहन को भनीन सुनायो; उनी किताब को सुनीन त्या ळोगहन कया जो काय योहोवा भगवान कयलो छे उनी सब वात को हामु करसु, आरु ओको हुकुम मानसु।
EXO 24:8 तव मुसा लुहुय को लीन लोगहन पर छिड़की दीदो, आरु उन लोगहन सी कयो, देखो, यो उनी वाचान लुहुय छे जिनीक योहोवा भगवान इनु सब वचन पर तुमरे साते बांधलो छे।
EXO 24:9 तव मुसा, हारुन, नादाब, अबीहु आरु इसराएलीयान सत्तर डाहडा बयड़ा पर गीया,
EXO 24:10 आरु इसराएलन योहोवा भगवान को दरशन करीया; आरु उना पायो तळे नीलमणीन सारको पाटलो हुतो, जो वादळा सारको जुगाळो हुतो।
EXO 24:11 आरु त्यो इसराएलीयान डाहडा पर हाथ नी बढ़ायो; तव त्या लोगहन योहोवा भगवानन दरशन करीया, आरु खादा पीदा।
EXO 24:12 तव योहोवा भगवान मुसा सी कयो, बयड़ा पर म्हारे जुळ चढ़ीआव आरु वाँ सारी रय; आरु हांव तुको दगड़ान पट्टिया, आरु म्हारा लिखला नियम आरु हुकुम आपीस कि तु उन लोगहन को सिकाड़े।
EXO 24:13 तव मुसा योहोसु नावन ओको मदतगार योहोवा भगवानन बयड़ा पर चढ़ी गीया।
EXO 24:14 आरु डाहडा सी त्यो यो कय गयो, “इव तक हामु तुमरे जुळ पछा नी आवजे, तव तक तुमु यात् हामरी वाट जुळता रयजु; आरु समळो, हारुन आरु हुर तुमरे सात मा रयसे; ती कदाम कुदा मनुस को काहय नियाव करनो हय ती हेनको पास जाजो।”
EXO 24:15 तव मुसा बयड़ा ऊपर चढ़ी गीयो, आरु वादळो बयड़ान को ढाक लीदो।
EXO 24:16 तव योहोवान विजाळो सीनाय बयड़ा पर उतर आयो, आरु त्यो वादळो उना पर छव दाहड़ा तक छावयलोत् रीयो; आरु सातवे दाहड़े योहोवा भगवान मुसाक वादळान वीच मा रईन आयड़ीयो।
EXO 24:17 आरु इसराएलीयान नजर मा योहोवा भगवानन विजाळो बयड़ान कातर पर घण जबर धोदेकतला आगठान सारको देखाय देतो हुतो।
EXO 24:18 तव मुसा वादळान वीच माईन भराईन बयड़ा पर चढ़ी गीयो। आरु त्यो बयड़ा ऊपर चालीस दाहड़ा आरु चालीस रात तक रीयो।
EXO 25:1 योहोवा भगवान मुसा सी कयो,
EXO 25:2 इसराएलीया सी यो असो कोय कि म्हारे जुगु भेट लावे; जतरा जन आपसी मरजी सी आपनो चाहे हेनु सब सी म्हारी भेंट लेजी।
EXO 25:3 आरु जिना चीजोन भेट हेनका सी लेनो छे त्यो यो छे; सोनो, चाँदी, पीतल,
EXO 25:4 आरु नीळ्ळा, जामनीया रंगोन आरु रातला रंगोन छिंदरा, सुवाळा‌ छिंदरा, आरु बकड़ान झोटा,
EXO 25:5 रातला रंगो सी रंगायली गाडरीन खालड़ा, सुस नावोन मोटली माछीन खालड़ा, बाबळीयान लाकड़ा,
EXO 25:6 विजाळा जुगु तेल, अभिषेक करने करी तेल आरु वारु सवादो गंधायने वाळा धूप जुगु गंधायनाय चीज,
EXO 25:7 एपोद आरु राखवाळीन ढाळ क लिय छेल भातीया रंगोन घाटळा सुलेमानी दगड़ा, आरु लगाने क लिय मणि।
EXO 25:8 आरु त्या म्हारे लिय एक चुखलो जागो बनावे, कि हांव हेनका वीच मा रया करो।
EXO 25:9 जो काय हांव तुको देखाड़ो, मतलब रयनेन जागो आरु उना आखा सोमान सारको, उनात् अनसारे तुमु उको बनावाजो।
EXO 25:10 बाबळीयान लाकड़ान एक घाटाळो सन्दुक बनावजो, ओकी नाम्बाय दुय हात ने आदो हात आरु चवड़ाय आरु ऊचाय डेढ़-डेढ़ हातन हुयनो जुळे।
EXO 25:11 आरु उको चुखला सोना सी माहयतो आरु बाहर ढाळाड़जो, आरु सन्दुकन ऊपर चारो मेर सोनान वाड़ बनावजो।
EXO 25:12 आरु सोनान चारो कड़ीया ढाळाड़ीन उना चारो पाया पर एक आरु दुय कड़ीया आरु दिसरे तरफ बी दुय कड़ीया लागाड़जो।
EXO 25:13 ओळी बाबळ्यान लाकड़ान डान्डा बनवाड़जो, आरु हेनको बी सोना सी ढाळाड़जो।
EXO 25:14 आरु डान्डान को सन्दुकन दुयो तरफन कड़ीया मा न्हाकजो जिना सी उना लारे सन्दुक को हाकले।
EXO 25:15 त्या डान्डा सन्दुकन कड़ीया मा लागला रयनो जुवे; आरु उना सी अलग नी करनो हय।
EXO 25:16 आरु जो गवायन पत्री हांव तुको आपीस उको उना पेटारा मा राखजी।
EXO 25:17 ओळी चुखा सोनान एक पछतावान ढापनो बनाड़जी; ओकी नाम्बाय ढाय हात, आरु चवड़ाई डेढ़ हातन हयनो जुवे।
EXO 25:18 आरु सोनो ढाळीन दुय पाखड़ावाळो जोनवार बनवाड़ीन पछतावान ढापनान दुयु छिवणिया पर लगवाड़जी।
EXO 25:19 एक करुब ते एक छिवनीया पर आरु दिसरो करुब दिसरा छिवनीया पर लगवाड़जी; आरु करुबियान को आरु पछतावान ढाकना को उना टुकड़ा सी बनावीन उको दुयु छिवनीया पर लगवाड़जी।
EXO 25:20 आरु उना करुबियान पाखड़ा ऊपर सी असा फैलायला बननो जुवे कि पछतावन ढाकना उना सी ढाकायललो रयनो जुवे, आरु हेनका मुय आम्बा साम्बा आरु पछतावान ढाकना तरफ रये।
EXO 25:21 आरु पछतावान ढाकना को सन्दुकन ऊपर लगवाड़जी; आरु जो गवायन पत्री हांव तुको आपीस उको सन्दुकन माहय राखजी।
EXO 25:22 आरु हांव उना ऊपर रयीन थार सी मेळीया करीस; आरु इसराएलीयान क लियन जतरो हुकुम हांव तुको आपीस, उनी आखी वातोन वाराम मा पछतावान ढाकनान ऊपर सी आरु उना करुबन वीच मा सी, जो गवायन पत्रीन सन्दुक पर हुयसे, थार सी वात करीया करीस।
EXO 25:23 ओळी बाबळ्यान लाकड़ान एक मेज बनावजी; ओकी नाम्बाय दुय हात, आरु चवड़ाय एक हात, आरु ऊचाय डेढ़ हातन हुयनो जुळे।
EXO 25:24 उको चुखला सोना सी ढाळाड़जी, आरु उना च्यारो मेर सोनान एक कुर बनवाड़जी।
EXO 25:25 आरु उना च्यारो मेरन च्यार आंगळीन चवड़ी एक पट्टी बनवाड़जी, आरु इनी पटड़ीन च्यारो मेर सोनान एक कुर बनवाड़जी।
EXO 25:26 आरु सोनान च्यार कड़ीया बनवाड़ीन मेजन च्यारो कुना मा लगवाड़जी जो उना च्यारो पायो मा हसे।
EXO 25:27 त्या कोड़ा कुर क पास होये जेरेसी टेबल हुचलने क लिय डाण्डान वातड़ायीन काम देय।
EXO 25:28 आरु डान्डान को बाबळीयान लाकड़ान बनावीन सोना सी ढाळाड़जी, आरु मेज हेनके लारे हाकलाय जाय।
EXO 25:29 आरु ओकी परात आरु धूपदान, कुड़चिया आरु चाटलीया आरु रेड़ने करीन वाटका, सब चुखला सोना सी बनवाड़जी।
EXO 25:30 आरु मेज पर म्हारे ओगळ भेटन रोटा छाचो मेलीया करजी।
EXO 25:31 ओळते चुखला सोनान एक दिवो मेकनीयो खांबो बनवाड़जी। सोनो ढाळाड़ीन त्यो दीवल्यो, पाया आरु डान्डान को सात मा बनायो जाय; उको फुल सारको, गाठ आरु फुल, आरु सब एकुत् टुकड़ान बननो जुळे;
EXO 25:32 आरु उका किनारा सी छव डाळीया निकळनो जुळे, तीन डाळीया ते दीवलीयान तरफ सी आरु तीन डाळीया ते दीवलीयान दिसरे तरफ सी निकवली हुयनो जुळे;
EXO 25:33 एक-एक डाळी मा बोदामन फुलन सारका तीन-तीन पुष्पकोष, एक-एक गाठ, आरु एक-एक फुल हुयनो जुळे; दीवलीया सी निकळ्ली छवु डाळीयान सारकी बनली हुयनो जुळे आरु रक सारको रुप हुयनो जुळे।
EXO 25:34 आरु दीवलियान डान्डा मा बादामन फुल कपो सारको च्यार पुष्पकोष आपसी-आपसी गाठ आरु फुलोन सात हयनो जुळे;
EXO 25:35 आरु दीवलिया सी निकळ्ळी छव डाळीया माईन दुय-दुय डाळीयान नेचा एक-एक गाठ हयनो जुळे, त्या दीवलिया को सात एकत् टुकड़ा मा बनला हुयनो जुळे।
EXO 25:36 हेनकी गाठ आरु डाळीया को सात एकत् टुकडाम हय, चुखला सोना को ढाळाड़ीन पुरो दीवलियो एकत् टुकड़ान बनवाड़जी।
EXO 25:37 आरु सात दीवलिया बनवाड़जी; आरु दीवलिया धपाड़ीन जाय कि दिवटन सामने विजाळो हुये।
EXO 25:38 आरु हेनका आगठो चुटनेन चिमटो आरु थाळी सब चुखला सोना हुयनो हुयनोप जुळे।
EXO 25:39 त्यो सब इनु आखा सामान को भेळ चोतीस किला भरीन चुखला सोनान बननो जुळे।
EXO 25:40 आरु चोकचोळीया रयीन इनी आखी चीजोन को उना नमुना सारको बनवाड़जी, जो तुको इना बयड़ा पर हांव देखाड़ियो।
EXO 26:1 ओळी चुखलो जागा क लियन दस परदा बनवाड़जी; हेनको पातळी सुत वाळा आरु नीळ्ळा, रीन्गनिया आरु रातला रंगन छिंदरान होसे, आरु इना मा काहना वारला कारीगर सी करुबियान सात मा बनवाड़जी।
EXO 26:2 एक-एक परदान नाम्बाय वीस ने आठ हात आरु चवड़ाय च्यार हातन हयनो जुळे; सब परदा एकत् मापन हुयनो जुळे।
EXO 26:3 पाँचो परदा एक दिसरा सी जुड़ायला हुयनो जुळे; आरु ओळी जो पाँचो परदा रयसे त्या बी एक दिसरा सी जुड़ायला हुयनो जुळे।
EXO 26:4 आरु जाँ सारी याँ परदा जुड़ायसे वाँ वाळा दुयु छोरो पर निळ्ळी- निळ्ळी फाँदी बनवाड़जी।
EXO 26:5 दुयु छोरो मा पचास-पचास फाँदी असी लगवाड़जी कि त्या आमने-सामने हुयनो जुळे।
EXO 26:6 आरु सोनान पचास हेकड़ा बनवाड़जी; आरु दुय परदान छल्‌लान को हेकड़ान लारे एक दिसरा सी असो जुड़वाड़जी कि निवास जागो मेळीन एकत् हुय जाय।
EXO 26:7 ओळी निवासन ऊपर तम्बुन काम आपने क लियन बकड़ीन झटान गियारा परदा बनवाड़जी।
EXO 26:8 एक-एक परदान नाम्बाय तीस हात आरु चवड़ाय च्यार हातन हुयनो जुळे; गियारा परदा एकत् मापन हुयनो जुळे।
EXO 26:9 आरु पाच परदा अलग आरु छव परदा अलग जुड़वाड़जी, आरु छटवा परदा को तम्बुन सामने मुड़ी देजी।
EXO 26:10 आरु तु पचास आकड़ा उना परदान छोर मा जो बाहर सी मेळाड़से आरु पचासुत् आकड़ा दीसरी तरफ मा जो बाहर सी मेळाड़से असो बनवाड़जी।
EXO 26:11 आरु पीतळन पचास आकड़ान बनावजी, आरु हेकड़ा को परदा मा लगाड़ीन तम्बु को असो जुड़वाड़जी कि त्यो मेळीन एकत् हुय जाय।
EXO 26:12 आरु तम्बुन परदा को टान्गायलो भाग, मतलब कि जो आदला पर रयसे, त्योत् निवास जागान पछली तरफ टान्गायलो रये।
EXO 26:13 आरु तम्बुन परदन नाम्बाय माईन हात भर, उरो, आरु हात भर निवास को ढाकने क लियन हेनकी दुयु तरफ टान्गायलो रये।
EXO 26:14 ओळते तम्बु वाटे रातला रंग सी रंगायली गाडरीन खालन एक पांगरुन आरु उना ऊपर सुइसोन खालोन बी एक पांगरुन बनवाड़जी।
EXO 26:15 ओळते रोहनेन जागा को उबो करीन बाबळीयान लाकड़ान पाटिया बनवाड़जी।
EXO 26:16 एक-एक पाटियान नाम्बाय दस हात आरु चवड़ाय डेढ़ हातन हुयनो जुळे।
EXO 26:17 एक-एक पाटिया मा एक दिसरा सी जुड़ायली दुय-दुय खाचा हुयनो जुळे; निवासन सब पाटिया को इनीये रीतिये सी बनवाड़जी।
EXO 26:18 आरु निवासन लियन जो पाटिया तु बनवाड़ीस उना मा सी वीस पाटिया ते दोखेवरे वाटे हयनो जुळे;
EXO 26:19 आरु वीस पाटियान नेचो चाँदीन चालीस कुड़सीया बनवाड़जी, मतलब एक-एक पाटियान नेचो हेनका खाचान क लियन दुय-दुय कुड़सीया।
EXO 26:20 आरु निवासन दिसरे तरफ, मतलब बोखेवरे वीस पाटिया बनवाड़जी।
EXO 26:21 आरु हेनका लियन चाँदीन चाळीस कुड़ची बनवाड़जी, मतलब एक-एक पाटियान नेचा दुय-दुय कुड़ची हुयनो जुळे।
EXO 26:22 आरु निवासन पछळ, मतलब बुडेवने भेनीन क लियन छव पाटिया बनवाड़जी।
EXO 26:23 आरु पछला जागाम निवासन कुना क लियन दुय पाटिया बनवाड़जी;
EXO 26:24 आरु या नेचा दुय-दुय भागन हुयनो जुळे आरु दुयु भागन ऊपरन मुनका तक एक-एक कड़ीया मेळाड़जी; दुयु पाटियान यो रुप हुयनो जुळे; या ते दुयु कुना क लियन हुयनो जुळे।
EXO 26:25 आरु आठ पाटिया हय; आरु हेनकी चाँदीन सुळा कुड़चीहुयनो जुळे; मतलब एक-एक पाटियान नेचा दुय-दुय कुड़ची हुयनो जुळे
EXO 26:26 ओळी बाबळीयान लाकड़ान डांडा बनवाड़जी, मतलब निवासन एक तरफ पाटिया क लियन पाच,
EXO 26:27 आरु निवासन दिसरे तरफ पाच डांडा, आरु निवासन जो भाग दखेवरे भेनी पछळ्ळा भाग मा हुयसे, हेनका लियन पाच डांडा बनवाड़जी।
EXO 26:28 वीचमावाळा डांडा जो पाटियान वीच मा हुयसे त्यो तम्बुन एक दिसरे छिवनीये तक पुगसे।
EXO 26:29 ओळी पाटियान को सोना सी फाळाड़जी, आरु हेनका डांडा घरन काम देसे हेनको बी सोना सी ढाळाड़जी।
EXO 26:30 आरु निवास क इनीये रीतिये उबो करजी जसो इना बयड़ा पर तुको हांव देखाड़ीयो हुतो।
EXO 26:31 ओळी नीळ्‍ळा, रींगनिया आरु रातला रंगन आरु वाटायली सुळावी सनीवाळा छिंदरान एक वीचमा वाळो परदो बनवाड़जी; त्यो विंदीन काम करीनिया करुबियान को सात मा बननो जुळे।
EXO 26:32 आरु उको सोना सी ढाळायला बाबळीयान च्यार खाम्बा पर लटकाड़जी, ओकी हेकड़ीया सोनान हुयनो उळे, आरु या चाँदीन कुड़ची पर उबो रये।
EXO 26:33 आरु वीचमा वाळा परदान हेकड़ीयान नेचो लटकाड़ीन, ओकी आड़ मा गोवान चिट्ठी सन्दुक माहयतो ली जाजी; अतरान करीन त्यो वीचमा वाळो परदो तुमरे लियन चुखला जागा को चुखामा चुखा जागा सी अलग रये।
EXO 26:34 ओळी चुखाम चुखा जागा मा गोवान चिट्ठी सन्दुकन ऊपर पछतावान ढाकना को राखजी।
EXO 26:35 आरु उना परदान बाहर निवासन दखेवरे भेनी मेज राखजी; आरु ओको बखेवरो भेनी मेजन सामने दीवलियान को राखजी।
EXO 26:36 ओळते ओळी तम्बुन झोपलान लिये निळ्ळो, जामन्यो आरु रातला रंगन आरु सुतीन सुवाळा सनीवाळा छिंदरान उटनेन काम करलो एक परदो बनवाड़जी।
EXO 26:37 एना पोरदा क टांगने क लिय बाबळ्यान लाकड़ान सोना सी घड़ायला पांच खांबा बोनावजु, हेनकी हेकड़िया सोनान होयनो जुवे आरु हेनका लिय पीतळन पांच कुड़चिया बोनावजो
EXO 27:1 ओळी वेदी बाबळीयान लाकड़ान, पाच हात नांबी आरु पाच हात चवड़ी बनवाड़जी; वेदी चाय खुटाय होयनो जुळे, आरु हेकी उचाय तीन हातन होयनो जुळे।
EXO 27:2 आरु उना च्यारो कुना पर च्यार सींग बनवाड़जी; त्यो उको सातमा एकुत् टुकड़ान हये, आरु उको पीतळ सी ढाळाड़जी।
EXO 27:3 आरु ओको रुखड़ो चुटनेन ठिकरा, आरु पावड़िया, आरु वाटका, आरु दाताळ्यो पावड़ो, आरु सुपड़ीया बनवाड़जी; हेनको आखो सोमान पीतळन वनवाड़जी
EXO 27:4 आरु उको पीतळन जाळीन एक झारु बनवाड़जी; आरु उको च्यारो छिवनीया मा पीतळन च्यार कड़ीया बनावड़जी।
EXO 27:5 आरु उना झारा को वेदीन च्यारो मेर कंगनीन नेचो असो लगवाड़जी कि त्यो वेदी क उचान विच लोगुन पुगे।
EXO 27:6 आरु वेदी लियन बाबळीयान लाकड़ान डांडा बनावजी; आरु उको पीतळ सी ढाळाड़जी।
EXO 27:7 आरु डांडा कड़ा मा डालजे कि जव वेदी चुटे तव त्या हेनका भुरसे रोये।
EXO 27:8 वेदीन तख्तो सी खोखली बनवाड़जी; जसो त्यो इना बयड़ा पर तुको देखाड़ीयो हुतो तसोज बनावजी।
EXO 27:9 ओळी निवासन आंगना को बनावजी। उको दोखेवरे तरफ ते वाटयला सुवाळा छिंदरान सब परदा मेळावीन ओकी नाम्बाय सोव हातन हय; एक तरफ ते हतरोत् हयनो जुळे।
EXO 27:10 आरु हेनका लिय वीस खाम्बा बनवाड़जी, आरु हेनको वाटे पीतळन वीस कुरचिया बनी, आरु खाम्बान छोल्‌ला आरु हेनकी पट्टी चाँदीन हय।
EXO 27:11 आरु उना रीतिये आँगनान बखेवरे भेनी नाम्बाय बी सोव हात नाम्बो परदो हय, आरु हेनको वाटे बी वीस खाम्बा आरु हेनका वाटे बी पीतळन वीस खाचा हये; आरु उना खाम्बान छोल्‌ला आरु पट्टीया चाँदीन हुयनो जुळे।
EXO 27:12 ओळी आँगनान चवड़ाय मा दखेवरे भेनी पचास हातन परदा हुयनो जुळे, आरु हेनका वाटे दस खाम्बा आरु खाचा बी दस हुयनो जुळे।
EXO 27:13 एक तरफ बी आँगनान चवड़ाय पचास हातन हुयनो जुळे।
EXO 27:14 आँगनान झोपलान एक तरफ पन्द्रह हातन परदा हुयनो जुळे, आरु हेनका वाटे बी तीन खाम्बा आरु तीन खाचा हुयनो जुळे।
EXO 27:15 आँगनान झोपलान दिसरे तरफ पन्द्राह हातन परदा हुयनो जुळे, हेनका वाटे बी खाम्बा तीन आरु खाचा बी तीन हुयनो जुळे।
EXO 27:16 आँगनान झोपला वाटे एक परदो बनवाड़जी, जो नीळ्ळा, जामनीया आरु रातला रंगन छिंदरा आरु वाटायला सुवाळा छिंदरान घाटाळो बनलो वीस हातन हुयनो जुळे, हेनको वाटे खाम्बा च्यार आरु खाचा बी च्यार हुयनो जुळे।
EXO 27:17 आँगनान च्यारु मेर सब खाम्बा चाँदीन पट्टीया सी जुड़ायाला हुयनो जुळे, हेनकी छोल्‌ला च्यार चाँदीन आरु खाचा पीतळन हुयनो जुळे।
EXO 27:18 आँगनान नाम्बाय सोव हातन, आरु ओकी चवड़ाय पचास हातन, आरु परदानन उचाय पचास हातन हुयनो जुळे, ओकी परदा सुवाळा छिंदरा बनली हुयनो जुळे, आरु खाम्बान खाचा पीतळन हुयनो जुळे।
EXO 27:19 निवासन जागान भाती–भातीन ठाहरा आरु समान आरु उना सब खुँटा आरु आँगनान बी सब खुटा पीतळन हुयनो जुळे।
EXO 27:20 ओळी तु इसराएलीयान को यो हुकुम आपजी, कि म्हारे पास दीवलीया वाटे कुटिन निकव्ळा जैतुन चुखलो तेल ली आवजी, जिना सी दीवलीया सलींग धपता रये।
EXO 27:21 परमेश्वरन होजरी वाळा तम्बु मा, उना वीचमा वाळा परदा सी बाहर जो गवान चिट्ठी ओगळ हसे, हारुन आरु उना पोर्या दीवलीयान को सांतो सी लगाड़ीन सोन्दारे तक योहोवा भगवानन सामने सजाळीन मेले। यी रीति इसराएलीयान पीढ़ी वाटे जोलमकी बनली रयसे।
EXO 28:1 ओळी तु इसराएलीयान मा सी थार भाई हारुन, आरु नादाब, अबीहु, एलीयाजर आरु ईतामार नावन उना पोर्यान को तारे पुठी ली आवजी कि त्या म्हारे लिये पुजारान को काम करे।
EXO 28:2 आरु तु थारा भाई हारुन लिये वारु ठाट बाटन छिंदरा आरु सुबे असो चुखो छिंदरो बनावजी।
EXO 28:3 आरु जतरा जनान जीव मा ओकल छे, जिनको हांवो ओकल आपने वाळी आत्मा सी भरलो छे, हेनको तु हारुनन छिंदरा बनावनेन हुकुम आप दे कि त्या म्हारेन करीन पुजारान को पवित्र काम करे।
EXO 28:4 आरु जो छिंदरा हयेनको बनावनो छे त्या या छे, मतलब सीनाबन्द आरु एपोद, आरु चोगला, च्यार खानान मोटली शाल, खान्दानी पागड़ी, आरु कड़ीयान वातड़ो पट्टो; यात् चुखला छिंदरा थारा भाई हारुन आरु उना पोर्यान क लियन बनावजो कि त्या म्हारेन करीन पुजारान को काम करे।
EXO 28:5 आरु त्या सोनान आरु नीळ्ळा आरु जामनीया आरु रातला रंगन आरु सुवाळा छिन्दरा ले।
EXO 28:6 त्या एपोद को सोनान, आरु नीळ्‍ळा, जामनीया आरु रातला रंगन छिंदरान आरु छानला सुवाळा बुरान छिंदरा बनावे, जो कि वारु रीते विंदनीयान हातन काम हय।
EXO 28:7 आरु त्यो इनीये रीतिये सी जुड़ाय जाय कि उका दुयु कांधान छिवनीया पछा भेसकायला रये।
EXO 28:8 आरु एपोद पर गुतायलो पट्टो हसे ओकी बनावट उनात् अनसारे हय; आरु त्या दुयु विगुर जुड़न हय, आरु सोनान आरु नीळ्ळा, जामनीया आरु रातला रंग वाळा आरु छिनला सुवाळा छिंदरान हय।
EXO 28:9 ओळी दुय सुलेमानी मनि लीन उना पर इसराएलीयान पोर्यान नाव खुंदवाड़जी।
EXO 28:10 हेनका नाव मा सी ते छव ते एक मणि पर आरु वाचला छव नाव दिसरी मणि पर, इसराएलन पोर्यान पोयदावारीन अनसारे खुंदवाड़जी।
EXO 28:11 मणि छाळवने वाळान कामन अनसारे जसा चापा कुरिन जाय, हसात उनी दुय मणिया पर इसराएलन पोर्यान नाव कुराया; आरु हेनको सोनान खाचा मा जुड़ाय देजी।
EXO 28:12 आरु दुयु मणियान एपोदन कांधा पर लगवाड़जी, त्या इसराएलीयान को लोगात फोम देवाड़ने वाळी मणि बनसे; मतलब हारुन आरु हेनको नाव योहोवा भगवान ओगळ दुयु कांधा पर फोम करने करीन लगाडलो रये।
EXO 28:13 ओळी सोनान खाचा बनवाड़जी;
EXO 28:14 आरु दुयड़ा सारको गुथायला दुय शाकळ चुखला सोनान बनवाड़जी; आरु गुथायला शाकळन उना खाचा मा जुड़वाड़जी।
EXO 28:15 ओळी नियावन छातीयो बांदनेन छिंदरो को बी विंदनेन काम आवने वाळो बनवाड़जी; एपोदन समान सोना, आरु नीळ्ळा, जामनीया आरु रातला रंगन आरु वाटायला सुवाळा छिंदरान उको बनवाड़जी।
EXO 28:16 त्यो च्यार खुटीयो आरु दुय तरफीयो, आरु ओकी नाम्बाय आरु चवड़ाय एक-एक वेहतन।
EXO 28:17 आरु उनामा खास दोगड़ान च्यार हालोर मणि जुड़जी। पेहली हालोर मा ते माणिक्य, पद्मराग आरु लालड़ी हय;
EXO 28:18 दिसरी हालोर मा मरकत, नीलमणि आरु हीरा;
EXO 28:19 तीसरी हालोर मा लशम, सुर्यकान्त आरु नीलम;
EXO 28:20 आरु चवथी हालोर मा फीरोजा, सुलेमानी मणि आरु यशब हय; या सब खाचा मा जुड़ायनो जुळे।
EXO 28:21 आरु इसराएलन पोर्यान जतरा नाव हतरी मणि हय, मतलब हेनका नावन गिनतीन अनसारे बारेह नाव खुंदे, बारेह जाती मा सी एक-एकन नाव एक-एक मणि पर असो खुंदाड़ जसो छापा खुंदे।
EXO 28:22 ओळी राखवाळीन ढाळ छिंदरा पर दुयड़ा सारको गुथायला चुखला सोनान जंजीर लगवाड़जी;
EXO 28:23 आरु राखवाळीन ढाळ छिंदरा मा सोनान दुय कड़िया लगवाड़जी आरु दुयु कड़िया को राखवाळीन ढाळ छिंदरा दुयो छिवनीया पर लगवाड़जी।
EXO 28:24 आरु सोनान दुयो गुथायला जंजीरोक उना दुय कड़िया मा जो राखवाळीन ढाळ छिंदरान छिवनीया पर हुयसे उको लगवाड़जी।
EXO 28:25 आरु गुथायला दुयो जंजीरोन दुयो रयला छिवनीया दुयो खाना मा जुड़ावाड़ीन एपोदन दुयो कांधान बाधायला पर उना सामने लगवाड़जी।
EXO 28:26 ओली सोनान दुय आरु कड़िया बनावीन राखवाळीन ढाळ छिंदरान दुयो छिवनीया पर, ओकी उनी कुर पर जो एपोदन माहाय तरप लगाड़जी।
EXO 28:27 ओळी हेनका विगुर सोनान दुय आरु कड़िया बनवाड़ीन एपोद क दुयो खांदा क बांदाय पोर, नेचो सी हेनका अगळ आरु हेनका जुड़ क पास एपोदन विंदला पोट्टा क उपोर लगवाड़जी।
EXO 28:28 आरु राखवाळीन ढाळ आपसी कड़ीयान लारे एपोदन कड़िया मा नीळ्ळा बोंदो सी बांधजो, इनीये रीतिये त्यो एपोदन ढाळायला पट्टा पर बनली रये, आरु राखवाळीन ढाळ एपोद पर सी अलग नी हुयनो जुळे।
EXO 28:29 आरु जव-जव हारुन चुखला जागा मा भराया करे, तव-तव‍ त्यो नियावन राखवाळीन ढाळ छिंदरा पर आपसा मनन ऊपर इसराएलीयान नावोक लगाड़लो रये, जिना सी योहोवा भगवानन सामने हेनको फोम जोलम रयसे।
EXO 28:30 आरु तु नियावन राखवाळीन ढाळ छिंदरा मा ऊरीम आरु तुम्मीम को राखजी, आरु जव-जव हारु योहोवा भगवान सामने भराये, तव-तव त्या उना मनन ऊपर हय; इनीये रीतिये हारुन इसराएलीया क लियन योहोवा भगवानन आपसा मन पर योहोवा भगवानन अगळ एक सारको लागलो रये।
EXO 28:31 ओळी एपोदन कुरता को पुरो नीळ्ळा रंगन बनावजी।
EXO 28:32 ओकी बनावट असी हुयनो जुळे कि उना वीच मा विच मा छिवनीया न्हाकनेन डूचा हय, आरु उना डूचान च्यारो मेर कवच डूचान सारकी एक बुनली कोर हय कि त्यो नी फाटे।
EXO 28:33 आरु उना नेचला घेरा मा‍ त्यारो मेर नीळ्ळ, जामनीया आरु रातला रंगन छिंदरान अनार बनवावड़जी आरु उना वीच-वीच च्यारो मेर सोनान घंटिया लगवाड़जी,
EXO 28:34 मतलब एक सोनान घंटी आरु एक अनार, ओळी एक सोनान घंटी आरु एक अनार ईनीये रीतिये चोगलान नेचला घेरा मा च्यारो मेर असोत् हुये।
EXO 28:35 आरु हारुन उना चोगलान सेवा चाकरी करनेन टेमे पहरीया करे, कि जव-जव त्यो चुखलो जागान माहय योहोवा भगवानन सामने जाय या बाहर निकळे, तव-तव ओकी ओवाज समळाय देय, नी ते त्यो मर जासे।
EXO 28:36 ओळी चुखला सोनान एक पट्टी बनावजी, आरु जसो छापा मा हसोत् उना मा यो आकड़ा खुंदजी, मतलब योहोवा क लियन चुखलो होय।
EXO 28:37 आरु उको नीळ्ळा बोंदो सी बांधजी; आरु त्यो पागड़ीन सामने वाळा भाग पर रये।
EXO 28:38 आरु त्यो हारुनन मुनका पर रये, अतरान करीन कि इसराएली जो काय चुखो बनावे, मतलब जतरी चुखली चीज भेट चढावे उनी चुखली चीजोन को पाप हारुन हाकलतो रये। आरु हमीसा हेका माथा पोर रोहे, जिनासी योहोवा उनासी खुश रोहे।
EXO 28:39 झोगला को सुवाळा छिंदरान च्यारा खाचान बनवाड़जी, आरु एक पागड़ी बी सुवाळा छिंदरान बनावड़जी, आरु हीर गुथलो एक कड़ीयान पट्टो बी बनवाड़जी।
EXO 28:40 ओळते हारुनन पोर्यान करीन बी अंगरखा आरु कड़ीयान पट्टा आरु टुपिया बनवाड़जी; या छिंदरा बी ठाट बाटन आरु भाळे हसा बननो जुळे।
EXO 28:41 थारा भाइस हारुन को आरु उना पोर्सयान को या सब छिंदरा पेहारवीन छिंदरा पहरावीन आरु तेल लगाड़ीन चड़ावनो आरु रीत भात करजी, आरु हेनको चुखा करजी कि त्या म्हारे लिये पुजारान काम।
EXO 28:42 आरु हेनका लिये छिंदरान आदला चोड्डा बनावड़जी जिनु सी हेनको डील ढाकायलो रये; त्या कड़ीया मा सी जाँघ तकुन हुयनो जुळे;
EXO 28:43 आरु जव-जव हारुन या उना पोर्या मिलापवाळा तम्बु मा भराया करे, या चुखला जागा मा सेवा चाकरी करनेन वेदी को पास मा जाय तव-तव त्या उना आदला चोड्डा को पेहरीन रये; असो नी हये कि त्या पापी बने आरु मर जाय। यो हारुन क लिये आरु उना बाद मा ओकी ओवलियाद क लिये बी जोलमन रीति बने।
EXO 29:1 हेनको चुखा करने क ज काम तुखे हेनुक कोरनो छे की हुये मार लिय याजक क काम कोरे हुये ये छे: एक चुखला गिदल्यो आरु दुय चुखला गाडरा लेनो,
EXO 29:2 आरु अखमीरी रुटा, आरु तेल सी चुपड़ायला हांवदान अखमीर वाळा पुरी, आरु तेल सी चुपेड़ली अखमीरी पपड़ियाँ वी लेनो। ये आखा गंहवन हांवदान बनवाड़जो।
EXO 29:3 एनुक एक खिल्‌ला मा मेकिन हेनु खिल्‌ला क हेनु बछड़ा आरु हेनु दुयु गाडरा भेळ धोडे ली आवजो।
EXO 29:4 ओळतेन हारुन आरु हेरा पुर्या क मिलापवाळा तम्बु क झोपला क धोड़ ली आविन पानी सी उँगवावजु।
EXO 29:5 ती हेनु लुगड़ा क लीन हारुन क झोगलो आरु एपोद क कुरतो पेहरावजु, आरु एपोद आरु छातिये बांदनीयो, आरु एपोद क बनावलो पाटो वी बाधनु;
EXO 29:6 आरु उना मुनका पोर पागड़ी मेलजी, आरु पागड़ी पर चुखला मुकुट क मेकजो।
EXO 29:7 तव चुखला तेल लीन उका मुनका पर नांखीन उको अभिषेक कोरनो।
EXO 29:8 ओळतेन हेरा पोर्यान को पास मा लावीन हेनको चोगला पेहरावजी,
EXO 29:9 आरु उका मतलब की हारुन आरु उना पोर्यान को कड़ीया मा बाँधजी आरु हेनका मुनका पर टुपीया मेलजी; जिना सी पुजारान पद पर जलेमको हेनको हक रये। इनीये रीतिये सी हारु आरु उना पोर्यान को रीती करजो।
EXO 29:10 तव बछड़ा को परमेश्वरन होजरी वाळा तम्बुन अगळ धोड़े ली आवजी। आरु हारुन आरु उना पोर्या बछड़ान मुनका पर आपसा-आपसाहात मेले,
EXO 29:11 तव उना बछड़ा को योहोवा भगवानन सामने मिलापवाळा तम्बुन झपला पर बली करजी,
EXO 29:12 आरु बछड़ान लुहुय मा सी थुड़क लीन आँगळीया सी वेदीन सींगड़ा पर लगाड़जी, आरु बाकी रयलो सब लुहुय को वेदीन पाया पर रेड़ देजी।
EXO 29:13 आरु जिनी चर्बी सी आतड़ीया ढाकाय रये, आरु जी जाळ काळजान ऊपर रये, हेनकोप आरु दुयु गुरदा को हेनकी चर्बीन क सात मा लीन सबन को वेदी पर धपाड़जी।
EXO 29:14 पुण बछड़ान मास को, आरु खाल, आरु गुबर, छावनी सी खयड़े आगठा मा धपाड़ देजी; काहकी यो पापबलि हुयसे।
EXO 29:15 ओळते एक गाडरो लेजी, आरु हारुन आरु उना पोर्यान गाडरान मुनका पर आपसा-आपसा हात मेले,
EXO 29:16 तव उना गाडरा को बलि करजी, आरु उना लुहुय लीन वेदी पर च्यारो मेर छिड़कजो।
EXO 29:17 आरु उना गाडरा को टुकड़ा-टुकड़ा करीन काटजी, आरु ओकी आंतड़ा आरु पाय को धुवीन उका टुकड़ा आरु मुनका साथ मा मेलजो।
EXO 29:18 उना पुरा गाडरा को वेदी पर धपाड़जी; त्यो ते योहोवा भगवान क लियन होमबली हुयसे; त्यो वारु गंदायन्यो वाळो आरु योहोवा भगवान क लियन हवन हुयसे।
EXO 29:19 ओळी दिसरा गाडरा को लेजी; हारुन आरु उना मुनका पर आपसा- आपसा हात मेले,
EXO 29:20 तव उना गाडरा को बलि करजी, आरु उना लुहुय मा सी थुड़क लीन हारुन आरु उना पोर्यान मुनका पर, आरु हेनका जेवड़ा हात आरु जेवड़ा पायन उमठा पर लगाड़जो, आरु लुहुय को वेदी पर च्यारो मेर छिड़कजो।
EXO 29:21 ओली वेदी परुन लुहुयय को, आरु अभिषेकन तेल को, इनु दुय मा सी थुड़क-थुड़क लीन हारुन आरु उना छिंदरा पोर वी आरु पोर्या आरु हेनका छिंदरा पर बी छिड़की देजो; तव त्यो आप-सा छिन्दरान क सात मा चुखो हुय जासे।
EXO 29:22 तव गाडरा को रीती वाळो जानीन उना मा सी चर्बी आरु जाडली छेमटी को, आरु जिनी चर्बी सी आतड़ीया ढाकाय रये उको, आरु काळजा पर वाळी जाळी को, आरु चर्बीन को सात मा दुयु गुरदा को, आरु जेवड़ीया कड़ीया को लेजो।
EXO 29:23 आरु अखमीरी रोटान टुपलो जो योहोवा भगवानन अगोळ मेकली हसे उना मा बी एक रोटो आरु तेल सी सेकायला मेदान एक पुरी आरु एक पापड़ी लीन,
EXO 29:24 इनु सबन को हारुन आरु उना पोर्यान को हात मा मेलीन उतारनेन भेट बनावीन योहोवा भगवान को ओगळ उतारनो जुळे।
EXO 29:25 तव उनी आखी चीजन कोब हेनका हातो मा सी लीन होमबली न वेदी पर धपाड़ देजो, जिना सी त्यो योहोवा भगवान को सामने वारु गंदायन्यो वाळो बनसे; त्यो ते योहोवा भगवान क लियन हवन बनसे।
EXO 29:26 ओळी हारुनन रीतीन जो गाडरो हुयसे ओकी छाती को लीन हालेवनेन भेट क लियन योहोवा भगवानन अगोळ हालेवजो; आरु त्यो तारो भाग बनसे।
EXO 29:27 आरु हारुन आरु उना पोर्यान रीतीन जो गाडरो हुयसे, उना मा सी हालेवनेन भेटवाळी छाती जो हालेवने क लियन रये, आरु उठावनेन भेटवाळा कड़ीयो जो उठायो जाय इनु दुयन को चुखो बनसे।
EXO 29:28 आरु ये जलोमन विधि आरु रीति पडर इसराएलीयान तरफ सी हारुन आरु उना पोर्यान भाग बने, काहकी यो उठावी जानेन भेट बनली छे; आरु यो इसराएलीन तरफ सी हेनको मेलबलिया मा सी योहोवा बगवान क लियन उठावी जानेन भेट हुयसे।
EXO 29:29 हारुनन जो चुखलो बछिंदरो हसे‍ त्यो उना बाद मा उना पोर्या आरु पोर्यान पोर्या आरु घण झाजा को जड़तो रये, जिना सी हेनकोत् अभिषेक हेनको नियुक्त आरु रीती करीयो जाय।
EXO 29:30 उना पोर्यान जो उना जागा पर जो पुजारो हुयसे, त्यो जव‍ चुखला जागा मका सेवा चाकरी करने करीन मिलापवाळा तम्बु मा पेहल आवे, तव उना छिंदरा को सात दाहड़ा तक पेहरला रये।
EXO 29:31 ओळी पुजारान संस्कार को जो गाडरान हयसे उको लीन हेनको मास कोय चुखला जागा मा चुड़ावजो।
EXO 29:32 तव हारुन उना पोर्यान को सात मा उना गाडरान मास आरु टुपला माईन रोटा, दुयन को मिलापवाळा तम्बुन झपला पर खाय।
EXO 29:33 जिनी चीजन सी हेनको संस्कार आरु हेनको चुखो करने करीन पछतावो करे ती उको त्या खाय, पुण पारका जातन कोय बी नी खानो जुळे, काहकी त्या चुखला रयसे।
EXO 29:34 कदाम संस्कार वाळा मास या रोटा मा सी थुड़क सन्दारे तक वाचाड़ रये, ती उना वाचला को नागठा मा धपाड़ देजो, त्यो खानो नी खाय; काहकी‍ त्यो चुखलो रयसे।
EXO 29:35 “हांव तुको जो-जो हुकुम आपलो छे, उना आखा हुकुमन अनसारे तु हारुन आरु उका पोर्यान सी करजी; आरु सात दाहड़ा तक हेनको संस्कार करतो रयजी,
EXO 29:36 मतलब पापबलिन एक बछड़ो पछतावा क लियन दाहड़ीन चढ़ावजी। आरु वेदी को बी पछतावो करनेन टेम पर चुखो करजी, आरु उको चुखो करने करीन उको अभिषेक करजी।
EXO 29:37 सा दाहड़ा तक वेदीन पछतावो करीन उको चुखो करजी आरु वेदी चुखामा चुखी बनसे; आरु जो काय उना सी छिमायसे त्यो बी चुखो हुय जासे।
EXO 29:38 “जो तुको वेदी पर दाहड़ीन चढावो चढ़ावनो रयसे त्यो यो छे; मतलब कि दाहड़ीन एक-एक सालन दुय गाडरान पीला।
EXO 29:39 एक गाडरान पीलाक ते भोळभाकाम आरु दिसरा गाडरान पीलाक सान्ती टेम पर चढ़ावजी।
EXO 29:40 आरु एक गाडरान पीलान को सात मा दुय लिटर तेल सी झारलो एक किलो मैदो आरु बलिन करता दुय किलो दाखमधु चढ़वनो।
EXO 29:41 आरु दिसरा गाडरान पीला को सान्ते टेमे चढ़ावजी, आरु उना सात मा भोळभाकान रीतिन अनसारे अन्नबलि आरु अर्घ दुयु आपजो, जिना सी कि त्यो वारु गंदायन्या वाळो आरु योहोवा भगवान क लियन हवन ठहरे।
EXO 29:42 तुमरी पीढ़ी सी पीढ़ी मा योहोवा भगवानन अगोळ मिलापवाळा तम्बुन झोपला पर लोगत असोत् होमबली हुया करे; यो त्यो जागो छे जिनाम तुम लोगहन सी अतरान करीन मेञळ भेट करतो रयीस कि तुमरे सी वात करीया करो।
EXO 29:43 हांव इसराएलीयान सी वाँत् मेळ भेट करीया करीस, आरु त्यो तम्बु म्हारा सेक सी चुखलो हुय जासे।
EXO 29:44 आरु हांव मिलापवाळा तम्बु आरु वेदी को चुखो करीया करीस, आरु हारुन आरु उना पोर्या को बी चुखो करीया करीस कि त्या म्हारे लिये पुजारान को काम करे।
EXO 29:45 आरु हांव इसराएलीयान वीच मा रया करीस, आरु हेनको योहोवा भगवान बनीस।
EXO 29:46 तव त्या लोगहन जान जासे कि हांव हेनको योहोवा भगवान छे, जो हेनको मिसर देश सी निकाळीन ली आयो, कि हांवत् हेनको योहोवा भगवान छे।
EXO 30:1 “ओळी धुप दपाड़ने वाटे बाबळीयान लाकड़ान वेदी बनावजी।
EXO 30:2 ओकी नाम्बाय एक हातन आरु चवड़ाय एक हातन हुयनो जुळे, त्यो च्यार कुनीयो हुयनो जुळे, आरु ओकी उचाय दुय हातन हुयनो जुळे, आरु उना सींगड़ा उना टुकड़ा सी बनाया जासे।
EXO 30:3 आरु वेदीन उपर वाळा पल्‌ला आरु च्यारो मेरन टेकान आरु सींगड़ाक चुखा सोना सी ढाळड़जी, आरु हेनको च्यारो मेर सोनान एक वाड़ बनावजी।
EXO 30:4 आरु ओकी वाड़न नेचो उना आमने-सामनेन दुयो पल्‌लान पर दुय-दुय सोनान कड़ीया बनावीन हेनका दुयु तरफ लगाड़जी, त्या हेनको हाकलने वाटे डान्डान काम देसे।
EXO 30:5 डाण्डान को बाबळीयान लाकड़ान बनावीन हेनको सोना सी ढाळजी।
EXO 30:6 आरु तु उको उना परदान ओगळ राखजी जो गवान चिट्ठी सन्दुकन सामने छे, मतलब पछतावान ढाकनान ओगळ जो गवान चिट्ठी उपर छे, वांत् हांव थार सी मेळ भेट करीया करीस।
EXO 30:7 आरु उनी वेदी पर हारुन वारु गंधायने वाळो धुप धपाड़ीया करे; दाहड़ीन सोन्दारे जव त्यो दीवा ओ ठीक करे तव त्यो धूप धपाड़े,
EXO 30:8 आरु सांतेन टेमे जव हारुन दीवलीयान को धपाड़े तव धूप धपाड़्या करे, यो दुप योहोवान सामने तुमरी पीढ़ी पीढ़ी तक जोलम धपाड़ीया करे।
EXO 30:9 उनी वेदी पर कोय दिसरी भाँतीन दुप नी धपड़नो, आरु नी उना पर होमबली आरु नी ते अन्नबलि चढ़ावजो; आरु नी ते उना पर अर्घ देजो।
EXO 30:10 हारुन साल मा एक वार सींगड़ा पर पछतावो करे; आरु तुमरी पीढ़ी-पीढ़ी मा सालम एक वार पछतावन पापबलिन लुहुय सी इनीये रितिये पछतावो करता जाय; यो योहोवा वाटे चुखा मा चुखो छे।”
EXO 30:11 तव योहोवा मुसा सी कयो,
EXO 30:12 “जव तु इसराएलीयान गिनती लेने लाग्या, तव गिननेन टेमे जिन्दरी गिनती हुय गई त्या आपसा-आपसा जीवोन वाटे योहोवा क छुटकारान करता, भगवान को किमत आपसु जिना सी तु हेनकी गिनती करतो रये उनी टेमे काहय पीड़ा हेनको उपर संकट नी आय पड़े।
EXO 30:13 जतरा लोगहन गिनाय जाय त्या चुखला जागान शेकेलन अनसारे आदा‍ शेकेल आपे, यो शेकेल वीस गेरान हुये, योहोवान भेट आदो शेकेल हुयनो जुळे।
EXO 30:14 विस साल क एने हेरेसी जादा वेवोसता क जोतरा गिनाय जाय हेरेम सी एक एक जोनु योहोवा क रुपीया आपे।
EXO 30:15 जब तुमरा जीवो प्राण क पछतावो क निमित्त योहोवा क रुपीया चोड़ायो जाय, ती नी ते धोनवान मानसे शेकेल सी जादा आपे; आरु नी गोरिब मानसे हेरेम सी कोम आपे।
EXO 30:16 आरु तु इसराएलीयो सी पछताव क रुप्‌या लिन मिलापवाळा तम्बु क काम मा लागाड़े; जेरेसी हुयो योहोवा क ओगळ इसराएलीयो क फोमकरनेन सोहलानीन कोहाये, आरु होका जीवो क पश्चाताप वी होये।”
EXO 30:17 योहोवा न मुसा सी कयो,
EXO 30:18 धुवने क लिय पितळ क एक मोटलो तपलो, आरु ओक जोड़लो वी पितळन बोनावजु। ओक मिलापवाळा तम्बु आरु वेदीन विच मा मेकिन ओक मा पानी भोर देनो;
EXO 30:19 आरु हेरेम हारुन आरु उना पुर्या आपना आपना हात पाय धुया कोरे।
EXO 30:20 जव जव हुये मिलापवाळा तम्बु मा भोराया कोरे ती ती हुये हात पाय सी धुवे, नी ती मोर जासे, आरु जब जब हुये वेदी क पास सेवा चाखरी कोरने, यानी योहोवा क लिय हवन धोपाड़ने क आवे ती ती हुये हात पाय धुवे, ओसो नी होय की उको मोर जाय।
EXO 30:21 यो हारुन आरु ओसी पीढ़ी पीढ़ी क ओवलियाद क लिय होमीसा क विधी कोहाये।
EXO 30:22 ओलतेन योहोवा न मुसा सि कोयो,
EXO 30:23 “तु वारु सी वारु गोंदायन्या मोसाला ले, यानी चुखलाजागा क शेकेल क ओनसारे पाच सोव शेकेल आपने आप निकाळ्यो हुयो गोंदायनीयो रस, आरु ओक आधो, यानी ढाई सोव शेकेल गोंदायन्यो मोसालाम वाळो झाड़ोन पुपड़ो, आरु ढाई सोव शेकेल गोंदायन्यो अगर मसालो,
EXO 30:24 चुखला स्थानक तेलक अनसारे छोव किला तेजपान आरु चार लिटर जैतुनन तेल लेनु।
EXO 30:25 हेनुसी आंगे कोरलो चुखलो तेल, यानी गन्दायनीयान रीती सी तियार कोर्‌यो हुयो गोंधायन्या तेल बोनावनो; यो अभिषेक क चुखो तेल कोहाये।
EXO 30:26 आरु हेरेसी मिलापवाळा तम्बु क, आरु गोवान चिट्ठी सन्दुक क,
EXO 30:27 आरु आखा सोमान भेळ टेबलन, आरु सोमान भेळ भीतन, आरु धुपवेदीन,
EXO 30:28 आरु आखा सोमान भेळ होमबली, आरु पाया भेळ मोटला तोपलान को सजाय देजो,
EXO 30:29 आरु ओक चुखो कोरनो, जेरेसी हुयो परम चुखलो कोहाये; आरु ज काय हेरेसी छिम्यो जासे त्यो चुखो होय जासे।
EXO 30:30 ओळी हारुन क हेका पुया क सात अभिषेक कोरनो, आरु ओस कोरिन हेनुक मारे लिय याजक क काम करने क लिय चुखो कोरनो।
EXO 30:31 आरु इसराएलीयो क मारी यी हुकुम सोमवाड़नो, यो तेल तुमरी पीढ़ी पीढ़ी मा मारे लिय चुखो कोरलो तेल होयसे।
EXO 30:32 यो कुदा मानुस क डिल पोर नी नाख्यो जाय, आरु मिलावट मा ओक जसो आरु काई नी बोनजो; यो चुखलो छे, यो तुमरे लिय वी चुखलो होयसे।
EXO 30:33 ज काई ओक जसो काई बोने, एने जो कुदु एरेम सी काई पारका कुलवाळा पोर लागाड़े, हुये आपना मानसो मा सी नाश होय जासे।”
EXO 30:34 ओळी योहोवा न मुसा सी कोयो, “बुल, नखी आरु कुन्दरु, ये गोंदायन्या चिज चुखला लोबान भेळ ली लेजो, यी सब एक तोल क होय,
EXO 30:35 आरु ओक धुप यानी नोन भेसकीन गंदायनेन रीतीन ओनसारे चुखो आरु चुखो गोंदायन्यो चिज बोनावनो।
EXO 30:36 ओळी हेरेम सी काहिन दोविन झिनो कोर देजो, ती हेरेम सी काई मिलापवाळा तम्बु मा गोवापत्र क ओगळ, जा पोर हांव तारसी मिळ्या कोरीस, राखजी; हुयो तुमरे लिय परम चुखलो होयसे।
EXO 30:37 ज धूप तु बोनाविस, मिळावट मा ओक जसो तुमु मानसे आपने लिय आरु काई नी बोनावनो; हुयो तुमरे ओगळ योहोवा क लिय चुखलो होयसे।
EXO 30:38 ज काई सुंगने क लिय ओक जसो काई बोनावे हुयो आपना मानसो मा सी एक जन छे। ओका तरह नी हिवनो जासे।”
EXO 31:1 ओळी योहोवा न मुसा सी कोयो,
EXO 31:2 “सोमोळ, हांव ऊरीन पुर्य बसलेलन, जो हुर क पोतो आरु यहुदान घोरानान छे, नाव लिन बुलावो।
EXO 31:3 आरु हांव उना परमेश्वरन आत्मा सी ज ओकल, हुसीयार, गियान, आरु सब भातिन कामो क सोमोज आपनेवाळो आत्मा छे, पुरोनपुरो कोरो,
EXO 31:4 जेरेसी हुयो कारीगरीन काम ओकोल सी निकाळीन सब भातिन बोनावोट मा, सोना, चाँदी, आरु पितळ मा,
EXO 31:5 आरु लगाड़ने लिय मणि काटने मा, आरु लाकड़ा पोर नक्काशीन काम कोरे।
EXO 31:6 आरु सोमोळ, हांव दानन गोत्रवाला अहीसामाकन पुर्य ओहोलीआबन उना पुठी कोर देये छे; बाखुन जोतरा ओकल मान छे हेनु सबन काळजा मा हांव ओकोल आपो छे, जेरेसी जोतरी चिजोन हुकुम हांव न तुखे आपलो छे हेनु सबोक हुये बोनावे;
EXO 31:7 यानी मिलापवाळा तम्बु, आरु गोवान चिट्ठी सन्दुक आरु हेर पोरन पोशतावा वाळा ढकना आरु तम्बुन आखो सोमान,
EXO 31:8 आरु सोमान भेळ टेबल, आरु आखा सोमान भेळ चुखला सोनान दिवो, आरु धूपवेदी,
EXO 31:9 आरु आखा सोमान भेळ होमबली, आरु पाया भेळ मोटलो तोपलो,
EXO 31:10 आरु विंदला छिंदरा, आरु हारुन याजकन याजकवाळा कामन चुखला छिंदरा, आरु उना पुर्यान छिंदरा,
EXO 31:11 आरु ओलोग कोरलो तेल, आरु चुखला जागान लिय गोंदायन्यो धुप, एनु आखान त्या उना आखा हुकुमोन ओनसारे बोनाये जो हांव तुखे आपलो छे।”
EXO 31:12 ओळतेन योहोवा मुसा सी कोयो,
EXO 31:13 “तु इसराएलीयो सी असो वी कोहजी, छाचिन तुमु मारा आरामोन दाहड़ाक माननो, काहकी तुमरी पीढ़ी पीढ़ी मा मारा आरु तुमु मानसोन विच यो एक सोहलानी कोहायसे छे, जेरेसी तुमु यी वात जान राखु की योहोवा हामरो चुखलो कोरने वाळो छे।
EXO 31:14 ओस करीन तुमु आरामोन दाहड़ाक मानजु, काहकी हुयो तुमरे जुगु चुखलो कोहाये छे; जुळ हेको विटोळ कोरे त्यो छाचिन मार नाख्यो जाय: जुळ कुय तेने दाहड़े मा काई काम-काज कोरे हुयो जीव आपना मानसोन वीच सी निकाळे जाय।
EXO 31:15 छोळ; दाहड़ा काम-काज कोरजो, बाखुन सातवे दाहड़े परम आरामोन दाहड़ो आरु योहोवा लिय चुखलो छे; एकालिय जुळ कुय काई आरामोन दाहड़े मा काई काम-काज कोरे हुयो छाचिन मार नाख्यो जाय।
EXO 31:16 एकालिय इसराएली आरामोन दाहड़ाक मान्या कोरे, बाखुन पीढ़ी पीढ़ी मा हेको जोलेमका वायदान वाराम जानीन मान्या कोरे।
EXO 31:17 हुयो मारे आरु इसराएलीयोन वीच जोलेमका एक सोहलानी रोहसे, काहकी छव दाहड़ा मा योहोवान वादळा आरु कळीक बोनायो, आरु सातवे दाहड़े आराम कोरीन आपसो जीव सेवो कोरीयो”
EXO 31:18 जब परमेश्वर मुसा सी सीनाय बोयड़ा पोर ओसी वात कोरीयो, ती त्यो हेको आपसु आँगळी सी लिखायली गोवान आपनेवाळी दोगड़ान दुये ओख्ये पाटिया आपीयो।
EXO 32:1 जब लोगहन न देख्या की मुसाक बोयड़ा सी उतरने मा वार होय रोहली छे, ती हुये हारुन पास एकठा होईन कोहने लाग्या, “हेमी आमरे जुगु देवता बोनाव, जो हामरे ओगळ ओगळ चाले; काहकी उना मनुस मुसाक जुळ हामुक मिसर देश सि निकाळ ली आयो छे, हामु नी जानजे कि काय हुयो?”
EXO 32:2 हारुन न उना लोगहन सी कोयो, “तुमरा बायरा आरु पुरीया पारीन कानटा मा सोनान जे टुकरीया छे हेनुक निकाळु, आरु म्हार पास ली आवु।”
EXO 32:3 ती सब लोगहन हेनका कानटा सी सोनान टुकरीयाक निकाळीन, आरु हारुन पास ली आया।
EXO 32:4 हारुन न हेनका हात सी लिदो, आरु एक सांछा मा न्हाख्या, आरु एक बछड़ो क घोड़ीन बोनायो, तव लोगहन कोहने लाग्या, “हे इस्राएल, तारो परमेश्वर जुळ तुमुक मिसर देश सी छुड़ाय लायो छे, हुयो योत छे।”
EXO 32:5 यो देखिन क हारुन न उना ओगळ एक वेदी बोनवाड़्यो; आरु यो पोरचार कोर्‌यो, “वाहने योहोवा क लिय पर्व होयसे।”
EXO 32:6 आरु दिसरे दाहड़े लोगहन वेगात उठिन होमबली चोढ़ाया, आरु आगठान बलि ली आया; ओळतेन बोठीन खादा पिदा, आरु गोळोत काम कोरने लाग्या।
EXO 32:7 तब योहोवा न मुसा सी कोयो, “नेड़ो उतर जा, काहकी तारा पोरजान लोगहन, जेनको तु मिसर देश सी निकाळ लायु छे, त्या बिगोड़ गोयला छे;
EXO 32:8 आरु जेनी वाटो पोर चालनेन हुकुम हांव हेनको आपलो हुतो उतवाळीया छुड़िन त्या एक बछड़ो घोड़ीन बोनाय लेदा, ओळतेन हेको वांद्या कोर्या, आरु हेका लिय बलिदान वी चोढ़ाया, आरु ओसा कोया, हे इसराएलीयो, तुमरो परमेश्वर जो तुमुक मिसर देश सी छुड़ाय ली आयो त्यो योत छे।”
EXO 32:9 ओळतेन योहोवा न मुसा सी कोयो, “हांव एनु लोगहन क देख्यो, आरु सोमळ्यो, त्या एक होटीया छे।
EXO 32:10 हेमी मेसे मा रुके, म्हार रीस हेनका पोर भड़क रोय, जिनासी हांव हेनको नाश कोरो; पुन तारेसी एक मोटो मुलुक बोनावीस।”
EXO 32:11 तब मुसा आपसा परमेश्वर योहोवा असो कोहीन रावन्या करने लाग्यो, “हे योहोवा, तारी रीस आपसा लोगहन पोर काहा भोड़के, जेनको तु मोटा सामर्थ्य आरु ताकोतवाळ हातोन लारे मिसर देश सी निकाळ लावलो छे?
EXO 32:12 मिसरी मानसे असो नी कोहने जुवे, ‘त्या हेनका भुंडा विचार सी बोयड़ा मा दीन धोरति पोर सी बुरवनेन मोन सी निकाळ ली गुयो?’ तु आपसा भोड़ेकला रीस क हुगो कोर, आरु आपसा लोगहन को असो नुकसान कोरने सी बोदली जा।
EXO 32:13 आपसा दास अब्राहम, इसहाक, आरु याकुब काजे फोम कोर जेनुसी तु आपसोत वायदो कोरीन कयो हुतो, हांव तुमरा ओवलियादक वादळान सारका बेसका कोरीस, आरु यो आखो देश जेरी हांव वात कोर्‌यो छे तुमरा ओवलियाद क आपीस कि हुये उना होकदारीया होमीसा बोनला रोहे।”
EXO 32:14 तब योहोवा आपनी प्रजा क हानी करने सीज ओक कोयो हुतो त्यो मन फिरायो।
EXO 32:15 तब मुसा पोछफिरिन गोवा क दुयो तख़्तियो क हात मा लिन बोयड़ा सी उतरी गोयो। हेनी तख़्तियो क एन एने पोले दुयो ओख्ये लिख्यो हुयो हुतो,
EXO 32:16 आरु हुयो पाटिया परमेश्वरन बोनावली हयी हुती, आरु हेनु पोर ज खुँदिन लिख्यो हुयो हुतो हुयो परमेश्वर क लिख्यो हुयो हुतो।
EXO 32:17 जव योहोसु लोगहन को आयड़नेन सारका सोमवाय पोड़्या, तव त्यो मुसा सी कोयो, “छावनी सी लोड़ायनेन सारको बुल सोमवाये छे।”
EXO 32:18 त्यो कोयो, “ओसो कयो जे बुल छे, नी ते जीतनेवाळा क छे, आरु नी हारनेवाळा क छे; मेसे ते गावने क बुल सोमवाये छे।”
EXO 32:19 छावनी क धोड़े आवतात् मुसा क हुयो बछड़ो आरु नाचनो देखा पोड़्यो, ती मुसा क कोप भड़क उठ्‍यो, आरु हुयो तख़्तियो क आपना हात सी बोयड़ा क नेचो नाखीन तुड़ नाखयो।
EXO 32:20 तब हुये ओक बोनावला होया बछड़ा क लिन आगठा मा धोपाड़ देदो। आरु पीसकर झीनो झीनो कोर नाख्यो, आरु जळ क उपोर नाख देदो, आरु इसराएलीयो क ओक पिवाड़ देदो।
EXO 32:21 तोत्यार मुसा हारुन सी कोहने लाग्यो, “एनु मानसो न तारो सात काय कोर्या कि तु न ओक ओतरा मोटा पाप मा फोसाड़्यो?”
EXO 32:22 हारुन न जोपाप आप्यो, “मारा पोरबु क रिसस न भोड़क; तु ते एनु मानसो क जाने छे की ये भुंडाय मा मोन लागाड़ला रोहे छे।
EXO 32:23 आरु हुये मारसी कोय, आमरे जुगु देवता बोनाव ज आमरे ओगळ ओगळ चाले; काहकी हउये मानुस मुसा क, ज आमुक मिसर देश सी छुड़ाविन लायो छे, हामु नी जानता की काय होयो?
EXO 32:24 तोत्यार हांव न हेरेसी कोयो, ‘जे जेरे पास सोनान क गोहना होय, हुये ओक निकाय लावे;’ आरु जब हुये मक हुये आप्या, हांवन ओक आगठा मा नाख देदो, तोत्यार यो बछड़ो निकऴ पोड़्यो।”
EXO 32:25 मुसा देख्यो कि हारुन न हेनु मानसो क ओसो बोदनाम नी आवे असो कोर देदो हुतो कि हुये आपसा विरोधियो क विच मोजाक सारका होय गोया।
EXO 32:26 ओक निरंकुश देखिन मुसा न छावनी क झोपला पोर उबो होईन कोयो, “ज काइ योहोवा क भिनी क छे हुयो मारे पास आवे;” तित्यार आखा लेवी उना पास एकठा होया।
EXO 32:27 हुये हेरेसी कोय, “इस्राएल क परमेश्वर योहोवा यो कोहे छे कि आपना आपना सातळा पोर तलवार लोटकाड़िन तम्बु क एक झोपला सी दिसरे लोगुन फिरि फिरिन आपना आपना भास्यो, संगियो, आरु पड़ोसियो क मार देवु।”
EXO 32:28 मुसा क एना बुल क ओनसारे लेवीयो न कोर्या; आरु हेने दाहड़े हजार क ओड़े धोड़े मानसे मोर गोया।
EXO 32:29 ओळतेन मुसा न कोयो, “आज क दाहड़े योहोवा क लिय आपनो याजकपद क संस्कार कोरु, बाखुन आपना आपना पुर्या आरु भास्यो क वी विरुद्ध होईन ओसो कोरु जेरेसी हुयो आज तुम क बोरकोत आपे।”
EXO 32:30 दिसरे दाहड़े मुसा न मानसो सि कोयो, “तुम न मोटो पाप कोर्या छे। हेमी हांव योहोवा क पास चोहोड़ जाइस; सम्भव छे की हांव तुमरा पाप क पछतावो कोर सोको।”
EXO 32:31 तोत्यार मुसा योहोवा क पास जाईन कोहने लाग्यो, “हाय, हाय, हेनु मानसो न सोना क देवता बोनाविन मोटो त पाप कोर्या छे।
EXO 32:32 ते वी हेमी तु ओक पाप सोमा कोर - नी ते आपनी लिखली होयी किपात मा सी नाव काट दे।”
EXO 32:33 योहोवा न मुसा सी कोयो, “ज मारे विरुद्ध पाप कोर्‌यो छे ओक नाव हांव आपनी किपात मा सी काट दिस।
EXO 32:34 हेमी तु जाईन हेनु मानसो क हेना जागा मा लि चाल जेरी वात हांवन तार सी कोर्‌यो हुतो; देख, मारो दुत तारे अगल अगळ चालसे। बाखुन जेने दाहड़े हांव मिवाई तेने दाहड़े ओक एना पाप क वी डोन आपीस।”
EXO 32:35 एने: योहोवा न हेनु मानसो पोर पिड़ा नाख्यो, काहकी हारुन क बोनावला होया बछड़ा क हुयेत बोनाय माँगला हुता।
EXO 33:1 ओळतेन योहोवा न मुसा सी कोयो, “तु हेनु मानसो क जेनुक मिसर देश सी छुड़ाय लायो छे पुठी लिन हेना देश क लिजा, जेरे वाराम हांवन अब्राहम, इसहाक, आरु याकुब सी शपथ खाईन कोयो हुतो कि हांव ओक तारी ओवलियाद क आपीस।
EXO 33:2 आरु हांव तारे ओगळ ओगळ एक दुत क मुकलीस, आरु कनानी, एमोरी, हित्ती, परिज्जी, हिब्बी आरु यबुसी मानसो क उतवाळीयो निकाळ दिस।
EXO 33:3 तुमु मानसे हेना देश क जाऊ जेरेम दुध आरु मधु क धारा उहवे छे; बाखुन तुमु एक होटीया छे, एर कोरीन हांव तुमरे विच मा होईन नी चालीस, असो नी होये की हांव वाट मा तुमरो नास कोर दोम।”
EXO 33:4 यी बुरी खोबोर सोमळीन हुये मानसे दु;ख कोरने लाग्या; आरु काहिय आपने गहने पेहरला हुया नी रोहे।
EXO 33:5 एकालिय योहोवा न मुसा सी कोय देदो हुतो, “इसराएलीयो क मारो यो बुल सोमळ्यो, तुमु मानसे ते होटीया होये; काहमाइन हांव पल भर क लिय तुमरे वीच होईन चालो, ती तुमरो नास कोर नाखीस। एकालिय हेमी आपना आपना गोहना आपना पिलो सी उतार देवु की हांव जानो की तुमरे पुठी काय कोरनो चाहजे।”
EXO 33:6 एकालिय इसराएली होरेब सिने बोयड़ा सी लिन ओगोळ क आपना गोहना उतारला रोहे।
EXO 33:7 मुसा तम्बु क छावनी सी खोयड़े बाकुन नांबे उबो कोराया कोरतो हुतो, आरु ओक मिलापवाळा तम्बु कोहतो हुतो। आरु ज काई योहोवा क हेरतो हुयो हेना मिलापवाळा तमबु क पास ज छावनी क पास क छावन ई क खोयड़े हुतो, निकळ जातो हुतो।
EXO 33:8 जब जब मुसा तम्बु क पास जातो, तब तब आखा मानसे उठिन आपना आपसो डेरा क झोपला पोर उबा होय जाता, आरु जब लोगुन मुसा हेना तम्बु मा भोराये नी कोरतो हुतो ती लोगुन हेरे भिनी देखतु रोहता होता।
EXO 33:9 जब मुसा हेना तम्बु मा भोराये कोरतो हुतो, तब वादळा क खाम्बा उतरीन क तम्बु क झोपला पोर उबोरह जातो हुतो, आरु योहोवा मुसा सी वात कोरने लागतो हुतो।
EXO 33:10 आरु आखा मानसे जोत्यार वादळा क खाम्बा क तम्बु क झोपला देखता हुता, तोत्यार उठिन आपना आपना डेरा क झोपला पोर सी वाद्या कोरता हुता।
EXO 33:11 आरु योहोवा मुसा सी ओस कोरिन आंबा-सांबा वार कोरता हुता, जोस कोरिन कोय आपना भास्यो सी वात कोरे। आरु मुसा ते छावनी मा पोछो आत रोहतलो, बाखुन योहोसु नावोन एक जुवान, ज नुन क पुर्य आरु मुसा क सेवक हुतो, हुये तम्बु मा सी नी निकळता हुता।
EXO 33:12 मुसा न योहोवा सी कोयो, “सोमोळ तु मार सि कोयलो छे, ‘एनु मानसो क लि चाल;’ बाखुन यो नी देखाड़्यो की तु मारे पुठी कुनिक मुकलिस। तेवी तुन कोयो छे, ‘तारो नाव मारे चित्त मा बोसलो छे, आरु तारे पोर मारी गिन क निगाह छे।’
EXO 33:13 आरु हेमी काहमाइन मार पोर तारी गिनोन निगाह होय, ती मेसे आपसी गति सोमझाड़ दे, जेरेसी हांव तारो गियान पावो तोत्यर तारी गिन क निगाह मार पोर बोनली रोहे। ओळतेन यो वी धियान राखो की यी मनख्या तारी पोरजा छे।”
EXO 33:14 योहोवा न कोयो, “हांव आप तारे पुठी चालीस आरु तुसे आराम आपीस।”
EXO 33:15 हुयो हेरेसी कोयो, “काहमाइन तु आपसु नी चाले, ती हामु याँसी ओगा मा लि जाय।
EXO 33:16 यो कोसो जाने पाये की तारे गिनोन क निगाह मार पोर आरु आपनी प्रजा पोर छे? काय एरेसी नी की तु आमरे पुठी पुठी चाले, जेरेसी हांव आरु तारु प्रजा क मानस ए कळ भोरिन क सब मानसो सी ओलग कोहायजे?”
EXO 33:17 योहोवा न मुसा सी कोयो, “हांव यो काम वी, जेरे वाराम तु कोर्‌यो छे क, कोरिस; काहकी मारी गिन क निगाह तार पोर छे, आरु तारो नाव मारे मन मा बोसलो छे, हांव तुखे नाव सी जानतु छे।”
EXO 33:18 मुसा न कोयो, मखे उका मोहिमा क तेज देखाड़ दे।
EXO 33:19 हुयो कयो, “हांव तारे ओगळ होईन चालता होईन तुसे आपनी आखी भोलाई देखाड़िस, आरु तारे ओगळ योहोवा नाव क पोरचार कोरिस; आरु जेर पोर हांव गिन कोरनो चाहो हेर पोर गिन कोरिस, आरु जेर पोर दया कोरनो चाहो तेर पोर दया कोरिस।”
EXO 33:20 ओळतेन हुयो कोयो, “तु मारा मुख क दोरसोन नी कोय सोके; काहकी मानुस मारा मुख क दोरसोन कोरन जिवतलो नी रोय सोके।”
EXO 33:21 अळतेन योहोवा न कोयो, “सोमोळ, मारे पास एक जागो छे, याँ तु हेर पोर चट्टान पोर उबो होय;
EXO 33:22 आरु जोत्यार लोगुन मारो सेक तारे ओगळ होईन चालतो रोहे, तोत्यार लगुन हांव तुसे चट्टान क दरार मा राखुस आरु जोत्यार लोगुन हांव तारे अगळ सि होईन नी निकळी जाम तोत्यार लोगुन आपना हातो सी तुसे ढाकिन रोहजी;
EXO 33:23 ओळतेन हांव आपनो हात चुट लिस, तोत्यार तु मारा वासा क ते दोरसोन पाविस; बाखुन मारो मुख क दोरसोन नी मिळसे।”
EXO 34:1 ओळतेन योहोवा न मुसा सि कोयो, “पेहली तख़्तियो क जसो दोगड़ा क दुयो ओख्यो पट्टिया घोड़ लेरे; तब ज बुल हेनु पेहली तख़्तियो पोर लिख्या हुतो, जेनुक तुन तुड़ नाख्यो, हुयेत बुल मा हेनु तख़्तियो पोर वी लेखिस।
EXO 34:2 सोंदारे तियार रोहजी, आरु भोर क सीनाय बोयड़ा पोर चोहड़ीन ओकी चोटी पोर मारे ओगळ उबो होयजी।
EXO 34:3 तारे पुठी काई नी चोहोड़ पावे, बाखुन बोयड़ा भोर पोर कोय मानुस काहिय देखाइ नी देये; आरु नी गाडरा-बुकड़ा आरु गाय-बुईल वी बोयड़ा क ओगळ चोरने पाये।”
EXO 34:4 तोत्यार मुसा न पेहली तख़्तियो क जसो दुय आरु पट्टिया घोड़्‌या; आरु वेगोत क उठिन आपना हात मा दोगड़ा क हुये दुयो पट्टिया लिन योहोवा क हुकुम क ओनसारे सीनाय बोयड़ा पोर चोहोड़ गोया।
EXO 34:5 तब योहोवा न वादळा मा उतरीन ओक पुठी उबो होईन योहोवा खुदक नाव क पोरचार कोर्‌यो।
EXO 34:6 यहोवा ओक अगळ होईन यो पोरचार हुयो चाल्यो, “योहोवा, ईश्वर दयालु आरु गिनोन, रीस करने मा धीरजवन्त, आरु घण करुणामय आरु खोरो,
EXO 34:7 हजारो पीढ़ीयो लोगुन लोगातार दया करनेवाळा, अधोरोम आरु गुणा आरु पाप सोमा करनेवाळा छे, बाखुन दोष क हुयो काहने भातिन गुनावा नी कोहायसे; हुयो पितरो क अधोरोम क डोन ओक पुर्या बाखुन पोता आरु परपोता क वी आपनेवाळा छे।”
EXO 34:8 तोत्यार मुसा न तोत्यार कळ क भैनी झुकीन वांद्यो।
EXO 34:9 आरु हुयो कोयो, “हे पोरबु, काहमाइन तारी गिन क निगाह मार पोर होय, ती पोरबु हामु मानसो क विच मा होईन चाले; ये मानसे एक होटीया ते छे, ते वी आमरा अधोरोम आरु पाप क सोमा कोर आरु आपना निज वाटो मानीन ग्रहण कोर।”
EXO 34:10 हुयो कोयो, “सोमळ, हांव एक वाचा बाँदो छे। तारा आखा मानसो क अगळ मा ओसा मोटा काम करिस जोसो कळी पोर आरु आखी जाती मा कोदी नी होये; आरु हुये आखा मानसे जेरे विच तु रोहे छे योहोवा क काम क देखसे; काहकी ज हांव तुमु मानसो क लिय करने पोर छे हुयो भयंकर बीकन काम छे।
EXO 34:11 ज हुकुम मे आज तुमुक आपो छे ओक तुमु मानसे मानजु। देखु, हांव तुमरे ओगळ सी एमोरी, कनानी, हित्ती, परिज्जी, हिब्बी, आरु यबुसी मानसो क निकळो छे।
EXO 34:12 एकालिय चोकचोया रोहनो कि जेना देश मा तु जानेवाळो छे उना निवासियो सी वाचा नी बाँदनो; काहिय ओसो नि होये की हुयो तारे लिय फंदो कोहाये।
EXO 34:13 एकालिय ओकी वेदीयो क पाड़ दे नो, ओक खांभा क तुड़ नाखजो, आरु ओकी अशेरा नावोन मुर्तियो क काट नाखजो;
EXO 34:14 काहकी तुमुक काहनी दिसरा क ईश्वर कोरिन वादंने कोरने क हुकुकम नी, काहकी योहोवा जेरो नाव जलनशील छे, हुयो धोपाइन उठनेवाळो परमेश्वर छे,
EXO 34:15 ओसो नी होये कि देशक निवासियो सी वायदु करे। ओसो नी होय कि जव वे आपना देवता क बुंडो काम करे आरु यो वेवविचार क व्यवहार कोरे, आपना देवता क बलि चढ़ावसे आरु कोई तुखे नेवतो करे तव तु ओकान बलीन मांस खासे।
EXO 34:16 आरु तु ओकी पुराय क आपना पुर्या क लिय लावे, आरु ओकी पुराय ज आप आपना देवताओ क पोछोल होयने क वेवविचार कोरे छे, तारा पुर्य सि वी आपना देवताओं क पोछोळ होयने क वेवविचार कोरावे।
EXO 34:17 “तुमु देवताओ क मुर्तिया घोड़ीन झुणी बोनाय लेनो।
EXO 34:18 “अखमीरी रुटी क पर्व मानजु। हेरेम मारी हुकुम क ओनसारे आबीब मोहना क नियत टेमे पोर सात दाहड़ा लोगुन अखमीरी रुटा खाया कोरजु; काहकी तु मिसर सी आबीब मोहना मा निकळ आया।
EXO 34:19 हर एक पहिलौठा मारो छे; आरु काय बछड़ो, काय मेम्ना, तारा ढुरो मा सी ज नर पहिलोठो होये हुयो सब मारोत छे।
EXO 34:20 गदड़ा क पेहला खुळ्या क बोदले मेम्नो आपिन ओक छुड़ावजो, कदाम तु ओक छुड़ावने नी चाहे ती ओक गोळो तुड़ देजी। बाखुन आपना आखा पहिलोठो पुर्या क बदलो आपिन छुड़ावनो। मेसे काई ठाहरले हाते आपनो मुय नी देखाड़े।
EXO 34:21 “छव दाहड़ा ते काम कोरजु, बाखुन सातवे दाहड़े आराम कोरजु; बाखुन हळ जुपने आरु काटाई क टेमे वी आराम कोरजु।
EXO 34:22 आरु तु सापता क पर्व मानजु ज पेहला लवे हुया गोहोव क पर्व कोहाये छे, आरु साल क आखरी मा एकठो क वी पर्व मानजु।
EXO 34:23 साल मा तिन वार तारा आखा मानसे इस्राएल क परमेश्वर पोरबु योहोवा क आपनो मुख देखाड़े।
EXO 34:24 काहकी हांव दिसरी जाति क तारे अगळ सी निकाळीन तारि सिमाओ क विदाड़िस; आरु जब तु आपना परमेश्वर योहोवा क आपनो मुख देखाड़ने क लिय साल मा तिन वार आया कोरे, ती काई तारी भुमी क लालच नी कोरसे।
EXO 34:25 “मारा बलिदान क लुहुय क खमीर भेळ नी चोड़ावनो, आरु नी फसह क पर्व क बलिदान मासी काइन सोंदारे लोगुन रोहने देजो।
EXO 34:26 आपनी भुमी क पेहली उपज क पेहलो वाटो आपना परमेश्वर योहोवा क भवन मा ली आवनो। बुकड़ा क गिदल्या क ओकी आईस क दुध मा नी पाकाड़नो।”
EXO 34:27 तोत्यार योहोवा न मुसा सी कोयो, यो बुल लिख लेये; काहकी एना बुलो क ओनसारे हांव न तारे आरु इस्राएल क पुठी वाचा बादलो छे।
EXO 34:28 मुसा होया योहोवा क पुठी चालिस दाहड़ा आरु रात रोयो; आरु तोत्यार लोगुन नी ते हुयो रुटा खादा आरु नी पानी पिदो। आरु हुयो हेनु तख़्तियो पोर वाचा क बुल यानी दोस हुकुम लिख देदो।
EXO 34:29 जोत्यार मुसा गोवा क दुयो पाटिया हातो मा लिय सीनाय बोयड़ा सी उतर रोयो हुतो तोत्यार योहोवा क सात वात कोरने क कारण उना चेहरा सी तेज निकळी रोय होती, बाखुन हुयो यो नी जानतो हुतो की ओक चेहरा तेज निकळ रोय छे।
EXO 34:30 जब हारुन आरु सब इसराएलीयो न मुसा क देख्या की उना मुख सि किरण निकळ रोय छे, ती हुये ओक पास जाने सी बिह गोया।
EXO 34:31 तोत्यार मुसा न ओक बुलायो; आरु हारुन मण्डळी क आखा डाहला भेळ उना पास आया, आरु मुसा हेनुसी वात कोरने लाग्या।
EXO 34:32 ओक वाद आखी इसराएली पास आया, आरु जोतरा हुकुम योहोवा न सीनाय बोयड़ा पोर उना सात वात कोरने क टेम आप्यो हुतो, हुयो सब हुयो ओक बताड्यो।
EXO 34:33 जोत्यार लोगुन मुसा हेनुसी वात नी कोर चुक्या तोत्यार लोगुन मुसा हेनुसी वात नी कोर चुक्यो तोत्यार लोगु आपसा मुख पोर फोटको पाँगरीन रोयो;
EXO 34:34 बाखुन जोत्यार जोत्यार मुसा धोड़े योहोवा सी वात कोरने क ओक ओगळ जाय, तोत्यार तोत्यार हुयो हेनु पांगरुन क निकळते टेमे लोगुन उतारे हुये रोहतो हुतो; ओळतेन खोयड़े आविन ज ज हुकुम ओक मिळे हेनुक इसराएलीयो सी कोय देतो हुतो।
EXO 34:35 इसराएली मुसा क मुख देखतो हुतो की हेरेसी किरणे निकळे छे; आरु जोत्यार लोगुन हुयो योहोवा सी वात कोरने क धोड़े नी जाता तोत्यार लोगुन त्यो फोटको पाँगरीन रोहता हुतो।
EXO 35:1 मुसा न इसराएल क आखा लोगहन क एकठा कोरीन उनासी कयो, “जेना काम को कोरनेन हुकुम योहोवा आपलो छे त्या ये छे।
EXO 35:2 छव दाहड़ा ते काम कोरजो, पुन सातवो दाहड़ो तुमरे लिय आरु चुखलो आरु योहोवा क लिय खास आरामन दाहड़ो कोहायसे, उनामा जो काय काम कोरसे त्यो मार नाख्यो जासे;
EXO 35:3 पुन आरामन दाहड़े तुमु आपसा घरोम चुलो भी मा धपाड़ता।”
EXO 35:4 ओळते मुसा इसराएलीयान सारी मण्डळी सी कयो, “जिनी वातन हुकुम योहोवा भगवान आपलो छे‍ त्या यी छे।
EXO 35:5 तुमरे जुळ रयीन योहोवा भगवान क लियन भेट लेय, मतलब जतरा बी आपसी राजी मरजी सी आपनो चाहे त्या योहोवा भगवानन भेट करीन यी चीज ली आवे; मतलब सोनो, रुप्‌या, पीतळ;
EXO 35:6 नीळ्ळा, जामनीया रंगन आरु रातला रंगन छिंदरा, सुवाळा छिंदरा, बकड़ान झटा,
EXO 35:7 रातला रंगो सी रंगायली गाडरान खालड़ा, आरु सुईसो नावोन मोटला माछान खालड़ा; बाबळीयान लाकड़ा,
EXO 35:8 विजाळो आपने करीन तेल, पवित्र कोरलो तेल, आरु धूद देने करीन वारु गंधायने वाळी चीज,
EXO 35:9 ओळी एपोद आरु छाती पोर बांदनीया क लियन सुलेमानी मणिया आरु लगाड़नेन मणि।
EXO 35:10 “तुमरे मा सी जतरान जीवड़ा मा ओकलन विजाळो छे त्या सब आवीन जिनी-जिनी चीजन हुकुम योहोवा भगवान आपलो छे त्या सब बनावे।
EXO 35:11 मतलब तम्बु, आरु वोरसादी को सात मा निवास, आरु ओकी हेकड़ा, चोखट, डांडा, खाम्बा, आरु कुड़ची;
EXO 35:12 ओळी डांडान को सात मा सन्दुक, आरु पछतावान ढाकनो, आरु वीचवाळा परदा;
EXO 35:13 डांडा आरु सब समान को सात टेबल, आरु भेटन रोटा;
EXO 35:14 समान आरु दीवान क सात मा विजाळो आपने वाळा खुटो, आरु विजाळो आपने करीन तेल;
EXO 35:15 डांडान क सात मा धूप देनेन वेदी, चुखलो तेल, वारु गंधायने वाळो धूप, आरु निवासन झोपलान परदो;
EXO 35:16 पीतळन जाली, डांडा हसलोत् आरु आखो समान होमबली, पायान सात मा मोटलो तोपलो;
EXO 35:17 खाम्बा आरु हेनकी कुड़चीन क सात मा आँगनान परदा, आरु झोपलान परदा;
EXO 35:18 निवास आरु आँगनान दुयु खुटा, आरु दुयड़ा;
EXO 35:19 चुखला जागा मा सेवा चाकरी करने करीन होभावळा छिंदरा, आरु पुजारान काम करने करीन हारुन पुजारान चुखला छिंदरा, आरु उना पोर्यान छिंदरा बी।”
EXO 35:20 तव इसराएलीयान आखा लोगहन मुसान सामने सी जाती रया।
EXO 35:21 आरु जतरा जनान जुर वदियो, आरु जतरा जनान मन मा असी मरजी पड़ी कि, त्या मिलापवाळा तम्बुन काम करने करीन आरु ओकी सारी सेवा चाकरी आरु चुखझला छिंदरा बनावने करीन योहोवा भगवानन भेट लावने लागिया।
EXO 35:22 काय बायरा ने आरु काय ओदेमड़ा, जतरा जनान मन मा असी मरजी पड़ी कि त्या सब गळान हार, नाक मा पेहरने वाळा सोनान कुचा, मुंदिया आरु हसी घण सवटी चीज सोनान गयनो लावने लागीया, इनीये रीतिये जतरा मनुस योहोवा भगवान क लियने ओसनान भेट आपनेवाळा हुता त्या सब हेनको ली आया।
EXO 35:23 आरु जिना-जिना ओदेमड़ान क पास नीळ्ळा, रींगनीया रंगन या रातला रंगन छिंदरा या सुवाळा छिंदरा, या बकड़ान झटा, या रातला रंग सी रंगायली गाडरीन खाल, या सुईसो नावन मोटला माछान खालड़ा हुता, त्या हेनको ली आया।
EXO 35:24 ओळते जतरा चाँदी, या पीतळन भेट आपने वाळा हुता त्या योहोवा भगवान वाटे भेट ली आया; आरु जिना-जिनान पास मा सेवा चाकरीन काहला बी काम लियन बाबळीयान लाकड़ा हुता त्या उको ली आया।
EXO 35:25 आरु जतरी बायरन जीवड़ा मा ओकलन आरु कला हती त्या आपसा हातो सी सुत बोनावीन नीळ्ळा, जामनीया रंगन आरु रातला रंगन, आरु सुवाळा सनीन कातेरला सुत को ली आवी।
EXO 35:26 आरु जतरी बायरन मन मा असी ओकलन विजाळो हुतो त्या बकड़ान झटा बी घुथला।
EXO 35:27 आरु मुखी लोगहन एपोद आरु छातीये बांदने लियन सुलेमानी मणि, आरु जड़नेन मणि,
EXO 35:28 आरु विजाळो आपने आरु चुखो कोरलो तेल आरु धूपन वारु गंधायने वाळी चीज आरु तेल ली आया।
EXO 35:29 जिनी-जिनी चीजन बनावने हुकुम योहोवा भगवान मुसान लारे आपलो हुतो, हेनका लियन जो काय जरुरी हुतो, उको त्या ओदेमड़ा आरु बायरा मेळीन ली आया, जतरा जना मन मा असी मरजी हयली हुती। इनीये रीतिये इसराएली योहोवा भगवान क लिये आपसी मरजी सी भेट ली आया।
EXO 35:30 तव मुसा इसराएलिया सी कयो समळो, “योहोवा यहुदान घराना वाळा बसलेल को, जो ऊरीन पोर्‌यो आरु हुरन पोतो छे, नाव लीन बुलायो।
EXO 35:31 आरु त्यो उको योहोवा भगवानन आत्मा सी असो भराय गीयो कि सब भातीन चीज बनावनेन असी ओकलो जड़ली छे,
EXO 35:32 कि त्यो कारीगारी करने ओकल लगाड़ीन सोना, चाँदीन, आरु पीतळोन ठाहरा बोनावे,
EXO 35:33 आरु लगाड़ने करीन मणि काटने मा आरु लाकड़ा पर चितरो बनावने मा, या तक की आखी भातीन निकाळी बनावने मा काम कोरे।
EXO 35:34 ओळते योहोवा भगवान उना मन मा आरु दानन घराना वाळा अहीसामाकन पोर्या ओहोलीआबन मन मा सिकापन आपनेन ताकत आपीयो।
EXO 35:35 इनु दुयन को मन को योहोवा भगवान ओसी बुध्दि क असी ओकल सी भरीयो, कि त्या आकने मा आरु ढाळने मा आरु नीळ्ळा आरु रातला रंगन छिंदरा, आरु सुवाळा छिंदरा काढ़ने आरु विन्दने मा, सब भातीन बनावने मा, आरु ओकल सी काम निकाळने मा सब भातीन काम करे।
EXO 36:1 “बसलेल आरु ओहोलीआब आरु सब ओकल वाळ जिनको योहोवा भगवान असी ओकल आरु सोमोज आपलो हय, कि त्या योहोवा भगवानन सारा हुकुम को लारे चुखला जागान सेवा चाकरी क लियन आखा भातीन काम करनो जाने, त्यो सब यो काम करे।”
EXO 36:2 तव मुसा बसलेल आरु ओहोलीआब आरु सब ओकल वाळान को जिनको जीव मा योहोवा भगवान ओकलन विजाळो आपलो हुतो, मतलब जिना-जिनान पास मा आवीन काम करनेन जुर हुतो हेनु सबन को बुलायो।
EXO 36:3 आरु इसराएली जो-जो भेट चुखला जागान सेवान काम आरु उको बनावने करीन लीयावला हुता, उको त्या मनुस मुसान हात सी ली लेदा। तव बी लोगहन भोळभाकाम उना पास भेट आपसी राजी मरजी सी लावता रीया।
EXO 36:4 आरु जतरा ओकल वाळा चुखला जागान काम करता हुता त्या सब आपसा-आपसा काम छुड़ीन मुसान पास मा आया,
EXO 36:5 आरु मुसा लागीया, “जिना काम को करनेन योहोवा भगवान हुकुम आपलो छे उना लिये जतरा जुळतो हुतो उना सी जादा त्या ली आया।”
EXO 36:6 तव मुसा सारी तम्बु मा इना हुकुमन परचार करायो, “काय ओदेमड़ा, काय बायरा, कोय बी चुखला जागा लिये भेट नी लावनो।” इनीये रीति सी लोगहन आरु भेट लावने सी रुकाय गीया।
EXO 36:7 काहकी सब काम क लियन जतरो सामान जुळतो हुतो हतरत् पुन उना सी जादा बनावने वाळान पास मा आय गयलो हुतो।
EXO 36:8 आरु काम करनेवाळा जतरा ओकल वाळा हुता त्या निवास लियन वाटायला सुवाळा छिंदरान, आरु निव्वा आरु रातला रोंगोन छिंदरान दोस पोरदा काजे गुथला कोरुब भेव बोनाया।
EXO 36:9 एक-एक परदान नाम्बाय अठावीस हातन आरु चवड़ाई च्यार हातन हय; सब परदन एकुत् माप बनीयो।
EXO 36:10 त्यो पाच परदा एक दिसरा सी जुड़ दीदो, आरु ओळी पाच परदा बि एक दिसरा सी जुड़ दीदा।
EXO 36:11 आरु जा सारी या जुड़ायला परदा वा सारी दुय छिवनीया पर त्यो नीळ्ळा-नीळ्ळा फांदीया लाड़ीयो।
EXO 36:12 आरु त्यो दुयो मेर मा पचास पचास फान्दा लगाड़ीया की त्या एक दिसरा अगळ हुता।
EXO 36:13 आरु त्यो सोनान पचास आकड़ा बनायो, आरु हेनका लारे एक दिसरा सी जुड़ीयो कि निवास मेळीन एक हुय ईयो।
EXO 36:14 ओळी निवासन उपरक तंबु पर ढ़ाकने क करता त्यो बकड़ान छटान गियारा परदा बनायो
EXO 36:15 एक-एक परदान नाम्बाय तीस हातन आरु चवड़ाय च्यार हातन हुयी; आरु गियारा
EXO 36:16 एनामा सी त्यो पाच पोरदा ओलोग आरु छव पोरदा ओलोग जुड़ दिदो।
EXO 36:17 आरु जा सारी दुयु जुड़ाय गिया वा खुनान छिवनीया मा त्यो पचास पचास फान्दीया लगाड़ीयो।
EXO 36:18 आरु त्यो तम्बु को जुड़ने करीन पीतळन पचास आकड़ा बी बनायो जिना सी त्यो एक हुय जाय।
EXO 36:19 आरु त्यो तम्बु क लिये रातला रमग सी रंगायली गाडरान खालन एक पांगरुन आरु उना ऊपर लियन सीइसन खालन एक पांगरुन बी बनायो।
EXO 36:20 ओळी त्यो निवास क लियन बाबळीयान लाकड़ान पाटिया को उब राखने करीन बनायो।
EXO 36:21 एक-एक पाटियान नाम्बाय दस हात आरु चवड़ाय डेढ हातन हुयी।
EXO 36:22 एक-एक पाटिया मा एक दिसरा सी जुड़ायली दुय-दुय चुले बनली, निवासन सब पाटियान को असोत् बनायो।
EXO 36:23 त्यो रोहनेन जागा क लिय पाटियान को असोत् बनायो कि दोखेवरे तरफ वीस पाटिया लागीया।
EXO 36:24 आरु इनु वीस पाटियान नेचा चाँदीन चाळीस कड़ची, मतलब एक-एक पाटियान नेचो दुय चुला क लियन दुय कड़ची बनायो।
EXO 36:25 आरु निवासन दिसरे तरफ, मतलब उगेवनो तरप लगाड़ने करीन त्यो वीस पाटिया बनायो।
EXO 36:26 आरु हेनको लिये बी त्यो चाँदी चाळीस कुड़ची, मतलब एक-एक पाटियान नेचो दुय-दुय कुड़ची बनायो।
EXO 36:27 आरु निवासन पछली तरफ, मतलब जेवड़ीये तरफ क लियन त्यो छव पाटिया बनायो;
EXO 36:28 आरु पछला भागन कुना क लियन त्यो दुय पाटिया बनायो।
EXO 36:29 त्यो नेचो रईन दुय- दुय भागन बनायो, आरु दुयु भाग मा निवासन कुना क लियन त्यो दुय पाटिया बनायो।
EXO 36:30 इना रीति सी आठ पाटिया हुया, आरु हेनकी चाँदीन सुवळा कुड़ची हुय; मतलब एक-एक पाटियान नेचो दुय-दुय कुड़ची हुयी।
EXO 36:31 ओळी त्यो बाबळीयान लाकड़ान डांडा बनायो, मतलब निवासन एक धोड़ेन पाटिया लियन पाच डांडा,
EXO 36:32 आरु निवासन दिसरी तरफन पाटियान; जुगु पाच डांडा, आरु निवासन जो कुनु जेवड़ीयो आरु जो पछळ जागाम हुतो उना लियन बी पाच डांडा बनायो।
EXO 36:33 आरु त्यो वीच मा वाळा डांडान पाटियान वीच मा तम्बुन एक छिवणिया सी दिसरे छिवणिये तक पुगने करीन बनायो।
EXO 36:34 आरु पाटियान को त्यो सोना सी घड़ीयो आरु डांडान घर मा काम आवने वाळा कड़ाक को सोनान बनायो, आरु डांडा को बी बनायो।
EXO 36:35 ओळी त्यो नीळ्ळा, जामनीया आरु रातला रंगन छिदरान आरु सुवाळा सनीवाळा छिंदरान वीचमा वाळा परदा बनायो; त्यो विंदनेन काम करनीया करुबन चितरोन सात मा बनीयो।
EXO 36:36 त्यो उना लियन बाबळीयान च्यार खाम्बा बनायो, आरु हेनको सोना सी ढाळीयो; हेनका माकड़ा वी सोनान बनी, आरु त्यो हेनका लियन चाँदीन च्यार कड़चीया ढाळीयो।
EXO 36:37 त्यो तंबुन झोपला क लियन बी नीळ्ळा, जामनीया आरु रातला रंगन छिंदरान, आरु वाटायला सुवाळा छिंदरा विंदिन काम करलो परदो बनायो;
EXO 36:38 आरु त्यो माकड़ा क सात मा उना पाच खाम्बा बी बनायो, आरु हेनका मुनका पर जुड़ने वाळी छड़ीयान को सोना सी ढाळीयो, आरु हेनकी पाच कुड़ची पीतळन बनायो।
EXO 37:1 ओळतेन बसलेल ने बाबळीयान लाकड़ान पेटारो बनायो; ओकी नाम्बाय ढाय हात, चवड़ाय डेढ हात आरु ऊचाय डेढ़ हातन हुती।
EXO 37:2 त्यो उको माहय बाहर चुखला सोना सी ढाळीयो; आरु उना च्यारो मेर सोनान वाड़ बनायो।
EXO 37:3 आरु ओका च्यारो मेर पाया पर लगाड़ने करीन त्यो सोनान च्यार कड़ा ढाळीया, दुय कड़ा एक तरफ दुय कड़ा दिसरे तरफ लागीया।
EXO 37:4 ओळते त्यो बाबळीयान डांडा बनाया, आरु सोना सी ढाळीयो।
EXO 37:5 आरु हेनको सन्दुकन दुयु तरफन कड़ा मा लगाड़ीयो कि हेनका साहरे हाकलाय जाय।
EXO 37:6 ओळी‍ त्यो चुखला सोनान पछतावा ढाकना को बनायो; ओकी नाम्बाय ढाय हात आरु चवड़ाय डेढ़ हातन हुती।
EXO 37:7 आरु त्यो सोनान दुय करुब घड़ावीन पछतावान ढाकनान दुयु छिवनीया पर बनायो।
EXO 37:8 एक करुब ते एक छिवनीया पर, आरु दिसरो करुब दिसरा छिवनीया पर बनीयो; हेनको त्यो पछतावान ढाकना कपो सात मा एकुत् टुकड़ान दुयु छिवनीया पर बनायो।
EXO 37:9 आरु करुबोन पाखड़ा ऊपर सी खरवायला सारका बनीया, आरु उना पाखाड़ा सी पछतावान ढाकनो ढाकायलो बनीया, आरु हेनका मुय आम्बा-साम्बा आरु पछतावान ढाकनान तरफ करला बनीया।
EXO 37:10 ओळी त्यो बाबळीयान लाकड़ान मेज को बनायो; ओकी नाम्बाय दुय हात, आरु चवड़ाय एक हातन आरु ऊचाय डेढ हातन हुती।
EXO 37:11 आरु त्यो उको चुखा सोना सी ढाळीयो, आरु उना मा च्यारो मेर चुखला सोनान एक वाड़ बनायो।
EXO 37:12 आरु त्यो उना लये च्यार आंगवी चवड़ी एक पटड़ी, आरु इनी पटड़ी लियन च्यारो मेर सोनान एक वाड़ बनायो।
EXO 37:13 आरु त्यो मेज क लियन सोनान चार हेकड़ीया ढाळीन यना च्यारो कोना मा लगाड़ीयो जो उना पाया पर हुता।
EXO 37:14 ‍त्या कड़ा पटड़ीन पास मा हाकलनेन डांडान खाचान कामे आवने करीन बनायो।
EXO 37:15 आरु त्यो मेज हाकलने करीन डांडान क बाबळ्यान लाकड़ान बनायो आरु सोना सी घड़ीयो।
EXO 37:16 आरु‍ त्यो मेज परुन सामान मतलब परात, धूपदान, कटोरा, आरु रेड़नेन ठाहरा सब चुखला सोनान बनायो।
EXO 37:17 ओळी चुखला सोनान ढाळाड़ीन पाया आरु डांडीन सात मा दीवलीया को बनाया; हेका फुलोन ढीग, गाँठड़ा, आरु फुल आखा एकोत् टुकड़ान बनीया।
EXO 37:18 आरु दीवलीया सी निकळ्ळी छव डाळीया बनी; तीन डाळीया ते ओकी एक धोड़े सी आरु तीन डाळीया ओकी दिसरा धोड़े सी निकळ्ळी बनी।
EXO 37:19 आरु एक-एक डाळी मा बादामन फुलो सारको तीन तीन फुलोन ढीग, एक-एक गाठड़ा, आरु एक-एक फुल बनीयो; दीवलीया सी निकळ्ळा उना छव डाळीयान योत् रुप हुयो।
EXO 37:20 आरु दीवलीयान डांडा मा बादमन फुलन सारको आपसी-आपसी गाठ आरु फुलोन पीठी च्यार फुलोन ढीग बनीया।
EXO 37:21 आरु दिवा सी निकळी छव डाळ मा सी दुय दुय डाळीयान क नेचो एक एक दिवा क पुठी एकुत् टुकड़ान बनी।
EXO 37:22 गाठड़ा आरु डाळ्या आखा दिवा क पुठी एकुत् टुकड़ान बनीयो; आखा दिवा घोड़ला चुखला सोनान आरु एकुत् टुकड़ान बोनीयो।
EXO 37:23 आरु त्यो दीवलीयान सातु दीवा, आरु चिमटो, आरु थाळी, चुखा सोनान बनाया।
EXO 37:24 त्यो सारा सामान क सात मा दीवलीयान चवतीस किला एक आंदास भरीन चुखला सोनान बनायो।
EXO 37:25 ओळी त्यो बाबळीयान लाकड़ान धूप वेदी बी बनायो; ओकी नाम्बाय आरु चवड़ाय एक एक हात हुती। आरु त्यो चार कुन्यो बनीयो, आरु ओकी उचाय हुय हातन आरु उका सिंगड़ा एकुत् टुकड़ान बोनला हुता।
EXO 37:26 उपरवाळो पटियो, आरु च्यारो भेनीन कुना आरु सीगड़ान भेळ त्यो उनी वेदी को चुखा सोना सी ढाळीयो; आरु उका च्यारु मेर एक वाड़ बनायो,
EXO 37:27 आरु उना बाड़न नेचा उना दुय पल्‌ला पर त्यो सोनान दुय कड़ा बनायो, जो ओको हाकलने को डांडान खाचान काम देय।
EXO 37:28 आरु डांडान त्यो बाबळीयान लाकड़ान बनायो, आरु सोना सी ढाळीयो।
EXO 37:29 आरु त्यो चुखो करलो तेल, आरु वारु गंधायने वाळो चीज धूप गंदायनेन रीतिन अनसारे बोनाया।
EXO 38:1 ओळते त्यो बाबळीयान लाकड़ान होमबली करने करीन वेदी बी बनायो; ओकी नाम्बाय पाच हात आरु चवड़ाय पाच हातन हुती; इनीये रीतिये सी त्यो च्यार खुनाय बनी, आरु ऊचाय तीन हातन हुती।
EXO 38:2 आरु त्यो उना च्यारो कुना पर उना च्यार सींगड़ा बनाया, आरु‍ त्या उना पुठी मा वीगुर जुड़न बनीया; आरु त्यो उको पीतळ सी ढाळाया।
EXO 38:3 आरु त्यो वेदीम सारो समान, मतलब ओकी टाहरा, पावड़िया, कटवरा, चिमटा, आरु सुपड़ी को बनाया। ओको सारो सोमान त्यो पीतळन बनायो।
EXO 38:4 आरु वेदीन लिये उना च्यारो मेरन झारा तळे त्यो पीतळन जाळीन एक झांझरी बनायो, त्यो नेचो रयीन वेदीन ऊचायन वीच तक पुगी।
EXO 38:5 आरु त्यो पीतळन झांझरीन च्यारु कुना क लियन च्यार कड़ीया ढाळीया, जो डांडान खाचान काम देय।
EXO 38:6 ओळतेन त्यो बाबळीयान लाकड़ान डांडा बनायो आरु पीतळ सी ढाळीयो।
EXO 38:7 तव त्यो डांडान वेदीन तरफ कड़ीया मा वेदी को हाकलने करीन न्हाक दीदा। वेदीन धोड़े त्यो पाटिया सी पुल्ली बनायो।
EXO 38:8 त्यो मोटलो तोपलो आरु उका पाया दुयु पीतळन बनायो, यो मिलापवाळा तम्बुन झोपला पर चाकरी करनेवाळी बायरान पीतळ सी आरसा बोनायो।
EXO 38:9 ओळतेन आंगनो बनायो; आरु दोखेवरे क लियन आंगनान परदा वाटयली सुतोन सुळावा सनीन छिंदरा हुता, आरु आखो मिळीन सोव हात नांबा हुता;
EXO 38:10 हेनको लिये वीस खम्बा, आरु ओकी पीतळन कुड़ची बनी; आरु खाम्बान हेकड़िया आरु जुड़ने वाळी लाकुड़ चाँदीन बनी।
EXO 38:11 आरु दोकेवरे तरफ सी सोव हात नाम्बा परदा बनीया; आरु हेनका लियेन वीस खाम्बा, आरु हेनका पितळन विस कुड़चिया बोनी, आरु खाम्बो क हेकड़ीया आरु जुड़ने क लिय लाकड़िया चाँदीन बोनी।
EXO 38:12 आरु बुडेनो क भिनी क लिय आखा पोरदा मेळीन पचार हातन हुता; उना क लिय दोस खाम्बा, आरु दोसुत हेन्दरी कुड़चिया होती, आरु खाम्बा क हेकड़ियाँ आरु जुड़ने क लाकड़िया चाँदी क हुती।
EXO 38:13 आरु उगेवने भिनी वी होयी पोचास हात क हुता।
EXO 38:14 आँगना क झोपला क एक धोड़े क लिय पोंद्रे हात क पोरदा बोन्या; आरु उना लिय तीन खाम्बा आरु तीन कुड़ची होती।
EXO 38:15 आरु आँगना क झोपला क दिसरे ओख्ये वी तोसोन बोनलो हुतो; आरु आँगना क झोपला क आड़े आरु धोड़े पोंद्रे-पोंद्रे हात क पोर्दा बोनला होता; आरु उना लिय तीनुत तीन खाम्बा, आरु तीनुत तीन हेनकी कुड़चिया वी होती।
EXO 38:16 आँगना क च्यारु ओखे आखा पोर्दा सुळावा वाटायला सनी क लुगड़ा क बोनलो हुतो।
EXO 38:17 आरु खाम्बा क कुड़चिया पितळ क, आरु हेकड़ीया आरु लाकड़िया चाँदिन बोनली, आरु उना मुनका चाँदी सी मढ़े गोया, आरु आँगना क आखा खाम्बा चाँदी क लाकड़िया सी जुड़ाय गोया हतो।
EXO 38:18 आँगना क झोपला क पोर्दा पोर बेल बुटेन काम कोरलो हुतो, आरु हुयो निळ्ळा, जामनिया आरु रातला रोंगोन क छिंदरा क; आरु सुवाळा सनी क छिंदरान बोनलो हुतो; आरु ओकी नांबाय बिस हातन होती, आरु ओकी उचाई आँगना क कनात क चोड़ाई क सामान पाच हात क बोन्यो।
EXO 38:19 आरु उना लिय चार खाम्बा, आरु खाम्बान चारुत कुड़चिया पितळ क बोनी, ओकी हेकड़ीया चाँदी क बोनी, आरु उना मुनका चाँदी सी घड़ीया, आरु उना लाकड़िया चाँदी क बोनी।
EXO 38:20 आरु रोहने आरु आँगनान च्यारु ओखे आखा खुटा पितळन बोनलो हुतो।
EXO 38:21 गोवान चिट्ठी रोहनेन सोमान जो लेवियोन चाखरीन काम लिय बोनलो; आरु जेनकी गिनती हारुन याजक क पुर्या ईतामारन लारे मुसा क कोहने सी होयली होती, ओको पुरावो यो छे।
EXO 38:22 जेनी-जेनी चिजो क बोनावने क हुकुम योहोवान मुसा आप्यो हुतो ओको यहुदान गोत्रवाळा बसलेल, ज हुरन पोतो आरु ऊरीन पोरीयो होतु, बोनाय देदो।
EXO 38:23 आरु उना पुठी दान गोत्रवाळा, अहीसामाकन पुर्या, ओहोलीआब हुतो, जु नक्काशी कोरने आरु काढ़नेवाळा आरु निळ्ळा, बैंगनी, आरु रातला रोंगोन क आरु सुळावा सनीन छिंदरा मा कढ़ाई कोरनेवाळा हुसीयार कारीगर हुतो।
EXO 38:24 चुखला जागान आखा काम मा जो भेटन सोनो लाग्यो चो चुखला जागा क शेकेलन हिसाब सी उनतीस किक्कार, आरु सात सोव तीस शेकेल हुतो।
EXO 38:25 आरु मण्डळी क गिनयला मानसो क भेंट क चाँदी चुखला जागा क शेकेल क अनसारे सी लगभग तीन हजार पांच सोव बीस किला हता।
EXO 38:26 जतरा विस साल क आरु हेरेसे जादा उमोर क गिनायला होता, चे छोव लाख तिन होजार साढ़े पाच सोव मानसे हुता, आरु एक-एक जन क भिनी सी चुखलाजागा क शेकेल क ओनसारे आदो शेकेल, ज एक बेका होये छे, मिड्ळ्यो।
EXO 38:27 आरु हुयो सोव किक्कार चाँदी चुखला जागा आरु विचवाळा पोरदा दुयु क कुड़ची क ढाळने मा लाग गोय; सोव किक्कार सी सोव कुड़चिया बोनी, एक-एक कुड़ची एक किक्कार क बोनी।
EXO 38:28 आरु सोतरे सोव पचहत्तर शेकेल जे वाच गोयो हेरेम खाम्बा क चोटियो मढ़ी गोय, आरु ओकी लाकड़िया वी बोनाय गोयी।
EXO 38:29 आरु भेंट क पितळ सत्तर किक्कार आरु दुय होजार चार सोव शेकेल हुता;
EXO 38:30 एरेसे मिलापवाऴा तम्बु क झोपला क कुड़चिया, आरु पितळन वेदी, पितळ क झंझरी, आरु वेदी क आखो सोमान;
EXO 38:31 आरु आँगना क च्यारु ओखे क कुड़चिया, आरु उना झोपलान कुड़ची, आरु निवास, आरु आँगनान च्यारु मेर क खुटा वी बोनाया गोया।
EXO 39:1 ओळते त्या नीळ्ळा, जामनीया आरु रातला रंगन ढळायला छिंदरा चुखला वेदी क चाकरी करनिया याजक क करता, हारुन क लियन बी चुखला छिंदरा बनावजो जिने रीतिये योहोवा भगवान मुसा को हुकुम आपलो।
EXO 39:2 आरु‍ त्यो एपोदन सोना, आरु नीळ्ळा, जामनीया आरु रातला रंगन छिंदरान, आरु सुळ्ळा छिंदरा बनायो।
EXO 39:3 आरु त्या सोना को कुटि-कुटीन उको पत्तर बनायो, ओळी पतरा को काट काटीन तार बोनाया आरु वारला हुसीयार कारीगर तार को नीळ्ळा, जामनीया आरु रातला रंगन छिंदरा मा, आरु सुळ्ळा छिंदरा मा विंदीन बोनावीन सी भेसकी दिदा।
EXO 39:4 एपोदन जोड़ना को त्या उका कांधा पर बन्धन बनाया, त्यो आपसे दुयु मुनका जुड़ीया।
EXO 39:5 आरु त्यो कसने क लियन जो ढाळायलो पट्टो उना बनाव, त्यो उका सात मा विन जुड़ को, आरु वसोत् बनावटन अनसारे, मतलब सोनान आरु नीळ्ळा, जामनीया आरु रातला रंगन छिंदरान सुळ्ळा सनन छिंदरा बनाव; जिने रीतिये सी योहोवा भगवान मुसा को हुकुम आपलो हुतो।
EXO 39:6 त्या सुलेमानी मणि काटीन उका मा इसराएलन बारे पोर्यान को नाव, जसो छापीयो, खुन्दाये तसोत् खुन्दे, आरु सोनान खाचा मा जुड़ दीदा।
EXO 39:7 त्यो हेनको एपोदन कांधान बन्धन पर लगाड़ीया, जिना सी इसराएलीयान क फोम करने वाळा मणि बने; जिने रीतिये योहोवा भगवान मुसा को हुकुम आपलो हुतो।
EXO 39:8 त्यो राखवाळीन ढाळ एपोदन समान सोनान, आरु नीळ्ळा, जामनीया आरु रातला रंगन छिंदरान, आरु सुळवा छिंदरा मा घाटाळो काम करलो बनायो।
EXO 39:9 राखवाळीन ढाळ ते चोकार बनीयो; आरु त्या हेनको दोहरा बनाया, आरु त्यो दुनवायीन एक वेहेत नाम्बो आरु एक वेहेत चवड़ा बनाव।
EXO 39:10 आरु त्या उका मा च्यार हालोर मा मणि जुड़ीया। पेहली हालोर मा माणिक्य, पद्मराग, आरु लालड़ी लगाड़ीयो;
EXO 39:11 आरु दिसरी हालोर मा मरकत, नीलमणि, आरु हीरा,
EXO 39:12 आरु तीसरी हालोर मा लशम, सुर्यकान्त, आरु नीलम;
EXO 39:13 आरु चवती हालोर मा फीरोजा, सुलेमानी मणि, आरु यशब लगाड़ीयो या सब अलग-अलग छातीन खाचा मा लगाड़ीयो।
EXO 39:14 आरु या मणि इसराएलन पोर्यान नावन गिनतीन अनसारे बारे हुता; बारे गोत्र मा सी एक-एकन नाव जसो छापो खुन्दाये वसोत् खुन्दीयो।
EXO 39:15 आरु त्या चुखला सोनान दुय खाचा आरु सोनान दुय हेकड़ीया बोनावीन दुय हेकड़ीयाक राखवाळीन ढाळ दुय छिवनिये लगाड़ीयो।
EXO 39:16 ओळते ओळी त्या सोनान दुय काना, आरु सोनान दुय कड़ीया बनावीन दुयु कड़ीयान राखवाळीन ढाळ दुयु मुनका पर लगाड़ीयो;
EXO 39:17 तव त्या सोनान दुय गुथायली जाळीयान को राखवाळीन ढाळ सिरा परदुयु हेकड़ीया मा लगाड़ीयो।
EXO 39:18 आरु गुथायली दुयु जाळीया बाकी रयला दुयु छिवनीया को त्या दुयु वाचला छिवनियेन त्या दुयु खाचा मा लगाड़ीन एपोदन अगळ दुयु कांधान बोंदो पोर लगाड़ीयो।
EXO 39:19 आरु त्या सोनान आरु दुय कड़ीया बनावीन राखवाळीन ढाळ दुय छिवनीया पर ओकी उना कोर पर, जो एपोदन माहलो जागाम मा हुती लगाड़ीया।
EXO 39:20 आरु त्या सोनान दुय आरु कड़ीया बी बनावी एपोदन दुय कांधान बोंदो पर नेचा सी उना सामने आरु जुड़न धोड़े, एपोदन काढयला पट्टान ऊपर लगाड़ीया।
EXO 39:21 तव त्या राखवाळीन ढाळ कोप ओकी कड़ीयान झोपला एपोदन काढायला पट्टान ऊपर रये, आरु राखवाळीन ढाळ एपोद सी अलग नी हुयने जुळे; जसो योहोवा भगवान मुसा को हुकुम आपलो हुतो।
EXO 39:22 ओळी एपोदन बागा पुरो नीळ्ळा रंगन बनाया।
EXO 39:23 आरु ओकी बनवाट असी हय कि उना वीच मा डोगलान कोट्टान डुचान सारको एक डुचो बनीयो, आरु डुचान चयारो मेर एक कुर बनी, कि त्यो नी फाटे।
EXO 39:24 आरु त्या उना नेचला घेरा मा नीळ्ळा, जामनीया आरु रातला रंगन छिंदरान अनार बनाया।
EXO 39:25 आरु त्या चुखला सोनान घंटिया बी बनावीन बागान नेचला घेरान च्यारो मेर अनारन वीचो वीच मा लगाड़ीया;
EXO 39:26 मतलब झोगलान नेचला घेरान च्यारो मेर एक सोनान घंटी, आरु एक अनार लगाड़ीया कि त्या उको पेहरीन सेवा चाकरी करे; जसो योहोवा भगवान मुसा को होयो हुकुम आपलो हुतो।
EXO 39:27 ओळते त्या हारुन आरु उना पोर्यान क लियन बनली सुवाळा छिंदरान चोगला,
EXO 39:28 आरु सुवाळा छिंदरान पागड़ी, आरु सुवाळा छिंदरान घाटाळा टुपीया बनाया, आरु सुवाळा छिंदरान चोड्डा बनायो,
EXO 39:29 आरु सुवाळा छिंदरान सनीन छिंदरान आरु नीळ्ळ, जामनिया आरु रातला रंगन ढाळ्ळीन काम कोरली पागड़ी; एनु आखान सारको योहोवा मुसा को हुकुम आपलो हुतो तसोत् बोनायो।
EXO 39:30 ओळते‍ त्या चुखला मुकुटन पट्टी चुखला सोनान बनाया; आरु छापा मा वसात् उना मा आकड़ा गोंदाड़ीयो, कि योहोवा भगवान क लियन चुखलो।
EXO 39:31 आरु त्या उना मा निळो दुयड़ो लगाया, जिना सी‍ त्यो उपोर पागड़ी पर रये, जीने रीतिये योहोवा भगवान मुसा को हुकुम आपलो हुतो।
EXO 39:32 इणीये बरीतिये सी मिलापवाळा तम्बुन निवास को सब का खतम हुयो, आरु जिनान-जिना कामन हुकुम योहोवा भगवान मुसा को आपलो हुतो, इसराएलीया लोगहन तोसात् करीया।
EXO 39:33 तव त्या निवास को मुसा को मुसान पास मा ली आया, मतलब घुड़िया पाटिया बेड़ीया, खाम्बा, कुड़ची हसान हसा ओळी आखो सोमान भेळ तम्बु,
EXO 39:34 आरु रातला रंगन रंगायली गाडरीन खालड़ीन पांगरुन, आरु सुईसो नावोन मोटला माछान खालड़ान पांगरुन, आरु वीच मा वाळो परदो;
EXO 39:35 डांडान सात मा गोवान पत्रीन सन्दुक आरु पछतावान ढाकनो;
EXO 39:36 सारा सामान को भेळ टेबल, आरु भेटन रोटा;
EXO 39:37 सारा सामान को चुखला सोनान सात मा दीवलिया, आरु ओकी घाटाळो कोरनेन दीवु आरु विजाळो आपने करीन तेल;
EXO 39:38 सोनान वेदी, आरु चुखो कोरलो तेल, आरु वारु गंदायने वाळो धूप, आरु तम्बुन झोपलान परदा;
EXO 39:39 पीतळन झांझरी, डांडा आरु आखा सोमान को सात मा मोटलो तोपलो;
EXO 39:40 खम्बा आरु कुरसियान को सात मा आंगनान, परदा आरु आंगनान झोपलान परदा, आरु दुयड़ा, आरु खुटा, आरु परमेश्वरन होजरी वाळा तम्बुन रोहनेन सेवान सारो समान;
EXO 39:41 चुखला जागान सेवा चाकरी करने करीन घाटळा कोरला छिंदरा, आरु हारुन पुजारान चुखला छिंदरा, आरु उना पोर्यान छिंदरा जिनको पेहरीन हेनको पुजारान काम करनो हुतो।
EXO 39:42 मतलब जो-जो हुकुम योहोवा भगवान मुसा को आपलो हुतो हसन हस इसराएली लोगहन सब काम करीया।
EXO 39:43 तव मुसा सारा कामन ओरावो लीन देख्‌यो कि त्या योहोवा भगवानन हुकुमन अनसारे आखो काय हुतो त्यो काम करीया। आरु योहोवा भगवान हेनको सोय बरकत आपीयो।
EXO 40:1 ओळी योहोवा भगवान मुसा सी कयो,
EXO 40:2 “पेहले मयनेन पेहले दाहड़े तु परमेश्वरन होजरी वाळा तम्बुन को उबो करजी।
EXO 40:3 आरु उना मा गोवान पत्रीन सन्दुक को मेकीन वीचमा परदान ओट मा कर देजी।
EXO 40:4 आरु टेबल को माहय ली जाईन जो काहय उना पर सजावनो छे उको सजाय देजी; तव दिवा को धोड़े ली जायीन उना दीवलिया को दपाड़ देजी।
EXO 40:5 आरु गोवान पत्रीन सन्दुकन अगळ सोनान वेदी को जो धुप क लियन छे उको राखजी, आरु निवास को झोपलान परदा को लगाड़ देजी।
EXO 40:6 आरु परमेश्वरन होजरी वाळा तम्बुन को झोपलान सामने होमबली को राखजी।
EXO 40:7 आरु परमेश्वरन होजरी वाळा तम्बुन आरु वेदीन वीच मा मोटला तोपला को राखीन उना मा पानी भरजी।
EXO 40:8 आरु च्यारो तरफ आंगनान पोरदान वाड़ को उबो करजी, आरु उना आंगनान झोपला पर परदा लटकाड़ देजी।
EXO 40:9 “आरु चुखो कोरलो तेल लीन निवासन आरु जो काय उना मा रयसे, सबन को चुखो करजी, आरु आखा सामान को सात मा उको चुखो करजी; तव त्यो चुखलो हुयसे।
EXO 40:10 सब सामान क सात मा होमबली को चुखो कोरिन ओको अर्पन करजी तव त्यो चुखामा चुखो हुयसे।
EXO 40:11 पायान पुठी मोटलो तोपलो बी आपीन उको चुखो करजी।”
EXO 40:12 तोत्यार हारुन आरु उना पोर्यान को मिलापवाळा तम्बुन झोपला पर ली जाईन पानी सी नहवाड़जी,
EXO 40:13 आरु हारुन को चुखलो छिंदरो पेहरावजी, आरु उको होपीन उको चुखो करजी कि त्यो म्हारे लियन पुजारान को काम करे।
EXO 40:14 आरु उका पोर्यान को ली जाईन चोगलो पेहरावजी,
EXO 40:15 आरु जसो तु हेनका बास को अभिषेक करीसजी कि त्या म्हारे लियन पुजारान को काम करे; आरु हेनको अभिषेक हेनकी पीड़ी-पीड़ी क लियन हेनका जलोमको पुजारान जागो आरु सोहलाणी हुयसे।
EXO 40:16 आरु मुसा जो-जो हुकुम योहोवा उको आपलो हुतो ओकोत् अनसारे करीयो।
EXO 40:17 आरु दिसरे सालोन पेहले मयनान पेहला दाहड़ाम रोहनेन तम्बु को उबो करीयो।
EXO 40:18 मुसा रोहनेन तम्बु को उबो करीयो आरु ओकी कुड़ची मेकिन उका पाटिया लगाड़ीन उनामा डांडा न्हाकीयो आरु उका खाम्बा उबो करीयो;
EXO 40:19 आरु त्यो निवास को ऊपर तम्बु को फैलायो, आरु तम्बुन उपर त्यो पांगरुन को लगाड़ीयो; जिने रीतिये योहोवा मुसा को हुकुम आपलो हुतो।
EXO 40:20 आरु त्यो गोवान चिट्ठीन को लीन सन्दुक मा मेल दीदो, आरु सन्दुक मा डान्डान को लगाड़ीन उना उपर पछतावान ढाकना को मेल दीदो;
EXO 40:21 आरु त्यो सन्दुक को निवास मा पुगाड़ीयो, आरु वीचवाळा परदा को लटकाड़ीन गोवा पत्रीन सन्दुक को ओको माहयतो करीयो; जिना रीतिये सी योहोवा मुसा को हुकुम आपलो हुतो।
EXO 40:22 आरु त्यो परमेश्वरन होजरी वाळा तम्बु मा निवासन उगेवनो आरु वीचमा वाळा परदा सी बाहर मेज को लगवाड़ीयो,
EXO 40:23 आरु उना पर त्या योहोवा भगवान को सामने रोटा को सजावीन मेलीयो; जिने रीतिये योहोवा भगवान मुसा को हुकुम आपलो हुतो।
EXO 40:24 आरु त्यो मिलापवाळा तम्बु मा मेजन सामने निवासन दोखेवरे दीवलिया को मेलीयो,
EXO 40:25 आरु त्यो दीवलियान को योहोवा भगवान को सामने धपाड़ दीदो; जिने रीतिये योहोवा भगवान मुसा को हुकुम आपलो हुतो।
EXO 40:26 आरु त्यो परमेश्वरन होजरी वाळा तम्बुन वीच मा वाळा परदान अगळ सोनान वेदी को मेलीयो।
EXO 40:27 आरु त्यो उना पर वारु गंदायने वाळो धूप को धपाड़ीयो; जिने रीतिये योहोवा भगवान मुसा को हुकुम आपलो हुतो।
EXO 40:28 आरु त्यो निवासन झोपला पर परदान को लगाड़ीयो।
EXO 40:29 आरु परमेश्वरन होजरी वाळा तम्बुन निवासन झोपला पर होमबली को मेलीन उना पर आगठान बलि आरु ओन बलि को चढायो; जिने रीतिये योहोवा भगवान मुसा को हुकुम आपलो हुतो।
EXO 40:30 आरु त्यो परमेश्वरन होजरी वाळा तम्बु आरु वेदीन वीच मा मोटला तोपला को मेलीन उना मा धुवने क लियन पानी न्हाकीयो,
EXO 40:31 आरु मुसा आरु हारुन आरु हारुनन पोर्या उना मा आपसा-आपसा हाथ पाय धुया;
EXO 40:32 आरु जव जव त्या मिलापवाळा तम्बु मा या वेदीन पास मा जाता हुता तव-तव त्या हाथ पाय को धुवतला; जिने रीतिये योहोवा भगवान मुसा को हुकुम आपलो हुतो।
EXO 40:33 आरु मुसा निवासन च्यारो मेर वेदीन ओड़े-धोड़े आंगनान पोरदा को उबो करायो, आरु आंगनान झोपलान परदा को लटकाड़ दीदो। इनीये रीतिये सी मुसा आखा कामक पुरो करीयो।
EXO 40:34 तव वादळो मिलापवाळा तम्बु पर छावाय गियो, आरु योहोवा भगवानन विजाळो निवास जागा पर भराय गियो।
EXO 40:35 आरु वादळो मिलाप वाळा तम्बु पर ठेहर गियो, आरु योहोवा भगवान को विजाळो निवास जागा पर भराय गियो, इनीये रीतिये मुसा उना मा नी भराय सकीयो।
EXO 40:36 इसराएलीयान सारी यात्रा मा असोत् हुयतलो हुतो, कि जव-जव त्यो वादळो निवासन ऊपर सी जात रयतो हुतो तव-तव‍ त्यो अगा जाता रयतला।
EXO 40:37 आरु कदाम त्यो वादळो नी उठतलो, ती जिने दाहड़े तक वादळो नी उठ जातलो उना दाहड़े तक अगा नी जाता हुतो।
EXO 40:38 इसराएली लोगहन नी आखी यात्रा मा दिसु मा ते योहोवा भगवानन वादळा मा रोहतलो, आरु राती उना वादळा मा आगठो हेनको सब लोगहन को देखाय देतो हुतो।
LEV 1:1 योहोवा न मूसा क मिलाप वाळा तम्बू मा सी बुलावीन हेका सी कयो,
LEV 1:2 इसराएलीयो सी कय कि कदाम तुमरे मा सी कोय मनुस यहोवा क लियन पशुन चढ़ावो चढ़ावे, ती पाळनिया पशु गाडरा- बुकड़ा माईन एक हुयनो जुवे।
LEV 1:3 कदाम त्यो पाळनीया पशु मा सी होमबली करे, ती ओका मा काहय बी पाप नी हय उको मिलाप वाळा तम्बून झपला पर चढ़ावे कि योहोवा हेको मान लेय।
LEV 1:4 त्यो आपसा हाथ को होमबलि क पशुन मूनका पर मेले, आरू त्यो हेका लियन पछतावो करने करीन मान लेसे।
LEV 1:5 तव त्यो उना केवड़िया को योहोवा भगवान क सामने बलि करे; आरू हारून क पोर्या जो पुजारो छे त्या लुहूय को साते ली जाईन उनी वेदी न च्यारो मेर छिड़क देय जो मिलाप वाळा तम्बून झपला पर छे।
LEV 1:6 ओळते त्यो खाल निकाळीन उना पशुन टुकड़ा-टुकड़ा करे;
LEV 1:7 तव हारून पुजारान वेदी पर आग्ठी मेले, आरू आग्ठा पर लाकड़ा जावीन मेले;
LEV 1:8 आरू हारून क पोर्या जो पुजारा छे त्या मूनका आरू चरबी क सात मा पशुन टुकड़ा क उनी लाकड़ी पर वेदीन आग्ठी पर हसे उको सजावीन मेले;
LEV 1:9 आरू त्यो ओका आतड़ा आरू पाय को पानी सी धुवे। तव पुजारो सब को वेदी पर धपाड़ देय कि त्यो होमबलि योहोवा भगवान क लियन वारू गंधायने वाळो बलिदान बने।
LEV 1:10 कदाम त्यो गाडरो या बुकड़ान होमबलि चढ़ावे, त्यो पूरो आरेगलो नर पशु हय उको चढ़ावे।
LEV 1:11 आरू त्यो उको योहोवा न ओगळ वेदी पर उत्तर न तरफ बलि करे; आरू हारून क पोर्या जो पुजारा छे पशु क लुहूय को वेदीन चारो मेर छिड़की देय।
LEV 1:12 आरू त्यो मूनका आरू चरबी क सात मा ओका टुकड़ा-टुकड़ा करे, आरू पुजारो ईनु आखान क उनी लाकड़ी पर सजावीन मेले जो वेदी रहवसे;
LEV 1:13 त्यो ओका आतड़ा आरू पाय को पानी सी धुवे। आरू पुजारो वेदी पर धपाड़े कि‍ त्यो होमबलि हुय जाय आरू योहोवा भगवान जुगु गंधायने वाळो बलिदान बने।
LEV 1:14 “कदाम त्यो यहोवा क लियन चिल्लान होमबलि चढ़ावे, ती हुली नीते पेरवान क चढ़ावो चढ़ावे।
LEV 1:15 पुजारो ओको वेदी क साते ली जाईन हेका गळा क मुयड़ीन मूनको धड़ सी अलग करे, आरू वेदी पर धपाड़े; आरू उका सारा लुहूय को उनी वेदी क धड़े पाड़ देय;
LEV 1:16 आरू त्यो ओकी गळान थयली को पाखड़न क सात निकाळीन वेदी क पूरबन तरप रुखड़ो न्हाकनेन जागा पर न्हाक देय;
LEV 1:17 आरू त्यो ओका पाखड़ान वीच मा सी फाड़ देय, पुन अलग-अलग नी करे। तव पुजारो उको वेदी पर उनी लाकड़ीन उपर मेलीन जो आग्ठा पर हसे उको धपाड़े कि‍ त्यो होमबलि आरू यहोवा क लियन गंधायने वाळो बलिदान बने।
LEV 2:1 “जव कोय यहोवान करता अन्नबलि क चढ़ावो चढ़ावने चाहे, त्या मैदा चढ़ावे; आरू हेका पर तेल न्‍हाखीन हेके उपर लोबान राखे
LEV 2:2 आरू चा उकान हारून क पोर्‍या क जु याजक छे, लावे। आरू चा अनाज भेंटन तेल भेसकलो मैदा मा सी ओका गत आपनी भरीन निकाळे कि सब लोबान उकामा आय जाय; आरू याजक हेको फोम आपने वाळा भाग क करता वेदी पर धोपाड़्या कि या योहोवा क करता सुखदायक सुगन्धित भेंट हुयसे।
LEV 2:3 आरू अनाज भेंट मा सी जो वाचला रवे चा हारून आरू उकान पोर्‍या क ठरसे; या योहोवा क भेंट मा सी घण चुखो वाटो छे।
LEV 2:4 “जव तु अन्नबलि न करता तन्दूर मा रांदलो चढ़ावु चढ़ाया, ते चा तेल सी झारली अखमीरी चांतीक होय।
LEV 2:5 आरू कदाम तार चढ़ावु तवा पर रांदलो अन्नबलि होय, ते चो तेल करीन झारलो अखमीरी मयदान होसे;
LEV 2:6 हेका टुकड़ा टुकड़ा करीन हेका पर तेल न्‍हाकजो, तव त्यो अनाज भेंट हुय जासे।
LEV 2:7 आरू कदाम थारो चढ़ावो कढ़ाई मा तोवलो अनाज भेंट हय, ती त्यो मयदा सी तेल मा बनावनो जुळे।
LEV 2:8 आरू जु अनाज भेंट ओका चीज मा सी काहनी होय उका योहोवा क सामने ली जानु; आरू जव चु याजक क जु लाया जासे, तव याजक उका वेदी क सामने ली जाय।
LEV 2:9 आरू याजक अनाज भेंट मा रयी फोम करावने वाळो भाग निकाळीन वेदी पर धोपाड़े की त्यो योहोवान करता सुखदायक सुगन्धवाळो भेंट ठरसे;
LEV 2:10 आरू अन्नबलि मा सी जो वाचलो रवे चो हारून आरू उकान पोर्‍यो न ठरसे; चो योहोवा क भेंट मा घण चुखु वाटु हुयसे।
LEV 2:11 “काहलो अनाज भेट जेको तुमु यहोवान करता चढ़ावु, खमीर भेस्किन झुण बनावता; तुमु कदी आग्ठान भेंट मा यहोवान करता, खमीर आरू माहळ झुण धोपाड़जु।
LEV 2:12 तुमु हेको पेहली फसलन चढ़ावु करीन यहोवान करता चढ़ावा, पर चा सुखदायक सुगन्ध क करता वेदीन आग्ठी पर झुन चढ़ावु।
LEV 2:13 पछा आपना सब अनाजन भेंट क नमकीन बनावनु; आरू आपना कुई अनाजन भेंट आपना परमेश्वरन साथ मा बाँधली वाचा क नोन सी रहित होयने नी देनु; आपना सब चढ़ावा साथे नोन भी चढ़ावनु।
LEV 2:14 “कदाम तु योहोवा क करता पेहली फसलन अनाजन भेट चढ़ावु, ते आपनी पेहली कमायन अनाजन करता आग्ठा मा भुंजली निळ्ळी-निळ्ळी उम्बीया , मतलब निळ्ळी-निळ्ळी उम्बीयाक मसळीन निकाळ लेनु, तव अनाज भेंट चढ़ावनु।
LEV 2:15 आरू उका मा तेल नाखनु, आरू उकान उपर लोबान राखनु; तव चा अनाज भेंट हुय जासे।
LEV 2:16 आरू याजक मसळीन निकावलो अन्ना क, आरू तेल क, आरू सब लोबान क फोम करवानेवाळो भाग करीन धोपाड़ दे; त्यो यहोवा क करता वेदी की आग ठरसे।
LEV 3:1 “कदाम उकान चढ़ावु मेलबलि क होय, आरू कदाम चा केवड़ी-बुयल मा सी काहना क चढ़ावे, चाहे चा पशु नर होय या मादा, ते जु पूरो आरगो हय हेकेक त्यो यहोवान अगोळ चढ़ावे।
LEV 3:2 आरू चा आपसो हाथ आपसा चढ़ावान करता पशु न मुनका पर मेले आरू हेको मिलापवाळा तम्बून झपला पर बलि करे; आरू हारून क पोर्‍यो जो पुजारो छे त्यो हेको लुहूय क वेदीन च्यारू मेर छिड़के।
LEV 3:3 आरू त्यो मेलमिलापन बलि मा रयीन यहोवान करता वेदी की आग्ठी मा चढ़ावे, मतलब जीनी चरबी सी आतड़ा ढाकयला रये, आरू जो झाळ हेना मा लेपटाय रये ची भी,
LEV 3:4 आरू दुयु गुर्दा आरू हेके उपर वाळी चरबी जो कमर क जु रवती छे, आरू गुर्दान क सात मा काळजा न उपर झाळी, इनु सबन क त्यो अलग करे।
LEV 3:5 तव हारून क पोर्यो हेनको वेदी पर होमबलि पर धोपाड़े, जो हेनू लाकड़ा पर हसे जो आग्ठान उपर छे कि यो यहोवान करता सुखदायक सुगन्धवाळा भेट रयसे।
LEV 3:6 “कदाम यहोवा न मेलमिलाप न बलिन करता हेको चढ़ावो पालतु पशु मा सी होय, ते चाहे त्यो नर हय या मादा, पर जो पूरा डिलोम आरगो हय हेको चढ़ावे।
LEV 3:7 कदाम त्यो गाडरान पीलो चढ़ावतो हय, ती हेको यहोवान क सामने चढ़ावे,
LEV 3:8 आरू चा आपनु चढ़ावान पशु न मुनका पर हाथ मेके आरू हेको मिलापवाळा तम्बू न अगोळ बलि करे; आरू हारून क पोर्यो हेको लुहूय वेदीन च्यारो तरफ छिड़के।
LEV 3:9 तब मेलबलि मा सी चरबा क योहोवा क करता हवन करे, मतलब ओकान चरबी भरली मोटली सेमटी क चा रीढ़न जुळ सी अलग करे, आरू जेकी चरबी सी आतड़्या ढ़ाकला रये, आरू जी चरबो उना मा चिपकली रवती छे,
LEV 3:10 आरू दुयु गुर्दा, आरू जो चरबो उकान उपर कमर क जु रवती छे, आरू गुर्दा समेत कावजा क उपरली झिल्ली, इना सभा क चा अलग करे।
LEV 3:11 आरू याजक ओका वेदी पर धोपाड़े; या योहोवा क करता भेंट रूपी भोजन ठरसे।
LEV 3:12 “कदाम चा बुकड़ी चढ़ावे ती हेको योहोवा क सामने चढ़ाया।
LEV 3:13 आरू चा आपना हाथ उकान मुनका पर मेके, आरू उकाह मिलापवाळा तम्बू क ओगव बलि करे; आरू हारून क पोर्‍या उकान लुहूय क वेदी क चार तरफ छिड़कु।
LEV 3:14 तव चा उकामा सी आपनो चढ़ावो योहोवा क करता वेदी की आग पर चढ़ावे, मतलब जीन चरबी सी आतड़ा ढाकायला रये छे, आरू जो चरबी हेकाम चिपकली रये त्यो भी,
LEV 3:15 आरू दुयु गुर्दा आरू जो चरबो उकान उपर कमर क जु रवती छे, आरू गुर्दा समेत काळजान क उपर वाळी जाळी, इनु सबन क त्यो अलग करे।
LEV 3:16 आरू याजक ओका वेदी पर धोपाड़्या; यो हवन रूपी भोजन छे जो सुखदायक सुगन्ध क करता हतलो छे; काहकी सब चरबी यहोवान छे।
LEV 3:17 यो तुमरी रयने जागा मा तुमरी पीढ़ी पीढ़ी क करता हमेशान विधि रयसे कि तुमु चरबी आरू लुहूय कदी नी खावु।”
LEV 4:1 पछो यहोवा न मूसा सी कयो,
LEV 4:2 इस्राएलिया सी यो कोय कि कदाम कोय मनुस उना कामो मा सी जीनाक यहोवा मना करलो छे, काहना काम क विसरीन करीन पापी होय जाए;
LEV 4:3 आरू कदाम अभिषिक्त याजक ओसो पाप करे जेका सी प्रजा दोषी ठरसे, ते आपना पापन कारण चु एक पूरो आरेगलो बयल्यो योहोवा क पापबलि करीन चढ़ाया।
LEV 4:4 त्यो उना बयल्यान क मिलापवाळा तम्बू न झोपला पर योहोवा क ओगव ली जाईन उकान मुनका पर हाथ मेके, आरू उका बयल्यान क योहोवा क सामने बलि करे।
LEV 4:5 आ रू अभिषिक्त पुजारो बयलशयान क लुहूय मा सी काहय लीन मिलापवाळा तम्बू मा ली जाय;
LEV 4:6 आरू पुजारो आपसी आंगळी लुहू मा डुबाड़ी-डुबाड़ीन आरू हेकामा सी काहय लीन चुखला जागान वीच माहयला परदान क ओगळ यहोवान सामने सात वार छिड़के।
LEV 4:7 आरू पुजारो हेका लुहूय मा सी लीन वारू गंधायने वाळा धुपन वेदीन क सिंगड़ा पर जो मिलापवाळा तम्बू मा छे यहोवान क सामने लगाड़े; ओळी बयल्यान क सब लुहूय वेदीन क पाया पर जो मिलापवाळा तम्बून झपला पर छे रेड़ देय।
LEV 4:8 पछु चु पापबलि क बयल्यान क सब चरबी हेका सी अलग करे, आरू जीनी चरबी सी आतड़ा ढाकायला रवता छे, आरू जोतरो चरबो उना मा चिपकली रवती छे,
LEV 4:9 आरू दुयु गुर्दा आरू उना क उपर क चरबो जो कमर क जु रवती छे, आरू गुर्दा समेत कावजा ऊपर ली जाळी, इना सभा क अलग करे,
LEV 4:10 जोसो मेलमिलापन बलिवाळा चढ़ावा क बयल्या सी अलग कर्‍या जाता छे, आरू याजक इनुक होमबलि कर्‍या वेदी पर धोपाड़ीयो।
LEV 4:11 पुन उना केवड़ा क खाल, पाये, मुनको, आतड़ा, गुबर,
LEV 4:12 आरू सब मांस, मतलब पूरो बयल्यो पड़ाव सी बाहरते चुखला जागा मा, जा रूखड़ो नाखे, ली जाईन लाकड़ा पर मेलीन आग्ठा सी धोपाड़़े; जा रूखड़ो न्‍हाखे तेखे व्हा धपाड़े।
LEV 4:13 “कदाम इस्राएल क सब मण्डली अज्ञानतान कारण पाप करे आरू ची वात मण्डली क डुवा सी धोपाय छे, आरू चा योहोवा क काहनी हुकुम क विरूध्द काहय करीन दोषी ठर्‍या छे;
LEV 4:14 ते जव उकान करीन पाप प्रगट होय जाय तव मण्डली एक केवड़ा क पापबलि करीन चढ़ाया। चा उका मिलापवाळा तम्बू क ओगव ली जाय,
LEV 4:15 आरू मण्डळीन डाहला लोगहन आपना आपना हाथ क योहोवा भगवान क ओगळ बयल्या क मुनका पर मेके, आरू चो बयल्या क योहोवा भगवान क सामने बलि कर्‍या जासे।
LEV 4:16 तव अभिषिक्त याजक बयल्यान ज लुहूय मा सी मिलापवाळा तम्बू मा ली जासे;
LEV 4:17 आरू याजक आपनी आंगुळ लुहूय मा डुबाड़ीन हेका वीचमाहयला परदा क ओगव सात वार योहोवा क सामने छिड़के।
LEV 4:18 आरू हेका लुहूय मा सी वेदीन सिंगड़ा पर जो यहोवान ओगळ मिलापवाळा तम्बू मा छे लगाड़े; आरू वाचला सब लुहूय होमबलि न वेदी क पाया पर जो मिलापवाळा तम्बू क झोपला पर छे रेड़ देय।
LEV 4:19 आरू त्यो बयल्यान सब चरबी निकाळीन वेदी पर धपाड़ देय।
LEV 4:20 जसो पापबलिन बयल्या सी करला हुता तसोज हेका सी भी करे; इनीये रीतिये पुजारो इस्राएलियान पाप क ढाके, तव उनाक चो पाप माप करलु जासे।
LEV 4:21 आरू चा बयल्यान क पड़ाव सी बाहरो ली जाईन इनिये रीतिये धपाड़े जसो पेहला बयल्यान क धोपाड़यो हतो; यी मण्डलीन करता पापबलि हुयसे।
LEV 4:22 “जव कुई मुखि मानुस पाप करीन आपना परमेश्वरन योहोवा क काहनी हुकुम क विरूध्द मा विसर भूले सी काहय करीन दोषी होय जासे,
LEV 4:23 आरू उकान पाप उका पर प्रगट होय जासे, ते वा एक निर्दोष बुकड़ो बलिदान करने क करीन ली आया;
LEV 4:24 आरू बुकड़ा क मुनका पर आपना हाथ धरे, आरू बुकड़ा क उका जागा पर बलि करे जा होमबलि योहोवा भगवान क ओगव बलि कर्‍या जाता छे; या पापबलि ठरसे।
LEV 4:25 तव पुजारो आपनी आंगुव सी पापबलि क लुहूय मा सी काहय लीन होमबलि क वेदी क सिंगड़ा पर लागाड़े, आरू उकान लुहूय होमबलि क वेदी क पाय पर नाख दे।
LEV 4:26 आरू चा उकान कुल चरबा क मेलबलि क समान वेदी पर धोपाड़े; आरू याजक उकान पाप क विषय मा पश्चाताप कर, तव चु माप कर्‍यु जासे।
LEV 4:27 “कदाम साधारण लोगहन मा सी कुई विनअकल सी पाप करे, हेनू काम क जिनू सी योहोवा भगवान मना कर्‍यु हेके करे ती त्यो दोषी हुयसे,
LEV 4:28 ते चा उका पाप क कारण एक निर्दोष बुकड़ी बलिदान क करता ली आया;
LEV 4:29 आरू चु आपना हाथ पापबलिपशु क मुनका पर मेके, आरू होमबलि क जागा पर पापबलिपशु क बलिदान करे।
LEV 4:30 आरू याजक उकान लुहूय मा सी आपनी आंगुव सी काहय लीन होमबलि क वेदी क सींगड़ा पर लागाड़े, आरू उकान सब लुहूय क उका वेदी क पाय पर माख दे।
LEV 4:31 आरू ची उकान सब चरबा क मेलमिलाप बलिपशुन चरबीन क सारको अलग करे, तव याजक ओका वेदी पर योहोवा क करता सुखदायक सुगन्ध क करता धोपाड़े; आरू ओका प्रकार याजक करता पश्चाताप करे, तव उका मापी जोड़से।
LEV 4:32 “कदाम चु पापबलि क करता एक गाडरीन पीलो ली आयो, ते चु पूरो आरेगलो मादा होय,
LEV 4:33 आरू चु आपना हाथ पापबलि क मुनका पर मेके, आरू उकान पापबलि क करता चोज बलिदान करे जा होमबलिपशु बलि कर्‍या जाता छे।
LEV 4:34 तव याजक आपनी आंगुळ सी पापबलिन लुहूय मा सी काहय लीन होमबलि क वेदी क पाय पर नाख दे।
LEV 4:35 आरू त्यो हेकी सब चरबी क मेलबलिवाळा गाडरान पीलान चरबी समान अलग करे, आरू याजक उका वेदी पर योहोवा क हवन क ऊपर धोपाड़े; आरू ओका प्रकारन याजक उकान पाप क करता पश्चाताप करे, आरू तिनाक माप कर दे जासे।
LEV 5:1 “कदाम कोय गवा हुयीन सो पाप करे कि कसम खावड़ावीन पुछने पर भी कि काय तु यो समळ्यू नीते जाने, आरू ची वात उजेन्‍ती नी करे, ते ओका आपना गुणान भार झेलनो पड़से।
LEV 5:2 कदाम कोय विटुळ चीज क भुल चुक सी हाथ लगाड़े, ते चाहे चु अशुद्ध बनैल पशु क, चाहे शुद्ध घर माहयला पशु क, चाहे अशुद्ध रेंगनेवाळा जीव-जन्तु न धड़ हय, ती त्यो विटुळ हुयीन गुणाको ठरसे।
LEV 5:3 निते कदाम कुई मानुस काहनी अशुद्ध चीज क भुल चुक सी हाथ ले, चाहे चु अशुद्ध चीज काहनी भी प्रकार करे काह नी होय जेका सी मानसे अशुद्ध होय जाता छे, ते जव चु उका वात क जाव लेसे तव चु दोषी ठरसे।
LEV 5:4 कदाम कुई बुरो या भलो करने क बिना सोचे समझे शपथ खादा, चाहे काहना प्रकारन वात बिना-विचारे शपथ खाईन कोया, ते ओसी वात मा चु दोषी उका टेमे ठरसे जव उका मालुम होय जासे।
LEV 5:5 आरू जव त्यो इनी वातो मा सी काहनी भी वात मा गुणेगार हय, तव जेका विषय मा ओको पाप कर्‍या होय चु ओकाह मान ले,
LEV 5:6 आरू चु योहोवा क सामने आपनो दोषबलि ली आया, मतलब उका पाप क कारण चा एक गाडरा या बुकड़ा पापबलि करने क करता ली आया; तव याजक उका पाप क विषय पश्चाताप करे।
LEV 5:7 “पुन कदाम उका गाडरा या बुकड़ी आपने क सामर्थ्य नी होय, ते आपना पाप क कारण दुय पण्डुक या कबूतरी क दुय पिल्ला दोषबलि चढ़ावनेन करता योहोवा क साथे ली आया, उनामा सी एक ते पापबलि क करता आरू दिसरा होमबलि क करता लावे।
LEV 5:8 चा ओकान याजक क जु ली आया, आरू उकान मुनका गवा सी पिव्वी नाखे, पुन अलग नी करे,
LEV 5:9 आरू चु पापबलिपशु क लुहूय मा सी वेदी क बाजु पर छिड़के, आरू जो लुहूय शेष रवे ची वेदी क पाय पर पाड्या जासे; चो पापबलि ठरसे।
LEV 5:10 तव दिसरा चिल्ला क ची विधि क अनसारे होमबलि करे, आरू याजक ओकान पाप क पश्चाताप करे, आरू तव चा माप कर्‍या जासे।
LEV 5:11 “पुन कदाम चा दुय पण्डुक या कबूतरी क दुय पिल्ला भी नी आप सके, ते चो आपना पाप क कारण आपना चढ़ावु एपा क दसवु भाग मयदा पापबलि करीन ली आया; उका पर नी ते चा तेल नाख्या, आरू नी लोबान मेक्या, काहकी चो पापबलि होयसे।
LEV 5:12 चु उकाह याजक क जु ली जावु, आरू याजक उकामा सी आपनी मुठ भरीन फोम आपावनेवाळा भाग जानीन वेदी पर योहोवा क हवनो क ऊपर धोपाड्या; चो पापबलि ठरसे।
LEV 5:13 आरू इनी वात मा सी काहनी भी वात क विषय मा को कुई पाप करे, याजक ओकान पश्चाताप करे, आरू तव चु पाप माप कर्‍या जासे। आरू ओका पापबलि क शेष अन्नबलि क शेष क समान याजक क ठरसे।”
LEV 5:14 पछा योहोवा मूसा सी कयो,
LEV 5:15 कदाम कुई योहोवा क चुखी करली चीजन वारा मा गलती सी विश्वासघात करे आरू पापी ठरसे, ते चु योहोवा क जु एक निर्दोष गाडरा दोषबलि क क करता ली आया; ओकान किमत पवित्रस्थान क शेकेल क अनसारे ओतरा ज शेकेल चाँदीन होय जोतरो याजक ठरसे।
LEV 5:16 आरू जेका चुखली चीज क विषय उको पाप कर्‍या होय, उकामा चु पाचवु भाग आरू बढ़ावीन याजक क आप; आरू याजक दोषबलि क गाडरो चढावीन उकान पाप क ढाँके, तब उकान पाप माप कर्‍या जासे।
LEV 5:17 “कदाम कुई ओसो पाप करे के उना कामो मा सी जेका योहोवा भगवान मना कर्‍यो छे काहना काम करे, ते चाहे चु हेको आपसा गुणान भार उठावनु पड़से।
LEV 5:18 एरकरता चु एक निर्दोष गाडरा दोषबलि करीन याजक क जु ली आया, चा ओतरीज किमत क होय जोतरा याजक ठराया, आरू याजक उकान करता ओकान ओकी भूल क जा ओकाह अनजावना मा करी होई पश्चाताप करे, आरू चु माप कर्‍यु जासे।
LEV 5:19 यी दोषबलि ठरसे; काहकी चु मानुस पाक्को योहोवा क सम्मुख दोषी ठरसे।”
LEV 6:1 पछु योहोवा मूसा सी कयो,
LEV 6:2 “कदाम कोय यहोवा सी विश्वासघात करीन पापी ठरसे, जोसो कि धरोहर, या लेनदेन, या लूट क विषय मा आपना भाईस्यक साथे कपट करे, या ओका पर आंधारो करे,
LEV 6:3 या पड़ रयली चीज जड़े ती हेका वारा मा झूठ बुले आरू झूठी कसम बी खाय; ओसी कुई भी वात काह नी होय जेको करीन मानुस पापी ठरतु छे,
LEV 6:4 ते जव चु ओसो काम करीन दोषी होय जाय, तव जु भी चीज ओको लुट्यो, या आंधारो करीन, या धरोहर, या खुवायली चीज जो हेको जोड़ली हय ;
LEV 6:5 चाहे काहनी भी चीज काह नी होय जेका विषय मा उको झूठी शपथ खादली होसे; ते ची उको सब वापस कर दे, आरू पाचवु भाग भी बढ़ावीन भर दे, जेके दाहड़े यो मालुम होसे कि चु दोषी छे उके दाहड़े चु उका चीज क ओका स्वामी क वापस कर दे।
LEV 6:6 आरू चु योहोवा क सामने आपना दोषबलि भी ली आया, मतलब एक पूरो आरेगलो गाडरा दोषबलि क करता याजक क जु ली आया, चा ओतरी किमत होय जोतरो याजक ठरावसे।
LEV 6:7 ओका प्रकार क याजक उकान करता योहोवा क सामने पश्चाताप करे, आरू जेका काम क करीन चु दोषी होय गया छे उकाह मापी जोड़से।”
LEV 6:8 आरू यहोवा मूसा सी कयो,
LEV 6:9 “हारून आरू ओकान पोर्‍या क हुकुम आपीन यो कयो कि होमबलि क व्यवस्था यी छे: होमबलि भाट्टीन ऊपर रात भर भोर तक वेदी पर पवड़ा रवे, आरू वेदी क आगठो वेदी पर धोपती रवे।
LEV 6:10 आरू याजक आपना सनी क छिंदरा आरू आपना डील पर आपनी झारली जाँघिया पेहरीन होमबलि क मेक, जी आग्ठा सी भस्म करने सी वेदी पर रय जाय, ओका उठावीन वेदीन धड़े मेक दे।
LEV 6:11 तव चु आपना छिंदरा उतारीन दिसरा छिंदरा पेहरीन रूखड़ा क पड़ाव सी बाहरते काहना शुद्ध स्थान पर ली जाय।
LEV 6:12 वेदी पर आगठो धोपतो रवे, आरू कभी उलवायने नी जुवे; आरू याजक हर एक दाहड़े पहाटे उका पर लाकड़ा धोपाड़ीन होमबलि क टुकड़ा क ओकान ऊपर सजाड़ीन धर दे, आरू ओकान ऊपर मेलबलिया क चरबा क धोपाड्या करे।
LEV 6:13 वेदी पर आगठो लगातार धोपतो रवे; चो कभी बुझायनो नी जुवे।
LEV 6:14 “अन्नबलि क व्यवस्था इना गत छे: हारून क पोर्‍यो ओकाह वेदी क सामने योहोवा क सामने ली आया।
LEV 6:15 आरू चु अन्नबलि क तेल भेस्कायलो मयदा मा सी मुठ भरीन आरू उका परलो सब लोबान उठावीन अन्नबलि क यादन ओका भाग क योहोवा क सामने सुखदायक सुगन्ध क करता वेदी पर धोपाड़े।
LEV 6:16 आरू ओका मा सी जो शेष रय जाय ओका हारून आरू ओकान पोर्‍या खाय; चु बिना खमीर चुखलीजागा मा खाया जासे, मतलब चा मिलापवाळा तम्बू क आंगना मा उका खाये।
LEV 6:17 चो खमीर क साथे रांदनो नी; काहकी हाव आपना हव्य मा सी उकाह ओकान निज भाग होयने क करता हेका देदा छे; एरकरता जोसो पापबलि आरू दोषबलि घण चुखो छे, तोसोज चो भी छे।
LEV 6:18 हारून क वंश क सब मानुस उका मा सी खाय सकता छे, तुमरी पीढ़ी मा योहोवा भगवान क हवन मा सी यो उकान भाग हमेशा बवनो रवसे; जु कुई उना हवनो क हाथ लागाड़े चु चुखलु ठरसे।”
LEV 6:19 पछु योहोवा मूसा सी कयो,
LEV 6:20 “जेके दाहड़े हारून क अभिषेक होसे उके दाहड़े चु आपना पोर्‍या क साथे योहोवा क यो चढ़ावु चढ़ायु; मतलब एपा क दसवु भाग मयदो नित्य अन्नबलि मा चढ़ाया, उका मा सी आर्धे पहाटे आरू आर्धे सांतेन टेमे चढ़ाया।
LEV 6:21 चो तवा पर तेल क साथे रांदलो जासे; जव चो तेल सी तरी होय जाय तव उका ली आवनो, ओका अन्नबलि न चुल्लो टुकड़ो योहोवा भगवान क सुखदायक सुगन्ध करता चढ़ावनो।
LEV 6:22 हारून क पोर्‍या मा सी जु भी उका याजक पद पर अभिषिक्त होसे, वी विधि हमेशा क करता छे। कि योहोवा क सामने चो सब‍ चढ़ावो धोपाड्यो जासे।
LEV 6:23 याजक क सब अन्नबलि भी सब धोपाड्या जासे; चो कभी नी खातो जासे।”
LEV 6:24 आरू योहोवा भगवान मूसा सी कयो,
LEV 6:25 “हारून आरू उकान पोर्‍या सी यो कयो कि पापबलि की नियम यो छे: जेका जागा मा होमबलिपशु क बलि कर्‍या जाता छे उका मा पापबलिपशु भी योहोवा भगवान क सामने बलि कर्‍या जासे; चु परमपवित्र छे।”
LEV 6:26 जु याजक पापबलि चढ़ावु चु ओका खाये; चु पवित्रस्थान मा, मतलब मिलापवाळा तम्बू क आंगना मा काया जासे।
LEV 6:27 जो काहय उकान मांस सी हाथ लागाड़े जासे, चु पवित्र ठरसे; आरू कदाम उकान लुहूय क छिटळा एकदा छिंदरा पर पड़ जाय, ते उकाह काहना चुखला जागा मा धुव देदु।
LEV 6:28 आरू त्यो धुळान ठिकरा मा त्यो पाकाळलो गयो तुड़ दि जासे; कदाम चु पितवन पात्रा मा उबाळ्यो गयो छे, ते चो उजाळीन, आरू पाणी सी धुव देल्लो जासे।
LEV 6:29 याजक मा सी सब मानसे उकाह खाय सकता छे; चु परमपवित्र चीज छे।
LEV 6:30 पुन जेका पापबलिपशु क लुहूय मा सी काहय भी लुहूय मिलपवाळा तम्बू क माहयता चुखलो जागा मा पश्चाताप करने क पुगाड्या जासे, उकान मांस कभी नी खाय जासे; चो आग्ठा मा धोपाड़ दे जासे।
LEV 7:1 यी दोष-बलिन व्यवस्था छे: ची घण चुखो छे।
LEV 7:2 जिना जागा मा आग्ठा क बलि क पशु क वध करता छे, हेका स्थान मा दोष-बलि लीन पशु क वध कर्‍यो जासे, आरू उकान लुहूय वेदीक चार तरफ छिड़की जासे।
LEV 7:3 उकान माइन सब चरबी क चढ़ावे: हेका चरबो भारी चरबी वाळी सेमटी, आतड्याक ढ़ाकने वाळो चरबो बी,
LEV 7:4 दुयु गुर्दा आरू चो चरबो जो उकान ऊपर आरू कमर क जु रवती छे, आरू गुर्दा क साथ मा काळजान ऊपरली जाळी इनु सब कहो अलग करे ।
LEV 7:5 पुजारो हेको वेदी पर धोपाड़े। चु पोरबु क आग्ठा मा अर्पित गुणानन-बलि छे।
LEV 7:6 याजक मायीन सब मानुस ओकामा सी खाय सके; चा काहना चुखलास्थान मा खाया जासे; काहकी चु घण चुखो छे।
LEV 7:7 जोसो पापबलि छे तोसोज दोषबलि भी छे, हेनु दुयन एकुज व्यवस्था छे; जो पुजारा हेनु बलिक चढ़ावीन पाप ढाकीन करे त्यात् हेनु चीजक लेये।
LEV 7:8 आरू जु याजक काहना क करता होमबलि क चढ़ावे उनी होमबलि पशुन खाल क त्यो पुजारो ली लेय।
LEV 7:9 आरू भट्टी मा, या कढ़ाया मा, या तवा पर चुढ़लो सब अन्नबलि उनात् याजकन हुयसे जो हेको चड़ावे।
LEV 7:10 आरू सब अन्नबलि, जो चाहे तेल करीन झारलो चाहे सुकलो हय, चा हारून क सब पोर्‍यान क एक समान जोड्या।
LEV 7:11 “मेलबलि क, जेका कुई योहोवा क करता चढ़ावे व्यवस्था यी छे:
LEV 7:12 कदाम चा उका धन्यवाद क करता चढ़ाया, ते धन्यवादबलि क साथे तेल करीन चुड़ली अखमीरी पुड़ी, आरू तेल सी चुपड़ली अखमीरी रोटा, आरू तेल करीन चुड़ला मयदान क पुड़ी तेल सी भेसकला चढ़ावे।
LEV 7:13 आरू चो आपनो धन्यवादवाळा मेलबलि क साथ खमीरी रोटा भी चढ़ाया।
LEV 7:14 आरू ओसो एक एक चढ़ावा मा सी चा एक एक रोटो योहोवा क भेंट करीन चढ़ाया; चा मेलमिलापबलि न लुहूय क छिड़कनेवाळा पुजारान हुयसे।
LEV 7:15 आरू उका धन्यवादवाळा मेलबलि क मांस बलिदान चढ़ावने क दाहड़े खादा जासे; उकामा सी काहय भी भोर तक शेष नी रया जासे।
LEV 7:16 पुन कदाम बलिदान क चढ़ावो मन्नत क के स्वेच्छा क होय, ते उका बलिदन क जेके दाहड़े चो चढ़ाया जासे उके दाहड़े चो खादा जासे, आरू उका मा सी जा शेष रय जासे चो दीसरे दाहड़े भी खादा जासे।
LEV 7:17 पुन जु काहय बलिदान क मांस मा सी तीसरे दाहड़े तक रय जासे तेनाक आग्ठा मा धोपाड़े जासे।
LEV 7:18 आरू उकान मेलबलि क मांस मा सी कदाम काहय भी तीसरे दाहड़े खादा जासे, ते चा ग्रहण नी कर्‍या जासे, आरू नी उकान हित मा गिनियो जासे; चो घाड़्च्या काम समझा जासे, आरू जु कुई उकामा सी खादा ओधोरोम उका क मुनका पर पड़से।
LEV 7:19 “ओळतेन जो मांस काहना अशुद्ध चीज हाथ लागाड़े जासे चो नी खाया जासे। ओळतेन मेलबलि क मांस जोतरा शुद्ध होय चाज खाए,
LEV 7:20 पुन जु अशुद्ध होईन योहोवा क मेलबलि क मांस मा सी काहय खाए चा आपना लोगहन मा सी नाश कर्‍या जासे।
LEV 7:21 आरू कदाम कुई अशुद्ध चीज क हाथ लागाड़ीन योहोवा क मेलबलिपशु क मांस मा सी खाए, चा भी आपना लोगहन मा सी नाश कर्‍या जासे, चाहे चु मानुस क कुई अशुद्ध चीज या अशुद्ध पशु या कुई भी अशुद्ध आरू घाड़्च्या चीज होसे।”
LEV 7:22 ओळतेन योहोवा मूसा सी कयो,
LEV 7:23 “इस्राएलिया सी इनीये रीतिये कय: तुमु लोगहन नी ते बुयल क काहय चरबो खानो आरू नी गाडरा निते बुकड़ी क।
LEV 7:24 आरू जु पशु खुद मर जाए, आरू जु दीसरा पशु सी फाड़े जासे, ओकान चरबो दीसरा काम मा लेनो, पुन उका काहना प्रकारण सी खानो नी।
LEV 7:25 जु कुई ओसो पशु क चरबो खासे जेरामा सी लोगहन काहय योहोवा क करता बलिदान करीन चढ़ाया करता छे, चो खानेवाळो आपना लोगहन मा सी नाश कर्‍या जासे।
LEV 7:26 आरू तुमु आपना घर मा काहना भाँतिन क लुहूय, चाहे चिल्ला क चाहे पशु क होय, नी खानो।
LEV 7:27 हर एक प्राणी जौ काहनी भाँतिन लुहूय खासे चो आपना लोगहन मा सी नाश कर्‍या जासे।”
LEV 7:28 ओळतेन योहोवा मूसा सी कयो,
LEV 7:29 “इस्राएलिया सी ओका प्रकार कयो: जो योहोवा क करता मेलबलि चढ़ाया ची उको मेलबलि मा सी योहोवा क जु भेंट ली आया;
LEV 7:30 चा आपनाज हाथ सी योहोवा क हव्य क, मतलब छाती समेत चरबो क ली आया कि छाती हालावने क भेंट करीन योहोवा क सामने हालाया जासे।
LEV 7:31 आरू याजक चरबा क ते वेदी पर धोपाड़्या, पुन छाती हारून आरू ओकान पोर्‍या क होसे।
LEV 7:32 आरू तुमु आपना मेलबलि मा सी डाखर्‍यु जाँग क भी उठावने क भेंट करीन याजक क आपनु;
LEV 7:33 हारून क पोर्‍या मा सी जो मेलबलि क लुहूय आरू चरबा क चढ़ाया डाखर्‍यु जाँग उका क भाग होसे।
LEV 7:34 काहकी इस्राएलिया क मेलमिलापबलि मा सी हालावने क भेंट क छाती आरू उठावने क भेंट क जाँग क लीन हाव ते याजक हारून आरू उकान पोर्‍योक आप्या छे कि यो हमेशा इस्राएलिया क तरफ सी उनाक हक बवनो रया।
LEV 7:35 “जिन दाहड़े हारून आरू ओकान पोर्‍याक योहोवा क समीप याजक पद क करता लाया जासे ओकी दाहड़े योहोवा क बलिदान मा सी उनाक यी अभिषिक्त भाग ठराया गोया;
LEV 7:36 मतलब जिन दाहड़े योहोवा उनाक अभिषेक कर्‍या उके दाहड़े ओका हुकुम देदो कि उनाक इस्राएलिया क तरफ सी या भाग नित्य जोड़े कर्‍या; उनाक पीढ़ी पीढ़ी क करता उनाक यो हक जड़ीयो गोया।”
LEV 7:37 होमबलि, अन्नबलि, पापबलि, दोषबलि, याजक क संस्कार बलि, आरू मेलबलि क व्यवस्था यी छे;
LEV 7:38 जव योहोवा सीनाय बोयड़ा क उजाड़ी जागा मा मूसा क हुकुम देदा कि इस्राएली मार करता काय काय चढ़ावो चढ़ायो, तव ओको उनाक यी व्यवस्था देदी हती।
LEV 8:1 ओळतेन योहोवा मूसा सी कयो
LEV 8:2 “तू हारून आरू ओकान पोर्‍या क छिंदरा, आरू अभिषेक क तेल, आरू पापबलि क केवड़ा, आरू दुयु गाडरा, आरू अखमीरी रूटो क टुकरा क
LEV 8:3 मिलापवाळा तम्बू क झोपला पर ली आया, आरू चान सब मण्डली क इकठा कर।”
LEV 8:4 योहोवा क ओका हुकुम क अनसारे मूसा कर्‍या मण्डली मिलापवाळा तम्बू क झोपला पर इकठा होया।
LEV 8:5 तव मूसु मण्डली सी कोया, “जो काम करनेक हुकुम योहोवा आप ददो छे चो यो छे।”
LEV 8:6 ओळतेन मूसा हारून आरू हेका पोर्यान क साते ली जाईन पानी सी उंगवाळ्यो।
LEV 8:7 तव ओको उनाक चौगला पेहरायो, आरू पट्टो लेपट्यो आरू धंगड़ो पांगरायो, आरू एपोद लागाड़ीन एपोद क काढ़ा होया पट्टा सी याजकन छिंदरा क बाँधीन कस देदा।
LEV 8:8 आरू उका सिनाबंद लागाड़ीन सिनाबंद मा ऊरीम आरू तुम्मीम मेक देदा।
LEV 8:9 तव ओको ओकान मुनका पर पागड़ी बाँधीन पागड़ी क सामने सोनान पट्टी क, मतलब पवित्र मुकुट क लागाड्या, जेका प्रकार योहोवा मूसा क हुकुम देदी हती।
LEV 8:10 तव मूसु अभिषेक क तेल लीन निवास आरू जो काहय ओकामा हतो उना सब क भी अभिषेक करीन हेका चुखलो कर्‍या।
LEV 8:11 आरू उका तेल मा सी काहय उनी वेदी पर सात वार छिड़कीयो, आरू आखा समान क साथ वेदी क आरू हेका ठिकरा चुखो करियो।
LEV 8:12 आरू ओको अभिषेक क तेल मा सी काहय हारूनन मुनका पर न्हाखिन ओकान अभिषेक करीन ओकाह चुखलो कर्‍या।
LEV 8:13 ओळतेन मूसु हारून पोर्‍याक सामने ली आवीन, अंगरखा पेरावीन, कड़ीयाम पट्टो बाँधिन ओकान मुनका पर टुपी मेक देदा, जेका प्रकार योहोवा मूसा क हुकुम देदी हती।
LEV 8:14 तव त्यो पापबलिन केवड़ा क सामने ली गोया; आरू हारून आरू ओकान पोर्‍यो आपना आपना हाथ पापबलि क केवड़ा क मुनका पर मेक्या।
LEV 8:15 तव चा बलि कर्‍या गोया, आरू मूसु लुहूय लीन आंगवी करीन वेदीक च्यारू सिंगळा पर लागाड़ीन चुखलो कर्‍यो, आरू लुहूय वेदी क पाय पर उंडेल देदो, आरू ओकान करता पश्चाताप करीन ओकाह चुखलो कर्‍या।
LEV 8:16 आरू मूसा आतड़ा परली सब चरबी, आरू काळजा परली चरबी, आरू चरबीन क सात मा दुयु गुर्दान क लीन वेदी पर धपाड़ियो।
LEV 8:17 पुन केवड़ा मा सी जो काहय वाच गयो हेको, गुबरन सात हेकी खाल आरू मांस क ओको पड़ाव सी बाहरते आग्ठा मा धोपाड़ दिदो, जेका तरह योहोवा मूसा क हुकुम देदो हतो।
LEV 8:18 ओळतेन चा होमबलि क गाडरा क सामने ली गोया, आरू हारून आरू ओकान पोर्‍यो आपना आपना हाथ गाडरा क मुनका पर मेक्या।
LEV 8:19 तव चा बलि कर्‍या गोया, आरू मूसु ओकान लुहूय वेदी पर चार तरफ छिड़क्या।
LEV 8:20 तव गाडरा क टुकड़ा टुकड़ा कर्‍या गोयो, आरू मूसा मुनको आरू चरबीन क सात टुकड़ा क धोपाड़ दिदो।
LEV 8:21 तव आतड्या आरू पाय पाणी करीन धुव्या गोया, आरू मूसु पुरा गाडराक वेदी पर धोपाड्या, आरू चा सुखदायक सुगन्ध आपने क करता होमबलि आरू योहोवा क करता बलिदान होय गोया, जेका तरह योहोवा मूसा क हुकुम देदो हतो।
LEV 8:22 ओळतेन चा दीसरा गाडरा क जो अभिषकन भेंट क गाडरो हुतो सामने ली गयो, आरू हारून आरू हेका पोर्या आपसा-आपसा हाथ गाडरा क मुनका पर मेक्यो।
LEV 8:23 तव चो बलि कर्‍यो गोया आरू मूसु ओकान लुहूय मा सी काहय लीन हारून डाखरे कान क मुनका पर आरू ओकान डाखरे हाथ आरू डाखरे पाय क ऊमठा पर लागाड्या।
LEV 8:24 आरू चु हारून क पोर्‍याक सामने ली गोयो, आरू लुहूय मा सी काहय एक एक डाखर्‍या कान क मुनका पर आरू डाखर्‍या हाथ आरू डाखर्‍या पाय क ऊमठा पर लागाड्या; आरू मूसु लुहूय क वेदी पर चार तरफ छिड़क्या।
LEV 8:25 आरू ओको चरबो, आरू चरबीदार शेमटी, आरू आतड्या परली सब चरबो, आरू कावजा परली झिल्ली समेत दुयु गुर्दा, आरू डाखर्‍या जाँग, या सब लीन अलग मेके;
LEV 8:26 आरू अखमीरी रूटा क टुकरो जो योहोवा क ओगव मेकला हता ओकाम माहयलो एक रूटो, आरू तेल करीन झारलो मयदा क एक पुरी, आरू एक रूटो लीन चरबो आरू डाखर्‍या जाँग पर मेक देदा;
LEV 8:27 आरू या सब चीज हारून आरू ओकान पोर्‍या क हाथ पर धर देदी गई, आरू हिलान क भेट क करता योहोवा क ओगव हालाया गोया।
LEV 8:28 तव मूसा हेकेक हेनका हाथ पर सी मा लीन हेका वेदी पर होमबलि क ऊपर धोपाड्या, यो सुखदायक सुगन्द आरू यहोवान क लियन आग्ठान भेट हुती।
LEV 8:29 तव मूसु छाती क लीन हिलाने क भेट क करता योहोवा क ओगव हालव्या; आरू संस्कार क गाडरा मा सी मूसा क भाग यो होयो जोसो योहोवा मूसा क हुकुम देदी हती।
LEV 8:30 तव मूसु अभिषेक क तेल आरू वेदी पर लुहूय, दुयु मा सी काहय लीन हारून आरू ओकान छिंदरा पर, आरू ओकान पोर्‍याक आरू उनाक छिंदरा पर भी छिड़क्या; आरू ओकान छिंदरा समेत हारून क भी चुखलो कर्‍या।
LEV 8:31 तव मुसू हारून आरू ओकान पोर्‍या सी कयो, “मांस क मिलापवाळा तम्बू क झोपला पर रांदु, आरू उका रूटा कजो संस्कार क टुकरा मा छे चो खाऊ, जोसो हाव हुकुम देदी छे कि हारून आरू ओकान पोर्‍यो ओकाह खाएँ।
LEV 8:32 आरू मांस आरू रूटा मा सी जो शेष रय जाए ओका मा धोपाड़ देनु।
LEV 8:33 जव तक तुमरा संस्कार क दाहड़ा पुरो नी होय तव तक, मतलब सात दाहड़े तक मिलापवाळा तम्बू क झोपला क बाहरते जानु, काहकी वा सात दाहड़े तक तुमरो संस्कार करतो रवसे।
LEV 8:34 जेका प्रकार आज कर्‍या गोया छे तोसाज करने क हुकुम योहोवा देदो छे, जेका सी तुमरो पाप ढाकाय जासे।
LEV 8:35 एरकरता तुमु मिलापवाळा तम्बू क झोपला पर सात दाहड़े तक ठहरे रयनु, आरू योहोवा क हुकुम क मामनु, ताकि तुमु मर नी जावु; काहकी ओसोज हुकुम मखे आपी गई छे।”
LEV 8:36 तव योहोवा क इनाक सब हुकुम क अनसारे जो ओको मूसा क द्वारा देदी हती, हारून आरू ओकान पोर्‍यो कर्‍यो।
LEV 9:1 आठवे दाहड़े मूसु हारून आरू ओकान पोर्‍या क आरू इस्राएली पुरानिया क बुलावीन हारून सी कयो,
LEV 9:2 “पापबलि क करता एक निर्दोष गाडरा लीन योहोवा क सामने भेट चढ़ा।
LEV 9:3 आरू इस्राएली सी यो कोय, तुमु पापबलि क करता एक बुकड़ो, आरू होमबलि क करता एक केवड़ो आरू एक गाडरा क बच्चो लेवु, जो एक सालन होय आरू निर्दोष होसे,
LEV 9:4 आरू मेलबलि क करता योहोवा क सामने चढ़ावने क करता एक बुयल आरू एक गाडरो, आरू तेल करीन झारलो होयो मयदा क एक अनाज भेंट भी ली लेवु; काहकी आज योहोवा तुमु क दर्शन देसे।”
LEV 9:5 आरू जेका जेका चीज क हुकुम मूसु देदु उना सब क चा मिलापवाळा तम्बू क ओगव ली आया; आरू सब मण्डली सामने जाईन योहोवा क सामने उबा होया।
LEV 9:6 तव मूसु कयो, “यो काम छे जेका करने क करता योहोवा हुकुम देदो छे कि तुमु उकाह करू; आरू योहोवान महिमा तुमु क दुखाई पड़से।”
LEV 9:7 तव मूसु हारून सी कयो, “योहोवा क हुकुम क अनसारे वेदी क सामने जाईन आपना पापबलि आरू होमबलि क चढ़ावीन आपना आरू सब जनता क करता पश्चाताप कर; आरू जनता क चढ़ावा क भी चढ़ावीन उनाक करता पश्चाताप कर।”
LEV 9:8 एरकरता हारून वेदीक सामने जाईन आपना पापबलि क केवड़ा क बलिदान कर्‍या।
LEV 9:9 आरू हारून क पोर्‍यो लुहूय क ओकान जु ली गोया, तव ओको आपनी आंगवी क लुहूय मा डुबाड़ीन वेदी क सिंगड़ा पर लुहूय क लागाड्या,अ आरू शेष लुहूय क वेदी क पाय पर उंडेल देदा;
LEV 9:10 आरू पापबलि माहयली चरबो आरू गुर्दो आरू कावजा परली झिल्ली क ओकान वेदी पर धोपाड्या, जोसो योहोवा मूसा क हुकुम देदी हती।
LEV 9:11 आरू मांस आरू खाल क ओकान पड़ाव सी बाहरते आग्ठा मा धोपाड्या।
LEV 9:12 तव होमबलिपशु क बलिदान कर्‍या; आरू हारून क पोर्‍या क लुहूय क ओकान हाथ मा आप्या, आरू ओको उकाह वेदी पर चार तरफ छिड़की देदा।
LEV 9:13 तव हेका होमबलिपशु क टुकड़ा टुकड़ा करीन मुनका सहित ओकान हाथ मा आप देदा आरू ओकान उनाक वेदी पर धोपाड़ देदा।
LEV 9:14 आरू ओकान आतड़िया आरू पायोक धुवीन वेदी पर होमबलि क ऊपर धोपाड्या।
LEV 9:15 तव ओका लोगहन क चढ़ावा क ओगव लीन आरू ओका पापबलि क बुकड़ा क जा उनाक करता हता लीन ओकान बलिदान कर्‍या, आरू पेहेल समान उकाह भी पापबलि करीन चढ़ाया।
LEV 9:16 आरू ओको होमबलि क भी सामने ली जाईन विधि क अनसारे चढ़ाया।
LEV 9:17 आरू अन्नबलि क भी सामने ली जाईन ओकामा सी मुठ भरीन वेदी पर धोपाड्या, यो भोर क होमबलि क बिना चढ़ायो गोयो।
LEV 9:18 बयल्यो आरू गाडरा, मतलब जु मेलबलिपशु, जनता क करता हता चा भी बलि कर्‍या गोया; आरू हारूनक पोर्‍यो लुहूय क ओकान हाथ मा आप देदा, आरू उको उकाह वेदी पर चार तरफ छिड़की देदो;
LEV 9:19 आरू हेका बुयल क चरबा क, आरू गाडरा मा सी चरबीदार सेमटी क, आरू जेका चरबा सी आतड़िया ढाकली रवती छे ओकान, आरू गुर्दो समेत कावजा परली झिल्ली क भी ओकान हाथ मा आप्या;
LEV 9:20 आरू हेका चरबा क छाती पर मेक्या; आरू ओको चो चरबो पर धोपाड्या,
LEV 9:21 पुन छाति आरू डाखर्‍यो जाँघ क हारून मूसा क हुकुम क अनसारे हिलाने क भेट क करता योहोवा क सामने हिलाया।
LEV 9:22 तव हारून क लोगहन क तरफ हाथ बढ़ावीन हेका सय बरकत देदा; आरू पापबलि, होमबलि, आरू मेलबलि क चढ़ावीन चो नेड़ो उतरी आयो।
LEV 9:23 तव मूसु आरू हारून मिलापवाळा तम्बू मा गोया, आरू निकाळीन लोगहन क सय बरकत देदा; तव योहोवा न महिमा सब जनता क दिखाय देदो।
LEV 9:24 आरू योहोवा क सामने सी आगठो निकळे आरू चरबा समेत होमबलि क वेदी पर भस्म कर देदा; ओका देखिन जनता जय जयकार क नारा लागाड्या आरू आपना आपना मुहय क बुरसे पड़ीन दण्डवत् प्रणाम कर्‍या।
LEV 10:1 तव नादाब आरू अबीहु नावन हारून क दुय पोर्‍या आपना आपना धूपदान लिदा, आरू उनामा आगठो भर्‍या, आरू हेका मा धूप न्हाखिन हेको ऊपर वाळी आग्ठी यहोवाक अर्पित करीया जेको हुकुम यहोवा आप लोन हुतो।
LEV 10:2 तव योहोवा क सामने आगठो निकळे आरू उना दुयोक भस्म कर देदो, आरू चा योहोवा क सामने मर गोया।
LEV 10:3 तव मूसु हारून सी कयो, “यी वात छे जेका योहोवा कयो हतो कि जो मार सामने आवे, नक्‍की छे कि चो मखे चुखलो जाने, आरू सब लोगहन क सामने म्हारी महिमा करे।” आरू हारून चुप रयो।
LEV 10:4 तव मूसा हारूनन काका उज्जीएल न पोर्या, मीशाएल आरू एलसाफान क बुलायो। त्यो हेनको कयो, साते आवो, आरू तुमरा भतेरजास क चुखला जागान सामने सी हाकलीन पड़ावन बाहर ली जावो।
LEV 10:5 मूसा क उकाह हुकुम क अनसारे चा नाट जाईन उनाक चौगलान सात मा हाकलीन पड़ावन बाहर ली गिया।
LEV 10:6 तव मूसु हारून सी आरू ओकान पोर्‍या एलीआजार आरू ईतामार सी कयो, “तुमु लोगहन आपना मुनका झोठा मा वेरू, आरू मा आपना छिंदरा क फाडु, ओसो नी होय कि तुमु भी मर जावु, आरू इस्राएल क कुल घराना क लोगहन जा तुमरे भाईबन्धु छे योहोवान क लागाड़ली आग्ठी सी मर गिया हेनू पर विखाम रड़े।
LEV 10:7 आरू तुमु लोगहन मिलापवाळा तम्बू क झोपला क बाहरते नी जानु, ओसो नी होय कि तुमु मर जावु; काहकी योहोवा ख अभिषेक क तेल तुमु पर लागाड्या छे।” मूसा क ओका वचन क अनसारे हेका कर्‍या।
LEV 10:8 ओळतेन योहोवा हारून सी कयो,
LEV 10:9 “जव जव तू या तारा पोर्या मिलापवाळा तम्बू मा आया तव तव तुमरे मा रयीन कोय बी मोंद आरू नी काहला भातिन क शराब, के ओसो नी होय कि तुमु मर जावु; तुमरी पीढ़ी मा यी विधि चालती रये,
LEV 10:10 जेका सी तुमु चुखला आरू विटुळ मा, आरू वारला आरू भुंडला न पारक कर सके,
LEV 10:11 आरू इस्राएलिया क उना सब विधिया क सिखाड़ सके जेका योहोवा मूसा क द्वारा उनाक देखाड़लो छे”
LEV 10:12 ओळतेन मूसु हारून सी आरू ओकान वाचला दुयु पोर्‍या ईतामार आरू एलीआजार सी भी कयो, “योहोवा क हव्य मा सी जो अन्नबलि वाचला छे उका लीन वेदी क जु बिना खमीर खाऊ, काहकी चो घण चुखी छे;
LEV 10:13 आरू तुमु उका काहना पवित्रजागा मा खाऊ, चा योहोवा क हव्य मा सी तारो आरू तारा पोर्‍या क हक छे; काहकी हाव ओसोज हुकुम जोडी छे।
LEV 10:14 पुन हिलाई ओसली भेट क छाती आरू उठावळी ओसी भेट क जाँघ क तुमु लोगहन, मतलब तू आरू तारा पोर्‍या-पोराय क सब काहनी शुद्ध जागा मा खाऊल काहकी चा इस्राएलिया क मेलबलि मा सी तुखे आरू तारा बच्चा क हक ठराव देदी गई छे।
LEV 10:15 चरबा क हव्या समेत जी उठाई ओसी जाँग आरू हिलाई होई छाती योहोवा क सामने हिलाने क करता आव्या करसे, या भाग योहोवा क हुकुम क अनसारे हमेशा विधि क व्यवस्था सी तार जु बच्चा क करता छे।”
LEV 10:16 ओळतेन मूसु पापबलि क बुकड़ा क खोजबीन कर्‍या, ते काय जोड्यो कि चो धोपाड्यो गोयो छे। एरकरता एलीआजार आरू ईतामार जु हारून क पोर्‍यो वाचला हता उना सी चा रीस मा आवीन कयने लाग्या,
LEV 10:17 पापबलि जो घण चुखी छे आरू जेका योहोवा तुमुक एरकरता देदा छे कि तुमु मण्डली क ओधोरोम क भार आपसु उठावीन उनाक करता योहोवा क सामने पश्चाताप करे, तुमु ओकान मांस चुखलोजागा मा काह नी खादो?
LEV 10:18 देखु, ओकान लुहूय चुखलोजागा क माहयता ते लाव्या नी गोया, पाक्को यो वारलो हुयतो कि तुमु मारा हुकुम क अनसारे ओकान मांस क चुखलाजागा मा खादा।?
LEV 10:19 ओका जवाब हारून मूसा क ओका प्रकार देख्या, देख, आजुज हेका आपना पापबलि आरू होमबलि क योहोवा क सामने चढ़ाया; ओळतेन मखे पर ओसो गोरा आय पड़यो छे! एरकरता कदाम हाव आज पापबलि क मांस खाता ते काय ती वात योहोवा क सामने वारलो रवतो?
LEV 10:20 जव मूसु यो सोमव्यु तव उका संतुष्ट होयु।
LEV 11:1 ओळतेन योहोवा मूसु आरू हारून सी कयो,
LEV 11:2 इस्राएली लोगहन सी कोय: जोतरा पशु धरती पर छे उना सभा मा सी तुमु इना जीवधारिया क मांस खाय सकता छे।
LEV 11:3 पशु मा सी जोतरा चिरायला या फाटला खुर्‍या क होतला छे आरू पागुर करता छे, हेका खाय सकता छे।
LEV 11:4 पुन पागुर करनेवाळा या फाटला खुर्‍यावाळा मा सी इना पशु क नी खानु, मतलब ऊटळो, जो पागुर ते करता छे पुन चिरायला खुर्‍या क नी हता, एरकरता चा तुमरे करता अशुद्ध ठरता छे।
LEV 11:5 आरू मुरचीतो, जो वेगलतो ते रये पुन चिरायला खुर्‍या क नी हता, चो भी तुमरे करता विटळ छे।
LEV 11:6 आरू खरहा, जु पागुर ते करता छे पुन चिरायला खुर्‍या क मी हता, एरकरता चु भी तुमरे करता विटळ छे।
LEV 11:7 आरू सुवर्‍यो, जो चिरायलो मतलब फाटलो खुर्‍या क रवतो ते छे पुन पागुर नी करता, एरकरता चो तुमरे करता विटळ छे।
LEV 11:8 इना मांस मा सी काहय नी खानु, आरू इनाक लोथ क हाथ भी नीलागाड़नु; यो ते तुमरे करता अशुद्ध छे
LEV 11:9 ओळतेन जोतरा जलजन्तु छे उनामा सी तुमु ओका खाय सकता छे, मतलब दरिया या नदिया क जलजन्तु मा सी जोतरा क फाकळा आरू खिलपड़ा रये हेको खाय सकता छे।
LEV 11:10 आरू पानी मा चरने वाला प्राणी मा सी जोतरा जीवधारि बिना फाखड़ा आरू खिलपड़ान क दरिया या नदी मा रयता छे चा सब तुमरे करता घाड़्च्या छे।
LEV 11:11 त्यो तुमरे करता भुण्डलो रयसे; तुमु हेका मांस मा सी काहय बी नी खानो, आरू उना धड़ क विटुळ जानजो।
LEV 11:12 जल मा जेका काहना जन्तु क फाखड़ा आरू चोंयेटे नी होता चा तुमरे करता अशुद्ध छे।
LEV 11:13 “ओळतेन चिल्ला मा सी इनाक अशुद्ध जाननु, या अशुद्ध होयनेन कारण खाए नी खाएँ, मतलब घुवड, हवाटीयो, वागळो,
LEV 11:14 गुवड़ो, आरू भाँति-भाँति क हेवाटिया,
LEV 11:15 आरू भाँति-भाँति क सब हाड़गाळा,
LEV 11:16 घुबड़ीया, शुतुर्मुग, पानकुकड़ी, आरू भाँति भाँतिन शिकरे,
LEV 11:17 साहळी, कागनघारो, भचकीड़ियो,
LEV 11:18 बगलियो, पानकुकड़ी, घुवड़,
LEV 11:19 सारस, भाँति-भाँतिन क भोगल्या, टिटवड़ी आरू वागळा।
LEV 11:20 “जोतरा फाखड़ावाळा कीड़ा चार पायन भुरसा पर चालता छे चा सब तुमरे करता अशुद्ध छे।
LEV 11:21 पुन रेंगनेवाळा आरू फाखड़ा वाळा जा चार पायन भुरसा पर चाले, जेका धरती पर कूदने फाँदने क पांय रवता छे उनाक ते खाय सकता छे,
LEV 11:22 चा या छे, मतलब भाँति भाँतिन टिड्या, भाँति भाँतिन माकनीया भाँति भाँतिन सांडीया, आरू भाँति भाँतिन टिड्या।
LEV 11:23 पुन आरू सब रंगनेवाळा फाखळावाळा कीड़ा जा चार पायवाळा रवता छे चा तुमरे करता अशुद्ध छे।
LEV 11:24 “इनाक कारण तुमु अशुद्ध ठरसे; जेका काहना सी इनाक लोथ क हाथ लागाड़े चो सांते तक अशुद्ध ठरसे।
LEV 11:25 आरू जु कुई इनाक लोथ माहयन काहय भी हाकलिया चो आपना छिंदरा धुवे आरू सांते तक अशुद्ध रवे।
LEV 11:26 ओळतेन जोतरा पशु चिरायला खुर्‍या क रवता छे पुन नी ते पुरा फाटला खुर्‍या आरू नी पागुर करनेवाळा छे चा तुमरे करता अशुद्ध छे; जु कुई हेका हाथ लागाड़े चा अशुद्ध ठरसे।
LEV 11:27 आरू चार पाय पर चालनेवाळा मा सी जोतरा पंजा पर चालने वाळा छे चा तुमरे करता अशुद्ध छे; जा कुई उनाक लोथ हाथ लागाड़े सांते तक अशुद्ध रया।
LEV 11:28 आरू जु कुई उनाक लोथ हाकलिया चा आपना छिंदरा धुव्या आरू सांते तक अशुद्ध रया; काहकी चा तुमरे करता अशुद्ध छे।
LEV 11:29 “जु धरती पर रेंगता छे उनामा सी या रंगनेवाळा तुमरे करता अशुद्ध छे, मतलब अनीर, उंदरो, आरू भाँति-भाँतिन क गुरफड़ो,
LEV 11:30 आरू मांदेवड़ियो, मगर, गिरवाळी, चांदनगुटीयो, आरू सेवड़ियान।
LEV 11:31 सब रेंगनेवाळा मा सी याज तुमरे करता अशुद्ध छे; जा कुई इनाक लोथ क हाथ लागाड़े चा सांते तक अशुद्ध रवे।
LEV 11:32 आरू इना मा सी काहना लोथ जा काहना चीज पर पड़ जाए ते चो भी अशुद्ध ठरसे, चाहे चो काठ क कुई पात्र होसे, चाहे छिंदरा, चाहे खाल, चाहे काहनो काम क कोसो भी पात्र आदि काह नी होय; तेनाल जल मा न्हाखे जासे, आरू सांते तक अशुद्ध रवे, तव शुद्ध समझे जासे।
LEV 11:33 आरू कदाम धुवा क कुई पात्र होसे जेकामा इना जन्तु मा सी कुई पड़े, ते उका पात्रा मा जो काहय होसे चो अशुद्ध ठरसे, आरू पात्रा क तुमु तुड़ न्हाखजु।
LEV 11:34 ओकामा जो खाने क योग्य खानो होये, जेकामा पाणी क छिमिया होय चा सब अशुद्ध ठरसे; ओळतेन कदाम ओसो पात्रा मा पानी क करता काहय होय ते चो भी अशुद्ध ठरसे।
LEV 11:35 आरू कदाम इनाक लोथ मा काहय तंदुर या चूल्हा पर पड़े ते चा भी अशुद्ध ठरसे, आरू तुड़ न्हाखजे; काहकी चो अशुद्ध होय जासे, चो तुमरे करता भी अशुद्ध ठरसे।
LEV 11:36 पुन सोता या तवाव जेकामा पाणी एकठो होये चो ते शुद्ध रवे; पुन जो कुई इनाक लोथ क हाथ लागाड़े ते चो अशुद्ध ठरसे।
LEV 11:37 आरू कदाम इनाक लोथ मा काहय काहना प्रकार क बीज पर जा वेरने क करता से पड़ला, ते चा बीज शुद्ध रवे;
LEV 11:38 पुन कदाम बीज पर पाणी न्हाखला होसे आरू पछव लोथ माहयलो काहय उका पर पड़ जाए, त
LEV 11:39 ते जु कुई उनाक लोथ क हाथ लागाड़े ते चो सांते तक अशुद्ध रवे।
LEV 11:40 आरू ओकान लोथ मा सी जु कुई काहय खाए चु आपना छिंदरा धुवे आरू सांते तक अशुद्ध रवे; आरू जु कुई ओकान लोथ उठावे तेनाक भी आपना छिंदरा धुवे आरू सांते तक अशुद्ध रवे।
LEV 11:41 “सब प्रकार क धरती पर रेंगनेवाळा जन्तु घिनौना छे; चा खादो नी जासे।
LEV 11:42 धरती पर सब रेंगनेवाळा मा सी जोतरा पेट या चार पाय पर चालता छे, या जास्ती पायवाळा रवता छे, हेका तुमु नी खानु; काहकी चा घिनौना छे।
LEV 11:43 तुमु काहना प्रकार क रेंगनेवाळा जन्तु क द्वारा आपने आपसु क घिनौनो काम नी करनु; आरू नी ओकान द्वारा क अशुद्ध करीन विटुळ ठरनु।
LEV 11:44 काहकी हाव तुमरू परमेश्वर योहोवा छेव; ओका कारण आपनु क शुद्ध करीन चुखला बवना रवु, काहकी हाव चुखलु छे। एरकरता तुमु काहना प्रकार क रेंगनेवाळा जन्तु क द्वारा जा धरती पर चालता छे आपने आपसु क अशुद्ध नी करनु।
LEV 11:45 काहकी हाव चु योहोवा छेव जु तुमुक मिस्र देश सी एरकरता निकाळीन ली आयु छे, कि तुमरू परमेश्वर कहवायो; एरकरता तुमु चुखा बनु, काहकी हाव चुखो छे।”
LEV 11:46 पशु, क चिल्ला, आरू सब जलचर प्राणी, आरू धरती पर सब रेंगनेवाळा प्राणी क बारा मा यी व्यवस्था छे,
LEV 11:47 के शुद्ध अशुद्ध आरू भक्ष्य आरू अभक्ष्य जीवधारिया मा भेद कर्‍या जासे।
LEV 12:1 पछु योहोवा भगवान मूसा सी कयो,
LEV 12:2 “इस्राएलिया सी कोया: जी बायर पेट सी होईन पोर्‍याक जन्म देती छे ते ची सात दाहड़े तक अशुद्ध रवसे; जोसो ची ऋतुमती होईन अशुद्ध रया करती।
LEV 12:3 आरू आठवे दाहड़े पोर्‍या क चामड़ी काटी चुखो करे।
LEV 12:4 पछी ची बायर आपना शुद्ध करनेवाळा रूधिर मा तैतीस दाहड़ा रवे; आरू जव तक उकाह शुद्ध होयनेन दाहड़ा पुरा नी होय तव तक ची नीते काहनी चुखली चीजक हाथ लागाड़े, आरू नी चुखली जागा मा जाया करे।
LEV 12:5 आरू कदाम हेकी पोराय पयदा होई, ते उकाह ऋतुमती क सी अशुद्ध चोवदे दाहड़ान लागी; आरू पछा छियासठ दाहड़ा तक आपना शुद्ध करनेवाळा रूधिर मा रया।
LEV 12:6 “जव हेकी शुद्ध होय जानेन दाहड़ा पूरा होय, तव चाहे हेकी पोर्‍यो होय या पोराय, चो होमबलि करता एक साल क गाडरा क बच्चो, आरू पापबलि क करता कबूतरी क एक पिल्लो, या पण्डुकी मिलापवाळा तम्बू क झोपला पर याजक क जु लाया।
LEV 12:7 तव याजक उकाह योहोवा क सामने भेंट चढ़ावीन उकान करता पश्चाताप करे; आरू चा आपना रूधिर क वहयनेन अशुद्धता सी छुड़ीन शुद्ध ठरसे। जीन बायरन पोर्‍यो या पोराय पयदा होय उकान करता यी व्यवस्था छे।
LEV 12:8 आरू कदाम उकान जु गाडरो या बुकड़ी आपनेन पुंजी नी होय, ते आप पण्डुकी या कबूतरी क दुय पिल्ला, एक ते होमबलि आरू दिसरा पापबलि क करता आप; आरू याजक उकान करता पश्चाताप करे, तव ची शुद्ध ठरसे।”
LEV 13:1 ओळतेन योहोवा मूसु आरू हारून सी कोया,
LEV 13:2 “जव काहना मानुस क डिल क चामड़ा मा सूजलो या फुलो या दाग होसे, आरू ओका हारूनसी ओका चामड़ा मा कोढ़ क जु या ओकान पोर्‍यो जो याजक छे उना मा सी काहना क जु ली जाएँ।
LEV 13:3 जव याजक उकान चामड़ा क दाग क देख्या, आरू कदाम उका व्‍याधि क जागे रयने आरू कुड़ सी घण जादा देख पड़े, ती त्यो जान जाय कि कुढ़न टेम छे आरू पुजारो हेको देखीन विटुळ बना।
LEV 13:4 पुन कदाम चो दाग उकान चामड़ा मा उजव्यो ते होसे, पुन चामड़ा सी उंडो नी देख पड़े, आरू नी चा वाळा रोवड़ा विजावो होय गोया छे, ते याजक ओकाम सात दाहड़े तक बन्द कर देदा;
LEV 13:5 आरू सातवे दाहड़े याजक ओकाह देख्या, आरू कदाम ची दाग जोसी तोसी बोवनी रवे आरू ओकान चामड़ा मा नी पसरी छे, ते याजक ओकाह आरू भी सात दाहड़े तक बन्द कर देदा;
LEV 13:6 आरू सातवे दाहड़े याजक ओकाह ओळतेन देख्या, आरू कदाम देख पड़े कि दाग क चमक कम छे आरू दाग क चामड़ा पर पसरी नी होसे, ते याजक ओकाह शुद्ध ठरावे; काहकी ओकाह ते चामड़ा मा पापड़ी छे; आरू चा आपना छिंदरा धुवीन शुद्ध होय जाए।
LEV 13:7 पुन कदाम याजक क उका जाँचन बाद जेकामा चो शुद्ध ठरायो होयो हतो, ची फुलो उकान चामड़ा पर बैस पसरी गोया, ते पछा चा याजक क देखाड़े जासे;
LEV 13:8 आरू कदाम याजक क देख पड़े कि पापड़ी चामड़ा मा पसरी गई छे, ते चा ओकान अशुद्ध ठराया; काहकी चो कुढुज छे।
LEV 13:9 “कदाम कोढ़ क सी दाग काहनु मानुस क होसे, ते चो याजक क जु पुगाड्या जासे;
LEV 13:10 आरू याजक ओका देख्यु, आरू कदाम ची सूजन ओकान चामड़ा मा उजवी होसे, आरू ओकान कारण रोवड़ा भी विजावो होय गोयो होसे, आरू उका सूजन मा बिना चामड़ा क मांस होसे,
LEV 13:11 ते याजक जाने कि ओकाह चामड़ा मा जुन्लो कोढ़ छे, एरकरता चो ओकाह अशुद्ध ठराया; आरू बन्द नी राख्या, काहकी चो अशुद्ध छे।
LEV 13:12 आरू कदाम कोढ़ काहना क चामड़ा सी फूटीन या तक पसरी जाएँ, कि जा का याजक देख्या रोगी क मुनका सी पाय तवे तक कोढ़ नी सब चामड़ो पुरो कर लेदा होसे,
LEV 13:13 ते याजक ध्यान सी देखे, आरू कदाम कोढ़ ओका सब डिलक क पर पसरी गयो होसे, ते यो ओका मानसक शुद्ध ठराया; आरू ओकान डिल जो बिलकुल विजावो होय गोयो छे चा शुद्ध ठहरे छे।
LEV 13:14 पुन जव ओकामा चामड़ाम मांस देख पड़े, तव चो अशुद्ध ठरसे।
LEV 13:15 आरू याजक चामड़ा मांस क देखिन ओकाह अशुद्ध ठरे; काहकी तोसो चामड़ा मांस अशुद्ध रवतो छे; चो कोढ़ छे।
LEV 13:16 पुन कदाम चो चामड़ो मांस ओळता विजावो होय जासे, ते चु मानुस याजक क जु जाए,
LEV 13:17 आरू याजक ओकाह देखे, आरू कदाम चो दाग ओळता विजावो होय गोयो छे, ते याजक रोगी क शुद्ध जाने; चो शुद्ध छे।
LEV 13:18 “ओळतेन कदाम काहना चामड़ा मा फुड़ा होईन वारला होय गोया छे,
LEV 13:19 आरू फुड़ा क जागा मा विजावा सी सूजलो या लाली करता विजावो दाग होसे, ते चो याजक क देखाड़े जासे;
LEV 13:20 आरू याजक ओका सुजला क देखे, आरू चा चामड़ा सी उंडो देखाय पड़े, आरू ओकान रोड़े भी विजावा हो गोया छे, ते याजक यो जानीन उका मानसक अशुद्ध ठराया; काहकी चो कोढ़ क दाग छे फुड़ा मा सी फुटिन निकळी छे।
LEV 13:21 पुन कदाम याजक देखे कि उकामा विजावा रोया नी छे, आरू चो चामड़ा सी उंडो नी, आरू ओकान चमक कम होई छे, ते याजक उका मानसक सात दाहड़े तक बनन्द कर राखे;
LEV 13:22 आरू कदाम त्यो दाग उके टेमे तक चमड़ा मा सचमुच पसरी जाए, ते याजक उका मानस क अशुद्ध ठरसे; काहकी त्यो कोढ़ क दाग छे।
LEV 13:23 पुन कदाम त्या दाग नी पसरे आपना जागा पर बोवना रया, ते त्या फुड़ाक दाग छे; याजक उका मानस क शुद्ध ठरसे।
LEV 13:24 “ओळता कदाम काहना क चामड़ा मा धोपड़ेन घाव होसे, आरू उका धोपला घाव मा चामड़ा बिना दाग लाली करता होया विजावो या विजावोज होय जाए,
LEV 13:25 ते याजक ओकाह देखे, आरू कदाम उका दाग मा रोया विजवा होय गोया होसे आरू त्यो चामड़ा सी जादी देखाय पड़े, ते चा कोढ़ छे; जो उकाह धोपला दाग मा सी फूट निकळ्या छे; याजक उका मानस क अशुद्ध ठराया; काहकी ओका मा कोढ़ क व्‍याधि छे।
LEV 13:26 पुन कदाम याजक देखे कि दाग मा विजावा दाग रोया नी आरू नी त्या चामड़ा सी काहय उंडा छे, आरू उकान चमक मक होई छे, ते त्यो ओकाह सात दाहड़े तक बन्द कर राखे,
LEV 13:27 आरू सातवे दाहड़े याजक क ओको देख्या, आरू कदाम चो चामड़ा मा पसरी गई होसे, ते चो उका मानस क अशुद्ध ठराया; काहकी ओकाह कोढ़ क दाग छे।
LEV 13:28 पुन कदाम चा दाग चामड़ा मा नी पसर्‍या आरू आपना जागा परूज जा का ताह बवनो होसे, आरू ओकान चमक कम होई होसे, ते चो धोपाय जाने क कारण सूजलो छे, याजक उका मानस क शुद्ध ठराया; काहकी चो दाग धोपने क कारण सी छे।
LEV 13:29 “ओळतेन कदाम काहना मानुस या बायर क मुनका पर, या मानस क दाढ़ी मा दाग होसे,
LEV 13:30 ते याजक दाग क देख्या, आरू कदाम चप चामड़ा सी उंडो देखाय पड़े, आरू उकामा भूरला-भूरला पातवा झोठा होसे, ते याजक उका मानस क अशुद्ध ठराया; चो दाग सी खवड़ु, मतलब मुनका या दाढ़ी क कोढ़ छे।
LEV 13:31 आरू कदाम याजक सी होयतो व्‍याधि क देखे कि चो चामड़ा सी उंडो नी छे आरू उकामा काळ्ळा-काळ्ळा झोठा नी छे, ते चा सेंहुआ बेमार्‍या क सात दाहड़े तक बन्द कर राख्या,
LEV 13:32 आरू सातवे दाहड़े याजक दाग क देख, तव कदाम चा सेंहुआ पसर्‍यो नी होसे, आरू उकामा भूरला-भूरला झोठा नी होसे, आरू सेंहुआ चामड़ा सी उंडो नी देख पड़े,
LEV 13:33 ते यो मानुस मूँड़ाय ते जासे; पुन जा सेंहुआ होसे चा नी मूँड़ाय ते जासे; आरू याजक उका सेंहुआवाळा क आरू भी सात दाहड़े तक बन्द करे;
LEV 13:34 आरू सातवे दाहड़े याजक सेंहुआ क देखे, आरू कदाम चा सेंहुआ चामड़ा मा पसर्‍यु नी होसे आरू चामड़ा सी उंडा नी देखाय पड़े, ते याजक उका मानस क शुद्ध ठराया; आरू चा आपना छिंदरा धुवीन शुद्ध ठरसे।
LEV 13:35 पुन कदाम ओकान शुद्ध ठरने क पश्चाताप सेंहुआ चामड़ा मा काहय भी पसरे,
LEV 13:36 ते याजक ओका देखे, आरू कदाम चा‍मड़ा मा पसर्‍यो होसे, ते याजक भूरला झोठा नी हेरे; काहकी चो मानुस अशुद्ध छे।
LEV 13:37 पुन कदाम ओकान नजर मा चा सेंहुआ जोसाज तोसो बवनो होसे, आरू ओकामा काळ्ळा झोठा जमला होसे, ते चा जाने कि सेंहुआ वारला होय गोया छे, आरू चो मानुस शुद्ध छे; याजक उकाह शुद्ध ठरजे।
LEV 13:38 “औळतेन कदाम काहना मानस क या बायर क चामड़ा मा उजला दाग होसे,
LEV 13:39 ते याजक देखे, आरू कदाम ओकान चामड़ा मा चा दाग कम उजला होसे, ते चा जाने क ओकान चामड़ा मा निकळली दाद छे; चो मानुस शुद्ध ठरजे।
LEV 13:40 “ओळतेन जेका मुनका क झोठा झड़ गोया छे, ते जाननु कि चो ते टकलो ते छे पुन शुद्ध छे।
LEV 13:41 आरू जेका मुनका क ओगला झोठा झड़ गोया छे, ते चो निंडावा क चन्दुला ते छे पुन शुद्ध छे।
LEV 13:42 पुन कदाम चन्दुला मुनका पर या चन्दुला निंडावा पर लाली लीन उजली दाग होसे, ते जाननु कि चा उकान चन्दुला मुनका या चन्दुला निंडावा पर निकळयो होयो कोढ़ छे।
LEV 13:43 एरकरता याजक ओका देख्या, आरू कदाम दाग क सूजन ओकान टकलो मुनको या निंडावा पर ओसी लाली करता उजली होसे जोसो चामड़ा क कोढ़ मा हतला छे,
LEV 13:44 ते चु मानुस कढ़ावाळो छे आरू अशुद्ध छे; आरू याजक ओकान नक्की अशुद्ध ठराया; काहकी ची दाग ओकान मुनका पर छे।
LEV 13:45 “जेका मा ची दाग होसे उका कोढ़ा क छिंदरा फाटला आरू मुनका क झोठा सुटला रया, आरू चा आपना ऊपरवाळा उठ क ढापीन अशुद्ध, अशुद्ध आयड्या करे।
LEV 13:46 जोतरा दाहड़ा तक चा दाग ओका मा रया ओतरा दाहड़ा तक चा अशुद्ध ठरला रया; एरकरता चु एकलु रया करे, ओकान निवास स्थान क छावनी क बाहरता छे।
LEV 13:47 “ओळतेन जेका छिंदरा मा कोढ़ क दाग होसे, चाहे चा छिंदरा रूई क होसे चाहे झारली क,
LEV 13:48 ची दाग चाहे उका झारली या ऊनन छिंदरा क सिवलो मा हय चाहे गुथलो हय, या त्यो दाग चामड़ा मा या चामड़ा क बोवनी काहनी चीज मा हय,
LEV 13:49 कदाम त्यो दाग काहला छिंदराम चाहे सिवला मा चाहे गुथला मा, या चामड़ा मा या चामड़ान काहली चीज मा निव्ळो हय या लाल सी हय, ती जानजी कि त्यो दाग छे आरू त्यो पुजारान जक देखाड़े।
LEV 13:50 आरू याजक क देख, आरू दागवाळी चीज क सात दाहड़ान करता बन्द करे;
LEV 13:51 आरू सातवे दाहड़े चु उका दाग क देखे, आरू कदाम चा छिंदरा क चाहे ताने मा चाहे बाने मा, या चामड़ा मा या चामड़ा क बवनी काहनी चीज मा पसरी गई होसे, ते जाननु कि दाग क गलति कोढ़ छे, एरकरता ची चीज, चाहे काहनी काम मा काह नी आवती होसे, तेभी अशुद्ध ठरसे।
LEV 13:52 चु उका छिंदरा क ताने या बाने मा ची दाग होसे, चाहे चा ऊनन क होसे चाहे सनी क, या चामड़ा क होसे; उकाह धोपाड़ दे, ची दाग गळनियो कुढ़न छे; हेनी चीज क आग्ठा मा धोपाड़ देनो जुळे।
LEV 13:53 “कदाम याजक देखे कि त्यो दाग उना छिंदरान कुना मा या वीच मा, या चामड़ान क उनी चीज मा नी पसरी,
LEV 13:54 ते जेका चीज मा दाग होसे ओकान धोने क आदेश आप, तव उका आरू भी सात दाहड़े बन्द कर राखे;
LEV 13:55 आरू उकाह धोने क बाद याजक ओकाह देखे, आरू कदाम दाग क नी ते रंग बदल्यो होसे, आरू नी दाग पसरी होसे, ते जाननु कि चो अशुद्ध छे; उकाह आग्ठा मा धोपाळनु, काहकी चाहे चा दाग माहयता चाहे ऊपरली होसे तेभी ची खाने वाळी दाग छे।
LEV 13:56 पुन कदाम याजक देखे कि ओकाह धोने क बाद दाग क चमक कम होय जासे, ते चा उकाह छिंदरा क चाहे ताने चाहे बाने मा सी, या चामड़ा मा सी फाड़ीन निकळे;
LEV 13:57 आरू कदाम ची दाग तव भी उका छिंदरा क ताने या बाने मा, या चामड़ा क उका चीज मा देखाय पड़े, ते जाननु कि ची फुटीन निकळी दाग छे; आरू जेका मा ची दाग होसे ओका आग्ठा मा धोपाड़नु।
LEV 13:58 कदाम हेका छिंदरा या चामड़ान काहय बी चीज हय जेको छुवने सी दाग जात रये, ती त्यो दिसरी वार धुळायीन चुको हये।”
LEV 13:59 ऊनन या सुवाळा छिंदरान कुना मा या काहा बी या चामड़ान काहली बी चीज मा जो कुढ़न दाग हय हेको चुखो करनेन योत् नियम छे।
LEV 14:1 ओळतेन योहोवा मूसा सी कयो,
LEV 14:2 कोढ़ क चुखो करनेन नियम यो छे। त्यो पुजारान याँ जाय;
LEV 14:3 आरू पुजारो छावनी क बाहरते जासे, आरू याजक उका कोढ़ क देखे, आरू कदाम उका कोढ़ क दाग वारली होई होसे,
LEV 14:4 ते याजक आदेश देदो कि शुद्ध ठरावनेवाळा क करता दुय शुद्ध आरू जीवता चिल्ला, देवदारू क लाकड़ी, आरू लाल रंग क छिंदरा आरू जूफा या सब क करता जासे;
LEV 14:5 आरू याजक आदेश आप कि एक चिल्ला वोहयता पाणी क ऊपर धुवा क ठिकरा मा बलि कर्‍या जासे।
LEV 14:6 तव चो जीवतो चिल्ला क देवदारू क लाकड़ो आरू रंग क छिंदरा आरू जूफान इना सब क लीन एक संग उका चिल्ला क लुहूय मा जो वोहयतो पाणी क ऊपर बलि करे;
LEV 14:7 आरू कोढ़ सी शुद्ध ठरावनेवाळा पर सात वार छिड़कीन ओकाह शुद्ध ठराया, तव उका जीवता चिल्ला क मैदान मा छुड़ दे।
LEV 14:8 आरू शुद्ध ठरावनेवाळा आपना छिंदरा क धुवे, आरू सब झोठा काडाळीन पाणी सी उंगव्या उंगळी लेय, तव चा शुद्ध ठरसे; आरू ओकान बाद चा पड़ावा मा आवनु जुवे, पुन सात दाहड़े तक आपना डेरा सी बाहरते रया।
LEV 14:9 आरू सातवे दाहड़े त्यो मुनको, दाढ़ी आरू काखेन सब झोठा बुड़ाय देय, आरू सब अंग काडाड्या, आरू आपना छिंदरा क धुव्या, आरू पाणी सी उंगवी करे, तव चा शुद्ध ठरसे।
LEV 14:10 आठवें दाहड़े त्या दुय निर्दोष गाडरा क बच्चें, आरू अन्नबलिन करता तेल करीन झारलो एपा पाँच किलो मैदा, आरू आधा लिटर तेल लावे।
LEV 14:11 आरू शुद्ध ठरावनेवाळा याजक इना चीज क समेत उका शुद्ध होयनेवाळा मानस क योहोवा क सामने मिलापवाळा तम्बू क झोपला पर उबा करे।
LEV 14:12 तव याजक एक गाडरा क बच्चा लीन दोषबलि क करता उका आरू लोज भर तेल क सामने लाया, आरू इना दुयु क हालावने क भेंट क करता योहोवा क सामने हालाया;
LEV 14:13 आरू चा उका गाडरा क बच्चा क उका जागा मा जा चा पापबलि आरू होमबलि पशु क बलिदान कर्‍या करसु, मतलब चुकलास्थान मा बलिदान करे; काहकी जोसा पापबलि याजक क निज भाग होसे जोसाज दोषबलि भी उका जियोन भाग ठरसे; चो परमपवित्र छे।
LEV 14:14 तव याजक दोषबलि क लुहूय मा सी काहय लीन शुद्ध ठरावनेवाळा क डाखर्‍या कान क मुनका पर, आरू ओकान डाखर्‍या हाथ आरू डाखर्‍या पाय क आंगठा पर लाया।
LEV 14:15 तव याजक उका लोज भर तेल मा सी कहाय आपना जेवड़ा हाथ क थोवती पर न्हाखे,
LEV 14:16 आरू याजक आपना डाखर्‍या हाथ क आंगवी क आपनी जेवड़ी थोवती परली तेल मा डुबाड़ीन उका तेल मा सी काहय आपनी आंगवी करीन योहोवा क सामने सात वार छिड़के।
LEV 14:17 आरू जो तेल उकान थोवती पर रय जासे याजक ओकामा सी काहय शुद्ध होयनेवाळा क डाखर्‍या कान क मुनका पर आरू ओकान डाखर्‍या हाथ आरू डाखर्‍या पाय क आंगठा पर दोषबलि लीन लुहूय क ऊपर लागाड्या;
LEV 14:18 आरू जो तेल याजक क थोवती पर रय जाए ओकान चो शुद्ध होयनेवाळा क मुनका न्हाख दे। आरू याजक ओकान करता योहोवा क सामने पश्चाताप करे।
LEV 14:19 याजक पापबलि क भी चढ़ावीन करता जा आपनी अशुद्धता सी शुद्ध होयनेवाळा पशु क बलिदान करीन:
LEV 14:20 अन्नबलि समेत वेदी पर चढ़ाया: आरू याजक ओकान करता पश्चाताप करे, आरू चा शुद्ध ठरसे।
LEV 14:21 पुन कदाम चो दारिद्र होसे आरू ओतरो लावने क करता ओका जु पूंजी नी होसे, ते चा आपना पश्चाताप करावने क करता, हालावने क करता गाडरा क बच्च दोषबलि क करता, आरू तेल सी झारला एपा क एक किलो मैदा अन्नबलि करीन, आरू 300 ग्राम तेल लावे;
LEV 14:22 आरू दुय हुली, या पेरवान दुय पीला लावे, जा चा लाय सक्या; आरू इनामा सी एक ते पापबलि क करता आरू दीसरा होमबलि क करता होसे।
LEV 14:23 आरू आठवे दाहड़े चा इना सभां क आपना शुद्ध ठरावने क करता मिलापवळा तम्बू क झोपला पर योहोवा क सामने, याजक क जु ली आया;
LEV 14:24 तव याजक उका लोज भर तेल आरू दोषबलि गाडरा क बच्चा क लीन हालावने क भेंट क करता योहोवा क सामने हालाया।
LEV 14:25 ओळता दोषबलि क गाडरा क बच्चा क बलिदान कर्‍या जासे; आरू याजक ओकान लुहूय मा सी काहय लीन शुद्ध ठरावनेवाळा क डाखर्‍या कान क मुनका पर, आरू ओकान डाखर्‍या हाथ आरू डाखर्‍या पाय क आंगठा पर लागाड्या।
LEV 14:26 ओळता याजक उका तेल मा सी काहय आपना जेवड़ा हाथ क थोवती पर न्हाखिन,
LEV 14:27 आपना डाखर्‍या हाथ क आंगवी सी आपनी जेवड़ी थोवती पर तेल मा सी काहय योहोवा क सामने सात वार छिड़के;
LEV 14:28 ओळता याजक आपनी थोवती पर तेल मा सी काहय शुद्ध ठरावनेवाळा क डाखर्‍या कान क मुनका पर, आरू ओकान डाखर्‍या हाथ आरू पाय क आंगठा पर, दोषबलि क लुहूय क जागा पर लागाड्या;
LEV 14:29 आरू जो तेल याजक क थोवती पर रय जाए उका चा शुद्ध ठरावनेवाळा क करता योहोवा क सामने पश्चाताप करने क उकान मुनका पर न्हाख दे।
LEV 14:30 तव चा पंडुक या बच्चा मा सी जो चु लाय सक्या होसे एक क चढ़ाया,
LEV 14:31 जो चिल्लोन कत्यो लाय सके, उनामा सी एक क पापबलिन करता आरू अन्नबलि समेत दीसरा क होमबलिन करता चढ़ाया; ओका रीति सी याजक शुद्ध ठरावनेवाळा क करता योहोवा क सामने पश्चाताप करे।
LEV 14:32 जेका कोढ़ क व्‍याधि होई होसे, आरू ओकान ओतरी पूंजी नी होसे कि चा शुद्ध ठरावनेवाळा क करता योहोवा क सामने पश्चाताप करने क ओकान मुनका पर न्हाख दे।
LEV 14:33 ओळता योहोवा मूसु आरू हारून सी कयो,
LEV 14:34 “जव तुमु लोगहन कनान देश मा पुगु, जेका हाव तुमरी निज धरती होयने क करता तुमुक आपता छे, उका टेमे कदाम हाव कोढ़ क दाग तुमरा हक क काहना घर मा देखाडो,
LEV 14:35 ते जेका चो घर होसे चा आवीन याजक क कोय दे कि मखे ओसो देखाड़ पड़ता छे कि घर मा मानु काहनो दाग छे।
LEV 14:36 तव याजक आदेश देदो कि उका घर मा दाग देखने क करता म्हार जाने क पेहेल उका खाली करो, के ओसो नी होय कि जो काहय घर मा होसे चो सब अशुद्ध ठरसे; आरू पछव याजक घर देखने क करता माहयता जाए।
LEV 14:37 तव चो उकाह दाग क देखे; आरू कदाम ची दाग घर क भितड़ा पर निळ्ळा-निळ्ळा या लाल लाल मानु कुरलो ओसो लकीरे क रूप मा होसे, आरू या लकीरे भितड़ा मा उंडी देखाय पड़ती होसे,
LEV 14:38 ते याजक घर सी बाहरते झोपला पर जाईन घर क सात दाहड़े तक बन्द कर राखे।
LEV 14:39 आरू सातवे दाहड़े याजक देखे; आरू कदाम चो दाग घर क भितड़ा पर पसरी गई होसे,
LEV 14:40 आरू चा घर सी बाहरते काहना अशुद्ध स्थान मा न्हाख दे;
LEV 14:41 आरू चा घर क माहयता चार तरफ खुरचवाए, आरू ची खुरचन क धुवा नगर सी बाहरते काहना स्थान मा न्हाखे जासे;
LEV 14:42 आरू उना दगड़ा क जागा मा आरू दीसरा दगड़ा लीन लगाड़े आरू त्या ताजा गारा लीन घरन जुड़ाई करे।
LEV 14:43 “कदाम दगड़ा क निकाळने आरू घर क खुरचने आरू गारा जुड़ाई आरू लिपायन बाद चा दाग ओळता घर मा फुट निकळे,
LEV 14:44 ते याजक आवीन देख; आरू कदाम ची दाग घर मा पसरी गई होसे, ते चा जान लेवु कि घर मा गलति कोढ़ छे; चो अशुद्ध छे।
LEV 14:45 आरू चा सब गारे समेत दगड़ा, लाकड़ा आरू घर क खोंदाड़ीन पड़ दे; आरू उना सब चीज क उठावीन नगर सी बाहरते काहना अशुद्ध जागा पर न्हखड़ दे।
LEV 14:46 आरू जव तक चो घर बन्द रये आरू कदाम कुई उका मा जाए ते चे सांतो तक रये;
LEV 14:47 आरू जो कुई उका घर मा सुवे चो आपना छिंदरा क धुवे; आरू जु कुई उका घर मा खानो खादा चु भी आपना छिंदरा धवे।
LEV 14:48 “पुन कदाम पुजारो आवीन देखे कि जव सी घर लेसला गोया छे तव सी उकामा दाग नी पसरे छे, ते यो जानीन कि ची दाग सेठी होय गोय छे, घर क शुद्ध ठराया।
LEV 14:49 आरू उका घर क चुखलो करने क करता दुय चिल्ला, देवदारू क लाकड़ी, लाल रंग क छिंदरा आरू जूफा लाया,
LEV 14:50 आरू एक चिल्लो वोहयतो वोहयता पाणीन ऊपर धुळान ठिकरा मा बलिदान करे,
LEV 14:51 तव चो देवदारू क लाकड़ी, लाल रंग क छिंदरा आरू जूफा आरू जीवता चिल्ला इना सभा क लीन बलिदान करला चिल्ला क लुहूय मा आरू उहवता पाणी मा बुड़ाळ देदा, आरू उका घर पर सात वार छिड़क्या।
LEV 14:52 ओका प्रकार चा चिल्लो लुहूय, आरू वोहयतो पाणी, आरू जीवता चिल्ला, आरू देवदारू क लाकड़ी, आरू जूफा आरू लाल रंग क छिंदरा क झोपला क घर क चुखलो करे;
LEV 14:53 तव चा जीवता चिल्ला क नगर सी बाहरता मैदान मा छुड़ देदा; ओका रीति सी चो घर क करता पश्चाताप करे, तव चो शुद्ध ठरसे।”
LEV 14:54 सब भाँति क कोढ़ क दाग, आरू सेंहुए,
LEV 14:55 आरू छिंदरा, आरू घर क कोढ़
LEV 14:56 आरू सूजलो, आरू खुलसा, आरू दाग क विषय मा,
LEV 14:57 शुद्ध आरू अशुद्ध ठरने क शिक्षा आपनेक व्यवस्था यी छे। सब प्रकार क कोढ़ क नियम यी छे।
LEV 15:1 ओळतेन योहोवा मूसु आरू हारून सी कोयु,
LEV 15:2 “इस्राएलिया सी कयु कि जेका जेका ओदमीन सफेद पानी जातो होसे, ते चो प्रमेह कारण अशुद्ध ठरसे।
LEV 15:3 चो चाहे वोहयतो रये, चाहे वोहयनु बन्द भी होसे, तेभी उकान अशुद्धता बनी रवसे।
LEV 15:4 जेकान प्रमेह होसे चो जेका जेका खाटला पर लुटे चु अशुद्ध ठरसे, आरू जेका जेका चीज पर चु बठे भीत्यो अशुद्ध ठरसे।
LEV 15:5 आरू जु कुई हेका खाटला क हाथ लागाड़े त्यो आपसा छिंदरा धुवीन पाणी सी उंगव्या करे, आरू सांतो तक विटळ रये।
LEV 15:6 आरू जेको प्रमेह होय आरू चा जीन चीज पर बठला छे, उका पर जा कुई बठला चा आपना छिंदरा क धुवीन पाणी सी उंगव्या करे, आरू सांजु तक अशुद्ध ठरला रये।
LEV 15:7 आरू जेकान प्रमेह होय उका सी जु कुई हाथ लागाड़े जासे चा आपना छिंदरा क धुवीन पाणी सी उंगव्या करे आरू सांतो लग विटळ रये।
LEV 15:8 आरू जेका प्रमेह होय कदाम चा काहना शुद्ध छिंदरा क धुवीन पाणी सी उंगव्या करे, आरू सांतो तक विटळ रये।
LEV 15:9 आरू जेका न प्रमेह होय ची सवारी क जेका चीज पर बोठ्या चो विटळ ठरे।
LEV 15:10 आरू जु कुई काहनी चीज क जो उकान नेड़ा रया होसे हाथ लागाड़े, चो सांते तक अशुद्ध रये; आरू जो कुई ओसी काहनी चीज क उठावे चु आपना छिंदरा क धुवीन पाणी सी उंगव्या करे, आरू सांतो लग विटळ रये।
LEV 15:11 आरू जेका क प्रमेह होय चु जा काहना क बिना धुवीन हाथ लागाड़े चु आपना छिंदरा क धुवीन पाणी सी उंगव्या करे, आरू सांतो लग विटळ रये।
LEV 15:12 आरू जेका क प्रमेह होय चो धुवान जेका काहना पात्रा क हाथ लागाड़े तेनाक तुड़ न्हाख्या जासे, आरू काठ क सब प्रकार क पात्रा पाणी सी धुव्या जासे।
LEV 15:13 “ओळता जेका क प्रमेह होय तेनाक जव आपना रोग सी आरगाय होय जाय, तव सी शुद्ध ठरने क सात दाहड़ा गिन लेवु, आरू उनाक वीतने पर आपना छिंदरा क धुवीन वोहयता पाणी सी उंगव्या करे; तव चो शुद्ध ठरसे।
LEV 15:14 आरू आठवे दाहड़े ची दुय हुली या पेरवान दुय पीला लीन मिलापवाळा तम्बू क झोपला पर योहोवा क सामने जाईन हेका पुजारा क आपे।
LEV 15:15 तव याजक उना मा सी एक क पापबलि, आरू दीसरा क होमबलि क करता भेंट चढ़ाया; आरू याजक उकान करता उकान प्रमेह क कारण योहोवा क सामने पश्चाताप करे।
LEV 15:16 “ओळता कदाम काहना मानस क वीर्य स्खलित होय जासे, ते चा आपना सब शरीर क पाणी सी धुवे, आरू सांतो लग विटळ रये।
LEV 15:17 आरू जेका काहना छिंदरा या चामड़ा पर चा वीर्य पड़े तेनाक पाणी सी धुव्या जासे, आरू सांजु तक विटळ रये।
LEV 15:18 जव कुई मानुस बायर सी सहवास करे, ते चा दुयु पाणी सी उंगव्या करे, आरू सांतो लग विटळ रये।
LEV 15:19 “ओळता जव कुई बायर‌ मासिकधरम रये, ते चो सात दाहड़े तक अशुद्ध ठरलो रये, आरू जु कुई ओका हाथ लागाड़े त्यो सांतो तक विटळ रये।
LEV 15:20 आरू जव तक चो अशुद्ध रये तव तक जेका जेका चीज पर चा लुटे, आरू जेका जेका चीज पर बोठे चा सब विटळ ठरसे।
LEV 15:21 आरू जु कुई ओकान खाटला क हाथ लागाड़े चु आपना छिंदरा धुवीन पाणी सी उंगव्या करे, आरू सांतो तक विटळ रये।
LEV 15:22 आरू जु कुई काहनी चीज क हाथ लागाड़े जेका पर ची बोठी होसे चा आपना छिंदरा धुवीन पाणी सी उंगव्या करे, आरू सांतो तक विटळ रये।
LEV 15:23 आरू कदाम खाटलो या दीसरो काहना चीज पर जेका पर ची बोठी होसे हाथ लागाड़नेन टेमे ओकान रुधिर लागाड़ होसे, ते सुनेहरो सांतो तक विटळ रये।
LEV 15:24 आरू कदाम कुई मानुस उका सी प्रसंग करे, आरू ओकान रुधिर ओकाह लाग जाए, ते चु मानुस सात दाहडे तक अशुद्ध रये, आरू जेका जेका खाटला पर चु लुट्यु चा सब विटळ ठरसे।
LEV 15:25 “ओळता कदाम काहनी बायरक आपना नावनीन टेम सी जादा दाहड़ा तक लुहूय वोहयतो रवे, या उका नेमला टेम सी जास्ती टेमे तक मासिकधर्म रवे, ते जव तक चो ओसी दशा मा रवे तव तक चो विटळ रये।
LEV 15:26 उकान मासिक धर्म रवनेक सब दाहड़ा मा जेका जेका खाटला पर चो लुटे चा सब उकान मासिक धर्मान खाटलान समान ठरसे; आरू जेकी चीज पर चा बोठे चा भी उकान मासिक धर्म रयनेक दाहड़ान सारकी विटळ रये।
LEV 15:27 आरू जु कुई उना चीजक हाथ लागाड़े चो विटळ ठरसे, एरकरता चो आपना छिंदरा क धुवीन पानी सी उंगव्या करे, आरू सांतो तक विटळ रवे।
LEV 15:28 पुन जव ची बायर आपना मासिक धर्म सी चुखी हुय जासे, तव सी चा सात दाहड़ा गिन ले, आरू उना दाहड़ाक जाने पर ची चुखी हुसे।
LEV 15:29 पछा आठवे दाहड़े चा दुय पंडुक या कबुतरा क दुय पीला लिन मिलापवाळा तम्बू क झोपला पर पुजारा जुळ जाय।
LEV 15:30 तव याजक एक क पापबलि आरू दिसरान होमबलिक करता चढ़ाया; आरू याजक करता मासिक धर्मान विटळ हुयनेन कारण यहोवान सामने पछतावु करे।
LEV 15:31 “ओका गत तुमु इस्राएलियाक उनाक विटळ हुयने सी अलग मेक्या करे, का ओसो नी होए कि चा योहोवाक निवास क जा उकान वीचमा छे अशुद्ध करीन आपनी विटुळ हुयनेन कारण मर जाय।”
LEV 15:32 जेकान प्रमेह होय आरू जा मानसे वीर्य स्खलित होयने सी विटळ रये;
LEV 15:33 आरू जी बायर मासिक धर्म सी हय; आरू काय मानसे काय बायर अशुद्ध बायर सी प्रसंग सी करे, इना सभा क करता यी नियम छे।
LEV 16:1 जव हारून न दुय पोर्‍या योहोवान सामने जाईन मर गीया, हेको बाद यहोवा मूसा सी वातु कर्यो;
LEV 16:2 आरू यहोवा मूसा सी कयो, थारा भाईस हारून सी कय कि पेटारा न ऊपर पश्चातापवाळा ढाकनान अगोळ, वीचमाहायला परदान माहायता, चुखला जागा मा हर टेमे नी प्रवेश करे, नी ते मर जासे; काहकी हाव पश्चातापवाळा ढाकनेक ऊपर बादल मा दिखाई देसे।
LEV 16:3 जव हारून चुखलास्थान मा प्रवेश करे तव ओका रीति सी प्रवेश करे, मतलब पापबलिन करता एक केवड़ाक आरू होमबलिन करता एक गाडराक लीन आया।
LEV 16:4 ची सनीन छिंदराक चुखलो चोगला, आरू आपना डील परला छिंदरान चड्डी पेहरीन, आरू सनन छिंदराक कटिबन्द, आरू सनीक छिंदरान पागड़ी भी पाणी सी ऊंगव्या करीन हेका पेहरे।
LEV 16:5 पछा चा इस्राएलियान मण्डलिन जु सी पापबलिन करता दुय बुकड़ा आरू होमबलिन करता एक गाडरो लेदा।
LEV 16:6 तोत्यार हारून आपसा पापोन बादा चोड़ावसे एने आपसा ओळी आपसा घोराना जुगू पोसतावू कोरसे।
LEV 16:7 ओळतेन हारून दुय बुकड़ा लीन भोगवानो ओगोव मिलापवावा तम्बू पोर उबू कोरसे।
LEV 16:8 हारून एनू दुयु बुकड़ा जुगु चि़ट्ठी नाखसे। एक योहोवा भोगवान जुगु दिसरी ओजाजेल देवो जुगु।
LEV 16:9 आरू जिना बुकड़ पोर योहोवा भोगवानोन चिट्ठी निकळे तिनाक हारून पापोन बादा जुगु चोड़ावसे।
LEV 16:10 पुन जिना बुकड़ा पोर ओजाजेलो जुगु चिट्ठी निकळे चो योहोवा भोगवानो ओगोळ जिवत्लो उबो कोरसे की तेरे पोर पोसतावू कोरे आरू तिनाक उजाड़ी मुलुक मा ओजाजेलोन जा मुकली देय तोसे।
LEV 16:11 हारून तिना पापोन बादान गाडरा काजे जो हेरेत् जुगु होयसे चो धोड़े ली आवे , आरू तिनाक बादा चोड़ावीन आपसा आरू आपसा घोराना जुगु पोसतावू कोरे तोसे।
LEV 16:12 आरू जो बेदी योहोवा भोगवानो ओगोव छे तेर पोरून धोपत्ला कुयला सी भोरला धुपोन टाहरा काजे लीन, आरू आपसा दुयु मुठो मा कुटला गोंदायन्या धुपो सी भोरीन, इचमा वावा पोरदा धोड़े ली आवीन
LEV 16:13 तीना धुप काजे योहोवा भोगवानो ओगोव आगठा मा मेकजी, जेरेसी धुपोन धुवाडू गोवान चिट्ठी पोर पोसतावान ढाकना उपोर छावाय जाय, नी ते हुयो मोर जासे;
LEV 16:14 तोत्यार हुयो गाडरान लुहुय मा गोथो इतरोक लुहुय लीन उगेनलेछ्ये पोसतावान ढाकनान उपोर आपसी आंगवी सी छाट देसे, आरू ओली तेना लुहुय मा गोथो इतरोक आपसी आंगवी सी तेना ढाकना ओगोव वी सात कावा छाट देजी।
LEV 16:15 ओळी हारून मानसोन कोरता पापोन बादान बुकड़ाक चोड़ावसे चो हेरा लुहयोन इचमा वावा पोरदान धोड़े ली आवे, आरू जिने रिते बुकड़ान लुहयो पुठी कोर्यू तोसुत् कोरसे, तिना लुहयोक गिनोन पाटड़ी उपोर एने हेरे ओगोव छाट देसे।
LEV 16:16 आरू हुयो इसराएलीन भाति भातिन विटोळ, आरू गुना, आरू हेंदरा आखा पापोन कोरता चुखला जागा जुगु पोसतावू कोरसे; आरू मिलापवावा तम्बू जो हेरे भेव हेनाक भाति भातिन विटोवोन इचमा रोवे हेरे जुगू वी हुयो तोसोत् कोरे।
LEV 16:17 जोत्यार हारून पोसतावा जुगु चुखला जागाम भोरायसे आरू जोत्यार लोगुन हुयू आपसा, आपसा घोरल्या एने आखा इसराएली मानसे जुगु पोसतावू कोरीन खोयड़े नी निकवे, ती लोगुन मिलाप वावा तम्बू मा कुदु वी मानुस उबु नी रोवे।
LEV 16:18 हुयु भोगवानो ओगोव वावी वेदीन चा खोयड़े आवसे आरू हेरे जुगु पोसतावू कोरसे। हुयु गाडरा एने बुकड़ान थुड़ोक लुहुय लीन वेदीन च्यारू मेर सिंगड़ा पोर लुहयोक लागाड़से।
LEV 16:19 आरू उना लुहुय मा सी आंगळीये करीन सात वार लुहुय छाटसे। ओस कोरीन हुयु इसराएली मानसोन विटोळ गोथु वारु एने चुखा झोन कोरसे।
LEV 16:20 जोत्यार हुयो चुखलाजागान आरू मिलापवावा तम्बू आरू बेदी जुगु पछतावो कर लेये, ती जिवतला बुकड़ाक ओगा ली आवजु;
LEV 16:21 हुयो आपसु दुयु हात जिवतेला बुकड़ान मुनका पोर मेसे, आरू इसरारली सोमाजोन आखा भुण्डला काम, आरू आखा पापन क मान लेये। हुयो हेनुक बुकड़ान बुनका पोर नाख देसे, आरू तिना मानसोन हाते कोरीन, जु इना काम जुगु नेवाड़लु होयसे, बुकड़ाक उजाड़ी जागा मुकली छुड़ देसे।
LEV 16:22 बुकड़ु हेन्दरा आखा भुन्डला कामोक आपसे उपोर हुचलिन सुनसान जागा मा ली जासे। चो मानुस बुकड़ाक उजाड़ी मुलुकोम छुड़ देसे।
LEV 16:23 तोत्यार हारून मिलापवावा तम्बू मा आवसे। हुयो तेनु आखा सुतिन छिन्दराक निकावीन चां मेक एसे जे हुयो चुखला जागाम भोरायते टेमे पेहलु होतु।
LEV 16:24 हुयो चुखला जागाम पानीम उंगेवसे आरू आपसा छिन्दरा पेहरीन खोयड़े आवसे। तोत्यार हुयो आपसे एने मानसोन आगठान बादा चोड़ावसे आरू आपसे एने मानसो जुगु पोच्छाताप कोरसे।
LEV 16:25 हुयो पापोन बादान वावा ढुरोन चोरबी बेदी पोर धोपाड़से।
LEV 16:26 ओजाजेलोन चा बुकड़ाक ली जानेवावु मानुस आपसा छिन्दरा छुवसे आरू पानीम उंगेवसे। ओळतेनुत् चु पोड़ाव मा माहाय भोराय सोकसे।
LEV 16:27 पाप बादान वाछड़ो एने पाप बादान बुकड़ो, जेरो लुहुय पोच्छाताप जुगु चुखला जागाम लावला होता, पोड़ावोन खोयड़े ली आवसे आरू चा हेन्दरा खालड़ा, मास आरू गुबोर आगठाम धोपाड़ देसे।
LEV 16:28 हेनुक धोपाड़नेवावु ओदमी आपसा छिन्दरा धुवसे आरू पानीम उंगेवसे। ओळतेनुत चु पोड़ाव मा भोराय सोकसे।
LEV 16:29 तुमु मानसो जुगु यी जोलोमोन रिती होयसे कि सातवे मोहनेन दोसवे दाहड़े तुमु आपसा-आपसा जिव काजे उपास राखिन दुख देजु, तेने दाहड़े कुदु वी मानुस चाहाय चु यांत् वावु होय तेने तुमरे विच मा रोवने वावु होय, काम नी कोरनो जुवे;
LEV 16:30 काहकि इने दाहड़े तुमरे जुगु, तुमुक चुखा कोरने कोरिन पोसतावु कोर्यु जासे। तुमु योहोवा ओगोव आपसा आखा पापो सी चुखा होय जासु।
LEV 16:31 यो तुमरे जुगु बेसकु आरामोन दाहड़ु छे। तुमु आपसा काजे उपासोन लारे दु:ख देजो। यी जलोमन रिति छे।
LEV 16:32 आरू जु पुजारू, आपसा बासोन जागा पोर पुजारान जागा जुगु अभिषेक आरू चुखो कोरनेन रिति कोरे, चु पुजारू पोसतावु कोर्या कोरे, एने चु चुखला सुतीन छिन्दरा पेहरिया कोरोसे।
LEV 16:33 होयु बेसका चुखला जागा, मिलापवावा तम्बू आरू बेदी जुगु पोसतावु कोरसे। हुयो पुजारा एने आखा मोन्डळीन मानसो जुगु वी पछतावो करे।
LEV 16:34 यी तुमरे जोलोम जुगु रिति छे कि इसराएली मानसे आखा पापोन कोरता हेन्दरे जुगु सालोम एक वार पोसतावु कोरे। जोसु योहोवा मुसाक हुकुम आपलु होतु, हारून वी तोसुत कोर्यु।
LEV 17:1 पछु योहोवा भगवान मूसा सी कयो,
LEV 17:2 “हारून पोर्‍या सी आरू सब इस्राएलिया सी कयो कि योहोवा भगवान यी हुकुम आपली छे:
LEV 17:3 इस्राएलिया क घराना मा सी कुई मानुस होय जु बुयल या गाडरा क बच्चा, या बुकड़ी क, चाहे छावनी मा चाहे छावनी सी बाहरते घात करीन
LEV 17:4 मिलापवाळा तम्बू क झोपला पर, योहोवा भगवान क रयनेन सामने योहोवा क चढ़ावनेन बाहना सी नी ली जाय, ते उका मानसक लुहूय वयावने क दोष लागसे; आरू चु मानुस जु लुहूय वयावने वाळा ठरसे, चा आपना लोगहन क वीच मा सी खतम कर्‍यो जाय।
LEV 17:5 इनी विधि न यो कारण छे कि इस्राएली आपसो बलिदान जिनाख त्यो खुल्ला मैदान मा वध करता छे, चा हेका मिलापवाळा तम्बू क झोपला पर याजक क जु, योहोवाक करता ली जाईन उकान करता मेलबलि करीन बलिदान कर्‍या करे;
LEV 17:6 आरू याजक लुहूय क मिलापवाळा तम्बू क झोपला पर योहोवा क वेदी क ऊपर छिड़क्या, आरू चरबा क उकान सुखदायक सुगन्ध क करता धोपाड्या।
LEV 17:7 चा जा बुकड़ा पुजणीयो हुयी बी व्यभिचार करे, त्यो आपना बलिपशु क ओकान करता बलिदान नी करे। तुमरी पीढ़ीया क करता यो हमेशा क विधि होसे।
LEV 17:8 “तु उकाह कयो कि इस्राएल क घराना क लोगहन मा सी या उनाक वीच रयनेवाळा परदेशिया मा सी कुई मानुस काह नी होय जा होमबलि या मेलबलि चढ़ाया,
LEV 17:9 आरू उकाह मिलापवाळा तम्बू क झोपला पर योहोवा क करता चढ़ावने नी लावे; चु मानुस आपना लोगहन मा सी खतम कर्‍या जासे।
LEV 17:10 “पछा इस्राएल क घराना क लोगहन मा सी या उनाक वीच रयनेवाळा परदेशिया मा सी कुई मानुस काह नी होय जो काहना प्रकार लुहूय खाय, हाव उकान लुहूय खानेवाळा क विरूध होईन उकाह उकान लोगहन क वीच मा सी खतम कर न्हाखिस।
LEV 17:11 काहकी शरिर क जीव लुहूय मा रवतु छे; आरू उकान हाव तुमु लोगहन क वेदी पर चढ़ावने करता आपला छे कि तुमरा जीवन करता लुहूय करता पश्चाताप कर्‍यो जासे; काहकी जीव क करता लुहूय सी पश्चाताप हुये।
LEV 17:12 ओका कारण हाव इस्राएलिया सी कयता छे कि तुमु मा सी कुई जीव लुहूय नी खाय, आरू जु परदेशी तुमरे वीच मा रवता छे चु भी लुहूय कभी नी खाय।
LEV 17:13 “इस्राएलिया मा सी या उकान वीच रयनेवाळा परदेशिया मा सी कुई मानुस काह नी होय जु अहेर करिन खाने क योग्य पशु या चिल्ला क धर्‍या; चा ओकान लुहूय क न्हाखिन धुवा सी ढाक देदा।
LEV 17:14 काहकी शरिर क जीव जु छे चु उकान लुहूज छे जो उकान जीव क साथे एक छे; ओका करता हाव इस्राएलिया सी कयता छे कि काहना प्रकारन क जनावर क लुहूय क तुमु नी खानु, काहकी सब जनावर क जीव उकान लुहूय छे; जु कुई ओकान खासे चु खतम कर्‍या जासे।
LEV 17:15 आरू चाहे चु देशी होय या परदेशी होय, जु कुई काहना लोथ या फाड़ला पशु का मांस खाय चा आपना छिंदरा क धुवीन पाणी सी उंगवीन करे, आरू सांजु तक अशुद्ध रवे; तव चो शुद्ध होसे।
LEV 17:16 कदाम चु उका नी धुवे आरू नी उंगव्या करे, ते उकाह आपना ओधोरोम क भार खुद उठावनो पड़से।”
LEV 18:1 पछु योहोवा मूसा सी कयो,
LEV 18:2 इस्त्राएलिया सी कयो कि हाव तुमरू परमेश्वर योहोवा छेव।
LEV 18:3 तुमु मिस्र देशन कामन अनसारे, जेकामा तुमु रयता हता, नी करनु; आरू कनान देशम कामक अनसारे भी, जा हाव तुमुक लीन जाव, नी करनु; आरू नी ते हेनू देशन नियम पर चालनो।
LEV 18:4 माराज नियमक मानजो, आरू म्हारीज विधिक मानता उना पर चालनु। हाव तुमरू परमेश्वर योहोवा छेव।
LEV 18:5 एरकरता तुमु मार नियम आरू मारी विधिक उनाक हमेशा माननु; जु मानुस उनाक माने चु उकान कारन जीवतु रवसे। हाव योहोवा छेव।
LEV 18:6 तुमु मा सी कुई आपनी काहनी नाट वाळी परिवार वाळीक डिल उघाड़नेक उकान जु नी जाए। हाव योहोवा छेव।
LEV 18:7 आपसी आईस न डिल, जो तुमरा बास न डिल छे, नी उघाड़नु; ची ते तुमरी आया छे, एरकरता तुमु उकान डिल नी उघाड़नु।
LEV 18:8 आपनी दिसरी आयान भी डिल नी उघाड़नु; चो ते तुमरा बासनुज ते छे।
LEV 18:9 आपनी बोहनी चाहे एकुज आयान रवे कि दिसरी आयान होसे, चाहे ची घरमा पयदा होई होसे चाहे बाहरते, उकिन डिल नी उघाड़नु।
LEV 18:10 आपसा पोर्यान पोराय पुतनी या नातनीन भी डिल नी उघाड़नु, उकिन डिल ते मानु तुमरो छे।
LEV 18:11 तुमरी सौतेली बोहनी जी तुमरा बास सी पयदा हुई, ची तुमरी बोहनी छे, ओका कारन उकान डिल नी उघाड़नु।
LEV 18:12 आपनी फुईन डिल नी उघाड़नु; ची ते तुमरा बासन नाट बयणी छे।
LEV 18:13 आपनी मावसीन डिल नी उघाड़नु; काहकी ची तुमरी आयान कुटुंबन नाट वाळी छे।
LEV 18:14 आपना काकान डिल उगाड़नु, मतलब उकान बायरक साते नी जानु; ची ते ओकान काकी छे।
LEV 18:15 आपनी वोवड़िस डिल नी उगाड़नु; ची ते तुमरा पोर्‍याक लाड़ी छे, ओका कारण तुमू ओकान डिल नी उगाड़नु।
LEV 18:16 आपनी भाभीन डिल नी उगाड़नु; चो ते तुमरा भाईसक डिल छे।
LEV 18:17 एकदी बायर आरू हेकी पोरायक डिल नी उगाड़नु, आरू हेकी पुतनीक या हेकी नातनीक आपनी बायर समजीन हेकी डिल नी उगाड़नु, ची ते नाट कुटुम्ब वाळी छे; ओसो करनु महापाप छे।
LEV 18:18 आरू आपनी बायरक भोहनीक आपनी बायर समजीन हेकी बोयंडळ नी बनावनु काहकी पेहली जीविता रयता रयता हेकी डिल भी उगाड़े।
LEV 18:19 पछु जव तक एकदी बायर आपना ऋतुन कारन अशुद्ध रया तव तक ओकान जु ओकान डिल उगाड़ने क नी जानु।
LEV 18:20 पछा आपना भाईबन्धुक बायर सी कुकर्म करीन अशुद्ध नी होय जानु।
LEV 18:21 आपना सन्तान मा सी काहनाक मोलेकक करता होम करीन नी चढ़ावनु, आरू नी आपना परमेश्वरक नावक विटुळ ठरावनु; हाव योहोवा छेव।
LEV 18:22 स्त्रीगमनक रीति सी पुरूषगमन नी करनु; चो ते घिनौनो काम छे।
LEV 18:23 एकदि जातिन पशुक साथे पशुगमन करीन अशुद्ध नी होय जानु, आरू नी एकदि बायर पशुक सामने एरकरता उभी होए के उकान साथे कुकर्म करे; यी ते उलटी वात छे।
LEV 18:24 ओसलो-ओसलो कुई भी काम करीन अशुद्ध नी होय जानु, काहकी जिन जातियाक हाव तुमरे ओगव सी जाने पर छेव चा ओसा ओसा काम करीन अशुद्ध होय गयो छे;
LEV 18:25 आरू उकान देश भी अशुद्ध होय गयो छे, ओका कारन हाव उका पर उकान अधर्मक दण्ड आपतु छेव, आरू चा देश आपना निवासियाक उगल देतु छे।
LEV 18:26 ओका कारण तुमु लोगहन मारी विधिया आरू नियमोक निरन्तर माननु, आरू चाहे देशी तुमरे वीचमा रयनेवाळा परदेशी होसे, तुमु मा सी एकदि भी ओसो घिनौनो काम नी करे;
LEV 18:27 काहकी ओसो सब विनलागीया काम क उना देशन मानसे ज जो तुमरे सी पेहले रयता हुता, ओका सी चो देश विटळ हुय होय गयलो छे।
LEV 18:28 हिमी ओसो नी होए कि जोसी रीति सी जी जाति तुमू सी पेहेल उका देश मा रयती हती ओकाह उकान उगल देदा, ओकी रीति जव तुमु ओकान अशुद्ध करू, ते चो तुमुक भी उगल देसे।
LEV 18:29 जु कोय असो विनलाजीयो काम करे असला सब लोगहन आपसा मा सी नष्ट कर्‍या जासे।
LEV 18:30 यो आदेश जो हाव तुमरे माननेक देदी छे उकाह तुमु माननु, आरू जो घिनौनी रीति तुमु सी पेहेल प्रचलित छे उनामा सी काहना पर नी चालनु, आरू नी उनाक कारन अशुद्ध होय जानु। हाव तुमरू परमेश्वर योहोवा भगवान छेव।
LEV 19:1 पछु योहोवा भगवान मूसा सी कयो,
LEV 19:2 इस्राएलियाक सब मण्डली सी कईन तुमु चुखला बोवना रयु; काहकी हाव तुमरो परमेश्वर योहोवा पवित्र छेव।
LEV 19:3 तुमु आपनी आपनी आयाक आरू आपना आपना बासक भीख माननु, आरू मारा आरामक दाहड़ाक माननु; हाव तुमरू परमेश्वर योहोवा छेव।
LEV 19:4 तुमु मुर्तिक तरफ नी फिरनु, आरू देवतान फुटा न्हाखिन नी बनाव लेनु; हाव तुमरू परमेश्वर योहोवा छे।
LEV 19:5 जव तुमु योहोवाक करता मेलबलि करू, तव ओसो बलिदान करनु जेका सी तुमु सी खुश होय जाऊ।
LEV 19:6 उकान मांस बलिदानक दाहड़े आरू दिसरे दाहड़े खाए जासे, पुन तीसरे दाहड़े तक जा रय जाए चा आग्ठा मा धोपाड़ देय जासे।
LEV 19:7 कदाम उकामा सी काहय भी तीसरे दाहड़े खाए जासे, ते यो घाड़्च्या ठरसे, आरू ग्रहण नी कर्‍या जासे,
LEV 19:8 आरू उकान खानेवाळा योहोवाक पवित्र चीजक विटुळ ठरावता छे, एरकरता उकान आपना अधर्मक भार खुद उठावनु पड़से; आरू चो प्राणी आपना लोगहन मा सी नष्ट करे जासे।
LEV 19:9 पछा तुमु आपना देश क खेत काटो तव आपना खेतक कुपरे तक पुरो नी कादनु, आरू काटला खेतक पड़ली ओसला झोठाक नी नेवाड़नु।
LEV 19:10 आरू आपनी दाखक वाड़ीक दाना दानान तुड़ लेनु, आरू आपनी दाखक वाड़ीक झोड़ला अंगुरक नी चुटनु; हेका दाहड़े आरू परदेशी लोगहन क करता छुड़ देनु; हाव तुमरू परमेश्वर योहोवा छेव।
LEV 19:11 तुमु चुरी नी करनु, आरू एक दिसरा सी नी ते कपट करनु, आरू नी झुठ बुलनु।
LEV 19:12 तुमु मारा नावक झुठी शपथ खाईन आपना परमेश्वरक नाव विटुळ नी करनो; हाव योहोवा छेव।
LEV 19:13 एक दिसरा पर आन्धारो नी करनु, आरू नी एक दिसराक लुट लेनु। मजदुरन मजदुरी तार जु आखी रात सोंदारे तक नी रय सके।
LEV 19:14 बोयराक शाप नी देनु, आरू आंधवाक ओगव ठुकर राखनु; आरू आपना परमेशवरक भीख माननु; हाव योहोवा छेव।
LEV 19:15 न्याय मा कुटिलता नी करनु; आरू नी ते कंगालक पक्ष करनु आरू नी मोटला मानसक मुहय देखनु विचार करनु; एक दिसराक न्याय धर्म सी करनु।
LEV 19:16 लुतरा बनीन आपना लोगहन मा नी फिर्‍या करनु, आरू एक दिसराक लुहुय वोहयनेन युक्ति नी बांधनु; हाव योहोवा भगवान छेव।
LEV 19:17 आपना मन मा एक दिसराक प्रति खत नी मेकनु; आपने नाट घर वाळाक नक्कि डाडनु, नी ते उकान पापक भार तुखेक उठावनु पड़से।
LEV 19:18 बदलो नी लेनु, आरू नी आपसा लोगहन सी खत राखनु, पुन एक दिसरा सी आपने समान मोंग राखनु; हाव योहोवा भगवान छेव।
LEV 19:19 तुमु म्हारा नियम जलोमका मान। आपजो तमरा पाळनिया जनवार क दिसरी जातिन जनवार सी प्रजनन झुन करने देनु; आपना खेत मा दुय प्रकारक बीजा एकठा नी वेरनु; आरू झारीन आरू ऊनान मिलावट सी बोवना होया छिंदरा नी पेहरनु।
LEV 19:20 “पछी एकदी बायर दासी होसे, आरू उकान इहाव एकदा मानसक सी होई होसे, पुन चो नीते दाम सी आरू नी सेंतमेंत स्वाधीन करी गई होसे; उकासी कदाम कुई कुकर्म करे, ते उना दुय दाहड़ाक दण्ड ते जोड़े, पुन उका बायरक स्वाधीन नी होयनेक कारण चा दुयु मार नी न्हाखे जासे।
LEV 19:21 पुन चो मानुस मिलापवाळा तम्बूक झोपला पर योहोवाक जु एक गाडरो दोषबलिक कारण ली आया।
LEV 19:22 आरू याजक ओकान कर्‍या होया पापन कारण दोषबलिक गाडराक द्वारा ओकान करता योहोवाक सामने पश्चाताप करे; तव ओकान कर्‍या होया पापक माप कर्‍या जासे।
LEV 19:23 “पछा जव तुमु कनान देश मा पुगीन काहना प्रकारक फोव झाड़को लागाडु, ते ओकान फोव तुमरे करता मानु खतनारहित ठरला रवे; एरकरता उनामा सी काहय नी खादा जासे।
LEV 19:24 आरू चौथा साल मा ओकान सब फोव योहोवाक स्तुति करनेक करता पवित्र ठरसे।
LEV 19:25 तव पाचवा साल मा तुमु ओकान फोव खानु, एरकरता के उकासी तुमुक बैस फोव जोड्या; हाव तुमरा परमेश्वर योहोवा छेव।
LEV 19:26 “तुमु लुहुय लागाड़लो ओसलो मांस नी खानु। आरू नी जादु टोनु करनु, आरू नी शुभ या अशुभ मुहूर्तोक माननु।
LEV 19:27 आपना मानुका मा घेरा मेकिन नी काडनु, आरू नी आपना गालक झोठाक काडनु।
LEV 19:28 मरला धोड़न कारण आपना डिलक बिलकुल नी चीरनु, आरू नी उकमा छाप लागाड़नु; हाव योहोवा छेव।
LEV 19:29 “आपनी पोरायक वेश्या बनावीन विटुळ नी करनु, ओसो नी होय कि देश वेश्यागमनक कारण महापाप सी भर जासे।
LEV 19:30 मारा आरामक दाहड़ाक मान्या करनु, आरू मारा पवित्रस्थानक डर हमेशा माननु; हाव योहोवा छेव।
LEV 19:31 “ओझाओं आरू भुतड़ा साधनेवाळाक तरफ नी फिरनु, आरू ओसोज खोज करीन उनाक अशुद्ध नी होय जानु; हाव तुमरू परमेश्वर योहोवा छेव।
LEV 19:32 “डाहला लोगहन क सामने उभरय जानु, आरू डाहयलाक आदरमान करनु, आरू परमेश्वरक डर हमेशा माननु; हाव योहोवा छेव।
LEV 19:33 “कदाम एकदु परदेशी तुमरा देश मा तुमरे साथे रये, ते ओकाह दु:ख नी देनु।
LEV 19:34 जा परदेशी तुमरे साथे रये चा तुमरे करता आपना देशन समान रवसे, आरू ओकासी आपने समान मोंग राखता; काहकी तुमु भी मिस्र देश मा परदेशी हता; हाव तुमरू परमेश्वर योहोवा छेव।
LEV 19:35 “तुमु न्याय मा, आरू परिणाम मा, आरू तौल मा, आरू नाप मा कुटिलता नी करनु।
LEV 19:36 सच्ची ताकड़ी, धर्मक बटखरे, सच्चु एपा, आरू धर्माक हीन तुमरे जु रये; हाव तुमरू चु परमेश्वर योहोवा छेव जो तुमुक मिस्र देश सी निकाळ ली आया।
LEV 19:37 एरकरता तुमु मारी सब विधिया आरू सब नियमक मानता जाईन हमेशा पालन करू; हाव योहोवा छेव।”
LEV 20:1 पछु योहोवा मूसा सी कयो,
LEV 20:2 इस्राएलिया सी कया कि इस्राएलियाक विच मा रयनेवाळा परदेशिया मा सी, एकदो काह नी होसे जी आपनी एकदी सन्तान मोलेक बलिदान करे, चो नक्कि माराय जासे; आरू जनता उका पर पथराव करे।
LEV 20:3 हाव भी उका मानसक विरूद्ध होईन ओकाक उका लोगहन मा सी ओका कारण खतम करसु कि ओको आपनी सन्तान मोलेकक आपीन मार पवित्रस्थानक अशुद्ध कर्‍या, आरू मार पवित्र नावक विटुळ ठरायो।
LEV 20:4 आरू कदाम एकदो आपनी सन्तान मोलेक बलिदान करे, आरू जनता ओकान विषय मा आनाकानी करे आरू ओकाह मार नी न्हाख्ये,
LEV 20:5 तव ते हाव खुद ओका मानसक आरू ओकान घरानाक विरूद्ध होईन ओकान आरू जोतरा ओकान पछव होईन मोलेक साथ व्यभिचार करे उना सभाक भी उनाक लोगहनक वीच मा सी खतम करसु।
LEV 20:6 पछा जु प्राणी ओझाओ या भूतसाधनेवाळाक तरफ फिरीन, आरू उनाक पछव होईन व्यभिचारी बन्या, ते हाव प्राणीक विरूद्ध होईन ओकाक ओकान लोगहनक विच मा सी खतम कर दिस।
LEV 20:7 एरकरता तुमु आपने आपसु पवित्र करू; आरू पवित्र बवना रयु; काहकी हाव तुमरू परमेश्वर योहोवा छे।
LEV 20:8 आरू तुमु मार विधियाक मानजु, आरू ओकान पालन भी करनु; काहकी हाव तुमरो पवित्र करनेवाळो योहोवा छे।
LEV 20:9 एकदो काह नी होसे जु आपना बासक या आयाक शाप आपे तिनाक नक्कि मार न्हाखे जासे; ओको आपना बासक या आयाक शाप देदा छे, ओका कारण ओकान खून ओका मुनका पर पड़से।
LEV 20:10 पछा कदाम एकदो पराई बायरक साथे व्यभिचार करे, ते जोतरी एकदी दिसरी बायरक साथे व्यभिचार करे होसे ते चो व्यभिवारी आरू ची व्यभिचारणी दुयु नक्कि मार न्हाखे जासे।
LEV 20:11 कदाम एकदो आपनी सौतली आईस पुठी सुवे, चो आपना बासक डिल उघाड़नेवाळो ठरसे; एरकरता चा दुयु नक्कि मार न्हाखे जासे, ओकान लूहुय हेका मुनका पर पड़से।
LEV 20:12 कदाम एकदो आपनी पतोहूक साथे सुवे, ते चा दुयु नक्कि मार न्हाखे जासे; काहकी चा उलटो काम करनेवाळा ठरसे, आरू ओकान लूहुय हेका मुनका पर पड़से।
LEV 20:13 कदाम एकदो जेकी रीति बायर सी उनी रीति मानुस सी प्रसंग करे, ते चा दुयु घिनौनो काम करनेवाळा हुयसे; ओका कारण चा नक्कि मार न्हाखे जासे, ओकान लूहुय हेका मुनका पर पड़से।
LEV 20:14 कदाम एकदो आपनी लाड़ीक आरू आपनी सासुक दुयुक राखे, ते यो महापाप छे; एरकरता चो मानुस आरू ची बायर तीनुन तीनुक आग्ठा मा धोपाड़े जासे, जेकी तुमरे वीचमा महापाप नी होसे।
LEV 20:15 पछा कदाम एकदो मानुस पशुगामी होसे, ते मानुस आरू पशु दुयु नक्कि मार न्हाखे जासे।
LEV 20:16 कदाम एकदी बायर पशुक जु जाईन ओकान संग कुकर्म करे, ते तू ओकी बायर आरू पशु दुयोक घात करनु; चा नक्कि मार न्हाखे, ओकान लूहुय हेका मुनका पर पड़से।
LEV 20:17 कदाम एकदो आपनी सौतली बोहनीसक, चाहे ओकान सगी बोहनी होसे चाहे सौतली, ओकीम बिना छिंदराक डिल देखे, ते यो निन्दित वात छे, चा दुयु आपना जातीन भाईसक डुवान सामने खतम करे जासे; काहकी जु आपनी बोहनीस डिल उघाड़नेवाळा ठरसे ओकाह आपना अधर्मन भार खुद उठावनु पड़से।
LEV 20:18 पछा कदाम एकदो मानुस काहना ऋतुमती बायरक संग सुवीन ओकान तन उघाड़े, ते चो मानुस ओकान रूधिरक सोतेक उघाड़नेवाळा ठरसे, आरू ची बायर रूधिरक सोतेक उघाड़नेवाळा ठरसे; ओका कारण चा दुयु आपना लोगहनक वीच मा सी खतम कर्‍या जासे।
LEV 20:19 आपनी जीजी या फुईक डिल नी उघाड़नु, काहकी जु ओका उघाड़े चु आपने साथे कुटुम्बिनीक नगो करता छे; एरकरता उना दुयुक आपना अधर्मन भार उठावनु पड़से।
LEV 20:20 कदाम एकदो आपनी काकीन साथे सुवे, ते चो आपना काकान डिल उघाड़नेवाळो ठरसे; एरकरता चा दुयु आपना पापक भार क उठावीन निर्वश मर जासे।
LEV 20:21 कदाम एकदो आपनी वोवड़ीस या भयाहू क आपनी लाड़ी बनावे, ते ओका घिनौनो काम जाननु; आरू आपना भाईसक डिल उघाड़नेवाळा ठरसे, ओका करण चा दुयु निर्वश रवसे।
LEV 20:22 तुमु मारी सब विधिया आरू मारा सब नियमोक समझक साथे माननु; जेका सी यो नी होसे कि जेका देश मा हाव तुमुक लीन जाय रयु छे चु तुमुक उगल देसे।
LEV 20:23 आरू जेकी जातीन लोगहनक हाव तुमरे ओगव सी निकाळता छे उकान रीति रस्म पर नी चालनु; काहकी उना लोगहन नी जो यो सब कुकर्म करे छे ओका कारण मखे उना सी घृणा होय गई छे।
LEV 20:24 पुन हाव तुमु लोगहन सी कयतु छे कि तुमु ते ओकान धरतीन आधिकारी होसे, आरू हाव ओका देश क जेका मा दूध आरू मोवन धारा वोहयता छे तुमरा हक मा कर दिस; हाव तुमरो परमेश्वर योहोवा छे जु तुमुक दिसरा देशक लोगहन सी अलग कर्‍यो छे।
LEV 20:25 ओका कारण तुमु शुद्ध आरू अशुद्ध पशु मा, आरू शुद्ध आरू अशुद्ध चिल्ला मा भेद करनु; आरू एकदो पशु या चिल्लो या काहनो प्रकारन धरती पर रेंगनेवाळा जीवजन्तु काह नी होसे, जेका हाव तुमरे करता अशुद्ध ठरावीन वर्जित कर्‍या छे, ओका सी आपने आप क अशुद्ध नी करनु।
LEV 20:26 तुमु मार करता पवित्र बवना रयु; काहकी हाव योहोवा खुद पवित्र छे, आरू हाव तुमु क आरू देशक लोगहन सी एरकरता अलग कर्‍या छे कि तुमु निरन्तर माराज बवना रवु।
LEV 20:27 कदाम एकदो मानुस या बायर ओझाई अथवा भूतज साधना करे, ते चो नक्कि मार न्हाखे जासे; ओसा पर पथराव कर्‍या जासे, ओकान लूहुय हेकाक मुनका पर पड़से।
LEV 21:1 पछु योहोवा मूसा सी कयो, “हारूनक पोर्‍यो जु याजक छे ओका सी कया कि तुमरे लोगहन मा सी कोय भी मरे, ते ओकान कारण तुमु मा सी कुई आपसाक अशुद्ध नी करे;
LEV 21:2 आपने निकट कुटुम्बिया, मतलब आपनी आया, या बासक, या पोर्‍या, या पोराय, या भाईसक करता,
LEV 21:3 या आपनी कुवारी बोहनीस जेका हियाव नी होयो छे, जेका निकटन सम्बन्ध छे; उनाक करता चो आपनाक अशुद्ध कर सकता छे।
LEV 21:4 पुन याजक होयने नाता चो आपना लोगहन मा प्रधान छे, एरकरता चो आपनुक ओसो अशुद्ध नी करे कि विटुळ होय जाए।
LEV 21:5 चा नी ते आपना मुनकान झोठा काढ़ाया, आरू नी आपना गालक झोठाक काढ़ाया, आरू नी आपना शरीर चीरे।
LEV 21:6 चा आपना परमेश्वरन करता पवित्र बवना रवु, आरू आपना परमेश्वरक नाव विटुळ नी करे; काहकी चा योहोवाक हव्य क जो ओकान परमेश्वरन खानो छे, चढ़ावो करता छे; कारण चा पवित्र बवना रवे।
LEV 21:7 चा वेश्या या भ्रष्टा सी हियाव नी करे, आरू नी त्यागी होई सी हियाव करे; काहकी याजक आपना परमेश्वरन करता पवित्र होयता छे।
LEV 21:8 एरकरता तु याजक पवित्र जाननु, काहकी चो तुमरा परमेश्वरम खानो चढ़ायो करता छे; एरकरता चो तारी नजर मा पवित्र ठरे; काहकी हाव योहोवा, जो तुमुक पवित्र करता छे, पवित्र छे।
LEV 21:9 आरू कदाम याजकन पोराय वेश्या बनावीन आपने आपसुक विटुळ करे, ते चो आपना बासक विटुळ ठरावती छे; ची आग्ठा मा धोपाड्यो जासे।
LEV 21:10 “जु आपना भाईसक मा महायाजक होसे जेका मुनका पर अभिषेक तेल न्हाख्या गया होसे, आरू जेका पवित्र छिंदराक पेहरनेन करता संस्कार होयो होसे चो आपना मुनकाक झोठा वेरायने नी देनु, आरू नी आपना छिंदरा फाड़े;
LEV 21:11 आरू नी चो काहना लोथ क जु जाए, आरू नी आपना बास या आयाक कारण आपनुक अशुद्ध करे;
LEV 21:12 आरू चो पवित्रस्थानक पवित्रस्थान सी बाहरता भी नी निकळे, आरू नी आपना परमेश्वरक पवित्रस्थानक विटुळ ठरायो; काहकी चो आपना परमेश्वरक अभिषेक तेलरूपी मुकुट धारण कर्‍या होया छे; हाव योहोवा छे।
LEV 21:13 आरू ची कुवारी बायर सी हियाव करे।
LEV 21:14 जी विधवा, या त्यागी होई, या भ्रष्ट, या वेश्या होसे, ओसी काहना सी ची हियाव नी करे, चा आपनाज लोगहन वीच माहयला काहनी कुवारी पोराय सी हियाव करे।
LEV 21:15 आरू ची आपनी संतानक आपना लोगहन मा विटुळ नी करे; काहकी हाव ओकान पवित्र करनेवाळा योहोवा छे।”
LEV 21:16 पछु योहोवा मूसा सी कयो,
LEV 21:17 “हारून सी कय कि तार साथे वंश पीढ़ी पीढ़ी मा जेका काहनाक कुई भी दोष होसे चो आपना परमेश्वरम खानो चढ़ावनेक करता सामने नी आया।
LEV 21:18 एकदो काह नी होसे जेका मा दोष होसे वो सामने नी आया, चाहे चो आंधवो होसे, चाहे लेंगड़ा, चाहे नकटपटा होसे, चाहे ओकान काहय सवटो अंग होसे,
LEV 21:19 या ओकान पाय, या हाथ टूटे होसे,
LEV 21:20 या चो कुबड़ा, या बौना होसे, या ओकान डुवा मा दोष होसे, या उका मानसक चाई या खुजली होसे, या ओकान आंडा पिचका होसे;
LEV 21:21 हारून याजकन वंश मा सी जेका काहना मा एकदो भी दोष होसे चो योहोवाक हव्य चढ़ावने करता सामने नी आया; चो जो दोषयुक्त छे कभी भी आपना परमेश्वरन खानो चढ़ावनेक करता सामने नी आया।
LEV 21:22 चो आपना परमेश्वरन पवित्र आरू घण चुखो दुयु प्रकारन भोजनक खाये,
LEV 21:23 पुन ओकान दोषन कारण चो नी ते वीचमाहयला पड़दान माहयता आया आरू नी वेदीक सामने, जेका सी ओसा नी होसे कि चो मारो पवित्रस्थानक विटुळ करे; काहकी हाव ओकान पवित्र करनेवाळा योहोवा छे।”
LEV 21:24 एरकरता मूसु हारून आरू ओकान पोर्‍याक तथा सब इस्राएलियाक या वातु कय सुनाई।
LEV 22:1 पछु योहोवा मूसा सी कया,
LEV 22:2 हारून आरू ओकान पोर्‍या सी कया कि इस्राएलियाक पवित्रन होई चीज सी जेका चो मार करता पवित्र करता छे अलग रया, आरू मारा पवित्र नावन विटुळ नी करे; हाव योहोवा छे।
LEV 22:3 आरू उना सी कय कि तुमरी पीढ़ी पीढ़ी मा तुमरे सब वंश मा सी जो कुई आपनी अशुद्धता कि दशा मा उना पवित्र होई चीजक जु जाए, जेका इस्राएली योहोवाक पवित्र करता छे, चो प्राणी मार सामने सी नाश कर्‍या जासे; हाव योहोवा छे।
LEV 22:4 हारूनक वंश मा सी कुई काह नी होसे जो कोढ़ी होसे, या ओकान सफेदपाणी होसे, चो मानुस जव तक शुद्ध नी होसे जाए तव तक पवित्र होई चीज मा सी काहय नी खाए। जो लोथक कारण अशुद्ध होसे, या जेका वीर्य स्खलित होयो होसे, ओसो मानुसक जो कुई हाथ लागाड़े,
LEV 22:5 आरू जो कुई काहनी ओसो रेंगनेहारे जन्तुक हाथ लागाड़े जेका सी लोगहन अशुद्ध होय सकता छे, या काहना ओसा मनुस क हाथ लागाड़े जेका मा काहना प्रकारन अशुद्धता होसे जो ओकाह भी लाग सकती छे
LEV 22:6 ते चो प्राणी जो इनामा सी काहनाक हाथ लागाड़े सांजु तक अशुद्ध ठरल रवे, आरू जव तक जल सी स्नान नी करले तव तक पवित्र चीज मा सी काहय नी खाए।
LEV 22:7 तव दाहड़ो बुडनेक होयने पर चो शुद्ध ठरसे; आरू तव चो पवित्र चीज मा सी खाय सक छे, काहकी ओकान खानो चो छे।
LEV 22:8 जो जनावर आपने आपसु सी मरलो होसे या हिंसक पशु सी फावड़ो गयो होसे उका खाईन चो आपने आपसुक अशुद्ध नी करे; हाव योहोवा छे।
LEV 22:9 एरकरता याजक लोगहन म्हारा आपला नियमनमन पालन करे, ओसो नी होय कि चा उनाक विटुळ करीन पापन भार उठायो, आरू ओका कारण मर भी जाए; हाव ओकान पवित्र करनेवाळु योहोवा छे।
LEV 22:10 “पराया कुलक जन काहना पवित्र चीजक नी खानु जुवे, चाहे चु याजक क पाहनत्रो होसे या मजदुर होसे, तौभी चा कुई पवित्र चीज नी खाए।
LEV 22:11 कदाम याजक काहना प्राणी ओकामा सी खाय सकता छे; आरू जु याजकक घर मा पयदा होये होसे चा भी ओकान खाना मा सी खाए।
LEV 22:12 कदाम याजकक पोराय पराया कुलक काहना मानसो सी हियाव वाळी होसे, ते ची भेंटक होई पवित्र चीज मा सी नी खाए।
LEV 22:13 कदाम याजकक पोराय विधवा या त्यागी होई होसे, आरू ओकान सन्तान नी होसे, आरू ची आपनी बाल्यावस्थाक रीतीक अनसारे आपना बासक घर मा रयती होसे, ते ची आपना बासन खाना मा सी खाए; पुन पराया कुलक एकदो ओकामा सी नी खाय नी सके।
LEV 22:14 आरू कदाम एकदो मानुस काहना पवित्र चीज मा सी कहाय विसरीन काय जासे, ते चो ओकान पाचवो भाग बढ़ावीन उका याजक क भर दे।
LEV 22:15 चा इस्राएलियाक पवित्र करली होई चीजक, जेका चा योहोवाक करता चढ़ाया, विटुळ नी करे।
LEV 22:16 चा ओका आपनी पवित्र चीज मा सी खावाढ़ीन ओका सी अपराधक दोष नी उठाड्या; हाव ओकान पवित्र करनेवाळु योहोवा छे।”
LEV 22:17 पछु योहोवा मूसा सी कयो,
LEV 22:18 “हारून आरू ओकान पोर्‍या सी आरू इस्राएलिया सी समझाळीन कया कि इस्राएलक घराना या इस्राएल मा रयनेवाळा परदशिया मा सी एकदो काह नी होए जु मन्नत या स्वेच्छाबलि करनेक करता योहोवाक कुई होमबलि चढ़ाया,
LEV 22:19 ते आपना निमित्त ग्रहणयोग्य ठरनेक करता बुयल या गाडरा या बुकड़ा मा सी निर्दोष नर चढ़ायो जासे।
LEV 22:20 जेका मा कुई भी दोष होय हेको नी चढ़ावनो; काहकी त्यो तुमरे जुगू मानने सारको नी रयसे।
LEV 22:21 आरू जु कुई बुयल या गाडरा-बुकड़ा मा सी स्वेच्छाबलिन करता योहोवाक मेलबलि चढ़ाया, ते ग्रहण होयनेन करता पाको छे कि चो निर्दोष होय, ओकामा कुई भी दोष नी होय।
LEV 22:22 जु आंधवो या डिलन टुटलो या लुल्लो होसे, अथवा ओकमा रसौली या खवड़ा या खुजली होसे, ओसाक योहोवाक करता नी चढ़ावनु, ओकाक वेदी पर योहोवान करता हव्य नी चढ़ावनु।
LEV 22:23 जेका काहनो बुयल या गाडराक कुई डिल जास्ती या कम मोटलो होसे ओकाह स्वेच्छाबलिन करता चढ़ाव सकता छे, पुन मन्नत पूरी करनेन करता चो ग्रहण नी होयसे।
LEV 22:24 जेका आंडा दाबायला या कुचनाया या टूटला या काटला गया होसे ओका योहोवाक करता नी चढ़ावनु, आरू आपना देश मा भी ओसो काम नी करनु।
LEV 22:25 इकामा सी काहनाक तुमु आपनो परमेश्वरन खानो जानीन एकदा परदेशी सी लीन नी चढ़ावु; काहकी ओकामा ओकान दोष छे, ओकामा दोष छे, एरकरता चो तुमरे निमित्त ग्रहण नी होसे।”
LEV 22:26 पछु योहोवा मूसा सी कयो,
LEV 22:27 “जव केवढ़ाक या गाडराक या बुकड़ान बच्चा सी पयदा होय, ते चो सात दाहड़े तक आपनी आयाक साथे रये; पछा आठवे दाहड़े सी ओगव चो योहोवाक हव्यन करता ग्रहणयोग्य ठरसे।
LEV 22:28 चाहे केवढ़ी, चाहे गाडरा या बुकड़ा होये, ओकाक आरू बच्चाक एकुज दाहड़ा मा बलि नी करनु।
LEV 22:29 आरू जव तुमु योहोवान करता धन्यवादन मेलबलि चढ़ावु, ते उनी रीति सी करनु जेका सी चो ग्रहणयोग्य ठरसे।
LEV 22:30 चा ओके दाहड़े खाये जासे, ओकामा सी काहय भी सोंदारे तक रयनु नी जुवे; हाव योहोवा छे।
LEV 22:31 “एरकरता तुमु मारी हुकुमोन माननु आरू ओकान पालन करनु; हाव योहोवा छे।
LEV 22:32 आरू मारा पवित्र नाव विटुळ नी ठरनु, काहकी हाव इस्राएलियाक वीच मा पाको पवित्र माने जासे; काहकी हाव तुमरो पवित्र करनेवाळु योहोवा छे,
LEV 22:33 जा तुमुक मिस्र देश सी निकाळ लाया, जेका सी तुमरो परमेश्वर बवनु रवे; हाव योहोवा छे।”
LEV 23:1 पछा यहोवु मूसा सी कयो,
LEV 23:2 “इस्राएलिया सी कया कि योहोवान तिवार जेकान तुमुक पवित्र सभा एकठी करनेक करता नेमला टेमो पर प्रचार करनु पड़से, मारा या तिवार या छे।
LEV 23:3 छव: दाहड़ा काम-काज कर्‍या जासे, पुन सातवे दाहड़े परमआरामम तरफ पवित्र सभान दाहड़ु छे; ओकामा काहना प्रकारन काम-काज नी कर्‍या जासे; चा तुमरा सब घर मा योहोवाक आरामन दाहड़ा ठरसे।
LEV 23:4 “पछा योहोवान तिवार जेकामा सी एकेकान ठराया होए टेमो मा तुमुक पवित्र टुळु करनेन करता प्रचार करनो पड़से चा या छे।
LEV 23:5 पेहले महिनान चौदवे दाहड़े शान्‍तीन टेमे योहोवान फसह होया करे।
LEV 23:6 आरू उके महिनान पंद्रावे दाहड़े योहोवान करता अखमीरी रोटान तिवार होया करे; ओकामा तुमु सात दाहड़े तक अखमीरी रोटा खाया करनु।
LEV 23:7 ओकामा पेहलो दाहड़ो तुमरी पवित्र सभा होसे; आरू उके दाहड़े मेहनतन कुई काम नी करनु।
LEV 23:8 पुन सातु दाहड़े तुमु योहोवान हव्य चढ़ाया करनु; आरू सातवे दाहड़े पवित्र सभा होसे; उके दाहड़े मेहनतन कुई काम नी करनु।”
LEV 23:9 पछा योहोवा मूसा सी कयो,
LEV 23:10 “इस्राएलिया सी कया कि जव तुमु उका देश मा प्रवेश करहत जेका योहोवा तुमुक आपतु छे आरू ओकामा खेत काटु, तव आपना आपना पाकला खेतन पेहली कमाईन पूला याजकन जु ली आया करनु;
LEV 23:11 आरू चु उका पूलाक योहोवान सामने हालाड्या, कि चो तुमरे निमित्त ग्रहण कर्‍या जासे; चो उका आरामन दाहड़े दिसरे दाहड़े हालाड्या।
LEV 23:12 आरू जेके दाहड़े तुमु पूला हालाड़े उके दाहड़े एक सालन निर्दोष गाडरान बच्चा योहोवान करता होमबलि चढ़ाना।
LEV 23:13 आरू ओकान साथेन अन्नबलि एपान दुय दसवो अंश तेल सी झारीन मैदान होसे, चो सुखदायक सुगन्धान करता योहोवान हव्य होसे; आरू ओकान साथेन दूय लीटर भरीन पीने वाळो दाखरस चढ़ावाए ।
LEV 23:14 आरू जव तक तुमु ओका चढ़ावाक आपना परमेश्वरक जु नी ली जावु, उके दाहड़े तक नोवला खेत मा सी नी ते रोटो खानु आरू नी भूजलो अन आरू नी हरी बाले; यी तुमरी पीढ़ी पीढ़ी मा तुमरा सब घराना मा हमेशान विधि ठरसे।
LEV 23:15 “पछा उका आरामन दाहड़ान दिसरे दाहड़ा सी, मतलब जेके दाहड़े तुमु हिलाड्या जानेवाळी भेंटन पूलेक लावसु, उका दाहड़ा सी पूरा सात आरामन दाहड़े गिन लेनु;
LEV 23:16 सातवा आरामन दाहड़ान दिसरे दाहड़े तक पचास दाहड़ा गिन्नु, आरू पचावे दाहड़े योहोवान करता नोवला अन्नबलि चढ़ावनु।
LEV 23:17 तुमु आपना घरो मा सी एपा क दुय दसवु अंश मैदान दुय रोटा हालावनेक भेंटन करता ली आवनु; चा खमीरन साथे रांदायनु जुवे, आरू योहोवान करता पेहली कमाय ठरसे।
LEV 23:18 आरू उका रोटान संग एक एक सालन सात निर्दोष गाडरान बच्चा, आरू एक बछड़ो, आरू मेंढा चढ़ावनु; चा आपना आपना साथे वाळा अन्नबलि आरू अर्घ समेत योहोवान करता होमबलिन समान चढ़ावनु जासे, मतलब चा योहोवान करता सुखदायक सुगन्ध आपनेवाळा हव्य ठरसे।
LEV 23:19 पछा पापबलिन करता एक बुकड़ो, आरू मेलबलिन करता एक एक सालन दुय गाडरान बच्चा चढ़ावनु।
LEV 23:20 तव याजक उकाह पेहली कमाईन रोटा समेत योहोवान सामने हालावनेक भेंटन करता हालाड्या, आरू इना रोटान संग चा दुय गाडराक बच्चा भी हालाड्या जासे; चा योहोवान करता पवित्र, आरू याजकन भाग ठरसे।
LEV 23:21 आरू तुमु उके दाहड़े यो प्रचार करनु कि आज हामरी एक पवित्र सभा होसे; आरू मेहनतन कुई काम नी करनु; यो तुमरा सब घराना मा तुमरी पीढ़ी पीढ़ी मा हमेशान विधि ठरसे।
LEV 23:22 “जव तुमु आपना देश मा खेत काटु, तव आपना खेत न कानोक पुरी रीती सी नी काटनु, आरू खेत मा पड़ला होया झोठाक नी एकठा करनु; उका दीनहीन आरू परदेशीन करता छुड़ देनु; हाव तुमरो परमेश्वर योहोवा छे।”
LEV 23:23 भोगवान मुसा काजे कोयु,
LEV 23:24 तु इसरायली काजे यो कोव: सातवे मोहनान पेहले दाहड़े बेस चुखलु दाहड़ु वावजु। एनाक फोम कोरावने जुगु मोटला फेपारीया वाजाड़जु, आरू एक चुखली मिटिंग एकठी होयनो जुवे।
LEV 23:25 तुमु काहने वी भातीन मेहनोतोन काम झुन कोरता। तुमु योहोवा जुगु आगठान बादा चोड़ावजु।
LEV 23:26 पोरबु मुसा काजे कोयु,
LEV 23:27 इना सातवा मोहनान दोसवे दाहड़े पोसतावान दाहड़ु छे। हुयो तुमरे जुगु चुखला तिहवारोन टेम होयसे। तेने दाहड़े तुमु आपसाक उपास राखिन दुख आपजु आरू पोरबुक आगठान बादा चोड़ावजु।
LEV 23:28 तुमु इने दाहड़े काहने वी भातिन काम झुनी कोरता; काहकि यु योहोवा परमेश्वर ओगोव तुमरा पोसतावु कोरने जुगु पोसतावान दाहड़ु छे।
LEV 23:29 जु मानुस इना दाहड़े आपसाक उपार राखिन दुख नी देय, चु आपसा मानसो मा नास कोर देयो जासे।
LEV 23:30 जे मानुस इने दाहड़े काहने वी भातिन काम कोरसे, तेना मानुस काजे हांव मानसोन इचमा गोथु मिटाय नाखीस।
LEV 23:31 तुमु काहने वी भातिन कामु झुनी कोरता। यी तुमरा आखा रोवनेन जागा मा पीढ़ी गोथा पीढ़ी लोगुन जोलोम नेम कोवायसे।
LEV 23:32 चु दाहड़ु तुमरे जुगु बेस चुखलु दाहड़ु होयसे। तेने दाहड़े तुमु आपसाक उपार राखिन दुख देजु। तुमु तेने मोहनेन नोवनवे दाहड़े सान्ता गोथा दिसरे दाहड़ेन सान्तु लोगुन आरामोन दाहड़ु मानता रोवजु।
LEV 23:33 योहोवा मुसा काजे कोयु,
LEV 23:34 तु इसराएली मानसो काजे कोव: इना मोहनान पोन्दरोवे दाहड़े गोथा सात दाहड़ा लोगुन पोरबु जुगु झोपाट्यान तिहवार वावजु।
LEV 23:35 पेहले दाहड़े चुखली मिटिंग रोवे। उना दाहड़े तुमु काहने वी भातिन मेहनोतोन काम झुन कोरता।
LEV 23:36 तुमु सात दाहड़ा लोगुन पोरबु काजे आगठान बादा चोड़ावजु। आठवे दाहड़े चुखली मिटिंग राखजु, आरू पोरबु काजे आगठान बादा चोड़ावजु। यी खास मिटिंग छे। एने तेने दाहड़े तुमु काहने वी भातिन काठलो काम झुन कोरता।
LEV 23:37 यो पोरबुन टाकलु तिहवार छे, जेरेम चुखली मिटिंग राखनेन खोबोर कोरजु। यु तिहवार पोरबु काजे आगठा मा बादा चोड़ावने, आगठान बादा, ओनोन बादा, ढुरोन बादा आरू पेय बादा हेरा टाकला दाहड़ा पोर चोड़ावने जुगु छे।
LEV 23:38 यो आखा गोथो जादा योहोवान आरामोन दाहड़ा काजे मानु, आरू आखी भेट, मानता आरू मोरजी से चोड़ावली बादाक छुड़ीन दिसरो छे, जो तुमु पोरबु काजे चोड़ाया कोरजु।
LEV 23:39 सातवे मोहनेन पोन्दरोवे दाहड़े, जोत्यार तुमु खेतोन मेर एकठी कोरसु तोत्यार पोरबु जुगु सात दाहड़ा लोगुन तिहवार वावजु। पेहले दाहड़े बेसकु चुखलु दाहड़ु होयसे; आठवु दाहड़ु वी बेस चुखलु दाहड़ु होयसे।
LEV 23:40 पेहले दाहड़े तुमु वारू सी वारू झाड़ोन फोव, खजूरन झाड़ोन डाळ्या, पान्टा वावा झाड़ोन डाळ्या आरू खुदरा मायीन दोंळान डाळ्या लिन आपना पोरबु परमेश्वर ओगोव सात दाहड़ा लोगु खुस रोवजु।
LEV 23:41 तुमु विरसि सात दाहड़ा लोगुन पोरबु जुगु तेनी जातरान तिहवार वावजु। यी तुमरी पीढ़ी गोथी पीढ़ी लोगुन जोलोम रिती कोवाये। तुमु तिहवार काजे सातवे मोहने वावजु।
LEV 23:42 तुमु सात दाहड़ा लोगुन छोपाट्या मा रोवजु, एसराएलोन आखा गांवल्या झोपाट्या मा रोवजु,
LEV 23:43 जेरेसी तुमरी पीढ़ी-पीढ़ी काजे फोम रोवे कि जोत्यार हांव इसराएली मानसो काजे मिसर मुलुक गोथु खोयड़े निकावळु तोत्यार हेनुक झोपट्या मा आसरू आपलु। हांव तुमरू परमेश्वर योहोवा छे। ओस कोरीन मुसा इसराएली मानसो काजे पोरबुन टाकला तिहवार देखाड़्यु।
LEV 23:44 आरू मुसा इसराएली मानसो काजे यहोवा भोगवानोन तिहवारोन टेम कोवीन सोमवाड़्यु
LEV 24:1 ओळी योहोवा मूसा सी कोयू,
LEV 24:2 इसराएली मानसो काजे यो हुकुम आप कि मारेन्चा विजावो कोरने कोरीन कुट सी निकोवलो जेतुन झाड़कान वारलो तेल लीन आवजू कि दिव एक पोट्यू धोपतू रोवे।
LEV 24:3 हारून तिनाक, मिलाप वावा तम्बू मा, पोरदान खोयड़े सान्तु गोथु सोन्दारे लोगुन पोरबु ओगोच एक सारकु सोजावीन राखसे। यी तुमरी पीढ़ी जुगु जोलोम रिती कोवाये।
LEV 24:4 हुयो चुखला सोनान भीतड़ा पोर योहोवा ओगोव दिवु एक पोट्यु सोजावीन राखसे।
LEV 24:5 “तुमु मेदा काजे कुसनीन तेरा बारे रूटा बोनावजु। एक एक रूटु दुय किलान बोननो जुवे।
LEV 24:6 तुमु रूटाक दुय चोव मा योहोवा ओगोव चुखला सोनाना पाटला पोर मेकजु। एक चोव मा छोव रूटा मेकजु।
LEV 24:7 तुमु आखी चोव मा चुखलो लोबान पुठी मेकजु जेरेसी चे रूटा भेळ फोम देवाड़े वावी चिज बोनिन योहोवा काजे आगठा मा चोहोड़ जाय तोसे।
LEV 24:8 हारून आखा आरामोन दाहड़े इसराएली मानसो ओगे गोथु वायदान रुपोमा योहोवा ओगोव एक सारका नोवला रूटा चोवेन चोव मेक्या कोरसे।
LEV 24:9 ये रूटा हारून आरू हेरा पुर्यान होयसे। चे तिनुक चुखला जागाम खासे; काहकि योहोवा काजे आगठा मा चोड़ावली बादा मा गोथो यो हेन्दरू बेस चुखलु वाटु छे। इना पोर हेन्दरो होक छे।”
LEV 24:10 एक वार काहनी इसराएली बायरोन पुर्यु तेरू बास मिसर देस मा रोवने वावु होतु, इसराएली मानसोन इचमा गोयु। चा पोड़ाव मा चु होतु एने एक इसराएली मानसे आपसात् लोड़ायने लाग्या।
LEV 24:11 इसराएली बायरोन पुर्यु योहोवा भोगवानोव नावोक भुन्डा बुले कोयु आरू वायकेड़ा उड़ायु। मानसे तिनाक मुसान चा लाया। तेरी आयस्युन नाव सलोमित होतो, जे दान घोरानान दिबरीन पुराय होती।
LEV 24:12 चे मानसे इसराएली बायोरोन पुर्याक तेने टेमे लोगुन कुंडवाड़ाम राख्या जोत्यार लोगुन योहोवा भोगवानोन बुल तिनाक वारू रीते पोतु नी होय जाय।
LEV 24:13 योहोवा मुसा काजे कोयु,
LEV 24:14 तुमु मनख्या तेना वायकेड़ा उड़ावने वावान पोड़ाव मा गोथा खोयड़े लीयावु; आरू जोतरा मानसे वायकेड़ा उड़ातेला सोमया होय चे आखा आपना आपना हात हेरा मुनका पोर मेकु, तोत्यार आखा मोन्डळीन मानसे तिनाक दोगड़ाटने लाग्या।
LEV 24:15 तु इसराएली मानसो काजे यो वी कोवजी: जु मानुस आपसा भोगवान काजे भुन्डा बुल बुलसे, चु आपसा पापोन भार आपसुत छेलसे।
LEV 24:16 भोगवानोन नावोन वायकेड़ा उड़ावसे तिनाक मोतोन डोन जोड़से। आखा मोन्डळीन मानसे तिनाक दोगड़ाटसे। जोत्यार कुदु मानुस चु गांवल्यु होत तेने पारकु होय, योहोवा भोगवानोन वायकेड़ा उड़ावसे तिनाक मोतोन डोन जोड़से।
LEV 24:17 जु मानुस कुदा मानसोक मार देये तिनाक मोतोन डोन जोड़से।
LEV 24:18 ढुरोक मारने वावु मानुस तेरी नुकसानी आपसु झेलसे तेना ढुरोन बोदलाम ढुर आपे।
LEV 24:19 कोदाम कुदु मानुस आपसा काहना गांवल्या भास्योन एने बोहोनस्यान चोट लागाड़े ती हेरे पुठी वी तोसोत् होयसे;
LEV 24:20 चोटोन बोदलाम चोट, डुवान बोदलाम डुवु, दातोन बोदलाम दात। जोसु चु दिसरा मनुसन नुकसानी कोरे, तोसोत् तेरे पुठी होयसे।
LEV 24:21 ढुरोक मारने वावा मनुसन नुकसानी चु झेलसे; पुन मानसोक मारने वावा मानसोक मोतोन डोन जोड़से।
LEV 24:22 पारका एने गांवल्या मानसो जुगु एकुत नियोवोन कायदु होयसे; काहकि हांव योहोवा, तुमु भोगवान छे।
LEV 24:23 मुसा इसराएली मानसो काजे यी वात कोयु। चे भोगवानोन वायकेड़ा उड़ान्याक खोयड़े ली गोया। चां चे तिनाक दोगड़ाटीन मार नाख्या। ओस कोरीन जोसु योहोवा भोगवान मुसा काजे हुकुम आपलु होतु तोसात् इसराएली कोर्या।
LEV 25:1 योहोवा भोगवान मुसा काजे सिनाय बोयड़ा पोर कोयु,
LEV 25:2 तु इसराएली मानसो काजे कोवजी; तु तेनु काजे ओसु कोवजी: जोत्यार तुमु तेना मुलुक मा जासु जो हांव तुमुक आप रोयु, तोत्यार तेना मुलुकोन जागु वी योहोवा भोगवान जुगु आराम कोरसे।
LEV 25:3 तुमु छव साल तक तुमरो खेत वेरीया करजो, आरू छवु साल आपसी आपसी खेतीन वाड़ी न छाटी छाटीन खेतन फसल एखटी करीया करजो।
LEV 25:4 पुन सातवा सालोम खेतीक वी बेसको आराम जोड़से: योहोवा भोगवानोन आरामोन साल। तुमु तेने साल नी ते आपसा खेतेम वेरू आरू नी आपसा ओंगुरोन वाड़ी मा काटनो कोरजु।
LEV 25:5 जो काहिन तुमरा काटला खेतोन आपसुत् उगे तिनाक झुन काटता, आरू नी चुटला ओंगुरोन वेलाम गोथा तुड़जु; काहकि इना जागा जुगु बेसकु आरामोन साल होयसे।
LEV 25:6 पुन खेती आपना आरामोन सालो मा तुमरी, तुमरा चाखरीया, दाहाड़क्या आरू तुमरा विच मा रोहवने वावा पारका मानसो जुगु खानो जोड़्या कोरसे।
LEV 25:7 आरू तुमरा मुलकोन जतरा बी जनवार हय हेनको वाटे खाणो बी धरतीन आखी मेर मा रयीन रोयसे।
LEV 25:8 तुमु सात आरामोन साल मोतलोब सात गुना सात वोरीस गिनजु, सात आरामोन सालोन यो टेम चावीस ने नोव सालोन रोवसे।
LEV 25:9 तोत्यार तुमु सातवा मोहनान दोसवे दाहड़े आखा जागा पोर मटलाबुलन भिरा फुकजु। पोसतावान दाहड़े तुमत आपसा मुलुकोन आखा जागा पोर मोटला फेपारीया फुकजु।
LEV 25:10 आरू तुमु पोचास साल काजे चुखलु मानजु, आरू मुलुकोन आखा रोवन्या काजे छुटकारान पोरचार कोरजु, यो जुबली वाळो साल कोवायसे। इने साल आखा मानसे आपसा बासोन धोन पोछा हात कोरसे। आखा मानसे आपसा घोरलीयान जा पोछा जात रोवसे।
LEV 25:11 तुमरे जुगु पोचासवु साल जुबली वावु साल होयसे। तुमु तेन साल बेरता झनी, आरू जो काहीन आपसुत उगसे, तिनाक झुन कटता, आरू जे ओंगुर नी चुटाया तेनु ओंगुरोन वेलाक झुन तुड़ता;
LEV 25:12 काहाकि चु जुबली वावु साल होयसे। चु तुमरे जुगु चुखलु साल कोवायसे। जो खेतोम उगसे, तुमु चोत् खाजु।
LEV 25:13 इना जुबली वावा साल मा आखा मानसे आपसा बासोन धोन काजे पोछा हात कोरसे।
LEV 25:14 कोदाम तुमु आपना काहना मुलकोन भाइस क काहिन वेचसु एने तेरा हातोम रोइन काहिन लेसु, ती एक दिसरा पोर आंधारो झुन कोरता।
LEV 25:15 पेहेला जुबली वावा सालोन ओवतेन जोतरा साल वीते तेर ओनसारे गिनिन तुमु आपसा मुलुक वावा भास्यो एने बोहोनस्या जुळ मुले लेजु; मेरोन वाचाला सालोन गिनतीन ओनसारे चे तुमुक वेचसे।
LEV 25:16 कोदाम जादा साल वाचे, ती तुमु भाव बोड़ावजु; पुन कोदाम कोम साल वाचला होय, ती भाव कोम कोरजु; काहाकि जो हुये वेचे, चो मेरोन गिनतिन ओनसारे वेचे।
LEV 25:17 तुमु एक दिसरा पोर कुहराय झुन कोरता पुन आपसा भोगवानोन बिक मानजु; काहकि हांव तुमरू योहोवा भोगवान छे।
LEV 25:18 तुमु मारी रिती काजे मानजु, आरू मारा नेम कायदा पोर सोमजी जानीन चालजु; काहकि ओसो कोरने सी तुमु तिना मुलुक मा विगुर बिहये वोसला रोवसु।
LEV 25:19 धोरती तुमुक मेर पाकाड़ीन आपसे, आरू तुमु पेट भोरीन खाया कोरसु, आरू तिना मुलुक मा बेफिकरिया वोस रोवसु।
LEV 25:20 आरू कोदाम तुमु कोवु कि सातवा सालोम हामु काय खासु, नी ते हामु वेरजे नी आपना खेतोन मेर काजे एकठी कोरसु?
LEV 25:21 ती जान लेवु की हांव तुमुक छोटवा सालोम ओसी बोरकोत आपीस, कि धोरतीन मेर तीन वोरीस लोगुन काम आवसे।
LEV 25:22 तुमु आठवा सालोन मेर जोत्यार लोगुन नी पाके ती लोगुन तुमु जुनली मेरोम गोथा खाता रोवसु।
LEV 25:23 जागा काजे जोलोम जुगु नी वेचाये, काहकि जागा मारी छे; आरू हेरेम तुमु पारका आरू बाहारला कोवायसु।
LEV 25:24 बाखुन तुमु आपसा वाटान आखा मुलुकोन जागाक छुड़वने देजु।
LEV 25:25 कोदाम तुमरू कुदु भाय बोन्यु गोरब्यु होयीन आपसी जागामा गोथु थुड़ोक वेच देये, ती तेरा घोराना मा गोथु जो आखा गोथो धोड़े होय चु आवीन आपसा भायबोन्यान वेचलु वाटु छुड़वी लेय।
LEV 25:26 कोदाम कुदु मानुसो जुगु कुदु छुड़ावनेवावो नी होय, आरू तेर जु ओतरो धोन होय कि आपसुत् आपसा वाटाक छुड़वी ली सोके,
LEV 25:27 ती चु एइना सालोन ओनसारे गिन लेय, जिने साल होयु तिनाक वेचलु, तेर हिसाबे तिनाक दाम आपसे। तोत्यार तेरो धोन पोछो तेरोत् होय जासे।
LEV 25:28 कोदाम तेरे जुव आपसो वाटु पोछु छुड़ेवने जुगु धोन नी होय, ती जागु लेनेवावान हातोम जुबली वावे साल लोगुन रोवसे। जुबली वावा साल मा जागु आपसुत् छुट जासे आरू वेचने वावान पोछु होकम होय जासे।
LEV 25:29 ओळी कोदाम कुदु मानुस मोटला भितड़ा वावा सोहरोम रोवने जुगु घोर वेचे, ती चु वेचनेन ओळतेन साल भोर मा तिनाक छुड़वी कोरे, कोवे ती आखु साल भोरीन तिना मानुस काजे छुड़ोवनेन होक रोवसे।
LEV 25:30 पुन कोदाम साल भोरीन नी छुटे, ती चो घोर जो मोटला भितड़ा वावा सोहरोम छे मुले लेने जुगु बोनलो रोवे, आरू पीढ़ी-पीढ़ी लोगुन तेरात् ओवलियाद जुगु बोनलो रोवे, आरू जुबली वावा सालोम वी नी छुटे।
LEV 25:31 पुन विगुर मोटला भितड़ा वावा गांवोम वावा घोर ते देसोन खेतो जोसा गिनाये; जिन्दरो छुड़ेवनो वी होय सोके, आरू चे जुबली वावा साल मा छुट जासे।
LEV 25:32 ओळी वी लेवी मानसोन आपसा वाटान सोहरोन जे घोरे छे तेनुक लेवी मानसो जोत्यार मोरजी पोड़े तोत्यार छुड़वी लेय।
LEV 25:33 आरू कोदाम लेवी मानुस आपसु वाटु नी छुड़वे, ती चो वेचलो घोर जे हेरा वाटान सोहोरोम जुबली वावा सालोम छुट जाय; काहकि इसरारली मानसोन इचमा लेवी मानसोन वाटु हेन्दरा सोहरोम चे घोरूत् छे।
LEV 25:34 पुन तिन्दरा गावोन च्यारू मेर ढुरोक चारनेन जागु नी वेचाये; काहकि चु जोलोम जुगु तेन्दरु वाटु कोवाये।
LEV 25:35 कोदाम तारू भाय बोन्यु गोरीब होय जाय, आरू तेरे पोर तुसेक गीन आवे ओसो होय, ती तु तिनाक सोमावजी; चु पारका एने वाट चाला जोसु रोवे।
LEV 25:36 तेरे जुळ इयाज एने वोदु पोस्या झुन लेये; भोगवानोन बिक मानजी; जेरेसी तारू भाय बोन्यु तारे पुठी जिवतु रोय सोके।
LEV 25:37 तिनाक इयाजता रूप्या झुन आपे, आरू नी काय खानेन सोमान नोफु कोमायने कोरीन आपे।
LEV 25:38 हांव तुमरू योहोवा भोगवान छे; हांव तुमुक कोनान मुलुक आपने जुगु आरू तुमरू भोगवान रोवीस ओस कोरीन तुमुक मिसर मुलुक गोथु निकाव लावलु छे।
LEV 25:39 कोदाम तारू भायबोन्यु तारे ओगोव गोरब्यु होयीन आपसा काजे तारा हातोम वेच देय, ती तेरेसी पावोर जोसु काम झुन कोरावतु।
LEV 25:40 चु तार पुठी दाहड़क्यु एने वाट चालु जोसु रोवे, आरू जुबली वावा साल लोगुन पुठी रोवी चाखरी कोरतु रोवे;
LEV 25:41 तोत्यार चु बाळ-बच्चा भेळ तारेनचा गोथु जात रोवे, आरू आपसा घोरल्या मा आरू आपसा बासोन वाटा मा पोछु जात रोवे।
LEV 25:42 काहकि चे मारा पावरीया छे, जेनुक हांव मिसर मुलुक गोथु निकाय लावलु छे; एरकरीन चे दासन रीतीये नी वेचनो।
LEV 25:43 तेर पोर ओनाड़ु बोनीन होक झुन कोरतु; आपसा भोगवानोन बिक मानतु रोवजी।
LEV 25:44 तारा जे पावोर-पावेरनिया होय चे तुमरा च्यारू मेरोन जातिम गोथा रोवे, आरू पावरीया आरू पावेरनिया तेनुम गोथा मुले लेजु।
LEV 25:45 जे वाट चाला तुमरे इचमा पारका बोनीन रोवसे, तेनुम गोथा आरू तेन्दरा घोरानाम गोथा वी जे तुमरे आड़े धोड़े होय, आरू तुमरा मुलुक मा पोयदा होया होय, तेनुम गोथा पावोर आरू पावेरनिया मुले लेजु; आरू चे तुमरोत् धोन कोवायसे।
LEV 25:46 तुमु आपसा पुर्याक वी जे तुमरे ओळतेन होयसे तिन्दरा हकोम कोर सोकु, आरू त्या हेनको वाटो कहवायसे; हेनुम गोथा तुमु जलोम आपसे जुगु पावोर लिया कोरजु, पुन तुमरा भायबोन्या जे इसराएली होय हेनु पोर तुमरो होक ओनाड़ा बनीन झुन कोरता।
LEV 25:47 कोदाम तुमरे पुठी रोवने वावु पारकु एने वाट चाला मा मातभोर होय जाय, आरू तेरे ओगोव तारू भाइस गोरीब होयीन आपसा काजे तारे ओगोव पारकु एने वाट चसलु एने आपसी ओवलियाद काजे वेज देय,
LEV 25:48 ती तेरे वेचायनेन ओळतेन चु ओळी पोछु छुट सोके; तेरा भास्यो मा गोथु कुदु वी छुड़वी सोके,
LEV 25:49 तेरू काकु, कुदु भाईस, आरू तेरा घोराना मा कुदु वी जु तेरे साते वावु छे छुड़वी सोके; निन्ते कोदाम चु मातभोर होय जाय, ती आपसाक वी छुड़वी सोके।
LEV 25:50 चु आपसाक मुले लेनेवावा पुठी आपसा वेचायनेन साल गोथु जुबली वावा साल लोगुन हिसाब कोरे, आरू तेरा वेचायनेन किमोत जोतरा सालोन गिनतीन ओनसारे होय, मोतलोब जु दाम दाहाड़क्यान दाहड़ान जोसु रोवसे।
LEV 25:51 कोदाम जुबली वावु साल आवने घोना साल रोवे, ती जोतरा रूप्यान चु वेचायलु होतु, तेरेम गोथु चु आपसाक छुड़ोवनेन दाम तोतरा सालोन ओनसारे आप देय।
LEV 25:52 कोदाम जुबली वावु साल आवने थुड़ाक साल रोया होय, ते वी आपसा मालीक पुठी हिसाब कोरीन आपसा छुड़ावने दाम तोतरात् सालोन ओनसारे आप देय।
LEV 25:53 चु आपसा मालीक पुठी तेना दाहाड़क्या जोसु रोवे जोसु वोरीसदाय दाहाड़की नोक्खी कोरली होय; आरू तेरू मालीक तेरे पोर तार ओगोव वातड़ु बोनीन होक नी कोरनो जुवे।
LEV 25:54 आरू कोदाम चु इनु रिती सी नी छुटे, ती चु जुबली वावा सालोम आपसा बाळ-बच्चा भेळ छुट जाय।
LEV 25:55 काहकि इसराएली मारात् चाखरीया छे; चे मिसर मुलुक गोथा मारात् निकावला चाखरीया छे; हांव तुमरू योहोवा भोगवान छे।
LEV 26:1 तुमु आपसा जुगु मुरती झुन बोनावता, आरू नी काहनी खुन्दली मुरती आरू खाम्बा काजे उबु कोरू, आरू नी आपसा मुलुकोम वांदने कोरीन दोगड़ाक घोड़ीन उबु कोरू; काहकि हांव तुमरू योहोवा भोगवान छे।
LEV 26:2 तुमु मारा आरामोन दाहड़ान पाळनी पावजु आरू मारा चुखला जागान बीक राखजु; हांव योहोवा भोगवान छे।
LEV 26:3 कोदाम तुमु मारा कायदा पोर चालु आरू मारा हुकुम काजे मानीन तेनुन पाळनी पाळजु,
LEV 26:4 ती हांव तुमरे जुगु टेम टेम पानी पाड़ीस, आरू धोरती आपसी मेर उगाड़से, आरू खोयड़ान झाड़का पोर आपसो आपसो फोव फोळसे;
LEV 26:5 यां लोगुन कि तुमु ओंगुर तुड़नेन टेमे दावनी कोरता रोवसु, आरू वेरनीन टेम पोर वी पेट भोरीन खाया कोरसु, आरू तुमुक गोंहोवता रूटा खाया कोरसु, आरू आपसा मुलुकोम बेफिकरीया रोया कोरसु।
LEV 26:6 आरू हांव तुमरा मुलुकोम सुक शान्ति आपीस, आरू तुमु सुवसू आरू तुमुक बिहाड़नेवावो नी रोवे; आरू हांव तुमरा देसोम जोंगली जोनवारे जे मानसोन नुकासानी कोरे तेनुक रोवने नी देयो, आरू काहनो वी मुलकेम वावा तुमरे भुने तोलवार नी चालाड़े।
LEV 26:7 आरू तुमु आपसा वेरी काजे कुटिन ढासाड़ देसु, आरू चे तुमरी तोलवार सी हिट पोड़से।
LEV 26:8 तुमरेम पाच मानसे सोव जोनाक आरू सोव मानसे होजार जोनाक नी बोदे; आरू तुमरा वेरी तुमरे ओगोव हिट पोड़से;
LEV 26:9 आरू हांव तुमरे भेनी गिनोन निंगा राखीस आरू तुमुक बोरकोत आपीस आरू गिनाये नी ओसा होय जासु, आरू तुमरे पुठी मारू वायदु पुरू कोरीस।
LEV 26:10 आरू तुमु मेकला जुनला ओनो काजे खाया कोरसु, आरू नोवलो ओन रोवसे ते वी जुनलो ओन खासु।
LEV 26:11 हांव तुमरे विच मा रोया कोरीस, आरू मारो जीव तुमरे सी घाड़ाय नी कोरे।
LEV 26:12 आरू हांव तुमरे विच मा चाल्या फिर्या कोरीस, आरू तुमरू भोगवान रोवीस, आरू तुमु मारा मानसे बोना रोवसु।
LEV 26:13 हांव योहोवा, तुमरू परमेश्वर छे। हांव तुमुक मिसर मुलकोम गोथु निकाय लावलु कि तुमु मिसर वावान पावरीया बोनला नी रोवु; आरू हांव तुमरा जुड़ाक तुड़ नाख्यु, ततरू तुमु सुदु उबु कोरीन चालाड़्यु।
LEV 26:14 कोदाम तुमु मारी नी सोमवु, आरू एनू आखा हुकुम काजे नी मानसु,
LEV 26:15 आरू मारा कायदा काजे उदुड़ जानसु, आरू तुमरो जीव मारा नियाव सी घाड़ाय कोरू, आरू तुमु मारा आखा हुकुमोन पाळोन नी कोरसु, पुन मारा वायदाक तुड़सु,
LEV 26:16 ती हांव तुमरे सी ओसु कोरीस; मोतलोब हांव तुमरे सी डोगाय जाईस, आरू टीवीन बिमारी आरू सेरी सी मांदु पाड़ीस, आरू जेरेसी तुमरा डुळा धुंदवाय जासे, आरू तुमरे मोन धोनो घाबराय जासे। आरू तुमरा बिज बिगड़ी जासे, काहकि तुमरा वेरी तुमरी मेर खाय जासे;
LEV 26:17 हांव तुमरे भेनी गोथु आड़ु भाय लिस, जेरेसी तुमु आपसा वेरी ओगोव हार जासु। जिनुसी तुमु घाड़ाय कोरे, चेत् तुमरे पोर होक कोरसे। तुमरे पोछोळ कुदु नी पोड़े, तीवी तुमु ढासता रोवसु।
LEV 26:18 आरू कोदाम तुमु इनी वातोन ओळतेन वी मारी नी सोमवु, ती हांव तुमरा पापोन कोरता तुमुक सातगुना वेला आपीस,
LEV 26:19 आरू हांव तुमरा ताकोतोन घाड़ाय काजे तुड़ दीस, आरू तुमरे जुगु वादवा काजे लुहड़ा जोसु वातड़ु, आरू धोरती काजे पीतवो जोसु बोनाय दीस की पानी नी पोड़से।
LEV 26:20 तो्यार धोरती पोर तुमरी आखी मेहनोत वायबार होय जासे; काहकि धोरतीन मेर नी उगे आरू खोयड़ान झाड़े फोव नी फोवे।
LEV 26:21 कोदाम तुमु मारे विरूद् चालतात् रोवसु, आरू मारो कोवनो नी मानु, ती हांव तुमरा पापोन ओनसारे तुमरे पोर आरू सातगुना वेला आपीस।
LEV 26:22 आरू हांव तुमरे विच जोंगली जोनवारे मुकलीस, जे तुमरा पुर्याक तुमरेनचा गोथा चुटलीन जात रोवसे, आरू तुमरा घोरून ढुरोक फाड़ खासे, आरू तुमरी गिनती कोम होय जासे, , जेरेसी तुमरी सोयड़ोक सुनी पोड़ जासे।
LEV 26:23 "ओळी कोदाम तुमु एनू वातो पोर वी मारी आपली गरा सी नी सुदरू, आरू मारे विरुद् चालतात् रोवसू,
LEV 26:24 ती हांव वी तुमरे विरुदच चालीस, आरू तुमरा पापोन कोरता हांव आपसुत् तुमुक सातगुना दीस।
LEV 26:25 हांव तुमरे पोर वेरीन होमलु कोरावीस, जु वायदु तुड़नेन पुरून पुरू बोदलु लेसे; आरू जो्त्यार तुमु आपसा सोहरोम एकठा होयसु ती हांव तुमुरे पोर काळ मुकलीस आरू तुमु वेरीन हातोम धोराय जासु।
LEV 26:26 जोत्यार हांव तुमरे जुगु खानेन ओन तुमरे जुळ गोथु छेटु कोर दीस, तोत्यार दोस बायरा एकुत तोवा पोर रूटा बोनावसे, आरू चे तुमुक रूटा तुली तुलीन आपसे, आरू तुमु रूटा खासु ती वी नी आफरू।
LEV 26:27 ओळी कोदाम तुमु एनी वातोन ओळतेन वी मारी नी सोमवु, आरू मारे विरुद् चालता रोवसु,
LEV 26:28 ती हांव मारो नियाव तुमरे विरुद् चालीस, आरू तुमरा पापोन कोरता तुमुक सातगुना लोगुन वेला ओवी जादा आपीस।
LEV 26:29 आरू तुमुक आपसा पुर्या आरू पुरायटान मास खानो पोड़से।
LEV 26:30 आरू हांव तुमरा डाहडान पुजा कोरनेन उचला जागाक उदार दीस, आरू तुमरी धुपोन वेदी काजे नास कोर दिस। तुमरा देवता काजे उदेरला मुरतिया पोर तुमरा धोड़ नाखीस। आरू मारू जीव तुमरे सी सीगी कोरसे।
LEV 26:31 आरू हांव तुमरा सोहरोक उजाड़ दिस, आरू तुमरा चुखला जागाक उजाड़ दिस, आरू तुमरा सुकोन गोंदायन्या काजे नी सुंगो।
LEV 26:32 आरू हांव तुमरा मुलुक काजे सुनलो कोर दिस, आरू तुमरा वेरी जे जां रोवे चे इनी वातोन कोरता ओका बोकी होय जासे।
LEV 26:33 आरू हांव तुमुक बेसका मुलकोम रिवन्या तिवन्या कोरीस, आरू तुमरे विरूद् आपसुत् तोलवार काजे निकाव लीस। तुमरो मुलुक सुनलो होय जासे। तुमरो सोहोर उजाड़ होय जासे।
LEV 26:34 जोत्यार लोगुन तुमु आपसा वेरीन मुलकोम रोवसु आरू तुमरी जागा सुनली पोड़ रोवसे, तोत्यार लोगुन धोरती आरामोन सालोन खुसी सी पाळनी पाळसे। धोरती आराम कोरसे आरू आरामोन सालोन खुसी सी पाळनी कोरसे।
LEV 26:35 जोतरा दाहडा हुयो सुनलो पोड़ रोवसे तोतरा दाहड़ा तिनाक आराम रोवसे, मोतलोब जो आराम तुमरे होंया रोवते तुमरा आरामोन टेम मा नी जोड़्यो होसे चो तव जोड़से।
LEV 26:36 आरू तुमरे मा गोथो जे वाचला रोवसे आरू आपसा वेरी मुलकोम होसे तिन्दरा मोनोम बिक बोसाड़ दीस; आरू चे पान्टा खोकेड़से ती वी ढास जासे, आरू चे ओसा ढाससे जोसा तोलवार सी वाचने ढासे, आरू कुदु पोछोव नी पोड़े ती वी चे झोटवायता ने पोड़ता जासे।
LEV 26:37 जोत्यार कुदु पोछोव नी आवे ती वी ओसा जासे जोसा तोलवारोन बीके एक दिसरान आफठायीन पोड़ जासे, आरू तुमरेम आपसा वेरी ओगोव उबरोवने हेमो नी रोवसे।
LEV 26:38 तोत्यार तुमु मुलको मा पुगीन नास होय जासु, आरू तुमरा वेरीन जागा तुमुक खाय जासे। (तोत्यार तुमु मुलको मा पुगीन मोर जासु, तुमरा वेरीन जागा मा गाड़ाय जासु)
LEV 26:39 आरू तुमरेम गोथा वाचला रोवसे चे आपसा वेरीन मुलकोम आपसा गुनान कोरता गोळ जासे; आरू आपसा डाहडान गुनान कामोन कोरता वी चे तिन्दरेन्द तोसा गोळ जासे।
LEV 26:40 पुन कोदाम चे आपसा आरू आपसा बासोन गुनाक मान लेय, मोतलोब जे मारे साते धुकु कोरीन आरू मारा कोयान नी चाल्या।
LEV 26:41 ओतरान कोरता हांव हेन्दरे विरुद् चाल्यु, आरू हेनुक वेरीन मुलकोम ली आवलु, कोदाम चे आपसा वातड़ा जीयोक निचवो कोरसे, आपसा गुनान डोन काजे मान लेसे।
LEV 26:42 ती हांव याकुब, इसहाक आरू ओबराहाम पुठी वायदु बांदलु चु फोम कोरीस, हांव तुमरा जागा काजे फोम कोरीस।
LEV 26:43 पुन चो देस हेन्दरे गोथो पेहेल सुनलो होयीन पोड़लो रोवसे, आरू हेन्दरे विगुर रोवीन वी आपसा आरामोन टेम काजे मानतो रोवे; आरू चे मानसे आपसा गुनान डोन काजे मानसे, ओतरान कोरता कि हुये मारा हुकुम काजे नी मान्या, आरू हेन्दरा जीयो काजे मारा नेम सी घाड़ाय होती।
LEV 26:44 ओतरा पोर वी जोत्यार चे आपसा वेरीन मुलकोम होसे तोत्यार हांव तेनुक ओस कोरीन नी छुड़ो, आरू नी हेनुसी ओसु सिगी कोरो कि हेन्दरो नास कोर नाखो आरू आपसा वायदा काजे तुड़ दोम जो हांव हेनुसी वायदु कोरलु होतु; काहकि हांव हेन्दरू योहोवा भोगवान छे;
LEV 26:45 पुन हांव हेन्दरी भोलाय जुगु हेन्दरा बासो सी बान्दला वायदा काजे फोम कोरीस; जेनुक हांव आड़जात्यान डुळा ओगोव मिसर मुलकोम गोथु निकावीन लायु कि हांव हेन्दरु भोगवान कोवायो; हांव योहोवा भोगवान छे।
LEV 26:46 जे-जे नेम कायदा आरू नेम आरू हुकुम योहोवा भोगवान आपसे वोगे गोथु इसराएली मानसो जुगु सिनाय बोयड़ा पोर मुसान लारे कोयु चे येत् छे।
LEV 27:1 योहोवा भोगवान मुसा काजे कोयु,
LEV 27:2 “ इसराएली मानसो काजे ओसु कोवजी कि जोत्यार खास मानता माने, ती मानता कोरला जीव तारे कोवनेन ओनसारे योहोवा भोगवानोन होयसे;
LEV 27:3 एरकरीन कोदाम चु वीस सालोन नीते हेरेसी जादा आरू तीन वीस साल गोथु कोम उमोरोन ओदमी होय, ती तेरे जुगु चुखला जागान चांदीन सिक्कान ओनसारे पोचास सिक्का कोवाये।
LEV 27:4 कोदाम ची बायोर होय, ती तीस चांदीन सिक्का रोवसे।
LEV 27:5 ओळी कोदाम तेरी उमोर पाच साल नीते तेरेसी जादा आरू वीस साल गोथा कोमोन होय, ती पुर्या जुगु वीस सिक्का, आरू पुराय जुगु दोस सिक्का।
LEV 27:6 कोदाम तेन्दरी उमोर एक मोहनान नीते तेरेसी जादा आरू पाच साल गोथी कोम होय , ती पुर्या जुगु पाच सिक्का आरू पुर्या जुगु तीन सिक्का कोवाये।
LEV 27:7 ओळी कोदाम तेरी उमोर तीन वीस साल होय नीते तेरेसी जादा होय, चु ओदमी होय ती तेर जुगु पोन्दरे सिक्का, आरू बायोर जुगु दोस सिक्का कोवाये।
LEV 27:8 पुन कोदाम कुदु ओतरू गोरीन होय कि पुजारान आकलो दाम आपी नी सोके, ती तिनाक पुजारा ओगोव उबु कोरजु, आरू पुजारू तेर जुगु टोका आकसे, मोतलोब जोतरी मानता कोरनेवा सी होय सोके, पुजारू तेरेत हिसावे मेकसे।
LEV 27:9 “ओळतेन जेनु ढुरोम गोथा योहोवा भोगवान काजे चोड़ावु, कोदाम ओसी काहनी मानता होय, ती जु ढुर कुदु योहोवा भोगवाग काजे आपे चो चुखलो कोवायसे।
LEV 27:10 मानता चोड़ावने वावु काहने वी भातीन नी बोदले, नी ते चु बुरान बोदले वारू, आरू नी वारलान बोदलाम भुन्डो आपे; आरू कोदाम चु तेना ढुरोन बोदलाम दिसरो ढुर आपे, ती चो आरू हेरू बोदलु दुयु चुखला कोवायसे।
LEV 27:11 कोदाम चो ढुर विटोळ होय, जिनाक योहोवा भोगवान काजे चोड़ावा मा नी चोड़ाया होय, ती मानता राकने वावु मानुस ओसु ढुर पुजारा ओगोव उबराखसे।
LEV 27:12 पुजारू ढुरोक पारेखसे की चो वारू होय की नी। जोसो पुजारा काजे पारोखने मा मालुम पोड़े , तोसोत् मानसे।
LEV 27:13 पुन कोदाम मानता राखने वावु तिनाक काहने रिते छुड़ावने हिन्डे, ती जु दाम पुजारू कोवसे तेरेम पाचवु वाटु आरू जुड़ीन आपसे।
LEV 27:14 “ओळी कोदाम कुदु मानुस आपसा घोरो जुगु मानता मानतु होय कि हेरो घोर मारा पोरबु जुगु चुखो रोवे, ती पुजारू तेरा वाराम विचारीन कि वारू छे की भुन्डो छे; आरू जोतरो पुजारू कोवे तेर हिसाबे दाम होतरोत रोवसे।
LEV 27:15 आरू कोदाम घोरोक चुखो कोरावने वावु तिनाक छुड़ेवने हिन्डे, ती जोतरा रूप्या पुजारू तेरो दाम कोयु होय तेरेम रोईन पाचवु वाटु आरू बोड़ावीन आपे, ती चो घोर तेरोत रोवसे।
LEV 27:16 “कोदाम कुदु मानुस आदसी जागान वाटु योहोवा भोगवान जुगु चुखी कोरावने चाहाय, ती हेरो दाम ऐर ओनसारे होयसे कि तिना खेतोम कोतरो बिज पोड़से; जोतरा जागामा कांगनी भोरीन जोव गोंहोव पोड़े तोतरा जुन दाम पोचास चांदीन सिक्का कोवायसे।
LEV 27:17 कोदाम चु जुबली वावा सालोम चुखो कोरावे, ती तेरो दाम तार कोवले होयनो जुवे।
LEV 27:18 पुन कोदाम चु जुबली वावा सालोन ओळतेन आपसा खेतोन मानता मानसे, ती जोतरा साल आवने वावा जुबली वावा साल वाच रोवसे, तेर हिसाबे पुजारू खेतोन हिसाब लागाड़से, आरू तुमरे हिसाबो मा सी कोम होये।
LEV 27:19 आरू कोदाम खेतोन चुखो कोरावने वावु तिनाक छुड़वी लेनो चाहाय, ती जो दाम पुजारू कोवलु तेरेम गोथो पाचवु वाटु आरू वोदाड़ीन आपसे, ती खेत तेरोत रोवसे।
LEV 27:20 पुन कोदाम चु खेत काजे छुड़ेवने नी चाहाय, कोदाम चु आपसा खेतोक दिसरा मानसोक वेच देसे ती पोछो छुड़ाय नी सोके।
LEV 27:21 पुन जोत्यार चु खेत जुबली वावा सालोम छुटे, तोत्यार पुरी रिती सी चोड़ावला खेतो जोसो योहोवा भोगवान जुगु चुखलो कोवाये, चु पुजारान आपसु जागु होय जासे।
LEV 27:22 ओली कोदाम कुदु आपसो मुले लेदला खेत, जु आपसु वाटान खेतोन नी रोवे, योहोवा जुगु चुखलो कोवायसे।
LEV 27:23 ती पुजारू जुबली वावा साल लोगुन हिसाव कोरीन तिना मानुस जुगु जोतरो कोवे तोतरोत् चु योहोवा जुगु चुखो जानीन तेनेत् दाहड़े आप देय।
LEV 27:24 जुबली वावा साल मा चु खेती तेरेत् होकोम जेरेसी चु मुले लेदु होय ओळी आय जाय, जेरू खास वाटु छे तेरूत् पोछु होय जाय।
LEV 27:25 आखो हिसाब चुखला जागान तुलो मा होयसे। चांदीन एक सिक्कु बारे गोरामोन होयसे।
LEV 27:26 “पुन पावन्या ढुरोन पेहलो वाछड़ो, जो पेहलो होयने कोरता योहोवा भोगवानोन कोवाये, तिनाक कुदु मानता नी मानसे; चाहय चो वाछड़ो होय, चाहाय गाडरो बुकड़ीन गिदल्यो, चो योहोवा भोगवानोन छे।
LEV 27:27 बाखुन कोदाम चो विटोळ ढुरोन होय, ती तिनाक चुखो कोवाड़नेवावु तिनाक पुजारान कोवला दामोन ओनसारे तेरु पाचवु वाटु आरू वोदाड़ीन छुड़ाय सोके; आरू कोदाम चु नी छुड़ावे, ती पुजारान कोवला दामोन ओनसारे वेचाय जाय।
LEV 27:28 “बाखुन आपसी आखी चिजोम गोथो थुड़ोक कुदु योहोवा भोगवान जुगु चोड़ाया कोरे, चाहाय मानुस होय चाहाय ढुर, चाहाय आपसा वाटान खेत होय, ओसी काहनी चोड़ावली चिज नी वेचाये आरू नी छुड़वे; जो काहिन चोड़ावलो छे चो योहोवा जुगु बेसको चुखलो कोवाये।
LEV 27:29 मनुस मा गोथो जो काहिन मोतोन डोन जुगु चोड़ावलो होय छुड़वी नी सोके; पाको चो मार नाख्यो जाय।
LEV 27:30 “ ओळी खेतीन मेरोन दोसवु वाटु, चाहाय चु खेतीन बिज होय चाहाय झाड़ोन फोव, चो योहोवा भोगवानोन छे; चो योहोवा जुगु चुखलो कोवाये।
LEV 27:31 कोदाम कुदु आपसा दोसवा वाटाम गोथु काहिन छुड़ेवने चाहाय, ती पाचवु वाटु वोदाड़ीन तिनाक छुड़ावे।
LEV 27:32 आरू गाय-बुईल, आरू गाडरा-बुकड़ा, जे-जे ढुरे गिनने जुगु लाकुड़ोन नेचा सी निकवी जाने वावा छे तेरो दोसवु वाटु, दोस दोस पोछोव एक एक ढुर योहोवा जुगु चुखलो कोवाये।
LEV 27:33 कुदु वारू भुन्डान पारोख नी कोरे, आरू नी तेर बोदलाम; आरू कोदाम कुदु तेर बोदले वी लेये, ती चो आरू तेरे बोदले वावो दुयु चुखला कोवाये; आरू चो कोदी नी छुड़ावसे।”
LEV 27:34 जो हुकुम योहोवा भोगवान इसराएली मानसो जुगु सिनाय बोयड़ा पोर मुसा काजे आपलु होतु चे येत् छे।
JOS 1:1 योहोवा परमेश्वर क दास मुसान मरनेन बाद मा भगवान मुसान चाकरिया योहोसु सी कयो जो नुन क पोर्‌यो हुतो,
JOS 1:2 “म्हार चाकरीयो मुसा मर गयो; एरकरता हांय तु उठ, कनाठ्यु बांध, आरु ओका सब प्रजा समेत यरदन क पार होईन उका देशम जा जेका हाव उनाक मतलब इसराएली लोगहन क आपो।
JOS 1:3 उका वचन क सारको जो हाव मुसा क सी कयो, मतलब जेका जेका जागा पर तुमु पाये धरसे चा सब हाव तुमुक सब सोप देदु छे।
JOS 1:4 जंगल आरु उना लबानोन सी लगाड़ीन मोटली नदी फरात तक, आरु हित्ती जातीन लोगहन क देश सी लगाड़ीन मटला दर्या तक, सारो देश तुमरो हुय जासे।
JOS 1:5 तारा जीवन भर कुई तार सामने उबा नी रय सकजे; जोसु हाव मुसा जु रयु तोसु तार जु भी रईस; आरु नी ते हाव तुखे धोकु दीस, आरु नी तुखे सुड़ो।
JOS 1:6 एरकरता हिमत बाँधीन वातड़ो हुय जा; काहकी जेका देश क आपने न शपथ हाव इना लोगहन क हाहला सी खाई हती उकान हक तु हेनको करीस।
JOS 1:7 ओतरो होय कि तु हियाव बाँधीन आरु मजबुत वातड़ो होईन जी नियममार दास मुसु तुखे आप देदु छे उना सब क अनसारे करने मा चोक्सी करनु; आरु उका सी नी ते डाखरे वोगे फिरनु आरु नी जेवड़े, तव जा जा तु जासे चा तारो काम सफल होयसे।
JOS 1:8 नियम क यी किपात तार चित्त सी कभी नी उतरसे, ओका मा दाहड़ुन रात ध्यान दी रवजी, एरकरता कि जो काहय उका मा लिखलो छे उका अनसारे करने क तु चोक्सी करे; काहकी ओसोज करने सी तारा सब काम सफल होयसे, आरु तु प्रभावशाली होयसे।
JOS 1:9 काय हाव तुखे आदेश नी देदु? हिमत बाँधीन वातड़ो हुय जा; बीह मा, आरु थार मन कोमजुर नी होयनो जुवे; काहकी जा जा तु जासे चा चा तार योहोवा परमेश्वर तार साथे रवसे।”
JOS 1:10 तव योहोसु ने इसराएली लोगहन क सरदार क यो हुकुम दिदो,
JOS 1:11 “छावनी मा उरा परा जाईन प्रजा क लोगहन क यो आदेश आप, कि आपने आपने क करता खानो तयार कर राखु; काहकी तीन दाहड़ान माहयता तुमुक ओका यरदन पार उतरीन उका देश क आपना हक मा लेने करिन जानु छे जेका तुमरु योहोवा परमेश्वर तुमरा हक मा आपने वाळो छे।”
JOS 1:12 आर योहोसु रुबेनिया, गादिया, आरु मनश्शे क आदा ओवलियाद क लोगहन सी कयो,
JOS 1:13 “जी वात भगवानन दास मुसु तुमुक कयो हतो कि तुमरु परमेश्वर योहोवा भगवान तुमुक आराम आपतु छे, आरु यी देश तुमुक आपसे, उकान फोम करु।
JOS 1:14 तुमरा बायरा, बाल-बोच्‌चा, आरु पशु ते ओका देश मा रया जो मुसु तुमुक यरदन क ओका पार देदा, पुन तुमु जा शुरवीर होय पाँति बाँधीन आपना भाइस्यो क ओगव ओगव पार उतर चालु, आरु उकान मदत करु;
JOS 1:15 आरु जब योहोवा भगवान उका ओसो आराम आपसे जोसो चो तुमुक आप्यो छे, आरु चा भी तुमरु परमेश्वर योहोवा भगवान क आपला ओसो देश क आधिकारी होय जासे; तव तुमु आपना आधिकारी क देश मा, जा योहोवा क दास मुसु यरदन क इन पार दाहड़ु बुडनेन तरफ तुमुक आपलो छे, पछा फिरीन ओको हक हुयसे।”
JOS 1:16 तव योहोसु क जवाब दिदो, “जो काहय तु आमुक करने क हुकुम दिदयो त्यो आमु करसु, आरु जा का तु आमुक मुकलसे चा आमु जासु।
JOS 1:17 जोसा कि आमु सब वात मा मुसाक मानता हता तोसाज तारी भी वात मानसु; ओतरो होय कि योहोवा परमेश्वर जोसो मुसा क साथे रवतु हतु तोसु तार साथे भी रवे।
JOS 1:18 कुई काह नी होय जु तार विरुद बलवा करे, आरु जोतरी हुकुम तु आप उकाह हुकुम क नी माने, ते उकाह मारीन नाख देदा जासे। पुन तु मजबुत वातड़ो आरु हिमत बाँधीन रय।”
JOS 2:1 तव नुन क पोर्‌यो योहोसु दुय भेदिया क शित्तीम सी धोपाईन मोकली देदु, आरु उकाह कयो, “जाईन उका देश आरु योरीहो क देख।” तात्काल चा चाल देदा, आरु राहाब नावन काहनी वेश्या क घर मा जाईन सुय गयो।
JOS 2:2 तव कोय योरीहोन राजा सी कयो, “आज रात मा कोय इसराएली हामरा देश न पुरावो लेने या आया छे।”
JOS 2:3 तव योरीहोन राजु राहाब क ज यो कयीन मोकल्यो, “जो ओदेमड़ा तार या आवला छे हेनको बाहरते ली आव; काहकी चा सब देश क भेद लेने क आया छे।”
JOS 2:4 ची बायर दुयु माहनक धोपाड़ मेकली; आरु ओसो कयो, “मार जु बैस मानसे आया ते हता, पुन हाव नी जानती कि चा कावाळा हता;
JOS 2:5 आरु जब आंधारो हयो, आरु सहरन फाटक बंध होयने लाग्यो, तव चा निकळी गया; मखे मालुम नी कि चा का गया; तुमु आंदाज करिन हेनको पछव जावु ते हेनको जाईन धरसे।”
JOS 2:6 ओको उकान घरन छत पर चढ़ीन सनन लाकड़ाक नेड़ी हेनको डुकाड़ दिदी जो हेका घर पर सजाड़ीन मेक देदली हती।
JOS 2:7 चा मानसे ते यरदन क रस्ता वोगे उकाक हेरने मा घाट तक जात रया; आरु जा उकाह हेरनेवाळा सोहोरन झोपला सी निकळ्या त्यो फाटक बंध हुय गया।
JOS 2:8 या लुटनु नी जुवला हता कि ची बायर घर पर उकान जु जाईन
JOS 2:9 आरु उना लोगहन सी कयणे लागी, “मखे ते पाक्‌को जान पड़े कि योहोवा भगवान तुमु लोगहन क यो देश आपलु छे, आरु तुमरु डर आमु लोगहन क मन मा समायलु छे, आरु ओका देश मा सब रयने वाळा तुमरे कारण हरबळाय गया छे।
JOS 2:10 काहकी हामु सोमवला छे कि योहोवा भगवान तुमरे मिसर सी निकळने टेमे तुमरे सामने लाल दरिया क पाणी सुकाळ देदु। आरु तुमु सीहोन आरु ओग नावन यरदन पार रयने वाळा एमोरिया क दुयु राजान सत्यनाश कर नाख्या छे।
JOS 2:11 आरु यो सोमवताज आमरो मन पोगवी गयो, आरु तुमरे कारण काहना क घणा घबराय गिया; काहकी तुमरु परमेश्वर योहोवा भगवान ऊपर वादवा क आरु नेड़ली धरतीन परमेश्वर छे।
JOS 2:12 हिमी हाव जो तुमरे पर दया कर्‍यु छे, एरकरता म्हार सी भगवानन कसम खावो कि तुमु भी म्हार बासन क घरन आखा पर दया करसु, आरु ओका खोरलो सोहलानी मखे आप,
JOS 2:13 कि तुमु मार आय-बास, भाईसक आरु बोहनीस क, आरु जो काहय उकान छे उना सभा क भी जीवतो मेक रयु, आरु आमु सब क प्राण मरने सी वाचाड़सु।”
JOS 2:14 तव उना लोगहन कयो, “कदाम तु आमरी यी वात काहना पर प्रगट नी करे, ते तुमरा जीवन क बदले आमरु जीव जासे; आरु जव भगवान आमुक यो देश आपसे, तव हामु तार साथे दया आरु छाचाय सी बर्ताव करसु।”
JOS 2:15 तव राहाब जेका घर सोहोरन भितड़ा धड़े बवनो हतो, आरु ची चाज रवती हती, उको उकाह खिड़की सी नाड़ा क भुरसे उतारीन नगरन बाहरते कर देदी।
JOS 2:16 आरु उको उकाह कयो, “बोयड़ा पर जात रयु, ओसो नी होए के तुमुक हेरने वाळा तुमुक देखे; एरकरता जव तव तुमुक हेरने वाळा वापस नी आए तव तक, मतलब तीन दाहड़ा चा धोपाय रवजु, उकान बाद आपनु रस्तु लेजु।”
JOS 2:17 हेको त्या कयो, जी कसम तु हामुक खवाड़ली छे हेका वारामा ते हामु विन गुणाका रयसु।
JOS 2:18 सोमव, जव हामु इना देश मा पछा आवसु, तव जीन खिड़की सी तु आमुक उतारियो छे उकामा लाल रंग क हुतन दुवड़ी बांध देनु; आरु आपना आया-बास, भाईस्योक, नीते आपनी बासक सब घराना क इना घर मा आपने जु एकठा करिन मेकनु।
JOS 2:19 तव कुई तार घरन झोपलान बाहरते निकाळ्या, उकान लुहुयोक दोष उकान मुनका पर पड़ जाय, आरु आमु निर्दोष ठरसे: पुन कदाम तार साथे घरमा रयता रयता एकदा पर एकदान हाथ पड़े, ते उकान खुनन दोष आमरे मुनका पर पड़से।
JOS 2:20 तु हामरी यी वात कोय को कय दिस, ते जी कसम तु आमुक खवाड़ली छे हेका सी हामु विन गुणाका रयसु
JOS 2:21 उको कयो, “तुमरा वचन क अनसारे होय।” तव हेको उकाह वाट लागाड़ देदो, आरु चा जात रया; आरु हेको लाल रंग क दुवड़ी क खिड़की मा बांध देदा।
JOS 2:22 चा जाईन बोयड़ा पर पुग्या, आरु चा हेरने वाळान क पछा आवने तक, मतलब तीन दाहड़े तक रया; आरु हेरने वाळा उकाह सब रस्ता मा देखता रया आरु का नी देख्या।
JOS 2:23 तव त्या दुयु ओदेमड़ा बोयड़ा सी उतर्‌या, आरु पार जाईन नुन क पोर्‌यो योहोसु क जु पुगीन जो काहय उना पर वीती हती उकान वाराम कया।
JOS 2:24 आरु चा योहोसु सी कया, “हमखास योहोवा भगवान वा सब देश आमरा हाथ मा कर देदु छे; पछु ओका सिवाय उकान सब रयने वाळा आमरे कारन हरबड़ाय गया छे।”
JOS 3:1 योहोसु सोंदारे उठ्यु आरु सब इसराएली लोगहन क साथ मा लीन शित्तीम सी चालीन यरदन नदीन धड़े आया; आरु चा पार उतरने सी पेहल चाज टिक गया।
JOS 3:2 आरु तीन दाहड़ा क बाद अगळवानीया छावनीक वीच मा जाईन
JOS 3:3 प्रजा क लोगहन क या आदेश देदु, “जव तुमु क आपनु योहोवा परमेश्वरन वाचान सन्दुक आरु हेको हाकलीन लेवीया याजक भी देख पड़े, तव आपना जागा सी चालता चालता उकान पछव पछव चाल्या,
JOS 3:4 पुन उकान आरु तुमरे वीच मा दुय हजार हाथन लगभग जागु रयु; तुमु सन्दुक नाट नी जानु। काहकी तुमु देख सकु कि काहनी वाट सी तुमुक चालनु छे, काहकी हिमी तक तुमु ओका वाट पर होईन नी चाल्या।”
JOS 3:5 पछु योहोसु प्रजाक लोगहन सी कयो, “तुमु आपने आप क पवित्र कर्‌या; काहकी कालेन दाहड़े योहोवा भगवान तुमरे वीच मा विछेळीयो काम करसे।”
JOS 3:6 तव योहोसु पुजारान सी कयो, “वाचा क सन्दुक उठावीन इसराएली लोगहन क ओगळ ओगळ चालु।” तव त्या वाचान सन्दुक हाकलीन लोगहन क ओगव ओगव चालीया।
JOS 3:7 तव भगवान योहोसु सी कयो, आजुन दाहड़े रईन हाव इसराएलीया क सामने तारी बढ़ाई करने सुरवात करीस, जेका सी त्या जान लेय कि जोसो हाव मुसा क साथे रयतु हतु तोसोज हाव तार सात मा भी रइस।
JOS 3:8 आरु तु वाचान सन्दुक क हाकलने वाळा पुजारान क यो हुकुम दे, “जव तुमु यरदन क पानीन धोड़े पुग्या, तव यरदन मा उबा रयना।”
JOS 3:9 तव योहोसु इसराएलीया सी कयो, “साथे आवीन आपना योहोवा परमेश्वर क वचन सोमळो।”
JOS 3:10 आरु योहोसु कयने लाग्यु, “ओका सी तुमु जान लेसे कि जीवता परमेश्वर तुमरे माहय मा छे, आरु चा तुमरे सामने सी नि:सन्देह कनानियो, हित्तियो, हिब्बीया, परिज्जियो, गिर्गाशियो, एमोरियो, आरु यबुसियो क उकान देश मा सी निकाळ देसे।
JOS 3:11 सोमवु, पृथ्वी भरीन पोरबु क वाचा क सन्दुक तुमरे ओगव ओगव यरदन मा जाने पर छे।
JOS 3:12 एरकरता हिमी इसराएलीया क गोत्रो मा सी बाहरते मानसे निवाळ लेवु, चा एक गोत्रो मा सी एक मानुस होय।
JOS 3:13 आरु जीन टेमे धरती भरीन पोरबु योहोवा क वाचा उठावने वाळा याजक क पाय यरदन क पाणी मा पड़से, उका टेमे यरदन क ऊपर सी वहयतो पाणी उभरय जासे, आरु ढेर होईन उबो रयसे।”
JOS 3:14 एरकरता जब प्रजा क लोगहन आपना पड़ाव सी यरदन पार जाने क चाल पड़्या, आरु याजक वाचा क सन्दुक उठावतु प्रजान ओगव ओगव चाले,
JOS 3:15 आरु सन्दुक उठावने वाळा यरदन पर पुग्या, आरु सन्दुक क उठावने वाळा याजक क पाये यरदन तीर क पाणी मा डुब गया (यरदन क पानीन ते कटनी क टेमे सब दाहड़ा आपना किनारा पर वयतो रयतो छे),
JOS 3:16 वईन आवतो हतो चा बैस दुर, मतलब आदाम नगर क नाट जो सारतान सोहोर क नाट छे उबो रईन एक ढेर होय गयो, आरु भिताड़ा पर सा उबो रयो, आरु जो पाणी अराबा क दरियो जो खारो दरियो भी कयाड़तो छे, उकान तरफ वयतो जातो हतो, चो पुरी रीति सी सुख गयो; आरु प्रजा क लोगहन योरीहो क सामने पार उतर गया।
JOS 3:17 आरु याजक योहोवा भगवान क वाचा सन्दुक धरीन यरदन क एकदम वीच मा पुगीन स्थल पर स्थिर उबा रया, आरु सब इसराएलीया चालीन स्थल पार उतरता रया, आखरी मा उका सब जाति क लोग यरदन पार होय गया।
JOS 4:1 जव उका सब जाति क लोगहन यरदन क पार उतर गया, तव योहोवा भगवान योहोसु सी कयो,
JOS 4:2 “प्रजा मा सी बारा मानसे, मतलब गोत्र पछव एक एक मानस क निवाळीन यी हुकुम देदी,
JOS 4:3 तुमु यरदन क वीच मा, जा याजक ने पये धर्‍या हता चा रईन बारा दगड़ा उठावीन आपने साथे पार ली चालु, आरु जा आज रात पड़ाव हसे चा उकाह मेक देनु।”
JOS 4:4 तव योहोसु उना बारा मानस क, जिनाक चु इसराएलीया क हर एक गोत्र मा सी छाटीन उभु कर मेक्यु हतु,
JOS 4:5 योहोसु बुलावीन कयो, “तुमु आपना परमेश्वर योहोवा भगवान क सन्दुक क ओगव यरदन नदी क वीच मा जाईन इसराएलीया क गोत्रो क गिनती क अनसारे एक एक दगड़ु उठावीन आपना-आपना खांदा पर मेक्या,
JOS 4:6 जेका सी यो तुमु लोगहन वीच मा सोहलानी ठरसे, आरु ओगव जव तुमरा पोर्‍या यह पुच्या, ‘ओका दगड़ान काय मतलब छे?’
JOS 4:7 तव तुमु उनाक यो जवाब दे, कि यरदन नदी पाणी योहोवा भगवान वाचा क सन्दुक क सामने सी दुय भाग होय गया हता; काहकी जव यरदन नदी पार आय रयु हतु, तव यरदन नदी क पाणी दुय भाग होय गयो। अत: चा दगड़ा इसराएलीया कक हमेशा क करता फोम करावने वाळा रवसे।”
JOS 4:8 योहोसु क ओका हुकुम क अनसारे इसराएलीया कर्‌या, जोसो योहोवा भगवान योहोसु सी कयो हतो तोसोज हेका इसराएली गोत्रो क गिनती क अनसारे बारा दगड़ा यरदन नदी क वीच मा सी उठाव लेदा; आरु उनाक आपने साथे ली जाईन पड़ावा मा मेख देदा।
JOS 4:9 आरु यरदन नदी क वीचमा, जा याजक वाचा क सन्दुक क उठावीन आपना पाये धर्‍यो हतो योहोसु ने बारा दगड़ा उबा कराया; चा आज तक चाज देख्या गया छे।
JOS 4:10 आरु याजक सन्दुक उठावीन उके टेमे तक यरदन नदी क वीच मा उबा रया जव तक चा सब वात पुरी नी होई, मुसाक योहोवा भगवान योहोसु क लोगहन सी कयने क हुकुम दी हती। तव सब लोगहन फुर्ती सी पार उतरी गया;
JOS 4:11 आरु जव सब लोगहन पार उतर गया, तव सब लोगहन याजक आरु योहोवा क सन्दुक भी उनाक देखता पार हया गया।
JOS 4:12 आरु रुबेनी, गादि, आरु मनश्शे क आदा गोत्रा क लोगहन मुसा क कयने लाग्या कि अनसारे इसराएली लोगहन क ओगव कतार सी यरदन नदी पार हुय गया;
JOS 4:13 मतलब कुई चालीस हजार मानुसे युद्ध क हथियार बांधीन संग्राम करने क करता योहोवा क सामने पार उतरीन योरीहो क जु अराबा मा पुग्या।
JOS 4:14 उके दाहड़े योहोवा भगवान सब इसराएलीया क सामने योहोसु क महिमा बढ़ाई; आरु जोसो चा मुसा क डर मानता हता तोसाज योहोसु क भी बीक उकान जीवन भर मानता रया।
JOS 4:15 तव योहोवा योहोसु सी कया,
JOS 4:16 “वाचा क सन्दुक उठावने वाळा याजक क हुकुम आपे कि यरदन नदी मा सी निकळी आये।”
JOS 4:17 ते योहोसु याजक क हुकुम देदी, “यरदन नदी मा सी निकळी आयो।”
JOS 4:18 आरु जा योहोवा क वाचा क सन्दुक उठावने वाळा याजक यरदन नदी क वीच मा सी निकळी आया, आरु उनाक पाये स्थल पर पड़े, त्या ही यरदन नदी क पाणी आपना जागा पर आया, आरु पेहल समान किनारान क ऊपर पछो वहने लाग्यो।
JOS 4:19 पेहले महिने क दसवे दाहड़े क प्रजा क लोगहन यरदन नदी मा सी निकळीन योरीहो क पेहली सिमा पर गिलगाल मा आपना डेरु नाख्या।
JOS 4:20 आरु जा बारा दगड़ा यरदन नदी मा सी निकाळ्या गया हता, उनाक योहोसु नी गिलगाल मा उबा कर्‌या।
JOS 4:21 तव चु इसराएलीया सी कयो, “ओगव जव तुमरा झोठा-बोच्‌चा आपना आपना बास क यो पुछ्या, ‘ओका दगड़ा क काय मतलब छे?’
JOS 4:22 तव तुमु यो कईन उनाक कया, ‘इसराएली यरदन नदी क पार स्थल ही चाली आया हता।’
JOS 4:23 काहकी जोसो तुमरु परमेश्वर योहोवा नी लाल दरिया क आमरे पार होय जाने तक आमरे सामने सी हटावीन सुखला मेक्या हता; तोसोत् होयो योरदोन काजे वी पानी तुमरे पार होय जाने लोगुन तुमरे ओगोव गोथो छेटो होयीन सुकाड़ राख्यु;
JOS 4:24 एरकरता कि धरती क सब देशो क लोगहन जान लेवु कि योहोवा परमेश्वर क हाथ बलवन्त‌ छे; आरु तुमु हमेशा आपना योहोवा भगवान क बीक मानता रयु।”
JOS 5:1 जव यरदन क पश्चिम क तरफ रतने वाळा एमोरिया क सब राजा, आरु दरिया साथे रयनर वाळा कनानिया क सब राजा यो सोमव्या, कि योहोवा भगवान इसराएलीया क पार होयने तक उकान सामने सी यरदन नदीन पाणी हटाकर सुखलो राखलो‌ छे, तव इसराएलीया क डरन कारण मन हरबड़ाय गयो, आरु उना क जीव मा जीव नी रयु।
JOS 5:2 उना टेमे योहोवा भगवान योहोसु सी कयो, “चकमक सी छुरिया बनावीन दिसरी वार इसराएलीया क खतना कराव दे।”
JOS 5:3 तव योहोसु चकमक क छुरिया बनावीन खलड़िया नावन टीले पर इसराएलीया क खतना कराया।
JOS 5:4 आरु योहोसु जो खतना करायु, ओका कारण यो छे, कि जोतरा युद्ध क योग्य मानसे मिसर सी निकळ्या हता चा सब मिसर सी निकळने पर जंगल क रस्ता पर मर गया हता।
JOS 5:5 जा मानसे मिसर सी निकळया हता उना सब क खतना होय गया हता, पुन जोतरा उनाक मिसर सी निकळ ने पर जंगकन मार्ग मा पयदा हुया उना मा सी कुनीन नी खतना होयो हतो।
JOS 5:6 काहकी इसराएलीया ते चालीस साल तक जंगल मा फिरता रया, जव तक उकान सब जाति क लोगहन, मतलब जोतरा युद्ध क योग्य लोगहन मिसर सी निकळ्या चा खतम नी होय गया, काहकी हेको योहोवा भगवान नी मानी हती; एरकरता योहोवा भगवान शपथ खाईन उनाक कयो हतो, आरु उकामा दुध आरु माखान धार वयती छे, चो देश हाव तुमुक नी देखाड़ने।
JOS 5:7 ते उना लोगहन क पोर्‌यो जेका योहोवा भगवान उकाम जागा पर पयदा कर्‌या हता, उकान खतना योहोसु सी कराया, काहकी रस्ता मा उकान फातोरकाती नी होयने क कारण चा खतनारहित हता।
JOS 5:8 आरु जव उका सब जाति क लोगहन क खतना होय गयो, तव चा आरगाय होय जाने तक आपना आपना जागा पर छावनी मा रया।
JOS 5:9 तव योहोवा भगवान योहोसु सी कयो, “तुमरी नामधराई जी मिसरिया मा होई छे उका हाव आज सेठु कर्‍यु छे।” एर कारण उका जागा क नाव आजुन दाहड़े तक गिलगाल पड़्या छे।
JOS 5:10 एरकरता इसराएलीया गिलगाल मा डेरा नाखला रवे, आरु हेको योरीहोन मैदान मा मयनान चोवदवे दाहड़े सांतेन टेमे फसहन तिवार वाळीया।
JOS 5:11 आरु तिवार क दिसरे दाहड़े चा उका देश क कमाय मा सी अखमीरी रोटो आरु उके दाहड़े सी भुंजला दाना भी खाने लाग्या।
JOS 5:12 आरु जेका दाहड़े चा उका देश क कमाय मा सी खाने लाग्या, उना दाहड़े सबेरे क मन्ना बंद होय गया; आरु इसराएलीया क ओगव पछा कभी नी जोड्यो, पुन उके साल हेकोने कनान देशन कमाय मा सी खादा।
JOS 5:13 जव योहोसु योरीहो क जु हतो तव उको आपना डुवा उठाव्या, आरु काय देख्या, कि हाथ मा नंगी तलवार लीन एक मानुस सामने उभु छे; आरु योहोसु उकान जु जाईन पुछा, “काय तु आमरे तरफ सी छे, या आमरा बैरिया तरफ का?”
JOS 5:14 तव उकाह उत्तर देदु, हांव कुदा वोवकु नी होय। हांव पोरबुन सेनान मुखी छे आरु हेमी यां आवलु छे। योहोसु तोत्यारुत् नेचु पोड़ीन हेनाक वांद्‌यु आरु हेरेसी पुछ्यु, “मालीन, मेस पावोर जुगु तारो काय हुकुम छे?”
JOS 5:15 योहोवा क सेनिक क प्रधान योहोसु सी कयो, “आपना खासड़ा पायम सी उतार नाख, काहकी जीन जागा पर तु उबा छे चा चुखली छे।” तव योहोसु तोसुज कर्‌या।
JOS 6:1 योरीहो क सब फाटक इसराएलीया क डरन कारण लगातार बंद रया; आरु कुई बाहर माहयता आवने जानेन मालुम नी हतो।
JOS 6:2 पछा योहोवा भगवान योहोसु सी कयो, “सोमव, हाव योरीहो क उकान राजु आरु शुरवीर समेत तार ओवलियाद मा कर देतु छेव।
JOS 6:3 एरकरता तुमु मा जोतरा योद्धा छे गाव क गेर लेदा, आरु उका गाव क चार तरफ एक वार फिरीन आया। आरु छव: दाहड़ा तक ओसोज कर्‌या करु।
JOS 6:4 आरु सात याजक सन्दुक क ओगव ओगव गाडराक सिंगड़ा साथे सात नरसिंगे लीन चाल्या; पछा सातवे दाहड़े तुमु गाव क चार तरफ सात वार फिरजु, आरु याजक भी नरसिंगा फुकता चाल्या।
JOS 6:5 आरु जव गाडरा क सिंगड़ा पर नरसिंगे देर तक फुकता रया, तव सब लोगहन नरसिंगे क शब्द सोमवताज मोटला ओवाज सी जयजयकार करे; तव नगर क सोहोरन भीतड़ो नेव सी पड़ जासे, आरु सब लोगहन आपना आपना सामने चढ़ जाए।”
JOS 6:6 एरकरता नुन क पोर्‌यो योहोसु याजक क बुलावीन कयो, “वाचा क सन्दुक क उठाव ले, आरु सात याजक योहोवा भगवान क सन्दुक ओगव ओगव गाडरा क सिंगड़ा क सात नरसिंगे करता चाल्या।”
JOS 6:7 नगर आरु हथियारबन्द मानसे योहोवा भगवान क सन्दुक ओगव ओगव चाल्या।
JOS 6:8 आरु जव योहोसु यी वात लोगहन सी कय गयु, ते चा सात याजक जा योहोवा भगवान क सामने सात नरसिंगे लीन हता नरसिंगे फुकता चाल्या, आरु योहोवा क वाचा क सन्दुक उनाक पछव पछव चाल्या।
JOS 6:9 आरु हथियारबन्द मानुस नरसिंगे फुकनेवाळा याजक लीन ओगव ओगव चाल्या, आरु पछव वाळा सन्दुक क पछव पछव चाल्या, आरु याजक नरसिंगे फुकता चाल्या।
JOS 6:10 आरु योहोसु लोगहन क हुकुम देदु, “जव तक हाव तुमुक जयजयकार करने क हुकुम नी देव, तव तक जयजयकार नी करो, आरु नी तुमरा कुई शब्द सोमवने मा आया, नी कुई वात तुमरा मुहय मा निकळनो नी जुवे; हुकुम जोड़ताज जयजयकार करनो।”
JOS 6:11 उको योहोवा भगवान क सन्दुक क एक वार गाव क चार तरफ फिराया; तव चा छावनी मा आया, आरु रात चा काड़्या।
JOS 6:12 योहोसु सोंदारे उठ्यु, आरु याजक योहोवा क सन्दुक उठाव लेदो।
JOS 6:13 आरु उना सात याजक गाडरा क सिंगड़ा क सात नरसिंगे लीन आरु योहोवा क सन्दुक क ओगव ओगव फुकता चाल देदा; आरु उनाक ओगव हथियारबन्द मानुस चाल्यु, आरु पछल वाळा योहोवा न सन्दुक क पछव पछव चाल्या, आरु याजक नरसिंगे फुकता चाल देदा।
JOS 6:14 एरगत चा दिसरे दाहड़े भी एक बार गाव क चार तरफ फिरीन पड़ाव पर पछा वापस आया। आरु ओका प्रकार हेको छव: दाहड़े तक कर्‌या।
JOS 6:15 पछा सातवे दाहड़े चा कुकड़ा वासने न टेमे उठीन तीनीन रीति सी गाव क चार तरफ सात बार फिरीन आया; सिर्फ तीनीज दाहड़े चा सात बार फिर्‍या।
JOS 6:16 तव सातवी बार जव याजक नरसिंगे फुकता हता, तव योहोसु लोगहन सी कयो, “जयजयकार करो; काहकी योहोवा यो गाव तुमुक आप देदु छे।
JOS 6:17 आरु गाव आरु जा काहय उकामा छे योहोवा क करता अर्पण करली चीज ठरसे; सिर्फ राहाब वेश्या आरु जोतरा ओकान घर मा छे चा जीवता छुड़ देदा जासे, काहकी चु आमरी मोकल्‌ला दुत क धोपाड़ लेदा हता।
JOS 6:18 आरु तुमु अर्पण करली चीज सी सावधानी सी आपनो पाप क अलग राखु, ओसो नी होय कि अर्पण करली चीज ठहरावीन बाद मा उकाक अर्पण करली चीज मा सी काहय ली लेवु, आरु ओका प्रकार इसराएलि पड़ाव क नाश करिन उका कष्ट मा नाख दे।
JOS 6:19 सब चाँदी, सोना, आरु जो पात्र पीतवन आरु लोखंडान छे, चा योहोवा क करता चुखला छे, आरु उका क समान मा मेकनु छे।”
JOS 6:20 तव लोगहन ने जयजयकार कर्‌या, आरु याजक नरसिंगे फुकता रयु। आरु जव लोगहन ने नरसिंगे क शब्द सोमव्या ते पछा मोटा ओवाज सी हेको जयजयकार कर्‌या, तव सोहोरपनाह नींव सी पड़ गया, आरु लोगहन आपने आपने सामने सी उका गाव मा चढ़ गया, आरु गाव क ली लेदु।
JOS 6:21 आरु काय मानुस, बायर काय, काय जवान, काय जुवान, काय डाहला, वरन् बयलीय, गाडरा-बुकड़ा, गोदड़ा, आरु जोतरा गाव मा हता, उना सभा क हेको अर्पण करली चीज जानीन तलवार सी मार नाख्या।
JOS 6:22 तव योहोसु उना दुय मानसक सी जो उका देश क भेद लेने गया का, “आपनी शपथ क अनसारे उका वेश्या क घर मा जाईन उकाह आरु जो उकाह जु हेको भी निकाळ ली आरु।”
JOS 6:23 तव चा दुयु जुवान भेदिए माहयता जाईन राहाब क, आरु उकान आय-बास, भाईसक, आरु सब क जो उकाह या रवता हता, वरन् उकाह सब कुटुंब वाळा क निकाळ लाया, आरु इसराएल क पड़ाव सी बाहरते बठाड़ देदा।
JOS 6:24 तव हेका गाव क आरु जा काहय उकामा हता, सब क आगठो धोपाड़ीन फुक देदा; सिर्फ चाँदी, सोना, आरु जा पात्र पीतळ आरु लोखंड क हतो, उकाह हेका योहोवा भगवान क भवन क समान मा मेक देदा।
JOS 6:25 आरु योहोसु राहाब वेश्या आरु उकान बास क घराना क, वरन् उकाह सब लोगहन क जीवता छुड़ देदा; आरु आज तक उकान पिढ़ी इसराएलीया क वीच मा रवता छे, काहकी जा दुत योहोसु योरीहो क भेद लेने क मुकल्या हता हेका उको धोपाड़ लेदा हता।
JOS 6:26 पछा उका टेमे योहोसु इस्राइलीया क सामने शपथ मेकी, आरु कया, “जु मानुस उठीन ओका गाव योरीहो क पछा बनाया चा योहोवा क तरफ सी शापित होये। जव चा उकान नींव नाखसे तव उकान मोठलो पोर्‌यो मरसे, आरु जव चा उकान फाटक लागाड़से।”
JOS 6:27 आरु योहोवा योहोसु क संग रया; आरु योहोसु क कीर्ति उका सब देश मा पसरी गई।
JOS 7:1 पुन इसराएलीया नाश करनेन चीज न वाराम धुको कर्‌या; यहुदा गोत्र क आकान, जो जेरह ओवलियादी जब्दी क पुतन्यो आरु कर्म्मी क पोर्‌यो हता, उका ने अर्पण क चीज मा सी काहय ली लेदा; एका कारण योहोवा भगवान क रीश इसराएलीया पर भड़क उठ्या।
JOS 7:2 योहोसु योरीहो सी ऐ नावन नगर क पास, जो बेतावेन सी लागलु बेतेल उगवनी वोगे छे, काहय मानसक यो कईन मोकल्या, “जाईन देश क बेद ले आरु।” आरु उना मानसक जाईन ऐ का भेद देदा।
JOS 7:3 आरु हेको योहोसु क साथे वापस फिरीन आवीन कया, “सब लोग चा नी जाय, कुई दुय तीन हजार मानसे जाईन ऐ गाव क जीत सकता छे; सब मानसक चा जानेन कष्ट मा आपु, काहकी चा मानसे थुड़ाज छे।”
JOS 7:4 एरकरता कुई तीन हजार मानसे चा गया; पुन ऐ गाव मा रयने वाळा क सामने सी डासीन आया,
JOS 7:5 तव ऐ गाव क रहने वाळा उनामा सी कुई छत्तीस मानसे मार नाख्या, आरु आपना फाटक सी शबीराम तक उनाक पछव करिन उतराई मा उनाक मारता गया। तव लोगहन क मन पिघवाळीन पाणी जोसो बन गयो।
JOS 7:6 तव योहोसु आपना छिंदरा फाड़े, आरु चा आरु इसराएली डाहला लोगहन योहोवा क सन्दुक क सामने मुहयन बुरसे पड़ीन धरती पर सांजु तक पवड़ा रवे; आरु हेको आपना आपना मुनका पर धुवु नाखी।
JOS 7:7 आरु योहोसु कयु, “हाय, पोरबु योहोवा, तु आपनी ओका प्रजा क यरदन नदी पार काय ली आयु? काय आमुक एमोरिया क वश मा करिन नष्ट करने क करता ली आया छे? वारलो हतो कि आमु संतोष करिन यरदन नदी क तीन पार रय जाता!
JOS 7:8 हाय, पोरबु हाव काय कयो, जव इसराएलीया आपना दुश्मन क वाहँ दिखाड़े छे!
JOS 7:9 काहकी कनानी वरन् ओका देश क सब निवासी यो सोमवीन आमुक घेर लेसे, आरु आमरो नाव धरती पर सी मिटाळ नाखसे; पछु तु आपना मोटा नावन करता काय करसे?”
JOS 7:10 योहोवा योहोसु सी कया, उठ, उबो रय जा, तु काह ओका भाति मुयक बल धरती पर पड़े छे?
JOS 7:11 इसराएलीया पाप कर्‌या छे; आरु जी वाचा हाव उका सी आपने साथ बंधाई हती उकाह हेको तुड़ देदा छे; हेको अर्पण करी चीज मा सी ली लेदा, वरन् चुरी भी करी कि आरु छल करिन उकाह आपने समान मा मेक देदा छे।
JOS 7:12 ओका कारण इसराएलीया आपना दुश्मन क सामने उबा नी रय सकता; चा आपना दुश्मन क वाहँ देखाड़ता छे, एरकरता कि चा खुद अर्पण करी चीज बन गया छे। आरु कदाम तु आपने वीच मा सी अर्पण करी चीज क सत्यनाश नी कर नाखसे, ते हाव ओगव क तुमरे साथे नी रवो।
JOS 7:13 उठ, लोगहन क चुखलो कर, ओकाह कय, सोंदारे रक आपने आपसु क चुखलो कर मेक; काहकी इस्राएल क परमेश्वर योहोवा यो कयतो छे, “हे इस्राएल, तार वीच मा अर्पण करली चीज छे; एरकरता जव तक तु अर्पण करली चीज क आपने वीच मा सी सेठी मा करे तव तक तु आपना दुश्मन क सामने उभु नी रय सकतु।”
JOS 7:14 एरकरता सोंदारे क तु गोत्र गोत्र क अनसारे सामने उबा कर्‌या जासे; आरु जा गोत्र क योहोवा धरे चु एक एक कुल करिन नाट आवे; आरु जा कुल क योहोवा धरे चो घराना घराना करिन नाट आया; पछा जा घराना क योहोवा भगवान धरे चु एक एक मानुस करिन नाट आया।
JOS 7:15 तव जु मानुस अर्पण करी चीज मेकली सापड़ी जाय, चा आरु जो काहय उकान होय सब आग्ठा मेकीन धोपाड़ देदलो जाय; काहकी उको योहोवा क वाचा क तुवड़ो छे, आरु इस्राएल मा अनुचित काम कर्‌या छे।
JOS 7:16 योहोसु सोंदारे उठीन इसराएलीया क गोत्र गोत्र करिन सामने ली गया, आरु यहुदा क गोत्र धोराय गयो;
JOS 7:17 तव उको यहुदा क परिवार क सामने कर्‌या, आरु जेरह ओवलियादिया क कुल धोराय गयो; जेरह ओवलियादिया क घराना क एक एक मानस क सामने लाया, आरु जब्दी धराय गयो;
JOS 7:18 तव उको उकाह घराना क एक एक मानस क सामने उबा कर्‌या, आरु यहुदा गोत्र क आकान, जु जेरह ओवलियादी जब्दी क नातन्यो आरु कर्म्मी क पोर्‍यु हतु, धराय गयो।
JOS 7:19 तव योहोसु आकान सी कयने लाग्यो, “हे मार पोर्‍या, इस्राएल क परमेश्वर योहोवान मोहिमा कर, आरु ओकान ओगव अंगीकार कर; आरु जो काहय तु करलु छे चो मखे कय दे, आरु मखे सी काहय मा धोपाड़े।”
JOS 7:20 आकान योहोसु क उत्तर देदु, “सचमा हाव इस्राएल क परमेश्वर योहोवा क विरुध्द पाप कर्‍यु छे, आरु ओका प्रकार हाव कर्‍यु छे,
JOS 7:21 कि जब मखे लुट मा शिनार देश क एक सुन्दर ओढ़ना, आरु दुय सोव शेकेल चाँदी, आरु पचास शेकेल हुनान एक इटळो देखाय पड़्यो, तव हाव ओकान लालच करिन हेको मेक देदा; चा मार पड़ावन माहयता धरती मा गावड़ा छे, आरु सब क नेड़ी चाँदी छे।”
JOS 7:22 तव योहोसु थुड़ाक लोगहन क मकल्यो, आरु त्या उना पड़ाव मा दौड़ी पड़्या; आरु काय देख्या कि चा चीजे उकान पड़ाव मा गावड़ा छे, आरु सब नेड़ी चाँदी छे।
JOS 7:23 उकाह हेका पड़ाव मा सी निकाळीन योहोसु आरु सब इसराएलीया क साथ लावीन योहोवा क सामने मेक देदा।
JOS 7:24 तव सब इसराएलीया समेत योहोसु जेरह ओवलियादी आकान क, आरु उका चाँदी आरु ओढ़ने आरु हुनान इटळो क, आरु ओकान पोर्‍या-पोराय क, आरु उकान बयलीय, गदड़ा आरु गाडरा-बुकड़ा क, आरु उकान पड़ाव क, मतलब जा काहय ओकान हतो उना सब क आकोर नावन तराई मा ली गया।
JOS 7:25 तव योहोसु ओकाह कयो, “तु आमुक काह कष्ट आप्यु छे? आजुन दाहड़े योहोवा भगवान तुखे कष्ट आपसे।” तव सब इसराएलीया उका पर पथराव कर्‌या; आरु उका आग्ठा मा नाखीन धोपाड़्या, आरु उकान उपर दगड़ा नाख देदा।
JOS 7:26 आरु हेको उकान उपर दगड़ा क ढिग लागाड़ देदा जो आज तक बवनो छे; तव योहोवा क भड़कलो रीस शांत होय गयो। ओका कारण उका जागा क नाव आज तव आकोर तराई पड़ गयो।
JOS 8:1 तव योहोवा योहोसु सी कया, “मा बीहे, आरु तारो मन कच्चो नी होय; कमर बाँधीन सब योद्धाओंक साथे लेवु, आरु ऐ पर चढ़ाई कर; सोमव, हाव ने ऐ का राजु उकान प्रजा आरु उकान नगर आरु जमीन क साथ मा थारा हक मा कर दिलो छेतो।
JOS 8:2 आरु जोसो तु योरीहो आरु ओकान सी कर्‌या तोसोज ऐ आरु उकान राजाक साथे भी करनु; केवल तुमु पशु समेत ओकान लुट ते आपने करता ली सकजे; एरकरता ओका नगरक पछवली तरफ आपना पुरुष घात मा लागाड़ देसे।”
JOS 8:3 अत: योहोसु सब योद्धा समेत ऐ पर चढ़ाई करनेक तेयारी कर्‌या; आरु योहोसु तीस हजार मानसक जु शुरवीर हता रातीज आदेश आपीन मुकल्या।
JOS 8:4 आरु उनाक यी हुकुम आप्या, सोमवु, तुमु ओका नगरक पछवली तरफ घात लागाड़े बठला रयनु; नगर सी बैस सेठे नी जानु, आरु सब के सब तेयार रहना;
JOS 8:5 आरु हाव आपना साथी समेत ओका नगरन नाट जाईस। आरु जव चा पेहले समान आमरो सामनु करनेक निकळ्या, तव आमु ओका ओगव सी डाससु;
JOS 8:6 तव चा यो सोचीन, कि पेहले भाँतिन आमरे सामने सी डास जाता छे, आमरी पिछा करसे; ओका प्रकार आमु ओकान सामने सी डासीन हेका नगर सी छेठा निकाळ ली जासे;
JOS 8:7 तव तुमु आपसा डुकायने क जागा सी निकळजु आरु नगर पोर होक कोर लेजु, काहकी पोरबु परमेश्वर नगर क तुमरा होक मा कोर देसे।
JOS 8:8 जव तुमु नगर क आपसा होक मा कोर लेसु तव उनामा आगठो लागाड़ देजु। पोरबु क बुलन ओनसारे असाज कोरजु। देखु, तुमरे लिय योज मारो हुकुम छे।
JOS 8:9 योहोसु न हेनको मुकल देदो। त्य डुकायने का जागा पोर चाली गुया। त्या ऐ नगर क बुडेनले धड़े, ऐ नगर आरु बेतेल क वीच डुकायीन बोस गुया। योहोसु न आपसा सिपायड़ा क पुठी रात रोयो।
JOS 8:10 योहोसु संदारे बेगो उठ्यो। त्यो सिपायड़ा क एकठा कोर्‌यो, आरु इसराएली धोरमोन डाहडा भेळ सिपायड़ा क अगळ अगळ ऐ नगर क भेनी गुयो।
JOS 8:11 योहोसु क पुठी क आखा सिपायड़ा ओगा गुया। त्या नगर क अगळ ओका धड़े पुग्या। त्या ऐ नगर क उत्तर मा पड़ाव कोर्या। हेनका आरु ऐ नगर क वीच एक तंग घाटी हुती।
JOS 8:12 योहोसु न पांच हजार सिपायड़ा लिन आरु उना ऐ नगर क बुडेनले मा, ऐ नगर आरु बेतेल क वीच एक जागा पोर डुकायीन बोसाड़ देदो।
JOS 8:13 इसराएली सिपायड़ा क स्थिती यी हुतली, ऐ नगर क उत्तर मा अग्रगामी सिपायड़ान टुळो आरु नगर क बुडेनले मा चन्दावल सिपायड़ान टुळो पड़ाव कोर्‌यो। योहोसु न घाटी मा रात रोयो।
JOS 8:14 जव ऐ नगर क राजा न योहोसु क सिपायड़ा क देख्यो, तव त्यो विगुर वार कोरे; त्यो आरु हेनका लोगहन नगर क आखा सिपायड़ा इसराएलीयो सी लोड़ाय करने क लिय यर्दन नदी क घाटी क भेनी गुया। त्या उना अराबा जागा पोर गुया जाँ त्या पेहले लोड़ाय कोर्या हुता। राजा नी जानतो हुतो कि नगर क पछळ भेनी सी उना पोर डुकायीन होमलो कोरसे।
JOS 8:15 योहोसु आरु इसराएल पुठी क सिपायड़ा न हारनेन बहानो कोर्या, आरु त्या उजाड़ी पोरदेश क वाट क भेनी ढासने लाग्य।
JOS 8:16 ऐ नगर क आखा लोगहन हेनका पछळ गुया। त्या योहोसु क पछळ करता नगर सी घोना छेटा निकळ गुया।
JOS 8:17 ऐ नगर आरु बेतेल नगर मा एक वी मानुस नी रोयो जो इसराएलीयो क पछळ करने नी गुयो होय। आखा मानसे नगर क उघाड़लो नाखीन इसराएलीयो क पछळ करने चाली गुया।
JOS 8:18 पोरबु न योहोसु सी कयो, आपसा हाथ क भाला सी ऐ नगर भेनी सोहली कोर; काहकी हांव नगर क तारा होक मा कोर देदो। योहोसु न आपसा हाथ क भाला सी ऐ नगर भेनी होत ओगो कोर्‌यो।
JOS 8:19 हेको हाथ उपोर कोर्‌यो, डुकायीन बोठला सिपायड़ा तावनी सी आपसा जागा सी उठ्या, आरु नगर भेनी दवड़ी पोड़्या। त्या नगर मा भराय गुया आरु हेको आपसा होक मा कोर लेदा त्या विगुर वार कोरे आगठो लागाड़ देदा।
JOS 8:20 जव ऐ नगर ज मानसे पोछा फिरीन देख्या कि ते काय देख्या की नगर क धुवाड़ो वादळा क भेनी उठ रोयो, आरु हेनको नी ते इंखेर ढासनेन ताकोत रोही, आरु नी ओथी, आरु जे मानसे जंगल भेनी ढासता हुता त्या फिरीन आपसाक मारनेवाळा पोर टुट पोड़्या।
JOS 8:21 जोत्यार योहोसु आरु आखा इसराएली न देख्या कि मारन्या नगर क ली लेदा, आरु हेको धुवाड़ो उठ रोयो छे, तव फिरिन ऐ नगर क मानसे मारने लाग्या।
JOS 8:22 आरु हेनका सामनो करने क दिसरा वी नगर सी निकळ आया, एकालिय त्या इसराएलीयो क वी मा पड़ गुया, काहिन इसराएली ते हेनका ओगळ आरु काहिन हेनका पछळ हुता; त्या हेनको यां लगुन मार्या कि उनमा सी नी ते कहिन वाचने आरु नी ढासाये।
JOS 8:23 आरु ऐ नगर क राजा क जिवतला धरीन योहोसु क पास ली आया।
JOS 8:24 जोत्यार इसराएली ऐ नगर क आखा रोहनेवाळा क खयड़ा मा, उना जंगल मा जां त्या पछळ कोर्या हुता घात करला आरु त्या आखाक तलवार सी मार्या गया यां लगुन कि हेनको आखरी हुय गुयो, तव आखा इसराएलीयो न ऐ क लोवटीन हेको वी तलवार सी मार्या।
JOS 8:25 आरु बायरा मानसे आखा मिळीन जे उना दाहड़े मार्या गुया त्या बारे हजार हुता, आरु ऐ नगर क आखा मानसे होतरात हुता।
JOS 8:26 काहकी जव लगुन योहोसु न ऐ नगर क आखा रहनेवाळा क नाश नी कोर नाख्यो ती लगुन त्यो आपसो हाथ जिनासी बर्छो बड़ायो हुतो, ओळी नी हापक्यो।
JOS 8:27 परमेश्वर क हुकुम क ओनसारे ज त्यो योहोसु क आप्यो हुतो इसराएलीयो न ढुरो नगर क लुट आपसो कोर लेदो।
JOS 8:28 तव योहोसु न ऐ नगर क धपाड़ देदो त्यो आज लगुन उजाड़ पोड़लो छे।
JOS 8:29 आरु ऐ नगर क राजा क त्यो शांतो लगुन झाड़ पोर टांग राख्यो आरु दाहड़ु डूबता डूबता योहोसु क हुकुम सी हेको धड़ झाड़ पोर सी उतारीन नगर क झपला क अगळ नाख देदा, आरु उना पोर दोगड़ा क मोटो ढीग लागाड़ देदा, ज आज लगुन बनलो छे।
JOS 8:30 तव योहोसु न इस्राएल क परमेश्वर योहोवा क लिय एबाल बोयड़ा पोर एक वेदी बनवाड़्यो,
JOS 8:31 जसो योहोवा क दास मुसा न इसराएलीयो क हुकुम आप्यो हुतो, आरु तसोज मुसान कायदान किपात मा लिखलो छे, त्यो समुचे दगड़ा क एक वेदी बनवाड़्यो जेना पोर ओवजार नी चालाड़्यो गुयो हुतो। आरु उना पोर त्या योहोवा क लिय होमबली चोड़ाया आरु मेलबलि कोर्या।
JOS 8:32 उना जागा पोर योहोसु न इसराएलीयो क अगळ उना दोगड़ा क उपोर मुसा क कायदा ज उनने लिख्यो हुतो, हेकी नकल कोराड़्यो।
JOS 8:33 आरु त्या, काय देशी काय पारका आखा इसराएली आपसा डाहला लोगहन, सरदारो, आरु नियाय कोरन्या भेळ योहोवा क वाचान सन्दुक चुटनेवाळा लेवीय याजकों क अगळ उना सन्दुक क एंखेर तेंखेर उबा हुया आदा लोगहन ते गिरिज्जीम बोयड़ा क, आदा एबाल बोयड़ा क अगळ उबा हुया तोसा कि योहोवा क दास मुसा न पेहलो हुकुम आप्यो हुतो कि इसराएली पोरजा क बोरकोत आप्यो जाय
JOS 8:34 हेका वाद त्यो बोरकोत आरु शाप नु कायदान आखा बुल, जसा जसा कायदान किपात मा लिखला छे तसाज तसाज भनी भनीन समवाड़ देदा। पारका लोगहन क अगळ वी भनीन नी समवाड़्या।
JOS 8:35 जोतरी वातोक मुसा न हुकुम आप्यो हुतो, उनामा सी काय ओसी वात नी रोय गोय जी योहोसु न इस्राएल क आखी सभा, आरु बायरा, आरु बाळ बोच्‌चा आरु हेनका पुठी रहनेवाळा क उचा बुल सी समवाड़ देदो
JOS 9:1 यो सोमवीन हित्ती, एमोरी, कनानी, परिज्जी, हिब्बी, आरु यबुसी, जोतरा राजा यरदनक ओका पार पहाड़ी देश मा आरु नेड़ला देश मा, आरु लबानोनक सामनेक महासागरक काठ पर रयता हता,
JOS 9:2 चा एक मन होईन योहोसु इसराएलीया सी लड़नेक एकठा होया।
JOS 9:3 जव गिबोनक निवासिया सोमव्या कि योहोसु योरीहो आरु ऐ सी काय काय कर्‌या छे,
JOS 9:4 तव हेका छल कर्‌या, आरु राजदुतक भेष बनावीन आपना गदड़ा पर पुराना बोरे, आरु पुराना फाटला आरु जोड़ लागला होया मदिराक कप्पा लादीन
JOS 9:5 आपना पायो मा जुन्ली पैबन्द लागाड़ला खासड़ा, आरु डिल पर जुन्ला छिंदरा पेहरी, आरु आपना खानान करता नबनुखी आरु फफुँदी लागाड़ला रुटो ली लेदा।
JOS 9:6 तव चा गिलगाल क छावनी होई योहोसुक जु जाईन ओकाह आरु इसराएली मानसक कयने लाग्या, आमु दिसरा देशम सी आया छे; एरकरता हिमी तुमु आमुसी वाचा बाँधु।
JOS 9:7 इसराएली मानसे उना हिब्बीया सी कया, काय जानु तुमु आमरा मध्य माज रयता होसे; पछा आमु तुमु सी वाचा कोसा बाँधजे?
JOS 9:8 हेका योहोसु ओकाह कयो, आमु तारा दास छे। तव योहोसु ओकाह कयो, तुमु कुन छे? आरु काह सी आया होसे?
JOS 9:9 हेका ओकाह कयो, तार दास बैस सेटला देश सी तारा परमेश्वरन योहोवाक नाव सोमवीन आया छे, काहकी आमु सब यो सोमव्या छे, मतलब ओकान कीर्ति आरु जो काहय ओको मिसर मा कर्‍यो,
JOS 9:10 आरु जो काहय ओको एमोरियान दुयु राजा कर्‌या जा यरदनक तीन पार रयता हता, मतलब हेश्बोनक राजु सीहोन सी, आरु बासानक राजु ओगळ सी जो अशतारोत मा हता।
JOS 9:11 एरकरता आमरे यान डाहला लोगहन आरु आमरा देशक सब निवासिया आमु सी कया, कि वाटक करता आपने जु भोजनक चीज लीन ओकाह मेळनेक जाऊ, आरु ओकाह कयनु, कि आमु तुमरा दास छे; एरकरता हिमी तुमु आमुसी वाचा बाँधु।
JOS 9:12 जिन दाहड़े हामु तुमरे जु चालने निकळे उके दाहड़े ते हामु आपने आपने घर सी रोटो तातलो आरु ताजी ली हती; पुन हिमी देखु, यो सुख गयो छे आरु इकामा बुर्थाय गईली छे।
JOS 9:13 पछा या जा मोंद हामु भर लेदा हता, तव ते नोवला हता, पुन देखु हिमी या लाम्बली जात्राक कारण जुन्ली होय गई छे।
JOS 9:14 तव उना लोगहन योहोवा सी नी पुछिया आरु उना माईन थुड़ंक खानो ली लीदा।
JOS 9:15 तव योहोसु उनाक मेळ करिन उनासी यी वाचा बाँधी कि तुमुक जीवता छुड़ु; आरु मण्डलीक प्रधाने उनाक शपथ खादी।
JOS 9:16 उनाक साथे वाचा बाँधनेक तीन दाहड़ाक बाद उनाक यो खबर मेळे, कि चा हामरे नाट रयनेवाळा लोगहन छे, आरु आमरेज वीच मा बोठला छे।
JOS 9:17 तव इसराएली कुच करिन तीसरे दाहड़े उनाक नगरक जिनान नाव गिबोन, कपीरा, बेरोत, आरु किर्यत्यारीम छे पुग गया,
JOS 9:18 आरु इसराएलीया उनाक नी देदा, काहकी मण्डलीक प्रधान उनाक साथे इस्राएलक परमेश्वर योहोवाक शपथ खादी हती। तव सब मण्डलीक लोगहन प्रधानक विरुद्ध कुड़कुड़ावने लाग्या।
JOS 9:19 तव सब प्रधान सब मण्डली सी कयो, आमु उनाक इस्राएलक परमेश्वर योहोवाक शपथ खादी छे, एरकरता हिमी उनाक हाथ नी लागाड़ सकता।
JOS 9:20 आमु उना सी यो करसु कि उका शपथक अनसारे आमु उनाक जीवता छुड़ देसु, नी ते आमरी खादली शपथक कारण आमु पर गुस्सु पड़से।
JOS 9:21 पछा प्राधाने उनाक कयो, चा जीवता छुड़े जाए। अत: प्रधानक ओका वचनक अनसारे चा सब मण्डलीक करता लकड़हारे आरु पाणी भरनेवाळा बनु।
JOS 9:22 पछु योहोसु उनाक बुलावीन कयो, तु ते हामरे वीच माज रयतु छे, पछु तु आमु सी यो कईन काह छल कर्‍यु छे, कि आमु तुमु सी बैस छेठा रयता छे?
JOS 9:23 एरकरता हिमी तुमु शापित होसे, आरु तुमु मा सी ओसा कुई नी रवसे जु दास, मतलब मारा परमेश्वरन भवनक करता लाकड़ा तुड़नेवाळो आरु भरनेवाळा नी होय।
JOS 9:24 हेका योहोसुक जवाब देदो, तार दासक यो नक्की कयो गयो हतो, कि तारा परमेश्वर योहोवा आपनो दास मुसाक आदेश देदी हती कि तुमुक चु सब देश आप देय, आरु ओकान सब निवासियाक तुमरे सामने सी सर्वनाश करे; एरकरता आमु लोगहनक तुमरे कारण सी आपना जियोन कोरता बीह गया। एरकरता आमु ओसो काम कर्‌या।
JOS 9:25 आरु हिमी हामु तारा वश मा छे, जोसो भुल चाल तुखे वारलो लागे आरु ठीक जान पड़े, तोसोज व्यवहार आमरे साथे कर।
JOS 9:26 तव ओको उनाक तोसोज कर्‌या, आरु हेका इसराएलीयाक हाथ सी ओसो बचाड्या, कि चा हेका घात करने नी जुवे।
JOS 9:27 पुन योहोसु उके दाहड़े ओकाह मण्डलीक करता, आरु योहोवा नेवाड़ ले उकामा ओकान वेदीक करता, लाकड़ा तुड़नारा आरु पानी भरनेवाळा नेवाड़ लेदा, जोसा आज तक छे।
JOS 10:1 जव यरुशलेमन राजो अदोनीसेदेक सोमव्यु कि योहोसु ऐ कोक करता, आरु ओकान सत्यनाश कर न्हाख्या छे, आरु जोसो ओको योरीहो आरु ओकान राजा सी कर्‌या हता तोसाज ऐ आरु ओकान राजा सी भी कर्‌या छे, आरु यो भी सोमव्या कि गिबोनक निवासिया इसराएलीया सी मेल कर्‌या, आरु उनाक वीच मा रयने लाग्या छे,
JOS 10:2 तव चा बैस बीह गया, काहकी गिबोन मोटलो नगर वरन् राजनगरक तुल्य आरु ऐ सी मोटलो हतो, आरु ओकान सब निवासी शुरवीर हता।
JOS 10:3 एरकरता यरुशलेमक राजा अदोनीसेदेक हेब्रोनक राजो होहामक, यर्मुतक राजो पिराम, लाकीशक राजो यापी, आरु एग्लोनक राजो दबीरक जु यो कोय मोकल्यो:
JOS 10:4 “मार जु आवीन मारी मदत करु, आरु चालु आपु गिबोनक मारु; काहकी ओको योहोसु आरु इसराएलीया सी मेल मिलाप कर लेदा छे।”
JOS 10:5 एरकरता यरुशलेम, हेब्रोन, यर्मुत, लाकीश, आरु एग्लोनक पाँचो एमोरी राजा आपनी आपनी सब सेना एकठी करिन चढ़ाई कर देदा, आरु गिबोनक सामने डेरु न्हाखिन उका सी युद्ध कर पड्या।
JOS 10:6 तव गिबोनक रयनेवाळा गिलगालक छावनी मा योहोसुक जु यो कोय मुकल्यो, “आपना दासक तरफ सी तु आपनो हाथ नी हटावनु; जल्दी आमरे जु आवीन आमुक वाचाड़ ले, आरु आमरी मदत कर; काहकी बोयड़ा पर रयनेवाळा एमोरियाक सब राजा आमरे विरोध एकठा होया छे।”
JOS 10:7 तव योहोसु सब योद्धा आरु सब शुरवीरक साथे लीन गिलगाल सी चाल पड्या
JOS 10:8 आरु योहोवा योहोसु सी कयो, “उका सी मा बीहये, काहकी हाव उनाक तार हाथ मा कर देदा छे; उनामा सी एक मानुस भी तार सामने टिक नी सके।”
JOS 10:9 तव योहोसु रातोरात गिलगाल सी जाईन एकाएक उना पर टूट पड्यो।
JOS 10:10 तव योहोवा ओसो कर्‌या कि चा इसराएलीया सी घाबराय गया, आरु इसराएलीया गिबोनक जु उनाक मोटलो संहार कर्‌या, आरु बेथोरोनक चढ़ाव पर उनाक पछव करिन अजेका आरु मक्केदा तक उकाह देतो देतो गयो।
JOS 10:11 पछा जव चा इसराएलीयाक सामने सी डासीन बेथोरोन की उतराई पर आयो, तव अजेका पुगता तक योहोवा आकाश सी मोटला मोटला दगड़ा करिन उनाक देदा, आरु चो मर गयो; जा ओलो सी मर गया उनाक गिनती इसराएलीयाक तलवार सी मरला होया सी जास्ती हती।
JOS 10:12 उके टेमे, मतलब जीन दाहड़े योहोवा भगवान एमोरियाक इसराएलीयाक वश मा कर देदा, उके दाहड़े योहोसु योहोवा सी इसराएलीयाक देखता ओका प्रकार कया, “हे सुर्य, तु गिबोन पर, आरु हे चाँदबाबा, तु अय्यालोनक तराईन ऊपर उबो रयो।”
JOS 10:13 आरु सुर्य उके टेमे तक रुकायलो रयो, आरु चाँद भी उके टेमे तक उबो रयो, जव तक उका जातिक लोगहन आपना दुश्मन सी बदलु नी लेदा। काय यी वात याशार नावन किताब मा नी लिखला छे कि सुर्य आकाशमण्डल क वीचमा उबो रयो, आरु लगभग चार पहर तक नी डूबलो?
JOS 10:14 नी ते ओकान पेहेल एकदु ओसलु दाहाडु आरु नी उकान बाद, जेका मा योहोवा काहना मानसन सोमवलो छे; काहकी योहोवा ते इस्राएलक तरफ सी लड़तो हतो।
JOS 10:15 तव योहोसु सब इसराएलीया समेत गिलगालक छावनीमा वापस गयो।
JOS 10:16 चा पाच राजा डासीन मक्केदाक साथे वाळा गुफामा धोपाया।
JOS 10:17 तव योहोसुक यो खबर जोड्यो, “पाचु राजा मक्केदाक साथे वाळा गुफामा धोपायला जोड्या छे।”
JOS 10:18 योहोसु कयो, “गुफाक मुहय पर मोटला मोटला दगड़ा डुव्वीन उकान देखभाव क करता मानसक उकाम जु बठाड़ देवु;
JOS 10:19 पुन तुमु मा उबा रयु, आपना दुश्मनक पछव पड़ीन उनामा सी जा जा पिछड़ी गया छे उनाक मार न्हाखु, एका आपना आपना नगर मा आवनेन टेमे मा आपु; काहकी तुमरु परमेश्वर योहोवा उनाक तुमरा हाथ मा कर देदा छे।”
JOS 10:20 जव योहोसु आरु इसराएली उकान संहार करिन हेका खतम कर देदा, आरु उनामा सी जा वाच गया चा आपना आपना गढ़वाळा नगर मा बोराय गया,
JOS 10:21 तव सब लोगहनक मक्केदाक छावनीक योहोसुक जु वारु आरगाय सी वापस आया; आरु इसराएलीयाक विरुद्ध कुई जीभ तक नी हालाड्या।
JOS 10:22 तव योहोसु आदेश देदु, “गुफान मुहय उगाड़ीन उना पाचो राजाक मार निकाड़ लावु।”
JOS 10:23 हेका ओसाज कर्‌या, आरु यरुशलेम, हेब्रोन, यर्मुत, लाकीश, आरु एग्लोनक उना पाचु राजाक गुफा मा सी ओका जु निकाड़ आया।
JOS 10:24 जव चा उना राजाक योहोसु इस्राएलक सब मानसक बुलावीन आपने साथे चालने वाळा योद्धाक प्रधान सी कया, “साथे आवीन आपना आपना पाये इना राजान भुचारा पर मेकु।” आरु हेका नाट जाईन आपना आपना पायक उनाक भुचारा पर मेक्या।
JOS 10:25 तव योहोसु उनाक कयो, “बीहयु मा, आरु नी तुमरो मन कच्चो होए; हियाव बाँधीन पक्को होय; काहकी योहोवा तुमरा सब दुश्मन सी जिना सी तुमु लड़नेवाळा होसे ओसाज करसे।”
JOS 10:26 ओका बाद योहोसु उनाक म्हार न्हाखाड्यो, आरु पाच झाड़का पर लटकाड़ देदा। आरु चा साँजु तक उनाक झाड़का पर लटकाड़ रया।
JOS 10:27 दाहड़ु बुड़ता बुड़ता योहोसु सी आदेश लीन लोगहन नी हेका उना झाड़का पर सी उतारीन उका गुफा मा जा चा धोपाय गया हता न्हाख देदा, आरु उका गुफान मुहय पर मोटला मोटला दगड़ा मेक देदा, चा आज तक चा मेकला छे।
JOS 10:28 उके दाहड़े योहोसु मक्केदाक ली लेदो, आरु ओकाह तलवार करिन म्हार देदो, आरु राजान सत्यनाश कर्‍यो; आरु जोतरा प्राणी ओकामा हता उना सभा मा सी काहनाक नी जीवता नी छुड्यो; आरु जोसो ओको योरीहोक राजान साथे कर्‌या हता तोसोज मक्केदाक राजा सी भी कर्‌या।
JOS 10:29 तव योहोसु सब इसराएलीया समेत मक्केदा सी चालीन लिब्नाक गया, आरु लिब्ना सी लड़ायो;
JOS 10:30 आरु योहोवा उकाह भी राजा समेत इसराएलीया क हाथ मा कर देदा; आरु योहोसु उकाह आरु उकामा क सब जनावर क तलवार सी म्हार्‍या; आरु ओकामा सी काहना भी जीवता नी छुड्या; आरु ओकान राजा सी तोसोज कर्‍यो जोसो ओको योरीहो क राजाक साथे कर्‌या हता।
JOS 10:31 पछु योहोसु सब इसराएलीया समेत लिब्ना सी चालीन लाकीशक गयो, आरु ओकान विरुद्ध छावनी न्हाखिन लड्या;
JOS 10:32 आरु योहोवा लाकीशक इस्राएलक हाथ मा कर देदा, आरु दिसरे दाहड़े ओको उकाह जीक लेदा; आरु जोसो ओको लिब्नाक सब जनावरक तलवार सी म्हार्‍या हता तोसाज ओको लाकीश सी भी कर्‌या।
JOS 10:33 तव गेजेरक राजा होराम लाकीशक मदत करिन चढ़ आया; आरु योहोसु प्रजा समेत ओकाह भी ओसा मारा क ओकान करता काहनाक नी छुड्या।
JOS 10:34 पछा योहोसु सब इसराएलीया समेत लाकीश सी चालीन एग्लोनक गया; आरु ओकान विरुद्ध छावनी न्हाखिन युद्ध करने लाग्या;
JOS 10:35 आरु उके दाहड़े हेका उकाह ली लेदा, आरु ओकाह तलवार सी म्हार्‍या; आरु उके दाहड़े जोसो उकाह लाकीशक सब जनवारीयान क सत्यनाश कर न्हाख्या हता तोसोज उका एग्लोन सी भी कर्‌या।
JOS 10:36 पछा योहोसु सब इसराएलीया समेत एग्लोन सी चालीन हेब्रोनक गयो, आरु उका सी लड़ने लाग्या;
JOS 10:37 आरु हेका उका ली लेदा, आरु ओकाह आरु ओका राजो आरु सब गावक आरु उनामा सब जनावर तोलवार सी म्हार्‍या; जोसो योहोसु एग्लोन सी कर्‌या हता तोसोज हेब्रोन मा भी काहनाक जीवता नी छुड्या; उको ओकाह आरु उकामा सब जीव जनवार क सत्यनाश कर न्हाख्या।
JOS 10:38 तव योहोसु सब इसराएलीया समेत फिरीन दबीरक गया, आरु उकाह लड़ने लाग्या;
JOS 10:39 आरु राजा समेत उका आरु सब गावक ली लेदा; आरु हेका उनाक तलवार सी घात कर्‌या, आरु जोतरा जनावर उनामा हता सबन सत्यनाश कर न्हाख्या; काहना क जीवता नी छुड्या, जोसु योहोसु हेब्रोन आरु लिब्ना आरु ओकान राजा सी कर्‌या हता तोसोज ओका दबीर आरु ओकाह राजा सी भी कर्‌या।
JOS 10:40 ओका प्रकार योहोसु उका सब देशक, मतलब पहाड़ी देश, दोखेवरे देश, नेड़ला देश, आरु ढालु देशक, उनाक सब राजा समेत म्हार्‍या; आरु इस्राएलक परमेश्वर योहोवाक हुकुमोक अनसारे एकाह भी जीवता नी छुड्या, वरन् जोतरा जनावर हता सभाक सत्यनाश कर न्हाख्या।
JOS 10:41 आरु योहोसु कादेशबर्ने सी ली ले अज्जा तक, आरु गिबोन तक सब गोशेन देशक लोगहनक म्हार्‍यो।
JOS 10:42 इना सब राजाक उनाक देशो समेत योहोसु एकुज टेमे मा ली लेदा, काहकी इस्राएलक परमेश्वर योहोवा इसराएलीयाक तरफ सी लड़ता हता।
JOS 10:43 तव योहोसु सब इसराएलीया समेत गिलगालक छावनी मा वापस आयो।
JOS 11:1 यो सोमवीन हासोरक राजा याबीन मादोनक राजा योबाब, आरु शिम्रोन आरु अक्षाप राजाक,
JOS 11:2 आरु जा जा राजा उत्तरक तरफ पहाड़ी देश मा. तरफ किन्नेरेत दोखेवरे अराबा मा, आरु नेड़ला देश मा, आरु पश्चिमक तरफ दोर क देश मा रयता हता, उनाक,
JOS 11:3 आरु पुरब पश्चिम दोनो तरफन रयनेवाळा कनानियो, आरु एमोरियो, हित्तियो, परिज्जियो, आरु पहाड़ी यबुसियो, आरु मिस्पा देश मा हेर्मोन बोयड़ाक नेड़ा रयनेवाळा हिब्बीया क कय मुकल्यो।
JOS 11:4 आरु चा आपनी आपनी सेना समेत, जा दरियाक धोड़ेन बालु क किनकाक समान बैस हती, भेवाईन निकळ आया, आरु उनाक साथ घण सवटा घुल्‌ला आरु घुड़ सवारी भी हुती।
JOS 11:5 तव चा सब राजा सम्मति करिन एकठा होया, आरु इसराएलीया सी लड़नेक मेरोम नावन तालक जु आवीन एक संग छावनी न्हाखि।
JOS 11:6 तव योहोवा योहोसु सी कयो, उना सी मा बीहयु, काहकी काल इके टेमे उना सभाक इसराएलीया क वश मा करिन माराव न्हाखाड़ दिस; तव तु उनाक घुल्‌लान क माणडान माईन नस कटाड़जी, आरु हेनका घुड़सवारीयान क खतम कर देजी।
JOS 11:7 आरु योहोसु सब योद्धा समेत मेरोम नावन तालक जु अचानक पुगीन उना पर टूट पड्या।
JOS 11:8 आरु योहोवा उनाक इसराएलीया क हाथ मा कर देदा, एरकरता हेकाक हेका मार लेदा, आरु मोटला नगर मा सीदोन आरु मिसर पोतमैम तक, आरु पुर्वक तरफ मिस्पेक मैदान तक उनाक पछव कर्‌या; आरु ओकाक मार्‍या, आरु उनामा सी काहना क जीवता नी छुड़नु।
JOS 11:9 तव योहोसु योहोवा क आदेश क अनसारे उना सी कर्‌या. मतलब उनाक गुल्‌लाक घुटनाक नस कटाड़ीया, आरु उनाक रथ आग्ठा मा धोपाड़ीन भस्म कर देदा।
JOS 11:10 उके टेमे योहोसु फिरीन हासोर क जा पेहेल उना सब राज्य मा मुखी हता ली लेदा, आरु उकान राजाक तलवार सी म्हार न्हाख्या।
JOS 11:11 आरु जोतरा जनावरे ओकामा हता उन सभाक हेका तलवार सी मारीन सत्यनाश कर्‌या; आरु हासोर काजे योहुसु जनावर नी ओगव लागाड़ीन फुँकवा देदा।
JOS 11:12 आरु उना सब नगरक उनाक सब राजा समेत योहोसु नी ली लेदा, आरु योहोवाक दास मुसान हुकुमोक अनसारे उनाक तलवार सी घात करिन सत्यनाश कर्‌या।
JOS 11:13 पुन हासोरक छुड़ीन, जेको योहोसु आगठो लगाड़ीन धपाड़ दीदो, आरु इस्राएल कोय दिसरा नगर क जा टिला पर बनलो हुतो उको नी धोपाड्या।
JOS 11:14 आरु इना नगर क जीव जनवारीयान क इनाक सब लुटक इसराएलीया आपना कर देदा; पुन मानसक हेका तलवार सी मार न्हाख्या, या तक उनाक सत्यनाश कर न्हाख्या कि एक भी जनावरक जीवता नी छुड्या गया।
JOS 11:15 जो आदेश योहोवा आपना दास मुसाक आप देदी हती उकान अनसारे मुसु योहोवाक आदेश देदो हतो, आरु ठीक तोसाज योहोसु कर्‍यो भी; जो जो आदेश योहोवा मुसाक देदो हतो उनामा सी योहोसु कुई भी पुरी करे बिना नी छुड़ी।
JOS 11:16 तव योहोसु उका सब देशक, मतलब पहाड़ी देश, आरु सब दोखेवरे देश, आरु कुल गोशेन देश, आरु नेड़ला देश, अराबा, आरु इस्राएलक पहाड़ी देश, आरु उकान नेडलावाळा देशक,
JOS 11:17 हालाक नावन पहाड़ सी ले, जो सेईर क चढ़ाई पर छे, बालगाद तक, जा लबानोन मैदान मा हेर्मोन बोयड़ान नेड़ा छे, जोतरा देश छे उना सबक जीत लेदा आरु उना देशक सब राजाक धरीन मार न्हाख्या।
JOS 11:18 उना सब राजा सी युद्ध करता करता योहोसुक बैस दाहाड़ा लाग गया।
JOS 11:19 गिबोनक निवासी हिब्बीयाक छुड़ आरु एकदा नगर क लोगहन इसराएलीया सी मेलमिलाप नी कर्‌या; आरु सब नगरक हेका लड़ लड़ीन जीत लेदा।
JOS 11:20 काहकी योहोवाक जी मनसा हती, कि आपनी उको हुकुमोन अनसारे जी ओको मुसाक आपी हती उना पर काहय भी दया नी करे, वरन् सत्यनाश कर न्हाखे, ओका कारण ओको उनाक मन ओसा वातड़ो कर देदा, कि हेका इसराएलीयाक सामना करिन उनाक युद्ध कर्‌या।
JOS 11:21 उके टेमे योहोसु पहाड़ी देश मा आवीन हेब्रोन, दबीर, अनाब, वरन् यहुदा आरु इस्राएल दुयोक सब पहाड़ी देश मा रयनेवाळा अनाकिया क खतम कर्‌या; योहोसु नगर समेत उनाक सत्यनाश कर न्हाख्या।
JOS 11:22 इसराएलीया क देश मा कुई अनाकी नी रय गया; केवल अज्जा, गत, आरु अशदोद मा कुई कुई रय गया।
JOS 11:23 जोसो योहोवा मुसा सी कयो हतो, तोसोज योहोसु चा सब देश ली लेदा; आरु उका इस्राएलक गोत्रा आरु कुलोक अनसारे बाँट करिन हेका आप देदा। आरु देशक लड़ाई सी शान्ति जोड़ी।
JOS 12:1 यरदन पार सुर्यदयक तरफ, मतलब अर्नान घाटी सी लीन अर्नोन बोयड़ा तक देश, आरु सब पुर्वी अराबाक जीन राजाक इसराएलीया मारीन ओकान देशक आपना हक मा कर लेदा हता चा या छे:
JOS 12:2 एमोरियाक हेशबोनवासी राजा सीहोन, जा अर्नान घाटीक किनाराक अरोएर सी लीन, आरु उका घाटीक वीच माहयला नगरक छुड़ीन यब्बोक नदी तक, जा अम्मोनिया क सीमा छे, आदा गिलाद पर,
JOS 12:3 आरु किन्नेरेत नावन ताल सी लीन बेत्यशीमोत सी होईन अराबाक ताल तक; जो खारो ताल भी कयाड़तो छे, पुर्वक तरफ अराबा, आरु दक्षिणक तरफ पिसगाक ढलान क नेड़ला देश पर पोरबुता राखता हता।
JOS 12:4 पछा वाचला होया रपाया मा सी बासान क राजा ओगक देश हतो, जो अशतारोत आरु एद्रेई मा रया करता हता,
JOS 12:5 आरु हेर्मोन बोयड़ा, सलका, आरु गशुरिया, आरु माकियाक सीमा तक कुल बासान मा, आरु हेशबोनक राजा सीहोन क सीमा तक आदा गिलाद मा भी पोरबुता करता हता,
JOS 12:6 इसराएलीया आरु योहोवाक दास मुसा इनुक मार लेदु; आरु योहोवाक दास मुसा ओका देश रुबेनिया आरु गादिया आरु मनश्शे क आदा गोत्रा क लोगहन क आप देदा।
JOS 12:7 यरदन क पश्चिमक तरफ, लबानोन क मैदान मा बालगाद सी लीन सेईरक चढ़ाईन हालाक पहाड़ तक देशक जीन राजान योहोसु आरु इसराएलीया मारीन उनाक देश इसराएलीयाक गोत्रा आरु कुलोक अनसारे डासीन आप देदा हता चा या छे:
JOS 12:8 हित्ती, आरु एमोरी, आरु कनानी, आरु परिज्जी, आरु हिब्बी, आरु यबुसी, जा पहाड़ी देश मा, आरु नेड़ला देश मा, आरु अराबा मा, आरु ढालु देश मा, आरु जंगल मा, आरु दोखेवरे देश मा रयता हता।
JOS 12:9 एक, योरीहो क राजा; एक, बेतेल क जु ऐ क राजा;
JOS 12:10 एक, यरुशलेम क राजो; एक, हेब्रोन क राजा;
JOS 12:11 एक, यर्मुत क राजा; एक, लाकीश क राजा;
JOS 12:12 एक, एग्लोन क राजा; एक, गेजेर क राजा;
JOS 12:13 एक, दबीर क राजा; एक, गेदेर क राजा;
JOS 12:14 एक, होर्मा क राजा; एक, अराद क राजा;
JOS 12:15 एक, लिब्ना क राजा; एक अदुल्‌लाम क राजा;
JOS 12:16 एक, मक्केदा क राजा; एक, बेतेल क राजा;
JOS 12:17 एक, तप्पुह क राजा; एक, हेपेर क राजा;
JOS 12:18 एक, अपेक क राजा; एक, लश्शारोन क राजा;
JOS 12:19 एक, मादोन क राजा; एक, हासोर ज राजा;
JOS 12:20 एक, शिम्रोरोन क राजा; एक, अक्षाप क राजा;
JOS 12:21 एक, तानाक क राजा; एक, मगिद्दो क राजा;
JOS 12:22 एक, केदेश क राजा; एक, कार्मेल माहयन योकनाम क राजा;
JOS 12:23 एक, दोर नावन उँचला देश मा दोर क राजा; एक, गिलगाल मा क गोयीम क राजा;
JOS 12:24 आरु एक, तिर्सा क राजा छे; ओका प्रकार सब राजा इकतीस होया।
JOS 13:1 योहोसु डाहलो आरु बैस उमोर होय गयो हतो; आरु योहोवा ओकाह कयो, “तु डाहलो आरु बैस उमोर होय गयो छे, आरु बैस देश रय गया छे, जा इस्राएलक हक मा हिमी तक नी आया।
JOS 13:2 या देश रय गया छे, मतलब पोलिस्तीयाक सब प्रान्त, आरु सब गशुरी
JOS 13:3 (मिसरन ओगव शीहोर सी लीन उत्तरन तरफ एक्रोनक सीमा तक जु कनानीया क भाग गिवनु जातु छे; आरु पलिश्तियाक पाँचु सरदार, मतलब अज्जा, अशदोद, अशकलोन, गत, आरु एक्रोनक लोगहन), आरु दक्षिणक तरफ अव्वी भी,
JOS 13:4 पछा अपेक आरु एमोरियाक सीमा तक कनानियाक सब देश, आरु सीदोनियाक मारा नावन देश,
JOS 13:5 पछु गवालियाक देश, आरु सुर्‌योदयक तरफ हेर्मोन बोयड़ाक नेड़ला बालगाद सी लीन हमातक घाटी तक सब लबानोन,
JOS 13:6 पछा लबानोन सी लीन मिसर मिस्रपोतमैम तक सीदोनियाक पहाड़ी देशक निवासी। इनुक हाव इसराएलीयाक सामने सी निकाळ दिस; ओतरो होय के तु मारा हुकुमोक अनसारे चिट्ठी न्हाख न्हाखिन उनाक देश इस्राएलक वाट दे।
JOS 13:7 एरकरता तु हिमी ओका देशक नोव गोत्रा आरु मनश्शेन आदा गोत्राक उनाक भाग होयने करता वाट दे।”
JOS 13:8 रुबेनिया आरु गादियाक ते चो भाग जोड़ चुक्यो हतो, जेका मुसु हेका यरदनक पुर्व दिशान तरफ देदो हतो, काहकी योहोवाक दास मुसु यो हेकाक आप देदु हतु, काहकी योहोवाक दास मुसु यो हेनाक आप देदु हतु,
JOS 13:9 मतलब अर्नोन नावन घाटीन किनाराक अरोएर सी लीन, आरु उका घाटीन वीच माहयलो नगरक छुड़ीन दीबोन तक मेदबाक जु सब चोरस देश;
JOS 13:10 आरु अम्मोनियाक सीमा तक हेशबोन मा बोठनेवाळा एमोरियाक राजा सीहोनक सब नगर;
JOS 13:11 आरु गिलाद देश, आरु गशुरिया आरु माकियावासियान सीमा, आरु सब हेर्मोन बोयड़ा, आरु सलका तक सब बासान,
JOS 13:12 पछु आशतारोत आरु एद्रेई मा बोठनेवाळा ओका ओगव क सब राज्या जा रपाया मा सी एखला वाच गया हता; काहकी बासानक मुसु मारीन उनाक प्रजाक तीना देशम रईन निकाळ देदा हता।
JOS 13:13 पुन इसराएलीया गशुरिया आरु माकियाक उनाक देश सी नी निकाळ्या; एरकरता गशुरी आरु माकी इसराएलीयाक वीचमा आज तक रयता छे।
JOS 13:14 आरु लेवीन गोत्रियाक ओको कोय भाग नी देदा; काहकी इस्राएलक परमेश्वर योहोवाक वचनक अनसारे ओकाक हव्य उनाक करता डास निकळ्या छे।
JOS 13:15 मुसु रुबेनक गोत्राक उनाक कुलोक अनसारे आप्या,
JOS 13:16 मतलब अर्नोन नावन घाटीन धोड़े अरोएर सी लीन आरु ओकी घाटीक वीच माहयला नगरक छुड़ीन मेदबाक साथेवाळो सब चोरस देश;
JOS 13:17 पछु चोरस देश मा हेशबोन आरु ओकाक सब गाँव; पछा दीबोन, बामोतबाल, बेतबाल्मोन,
JOS 13:18 यहसा, कदेमोत, मेपात,
JOS 13:19 किरयातेम, सिबमा, आरु तराई मा पहाड़ पर बोठलो सेरेथश्सोहोर,
JOS 13:20 बेतपोर, पिसगाक ढलान आरु बेत्यशीमोत,
JOS 13:21 मतलब चोरस देश मा बोठला होया हेशबोन मा बोठनेवाळा एमोरियाक उका राजा सीहोनक राज्याक सब नगर जिनाक मुसु मार लेदु हतु। मुसु एवी, रेकेम, सुर, हुर, आरु रेबा नावन मिद्यानक प्रधानक भी मार न्हाख्या हता जो सीहोनक ठरायो होयो हाकिम आरु ओका देशक निवासी हता।
JOS 13:22 आरु इसराएलीया उनाक आरु मारे होयाक साथ बोरक पोर्‌यो ओगवायती वात कोवनेवाळा बिलामक भी तलवार सी मार न्हाख्या।
JOS 13:23 आरु रुबेनियाक सीमा यरदनक धोड़े उभी रयी। रुबेनियाक भाग उनाक कुलक अनसारे नगर आरु गावो समेत या रयी।
JOS 13:24 पछु मुसु गादक गोत्रियाक भी कुलक अनसारे उनाक भाग करिन वाट देदा।
JOS 13:25 तव यो ठर्‍यो, मतलब याजेर आदि गिलादक सब नगर, आरु रब्‍बाक सामनेन अरोएर तक अम्मोनियाक आदो देश,
JOS 13:26 आरु हेशबोन सी रामत मिस्पे आरु बोटोनीम तक, आरु महनेम सी दबीरक सीमा तक,
JOS 13:27 आरु तराई मा बेथारम, बेतनिम्रा, सुक्कोत, आरु सापोन, आरु हेशबोनक राजु सीहोनक राज्याक वाचला भाग, आरु किन्नेरेत नावन तालक सिरे तक, यरदनक पुर्वन तरफन चो देश जेरी सीमा यरदन छे।
JOS 13:28 गादियाक भाग उकान कुलक अनसारे नगर आरु गाव समेत या उबो रई।
JOS 13:29 पछु मुसु मनश्शेक आदा गोत्रियाक ओकान निज भाग करिन देदा; चो मनश्शेइयाक आदो गोत्राक निज ओकान कुलक अनसारे ठर्‍या।
JOS 13:30 हेनको जागान सेड़ो यो छे, मतलब महनेम सी लीन बासानक राजु ओगक राज्याक सब देश, आरु बासान मा बठली होई याईर क साठों बस्तिया,
JOS 13:31 आरु गिलादक आदो भाग, आरु अशतारोत, आरु एद्रेई, जो बासान मा ओगक राज्याक नगर हता, या मनश्शेक पोर्‌यो माकीरक ओवलियाद क, अनसारे ठहरे।
JOS 13:32 जा भाग मुसु मोआबक अराबामा योरीहोक जु यरदनक पेहल वाट देदा चा या छे।
JOS 13:33 पुन लेवीक गोत्राक मुसाक कुई भाग नी देदा; इस्राएलक परमेश्वर योहोवाज आपना वचनक अनसारे ओकान भाग ठरे।
JOS 14:1 जु जु भाग इसराएलीया कनान देश मा जोड्या, जिनाक एलीयाजर याजक, आरु नुनक पोर्‌यो योहोसु, आरु इसराएली गोत्राक डाहला घरानान मुखी मुखी मानसे उनाक देदा चा या छे।
JOS 14:2 जी हुकुम योहोवा मुसाक द्वारा साढ़े नोव गोत्राक करता आपी हती, ओकान अनसारे ओकान भाग चिट्ठी न्हाख न्हाखिन आप गयो।
JOS 14:3 मुसु ते अड़ीच गोत्रान भाग यरदन पार आप्या हता; पुन लेवियाक ओको उनाक वीचमा काहनो भाग नी आप्यो हतो।
JOS 14:4 युसुफक ओवलियाद क ते दुय गोत्रा होय गया हता, मतलब मनश्शे आरु एपरेम; आरु ओको देश मा लेवियाक थुड़ोक भाग नी आप्या, केवल रयनेवाळ नगर, आरु पशु आदि धन राखनेक चाराई ओकोक जोड़ी।
JOS 14:5 जी हुकुम योहोवा मुसाक आपी हती ओकान अनसारे इसराएलीया कर्‌या; आरु हेका देशक वाट लेदा।
JOS 14:6 तव यहुदी योहोसुक जु गिलगाल मा आया; आरु कनजी यपुन्नेक पोर्‌यो कनिज्‍जी कालेब ओकाह कयो, “तु जानतु होसे कि योहोवा कादेशबर्ने मा परमेश्वरक जन मुसा सी मार आरु तार बारामा काय कया हता।
JOS 14:7 जव योहोवाक दास मुसु मखे ओका देशक भेद लेनेक करता कादेशबर्ने सी मोकल्यो हतो तव हाव चालीस सालन हतो; आरु हाव सच्चा मन सी ओका जु खबर ली आयो।
JOS 14:8 आरु मार साथी जा मार साथे गया हता हेका ते प्रजाक लोगहन मन नाराज कर देदा, पुन हाव आपना परमेश्वरक पुरी रीति सी वात मानी।
JOS 14:9 तव उके दाहड़े मुसु शपथ खाईन मखे सी कयो, ‘तु ते पुरी रीति सी मार परमेश्वर योहोवान वातक अनुकरण कर्‌या छे, ओका कारण बिनदास जीन धरती पर तु आपना पाय धरीन आया छे चो हमेशान करता तारो आरु तार ओवलियादक भाग होसे।’
JOS 14:10 आरु हिमी देख, जव योहोवा मुसा सी यो वचन कया हता तव सी पोयतालीस साल होय चुक्या छे, जिनामा इसराएली जंगल मा घूमता फिरता रया; ओकामा योहोवा आपने कयनेक अनसारे मखे जीविता राख्या छे; आरु हिमी पचास सालन छे।
JOS 14:11 जोतरी ताकद मुसाक मुकलनेन दाहड़े मखे मा हतो तोतरी ताकद हिमी तक मखे मा छे; युद्ध करने, या माहयता बाहरता आवने जानेक करता जोतरी ओके टेमे मखे मा ताकोत हती ओतरी हिमी भी मखे मा सामर्थ्य छे।
JOS 14:12 एरकरता हिमी ची पहाड़ी मखे आप दे जेरी चर्चा योहोवा भगवान उके दाहड़े करी हती; तु ते ओके दाहड़े सोमव्यु होसे कि ओकामा अनाक ओवलियाद रयता छे, आरु मोटला मोटला गढ़वाळा नगर भी छे, पुन काय जाने संभव छे कि योहोवा मार साथे रवे, आरु ओकान कयनेक अनसारे हाव हेका उनाक देश सी निकाळ दिस।”
JOS 14:13 तव योहोसु ओकाह बरकत देदा; आरु हेब्रोनक यपुन्नेक पोर्‍या कालेबक भाग कर देदा।
JOS 14:14 ओका कारण हेब्रोन कनजी यपुन्नेक पोर्‍या कालेबक भाग आज तक बवनो छे, काहकी चो इस्राएलक परमेश्वर योहोवाक पुरी रीति सी अनुगामी हता।
JOS 14:15 पेहले हेब्रोनक नाव किरयतरबा हतो; चो अर्बा अनाकियो मा सब सी मोटलो मानुस हतो। आरु उका देशक लड़ाई सी शान्ति जोड़ी।
JOS 15:1 यहुदियाक गोत्राक भाग उनाक कुलोक अनसारे चिट्ठी न्हाखने सी एदोमक सीमा तक, आरु दोखेवरे क तरफ सीनक जंगल तक जी दक्षिण सीमा पर उबो रई छे।
JOS 15:2 ओकान भागन दक्षिण सीमा खारला तालन ओका सिरेवाळा कोल सी सुरवात होई जी दोखेवरे तरफ वाढ़ती छे;
JOS 15:3 आरु ची अक्रब्बीम नावन चढ़ाईक दक्षिण तरफ सी निकळीन सीन तरफ होता कादेशबर्नेक दोखेवरे क तरफ चढ़ गई, पछा हेस्रोनक जु होसे अद्दारक चढ़ीन करका तरफ फिर गई,
JOS 15:4 चा रईन अम्मोन होता ची मिसरक नाला पर निकळी, आरु उका सीमान नास दरियो होयो। तुमरी दोखेवरे वाळी सीमा यी होसे।
JOS 15:5 पछी पुर्वी सीमा यरदनक मुहने तक खारा ताल ठरी, आरु उत्तर दिशाक सीमा यरदनज मुहानाक जु तालक कोल सी सुरवात करीन,
JOS 15:6 बेथोग्लाक चढ़ता चढ़ता बेतराबाक उत्तरक तरफ होईन रुबेनी बोहन नावन दगड़ा तक चढ़ गई;
JOS 15:7 आरु ची सीमा आकोर नावन तराई सी दबीरक तरफ चढ़ गई, आरु उत्तर होयता गिलगालक तरफ झुकली जी तराई दोखेवरे तरफली अदुम्मीमक चढ़ाईन सामने छे; चा सी चा एनशेमेश नावन सोता क जु पुगीन एनरोगेल पर निकळी;
JOS 15:8 पछी ची सीमा हिन्नोमक पोर्‍याक तराई सी होईन यबुस (जो यरुशलेम कयाळतो छे) क दोखेवरे क तरफ सी चढ़ता चढ़ता ओका बोयड़ाल सिगा पर पुगी, जी पश्चिमक तरफ हिन्नोमक तरफ सामने आरु रपायीन तराईक उत्तरवाळा सिरा पर छे;
JOS 15:9 पछी ची सीमा ओका बोयड़ाक सिगे रईन नेप्तोह नावन सोतेक जात रई, आरु एप्रोन बोयड़ाक नगर पर निकळी; पछा चा रईन बालाक (जो किर्यत्यारीम भी कहवाये छे) पुगी;
JOS 15:10 पछा चा बाला सी पश्चिमक तरफ फिरीन सेईर बोयड़ा तक पुगी आरु यारीम बोयड़ा (जो कसालोन भी कयाड़तो छे) ओकान उत्तरक तरफ सी होईन बेतशेमेशक उतरी गयी, आरु चा रईन तिम्ना पर निकळी;
JOS 15:11 चा रईन ची सीमा एक्रोनक उत्तर तरफ जु होयता होयता शिक्करोन गयी, आरु बाला बोयड़ा पर होईन यब्नेल पर निकळी; आरु ओकी सीमान आखरी दरियाक किनार जोड़ी।
JOS 15:12 आरु पश्चिमक सीमा महादरियाक किनार ठरी। यहुदियाक जु भाग उनाक कुलक अनसारे जोड़ी ओकान चार तरफन सीमा यी होई।
JOS 15:13 यपुन्नेक पोर्‌यो कालेबक योहोसु योहोवान हुकुमोन अनसारे यहुदियाक वीच माहयलो भाग आप्या, मतलब किरयतरबा जो हेब्रोन भी कयाड़तो छे (चो अर्बा अनाक बास हतु)।
JOS 15:14 आरु कालेब चा सी शेशै, अहीमन, आरु तल्मै नावन अनाक क तीनु पोर्‍याक निकाळ देदा।
JOS 15:15 पचा चा रईन दबीरक निवासिया पर चढ़ गया; पुर्वकाल मा ते दबीरक नाव किर्यत्सेपेर हतो।
JOS 15:16 आरु कालेब कयो, “जो किर्यत्सेपेरक मारीन लीले ओका सी हाव आपनी पोराय अकसाक इयाव कर दिस।”
JOS 15:17 तव कालेबक भाई कनजीक पोर्‌यो ओत्नीएल ओका सी ली लेदु; आरु ओको ओका सी आपनी पोराय अकसाक इयाव कर देदो।
JOS 15:18 जव ची ओका जु आवी, तव ओको उका बास सी थुड़ीक जमीन मागनेक उभार्‌यो, पछी ची आपना गदड़ा पर सी उतर पड़ी, आरु कालेब ओकाह पुछी, “तु काय चाहती छे?”
JOS 15:19 ची बुली, “मखे सय बरकत आप; तु मखे दोखेवरे देश मा काहय जमीन ते आपी छे, मखे पाणी क सोते भी आप।” तव ओको उपरला सोते, नेवड़ा सोते, दुयु ओका आप्यो।
JOS 15:20 यहुदियाक गोत्राक भाग ते उनाक कुलक अनसारे यो छे।
JOS 15:21 यहुदियाक गोत्राक किनारवाळा नगर दोखेवरे देश मा एदोमक सीमाक तरफ या छे, मतलब कबसेल, एदेर यागुर,
JOS 15:22 कीना, दीमोना, अदादा,
JOS 15:23 केदेश, हासोर, यित्नान,
JOS 15:24 जीप, तेलेम, बालोत,
JOS 15:25 हासोर्हदत्त, करिय्योथेस्रोन, (जो हासोर भी कयाड़तो छे),
JOS 15:26 आरु अमाम, शमा, मोलादा,
JOS 15:27 हसर्गद्दा, हेशमोन, बेत्पालेत,
JOS 15:28 हसर्शआल, बिज्योत्या, बेरसेबा
JOS 15:29 बाला, इय्यीम, एसेम,
JOS 15:30 एलतोलद, कसील, होर्मा,
JOS 15:31 सिकलग, मदमन्ना, सनसन्ना,
JOS 15:32 लबाओत, शिल्हीम, ऐन, आरु रिम्मोन; या सब नगर उन्तीस छे, आरु ओका गाव भी छे।
JOS 15:33 नेड़ला देश मा या छे: मतलब एशताओल, सोरा, अशना,
JOS 15:34 जानोह, एनगन्नीम, तप्पुह, एनाम,
JOS 15:35 यर्मुत, अदुल्‍लाम, सोको, अजेका,
JOS 15:36 शारैम, अदीतेम, गदेरा, आरु गदेरोतेम; या सब चोवदे नगर छे, आरु इनाक गाव मा भी छे।
JOS 15:37 पछा सनान, हदाशा, मिगदलगाद,
JOS 15:38 दिलान, मिस्पे, योक्‍तेल,
JOS 15:39 लाकीश, बोस्कत, एग्लोन,
JOS 15:40 कब्बोन, लहमास, कितलीश,
JOS 15:41 गदेरोत, बेतदागोन, नामा, आरु मक्केदा; या सोलह नगर छे, आरु इनाक गाव भी छे।
JOS 15:42 फिर लिब्ना, ऐतेर, आशान,
JOS 15:43 यिप्‍ताह, अशाना, नसीब,
JOS 15:44 कीला, अकजीब आरु मारेशा; या नोव नगर छे आरु इनाक गाव भी छे।
JOS 15:45 पछा नगर आरु गाव समेत एक्रोन,
JOS 15:46 आरु एक्रोन सी लीन दरिया तक, आपना आपना गाव समेत जोतरा नगर अशदोदक तरफ छे।
JOS 15:47 पछा आपना आपना नगर आरु गाव समेत अशदोदो, आरु अज्जा, वरन् मिसरक नदी तक आरु महादरियाक किनारा तक जोतरा नगर छे।
JOS 15:48 बोयड़ा वाळा देश मा या छे: मतलब शामीर, यत्तीर, सोको,
JOS 15:49 दन्ना, किर्यत्सन्ना (जो दबीर भी कहवाये छे),
JOS 15:50 अनाब, एशतमो, आनीम,
JOS 15:51 गोशेन, होलोन, आरु गीलो; या ग्यारा नगर छे। इनाक गाव भी छे।
JOS 15:52 पछा अराब, दुमा, एशान,
JOS 15:53 यानीम, बेत्तप्पुह, अपेका,
JOS 15:54 हुमता, किरयतरबा (जो हेब्रोन भी कहवाये छे, आरु सीओर); या नोव नगर छे, आरु इनाक गाव भी छे।
JOS 15:55 पछा माओन, कर्मेल, जीप, युता,
JOS 15:56 यिज्रेल, योकदाम, जानोह,
JOS 15:57 केन, गिबा, आरु तिम्ना; या दस नगर छे, आरु इनाक गाव वी छे।
JOS 15:58 पछो हलहुल, बेतसुर, गदोर,
JOS 15:59 मरात, बेतनोत, आरु एलतकोन; या छव: नगर छे, आरु इनाक गाव भी छे।
JOS 15:60 पछा किर्यतबाल (जो किर्यत्यारीम भी कहवाये छे), आरु रब्बा; या दुय नगर छे, आरु इनाक गाव भी छे
JOS 15:61 जंगल मा या नगर छे: मतलब बेतराबा, मिद्दीन, सकाका;
JOS 15:62 निबशान, लोनवाला नगर, आरु एनगदी, या छव: नगर छे, आरु इनाक गाव भी छे।
JOS 15:63 यरुश्लेमक निवासी यबुसियाक यहुदीन निकाळ सके; एरकरता आजुन दाहड़े तक यबुसी यहुदियाक संग यरुशलेम मा रयता छे।
JOS 16:1 पछा युसुफक सन्तानक भाग चिट्ठी न्हाखने सी ठरायो गयो, ओकान सीमा योरीहो क जु यरदन नदी सी, मतलब पुर्वक तरफ योरीहो क पाणी सी सुरुवात होईन ओका बोयड़ा परला देश सी होयता, जा जंगक मा छे, बेतेलक पुगी;
JOS 16:2 बेतेल सी चो लुज तक पुगी, आरु एरेकिया क सीमा सी होयता अतारोत पर जाय निकळी;
JOS 16:3 आरु पश्चिम क तरफ यपलेतियाक सीमा सी उतरीन पछा नेड़ली बेथोरोन क सीमा सी होईन गेजेरक पुगी, आरु दरिया पर निकळी।
JOS 16:4 तव मनश्शे आरु एपरेम नावन युसुफक दुयु पोर्‍याक भाग लेदा।
JOS 16:5 एपरेमियो क सीमा उनाक कुलक अनसारे यी ठरी; मतलब उनाक भाग क सीमा पुर्व सी सुरुवात होईन अत्रोतदार सी होयता होया ऊपरवाळा बेथोरोन तक पुगी;
JOS 16:6 आरु उत्तरी सीमा पश्चिमक तरफ मिकमतात सी सुरुवात होईन पुर्व क तरफ फिरीन तानतशीलक पुगी, आरु ओ हकान जु होयत यानोह तक पुगी;
JOS 16:7 पछा यानोह सी चो अतारोत आरु नारा क उतरीन हुई योरीहो क जु होईन यरदन पर निकळी।
JOS 16:8 पछी ची सीमा तप्पुह सी निकळीन, आरु पश्चिमक तरफ जाईन, काना क नाला तक होईन दरिया पर निकळी। एपरेमियोक गोत्राक भाग उनाक कुलक अनसारे यी ठरी।
JOS 16:9 आरु मनश्शेइयोक भागक वीचमा भी कोय एक नगर आपना आपना गाव समेत एपरेमियोक करता अलग कर्‌या गया।
JOS 16:10 पुन जु कनानी गेजेर मा रयता हुता उनाक एपरेमिया चा रईन नी निकाळ्या; एरकरता चा बेगारी मा दासक समान काम करता छे।
JOS 17:1 पछु युसुफक जेठे मनश्शेक गोत्रक भाग चिट्ठी न्हाखने सी यो ठरे। मनश्शेक जेठाक पोर्‌यो, गिलादक बास माकीर, योद्धा हतो ओका कारण ओकान ओवलियादक गिलाद आरु बासान जोड्यो।
JOS 17:2 एरकरता यो भाग दिसरा मनश्शेइयाक करता ओकान कुलक अनसारे ठर्‍यो, मतलब अबीएजेर, हेलेक, ओसरीयेल, शेकेम, हेपेर, आरु शमीदा; जु आपना आपना कुलक अनसारे युसुफक पोर्‌यो मनश्शेक ओवलियाद माहयला मानसे हता, उनाक अलग अलग ओवलियादक करता ठर्‍या।
JOS 17:3 पुन हेपेर जु गिलादक पोर्‌यो, माकीर क नातन्यो, आरु मनश्शेक नातु पंतु हतु, ओकान पोर्‌यो सलोफादक पोर्‌यो नी हता, पोरायुज होई; आरु ओकान नाव महला, नोआ, होग्ला, मिल्का, आरु तिर्सा छे।
JOS 17:4 तव चा एलीयाजर याजक, नुनक पोर्‍यु योहोसु, आरु प्रधानक जु जाईन कयने लागी, “योहोवा मुसाक हुकुम देदो, कि चु आमुक आमराक भाइसक वीच मा वाट दे।” ते योहोसु योहोवा क हुकुमोन अनसारे हेके उनाक चचाओक वीच मा वाटो जोड्यो।
JOS 17:5 तव मनश्शेक, यरदन पार गिलाद देश आरु बासानक छुड़, दस भाग जोड्या:
JOS 17:6 काहकी मनश्शेइयाक वीच मा मनश्शेई बायराक भी वाटु जोड्यो। आरु दिसरा मनश्शेईयाक गिलाद मा जोड़्‌या
JOS 17:7 मनश्शेक सीमा आशेर सी लीन मिकमतात तक पुगी, जो शकेमक सामने छे; पछु चु दक्षिणक तरफ जाईन एनतप्पुहक निवासिया तक पुग्या।
JOS 17:8 तप्पुह न जागा ते मनश्शेक जड्यो, पुन तप्पुह नगर ज्यो मनश्शे न सीमा पर रयता हुता चु एपरेमियान हुयो।
JOS 17:9 त्या वाळी सीमा कानाक नाले तक उतरीन ओकान दोखेवरे तरफ तक पुग गयी; यो नगर यद्यपि मनश्शेक नगरक वीच मा हतो तेभी एपरेमक ठरे; आरु मनश्शेक सीमा ओका नालाक उत्तरक तरफ सी जाईन दरिया पर निकळी;
JOS 17:10 दोखेवरे क तरफलो देश ते एपरेमक तरफ उत्तरक तरफक मनश्शेक जोड्यो, आरु ओकान सीमा दरियो ठर्‍यो; आरु चा उत्तरक तरफ आशेर सी आरु पुर्वक तरफ इस्साकार सी जाय भेवाया।
JOS 17:11 आरु मनश्शेक, इस्साकार आरु आशेर आपना आपना नगरक समेत बेतशान, यिबलाम, आरु आपना नगरो समेत दोरक निवासी, आरु आपना नगरक समेय तानाक निवासी, आरु आपना नगर समेत मगिद्दोक निवासी, या तीनु जा ऊचा जागा पर बठला जोडया।
JOS 17:12 पुन मनश्शे उना नगरक निवासियाक उनामा सी नी निकाळ सके; एरकरता चा कनानी उका देश मा बलपुर्वक बठला रया।
JOS 17:13 तेभी जव इसराएली सामर्थी होय गया, तव कनानिया सी बेगारी ते करने लाग्या, पुन उनाक पुरी रीति सी बाहरते निकाळ नी सक्या।
JOS 17:14 युसुफक सन्तान योहोसु सी कयने लागी, “आमु ते गिनती मा बैस छे, काहकी हिमी तक योहोवा आमुक बरकत आपतो आयो छे, पछु तु ते आमरा भागन करता चिट्ठी न्हाखिन काह एक अंश देदा छे?”
JOS 17:15 योहोसु उनाक कयो, “कदाम तुमु गिनती मा बैस होए, आरु एपरेमक बोयड़ा देश मा तुमरे करता नानो होय, जा परिज्जिया आरु रपायान देश जु जंगल छे ओकामा जाईन झाड़काक काट न्हाखु।”
JOS 17:16 युसुफक सन्तान कयो, “चा बोयड़ा वाळो देश आमरे करता नानो छे; आरु बेतशान आरु ओकान नगर मा रयनेवाळा, आरु यिज्रेलक तराई मा रयनेवाळा, जोतरा कनानी नेड़ला देश मा रयता छे, उना सभाक जु लोहान रथ छे।”
JOS 17:17 पछु योहोसु, काय एपरेम काय मनश्शेई, मतलब युसुफ क सब घराना सी कयो, “होव, तुमु लोगहन ते गिनती मा बैस होसे, आरु तुमरी ताकोत भी मोटली छे, एरकरता तुमुक केवल एकुज भाग नी जोड़से;
JOS 17:18 बोयाड़ा वाळो देश भी तुमरो होय जासे; काहकी चु जंगल ते छे, पुन ओकन झाड़का काट न्हाख्या, तव ओकान आस पासक देश भी तुमरो होय जासे; काहकी चाहे कनानी सामर्थी होसे, आरु उनाक जु लोहान रथ भी होसे, तेभी तुमु हेकाक चा रईन निकाळ सकजे।”
JOS 18:1 आरु इसराएलीयान सब मण्डळी शीलो मा इकठी हयीन चा मिलापवाळा तम्बु क उबो कर्या; काहकी देश हेनको हक मा हुय गयलो हुतो।
JOS 18:2 आरु इसराएलीया मा सी सात गोत्रान क लोगहन आपनो आपनो भाग नी जड़ीयो त्या असात रय गिया।
JOS 18:3 तव योहोसु इसराएलीया सी कयो, “जो देश तुमरा डाहलान परमेश्वर योहोवा तुमुक देदु छे, ओकाह आपना हक मा कर लेने मा तुमु कोतार तक डिला करता रवसे?
JOS 18:4 हिमी प्रति गोत्रा मा सी तीन मानसक ठराव लेवु, आरु हाव हेका एरकरता मुकलीस कि चा चालीन देश मा फिरे, आरु आपना आपना गोत्राक भाग प्रयोजनक अनसारे ओकान हाल लिख लिखीन मार जु वापस आया।
JOS 18:5 आरु चा देशक सात भाग लिखला, यहुदी ते दोखेवरेक तरफ आपना भाग मा, आरु युसुफक घरानान लोगहन जवाबक तरफ आपना भाग मा रया।
JOS 18:6 आरु तुमु देशन सात भाग लिखीन मार जु ली आवु; आरु हाव या तुमरे करता आपनो परमेश्वर योहोवाक सामने चिट्ठी न्हाखी।
JOS 18:7 आरु लेवियाक तुमरे वीचमा थुड़क भाग नी होसे, काहकी योहोवाक आपला याजकपद ओकान भाग छे; आरु गाद, रुबेन, आरु मनश्शेक आदा गोत्रान लोगहन यरदन पुर्वक तरफ योहोवान दास मुसाक आपलो आपनो आपनो भाग जोड़ चुक्यो छे।”
JOS 18:8 तव चा मानसे उठीन चाल देदा; आरु जो उका देशन हाल लिखने चाले हेका योहोसु यी हुकुम आपी, “जाईन देश मा घूमु फिरु, आरु ओकान हाल लिखीन मार जु वापस आवु; आरु हाव या शीलो मा योहोवाक सामने तुमरे करता चिट्ठी न्हाखिज।”
JOS 18:9 तव चा मानसे चाल देदा, आरु ओका देश मा फिरु, आरु ओका नगर क सात भाग करीन ओकान हाल किपात मा लिखिन शीलाक छावनी मा योहोसुक जु आया।
JOS 18:10 तव योहोसु शीलो मा योहोवाक सामने ओकान करता चिट्ठीया न्हाख्या; आरु चो योहोसु इसराएलीयाक ओकान भागक अनसारे देश वाट देदा।
JOS 18:11 बिन्यामीनियाक गोत्राक चिट्ठी ओकान कुलक अनसारे निकळी, आरु ओकान भाग यहुदिया आरु युसुफियाक वीच मा पड्यो।
JOS 18:12 आरु उकान उत्तरी सीमा यरदन सी सुरु होयती छे, आरु योरीहोक उत्तर तरफ पहाड़ी देश मा होईन बेतावेनक जंगल मा निकळी;
JOS 18:13 चा रईन चा लुजक पुग्या जा बेतेल भी कवाये, आरु लुजक दोखेवरे तरफ सी होयतो नेड़लो बेथोरोनक दक्षिण तरफ पहाड़क जु होय अत्रोतद्दारक उतर गई।
JOS 18:14 पछी पश्चिमी सीमा फिरीन बेथोरोनक सामने आरु उकान दोखेवरे तरफन पहाड़ी सी होयता किर्यतबाल नावन यहुदान एक नगरपर निकळी जा किर्यत्यारीम भी कहवाये छे; पश्चिम सीमा यी ठरी।
JOS 18:15 पछा दोखेवरे क तरफ सीमा पश्चिम सी सुरु होईन किर्यत्यारीमक सिरे सी निकळीन नेप्तोहक सोते पर पुगी;
JOS 18:16 आरु उका बोयड़ाक सिरे पर उतरी, जी हिन्नोमन पोर्‌योक तराईक सामने आरु रपाय नावन तराईन उत्तर तरफ छे; वा सी हिन्नोमन तराई मा, मतलब यबुसक दोखेवरे तरफ होईन एनरोगेलक उतरी;
JOS 18:17 चा रईन उत्तर तरफ फिरीन एनशेमेशक निकळीन ओका गलीलोतक तरफ गई, जु अदुम्मीमक चढ़ाईन सामने छे, पछु चा रईन यो रुबेनक पोर्‍याक बोहन दगड़ा तक उतर गई;
JOS 18:18 चा रईन चु उत्तरक तरफ जाईन अराबा सी होयता अराबाक उतरी;
JOS 18:19 चा रईन ची सीमा बेथोग्ला क उतर तरफ सी जाईन यरदन खारे तालल उत्तर तरफ कोल मा यरदनक मुहाने पर निकळी; दोखेवरे सीमा यी ठरी।
JOS 18:20 आरु पुर्वक तरफन सीमा यरदनक ठरी। बिन्यामीनियाक भाग, चार तरफन सीमा सहित, उकान कुलक अनसारे, यी ठरी।
JOS 18:21 बिन्यामीनियाक गोत्राक उकान कुलक अनसारे या नगर जोड्या, मतलब योरीहो, बेथोग्ला, एमेक्कसीस,
JOS 18:22 बेतराबा, समारैम, बेतेल,
JOS 18:23 अब्बीम, पारा, ओप्रा,
JOS 18:24 कपरम्मोनी, ओप्रनी आरु गेबा; या बारा नगर आरु इनाक गाव जोड्या।
JOS 18:25 फिर गिबोन, रामा, बेरोत,
JOS 18:26 मिस्पे, कपीरा, मोसा,
JOS 18:27 रेकेम, यिर्पेल, तरला,
JOS 18:28 सेला, एलेप, यबुस जो यरुशलेम भी कयाड़तो छे, गिबत आरु किर्यत; या चोवदे नगर आरु इनाक गाव हेका जोड़े। बिन्यामीनियाक भाग उनाक कुलक अनसारे यी ठरी।
JOS 19:1 दिसरी चिट्ठी शिमोनन नाव पर, मतलब शिमोनियाक कुलक अनसारे ओकान गोत्राक नाव पर निकळी; आरु ओकान भाग यहुदियाक भागन वीच मा ठरे
JOS 19:2 ओकान भाग मा या नगर छे, मतलब बेरसेबा, शेबा, मोलादा,
JOS 19:3 हसर्शआल, बाला, एसेम,
JOS 19:4 एलतोलद, बतुल होर्मा,
JOS 19:5 सिकलग, बेत्मर्काबोत, हसर्शुसा,
JOS 19:6 बेतलबाओत, आरु शारुहेन; या तेरा नगर आरु ओका गाव हेका जोड़े।
JOS 19:7 फिर ऐन, रिम्मोन, एतेर, आरु आशान, या चार नगर गाव समेत;
JOS 19:8 आरु बालत्बेर जु दक्खिन देशक रामा भी कयाड़तो छे, चा तक इना नगर चार तरफ सब गाव भी हेका जोड्या। शिमोनियाक गोत्राक भाग उनाक कुलक अनसारे यी ठरी।
JOS 19:9 शिमानियाक भाग ते यहुदियाक अंश मा सी आप्या गयो; काहकी यहुदियाक भाग ओकान करता बैस हतो, ओका शिमोनियाक भाग हेका भागक वीच मा ठर्‍यो।
JOS 19:10 तीसरी चिट्ठी जबुलुनियाक कुलक अनसारे ओकान नाव पर निकळी। आरु ओकान भागक सीमा सारीद तक पुगी;
JOS 19:11 आरु ओकान सीमा पश्चिम तरफ मरलाक चढ़ीन दब्बेशेतक पुगी, आरु योकनामक सामनेन नदी तक पुग गई;
JOS 19:12 पछा सारीद सी चा उगवनी वोगे तरफ फिरीन किसलोत्ताबोरक सीमा तक पुगी, आरु चा रईन जाता जाता दाबरत मा निकळी आरु यापीक तरफ जाय निकळी;
JOS 19:13 चा रईन चु उगवनी वोगेन तरफ ओगव जाईन गथेपेर आरु इत्कासीनक गई, आरु ओका रिम्मोन मा निकळी जो नेआ तक पसर्‍यो छे;
JOS 19:14 चा सी चु सीमा ओकान उत्तर तरफ सी फिरीन हन्नातोन पर पुगी; आरु यिप्तहेलक तराई मा जाय निकळी;
JOS 19:15 कत्तात, नहलाल, शिम्रोन, यिदला, आरु बैतलहम; या बारा नगर ओकान गाव समेत ओका भागक ठर्‍या।
JOS 19:16 जबुलुनियाक भाग ओकान कुलक अनसारे यो ठहरे; आरु ओकामा आपना आपना गाव समेत यो नगर छे।
JOS 19:17 चोथी चिट्ठी इस्साकारियोक कुलक अनसारे ओकान नाव पर निकळी।
JOS 19:18 आरु ओकान सीमा यिज्रेल, कसुल्‍लोत, शुनेम,
JOS 19:19 हपारेम, शीओन, अनाहरत,
JOS 19:20 रब्बीत, किश्योन, एबेस,
JOS 19:21 रेमत, एनगन्नीम, एनहद्दा, आरु बेत्पस्सेस तक पुगी।
JOS 19:22 पछु ची सीमा ताबोर, शहसुमा आरु बेतशेमेश तक पुगी, आरु ओकान सीमा यरदन नदी पर जाय निकळी; ओका प्रकारन ओकाह सोलह नहर आपना आपना गाव समेत जोड़ी।
JOS 19:23 कुलक अनसारे इस्साकारियाक गोत्राक भाग नगर आरु समेत यी ठरी।
JOS 19:24 पाचवी चिट्ठी आशेरियोक गोत्राक कुलक अनसारे ओकान नाव पर निकळी।
JOS 19:25 ओकान सीमा मा हेल्कात, हली, बेतेन, अक्षाप,
JOS 19:26 अलाम्मेल्‍लेक, अमाद, आरु मिशाल हता; आरु ची पश्चिम तरफ कार्मेल तक आरु शीहोर्लिब्नात तक पुगी;
JOS 19:27 पछी ची उगवनी वोगे तरफ फिरीन बेतदागोनक गई, आरु जबुलुनक भाग तक, आरु यिप्तहेलक तराई सी उत्तर तरफ होईन बेतेमेक आरु नीएल तक पुगी; आरु उत्तर तरफ जाईन काबुल पर निकळी,
JOS 19:28 आरु चु एब्रोन, रहोब, हम्मोन, आरु काना सी होईन मोटला सीदोनक पुगी;
JOS 19:29 चा रईन ची सीमा फिरीन रामा सी होयता सोर नावन गढ़वाळा नगरतक जात रई; पछी सीमा होसाक तरफ फिरीन आरु अकजीनक जु देश मा होईन दरिया पर निकळी, महलेब
JOS 19:30 उम्मा, अपेक, आरु रहोब भी ओकान भाग मा ठर्‍या; ओका प्रकार बाईस नगर आपना आपना गाव समेत ओकाह जोड्या।
JOS 19:31 कुलक अनसारे आशेरियाक गोत्राक भाग नगर आरु समेत यी ठर्‍यो।
JOS 19:32 छटवी चिट्ठी नप्तालियाक कुलक अनसारे ओकान नाव पर निकळी।
JOS 19:33 आरु ओकान सीमा हेलेप सी, आरु सानन्नीम वांज्यो झाड़का सी, अदामीनेकेब आरु यब्नेल सी होईन, आरु लक्कुम जाईन यरदन पर निकळी;
JOS 19:34 चा रईन ची सीमा पश्चिम तरफ फिरीन अजनोत्ताबोर गई, आरु चा सी हुक्कोक गई, आरु दोखेवरे, आरु जबुलुनक भाग तक, आरु पश्चिम तरफ आशेरन भाग तक, आरु उगवनी तरफ यहुदान भागन जुन यरदन नदी पर पुगी।
JOS 19:35 आरु ओकान गढ़वाळा नगर या छे, मतलब सिद्दीम, सेर, हम्मत, रक्‍कत, किन्नेरेत,
JOS 19:36 अदामा, रामा, हासोर,
JOS 19:37 केदेश, एद्रेई, एन्हासोर,
JOS 19:38 यिरोन, मिगदलेल, होरेम, बेतनात, आरु बेतशेमेश; या उन्नीस नगर गाव समेत ओकाह जोड्या।
JOS 19:39 कुलक अनसारे नप्तालियाक गोत्राक भाग नगर आरु ओकान गाव समेत यी ठरी।
JOS 19:40 सातवी चिट्ठी कुलक अनसारे दानियाक गोत्राक नाव पर निकळी।
JOS 19:41 आरु ओकान भागन सीमा मा सोरा, एशताओल, ईरशेमेश,
JOS 19:42 शालब्बीन, अय्यालोन, यितला,
JOS 19:43 एलोन, तिम्ना, एक्रोन,
JOS 19:44 एलतके, गिब्बतोन, बालात,
JOS 19:45 यहुदा, बनेबराक, गत्रिम्मोन,
JOS 19:46 मेयर्कोन, आरु रक्‍कोन ठहरे, आरु याफा क सामनेन सीमा उकान हती।
JOS 19:47 आरु दानियोक भाग ओका सी जास्ती होय गया, मतलब दानी लेशेम पर चढ़ीन ओका सी लढ़े, आरु उका लीन तलवार सी म्हार न्हाख्यो, आरु ओकाह आपनो हक मा करीन ओकामा बठ गया, आरु आपना महापुरुषक नाव पर लेशेमक नाव दान मेक्या।
JOS 19:48 कुलक अनसारे दानियोक गोत्राक भाग नगर आरु गाव समेत यी ठहरे।
JOS 19:49 जव देशन वाटनु सीमान अनसारे पुरो होय गयो, तव इसराएलीया नुनक पोर्‌यो योहोसुक भी आपना वीचमा एक भाग आप्यो।
JOS 19:50 योहोवान कयनर क अनसारे हेका ओकाक उकान मांगलोचो नगर आपला, यो एपरेमक पहाड़ी देश माहयलो तिम्नत्सेरह छे; आरु चो उका नगरक बठाड़ीन रयने लाग्यो।
JOS 19:51 जु जु भाग एलीयाजर याजक, आरु नुनक पोर्‌यो योहोसु, आरु इसराएलीयाक गोत्राक घरानान पुर्वजन मुखी मुखी मानसे शीलो मा, मिलापवाळा तम्बु क झोपला पर, योहोवाक सामने चिट्ठी न्हखिन वाट देदा चा याज छे। ओका प्रकार हेकान देश वाटनेन काम पुरो कर्‌या।
JOS 20:1 पछु योहोवा योहोसु सी कयो,
JOS 20:2 “इसराएलीया सी यो कयो, ‘हाव मुसाक द्वारा तुमु सी शरण नगरक जी चर्चान हती ओकान अनसारे ओकाह ठराव लेवु,
JOS 20:3 जेका सी कुई ओसोज बिना समझ जाने काहनाक म्हार न्हाख्या, चु ओकाम रईन काहना मा डास जासे; एरकरता चा शरण नगर खुनक पलटाव लेनेवाळा सी वाचने करता तुमरा चरणस्थान ठरसे।
JOS 20:4 चु उना नगर मा सी काहनु डास जासे, आरु उका नगरक फाटक मा सी उबा होईन ओकान डाहलाक आपनो मुकद्दमु कय सोमवाळे; आरु चा ओकाह आपना नगर मा आपने जु टिकाळ ले, आरु उकाह कुई स्थान आपे, जेकामा उनाक साथ रवे।
JOS 20:5 आरु कदाम खुनक पलटाव लेनेवळा ओकान पीछा करे, ते चा यो जानीन ओको आपना साथेवावा बिना जानेक, आरु पेहले ओका सी बैर मेकीन देदो, ओकाह खुनीक ओकान हाथ मा आप।
JOS 20:6 आरु जव तक ची मण्डलीक सामने न्यायक करता उबो नी होसे, आरु जव तक उना दाहड़ाक महानायक नी मर जासे, तव तक चो उके नगर मा रया; ओकान बाद चु खुनी आपना नगरक वापस आवीन जेका सी चो भाग आयो होसे आपना घर मा पछा रयने लाग्या।’”
JOS 20:7 अत: हेका नप्तालीन पहाड़ी देश मा गलीलक केदेश, आरु एपरेमन पहाड़ी देश मा शेकेमक, आरु यहुदाक पहाड़ी देश मा किरयतरबा, जो हेब्रोन भी कयाड़तो छे, आसरान पवित्र जागो बनीयो।
JOS 20:8 आरु योरीहोक जु यरदनन पुर्व तरफ हेका रुबेनक गोत्राक भाग मा बेसेरक, जंगल मा चोरस धरती पर बठला छे, आरु गादक गोत्राक भाग मा गिलाद रामोतन, आरु मनश्शेन गोत्राक भाग मा बासान गोलानक ठराया।
JOS 20:9 सब इसराएलीयान करता, आरु उकान वीचमा रयनेवाळा परदेशीयान करता भी, जो नगर इना मनसा सी ठराया गया कि जु कुई काहना प्राणी क विसराए म्हार न्हाखे चा ओका मा सी काहना मा डास जासे, आरु जव तक न्यायन करता मण्डलीन सामने उबा नी होसे, तव तक खुनक पलटाव लेनेवाळा ओका म्हार न्हाखनु नी जुवे, चा याज छे।
JOS 21:1 तव लेवियाक पुर्वजन घरानान मुखी मुखी मानसे एलीयाजर याजक, आरु नुनक पोर्‌यो योहोसु, आरु इसराएली गोत्राक पुर्वज घोरानान मुखी मुखी मानसक जु आवीन
JOS 21:2 कनान देशन शीलो नगर मा कयने लाग्या, “योहोवा मुसान द्वारा आमुक भठनेक करता नगर, आरु आमरा पशुन ओवलियादन करता हेका नगरन चराइया भी आपनेन हुकुम देदी हती।”
JOS 21:3 तव इसराएलीया योहोवाक कयनेक अनसारे आपना आपना भाग मा सी लेवियाक चाराय समेत या नगरे आप्यो।
JOS 21:4 तव कहातियाक कुलक नाव पर चिट्ठी निकळी। एरकरता लेविया मा सी हारुन याजकक ओवलियादक यहुदा, शिमोन, आरु बिन्यामीनक गोत्राक भाग मा सी तेरा नगर जोड्या।
JOS 21:5 बाकी कहातियाक एपरेमक गोत्राक कुल, आरु दानक गोत्रा मनश्शेक आदा गोत्राक भाग मा सी चिट्ठी न्हाख न्हखिन दस नगर आप्या गया।
JOS 21:6 पछा गेर्शोनियाक इस्साकारक गोत्रान कुल, आरु आशेर, आरु नप्तालीक गोत्राक जागा मा सी, आरु मनश्शेक ओका आदा गोत्राक भाग मा सी भी जो बासान मा हता चिट्ठी न्हाख न्हाखिन आप्या गया।
JOS 21:7 कुलक अनसारे मरारियाक रुबेन, गाद, आरु जबुलुनक गोत्राक भाग मा सी बारा नगर आप्या गया।
JOS 21:8 जी हुकुम योहोवा मुसान द्वारा आपी हती ओकान अनसारे इसराएलीया लेवियाक चाराई समेत या नगर चिट्ठी न्हाख न्हाखिन आप्या।
JOS 21:9 हेका यहुदियाक आरु शिमोनियाक गोत्रान भाग मा सी या नगर जेकान नाव लिखलो छे आपे;
JOS 21:10 या नगर लेवीया कहाती कुल मा सी हारुनक ओवलियादक करता हता; काहकी पेहली चिट्ठी हेकीक नाव पर निकळी हती।
JOS 21:11 मतलब हेका उनाक यहुदाक पहाड़ी देश मा चार तरफन चाराई समेत किरयतरबा नगर आप देदा, जा अनाकक बास अर्बाक नाव पर कहवाये आरु हेब्रोन भी कहवाये छे।
JOS 21:12 पुन उका नगरक खेत आरु ओकान गाव हेका यपुन्नेक कालेबक उकान खाजगी भुमी करीन आप देदा।
JOS 21:13 तव हेका हारुन याजकक ओवलियादक चाराई समेत खुनीक शरण नगर हेब्रोन, आरु आपनी आपनी चाराई समेत लिब्ना,
JOS 21:14 यत्तीर, एश्तमो,
JOS 21:15 होलोन, दबीर,
JOS 21:16 ऐन, युता आरु बेतशेमेश आपे; ओका प्रकार उना दुयु गोत्राक भाग मा सी नोव नगर आप्या गया।
JOS 21:17 आरु बिन्यामीनक गोत्राक भाग मा सी आपनी आपनी चाराई समेत या चार नगर आप्या गया, मतलब गिबोन, गेबा,
JOS 21:18 अनातोत आरु अल्मोन आरु च्‌यार नगर।
JOS 21:19 ओका प्रकार हारुन ओवलियादी याजकन तेरा नगर आरु उनाक चाराई जोड़ी।
JOS 21:20 पछा बाकी कहाती लेवियाक कुलक भागन नगर चिट्ठी न्हाख न्हाखिन एपरेमक गोत्राक भाग मा सी आप्या गया।
JOS 21:21 मतलब उनाक चाराई समेत एपरेमक पहाड़ी देश मा खुनीक शरण लेनेक शकेम नगर आप्या गया, पछा आपनी आपनी चाराई समेत गेजेर,
JOS 21:22 किबसेम, आरु बेथोरोन; या चार नगर आप्या गया।
JOS 21:23 आरु दानक गोत्राक भाग मा सी आपनी आपनी चाराई समेत, एलतके, गिब्बतोन,
JOS 21:24 अय्यालोन, आरु गत्रिम्मोन; या चार नगर आप्या गया।
JOS 21:25 आरु मनश्शेक आदा गोत्राक भाग मा सी आपनी आपनी चाराई समेत तानाक आरु गत्रिम्मोन; या दुय नगर आप्या गया।
JOS 21:26 ओका प्रकार बाकी कहातियाक कुलक सब नगर चाराई समेत दस ठर्‍या।
JOS 21:27 पछा लेवियाक कुलमान गेर्शोनियाक मनश्शेक आदा गोत्राक भाग मा सी आपनी आपनी चाराई समेत खुनीक शरण नगर बासानक गोलान आरु बेशतरा; या दुय नगर आप्या गया।
JOS 21:28 आरु इस्साकारन गोत्रान भाग मा सी आपनी आपनी चाराई समेत किश्योन, दाबरत,
JOS 21:29 यर्मुत, आरु एनगन्नीम; या चार नगर आप्या गया।
JOS 21:30 आरु आशेरक गोत्राक भाग मा सी आपनी आपनी चाराई समेत मिशाल, अब्दोन,
JOS 21:31 हेल्कात, आरु रहोब; या चार नगर आप्या गया।
JOS 21:32 आरु नप्तालीन गोत्राक भाग मा सी आपनी आपनी चाराई समेत खुनी क शरण नगर गलीलक केदेश, पछा हम्मोतदोर, आरु कर्तान; या तीन नगर आप्या गया।
JOS 21:33 गेर्शोनियाक कुलक अनसारे उकान सब नगर आपनी आपनी चाराई समेत तेरा ठरसे।
JOS 21:34 पछा बाकी लेविया, मतलब मरारियाक कुलक जबुलुनक गोत्राक भाग मा सी आपनी आपनी चाराई समेत योकनाम कर्ता,
JOS 21:35 दिम्नो, आरु नहलाल; या चार नगर आप्या गया।
JOS 21:36 आरु रुबेनक गोत्रान भाग मा सी आपनी आपनी चाराई समेत बेसेर, यहसा,
JOS 21:37 कदेमोत, आरु मेपात; या चार नगर आप्या गया।
JOS 21:38 आरु गादक गोत्राक भाग मा सी आपनी आपनी चाराई समेत खुनीक शरण नगर गिलाद मा रामोत, पछा महनेम,
JOS 21:39 हेशबोन, आरु याजेर, जु सब मेवीन चार नगर छे, आप्या गया।
JOS 21:40 लेवियाक बाकी कुलक मतलब मरारियाक कुल अनसारे उनाक सब नगर या ठर्‍या, ओका प्रकार उनाक बारा नगर चिट्ठी न्हाख न्हाखिन आप्या गया।
JOS 21:41 इसराएलियाक निज धरतीक वीचमा लेवियाक सब नगर आपनी आपनी चाराई समेत अड़तीस ठर्‍या।
JOS 21:42 या सब नगर आपना आपना चार तरफन चाराईक साथ ठरे; इना सब नगरक यी दशा हती।
JOS 21:43 ओका प्रकार योहोवा इसराएलियाक चा सब देश देदा, जेका ओको उनाक डाहला सी शपथ खाईन आपनेक कयो हतो; आरु चा ओकान हक होईन ओकामा बठ गया।
JOS 21:44 आरु योहोवा उनाक सब वातक अनसारे, जो ओकाह उनाक डाहला सी शपथ खाईन कयी हती, हेका चार तरफ सी आराम देदा; आरु उनाक दुश्मन मा सी कुई भी ओकान सामने टिक नी सक्या; योहोवा उना सभा क वश मा कर देदा।
JOS 21:45 जोतरा भलाईन वात योहोवा इसराएलक घराना सी कयी हुती उनामा सी कुई वात भी नी छूटी; सबन सब पुरी होई।
JOS 22:1 उके टेमे योहोसु रुबेनिया, गादिया, आरु मनश्शेक आदा गोत्रियाक बुलावीन कयो,
JOS 22:2 “जी जी हुकुम तुमु मानला छे, आरु जी जी हुकुम मुसा काजे योहोवा तुमुक आपली छे उना सभाक भी तुमु मानला छे;
JOS 22:3 तुमु आपना भाईसक ओतरा दाहड़ा मा आज क दाहड़े तक नी छुड़्या, पुन आपना परमेश्वर योहोवा क हुकुम तुमु चोकसी सी मानी छे।
JOS 22:4 आरु हिमी तुमरो परमेश्वर योहोवा तुमरा भाईसक आपना वचनक अनसारे आराम देदा छे; एरकरता हिमी तुमु वापस फिरीन आपना आपना डेराक, आरु आपनी निजी धरती मा, जेका योहोवाक दास मुसा यरदन पार तुमुक आप्या छे, जात रयु।
JOS 22:5 केवल ओका वात क पुरी चोकसी करनु कि जी जी हुकुम आरु व्यवस्था योहोवा क दास मुसु तुमुक आपी छे ओकाह मानीन आपना परमेश्वर योहोवा सी मोंग राखु, ओका सब मार्ग पर चालु, ओकान हुकुम मानु, उकान भक्ति मा लवलीन रयु, आरु आपना सब मन आरु सब प्राण सी ओकान सेवा करु।”
JOS 22:6 तव योहोसु हेका सय बरकत आपीन वाट लागाड्या आरु चा आपना आपना डेरा पर जात रया।
JOS 22:7 मनश्शे क आदा गोत्रियाक मुसु बासान मा भाग देदो हतो; पुन दिसरा आदा गोत्राक योहोसु ओका भाईसक वीच मा यरदनक पश्चिमक तरफ भाग देदा। ओकाह जव योहोसु सोयाव्वु कोविन वाट लागाड़्या कि आपना आपना डेरा मा जाऊ,
JOS 22:8 तव उनाक भी सय बरकत आपीन कया, “बैस सी पशु, आरु चाँदी, हुनो, पीतवन, लोखंडो, आरु बैस सी छिंदरा, आरु बैस धन-सम्पत्ति लीन आपना आपना पेरा पर जात रयु; आरु आपना दुश्मनक लुटक सम्पत्ति क आपना भाईसक साथे वाट लेजु।”
JOS 22:9 तव रुबेनी, गादि, आरु मनश्शे क आदा गोत्रि इसराएलीयाक जु सी, मतलब कनान देश क शीला नगर सी, आपनी गिलाद नावन निजी धरती मा, जी मुसान द्वारा आपी गई योहोवा क हुकुमोन अनसारे उकान निजी धरती होय गई हती, जानेन विचार सी वापस फिर गया।
JOS 22:10 जव रुबेनी, गादि, आरु मनश्शे क आदा गोत्रि यरदनक उका तराई मा पुग्या जा कनान देश मा छे, तव हेका चा देखने योग्य एक मोटली वेदी बनाई।
JOS 22:11 आरु ओका खबर इसराएलीयाक सोमवने मा आयो, कि रुबेनियो, गादियो, आरु मनश्शेक आदा गोत्रियोन कनान देशक सामने यरदनक तराई मा, मतलब ओकान उका पार जा इसराएलीयाक छे, एक वेदी बनाई छे।
JOS 22:12 जव इसराएलीया यो सोमव्या, तव इसराएलीयाक सब मण्डली ओका सी लड़नेक करता चढ़ाई करनेक करता शीलो मा एकठा होया।
JOS 22:13 तव इसराएलीया रुबेनियो, गोदिया, आरु मनश्शेक आदा गोत्रियाक जु गिलाद देश मा एलीयाजर याजकक पोर्‍यो पीनहासक,
JOS 22:14 आरु ओका साथे दस प्रधानोक, मतलब इस्राएलक एक एक गोत्रा मा सी पुर्वजक एक एक प्रधानक मोकल्या, आरु चा इस्राएलक हजारो मा आपना आपना पुर्वजक घरानाक मुखी मानुस हतो।
JOS 22:15 चा गिलाद देश मा रुबेनिया, गादिया, आरु मनश्शेक आदा गोत्रियाक जु जाईन कयने लाग्या,
JOS 22:16 “योहोवा क सब मण्डली यो कयती छे, ‘तुमु इस्राएलन परमेश्वर योहोवाक यो कोसो विश्वासघात कर्‌या; आज जो तुमु एक वेदी बनाव लेदा छे, ओका मा तुमु ओकान पछव चालनेक छुड़ीन ओकान विरुद आज बलवा कर्‌या छे?
JOS 22:17 सोमवु पोरक विषयक ओधोरोम आमरे करता जुरुक कम हतो, यद्यापि योहोवाक मण्डलीक भारी दण्ड जोड़े तेभी आजुन दाहड़े आमु ओका ओधोरोम सी चुखा नी होया; काय चो तुमरी नजर मा एक नानी वात छे
JOS 22:18 कि आज तुमु योहोवाक त्यागीन ओकान पछव चालमनु छुड़ देन्या छे? आज तुमु योहोवा सी पछा जाता होसे, आरु काल चा इस्राएलक सब मण्डली सी क्रोधित होसे।
JOS 22:19 पुण दाम तुमरो सतान जागो विटोळ हय ती पार आवीन भगवानन खास जागा मा जाँ सारी भगवान रये हामरे वीच मा तुमरो सतान जागो कर लेयो पुण हामरा योहोवा परमेश्वर वेदी क छुड़ीन कोय दिसरी वेदी बनावीन हेको विरुध्द मा झुन जाता आरु नी ते हामरे विरुद मा।
JOS 22:20 देखु, जव जेरह क पोर्‍यो आकान अर्पण करली चीजक विषय मा विश्वासघात कर्‌या, तव काय योहोवाक कोप इस्राएलक पुरी मण्डली पर नी भड़क्यो? आरु ओका मानुसक धर्मक प्राण डोन एखलाक ओकाक नी जोड्या।’”
JOS 22:21 तव रुबेनिया, गादियो, आरु मनश्शेक आदा गोत्रिया इस्राएलक हजारोक मुखी लोगहनक यो जवाब देदो,
JOS 22:22 “योहोवा परमेश्वर आखा सी जुर भरीयो ताकत वाळो छे, त्यो भगवानुत जाने, आरु इसराएली भी ओका जान लेसे कि कदाम योहोवा सी फिरके या ओकान विश्वासघात करीन आमु यो काम कर्‌या होसे, ते तु आज आमुक जीवतु नी छुड़े,
JOS 22:23 कदाम आज क दाहड़े आमु नी वेदीक एरकरता बनाया होसे कि योहोवाक पछव चालनु छुड़ देजे, या एरकरता कि ओका पर होमबली, अन्नबली, या मेलबलि चढ़ाया, ते योहोवा आप हेरो हिसाब लेसे;
JOS 22:24 पुन आमु ओका विचार आरु मनसा सी यो कर्‌या छे के भविष्य मा तुमरी सन्तान आमरी सन्तान सी यो नी कयने लागे, ‘तुमुक इस्राएलक परमेश्वर योहोवा सी काय काम?
JOS 22:25 काहकी, हे रुबेनियो, हे गादियो, योहोवा जो आमरे आरु तुमरे वीच मा यरदनक सीमा ठराय देदो छे, एरकरता योहोवा मा तुमरा एक भी भाग नी छे।’ ओसो कोईन तुमरी सन्तान आमरी सन्तान मा सी योहोवाक बीक छुड़ाय देसे।
JOS 22:26 एरकरता आमु कया, ‘आवु, आमु आपने करता एक वेदी बनाव लेवु, चा होमबली या मेलबलिन बादा न करता नी,
JOS 22:27 पुन एरकरता कि आमरा आरु तुमरा, आरु आमरा बाद आमरा आरु तुमरा ओवलियादक वीच मा साक्षीन काम आप; एरकरता कि आमु होमबली, मेलबलि, आरु बादा चढ़ावीन योहोवाक सामने ओकान उपासना करे; आरु भविष्य मा तुमरी सन्तान आमरी सी यो नी कयनु जुवे, कि योहोवा मा तुमरो कुई भाग नी।’
JOS 22:28 एरकरता आमु कया, ‘जव चा लोगहन भविष्य मा आमु सी या आमरा ओवलियाद सी यो कयने लाग्या, तव आमु उना सी कयसु, कि योहोवाक वेदीक नमुना पर बवनी होई ओका वेदीक देखु, जेका आमरा डाहला होमबली या मेलबलिक बादा न करता नी बनाया; पुन एरकरता बनाया हता कि आमरे आरु तुमरे वीच मा साक्षीक काम आप।’
JOS 22:29 यो आमु सी छेठा रया कि योहोवा सी फिरीन आज ओकान पछव चालनु छुड़ दे, आरु आपनु परमेश्वर योहोवाक ओका वेदीक छुड़ावीन जो ओकान निवासक सामने छे होमबली, आरु अन्नबलि, या मेलबलिन बादान करता दिसरी वेदी बनाया।”
JOS 22:30 रुबेनियो, गादियो, आरु मनश्शेक आदा गोत्रियाक इनी वातक सोमवीन पीनहास याजक आरु ओकान साथे मण्डलीक प्रधान, जो इस्राएलक हजारो मुखी मानसे हता, चा बैस खुश होया।
JOS 22:31 आरु एलीयाजर याजकक पोर्‍यो पीनहास रुबेनियो, गादियो, आरु मनश्शेइयो सी कया, “तुमु जो योहोवाक ओसो विश्वासघात नी कर्‌या, ओका सी आज आमु यो जान लेदा कि योहोवा आमरे वीच मा छे: तुमु लोगहन इसराएलीयाक योहोवाक हाथ सी वाचाड्या छे।”
JOS 22:32 तव एलीयाजर याजकक पोर्‍यो पीनहास प्रधान समेत रुबेनियो, आरु गादियोक, जु सी गिलाद होयता कनान देश मा इसराएलीयाक जु वापस गया: आरु यो वृतान्त उनाक कय सोमवाड्या।
JOS 22:33 तव इसराएली खुश होया: आरु परमेश्वरक सोयाव्वु कया, आरु रुबेनियो, आरु गादियो, सी लड़ने आरु उनाक रयनेक देश उजाड़नेक करता चढ़ाई करनेक चर्चा पछी नी करी।
JOS 22:34 आरु रुबेनियो, आरु गादियो, यो कोईन, “यी वेदी आमरे आरु उनाक वीचमा ओका वातक साक्षी ठरी छे, कि योहोवाज परमेश्वर छे;” ओकी वेदीक नाव एद मेक्या।
JOS 23:1 ओका बैस दाहड़ाक बाद, जव योहोवा इसराएलीयाक उनाक चार तरफ शत्रु सी आराम देदा, आरु योहोसु दाडला आरु बैस दाहलो होय गया,
JOS 23:2 तव योहोसु सब इसराएलीयाक, मतलब पुरानो मुखी मानुस, न्यायियो, आरु सरदारक बुलावीन कयने लाग्या, “हाव ते हिमी दाहला आरु बैस सालक होय गयु छे;
JOS 23:3 आरु तुमु नी देखता छे कि तुमरो परमेश्वर योहोवा तुमरे निमत्त इनी सब जातिया सी काय काय करला छे, काहकी जि तुमरी तरफ सी लड़तु आयु छे चु तुमरो परमेश्वर योहोवा छे।
JOS 23:4 देखु, हाव इनी वाचली जातियाक चिट्ठी न्हाख न्हाखिन तुमरा गोत्राज भाग कर देदा छे; आरु यरदन सी लीन दाहड़ु बुडने तरफ मोटलो दरिया तक रयनरवाळी उना सब जातियाक भी ओसोज देदा छे, जेकाक हाव काट न्हाख्या छे।
JOS 23:5 आरु तुमरो परमेश्वर योहोवा उनाक तुमरे सामने उनाक देश सी निकाळ देसे; आरु तुमु आपना परमेश्वर योहोवाक वचन क अनसारे उनाक देशक हक होय जासे।
JOS 23:6 एरकरता बैस हियाव बाँधिन, जो काहय मुसान व्यवस्थाक किपात मा लिखलो छे ओकाक पुरो करने मा चोकसी करनु, ओका सी नी ते जेवड़े वोगे फिरनु आरु नी डाखरे।
JOS 23:7 या जा जातिया तुमरे वीचमा रय गया छे इनाक वीच मा नी जानु, आरु नी ओका देवताक नावक चर्चा करनु, आरु नी ओकान शपथ खावळावनु, आरु नी ओकान विनता करनु, आरु नी ओकाक दण्डवत् करनु,
JOS 23:8 पुन जोसो आजुन दाहड़े तक आपना परमेश्वर योहोवाक भक्ति मा लवलीन रयता होसे, तोसाज रया करनु।
JOS 23:9 योहोवा तुमरे सामने सी मोटली मोटली आरु बलवन्त जातिया निकावळी छे; आरु तुमरे सामने आजुन दाहड़े तक कुई रुकाय नी सक्या।
JOS 23:10 तुमु मा सी एक मानसक हजार मानसक डासाड़से, काहकी तुमरो परमेश्वर योहोवा आपना वचनक अनसारे तुमरी तरफ सी लड़ता छे।
JOS 23:11 एरकरता आपना परमेश्वर योहोवा सी मोंग राखनेक पुरी चोकसी करनु।
JOS 23:12 काहकी कदाम तुमु काहनी रीति योहोवा सी फिरीन इनी जातियाक बाकी लोगहन सी मिवने लागे जो तुमरे वीच वाचला होया रयता छे, आरु इना सी हियाव करीन इनाक साथ समधियाना रिश्ता जुड़ो,
JOS 23:13 ते नक्की जान लेवु कि ओगव तुमरे परमेश्वर योहोवा इनी जातियाक तुमरे सामने सी नी निकाळसे; आरु या तुमरे करता पाणी आरु फंदा, आरु तुमरे पांजरोक करता कोड़े, आरु तुमरी डुवा मा काटा ठरसे, आरु नास मा तुमु इनी वारली धरती पर सी जो तुमरो परमेश्वर योहोवा तुमुक आपी छे खतम होय जासे।
JOS 23:14 “सोमवु, हाव ते हिमी संसारियाक गति पर जानेवाळो छे, आरु तुमु सब आपना आपना ह्रदय आरु मन मा जानता होसे, कि जोतरी भलाईक वात आमरा परमेश्वर योहोवा आमरे विषय मा कया उनामा सी एक भी बिना पुरी होया नी रयु; चा सबक सब तुमु घट गई छे, उनामा सी एक भी बिना पुरी होए नी रई।
JOS 23:15 ते जोसो तुमरो परमेश्वर योहोवाक कयली वात सब भलाईक वात तुमु पर घटी छे; तोसोज योहोवा विपत्तिक सब वात भी तुमु पर लागाड़से आरु तुमुक इकी वारली धरतीन उपर सी, जेका तुमरा परमेश्वर योहोवा तुमुक आप्या छे। खतम कर न्हाखसे।
JOS 23:16 जव तुमु उका वाचाक, जेका तुमरे परमेश्वर योहोवा तुमुक हुकुम आपीन आपने साथे बांधाया छे, तुड़नो करीन पराया देवताक विनता आरु उनाक दण्तत् करने लाग्या, तव योहोवाक कोप तुमु पर भड़केगा, आरु तुमु ओका वारला देश मा सी जेका ओका तुमुक आप्या छे पटकन खतम होय जासे।”
JOS 24:1 पछा योहोसु इस्राएलक सब गोत्राक शकेम मा इकट्ठा कर्‌या, आरु इस्राएलक दाहला लोगहन आरु मुखी लोगहन, आरु न्यायियो, आरु सरदारक बुलवाया; आरु चा परमेश्वरन सामने हजर होया।
JOS 24:2 तव योहोसु उना सब लोगहन सी कया, “इस्राएलक परमेश्वर योहोवा ओका प्रकार कयता छे, ‘प्राचीन काल मा अब्राहम आरु नाहोरक बास तेरह आदि, तुमरा पुरखा परात महानदक ओका पर रयता रयता दिसरा देवताक विनता करता हता।
JOS 24:3 आरु हाव तुमरे खास अबराहम महानदक उका पार सी ली आवीन कनान देशक सब स्थान मा फिराया, आरु ओकान ओवलियाद बढ़ाया। आरु ओका इसहाको आप्या;
JOS 24:4 पछा हाव इसहाको याकुब आरु एसावक आप्या। आरु एसावक हाव सेईर नावन पहाड़ी देश आप्या के चा ओकान हक होसे, पुन याकुब बेटो-नातन्यो समेत मिसरक गया।
JOS 24:5 पछा हाव मुसा आरु हारुन मुकलीन उना सब कामोक द्वारा जो हाव मिसर मा कर्‌या, उका देशक मारा; आरु ओकान बाद तुमुक निकाळ लाया।
JOS 24:6 आरु हाव तुमरे डाहलाक मिसर मा सी निकाळ लाया, आरु तुमु दरियाक पुग्या; आरु मिसरिया रथ आरु सवारोक साथे लीन लाल दरिया तक तुमरा पीछा कर्‌या।
JOS 24:7 आरु जव तुमु योहोवाक दोहाई आपी तव ओकान तुमरे आरु मिसरियाक वीच मा अन्धियारा कर देदा, आरु उना पर दरियाक वयाडीन उनाक डुबाड़ देदा; आरु जो काहय हाव मिसर मा कर्‌या उका तुमु बैस लोगहन आपनी डुवा सी देख्या; पछा तुमु बैस दाहड़े जंगल मा रया।
JOS 24:8 तव हाव तुमुक उना एमोरियाक देश मा ली आया, जो यरदन उका पार बठला हता; आरु चा तुमु सी लड़े, आरु हाव हेके तुमरे ओवलियाद मा कर देदा, आरु तुमु उनाक देशक आधिकारी होय गया, आरु हाव उनाक तुमु सामने सी सत्यानाश कर न्हाख्या।
JOS 24:9 पछा मोआबक राजा सिप्पोरक पोर्‍याक बालाक उठावीन इस्राएल सी लड़ा; आरु तुमुक शाप देनेक करता बोर क पोर्‍या बिलामक बुलावने मुकल्यो,
JOS 24:10 पुन हाव बिलामक नी सोमव्यु; चा तुमुक बरकत आपता गया; ओका प्रकार हाव तुमुक ओकान हाथ सी वाचाड्या।
JOS 24:11 तव तुमु यरदन पार होईन योरीहोक जु आया, आरु जव योरीहोक मानुसे, आरु एमोरी, परिज्जी, कनानी, हित्ती, गिर्गाशी, हिब्बी, आरु यबुसी तुमु सी लड्या, तव हाव हेका तुमरा वश मा कर देदा।
JOS 24:12 आरु हाव तुमरे ओगव गेंडरा क मुकल्या, आरु हेकान एमोरियान दुयु राजा तुमरे सामने सी डास्या; देखु, यी तुमरी तलवार या धोंदलीक काम नी होयो।
JOS 24:13 पछा हाव तुमुक ओसा देश आप्या जेका हाव तुमु मेहनत नी कर्या हता, आरु ओसो नगर भी देदा छे जेका तुमु नी बठाड्या हता, आरु तुमु ओकामा बठला होसे; आरु जीन दाखरस आरु जैतुनन बगीचाक फोवक फोव तुमु खाता होसे हेका तुमु नी लागाड्या हता।’
JOS 24:14 “एरकरता हिमी योहोवा परमेश्वरन बीक मानीन ओकान सेवा छाचाय आरु सच्चाई सी करु; आरु जिन देवताक सेवा तुमरा पुरखा महानदक उका पार आरु मिसर मा करता हता, हेका छेठा करीन योहोवाक सेवा करु।
JOS 24:15 आरु कदाम योहोवा परमेश्वरन सेवा करनु तुमुक बुरो लागे, ते आज नेवाळ लेवु कुनीन सेवा कर हत, चाहे उना देवताक जिनाक सेवा तुमरा पोरखा महानदक उका पार करता हता, आरु चाहे एमोरियाक देवतान सेवा करु जिनाक देश मा तुमु रयता होसे; पुन हाव ते आपना घराना समेत योहोवान सेवा नित करीस।”
JOS 24:16 तब लोगहन जवाब देदा, “योहोवा परमेश्वर क त्यागीन दिसरा देवतान सेवा करनु आमु सी छेठा रयु;
JOS 24:17 काहकी आमरु परमेश्वर योहोवा चा छे जु आमुक आरु आमरे पुरखाक दासत्वक घर, मतलब मिसर देश सी निकाळ ली आया, आरु आमरा देखता देखता मोटला मोटला विछेळीयो काम कर्‌या, आरु जेकि वाट पर आरु जोतरी जातियाक वीच मा सी आमु चालीन आवता हता ओका सी आमरी रक्षा;
JOS 24:18 आरु आमरे सामने सी ओका देश मा रयनेवाळा एमोरी कदाम सब जातियाक निकाळ देदा छे; एरकरता आमु भी योहोवाक सेवा करसु, काहकी आमरो परमेश्वर चो छे।”
JOS 24:19 योहोसु लोगहन सी कयो, “तुमु सी योहोवाक सेवा नी होय सकती; काहकी चो पवित्र परमेश्वर छे; चो जलन राखनेवाळो ईश्वर छे; चो तुमरो आपराध आरु पाप सोमा नी करसे।
JOS 24:20 कदाम तुमु योहोवाक त्यागिन देवतान सेवा करने लागसे, ते यद्यपि चा तुमरो भलो करता आयो छे तेभी चा फिरीन तुमरो नुकसान करसे, आरु तुमरो नास भी कर न्हाखसे।”
JOS 24:21 लोगहन योहोसु सी कया, “नी; आमु योहोवान सेवा करसु।”
JOS 24:22 योहोसु लोगहन सी कयो, “तुमु आपसुज आपना साक्षी होयु कि तुमु योहोवान सेवा करनु नेवाळ लेदा छे।” हेका कया, “होव, आमु साक्षी छे।”
JOS 24:23 योहोसु कयो, “आपने वीच मा सी पराया देवताक छेठा करीन आपना आपना मन इस्राएलक परमेश्वर योहोवाक तरफ लागाडु।”
JOS 24:24 लोगहन योहोसु सी कया, “आमु ते आपना परमेश्वर योहोवाक सेवा करसु, आरु ओकान वात मानसु।”
JOS 24:25 तव योहोसु उके दाहड़े उना लोगहन सी वाचा बांधाड्या, आरु शकेम मा ओकान करता विधि आरु नियम ठराया।
JOS 24:26 यो सब वृतान्त योहोसु परमेश्वरक व्यवस्थाक किपात मा लिख देदा; आरु एक मोटलो दगडो नेवाळीन चा ओका बांज झाड़कान नेड़ो उबो कर्‍यो, जो योहोवान पवित्रस्थान मा हतो।
JOS 24:27 तव योहोसु सब लोगहन सी कयो, “सोमवु, यो दगड़ु आमु लोगहनक साक्षी रवसु, काहकी जोतरा वचन योहोवा आमु सी कया छे हेका यो सोमव्यो छे; एरकरता यो तुमरा साक्षी रवसे, ओसो नी होए कि तुमु आपना परमेश्वर सी मुकर जावु।”
JOS 24:28 तव योहोसु लोगहनक आपना आपना निज भाग पर जानेम करता वाग लागाड्या।
JOS 24:29 इनी वातन बाद योहोवाक दास, नुनन पोर्‍यो योहोसु, एक सोव दस सालन होईन मर गयो।
JOS 24:30 आरु ओकाह तिम्नत्सेरह मा, जु एपरेम क पहाड़ी देश मा गाश नावन पहाड़क उत्तर मा छे, उकान भाग मा धुवो आप गया।
JOS 24:31 योहोसु क जीवन भर, आरु जा डाहला लोगहनक योहोसुक मरनेक बाद जीविता रया आरु जानता हता कि योहोवा इस्राएलक करता कोसा कोसा काम कर्‌या हता, ओकान भी जीवन इसराएली योहोवाक सेवा करता रया।
JOS 24:32 पछु युसुफन हाड़का जेका इसराएली मिसर सी ली आया हता चा शकेमक धरतीक ओका भाग मा गाड़ी गई, जेका याकुब शकेमक बास हमोर पोर्‍या सी एक सोव चांदीक सिक्का मा मोल लेदा हता; एरकरता चु युसुफन सन्तानक निज भाग होय गयो।
JOS 24:33 हारुनक पोर्‍यो एलीयाजर भी मर गयो; आरु ओकान एपरेमक पहाड़ी देश मा ओका पहाड़ी पर धुवो आपी गई, जी ओकान पीनहासक नाव पर गिबत्पीनहास कयाड़ती छे आरु ओकाक आपी गई हती।
EST 1:1 क्षयर्ष नावोन राजान दाहड़ा मा यी वाते हयी; यो त्यो क्षयर्ष छे, जो एक सोव वीस ने सात देशो पर, मोतलोब इथियोपिया गोथु हिन्दुसतान लोगुन राज करतो हुतो।
EST 1:2 राजा क्षयर्ष क राजोन राजधानी शुशन गढ़ हुतो, त्या राजगादी पोर बोठीन राज कोर रयो हुतो।
EST 1:3 होंया हुयो आपसा राज क तीसरा साल मा आपसा आखा मुखी आरु कामकरन्या क भोज आप्यो। फारस आरु मादै क सेनापति आरु प्रान्त-प्रान्त क प्रधान आरु हाकिम ओका अगळ आय गुया।
EST 1:4 भोज करवानेन तिहवार छोव महिना तक वाळीयो। आरु पाहंतीरियान को हेका राज वाड़ान धन आरु हेकी राज करनेन शान देखड़तो रियो।
EST 1:5 ओतरा दाहड़ा क वितने पोर राजा न काय नाना काय मोटा उना आखा क वी ज शुशन नावोन राजगढ़ मा एकठा हुया हुता, राजभवन क वारी मा आँगना मा सात दाहड़ा लगुन भोज आप्यो।
EST 1:6 होंया क परदा श्वेत आरु निळा सुत क हुता, आरु सन आरु जामन्या रोंगोन। बठनेन पाटला सी चाँदी क छल्‌ला मा, संगमरमर क बोनला फोरस्या पोर धरी हुयी हतली।
EST 1:7 उना भोज मा राजा क योग्य दाखमधु भाति-भातिन रीते क सोना क टाहरा मा डालीन राजा क उदारता सी घनात भेळ पावतला।
EST 1:8 पीनो ते कायदा ओनसारे हयतो हुतो, जोसो चाहे तोसो पाळतला हुता; काहकी राजा न ते आपसा भवन क आखा भण्डारियो क हुकुम आपता हुता, की ज पाहनतरीया जसा चाहे ओका भेळ तोसाज वेवहार कोरनो।
EST 1:9 रानी वशती न वी राजा क्षयर्ष क भवन मा बायरा क भोज आप्या।
EST 1:10 सातवे दाहड़े, जोत्यार राजा क मोन दाखमधु मा मगन हुतो, तोत्यार हुयो महुमान, बिजता, हर्बोन, बिगता, अबगता, जेतेर आरु कर्कस नावोन सातु गोतराड़ा क ज क्षयर्ष राजा क अगळ सेवा चाखरी कोर्या कोरता हुता, हुकुम,
EST 1:11 की रानी वशती क राजमुकुट धारण कोर्‌यो हुयो राजा क अगळ ली आवु; जेरेसी कि देश-देश क लोगहन आरु हाकिमो पोर ओकी घाटाळो प्रगट होय जाय; काहकी हुये देखने मा घाटाळो हुतो।
EST 1:12 खोजो क लारे राजा नी यी हुकुम मिळी रानी वशती न आवने सी मोना कोर्‌यो। एना पोर राजा मोटा रीसवाईन जळने लाग्यो।
EST 1:13 तोत्यार राजा न टेमे-टेमे क भेद जाननेवाळा पंडितो सी पुछ्यो (राजा ते नीति आरु नियाव क आखा गियानियो सी असोज कोरतो हुतो।
EST 1:14 ओका पास कर्शना, शेतार, अदमाता, तर्शीश, मेरेस, मर्सना, आरु ममुकान नावोन फारस, आरु मादै क सात प्रधान हुता, ज राजा क दर्शन कोरता आरु राज मा खास-खास पदो पोर नेवाड़ कोर्‌यो गया हुता।)
EST 1:15 राजा न पुछ्‌या, “रानी वशती न राजा क्षयर्ष नु हेर लारे आपाड़ला हुकुम क तुड़नो कोर्या, ती नीतिन ओनसारे ओका भेळ काय कोर्‌यो जाय?”
EST 1:16 तोत्यार ममुकान न राजा आरु हाकिमो नु हाजरी मा जपाप आप्यो, “रानी वशती न ज भुंडो काम कर्‌यो छे, हुयो नी केवल राजा सी बाखुन आखा हाकिमो सी आरु उना आखा देशों क लोगहन सी वी ज राजा क्षयर्ष क आखा प्रान्तो मा रोहे छे।
EST 1:17 काहकी रानी क एना काम नु चर्चा आखा बायरा मा होयसे आरु जोत्यार यो कोयो जासे, ‘राजा क्षयर्ष न रानी वशती क आपसे अगळ ली आवने नु हुकुम आप्यो पुन हुयी नी आवी,’ ती हुये वी आपसा-आपसा घोरवाळा क तुच्छ जानने लागसे।
EST 1:18 आजुन दाहड़े फारस आरु मादी हाकिमो नु बायरा जे रानी नु यी वात सोमळायो छे ती हुये वी राजा क आखा हाकिमो सी असोज कोहने लागसे; एने रीते घनात घाड़ाय आरु रीस पोयदा होयसे।
EST 1:19 कदाम राजा क स्वीकार होय, ती यो हुकुम निकाळे, आरु फारसियो आरु मादीयो क कानुन मा लिखी वी जाय, जेरेसी कदाम बोदल नी सके, की रानी वशती राजा क्षयर्ष क अगळ ओळी कोदी आवने नी पावे, आरु राजा पटरानी क पद कुदा दिसरा क आप देये तेरेसी वारु होय।
EST 1:20 अत: जोत्यार राजा नु यो हुकुम ओका आखा राज मा सोमळायो जासे, ती आखा बायरा, आपसा-आपसा घरवाळा क चाहे गरीब होय एने अमीर, आदरमान कोरती रोहसे।”
EST 1:21 यी वात राजा आरु हाकिमो क पसन्द आवी आरु राजा न ममुकान नु सम्मति मान लेदो आरु आपसा राज मा,
EST 1:22 अर्थात् होरीक राजोन क आकड़ा मा आरु होरीक जाति नु बुली मा चिट्ठियाँ मुकळ्या, की आखा मानसे आपसा-आपसा घर मा होक चालाड़े, आरु आपसी जाति नु बुली बुल्या कोरे।
EST 2:1 एनु वारो क वाद जोत्यार राजा क्षयर्ष क रीस सेवती हुय गय, ती हुयो रानी वशती कर्‌यो, आरु ज काम हुयो कर्‌यो हुतो, आरु ज ओका वाराम हुकुम निकळी हुती ओकी वी सुधी लेदो।
EST 2:2 ती राजा क सेवक ज ओका टहलुए हुता, कहने लाग्या, “राजा क लिय घाटाळी एने जुवान कुँवारी हेरी जाय।
EST 2:3 आरु राजा न आपसा राज क आखा प्रान्तो मा लोगहन क एकालिय नेवाड़ कोर्‌यो की हुये आखा घाटाळी जुवान कुँवारियो क शुशन गढ़ क रनवास मा एकठा कोरे आरु बायरा क प्रबन्धक हेगे क ज राजा क खोजी हुतो सोप देये; आरु चुखा कोरने योग्य चिजे ओको आप्यो जाय।
EST 2:4 तोत्यार उनामासी जी कुँवारी राजा नु निंगा मा वारु ठहरे, ची रानी वशती क जागा पोर पटरानी बोनायी जाय।” यी वात राजा क पसन्द आवी आरु हुयो असोज कर्‌यो।
EST 2:5 शुशन गढ़ मा मोर्दके नावोन एक यहुदी रहतो हुतो, ज कीश नावोन एक बिन्यामीनी क परपोतो, शिमी क पोतो, आरु याईर क पुर्य हुतो।
EST 2:6 हुयो उना बन्दियो क साथ यरुशलेम सी बंदुआई मा गुयो हुतो, जेनुक बेबीलोन क राजा नबुकदनेस्सर, यहुदा क राजा यकोन्याह क भेळ यरुश्लेम बन्दी बोनावीन ली गुयो हुतो।
EST 2:7 हुयो हदास्सा नावोन आपसी चचेरी बहनीस क, ज एस्तेर वी कोहायती हुती, पाळन-पुष्‌यो हुतो; काहकी ओका आसी-बासा कुय नी हुता, आरु हुयी पुराय घाटाळी आरु रुपवती हुती, आरु जोत्यार ओका आसी-बासा मोर गुया, तोत्यार मोर्दके न ओको आपसी पुराय कोरीन पाळ्यो।
EST 2:8 जोत्यार राजा नु हुकुम आरु कायदा सोमवाड़्या गया, आरु बेसका जुवान बायरा, शुशन गढ़ मा हेगे क हक मा एकठा कोर्या गुया, ती एस्तेर वी राजभवन मा बायरा क प्रबन्धक हेगे क होक मा सोपी गुय।
EST 2:9 हुयी पुराय ओकी निंगा मा वारु लागी; आरु हुयो उनासी खुश हुयो, ती हुयो विगुर वार कर्‌यो ओको राजभवन मा सी चुखो करनेन चिजे, आरु ओको भुजन, आरु ओका लिय नेवाड़ली सात सहेलिया वी आप्यो, आरु ओको आरु ओकी सहेलियो क रनवास मा आखासी वारु रहने क जागो आप्यो।
EST 2:10 एस्तेर न नी आपसी जाती बताड़ी हुती, नी आपसो कुल; काहकी मोर्दके न ओको हुकुम आप्यो हुतो नी ओको नी बताड़जो।
EST 2:11 मोर्दके ते दाहड़ीन रनवास क आँगना क अगळ टहलतो हुतो ताकी जाने की एस्तेर कोसी छे आरु ची काय वारली होयसे?
EST 2:12 जोत्यार एक-एक पुराय नु वारी आवी, की हुयो क्षयर्ष राजा क पास जाय, आरु यो उना टेमे हुयो जोत्यार ओका पुठी बायरा ठहराया हुया कायदा क ओनसारे बारे मोहना लगुन वेवहार कोर्‌यो गुयो हुतो; अर्थात् ओको चुखो करने क दाहड़े एने रीते सी वीत गुया, की छव मोहना गन्धरस क तेल लागाड़्यो जातो हुतो, आरु छव महना लगुन गोंदायन्यो तेल, आरु बायरा क चुखो कोरने क दिसरो सोमान लागाड़्यो जातो हुतो।
EST 2:13 एने रीते सी हुयी पुराय जोत्यार राजा क पास जाती हुती, ती ज काही हुयी चाहती की रनवास सी राजभवन मा ली जाय, हुयो ओको आप्यो जातो हुतो।
EST 2:14 सांतो क ते हुयी जाती हुती आरु संदारे क हुयी लौटीन रनवास क दिसरा घर मा जाईन रखेलो क प्रबन्धक राजा क खोजे शाशगज क होक मा होय जाती हुती, आरु राजा क पास अळी नी जाती हुती। आरु कदाम राजा उनासी खुश हुय जातो हुतो, ती हुयो नाव लीन बुलावी जाती हतली।
EST 2:15 जोत्यार मोर्दके क चाचो अबीहेल नु पुराय एस्तेर, जेको मोर्दके न बेटी मानीन राखलो हुतो, ओकी वारी आवी की राजा क पास जाय, ती ज काई बायरा क प्रबन्धक राजा क खोजी हेगे न ओका लिय ठहरायो हुतो, उनासी जादा हुयी आरु काय नी माँगी। जोतरा न एस्तेर क देख्या, हुये आखा उनासी प्रसन्न हुया।
EST 2:16 अत: एस्तेर राजभवन मा राजा क्षयर्ष क पास ओका राज क सातवा वरीस क तेबेत नावोन दसवा मोहना मा पुगाड़ी गुय।
EST 2:17 आरु राजा न एस्तेर क आरु आखा बायरा सी जादा मोंग कोर्‌यो, आरु दिसरा आखा कुँवारियो सी जादा ओको फोकटन दया आरु गीन नु निंगा उना पोर हय, अस करीन हयो ओका मुनका पोर राजमुकुट मेक्यो आरु ओको वशती क जागा पोर रानी बोनायो।
EST 2:18 तोत्यार राजा न आखा हाकिमो आरु कामकरन्या क एक मोटो भोज आप्यो, आरु हुयो एस्तेर क भोज कयो; आरु प्रान्तों मा छुट्टी आपाड़्यो, आरु आपसी उदारता क योग्य इनाम वी वाट्यो।
EST 2:19 जोत्यार छल्‌ला दिसरी वार एकठी कोरी गय, ती मोर्दके राजभवन क फाटक मा बठलो हुतो, ओका टेमे राजा मोर्दक क आपसी शासन क चाकरीमा हिमी तव करला हता।
EST 2:20 एस्तेर न आपसी जाती आरु कुल क पतो नी आपी हुती, काहकी मोर्दके न ओको असी हुकुम आप्यो हुतो की नी बताड़े; आरु एस्तेर मोर्दके नु वार असी मानती हती जसी की ओका याँ आपसा पाळन-पुषन क टेम मानती हती।
EST 2:21 तेनु दाहड़ा मा जोत्यार मोर्दके राजा क राजभवन क फाटक मा बठ्या कोरतो हुतो, ती राजा क खोजे ज द्वारपाल वी हुता, उनामासी बिगताना आरु तेरेश नावोन दुय जना न राजा क्षयर्ष सी नाराज होईन उनाक मारनेन विचार कोर्या।
EST 2:22 यी वात मोर्दके क मालुन हय, आरु हुयो एस्तेर रानी क यी बात बताड़्यो, आरु एस्तेर न मोर्दके क नाव लिन राजा क वात कय आपी।
EST 2:23 ती जाँच पड़ताल होयने पोर यी वात खोरी निकळी आरु हुयो दुयोक झाड़ पोर लटकाय गुया, आरु यी वात राजान अगळ इतिहास नु किपात मा लिख्यो गुयो।
EST 3:1 एनी वातो क वाद राजा क्षयर्ष न अगागी हम्मदाता क पुर्य हामान क उचो पद आप्यो, आरु ओको महत्व आपीन ओका लिय ओका साथी हाकिमो क सिंहासनो सी उँचा सिंहासन ठहरायो।
EST 3:2 राजा क आखा कामकरन्या ज राजभवन क फाटक मा रया कोरता हुता, हुये हामान क सामने झुकीन दण्डवत् कोर्या कोरता हुता काहकी राजा न ओका वाराम असो हुकुम आप्यो हुतो; पुन मोर्दके नी ती झुकतो हुतो आरु नी दण्डवत् कोरतो हुतो।
EST 3:3 तोत्यार राजा क कामकरन्या ज राजभवन क फाटक मा रोया कोरता हुता, हुये मोर्दके सी पुछ्या, “तु राजा क हुकुम क काहा नी मानतो छे?”
EST 3:4 जोत्यार हुये ओको दाहड़ीन असोज कोहता रोया, आरु हुयो ओकी एक नी मान्यो, ती हुये यो देखिन की मोरजी सी मोर्दके नु यी वात चालसे की नी, हामान क बताड़ देदा; हुयो ओको हुयो बताड़ देदो की हांव यहुदी छे।
EST 3:5 जोत्यार हामान न देख्यो, कि मोर्दके नी झुकतो, आरु नी मेखे दण्डवत् कोरतो छे, ती हामान घनो रिसवायो।
EST 3:6 हुयो केवल मोर्दके पोर हाथ उठावनो आपसी इजुत सी कोम जान्यो। काहकी हुयो हामान क यी वात बताड़ देदा हुता, कि मोर्दके काहनी जातीन छे, एकालिय हामान न क्षयर्ष क साम्राज्य मा रोहनेवाळा आखा यहुदियो क वी मोर्दके नु जाती जानीन, विनाश कोरनेन विचार निकाळ्यो।
EST 3:7 राजा क्षयर्ष क बारे वरीस क नीसान नावोन पेहले मोहने मा, हामान न अदार नावोन बारे मोहना लगुन क एक-एक दाहड़े आरु एक-एक मोहने क लिय “पुर” अर्थात् चिट्ठी आपसा सामने नाखाड़्यो।
EST 3:8 हामान न राजा क्षयर्ष सी कयो, “तारा राज क आखा प्रान्तों मा रहनेवाळा देश-देश क लोगहन क विच मा तितर-बितर आरु छिटकी हयी एक जाति छे, जेरा कायदा आरु आखा लोगहन क कायदा सी ओलोग छे; आरु हुये राजा क कायदा पोर नी चालता, एकालिय ओको रहने देनो राजान फायदु नी छे।
EST 3:9 कदाम राजा क स्वीकार हय ती ओको नष्ट कोरनेन हुकुम लिख्यो जाय, आरु हांव राजा क भण्डारियो क हाथ मा राजभण्डार मा पुगाड़ने क लिय, दस हजार किक्कार चाँदी आपीस।”
EST 3:10 तोत्यार राजा न आपसी मुँदी आपसा हातोम सी निकाळीन अगागी हम्मदाता क पुर्या हामान क, ज यहुदियो क वेरी हुतो आप देदो।
EST 3:11 आरु राजा न हामान सी कयो, “हुयो चाँदी तुख आप्यो गयो छे, आरु हुये लोगहन वी, ताकि तु उनासी जसो तारो जीव चाहे तोसोज वेवहार कोरे।”
EST 3:12 ओळी तेरेसी पेहेल मोहनान तेरहवे दाहड़े क राजा क लेखक बुलाया गुया, आरु हामान नु हुकुम क ओनसारे राजा क आखा अधिपतियो, आरु आखा प्रान्तों क प्रधानो, आरु देश-देश क लोगहन क हाकिमो क लिय चिट्ठियाँ, एक-एक प्रान्त क आकड़ा मा, आरु एक-एक देश क लोगहन नु बुली मा राजा क्षयर्ष क नाव सी लिख्यी गय; आरु उनामा राजा नु मुँदीन छापु लागाड़्यु गयु।
EST 3:13 राज्य क आखा प्रान्तो मा एना आशय नु चिट्ठियाँ होर डाकियो क लारे मुकली गुय की एकुज दाहड़ा मा, अर्थात् अदार नावोन बारे मोहनान तेरवे दाहड़े क, काय जुवान, काय डाहला, काय बायरा, काय पुर्या, आखा यहुदी घात आरु नाश कोर्या जाय; आरु ओका धन सम्पत्ति लुट लेदो जाय।
EST 3:14 एना हुकुम क लेख नु नकलें आखा प्रान्तों मा खुली हुय मुकली गय की आखा देश क लोगहन उना दाहड़े क लिय तियार होय जाय।
EST 3:15 यो हुकुम शुशन गढ़ मा आप्यी गुय, आरु डाकिया राजान हुकुम सी छाटात निकळी गुया। राजा आरु हामान ते दाखमधु पीने बस गुया; पुन शुशन नगर मा घाबरोन फैल गुय।
EST 4:1 जोत्यार मोर्दके न जान लेदो कि काय-काय कोर्‌यो गुयो छे ती मोर्दके छिन्दरा फाड़, गन्टो पेहरीन, रुखड़ु नाखिन, नगर क विच जाईन उँचा आरु दु:ख भर्या बुल सी आयड़ने लाग्यो;
EST 4:2 आरु हुयो राजभवन क फाटक क सामने पुग्यो, पुन गन्टो पेहरलोत राजभवन क फाटक क धड़े ते कुदाक जानेन हुकुम नी हुती।
EST 4:3 एक-एक प्रान्त मा, जाँ-जाँ राजा नु हुकुम आरु कायदा पुग्या, होंया-होंया यहुदी मोटा विलाप कोरने आरु उपवास कोरने आरु रोड़ने कुटने लाग्या; पुन घणा सा गन्टा पेहरीन आरु रुखड़ु नाखीन पोड़्या रोया।
EST 4:4 एस्तेर रानी नु सहेलियो आरु खोजो न जाईन ओको बताड़ देदा, ती रानी शोक सी भराय गय; आरु मोर्दके क पास छिन्दरा मुकलीन यो कोयमुकली की गन्टो उतारीन एको पेहेर ले, पुन हुयो ओको नी लेदो।
EST 4:5 तोत्यार एस्तेर न राजा खोजो मा सी हताक क जेनाक राजा न ओका पास रहने क ठहरायो हुतो, बुलावीन हुकुम आपी, की मोर्दके क पास जाईन मालुन कोर ले, की काय वात छे एरो काय कारण छे।
EST 4:6 तोत्यार हताक नगर क उना चोक मा, ज राजभवन क फाटक क अगळ हुतो, मोर्दके क पास निकळी गुयो।
EST 4:7 मोर्दके न ओको आखो काहीन बताड़ देदो की म्हारे उपोर काय-काय वितलो छे, आरु हामान न यहुदियो क नाश कोरने नु हुकुम जोड़ने क लिय राजभण्डार मा कोरता चाँदी भोर देने क बुल आपलो छे, यो वी वारु-वारु बताड़ देदो।
EST 4:8 ओळी यहुदियो क विनाश करने क ज हुकुम शुशन मा आपी गय हुती, ओकी एक नकल वी हुयो हताक क हाथ मा, एस्तेर क देखाड़ने क लिय, आरु हुयो आखो हाल बताड़ने, आरु यो हुकुम आपने क कयो, की धड़े राजा क पास जाईन आपसा लोगहन क लिय गिड़गिड़ावीन विनता कोरे।
EST 4:9 तोत्यार हताक न एस्तेर क पास जाईन मोर्दके नु वात कोय सोमवाड़्यो।
EST 4:10 तोत्यार एस्तेर न हताक क मोर्दके सी यो कोहने नु हुकुम आपी,
EST 4:11 “राजा क आखा कामकरन्या, पुन राजा न प्रान्तो क आखा लोगहन क वी मालुम छे, की काय मानुस काय बायरा, काय कुय नी होयम ज हुकुम विगुर पावे धड़े आँगना मा राजा क पास जासे ओको मार नाखनेन हुकुम छे; केवल जेरे भेनी राजा सोना क राजडोन बड़ावे चोंत वाचे छे। पुन हांव हेमी तीस दाहड़ा सी राजा क पास नी बुलावी गयी छे।”
EST 4:12 एस्तेर नु यी वाते मोर्दके क सोमळाय गय।
EST 4:13 तोत्यार मोर्दके न एस्तेर क पास यो कोय मुकल्यो, “तु मनम यो विचार नी कोर, की हांवज राजभवन मा रोहनेन कारण आरु आखा यहुदियो मा सी वाचली रोहीस।
EST 4:14 काहकी ज तु एने टेमे हुगी रोही, ती आरु कुय नी कुदाक उपाय सी यहुदियो क छुटकारो आरु छुटकारो होय जासे, पुन तु आपसा बास क घराना भेळ नाश होयसे। काय जाने तुख असोज काठा टेम क लिय राजपद मिळ गयो होय?”
EST 4:15 तोत्यार एस्तेर न मोर्दके क पास यो कय मुकली,
EST 4:16 “तु जाईन शुशन क आखा यहुदियो क एकठा कोर, आरु तुमु आखा मिळीन म्हारे निमित्त उपवास करु, तीन दाहड़ा-तीन नी ते काहीन खाजु, आरु नी काहिन पुजु। आरु हांव वी आपसी सहेलियो भेळ तेनेत रीते उपवास कोरीस। आरु असीज दशा मा हांव कायदा क विरुद्ध राजा क पास धड़े जाईस; आरु कदाम नाश होय गुय ती होय गय।”
EST 4:17 ती मोर्दके चाली गुलयो आरु एस्तेर क हुकुम नु ओनसारेज हुयो कर्‌यो।
EST 5:1 तीसरे दाहड़े एस्तेर आपसा राजकीय छिन्दरा पेहरीन राजभवन क धड़े आँगना मा जाईन, राजभवन क अगळ जाईन, राजभवन क अगळ उबी हुय गय। राजा ते राजभवन मा राजगाद्दी पोर भवन क झपलान सामने विराजमान हुतो;
EST 5:2 आरु जोत्यार राजा न एस्तेर रानी क आँगना मा उबी हयली देख्यो, तोत्यार उनासी प्रसन्न होईन सोना क राजडोन ज ओका हाथ मा हुतो ओका भेनी बडायो। ती एस्तेर न धड़े जाईन राजडोन क नोक छिमी।
EST 5:3 ती राजा न उनासी पुछ्यो, “हे एस्तेर रानी, तुख काय चाहजे? आरु तु काय माँगती छे? माँग आरु तुख आदो राज लगुन आप्यो जासे।”
EST 5:4 एस्तेर न कव्यी, “कदाम राजा क स्वीकार होय, ती आज हामान क भेळ लीन उको भोज मा आवे, ज हांव राजा क लिय तियार कोर्री छे।”
EST 5:5 तोत्यार राजा न हुकुम आप्यो, “हामान क छाटा ली आवु, कि एस्तेर क निमंत्रण ग्रहण कोर्‌यो जाय।” अत: राजा आरु हामान एस्तेर क तीयार कोरला भोज मा आवे।
EST 5:6 भोज क टेम जोत्यार दाखमधु पियो जातो हुतो, ती राजा न एस्तेर सी कयो, “तारो काय निवेदन छे? चो पुरो कोर्‌यो जासे। आरु तु काय माँगती छे? माँग, आरु आदो राज लगुन तुख आप्यो जासे।” (मर. 6:23)
EST 5:7 एस्तेर न जपाप आपी, “म्हारो निवेदन आरु जो हांव माँगती छे,
EST 5:8 कि कदाम राजा म्हारे पोर प्रसन्न छे आरु म्हारा निवेदन सोमळनो आरु जो मांग हांव माँगो चो आपनो राजा क स्वीकार होय, ती राजा आरु हामान कल उना भोज मा आवे जेनाक हांव ओका लिय कोरीस, आरु कल हांव राजा क एना बुल क ओनसारे कोरीस।”
EST 5:9 उना दाहड़े हामान खुश आरु मोन मा प्रसन्न होईन खोयड़े गुयो। पुन जोत्यार हुयो मोर्दके क राजभवन क फाटक मा देख्यो, की हुयो ओका सामने नी ते उबो हुयो, आरु नी भिहियु हुयो, ती हुयो मोर्दके क विरुद्ध रीस सी भोराय गुयो।
EST 5:10 ती वी हामान आपसा क रुकिन आपसे घर गुयो; आरु आपसा दुसतीदार आरु आपसी बायर जेरेश क बुलवाय मुकल्यो।
EST 5:11 तोत्यार हामान न, हुयो आपसा धन क ठाट बाट, आरु आपसा बाळ-बोच्‌चा क वोदती आरु राजा न ओको कसो-कसो वदाड़्यो, आरु आखा हाकिमो आरु आपसा आखा कामकरन्या सु उँचो पद आप्यो हुतो, एना आखा क वाराम बताड़्यो।
EST 5:12 हामान न यो वी कयो, “एस्तेर रानी न वी मेखे छुड़ आरु कुदाक क राजा क भेळ, आपसा कोरला हुया भोज मा आवने नी देदी; आरु कल क लिय वी राजा क भेळ हुयी मेखेक नेवतो आपली छे।
EST 5:13 ती वी जोत्यार-जोत्यार मेखे हुयी यहुदी मोर्दके राजभवन क फाटक मा बोठलो देखा पोड़ेओ छे, ती-ती यो आखो म्हारी निंगा मा असोज लागतो छे।”
EST 5:14 ओकी लाड़ी जेरेश आरु ओका आखा दुसतीदार न उनासी कोया, “पचास हाथ उचो फांसी क एक खम्भो बोनायो जाय, आरु सोंदारे क राजा सी कोहजो, की उना पोर मोर्दके लटकाड़ देदो जाय; तो राका लीन भेळ खुशी सी भोज मा जाजो।” एनी वात सी प्रसन्न होईन हामान न तसोज फांसी क एक खाम्बो बोनवाड़्यो।
EST 6:1 तेने राती राजा क नींद नी आवी, एकालिय ओका हुकुम सी इतिहास नु किपात लावी गय, आरु भनीन राजा क सोमवाड़्यो गयो।
EST 6:2 ओकामा यो लिखलो हुओ मिळ्यो, कि जोत्यार राजा क्षयर्ष क हाकिम क द्वारपाल वी हुतो, उनामा सी बिगताना आरु तेरेश नावोन दुय जना न उना पोर हाथ चालाड़नेन विचार कोर्या हुता उना मोर्दके न प्रगट कोर्लो हुतो।
EST 6:3 तोत्यार राजा न पुछ्यो, “एका बोदले मोर्दके नु काय प्रतिष्ठा आरु बड़ाई कर्‌यो गयो?” राजा क जे सेवक ओकी चाखरी कोर रोया हुता, हुये ओको जपाप आप्या, “ओका लिय काय वी नी कोर्‌यो गुयो।”
EST 6:4 राजा न पुछ्यो, “आँगना मा कुन छे?” तेने टेमे हामान राजा क भवन सी खोयड़े आँगना मा एना विचार सी आयो हुतो, की ज खाम्बो हुयो मोर्दके क लिय तियार कोरायो हुतो, उना पोर ओको लटकाय देनेन वात राजा सी कोरे।
EST 6:5 तोत्यार राजा क चाख्र्या न उनासी कोया, “आँगना मा ते हामान उबो छे।” राजा न कयो, “ओको धड़े बुलाय लावु।”
EST 6:6 जोत्यार हामान धड़े आयो, तोत्यार राजा न उनासी पुछ्यो, “जेना मानुस नु प्रतिष्ठा राजा कोरनो चाहतो हय ती ओका लिय काय कोरनो वारु होयसे?” हामान न यो सुचीन, की म्हारे सी जागा राजा कुदाक प्रतिष्ठा कोरनो चाहतो हसे?
EST 6:7 राजा क हामान जपाप आप्यो “जेना मानुस क प्रतिष्ठा राजा कोरनो चाहे,
EST 6:8 ओका लिय राजकीय पुतल्या लाया जाय, ज राजा पेहरतो छे, आरु एक घुल्लो वी, जेना पोर राजा सवार होयतो होय, आरु ओका मुनका पोर ज राजकीय मुकुट मेक्यो जातो छे हुयो वी लायो जाय।
EST 6:9 ओळी चो पुतल्या, आरु हुयो घुल्लो राजा क कुदा मोटा हाकिम क सोवंप्यो जाय, आरु जेरी प्रतिष्ठा राजा कोरनो चाहतो होय, ओको हुये पुतल्या पेहराया जाय, आरु उना घुल्‌ला पोर सवार कोरीन, नगर क चोक मा ओको फिरायो जाय; आरु ओका अगळ-अगळ यो पोरचार कोर्‌यो जाय, जेरी प्रतिष्ठा राजा कोरनो चाहतो छे, ओका साथ असोज कोर्‌यो जासे।”
EST 6:10 राजा न हामान सी कयो, “उतवाळ कोरीन आपसा कोहनेन ओनसारे तेनु पुतल्या आरु तेना घुल्‌ला क लि, उना यहुदी मोर्दके सी ज राजभवन क फाटक मा बोठ्‌या कोरतो छे, तसोज कोर। जसो तुन कयो छे उनामा काय वी कोमी होयनो नी जुवे।”
EST 6:11 तोत्यार हामान न उना पुतल्या, आरु घुल्‌ला क लिन, मोर्दके क पेहरायो, आरु उना घुल्‌ला पोर चड़ावीन, नगर क चोक मा एने रिते आयड़तो हुयो फिरयो, “जेरी प्रतिष्ठा राजा कोरनो चाहतो छे ओका साथ असोज कोर्‌यो जासे।”
EST 6:12 ती मोर्दके ते राजभवन क फाटक मा लौटी गुयो पुन हामान शोक कोरतो जाईन आरु मुनको ढाँकीन झट आपसे घर क गुयो।
EST 6:13 हामान न आपसी घरवाळी जेरेश आरु आपसा आखा दुसतीदार सी आखो काहीन ज उना पोर वित्यो हुतो कयो। ती ओका ओकोलवाळा दुसरतीदार आरु ओकी घरवाळी जेरेश न उनासी कव्या, “मोर्दके जेनाक तु नेचो देखाड़नो चाहतो छे, कदाम हुयो यहुदियो क ओवलियाद मा क छे, ती तु उना पोर जीत नी होयने पावसे उनासी पुरी रीती नेचो होय जाईस।”
EST 6:14 हुये उनासी वातेत कोरता हुता, की राजा क खोजे आवीन हामान क एस्तेर क कोरला भोज मा उतळाव सी बुलाय ली गुया।
EST 7:1 अत: राजा आरु हामान एस्तेर रानी नु भोज मा आय गुयो।
EST 7:2 आरु राजा न दिसरे दाहड़े दाखमधु पीता-पीता एस्तेर सी ओळी पुछ्यो, “हे एस्तेर रानी! तारो काय निवेदन छे? चो पुरयो कोर्‌यो जासे। आरु तु काय माँगती छे? माँग, आरु आदो राज लगुन तुख आप्यो जासे।” (मर. 6:23)
EST 7:3 एस्तेर रानी न जपाप आपी, “हे राजा! कदाम तु म्हारे पोर प्रसन्न छे, आरु राजा क यो स्वीकार होय, ती म्हारो निवेदन सी मेखे, आरु म्हारे माँगने सी म्हारा लोगहन क जीवोनदान मिळे।
EST 7:4 काहकी हांव आरु म्हारि जाति क लोगहन वेचाय गयला छे, आरु हामु आखा मार्या आरु नाश कर्या जानेवाळा छे। कदाम हामु केवल दास-दासी होय जाने क लिय वेचाय जाता, ती हांव हुगी रयती; चाहे तेनी दशा मा वी हुये विरोधी राजा नु हानि भर नी सकतो।”
EST 7:5 तोत्यार राजा क्षयर्ष न एस्तेर रानी सी पुछ्यो, “चो कुण छे? आरु काँ छे जेरी असो करनेन हिमोत कोरलो छे?”
EST 7:6 एस्तेर न जपाप आपी, “हुयो विरोधी आरु वेरु यो दुष्ट हामान छे।” तोत्यार हामान राजा-रानी क अगळ बिह गुयो।
EST 7:7 राजा रिस सी भोराय गुयो, दाखमधु पीने सी उठीन, राजभवन क वाड़ी मा निकळी गुयो; आरु हामान यो देखीन की राजा न म्हारी हानी ठान्यो हसे, एस्तेर रानी सी जीवोनदान माँगने क उबो हुयो।
EST 7:8 जोत्यार राजा राजभवन क वाड़ी सी दाखमधु पीने सी जागा मा लौटी आयो तोत्यार काय देख्यो, कि हामान उनी चोकी पोर जेरे पोर एस्तेर बठी छे झुक रयो छे; आरु राजा न कयो, “काय यो घरुज मा म्हारे सामनेज रानी सी बरबस करनो चाहतो छे?” राजा क मुख सी यो बुल निकळ्यो ही हुतो, की सेवको न हामान क मुय ढाँप देदा।
EST 7:9 तोत्यार राजा क सामने हजुर रहनेवाळा खोजो मा सी हर्बोना नावोन एक न राजा सी कयो, “हामान क याँ पचास हाथ उचो फाँसी क एक खाम्बो उबो छे, ज हुयो मोर्दके क लिय बनवाड़्यो छे, ज राजान हित नु वात कर्‌यो हुतो।” राजा न कयो, “ओको ओकाज पोर लटकाय देवु।”
EST 7:10 तोत्यार हामान ओकाज खाम्बा पोर ज हुयो मोर्दके क लिय तियार कोरायो हुतो, लटकाय देदो गुयो। एना पोर राजा नु रीस सेवाय गय।
EST 8:1 तेने दाहड़े राजा क्षयर्ष न यहुदियो क विरोधी हामान क घरबार एस्तेर रानी क आप देदो। मोर्दके राजा क सामने आयो, काहकी एस्तेर न राजा क बताड़ी हुती, कि ओकासी ओको काय नातो हुतो
EST 8:2 तोत्यार राजा न आपसी ची मुंदी ज हुयो हामान सी ली लेदो हुतो, निकाळीन, मोर्दके क आप देदो। एस्तेर न मोर्दके क हामान क घरबार पोर होकदार्‌यो नेवाड़ कोर देदो।
EST 8:3 ओळतेन एस्तेर दिसरी वार राजा सी कवी; आरु ओका पाय पोर पोड़, आसा उहाविड़न उनासी गिड़गिड़ावीन विनता कोर, की अगागी ओवलियाद क हामान नु बुराई आरु यहुदियो क हानि नु ओको विचार निष्फळ कोर्‌यो जाय।
EST 8:4 तोत्यार राजा न एस्तेर भेनी सोनान राजडोन बोड़ायो, तोत्यार एस्तेर उठीन राजान सामने उबी हय; आरु कोहने लागी।
EST 8:5 “कदाम राजा क स्वीकार होय आरु हुयो म्हारेसी प्रसन्न छे आरु यी वार ओको वारु जान पोड़े, आरु हांव वी ओको वारु लागती होय, ती ज चिट्ठियाँ हम्मदाता अगागी क पुर्य हामान न राजा क आखा प्रान्तो क यहुदियो क नाश करने नु विचार कोरीन लिखाड़्यो हुतो, ओको बदलने क लिय लिख्यो जाय।
EST 8:6 काहकी हांव आपसी जाति क लोगहन पोर पड़नेवाळी उनी पिड़ा क काहने रीते सी देख सकीस? आरु हांव आपसा भास्यो क विनाश क कोसी देख सोकीस?”
EST 8:7 तोत्यार राजा क्षयर्ष न एस्तेर रानी सी आरु मोर्दके यहुदी सी कयो, “हांव हामान क घरबार ते एस्तेर क आप चुक्यो छे, आरु हुयो फांसी क खाम्बा पोर लोटकाय देदो गुयो छे, एकालिय की हुयो यहुदियो पोर हाथ उठायो हुतो।
EST 8:8 अत: तुमु आपनी समझ क ओनसारे राजा क नाव सी यहुदियो क नाव पोर लिखु, आरु राजा नु मुंदी क छाप वी लागाड़ु; काहकी ज चिट्ठी राजा क नाव सी लिखी जाय, आरु ओका पोर ओकी मुंदीन छापो लागाड्यो जाय, ओको काय वी बदल नी सोकतो।”
EST 8:9 तेने टेमे मोतलोब सीवान नावोन तीसरा मोहना क तेवीसवे दाहड़े क राजा क लेखक बुलाया गुया आरु जिना-जिनाक वातोन हुकुम मोर्दके न ओको आप्यो हुतो, ओको यहुदियो आरु अधिपतियो आरु भारत देश सी लीन कुश लगुन, ज एक सोव सत्ताईस प्रान्त छे, उना आखा क अधिपतियो आरु हाकिमो क एक-एक प्रान्त क आकड़ा मा आरु एक-एक देश क लोगहन नु बुली मा, आरु यहुदियो क उना आकड़ा आरु बुली मा लिखी गय।
EST 8:10 मोर्दके न राजा क्षयर्ष क नाव सी चिट्ठियाँ लिखाड़ीन, आरु उना पोर राजान मुंदीन छापो लागाड़ीन, छाटा चालनेवळी सरकारी घुल्‌ला, चचर गोदड़ा आरु पोर सवार करने वाळा क हाथ मुकली देदो।
EST 8:11 इनु चिट्ठियो मा आखा नगरों क यहुदियो क राजा क भेनी सी हुकुम आप्यो गुयो, की हुये एकठा होये आरु आपसा-आपसा जीव वाचाड़ने क लिय तियार होईन, जेनी जाति एने प्रान्त क लोगहन अन्यान कोरीन ओको एने ओका बायरा आरु बाळ-बोच्‌चा क पीड़ा आपनो चाहे, ओको घात आरु नाश कोरे, आरु ओकी धन सम्पत्ति लुट लेये।
EST 8:12 आरु यो राजा क्षयर्ष क आखा प्रान्तों मा एकुज दाहड़े मा कोर्‌यो जाय, अर्थात् अदार नावोन बारवे मोहनेन तेरवे दाहड़े क।
EST 8:13 एना हुकुम क लेख नु नकलें, आखा प्रान्तो मा आखा देशों क लोगहन क पास उघाड़ली हयीन मुकल्या जासे; इनासी यहुदी उना दाहड़े आपसा वेरी सी पलटो लेने तियार रोहे।
EST 8:14 अत: हरकारे वेग चलनेवाळा सरकारी घुल्‌ला पोर सवार होईन, राजा नु हुकुम सी उतवाळ कोरीन तावनी चाली गुया, आरु यो हुकुम शुशन राजगढ़ मा आप्यो गयो हुतो।
EST 8:15 तोत्यार मोर्दके निळा आरु श्वेत रंगोन राजकीय पुतल्या पेहरलो आरु मुनका पोर सोनान मोटो मुकुट मुकलो हुतो आरु सुळावो सन आरु बैंगनी रंगोन बागो पेहरलो हुतो, राजा क अगळ सी निकळ्यो, आरु शुशन नगर क लोगहन खुशी नु मारे ललकार उठ्‌या।
EST 8:16 आरु यहुदियो क खुशी आरु हर्ष हुयो आरु ओकी मोटी प्रतिष्ठा हयी।
EST 8:17 आरु जेना-जेना राज, आरु यहुदयो क खुशी आरु हर्ष हुयो, आरु ओको भोज कोरीन उना दाहड़े क खुशी क दाहड़ो मान्या। आरु उना देश क लोगहन मा सी बेसका यहुदी बोन गुया, काहकी ओका मोन मा यहुदियो क बिक सोमाय गुयो हुतो।
EST 9:1 अदार नावोन बारवे मोहनेन तेरवे दाहड़े क, जेने दाहड़े राजा नु हुकुम आरु कायदो पुरो हयने क हुतो, आरु यहुदियो क वेरी उना पोर प्रबल होयनेन आशा राखता हुता, पुन एरा विपरीत यहुदी आपसा वेरी पोर प्रबल हुया; उना दाहड़े,
EST 9:2 यहुदी लोगहन राजा क्षयर्ष क आखा प्रान्तो मा आपसा-आपसा नगर मा एकठा हुया, की ज ओको हानि कोरने क यत्न कोरे, उना पोर हाथ चालाड़े। कुय ओको सामनो नी कोर सक्यो, काहकी ओको बिक देश-देश क आखा लोगहन क मन मा समाय गुयो हुतो।
EST 9:3 पुन प्रान्तो क आखा हाकिमो आरु अधिपतियो आरु मुखिया आरु राजा क कामकरन्या न यहुदियो नु सहायता कोर्या, काहकी ओका मोन मा मोर्दके क बिक समाय गुयो हुतो।
EST 9:4 मोर्दके ते राजा क याँ घनो प्रतिष्ठित हुतो, आरु ओकी किर्ति आखा प्रान्तो मा फेल गुय; पुन उना मानुस मोर्दके नु महिमा वदरी गुय।
EST 9:5 अत: यहुदियो न आपसा आखा वेरी क तलवार सी मारीन आरु घात कोरीन नाश कोर नाख्या, आरु आपसा वेरी सी आपनी मोरजी ओनसारे बर्ताव कोर्या।
EST 9:6 शुशन राजगढ़ मा यहुदियो न पाच सोव मानसो क घात कोरीन नाश कोर्या।
EST 9:7 हुये पर्शन्दाता, दल्पोन, अस्पाता,
EST 9:8 पोराता, अदल्या, अरीदाता,
EST 9:9 पर्मशता, अरीसे, अरीदे आरु वेजाता,
EST 9:10 अर्थात् हम्मदाता क पुर्य यहुदियो क वेरी हामान क दसु पुर्‌यो क वी घात कोर्या; पुन ओको धन क नी लुट्या।
EST 9:11 तेने दाहड़े शुशन राजगढ़ मा घात कोर्या हुया नु गिनती राजा क सोमवाड़्या गुया।
EST 9:12 तोत्यार राजा न एस्तेर रानी सी कयो, “यहुदियो न शुशन राजगढ़ज मा पाच सोव मानसो आरु हामान क दसु पुर्या क वी घात कोरीन नाश कोर्या छे; अळी राज क दिसरा प्रान्तो मा हुये नी जाने काय-काय कोर्या होसे! हेमी एरेसी जादा तारो निवेदन काय छे? हुयो वी पुरो कर्‌यो जासे। आरु तु काय माँगती छे? हुये वी तुसे आप्यो जासे।”
EST 9:13 एस्तेर न कयो, “कदाम राजा क स्वीकार होय ती शुशन क यहुदियो क आज क समान कल वी करने क हुकुम आप्यो जाय, आरु हामान क दसु पुर्या फांसी क खम्बो पोर लटकायो जाय।”
EST 9:14 राजा न कयो, “असो कर्‌यो जाय,” यो हुकुम शुशन मा आप्यो गुयो, आरु हामान क दसु पुर्या लटकाय गुया।
EST 9:15 शुशन क यहुदियो न अदार महीना क चोदवे दाहड़े क वी एकठा होईन शुशन मा तीन सोव मानसो क घात कोर्या, पुन धोन नी लुट्या।
EST 9:16 राज क दिसरा प्रान्तों क यहुदी एकठा होईन आपसा-आपसा जीव वाचाड़ने क लिय उबा हुया, आरु आपसा वेरी मा सी तीन वीस ने पोंद्रे हजार मानसो क घात कोरीन आपसा वेरी सी आराम जड़्यो; पुन धोन नी लुट्या।
EST 9:17 यो अदार मोहना क तेरवे दाहड़े क कोर्‌यो गुयो, आरु चोदवे दाहड़े क हुये आराम करीन भोज कर्या आरु खुशी क दाहड़ु ठहराया।
EST 9:18 पुन शुशन क यहुदी अदार मोहनान तेरवे दाहड़े क, आरु तेनेत मोहनेन चोदवे दाहड़े क एकठा हुया, आरु तेने मोहनेन पोंद्रवे दाहड़े क हुये आराम करीन भोज क आरु खुशी क दाहड़ो ठहराया।
EST 9:19 एने कारण देहाती यहुदी ज विगुर सोहोरपनाह नु नगर मा रोहता छे, हुये अदार मोहनान चोदवे दाहड़े क खुशी आरु भोज आरु खुशी आरु आपसा मा भोजन सोमान मुकळने क दाहड़ो नेवाड़ करीन माने छे।
EST 9:20 एनी वातो क वाराम लिखीन, मोर्दके न राजा क्षयर्ष क आखा प्रान्तो मा, काय धड़े काय छेटा रोहनेवाळा आखा यहुदियो क पास चिट्ठियाँ मुकल्या,
EST 9:21 आरु यो हुकुम आप्या, की अदार मोहनान चोदवे आरु तेनेत मोहनेन पोंद्रवे दाहड़े क होर वरीस मनायो जासे।
EST 9:22 जेरेम यहुदियो न आपसा वेरी सी आराम जड़्यो, आरु यो मोहनो जेरेम शोक खुशी आरु विलाप खुश मा बदली गयो; ओका जेवनार आरु खुशी आरु एक दिसरा क पास भोजन चिजे मुकळने आरु कंगालो क दान आपने क दाहड़े माने।
EST 9:23 अत: यहुदियो न जोसा सुरु कोर्या हुता, आरु जसो मोर्दके न उको लिख्यो, तसोज करने क पाको कोर लेदो।
EST 9:24 काहकी हम्मदाता अगागी क पुर्य हामान ज आखा यहुदियो क विरोधी हुतो, हुयो यहुदियो क नाश करनेन वीचार कोर्‌यो कि, आरु ओको मिटाय नाखने आरु नाश करने क लिय पुर अर्थात् चिट्ठी नाखाड़्यो हुतो।
EST 9:25 पुन जोत्यार राजा न यो जान लेदा, तोत्यार हुयो हुकुम आप्यो आरु चिट्ठि लिखवाड़्यो की ज दुष्ट विचार हामान न यहुदियो क विरुद्ध कोर्‌यो हुतो चो ओकाज मुनका पोर पलट आवे, तोत्यार हुयो आरु ओका पुर्या फांसी क खाम्बा पोर लटकाड़यो गुयो।
EST 9:26 एने कारण उना दाहड़ा क नाव पुन बुल सी पुरीम राख्यो गुयो। एनी चिट्ठी क आखी वातो क कारण, आरु ज काहि हुये एना वाराम देख्या आरु ज काहि उना पोर वितलो हुतो, ओका कारण वी
EST 9:27 यहुदियो न आपसा-आपसा लिय आरु आपसी ओवलियाद क लिय, आरु उना आखा क लिय वी ज उनामा मिळ गुया हुता यो पाक्‌को विचार कोर्या, की उना लेख क ओनसारे होर वरीस ओका टाकला टेम मा हुये ये दुय दाहड़ा माने।
EST 9:28 आरु पीढ़ी-पीढ़ी, कुल-कुल, प्रान्त-प्रान्त, नगर-नगर मा ये दाहड़ा फोम कोरे आरु मान्या जासे। आरु पुरीम नावोन दाहड़े यहुदियो मा कोदी नी मिटसे आरु ओको फोम ओका ओवलियाद सी जातो नी रोहसे।
EST 9:29 ओळी अबीहेल नु पुराय एस्तेर रानी, आरु मोर्दके यहुदी न, पुरीम क वाराम यी दुसरी चिट्ठी मोटा होक क भेळ लीख्या।
EST 9:30 एरी चिट्ठि मोर्दके न क्षयर्ष क राज क, एक सोव सत्ताईस प्रान्तों क आखा यहुदियो क पास शान्ति आपनेवाळी आरु वारु वातो क भेळ एना मोतलोब सी मुकल्यो,
EST 9:31 कि पुरीम क उना दाहड़े क खास टाकलो हुयो टेम मा मोर्दके यहुदी आरु एस्तेर रानी नु हुकुम नु ओनसारे, आरु ज यहुदियो न आपसा आरु आपसी ओवलियाद क लिय ठान लेदो हुतो, ओका ओनसारे वी उपवास आरु विलाप कोर्‌यो जाय।
EST 9:32 पुरीम क वाराम क यो कायदो एस्तेर नु हुकुम सी वी स्थिर कोर्‌यो गुयो, आरु ओकी वात किपात मा लिखी गुय।
EST 10:1 राजा क्षयर्ष न देश आरु दरिया क टापुओं पोर फाळु लागाड़्यो।
EST 10:2 ओका माहात्म्य आरु पराक्रम क कामो, आरु मोर्दके नु उना बड़ाई क पुरो ब्योरो, ज राजा न ओकी कोर्‌यो हुतो, काय हुयो मादे आरु फारस क राजाओं क इतिहास नी किपात मा नी लिखलो होय?
EST 10:3 निदान यहुदी मोर्दके, क्षयर्ष राजात क नेचो हुतो, आरु यहुदियो नी निंगा मा मोटो हुतो, आरु ओका आखा भाई ओकासी खुश हुता, काहकी हुयो आपसा लोगहन क भलाई नु हेर मा रोया कोरतो हुतो, आरु आपसा आखा लोगहन सी वार शान्ति क वाते कोरतो हुतो।
ECC 1:1 यरुशलेमन राजा, दाऊद न पोर्या आरु सभोपदेशकन वचन।
ECC 1:2 सभोपदेश क यो वचन छे, वाय बार वाय बार, वाय बार वाय बार, आखो बी वायेन छे,
ECC 1:3 जो मेहनत मानुस इनी धरती पर करे, ओका सी हेको काय फायदु जड़े?
ECC 1:4 एक पीढ़ी जाय आरु दिसरी पीढ़ी आवे, पुन धरती जसी की तसीत जोलोम बनली रये
ECC 1:5 दाहड़ु उगे आरु डूबी वी जाय, आरु छाटलोत उना जागा पर जात रये जाँ सी त्यो उगे।
ECC 1:6 वाहळो ते दोखेवरे भेनी जाय, आरु बोखवरे भेणी फिरती जाय; आरु फिरे आरु चाले, आरु आपसा जागा पोर पछी आत रवे।
ECC 1:7 आखा नोंद्‌या एकुत् जागा भेणी ताव-ताव उह्‌या करे। त्या सब दरिया सी मिळ जाय आरु हेको भेणी पछी फिर जाय।
ECC 1:8 आखी वात हरबड़ावने वाळी छे, मानुस हेको पुरावो नी कर सके। देखीन भी डुळान हर नी भागे, आरु समळीन भी कान्टा नी भराये।
ECC 1:9 जो वात हय गयी त्या अळी पछी हुयसे। जो काय बनगियो त्योत् ओळी बनसे; आरु धरती पर काहय बी नवलो नी हय।
ECC 1:10 काय असी काहली वात छे, जेका वाराम लोगहन कय सके कि देख यी नवली छे? यी ते वेगला वाराम हामरे सी घण पेहले सी हुयती आय रयी।
ECC 1:11 वेगला वारान वात न काय फोम नी रयी, आरु हयने वाळी वातन क भी हेनको बाद मा आवने वाळान क फोम नी रये।
ECC 1:12 हांव उपदेशक यरुशलेम मा इसराएलन राजो हुतो।
ECC 1:13 हाव म्हारो मन लगाड़ीयो कि जो काय धरती पर करीयो जाय, हेको पुरावो अकोल सी सोची समजीन मालोम करो; कि यो मोटा दु:खन काम छे जो परमेश्वर मानुसो वाटे टाकलो छे कि त्या हेका मा लागला रोवे तोसे।
ECC 1:14 हांव हेनु सब काम क देखीयो जो काय धरती पर हुये; देखु त्यो आखो वायबार छे आरु वाहळाक धरने तोसो छे।
ECC 1:15 जो आड़ो छे त्यो सुतरो नी हय सके, आरु जो नी होय त्यो गिनाये नी।
ECC 1:16 हांव मारा मोन मा कयो, देख, जतरा म्हार सी पेहले यरुशलेम मा हुता, हेनु आखा सी हांव घणी अकोल हात करलो छे; आरु मेखे घण जबर ओकोल आरु गियान जड़ गयलो छे।
ECC 1:17 आरु हांव म्हारो मन लगाड़ीयो कि अकोलन पुरावो लेयो आरु भंगलायली आरु विनअकलाय वात क बी जान लेयो। मेखे पतो लागीयो कि यो बी वाहळाक धरने तोसो छे।
ECC 1:18 काहकी जादा अकोलन सात मा जादा दु;ख हये, आरु जो आपसी अकोल वदाड़े त्यो आपसो दु:ख क बी वदाड़े।
ECC 2:1 हांव म्हारा मन सी कयो, “चाल, हांव तुको खुशीन लारे पारखीस की खुशी काय छे? पुन यो वी मालुम पोड़्‌यो की यो वी वायबार छे।
ECC 2:2 मेखे हासी खुशीन वाराम कयनो पड़ीयो, यो ते गांडवायनो छे,” आरु सुखन वाराम, “ हेका सी काय जड़से?”
ECC 2:3 हांव मन विचार करीयो कि काहली रीति सी म्हारी अकोल बनली रये आरु हांव म्हारा जीव क अंगुरन रस पीने सी कसो बदाड़ो आरु कसो विनअकल वात क कसो म्हार हक मा राखो, जव तक मालोम नी कर लेयो की त्यो वारलो काम काहलो छे जिनाक मानुस आपसा जीवन भर करतो रये।
ECC 2:4 हांव मोटो काम करीयो; हांव म्हारे वाटे घर बनवाड़ीयो आरु म्हारे वाटे दाखन वाड़ी लगवाड़ीयो।
ECC 2:5 म्हाव म्हारे वाटे अंगुरन वाड़ी लगाड़ लीदो, आरु हेनाम भांती भांतीन क फोव वाळा झाड़न वाड़ लगवाड़ीयो।
ECC 2:6 हांव म्हारे वाटे तळाव बनाय लिदो कि हेनु मा झाड़कान क पानी देया करे जिनुम झाड़का लगाड़ता हुता।
ECC 2:7 हांव पावर आरु पावेरनियान क मुले लीदो, आरु म्हारे घर मा पावरीया बी पयदा हुया; आरु जतरा म्हार सी पेहले यरुशलेम मा हुता हेनु सी घणा गाय ने बयलिया आरु गाडरा आरु बकड़ान क मालिक हुतो।
ECC 2:8 हांव राजाओ आरु परदेशोन सोनो, चाँदी आरु धन बी म्हारे पास एख्‌टो करीन राखलो हुतो। हांव म्हार वाटे गावने वाळा ओदमी आरु गावने वाळा बायरान क मुले लिदो, आरु घण सवटा ओदेमड़ान क जीव खुश करने करीन घणी सवटी रखेल बायजात बी हुती।
ECC 2:9 इनीये रीतिये सी म्हार सी पेहल वाळा सब यरुशलेम मा रयने वाळा सी जादा मोटा आरु धनी हुय गिया; तेबी म्हारी अकोल ठिकान पर रयी।
ECC 2:10 आरु जतरी चीजन क म्हारी देखनेन मरजी पड़ी, हांव हेको जीव भरीन देखीयो। हांव म्हारा मन क काहली बी भातीन सुख मारने सी नी रुकियो काहकी म्हार मन म्हारी आखी काठी मेहनत सी खुश हुयो; आरु म्हारी मेहनत सी मखे योत् वाटो जड़ियो।
ECC 2:11 तव हांव पछो ओळी म्हारा हातन सब काम क, आरु म्हारी सारी मेहनत क देखीयो, ती काय देखीयो कि आखो बी वायबार छे आरु वाहळाक धरनो जोसो छे, आरु इनी दुनिया मा काय बी फायदो नी हय।
ECC 2:12 ओळते हांव मन क फिरायो कि अकोल आरु गांडवाड़नाय आरु विनकलियान काम क देखो; काहकी जो मानुस राजा न पछोळ आवसे, त्यो काय करसे? अतरोत की जो हुयतो आय रियो।
ECC 2:13 हांव देखियो कि आंधारा सी मोटो विजाळो छे, वसोत् अकोल बी विनकलाय वात मोटी छे।
ECC 2:14 जो अकोल वाळो छे, हेका मुनका मा डूळा रये, पुन विनअकलिया आंधारा मा चाले; ते बी हांव जान लिदो कि दुयुन दोस्‌या एक सारकी हुये।
ECC 2:15 तव हांव मन मा कयो, जसी विनअकलियान हालत हुयसे, वसीत म्हारी बी हालत हुयसे; ते हांव काहा जादा अकोल वाळो हुयो? आरु हांव मन कयो, यो बी वायबार छे।
ECC 2:16 काहकी नी ते अकोल वाळान क आरु नी ते विनअकलियान फोम जलोमकी नी रये, पुन आवने वाळा दाहड़ाम विसराय जासे, अकोल वाळो कसो विनकलियान तसो मर जाय।
ECC 2:17 अतरान करीन हांव म्हार जीव पर किचवायो, काहकी जो काम धरती पर हुये, मेखे भुण्डलो मालोम पड़ियो; काहकी सब काय वायबर आरु वाहळाक धरनो छे।
ECC 2:18 हांव म्हारा आखा मेहनतन कामन फोव सी जिनाक हांव धरती पर करलो हुतो किचवायो, काहकी पाको छे कि हांव हेको फोव उना मानुसन वाटे छुड़ जाम जो म्हारेन ओळते आवसे।
ECC 2:19 यो कुन जाने कि त्यो मानुस अकोल वाळो हुयसे या विनकलियो? तेबी दाहड़ान नेचो जतरी मेहनत हांव करीयो, आरु हेको वाटे अकोल काम मा लायो की हेनु सबन त्यो आदिकारी हुयसे। यो बी वायबार।
ECC 2:20 तव हांव म्हार मन मा हेनी आखी मेहनतन वाराम जो हांव धरती पर करलो हुतो नराज हुयो।
ECC 2:21 काहकी असो मानुस बी छे, जिनान काम मेहनत आरु ओकल आरु गियान सी हुये आरु सफल बी हुये, ते बी हेको असा मानुस वाटे छुड़ीन जानो पड़ जाय, जिनाम काहय बी मेहनत नी करीयो हय। यो बी वायबार आरु घणोत् भुण्डो छे।
ECC 2:22 मानुस जो धरती पर मन लगाड़ी लगाड़ीन मेहनत करे उना सी हेको काय फायदो हुये।
ECC 2:23 हेका सब दाहड़ा ते दु:ख सी भरायला रये, आरु हेका काम कोमजुर मन सी हुये; राती बी हेको मन सुक नी हात करे, यो बी वायबार छे।
ECC 2:24 मानुसन करता खाने-पीने आरु मेहनत करता जाईन आपसा जीव क सुखी राखनो यो छुड़ीन काय बी वारु नी हय। हांव देखीयो कि यो बी परमेश्वरन भेणी रयीन जड़े।
ECC 2:25 काहकी हेरे विगुर कुन खाय पीन खुश रोय सोके।
ECC 2:26 जिना मानुस सी परमेश्वर खुश हुये त्यो हेनात् ककोल, गियान आरु सुक आपे। पुन पापी मानुस क त्यो दु:ख सी भरायल काम आपे त्यो हेको आपने करीन मेहनत करीन ढेर लगाड़े जो परमेश्वरन निगाम वारु हय। यो बी वायबार आरु वाहळान क धरनो छे।
ECC 3:1 हर एक वातन एक मुखो आरु हर काम क, जो सोरगन नेचो हुये, एक टेम छे।
ECC 3:2 पयदा हुयनेन टेम, वेरनेन टेम; आर वेरलान क उखाळनेन बी टेम छे;
ECC 3:3 मारनेन टेम, आरु आरगो करनेन बी टेम ढोळी देनेन टेम, आरु बनावनेन बी टेम छे;
ECC 3:4 रोड़नेन टेम, आरु हासनेन टेम, दु:ख करनेन टेम, आरु नाचनेन बी टेम छे;
ECC 3:5 दगड़ा न्हाकनेन टेम, आरु दगड़ान क एखटा करनेन बी टेम, गळे मिळनेन टेम, आरु गळे मिळने सी रुकायनेन बी टेम छे
ECC 3:6 हेरनेन टेम, आरु खुवनेन बी टेम, वाचाड़ीन मेलनेन टेम, आरु न्हाकनेन बी टाकलो टेम छे।
ECC 3:7 फाड़नेन टेम, आरु सीवनेन बी टेम, हुगा रयनेन टेम, आरु बुलने बी पाको टेम छे।
ECC 3:8 मोंग करनेन टेम, आरु किचवायनेन बी टेम; लड़ायनेन टेम, आरु मेळाका हुयनेन बी टेम छे।
ECC 3:9 काम करने वाळान क हेकी मेहनत सी काय फायदो हुये?
ECC 3:10 हांव देखीयो की परमेश्वर मानसो पोर कोतरो दुखोन भार नाखलु छे।
ECC 3:11 त्यो सब काय असो बनायो कि आपसी टेम पर त्या घाटाळा रये; ओळी त्यो मानुसन मन मा जलोम रयने वाळो गियान पयदा करीयो, ते बी जो काम परमेश्वर करीयो, त्यो शुरु सी लीन आखरी तक मानुस समझी नी सके।
ECC 3:12 हांव यो जान लेदो कि मानुसन करता सुक करने आरु जीवन भरीन भलाय करने सिवाय, आरु दिसरो काहलो बी काम वारु नी हय;
ECC 3:13 आरु यो बी परमेश्वरन दान छे कि मानुस खाय- पीये आरु आपसा सब मेहनत मा सुख सी रये।
ECC 3:14 हांव यो जानो कि जो काय परमेश्वर करे त्यो जलोम बनलो रयसे; नी ते उनामा काहय वोदाड़से आरु नी ते घटाड़से; परमेश्वर असो अतरान करीन करे कि लोगहन हेकी बीक माने।
ECC 3:15 जो काय हुयो त्यो इना सी बी पेहले हुय चुकीयो; जो हयने वाळो छे, त्यो बी हुय चुकलो छे; आरु परमेश्वर वितली वातोन क वोळी-वोळी पछो करे।
ECC 3:16 ओळी हांव दुनिया मा काय देखियो कि नियावन जागा मा अन्यायन काम हुये, आरु वारला जागा मा बी भुण्डला कामे हुये।
ECC 3:17 हांव मन मा कयो, परमेश्वर धरमी आरु कुमनिया दुयन क नियाव करसे, काहकी हेका पास मा एक एकन वाराम आरु एक एक कामन टेम छे।
ECC 3:18 हांव मन मा कयो, “यो अतरान करीन हुय रीयो कि परमेश्वर मानुसन पारख करे कि देख सके कि त्या जनवार सारका छे।”
ECC 3:19 काहकी जसी मानुसन वसीत् जनवारीयान बी हालत हुये; दुयन चीत हालत रये, जसो एक मरे तसोत् दिसरो बी मरे। आखान सांस एक सारकी छे, आरु मानुस जनवारीया सी बढ़ीन नी हय; सब काय वायबार छे।
ECC 3:20 आखरी मा सब एकुत् जागा मा जात रये। आखा धुळाम पछा भेसकाय जाय।
ECC 3:21 काय मानुसन जीव उपर जाय आरु जनवारीयान जीव नेचो जाईन धुळा मा भेसकाय जाय? यो कुन जाने?
ECC 3:22 हांव यो देखीयो कि इना सी काय वारु नी हय कि मानुस आपसा कामोम खुश रये काहकी हेको वाटो योत् छे; कुन हेको पछळ हुयने वाळी वातोन क पछो देखाड़ सके?
ECC 4:1 तव हांव त्यो सब भुण्डलो काम देखीयो जो दुनिया मा हये। आरु काय देखियो, कि आंधारो छेलने वाळान क डुळान आसा उहूय रीया, आरु हेनको कोय बी सुख आपने वाळो नी! आंधारो करने वाळान हात मा ताकोत हुती, पुन हेनको कोय शाँती आपने वाळो नी हुतो।
ECC 4:2 अतरान करीन हांव हेनु जीवतलान क जो हाल तक जीवता छे हेनकी बराबरी मा हांव हेनु मरलान क जो मर गयला छे, जादा वारु मानिस।
ECC 4:3 पुन हेनु दुयन सी जादा वारु त्यो छे जो हाल लोगुन पोयदा हुयो नी, नी या भुन्डला काम देखे जो धरती पर हुये।
ECC 4:4 तव हांव आखी मेहनतन काम आरु सब सफल काम क देखियो जो लोहगन आपसा साते वाळा सी कुहरायन कारण सी करे। यो बी वायबार छे। आरु वाहळाक धरने जोसो छे।
ECC 4:5 विनअकलियो हात पर हात मेलीन बठ रये, आरु आपसा क बरबाद करे।
ECC 4:6 मुठ भरीन मनन सुख, दुय मुठ मेहनत सी वारु छे, जो मानु वाहळाक धरने बराबर छे।
ECC 4:7 हांव धरती पर ओळी यी बी वात वायबार देखियो।
ECC 4:8 कोय एखलो रये आरु हेको कोय नी हय; नी हेको पोर्यो हय, नी भाईस हय, तेबी हेकी मेहनत खतम नी हये; नी ते हेका डुळा धन सी धापे; आरु नी त्यो कये, कि हांव कुनी वाटे मेहनत करो आरु आपसा क सुक सी दुर राखरीयो? यो बी वायबार छे।
ECC 4:9 एक सी दुय जन रयनो वारु छे काहकी हेनकी मेहनतन फोव वारु जड़े।
ECC 4:10 काहकी कदाम हेनु मा सी एक पड़े, ती दिसरो हेको उठाड़े; पुन विखु उना पर जो एखलोत हयीन पड़े आरु हेको कोय उठाड़ने वाळो नी रये।
ECC 4:11 ओळी कदाम दुय जन एखटा सुवे ती ताता रयसे, पुन कोय एखलो रयीन कसो तातो हुयसे।
ECC 4:12 कदाम कोय एखला क कोमजुर ते करे, पुन दुय हेको सामनो कर लेय। जो दुवड़ो तीन दुवड़ा सी बनलो रये, त्यो छाटो नी टुटे।
ECC 4:13 अकोल वाळो जुवान गरीब रयीन बी असला डाहला आरु विनअकलिया राजा सी वारु छे, जो राय नी माने,
ECC 4:14 होय सोके की त्यो जुवान राजान घोराना मा पोयदा होयो होय, नीते होय सोके की हेरी पोयदावारी गोरब्या मुलकोम होयी होय,
ECC 4:15 हांव सब जीवतलान क जो धरती पर चाले फिरे हेनको देखियो कि त्या हेना दिसरा पोर्यान क सात मा चाल दीदो, जो हेनको जागो हात करने करीन उबो हुय रीयो।
ECC 4:16 त्या आखा लोगहन गिनाये नी अतरा सवटा हुता। ते बी आवने वाळी पीढी हेका सी खुश नी हये। छाचली यो बी वायबार आरु वाहळानक धरनो छे।
ECC 5:1 जव तु परमेश्वरन मन्दिर मा जाय, तव चोकचोळीयो रयीन चालजी; समळने करीन सातले जानो विनअकलियान बादा चढ़ावने सी वारु छे; काहकी त्या नी जाने कि भुण्डलो काम करे।
ECC 5:2 आपसा मुय सी कोय वात छाटलो झुन निकाळे, आरु नी उतवाळी मा मनन वात परमेश्वरन सामने डेखाड़े, काहकी परमेश्वर सोरग मा छे आरु तु धरती पर छे; अतरान करीन थारा बुल थुड़ाक रयनो जुवे।
ECC 5:3 काही जसो कामन जादा हुयने क कारण सपनो देखे, तसोत् घण सवटी वात करने वाळो विनअकलियो कोवाये।
ECC 5:4 जव तु परमेश्वर वाटे मानता माने; तव हेको पुरो करने मा मुड़ो झुन हुये; काहकी त्यो विनअकलिया सी खुश नी हुये। जो मानता तु मानलो छे हेको पुरी करजी।
ECC 5:5 मानता मानीन पुरी नी करने सी मानता नी माननो वारु छे।
ECC 5:6 कोय बुल कयीन आपसा पाप मा झुण फसे, आरु परमेश्वरन दुतन सामने यो झुण कये की यो भुल सी हुयो; थारो बुल समळीन परमेश्वर काह नराज हुये, आरु थारा हातन काम क नाश करे।
ECC 5:7 काहकी जादा सपना सी रिकामी वात जादा हुये; पुन तु परमेश्वरन बीक मानजी।
ECC 5:8 कदाम तुमु कोय परदेश मा गरीब लोगहन क वेला पाड़तला देखु, कदाम वाँ सारी नियाव बिगड़तो देखु ती घबरायनो नी काहकी एक आदिकारी से मोटो दिसरो रये। जिनाक इनी आखी वातन खबर रये, आरु हेका बी जादा मोटा रये।
ECC 5:9 धरती पर क ओन आखा वाटे छे, पुन खेती सी राजान बी काम निकळे।
ECC 5:10 पोयस्यान लालुच करने वाळो पयसिया सी कदी नी धापे; आरु नी ते असो मानुस जिनाक धनन लालचियो छे, नोफा सी यो बी वायबार छे।
ECC 5:11 जव धन वोदे तव हेको खाने वाळा बी वोदे। आरु हेका मालिक क उना सी काय फायदो होये? अतरोत की त्यो हेका धोनोक आपसा डुळा सी देखे।
ECC 5:12 मेहनत करने वाळो थुड़ो खाय या जादा, ते बी हेकी नींद गुळी रये; पुन धनीन धन वोदनेन कारण हेकेक निंद नी आवे।
ECC 5:13 हांव धरती पर एक भुण्डली वातोन क देखीयो, धनी मानुस आपसा घाटा वाटे धन एख्टो करे।
ECC 5:14 आरु त्यो काहला भुण्डला काम उजड़ी जाय, आरु हेका घर मा पोर्यो पयदा हुये पुन हेका हात मा काहय बी नी रये।
ECC 5:15 जसो त्यो माय न पेटम रयीन निकळीयो तसोत् पछो जात रयसे; नांगरोत् जसो आवलो हुतो, आरु आपसी मेहनतन बदले काहय बी हात करे जिनाक त्यो आपसा हात मा लीन जाय सके।
ECC 5:16 यी घणी भुण्डली वात छे, जसो त्यो आवलो हुतो ठीक तसोत् याँ सी पछो जासे। हेको आपसी मेहनत सी काय फायदो हुयो?
ECC 5:17 त्यो रिकामी मेहनत करीयो, त्यो आपसा पुरा जीवन मा निराशा मा आरु दु:ख मा, चिन्ता आरु बिमारी मा, आरु किचवालो जीवन जीवतो रयो।
ECC 5:18 समळ, जो वारली वात हांव देखीयो, जी वारु छे त्यो यो कि मानुस खाय पीये आरु आपसी मेहनत सी जो त्यो धरती पर करे, आपसी सारी उमर भरीन जो परमेश्वर हेको आपलो छे, सुख सी रये; काहकी हेको वाटो योत् छे।
ECC 5:19 पुन हर एक मानुस जिनाक परमेश्वर धन सम्पत्ति आपलो छे, हेको सुख करनेन ताकत बी आपलो छे त्यो आपसा काम क माननो जुळे आरु सुख सी मेहनत करे। यो परमेश्वरन आपलो वाटो छे।
ECC 5:20 इना जीवन न दाहड़ा हेकेक ढेरका फोम नी रये, काहकी परमेश्वर हेकी समळीन हेका मन क सुखी राखे।
ECC 6:1 हांव धरती पर एक आरु बुराय देखीयो, जेका भार सी मानुस दड़पायलो रये।
ECC 6:2 त्या बुराय यी छे; परमेश्वर मानुस क धन आरु विजुत आपे, आरु मानुस क आपसी मरजीन अनसारे सब काय जड़ जाय। हेको काहली बी चीजन कमती नी रये। पुन हेना मानुस क परमेश्वर हेका माईन खानेन नी देय; बाकीन अनजानियो मानुस हेकी धन सम्पत्ति क खाय; यो वायबार आरु घणी दु:खन वात छे।
ECC 6:3 कदाम मानुसन सोव पोर्या पयदा हुये, आरु त्यो नाम्बी उमर तक जीवतो रये, दुय भाग उमर हात करे, पुन कदाम त्यो जीवन सुख क हात नी करे, मरने पर आखरी वगेवाळनेन रीत भी नी जड़े, ती हांव यो कयीस; असला मानुस सी ते आधा मयनान मरलो पयदा हुयलो बाळो वारु छे।
ECC 6:4 मरलो पोर्यो इनी धरती पर रीकामो आवे, आरु आंधारलाम खुवाय जाय, आंधारान परदो हेकेक ढाक देय।
ECC 6:5 त्यो दाहड़ान विजाळा क नी देखीयो, आरु नी हेको जिवनन काहय अनसारो जड़ियो। ते बी हेना पोर्याक हेना जादा उमर जड़ने वाळा मानुस सी जादा वारु आराम जड़ीयो।
ECC 6:6 होव, चाहे त्यो दुय हजार साल जीवे, पुन कदाम त्यो जीवनन सुख हातुत् नी करीयो, ती हेको काय फायदो? काय आखान आखा एकुत् जागा पर नी जाय?
ECC 6:7 मानुस खाने कोरीन मेहनोत कोरे, ते वी हेरो पेट नी भोराये।
ECC 6:8 जो अकोल वाळो छे त्यो काहली वात मा विनअकलिया रयीन वारु छे? आरु गरीब जो यो जाने कि इना जीवन मा काहले रीतिये सी चालनो जुवे, त्यो बी उना सी काहली वात मा वोदीन छे।
ECC 6:9 डुळा सी देख लेनो मनन इच्छा सी वारु; यो बी वाहळाक धरनो छे।
ECC 6:10 जो काय बी मानुस छे, हेको नाम युगन शुरु सी मेकलो छे, आरु यो उजेन्तो छे कि त्यो उना सी जो हेका सी ताकत वाळो छे लड़ाय नी कर सके।
ECC 6:11 जिवनन वाराम जतरो विचार करो, ततरोत त्यो वायबार लागे, ती असला जीवन सी मानुस क काय फायदो?
ECC 6:12 काहकी मानुसन नाना जीवन मा जो त्यो साहळान सारको विते कुन जाने कि हेको करीन वारु काय छे? काहकी मानुस क कुन देखाड़ सके कि हेका बाद मा दुनिया मा काय हुयसे?
ECC 7:1 वारलो नाव मोंहगा इत्तर सी आरु मोतन दाहडू पयदावारीन दाहड़ा सी वारु छे।
ECC 7:2 टुळान काखानो खाने सी दु:ख वाळा घरन खानो खाये त्यो वारु छे; काहकी सब मानुसन आखरी यो छे, आरु जो जीवतो छे त्यो मन लगाड़ीन इना पर विचार करसे।
ECC 7:3 हासने सी दु:ख वारु छे, काहकी मुय परुन दु:ख सी मन सधरे।
ECC 7:4 अकोल वाळा मानुस न जीव ते दु:ख झेलने वाळा परिवार पर लागलो रये, पुन विनअकलियान ममन सुख करने वाळान घर भेणी लागलो रये।
ECC 7:5 विनअकलियान गीत समळने सी अकोल वाळान डाट समळनो वारु छे।
ECC 7:6 काहकी विनअकलियान हासनो हांडान नेचो धपतला लकड़ा पर सेकने बराबर रये; यो बी वाय बार छे
ECC 7:7 छाचली आंधारा सी अकोलवाळो गांडवाय जाय; आरु मानुसन क वेलापाड़ीन मांगलो धन अकोल क खतम कर देय।
ECC 7:8 काहलास कामन शुरु हुयने सी हेको खतम हुयनो वारु छे; आरु गम राखने वाळो डाहवाळा मनसु सी वारु छे।
ECC 7:9 आपसा मन मा उतवाळीयो रीस झुण करे, काहकी रीस विनअकलियात् जुन मन मा रये।
ECC 7:10 यो नी कयनो की वितिया दाहड़ा मा इना सी वारु काय हुतो? काहकी यो तु अकोल सी नी पुछतो।
ECC 7:11 अकोल राजो सारकी छे, राजोन तोसी एक वारली चीज छे आरु तेनु मानसो जुगु नोफान वात कोवाये जे कोळी पोर रोवे।
ECC 7:12 काहकी अकोलन आड़ रिपियान आड़ मा काम आवे; पुन गियानन फायदो यो छे कि अकोल सी हेको राखने वाळान जीव न राखवाळी हुये।
ECC 7:13 परमेश्वरन काम क देखो; जिनी चीज क त्यो आड़प करलो छे, हेको कुन सुदो कर सके?
ECC 7:14 सुकन दाहड़ा सुक मान, आरु दु:खन दाहड़ेन वारा विचार कर; काहकी परमेश्वर दुयन क एक सात राखलो छे, जिना से मानुस हेको बाद हुयने वाळी वातोन क नी समझे।
ECC 7:15 आपसा रीकामा जीवन मा हांव यो सब काय देखियो; कोय बी धरमी आपसा नियावन काम करतो जाईन नाश हुय जाय, आरु बुरो मानुस बुराय करतो जाईन ढेरकी उमर हात करे
ECC 7:16 आपसाक घण धोरमी झुण बनावे, आरु नी ते आपसाक घणो अकलो वाळो बनावजी; तु कायक आपसा क नाश क कारण हये?
ECC 7:17 घणो भुण्डो बी झुण बने, आरु नी बुरो हयजी; तु काह थारी टेम सी पेहले मरे?
ECC 7:18 यो वारु छे की तु इनी वातन क धरीन रय आरु उनी वात पर सी बी हाथ झुण उठावे; काहकी जो परमेश्वर क बीक माने त्यो इनी सब वेला सी पार हुय जासे।
ECC 7:19 अकोलुत् सी नगरन दस आदिकारीयान आश राखने मा अकोल वाळान क जादा ताकत जड़े।
ECC 7:20 धरती पर काहय बी असो धरमी मानुस नी हय जो भलाय करे आरु जिना सी पाप नी हयो हय।
ECC 7:21 जतरी वात कये सब पर कान झुण लगाड़े, असो नी हय कि तु यी वात समळे कि थारो चाकरीया थारी बुराय करे।
ECC 7:22 काहाकी तु जाने कि तु बी घणी वार दिसरान क सराप दीदलो छे।
ECC 7:23 यो सब हांव अकोल सी जाचीयो; हांव कयो, हांव अकोल वाळो हुय जाईस, पुन यो म्हार सी दुर रयो।
ECC 7:24 त्यो जी वात दुर आरु घणो उंडो छे, हेको पुरावो कुन ली सके?
ECC 7:25 हांव आपसा मन लगाड़ीयो कि अकोल न वाराम जानो; कि हेको हेरो आरु हेको पुरावो जानो, आरु कुमनियान बुराय आरु बुराय जो गांडवाय छे, हेको जानु।
ECC 7:26 आरु हांव मोत सी बी जादा पीड़ा वाळी एक आरु चीज देखीयो, मतलब उनी बायजात क जेको नाव फंदो आरु जाळ छे आरु जेका हाथ मा हाथकड़ी छे, जिना ओदमी सी परमेश्वर खुश छे चोत् हेरेसी वाचसे, पुन पापी हेरो शिकार होयसे।
ECC 7:27 देख, उपदेशक कये, हांव गियान वाटे अलग अलग वतोन क जाचीन देखियो आरु यी वात निकळी,
ECC 7:28 जिनाक म्हारो मन हाय तक हेरी रयो, पुन जड़्यो नी। हजार मा सी हांव एक ओदमी क हात करीयो, पुन हेनु मा एक बी बायजात क नी देखीयो।
ECC 7:29 देखु, हांव अतरीत वात क देखीयो, कि परमेश्वर मानुस क सुदो बनायो, पुन त्या घण सवटा विचार निकाळीया।
ECC 8:1 अकोल वाळा तसो कुन छे? आरु काहली वातन मतलब कुन लगाड़ सके? मानुसन अकोलन कारण मुय चमके, आरु हेका मुय परु दु:ख दुर हुय जाय।
ECC 8:2 हांव तुसे सोला आपो की परमेश्वरन ओगोव वायदान कोरता राजान हुकुमोन पाळोन पाळ।
ECC 8:3 राजान होजरी मा जागु छुड़ने कोरने कोरीन तावनी मा झुन कोरे, काहनी भुन्डली वातोन कोरता वा नी होयु, काहकि हेनाक गोंहवे तोसो कोरसे।
ECC 8:4 काहकी राजा न बुल मा ते ताकत रये आरु कुन हेकेक कय सके कि तु काय करे?
ECC 8:5 जो हुकुम माने, त्यो पीड़ा सी वाच जासे आरु ओकोलवाळु मानुस वारली टेम आरु वारला कामोन नेम जाने।
ECC 8:6 काहकी हर एक न वारामा टेम आरु कामोन नेम रये, मानुस क दु:ख हेको वाटे घण भारो छे।
ECC 8:7 मानुस यो नी जानतो कि काय हुयने वाळो छे, काहकी काहलो मानुस हेको हुयने वाळी वातोन क देखाड़ सके?
ECC 8:8 असो कोय मानुस नी जिनान हक मा जीव चाले
ECC 8:9 जतरा काम धरती पर हुये हेनु सबन क धियान सी देखने मा यो सब काय हांव डेखीयो आरु यो बी देखियो कि एक मानुस दिसरा मानुस पर आदिकारी बनी आपसे उपर नुकशान लावे।
ECC 8:10 ओळी हांव कुमनियान क गाड़तला देखियो, जो चुखला जागा मा आया जाया करता हुता आरु जिनान नगर मा बी त्या असो करतला वाँ हेनको फोम नी रयो; यो बी वायबार छे।
ECC 8:11 भुण्डला कामन डण्ड न हुकुम उतवाळीयो जड़ जाय इना कारण मानुसन मन भुण्डला काम करने इच्छा सी भरायलो रये।
ECC 8:12 चाहे पापी सोव कावा पाप करे आपसा दाहड़ा वदाड़े, ते बी मखे पाको छे कि जो परमेश्वर सी बीहे आरु हेको सामने जानीन बीक मा वाले हेनो वारुत् हुये;
ECC 8:13 पुन पापी न वारलो नी हुये, आरु नी हेका जीवन उमर नाम्बी हुये, काहकी त्यो परमेश्वरन बीक नी मानतो।
ECC 8:14 एक आरु वात छे, जो धरती पर हुये यो बी रीकामो छे, धरमी मानुस क बुरा मानुसन फोव भुगतनो पड़े, आरु बुरा मानुस क वारला मानुस न वारला फल जड़ जाय, हांव कयो यो बी वायबार छे।
ECC 8:15 तव हांव सुक मनावनो वारु समझियो, काहकी धरती पर मानुस वाटे खाने पीने आरु सुख मनावने क छुड़ीन आरु काहय बी वारु नी हय, काहकी परमेश्वर हेको धरती पर योत् वातड़ो काम आपलो छे, हेको सुख लेने मा मद्त जड़से।
ECC 8:16 जव हांव अकोल हात करने आरु सब काम देखने करीन जो धरती पर करिया जाय तेनु कामोक सोमेजने कोरीन म्हार मन क लगाड़ीयो, कि कसा मानुस रात ने दाहड़ु जागता रये।
ECC 8:17 तव हांव परमेश्वरन आखा कामन क देखीयो जो धरती पर करीया जाय, चाहे मानुस हेका पुरावा क जानने करीन कतरी बी मेहनत कर लेय, ते बी हेको नी जानाये; कदाम अकोलवाळो कये कि हांव हेको समझीस ते बी त्यो हेको पतो नी कर सके।
ECC 9:1 हांव इनी सब वातोन क मन लगाड़ीन विचारियो कि इनी सब वातोन क पुरावो हात करोम, कि काहली रीति सी धोरमी आरु अकोल वाळा लोगहन आरु हेनका काम परमेश्वरन हात मा छे; मानुसन अगोळ आखी भातीन वात छे पुण त्यो यो नी जानतो कि त्या वात मोंगाळि छे या बुरी।
ECC 9:2 आखी वात आखा वाटे सारकी छे, छाचु हय या खुड़ावलो, वारलो, चुखलो या विटुळ बली चढ़ावने वाळा या नी बली नी चढ़ावने वाळा आखान हालत सारकीत् हुये। जसी धोरमी मानुसन हालत, तसीत् पापीन हालत; जसी कसम खाने वाळान हालत हुये, तसीत् हालत कसम खाने सी बीने वाळान हुये।
ECC 9:3 जो काय धरती पर करियो जाय उना मा यो एक गुनु छे कि सब लोगहन न एक सारकीत् हालत हुये; आरु मानुसन मनो मा बुराय भरायली छे, आरु जव तक त्या जीवता रये हेका मन मा गांडवाय भराय रये, आरु हेका बाद त्यो मरला मा जाईन भेसकाय जाय।
ECC 9:4 पुन जो जिवतला मा छे, हेको भुरसू छे, काहकी जीवतलो कुतरो मरला नाहार सी वदीन छे।
ECC 9:5 काहकी जो जीवतला छे त्या अतरो ते जाने कि त्या मरसे, पुन मरला काय बी नी जाने, आरु नी हेनको काहय बदलो जड़े, काहकी हेनको फोम करनो मिट जासे।
ECC 9:6 हेनको मोंग आरु दुश्मनी आरु हेनकी डाहळाय नाश हुय गयी, आरु जो काय धरती पर हुये हेना मा हेनको वाटे आरु कोय जलोमको वाटो नी रयसे।
ECC 9:7 थार घर जात रय, आरु खुशी सी रोटा खाया कर, आरु मन मा सुख सी थारो अंगुरन रस पिया कर, काहकी परमेश्वर थारा कामो सी खुश हुयलो छे।
ECC 9:8 थारा छिंदरा जलोम उजळा रये, आरु थारा मुनका पर तेल लागलो रये।
ECC 9:9 आपसा जीवन वायबार दाहड़ा जो त्यो धरती थारे वाटे टाकलो छे, थारी मोंगाळी लाड़ीन क सात मा विताड़जी, काहकी थारे वाटे थारी मेहनत जो तु दाहड़ान नेचो करे थारो योत् वाटो छे।
ECC 9:10 जो काम तुखे जड़े हेको थारी ताकोत लगाड़ीन करजी, काहकी आंधारा कुण्डा मा जासारी तु जाने वाळो छे, नी काम नी युक्ति नी गियान नी ते ओकल छे।
ECC 9:11 ओळी हांव देखीयो धरती पर जूरभरीन दवड़ने वाळो नि जीके, आरु नी ते लड़ाय मा ताकत वाळा जीके नी अकोल वाळा लोगहन क रोटा जड़े, आरु सझदार क धन, आरु नी गियान वाळा पर दया हुये, या सब टेमन हको तळे छे।
ECC 9:12 मानुस आपसी टेम क नी जानतो। जसी माछली जाळो मा फोस जाय आरु चिल्‌ला फांदे पोड़ जाय तसोत् मानुस बी दु:ख भरीया टेमो मा जो हेनु पर उचकाळुन आय पड़े, फस जाय।
ECC 9:13 हांव दाहड़ान नेचो इनीये भातीन अकोल क बी देखलो छे, जो मेखे मोटी मलम पड़ी।
ECC 9:14 एक नानलो नगर हुतो, जिनाम थुड़ांक लोगहन हुता; आरु काहलो मोटलो राजा हेको घेर लिदो, हेका विरुद मा धाड़ो बान्धीयो।
ECC 9:15 उना नानला नगर मा एक अकोल वाळो मानुस रयतो हुतो पुन गरीब हुतो, त्यो हेकी अकोल सी उना शहर क वाचाड़ लीदो। ओळी बी उना गरीब क भुल गीया।
ECC 9:16 तव हांव कयो, कदाम उना गरीब मानुसन अकोलन कोय विजूत नी करीया, हेकी वात पर धियान नी दीदा तेबी हांव कयो; ताकत सी अकोल मोटी छे।
ECC 9:17 विनअकलियान वीच मा राजा न आयेड़ने सी अकोल वाळान बुल समळी लेनो वारुछ।
ECC 9:18 लड़ायन हतियार सी अकोल वारु छे पुन एक पापी घण सवटी भलाय क नाश करे।
ECC 10:1 मरला मखड़ान कारन वारु गंधायने वाळो तेल सड़ने आरु गंधायने लाग जाय; आरु थुड़ीक डाहळाय, अकोल आरु विजुत क घटाय देय।
ECC 10:2 ओकोलवाळान मोन वारली वात भेनी लागलो रोवे पुन विनअकलियान मोन बुराय भेनी लागलो रोवे।
ECC 10:3 जव विनओकलीयो वाट्‌ये चाले ती हेका चालनेन लारेत् हेरी विनओकोल देखाय जाय। जेरेसी आखा मानसे देख लेये की त्यो विनओकलीयो छे।
ECC 10:4 कदाम तुमरा आदिकारीन रीस तुमरे पर भड़के, टी आपसो जागो झुण छुड़ता, काहकी गोम राखने सी मोटा मोटा पाप रुक जाय।
ECC 10:5 एक बुराय छे जो हांव धरती पर देखीयो, त्यो राज कोरन्यान भुल सी हये;
ECC 10:6 विनअकलीयान क उचला जागा पर बठाड़े, आरु मातभर लोगहन नेचा बठे।
ECC 10:7 हांव पावरीयान क घुल्ला पर जातला आरु आदिकारीयान क पावरीयान सारका धरती पर चालतला देखीयो।
ECC 10:8 जो खाडो खोदे त्यो उनात् मा पड़से आरु भीतड़ो तुड़े हेको घोड़सु ठुनुक देसे।
ECC 10:9 जो सेड़ान क दगड़ो हटाड़े हेको दगड़ा सी झट लागसे। आरु जो सेड़ान लाकड़ा काटे हेको हेका सी बीक लागसे।
ECC 10:10 कदाम कुलाहड़ी भटड़ी हय आरु हेकी धार क तीखी नी करे, ती तेखे काम मा लावनेम जादा ताकत लगाड़नो पड़से। पुन काम ते पुरो अकोल सी हये।
ECC 10:11 कदाम मंत्र बुलने वाला सी पेहले घोड़सु ठुनुक दी देय, ती मंत्र बुलनेवाळाक काय बी फायदो नी हये।
ECC 10:12 अकोल वाळान बुलन लारे दया हुये, पुन विनअकलियो आपसा बुलन लारे नाश हुय जाय।
ECC 10:13 हेका बुलन शुरु हुयनो विनअकोल सी, आरु हेको खतम हुयनो मोटा दु:ख सी गांडवायनो हुये।
ECC 10:14 विनकलियो घणी वातन क वदाड़ीन कये, ती कोय मानुस नी जानतो की काय हुयसे, आरु कोय देखाड़ सके कि हेको बाद मा हुयने वाळो छे?
ECC 10:15 विनअकलियान क काम करने सी थाक जाय, या तक कि त्यो नी जानतो कि नगर भेणी कसो जानो।
ECC 10:16 ए देश थारे उपर विखु जव थारो राजा पावरीयो छे आरु थारा आदिकारीया दाहड़ीन खाने पीने मा लाग जाय।
ECC 10:17 ए देश तु सयाळो छे जव थारो राजा वारला घराना माईन छे; आरु थारा आदिकारीया टेम पर खाय, आरु त्यो बी छाकने करीन नी पुन ताकत वोदाड़ने करीन।
ECC 10:18 आळसीन कारण सी घरन छत नेचो हुटपड़े आरु सुसतीन कारण सी घर चुळने लाग जाय।
ECC 10:19 लोगहन खानो खाईन खुशी मारे, आरु मोंद सी खुशी जड़े; आरु रिपिया सी सब काय जड़ जाय।
ECC 10:20 आपसा मन मा बी राजा क भुण्डलो बुल झुण कये, नी ते धनी मानुस क थार घरन कुठार मा बी भुण्डला बुल झुण कये; काहकी कोय आकाश चिल्‌ला थारा बुल क लीजात रयसे, आरु उड़ने वाळो जन्तु उनी वात क उजेन्ती कर देसे।
ECC 11:1 आपसा रोटान क पानीन ऊपर न्हाक दे, काहकी घण दाहड़ान क बाद तु हेको पछो हात करीस।
ECC 11:2 सात नी पुन आठ जना क ढासाड़ दे, काहकी तु नी जानटो की धरती पर काय पिड़ा आय पड़से।
ECC 11:3 कदाम वादळा मा पानी भरायलो छे, तव हेको धरती पर रेड़ देय; आरु झाड़का चाहे दोखेवरे पड़े या बोखेवरे पड़े तेबी जिना जागा पर झाड़ पड़से व्हान पड़ रयसे।
ECC 11:4 जो वाहळान क देखतो रयसे तेखे बीज नी वेराये, आरु जो वादळान क डेखतो रयसे तेखे काटाये नी।
ECC 11:5 जसो वाहळान चालनो वाट क नी जाने आरु काहली रीति सी भारपायेन पेटम बाळान डील वोदे, तसोत् तु परमेश्वरन काम क नी जानतो जो सब काय करे।
ECC 11:6 सोंदारे वेगोत् उठीन बीज वेर, आरु साँतो बी आपसा हात क झुण रुके; काहकी तु नी जानतो कि कुन सफल हुयसे, यो या त्यो या दुयु वारु निकळसे।
ECC 11:7 विजाळो पटे असो रये, आरु तप क देखने सी डुळान क सुक जड़े।
ECC 11:8 कदाम मानुस घणा साल तक जीवतो रये, ती हेनु आखा मा खुशी रये; पुण यो फोम राख कि आंधरला दाहड़ा बी घण सवटा रयसे। जो काय हये त्यो वायबार छे।
ECC 11:9 ए जुवानिया तारी जुवानी कुशी कर, आरु आपसी जुवानीन दाहड़ा मा खुश रय; आपसा मनन कर आरु आपसा डुळा नजरन अनसारे चाल। पुण यो जानीन रय कि इनी आखी वातन वाराम परमेश्वर थारे सी नियाव लेसे।
ECC 11:10 आपसा मन मा सी परेशानी क निकाळ दे, आरु डील मा रयीन दु:ख क दुर कर काहकी बाळपनो आरु जवानी दुयु वायबार छे।
ECC 12:1 आपसी जुवानीन दाहड़ा मा आपसा बनावने वाळा परमेश्वर क फोम राख, इना सी पेहल कि पीड़ान दाहड़ा आरु त्या साले आवे, जिनु मा तु म्हारो मन इनु मा नी लागतो।
ECC 12:2 इना सी पेहेल की दाहड़ो आरु विजाळो आरु तारागण आंधरा हुय जाय, आरु पानी पड़नेन वादळो पछो घेरु बनाय लेय;
ECC 12:3 उना दाहड़ा मा तारे घोरुन राखवाळिया कापने लागसे, आरु दात खानो चावनो छुड़ देसे, आरु खिड़कीम रयीन देखने वाळा डुळा आंधळा हुय जासे,
ECC 12:4 आरु तुमरा कानटान सोयड़ोकोन ओवाज नी सोमवाये, आरु चक्की दळनेन ओवाज धीरी हुय जासे, आरु भोळभाके चिल्लान आयेड़तात् उठ जासे, आरु सब गावने वाळान बुल कम हुय जासे।
ECC 12:5 आरु जो ऊचो रयसे वाँ चढ़ने सी तुको बीक लागसे। गाव गळी मा तु बकवादी कहवाइस आरु बादामन झाड़ फुलने लागसे, आरु टिड्या घसड़ाइन चालने लागसे, आरु भुख बढ़ने वाळो फोव पछो काम नी आवे; काहकी मानुस आपसा जलोमका घर मा जात रयसे आरु रोड़ने वाळा सयड़के-सयड़के फिरसे।
ECC 12:6 उना टेम पर चाँदीन तार दुय टुकड़ा हुय जासे आरु सोनान वाटको टुट जासे; आरु झरोन धड़े गुळो फुट जासे, आरु कुन्डा धड़े घड़घट्‌यो टुट जासे।
ECC 12:7 जव धुळू जसो हतो तसोत् धुळा मा भेसकाय जासे, आरु जीव परमेश्वरन पास मा पछी जात रयसे जो हेको आपलो हुतो।
ECC 12:8 सभा उपदेशक यो कये, सब काय वायबार छे, सब काय वायबार छे।
ECC 12:9 सभा उपदेशक जो अकोल वाळो हुतो, त्यो लोगहन क गियान बी सिकाड़तो रयो, आरु धियान लगाड़ीन जाँची पारखीन घण सवटा सिकापन क वचन चोळदिन राखतो हुतो।
ECC 12:10 उपदेशक मनभावे असा बुले हेरीन खरी-खरी यी छाची वात लिख दिदो।
ECC 12:11 अकोल वाळान बुले आर वाळी तिखली लाकड़ी सारका रये, आरु सभान डाहडान बुले गाड़ला खीळान सारका छे, काहकी एकुत् गुवाळ्या रयीन भेटे।
ECC 12:12 ए म्हारा पोर्या इनु मा रयीन चुकसी करनो सीक। घण सवटी किताबन लिखला काम खतम नी हुये, आरु जाडा भणन डिल काजे हरबड़ाय देय।
ECC 12:13 सब काय समळाड़ी देदो आखरी वात यी छे कि परमेश्वरन बीक मान आरु हेका हुकुम क पाळन कर; काहकी मानुसन काम योत् छे।
ECC 12:14 काहकी परमेश्वर मानुस क सब काम आरु आखी ढाकायली वातन चाहे ची वारु हय या भुण्डी, हेको नियाव करसे।
EZE 1:1 ढेड़ वीस ने चोवथा मोहनान पाचवे दाहड़े, हांव बन्दियो क विच कोबार नदीन धड़े हुतो, तव् सोरोग उगड़ी गोयो, आरु हांव न परमेश्वर क दोरसोन देख्यो।
EZE 1:2 योहोयाकीन राजान बांदाय क पाचवे वोरीस क चोवथे मोहनेन पाचवे दाहड़ेन,
EZE 1:3 कोसदियो क देस मा कोबार नोंदी क धड़े, योहोवा क बुल बुजी क पुर्या योहेजकेल पुजारान यां पुग्यो: आरु योहोवा क ताकोत उना पोर उजेन्ती हुयी।
EZE 1:4 जव हांव देखने लाग्यो, ती यो देख्यो कि उत्तर भेनी आंजी उठी, आरु आगठा पुठी मोटी आँजी आवी रय, आरु उना मोटला वादळा क च्यारु मेर विजाळो छे, जेरेसी आगठो रोह-रोह कोरीन विजळी सारको चोमकी रोयो छे।
EZE 1:5 तव् आगठा मा सी चार जिवधारिया सारका काहीन निकळ्या। हेनको रुप मानसो सारको हुतो,
EZE 1:6 पुन उना मा सी होरीकोन चार‍ चार मुय आरु चार चार पाखड़ा हुता।
EZE 1:7 हेनका पाय सुदा हुता, आरु हेनका पायोन पाटल्या पाडल्यान खुर्या जोसा हुता; आरु त्या झलकायता जाईन पीतळ क जसा चमकता हुता।
EZE 1:8 हेनका च्यारु मेर पाखड़ा क नेचा मानसो सारका हात हुता। हेनका चारुन मुय आरु पाखड़ा ओसा भातीन हुता:
EZE 1:9 हेनका पाखड़ा एक दिसरा सी भेसकायला हुता; त्या आपसा आपसा अगळ सुदात चालता हुता, आरु वोवता नी हुता।
EZE 1:10 हेनका अगळ क मुयोन रुप मानसो सारको हुतो आरु हेनका च्यारो जेवड़्ये क मुय नाहरो सारको, डाख्र्‌यो क भेनी मुय बुईल सारको हुतो, आरु च्यारु क पछळ क मुय चिल्‌ला सारको हुतो।
EZE 1:11 हेनका मुय ओसाज हुता। हेनका मुय आरु पाखड़ा उपोर क भेनी ओलोग ओलोग हुता, होरीक जीवधारि क दुय दुय पाखड़ा हुता, जे एक दीसरा क पाखड़ा सी भेसकायला हुता, आरु दुय दुय पाखड़ा सी हेको डिल ढाकायलो हुतो।
EZE 1:12 त्या सुदा आपसा आपसा अगळुत चालता हुता; जेंखेर जीव जानो चाहतो हुतो, त्या तेंखेरुत जाता हुता, आरु चालता टेमे ववता नी हुता।
EZE 1:13 जीवधारिया क रुप आगठा एने धपतली मशाल क सारको देखा पोड़तो हुतो, आरु त्यो आगठो जीवधारियो क विच एंखेर तिंखेर चालतो फिरतो मोटो विजाळो आपतो रोयो; आरु उना आगठा सी विजळी निकळी हुती।
EZE 1:14 जिवधारियोन क चालनो फिरनो विजळी सारको हुतो
EZE 1:15 जव हांव जीवधारियो क देखतोत हुतो, ती देख्यो कि धरती पोर हेनका पास च्यार मुयोन गिनायोन ओनसारे, एक एक चाकटा हुता।
EZE 1:16 चाकटा क रुपो आरु घड़ाय ओसी हुती चे सोरोगोन सोनान मणी सारकी चोमोक रोया हुता। च्यारोन बोनावट एक जोसी हुती; बोनावट ओसी हुती, मानु एक चाकटा क धड़े दिसरो चाकटो होय।
EZE 1:17 चालते टेमे त्या आपसा च्यारु मेर चाल सोकता हुता, आरु चालने मा वोवता नी हुता।
EZE 1:18 उना‍ च्यारु चाकटा क घेरवीन बेसका मोटा आरु बीहाड़े ओसा हुता, आरु हेनका घेरा मा च्यारु मेर डुळात डुळा भोरायला हुता।
EZE 1:19 जोत्यार जीवधारिया चालता हुता, तव् चाकटा वी हेनका पुठी चालता हुता; आरु जव् जीवधारिया धोरती पोर सी उठतो हुता, तव चाकटा वी उठतो हुता।
EZE 1:20 जेंखेर जीव जानो चाहेय, तेंखेरुत त्या जाता, आरु चाकटा जीवधारियो क पुठी उठतो हुता; काहकी हेनको जीव चाकटा मा हुतो।
EZE 1:21 जव त्या चालता हुता तव ये वी चालता हुता; आरु जव् जव् त्या उबा होयता हुता तव् ये वी उबा होयता हुता; आरु जव् त्या धोरती पोर सी उठतो हुता तव‍ चाकटा वी हेनका पुठी उठतो हुता; काहकी जीवधारियो क जीव चाकटा मा हुतो।
EZE 1:22 जीवधारियो क मुनका उपोर वादळा मोंडळी सारको काहीन हुतो जो बोरोफ क सारको बिहाड़े ओसो चोमेकतो हुतो, आरु त्यो हेनका मुनका उपोर वेरवायलो हुतो।
EZE 1:23 वादळामोंडळी क नेचो, हेनका पाखड़ा एक दिसरा भेनी सुदा खोरवायला हुता; आरु होरीक एक जीवधारि क दुय दुय आरु ओवी वी पाखड़ा हुता जेरेम सी डिल ढाँकायलो हुतो।
EZE 1:24 हेनका चालते टेमे हेनका पाखड़ा क पाखड़ान क ओवाज मेसे घोना सोटा पानी, ओळी घोनी ताकोतवाळी बुली, ओळी सेना क हालचाल सारकी समवायतली हुती; आरु जव् त्या उबा हयतला, तव् आपसा पाखड़ा टांग देता हुता।
EZE 1:25 ओळतेन हेनका मुनका उपोर जी वादळा मोंडळी हुती, हेका उपोर सी एक बुल समळाय पोड़तो हुतो; आरु जव् त्या उबा होयता हुता, तव् आपसा पाखड़ा टांग लेता हुता।
EZE 1:26 जीवधारियो क मुनका क उपोर वादळा मोंडळी हुती। हेका वादळा मोंडळी क उपोर राजगादी क सारको काहीन हुतो। यो राजगादी मानु नीलम दोगड़ा क बोनलो हुतो। राजगादी सारको एना जागा पोर कुदु बोठलो हुतो, एना पोर मानुस सारको थुड़ोक देखायतो हुतो।
EZE 1:27 हेका कड़्याम सी लीन उपोर भेनी मेसे चोमकावला पितळ सारको देखा पोड़्यो, आरु हेका धड़े आरु च्यारु मेर आगठा सारको देखा पोड़तो हुतो; ओळतेन उना मानुस क कड़्याम सी लीन नेचो भेनी वी मेसे काहीन आगठा सारको देखा पोड़तो हुतो; आरु हेना च्यारु मेर विजाळो हुतो।
EZE 1:28 जसो जेठवड़ीन दाहड़ा मा बाम देखाय पोड़तलो, तसोज च्यारु मेर क विजाळो देखा पड़तो हुतो। योहोवा क महिमा क रुप असोत हुतो। ओको देखीन, हांव मुयोन भुरसे हिट पोड़्यो, तव् हांव एक बुल समळ्यो जसो कुदु वात कोरतो हय।
EZE 2:1 त्यो मारती कव्यो, “हे मनख्यान ओवलियाद, आपसा पायोन भुरसे उबो होय, आरु हांव तारसी वात कोरीस।”
EZE 2:2 जसोज त्यो मारेसी यो कव्यो, तसोज जीव न मारेम सोमायीन मारा पायोन भुरसे उबो कोर देदो; आरु ज मारे सी वात कोरतो हुतो हांव ओकी समळ्यो।
EZE 2:3 त्यो मारे सी कव्यो, “हे मनख्यान ओवलियाद, हांव तुखे इसराएलियो क पास एने लोड़ाय करनेवावा मुलकोन क पास मुकलो, जे मारे विरुद लोड़ाय कोरला छे; हेनका डाहडा आरु त्या वी आज क दाहड़े लगुन मारा विरुद्ध गुनु कोरता चाल्या छे।”
EZE 2:4 एनी पीढ़ी क लोगहन जेनका पास हांव तुखे मुकलो, त्या विनलाज्या आरु एक होट्या छे; पोरबु योहोवा ओसु कोवे।
EZE 2:5 आरु तु उना सी कोहजो, पोरबु योहोवा यो कोवे छे, एना सी त्या, जे लोड़ाय कोरनेवाळा घरानान छे, चाहाय त्या समळ्या नी समळ्या, ते वी त्या ओतरा जान लेसे कि हामरा वीच एक कागळ्यो होयलो छे।
EZE 2:6 ऐ मनख्यान ओवलियाद, तु उना सी नी बिहजी; चाहाय तुके काटा, उंटकटारा आरु विछा क विच वी रोहनो पोड़े, ती वी हेनका बुल सी नी बिहनो; कोदाम त्या लोड़ायन्या घरल्यात होय, ती वी नी ते हेनका बुल सी बोहनो, आरु नी हेनका मुय देखीन तारो मोन काचो होय।
EZE 2:7 एकालिय चाहेय त्या समळे एने नी समळे; ते वी तु मारा बुल उना सी कोहनो, त्या ते मोटला लोड़ाख्या छे।
EZE 2:8 “पुन हे मनख्यान ओवलियाद, जो हांव तारेसी कोहो, हेको तु समळी ले, उना लोड़ाख्यान घरानान जोसो तु वी लोड़ाख्या नी बोननो, जो हांव तुखे आपो, हेको मुय उघाड़ीन खाय ले।”
EZE 2:9 तव हांव निंगा कोर्‌यो की आरु काय देख्यो, कि मारे भेनी एक हात मारे भेनी छे आरु उना मा एक किपात छे।
EZE 2:10 हेको त्यो मारा अगळ उघाड़ीन खवळ्यो, आरु त्या दुयो ओखे लिखली हुती; आरु जे उनामा लिखलो हुतो, त्या कालापिली एने शोक आरु दुख सी भोरायला बुल हुता।
EZE 3:1 त्यो मारेसी कव्यो, “हे मनख्यान ओवलियाद, जो तुखे जड़्यो छे हेको खाय ले; एने एनी किपात क खा, ती जाईन इसराएल क घराना सी वात कोर।”
EZE 3:2 हांव आपसो मुय उघाड़्यो, आरु त्यो मेसे खाने क लिय किपात आप्यो।
EZE 3:3 त्यो मारे सी कव्यो, “हे मनख्यान ओवलियाद, यी किपात जो हांव आपो छे ओको जिरवी ले, आरु आपसो पेट भोर ले।” एने हांव न ओको खाय लेदो; आरु मारा मुय मा त्यो भावर सारको गुळो लाग्यो।
EZE 3:4 त्यो मारे सी ओळी कव्यो, “हे मनख्यान ओवलियाद, तु इसराएल क घराना क पास जाईन हेको मारा बुल समळ।
EZE 3:5 काहकी तु काहनी कोसली बुली एने काठी बुलीवाळी जाति क पास नी मुकेलतु, पुन इसराएल क घराना क पास मुकल्यो जातो छे।
EZE 3:6 कोसली बुली एने काठी बुलीवाळी बेसकीत जाती क पास जो तारी वात समझ नी सकें, तु नी मुकलायतो। विनभुरसे कोदी हांव तुखे ओसा क पास मुकलतो ती त्या ताती समळता।
EZE 3:7 पुन इसराएल क घरानावाळा तारी समळने सी मोना कोरसे; त्या मारी वी समळने सी मोना कोरता छे; काहकी इसराएल क आखा घराना विनलाज्या आरु वातड़ा मोनोन छे।
EZE 3:8 देख, हांव तारा मुख क हेनका मुख अगळ, आरु तारा माथा क हेनान माथा क अगळ, वातड़ो मोन कोर देयो।
EZE 3:9 हांव तारा माथा क हीरा क सारको वातड़ो कोर देयो जो चकमक दोगड़ा सी वी वातड़ो होये; एकालिय तु हेना सी नी बिहजी, आरु नी हेनका मुय देखीन तारो मोन काचो होये; काहकी त्या लोड़ायन घोराना छे।”
EZE 3:10 ओळी त्यो मारे सी कव्यो, हे मनख्यान ओवळीयाद, जोतरा बुले हांव तारे सी कोहो, त्या आखा काळजा मा राख आरु कानटा सी समळ।
EZE 3:11 “आरु उना केदड़ा क पास जाईन, जे तारा मुलकोन जातिन भाईस छे, उना सी वाते कोरजी आरु कोहजी, पोरबु योहोवा ओसो कोवे छे; चाहाय त्या समळे, एने नी समळे।”
EZE 3:12 तव परमेश्वरन जीव न मेसे उठाड़्यो, आरु हांव आपसा पछळ मोटी घड़घड़ाहट क भेळ एक बुल समळ्यो हुयो कयो परमेश्वरन मोहिमा बोरकोत वावी छे।
EZE 3:13 आरु हेनका भेळुत उना जीवधारियो क पाखड़ान बुल, जो एक दिसरा सी लागला हुता, आरु उना भेळ क चाकटा क बुल आरु एक मोटी घड़घड़ाहट समळाय पोड़ी।
EZE 3:14 तव जीव मेसे उठाड़ीन ली गोय, आरु हांव काठा दुख सी भोरायलो होतो आरु मोनम धपतो जाईन चाली गुयो; आरु योहोवान ताकोत मारे मा समायली हुती;
EZE 3:15 आरु हांव उना केदड़ा क पास आया जे कोबार नोंदी क धड़े पोर तेलाबीब सोहरो मा रोहता हुता। आरु चाँ हांव सात दाहड़ा लगुन हेनका वीच दुखी होयीन बोठलु रोहु।
EZE 3:16 सात दाहड़ा वित्या ने ओळतेन पोरबु योहोवा क यो बुल मारे पास पुग्यो,
EZE 3:17 हे मनख्या क ओवलियाद, हांव न तुख इसराएल क घराना क लिय फेरा देन्याक नेवाड़ कोरलो छे। जव जव तु मारा मुय क बुल समळसे, तव तव हेनको मारा भेनी सी चेतावनी आपजी।
EZE 3:18 कदाम हांव पापी सी कोहीस, तु छाचीन मोरीस, आरु कदाम यु हेनको नी चेतावनी नी आपीस, आरु नी हेनको आपसा भुंडी वाट छुड़ने क लिय चोकचोयु कोरीस की त्या चेतावनी समळीन आपसो जीव वाचाड़ लेये, ती, हे मनख्या, समळ, त्यो पापी आपसा भुडा कामो क लिदे ते मोरसेत, पुन हांव हेकी मोत क गुनु तारे सी लेखो लीस।
EZE 3:19 पुन कदाम तु पापीक चेतावनी आपे, आरु त्यो आपसा भुंडा काम आरु भुंडी वाट सी नी फीरे, ती त्यो ते आपसा भुंडा काम मा फोसलो होईन मोर जासे; पुन तु आपसा जीव क वाचाड़ीस।
EZE 3:20 ओवी जव धोरमी लोगहन धोरोम सी फिरीन कुटिल काम कोरने लागे, आरु हांव हेनका अगळ ठुकर राखो, ती त्यो मोर जासे, काहकी तुन जो हेको नी चेतावनी आप्यो, एकालिय त्यो आपसा पाप मा फोसलो होईन मोरसे; आरु जे धोरोम क काम त्यो कोरलो होय, हेनो फोम नी राख्यो जासे, पुन हेनका लुहुय क लेखो हांव तारेसी लीस।
EZE 3:21 पुन कदाम तु धोरमी क असो कोविन चेतावनी आपे, की त्यो पाप नी कोरे, आरु त्यो पाप सी वाच जाय, ती त्यो चेतावनी क मानने क कारण छाचिन जिवतलो रोहसे, आरु तु आपसो जीव क वाचाड़ीस।
EZE 3:22 पोरबु योहोवा क ताकोत मारे पोर होयी, आरु त्यो मारे सी कव्यो, “उठीन खयड़ा मा जा; आरु चां हांव तारे सी वात कोरीस।”
EZE 3:23 तव हांव उठीन खयड़ा मा गुयो, आरु चाँ काय देख्यो, कि योहोवा क सेक जसो मेसे कोबार नदीन धोड़े, तसोज याँ वी देखा पोड़तो छे, आरु हांव मुयोन भुरसे हिट पोड़यो।
EZE 3:24 तव जीव न मारेम सोमायीन मेसे पायोन भुरसे उबो कोर देदो; ओळी त्यो मारे सी कोहने लाग्यो, जा आपसा घर क धड़े झपला बोंद कोरीन बठलो रोव।
EZE 3:25 हे मनख्यान ओवलियाद, देख, त्या लोगहन तुखे दुयड़ा सी हापकीन बाँदिन राखसे, आरु तु निकळीन हेनका वीच नी जावाये।
EZE 3:26 हांव तारी जीप तारा तालु सी लागाड़ीस; जेरेसी तु हुगु रोहिन हेनको लोड़नेवाळा नी होय, काहकी त्या लोड़ायन्या घोरानान छे।
EZE 3:27 पुन जव जव हांव तारे सी वात कोरो, तब तब तारा मुय क उघाड़िस, आरु तु उना सी असो कोहजी, पोरबु योहोवा असो कोवे छे, तु समळतो छे त्यो समळी ले आरु नी जो नी समळतो त्यो नी समळे, त्या ते लोड़ायन घराना छेत।
EZE 4:1 हे मनख्यान ओवलियाद, तु एक इटड़ो चुट ले, आरु हेको आपसा अगळ मेक। ऐरे वाद, तु उना पोर योरुसालेम सोहोर क एक चित्र खींच ले;
EZE 4:2 तव हेको च्यारु मेर सी घेरवीन हेका विरुद्ध किलो बोनाव आरु हेका अगळ दमदमा बोंदा: आरु छावनी नाख, आरु हेका च्यारु मेर लोड़ायन तियारी लागाड़।
EZE 4:3 तव तु लुहड़ान तोवी लीन हेको लुहड़ा क भितड़ो मानीन आपसा आरु हेका सोहोर क वीच उबो कोर, तव आपसा मुय हेका अगळ कोरीन हेकी घेराबोन्दी कोर, एने रीते सी तु हेको घेरवीन राखजी। यो इसराएल क घराना क लिय सोहलानी कोवायसे।
EZE 4:4 ओळी तु डाखरे कोड़ दीन इसराएल क घराना क ओधोरोम आपसा उपोर मेक, काहकी जोतरा दाहड़ा तु उना कोड़ लुटलु रोहिस, तोतरा दाहड़ा लगुन उना लोगहन क ओधोरोम क भार वेठतो रोहीस।
EZE 4:5 हांव न हेनका ओधोरोम क साल क सारका तारे लिय दाहड़ा टाकला छे, एने तीन सोव नब्बे दाहड़ा; होतरा दाहड़ा लगुन तु इसराएल क घोराना क ओधोरोम क भार वेठतो रोव।
EZE 4:6 जव ओतरा दाहड़ा पुरा होय जाय, तव तु जेवड़ु कोड़ दीन योहुदा क घराना क ओधोरोम क भार वेठ लेजो; हांव हेनका लिय वी आरु तारे लिय एक सोव वरीस क बोदले एक दाहड़ु एने चाळीस दाहड़ा टाकला छे।
EZE 4:7 तु योरुसालेम क घेरवने क लिय हात उघाड़ीन आपसो मुय ओथू कोरिन हेनका विरुद्ध भोगवानो वोगे गोथी वात कोरजी।
EZE 4:8 देख, हांव तुसे दुयड़ा सी बाँदिस, आरु जव लगुन हेको घेरवनेन दाहड़ा पुरा नी होये तव तक तु कोड़ नि ली सोकीस।
EZE 4:9 तु गँहव, जोव, सेम, मसुर, बाजरा, आरु कठिया गँहव, लीन एक टाहरा मा मेकीन उनासी रुटा बनवाड़्या कोरजो। जोतरा दाहड़ा तु कोड़ पोर लुटलो रोहिस, तोतरा दाहड़ा तीन सोव नब्बे दाहड़ा लगुन हेको खाया कोरजो।
EZE 4:10 जो भोजन तु खासे, हेको तुल तुलीन खाजी, एने दाहड़ीन एक पाव भोरीन खाया, आरु हेको टेम टेम पोर खानो।
EZE 4:11 तु पानी वी मापीन पीजी; एने एक लिटर। तु पानी वी टाकला टेमो मा पीजी।
EZE 4:12 जसो जोव क रुटा खाया जाये छे तसोज तु आपसा रुटा खाने। तु हेको मानसोन हागारोन कण्डा पोर लोगहन क डुला क अगळ सेकजो।
EZE 4:13 योहोवा न कव्यो, ओस कोरीन इसराएल उना जातियो क विच आपसा आपसा रुटा दुर होयला सी खाया कोरसे, जाँ हांव हेको जोबरोन पुगाड़ीस।
EZE 4:14 तव हांव न कव्यो, हाय, योहोवा परमेश्वर देख, मारो मोन कोदी विटळ नी हुयो, आरु नि ते मारा बचपन सी लीन हेमी लगुन आपसी मोत सी मोरीयाम एने फाड़ला ढुरोन मास खादो, आरु नी कुदा भातीन मांस मारा मुयोम कोदी गोयो छे।
EZE 4:15 पोरबु मारे सी कव्यो, वारु तारी विनता मेसे स्वीकार छे। तु मानसोन हागारोन कण्डान जागा पोर गाय क गुबर क कण्डा पोर आपसा रुटा सेकनो।
EZE 4:16 पोरबु न मारे सी यो वी कोव्यो, हे मनख्यान ओवलियाद, देख, हांव योरुसालेम मा खानो पानीन आसरा काजे छेटो कोरीस; एकालिय चाँ क लोगहन तुल तुलीन आरु फिकुर कोर कोरीन रुटा खाया कोरसे; आरु माप मापीन आरु दुखी होईन पानी पिया कोरसे।
EZE 4:17 आरु एना सी हेनका रुटा आरु पानीन घटि होयसे; आरु त्या आखा की आखा घाबरायसे, आरु आपसा ओधोरोम मा फोसलो हुया सुख जासे।
EZE 5:1 हे मनख्यान ओवलियाद, एक निसानली तलवार ले, आरु हेको नावटान सारको पावड़ान काम मा लावीन आपसा मुनका आरु दाड़ी क झटा बुड़ नाख, तव तुलनेन काटो लीन छटान वाटो पाड़।
EZE 5:2 जव सोहोर क घेरवनेन दाहड़ा पुरा होये, तव सोहोर क धड़े एक तीहाई आगठा मा नाखिन धपाड़जी, आरु एक तिहाई क वाहवा मा उड़ावजी, आरु हांव तलवार हापकिन ओका पछळ चालाड़ीस।
EZE 5:3 तव इना मा सी इतराकसा झटा लीन आपसा छिंदरान कुरे बांदजी।
EZE 5:4 ओळी एनु मा सी इतराक सा लीन आगठा क वीचमा नाखजी कि त्या आगठा मा धप जाय, तव ओकाज मा सी एक भपकु भड़कीन इसराएल क आखा घराना मा जात रोहसे।
EZE 5:5 हे पोरबु योहोवा ओसो कोवे छे: योरुसालेम ओसोज छे; हांव न हेको दिस रादेसोन क विच मा मेकलो, आरु त्या च्यारु धड़े देसो सी घिरायला छे।
EZE 5:6 त्यो मारा कायदा क विरुद काम कोरीन दिसरा मुलको सी जादा पाप कोर्या, आरु मारा कायदा क विरुद च्यारु धड़े क देसो क लोगहन सी जादा गुनु कोरला छे; काहकी त्या मारा कायदा क तुच्छ जान्या, आरु त्या मारी विधियो पोर नी चाल्या।
EZE 5:7 ओतरा कोरीन पोरबु योहोवा ओसो कोवे छे: तुमु लोगहन जे आपसा च्यारु धड़ेन जातियो सी जादा हुल्लड़ कोरे, आरु नी मारी विधियो पोर चालता, नी मारा कायदा क मानता आरु आपसा‍ च्यारु धड़ेन जातियो क कायदान ओनसारे वी नी कोर्या,
EZE 5:8 ओस कोरीन पोरबु योहोवा ओसो कोवे छे: देख, हांव आपसोज तारे विरुद्ध छे; आरु दिसरी जातियो क देखता हांव तारे वीच नियाय क काम कोरीस।
EZE 5:9 तारा आखा भुंनला कामो न कोरता हांव तारे वी ओसो कोरीस, जसो हेमी लगुन नी कोर्‌यो, आरु नी ओगो ओळी कोरीस।
EZE 5:10 एकालिय तारा विच पुर्या आपसा आपसा बास क, आरु बास आपसा आपसा पुर्यान मांस खासे; आरु हांव तुखेक डोन आपीस, ओवी जे मानसे वाच जासे, तिनुक हांव च्यारु मेर रिवन्या तिवन्या कोर दिस।
EZE 5:11 आरु पोरबु योहोवा न यो बुल छे, कि मारा जीवन नु कोसोम, एकालिय कि तु न मारा चुखला जागा क आपसा आखा भुंनला मुरती आरु आखा भुनला कामो सी विटळ कोरलो छे, हांव तुख घोटाड़ीस, आरु तारे पोर दोयान निंगा नी कोरीस, आरु तारे पोर काहिन वी गीन नी कोरीस।
EZE 5:12 तारी एक तिहाई ते मोरली सी मोरसे, आरु तारा वीच भुख सी मोर मिटसे; एक तिहाई तारे आड़े धड़े तलवार सी मार्या जासे; आरु एक तिहाई क हांव च्यारु मेर तितर बितर कोरीस आरु तलवार हापकीन हेनका पछळ चालाड़ीस।
EZE 5:13 ओस कोरीन मारी रीस कोम होयसे, आरु आपसी रीस उना पोर आखी भड़कावीन मेसे शांती जोड़से; आरु जव हांव आपसी जलजलाहट उना पोर पुरी रिती सी भोड़की पोड़ीस, तव त्या जान लेसे कि हांव योहोवात न जलन मा आवीन यो कोवलु छे।
EZE 5:14 हांव तुख च्यारु धड़ेन मुलुकोन वीच, आखा आवने जाने वाळा देखतात उजाड़ीस, आरु तारी नावधराई कोरावीस।
EZE 5:15 “ओतरान कोरीन जव हांव तुसे रीस आरु रिसवाईन आरु बेसका तिखा रीसो भेळ डोन आपीस, तव तारा च्यारु मेर क जाती क अगळ नावधराई, ठट्ठा, भनाय, आरु भंगलाय होयसे, काहकी हांव योहोवा न यो कोहलो छे।
EZE 5:16 यो उना टेम मा होयसे, जव हांव उना लोगहन क नास कोरने क लिय तुमरे पोर बेसको तीखा तीर चालाड़ीस, तुमरे वीच काळ वोदाड़ीस, आरु तुमरा ओनोन काळ एने खाने काय नी जोड़से।
EZE 5:17 हांव तुमरा वीच काळ आरु जोंगली जोनवारे मुकलीस जे तुमुक विन ओवलियाद कोरसे; आरु मरी आरु लुहुय तुमरा वीच चालतो रोहसे; आरु हांव तुमरे पोर तलवार चालाड़ माँगीस, मेसे योहोवा न ओसो कोयो छे।”
EZE 6:1 ओळी योहोवा क यो बुल मारे यां पुग्यो:
EZE 6:2 “हे मनख्यान ओवलियाद, आपसो मुय इसराएल क बोयड़ा क भेनी कोरीन हेका विरुद्ध नबुवत कोर,
EZE 6:3 आरु कय, हे इसराएलन बयड़ा, पोरबु योहोवा क बुल समलु! पोरबु योहोवा टेकड़ा आरु बोयड़ा सी, आरु नाळा आरु घाटी गोथु ओसु कोवे: देखु, हांव तुमरे पोर तलवार चालाड़ माँगीस, आरु तुमरा पुजा क उँचा जागा क नास कोरीस।
EZE 6:4 तुमरी वेदी उजड़से आरु तुमरा दाहड़ान मुरतिया तुड़ाय जासे; आरु हांव तुमरे मा सी मोरला माईन क तुमरा मुरत्यांन अगळ नाख दीस।
EZE 6:5 हांव इसराएलियो क शव क हेनकी मुरतियो क अगळ मेकीस, आरु हेनका हाड़का क तुमरा वेदियो क आड़े धोड़े वेरवी दिस।
EZE 6:6 तुमरा जोतरा बोसाड़ला सोहोर छे, त्या आखा ओसा उजाड़ जासे, कि तुमरा पुजान उँचा जागा वी उजाड़ होय जासे, तुमरा वेदियाँ उजड़ी जासे आरु हिट पाड़से, तुमरा मुरतिया जात रोहसे आरु तुमरा दाहड़ान मुरतिया काटाय जासे: आरु तुमरी आखी कारीगरी मिटाय जासे।
EZE 6:7 तुमरे वीच मोरलात पोड़से, आरु तुमु जान लेसु कि हांव योहोवा छे।”
EZE 6:8 “ती वी हांव कोतोरक वाचाड़ीन राखीस। एकालिय जव तुमु देस देस मा खोरवाय जासु, तव मुलको मुलकोनक वीच तुमरा काहीन लोगहन तलवार सी वाच जासे।
EZE 6:9 त्या वाचला लोगहन, उना जातियो क विच, जेनुमा त्या बाँदाय होय जासे, मेसे फोम कोरसे; आरु यो वी कि हामरो व्यभिचारी काळजो योहोवा सी कोसो छेटो गयलो छे, आरु व्यभिचारीणी सारकी हामरा डुळा मुरतीयो पोर कोसी लागली छे, जेरेसी योहोवा क मोन टुटलो छे। एने रिते सी उना भुंनला कारण, जो त्या आपसा आखा भुनला काम कोरीन कोरला छे, त्या आपसा निंगा मा भुंनला कोहायसे।
EZE 6:10 तव त्या जान लेसे कि हांव योहोवा छे, आरु हेनकी आखी नुकसानी कोरने क हांव जो यो कोयो छे। चो वायेत नी कोयो।”
EZE 6:11 पोरबु योहोवा ओसो कोवे छे: “आपसा हात मारीन आपसा पाय नाखीन कोह, इसराएल क घोराना क आखा भुंनला कामो पोर थु! थु! काहकी त्या तलवार, भुख, आरु मोरी सी नास होय जासे।
EZE 6:12 जो छेटो होय त्यो मोरीस सी मोरसे, आरु जो धड़े होय त्यो तलवार सी मार नाख्यो जासे: आरु जो वाचीन सोहोर मा रोहता होईन घेरो जाय, त्यो भुकलोत मोरसे। ओस करीन हांव आपसी जलजलाहट उना पोर आखे रीते सी उतारीस।
EZE 6:13 जव होर एक उचा बोयड़ा आरु बोयड़ा क होर एक चोटी पोर, आरु होर एक निळा झाड़ क नेचा, आरु होर एक जादा अंजीर झाड़न साहवा मा, जाँ जाँ त्या आपसी आखी मुरत क सुखदायक गंदायन्या तेल चोड़ावे छे, चाँ हेनका मोरला लोगहन आपसी वेदी क आड़ेधोड़े आपसी मुरत क विच मा पोड़ रोहसे; तव तुमु लोगहन जान लेसु की हांव योहोवा छे।
EZE 6:14 हांव आपसा हात हेनका विरुद्ध वोदाड़ीन उना देस क आखा घोरो भेळ जोंगोल सी लीन रिबला सोहोर लोगुन उजाड़ कोर दिस। तव त्या जान लेसे कि हांव योहोवा छे।”
EZE 7:1 पोरबु योहोवा क यो बुल मारे पास पुग्यो,
EZE 7:2 “हे मनख्यान ओवलियाद, समळ। पोरबु योहोवा इसराएल क धोरतीन वाराम ओसो कोवे छे: कि नास हुयो; च्यारु खुना भेळ देस क नास आय गयलो छे।
EZE 7:3 ए इसराएल, सोमोव। तारो चेहलो वी आय गयो आरु हांव आपसा रीस तारे पोर भड़काविन तारा चालचालोन ओनसारे तुसे डोन आपीस; आरु तारा आखा भुंनला कामोन फोव तुसे आपीस।
EZE 7:4 मारी गिनोन निंगा तारे पोर नी होयसे, आरु नी हांव गीन नी कोरो, आरु जव लगुन तारा भुंनला पाप तारेम बोनला रोहसे तव लगुन हांव तारा चालचलन क फोव तुसे आपीस। तव जान लेसे कि हांव योहोवा छे।
EZE 7:5 “पोरबु योहोवा ओसो कोवे छे: पिड़ा क वाद पिड़ा! देख, तारे पोर पीड़ा आवे छे।
EZE 7:6 चेहलो आय गयलो छे, आखान चेहलो आवलो छे; त्यो तारे विरुद्ध जागलो छे। देखु, त्यो आवेत।
EZE 7:7 हे देसम रोहन्या, तारे लिय चक्र फिर चुक्यो, टेम आय गयो, दाहड़ा धड़े छे; बोयड़ा पोर खुशीन बुलन दाहड़ा नी, हुल्लड़न होयसे।”
EZE 7:8 हेमी थुड़ाक दाहड़ा मा हांव आपसी जलजाहट तारे पोर भोड़कावीस, आरु तारे फोर आखो कोप उथलावीस आरु तारा चालचलन ओनसारे तुखे डोन आपीस। तारा भुंनला कामोन फोव तुसे भुगताड़ीस।
EZE 7:9 मारी गिनोन निंगा तारे पोर नी होयसे आरु नी हांव तारे पोर गीन नी कोरीस हांव तारा चालचलन क फोव तुसे भुगताड़ीस, आरु तारा भुंनला पाप तारे मा बोनला रोहसे। तव तुमु जान लेसु कि हांव योहोवा डोन आपने वाळो छे।
EZE 7:10 “देखु, उना दाहड़ा, त्या आवेत छे! चक्र फिर चुक्यो, लाकुड़ फुग गोय, डाहवाय फुलो छे।
EZE 7:11 लोड़ाय वोदती वोदती पापोन डोन बोन गुयो; उना मा सी काहीन नी वाचसे, आरु निजी हेनकी गोड़दी, नी हेनका धोन मा सी काहिन रोहसे: आरु नी उना मा सी कुदान लिय विलाप समळाय से।”
EZE 7:12 टेम आय गुयो, दाहड़ा धड़े आय गुया छे; नि ते मुले लेनेवाळा खुशी कोरे आरु नी वेचने वाळा शोक कोरे, काहकी हेनकी आखी गोड़दी पोर रीस भोड़की उठलो छे।
EZE 7:13 चाहाय त्या जिवतला रोहे, तेवी वेचायली चिज क पास कोदी पोछो नी जोड़से; काहकी दर्शन नी यी वात देसन आखी गोड़दी पोर घोटसे, कुदु नी पोछो आवसे; कुय वी मानुस जो ओधोरोम मा जिवतला रोहे छे, ताकोत नी धोर सोकसे।
EZE 7:14 “त्या नरसिंगा फुँक्या आरु आखो काहीन तियार कोर देदो; पुन लोड़ाय मा कुय नी जातो काहकी देसन आखी गोड़दी पोर मारी रीस भोड़की छे।”
EZE 7:15 “सोहोरोन खोयड़े वेरीन तलवार टांगाय रोय, आरु सोहोर क धड़े महामारी एने काळन साहळो छे। जे सोहोर क खयड़े खयड़ा मा छे, त्या वेरीन तलवार सी मोत क घाट उतार जातो छे: आरु जे सोहोर क धोड़े छे, हेनको महामारी आरु काळ खाय जाये छे।
EZE 7:16 जे मानसे तलवार, महामारी आरु काळ सी वाच जाता छे, त्या बोयड़ा पोर ढास जाता छे। ये वाचला लोगहन ओसा छे मानु घाटो रोहनेवाळा पेरवा। होरीक वाचला मानसे आपसा आपसा ओधोरोम क लिय शोक मोनाय रोया छे।
EZE 7:17 हेनका हात मा ताकोत नि रोयो। बिक सी हेनका पाय कोमजुर छे;
EZE 7:18 त्या पोसतावो करने क लिय कोड़्या मा गोंटान छिंदरा पेहरीन। आतंक न हेनको ढाक लेदो छे। हेनका चेहरा सी ग्लानी टोपोक रोय। हेनका पोसतावान कारन आपसा मुनका क बुड़ देसे।
EZE 7:19 त्या आपसी चाँदी वाटो मा नाख देसे, आरु हेनका सोना विटळ कोहायसे; योहोवा क जलन क दाहड़ा हेनका सोना चाँदि हेनको नी वाचाड़से, नी उनासी उनाक जिव निरसो होयसे, नी हेनको पेट भोरायसे। काहकी त्या हेनका ओधोरोम क ठुकर क कारण होयला छे।
EZE 7:20 झुटा शान-सोकत क लिय त्या एना सोना चाँदी क गोहना बोनावता हुता। सोना-चाँदि सीत त्या घाड़ायीन मुरतिया आरु दिसरा घाड़ायन चिजे बोनावला हुता, एकालिय हांव एना सोना चाँदि क विटळ चिज बोनाय दिस, ओतरान कोरता हांव हेन्दरे जुगु विटोव चिज मेकीस।
EZE 7:21 “हांव यो सोनो चाँदि पारकान हातोम लुटोन रुप मा आप दिस। आखी कळी क भुण्डला हको लुट लेसे आरु सोना चाँदीन मुरतिया क विटोळ कोर देसे।
EZE 7:22 ओतरोत नी, हांव उनासी आपसो मुय फेरवी लीस, ताकि विधर्मी मारा मन्दिर रुपी भंडारन जागा मा भोरायसे, आरु हेको विटोळ कोर देसे।
EZE 7:23 “त्या हेको खाली कोर देसे। आखा देस आरु योरुसालेम सोहोर लुहुयवाळो आरु लोड़ायन्या कामोन सी भोराय गुयो छे।
EZE 7:24 एकालिय हांव राजोम आखा भुनला मुलुक क भोड़कावीस कि त्या इसराएल पोर लोड़ाय कोरे। त्या आवसे, आरु इसराएलियो क घोरो पोर होक कोर लेसे। ओसो हांव हेन्दरी मोटाय घाड़ाय क धुळा मा मिलाय दीस, आरु हेनका चुखलो जागो विटोळ होय जासे।
EZE 7:25 सत्यनास होयने पोर छे, तव हेरने पोर वी हेनको शांती नी जोड़से।
EZE 7:26 पिड़ा पोर पीड़ा आवसे आरु उड़ती जाईन वातो पोर वात समवायसे; आरु लोगहन कागळीया सी दर्शन नी वात पुछसे, पुन पुजारा क पास सी वेवोस्थान, आरु डाहलाक पास सी सम्मति आपनेन ताकोत जाती रोहसे।
EZE 7:27 राजा ते शोक कोरसे, आरु रईस उदास सारको छिंदरा पेहरसे, आरु देस क लोगहन क हाथ ढिला पोड़से। हांव हेनका चलन क ओनसारे हेनाका सी वेवहार कोरीस, आरु हेनकी कोमाय क सारको हेको डोन आपीस; तव त्या जान लेसे कि हांव योहोवा चे।”
EZE 8:1 ओळी छोटवे वरीस क छोटवे मोहनान पाँचवे दाहड़े को जोत्यार हांव आपसा घोर मा बठ्यो हुतो, आरु यहुदियो क डाहला मारे अगळ बोठला हुता। तेने टेमे पोरबु योहोवान ताकोत मारेम आवी।
EZE 8:2 तव हांव देख्यो कि आगठा सारको एक रुप देखा पोड़्यो, हेको कोड़्या सी नेचले धोड़े आगठो छे, आरु हेका कोड़्या सी उपोर पीतळ सारको चोमकी रोयो हुतो।
EZE 8:3 त्यो हात ओगो कोरीन मारा मुनकान झोटा धोरियो; आरु जीव न मेसे कळी आरु वादळा क विच मा चुटीन परमेश्वर को देखाड़ला दोरसोन मा योरुसालेम क मन्दिर क धड़े, आँगना क उना झोपला क धोड़े पुगाड़ देदा जेरो मुय बोखेवरे भेनी छे; आरु जिनामा उना घाड़ायीन मुरती को जागो हुतो हेका कारण सी घाड़ाय जागे।
EZE 8:4 ओळी चाँ इसराएल क परमेश्वर क सेक तसोज हुतो जसो हांव कोबार नोंदीन कातरे देख्यो हुतो।
EZE 8:5 त्यो मार सी कयो, “हे मानुसोन ओवलियाद, आपसा डुळा बोखेवरे भेनी देख।”अत: हांव आपसा डुळा बोखेवरे भेनी कोरीन देख्यो कि वेदी क झपला क बोखेवरे भेनी उना भोरायनीया झोपला मात त्यो घाड़ायन मुरती बोनायो।
EZE 8:6 तव त्यो मार सी कयो, “हे मानुस नी ओवलियाद, काय तु देखे छे कि ये काय कोर रोया? इसराएल क घोराना कायत मोटा घाड़ायीन काम याँ कोरतला, कि हांव आपसा चुखला जागा सी छेटा होय जाम; पुन तु एना सी वी जादा घाड़ायीन काम देखसे।”
EZE 8:7 तव त्यो मेसे आँगना क झपला पोर ली गुयो, आरु हांव देख्यो, कि भितड़ा मा एक डुचो छे।
EZE 8:8 तव त्यो मार सी कयो, “हे मानुस नु ओवलियाद, भीतड़ाक फुड़,” एकालिय हांव भितड़ा क फुड़ीन काय देख्या की एक झपलो छे।
EZE 8:9 त्यो मार सी कयो, “धड़े जाईन देख कि ये लोगहन यां कोसा कोसा आरु बेसका घाड़ायीन काम कोर रोया।”
EZE 8:10 हांव धड़े जाईन देख्यो कि च्यारु धड़ेन भितड़ा पोर भाति भातिन रेंगनेवाळा जिवे आरु घाड़्च्या जोनवारोन चित्र, आरु इसराएलियो क लारे पुजायनेवाळा देवी देवताओं क चित्र बनावला छे!
EZE 8:11 इसराएल क घोरानान डाहला मा गोथा सोत्तोर मानसे जेनका वीच मा सापान क पुर्‌यो याजन्याह वी छे, त्यो उना चित्रो क अगळ उबो छे, आरु होरीक मानु आपसा हात मा धूपदान लीन छे, आरु धूप क धुवाड़ा क वादळान गोंदाय उठ रोय।
EZE 8:12 तव त्यो मार सी कयो, “हे मानुसन ओवलियाद, काय तु न देख्यो कि इसराएल क घराना क डाहला आँधरला मा आपसा पुजान घोरोम काय कोर रोया? ये कोवे धे, कि पोरबु हामुक नी देखतो। त्यो ते हामरा देस क छुड़ीन चाली गुयो छे।”
EZE 8:13 ओळी त्यो मार सी कयो, “तु एनु सी आरु वी जादा घाड़ायीन काम देखीस जो त्या कोरे।”
EZE 8:14 तव त्या मेसे योहोवा क भवन क उना झपला क पास ली गुया जे बोखेवरे भेनी हुतो आरु चाँ बायरा बोठला तम्मुज देवता जुबु रोड़ रोया हुता।
EZE 8:15 तव त्यो मार सी कयो “हे मानुस नी ओवलियाद काय तुन यो देख्यो? ओळी एना सी वी मोटा घाड़ायीन काम तु देखीस।”
EZE 8:16 तव त्यो मेसे योहोवा क भवन क धड़े आँगना मा ली गुयो: आरु चाँ योहोवा क भवन क झपला क पास मन्डप आरु वेदी क विच थुड़ाक पोच्चीस मानसे आपसा वासाक योहोवा क भवन न आरु आपसो मुय उगेनवे भेनी कोरला हुता; आरु त्या उगेवने भेनी दाहड़ा क वांद रोया हुता।
EZE 8:17 तव त्यो मार सी कयो, “हे मानुस नु ओवलियाद, काय तु न यो देख्यो? काय योहुदा क घराना जुगु घाड़ायीन काम कोरनो जो त्या याँ कोरे नानी वात छे? त्या आपसा देस क घाड़ाय सी भोर देदा, आरु ओळी यास आवीन मेसे रीस देवाड़े। पुन त्या मानु मुय बोनावीन मेसे वेला पाड़े।
EZE 8:18 एकालिय हांव वी रीसवायला सारको काम कोरीस, नी हांव गीन कोरो। मारा डुळा सी सातायीन त्या ढासी नी सोके। त्या उचा बुल सी मेसे आयड़से ती वी हेनकी विनत नी सोमळो।”
EZE 9:1 ओळी त्यो मार कानटा मा उचा बुल सी आयड़ीन कयो, “सोहोर क आदाकारी क आपसा आपसा हात मा नास कोरनेन होतियार लीन धड़े आवु।”
EZE 9:2 एना पोर छव मानसे बोखवरे भेनी उपेरला झपलान वा सी आपसा हात मा मारनेन होतियार लिन आया; आरु हेनका वीन सोनोन छिंदरा पेहरला, कोड़्या मा लिखनेन दवात बाँदला एक आरु मानुस हुतो; आरु त्या आखा भवन क धड़े जाईन पीतळ क वेदी क धड़े उबो हुयो।
EZE 9:3 तव इसराएल क परमेश्वर क सेक करुब, पोर सी, जेनका उपोर त्यो रोया कोरतो हुतो, भवन क डेवढ़ी पोर उठ आयो हुतो; आरु त्यो उना सोनोन छिंदरा पेहरला मानसो क जे कोड़्या मा दवात बाँदला हुता, आयड़िया।
EZE 9:4 आरु योहोवा न उना सी कोयु, “एना योरुसालेम सोहोर क धड़े ओथान ओथा जाईन जोतरा मानसे उना आखा घाड़ायन कामोन कारन जे उनामा कोरे, दोम भोरता आरु दुखन कोरता आयड़े, हेनका माथा पोर सोहलानी लागाड़ दे।”
EZE 9:5 तव त्यो मारा समळतेन दिसरा सी कयो, “सोहोर मा हेनका पोछोळ चालीन मारता जावु; कुदा पोर गीन नी कोरनो आरु नी एक वी मानुस तुमरा डुळा सी वाचीन ढासनो नी जुवे
EZE 9:6 डाहला, जुवान, कुवारला, बाळ-बोच्‌चा, बायरा, आखाक मारीन नास कोरु, पुन जिना कुदा मानसोन माथा पोर ची सोहलानी होय, हेका धड़े नी जानो। मारा चुखला जागात सी शुरु कोरु। आरु त्या उना डाहला सी शुरु कोर्या जे परमेश्वरन भवनन अगळ हुता।”
EZE 9:7 ओळी त्यो उनासी कयो, “भवन काजे विटोळ कोरु, आरु आँगनाक धोड़ो सी भोर देवु, चालु, खोयड़े निकळु।” तव त्या निकळीन सोहोर मा मारने लाग्या।
EZE 9:8 जव त्या मार रोया हुता, आरु हांव एखलु रोय गुयो, तव हांव मुयोन भुरसे हिट पोड़्यो आरु आयड़ीन कयो, “हाय पोरबु योहोवा! काय तु आपसी रीस योरुसालेम पोर भड़कावीन इसराएल क आखा वाचला वी नास कोरीस?”
EZE 9:9 तव त्यो मार सी कयो, “इसराएल आरु योहुदा क घराना क भुनला काम बेसका जादात छे, याँ लगुन कि आखो देस लुहुय सी भोराय गुयो छे, आरु सोहोर पाप सी भोराय गुयो छे। काहकी त्या कोवे छे, योहोवा न कळी को छुड़ देदो आरु योहोवा काय नी देखतो।
EZE 9:10 एकालिय हांव हेनका कामोन फोव हेनकाज माथा पोर आपीस। हामं उना पोर गीनोन निंगा नी कोरीस। एक वी मानुस मारा डुळा सी वाचीन डासी नी सोकसे।”
EZE 9:11 तेने टेमे हांव देख्यो कि, जेरा कोड़्या मा लिटोन सांयोन डोब्बी बांदलो हुतो, यी खोबोर लायो, “पोरबु, जसो तु मेसे हुकुम आपलो हुतो, तसोज हांव कोर देदो।”
EZE 10:1 हांव डुळा उचा कोर्‌यो आरु यो देख्यो: करुब, मुनका उपोर वादळामोण्डळी छे, आरु एनु वादळामोण्डळी मा राजगादी सारको काहीन छे, जो नीलमणि सारको चोमकी रोयो।
EZE 10:2 ओळी योहोवा न उना सोनोन छिंदरा पेहरला मानुस सी कयो, “फिरनेवाळा चाकटा क विच करुब, क नेचो जा आरु आपसी दुयो मुठोक करुब, क वीच क अंगारा सी भोरीन सोहोर पोर खोव्‌वी दे।” त्या मार देखता देखता हेनका विच मा गोयो।
EZE 10:3 जव त्या मानसे धड़े गुया, तव त्या करुब, भोवनोन दोखेवरो उबो हुतो; आरु वादळो आँगना मा भोरायलो हुतो।
EZE 10:4 तव योहोवान सेक करुब, क उपर सी उठीन भवन क पोयड़ी पोर आय गुयो: आरु वादळो भवन मा भोराय गुयो; आरु त्यो आँगनो योहोवान ताकोतन विजाळा सी भोराय गुयो।
EZE 10:5 करुब, क पाखड़ा क बुल खयड़े आंगनाम लगुन समळाय देदो हुतो, त्यो ताकोतवाळो परमेश्वर क बुलनेन सारको बुल हुतो।
EZE 10:6 जब त्यो सोनोन छिंदरा पेहरला मानुस क फिरने क धड़े करुब, क वीच मा सि आगठो लेने हुकुम आप्यो, तव त्यो हेनका विच मा जाईन एक चाकटा क धड़ उबो हुयो।
EZE 10:7 तव करुब, क वीच सी एक करुब, न आपसो हात ओगो करीन, उना आगठा मा सी जो करुब, क बिच मा हुती, काहिन चुटीन सोनोन छिंदरा पेहरला मानुस क मुठ मा आप देदो; आरु त्यो हेको लीन खयड़े चाली गुयो।
EZE 10:8 करुब, क पाखड़ा क नेचा ते मानसोन हात सारको काहिन देखा पोड़तो हुतो।
EZE 10:9 तव हांव देख्यो कि करुब, क धड़े चार चाकटा छे: एक एक करुब, क धड़े एक चाकटो छे। चाकटा क रुप रंग किमती दोगड़ा सारको चोमोकन्यो छे।
EZE 10:10 आखा चाकटा रुप, च्यारु एक सारका देखायतला, जोसा एक चाकटा क वीच दुसरो चाकटो होय।
EZE 10:11 चालनेन टेमे त्या आपसी च्यारु अलंगो क ताकुत सी चालतला छे: आरु चालते टेमे वोवतला नी, पुन जेंखेर हेनको मुनको रोहतलो त्या तेंखेरुत हेका पछळ चालतला छे आरु चालते टेमे त्या ववतला नी।
EZE 10:12 हांव देख्यो कि करुब, क आखो डीलोम वासो, हात आरु पाखड़ा मा एने हेनका धड़ेन चाकटा मा वी आखा भेनी डुळा डुळा छे।
EZE 10:13 मार सोमवता एनु चाकटाक चक्कर कोयो, फिरनेवाळा टायरा।
EZE 10:14 एक एकोन च्यार‍ च्यार मुय हुता: एक मुयोन ते करुब, सारको, दुसर मुय मानसो सारको, तीसरो मुय नाहरो सारको, आरु चवथो मय घुवोड़ चिल्‌ला सारको।
EZE 10:15 करुब, भुमी पोर सी उठ गुया। ये त्यात जीवधारि छे, जे हांव न कोबार नोंदी क पास देख्यो हुतो।
EZE 10:16 जब जब त्या करुब, चालता हुता तब तब त्या चाकटा हेनका पास पास चालता हुता; आरु जव जव करुब, कळ पोर सी उठने क लिय आपसा पाखड़ा उठावतला तव तव चाकटा हेनका पास सी नी वोवता हुता।
EZE 10:17 जव त्या उबा होयतला तव ये वी उबा होयतला हुता। आरु जव त्या उठतो तव ये वी हेनका भेळ उठतो हुता; काहकी जिवधारियो क जीव एनुम रोहती हुती।
EZE 10:18 योहोवान सेक भवन क पाटड़ी पोर सी उठीन करुब, क उपोर बोस गोयो
EZE 10:19 तव करुब, आपसा पाखड़ा चुटीन मार देखता देखता कळी पोर सी उठीन निकळी गुया; आरु चाकटा वी हेनका भेळ भेळ गुया, आरु त्या आखा योहोवा क भवन क उगेनले झपला मा उबा हुय गुया; आरु इसराएल क परमेश्वर क सेक क हेनका उपोर बोस रयो।
EZE 10:20 ये त्यात जीवधारि छे जे हांव न कोबार नोंदी क पास इसराएल क परमेश्वर क नेचो देखलो हुतो, आरु हांव न जान लेदो कि त्या वी करुब, छे।
EZE 10:21 एक एक क चार मुय आरु च्यार पाखड़ा आरु पाखड़ा क नेचा मानसो सारका हात वी हुता।
EZE 10:22 हेनका मुखो क रुप त्यो छे जे हांव कोबार नोंदी क धड़े देखलो हुतो। हेनका मुख काय पुन हेनका आखा डिल वी तसोज हुतो। त्या सुदा आपसा आपसा ओगळुत चालता हुता।
EZE 11:1 तव आत्मा ने मेसे उठाड़ीन योहोवा न भवन क उगेनला झपला क धड़ जेको मुय उगेनले भेनी छे, पुगाड़ देदो; आरु चाँ हांव न काय देख्यो, कि झपलात मा पच्चीस मानसे छे। हांव हेनका वीच अज्जुर क पुर्‌यो याजन्याह क आरु बनायाह क पुर्‌यो पलत्याह क देख्यो, जो प्रजा क डाहलो हुतो।
EZE 11:2 तव त्यो मार सी कयो, “हे मानुस नु ओवलियाद, जे मानसे एना सोहोर मा भुनलो कोरनेन आरु भुनलो कोरनेन विचार कोरता होय त्या येज छे।
EZE 11:3 ये कोवे छे, घर बनावने क टेम धड़े नी, यो सोहोर हांडो आरु हामु उनामा क मास छे।
EZE 11:4 एकालिय हे मानुस क ओवलियाद, एनका विरुद्ध भोगवानो वोगे गोथी वात देखाड़, भोगवानो वोगे गोथी वात।”
EZE 11:5 तव योहोवा क जीव मार पोर उतरीयो, आरु मार सी कयो, असो कोह, योहोवा असो कोवे छे: हे इसराएल क घोराना, तुमु ओसाज कोहला छे: जो काहीन तुमरा मोनोम आवे छे, ओको हांव जानो छे।
EZE 11:6 तुमु ते एना सोहोर मा बेसका मार नाखला पुन हेका वाटोक धोड़ो सी भोर देदला छे।
EZE 11:7 “ओस कोरीन पोरबु योहोवा असो कोवे छे: जेनु मानसोक तुमु एनाम मार नाखला छे, हेनका शव एना सोहोररुपी हांडाम क मांस छे: आरु तुमु एका वीच सी निकळी जासु।
EZE 11:8 तुमु तलवार सी बिहता होय, आरु हांव तुमरे पोर तलवार चालाड़ीस, पोरबु योहोवान यो बुल छे।
EZE 11:9 हांव तुमुक एरेम सी निकाळीन पारकादेस क हात मा कोर देसु, आरु तुमुक डोन आपाड़ीस।
EZE 11:10 तुमु तलवार सी मारीन पाड़सु, आरु हांव तुमरा डोन इसराएल क देस क काकड़ पोर चुकाड़ीस; तव तुमु जान लोसु कि हांव योहोवा छे।
EZE 11:11 यो सोहोर तुमरे जुगु हंडा नी बोनसे, आरु नी तुमु एनामा क मास होयसु; हांव तुमरा डोन इसराएल क देस क काकड़ पोर चुकाड़ीस।
EZE 11:12 तव तुमु जान लेसु कि हांव योहोवा छे; तुमु ते मारा कायदा पोर नी चाल्या, आरु मारा कायदा क तुमु नी मान्या; पुन आपसा च्यारु भेनीन मुलुकोन रितियो पोर चाल्या होय।”
EZE 11:13 हांव ओस कोरीन भोगवानो वोगे गोथी वात कोर रोयो हुतो किक बनायाह क पुर्‌यो पलत्याह मोर गुयो। तव हांव मुयोन भुरसे हिट पोड़्यो उचा बुल सी आयड़ी उठ्यो, आरु कयो, “हाय पोरबु योहोवा, काय तु इसराएल क वाचला क सत्यानास कोर नाखसे?”
EZE 11:14 तव योहोवा क यो बुल मार पास पुग्यो,
EZE 11:15 “हे मानुस नु ओवलियाद, योरुसालेम क निवासियो न तारे धड़े भास्यो सी, पुन इसराएल क आखा घराना सी वी कहलो छे कि तुमु योहोवा क पास सी छेटा होय जावु, यो देस हामरा होक मा आप देदलो छे।
EZE 11:16 कदाम तु उना सि कोवे, पोरबु योहोवा असो कोवे छे: हांव तुमुक छेटा छेटान मुलको मा बसाड़ियो आरु देस देस मा वेरावेर कोर देदो छे, तेवी जिना देसो मा तुमु आवला होय, उना मा हांव आपसो तुमरे लिय थुड़ाक दाहड़ा लगुन चुखला जागाम रोहिस।
EZE 11:17 एकालिय उनासी कोह, पोरबु योहोवा असो कोवे छे: हांव तुमुक मुलुक मुलुकोम क लोगहन क विच मा वेरविस, आरु जिना देसोम तुमु वेरावेरा कोरला छे, उनामा सी तुमुक एकठा कोरीस, आरु तुमुक इसराएल क जागो आपीस।
EZE 11:18 त्या चाँ पुगीन उना देस क आखा घाड़ायीन मुरते आरु आखा घाड़ायीन काम वी उनामा सी छेटो कोरसु।
EZE 11:19 हांव हेनका काळजा एक कोर दीस, आरु हेनका धड़े नोवली आत्मा उपजाड़ीस, आरु हेनका डील मा सी दोगड़ा सारको काळजो निकाळीन हेको मांस क काळजो आपीस,
EZE 11:20 जेरेसी त्या मारा कायदा पोर दाहड़ी चाल्या कोरे आरु मारा कायदाक माने; आरु त्या मारी पोरजा कोहायसे, आरु हांव हेनको परमेश्वर कोहाईस।
EZE 11:21 कदाम त्या लोगहन जे आपसी घाड़ायीन मुरती आरु घाड़ायीन कामोम मोन लागाड़ीन चालता रोहे छे, हेनको हांव असो कोरीस की हेनकी चाल हेनका मुनका पोर पोड़से, पोरबु योहोवा क यो बुल छे।”
EZE 11:22 करुब न आपसा पाखड़ा खवळ्या। चाकटा वी हेनका भेळ भेळा चाल्या। करुब, क उपोर इसराएल क परमेश्वर क सेक हुतो।
EZE 11:23 देखता देखता योहोवा क सेक सोहोरोन विच सी निकळीन वादळा मा उठ गुयो। हांव देख्यो कि योहोवा क ताकोत उना बोयड़ा पोर रोय गुयो जो सोहोर क उगेनले भेनी छे।
EZE 11:24 ओळी हांव परमेश्वर क जीव क लारे यो दर्शन देख्यो: आत्मा न मेसे उठाड़्यो आरु कोसदि देस मा निकाळीन मारी जाति भाय बोन्या क मेसे पुगाड़ देदो। ऐरे वाद दर्शन सोर गुयो।
EZE 11:25 तव जोतरी वाते योहोवा न मेसे देखाड़्यो हुतो, ची हांव न बांदायला क बताड़्यो।
EZE 12:1 ओळतेन योहोवा क यो बुल मार पास पुग्यो,
EZE 12:2 “हे मानुस नु ओवलियाद,” तु लोड़ाय कोरनेवाळा घराना क विच मा रोहे छे, जेनका देखने क लिय डुळा ते छे, पुन नी देखे, आरु समळने क लिय कानटा ते छे पुन नी समळे; काहकी त्या लोड़ाय कोरनेवाळा घरानान छे।
EZE 12:3 “एकालिय हे मानुसोन ओवलियाद, दिसु बाँदायीन सोमान तियार कोरीन हेनका देखतात उठ जाजी, हेनका देखतात आपसा जागाक छुड़ीन दीसरे जागे जाजी। कदाम त्या लोड़ाय कोरनेवाळा घरानान छे तीवी पाको छे कि त्या धियान देये।
EZE 12:4 ओतरान कोरीन तु दाहड़ा क देखतात बाँदाय क सोमान क जोसो आपसो सोमान निकाळजी, आरु ती तु साँतो बाँदाय मा जानेवाळ क जोसो हेनका देखतात उठ जाजी।
EZE 12:5 हेनका देखतात भितड़ा क फुड़ीन ओकाज सी आपसो सोमान निकाळजी।
EZE 12:6 हेनका देखतात हेको आपसा खाँदा पोर चुटीन आँदारलाम निकाळजी, आरु आपसो मुय ढाँक रोहजी कि धरती तुसे नी देखा पोड़े; काहकी हांव तुसे इसराएल क घराना क लिय एक सोहलानी बोनावला छे।”
EZE 12:7 हेकी हुकुमन ओनसारे हांव तसोह कोर्‌यो। दिसु हांव आपसो सोमान बाँदाय क सोमाज क जोसो निकाळ्यो, आरु साँतो आपसा हात सी भितड़ा क फुड़्यो; ओळतेन आँदरलाम सी सोमान निकाळीन, हेनका देखतात आपसा खाँदा पोर चुटीन चाली गुयो।
EZE 12:8 संदारे योहोवा क यो बुल मार पास पुग्यो,
EZE 12:9 “हे मानुस नु ओवलियाद,” काय इसराएल क घराना न उना लोड़ाय कोरनेवाळा घराना न तुसे यो नी पुछ्या, यो तु काय कोर रोयु?
EZE 12:10 तु उना सी कोव, पोरबु योहोवा असो कोवे छे: यो ताकोतवाळो बुल योरुसालेम क डाहला मानुस आरु इसराएल क आखा घरानान वाराम छे जेका विच मा त्या रोहे छे।
EZE 12:11 तु उनासी कोव, हांव तुमरा लिय सोहलानी छे; जसो हांव न कोर्‌यो छे, तसोज इसराएली लोगहन सी वी कोर्‌यो जाए; हेनको चुटीन बाँदाय मा जानो पोड़से।
EZE 12:12 हेनका विच मा जे डाहला छे, त्या आँधारला मा आपसा खाँदा पोर भार चुटीन निकळसे, त्या आपसा सोमान निकाळने क लिय भितड़ तुड़से, आरु आपसा मुय ढाँक रोहसे कि हेको जागा नी देखा पोड़े।
EZE 12:13 हांव उना पोर आपसी जाळ खोव्‌वीस, आरु त्या मार फांदा मा फोस जासे; आरु हांव उना कोसदियो क देस क बेबीलोन शोहोरोम मा पुगाड़ दिस; कदाम त्या उना सोहोर मा मोर जासे, तेवी हेको ओनी देखाड़से।
EZE 12:14 जोतरा हेनका सहायक हेका आड़े धोड़े होयसे, हेनको आरु हेनकी आखी टुळीक हांव आखे छोमकीर वेरवी दीस; आरु तलवार हापकीन हेनका पछळ चालाड़ीस।
EZE 12:15 “जव हांव उना मुलुक मुलुकोम वेरवी दीस आरु देस देस मा इतरेन तितरे कोर दिस, तव त्या जान लेसे कि हांव योहोवा छे।
EZE 12:16 कदाम हांव उना मा सी थुड़ाक लोगहन क तलवार, भुक आरु मोरने सी वाचाड़ीन राखीस; आरु त्या आपसा घाड़ायीन कामोक उना जातियोम वाराम कोरसे हेनका विच मा त्या पुगसे; तव त्या जान लेसे की हांव योहोवा छे।”
EZE 12:17 तव योहोवा को यो बुल मार पास पुग्यो,
EZE 12:18 “हे मानुस नु ओवलियाद, कापता जाईन आपसो रुटो खाजी आरु थरथरायता आरु फीकुर कोरता जाईन आपसो पानी पीजो,
EZE 12:19 आरु एना देस क लोगहन सी यो कोहजी, कि पोरबु योहोवा योरुसालेम आरु इसराएल का देस मा रोहनेवाळान वारा असो कोवे छे; त्या आपसा रुटा फीकुर पुटी खासे, आरु आपसा पानी बिकोम पीसे; काहकी देस आपसा आखा रोहनेवाळा क गाँडाय सी आपसी आखी भरपुरी सी छेटा होय जासे।
EZE 12:20 बोसला सोहोर उजड़ी जासे, आरु देस वी उजाड़ होय जासे, तव तुमु लोगहन जान लेसु की हांव योहोवा छे।”
EZE 12:21 ओळतेन योहोवा को यो बुल मार पास पुग्यो,
EZE 12:22 “हे मानुस नी ओवलियाद,” यो काय कोहाड़ो छे जे तुमु लोगहन इसराएल क देस मा कोया कोरतला, दाहड़ा जादा होय गुयला छे, आरु दर्शन नी काय वात पुरी नी होयी?
EZE 12:23 एकालिय उना सी कोय, पोरबु योहोवा असो कोवे छे, हांव एनी कहावत को बोंद कोरीस; आरु एना कोहाड़ाक इसराएल पोर ओळी नी चालसे। तु उना सी कोय कि त्या दाहड़ा आहना आय गुयला छे, आरु दर्शन नु आखी वाते पुरी होयने वाळी छे।
EZE 12:24 “काहकी इसराएल क घराना मा नी ते आरु जादा झुट दर्शन नी काय वात आरु नी काय चिकनी चुपड़ी वात ओळी कोवायसे।
EZE 12:25 काहकी हांव योहोवा छे, जोत्यार हांव कोह, तव ते बुल हांव कोहो, त्यो पुरो होय जासे। उनामा वार नी होयसे, पुन हे लोड़ाय कोरनेवाळा घराना, तुमरात दाहड़ा मा हांव बुल कोहीस, आरु त्या पुरो होय जासे, पोरबु योहोवा नु यो बुल छे।”
EZE 12:26 ओळी योहोवा क यो बुल मार पास पुग्यो,
EZE 12:27 “हे मानुस नी ओवलियाद देख, इसराएल क घरानान लोगहन यो कोय रोया छे, जे दर्शन त्या देखे, त्या बेसका दाहड़ा वाद पुरो होयनेवाळा छे; आरु की त्या छेटान टेमोन वाराम भोगवानो वोगे गोथी वात कोरे छे।
EZE 12:28 एकालिय तु उना सी कोय, पोरबु योहोवा असो कोवे छे: मार काहना बुल को पुरो होयनेम ओळी वार नी होयसे, पुन जो बुल हांव कोहो त्यो छाचिन पुरो होयसे, पोरबु योहोवा को यो बुल छे।”
EZE 13:1 योहोवान यो बुल मारेन्चा पुग्यो, योहोवा न मार सी कयो,
EZE 13:2 “हे मानुसन ओवलियाद,” “इसराएल क जो कागळीयो आपसाज मोन सी भोगवानो वोगे गोथी कोरे, हेनका विरुद भोगवानो वोगे गोथी वात कोरीन तु कोय, योहोवा को बुल समळ!”
EZE 13:3 पोरबु योहोवा असो कये: हाय, उना विन ओकलीया कागळीया पोर जो आपसाज जीव पछळ भोटकी जाय, आरु काहनो दोरसोन नी आपलो हय!
EZE 13:4 हे इसराएल, तारा कागळीया खाढान कुल्या सारका बोनला छे।
EZE 13:5 तुमु खाढा बुजीन इसराएल क घराना जुगु भीतड़ा नी सुदारीया, जेरेसी त्या योहोवा क दाहड़े लोड़ाय मा उबा नी रये।
EZE 13:6 त्या लोगहन जे कोवे, योहोवा क यो बुल छे, जव हांव थार को मुकल्यो नी हुतो। तुमु मार सी होर कोरता होय की हांव तुमरी झुटी भोगवानो वोगे गोथी वात को पुरो कोरो? ते वी योहोवा हेनुक नी मुकल्यो
EZE 13:7 काय तुमरो दोरसोन झुटो नी होय, आरु काय तुमरो झुट मुटन वेवहार नी कोहतला? तुमु कोहता होय, योहोवा भगवाण यो बुल छे; पुन हांव न काय नी कयो।
EZE 13:8 एना कारण सी मारो मालिक योहोवा हांय छाचीत् काहय कयसे, त्यो कये, तमु झुठ कया। तमु हसला दर्शन देखिया जो छाचा नी हुता। हतरान करीन हांव परमेश्वर हांय तुमरे विरुध्द मा छे। मारो मालिक योहवा यीत् वात कयो।
EZE 13:9 योहोवा कयो हांव हेनु कागळीयान क डण्ड आपीस जे झुटला दर्शन देखीया आरु जे झुट कया। हांव हेनको मार लोगहन मा सी अलग करीस। हेनका नाव इसराएल न परिवार न सुची मा नी रये। चे इसराएलोन मुलुकोम नी भोराय सोके, एनासी तुमु जान लेसु की हांव योहोवा भोगवान छे।
EZE 13:10 “त्या झुटा कागळीया ताळ-ताळ मारा मानसो की झुट कोया। कागळीया ते कोयो की शांती रोहसे आरु त्या शांती नी होय। लोगहन को भीतड़ो वातड़ो कोरनो छे आरु लोड़ायीन तियारी कोरनो छे। पुन त्या टुटला भितड़ा पोर नीपीन एक पातळो चोप नीप रोया।
EZE 13:11 हे मोनखीया, नीपनो चुपेड़नो कोरनेवाळा झुटा कागळीया सी कोव की भितड़ो हिट पोड़से; काहकी घोनु छाटू मोटलु पानी पोड़से, आरु मोटला मोटला गारा वी पोड़से, आरु घोनी आँजी वी पोड़से।
EZE 13:12 जोत्यार भितड़ो हिट पोड़से तोत्यार काय मानसे तुमरे सी यो नी कोवसे, तुमु भितड़ा पोर नीपीया ने चुपड़ीया, त्यो कां गोयो?”
EZE 13:13 ओतरान कोरीन पोरबु योहोवा ओसो कोवे : हांव रीसोन मोटली आंजी उहवाड़ीस। मारा रीसोन कारण मोटलु पानी पोड़से। हांव रीसोम मोटा मोटा गारा पाड़ीस, आरु हेको नास कोस दिस।
EZE 13:14 इने रिते जेना भितड़ाक तुमु नीपनो चुपेड़नो कोरला छे, हेको हांव धुवाम भेसकी दिस। हांव हेकी कुड़ची लोगुन उखाय दिस। जोत्यार त्या पोड़से तोत्यार तुमु वी उना मा डाबायीन मोर जासु। तोत्यार तुमुक मालुम होयसे की हांव ही पोरबु छे।
EZE 13:15 “ऐने रीते हांव भितड़ा पोर, आरु हेको नीपनेवाळा कागळीया पोर आपसी रीस उतारीस। तोत्यार हांव तुमुक पुछीस, कां गोयो तुमरो भितड़ो, आरु कां गोया हेनाक चुपेड़नीया?”
EZE 13:16 ये इसराएलोन कागळीया योरुसालेमन वारु रीते विनता कोरता हुता। ये योरुसालेमोन शांतिन सोपना देखता हुता, पुन होंया शांति हुतीत नी। मालीक पोरबुन यो बुल छे।
EZE 13:17 हे मानसो, हेमी तु आपनी जातीन भाय बोन्यान पोरायटान सांबु आपसो मुय उघाड़। ये आपसात मोनोम भोगवानो वोगे गोथी वात कोरे। तु झुटी भोगवानो वोगे गोथी वात कोरनेवाळा एनु कागळ्यायोन सांबु विनता कोर।
EZE 13:18 उनासी कोव, मालीक पोरबु ओसो कोवे की: “बाय तुमरे पोर पिड़ा आवसे। तुमु मानसोन कुहनीया पोर पेहेरने जुगु छिंदरान तावीज सीवु, तुमु मानसोन मुनका पोर बांदने जुगु खास तावी बोनावु। तुमु कोवे की यी चिजे मानसोन जिवोनक वाचाड़ने कोरीन जादुन ताकोत राखे। तुमु ओतरोत आपसी जिवाय राखने कोरीन हेनु मानसोन जाव मा फाँदे पोड़ जाय?
EZE 13:19 तुमु मुठ भोरीन जोव गोंहोंव आरु थुड़ाक रुटान भुकरा लीन मारा आपना मानसोन ओगोळ मेसे विटोळ कोरला छे। तुमु ओसा मानसोन मार नाखु, जेनुक मोरनो नी जुवे; आरु ओसा मानसोक जिवतेला राखु, जेनुक जिवतेला नी रोहनो जुवे। तुमु मारा मानसो सी झुट कोहु, जेनुक झुट सोमोळनो गोंहवे।
EZE 13:20 “ओतरान कोरीन मालिक पोरबु ओसु कोवे: तुमु जेनु तावीजोन लारे जिवोक शिकार कोरे, हांव, हेनका विरुद छे। हांव हेनको, तुमरा बाजीबोनोक, बाहोम सी उतराय लीस, आरु जीवोक तुमरा जावोम सी छुड़ावीन चिल्‌लान तोसु उड़ाय दिस।
EZE 13:21 हांव तुमरा डाहडान बुरकाक नुचड़ी नाखीस, आरु आपसा मानसोक तुमरा हातोम सी छुड़ाय लीस। त्या ओळी कोदी तुमरा हातोन शिकार नी बोने। तोत्यार तुमुक पोतु चालसे कि हांव पोरबु छे।
EZE 13:22 “हांव धोरमी मानसोक डोगायने नी देदो, पुन तुमु आपसी झुटी भोगवानो वोगे गोथी वातो सी हेनको डोगाड़ीया। तुमु भुंडा मानसोक खुश कोरु की त्या आपसा भुण्डला कामोक नी छुड़े। कदाम भुंडला आपसो भुंडो काम छुड़ देय ती त्या जिवतेला रोहे।
EZE 13:23 ओतरान कोरीन हे नोबियो! तुमु ओळी कोदी झुटा दोरसोन नी देखसु, आरु नी विचार कोरसु। हांव तुमरा जावोम सी आपसा लोगहोन को छुड़ाय लीस। तोत्यार तुमुक पोतु चालसे की हांवुत पोरबु छे।”
EZE 14:1 इसराएलोन थुड़ाक डाहला म्हारे यां आया, आरु त्या मार ओगोळ वात कोरने बोठ गोया।
EZE 14:2 उनात टेमे पोरबु यो बुल मेसे जोड़्यो। पोरबु म्हार सी कयो,
EZE 14:3 ऐ मनुसोन पुर्या, ये मानसे ते आपसीत मुर्ती आपसा मोनोम बोसाड़ लेदा, आरु ये धोरमोन वाटे चालने से पेहेलुत आपसा ओगोळ पाप कोर रोया, ती काय ये ठुकर नी खासे? ये मारी मोरजी जानने कोरीन तारेन चा आवला छे। काय हांव इनुक जोपाप आपीस? कोदी नी।
EZE 14:4 तु इनुक यी वात कोय दे, आरु इनुसी कोव, मालिक पोरबु ओसो कोवे, इसराएली घोरानान जे मानसे आपसा देवोन मुरती आपसा मोनोम बोसाड़से, आरु ओसा धोरोमोन वाटे चालने सी पेहेल आपसा ओगोळ भुनला कामे कोरे, आरु म्हार मोरजी जानने जुगु कागळीयान चां आवसे, ती हेनको हांव म्हारे रीते जोपाप आपीस; त्या आपसी निगिनाये ओतरी मुरतीन सारको बेस डोन जोड़से।
EZE 14:5 जेरेसी इसराएलोन घोरानो, जो आपसी मुरतीन लारे मेसे छुड़ीन छेटा होय गोयला छे, हेनुक हांव तिंदरा मोनोन लारे फोसाड़ीस।
EZE 14:6 ओतरान कोरीन इसराएलोन घोराना सी कोव, मालिक पोरबु ओसु कोवे: इसराएलोन घोराना पोसतावु कोरु। आपसी मुरतीया छुड़ देवु; आरु आपसा भुंनला कामोक छुड़िन। ऐ इसराएलोन घोराना, मारे भेनी आत रोवु।
EZE 14:7 काहकी इसराएलोन घोराना मा सी आरु हेनका विच रोहनेवाळा पारका मा सी वी कुय काहा नी होय, जे मार पोछोळ चालनो चाहाय छुड़ीन आपसी मुरतीयाक आपसा मोनोम बोसाड़ीया कोरे, आरु आपसा पापन ठुकोर आपसा ओगोळ राखे, आरु तोत्यार मार सी आपसी काहानी वात पुछने कोरीन कागळीयान चा आया, ती हेनको हांव योहोवा आपसुत जोपाप आपीस।
EZE 14:8 हांव तिना मानसोन विरुद होयीन हेनको सार दीस, आरु सोहलानी राखीस; आरु हेनको कोहाड़ो चालाड़ीस आरु हेनुक आपसा मानसो मा गोथु नास कोरीस; तोत्यार तुमु मानसे जान लेसु की हांव योहोवा छे।
EZE 14:9 “आरु कागळीया धुकु खायीन काहनलो बुल कोया होय, ती जानु की हांव योहोवा उना कागळीयाक धुकु आपलो छे; आरु हांव आपसो हात हेनका विरुद ओगु कोरीन तिनाक आपसा मानसो इसराएल मा गोथु नास कोरीस।
EZE 14:10 त्या आखा मानसे आपसा आपसा भुंनला कामोन भार हुचलसे, जोसो कागळीया सी पुछनेवाळान भुंनला काम कोहायसे, तोसोत कागळीयान वी पाप कोहायसे।
EZE 14:11 काहाकी इसराएलोन घोराना ओगोळ म्हारे पोछोळ चालनो नी छुड़ु आरु नी आपसा भाति भातिन गुनान लारे ओगा विटोळ बोने; पुन त्या मार लोगहन बोने आरु हां हेनको परमेश्वर कोहायीस, पोरबु योहोवान यो बुल छे।”
EZE 14:12 योहोवान यो बुल म्हारे यां पुग्यो,
EZE 14:13 हे मानसोन पुर्या, जोत्यार काहनला देसोन लोगहन मार सी धुकु कोरीन पापी होय जाय, आरु हां आपसो हात ओगु कोरीन उना देसन विरुद् उना मा खानेन घोटी कोर दोम, आरु उना देसम काळोन टेम लाय दोम उनाम सी मानसे आरु ढुरोक दुयोक नास कोरो,
EZE 14:14 ती चाहाय उना मा नुह, दानियेल, आरु अय्युब ये तीनु मानसे होय, ती वी आपसा धोरमोन लारे कुदु आपसोत जिव वाचाड़ सोकसे; पोरबु योहोवान यो बुल छे।
EZE 14:15 कोदाम हांव काहनला देसोम जोंगली जोनवारे मुकलो जे हेनको कुसेनतात आरु त्यो उजाड़ नाखे, आरु जीवोनोन कारण काय उनामा होयीन नी जाय,
EZE 14:16 तु चाहाय उनामा त्या तीन मानसे होय, ती वी पोरबु योहोवान यो बुल छे, मारा जिवनोन आन, नी त्या पुर्याक आरु नी पोरायटाक वाचाड़ सोकसे, त्या ते ऐखला वाचसे; पुन देस उजाड़ होय जासे।
EZE 14:17 कोदाम हांव उना देस पोर तलवार हापकीन कोहो, हे तलवार उना देस पोर चाल; आरु ऐने रीते हांव उना मा सी मानसो आरु ढुरोक नास कोरो,
EZE 14:18 ती चाहाय उनामा त्या तीन धरमी मानसे वी होय, ती वी पोरबु योहोवान यो बुल छे, मार जोवनोन आन, नी ते पुर्याक आरु नी पोरायटाक वाचाड़ सोकसे, त्या ते ऐखला वाच जासे।
EZE 14:19 “कोदाम हांव उना देस मा महामारी मुकली सोको। हांव उना लोगहन पोर मारि रीसोन पानी पाड़ीस। हांव आखा मानसो आरु जोनवारीयाक उना देस सी छेटु कोर दिस।
EZE 14:20 ती चाहाय नुह, दानियेल आरु अय्युब वी उनाम होय, तीवी, पोरबु योहोवान यो बुल छे, मारा जिवनोन आन, त्या नी पुर्याक आरु पोरायटाक वाचाड़ सोकसे, आपसा भुंनला कामोन लारे त्या कुय आपसान जीवोक वाचाड़ सोकसे।”
EZE 14:21 “काहाकी पोरबु योहोवा ओसो कोवे: हांव योरुसालेम पोर आपसी च्यारु डोन पुगाड़ीस, तलवार, काळ, भुंनला जीवे आरु महामारी, जेरेसी मानसे आरु ढुरे आखा उनाम नास होये।
EZE 14:22 ती वी उनामा थुड़ाक पुर्या पोरायटा वाचसे जे चां सी निकाळीन तुमरे चां पुगाड़ीस, आरु तुमु हेनको चालचालोन आरु कामोक देखीन हेनी पीड़ान वारा जो हांव योरुसालेम पोर नाखीस, पुन जोतरी पीड़ा हांव उना पोर नाखीस, उना आखान वाराम शांति जोड़से।
EZE 14:23 जोत्यार तुमु हेनको चालचालोन आरु काम देखु, तोत्यार त्या तुमरी शांतिन कारण होयसे; आरु तुमु जान लेसु की हांव योरुसालेम मा जो काहीन कोर्‌यो, त्यो विगुर कारण नी कोर्य पोरबु योहोवान यो बुल छे।”
EZE 15:1 पोरबु योहोवान यो बुल मारे यां पुग्यो, पोरबु मारेसी कोयो,
EZE 15:2 ऐ मानसोन ओवलियाद, आखा झाड़ोम ओंगुरोन डाळ्या काय कामे आवे? काय ओंगुरोन डाळ्या धोपाड़नेन निंगा सी जोंगोलोन झाड़कान लाकड़ा सी वारु रोहे?
EZE 15:3 काय सुतार हेरा लाकड़ाम सी काहीन सोमान बोनावे? काय मानसे खुटा बोनावे आरु टाहरा हेरेसी टांगे?
EZE 15:4 नी, मोनख्या, ओंगुरोन डाळ्या लाकड़ाम आगलोत आगठाम धोपाड़नेम काम आवे। आगठो हेरे दुयो धोड़े गोथो सिलगीन रुखड़ु कोर देय, आरु हेका वीच वाळो आदरीतो धोपलो रोय जाय``````। देखाड़, काय होयो काहनला काम मा आय सोके?
EZE 15:5 ऐने रीते जोत्यार होयो नी धोपलो हुतो, तोत्यार वी त्यो काहानला काम मा नी हुतो। आरु हेमी जोत्यार आगठाम रुखड़ु होय गोयलो छे, ती काय हुयो काहनला कामोम आय सोके?
EZE 15:6 एरेन कोरीन! मालिक पोरबु ओसु कोवे: जोसु हांव जोंगोलोन आखा झाड़कान लाकड़ा मानसोन जातीक धोपाड़ने जुगु आपलो छे, तोसोत हांव योरुसालेमोन रोहनीया वेरीन हातोम आप दिस; काहकी त्या ओंगुरोन डाळ्यान लाकड़ा सारका रिकामा होय गोलया छे।
EZE 15:7 हांव उनासी मुय फेरवी लिस आरु उना पोर मारी रीस आगठा सारकी भोड़ेकसे। कोदाम त्या आगठा सी वाच निकोळसे, ती वी आगठो उनाक रुखड़ु कोर देसे। जोत्यार हांव रीस मा हेनु सी मुय फेरवी लिस, तोत्यार तुमुक मालुम पोड़से की हांव पोरबु छे।
EZE 15:8 हाव हेनको देस उजाड़ कोर दिस, काहकी त्या मारे सी धुकु कोरला छे, पोरबु योहोवान यो बुल छे।
EZE 16:1 ओळी पोरबु योहोवान यो बुल मारेन चां पुग्यो,
EZE 16:2 ऐ मानसोन ओवलियाद, योरुसालेमोक हेरा आखा भुंनला कामोक देखाड़, जे हुये कोरला छे।
EZE 16:3 तु उनासी यो कोव: ए योरुसालेम पोरबु योहोवा ओसो कोवे की: तारी पोयदावारी आरु तारी उपजोन कनानी जातिन देस मा होयली छे। तारो बास एमोरी राज्यान हुतो आरु आयीस हित्ती राज्यान हुती।
EZE 16:4 काय तु आपसी पोयदावारीन वारा यो जाने? जेने दाहड़े तु पोयदा होयलु, तेने दाहड़े नी तारी नाल काट्या, आरु नी तुखे चुखु कोरने कोरीन पानी सी उंगवाड़ीया। सोमोळ, तेने दाहड़े तारा डीलो पोर नोन नी चुपड़ीया, आरु नी तुसे छिदरा मा वेटाया।
EZE 16:5 तार पोर कुदु गिन नी कोर्‌यो, आरु नी तारे जुगु गिन कोरीन कुदु तारी नाल काट्यो।
EZE 16:6 जोत्यार हांव तारे धोड़े गोथु निकयु, तोत्यार हांव तुसेक लुहुय सी सोनायलु देख्यु। हांव तारेसी कोयो, ऐ लुहुय मा सोनायला! जिवतलो रोहे,
EZE 16:7 आरु खेतोन तोरा सारको वोद! ऐने तु वोद आरु वोदता वोदता जुवान होय गोय। तु घाटाळी होय गोय। तारा मुनकान झोटा पायोन पाटलीयाक छिमायने लाग्या। ते वी, ऐ योरुसालेम, तु उगाड़ली होती! तारा डिलो पोर काहनलो छिंदरो नी हुतो।
EZE 16:8 हांव ओळी तारे धोड़े सी निकळ्यो, आरु तारे पोर निंगा कोर्‌यो, ती देख्यु की तारु उमोर मोंग कोरनेन जुगु होय गोयली छे। हांव तारा डील पोर आपसो चादरो नांख देदो, आरु यो तारों नांगरा काजे ढांक देदु। हांव ओन खायीन तुसेक बुल आप्यो, आरु तारे पुठी वायदा बांद्यो, आरु ओस कोरीन तु मारी लाड़ी बोन गोय, पोरबु योहोवान यो बुल छे।
EZE 16:9 तोत्यार हांव तुसेक पानी सी उंगवाड़ीयो आरु तारा डिलो सी लुहुय धुयु। हांव तारा डीलो पोर तेल लागाड़्यु।
EZE 16:10 हांव तुसे साड़ी पेहरायो, जेरे पोर बेल-बुटे लागाड़ला हुआ। हांव तारा पायोम चाटीया पेहरायो। आरु हांव तुसे सुंदर रेशोमोन आरु मोंगलो छिंदरो बुरको पेहरायु।
EZE 16:11 हांव तुसे गोयना सी सोजाय देदु। तारा हातोम बाजीबोन आरु गोवाम हार पेहरायु।
EZE 16:12 हांव तारा नाकोम कुचू पेहरायु, कानटाम टुकरीया पेहरायु, आरु मुनका पोर मुकुट मेक्यु।
EZE 16:13 हांव तुसे सोना चाँदीन गोयना सी सोजाड़ देदु। तारा छिंदरा सुतीन सुवावा आरु रेशोमोन हुताम जेरे पोर कसीदा लागाड़लो हुतो। तु मेदान रुटू, ऐने भावरोन रोस आरु तेल मा चुड़लो खानो खाती हुती। तु बेसकी घाटाळी आरु रानी बोनने लायक होय गोय।
EZE 16:14 तु आपसी घाटाळी हुती कोरीन नावसादाय होती। यो आखो काहीन ओतरान कोरीन होयो काहाकि हांव मुलुक ओतरो जादा घाटाळो बोनायप! पोरबु योहोवान यो बुल छे।
EZE 16:15 पुन तु मारे पोर भुरसु नी कोरीन आपसी घाटाळो होयने पोर भुरसु कोरी। तु आपसा रुपोन नावसादाय होयने सी भुनला विचार कोरने लागी। तु वाट चालती मानसोक धोरीन उनासी छिनावो काम कोरावतली।
EZE 16:16 तु आपसा छिंदरा लीन रोंग बिरेंगा उचा जागा बोनाय लेदी, आरु उना पोर भुनला काम कोरी, ओसा भुंनला काम कोरी जे नी कोदी होया आरु नी होयसे।
EZE 16:17 जो सोनो चाँदीन घाटाळा गोयना हांव तुसे आप्यो हुतो, उना सी मानसोन मुरतिया बोनाय लेदी, आरु उना सी वी भुनला काम कोरने लागी;
EZE 16:18 आरु आपसा बेल हाथो कोरीन विंजला छिंदरा निकाळीन तेनुक ढांक देदी, आरु मार जेतुन क तेल आरु गोंदायनियो धूप तेल तेनुक ओगोळ चोड़ावी।
EZE 16:19 हांव तुमुक रुटा, मधु, आरु तेल आप्यु। पुन तुमु जो खानो देव मुरतियाक आप्या। तुमु ते तेना आपसा झुटा देवताक खुश कोरने जुगु गंदायन्यो कोरीन भेट कोर्या। तुमु तेनु झुटा देवताओं पुठी छिनावाय सारका रोया! पोरबु योहोवान यो बुल छे। जो ओसो हुयो।
EZE 16:20 तुमु ते मारे जुगु पुर्या आरु पोरायटा पोयदा कोरला हुता। तु ऐनु पुर्या पोरायटान बादा चोड़ाय दे काहकी छे मुरतिया हेनुक खाय लेय तोसे। काय ये तारा छिनावान काम नानली वात छे?
EZE 16:21 तु आगठान बादाम चोड़ावने जुगु मार पुर्याक मारी, आरु हेनुक आगठा मा चुयनी देदी।
EZE 16:22 तु मेसेक छुड़ी आरु यो छिनावो काम कोरी आरु तु आपसो चो टेम कोटी फोम नी कोरी जोत्यार तु नानली पोराय हुती। तु फोम नी कोरी, कि जोत्यार हांव तुसेक खुवे लेदु ती तु उगाड़ली हुती आरु लुहुय मा सोनायली हुती,
EZE 16:23 तारा हेनु आखा भुंनला कामो पोछोळ काय हुयो? हाय, तार पोर हाय! पोरबु योहोवान यो बुल छे।
EZE 16:24 तु ते एक टिलो बोनाय लेदी, आरु आखा एक जागाम एक उचो जागो बोनाय लेदी;
EZE 16:25 आरु एक एक वाटोम मुंडास्या पोर वी तु आपसो उचो जागो बोनावीन आपसी घाटाळी कोरीन छिनावो काम कोराय देदी, आरु होरीक सोवारीक बुलावीन भुंनलो काम कोरावीन मोटली छिनावाय होय गोय।
EZE 16:26 तु ते आपसा धोड़े वावा मिसरी मानसो सी वी, जे आरेगला ने जोबरा छे, छिनावो कोरी आरु मेसे रीस देवाड़ने कोरीन आपसो छिनावो जादा कोरती गोय।
EZE 16:27 ओतरान कोरीन हांव तुसेक डोन आप्यु। हांव तुसे तारा निज वाटा सी छेटो कोर देदु, तुसेक तारा देस सी निकाय देदु, आरु तुसे तारा भुकला दुश्मन पोलिस्ती बायरान हातोम कोर देदु। यो तारो मोटलो पाप देखीन लाजवायती होती।
EZE 16:28 ऐ योरुसालेम, ती ओस्सुर पुठी छिनावो कोरने लाग गोय। पुन तुसे पुरी नी पोड़ सोके। तारी कोदी होर नी भागे।
EZE 16:29 वेपारी जातीन कोसदि सी वी तु छिनावो कोरी। ओळी वी तारी होर नी भागी आरु यो तु आपसा छिनावाक जादा कोरती गोय।
EZE 16:30 पोरबु योहोवान यो बुल छे, कि तारो काळजो ओतरो काहा लालची छे! तु विनलाजाय छिनावान काम कोरे।
EZE 16:31 तु होरीक सोड़कोन छिंडा पोर आपसो टिलो आरु होरीक जागाम आपसो उचो जागो बोनावली छे, काय ऐना मा तु छिनावाय नी कोहाये? काहकी तु ओसी कोमाय पोर हासे।
EZE 16:32 तु छिनावाय लाड़ी छे। तु पारका मानसोक आपसा धेनीन बोदलो तेंदरे पुठी सुवे।
EZE 16:33 मानसे छिनावाय काजे तेरी किमोत आपे। पुन तु ते पारका मानसोक, आपसा पोर हासनीया दुसतीदार काजे लुभावने कोरीन आपसाक पोस्या आपे की त्या आखा जागा सी तारें चा आवे आरु तार पुठी छिनाळो कोरे।
EZE 16:34 इने रीते तारो छिनावो दिसरा छिनाया सी ओंदो छे। तारे पोछोळ कुदु छिनायो नी चालतो, आरु तु कुदा सी किमोत वी नी लेये, पुन तु आपे; इने रीते तु ओंदी कोहाये।
EZE 16:35 ओतरान कोरीन, ऐ छिनावाय, योहोवान बुल सोमोळ,
EZE 16:36 पोरबु योहोवा ओसु कोवे: तु ते छिनावा मा बेस विनलाजाय होयीन, आपसो डील आपसे वाये लागनियाक देखाड़े, आरु आपसी मुरतियो पुठी भुंनलो कार कोरी, आरु आपसा पुर्यान लुहुय उहवाड़ीन हेनुक बादा चोड़ावली छे,
EZE 16:37 एने रीते देख, हांव तारा आखा तारे वाये लाग रोहला छे, आरु जोतरा सी तु मोंग लागाड़ली, आरु जोतरा सी तु घाड़ाय राख रोय, उना आखाक च्यारु मेर सी तारे विरुद एकठा कोरीन हेनको तारा डील उगाड़लो कोरीन देखाड़िस, आरु त्या तारो डील देखसे।
EZE 16:38 तोत्यार हांव तुसेक डोन आपीस, जोसो छिनायाक आरु मारनीया बायराक आपे; आरु रीस आरु घाड़ाय सी तारो लुहुय उहवाड़ीस।
EZE 16:39 इने रीते हांव तुसे हेनका होकोम कोर दिस; आरु त्या तारा आसरान किला काजे उदार देसे, आरु तारा उचा जागाक तुड़ देसे, त्या तारा आखा छिंदराक निकाळसे, आरु तारा आखा घाटाळा गोयनाक हापकी लेसे, आरु तुसे उगाड़लो कोरीन छुड़से।
EZE 16:40 तोत्यार तारे विरुद् एक सोवटा मानसोक कोरीन त्या तारे पोर दोगड़ाटसे, आरु आपसी तोलवार सी चुर्या चुर्या कोर देसे।
EZE 16:41 त्या तारा घोरोम आगठो लागाड़ीन धोपाड़ देसे, आरु तुसे आड़काट मानसोन देखतात डोन आपसे; आरु हांव तारो छिनावो बोंद कोरावीस, आरु तु ओळी छिनावा जुगु किमोत नी आपे।
EZE 16:42 जोत्यार हांव तारे पोर रीसोन आगठो हुगो नी होयसे, तोत्यार तारे पोर ओळी नी किचवायो पुन हुगु होय जाइस, ओळी नी रिसवायो।
EZE 16:43 तु जो आपसा नानला होतो तेनु दाहड़ान फोम नी राखे, पुन ऐनी आखी वातोन लारे मेसे वायकेड़ा उड़ाय, ओतरान कोरीन हांव तारो चालचालोन तारा मुनका पोर नाखीस आरु तु आपसा आखा पोछला घाड़ायीन कामो सी आरु जादा माहापाप नी कोरसे, पोरबु योहोवान यो बुल छे।
EZE 16:44 देख, आखा कोहाड़ु कोहनिवाळा तारा वाराम यु कोहाड़ो कोहसे, जोसी आईस तोसी पोराय।
EZE 16:45 तारी आईस जी आपसा धेनी आरु पुर्या सी घाड़ाय कोरती हुती, तु वी तोसीत तेरीन पोराय कोहायी; आरु तारी बोहोनस्या जे आपना आपना धेनी आरु पुर्या सी घाड़ाय कोरती होती, तु वी तोसीत तेंदरी बोहनीस निकळी। तारी आईस हित्ती राजोन आरु बास एमोरी राजोन हुतो।
EZE 16:46 तारी मोटली बोहनीस सोमरोन छे, ची आपसा पोरायटा पुठी तारे डाखरीये ओख्ये रोहे, आरु तारी नानली बोहनीस, ची तारे जेवड़्ये ओख्ये रोहे त्या पोरायटा भेळ सोदोम छे।
EZE 16:47 ऐ योरुसालेम, तु पेहलेन तिंदरे सारको घाड़ायीन काम नी कोर्‌यो नी ते तिंदरे जोसो सारको भुंनलो वेवहार नी कोर्‌यो। पुन थुड़ाक टेम मा भुंनला काम कोरनेम तु तेनुक पोछोव कोर देदु; तु तेनुसी जादा बिगड़ी गोयु।
EZE 16:48 ऐ योरुसालेम, हांव पोरबु योहोवान यो बुल छे, मार जीवनोन आन, तारी बोहनीस सोदोम आपसा पोरायटा भेळ तारे आरु तारा पोरायटा सारको काम नी कोर्या।
EZE 16:49 देख, तारी बोहनीस सोदोम आरु हेरा पोरायटा पापी हुता। तिंदरे जु जोरुरोत सी जादा खानोन होतो आरु हेनका पास बेसको जादा टेम हुतो। त्या विखावाळा खाने नी होतो तेनु मानसोन मोदोत नी कोरतेला।
EZE 16:50 सोदोम आरु हेरा पोरायटा आड़काट घाड़च्या होय गोया आरु मारे ओगोळ बेसका पाप कोरने लाग्या। जोत्या हांव हेनुक हेंदरो कामोन कोरता देख्यु ति हांव डोन आप्यो।
EZE 16:51 ओळतेन सोमरोन तारा पापोन आदा वी पाप नी कोर्या, तु ते तेरेसी वोदीन घाड़ायन काम कोर्‌यो, आरु आपसो बेस घाड़ाइन कामोन लारे आपसी बोहनीस तारे गोथी कोम गुनाकी कोवायी।
EZE 16:52 ओतरान कोरीन तुमु लाजवायनो जुवे। तुमु आपसी बोहनीसुन सी आपसा सी वारु लागनेवाली बोनावला छे। तुमु बेसका पाप कोरला छे ऐने तुमुक लाज आवनो जुवे।
EZE 16:53 जोत्यार हांव पोरायटा भेळ सोदोम आरु सोमरोन काजे बंदुवाय सी छुड़ाय लावीस, तोत्यार हेंदरे विच तारा बांदायलाक वी पोछा ली आवीस,
EZE 16:54 जेरेसी तुसे लाज आवे, आरु आपसा आखा कामोक देखीन लाज आवनो जुवे, काहकी तु हेंदरी शान्तिन कारण होयली छे।
EZE 16:55 तारी बोहनीस सोदोम आरु सोमरोन आपसा आपसा पोरायटा पुठी आपसी पेहलुन टेम होती चां पुग जासे, आरु तु वी आपसा पोरायटा पुटी आपसी पेहली टेम होती तोसा ओळी पुगसु।
EZE 16:56 वित्या दाहड़ाम तु घाड़साय होती आरु आपसी बोहनीस सोदोमोन वायकेड़ा कोरतेली। पुन तुमु तोसा ओळी कोर सोकसु।
EZE 16:57 तुमु यो डोन जोड़ने सी पेहेल आपसा धोड़ेवाळा सी वायकेड़ा कोरने सी पेहेल कोरला हुता। एदोमोन पुर्या ऐने पोलिस्ती हेमी तुमरा वायकेड़ा उड़ावसे।
EZE 16:58 पुन हेमी तुसेक आपना मोटला पाप आरु घाड़ायीन कामोन भार आपसुत् हुचलनो पोड़लो छे, योहोवा भोगवानोन यो बुल छे।
EZE 16:59 पोरबु योहोवा ओसो कोवे: हांव तारे पुठी ओसो वेवहार कोरीस जोसो तु कोरलो छे, काहकी तु ते वायदाक तुड़ीन आन काजे उदुड़ जानलो छे।
EZE 16:60 ते वी हांव तारा नानला होता तेनु दाहड़ान आपसा वायदाक फोम कोरावीस, आरु तारे पुटी जोलेमकु वायदु बांदीस।
EZE 16:61 जोत्यार तु आपसी बोहनीस काजे आपसी मोटली आरु नानली बोहनीस काजे खुवे लेये, तोत्यार तु आपसो चाल चालोन फोम कोरीन लाजे पोड़नो पोड़से; आरु हांव हेनुक तारा पोरायटा कोहाड़ीस; पुन यो तारा वायदान ओनसारे नी कोरीस।
EZE 16:62 हांव तारे पुठी आपसा वायदाक एक जागे कोरीस, आरु तोत्यार तु जान लीस की हांव योहोवा छे।
EZE 16:63 जेरेसी तु फोम कोरीन लाजे पोड़े, आरु लाजे मोरीन ओळी कोदी मुय नि उगाड़े। यो तेने टेमे होयसे, जोत्यार हांव तारा आखा कामोक ढांक लीस, पोरबु योहोवान यो बुल छे।
EZE 17:1 पोरबु योहोवान यो बुल मारेंचा पुग्यो:
EZE 17:2 हे मानसोन ओवलियाद, इसराएलन घोराना सी यी छुड़ेवनाय काहानी कोव आरु काहानी कोव:
EZE 17:3 पोरबु योहोवा ओसु कोवे; एक नाम्बला पाखड़ावाळो, पाखड़ा सी भोरलो आरु भात भातीन रोंगोन मोटला उकाब चिल्‌लान लोबानोन जायीन एक वेलावाळान फुनगी चुट लेदो।
EZE 17:4 तोत्यार चो तेनी फुनगीन आखासी उपोरुन पातळी डाळ काजे तुड़ लेदो, आरु चो लेन देन कोरनेवाळा देश मा ली जायीन वेपारीन हाटोम लागाड़्यो।
EZE 17:5 तोत्यार तेना देसोन बिजोक लीन एक पीयोत खोतोम वेर्‌यो, आरु चो बोंदा धोड़े वाळा जागाम मोजनु झाड़ सारको बीज वेर्‌यो।
EZE 17:6 चो उगीन नानीस वेलायने वाळा ओंगुरोन वेला होय गोया जेरेसी डाळ्या नेचा वोळने लाग्या, आरु तेरा मुवे तेरे नेचा खोव्‌वाया, ऐने रीते सी चो ओंगुरोन वेला होईन कनखा फुड़ने आरु पानटा सी भोरायने लाग्यो।
EZE 17:7 ओळतेन एक आरु नांबला पाखड़ावाळा आरु पाखड़ा सी भोरायला मोटलो उकाब चिल्लो हुतो; आरु त्यो ओंगुरोन वेला उना जागा सी जां त्यो लागाड़लो हुतो, उना दिसरा उकाब भेनी आपसा मुवे खोव्‌वायने आरु आपसा डाळ्या नेचो कोरने लाग्यो की चो तीनाम पानी वाव्या कोरे।
EZE 17:8 पुन चो ते ओतरा जुगु पीयोत जागाम ने सोवटा पानी धोड़े लागाड़लो हुतो, की पुड़ी निकवे, आरु फोवे, आरु वारु ओंगुरोन डाळ्या बोने।
EZE 17:9 ओतरान कोरीन तु यो कोव, पोरबु योहोवा ओसु पुछे; काय चे फुले फोळसे? काय चो हेनाक मुवो भेव उखावसे, आरु हेरो फोळन नी झाड़ नाखे की चो आपसा निळवा पानटा भेळ सुख जाय? इनाक मुवो भेव उखावने कोरीन जादा ताकुत आरु सोवटा मानसोन जोरुरोत नी होयेसे।
EZE 17:10 चाहाय चो लागलो वी रोहे, तीवी काय चो फोळसे? जोत्यार तिनाक झाव लागे, ति काय चो खोरान सुक नी जाय? हुयो ते जां उगलो छे तेनी जागा मा सुक जासे।
EZE 17:11 ओळी पोरबु योहोवान यो बुल मारेनचा पुग्यो:
EZE 17:12 हेमी तु विद्रोही इसराएलोन घोराना सी यो कोव: काय तुमु हेमी वी ऐनी छुड़वनाय काहानी आरु काहानीन नी सोमज्या? सोमळु, ऐरो यो मोतलोब छे: बेबीलोन देसोन राजा योरुसालेम मा आयो। चो योरुसालेमन राजा, आरु ऐरा मोटला आदिकारीक बोन्दी बोनायो, आरु हेनुक आपसा देसोम ली गोयो।
EZE 17:13 तोत्यार राजान घोराना मा गोथु एक मानुस लीन तीनासी आन खावाड़्यु, आरु तिनाक होकोम रोहने कोरी आन खावाड़्यु, आरु देसोन ताकोतवाळा मानसोक ली गुयो
EZE 17:14 ओतरा जुगु ओसु कोर्यु, की इसरायलि राजोन हेरा पायो तोळे दाबायला रोहे, आरु आपसो मुनको उचो नी कोरे तोसे, आरु आनोन पाळोन कोरता रोहे।
EZE 17:15 पुन त्यो बेबीलोनन विरुद लोड़ाय कोर देदो, आरु मिसर देसन आपसा दुतोन मुकल्यो की चो हेरी मोदोत कोरे, आरु हेरा घुल्‌लाक आरु सोवटा सिपायड़ा मुकले। काय त्यो आपसा लोड़ाय मा जासे? ओसा काम कोरनेवाळा मानसे काय ढासीन आपसो जीव वाचाड़से? जुवार पानी तुड़नेवाळा काय वाच जासे?
EZE 17:16 मार जीवनोन आन! हांव, पोरबु योहोवा ओसु कोहो, बेबीलोन देसोन राजा हेनाक राजा बोनायो हुतो, आरु जेना देसन राजान बुलोक ओसोत जाने, आरु जेरो जुवारपानी काजे तुड़ला छे, तीनात राजान देसोम चो मोरसे!
EZE 17:17 जोत्यार लोड़ाय मा होजारु मानसे मोरने कोरीन बेबीलोनन राजान सेना सोहोरोन च्यारु मेर राखवाळी कोरसे आरु भितड़ो बादसे, ती मिसर देसोन राजा फिरोनोन ताकोतवाळी आरु मोटली सेना वी योरुसालेमोन राजान मोदोत नी कोर सोकसे।
EZE 17:18 काहकी त्यो जुवारपानी काजो ओसोत जान्यो, आरु वायदाक तुड़्यो; देखु, त्यो बुल आपने पोर वी ओसा ओसा काम कोरलो छे, ओतरान कोरीन त्यो नी वाचसे।
EZE 17:19 पोरबु योहोवा ओसु कोवे: मार जीवोनोन आन, हुयो मारो जुवारपानी काजे ओसोज जान्यो, आरु मार वायदाक तुड़्यो; यो पाप हांव हेरात मुनका पोर नाखिस।
EZE 17:20 हांव आपसी जाळ उना पोर नाखीस आरु त्यो मार फांदा मा फोस जासे; आरु हांव हेनको बेबीलोन मा पुगाड़ीन उना धुकान वातोक उनासी लोड़ावीस, जो हुयो मारे पुठी कोरलो छे।
EZE 17:21 हेरा आखा टुळा मा सी जोतरा वी आखा तोलवार सी मार नाख्या जासे, आरु जो रोय जाय चे च्यारु मेर रिवन्या तिवन्या होय जासे। तोत्यार तुमु जान जासु की हांव योहोवात ओसु कोहलु छे।
EZE 17:22 ओळी पोरबु योहोवा ओसु कोवे: हांव वी वेलावाळान उची फुनगी मा सी थुड़ोक लीन लागाड़ीस, आरु हेरा आखासी उपोरुन डाव मा सी एक कुवेववो डाव तुड़ीन एक बेस उचा बोयड़ा पोर लागाड़ीस,
EZE 17:23 इसराएलन उचा बोयड़ा पोर लागाड़ीस; तोत्यार हुयो डाळ्या फुड़ीन ताकोतवाळो आरु वारु वेला बोन जासे आरु हेरे नेचा एने हेरा डाळ्यान साहवाम भाति भातिन आखा चिल्‌ला रोहसे।
EZE 17:24 तोत्यार खोयड़ाक आखा झाड़े जान लेसे की मे योहोवात उचा झाड़ोन नेचो आरु नेचा झाड़ोक उचो कोर्‌यो, निळ्वा झाड़ोक सुकाड़ देदो आरु सुकला झाड़ोक निळ्वा कोर देदु। मे योहोवात यो कोहलु आरु ओसु कोर वी देयो।
EZE 18:1 पोरबु योहोवान यो बुल मारेंचा पुग्यो:
EZE 18:2 तुमु मानसे जे इसराएल देसोन वाराम यु कोहाड़ु कोवतेला, खाटला ओंगुर ते डाहडा मानसे खाय, पुन दाँत पुर्यान खाटा होया। ऐरो काय मोतलोब छे?
EZE 18:3 पोरबु योहोवा ओसु कोवे की मार जीवनोन आन, तुमु इसराएल काजे ओळी यु कोहाड़ु कोवनेन टेम नी जोड़से।
EZE 18:4 देखु, आखान जीव ते मारो छे, जोसो बासोन जीव, तोसोत पुर्यान वी जीव छे; दुयु मारत छे। ओतरान कोरीन जे जीव पाप कोरे चो मोर जासे।
EZE 18:5 जु कुय धोरमी होय, आरु नियाव आरु धोरमोन काम कोरे,
EZE 18:6 आरु नी ते बोयड़ान पुजान जागा पोर खादो होय, नी इसराएलोन घोरानान मुरती भेनी डुळा उचो कोरलो होय; नी पारकी बायोर पुठी होय, आरु नी ते दुर होयली बायोर पुठी सुवलो होय।
EZE 18:7 आरु नी कुदाक वेला पाड़्यो होय, पुन कोरजाम वाळाक तेना कोरजा सी माप कोरे, नी कुदाक लुट्यो, पुन भुकलाक आपसु रुटू आप्यो होय आरु नांगराक छिंदरो पांगरायो होय,
EZE 18:8 नी ईयाज पोर रुप्या आप्यो होय, नी रुप्या ईयाज खादो होय, आरु आपसा हातो सी भुंनला कामोक रुक्यो होय, मानसोन विच छाचाय सी नियाव कोर्‌यो होय,
EZE 18:9 आरु मार कायदा पोर चालतो आरु मार नियम काजे मानतो जाईन छाचाय सी काम कोरलो होय, ओसो मानुस धोरमी छे, चो छाचिन जिवतेलो रोहसे, पोरबु योहोवान यो बुल छे।
EZE 18:10 पुन कोदी तेरो पुर्‌यो डाकु, खुनी, एने उपोर कोहली वातो मा सी काहनलो पाप कोरने वाळो होय,
EZE 18:11 आरु उपोर कोहला वारु कामोक कोरनेवाळो नी होय, आरु बोयड़ान पुजान जागा पोर खादो होय, पारकी बायोर पुठी सुवलो होय,
EZE 18:12 गोरब्याक आरु विगुर आसरा वाळा मानसो पुठी भुंडो वेवहार कोर्‌यो होय, आरु चुरी कोरतो होय, कोरजा वावान गिरवी चिजोक होड़पी लेये। त्यो मोदोत जुगु देव मुरतिया भेनी डुळा उचा कोर्‌यो होय, घाड़च्या मुरतियाक पुजतो होय,
EZE 18:13 इयाज पोर पोस्या आपतो होय, आरु इयाज लेतो होय, ती काय चो जिवतेलो रोहसे? चो जिवतेलो नी रोहसे; ओतरान कोरीन कि चो ये आखा भुंनला काम कोरलो छे चो छाचिन मोरसे आरु हेरो लुहुय आपसी मुंडी पोर पोड़से।
EZE 18:14 ओळी कोदी ओसा मानसोन पुर्‌यो होय आरु चो आपसा बासोक यो आखो पाप देखीन बिकोन हागराये हेंदरे जोसो नी कोरतो होय।
EZE 18:15 नी ते बोयड़ान पुजान जागाम खादो होय, नी इसराएलोन घोरानान मुरतिया भेनी डुळा उचा कोर्‌यो होय, नी पारकी बायोर पुठी सुवलो होय,
EZE 18:16 नी कुदाक वेला पाड़्यो होय, नी कुदा कोरजा वावन गिरवेन सोमान काजे खोंडतो होय। चो चुरी नी कोरतो होय। चो भुकलाक आपसो खानो आपे आरु नांगराक आपसा छिंदरा पांगरावतो होय।
EZE 18:17 चो गोरब्यान नुकसान कोरने सी पोछो रोहते होय, इयाज आरु इयाज जादा नी लेतो होय मार कायदाक मानतो होय, आरु मार नियोम पोर चालतो होय, ती चो आपसा बासोन पापन कारण नी मोरे पुन जिवतेलो रोहसे।
EZE 18:18 हेरु बास, गोरब्याक लुट्यो होय, आरु ठोग्यो होय, आरु आपसा भास्योन विच वारला काम कोर्‌यो होय, चो आपसा पापन कारण मोर जासे।
EZE 18:19 तेवी तुमु कोहु, काहा? काय पुर्‌यो बासोन पापन भार नी हुचलिया? जोत्यार पुर्या नियाव आरु धोरमोन काम कोर्या, आरु मार आखा कायदान पाळनी पाळ्या तेनु पोर चाल्या होय, ती चो जिवतेलोत रोहसे।
EZE 18:20 जो जीव पाप कोरे चोत् मोरसे, नी ते पुर्‌यो बासोन ओधोरमोन भार हुचलसे आरु नी बास पुर्यान; धोरमी आपसा धोरमोन फोव, आरु पापीक आपसा भुंनला कामोन फोव जोड़से।
EZE 18:21 पुन कोदाम भुंनलो मानुस आपसा आखा पापो सी फिरीन, मार आखा कायदान पाळन कोरे आरु नियाव आरु धोरमोन काम कोरे, ती चो नी मोरसे; पुन जिवतेलो रोहसे।
EZE 18:22 चो जोतरा पाप कोर्‌यो होय, उना मा गोथो कुदान फोम तेरे विरुद् नी कोर्‌यो जाय; जो धोरमोन काम चो कोरलो होय, तेरे लारे चो जिवतेलो रोहसे।
EZE 18:23 पोरबु योहोवान यो बुल छे, काय हांव भुण्डलाक मारने से थुड़ुक वी खुश होयो? काय हांव ऐरेसी खुश नी होयो कि चो आपसी वाट सी फिरीन जिवतेला रोहे?
EZE 18:24 पुन जोत्यार धोरमी आपसा धोरोम सी फीरीन ओंदा काम, पुन भुंनला आखा घाड़्याइन कामोन ओनसारे कोरने लागे, ती काय चो जिवतेलो रोहसे जोतरा धोरमोन काम चो कोरलो होय, उनाम सी कुदाक फोम नी कोर्‌यो जाय। जो धुकु आरु पाप चो कोरलो होय, तेरे कारण चो मोर जासे।
EZE 18:25 तेवी तुमु मानसे कोहु, पोरबुन नियाव नियाव सारको नी होय। ऐ इसराएलोन घोराना, देख काय मारो वेवहार एक सारको नी होय?
EZE 18:26 जोत्यार धोरमी आपसा धोरोम गोथा वोवीन, ओंदा काम कोरने बाज जाय, ती चे हेन्दरेन कोरता मोरसे, चे आपसा ओंदा कामोन करतोत् मोर जासे।
EZE 18:27 ओळी जोत्या भुण्डला आपसा भुंनला कामो सी फिरीन, नियाव आरु धोरोमन काम कोरने लागे, ती आपसो जिव वाचाड़से।
EZE 18:28 चो जो सुच विचार कोरे आपसा आखा गुना सी फिर जाय, ऐरे जुगु नी मोरसे, जिवतेलो रोहसे।
EZE 18:29 तेवी इसराएलोन घोरानो कोवे कि पोरबुन नियाव नियाव सारको नी होय। ऐ इसराएलोन घोराना, काय मारो नियाव नियाव सारको नी होय? काय तुमरो वेवहार नियाव सारको नी होय?
EZE 18:30 पोरबु योहोवान यो बुल छे, ऐ इसराएलोन घोराना, हांव तुमरे मा सी होरीक मानुसोन नियाव हेरा चाल चालोनोन ओनसारेत कोरीस। पोसतावो कोरु आरु आपसा गुनाक छुड़ु, तीत तुमरो ओधोरोम तुमरे जुगु ठुकोर खानेन कारण नी होयसे।
EZE 18:31 आपसा आखा गुनाक जे तुमु कोरला छे, छेटा कोरु: आपसो मोन आरु आपसा जिवोक बोदली नाखु! ऐ इसराएलोन घोराना, तुमु काहा मोरु?
EZE 18:32 काहकी, पोरबु योहोवान यो बुल छे, जो मोरे, तेरे मोरनेन कोरता हांव खुश नी होयो, ओतरान कोरीन पोसतावु कोरु, ती तुमु जिवतेला रोहसु।
EZE 19:1 इसराएलोन डाहडान वाराम तु यो दुखोन गीत सोमवाड़:
EZE 19:2 तारी आइस एक कोसली नाहारनी हुती! ची नाहरोन इचमा बोस्या कोरतेली आरु आपसा पीलाक जुवान नाहरोन इच मा पावतेली ने पुसतेली।
EZE 19:3 आपसा पीला मा सी होयी एकोक पाळी आरु चो जुवान नाहार होय गोयो, आरु शिकार धोरनो सिक गोयो; चो मानसोक वी शिकार कोरने लाग्यो।
EZE 19:4 आड़े धोड़े वावा मानसे हेरी वात सोमया, आरु तीनाक आपसा खुंदला खाडाम फांदे पाड़्या, आरु हेरा नाकोम नाथ नाखीन मिसर देस मा ली गोया।
EZE 19:5 जोत्यार हेरी आइस देखी आरु वाट जुवती रोवी तीवी तेरी होर नी भागी, तोत्यार एक आपसो ओवी पुर्याक लीन तीनाक जुवान नाहार बोनाय देदी।
EZE 19:6 तोत्यार चो जुवान नाहार होईन नाहरोन विच मा चालने फिरने लाग्यो, आरु चो वी शिकार कोरने सिक गोयो; आरु मानसोन वी शिकार कोरने लाग्यो।
EZE 19:7 चु आपसा आड़े धोड़े वावा रोहनीयान घोरोक उजाड़ देदो, आरु तिंदरा सोहोरोक उजाड़ देदो पुन गांगेरने लाग्यो सोमवीन आखा देसोन मानसे बिकोम मारे उजड़ी गोया।
EZE 19:8 तोत्यार च्यारु मेरोन मानसे आपना आपना मुलुकोम तेरे जुगु जाव फांदे लागाड़ देदा, आरु चो हेंदरा खंदला खाडाम फोस गोयो।
EZE 19:9 तोत्यार चे तेरा नाथ नाखीन आरु कठघोरोम बोंद कोरीन बेबीलोनोन राजान चा ली गोया, आरु पिंजरा मा बोंद कोर देदा, की हेरो गांगेरनो आखा इसराएलोन बोयड़ा वावा देसोम सोमवाय नी देये।
EZE 19:10 तारी आइस जेरेसी तु पोयदा होयु, चो पानी धोड़े लागलो हुतो। भोरपुर पानी जोड़ने सी चो डाळ्या आरु ओंगुर फोळो सी लोदायलो हुतो।
EZE 19:11 तेरी जाड जाडली डाळ्या, राजान राज लाकुड़ बोनावे तोसी हुती। ची ओतरी उची होती, की वादवाक छिम लेये। आपसी उचाय आरु झाजला डाळ्यान कारण हुयी वाटचाल्या ओका बोकी कोर देय।
EZE 19:12 पुन हेरा वेरी रीसोन मारिया हेनाक उखाय लेये, आरु नेचा धोरती पोर नाख देय। उगेवनीन वाहवी हेनुक सुकाड़ देये। हेरा फोव तुड़ लेदा। हेरा जाडला डाळ्या सुक गोया, आगठाम रुखड़ु होय गोया।
EZE 19:13 हेमी चे जोंगोल मा, पुन उजाड़ी देसोम लागाड़ा छे।
EZE 19:14 हेरा डाळ्याम आगठो निकळे, जेरेसी हेरा फोव सोर गोया आरु राजान राजोन लाकुड़ बोने ओसा हेमी काहनी वी जाडली डाळ नी रोवी। यो दुखोन गीत छे, आरु यो दुखोन गीत बोनलो रोहसे।
EZE 20:1 सातवे वोरीसोन पाचवे मोहनेन दोसवे दाहड़े इसराएलोन थुड़ाक डाहडा योहोवा सी सोवाल कोरने कोरीन आया, आरु मारे ओगोळ बोठ गोया।
EZE 20:2 तोत्यार योहोवान यो बुल मारे यां पुग्यो:
EZE 20:3 हे मानसोन ओवलियाद, इसराएलोन डाहडा सी ओसु कोव, पोरबु योहोवा ओसु कोवे, काय तुमु मारे सी सोवाल कोरने आवला छे? पोरबु योहोवान यो बुल छे की मार जीवायीन आन, तुमु मार सी सोवाल पुछनेक आया।
EZE 20:4 हे मानसोन ओवलियाद, काय तु हेनको नियाव नी कोरीस? काय रु हेनको नियाव नी कोरे? हेनका डाहडान भुंनला कामोक हेनुक देखाड़ दे,
EZE 20:5 आरु हेनुसी कोव, पोरबु योहोवा ओसु कोवे: जेने दाहड़े हांव इसराएल काजे नेवाड़ लीस, आरु याकुबोन घोरानान आन खादो, आरु मिसर देस मा आपसाक तेनु पोर देखाड़ो, आरु हुयो आन खायीन कोयो, हांव तुमरो परमेश्वर योहोवा छे,
EZE 20:6 तेने दाहड़े हांव तुमरा मिसर देस सी खोयड़े लावनेन वायदो कोरलो हुतो आरु हांव तुमुक हेना पोरदेस मा लायो जिनाक हांव तुमुक आप रोयु होतु। चो एक वारलो देस हुतो जो बार भातीन वारली चिजो सी भोरायलो हुतो। यो आखा देसो सी जादा घाटाळो हतो। तिनाम दुध आरु माहव उहुवे।
EZE 20:7 हांव हेनुसी यो वी कोहलो हुतो, मिसर देसन घाड़ायीन मुरतीया पोर तुमरा डुळा लागला छे। तुमु एनु मुरतिया काजे नांख देवु, आरु एनु मुरतिया सी आपसाक विटोळ मा कोरु; हांवुत तुमरो परमेश्वर योहोवा छे।
EZE 20:8 पुन चे मारी एक वी वात नी सोमळ्या आरु जादा बिगड़ी गोया; कुदु वी मिसर देसन घाड़ायीन मुरती काजे आपसा सी छेटा नी कोर्या। त्या तेनुसी सी थाबायीन रोया, आरु तेनुक नी छुड़्या; काहकी हेनु पोर हेन्दरा डुळा लागला हुता। तेनुक कुदु नी नाख्या, आरु नी मिसरोन मुरतियाक छुड़्या। तोत्यार हांव कोयो, हांव यो, मिसर देसोन इचमा तुमरे पोर आरु रिस भोड़कावीस आरु पुरी रीस देखाड़ीस।
EZE 20:9 पुन हांव हेनुक नास की कोर्यु। हांव मानसो सी जां त्या रोय रोया हुता पेहलुत कोहलो हुतो की हांव आपसा मानसोक मिसर सी खोयड़े ली जायीस। हांव आपसा वारला नावोनक विटोळ नी कोरनो चाहतेलु, ओतरान कोरीन हांव हेनु मनख्या ओगोळ इसराएल काजे नास नी कोर्यु।
EZE 20:10 हांव हेनुक मिसर देस सी निकाळीन जोंगोल मा ली आयु।
EZE 20:11 चां हांव हेनुक आपसो कानुक देखाड़्यो आरु नेम वी देखाड़्यु कि जे मानसे इनुक माने, चे आपसात कारण सी जिवतेला रोहसे।
EZE 20:12 ओळी हांव हेंदरे जुगु आपसो आरामोन दाहड़ो टाक्यु जु मारे आरु हेंदरे इचमा सोहलानी कोहाये; कि चे जाने कि हांव योहोवा हेंदरो चुखो कोरनेवालो छे।
EZE 20:13 ते वी इसराएलोन घोरानो जोंगोल मा मारे सी लोड़ाय कोर्या; चे मारा कायदा पोर नी चाल्या, आरु मारा नेम काजे ओसोत जान्या, जेनुक कोदाम मानसे माने ती चे हेनुन कोरता जिवतेला रोहसे; आरु चे मारा आरामोन दाहड़ाक बेस विटोळ कोर्या। तोत्यार हांव कोयो, हांव जोंगोल मा एनु काजे डोन आपीन, आपसी रिसोन आगठा सी नास कोर नाखो।
EZE 20:14 पुन हांव हेनुक नास नी कोर्‌यो। दिसरा देस मेसे इसराएल काजे मिसर देस सी खोयड़े लावतेला देख्या। हांव आपसा वारला नाव काजे तेनु देस वावा ओगोळ विटोळ नी कोरनो चाहतेलु, ओतरान कोरीन हांव हेनु देसो ओगोळ इसराएल काजे नास नी कोर्यु।
EZE 20:15 हांव जोंगोल मा हेनुसी आन खादु की जो देस हांव हेनुक आप्यु, आरु जो आखा देसम वारु देस छे, जेरेम दुद आरु माहवोन नोंदी उहवे, जेरेम नी पुगाड़ो,
EZE 20:16 काहकी हुये मारा नेम काजे ओसोत जाने आरु मारा नेम पोर नी चाले, आरु मार आरामोन दाहड़ाक विटोळ कोरला होता; ओतरान कोरीन की हेंदरो मोन हेनु मुरतीया भेनी लागलो रोयो।
EZE 20:17 तेवी हांव हेनु पोर गीनोन निंगा कोर्यु, आरु हेनुक नास नी कोर्यु, आरु नी जोंगोल मा आखी वातो सी हेनुक नास नी कोर्यु।
EZE 20:18 ओळी हांव जोंगोल मा हेंदरी ओवलियाद सी कोयु, आपसा डाहडान कायदा पोर मा चालु, नी हेंदरी रितीक मानु आरु नी हेंदरी मुरतीक पुजीन आपसाक विटोळ कोरु।
EZE 20:19 हांव तुमरो परमेश्वर योहोवा छे, मारा कायदा पोर चालु, आरु मारा नेम काजे माननेम चोकचोया रोहु,
EZE 20:20 आरु मारा आरामोन दाहड़ाक चुखलो मानु की चे मारा आरु तुमरे विच मा सोहलानी कोवाये, आरु जेरेसी तुमु जानु की हांव तुमरो परमेश्वर योहोवा छे।
EZE 20:21 पुन हेंदरी ओवलियाद वी मारे सी लोड़ाय कोर्या; चे मारा कायदा पोर नी चाल्या, नी मारा नेम काजे माननेम चोकचोया रोया; कायदाक आरु नेम काजे कोदाम मानसे माने ती चे तेरे कारण सी जिवतेला रोहसे; मारा आरामोन दाहड़ाक विटोळ कोर्या। तोत्यार हांव कोयो, हांव जोंगोल मा हेनु पोर मारी रिसोन आगठा सी हेनुक मार नाखो।
EZE 20:22 बाखुन हांव आपसाक रुक लेदु। दिसरा देसोम वावा इसराएल काजे मिसर देस सी खोयड़े लावतेला देखला छे। जेरेसी मारो नाव विटोळ नी होये। ओतरान कोरीन हांव हेनुक दिसरा देसो ओगोळ इसराएल काजे नास नी कोर्यु।
EZE 20:23 ओळी हांव जोंगोल मा हेनुसी आन खादो, कि हांव तुमुक जाति जाति मा रिवन्या तिवन्या कोरीस, आरु देस देस मा खोव्‌वी दिस।
EZE 20:24 काहकी हुये मारा नेम काजे नी मान्या, मारा कायदाक ओसात जान्या, मारा आरामोन दाहड़ाक विटोळ कोर्या, आरु आपसा डाहडान मुरतिया भेनी हेंदरा डुळा लागाड़ला राख्या।
EZE 20:25 ओळी हांव हेंदरे जुगु ओसा ओसा कायदा आप्यु जे वारु नी हुता आरु ओसी ओसी रितीया जेरेन कोरता हुये जिवतेला नी रोय सोक्या;
EZE 20:26 हांव हेनुक आपसी भेटो सी आपसु आपसाक भुंडा बोनाय देदा। हुये आपसा पेहला पुर्यान लोगुन बादा चोढ़ावने शुरु कोर देदा। ऐने रीते हांव हेनु मानसोक नास कोरने चाहाय रोहलु। ती हुये जाने की हांव परमेश्वर योहोवा छे।
EZE 20:27 हे मानसोन ओवलियाद, तु इसराएलोन घोराना सी कोव, पोरबु योहोवा ओसु कोवे: तुमरा डाहडा ऐरेम वी मारी निंदा कोर्या कि हुये मारे सी धुकु कोर्या।
EZE 20:28 जोत्यार हांव हेनुक तेना देस मा ली आयो जेना देसोक आपने हांव वायदो कोरलु होतु, तोत्यार हुये जां कांखेर बोयड़ान चोटी देखा पोड़े आरु जां कांखेर हेनुक निळ्ळा झाड़े देखाये, चां हुये बादा चोड़ावने लाग्या, पुजा कोरने लाग्या, आरु आपसी बादा आरु पुजा कोरीन मारो मोजाक बोनाया। चां हुये गंदायन्या धुपोन तेल धोपाड़ता हुता, आरु आपसो पीनेन पानी उथलावता हुता।
EZE 20:29 तोत्यार हांव हेनुसी पुछ्यु, जेना उंचा जागाम तुमु जावु, हुयो काय छे? ऐरेसी हेरो नाव आज लोगुन बामा कोहाये।
EZE 20:30 ओतरान कोरीन इसराएलोन घोराना सी कोव, पोरबु योहोवा तुमरे सी यो पुछे, काय तुमु वी आसा डाहडान रीती पोर चालीन विटोळ होयीन, आरु हेंदरा भुंनला कामोन ओनसारे व्यभाचारिणीन सारको काम कोरे?
EZE 20:31 आज लोगुन जोत्यार जोत्यार आपसी भेट चोढ़ावे आरु आपसा बाळ बोच्चाक होम बादा कोरीन आगठाम चोड़ावु, तोत्यार तोत्यार तुमु आपसी मुरतियान कोरता विटोळ कोहायु। हे इसराएलोन घोराना, काय तुमु मारे सी पुछसु? पोरबु योहोवान यो बुल छे, मारा जिवनोन आन तुमुक मारे सी नी पुछाये।
EZE 20:32 जी वात तुमरा मोनोम आवे, हामु लाकड़ा आरु दोगड़ाक पुजन्या होयिन जाति जाति आरु देस देसन कुलोन सारका होय जासु, गुयो काहने वी रीते पुरो नी होये।
EZE 20:33 पोरबु योहोवा ओसु कोवे, मारा जिवनोन आन हांव आपसी ताकोक सी आपसो हात ओगु कोरीन आरु तुमुक गुलाम बोनावने वाळा देसो पोर आपसी रीस काजे उथलावीन तुमरो छुटकारो कोरीस, आरु हांव तुमरो राजा होयिस।
EZE 20:34 हांव तुमरा देसोन विच मा सी निकळीस। जेना देसोम तुमु रिवन्या तिवन्या होय गोया, होंया सी हांव आपसी ताकोत वावा होतो सी, आरु छुटकारो जुगु वोदाड़ला हातो सी तुमुक निकाळीस, आरु हेनु पोर आपसी रिसोन आगठाक पाड़ीस।
EZE 20:35 होंया सी निकाळीन हांव तुमु जोंगोल वावा देसोम लावीस, आरु होंया हांव आंबो सांबो तुमरो नियाव कोरीस।
EZE 20:36 जोसो हांव मिसर देसोन जोंगोल मा तुमरा डाहडान कोरतो हुतो, आरु हेनुक डोन आपतो हुतो तोसोत हांव तुमरे पोर वी मुकेदमो चालाड़ीस, आरु डोन आपीस। पोरबु योहोवान यो बुल छे।
EZE 20:37 हांव गुवायो जोसो तुमुक नेवाड़ने आरु गिनने जुगु तुमुक लाकड़ा तोवे सी निकावीस, आरु तुमुक वायदान बांदाय मा बांदीस।
EZE 20:38 हांव तेनु आखा मानसोक छेटा कोरीस जे मारे विरुद उबा होया आरु जोतरा मारे विरुद्ध मा पाप कोर्या। हांव हेनु लोगहन को तुमरा जागाम सी छेटो कोर दिस। हुये इसराएल देस मा ओळी कोदी नी पोछा आवे। तोत्यार तुमु जान जासु की हांव परमेश्वर योहोवा छे।
EZE 20:39 हे इसराएलोन घोराना तुमु काजे ते पोरबु योहोवा ओसु कोवे: जायीन आपसी आपसी मुरतिक विनता कोरु; आरु कोदाम तुमु मारी नी सोमेळसु; पुन मारा चुखला नावोक आपसी भेटोम आरु मुरतियान लारे ओळी विटोळ झुणी कोरता।
EZE 20:40 काहकी पोरबु योहोवान यो बुल छे की इसराएलोन आखो घोरानो आपसा देसम मारा चुखला बोयड़ा पोर, इसराएलोन उचला बोयड़ा पोर, आखा की आखा मारी विनता कोरसे; चांत हांव हेनुसी खुश होयिस, आरु होंया हांव तुमरी चोड़ावली भेट आरु चोड़ावली वारु वारु चिजोक, आरु तुमरी आखी चुखी कोरली चिजोक तुमरे सी मांग लिस।
EZE 20:41 जोत्यार हांव तुमुक देस देसन मानसो सी आंगे कोरो आरु तेना देसो सी जिनाम तुमु रिवन्या तिवन्या हो रोया, एकठा कोरो, तोत्यार तुमुक वारु गंदायन्यो जानीन आवरी लीस, आरु दिसरी जातिक ओगोळ तुमरे लारे चुखो कोहायसे।
EZE 20:42 जोत्यार हांव तुमुक इसराएल देस मा लावीस, जिनाक आपनेन वायदु हांव तुमरा डाहडा सी कोरलो हुतो, तोत्यार तुमुक पोतु होयसे की हांव तुमरु परमेश्वर योहोवा छे।
EZE 20:43 होंया तुमु आपसी चालचालोन आरु आखा आपसा कामोक जेनुक कोरने सी तुमु विटोळ होयला छे फोम कोरसु, आरु आपसा आखा भुंडला कामोन कारण आपसी निंगा मा भुंडला कोहासु।
EZE 20:44 हे इसराएलोन घोराना, जोत्यार हांव तुमरे पुठी तुमरा भुंनला चालचालोन आरु बिगेड़ला कामोन ओनसारे नी, पुन आपसा नावोन वारलो वेवहार कोरो, ती तुमु जान लेसु की हांव योहोवा छे, परमेश्वर योहोवान बुल यो छे।
EZE 20:45 पोरबुन यो बुल मारे यां पुग्यो:
EZE 20:46 हे मानसोन ओवलियाद, आपसो मुय दोखेवरे भेनी कोर, दोखेवरे भेनी बुल सोमळ्यो, आरु दोखेवरा भेनी देसोन जोंगोलोन वाराम भोगवानो वोगे गोथी वात कोर;
EZE 20:47 आरु दोखेवरा देसोन रोहनेवाळा सी कोव; योहोवान यो बुल सोमळु: पोरबु योहोवा ओसु कोवे, हांव तुमरेम आगठो लागाड़िस, आरु तुमरेम काय निळ्ळो, काय सुकलो, जोतरा झाड़का छे, आखा हुये रुखड़ु कोरीस; हेरेम हुवाड़ु दिन आगठो धोपसे नी उलवाये, आरु हेरेन कोरता दोखेवरे गोथो बोखेवरे लोगुन आखान मुय चुयनाय जासे।
EZE 20:48 तोत्यार आखा जिवे जान लेसे की यो आगठो हांव पोरबु योहोवा लागाड़लो छे, आरु यो कोदी नी उलवाये।
EZE 20:49 हांव कोयो, हे मालीक पोरबु, ये मानसे कोवे कि हांव नोवली नोवली वात बोनावीन कोवने वावो नी होय।
EZE 21:1 पोरबु योहोवान यो बुल मारे यां पुग्यो:
EZE 21:2 हे मानसोन ओवलियाद, आपसो मुख योरुसालेम भेनी कोर आरु चुखला जागा भेनी बुल सोमवाड़; इसराएल देसोन वाराम भोगवानो वोगे गोथी वात कोर आरु उना सी कोव,
EZE 21:3 पोरबु योहोवा ओसु कोवे: देख, इसराएल हांव तारे विरुद्ध छे, आरु आपसी तोलवार म्यान मा गोथु हापकीन तारेम गोथा धोरमी आरु पापी दुयोक नास कोरीस।
EZE 21:4 ओतरान कोरीन कि हांव तुमरेम सी धोरमी आरु पापी आखाक नास कोरने वावु छे, एना कारण मारी तोलवार म्यान गोथी निकाळीन दोखेवरे गोथी बोखेवरे लोगुन आखा जिवोनोन विरुद् चालसे;
EZE 21:5 तोत्यार आखा जीवे जान लेसे कि योहोवा म्यान मा सी आपसी तोलवार हापेकलु छे; आरु होयी म्यान मा ओळी नी मेकी जाय।
EZE 21:6 ओतरान कोरीन हे मानसोन ओवलियाद, तु दम कोंजार! इसराएल देसोन रोहन्यान ओगोळ तु बेसको पोसरावान मोनो सी दुख मोनाव।
EZE 21:7 जोत्यार हुये तुसेक पुछे, तु काहा कोन्जार रोयु? ती तु हेनुक कोहजी, खोबोरोन कारण; काहकी ओसो होयने वाळो छे जिनाक देखीन आखा मानसोक कावजो काप उठसे, तिंदरा हात सुन पोड़ जासे। हुये बेसका चिमाय जासे। हुये आपसा पायो पोर उबा नी होय सोके। देखु, मोटलो विनास आवने वाळो छे। यो विनासकारी होयने छाचिन होयसे, परमेश्वर योहोवा यो बुल छे।
EZE 21:8 पोरबु योहोवा यो बुल मारे यां पुग्यो,
EZE 21:9 हे मानसोन ओवलियाद, भोगवानो वोगे गोथी वात कोव, परमेशवर ओसु कोवे: देख, एक तलवार, एक तिखली तोलवार छे, आरु ची चोमकाड़ली छे।
EZE 21:10 तोलवार कोरीन मारने कोरीन निसान लेदो, विजवी जोसो चोमकाड़ने कोरीन चोमकाड़ लेदो। यो सोमवीन काय हामु खुशी नी मोनाया? होये ते योहोवान पुर्यान राजोन लाकुड़ छे आरु आखा झाड़का काजे उदुड़ सोमेजनेवावा छे।
EZE 21:11 ओतरान कोरीन तोलवार काजे चोमकाड़या कि हुयी हातोम धोराय जाय। तोलवार काजे निसान्या आरु चोमकाड़्या। हेमी हुयी मारने वाळान हातोम आप तोसे।
EZE 21:12 हे मानसोन ओवलियाद, छाती ठुकीन रोड़, आरु शोक मोनाव; काहकी मारी तोलवार मारा आपसा मानसोन विरुद् मियान सी निकेवली छे। इसराएलोन आखा मोटला आदाकारी वी मारा आपसा मानसो पुठी तोलवार सी मार्या जासे। ओतरान कोरीन तु छाती ठुक ठुकीन रोड़।
EZE 21:13 यो पारेखनेन टेम छे। कोदाम तु तिनाक ओसोत जानने वाळो राजडोन वी नी रोहे, ती काय? परमेश्वर योहोवान यो बुल छे।
EZE 21:14 हे मानसोन ओवलियाद, भोगवानो वोगे गोथी वात कोर, आरु हात पोर हात दे, आरु तीन वार तोलवारोन ताकोत डोबल्यो होयनो जुवे; हुयी मारने कोरीन तोलवार पुन मोटा सी मोटाक मारनेन तोलवार छे, जेरेसी कुठ्या मा डुकायला वी नि वाचे।
EZE 21:15 हेंदरा काळजा बिको सी काप उठसे। हुये भोरान्या झोपला पोर लोथड़ीन हित पोड़से; काहकी हांव चोमेकनाय तोलवार आपलु छे। देखु, हुयी विजवी जोसी चोमेकनाय छे, हांव मारने कोरीन हेनीक चोमकाड़लु छे।
EZE 21:16 तोलवार, तिखी बोनावु! तोलवार जेवड़्ये काटू, सुदा ओगोळ काटू, डाखरीये काटू, जावु होरीक जागाम जां तुमरी धार होय, मारने जुगु छे।
EZE 21:17 हांव थापड़िया वाजाड़ीस, आरु हांव आपसी रीस काजे घोनाक मारीन सेवी कोरीस, हांव योहोवान यो बुल छे।
EZE 21:18 ओळी योहोवान यो बुल मारे यां पुग्यो:
EZE 21:19 हे मानसोन ओवलियाद, दुय वाट बोनाव ले कि बेबीलोनोन राजान तोलवार आवे; दुय वाट एकुत देसोम सी निकवे। ओळी एक सोहलानी कोर, सोहोरोन वाटोन मुंडास्या पोर एक सोहलानी बोन्यो;
EZE 21:20 तेनी तोलवारोन आवने जुगु एक वाट बोनाव: यो ओम्मोन देसोन रोब्बा सोहोर, लोगुन जासे; आरु दिसरी योहुदा देसोन वारला सोहोर योरुसालेम लोगुन जासे।
EZE 21:21 बेबीलोनोन राजा एनु दुयु वाटोम लोड़ायनेन जागा पोर उबो छे, आरु हुयो दाना देख रोयो की हुयो काहने वाट्ये जाय: हुयो बिलखाक हालवे; हुयो तराफीम घोरुन झुटा देवता सी पुछे; हुयो काळजाक देखे।
EZE 21:22 हेरे जेवड़ीया हातोम योरुसालेम नावोन चिट्ठी नेकेवली छे। हुयो मुय फाड़ीन आयड़े। हुयो बेस जुर्ये आयड़ीन हुकुम आपे कि भोरान्या झोपला पोर लोड़ायीन सोमान लागाड़ु, दोमदोमा बांदु आरु मोर्चा बान्दी कोरु।
EZE 21:23 पुन योरुसालेमोन रोहन्याक यो शकुन झुटो लागतो हिसे। हुये ते बेसको मोटो आन खादला छे। पुन यो हेरो ओधोरोम फोम कोराय रोयो काहकी हेनुक बोंदी बोनाय लेये।
EZE 21:24 ऐ योरुसालेम मा रोहन्या, पोरबु योहोवा ओसु कोवे: तुमरा पाप तुमुक फोम होये, तुमरा गुना उजेनता होये; जो भुंडला काम तुमु कोर्या, तेनु पोर सी पोरदो छेटो होय गोयो, ओतरान कोरीन तुमु एनान लारे बोन्दी बोनाय जासु।
EZE 21:25 हे इसराएलोन पापी डाहला, तारा दाहड़ा आय गोयला छे; ओधोरमोन चेहलो टेम आय पुग्यो।
EZE 21:26 तार वाराम परमेश्वर योहोवा ओसु कोवे: पागड़ी उतार, आरु मुकुट वी उतार दे; हुयो जोसोन तोसो नी रोहनो; जो नेचो छे तिनाक उचो कोर आरु जो उचो छे तिनाक नेचो कोर।
EZE 21:27 हांव हिनाक नास कोर दिस आरु नास कोर दिस; हाव छाचिन नास कोर दिस आरु जोत्यार लोगुन हेरा आदाकारी नी आवे तोत्यार लोगुन हुयो नासुत रोहसे; तोत्यार हांव तिनाक आप दिस।
EZE 21:28 हे मानसोन ओवलियाद, भोगवानो वोगे गोथी वात कोरीन कोव कि, पोरबु योहोवा यी वात ओम्मोनियोन देसन मानसो आरु हेंदरा लाजवाड़े ओसा देवता सी कोव; सोमवु, तक तोलवार, एक तोलवार मियान सी खोयड़े छे। तोलवार चोमोचोमो छे; तोलवार मारने जुगु तियार छे। विजवी जोसी चोमेकने जुगु तियार कोरला होता!
EZE 21:29 जोत्यार लोगुन कि हुये तारा वाराम झुटा दर्शन देखे, आरु झुटा दाना देखीन तुसेक देखाड़े, कि तु हेनु भुण्डला विटोळोन गोळा पोर पोड़े तिंदरा दाहड़ा आय गोया, आरु हेंदरो ओधोरोमन चेहली टेम आय पुगली छे।
EZE 21:30 तोलवार काजे म्यान मा राख। जिना जागाम तु घोड़ला छे आरु जिना देसोम तारो उबेजनो होयो, तिनामा तारो नियाव कोरीस।
EZE 21:31 हांव तार पोर आपसी रीस भोड़कावीस आरु तारे पोर आपसी रीसोन आगठा काजे फुक दिस; आरु तुसेक ढुरोन तोसु मानसोन हातोम कोर दिस जे मारनेमा पाका छे।
EZE 21:32 तु आगठान इंगावु होयिस; तारो लुहुय देसोम बोनलो रोहसे; तु फोम मा नी रोहीस काहकी हांव योहोवात ओसो कोहलु छे।
EZE 22:1 पोरबु योहोवान यो बुल मारे यां पुग्यो:
EZE 22:2 हे मानसोन ओवलियाद, काय तु हेना खुनी सोहोरोन नियाव नी कोरीस? काय तु हेरो नियाव नी कोरीस? हेनुक हेरा आखा भुंनला कामे देखाड़ दे,
EZE 22:3 आरु सोहोरोक कोव, परमेश्वर योहोवा ओसु कोवे: हे योरुसालेम, तु आपसा इचमा खुन कोरे जेरेसी तारो टेम आयो, आरु आपसा जुन नुकसानी कोरने आरु विटोळ होयने कोरीन मुरतिया बोनावे।
EZE 22:4 जो तुमु खुन कोरला छे, तेरेसी तु गुनाकु कोहायीस, आरु जे मुरतीया तु बोनावलो छे, हेंदरे कारण तु विटोळ होय गोयला छे; तु आपसा चेहला दाहड़ाक साते कोर लेदो, आरु आपसा पोछला सालोम लोगुन पुग गोलया छे। एना कारन हांव तुसे देस देसोन मानसो भेनी सी नाव निंदा, आरु आखा देसोक हासनेन कारण कोर देदलु छे।
EZE 22:5 हे बोदनाव्या सोहोर! हे आयेड़न्या सोहोर, जो देस तारे साते छे, आरु जो तारे सी छेटो छे, चे आखा तारा वायकेड़ा उड़ावसे।
EZE 22:6 देस, इसराएलोन डाहला मानसे आपसा ताकोतोन ओनसारे तुमरेम खुनी होयला छे।
EZE 22:7 तुमरे पुठी रोहन्या आपसा आसी-बसान इजुत नी कोरे। तारे इचमा पारका काजे वेला पाड़्या। आरु विखा वाळा आरु रोन्डायलाक तुमरेम नियाव नी जोड़्यो।
EZE 22:8 जी वात मारी निंगा मा चुखली छे, तारा रोहन्या हेनुक ओसात जान्या। हुये मारा आरामोन दाहड़ाक विटोळ कोरे।
EZE 22:9 तुमरेम लुच्‍चा मानसे मारने कोरीन ओगोळ रोहे, आरु तारा मानसे बोयड़ा पोर खानो खादला; तारे इचमा मोटलो पाप कोरला छे।
EZE 22:10 योरुसालेम मा मानसे आपसा बासोण लाड़ी पुठी सुया। योरुसालेम मा मानसे दुर होयला बायरा पुठी भी सुया छे।
EZE 22:11 काहनला ते आपसा धोड़े वाळान लाड़ी काजे धोर्या; आरु काहनला आपसी उहड़ीस काजे धोर्या ने मोटलो पाप कोर्या; आरु काहनला आपसी बोहनीस काजे धोर्या, आपसी पुराय काजे बिगाड़ देदा।
EZE 22:12 तुमरेम मारने कोरीन हुये रिश्वोत लेदा; तु ते इयाजता आपे आरु इयाज ली लेये। हुये आपसा धोड़े वावाक वेला पाड़्या ने ठोगु आरु तुमु मेसे विसरी गोया, पोरबु योहोवान यो बुल छे।
EZE 22:13 ओतरान कोरीन देख, जु नोफु तु गुंडाय कोरीन कोर्यु आरु आपसा इचमा मा खुन कोरलु छे, तेरसी मारी रिस भोड़की गोयली छे, आरु हांव तार पोर हात उठाड़ीस।
EZE 22:14 ऐने जेने दाहड़े हांव तारो नियाव कोरो, काय तेन दाहड़े तारो काळजो वातड़ो आरु तारा हात एक जागे रोय सोकसे? हांव योहोवा ओसु कोवलु छे, आरु ओसोत कोरीस।
EZE 22:15 हांव तारा मानसोक मुलुक मुलुक मा रिवन्या तिवन्या कोरीस, आरु देस देस मा वेरवी दिस, आरु तारी विटोळ काजे तारेम सी सार दिस।
EZE 22:16 तु जाती जातीन देखता आपसी निंगा मा विटोळ कोवायीस; तोत्यार तु जान लिस की हांव योहोवा छे।
EZE 22:17 ओळी पोरबु योहोवान यो बुल मारे यां पुग्यो:
EZE 22:18 हे मानसोन ओवलियाद, इसराएलोन घोराना मा मारी निंगा सी लुहड़ान मोयोव होय गोयलो चे; हुये आखा की आखा भोट्टीन इचमा पितोळ आरु रांगाक आरु लुहड़ा आरु सिसान सारका बोन गोया; हुये चाँदीन मोयोव सारका होय गोयला छे।
EZE 22:19 इने रिते पोरबु योहोवा हेनु सी ओसु कोवे: ओतरान कोरीन कि तुमु आखा की आखा लुहड़ान मोयोव सारका बोन गोया, एने देखु, हांव तुमुक योरुसालेमोन धोड़े एकठा कोरनेम छे।
EZE 22:20 जोसा मानसे चाँदी, पीतोळ, लुहड़ाक, सीसाक, आरु रांगाक ओतरा जुगु भोट्टीन धोड़े एकठा कोरीन मेके की हेनुक आगठो लागाड़ीन पिघवी जाय, तोसोत हांव तुमुक मारी रिसोन आरु जोलजलाहट सी एकठा कोरीन होयात मेकीन पिघवाड़ दिस।
EZE 22:21 हांव तुमुक होंया तेना आगठाम नाखीस आरु हांव मारी रीसोन आगठाक फुक दीस आरु तुमरो पिघेवनो सुरु होय जासे।
EZE 22:22 जोसा चाँदी भोट्टीन इचमा पिघवाड़े, तोसात तुमु हेरे इचमा पिघवाड़्या जासु; तोत्यार तुमु जान लेसु कि जु आमरे पोर आपसी जोलजलाहट भोड़कावलो छे, चो योहोवा छे।
EZE 22:23 ओळी पोरबु योहोवा यो बुल मारे यां पुग्यो:
EZE 22:24 हे मानसोन ओवलियाद, हेना देस सी कोव, तु ओसो देस छे जो चुखो नी होयो, आरु रीसोन दाहड़ाम तार पोर पानी पोड़्यु।
EZE 22:25 तारा कागळीया तारेम राजमा लोड़ाय विचार कोर्या, हुये आयेड़न्या नाहरो जोसा शिकार धोर्या आरु मानसोक खाय लेदा; हुये किमती धोन हापकी लेदा, आरु हुये सोहरोन बायरा काजे रोंडाड़ देदला छे।
EZE 22:26 हेरा पुजारा मारा नेमोन मोतलोब हापकी हापकीन लागाड़ला छे, आरु मारी चुखली चिजोक विटोळ कोरला छे; हुये चुखलो-विटोळ मा काय फोरोक नी जान्या, आरु नी दिसराक चुखलो ने विटोळोन वात सिखाड़्या, आरु हुये मारा आरामोन दाहड़ान वाराम विनफिकरिया रोया, तेरेसी हांव हेनका इचमा विटोळ कोवायु।
EZE 22:27 योरुसालेमोन डाहला तेनु लेंडिया जोसा छे जे आपसा धोरला जोनवार काजे खाय रोया होय। हुये डाहला पाका बोनने कोरीन होमलु कोरे आरु मानसोक मार नाखे।
EZE 22:28 ऐ योरुसालेम, तारा कागळीया मानसो जुगु मानु झुट काजे खोरली कोवाड़े। हुये झुटा दोरसोन देखे, आरु हेंदरे जुगु झुटा दोरसोन विचारे। नीपने वाळा मारा नाव सी झुट मेके, कि हांव पोरबु परमेश्वर ओसु कोयु, पुन हांव हेनुसी ओसो काय वी नी कोवो।
EZE 22:29 सुदला मानसे एक दिसरान फायदु कोरे। हुये एक दिसराक धुकु आपे आरु चुरी कोरे। हुये गोरब्याक आरु विन आसर्या मानसो पुठी ओसो वेवहार कोरे। हुये पारकाक वी धुकु आपे, जोसा हेंदरे विरुद् काहनो वी नेम नी होय।
EZE 22:30 हांव हेनुम ओसा मानसोक हेरनो चाहयु जु वाड़ाक सुदारे आरु देसोन खास नाका मा मारे ओगोव ओसो उबा होये कि मेसे हेरो नास कोरनो नी पोड़े, पुन ओसो कुदु नी जोड़्यो।
EZE 22:31 एने रिते हां हेनु पोर मारी रिस देखाड़ीस, हांव हेनुक आखो सार दिस, हांव हेनुक हेंदरा भुंनला कामोन कोरता डोन आपीस जेनुक हुये कोरला छे। यो आखु हेंदरु गुनु छे। परमेश्वर योहोवान यो बुल छे।
EZE 23:1 पोरबु योहोवान यो बुल मारे यां पुग्यो:
EZE 23:2 हे मानसोन ओवलियाद, दुय बायरा होता, ची दुय सोग्गी बोहनीस होती।
EZE 23:3 हुये आपसु नानला होता तीहीन छिनावान धुंदु कोरती होती। हुये मिसर देसम छिनावो कोरतेली। चांत होयी छोल्‌लान टेमेत् ची कुवारली नी रोवी।
EZE 23:4 मोटली बोहनीसोन नाव ओहोला आरु नानली बोहनीसोन नाव ओहोलीबा हुतो। हांव हेनु दुयो बोहोनस्यु काजे आवरी लेदु। हेरा पुर्या पारी पोयदा होया। ओहोला ते सोमरोन नावोन ओनसारे सामरी सोहोर ती योरुसालेम ओहोलीबा छे।
EZE 23:5 जोत्यार ओहोला मारी होती तोत्यार वी होयी छिनावान काम कोरी। हुयी आपसे धोड़े ओस्सुरी लोड़ान्यान वाये लाग गोय, जी तेरेसी वात कोरतेली।
EZE 23:6 हुये त आखा की आखा निळ्वा छिंदरा पेहेरनेवाळा गोंहोंय जाय ओसा जुवान डाहला, आरु आदिकारी हुता, आरु घुल्‌ला पोर सोवार होयतेला।
EZE 23:7 ओतरान कोरीन हुयी तिंदरे पुठी छिनावो कोरी जो आखो आखो वारुमा वारु ओस्सुरी लोड़ायन्या हुता; आरु जिना कुदान वाये लागी तेनु मुरतिया पुठी आपसा काजे विटोळ कोर लेदी।
EZE 23:8 जो छिनावो होयी मिसर देसम सिकी। तिनाक वी होयी नी छुड़ी; काहाकी होये नानला होता ती मानसे हेंदरे पुठी सुया आरु हेंदरी छाती चिमाय गोय, आरु हेरे पुठी सुवीन होर भांज लेतला।
EZE 23:9 ओतरान कोरीन हांव ओस्सुरी दुसतीदार पुठी वात कोरन्यान हातोम आप देदु। जेरे वाये होयी लागली होती।
EZE 23:10 हुये हेनु काजे धोर्या। हुये हेंदरा पुर्या लेदा आरु हुये तोलवार चालाड़्या आरु मार नाख्या। हुये हेनुक डोन आप्या आरु बायरा हेमी लोगुन हेरी वात कोरे।
EZE 23:11 ओहोलान बोहनीस ओहोलीबा आपसी बोहनीसन विनास देखी, ती वी होयी वाये लागीन आपसी बोहनीस सी जादा छिनावो कोरी। होयी आपसी बोहनीस सी एक डोंग जादा होय गोय।
EZE 23:12 होयी ओस्सुरी आदिकारी आरु सेनापती पोर मोन लागाड़ लेदी। घुल्‌ला चालाड़न्यान वाये लाग गोय। ये आखा जुवान होता।
EZE 23:13 हांव देख्यो कि होयी विटोळ होय गोयली छे। होयी दुयु बोहनीस एक सारकी चाल होती।
EZE 23:14 पुन ओहोलीबा जादा छिनावो कोरती गोय; जोत्यार होयी भितड़ा पोर सेंदुर सी रेगटा बोनला ओसा कोसदि मानसोन चितरा देखी
EZE 23:15 होये बासन कोड़ीया मा पेटारा बांदला होता आरु हेंदरा मुनका पोर नांबी पागड़ि होती। हुये आखा घुल्‌ला गाड़ा आदाकारीन जोसा देखायतला। हुये बेबीलोन मा रोहने वावा ओसो लागतेलो।
EZE 23:16 ओहोलीबा हेनुक देखी आरु होयी हेंदरे वाये लाग गोय। होयी बेबीलोन यां नेवतो मुकली।
EZE 23:17 बेबीलोनन मानसे हेरे पुठी खाटला पोर आया, आरु हेरे पुठी सुवीन हेनीक विटोळ कोर्या; आरु जोत्यार होयी विटोळ होय गोय, तोत्यार हेरो मोन हेंदरे सी फिर गोयो।
EZE 23:18 जोत्यार होयी उजेन्ती छिनावो कोरने लाग गोय, आरु आपसो डील आखा ओगोळ उगाड़ने लागी, तोत्यार हांव घाड़ाय सि हेंदरे भेनी सी मुय फेरवी लेदु, जोसो हांव हेरी बोहनीस सी मुय फिरवी लेदु।
EZE 23:19 ओळी वी दाहड़ी दाहड़ी छिनावो कोरती रोवी। होयी आपसी नानली होती ती चे दाहड़ा फोम कोरती होती, जोत्यार होयी मिसर देसोम छिनावो कोरती होती।
EZE 23:20 होंया रखेल ओसा मानसोन वाये लाग गोयली, जिंदरो लिंग गोदड़ान तोसो, आरु घुल्‌ला बीजो सारको होतो।
EZE 23:21 ओहोलीबा, तु आपसी नानली होती ती छिनावान काम पोछी कोरे, जोत्यार मिसर देसोन रोवन्या तारा छोल्‌ला पेटो पोर हात फिरवे, जोत्या हुये तारी छोल्ली छातीक दोड़ेबता होता।
EZE 23:22 ओहोलीबा, पोरबु योहोवा ओसु कोवे: तु जिंदरे वाये लागली होती घाड़ाय कोरने लाग गोय। पुन हांव तेनुक यां लावीस। चे तुसेक घेरवी लेसे।
EZE 23:23 बेबीलोनोन रोहन्या कोसदि सिपायड़ा, पोकोद, शो आरु कोआ कोबिलान सिपायड़ा आरु हेंदरे पुठी आखा ओस्सुरीया सिपायड़ा, गोंहवे ओसा जुवान, आदिकारी, सेनापती, नायक आरु योद्धा। ये आखा घुल्‌ला पोर सोवार होयसे।
EZE 23:24 हुये होतियार, रोथ, छोकड़ा आरु देस देसोन मानसे टुवा लीन तार भेनी चोड़ाय कोरसे; आरु ढाळ आरु फोरियां आरु टोप पेहरीन तारे विरुद् च्यारु मेर सी एकठा होयसे; आरु हांव हेंदरा हातोम नियावोन काम आप दोम, आरु हुये आपने आपने नेमोन ओनसारे तारो नियाव कोरसे।
EZE 23:25 हांव तुमुक देखाड़ो की हांव कोतरु रीसावु छे। हुये बेसका रिस कोरीन होयसे तुमुक कुटसे। हुये तुमरा नाक आरु तुमरा कानटा काट लेसे। हुये तोलवार चालाड़से आरु तुमुक मार नाखसे। तोत्यार हुये तुमरा पुर्याक ली जासे आरु तुमरो जो काहिन वाच रोयो होये तिनाक धोपाड़ देसे।
EZE 23:26 हुये तारा छिंदरा वी निकावीन तारा घाटाळा घाटाळा गोहना हापकी ली जासे।
EZE 23:27 इनी रिते हांव तारो मोटलो पाप आरु जो छिनावान काम तु मिसर देस मा सिखली, तेरेसी वी तुसेक छुड़ाय लीस, यां लोगुन कि तु आपसा डुळा हेंदरे भेनी नी लागाड़े आरु नी मिसर देसन ओळी फोम कोरीस।
EZE 23:28 काहकी पोरबु योहोवा तार सी ओसो कोवे: देख, हांव हेंदरा हातोक कोर दीस जेरेसी तु घाड़ाय राखे आरु जेरेसी तारो मोन फिर गोयो;
EZE 23:29 आरु हुये तार सी घाड़ाय सी वेवहार कोरसे, आरु तारी आखी कोमाय काजे हुचली लेसे, आरु विगुर छिन्दरान कोरीन छुड़ देसे, आरु तारा डिलोक उगाड़ देने सी तारो छिनावो आरु मोटलो पाप उजेनतो होय जासे।
EZE 23:30 यो काम तार सी एने रिते कोरसे काहकी तु दिसरा मुलुको पोछोळ वेवविचारीन जोसा होय गोया, आरु हेंदरी मुरती पुजीन विटोळ होय गोया।
EZE 23:31 तु आपसी बोहनीसुन वाटो पोर चाली, एने हांव तारा हातोम हेरो वाटको कोर दिस।
EZE 23:32 पोरबु योहोवा ओसु कोवे: आपसी बोहनीसुन वाटकाम गोथो तुसेक पीनो पोड़से जो उंडो आरु चोवड़ो छे; मानसे तार पोर हाससे आरु वायकेड़ा कोरसे, काहकी हेना वाटकाम बेस काहिन सोमाये।
EZE 23:33 तु मोंदो सी आरु पीड़ा सी छाक जायीस। तु आपसी बोहनीस सोमरोनोन वाटकाक, विनास आरु उजाड़ काजे पीन छाक जायीस।
EZE 23:34 हेरेम सी तु चाट चाटीन पीस, आरु हेरा टाहराक वी चावीस आरु आपसी छातीक घायेल कोरीस; काहकी हांव ओसो कोवलु छे, पोरबु योहोवान यो बुल छे।
EZE 23:35 पोरबु योहोवा यो बुल छे, तु जो मुसेक विसराड़ देदी, आरु आपसो मुय मार सी फेरवी लेदी, ओतरान कोरीन तु आपसोत मोटला पाप आरु छिनावान भार भुकोत।
EZE 23:36 पोरबु योहोवा मार सी कोवे: हे मानसोन ओवलियाद, काय तु ओहोला आरु ओहोलीबान नियाव कोरीस? ती ओळी हेरा भुंनला काम हेनुक देखाड़ दे।
EZE 23:37 काहकी हुये वेवविचार कोरला छे, आरु हेंदरा हातोम लुहुय लागलो छे; होये आपसी बोनावली मुरतिया पुठी वेवविचार कोर्या, आरु आपसा पुर्याक जे मार सी उबेजला, हेनु मुरतोन ओगोळ बादा होयने जुगु चोड़ाया।
EZE 23:38 ओळी होये मार सी ओसो वेवहार कोर्या की हेरे पुठी मारा चुखला जागाक विटोळ कोर्या आरु आरामोन दाहड़ाक विटोळ कोरला छे।
EZE 23:39 हुये आपसा पुर्याक आपसी बोनावली मुरतियान ओगोळ बादा चोड़ावीन तेने दाहड़े मारा चुखला जागाक विटोळ कोरने कोरीन हेरेम भोराया। देख, होये एने रीते काम कोरीन भवन मा माहाय भोरायला छे।
EZE 23:40 होयी नांबे गोथी मानसोक बुलाय मुकली, आरु होया आय वी लाग्या। हेंदरे जुगु ते उंगवी ले, डुळा मा काजोळ लागाड़, गोहना पेहेर;
EZE 23:41 घाटाळी खाटली पोर बोठली रोवी, आरु तारे ओगोळ एक टेबल आथेरली होती, जेरे पोर तु मारे धुप आरु मारो तेल मेकलो होतो।
EZE 23:42 तोत्यार हेंदरे पुठी बेफिकरीया मानसोन गोड़दीन गोगलु सोमवायी, आरु हेनु साधाराण मानसो जुळ जोंगोल सी बुलावला छाकला मानसे वी होता; होये हेनु दुयु बोहोनस्युन हातो कावय्या पेहराया, आरु हेंदरा मुनका पोर घाटाळो देखायो ओसो मुकुट मेक्या।
EZE 23:43 तोत्यार छिनावो कोरता कोरता डाळा होय गोया, हेरे वाराम हांव कोय पोड़्यु, हेमी ते हुये हेरे पुठी छिनावो कोरसे।
EZE 23:44 काहकी हुये तेरेंचा ओसा गोया जोसा मानसे छिनावायीन चा जाय। तोसात हुये ओहोला आरु ओहोलीबा नावोन मोटला पापी बायरान चा गोया।
EZE 23:45 धोरमी मानसे वेवविचारी आरु खुनीन तोसा हेरो नियाव कोरे; काहकी हुये वेवविचारनी छे, आरु हेंदरा हातोम लुहुय लागलो छे।
EZE 23:46 कोरीन परमेश्वर योहोवा ओसु कोवे: हांव एक गोड़दी सी हेंदरे पोर चोढ़ाई कोरावीन हेनुक ओसो कोरीस कि हुये मोरी मोरी फिरसे आरु लुटाय जासे।
EZE 23:47 हेनी गोड़दीन मानसे हेनु काजे दोगड़ाटीन हेनुक आपसी तोलवार सी काट नाखसे; तोत्यार हुय हेंदरा पुर्या पोरायटाक मारिन हेंदरा घोरोक वी आगठो लागाड़ीन फुंक देसे।
EZE 23:48 इने रीते हांव मोटला पापी देस मा गोथु छेटु कोरीस, आरु आखा बायरा सोमजीन तुमरे जोसा मोटला पाप कोरने सी वाचला रोहसे।
EZE 23:49 तुमरा मोटला पाप तुमरा मुनका पोरुत पोड़से; आरु तुमु छाचीन आपसी मुरतियान पुजान पापोन भार हुचलसु; आरु तोत्यार जान जासु की हांव परमेश्वर योहोवा छे।
EZE 24:1 नोव्वे सालोन दोसवे मोहनेन दोसवे दाहड़े, योहोवान यो बुल मारे यां पुग्या:
EZE 24:2 हे मानसोन ओवलियाद, आजुन दाहड़ु लिखिन मेक, काहकी आजुन दाहड़े बेबीलोनोन राजा योरुसालेम आवीन घेरोव कोरलो छे।
EZE 24:3 यी काहानी तेना घोराना सी कोव जे हुकुम नी माए। तेंदरे सी यी वात कोव। पोरबु योहोवा ओसु कोवे: हान्डाक आगठा पोर मेक दे; हेनाक मेकीन पानी भोर देवु;
EZE 24:4 हेरेम मासोन टुकड़ा पोखड़ु, होरीक वारला टुकड़ा पोखड़ु, सातवा आरु खांदा। आरु हेरेम वारु सी वारु हाड़का भोर देवु।
EZE 24:5 टुवाम आखासी वारु ढुर लावीन हेनु हाड़काक हान्डा तोवे ढिग कोरु; आरु हेनुक वारु चुड़वु काहाकी धोड़े वावा हाड़का वी चुड़ जाय।
EZE 24:6 कोरीन पोरबु योहोवा ओसु कोवे: हाय, तेनी खुनी सोहोर पोर! हाय तेना हान्डा पोर! तेरे किटी लागली छे आरु निकळी नी; हेरेम सी भुकरा भुकरा कोरीन निकाव लेवु, हेरे पोर चिट्ठी झुन नाखता।
EZE 24:7 काहकी हेना सोहोर मा कोरलो खुन हेरेम छे; हुयो तेना जागा पोर धुळी नाखीन वी नी ढाक्या, पुन उगाड़ा चाफरिया पोर मेक देदा।
EZE 24:8 कोरीन हांव वी हेरो लुहुय उगाड़ा चाफरीया पोर मेकलो छे, कि हुये ढांक नी सोके आरु कि बोदलो लेनेन कोरता रीस भोड़के।
EZE 24:9 पोरबु योहोवा ओसु कोवे: हाय हेनी खुनी सोहोर पोर! हांव वी ढीग काजे मोटो कोरीस।
EZE 24:10 आरु जादा लाकड़ा नाख, आकठाक जादा कोर, मास वारु चुड़े तोसे आरु मोसालु भेसोक, आरु हाड़काक धोपाड़ देवु।
EZE 24:11 ऐरे वाद हान्डान नोवराड़ु, आरु नोवरा हान्डाक इंगावा पोर मेकु, जेरेसी तातो होये, हेरो पीतोळ रातो होय जाय, हेरो मोयोव गोवे, आरु हेरे माहाय वावी किटी धोप जाय।
EZE 24:12 हांव ते घोनो कुशिश कोरीन देख लेदु, पुन हेरी किटी निकेवती नी, किटी बेस जाडी छे, होयी आकठा सी वी नी निकेवती।
EZE 24:13 हे योरुसालेम सोहोर तारी विटोळ मोटला पापोन छे। हांव ते तुसे चुखो कोरने चाहतेलो, पुन तु चुखी नी होयी, कोरीन जोत्यार लोगुन हांव आपसी रीस तारे पोर सी सेवी नी कोर लोम, ती लोगुन तु ओळी चुखी नी कोरी जायीस।
EZE 24:14 हांव योहोवात यो कोवलु छे; आरु हुयो होयसे; हांव ओसोत कोरीस, हांव तुसेक नी छुड़ो, नी तारे पोर गीन खायीस, नी पोसतायो; तारा चालचालोन आरु कामोन ओनसारे तारो नियाव कोर्‌यो जासे, पोरबु योहोवान यो बुल छे।
EZE 24:15 योहोवान यो वी बुल मारे यां पुग्यो:
EZE 24:16 हे मानसोन ओवलियाद, देख, हांव तारा डुळान मोंगावाक मारीन तारेन चा रोहीन लेनेम छे; पुन नी तु रोड़जी आरु नी आसा उहवाड़जी।
EZE 24:17 नांबो दोम ते लेजी, पुन हुयो सोमवायनो नी जुवे; मोरला जुगु वी विलाप नी कोरनो। मुनका पोर पागड़ी बांदली आरु पायोम खासड़ा पेहेरला रोवे; आरु नी ते आपसा हुटड़ा काजे ढाकजी नी कोलेपना जोसा रुटा खानो।
EZE 24:18 तोत्यार हांव सोंदारे लोगहन सी कोहीस, आरु सान्तो मारी लाड़ी मोर गोय। तोत्यार सोंदारे हांव हुकुमोन ओनसारे कोर्यु।
EZE 24:19 तोत्यार मानसे मार सी कोहने लाग्या, काय तु हामुक नी देखाड़े की यो जो तु कोरे, ऐरो हामरे जुगु काय मोतलोब।
EZE 24:20 हांव हेनुक जोपाप देदु, योहोवान यो बुल मारे यां पुग्यो:
EZE 24:21 तु इसराएलोन घोराना सी कोव: पोरबु योहोवा ओसु कोवे: देखु, हांव आपसा चुखला जागान जेरो गोट होयने पोर तुमु खुस होय रोया; आरु जे तुमरा डुळान मोंगावा होयला छे, आरु जेनुक तुमरे मोन गोंहाड़े, तिनाक हांव विटोळ कोरनेम छे; आरु आपसा जिनाक पुर्या-पोरायटाक तुमु होंया मेक आवला छे, चे तोलवार सी मार्या जासे।
EZE 24:22 जोसु हांव कोरलु छे तोसात तुमु लोगहन कोरसु; तुमु वी आपसा हुटड़ा नी ढाकसु, नी कोलेपनेन जोसा रुटा खासु।
EZE 24:23 तुमु मुनका पोर पागड़ी बांदला आरु पायोम खासड़ा पेहेरला रोहसु, नी तुमु रोड़सु, नी छाती ठुकसु, पुन आपसा पापन कामोम फोसला गोवता जासु आरु एक दिसरा भेनी वेला कोरता रोहसु।
EZE 24:24 एने रीते योहेजकेल तुमरे जुगु सोहलानी कोहायसे; जोसो हुयो कोर्‌यो, ठीक तोसात तुमु वी कोरसु। जोत्यार यो होय जाय, तोत्यार तुमु जान लेसु की हांव परमेश्वर योहोवा छे।
EZE 24:25 हे मानसोन ओवलियाद, काय यो छाचो नी, की जेने दाहड़े हांव हेंदरो वातड़ो घाटाळु जागु, हेंदरी सुबा, आरु खुशीन कारन आरु हेंदरा पुर्या पोरायटा जे हेंदरी सुबा, हेंदरा डुळान खुशी, आरु मोनो चाह छे, हेनुक हांव हेंदरे सी मांग लीस,
EZE 24:26 तेने दाहड़े जो ढासीन वाचसे, चो तारे यां आवीन तुसेक खोबोर सोमवाड़े।
EZE 24:27 तेने दाहड़े तारो मुय उगेड़से, आरु तु ओळी हुगु नी रोवीस पुन हेनु वाचला पुठी वात कोरीस। एने रीते तु एनु मानसो जुगु सोहलानी कोवायीस; आरु ये जान लेसे की हांव परमेश्वर योहोवा छे।
EZE 25:1 पोरबु योहोवान यो बुल मारे यां पुग्यो:
EZE 25:2 हे मानसोन ओवलियाद, ओम्मोनियो भेनी मुय कोरीन हेंदरे वाराम भोगवानो वोगे गोथी वात कोर।
EZE 25:3 हेनुसी कोव, हे ओम्मोनियो, परमेश्वर योहोवान यो बुल सोमवु, परमेश्वर योहोवा ओसु कोवे की तुमु जे मारा चुखला जागान वाराम जोत्यार होयो विटोळ कोरला, आरु इसराएली देसोन वाराम जोत्यार होयो उजड़ी गोयलो, आरु योहुदान घोरानान वाराम जोत्यार होये बांदवाय मा गोया, अहा, अहा! कोया।
EZE 25:4 कोरीन सोमवु, हांव तुमुक उगेवना देसो वावा मानसोन होकोम कोरनेम छे; आरु हुये तुमरे इचमा आपसो पोड़ाव कोरसे आरु आपसा घोरे बोनावसे; हुये तारा फोव खासे आरु तारो दुद पीसे।
EZE 25:5 हांव रोब्बा सोहोर काजे उटड़ान रोवने आरु ओम्मोनियोन देसोक गाडरा बुकड़ाक बोसनेन जागु कोर दीस; तोत्यार तुमु जान लेसु की हांव योहोवा छे।
EZE 25:6 काहकी परमेश्वर योहोवा ओसु कोवे: तुमु जे इसराएल देसोन कारण थापड़्या वाजाड़्या आरु नाच्या, आरु आपसा आखा मोनोक वारु नी लागे ओसा खुश होया,
EZE 25:7 कोरीन, हांव आपसो हात तारे उपोर कोरलो छे; आरु तुसेक राज राजोक लुटीन आप दिस, आरु देस देसोन मानसोम गोथा तुसेक सार दिस; आरु देस देश मा गोथा नास कोर दिस। हांव तारो नास कोर नाखीस; तोत्यार तु जान लीस की हांव योहोवा छे।
EZE 25:8 परमेश्वर योहोवा ओसु कोवे: मोआब आरु सेईर कोवे, देखु, योहुदान घोरानो आरु आखा मुलुकोन तोसा होय गोयला छे।
EZE 25:9 ओस कोरीन देख, मोआब देसोन कातरोन सोहोर बेत्यशीमोत, बालमोन, आरु किरयातेम, जे हेना देसोन शिरोमणि छे, हांव हेंदरी वाट उगाड़ीन
EZE 25:10 हेनुक उगेनला देसोन मानसोन होकोम ओसु कोर दीस कि हुये ओम्मोनियो काजे नास कोरे; आरु हांव ओम्मोनियोक यां लोगुन हेंदरा होकोम कोर दिस की जाति जातिन इचमा हेनुक ओळी फोम नी रोवसे।
EZE 25:11 हांव मोआब काजे वि डोन आपीस। तोत्यार होये जान लेसे की हांव योहोवा छे।
EZE 25:12 परमेश्वर योहोवा ओसु वी कोवे: एदोम जो योहुदान घोराना सी बोदलु लेदु, आरु हेनुसी बोदलु लिन मोटलु गुनाकु होय गोयलु छे,
EZE 25:13 ओस कोरीन परमेश्वर योहोवा ओसु कोवे, हांव एदोमोन देसोन विरुद् आपसो हात ओगु कोरीन हेरेम गोथा मानसे आरु ढुरे दुयोक सार दीस; आरु तेमान सोहोर गोथा दोदान सोहोर लोगुन हेनुक उजाड़ दिस; आरु हुये तोलवार सी मार्या जासे।
EZE 25:14 हांव आपसा मानसे इसराएलोन लारे एदोम सी आपसो बोदलो लीस; आरु हुये हेना देस मा मारी आरु रीसोन ओनसारे काम कोरसे। तोत्यार हुये मारा बोदलाक जान लेसे, परमेश्वर योहोवान यो बुल छे।
EZE 25:15 परमेश्वर योहोवा ओसु कोवे: पोलिस्तीन मोनोम इसराएलोन ओवलियाद जुगु ठेटकान वेरी माने। कोरीन होये वेरीन आरु बोदलान विचार कोरीन इसरालीया पुठी बोदलु लेदा, आरु हेनुक नास कोर देदा।
EZE 25:16 ओस कोरीन परमेश्वर योहोवा ओसु कोवे, सोमोळ, हांव पोलिस्तीयोन विरुद् आपसो हात ओगु कोरनेम छे, आरु कोरेतियाक सार दिस; आरु दोरियान धोड़े वावा वाचलाक नास कोर दिस।
EZE 25:17 हांव हेनुक मोटलो डोन आपीस। रिसो पुठी हांव हेनुसी बोदलु लीस। तोत्यार हेनुक पोतु चालसे की हांव परमेश्वर योहोवा छे।
EZE 26:1 ईग्यारे वोरीसोन पेहले मोहनेन पेहलो दाहड़े पोरबु योहोवान यो बुल मारे यां पुग्यो:
EZE 26:2 हे मानसोन ओवलियाद, सोर जो योरुसालेमोन वाराम कोवलो छे, अहा, अहा! जे देस देसोन मानसोन झोपला सारकी होती, होयी नास होय गोय! हेरा उजड़ी जाने सी हांव भोरपुर होय जायीस।
EZE 26:3 ओस कोरिन परमेश्वर योहोवा ओसु कोवे: हे सोर, देख, हांव तारे विरुद् छे; आरु ओसु कोरीस की बेसका मुलुके तारे विरुद् ओसी उबरोय जासे जोसी दोरियान झेलोक उठे।
EZE 26:4 होये सोरन भितड़ाक उदारसे, आरु हेरा खांबाक तुड़ नाखसे; आरु हांव तेनु पोर सि हेरा धुळाक खुरचीन तीनाक चाफरिया ओतरान रोहनदीस।
EZE 26:5 होयो दोरयान इचमा जाळ नाखनेन ओतरोत जागु रोवसे; काहकी परमेश्वर योहोवान यो बुल छे, आरु हुयो जाति जाति सी लुट लेसे;
EZE 26:6 आरु हेरा जे पोरायटा खोयड़ा मा छे, तेनुक तोलवार सी मार नाखसे। तोत्यार हुये जान लेसे कि हांव पोरबु योहोवा छे।
EZE 26:7 काहाकी परमेश्वर योहोवा ओसु कोवे: देख, हांव सोर देसोन विरुद् राजगादी पोर बोरला बेबीलोनोन राजा नोबुकदनेस्सर काजे घुल्‌ला, रोथ, सोवारी, मोटली गोड़दी, आरु टुळा भेळ बोखेवरे भेनी गोथु लावीस।
EZE 26:8 तारा पुराटा खोयड़ा मा होय, हेनुक तोलवार सी मारसे, आरु तारे विरुद् होड़ताव कोरसे आरु भितड़ा बांदसे; आरु ढाव बोनावसे।
EZE 26:9 होये तुमरा भीतड़ाक तुड़ पाड़से।
EZE 26:10 हेरा घुल्‌ला ओतरा होयसे, कि तु हेंदरा धुवा सी ढाकाय जासे, आरु जोत्यार होये तारा झोपला मा ओसा भोरायसे जोसा मानसे नाका वाळा सोहोर मा भोराये, तोत्यार तारा भीतड़ा सोवारी, छोकड़ा आरु रोथोन बुल सी काप पोड़से।
EZE 26:11 बेबीलोनोन राजा तुमरा सोहोर सी घुल्‌ला पोर सोवार होयिन निकळसे। हेरा घुल्‌लान टापरा तुमरी सोयड़ोक काजे बिगाड़ देसे। होये तुमरा मानसोक तोलवार सी मार नाखसे। तुमरा सोहोरोन मोटला वातेल्‌ला खांबा काजे नेचा पाड़ देसे।
EZE 26:12 मानसे तारा धोनोक लुट लेसे आरु तारा वेपारोन सोमान हापकी लेसे; होये तारा भीतड़ाक उदार देसे आरु तारा गोंहोवता घोरोक तुड़ नाखसे; तारा घोरोन दोगड़ा आरु काठा आरु तारा धुळाक दोरीयामा नाख देसे।
EZE 26:13 हांव तारा गीतोन सुरताव बोंद कोर दिस, आरु तारा वाजान बुल ओळी सोमवाये।
EZE 26:14 हांव तुसेक उगाड़ली चाफुर कोर दिस; तु जाळ नाखनेन ओतरोत जागो रोय जासे, आरु ओळी वोसाड़्यो नी जासे; काहाकी मेसे योहोवात यो कोवलु छे, परमेश्वर योहोवान यो बुल छे।
EZE 26:15 परमेश्वर योहोवा सोर सी ओसु कोवे: तारा पोड़नेन बुल सी जोत्या घायेल मानसे आयोड़से आरु तुमरेम मारनेन मारनेत होयसे, तोत्यार काय दोरियान कातोर वाळा देस बिकोम नी काप पोड़से?
EZE 26:16 तोत्यार दोरियान धोड़ेन देसोन आखा डाहला मानसे आपनी आपनी राजगादी पोर सी उतेरसे, आरु आपसा बागा आरु बुटेदार छिंदरा निकाळीन धोदड़ुदिन कापता जायीन छिंदरा पेहेरसे आरु भिमा बोसीन होर टेमे कापता रोवसे; आरु तारे कारण घाबराय जासे।
EZE 26:17 होये तारा वाराम विलापोन गीत बोनावीन तारसी कोवसे, हे सोर, तु नावसाद्‌यो सोहोर हुतो दोरीया पोल धोड़े गोथा मानसे तुमरेम वोसने आया। तु नावसाद्यो हुतो, पुन हेमी तु काय वी नी होय। तु दोरीया पोर ताकोतवाळु होतु, आरु तोसोत तुमरेम रोवन्या मानसे होता! तु मोटा जागाम रोवने वाळा आखा मानसोक बिहाड़्या कोर्या।
EZE 26:18 तारे पोड़नेन दाहड़े दोरीयान कातरे वाळा देस काप पोड़से, आरु तारा जातला रोवने सी दोरीयान आखा टापु वाळा घाबराय जासे।
EZE 26:19 काहाकी परमेश्वर योहोवा ओसु कोवे: जोत्यार हांव तुसे उजाड़ी सोहोर जोसो उजाड़ कोरीस आरु तारे उपोर मोटला दोरियाक चोड़ावीस, आरु तु उंडा पानीम डूब जायीस,
EZE 26:20 तोत्यार खाडाम आरु पोड़नेवाळा पुठी हांव तुसे वी डाहडा मानसोम उतार दीस; आरु खाडाम आरु पोड़नेवाळा पुठी तारे नेचली कोवीम मेकीन डाहडान उजेड़ला जागान तोसु कोर दिस; यां लोगुन की तु ओळी नी वोसिस आरु नी जीवायीन कोवीम काहनलु जागु जोड़से।
EZE 26:21 हांव तुसे घाबरायनेन कारण कोरीस, आरु तु ओळी ओसु कोदी नी रोवे, पुन हेरनेम वी तारो पोतु नी लागसे, परमेश्वर योहोवान यो बुल छे।
EZE 27:1 योहोवान यो बुल मारे यां पुग्यो:
EZE 27:2 हे मानसोन ओवलियाद, सोर देसोन वाराम एक विलापोन गीत बोनावीन हेनुसी ओसु कोव,
EZE 27:3 ऐ दोरीयान झोपला झोपला पोर रोवनेवावा, ऐ बेसका मुलुको जुगु देस देसेन मानसे पुठी वेपार कोरनेवावी, परमेश्वर योहोवा ओसु कोवे: हे सोर तु कोवे की हांव बेस जादा घाटाळु छे।
EZE 27:4 तारी काकोड़ दोरीयान इचमा छे; तारो बोनावने वाळो तुसेक आखो घाटाळो बोनायो।
EZE 27:5 तारा आखा पाटड़ीया सोनीर बोयड़ान सोनोवरोन लाकड़ान बोनला छे; तारा मोस्तुल जुगु लोबानोनोन वेला वाळा लीन बोनावला छे।
EZE 27:6 तारा डांडे बासानोन ओंजीरोन झाड़कान बोन्या; तारा ढोन्डियान पोटाव कित्तियान जागाम सी लावला सुदा सोनोवोरोन हातीन दात लागड़ला लाकड़ान बोनलो।
EZE 27:7 तारा ढोन्डियान पाटल्या मिसर देस सी लावला बुटेदार सोनोन छिंदरान बोनला की तारे जुगु झोन्डान काम आवे; तारी चांदनी एलीसान जागाम गोथा लावला निळ्ळा आरु रिंगन्या रोंगोन छिंदरान बोनलो।
EZE 27:8 तारा ढोन्डियाक चालाड़्या सीदोन आरु अर्वद जागे रोवनेवाळा होता; हे सोर, तारात जागाम ओकोल वाळा मानसे तारा ढोंन्डियाक चालाड़्या होता।
EZE 27:9 तारा कारीगोर जुड़ाय कोरनेवाळा गोबोल सोहोरोन डाहला आरु ओकोलवाळा मानसे होता; तारेम वेपार कोरने जुगु मल्‌लाहों भेव दोरिया पोरुन आखा ढोंन्डिया तारेम आय गोयला।
EZE 27:10 तारी सेनाम फारसी, लुदी, आरु पुती मानसे भोरती होयला होता; होये तारेम ढाळ, आरु टुपी टांग्या; आरु हेंदरे कोरता तारी इजुत वोद गोय।
EZE 27:11 तारा भीतड़ा पोर तारी सेना पुठी अर्वद सोहोरोन मानसे च्यारु मेर हुता; आरु तारा गोम्मत सोहोर मा शुरवीर उबला होता; होया आपसी ढाळ तारे च्यारु मेरोन भीतड़ा पोर टांगला; तारो घाटाळो हेंदरे लारे पुरो होयलो।
EZE 27:12 आपसी आखे भातीन धोन बेसको होयने सी तोरसीसी मानसे तारा वेपारी होता; होये चांदी, लुहड़ा, रांगा, आरु सीसा आपीन तारो माल मुले लेदा।
EZE 27:13 यावान, तुबल, आरु मेशेकोन मानसे तारा मालोन बोदले पावोर-पावेरनी आरु पीतळोन टाहरा सी वेपार कोरता होता।
EZE 27:14 तोगर्मा घोरानान मानसे तारा धोनोक लीन घुल्‌ला, सोवारीन घुल्‌ला आरु चोचोरगोदड़ा आप्या।
EZE 27:15 दोदानी मानसे तारा वेपारी होता; बेसके जागे तारा हाट बोन्या; होये तारे यां हातीन दातोन सींगड़ा आरु आबनुसोन लाकड़ा वेपार मा लावतेला।
EZE 27:16 तारी बेसकी कारीगारीन कोरता अराम नावोन तारु वेपारी होतु; मोरकोत जामन्या रोंगोन आरु हातो कोरीन गुथला छिंदरा, सोन, मुंगा आरु लालड़ी चे तारा माल होता।
EZE 27:17 योहुदा आरु इसराएल वी तारा वेपारी होता; होये तुमरी चिजोक लेनेन जुगु बोदलाम मिन्नीत गोंहोव, जेतुन, अगाती, अंजीर, शहद, तेल ओळी वी सुळावो आप्या।
EZE 27:18 तारेम बेसका कारीगारी होया आरु आखा भातीन धोन एकठो होयो, एरेसी दोमिस्क देस तारो वेपारी हुयो; तारे जु हेलबोनोन ओंगुरोन रोस आरु उजवी रुवीन पुगाड़्या।
EZE 27:19 वोदान आरु यावान ताता मालोन बोदले सुत आप्या; आरु हेन्दरे कोरता फोलाद, तेजपान आरु ओगोर मा वी तारा वेपारी होया।
EZE 27:20 दोदान सोहोरोन वेपारी काठीन छिंदरा आरु घुल्‌लान वेपार कोरता होता।
EZE 27:21 ओरोब आरु केदारोन आखा डाहला तारा वेपार्या कोवाये; होये मेम्ना आरु गाडरा आरु बुकड़ाक लावीन तारे पुठी लेनो देनो कोर्या।
EZE 27:22 सोबा आरु रामान वेपारी तारा वेपारी कोवाया; होये वारु सी वारु मुलकोन आखो भातीन मोसालो, बेस भातिन मणि, आरु सोनो आपीन तारो माल लेदा।
EZE 27:23 हारान, कोन्ने, एदेन, सोबान वेपारी, आरु ओस्सुर आरु कोलमोग, ये आखा तारा वेपारी कोवाये।
EZE 27:24 होये वारु वारु चीज पांगेरनेन निळ्वा आरु किड़्या विंदला छिंदरा आरु हिरो सी बांदला आरु देवदारोन बोनला फुलक्या छिंदरान पेटारा लावीन तारे पुठी लेनो देनो कोरतेला।
EZE 27:25 तोरसीसोन ढोंडीयो तारा वेपारोन माल लावने लीजाने होयो। हेंदरे लारे तु दोरीयान इचमा रोवीन बेसकु मातभोर आरु इजुतदार होय गोयली।
EZE 27:26 तारा ढोंडीयो चालाड़न्या तुसेक उंडा पानीम पुगाड़ देदला छे, आरु पुरवाई तुसेक दोरियान इचमा तुड़ देदला छे।
EZE 27:27 जेने दाहड़े तु डुबीस, तेनेत दाहडे तारो धोन, वेपारोन माल, मल्‌लाह, ढोंडीयो चालाड़न्या, जुड़ायीन काम कोरन्या, वेपारी मानसे, आरु तारेंचा जोतरा सिपायड़ा छे, आरु तारि आखी गोड़दी दोरियान इचमा पोड़ जासे।
EZE 27:28 तारा ढोन्डिया चालाड़न्यान आयोड़नेन बुलो सी तारा आड़ी छेड़ीन जागा वाळा काप पोड़से।
EZE 27:29 आखा ढोन्डिया चालाड़न्या आरु माछान धुंदा वावा ढोन्डिया चालाड़न्या, आरु दोरीयाम जोतरा वी ढोन्डियाक चालाड़न्या रोवे, चे आपना आपना ढोन्डिया पोर सी उतरी जासे।
EZE 27:30 आरु होये भीमा उबा होयीन तारा वाराम उचा बुल सी आयड़ी आयड़ीन रोड़से। होये आपसा मुनका पोर धुळु उड़ावीन रुखड़ाम लुटसे;
EZE 27:31 आरु तारा दुखोम आपसा मुनकाक बुड़ाय लेसे, आरु कोड़ीया मा गोंटो बांदीन आपसा मोनोम वातड़ा दुखो पुठी तारा वाराम रोड़से आरु छाती ठुकसे।
EZE 27:32 होये विलाप कोरता जायीन तारा वाराम विलापोन यो गीत बोनावीन गावसे: सोर जु हेमी दोरीयान इचमा हुगु पोड़लो छे, हेरे जोसो काहनलो सोहोर छे?
EZE 27:33 जोत्यार तारो माल दोरीया पोर सी निकाळतो होतो, तोत्यार बेसकी जातीन मानसो जुगु रेट होय जातलो; तारो धोन आरु वेपारोन माल बेसका धोरतीन राजा मातभोर होयता होता।
EZE 27:34 जेने टेमे तु ओथाह उंडा पानीन लोहरोम सी टुट्यो, तेने टेमे तारो वेपारोन माल, आरु तारा आखा रोहन्या वी तारे धोड़े रोहीन नास होय गोया।
EZE 27:35 दोरीयान कातरेन आखा रोहन्या तारे कारण नास होया; आरु हेंदरा आखा राजान रोड़नो चालु होय गोयो, आरु हेंदरा मुखो पोर होसटाय गोया।
EZE 27:36 देस देसोन वेपारी तारे विरुद् वायकेड़ा उड़ावतेला; तु बिह गोयु ने आरु ओळी उबो नी रोय सोकीस।
EZE 28:1 योहोवान यो बुल मारे यां पुग्यो:
EZE 28:2 हे मानसोन ओवलियाद, सोर सोहरोन डाहला काजे कोव, परमेश्वर योहोवा ओसु कोवे: तु घाड़स्यु होयी कोवे, हाव भोगवान छे, हांव दोरीयान इचमा परमेश्वरोन जागा पोर बोसलु छे, पुन, कोदाम तु आपसु आपसाक भोगवान सारकु देखाड़े, तेवी तु भोगवान नी, मानुसुत छे।
EZE 28:3 तु दानियेल सी जादा ओकोलवाळु ते छे: काहनलो वी भेद तारेसी सातायलो नी होयसे;
EZE 28:4 तु आपसी ओकल आरु सोमोजोन लारे धोन हात कोर्यु, आरु आपसो गुदाम सोनो चाँदी मेकलु छे;
EZE 28:5 तु मोटी ओकल सी लेनो देनो कोर्यु जेरेसी तारो धोन वोद्‌यो, आरु धोनोन कारण तु घाड़स्यु होय गोयलु छे।
EZE 28:6 कोरीन परमेश्वर योहोवा ओसु कोवे; तु जो आपसा मोनोम परमेरश्वर सारकु देखाड़े,
EZE 28:7 कोरीन देख, हांव तार पोर ओसा पारका देसोक लोड़ाय कोरावीस, जो आखी जाती सी जादा जुर्ये छे, होये आपसी तोलवार तारी ओकलन सुबा पोर चालाड़से आरु तारी चोमोक दोमोक काजे बिगाड़ देसे।
EZE 28:8 होये तुसेक बिड़ाम उतार देसे, आरु तु दोरीयान इचमा मोरला जोसु मोर जायीस।
EZE 28:9 तोत्यर, काय तु आपसाक मारनेवाळा ओगोळ कोवतु रोवीस, हांव परमेश्वर छे? तु आपसा घायेल कोरनेवाळान हातोम भोगवान नी, मानुसुत रोवीस।
EZE 28:10 तु पारका देसोन हातोम सी विगुर फातोरकाती वाळा मानसोन जासकु मोर जायीस; काहकी हांव ओसु कोवलु छे, परमेश्वर योहोवान यो बुल चे।
EZE 28:11 ओळी योहोवान यो बुल मारे यां पुग्यो:
EZE 28:12 हे मानसोन ओवलियाद, सोरोन राजान वाराम विलाप गीत बोनावीन हेरेसी कोव; परमेश्वर योहोवा ओसु कोवे: तु ते वारु सी वी वारु छे; तु ओकल सी भोरायलु आरु बेसक घाटाळु छे।
EZE 28:13 तु परमेश्वरन ओदोन नावोन वाड़ीम होतु; तारा जुल गोयनो, माणिक, पद्यराग, हीरा, फीरोजा, सुलेमानी मणि, यशब, नीलमणि, मरकद, आरु रातला आखा भातिन मणि आरु सोनान पेहेरन्यो होतो; तारा डोफ आरु बाँसुलियाँ तारेम बोनावली होती; जेने दाहड़े तु बोनाव गोयलु होतु, तेने दाहड़े होये वी तियार कोरला होता।
EZE 28:14 हांव तारी गुवाळी जुगु एक इजावावाळो कोरुब दुत निवाड़ कोरलु। तु परमेश्वरन चुखला बोयड़ा पोर रोया कोरतु होतु। तु आगठा सारकु चोमेकनेवाळा मणिन इचमा हिंडतु फिरतु होतु।
EZE 28:15 जेने दाहड़े तु बोनायु गोयलु, आरु तेने दाहड़े लोगुन तारेम घाड़ाय कुहराय नी होती, तेने टेमे लोगुन तु आपसी आखी चालचालोन मा विनगुनाकु नी रोयु।
EZE 28:16 पुन लेनो देनो बेसको होयने तु कुहराय घाड़ाय सी भोरायीन पापी होय गोयु; एरेसी हांव तुसे विटोळ जानीन परमेश्वरन बोयड़ा पर सी उतार्यु, आरु हे गुवाळ्या कोरुब हांव तुसे आगठा सारको चोमेकने वाळा मणियोन इचमा सी नास कोरलु छे।
EZE 28:17 तुसेक आपसा रुपो पोर घाड़ाय होती; तु आपसा इजुतोन कारण, आपसी ओकल काजे बिगाड़ लेदु। हांव तुसे तारा उचला जागा सी उतारीन भिमा आसटी देदु। हांव तुसेक राजान ओगोळ मेक्यु कि होये तुसेक देखे, आरु तारा वायकेड़ा उड़ावे।
EZE 28:18 तारा पापन काम बेसका होयने सी आरु तारो लेनो देनो घाड़ाय कुहराय सी चुखलु जागु विटोळ होय गोयो; कोरीन हांव तारेम ओसो आगठो उपजाड़ीस की जेरेसी तु रुखड़ु होयु आरु हांव तुसेक आखा देखनेवाळा ओगोळ भिमा रुखड़ु कोर नाखलु छे।
EZE 28:19 देस देसोन मानसो मा गोथा जोतरा तुसेक जाने आखा तारे कारण घाबराय गोया; तु बीकोन कारण होयु आरु ओळी जोलोम जुगु उलुप होय जायीस।
EZE 28:20 योहोवान यो बुल मारें यां पुग्यो:
EZE 28:21 हे मानसोन ओवलियाद, आपसो मुख सीदोन भेनी कोरीन हेंदरे वाराम भोगवानो वोगे गोथी वात कोर,
EZE 28:22 आरु कोव, पोरबु योहोवा ओसु कोवे: हे सीदोन, हांव तारे विरुद् छे; हांव तारे इचमा आपसी मोहिमा कोरावीस। जोत्यार हांव हेरे इचमा डोन आपीस आरु हेमरे आपसका चुखलो कोवाड़ीस, तोत्यार मानसे जान लेसे की हांव योहोवा छे।
EZE 28:23 हांव सीदोम मा रुग आरु मोत मुकलीस, आरु हेंदरी वाटो पोर लुहुय उहवाड़ीस; आरु हेरा च्यारु मेर तोलवार चालाड़ीस; तोत्यार हेरे इचमा घायेल मानसे पोड़से, आरु होये जान लेसे की हांव योहोवा छे।
EZE 28:24 इसराएलोन घोरानान च्यारु मेरोन जोतरा देस हेंदरे पुठी कुहराय कोरे, हेनु मा गोथो कुदु हेंदरो गुपायन्यो काटो, काटास्यो ओळी नी रोवे; तोत्यार होये जान लेसे की हांव परमेश्वर योहोवा छे।
EZE 28:25 परमेश्वर योहोवा ओसु कोवे: जोत्यार हांव इसराएलोन घोरानो हेनु आखा मानसो मा गोथा एकठा कोरीस, जेंदरे इचमा रिवन्या तिवन्या होयला छे, आरु देस देसोन मानसो ओगोळ हेंदरे लारे चुखो कोवाड़ीस, तोत्यार होये हेना देसोम रोवसे जे हांव आपसा दास याकुब काजे आपलु।
EZE 28:26 होये हेरेम बेफिकरीया बोसला रोवसे; होये घोर बोनावीन आरु ओंगुरोन वाड़ी लागाड़ीन निरसा रोवसे; तोत्यार हांव हेन्दरे च्यारु मेरोन आखा मानसोक डोन आपीस जो हेनुसी कुहराय कोरे, तोत्यार होये जान लेसे कि हेंदरु परमेश्वर योहोवात् छे।
EZE 29:1 दोसवे सालोन दोसवे मोहनेन बारवे दाहड़े परमेश्वर योहोवान यो बुल मारे यां पुग्यो:
EZE 29:2 हे मानसोन ओवलियाद, आपसो मुख मिसर देसोन राजा फिरोन भेनी कोरीन हेरा आरु मिसर देसोन विरुद् भोगवानो वोगे गोथी वात कोर;
EZE 29:3 ओसु कोव, परमेश्वर योहोवा ओसु कोवे: हे मिसर देसोन राजा फिरोन, हांव तारे विरुद् छे, हे मोटला मोगोर, तु आपसी नोंदीन इचमा पोड़ रोवे, जु कोवलु छे, मारी नोंदी मारे जुगु हांव यी नोंदी बोनावलु छे।
EZE 29:4 हांव तारा जोबड़ाक काट लिस; आरु तारा खालड़ा पोर तारी नोंदीन माछाक गुचड़ान ओसु चिपकाड़ीस। ऐरे वाद हांव तेनुक आरु तारे पुठी तारी नोंदिन आखा माछाक जे तारा खालड़ा पोर चिपेकली रोवसे, खोयड़े हापकी लिस।
EZE 29:5 तोत्यार हांव तुसेक तारी नोंदीन आखा माछा भेळ जोंगोल मा निकाव दिस, आरु तु खोयड़ाम पोड़ला रोवसे; काहने वी रीते सी तुसेक फोम नी राखसे। हांव तुसेक जोंगोलोन जोनवारीया आरु वादळान चिल्‌लान खानो बोनाय देदलु छे।
EZE 29:6 तोत्‍यार मिसर देसोन आखा रोवन्या जान लेसे की हांव योहोवा छे। होये ते इसराएलोन घोराना जुगु कोमजुर लाकड़ान टेकु कोवाया।
EZE 29:7 जोत्यार होये तारे पोर हातोन जुर देदु तोत्यार तु टुट गोयु आरु हेंदरा खांदा उखवीत गोया, आरु जोत्यार होये तुसेक टेकु देदा, तोत्यार तु टुट गोयु, आरु हेंदरा कोड़्यान आखी नोस चोहोड़ गोय।
EZE 29:8 ओस कोरीन पोरबु योहोवा ओसु कोवे: देख, हांव तार पोर तोलवार चालाड़ीस, तारा मानसे आरु ढुरे, आखान नास कोरीस।
EZE 29:9 तोत्यार मिसर देस उजड़लोत उजड़लोत होयसे; आरु होये जान लेसे की हांव योहोवा छे। तु कोवलु छे, मारी नोदी मारी बोनावली छे, आरु हांव नोंदी काजे बोनावलु छे।
EZE 29:10 ओस कोरीन देख, हांव तारे आरु तारी नोंदीन विरुद् छे आरु मिसर देसोन मिग्दोल सी लिन सोवेने लोगुन पुन कुस देसोन काकोड़ लोगुन उजाड़ुत उजाड़ुत कोर दीस।
EZE 29:11 चावीस साल लोगुन हेरेम मानुस आरु ढुरोन पाय लोगुन नी पोड़से; आरु नी हेरेम काहीन वोससे।
EZE 29:12 चावीस साल लोगुन हांव मिसर देसोन उजड़ला देसोन इचमा उजाड़ दिस; आरु हेरा सोहोर उजड़ला सोहोरोन इचमा उजड़लात रोवसे। हांव मिसर देसोन मुलुक मुलुकोम खोव्‌ली दिस, आरु देस देसो रिवन्या तिवन्या कोर दिस।
EZE 29:13 परमेश्वर योहोवा ओसु कोवे: चावीस साल वितनेम हांव मिसर देसोन तेनी जातिन इचमा सी एकठा कोरीस, जेरेम होये रिवन्या तिवन्या होये
EZE 29:14 आरु हांव मिसर देसोन बांदवाय सी छुड़ावीन पोत्रोस देस मा, जे हेंदरी पोयदावारीन जागु छे, ओळी पुगाड़ीस; आरु होंया हेंदरो नानोस मुलुक होय जासे।
EZE 29:15 होयो आखा मुलुक मा नानोस होयसे, आरु ओळी आपसो मुनको आरु जातिन उपोर नी उठसे; काहाकी हांव मिसर देसोक ओसु कोम कोरिस की होये राज राजो पोर ओली राज नी कोरे।
EZE 29:16 होये ओळी इसराएलोन घोराना भुरसान कारण नी होयसे, काहाकि जोत्यार होये ओळी हेंदरे भेनी देखने लागे, तोत्यार होये हेंदरा ओधोरोम काजे फोम कोरसे। तोत्यार होये जान लेसे की हांव परमेश्वर योहोवा छे।
EZE 29:17 ओळी सोत्तावीसवे सालोन पेहले मोहनेन पेहलो दाहड़े योहोवान यो बुल मारे यां पुग्यो:
EZE 29:18 हे मानसोन ओवलियाद, बेबीलोनोन राजा नोबुकदनेस्सर सोर सोहोर काजे हारेवने कोरीन आपसी सेना काजे काठी मेहनोत कोरायो; होरीकोन मुनको टोरगो होय गोयो, आरु होरीकोन खांदान चामड़ो छुलाय गोयो; तेवी हेनुक सोर गोथो नी ते ऐनी काठी काम न दाहड़की जोड़ी आरु नी काय सेना काजे।
EZE 29:19 कोरीन परमेश्वर योहोवा ओसु कोवे: देख, हांव बेबीलोनोन राजा नोबुकदनेस्सर काजे मिसर देस आपीस, आरु होयो गोड़दी काजे ली जासे, आरु हेरो धोन काजे लुटीन आपसो कोर लेसे; एने यी दाहाड़की आपसी सेना काजे जोड़से।
EZE 29:20 हांव हेरा मेहनोतोन बोदले हेनाक मिसर देस ओस कोरीन आपलु छे कि हेये मानसे मारे जुगु काम कोरला, परमेश्वर योहोवान यो बुल छे।
EZE 29:21 तेने टेमे हांव इसराएलोन घोरानान एक सिंगड़ो उगाड़ीस, आरु हेंदरे इचमा तारो मुय उगाड़ीस। तोत्यार होये जान लेसे की हांव योहोवा छे।
EZE 30:1 ओळी परमेश्वर योहोवान यो बुल मारें यां पुग्यो:
EZE 30:2 हे मानसोन ओवलियाद, ओगावयती वात कोरीन कोव, परमेश्वर योहोवा ओसु कोवे: हाय, हाय कोरु, हाय तेना दाहड़ा पोर!
EZE 30:3 काहाकी तेने दाहड़े मोतलोप योहोवान दाहड़ु सोतेत छे; चो दाहड़ो वादळान, आरु जातीक डोनोन टेम होयसे।
EZE 30:4 मिसर देस मा तोलवार चालसे, आरु जोत्यार मिसर देसोन मानसे तोलवार सी मोरीन पोड़से, तोत्यार कुस मा वी काठो आय पोड़से, मानसे मिसर काजे लुट ली जासे, आरु हेरी नेव काजे उथलाय देसे।
EZE 30:5 कुस, पुत, लुद, आरु आखा दोगले, आरु कुब मानसे आरु वायदा बांदला देसोम रोवन्या, मिसरी देसो पुठी तोलवार सी मार नाख्या जासे।
EZE 30:6 योहोवा ओसु कोवे: मिसर देस काजे सोमावने वाळा वी हिट पोड़से, आरु आपसी ताकोत पोर मिसर देस सी घाड़ायतेला, चे टुटसे; मिग्दोल सी लीन सोवेने लोगुन हेरा रोवन्याक तोलवार सी मार नाखसे, परमेश्वर योहोवान यो बुल छे।
EZE 30:7 होये उजड़ला देसोन इचमा उजड़ला रोवसे, आरु हेंदरा सोहोर उजाड़ कोरला सोहोर मा गिनाय जासे।
EZE 30:8 जोत्यार हांव मिसर मा आगठो लागाड़ीस आरु हेरा आखा सात देन्या नास होयसे, तोत्यार होये जान लेसे सी हांव योहोवा छे।
EZE 30:9 तेने टेमे मारे ओगोळ सी दुत ढोन्डिया पोर चोहड़ीन विगुर बिहयेत निकोळसे आरु कुसीयक बीहाड़से; आरु तेन टेम पोर ओसी पीड़ा पोड़से जोसो कि मिसर देसोक डोनोन टेम; काहाकी देख, चो दाहड़ो आवेत!
EZE 30:10 परमेश्वर योहोवा ओसु कोवे: हांव बेबीलोनोन राजा नोबुकदनेस्सरन हातो सी मिसर देसोन गोड़दीक नास कोराय दीस।
EZE 30:11 चो आपसा मानसो भेळ, जी आखी जातीन सी विनछेव्यो छे, तेना देसोन नास कोरने पुगाड़से; आरु होये मिसर देसोन विरुद् तोलवार हापकीन देसोक मोरला सी भोर देसे।
EZE 30:12 हांव नोंदीक सुकाड़ दीस, आरु देसोन भुनला मानसोन हातोम कोर दिस; आरु हांव पारका देसोन लारे देसोक, आरु जो काहिन हेरेम छे, उजाड़ मांगीस; हांव योहोवात ओसु कोवलु छे।
EZE 30:13 परमेश्वर योहोवा ओसु कोवे: हांव नोप मा सी मुरतियाक नास कोरीस आरु हेरेम मुरतियाक रोवने नी दोम; ओळी कुदु डाहलो मिसर देसोम नी उठसे; आरु हांव मिसर देसोम बिक बोनावीस।
EZE 30:14 हांव पोत्रोस काजे उजाड़ीस, आरु सोओन मा आगठो लागाड़ीस, आरु सोहोर काजे डोन आपीस।
EZE 30:15 सीन सोहोर जो मिसर देसोन किलान जागु छे, तेना पोर हांव आपसी रीस भोड़कावीस, आरु नो काजे गोड़दी काजे सार दीस।
EZE 30:16 हांव मिसर देस मा आगठो लागाड़ीस; सीन सोहोर बेसको थोरथोरो होयसे; आरु नो फाड़ नाखीस आरु नोप सोहरोन विरुद दिसुत उठसे।
EZE 30:17 ओन आरु पीवेसेतोन जुवान तोलवार सी पोड़से आरु ये सोहोर बांदवाय मा जात रोहसे।
EZE 30:18 जोत्यार हांव मिसर देसोन जुड़ाक तोहोपनहेस मा तुड़ीस, तोत्यार हेरेम दिसुत आंधारो होयसे, आरु हेरा दोमो पोर होयो घाड़ाय कोरे, चो नास होय जासे; हेरे पोर आंधारो छावाय जासे आरु हेरा पोरायटा बांदवाय मा जात रोवसे।
EZE 30:19 ओस कोरीन हांव मिसर देस वाळाक डोन आपीस। आरु होये जान लेसे की हांव योहोवा छे।
EZE 30:20 ओळतेन इग्यारवे सालोन पेहले मोहनेन सातवे दाहड़े योहोवान यो बुल मारें यां पुग्यो:
EZE 30:21 हे मानसोन ओवलियाद, हांव मिसर देसोन राजा फिरोन काजे कोमजुर कोर देदु: आरु देख, नी ते होये जुड़ायली छे, नी हेरे पोर निपलान चोव लागाड़ली छे की होये बांदने सी तोलवार धोरनेन सारको बोने।
EZE 30:22 कोरीन पोरबु योहोवा ओसु कोवे: देख, हांव मिसर देसोन राजा फिरोनन विरुद छे, आरु हेरा वारला आरु टुटला दुयु खांदाक तुड़ीस; आरु तोलवार हेरा हातोम गोथु पाड़ीस।
EZE 30:23 हांव मिसर देसोन मुलुक मुलुकोम रिवन्या तिवन्या कोरीस, आरु देस देस मा वेरविस।
EZE 30:24 हांव बेबीलोनोन राजान मजबुत कोरीन आपसी तोलवार हेरा हातोम आपीस; पुन राजा फिरोनोन खांदाक तुड़ीस, आरु चो हेरे ओगोळ ओसो आयेड़से जोसो मोरने वाळो घायेल आयड़े।
EZE 30:25 हांव बेबीलोनोन राजान खांदाक सोमावीस, आरु फिरोनोन खांदा ढिली पोड़से, तोत्यार होये जानसे की हांव योहोवा छे। जोत्यार हांव बेबीलोनोन राजान हातोम आपसी तोलवार आपीस, तोत्यार होये तेना मिसर देस पोर तोलवार चालाड़से;
EZE 30:26 आरु हांव मिसर देसन मुलुक मुलुकोम रिवन्या तिवन्या कोरीस आरु देस देस मा वेरवी दिस। तोत्यार होये जान लेसे की हांव योहोवा छे।
EZE 31:1 इग्यारवे सालोन तीसरे मोहनेन पेहले दाहड़े योहोवान यो बुल मारे यां पुग्यो:
EZE 31:2 हे मानसोन ओवलियाद, मिसर देसोन राजा फिरोन आरु हेरा मानसो काजे कोव, आपसी बोड़ाय मा तु कुनी सारकु छे।
EZE 31:3 देख, ओस्सुर ते लोबानोनोन एक देवदार होतो जेरा घाटाळा घाटाळा डाळ्या, झाजलो साहवो कोरे आरु मोटली उची होती: आरु हेरी फुनगी वादळाम लोगुन पुगतेली।
EZE 31:4 पानी हेनाक वोदाड़्यो, आरु उंडला पानीन कारण होयो उचो होयो, जेरेसी नोंदी हेरा जागान च्यारु मेर उहुवतेली; आरु हेरा गोटार निकळीन खोयड़ान आखा झाड़ोन चा पुगतेली।
EZE 31:5 ओस कोरीन तेरी उचाय खोयोड़ान आखा झाड़ो सी जादा होयी; तेरा छिगा बेसका होया, आरु डाळ्या नांबा होय गोया, काहकी जोत्यार होयी निकळी, तोत्यार हेनुक बेसको पानी जोड़्यो।
EZE 31:6 हेरा छिगाम आखे भातिन चिल्‌ला आवीन बोसतेला, आरु हेरा डाळ्यान नेचा खोयड़ान आखे भातिन जीव उबेजतला; आरु हेरा साहवाम आखा मोटली जाती रोवतेली।
EZE 31:7 होये आपसी बोड़ाय आरु आपसी डाळ्यान नांबायीन कारन घाटाळो होयो; काहाकी हेरा मुवे बेसका पानीन धोड़े होता।
EZE 31:8 परमेश्वरोन वाड़ीन देवदार वि हेनुक नी साताड़ सोकतेला, सोनोबर हेरा छिगान जोसा वी नी होता, आरु नी ओर्मोन झाड़ हेरा डाळ्यान जोसा होता; परमेश्वरोन वाड़ीन वी काहनो झाड़ घाटाळाम हेरे बोराबोर नी होतो।
EZE 31:9 हांव हेरा डाळ्याक बेसका घाटाळा बोनावलो होतो, यां लोगुन कि ओदोनोन आखा झाड़े जे परमेश्वरोन वाड़ीम होता, हेरेसी घाड़ाय कोरता होता।
EZE 31:10 ओस कोरीन परमेश्वर योहोवा ओसु कोवलु छे: हेरी उचाय जी वोद गोय, आरु हेरी फुनगी जी वादळाम लोगुन पुगली छे, आरु आपसी उचायीन कारण हेरो मोन घाड़ाय सी फुल गोयलो छे।
EZE 31:11 कोरीन मुलुकोम जो ताकोतवाळो छे, हांव तेरात हातोम हेनाक कोर दिस, आरु होयो छाचिन हेरेसी भुंडोत वेवहार कोरसे। हेरा भुनला कामोन कारण हांव हेनाक निकाळ देदलु छे।
EZE 31:12 पारका, जे जातिम भयानक मानसे छे, होये हेनुक काटिन छुड़ देसे, हेरा डाळ्या बोयड़ा पोर, आरु आखा तोराय मा पाड़ नाखसे, आरु हेरा डाळ्या देसोन आखा खुदराम टुटला पोड़ला रोसे, आरु देस देसोन आखा मानसे हेरा साहवाक छुड़ीन जात रोवसे।
EZE 31:13 हेनु पोड़ला झाड़ो पोर वादळान आखा चिल्‌ला बोस्या कोरसे, आरु हेरा डाळ्या उपोर खोयड़ान आखा जिवे रोवने लागसे।
EZE 31:14 यो ओतरान कोरीन होयो की पानी धोड़ेन आखा झाड़ो मा गोथो कुय आपसी उचाय नी वोदाड़े, नी आपसी फुनगीक वादळाम लोगुन पुगाड़े, आरु हेनुम सी जोतरा पानीक हात कोरीन वातड़ा होय गोयला छे, चे उचा होयनेन कारण मुनका नी उचा कोर्या; काहाकी होये वी आखा की आखा बिड़ाम गाड़ला मानसो सारका मोरलान होकोम कोरीन ओधोलोक मा नाख देसे।
EZE 31:15 परमेश्वर योहोवा ओसु कोवे: जेने दाहड़े होयो ओधोलोक मा उतरी गोयो, तेनेत दाहड़े हांव विलाप कोरायु आरु उंडला दोरीयाक ढाक देदु, आरु नोंदिन बेसको पानी रुकाय गोयो: आरु हेरे कारण हांव लोबानोनोन पोर उदासी कोर देदु, आरु खोयड़ान आखा झाड़े चिमाय गोया।
EZE 31:16 जोत्यार हांव हेनुक बिड़ाम गाड़ला धोड़े ओधोलोक मा नाख देदु, तोत्यार हेरा पोड़नेन बुल देस देसोम थोरथोरो होय गोया, आरु ओदोनोन आखा झाड़े मोतलोब लोबानोनोन वारु सी वारु झाड़े, जोतरा सी पानी जोड़तो होतो, हेनु आखाक ओधोलोक मा शांति जोड़ी।
EZE 31:17 होये वी हेरे पुठी तोलवार सी मारलान धोड़े ओधोलोक मा उतरी गोया; होये जे हेरा खांदा होता, आरु देस दसोन इचमा हेरा साहवाम रोवता होता।
EZE 31:18 ओतरान कोरीन मोहिमा आरु बोड़ायीन वाराम ओदोनोन झाड़ो मा गोथु तु काहना सारकु छे? तु ते ओदोनोन आरु झाड़ो पुठी ओधोलोक ना उतरी जासे, आरु विगुर फातोरकाती वाळा मानसोन इचमा तोलवार सी मारला पुठी पोड़ला रोवसे। फिरोन आपसी गोड़दी पुठी ओसोत होयसे, परमेश्वर योहोवान यो बुल छे।
EZE 32:1 बारवे सालोन बारवे मोहनेन पेहले दाहड़े योहोवान यो बुल मारें यां पुग्यो:
EZE 32:2 हे मानसोन ओवलियाद, मिसर देसोन राजा फिरोनोन वाराम दु:खन गीत बोनावीन हेनाक सोमवाड़: देस देसोम तुसेक जुवान नाहार सोमज्या, पुन तु दोरीयान मोगोरोन तोसु छे: तु आपसी नोंदिम जुरे पोड़े, आरु हेंदरा पानीन पायो सीं रोंदवीन डोहवो कोर देदु।
EZE 32:3 परमेश्वर योहोवा ओसु कोवे: हांव बेसका मानसोक एकठा कोरलु छे। हेमी हांव तारे उपोर आपसी जाळ नाखीस। तोत्यार होये मानसे तुमुक मोटली जावीम हापकी लेसे।
EZE 32:4 तोत्यार हांव सुकला जागाम पाड़ दीस। हांव तुमुक खेतोम नांख दीस। हांव आखा चिल्‌लाक तुसेक खाने जुगु बुलावीस। हांव होरीक जागे सी जोंगली जोनवारीयाक तुसेक खाने आरु पेट भोरीन खाने जुगु बुलाविस।
EZE 32:5 हांव तारा मांस काजे बोयड़ा पोर खोव्‌वी दीस। हांव तारा धोड़ सी घाटीक भोर दीस।
EZE 32:6 हांव तारा डीलोन उहुवतेला लुहुय सी बोयड़ा आरु खोयड़ाक पानी वावे ओसु वाय दीस, आरु नोंदी ने खुदरा तारा लुहुय सी भोराय जासे।
EZE 32:7 जेने टेमे हां तुसेक सार दीस, तेने टेमे हांव वादळाक ढाक दीस आरु ताराक धुंदरो कोर दिस; हांव दाहड़ाक वादळाम सी साताड़ दीस, आरु चांदोक आपसो विजाळो नी आपे।
EZE 32:8 हांव आखी चोमेकन्या विजावा काजे वादळाम, तुमरे उपोर काळ्ळो बोनावीस। हांव तुमरा आखा देसोम आंदारो कोर दिस। पोरबु योहोवान यो बुल छे।
EZE 32:9 जोत्यार हाव तारा विनासोन खोबोर देस देसोम आरु तारा ओनजान्या देसोम खोव्‌वी दिस, तोत्यार मोटा मोटा देसोन मानसोन मोनोम रीस उपजाड़ीस।
EZE 32:10 हांव बेसकी जाति तारे कारण बिहता कोर दिस, आरु जोत्यार हांव हेंदरा राजान ओगोळ आपसी तोलवार मुकलीस, तोत्यार तारे कारण हेंदरा डीलोन झोटा उबा होय जासे, आरु तारे पोड़नेन दाहड़े होये आपसा आपसा जिवो जुगु कापता रोवसे।
EZE 32:11 काहाकी परमेश्वर योहोवा ओसु कोवे: बेबीलोनोन राजान तोलवार तारे पोर चालसे।
EZE 32:12 हांव तारी गोड़दीन ओसा लोड़ायन्याक तोलवारोन लारे पाड़ीन जे आखी जातिम घोनजुरे छे। होये मिसर देसम घाड़ाय काजे तुड़से, आरु हेरी आखी गोड़ सी नास होयसे।
EZE 32:13 मिसर देसोन नोंदिन आसरे बेसका जोनवारे छे। हांव एनु जोनवारोक वी नास कोरीस! मानसोन ओगला जीवोन मा, आपसा पायो सी पानीक भुंडो नी कोरसे। गायोक खुर्या ओगला दाहड़ाम पानीक डोहवो नी कोरसे।
EZE 32:14 ऐर वाद हां हेंदरो पानी आछो कोर दिस, आरु हेंदरी नोंदीन पानीक तेलोन तोसो उहवाड़ीस, परमेश्वर योहोवान यो बुल छे।
EZE 32:15 जोत्यार हांव मिसर देसोक उजाड़ कोर दिस आरु जेरेसी होयो भोरपुर छे, हेरेसी हेनाक छेटो कोर दीस, जोत्यार हांव हेरा आखा रोवने वाळाक मारीस तोत्यार होये जान लेसे की हांव योहोवा छे।
EZE 32:16 मानसोन विलाप कोरने जुगु विलापोन गीन यो छे; देस देसोन पुरायटा इना गीत काजे गावसे; मिसर देसोन आरु हेरी आखी गोड़दीन वाराम चे योत विलापगीत गावसे, परमेश्वर योहोवान यो बुल छे।
EZE 32:17 ओळी बारवे सालोन पेहले मोहनेन पोंदरवे दाहड़े योहोवान यो बुल मारे यां पुग्यो:
EZE 32:18 हे मानसोन ओवलियाद, मिसर देसोन गोड़दी जुगु हाय हाय कोर, आरु हेनाक ताकोतवाळी देसोन पोरायटा भेळ बिड़ाम गाड़लान चां नेहेड़ली कोळोम उतार।
EZE 32:19 तु कुनी सी वारु छे। तु उतरीन विगुर फातोरकाती वाळा पुठी पोड़ रोव।
EZE 32:20 होये तोलवार सी मोरलान इचमा पोड़से, हेनु जुगु तोलवार टाकली छे; कोरीन मिसर देसोक हेरी आखी गोड़दी भेळ रोगड़ीन ली जावु।
EZE 32:21 ताकोत वावा सुरवीर हेरेसी आरु हेरा चेला सी नेहेड़ली कोवीम वात कोरसु; चे विगुर फातोरकातीन मानसे चां तोलवार सी मोर पोड़ला छे।
EZE 32:22 आपसी आखी सेना भेळ ओस्सुर वी चां छे, हेरा बिड़ा हेरे च्यारु मेर छे; आखा की आखा तोलवार सी मोर गोयला छे।
EZE 32:23 हेरा बिड़ा खाडान खुनाम बोनला छे, आरु हेरा बिड़ान च्यारु मेर हेरी सोभा छे; होये आखा की आखा जे जीवायीन जागाम बिक उपजाड़ता होता, हेमी तोलवार सी मोरला पोड़ रोया।
EZE 32:24 होंया एलाम छे, आरु हेरा बिड़ान च्यारु मेर हेरी आखी गोड़दी छे; होये आखा की आखा तोलवार सी मोर गोयला छे, होये विगुर फातोरकाती नेहेड़ली कोळ मा उतरी गोयला छे; होये जीवायीन कोळ मा बिक उपजाड़, पुन हेमी बिड़ाम आरु गाड़ला पुठी हेंदरा मुयो पोर सी लाज छावायली छे।
EZE 32:25 होये एलाम आरु हेरा सिपायड़ा जुगु, जे लोड़ाय मा मोर गोयला छे, गुदड़ो लागाड़ देदला छे। हेरा बिड़ान च्यारु मेर छे, होये आखा की आखा विगुर फातोरकाती वाळा तोलवार सी मार नाखला छे; होये जीवायीन कोळ मा बिक उपजाड़ता होता, पुन हेमी बिड़ाम आरु गाड़ला पुठी हेंदरा मुयो पोर लाज छे; आरु होये मोरलान इचमा मेकला छे।
EZE 32:26 होंया आखी गोड़दी मेशेक आरु तुबल छे, हेरे च्यारु मेर बिड़ा छे; होये आखा की आखा विगुर फातोरकाती वाळा तोलवार सी मोर गोयला, काहाकी जीवायीन कोळ मा होये बिक उपजाड़ता होता।
EZE 32:27 पुन हेमी होये ताकोतवाळा मानसोन पुठी लुटला छे जे बेसका पेहलुन मोरला होता। होये आपसी लोड़ायीन होतीयार पुठी गाड़ला होता। हेंदरी तोलवार हेंदरा मुनका तोळे मेकसे। पुन हेंदरा पाप हेंदरा हाड़का पोर छे। काहा काहाकी जोत्यार होये जीवतेला होता, होये मानसोक बिहाड़्या।
EZE 32:28 कोरीन तु वी विगुर फातोरकाती वाळा पुठी होयीन तोलवार सी मोरला पुठी पोड़लो रोवसे।
EZE 32:29 होंया एदोम आरु हेरो राजा आरु हेरा आखा डाहला छे, जे बेसका ताकोतवाळा होयने पोर वी तोलवार सी मोरला पुठी मेकला छे; खाडा मा गाड़ला विगुर फातोरकाती वाळा मानसो पुठी वी पोड़ला रोवसे।
EZE 32:30 होंया बोखेवरे भेनीन आखा डाहला आरु आखा सीदोनी वी छे जे मोरला पुठी उतरी गोया; होये आपसा ताकोत सी बिहाड़ता होता, पुन हेमी होये लाजवाया आरु तोलवार सी आरु मोरला पुठी होये विगुर फातोरकाती वाळा पोड़ला छे, आरु बिड़ाम दिसरा गाड़ला पुठी हेंदरा मुयो पोर वी लाज छावायली छे।
EZE 32:31 हेनुक देखीन फिरोन वी आपसी आखी गोड़दीन वाराम शांती जोड़से, हाव फिरोन आरु हेरी आखी सेना जी तोलवार सी मोर गोयली छे, परमेश्वर योहोवान यो बुल छे।
EZE 32:32 काहाकी हांव फिरोनोन कोरता जीवायीन कोळ मा बिहाड़तेला; कोरीन होयो आखी गोड़दी भेळ तोलवार सी आरु मोरला भेळ विगुर फातोरकाती वाळान इचमा लुटाड़से, परमेश्वर योहोवान यो बुल छे।
EZE 33:1 योहोवान यो बुल मारे यां पुग्यो:
EZE 33:2 हे मानसोन ओवलियाद, आपसा मानसो सी कोव, जोत्यार हांव काहनला देस पोर तोलवार चालाड़ीस आरु तेना देसोन मानसे कुदा आपसा गुवावी कोरनीयान तोसा नेवाड़से,
EZE 33:3 तोत्यार कोदाम होये यो देखीन की एना देस पोर तोलवार चालनेवाळी छे, मोटलो फेपारीयो वाजाड़ीन मानसोक चोकचोया कोर देये,
EZE 33:4 ती जो कुदु मोटला फेपारीयान बुल सोमळी नी चोकचोयो होये आरु तोलवारोन चालने सी मोर जाय, तेरो मोरनोन जोवाबदारी तेरीत रोवसे।
EZE 33:5 होयो मोटला फेपारीयान बुल सोमयो होय, ती वी होयो चोकचोयो नी होयो, ती होयो आपसी मोतोन आपसु जोवाबदारी कोवाये। पुन कोदाम होयो पोहरेदारोन चोकचोया रोवनेन धियान कोरतो, ती आपसा जिवोक वाचाड़ लेतो।
EZE 33:6 पुन कोदाम पोहरेदार यो देखिन की तोलवार चालनेवाळी छे मोटलो फेपारीयो वाजाड़ीन मानसोक चोकचोया नी कोरे, आरु तोलवार चालने सी हेनुमसी कुदु मोर जाय, ती होयो ते आपसा पापन फोसलो मोर जासे, पुन हेरा लुहुयीन लेखु हांव पोहरेदार सी लीस।
EZE 33:7 कोरीन, हे मानसोन ओवलियाद, हांव तुसे इसराएलोन घोरानान पोहरेदार बोनावो; तु मार मुयो सी बुल सोमवी सोमवीन हेनुक मारे ओख्ये रोहीन चोकचोया कोर दे।
EZE 33:8 हांव तारेसी कोय सोको, यो पापी मानुस मोरसे। तोत्यार तु मेसेक हेना मानुसोन चा जायीन मारे जुगु तिनाक चोकचोयो कोरनो जुवे। कोदाम तु हेना पापी मानुस काजे चोकचोयो नी कोरे आरु हेनाक आपसी जिवाय बोदेलने नी कोवे, ती होये पापीत मोरसे, काहाकी होयो पाप कोरलो छे। पुन हांव तारे जु हेरी मोतोन लेखु नीं मांगो।
EZE 33:9 पुन कोदाम तु पापी काजे हेरी वाटोन वाराम चोकचोयु कोरिस की होयो आपसी वाट सी फीरे आरु होयो आपसी वाट सी नी फिरे, ती होयो ते आपसा ओधोरोम मा फोसलोत मोरसे, पुन तु आपसो जीव वाचाड़ लीस।
EZE 33:10 ओळी हे मानसोन ओवलियाद, इसराएलोन घोराना सी यो कोव, तुमु मानसे कोवु: हामरा गुना आरु पापोन भार हामरे उपोर छितलो छे। आरु हामु हेरेन कोरता गोळने बाज रोया; हामु कोसा जिवतेला रोवसु?
EZE 33:11 कोरीन तु हेनुसी यो कोव, परमेश्वर योहोवान यो बुल छे: मार जिवनोन आन खायीन भुरसु आपो, हांव पापीक मोरने सी काय वी खुश नी होयो, पुन ऐरेसी की पापी आपसी वाट सी बोदलीन जिवतेलु रोवे; हे इसराएलोन घोराना, तुमु आपसा आपसा भुंनला कामोन वाटो गोथा पोछा आवु; तुमु काहा मोरु?
EZE 33:12 हे मानसोन ओवलियाद, आपसा मानसो सी यो कोव, जोत्यार धोरमी मानसो गुनु कोरे तोत्यार हेंदरो धोरोम हेनुक वाचाड़ नी सोकसे, आरु पापी आपसा भुंनला कामोक छुड़ देये ती होयो छाचिन पापोन डोन सी वाचसे। कोदाम धोरमी मानुस पाप कोरे ती हेरा धोरमोन काम हेनाक मोरने सी नी वाचाड़ सोके।
EZE 33:13 कोदाम हांव धोरमी मानुस सी कोवो की तु जिवतेलु रोवीस, आरु होयो आपसा धोरमो कामो पोर भुरसु कोरीन भुंनला काम कोरे, ती हेरा वाराला काम हेनाक नी वाचाड़ सोके। हांव हेनुक फोम नी कोरावो। होयो आपसा भुंनला कामोम मोरसे।
EZE 33:14 ओळी जोत्यार हांव पापी मानुस सी कोवो, तु छाचिन मोरीस, आरु होयो आपसा पाप गोथु फिरीन नियाव आरु धोरमोन काम कोरने लागे,
EZE 33:15 कोदाम पापी मानुस, गिरवेन चिज पोछो आप देये, आरु हेंदरो माल पोछो आपे जेनाक होयो ठोग्यो होय, होयो भुनला कामोक छुड़ीन जिवाय आपने वाळा धोरमोन कायदान ओनसारे चालने लागे आरु ओळी भुंनला कामोक हात नी लागाड़े, ती चो छाचिन जिवतेलो रोवसे, आरु नी मोरे।
EZE 33:16 जोतरा पाप होयो कोर्‌यो होसे, हेनुमा सी काहना वी गुनाक फोम नी कोरसे; होयो नियाव आरु धोरमोन काम कोरलो होय आरु ती होयो छाचिन जिवतेलो रोवसे।
EZE 33:17 ती वी तुमरा मानसे कोवे, पोरबुन चाल वारु नी होय; पुन हेंदरी चाल वारु नी होय।
EZE 33:18 जोत्यार धोरमी आपसा धोरोम सी फिरीन भुंनला कामोक कोरने लागे, तोत्यार छाचिन होयो हेनुम गुचवायलोत मोर जासे।
EZE 33:19 आरु कोदाम काहनलो पापी पाप कोरनो छुड़ देये आरु वारु वारु एने वारु रीते रोवने लाग जाय ती चो जिवेतेलो रोवसे।
EZE 33:20 ती वी तुमु, कोवु, पोरबुन चाल वारु नी? हे इसराएलोन घोराना, हांव होरीन मानुसोन नियाव हेरी चालोन ओनसारे कोरीस।
EZE 33:21 बेबीलोन मा निकोळनेन बारवे सालोन दोसवे मोहनेन पांचवे दाहड़े एक ओदमी मारेंचा आयो। चो योरुशोलेम सोहोर सी जिव वाचाड़ीन ढासीन आवलो होतो। चो मारे सी कोयो, योरुसालेम सोहोर नास होय गोयो।
EZE 33:22 ओसो होयो कि जेने दाहड़े होयो मानुस मारेंचा आयो तेने दाहड़ेन पेहले सांतो, योहोवान ताकोत मारे पोर उतरी। परमेश्वर मेसे बुले नी ओसु बोनायु। जेने टेमे होयो मानुस मारेंचा आयो, योहोवा मारो मुख उगाड़ देदलु आरु ओळी मेसेक बुलने देदु।
EZE 33:23 तोत्यार योहोवान यो बुल मारे यां पुग्यो:
EZE 33:24 हे मानसोन ओवलियाद, इसराएलोन जागान तेनु उजेड़लाम रोवनेवाळा कोवे, ओबराहाम एकुत मानुस होतु, तीवी देसोक आदिकारी होयु; पुन हामु बेसका मानसे छे, कोरीन देस छाचिन हामरात् होकोम आप देदलो छे।
EZE 33:25 ओस कोरीन तु हेनुसी कोव, परमेश्वर योहोवा ओसु कोवे: तुमु मानसे मांस लुहुय भेळ खाय आरु आपसी निंगा मुरतीया भेनी कोरी, आरु तुमु मानसोक मारु। हांव तुमुक यु जागु काहा आपो?
EZE 33:26 तुमु आपसी तोलवार पोर भुरसु कोरु आरु भुंनला काम कोरु, आरु आपसा आपसा धोड़े वाळा बायराक विटोळ कोरु: ओळी काय तुमु हेना देसो पोर होक कोर सोकसु?
EZE 33:27 तु हेनु सी कोव, परमेश्वर योहोवा ओसु कोवे: हांव आपसी जिवायीन आन खाय्‌न वायदु कोरे कि जे मानसे हेनु उजेड़ला सोहोर मा रोवे, चे तोलवार सी मार नाख्ये जासे। कोदाम काहनलो देस सी खोयड़े होयसे ती हांव तेनाक जोनवारीया सी मारवीस आरु खावाड़ीस। कोदाम मानसे किला आरु दोरोम डुकायला होसे ती चे रुगटा सी मोरसे।
EZE 33:28 हांव हेना देसोक उजाड़ुत उजाड़ कोर दिस; आरु हेरा ताकोतोन घाड़ाय जाती रोवसे; आरु इसराएलोन बोयड़ा ओसा उजेड़से कि हेनु पोर होयीन कुदु नी चालसे।
EZE 33:29 कोरीन जोत्यार हांव हेनु मानसो जुगु आखा भुंनला कामोन कोरता हेना देस काजे उजाड़ुत उजाड़ कोर दिस, तोत्यार होये जान लेसे कि हांव योहोवा छे।
EZE 33:30 हे मानसोन ओवलियाद, तारा मानसे भितड़ा धोड़े आरु घोरोन झोपलाम तारा वाराम वात कोरे आरु एक दिसर सी कोवे, आवु, सोमळु, कि योहोवा भेनी सी काहनो बुल निकळे।
EZE 33:31 होये पोरजान मानसोन तोसा तारेंचा आवे आरु मार मानसे बोनीन तारे ओगोळ बोठीन तारा बुले सोमळे, पुन होये हेनु पोर चालता नी: मुयो सी ते होये बेसका मोंग देखाड़े, पुन हेंदरो मोन लालुच मा लागलो रोवे।
EZE 33:32 तु हेंदरी निंगाम मोंगोन गुळ्ळा गीत गावनेवाळो आरु वारु वाजाड़नेवाळो कोवाये, काहाकि होये तारा बुल सोमळे पुन हेनु पोर चालता नी।
EZE 33:33 कोरीन जोत्यार यी वात छाचलिन होयसे, आरु होयी छाचलीन होयसे! तोत्यार होये जान लेसे कि हामरे इचमा एक कागळ्यो आवलो होतो।
EZE 34:1 योहोवान यो बुल मारे यां पुग्यो:
EZE 34:2 हे मानसोन ओवलियाद, इसराएलोन गुवाळ्यान विरुद् भोगवानो वोगे गोथी वात कोरीन हेनु गुवाळ्या काजे कोव, परमेश्वर योहोवा ओसु कोवे: हाय इसराएलोन गुवाळ्या पोर जे आपसो आपसो पेट भोरे! काय गुवाळ्या काजे गाडरा-बुकड़ान पेट नी भोरनो जुवे?
EZE 34:3 तुमु लोगहन चोरबी खावु, गाडरान झोटान छिंदरा पेहरु आरु मोटला मोटला ढुरोक काटु; पुन गाडरा-बुकड़ाक तुमु नी चारता।
EZE 34:4 तुमु ते पातेळ्ळाक माता नी बोनाया। नी मांदला काजे आरगा कोरला, नी घायेलोन घाव काजे बांद्या, नी नीकावला काजे पोछा लाया, नी खुवायला काजे हेर्या, पुन तुमु ताकोत वावा आरु जोबोरजोस्ती होक चालाड़्या।
EZE 34:5 होये गुवाळ्या नी होयने सी रिवन्या तिवन्या होय गोय; आरु आखा जोंगोलोन जोनवारीया खानो बोन गोया।
EZE 34:6 मार गाडरा रिवन्या तिवन्या होय गोया। होये बोयड़ा पोर उचा उचा बोयड़ा पोर भुलवाय रोया। मार गाडरा कोळीन आखा देसोम रिवन्या तिवन्या होय गोया। हेनुक हेर-खोबोर लेनेवाळो, हेनुक हेरीन लावनेवाळो कुदु गुवाळ्यो नी होय।
EZE 34:7 ओतरान कोरीन, हे गुवाळ्या, योहोवान बुल सोमळु:
EZE 34:8 परमेश्वर योहोवान यो बुल छे, मारी जिवायीन आन, मार गाडरा-बुकड़ा जे लुटाय गोया, आरु मार गाडरा-बुकड़ा जे गुवाळ्यो नी होयने सी आखा जोंगोलोन जोनवारीया खानो होय गोय; आरु ओतरान कोरीन कि मार गुवाळ्या मार गाडरा बुकड़ान फोम नी कोर्‌यो, आरु मार गाडरा बुकड़ान पेट नी, आपसो आपसोत पेट भोर्या;
EZE 34:9 ओस कोरीन हे गुवाळ्या, योहोवान बुल सोमळु,
EZE 34:10 परमेश्वर योहोवा ओसु कोवे: देखु, हांव गुवाळ्यान विरुद् छे; आरु हांव हेनुसी आपसा गाडरा-बुकड़ान हिसाब लीस, आरु हेनुक ओळी गाडराक चारावने नी आपो; होये ओळी आपसो आपसो पेट वी नी भोराये। हांव आपसा गाडरा-बुकड़ा हेंदरा मुयो सी छुड़ावीस की ओळी हेंदरो खानो नी होयसे।
EZE 34:11 काहाकी परमेश्वर योहोवा ओसु कोवे: देखु, हांव आपसुत आपसा गाडरा-बुकड़ान फोम राखीस, आरु हेनुक हेरीस।
EZE 34:12 जोसा गुवाळ्या आपसा गाडरा-बुकड़ाम गोथा भुलवायला काजे ओळी आपसा टुवाम हेरे, तोसोत हांव वी आपसा गाडरा-बुकड़ा काजे हेरीस; हांव हेनुक हेनु आखा जागाम सी निकाळ लावीस, जां जां होये वादळाम आरु बेसका आंदारान दाहड़ाम रिवन्या तिवन्या होय गोया होय।
EZE 34:13 हांव हेनुक देस देसोन मानसोम गोथु निकाळ लावीस, आरु देस देस सी एकठा कोरीस, आरु हेनुक आपसा जागाम ली आवीस; आरु इसराएलोन बोयड़ा पोर आरु खुदराम आरु हेना देसोन आखा बोसला जागाम चारावीस।
EZE 34:14 हांव हेनु खोड़ोव वाळा खेतोम ली जायीस। होये इसराएलोन बोयड़ान उचला जागा पोर जासे। होंया होये वाराला जागाम सुवसे आरु खोड़ोव चोरसे। होये इसराएलोन बोयड़ा पोर वारु वारु खोड़ोव वाळा जागाम चोरसे।
EZE 34:15 हांव आपसुत आपसा गाडरा-बुकड़ान गुवाळ्यु रोविस, आरु हांव आपसुत हेनुक बोठाड़ीस, परमेश्वर योहोवान यो बुल छे।
EZE 34:16 हांव खुवायलाक हेरीस, हांव तेनु गाडराक पोछु लावीस जे खोव्‌वाय गोय। हांव हेनु गाडरान पाटू बांदिस जेंदरे झोट लाग गोय। हांव कोमजुर गाडराक ताकोतवाळा बोनावीस। पुन हांव हेनु मोटला आरु ताकोतवाळा गुवाळ्या काजे नास कोर दिस। हांव हेंदरी गुवाळीन ओनसारे नियाव कोरीस।
EZE 34:17 हे मार टुळा, तुमरे सी परमेश्वर यहोव ओसु कोवे: देखु, हांव गाडरा-गाडरान इचमा आरु मेढ़ोन आरु बुकड़ान इचमा नियाव कोरो।
EZE 34:18 तुमु वाराला जागा पोर उगलो खोड़ोव खाय सोकु तुमु तेना खोड़ोव काजे काहा कुसनु जेनाक दिसरा गाडरा खाने चाहाये। तुमु आफरीन चुखलो पानी पी सोकतेला। तुमु तेना पानीक हालवीन भुंडो कोरु, जेनाक दिसरा गाडरा पीने चाहाय रोवे।
EZE 34:19 काय मारा गाडरा-बुकड़ाक तुमरे पायो सी रोंदवायलाक चारजु, आरु तुमरा पायो सी गोंदयला पीनो पोड़से?
EZE 34:20 ओस कोरीन परमेश्वर योहोवा हेनुसी ओसु कोवे: देखु, हांव मार मातला आरु हारला गाडरा-बुकड़ा पुठी नियाव कोरीस।
EZE 34:21 तुमु तोमान गाडराक पांजर आरु सिंगडे कोरीन दी दीन ढासाड़ देवु, आरु होये यां-वां खोव्‌वाय जाय।
EZE 34:22 ओस कोरीन हांव आपसा गाडरा-बुकड़ाक छुड़ावीस, आरु होये ओळी नी लुटसे, आरु हांव गाडरा-गाडरान आरु बुकड़ा-बुकड़ान इचमा नियाव कोरीस।
EZE 34:23 हांव हेनु पोर ओसो एक गुवाळ्यो मेकीस जो हेंदरी गुळावी कोरसे, होयो मारो दास दाऊद होयसे, होयो हेनुक चारसे, आरु होयो हेंदरो गुवाळ्यो होयसे।
EZE 34:24 हांव योहोवा, हेंदरो परमेश्वर कोवायीस, आरु मारो दास दाऊद हेंदरे इचमा डाहलो होयसे, हांव योहोवा ओसु कोवलु छे।
EZE 34:25 हांव हेंदरे पुठी शांतीन वायदु बांदीस, आरु जोगली जिवोक देसोम नी रोवने दोम; होये जोंगोल मा विगुर बिहये रोवसे, आरु जोंगोल मा सुवसे।
EZE 34:26 हांव हेनुक आरु आपसा बोयड़ान आड़े धोड़ेन जागाक बोरकोतोन कारण बोनावीस; आरु वादळान पानीक हांव वारु टेम पोर पाड़ीस; आरु होये बोरकोतोन पानी पोड़से।
EZE 34:27 खेतोम उगने वाळा झाड़ आपसा फोव आपसे। धोरती आपसी मेर आपसे। गाडरा आपसा देसोम आरेगला रोवसे। हांव हेंदरे पोर वावो जुड़ो तुड़ दीस। हांव हेनु मानसोन ताकोत सी वाचाड़ीस जे हेनुक चाखरीया बोनाया। तोत्यार होये जान लेसे की हांव योहोवा छे।
EZE 34:28 होये कोळीन देसोन शिकार नी बोनसे, आरु जोंगली जोनवार हेनुक मारीन नी खासे। पुन हेमी होये आरेगला रोवसे। कुदु हेनुक बिहाड़ीया नी कोरे।
EZE 34:29 हांव हेनुक आपसो खास मानसो जुगु पीयोत खेत उपजाड़ीस, आरु होये देसोम ओळी भुकला नी मोरे, आरु नी देस देसोन मानसे ओळी हेंदरा वायकेड़ा नी उड़ावे।
EZE 34:30 होये जानसे की हांव परमेश्वर योहोवा, हेंदरे पुठी छे, आरु होये जे इसराएलोन घोरानो छे, होये मार मानसे छे, हांव परमेश्वर योहोवान यो बुल छे।
EZE 34:31 तुमु ते मार गाडरा-बुकड़ा, मार चारवायान गाडरा-बुकड़ा छे, तुमु ते मानसे छे, आरु हांव तुमरो परमेश्वर छे, परमेश्वर योहोवान यो बुल छे।
EZE 35:1 योहोवान यो बुल मारे यां पुग्यो:
EZE 35:2 हे मानसोन ओवलियाद, आपसो मुय सेईर बोयड़ा भेनी कोरीन हेरा विरुद् भोगवानो वोगे गोथी वात कोर,
EZE 35:3 आरु हेनासी कोव परमेश्वर योहोवा ओसु कोवे: हे सेईर बोयड़ा, हांव तारे विरुद् छे; आरु आपसो हात तारे विरुद् वोदाड़ीन तुसेक उजाड़ुत उजाड़ कोर दिस।
EZE 35:4 हांव तारा सोहोर काजे नास कोर दीस, आ रु तुमु उजाड़ होय जासु; तोत्यार तु जान लीस की हांव योहोवा छे।
EZE 35:5 काहाकी तु इसराएलियो सी ठेटकुन दुसमोन राखे, आरु हेंदरा काठला टेम जोत्यार पापन डोनोन टेम पुग्यो, तोत्यार हेनुक तोलवार सी मोरने कोरीन आप देदो।
EZE 35:6 कोरीन परमेश्वर योहोवान यो बुल छे: मारी जिवायीन वायदु, की हांव तुमुक मोरने जाने जुगु तियार कोरीस आरु लुहुय तारे पोछोळ पोड़से; तु ते लुहुय सी नी घाड़ाये, ओस कोरीन लुहुय तारे पोछोळ पोड़से।
EZE 35:7 ऐने रीते हांव सेईरयोन बोयड़ाक उजाड़ुत उजाड़ कोर दिस, आरु जो हेरेम आवे जाय, हांव तिनाक नास कोरिस।
EZE 35:8 हांव हेरा बोयड़ाक मोरलान धोड़ो सी ढाक दिस। होये धोड़ तुमरा आखा बोयड़ा, घाटी आरु तुमरा आखा खुदराम तोलवार सी मार भोराय जासे।
EZE 35:9 हांव तुसेक जोलोम जोलोम जुगु उजाड़ कोर दिस, आरु तारो सोहोर ओळी नी वोससे। तोत्यार तुमु जान लेसु की हांव योहोवा छे।
EZE 35:10 काहाकी तु कोवलु छे, ये दुयु देस आरु ये दुयु देस मार होयसे; आरु हामु हेनका आपना बोनाय लेसु। पुन योहोवा होंया होतो।
EZE 35:11 ओस कोरीन परमेश्वर योहोवान यो बुल छे, मारी जिवायीन आन, तारी रीसोन ओनसारे, आरु रीस तु हेनु पोर आपसी रिसोक कोरता कोरलु छे, हेरेत ओनसारे हांव तारे सी वेवहार कोरीस, आरु जोत्यार हांव तारो नियाव कोरीस, तोत्यार तुमरेम आपसाक देखाड़ीस।
EZE 35:12 तु जानसे की हांव योहोवा तारी आखी ओबरान वात सोमळ्यो, जो तु इसराएलोन बोयड़ान वाराम कोयो, होये ते उजोड़ गोया, होये हामुत काजे आपला छे की हामु हेनुक खाय जाजे।
EZE 35:13 तुमु आपसा मुयो कोरीन मारे विरुद् मोटी मोटी वात कोर्या आरु मारे विरुद् बेसकी वात कोवला छे; इनाक हांव सोमोवलु छे।
EZE 35:14 परमेश्वर योहोवा ओसु कोवे: जोत्यार धोरती भोर मा खुशी होयसे, तोत्यार हांव तारो उजाड़ कोरीस।
EZE 35:15 तु इसराएलोन घोरानान आपसा वाटाक उजाड़ कोरने सी खुश्शी होयो, कोरीन हांव वी तारेसी तोसोत कोरीस; हे सेईर बोयड़ा, हे एदोमोन आखा देस, तु उजड़ी जायीस। तोत्यार होये जान लेसे की हांव योहोवा छे।
EZE 36:1 हे मानसोन ओवलियाद, तु इसराएलोन बोयड़ा सी भोगवानो वोगे गोथी वात कोरीव कोव, हे इसराएलोन बोयड़ा योहोवान बुल सोमळु।
EZE 36:2 परमेश्वर योहोवा ओसु कोवे: वेरी ते तुमरा वाराम कोवे, आहा! हेमी पेहलेन उचला बोयड़ा हेमी हामरा होकोम आय गोया।
EZE 36:3 ओस कोरीन भोगवानो वोगे गोथी वात कोरीन कोव, परमेश्वर योहोवा ओसु कोवे: मानसे जे तुमुक उजाड़ीया आरु‍ च्यारु मेर गोथा तुमुक ओसा कुसनी देदा की तुमु वाचली देसोन होकोम होय जावु, आरु तुमरे वारा मानसे वात आरु कानटा मा खुसुखुसु कोरीया।
EZE 36:4 ओस कोरीन, हे इसराएलोन बोयड़ा, परमेश्वर योहोवान बुल सोमळु, परमेश्वर योहोवा तुमरे सी कोवे; बोयड़ा आरु टेकड़ा सी आरु खुदरा आरु घाटी सी, आरु उजेड़ला ठारला आरु नाखला सोहोर सी, जे च्यरु मेरोन दिसरा देसोन लारे लुटाया आरु वायकेड़ान वात होय गोया।
EZE 36:5 परमेश्वर योहोवा ओसु कोवे: छाचिन हांव आपसी रीसोन आगठा मा वाचली जातीन आरु आखा एदोमोन विरुद् मा कोवे की जे मारा देस काजे आपसा मोनोन खुस होया आरु वारु आपसा होकोम कोर लेदा कि होयो पारको होयीन लुटाय गोयो।
EZE 36:6 ओस कोरीन की इसराएल देसोन वाराम हांव भोगवानो वोगे गोथी वात कोरीन बोयड़ा, टेकड़ा, खुदरा आरु घाटी सी कोव परमेश्वर योहोवा ओसु कोवे; देखु, तुमु जातीन वायकेड़ा वेठीया, कोरीन हांव आपसी रीसोन जोलोजोलाहोट सी कोवलु छे।
EZE 36:7 परमेश्वर योहोवा ओसु कोवे: हांव यो वायदो कोरीयो कि छाचिन तुमरे च्यारु मेरोन देस छे, हेनुक ओबरु आपसुत वेठनो पोड़से।
EZE 36:8 पुन इसराएलोन बोयड़ा, तुमरे पोर डाळ्या उगसे आरु हेंदरा फोव मार मानसो जुगु लागसे; काहाकी होये छाटा पोछा आवनीया छे।
EZE 36:9 देखु हांव तुमरे पुठी छे। आरु तुमरे पोर गिनोन निंगा कोरीस, आरु तुमु जागाम खेती वाड़ी कोरसु;
EZE 36:10 आरु हांव तुमरे पोर बेसका मानसे इसराएलोन आखा घोरानाक वोसाड़ीस; आरु सोहोर ओळी वोसाड़ीस आरु नास होयला जागा नोवला जागान तोसा बोनसे।
EZE 36:11 हांव तुमुक बेसका मानसे आरु जोनवारे आपीस। होये वोदसे आरु हेंदरा बेसका पुर्या होयसे। हांव तुमरे पोर रोवने वाळा मानसोक तोसात तुमुक आपाड़ीस, जोसा तुमु पेहलो कोरला। हांव तुमुक तुमरा पेहला गोथु वारुस बोनावीस। तुमु ओळी कोदी हेनुक, हेंदरी ओवलियाद सी छेटा नी होयसु। तोत्यार तुमु जानसु की हांव योहोवा छे।
EZE 36:12 हाव, हांव आपसा मानसोक इसराएल काजे तुमरा जागा पोर चालाड़ीस। होये तुमरे पोर होक कोरसे आरु तुमु हेंदरा होयसु। तुमुक हेंदरा विगुर पुर्यान ओळी कोदी नी बोनावो।
EZE 36:13 परमेश्वर योहोवा ओसु कोवे, जे मानसे तुमुक कोवे, तु मानसोक खानीया छे, आरु आपसा पोर बोसला मुलुक काजे छेटा कोर देये,
EZE 36:14 कोरीन हेमी तु मानसोक नी खायीस, आरु नी आपसा पोर बोसला मुलुक काजे छेटु कोरीस, परमेश्वर योहोवान यो बुल छे।
EZE 36:15 हांव देस दसोन मानसो सी तुसेक नी लाजवाड़ो। आरु तुसेक देस दसो भेनी ओळी वायकेड़ा नी सोमेळनो पोड़े, आरु तारे पोर बोसला देस तु ओळी नी ठोगे, परमेश्वर योहोवान यो बुल छे।
EZE 36:16 ओळी योहोवान यो बुल मारेन्चा पुग्यो:
EZE 36:17 हे मानसोन ओवलियाद, जोत्यार इसराएलोन घोरानो आपसा देस मा रोवतो होतो, ती आपसी चालचालोन आरु कामोन लारे होये हेनाक विटोळ कोरतो होतो; हेंदरी चालचालोन मेसे दुर होयने सी विटळ सी जानतेला।
EZE 36:18 कोरीन जे होये देसोम मानसोक मार्या, आरु देसोन मुरतियान लारे विटोळ कोर्या, ऐरे लारे हेनु पोर आपसी रीस भोड़कायु।
EZE 36:19 हांव हेनुक मुलुक मुलुक मा रिवन्या तिवन्या कोरीया, आरु होये देस देस मा खोव्‌वाय गोया; हेंदरा चालचालोन आरु कामोन ओनसारे हांव हेनु डोन आप्यो।
EZE 36:20 पुन जोत्यार होये हेनु देसोम पुग्या जेनुम होये पुगाड़ला छे, तोत्यार होये मार चुखला नावोक विटोळ कोवाड़्या, काहाकी मानसे हेरा वाराम ओसा कोवने लाग्या, ये योहोवान मानसे छे, पुन हेंदरा मुलुक सी निकावला छे।
EZE 36:21 पुन हांव आपसा चुखला नावोक फोम राखीयो, जेनाक इसराएलोन घोरानो हेनु देसोन इचमा विटोळ कोवाड़्यो, जां होये गोया।
EZE 36:22 ओस कोरीन तु इसराएलोन मुलुकोन घोराना सी कोव, परमेश्वर योहोवा ओसु कोवे: हे इसराएलोन घोराना, जां तुमु गोया चां मार नाव काजे विटोळ कोरीया। एनाक रुकने जुगु हांव काहीन कोरनेम छे। हां यो तुमरे जुगु नी कोरीस। इसराएल, हांव एना आपसा चुखला नाव जुगु कोरीस।
EZE 36:23 हांव आपसा मोटा नावोक चुखो कोवाड़ीस, जेनु देसोम विटोळ कोरावला, जेनुम तुमु हेन्दरे इचमा विटोळ कोरला; आरु जोत्यार हांव हेन्दरी निंगा मा तुमरे इचमा चुखलो कोवाड़ीस, तोत्यार होये देस जानसे की हांव योहोवा छे। परमेश्वर योहोवान यो बुल छे।
EZE 36:24 हांव तुमुक हेना देस सी खोयड़े निकाळीस, एक जागे एकठा कोरीस आरु तुमुक तुमरा आपसा देस मा लावीस।
EZE 36:25 तोत्यार हांव तुमरे पोर चुखलो पानी छाटिस आरु तुमु चुखा होयसु। हांव तुमरो आखो विटोळ छे तिनाक धुवीस आरु हेनु घाड़ायीन देवोन मुरतीया सी पोयदा होयलो विटोळ काजे धुवीस।
EZE 36:26 हांव तुमुक नोवलो मोन आपीस, आरु तुमरे माहाय नोवलो जीव उबेजसे, आरु तुमरो डिलोम गोथो दोगड़ान काळजो निकाळीन तुमुक मासोन काळजो आपीस।
EZE 36:27 हांव आपसो जीव तुमरे माहाय आपीन ओसो कोरीस कि तुमु मार कायदा पोर चालसु आरु मारी पाळनीन ओनसारे कोरसु।
EZE 36:28 तोत्यार तुमु तेना देसोम रोवसु जेनाक तुमरा डाहडाक आपलु। तुमु मार मानसे रोवसु आरु हांव तुमरो परमेश्वर रोवीस।
EZE 36:29 हांव तुमुक वाचाड़ीस वी आरु तुमुक विटोळ होयने सी रुकीस। हांव ओन काजे उगनेन हुकुम आपीस। हांव तुमरे विरुद् काळोन टेम नी लावो।
EZE 36:30 हांव झाड़ोन फोव आरु खेतोन मेर वोदाड़ीस, की जातिम काळोन टेम ओळी तुमुक ओसो नी लागसे।
EZE 36:31 तोत्यार तुमु आपसा भुनला कामोक फोम कोरसु जे तुमु कोरला। तुमु फोम कोरसु की चे काम वारला नी होता। तोत्यार तुमु पाप आरु घाड़ायीन काम कोरला हेंदरे जुगु तुमु आपसा सी घाड़ाय कोरसु।
EZE 36:32 परमेश्वर योहोवान यो बुल छे, तुमु जान लेवु कि हांव तुमरे भोलाय जुगु ये काम नी कोर रोयु! हांव हेनुक आपसा वारला नावोन कोरता कोर रोयु। ऐ इसराएलोन घोरानो, तुमुक आपसा रोवनेन ढोंग पोर लाज आवनो जुवे आरु तुमरो मुय काळो होयनो जुवे।
EZE 36:33 परमेश्वर योहोवा ओसु कोवे: जोत्यार हांव तुमुक तुमरा आखा पाप सी चुखो कोरीस, तोत्यार तुमु सोहोर काजे वोसाड़सु; आरु तुमरा नास होयला सोहोर काजे ओळी बोनावसु।
EZE 36:34 तुमरो देस जो आखा आवने जानेवाळा ओगोळ उजाड़ु छे, होये उजाड़ होयनेन बोदले जुपनो वेरनो होय जासे।
EZE 36:35 मानसे कोवसे, यो देस जो उजाड़ होतो होयो ओदोनोन वाड़ी सारको होय गोयो, आरु जो सोहोर नास होय गोयलो आरु उजाड़ होय गोयलो आरु ढारलो होतो पुन हेमी होंया वारला छे आरु होंता मानसे रोवे।
EZE 36:36 तोत्यार जे देस वावा तुमरे आड़े धोड़े वाचली रोवसे, होये जान लेसे की हांव योहोवात उदारलाक पोछी बोनायु, आरु उजाड़ी मा झाड़का लागाड़ीयु, हांव योहोवा ओसु कोयु, आरु ओसुत कोरीस।
EZE 36:37 परमेश्वर योहोवा ओसु कोवे: इसराएलोन घोरानो ओळी मारे सी विनता कोरसे की हांव हेंदरे जुगु यो कोरो, हांव हेनु मा मानसोन गिनाय गाडरा-बुकड़ा सारकी वोदाड़ीस।
EZE 36:38 जोसा चुखला टेमोन गाडरा-बुकड़ा, टाकला तिहवारोन टेमे योरुसालेम मा गाडरा-बुकड़ा निगिनाये ओसा होता तोसात जो सोहोर नास होय गोयला छे चे निगिनाये ओसा मानसोन टुळा सी भोराय जासे। तोत्यार होये जान लेसे की हांव योहोवा छे।
EZE 37:1 योहोवान ताकोत मार पोर उतरी, आरु होयो मारेम आपसो जीव सोमाड़ीन खोयड़े ली गोयो आरु मेसे घाटीन इचमा उबो कोर देदो; होयी घाटी हाड़का सी भोरायली होती।
EZE 37:2 तोत्यार होयो मेसेक हेंदरे च्यारु मेर फिरयो, आरु घाटिन नेचा बेसका हाड़का होता आरु चे बेसका सुकला होता।
EZE 37:3 तोत्यार होयो मारे सी पुछ्यो, हे मानसोन ओवलियाद, काय ये हाड़का जीवता होय सोके? हांव कोयो, हे परमेश्वर योहोवा, तुत जाने।
EZE 37:4 तोत्यार होयो मारेसी कोयो, एनु हाड़का सी मारे जुगु वात कोर। हेनु हाड़का सी कोव, सुकला हाड़का योहोवान बुल सोमवु!
EZE 37:5 परमेश्वर योहोवा तुमु हाड़का सी ओसु कोवे: देखु, हांव तुमरेम जीव आवने दिस, आरु तुमु जिवता होय जासु!
EZE 37:6 हांव तुमरे उपोर नोस आरु मास चोड़ावीस आरु हांव तुमुक चामड़े कोरीन ढांक दीस। तोत्यार हांव तुमरेम जिवोन दोम भोरीस आरु तुमु ओळी जिवता होय जासु। तोत्यार तुमु जान लेसु की हांव योहोवा छे।
EZE 37:7 हांव योहोवा जुगु हेनु हाड़का सी तोसोत वात कोर्‌यो की जोसो होयो कोयो। हांव जोत्यार भोगवानो वोगे गोथी वात कोय रोयु होतु तोत्यारुत हांव घोन जुरे ओवाज सोमळ्यु। हाड़का खोकड़ायने लाग्या आरु हाड़का हाड़का जुड़ाय गोया।
EZE 37:8 होंया मार डुळा ओगोळ नोसे मांस आरु होये उपोर चामड़ा सी ढाकाय गोयो पुन हेरेम जीन नी होतो।
EZE 37:9 तोत्यार होयो मारे सी कोयो, हे मानसोन ओवलियाद, दोम सी मारे जुगु कोव। मानसोन पुर्या, मारे जुगु दोम सी वात कोर। दोम सी कोव परमेश्वर योहोवा ओसु कोवे: च्यारु मेरुन आवीन एनु मोरलाम सोमायजा की ये जीवता होय जाय।
EZE 37:10 ओस कोरीन हांव योहोवा जुगु दोम सी वात कोर्‌यो जोसो होयो कोयो आरु धोड़ोम दोम आय गोयो। होये जिवता होया आरु उबा होय गोया। होंया बेसका मानसे होता, होये एक मोटी गोड़दी होय गोय।
EZE 37:11 ओळी होयो मारेसी कोयो, हे मानसोन ओवलियाद, ये हाड़का इसराएलोन घोरानान तोसा छे। होये कोवे हामरा हाड़का सुक गोया, आरु हामरी होर जाती रोवी; हामु पुरे रीते नास होय गोयला छे।
EZE 37:12 कोरीन मारे जुगु वात कोर, हेनुसी कोव, परमेश्वर योहोवा ओसु कोवे; मारे मानसे, हांव तुमरा बिड़ाक उगाड़ीस आरु तुमुक बिड़ाम गोथु खोयड़े लावीस, तोत्यार हांव तुमुक इसराएलोन जागा पोर लावीस।
EZE 37:13 मार मानसे, हांव तुमरा बिड़ा उगाड़ीस आरु तुमरा बिड़ाम गोथु खोयड़े लावीस। तोत्यार तुमु जानसु की हांव योहोवा छे।
EZE 37:14 हांव आपसो जीव तुमरेम नाखीस आरु तुमु ओळी जिवता होय जासु। तोत्यार तुमुक हांव तुमरा देसोम पोछु लावीस। तोत्यार तुमु जान लेसु की हांव योहोवा छे। तुमु जानसु की हांव यी वात कोयो आरु हेनुक पुरो कोरायो, योहोवान यो बुल छे।
EZE 37:15 ओळी योहोवान यो बुल मारे यां पुग्यो:
EZE 37:16 हे मानसोन ओवलियाद, एक लाकुड़ लिन हेना पोर लिख, योहुदान आरु हेरा साथी इसराएलियान; तोत्यार दिसरी लाकुड़ चुट हेरे पोर लिख, युसुफोन मोतलोब एपरेमोन, आरु हेरा साथी इसराएलियान लाकुड़।
EZE 37:17 तोत्यार दुयु लाकड़ीयाक एकठा जुड़ दे। तारा हातोम होये एक लाकुड़ बोन जाय।
EZE 37:18 जोत्यार तारा मानसे तारे सी पुछसे, काय तु हामुक नी देखाड़िस की एना सी तारो काय मोतलोब छे?
EZE 37:19 तोत्यार हेनुसी कोवजी, परमेश्वर योहोवा ओसु कोवे, हांव युसुफोन लाकुड़ जो एपरेमोन हातोम छे, आरु इसराएलोन लाकुड़ जो गोत्र हेरा साथीन हातोम छे। तोत्यार हांव हेनी लाकुड़ काजे योहुदान लाकुड़ पुठी मेकिस आरु एनुक एक लाकुड़ बोनावीस। मार हातोम होयी एक लाकुड़ होयसे।
EZE 37:20 जेनु लाकड़िया पोर तु ओसु लिखीस, होये हेंदरे ओगोळ तारा हातोम रोवे।
EZE 37:21 तोत्यार तु हेनु मानसो सी कोव, परमेश्वर योहोवा ओसु कोवे: देखु, हांव इसराएलियाक हेनु देसोम गोथु लीन जेनुम होये जात रोया, च्यारु मेर गोथा एकठा कोरीस; आरु हेंदरा आपसा देस मा पुगाड़ीस।
EZE 37:22 हांव हेनुक इसराएलोन बोयड़ान देसोम एक जाति बोनावीस। हेनु आखान एकुत राजा होयसे। होये दुय जाती नी बोनला रोवसे आरु नी दुय मुलकोम कोदी वाटायसे।
EZE 37:23 होये आपसा देव मुरिया आरु भुंनला कामोन आरु आपसा काहने भातीन पापोन लारे आपसाक विटोळ नी कोरसे; पुन हांव हेनुक हेनु आखी वोसतिम गोथा, जां होये पाप कोरता होता। निकाळीन चुखो कोरीस, आरु होये मार मानसे होयसे, आरु हांव हेंदरो परमेश्वर होयिस।
EZE 37:24 मारो दास दाऊद हेंदरो राजा होयसे; आरु हेनु आखान एकुत गुवाळ्यो होयसे। होये मार कायदा पोर चालसे आरु मार नेम काजे मानीन हेंदरे ओनसारे चालसे।
EZE 37:25 होये हेना देसोम रोवसे जेनाक हांव आपसा दास याकुब काजे आपलो होतो; आरु जिनाक हांव तुमर डाहडा रोवता होता, हेनात मा होये आरु हेंदरा पुर्या-पारी जोलोम बोसला रोवसे; आरु मारो दास दाऊद जोलोम हेंदरो मुखी रोवसे।
EZE 37:26 हांव हेंदरे पुठी शांतीन वायदु बांदीस; होयो जोलोमको वायदो कोवायसे; आरु हांव हेनुक जागु आपीन गिनाय मा वोदाड़ीस, आरु हेंदरे इचमा आपसो चुखलो जागो जोलोम बोनावलो राखीस।
EZE 37:27 मारो चुखलो तोम्बु होंया हेंदरे इचमा रोवसे। हाव, हांव हेंदरो परमेश्वर आरु होये मार मानसे होयसे।
EZE 37:28 जोत्यार मार चुखला जागान हेंदरे इचमा जोलोम जुगु रोवसे, तोत्यार आखी जाती जान लेसे की हांव योहोवा इसराएलोक चुखो कोरनेवाळो छे।
EZE 38:1 ओळी योहोवान यो बुल मारे यां पुग्यो:
EZE 38:2 हे मानसोन ओवलियाद, आपसो मुय मागोग देसोन गोग भेनी कोरीन, जो रोश, मेशेक, आरु तुबल सोहरोन डाहलो छे, हेरे विरुद् भोगवानो वोगे गोथी वात कोर,
EZE 38:3 आरु यो कोव, हे गोग, हे रोश, मेशेक, आरु तुबल सोहरोन डाहला, परमेश्वर ओसु कोवे: देख, हांव तारे विरुद् छे।
EZE 38:4 हांव तुसेक फीराय लावीस, आरु तारा जोबड़ाम आकड़ा नाखीन तुसे निकाळीस; आरु तारी आखी सेनाक वी घुल्‌ला आरु घुल्‌लान सोवारोक जे आखा की आखा कोवोच पेहेरलान एक मोटी गोड़दी छे, आरु जो फोरी आरु ढाळ लीन आखा की आखा तोलवार चालाड़नेवाळा होयसे;
EZE 38:5 आरु हेरे पुठी फारस, कुस आरु पुतोक, जे आखा कि आखा ढाळ लीन आरु टोप लागाड़ीन होसे;
EZE 38:6 आरु गोमर आरु हेरा आखा टुळाक, आरु बोखेवरे भेनी नांबे नांबेन देसोन तोगर्मान घोरानो, आरु हेरा आखा टुळाक निकाळीस; तारे पुठी बेसका देसोन मानसे रोवसे।
EZE 38:7 कोरीन तु तियार होय जा; तु आरु जोतरी गोड़दी तारे जु एकठी होये, तियार कोरजी, आरु तु हेंदरो ओगोळवान्यो बोनजी।
EZE 38:8 बेसका दाहड़ा वीतसे ने तुमुक काम पोर बुलावसु; आरु चेहला सालोम तु हेना देस मा आवीस, जो तोलवारोन होकोम सी छुटलो रोवसे, आरु तेरा रोवनीया बेसका देसोम गोथा एकठा होयसे; तु इसराएलोन बोयड़ा पोर आवीस जो एकसारकात उजाड़ रोवला छे; पुन होये देस देसोन मानसोन होकोम सी छुड़ावीन आखा की आखा बेफिकरीया रोवसे।
EZE 38:9 तु होमलु कोरजी, आरु आंजीन तोसु आवीस, आरु आपसा आखा टुळा आरु बेसका देसोन मानसो भेळ वादळा जोसु देसो पोर छावाय जायीस।
EZE 38:10 परमेश्वर योहोवा ओसु कोवे: तेने दाहड़े तारो मोनोम ओसी ओसी वात आवसे की तु एक भुंनलो विचार वी निकाळीस;
EZE 38:11 आरु तु कोवीस, हांव विगुर भीतड़ान गांवोन देसो पोर होमलु कोरीस; हांव हेनु मानसोन चा जायीस। जे बेफिकरीया रोवे; चे ओसा घोरोम रोवे जेंदरा च्यारु मेर भितड़ो नी होय, जेंदरा घोरोन साकोळ आरु सोहोरोन भोरान्यो झोपलो वी नी होय।
EZE 38:12 काहाकी हापकीन तु हेनुक ठोगे आरु आपसो हात हेनु खोण्डोरोक वोदाड़े जे ओळी वोस गोया, आरु हेनु मानसोन विरुद् जाय जे देसोम गोथा एकठा होयला होता आरु कोळीन डुटी पोर वोसला ढुरे आरु दिसरो धोन राखे।
EZE 38:13 सोबा आरु दोदानोन मानसे आरु तोरसीसोन वेपारी आपसा देसोन आखा जुवान नाहार पुठी तारेसी कोवसे, काय तु लुटने आवे? काय तु धोन हापेकने, सोनो-चांदी चुटने, ढुरोक आरु दिसरो धोन ली जाने, आरु मोटली ठोग आपसो लेने कोरीन आपसी गोड़दी एकठू कोर्यु?
EZE 38:14 ओस कोरीन, हे मानसोन ओवलियाद, भोगवानो वोगे गोथी वात कोरीन गोग सी कोव, परमेश्वर योहोवा ओसु कोवे; जेने टेमे मारा मानसे इसराएल बेफिकरीयो वोसलो रोवसे, काय तुसेक एरी खोबोर नी जोड़से?
EZE 38:15 तु बोखेवरे भेनीन नांबे नांबेन जागा सी आवसे; तु आरु तारे पुठी बेसका देसोन मानसे, जो आखा की आखा घुल्‌ला पोर चोहोड़ला होसे एक मोटी गोड़दी आरु ताकोतवाळी सेना।
EZE 38:16 जोसो वादळो कोळी पोर टुपारु कोरे, तोसोत तु मार मानसे इसराएल देस पोर चोढ़ाई कोरीस। कोरीन हे गोग, चेहला दाहड़ाम ओसोत होयसे, कि हांव तारेसी आपसा देस पोर ओतरा कोरीन चोढ़ाई कोरावीस, की जोत्यार हांव देसोन देखता तारे लारे आपसाक चुखलो कोवाड़ो, ती चे मेसेक उळखी लेसे।
EZE 38:17 परमेश्वर योहोवा ओसु कोवे; काय तु चोत राजा नी होय, जेरे वाराम हांव आपसा पावरीया इसराएलोन कागळीयान लारे कोवलो होतो? मारा ये पावरीया घोना साल लोगुन विनता कोरता रोवे कि हांव तारेसी आपसा खास मानसे इसराएलियो पोर होमलु कोरावीस।
EZE 38:18 तेने टेमे, गोग राजा इसराएल देसोन विरुद् लोड़ायने आवसे। हांव आपसी रीस देखाड़ीस। परमेश्वर योहोवा यो बुल छे।
EZE 38:19 हांव आपसी रीस आरु घाड़ायीन कोरता यो कोयु की तेने दाहड़े इसराएल देस मा मोटलो भुकोम होयसे।
EZE 38:20 मार दोरसोन सी दोरीयान माछा आरु वादळान चिल्‌ला, खेतोन जोंगली जोनवारे आरु होये आखा नानला जीवे जोतरा धोरती पोर रोवने वावा आखा जिवे आरु मानसे, आखा काप पोड़से आरु बोयड़ा हिट पोड़से; आरु बोयड़ान चोट्या नास होयसे, आरु आखा भितड़ा पोड़ीन धुळाम भेसकाय जासे।
EZE 38:21 परमेश्वर योहोवान यो बुल छे की हांव हेरे विरुद् तोलवार चालाड़ने जुगु आपसा आखा बोयड़ाक आयड़ीस आरु होरीक तोलवार हेरा भास्योन विरुद् उठसे।
EZE 38:22 हांव गोग राजान रुग आरु मोतोन डोन आपीस। हांव गोग आरु बेसका देसोन सिपायड़ा उपोर गारा, आगठो आरु गोंधोकोन पानी पाड़ीस।
EZE 38:23 इने रीते हांव आपसाक मोटु आरु चुखलो कोवाड़ीस आरु बेसका देसो ओगोळ आपसाक उजेनतु कोरीस। तोत्यार होये जान लेसे की हांव योहोवा छे।
EZE 39:1 ओळी हे मानसोन ओवलियाद, गोग राजान विरुद भोगवानो वोगे गोथी वात कोरीन कोव, हे गोग, हे रोश, मेशेक आरु तुबल सोहरोन डाहला, परमेश्वर योहोवा ओसु कोवे: हांव तारे विरुद छे।
EZE 39:2 हांव तुसेक धोरिस आरु पोछु लावीस। आरु हांव तुसेक बोखेवरे गोथु नांबे नांबे देसोम सी चोड़ावीन ली आवीस, आरु इसराएलोन बोयड़ा पोर पुगाड़ीस।
EZE 39:3 होंया हांव तारी धोंदली तारा डाखरीया हातोम सी पाड़ीस, आरु तारा बिलखाक तारा जेवड़ीया हातोम सी पाड़ीस।
EZE 39:4 तु, तारा आखा सिपायड़ान टुळाक आरु आपसा पुठी आखी जाती भेळ इसराएलोन बोयड़ा पर मार नाख्यु जायीस; हांव तुसेक भाति भातिन मास खान्या चिल्‌ला आरु जोंगली जोनवारीयान खानो कोर दिस।
EZE 39:5 तु खेतोम पोड़ीस, काहाकी हांव तुसेक ओसु कोवलु छे, परमेश्वर योहोवान यो बुल छे।
EZE 39:6 हांव मागोग सोहोर मा आरु हेनु मानसोन, जे दोरियान कातोर पोर वारला रोवे, विरुद् आगठो मुकलीस। तोत्यार होये जानसे की हांव योहोवा छे।
EZE 39:7 हांव आपसा मानसोन इसराएलोन इचमा आपसो नाव कोरीस; आरु आपसा चुखलो नाव ओळी विटोळ नी होयने दोम; तोत्यार देस देसोन मानसे वी जान लेसे की हांव योहोवा, इसराएलोन चुखलु छे।
EZE 39:8 देखु, यो होयनेवाळो छे, यो विनभुरसियो होयसे; हांव परमेश्वर योहोवान यो बुल छे। यो चोंत दाहड़ो छे तेरे वाराम हांव कोवलो छे।
EZE 39:9 तोत्यार इसराएलोन सोहोरोम रोवनीया निकोळसे आरु होतियार मा आगठो लागाड़ीन धोपाड़ देसे, ढाळ, आरु फोरी, धोंदली, आरु बिलखा, लाकुड़, बोर्छा, आखाक होये सात साल लोगुन धोपाड़ता रोवसे।
EZE 39:10 ओस कोरीन होये खोयड़ाम लाकड़ान नी चुटसे, नी जोंगोल काटसे, काहाकी होये होतियारुत काजे धोपाडीया कोरसे, होये आपसा लुटनेवाळाक लुटसे, आरु आपसा हापेकेनेवाळाक हापेकसे, परमेश्वर योहोवान यो बुल छे।
EZE 39:11 तेने टेमे हांव गोग राजा काजे इसराएलोन देसोम बिड़ो आपीस, होतो तालोन उगेनले ओख्ये होयसे; होये आवने जानेवाळान घाटी कोवायसे, आरु आवने जानेवाळाक होंया रुकायनो पोड़से; होंया आखी गोड़दी भेळ गोग राजा काजे गाड़से आरु तीना जागान नाव गोग राजान गोड़दीन घाटी पोड़से।
EZE 39:12 इसराएलोन घोरानो हेनुक सात मोहना लोगुन गाड़तो रोवसे, काहाकी आपसा देसोक चुखो कोरे।
EZE 39:13 इसराएल देसोम आखा रोवन्या हेनुक गाड़से। आरु जिने टेमे मारी मोहिमा होयसे, तेने टेमे हेंदरो वी नाव मोटो होयसे, परमेश्वर योहोवान यो बुल छे।
EZE 39:14 परमेश्वर कोयु, मानसे दाहड़कीयाक, हेनु मोरला सिपायड़ाक गाड़ने जुगु आखे टेमे दाहड़की आपसे। ओस कोरीन होये देसोक चुखो कोरसे। होये दाहाड़किया सात मोहना लोगुन काम कोरसे। होये धोड़ोक हेरता जायीन च्यारु मेर जासे।
EZE 39:15 होये दाहाड़कीया च्यारु मेर हेरता फिरसे। कोदाम हेनुम कुदु मानुस एक हाड़की देखसे ती होयो हेरे जुळ एक सोहलानी बोनाय देसे। सोहलानी चां लोगुन बोनली रोवसे जोत्यार लोगुन बीड़ो खुंदने वाळा आवे नी आरु गोगोन सिपायड़ान घाटी मा तेनुत हाड़का काजे गाड़े नी।
EZE 39:16 ओस कोरीन आखा देसोक चुखो कोरसे। हेनु मोरला मानसोन सोहोरोन होमोना नाव कोवायो।
EZE 39:17 ओळी हे मानसोन ओवलियाद, परमेश्वर योहोवा ओसु कोवे: भाति भातिन आखा चिल्‌ला आरु आखा जोंगली ढुरोक हुकुम आप, एकठा होय जावु, मार इना मोटला बादाम जो हांव तुमरे जुगु इसराएलोन बोयड़ा पोर कोरो, होरीक जागे सी एकठा होयु कि तुमु मास खावु आरु लुहुय पीयु।
EZE 39:18 तुमु ताकोतवाळा सिपायड़ान डिलोन मास खासु। तुमु कोळीन डाहलान लुहुय पीसु। होये बासान देसोन गाडरा, मेमना, बुकड़ा, आरु मातला बुयल्योन तोसा होसे।
EZE 39:19 तुमु जोतरो चाहाय, तोतरी चोरबी खाय सोकतेला आरु तुमु लुहुय तोत्यार लोगुन पीय सोकतेला जोत्यार लोगुन तुमरो पेट नी भोराये। तुमु मारी बादा सी खासु आर पीसु जो हांव तुमरे जुगु मारलु छे।
EZE 39:20 तुमु मारी मेज पोर घुल्‌ला, रोथ, ताकोतवाळा सिपायड़ा आरु आखे भातीन लोड़ानीया मानसे आफरी जासु, परमेश्वरन यो बुल छे।
EZE 39:21 हांव देस देसोन इचमा आपसी मोहिमा देखाड़ीस, आरु जाति जातिन आखा मानसे मार नियावोन काम जो हांव कोरीस, आरु मार हात जे हेनु पोर पोड़से, देख लेसे।
EZE 39:22 तेने दाहड़े सी ओगा इसराएलोन घोरानो जान लेसे की योहोवा हामरो परमेश्वर छे।
EZE 39:23 देस देसोन मानसे जान लेसे की इसराएलोन घोरानो आपसा ओधोरमोन कोरता बांदवाय मा गोयलो होतो; काहाकी होये मारे सी ओसु धुकु कोर्या कि हांव आपसो मुय हेनुसी वी फिरवी लेदु आरु हेनुक हेंदरा वेरीन हातोम कोर देदु, आरु होये आखा तोलवार सी मार्या गोया।
EZE 39:24 हांव हेंदरा भुंनला आरु पापोन ओनसारे हेनुसी वेवहार कोरीन हेनुसी आपसो मुय फेरवी लेदो।
EZE 39:25 ओतरान कोरीन परमेश्वर योहोवा ओसु कोवे: हेमी हांव याकुब काजे बांदवाय सी पोछु लावीस, आरु इसराएलोन आखा घोराना पोर गीन कोरीस; आरु आपसो चुखलो नावो जुगु मेसे घाड़ाय होयसे।
EZE 39:26 तोत्यार हेन आखा धुकान कोरता जे होये मारे विरुद् कोर्या होये लाजवायसे; आरु आपसा देस मा नी बिहये; आरु कुदु हेनुक नी बिहाड़े।
EZE 39:27 जोत्यार हांव हेनुक देस देसोन इचमा सी पोछु लावीस, आरु हेनु वेरीन देसोम सी एकठा कोरीस, तोत्यार बेसकी जातिन निंगाम हेंदरे लारे चुखलो कोवायीस।
EZE 39:28 तोत्यार होये जान लेसे की योहोवा हामरो परमेश्वर छे, काहाकी हांव हेनुक देस देसोम बांदवाय कोरीन ओळी हेंदरा आपसा देसोम एकठा कोरलु छे। हांव हेनुम गोथु कुदाक ओळी पारका देसोम नी छुड़ो,
EZE 39:29 आरु हेनुम सी आपसो मुय ओळी कोदी नी फेरवो, काहाकी हांव इसराएलोन घोराना पोर आपसा जीव काजे उण्डेल्लु छे, परमेश्वर योहोवान यो बुल छे।
EZE 40:1 हामरी बांदवायीन पोच्चीसवे वोरीसोम योरुशोलेम सोहोर जुगु जानेन वाद चोवदे वोरीसोन पेहले मोहनेन दोसवे दाहड़े, योहोवान ताकोत मारेम आवी, आरु होयो मेसेक होंया पुगाड़्यो।
EZE 40:2 आपसा दोरसोन मा परमेश्वर मेसे इसराएलोन देसोम पुगाड़्यो आरु होया एक मोटला बोयड़ा पोर उबो कोर्‌यो, जेरे पोर दोखेवरे भेनी जोसो काहनला सोहोरो जोसो देखायतेलो।
EZE 40:3 जोत्यार होयो मेसे होंया ली गोयो, ती हांव काय देख्यो कि पीतोळोन जोसो आरु होतोम सोनोन बोंद आरु मापनेन वासुन लीन एक मानुस झोपलाम उबलु छे।
EZE 40:4 चो मानसु मारे सी कोयो, हे मानसोन ओवलियाद, आपसा डुळा सी देख, आरु आपसा कानटा सी सोमोळ: आरु जो काहिन हांव तुसे देखड़ो तेनु आखा पोर धीयान लागाड़, काहाकी तु ओतरान कोरीन यां पुगाड़्लुछे की हांव तुसे यी आखी वात देखाड़ो; आरु तु काहिन देखे जो इसराएलोन घोरानाक देखाड़े।
EZE 40:5 आरु देखु, भोवोनोन खोयड़े च्यारु मेर एक भितड़ो होतो, आरु तेना मानसोन हातो मा एक मापनेन वासुन होती, तेरी नांबाय ओसी छोव हात होती जे सुदा हातोन एक वेहेत गोथो जादा छे, तिना भितड़ाक जाडाय माप्या एक वासुनोन होतो, ओळी तेरी उचाय वी एक वासुनोन होती।
EZE 40:6 तोत्यार मानुस उगेनला झोपलाम गोयो। चो मानुस हेरा पोयड़्या पोर चोहड़ीयो आरु झोपलान देहलीक मापयो। यो एक लाकुड़ चोवड़ी होती।
EZE 40:7 पोहरा देन्या कोपरा वासुन भोरीन नांबा आरु वासुन भोरीन चोवड़ा होता; आरु दुय दुय कोपरान गावा पांच हातोन होता; आरु झोपलान पोयड़ी जी झोपलान ओसारेन धोड़े भोवनो भेनी होती, होयी वी वासुन भोरीन होती।
EZE 40:8 तोत्यार होयो झोपलान ओसारान जु भोवोनोन ओगोव होतु, मापीन एक वासुनोन होतो।
EZE 40:9 होयो झोपलान ओसाराक मापीन आठ हातोन होतो, आरु हेरा खांबा दुय दुय हातोन होता, आरु झोपलान ओसारा भोवनोन ओगोव होतो।
EZE 40:10 उगेनला झोपलान दुयो ओख्ये तीन तीन पोहरावाळान कोपरा होता जे आखा एकुत मापतीन होता, आरु दुयो ओख्येन खांबा वी एकुत मापतीन होता।
EZE 40:11 ओळी होये झोपलान झोपलान चोवड़ाय मापीन दोस हात होती आरु तेरे हातोन चोवड़ी होती।
EZE 40:12 आखा कोपरान ओगोळ एक नेचलो भितड़ो होतो। यो एक भितड़ो एक हात उचो आरु एक हात जाडो होतो। कोपरा च्यार खुट्या होता आरु होर ओख्ये सी छोव हात नांबा होता।
EZE 40:13 चो मानुस झोपलान एक कोपरान छोत सी दिसरा कोपरान छोत लोगुन माप्या। ये पोच्चीस हात होता। एक झोपलो दिसरा झोपला तोसोत सांबो होतो।
EZE 40:14 ओवी होयो तीन वीस हात खांबा माप्या, आरु आंगनो, झोपलान आड़े धोड़े, खांबे लोगुन होतो।
EZE 40:15 झोपलान खोयड़ेन झोपला सी लागाड़ीन हेरा माहायतेला ओसारेन ओगोळ लोगुन पोचास हातोन गावु होतु।
EZE 40:16 पोहरेवाळा कोपराम, आरु झोपलान माहाता च्यारु मेर, कोपरान इचमान खांबान इचमा झोळो झोळो कोरे ओसा खिड़किया होती, आरु खांबान ओसारे वी तोसीत होती; आरु झोपलान माहतेले च्यारु मेर खिड़किया होती, आरु होरीक खांबा पोर खोलेलान झाड़ गोंदलो होतो।
EZE 40:17 तोत्यार होयो मेसे खोयड़े आंगनाम ली गोयो, आरु हेना आंगनाम च्यारु मेर कोपरा होता, आरु एक फोरसी बोनली होती, जेनी पोर तीस कोपरा बोनला होता।
EZE 40:18 यी फोरसी निचला फोरसीयान झोपला सी लागली होती, आरु हेंदरी नांबायीन ओनसारे होती।
EZE 40:19 ओळी होयो नेचला झोपलान ओगोळ सी लीन माहायतेला आंगनाम खोयड़ेन आंगनान ओगोळ लोगुन माप्यो सोव हात होतो; होयो उगेनला आरु बोखेवरा दुयो ओख्यो ओसोत होतो।
EZE 40:20 तोत्यार होयो मानुस खोयड़ेन आंगनाम, जेरो मुय बोखेवरे ओख्ये छे, झोपलान नांबाय आरु चोवड़ाय माप्यो।
EZE 40:21 ऐरा होरिक धोड़े तीन कोपरा छे। ऐरा झोपला खांबान आरु भोरायनीया कोपरान मापती चीत होती जि पेहला झोपलान होती। झोपलान पोचास हात नांबो आरु पोच्चीस हात चोवड़ो होतो।
EZE 40:22 ऐरी वी खिड़किया आरु खांबान ओसारे आरु खोलेलान मापतीन उगेवने फिरीन मुयोन झोपला सारको होतो; आरु एना पोर चोहोड़नेन सात पांछिया होता; आरु हेंदरे ओगोळ ऐरो ओसारो होतो।
EZE 40:23 माहायतेला आंगनान बोखेवरे आरु उगेनला भेनीन दुसरा झोपलान ओगोळ झोपलो होतो आरु होयो झोपलान नांबाय माप्यो ती सोव हातोन होतो।
EZE 40:24 तोत्यार होयो मानुस मेसे दोखेवरे भेनी ली गोयो। हांव दोखेवराम एक झोपलो देख्यो। चो मानुस झोपला, खांबाक आरु भोरान्या कोपराक माप्यो।
EZE 40:25 हेरी मापती होतरीत होती जोतरी दिसरा झोपलान। खास झोपलान पोचास हात नांबो आरु पोच्चीस हात चोवड़ा होता।
EZE 40:26 सात पोयड़ीया एना झोपला लोगुन पुगाड़े। ऐरो भोरान्यो कोपरो माहाय होतो। होरीक धोड़े एक एक झोपलो खांबा पोर खोलेलान झाड़ गोंदलो होतो।
EZE 40:27 माहायतेला आंगनान दोखेवरेन एक झोपलो होतो चो मानुस दोखेवरे भेनीन एक झोपला सी दिसरे झोपलो लोगुन माप्यो। यो सोव हात चोवड़ो होतो।
EZE 40:28 तोत्यार होयो दोखेवरा झोपला सी होयीन मेसे माहायतेला आंगनाम ली गोयो, आरु होयो दोखेवरा झोपलान मापती होतरीन होती जोतरी दिसरा झोपलान होती।
EZE 40:29 दोखेवरान झोपलान कोपरा झोपलान खांबा आरु भोरायनेन कोपरान मापती होतरती होती जोतरी दिसरा झोपला होती। खिड़किया, झोपला आरु भोरान्या कोपरान च्यारु मेर होती। झोपला पोचास हात नांबा आरु पोच्चीस हात चोवड़ा होता। हेरे च्यारु मेर भोरायनेन झोपला होता।
EZE 40:30 भोरायने कोपरा पोच्चीस हात नांबा आरु पोचास हात चोवड़ा होता।
EZE 40:31 दोखेवरेन झोपलान भोरायानेन कोपरा ओगोळ खोयड़ेन आंगना भेनी होतो। ऐरा झोपला खांबा पोर खोलेलान झाड़ोन तोसो गोंदलो होतो। ऐरा पांछिया आठ पोयड़ीया होती।
EZE 40:32 चो मानुस मेसे उगेनले धोड़ेन माहातेला आंगनाम लायो। होयो झोपलाक माप्यो। हेरी मापती होतरीत होती जोतरी दिसरा झोपलान होती।
EZE 40:33 उगेनला झोपलान कोपरा, झोपला खांबा आरु भोरान्या कोपरान मापती तोतरीत होती जोतरी दिसरा झोपलान होती। झोपला आरु भोरान्या कोपरान च्यारु मेरोन खिड़किया होती। उगेनला झोपला पोचास हात नांबा आरु पोच्चीस हात चोवड़ा होता।
EZE 40:34 ऐरा भोरायनेन कोपरा ओगोळ खोयड़े ओख्ये होतो। होरीक धोड़े झोपला खांबा पोर खोलेलान झाड़ोन गोंदलो होतो। ऐरा पांछिया आठ पोयड़्या होती।
EZE 40:35 तोत्यार होयो मानुस मेसे बोखेवरा झोपला पोर लायो। होयो एनाक माप्यो। ऐरी मापती तोतरीत होती जोतरी दिसरा झोपलान होती।
EZE 40:36 ऐरा कोपरा, झोपला खांबा आरु भोरायनेन कोपरान। झोपलान‍ च्यारु मेर खिड़किया होता। ये पोचास हात नांबा आरु पोच्चीस हात चोवड़ा होता।
EZE 40:37 हेरा खांबान खोयड़ेन आंगना भेनी होतो, आरु हेनु पोर वी दुयो ओख्ये खोलेलान झाड़ोन गोंदलो होतो; आरु हेरेम चोहोड़नेन आठ पांछिया होता।
EZE 40:38 ओळी झोपला धोड़ेन खांबान धोड़े झोपला भेळ कोपरो होतो, जां होमनबादा धुवतेला।
EZE 40:39 होमबली, पापनबादा, आरु गुनाननबादान ढुरोक मारने कोरिन झोपलान ओसारे धोड़े हेरे दुयो ओख्ये दुय दुय मेज होता।
EZE 40:40 बोखेवरा झोपलान भोरान्या झोपला पोर, ओसारेन खोयड़े हेरा दुयो ओख्ये दुय दुय तोख्ता मेकला होता।
EZE 40:41 झोपलान दुयो ओख्ये च्यार च्यार तोख्ता होता, आखा मेळीन आठ तोख्ता होता, जे नबादान ढुरोक मारने कोरिन होता।
EZE 40:42 ओळी होमबली जुरु निसानला दोगड़ान च्यार तोख्ता होता, जे डेढ़ हात नांबा, डेढ़ हात चोवड़ा, आरु हात भोर उचा होता, हेनु पोर होमनबादा आरु मेलनबादान ढुरोक मारने कोरीन होतियार मेकतेला।
EZE 40:43 माहाय च्यारु मेर चोवा भोरीन आकड़ा लागला होता आरु तोख्ता पोर चोड़ावान मास मेकलो होतो।
EZE 40:44 माहायतेला आंगनान झोपलान खोयड़े गावनेवाळान कोपरा होता जेंदरा झोपला दोखेवरे भेनी होता; आरु उगेनला झोपला भेनी एक कोपरो होतो, तेरा झोपला बोखेवरा भेनी होतो।
EZE 40:45 होयो मारेसी कोयो, ये कोपरा, जेंदरा झोपला दोखेवरा भेनी छे, तेनु पुजारा जुगु छे जे भोवोन मा चाखरी कोरे,
EZE 40:46 आरु तेनु कोपरान झोपला बोखेवरा भेनी छे, चे तेनु पुजारा जुगु छे जे वेदीन चाखरी कोरे; ये सादोकोन ओवलियाद छे; आरु लेवीयो मा गोथा योहोवान चाखरी कोरने आगला येत हेरे धोड़े जाय।
EZE 40:47 होयो आंगनाक माप्यो। आंगनो च्यार खुट्यो होतो। होयो सोव हात नांबो आरु सोव हात चोवड़ो होतो। वेदी मोंदिरोन ओगोळ होती।
EZE 40:48 ओळी होयो मेसे भोवनोन ओसारेम ली गोयो, आरु ओसारेन दुयो ओख्ये खांबाक मापीन पांच पांच हात होतो; आरु दुयो ओख्येन झोपलान चोवड़ाय तीन तीन हात होती।
EZE 40:49 ओसारेन नांबाय वीस हात आरु चोवड़ाय इग्यारे हातोन होती; आरु हेरे पोर चोहोड़ने पांछिया होता; आरु दुयो ओख्ये खांबान लाटे होता।
EZE 41:1 ओळतेन होयो मानुस मेसे मोंदिरोन धोड़े ली गोयो, आरु हेरा दुयो ओख्येन खांबाक मापीन छोव छोव हात चोवड़ा, यो ते तोम्बुन चोवड़ाय होती।
EZE 41:2 झोपलान चोवड़ाय दोस हातोन होती, आरु झोपलान दुयो ओख्येन भितड़ा पांच पांच हातोन होता; आरु होतो मोंदिरोन नांबाय मापीन चाळीस हात कोर्‌यो, आरु हेरी चोवड़ाय वीस हातोन होतोन होती।
EZE 41:3 तोत्यार होयो धोड़े जायीन झोपलान खांबाक माप्यो। होरीक झोपलान खांबा दुय हात जाडा होता। ये छोव हात उचा होता। झोपला सात हात चोवड़ा होता।
EZE 41:4 तोत्यार होयो मानुस कोपरान नांबाय माप्यो। यो वीस हात नांबो आरु वीस हात चोवड़ो होतो। इचमा वाळा कोमराम भोरायने सी पेहेल होतो। चो मानुस कोयो, यो बेसको चुखलो जागो छे।
EZE 41:5 तोत्यार होयो मानुस मोंदिरोन भितड़ाक माप्यो। यो छोव हात चोवड़ो होतो। आड़े धोड़ेन कोपरा च्यार हात चोवड़ा मोंदिरोन च्यारु मेर होता।
EZE 41:6 यो खोयड़ेन कोपरा तीन मोंजील्या होता; होरीक मोंजील पोर तीस कोपरा होता। आड़े धोड़ेन कोपरा च्यारु मेर भितड़ा पोर टेकायला होता। मोंदिरोन भितड़ो आपसो आपसात कोपरा पोर टेकाड़लो नी होतो।
EZE 41:7 मोंदिरोन आड़े धोड़े जे कोपरा खोयड़े होता, हेनुम सी जे उपोर होता, चे जादा चोवड़ा होता: भोवोनोन आड़े धोड़े जो काहिन बोनलो होतो, चो जोसो जोसो उपोर चोहोड़तो गोयो तोस तोसो चोवड़ो होयतो गोयो; एने रीते, एना घोरोन चोवड़ाय उपोर भेनी वोदती गोयली, आरु मानसे नेचली मोंजिलोन इचमा उपेरली मोंजिल मा चोहड़ सोकतेला।
EZE 41:8 हांव मोंदिरोन आड़े धोड़े उचोत जागो देख्यो, आरु खोयड़ेन कोपरान उचाय जुड़ लोगुन छोव हात उची होती।
EZE 41:9 खोयड़ेन कोपरा जुगु जो भितड़ो होतो, चो पांच हात जाडो होतो, आरु जो जागो ठारलो रोय गोयलो होतो, चो भोवोनोन खोयड़ेन कोपरान जागा होतो।
EZE 41:10 खोयड़ेन कोपरान इचमा इचमा भोवोनोन आड़े धोड़े वीस हातोन गावु होतु।
EZE 41:11 खोयड़ेन कोपरान झोपला हेना जागान ओख्ये होता, जे ठारला होता, एक झोपलो बोखेवरे भेनी आरु दिसरो दोखेवरे भेनी होतो; आरु जो जागो रोय गोयो, तेरी चोवड़ाय च्यारु मेर पांच पांच हातोन होती।
EZE 41:12 ओळी जो भोवोन मोंदिरोन बुडेनले भेनि ओगोळ होतो, चो सोत्तोर हात चोवड़ो होतो; आरु भोवोनोन आड़े धोड़ेन भितड़ो पांच हात जाडो होतो, आरु हेरी नांबाय नोब्बे हातोन होती।
EZE 41:13 तोत्यार चो मानुस मोंदिर काजे माप्यो। मोंदिर सोव हात नांबो होत। भोवोन आरु ऐरो भितड़ान आंगनो वी सोव हात नांबो होतो।
EZE 41:14 मोंदिरोन उगेनलो मुख आरु आंगनान सोव हात चोवड़ाय होती।
EZE 41:15 ओळी होयो पोछला आंगनान ओगोव वावा भितड़ान नांबाय जेरे दुयुछ्ये छोज्जा होता, मापीन सोव हातोन होती; आरु माहतेला भोवनोन आरु आंगनान ओसारोक वी माप्यो
EZE 41:16 तीनो पोरुत च्यारु मेर जाळी वाळी खिड़किया लागली होती। मोंदिरोन च्यारु मेर पोयड़ी सी लागली, फोरसी सी खिड़किया लोगुन लाकड़ान च्यार खुट्या लागली होती। खिड़किया ढाकायली होती।
EZE 41:17 ओळी होयो झोपला उपोरुन जागान धोड़ेन भोवोन लोगुन आरु हेरे खोयड़े वी आरु आड़े धोड़ेन आखा भितड़ान माहाय आरु खोयड़े वी माप्यो।
EZE 41:18 हेरेम कोरुब आरु खोलेलान झाड़ोन ओसा घोड़ला होता कि दुय दुय कोरुबोन इचमा एक एक खोलेलान झाड़को होतो; आरु कोरुबोन दुय दुय मुय होता।
EZE 41:19 ओस कोरीन सी एक एक खोलेलान एक ओख्ये मानुसोन मुख बोनावलो होतो, आरु दिसरे ओख्ये जुवान नाहारन मुख बोनावलो होतो। इने रिते आखा भोवोनोन च्यारु मेर बोनलो होतो।
EZE 41:20 भिमा गोथो लागाड़ीन झोपला उपोर लोगुन कोरुब आरु खोलेलान झाड़ गोंदला होता, मोंदिरोन भितड़ो एने रीते बोनलो होतो
EZE 41:21 भोवनोन झोपलान खांबा च्यार खुट्या होता, आरु चुखला जागा ओगोळोन रुप मोंदिर सारको होतो।
EZE 41:22 वेदी काठोन बोनली होती, आरु हेरी उचाय तीन हात, आरु चोवड़ाय दुय हातोन होती; आरु हेरा खुना आरु हेरो आखो पाट आरु ओलंगे वी काठोन होता। चो मारे सी कोयो, यो ते योहोवान ओगोळ मेज छे।
EZE 41:23 मोंदिर आरु चुखला जागान झोपलान दुय दुय किवाड़ होता।
EZE 41:24 आरु आखा किवाड़ मा दुय दुय वोवने वाळा पोल्‌ला होता, होरीक किवाड़ जुगु दुय दुय पोल्‌ला।
EZE 41:25 जोसो मोंदिरोन भितड़ो कोरुब आरु खोलेलान झाड़ गोंदलो होतो, तोसोत हेरा किवाड़ मा वी होता, आरु ओसारेन खोयड़ा ओख्ये लाकुड़ धारोन जाडी जाडी होती
EZE 41:26 ओसारेन दुयु ओख्ये झोळो झोळो कोरे ओसी खिड़किया होती आरु खोलेलान झाड़े गोंदला होता; आरु भोवोनोन खोयड़े कोपरा आरु जाडी जाडी धारोन वी होती।
EZE 42:1 ओळी होयो मेसे खोयड़े आंगनाम बोखेवरे भेनी ली गोयो, आरु मेसे हेनु दुय कोपरान चां लायो जे भोवोनोन आंगना ओगोळ आरु हेरा बोखेवरे भेनी होतो।
EZE 42:2 सोव हातोन छेटोस बोखेवरे झोपलो होतो, आरु चोवड़ाय पोचास हातोन होती।
EZE 42:3 माहातेला आंगनान वीस हात ओगोळ आरु बाहरता आंगनान फोरसीया ओगोळ तीन मोंजीलो छोज्जा होता।
EZE 42:4 कोपरान ओगोळ माहेयतेले ओख्ये जानेवाळा दोस हात चोवड़ी एक वाट होती; आरु एक हात भोरीन एक आरु वाट होती; आरु कोपरान झोपला बोखेवरे भेनी होता।
EZE 42:5 उपेरला कोपरा नाना होता, छोज्जान कारण होये नेचला आरु इचमा वाळा कोपरा नानास होता।
EZE 42:6 काहाकी होये तीन मोंजिलो होतो, आरु आंगनान सारको हेंदरा खांबा नी होता; इने रीते उपरेला कोपरा नेचला आरु इचमा वाळा कोपरा सी नानास होता।
EZE 42:7 जे भीतड़ा कोपरान खोयड़े हेंदरे धोड़े होता कोपरान ओगोळ खोयड़ेन आंगना भेनी होता, हेरी नांबाय पोचाय हातोन होता।
EZE 42:8 काहाकी बाहरला आंगनान कोपरा पोचास हात नांबो होतो, आरु मोंदिरोन ओगोळ अलंग सोव हातोन होतो।
EZE 42:9 ऐनु कोपरान नेचो उगेनले ओख्ये वाट होती, जां मानसे खोयड़े आंगनाम सी एनाम जाता होता।
EZE 42:10 आंगनान भीतड़ान चोवड़ाय मा उगेनले ओख्ये ओलोग जागु आरु भोवोनोन दुयोन ओगोळ कोपरा होता।
EZE 42:11 हेंदरे ओगोळ वी एक वाट होती। चे बोखेवरे भेनीन कोपरान तोसा होता। हेंदरे बोराबोरुत हेंदरी नांबाय चोवड़ाय होती। हेनुम वी तोसोत निकोळनेन वाट होती। हेंदरा झोपला वी तोसात होता। हेंदरो ढोंग वी बोखेवरेन कोपरान सारकोत् होतो।
EZE 42:12 दोखेवरेन कोपरान नेचो, उगेनले भेनी वी भोरायनेन वाट होती, जां सी मानसे कोपरान ओगोळ वाळी वाट पोर चोहोड़ता होता। ओगोळ एक ओलोग भीतड़ो होतो।
EZE 42:13 ओळी होयो मारे सी कोयो, यो बोखेवरे आरु दोखेवरेन कोपरान आंगनान ओगोळ छे, होयेत चुखला कोपरा छे, जेरेम योहोवान धोड़े जानेवाळा पुजारान बेस चुखलो सोमान खाया कोरसे, होये बेसको चुखलो, आरु ओननबादा, आरु पापनबादा, आरु गुनानबादा, होयेत राखसे; काहाकी होयो जागो चुखलो छे।
EZE 42:14 जोत्यार जोत्यार पुजारा मानसे माहाय जासे, तोत्यार तोत्यार निकोळनेन टेमे होये चुखला जागाम सी खोयड़े आंगनाम ओसात नी निकोळसे, चे पेहेल आपसी सेवा चाखरीन छिंदरा चुखला जागाम मेक देसे; काहाकी ये कोपरा चुखला छे। तोत्यार होये दिसरा छिंदरा पेहरीन दिसरा मानसोन जागाम जासे।
EZE 42:15 मोंदिरोन माहायतेला जागाक मापतीन वाद मा मेसेक उगेनला झोपला सी खोयड़े ली गोयो। होयो होंया च्यारु मेर मोंदिरोन बाहरला जागाक मापने लाग्यो।
EZE 42:16 होयो मापनाय वासुन सी उगेनली काकोड़ काजे माप्यो। तेनी वासुनोन ओनसारे हेरी नांबाय पांच सोव हात नांबी निकळी।
EZE 42:17 होयो बोखेवरे छिवन्याक माप्यो। यो पां सोव हात नांबो होतो।
EZE 42:18 होयो दोखेवरे छिवन्याक माप्यो। यो पांच सोव हात नांबो होतो।
EZE 42:19 होयो बुडेनले ओख्ये च्यारु मेर गोयो आरु इनाक माप्यो। यो पांच सोव हात नांबो होतो।
EZE 42:20 होयो मोंदिरोन च्यारु मेर गोथो माप्यो। भितड़ो मोंदिरोन च्यारु मेर गोयलो होतो। भितड़ो पांच सोव हात नांबो आरु पांच सोव हात चोवड़ो होतो। यो चुखला जागाक विटोळ जागा सी आंगे कोरतेलो।
EZE 43:1 चो मानुस मेसे झोपलान चा ली गोयो, जु झोपलु उगेवनु फेरीन उगेड़तेलु।
EZE 43:2 तोत्यार इसराएलोन परमेश्वरोन महिमा उगेनले ओख्ये गोथी आवी; आरु हेरी ओवाज बेसका पानीन तोसो सोसोनती आवी; आरु हेरी मोहिमा सी धोरती चोमकी पोड़ी।
EZE 43:3 हेमी हांव एक दोरसोन देख्यु। यो तेना दोरसोन जोसो होतो जो हांव तेन टेमे देख्यु होतु जोत्यार परमेश्वरोन सेक सोहोरोन नास कोरने आवलो होतो। यो दोरसोन कोबार नोदीन कातरे देखला दोरसोन सारको होतो यो दोरसोन देखीन हांव विनता आरु भोक्ति सी मुयोन भुरसे हीट पोड़्‌यु।
EZE 43:4 योहोवान मोहिमा, मोंदिरोन तेने झोपले गोथी आवी जु उगेवनु फिरीन उगेड़े।
EZE 43:5 तोत्यार जीव आत्मा मेसेक उठाड़ीन माहातेला आंगनाम पुगाड़ी; आरु योहोवान महिमा भोवोन मा भोराय गोयली।
EZE 43:6 तोत्यार हांव एक जोनान बुल सोमयु, जो भोवोन मा गोथो मारेसी कोय रोयो होतो, आरु होयो मानुस मारें चा उबो होतो।
EZE 43:7 चो मारे सी कोयो, हे मानसोन ओवलियाद, योहोवान यो बुल छे: यी ते मारी राजगादीन जागु आरु मारो पाय मेकनेन जागु छे, जां हांव इसराएलोन इचमा जोलोम रोवीस। नी ते इसराएलोन घोरानाम, आरु नी हेंदरा राजा आपसा वेवविचार सी, एने आपसा उचा जागाम आपसा राजान धोड़ोन लारे मारे चुखलो नाव ओळी विटोळ कोवाड़यसे।
EZE 43:8 होये आपसी डेवढ़ी मारी डेवढ़ी धोड़े, आरु आपसा झोपलान खांबा मार झोपलान खांबा धोड़े बोनावता होता, आरु मार आरु हेंदरे इचमा भीतड़ो ओतरोत होतो, आरु होये आपसा भुंनला कामो सी मार चुखला नावोक विटोळ कोवाड़ला; कोरीन हांव रीस कोरीन हेनुक नास कोरलु।
EZE 43:9 हेमी होये आपसा वेवविचार आरु आपसा राजान धोड़ मारे ओगोळ सी छेटा कोर दे, तोत्यार हांव हेंदरे इचमा जोलोम रोवीस।
EZE 43:10 हे मानसोन ओवलियाद, तु इसराएलोन घोरानान एना भोवोनोन नमुनो देखाड़ की होये आपसा पापन कामो सी लाजे पोड़ीन हेना नमुनाक मापे।
EZE 43:11 कोदाम होये आपसा आखा कामो सी लाजे पोड़े, ती हेनुक एना भोवोनोन रुपोम आरु स्वोरुप, आरु ऐरे खोयड़े माहाय आवने जानेन वाट, आरु ऐरा आखो रुपोम आरु कायदा आरु नेम देखाड़जी, आरु हेंदरे ओगोळ लिखीन मेकजी; जेरेसी होये एरो आखो रुपोम आरु एरा आखा कायदा फोम कोरीन हेरेत ओनसारे कोरे।
EZE 43:12 भोवोनोन नेम ये छे कि बोयड़ान चोटीन च्यारु मेरोन आखो वाटो बेसको चुखलो छे। देख, भोवोनोन नेम योत छे।
EZE 43:13 वेदीन मापती ओसी रोवसे: हातोन मापतीन ओनसारे वेदी ओसी रोवसे हात भोरीन उची आरु हात भोरीन चोवड़ी रोवसे, आदो मिटर। हेरे च्यारु मेरोन कातोर पोच्चीस सेंटीमिटोरोन रोवसे।
EZE 43:14 धोरतीन नेहड़े कातरे लोगुन, कुड़चीन मापती दुय छे। यी एक हात चोवड़ी होती। नानली कातोर सी मोटली कातोर लोगुन ऐरी मापती च्यार हात चोवड़ी होती।
EZE 43:15 वेदी पोर आगठान जागु च्यार हात उचो होतो। वेदीन च्यारु खुंना सिंगड़ान तोसा होता।
EZE 43:16 वेदी पोर आगठान जागु बारे हात नांबु आरु बारे हात चोवड़ु होतु।
EZE 43:17 नेहड़ली कुड़ची चोवदे हात नांबी आरु चोवदेहात चोवड़ी होय, आरु हेरा च्यारु मेरोन पाटड़ी आदा हातोन रोवे, आरु हेरो विजुत च्यारु मेरोन हात भोरीन रोवे। हेरा पांछ्या हेरा उगेनले ओख्ये रोवे।
EZE 43:18 तोत्यार होयो मानुस मारेसी कोयो, हे मानसोन ओवलियाद, परमेश्वर योहोवा ओसु कोवे, वेदि जुगु ये नेम छे। जेने दाहड़े होमबली चोड़ावे आरु ऐरे पोर लुहुय छाटनो पोड़से:
EZE 43:19 लेविय पुजारा मानसे, जे सादोकोन ओवलियाद छे, आरु मारी चाखरी कोरनेम मारे धोड़े रोवे, हेनुक तु पापनबादा जुगु एक गाडरो आपजी, परमेश्वर योहोवान यो बुल छे।
EZE 43:20 तोत्यार तु हेरा लुहुय मा गोथो थुड़ोक लीन वेदीन च्यारु सिंगड़ा आरु कुड़चीन च्यारु खुना आरु च्यारु पाटड़ी पोर लागाड़जी; ओस कोरीन हेरे जुगु पछतावो कोरनेन लारे हेनाक चुखो कोरजी।
EZE 43:21 तोत्यार पापनबादा न गाडराक लीन, भोवोनोन चुखला जागान खोयड़े वाळा जागाम धोपाड़ देजी।
EZE 43:22 दिसरे दाहड़े एक विनगुनाकु बुकड़ो पापनबादा कोरीन चोड़ावजी; आरु जोसो गाडरान लारे वेदी चुखी कोरे, तोसोत होयो एना बुकड़ान लारे वी चुखो होय जासे।
EZE 43:23 जोत्यार तु हेनाक चुखो कोर देये, तोत्यार एक विनगुनाको गाडरो आरु एक विनगुनाको मेढ़ो चोड़ावजी।
EZE 43:24 तु हेनुक योहोवा ओगोळ ली आवजी, आरु पुजारा मानसे हेनु पोर नोन नाखीन हेनुक योहोवान होमबली कोरन चोड़ावे।
EZE 43:25 सात दाहड़ा लोगुन तु दाहड़ीन पापनबादा जुगु एक बुकड़ो तियार कोरजी, आरु विनगुनाको गाडरो आरु विनगुनाका गाडराम गोथो मेढ़ो वी तियार कोरजी।
EZE 43:26 सात दाहड़ा लोगुन पुजारा मानसे वेदी जुगु पछतावो कोरीन हेनाक चुखो कोरता रोवे; ऐने रीते हेरो रीत होयसे।
EZE 43:27 जोत्यार होये दाहड़ा पुरा होय जाय, तोत्यार आठवे दाहड़ा वाद सी पुजारा मानसे तुमरा होमबली आरु मेलबादा वेदी पोर चोड़ाय कोरे; तोत्यार हांव तुमरे सी खुश होयिस, परमेश्वर योहोवान यो बुल छे।
EZE 44:1 ओळी होयो मेसे चुखला जागान सी खोयड़े, उगेवनो फिरीन होता तेना झोपला पोर ली गोयो। चो बोंद होतो।
EZE 44:2 तोत्यार योहोवा मारे सी कोयु, यु झोपलु बोंद रोवे आरु उगाड़नो नी; कुदु एना झोपला सी माहाय नी जानो जुवे; काहाकी इसराएलोन परमेश्वर योहोवा ऐरेसी होयीन माहाय आवलु छे; ओतरान कोरीन यो बोंद रोवे।
EZE 44:3 मानसोन डाहला एना जाग पोर बोठसे जोत्यार होये मेलबादा योहोवा पुठी खासे। चो झोपला पुठी भोरान्या झोपला सी भोराया कोरसे एने तेनेत वाट सी खोयड़े जासे।
EZE 44:4 तोत्यार होयो मानुस मेसे बोखेवरे भेनीन झोपला सी मोंदिरोन ओगोळ लायो। हांव निंगा कोर्‌यो आरु योहोवान मोहिमा काजे योहोवान मोंदिर मा भोरायतेला देख्या। हांव आपसा मुनकाक धोरती पोर टेकाड़िन वांद्यो।
EZE 44:5 योहोवा मारेसी कोयो, हे मानसोन ओवलियाद, धियान दिन आपसा डुळा सी देख, आरु जो काहिन हांव तारे सी आपसा भोवनोन आखा कायदा आरु नेमोन वाराम कोवो, चो आखो आपसा कानटा सी सोमोळ; आरु भोवोनोन भोरायने आरु चुखला जागान आखा निकोळने पोर धियान कोर।
EZE 44:6 आरु हेनु इसराएलोन विरोदियान ओवलियाद सी, आरु इसराएलोन घोराना सी कोव, परमेश्वर योहोवा ओसु कोवे: हे इसराएलोन घोराना, आपसा आखा घाड़ायीन कामो सी छेटु होय जा।
EZE 44:7 जोत्यार तुमु मारो खानो मोतलोब चोरबी आरु लुहुय चोड़ावु, तोत्यार तुमु पारका मानसोन जो मोन आरु डील दुयो सी विगुर फातोरकाती वाळा होता, मार चुखला जागाम आवने देदला की होये मार भोवोन काजे विटोळ कोरे; आरु होये मार वायदा काजे तुड़ देदा जेरेसी तुमरा आखा घाड़ायीन काम जादा होय गोया।
EZE 44:8 तुमु मारी चुखली चिजोन गुळावी नी कोर्या, पुन तुमु आपसा मोनो सी दिसरा मानसोक मार चुखला जागाम मारी चिजोक गुळावी कोरनेवाळा कोवाड़्या।
EZE 44:9 कोरीन परमेश्वर योहोवा ओसु कोवे: इसराएलीयोन इचमा जोतरा दिसरा मानसे छे, जे मोन आरु डील सी विगुर फातोरकाती वाळा छे, हेनुम गोथा कुदु मार चुखला जागाम नी आवनो जुवे।
EZE 44:10 पुन लेविय मानसे जे तेने टेमे मारे सी छेटा होय गोयला, जोत्यार इसराएली मानसे मेसेक छुड़ीन आपसी मुरतीया पोछोळ भोटकी गोयला, होये आपसा पापन भार हुचलसे।
EZE 44:11 पुन होये मार चुखला जागान चाखरीया होयीन भोवोनोन झोपलान राखवाळी कोरनीया आरु भोवोनोन चाखरीया रोवे; होये होमबली आरु मेलबादान ढुर मानसो जुगु मार्या कोरे, आरु हेंदरी चाखरी कोरने कोरीन हेंदरे ओगोळ उबा होया कोरे।
EZE 44:12 काहाकी इसराएलोन घोराना चाखरी होये हेंदरी मुरतीया ओगोळ कोरता होता, आरु हेंदरे ठुकोर खाने आरु पापम फोसनेन कारण होय गोयला होता; ओस कोरीन हांव हेंदरा वाराम वायदु कोरलु छे की होये ओधोरमोन भार हुचले, परमेश्वर योहोवान यो बुल छे।
EZE 44:13 होये मारे धोड़े नी आवे, आरु नी मारे जुगु पुजारान काम कोरे; आरु नी मारी काहनली चुखली चिजोक, एने काहानली बेसकी चुखली चिजोक छिमनो जुवे; होये आपसी लाजोन आरु जो घाड़ायीन काम होये कोरला, हेरो वी भार हुचले।
EZE 44:14 ती वी हांव हेनुक भोवोन मा वाळी चिजोन राखवाळ्यो मेकीस; हेरेम चाखरीन जोतरो काम होय, आरु जो काहिन हेरेम कोरनो होय, हेरे जुगु कोरनेवाळात रोवे।
EZE 44:15 आखा पुजारा लेवि घोरानान टुळाम गोथा छे। पुन जोत्यार इसराएलोन मानसे मारे विरुद् मारेसी छेटा गोया तोत्यार आगला सादोकोन घोरानो पुजारा मार चुखला जागान राखवाळी कोर्या। आगला सादोकोन ओवलियाद मेसे भेट चोड़ाया। होये मारे ओगोळ उबा होयसे आरु आपसो बादा चोड़ाया जोवनारोन चोरबी आरु लुहुय मेसे भेंट कोरसे। परमेश्वर योहोवान यो बुल छे।
EZE 44:16 होये मार चुखला जागाम भोरायसे। होये मारी मेजोन धोड़े मारी चाखरी कोरने आवसे। होये हेनु चिजोन राखवाळी कोरसे जेनुक हांव हेनुक आप्यु।
EZE 44:17 जोत्यार होये माहायतेला आंगनान झोपला सी होयीन जाया कोरे, तोत्यार सोनोन छिंदरा पेहरीन जाय, आरु जोत्यार होये माहातेला आंगनाम एने हेरे माहाय चाखरी कोरे, तोत्यार गाडरान झोटान छिंदरा नी पेहरे।
EZE 44:18 होये मुनका पोर सोनोन घाटाळी टुपी पेहरे आरु कोड़्याम सोनोन जांघिया बांदे; होये ओसो काहिन नी पेहेरसे जेरेसी पेसोव आवे।
EZE 44:19 जोत्यार होये खोयड़ेन आंगनाम मानसोन चा निकळे, तोत्यार जे छिंदरा पेहेरला होये चाखरी कोरता होता, हेनुक निकाळीन आरु चुखला कोपरा मा मेकीन दिसरा छिंदरा पेहरे, जेरेसी मानसे हेंदरा छिंदरान लारे चुखला नी कोवाये।
EZE 44:20 नी ते होये मुनको बुड़ावे, आरु नी झोटा नांबा होयने देये; होये आगला आपसा झोटा काटाड़े।
EZE 44:21 माहायतेला आंगनाम जानेन टेमे कुदु पुजारो मोंद नी पीये।
EZE 44:22 होये रोंडायली आरु छुटली बायोर सी इयाव नी कोरे; आगला इसराएलोन घोराना ओवलियाद मा गोथी छोल्ली एने ओसी रोंडायली सी इयाव कोरे जी कुदा पुजारान धेन्यारी होय।
EZE 44:23 होये मार मानसोक चुखो ने विटोळोन फोरोक सिकाड़्या कोरे, आरु चुखलो आरु विटोळोन फाटकु कोया कोरे।
EZE 44:24 जोत्यार काहीन झोगड़ान नियाव कोरने वी होयेत बोसे, आरु मार नेमोन ओनसारे नियाव कोरे। मार आखा टेमोन तिहवारोन वाराम वी होये मारी वेवोस्थान आरु कायदान पाळनी कोरे, आरु मार आरामोन दाहड़ाक चुखलो माने।
EZE 44:25 होये कुदा मानसोन धोड़ो धोड़े नी जाय कि विटोळ होय जाय; आगला आसी- बासा, पुर्या-पोरायटा, भाईस आरु ओसी बोहनीसोन धोड़ोन लारे जेरो इयाव नी होयलो होय होये आपसाक विटोळ कोर सोकतेला।
EZE 44:26 जोत्यार होये विटोळ होय जाय, तोत्यार हेंदरे जुगु सात दाहड़ा गिननो आरु तोत्यार होये चुखला कोवाये,
EZE 44:27 आरु जेने दाहड़े होये चुखला जागाम, माहातेला आंगनाम चाखरी कोरने ओळी भोराया कोरे, तेने दाहड़े आपसा जुगु पापनबादा चोड़ावे, परमेश्वर योहोवान यो बुल छे।
EZE 44:28 हेंदरो एक आपसोत वाटो होयसे, हेंदरो वाटो हांव छे; तुमु हेनुक इसराएलोन इचमा काहीन ओसी जागु नी आपजु जु हेंदरुत होय; हेंदरु आपसु वाटु हांव छे।
EZE 44:29 होये ओनबादा, पापनबादा आरु गुनानबादा खाया कोरे; आरु इसराएल मा जो चिज चोड़ावे, चो हेनुक जोड़्या कोरे।
EZE 44:30 आखे भातिन आखासी पेहेली मेर आरु आखे भातिन चुटली चिज जो तुमु चुटीन चोड़ावु, पुजाराक जोड़्या ओरे; आरु नोवलो ओनोन पेहलो कुसेनलु पिठु वी पुजाराक आपजु, जेरेसि तुमु मानसोन घोरोम बोरकोत रोवे।
EZE 44:31 जो काहिन आपसाम मोरे एने फाड़े, चाहाय चिल्‌लो एने ढुर हेरो मांस पुजारो नी खाय।
EZE 45:1 जोत्यार तुमु चिट्ठी नाखीन देसोन जागु वाटु, तोत्यार देसोम सी एक वाटु चुखलु जानीन योहोवा काजे चोड़ावजु; तेरी नांबाय पोच्चीस होजार हात नांबी आरु चोवड़ाय दोस होजार हातो रोवे, चो वाटो आपसा च्यारु मेरोन काकोड़ लोगुन चुखलो कोवाये।
EZE 45:2 हेरेम सी चुखला जागा जुगु पांच सोव हात वासुन नांबी आरु पांच सोव वासुन चोवली च्यार खुट्यु जागु रोवे आरु हेरे च्यारु मेरोन पोचास पोचास हात चोवड़ु जागु छुटलु रोवे।
EZE 45:3 हेना चुखला जागाम तुमु पोच्चीस होजार वासुन नांबी आरु दोस होजार वासुन चोवड़ु जागु मापजु, आरु हेरेमा चुखलो जागो बोनावजु, जो बेसको चुखलो कोवाये।
EZE 45:4 जो पुजारो चुखला जागा चाखरी कोरे आरु योहोवान चाखरी कोरने धोड़े आवे, चो तेरेत जुगु रोवे; होंया हेंदरा घोरो जुगु जागु रोवे आरु चुखला जागा जुगु चुखलु कोवाये।
EZE 45:5 ओळी पोच्चीस होजार हात नांबो आरु दोस होजार हात चोवड़ो हेनु लेवियोन ओवलियाद जुगु होयसे जे मोंदिरोन चाखरी कोरे। यु जागु वी लेविन ओवलियादोन, हेंदरे रोवनेन सोहोर जुगु होयनो जुवे।
EZE 45:6 तुमु सोहोरोन पांच होजार हात चोवड़ो आरु पोच्चीस होजार हात नांबो जागु आपसु। यो चुखला जागान साहारे होयसे। यो इसराएलोन आखा घोरलीया जुगु होयसे।
EZE 45:7 डाहलान आपसो वाटो चुखलो चोड़ावलो वाटो आरु सोहोरोन खास जागु दुयो ओख्ये मोतलोब दुयो उगेवने आरु बुडेवने भेनी दुयो वाटान ओगोळ रोवे; आरु हेरी नांबाय बुडेनले ओख्ये गोथो उगेवने लोगुन हेनु दुयु वाटा मा गोथो कुदा एकान तोसो रोवे।
EZE 45:8 इसराएलोन देसोन डाहलान योत आपसो जागो रोवे। मार नेवाड़ला डाहलान मार मानसो पोर ओळी वेला कोरनेन टेम नी आवे; पुन इसराएलोन घोरानान हेरा गोत्रोन ओनसारे देस जोड़े।
EZE 45:9 परमेश्वर योहोवा ओसु कोवे; हे इसराएलोन डाहला! होतरोत कोरु, रीसवायनो, आरु मानसोन चिजोक चुरु कोरनो, छुड़ु! नियाव कोरन्या बोनु आरु वारला काम कोरु। हामरा मानसोक आपसा घोरोम सी खोयड़े जाने जुगु जुर मा कोरु! परमेश्वर योहोवान यो बुल छे।
EZE 45:10 तुमरे जु वारली टाकड़ी, वारली कांगनी आरु वारलो टाहरो रोहे।
EZE 45:11 एपा आरु बत टुयोन एकुत मापती रोवे, दुयोम होमेरोन दोसवु वाटु सोमाये; दुयोन मापती होमेरोन हिसाबे रोवे।
EZE 45:12 शेकेल वीस गेरान रोवे; आरु तुमरो माना वीस, पोच्चीस, एने पोंद्रे शेकेलोन रोवनो जुवे।
EZE 45:13 जोत्यार तुमु मोंदिर मा भेट चोड़ावसु तोत्यार हेरो तुल ओसो होयनो जुवे; गोंहोंव होरीक एक सोव किला सी पुना दुय किलान वाटु, जोव गोंहोंव होरीक एक सोव किलान वी पुना दुय किलान वाटु।
EZE 45:14 तेलोन नोक्खी कोरलो वाटु यु होयसे होरीक च्यार सोव ने पोचास लिटोर सी साढ़े च्यार सोव लिटोरोन वाटु।
EZE 45:15 इसराएलोन वारु वारु चारवायाम गोतो दुय दुय सोव गाडरा-बुकड़ाम गोथा एक गाडरो निते बुकड़ो आपजु। यी आखी चिजे ओनबादा, होमबली, आरु मेलबादा जुगु आपजु जेरेसी हेन्दरे जुगु पोसतावु कोरे, परमेश्वर योहोवान योत् बुल छे।
EZE 45:16 इसराएलोन डाहला जुगु देसोन आखा मानसे यी भेट आपे।
EZE 45:17 तिहवारोन नोवला चांदोन दाहड़े, आरामोन दाहड़े आरु इसराएलोन घोरानान खास टेमोम होमबली, ओननबादा आरु पेयबादा आपनो डाहलान काम रोवे। इसराएलोन घोराना जुगु पोसतावो कोरने होयो पापनबादा, ओननबादा, होमनबादा, आरु मेलबादा तियार कोरे।
EZE 45:18 परमेश्वर योहोवा ओसु कोवे: पेहेले मोहनेन पेहले दाहड़े तु एक विनगुनाको गाडरो लिन चुखला जागाक चुखो कोरजी।
EZE 45:19 एनी पापनबादा न लुहुय मा गोथो पुजारो थुड़ोक लीन भोवोनोन वेदिन खांबा, आरु वेदिन कुड़चिन च्यारु खुना, आरु माहायतेला आंगनान झोपला खांबा पोर लागाड़जी।
EZE 45:20 तु योत काम मोहनान सातवे दाहड़े तेना मानुस जुगु कोरीस जु गोलती सी पाप कोर देदो होय, एने ओनजानिया मा कोरलो होय। ओस कोरीन तुमु मोंदिर काजे चुखो कोरजु।
EZE 45:21 पेहले मोहनेन चोवदवे दाहड़े तुमरो फसहोन तिहवार वावनो। होयो सात दाहड़ा तिहवार रोवे आरु हेरेम विगुर खोमीरोन रुटा खानो।
EZE 45:22 तेने टेमे डाहला एक बुईल आपसा जुगु एने इसराएलोन मानसो जुगु भेंट कोरसे। बुईल पापनबादा जुगु होयसे।
EZE 45:23 तिहवारोन सातवे दाहड़े होये योहोवा जुगु होमबली तियार कोरे, एने दाहड़ीन सात दात विनगुनाका गाडराक आरु सात सात गाडरा आरु दाहड़ीन एक एक बुकड़ो पापनबादा जुगु तियार कोरु।
EZE 45:24 होरीक गाडरा आरु गाडरा पुठी दोस किला ओन आरु होरीक दोस किला पुठी साढ़े सात लिटोर तेल तियार कोरजु।
EZE 45:25 सातवे मोहनेन पोंदरवे दाहड़े गोथा सातवे दाहड़े लोगुन, तिहवारोन दाहड़ाम होये पापनबादा, होमबली, ओननबादा, आरु तेल इनी रितीन ओनसारे कोर्या कोरजु।
EZE 46:1 परमेश्वर योहोवा ओसु कोवे: धोड़े वाळा आंगनान उगेनलो झोपलो हापताम छोव दाहड़ा बोंद रोवसे, पुन सातवे दाहड़े मोतलोब आरामोन दाहड़े उगेड़लो रोवसे। नोवला चांदोन दाहड़े वी उगेड़लो रोवसे।
EZE 46:2 डाहला खोयड़े सी झोपलान ओसारेन वाटो सी आवीन झोपलान एक खांबा धोड़े उबा होय जाय, आरु पुजारो हेरो होमबली आरु मेलबादा तियार कोरे; आरु होयो झोपलाक डेवढ़ी पोर वांद्या कोरे; तोत्यार होयो खोयड़े जाय, आरु झोपलाक सांतो सी पेहेल बोंद नी कोरे।
EZE 46:3 मानसे आरामोन दाहड़े आरु नोवला चांदोन दाहड़ाम हेना झोपलाम योहोवा ओगोळ वांद्या कोरे।
EZE 46:4 आरामोन दाहड़ाम जो होमबली डाहला योहोवा जुगु चोड़ावे, चो गाडरान छोव विनगुनाका पीला आरु एक विनगुनको मेढ़ो चोड़ावे।
EZE 46:5 ओनोन बादा यी होये मोतलोबक गाडरा पुठी दोस किलु ओन आरु गाडरान पीला पुठी, जोतरो तिनाक आपाये आप सोके। आरु होरीक दोस किलु ओन पुठी सात लिटर जेतुनोन तेल चोढ़ावसे।
EZE 46:6 नोवला चांदोन दाहड़े होयो एक विनगुनाको बछड़ो आरु गाडरान छोव गिदल्या आरु एक मेढ़ो चोड़ावे; ये आखा विनगुनाक रोवे।
EZE 46:7 बोछड़ो आरु मेढ़ो दुयो पुठी दो किलु ओन, आरु मेमना पुठी जोतरो आपायो तोतरो ओन आरु होरीक दोस किला पुठी सात लीटोर तेल।
EZE 46:8 जोत्यार डाहला माहाय जाय तोत्यार होये झोपलान ओसारे सी होयीन जाय, आरु तेनेत वाटो सी निकळी जाय।
EZE 46:9 जोत्यार देसोम रोवन्या योहोवा सी मिळने खास तिहवार पोर आवसे ती जे मानसे बोखेवरे झोपला सी वांदता जायीन भोराया कोरसे, होये दोखेवरेन झोपला सी जासे। जे मानसे झोपला सी भोरायसे चे बोखेवरेन झोपला सी जासे। कुदु वी तेने वाट सी नी पोछो आवसे जेनासी होयो भोरायलो। होरीक मानुस सुदो ओगोत जातो रोवनो जुवे।
EZE 46:10 जोत्यार मानसे माहाय जासे ती डाहला माहाय जासे। जोत्यार होये खोयड़े निकोवसे तोत्यार डाहला खोयड़े जासे।
EZE 46:11 तिहवार आरु दिसरा खास टेमोन पोर ओनोन बादा चोड़ावसे, तोत्यार हेंदरे पुठी चोड़ावनेन नेम छे होरीक बछड़ा आरु गाडरा पुठी दोस किलो ओन, आरु मेमना पुठी जोतरो आपाये तोतरो ओन आरु होरीक दोस किला पुठी सात लीटर जेतुनोन तेल।
EZE 46:12 जोत्यार डाहला होमबली एने मेलबादा मोरजीन बादा कोरीन योहोवा जुगु तियार कोरे, तोत्यार उगेनला झोपलाक उगाड़ देनो, आरु होये आपसो होमबादा आरु मेलबादा तोसात तियार कोरे जोसा होये आरामोन दाहड़े कोरे; तोत्यार होये निकळे, आरु हेंदरे निकोवनेन पोछोळ झोपलो बोंद कोर देनो।
EZE 46:13 दाहड़ीन तु एक सालोन एक विनगुनाको गाडरान पिलाक योहोवान होमबली जुगु तियार कोरजु, यो सोंदारे वेगोत तियार कोरजु।
EZE 46:14 सोंदारे वेगोत हेरे पुठी एक ओनबादा तियार कोरनो, पुने दुय किलो मेयदा मा भेसेकने जुगु ढाय लिटोर तेल योहोवा जुगु जोलोमोन ओनबादा दाहड़ीन नेमोन ओनसारे चोड़ावजु।
EZE 46:15 ओस कोरीन दाहड़ीन सोंदारे गाडरान पीलो, ओनोन बादा आरु तेल दाहड़ीन होमबली मा चोड़ाया कोरजु।
EZE 46:16 परमेश्वर योहोवा ओसु कोवे: कोदाम डाहला काहनला पुर्याक काहिन आपे, ती चो हेरो वाटो होयीन हेरा पुर्यान पुर्याक वी जोड़े; वाटान नेमोन ओनसारे होयो हेंदरो वी आपसो धोन कोवाये।
EZE 46:17 पुन कोदाम होयो आपसा वाटा मा गोथो आपसा काहानला कामकोरनीयाक काहिन आपे, ती छुट्टीन साल लोगुन ते चो हेरो बोनलो रोवे, पुन तेरे वाद डाहलाक पोछो आप देसे; आरु हेरा आपसा वाटान हेरा पुर्याक जोड़े।
EZE 46:18 मानसोन ओसो काहनो वाटो डाहलो नी लेये, जो जुर कोरीन हेरी जागाक हापकी लेदो होय; आपसा पुर्यान होयो आपसात जागाम गोथो वाटो आपे; ओसो नी होये की मार मानसे आपसा आपसा वाटाम गोथो रिवन्या तिवन्या होय जाय।
EZE 46:19 ओळी होयो मेसे झोपलान एक ओख्येन झोपला सी ली गोयो। होयो मेसे पुजारान बोखेवराम चुखला कोपरा भेनी ली गोयो। हांव होंया बेसके नांबे बुडेनले एक जागाक देख्यु।
EZE 46:20 तोत्यार होये मारे सी कोयो, यु चु जागु छे जिनाम पुजारा मानसे गुनान बादा आरु पापनबादा न मासोक चुड़ेवसे आरु ओनबादाक चुड़ेवससे, ओसो नी होये की हेनुक खोयड़ेन आंगनाम ली जायीन आखा मानसे छिमीन पवित्र कोर देये।
EZE 46:21 तोत्यार होयो मेसे खोयड़ेन आंगना मा ली गोयो। होंया होयो मेसे आंगनान च्यारु खुनाम फिरायो आंगनान होरिक खुंनाम एक नानोस आंगनो बोनलो होतो।
EZE 46:22 च्यारु खुंनाम नानला आंगना होता। होरीक एक नानला आंगा चाळीस हात नांबा आरु तीस हात चोवड़ा होता। च्यारु खुंनान मापती एक सारकी होती।
EZE 46:23 धोड़े एनु नानला आंगनान च्यारु मेर इटड़ान एक भितड़ो होतो। होरीक भितड़ाम खानो चुड़ेवनेन जागो बोनलो होतो।
EZE 46:24 तोत्यार होयो मारे सी कोयो, रांदनेन घोर, जां भोवोनोन चाखरीया मानसोन बादा काजे चुड़वने, चे येत छे।
EZE 47:1 ओळतेन होयो मेसे भोवोनन झोपला पोर मेक गोयो; आरु भोवोनोन डेवढ़ीन नेचो सी एक झोर निकळीन उगेवने भेनी उहुव रोयो होतो। भोवोनोन झोपला ते उगेवना फिरीन होता, आरु झोर भोवोनोन जेवड़्ये भेनी आरु वेदीन दोखेवरे भेनी नेचो सी निकळतो होतो।
EZE 47:2 तोत्यार होयो मेसेक बोखेवरेन झोपला सी होयीन खोयड़े ली गोयो, आरु खोयड़े खोयड़े फिरावीन खोयड़े मोतलोब उगेवनेन झोपलान चा पुगाड़ देदो, आरु दोखेवरे भेनीन पानी उहुवतो होतो।
EZE 47:3 जोत्यार होयो मानुस हातोम मापनेन दुर लीन उगेवनो निकळ्यो, तोत्यार होयो भोवोन सी लीन, होजार हात लोगुन हेना झोरोक माप्यो, आरु मेसेक पानीम गोथु चालाड़्यो, आरु पानी मान्डाम लोगुन होतो।
EZE 47:4 होयो ओळी होजार हात मापीन मेसे पानीम गोथो चालाड़्यो, आरु पानी मांडाम लोगु होतो, ओळी होजार हात मापीन मेसे पानी गोथो चालाड़्यो, आरु पानी कोड़्याम लोगुन होतो।
EZE 47:5 तोत्यार ओळी होयो एक होजार हात माप्यो, आरु ओसी नोंदी होय गोय तेनी नोंदीन नी छेकायो, काहाकी पानी जादा होयीन झेपे ओसो होतो; मोतलोब ओसी नोंदी होती जेनीक छेकीन कुदु नी जाय सोकतेलो।
EZE 47:6 तोत्यार होयो मारे सी पुछ्यो, हे मानसोन ओवलियाद, काय तु यो देखलु छे? तोत्यार होयो मेसेक नोंदीन कातरे कातेर पोछो पुगाड़ देदो।
EZE 47:7 पोछु आवीन हांव काय देख्यो, कि नोंदीन दुयो कातरे बेसका झाड़े छे।
EZE 47:8 तोत्यार होयो मारे सी कोयो, यो झोर उगेनला देसो भेनी उहुव रोयो, आरु ओराबा मा उतरीन दोरिया भेनी उहुवसे; आरु यो भोवोन सी निकेवलो सुदो दोरिया भेसकाय जासे आरु हेरो पानी गुळो होय जासे।
EZE 47:9 जां जां यी नोंदी उहुवे, चां चां आखे भातिन बेसका आंडा मेकन्या जिवे जिवसे आरु माछा वी बेसका होय जासे; काहाकी एना झोरोन पानी होंया पुगलो छे, आरु दोरियान पानी गुळो होय जासे; आरु जां कांखेर यी नोंदी पुगसे चां आखा जिवे जिवसे।
EZE 47:10 दोरियान कातोर पर माछल्या उबला रोवसे, आरु एनगदी सी लीन ऐनेग्लेम लोगुन चां जाळ नाखसे, आरु हेनुक मोटला दोरियान तोसी भाति भातिन नीगिनाये ओतरा माछा जोड़से।
EZE 47:11 पुन दोरियान धोड़े कादेवड़ु आरु खाडा छे, हेंदरो पानी गुळो नी होयसे; चो खारलोत रोवसे।
EZE 47:12 नोंदीन दुयो कातरो पोर भाति भातिन खाने जोसो फोळवाळा झाड़े उगसे, जेंदरा पांटा नी चिमाये आरु हेंदरो फोळनो वी कोदी बोंद नी होयसे, काहाकी नोंदीन पानी चुखला जागा सी निकेवलो छे। हेरेम मोहना मोहना नोवला नोवला फोव लागसे। हेंदरा फोळे ते खानेन, आरु पांटा इलाजोन कामे आवसे।
EZE 47:13 परमेश्वर योहोवा ओसु कोवे: जिना काकोड़ोन धोड़े तुमुक इसराएल देस आपसा बारे गोत्रोन ओनसारे वाटनो पोड़से, चो यो छे: युसुफ काजे दुय वाटा जोड़े तोसे।
EZE 47:14 तिनाक तुमु एक दीसरा जोसा आपसो वाटो जोड़से, काहाकी हांव वायदो कोरलो हिनाक तुमरा बासोक आपीस, कोरीन यो देस तुमरो वाटो कोवायसे।
EZE 47:15 देसोन काकोड़ यी रोवे: मोतलोब बोखेवरे भेनीन काकोड़ मोटलो दोरिये सी लागाड़िन हेतलोनोन धोड़े सोदाद जागान घाटी लोगुन पुगे,
EZE 47:16 आरु हेरी काकोड़ोन धोड़े होमात बेरोता, आरु सिबरेम जो दोमिस्क आरु होमात जागान काकोड़ोन इचमा छे, आरु होसर्हत्तीकोन लोगुन, जो होरानोन काकोड़ पोर छे।
EZE 47:17 यी काकोड़ दोरीया गोथो दोमिस्क जागान काकोड़ धोड़े होसरेनोन लोगु पुगे, आरु हेरा बोखेवरे भेनी होमात होये। बोखेवरेन काकोड़ यीत् होये।
EZE 47:18 उगेनली काकोड़ जेरा एक ओख्ये होरान दोमिस्क; आरु योरदोनोन भेनी गिलाद आरु इसराएलोन देस होये; बोखेवरे काकोड़ सी लीन उगेनला दोरिया लोगुन हेनाक मापजु। उगेनली काकोड़ ते यीत् होये।
EZE 47:19 दोखेवरे काकोड़ तामार सी लीन कादेसोन मोरीबोत नावोन झोर लोगुन मोतलोब मिसर देसोन खुदरे लोगुन, आरु मोटला दोरिया लोगुन पुगे। दोखेवरेन काकोड़े यीत् होये।
EZE 47:20 बुडेवनेन काकोड़ दोखेवरेन काकोड़ सी लीन होमातोन घाटीन ओगोळ लोगुन मोटला दोरियो होय। बुडेनली काकोड़ यीत् होये।
EZE 47:21 ओस कोरीन देसोन इसराएलन गोत्रोन ओनसारे आंबासांबा वाट लेजु।
EZE 47:22 एनुक आंबासांबा आरु हेनु पारका देशो पुठी वाट लेजु, जो तुमरे इचमा रोवीन पुर्या पोयदा होया। होये तुमरी निगा मा देसोन इसराएली जोसा कोवाये, आरु तुमरा गोत्रोन इचमा आपसा आपसा वाटा जोड़े।
EZE 47:23 जे पारका जिना गोत्रोन देसोन रोवता होय, तिनाक चोत वाटो आपजु, परमेश्वर योहोवान यो बुल छे।
EZE 48:1 गोत्रोन वाटा ये होये बोखेवरे काकोड़ सी लागाड़ीन होये हेतलोनोन वाटो धोड़े सी होमातोन घाटी लोगुन, आरु दोमिस्कोन काकोड़ धोड़ेन होसरेनोन बोखेवरे भेनि होमातोन धोड़े लोगुन एक वाटो दानोन होये आरु हेरे उगेवने आरु बुडेवने काकोड़ वी होये।
EZE 48:2 दानोन वाटा सी चोसटायतो उगेवने सी बुडेवने लोगुन आशेरोन एक वाटो होये।
EZE 48:3 आशेरोन वाटा सी चोसटायतो उगेवनो सी बुडेवनो लोगुन नोप्तालीन एक वाटो होये।
EZE 48:4 नोप्तालीन वाटा सी चोसटायतो उगेवने सी बुडेवने लोगुन मोनश्शेन एक वाटो।
EZE 48:5 मोनश्शेन वाटा सी लागलो उगेवने सी बुडेवने लोगुन एपरेमोन एक वाटो होये।
EZE 48:6 एपरेमोन वाटा सी चोसटायतो उगेवनो सी बुडेवने लोगुन रुबेनोन एक वाटो होये।
EZE 48:7 रुबेनोन वाटा सी चोसटायतो, उगेवने सी बुडेवने लोगुन योहुदान एक वाटो होये।
EZE 48:8 योहुदान काकोड़ सी चोसटायतोत उगेवने सी बुडेवने लोगुन होयो चोड़ावलो वाटो होये, जिनाक तुमुक चोड़ावनो होयसे, होयो पोच्चीस होजार वासुन चोवड़ो आरु उगेवने सी बुडेवने लोगुन कुदा एक गोत्रन वाटान तोसो नांबो होये, आरु हेरे इचमा चुखलो जागो होये।
EZE 48:9 जु वाटु तुमुक योहोवाक चोड़ावनो पोड़से, तेरी नांबाय पोच्चीस होजार वासुन आरु चोवड़ाय दोस होजार वासुनोन होयनो जुवे।
EZE 48:10 यो चोड़ावलो चुखलो वाटो पुजाराक जोड़े; होयो बोखेवरे भेनी पोच्चीस होजार वासुन नांबो, बुडेवनो भेनी दोस होजार वासुन चोवड़ो, उगेवने भेनी दोस होजार वासुन चोवड़ो आरु दोखेवरे भेनी पोच्चीस होजार वासुन नांबो होये; आरु हेरे भोरभोर इचमा योहोवान चुखलो जागो होये।
EZE 48:11 यो खास चुखलो जागो सादोकोन ओवलियादन हेनु पुजारान होये जे मार कायदाक पाव्या कोरे, आरु इसराएली भोटकी जानेन टेमे लेवियोन तोसा नी भोटक्या होता।
EZE 48:12 कोरीन देसोन चोड़ावला जागा मा सी यो हेंदरे जुगु चोड़ावलो होयो वाटो मोतलोब बेस चुखलो देस कोवाये; आरु लेवियोन काकोड़ सी चोसटायतो रोवे।
EZE 48:13 पुजारान काकोड़ सी चोसटायतो लेवियोन वाटो होये, होये पोच्चीस होजार वासुन नांवो आरु दोस होजार वासुन चोवड़ो होये। आखी नांवाय पोच्चीस होजार वासुनोन आरु चोवड़ाय दोस होजार वासुनोन होये।
EZE 48:14 होये हेरे गोथा नी ते काहिन वेचे, नी दिसरी जागाम सी बोदले; आरु नी जागान पेहली मेर आरु कुदाक आपे। काहाकि होयो योहोवा जुगु चुखलो छे।
EZE 48:15 चोवड़ायीन पोच्चीस होजार वासुन ओगोळ जो पांच होजार वाचसे, चो सोहोर आरु बोस्ती आरु चारने जुगु सुदु वाटु होये; आरु सोहोर हेरा इचमा होये।
EZE 48:16 सोहोरोन यी मापती होये, बोखेवर, दोखेवरे, उगेवने आरु बुडेवने भेनी साढ़े च्यार च्यार होजार हात।
EZE 48:17 सोहोरोन धोड़े, बोखेवरे, दोखेवरे, उगेवने बुडेवनेम चारन्यो होये। जो ढाय ढाय सोव वासुन चोवड़ो होये।
EZE 48:18 चोड़ावलो, चुखला जागान धोड़ेन नांबाय मा गोथो जो काहीन वाचे, मोतलोब उगेवने आरु बुडेवने दुयो धोड़े दोस दोस होजार वासुन जे चोड़ावला वाटान धोड़े होये, हेरी मेर सोहोरोन काम कोरनेवाळान खाने जुगु होये।
EZE 48:19 इसराएलोन आखा गोत्रो मा गोथा जो सोहोर मा काम कोरे, चो हेरी खेती कोर्या कोरे।
EZE 48:20 आखो चोड़ावलो वाटो पोच्चीस होजार वासुन नांबो आरु पोच्चीस होजार वासुन चोवड़ो होये; तुमुक च्यारु खुट्यो चुखलो वाटो चोड़ावनो पोड़से जेरेम सोहोरोन खास वाटो होये।
EZE 48:21 जो वाटो रोय जाय, चो डाहलाक जोड़े। चुखला चोड़ावला वाटाक, आरु सोहोरोन खास जागाक दुयो मेर मोतलोब हेंदरे उगेवने आरु बुडेवनेन भेनी पोच्चीस पोच्चीस होजार वासुनोन चोवड़ायीन धोड़े, जो आरु गोत्रोन वाटा धोड़े रोवे, चो डाहलाक जोड़े। चोड़ावलो चुखला जागा आरु भोवोनन चुखला जागान इचमा होये।
EZE 48:22 जु डाहलान वाटु होयसे, चो लेवियोन इचमा आरु सोहोरन खास वाटो होयसे। डाहलान वाटो योहुदान आरु बिन्यामीनोन जागान इचमा होये।
EZE 48:23 दिसरा गोत्रोन वाटा इने भातीन होये उगवने सी बुडेवने लोगुन बिन्यामीनोन एक वाटो होये।
EZE 48:24 बिन्यामीनोन काकोड़ सी चोसटायतोत उगेवने सी बुडेवने लोगुन सिमोनोन एक वाटो।
EZE 48:25 सिमोनोन काकोड़ सी लागाड़ीन उगेवने सी बुडेवने लोगुन इस्साकारोन एक वाटो।
EZE 48:26 इस्साकारोन काकोड़ सी चोसटायतोत उगेवने सी बुडेवने लोगुन जोबुलुनोन एक वाटो।
EZE 48:27 जोबुलुनोन काकोड़ सी चोसटायतोत उगेवने सी बुडेवने लोगुन गादोन एक वाटो।
EZE 48:28 आरु गादोन काकोड़न धोड़े दोखेवरे सी भेनीन काकोड़ तामार सी लीन कादेसोन मोरीबोत नावोन झीरी लोगुन आरु मिसर देसोन खुदरा आरु मोटला दोरिया लोगुन पुगे।
EZE 48:29 जो देस तुमुक इसराएलोन गोत्रोक वाटनो होयसे चो योत छे, आरु हेंदरा वाटान वी येत छे, परमेश्वर योहोवान यो बुल छे।
EZE 48:30 सोहोरम निकळने जुगु यी वाट होयेसे। बोखेवरे काकोड़ पोर एक वाट होयसे। तेरी नांबाय सोवा दुय किलोमीटर होयसे।
EZE 48:31 हेरेम तीन झोपला होयसे, एक रुबेनोन झोपलो, एक योहुदान झोपलो, आरु एक लेवीन झोपलो; काहाकी सोहोरोन झोपला इसराएलोन गोत्रोन नाव पोर पाड़से।
EZE 48:32 उगेनली काकोड़े पोर एक वाट होयसे। तेरी नांबाय सोवा दुय किलोमीटर होयसे। हेरेम तीन झोपला होयसे: युसुफोन झोपलो, बिन्यामीनोन झोपलो। आरु दानोन झोपलो।
EZE 48:33 दोखेवरे काकोड़ पोर एक वाट होयसे। ची सोवा दुय किलोमीटर नांबी होयसे। हेरेम तीन झोपला होयसे: सिमोनोन झोपलो, इस्साकारोन झोपलो, आरु जोबुलुनोन झोपलो।
EZE 48:34 बुडेवने काकोड़ पोर एक वाट होयसे। ची सोवा दुय किलोमीटर नांबी होयसे। हेरेम तीन झोपला होयसे: गादोन झोपलो, आशेरोन झोपलो, नोप्तालीन झोपलो।
EZE 48:35 सोहोरोन‍ च्यारु मेरोन घेरु नोव किलोमिटोरोन होयसे, तेने दाहड़े सी ओगोळ वाळा सोहोरोन नाव योहोवा शाम्मा पोरबु यांत छे! रोवसे।
DAN 1:1 यहुदा परदेश न राजा यहोयाकीम न राज काल न तीसरे साल मा बेबीलोन देश न राजा नबुकदनेस्सर यहुदा न राजधानी यरुशलेम पर आक्रमण कर दिदो, आरु हेको घेरवी लिदो।
DAN 1:2 तव पोरबु परमेश्वर यहुदान राजा यहोयाकीम आरु हेका नगर को नबुकदनेस्सर न हात मा कर दिदो। नबुकदनेस्सर परमेश्वर न मन्दिर न काहय चुखला ठिकरा पर भी हक कर लिदो, यो आरु त्यो हेनको शिनार देश मा आपसा देवता न मन्दिर मा ली गयो। त्यो ठिकरा को आपसा देवता न कुठार घर मा मेली दिदो।
DAN 1:3 राजा नबुकदनेस्सर आपसा खास ओदमी अशपज को हुकुम दिदो, जावो आरु इसराएली जात न उन केदड़ान को ली आवो जो राजपरीवार आरु कुलन ओवलियाद छे।
DAN 1:4 त्या जुवानिया हुयनो चाहे आरु हेनु मा काहय भातीन गुनु नी हुयनो जुळे‍ त्या देखने मा घाटाळा आरु आखे रीतिये समझ वाळा हुयनो चाहये। त्या राजवाड़ा मा सेवा करे असा हुयनो चाहये। जव त्या बेबीलोन मा आय जाय तव हेनको कसदी जात न गुणे, शास्तुर आरु भाषा सिकाड़जो। खास ओदमी अशपनज राजा नबुकदनेस्सर न हुकुम न पालन करीयो।
DAN 1:5 राजा हुकुम दिदो कि इसराएली जात न हेनु जुवानीया न को राजावाड़ा न खानो जड़नो चाहे त्यो आपसु खातो हय; त्यो मोंद हरनको पिवाड़ो जो त्यो आपसुत् पितो हय। इनीये रीतिये हेनको तीन साल तक हेनको पाळनी पुसाळनी हुयती रयी। तव हेका बाद मा राजा न सामने हेनको लावे।
DAN 1:6 इनु इसराएली जवानीया माईन यहुदा कुल न या चार जवानीया हुता; दानियेल, हनन्याह, मीशाएल आरु अजर्याह।
DAN 1:7 खास खुजो डाहलु अशपनज हेनको नयो नाव आपियो। त्यो दानिएल न नाव बेलतशस्सर, हनन्याह का शद्रक, मीशाएल न मेशक आरु अजर्याह का अबेदनगो राखीयो।
DAN 1:8 पुन दानियेल आपसा मन मा यो विचार करीयो कि नी ते त्यो राजा न खाना माईन आरु नी ते मोंदो माईन पीये जो राजा पीये; आरु यो आपसाक चुखो नी करे। अतरान करीन त्यो डाहला खुजा अशपनज से विनता करीयो की, मखे राजा न हुकुम सी छुटक राख जिना मा हांव विटळ नी हुयो।
DAN 1:9 परमेश्वर डाहला खुजा अशपनज न मन मा दानियेल न करता मोंग ने दया भर दिदो।
DAN 1:10 पुन अपसनज दानियेल सी कयो, मखे इनी वात बीक छे की कदाम तमु म्हारा राजा न लारे कयला खानो नी लेयो ती थार मुय थारा साथी सामने फिको देखाय पड़से आरु म्हारा म्हाथा क राजा न सामने जोखिम मा न्हाकसो। आरु राजा म्हार मुनकाक काट न्हाकसे। जोत्यार मारु मालिक तुमरा मुख उतेरला देखसे, तोत्यार तुमु मारा मुनका काजे वेला मा नाख देसु माहाराज मारा मुनका काजे डीलो गोथु आंगे कोर देसे।
DAN 1:11 तव दानियेल उना डाहला सी, जिनाक वेवस्था करने वाळा डाहलो दानियेल, हनन्याह, मीशाएल, आरु अजर्याह न उपर देख रेख करने करीन डाहलो बनावला हुतो। हेका सी कयो,
DAN 1:12 “हांव थार सी विनती करो कि दस दहाड़ा तक हामुक खाने पीने वाटे पानी आप।
DAN 1:13 ओवळते दस दाहड़ा बाद हामरो मुंय आरु जो जवानीया राजा न खाना माईन खाये हेनका मुंय को देख; आरु जसो तुको देखाय पड़े, हेकोत अनसारे आपसा चाकरीया सी तु करजी।”
DAN 1:14 त्यो हेनकी यी विनता मान लीदो, आरु दस दाहड़ा तक हेनको पारखतो रीयो।
DAN 1:15 दस दाहड़ा बाद हेनका मुय राजा न खानो खादला जवानिया रयीन वारु आरु चिकना देखाय पड़ीया।
DAN 1:16 तव त्यो खाणान व्यवस्था करने वाळो मुखी हेनको खानो आरु हेनको पीने करीन नेवाड़लो मोंद दुयु छुड़ीन हेनको भाजी पालु आपने लागियो।
DAN 1:17 परमेश्वर हेनु च्यारो जवानिया क आखे भातियेन शास्तुर भोनाय लोखाय आरु आखे भांतीन भाषा मा अकोल आरु चतुराय आपीयो; आरु दानियेल सब भांतीन दर्शन आरु सपनान पुरावो समझनेन अकोलदार हुय गीयो।
DAN 1:18 तव जतरा दाहड़ा न बाद नबुकदनेस्सर राजा जवानीया तीन सालन बाद माहय लावने न हुकुम आपलो हुतो, ततरा दाहड़ा वितनेन बाद खुजा न डाहलो हेनको राजा न सामने ली आयो।
DAN 1:19 राजा हेनु सी वात चीत करने लागीयो; आरु दानियेल, हनन्याह, मीशाएल, आरु अजर्याह न बराबर हेनु माईन कोय नी बनीयो; अतरान करीन त्या राजा न सामने हाजिर रयने लागीया।
DAN 1:20 अकोल आरु आखे भातीयेन शान न वारा मा जो काय राजा हेनु सी पुछतलो उना माईन त्या पुरा परगणान अकोल वाळा नजर बांदा सी दुय गुना पाका निकळतला।
DAN 1:21 आरु दानियेल कुसरु राजा न पेहला साल तक बनलो रीयो।
DAN 2:1 राजा नबुकदनेस्सर न राज न दिसरो साल हुतो तव त्यो असो सपनो देखियो जेको कारण हेको जीव घबराय गियो आरु हेका डुळान नींद उड़ी गय।
DAN 2:2 राजा नबुकदनेसर हुकुम आपलो की गियानी, आरु तंत्र बुलनिया आरु टोना आरु कसदी पंडित क बुलायो कि त्या राजा न उना सपना न वारा मा देखाड़े। अळते त्या आया आरु राजा न सामने उबा हुया।
DAN 2:3 राजा हेनको कयो, हांव एक सपनो देख्‌यो जेका कारण म्हारो मन घबराय गिया। उना सपनान मतलब काय छे त्यो मखे जाननो छे।
DAN 2:4 तव कसदी न पंडीत राजा सी आरामी भाषा मा कया, ए राजा तु जलोम जीवतो रये। थार दास न क सपनो देखाड़, आरु हामु हेका वाराम देखाड़जे।
DAN 2:5 राजा कसदी न पंडीत क जवाब दीदो, हांव यह हुकुम पेहलुत आप दीदो कि कदाम तमु फळो न सात मा सपनान वारा मा नी देखाड़े ती हांव तमरा टुकड़ा टुकड़ा कराय दिस, आरु तमरा घरन को धपाड़ दिस।
DAN 2:6 कदाम तमु अर्थन सात मा सपनान वारा मा देखाड़े ती हेनको म्हार सी वारु रीतिये दान आरु विजुत जड़से। हतरान करीन तमु मखे अर्थन सात मा सपनो देखाड़ो।
DAN 2:7 त्या राजा सी दिसरी वार कया, ए राजा थारा चाकिरिया को सपनो काय छे देखाड़, आरु हामु हेको मतलब सझाड़ देसु।
DAN 2:8 राजा जवाब दीदो, हांव पाको यो जानो कि यो कि तमु यी वाट टेम निकाळने करीन कर रीया; काहकी तमु यो जानो की म्हारो वचन टळने वाळो नी हय।
DAN 2:9 कदाम तमु म्हारा सपनान वारा मा मखे नी देखाड़ो ती तुमरे वाटे मोतन डण्ड पाको छे। तमु इनी वात पर एकु करीया हसे की इव तक टेम नी बदली जाय तव तक हामु राजा सी झुट कयसु। हतरान करता हांय तमु मखे सपनान वाराम देखाड़ो, तव हांव जानीस की तमु हेको मतलब बी देखड़ सकसु।
DAN 2:10 कसदी इलाकान पंड़ीत राजा सी कया, धरती पर असो कोय मनुस नी हय जो राजा न मनन वात क देखाड़ सके; आरु न कोय असो राजा, नी ते परधान, या हाकिम हुयो जो गियान वाळा या तंत्र वाळा, या कसदी सी असी वात पुछियो हसे।
DAN 2:11 जी वात राजा हामरे सी पुछी रीयो,‍ त्यो देखाड़नो वातड़ो छे, आरु देवतात् राजान सपनान वारा मा देखाड़ सके। पुन देवता ते मनुसन विच मा नी रये।
DAN 2:12 यी वात समळीन राजा नबुकदनेसर नराज हुय गियो। आरु त्यो किचवाय गियो। त्यो राजा हुकुम दीदो कि बेबीलोनन देश न सारा पंड़ीत आरु गियान वाळा, तंत्र वाळा आरु कसदी इलाका न पंड़ीत क मार देये।
DAN 2:13 राजान यो हुकुम निकळी आरु पंड़ीत लोगहन क मारनेत वाळा हुता कि दानियेल आरु हेका सातीक बी हेरता हुता कि हेनको बी मार देय।
DAN 2:14 तव दानियेल राजान चाकरिया न डाहला अर्योक सी जो बेबीलोनन पंड़ीत आरु गियानवान क मारने करीन निकळ्लो हुतो विचार करीन अकोल सी कयो;
DAN 2:15 आरु राजान हाकिम आर्‌योक सी पुछने लागियो, कि राजान यो हुकुम अतरो उतवाळीयो काह निकळीयो? तव आर्‌योक दानियेल क हेका वारा मा देखाड़ दीदो।
DAN 2:16 तव दानियेल राजान महल मा गियो आरु राजा सी विनती करियो की, हेको वाटे काहलो टेम टाक देय, कि हांव टाकले टेम पर राजान सपनान मतलब देखाड़ो।
DAN 2:17 तव दानियेल आपसे घर जाईन, हेका साती हनन्याह, मीशाएल, आरु अज्रयाह क यी वात देखाड़ीन कयो,
DAN 2:18 इनी वात न वारा मा सगरमा वाळा परमेश्वर न दया वाटे यो कयीन विनता करो, कि बेबीलोनन आरु सारा पंड़ीत आरु दानियेल, गियानवाळा न सात मा हामरो बी नाश नी हयनो जुळे।
DAN 2:19 आरु रातन टेमे दर्शनन लारे दानियेल को देखाय पड़ीयो। तव दानियेल सरगन परमेश्वर क यो कयीन घण वारु कयो,
DAN 2:20 दानियेल कयो परमेश्वरन नाव जलोमको धन्य छे; काहकी गियान आरु अकोल हेके वगे रयीन छे।
DAN 2:21 परमेश्वर छे जो टेम आरु मोसोम त्योत् बदले; राजान क उगेवनी आरु बुडेवनी टेमे हेकेत् लारे हुये; परमेश्वरु ओकल वाळान क ओकल आरु समझ आपे।
DAN 2:22 त्यो ढाकायली आरु सातायली वात क देखाड़े; त्योत् जाने की अंधारला मा काय छे, आरु हेकोत् सात मा विजाळो जलोम बनलो रये।
DAN 2:23 ए म्हारा वेगला डाहडान परमेश्वर हांव तुको घण वारु कयो, आरु भक्ति करोम्, काहकी तु मखे अकोल आरु ताकत आपीयो, आरु जेकी ढाकायली वातन वारा मा हामु थार सी माँगीया हेको तु म्हारे पर उजेन्तो करीयो। तु हामुक राजान वात देकाड़ीयो।
DAN 2:24 तव दानियेल आर्‌योकन पास माहय भीयरो जाईन कयो, जेको राजा बेबीलोनन पंड़ीत क म्हारने करीन आदीकारी बनावलो हुतो, “बेबीलोनन पंड़ीत क मा मारावे, मखे राजा सामने ली चाल, हांव हेका सपनान फोव देखाड़ीस।”
DAN 2:25 तव आर्‌योक दानियेल क राजा न सामने राजभवन मा ली जाईन राजा सी कयो, “यहुदी केदड़ा माईन मखे एक ओदमी जड़लो छे, जो राजा क सपनान मतलब देखाड़से।”
DAN 2:26 राजा दानियेल सी जेको नाव बेलतशस्सर बी हुतो, हेकेक् पुछियो, काय थारे मा हतरी शक्ति छे कि जो सपनो हांव देखलो छे, हेको मतलब सात मा मखे देखाड़ीस?
DAN 2:27 दानियेल राजा क जवाब दीदो, जी ढाकायली वात राजा पछ रीयो,‍ त्यो नी ते पण्डित, नी ते मंत्री, नी ते गियान वाळा, नी ते हात भाळने वाळा देखाड़ सके,
DAN 2:28 पुन ढाकयली वात क उजेन्ती करने वाळो परमेश्वर सरग मा छे; आरु त्योत् नबुकदनेसर राजा क देखाड़ीयो कि आखरी दाहड़ा मा काय काय हुयने वाळो छे। थारो सपनो आरु जो काय तु खाटलाम पड़्यो पड़्यो देख्‌यो, त्यो यो छे;
DAN 2:29 ए राजा जव तु खाटला पर लुटलो हुतो ती तको यो विचार आयो कि आवने वाळा दहाड़ा मा काय काय हुयने वाळो छे, तव ढाकायली वात क देखाड़ने वाळा तुको देखाड़ीया कि काय काय हुयने वाळो छे।
DAN 2:30 म्हारे पर हतरान करीन उजेन्तो नी हुयो कि हांव सब जीवड़ान सी जादा ओकोल वाळो छे, पुन अतरान करता उजेन्तो हुयो कि सपनान जजो मतलब छे‍‍ त्यो राजाक देखाड़ो, आरु तु मनन विचार क समझी सके।
DAN 2:31 ए राजा जव तु देख रीयो हुतो, तव एक मोटी मुरती देखाय पड़ी, आरु ची त्यात् मुरती जो थारे सामने उबली हुती, त्या नाम्बी चवड़ी हुती; आरु घण जबर चमकती हुती, आरु हेको रुप घण जुदो हुतो।
DAN 2:32 उनी मुरतीन मुनको चुखला सोनान हुतो। हेकी छाती आरु कांधा चाँदीन, हेको पेट आरु सातळा पीतळन हुती,
DAN 2:33 हेका पाय लुहड़ान, आरु पायन थुड़क भाग लुहड़ान आरु थड़ाक धुळान हुता।
DAN 2:34 ए राजा जव तु मुरती क देख रीयो हुतो तव दगड़ान एक टुकड़ो आपसुत् उखळी गियो, आरु मुरतीन लुहड़ान आरु धुळान पाय पर पड़ियो आरु हेनको चुरा चुरा कर दीदो।
DAN 2:35 उना टेम पर लुहड़ो, धुळु, चाँदी आरु सोनो बी एख्टो चुरा चुरा हुय गियो, आरु उनाळा दाहड़ान चारान तसो काकरो काकरो हुय गियो आरु वाहळी हेकेक् उड़ाय ली गय, आरु हेनको वाराम काय पतो नी चालीयो आरु हेनकी निशानी बी नी रयी। पुन जेका दगड़ा क मुरत क पायो पर देदो हतो, चो एक मोटलो डुंगर क रुप मा बदली गियो, आरु सब धरती मा पसरी गियो।
DAN 2:36 राजान सपनो योत् छे। हांय हामु एको मतलब राजा क देकाड़सो।
DAN 2:37 ए राजा तु ते आखा राजा सी मोटो राजा छे, काहकी सरगन परमेश्वर तुको राज आरु जुर ने ताकत आरु महिमा आपलो छे।
DAN 2:38 परमेश्वर थार हात मा धरती परन आखा मनुस, जंगलन जनवारिया आरु उपर आकाश मे उड़ने वाळा चिल्‌ला आप दीदो। राजा परमेश्वर तुको एनु आखा पर हक करने ताकत आपलो छे आरु मुरतीन सोनान मुनको राजा तुत् छे।
DAN 2:39 थार बाद मा एक दिसरा राज आवनो हुयसे। त्यो थार सी नानो रयसे, अळते एक अळी तीसरो पीतळन राज्य आवसे जो सारी धरती पर कह ने राज करसे।
DAN 2:40 तव चवथो राज आवसे जो लुहड़ान जसो वातड़ो रयसे। जसो लुहड़ो आखी चीज क टुकड़ा-टुकड़ा कर देय, तसो आखाक क चुरा-चुरा कर देसे।
DAN 2:41 तु जो मुरती न पाय आरु आंगळीयान क देख्‌यो, जो काय कुमायड़ान धुळान आरु लुहड़ान हुती, इना से चवथो राज वाटायलो रयसे; तेबी हेका मा लुहड़ा सारको वातड़ो रयसे, जसो की तु कुमायड़ान धुळान सात मा लुहड़ोक बी भेसाकळ देखलो हुतो।
DAN 2:42 जिने रीतिये पायन आंगळीया थुड़ांक लुहड़ान आरु थुड़ांक धुळान हुता, तसोत् त्यो राज बी थड़ंक वातड़ो ने थुड़ंक कोमजुर रयसे।
DAN 2:43 तु जो लुहड़ाक कुमायड़ान धुळाक सात मा भेसकाळ देखियो, हेको मतलब यो की उना राजन लोगहन एक दिसरा सी मेळाका रयसे, पुन जसो लुहड़ो धुळाकन सात मा भेसकाळ नी रये तसात् त्या लोगहन बी एक सारका मेळाका नी रये।
DAN 2:44 हेनु राजान राज करने दाहाड़ाम सोरगम रयने वाळो परमेश्वर एक असो राज तियार करसे जो कदी नाश नी हुये त्यो जलोमको रयसे आरु नी ते हेकी राज करनेन हक दिसरा राज क नी आपे। पुन त्यो हेनु आखा राज नक चुरा चुरा कर न्हाकसे। आरु त्यो आपसुत् जलोमको बनलो रयसे।
DAN 2:45 ए राजा जसो तु देख्‌यो कि एक दगड़ो कोय क हात सी खंदलो नी पुन आपसुत् बयड़ा पर सी उखळ्यो आरु त्यो लुहड़ान, पीतळन, धुळान, चाँदी, आरु सोनाक चुरा चुरा कर दीदो, इनीये रीतिये महान परमेश्वर राजा क देखाड़ीयो कि एखे बाद काय काय हुयने वाळो छे। नी सपना मा नी फोव मा काहय शोक हय।
DAN 2:46 यो समळीन नबुकदनेसर राजा मुयन भुरसे पड़ीन दानियेल न विजुत करीयो आरु हुकुम दीदो की हेकेक् भेट आपे, आरु हेके सामने वार गंधायने वाळो चीज धपड़े।
DAN 2:47 अळते राजा दानियेल सी कयो, छाचाय ते यी छे कि तुमरो परमेश्वर, आखा ईश्वर न ईश्वर, राजा न राजा आरु ढाकायली वातोंन क उजेन्तोकरने वाळो छे, हतरान करता तु यी ढाकायली वात उजेन्ती करीयो।
DAN 2:48 तव राजा नबुकसनेसर राजा दानियेल न पद मोटो करीयो, आरु यो हुकुम आपीयो की त्यो बेबीलोनन सारा प्रान्त मा आखान मुखी आरु बेबीलोनन आखा पंडती डर डाहलो आदिकारी बने।
DAN 2:49 तव दानियेलन विनती करने पर राजा शद्रक, मेशक, आरु अबेदनगो क बेबीलोनन प्रान्तन कामन व्यवस्थान करनीया नियुक्त कर दीदो; पुन दानियेल आपसु राजा न दरबार मा रया करतो हुतो।
DAN 3:1 नबुकदनेसर राजा सोनान एक मुर्ती बनवाड़ीयो, जेकी ऊंचाय साहठ हात, आरु चवड़ाय छव हात नी हुती। हुयो हेनाक बेबीलोनन राजोन दुरा नावोन खोयड़ा मा उबो कोरायो।
DAN 3:2 तव राजा नबुकदनेसर अधिपतियो, हाकिमो, राज्यपालो, नियाव करनीया, फाळु लेने वाळान क, शास्त्रिया आखा प्रान्तन आखा आदिकारीयांक नेवतो कय मुकलीयो कि त्या आखा उनी मुरतीन उजगाटन मा आवे जेको त्यो उबी करवालो हुतो।
DAN 3:3 तव अधिपति, हाकिम, आदिकारीया, नियाव करनीया, शास्त्री आखा प्रान्तन सब आदिकारीया नबुकदनेसर राजान लारे उबी करावली मुरती न उजघाटन वाटे एखटा हुया, आरु उनी मुरती न सामने उबा हुया।
DAN 3:4 तव बमदिन आयड़ने वाळा जुर दीन आयड़ीन कया, एदेश-देश न आरु जाति जातिन, आरु अलग अलग भाषा बोलनेवाळा लोगहन! तमु आखाक राजा यो हुकुम सळाड़जे कि,
DAN 3:5 जिनाटेम पर भिरा, पाळ्ळी, वीणा, सारंगी, सितार, बिनवाजान आखे भातीन बुल समळाये, ती तमुक उना टेम पर नबुकदनेसर राजा न लारे बनवाड़ली मुरतीक वांदनो छे।
DAN 3:6 जो कोय मुरती क नी वांदे‍‍ हेको उना पर हळो हळो धपतला आग्ठान भाटी मा न्हाक देसे।
DAN 3:7 एर करीन उना टेम पर सब जातिन ळोगहन कोजसा वाजा वाजणो समळाय पड़ीयो, तत्काळ देश-देश आरु राज्य-राज्यान लोगहन आरु अलग अलग भाषा बोलनेवाळा पाया पड़ीन सोनान मुरती क जो नबुकदनेसर राजा बनवाड़लो हुतो वांदने लागिया।
DAN 3:8 उना टेम पर थुड़ांक कसदी लोगहन ओदेमड़ा राजान चा गिया, आरु धुका सी यहुदीया लोगहनन चुगली करीया।
DAN 3:9 त्या नबुकदनेसर राजा सी कयने लागीया, “ए राजा तु जलोम जीवतो रये।
DAN 3:10 ए राजा, तु ते यो हुकुम आपलो की जो कोय मनुस भिरान, पाळ्ळी, बिनवाजा आख्ये भातीन वाजान बुल समळाय पड़े, ती उनी सोनान मुरती अगोळ पाया पड़ीन वांदनो छे।
DAN 3:11 आरु जो कोय बी पाया पड़ी नी वांदे हेकेक् हळो हळो धपतला आग्ठान भाट्टा मा न्हाक देय।
DAN 3:12 ए राजा देख शद्रक, मेशक, आरु अबेदनगो नाव न थुड़ांक यहुदी ओदेमड़ा छे जिनको तु बेबीलोनन प्रान्त न काम पर नियुक्त करलो छे। त्या ओदेमड़ा, थारा हुकुमन पाळन नी करे, आरु त्या थारा देवता न भक्ति नी करे, आरु जो सोनान मुरती बमवाड़ीयो हेकेक् पाया पड़ीन नी वांदे।”
DAN 3:13 तव नबुकदनेसर राजा किचवाय आयो आरु रीसे मा आवीन यो शद्रक, मेशक और अबेदनगो को लाओ
DAN 3:14 तव नबुकदनेसर राजा हेनको पुछियो, “ए शद्रक, मेशक, अबेदनगो, तम लोगहन जो म्हारा देवतान पाया पड़ीन नी वांदताम आरु म्हारे लारे बनवाड़ली सोनान मुरती क वांदे नी ती काय तम लिगहन जाबुजेन हसा कर रीया?
DAN 3:15 हांय कदाम तमु भिरा, पाळ्ळी, सारंगी, सितार, बिनवाजा आरु दिसरा वाजो समळीन म्हारे लारे बनवाड़ली मुरती न सामने हेको वांदने करीन तियार हय, ती ठीक छे; तुमरो नुक्शान नी हये। पुन कदाम तमु मुरतीन सामने नी वांदे, ती उना टेम पर हळो हळो धपतला आग्ठान भाट्टा न वीच मा तमु न्हाक देसु; अळते असो काहलो देवता छे त्यो तमुक म्हार हात सी छुड़ावसे?”
DAN 3:16 शद्रक, मेशक, आरु अबेदनगो राजा सी कया, ए नबुकदनेसर, इना वाराम तुको जवाब आपने हामरे जुळ काहय बी नी हय।
DAN 3:17 हामरो परमेश्वर, जेकी हामु भक्ति करजे त्योत् गहामुक उना हळो हळो धपतला आग्ठा सी वाचाड़नेन शक्ति राखे, अळी पुन ए राजा त्यो हामुक थारा हात सी बी वाचाड़ सके।
DAN 3:18 पुन ए राजा कदाम तु उना आग्ठान भाट्टा मा नी बी न्हाके ती बी हामु थारा देवतान पाया पड़ीन नी वांदजे, आरु नी ती थारे लारे बनवाड़ली सोनान मुरती क पाया पड़ीन वांदजे।
DAN 3:19 तव नबुकदनेसर राजा किचवाय पड़ीयो, आरु हेको चेहरा पर शद्रक, मेशक आरु अबेदनगो करता बदली गीयो।‍ त्यो हुकुम आपीयो की आग्ठान भाट्टाक सात गुणा जादा हळो हळो कर देय।
DAN 3:20 अळते आपसी सेना मा तुड़ांक ताकत वाळा अदेमड़ान क राजा हुकुम दीदो, कि शद्रक, मेशक आरु अबेदनगो को बाँधीन हेनको हळो हळो धपतला आग्ठान भाट्टा मा न्हाक देय।
DAN 3:21 त्या इन तीनु जन क हेनका पायजामा, चोगला, पागड़ी आरु दिसरा छिंदरान क सात मा बाँद दीदा आरु हेनको हळो हळो ददनता आग्ठा भाट्टा मा न्हाक दीदा।
DAN 3:22 त्यो भाट्टो राजा न वातड़ा हुकुमन अनसारे भाट्टान आज घण जबर जादा आरु तेज कर दीदलो हुतो, इना कारण असी जे ओदेमड़ा शद्रक, मेशक, आरु अबेदनगो क हाकलीया त्यार् आग्ठान आज मा धपीन मर गिया
DAN 3:23 आरु उना ददंतला आग्ठान भाट्टा न विच मा या तीनो ओदेमड़ा, शद्रक, मेशक आरु अबेदनगो न को बाँदलात् न्हाक दीदा।
DAN 3:24 तव नबुकदनेसर राजा घबराय गियो आरु उबो हुयो, आरु आपसा मंत्रियान सी पुछने लागियो, “काय हामु उना आग्ठान भाट्टा न विच मा तीनुत् ओदेमड़ा नी नाखाड़ीया?” त्या राजा क जवाब दीदा, “होव राजा, खरी वात छे।”
DAN 3:25 अळते त्यो कयो, हांय हांव यो देखो की च्यार ओदेमड़ा आग्ठान विच मा छुटलात् फेरी रिया, आरु हेनको काय भी नुक्शान बी नी हुयतो; आरु चवथो अदमीन रुप ते ईश्वरन पोर्यान सारको छे।
DAN 3:26 अळते नबुकदनेसर राजा हळो हळो धपतला आग्ठान भाट्टा न झपला क पास मा जाईन कयने लागियो, “ए शद्रक, मेशक आरु अबेदनगो, ए परमपरधान परमेश्वर न चाकरिया, भाट्टा मा सी निकळीन याह आवो।” यो समळीन शद्रक मेशक आरु अबरदनगो आग्ठान विच मा रयीन निकळीन आती रिया।
DAN 3:27 जव हाकिम, आदिकारिया, आरु राजा न मंत्रिया जो एखटा हुयला हुता। शद्रक, मेशक आरु अबेदनगो भेणी देखीया, तव हेनका डीलो पर आग्ठान आज लागलो काहय बी देखायो; आरु हेनका मुनका न एक बी छटो नी चुयणायो, नी हेनका पायजामा बिगड़ीया, नी हेनु मा धपनेन जसो काहय गन्द आवी।
DAN 3:28 नबुकदनेसर राजा कयने लागियो “घण वारु छे, शद्रक, मेशक आरु अबेदनगो न परमेश्वर, जो आपसा दुतन क मोकलीन आपसा एनु चाकरियान क वाचाड़ीयो, काहकी या राजान हुकुम नी मानीन थारेत् पर भरसु राखीया, आरु यो विचार करीन आपसा डीलन क बी अर्पण कर दीदा, कि हामु हामरा परमेशवर क छुड़ीन काहला बी देवतान भक्ति नी करजे।
DAN 3:29 हतरान करीन हांव यो हुकुम आपो की देश-देश आरु जाति-जातिन क लोगहन, आरु अलग- अलग भाषा बोलने वाळा माईन जो कोय शद्रक, मेशक आरु अबेदनगो न परमेश्वरन काहय वायकेड़ा करसे, तेखे टुकड़ा- टुकड़ा कर कराड़दिस, आरु हेको घर पुरो बनसे, काहकी असो कोय आरु दिसरो देवता नी हय जो इनिये रीतिये वाचाड़ सके।”
DAN 3:30 तव राजा बेबीलोनन प्रान्त मा शद्रक, मेशक, अबेदनगो कामन पद उँचो करीयो।
DAN 4:1 नबुकदनेसर राजा तरफ सी देश- देश आरु जाति- जातिन लोगहन, आरु अलग-अलग भाषा बोलने वाळा जतरा सारी धरती पर रये, हेनु आखा जन क यो वचन जड़ीयो; तुमुक कोय गुणा सुख जोड़से!
DAN 4:2 मखे यो वारु लागियो, कि परमप्रधान पमरेश्वर जो जो मखे देखाड़ीयो त्यो सहलाणी आरु चमत्कार छे, हेनको उजेन्तो करोम्।
DAN 4:3 हेका सिकाड़ली सहलाणी घन मोटी, आरु चमत्कार मा घण शक्ति उजेन्ती हुये। हेको राज ते जलोमको आरु पीढ़ी से पीढ़ी तक बनलो रये।
DAN 4:4 हांव नबुकदनेसर राजा म्हार राज भवन मा सुख चेन सी रयतो हुतो।
DAN 4:5 हांव एक असो सपनो देख्‌यो जिनान कारण हांव बीही गियो; आरु खाटली पर पड़ीयो-पड़ीयो जो विचार म्हरा मन मा आया आरु जो वात हांव देख्‌यो, हेनका कारण सी हांव घबराय गयलो हुतो।
DAN 4:6 तव हांव हुकुम आपलो कि बेबीलोनन आखा बुध्दिमान म्हारा सपनान मतलब मखे देखाड़ने वाटे म्हारे सामने हजुर हुये।
DAN 4:7 जव गियानवान, जादुगेरीया, आरु कसदी न अकोलदार म्हारा महल मा आया, आरु हांव हेनको सपनो देखाड़ीयो, पुण त्या हेको मतलब नी देखाड़ सकीया।
DAN 4:8 आखरी मा दानियेल म्हारे सामने आयो जेको नाव म्हार देवता न नाव न कारण बेलतशस्सर रखलो हुतो, आरु जिनाम चुखला ईश्वरन आत्मा रये; आरु हांव हेको म्हारो सपनो यो कयीन देखाड़ दिदो।
DAN 4:9 ए बेलतशस्सर, तु ते सब गियानवाळा न मुखी छे, हांव जानो कि थारे मा चुखला ईश्वरन आत्मा रये, आरु तु कोय ढाकायली वात न कारण घबराये नी; हतरान करीन जो सपनो हांव देखलो छे हेको फळन सात मा मखे समजाड़ दे।
DAN 4:10 जो दर्शन हांव खाटली पर लुटिन देख्‌यो त्यो काय छे; हांव देख्‌यो, कि धरती न एकम विचमा एक झाड़ लागलो छे; हेकी उचाय घण मोटी छे।
DAN 4:11 त्यो झाड़ मोटो हयीन वातड़ो हुय गीयो, आरु उचाय वादवे तक पुग गय, आरु त्यो सारी धरती न छेळ तक देखाय पड़तो हुतो।
DAN 4:12 हेका पत्ता घाटाळा, आरु या तक कि हेका मा आखा वाटे खानो भी हुतो। आरु हेका साहळा मा आखा जवारिया बठी रयला हुता, आरु हेका डाळीया पर आकाश मा उड़ने वाळा चिल्‌ला बठ्या करता हुता, आरु आखा जीव हेका सी खानो खाया करता हुता।
DAN 4:13 हांव खाटला पर पड़-पड़ीयो म्‍हारा मन यो दर्शन देख रीयो हुतो, तव हांव दर्शन मा एक राखवाळीया क देख्‌यो। त्यो चुखलो दुत हुतो, सोरगदुत नेचो उतरीयो।
DAN 4:14 त्यो बोमदीन आयड़ीन यो कयो, इना झाड़ क काट देयो, आरु एका डाळीयान को छाट देयो। हेका पत्तान क झाड़ देयो, आरु एका फोव वेरवी देयो। एका साहळा मा बठ रयला जनवारीयान क ढासाढ़ देयो, एका डाळीया पर बठ रयला चिल्‌लान क उड़ाय देयो।
DAN 4:15 पुन धरती पर हेका थुड़ क रयने देयो, आरु हेका मुळे झुण उखाळता। थुड़क लुहड़ा न आरु पीतळन जाळीया सी बांदेयो, आरु हेको खळदीन निळ्ळा चारा न विचमा छुड़ देयो, काहकी त्यो आकाश सी पड़नीया धुवरा सी सीचाय जाय आरु जंगली जनवारीया न तसो धरती परुन चारो खाय।
DAN 4:16 हेको मन बदली जाय, हेको मनुस न मनन बदले जनवारीया न मन जड़े। त्यो सात साल तक एनी हालत मा रये।
DAN 4:17 यो राखवाळीयान हुकुमन अनसारे दियो गयो। यो निर्णय चुखला दुत न वचन न अनसारे छे। यो हतरान करीन आपीयो कि जो जीवता छे त्या जान लेय कि परमपरधान परमेश्वर मनुसन विच मा राज करे, आरु जिनाक चाहे उनाक आपी सके, आरु त्यो नाना सी नाना मनुस क उना पर नियुक्त कर देय।
DAN 4:18 “हांव नबुकदनेसर राजा योत् सपनो देखियो। हतरान करीन ए बेलतशस्सर, तु हेको मतलब देखाड़ काहकी म्हारा राज मा अळी दिसरो पण्डित एको मतलब मखे समजाड़ नी सके, पुन थारे मा ते चुखला ईश्वर न आत्मा रये, इना कारण सी तु समजाड़ सकतलो।”
DAN 4:19 तव दानियेल जेको नाव बलेतशस्सर बी हुतो, थुड़ी वार तक घबरायतो रीयो, आरु विचार करता करता कोमजुर हुय गियो, तव राजा कयने लागीयो, “ए बेलतशस्सर, एना सपना सी या हेका मतलब सी घबराये मा।” बेलतशस्सर कयणे लागियो ए म्हारा मालिक, वारु हुयतो की यो सपनो थारा दुश्मन न वाटे हय, आरु एको मतलब यो छे थारा वेरी दुश्मन पर पड़े।
DAN 4:20 जिना झाड़ क तु देख्‌यो, जो मोटो आरु वातड़ो हुय गियो, आरु जेकी उचाय वादवो तक पुग गयी आरु जो धरती न छेळ तक देखाय देतो हुतो;
DAN 4:21 जेका पत्ता देखायणे मा घाटाळा हुता आरु ज फोव सी आवलो हुतो; जेका मा अतरा सवटा फोव लागला हिता की आखा जीव फोव खायीन आफरी जातला हुता; जेका साहळा मा जंगलन आखा जनवारिया बठता रयतला; आरु जेका ढाळीयान पर आकाश मा उड़ने वाळा आखा चिल्‌ला पुतरो बनावतला,
DAN 4:22 ए राजा त्यो झाड़ तुत् छे। तु घण मोटो आरु ताकत वाळो हुय गियो, थारी महानता बढ़ गयी आरु सरग तक पुग गयी, आरु थारो राज धरतीन छेळ तक पुगी गयलो छे।
DAN 4:23 ए राजा तु जो चुखला राखवाळीयान क सरग सी उतेरतला आरु यो कयतेला देख्‌यो कि एना झाड़ क काट न्हाको आरु खतम कर देयो, पुन धरती पर हेका थड़ंक काजे रयने देयो, आरु हेका मुळन क झुण उखाळता। पुण थुड़ंक काजे लुहड़ा सी आरु पीतळ सी बांदी खळदीन नीळ्ळा खड़ान विच मा रयणे देयो; कि त्यो आकाश सी पड़ने वाळा धुवरा सी भीगिया करे, आरु हेका खळदीन जनवारीयान क सात मात् वाटो जड़े; आरु जव तक सात साल हेकी पर नी वित जाय, तव तक हेकी हालत तसीत् रये।
DAN 4:24 ए राजा, एरो मतलब एको मतलब जो परमपरधान जो विचार कर लीदो कि राजा पर हुयनो छे त्यो योत् छे,
DAN 4:25 कि तुको मनसोन विच मा रयीन निकाळ देय; आरु तु खयड़ा मा चरने वाळा जनवारीयान सात मा रययिस आरु बयलियान सारको खड़ो चरीस आरु आकाश सी पड़ने वाळा धुवरा सी भिगीया करीस; आरु सात साल थारे पर वीतसे, जव तक कि तु यो नी जान लेय कि मनुसो मा परम परधानुत् राज करे, आरु जेको चाहेय उको आपदेय।
DAN 4:26 उना झाड़ न ठठा क मुलन क सात मा छुड़ने जो हुकुम हुयलो छे, एरो मतलब यो की थारो राजपाट थारे वाटे बनलो रयसे; आरु जव तु जान लिस कि जगतन परबु सरग मा छे, तव तु पछो अळी राज करीस।
DAN 4:27 इना कारण सी, ए राजा, हांव थार सी यी विनता करो, म्हारी यी वात मान लेय, कि कदाम तु पाप छुड़ीन दरम क काम करे, ती काठो नी हय कि असो करने सी थारी सुक ने शांती बनली रयसे।
DAN 4:28 यो आखो बी नबुकदनेसर राजा पर उजेन्तो हुय गियो।
DAN 4:29 बारे मोहना वित जाने पर जव त्यो बेबीलोन न राजवाड़ान छत पर फिरतो हुतो, तव कयने लागीयो,
DAN 4:30 तव हांव विचार कोर्या काय यो मटलो बेबीलोन नी हय, जेको हांव म्हारी मटी ताकत सी बनवाड़लो छे कि यो म्हारी राजनिवास बने आरु हेके लारे म्हारी बड़ाय हुये।
DAN 4:31 यो वचन राजा न मुय सी निकळने वाळो हुतो कि सरग सी यी ओवाज समळाय दीदी; “ए राजा नबुकदनेसर, थारा वारा मा यो हुकुम निकळ्ळो छे, राज थारा हात सी निकळी गीयो,
DAN 4:32 आरु तु मनुसन विच मा रयीन निकळी जायीस आरु कयड़ा माईन जनवारीयान क सात मा रयसे आरु बयलियान क सारको खड़ो चरसे; आरु सात सालन साल थारे पर वितसे, जव तक कि तु यो नी जान लेय कि परमपरधान, मनुसन पर राज करे आरु जेको चाहेय हेको त्यो आपे।”
DAN 4:33 उनात् टेम पर यो वचन नबुकदनेसर राजा न वारा मा पुरो हुयो। त्यो मनुसन विचम रयीन निकळी गयो, आरु बयलियान सारको खड़ो चरने लागियो, आरु हेको डील आकाश सी पड़ने वाळा धुवरा सी भीगतो हुतो, यातक कि हेका झटा घुवड़ चिल्‌लान पाय सी आरु हेका नखड़ा चिल्‌लान पंजियान सारका वद गीया।
DAN 4:34 सात साल क वित जाने पर, हांव नबुकदनेसर म्हारा ढुळा सरग भेणी उचा करीयो, आरु म्हारी अकोल पछी जसी हुती तसी हुय गयी; तव हांव परमपरधान क घण वारु कयो, आरु जो जलोमको जीवतो छे हेककित् भक्ति आरु बढ़ाय यो कयतो जाईन करने लागियो; हेको राज जलोमकोत् छे, आरु हेको राजपाट पीढ़ी सी पीढ़ी तक बनलो रयने वाळो छे।
DAN 4:35 धरती पर न आखा रयने वाळा हेके सामने तुच्छ कहवाये, आरु त्यो सरगन सेना आरु धरती पर रयने वाळान क विचमा, आपसीत् मरजी न अनसारे काम करे; आरु कोय हेको रोकीन यो कयनेवाळो नी हय, कि तु यो काय करीयो?
DAN 4:36 उनात् टेम पर म्हारी अकोल पछी जसी हुती तसी हुय गय; आरु म्हारा राज न बढ़ाय वाटे म्हारो जुर आरु मुकुट म्हारे पर पछो आय गीयो। म्हारा मंत्री आरु परधान लोगहन म्हारे सी मेळ भेट करने आवने लागीया, आरु हांव म्हारा राज मा वातड़ो हुय गीयो; आरु म्हारी घण सवटी बढ़ाय हुयने लागी।
DAN 4:37 हांय हांव नबुकदनेसर सरगन राजा क फोम करम; आरु हेकी भक्ति आरु बढ़ाय करो, काहकी हेका आखा काम छाचला, आरु हेको आखो वेहवार नियावन छे; आरु जो लोगहन डाहवाय सी चाले, हेनको त्यो नेचो कर सके।
DAN 5:1 बेलशस्सर नावन राजा आपसा हजार परधानो वाटे एक मोटो खानो रखीयो, आरु हेनु हजार लोगहन क सामने दाखरस पीदो।
DAN 5:2 दाखरस पीता-पीता बेलशस्सर राजा हुकुम दीदो कि सोना- चाँदीन जो ठिकरा हेको बाप नबुकदनेसर यरुशलेम न मन्दिर मा सी निकाळीन लावलो हुतो, हेनको ली आवो कि राजा आपसा परधानो आरु रानिया आरु रखेलियान क साथ मा दाखरस पीदा।
DAN 5:3 तव जो सोनान ठिकरा यरुशलेम परमेश्वरन मन्दिर मा सी निकाळ्ळा‍ त्या यात हुता, त्या ठिकरा लाया आरु; आरु राजा आपसा परधानो आरु रानिया, आरु रखरेलियान क सात मा उना मा दाखरस पीने लागियो।
DAN 5:4 त्या दाखरस पी पीन सोना, चाँदी, पीतळन, लुहड़ान, काठ आरु दगड़ान क देवता न भक्ति करता हुता,
DAN 5:5 कि उनी घड़ी मा मनुस न हात न आँगळीया निकळीन भीत न सामने राजमन्दिर न भीतड़ान चुना पर काहय लिखने लागीयो; आरु हात न जो भाग लिख रयो हुतो, त्यो राजाक देखाय पड़ीयो।
DAN 5:6 हेको देखीन राजा बीह गीयो, आरु त्यो मन मा घबराय घबराय गीयो, आरु हेका कड़ीयान जोड़ कोमजुर हुय गीया, आरु कापता कापता हेका घुटना एक दिसरा सी टकरायने लागीया।
DAN 5:7 यव राजा जुरदीन आयड़ीन तान्त्रिया, कसदिया आरु दिसरा हात भावणे वाळोन क लावनेन हुकुम दीदो। जव बेबीलोन न पण्डित पास आय, तव राजा हेनको कयणे लागीयो, “जो काय भीत पर लिखलो छे हेको भणीन हेको मतलब काय छे त्यो मखेक समजाड़े तेखे हांव रींगनिया रंगन छिंदरा, आरु हेका गळा मा कणठमाळा पेहरावीस; आरु म्हारा राज मा तीसरो त्योत् राज करसे।”
DAN 5:8 राजा न गियान महायता आया, पुन‍ त्या भितड़ा पर लिखली वातन क भणी सके आरु नी राजा क हेको मतलब देखाड़ सके।
DAN 5:9 अतरा पर राजा बेलशस्सर घण घबराय गीयो आरु हेका मुयन रंग बदली गियो। आरु हेका परधान लोगहन बी घन घबराय गीया।
DAN 5:10 राजा आरु परधान न बुल समळीन, रानी खाणोखाने वाळा घर आ आवी आरु कयने लागी, ए राजा, तु जलोम जीवतो रये, थार मनमा मा घबराये आरु निराश मा हुये।
DAN 5:11 थारा राज मा दानियेल नावन एक ओदमी छे जेको नाव थारो बाप बेलतशस्सर पाड़लो हुतो, हेका मा चुखला ईश्वरन जीव रये, आरु उना नबुकदनेसर राजा न दाहड़ा मा हेका मा हसीत घटना हुयली हुती जेका सी यो मालुम पड़ीयो कि उना मा विजाळान आरु समझ छे, देवतान अकोल सारकी हेका मा बी अकल छे। तिना आखा ज्योतिषियों तन्त्रियो, कसदि आरु दिसरा वारु देखाड़नेववावा डाहला होता,
DAN 5:12 काहकी हेका मा आखा सी वारु मोटी आत्मा, गियान आरु सपनान मतलब देकाड़ने आरु सातायली वातन क उजेन्तो करनेन, आरु परशानी दुर करनेन शक्ति हुती। अतरान करीन हांय दानियेल क बुलावो, त्यो त्यो तुखे भितड़ा पर लिखली वातन मतलब देखाड़से। जेरो नाव आपसु बास राजा बेलतशस्सर पाड़लो होतो।
DAN 5:13 तव दानियेल क माहय भितरो बुलाया। राजा दानियेल सी पुछने लागीयो, काय तु त्योत् दानियेल छे जो म्हार बाप नबुकदनेसर राजा न लारे यहुदा देश सी लावला केदड़ा माईन छे?
DAN 5:14 हांव थारा वाराम समळ्लो छे ईश्वर न आत्मा थारा मा रये; आरु विवेक, समज आरु अकोल थारे मा देखने जड़े।
DAN 5:15 देख हांय पण्डित आरु तान्त्री लोगहन म्हारे सामने अतरान करीन आवला हुता कि यी लिखली वातन क भणे आरु हेको मतलब मखे देकाड़े, पुन त्या उनी वात क मतलब नी समजाड़ सकीया।
DAN 5:16 पुन हांव थारा वारा मा समळ्लो छे कि दानियेल ढाकायली वातन क देखाड़ सके आरु शंका दुर कर सके। अतरान करीन कदाम तु उनी वातन क भनी सके आरु हेको मतलब बी मखे समजाड़ सके, ती हांव तुको रींगनिया रंगन छिंदरा आरु थारा गळा मा सोनान गुथायली माळा पेहरावीस, आरु राज मा तीदरो राज करने वाळो शासक बोनसे।
DAN 5:17 दानियेल राजा सी कयो, थारो दान थारे जुळ राख; आरु जो दान तु आपने चाही रीयो,‍ त्यो दिसरा क आप दे; त्या लिखली वातन क हांव राजा क भणीन समळाड़ीस, आरु हेको मतलब बी समजाड़ीस।
DAN 5:18 ए राजा, महान परमेश्वर थार बाप नबुकदनेसर न राज्य, बड़ाय, मान आरु जिक आपलो हुतो।
DAN 5:19 काहकी थारा बाप को परमेश्वर मोटो बनावलो हुतो, हतरान करीन जगतन आखी सब लोगहन, राष्ट्र आरु अलग अलग बुली बुलने वाळा लोगहन हेनको सामने कापतला आरु बीहता हुता। थारो बाप जिनका चाहे हेको मार न्हाकतलो आरु जिनाक चाहे हेकेक जीवतो छुड़ देतलो त्यो आपसी मरजीन अनसारे जिना ओदमी क चाहे हेका पद को मोटो कर देय, आरु जिनाक चाहे हेका पद को नानो कर देतलो।
DAN 5:20 पुण जव हेको मन घमंडी हुय गयो, आरु हेको जीव वातड़ो हुय गयो, याँ तक कि त्यो डाहवाय करने लाग गीयो, तव हेको हेकी राज गाद्दी सी उतार दिदा, आरु हेको राजपाट खतम होय गीयो।
DAN 5:21 त्यो मनुसो मा रयीन बाहरो हुय गीयो, आरु हेको मन जनवारो सारको आरु हेको रयनेन जागा जंगली गदड़ान वीच हुय गीयो; त्यो बयल्याण सारको खड़ो चरे आरु हेको डील आकाश सी पड़ने वाळा उसटा सी भीगिया करतो हतो, जव तक त्यो यो नी जान लिदो कि आखा मा मोट परमेश्वर मनुसन राज मा राज करे आरु जिनका चाहे हेको आदिकारी बनावे।
DAN 5:22 ते बी बेलशस्सर, तु जो हेको पोर्‌यो छे आरु यो अब काय तु जानतो हुतो, तेबी थारो मन निचळो नी हुयो।
DAN 5:23 पुन तु सोरगन पोरबु विरुद मा उबो हुयो आरु मन्दिरन ठिकरा मंगवाड़ीन आपसे जुळ राख लिदो, आरु थारा मखी लोगहन आरु रानिया आरु रखेलियान क साथ माहेनु ठिकरा मा दाखरस पीदा, आरु चाँदी- सोनान, पीतळन, लुहड़ान, लाकड़ान आरु दगड़ान देवता बनायो, जो नी ते समळे, नी काहय जाने, तु हेनकी भक्ति करीयो पुण परमेश्वर, जिनान हाथ मा थारो जीव छे, आरु जिनान हक मा थारो आखो चालनो फिरनो छे, हेकी विजुत नी करीयो।
DAN 5:24 तीत यो हाथन एक भाग हेको वगे रयीन देखन्तो हुयो आरु त्या बुले लिखीयो।
DAN 5:25 जो बुल लिखायलो हुतो त्यो यो हुतो; मने, मने, तकेल, आरु ऊपर्सीन।
DAN 5:26 इना बुलन मतलब यो छे; “मने” मतलब गिनलो; परमेश्वर तमरा राज्य-कालन दाहड़ान गिनती करीन हेको खतम कर दिदो।
DAN 5:27 तकेल न मतलब तु टाकड़ा मा तुलायो आरु हळ्को मालम पड़ीयो।
DAN 5:28 परेस, मतलब वाटायलो; थारो राज्य वाटिन मादिया आरु फारसियान को आप दिदो।
DAN 5:29 तव बेलशस्सर हुकुम दिदो, आरु दानियेल को रींगनिया रंगन छिंदरा आरु हेका गळा मा सोनान माळा पेहरायो; आरु डोंडी पिटन्या बम दीन आयड़ीया कि राज्य मा तीसरो जन दानियेलुत राज करसे।
DAN 5:30 उनी रात कसदियान राजा बेलशस्सरन हत्या हुय गयी।
DAN 5:31 आरु हेको राज्य मादी जातिन दारा को हात लागगीयो। उना टेम पर दारान उमर कम सी कम साठ ने दुय सालन हुती।
DAN 6:1 दारा राजा आपसा सारा राजकाल मा राज करने करीन एक सोव वीस आदिकारीयान क नहेवाड़ीयो। आरु हेको यो काम घण वारु लागीयो।
DAN 6:2 आरु त्यो हेनु एक सोव वीस आदिकारीयान पर राज करने करीन आधेक्ष्य बनवाड़ीयो हेका मा एक आधेक्ष्यो दानियेल बी हुतो। हेनु तीन आधेक्ष्या क क्षत्रप लेखो जोखो आपलो हतो। इनिये रीतिये राजा न शासन कालन काम मा काय नुक्शान नी हुयतली।
DAN 6:3 जव यो मालुम पड़ीयो की दानियेलम एक वारली आत्मा रये, तव हेको हेनु आधेक्ष्या आरु आदिकारीया न सी जादा विजुत जड़ी; आरु राजा यो विचार करीयो कि दानियेल क राजा राज काल मा शासक बनावे।
DAN 6:4 पुन जव दिसरा आधेक्ष्या आरु आदिकारीयान क इनी वाराम समळीया ती त्या लोगहन दानियेलन विरुद मा काहय गुणो हेरने लागीया, पुण दानियेल भरोसा मा पाको हुतो, आरु दानियेल मा हेनको काहय बी गुणो नी जड़ीयो।
DAN 6:5 हतरान करीन त्या यो कया, दानियेल न राजकाल न कामन वारा मा काहय बी कमी हामु नी जड़से; पुण हामु हेका परमेश्वरन नियमन वारा मा काहय गलती निकाळ कसतला।
DAN 6:6 अळते त्या हुकुम आरु अधिपति एकु करीन राजा दारान पास मा आया आरु त्या हेका सी यो कया, ए राजा दारा तु जलोमकोत् जीवतो रये।
DAN 6:7 थारा राजन सारा हुकुम, आरु हाकिम, डाहडा, नियाव चुकाड़निया, आरु आदिकारीया आपसु एकु करीया की, राजा असो हुकुम आरु असो वातड़ो नियम निकाळे, कि तीस दहाड़ा तक ए राजा जो कोय मनुस तुको छुड़ीन काहला दिसरा मनुस या देवतान को वाँदे ती ‍तेखे नाहरोन खाडा मा न्हाक देय।
DAN 6:8 हतरान करीन ए राजा, तु असो हुकुम निकाळीन पाको कर दे, आरु इनी चिट्ठी पर टप्पो लगाड़ दे, जेका सी यी वात मादी जातीन, आरु फारसी जातीन नियमन अनसारे नी बदलाये।
DAN 6:9 तव दारा राजा उनी हुकुम न चिट्ठी पर टप्पो लगाड़ दिदो।
DAN 6:10 जव दानियेल को यो मालम पड़ीयो कि दारा राजा उनी चिट्ठी पर टप्पो लगाड़ दिदो, तव त्यो हेका घर मा माहय गीयो आरु हेका घर न उपर वाळी खिड़की जो यरुशलेम नगर भेणी उगड़तली, त्यो दाहड़ा मा तीन वार घुटना टेकीन परमेश्वर सी विनता करतो रयतलो। आज बी त्यो हसोत करीयो।
DAN 6:11 तव त्या लोगहन उतवाळीयात् आवीन दानियेल को हेका परमेश्वर सी रावनिया करतला देखिया।
DAN 6:12 अळते त्या राजान पास मा जाईन हेका हुकुमन वारा मा राजा सी कयने लागीया, कया कि, ए राजा काय तु असो हुकुम निकाळीन चिट्ठी पर टप्पो नी लगाड़ीयो कि तीस दाहड़ा तक जो कोय तुको छुड़ीन कोय मनुस या देवतान को वाँदे, तेखे नाहरन खाडा मा न्हाक देय, राजा जवाब दिदो, होव मादी जातीन आरु फारसी जातीन विन टळया नियमन अनसारे यी वात नखी करली छे।
DAN 6:13 तव त्या राजा सी कया, यहुदी जातीन केदड़ा माईन जो दानियेल छे, त्यो नी ते लारे टप्पो लगाड़ली हुकुमन चिट्ठी पर धियान नी देय, आरु त्यो दाहड़ा परमेश्वर क तीन वार विनता करतो रये।
DAN 6:14 यी वात समळीन राजा दाराक घणो दु:ख लागीयो। आरु त्यो दानियेल को वाचाड़ने करीन विचार करने लागीयो; आरु त्यो सोन्दारे ने शाँतो दानियेल को वचाड़ने करीन विचार करतो रयो।
DAN 6:15 तव त्या लोगहन उतवाळ्या राजा दारा क पास मा आवीन कयने लागीया, ए राजा यो जान लेजी कि मादी जातीन आरु फारसी जाती मा जो नियम हुकुम राजा टाकलो छे, त्यो बदली नी सके।
DAN 6:16 तव दारा राजा दानियेल क बन्दी बनावने हुकुम आप दिदो, आरु दानियेल को लावीन नाहरन खाडा मा न्हाक दिदा। राजा दानियेल कयो, ए दानियेल थारो परमेश्वर जेना सी तु विनता करतो रये, त्यो तुको वचाड़े।
DAN 6:17 तव एक दगड़ो लावीन उना खाडान मुयाळा पर मेळ दिदा, आरु राजा उना दगड़ा पर हेकी मुंदीन लारे आरु हेका परधान लोगहन नी मुंदीन लारे टप्पो लगाड़ीयो कि दानियेल न वारा मा काहय बी नी बदले।
DAN 6:18 तव राजा हेका महल मा जात रीयो, आरु उनी रात राजा खानो नी खादो ने हसोत् पड़ रीयो; आरु हेको मन को खुश राखनेन कोय बी चीज राजा क पास मा नी रयी, आरु हेको नींद बी नी आवी।
DAN 6:19 सोन्दारा मा दाहड़ो उगता राजा दारा खाटला पर सी वेगोत उठीन उतवाळी करीन नहारन खाडा भेणी गयो।
DAN 6:20 जव राजा खाडान पास मा गीयो, आरु राजा डाबायली ओवाज मा आयड़ीन दानियेल सी कयो, ए दानियेल, ए जीतला परमेश्वरन दास, काय थारो परमेश्वर जेकी तु उपासना करे, त्यो तुको नाहरो सी वचाड़ीयो काय?
DAN 6:21 तव दानियेल राजा सी कयो, “ए राजा, तु जलोमको जीवतो रये!
DAN 6:22 म्हारो परमेश्वर आपसा राखवाळीया दुत क मोकलीन नाहरन मुय को असो बन्द कर दिदो त्या म्हारो काहय बी नुक्शान नी करीया; एरो मतलब यो छे की हांव हेकी निगाम गुणाको नी हय; आरु ए राजा थारे सामने बी हांव काहय बी भुल नी करीयो।”
DAN 6:23 तव राजा घणो खुश हयीन दानियेल को खाडा मा रयीन बाहर निकाळनेन हुकुम दिदो। आरु दानियेल को खाडा मा सी निकाळ लीदा, आरु दानियेल पर हेनको नुक्शान न काहय बी सहलाणी नी जड़ी।
DAN 6:24 तव दारा राजा हुकुम दिदो कि जे मनुस दानियेलन पर गुणो लागाड़ला हता, चा हेनका पोरिया पारी आरु बायरान क हेनका सात मा नाहरन खाडा मा न्हाक देय; आरु त्या बराबर खाडा मा बी गया आरु नाहरे हेनको झड़पी दिदा आरु आखा हाड़कान सात मा हेनको चावी दिदा।
DAN 6:25 तव दारा राजा सारा कोळजुग मा रयने वाळा देश-देश आरु राज्य-राज्यन सब लोगहन, आरु अलग-अलग भाषा बुलने वाळान क पास यो लिखियो: “तुमरो घण वारु हुये!”
DAN 6:26 हांव यो हुकुम आपो कि जाँ जाँ म्हारा राजन हक छे, चाँ वाळा लोगहन दानियेलन परमेश्वर न सामने थर थर कापता रया, “काहकी जीवतो, आरु जलमको रयने वाळो परमेश्वर त्योत् छे; हेको राज खतम नी हुये, आरु राजकाल जलोम रयसे।
DAN 6:27 जो दानियेल को नाहरो सी वचाड़ीयो, त्योत् वचाड़ने आरु छुड़ावने वाळो छे; आरु सरग मा आरु धरती पर सहलाणी, आरु चमत्कार को देखाड़ने वाळो छे।”
DAN 6:28 इनीये रीतिये दानियेल, दारा आरु कुस्रु फारसी, दुयन राजकालन दाहड़ा मा सुख सी रयो।
DAN 7:1 बेबीलोन देशन राजा बेलशस्सर न राजकालन पेहला साल मा दानियेल एक सपनो देकीयो आरु हेको मतलब बी देख्‌यो जव दानियेल खाटला पर सुय रयो हुतो। त्या सपना को लिख लिदा आरु सपनान सार देखाड़ीयो।
DAN 7:2 दानियेल कयो, हांव रात मा यो दर्शन देख्‌यो। कि आकाश चारो मेर सी आँधी मोटला दरिया पर चालने मण्डरीयो।
DAN 7:3 तव दरिया मा रयीन चार मोटात् जनवारीया निकाळीया जो एक दिसरा सी अलग हुता।
DAN 7:4 पेहलो जनवार नाहर जसो हुतो आरु हेका पाखड़ा गुवड़न जसा हुतला। म्हार देखताम हेका फाखड़ा उखाळ दिदा, आरु तेखे धरती पर सी उटाड़ीन मनुस न जसो दुय पायो पर उबो कर दिदा; आरु तेखे मनुसन मन आपीया।
DAN 7:5 अळते हांव एक आरु जनवार को देख्‌यो जो रिछड़ान सारको हुतो, आरु पछला पायोक भुरसे उबो हतो, आरु हेका मुंय मा दातोन वीच मा तीन पासळीया हुती; आरु लोगहन हेका सी कयतला, उठीन घण जबर मांस खा।
DAN 7:6 तव जाईन हांव एक जनवार को देख्‌यो त्यो चीतान सारको हुतलो। पुन हेका वासा पर चिल्‌लान सारका च्यार पाखड़ा हुतला। हेको राज करनेन होक जुड़लो हुतलो।
DAN 7:7 हेर बाद मा हांव रात न दर्शन मा चवथा जनवार लो देख्‌यो। त्यो देखने मा भहवाड़े हसा हुतला, बीहवाड़नीया आरु घण मटा हुता। हेका मुय मा मटा- मटा लुहड़ान दात हुतला। त्या सब काय खातलो आरु टुकड़ा-टुकड़ा कर देतलो। जो हेका मुय वाच जातलो। तेखेक त्यो पाये करीन कुचळी देतलो। त्या पेहला तीन जनवारीया सी अलग भातीयो हुतलो।
DAN 7:8 हांव हेका सींगड़ान को वारु नजर सी देख्‌यो। उना टेम पर उना सींगड़ान वीच मा रयीन आरु एक सींगड़ो निकळीयो, जिनान कारण सी त्या पेहला सींगड़ा मुळ सी उखळी गीया। त्यो सिंगड़ो नानो हुतो, आरु इनाम मनुस न ढुळान सारका ढुळा हुता। हेका मुय भी हुतो जो मोट बुले बुलतो हुतो।
DAN 7:9 हांव दर्शन मा देख्‌यो कि राजगाद्दी मेकली छे, आरु एक वेगला डाहडा माईन मनुस बठीयो आरु हेका छिन्दरा बरफ न तसो धळो हुतो; आरु हेका मुनका न केश धवळीया रुईन तसा जुगाळा हुतला। हेकी राजगाद्दी आगठान तसी हुतली आरु राजगाद्दी न पाय्या धपली आग्ठी न सारका हुतला।
DAN 7:10 उना वेगला डाहडान सामने रयीन आग्‌ठान धार निकळीन उहवी रयी हुती; ओळते हजारु हजार लोगहन हेकी चाकरी करता हुता, आरु लाखो लाख लोगहन हेका सामने हाजिर हुता, ओळते नियाय करने वाळा बठ गीया, आरु किताब को कुलीया।
DAN 7:11 उना टेम पर उना सिंगड़ा न मोटो बुल समळीन हांव देखतो रीयो, आरु देकता- देखता आखरी मा देखियो कि उना जनवार को म्हार न्हाकीया आरु हेका डील को नाश कर दीदा, आरु हेका धड़ को आग्ठा धपाड़ने करिन आप दिदा।
DAN 7:12 बाकि रयला जनवार सी राज करनेन हक हापकी लिदा, पुन हेनका जीवनन को धुड़ाक टेम वाटे वाचाड़ी राखीया।
DAN 7:13 हांव रात को दर्शन मा यो देख्‌यो की आकाश न वादळान सात मा मनुसन पोर्या सारको ककोय आवतो हुतो, आरु त्यो घनो मोटा डाहडान क पास पुगीयो, आरु त्यो आपसा को हेके सामने लायो।
DAN 7:14 तव त्यो डाहडो हेकेक असी महीमा आरु राज आपीयो, कि देश-देश आरु जाति- जाति न लोगहन आरु अलग- अलग भाषा बुलने वाळा सब हेका नेचा हुय गीया; आरु हेको राज जलोमको रयने वाळो बनीयो।
DAN 7:15 आरु हांव दानियेल म्हारो मन घाबराय गीयो, आरु जो काय हांव देखलो हुतो, हेका कारण हांव घबराय गीयो।
DAN 7:16 तव जो लोगहन साते उबा हुता, हेनुमाईन एक जना पास जाईन हाव उनी सारी दर्शन पुरावो लेनेन वात पुछियो, त्यो यो कयीन मखे उनी वातन पुरावो बताड़ दिदो।
DAN 7:17 त्यो कयो ये चट्यार मटला जनवारीया मोटा राजा छे, जो धरती पर उबजसे।
DAN 7:18 पुन महान परमेशवर न चुखला लोगहन उना राज को हात करसे, आरु त्या जलोमका हकदारिया रयसे।
DAN 7:19 तव मखे आरु चवथा जनवारन वाराम जानेन विचार आयो। यो जनवार हेनु तीन जनवारीया सी अलग हुतो। त्यो देखने मा गणो बीहवाड़े हसो हुतो आरु हेका दात लुहड़ान आरु नखड़ीया पीतळन हुता, त्यो सब काय खाय जातलो, आरु चुरा-चुरा कर दितलो, आरु वाचलान को पायो सी रोंदळी देतलो।
DAN 7:20 हांव हेका दस सिंगड़ान वारा मा भी पुछियो जो हेका मुनका पर हुता। हांव हेका सी उना नानला सिंगड़ान वारा मा बी पुछियो जो दस सिंगड़ान वीच मा निकळलो हुतो, आरु जिनान कारण तीन सिंगड़ा पड़ गयला हुता, जिन्दरा डुळा हुता, आरु जिनाम मोटा बुल बुलने वालो मुय हुतो, आरु दिसरा साती सिंगड़ा सी मोटो मालम पड़ रीयो हुतो।
DAN 7:21 ओळी हांव देख्‌यो की त्यो सिंगड़ो चुखला लोगहन क सात मा लड़ाय करीन हेनु पर उना टेम पर जुराको बी हुय गीयो,
DAN 7:22 जव तक त्यो वेगलो मनुस नी आयो, आरु मोटा परमेश्वरन चुखला लोगहन भेणी नियाव विचार करीयो आरु टाकलो टेम आयो आरु चुखला लोगहन को राज हात लागीयो।
DAN 7:23 त्यो कयो उना चवथा जनवार न मतलब, एक चवथो राज्य छे, जो एनी दरती पर उबजसे, जो दिसरा राज्य सी अलग रयसे। त्यो सारी धरती क खाय जासे। त्यो हेकेक आपसा पांज्या सी रोंदळसे, त्यो हेका चूर–चूर करसे।
DAN 7:24 हेका दस सिंगड़ान यो मतलब छे: इना राज्य मा दस राजा उबजसे, आरु हेनका बाद एक आरु राजा पयदा हुयसे। यो आपसा पेहला राजा सी विनभातीयो हवसे, आरु हेको उबजणे सी तीन राजा को खतम कर देसे।
DAN 7:25 आरु त्यो राजा मोटा परमेश्वर न विरुद मा वात कयसे, आरु परमेश्वरन चुखला लोगहन दळ देसे, आरु टेम आरु नियम को बदलनेन कुशीश करसे; परमेश्वरन लोगहन को साढ़ी तीन साल तक उना राजा हक मा लर देसे।
DAN 7:26 पुन, तव नियाव करणीया बठसे, आरु हेको राजपाट हापकीन मिटाड़ देसे; आरु नाश कर देसे या तक त्यो जलोमको खतम हुय जासे।
DAN 7:27 तव राज आरु हकदार आरु धरती परुन राजन बड़ाय, मोटा परमेश्वरन जुन चुखला लोगहन को आप देसे, हेको राज जलोमको राज छे, आरु सब राज करने वाळा हेका हक मा रयसे आरु हेको हुकुम मानसे।
DAN 7:28 “इनी वातन पुरावो कर दिदो, पुण म्हार मन न विचार मखे घण गबराय रीया, आरु दानियेल घणो बीह गीयो; आरु इनी वात को हांव म्हारा मन राक रीयो।”
DAN 8:1 बेलशस्सर राजा न राज करनेन तीसरा साल मा उना पेहला दर्शन क बाद मा एक आरु वात दानियेल दर्शन न लारे देकाय पड़ी।
DAN 8:2 जव हांव एलाम नावन परदेश मा, शुशन नावन राजगढ़ मा रयतो हुतो, तव हांव दर्शन मशश देख्‌यो की हांव ऊले नदी न काठा पर छे।
DAN 8:3 अळते हांव ढुळा उगाड़ीन देकीयो की उनी नदी न सामने दुय सिंगड़ा वाळो गाडरो उबरय रीयो, हेका दुयु सिंगड़ा मोटा छे, हेनु माईन एक घणो मोटो छे, आरु जो मोटो छे, दिसरान बाद मा निकळीयो।
DAN 8:4 हांव उना गाडरा को देकीयो कि त्यो दोखेवरे भकेवरो सिंगड़ो देय, कोय दिसरो जोनवार हेको सामने उबो नी रय सकतो हुतो, आरु नी ते हेका हात सी कोय कोय बदिसरान को वाचाड़ सकतलो; आरु जो आपसी मरजी न अनसारे काम करीन वदतो जाय।
DAN 8:5 हांव विचारुत करतो हुतो, अळते काय देख्‌यो की एक बकड़ो भकेवरो सी निकळीन सारी धरतीन उपर असो फिरियो की चालते टेमे धरती पर पाय नी छिमायता आरु बकरा न ढुळा न विच मा देखे हसो एक सिंगड़ो हुतो।
DAN 8:6 त्यो उना दुय सिंगड़ा वाळा गाडरान डास मा जाईन, जिनाक हांव नदी न सामने उबरयलो देखलो हुतो, उना पर रीसवायीन घण ताकोत सी ठुकर देदो।
DAN 8:7 हांव देख्‌यो की त्यो गाडरा क जु आवीन रीस सी भरायीन झेझड़ाय रीयो; आरु गाडराक मारीन हेका दुयु सिमगड़ान को तोड़ दिदो; आरु हेको सामनो करने करीन गाडरान काय बी ताकोत नी हुयी; तव बकड़ो गाडरा क धरती पर पाड़ीन रोदळी दिदो; आरु गाडराक बकड़ान हात सी छुड़ावने वाळो कोय नी जड़ीयो।
DAN 8:8 तव बकड़ो गण जबर डाहवाय करने लागीयो, आरु जव ताकत वाळो हुयो तव हेको मोटलो सिमगड़ो टुट गीयो, आरु हेका बदलाम देखे हसा च्यार सिंगड़ा वादवा क आरु च्यारु मेर वदने झुमगीया।
DAN 8:9 अळते इनुमाईन एक ओळी नानलो सिंगड़ो निकळीयो, जो दोखेवरे, पुरब आरु संपन्न देश मा घबब जबर वद गीयो।
DAN 8:10 त्यो वदतो- वदतो सरगन सेना तक पुगी गीयो; आरु त्यो तारामण्डळी माईन काहय तारा को धरती पाड़ीन रोंदळी दिदो।
DAN 8:11 या तक की त्यो सेनान मुखी हुकुम तक वद गीयो आरु हेको लगत हुयनाय आग्ठान बली को बन्द कर दिदो; आरु हेको रयणेन चुखला जागाक पाड़ दिदो।
DAN 8:12 आरु लोगहन क पापोन कारण सी लगत हुयणाय बली न सात मा सेनाक बि हेका हात मा कर दिदो, आरु त्यो सिंगड़ो छाचाय को धुळा मा मेळाय दिदो, आरु त्यो करता- करता सफल हुय गीयो।
DAN 8:13 तव हांव एक चुखला जन को बुलता समळीयो; एक अळी चुखलो जन पेहले बुलने वाळा सी पुछियो, लगत होमबलि आरु उजड़ानेवाळा पापोन वारा मा जो काय दर्शन देख्‌यो, त्यो कीह तक फळतो रयसे; मतलब चुखला जागान आरु सेना क रोंदेळनो कीह तक हुयतो रयसे।
DAN 8:14 तव त्यो म्हार सी कयो, जव तक सांतो सोदारो दुय हजार तीन सोव वार नी हुय जाय, तव तक त्यो हुयतो रयसे; तव चुखला जागानक चुखो करसे।
DAN 8:15 यी वात दर्शन मा देखीन दानियेल एखेक समझनेन कुशीशकरने लागीयो; हतरा पर मनुस न रुप धरीन कोय म्हारे सामने उबरयलो देखा पड़ीयो
DAN 8:16 तव मखे ऊले नदी न वीच मा सी एक मानसोन बुल समळाय पड़ीयो, आयड़ीन कयतो हुतो, ए गबरीयल उना जन को हेकी देखली वातन को समझाड़ दे।
DAN 8:17 तव जा सारी हांव उबलो हुतो, वा त्यो म्हारे साते आयो, आरु हेको आवतात् हांव घबराय गीयो; आरु मुंय न बुरसे पडञ गीयो। तव त्यो म्हार सी कयो, “ए मानसोन पोर्या, हेनी देकली वातन को समझी ले, काहकी हेनको मतलब आखरी टेमो मा फुलसे।”
DAN 8:18 जव त्यो म्हार सी वात कर रीयो हुतो, तव हांव म्हारो धरती भेणी करीन भारी निंद मा पड़लो हुतो, पुण त्यो मके छिमीन सुधो उबो कर दिदो।
DAN 8:19 तव त्यो कयो, रीस बड़कनेन आखरी दहाड़ा मा जो काय हुयसे त्यो हंव तुको देखाड़ो; कहकी आखरी टाकला टेमो मा त्यो पुरो हुय जासे।
DAN 8:20 जो दुय सिंगड़ा वाळा गाडराक तु देखलो छे, हेको मतलब मादीयो आरु फारसियो न राज्य से छे।
DAN 8:21 आरु त्यो रोआर बुकड़ो युनान क राजा छे; आरु हेका ढुळान वीच मा जो मोटो सिंड़ो निकळीयो, त्यो पेहलो राजा बनीयो।
DAN 8:22 त्यो सिंगड़ो जो टुट गीयो हेका बदला मा जो च्यार सिंगड़ा निकळीया, हेको मतलब यो छे कि उनी राज्य सी च्यार मुलुक उबजसे, पुण हेनकी ताकोत उना पेहला सारको नी रयसे।
DAN 8:23 इना च्यार राज्यामा आखरी दाहड़ामा पापन घोड़ु भराय जासे, तव एक राजा पयदा होयसे। ओको बेस जीद्दी आरु काठा समझ रवसे, आरु धोखेबाज राजा होयसे।
DAN 8:24 हेकी ताकोत मोटी हुयसे, पुण उना पेहला राजान सारकी नी रये; आरु त्यो घन भारी लोगहन को नाश करसे, आरु जीकतो जायीन काम करतो जासे, आरु ताकत वाळा आरु चुखला लोगहन क टुळा को नाश करसे।
DAN 8:25 हेकी चालाकी न कारण सी हेको कपटी काम पुरो हुयतो जासे, आरु त्यो मन मोटाळो हुयीन बीहये नी आरु घण सवटा लोगहन नाश करसे। त्या आखा डाहडा डाहडान विरुद मा उबो हुयसे; पुण आखरी मा त्यो कोय क हात सी मार नी खाय तेबी नाश होय जासे।
DAN 8:26 “सांतो आरु सोंदारा न वारा मा जो काय तु देख्‌यो आरु समळीयो‍ त्यो छाचो छे; पुन जो काय तु दर्शन मा देखलो छे हेकेक बन्द राख काहकी त्यो घण दाहड़ा बाद मा घटसे।”
DAN 8:27 तव दानियेल न ताकत जाती रयी, आरु हांव थुड़ांक दाहड़ा तक बेमार पड़लो रयो, तव हांव उठीन राजा न काम काज फिर सी करने लागीयो। पुन जो काय हांव देखलो हुतो उना सी हांव घबरायलो रयो, काहकी हेकेक कोय समझाड़ने वाळो नी हुतो।
DAN 9:1 मादी क्षयर्ष न पोर्‌यो दारा, जो कसदियान देश पर राजा टहरायो गयलो हुतो।
DAN 9:2 हेका राज न पेहला साल मा हांव दानियेल शास्तुर न लारे समझी लेदो कि यरुशलेम न उजड़ली दशा योहोवा न उना वचन नलारे जो यिर्मयाह कागळीया न पास पुगलो हुतो, थुड़ांक सालन वितने पर सत्तर साल बाद मा पुरी हुय जासे।
DAN 9:3 तव हांव म्हार मुय परमेश्वर भेणी करीन विनता करने लागियो, आरु उपास करीन, गन्टो पांगरीन, रुखड़ा मा बठीन सोत मांगणे लागीयो।
DAN 9:4 हांव पोरबु परमेश्वर सी इनीये रीतिये प्रार्थना करीयो आरु म्हार पाप मानीन पछतावो करीयो, ए पोरबु तु मोटो आरु बीक माने हसो छे, जो लोगहन थार सी मोंग करे, आरु थारा हुकुमन पाळन करे, हेनु पर तु दया करे, आरु हेनका साथ मा तु थारा वाचा क पुरो करे।
DAN 9:5 हामु ते पाप करीया, आरु थार विरुद मा भुण्डलो काम करीया। थारा हुकुम आरु नियमन नी मानीन लड़ाय झगड़ा करीया।
DAN 9:6 हामु थारा चाकरीया कागळीया न खबर को नी समळीया। जे हामरा राजाओं, आदिकारीया, आरु हामरा डाहडान को थारा नाव सी खबर समळाड़ीया।
DAN 9:7 ए मालिक तुत् न्यायी छे, आरु हामरो माथो शरम सी झुकलो छे। आज बी हामु, यहुदा परदेश न निवासी यरुशलेम मा रयणे वाळा, इसराएल जिनुक तु उना धुका क कारण जे थार सात मा करला हुता, देश- देश मा तितर बितर कर दिदो, हेनु सबन को लाजवायनो पड़ीयो।
DAN 9:8 ए योहोवा हामु लोगहन हामरा राजा, आदिकारीया आरु डाहडान क सात मा थार विरुद पाप करला, छे इना कारण सी हामुक लाजवायणो पड़े।
DAN 9:9 ए मालिक हामरा परमेश्वर, तुत् दयाळो आरु माफी आपण्यो छे। हामु थारे विरुद मा गलत काम करीया।
DAN 9:10 आरु थारा परमेश्वर न नियम- कानुनन अनसारे नी चाल्‌ला हुता, जो तु थारा चाकरीया कागळीयान लारे हामरे सामने मकलो हुतो। पोरबु इनिये रीतिये हामु हामरा मालिक परमेश्वरन बुल को नी समळीया।
DAN 9:11 सारी इसराएली लोग थारा बुल को समळने सी मना करीया। त्या थारा नियमन पाळन नी करीया आरु हेको मानने सी मुय फेरवी लीदा; आरु जो शराप थारा चाकरीया परमेश्वरन दास मुसा न नियम मा लिखला छे, त्या हामरे उपर आवणे लागीयो; काहकी हामु थार विरुद मा पाप करीया
DAN 9:12 ए परमेश्वर, जो वचन तु हामरे साते आरु हामरे पर हक करने वाळा आदिकारीयान करता कयलो हुतो, हेनको तु पुरो करीयो। तु हामरे पर घण मोटी पीड़ा न्हाकीयो। जसी पीपा यरुशलेम पर न्हाकलो तसी आखा आकाश आरु नेचो धरती पर आर काह बी नी पड़ी।
DAN 9:13 मुसा न नियम मा लिखली आखी पीड़ा हामरे उपर पड़ी, ते बी हामु हामरा पोरबु परमेश्वर न दया न नजर हात करनेन कुशीत नी करीया आरु नी हामु हामरा पापन काम को छुड़ीन थारा खोरा वचन को समळने तियार हुया।
DAN 9:14 ए पोरबु तु हामरे वाटे पीड़ा तीयार करीन राखीयो आरु हामरे उपर रेड़ दिदो; काहकी हामरो पोरबु परमेश्वर आपसा हर एक कामो मा धरमी छे, हेको सारो काम नियाव सी पुरो छे। हामु हेका बुल को नी समळला हुता; अतरान करीन यी पीड़ा आवी।
DAN 9:15 ए मालिक हामरा परमेश्वर, तुते थारा ताकत वाळा हाथो सी आपसा लोगहन को मिसर देशन गुलामी मा सी छुड़ावलो हुतो आरु इनिये रीते आपसा नाव को मोटो बनावलो हुतो, जसो त्यो आज बी छे। हे पोरबु हामु पाप करला छे। हामु भुण्डला काम करलो से।
DAN 9:16 ए मालिक थारा धरमी काम करीन थारी रीस आरु किचवन यरुशलेम सी छेटो करले। पोरब यरुशलेम नगर ते थारोत् चुखलो बयड़ो छे। हामरा डाहडान पाप आरु हामरात् अधरमी कामो न कारण सी यरुशलेम नगर थारा लोगहन आड़े धड़े न मुलुक मा बदनाम हुय गीया।
DAN 9:17 ए हामरा परमेश्वर, थारा इना चाकरीया न प्रार्थना को समळ। ए मालिओक, उजाड़ीया पड़ला चुखला जागा पर थारी बड़ाय वाटे थारा मुंय विजाळो चमकाड़।
DAN 9:18 हे म्हारा परमेश्वर, म्हारी प्रार्थना भेणी कान्टा लगाड़ आरु हेको समळीन आपसा ढुळान को उगाड़ आरु हामरा विनाश पर नजर न्हाक। जो नगर थारा नाव सी बुलायो जाय, हेको देख। पोरबु थारी धारमीकता न कारण ते नी पुण थारी मोटी दया पर भुरसो राखीन हामु यी प्रार्थना, यी विनता थारे सामने मेल रीया।
DAN 9:19 ए मालिक हामरी प्रार्थना को समळ। ए मालिक हामरा अपराद क माफ कर। ए मालिक, हामरे पर धियान दे आरु हामुक छुड़ाव। ए म्हारा परमेश्वर, थारी बड़ाय वाटे मुड़ो मा करे, काहकी थारा नगर आरु थारा निज लोगहन थारात् नाव सी नावलाये।
DAN 9:20 इनीये रीतिये जव हांव बोलीत् रीयो हुतो, हांव म्हारा आरु म्हारी इसराएल लोग वाटे पाप मानने लागरीयो हुतो। जव हांव महारा पोरबु परमेश्वर क सामने हेका चुखला बयड़ान नगर वाटे विनता कर रीयो हुतो।
DAN 9:21 जव हांव प्रार्थना न बुल बोलीत् रीयो हुतो, तव‍ त्या गबरीयल सोरगदुत उतवाळीयो म्हारे पास मा आयो, जेनाक हांव पेहला दर्शन मा देखलो हुतो। सांतोन टेमन टेम हुती।
DAN 9:22 त्यो मखे समझाड़तो जाईन यो कयो, दानियेल, हांव तुको ओकल आरु समझ आपने करीन आवलो छे।
DAN 9:23 तु यी विनता करनो शुरु करलो हुतो कि मखे हुकुम जड़ गयलो। हांव तको वय वात देखाड़ने आवलो छे, काहकी तु परमेश्वर न घण मंगळो छे। हाय तु म्हारा बुलक धियान सी समळ आरु आपसा दर्शन क समझ।
DAN 9:24 थारा मानसे थारा चुखला नगर न वाटे सालन सत्तर हापता नेवाड़ला छे। इनु साल न वितने मा आखे भातीयेन गुणा खतम हुय जासे, पाप खतम हुय जासे, धरमन काम देखाय पड़ने लागसे, दर्शन आरु हुयने वाळी वातोन पाको पुरावो हुयसे आरु परम चुखला जागा न अभिषेक हुयसे।
DAN 9:25 दानियेल हतरान करीन तु यी वात जान ले आरु समझ कि जिना टेम पर यरुशलेम नगर को पछो बनावने आरु हेको पछो बसाड़नेन हुकुम निकाळसे, उना टेम सी लगाड़ीन नेवाड़ला अभिषिक्‍त जो नेतो बी छे, हेको आवनेन टेमे तक सालोन सात हापता हुयसे। तव सालोन साठ ने दुय हापता तक काठली टेम आवसे। इनी काठली टेम मा नगर को फिर सी बनावसे। हेका चोक पछा बनसे आरु खाय पछी खुदायसे।
DAN 9:26 साठ ने दुय हापता न बाद एकदिसरो अभिषिक्‍त होयसे। त्यो मनुस क काट देसे आरु हेको पास मा काहय बी रये। एक अगळवानीयो आवसे। हेकी सेना नगर आरु चुखला जागान को सुनलाझुळा बनाय देसे। आरु हेको नास मोटोपानी आवने सी हुयसे, आरु आखरी तक लड़ाय हुयती रयसे। विनाश हुयनो टाकयलो छे।
DAN 9:27 “त्यो अगुवो घण सवटान क सात मा वातन वायदु कोरसे। इनी पाकी वातन टेम सालन एक हापतान हयसे आरु इनु सालन आदा हापता तक मेल बादा आरु ओनोन बादा चढ़ावनो बन्द कराय देसे। तव भुंनली मुरती पुजा जादा हुयने सी त्यो अगुवो पाको गुणाहगार हुयसे। त्यो उना टेम पर नाश करतो रयसे इव तक हेको नास न टाकली टेम नी आय जाय।”
DAN 10:1 फारस देशन राजा कुसरु न राज काल न तीसरा साल मा दानियेल को जो बेलतशस्सर बी कवायतलो, परमेश्वर न तरफ सी एक वात उजेन्ती हुयी। आरु यी वात छाची हुती, आरु वात न रिस्तो एक मोटी लड़ाय सी हुतो। दानियेल वातन मतलब समझी लीदो। हेनाम दर्शन क समझाड़ने शक्ति हुती।
DAN 10:2 उना दाहड़ा मा दानियेल तीन हापता तक आत्मा न चुखापन वाटे शोक मनाय रीयो हुतो।
DAN 10:3 पुरा तीन हापता हुयने तक हंव वारलो सवादो काणो नी खायो। नी ते हांव मांस खायो आरु नी मुंय मा दाखरस न्हाकीयो। हांव तीन हापता तक डील पर तेलन मालीस बी नी करीयो।
DAN 10:4 पेहला मयनान वीस ने च्यार दाहड़ाम हांव मोटली नदी हिद्देकेल न धड़े उबो हुतो।
DAN 10:5 तव हांव ढुळा उगाड़ीन देख्‌यो कि एक ओदेमड़ो उबलो छे। त्यो सनन छिंदरा पेहरलो छे। हेका कड़ीया मा ऊफाज देश न सोनान पट्टो बान्धलो छे।
DAN 10:6 हेको डील फीरोजा दगड़ा सारको चमकी रयो। हेको रुप विजळीन चमक न सारको हुतो छे हेका ढुळा आगठो उगळने वाळी मसाल न सारको छे हेका कांधा आरु पाय चमकने वाळा पीतळन जसो छे। हेका बुलन अवाज भीड़ न अवाजन सारकी छे।
DAN 10:7 म्हारे सात थुड़ांक मनुस हुता। हेनको यो दर्शन नी देखाय दिदो। यो दर्शन ते दानियेल अतरोत देख्‌यो। पुण त्या कापने लाग बगीया, आरु डुकायने करीन ढास गीया।
DAN 10:8 हांव एखलोत रय गीयो, आरु हांव यो मोटो दर्शन देख्‌यो पर देखनेन बाद मा म्हारे मा ताकोत नी वाची। म्हारो घबरायलो चेहरो बीक न मारे सुखी गीयो आरु हांव कोमजुर हुय गीयो।
DAN 10:9 तव हांव हेका बुल न अवाज समळीयो। हांव अवाज समळी जुन बेहुश हुय गीयो, आरु धरती पर उल्टो मुय न भुरसे पड़ गीयो।
DAN 10:10 पुन कोय को हाथ मखे छिमीयो, आरु मखे हात आरु घुटनान भुरसे भठाड़ीयो। म्हारा हात आरु घटना कांप रीया हुता।
DAN 10:11 त्यो म्हार सी कयो “ए दानिएल, परमेश्वर क मोमगाळा मनुस। जो बुल हांव थार सी कयने जाय रीयो, हेको धियान सी समळ, आरु सुतरो उबो हुय जा; काहकी हांव तको खबर समळाड़ने करीन तारे जुळ मोकलायलो छे।” त्यो मखे या वचन कयतो हुतो कि हांव कापतो जाईन उबो हुय गीयो।
DAN 10:12 त्यो म्हार सी कयो, ए दानियेल, मा बिह, काहकी तु जो दर्शन न मतलब समझनेन वातड़ो विचार करीयो, आरु तु आपसा क परमेश्वर न सामने निचळो बनावलो छे। उना दाहड़ा सी तारी प्रार्थना न बुल परमेश्वर समळी लेदो। हांव थारी प्रार्थना कारण सी या आवलो छे।
DAN 10:13 फारस देशक सोरग दुत मखे वीस ने एक दाहड़ा तक म्हारे सामनो करीन रुक रीयो, आरु हांव थार जुळ नी आय सकीयो। तव मिकायल, जो एक कास सोरगदुत छे, म्हारी मद्त करने करीन आयो। हेका करता हांव फारस देशन राजाक साथे योवीन आवलो छे।
DAN 10:14 कि तुको वो वात समझाड़ो जो युग ज नास मा थारी जाति न लोगहन क साथ मा घटली छे। जो दर्शन तु दखलो छे त्यो आवने थुड़ांक दाहड़ा बाद पुरो हुयसे।
DAN 10:15 जव त्यो मखे यी वात कय चुकीयो तव हांव धरती भेणी मातो झुकाय लिदो आरु चुप हुय गीयो।
DAN 10:16 तव त्यो, जो मानसोन पोर्यान समान देखाय पड़तो हुतो, म्हारा हुटड़ाक क छिमीयो। तव हांव म्हारा हुटड़ाक क खुलीयो आरु यो कयो, “ए म्हारा मालिक, इना दर्शन क कारण हांव दु:ख हाकलिया। म्हारे मा काय ताकोत नी वाची।
DAN 10:17 म्हारा मालिकन यो चाकरीयो हेका मालिक सी वात करनेन हिम्मत कसो कर सके? मालिक, म्हारा डील मा नी ते ताकोत छे आरु नी जीव छे।”
DAN 10:18 त्यो, जो मानसोन समान देखाय पड़तो हुतो, मखे छिमीयो, आरु मखे ताकत आपीयो।
DAN 10:19 त्यो म्हार सी कयो, “ए परमेश्वर न मोंगाळा मनुस! मा बिह, तुको शान्ति जड़े, तु ताकत आरु हिम्मत वाळो बन।” जव त्यो म्हार सी यी वात कयो तव मखे शक्ति जड़ी। हांव कयो, “मालिक, अब तु कय, काहकी तुत् मखे हियाव आपलो छे।”
DAN 10:20 त्यो कयो, तु ते जाने कि हांव थारे पास काह आवलो छे। पुण हांव मखे फारस न राजा सी लड़ाय करने जानो छे। जव हांव हेका सी निपटी लिस, तव युनान क प्रधान आवसे।
DAN 10:21 जो वात खोरला शास्तुर मा लिखली छे वो हांव तुको बताड़ दयो। थारी जाति न सोरगदुत मिकायल न जसो आरु कोय सोरगदुत नी हय, जो हेनका विरुद मा म्हारी मद्त करे।
DAN 11:1 हांव मादी राजा दारा न राजकाल न पेहले साल सी हेकी मद्त करतो आय रीयो, आरु हांव हेको शक्ति बी आपीयो।
DAN 11:2 अब हांव तुको छाचायन दर्शन करावीस। देख, फारस राज मा तीन नया राजा उबजसे, पुन एक आरु राजा पयदा हुयसे। यो चवतो राजा दिसरा तीन राजा सी ज्यादा धनी हुयसे। जव त्यो आपसा धनन लारे ताकतवाळो हुय जासे, तव त्यो युनान राज्य न विरुद मा दिसरा राज्य क बड़कावसे।
DAN 11:3 तव एक नवलो राजा उबजसे जो मोटो लड़ाको हुयसे। त्यो एक मोटा राज को बनबावसे आरु आपसी मरजीन अनसारे उना पर राज करसे।
DAN 11:4 जोत्यार हुयो मोटो होयसे, तोत्यार हेरा राज टुटसे आरु च्यारु चोमखीर वाटायीन् आंगे आंगे होय जासे; आरु नी ते हेरा राजोन ताकोत जोसी होती तोसी रोवसे आरु नी हेरी ओवलियाद काजे काहिन जोड़से; काहाकि हेरो राज उखवीन, हेरी होर आरु मानसो काजे जोड़ जासे।
DAN 11:5 दोखेवरे क मिसर देश न राजा ताकतवाळा बनसे। पुण हेका सेनापती माईन एक सेनापती हेका सी बी जादा ताकतवाळो हुय जासे, आरु त्यो एक नवलो राज को बनवासे, आरु हेको राज्य घणो मोटो राज्य बन जासे।
DAN 11:6 थुड़ांक साल बाद त्या दुयु एक सिसरा सी समझनी करसे। हेन्दरा वीच मा रोटा- बेटी न रिस्तो बनसे। रिस्तो करनेन करता दोखेवरे मिसर देश न राजा हेकी पोराय न वियाव उत्तर देश न राजा सी करावसे। पुण वाँ सारीक हेकी पोराय न ताकोत जलोम बनली नी रये आरु नी ते हेको गराणो बनलो रये हेकी पोराय, पोरायन चाकराय, हेको नाती आरु हेकी पोराय को काठली टेम मा शक्ति आपने वाळो, या आखाक मारी न्हाकसे।
DAN 11:7 तव हेकी पोरायन पिढ़ी न एक जन हेकी जागु पर उठ पड़से। यो सीरिया देशक राजान सेना पर होमलो करसे आरु हेका किला मा भोराय हेका सी लड़से आरु जीत जासे।
DAN 11:8 त्यो हेनका देवतान मुरतीया, ढाळीन बनावली मुरती, मन्दिर न सोना चाँदीन मोहंगला ठिकरान क मिसर देश मा लिजात रयसे। तव त्यो थुड़ांक साल तक सीरिया देश न राजा पर हमलो नी करे।
DAN 11:9 पुण सीरिया दोखेवरे देश न राजा हेका पर हमलो करसे, पुण सीरिया देश न राजा को आपसी हार देखनो पड़से आरु त्यो आपसे देश पछो जात रयसे।
DAN 11:10 ओळते सीरिया देश न राजान पोर्या लड़ाय करसे। त्या मोटी सेनान टुळो बनावीन एखटा करसे जो बाड़ न तसा मिसर देश क ढाक लेसे। त्या हेका माईन जाईन हेका किला तक पुग जासे।
DAN 11:11 तव दोखेवरे मिसर देश न राजा रीस से भरायीन उठसे। त्यो किला सी बाहर निकळसे, आरु सीरिया देश न राजा सी लड़ाय करसे। मिसर या देश न राजा मोटला टुळांक उबो करसे। पुण हेकी मोटला सेनान टुला मिसर देशन राजा न हात मा कर देसे।
DAN 11:12 जव मिसर देश न राजा हेकी सेना क हराय देसे, तव राजा न मन डाहवाय सी भराय जासे। त्यो लाखु सेनिक क मार न्हाकसे, पुण त्यो हेका पर ताजकत वाळो नी हये;
DAN 11:13 काहकी सीरिया देशन राजा ओळी पछी मोटली सेना क तियार करसे; आरु यी सेना पेहली मोटली सेना सी जादा मोटी हुयसे। सीरिया देश न राजा घणा साल बाद आपसी इनी आखा सी मोटी सेना क साथ मा आरु घण मोटो आखे भातियेन समान लिन मिसर देश न राजा पर हमलो करसे।
DAN 11:14 उना दाहड़ा मा घण सवटा लोगहन दोखेवरे मिसर देश न राजा विरुद मा उबा हुयसे। हेकी जाति मा रयीन थुड़ांक लोगहन लड़ाय करसे। काहय दर्शन को पुरो करनेन करता लड़ाय करसे। पुण थारी जाति या लोगहन सफल नी हुये।
DAN 11:15 तव सीरिया देश न राजा हमलो करसे आरु घेरोबान्दीन एक वातड़ा किला पर कब्जु कर लेसे। मिसर दोखेवरे देशन सेना हेके सामने टेकाये नी, आरु नी हेका चुनला लड़ायने वाळा टुळा मा अतरी ताकोत रये की त्या हेनको सामनो कर सके।
DAN 11:16 तव हेका विरुध्द आवसे, आरु कुई भी हेकान सामने उभु नी होय सके। यो आपने आपसुक हेका घाटाळो देश मा उबो करसे, आरु हेका जु उकान नाश करनेक ताकद होसे।
DAN 11:17 एर बाद त्यो आपसा सारा राज्यन पुरी शक्ति को संचित करसे आरु सीरिया देशन राज्य को आपसा हक मा करने इच्छा करसे। पेहले ते त्यो राजाओन क साथ मा मेळभेट करसे आरु ओळते हेको नाश करनेन विचार सी उना राजा क साथ मा आपसी पोरायन वियाव कर देसे। ते बी हेकी यी चालाकी पुरी नी हुये आरु काहय बी फायदो नी हुये।
DAN 11:18 ओळते त्यो दरियान काटा परला राज्य पर हमलो करसे। त्यो त्यो वाँ सारी घण सवटा राज्य पर हक जमाड़ लेसे। पुन एक सेनान हुकुम हेकी डाहळाय को खतम कर देसे। त्यो हेकी डाहळायन अनसारे बदलो आपसे।
DAN 11:19 सीरिया देशन राजा आपसा देश न किला भेणी जाने करीन मुहय फेरवीयो। पर त्यो वाट्येत् ठुकर खायीन पड़ गीयो आरु हेको काय पतो तक नी चालीयो।
DAN 11:20 तव हेका जागा पर एक असो राजा आवसे जो हामरा वेभव संपन्न देश मा एखटा करने वाळान को मोकलसे, पुण थुड़ांक दाहड़ा बाद नश हुय जासे। हेको नाश रीस क कारण सी हुय जासे आरु नी लड़ाय मा हारनेन कारण सी हुयसे।
DAN 11:21 हेका जागा पर एक विनसानियो मनुस गाद्दी पर बठसे जो राज्य वारु कयने जुगु नी रये। जव जनता जागरुक नी रये तव त्यो चेतावनी नी आपे ने गाद्दी पर बठ जासे।
DAN 11:22 सेना हेका सामने पुरी नाश हुय जासे, “वाचा क मुखि” पुजारो बी हेके सामने सी उहवीन नाश हुय जासे।
DAN 11:23 जो राज्य हेका साथ मा वात बाँधसे त्यो उना राज्य सी बी धुकु करसे। त्यो थुड़ांक मनख्या ने भुरसे ताकत वाळो बन जासे।
DAN 11:24 त्यो उचकाळुन परदेशन वारु वारु जागा पर हमलो करसे। त्यो असा-असा विनलाग्या काम करसे जो काहय पीढ़ी तक हेका बाप दादा बी नी करला हुता। त्यो लुटन माल आरु धन-सम्पत्ति आपसा लोगहन मा वाट देसे। त्यो थुड़ी टेम तक किलान विरुद मा षड़यन्त्र बनावसे।
DAN 11:25 हेका बाद मा त्यो दोखेवरे आपसी ताकोत आरु आपसी हिम्मतन कारण अतरो उतवाळीयो हुयसे कि त्यो एक मोटी सेना को लीन मिसर देश पर हमलो कर देसे। मिसर देश न राजा बी मोटी सेनान क साथ मा लड़ाय मा हेको सामनो करसे, पुण त्यो हेके सामने नी टेके; काहकी हेकात् देश मा हेका विरुद मा विचार बनावसे।
DAN 11:26 याँ तक की त्या लोगहन जो हेका साथ मा एकुत् थाळी मा खाय, हेकी नुक्शानी हाथ लगाड़ से की सेना नाश हुय जासे। घण सवटा सेनिक को मार न्हाकसे।
DAN 11:27 तव दुयु राजाओन क मन भुण्डला काम करने करीन उतवाळीया हुय जासे। त्या एकुत् टेबले पर बठीन बी एक दिसरा सी झुट कयसे। पुण उना सी काय फायदो नी हुये; काहकी इनी आखी वातन नास टाकली टेम पर हुयसे।
DAN 11:28 तव सीरिया देश न राजा मिसर देशन मोटली लुटपाट को लीन आपसा देश भेणी पछो जात रयसे। पुण हेको मन चुखला शास्तुरन विरुद मा हुयसे। त्यो आपसा वायदा न अनसारे मोटला चुखला नगर मा काम करसे आरु पछो आपसा देश मा जात रयसे।
DAN 11:29 टाकला टेमपर त्यो पछो दोखेवरे मिसर देश पर हमलो करसे, पुण इनी वार पचली वारुन तसी हेनकी नी चाले।
DAN 11:30 दरीया न काठा पर रयने वाळा कित्तिया न जहाज हेका विरुद मा मिसर देश मा आवसे आरु त्यो बीहविन पछो ढास जासे। त्यो पछो जाता टेम पर हेकी रीस मोटला चुखला नगर पर उतारसे आरु चुखला शास्तुर विरुद मा आपसी वायदु पुरु करसे। पछो आवनेन बाद त्यो हेनु लोगहन क हेरसे जे चुखला शास्तुर छुड़ दिदा।
DAN 11:31 तव हेके लारे मोकल्‌ला सेनान टुळो चुखला जागा आरु किला को विटोळ कर देसे। त्या लगत आग्ठान बलि क बन्द कर देसे त्या उनी भुंनली चीज को उबा करसे जो उजाड़ कराय देय।
DAN 11:32 जु भुण्डलु मनुस नियम क तुड़से, हेको त्यो गुळी-गुळी वातो सी भड़काय देसे। पुण जिन लोगहन को परमेश्वरन जानता हसे त्या आपसा वायदा मा वातड़ा रयसे आरु वारु काम करसे।
DAN 11:33 जो लोगहन समझदार छे, त्या जनता न घण सवटा लोगहन को समझाड़से। पुण हेनका इना काम वाटे हेनको मरनो पड़से। हेनको तलवार सी मोतन घाट उतार देसे; हेनको धपतला आग्ठा मा न्हाक देसे; हेनको जेल खाना मा न्हाक देसे आरु हेनकी धन सम्पत्ति को लुट लेसे। यी तकलीफ थुड़ांक दाहड़ा वाटे हुयसे।
DAN 11:34 जव हेनु पर दु:ख आवसे, तव हेनको काहय बी मद्त नी हये; पुण घण सवटा लोगहन हेनकी चिकनी चुपड़ी वात करीन हेनु मा मेळ कर लेसे।
DAN 11:35 थुड़ांक समझदार लोगहन बी पड़ जासे। त्या अतरान करीन पड़से कि त्या आपसा भुरसान करता पारखाय जाय त्या आपसा विश्वास मा चुखा आरु उजळा हुय जाय। यी वात अन्तन टेमे तक बनली रयसे; काहकी एनी सब वातोमन नास टाकला टेम पर पुरो हुयसे।
DAN 11:36 आरु राजा आपसी मरजीन अनसारे काम करसे। त्यो आपसा को आखा देवता सी मोटो बनावसे आरु आपसा को हेनु सी मोटो देखाड़से। त्यो आखा सी मोटा परमेश्वर न बी विरुद मा वात करसे। त्योतव तक सफल हुयतो रयसे जव तक कि हेका पापन भार नी बढ़ जाय; काहकी जो टाकलो छे त्यो ते हुयसे।
DAN 11:37 त्यो हेका बाप दादान देवतान परवा नी करे आरु नी ते बाय जातन मोंगाळा इष्ट देवन। त्यो काहला बी देवता न परवा नी करसे, काहकी त्यो आपसा को सब देवता सी मोटो देकाड़से।
DAN 11:38 त्यो हेनु देवता न जागा पर वातड़ा गढ़न देवतान पुजा करसे। इना देवता हेका बाप दादा बी नी जानता हुता। त्यो सोना, चाँदी, बेस मोहंगा दोगड़ा आरु कास चीज इना गढ़ देवता को चढ़ावसे।
DAN 11:39 त्यो एक दिसरा देवतान मद्त सी सब वातड़ा गढ़ पर हमलो करसे। जो लोगहन हेको हेनको मालिक मान लेसे, हेनको त्यो घणो विजुत आपसे। त्यो हेनको घण सवटा लोगहन क उपर राजपाठ आपसे आरु हेनको इनाम मा धरती पर जागो आपसे।
DAN 11:40 आखरी टेम मा दोखेवरे मिसर देश न राजा हेको उपर हमलो करसे। पुण सीरिया देशन राजा घुड़सवारी आरु भुत्यान तसो हेका पर हमलो कर देसे। त्यो काहय देशो मा भराय जासे आरु त्यो नहेनको उल्टो पुल्टो कर देसे आरु हेनु मा जाता जाईन अगा बढ़तो जासे।
DAN 11:41 त्यो हामरा उचला देश मा बी आवसे। हामरा देश न रयणे वाळा लाखु लोगहन को मार देसे। पुन एदोम आरु मोआब आरु अम्मोन देश न खास भाग हेनका नाश करनीया हात सी वाच जासे।
DAN 11:42 त्यो दिसरा देशक दाबनेक करता हाथ बढ़ावसे आरु मिसर देश बी हेका हात सी नी वाचे।
DAN 11:43 त्यो मिसर देशन सोनो-चाँदी आरु दिसरी मोहंगी चीजन मालिक बन जासे। लीबिया आरु इथियोपिया देश न निवासी बी हेको नेचा हुय जासे।
DAN 11:44 पुन पुरब आरु उत्तर सी खबर आवसे, जेको अमसळीन त्यो घबराय जासे आरु रीस सी भरायीन घण सवटा लोगहन को नाश करने आरु चिंता करने करीन वाँ सी हेनको निकाळसे।
DAN 11:45 त्यो दरीया आरु नावसादीया बयड़ान वीच मा आपसो राजन तंबु गाड़से। ते बी हेको आखरी टेम आय जासे हेको वाचाड़ने वाळो कोय नी रये।
DAN 12:1 उना टेम पर मोटलो सोरगदुत मिकायल, जो थारी जातिन सोरग दुत छे, राखवाळी करने वाटे आवसे। त्यो पीड़ान टेम हुयसे। राष्ट्र न उबेजणे सी लगाड़ीन अब तक असी पीड़ा कदी नी हयी। पुण इनु पीड़ान दाहड़ा मा थारी जाति छुटकारो बी हुयसे। जिन लोगहन को नाव परमेश्वर न परमेश्वर न किपात मा लिखलो छे। त्या सब वाच जासे।
DAN 12:2 जो धरतीन नेचा बिड़ा मा सुवला छे, हेनुम सी घण सवटा जाग उठसे थुड़ांक को जलोम को जीवन जड़से, थुड़ांक काजे वायकेड़ा उड़ावसे आरु विनलागिया बननो पड़से।
DAN 12:3 जो समझदार लोगहन हसे, त्या आकाशमण्डल न विजाळा सारका चमकने वाला रयसे। आरु जो घण सवटा क धरमी बनाया, त्या जलोमका तारा न सारका चमकणिया हुयसे।
DAN 12:4 ए दानियेल, तु इनी किपात पर मुहर लगाड़, आरु आखरी टेम वाटे इनी वात को समाळीन राख। गण सवटा लोगहन पुछणेन करता याँ ने वाँ दवड़से, आरु आपसी ओकल को वदाड़से।
DAN 12:5 दानियेल उपर देख्‌यो, ती आरु दुय मनुस देखाय पड़ीया। एक मनुस नदीन इना धड़ मा उबलो हुतो आरु दिसरो नदी पल धड़ मा।
DAN 12:6 हांव उना मनुस को जो सनन छिंदरा पेहरी नदीन पानी पर उबरयलो हेका सी पुछियो, “इनु विनछेळीया काम न घटनेन टेम कतरो छे?”
DAN 12:7 जो मानुस छिंदरा पेहेरलो होतो चो नदीन उपोर होतो त्यो हेको जेवड़ीयो आरु डाकरीयो हाथ सोरग भेणी हुचलीयो, आरु हेको जलोम जीविता परमेश्वर न कसम लेतला समळीयो: साढ़ी तीन साल तक यी हालत रयसे। जव चुखला लोगहन नी ताकत टुटता-टुटता खतम हुय जासे, तव यी सारी वात पुरी हुयसे।
DAN 12:8 हांव हेकी यी वात अमळीयो पुन हांव नी समझीयो। अळते हांव ओळी पुछियो, “म्हारा मालिक, इनु वातोन आखरी फोव काय हुयसे?”
DAN 12:9 पुण त्यो जवाब दिदो, दानियेल, अब आय जा। यी वात आखरी टेम वाटे बंद हय गयली छे।
DAN 12:10 इना टेम पर घन सवटा विश्वासी जन आपसा चुखो, निचळा आरु उजळा कर लेसे, पुण विनलिया लोगहन भुण्डला कामेत् करता रयसे, आरु कोय बी पापी इनी वात को नी समझे। पुण जो समझदार छे त्या इनी वात को समझी जासे।
DAN 12:11 जिने दाहडे चुखला मन्दिर मा लगत आग्ठान बलि चढ़ावनो बन्द कर दियो जासे आरु भुंनली चीजन कोउबी करसे, जो नाश क कारण हुयसे, उना दाहड़े सी नोव सोव नब्बे दाहड़ा वीतसे।
DAN 12:12 सयाळा छे चे मनुस जो गम राखीन एक हजार तीन सोव तीस ने पाच दाहड़ा पुरा करसे।
DAN 12:13 “दानियेल हांय तु जा थार जीवनन आखरी टेमे तक आपने वाट्ये चालतो रय आरु तुको आराम जड़से। उना दाहड़ान आखरी मा तुको थारो चुनलो भाग तुको जड़से।”
AMO 1:1 तकोआ गांव मा रोवने वावु आमोस जु गाडरा बुकड़ान गुवायाम गोथु होतु, हेरा ये बुले छे जु तेना योहुदान राजा उज्जियाह क, आरु योआसन पुर्यो इसराएलन राजा यरुब्बामन दाहड़ाम, भुकोम गोथु दुस साल पेहले, इसराएलन वाराम दोरसोन देखिन कोवे:
AMO 1:2 योहोवा सियोन सी कुराटो देसे, आरु योरुसालेम गोथु आपसो बुल सोमवाड़से; तोत्यार तोत्यार गुवायान चारवाय कोलेपसे, आरु कार्मेलन चोटी चुयनाय जासे।
AMO 1:3 यहोवा ओसु कोवे : दोमिस्कन ताव तावोन गुनान कोरता हांव हेरो डोन नी छुड़ो; काहकि चे गिलादोन लुहड़ाक होव गेरन्ये कोरीन कुसनी नाखला छे।
AMO 1:4 एरकरीन हांव होजाएलन राजान किला मा आगठो लागाड़ीस, आरु हेरेसी बेन्हदोदन राजान बोंगला वी नाश होय जासे।
AMO 1:5 हांव दोमिस्कन साकळीयाक तुड़ नाखीस आरु आवेन नावोन घाटिम रोवने वावाक आरु बेतएदेन घोर मा रोवने वावा राजा डोन आपन्या घोरानाक नास कोरीस; आरु अरामन मानसे बान्दवाय होईन कीर जासे, योहोवान योत् बुल छे।
AMO 1:6 योहोवा ओसु कोवे: गाजान ताव तावोन गुनान कोरता हांव हेरो डोन नी छुड़ो; काहकि चे आखा मानसे बांदवाय मा कोरीन ली गोया कि हेनुक एदोमोन होकोम कोर देजे।
AMO 1:7 एरकरिन हांव गाजान मोटला भितड़ाम आगठो लागाड़ीस आरु हेरेसी हेरा मोटलो किला नास होय जासे।
AMO 1:8 हांव ओशदोदोन रोवनेवावाक आरु ओसकोलोनोन राज कोरन्‌या घोरानाक वी नास कोरीस; हांव आपसो हात एक्रोनोन विरुद् चालाड़ीस, आरु वाचला पोलिस्ती मानसे नास होयसे, परमेश्वर योहोवान यो बुल छे।
AMO 1:9 योहोवा ओसु कोवे: सोरोन तिन काय पुन च्यार गुनान कोरता हांव डोन आपनो नी छुड़ो; काहकि चे आखा मानसोक बोन्दी बोनावीन एदोमोन होकोम कोर देदा आरु भाइस्योन वायदाक फोम नी कोर्या:
AMO 1:10 एरकरीन हांव सोरोन मोटला भितड़ा पोर आगठो लागाड़ीस, आरु हेरेसी हेरो मोटलो घोर वी नास होय जासे।
AMO 1:11 योहोवा ओसु कोवे: एदोमन ताव तावोन गुनान कोरता हांव हेनाक डोन आपने नी छुड़ो; काहकि होयु आपसा भाईस्योक तोलवार लिन मार देदु आरु थुड़ीक वी गिन नी कोर्यु, पुन रिसो सी हेनुक एक पोट्यु फाड़तुत् रोयु, आरु आपसी रिस घोना दाहड़ा जुगु बोनाविन राख्यु।
AMO 1:12 एरकरिन हांव तेमान मा आगठो लागाड़ीस, आरु हेरेसी बोसरान मोटलो किला वी नास होय जासे।
AMO 1:13 ओम्मोन योहोवा ओसु कोवे ओम्मोनन ताव तावोन गुनान कोरता हांव हेनाक डोन आपने नी छुड़ो काहकी चे आपसी काकोड़ काजे वोदाड़ने जुगु गिलादोन भारपाये बायरान पेट काजे चिर नाख्या।
AMO 1:14 एरकरिन हांव रोब्बा न मोटला भितड़ा मा आगठो लागाड़ीस, आरु हेरेसी मोटलो किला वी नास होय जासे। तेनु लोड़ाईन दाहड़ाम हुहड़ु होयसे, चु आंजी पुन भुत्यान दाहड़ु होयसे;
AMO 1:15 आरु हेन्दरु राजा आपसा मुख्या भेव गुलामी मा जासे, योहोवान योत् बुल छे।
AMO 2:1 मोआब योहोवा ओसु कोवे: मोआबन ताव तावोन गुनान कोरता, हांव हेरा डोनोक नी छुड़ो, काहाकि होयु एदोमन राजान हाड़का धोपाड़ीन रुखड़ो कोर देदु।
AMO 2:2 एरकरीन हांव मोआब मा आगठो लागाड़िस, आरु हेरेसी करियोतोन मोटलो किला वी नास होय जासे; आरु मोआब गोगलु आरु हुहड़ु आरु मोटला फेपारियान बुल होयतात् मोर जासे।
AMO 2:3 हांव हेरे इचमा गोथु नियाव कोरन्‌या मुखीन नास कोरीस, आरु पुठि पुठित् हेरा आखा मुखिक वी मार दिस, योहोवान योत् बुल छे।
AMO 2:4 योहुदा योहोवा ओसु कोवे: योहुदान ताव तावोन गुनान करता, हांव डोन आपनो नी छुड़ो; काहाकि चे योहोवान कायदाक उदुड़ जान्या, आरु मारा नेम काजे नी मान्या; आरु आपसा झुटा देवधानीन कोरता जोतरा हेन्दरा डाहडा चालता होता, चे वी भोटकी गोयला छे।
AMO 2:5 एरकरिन हांव योहुदा मा आगठो लागाड़ीस, आरु हेरेसी योरुसालेमोन किला नास होय जासे,
AMO 2:6 योहोवा ओसु कोवे: इसराएलोन ताव तावोन गुनान कोरता, हांव हेरो डोन नि छुड़ो; काहाकि चे विनगुनाका क रुप्या जुगु आरु गोरब्याक एक जुड़ी खासड़ान कोरता वेच नाखला छे।
AMO 2:7 चे गोरब्यान मुनका पोरुन धुवान वि हाय कोरे, आरु निचवा मानसोक वाटे गोथा छेटा कोरे; आरु बास-बेटा दुयु एक छल्लीन चा जाय, जेरेसी मारा चुखला नाव क विटोळ कोराया।
AMO 2:8 चे आखी बेदीन चा खोन्डला छिन्दरा पोर सुवे, आरु डोनोन रुप्या सी मुले लेदला ओन्गुरोन रोस आपसा परमेश्वरन घोरमा पी लेये।
AMO 2:9 हांव हेन्दरे ओगोव एमोरियान क नाश कोरलो हुतो, जेन्दरी नाम्बाय वेला सारकी होती, आरु जेन्दरु दोम ओंजीर झाड़ सारको होतु; तेवी हांव उपोर गोथु हेरो फोळ, आरु नेचु गोथु हेरा मुवे नास कोरलु।
AMO 2:10 हांव तुमुक मिसर देस गोथु निकाविन लायु, आरु जोंगोल मा चावीस साल लोगुन लिन फिरतु रोयु, कि तुमु एमोरियान देसोन होकदारिया होय जावु।
AMO 2:11 हांव तुमरा पुर्या मा गोथु कागळीया होयने जुगु आरु तुमरा थुड़ाक जुवान मा गोथु नाजीर होयने जुगु नेवाड़्यु। ऐ इसराएलिया, काय यो आखो छाचो नी होय? योहोवान यो बुल छे।
AMO 2:12 पुन तुमु नाजीर काजे ओन्गुरोन रोस पाव्या, आरु कागळीया काजे हुकुम आप्या की ओगवाती वात नी कोरे।
AMO 2:13 देखु, हांव तुमुक ओसु डाबीस, जोसा पुवा सी भोरायली गाड़ी नेचो डाबाय जाय
AMO 2:14 एरकरिन जुर्रे दोवोड़नेवावाक ढासने जानेन जागु नी जोड़े, आरु ताकोत वावान ताकोत काहिन काम नी देये; आरु नी जुरो वावु आपसु जिव वाचाड़ सोके;
AMO 2:15 धोंदली वावा उबा नी रोय सोके, आरु उतवाया दोवोड़नेवावा नी वाच सोके; सोवार वी आपसे जीव नी वाचाड़ सोके;
AMO 2:16 आरु हिमोत वावा मा जु जादा गोम खान्यु होय, चो वी तेने दाहड़े नांगरोत् ढास जासे, योहोवान योत् बुल छे।
AMO 3:1 ऐ इसराएलियो, यो बुल समवु जो यहोवा तुमरे वाराम मोतलोब आखा घोरानान वाराम कोवलो छे जेनको हांव मिसर देस गोथु लावलो छे:
AMO 3:2 कोवीन आखा घोरानाम गोथा हांव तुमुक ओतरु गिन कोरलु छे, ओतरान कोरता हांव तुमरा आखा पापोन डोन आपीस।
AMO 3:3 “कोदाम दुय मानसोन आमी सामी राजी नी हय; ती काय चे एकठा चाल सोकसे?”
AMO 3:4 काय नाहार विगुर सिकार हात कोरे जंगल मा गांगेरसे? काय जुवान नाहार विगुर काहिन धोरे आपसा दोरोम डोखारसे?
AMO 3:5 काय चिल्‌ला विगुर फांदोन फांदे पोड़से? काय चिल्‌ला धोरनीयो विगुर काहिन फान्‌दे पोड़ला फांद काजे धोरती पोर गोथो आपसी जाव काजे एकठो कोरसे?
AMO 3:6 काय काहना सोहरोम मोटला फेपारिया काजे फुकसे ती मानसे थोर-थोर नी कापे? काय योहोवान विगुर मुकले काहना सोहोरोम काहिन पिड़ा पोड़से?
AMO 3:7 इने रिते पोरबु योहोवा आपसा दास कागळीया पोर आपसी सातायली वात उजेन्ती कोरे विगुर काहिन वी नी कोरे।
AMO 3:8 नाहार गांगेरे; कुन नी बीहये? परमेश्वर योहोवा कोयु: कुन ओगवायती वात नी कोरे?
AMO 3:9 ओसदोदोन मोटला किला आरु मिसर देसन राजान किलाम पोरचार कोरीन कोवु: सामरियान बोयड़ा पोर एकठा होयीन देखु कि हेरेम कायत् मोटु हुहड़ु आरु हेन्दरे इचमा कायत् वेला पाड़नेन काम होय रोया छे!
AMO 3:10 योहोवान यो बुल छे, जे मानसे आपसा मोटला घोरोम लोड़ाय आरु ठोगीन लावलो धोन एकठा कोरीन मेक रोया, चे सुतरो काम कोरनो जाने नी।
AMO 3:11 ओतरान कोरीन परमेश्वर योहोवा ओसु कोवे: देसक घेरोवनेवावु वेरी होयसे, आरु हुयो तारा जुर काजे तुड़से, आरु तारा मोटोला किलाक लुट ली जासे।
AMO 3:12 योहोवा ओसु कोवे: जिने रिते गुवायु नाहारोन मुयोम गोथु दुय पाय एने कानटान एक टुकड़ु छुड़ावे, तोसात् इसराएली मानसे, जे सामरिया मा आथरुनोन एक खुना एने सुवावी गादी पोर बोठ्या कोरे, चे वी छुड़ाय लेसे।
AMO 3:13 सेनाओन परमेश्वर, पोरबु यहोवान यो बुल छे, देखु, आरु याकुबोन घोराना विरुद् मा गोवाय देवु।
AMO 3:14 जिने टेमे हांव इसराएल काजे हेरा गुनान डोन आपीस तेने टेमे हांव बेतेलोन बेदीया काजे वी डोन आपीस, आरु बेदीन सिंगड़ा टुटिन धोरती पोर हिट पोड़से।
AMO 3:15 हांव सेव्वान टेमे घोरो काजे आरु तोपोन टेमेन घोरो काजे दुयोक हिट पाड़ीस; हातिन दातो वेर बोनला घोरे वी नास होयसे, आरु मोटला मोटला घोरे वी नास होय जासे।
AMO 4:1 ओ सामरी राज्यन मातभोर बायरा, यी खबर समळो, जे गोरब्या पोर कुहराय कोरु, आरु जिन्दरे जुळ धोन नी होय तेनुक वेला पाड़ु, तुमु आपसा धेणी क हुकुम आपे, मोंद लाविन आपु ने आमु पीजे तोसे!
AMO 4:2 परमेश्वर योहोवा आपसु चुखलु कोरीन आन खाईन कोवे, देखु, तुमरे पोर ओसा दाहड़ा आवनेवावा छे, कि तुमु काटा वेर, आरु तुमरी ओवलियाद माछान गोळी वेर हापकी ली जासे।
AMO 4:3 तुमरे माईन हर एक भितड़ा न चिराड़ा माईन सुदी निकवी जासु आरु होरमोन बयड़ा मा नाखाय जासु, योहोवान योत् बुल छे।
AMO 4:4 बेतेल मा आवीन गुनु कोरु, आरु गिलगाल आवीन बेसका गुना कोरु; आपसी बादा दाहड़ु उगतात्, आरु आपसो दोसमास होर तिसरे दाहड़े लीन आया कोरु।
AMO 4:5 धोन्यावोदोन बादा खोमिर भेसकिन चोड़ावु, आरु आपसी मोरजीन बादान वात कोरीन तेरो पोरचार कोरु; काहाकि ऐ इसराएलियो, ओसो कोरनो तुमुक वारु लागे, परमेश्वर योहोवान योत् बुल छे।
AMO 4:6 हांव ते तुमरा आखा सोहरो काळ मुकल्‌यु, आरु तुमरा आखा जागा मा रुटान कोमी कोरलु छे, ते वी तुमु मारे भेनी फिरिन नी आवे, योहोवान योत् बुल छे।
AMO 4:7 जोत्यार काटनीन तिन मोहना रोय गोया, तोत्यार हांव तुमरे जुगु पानी नी पाड़ो: हांव एक सोहोरोम मा पानी पाड़ीस दिसरा सोहरोम नी पाड़ो; एक खेतोम पानी पाड़ीस, आरु दिसरा खेतोम तेरेम नी पाड़ो, चो सुख गोयो।
AMO 4:8 मानसे एक नगर गोथा दिसरे नगर जाने लोगुन पानी जुगु मोर्‌या-मोर्‌या फिर्‌या, ती पुन तिस नी भागी: ते वी तुमु मारे भेनी नी फिरु, योहोवान योत् बुल छे।
AMO 4:9 हांव तुमुक गोरमी आरु मोहतान किड़े कोरीन मारलु छे; आरु जोत्यार तुमरी वाड़ी आरु ओन्गुरोन वाड़ी, आरु अंजीर आरु जैतुनोन झाड़ बेसका होय गोया, तोत्यार टिड्या तेनुक खाय गोया; तेवी तुमु मारे भेनी फिरिन नी आया, योहोवान योत् बुल छे
AMO 4:10 हांव तुमरे इचमा मिसर देस जोसी माहामारी लागाड़्यु; हांव तुमरा घुल्‌लाक हापकाड़ीन तुमरा जुवान्या काजे तोलवारो वेर माराय देदु; आरु तुमरा पोड़ावान गोंदायनो तुमरेनचा मुकल्यु; ते वी तुमु मारे भेनी फिरिन नी आया, योहोवान योत् बुल छे।
AMO 4:11 हांव तुमरे मा गोथु लोकते काजे ओसु उथलाय देदु, जोसु परमेश्वर सोदोम आरु गमोरा काजे उथलाय देदलु, आरु तुमु आगठाम गोथा निकावला लाकड़ा जोसा कोवाया, तेवी तुमु मारे भेनी नी फिरिन आया, योहोवान योत् बुल छे।
AMO 4:12 ओतरान कोरीन, ऐ इसराएल, हांव तुसेक ओसुत् कोरीस, आरु एरकरिन हांव तारेम यो काम कोरनेम छे, ए इसराएल, आपसा परमेश्वर ओगोव आवन कोरिन तियार होय जा!
AMO 4:13 देख, बोयड़ाक बोनावने वावु आरु वाहवीक घोड़नेवावु, आरु मानसोन मोनोम विचार देखाड़नेवावु आरु सान्तो आन्धारो कोरनेवावु आरु जे धोरतीन उचला जागा पोर चालने वावा छे, तेरो नाव सेनाओन परमेश्वर योहोवा छे!
AMO 5:1 ऐ इसराएलोन घोराना, इना दुखोन गीतोन बुल सोमवु जो हांव तुमरे वाराम कोवो
AMO 5:2 इसराएल देस कुवारी पुराय छे जी हिट पोड़ी, आरु ओळी उठी नी सोके; होयी आपसीत् जागा पोर हिट पोड़ली छे, आरु उठाड़नेवावो कुदु नी।
AMO 5:3 काहकि परमेश्वर योहोवा ओसु कोवे। जिना सोहोरोम गोथा होजार निकेवता होता, तिनाम इसराएलोन घोरानान सोवुत् वाचला रोवसे, आरु जेरेम गोथा सोव निकेवता होता तिनाम दोस वाचला रोवसे।
AMO 5:4 योहोवा, इसराएलोन घोराना काजे ओसु कोवे, मारी हेर मा लागु, ती जिवतेला रोवसु।
AMO 5:5 बेतेलोन हेर मा झुन लागु, नी गिलगाल मा भोरायु, आरु नी बेरसेबा जावु; काहकि गिलगाल छाचिन गुलामी मा जासे, आरु बेतेल सुनलो पोड़से।
AMO 5:6 योहोवान हेर कोरु, ती जिवतेला रोवसु, नी ते हुयो युसुफन घोराना पोर आगठा सारको भोड़ेकसे, आरु हुयो तिनुक नास कोरसे, आरु बेतेल मा कुदु उलेवने वावो नी रोवसे।
AMO 5:7 ऐ नियाव काजे जोहोर वाळी वात मा बोदेलनेवावा आरु छाची नियाव काजे धुवा मा भेसेकनेवावा!
AMO 5:8 जे नानला तारा आरु होयनीन सिंगड़ान तोसा चोमेकन्‌या तारा बोनावनेवावु छे, जु बेसका आंधाराक वी सोंदारेन विजावो बोनावे, जु दाहड़ान आंधारो कोरीन रात बोनाय देये, आरु दोरीयान पानी सुकला जागा उपोर उहवाड़ देये, तेरो नाव योहोवा छे।
AMO 5:9 हुयो ताकोत वाळान क तेतारुत् नास कोर देये, आरु किला काजे वी आखो नास कोर देये।
AMO 5:10 जु नियावोन मिटिंग मा गुनु लागाड़ देये हेरेसी चे घाड़ाय रोवे, आरु वारली वात कोरनेवावा सी कुहराय कोरे।
AMO 5:11 तुमु गोरब्या काजे वेला पाड़ु, आरु हेन्दरा ओन पोर फाळु कोरीन मांग लेतला, एरकरिन जे तुमु दोगड़ान घोर बोनावला छे, तिनुम रोय नी सोकु; आरु जो गोंहतो ओन्गुरोन वाड़ी तुमु लागाड़ला छे, तिनु ओन्गिरन रोस नी पी सोकु।
AMO 5:12 काहकि हांव जानो कि तुमरा गुना भारी छे कि तुमु वारला मानसो काजे वेला पाड़ु आरु पोस्या मांगु, आरु झोपला पोर गोरब्यान नियाव काजे बिगाड़ु।
AMO 5:13 ओतरान कोरता जे समझदार होय, चे एने टेमे हुगा रोवे, काहकि टेम वारु नी होय।
AMO 5:14 ऐ मानसो, बुराय नी, भोलाय काजे हेरु, कि तुमु जिवतेला रोवु; आरु सेनाओन परमेश्वर योहोवा छाचिन तुमरेत् पुठी रोवसे, जोसा तुमु कोया कोरत्‌ला।
AMO 5:15 बुराय सी सीगी आरु भोलाय सी मोंग राखु, आरु नियावोन मिटिंग काजे एक जागे कोरु; काय जानु सेनाओन परमेश्वर योहोवा युसुफन वाचला पोर गिन कोरे।
AMO 5:16 ओतरान कोरता सेनाओन परमेश्वर पोरबु योहोवा ओसु कोवे: “आखा चोवराया मा रोड़नो कोलेपनो होयसे; आरु आखी वाटो मा मानसो हाय, हाय, कोरसे!” चे किरसान्या काजे रोड़ने जुगु, आरु जे मानसे कोलेपने मा पाका छे, तेनुक रोड़ने कोलेपने बुलावसे;
AMO 5:17 आरु आखा ओन्गुरोन वाड़ीया मा रोड़नो कोलेपनो होयसे, “काहकि योहोवा ओसु कोवे, हांव तुमरे इचमा गोथु होईन जाइस।”
AMO 5:18 हाय तुमरे पोर, जे योहोवान दाहड़ान होर कोरता होय! योहोवान दाहड़ा तुमरा काय नोफान होयसे? हुयो ते विजावान नी, आन्धारान दाहड़ा होयसे।
AMO 5:19 जोसु कुदु नाहार सी ढासे आरु तिनाक रिछड़ो मेवाये; एने घोर मा आविन भितड़ा पोर हात मेके आरु घोड़सु तिनाक ठुनकाय देये।
AMO 5:20 काय यो छाचो नी होय कि योहोवान दाहड़ा विजावान नी, पुन आन्धारात् जुन होयसे? हाव, ओसो बेसको आन्धारो जेरेम काय वी चोमके नी।
AMO 5:21 हांव तुमरा तिहवार सी सिगी कोरो, हेनुक हांव नी मानो, आरु तुमरी मोटली मिटिंग सी हांव खुस नी।
AMO 5:22 चाहाय तुमु मारे जुगु होमबली आरु ओनोन बादा चोड़ावु, तेवी हांव खुस नी होयो, आरु तुमरा पावला ढुरोन बादा भेनी नी भावो।
AMO 5:23 आपसा गीतोन गोगलु मारे गोथा छेटा कोरु; तुमरा वाजान सुर हांव नी सोमवो।
AMO 5:24 पुन नियाव क नदीन सारको आरु छाचाइन आटे नी ओसला खुदरा सारको उहवने देयु।
AMO 5:25 ऐ इसराएलोन घोरान, तुमु जोन्गोल मा चावीस साल लोगुन ढुरोन बादा आरु ओनोन बादा काय मेसेत् काजे चोड़ावता रोया?
AMO 5:26 तुमरा ते राजान तम्बाक, आरु तुमरा मुरतिया न पाटला आरु तुमरा परमेश्वर न तारा लिन फिरे।
AMO 5:27 इना करण सी हांव तमुक दमिश्क न उना पार गुलामी मा कर दिस, सेनाओन परमेश्वर क योत् वचन छे।
AMO 6:1 विखू तेनु पोर जे सियोन मा सुके रोवे, आरु तेनु पोर जे सामरियान बोयड़ा पोर बिहये विगुर रोवे, चे जे वारु मुलुकोम नावसादया छे, जिन्दरे जुळ इसराएलोन घोरानो आवे
AMO 6:2 कलने सोहोरम जाईन देखु, आरु वां गोथा होमात नावोन मोटला सोहोर मा जावु; ओळी पोलिस्तीयान गोत सोहोर मा जावु। काय ये मुलुक तुमरा दुय मुलुक गोथा वारु छे? काय हेन्दरी काकोड़ तुमरी काकोड़ गोथी मोटी छे?
AMO 6:3 तुमु भुन्डला दाहड़ाक छेटा कोर देये, आरु लड़ायीन गादी क धोड़े ली आवतेला।
AMO 6:4 तुमु हातिन दातोन खाटला पोर लुटु, आरु आपना आपना आथरुन पोर पाय नांबा कोरीन सुवु, आरु वारु गोंहोवता गाडरा आरु जोबरा आरेग्‌ला वाछड़ा काजे खाय।
AMO 6:5 तुमु झुनगा पुठी गीते गावु आरु दाऊद जोसा भाति भातिन वाजान आवाज निकावु;
AMO 6:6 आरु कोटेवराम गोथो मोन्‍द पीयु, आरु वारु वारु तेल लागाड़ता होय, पुन युसुफ पोर आवनेवावी पिड़ान वाराम सोमवीन नी घाबरायतेला!
AMO 6:7 ओतरान कोरीन चे हेमी देसोम गोथा निकाय देसे, आरु जे पाये खोळवीन सुवता होता, हेन्दरो सुक जातो रोवसे।
AMO 6:8 परमेश्वर योहोवा आपसीत् आन खाईन कोवलु छे, जिना पोर याकुब घाड़ाय कोरे, तेरेसी हांव कुहराय, आरु हेरा किला सी सीगी कोरो; आरु हांव इना सोहोर काजे तेनु आखा भेळ जो हेरेम छे, वेरीन होकोम कोर दिस।
AMO 6:9 कोदाम काहना घोरोम दोस ओदमी वाचला रोवे, तेवी चे मोर जासे।
AMO 6:10 जोत्यार कुदान काकु, जु तेरु धोपाड़नेवावु होय, हेरा धोड़ काजे घोरोम गोथो निकावने जुगु हुचेलसे, आरु जो घोरोन खुनाम रोवे तिना सी कोवसे, काय तारे जुळ कुदु ओळी छे? तोत्यार हुयो कोवसे, कुदु नी: “तोत्यार हुयो कोवसे” हुग रोव! हामुक योहोवान नाव नी लेनो जुवे।
AMO 6:11 काहाकि योहोवान हुकुम सी मोटलो घोर भुकरा भुकरा होय जासे, आरु नानला घोरोम चिसाड़ा होयसे।
AMO 6:12 काय घुल्‌ला चाफरिया पोर दोवड़े? काय कुदु ओसा जागा मा बुल्यो काजे जुपे जां तुमु मानसे नियाव काजे जोहोर मा, आरु नियावोन फोळ कोड़वा फोळ मा बोदली नाखलु छे?
AMO 6:13 तुमु ओसी चिजोन कोरता खुस्सी होयु जी रिकामी छे; आरु कोवु, हामु आपनात् हेमोत सी ताकोत सी कोरनेम सोहोर काजे जितला छे।
AMO 6:14 ओतरान कोरता सेनाओन परमेश्वर यहोवान यो बुल छे, ए इसराएलोन घोराना, देख, हांव तुमरे विरुद् एक ओसो मुलुक उबो कोरीस, जो होमातोन घाटी गोथो लीन ओराबान नोदी लोगुन तुमुक वेला पाड़से।
AMO 7:1 विनासोन तिन दोरसोन टिड्या, परमेश्वर योहोवा मेसे यो देखाड़्यु कि त्यो पछळला खड़ान उगने न शुरु मा टिडिया पयदा करीयो; आरु त्यो राजा न फसल काटनेन बाद पछळलो खोड़ोव हुतो।
AMO 7:2 जोत्यार चे खोड़ोव खाय लेदा, तोत्यार हांव कोयु, ऐ परमेश्वर योहोवा, माफ कोर! नी ते याकुब कोसो एक जागे रोय सोकसे? त्यो कतरो कमजुर छे।
AMO 7:3 एरा वाराम यहोवा आपसो मोन बोदल्‌यु, आरु त्यो कयो, असी वात हांय नी हुये।
AMO 7:4 परमेश्वर यहोवा मके देखाड़ियो; आरु काय देखो कि परमेश्वर यहोवा आग्ठान लारे मुकेदमु लोड़ायने कोरीन आयड़्‌यु, आरु तिना आगठा सी मोटलो दोरीयो सुक गोयो, आरु देस वी नास होयने लाग गोयलो।
AMO 7:5 तव हांव कयो, ए परमेश्वर रुक जा नी ते याकुब कसो वातड़ो रय सकसे? त्यो कसो कमजुर छे।
AMO 7:6 एरा वाराम बी यहोवा पछतायो आरु परमेश्वर यहोवा कयो, असी वात पछी नी हुयसे।
AMO 7:7 त्यो मखे यो बी देखाड़ियो; हांव देखियो कि पोरबु सावळ लगाड़ीन बनावला भीतड़ा पर उबरी रियो आरु हेरा हातोम सावळ छे।
AMO 7:8 यहोवा म्हार सी कयो, ए आमोस तुको काय देखाय पड़े? हांव कयो एक सावळ। तव परमेश्वर कयू, देख हांव म्हारी परजा इसराएल न वीच मा सावळ लगाड़ीस। हेमी हांव हेनुक डोन आपे विगुर नी छुड़ो।
AMO 7:9 इसहाकोन उचला जागान उजाड़ आरु इसराएलोन चुखलु जागु सुनसान होय जासे, आरु हांव यरुब्बामोन घोराना पोर तोलवार हापकीलीन चोड़ाय कोरीस।
AMO 7:10 तोत्‌यार बेतेलोन पुजारो ओमस्याह न इसराएलोन राजा यरुब्बामन चां कोय मुकल्‌यु, “आमोस इसराएलोन घोरानान इचमा तारे सी लोड़ाय कोरनेन विचार कोरलु छे; हेरा आखा बुलो काजे देस नी वेठ सोके।”
AMO 7:11 काहाकि आमोस ओसु कोवे, यरुब्बाम तोलवार सी माराय जासे, आरु इसराएल आपसा जागा पोर गोथु छाचिन गुलामी मा जासे।
AMO 7:12 तोत्यार ओमस्याह आमोस सी कोयु, ए दोरसोन देखन्या, यां गोथु निकवीन योहुदा मुलुक मा ढास जा, आरु चांत् रुटा खाया कोर, आरु चांत् ओगवाती वात कोर्या कोर,
AMO 7:13 पुन बेतेल मा ओळी कोदी ओगवाती वात झुन कोरे, काहाकि यु राजान चुखलु जागु आरु राजन गढ़ छे।
AMO 7:14 आमोस जोपाप आपीन ओमस्याह काजे कोयु, हांव नी ते कागळ्यु होतु, आरु नी कागळीयान पुर्यु; हांव ते ढुरोन गुवायु, आरु गुलोरोन झाड़कान नेवाड़ने वावु होतु,
AMO 7:15 आरु योहोवा मेसे गाडरा बुकड़ान पोछोव-पोछोव फिरने गोथु बुलावीन कोयु, जा मारा मानसे इसराएल जुळ ओगवायती वात कोर।
AMO 7:16 एरकोरिन हिमी तु योहोवान बुल सोमोव, तु कोवे इसराएलोन विरुद् ओगवायती वात झुन कोरे; आरु इसहाकोन घोरानान विरुद् ताव-ताव बुल झुन सोमवाड़े।
AMO 7:17 ओतरान कोरीन योहोवा ओसु कोवे: तारी धेन्यारी सोहोर मा छिनावाय होय जासे, आरु तारा पुर्या पुरायटा तोलवार वेर मार नाख्या जासे, आरु तारी जागा दुड़ो मापीन वाट लेसे; आरु तु आपसु विटोळ देस मा मोरीस, आरु इसराएल आपसा जागा पोर गोथा छाचिन गुलामी मा जासे।
AMO 8:1 परमेश्वर यहोवा मखे यो देखाड़ियो: कि उनाळा दाहड़ा मा फळो सी भरायलो खिल्लो छे।
AMO 8:2 होयु कोयु, ए आमोस, तुसे काय देखा पोड़े? हांव कोयु “उनाळान दाहड़ान फोळ सी भोरायली एक खिल्‌ली।” तोत्‌यार यहोवा मारे सी कोयु, “मारा इसराएली मानसोन चेहलो टेम आय गोयलो छे; हां हेमी हेनुक ओळी नी छुड़ो।”
AMO 8:3 परमेश्वर यहोवा न यो बुल छे, उना दाहड़े मन्दिरन भक्तिन गीत विखा ना बदली जासे हांव कोयु, आरु धोड़ोन एक मोटलु ढीग लाग जासे; आरु आखा जागाम चे हुगा-हुगा नाख देसे। खिल्ली
AMO 8:4 यो सोमवु, तुमु जे गोरीब मानसोक वेला पाड़ने आरु देसोन वेला कोरन्‌या मानसोक नास कोरने चाहाय रोया,
AMO 8:5 जो कये, नोवलु चांद कोत्यार वितसे कि हामु ओन वेच सोकजे? आरामोन दाहड़ु कोत्‌यार जासे, कि हामु ओनोन कोंजा उगाड़ीन बाट काजे नानो आरु टाकड़ी काजे भारो कोर देजे, आरु धुका सी ठोगजे।
AMO 8:6 कि हामु कमजुर क रिपिया अपीन, आरु गरबीयान क एक जुड़ी खासड़ान भाव मा आरु बिगेड़लो ओन वेच देय।
AMO 8:7 योहोवा, याकुबोन मोटाय कोरनो वारु छे, चोत् आपसी आन खाईन कोवे, हांव तुमरा काहना वी कामोक कोदी नी विसरो।
AMO 8:8 ती काय इना कारण सी धरती नी कापे? काय हेनु पोरुन सब रयने वाळा दु:ख नी करे? यो देश सब ने सब मिसरन नील नोंदीन सारको छे, जो जादा होये आरु कोम होय जाय।
AMO 8:9 परमेश्वर यहोवान यो बुल छे, “तेन टेमे हांव दाहड़ाक सिरानोन टेमे डुबाड़ दीस, आरु इना देस काजे सिरानी वेवात् आंधारो कोर दीस।
AMO 8:10 हांव तुमरा तिहवारन खुशी क दु:ख करावीस, आरु तुमरा सब गीत क दूर करीन विखान गीत गवाड़ीस; हांव तुमु सबन कड़ीया मा गंटो बन्‍दाड़ीस, आरु तमु आखान मुनकाक बुड़ाय दीस, आरु ओसो रोड़ावीस जोसो एकखुळ्या जुगु होये, आरु हेरा सोरनो काठला दाहड़ा सारको हुयसे।
AMO 8:11 परमेश्वर यहोवा न यो बुल छे, देखो, असला दाहड़ा आय रीया, जव हांव इना देश मा महंगाय करीस; मानसोन भुक ते रोवसे बाखुन ओनो जुगु नी, तिसला ते रोवसे पुन पानी जुगु नी, पुन यहोवान वचन सोमोळने जुन भुख ने पीस हुयसे,
AMO 8:12 लोगहन यहोवा न वचनन हेर करीन दोरीये गोथा दोरीये लोगुन आरु बोखेवरे गोथा उगेवने लोगुन मोर्‌या-मोर्‌या फिरसे, पुन हेको हात नी कराये।
AMO 8:13 उना टेमा मा जुवानाया छोल्‌ला पोरायटा आरु जुवानिया पोरिया दुयु पीस सी चिमाय जासे।
AMO 8:14 जे मानसे सामरियान, दानोन आरु बेरसेबा न पापी देवता आन खाय। चे हिट पोड़से कोदी नी उठे।”
AMO 9:1 हांव पोरबु काजे बेदी उपोर उबरोवलु देख्यु, आरु होयु कोयु: “खाम्बान बेला पोर दे जेरेसी पोयड़ी हाले, आरु हेनु आखा मानसोन मुनका पोर पाड़ीन टुकड़ा-टुकड़ा कोर; आरु जे नास होयने गोथा वाचे, तेनुक हां तोलवार कोरीन मार दिस; हेनुम गोथो एक वी नी ढासनी निकवसे, आरु जे आपसाक वाचाड़े, चे वाचनो नी जुवे।
AMO 9:2 काहाकि चाहाय चे खुंदिन पाताव मा उतरी जाय, ती चां गोथु हांव हात वोदाड़ीन हेनुक लावीस; चाहाय चे वादवा उपोर चोहोड़ जाय, ती चां गोथु हांव तेनुक उतार लावीस।
AMO 9:3 चाहाय चे कार्मेल बयड़ान कातर मा डुकाय जाय, पुन चां वी हांव हेनुक हेर हेरीन धोर लीस, आरु चाहाय चे दोरियान तोवे मारी निंगा गोथा आडोव होये, चां वी हांव घोड़सा काजे हेनुक ठुनकावनेन हुकुम आपीस।
AMO 9:4 चाहाय वेरी धोरीन गुलामी मा ली जाय, चां वी हांव हुकुम आपीन तोलवार कोरीन हेनुक मारा नाखीस; आरु हांव हेनु पोर भोलाय कोरने कोरीन नी, बुरायत् कोरने जुगु निंगा कोरीस।
AMO 9:5 सेनाओन परमेश्वर योहोवाक छिमने से धोरती गोळे, आरु हेरा आखा रोवनेवावा कोलपे; आरु हुये आखा की आखा मिसर देसोन नील नोदी जोसा होय जाय, जी जादा होय जाय आरु कोम होय जाय।
AMO 9:6 जे वादवा मा आपसा बोंगलु बोनावे आरु आपसा तारामोन्डळीन निव धोरती पोर नाखे, आरु आपना हुकुम सी दोरियान पानी धोरती पोर उहवाड़ देये, तेरो नाव योहोवा छे।
AMO 9:7 ऐ इसराएलियो योहोवान यो बुल छे काय तुमु मारे जुगु कुसियो सारका नी होय? काय हांव इसराएल काजे मिसर देस गोथु आरु पोलिस्ती काजे कोप्तोर गोथु नी निकाव लायु?
AMO 9:8 देखु, पोरबु यहोवान निंगा इना पापी मुलुक पोर लागली छे, आरु हांव इनाक धोरती पोर गोथु नास कोरीस; तोत्‌यार वी हांव आखी रीती सी याकुबोन घोरानाक नास नी कोरो,” यहोवान यो बुल छे।
AMO 9:9 म्हारा हुकुम सी इसराएलन घरानो आखा मुलुको मा असो जात रयसे जसो ओन चाळनी मा जात रये, पुन हेको एक बी पुसायलो दानु धरती पर नी पड़से।
AMO 9:10 म्हारी परजान सब पापी जे कोवे, होयी पीड़ा हामरे पोर नी पोड़े, आरी नी हामुक घेरवे, होये तोलवार वेर माराय जासे।
AMO 9:11 तेन टेमे हांव दाऊदोन पोड़ला खोपड़ा काजे उबो कोरीस, आरु हेरा आखा वाड़ान नाका काजे सुदारीस, आरु हेरा उजाड़ काजे ओळी बोनावीस, आरु जोसो पेहले होतो, तेनाक तोसोत् बोनाय दीस।
AMO 9:12 जेरेसी होये वाचला एदोमियों काजे पुन आखा मुलुकोन जे मारा मानसो कोवाये, आपसो होक कोर लेये, यहोवा जो यो काम पुरो कोरे, हेरोत् यो बुल छे।
AMO 9:13 योहोवान यो वी बुल छे, देखु, ओसा दाहड़ा आवे, कि होव जुपनेवावा होव गेरनेवावाक आरु ओन्गुर दाख काजे कुस्सनेवावा बिज वेरनेवावा गोथु ओगु नीकवी जासे; आरु बोयड़ाम गोथो नोवलो ओन्गुरोन रोस टोपेकने लागसे, आरु आखा बोयड़ाम गोथो उहुवने लागसे।
AMO 9:14 हांव आपसा मानसे इसराएलोन केदड़ाक पोछु ली आवीस, आरु जे उजेड़ला सोहोर काजे ओवी पोछा बोनावीन हेनुम वोस जासे, होये ओंगुरोन वाड़ी लागाडीन ओन्गुरोन रोस पीसे, आरु वाड़ी लागाडीन हेन्दरा फोळ खासे
AMO 9:15 हांव हेनुक, हेन्दरा जागा मा वेरीस, आरु चे आपसा जागा मा हेनुक आपला छे, ओळी कोदी नी उखावे, तुमरा परमेश्वर योहोवान योत् बुल छे।
JON 1:1 परमेश्वरन यो बुल अमितैन पुर्या योनाक जोड़्‌यो:
JON 1:2 उठीन उना मोटला शहर नीनवे क जा, आरु हेका विरुद् परचार कोर; काहाकि हेकी बुराय मारी निंगा मा जादा हुय गयली छे।
JON 1:3 पुन योना यहोवा न अगळ रयीन तोरसीस क ढास जाने करीन उठ्यो, आरु याफा शहर मा जाईन तरसीस जानेवाळा एक ढोन्डिया क हात करीयो आरु भाड़ो आपीन उनाम चहोड़ गियो कि हेनको साथ मा यहोवा न अगळ रयीन तरसीस जात रयेँ।
JON 1:4 तव यहोवा दोरिया मा एक मोटली आंजी चालाड़्यु, आरु दरिया मा मोटली आंजी आवी, यां लोगुन की ढोन्डियो टुटनेम होतो।
JON 1:5 तोत्यार जहाज न मानसे बीहिन आपसा आपसा देवता सी विनता कोरने लाग्या; आरु ढोन्डिया मा जो वेपारी मानसोन सोमान होतो तिनाक दोरिया मा नाखने लाग्या कि ढोन्डियो फोवरो होय जाय। पुन योना ढोन्डियान नेचला जागाम उतरीन नाम्बे नींदे सुय गयलो हुतो।
JON 1:6 तोत्यार ढोन्डियो चालाड़ने वाळो मुखी तेरे धोड़े आवीन कोवने लाग्यु, तु वारली निंदोम पोड़ीन काय कोर कोरे? उठ, आपसा देव धानी जुळ विनता कोर, होय सोके की भोगवान हामरी फिकुर कोरे, आरु हामरो नास नी होये
JON 1:7 तोत्यार चे आंबा सांबा वात कोरीन कोया, आवु, हामु चिट्ठी नाखीन पोतु लागाड़जे की यी पीड़ा हामरे पोर काहना मानसोन कोरता आय रोय। तव त्या चिट्ठी न्हाकीया, आरु चिट्ठी योनान नाव पर निकळी।
JON 1:8 ती चे योना काजे कोया, “हामुक देखाड़ की कुनीन कोरता यी पीड़ा हामरे पोर आय पोड़ली छे? तू काय काम करे? तू काह सी आयो? तू काहला देशन आरु काहला मुलकोम गोथु आवलु छे?”
JON 1:9 योना हेनु सी कयो, हांव इब्री छे; आरु सोरग न परमेश्वर यहोवा जो समुद्र धरती क बनावलो छे, हेकोत् बीक मानो।
JON 1:10 “तोत्यार चे बेसका बीह गोया, आरु चे कोवने लाग्या, तु यो काय कोरलु छे?” चे जान गोयला कि होयु योहोवा ओगोव गोथु ढासीन आवलु छे; काहाकि चु आपसुत् तेनुक देखाड़ देदलु।
JON 1:11 ती चे योना काजे कोया, “हामुक देखाड़ की कुनीन कोरता यी पीड़ा हामरे पोर आय पोड़ली छे?”
JON 1:12 योना तिनुक कोयु, “मेसेक चुटिन दोरिया मा नाख देवु; तोत्यार दोरिया धीरी पोड़ जासे: काहकि हांव जाने, कि यी भारी आंजी तुमरे पोर मारेन् कोरता आवली छे।”
JON 1:13 ते बी त्या घणी मेहनत करीया की जहाज क धड़ेस लावे, पुन हेनको पुगायो नी, काहकी दोरियान लोहर हेनको सामने बढ़तीत् जाती हुती।
JON 1:14 तव त्या यहोवा क आयड़ीन कया, “ए यहोवा, हामू थारे सी विनता करजे कि इना मनुस न बदले हामरो नाश झुण करे, आरु नी निर्दोषन हत्यान गुणेगार बनावजी; काहकी हे यहोवा जो काय थारी मरजी हुती त्योत् तू करियो।”
JON 1:15 तोत्यार चे योना काजे चुटिन दोरिया मा नाख देदा, आरु दोरीयान मोटली झेलोक धीरी पोड़ गोय
JON 1:16 तोत्यार चे मानसे योहोवा भोगवानोन बीक मान्या, आरु तिनाक चोड़ावु चोड़ाया आरु मानता राख्या
JON 1:17 योहोवा एक बेसका मोटला माछाक नेवाड़लु होतु कि योना काजे गिव जाय; आरु योना तिना मोटला माछान पेटोम तीन दाहड़ा आरु तीन रात पोड़ रोवे।
JON 2:1 योनान विनता तोत्यार योना मोटला माछान पेटोम गोथु आपसा परमेश्वर सी विनता कोरीन कोयु,
JON 2:2 “हांव पिड़ा मा पोड़ीन योहोवा सी विनता कोर्‌यु, आरु होयु मारी सोमवी लेदलु छे; पातावोन नेड़ु गोथु हांव आयड़ी पोड़्यु, आरु तु मारी सोमवी लेदु।” आंधारा कुण्ड मा रयीन हांव आयड़ियो, आरु तू म्हारी समळी लीदो।
JON 2:3 तु मेसे नेचला दोरीयान बुन्‌दे लोगुन नाख देदु; आरु हांव लोहोरोन इचमा पोड़लु होतु, तारी भोड़कावली आखी झेलोक आरु लोहोर मारे उपोर गोथू उहुय गोय।
JON 2:4 तोत्यार हांव कोयु, “हांव तारे ओगोव गोथु निकाय देदलु छे; कोसु हांव तारा चुखला मोन्दिर भेनि ओळी भावो?”
JON 2:5 हांव पानी वेर यां लोगुन घेरवाय रोयु कि मारु जीव निकवी जाय; उंडलो दोरियो मारे च्यारु मेर होतो, आरु मारा मुनका मा सेवोव थाबाय रोयो।
JON 2:6 हांव बोयड़ान मुव लोगन पुग गोयु होतु; हांव जोलोम जुगु धोरती मा बोन्द होय गोयु; तेवी ऐ मारा परमेश्वर योहोवा, तु मारा जीयोक खाडाम गोथु चुटलु छे
JON 2:7 जव म्हारो जीव डाबायने लागीयो, तव हांव यहोवा क फोम करियो; आरु म्हारी विनता थारे जुळ थारा चुकला मन्‍दिर मा पुग गयी।
JON 2:8 जो लोगहन धुकान वायबारन चीजो पर मन लगाड़े, त्या आपसा दया करने वाळा परमेश्वर क छुड़ देय।
JON 2:9 पुन हांव मोटा बुला सी धन्‍यवाद करीन बादा चढ़ावीस; जी मानता हांव मानलो छे, हेको पूरी करीस। छुटकारु यहोवात् सी होये।
JON 2:10 तव यहोवा माछा क हुकुम आप्यो, आरु माछो योनाक धरती पर उगळी दिदो।
JON 3:1 तव यहोवा न यो वचन डिसरी वार योना क पास मा पुगीयो;
JON 3:2 उठ उना बड़ा शहर नीनवे भेणी जा, आरु जो वात हांव थार सी कयीस, हेको उना मा परचार कर।
JON 3:3 तव योना यहोवा न बुलन अनसारे नीनवे भेणी गयो। नीनवे एक बेसको मोटो सोहोर होतो, नीनवे सोहोर मा फीरने कोरीन तीन दाहड़ा लाग्या।
JON 3:4 योना सोहोरम भोराईन एक दाहड़ान वाट पुरी कोर्‌यु, आरु यो पोरचार कोरतु गोयु, “हेमी गोथा चावीस दाहड़ा वित जासे नीनवे काजे नास कोर देसे।”
JON 3:5 तव नीनवेन लोगहन परमेश्वरन बुलन विश्वास करिया; आरु उपासन परचार हुयो आरु मोटला गोथा नानला लोगुन आखा गोन्टा पांगरीया।
JON 3:6 तव यी खोबोर नीनवेन राजान काने लागी; आरु चु राजगादी पोर गोथु उठीन आपसा राजान छिन्दरा निकावीन गोन्टो पान्गरी लेदु, आरु रुखड़ा पोर बोठ गोयु।
JON 3:7 राजा मुखीन वात लीन नीनवे मा इनी हुकुमोन डोन्डी पीटाड़ देदु “काय मानुस, काय गाय बुईल, काय गाडरा-बुकड़ा, एने दिसरा ढुरे, कुदु काय वी नी खाय, चे नी खाय आरु नी पानी पीये।”
JON 3:8 मानसे आरु ढुरे दुयु गोन्टा पान्गरे, आरु चे परमेश्वर सी विनता रोड़-रोड़ीन कोरे; आरु आपसा गोलोत वाट गोथा फीरे; आरु तिनु लोड़ाय सी, जे चे कोरता होय, पोसतावु कोरे।
JON 3:9 होय ती, परमेश्वर गीन कोरे आरु आपसी मोरजी बोदली देये, आरु तेरी भोड़ेकली रीस धीरी पोड़ जाय आरु हामु नास होयने सी वाच जाजे
JON 3:10 जोत्यार परमेश्वर हेन्दरा कामोक देख्यु, कि चे भुन्डली वाट सी फिर रोया, ती परमेश्वर आपसी मोरजी बोदली देदु, आरु हेन्दरो जो नुकसानी कोरने नोक्‌खी कोरलु, चो नी कोर्‌यु।
JON 4:1 यी वात योना काजे बेसकी भुंडी लागी आरु हेरी रिस भोड़की।
JON 4:2 योना योहोवा काजे ओसु कोविन विनता कोर्‌यु, “ए योहोवा, जोत्यार हांव आपसा मुलुकोम होतु, तोत्यार काय हांव यी वात नी कोवतु होतु? ओतरान कोरता हांव तारो हुकुम सोमोवतात् तोरसीस ढास जाने कोरीन उतवाव कोर्‌यु; काहकि हांव जानतु होतु कि तु बेस गिनाकु आरु मोंगावु परमेश्वर छे, आरु विगुर वार लागाड़े रिस कोरने वावु गिनो सी भोरायलु छे, आरु दुख आपने सी खुस नी होये।”
JON 4:3 ओतरान कोरता हेमी ऐ योहोवा, मारु जीव ली ले; काहकि मारे जुगु जिवतेलो रोवने गोथो मोरनो वारु छे।
JON 4:4 यहोवा कोयु “तारी जी रीस भोड़की रोय, काय ची वारु छे?
JON 4:5 ओतरा पोर योना तेना सोहोर गोथु निकविन, तेरे उगेवने भेनी बोठ गोयु; आरु चां एक खोपड़ो बोनावीन तेरा साहवाम बोसीन यो देखने लाग्यु कि सोहरोन काय होयसे?”
JON 4:6 “तोत्यार योहोवा परमेश्वर एक ओन्डान झाड़ उगाड़ीन ओसु वोदाड़्यु कि योनान मुनका पोर साहवु होये, जेरेसी हेनाक साहवु जोड़े। योना तिना ओन्डान झाड़ोन कोरता बेसकु खुश होयु।”
JON 4:7 सोंदारे जोत्यार वेगु दाहड़ु उगतात् परमेश्वर एक किड़ा काजे मुकल्यु, जु ओन्डान झाड़काक ओसु चायु कि चु सुक गोयो।
JON 4:8 जोत्यार दाहड़ु उग्यु, तोत्यार परमेश्वर उगेनली वाहवी चालाड़ीन तोप पाड़्यु, आरु तोप योनान मुनका पोर ओसी लागी कि हुयो लेवायने लाग्यो; आरु होयु यो कोविन मोत माँग्यु, “मारे जुगु जिवतेलो रोवने सी मोरनोत् वारु छे।”
JON 4:9 परमेश्वर योना काजे कोयु, “तारी रीस, जी ओन्डान झाड़ोन कोरता भोड़की रोय, काय होयी रीस वारु छे?” योना कोयु, “हाव, वारुत् छे। रीसोन कोरता मारु जीव वी जात रोवे, ती वी वारलो छे।”
JON 4:10 तोत्यार योहोवा कोयु, “जिना ओन्डान झाड़ोक तु काहिन मेहनोत नी कोर्‌यु, नी तिनाक वोदाड़्यु, जो एकुत् रातोम उग गोयो, आरु एकुत् रातोम नास वी होयो; तिनान करता तु काहय को दुखी छे।”
JON 4:11 ओवी यो मोटलो सोहोर नीनवे जेरेम एक लाख वीस होजार गोथा जादा मानसे छे जे आपसा जेवड़ा डाखरिया हातोन सातायली वातोक नी उवखे आरु बेसका घोरोन ढुरे वी चां रोवे, ती काय हांव तिन्दरे पोर गीन नी कोरो?
MIC 1:1 योहोवान वचन जो यहुदा न राजा योतअम, आहाज आरु हिजकीयाहन राज करनेन टेम मा मोरेसेतवासी मीकान पास पुगीयो, जीनाक त्यो सोमरोन आरु योरुसालेम न वारा
MIC 1:2 ए देस देस न लोगहन समळो ए धरती तु हेनु आखा न क सात जो तारे मा छे धीयान कर, मालिक योहोवा तारे वीरुद मा आपसा चुखला मन्दीर मार यीन तुमरे पर गावय देसे।
MIC 1:3 काहकी देख, योहोवा आपसा चुखला जागा सी बाहर नी नीकळे, आरु त्यो धरतीन उचाय पर जात रयसे।
MIC 1:4 बयड़ा हेको तळे पीगळी जासे, आरु घाटी असी फाट जासे जसी मुमबत्ती धपीन पीघळे, आरु पानी वाड़ी मायीन उहळे।
MIC 1:5 यो सब याकुबन पाप आरु इसराएलन घोराना न पाप न कारण हुये, याकुबन पाप काय छे काय सामरीया नी हय? आरु यहुदान उचली जागा नी हय? काय योरुसालेम नी हय?
MIC 1:6 पोरबु योहोवा यो कयो, इना कारण हांव सामरीया क खयड़ा मा ढेर बनाय दीस, आरु दाखन वाड़ी बनावीस; आरु दगड़ान क झुळा मा ढवळी दीस
MIC 1:7 हे की सब खुदायली मरती, आरु जो त्यो छीनाळो करीन कमायलो छे त्यो आग्ठा सी धपाड़ दीयो जासे, आरु हेकी सब मुरतीन क चुरा चुरा करदीस; काहकी त्यो हेको छीनाळान कमाय सी एख्टो करलो छे, आरु चिनाळान सारकी कमाय हुयसे।
MIC 1:8 इना कारण सी हांव दु:ख मनावीन वीखु कयीस; उगाड़ो हुयीन आरु वीगुर चाटीया फिरीया करीस हांव कुळायन सारको आयड़ी आयड़ीन कयीस; आरु कोकासीया कुकड़ान सारको रड़ीस।
MIC 1:9 काहकी हेको घाव वारु नी हुये; आरु पीड़ा यहुदा पर आय पड़से, आरु म्हार लोगहन पर पड़ीन योरुसालेम फाटक तक आय गयली छे।
MIC 1:10 गत नगरन रयने वाळी हेका वाराम वात मा करो आरु नी ते रड़ो आरु बेताप्रा मे धुलि मे जाकर लोटपोट करो।
MIC 1:11 ए सापीरन रयनेवाळा उगाड़ा हुयीन जात रयो; सानान न रयने वाळा नी नीकळी सके, बेतेसेलन रड़ने ओवाजन कारण हेको वाचनेन जागो तमु ली लेदा।
MIC 1:12 काहकी मारोत न रयने वाळी मदतन वाट जुवळती जुळती हरबड़ी गयी, काहकी योहोवा भेणी रयीन योरुसालेमन फाटक तक वीपत्ती आय पड़ी।
MIC 1:13 ए लाकीसन रयने वाळी आपसी घुड़ा गाड़ी मा ज्युरे चालन इसराएल वाळा घुल्‌लान क जुप थार सी सीयोन परजा न पाप मा सुरु हुयो
MIC 1:14 इना कारण सी तु गतन मोरेसेत क दान दीन दुर कर देसे; अकजीबन घर सी इसराएलन राजा धुको खासे।
MIC 1:15 ए मारेसा न रयने वाळा हांव पछो तारे उपर एक आदीकारी बनावी, आरु इसराएल न वीजुत वाळा लोगहन को अद्दुल्लाम न दरो मा आवनो पड़से।
MIC 1:16 आपसा लाड़ेकला पोर्यान क वाटे आपसो केस वाटीन मुनको बुड़ाव, पुन आपसो पुरो मुनको काकन घारान सारको पूरो बुड़गो कर दे, काहकी त्या बन्दी हुयीन थरा पास सी जात रीया।
MIC 2:1 वीखु छे उन लोगहन पर, जो खाला पर पड़ीयो पड़ीयो बुराय क वाराम वीचार करीया करे आरु भुण्डला काम न मरजी राखे, आरु ताकत वाळा हुयनेन कारण सोण्दारा मा नीकळतात् हेको पूरो करे।
MIC 2:2 त्या खेतोन लालुच करीन हेनको हापकी लेय, आरु हेनका घरन लालुच करीन हापकी लेय; आरु हेनका घोरानान क सात मा ओदेमड़ा पर, आरु हेका आपसा वाटा न क सात मा काहला ओदेमड़ान क धुको देय आरु वेला पाड़े।
MIC 2:3 इना कारन, योहोवा यो कये; हांव इनी जाती पर असली पीड़ा नाखने वाळो छे जीना सी तुमु आपसा क वाचाड़ नी सके। आरु आपसो माथ उचो करीन चाली नी सके। काहकी यो पीड़आन टेम हुयसे।
MIC 2:4 उना टेम पर तुमरा समाजन दु:खन गीत दाखलान रीतीये गावसे। हामरो ते नास हुय गीयो; त्यो म्हार कतरो दुर कर देय, त्यो मारो खेत धुको करने वाळान क हात मा आप देय।
MIC 2:5 योहोवान यो बुल छे, की मण्डळी मा चिट्ठी न्‍हाकीन आरु दुवड़ा सी मापीन जागु वाटने वाळो कोय नी रयसे, आरु धरतीन टुकड़ो बी नी जड़े।
MIC 2:6 बक बक करने वाळा कया करे, बकबक मा करो। इनी वातन करीन मा कया करो। असला लोगहन मा सी वीजुत नी रये।
MIC 2:7 ए याकुब न घोराना, काय यो कयनो जुळे की योहोवान आत्मा मा गम नी हय? काय यो काम हेकोत् वाटे हुयला छे? काय मारा वचनो सी हेको सुतरो नी हुयतो जो खरो चाले?
MIC 2:8 पुन कालुन वात छे की मारी परजा दुस्मन बनी मारे वीरुध मा उठली छे; तमु सुतरा आरु भुळा भाळा वाट्ये चालने वाळान डील पर रयीन चिंदरा हापकी लेय। जो लड़ाईन वीचार नी राखीया आरु नीचळा जात रीया।
MIC 2:9 मारी मानसो बाय जात क तमु हेनका सुखवाळा घर मा रयीन नीकाळ देय; आरु हेनका नानला पोर्या पारी सी तमु मारी आपली वारली चीजन क जलोमकी हापकी लेय ।
MIC 2:10 उठो आरु जात रयो यो आरामन जागो नी हय। इना कारण तमरी वीटळ छे जो वातड़ा दु:खन क सात मा तुमरो नास करसे
MIC 2:11 कदाम कोय झुटला जीवन लारे चालता हय, झुटी आरु रीकामी वात हांव लोगत अंगुरन रस आरु मोंदन परचार समळावतो रयीस, ती त्यात् लोगहन क कागळीयो बनसे।
MIC 2:12 ए याकुब, हांव पाको तमु सबन क एखटा करीस; हांव इसराएलन वाचलाक पाको एखटा करीस; आरु वाड़ान गाडरा बुकड़ान क सारको एक सात मा राखीस। उना टुळान सारको जो वारला चारान जागाम हय, त्या मानुस जादा हुयनेन कारण सी हुराड़ो मचावसे।
MIC 2:13 हेको अगोळ अगोळ वाड़ान क तुड़ने वाळो गीयो, अतरान करीन त्या बी हेको तुड़ी रीया, आरु फाटक मा रयीन नीकळीन जाय रीया; हेनको राजा हेनका अगोळ अगोळ गयो मतलब योहोवा हेनको मालिक आरु अगळवानीयो छे।
MIC 3:1 मारी वातोन क समळो, ए याकुबन डाहडा, ए इसराएलन घोरानान नीयाव करनीया समळो, काय नीयावन पुरावो जाननो तुमरो काम नी हय?
MIC 3:2 तुमु ते भलाय सी छेटा आरु बुराय सी मोंग राखो, तमु मारा लोगहन न खालड़ी चेड़े
MIC 3:3 तुमु म्हार लोगहन क मास बी खाय लेयो, आरु हेनकी चामड़ी चेड़ लेयो, तुमु हेनका हाड़कान क हांडा मा पकाड़ने करीन तोड़ी न्हाको आरु हेनको मांस हान्डाम पकाड़ने करीन टुकड़ा टुकड़ा करो।
MIC 3:4 त्या उना समय मा योहोवा न रावनीया करसे, पुन त्यो हेनकी नी समळे, उना टेम पर त्यो हेनका भुण्डला कामन कारण हेनु सी मुय फिराय लेसे।
MIC 3:5 योहोवान यो वचन छे की जो कागळिया मारी परजा क भटकाड़ देय, आरु जव हेनको खाने जड़तो रये, तव सांती सांती आयड़ता रये, आरु कदाम कोय हेनका मुय मा काहय नी आपे, ती हेका वीरुध मा लड़ाय करने करीन तीयार हुय जाय।
MIC 3:6 इना कारण तुमु पर असी रात आवसे, की तमुक देखने बी नी जड़े, आरु तुमु असा आंधाराम पड़सो की सार नी देखाड़ सको कागळीयान क वाटे दाहड़ो डुब जासे, आरु दाहड़ो रयसे ते बी हेनु पर आंधारो हुय जासे।
MIC 3:7 दर्सन देखने वाळा लाजवाय जासे, आरु सार नीकाळने वाळान मुंय फिका पड़ जासे; आरु सब ने सब आपसा हुट क ढाक अतरान करीन लेसे की परमेश्वर भेनी रयीन जवाब नी जड़तो।
MIC 3:8 पुन हाव ते योहोवान आत्मा सी ताकत, नीयाव आरु जीक हात करीन पाको छे की हांव याकुब क हेको पाप आरु इसराएल क हेको पाप देखाड़ सोको।
MIC 3:9 ए याकुबन घोरानान डाहडा, ए इसराएलन घोरानान नीयाव करने वाळा आरु आखी सुतरी वातन क बदलने वाळा, यी वात समळो।
MIC 3:10 तमु सीयोनन हत्या करीन आरु योरुसालेम क भुण्डलो बनावीन वातड़ो करो।
MIC 3:11 तमरा अगळवानीया पयसिया खायीन नीयाव करे, आरु पुजारा पयसिया मांगीन धरमन वात सिकाड़े, आरु कागळिया पयसियान करता सार नीकाळे, ते बी यो कयीन योहोवा पर भुरसु राखे की योहोवा हामरे वीच मा छे, अतरान करीन पीड़ा हामरे पर नी आवे।
MIC 3:12 अतरान करीन तुमरा कारण सी सीयोन क जुपी न खेत बन जासे, आरु योरुसालेम उजाड़ोन ढीग होय जासे, आरु जीना बोयड़ा पोर परमेस्वरन मन्दीर बोनलो छे, त्यो जोंगोलोन उचला जागान सारको होय जासे।
MIC 4:1 आखरी दाहड़ा मा असो हुयसे की योहोवान मन्दीर असो नी हुये की योहोवा न मन्दीर क बयड़ो सब बयड़ा मा मोटो बनायो जाय, आरु त्यो बयड़ान उपर रयसे, हर जाती न लोगहन हेका भेणी जाणे लाग जाय।
MIC 4:2 त्या आवीन यो कयसे, आवु हामु योहोवा न बयड़ा पर चढ़जे, याकुबन परमेश्वर न मन्दीर मा जाजे, की त्यो हामुक आपसी वाटन सिकापन आपे, आरु हामु हेकेत वाट्ये चालजे, सीयोनन बयड़ा सी नीयम उजेन्ता अहुयसे, योरुसालेम देस सी पोरबु न बुल समळाय पड़से।
MIC 4:3 त्यो घणा देसन लोगहन क नीयाव करसे, आरु ताकत वाळी जाती न झगड़ान क मिटाड़से अतरान करीन त्या आपसी तलवारन क पजावीन हळन कुसला आरु भालान दातऴा बनवाड़से; एक राज्य दीसरा राज्यन वीरुध मा ओळी लड़ाय नी करे।
MIC 4:4 आरु ओळते लोगहन लड़ाय लड़नो नी सिखसे। पुन त्या आपसा ओंगुर आरु अंजीरन झाड़का तळे बठ्या करसे, आरु कोय हेनको नी बीहवाड़े; योहोवा भगवान यो आपसुत् बुल कय आपलो छे।
MIC 4:5 सब राजरन लोगहन आपसा देवी देवता न नाम पर चाले; पुन हामु जलोम हामरा पोरबु परमेश्वरन नाव पर चालसु।
MIC 4:6 योहोवान यो बुल छे, उना टेम मा मानसो लेंगड़ा लुलान क एखटा करीस, आरु जीनुक हांव दु:ख दीदलो छे हेनु सबन क एखटा करीस;
MIC 4:7 आरु लेंगड़ा लुलान क हांव वाचाड़ीन राखीस, आरु दुर हुयलान क एक ताकत वाळी जाती बनावीस; आरु योहोवा हेनु पर सीयोन बयड़ान उपर रयीन जलोम राज करतो रयसे।
MIC 4:8 ए एदर न कीला आरु सीयोनन बयड़ा, पेहलो हक आरु योरुसालेमन राज तुको जड़से।
MIC 4:9 हाय तु काहको आयड़ी रयी? काय तारे मा कोय राजा नी रयो काय? काय थारी योजना बनावने वाळो नास हुय गयो, जीना सी भारपाय बायन सारको तुको पीड़ा हये?
MIC 4:10 ए सीयोनन परजा भारपाय बायरीन सारको तु पीड़ाक झेल; काहकी हाय तु कीला मा रयीन नीकळीन खयड़ा मा रोवनो पोड़से, आरु बेबीलोन तक जाईस, वाहन पोरबु तुको छुड़ावसे, थरा वेरीन हाथ सी तुको योहोवा छुड़आय लेसे।
MIC 4:11 हेमी घोना मुलुकोम तारे वीरुध एकठा होय्‌न तार वाराम वार कोवसे, सीयोन पुराय काजे वीटोळ कोरजे, आरु हामु आपसा डुळा वेस हेनुक नास होयता देखसु।
MIC 4:12 पुन त्या योहोवा युजनाक नी जाने, नी हेनकी युजना सोमजे की त्यो हेनुक ओसो एकठो कोर देसे जोसो खेतो मा पुळा काजे एकठा कोरे।
MIC 4:13 ए सीयोन उठ आरु मोस, हांव तारा सिगड़ाक लुहड़ान आरु तारा खुर्‌या पीतळोन बोनाय दीस; आरु बेसका राज्य काजे चुर चुर कोरीस, आरु हेन्दरी कोमाय योहोवाक आरु हेन्दरा माल धोन धोरतीन मालीक काजे चोड़ावसे।
MIC 5:1 ऐ घण सवटा टुळान सोहोर, टुळो बनावीन एख्टो हुय जा, काहकी त्यो हामरे वीरुद्ध मा धाड़ु बान्धला छे; त्या इसराएलन आदीकारीया पर सुटा देसे।
MIC 5:2 ए एप्रातान बेतलहम, कदाम तु असो नानो नगर छे की यहुदान हजार मा गीनीयो नी जाय, ते बी तारे मा रयीन मारे वाटे एक ओदेमड़ो नीकळसे, जो इसराएली जाती पर राज करसे; आरु हेको नीकळनो वेगला वाराम सी सुरु सी हुयतो आय रीयो।
MIC 5:3 इना कारण त्यो हेनको उना टेम तक छुड़ देसे, जव तक पोर्यो पयदा नी हुय जाय; तव तक इसराएलियान क पास हेका वाचला भाय बनीयान क पास मा जाय भेट पड़से।
MIC 5:4 आरु त्यो योहोवान आपली ताकत सी आरु आपसा योहोवान नावन सेक सी, हेनको चरावसे। त्या वाचीन रयसे, काहकी त्यो धरती छेळ तक मोटो बनसे।
MIC 5:5 आरु हेको आवने सी सांती समय सुरु हुयसे। जव ओस्‌सुरी सेना हामरा देस पर हमलो करे, आरु हामरा राजवाड़ा मा पाय मेले ती हामु हेनका वीरुध मा सात गुवाळीया आरु आठ मुखी मानसोन क उबा राखसु।
MIC 5:6 त्या अस्सूर देस न लोगहन पर हेनकी तलवार सी आरु नीमरोद न देस पर नांगरी तलवार सी राज करसे। आरु जव ओस्‌सुरी लोगहन हामरा देस मा आवे, आरु हेकी सीमा न माहय पाय मेले, तव त्यो मानुस हामुक हेनु सी वाचाड़से।
MIC 5:7 तव याकुब न वाचला मानसे घणा सवटा राज न वीच मा असा काम आवसे, जोसा योहोवान वोगे गोथी आरु खड़ा परुन पानी न तेड़ो कोयन वाटे उबी नी रये आरु कोय की वाट नी जुळे।
MIC 5:8 याकुबन वाचला लोगहन राज्य आरु देस देस न लोगहन क वीच असा हुयसे जसा जंगलन जनवारीया मा नाहार, गाडरा-बकडान टुळा मा नाहर रये, काहकी त्यो हेनको वीच मा रयीन जाय ती धरीन मारतो आरु फाड़तो जायसे, आरु कोय वाचाड़ नी सके।
MIC 5:9 तारो हाथ थारा घाड़स्या लोगहन पर पड़से आरु थारा सब दुस्मन नास हुय जासे।
MIC 5:10 योहोवान यो वचन छे, उना टेम मा हांव थारा वीच मा रयीन थारा घुल्‌ला न मार न्हाकीस; आरु थारा सब घुड़ा गाड़ीन क खतम कर दीस।
MIC 5:11 हांव थारा देसन नगर क बी खतम कर दीस, आरु थारा कीलान क ढवळी दीस।
MIC 5:12 हांव थारा हातन जादु टोना क खतम करीस, आरु तारे या रयीन आवने वाळी वात क देखाड़ने वाळा जीवता नी रये।
MIC 5:13 हांव तारे लारे खुंदली मुरती आरु थारा दगड़ा थानुक, तारे वीच मा रयीन खतम करीस; आरु तु अगो चालीन आपसा हातन लारे बनावली चीजन क नी पुजे।
MIC 5:14 हांव थारी ओस्‌सुरी नावन मुरती क धरती पर सी उखाळ दीस, आरु थारा सोहोरन क खतम कर दीस।
MIC 5:15 आरु जो जो देस मारो कयलो नी माने, हेनु सी हांव घणी रीस क सात मा बदलो लीस।
MIC 6:1 समळ पोरबु काय कये, हेको समळो; उठीन बयड़ा क समाने थारी वात राख बयड़ीया बी थारी समळनो जुवे।
MIC 6:2 ए बयड़ा, आरु ए नी टळने वाळी धरतीन नींव योहोवा न वात समळो, काहकी योहोवा लारे हेकी परजा पर गुनो छे। आरु त्यो इसराएल सी वादवीवाद करसे।
MIC 6:3 ए मारी परजा हांव तारो काय बिगाड़लो छे? मके देखाड़ की कहाली वात मा तुको दु:ख दीदो?
MIC 6:4 हांव तमको मिसर देस सी बाहर नीकाळीयो। हांव तमको तुमरी गुलामीन हाव तमरी अगवाय करने न करता मुसा आरु हारुन, आरु मीरयाम को मोकलीयो।
MIC 6:5 ए मारी परजा, फोम कर, की मोआब न राजा बालाक तारे वीरुध काहली योजना बनायो,आरु बोर न पोर्या बिलाम हेको काय राय आपलो, आरु सितीम सी गीलगाल तक न वात क फोम कर, जीना सी तु योहोवा न वारलो काम समझी सके।
MIC 6:6 हांव काय लीन योहोवा न सामने आवो, आरु उपर रयने वाळा परमेस्वर न सामने झुको? काय हांव होम बादा वाटे एक साल न बछड़ो लीन हेको सामने आवो?
MIC 6:7 काय योहोवा हजार गाडरा सी या जेतुन न लाखो तेलन नदीया सी खुस हुयसे? काय हांव मारा पछतावान करता न्हारा एक खुळीया पोर्यान क या मारा पापन बदले म्हार पयदा करला माइन कोयक आपो।
MIC 6:8 ए मानुस त्यो तुखे देखाड़ चुकीयो की वारु काय छे; आरु योहोवा तारे सी इनी वात क छुड़ीन काय मांगे, की तु नीयाव सी काम करे, आरु कीरपा सी मोंग राके, आरु आपसा परमेस्वर न सात मा नीचळो रयीन चाले?
MIC 6:9 योहोवान बुल योरुसालेम सोहोर काजे आयड़ी रोयो, ओकोल वावु मानुस योहोवान नावो सी बीक राखे, एरकरीन सोजान वात पोर धीयान दे जेरे जुळ डोन आपनेन होक छे।
MIC 6:10 काय अब तक पापी न घर मा बुराय सी हात करलो धन, आरु भुण्डलो नानलो माप क भुल जाम।
MIC 6:11 काय हांव खुटलो टाकड़ो राखनेवाळान क थयली मा खुटा बाट राखने वाळाक डण्ड आपे वीगुर छुड़ दीस?
MIC 6:12 यहान लोगहन भुण्डला काम क देखीया करे आरु यहान सब रयनेवाळा झुट बुलया करे आरु हेनका मुंय सी धुका जुन वात नीकळीया करे।
MIC 6:13 इना कारण सी तुको मारतो जाईन घणो घायल करो, आरु थारा पापन कारण तुको उजाड़ नाखीस।
MIC 6:14 तु खाईस पुन आफरे नी, तारो पेट धपतोत् रयसे; आरु तु आपसो धण लीन चालीस, पुन वाचाड़ी नी कसे, आरु जो काहय बी तु वाचाड़ बी लीस, हेको हांव तलवार चलाड़ीन लुटाड़ दीस।
MIC 6:15 तु वेरीस पुन काटे नी; तु जेतुनन तेल नीकाळीस, पुन लगाड़ नी सके आरु अंगुरन रस नीकाळीस पुन पीवाये नी।
MIC 6:16 काहकी त्या ओम्री न नीयम पर आरु अहाब न घोरानान सब काम पर चाले; आरु तुमु हेनका वीचारन अनसारे चाले; अतरान करीन हांव तुको उजाड़ दीस, आरु इना नगरन रयने वाळा तुमरी वायकेड़ा उड़ावसे, आरु तमु मारी मानसो बुराई क झेलसु।
MIC 7:1 वीखु छे मारे पर, हांव ते उना मानुसन सारको हुय गीयो जो तपन दाहड़ा मा फोव तुड़ने पर, या रयली अंगूर क एखटा करनेन टेमे आखरी मा आय जाय, मतको तो पाकला अंजीर न लालुच हुती, पुन खाने करीन घुमचो नी रयो।
MIC 7:2 भक्त लोगहन धरती पर सी नास हुय जासे, आरु मानुसो माईन एक बी जन सुतरो नी रयो; त्या सब हत्यान वीचार बनावे, आरु जाळ लगाड़ीन आपसा भाइस क वाटे बी फांदो न्हाके।
MIC 7:3 त्या आपसा दुयू हाथ सी मन लगाड़ीन बुराय करो; आदीकारी रुप्‌या मांगे, आरु नीयाव करने वाळा पयसिया खाने करीन तीयार रये, आरु मोटला मानसे आपसा मन मा वुराय न पुरावो लरे; इनीये रीतीये सी सब मेळीन जाळसादी करे।
MIC 7:4 हेनु माईन जो सब सी वारु छे, ती काटा वाळा झाड़कीयान सारका दु:क देने वाळा छे, जो सब सी सुदा रये, त्या काटा वाळी वाड़ सी बी भुण्डो छे। थारा राखवाळीया न टाकलो दण्डन दाहड़ो आय गीयो। हांय त्या छाटलात् भटकी जासे।
MIC 7:5 साते वाळा पर भुरसु मा करो, वारला जुस्तीदार पर बी भुरसु झुन राखता, पुन आपसी घर वाळि सी बी चौकचौळीया रयीन बुलजो।
MIC 7:6 काहकी बेटुस हेका बाप क रीकामो समझे; बवेटीस हेकी माय क वीरुध करे; वोवड़ी हेकी सासुस नी वीरुध करे; घरुजुन लोगहन घरवाळा न वेरी बन जाय,
MIC 7:7 पुन हांव योहोवा न भेणी देखतो रयीस, हांव मारा छुड़ावने वाळा परमेस्वर न वाट जुळतो रयीस; मारो परमेस्वर मारी समळसे।
MIC 7:8 ओ मारी वेरी मारे पर खुस मा हुये; काहकी जसो हांव नेचो पड़ीस तसोत् पछो उठीस; आरु कदाम हांव आंधारा मा बी पड़ीस ते बी मारो वीजाळो मारु पोरबु रयसे।
MIC 7:9 हांव योहोवा भगवान न वीरुध मा पाप करलो छे, इना कारण सी उना टेम तक हेकी रीस क झेलतो रयीस जव तक त्यो मारो नीयाव नी चुकाड़ देय।
MIC 7:10 यो देखीन म्हार वेरी लाजवाय जासे, काहकी त्यो कयलो हुतो, तारो परमेश्वर काह छे? त्यो गळीन कीड़आन सारको रोन्दळाय जासे, तव हांव मारा डुळा सी देखीस।
MIC 7:11 ओ योरुसालेम जव तारा सोहोरोन भितड़ो बोनावनेन दाहड़ा आवसे, तेने दाहड़े तारो सेड़ो बोड़ाय देसे।
MIC 7:12 उना दाहड़े ओस्‌सुर सी मिसर देस तक मिसर सी फरात नदी तक, एक दरीया सी दीसरे दरीया तक, एक बोयड़ा सी दीसरे बोयड़े तक रयने वाळा तारे जुळ आवसे।
MIC 7:13 पुन यो देस हेका रयने वाळान कामोन कारण उजड़लोत् रयसे।
MIC 7:14 तु थारी लाकड़ी लीन आपसी मानसो क चराव, थारा वाटान गाडरा बुकड़ान क जो करमेलन जंगल मा अलग बठली छे; त्या वेगला वारान समान बासान आरु गीलाद मा चोर्‌या करे।
MIC 7:15 जसो की मिसर देस सी हामुक बाहर नीकाळ लायो, तव तु वीनछेळीयो काम देखाड़लो हुतो। तसोत् हामुक ओळी देखाड़ दे।
MIC 7:16 सब देस हेकी आखी ताकत क देखीन आपसी ताकत न वाराम लजवायसे; त्या आपसो मुय को हात सी सातसे, आरु हेनका कान्टा बेहरा हुय जायसे।
MIC 7:17 त्या घड़सान सारका धुळो चाटसे, आरु धरती पर रगड़ायनीया जनवारीयान तसा आपसा कीला मा रयीन बाहर नीकळसे; त्या हामरा परमेस्वर योहोवा न पास कापती जाईन आवसे, आरु त्या थार सी बीह जासे।
MIC 7:18 तारे सारको असो परमेश्वर काह छे जो पाप क माफ करे आरु हेका वाचला लोगहन क गुणाक ढाक देय? त्यो आपसी रीस क जलोम राखलो नी रये, काहकी त्यो दया सी खुस हुये।
MIC 7:19 त्यो हामरे पर ओळी दया करसे, आरु हामरा बुरायीन काम क रौंदळी देसे। तु हेनका पापोन क उंडला दरीया मा न्हाक देसे।
MIC 7:20 तु याकुबन वारा मा यी छाचाय, आरु अब्राहमन वारा मा दया पूरी करसे, जीनी कसम क तु वेगला वारान दाहड़ा सी लगाड़ीन अब तक हामरा आड़ा बुड़ा सी खाता आवला छे।
MAT 1:1 अब्राहम न ओवलियाद, दाऊद न ओवलियाद, ईशु मसीह न घरानो
MAT 1:2 अब्राहम सी इसहाक पैदा हुयो, इसहाक सी याकूब पैदा हुयो, याकूब सी यहूदा पैदा हुयो आरू उको भाई पैदा हुया।
MAT 1:3 यहूदा आरू तामार सी पेरेस आरू जेरह पैदा हुया, आरू पेरेस सी हेसरोन पैदा हुयो, आरू हेस्रोन सी एराम पैदा हुयो।
MAT 1:4 एराम सी अम्मीनादाब, अम्मीनादाब सी नहशोन, नास्सोन सी सलमोन
MAT 1:5 सलमोन सी राहाब, राहाब सी बोआज, बोआज आरू रूत सी ओबेद, ओबेद सी यिशै पैदा हुयो,
MAT 1:6 आरू यिशै सी दाऊद राजा पैदा हुयो। आरू दाऊद सी सुलैमान जो उनी बायर सी पैदा हुयो जो पेहल उरिय्याह न बायर हुती,
MAT 1:7 सुलैमान सी रहबाम पैदा हुयो, रहबाम सी अबियाह पैदा हुयो, आरू अबियाह सी आसा पैदा हुयो,
MAT 1:8 आसा सी यहोशाफात पैदा हुयो, यहोशाफात सी योराम पैदा हुयो, आरू योराम सी उज्जियाह पैदा हुयो,
MAT 1:9 उज्जियाह सी योथाम पैदा हुयो, योथाम सी आहाज उज्जियाह हुयो, आरू आहाज सी हिजकिय्याह पैदा हुयो,
MAT 1:10 हिजकिय्याह सी मनश्शे पैदा हुयो, मनश्शेह सी आमोन पैदा हुयो, आरू आमोन सी योशियाह पैदा हुयो:
MAT 1:11 आरू बन्दी बनीन बेबीलोन जाने क टेमे योशियाह सी यकुन्याह आरू ओको भाई पैदा हुया।
MAT 1:12 बन्दी बनीन बेबीलोन मा जाने क बाद यकुन्याह सी शालतियेल पैदा हुयो, आरू शालतियेल सी जरूब्बाबेल पैदा हुयो,
MAT 1:13 जरूब्बाबेल सी अबीहूद पैदा हुयो, अबीहूद सी एलयाकीम पैदा हुयो, आरू एलयाकीम सी अजोर पैदा हुयो,
MAT 1:14 अजोर सी सदोक पैदा हुयो, सदोक सी अखीम पैदा हुयो, आरू अखीम सी एलीहूद पैदा हुयो,
MAT 1:15 एलीहूद सी एलीयाजार पैदा हुयो, एलीयाजार सी मत्तान पैदा हुयो, आरू मत्तान सी याकूब पैदा हुयो,
MAT 1:16 याकूब सी यूसुफ पैदा हुयो, जो मरियम न धेनी हुतो, आरू मरियम सी ईशु जो मसीह कहवाये, पैदा हुयो।
MAT 1:17 इनिये रीति अब्राहम सी दाऊद तक चौवदा पीढ़ी हुयी, आरू दाऊद सी लगाड़ीन बेबीलोन क बन्दी बनीन जाने तक चौवदा पीढ़ी, आरू बन्दी बनीन बेबीलोन क जाने तक लगाड़ीन मसीह तक चौवदा पीढ़ी हुयी।
MAT 1:18 ईशु मसीह न जनम इनीये प्रकार सी हुयो, कि जव ओकी माय मरियम की मांगनी यूसुफ क साथ हय गयी, तो ओको एखठा हयने सी पेहल ही त्या चुखली आत्मा क लारे भारीस हुयी।
MAT 1:19 अळतेन ओको घर वाळो यूसुफ जो न्यायी हुतो आरू उको बदनाम नी करने हीनतो हुतो? उको मनेन छुड़ देने न विचार कर्‍यो।
MAT 1:20 जव युसूफ इनी वात क विचार मा हुतो ती पोरबु सोरगदूत सपना मा देखाय दीदो आरू कयने लाग्यो, “हे यूसुफ! दाऊद न अवळियाद, तु थारी लाड़ी मरियम क थारे या ली आवने सी मा घाबराये, काहकि जो ओका पेट मा छे, त्यो चुखली आत्मा क लारे छे।
MAT 1:21 मरियम पोर्‍या क जनम देसे आरू तु ओको नाव ईशु राखजी, काहकि त्यो ओका लोगहन क पाप सी छुड़वासे।”
MAT 1:22 यो सब अतरान करीन हुयो कि जो वचन पोरबु कागळिया क लारे हुतो, त्यो पूरो हुयो:
MAT 1:23 “देखु एक छल्ली भारीस हुयसे आरू एक पोर्‍या क जनम देसे, आरू ओको नाव इम्मानुएल राखसे” जेरो मतलब छे यहोवा–भगवान हामरे साथ छे
MAT 1:24 तव यूसुफ नींद सी जागीन पोरबु न सोरगदूत क लारे आपसी लाड़ी क आपसे या ली आयो;
MAT 1:25 आरू जव तक मरियम पोर्‍या क नी जनी तव तक युसूफ मरियम क पास मा नी गियो: आरू त्यो ओको नाव ईशु राखिया।
MAT 2:1 ईशु क जनम हेरोदेस राजा क दाहड़ा मा जव यहूदि या क बैतलहम नगर मा हुयो, ती पारखे सी जानकार लोगहन यरूशलेम मा आवीन पूछने लाग्या,
MAT 2:2 “त्यो बाळो जेरो जनम हुयो काँ छे? जो यहूदि या न राजा हुयसे, काहकि हामु पूर्व मा ओको तारा देख्या छे आरू ओको नमस्कार करने आयो छे।”
MAT 2:3 यो सोमवीन हेरोदेस राजा आरू ओको साथ मा सब यरूशलेम घबराय गियो।
MAT 2:4 तव त्यो लोगहन क सब डाहला पुजारा आरू शास्त्री क एखठा बुलावी उन लोगहन सी पुछा, “मसीह क जनम हईन जुवे?”
MAT 2:5 त्या ओका सी कयो, “यहूदिया क बैतलहम मा, काहकि भविष्यवक्ता क द्वारा यो लिख्यो गयो छे:
MAT 2:6 “हे बैतलहम, तु जो यहूदा क प्रदेश मा छे, तु काही भी रीति छे यहूदा क हकी मा आखा सी नानो नी; काहकि थारे मा सी एक अधिपति निकळसे, जो मारी प्रजा इस्राएल की राखवावी करसे।”
MAT 2:7 तव हेरोदेस ने ज्ञानी क मनेन छे बुलावी उनछे पूछा कि तारा ठीक काही टेहाव देखाय दिदो होतो,
MAT 2:8 आरू त्यो यो कोवीन तीनुक बैतलहम मुकल्यो, “जावु, उना पोर्‍या क बारा मा ठीक–ठीक मालम करो, आरू जव त्यो मिव जाय तो मखे खबर देवु ताकि हाव भी आवीन ओको नमस्कार करीस।”
MAT 2:9 त्यो राजा की वात सोमवीन चाली गयो, आरू जो तारा त्या पूर्व मा देख्या हुता त्यो ओको ओगव–ओगव चाल्या; आरू वा पोर्‍या होतो। उना जागाम क ऊपर पुचीन ठेहर गया।
MAT 2:10 उना थारा क देखीन त्यो घण खुश होया।
MAT 2:11 त्या उना घर मा पुच्चा उना पोर्‍या क ओकी माय मरियम क साथे देख्या, आरू मुय क बल झुकीन पोर्‍या क नमस्कार कर्‍या, आरू आपसा–आपसा थैला उघाड़ी ओको सोनो, चाँदी, आरू लोबान, आरू गन्धरस की भेंट चढ़ाया।
MAT 2:12 तव सपना मा यो चेतावनी देखीन कि हेरोदेस क साथे पछु नी जाने, त्यो दीसरे मार्ग सी आपसा देश क चाली गया।
MAT 2:13 ओको चाली जाने क बाद पोरबु क एक सोरगदूत ने सपनो मा यूसुफ क देखाय दिदो काँ, “उठ उना पोर्‍या क आरू ओकी माय क ली मिस्र देश क ढास जाय; आरू जव तक हाव तुखे छे नी कहवो, तव तक वा रहवजी; काहकि हेरोदेस इना पोर्‍या क हेरने वाळो छे कि ओको मारीन नाखने।”
MAT 2:14 तव त्यो रात ही क उठीन पोर्‍या आरू ओकी माय क ली मिस्र देश क चाल दिदा,
MAT 2:15 आरू हेरोदेस क मरना तक त्योही रया। एरकरीन कि त्यो वचन प्रभु न भविष्यवक्ता न लारे होतो पूरो होय: “हावने आपने पोर्‍या क मिस्र देश बुलाया।”
MAT 2:16 जव हेरोदेस ने यो देख्य कि ज्ञानी ने ओको साथे धोखा कर्‍या छे, तव त्यो रीस छे भर गया, आरू लोगहन क मुकली ज्ञानी द्वारा ठीक–ठिक देखाड्या गया, आरू टेहाव क लारे बैतलहम आरू ओको धोड़े साथे क स्थानो क सब पोर्‍या क जो दुय साल क या ओका सी नानो होतो, मार नाखु।
MAT 2:17 तव जो वचन यिर्मयाह भविष्यवक्ता क द्वारा कयो गया होतो, त्यो पूरो हुयनो:
MAT 2:18 “रामाह मा एक दुःख भरियो शब्द सोमवाय दिदो, रोड़ने आरू मोटो विलाप; राहेल आपने पोर्‍या क करता रोड़ी रयी होती, आरू शांत हुयने नी जुवती होती, काहकि त्यो हिमी नी रया।”
MAT 2:19 हेरोदेस क मरना क बाद, पोरबु सोरगदूत मिस्र मा यूसुफ क सपनो मा देखाय दिदो कयो,
MAT 2:20 “उठ पोर्‍या आरू ओकी माता क ली इस्राएल क देश मा चाली जा, काहकि जो पोर्‍या क जीव लेने जुवता हुता, त्यो मर गया छे।”
MAT 2:21 त्यो उठ्यो आरू पोर्‍या आरू ओकी माय क साथे लीन इस्राएल क देश मा आयो।
MAT 2:22 पुन यो सोमवीन कि अरखिलाउस आपसा बास हेरोदेस की जागाम यहूदि या पर राज्य कर रया छे, वाँ जाने छे घाबराय। पछु सपना मा यहोवा–भगवान छे चेतावनी देखीन गलील प्रदेश मा चाली गया,
MAT 2:23 आरू नासरत नावको नगर मा जाय बठ्या, ताकि त्यो वचन पूरो होय, जो भविष्यवक्ता क द्वारा कयो गया होतो: “त्यो नासरी कहवासे।”
MAT 3:1 उन दाहड़ा मा यहुन्ना बपतिस्मा देनेवालो आवीन यहूदि या क जंगल मा यो खबर करने लाग्या:
MAT 3:2 “पापो सी मन फिरावो काहकि सोरग क राज्य नाट आव गयो छे।”
MAT 3:3 यो त्यो आय, तेखा बाराम यशायाह कागळियान क लारे करियो: “जंगल मा एक आयड़नेवावा क ओवाज होय रयो, कि पोरबु क मार्ग तीयार करू, ओकी सड़के सुधी करू।”
MAT 3:4 बपतिस्मा देनेवावु यहुन्ना उटड़ान झटा बनलो छिंदरा पेहरलो हुतो, आरू ओकी कमर मा चामड़ा क पट्टो बांधलो हुतो। त्यो खानो टिड्डिया आरू बयड़ाक माहव हुतो।
MAT 3:5 तव यरूशलेम आरू आखा यहूदिया, आरू यरदन क आड़ी छेड़ी क मानसे ओको साथे निकवीन माय।
MAT 3:6 त्या आपसा–आपसा पाप क मानीन यरदन नदी मा यहुन्ना सी बपतिस्मा लेदा।
MAT 3:7 जव त्यो घोणा छे फरीसिया आरू सदूकियो बपतिस्मा लेने करता आपने साथे आवता देख्या, तो उनछे कयो, “हे घड़साक पोर्‍या, तुमू कुन चेतावनी देदा कि यहोवा भगवान क आवनेवाळा रीस छे ढासु?
MAT 3:8 एरकरीन मन फिराव क योग्य फोव लावु;
MAT 3:9 आरू आपसा–आपसा मन मा यो नी सुचिया कि आमरो बास अब्राहम छे; काहकि हाव तुमू छे कयता छे कि यहोवा–भगवान इनु दगड़ा सी अब्राहम क करता संतान पैदा कर सकता छे।
MAT 3:10 हिमी कुराड़ झाड़का की मुव पर धरा छे, एरकरीन जो–जो झाड़को फोव नी लावता, त्यो काट्यो दियो जासे आरू आगठो मा न्हाख दियो जासे।
MAT 3:11 हाव ते पानी छे तुमूक मन फिराव क यहुन्ना बपतिस्मा देतो छे, पुन जो मारे बाद आवने वालो छे, त्यो मखे छे शक्तिशाली छे; हाव ओका खासड़ा उठावने क योग्य भी नी हय। त्यो तुमूक चुखली आत्मा छे बपतिस्मा आपसे।
MAT 3:12 ओका सूप उना क हात मा छे, आरू त्यो आपसा खलिहान वारली रीति छे साफ करसे, आरू आपसा गहू क तो कुठार मा एखठा करसे, पुन भुसा क ओको आगठो मा धपाड़छे जो उलायने की नी।”
MAT 3:13 उना टेमे ईशु गलील से यरदन नदी क धोड़े बपतिस्मा देनेवावो यहुन्ना क जु बपतिस्मा लेने करीन आयो।
MAT 3:14 पुन यहुन्ना यो कय कर ओको रूकने लाग्या, “मखे तो थारा हात छे बपतिस्मा लेने की जरूरत छे, आरू तु मार पास आय रियो?”
MAT 3:15 ईशु ने ओको यो जवाब दिया, “हिमी तो ओसो ही हुयने दे, काहकि हामु इनी रीति छे सब न्यायपन क पूरो करने वारू छे।”
MAT 3:16 आरू ईशु बपतिस्मा लीन तत्काल पानी मा छे ऊपर आयो, आरू देख्या, ओका करता सोरग उघड़ी गयो, आरू त्यो यहोवा–भगवान क आत्मा क पेरवाक समान उतरता आरू आपसा ऊपर आवता देख्या।
MAT 3:17 आरू सोरगवाणी हुयो, “यो म्हारो मोंगावु पोर्‍या छे, जिना क हाव खुश छे।”
MAT 4:1 तव आत्मा ईशु क जंगल मा ली गया ताकि शैतान छे ओकी परीक्षा होय।
MAT 4:2 त्यो चावीस दाहड़ा, आरू चावीस रात, भुखलो रयो, तव ओको भुख लागी।
MAT 4:3 तव पारखनेवावा ने साथे आवीन ओको छे कयो, “यदि तु यहोवा–भगवान क पोर्‍या छे, तो कय दे, कि यो दगड़ा रोटा बन जाय।”
MAT 4:4 ईशु जवाब दिदो: “लिखलो छे, ‘मानुस केवल रोटा छे नी, पुन हर एक वचन छे जो यहोवा–भगवान क मुख छे निकवता छे, जीवतो रवछे।’”
MAT 4:5 तव आत्मा शैतान ओको चुखलो नगर मा ली गया आरू मंदिर क कातर पर उबो कर्‍या,
MAT 4:6 आरू ओका सी कयो, “यदि तु यहोवा–भगवान क पोर्‍या छे, तो तु या सी कुद जा” काहकि लिखलो छे: “यहोवा–भगवान थारा बारा मा आपने सोरगदूत क हुकुम देसे, आरू त्यो तुखे हातो–हात उठायली जासे; काही ओसी नी होय कि थारा पाय मा दगड़ा सी ठेस नी लागे।”
MAT 4:7 ईशु ने ओका सी कयो, “यो भी लिखलो छे: तु पोरबु आपने यहोवा–भगवान की परीक्षा नी करे।”
MAT 4:8 पछु शैतान ओको एक घोणा उचा बयड़ा पर ली गयो आरू सब जग क राज्य आरू ओका राज देखाड़ी
MAT 4:9 ओका सी शैतान कयो, “यदि तु पाये टेकीन नमस्कार करे, तो हाव यो सब काही तुखे आपी देस।”
MAT 4:10 तव ईशु ने ओका सी कयो, “हे शैतान दूर होय जा, काहकि लिखलो छे: तु पोरबु आपने यहोवा–भगवान क नमस्कार कर, आरू केवल ओकी उपासना कर।”
MAT 4:11 तव शैतान ओका साथे छे जात रयी, आरू देखु, सोरगदूत आवीन ओकी सेवा करने लाग्या।
MAT 4:12 जव त्यो यो सोमव्य कि बपतिस्मा देनेवावो यहुन्ना क बंदी बनाय लेदा गया छे, तो त्यो गलील क जात रयो।
MAT 4:13 आरू त्यो नासरत क छुड़ीन कफरनहूम नगर मा गया, जो नदी धोड़े जबूलून आरू नप्ताली क देश मा छे, जाय रयने लाग्यो;
MAT 4:14 ताकि जो यशायाह कागळिया क द्वारा कयो गया होतो, त्यो पूरो होय:
MAT 4:15 जबूलून आरू नप्ताली क देश, दरिया क मार्ग छे यरदन नदी पार, गैरयहुदी क गलील
MAT 4:16 “जे मानसे आंधारला मा बठ्या हुता, त्या मोटी दिया देखी; आरू जो मरन क देश आरू साहवाम मा बठ्या हुता, उन पर दिया चमकी।”
MAT 4:17 उना टेम सी ईशु खबर करने आरू यो कयनो शुरू कर्यो, “मन फिरावो, काहकि सोरग क राज्य नाट आवी गयलो छे।”
MAT 4:18 गलील की दरियो क धोड़े पुगता होया उना ने दुय भाईस मतलब शमौन क जो पतरस कवाये छे, आरू ओका भाईस अन्द्रियास क दरियो जाव नाखता देख्या; काहकि त्यो माछा मारन्या हुता।
MAT 4:19 ईशु ओका कयो, “मारे पछव आवु, ते हाव तुमूक मानुस क यहोवा भगवान राज्यमा लावनेवावा बनावसु।”
MAT 4:20 त्यो तत्काल जाव क छुड़ीन ईशु पछव होय लेदा।
MAT 4:21 वा से ओगव जाने पर, ईशु आर दुय भाईस मतलब जबदी क पोर्‍या याकूब आरू यहुन्ना आरू ओका भाईस यहुन्ना क देख्य। त्यो आपसा बास जबदी क साथे ढोंड्या पर आपसी जाव क सुधारी रया हुता। त्यो तीनुक भी बुलाया।
MAT 4:22 त्यो तत्काल ढोंड्या आरू बास क छुड़ीन ओको पछव चाल देदा।
MAT 4:23 ईशु सब गलील नगर मा पुगता होया उन क सभागृह मा शिक्षा करता, आरू राज्य क खुश खबर करता, आरू मानसे की हर रीति की बिमार आरू दुर्बलता क दूर करता रया।
MAT 4:24 आरू सब सीरिया देश मा ओका यश फैल गया; आरू दुःख मा जकड़े होया हुता, आरू जिन मा साहळा होती, आरू मिर्गी वालो आरू लखवा क बिमार क ओको साथे लाया आरू उना ने तीनुक वारू कर्‍या।
MAT 4:25 गलील आरू दिकापुलिस, यरूशलेम, यहूदि या आरू यरदन नदी क पार छे गर्दी ओको पछव चाल देदी।
MAT 5:1 त्यो इनीये गर्दी क देखीन बयड़ा पर चढ़ी गया, आरू जव बठ्या गया तो ओका चेला ओका पास मा आया।
MAT 5:2 आरू त्यो आपनो मुय उघाड़ी तीनुक यो शिक्षा देने लाग्या:
MAT 5:3 “धन्य होय छे त्यो, जो मन क दाहड़ो छे, काहकि सोरग क राज्य ओकान छे।”
MAT 5:4 “बरकत वाळो छे त्यो, जो शोक करता छे, काहकि त्यो शांती देखे।”
MAT 5:5 “बरकत वाळो छे त्यो, जो नम्र छे, काहकि त्यो पृथ्वी क हकदार हुयसे।”
MAT 5:6 “धन्य होय छे त्यो, जो न्यायपन क भूखला आरू पीसला छे, काहकि त्यो तृप्त कर्‍या जाछे।”
MAT 5:7 “बरकत वाळो छे त्यो, जो दयावन्त छे, काहकि उन पर दया कर जाछे।”
MAT 5:8 “बरकत वाळो छे त्यो, जिन क मन चुखो छे, काहकि त्यो यहोवा–भगवान क देखछे।”
MAT 5:9 “बरकत वाळो छे त्यो, जो मेल करनेवावा छे, काहकि त्यो यहोवा–भगवान क पोर्‍या कवायसे।”
MAT 5:10 “बरकत वाळो छे त्यो, जो न्यायपन क कारण सताय जातो छे, काहकि सोरग क राज्य तीनुक क छे।”
MAT 5:11 “धन्य होय तुमू, जव मानुस मारे कारण तुमरी निंदा करे, आरू सताय आरू झूठ बुली तुमरे विरोध मा सब रीति की बुरी वात कये।”
MAT 5:12 तव खुश आरू मगन हुयने, काहकि तुमरे करता सोरग मा मोटो फोव छे। अतरानकरीन करीन क त्या कागळियान क जो तुमरे सी पेहल हुता इनी रीति सताया।
MAT 5:13 “तुमू पृथ्वी क नोन होय; पुन यदि नोन क हवाद बिगड़ी जाय, तो त्यो पछु काही समान छे नोन कर्‍या जाछे? पछु त्यो काही काम क नी, केवल यो कि बाहरता नाख दियो जाय आरू मानुस क पायो तवे रौदा जाय।”
MAT 5:14 तुमू जगमा की दिया होय जो नगर बयड़ा पर बठ्या होया छे त्यो डुकाय नी सकता।
MAT 5:15 आरू मानसे दिया धपाड़्या कागुन क नेचो नी पुन दीवट पर राख छे, तव ओको छे घर क सब मानसे क विजात्यो पुगजा छे।
MAT 5:16 तीनी रीति तुमरो विजात्यो मानुस क सामने चमके कि त्यो तुमरा बास की, जो सोरग मा छे, बढ़ाई कर्‍या।
MAT 5:17 “यो नी समझ, कि हाव व्यवस्था या भविष्यवक्ता की किताब क लोप करने आश छे, लोप करने नी, पुन पूरो करने आश छे।”
MAT 5:18 काहकि हाव तुमू छे छाचो कयता छे, कि जव तक सोरग आरू पृथ्वी टव नी जाय, तव तक व्यवस्था छे एक मात्रा या एक बिंदु भी बिना पूरो हुयनो नी टळसे।
MAT 5:19 एरकरीन जो काही इना नाना सी नाना हुकुम मा सी एक क तुड़े, आरू तसोत् लोगहन क सिखाडे, त्यो सोरग क राज्य मा सब सी नानो कवायसे; पुन जो कोय उना हुकुम क पालन करसे आरू तीनुक सिखाड़से, त्योत् सोरग क राज्य मा महान कवायसे।
MAT 5:20 काहकि हाव तुमू छे कयता छे, कि यदि तुमरी न्यायपन शास्त्र आरू फरीसियों की न्यायपन छे बढ़ीन नी होयस, तो तुमू सोरग क राज्य मा कदी भरायने करने नी देखछे।
MAT 5:21 “तुमू सोमवी चुक्या होय, कि पेहला मानसे छे कयो गया हुता कि ‘हत्या नी करने आरू जो काही हत्या करसे त्यो कचहरी मा दण्ड क योग्य होयछे।’
MAT 5:22 पुन हाव तुमू छे यो कयता छे, कि जो काही आपने भाईस पर रीस करसे, त्यो कचहरी मा दण्ड क योग्य होयछे, आरू जो काही आपसा भाईस क निकम्मा कवसे त्यो महासभा मा दण्ड क योग्य होयछे; आरू जो काही कये ‘अरे मुर्ख’ त्यो नरक क आगठो क दण्ड क योग्य होयछे।”
MAT 5:23 एरकरीन यदि तु आपसी भेंट वेदी पर लाया, आरू वाँ तु स्मरण करे, कि तारा भाईस क मन मा थारा करता काही विरोध छे,
MAT 5:24 तो आपसी भेंट त्योही वेदी क सामने छुड़ देय, आरू जाईन पेहल आपसा भाईस छे मेळभेट कर आरू तव आवीन आपसी भेंट चढ़ायो।
MAT 5:25 जव तक तु आपने मुद्दई साथे मार्ग ही मा छे, उना छे छाटलो हावव मिलाप कर लेय काही ओसो नी होय कि मुद्दई तुखे सरदार क सौप्य, आरू सरदार तुखे सिपाई क सौप देय, आरू तु जेल मा नाख दिदो जाय।
MAT 5:26 हाव तुखे छे छाचो कयता छे कि तव तक तु कौड़ी–कौड़ी भर नी देय तक वाँ छे छूटने नी देखसे।
MAT 5:27 “तुमू सोमवी चुक्या होय कि कयो गया हुता, ‘व्यभिचार नी करने।’
MAT 5:28 पुन हाव तुमू छे यो कयता छे, कि जो काय काही बायर पर गलत नाखे त्यो आपने मन मा उना छे व्यभिचार कर त्योक्य।”
MAT 5:29 यदि तारी डाखरिया डुळा तुखे ठुकर खावड़ायो, तो ओको निकावीन नाख दिदा; काहकि थारा करता योही भला छे कि थारा डील मा छे एक नष्ट होय जाय आरू तारो सब डील नरक मा नी नाखी जाय।
MAT 5:30 यदि तारो डाखरिया हात तुखे ठुकर खावड़ायो, तो उना क काटीन नाख देय; काहकि थारा करता योही भला छे कि थारा डील मा छे एक नष्ट होय जाय आरू तारो डील नरक मा नी नाखी जाय।
MAT 5:31 “यो भी कयो गया हुता, ‘जो काही आपसी बायर क तलाक देनो जुवे, तो उको छुड़ने न पत्री देय।’
MAT 5:32 पुन हाव तुमू छे यो कयता छे कि जो काही आपसी बायर क व्यभिचार क सिवा काही आरू कारण छे तलाक देय, तो त्यो ओका सी व्यभिचार करे छे; आरू जो काही उनी त्यागी होयी छे वियाव करे, त्यो व्यभिचार करता छे।”
MAT 5:33 “पछु तुमू सोमवी त्योक्या होय कि पूर्वकाव क मानसे छे कयो गया, ‘झूठी शपथ नी खाने, पुन पोरबु क करता आपसी शपथ क पूरी करने।’”
MAT 5:34 पुन हाव तुमू छे यो कयता छे कि कदी शपथ नी खाने; नी तो सोरग की, काहकि त्यो यहोवा–भगवान क सिंहासन छे;
MAT 5:35 नी धरती की, काहकि त्यो ओको पाय की चौकी छे; नी यरूशलेम की, काहकि त्यो राजा क नगर छे।
MAT 5:36 “आपनो मुनका की भी शपथ नी खाने काहकि तु एक झोटा क भी नी उजला, नी कावा कर सकता छे।
MAT 5:37 पुन तुमरी वात ‘हव’ ते ‘हव’ या ‘नी’ ते ‘नी’ की होय; काहकि जो काही इनीये छे सवटो होतो छे त्यो बुराई छे होतो छे।”
MAT 5:38 “तुमू सोमवी त्योक्या होय कि कयो गया हुता; डुवा क बदले डुवा, आरू दात।”
MAT 5:39 पुन हाव तुमू यो कयता छे कि बुरे क सामना नी करने; पुन जो काही थारा डाखरिया गाल पर थापुड मारे, ओकी आरू दिसरा भी फेर देय।
MAT 5:40 यदि काही तुखे पर नालिश करीन तारो सुटर लेनो जुवे, तो ओको दोहर भी लेय लेने देय।
MAT 5:41 जो काही तुखे कोस भर अमथो मा लेय जाय, तो ओका साथ दुय कोस चाली जाय।
MAT 5:42 जो काही तुखे छे उधार लेने जुवे, उका सी मुय मा फिरावो।
MAT 5:43 “तुमू सोमवी चुक्या होय कि काँ गया हुता, आपने धडेवावा छे मोंग राखने, आरू आपने दुस्मनी छे दुस्मनी।”
MAT 5:44 “पुन हाव तुमरे सी यो कहम कि आपसा दुस्मन सी मोंग राख आरू तुमरा सतावनेवाला क करता प्रार्थना करू।”
MAT 5:45 जिना सी तुमू तुमरा सोरग मा वाला बास क पोर्‍या बनसो काहकि त्यो वारला आरू बुरा दूय पर हेको दाड़ो उगाड़ आरू न्यायी आरू अन्यायी दूयो पर मेह बरसावे।
MAT 5:46 काहकि कदाम तुमू तुमरे सी मोंग करने वाला सीत मोंग राखे, तो तुमरे करता काय नफु हुयसे? काय फाळो लेनेवाळा भी असा नी करे?
MAT 5:47 आरू कदाम तुमू तुमरा भाईस क अतरात नमस्कार करो, तो काहलो मोटलो काम करो? काय गैरयहुदी भी असा नी करे?
MAT 5:48 अतरानकरीन करीन तुमूक यो करनो जुवे कि तुमू जोसा बनो, जसो तुमरो सोरग मा वालो बास पाको छे।
MAT 6:1 “सावधान रवु! तुमू मानुस क देखाड़ने क करता आपसा न्याय क काम नी करू, नी तो आपसा सोरग मा वावु बास छे काही भी फोव नी देखछे।”
MAT 6:2 “एरकरीन जव तु दान करे, तो आपने ओगव भीराक मा वाजाड़ मांगे, जोसो कपटी, सभा आरू गलियो मा करता छे, ताकि मानसे उन बढ़ाई करू। हाव तुमू छे छाचो कयता छे कि त्यो आपसा हर फोव देख चूके।
MAT 6:3 पुन जव तु दान कर, तो जो तारो डावु हात करतो छे, ओको तारो जेवड़ा हात नी जानन छे।”
MAT 6:4 ताकि तारो दान सातायलो रोवे, आरू तव तारो बास जो सातायलो मा देखता छे, तुखे हर फोव आपसे।
MAT 6:5 “जव तु प्रार्थना कर, तो कपटियो क समान नी होय, काहकि मानसे क देखाड़ने क करता आराधना घर मा आरू सयड़क क मोड़ो पर उबा हईन प्रार्थना करने उनको वारलो लागतो छे। हाव तुमू छे छाचो कयता छे कि त्यो आपनो हर फोव देख चूके।”
MAT 6:6 पुन जव तु प्रार्थना कर तो आपसी घर मा जा; आरू झोपलो बंद कर क थार बास सी जो सातायलो मा छे प्रार्थना कर। तव तारो बास जो सातायलो मा देखता छे, तुखे हर फोव आपसे।
MAT 6:7 प्रार्थना करता टेहाव गैरयहुदी क समान बक–बक मा करू, काहकि त्यो समझता छे कि ओको घोणा बुलने छे ओकी सोमवाय जाछे।
MAT 6:8 एरकरीन तुमू मांगने छे पेहल ही जानता छे कि तुमरी काय जरूरत छे।
MAT 6:9 शेवली कावा तुमू इनीये रीति छे प्रार्थना कर्‍या करू हे हामरा बास, तु जो सोरग मा छे; तारो नाव चुखलो मान्यो जाय:
MAT 6:10 तारो राज आवे। तारी मरजी जोसी सोरग मा पूरी होयती छे, त्योसी कोवी पर भी होय।
MAT 6:11 हामरा दाहड़ा भर क रोटा आज हामुक आपसुत।
MAT 6:12 आरू जी रीति हामु ने आपने गुणेहगार क माफ कर्‍या करसे छे, ताकि बुराई सी आमुक वाचाड़। काहकि राज्य, शक्ति आरू महिमा हमेशा तारा छे। आमीन। त्योसो ही तु भी हामरे दोष क माफ करू।
MAT 6:13 आरू हामु परीक्षा मा नी ला, पुन बुराई छे वाचाड़; काहकि राज आरू पराक्रम आरू महिमा सदा तारो ही छे। आमेन।
MAT 6:14 एरकरीन यदि तुमू मानुस क गुणू माफ करसे, ते तुमरा सोरगीय बास भी तुमूक माफ करसे।
MAT 6:15 आरू यदि तुमू मानुस क गुना क माफ नी करे, तो तुमरा बास भी तुमरे गुना क माफ नी करसे।
MAT 6:16 जव तुमू उपवास करू, तो कपटियो क समान तुमरो मुय चिमायलो नी रये, काहकि त्या आपसो मुय चिमाड़ीन रये रयता छे, ताकि मानसे उन लोगहन उपासी जाने। हाव तुमू छे छाचो कयता छे कि त्यो आपसो हर फोव ली चूक्या।
MAT 6:17 पुन जव तु उपवास करू तो आपने मुनका पर तेल मल आरू मुय धरती।
MAT 6:18 ताकि लोगहन नी बाकुन तारो सोरग मा वाळो बास जो सातायलो मा छे, तुखे उपवास जाने। जो सातायलो मा देखता छे, तुखे हर फोव आपसे।
MAT 6:19 “आपने करता धरती पर धन एखठा मा करो, जा सब किड़ा आरू उदाय उको बिगाड़े आरू चुट्टा चुरी करलेय।
MAT 6:20 पुन आपने करीन सोरग मा आपने करीन धन एखठो करू, चा नी ती किड़ा, आरू नी उदाय बिगाड़े, आरू जा चुट्टा नी सेंध लागाड़े आरू नी चुरी करे।
MAT 6:21 काहकि वा तारो धन छे चा तारो मन लागलो रोवसे।”
MAT 6:22 डिलन दिवु डुवो छे। यदि तारा डुवा वारला छे, ती तारा आखो डील भी विजावो होयसे।
MAT 6:23 पुन यदि तारा डुवा बुरा होय, ती तारो आखो डील भी आँधारलो रोवसे; अतरान करीन कारण त्यो विजावो जो तुखे मे छे यदि आँधारलो होय ती आँधारलो कोसो मोटो होयसे।
MAT 6:24 काही मानसे दुय यहोवा–भगवान सेवा नी कर सकता, काहकि चु एक सी बैर आरू दिसरा सी मोंग राखसे, या एक से निष्ठावान रोवसे आरू दिसरा क तिरस्कार करसे। तुमू यहोवा भगवान आरू धन दुयून सेवा नी कर सकता।
MAT 6:25 अतरान करीन–करीन मे तुमू से कयतो छे, कि आपसा जीवन करीन यी चिंता नी करने कि हामु काय खासे, आरू काय पीसे, आरू नी आपसा डीलन करीन कि काय पेरसे, काय खानो से, आरू डील पर छिंदरा रयन मोटो नी।
MAT 6:26 वादवो क चिल्लान क देखु! त्या नी वेरे, नी काटे, आरू नी कुठार मा एखठा करे;
MAT 6:27 तुमरे मा कुन छे, जो चिंता करिन आपसी जीवाय क एक टेम बढ़ाई सके?
MAT 6:28 आरू छिंदरा क लिन क फिकुर काह करो? जंगली फुल क देखु, कि त्या कसो त्योदे, त्या नी काठो काम करे, आरू नी छिंदरा बनावे।
MAT 6:29 ते भी हान तेखो कय द्यो, कि सुलैमान भी, तेखा आपना सब वैभव मा ओका मा सी काहना एक क समान छिंदरा नी हतो।
MAT 6:30 अतरान करीन यहोवा भगवान खोळदीन खोड़ो क, जो आज छे, आरू उको वाहना मा आगठी मा न्हाख देसे, त्यो असो छिंदरा पेहनावे, ती काय ए विनभुरसीया तेखो नी पेहरावे काय?
MAT 6:31 एरकरीन तुमू फिकुर करीन यो झुण कयता, कि हामु काय खासू, आरू काय पीसू, आरू काय पेहरसु?
MAT 6:32 काहकि गैरयहुदी इनी आखी वात क हेरता रये, आरू तुमरो सोरग मा वाळो बास जाने, कि उको यी आखी चीज जुवे।
MAT 6:33 एरकरीन तुमू पेहले यहोवा भगवान राज आरू तेखो न्यायपन क हेरो ती यी सब चीज उको मुवसे जो उको जुवे।
MAT 6:34 अतरानकरीन करीन आवने वाहनेन दाहड़ा क चिंता मा करो, काहकि वाहने क दाड़ो आपसो चिंता करसे; आजुन क दुःख आज ढेरको छे।
MAT 7:1 दोष मा लागाड़, कि तुमू पर भी दोष नी लागाड़ जाय।
MAT 7:2 काहकि जिन रीति सी तुमू दोष लागाड़ता होय, तिन रीति तुमू पर भी दोष लागाड़लो जासे; आरू जिन नाप रयन तुमू नापता होय, तिना रयन तुमरो भी नाप लेसे।
MAT 7:3 तु काय आपसा भाईसन डुवान तिनको देखता छे, आरू आपसा डुवान खुटी तुखे नी देखता?
MAT 7:4 जव तारा डुवा मा खुटि छे, ती तु आपसा भाईस से कोसो कय सकतो छे, “लाव मे तारा डुवा से तिनको निकाव दिस?” ओ ढोंगी!
MAT 7:5 हे कपटी, पेहल आपसा डुवा मा रयन खुटी निकाव ले, तव तु आपसा भाईसन डुवान तिनको भली भाति देखीन निकाव सकसे।
MAT 7:6 चुखलो चीज कुत्राक नी आपने, आरू आपनो मोती सुहर्‍यान ओगव मा नाखु; ओसो नी होय तिनुक पाय पलटावीन तुमूक फाड़ नाखे।
MAT 7:7 मांगसु, ती तुमूक आप देसे; हेरसे ती तुमूक जुड़से; खटखटाय, ती तुमरे करीन उगड़ी जासे।
MAT 7:8 काहकि जो काही मांगता छे, तीनाक मिवतो छे; आरू जो हेरता छे, चो देखता छे; आरू जो खटखटाता छे, तिनान करीन उगड़ी जासे।
MAT 7:9 तुमू मा रयन ओसो कुन मानुस छे, कि ओवी तेरो पोर्‍या तिना रयन रोटा मांगसे, ती चो तीनाक दगड़ो आपसे, मासो मांगसे, ते ओका गोड़सु आपसे?
MAT 7:10 वा माछली मांगे, ती तेखे घड़सो आपसे?
MAT 7:11 अळते: जव तुमू बुरा हईन, आपसा पोर्‍यान वारलो चीज आपने जूवता होय, ती तुमरा सोरगन बास ओका मांगनेवावान वारलो चीज काय नी आपसे?
MAT 7:12 इना कारण जो काही तुमू जूवता होय, कि मानुस तुमरे साथे करे, तुमू भी तींदरा साथे तसोत् व्यवहार करू; काहकि व्यवस्था आरू भविष्यव्दक्तान शिक्षा यज लिखलो छे।
MAT 7:13 “साकड़े फाटक मा रयन भरायो, काहकि चौवड़ो छे चो फाटक आरू सरल छे चो मार्ग जो विनाशन चा रयन ली जाता छे; आरू खुब सब मानसे छे जो तिनासे भरायने करता छे।”
MAT 7:14 काहकि साकड़ो छे चाँ फाटक आरू वातड़ो छे मार्ग जो जीवनन पुचाड़तो छे, आरू थुड़त छे जो तीनाक देखता छे।
MAT 7:15 “झुठा भविष्यव्दक्ता से सावधान रवु, जो गाड़ गाडरा तुमरे साथे आवता छे, पुन जागा मा फाड़नेवावा लेन्डीया तोसा छे।”
MAT 7:16 तींदरा फोव से तुमू तिनुक उवख मानसे। काय झाड़का से अंगुर, या काटेवसीया क झाड़को से अंजीर तुड़ता छे?
MAT 7:17 इनीये रीति हर एक वारलो झाड़को वारलो फोव लावतो छे आरू निकम्मा झाड़को बुरो फोव लावतो छे।
MAT 7:18 वारलो झाड़को बुरो फोव नी लाय सकता, आरू नी बुरो झाड़को वारलो फोव लाय सकता छे।
MAT 7:19 जो–जो झाड़को फोव नी लावतो, चो काटीयो आरू आगठा मा नाख देता‌ छे।
MAT 7:20 अळते: तींदरा फोव से तुमू तिनुक उवख लेसे।
MAT 7:21 जे म्हार सी, “हे पोरबु! हे पोरबु!” कये, उका माईन सब लोगहन सोरग न राज मा भरायने नी करसे, पुन त्योत् जो सोरग माईन बास न मरजी पर चालतो रयसे।
MAT 7:22 तिन दाहड़े खुब मानसे मेखे कोवसे; “हे पोरबु, काय हामु तारे नाव से भविष्यद्वाणी नी करी, आरू तारे नाव से साहळा नी निकाव्या, आरू तारे नाव से खुब चमत्कार क काम नी कर्‍या?”
MAT 7:23 तव हाव तीनुक कय दिस, हाव तुमूक कदी नी जान्य, हे कुकर्म करनेवावा, मारे साथे से चाली जावु।
MAT 7:24 अतरान करीन–करीन जी काही यी वात सोमवीन तिनुक मानता छे चो तीनाक अकलमान मानुस क समान ठरसे जे आपसा घर चट्टान पर बनाड़े।
MAT 7:25 आरू वरहात आरू बाढ़े आवी, आरू वादुन आयु, आरू तिना घर पर टक्‍कर लागी, पुन चो नी पड़्यो, काहकि तेरी नींव चट्टान पर नाखी गयी होती।
MAT 7:26 पुन जो काही मारी यी वात सोमवाता छे आरू तिनु पर नी चालता चो तिन मुर्ख मानसोन समान ठरसे जे आपसो घर वासणी पर बनाड़े।
MAT 7:27 आरू वरहात, आरू आवी, आरू आंझी चाली, आरू तिन घर पर टक्‍कर लागी आरू चो पड़ीन सच्चाई नाश होय गयो।
MAT 7:28 जव ईशु यी वात कय चुक्या, ती ओसो हुयो कि गर्दी तेरी शिक्षा रयन चकित होयी।
MAT 7:29 काहकि चो तींदरा शास्त्रीन सारको नी पुन हक सारको तिनुक शिक्षा देता हुता।
MAT 8:1 जब ईशु बयड़ा पर रयन उतरियो, ते एक मोटी गर्दी उका पछोळ चालने लागी
MAT 8:2 आरू एक कुड़ावो ईशु क पास मा आवीन उको वंद्या आरू कयो, “हे पोरबु कदाम तु चाहे तो मेखे वारू कर सके।”
MAT 8:3 ईशु आपसो हाथ बढ़ावीन हेको छिमीयो, आरू कयो, “म्हार मरजी छे, कि तु वारू हुय जा” आरू चु तत्काल कुड़ वारू हुय गियो।
MAT 8:4 ईशु हेको कयो, “देख, कुदाक कोय नी कयनो, बाकुन जाईन आपसा क पुजारान क देखाड़ आरू जो चढ़ायो मूसा टाकलो छे उको चढ़ाव काहकि त्या लोगहन क करता गवाय हुये।”
MAT 8:5 जव ईशु कफरनहूम नगर मा सी आयो ते एक रोमन सरदार उका पास आवीन उका विनती कर्‍यु,
MAT 8:6 “ए पोरबु, म्हार घर पर म्हार दास लखवा सी बीमार पड़ रीयो।”
MAT 8:7 ईशु उका सी कयो “हाव आवीन उको आरगो करीस।”
MAT 8:8 रोमन सरदार जवाब दीदो, “ए पोरबु, हाव इना लायक नी हय कि तु मार घर छत तवे आवे बाकुन यो मुय सी कय दे तो म्हार दास क आरगो हुय जासे।
MAT 8:9 काहकि हाव भी खुद कुदान हकन नेचो छे आरू म्हारा हक तळे एक दल सिपायड़ा रवे, आरू जव एक सी कहवो जा, तो त्यो जाय; आरू दिसरा सी कहवो आव, तो त्यो आवे; आरू म्हार दास सी कय यो कर तो त्यो करे।”
MAT 8:10 यो सोमळीन ईशु घबराय गियो, आरू जो उका पछोळ आवता हुता उन लोगहन सी कयो, हाव तुमरे सी छाचो कय, कि इसरायल मा भी ओसो विश्वास हाव नी देख्या।
MAT 8:11 आरू हाव तुमरे सी कहवो, कि घण सवटा पुरब आरू पश्चिम सी आवीन अब्राहम आरू इसहाक आरू याकूब क साथ सोरग राज मा बठसे।
MAT 8:12 बाकुन राज्यन अवलियाद बाहर आँधारामा न्हाख देदा जासे; वा रोड़नो आरू दात पीसनो हुयसे।
MAT 8:13 आरू ईशु सरदार क कयो, “जा थारो विश्वास छे, वसोत थारे करता हुये।” आरू ओको सिपायड़ो उना समय मा आरगो हुय गियो।
MAT 8:14 आरू ईशु पतरस क घर आवीन ओकी सासु क तेज बुखार सी पड़ रहवली देखियो।
MAT 8:15 ईशु ओको हाथ छिमियो आरू उको ज्वर उतरी गियो; आरू त्या उठीन ईशुन सेवा करने लाग गयो।
MAT 8:16 जव साते हुयो त्योत्यार उका जु बैस लोगहन क लायो जिनामा साहळा हती आरू चाँ तिन आत्मा क काजे आपसा वचन क म रईन निकाव दिदा, आरू सब बीमार काजे आरगाय कर्‍या।
MAT 8:17 काहकि जो वचन यशायाह कागळिया लारे कयलो हुतो त्यो पूरो हुये; त्यो हामरी कमजुरी क आपसे पर ली लेदो आरू हामरी बीमारी क उठाय लेदो।
MAT 8:18 ईशु आपसे चारो तरफ एक मोटी गर्दी क देखीन नदी ओका पार जानेन हुकुम दिदो।
MAT 8:19 आरू एक शास्त्री ओका पास आवीन उका सी कयो, “ए गुरू, जा काँ भी तु जाईस, हाव थारे पछोळ–पछोळ आवीस।”
MAT 8:20 ईशु उका कयो, “कुल्यान करता ते धर छे आरू वादवान चिल्लान करता पांजरो छे, बाकुन मानुस क पोर्‍यान क करता माथो रखनेन भी जागो नी हय।”
MAT 8:21 एक आरू चेलो ईशु सी कयो, “ए पोरबु, मेखे पेहले जाने दे, कि म्हार बास क गाड़ देदा।”
MAT 8:22 ईशु ओका सी कयो, “तु म्हार पछोळ चाल; आरू मरलान क मरलाक गाड़ने दे।”
MAT 8:23 जव त्यो ढोंड्या पर चढ़ियो, तो ओका चेला ओका पछोळ चालने लागिया।
MAT 8:24 आरू नदी मा एक मोटो वादुन उठियो कि ढोंड्या लेहरो सी ढाकायने लाग गय; आरू ईशु सूय रीयो हुतो।
MAT 8:25 तव त्या पास आवीन ईशु क जगाड़या, आरू कयो, “ए पोरबु, हामुक वाचाड़ हामू नाश हुय रीया।”
MAT 8:26 ईशु त्या लोगहन सी कयो, “ए विनभुरसीया, कायको बीहयो?” तव त्यो उठीन वादुन आरू पानी क लड़िया, आरू सब धीरो हुयो गियो।
MAT 8:27 अतरा पर चेला घबराय गिया, आरू कयनो लागिया, “यो कसलो मानुस छे? हवा आरू दरियो भी ओको हुकुम क माने।”
MAT 8:28 जव दरियो पार करीन त्या गिरासेनियो क देश मा पुच्या। वा बीड़ा मा सी दुय मानुस निकळीन आया जिनु मा विटळ साहळा हुती ईशु क भेटिया, जो अतरा नाव सादिया हुता, कि कोय उना वाट सी जाय नी सकतो हुतो।
MAT 8:29 ईशु क देखी त्या दुयू आयड़ीन कयनो ला गिया, “ए यहोवा भगवान क पोर्‍या थारो हामरे साथ मा काय लेनो–देनो? काय तु टेम आवने सी पेहलुत् हामुक दुःख देने आय गियो?”
MAT 8:30 वा सारी थुड़ांक दूर गुवाळिया सुहर्‍या न एक टुळा क चरावता हुता।
MAT 8:31 साहळा ईशु सी विनती करने लागी, “कदाम तु हामुक बाहर निकाळ रियो ती हामुक इनु सुहर्‍या क टुळा मा मकली दे।”
MAT 8:32 ईशु साहळा क हुकुम दीदो, “जाओ!” त्या निकळी न सुहर्‍या मा भराय गय आरू देखो सब टुळो जुरे सी दवड़ीन टेकड़ी पर सी पानी कुद पड़ीयो आरू दरिया मा गलील डूबीन मर गिया।
MAT 8:33 सूहर्‍यान गुवाळिया ढास गिया आरू साहळा वाळो मनुसो क साथ मा काय हुयो शहरो मा जाईन त्या सारी वात कय दीदा।
MAT 8:34 अतरा पर नगर मा रयने वाळा सब ईशु सी भेटने करीन आया, आरू ओका सी विनती करीया हामरा शहरन काकड़ सी बाहर जात रया।
MAT 9:1 पछु त्यौ नाव पर चढ़ीन दिसरा पार गियो, आरू आपसा नगर मा आयो।
MAT 9:2 आरू काय लोगहन एक लखवा सी बीमार क खाटला पर उका पास मा लाय। ईशु उना क विश्वास देखीन, उना लखवा सी बीमार क कयो, “ए बेटा, हिम्मत राख; थारा पाप माफ हुया।”
MAT 9:3 आरू थुड़ांक शास्त्रीया विचार करिया, “यो ते यहोवा–भगवान न निन्दा करे।”
MAT 9:4 ईशु उना क मनन वात क जानीन कयो, “तुम लोगहन आपसा–आपसा मन मा बुरो विचार कहा करी रया?
MAT 9:5 वारू काय छे? ‘यो कयनो की थारा पाप माफ हुया,’ या यो कयनो, ‘उठ आरू चाल पछी।’
MAT 9:6 बाकुन अतरानकरीन करीन की तुम जान ले कि मानुस क पोर्‍या क धरती पर पाप माफ करने क हक छे।” ईशु लखवा क बीमार सी कयो, “उठ, थार खाटलो उठाव आरू थार घर जा।”
MAT 9:7 त्यो उठीन आपसे घर चली गियो।
MAT 9:8 लोगहन यो देखीन बीह गिया आरू यहोवा भगवान महिमा करने लाग गिया जो मनुसक असो हक दियो।
MAT 9:9 वा सी अगो जाईन ईशु मत्ती नावन एक मानुस क फाळान चौकी पर बठलो देखियो, आरू कयो, “म्हार पछोळ हुय ले।” त्यो उठीन उका पछोळ हुय लिदो।
MAT 9:10 आरू जव ईशु घर मा खाने करीन बठलो हुतो तो बैस सब फाळो लेनेवाळा आरू पापी लोगहन आवीन ईशु आरू उका चेलान क सात मा खाने क बठिया।
MAT 9:11 यो देखीन फरीसिया ईशु क चेलान सी कयो, “तुमरो गुरू फाळो लेनेवाळा आरू पापियोंन क सात मा खाय?”
MAT 9:12 यो सोमवीन ईशु फरीसियान क कयो, “वैद्य वारला आरगा क नी बाकुन बीमार लोगहन क करता जरूरी छे।
MAT 9:13 अतरानकरीन करीन तुम जाईन एको मतलब सिख लेय, कि हाव बलिदान नी बाकुन दया चाहो; काहकि हाव न्यायी क नी पुन पापियोन क बुलावने आयो।”
MAT 9:14 तव बपतिस्मा देनेवावो यहुन्ना क चेला उका पास मा आवीन कयो, “काय कारण छे कि हामू आरू फरीसि अतरा उपवास करजे, पर थारा चेला उपवास नी करे?”
MAT 9:15 ईशु इयाव मांडवाम लोगहन सी कयो, “काय वरात, जव तक लाड़ो उना क सात मा छे तो विखो करसे? पर त्यो दाहड़ा आवसे कि लाड़ो उन लोगहन सी अलग कर दियो जासे, उना समय मा त्या उपवास करसे।
MAT 9:16 “नया छिंदरा क पैबन्द जुनला छिंदरा पर कोय नी लगाड़, काहकि पैबन्द छिंदरा सी आरू काहय खीच लेय, आरू त्यो फाट जाय।
MAT 9:17 आरू नयो दाखरस पुराना मसको मा नी भरे; काहकि असो करने सी मशके फाट जाय, आरू अंगुरन रस वहय जाय आरू मशके नाश हुय जाय, बाकुन नयो अंगुरन रस नवली मशको मा भरे आरू त्यो दुयू वाच रये।”
MAT 9:18 ईशु उन लोगहन सी वात करतो हुतो, कि एक सरदार आवीन उको नमस्कार करियो आरू कयो, “म्हार पोराय हाय मरी; बाकुन तु आवीन थार हाथ उना पर मेल दे, त्यो जीवतो हुय जासे।”
MAT 9:19 ईशु उठीन आपसा चेलान क सात मा ओको पछोळ हय लिदो।
MAT 9:20 आरू देखो, एक बायर जिनिक बारह साल सी लुहूय उहवने न की बीमारी हुती, ओको पछोळ सी आवीन ईशुन छिंदरा क कुनाक छिम लेदा।
MAT 9:21 काहकि त्यो आपसा मन मा कहवती हुती, कि कदाम हाव ओका छिंदरा छिम लीस तो आरगी हुय जाईस।
MAT 9:22 ईशु मुड़ीन ओको देखियो आरू कयो, “पोराय हिम्मत राख; थारो विश्वास तुखे आरगो करलो छे।” आरू त्या बायर उना समय मा आरगी हुय गय।
MAT 9:23 जव ईशु उना सरदार क घर मा पुग गयो आरू पाव्वी वाजाड़ने वाला आरू गर्दी क हुल्लड़ मचाड़ता देखियो,
MAT 9:24 तव कयो, “छेटा हुय जात्यो, पोराय मरी नी, बाकुन सुय रई।” इना पर त्या लोगहन ईशुन हासी उड़ावने लाग गिया।
MAT 9:25 बाकुन जव गर्दी क बाहर निकाल दियो गयो, तो ईशु माहय जाईन पोराय क हाथ धरियो, आरू त्यो पोराय जीव उठी।
MAT 9:26 आरू इनी वातन चर्चा उना सब देश मा फैल गय।
MAT 9:27 जव ईशु वा सी अगोव गयो, ते दूय आंधवा क ओका पोछल यो आयड़ीन कयो, “ए दाऊदन अवलियाद, हामरे पर दया कर।”
MAT 9:28 जव ईशु घर मा पुगी गियो, तो उन आंधवा ओको पास आया, आरू ईशु उन लोगहन सी कयो, “काय तुमूक विश्वास छे, कि हाव यो कर सकीस?” त्या ओका सी कयो, “हाव पोरबु।”
MAT 9:29 तव ईशु उन लोगहन क डुवा क छिमियो आरू कयो, “तुमरा विश्वासन लारे तुमरे करता हुये।”
MAT 9:30 आरू उन लोगहन क डुवा खुली गिया आरू ईशु उन क वातड़ी चेतावनी दिन कयो, “चौकचोळिया रहवजो, कोय इनी वात क नी जाने।”
MAT 9:31 बाकुन त्या लोगहन निकलीन सब क्षेत्र मा ओकी वात पैलाय दिया।
MAT 9:32 जव त्या बाहर जाय रया हुता, तव लोगहन एक मुका क मानस मा साहळा हुती ईशु क पास लाया।
MAT 9:33 आरू जव साहळा निकाल दी गय, तो मुका बुलने लागियो। आरू गर्दी घबराईन कयो, “इस्राएल मा भी असो कदी नी देखियो गयो।”
MAT 9:34 बाकुन फरीसिया कयो, “यो तो साहळा क सरदारन बालजबूल क मदत सी साहळा क निकाले।”
MAT 9:35 आरू ईशु सब गलील नगर आरू गावो मा पछु तो रयो आरू उन लोगहन की सभागृह मा शिक्षा देतो, आरू राज्य क परचार करतो, आरू आखी भातिन बीमारी आरू कमजोरी क दूर करतो रयो।
MAT 9:36 जव ईशु गर्दी क देखियो तो उको लोगहन पर तरस आयो, काहकि त्या उन गाडरा सारका हुता जिनुक कोय चरावने वालो नी हय, त्या घबरायला आरू भटकला सारका हुता।
MAT 9:37 तव ईशु आपसा चेला क कयो, “कमाय ते बैस छे बाकुन दाहाड़क्या कम छे।
MAT 9:38 अतरानकरीन करीन कमाय क मालीक सी विनता करो कि त्यो खेत मा काम करने करीन दाहड़कियान क भेज देय।”
MAT 10:1 पछु ईशु आपसा बारा चेलान क पास बुलावीन, उन चेलान क विटळ आत्मा पर हक आपियो, कि उना क निकाले आरू सब भातिन बीमारी आरू सब भातिन कमजोरी क दूर करे।
MAT 10:2 उन बारा चेलान क नाव या छे पहलो शमौन, जो पतरस कहवाये, आरू ओको भाई अन्द्रियास; जबदी पोर्‍यो याकूब, आरू ओको भाई यहुन्ना
MAT 10:3 फिलिप्पुस आरू बरतुल्मै, थोमा आरू फाळो लेनेवाळो मत्ती, हलफई सन पोर्‍यो याकूब आरू तद्दै।
MAT 10:4 शमौन कनानी, आरू यहूदा इस्करियोती, जो ईशु क धरायो।
MAT 10:5 उन बारा चेलान क ईशु यी सलाह आपीन मोकल्यो, “गैरयहुदी तरफ नी जानो, आरू सामरिया न काहना भी नगर मा नी भरायनो
MAT 10:6 बाकुन इस्राएल क घरानान खुवायला गाडरान क पास जाजो।
MAT 10:7 आरू चालता–चालता परचार करिन कयजो कि सोरगदूत राज साते आवी गयलो छे।
MAT 10:8 बीमार लोगहन क आरगा करो: मरला क जीवाड़ो, कुड़ावा क चुखा करो, साहळा क निकल्यो। तुमू फोकट मा लिदला छे, तो फोकट मा आपो।”
MAT 10:9 तुमरा बटवा मा नी तो सोनो, आरू नी रूपो, आरू न तांबा रखना।
MAT 10:10 वाट्ये जुगु न झोलो राखु, नी दूय सुटर, नी खासड़ा आरू नी लाकड़ी राखु, काहकि दाहड़क्यान क उको खानो जुड़नो जुवे।
MAT 10:11 “जिना काहना भी नगर मा या गाँव मा जावो तो पतो लागावे कि वा कुन योग्य छे? आरू जव तक वा सी नी निकलो, उना क या रहवजो।”
MAT 10:12 आरू घर मा भरायता टेमे ओको बरकत देजो।
MAT 10:13 कदाम उना घर क लोगहन योग्य हुयसे तो तुमरो बरकत उना घर पर पुगसे बाकुन त्या योग्य नी हय तो तुमरो बरकत तुमरे पास पछो आय जासे।
MAT 10:14 आरू जो कोय तुमरो आव भाव नी करे, आरू तुमरी वात क नी सुने, उना घर या नगर सी निकलता जाईन तुमरा पायन धुल झाटकी देजो।
MAT 10:15 हाव तुमरे सी सच कहवो, कि नियाव क दिन उना नगर की हालत सी सदोम आरू गमोरान क नगरो की हालत जादा झेलने जुगु हयसे।
MAT 10:16 “देखो, हाव तुमूक गाडरान जसो लेन्डीया बीच मा भेजो अतरानकरीन करीन घड़सान जसा अकल वाला आरू पेरवान जसा भला बनो।”
MAT 10:17 बाकुन लोगहन सी चौकचोळिया रहवो, काहकि त्या तुमक क मिटिंग मा सौप देसे, आरू उको आराधना घरो मा मार न्हाख से।
MAT 10:18 तुमू म्हार करता आधिकारिया आरू राजान क सामने उना पर आरू गैरयहुदी पर गवाय हुयने क करता हजुर करिया जासो।
MAT 10:19 जव त्या लोगहन तुमूक धरावसे तो यी चिंता नी करनो कि कसा बोलनो आरू काय कयसु; काहकि जो काय तुम क कयनो छे त्यो उना टेमे तुमूक कय दियो जासे।
MAT 10:20 काहकि बोलनेवाला तुमू नी बाकुन तुमरा बासन चुखलो आत्मा लारे बुलसे।
MAT 10:21 भाई आपसा भाई क आरू बास आपसा पोर्‍या क, मारने करीन सौप देसे, आरू पोर्‍या पारी माता–पिता क विरोध मा उठीन माराय देसे।
MAT 10:22 म्हार नाव क कारण सब लोगहन तुमरे सी बैर राखसे, पर जो आखरी तक गम राखसे उना क छुटकारो हुयसे।
MAT 10:23 जव त्या लोगहन तुमूक एक नगर मा सतावसे, तो दिसरा नगर क भाग जाजो। हाव तुमरे सी सच कहवो, तुमु ओका पोर्‍या क आवने सी पेहले इस्त्राएली न सब नगर मा सी गया भी नी हुयसे।
MAT 10:24 चेला आपसा गुरू सी मटो नी; आरू नी दास आपसा मालिक सी।
MAT 10:25 चेला क गुरू क, आरू दास क मालिक न बराबर हुयनो बैस छे; जव त्या लोगहन घर मालिक क बालजबुल कयो तो उका घर वाला क काँ नी कहवसे?
MAT 10:26 अतरानकरीन उना सी मा बीहयो, ओसो काहय भी गुप्त नी छे, जो खुलियो नी जाय; जो उजावा मा नी लायो जासे आरू ओसो काहिज लिकाड़लो नी जासे, जो सामने नी लाव जासे।
MAT 10:27 जो हाव तुमरे सी कहवो, उको विजाळा मा कहवो; आरू जो कानो सी सुनो, उना क छतो पर सी परचार करो।
MAT 10:28 जो डील क मार सके, बाकुन आत्मा क नी मार सके, उना सी मा बीहयो; पर उना सी बीहयो जो आत्मा आरू डील दूयन क नरक मा नाश कर सके।
MAT 10:29 काय एक पयसिया मा सी दूय चिल्‍ला नी वेचाये? पछु भी तुमरो बास इच्छान बिना उना मा सी एक भी धरती पर नी पड़ सके।
MAT 10:30 तुमरा माथा क झोठा भी सब गिनला छे।
MAT 10:31 अतरानकरीन करीन, बीहयो मा; तुमू बैस चिल्लान सी भी जादा मुवन छे।
MAT 10:32 “जो कुई मखे लोगहन क सामने मेखे मान देसे, उका हाव भी म्हार सोरगीय बासन क सामने मान लिस।
MAT 10:33 पर जो कोय मनुस क सामने मखे मना करसे उना क हाव भी म्हार सोरगीय बासन क सामने मना करीस।”
MAT 10:34 “यो मा समझु, कि हाव धरती पर शांती करवाने आवलो छे; हाव शांती करावने नी, पर तलवार चलाड़ने क आवलो छे।
MAT 10:35 हाव तो आयो, कि मानुस क उका बास सी, आरू पोराय क ओकी माय या बास सी, आरू ववड़ी क ओकी सास सी अलग कर दियोव।
MAT 10:36 मानुस क दुस्मन उका घर कोत लोगहन हुयसे।”
MAT 10:37 “जो आश या बास क म्हार सी जादा मोंगाळो जाने, त्यो म्हार योग्य नी आरू जो पोर्‍या या पोराय क म्हार सी जादा मोंगाळो जाने, त्यौ म्हार योग्य नी हय”
MAT 10:38 आरू जो आपसो कुरूस लीन म्हार पछोळ नी चाले त्यौ म्हार योग्य नी हय।
MAT 10:39 जो आपसा जीव क वाचाड़े, त्यौ उना क खुय देसे; आरू जो म्हार कारण सी आपसा जीव क खुय देय, त्यौ उना क पाय लेसे।
MAT 10:40 जु तुमरो स्वागत करे, त्यौ मखे माने; आरू जो मखे माने, त्यौ मखे भेजने वाला क माने।
MAT 10:41 ओ कागळीयान क कागळिया जानीन माने, उको कागळीयान क बदलो मुवसे; आरू जो न्यायी जानीन न्यायी क माने, त्यो क न्यायी क बदलो मुवसे।
MAT 10:42 जु कुई उन नाना मा सी एक क चेलो जानीन केवल एक कटोरो ठण्डो पानी पिलावे, हाव तिमरे सी सच कहवो, त्यो उको इनाम कदी नी खुवे।
MAT 11:1 जव ईशु आपसा बारा चेलान क हुकम दि त्योकियो, तो त्यो उन लोगहन क नगरो मा शिक्षा आरू परचार करने क वाँ सी चली गियो।
MAT 11:2 यहुन्ना जेल खाना मा सी ईशुन क काम क बारा मा यो खुश खबर सोमवीन आपसा चेलान क यो पुचने क मुकल्यो,
MAT 11:3 “काय आवनेवालो तुत छे या दूसरान वाट देखजे?”
MAT 11:4 ईशु जवाब देदो, “जो काय तुमू सोमव्या, आरू देखु, त्यो सब जानीन यहुन्ना क कय देदो।
MAT 11:5 कि आंधवा देखता हुय रिया आरू लेंगड़ा चालता हुय रिया, कुड़ावान क वारला कर देदा जाय आरू बेहरा सोमवी रयो, मरलान क जीवाड़े, आरू गरीब लोगहन क खुश खबर सुनावे।
MAT 11:6 आरू सयाला छे त्या, जो म्हार कारण सी ठुकर नी खाय।”
MAT 11:7 जव त्या वा सी जात रया, यो ईशु यहुन्ना क बारा मा लोगहन सी कयनो लाग गियो, “तुम जंगल मा काय देखने क गिया हुता? काय हवा सी हालता हुवा डाखलिया क देखने?
MAT 11:8 पछु काय देखने क गयो हुतो? जो सुवाला छिंदरा पेहरे, त्या राजान भवन मा रये।”
MAT 11:9 ते आरू काय देखने क गयो हुतो? काय कागळीयान क देखने क? होव हाव तुम सी कहवो, बाकुन कागळीयान सी भी मटला क।
MAT 11:10 यो त्यो, जेका बारा मा लिखियो छे, कि देख, हाव म्हार सोरगदूत क थारे अगोळ भेजो जो थारे अगोळ थारी वाट तियार करसे।
MAT 11:11 हाव तुमूक सच कहवो, कि जो बाई जात सी जनम लिदो, उना मा सी यहुन्ना बपतिस्मा देनेवाला सी कोय बड़ो नी हय; पर जो सोरगन राज मा नाना सी नानो छे त्यो उना सी बड़ो छे।
MAT 11:12 यहुन्ना बपतिस्मा देनेवालान क दाहड़ा सी हाय तक सोरगदूतन राज मा ताकत क सात मा भराये, आरू ताकद वावो उको हापकी लेदो।
MAT 11:13 यहुन्ना तक सब कागळिया आरू नियम कागळिया करता रया।
MAT 11:14 आरू चाहे तो मानो, एलियाह जो आवने वालो हुतो, त्यो यो छे।
MAT 11:15 जेका कान हय त्यो सोनवु ले।
MAT 11:16 “हाव इना समय क लोगहन क किन क समान कहवो? त्या जो बजारो मा बठीन एक दिसरा क आयड़ीन कयता रये,
MAT 11:17 कि हामु तुमरे वाटे पाव्वी वाजाड़ी, आरू तुम नी नाचिया; हामू विलाप करिया, आरू तुम छाती नी थपड़ाया।
MAT 11:18 काहकि यहुन्ना नी खातो आयो आरू नी पीतो, आरू त्या कहवे कि उना मा साहळा छे।
MAT 11:19 मानुस क पोर्‍यो खातो–पीतो आयो, आरू त्या कहवे कि देखो, खादड़ियो आरू पीनियो मनुस, फाळो लेनेवाळा आरू पापी लोगहन क दोस्त! पर गियान आपसो कामो मा सच बनी गियो।”
MAT 11:20 तव उन नगरो क धिक्‍कार कयनो लागियो, जिनमा घण सवटा शक्ति क काम करिया हुता; पुन त्या लोगहन आपसो मन नी फिराया हुता।
MAT 11:21 “हाय, खुराजीन! विखु बैतसैदा! जो शक्तिन क काम करियो आरू कदाम त्यो सोर आरू सीदोन मा करे, तो गंटो पांगरीन, आरू रूखड़ा मा बठीन, त्या कब क मन फिराय लेता।
MAT 11:22 बाकुन हाव तुम सी सच कहवो; कि नियाव क दिन तुमरी हालत सी सोर आरू सीदोन की हालत जादा वेठने योग्य हुयसे।
MAT 11:23 आरू ए कफरनहूम, काय तु सोरग तक ऊँचो करीयो जाएगा? तु तो नरक तक नेचो जाइस; जो शक्तिन क काम थारा पर करला छे, कदाम सदोम मा करला हुता, तो त्यो आज तक बनलो रहवतो।
MAT 11:24 पर हाव तुको कहवो, कि नियाव क दिन थारी दशा सी सदोम की दशा जादा सहने योग्य हुयसे।”
MAT 11:25 उना समय मा ईशु कयो, “ए बास, सोरग आरू धरती क पोरबु, हाव थारो धन्यवाद करो, काहकि तु इन वातन क अकलवाला आरू समझदारों सी सातीन रखियो, आरू पोर्‍या पर उजन्तो नी करीया।
MAT 11:26 होव, ए बास, काहकि तुखे यो वारू लाग्यो।
MAT 11:27 “म्हार बास मेखे सब आप देदलो छे, आरू कोय पोर्‍या क नी जाने, बास अतरो जाने आरू कोय बास क नी जाने, पोर्‍यो अतरो जाने आरू त्यो जिना पर पोर्‍या क देखड़नो चाहे।
MAT 11:28 “ए सब मेहनत करने वाला आरू भार तले डाबायला लोगहन, मार पास आवो; हाव तुमको आराम दियोगा।
MAT 11:29 म्हार जुवड़ो तुमरे पर ऊठाय लेदो; आरू म्हार सी सीखो; काहकि हाव नरम आरू दीन छे; आरू तुमू मन मा शांती ली लेदो।
MAT 11:30 काहकि म्हरो जुवड़ो वारू आरू म्हारो भार हल्को छे।”
MAT 12:1 उका समय ईशु आरामन दिन खेतो मा सी हुयन जातो हुतो, आरू ओका चेला क भुख लागी, आरू त्या उम्बीया तोड़ीन खाने लाग गिया।
MAT 12:2 तव फरीसिया यो देखीन ईशु सी कयो, “देख थारा चेला त्यो काम कर रिया, जो सब्त क दाहड़े करनो वारू नी हय।”
MAT 12:3 ईशु कयो, “काय तुमू नी भोन्या, के दाऊद भी, जव त्यो आरू उका साथी भुकला हुता ती काय करिया?”
MAT 12:4 त्यो कसो यहोवा भगवानन भवन मा गिया, आरू भेंटोन रोटा खादा, जेको खानो नी तो ओको आरू नी उका साथी क, खानो वारू नी हुतो बाकुन पुजारा अतरा खाय सकता हुता?
MAT 12:5 या काय तुमू नियम क नी भणिया, कि पुजारा सब्त क दाहाड़े मंदिर मा सब्त क नियम क तोड़ने पर भी निर्दोष ठरता छे?
MAT 12:6 “बाकुन हाव तुम सी यो कहवो, कि या त्यो छे, जो मंदिर सी भी बड़ो छे।
MAT 12:7 यदि तुमू ओको मतलब जानो कि हाव दया सी खुशी हुयो, बलिदान सी नी, तो तुमू निर्दोष क निर्दोष नी ठहरावे।
MAT 12:8 लोगहन क पोर्‍यो तो सब्त क दिन क भी पोरबुन।”
MAT 12:9 वा सी चालीन ईशु यहूदि लोगहन क आराधना घर मा आयो।
MAT 12:10 वा एक मानुस हुतो, जिनान हाथ सुखलो हुतो; आरू त्या उना पर दोष लगाड़ने करीन उका सी पुछिया, “काय आराम क दाहड़े आरगा करनो वारू छे?”
MAT 12:11 ईशु उन लोगहन सी कयो, “तुमरे माईन असो कुन छे, जिनाक एक गाडरो हय, आरू त्यो उना क धरीन निकाल?
MAT 12:12 वारला, मनुस क दाम गाडरा सी बढ़ीन छे! अतरानकरीन करिन भलाय करनो वारू छे।”
MAT 12:13 तव ईशु उना मानस क कयो, “थारो हाथ बढ़ाव।” त्यो मानुस हाथ बढायो, आरू त्यो पछु दूसरो हाथ क मसान वारू हुय गियो।
MAT 12:14 तव फरीसिया बाहर जाईन उका विरोध मा एकु करिया, कि उनाक किने रीति सी मार न्हाख जे?
MAT 12:15 यो जानीन ईशु वाँ सी निकली गयु। आरू बैस लोगहन ओको पछोळ चाल देदु, आरू ईशु सब क आरगा करियो।
MAT 12:16 आरू उन लोगहन क चेतावनी आपीन कयो, कि म्हार बाराम किन क नी कयनो।
MAT 12:17 कि जो वचन यशायाह कागळीयान क लारे कही गियो हुतो, वा पूरो हुये:
MAT 12:18 “देखो, यो म्हारो सेवक छे, जिनाक हाव चुनी लेदला छे; म्हारो मोंगावु, जिनाक म्हार मन खुश छे; हाव म्हार आत्मा उना पर डालीस; आरू त्यो गैरयहुदी क नियाव क खबर देयगो।
MAT 12:19 त्यो नी झगड़ो करे, आरू नी आयड़े आरू नी बजारो मा कोय ओको सब्द सुने।
MAT 12:20 त्यो कुचलायली डाखली क नी तोड़े; आरू धुँवाड़ो छुड़ती हुयी बत्ती क नी बुझावे, जव तक नियाव क वातड़ो नी करावे।
MAT 12:21 आरू गैरयहुदी ओको नाव पर आश राखसे।”
MAT 12:22 तव लोगहन एक मुका क जिनाम साहळा हुती, ओको पास लाया; आरू ईशु उना क वारू करियो; आरू त्यो मुका बोलने लाग गियो।
MAT 12:23 इना पर सब लोगहन घबरायन कयनो लाग गिया, “यो काय दाऊदन अवलियाद छे?”
MAT 12:24 बाकुन फरीसिया यो सोमवीन कयो, “यो तो विटळ आत्मा क सरदार शैतान सी मदत लीन साहळा क निकाले।”
MAT 12:25 ईशु उन लोगहन की मन की वात क जानीन उना सी कयो, “जिना राज्य मा फूट पड़ी, त्यो उजाड़ हुय जाय, आरू कोय नगर या घरानो जिनमा फुट हुये बनी नी रये।
MAT 12:26 आरू यदि शैतान ही शैतन क निकाले, ते त्यो आपसा विरोध मा हुय गियो; पछु ओको राज कसो बनलो रहवसे?
MAT 12:27 भलो कदाम हाव बालजबुल की मदत सी साहळा क निकालो, तो तुमरी अवलियादन सहायता सी निकाले? अतरानकरीन करीन त्या तुमरो नियाव करसे।
MAT 12:28 पर कदाम हाव यहोवा–भगवान नी आत्मान मदत सी साहळा क निकालो, तो यहोवा–भगवान क राज तुमरे पास आवी गियो।”
MAT 12:29 या कसो कोय मानुस कोय ताकत वाला क घर मा भराइन उका माल धन क लुट सके जव तक कि पेहले उना ताकत वाला क बांधी नी लेय? आरू तव त्यो उना घर क लुट लेसे।
MAT 12:30 जो म्हार साथ नी हय, त्यो म्हारा विरोध मा छे; आरू जो मार साथे नी एखटा करे, त्यो बिसचे।
MAT 12:31 अतरानकरीन करीन हाव तुमरे सी कहवो, कि मानुस क सब भातिन पाप आरू वायकेड़ा माफ कर दियो जासे, पर चुखलो आत्मा न निंदा करसे उको माफ नी करियो जासे।
MAT 12:32 जो कोय मानुस क पोर्‍या क विरोध मा काहय वात कयसे उको त्यो पाप माफ कर दियो जासे, बाकुन जो कोय चुखली आत्मान विरोध मा कहवसे, उको पाप नी तो इनी धरती पर मा नी तो आवनेवाळा सोरग लोक मा माफ करियो जाय।
MAT 12:33 “कदाम झाड़का क वारू कहे, तो उको फव क भी वारू कहवो, या झाड़को क बुरो हसे, तो उका फव क भी बुरो हुयसे; काहकि झाड़को सी ओकी उळखान हुये।
MAT 12:34 ए घड़सान पोर्‍या, तुमू बुरा हयन भी असी कसी वारली वात करी रीया? काहकि जो मन मा भरायलो छे, त्योत् मुय पर आवे।
MAT 12:35 आरू मानुस क मन मा वारला भण्डार सी वारली वात निकले; आरू बुरा मानुस क मन सी बुरी वात निकले।”
MAT 12:36 आरू हाव तुमरे सी सच कहवो, जो–जो निकम्मी वात मानुस कहवसे, नियाव क दिन हर एक वात क लेखो देसे।
MAT 12:37 काहकि तु आपसी वात क कारण निर्दोष आरू आपसी वातन क कारण दोषी ठहराया जासे।
MAT 12:38 इना पर काहय शास्त्रीया आरू फरीसियो ओका सी कयो, “ए गुरू! हामू थारा सी एक सोहलाणी देखने चाह रिया।”
MAT 12:39 ईशु ओका जवाब देदो, “इना जमाना क बुरा आरू व्यभिचारी लोगहन सोहलानी क हेरे; बाकुन योना कागळीयान क सोहलानी क छुड़ीन कोय आरू सोहलानी न दियो जासे
MAT 12:40 योना तीन रात–दिन मटलो माछली क पेटा मा रयो, वसोत मानुस क पोर्‍यो तीन रात–दिन धरती क माहय रहसे।
MAT 12:41 नीनवे क लोगहन नियाव क दिन इना जमाना क लोगहन क साथ मा दोषी बनावसे, काहकि त्या लोगहन योना क परचार सोमवीन, मन पछु फिराया या आरू या त्यो छे जो यहुन्ना सी भी बड़ो छे।
MAT 12:42 दक्षिण रानी नियाव क दाहाड़ा इना जमाना क लोगहन क साथ मा उठीन उना क दोषी बनावसे, काहकि त्यो सुलैमान क गियान सुनने क करता धरती न पार सी आवी, आरू या त्यो छे जो सुलैमान सी भी बड़ो छे
MAT 12:43 “जव साहळा मानुस मा सी निकलीन जात रये, तो सुकला धरती मा आराम क हेरती पछु, आरू ओको मुवे नी।
MAT 12:44 तव कहवे, कि हाव म्हारा उना घर मा जा सी निकलीन आवी पछी उना मा जाती रईस, आरू आवीन उना क सुनलो आरू बाहरी सी साप करलो आरू सजायो हुय पावे।
MAT 12:45 तव हाव जाईन उका सी बुरी सात विटळ आत्मा क आपसा साथ मा ली आवे, आरू वो आत्मा उना मा बठीन वास करे, आरू उना मनुसन पछली हालत सी भी जादा सचाब हुय जाय। इना जमाना क लोगहन की हालत भी असीत् हुय जासे।”
MAT 12:46 जव ईशु सी वात करतो हुतो, तो ओको माय बास आरू भाई बाहर उबा हुय रया हुता, आरू ओको सी वात करनो चाह्यो रया हुता।
MAT 12:47 कुदु ईशु सी कयो, “देख थारी माय आरू थारा भाईस बाहर उबा छे, आरू थार सी वात करनो चाहे।”
MAT 12:48 यो सोमवीन ईशु कयनो वाला क जवाब दियो, “कुन छे म्हार माय? आरू कुन छे म्हार भाईस?”
MAT 12:49 आरू आपसा चेलान क तरफ हाथ बढ़ावीन कयो, “म्हार माय आरू म्हार भाईस या छे।
MAT 12:50 काहकि जो कोय म्हारा सोरगदूतीय बासन मरजी पर चाले, त्योत् म्हार भाईस, आरू बहिनीस, आरू माय छे।”
MAT 13:1 उना दिन ईशु घर सी निकलीन नदी क किनारा पर जाईन बठियो।
MAT 13:2 आरू ओको पास असी मटलो गर्दी एखटी हुय गय कि त्यो नाव पर चढ़ी गियो, आरू सारी गर्दी धोड़े पर उबी रयी।
MAT 13:3 आरू ईशु उन लोगहन क उदाहरण मा बैस सारी वात कयो “एक वेरने वालो बीज वेरने निकलियो।
MAT 13:4 वेरता टेमे काहय दाना वाट्ये क धोड़े पर गिर गिया आरू चिल्ला आवीन उना क त्योटीन खाय गिया।
MAT 13:5 काहय बीज दगड़ा वाला धरती पर पड़ गिया, जा उनाक बैस माटी नी जोड़ने क कारण त्या जल्दी उग आया।
MAT 13:6 बाकुन दाहड़ो निकलने पर त्या बीज जल गिया, आरू मुव नी धरने क कारण सी सुख गिया।
MAT 13:7 आरू काय बीज झाड़का मा गिर गिया, आरू झाड़का मा उन बिज क बढ़ीन दड़पी दिया।
MAT 13:8 बाकुन काय वारली धरती पर पड़ गिया, आरू फव लाया, कोय सौ गुना, कोय साठ गुना, कोय तीस गुना।
MAT 13:9 “जिनको कान हय त्यो सुणी लेय।”
MAT 13:10 आरू चेला पास मा आवीन ईशु सी कयो, “तु त्या उदाहरण मा काय वात करतो हुतो?”
MAT 13:11 ईशु जवाब देदो, “तुमूक सोरग राज क भेद समझने की अकल आपी गयो छे, बाकुन त्या लोगहन क नी।
MAT 13:12 काहकि जेका पास छे, उना क दियो जासे; आरू उना क पास बैस हुय जासे; पर जिना क पास काय भी नी हय, उना सी जो काय ओको पास छे, त्यो भी ली लेदो जासे।
MAT 13:13 हाव उन लोगहन सी उदाहरण मा अतरानकरीन करीन करो, कि त्या देखता जाईन भी नी देखे; आरू सुनता जाईन भी नी सुने; आरू नी समझे।
MAT 13:14 आरू उना क बारा मा यशायाह की वात पूरी हुये; “तुम क कानो सी तो सुनाई देस, पर समझ नी आवे; आरू डुवा सी तो देखाय देसे पर पल्ले नी पड़े।
MAT 13:15 काहकि इन लोगहन क मन सुस्तो हुय गयो, आरू त्या कान्टा क बंद कर लेदो, आरू त्या डुवान क बंद कर लिदा; काहय असो नी हय कि त्या आपसा डुवा सी देखे, आरू कानो सी सुने आरू मन सी समझे, आरू त्या म्हार भेणी पछु जाय आरू हांव उना क आरगा करो।
MAT 13:16 “बाकुन सयाला छे तुमरा डुवा, कि त्या देखे; आरू तुमरा कान, कि त्या सुने।
MAT 13:17 काहकि हाव तुम सी सच कहवो, कि बैस सा कागळिया आरू न्यायी लोगहन यो चाहता हुता कि जो वात तुमू देखो, देखो पर नी देखाय; आरू जो वात तुम सुनो, सुनो, पर नी सुनियो।
MAT 13:18 “अब तुमू बोलनेवाला क उदाहरण सोमवु
MAT 13:19 जो कोय राज क वचन सोमवीन समझे, उका मन मा जो काय बोयो गियो हुतो, उना क त्या शैतान आवीन वचन छिन ली जाय; यो त्योत छे, जो वाटे धड़े बोयो गियो हुतो।
MAT 13:20 आरू जो दगड़ा वाली धरती पर वेरलो गयो, यो त्योत् छे, जो वचन सोमवीन तत्काल खुशी क साथ मान लेदो छे।
MAT 13:21 बाकुन आपसा मन मा मुव नी धरने क कारण त्यो थुड़ाक दाहड़ा रया सके, आरू जव वचन क कारण दुःख मा या पीड़ा हुये, तो तत्काल ठुकर खाय।
MAT 13:22 जो झाड़का मा बोया गयो, यो त्यो वचन क सुने, पर इनी दूनियान क चिंता आरू धन क धोखो वचन क दड़पे, आरू त्यो फव नी लावे।
MAT 13:23 जो वारली धरती मा वेराय गयो, यो त्यो छे, जो वचन क सोमवीन समझे, आरू फव लावे कोय सौ गुना, कोय साठ गुना, कोय तीस गुना।”
MAT 13:24 ईशू उना क एक उदाहरण दियो, “सोरगदूत क राज उना मानुस क समान छे जो आपसा खेत मा वारू बीज बोयो।”
MAT 13:25 पर जव लोगहन सुय रिया हुता तो दुस्मन आवीन गहुक बीज मा जंगली बीज बोवीन चाली गियो।
MAT 13:26 जव अंकुर निकलियो आरू बलिया लागी, तो जंगली दान क झाड़किया भी देखाय दिया।
MAT 13:27 इना पर घर मालिक क दास लोगहन उका सी आवीन कयो, “ए मालिक, काय तु आपसा खेत मा वारलो बीज नी बोयो हुतो काय?”
MAT 13:28 मालिक दास सी कयो, “यो कोय दुस्मन क काम छे।” दास उका सी कयो, काय थारी मरजी छे, कि हामु जाईन उना झाड़का काजे उखाव देजे?
MAT 13:29 मालिक कयो, “नी असो नी हय की तुम एखटा करता जाईन जंगली दाना क झाड़को क साथ मा गहुक नी उखाड़ दयो।
MAT 13:30 काटनी तक दूय न क एक साथ मा बढ़ने देयो, आरू काटनी क समय मा काटने वाला सी कय द्योंगा; पेहले जंगली दाना क झाड़को क एखटा करीन धपाड़ने क करता गाठना बांध लेदो, आरू गहुक म्हार कुठार मा एखटा करो।”
MAT 13:31 ईशु उन लोगहन क एक उदाहरण दियो, “सोरग क राज्य राई क दाना क समान छे, जिनाक कोय मानुस लीन आपसा खेत मा बोय दियो।
MAT 13:32 त्यो सब बीज सी नानो तो छे पर जव बढ़ जाय तव सब साग–पात सी बड़ो हुये; असो झाड़को हुय जाय, कि वादवान चिल्ला भी आवीन ओकी डाली पर पांजरू बनावे।”
MAT 13:33 ईशु एक आरू उदाहरण मा लोगहन सी कहवीन सुनायो, “सोरग क राज खमीर क समान छे जिनाक कोय बायोर लीन बारा किलो पिठु मा मिलाय देदी आरू हुयता–हुयता त्यो खमीर हुय गियो।”
MAT 13:34 यी सब वात ईशु लोगहन सी उदाहरण मा कयो, आरू बिना दाखलो त्यो उन लोगहन सी काय भी नी कहवतो हुतो।
MAT 13:35 कि जो वचन कागळीयान लारे कहवी गीयो हुतो, त्यो पूरो हय; “हाव उदाहरण कयने क म्हार मुय खुलीस हाव उनी वात क जो धरती क उबजने सी ढाकायली रयी देखाड़ीस।”
MAT 13:36 तव त्यो गर्दी क छुड़ीन घर मा आयो, आरू उका चेला ओको पास आवीन कयो, “खेत क जंगली दाना बाराम हामूक समझाड़ दे।”
MAT 13:37 ईशु उन क जवाब दियो, “वारला बीज क बोवने वालो मानुस क पोर्‍यो छे।
MAT 13:38 खेत दूनिया छे, वारलो बीज राजन अवलियाद, आरू जंगली बीज शैतानन अवलियाद छे।
MAT 13:39 जो दुस्मन उन क बोयो त्यो शैतान छे; आरू काटनी दुनिया क खत्म हुयनो छे; आरू काटनेवाळो सोरगदूत छे:
MAT 13:40 आरू जसो जंगली दाना क एखटा करीन उको धपाड़ दियो जाय वसोत दूनिया क खत्म हुयनो हयसे।
MAT 13:41 मानुस क पोर्‍यो आपसा सोरगदूतोन क मोकलसे, आरू त्या उका राज्य मा सी सब ठुकर क कारण बनने वाला क आरू कुकर्म करने वाला क एखटा करसे।
MAT 13:42 आरू उन लोगहन क आगठान कुण्डा मा न्हाक देसे, जा पर रोड़नो आरू दात पीसनो हुयसे।
MAT 13:43 उना समय मा न्यायी आपसा बास क राज्य मा दाहड़ा क समान चमकसे। जिनका कान हय त्यो सुन लेय।
MAT 13:44 “सोरग क राज्य खेत मा ढकायला धन क सारको छे, जिना मा कोय मानुस हेरी सातीन दियो, आरू खुशी सी जाईन आपसो सब काय बेचीन उना खेत क मोल ली लेदो।
MAT 13:45 “पछु सोरग क राज्य एक वेपारीक सारको चे जो वारला मोती क हेरतो हुतो।
MAT 13:46 जव उना क एक मोंगलो मोती मिलियो तो त्यो जाईन आपसो सब काय बेच दियो आरू उना क मोल ली लेदो।
MAT 13:47 “पछु सोरगन राज्य उनी मटलो जाल क सारको छे, जो दरिया मा डाल दियो गयो, आरू हर भातिन जीव क सेमटी लायो।
MAT 13:48 आरू जव जाल भराय गय, तो जीव मारनेवाला धोड़े पर खीच लाया, आरू वारू–वारू जीव क ठाहरा मा एखटा करिया आरू बेकार–बेकार क न्हाख दिया।
MAT 13:49 दूनिया क खत्म हयने समय मा भी असौ हुयसे; सोरगदूत आवीन दुष्ट क न्यायीसी अलग करसे,
MAT 13:50 आरू उन लोगहन क आगठान कुण्डा मा न्हाख देसे। जा रोड़नो आरू दात पीसनो हुयसे
MAT 13:51 “काय तुमू यी वात समझी गिया?” चेला जवाब दिया, “होव”
MAT 13:52 पछु ईशु उना सी कयो, “अतरानकरीन करीन हर एक शास्त्री जो सोरगदूत क राज्यन क चेला बन्या, उना घर धरती क सारको चे जो आपसा गुदाम सी नवली आरू पुरानी चीज निकाले।”
MAT 13:53 जव ईशु यी सब उदाहरण कय दियो, तो वा सी जात रयो।
MAT 13:54 आरू आपसा नगर नासरत मा आवीन उन लोगहन क आराधना घर मा उना क असो शिक्षा देने लागी गियो; कि त्या घबराईन कयनो लागी गिया, “एको यो गियान आरू शक्ति क काम काँ सी मिलियो?
MAT 13:55 काय यो सुतार क पोर्‍यो नी हय? आरू काय एकी माय क नाव मरियम आरू ओको भाई क नाव याकूब, यूसुफ, शमौन आरू यहूदा नी हय?
MAT 13:56 आरू काय एकी सब बहिनीस हामरे बीच मा नी रहवे? पछु एको यो सब काँ सी मिलियो?”
MAT 13:57 इना रीति सी उन लोगहन ओको कारण सी ठुकर खाया, पर ईशु उन लोगहन सी कयो, कागळीयान क आपसा नगर आरू आपसा घर क छुड़ी काही भी विजुत नी उड़ाया?
MAT 13:58 आरू ईशु वा उना क विनभुरसा क कारण बैस शक्ति क काम नी करीयो।
MAT 14:1 उना टेमे मा चौथाई देश क राजा हेरोदेस ईशु क बारा मा सुनियो।
MAT 14:2 आरू आपसा सेवक सी कयो, “यो यहुन्ना बपतिस्मा देनेवालो छे; त्यो मरला मा सी जीव उठियो, अतरानकरीन करीन ओका सी शक्ति क काम हुये।”
MAT 14:3 काहकि हेरोदेस आपसा भाईस फिलिप्पुस न घर वाली हेरोदेस क कारण, यहुन्ना क धरावीन बांधियो, आरू जेलखाना मा डाल दियो हुतो।
MAT 14:4 काहकि यहुन्ना हेरोदेस सी कयो हुतो, कि एको राखनो थारो वारू नी हय।
MAT 14:5 आरू हेरोदेस उको मार न्हाखनो चाहतो हतो, बाकुन लोगहन सी बीहतो हुतो, काहकि त्या उना क कागळीयो मानता हुता।
MAT 14:6 पर जव हेरोदेस क जनमदिन आयो, तो हेरोदेस न पोराय तीहवार मा नाच देखाड़ीन हेरोदेस क खुश करी।
MAT 14:7 अतरानकरीन करीन त्यो शपथ खाईन वचन दियो, “जो काय तु मांगीस, हाव तुखे देय दिस।”
MAT 14:8 त्यो आपसी माता क भड़कावने सी बोली, “यहुन्ना बपतिस्मा देने वालो क माथो थाली मा मांग दे।”
MAT 14:9 राजा दुःखी हुयो, बाकुन आपसी शपथ क, आरू साथ मा बठने वाला क कारण, हुकुम दियो, कि ओको हुकुम आप देदो।
MAT 14:10 आरू त्यो जेलखाना मा लोगहन क मोकलीन यहुन्ना क माथो कटाड़ीयो।
MAT 14:11 आरू ओको माथो थाली मा लायो गियो, आरू पोराय क देदो; आरू त्यो ओको आपसी माय क पास ली गयी।
MAT 14:12 आरू हेका चेला आवीन ओको धड़ क ली जाईन गाड़ देदा आरू जाईन ईशु क खबर दियो।
MAT 14:13 जव ईशु यी खबर सोमव्यो, ते ढोंड्या पर चढ़ीन वा सी उजाड़ धरती मा चली गियो; आरू लोगहन यो सोमवीन नगर–नगर सी पायदल ओका पछोळ हुय लिदा।
MAT 14:14 ईशु निकलीन एक मटलो गर्दी देखियो, आरू उना पर तरस खायो, आरू त्यो बीमार क आरगा करियो।
MAT 14:15 जव साँझ हुय तो ईशु क चेला ओको पास मा आवीन कयो, “यो तो सुनसान जागो छे आरू देर हय रयी, लोगहन क भेज दे कि या बस्ती मा जाईन आपसा जुगु खानो मुव ली लेय।”
MAT 14:16 ईशु चेलान सी कयो, उना क जानो जरूरी नी हय! तुमू इनको खानो देयो।
MAT 14:17 त्या ईशु सी कयो, “या हामरे पास पाच रोटा आरू दूय मासा क छुड़ीन काय नी हय।”
MAT 14:18 ईशु कयो, “उन लोगहन क मार पास ली आयो।”
MAT 14:19 तव ईशु लोगहन क खोड़ो पर बठने क कयो, आरू उन पाच रोटा आरू दूय माछली क लेदो; आरू सोरग की तरफ देखीन धन्यवाद करीयो आरू रोटा तोड़ी–तोड़ीन चेलान क दियो, आरू चेला लोगहन क दिया।
MAT 14:20 आरू सब खाईन आफरी गिया, आरू चेला वाचला रोटान टुकड़ा सी भरायला बारा खिल्ला हाकलिया।
MAT 14:21 आरू खाने वाला बायरा आरू पोर्‍या क छुड़ीन पाच हजार ओदेमड़ा क धोड़ वड़ हुता।
MAT 14:22 आरू ईशु तत्काल आपसा चेलान क ढोंड्या पर चढ़ायो, कि त्या ओको सी पेहल कफरनहूम जात रया, जव तक कि लोगहन क भेज देय।
MAT 14:23 त्या लोगहन क भेजीन, प्रार्थना करने करीन अलग बयड़ा पर चढ़ी गियो; आरू साँझ क त्यो वा एखलो हुतो।
MAT 14:24 उना समय मा ढोंड्यो दरिया क बीच मा लहराय रया हुती, काहकि हवा सामने हुती।
MAT 14:25 आरू त्यो रात क चौथे टेमे मा दरिया पर चालीन चेलान क पास आयो।
MAT 14:26 चेला उको दरिया पर चालतो देखीन घबराय गया, आरू कहने लागिया, “त्यो भूत छे” आरू बीह गिया आरू आयड़ने लागिया।
MAT 14:27 ईशु तत्काल चेला सी वात करीयो, आरू कयो, “हिमत राखो, हाव छे; बीहयो मा।”
MAT 14:28 पतरस जवाब दियो, “ए पोरबु, कदाम तु छे, तो मेखे थारा पास पानी पर चालीन आवने क हुकुम दे।”
MAT 14:29 ईशु कयो, “आव!” तव पतरस नाव पर सी उतरीन ईशु क पास मा जाने करीन पानी पर चालने लाग्या।
MAT 14:30 पर हवा क देखीन बीह गियो, आरू जव नाव डुबने लागी तो आयड़ीन कयनो लागियो, “ए पोरबु मेखे बचाव।”
MAT 14:31 ईशु तत्काल हाथ बढ़ावीन पतरस क धर लेदो, आरू ओका सी कयो, “ए विन विनभुरसीया, तु काय क संका करियो?”
MAT 14:32 जव त्या ढोंड्यो पर चढ़ी गया, तो हवा रूक गय।
MAT 14:33 इना पर जो ढोंड्यो पर हुता, त्या लोगहन ओकी आराधना करीन कयो, “सचमुच, तु यहोवा–भगवान क पोर्‍यो छे।”
MAT 14:34 त्या पार उतरीन गन्नेसरत प्रदेशन धरती पर पुग गिया।
MAT 14:35 आरू वा क लोगहन ओको पेहचानीन आस–पास क सब क्षेत्र मा कय मकलिया, आरू, सब बीमार क ईशु क पास लाया।
MAT 14:36 आरू उका सी विनता करने लाग गिया कि त्यो उन लोगहन क हेका छिंदरा क छिमने देय; आरू जतरा ओको छिमिया, त्या आरगा हुय वाच गिया।
MAT 15:1 तव यरूशलेम सी काहय फरीसि आरू शास्त्री ईशु क पास आवीन कयनो लाग गिया,
MAT 15:2 “थारा चेला वेगला डाहडान नियम क काय क टाले, कि हाथ नी धुवे आरू रोटा खाय?”
MAT 15:3 ईशु त्या लोगहन क जवाब दियो, तुमू भी तुमरी रीति रीवाज क कारण काय क यहोवा भगवान क हुकुम क टाले?
MAT 15:4 काहकि यहोवा भगवान कयो, “तुमरा माय बास क विजुत करजो, आरू जो कोय बास या माय क बुरो कहे, उको मार दियो जाय।”
MAT 15:5 पर तुमू कहवो, कि यदि कोय आपसा माय बास क कहे, जो काय तुको म्हार सी फायदो हय सकतो हुतो, त्यो यहोवा भगवान क भेंट चढ़ाय त्योकियो।
MAT 15:6 तो त्यो आपसा बास क विजुत नी करे, इना रीति सी तुमू तुमरी रीति रीवाज क कारण यहोवा भगवान क वचन टाल दीदा।
MAT 15:7 ए ढोंग करने वाला, यशायाह तुमरा बारा मा यो भविष्व्दाणी ठीक करियो:
MAT 15:8 या लोगहन हुटो सी तो म्हारो विजुत करे, बाकुन ओको मन म्हार सी दूर रये।
MAT 15:9 आरू या रिकामो म्हारी भक्ति करे, “काहकि मानुस क नियम क धरम क शिक्षा करीन सीखाड़े।”
MAT 15:10 आरू ईशु लोगहन क पास बुलावीन उना क कयो, “सुनो, आरू समझी ले।
MAT 15:11 जो मुय मा जाय, त्यो मानुस क विटळ नी करे, पर जो मुय सी निकले त्योत् मानुस क विटळ करे।”
MAT 15:12 तव चेला आवीन कयो, “काय तु जाने कि फरीसिया यो वचन सोमवीन ठुकर खाया?”
MAT 15:13 ईशु जवाब दीदो, “हर झाड़को क सोरगदूतीय बास नी लगाड़यो, त्यो झाड़को उखाड़ी दियो जासे।
MAT 15:14 उन क जाने देयो; त्या आंधवी वाट देखाड़ने वाला छे आरू आंधवा कदाम आंधवा क वाट देखाड़े, तो दुयू भी खाड्ड़ा मा गीर जासे।”
MAT 15:15 यो सोमवीन पतरस ओको कयो, “यो दृष्टान्त हामुक समझाड़ दे।”
MAT 15:16 ईशु कयो, “काय तुमू भी अब तक नी समझिया?
MAT 15:17 काय तुमू नी समझो, कि जो मुय मा जाय, त्यो पेट मा पड़े, आरू शौच सी निकल जाय?
MAT 15:18 पर जो काय मुय मा सी निकले, त्यो मन सी निकले, आरू त्योत् मानुस क विटळ करे।
MAT 15:19 काहकि बुरा विचार, हत्या, विनलाज्या, व्यभिचार, चुरी, झुटी गवाय आरू वायकेड़ा मन सी निकले।
MAT 15:20 त्योत् छे जो मानुस क विटळ करे, बाकुन हाथ नी धुवीन खानो मानुस क विटळ नी करे।”
MAT 15:21 ईशु वा सी निकलीन, सोर आरू सीदोन क देश की आरू चाली गिया।
MAT 15:22 आरू देखो, उना परदेश सी एक कनानी बायर निकली, आरू आयड़ीन कयनो लागी, “ए पोरबु! दाऊदन अवलियाद, म्हार पर दया कर, म्हारी पोराय क साहळा बैस सताय रया।”
MAT 15:23 पर ईशु ओको सी काय जावब नी दियो, आरू उका चेला आवीन उका सी विनती करीन कयो, “इनी क भेज दे; काहकि त्या हामरे पछोळ आयड़ती जाईन आवे।”
MAT 15:24 ईशु जावब दियो, “हाव इस्राएल क खुवायला गाडरान क छुड़ीन हाव कोयक पास नी भेजी गयो।”
MAT 15:25 पर ची बायर आवी, आरू ईशु क नमस्कार करीन कयने लागी, “ए पोरबु, म्हारी मदत कर।”
MAT 15:26 ईशु जवाब दियो, “पोर्‍या रोटा लीन कुत्रान क अगल न्हाखनो वारू नी हय।”
MAT 15:27 त्या कहवी, “सच छे पोरबु, पर कुत्रा भी त्या चुरा खाय, जो ओका मालिक क टेबल पर सी पड़े।”
MAT 15:28 इना पर ईशु उको जवाब दीन कयो, “ओ बाई, थारो विश्वास बड़ो छे; जसो तु चाहे, थारे करता वसोत हुये” आरू ओकी पोर्‍या उना समय आरगी हुय गय।
MAT 15:29 ईशु वा सी चालीन, गलीलन नदी क पास आयो, आरू बयड़ा पर चढ़ीन वा बठ गियो।
MAT 15:30 आरू गर्दी पर गर्दी ओका पास आया, त्या आपसा साथ लेंगड़ा, आंधवा, गुंगा, टुँड़ा, आरू बैस सब क लीन ओका पास आया; आरू उना क ईशु क पाय पर डाल दिदा, आरू त्यो उना क आरगा करियो।
MAT 15:31 बाकुन जव लोगहन देखिया, कि गुंगा बुले आरू टुँडा आरगा हुये आरू लेंगड़ा चाले आरू आंधवा देखे, तो घबराईन इस्राएल क यहोवा भगवानन महिमा करिया।
MAT 15:32 ईशु आपसा चेला क बुलावीन कयो, “म्हार सी इनी गर्दी पर तरस आवे; काहकि त्या तीन दिन सी म्हार साथ मा छे आरू उन लोगहन क पास खाने करीन काय नी हय; आरू हाव उना क भुकलात् भेजनो नी चाहो; काहकि असो नी हये कि वाटे हरबड़ीन गीर नी जाय।”
MAT 15:33 चेला ईशु सी कयो, “हामुक इना उजाड़िया धरती मा काँ सी अतरा रोटा मुवसे कि हामु अतरी मटलो गर्दी क खावाड़े?”
MAT 15:34 ईशु चेला सी पुछियो, “तुमरे पास कतरा रोटा छे?” चेला कयो, “सात रोटा आरू धुड़ीक माछली।”
MAT 15:35 तव ईशु लोगहन क धरती पर बठनेन हुकुम दियो।
MAT 15:36 आरू उन सात रोटा आरू माछली क लीन धन्यवाद करीन तोड़ीयो आरू आपसा चेलान क देतो गयो, आरू चेला लोगहन क।
MAT 15:37 इना रीति सब खाईन आफरी गिया आरू वाचला टुकड़ा सी भरायला सात खिल्ला हाकलिया।
MAT 15:38 आरू खाने वाला बायरा आरू पोर्‍या क छुड़ीन चार हजार ओदेमड़ा हुता।
MAT 15:39 तव ईशु गर्दी क भेजीन नाव पर चढ़ गियो, आरू मगदन नगर मा आया।
MAT 16:1 आरू फरीसियो आरू सदूकियो ईशु क पास आविन ओकी पारख करने करीन उका सी कयो, “हामुक सोरगदूत क काहय सोहलानी देखाड़।”
MAT 16:2 ईशु उन लोगहन क जवाब दियो, “सांझ क कहवे, कि मोसम वारलो रहवसे, काहकि आकाश रातलो छे।”
MAT 16:3 आरू भोलभाको कहे, कि आज आँधी आवसे काहकि आकाश रातलो आरू धुलान जसो छे; तुमू सोरग न क देखीन फरक देखाड़ सके, पर समय क फरक काय क नी देखाड़ सको?
MAT 16:4 इना जमाना क बुरा आरू व्यभिचारी लोगहन सोहलानी हेरे बाकुन योना न सोहलानी क छुड़ीन कोय आरू सोहलानी उन लोगहन क दियो जासे। आरू सोहलानी उना क छुड़ीन चाली गिया।
MAT 16:5 आरू चेला नदी क उना पार जाता समय रोटा ली जानो भुल गिया हता।
MAT 16:6 ईशु चेलान क कयो “सदेखो फरीसियों सदूकियो खमीर सी चोकचौळीया रहवजो।”
MAT 16:7 इना पर त्या एक दिसरा सी वात करने लागिया, “हामु तो रोटा नी लाया। अतरानकरीन करीन त्यो असो कहवे।”
MAT 16:8 यो जानीन, ईशु चेलान क कयो, “ए विनभुरसीया, तुमू आपसा काय वात कर रया की हामरे जु रोटा नी हय?
MAT 16:9 काय तुमू अब तक नी समझिया? आरू उना पाच रोटा क फोम नी करता, आरू नी यो कि कतरी रोटला भरली खिल्ला हाकलिया हुता?
MAT 16:10 आरू नी उन चार हजार क सात रोटा, आरू नी यो कि कतरा खिल्ला हाकलिया हुता?
MAT 16:11 तुम काय क नी समझो कि हाव तुमरे सी रोटान बाराम नी कयो? बाकुन फरीसिया आरू सदूकियो क खमीर से चौकचोळिया रहवजो।”
MAT 16:12 तव चेलान क समझ मा आयो, कि ईशु रोटा क खमीर सी नी, फरीसिया आरू सदूकियोन शिक्षा सी चौकचोळिया रहवने कयो हुतो।
MAT 16:13 ईशु कैसरिया फिलिप्प क परदेश मा आवीन आपसा चेला सी पुछने लाग गियो, “कि लोगहन मानुस क पोर्‍या क काय कहवे?”
MAT 16:14 चेला कयो, “कोय तो यहुन्ना बपतिस्मा देनेवाला कहे आरू कोय एलियाह, आरू कोय यिर्मयाह या कागळिया माईन कोय एक कहवे।”
MAT 16:15 ईशु चेलान क कयो, “बाकुन तुमू मेखे काय कहवो?”
MAT 16:16 शमौन पतरस जवाब दियो, “तु जीवता यहोवा–भगवान क पोर्‍यो मसीह छे।”
MAT 16:17 ईशु पतरस क जवाब दियो, “ए शमौन, योना क पोर्‍या, तु सयालो छे; काहकि मास आरू लुहूय यो या नी बाकुन म्हार बास ने जो सोरगदूत मा छे यी वात तुमरे पर देखाड़ियो।
MAT 16:18 आरू हाव भी तुमरे सी कहवो, तु पतरस छे, आरू हाव इना दगड़ा पर म्हारी मंडळी बनावीस आरू नरकन झोपला उना पर काम नी कर सके।
MAT 16:19 हाव तुखे सोरग राजन चाबीया आपीस आरू जो काय तु धरती पर बांधीस, त्यो सोरग मा भी बांधाय जासे, आरू जो काय तु धरती पर खुलीस, त्यो सोरग मा खुल जासे।”
MAT 16:20 तव चेलान क चेतावनी दियो, “कोय सी नी कयनो! कि हाव मसीह छे।”
MAT 16:21 उना समय सी ईशु आपसा चेला क बतावने लाग गीयो, “मेखे यो जरूरी छे कि यरूशलेम क जावो, आरू डाहडा आरू मुखी पुजारा आरू शास्त्रीया क हाथ सी बैस दुःख उठावो; आरू मार दियो जावो; आरू तीसरे दाहड़े जीव उठो?”
MAT 16:22 इना पर पतरस उना क अलग ली जाईन कयनो लागी गियो, “ए पोरबु, यहोवा–भगवान असो नी करे, थार साते असो नी हुये।”
MAT 16:23 ईशु पछु पतरस क कयो, “ए शैतान, म्हार सामने सी दूर हुय जा! तु म्हार करता ठुकर क कारण छे; काहकि तु यहोवा–भगवानन वात नी बाकुन मनुसोन वात पर मन लगाड़।”
MAT 16:24 तव ईशु आपसा चेलान क कयो, “कदाम कोय म्हार पछोळ आवनो चाहे, तो आपसो मानने सी मना करे आरू ओकोत् कुरूस उठावे, आरू म्हार पछोळ हुय लेय।
MAT 16:25 काहकि जो कोय आपसो जीवन वाचड़नो चाहसे, त्यो उनाक खुय देसे; आरू जो कोय म्हार करता आपसो जीव खुवसे, त्यो उना जुड़सेस।
MAT 16:26 कदाम मानुस सब दूनिया क हात करलेय, आरू आपसा जीव क नुक्शानी झेले, तो उना क काय फायदो हुयसे? या मानुस आपसा जीव क बदलाम काय देयगो।
MAT 16:27 मानुस क पोर्‍यो आपसा सोरगदूतों क साथ मा बासन महिमा मा आवसे, आरू उना टेमे ‘त्यो हर एक क उका काम क अनसारे फव आपसे।’
MAT 16:28 हाव तुमरे सी सच कहवो, कि जो या उबला मानसे छे, ओका माईन कतरा असा छे, कि जव तक मानुस क पोर्‍या क उका राज मा आवतलो नी देख लेये, तव तक मोत क सवाद नी चाखे।”
MAT 17:1 छव दिन क बाद ईशु पतरस आरू याकूब, आरू उका भाईस यहुन्ना क साथ ली गयो, आरू उन लोगहन क एक सुना धरती मा जुर सी बयड़ा पर ली गियो।
MAT 17:2 आरू वा चेलान क सामने ईशुन रूप बदली गियो आरू ओको मुय दाहड़ा क समान चमकियो आरू उका छिंदरा विजाला क समान उजला हुय गिया।
MAT 17:3 आरू मूसा आरू एलियाह क ईशु क साथ मा वात करतला देखाय पड़ियो।
MAT 17:4 इना पर पतरस ईशु सी कयो, “ए पोरबु हामरो या रहवनो वारू छे; कदाम थार मरजी हुय ती हाव या तीन तम्बू बनावीस; एक थार करता, एक मूसा जुगु, आरू एक एलियाह क करता।”
MAT 17:5 पतरस यो कहवतो हुतो, कि एक विजालो वादवो उन पर डाक लेदो, आरू उना वादवा मा सी यो शब्द निकलियो, “यो म्हारो मोंगावु पोर्‍यो छे, जिना सी हाव खुश छे: एकी वात सोमवु।”
MAT 17:6 चेला यो सोमवीन मुय क भुरसे गीर गिया आरू बैस बीह गिया।
MAT 17:7 ईशु त्या लोगहन क पास आवीन उन क छिमियो, आरू कयो, “उठो, बीहयो मा।”
MAT 17:8 तव त्या लोगहन आपसा डुवान क उगाड़ीन ईशु क छुड़ीन आरू कोयक नी देखीया।
MAT 17:9 जव त्या बयड़ा सी उतरी रिया हुता तव ईशु चेलान क हुकुम देदो, “जव तक मानुस क पोर्‍यो मरला मा सी जीव नी उठे, तव तक जो काय तुमू देखिया कोयक सी नी कयनो।”
MAT 17:10 आरू उका चेला ओको सी पुछिया, “पछु शास्त्री काय क कहवे, कि एलियाह क पेहले आवनो सच छे?”
MAT 17:11 ईशु जवाब दीदो, “एलियाह सच मा आवसे, आरू सब काय सुधारसे।
MAT 17:12 बाकुन हाव तुमरे सी कहवो, कि एलियाह आवी चुकियो; आरू त्या उको नी पेहचानिया; बाकुन जसो चाहतो हुतो वसोत त्यो करियो। इना रीति सी मानुस क पोर्‍यो भी उन लोगहन क हाथ सी दुःख झेलसे।”
MAT 17:13 तव चेला समझी गिया कि ईशु हामरे साते यहुन्ना बपतिस्मा देनेवालाक बाराम कयो।
MAT 17:14 जव त्या गर्दी क पास पुग गिया, तो एक मानुस उको पास पुग्यु, आरू घटना टेकीन कयने लाग गियो।
MAT 17:15 “ए पोरबु, म्हार पोर्‍या पर दया कर! काहकि उको मिर्गी आवती रये; आरू बार–बार आगठा मा बार–बार पानी मा पड़ जाय।
MAT 17:16 आरू हाव उको थारा चेला क पास लायो हुतो, पर त्या उना क आरगा नी कर सकिया।”
MAT 17:17 ईशु जवाब दियो, “हे विनभुरसा आरू एक हेठीले लोगहन, हाव कोतार तक तुमरी सहवतो रहवीस? उना पोर्‍या क म्हार साथे लावु।”
MAT 17:18 तव ईशु उनी साहळा क लड़ियो, आरू साहळा उका मा सी निकली; आरू पोर्‍यो उना समय मा आरगाय हुय गिया।
MAT 17:19 तव चेला एखला धरती मा ईशु क पास जाईन कयो, “हामु एको काँ नी निकाल सकिया?”
MAT 17:20 ईशु कयो “तुमरा विश्वास कि कमी स कारण: काहकि हाव तुमरे सी सच कहवो, कदाम तुमरो विश्वास राई क दाना क बराबर भी हुतो, तो इना बयड़ा क कय सको, या सी सरकीन वा जात रया, तो त्यो चली जासे; आरू कोय बात तुमरे करता वातड़ो नी हुये।
MAT 17:21 पर यी जाति बिना प्रार्थना आरू उपवास क नी निकले।”
MAT 17:22 जव त्या गलील नगर मा हुता, तो ईशु उन लोगहन सी कयो, “मानुस क पोर्‍या क मानुस क हाथ मा धराय दियो जासे।
MAT 17:23 आरू त्या उना क मार न्हाखसे, आरू त्यो तीसरे दाहाड़े जीव उठसे।” अतरा पर त्या बैस नराज हुयो।
MAT 17:24 जव त्या कफरनहूम मा पुग गया, तो मंदिर क पास आवीन पुछ्या, “काय तुमरो गुरू मंदिर क फालो लेनेवाला पतरस क जु आवीन पुछा काय तुमरो गुरू मंदिर क फावो नी देय?”
MAT 17:25 त्यो कयो, “होव, देय।” जव त्यो घर मा आयो, तो ईशु उको पुछने सी पेहले उका सी कयो, “ए शमौन तु काय समझे? धरती क राजा फाळो कुनी सी लेदो? आपसा पोर्‍या सी या दिसरा सी?”
MAT 17:26 “पतरस उन क यो कयो, पराया सी।” ईशु उका सी कयो, “तो पोर्‍यो वाच गियो।
MAT 17:27 पछु भी हामु उको ठुकर नी खवाड़े, तु नदी क किनारे जाईन जाल न्हाख, आरू जो माछली पेहले निकले, उको ली ले; तो ओको मुय खोलजी उका मा एक सिक्‍को मुवसे, उना क लीन मार आरू थारे बदले ओको दे देजी।”
MAT 18:1 उना समय चेला ईशु क पास आवीन पुचने लाग गिया, “सोरग क राज मा बड़ो कुन छे?”
MAT 18:2 इना पर त्यो एक पोर्‍या क बुलायो ओको वीच मा उबो कर दियो,
MAT 18:3 आरू कयो, “हाव तुमरे सी सच कहवो, कदाम तुमू नी पछु आरू पोर्‍यान क समान नी बने, तो सोरग राज मा भराय नी सको।
MAT 18:4 आरू जो कोय आपसा क इन पोर्‍या क समान नाना करसे, त्यो सोरग क राज मा बड़ो हुयसे।
MAT 18:5 आरू जु कुई म्हार नाव सी एक असा नानला पोर्‍या क मान्य करे त्यो मेखे मान्य करे।
MAT 18:6 “पर जु कुई इना माईन जु म्हार पर विश्वास करे है एक क ठुकर खवाड़े, उका करता वारू हुये, कि मटलो चक्‍की क पाट उका गला मा लटकाड़ देदो जाय, आरू त्यो उँडा पानी म न्हाख देदा जाय।
MAT 18:7 ठुकर क कारण दूनिया पर विखो! ठुकर क लगनो सच छे: पर विखु उना मानुस पर जिनान लारे ठुकर लागे।
MAT 18:8 “यदि थारो हाथ पाय तुखे ठुकर खवाड़े, तो काटीन न्हाख देय; टुण्डो या लेंगड़ो हुईन जीवन मा भरायनो थारे करता वारू छे, कि दूय हाथ या दूय पाय रहवीन तु जलोम धपनीया आग्ठा मा न्हाख दियो जासे।
MAT 18:9 आरू कदाम थारा डुवा तुखे ठुकर खवाड़े तो उको निकालकर न्हाख दे। कांटो हुईन जीवन मा थारे करता इना सी वारू छे, कि दूय डुवा हुयन भी तु नरकन आगठा मा न्हाख दियो जासे।
MAT 18:10 “देखो, तुमू इना नाना माईन कोयक तुच्छ नी जननो; काहकि हाव तुमरे सी कहवो, कि सोरग मा ओको सोरगदूत म्हार सोरगन बास क मुय हमीसा देखसे छे।
MAT 18:11 काहकि मानुस क पोर्‍या खुवालान क हेरने करीन आवलो छे।
MAT 18:12 “तुमू काय समझो? कदाम कयो मानुस क सौ गाड़ गाडरा हय, आरू उका माईन खुवाय जाय, तो काय निन्यानवे क छुड़ीन, आरू बयड़ा पर जाईन, उना खुवायला गाडरान क नी हेरे?”
MAT 18:13 आरू कदाम असो हय कि उना खुवायला गाडरा क हेर लेय, तो हाव तुमरे सी सच कहवो, कि त्यो रहवला निनयानवे गाडरान क करता जो नी खुवाया हुता अतरो खुश नी हुये, जतरो कि इना खुवालान क मुवने पर करसे।
MAT 18:14 असोत् तुमरो बास की जो सोरग मा छे यी मरजी नी हय, कि इना नान माईन एक भी नाश नी हुय जाय।
MAT 18:15 “कदाम थारो भाई थारा विरोध मा पाप करे, तो जाईन आरू एखला मा वात करीन उको समझाड़ दे; कदाम त्यो थारी सुनी लेय तो तु थारा भाई क पाय लेदो।”
MAT 18:16 आरू कदाम त्यो नी सुने, तो आरू एक जन क थार साथ मा ली जा, कि हर एक वातन दूय या तीन गवाय क मुय सी बनली रये।
MAT 18:17 कदाम त्यो ओकी वात भी नी माने, तो मंडळी सी कय दे, कदाम त्यो मंडळी की भी नी माने, तो तु उको गैरयहुदी आरू फाळो लेनेवाळा क जसो जान।
MAT 18:18 “हाव तुमरे सी सच कहवो, जो काय तुमू धरती पर बांधसे, त्यो सोरग मा बांधायसे आरू जो काय तुमू धरती पर खुले, त्यो सोरग मा खुलसे।”
MAT 18:19 पछु हाव रूमरे कहवो कदाम तुमरे माईन दूय जन धरती पर काहय वात क करता त्या मांगे, एक मन क हय, तो म्हार बास की तरप सी जो सोरग मा छे ओका करता हुय जासे।
MAT 18:20 “काहकि जा सारी दूय या तीन जन म्हार नाव सी एखटा हुये वा हाव उका वीच मा रहवो।”
MAT 18:21 तव पतरस ईशु क पास आवीन कयो, “ए पोरबु, कदाम म्हार भाई पाप करतो रये, तो हाव कतरी वार उको माफ करो, काय सात वार तक?”
MAT 18:22 ईशु ओको सी कयो “हाव थार सी यो नी कहवो, कि सात बार तक, बाकुन सात बार क सत्तर क सात गुना तक।
MAT 18:23 “अतरानकरीन करीन सोरग राजा उना राज क समान छे, जो आपसा दास सी लेखो लेनो चाहे।
MAT 18:24 जव त्यो लेखो लेने लागी गियो, तो एक जन उका सामने लायो गियो जो करोड़ो रूपयान कर्जदार हुतो।
MAT 18:25 जव कि त्योकाड़ने करीन उका पास मा काय नी हुतो, तो ओको मालिक कयो, कि त्यो आरू ओकी घर वाली आरू पोर्‍या पारी आरू जो काय ओको छे सब वेची दियो जाय, आरू वा कर्ज त्योकाड़ी दियो जाय।
MAT 18:26 इना पर त्यो दास मालिक क सामने गीरीन नमस्कार करियो, आरू कयो, ‘ए मालिक, गम राख हाव सब काय भर दिस।’
MAT 18:27 तव उना दास क मालिक उका पर तरस खाईन छुड़ दीदो, आरू ओको कर्ज माफ कर दियो।
MAT 18:28 “बाकुन जव त्यो दास बाहर निकलियो, तो उका साथी दास माईन एक मिलियो, जो ओको सौ दीनार क कर्जदार हुतो; त्यो उको धरीन गलो दड़पीन कयो, ‘जो काय म्हार सी जो कर्ज लेदला छे पछो आप दे।’
MAT 18:29 इना पर ओको साथी दास गिरीन, उका सी विनता करीन कयो; गम धर हाव सब भर दिस।
MAT 18:30 त्यो नी मानियो, बाकुन जाईन जेल खाना मा डाल दियो; कि जव तक कर्ज नी भर देय, तव तक वात रहवे।
MAT 18:31 ओको साथी दास जो हुयो हुतो देखीन बैस नराज हुयो, आरू जाईन आपसा मालिक क पूरो हाल कय देदो।
MAT 18:32 तव उको मालिक जेल खाना डालने वाला उना दास क बुलावीन कयो, ‘ए दुष्ट दास, तु जो म्हार सी विनती करियो, तो हाव थारो त्यो पूरो कर्ज माफ करीयो।
MAT 18:33 अतरानकरीन करीन जसो हाव थारे पर दया करियो, वसोत काय तुखे भी थारा साथी दास दया नी करनो हुतो काय?’
MAT 18:34 आरू ओको मालिक रीस मा आवीन उको दण्ड देने वालान क हाथ मा सौप दियो, कि जव तक त्यो सब कर्ज नी भर देय, तव तक उका हाथ मा रये।
MAT 18:35 “इनी रीति सी कदाम तुमरे माईन हर एक आपसा भाईस मन सी माफ नी करसे, तो म्हार बास जो सोरग मा छे, तुमरे सी भी वसोत करसे।”
MAT 19:1 जव ईशु यी वात कय त्योकियो, तो गलील सी जात रयो; आरू यहूदिया क सिमा जु यरदन नदी पार आयो।
MAT 19:2 आरू मटलो गर्दी ओको पछोळ हुय लेदा, आरू ईशु उन लोगहन क वा सी आरगो करियो।
MAT 19:3 तव फरीसि ओकी पारख करने करीन पास आवीन कयनो लाग गिया, “काय हर कारण सी घर वाली क छुड़नो वारू छे?”
MAT 19:4 ईशु जवाब दिदो, “काय तुमू नी भणिया, की जो उको बनायो, त्योत् शुरू सी नर आरू नारी करीन बनावीन कयो,
MAT 19:5 ‘इना कारण सी मानुस आपसा माय बास सी अलग हुईन आपसी लाड़ी क साथ मा रहवसे आरू त्या दुयू एक डील हुयसे?’
MAT 19:6 त्या दुय नी, बाकुन एक डील छे अतरानकरीन करीन जिना क यहोवा–भगवान जुड़ियो, मानुस उको अलग नी करनो जुवे।”
MAT 19:7 त्या ईशु सी कयो, “तव मूसा काय क यी वात टाकियो कि छुड़ने पत्री दीन छुड़ देय?”
MAT 19:8 ईशु उन लोगहन सी कयो, “मूसा तुमरा मनन वातड़ी वातन क कारण सी तुमूक तुमरी लाड़ी क छुड़ देने करीन हक दियो, बाकुन शुरू मा असो नी हुतो।”
MAT 19:9 आरू हाव तुमरे सी कहवो, “कि जो कोय व्यभिचार क छुड़ीन आरू काहय कारण सी आपसी लाड़ी क छुड़ देय, आरू दिसरी सी इहाव करे, त्यो व्यभिचार करे; आरू जो उनी छुटली सी इहाव करे, त्यो भी व्यभिचार करे।”
MAT 19:10 चेला उका सी कयो, “कदाम ओदमी क बाई जात क साथ मा असो सम्बन्ध छे, तो इहाव करनो वारू नी हय।”
MAT 19:11 त्यो उका सी कयो, “सब यो वचन नी मान सके, त्योत् मान सके जिनाक यो दान मुवलो छे।
MAT 19:12 काहकि काहय नपुंसक असा छे जो मायन पेट सी असा पैदा हुया; आरू काहय नपुंसक असा छे, जिन क मानुस नपुंसक बनायो: आरू काहय नपुंसक असा छे, जो सोरगदूत राज क करता आपसा क नपुंसक बनाड़े, जो मान सके त्यो माने।”
MAT 19:13 तव लोगहन पोर्‍या क ओका पास मा लाया, कि ईशु उन पर हाथ मेलीन प्रार्थना करे; पर चेला पोर्‍या क लावने वाला क लड़िया।
MAT 19:14 ईशु कयो, “नानला पोर्‍या क म्हार पास आवने देयो। आरू उना क मना मा करो, काहकि सोरग राज असलान क छे।”
MAT 19:15 आरू ईशु पोर्‍या मुनका पर हाथ मेलीन, वा सी चली गियो।
MAT 19:16 आरू एक मानुस ईशु क पास आवीन कयो, “ए गुरू, हाव काहलो वारलो काम करो, कि अमरकाय जीवन मुवे?”
MAT 19:17 ईशु ओका सी कयो, “तु म्हार सी वारला न बाराम कायको पुछे? भलो तो एकुत छे; पर कदाम तु जीवन मा जानो चाह्यो रियो, तो हुकुम क मानिया कर।”
MAT 19:18 जवान मानुस ईशु कयो, “काहली हुकुम?” ईशु कयो, “यो कि हत्या नी करनो, व्यभिचार नी करनो, चुरी नी करनो, झुटी गवाय नी देनो;
MAT 19:19 आपसा बास आरू आपसी माय क विजुत करजी, आरू आपसा पड़ोसी सी आपसेन जसो मोंग राखजी।”
MAT 19:20 त्यो जवान कयो, “इनी सब वातन क तो हाव नानलोतीन मानतो आयो अब मार मा काहली वात की कमी छे?”
MAT 19:21 ईशु जवान क कयो, “कदाम तु सिद्ध हुयनो चाह्यो रयो; तो जा, थारो सब काय वेचीन गरीब लोगहन क वाट दे; आरू तुखे सोरग मा धन मुवसे; आरू आवीन म्हार पछोळ हुय ले।”
MAT 19:22 यो सोमवीन त्यो जुवान क चेहरो दुःखी हईन जात रयो, काहकि त्यो बैस धन क मालिक हुतो।
MAT 19:23 तव ईशु आपसा चेला सी कयो, “हाव तुमरे सी सच कहवो, कि धनवान क सोरग राज मा भरायनो वातड़ो छे।
MAT 19:24 पछु तुमरे सी कहवो, कि यहोवा–भगवान क राज मा धनवान क भरायने सी उटड़ा क सुवीन गाळा सी निकली जानो सरल छे।”
MAT 19:25 यो सोमवीन, चेला बैस घबराईन कयो, “पछु कुनीन उध्दार हुयसे?”
MAT 19:26 ईशु चेलान क आरू देखीन कयो, “मानसो सी तो नी हुय सके, बाकुन यहोवा–भगवान सी सब काय हुय सके।”
MAT 19:27 इना पर पतरस ईशु सी कयो, “देख, हामु सब काय छुड़ीन थारे पछोळ हुय लेदो तो हामु काय मुवसे?”
MAT 19:28 ईशु चेला सी कयो, “हाव तुमरे सी सच कहवो, कि नवली उबजन मा जव मनुसक पोर्‍यो आपसी महिमा क साथ मा राजगाद्दी पर बठसे, तो तुमू भी जो म्हार पछोळ हुय लेदा, बारा राजगाद्दी पर बठीन इस्राएल क बारा वंश क न्याय करसे।”
MAT 19:29 हर एक जन जो मार करता, घर भाई–बहिनीस, माय बास, अवलियाद या खेत क छुड़ देय, उको सौ गुना फव मुवसे, आरू त्यो अमरकाय जीवन क हकदार हुयसे।
MAT 19:30 बाकुन बैस सब जो पेहला छे, पछला हुसे; आरू जो पछला छे, पेहला हुयसे।
MAT 20:1 “सोरग क राज कोय क घर धरती क समान छे, जो सन्दारे निकलियो, कि आपसा दाखन वाड़ी मा दाहड़किया क लगाड़या।
MAT 20:2 आरू त्यो दाहड़कियान एक दीनार दाहड़ान क दाड़की पर ठहरावीन, उन लोगहन क आपसी अंगुर न वाड़ी मा भेज दियो।”
MAT 20:3 पछु चु नव बजे बाहर ते निकलीन जातो हुतो, दिसरा लोगहन बजार मा बेकार मा उबा रहला देखीन,
MAT 20:4 आरू दाहड़किया सी कयो, तुमू भी अंगुर न वाड़ी मा जावो, आरू जो काय ठीक छे, तुम क दियोंगा।
MAT 20:5 पछु त्यो निकलीन छटवा आरू नवा घंटा मा नगर–चौक मा गिया आरू असोत् करिया।
MAT 20:6 आरू एक घंटा तक दिन रयो पछु निकलीन दिसरा क उबा देख्यु, आरू उन लोगहन सी कयो, “तुमू काय क या दाहड़ो भरीन बेकार उबरई रिया?” त्या उको कयो, अतरानकरीन करीन कि कोय हामुक दाहड़ की पर नी लगायो।
MAT 20:7 त्यो उन लोगहन क कयो, तुमू भी अंगुर न वाड़ी मा जावो।
MAT 20:8 शाम क अंगुर न वाड़ी क मालिक उका चाकरीया क कयो, “दाहड़कियान क बुलावीन पछला सी लीन पेहलो तक दाहड़की देय दे।”
MAT 20:9 जव चाँ आया, जा घंटा भर दाहाड़काय लागाड़या हता, त्या लोगहन क एक–एक दीनार मुविया।
MAT 20:10 जो पेहल आया, त्या यो समझिया, कि हामुक जादा हक मुवसे; बाकुन त्या लोगहन क भी एक दीनार मुवियो।
MAT 20:11 जव मुवियो, तो त्यो घर क मालिक पर किचवाईन कयनो लाग गिया,
MAT 20:12 बाद मा आवला दाहड़किया एक घंटो काम करिया, आरू तु उन लोगहन क हामरे बराबर कर दियो, आरू जो दाड़ो भरीन भार हाकलिया आरू तप क झेलीया?
MAT 20:13 वाड़ीन मालिक जवाब दियो, “ए भास्यो, हाव थार सी काय अन्याय नी करो; काहकि तुम म्हार सी एक दीनार कि दाडाड़की पर राजी नी हुया?”
MAT 20:14 जो थारो छे, उठाय ले, आरू चला जा; म्हारी मरजी यी छे कि जतरो थारो अतरो दिसरा क भी दीदे।
MAT 20:15 काय यो वारू नी हय कि हाव म्हारा माल सी जो मरजी वोसो करो? काय तु म्हार सी वारू हयने क कारण बुरी नजर सी देखे?
MAT 20:16 “इनीये रीति सी पेहलो छे, त्यो पेहलो हुय जासे आरू जो पेहलो छे त्यो पछलो हुय जासे।”
MAT 20:17 ईशु यरूशलेम क जाता समय बाहर चेलान क एखला धरती मा ली गियो, आरू वाटे उन लोगहन सी कयनो लागियो।
MAT 20:18 “देखो, हामु यरूशलेम क जाजे; आरू मानुस क पोर्‍यो मुखी पुजारा आरू शास्त्रीया क हाथ सी धराय जासे आरू त्या उको घात क करता योग्य बनावसे।
MAT 20:19 आरू उको गैरयहुदी क हाथ मा सौप देसे, आरू कुड़ा देसे, आरू कुरूस पर चढ़ावे, आरू त्यो तीसरे दाहड़े मरला माईन जीवितो करियो जासे।”
MAT 20:20 जबदी क पोर्‍या माय आपसा पोर्‍या क साथ मा ईशु क पास आवीन नमस्कार करिया, आरू उका सी मांगने लागी।
MAT 20:21 ईशु ओका सी कयो, “तुको काय जुवे?” त्यो उका सी बोली, “यो कय दे, कि म्हार दूय पोर्‍या क थारा राजमा एक थारे जेवड़े आरू एक डासचिया तरफ बठे।”
MAT 20:22 ईशु जाव देदो, “तुमू यो नी जानो कि काय मांग रिया। जो दुःख क वाटको हाव पीने पर छे, काय तुमू पी सको?” त्या उका सी कयो, “पी सकजे।”
MAT 20:23 ईशु उन लोगहन सी कयो, “तुमू म्हारो वाटको पीसो पर मार जेवड़ा आरू डासचिये कोयक बठाड़नो म्हारो काम नी हय, पर जिना क करता म्हार बासन तरफ सी तियार करीयो गयो, उका करता छे।”
MAT 20:24 यो सोमवीन, दसु चेला त्या याकूब आरू यहुन्ना दूय भाईस पर किचवाया।
MAT 20:25 ईशु यन लोगहन क पास बुलावीन कयो, “तुमू जानो, कि गैरयहुदी क सरदार भी उना पर राज करे; आरू जो मटला छे त्या उन लोगहन पर हक जतावे।
MAT 20:26 बाकुन तुमरे माईन असो कुन हसे; बाकुन जो कोय तुमरे माईन बड़ो हुयनो चाहे, त्यो तुमरो सेवक बने;
MAT 20:27 आरू जो तुमरे मा प्रधान हुयने चाहतु त्यो तुमरो दास बने;
MAT 20:28 जसो कि मानुस क पोर्‍यो, त्यो अतरानकरीन करीन नी आयो कि आपसी सेवा करावे, बाकुन अतरानकरीन करीन आयो सेवा करे आरू बैस जन क छुटकारा क करता आपसो जीव देय।”
MAT 20:29 जव या यरीहो नगर सी निकली रया हुता, तो एक मटलो गर्दी उका पछोळ हुय लेदा।
MAT 20:30 आरू दूय आंधवा, जो सड़क क धड़े बठिया हुता, यो सोमवीन ईशु जाय रियो, आयड़ीन कयनो लाग गिया, “ए पोरबु दाऊदन अवलियाद, हामरे पर दया कर।”
MAT 20:31 लोगहन आंधवा क लड़िया कि चुप रये, पर त्या आरू भी आयड़ता रया, “ए पोरबु दाऊदन अवलियाद हामरे पर दया कर।”
MAT 20:32 तव ईशु उबो हईन, आंधवा क बुलायो, आरू कयो, “तुमूक काय जुवे कि हाव तुमरे करता करो?”
MAT 20:33 आंधवा ईशु सी कयो, “ए पोरबु यो कि हामरा डुवा खुल जाय।”
MAT 20:34 ईशु दया करीन ओको डुवा क छिमियो, आरू त्या तत्काल देखने लाग गिया; आरू ईशु क पछोळ हुय लेदो।
MAT 21:1 जव त्या यरूशलेम क पास मा पुगिया आरू जैतुन बयड़ा पर बैतफगे क पास आया, तो ईशु चेलान क यो कहवीन मुकल्यो,
MAT 21:2 “आपने सामने वाला गाँव मा जावो, वा पुगीन एक गदड़ी बांधायली हसे, आरू उका साथ मा पीलो जड़से; उको खुलीन, म्हार पास ली आवो।
MAT 21:3 कदाम तुमरे सी कोय कहवे, तो कहवजो, कि पोरबु क इनको काम छे; तव त्यो तत्काल लावने क हुकुम दि देसे।”
MAT 21:4 यो अतरानकरीन करीन हुयो, कि जो वचन कागळीयान क लारे कयलो हुतो, पूरो हुये:
MAT 21:5 “सिय्योन क पोराय सी कहवो, देख, थारो राजा थारे पास आवे; त्यो नम्र आरू गदड़ा पर बठलो छे; बाकुन गदड़ान पीला पर।”
MAT 21:6 चेला जात रया, आरू जसो ईशु चेलान क कयो हुतो, वसात करिया।
MAT 21:7 आरू गदड़ीन पीला क लावीन, उना पर छिंदरा डाल दिया आरू ईशु उका पर बठी गियो।
MAT 21:8 आरू जो गर्दी माईन कोय लोगहन वाटे पर आपसा छिंदरा बिछाया, आरू लोगहन झाड़कान डावखा काटीन वाटे पर बिछाया।
MAT 21:9 आरू जो गर्दी अगोळ–अगोळ जातली आरू पछोळ–पछोळ जातली गर्दी आयड़ी–आयड़ी कहवती हुती, “दाऊद क अवलियाद क होशान्ना; सयाला छे त्या जो पोरबुन नाम सी आवे, दाऊद न अवलियाद क स्तुती होय।”
MAT 21:10 जव त्यो यरूशलेम मा भरायो, तो सब नगर मा हलचल मच गय; आरू लोगहन कयनो लाग गियो, “यो कुन छे?”
MAT 21:11 लोगहन कयो, “यो गलील नासरत क कागळीयो ईशु छे।”
MAT 21:12 ईशु यहोवा–भगवान क मंदिर मा जाईन, उन सब क, जो लेन–देन कर रिया हुता, सब क मंदिर से निकाल दियो; आरू टेबलियान पर पेरवान क वेचने वालान चौकिया उलटाय दियो।
MAT 21:13 आरू उन लोगहन सी कयो, “लिखलो छे, म्हार घर प्रार्थना क घर कहवायसे; बाकुन उको डाकुन खण्ड बनाय रीया।”
MAT 21:14 आरू आंधवा आरू लेंगड़ा, मंदिर मा उका पास मा, आरू त्यो उको आरगो करियो।
MAT 21:15 बाकुन जव मुखी पुजारा आरू शास्त्रीया इनु डाहला काम क जो ईशु करीयो, आरू पोर्‍या क मंदिर मा दाऊदन अवलियाद क होशान्ना आयड़ता जाईन देखियो, तो किचवाय गिया,
MAT 21:16 आरू ईशु सी कयनो लाग गिया, “काय तु सनी रीयो कि त्या काय कहवे?” ईशु उन लोगहन सी कयो, “होव; काय तुमू यो कदी नी भणीया; पोर्‍या आरू नानला दूध पीने वाला पोर्‍या सी तु बढ़ाई करायो?”
MAT 21:17 तव ईशु लोगहन क छुड़ीन नगर क बाहर जाती रियो आरू बैतनिया गाँव मा रात काटियो।
MAT 21:18 वेगलु–वेगु क जव नगर तरफ आवतो हुतो, तो उको भुख लागी।
MAT 21:19 आरू अंजीर क झाड़को क किनारो देखीन त्यो उका पास मा गियो, आरू पान्टा क छुड़ीन उका मा आरू कोय नी मुव नी सकियो उका सी कयो, “अब से थारे मा आरू पछु कदी फव नी लागे।” आरू त्यो अंजीर क झाड़को तत्काल सुख गियो।
MAT 21:20 यो देखीन चेला घबराय गिया, आरू कयो, “अंजीर क झाड़को जिनाक तु स्राप देदो हुतो, सुख गया छे?”
MAT 21:21 ईशु चेलान क जवाब दियो, “हाव तुमरे सी सच कहवो; कदाम तुमू विश्वास राख, आरू संका नी करो; तो तुमू यो नी करो, जो इना अंजीरन झाड़को सी करीयो गयो; बाकुन कदाम इना बयड़ा सी भी कहवसे कि उखड़ जा, आरू दरिया मा जाईन पड़ जा, तो यो हुय जासे।
MAT 21:22 आरू जो काय तुमू प्रार्थना मा विश्वास सी मांगसे त्यो सब तुमूक मुव जासे।”
MAT 21:23 ईशु यरूशलेम मंदिर मा जाईन शिक्षा दी रियो हुतो, कि मुखी पुजारो आरू लोगहन क डाहडा उका पास मा आवीन पुछिया, “तु यो काम काहला हक सी कर रियो? आरू तुको यो हक कुन दियो?”
MAT 21:24 ईशु उन लोगहन क जवाब दियो, “हाव भी तुमरे सी एक वात पुछो; कदाम त्यो मेखे देखाड़से, तो हाव भी तुमको देखाड़ दीस कि यो काम काहला हक सी करो।”
MAT 21:25 यहुन्ना क बपतिस्मा कहना तरफ सी हुतो? “सोरग क तरफ सी या मानुस क तरफ सी हुतो?” तव त्या एक दिसरा सी विचार करने लाग गिया, कदाम हामु कयजे “सोरग सी, तो त्यो हामरे सी कहवसे की, पछु तुमू उको विश्वास काँ नी करिया?”
MAT 21:26 आरू कदाम कयसु कि मानुस की तरफ सी, तो हामुक गर्दी सी बीक छे, “काहकि त्या सब यहुन्ना क कागळीयो मानता हुता।”
MAT 21:27 असा करीन त्या ईशु क जवाब देदो, “हामु नी जानजे।” ईशु भी उन लोगहन सी कयो, “तो हाव भी नी देखाड़ो, कि यो काम काहला हक सी करोम।”
MAT 21:28 तुमू काय समझो? कोय मानुस क दूय पोर्‍या हुता; त्यो पेहला क पास जाईन कयो, “ए बेटा, आज अंगुर न वाड़ी मा काम कर।
MAT 21:29 त्यो पोर्‍यो जवाब दियो ‘हाव नी जावो,’ बाकुन बाद मा पछतावो जाती रयो।
MAT 21:30 पछु दूसरा क पास मा जाईन असोत् कयो, त्यो जवाब दियो, होव हाव जावो, बाकुन नी गियो।”
MAT 21:31 “इना दूय माईन कुन बास कि मरजी पूरी करियो?” त्यो कयो, त्या कयो “पेहलो करीयो” ईशु तुमूक सच कहवो, कि फाळो लेनेवाळा आरू वेश्या तुमरे सी पेहले सोरगदूत राज भराये।
MAT 21:32 काहकि यहुन्ना न्यायपन वाटे सी आयो, आरू तुमू उना पर विश्वास नी करिया: बाकुन फाळो लेनेवाळा आरू वेश्या लोगहन उका पर विश्वास करिया: आरू तुम यो देखने क बाद मा भी नी पछतावो करिया कि उको विश्वास करे।
MAT 21:33 “एक आरू दृष्टान्त सोमवी लेवु एक घर हुतो, जो अंगुर क वाड़ी लगाड़यो; आरू ओको चार तरफ वाड़ बांध देदो; आरू उका मा रस कुण्डा खुँदीयो; आरू मचान बनायो; आरू किसान लोगहन क उको ठेको आपीन परदेश जाती रयो।”
MAT 21:34 बाकुन जव फव क समय साते आयो, तो मालिक आपसा दास लोगहन क ओको अंगुर क वाड़ी क फव क भाग करीन किसानो क पास मा मोकल्यो।
MAT 21:35 बाकुन किसान लोगहन उका दास लोगहन क धरीन कोय क थापड़ धुमू देदो, आरू कोय क मार न्हाखिया; आरू कोय क उपर दगड़ा देदो।
MAT 21:36 पछु त्यो आरू दास लोगहन क मुकल्यो, जो पेहले हुता; आरू किसान ओको सात मा भी वसात करीया।
MAT 21:37 आखरी मा मालिक आपसा पोर्‍या क किसान क पास मा मुकली देदो, कि त्या उका पोर्‍या क विजुत करसे।
MAT 21:38 बाकुन किरसान क पोर्‍या क देखीन एकु करीन कयो, “यो तो हकदारियो छे, आवो, उको मार न्हाखजे आरू उको हक ली लेजे।”
MAT 21:39 आरू किरसान ओको धर लेदो आरू अंगुर न वाड़ी सी बाहर निकालीन मार न्हाखिया।
MAT 21:40 “अतरानकरीन करीन जव अंगुर न वाड़ीन मालिक आवसे, तो उन किरसानिया क साथ मा काय करसे?”
MAT 21:41 त्या जवाब दीदा, “मालिक उन बुरा किरसानिया लोगहन क नाश कर देसे, आरू अंगुर न वाड़ी क असा किरसान क पट्टा आपी देसे, जो उनाक सय समय पर वाड़ी माईन फव क दिया करसे।”
MAT 21:42 ईशु चेला क कयो, “काय तुमू कदी चुखलो शास्त्र मा यो नी भणिया?” “जिना दगड़ा क राज मिस्तरी कामको नी समझिया हुता, त्यो लुहूय या क खास दगड़ो नब गियो यो पोरबुन तरफ सी हुयो, आरू हामरे देखने विछेळीयो छे।”
MAT 21:43 “अतरानकरीन करीन हाव तुमरे सी कहवो, कि यहोवा–भगवानन राज तुमरे सी ली लेदो जासे; आरू असी जाति क दे दियो जासे, जो ओको कमाय लावे।
MAT 21:44 जो इना दगड़ा पर पड़से, त्यो चुर हुय जासे: आरू जिना पर त्यो दगड़ो पड़से, उको चिमधी देसे।”
MAT 21:45 मुखी पुजारा आरू फरीसि उका उदाहरण क समझ गिया, कि त्यो हामरा बाराम कहवे।
MAT 21:46 आरू त्या उको मुखी पुजारा ईशु क धरने चाह्या, काहकि त्या उनाक कागळीयो मानता हुता।
MAT 22:1 अतरा पर ईशु पछु उन लोगहन क उदाहरण मा कयने लाग गियो।
MAT 22:2 “सोरग राज उना राजा क समान छे, जो आपसा पोर्‍या क वियाव करियो।”
MAT 22:3 आरू त्यो आपसा दास क मुकल्यो, कि नेवतो आपला लोगहन क खाने पर बुलावे; बाकुन त्या आवने नी करिया।
MAT 22:4 पछु त्यो आरू दासो न क यो कहवीन मुकल्यो, नेवतो आपला लोगहन सी कहवो: देखो, हाव खानो तियार कर लीदो, आरू म्हारा बैल आरू पावला जनवार क मारलो छे आरू सब तियार छे; वियाव क खाना मा आवो।
MAT 22:5 बाकुन त्या वाट जुवीन जाती रिया; कोय आपसा खेत मा कोय आपसा काम पर।
MAT 22:6 दूसरा लोगहन जो वाचला हुता उका दास क दरीन ओको विजुत नी करीया आरू मार न्हाखिया।
MAT 22:7 तव राजा क रीश लागी, आरू त्यो आपसी सेना क भेजीन मारने वाला लोगहन क नाश कर दिया।
MAT 22:8 तव त्यो दासो सी कयो, वियाव क खानो तो तियार छे, बाकुन नेवतो आपला लोगहन क योग्य नी बने।
MAT 22:9 अतरानकरीन करीन अब तुमू चवराया पर जावो आरू वा तुम क जतरा लोगहन मुवे सब क वियावन खाना पर बुलावी लावो।
MAT 22:10 आरू त्या दास लोगहन सड़को पर जाईन काय बुरा, काय वारला, सब लोगहन क एखटा करीया; आरू वियाव क घर पाहंतरिया सी भराय गिया।
MAT 22:11 “जव राजा पाहंतरीया क देखने माहय आयो; तो राजा वा एक मानुस क देखियो, जो वियाव क छिंदरा नी पेहनलो हुतो।”
MAT 22:12 त्यो उका सी पुछियो, ए भाई; तु वियाव क छिंदरा नी पेहनियो, आरू असो काय क आयो? आरू त्यो मानुस चुप हुय गियो।
MAT 22:13 तव राजा सेवक लोगहन क कयो, “एका हाथ पाय बांधीन उना उको बाहर आँधरला मा न्हाख देयो, वा रड़नो, आरू दात पीसनो हुयसे।”
MAT 22:14 “काहकि बुलावला तो बैस छे बाकुन नेवाड़ला कम छे।”
MAT 22:15 तव फरीसियों जाई एकु करीन विचार करीया, कि उको काहली रीति सी वात मा फसाड़से।
MAT 22:16 ईशु आपसा चेलान क हेरोदिया नक सात मा उका पास यो कयनो मुकल्यो, “ए गुरू, हामु जानजे, कि तु सच छे, आरू यहोवा–भगवान क वाट क बाराम सिखाड़े। आरू कोय क बाराम फिकुर नी करे, काहकि तु मानुस क मुय देखीन वात नी करे।
MAT 22:17 अतरानकरीन करीन हामुक देखाड़ तु काय समझे? कैसर क फाळो देनो वारू छे, कि नी।”
MAT 22:18 ईशु उन लोगहन दुष्टता जानीन कयो, “ए ढोंग करनिया, मेखे काय क पारखी रिया?”
MAT 22:19 “फाळान सिक्‍को मेखे देखाड़ो।” तव त्या उका पास एक दीनार क छापो लावीन देखाड़िया।
MAT 22:20 ईशु त्या लोगहन क पुछियो, “यो छापो आरू नाव कुनीन छे?”
MAT 22:21 त्या लोगहन ईशु सी कयो, “कैसर क।” तव ईशु कयो, “जो कैसर क छे, त्यो कैसर क; आरू जो यहोवा–भगवान क छे; त्यो यहोवा–भगवान क देजो।”
MAT 22:22 यो सोमवीनत्या घबराय गिया, आरू उको छुड़ीन जाती रिया।
MAT 22:23 उना दिन सदूकियो जा कयता छे कि मरला क पछो जीवनो नी हय, ईशु क पास आया आरू पुछिया,
MAT 22:24 “ए गुरू, मूसा तो कयो हुतो, कि कदाम कोय बीना अवलियाद क मर जाय, तो ओको भाई ओकी घर वाली सी वियाव कर लेय आरू आपसा भाई क करता अवलियाद पैदा करे।
MAT 22:25 अब हामरे या सात भाईस हुता; पेहलो वियाव करीन विना अवलियाद मर गियो; आरू अवलियाद नी हुयने क कारण आपसी घर वाली क आपसा भाई क करता छुड़ गियो।
MAT 22:26 इनी रीति सी दुसरो आरू तीदरो भी करियो, आरू सात भाईसो तक यो हुयो।
MAT 22:27 सब क बाद मा सेवाट त्या बायर भी मर गयी।
MAT 22:28 हिमी जीव उठने पर त्या बायर सातो माईन कुनीन घर वाली हयसे? काहकि त्या सबन घर वाली बनली हती।”
MAT 22:29 ईशु उन लोगहन क जवाब देदो, “तुमू चुखलो शास्त्र आरू यहोवा–भगवानन शक्ति नी जानो; इना कारण सी भुल मा पड़ गया।
MAT 22:30 काहकि जीव उठने क बाद मा इहाव–वियाव नी हये; बाकुन त्या सोरग क मा सोरगदूत समान हुयसे।
MAT 22:31 बाकुन मरला माईन जीव उठने क बारा मा काय तुमू यो वचन नी भणिया जो यहोवा–भगवान तुमरे सी कयो:
MAT 22:32 हाव अब्राहम क यहोवा–भगवान, आरू इसहाक क यहोवा–भगवान, आरू याकूब क यहोवा–भगवान छे? त्यो मरला क नी, बाकुन जीवतलान क यहोवा–भगवान छे।”
MAT 22:33 यो सोमवीन लोगहन शिक्षा सी घबराय गिया।
MAT 22:34 जव फरीसिया यो सुनिया कि ईशु सदूकियोंयोंन मुय क बंद कर देदो; तो त्या एखटा हुया।
MAT 22:35 आरू उना व्यवस्थापक एक नियम सिकाड़ने वालो ईशु क पारेखने करीन उका सी पुछियो,
MAT 22:36 “हे गुरू, नियम मा कुन सो हुकुम बड़ो छे?”
MAT 22:37 ईशु उका सी कयो, “तु यहोवा–भगवान आपसा पोरबु सी सब मन आरू सारे जीव सी आरू आपसी सारी ओकल क साथ मा मोंग राख।
MAT 22:38 बड़ो आरू खास हुकुम यो छे।
MAT 22:39 आरू उका समान दूसरी भी छे, कि आपसा पड़ोस मा रहवने वाला सी आपसे जसो मोंग राख।
MAT 22:40 यो दूय हुकुम आखा नियम आरू कागळिया क पुरावो छे।”
MAT 22:41 जव फरीसि एखटा हुता, तो ईशु उन लोगहन सी पुछियो,
MAT 22:42 “मसीह क बाराम तुमू काय समझो? त्यो कुनीन अवलियाद छे? त्या ओका सी कयो, दाऊद क पोर्‍यो।”
MAT 22:43 त्यो उन लोगहन सी पुछियो, “तो दाऊद आत्मा मा हुईन उको पोरबु काय क कहवे?”
MAT 22:44 “पोरबु, म्हार पोरबु सी कयो, म्हार जेवड़ा तरफ बठ, जव तक कि हाव थारा दुस्मन क थारा पाय की चौवकी नी कर देयम्।”
MAT 22:45 “जव, दाऊद उको पोरबु कहवे, तो त्यो उको पोर्‍यो कसो बन्या?”
MAT 22:46 उका जवाब मा कोय एक भी वात नी कय सकिया। बाकुन उना दिन सी कोय कि भी ओको सी पुछने करीन हिंमत नी हय।
MAT 23:1 तव ईशु गर्दी सी आरू आपसा चेला सी कयो,
MAT 23:2 शास्त्री आरू फरीसि मूसान गाद्दी पर बठला छे;
MAT 23:3 अतरानकरीन करीन त्या तुमरे सी जो कहवे त्यो करनो, आरू माननो, बाकुन उका जसा काम नी करनो; काहकि त्या कहवे तो सचा बाकुन करे नी।
MAT 23:4 त्या एक असो भारी भार क जिनाक उठावनो वातड़ो छे, बांधीन उको मानुस क काँधा पर राखे; बाकुन आपसु उको आपसी आँगवी सी भी सरकावनो नी करे।
MAT 23:5 त्या आपसा सब काम लोगहन क देखाड़ने करीन करे त्या आपसा उनी पट्टी क चवड़ा करे जीना पर चुखलो शास्त्र क वचन लिखे आरू आपसा छिन्दरान झालर क बढ़ावे।
MAT 23:6 दावत मा खास धरती, आरू आराधना घर मा खास जागो,
MAT 23:7 आरू बजार मा नमस्कार आरू मानुस मा गुरू कयनो उन लोगहन क वारू लागे।
MAT 23:8 बाकुन तुमू गुरू झुण बनता, काहकि तुमरो एकुत् गुरू छे: आरू तुमू सब भाईस छे।
MAT 23:9 आरू धरती पर कोय क आपसो बास नी कयनो, काहकि तुमरो एकुत् बास छे, जो सोरगदूत मा छे।
MAT 23:10 आरू मालिक भी नी कयनो, काहकि तुमरो एकुत् मालिक छे, त्यो मसीह।
MAT 23:11 जो तुमरे मा बड़ो छे, त्यो तुमरो सेवक बने।
MAT 23:12 जो कोय आपसा क बड़ो बनावसे, त्यो नानो कर दियो जासे: आरू जो कोय आपसा क नानो बनावसे, त्यो बड़ो करीयो जासे।
MAT 23:13 “ए खोट राखने वाला शास्त्री आरू फरीसिया तुमरे पर धिक्‍कार!” तुमू मानुस क विरोध मा सोरगन राज क झपलो बंद करे, नी तो आपसु उका मा भराये आरू नी उका मा भरायने वाला क भरायने देय।
MAT 23:14 ए कपट राखने वाला शास्त्रीया आरू फरीसिया, तुमू पर धिक्‍कार! तुमू रंडायलान क घर क खाय जाय: आरू देखाड़नेन करीन घण देर तक प्रार्थना करता रहवे; अतरानकरीन करीन तुमूक जादा दण्ड मुवसे।
MAT 23:15 “ए कपट राखने वाला शास्त्री आरू फरीसिया तुमू पर धिक्‍कार!” तुमू एक जन क आपसा मत मा लावने करीन सब जल आरू थल मा फिरे, आरू जव त्यो मत मा आवी जाय, तो उको नरकन आगठा क दूय गुना दण्ड झेलने जुगु बनाव देय।
MAT 23:16 “ए आंधवा अगळवानिया, तुमरे पर विखु, जो यो सिकाड़े, कदाम कोय मंदिर की कसम खाय तो काय नी, बाकुन कदाम कोय मंदिरन सोना की कसम खाय त्यो उका सी बांधाय जासे।”
MAT 23:17 ए विन अकलाय, आरू आंधवा, कुन बड़ो छे, सोनो या त्यो मंदिर जिना सी सोनो चुखलो हुये?
MAT 23:18 पछु यो कहवो कि कदाम कोय वेदीन कसम खाय तो काय नी, बाकुन जो भेंट उना पर छे, कदाम कोय ओकी कसम खाय तो बांधाय जासे।
MAT 23:19 ए आंधवा, कुन बड़ो छे, भेंट या वेदी जिना सी भेंट चुखलो हुये?
MAT 23:20 अतरानकरीन करीन जो वेदीन कसम खाय, त्यो ओकी, आरू जो काय उना पर छे, ओकी भी कसम खाय।
MAT 23:21 आरू जो मंदिरन कसम खाय, त्यो ओकी आरू उका मा रहवने वालान क कसम खाय।
MAT 23:22 आरू जो सोरग कसम खाय, त्यो यहोवा–भगवान क सिंहासन आरू उना पर बठने वालान कसम खाय।
MAT 23:23 “हे कपट राखने वाला शास्त्रीया! आरू फरीसिया, तुमू पर धिक्‍कार! तुमू पोदीन आरू सुप आरू जीरा क दसवो भाग देयो, बाकुन तुम नियम क सची वातन क नियाव आरू दया, आरू विश्वास क छुड़ दिया; तुमू इन क भी करता रहवनो हुतो, आरू उनाक भी नी छुड़नो हुतो।”
MAT 23:24 ए आंधवा अगळवानिया, तुमू चाचवड़ीया क तो झारीन देयु, बाकुन उटड़ा क निगल जाय।
MAT 23:25 “ए कपट राखने वाला शास्त्रीया, आरू फरीसिया, तुमू पर धिक्‍कार! तुमू वाटका आरू थावी क ऊपर–ऊपर सी तो मांज देय बाकुन त्या माहय गन्धायला रये।
MAT 23:26 ए आंधवा फरीसि, पेहले कटोरा आरू थाली क माहय सी मांजे बाकुन बाहर सी भी साफ रये।”
MAT 23:27 धिक्‍कार छे तुमरे पर ढोंगी, फरीसियों, शास्त्रीया! तुमू उना बीड़ान समान छे जो बाहर सी वारू बनावे आरू माहय सी मरला मानुस क हाड़का आरू आखी विटळ भातीन रये,
MAT 23:28 तुम भी बाहर सी तो मानुस क न्यायी देखाय पड़े बाकुन तुमरे माहय कपट आरू अन्याय सी भरायला छे।
MAT 23:29 “हे कपट राखने वाला शास्त्रीया आरू फरीसिया तुमरे पर धिक्‍कार! तुमू कागळीयान आरू न्यायीक बीड़ान क तो वारू बनावे।”
MAT 23:30 आरू कयता रये, “कदाम हामु आपसा डाहडन क दीन मा हुता तो भविष्यवक्ता की मारने मा उका साथ दीदा।”
MAT 23:31 इना सी तो तुमू आपसुत् गवाय देय, कि तुमू कागळीयान क हत्या करने वालान अवलियाद छे।
MAT 23:32 आरू तुमू आपसा डाहड़ान क पापन ढुसरों भर दे।
MAT 23:33 ए घड़सा, क पोर्‍या, तुमू नरक क दण्ड से कसा वाचसु?
MAT 23:34 अतरानकरीन करीन, हाव तुमरे पास कागळिया आरू अकलवाला आरू शास्त्रीया क भेजो; आरू तुमू उना मा सी कोय क तो मार न्हाखसे, आरू कुरूस पर चढ़ावसु; आरू कोय क आपसा आराधना घर मा कुड़ा लगाड़ से, आरू एक नगर सी दुसरा नगर मा दवड़ावता पछु सु।
MAT 23:35 जिना न्यायी हाबील सी लगाड़ीन बिरिक्याक पोर्‍यो जकर्‍याह तक, जिनाक तुमू मंदिरन आरू वेदी वीच मा मार न्हाखिया हुता, जतरा न्यायीपन क लुहूय यो धरती पर बस्या, त्यो सब तुमरा माथा पर पड़से।
MAT 23:36 हाव तुमरे सी सच कहवो, यी सब वात इनी पीढ़ी पर आय पड़से।
MAT 23:37 “हे यरूशलेम, यरूशलेम! तु जो कागळीयान क मार न्हाखे, आरू जो थारे पास भेजी गिया उना पर दगड़ा मारिया, कतरा वार हाव यो कुशीश करियो कि जसी कुकड़ी आपसा पीलान क आपसा पाखड़ा तले एखटा करे, वसोत हाव भी थारा नानला पोर्‍या क एखटा बाकुन तुमू नी चाहया।
MAT 23:38 देखो, तुमरो घर तुमरे करता विजावो रहवसे।
MAT 23:39 काहकि हाव तुमरे सी कहवो, कि अब सी जव तक तुमू नी कहवो, सयालो छे त्यो, जो पोरबु क नाव सी आवे तव तक मेखे पछु कदी नी देखो।”
MAT 24:1 जव ईशु मंदिर सी नकलीन जाय रयो हुतो, तो उको चेला उको मंदिरन चित्र क बाराम देखाड़ने करीन उको पास आया।
MAT 24:2 त्यो ओको सी कयो, “काय तुमू यो सब नी देखता? हाव तुमरे सी सच कहवो, या सब दगड़ा पर दगड़ो भी नी रये, सब क नाश नी करीया जासे।”
MAT 24:3 आरू जव त्या जैतुनन बयड़ा पर बठियो हितो, तो चेला अलग ओको पास आवीन कयो, “हामुक यो देखाड़ कि तियार हुयसे? आरू थारो आवनेन, आरू दुनिया क खतम हुयनेन सहलाणी काय हुयसे?”
MAT 24:4 ईशु चेलान क जवाब दियो, “चौकचौळिया रहवो! कोय तुमूक धोकु नी देय।”
MAT 24:5 काहकि बैस सा असा रवसे जो म्हार नाव सी आवीन कहवसे, हाव मसीह छे, आरू घण सवटा क धोकु देसे।
MAT 24:6 लड़ाय पर लड़ाय क वात तुमरे सोमवने मा आवसे; देखो घबरायनो नी काहकि इन क हुयनो जरूरी छे, बाकुन उना समय आखरी नी हुये।
MAT 24:7 काहकि जाग–जागे, आरू राज्य–राज्य पर चढ़ाई करसे आरू धरती पर अकाल पड़से, आरू भुकंप हुयसे।
MAT 24:8 यी स वात पीड़ा हुयनेन शुरूवात हुयसे।
MAT 24:9 तव त्या दुःख देवाड़ने क करता धरावसे, आरू मार न्हाखसे आरू म्हारा नाव क कारण सब गैरयहुदी क लोगहन तुमरे सी दुस्मनी राखसे।
MAT 24:10 आरू ओका टेमे पर सब ठुकर खासे, आरू एक दिसरा क धरवासे आरू एक दिसरा सी दुस्मनी राखसे।
MAT 24:11 बैस सा झुठा कागळिया उठ खड़ा हुयसे, आरू बैस लोगहन क भड़कावसे।
MAT 24:12 आरू अन्यायपन क बढ़ने सी बैस सब क मोंग कम हुय जासे।
MAT 24:13 बाकुन जो आखरी तक धीर राखसे, उना क छुटकारो हुयसे।
MAT 24:14 आरू राज क यो खबर सब दुनिया मा परचार करतो जासे, कि सब लोगहन पर गवाय आखरी समय आय जासे।
MAT 24:15 “अतरानकरीन जव तुमू चुखलो शास्त्र मा ‘विनाशकारी वस्तु’ उभी होई देखसु, जिनान बारा मा दानियेल कागळीयान लारे हुयली हुती, भणने वाला समझी जाय।”
MAT 24:16 तव जो यहूदि या मा हय त्या बयड़ा पर ढास जाय।
MAT 24:17 जो घरो पर हय, त्यो आपसा घर मा सी समान लेने करीन नी उतरे।
MAT 24:18 आरू जो खेत मा हय त्यो आपसा चादरो लेने करीन पछो नी जाय।
MAT 24:19 “उना क करता हाय दाहड़ा मा जो बाई जात भारपाय सी हय आरू दुध पावने वाली हयसे, ओको करता विखु छे।”
MAT 24:20 आरू प्रार्थना करो; कि तुमूक सीयन दाहड़ा मा या सब्तन क दाहड़े डासनु नी पड़े।
MAT 24:21 काहकि उना दाहड़ा मा असो भारी दुःख हुयसे, जसो धरतीन उबजने सी अब तक हयो, आरू नी कदी हुये।
MAT 24:22 आरू यदि यहोवा–भगवान दाहड़ा घटाड़ नी जाता, त्यो वात कोय तो जनवार नी वाचतो; बाकुन नेवाड़ला क कारण त्या दिन घटाड़े जासे।
MAT 24:23 उन समय कदाम कोय तुमरे सी कहवे, कि देखो, मसीह या छे! या वा छे! तो विश्वास नी करनो।
MAT 24:24 “काहकि झुठा कागळिया उबजी जासे, आरू मटलो सहलानी आरू घण मोटा काम देखाड़से, कि कदाम हुय सके तो नेवाड़लान क लोगहन भी धोकु देसे।
MAT 24:25 देखो, हाव पेहले सी तुमरे सी यी सब वात कय दियो।
MAT 24:26 “अतरानकरीन करीन कदाम त्या तुमरे सी कहवे, देखो, त्यो जंगल मा छे; तो बाहर नी निकलीन नी जानो; देखो त्यो खपड़ी मा छे, तो विश्वास नी करनो।”
MAT 24:27 काहकि जसो दाहाड़ान विजावो पूरब सी निकलीन पश्चिम तक चमकती जाय, वसोत मानुस क पोर्‍या क भी आवनो रहवसे।
MAT 24:28 जा धड़ रहवे, चाँ घुवड़ भी एखटा हुयसे।
MAT 24:29 अचानक “उना दाहड़ा मा दुःख क बाद मा तत्काल दाहड़ो आंधारो हुय जासे, आरू चाँद क विजालो नी रये, आरू तारा आकाश सी गिर पड़से आरू सोरग न ताकत हिलायी जासे।”
MAT 24:30 तव मानसन क पोर्‍यान जाती देखाय पड़से, आरू तव धरती क सब रहवने वाला जातीन लोगहन आपसी छाती पीटसे; आरू मानुस क पोर्‍या क मटलो शक्ति आरू महिमा क साथ मा आकाश क वादवा पर आवतलो देखसे।
MAT 24:31 आरू त्यो भीरा क मटला शब्द क साथ, आरू आपसा सोरगदूत न क भेज देसे आरू त्या सरगन इना धड़े सी उना धड़े तक, चार तरफ सी उका नेवाड़ला लोगहन क एखटा करसे।
MAT 24:32 “अंजीरन झाड़को सी यो उदाहरण सीखो जव ओकी डाली नरम हुय जाय आरू पान्टा निकलने लाग जाय, तो तुम जान लेय, कि ग्रीष्मकाल निकट छे।”
MAT 24:33 इनी रीति सी जव तुमू इनी सब वातन क देखो, तो जान लेय, कि त्यो साते छे, बाकुन झोपलो पर छे।
MAT 24:34 हाव तुमरे सी सच कहवो, कि जव तक यी सब वात पूरी नी हुय जाय, तव तक इनी पीढ़ी क आखरी नी हुये।
MAT 24:35 आकाश आरू धरती टव जासे, बाकुन म्हारा बुल कदी नी टवे।
MAT 24:36 पुन “उना दिन आरू उना समय मा कोय नी जाने, नी सोरगदूत, आरू नी पोर्‍यो, बाकुन बास जाने।”
MAT 24:37 जसो नूहा दाहड़ा मा हुतो, वसोत मानुस क पोर्‍या क आवनो भी हुयसे।
MAT 24:38 काहकि जसो पानीन प्रलय आवने क दाहड़ा सी पेहला दाहड़ा मा, जिने दाहड़े तक कि नूहन ढोंड्या पर नी चढ़ियो, उना दाहड़े तक लोगहन खाता–पीता हुता, आरू इहाव वियाव हुयती हुती।
MAT 24:39 आरू जव तक जल प्रलय आवीन ओको सब क उहवाड़ी नी ली गयो, तव तक उन लोगहन क काय भी नी मालोम पड़ियो; वसोत मानुस क पोर्‍या क भी आवनो हुयसे।
MAT 24:40 उना दाहाड़ा मा दूय जन खेत मा काम कर रया हसे, ते एक उठाय लेदो जासे, आरू दिसरा क छुड़ दियो जासे।
MAT 24:41 दूय बायर चक्‍की दळती रहसे, एक एक क उठाय ली जासे, आरू दिसरी छुड़ दि जासे।
MAT 24:42 अतरानकरीन जागता रवु, काहकि तुमु नी जागता कि तुमरो पोरबु काहले दिन आवी जासे।
MAT 24:43 बाकुन यो जान लेय कि कदाम घरन मालिक जानतो हय कि चोर काहला टेमे आवसे, तो जागतो रहवसे; आरू आपसे घर मा चोरी नी हुयने देय।
MAT 24:44 अतरानकरीन तुमू भी तियार रहवो, काहकि जिना टेमे ओको आवनेन बाराम तुमू चोकळिया नी हय, उना टेमे मा मानुस क पोर्‍यो भी आय जासे।
MAT 24:45 “कुन छे त्यो विश्वास योग्य आरू अकल वालो, जो मालिक आपसा दास पर ठेकेदार ठहरायो, की टेम पर उन लोगहन क खानो देय?”
MAT 24:46 सयाळो छे, त्यो दास, जिनाक मालिक आवीन असोत् करतलो देखे।
MAT 24:47 हाव तुमूक सी सच कहवो; मालिक ओको आपसी सब धन पर हकदार बनावसे।
MAT 24:48 बाकुन कदाम त्यो दुष्ट दास यो सोचने लाग गियो, कि म्हार मालिकन आवने मा वार छे।
MAT 24:49 आरू आपसा साथी दासन क देने लाग गिया, आरू पियक्‍कड़ क साथ मा खाय–पीये।
MAT 24:50 ति उना दास क मालिक असला दाहड़ा मा आवसे, जव त्यो ओकी वाट नी देखतो रहवे, आरू असा टेमे कि जिनाक त्यो नी जानतो हय,
MAT 24:51 तव ओको वातड़ी सजा दीन आपीन, आरू उका पापो क कपटी लोगहन क साथ मा गिनसे; वा रड़नो आरू दात पीसनो हुयसे।
MAT 25:1 “तव सोरग क राज उन दस छल्ला क समान हुयसे जो आपसी दिया लीन लाड़ा क मेळने करीन निकली।”
MAT 25:2 उका विच मा विन अकलाय आरू पाच हुसियार हुती।
MAT 25:3 विन अकलाय आपसी दिया तो लेदा, बाकुन साथ मा तेल नी लावी।
MAT 25:4 बाकुन हुसियार आपसा चीमनिया क साथ मा डब्बा मा भी तेल भर लेदा।
MAT 25:5 जव लाड़ा क आवनेन समय हुयो, तो त्या सब निंद से उंगायने लाग गय, आरू सुय गय।
MAT 25:6 “आदी राती धुम मची, आरू देखो, लाड़ो आवी रयो, उका सी मेळने करी चालो।”
MAT 25:7 तव त्या सब छल्ला पोराय उठीन चीमनिया क तियार करने लाग गिया।
MAT 25:8 आरू विन अकलाय छल्ला हुसियार सी कहवी, “तुमरा तेल मा सी थुड़ोक हामुक भी देय देयो।”
MAT 25:9 बाकुन हुसियार पोराय जवाब देदी, हामरे आरू तुमरे करता पुरो नी हुये; वारलो तो यो छे की तुमू वेचने वाला क पास मा जाईन तेल मेल ली लेय।
MAT 25:10 “जव त्या मुव लेन करीन जाती हुती, तो लाड़ो आय गियो, आरू जो तियार हुती, त्या उका साथ मा वियाव क घर मा चाली गय आरू झोपलो बंद कर दियो गियो।”
MAT 25:11 एर बाद मा त्या दिसरी छल्ली पोराय भी आवीन कयने लागी, “हे स्वामी, हामरे करता झोपलो खुल दे, आरू हामुक माहय आवने देवु।”
MAT 25:12 ईशु जवाब देदो, कि हाव तुमरे सी सच कहवो, हाव तुमूक नी जानो।
MAT 25:13 अतरानकरीन करीन जागता रहवो, काहकि तुमू नी उना दाहड़ा क जानो, नी उना समय क।
MAT 25:14 “काहकि सोरग क राज्य उना मानुस क समान छे, जो दिसरा देश जाते समय आपसा दास क बुलावीन आपसी संपत्ति दास क दी दियो।”
MAT 25:15 त्यो एक क पाच हजार सोना क सिक्‍का, आरू दिसरा क दूय हजार सिक्‍का, आरू तीसरा क एक हजार एक जन क ओकी शक्ति क अनसारे दी दियो, आरू तव आपनी यात्रान करता दिसरा देश मा चली गियो।
MAT 25:16 तव, जिनाक पाच हजार सोनान सिक्‍का मुविया हुता, उनाक तत्काल जाईन उका सी लेनो–देनो करियो, आरू पाच सिक्‍का आरू कमायो।
MAT 25:17 बाकुन जिनाक दूय मुवियो हुतो, त्यो भी दूय हजार सोनान सिक्‍का आरू कमायो।
MAT 25:18 बाकुन जिनाक एक हजार सोनान सिक्‍का मुवियो हुतो, त्यो जाईन धरतीक खुंदियो आरू मालिकन धन गाड़ीन सातीन दियो।
MAT 25:19 “बैस दाहड़ा क बाद मा त्या सेवक न मालिक आवीन उन दास सी हिसाब लेने लाग गया।”
MAT 25:20 जिनाक पाच सिक्‍का जुड़्या हुता, त्यो पाच हजार सोनान सिक्‍का लावीन कयो, “ए मालिक, तु मेखे पाच हजार सोनान सिक्‍का आपलो हुतो, देख हाव पाच हजार सोनान सिक्‍का आरू कमाय लेदु छे।”
MAT 25:21 ओको मालिक उका सी कयो, शाब्बास वारला आरू विश्वास योग्य दास, तु थुड़ाक मा विश्वासयोग्य रयो; हाव तुखे बैस चीजोन हकदार बनावीस। थारा मालिकन खुशी मा मेळाको हय।
MAT 25:22 “आरू जिनाक दूय सिक्‍का जड़ला हुतो, त्यो भी आवीन कयो, ए मालिक तु मेखे दूय सिक्‍का जड़ला आपलो हुतो, देख, हाव दूय तुड़ा आरू कमायो।”
MAT 25:23 उको मालिक उका सी कयो, शाब्बास वारला आरू विश्वासयोग्य दास, तु थुड़ाक मा विश्वास योग्य रयो, हाव तुखे बैस चीजोन हकदार बनावीस थारा मालिकन खुशी मा मेळाको हय।
MAT 25:24 “तव जिनाक एक हजार सोनान सिक्‍का मुवलो हुतो, त्यो आवीन कयो, ‘ए मालिक हाव जानतो हुतो, कि तु वातड़ो मानुस छे: तु जा नी वेरे वा काटे, आरू जा नी छाटे वा सी एखटा करे।’
MAT 25:25 अतरानकरीन करीन हाव बीह गियो आरू जाईन थारा तुड़ाक सिक्का धरतीम साती दियो; देख, जो थारो हुतो, त्यो यो छे।”
MAT 25:26 उको मालिक उका सी जवाब देदो, कि ए दुष्ट आरू आलसिया दास; जव तु यो जानतो हुतो, कि जा हाव नी वेरो वा सी काँटो; आरू जा हाव नी वेरीया वा सी एखठा कर।
MAT 25:27 तो तुखे तारो धन महायाजक क या जमा करनु हतु। तव हाव वापस आपने पे ब्याज सहित ली लता।
MAT 25:28 अतरानकरीन त्यो एक हजार सोनान सिक्‍का उका सी ली लेदो, आरू जिनाक पास मा दस हजार सोनान सिक्‍का, उको आप देदो।
MAT 25:29 काहकि जिना कोय क पास छे, उको आरू भी दे दियो जासे; आरू उका पास बैस हुय जासे; बाकुन जिना पास नी हुय, उका सी त्यो भी जो उका पास छे ली जासे।
MAT 25:30 आरू ओका निक्‍कमा दास क बाहरते आंधारामा न्हाख देवु, जा रड़नु आरू दात पीसनु पड़से।
MAT 25:31 जव मनुसोन पोर्‍या आपसी महिमा मा आवसे, ओवी आखा सोरगदूत हेरे पुठी आवसे ती त्यो हेरी महिमा न पर बोस जासे
MAT 25:32 आरू सब राज्य क सामने एखठा हुयसे; आरू जसा गुवाळियो गाड़ गाडरा आरू बुकड़ा सी अलग कर देय, वसोत त्यो उन क दिसरा सी अलग कर देसे।
MAT 25:33 आरू त्यो गाडरा न क आपसा जेवड़ा तरफ आरू बुकड़ान क डासचिया तरफ उबा करसे।
MAT 25:34 तव राजा आपसे जेवड़ा तरफ वाला सी कहवसे, “ए म्हार बास क सयाला लोगहन, कहवासे, जो कोळ जुग क शुरू सी तुमरे जुगु तियार करलो छे।”
MAT 25:35 काहकि हाव भुखलो हुतो, आरू तुमू मेखे खानो दिया; हाव पिसलो हुतो, आरू तुमू मेखे पानी पिवाड़िया, हाव दूर देश क हुतो, तुमू मेखे तुमरा घर मा मेकलु;
MAT 25:36 “हाव नांगरो हुतो, तुमू मेखे छिंदरा पेहराया; हाव बीमार हुतो, तुमू म्हारी खबर लेदो, हाव जेल खाना मा हुतो, तुमू म्हार सी मेळने आया।”
MAT 25:37 तव न्यायी उको जवाब देसे, “ए पोरबु हामु कोतार तुखे भुखलो देखिया आरू खवाड़िया? आरू पोसलो देखिया, आरू पानी पिवाड़िया?”
MAT 25:38 “हामु कोतार तुखे अनजानो देखिया आरू आपसा हामरा घर मा रूकाया या नांगो देखिया, आरू छिंदरा पेहराया?
MAT 25:39 हामु कोतार तुखे बीमार या जेलखाना मा देखिया आरू थार सी मेळने आया?”
MAT 25:40 तव राजा उन लोगहन क जवाब देसे, हाव तुमरे सी सच कहवो, कि तुमू इनु नाना सी नानला भाईस सी कोय एक क साथ मा करिया, त्या तुमू म्हार सात मा करिया।
MAT 25:41 “तव त्यो डाखरिया तरफ वालान लोगहन क कहवसे ए श्रापित लोगहन, म्हार सामने सी उका जलोम धपनीया आग्ठा मा जाती रहवो, जो शैतान आरू उका दूत क करता तियार करला छे।”
MAT 25:42 काहकि हाव भुखलो हुतो, आरू तुमू मेखे खानो नी दिया, हाव पिसला हुतो, आरू तुमू मेखे पानी नी पीलायो;
MAT 25:43 हाव बाहर देश क हुतो, आरू तुमू मेखे तुमरा घर मा नी रूकने दीदा; हाव नांगो हुतो, आरू तुमू मेखे छिंदरा नी पेहनाया; हाव बीमार आरू जेल खाना मा हुतो, आरू तुमू म्हारी खबर नी लेदो।
MAT 25:44 तव त्या जवाब देसे, “ए पोरबु, हामु तुखे कोतार भुखलो, या पीसलो, या बाहर देश क आरू नागरो, या बीमार, या जेलखाना मा देखिया, आरू थारी सेवा नी करिया?”
MAT 25:45 तव त्यो उन लोगहन क जवाब देसे, हाव तुमरे सी सच कहवो कि तुमू जो इनु नाना सी नानला माईन कोय एक साथ मा नी करिया, त्यो म्हार साथ मा नी करिया।
MAT 25:46 “या सब अमरकायन सजा झेलसे, बाकुन न्यायी अमरकायन जीवन मा भरायसे।”
MAT 26:1 जव ईशु यी सब वात कय दियो हुतो, तो आपसा चेलान क कयनो लाग गियो।
MAT 26:2 “तुमू जानो काय, कि दूय दाहड़ा क बाद फसहन तिवार हुयसे; आरू मानुस क पोर्‍या क कुरूस पर चढ़ावनेन करता धरावसे।”
MAT 26:3 तव मुखी पुजारो आरू पुन त्योन डाहडा कैफा नावन मटला पुजारा क आंगना मा एखटा हुया।
MAT 26:4 आरू आपसु मा विचार करने लाग गयो कि ईशु क धोका सी धरीन मार न्हाखजे।
MAT 26:5 बाकुन त्या कयता हुता, “तिहवार क समय मा नी असो नी हुय जाय कि लोगहन मा दंगो हुय जाय।”
MAT 26:6 जव ईशु बैतनियाह मा शमौन कुड़ावा क घर मा हुतो,
MAT 26:7 तो एक बायर संगमरमर क ठिकरा मा महोंगो इत्र लीन उका पास आवी, आरू जब त्यो वाटको खानो खाने बठलो हुतो, तो उका माथा पर न्हाख देदी।
MAT 26:8 यो देखीन, उका चेला किचवाय गिया आरू कयने लाग गिया, कि एको बरबाद कर दियो।
MAT 26:9 “यो इत्र ते तीन सौ सोनान सिक्‍का दाम पर वेचाय जातो आरू उका गरीब लोगहन क वाट सकता हुता।”
MAT 26:10 यो जानीन ईशु चेला क कयो, “इनी बायर क काँ सतावु? त्या म्हार साते भलाय करली छे।”
MAT 26:11 गरीब तुमरे साथ मा जलोम रहवे, बाकुन हाव तुमरे साथ मा जलोम नी रोवे सकतु छे।
MAT 26:12 त्या म्हारा डील पर यो इत्र रेड़ी, त्यो मेखे गाड़ ने क करता छे।
MAT 26:13 हाव तुमरे सच कहवो, कि सब दुनिया मा जा काँ यो खुश खबर नी करीयो जाय, वा उका इना बारम भी उको फोम करावसे।
MAT 26:14 तव यहूदा इस्करियोती, बारा चेला मा सी एक हुतो, मुखी पुजारा क पास मा जाईन कयो,
MAT 26:15 “कदाम हाव उको तुमरा हाथ मा धराय दियो, तो मेखे काय आपसु?” त्या उको तीस चाँदी क सिक्‍का गिनीन आपी दिया।
MAT 26:16 आरू त्यो उना समय सी ईशु क धरावने क मेखे हेरने लागियो।
MAT 26:17 अखमीरी रोटा क तिहवार क दाहड़े, चेलान ईशु क पास मा आवीन पुछने लाग गिया, “तुखे काँ जुवे कि हामु थार करता फसह खानेन तियारी करजे?”
MAT 26:18 ईशु कयो, “नगर मा फलाना क पास मा जाईन उका सी कहवो, के गुरू कहवे छे, म्हार टेम साते आव छे, हाव म्हार चेला क साथ मा थारे या फसह तिवार मनावीस।”
MAT 26:19 ईशु जोसु वेला क आदेश देदु, आरू चेला फसह तियार करिया।
MAT 26:20 जव शाम हुयी, तो त्या बारा चेला क साथ मा खाने करीन बठियो।
MAT 26:21 जव त्या खाय रिया हुता, तो चेला सी कयो, “हाव तुमरे सी सच कहवो, कि तुमरे मा सी एक जन मेखे धरवासे।”
MAT 26:22 इना पर त्या बैस नराज हुया, आरू हर एक जन उका सी पुछने लाग गिया, “ए गुरू, काय चु हाव ते नी छे?”
MAT 26:23 ईशु जवाब देदो, “जो मार साथ मा थावी मा हाथ न्हाखलो छे, त्यो मेखे धरवासे।
MAT 26:24 हाव मानुस क पोर्‍यो तो कसो उका बारा मा लिखलो छे, त्यो जाय; बाकुन उना मानुस क करता विखु छे जिनान लारे मानुस क पोर्‍यो धरायसे; नकदाम उना मानुस क जनम नी हयतो तो उका करता वारू हुतो।”
MAT 26:25 तव उको धरवाने वालो यहूदा कयो, “हे गुरू! काय त्यो हाव ते नी छे? ईशु उका सी कयो, तु ते खुद कय देदु।”
MAT 26:26 “जव त्या रोटा खाय रिया हुता, तो ईशु रोटा लीदो, आरू बरकत मांगीन तुड़ियो, आरू चेला क देखीन कयो, नन लेवु खावो; यो म्हारो डील छे।”
MAT 26:27 पछु ईशु वाटको लीन धन्यवाद करीयो, आरू चेला क आपीन कयो, तुमू सब इना मा सी पीयो,
MAT 26:28 काहकि यी वाचा म्हार त्यो लुहूय छे, जो बैस लोगहन क पापोन माफी क करता उहावड़ियो जाय।
MAT 26:29 “हाव तुमरे सी कहवो, कि अंगुर क रस उना दाहड़े तक कदी नी पीयो जव तक तुमरे साथ म्हार बास क राज मा नवलो नी पीयो।”
MAT 26:30 पछु त्या भजन गावीन जैतुन बयड़ा पर गिया।
MAT 26:31 तव ईशु चेलान सी कयो, तुमू सब आज रात मा म्हारा बारा मा ठुकर खासु; काहकि लिखलो छे, “हाव गुवाळिया क मारीस; आरू टुळान गाड़ गाडरा वेराय जासे।”
MAT 26:32 “बाकुन हाव म्हारा जीव उठने क बाद सी पेहले गलील मा जाईस।”
MAT 26:33 इना पर पतरस उका सी कयो, “कदाम सब थार वजह से ठुकर खाय ते खाय, बाकुन हाव कदी नी ठुकर नी खाम।”
MAT 26:34 ईशु पतरस सी कयो, “हाव थार सी सच कहवो, कि आज राती कुकड़ा क वाषने सी पेहले, तु तीन बार म्हार मना करीस।”
MAT 26:35 ईशु पतरस सी कयो, “कदाम मेखे थार साथ मा मरनो भी हुयसे, तो भी हाव थारो कदी नी मानने सी मना करो।” आरू असात् सब चेला भी कयो।
MAT 26:36 तव ईशु आपसा चेला क साथ गतसमनी मा आयो आरू आपसा चेला सी कयनो लाग गियो “कदाम यात बठी रहवजो, जव तक हाव वा जाईन प्रार्थना करो।”
MAT 26:37 आरू त्यो पतरस याकूब आरू जबदी क साथ मा ली गियो, आरू दुःखी आरू घबरायने लागियो।
MAT 26:38 “तव त्यो चेला सी कयो, म्हार मन बैस नराज छे, या तक कि म्हारो जीव निकलीन जाय रियो। तुमू यात रहवो, आरू म्हार साथ जागता रहवु।”
MAT 26:39 “पछु त्यो थुड़ाक आरू अगा बढ़ीन मुयन भूरसे नेचो पड़ीन, आरू यी प्रार्थना करने लाग गियो, तो यो वाटको म्हार सी टळ जाय, पछु भी जसो हाव चाहतो वसोत नी, बाकुन जसो तु चाहे वसोत हुय।”
MAT 26:40 पछु चेला क पास आवीन चेला क सुवतला देखियो, आरू पतरस सी कयो, “काय तुमू म्हार साते एक घंटो भी नी जाग सकता हुता?
MAT 26:41 जागता रहवो, आरू प्रार्थना करता रहवो कि तुमू पारख मा नी पड़ सको! आत्मा तो तियार छे, बाकुन डील कमजोर छे।”
MAT 26:42 पछु ईशु दिसरी बार जाईन यी प्रार्थना करियो की, “ए म्हार बास, कदाम यो वाटको मार पीये बीना नी हट सके तो भी थारी मरजी पूरी हुये।”
MAT 26:43 तव ईशु आवीन चेलान क पछु सुवतला देखियो, काहकि उका डुवा मा नींद भराय रया हुती।
MAT 26:44 आरू चेला क छुड़ी पछु चली गियो, आरू पछु त्या वात कहवीन तीसरी वार प्रार्थना करियो।
MAT 26:45 पछु तीसरी बार आवीन उनछे कयो, “हिमी सुवता रहवो? आरू आराम करो: देखो समय आय गयलो छे, आरू मानुस क पोर्‍यो पापियान क हाथ मा धरायो जाय छे।
MAT 26:46 उठो, चालीन देखो, म्हारो धरावने वालो नाट आवी गयलो छे।”
MAT 26:47 त्यो यो कहवतो हुतो, यहूदा जो बारा चेला माईन एक हुतो, आरू उका साथ मा मुखी पुजारा आरू लोगहन क डाहडान तरफ सी खुब गर्दी तलवार आरू लाठिया लीन आया।
MAT 26:48 उको धरावने वालो उन लोगहन क यी सहलानी दियो; “जिनाक हाव त्योम लीस त्योत ईशु छे; उको दर लीदो।”
MAT 26:49 आरू तत्काल ईशु क पास आवीन कयो, “ए गुरू नमस्कार, आरू उको बैस चूमियो।”
MAT 26:50 ईशु यहुदा सी कयो, “ए दोस्त, जिना काम क करता तु आयो छे, उको पुरो कर ले।” तव ओको जु आवीन ईशु पर हाथ न्हाखिया आरू ओको धर लेदा।
MAT 26:51 तव ईशु क एक साथी आपनी तलवार करीन पुजारान दासन कांटो काट देदो,
MAT 26:52 तव ईशु ओको सी कयो, थारी तलवार मियान मा राख ले काहकि जो तलवार चालाड़े, वे सब तलवार सी नाश करीयो जासे।
MAT 26:53 काहकि तु नी समझियो, कि हाव म्हार बास सी विनती कर सकतो हुतो, आरू त्यो सोरगदूत क बारा सैन्य दल सी जादा मार पास अब भी हजुर कर देसे?
MAT 26:54 “बाकुन चुखला शासतुर न वात कि असो हुयनो जरूरी छे, कसो पूरो हुयसे?”
MAT 26:55 उना समय ईशु गर्दी सी कयो, काय तुमू तरवार आरू लाठिया लीन मेखे डाकु क समान धरने करीन आया? हाव हर दाहड़े मंदिर मा बठीन शिक्षा दिया करतो हुतो, आरू तुमू मेखे नी धरिया।
MAT 26:56 “बाकुन यो सब अतरानकरीन करीन हुयो, कि कागळीयान क वचन पूरो हुये।” तव सब चेला उको छुड़ीन ढास गिया।
MAT 26:57 आरू ईशु क धरनेवाला उको कैफा नावन पुजारा क पास मा ली गिया, जा शास्त्री आरू डाहडा एखटा हुता।
MAT 26:58 आरू पतरस दूर सी ओको पछोळ–पछोळ जाईन पुजारान आंगना मा तक गियो, आरू माहय जाईन देखने क सिपायो साथ मा बठ गियो, कि ईशुन काय होयसे
MAT 26:59 मुखी पुजारो आरू सारी सभा ईशु क मार न्हाखने क करता उका विरोध मा झुटी गवाय हेरता हुता।
MAT 26:60 बाकुन बैस सब झुठा गवाय वाला क आवने पर भी नी मुवी। आखरी मा दूय जन आया,
MAT 26:61 आरू ईशु कयो, “यो कयो कि हाव यहोवा–भगवान क मंदिर क ढोवळी सको आरू उको तीन दाहड़ा मा बनाय सको।”
MAT 26:62 तव पुजारो उबो हुईन उका सी कयो, “काय तु काहय जवाब नी देय? या लोगहन थारा विरोध मा काय गवाय देय छे?”
MAT 26:63 बाकुन ईशु चुप रियो। तव पुजारो उका सी कयो “हाव तुखे जीवता यहोवाभगवानन शपथ देयो, कि कदाम तु यहोवा–भगवानन पोर्‍यो छे तो हामरे सी कय दे।”
MAT 26:64 ईशु उका सी कयो, “तु आपसु कय दियो; आरू हाव तुमरे सी यो भी कहवो, कि अब सी तुमू मानुस क पोर्‍या क यहोवा–भगवानन जेवड़ा तरफ बठलो, आरू सोरग न वादळा पर आवतला देसु।
MAT 26:65 तव पुजारो आपसा छिंदरा फाड़ीन कयो, यो यहोवा–भगवानन निन्दा करियो, अब हामु गवायन काय काम? देखो, तु भी हिमी निंदा सोमव्या!
MAT 26:66 “तुमू काय समझो?” त्या जवाब दीदा, “यो मोतन सजा देने जुगु छे।”
MAT 26:67 तव त्या ईशु क मुय पर थुप्या आरू उको धुमाट्या, दिसरा थापड़ भी दीन कयो,
MAT 26:68 आरू कयो, “ए मसीह, हामरे सी भविष्यव्दाणी करीन देखाड़ कि कुन तुखे मारसे?”
MAT 26:69 “पतरस बाहर आंगना बठलो हतो कि एक दासी ओको पास मा आवीन कहवी, तु भी ईशु गलीली क साथ मा हुतो।”
MAT 26:70 पतरस सब लोगहन क सामने यो कहवीन नकार दियो आरू कयो, “हाव नी जानो कि तु काय कहवी रई।”
MAT 26:71 “जव पतरस बाहर झपला मा जाती रयो, तो दीसरी दासी उको देखीन उन लोगहन क जो वा हुता कहवी, यो भी ईशु नासरी क साथ मा हुतो।”
MAT 26:72 पतरस शपथ खाईन पछु मना कर दियो, “हाव उना मानुस क नी जानो।”
MAT 26:73 थुड़ीक वार बाद, जो वा उबा हुता, त्या पतरस क पास आवीन उका सी कयो, “सच तु भी ओको माईन एक छे; काहकि थारी बुली थारा बाराम देखाड़े।”
MAT 26:74 तव त्यो कोसने आरू शपथ खाने लागी गियो, “हाव उना मानुस क नी जानो।” आरू तत्काळ कुकड़ो वाषने लाग गियो।
MAT 26:75 तव पतरस क ईशुन कहवली वात फोम आवी, “कुकड़ान वाषने सी पेहले तु तीन वार म्हारो मना करीस।” आरू त्यो बाहर जाईन फुटी–फुटीन रड़ने लाग गियो।
MAT 27:1 जव भोळभाको हुयो, ती सब प्रधानन पुजारा आरू मानसोन वेगला डाहडा ईशु क मार नाखनेन सम्मति करीया।
MAT 27:2 आरू चे तीनाक बांधीन आरू ली जाईन पिलातुस राज्यपालन हात मा सौप दिदा।
MAT 27:3 जव तीनाक धरावनेवावा यहूदा ने देख्य कि दोषी ठराय गया ती वो पछतावो आरू चे डेढ़वीस चाँदीन सिक्‍कान प्रधान पुजारो आरू डाहडा क साथे धर लेदा।
MAT 27:4 आरू कयो, “हाव निर्दोषीक मारनेन करीन धरावीन पाप करलो छे?” त्या कयो, “हामु काय? तुत जाने।”
MAT 27:5 तव त्यो उना सिक्‍कान क मंदिर मा न्हाखीन चाली गयो, आरू जाईन आपसुत फांसी लीन मर गयो।
MAT 27:6 प्रधान पुजारो ने तिनु सिक्‍काक लीन काँ, “इनुक, भण्डार मा राखजे वारू नी, काहकि यो लुहूय दाम छे।”
MAT 27:7 तव त्या लोगहन एर बारा मा विचार करिया आरू तिनु सिक्‍का से वाँ वाळा क गाड़ ने करिन कुमायड़ान खेत मुव ली लेदा,
MAT 27:8 यो कारण छे कि आज तक यो लुहूय यो क खेत कवाय।
MAT 27:9 तव जो वचन यिर्मयाह कागळियान् लारे कहलो हुतो पूरो हुयो “त्या लोगहन तीस सिक्‍का मतलब् तिना दाम क जो इस्राएल कि अवलियाद माईन कतरा जन करला तिन दाम मा ली लेदा
MAT 27:10 आरू जसो पोरबु मखे हुकुम दियो हुतो, वसोत उन क कुमायड़ान खेत मोल आप दीदा।”
MAT 27:11 जव ईशु रोमि आधिकारी क सामने उबो हुतो, तो हक उका सी पुछियो, “काय तु यहूदि यान राजा छे?” ईशु ओका सी लयो, “तु आपसु कय रयो।”
MAT 27:12 जब मटला पुजारो आरू डाहडा उना पर दोष लगाड़ता हुता, तो त्यो काहय जवाब नी दिदो।
MAT 27:13 अतरा पर पिलातुस त्या न क कयो, “काय तु यो नी सुनतो कि यो लोगहन थारा बाराम काय कतरी गवाय दी रया?”
MAT 27:14 बाकुन ईशु उको एक वातन भी जवाब दीदो, या तक कि राज्यपाल घबराय गियो।
MAT 27:15 आरू रोम आधिकारी यी रीति हुती, कि उना तिहवार मा लोगहन क करता काहला भी एक कैदड़ा क जिनाक छुड़नो चाहे उको छुड़ दिता हुता।
MAT 27:16 तीन समय मा बरअब्बा नाव क तिनु माईन एक नाव सादियो बन्दुओ कैदड़ो हुतो।
MAT 27:17 आरू जव त्या लोगहन एखठा हुया, तो पिलातुस उन लोगहन क कयो, “तुमू कुनीक छुड़नो चाह्यो रिया, कि हाव तुमरे करता छुड़ देयो? बरअब्बा क, या ईशु क जो मसीह कहवाये?”
MAT 27:18 काहकि त्यो जानतो हुतो कि त्या लोगहन उको धुका से धरावला हुता।
MAT 27:19 जव त्यो नियाव नी गाद्दी पर बठलो हुतो तो ओकी घर वाली उको कय मुकली, “तु उना धरमीन मामला मा हाथ झुण डाले; काहकि हाव आज सपना मा उका बाराम बैस दुःख झेलली छे।”
MAT 27:20 डाहलो पुजारो आरू डाहला लोगहन गर्दी क भड़काया, कि त्या बरअब्बा मांगलेय, आरू ईशु क मार देय।
MAT 27:21 रोमन आधिकारिया त्या लोगहन सी पुछियो, “इनु दूय माईन कुनीक चाह्यो रिया कि तुमरे करता छुड़ देयो?” त्या कयो, “बरअब्बा क।”
MAT 27:22 अतरा पर पिलातुस त्या लोगहन सी पुछियो, “पछु हाव ईशु क जो मसीह कहवाये, काय करो?” आखा ओका सी कयो, “तेखेक कुरूस पर चढ़ावो।”
MAT 27:23 रोमन आधिकारिया कयो, “काँ त्यो काय गुणू करियो?” बाकुन त्या आरू भी आयड़ता जाईन कयनो लाग गिया, “त्यान क कुरूस पर चढ़ावो।”
MAT 27:24 जब पिलातुस यो देखियो, कि हेका सी काय नी हुतो, आरू लोगहन भड़कता जाय, तो पिलातुस पानी लीन गर्दीन सामने आपसा हाथ धूय लेदो, आरू कयो, “हाव इना न्यायी क लुहूय यो से निर्दोष छे; तुज जाने।”
MAT 27:25 सब लोगहन मेळिन जवा दिदा, “उको लुहूय यो हामरे पर आरू हामरी ओवलियाद पर हुये!”
MAT 27:26 अतरा पर पिलातुस बरअब्बा छुड़ दीदो, आरू ईशु क कुड़ा लगाड़ीन लोगहन क हाथ मा आप दीदो।
MAT 27:27 तव पिलातुस रोमि आधिकारिया ईशु क किला मा ली जाईन सब सैनिक उका चार तरफ एखटा हुया।
MAT 27:28 आरू ईशुन छिंदरा उतारीन उको रातला रंगन छिंदरा पेहराया।
MAT 27:29 आरू काँटान मुकुट गुथीन ईशुन माथा पर मेल दीदा; आरू ओको अगळ घुटना टेकीन ईशुन वायकेड़ा उड़वने लागी गिया, “ए यहूदि यान राजा नमस्कार!”
MAT 27:30 आरू उना पर थुपता; आरू त्यो सरकुण्डा हेका माथा पर देने लाग गिया।
MAT 27:31 जव त्या ओकी वायकेड़ा उड़ाय चुकिया, तो त्यो छिंदरा उका पर सी उतारीन पछु ईशुन उको पेहराया, आरू कुरूस पर चढ़ावने करीन ली गिया।
MAT 27:32 बाहर जाता समय त्या लोगहन क शमौन नावन एक कुरेनी मानुस मेळियो, त्या उको धरिया आरू मजबुर करीया की ईशुन कुरूस हाकले चाले।
MAT 27:33 आरू उना धरती पर जो गुलगुता नावन जागु जो खोपड़ीन जागु कहवाये वा पुगीन।
MAT 27:34 त्या पित्त भेसकलो दाखरस ओको पीने करीन दीदा, बाकुन त्यो चाखीन पीनो नी रूकाया।
MAT 27:35 तव त्या ईशु क कुरूस पर चढ़ाया; आरू पत्री या न्हाखीन उका छिंदरा वाट लिदा।
MAT 27:36 आरू वा बठीन ओकी राखवाळी करने लागीया।
MAT 27:37 आरू ईशुन गुणान पत्री, उका माथा पर लगाड़या, कि “यो यहूदि यान राजा छे।”
MAT 27:38 तव उका साथ मा दूय डाकू क कुरूस पर चढ़ाया एक जेवड़ा तरफ आरू एक डासचिया तरफ।
MAT 27:39 आरू आवने जाने वाला माथो हालवी–हालवीन ओकी वायकेड़ा उड़ावता हुता।
MAT 27:40 आरू यो हवता हुता, “ए मंदिर क उदारनेवाला आरू तीन दाहाड़ा मा बनावने वाला, आपसाक तो वाचाड़ कदाम तु यहोवा–भगवान क पोर्‍यो छे, तो कुरूस पर सी उतरीन आव।”
MAT 27:41 इनी रीति सी मुखी पुजारो भी शास्त्रीया आरू डाहडान क साथ मेळीन ईशुन वायकेड़ा उड़ावीन कयता हुता,
MAT 27:42 “यो दिसरा क वाचाड़से, आरू आपसा क नी वाचाड़ सकतो। यु ते ‘इस्त्राएलन राजु छे।’ हिमी कुरूस पर रईन उतरी आयु, ते हाव उका पर विश्वास कर्‍या।”
MAT 27:43 त्यो यहोवा–भगवान क विश्वास राखिया, कदाम त्यो चाहतो, तो अब इनाक छुड़ाय ले, “काहकि यो कहवतो हुतो, कि हाव यहोवा–भगवान क पोर्‍यो छे।”
MAT 27:44 इने रीति डाकु भी जो उका साथ मा कुरूस पर चढ़ावला हुता ओकी वायकेड़ा यड़ावता हुता।
MAT 27:45 बारा बजे रईन ते तीन बजे तक सब धरती पर आंधारो होय गयो।
MAT 27:46 नवा घंटा न टेमे ईशु जुरे सी आयड़ीन कयो, “एली, एली, लमा शबक्तनी?” यो कहवाये, “ए म्हारा यहोवा–भगवान, ए म्हारा यहोवा–भगवान, तु मेखे काह छुड़ दीदो?”
MAT 27:47 जो वा उबो हुय रया हुता, उका माईन कोय–कोय यो सोमवीन कयो, “त्यो तो एलियाहक आयड़ी रिया।”
MAT 27:48 उका माईन एक तत्काल दवड़ीयो, आरू एक छिंदरो लेपटायलो लाकड़ो सिरका मा डुबायो आरू सरकुण्डा पर राखीन उको चुसाड़ियो।
MAT 27:49 थुड़ाक जना कयो, “रूक जात्यो देखजे एलियाह वाचाड़ने आवे की नी।”
MAT 27:50 तव ईशु पछु जुरे क आयड़ीन जीव छुड़ दीदो।
MAT 27:51 तव मंदिर क परदो उपर सी नेचो तक फाटीन दूय टुकड़ा हुय गियो: आरू धरती डोल गय आरू दातिया फाट गिया।
MAT 27:52 आरू बीड़ा उगाड़ हुय गिया, आरू सुवला हुता त्या चुखलोलोगहन क धोड़ जाग गिया।
MAT 27:53 आरू उका जीव उठने क बाद मा त्या बीड़ा मा सी निकलीन चुखलो नदर मा गिया, आरू ठण सवटा क देखाय पड़िया।
MAT 27:54 तव सुबेदार आरू जो उका साथ मा ईशुन राखवाळी करता हुता, भुकंप आरू जो काय हुयलो हुतो, देखीन बेसका बीह गिया, आरू कयो, “सच यो यहोवा–भगवानन पोर्‍यो हुतो!”
MAT 27:55 वा बैस घण सवटी बाई जात जो गलील सी ईशुन सेवा करती हुती ओको साथ मा आवली हुती, दूर सी देखती हुती।
MAT 27:56 उका मा मरियम मगदलीनी आरू याकूब आरू योसेस न माय मरियम आरू जबदी क पोर्‍या माय हुती।
MAT 27:57 जव शांत हुय ते यूसुफ नावन अरिमतियाह क एक धनी मानुस जो चु भी ईशुन चेला हुतो, चु आयो।
MAT 27:58 चु पिलातुस क पास जाईन ईशु क धड़ मांगीयो। इना पर पिलातुस नी आपनेन हुकुम दीदो।
MAT 27:59 यूसुफ धड़ क लीन उको साफ चादरा मा लेपटी लीदो।
MAT 27:60 आरू उको एका नवला बीड़ा मा राख दीदो, जो यूसुफ आपसे करता बनावलो हुतो, आरू बीड़ान झपला पर बड़ो दगड़ो लुड़काय दीदो।
MAT 27:61 आरू मरियम मगदलीनी आरू दिसरी मरियम वा बीड़ान सामने बठली हुती।
MAT 27:62 दिसरे दाहड़े जो तियारीन दाहड़ा क बाद क दाहड़ हुतो, डाहला पुजारा आरू फरीसिया पिलातुस क पास एखटा हुयन कयो।
MAT 27:63 “ए मालिक, हामुक फोम छे, कि त्यो भटकाड़ने वालो जीवतो हुतो तव कयलो हुतो, कि हाव तीन दाहड़ा क बाद जीव उठीस।
MAT 27:64 हामुक हुकुम आप कि तीसरे दाहड़े तक बीड़ो खाली करे, असो नी हुये कि उका चेला आवीन उको त्योरावीन ली जात रहवे, आरू लोगहन सी कहवे, कि त्यो मरला माईन जीव उठियो: तव पछलो धुको पेहला सी बुरो हुयसे।”
MAT 27:65 पिलातुस आवीन उन लोगहन सी कयो, “तुमरे पास राखवाळिया तो छे जात्यो, तुमरी समझन अनसारे राखवाळी करो।”
MAT 27:66 अळते त्यो राखवाळीया क साथ ली गया, आरू दगड़ा पर छापू लगाड़ीन बीड़ान राखवाली करिया।
MAT 28:1 सब्तन दाहाड़ा क बाद सप्ताह पेहला दाहड़ाम भौळभाका मा मरियम मगदलीनी आरू दिसरी मरियम बीड़ा देखने आवी।
MAT 28:2 तव एक मोटोत् भुकंप हुयो, काहकि यहोवा–भगवान क एक सोरगदूत सी उतरीयो, आरू एको पास मा आवीन दगड़ा क ढोवळी दियो, आरू उका पर बठी गियो।
MAT 28:3 हेको रूप बिजळीन समान आरू उका छिंदरा बरफन क विजाळा हुता।
MAT 28:4 ओको बीक सी राखवाळीया बीहने लाग गिया, आरू मरलो जीवतो हुय गियो।
MAT 28:5 सोरगदूत बायरान क कयो। “मा बीहयो हाव जानो कि तुमू ईशु नासरत क, जो कुरूस पर चढ़ाया गया हुता, हेरती होय।
MAT 28:6 त्यो या नी हय, बाकुन जीवतो हूय गियो; आयो, यो जागु देखो, जा परबु क राखला हुता।
MAT 28:7 आरू छाटलोत जाईन उका चेला सी कयो, कि त्यो मरला माईन जीव उठियो; आरू देखो त्यो तुमरे सी पेहल गलील मा जाय जासे, वा उको दर्शन देखसो, देखो, हाव तुमू क संदेश आप देदु छे।”
MAT 28:8 आरू छाटी ची बायर खुशमा मोळवट्याम पर सी पछी जाईन ईशुन चेलान क खबर देदी।
MAT 28:9 तव, ईशु चेलान क मेळीयो आरू कयो; “सुखी रहवो” आरू चेला ईशु क पास मा आवीन उका पाय क धरीन उको वंद्या।
MAT 28:10 तव ईशु वेलान सी कयो, “बीहयो मा; म्हार भाईस्यो क जाईन कहवो, कि गलील मा जाती रहत्यो वा मेखे देखसे।”
MAT 28:11 त्या जाती हुती, कि राखवाळिया माईन घना जन नगर मा आवीन पूरो हाल डाहला पुजारान क कय दीदा।
MAT 28:12 तव त्या डाहडान क साथ मा एखटा हुया, आरू एकु रूकाया, आरू सिपायड़ान क घण सवटो धन देदा।
MAT 28:13 “यो कहवजो कि रात मा जव हामू सूय रिया हुता, तो उका चेला आवीन उको त्योरायली गिया।
MAT 28:14 आरू कदाम यी वात रोमि आदिकारीन कान्टा मा तक पुगी गय, तो हामू उना समझाड़ लेसे आरू तुमूक खतरा सी वाचाड़ लेसे।”
MAT 28:15 आरू त्या पोशा लीन जसा सिखिया हुता, वसात करिया; आरू यी वात आज तक यहूदि या मा नाव सादाय छे।
MAT 28:16 आरू गियारा चेला गलील मा उना बयड़ा पर गिया, जिनाक ईशु उन क देखाड़लो हुतो।
MAT 28:17 आरू चेला ईशु क दर्शन देखीन हेको वंद्या, बाकुन कोय–कुदान क संका हुय।
MAT 28:18 ईशु चेलान क पास मा आवीन कयो, “सोरग आरू धरतीन सब हक मेखे आप्यो गयो छे।
MAT 28:19 अतरानकरीन करिन या से जाईन सब राष्ट्रन लोगहन क म्हारा चेला बनावो आरू त्या लोगहन क बास, बेटा आरू चुखली आत्मान नाव से बपतिस्मा देयो।
MAT 28:20 आरू त्या लोगहन क इन आखा हुकुम क पाळनी करने कि शिक्षा सिखाड़ो, जो हाव तुमको दिया। आरू फोम राखो: कि हाव धरती आखरी तक जलोम तुमरे साथ मा छे”
MAR 1:1 यहोवा भगवान क पोर्‍या ईशु मसीह की खुश खबर की शुरूम।
MAR 1:2 जसो यशायाह कागळिया क पत्री मा लिखलो छे। यहोवा भगवान कहवे देख हाव म्हारा खुश खबर देने वाळा क तुमरे अगोळ मोकलू, जो थारे जुगू वाट सुधारसे।
MAR 1:3 यशायाह कागळियान “जंगल मा एक आयड़ने वावान बुल समवाय रया छे की पोरबु क वाट तीयार करू, आरू हेकी वाट सुदी करो।”
MAR 1:4 यहुन्ना बपतिस्मा देनेवालो आयो, जो जंगल मा बपतिस्मा देतो हतो, आरू पाप माफी क मन फिरावने क आरू बपतिस्मा लेने क खबर करतो हतो।
MAR 1:5 आखा यहूदिया देश क आरू यरूशलेम शहर मा सब रवने वावा निकवीन ओको पास गया, आरू आपसा पाप क मानीन यरदन नदी मा यहुन्ना सी बपतिस्मा लेदा।
MAR 1:6 बपतिस्मा देनेवावु यहुन्ना उटड़ान झटा क बनलो छिंदरो पेहरलु आरू हेकी कमर मा चामड़ान पट्टो बांधी रयो हुतो आरू टिड्डिया आरू बयड़ान माहव खाया करतो हुतो,
MAR 1:7 आरू यी करता यहुन्ना बपतिस्मा देनेवावो खबर करतो हुतो कि मार बाद मा त्यो आवने वावो छे, जो मार से भी जादा जानकार छे; हाव ते ओका पाय मा झुकीन खासड़ा निकावने जुगु भी नी होय।
MAR 1:8 हाव ते तुमूक पानी से बपतिस्मा दि रयो बाकि वो तुमूक चुखली आत्मा से बपतिस्मा आपसे
MAR 1:9 तिनु दाहड़ा मा ईशु गलील क नासरत शहर से आवीन, यरदन नदी मा यहुन्ना से बपतिस्मा लेदो।
MAR 1:10 आरू ईशु बपतिस्मा लीन पानीम रईन निकवीन बाहर आयो, तो तत्काल ईशु सोरग क खुलतो आरू चुखली आत्मा क पेरवान सारकी ओका उपर उतरता देख्यो।
MAR 1:11 आरू हेको सोरग से यी अवाज समवाई देदी, कि तु म्हारो मोंगावु पोर्‍यो छे, “थारे से हाव खुश छे।”
MAR 1:12 तत्यार आत्मा तत्काल ईशु क जंगल मा मोकली।
MAR 1:13 जंगलमा चावीस दाहड़ा तक शैतान हेकी परीक्षा लिदो; आरू वो जंगली जनवार क साथ मा रयो, आरू सोरगदूत ओकी सेवा करता रया।
MAR 1:14 बपतिस्मा देनेवावो यहुन्ना क धराय जाने क बाद ईशु गलील मा आवीन यहोवा भगवान क राजन वारली खबरन परचार करियो,
MAR 1:15 आरू कयो, “टेम पुरो हयो, आरू यहोवा भगवान क राज नाट आय गयो; पापो से मन फिरावु आरू खुश खबर पर विश्वास करो।”
MAR 1:16 ज्यार ईशु गलील दरियो क धड़े–धड़े जातो हतो, ती ईशु शमौन आरू ओका भाईस अन्द्रियास क दरियो जाव नाखता देख्यो; काहकि चे माछा मारन्या हुता।
MAR 1:17 ईशु तिनुक कयो, मार पछव आवु, “हाव तुमूक मानुस क यहोवा भगवान राज्यमा लावनेवावा बनावीस।”
MAR 1:18 चे तत्काल जाव छुड़ीन ईशु पछव होय लेदा।
MAR 1:19 थुड़ोक ओगव जाईन ईशु जबदी क पोर्‍या याकूब आरू यहुन्ना क ढोंड्यो पर जाव सुदारता देख्यो। सुधारता
MAR 1:20 ईशु तत्काल तिनुक बुलयो आरू चे तिन्दरा बास जबदीक दाहड़कियान क साथ मा ढोंड्यो पर छुड़ीन, ईशु क पछव चाल देदा।
MAR 1:21 तत्यार चे कफरनहूम नगर मा गया, आरू वो तत्काल आराम क दाहड़े यहूदि यान प्रार्थना घर मा जाईन वारली खबर करने लाग्यो।
MAR 1:22 आरू लोगहन ओकी वारली खबर से अका बाकी होय गया, काहकि ईशु हिनुक शास्त्री मानुस क सारको नी, पुन हक क साथ मा वारली वात देखाड़तो हतो।
MAR 1:23 आरू तिना तेम मा, तिन्दरा प्रार्थना क घर मा एक मानुस हुतो जिनाम एक विटळ आत्मा हुती।
MAR 1:24 साहळा आयड़ीन कयी, हे ईशु नासरत, थारो हामरे साते थारो काय काम? काय तु हामुक नाश करने आवलो छे? हाव तुखे जानो, तु कुन से? “तु यहोवा भगवान क चुखलो मानुस से!”
MAR 1:25 “ईशु साहळा क लड़िन कयो, हुग रया; आरू हेकाम से बाहर निकवी जा।”
MAR 1:26 तत्यार साहळा ओको मुयड़तीजाईन, आरू मोटात् बुल से आयड़ीन ओको मा से निकली गयी।
MAR 1:27 अतरा पर जतरा लोगहन हेको देख रया हता चे आखा घबराय गिया आरू एक दिसरा क कयनो लागिया “यो काय छे? काय यो काहय भाती क नवलो सिखापन ते नी हय कि हेका पास साहळा क निकवने क हक छे आरू ची आत्मा ओको हुकुम माने।”
MAR 1:28 आरू ओको नाव छाटत गलील क आखा प्रदेश मा बढ़तो गयो।
MAR 1:29 ईशु छाटत प्रार्थना घर मा से निकवीन, याकूब आरू यहुन्ना क सात मा शमौन आरू अन्द्रियास क घर गयो।
MAR 1:30 शमौन की सासु जादा सेरी हयने से खाटला मा पड़ रयी हुती, आरू चे छाटात हेका बाराम हेके कयो।
MAR 1:31 तत्यार त्यो तिन्दरे सात मा जाईन हेको हात धरीन क हेके उठाड़ियो; आरू हेको ज्वर उतरी गयो, आरू ची ईशुन सेवा करने लागी।
MAR 1:32 दाहड़ो डुबने आरू शान्तो हयने क बाद मा लोगहन ईशु क त्या लोगहन क पास लाया आखा मांदला आरू साहळा से भरायलान क ओका पास लाया।
MAR 1:33 आरू आखा नगर क मानसे झोपला पर एखटा हुया।
MAR 1:34 आरू ईशु घणा जन क जो भातीभातीन बेमारी से दुखी हुता, तिनुक आरगा करियो; आरू घण सवटी साहळा क लोगहन मा से निकालियो; आरू दृष्टात्मान क बोलने नी दिदो, काहकि ची आत्मा ईशु जानती हती।
MAR 1:35 संदारे दाहडु निकव्यु छे घोणा पेहल, ईशु उठीन निकव्य, आरू एक बयड़ा उपर गयो आरू वा प्रार्थना करने लाग्यो।
MAR 1:36 तत्यार शमौन आरू ओको साथी ओको हेरने करीन गया।
MAR 1:37 जत्यार ईशु मेव गयो, ती ओको कयो; “सब लोगहन तुखे हेर रया।”
MAR 1:38 ईशु तिनुक कयो, “आवो हामु अळी काहय दिसरा गावोम जाजे, कि हाव त्या भी खुश खबर कयनु छे, काहकि हाव अतरान करीन आवलो छे।”
MAR 1:39 आरू चे आखा गलील नगर मा आरू सभागृह मा खबर करतो आरू साहळा क निकावतो रयो।
MAR 1:40 कुड़ावो लागली बीमारी क एक मानुस ईशु क पास आयो, ओका विनती करने लाग्यु, आरू ईशु अगळ घुटना टेकीन कयो, कदाम थार मरजी हय ती मखे वारू कर दे।
MAR 1:41 ईशु ओको पर दया करीन हात बढ़ायो, आरू ओको छिमीन कयो, “हाव यो चाहो कि तु वारू हय जा।”
MAR 1:42 आरू छाटलो ओकी कुड़ की बीमारी जात रया, आरू चो वारू होय गयो।
MAR 1:43 तत्यार ईशु ओका चकचवळयो करीन मकली दिदो।
MAR 1:44 आरू ओको कयो, “देख, कुदाक कोय भी नी कयनो, पुन जाईन पुजारा क देखाड़् कि थार सात मा काय हयो, आरू थारो वारू हुयने क बारामा जो काय नियम मूसा टाकलो छे तेरो चढ़ावो चढ़ाव।”
MAR 1:45 पुन चो मानुस बाहरो जात रयो आरू इनी वात की खबर फैलावने लाग्यो, कि बाद मा ईशु क उजेन्तो गाव मा नी जाय सक्यो, पुन बाहरो जंगल मा रयो; च्यार तरफ से लोगहन ओको पास आवता रया खुब देखड़तो रयो आरू या तक फिरने लाग्यो कि ईशु पछु खुल्लाम खुल्लु नगर मा नी जा सक्य, पुन बारतो जंगली स्थान मा रया; आरू चार तरफ से मानसे ओको आवता रया।
MAR 2:1 काही डाहादडान बाद ईशु कफरनहूम गाँव मा पछु आयु आरू सोमवायो, कि त्यो घर मा छे।
MAR 2:2 ती ओतरा सोवटा मानसे एखटा हुया, कि झोपला मा भी जागो नी हतो; आरू ईशु तिनुक वचन सोमवाडतु हतो।
MAR 2:3 आरू मानसे एक लखवा सी बीमार क चार मानसे ओको हुकलीन ईशुन साथे ली आश।
MAR 2:4 पुन जोत्यार चाँ गर्दीन कारण ईशुन चाँ नी पुचाय सक्यो, ती चे घर क उपर तिनान घरन नेड़ु ईशु हतु, खुल दिदा आरू चे इनाक उधार दिदा, ती खाटला पर लखवान बीमार पड़ रयु हतु, तीनाक लटकाड़ दिदा।
MAR 2:5 ईशु तेरू विश्वास देखीन तीन लखवा वावा कयो “ए पोर्‍या तारू पाप माफ होय गयु”
MAR 2:6 तव कोय शास्त्री चाँ बठ रया हता आपसा–आपसा मनमा विचार करणे लाग्या,
MAR 2:7 “यु मानुस काँ ओसो कयतो हतु? यु ते यहोवा भगवानन बुरा विचार करता छे! यहोवा भगवान क छुड़ीन आरू कुन पाप माफ कर सकता छे?”
MAR 2:8 ईशु तत्काल आपसी आत्मा मा जान लेदु, कि वो आपसा–आपसा मनमा विचार करने लाग्या, आरू तिनुक कयो, “तुमू आपसा–आपसा मनमा काँ विचार कर रया?
MAR 2:9 सहज काय छे? काय लखवा क बीमार छे यो कयनो कि थार पाप माप हयो, यो कयनो कि उठ आपसी खाटली हुचल आरू चाल पछु?
MAR 2:10 पुन तुमू ईशु क जान लेवु कि मानुस क पोर्‍या क धरती पर पाप माफ करने क भी हक छे।” त्यो लखवा क बीमार छे कयो,
MAR 2:11 “हाव तखो कयो, उठ, थार खाटली हुचलीन थारे घर जाती रोवे।”
MAR 2:12 त्यो उठयो, आरू तत्काल खाटली हुचलीन आखान क सामने चालीन जात रयो; इना पर आखा क आखा–बाकी हय गया, आरू यहोवा भगवान क बढ़ाई करीन कयनो लाग्यो, “हामु ओसो नी देख्या।”
MAR 2:13 ईशु निकवीन नदीन क धोड़े गयो, आरू आखी गर्दी ओको साथे आवी, आरू त्यो तिनुक वारली–वारली वात कवे।
MAR 2:14 “जातो हयो ईशु क हलफई क पोर्‍यो क लेवी की आंगना मा फाळान चौकी पर बठलो देख्यो, आरू तीनाक कयो” मारे पोछल चाल। आरू त्यो उठीन ईशुन पछव गयो।
MAR 2:15 जव यु ओका घर मा रोटलो खाने बठया, तव फाळो लेनेवाळा आरू पापी, ईशु ओका चेला क साथे रोटलु खाने बठ्या; काहकि चे सोवटा हता, आरू ओको तेर पछव हुता।
MAR 2:16 शास्त्री आरू फरीसिया यो देखीन, कि वो तो पापी व्याज लेनेवावु क साथे रोटलु खाने बठ्या हतो, तेरा चेला कयो, “वो तो व्याज लेनेवावु आरू पापी क साथे खाता पीता छे!”
MAR 2:17 ईशु ने यो सोमवीन ओको कयो, “भलो व्याजवालो क मुवा–बुटी क नी, पुन बीमार क छे: हाव न्यायी क नी, पुन पापी क बुलावने आवलु छे।”
MAR 2:18 बपतिस्मा देनेवावो यहुन्ना क चेला, आरू फरीसि उपवास करता हतो; शेवली कावा: त्या आवीन ईशु क कयो; “यहुन्ना क चेला आरू फरीसियो क चेला काय उपवास राख्या छे? पुन थारा चेला उपवास नी राख्या?”
MAR 2:19 ईशु तिनुक कयो, “जव तक लाड़ो वरात्यान क साथे रया छे, काय वो उपवास कर सकता छे? शेवली कावा जव तक लाड़ो तिनरे साथे छे, तव तक वो उपवास नी कर सकता।
MAR 2:20 पुन त्यो दाहडु आवसे जव लाड़ो तिनरे साथे रईन अलग होय जाछे; तिन टेहाव वो उपवास करसे।
MAR 2:21 “नवला छिंदरा क ठिगवने जुनला छिंदरो पर कोय नी लागाड़ता; नी तो वो ठिगवने तिनाम छे काय खेचाय जाय, मतलब नवला, जुनला छे, आरू वो पेहले छे जादा फाट जाछे।
MAR 2:22 नवलो अंगुरन रस क चामड़ान जुनली थैलो मा काही नी राखता नी तो अंगुरन रस क थैलो फाड़ देसे, आरू अंगुरन रस आरू थैलो दुयू सचाब होय जाछे; पुन नवल अंगुरन रस चामड़ान नोवली थैलो मा भराय जाय छे।”
MAR 2:23 उका समय ईशु आरामन दिन खेतो मा सी हुयन जातो हुतो, आरू ओका चेला चालता हता गवन उंब्या तुड़ने लाग्या।
MAR 2:24 तव फरीसिया ओको कयो, “देख; यो आराम क दाहडु वो काम काय काँ करता छे जो वारू नी?”
MAR 2:25 त्यो ओका सी कयो, काय तुमू क यो कदी नी भोन्या कि जव दाऊद आरू वो ओका साथी भुकला हुया आरू तीनु साथे खाने काही नी तव दाऊद काय कर्‍या हतो?
MAR 2:26 त्यो कोसा अबियातार डाहला पुजारा क टेहाव, यहोवा भगवान क घर मा जाईन भेंटन क रटलो खादा, ओको खानो पुजारा क छुड़ीन आरू कोयक क भी वारू नी, आरू आपसा साथी क भी दिदो?
MAR 2:27 तव त्यो तिनुक कयो, आराम क दाहडु लोगहन क करता बनाड़े गया छे, नी कि लोगहन आराम क दाहड़ान करता।
MAR 2:28 “एरकरीन लोगहन क पोर्‍या आराम क दाहडु क भी भगवान छे।”
MAR 3:1 ईशु पछु प्रार्थना घर मा गयु; चाँ एक मानुस तेरू सुखलु हाथ हतु,
MAR 3:2 आरू वो तीना पर त्योगली लागाड़ ने क करता ओकी घात मा लाग्या हया हुतो, कि देख, वो आराम क दाहड़े मा भी ओको वारू करतो छे कि नी।
MAR 3:3 ईशु कयो कि सुखला हातवावा मानुस काजे “वीच मा उभु रहने कयो।”
MAR 3:4 आरू तीनाक कयो, “काय आराम क दाहाड़े वारलो करनेन वारू छे यो बुरो करने, जीव क वाचावने या मारीने?” पर वो चुप रया।
MAR 3:5 “आरू त्यो तिनुक मनम क रिस होईन ओथुन–अथु भावीन तीनु मानसक कयो, आपनु हाथ ओगु करू।” आरू त्यो कर्‍यु, आरू तेरू हाथ सुधरी गयो।
MAR 3:6 तव फरीसिया बाहरता जाईन तत्काल हेरोदयो न क साथे ओका विरोध मा विचार करने लाग्या, कि ओको कसा करीन इनुक सारने।
MAR 3:7 ईशु उका चेलाहन क साथ गलील दरिया क चाल देदु; आरू गलील क यहूदिन एक मोटी गर्दी ओको पछव होय गयो;
MAR 3:8 आरू यहूदि या, आरू यरूशलेम, आरू इदूमिया, आरू यरदन नदी क पार, आरू सोर हामरे सीदोन क आस–पास छे एक मोटित गर्दी यो सोमवीन कि वो कोसो भोंगलाय गयो आरू काम करता छे, ओको साथे आवी।
MAR 3:9 आरू त्यो आपसा चेला काजे कयो, “गर्दीन कारण एक नानलो ढोंड्यो मार वाटु तैयार करू ताकि वो मखे दबाय नी सके।”
MAR 3:10 काहकि ईशु वार सोवटा जणा वारू करलो हतु, काहकि एरकरीन जोतरा लोगहन बीमार हता, ईशु छिमनेन करीन ओको पर पड़्या।
MAR 3:11 विटळ आत्मा भी, जव ईशु क देखतली, त्योतार तेर ओगव पड़ जातली, आरू आयड़ीन कयतीली कि तु यहोवा–भगवान पोर्‍यो छे;
MAR 3:12 आरू ईशु द्रूष्ट आत्मा क कयो, कि तु मखे प्रकट नी कर सके।
MAR 3:13 ईशु बयड़ा पर चड़ गयो, आरू जीनुक वो पसंद करतो हतो तिनुक आपने साथे बुलावीन; आरू वो ओको साथे माय।
MAR 3:14 तव वो बारा लोगहन क त्यो नेवाड़्यु क चे ईशुन साथे रवे, आरू वो तिनुक मुकले कि चे खबर करे।
MAR 3:15 आरू साहळा क बाहरता निकावनेन क हक छे।
MAR 3:16 ईशु बारा जनाम रईन शमौन न ओको एक ओवी नाव मेलमिलाप्यु पतरस।
MAR 3:17 आरू जबदी क पोर्‍या याकूब आरू याकूब क भाई यहुन्ना, ओको नाव त्यो बुअनरगिस मतलब गाजनो क पोर्‍या रख्यो,
MAR 3:18 आरू अन्द्रियास, आरू फिलिप्पुस, आरू बरतुल्मै, आरू मत्ती, आरू थोमा, आरू हलफई क पोर्‍या याकूब, आरू तध्य आरू शमौन कनानी यो रोमि सरकार विरोध।
MAR 3:19 आरू यहूदा इस्करियोती त्यो ईशु क धराय भी दिदो।
MAR 3:20 तव ईशु घर मा आयो; आरू ओसी गर्दी एखटी होई कि वो रटलो भी नी खाय सक्यो।
MAR 3:21 जव ओको घरानो यो सुन्यु, चे ओको धरनेन क करीन निकव्या; काहकि चाँ कयतला हतो, कि ओका सुध–बुध ठिकाना पर नी छे।
MAR 3:22 शास्त्री भी जा यरूशलेम रईन आश, यो कयता हता, “कि ईशुन माहय बालजबुल छे” आरू यो भी “ईशु दृष्टात्मान सरदार छे मदत से साहळा क निकावतो छे”
MAR 3:23 एरकरीन ईशु तिनुक पास बुलावीन तिनुक दृष्टान्त क कयो, “शैतान क शैतान कोसो निकाव सके?”
MAR 3:24 जर कदी एकदा जिना राज्य मा फूट पड़ी, ते चो राज्य कोसो एक जागे रोवे छे?
MAR 3:25 आरू जर कदी एकदा घर मा फूट पड़्यो ते चो घर कोसो एक जागे रोवे छे?
MAR 3:26 एरकरीन जर कभी शैतान आपसेत विरोध मा लड़ाई मा जाय, ते चे कोसा बन्यो रोवे सकता छे? ओको तो राज्य सर जासे।
MAR 3:27 “पुन एकदु जुरवार मानुसन क घर मा भराइन ओको माल नी लूट सकता, जव तक वो जोरवार क बांध नी लेय; आरू तव ओको घर क लूट लेस।”
MAR 3:28 हाव तुमू क सच कयो छे, कि लोगहन की अवलियाद क आखान पाप आरू वायकेड़ा उड़ावे, माफ कर दे से,
MAR 3:29 पुन जो एकदु चुखलो आत्मा क बुरा निन्दा करे वो कदी भी माफ नी हवे: त्यो अमरकाय पापन गुणागार बनसु।
MAR 3:30 काहकि वो कयता कि तिनाम विटळ आत्मा छे।
MAR 3:31 तव ईशु की माय आरू ओका भाई, आरू बाहरता उबा हता आरू ईशु क ओको बुलावने मुकल्या।
MAR 3:32 गर्दी ओकान आस–पास बठी हती, आरू त्यो तिनुक कयो, “देखु, तारी बहिनीस आरू माय आरू तारू भाई बाहरता तुखे हेरने छे।”
MAR 3:33 ईशु तिनुक कयो, “कि मारी माय आरू मारा भाई कुन छे?”
MAR 3:34 आरू ओको पर जा तिनान आस–पास बठ्ला हता, तिनुक देखीन ईशु कयो, “कि देखु, मारी माय आरू मारा भाई यो छे।
MAR 3:35 काहकि जो कुन यहोवा–भगवान क मरजी पर चाले, चे मारा भाई, आरू बहिनीस आरू माय छे।”
MAR 4:1 ईशु पछु दरिया क धड़े परचार करने लाग्या: आरू ओसी मोटी गर्दी ओको साथे एखठी होय गयी कि वो दरिया मा एक ढोंड्या पर चढ़ीन बठ्या गया, आरू सारी गर्दी धरती पर दरिया क धड़े उभी रयी।
MAR 4:2 आरू वो तीनुक दृष्टान्त मा घोणा सी वात सिकाड़ने लाग्या, आरू परचार मा उनछे कयो,
MAR 4:3 धियान करीन “समवो! एक वेरनेवावो बीज वेरने करीन निकलियो।
MAR 4:4 वेरने टेहाव मा काही मार्ग धड़े पड़्या आरू चिल्ला ने आवीन उको खाय लेदा।
MAR 4:5 काही दगड़ाटया धरती पर पड़्या वा ओको क घोणा धुवो नी मुवयो आरू वारू धुवो नी मुव्यो क कारण छाटो उगी गया।
MAR 4:6 आरू जव दाहड़ो निकव्या तो धपी गया, आरू मुवे नी धरने क कारण सूखी गया।
MAR 4:7 आरू काही ते झाड़का पड़ गिया आरू झाड़किया मोटा हईन तिनु बिज क दबाई दिदा, आरू चे फव नी लाया।
MAR 4:8 पुन काही वारू धरती पर पड़्या, आरू वो उग्यो आरू मोट फलवंत हुयो; आरू काही तीस गुणा, आरू काही एक सौ गुणो फोव लाया।”
MAR 4:9 तव त्यो कयो, “जेरे साथे सोमवने क करता कान्टा होय, वो सोमवी लेय।”
MAR 4:10 जव ईशु ऐखलो रया गयो, तो ओका साथी ने उन बारा सहावत ओका सी इन सपनो क विषय मा पुछया।
MAR 4:11 त्यो उनछे कयो, “तुमू क तो यहोवा–भगवान क राज्य क भेद की समझ दी गय छे, पुन बाहरतावावा क करता सब वात दृष्टान्त मा होयती छे।”
MAR 4:12 एरकरीन कि “वो देखता हुया देख्य आरू तीनुक सुझाई नी पड़े आरू सोमवता सोमव्या भी आरू नी समझे। ओसो नी हुये कि त्यो पोरबु भेणी पछो आवे, आरू माफ करी जाय।”
MAR 4:13 पछु ओका सी उनछे कयो, काय तुमू यो सपनो नी समझते? तो पछु आरू सब सपनो क कोसो समझोगे?
MAR 4:14 वेरनेवावा वचन वेरयो छे।
MAR 4:15 जो वाट क धड़े क छे वा वचन वेराय जाय यो वो छे कि जव त्या सोमव्या, तो शैतान तत्काल आवीन वचन क उनमा बोया गया हुता, उठाय ली जाता छे।
MAR 4:16 जोसो ही जो दगड़ाळी धरती पर वेरलो जाय छे, यो वो छे जो वचन क सोमवीन तत्काल खुशी छे मान्य कर लेय छे।
MAR 4:17 पुन आपने माहीय मुवन भार नी राखने क कारण वो थुड़ा ही दाहड़ा क करता रयते छे; ओको बाद जव वचन क कारण उन पर पीड़ा यो झगड़ो करावनो हुयसे छे, तो वो तत्काल ठोकर खाय छे।
MAR 4:18 जो झाड़का मा वेराय गयो यो वो छे, जिन्होने वचन सोमव्या,
MAR 4:19 आरू संसार की चिंता, आरू धन क धोखा, आरू दिसरो समान क लोभ ओका समाकर वचन क दाबाय देता छे आरू वो निष्फल रया जाता छे।
MAR 4:20 “आरू जो वारली धरती मा वेराय गयो, यो वो छे जो यहोवा–भगवान क वचन सोमवीन मान्य करतो आरू फव लायो छे: तीस गुणा, काही साठ गुणो आरू काही सौ गुणो।”
MAR 4:21 ईशु ने उनछे कयो, “काय दिया एरकरीन लावता छे कि कागनी यो खाटलो क नेचो राख जाय? काय एरकरीन नी कि दीवट पर राख देने?
MAR 4:22 काहकि यहोवा–भगवान क राज्य काही वात साताय नी, पुन एरकरीन छे कि प्रगट होय जाए; आरू नी काय सातायलो छे, पर एरकरीन छे कि प्रगट होय जाय।
MAR 4:23 यदि काही क सोमवने क कान्टा हुयो, तो वो सोमवी लेय!”
MAR 4:24 पछु ईशु ओका कयो, “सावधान रयो कि जो काय तुमू सोमवता छे। जा नाप छे तुमू नापता छे ओको से तुमू क करता नापाय से, आरू तुमू क सवटो आपसे जाछे।
MAR 4:25 काहकि जेका साथे छे, ओको दीया जाछे; आरू ओका साथे नी छे, ओका सी वो भी जो ओको साथे छे, लेय लीया जाछे”
MAR 4:26 पछु ईशु ने कयो, “यहोवा–भगवान क राज्य ओसो छे, जोसो काही मानुस धरती पर बीज वेरे,
MAR 4:27 आरू रात क सुयो आरू दाहड़ा मा जाग्या, आरू वो बीज ओसो उगे आरू मोठे कि वो नी जानो।
MAR 4:28 धरती आप छे आप धान लावती छे, पेहले अंकुर, तव उम्बीया, आरू झटा मा तीयार दाना।
MAR 4:29 पुन जव दाना पाक जाय छे, तव वो तत्काल दातवा क दार लागाड़ता छे, काहकि काटनी आय पुगी छे।”
MAR 4:30 पछु ईशु ने कयो, “हामु यहोवा–भगवान क राज्य की बराबरी कुनी सी देंय, आरू काही सपनो छे ओका वर्णन कर्‍यो?
MAR 4:31 वो राई क दाना क समान छे: जव धरती मा वेराय जाय छे तो धरती क सब बीजों नानो होय छे,
MAR 4:32 पुन जव वेरने गया, तो उगीन सब सागपात छे मोटा होय जाता छे, आरू ओकी ओसी मोटी डावखा निकवता छे कि क चिल्ला ओकी साहवामा पांजरू कर सकता छे”
MAR 4:33 वो तिनुक इनीये प्रकार क घोणा छे सपनो आपीन ओकान समझ क लारे वचन सोमवता हुता,
MAR 4:34 आरू बिना सपनो कये वो उनछे काही भी निही कयता हुता; पुन सुनला मा वो आपने निज चेला क सब वात क मतलब समजाड़तो हुता।
MAR 4:35 तीनी दाहड़ा जव शांत हुयी, तो ईशु ने चेला छे कयो, “आवु, हामु पार चल्या।”
MAR 4:36 आरू वो गर्दी क छुड़ीन जोसो वो हुता, वोसो ही ओको ढोंड्या पर साथे ली चाल्या; आरू ओको साथे आरू भी ढोंड्या हुती।
MAR 4:37 उचकाळुन मोट वाहवा आयो, आरू झेलक ढोंड्या पर याहा तक लागी कि वो पानी छे भराय जाती हुती।
MAR 4:38 पर वो आप पोछल भाग मा ताक्यो पर सुय रया हुता। तव त्या ओको जाईन ओका सी कयो, “हे गुरू, काय तुखे चिंता नी कि हामु नष्ट हुय जाय छे?”
MAR 4:39 तव त्यो उठीन वादुन क धमकाय, आरू पानी छे कयो, “शांत रया, थाम जा!” आरू वादुन थाम गयो आरू मोटा चैन होय गया;
MAR 4:40 आरू उनछे कयो, “तुमू काय घाबराय होय? काय तुमू हिमी तक विश्वास नी?”
MAR 4:41 वो घणा ही बिही गया, आरू आपसु मा बुल्या, “यो कुन छे कि वादुन आरू पानी भी ओकी हुकुम मानता छे?”
MAR 5:1 ईशु दरियो क पार गिरासेनियो क देश मा पुच्या,
MAR 5:2 ईशु जव वो ढोंड्या पर रईन उतरियो तो तत्काल एक मानसन जिनामा विटळ आत्मा हती, मोळवट्या मा रईन आवीन ईशु क देखाई।
MAR 5:3 काहकि वो बीड़ाम रयतो हतो आरू कोय तीनाक साकव करीन बांध भी नी सकता हता,
MAR 5:4 काहकि वो बार–बार साकव करीन बांधता हता, पुन त्यो साकव क तुड़ दिदो आरू साकव क टुकड़ा–टुकड़ा कर दिदो हतो, आरू कोय ओको मानाळी भी नी सकता।
MAR 5:5 वो लगातार रात–दाहड़ो मोड़वाट्याम आरू बयड़ाम आयड़े, आरू वो दगड़ा छे ठुकरायतो हतो।
MAR 5:6 वो ईशु क दुर रईन देखीन दौड़ीन ईशु क बुलाड़े,
MAR 5:7 आरू जुरे से ओवाज मा आयड़ीन कयो, “हे ईशु, महान यहोवा–भगवान क पोर्‍या, मखे तुखे छे काय काम छे? हाव तुखे यहोवा–भगवान क शपथ खाम की मखे पीड़ा मा आपे।”
MAR 5:8 काहकि ईशु ओको कयो, हतो “हे विटळ आत्मा इन मानुस मा रईन निकवी जा।”
MAR 5:9 ईशु ओका पुछु, “थारो नाव काय छे?” त्यो ईशु कयो, “मारो नाव सेना छे; काहकि हामु घणा सोवटा छे!”
MAR 5:10 आरू त्यो ईशु क विनती करने लाग्या, “हामु क इन प्रदेश रईन बाहर मा मुकले।”
MAR 5:11 वो बयड़ा पर सुहर्‍या क टुवु चर रया हता।
MAR 5:12 त्यो ईशु क विनती करीन कयो, कि “हामु इनु सुहर्‍या मा मुकली दे कि हामु ओको साथे जासु।”
MAR 5:13 शेवली कावा ईशु ने हुकुम दिदो आरू विटळ आत्मा निकवीन सुहर्‍या क धोड़े गयु त्यो आरू टुवु दुइ हजार क हतो, बयड़ा धड़े रईन दौड़ीन गया आरू दरिया मा जाईन आरू डूब मर्‍या।
MAR 5:14 ओका चारनेवावा ढ़ासाड़ीन नगर आरू गाव मा खबर सोमवाळ्या, आरू जो हयो हतो, लोगहन ओको देखने आया।
MAR 5:15 ईशुन क साथे आवीन वो ओको जी साहळा समाई हती, छिंदरा पेहरने आरू विचार करीन देखीन घबराय गया।
MAR 5:16 देखनेवावा ने ओकाम साहळा हती, आरू सुहर्‍या क पुरा हाल ओको क कय सोमवाळ्यो।
MAR 5:17 तव वो ओको रावन्या करीन कयनो लाग्यो कि हामरी सिवम रईन जात रया।
MAR 5:18 जव वो ढोंड्या पर चढ़ने लाग्यो ते वो जिनमा पेहल साहळा हती, तीनाक रावन्या करने लाग्यो, “मखे तारे साथे रयने दे।”
MAR 5:19 पुन ईशु ओको आवने नी दिदो, आरू तीनाक कयो, “आपने घर जाईन आपसा लोगहन क कयजी कि तख पर दया करियो, ईशु क थारे करता कोसो मोठ काम करियो छे।”
MAR 5:20 वो जाईन दिकापुलिस नगर मा इन वात क खबर करने लाग्यो कि ईशु मख करता कोसो मोठ काम कर्‍या; आरू आखा लोगहन भोंगलाय गयो हतो।
MAR 5:21 जव ईशु पछु ढोंड्या पर बठीन पल धोड़े गयो, ते एक मोटी गर्दी ओको साथे एखठी होय गय। वो तलाव क धोड़े हतो कि
MAR 5:22 याईर नाव क प्रार्थना घर क सरदार मा रईन एक आयो, ओको नाव याइराईस हतो, चाँ आयु यो देखी वो कुन छे, ओको पाय पड़्या,
MAR 5:23 आरू यो रावन्या करने लाग्या कि, मारी “नानली पोराय मरना क होय रई ईशु आवीन तेर पर हाथ राखीन ते ची आरगी होईन जीवती रवे।”
MAR 5:24 तव ईशु ओका साथे चाल्यो; आरू ओको पछल मोटी गर्दी होई, आरू ईशुन पछल चाल पड़ी आरू ईशु पर पड़ने लाग्या।
MAR 5:25 एक बायर हती, ओका बारा साल होय तक ओका लुहूय यो उहवनेन बीमारी हती।
MAR 5:26 ची घोणा मुवा–बुटीवावा क देखाड़ी पुन काहय चो दुःख वारू नी हयो, आरू ओको धन भी सच्च करीन भी ओको कोय फायदु नी हयो, पुन आरू ची बीमारी मा रई।
MAR 5:27 वो ईशु क वात सोमवीन गर्दी मा आवी ओको पछव रईन आवीन आरू ईशुन क छिंदरा क हाथ लागाड़ी,
MAR 5:28 काहकि ची कयती हती, “कदी हाव ओका ईशुन छिंदरो छिमलीस ते हाव आरगी होय जाईस।”
MAR 5:29 तत्काल ओको लुहूय यो बंद होय गयो, आरू ची आपसा डील मा जान लेदी कि हाव वो बीमारी रईन वारू होय गय।
MAR 5:30 ईशु तत्काल आपसा मन मा जान लेदु कि मारी शक्ति निकवीन, आरू गर्दीन पछव फिरीन कयो, कि “मारा छिंदरा क कुन हाथ लागाड़यो?”
MAR 5:31 ईशुन चेलाक ओको कयो, कि “तु देखतु छे आरू गर्दी तख पर पड़े आरू तु कयो कि कुन मख हाथ लागाड़यो?”
MAR 5:32 तव ईशु देखने करीन क जो हाथ लाग्याड़या ओको। चारो तरफ देखने लाग्यो।
MAR 5:33 तव वो बायर यो जाने की ईशु क साथे, बीहती–बीहती ओको पायमा पड़ी आरू आखी सच्चाई कयी।
MAR 5:34 ईशु तीनी बायर काजे कयो, “पोराय, थारो विश्वास ने तखं वारू करियो, खुसमा जा आरू बीमार से वाचीन रोवे?”
MAR 5:35 वो यो कयनो बाज रयो हतो कि प्रार्थना घर क सरदार घर रईन लोगहन आवीन कया, “थारी पोराय ते मर गय, हिमी गुरू क काँ दुःख देता से?”
MAR 5:36 “ईशु यो सोमव्यु कि यहूदियान प्रार्थना घर मा सरदार कयो मा बिहु विश्वास राखो।”
MAR 5:37 आरू ईशु ने पतरस आरू याकूब क भाई यहुन्ना क छुड़ीन, आरू दिसरा क नी आवने देतो।
MAR 5:38 प्रार्थना घरन क सरदार क घर पुग गयो, ईशु लोगहन क रोड़ता आरू आयड़ता देख्या।
MAR 5:39 तव ईशु ओको पास जाईन कयो, “तुमू काँ रड़ु पोराय मरी नी पुन सुव रया।”
MAR 5:40 चे ईशु क हासने लाग्या तेत्योर ईशु सबहन क बाहर निकाल्यो पोराय माय–बास क आरू ओको साथी पास गयो, जा चाँ पोराय पड़ रया हती।
MAR 5:41 आरू पोराय क हात धरीन ओको कयो, “ललीता कुमी” ओको मतलब, “हे पोराय, हाव तखं कयो तु उठ!”
MAR 5:42 आरू पोराय तत्काल उठीन चालने आरू फिरने लागी; काहकि ची पोराय बारा साल क हती। ओको पर लोगहन भोंगलाय गया।
MAR 5:43 ईशु उन लोगहन क कयो, कि यी घटना क बारामा कय क खबर नी चाले, आरू पछु ओको कयो, “वो पोराय क काहय खाने आप देवु।”
MAR 6:1 वाँ से निकलीन ईशु आपने देश मा नासरत आयो, आरू ओको चेला भी ओको पछव गया।
MAR 6:2 सब्त क दाहडू वो प्रार्थना घर मा प्रचार करने लाग्या, आरू खुब से मानसे सोमवीन चकित हुये आरू कयनो लाग्या, “इनीये क यी वात कयो से आय गय? यो कुन से ज्ञान से जो ओको दिया गया से? कोसो शक्ति क काम ओको हात से प्रगट होयते से?”
MAR 6:3 काय यो वो सुतार नी, जो मरियम क पोर्‍यो आरू याकूब, योसेस, यहूदा, आरू शमौन क भाई से? काय ओकी बहिनीस याहा हामरे वीच मा नी रयती? अतरान करीन त्या ओको विषय मा ठोकर खाय।
MAR 6:4 ईशु ने उनछे कयो, “कागळीयान क आपने देश, आरू आपने घरानो, आरू आपने घर क छुड़ीन आरू कयी भी आपमान काहनी नी हुता”
MAR 6:5 वो वाँ काही शक्ति क काम नी कर सक्या, केवल थुड़े–से बेमार पर हात राखीन तीनुक वारू कर्‍या।
MAR 6:6 आरू ईशु क ओको विनभुरसा पर विछेळीयो हुयो, आरू वो चार आरू क गाव मा प्रचार करता फिर्‍यो।
MAR 6:7 ईशु ओका बारा चेलाक क आपने साथे बुलायु आरू तीनुक दुय करीन मोकलने लाग्या; आरू तीनुक साहळा पर हक दियो।
MAR 6:8 ईशु ओका आदेश देदो, “मार्ग क करता लाठी छुड़ीन आरू काही नी ली जानु; ते रोटा, नी झुली बटुए मा पोशा,
MAR 6:9 पुन खासड़ा पेहरीन आरू दुई सुटरे नी पेहरीन।”
MAR 6:10 आरू ईशु ओका कयो, “वा कयी तुमू काही घर मा उतरो, ते जत्यार तक वाँ से वाट लागाड़्या नी होय तत्यार तक तीनी घर मा रूकाय रयो।
MAR 6:11 जिना स्थान मानसे तुमूक मान्य नी करे आरू तुमरी नी सोमवे, वाँ से चालता ही आपने तलवों की धुवो झाड़को नाखो कि उन पर गवा होय”
MAR 6:12 तत्यार त्या जाईन प्रचार कर्‍या कि पाप सुडो मन फिरावो,
MAR 6:13 आरू घण सवटा साहळा क निकाळ्या, आरू घण सवटा न बेमारी पर तेल लगाड़ियो आरू तीनुक वारू कर्‍यो।
MAR 6:14 हेरोदेस राजा ने भी ईशु की चर्चा सोमवी, काहकि ओको नाव फैल गया हुता, आरू उसने कयो, “यहुन्ना बपतिस्मा देनेवावा मरला मा से, जीव उठ्यो इनी करता ओका सी यो शक्ति क काम प्रगट होयते से”
MAR 6:15 दिसरा मानसे ने कयो, “यो एलियाह से।” पुन काही दिसरा ने कयो, “भविष्यव्दक्ता या भविष्यवक्ता मा से काही एक क समान से”
MAR 6:16 हेरोदेस ने यो सोमवीन कयो, “जिना यहुन्ना क मुनका मा ने कटाड़ीया हुता, चो जीव उठ्यो।”
MAR 6:17 हेरोदेस ने आपने भाई फिलिप्पुस कि लुगाई हेरोदेस क कारण, जिना उसने वियाव कर लेदा हुता, मानसे क मुकलीन यहुन्ना क धराया जेल मा नाख दिया हुता;
MAR 6:18 काहकि यहुन्ना ने हेरोदेस से कयो हुता, “आपने भाई कि लुगाई क राखने वारू नी”
MAR 6:19 अतरान करीन हेरोदेस ओका सी बैर राखती हुती आरू यो चाहती हुती ओका सी मारीन नाखने; पुन ओसो नी होय सके,
MAR 6:20 काहकि हेरोदेस यहुन्ना क न्यायी आरू चुखलो पुरूष जाईन ओको घाबराय हुतो, आरू ओको वाचाड्य राखता हुता, आरू ओकी वात सोमवीन खुब घाबराया हुता, पर खुशी से सोमव्या हुता।
MAR 6:21 ठीक मेखे आया जत्यार हेरोदेस ने आपने जनम दाहड़ा मा आपने प्रधान, आरू सेनापती, आरू गलील क मटे मानसे क करता खानो कर्‍या।
MAR 6:22 तो हेरोदेस की पोराय माहीय आवीन, आरू नाचीन हेरोदेस क आरू ओका साथे बोठनेवावा क खुश कर्‍या। तत्यार राजा ने पोराय से कयो, “तुखे जो जुवे मखे से मांग मे तुखे आपीस।”
MAR 6:23 आरू ओका सी शपथ खाई, “मे आपने आधा राज्य तक जो काय तु मारे से मांगीस मे तुखे आपीस”
MAR 6:24 वो बारतो जाईन आपसी माता से पुछा, मे काय मांग? वो बुली, यहुन्ना बपतिस्मा देनेवावा क मुनको।
MAR 6:25 वो छाटत राजा क साथे माहीय आवी आरू ओका सी विनती करी, “मे जुवे से कि तु हीमी यहुन्ना बपतिस्मा देनेवावा क मुनको एक थाली मा मखे मांगाळ दे।”
MAR 6:26 तत्यार राजा खुब नराज हुया, पुन आपसी शपथ क कारण आरू साथे बोठनेवावा क कारण ओका सी टावने नी चाह्या।
MAR 6:27 अळते: राजा ने छाटत एक शिपाई क हुकुम देकर मुकल्यो कि ओको मुनक काटीन लाया।
MAR 6:28 उसने जेलखाना मा जाईन ओको मुनक काटीन, आरू एक थावी मा राखीन लाया आरू पोराय क दिया, आरू पोराय ने आपसी आया क दिया।
MAR 6:29 यो सोमवीन यहुन्ना क चेला आया, आरू ओका धड़ क ली गया आरू गाड़ देदा।
MAR 6:30 प्रेरितन ईशु क साथे एखठा हईन, जो काय त्या कर्‍या आरू सिकाड्या हुता, सब ओको कयो।
MAR 6:31 उसने उनछे कयो, “तुमू आप अलग काही सुनला स्थान मा चालीन थुड़ा आराम करो।” काहकि खुब मानसे आवता जाता हुता, आरू तीनुकं खाने क मेखे भी नी मिवता हुता।
MAR 6:32 अतरान करीन वो ढोंड्या पर चढ़ीन सुनसान धरती मा अलग चालीन गया।
MAR 6:33 खुब ने तीनुकं जाता देखीन उवखता हुता, आरू सब नगर से एखटा हुयने वो पाये दोवड़ीन आरू उनको पेहल जाय पुग्या।
MAR 6:34 उसने उतरीन मोटी गर्दी देखीन, आरू उन पर तरस खाया, काहकि वो उन गाडरा क समान हुते, जेका काही राखनेवावा नी होय; आरू वो तीनुक खुब सी वात सिखाडने लाग्या।
MAR 6:35 जत्यार दाहडू खुब ढव गयो, तत्यार चेला ईशु क साथे आवीन कयनो लाग्या, “यो सुनसान धरती मा से, आरू दाहडू खुब ढल गयो से।
MAR 6:36 तीनुक विदा करीन की चार आरू क गाव आरू वस्ती मा जाईन, आपने करता काही खाने क मुवे लेदा”
MAR 6:37 उसने ने जवाब दिया, “तुमू ही तीनुक खाने क आपो।” त्या ओको कयो, “काय हामु दुय सौ दीनार दुय सौ काहकि दाहड़ा की दाहडकी रूटा मुवे ली तीनुकं खावड़ाया?”
MAR 6:38 उसने उनछे कयो, “जाईन देखा तुमरे साथे कतरा रूटा से?” त्या मालम करीन कयो, “पाच रूटा आरू दुई मासा भी”
MAR 6:39 तत्यार उसने तीनुकं हुकुम देदी की सब क खोड़ो पर पंगात–पंगात से बट्या दे।
MAR 6:40 वो सौव आरू पचास–पचास करीन पंगात–पंगात बट्या गया।
MAR 6:41 उसने उन पाच रूटा करीन आरू दुई मासा क लेदा, आरू सोरग क तरफ देखीन धन्यवाद कर्‍यो, आरू रूटा कर चेला क देता गया की वो मानसे क पुरसे, आरू वो दुई मासा भी उन सब मा वाट दीया।
MAR 6:42 सब खाईन तुप्त होय गया,
MAR 6:43 आरू त्या तुकड़ा से बारा मसका भरीन हाकल्या, आरू काय मासा से भी।
MAR 6:44 रूटा खानेवाला, मानसे पाच हजार हुता।
MAR 6:45 तत्यार ईशु ने छाटत आपसा चेला क ढोंड्या पर चढ़ने क करता मजबुर कर्‍यो कि वो उनछे पेहल उना पार कफरनहूम क चालीन जाय, जत्यार तक कि वा मानसे क वाट लागाड़्या कर्‍यो।
MAR 6:46 तीनुक वाट लागाड़ीन मग वो बयड़ा पर प्रार्थना क गया।
MAR 6:47 जत्यार शांत हुयी, ती ढोंड्यो दरिया क वीच मा हुती, आरू वो एखलो धरती पर हुता।
MAR 6:48 जत्यार उसने देखा कि वो खेते घबराय गया से, काहकि वाहवा ओको विरोध हुती, तो रात क चौथे पहर निकट वो दरिया पर चालतो हुतो ओको साथे आया; आरू उनछे अगोळ निकवी जाने जुवता हुता।
MAR 6:49 पुन त्या ओका सी दरिया पर चालता देखीन समझ्या कि भूत से, आरू आयड़ीन उठ्या।
MAR 6:50 काहकि सब ओका सी देखीन घाबराय गया हुता। पर उसने छाटत उनछे वात कि आरू कयो, “ढाढ़स बांधो: मे से बीहु मा।”
MAR 6:51 तत्यार वो ओको साथे ढोंड्यो पर आया, आरू वाहवो रूक गयो: आरू वो खुप ही आश्‍चर्‍य करने लाग्या।
MAR 6:52 वो उन रूटा क विषय मा नी समझ्या हुता, काहकि ओको मन वातड़ो होय गया हुता।
MAR 6:53 ईशु पार उतरीन गन्नेसरत मा पुच्या, आरू ढोंड्यो घाट पर लागाड़या।
MAR 6:54 जत्यार वो ढोंड्यो पर से उतरियो, तो मानसे छाटत ओको उवख कर्‍यो,
MAR 6:55 आस पास क आखा देश मा दोवड़्या, आरू बेमार क खाटला पर नाखीन, वा–वा खबर सोमव्या कि वो से, वाँ–वाँ करता फिरीया।
MAR 6:56 आरू वा कयी वो गाव, नगर, या वस्ती मा जाता हुता, मानसे बेमारी क हाट मा राखीन ओका सी विनती करता हुते कि वो तीनुकं आपने छिंदरा क छेवड़ा ही क हात लागाड़ लेने दे: आरू जोतरा ओका सी हात लागाड़ हुते, सब वारू होय जाय हुते।
MAR 7:1 तव फरीसि आरू काही शास्त्री जो यरूशलेम छे आश हुते, ईशु क साथे एखठा हुया,
MAR 7:2 आरू त्या ओको काही चेला क विटळ मतलब बिना धुया हात छे रूटा खाय देख्या
MAR 7:3 काहकि फरीसि आरू सब यहूदि, डाहडान कि रीति पर चालता छे आरू जव तक भली भाति हात नी धुय लेता तव तक नी खाय;
MAR 7:4 आरू बजार मा आवीन, जव तक स्नान नी कर लेता, तव तक नी खाय; आरू घोणा सी दिसरी वात छे, जो ओको साथे मानने क करता पुच्याया गय छे, जोसो वाटको, आरू कोवषो आरू तांबान ठाहरा क धुवनु।
MAR 7:5 एरकरीन उन फरीसियों आरू शास्त्रीया ने ओको पुछा, “थारा चेला कयो डाहडा की रीति ने पर नी पर चालता, आरू बिना धुये हात छे रूटा खाया हुता?”
MAR 7:6 त्यो उनछे कयो, “यशायाह ने तुमू कपटियों क विषय मा घोणा ठीक भविष्यव्दाणी की; जोसो लिख्या छे।” यो मानसे हुठड़ा छे तो मारो विजुत करता छे, पर ओको मन मखे छे दूर रयता छे।
MAR 7:7 “यो व्यर्थ मारी आराधना करता छे, काहकि मानुस की हुकुम क न्याय ोउपदेश करीन सिकाड़ता छे त्या विचार करे कि यो यहोवा–भगवान क नियम छे।”
MAR 7:8 “काहकि तुमू यहोवा–भगवान की हुकुम क टावीन मानुस की रीति क मानता छे।”
MAR 7:9 त्यो उनछे कयो, “तुमू आपसी रीति क मानने क करता यहोवा–भगवान की हुकुम कोसी वारली तरह टावने देता होय!
MAR 7:10 काहकि मूसा ने कयो छे, आपने बास आरू आपसी माय क विजुत कर आरू जो काही बास वो माय क बुरा कये वो पाको मार नाखीन जाने।”
MAR 7:11 “पुन तुमू कयता होय की यदि काही आपने बास वो माय छे कये, जो काय तुखे मखे छे लाभ पुग सकता हुता, वो कुरबान मतलब संकल्प होय चुक्यो।”
MAR 7:12 तो तुमू ओको ओका बास वो ओकी माय की काय सेवा करने नी दिदा।
MAR 7:13 “इनीये प्रकार तुमू आपसी रीति छे, जिन्हे तुमू ने ठहराया छे, यहोवा–भगवान क वचन टावने देद होय; आरू ओसो घोणा छे काम करता होय।”
MAR 7:14 तव ईशु ने मानसे क आपने साथे बुलावीन उनछे कयो, “तुमू आखा मारी सोमवु, आरू समझु।
MAR 7:15 ओसी काही समान नी जो मानुस मा बाहरता छे समाकर ओको विटळ कर्‍यो; पुन जो समान मानुस क माहाय छे निकवती छे वो ही ओको विटळ करती छे।
MAR 7:16 यदि काही क समवने क कान्टा छे तो समवने लेय”
MAR 7:17 जव वाँ गर्दी क साथे छे घर मा गया, ती ओको चेला ने इनीये सपनो क विषय मा उना छे पुछा।
MAR 7:18 ईशु उनछे कयो, “काय तुमू भी ओसो नीसमझ होय? काय तुमू नी समझते कि समान बाहरता छे मानुस क माहीय जाती छे, वो उको विटळ नी, कर सकती?
MAR 7:19 काहकि वो ओका मन मा नी पुन पेट मा जाती छे आरू शौच मा निकवती जाती छे?” यो कयकर त्यो सब खाने समान क चुखो ठहराया।
MAR 7:20 पछु त्यो कयो, “जो मानुस मा छे निकवता छे, चो मानुस क विटळ करता छे।
MAR 7:21 काहकि माहीय छे, मतलब मानुस क मन छे, बुरो विचार व्यभिचार, चुरी, हत्या,
MAR 7:22 लोभी, दुष्टता, छल, लुचपन, कुदिष्ट, निन्दा, दाहवाय, आरू मुर्खता निकवती छे।
MAR 7:23 यो सब बुरी वात माहीय ही छे निकवती छे आरू मानुस क विटळ करती छे”
MAR 7:24 पछु ईशु वाँ छे उठीन सोर आरू सीदोन क देश मा आश; आरू एक घर मा गया आरू जुवे था कि काही नी जाने; पुन वो साताय नी सक्या।
MAR 7:25 आरू तत्काल एक बायर जेरी नानली पोराय मा साहळा हुती, ओकी चर्चा सोमवीन कर आवी आरू ओका पाय पर पड़ी।
MAR 7:26 यो युनानी आरू सुरूफ‍िनिकी काहली जाति कि हुती। त्यो ओको विनती करी की मारी पोराय मा छे साहळा निकाव दे।
MAR 7:27 त्यो ओको कयो, “पेहल पोर्‍या क तुप्त हुयने दे, काहकि पोर्‍या क रोटा लीन कुत्रा क ओगव नाख्या वारू नी छे”
MAR 7:28 त्यो ओको जवाब दिया, “सच छे पोरबु; तव कुत्रा भी तो हावज क नेड़ो पोर्‍या क रोटा क चूर–चार खाय लेता छे”
MAR 7:29 ईशु ओको कयो, “इन वात क कारण शांती मा चाली जाय; साहळा तारी पोराय मा छे निकवी गय छे”
MAR 7:30 त्यो आपने घर आवीन देख्य कि पोराय खाटला पर पड़ी छे, आरू साहळा निकवी गय छे।
MAR 7:31 पछु ईशु सोर आरू सीदोन क देश छे निकवीन दिकापुलिस छे हुता हुया गलील की ढोंड्या पर पुच्या।
MAR 7:32 तो मानसे ने एक बेहरा क जो हक्ला भी हुता, ओको साथे लावीन ओका सी रावन्या करी कि आपसा हात ओको राखे।
MAR 7:33 तव वो ओको गर्दी छे अलग ली गया, आरू आपसी आंगवी ओका कान्टा मा नाख्या आरू थुपीन ओकी जीभ क दरिया;
MAR 7:34 आरू सोरगदूत की आरू देखीन दम भरी, आरू उना छे कयो, “इप्फत्तह!” मतलब “उघड़ जा!”
MAR 7:35 ओका कान्टा उघड़ी गया, आरू उना की जीभ की गाठ भी उगड़ी गय आरू वो सच–सच बुलने लाग्या।
MAR 7:36 तव त्यो तीनुक चिताया की काही छे नी कयनो; पुन जोतरा त्यो तीनुक चिताया ओतरा ही वो आरू खबर करने लाग्या।
MAR 7:37 वो घोणा ही घबरायीन मा हईन कयनो लाग्या, “त्यो जो काय कर्‍या सब वारू कर्‍या छे; वो बेहरा क सोमवने की, आरू गूंगा क बुलने की शक्ति देता छे!”
MAR 8:1 इनु दाहड़ा मा जव पछु मोटी गर्दी एखठी होय, आरू ओको साथ काय खाने क नी हुता, तो ईशु आपने चेला क साथे बुलावीन त्यो कयो,
MAR 8:2 हावखे इनीये गर्दी पर तरस आवता छे, काहकि यो तीन दाहड़ा छे मारे साथे छे, आरू ओको साथे काय भी खाने क नी।
MAR 8:3 “कदाम हांव उन लोगहन क भुखला घर मुकली दिस, तो वाट्ये घबराय पड़से; काहकि ओका मा सी कोय–कोय दुर सी आवला छे।”
MAR 8:4 ईशु क चेला ओको जवाब दिया, “याहा जंगल मा ओतरा रूटा काय कयो छे लावने कि यो तुप्त होय?”
MAR 8:5 ईशु ओको पुछा, “तुमरे साथे कतरा रूटा छे?” त्या कयो, “सात।”
MAR 8:6 तव त्यो मानसे क धरती पर बट्या की हुकुम दिदा, आरू वो सात रोटा लेदा आरू धन्यवाद करीन तुड़ीन आरू आपने चेला क देता गया कि ओको अगळ राखे, आरू त्या मानसे क अगळ परोस दिया।
MAR 8:7 ओको साथे थुड़ी सी नानी मासी भी हुती; त्यो यहोवा–भगवान धन्यवाद करीन तीनुक भी मानसे क अगळ रखने की हुकुम दी।
MAR 8:8 वो खाय तुप्त होय गया आरू चेला ने शेष तुकड़ा क सात खिल्ला भरीन हाकलिया।
MAR 8:9 आरू मानसे चार हजार क लग भग हुता; तव त्यो ओका वाट लागाड़्या,
MAR 8:10 आरू वो तत्काल आपसा चेला क साथे ढोंड्या पर चढ़ीन दलमनूता प्रदेश क चहड़ीन गया।
MAR 8:11 पछु फरीसियो आवीन ईशु छे वाद–विवाद करने लाग्या, आरू उको जांचने क लेदा ओका सी काही सोरगदूतीय सहलानी मांगने।
MAR 8:12 त्यो आपसी आत्मा मा दम भरकर कयो, “इन टेहाव क मानसे काय सहलानी हेरता छे? हाव तुमू छे सच कयता छे कि इन टेहाव क मानसे क काही सहलानी नी दिया जाछे”
MAR 8:13 आरू वो तीनुक छुड़ीन पछु ढोंड्या पर चढ़ीन गया आरू पार चालीन गया।
MAR 8:14 चेला रूटा लेने भूल गया हुते, आरू ढोंड्या मा ओको साथे एक ही रोटा हुती।
MAR 8:15 ईशु ने तीनुक चिताया, “देखा, फरीसियों क खमीर आरू हेरोदेस क खमीर छे सावधान रयो”
MAR 8:16 वो आपस मा विचार करीन कयनो लाग्या, “हामरे साथे रोटा नी छे”
MAR 8:17 यो जानीन ईशु ने उनछे कयो, “तुमू काय आपस मा यो विचार करीन रया होय कि हामरे साथे रोटा नी? काय हिमी तक नी जानता आरू नी समझ्या? काय तुमरा मन वातड़ो होय गया छे?”
MAR 8:18 काय डुवा राखते हुया भी नी देखता, आरू कान्टा राखते हुया भी नी सोमवते? आरू काय तुमू स्मरण नी?
MAR 8:19 कि जव हाव ने पाच हजार क करता पाच रोटा तुड़ी हुती तुमू ने तुकड़ा कर्‍यो कोतरी मसका भरीन हाकलिया हुते त्या ओको कयो, “बारा मसका”
MAR 8:20 “आरू जव चार हजार क करता सात रोटा हुती ती तुमू तुकड़ा क कोतरा खिल्ला भरीन हाकलिया हुता?” त्या उनछे कयो, “सात मसका”
MAR 8:21 पर ईशु ओका क कयो, “काय तुमू हिमी तक नी समझ्या?”
MAR 8:22 वो बैतसैदा मा आश। आरू मानसे एक आंधवा क ओका साथे ली आश आरू ईशु क रावन्या करी कि ओको धर्‍यो।
MAR 8:23 वो उना आंधवा क हात धरीन ओको गाव क खयड़े ली गया, आरू ओका डुवा मा थुपीन उना पर हात राख्य, आरू ओका सी पुछा, “काय तु काही देखता छे?”
MAR 8:24 त्यो डुवा उचा करीन कयो, “मा मानुस क देखता छे; वो मखे चालता हुये झाड़को जोसो देखाय दिदा छे”
MAR 8:25 तव त्यो दुई कावा ओकी डुवा पर हात राख्य, आरू सब आंधवा ने ध्यान छे देख्य। वो वारू होय गयो, आरू सब सच–सच देखने लाग्या।
MAR 8:26 त्यो ओको यो कयकर घर मुकल्या, “इन गाव क माहीय पाय भी नी राखने”
MAR 8:27 ईशु आरू ओका चेला कैसरिया फिलिप्पी क आस पास गाव मा चाली गया। मार्ग मा त्यो आपने चेला छे पुछा, “मानसे मखे काय कये छे कि हाव कुन छे?”
MAR 8:28 त्या दियो, “यहुन्ना बपतिस्मा देनेवावा काही–काही एलियाह आरू काही–काही भविष्यवक्ता मा छे एक भी कये छे”
MAR 8:29 त्यो उनछे पुछा, “पुन तुमू मखे काय कये होय?” त्यो ओकाक पुछियो, “पुन तु मखे काय कयतु छे?” पतरस ने उका जवाब दिया, “तु मसीह छे”
MAR 8:30 तव त्यो तीनुक चितावीन कयो कि मारे विषय मा यो काही छे नी कयनो।
MAR 8:31 तव ईशु तीनुक सिकाड़ने लाग्या कि मानुस क पोर्‍या मतलब मखे करता पाको छे कि वो घोणा दुःख हाकलिया, आरू सब डाहला पुजारा, आरू शास्त्री उको तुच्छ समझकर मार नाखे, आरू वो तीन दाहड़ा क बाद मर्‍या हुया मा छे जीवन उठ्यो छे।
MAR 8:32 त्यो यी वात त्यो सच–सच कय दीया। इन पर पतरस उको अलग ले जाईन दटावु लाग्या।
MAR 8:33 पुन त्यो पुगीन आपसा चेला क देख्या, आरू पतरस क लड़िया आरू कयो “हे शैतान मारे सामने छे दुर होय; काहकि तु यहोवा–भगवान की वात पर नी, पुन मानुस की वात पर मन लागाड़ छे!”
MAR 8:34 ईशु ने गर्दी क आपने चेला सहावत साथे बुलावीन ओका सी कयो, “जो काही मारे पछव आवने जुवे, वो आपने आप छे मना करो आरू आपसो कुरूस हुचलीन मारे पछव होय ले।
MAR 8:35 काहकि जो कुई आपसो जीव वाचावने जुवे चो उको खुवसे, पर जो कुई मखे आरू खुश खबर क करता आपसो जीव क खुवसे, वो उको वाचाड़से।
MAR 8:36 यदि मानुस जगमा क हासिल करे आरू आपने जीव क हानी झेलसे, तो उको काय लाभ होयछे?
MAR 8:37 मानुस आपसा जीव क बदले काय आपसे?
MAR 8:38 जो काही इन व्यभिचार आरू पापी जाति मखे छे आरू मारी वात छे लाजवाय, ते मानुस क पोर्‍या मतलब मखे भी जव वो सोरगदूत क साथे ओका बास क महिमा क साथे आवसे, तव उना छे भी लाजवायछे”
MAR 9:1 ईशु उनछे कयो, “हाव तुमूछे सच कयता छे कि जो याहा उबा छे, ओका छे काही–काही ओसो छे, कि जव तक यहोवा–भगवान क राज्य क शक्ति सहीत आश हुया नी देख लेय, तव तक मृत्यु क हवाद कदी नी चाखसे”
MAR 9:2 छव: दाहडु कि अळतेन ईशु पतरस आरू याकूब आरू यहुन्ना क साथे लेदा, आरू सुनला मा काही उचा बयड़ा पर ली गया। वाँ ओको सामने ओका रूप बदल गया,
MAR 9:3 आरू ओका छिंदरा ओसो चमकने लाग्या आरू याहा तक धव्य हुया, कि धरती पर काही धोबी भी वोसो धव्य नी कर सकता।
MAR 9:4 आरू तीनुक मूसा क साथे एलियाह देखाय दिया; वो ईशु क साथे वात करता हुते।
MAR 9:5 इन पर पतरस ने ईशु छे कयो, “हे गुरू, हामरे याहा रयने वारू छे: अतरान करीन हामु तीन मण्डप बनाड़े; एक तारे करता एक मूसा क करता, आरू एलियाह क करता।”
MAR 9:6 काहकि पतरस यो नी जानता हुता की काय जवाब देय, अतरान करीन की वो खुप घाबराय गया हुते।
MAR 9:7 तव एक बादल ने तीनुक छा लेदा, आरू उना बादल मा छे यो ओवाज निकव्य, “यो मारा मोंगावु पोर्‍या छे, हेकी सुनो।”
MAR 9:8 तव त्या एकदम चार आरू दूष्टि की, आरू ईशु यहोवा–भगवान क छुड़ीन आपने साथे आरू काही क नी देख्या।
MAR 9:9 बयड़ा छे उतरला टेहाव त्यो तीनुक हुकुम दी की जव तक मानुस क पोर्‍या मतलब मखे मरना बाद पछो जीवतो होय नी तव काय तुमू ने देख्या छे वाँ काय छे नी कयनो।
MAR 9:10 त्यो ओकी वात क मान्य; आरू आपस मा वाद विवाद करने लाग्या, “मर्‍यो हुयो मा छे जीवन उठने क काय मतलब छे।”
MAR 9:11 आरू त्या ओको पुछा, “शास्त्री काय कये छे कि एलियाह क पेहले आवने पाको छे?”
MAR 9:12 त्यो तीनुक जवाब दीया, “एलियाह सचमुच पेहले आवीन सब काय सधारछे, पुन मानुस क पोर्‍या मतलब मखे क विषय यो काय लिख्या छे कि वो घोणा दुख झेलसे, आरू तुच्छ नकार जाछे?
MAR 9:13 पुन मा तुमू छे कयता छे, कि एलियाह तो आय चुक्यो छे, आरू जोसो ओको शास्त्र मा लिख्या हुता, त्या जो काय जुवे ओको साथे कर्‍यो”
MAR 9:14 जव ईशु चेला क साथे आश, ती देख्या कि ओको चार आरू मोटी गर्दी लागी छे आरू शास्त्री ओको विवाद कर रया छे।
MAR 9:15 ओको देखता ही सुब घण घबरायीन करने लाग्या, आरू ओकी आरू दोवड़ीन ओको नमस्कार कर्‍यो।
MAR 9:16 त्यो उनछे पुछा, “तुमू इन छे काय विवाद कर रयो होय?”
MAR 9:17 गर्दी मा छे एक ने ओको जवाब दिया, “हे गुरू, हाव आपने पोर्‍या क, जिनाम विटळ आत्मा छे वो ओको बुलने नी देती अतरान करीन तारे साथे लावने हुतो।
MAR 9:18 वा कयी वो ओको धरायती छे, चो पटक देती छे: आरू वो मुय मा फेसटु भरीन लाता, आरू दात पीसता, आरू सूखता जाता छे। हाव ने तारा चेला छे कयो कि वो निकवीन दे, पुन वो निकवीन नी सके”
MAR 9:19 यो सोमवीन त्यो उनछे जवाब दिन कयो, “हे विनभुरसीया मानछे, हाव किही तक तुमरे साथे रयीस? आरू किही तक तुमरी रयीस? हाव किही तक तुमरे सहन करीस? ओको मारे साथे लावु!”
MAR 9:20 तव वो ओको ओका साथे ली आश: आरू जव त्यो ओको देख्या, तो उनी विटळ आत्मा ने तत्काल उको मरोड़ा; आरू वो धरती पर पड्यो, आरू मुय छे फेसटु बयाते हुये धरतीपर घसड़ने लाग्या।
MAR 9:21 ईशु ओको बाबो छे कहा, इसकी यो दशा किही छे। त्यो कयो, “बचपन छे।
MAR 9:22 दृष्ट आत्मा इनाक नष्ट करने क करता कदी आगठा आरू कदी पानी मा पाड़्या; पुन यदि तु काही कर सक्य, ती हामु पर तरस खाईन हामरी मदत कर!”
MAR 9:23 ईशु ने ओका सी कयो, “यदि तु काय कर सकता छे? यो काय वात छे! विश्वास करने वावा क करता सुब काही होय सकता छे”
MAR 9:24 पोर्‍या क बास ने तत्काल रड़ीरड़ीन कयो, “हे पोरबु हाव विश्वास करता छे, मार विनभुरसा क वदाड़ने बढावने क मदत कर!”
MAR 9:25 “जव ईशु ने देख्या कि मानसे दोड़ीन गर्दी लागी रये छे कयो, ती उनी विटळ आत्मा क तुखे हुकुम दम छे, ओका मा सी छे निकवीन आय, आरू उको पुगनेन कदी भरायने नी करने!”
MAR 9:26 तव वो आयड़ीन आरू उको घोणा मरोड़ कर निकळी आवी; पोर्‍या मर्‍यो हुतो ओसो हुय गयो, याहा तक की घोणा मानसे कयनो लाग्या कि वो मरी गयो।
MAR 9:27 पुन ईशु ने ओको हात धरीन उको उठाड़ियो, आरू वो उबो होय गया।
MAR 9:28 जव वो घर मा आयो, ती ओका चेला ने सुनला मा उको पूछा, “हामु ओको दृष्ट आत्मा क बाहरता काय नी निकाव सक्य?”
MAR 9:29 ईशु उनछे कयो, “यो जाति बिना प्रार्थना काही आरू उपाय छे नी निकवीन सकती”
MAR 9:30 पछु ईशु वाँ छे चाल्या, आरू गलील मा हईन जाय रया हुता। वो नी जुवे हुता कि काही जाने,
MAR 9:31 काहकि ईशु आपने चेला क शिक्षा दिदा आरू उनछे कयता हुता, “मानुस क पोर्‍या मतलब मखे मानुस क हात मा धराया जाछे, आरू वो उको मार नाखने; आरू वो मरना क तीन दाहड़ा बाद जीवन उठसे”
MAR 9:32 पर यो वात उन क समझ मा नी आवी, आरू वो ईशु क पुछने से घाबराया हुता।
MAR 9:33 पछु ईशु कफरनहूम मा आश; आरू घर मा आवीन ईशु ओखे पुछा, “वाट मा तुमू काय वात पर विवाद कर रया हुते?”
MAR 9:34 वो चुप रया, काहकि मार्गा मा त्या आपस मा यो वाद–विवाद कर्‍यो हुता कि हामु मा छे मोठु कुन छे।
MAR 9:35 तव त्यो बठीन बारा चेला क बुलायो आरू ओका कयो, “यदि काही मोठ हुयने जुवे, ती सुब छे नानो आरू सब सेवक बने।”
MAR 9:36 आरू त्यो एक पोर्‍या क लीन ओको वीच मा उबो कर्‍यो, आरू उको खुवाम मा लीन उनछे कयो,
MAR 9:37 “जु कुई मार नाव छे ओसो पोर्‍या मा छे काही एक क भी मान्य करता छे, चु मखे मान्य करता छे; आरू जु कुई मखे मान्य करता, वो मखे नी, वरना मखे मुकलने वावा क मान्य करतो छे”
MAR 9:38 तव यहुन्ना ने ईशु छे कयो, “हे गुरू हामु ने एक मानुस क तारे नाव छे साहळा क निकावता देख्या आरू हामु उको मना करने लाग्या, काहकि वो हामु हाव छे काही नी हुता”
MAR 9:39 ईशु कयो, “उना क मा मना करू; काहकि ओसो काय नी जो नाव शक्ति काम करे, आरू तत्काल मखे वात कय सक्य,
MAR 9:40 काहकि जो हामरे विरोध मा नी, वो हामरी तरफ छे।
MAR 9:41 जु कुई एक वाटको पानी तुमूक एरकरीन पावने कि तु मसीह क होय ती हाव तुमू छे सच कयता छे कि वो आपसो हर फोव काही रीति छे नी खुवसे।”
MAR 9:42 “जो काही इन नानो मा छे जो मखे पर विश्वास करता छे, काही क ठुकर खावड़ाने ती ओको करता वारू यो छे कि मोटी चक्‍की क पाट ओका गवाम बांधीन जाय आरू वो दरिया मा नाख दिया जाय।”
MAR 9:43 यदि तारे हात तुखे ठुकर खावड़ाने तो उको काटने नाखने। टुण्डा हईन जीवन मा भरायने करने तारे करता इनासे वारू छे कि दुई हात रयते हुये नरक कि आगठा मा नाखने जाने जो कदी बुझने की नी।
MAR 9:44 वा किड़ा नी मरता आरू आगठी नी बुझती।
MAR 9:45 यदि तारा पाय तुखे ठुकर खावड़ाया ती उको काटने नाखने। भागड़ा हुयने जीवन मा भरायने करने तारे करता इनासे भला छे कि दुई पाय रयते हुयो नरक मा नाखने जाने।
MAR 9:46 वा ओको कीड़ा नी मरता आरू आगठी नी उलायती।
MAR 9:47 यदि तेरी डुळा तुझे ठोकर खवाड़े तो उको निकाल डाल। काना होकर यहोवा–भगवान क राज्य भरायने करनो तेरे करता इनासे भला है कि दो डुळा रहते हुए तु नरक हाव डाला जाए।
MAR 9:48 वा ओको किड़ा नी मरता आरू आगठी नी उलायती।
MAR 9:49 काहकि हर एक जन आगठी सी नमकीन कर्‍यो जाछे।
MAR 9:50 “नमक वारू छे, पर यदि नमक क हवाद जात रयो, ती उको काय छे नमकीन करसे? आपने मा नमक राख्या, आरू आपस मा मेलमिलाप वारूस छे रयो।”
MAR 10:1 पछु ईशु वाँ छे उठीन यहूदिया कि सीमा मा आरू यरदन नदी क पार आश। गर्दी ओका साथे पछु एखटी होय गया, आरू वो आपसी रीति क लारे तीनुक पछु सिकाड़ने लाग्यो।
MAR 10:2 तव फरीसि ने ओको साथे आवीन ओकी परीक्षा करने क ओको पुछ, “काय यो वारू छे कि मानुस आपसी बायर क छुड़ने?”
MAR 10:3 त्यो ओको जवाब दिया, “मूसा ने हुकुम काय नियम दिदो छे?”
MAR 10:4 त्या कयो, “मूसा ने त्याग पत्री लिखने आरू त्यागने की हुकुम देदी छे”
MAR 10:5 ईशु ने उनछे कयो, “तुमरे मन की वातड़ो हुयने क कारण उनछे तुमरे करता यो हुकुम लिखी।
MAR 10:6 पर सूष्टि क शुरू छे यहोवा–भगवान ने नर आरू नारी करीन तीनुक बनाड़े छे।
MAR 10:7 इनीये कारण मानुस आपसा माय बास छे अलग हुयने आपसी बायर क साथे रयछे,
MAR 10:8 आरू वो दुयु डील एकुत होयछे; एरकरीन वो हिमी दुई निही पर एकुत छे।
MAR 10:9 अतरानकरीन जिनाक यहोवा–भगवान ने जुड़ा छे उको मानुस अलग नी करने”
MAR 10:10 घर मा चेला ने ओका विषय मा ओको पछु पुछा।
MAR 10:11 त्यो उनछे कयो, “जो काही आपसी बायर क त्यागकर दीसरी छे वियाव करे तो वो उना पेहली क विरोध मा व्यभिचार करता छे;
MAR 10:12 आरू यदि बायर आपने घरवाळा क छुड़ीन दिसरा छे वियाव करे तो वो व्यभिचार करती छे”
MAR 10:13 पछु मानसे पोर्‍या क ईशु क साथे लावने लाग्या की वो उन पर हात राखने, पर चेला ने तीनुक लड़िया।
MAR 10:14 ईशु ने यो देखीन रीस हईन उनछे कयो, “पोर्‍या क मारे साथे आवने दो आरू तीनुक मना नी करो, काहकि यहोवा–भगवान क राज्य ओसो ही क छे।
MAR 10:15 हाव तुमू छे सच कयता छे की जो काही यहोवा–भगवान क राज्य क पोर्‍या क समान मान्य नी करे, वो उको कदी भरायने करने नी देख सके।”
MAR 10:16 आरू त्यो तीनुक खुवाम मा लेदो, आरू ओको मुनका पर हात राखीन तीनुक सय बरकत देद।
MAR 10:17 जव ईशु वाँ छे निकवीन मार्गा मा जा रया हुता, ती एक मानुस ओका साथे दोवड़ता हुया आश, आरू ओका ओगव घुटना टेकीन उको पुछा, “हे वारला गुरू, अमरकाय जीवन क हक हुयने क करता हाव काय करीस?”
MAR 10:18 ईशु ने उनछे कयो, “तु मखे वारला काय कयता छे? काही खरो नी, केवल एक मतलब यहोवा–भगवान।
MAR 10:19 तु हुकुम क ती जानता छे: ‘हत्या नी करने, व्यभिचार नी करने चुरी नी करने, झुठी गवा नी देने, छल नी करने, आपने बास आरू आपसी माय क विजुत करने’”
MAR 10:20 त्यो उनछे कयो, “हे गुरू, इन सबको हाव लड़कपन छे मानता आयु छे”
MAR 10:21 ईशु ने उना नजर करीन ओका सी मोंग कर्‍यो, आरू ओको कयो, “तुखे हाव एक वात कि घटी छे। जा, जो काय तारे छे उको वेचीन गरीब क दे, आरू तुखे सोरग मा धन हाववछे, आरू आवीन मारे पछव होय लेय”
MAR 10:22 इन वात छे ओका जुवान क चेहरो उदास होय गयो आरू वो शोक करता हुया जात रयो, काहकि वो घोणा धनवान हुता।
MAR 10:23 ईशु ने चार आरू देखीन आपसा चेला छे कयो, “धनवान क यहोवा–भगवान क राज्य मा भरायने करनो कोतरो वातड़ो छे!”
MAR 10:24 चेला ओकी वात छे घबराय हुया। अतरा पर ईशु ने पछु उनछे कयो, “हे पोर्‍या, जो धन पर भरोसा राखते छे, ओको करता यहोवा–भगवान क राज्य मा भरायने करने कोसो वातड़ो छे!
MAR 10:25 यहोवा–भगवान क राज्य मा धनवान भरायने करने छे उटड़ान क सुवी क गाळा मा छे निकाव जाने सहज छे”
MAR 10:26 चेला घोणा ही चकित हईन आपस मा कयनो लाग्या, “ती पछु कायका उध्दार होय सकता छे?”
MAR 10:27 ईशु उनकी आरू देखीन कयो, “यो मानुस क करता काटो सकता, पुन यहोवा–भगवान छे होय सकता छे; काहकि यहोवा–भगवान छे सब काही होय सकता छे”
MAR 10:28 पतरस ईशु क कयनो लाग्या, “देख, हामु तो सब काही छुड़ीन तारे पछव होय करता छे”
MAR 10:29 ईशु ने कयो, “हाव तुमू छे सच कयता छे कि ओसो काही नी, जो मारे कारण आरू खुश खबर क कारण करता घर आव भाई आव बहिनीस आव माय आव बास आव झोठा पोर्‍या खेत क छुड़ीन दीया होय,
MAR 10:30 आरू हिमी इन टेहाव सौ गुणा नी जुड़े, घर आरू भाई आरू बहिनीस आरू माय आरू झोठा पोर्‍या आरू खेतमा क, पर सताव क साथे आरू आवने वावा जगमा अमरकाय जीवन देखछे।
MAR 10:31 पर खुप छे जो पेहले छे, पछव होयछे; आरू जो पेहले होयछे”
MAR 10:32 ईशु आरू ओका चेला यरूशलेम क जाते हुय मार्ग मा हुत, आरू ईशु उन क ओगव जाय रयो हुता: चेला घबराय हुते आरू जो ओका पछव चालता हुते वो घाबराय हुये हुते। तव वो पछु उन बारा क लीन उनछे वो वात कयनो लाग्यो, जो उना पर आवनेवावी हुती,
MAR 10:33 देख, हामु यरूशलेम क जाते छे, आरू मानुस क पोर्‍या मतलब मखे डाहला पुजारा आरू शास्त्री क हात धराया जाछे, आरू वो ओको घात क योग्य ठरावछे, आरू गैरयहुदी क हात मा सौप देसे।
MAR 10:34 “वो ओको ठठ्ठा मा उड़ावसे उना पर थुपछे, उना कोड़े मारछे आरू उको घात करसे, आरू तीन दाहाड़ा क बाद वो जीवीन उठसे”
MAR 10:35 तव जबदी क पोर्‍या याकूब आरू यहुन्ना ईशु क साथे आवीन कयो, “हे गुरू हामु जुवता छे की जो काही हामु तुखे मांगने, वो तु हामरे करता कर्‍यो”
MAR 10:36 ईशु ओका सी कयो, “तुमू काय जुवता होय की हाव तुमरे करता करीस?”
MAR 10:37 त्या ओको कयो, “हामु यो दे कि तारी महिमा मा हामु मा छे एक तारी जेवड़े आरू दिसरा तारे बाई बठ्या”
MAR 10:38 ईशु ने ओक कयो, “तुमू नी जानछे की काय मांगता होय? जो वाटका मा पानी पर छे, काय तुमू पीय सकता हुता? आरू जो बपतिस्मा मा लेने पर छे, काय तुमू लेय सकता होय?”
MAR 10:39 त्या उनछे कयो, “हामु छे होय सकता छे” ईशु ने उनछे कयो, “जो वाटको मा पानी पर छे तुमू पीनो छे; आरू जो बपतिस्मा मा लेने पर छे, उको मानछे।
MAR 10:40 पर जिनके करता तीयार कर्‍या गया छे, तिनुक छुड़ीन आरू काही क आपने जेवड़े आरू आपने बाई बठाडने मारो काम नी”
MAR 10:41 यो सोमवीन दस याकूब आरू यहुन्ना पर रिसियाने लाग्या।
MAR 10:42 ती ईशु ने उनको साथे बुलावीन उनछे कयो, “तुमू जानछे होय की जो गैरयहुदी क सरदार समझे जाय छे, वो उन पर पोरबुता करता छे; आरू उनमा जो मोठ छे, ओका पर हक जताते छे।
MAR 10:43 पर तुमू मा ओसो नी छे वरना जो काही तुमू मा मोठ हुयने जुवे वो तुमरा सेवक बनछे;
MAR 10:44 आरू जो काही तुमू मा प्रधान हुयने चाहतु से चो सब क दास बनछे।
MAR 10:45 काहकि मानुस क पोर्‍या मतलब मखे इनीये करता नी आश की ओकी सेवा टहल की जाय, पर अतरान करीन आश की सेवा टहल करे, आरू घोणा क छुटकारा क करता आपसो जीव आपे”
MAR 10:46 ईशु यरीहो नगर मा आय, आरू जव वो आरू ओका चेला, आरू एक मोटी गर्दी यरीहो छे निकवती हुती, तव तिमाई क पोर्‍या बरतिमाई, दूय आंधवा भिखारी, सड़क क धोड़े बठ्या हुतो।
MAR 10:47 वो यो सोमवीन की ईशु नासरत छे, आयड़ी कयनो लाग्या, “हे दाऊद की अवलियाद, ईशु हामरे पर दया कर”
MAR 10:48 घोणा ने उको लड़िया की चुप रये, पर वो आरू भी आयड़ने लाग्यो, “हे दाऊद की अवलियाद हामरे पर दया कर”
MAR 10:49 तव ईशु ने ठहरकर कयो, “उको बुलाया” आरू मानसे ने उना आंधवा क बुलावीन ओको कयो, “ढाढ़स बांध! उठ वो तुखे बुलाता छे”
MAR 10:50 वो आपसा छिंदरा नाखी शीघ्र उठ्यो, आरू ईशु क साथे आयो।
MAR 10:51 इन पर ईशु ने ओको कयो, “तु काय जुवे छे की हाव तारे करता करीस?” आंधवा ने ओको कयो, “हे रब्बी, यो की हाव देखने लीस”
MAR 10:52 ईशु ने ओको कयो, “चालीन जा, तारे विश्वास ने तुखे वारू कर दिया छे” वो तत्काल देखने लाग्यो, आरू मार्गा मा ओको पछव चाल देदो।
MAR 11:1 जव वो यरूशलेम क निकट, जैतुन बयड़ा पर बैतफगे आरू बैतनिया क साथे आय तो ईशु ने आपसा चेला मा छे दुई क यो कयकर मुकल्या,
MAR 11:2 सामने क गाव मा जावु, आरू उना मा पुगेती ही एक गदड़ा क पीलो, जिना पर कदी काही नी बठ्य, बांधाय हुयो तुमू मीवछे। उको छुड़ लावु।
MAR 11:3 यदि तुमू छे काही पुछ, “यो काय करता होय? ती कयनो, पोरबु क इनीये क योजना छे, आरू वो शीघ्र उको याहा मुकली देसे।”
MAR 11:4 त्या जाईन उना पीलो क बाहरता झोपला क साथे चौक मा बांधिया हुया देख्या, आरू छुड़ने लाग्या।
MAR 11:5 ओका छे जो वाँ उबो हुता काही–काही कयनो लाग्या, “यो काय करता होय, गदड़ी क पीलो क काय छुड़ने होय?”
MAR 11:6 जोसो ईशु कयो हुता, वोसो ही त्या ओको कय; तव मानसे ने तीनुक जाने दीया।
MAR 11:7 त्या पीलो क ईशु क साथे लावीन उना वो उना पर छिंदरा नाखीन आरू वो ओको पर बस गयो।
MAR 11:8 तव घोणा ने आपसा छिंदरा मार्गा मा आथरिया दिसरा खेत मा सी डावखा काटी–काटी कर आथरी दीया।
MAR 11:9 ओका ओगव–ओगव जाते आरू पछव चाल्या आवता हुता, आयड़ीन–आयड़ीन कर कये जाते हुते, “यहोवा–भगवान की महिमा होय धन्य छे वो जो पोरबु क नाव छे आवता छे!
MAR 11:10 हामरे बास दाऊद क राज्य जो आय रया छे; धन्य छे! आकाश मा महिमा होय!”
MAR 11:11 वो यरूशलेम पुगीन मंदिर मा आयो, आरू चार आरू सब समान क देखीन बारा क साथे बैतनिया गया, काहकि शांत होय गयो हुती।
MAR 11:12 दीसर दाहड़ा जव वो बैतनिया छे निकवीन तो ईशु क भुख लागी।
MAR 11:13 वो दुर छे अंजीर क झाड़को क किनारो देखीन त्यो उका पास मा गियो कि काय जाने उको काही देख्या: पर पान्टा क छुड़ीन काही नी देख्या; काहकि फव क टेहाव नी हुता।
MAR 11:14 इन पर त्यो ओको कयो, “हिमी छे काही तारे फव कदी नी खाय!” आरू ओका चेला सोमवीन रया हुता।
MAR 11:15 पछु ईशु यरूशलेम मा आय, आरू वो मंदिर मा गया; आरू वाँ जो लेन–देन कर रया हुता तीनुक खयड़े निकवीन लाग्या, आरू सराफों क पीढ़े आरू पेरवा वेचने वावा की चौकियां उलटाय देदी,
MAR 11:16 आरू मंदिर मा छे काही क ठाहरा लीन आवने जाने नी दीया।
MAR 11:17 आरू खबर करीन उनछे कयो, “काय यो नी लिख्या छे कि मार घर सुब जाती क करता प्रार्थना क घर कवायसे? पर तुमू ने इने डाकु की खुय बनाय दी छे”
MAR 11:18 यो सोमवीन डाहला पुजारा आरू शास्त्री ओका नाश करने क मेखे हेरने लाग्या; काहकि वो ओका सी घाबराय हुते।
MAR 11:19 शांत होयते ही वो नगर छे खयड़े चालीन गया।
MAR 11:20 पछु भोर क जव वो उधर छे जाते हुते तो त्या उना गुलर क झाड़का क मुवे तक सूखा हुया देख्या।
MAR 11:21 पतरस क वो वात याद आवी, आरू त्यो ओको कयो, “हे गुरू, देख! यो अंजीर क झाड़को जिनाक तु स्राप देदो हुतो, सुख गया छे!”
MAR 11:22 ईशु ने ओको जवाब दीया, “यहोवा–भगवान पर विश्वास राख।
MAR 11:23 हाव तुमू छे सच कयता छे कि जो काही इन बयड़ा छे कये तु उखड़ जा आरू दरिया मा जाय पड़, आरू थार मन मा संका नी करे वरना भुरसो करे कि जो कयता छे वो होय जाछे, तो ओका करता चो होयछे।
MAR 11:24 एरकरीन हाव तुमू छे कयता छे की जो काही तुमू प्रार्थना करीन मांगू, ती भुरसो कर ले कि तुमू मीवछे गया, आरू तुमरे करता होय जाछे।
MAR 11:25 आरू जव कदी तुमू उबो हुया प्रार्थना करता होय तो यदि तुमरा मन मा काही क हर काय विरोध होय, तो गुणा क माफ करू:
MAR 11:26 आरू यदि तुमू समा नी करो ती तुमरा बास भी जो सोरग मा छे, तुमरा गुणा क माफ नी करसे”
MAR 11:27 वो पछु यरूशलेम मा आयो, आरू जव ईशु मंदिर मा टहल रया हुता ती डाहला पुजारा आरू शास्त्री आरू प्राचीन ओको साथे आवीन पुछने लाग्या,
MAR 11:28 “तु यो काम काय हक छे करता छे? आरू यो हक तुखे काय ने दिया छे कि तु यो काम करे?”
MAR 11:29 ईशु ने ओको कयो, “हाव भी तुमू एक वात पूछता छे; मखे जवाब दो तो तुमू कयो की यो काम काय हक छे करता छे।
MAR 11:30 यहुन्ना क बपतिस्मा काय सोरग की तरफ छे हुतो या मानुस की तरफ छे हुता। मखे जवाब दे”
MAR 11:31 तव वो आपस मा विवाद करने लाग्या क “यदि हामु कये सोरग कि तरफ छे, तो वो कयसे, ‘पछु तुमू ओकी भुरसो काह नी कर्‍या?’
MAR 11:32 आरू यदि हामु कये, मानुस की आरू छे, तो मानसे क घाबराय छे, काहकि सब जानता छे कि यहुन्ना सचसच भविष्यवक्ता हुता।”
MAR 11:33 शेवली कावा तीनुक ईशु क जवाब देदो, “हामु नी जानता।” ईशु ने उनछे कयो, “हाव भी तुमू क नी कयो की यो काम हाव काय हक छे करता छे”
MAR 12:1 पछु ईशु सपनो मा ओका सी वात करने लागी: “काही मानुस ने अंगुर क वाड़ी लागाड़, आरू ओको चार आरू वाड़ बांधिया, आरू रास क कुण्डा खुद्या, आरू गुम्मट बनाड़े; आरू किरसान क ओको ठेका देकर परदेश चाली गया।”
MAR 12:2 पछु फव क टेम आयो त्यो किरसान क साथे एक चाकरीयो क मुकल्यो, कि किरसान छे अंगुर क वाड़ी क फव क भाग ले।
MAR 12:3 पर त्या ओको धरीन कुट्या आरू खाली हात फिर दीया।
MAR 12:4 पछु त्यो एक आरू चाकरीयो क ओको साथे मुकल्या; त्या ओका मुनका फुड़ देदो आरू ओकी विजुत नी कर्‍यो।
MAR 12:5 पछु मालकने एक आरू क मुकल्या; त्या उको मार नाख्या। तव त्यो आरू खुप क मुकल्या; उको छे त्या काही कुट्या, आरू काही क मार नाख्या।
MAR 12:6 हिमी एक ही रया गया हुता, जो ओका मोंगावु पोर्‍या हुता; आखरी मा त्यो उको भी ओको साथे यो सुचीन मुकल्या कि वो मारा पोर्‍या क विजुत करसे।
MAR 12:7 पर उन किरसान ने आपस मा कयो, “यो तो वारीस छे; आवु, हामु उको मार नाखने, तव मीरास हामरी होय जाछे।”
MAR 12:8 आरू तीनुक ओको धरीन मार दिया, आरू अंगुर न वाड़ी सी बाहर निकालीन मार न्हाखिया।
MAR 12:9 एरकरीन अंगुर क वाड़ी क भगवान काय करसे?
MAR 12:10 काय तुमू ने चुखलो शास्त्र मा यो वचन नी भोन्या। जिना दगड़ा क राजमिस्त्री ने निकम्मा ठहराया हुता, चो कुपरा क सिरा होय गया।
MAR 12:11 “यो पोरबु कि आरू छे हुया आरू हामरी दूष्टि मा घण मोटो छे!”
MAR 12:12 तव त्या शास्त्री आरू मुखी पुजारा ईशु क धरने चाह्या; काहकि समझी गया हुत की त्यो हामरे विरोध मा यो सपनो कयो छे। पर वो मानसे छे घाबराय, आरू उको छुड़ीन जात रयो।
MAR 12:13 तव त्या ईशु क वात मा फंसाने क करता काही फरीसियो आरू हेरोदियो क ओको साथे मुकल्या।
MAR 12:14 त्या आविन ओको कयो, “हे गुरू हामु जानता छे, कि तु सच छे, आरू काही की परवाह नी करता; काहकि तु मानुस क मुय देखीन वात नी करता, पुन यहोवा–भगवान क मार्ग सच छे देखाड़ छे। ती काय कैसर क कर देने वारू छे यो नी?”
MAR 12:15 “हामु दे, यो नी दे?” त्यो ओको कपट जानीन उनछे कयो, “मखे काय पारखते होय? एक दीनार मारे साथे लावु कि हाव ओको देखा”
MAR 12:16 वो ली आय, आरू त्यो उनछे कयो, “यो छाप आरू नाव कायका छे?” त्या कयो, “कैसर क।”
MAR 12:17 ईशु ने ओको कयो, “जो कैसर क छे वो कैसर क, आरू जो यहोवा–भगवान क छे यहोवा–भगवान क दो।” तव वो उना पर खुप भोंगलाय गयो करने लाग्या।
MAR 12:18 पछु सदूकियो ने भी, जो कये छे कि मरे हुयो क जीव उठने छे ही नी, ईशु साथे आवीन उना छे पुछा,
MAR 12:19 “हे गुरू मूसा ने हामरे करता लिख्या छे कि यदि काही क भाई बिना अवलियाद मर जाय आरू उना कि बायर रया जाय, ती ओको भाई ओकी बायर छे वियाव कर लेय आरू आपने भाई क करता अवलियाद पैदा कर्‍यो।
MAR 12:20 सात भाई हुता। पेहला भाई वियाव बिना अवलियाद मर गया।
MAR 12:21 तव दीसर भाई ने उनी बायर छे वियाव कर लेदा आरू बिना अवलियाद मर; आरू वोसो ही तीसरे ने भी कर्‍यो।
MAR 12:22 आरू सात छे अवलियाद नी हुय सब क पछव वो बायर भी मर गया।
MAR 12:23 शेवली कावा जीव उठने पर वो उको छे कुनीन बायर हयसे? काहकि वो सात क बायर होय चुकी हती”
MAR 12:24 ईशु ने उनछे कयो, “काय तुमू इन कारण छे भुल मा नी पड़्या होय कि तुमू नी ती चुखलो शास्त्र ही क जानता होय, आरू नी ही यहोवा–भगवान क शक्ति क?”
MAR 12:25 काहकि जव वो मर्‍यो हुया मा छे जीवन उठसे, तो वो नी वियाव करसे आरू नी वियाव मा दिया जाछे, पुन सोरगदूतन क समान होयछे।
MAR 12:26 मर्‍यो हुया क जीव उठने क विषय मा काय तुमू ने मूसा की किताब मा झाड़ी की काहनी मा नी भोन्या काय यहोवा–भगवान ने ओको कयो, “हाव अब्राहम क यहोवा–भगवान, आरू इसहाक क यहोवा–भगवान, आरू याकूब क यहोवा–भगवान, छे?
MAR 12:27 यहोवा–भगवान मर्‍यो हुया क नी वरना जीवतलान क यहोवा–भगवान छे; शेवली कावा तुमू मोटी भुल मा पड़्या होय!”
MAR 12:28 शास्त्रीयो मा छे एक ने आवीन तीनुक विवाद करता सोमव्या, आरू यो जाईन कि ईशु ने तिनुक वारू रीति छे जवाब देदो, ओको पुछा, “सब छे मुखी हुकुम काहनी छे?”
MAR 12:29 ईशु ने ओको जवाब देदो, “सब हुकुम मा छे यो मुखी छे: ‘छे इस्राएल सोमव्य! पोरबु हामरे यहोवा–भगवान एक ही पोरबु छे,
MAR 12:30 आरू तु पोरबु आपसा यहोवा–भगवान सी थारा सब मन सी, आरू थारा सब जीव सी, आरू थारी सारी ओकल सी, आरू थारी सारी ताकत सी मोंग राख।’
MAR 12:31 आरू दिसरा यो छे, ‘तु थार साथेवावा सी आपसे मोंग।’ इनासे मोटी आरू काही हुकुम नी।”
MAR 12:32 शास्त्री ने ओको कयो, “हे गुरू घोणा ठीक! तु ने सच कयो कि वो एक ही छे, आरू ओको छुड़ीन आरू काही नी।
MAR 12:33 आरू ओको सब मन, आरू सारी बुध्दी आरू सब जीव, आरू सारी शक्ति क साथ मोंग राखने; आरू साथेवावा छे आपने समान मोंग राखने, सब होमबली आरू बलिदान छे बढ़ीन छे।”
MAR 12:34 जव ईशु ने देख्या कि त्यो समझ छे जवाब ददो, तो ओको कयो, “तु यहोवा–भगवान क राज्य छे दूर नी।” आरू काही क पछु ओको काय पुछने क साहस नी हुया।
MAR 12:35 पछु ईशु ने मंदिर मा खबर करता हुये यो कयो, “शास्त्री कोसो कये छे की मसीह दाऊद क पोर्‍यो छे?”
MAR 12:36 दाऊद ने आप ही चुखलो आत्मा मा हईन कयो छे: पोरबु ने मारे छे कयो, “मारे जेवड़े बठ्य, जव तक कि हाव तारी दुस्मन क तारे पाय कि पीढ़ी नी कर दिदा।”
MAR 12:37 “दाऊद ते आपसु ओको पोरबु कयता छे, पछु वो ओको पोर्‍यो कयो छे ठहरा?” आरू गर्दी क मानसे ओकी खुशी छे सोमवते हुते।
MAR 12:38 ईशु ने आपसी खबर मा उनछे कयो, “शास्त्रीयो छे चोकचौळीया रयो, जो नांबा–नांबा चोगला पेहरीन हुये पुगनेन आरू बजारो मा नमस्कार,
MAR 12:39 आरू प्रार्थना घर मा मुखी–मुखी आसन आरू भोज मा मुखी–मुखी स्थान भी जुवता छे।
MAR 12:40 वो रंडायली क घर क खाय जातो छे, आरू देखाड़ने क करता मोटी मोटी प्रार्थना करता छे। सवटो दण्ड जुड़से।”
MAR 12:41 ईशु मंदिर क भण्डार क सामने बठीन देख रया हुता कि मानसे मंदिर क भण्डार मा काय प्रकार दान नाखता छे; आरू खुप छे धनवान खुप काय नाख्या।
MAR 12:42 ओतरा मा एक गरीब रंडायली ने आवीन दुई दमडिया, जो एक आधला क बराबर होयती छे नाखी।
MAR 12:43 तव ईशु आपसा चेला क साथे बुलावीन उका कयो, “हाव तुमू छे सच कयता छे मंदिर क भण्डार मा नाखने वावा छे इन गरीब रंडायली सब जादा नाख्या छे;
MAR 12:44 काहकि सब आपसा धन क जादा मा छे नाख्या छे, पुन यो आपसी घोट मा छे जो काही ओको हुता, मतलब आपसी सारी जीविका नाख देदी छे।”
MAR 13:1 जव ईशु मंदिर छे निकवी रया हुता। तो ओका चेला मा छे एक ने ओको कयो, “हे गुरू, देख कोसो विशाल दगड़ आरू कोसो भव्य भवन छे।”
MAR 13:2 ईशु ने ओको कयो, “काय तुमू यो मोटा–मोटा भवन देखता होय: याहा दगड़ पर दगड़ भी वाच्या रयछे जो ढाया नी जाछे।”
MAR 13:3 जव ईशु जैतुन क बयड़ा पर मंदिर क सामने बट्या हुता, तो पतरस आरू याकूब आरू यहुन्ना आरू अन्द्रियास ने अलग जाईन ओको पुछा,
MAR 13:4 “हामु कयो की यी वात किही होयछे? आरू जव यो सब वात पुरी हुयने पर होयछे उना टेहाव क काय सहलानी होयछे?”
MAR 13:5 ईशु उनछे कयनो लाग्यो, “चोकचौळीया रयो कि काही तुम्हें नी भरमाछे।
MAR 13:6 घोणा तारे मारे नाव छे आवीन कयसे, ‘हाव चो छे’ आरू घोणा क भरमाछे।
MAR 13:7 जव तुमू लड़ाई, आरू लड़ाई की चर्चा सोमवु, तो घाबराय; काहकि इन्दरो होयनो पाको छे, पुन उना टेहाव आखरी नी होयछे।
MAR 13:8 काहकि जाति पर जाति, आरू राज्य पर राज्य चढ़ाई करसे। हर कयी भुकंप होयछे, आरू अकाल पड़से। यो तो पीड़ा क शुरू ही होयछे।”
MAR 13:9 “पुन तुमू आपने विषय मा चौकचोळिया रहवो; काहकि मानसे तुमू महासभा मा सपछे आरू तुमू पंचायत मा कुटीन जाछे, आरू मारे कारण सरदार आरू राजा क ओगव उबो कर जाछे, ताकि ओको करता गवा होयछे।
MAR 13:10 पर पाको छे कि पेहले खुश खबर सब जाति मा खबर कर्‍यो जाछे।”
MAR 13:11 जव वो धरावीन तुमू ली जाय रया हता, ती पेहले चिंता नी करनो कि हामु काय कयसु; पर जु काय तुमू ओकी घड़ी देखाड़्या जाछे चा कयनो; काहकि बुलने वावा तुमू नी होय, पुन चुखलो आत्मा छे।
MAR 13:12 भाई आपसा भाई क आरू बास आपसा पोर्‍या घात क करता सपछे, आरू पोर्‍या माय बास क विरोध मा उठीन तीनुक माराय नाखे।
MAR 13:13 आरू मारे नाव क कारण सब मानसे तुमू छे बैर करसे पर जो आखरी तक धीरज धर रयछे, तीनान उध्दार होयछे।
MAR 13:14 “शेवली कावा चुखलो शास्त्र मा विनाशकारी वस्तु उभी होई देखसु, भंनेवावा समझी लेय तव जो यहूदिया मा होय, वो बयड़ा पर ढास जाछे।”
MAR 13:15 जो छत पर होय, वो आपने घर छे काय लेने नेचो नी उतरे आरू नी माहाय जाछे;
MAR 13:16 आरू जो खेत मा होय, वो आपसा चादरो लेने क करता पछव नी आवे।
MAR 13:17 इनु दाहड़ा मा भारीस आरू दुध पावनाय होयछे ओको करता हाय!
MAR 13:18 आरू प्रार्थना कर्‍या करो कि यो जाड़े मा नी होय।
MAR 13:19 काहकि वो दाहडु ओसो पीड़ा क होयछे कि सूष्टि क शुरू छे, जो यहोवा–भगवान ने सूजी छे, हिमी तक नी तो हुय आरू नी पछु किही होयछे।
MAR 13:20 यदि पोरबु इनु दाहड़ा क नी घटाड़तो, ती काही जनवार भी नी वाचता; पुन उन त्योने हुया क कारण जिनको त्यो त्योना छे, उन दाहाड़ा क घटाड्या।
MAR 13:21 “उना समय कदाम कोय तुमरे सी कये, देखो मसीह याहा छे, ‘यो देखो, वाँ छे’ तो भुरसो नी करने।
MAR 13:22 काहकि झुठा मसीह आरू झुठा भविष्यवक्ता उठ उबो होयछे, आरू सहलानी आरू घण मोटो काम देखाड़छे कि यदि होय सके तो त्योन्य हुया क भी भरमा दे।
MAR 13:23 पर तुमू चोकचौळीया रयो; देखो, हाव ने तुमू सब वात पेहले ही छे कय दी छे।”
MAR 13:24 “उन दाहड़ा मा, उना पीड़ा क बाद दाहाडु आंधारो होय जाछे, आरू चाँद विजाव नी हुयो
MAR 13:25 आरू आकाश छे तारागण पड़ने लागछे; आरू आकाश कि शक्ति हाल जाछे।
MAR 13:26 तव मानसे मानुस क पोर्‍या मतलब मखे मोटी शक्ति आरू महिमा क साथ बादल मा आवता देखछे।
MAR 13:27 उना टेहाव वो आपने सोरगदूत क मुकलकर, धरती क इनीये छोर छे आकाश क उना छोर तक, चार दिशा छे आपने त्योन्य हुय मानसे क एखठा करसे।
MAR 13:28 “अंजीर क झाड़को छे यो सपनो सीकु: जव ओकी डावखा नरम होय जाय, आरू पान्टा निकवने लागता छे; ती तुमू जान लेता होय कि ग्रीष्मकाल निकट छे।
MAR 13:29 इनी प्रकार जव तुमू इन वात क होते देखो, ती जान लेय कि वो निकट छे वरना झोपला ही पर छे।
MAR 13:30 हाव तुमू छे सच कयता छे की जव तक यो सब वात नी होय लेछे, तव तक यो मानसे जाय नी रयछे।
MAR 13:31 आकाश आरू धरती टल जाछे, पुन मारी वात कदी नी टळसे।
MAR 13:32 “उना दाहाड़ा यो घड़ी क विषय मा काही नी जानता, नी सोरगदूत आरू नी पोर्‍यो: पुन केवल बास।
MAR 13:33 देखो, जानता आरू प्रार्थना करता रयो; काहकि तुमू नी जानता की वो टेहाव किही आवसे।
MAR 13:34 यो उना मानुस की सी दशा छे, जो परदेश जाते टेहाव आपसा घर क छुड़ीन जाय, आरू आपसा दास क हक देय; आरू हर एक क ओका काम कय देय, आरू व्दारपाल क जागता रयने की हुकुम देय।
MAR 13:35 एरकरीन जागता रयो, काहकि तुमू नी जानता की घर क भगवान किही आवसे, शांत क या आदली राती क, या कुकड़ा क वाषने देने क टेहाव या भोर क।
MAR 13:36 ओसो नी होय की वो उचकाळुन आवीन तुमू सुवता रयछे।
MAR 13:37 आरू जो हाव तुमू छे कयता छे, चो सब छे कयता छे: जागता रयो!”
MAR 14:1 दुई दाहड़ा क बाद फसह आरू अखमीरी रोटा क पर्व हुयने वावा हुता। डाहला पुजारा आरू शास्त्री इन वात की खोज मा हुत की ईशु क कोसो छल छे धर कर मार नाखने;
MAR 14:2 पुन कये हुते, “पर्व क दाहडू नी, कयी ओसो नी होय की मानसे मा बलवा मच्या।”
MAR 14:3 जव ईशु बैतनिया मा शमौन कुड़ावा क घर खाने क बट्या हुया हुता, तव एक बायर संगमरमर क ठाहरा मा जटामासी क मोहंगलो चुखो इत्र लीन आवी: आरू पात्र तुड़ीन इत्र क ओको मुनक पर नाखीन।
MAR 14:4 पुन काही आपने मन मा रिसियाने कयनो लाग्या, “इन इत्र क काय सच्चाईानाश कर्‍या गया?
MAR 14:5 काहकि यो इत्र तो तीन सौ सोनान सिक्‍का सवटो मूल्य मा वेचिया जाय कर गरीब मा वाट्या जाय सकता हुता।” आरू वो ओको झाटकने लाग्या।
MAR 14:6 ईशु ने कयो, “उको छुड़ी दो; उको काय सताते होय? उना ने तो मारे साथे भलाई करी छे।
MAR 14:7 गरीब तुमरे साथ मा जलोम रहवे, आरू तुमू जब जुवे तव उनछे भलाई कर सकते होय; पर हाव तुमरे साथे जलोम नी रहवे।
MAR 14:8 जो काय वो कर सकी, त्यो कर्‍यो; त्यो मारे गाड़ने जाने की तीयारी मा पेहले छे मारी देह पर इत्र लागाड़ी छे।
MAR 14:9 हाव तुमू छे सच कयता छे की सब धरतीम मा वा कयी खुश खबर कर्‍या जाछे, वाँ ओका इनीये काम की चर्चा भी ओको फोम की जाछे।”
MAR 14:10 तव यहूदा इस्करियोती जो बारा चेला मा रयन एक हुता, डाहला पुजारा क साथे गया की ईशु क ओको हात धरीन देय।
MAR 14:11 वो यो सोमवीन खुश हुयो; आरू ओको पोशा आपने वायदो कर्‍यो; आरू वो मेखे हेरने लाग्या की ओको काही प्रकार धरीन देय।
MAR 14:12 अखमीरी रोटा क पर्व क पेहले दाहडु, जिनमा वो फसह क बलिदान करता हुते, ईशु क चेला ने उको पुछा, “तु कयो जुवे छे की हामु जाईन तारे करता फसह खाने की तीयारी कर्‍या?”
MAR 14:13 त्यो ओका चेला मा सी दुय क यो कयीन मुकल्यो, “नगर मा जावु, आरू एक मानुस पानी क हाण्डो हाकलीन हुया तुमू मीवछे, ओका पछव होय लेन:
MAR 14:14 आरू वो जिना घर मा जाय, उना घर क भगवान छे कयनो, ‘गुरू कयता छे की मारी पाहंनतराय शाला जिनमा आपसा चेला क साथे फसह खावु कयो छे?’
MAR 14:15 वो तुमू एक सजी–सजावळी, आरू तीयार करी हुयी मोटी कमरो देखाय देसे, वो हामरे करता तीयार करू।”
MAR 14:16 चेला निकवीन नगर मा आश, आरू जोसो त्यो उनछे कयो हुता, वोसो ही देख्या; आरू फसह तीयार कर्‍या।
MAR 14:17 जव शाम हुयी, तो वो बारा क साथे आयु।
MAR 14:18 जव वो बठ्या खाने क रया हुते, तो ईशु ने कयो, “हाव तुमू छे सच कयता छे की तुमू मा छे एक, जो मारे साथे खाने क रया छे मखे धरावछे।”
MAR 14:19 चेला उदास होय गयो आरू एक करीन ओको पुछने लाग्या, “काय चु हाव ते नी छे?”
MAR 14:20 त्यो उनछे कयो, “वो बारा मा छे एक छे, जो मारे साथे थावी मा हात नाखता छे।
MAR 14:21 काहकि मानुस क पोर्‍या मतलब मखे तो जोसो ओको विषय मा लिख्या छे, जाता ही छे; पुन उना मानुस पर हाय ओका द्वारा मानुस क पोर्‍या मतलब मखे धराया जाय छे! यदि उना मानुस क जनम नी हुता तो ओको करता भलो होयतो।”
MAR 14:22 जव वो खाय ही रया हुते, ईशु ने रोटा लीन, आरू सय बरकत मांगीन तुड़ी तीनुक दी, आरू कयो, “ले, यो मारी देह छे।”
MAR 14:23 पछु त्यो वाटको लीन धन्यवाद कर्‍या, आरू तीनुक दिया; आरू उन सब ने उको छे पीया।
MAR 14:24 आरू त्यो कयो, “यो भोनु की मारो लुहूय यो छे, जो खुप क करता वयाड़े जा छे।
MAR 14:25 हाव तुमू छे सच कयता छे की अंगुर क रस उना दाहड़े तक पछु कदी नी पीस, जव तक यहोवा–भगवान क राज्य मा नयो नी पीस।”
MAR 14:26 पछु वो भजन गावीन बाहरता जैतुन क बयड़ा पर गया।
MAR 14:27 तव ईशु ने उनछे कयो, “तुमू सब ठुकर खासे, काहकि लिख्या छे: ‘हाव गुवाळ क मारीस, आरू गाडरा इदीर तितर–बितर होय जाछे।’
MAR 14:28 पुन हाव म्हार जीव उठने क बाद मा तुमरे सी पेहल गलील मा जाईस।”
MAR 14:29 पतरस ने ओको कयो, “यदि सब ठुकर खाय तो खाय, पर हाव ठुकर नी खाम।”
MAR 14:30 ईशु पतरस सी कयो, “हाव तुखे छे सच कयता छे की आज ही इनी रात क कुकड़ा क दुई कावा वाषने देने छे पेहले, तु तीन कावा मखे छे मुकर जाछे।”
MAR 14:31 पर त्यो आरू भी जो सी दीन कयो, “यदि मखे तारे साथे मरना भी पड़े तीभी तारे मना कदी नी करीस।” इनी प्रकार आरू सब ने भी कयो।
MAR 14:32 पछु वो गतसमनी नावन एक धरती मा आश, आरू ईशु ने आपसा चेला छे कयो, “याहा बठ्या रयो, जव तक हाव प्रार्थना करीस।”
MAR 14:33 आरू वो पतरस आरू याकूब आरू यहुन्ना क आपने साथे लेय गया; आरू खुप ही कमजोर आरू घबरायने हुयने लाग्या,
MAR 14:34 आरू त्यो कयो, “मारो मन खुप नराज छे याहा तक कि हाव मरना पर छे: तुमू याहा तक रूकु आरू जागता रयो।”
MAR 14:35 पछु वो थुड़ा अगळ ओगस आरू धरती पर टेकीन प्रार्थना करने लाग्यो की यदि होय सके तो यो घड़ी मखे पर छे टल जाय,
MAR 14:36 आरू कयो, “हे बाप, मखे छे सब काय होय सकता छे; इनीये वाटका क मारे साथे छे हटाय लेय: तव जोसो हाव जुवता छे वोसो नी, पर जो तु जुवता छे चो होय।”
MAR 14:37 पछु वो आश आरू तीनुक सुवता देखीन पतरस छे कयो, “हे शमौन, तु सुई रया छे? काय तु एक घड़ी भी नी जाग सके?
MAR 14:38 जागता आरू प्रार्थना करता रयो की तुमू परीक्षा मा नी पडु। आत्मा तो तीयार छे, पर शरीर दुर्बल छे।”
MAR 14:39 आरू वो पछु चालीन गया आरू तीनुक ओवाज मा प्रार्थना करी।
MAR 14:40 पछु आवीन तीनुक सुवता देख्या, काहकि ओकी डुवा नींद छे भर्‍या हुता; आरू नी जानता हुते की ओको काय जवाब देय।
MAR 14:41 पछु तीसरी बार आवीन उनछे कयो, “हिमी सुवता रयो आरू आराम करो, बस घड़ी आय पुच्या; देखो मानुस क पोर्‍या मतलब मखे क पापी क हात धराया जाता छे।
MAR 14:42 उठु चालु! देखो, मखे धरावने वावा नाट आय गयो छे।”
MAR 14:43 ईशु यो कय ही रया हुता की यहूदा जो बारा मा छे एक हुता, आपने साथे डाहला पुजारा आरू शास्त्री आरू पुरनियो की आरू छे एक मोटी गर्दी लीन तत्काल आय पुच्या, जो तलवार आरू ड़ेगा लीन हुता।
MAR 14:44 ओको धरावने वावा ने तीनुक यो पता दीया हुता की जिनाक हाव गुवू चो छे, उको धरीन यत्न छे ली जाने।
MAR 14:45 वो आश, आरू तत्काल ओको साथे जाईन कयो, “हे गुरू!” आरू ओको घोणा चूमा।
MAR 14:46 तव लोगहन ईशु पर हात नाखीन आरू उको धर लेदा।
MAR 14:47 उन मा छे जो साथे उबो हुतो एक ने तलवार हापक कर पुजारा क दास पर चालाड़ी, आरू ओका कांटो तुड़ देदो।
MAR 14:48 ईशु ने उनछे कयो, “काय तुमू डाकू जानीन मखे धरने क करता तलवार आरू ड़ेगा लीन निकव्या होय?
MAR 14:49 हाव तो हर दाहड़े मंदिर मा तुमरे साथे रयन खबर दिया करतो हुतो, आरू तव तुमू ने मखे नी दरिया: पुन यो एरकरीन हुयो छे की चुखलो शास्त्र की वात पुरी होयछे।”
MAR 14:50 इनीये पर सब चेला ओको छुड़ीन ढास गया।
MAR 14:51 एक जुवान आपसी उघाड़ा डील पर चादर पांगरी हुयो ओको पछव होय लेदा; आरू मानसे ने ओको दरिया।
MAR 14:52 पर वो चादर छुड़ीन उघाड़ा ढ़ास गया।
MAR 14:53 पछु वो ईशु क डाहला पुजारा क साथे ली गया; आरू सब प्रधान पुजारा आरू पुरनिय आरू शास्त्री ओका याहा एखठा होय गया।
MAR 14:54 पतरस दुर ही दुर ओको पोछव–पछव डाहला पुजारा क आंगना मा माहाय तक गया, आरू प्यादो साथे बठीन आगठी तापने लाग्या।
MAR 14:55 मुखी पुजारा आरू सारी महासभा ईशु क मार नाखने क करता ओको विरोध मा गवा की खोज मा हुते, पर नी मिवी।
MAR 14:56 काहकि घोणा छे ओको विरोध मा झुठ गवा दे रया हुते, पर ओकान गवा एक ओसी नी हुती।
MAR 14:57 तव काय मानसे ने उठीन ओको क विरोध यो झुठ गवा देदी,
MAR 14:58 “हामु इना ओसो कये सोमव्या छे, हाव इन हाथ क बनायू होय मंदिर क उदार दीस, आरू तीन दहाड़ा मा दिसरा बनाय दिस, जो हाथ छे नी बने होय।”
MAR 14:59 इनीये पर भी उनकी गवा एक ओसी नी निकवी।
MAR 14:60 तव डाहला पुजारा ने वीच मा उबो हईन ईशु छे पुछा, “तु काही जवाब नी देतो?”
MAR 14:61 पुन वो चुप रियो, आरू काय जवाब नी दिया। डाहला पुजारा ने ओका सी पछु पुछा, “काय तु उना सयाळा धन्य क पोर्‍यो मसीह छे?”
MAR 14:62 ईशु ने कयो, “हाव छे: आरू तुमू मानुस क पोर्‍यो क ताकत वाळा यहोवा–भगवानन क जेवड़े तरफ बठ्या, आरू वादळा साथे आवता देखछे।”
MAR 14:63 तव डाहला पुजारा आपसा छिंदरा फाड़ीन कयो, “हिमी हामु गवा क आरू काय योजना छे?”
MAR 14:64 तुमू ने यो निन्दा सोमवीन। तुमरी काय राय छे?
MAR 14:65 तव काही तो ओका पर थुप्या, आरू काही ओका मुय ढांकने आरू उको धुमाट्या, आरू ओको कयनो लाग्या, “भविष्यव्दाणी कर!” आरू पौलुसने ओको धरीन थापुड़ मारा।
MAR 14:66 जव पतरस नेचो आंगना मा हुता, तो डाहला पुजारा की दासीयो मा छे एक वाँ आवी,
MAR 14:67 आरू पतरस क आगठो तापता देख्या उको टकटकी लागाड़ ़ी देख्या आरू कयनो लाग्या, “तु भी तो उना नासरत ईशु क साथे हुता।”
MAR 14:68 वो मुकर गया, आरू कयो, “हाव नी जानता आरू नी समझता छे कि तु काय कय रयी छे।” पछु वो बाहरता डेवढ़ी मा गया; आरू कुकड़ा वाषा।
MAR 14:69 वो दासी उको देखीन उनछे जो साथे उबो हुतो, पछु कयनो लागी, “यो उनमा छे एक छे।”
MAR 14:70 पुन वो पछु मुकर गया। थुड़ी वार बाद त्या जो साथे उबो हुत पछु पतरस छे कयो, “छाचो तु उनमा छे एक छे: काहकि तु गलीली भी छे।”
MAR 14:71 तव वो धिक्‍कारने आरू शपथ खाने लाग्या, “हाव उना मानुस क जेरी तुमू चर्चा करता होय, ओखे नी जानता।”
MAR 14:72 “तव तत्काल दूसरी बार कुकड़ो वाषो।” पतरस क वो वात जो ईशु ने ओका सी कयी हुती फोम आवी: “कुकड़ा दुई कावा वाषा ने छे पेहले तु तीन कावा मना करीस।” आरू वो इन वात क सुचीन रड़णे लाग्या।
MAR 15:1 भोर होयते ही तत्काल डाहला पुजारा, पुरनियो, आरू शास्त्रीयो ने वरना सारी महासभा ने सलाह करीन ईशु क बांधाड़या आरू ओको ली जाय पिलातुस क हाते सौप दीया।
MAR 15:2 पिलातुस ने ओको पुछा, “काय तु यहूदि यो क राजा छे?” “त्यो ओको क जवाब दीया; कि तु आप ही कय रया छे।”
MAR 15:3 डाहला पुजारा ओको पर खुप वात क दोष लागाड़ रया हुता।
MAR 15:4 पिलातुस ने ओको पछु, “काय तु काहय जवाब नी देतो, देख यो तुखे पर कोतरी वात क दोष लागाड़ रया छे?”
MAR 15:5 ईशु ने पछु काय जवाब नी दीया; याहा तक की पिलातुस क मोटा घबरायीन हुयो,
MAR 15:6 पिलातुस उना पर्व मा काही एक बन्दी क जिना वो जुवता हुता, ओको करता छुड़ी दीया करता हुता।
MAR 15:7 बरअब्बा नाव क मानुस उन बुलवाया क साथे बन्दी हुता, जा राजद्रोह टेमे मार्‍या हता।
MAR 15:8 आरू गर्दी ऊपर जाईन ओको रावन्या करने लागी, कि जोसो तु हामरे करता आश छे वोसो ही कर।
MAR 15:9 पिलातुस ने उनको जवाब दीया, “काय तुमू जुवता होय कि हाव तुमरे करता यहूदि यो क राजा क छुड़ दम?”
MAR 15:10 काहकि वो जानता हुता कि डाहला पुजारा ने उको डाह छे धराया हुता।
MAR 15:11 पुन डाहला पुजारा मानसक क जुर देवाड़ीया कि बरअब्बा क ओको करता छुड़ देय।
MAR 15:12 यो सोमवी पिलातुस ने उनछे पछु पुछा, “तो जिनाक तुमू यहूदि यो क राजा कयता होय, ओको हाव काय करीस?”
MAR 15:13 वो पछु आयड़ीन, “ओको कुरूस पर चढ़ाय देय!”
MAR 15:14 पिलातुस ने ओको कयो, “काय, यो बुराय करी छे?” पुन वो आरू भी आयड़ीन, “ओको कुरूस पर चढ़ाय देय!”
MAR 15:15 तव पिलातुस ने गर्दी क खुश करने कि मरजी छे, बरअब्बा क ओको करता छुड़ दीया, आरू ईशु क लागाड़ ़ी सौप दीया कि कुरूस पर चढ़ाय जाय।
MAR 15:16 सैनिक ईशु क किलान माहाय क आंगना मा ली गया जो प्रीटोरियुम कहवाये छे, आरू सारी पलटन क किला मा बुलाय लाया।
MAR 15:17 तव त्या ओको बैंजनी छिंदरा पेहराया आरू काटान मुकट गुथीन ओका मुनका पर राख्या,
MAR 15:18 आरू यो कयन ओको नमस्कार करने लाग्या, “हे यहूदियो क राजा, नमस्कार!”
MAR 15:19 वो ओका मुनका पर सरकण्डे देता आरू ओको पर थुपता, आरू घटना टेकड़ीन ओको नमस्कार करावता रये।
MAR 15:20 ठजव वो ओको ठट्टा कर चुक्या, तो उना पर छे बैंजनी छिंदरा उतारीन तीनी छिंदरा पेहराया; आरू तव ओको कुरूस पर चढ़ावने क करता बाहरता ली गया।
MAR 15:21 ईशु साथे दुय ड़ाखु कुरूस पर अलेक्जेन्द्रिया आरू रूफुस क बास शमौन, एक कुरेनी मानुस, जो गाव छे आय रयो हुतो उधर छे निकव्यो; त्या ओको अमथो मा दरिया कि ईशु क कुरूस हुचलीन ली चाल्या।
MAR 15:22 वो ईशु क गुलगुता नावन धरती पर, जिना क मतलब खोपड़ी की धरती छे, लायो।
MAR 15:23 वाँ उको गंधरस मिव्यो हुया अंगुरन रस देने लाग्या, पुन ओका नी लेदो।
MAR 15:24 तव त्या उको कुरूस पर चढ़ाया आरू ओका लुगड़ा पर चिठ्ठया नाखीन कि काही क काय मीवछे, तीनुक वाट लेदो।
MAR 15:25 आरू एक पहर दाहडु चढ़ी आश हुता, जव त्या ओको कुरूस पर चढ़ाया।
MAR 15:26 आरू ओको दोषपत्र लिखीन ओका ऊपर लागाड़ दीया गया कि यहूदि यो क राजा।
MAR 15:27 त्या ओको साथे दुई डाकू, एक ओकी जेवड़ा आरू एक ओकी डावू आरू कुरूस पर चढ़ाया।
MAR 15:28 तव चुखलो शास्त्र क वो वचन कि वो गुणेगार क साथ मा गिनाय गयो, त्यो पूरो हुयो।
MAR 15:29 आरू मार्ग मा जानेवावा मुनक हालवीन आरू यो कयकर ओकी वायकेड़ा उड़ावता हुता, “वाहा! मंदिर क उदारने, आरू तीन दाहड़ा मा बनावने!
MAR 15:30 कुरूस पर छे उतरीन आपने आप क वाचाड़ लेय।”
MAR 15:31 इनी रीति छे डाहला पुजारा भी, शास्त्रीयो सहावत, आपस मा ठट्टा छे कये हुते, “इनीये ने दिसरा क वाचाड़ सकता।”
MAR 15:32 “इस्राएल क राजा, मसीह, हिमी कुरूस पर रयन उतरीन आव कि हामु देखीन विश्वास करसु।” आरू जो ओको साथे कुरूस पर चढ़ाय गया, वो भी ओकी निंदा करता हुता।
MAR 15:33 सिरान हुयने पर सब धरती पर आंधारो होय गयो, आरू तीसरे पहर तक रया।
MAR 15:34 तीसरे पहर ईशु ने मोटो जुरे छे आयड़ीन कर कयो, “इलोई, इलोई लमा शबक्तनी?” जिनानस मतलब यो छे, “हे मारा यहोवा–भगवान, हे मारा यहोवा–भगवान, तु ने मखे काय छुड़ दीया?”
MAR 15:35 जो साथे उबो हुतो, ओका छे काय ने यो सोमवीन कयो, “देखो, वो एलियाह क पुकारता छे।”
MAR 15:36 आरू एक ने दोड़ीन छिंदरो लेपटायलो लाकड़ो सिरका मा डुबायो, आरू सरकण्डे पर राखीन ओको चुसाया आरू कयो, “ठहर जाय, देखा, एलियाह ओको उतारने क करता आवता छे कि नी।”
MAR 15:37 तव ईशु ने मोटा ओवाज मा आयड़ीन जीव छुड़ी दिया।
MAR 15:38 आरू मंदिर क परदो उपर सी नेड़ो तक फाटीन दुई तुकड़ा होय गया।
MAR 15:39 जो सुबेदार ओको सामने उबो होतो, जव उको यु आयड़ीन जीव छुड़ता हुयो देख्या, तो चु कयो, “सच यो मानुस, यहोवा–भगवान क पोर्‍या हुता।”
MAR 15:40 काही बायर भी दुर छे देख रयी हूती: उनमा मरियम मगदलीनी, नानू याकूब आरू यो योसेस की माय मरीयम, आरू सलोमी हुती।
MAR 15:41 जव वो गलील मा हुता तो यो ओको पछव होय लेती हूती आरू ओकी सेवा टहल कर्‍या करती हुती; आरू दिसरी घण सवटी बायर भी हुती, जो ओका साथ मा यरूशलेम मा आवली हुती।
MAR 15:42 जव शांत होय गयो तो अतरान करीन की तियार क दाहडु हुता, जो आराम क एक दाहड़ु पेहेल हुये,
MAR 15:43 अरिमतियाह क रयनेवावा यूसुफ आयो, जो महासभा क सदस्य हुता आरू आप भी यहोवा–भगवान क राज्य की वाट जोहता हुता। वो हियाव करीन पिलातुस क साथे गया आरू ईशु क धोङ मांग्या।
MAR 15:44 पिलातुस क घबरायीन हुया की वो ओतरा शीघ्र मर गया; आरू त्यो सुबेदार क बुलावीन पुछा, “काय ओको मरा हुयो वार हुयी?”
MAR 15:45 जव त्यो सुबेदार क द्वारा हाल जान लेदा, तो धड़ यूसुफ क देवाड़ दिया।
MAR 15:46 तव त्यो सुवावी की एक चादर मूले लीन, आरू धड़ क उतारीन उना चादर मा लेपटीन, आरू एक झपला मा जो चट्टान मा खुदीन गयी हूती राख्या, आरू मोळवट्याम क दरवाज पर एक दगड़ ढाक दीया।
MAR 15:47 मरियम मगदलीनी आरू योसेस की माय मरियम देख रयी हुती कि वो काँ राख गया छे।
MAR 16:1 जव आराम क दाहडु वीत गयो तो मरीयम मगदलीनी, आरू याकूब की माय मरियम, आरू सलोमी ने सुगन्ध इत्र समान मुवे लीन की आवीन ईशु क डील पर लागाड़या।
MAR 16:2 हापतान क पेहलो दाहडु मोटो सदारे जव दाहडु निकव्यु ही हुती, वो मोड़वाट्या पर आवी,
MAR 16:3 आरू आपस मा कयती हुती, “हामरे करता मोळवट्याम क झपला पर छे दगडू कुन धकल्यो?”
MAR 16:4 जव त्या डुवा उघाडीन, तो देख्या की दगडू धकल्यो हुया छे वो खुप ही मोटा हुता।
MAR 16:5 मोड़वाट्या क माहीय जाईन त्या एक जुवान क धव्व्या डोगला पेहरीन हुयो जेवड़ा तरफ बठ्या देख्या, आरू खुप भोंगलाय हुयी।
MAR 16:6 त्यो उनछे कयो, “चकित मत होय, तुमू ईशु नासरत क, जो कुरूस पर चढ़ाया गया हुता, हेरती होय। वो जीव उठ्यो छे, याहा नी छे; देख, यी वो स्थान छे, वा त्या ओको राख्या हुता।”
MAR 16:7 “पुन तुमू जायन, आरू ओका चेला आरू पतरस छे कयो की वो तुमू छे पेहल गलील क जाछे। जोसो ओका तुमु क कयो हतो, तुमु चाँ ओका हेरजु।”
MAR 16:8 आरू ची मोळवट्याम बाहरते निकलीन ढास गयो; काहकि कापती आरू घाबराई उका पर छा गयो; आरू त्या कुदाक काहय नी कयी काहकि ची बीहिती हुती।
MAR 16:9 यो आयते जुनला नियम नी देखाय गयी हापतान क पेहल दाहडु सदारे होते ही ईशु जीवीन उठीन पेहल मरियम मगदलीनी क जिनमा छे त्यो सात साहळा निकावी हुती, देखाय दिया।
MAR 16:10 त्यो जाईन ईशु क साथी क शोक मा डूबे हुयो हुते आरू रड़ रयो हुते, खबर देदो।
MAR 16:11 त्या यो सोमवीन की वो जीवतो छे आरू त्यो देख्या छे, काहकि त्या पर ओका विश्वास नी हता।
MAR 16:12 ओका बाद ईशु दिसरा रूप मा उनमा छे दुई क जव वो गाव की आरू जाय रया हुता, देखाय दीया।
MAR 16:13 त्या भी जाईन दिसरा क खबर दीया, पुन त्या उनकी भी भुरसो नी करी।
MAR 16:14 पछव ईशु उन ज्यारे क भी, जव वो रोटा खाने बठ्या हुता देखाय दीया, आरू उन लोगहन क विनभुरसा आरू मन की वातड़ो हुयने पर उलाहना दीया, काहकि जिन्होने ओको जीव उठने क बाद ओको देख्या हुता, या उनकी भुरसो नी करी हुती।
MAR 16:15 आरू त्यो ओका कयो, “तुमू सब जगमा जाईन सब धरती पर मानसक क यी खुश खबर सोमवाड़ु।
MAR 16:16 जो विश्वास करसे आरू बपतिस्मा लेछे तीनी क उध्दार होयछे, पुन जो विश्वास नी करसे वो दोषी ठहराय जाछे;
MAR 16:17 जो विश्वास करनेवावा मा यो सहलानी होयछे की वो मारे नाव छे साहळा क निकावछे नोवली भाषा बुलछे,
MAR 16:18 घड़सा क उठाय लेछे, आरू यदि वो प्राणनाशक समान भी पी जाय तीभी उनकी काय हानी नी होयछे; वो बीमार पर हात राखछे, आरू वो वारू होय जाछे।”
MAR 16:19 पोरबु ईशु ओका सी वात करने क बाद सोरग पर उठाय लेदो गयो, आरू यहोवा–भगवान की जेवड़े; तरफ बठ् गयो।
MAR 16:20 आरू त्या निकवीन हर जागु खबर कर्‍या, आरू पोरबु ओको साथे काम करता रया, आरू उनी सहलानी क लारे वो जो साथ हुयती हुती, वचन क हेरता रया। आमेन)
LUK 1:1 घण सवटा उनी वात क जो हामरे वीच मा हुयली छे उको लिखने मा हाथ लगाड़िया।
LUK 1:2 जोसो कि त्या जो पेहले ही छे इन वात क देखने वावा आरू खुश खबर क सेवक हुतो, हामु तक पुचाड्या।
LUK 1:3 एरकरीन, मखे भी या हाथियुफिलुस वारू मालम हुया कि उन सब वात क सम्पूर्ण हाल शुरू छे ठीक–ठीक जांच करीन, तीनुक तारे करता एक एक लिखू
LUK 1:4 ताकि तु यो जानलीन कि वो वात जिनकी तुने शिक्षा देखी छे, कोसी अटल छे।
LUK 1:5 यहूदि या क राजा हेरोदेस टेहाव अबिय्याह क दल मा जकर्‍याह नाव क एक पुजारा हुतो, आरू ओकी बायर हारून क वंश की होती जेरो नाव इलीशिबा हुता।
LUK 1:6 वो दुय यहोवा–भगवान क सामने न्यायी हुता, आरू पोरबु की सब हुकुम आरू विधियों पर निर्दोष चालनेवावा होतो।
LUK 1:7 ओको काही भी अवलियाद नी होती, काहकि इलीशिबा वांझी होती, आरू वो दुयू ढाहला हुता।
LUK 1:8 जव जकर्‍याह आपने दल की पारी पर यहोवा–भगवान क सामने पुजारा क काम करतो हुतो,
LUK 1:9 तो पुजारा की रीति क लारे ओको नाव पर चि़ठ्ठी निकवी कि पोरबु क मंदिर मा जाईन धुप लागाड़ ्य।
LUK 1:10 धुप लागाड़ ने क टेहाव मानसे की सारी मंडळी बारती प्रार्थना कर रयी होती।
LUK 1:11 उना टेहाव पोरबु क एक सोरगदूत धुप की वेदी की डासच्या आरू उबा हुया ओको देखाय दिया।
LUK 1:12 जकर्‍याह देखीन घाबराय आरू उना पर मोठा बीक भराय गय।
LUK 1:13 पुन सोरगदूत ने ओको कयो, “हे जकर्‍याह, भयभीत नी होय, काहकि तारी प्रार्थना सोमवी लेदी आरू तु गयी छे; आरू तारी बायर ओका इलीशिबा छे तारे करता एक पोर्‍य पैदा होयछे, आरू तु ओका नाव यहुन्ना मेकला।
LUK 1:14 तुखे खुशी आरू हर्ष होयछे; आरू घोणा मानसे ओका जनमक कारण खुश होयछे,
LUK 1:15 काहकि वाँ पोरबु क सामने महान होयछे; आरू अंगुर क रस आरू मंदिर कदी पीछे; आरू आपसी आप क कुख ही छे चुखलो आत्मा छे भरायला होय जाछे;
LUK 1:16 आरू इस्राएल मा सी घण सवटा क ओको पोरबु यहोवा–भगवान की आरू पछु।
LUK 1:17 वो एलियाह सारखो आत्मा आरू शक्ति मा होय कर ओको ओगव–ओगव चालसे कि पितरों क मन पोर्‍या–पारी की आरू फेर दे; आरू हुकुम नी मानने वावा क न्यायीयो की समझ पर लाया; आरू पोरबु क करता एक योग्य प्रजा तीयार कर्‍या।”
LUK 1:18 जकर्‍याह ने सोरगदूत छे पूछा, “यो हाव कोसो जानीस? काहकि हाव तो डावु छे; आरू मारी बायर भी डावी होय गयी छे।”
LUK 1:19 सोरगदूत ने ओको जवाब दिया, “हाव जिब्राईल छे जो यहोवा–भगवान क सामने उबा रयता छे; आरू हाव तुखे छे वात करने आरू तुखे यो खुश खबर सोमवने क मुकल्या गया छे।
LUK 1:20 देख जिना दाहड़े तक यो वात पूरी नी होय, उना दाहड़े तक तु मन रयछे आरू बोल नी सकछे, एरकरीन कि तु मारी वात की जो आपने टेहाव पर पूरी होयछे, प्रतिति नी की।”
LUK 1:21 मानसे जकर्‍याह की वाट देखता रया आरू भोंगलाय गयो करने लाग्या कि उको मंदिर मा ओतरी वार काय लागी।
LUK 1:22 जव वो बाहरता आयो, तो उनछे बुल नी सक्यो: शेवली कावा वो जान गया कि त्यो मंदिर मा काही दर्शन देख्या छे; आरू वो उनछे संकेत करता रया, आरू गुंगो रया गयो।
LUK 1:23 जव ओकी मंदिरक सेवा क दाहड़ो पूरो हुयो, तो वो आपने घर चाली गया।
LUK 1:24 इन दाहड़ा क बाद ओकी बायर इलीशिबा भारीस हयी; आरू पाच महना तक आपने आप क यो कय क डुकाड़ी राख्या,
LUK 1:25 “ची कोछे कि, मानुस मा मारो विजुत दूर करने क करता, पोरबुने इन दाहड़ा मा किरपा करीन मारे करता ओसो कर्‍या छे।”
LUK 1:26 इलीशिबाना छोव महना मा यहोवा–भगवान की आरू छे जिब्राईल सोरगदूत, गलील क नासरत नगर मा,
LUK 1:27 एक छल्ली क साथे मुकल्या जेरी मांगनी यूसुफ नाव क दाऊद क घराने क एक मानुस छे होयी होती: उना छल्ली क नाव मरियम हुता।
LUK 1:28 सोरगदूत ने ओको साथे माही आवीन कयो, “मरीयम, खुशी आरू धन्य तारी होय जिना पर यहोवा–भगवान क फोकटन दया हुयो छे! पोरबु तारे साथे छे!”
LUK 1:29 वो उना वचन छे घोणा घाबराय गयी, आरू सुचीन लागी कि यो काय प्रकार नमस्कार छे?
LUK 1:30 सोरगदूत ने ओका सी कयो “हे मरियम, भयभीत नी होय, काहकि यहोवा–भगवान क फोकटन दया तुखे पर हुयो छे।
LUK 1:31 देख, तु भारीस होयीस, आरू तारे एक पोर्‍या पैदा होयछे; तु ओका नाव ईशु राखने।
LUK 1:32 वो महान होयछे आरू यहोवा–भगवान क पोर्‍या कवायसे; आरू पोरबु यहोवा–भगवान ओको बास दाऊद क सिंहासन ओको देसे,
LUK 1:33 आरू वो याकूब क घराना पर सदा राज करसे; आरू ओको राज्य क आखरी नी होयछे।”
LUK 1:34 मरियम ने सोरगदूत छे कयो, “यो कोसो होयछे। हाव तो मानुस क जानती ही नी।”
LUK 1:35 सोरगदूत ने ओको जवाब दिया, “चुखलो आत्मा तुखे पर उतरसे, आरू यहोवा–भगवान जो शक्ति की तुखे पर आवती रयसे; चुखलो जो पैदा हुयने वालो छे, यहोवा–भगवान क पोर्‍या कवायसे।
LUK 1:36 आरू देख, तारी घराना माईन इलीशिबा क भी डाहला मा पोर्‍य होयनेवावो छे, यो ओको, जो वांझी कवायती होती छोव महना छे।
LUK 1:37 काहकि जो वचन यहोवा–भगवान की आरू छे हुता छे वो शक्ति नी हुता।”
LUK 1:38 मरियम ने कयो, “पोरबु की दासी छे, मखे तारे वचन क लारे होय।” तव सोरगदूत ओको साथे चालीन गया।
LUK 1:39 उन दाहड़ा मा मरियम उठीन शीघ्र ही दाहड़ी देश मा यहूदा क एक नगर गयी,
LUK 1:40 आरू जकर्‍याह क घर मा जाईन मरियम इलीशिबा क नमस्कार करी।
LUK 1:41 जोही इलीशिबाने मरियम क नमस्कार सोमव्या त्योही पोर्‍य ओको पेट मा उछळीयो आरू इलीशिबा चुखलो आत्मा छे भरायला होय गयी।
LUK 1:42 आरू त्यो मोटा ओवाज छे कयो, “तु बायर मा धन्य छे, आरू तारे पेट क पोर्‍य धन्य छे!
LUK 1:43 यो फोकटन दया मखे कयो छे हुया कि मारे पोरबु की माय साथे आवी?
LUK 1:44 ज्योंही तारे नमस्कार क ओवाज मारा कान्टा मा पड्यो, त्योंही पोर्‍य मा खुशी छे उछल पड्यो।
LUK 1:45 धन्य छे वो जो विश्वास कर्‍या कि जो वात पोरबु आरू छे ओका सी कर्‍या गयी, वो पुरी होयछे।”
LUK 1:46 तव मरियम ने कयो, “मारो जीव पोरबु की बढ़ाई करता छे”
LUK 1:47 आरू मारी आत्मा मारे उध्दार करनेवावा यहोवा–भगवान छे खुश होयी,
LUK 1:48 काहकि त्यो आपसी दासी की दीनता पर दृष्टि की छे; एरकरीन देखु, हिमी छे आरामना दाहडो युग–युग क मानसे मखे धन्य कवसे,
LUK 1:49 काहकि उना शक्तिमान यहोवा–भगवानने मारे करता मोटा–मोटा काम कर्‍यो छे। ओका नाव चुखलो छे,
LUK 1:50 आरू ओकी दया उन पर जो ओको सी बीक राखे, पीढी छे तक बनी रयता छे। जो यहोवा भगवान न विजुत करीया त्यो उका पर दया करियो
LUK 1:51 त्यो आपसा भुजबल देखाड्या जो आपने आप क मन मा डाहळाय करता हता, तिनुक तितर बितर कर्‍यो।
LUK 1:52 त्यो राजा उनको ओको सिंहासन छे पाड़ दिया; आरू नम्र मानसे क उंचा कर्‍यो।
LUK 1:53 त्यो भुजला क वारली वात छे तुप्त कर्‍यो, आरू धनवान क खाली हात निकावीन दिया।
LUK 1:54 त्यो आपने सेवक इस्राएल क सोमाव केदा की आपसी उना दया क स्मरण कर्‍यो, आरू ओका दास इसरायल क मदत करियो।
LUK 1:55 “जव अब्राहम आरू ओका वंश पर सदा रवछे, जोसो त्यो हामरा डाहडा सी कयलो हुतो।”
LUK 1:56 मरियम लग–भग तीन महना अलीशिबा क साथे रवीन आपने घर पछु गयी।
LUK 1:57 तव इलीशिबा क प्रसव क टेहाव पूरो हुयो, आरू त्यो पोर्‍या क जनम देदो।
LUK 1:58 ओका धड़ेवावा आरू घरानो ने यो सोमवीन कर कि पोरबुने उना पर मोटी दया करी छे, ओका साथे खुशी मनाया,
LUK 1:59 आरू ओसो हुयो कि आठवा दाहड़ा मा वो पोर्‍या क खतना करने आये आरू ओको नाव ओका बास क नाव पर जकर्‍याह राखने लाग्या।
LUK 1:60 इनीये पर ओकी माय जवाब देदी, “नी; वरना ओको नाव यहुन्ना राख्य जाय।”
LUK 1:61 त्या ओका सी कयो, “तारो घराना मा काही क यो नाव नी।”
LUK 1:62 तव त्या ओका बास छे संकेत करीन पुछ कि तु ओका नाव काय राखने जुवे छे?
LUK 1:63 त्यो लिखने की पट्टी मांगीन लिख दिया, “ओका नाव यहुन्ना छे” आरू सभो क घबरायीन हुया।
LUK 1:64 तव ओको मुय आरू जीभ तत्काल उघड़ी गय; आरू वो बुलने आरू यहोवा–भगवान क धन्यवाद करने लाग्या।
LUK 1:65 ओका आस पास क सब रयनेवावा पर बीक भराय गय; आरू उन सब वात की चर्चा यहूदि या क सब बयड़ा देश मा फैल गयी,
LUK 1:66 आरू सब सोमवनेवावा ने आपने–आपने मन मा विचार करीन कयो, “यो पोर्‍या कोसो होयछे?” काहकि पोरबु क हात ओका साथ हुता।
LUK 1:67 ओका बास जकर्‍याह चुखलो आत्मा छे भरायला होय गया, आरू भविष्यव्दाणी करने लाग्या:
LUK 1:68 पोरबु इस्राएल क यहोवा–भगवान धन्य होय, काहकि त्यो आपने मानसे पर दूष्टि करी आरू ओको छुटकारो छे,
LUK 1:69 आरू आपने सेवक दाऊद क घराना मा हामरे करता एक उध्दार क सींग निकाव्या,
LUK 1:70 जोसो त्यो आपने चुखलो भविष्यवक्ता क द्वारा जो जग क शुरू छे हुता आश छे कयो हुता,
LUK 1:71 मतलब आमरो दुस्मन छे, आरू हामरा सब दुस्मन क हात छे आमरो उध्दार कर्‍यो छे,
LUK 1:72 कि हामरा बाबदादा पर दया करीन आपसी चुखलो वाचा क स्मरण कर्‍यो,
LUK 1:73 आरू वो शपथ जो त्यो हामरा बास अब्राहम छे खाय होती,
LUK 1:74 कि वो हामु यो देसे कि हामु आपने दुस्मन क हात छे छुड़ीन,
LUK 1:75 ओका सामने चुखला आरू न्यायपन छे जीवन भर निडर रहकर ओकी सेवा करता रया।
LUK 1:76 आरू तु हे पोर्‍या परमप्रधान क भविष्यवक्ता कवायसे, काहकि तु पोरबु क मार्ग तीयार करने क करता ओका ओगव–ओगव चालसे,
LUK 1:77 कि ओका मानसे क उध्दार क न्याय देय, जो ओको पाप की माफ छे हासिल हुयसे छे।
LUK 1:78 यो हामरा यहोवा–भगवान की तीनी मोटी दया छे होयछे; ओका कारण उपर छे हामु पर भोर क प्रकाश उग होयछे,
LUK 1:79 कि आंधारो मरन की सावला मा बोटनेवावा क ज्योति देय, “आरू हामरे पाय क कुशल क मार्ग मा सीधा चालाड़से।”
LUK 1:80 आरू वो नानलो ईशु बढ़तो गयो आरू आत्मा मा ताकद वावो हुयता गयो। आरू वा इस्राएल पर प्रगट हुयने क दाहड़े तक वस्तीमा रया।
LUK 2:1 उन दाहड़ा मा औगुस्तुस कैसर की तरफ छे हुकुम निकावी कि सब रोम साम्राज्य धरती क मानसे क नाव लिख्या जाय।
LUK 2:2 याहा पेहली नाव लिखिन उना टेहाव हुयो, जव क्विरिनियुस सीरिया क सरदार हुता।
LUK 2:3 सब मानसे नाव लिखवाने क करता नगर क गया।
LUK 2:4 शेवली कावा यूसुफ भी एरकरीन कि वाँ दाऊद क घरानो आरू वंश क हुता गलील क नासरत नगर छे यहूदि या मा दाऊद क नगर बैतलहम क गया,
LUK 2:5 कि आपसी मंगेतर मरियम क साथे जो भारपाय होती नाव लिखायछे।
LUK 2:6 ओको वाँ रयता हुया ओका पोखडायने क दाहड़ा पूरा होया,
LUK 2:7 आरू वाँ आपसा पहिलौठा पोर्‍यो पोखड़ाय आरू ओको लुगड़ा मा लेपटीन चरनी मा राख्या काहकि ओको करता सराय मा जगहनी होती।
LUK 2:8 आरू ओका देश मा कोतरा गाडरा गुवाळिया हुता जो रात क मैदान मा रयन आपने टुळान क गुळावी कोरता हुता।
LUK 2:9 तव यहोवा–भगवान क सोरगदूत ओको साथे आश उबा हुया, आरू पोरबु क तेज ओको चार आरू चमका, आरू वो घोणा बीह गया।
LUK 2:10 तव सोरगदूतने उनछे कयो, “मा घाबराय; काहकि हाव तुमूक मोट खुशी क खुश खबर सोमवाय छे जो सब मानसे क करता होयछे,
LUK 2:11 ती ही कि आज दाऊद क नगर तुमरे करता उध्दार र्कोन्यू जन्माम छे योही मसीह पोरबु छे।
LUK 2:12 आरू इनाक तुमरे करता याहा निशानी छे कि तुमू पोर्‍या क लुगड़ा मा लेपटीन हुया आरू चरनी मा पड्यो देखछे।”
LUK 2:13 तव एकदम ओको सोरगदूत क दल यहोवा–भगवान की बढ़ाई करता हुया आरू याहा कयता देखाय दिया,
LUK 2:14 “आकाश मा यहोवा–भगवान की महिमा आरू धरती पर उन मानस मा जिनछे वाँ खुश छे, शांती होय।”
LUK 2:15 जव सोरगदूत ओको साथे छे सोरगदूत मा चाली गया, तो गुवाळ्यु आपस मा कयो, “आवु हामु बैतलहम जाईन यो वात जो होयी छे, आरू जिनाक पोरबुने हामु देखाड्या छे, देखछे।”
LUK 2:16 आरू त्या छाटात जाईन मरियम आरू यूसुफ क, आरू चरनी मा ओका पोर्‍या क सोने देख्या।
LUK 2:17 इनुक देखीन गुवाळिया वो वात जो पोर्‍या क विषय मा ओको काही गयी होती, प्रगट करी,
LUK 2:18 आरू सब सोमवने वावा उन वात छे जो गुवाळिया उनछे देवदुत क कयी घबरायीन कर्‍या।
LUK 2:19 पुन मरियम यो सब वात आपने मन मा राखीन मन मा सुचती रयी।
LUK 2:20 आरू सोरग ने गुवाळ्यु जोसो उनछे कयो गया हुता, जोसो ही सब सोमवीन आरू देखीन यहोवा–भगवान की महिमा आरू बढ़ाई करता हुया पोछा पछु गया।
LUK 2:21 जव आगठा दाहड़ा पुरा होय आरू ओका खतने क टेहाव आयो, तो ओका नाव ईशु राख्य गयो जो सोरगदूतने ओका पेट मा आवने छे पेहल कयो हुता।
LUK 2:22 जव मूसा की व्यवस्था क लारे यूसुफ आरू मरीयम क चुखो हुयने क दाहड़ा पुरा हुया, तो वो ओको यरूशलेम मा ली गया की पोरबु क ओगव लाया,
LUK 2:23 जोसो कि पोरबु की व्यवस्था मा लिख्यो छे: “हर एक पहिलौठा चुखलो पोर्‍या पोरबु क करता निवाडीयो ठरछे।”
LUK 2:24 आरू पोरबु की व्यवस्था क वचन क लारे चे: “पंडुको क एक जुड़ो या पेरवा क दुय पीला” लावीन बलिदान कर्‍या।
LUK 2:25 यरूशलेम मा शमौन नावको एक मानुस न्यायी आरू भक्त हुतो; आरू इस्राएल की वाचाड़ने वावा की वाट जुवे रया हुता, आरू चुखलो आत्मा ओको पर होती।
LUK 2:26 आरू चुखलो आत्मा द्वारा ओको पर प्रगट हुयो हुतो कि जव तक वो पोरबु क मसीह क देख नी लेछे, तव तक मरन क नी देखछे।
LUK 2:27 शमौन चुखलो आत्मा क सिखाड़ने छे मंदिर मा आश; आरू जव माय बास उना पोर्‍या ईशु क माहीय लावीन, कि ओका करता व्यवस्था कि रीति क लारे कर्‍या,
LUK 2:28 शमौन त्यो ओको आपसा खुवामा लेदु आरू यहोवा–भगवान धन्यवाद करीन कयो:
LUK 2:29 “हे भगवान, हिमी तु आपने दास क वचन क लारे शांती छे मरना दे,
LUK 2:30 काहकि मारा डुवा क तारे उध्दार क देख लेदा छे,
LUK 2:31 जिनाक तुने सब देश क मानसे क सामने तीयार कर्‍या छे।
LUK 2:32 कि वो गैरयहुदी क प्रकाश देने क करता दिया आरू तारे निज मानसे इस्राएल कि महिमा होय।”
LUK 2:33 ओको बास आरू ओकी माय इन वात छे जो ओको विषय मा शमौन ने कयी जाती होती, घबरायीन करता हुता।
LUK 2:34 तव शमौनने उनको बरकत दियो, ओकी माय मरियम छे कयो, वो तो इस्राएल मा घोणा क पड़ने, आरू उठने क करता, आरू एक ओसो सहलानी हुयने क करता ठेराया गया छे, ओका विरोध मा वात करी जाछे
LUK 2:35 “वरना तारो जीव भी तलवार छे वार पार चिर जाछे इनासे घोणा हद्यो क विचार प्रगट होयछे।”
LUK 2:36 आशेर क अवळियाद मा छे हन्नह नावको फनूएल की पोराय एक भविष्यव्दक्तिन होती। वो घोणा डाहली होती आरू वियाव सात सालबाद ओको घरवाळा मर गयो।
LUK 2:37 वो चारविसु ने चार साल छे रंडायली होती: आरू मंदिर क नी छुड़ती होती, पर उपवास आरू प्रार्थना कर करीन रात दाहडु उपवास कर्‍या करती होती।
LUK 2:38 आरू वो उना घड़ी वाँ आवीन पोरबु क धन्यवाद करने लागी, आरू उन सभो छे, जो मानसे यरूशलेम क छुटकारो की वाट जुवता हुता, उना पोर्‍या क विषय मा वात करने लागी।
LUK 2:39 जव वो पोरबु की व्यवस्था क लारे सब काय पुरा कर त्योक्या तो गलील मा आपने नगर नासरत क पोछा पुगीन चाली गया।
LUK 2:40 आरू नानलो ईशु मोटो होय गयो, आरू बलवन्त होयतो आरू बुध्दि छे भरायला होयतो गयो; आरू यहोवा–भगवान क दया ओको पर हती।
LUK 2:41 ओकी माय बास हर साल फसह क पर्व मा यरूशलेम करता हुता।
LUK 2:42 जव ईशु बारा साल क हुयो, तो वो पर्व की रीति क लारे यरूशलेम क गयो।
LUK 2:43 जव वो उन दाहड़ा क पुरा करीन पुगनेन लाग्या, तो पोर्‍या ईशु यरूशलेम मा रया गया; आरू यो ओकी माय बास नी जानता हुता।
LUK 2:44 वो यो समझीन कि वो दिसरा यात्रियो क साथे होयछे, एक दाहड़ क पड़ाव निकाव गया: आरू ओको आपने घराना आरू जान पेहचान वावा मा हेरने लाग्या।
LUK 2:45 पर जव नी जुड़यो तो हेरता यरूशलेम क पछव पछु गया,
LUK 2:46 आरू तीन दाहड़ा क बाद त्या ओको मंदिर मा शिक्षा क वीच मा बठीन, उनकी सोमवता आरू उनछे सवाल करतलो हुयो देख्या।
LUK 2:47 जोतरा ओकी सोमवीन रया हुता वो सब ओकी समझ आरू ओका जवाब छे चकित हुता।
LUK 2:48 “तव वो ओको देखीन चकित हुया आरू ओकी माय हामु छे काय ओसो व्यवहार कर्‍या? पोर्‍या, तारो बास आरू हाव कुरकुर करता जाईन तुखे हेरता हुता?”
LUK 2:49 त्यो उनछे कयो, “तु मखे काय हेरता हुता कि मखे आपसा बास क भवन मा हुयने पाको छे?”
LUK 2:50 पुन जो वात त्यो कयी, त्या ओको नी समझी।
LUK 2:51 तव वो ओको साथे गया, आरू नासरत मा आश, आरू ओको वंश मा रया; आरू ओकी माय यो सब वात आपसा मन राखी।
LUK 2:52 आरू ईशु बुध्दि आरू डील–डौल मा, आरू यहोवा–भगवान आरू मानसे क दया मा बढ़ता गयो।
LUK 3:1 तिबिरियुस कैसर क राज्य क पंदरा साल मा जव पुन्तियुस पिलातुस यहूदि या क सरदार हुत, आरू गलील मा हेरोदेस, इतुरैया आरू त्रखोनीतिस मा ओका भाई स फिलिप्पुस, आरू अबिलेने मा लिसानियास, चौथाई क राजा हुता,
LUK 3:2 आरू जव हन्न आरू कैफा डाहला पुजारा हुतो, उना टेहाव यहोवा–भगवान क वचन जंगल मा जकर्‍याह क पोर्‍या यहुन्ना क साथे पुच्चा।
LUK 3:3 यहुन्ना बपतिस्मा देनेवालो यरदन नदी क साथे क सब जंगल मा जाईन, पाप माफ क करता मन फिरावने क बपतिस्मा लेदा, आरू यहोवा–भगवान तुमरा पापको माफ करे क खबर करने लाग्या।
LUK 3:4 जोसो यशायाह कागळियान क कयो हुयो वचन की किताब मा लिख्यो छे: “जंगल मा एक आयड़ने वावा क ओवाज होय रया छे कि, पोरबु क मार्ग तीयार करो ओकी सड़के सुधी बनावु।”
LUK 3:5 हर एक घाटी भर देय जाछे, आरू हर एक बयड़ा आरू टीला नेचा कर्‍या जाछे; आरू जो वाकड़ी वाट छे सुधी, आरू जो उचो नेचो छे वो चौरस मार्ग बनावछे।
LUK 3:6 “आरू हर मानवप्राणी यहोवा–भगवान क उध्दार क देखछे।”
LUK 3:7 जो गर्दी की गर्दी ओका सी बपतिस्मा लेने करता आपने साथे निकव कर आवती होती, उनछे वो कयता हुता, “हे घड़साक पोर्‍या, तुखे कुण चेतावनी दिया कि आवनेवाळा रीस छे ढाछे।
LUK 3:8 शेवली कावा मन फिराव क योग्य वारू करो, आरू मन मा याहा नी सुचिया कि आमरो बास अब्राहम छे; काहकि हाव तुमू छे कयता छे कि यहोवा–भगवान इनु दगड़ा सी अब्राहम क करता संतान पैदा कर सकता छे।
LUK 3:9 हिमी कुराड़ झाड़को की मुव पर धरा छे, एरकरीन जो झाड़को वारू फोव नी लायो, त्यो काट्यो आरू आगठो मा न्हाख दियो जासे?”
LUK 3:10 तव मानछेने ओका सी पुछ्या, “तो हामु काय करजे?”
LUK 3:11 त्यो तीनुक जवाब दिया, “ओका साथे दुय सुटर होय, वो ओको साथे ओका साथे नी छे वाट लेय आरू ओका साथे रोटा होय वो भी ओसो ही कर्‍या।”
LUK 3:12 “फाळो लेनेवाळा भी बपतिस्मा लेने आश, आरू ओका सी पुछ्या, हे गुरू हामु काय करजे?”
LUK 3:13 त्यो उनछे कयो, “जो तुमरे करता ठेराया गया छे, ओको छे सवटो नी लेने।”
LUK 3:14 “सिपाईने भी ओका सी यो पुछ्या, हामु काय करजे?” त्यो उनछे कयो, “काही पर झगड़ो करावनो नी करने आरू नी झुट दोष लागाड़ ने, आपने पगार पर खुस करने।”
LUK 3:15 जव मानसे आस लागाड़या हुया हुता, आरू सब आपसा मन यहुन्ना क विषय मा विचार कर रया हुता, कि काय युत मसीह तो नी छे,
LUK 3:16 तो यहुन्ना बपतिस्मा देनेवावो उन सब छे कयो, “हाव तो तुमूक पानी छे बपतिस्मा देतो छे, पुन वो आवनेवाळा छे जो मखे छे शक्तिमान छे; हाव तो इनीये योग्य भी नी कि ओका खासड़ा क दुरू छुड़ सको; वो तुमूक चुखली आत्मा छे बपतिस्मा देसे।
LUK 3:17 ओको सूप, ओका हात मा छे; आरू वो आपने खलिहान वारली तरह छे साफ करसे; आरू गवे क आपने कुठार मा एखठा करसे; पुन भुसा क उना आगठो मा जो बुझने की नी धोप छे।”
LUK 3:18 शेवली कावा वो घोणा सी शिक्षा दे दीन मानसे क खुश खबर सोमवता रया।
LUK 3:19 पुन जव त्यो चौथाई देश क राजा हेरोदेस क ओको भाईस फिलिप्पुस की बायर हेरोदेस क विषय आरू सब भुण्डला काम क विषय मा जो त्यो कर्‍या हुता, उलाहना दिया,
LUK 3:20 तो हेरोदेसने उन सब छे बठीन यो कुकर्म भी कर्‍या कि यहुन्ना क जेल मा नाख दिया।
LUK 3:21 जव सब मानछेने बपतिस्मा लेदा आरू ईशु भी बपतिस्मा लीन प्रार्थना कर रयो हुतो, तो सोरग उघड़ी गया,
LUK 3:22 “आरू चुखलो आत्मा डीलोन रूप मा पेरवाक समान उना पर उतरियो, आरू यो सोरगवाणी होयी: तु मारो मोंगावु पोर्‍यो छे, हाव खुश छे।”
LUK 3:23 जव ईशु आप शिक्षा करने लाग्या, तो लग—भग डेढ़वीस साल की साल क हुतो आरू (जोसो समझा जातो हुतो) यूसुफ क पोर्‍या हुतो; आरू वो एली क,
LUK 3:24 आरू वो मत्ताथा क, आरू वो लेवी क, आरू वो मलकी क, आरू वो यन्ना क, आरू वो यूसुफ क,
LUK 3:25 आरू वो मत्तित्याह क आरू वो आमोस क, आरू वो नहूम क, आरू त्यो असलीया क, आरू वो नोगह क,
LUK 3:26 आरू वो मात क, आरू वो मत्तित्याह क आरू वो आरू शिमी क, आरू वो योसेस क, आरू वो योदाह क,
LUK 3:27 आरू वो यहुन्ना क, आरू वो रेसा क, आरू वो जरूब्बाबेल क, आरू वो शालतियेल क, आरू वो नेरी क,
LUK 3:28 आरू वो मलकी क, आरू वो अद्दी क, आरू वो कोसाम क, आरू वो इलमोदाम क, आरू वो एर क,
LUK 3:29 आरू वो ईशु क, आरू वो इलजार क, आरू वो योरीम क, आरू मत्ताथा क, आरू वो लेवी क,
LUK 3:30 आरू वो शमौन क, आरू वो यहूदा क, आरू वो यूसुफ क आरू वो योनान क आरू वो एलयाकीम क,
LUK 3:31 आरू वो मेलिया क आरू वो मिन्नाह क, आरू वो मत्ताथा क, आरू वो नातान क, आरू वो दाऊद क,
LUK 3:32 आरू वो यिशै क आरू वो ओबेद क, आरू वो बोआज क, आरू वो सलमोन क, आरू वो नहशोन क,
LUK 3:33 आरू वो अम्मीनादाब क, आरू वो अरनी क, आरू वो हिस्रोन क, आरू वो पेरेस क आरू वो यहूदा क,
LUK 3:34 आरू वो याकूब क, आरू वो इसहाक क, आरू वो अब्राहम क, आरू वो तिरह क आरू वो नाहोर क,
LUK 3:35 आरू वो सरूग क, आरू वो रऊ क, आरू वो फिलिग क, आरू वो एबिर क आरू वो शिलह क,
LUK 3:36 आरू वो केनान क आरू वो अरफशद क, आरू वो शेम क, आरू वो नूह क, आरू वा लामेख लेमेक‍ क,
LUK 3:37 आरू वो मथूशिलह क आरू वो हनोक क, आरू वो यारेत क, आरू वो महललेल क, आरू वो केनान क
LUK 3:38 आरू वो एनोश क, आरू वो शेत क, आरू वो आदम क, आरू वो यहोवा–भगवान क, पोर्‍या हुतो।
LUK 4:1 पछु ईशु चुखलो आत्मा छे भर्‍या हुयो, यरदन छे पुगीन; आरू चावीस दाहड़ा तक आत्मा क सिखाड़ने छे जंगल मा पुगता रया;
LUK 4:2 आरू शैतान परीक्षा करतो रयो। उन दाहड़ा मा त्यो काय नी खाय, आरू जव वो दाहड़ा पुरा होय गया तो ओको भुख लागी।
LUK 4:3 तव शैतानने ओका सी कयो, “यदि तु यहोवा–भगवान क पोर्‍या छे, तो इनीये दगड़ा छे कय, कि रोटा बन जाय।”
LUK 4:4 ईशु ओको जवाब दिया, “लिख्यो छे: मानुस केवल रोटा छे जीवतो नी रवछे।”
LUK 4:5 तव शैतान ओको उचा बयड़ा पर ली गयो आरू ओको पल भर मा जगत क सब राज्य देखाड्या,
LUK 4:6 आरू शैतान ओका सी कयो, “हाव यो सब हक, आरू इन्दरो वैभव तुखे आपीस, काहकि वो मखे सौप्य गयो छे: आरू जिनाक जुवता छे तीनी क दी देता छे।
LUK 4:7 एरकरीन यदि तु मखे भक्ती करे, तो यो सब तारे होय जाछे।”
LUK 4:8 ईशु ओका जवाब दिया, है शैतान दूर होय जा, “लिख्यो छे: ‘तु पोरबु आपसा यहोवा–भगवान क भक्ती कर; आरू केवल तीनान भक्ति कर।’”
LUK 4:9 तव त्यो ओको यरूशलेम मा ली जाईन मंदिर क कातर पर उबो कर्‍यो, आरू ओका सी कयो, “यदि तु यहोवा–भगवान क पोर्‍या छे, तो आपने आप क याहा छे नेचो कूद जा।
LUK 4:10 काहकि शास्त्रमा लिख्यो छे: ‘वो तारे विषय मा आपने सोरगदूत क हुकुम देसे, कि वो तारी रक्षा करे।’
LUK 4:11 आरू ओसो ही कयो छे ‘वो तुखे हात उठाय लेछे, ओसो नी होय कि तारे पाय मा दगड़ा छे ठेस लागे।’”
LUK 4:12 ईशु ओको जवाब दिया, “यो भी कयो गया छे: तु पोरबु तारा यहोवा–भगवान की परीक्षा नी करने।”
LUK 4:13 जव शैतान सब परीक्षा कर चुक्यो, तव काय टेहाव क करता ओको साथे जात रयी।
LUK 4:14 पछु ईशु आत्मा की शक्ति छे भराय हुयो गलील मा आवीन आरू ओकी परचार आस पास क सब देश मा फैल गई।
LUK 4:15 वो ओको सभागृह मा शिक्षा करता रया, आरू सब ओकी बढ़ाई करता हुता।
LUK 4:16 पछु वो नासरत मा आश, वा पावीन पुछा गयो हुतो; आरू आपसी रीति क लारे आरामन दाहडो क दाहड़े आराधना घर मा जाईन भन्ने क करता उबा हुयो।
LUK 4:17 यशायाह भविष्यवक्ता की किताब ओको दी गयी, आरू त्यो किताब उघडीन, वो धरती निकावी वा यो लिख्यो हुतो:
LUK 4:18 “पोरबु क आत्मा मखे पर छे एरकरीन कि त्यो गरीब क खुश खबर सोमवने क करता मारे अभिषेक कर्‍या छे, कि बन्दियो क छुटकारा क आरू आंधवा क दूष्टि देखने क खुश करो आरू कुचळायला हुयो क छुड़ाया,
LUK 4:19 आरू पोरबु क खुश रयने क साल क खबर करो।”
LUK 4:20 तव त्यो किताब बंद करीन सेवक क हात मा दे दी आरू बठ गया; आरू आराधना घर क सब मानसे की डुवा उना पर लाग्या हुता।
LUK 4:21 तव वो उनछे कयनो लाग्या, “आज ही यो लेख तुमरे सामने पूरो हुयो छे।”
LUK 4:22 सबने ओको सराह, आरू जो फोकटन दया की वात ओका मुय छे निकवती होती, उनछे घबराय हुय; आरू कयनो लाग्या, “काय यो यूसुफ क पोर्‍या नी?”
LUK 4:23 त्यो उनछे कयो, “तुमू म्हार पर यी वात पाकी कहवसो कि दाक्तर पेहल थारो इलाज करले! जो काय हामु ने सोमवने छे कि कफरनहूम मा कर्‍या गया छे, ओको याहा थार देश मा भी कर।”
LUK 4:24 आरू त्यो कयो, “हाव तुमू छे सच कयता छे काही कागळीयान आपसा देश मा मान सम्मान नी जुड़से।”
LUK 4:25 हाव सच कयता छे कि एलियाह क दाहड़ा मा जव साढ़े तीन साल तक सोरग बंद रया, याहा तक कि सब देश मा मोठ अकाल पड्यो, तो इस्राएल मा घोणा सी रंडायली होती।
LUK 4:26 पर एलियाह उन मा छे काही क साथे नी मुकल्य गयो, केवल सैदा क सारफत मा एक रंडायली क साथे।
LUK 4:27 “आरू एलीशा भविष्यवक्ता क टेहाव इस्राएल मा घोणा छे कुड़ावा हूता, पर सीरियावासी नामान क छुड़ उनमा छे काही चुखो नी कर्‍या गया।”
LUK 4:28 यो वात सोमवने ही जोतरा आराधना घर मा हुतो, सब रीस छे भर गयो,
LUK 4:29 आरू उठीन ओको नगर छे बाहरता निकाव्या, आरू जिना बयड़ा पर ओको नगर बशा हुयो हुतो, ओकी चोटी पर ली चाल्या कि ओको वाँ छे नेचो नाखने गयो।
LUK 4:30 पुन वो ओको वीच मा छे निकावीन चाली गया।
LUK 4:31 पछु वो गलील क कफरनहूम नगर क गया; आरू आराम क दाहडो क दाहड़े मानसे क शिक्षा देय रया हुता।
LUK 4:32 आरू लोगहन ओकी शिक्षा सोमवीन चकित होय गयो, काहकि ओको वचन हक साथे बुलतो हुतो।
LUK 4:33 आराधना घर मा एक मानुस हुतो, जिनामा विटळ आत्मा हुती। वो उंचा स्वर छे आयड़ी उठ्या,
LUK 4:34 “हे ईशु नासरत, हामुक तु छे काय काम? काय तु हामु नष्ट करने आयो छे? हाव तुखे जानता छे तु कुन छे? यहोवा–भगवान क चुखलो जन छे।”
LUK 4:35 ईशु ओको लड़िन कयो, “चुप रया, आरू ओका मा सी निकवी जा।” तव साहळा ओको वीच मा पटककर बिना हानि पुचाड्य उनमा छे निकवी गयी।
LUK 4:36 इनीये पर सब क भोंगलाय गयो हुयो, आरू वो आपस मा वात करीन कयनो लाग्या, “यो कोसी वात छे? काहकि वो हक आरू शैतान क साथे साहळा क हुकुम देता छे, आरू वो निकली जाती छे।”
LUK 4:37 इनीये प्रकार चार आरू हर जागेह ओकी चर्चा हुयने लागी।
LUK 4:38 वो आराधना घर मा छे उठीन शमौन न क घर मा गया। शमौन की सासु क ज्वर चढ़ियो हुयो हुतो, आरू त्या ओका करता ओका सी रावन्या करी।
LUK 4:39 ईशु ओका निकट उबो हईन ज्वर क लड़यो आरू ज्वर उतर गयो, आरू वो तत्काल उठीन ओकी सेवा टहल करने लागी।
LUK 4:40 दाहडु बुड़ टेहाव, जिन क याहा मानसे नाना प्रकार की बीमारी मा पड़्यो हुय हुत, वो आरामना दाहडो तीनुक ओका साथे ली आश, आरू त्यो एक पर हात राखीन तीनुक वारू कर्‍या।
LUK 4:41 “आरू साहळा भी आयड़ती आरू यो कयती होयी कि, तु यहोवा–भगवान क पोर्‍या छे” घोणा मा छे निकवी गयी। पर वो तीनुक लड़िन आरू बुलने नी देता हुता, काहकि वो जानती होती कि वो उध्दारकरता मसीह छे।
LUK 4:42 जव दाहडु निकव्यु छे घोणा पेहल, ईशु उठीन निकव्य, आरू गर्दी की गर्दी उको हेरती होयी ओका साथे आवी, आरू उको रोकने लागी कि वो ओको साथे छे नी जाय।
LUK 4:43 पुन ईशु कयो, “मखे दिसरा नगर मा भी यहोवा–भगवान क राज्य क खुश खबर कयनु छे, काहकि हाव एरकरीन मुकल्या गयो छे।”
LUK 4:44 आरू वो यहूदि या क सब सभागृह मा खबर करता रया।
LUK 5:1 जव गर्दी यहोवा–भगवान क वचन सोमवने क करता उना पर पड़ गयी होती, आरू वो गन्नेसरत की दरिया क धोड़े पर उबो हुतो, तो ओसो हुयो,
LUK 5:2 कि त्यो दरिया क धोड़े दुय नाव लागी होयी देखी, आरू मासा धरन्या उन पर छे उतरीन जाव धो रये हुतो।
LUK 5:3 उन ढोंड्या मा छे एक पर जो शमौन की होती, चढ़ीन त्यो उका छे विनती की धोड़े छे थुडक धोड़े हट लेय चाल्या। तव वो बठीन मानसे क ढोंड्या पर छे शिक्षा देने लाग्या।
LUK 5:4 जव वो वात कर त्योक्या तो शमौन छे कयो, “गहरे मा लेय चल, आरू मासा धरने क करता आपसी जाव नाख्या।”
LUK 5:5 शमौन ने ओको जवाब दिया, “हे भगवान, हामु सारी रात मेहनत की आरू काय नी दरिया तौभी तारे कयनो छे जाव नाखछे।”
LUK 5:6 जव त्या ओसो कर्‍या, तो घोणा मासा धर लाया, आरू ओको जाव फाटने लागी।
LUK 5:7 इनीये पर त्या आपसा साथी क जो दीसरी पर हुतो, संकेत कर्‍या कि आवीन हामरी मदत करो, आरू त्या आवीन दुय ढोंड्या याहा तक भर लीय कि वो डुबने लागी।
LUK 5:8 यो देखीन शमौन पतरस ईशु क पाया पोड्य आरू कयो, “हे पोरबु, मारे साथे छे जा काहकि हाव पापी मानुस छे।”
LUK 5:9 काहकि ओतरा मासा क धराय जाछे ओको आरू ओका साथी क घोणा भोंगलाय गयो हुयो,
LUK 5:10 आरू वोसो ही जबदी क पोर्‍या याकूब आरू यहुन्ना क भी, जो शमौन क सहभागी हुतो, भोंगलाय गयो हुयो। तव ईशु शमौन छे कयो, “मत घाबराय हिमी छे तु मानुस क यहोवा भगवान राज्यमा लावनेवावा बनावीस।”
LUK 5:11 आरू वो ढोंड्या क धोड़े पर लगाड़ देदा तेतार चा सब काय छुड़ीन ईशु पछव होय लेदा।
LUK 5:12 जव चु काही नगर मा हुता, ते वा कुड़ावा छे भरा हुयो एक मानुस आश; आरू वा ईशु क देखीन मुय क बल पोड्य आरू रावन्या करी, “हे पोरबु, यदि तु जुवे ते मखे वारू कर सकतो छे।”
LUK 5:13 ईशु हात ओगव उको दरिया आरू कयो, “हाव जुवता छे, तु वारू होय जाय।” आरू ओको हाथ लागाड़ीन कुड़ावो क तत्काल जातो रया।
LUK 5:14 तव ईशु उको चिताया, “कुदाक काय छे नी कयनो, पुन क आपने आप क पुजारा देख्या, आरू आपने वारू हुयने क विषय मा जो काय मूसाने चढ़ावलो ठेराया छे ओको चढ़ा कि उन पर गवा होय।”
LUK 5:15 पुन ओकी चर्चा आरू भी फैलती गयी, आरू गर्दी करी गर्दी ओकी सोमवने क करता आरू आपसी बीमारी छे वारू हुयने क करता एखठी होयी।
LUK 5:16 पुन वो जंगल मा अलग जाईन प्रार्थना कर्‍या करता हुता।
LUK 5:17 एक दाहड़ो ओसो हुयो कि ईशु शिक्षा देय रया हुता, आरू फरीसि आरू व्यवस्थापक वाँ बठ्या हुया हुता जो गलील आरू यहूदिया क हर गाँव छे आरू यरूशलेम छे आश हुता, आरू वारू करने क करता पोरबु की शक्ति ईशु क साथे होती।
LUK 5:18 उना टेहाव कर्‍या मानसे एक मानुस क जो लखवा सी बीमार हुतो, खाटलो पर लाया, आरू वो उको माहीय लेय जाने आरू ईशु क सामने राखने क उपाय हेर हुता।
LUK 5:19 पर जव गर्दी क कारण उको माहीय नी लेय जा सक्या तो त्या छत पर चढ़ीन आरू खपरैल हटाकर, उको खाट्लो सहावत वीच मा ईशु क सामने उतार दिया।
LUK 5:20 जो लीन आश त्यो ओको विश्वास देखीन ओका सी कयो, “हे मानुस, तारे पाप माफ होयी।”
LUK 5:21 तव शास्त्री आरू फरीसि विवाद करने लाग्या, “यो कुन छे जो यहोवा–भगवान की निन्दा करता छे? यहोवा–भगवान क छुड़ीन आरू कुन पाप क माफ कर सकता छे!”
LUK 5:22 ईशु ओको मन की वात जानीन, उनछे कयो, “तुमू आपसा मन मा काय विवाद कर रयो होय?
LUK 5:23 सहज काय छे? काय यो कयनो कि तारे पाप माफ हुय, या यो कयनो कि उठ आरू चाल पछु?
LUK 5:24 पुन एरकरीन कि तुमू जानो कि, मानुस क भी पोर्‍या क धरती पर पाप माफ करने क भी हक छे।” त्यो उना लखवा क बीमार छे वारू कयो, “हाव तुखे छे कयता छे, उठ आरू आपनो खाट्लो हुचली आपने घर चाली जा।”
LUK 5:25 वो तत्काल ओको सामने उठीन, आरू जिना पर वो पड़्यो हुता उको उठाड़ीन, यहोवा–भगवान की बढ़ाई करता हुयो आपने घर चाल गया।
LUK 5:26 तव सब बीह गया आरू यहोवा–भगवान की बढ़ाई करने लागी आरू घोणा घाबराय कयनो लाग्या, “आज हामु कोसली वात देखी छे!”
LUK 5:27 ओका बाद ईशु बाहरता गया आरू लेवी नावन एक फाळो लेनेवाळा क फाळान चौकी पर बठ्या देख्या, आरू ओका सी कयो, “मारे पछव होय लेय।”
LUK 5:28 तव लेवी सब काय छुड़ीन उठ्या, आरू ओका पछव होय गया।
LUK 5:29 तव लेवी ओका घर मा ओका करता एक मोट भोजन दिया; आरू फाळो लेनेवाळा की आरू दिसरा मानसे की ओका साथे रूटा खाने बठ्या हुता, एक मोटी गर्दी होती।
LUK 5:30 इनीये पर फरीसि आरू ओको शास्त्री उना क चेला छे यो कयीन कुरकुर करने लाग्या, “तुमू फाळो लेनेवाळा आरू पापी क साथे काय खाता पीता होय?”
LUK 5:31 ईशु उनको जवाब दिया, “वैद्य भले वारू क करता नी, पुन बीमार क करता छाची छे।
LUK 5:32 हाव न्यायी क नी, पुन पापी क मन फिरावने क करता बुलावने आश छे।”
LUK 5:33 त्या ओका सी कयो, “बपतिस्मा देनेवावो यहुन्ना क चेला तो बराबर उपवास राखता आरू प्रार्थना कर्‍या करता छे, आरू वोसो ही फरीसि क चेला भी, पुन तारा चेला तो खाता पीता छे।”
LUK 5:34 ईशु उनछे कयो, “काय तुमू वरात्यान छे, जव तक लाड़ो ओको साथे रये, उपवास कराय सकते होय?
LUK 5:35 पुन वो दाहड़ो आवसे जिनमा लाड़ो उनछे अलग कर्‍या जाछे, तव वो उन दाहड़ा मा उपवास करसे।”
LUK 5:36 त्यो एक आरू दृष्टान्त भी उनछे कयो: “काही मानुस नोवला लुगड़ा मा छे फाड़ीन मसको छिंदरा मा पैवन्द नी लागता नी तो नवलो फाटी जाछे आरू वो पैवन्द मशका मा मेलमिलाप भी नी खासे।
LUK 5:37 आरू काही नवलो अंगुरन रस मसको भरीन राखे नी वोसो मसको फाड़ीन रस वहय जा छे, आरू मसको भी फाट होय जाछे।
LUK 5:38 पुन नवलो अंगुरन रस नयी मसको मा भरन जुवे।
LUK 5:39 काही मानुस जुनला अंगुरन रस पीन नोवला नी जुवता काहकि वो कयता छे, कि जुनला क वारला छे।”
LUK 6:1 पछु आरामना दाहडो क वो खेत मा छे हईन जाय रया हुतो, आरू ओका चेला उम्बीया तुड़ीन आरू हात छे मलीन खाता जाय रया हुता।
LUK 6:2 तव फरीसिया मा छे काय कयनो लाग्या, “तुमू वो काम काय करता होय जो आरामना दाहड़े क करने वारू नी?”
LUK 6:3 ईशु ओका जवाब देदा, “काय तुमूने यो नी भोन्ने कि दाऊदने, जव वो आरू ओको साथी भुखला हुता तो काय कर्‍या?
LUK 6:4 वो कोसो यहोवा–भगवान क घर मा गया, आरू भेंट करी रोटा लीन खाय जिनाक खाने पुजारा क छुड़ीन आरू काही क वारू नी, आरू आपसा साथी क भी देदी”
LUK 6:5 आरू त्यो कयो, “मानुस क पोर्‍या आरामना दाहडो क दाहड़ा क भी पोरबु छे।”
LUK 6:6 ओसो हुयो कि काही आरू आराम नो दाहडो क ईशु आराधना घर मा जाईन शिक्षा करने लाग्या; आरू वाँ एक मानुस हुतो जेरो डासच्य हात सुखलो हुता।
LUK 6:7 शास्त्री आरू फरीसि उना पर दोष लागाड़ ने क मेखे देखने की ताक मा हुता़ कि देखछे वो आराम क दाहडो क वारू करता छे कि नी।
LUK 6:8 पुन वो ओको विचार जानता हुता; एरकरीन त्यो सुखलो हातवावा मानुस छे कयो, “उठ वीच मा उबो होय।” वो उठ्यो उबो हुयो।
LUK 6:9 ईशु ने ओको कयो, “हाव तुमूक यो पूछतु छे कि आपसो नियमन क नुसार आरामन दाहाड़ा क काय वारू छे, भलो करने या बुर करने; जीव क वाचाड़ने या नाश करने?”
LUK 6:10 तव त्यो चार आरू उन सभो क देखीन उना मानुस छे कयो, “आपसा हात सुधो कर।” त्यो ओसो ही कर्‍या, आरू ओको हात पछु वारू होय गया।
LUK 6:11 पुन वो तुमू छे बाहरता हईन आपस मा विवाद करने लाग्या कि, “हामु ईशु क साथे काय कर्‍या?”
LUK 6:12 उन दाहड़ा मा ईशु बयड़ा पर प्रार्थना करने गया, आरू यहोवा–भगवान छे प्रार्थना करने मा सारी रात विती।
LUK 6:13 जव दाहड़ो हुयो तो त्यो आपसा चेला क बुलावीन उनमा छे बारा निवाड़ लेदा, आरू उनको प्रेरितन कयो;
LUK 6:14 आरू वो छे: शमौन जेरो नाव त्यो पतरस भी राख्या, आरू ओको भाईस, आरू याकूब, आरू यहुन्ना, आरू फिलिप्पुस, आरू बरतुल्मै, अन्द्रियास
LUK 6:15 आरू मत्ती, आरू थोमा, आरू हलफई क पोर्‍या याकूब, आरू शमौन जो जेलोतेस कवाये छे,
LUK 6:16 आरू याकूब क पोर्‍य यहूदा, आरू यहूदा इस्करियोती जो ओको धरावनेवावा बन्य।
LUK 6:17 तव ईशु ओको साथे उतरीन चौरस धरती मा उबा हुया, आरू ओका चेलान मोटी गर्दी आरू सब यहूदि या, यरूशलेम, आरू सोर आरू सीदोन क दरिया क धोड़े छे घोणा मानछे आया,
LUK 6:18 जो ओका सोमवने आरू आपसी बीमारी छे वारू हुयने क करता ओको साथे आश हुता, वाँ हुता। आरू साहळा क सताया हुया मानसे भी वारला कर्‍या जाता हुता।
LUK 6:19 सब ओको हात लागाड़ ने जुवता हुता, काहकि उको छे शक्ति निकावीन सब क वारू करती होती।
LUK 6:20 तव त्यो आपसा चेला की आरू देखीन कयो, “धन्य होय तुमू जो गरीब होय, काहकि यहोवा–भगवान क राज्य तुमरो छे।”
LUK 6:21 “धन्य होय तुमू जो हिमी भुखलो होय, काहकि तुप्त कर्‍या जाछे।” “धन्य होय तुमू जो हिमी रड़ता होय; काहकि त्या हास से।”
LUK 6:22 धन्य होय तुमू जव मानुस क पोर्‍या क कारण मानसे तुमू छे बैर करसे, आरू तुमूक निकाव देसे आरू तुमरी निंदा करसे आरू तुमरो नाव बुरो जानीन काट देसे।
LUK 6:23 “उना दाहड़े खुश हईन उछलनो, काहकि देखु, तुमरे करता सोरग मा मोटा हर फोव छे; ओको बास दादाने भविष्यवक्ता क साथे भी वोसो ही कर्‍या करता हुता।”
LUK 6:24 “पुन हाय तुमू पर जो धनवान होय, काहकि तुमू पर आपसी शांती देख त्योक्या।”
LUK 6:25 “हाय तुमू पर जो हिमी तुप्त होय! काहकि भुखला होयछे।” “हाय तुमू पर जो हिमी हासता होय, काहकि शोक करसे आरू रयछे।
LUK 6:26 “हाय तुमू पर सब मानसे तुमू भलो कयो, काहकि ओको बास दादा झुठा भविष्यवक्ता क साथे भी ओसो ही कर्‍या करता हुता।
LUK 6:27 “पुन हाव तुमू सोमवनेवावा छे कयता छे कि आपसा दुस्मन छे मोंग राख्या; जो तुमू छे बैर कर्‍या, ओको भलो कर्‍या।
LUK 6:28 जो तुमू स्राप देय, उनको बरकत दुय; जो तुमरो विजुत कर्‍या, ओको करता प्रार्थना कर्‍या।
LUK 6:29 जो तारे एक गाल पर थप्पड मारे ओकी आरू दिसरा भी फेर देय; आरू जो तारी दोयर लेय, ओको सुटर लेने छे भी नी रूकाया।
LUK 6:30 जो काही तुखे छे मांगछे, ओको देया कर; जो तारी समान छिन लेय, ओका सी पछु नी मांगछे।
LUK 6:31 ओसो तुमू जुवता होय कि मानसे तुमरे साथे जोसा व्यवहार कर्‍या, तुमू भी ओको साथे वोसो ही व्यवहार कर्‍या काहकि शास्त्र मा आरू नबिया क मा यी शिक्षा छे।
LUK 6:32 “यदि तुमू तुमरे साथ मोंग राखनेवावा क साथे मोंग राख्या, तो तुमरी काय बढ़ाई? काहकि पापी भी आपनो मोंग राखनेवावा क साथे मोंग राखता छे।
LUK 6:33 यदि तुमू थार भलो करनेवावा ही क साथे भलो करता होय, तो तुमरी काय बढ़ाई? काहकि पापी भी ओसो ही करता छे।
LUK 6:34 यदि तुमू तीनुक उधार आपे जिनछे पछु देखने कि आश राखता होय, तो तुमरी काय बढ़ाई? काहकि पापी पापीको उधार देता छे कि ओतरा ही पछु देखछे।
LUK 6:35 बाकुन तुमु तुमरा दुस्मन सी भी मोंग राखो आरू भलो करो, आरू पछु देखने कि आश नी राखीन उधार दुय; आरू तुमरे करता मोठ फव होयछे, आरू तुमू परमप्रधान क अवलियाद ठरछे, काहकि वो उन पर जो धन्यवाद नी करता आरू बुरो पर भी दयालु छे।
LUK 6:36 जोसो तुमरा सोरगदूत क बास दयावन्त छे, जोसो ही तुमू भी दयावन्त बनछे।
LUK 6:37 “दोष मा लागाड़ु दिसरा पर ते तुमू पर भी दोष नी कुन लागाड़े। दोषी नी ठरछे, जाछे। माफ करसे, ते तुमू भी माफ कर्‍या जाछे।
LUK 6:38 आप्या करू, आरू यहोवा–भगवान तुमू भी आपु। मानुस पूरा नाप दाबी–दाबीन आरू हालवी–हालवीन आरू जु भरीन तुमरा खुवा मा नाखछे, काहकि जा नाप करीन तुमू नापता होय, तीनी छे तुमरे करता भी नापाय जाछे।”
LUK 6:39 पछु ईशुने उनछे एक दृष्टान्त कयो: “काय आँधवो, आंधवा क देखाड़ सके? काय दुय खाड्डा मा नी पड़ जाय?
LUK 6:40 चेला आपने गुरू छे मटो नी, पुन जो काही सिध्द होयछे, वो आपने गुरू क समान होयछे।”
LUK 6:41 तु थारा भाई क डुवा न तिनको काय देखे, जव थारात् डुळान लकड़ो तुखे नी पतु नी होय?
LUK 6:42 जव तु आपसी ही डुवा क लठ्ठा नी देखता, तो आपने भाईस छे कोसो कय सकता छे भाईस; ठरछे जा तारा डुवा छे तिनके क निकावीन देसे? हे कपटी, पेहले आपसा डुवा छे लठ्ठा निकाव, तव जो तिनका तारो भाईस की डुवा मा छे, ओको भोली भौति देखीन निकाव सकछे।
LUK 6:43 “काही वारलो झाड़को क नी जी निकम्मा फव लाया, आरू नी तो काही निकम्मा झाड़का छे जो वारलो फव लायो।
LUK 6:44 हर एक झाड़का थार फव छे पेहचान जाता छे; काहकि मानसे झाड़का छे अंजीर नी तुडता आरू नी झड़बेरी छे अंगुर।
LUK 6:45 भलो मानुस आपने मन क वारला भण्डार छे भली वात निकावता छे; काहकि जो मन मा भरा छे चो ओका मुय पर आवता छे। आरू बुरा मानुस आपने मन क बुरे भण्डार छे बुरी वात निकावता छे;
LUK 6:46 “जव तुमू मारो कयनो नी मानता तो काय मखे ‘हे पोरबु, हे पोरबु’ कयता होय?
LUK 6:47 जो काही मारे साथे आवता छे आरू मारी वात सोमवीन तीनुक मानता छे, हाव तुमू देखाड़ो कि वो कुनीन समान छे:
LUK 6:48 वो उना मानुस क समान छे, जो घर बनावता टेहाव धरती गहरी खुदीन चठ्ठान पर नींव नाखी, आरू जव बाढ़ आवी तो धारो उना घर पर लागी पुन उको हिला नी सकी; काहकि वो पक्‍का बन्य हुता।
LUK 6:49 पुन जो सोमवीन नी मानता वो उना मानुस क समान छे, जो धरती पर बिना नीव क घर बनाड़े, जव उना पर धारा लागी तो वो तत्काल पड़्यो आरू आयड़ी ओको सच्चाई नाश होय गयो।”
LUK 7:1 जव ईशु मानसक यो सब वात कय त्योक्य तो कफरनहूम नगर मा आश।
LUK 7:2 वाँ काही रोमन सरदार क एक दास जो ओको मोंगावु हुता, बीमारी छे मरना पर हुता,
LUK 7:3 त्यो ईशु क चर्चा सोमवीन यहूदियो क काहय डाहडा ओका सी यी विनती करने क ओका साथे मुकल्या कि, आवीन मारे दास क वारू करे, आरू उका जीवन वाचाड़्यु।
LUK 7:4 वो ईशु क आश, आरू ओका सी मोटी रावन्या करीन लाग्या, “वो इनीये योग्य छे कि तु ओको करता यो कर्‍या,
LUK 7:5 काहकि वो हामरी मानसे छे मोंग राखता छे, आरू तीनी ने हामरे आराधना घर क बनाड़े छे।”
LUK 7:6 ईशु ओको साथे गया, पर जव वो घर छे दूर नी हुता, तो सरदार ने ओको कर्‍या दोस्तो क द्वारा कय मुकल्या, “हे पोरबु दुःख नी उठ्या, काहकि हाव इनीये लायक नी कि तु मारी छत क तवे आश।
LUK 7:7 इनी कारण हाव ने आपने आप क इनीये लायक भी नी समझ्या कि तारे साथे आवीन, पर ओवाज ही कय देय तो मारो सेवक वारू होय जाछे।
LUK 7:8 हाव भी एक सरदार क नेचलो मानुस छे, आरू सिपायड़ा म्हार हको तळे छे; आरू जव एक सी कहवो ‘जा’ तो वो जाय; आरू दिसरा सी कहवो, ‘आव’ तो आवे; आरू म्हारा दास ‘यो कर’ कहवो तो वो ओको करे।”
LUK 7:9 यो सोमवीन ईशु क भोंगलाय गयो हुयो आरू त्यो मुय फेरकर उना गर्दी छे जो ओको पछव आय रयी होती, कयो, “हाव तुमू छे कयता छे कि हावने इस्राएल मा भी ओसो विश्वास नी देख्या।”
LUK 7:10 आरू मुकल्या हुया मानसे ने घर पुगीन उना दास क वारू देख्या।
LUK 7:11 थुडो दाहड़ा बाद ईशु नाईन नाव क एक नगर क गया। ओका चेला आरू मोटी गर्दी ओको साथे जाय रयी होती।
LUK 7:12 जव वो नगर क फाटक क साथे पुच्या, तो देख्य, मानसे एक मोरलाक क गाड़ ने क बाहरता करता जाय रया हुता; जो आपसी माय क एक खुळिया पोर्‍य हुतो, आरू वो रंडायली होती; आरू नगर क घोणा छे मानसे ओको साथे हुता।
LUK 7:13 उको देख कर पोरबु क तरस आश, आरू ओका सी कयो, “मारड़े।”
LUK 7:14 तव त्यो आवीन सीवड़ा क दरिया, आरू उठाड़नेवावा ठहर गया। तव त्यो कयो, “हे जवान, हाव तुखे छे कयता छे, उठ्या।”
LUK 7:15 तव वो मोरल पोर्‍य उठीन बठ्य, आरू बुलने लाग्या। ईशु उको ओकी माय क साप दिया।
LUK 7:16 इनासे सब पर बीक भराय गय, आरू वो यहोवा–भगवान की बढ़ाई करीन कयनो लाग्या, “हामरे वीच मा एक मोठ भविष्यवक्ता उठ्या छे, आरू यहोवा–भगवान ओका लोगहन पर दया न नजर करसे।”
LUK 7:17 आरू ओको विषय मा यो वात सब यहूदिया आरू आस क सब देश मा पछु गयी।
LUK 7:18 यहुन्ना क ओका चेला ने इन सब वात क खबर देदा।
LUK 7:19 तव यहुन्नो आपसा चेला मा छे दुय क बुलावीन पोरबु क साथे यो पूछने क करता मुकल्या, “काय आवनेवाळा तु ही छे, या हामु काय आरू वाट देख्या?”
LUK 7:20 त्या ओको साथे आवीन कयो, “यहुन्ना बपतिस्मा देनेवावा ने हामु तारे साथे यो पूछने क मुकल्या छे कि, काय आवनेवाळा तु ही छे, या हामु काही दिसरान वाट देख्या?”
LUK 7:21 तीनी घड़ी त्यो घोणा क बीमार आरू पीड़ा आरू विटळ आत्मा छे छुड़ाया; आरू घोणा छे आंधवा क डुवा दियो;
LUK 7:22 आरू त्यो मुकल्या हुया क कयो, “जो काय तुमू ने देख्या आरू सोमव्या छे जाईन यहुन्ना छे कय दुय: कि आंधवा देखतो छे, लेंगड़ा चालता पुगता छे, कुड़ावा वारू कर्‍या जाता छे, बेहरा सोमवता छे, मोरला जीवता हुये, आरू गरीब क खुश खबर सोमवाय जाता छे।
LUK 7:23 धन्य छे वो जो मारे विषय मा ठुकर नी खाय।”
LUK 7:24 जव यहुन्ना क मुकल्या हुया लोगहन जात रया ते ईशु यहुन्ना क बारा मा लोगहन सी कयनो लाग्या, “तुमू जंगल मा काय देखने गया हुता? काय वाहवा छे हालतो हुय डाखलिया क?
LUK 7:25 ते पछु तुमू काय देखने गया हुता? काय कमर क छिन्दरा पेहर्‍या हुय मानुस क? देख्या, जो भड़कीला छिंदरा पेहर्‍या आरू सुख विलास छे रयता छे, वो राजभवन मा रयता छे।
LUK 7:26 तो पछु काय देकने गया हुता? काय काही कागळीयान क? हाव, हाव तुमू छे कयता छे, वरना कागळीयान छे भी डाहला क।
LUK 7:27 यो त्योत् छे, जिनान बाराम शास्त्र मा लिखलो छे: ‘यहोवा–भगवान बोल्यो, हाव म्हार दूत क थारे ओगळ–ओगळ मोकलीस, जो थारे ओगळ वाट क सुधार से।’
LUK 7:28 हाव तुमू छे कयता छे कि, बायर छे जनमछे, उनमा छे यहुन्ना बपतिस्मा देनेवाला छे मोट काही नी: पर जो यहोवा–भगवान क राज्य मा नाना छे नाना छे, वो ओका सी भी मोठ छे।”
LUK 7:29 आरू सब साधारण मानसे ने सोमवीन आरू फाळो लेनेवाळा ने भी यहुन्ना क बपतिस्मा लीन यहोवा–भगवान क मार्ग सच्चा मान लेदा।
LUK 7:30 पुन फरीसि आरू व्यवस्थापक ने यहुन्ना छे बपतिस्मा नी लीन यहोवा–भगवान क मेहनत क आपने विषय मा टाल दिया।
LUK 7:31 ईशु बुलतो रयो, “शेवली कावा हाव इनीये युग क मानसे की बराबरी कुनी सी दम कि वो कुनीन समान छे?
LUK 7:32 वो उन पोर्‍या क समान छे जो बजार मा बठ्या हुय एक दिसरा छे आयड़ीन कयता छे, ‘हामु ने तुमरे करता पाव्वी वाजाड़ी, आरू तुमू नी नाचे; हामु विलाप क गीत गाया, आरू तुमू नी रोय’
LUK 7:33 काहकि यहुन्ना बपतिस्मा देनेवावा नी रोटा खाता आश, पितो नी माय, आरू तुमू कयता होय, ‘उका मा साहळा छे।’
LUK 7:34 मानुस क पोर्‍य खातो पीतो आयो छे, आरू तुम कयता होय, ‘देखु पेटू आरू साकट्य छे आरू तुमू फाळो लेनेवाळा क आरू पापी क दोस्त।’
LUK 7:35 पर यहोवा–भगवान क ज्ञान स्विकारता छे वो यो देखाडता छे वो ज्ञान सच छे।”
LUK 7:36 पछु एक फरीसि ने ओका सी विनती करी कि वो ओका साथे शेवली कावा वो उना फरीसि क घर मा जाईन रोटा खाने बठ्या।
LUK 7:37 उना नगर की एक पापी बायर यो जानीन कि वो फरीसि क घर मा रोटा खाने बठ्या छे, एक बायर संगमरमर क वाटको मा इत्र लावी,
LUK 7:38 आरू ओका पाय क साथे, पछव उभी हईन, रडती होयी ओका पाय क आसू भिगाड़ी आरू आपसा मुनकान झटा छे नुछने लागी, आरू ओका पाय चूमकर उन पर इत्र लागाड़ी।
LUK 7:39 “यो देखीन वो फरीसि जो ओको बुलाया हुता, आपसा मन मा सुचने लाग्या, यदि यो भविष्यवक्ता हुता तो जान जाता कि यो जो ओको दरिया रयी छे वो कुन आरू कोसी बायर छे काहकि वो तो पापी छे।”
LUK 7:40 ईशु ओको जवाब मा कयो, “हे शमौन, मखे तुखे छे काय कयनो छे।” वो बुल, शमौन कयो “ए गुरू काय।”
LUK 7:41 ईशु कयो, “काही महाजन क दुय देनदार हुता, एक पाच सौ आरू दीसर पचास दीनार क देनदार हुता।
LUK 7:42 जव ओको साथे पछो आपने क कायनी रया, तो त्यो दुय क माफ कर दिया। एरकरीन ओका छे कुन ओका सी सवटो मोंग राखछे?”
LUK 7:43 शमौन ने जवाब दिया, “मारी समझ्या मा वो जेरो त्यो सवटो छुड़ दिया।” ईशु ओका सी कयो, “तु सय कयो।”
LUK 7:44 आरू उना बायर की आरू पुगीन त्यो शमौन छे कयो, “काय तु इनीये बायर क देखता छे? हाव तारे घर मा आश पुन तुने मारा पाय धुवने क करता पानी नी देदा, पर यो मारे पाय आसू छे भिजवने आरू आपने झटा छे नुछया।
LUK 7:45 तुने मखे स्वागत चूमा नी दिया, पर जव छे हाव आश छे तव छे यो मारा पाय क चूमना नी छुड़िया।
LUK 7:46 तुने मारा मुनका पर तेल नी लागाड़या, पर यो मारे पाय पर इत्र लागाड़या छे।
LUK 7:47 एरकरीन हाव तुखे छे कयता छे कि ओका पाप जो घोणा हुता, माफ हुय, काहकि यो घोणा मोंग कर्‍या; पर जेरो थुड़ा माफ छे, वो थुड़ा मोंग करता छे।”
LUK 7:48 आरू त्यो बायर छे कयो, “तारे पाप माफ हुय।”
LUK 7:49 तव जो मानसे ओका साथे रोटा खाने बठ्या हुता, वो आपने मन मा सुचने लाग्या, “यो कुन छे जो पाप क भी माफ करता छे?”
LUK 7:50 पर बायर छे कयो, “तारे विश्वास ने तुखे वाचड़ लेदा छेन कुशल छे चाली जा।”
LUK 8:1 ओका बाद ईशु नगर आरू गाव खबर करता हुया, आरू यहोवा–भगवान क राज्य क खुश खबर सोमवता हुया पुगनेन लाग्या, आरू वो बारा ओको साथे हुता,
LUK 8:2 आरू काही बायर भी होती जो विटळ आत्मा निकावी होती, आरू बीमारी छे छुड़ाय गयी होती आरू वो यो छे; मरियम जो मगदलीनी कवायती होती, जीनमा छे सात दुष्टत्मा नीकावती होती।
LUK 8:3 आरू हेरोदेस क भण्डारी खुजा की बायर यहुन्ना, आरू सूसन्नाह, आरू घोणा सी दिसरा बायर। यो आपसी सम्पत्ति छे ओकी सेवा करती होती।
LUK 8:4 जव मोटी गर्दी एखटी होयी आरू नगर क मानसे ओको साथे चाली आवता हुता, तो त्यो सपना मा कयो:
LUK 8:5 “एक वेरनेवावा बीज वेरने निकव्य। वेरता हुयो काही मार्ग क धोड़े पड़्यो, आरू रौंदा गया, आरू वादळा क चिल्ला ने खाय गया।
LUK 8:6 काही चठ्ठा पर पड़्या, आरू उगियो, पुन तारी नी मिवने छे सूख गया।
LUK 8:7 काही बिज काटाक क वीच मा पड़्या, आरू झाड़का ने साथे बढ़ीन ओको दाब दिया।
LUK 8:8 काही वारली धरती पर पड़्या, आरू उगीन सौ गुणा फव लाया।” यो कयीन त्यो उचा ओवाज छे कयो, “ओका सोमवने क कान्टा होय वो सोमवने लेय।”
LUK 8:9 ईशु क चेला ने ओका सी पुछ्या कि इनीये उदाहरण क मतलब काय छे?
LUK 8:10 त्यो कयो, “तुमूब क यहोवा–भगवान क राज्य क भेदो की समझ देदी गयी छे, पर दिसरा क दृष्टान्त मा सोमवाया जाता छे, एरकरीन वो देखता हुया भी नी देख्या, आरू सोमवता हुया भी नी समझ्या।”
LUK 8:11 “दृष्टान्त क मतलब यो छे: बीज यहोवा–भगवान क वचन छे।”
LUK 8:12 मार्ग क धोड़े क वो छे, जिन्होने; सोमव्या तव शैतान आवीन ओको मन मा छे वचन उठ्या लेय जाता छे कि कयी ओसो नी होय कि वो विश्वास करीन उध्दार देख्या।
LUK 8:13 दगड़ा पर पड़लं बीज क चा मानसे छे जव सोमवता छे, तो खुशी छे वचन क मान्य तो करता छे, पुन मुव नी दरिया छे वो थुड़ी देर तक विश्वास राखता छे आरू परीक्षा क टेहाव भड़की जाता छे।
LUK 8:14 जो झाड़का मा पड़्या, यो वो छे जो सोमवता छे, पर ओगव चालीन चिंता, आरू धन आरू जीवन क सुखविलास मा फंस जाता छे आरू उनको फव नी पाकता।
LUK 8:15 पर वारली धरती मा क वो छे, जो वचन सोमवीन भले आरू वारू मन मा सम्भाले रयता छे, आरू धीरज छे फव लावतो छे।
LUK 8:16 “काही दिया धपाड़्या क कागुन छे नाही ढांकता, आरू नी खाटला क नेचा राखता छे पुन दीवट पर राखता छे कि माहीय आवनेवाळा प्रकाश देख्या।”
LUK 8:17 काही डुका नी जो प्रगट नी होय, आरू नी काही सातायलो छे जो जाने नी जाय आरू प्रगट नी होय।
LUK 8:18 “एरकरीन चोकचौळीया रयो कि तुमू काय रीति छे सोमवता होय? काहकि ओका साथे छे ओको दिया जाछे, आरू ओका साथे नी छे ओका सी वो भी ली लेदा जाछे, जिनाक त्यो ओको समझे।”
LUK 8:19 ईशु कि माय आरू ओका भाईस ओको साथे आश, पर गर्दी क कारण उना भेंट नी कर सक्या।
LUK 8:20 ओका सी कयो गया, “तारी माय आरू तारो भाईस बाहरता उबो हुया तुखे छे मिवने जुवता छे।”
LUK 8:21 ईशु ओका जवाब मा उनछे कयो, “मारी माय आरू मारो भाईस योही छे, जो यहोवा–भगवान क वचन सोमवता आरू मानता छे।”
LUK 8:22 पछु एक दाहड़ो वो आरू ईशु क चेला ढोंड्या पर चढ़िया, आरू त्यो उनछे कयो, “आवु, दरिया क पार चाल्या।” शेवली कावा त्या ढोंड्या उघाड दिया आरू निकवी गया।
LUK 8:23 पर जव ढोंड्या चाल रयी होती, तो ईशु सूय गया: आरू ढोंड्या पर वादुन आयो, आरू ढोंड्या पानी छे भरायने लागी आरू वो जोखिम मा हुता।
LUK 8:24 तव त्या साथे आवीन ओको धरती, आरू कयो, “भगवान! भगवान! हामु नाश हुया जाता छे।” तव त्यो उठीन वादुन क आरू पानी की लहरो क उबराख्य आरू वो रूक गया आरू चैन होय गया।
LUK 8:25 तव त्यो उनछे कयो, “तुमरा विश्वास क छे?” पर वो घाबराय गया आरू घबराय हईन आपस मा कयनो लाग्या, “यो कुन छे जो वादुन आरू पानी क भी हुकुम देता छे, आरू वो ओकी मानता छे?”
LUK 8:26 पछु ईशु आरू ओका चेला गिरासेनियो क देश मा पुच्या, दरिया क उना पार गलील क सामने छे।
LUK 8:27 जव वो धोड़े पर उतरीया तो उना नगर क एक मानुस उको मिव्यो जिनामा साहळा होती। वो घोणा दाहड़ा छे नी लुगड़ा पेहरतो हुतो आरू नी घर मा रयता हुता वरना बीड़ा मा रया करतो हुतो।
LUK 8:28 वो ईशु क देखीन आयड़ीया आरू ओको सामने जिरेत मोटेत ओवाज छे कयो, “हे सयाळा प्रधान यहोवा–भगवान क पोर्‍या ईशु! मखेछे तुखे छे काय काम? हाव तुखे छे रावन्या करता छे, मखे शिक्षा नी देय।”
LUK 8:29 काहकि वो उना साहळा क उना मानुस मा छे निकावने की हुकुम देय रया हुता, एरकरीन कि वो उना पर घड़ी मजबुत होयती होती। यद्यपि मानसे ओको साकव आरू बेड़ी छे बांधता हुता, तौभी वो बांधने क तुडीन नाखता हुता, आरू दूष्टात्मा ओको जंगल मा ढासाडीन फिरती होती।
LUK 8:30 “ईशु ओका सी पुछु थारो काय नाव छे?” त्यो कयो, “सेना” काहकि मानसक घोणा साहळा शैतान उको भराय गया हता।
LUK 8:31 ईशु ओका अनुनय रावन्या करने लाग्यो कि हामु आंधारा कुण्ड मा जानेन हुकुम मा देय।
LUK 8:32 वा बयड़ा पर सुहर्‍या क एक मोटा हाववो चर रयो हुतो, एरकरीन वो ने ओको तीनुक जाने दिया।
LUK 8:33 तव साहळा उना मानुस मा छे निकवीन सुहर्‍या मा गयी आरू त्यो झुण्ड टेकड़ा पर सी पर झापटाय न गलील दरिया मा जाय पड़्या आरू डूबीन मर गयो।
LUK 8:34 चारनेवावा यो जो हुया हुता देखीन ढासा, आरू नगर मा आरू गाँव मा जाईन ओको खबर दिया।
LUK 8:35 मानसे यो जो हुयो हुतो ओको देखने क निकव्या, आरू ईशु क साथे आवीन जिना मानुस छे साहळा निकावी होती, ओको ईशु क पाय क साथे लुगड़ा पेहरने आरू सचेत बठ्या हुया देखीन घाबराय गयो;
LUK 8:36 आरू देखनेवावा ने उन मानसे क कयो कि वो साहळा क सताया हुया मानुस काही प्रकार वारू हुया।
LUK 8:37 तव गिरासेनियो क सब मानसे ने ईशु छे विनती करीन काहकि, हामरे या छे चाली जा, काहकि उन पर घणी बीक भराय गय हुता। अळते वो ढोंड्या पर चढ़ीन पछु गया।
LUK 8:38 जिना मानुस मा छे साहळा निकावी होती वो ओका सी रावन्या करने लाग्या कि मखे आपने साथे रयने देय, पुन ईशु ओको वाट लागाड़ी कयो,
LUK 8:39 “आपने घर क पछो जाय आरू मानसे छे कयो कि यहोवा–भगवान ने तारे करता कोसो मोठ काम कामो छे। वो ने तारे करता कोसो मोठ काम कर्‍या छे।” वो जाईन सब नगर मा खबर करने लाग्या कि ईशु मारे करता कोसो मोठ काम कामो।
LUK 8:40 जव ईशु पछो आयो तो मानसे ओका खुशी क साथे मिव्य, काहकि वो सब ओकी वाट जुय रया हुता।
LUK 8:41 ओतरा मा याईर नाव क एक मानुस जो यहूदि यो आराधना घर क सरदार हुतो, आश आरू ईशु क पाय पर पड़्यो क ओका सी रावन्या करने लाग्या कि मारे घर चाल,
LUK 8:42 काहकि ओको बारा साल की एकुत पोराय होती, आरू वो मरना पर पड़ जी ही तव ईशु जाय रयो हुतो तव मानसे ओको पर गिर पड़ता हुता।
LUK 8:43 एक बायर ने जिना क बारा साल छे लुहूय यो बहनीन क बीमार हुतो, आरू जो आपसी सारी जीविका वैद्यो क पछव व्यय कर त्योकी होती, तवभी काही क छे हात फावो नी होय सकी होती,
LUK 8:44 पछव छे आवीन ओका छिंदरा क छेवड़ा क हाथ लागाड़ताज, आरू तत्काल ओका लुहूय यो उहवनो बंद होय गया।
LUK 8:45 इनीये पर ईशु कयो, “मखे कुन धर्‍य?” जव सब मुकरने लाग्या, ते पतरस क कयो, “हे गुरू, तुखे ते गर्दी दाबाय रयी छे आरू तुखे पर पड़ पड़ती छे।”
LUK 8:46 पुन ईशु कयो, “कोय मखे छिमियो, काहकि हाव ने जान लेदो छे कि मखे मा छे शक्ति निकावी छे।”
LUK 8:47 जव पोराय देखी कि ची डुकाय नी सकती, तव कापती होयी आवी आरू ओका पाय पड़ीन सब मानसे क सामने देखाड्या कि त्यो काही कारण छे ओको दरिया, आरू कोसो तत्काल वारू होय गयी।
LUK 8:48 त्यो ओका सी कयो, “पोराय, थारो विश्वास ने तुखे वारू कर्‍या छे, शांती छे जात रय।”
LUK 8:49 वो यो कय रया हुता कि कोय यहूदि यो आराधना घर क सरदार क या से एक मानुस आवीन कयो, “तारी पोराय मर गयी: गुरू क दुःख नी देता।”
LUK 8:50 ईशु यो सोमवीन ईशु क जवाब देदो, “नी घाबराय मा। केवल विश्वास राख, ते वो वारू होय जाछे।”
LUK 8:51 घर मा आवीन त्यो पतरस, यहुन्ना याकूब, आरू पोराय क आय बास क छुड़ीन दिसरा काही क आपने साथे माहीय आवने नी दिया।
LUK 8:52 सब ओका करता रड़ पीट रया हुता, पुन ईशु कयो, “रडु मा पोराय मरी नी पुन सुय रयी छे।”
LUK 8:53 वो यो जानीन कि मर गयी छे ओकी हासी करने लाग्या।
LUK 8:54 पुन त्यो ओको हात दरिया, आरू आयड़ने कयो, “हे पोराय उठ।”
LUK 8:55 तव ओको जीव पछु वापस आयो आरू पोराय तत्काल उठी बठी। पछु ईशु हुकुम देदी कि ओको काय खाने क काय आपसु।
LUK 8:56 ओका माय बास चकित हुया, पुन त्यो तीनुक चिताया कि यो जो हयो छे काही छे नी कयनो।
LUK 9:1 पछु ईशु बारा चेला क बुलावीन तीनुक सब साहळा आरू बीमारी क दूर करने की शक्ति आरू हक दिया,
LUK 9:2 आरू त्यो तीनुक यहोवा–भगवान क राज्य क खबर करने आरू बीमार क वारलो करने क करता मुकल्या।
LUK 9:3 ईशु ओका कयो, “मार्ग क करता काही नी ते लाकड़ी, नी झुली, नी रोटा, नी पोशा आरू नी दुय सुटर।
LUK 9:4 जा काही घर मा तुमू उतरीया, चो रवु, आरू चा रयन वाट लागाड़ देदा।
LUK 9:5 जो काही तुमू मान्य नी करे, उना नगर छे निकवता हुया आपने पाय की धुवो बाहरी नाख्या कि उन पर गवा होय।”
LUK 9:6 अळते वो निकावीन गाँव खुश खबर सोमवाता, आरू हर कयी मानसे क वारू करता हुया पुगता छे।
LUK 9:7 देश क चौथाई क राजा हेरोदेस यो सब सोनवीन घाबराय गयो, काहकि काही ने कयो कि बपतिस्मा करनेवावा यहुन्ना मरलो हुया मा जीव उठ्यो छे,
LUK 9:8 आरू काही ने यो कि एलियाह देखाय दिदो छे, आरू दिसरा ने यो कि जुनलो भविष्यवक्ता मा छे काही जीव उठ्यो छे।
LUK 9:9 पुन हेरोदेस ने कयो, “यहुन्ना क तो हाव ने मुनको कटाड़ीयो, हिमी यो कुन छे ओका विषय मा ओसी वात सोमवता छे?” आरू त्यो ओको देखने की मरजी करी।
LUK 9:10 पछु प्रेरितन पुगीन जो काही त्या कर्‍या हुता, ओको देखाड़ दिया; आरू वो तीनुक अलग करीन बैतसैदा ढोंड्या नगर क ली गया।
LUK 9:11 यो जानीन गर्दी ओको पछव होय गयी, आरू वो खुशी क साथे उनछे मिव्य, आरू उनछे यहोवा–भगवान क राज्य की वात करने लाग्या, आरू जो वारू हुयने जुवता हुता तीनुक वारू कर्‍या।
LUK 9:12 जव दाहडु ढवने लाग्या तो ईशुन बारा चेला ने आवीन ओका सी कयो, “गर्दी क वाट लागाड़ीन चार तरफ गाँव आरू वस्तीमा मा जाईन टिके आरू खानो क उपाय करे, काहकि हामु या सुनसान जागामा छे।”
LUK 9:13 त्यो उनछे कयो, “तुमू ही तीनुक खाने क आपो।” त्या कयो, “हामरे साथे पाच रूटा आरू दुय मासा क छुड़ीन आरू काही नी; पुन हाव यदि हामु जाईन इन सब मानसे क करता खानो मुवे लेदा, तो होय सकता छे।” वो मानसे तो पाच हजार मानसे लग–भग हुता।
LUK 9:14 “काहकि वा सारी पाच हजार लोगहन हुता” आरू त्यो आपसा चेला सी कयो, उन लोगहन क बठाड़ देयो।
LUK 9:15 त्या ओसो ही कर्‍या, आरू सब क बठाड़ दिया।
LUK 9:16 तव त्यो वो पाच रूटा आरू मासा लावी, आरू सोरगदूत की आरू देखीन यहोवा–भगवान क धन्यवाद कर्‍या, आरू तुड़ी तुड़ीन चेला क देता गया कि मानसे क पुरछे।
LUK 9:17 तव सब खाईन तुप्त हुया, आरू चेला ने वाच्या हुया तुकड़ा छे बारा खिल्ला भरीन हाकलिया।
LUK 9:18 जव वो एखला मा प्रार्थना कर रया हुता आरू चेला ओको साथे हुता, तो त्यो उनछे पुछ्या, “मानसे मखे काय कयता छे?”
LUK 9:19 त्या जवाब दिया, “यहुन्ना बपतिस्मा देनेवावा, आरू काही एलियाह, आरू काही यो कि जुनला भविष्यवक्ता मा छे काही जीवीन उठ्या छे।”
LUK 9:20 त्यो उनछे पुछ्या, “पुन तुमू मखे काय कयता होय?” पतरस ने उनछे जवाब दिया, “यहोवा–भगवान ने मुकलनेवावा मसीह छे।”
LUK 9:21 तव त्यो तीनुक आयड़ीन कयो कि यो काही छे नी कयनो।
LUK 9:22 पछु ईशु कयो, “मानुस क पोर्‍या क करता पाको छे कि वो घोणा दुःख झेलीया, आरू डाहडा आरू मुखी पुजारा आरू शास्त्री ओको तुच्छ समझीन मार नाखने, आरू वो तीसरो दाहड़े जीव उठ्यो।”
LUK 9:23 त्यो सब छे कयो, “यदि काही मारे पछव आवने जुवे, तो आपने आप छे मना करे आरू हर दाहाड़े आपसो कुरूस हाकलिया हुया मारे पछव होय लेदा।
LUK 9:24 काहकि जो काही आपसा जीव क वाचाड़से वो ओको खुवसे, पुन जो काय म्हारेन करता आपसा जीव क खुवसे त्योत् उको वाचाड़छे।
LUK 9:25 यदि मानुस सब जग क हासिल कामो आरू आपसा जीव खुय देय या ओकी हानि उठाय, तो ओको काय लाभ होयछे?
LUK 9:26 जो काही मखे छे आरू मारी वात छे लाजवायछे, मानुस क पोर्‍य भी, जव आपसी आरू आपसा बास की आरू चुखलो सोरगदूतो क महिमा साथे आवसे, तो ओका सी लाजवायछे।
LUK 9:27 हाव तुमूछे सच कयता छे, कि जो याहा उबा छे, उनमा छे काही ओसा छे कि जव तक यहोवा–भगवान क राज्य नी देख लेय, तव तक मरना क हवाद चुखछे।”
LUK 9:28 इन वात क काही आगठा दाहड़ा बाद वो पतरस, यहुन्ना आरू याकूब क साथे लीन प्रार्थना करने क करता बयड़ा पर गया।
LUK 9:29 जव ईशु प्रार्थना कर ही रया हुता, तो ओका चेहरा क रूप बदलाय गयो, आरू ओका छिन्दरा श्वेत हईन चमकने लाग्या।
LUK 9:30 आरू उचकाळुन मूसा आरू एलियाह, यो दुय मानसे ओको साथे वात कर रया हुता।
LUK 9:31 यो महिमा साथे देखाय दिया आरू ईशु क मरना की चर्चा कर रया हुता, जो यरूशलेम मा हुयने वालो हुता।
LUK 9:32 पतरस आरू ओका साथी नीद छे भर्‍या हुता, आरू जव वारली तरह सचेत हुया, तो ओकी महिमा आरू उन दुय मानसे क, जो ओको साथे उबा हुता, देख्या।
LUK 9:33 जव वो ओको साथे छे जाने लाग्या, तो पतरस ने ईशु छे कयो, “हे भगवान, हामरा याहा रयने खुशी छे: शेवली कावा हामु तीन मण्डप बनावसु, एक तारे करता, एक मूसा क करता, आरू एक एलियाह क करता।” वो जानता नी हुता कि काय कय रया छे।
LUK 9:34 वो यो कय ही रया हुता कि एक वादवो ने आवीन तीनुक छा लेदो, आरू जव वो ओको वादवा छे घिरने लाग्या तो घाबराय गया।
LUK 9:35 तव उना वादवो मा छे यो ओवाज निकव्य, “यो मारो पोर्‍य आरू मारो निवाड़या हुयो छे, ओकी सोमवु।”
LUK 9:36 यो ओवाज होत ही ईशु ऐखलो देखाय गयो; आरू वो चुप रयो, आरू जो काय देखाय हुतो ओकी काही वात उन दाहड़ा मा काही छे नी कयी।
LUK 9:37 दिसरे दाहड़े जव ईशु आरू तीन चेला बयड़ा छे उतरियो तो एक मोटी गर्दी ओको छे आय मिवी।
LUK 9:38 आरू देखो, गर्दी मा छे एक मानुस ने आयडी कयो, “हे पोरबु, हाव तुखे छे रावन्या करता छे कि मारा पोर्‍या पर किरपा कर; काहकि वो मारो एक खुळिया पोर्‍या छे।
LUK 9:39 आरू देख, एक साहळा ओको धरती छे, आरू वो एकदम आयडी उठे; आरू वो ओको ओसो मरोड़ती छे कि वो मुय मा जीभ भर लावता छे; आरू ओको कुचळीन वातड़ी मेहनत छुड़ती छे।
LUK 9:40 हाव ने तारे चेला छे रावन्या करी कि साहळा निकाव, पुन वो नी निकाव सक्या।”
LUK 9:41 ईशु उनको जवाब दिया, “हे विनभुरसीया आरू हठीले मानछे, हाव किही तक तुमरे साथे रवीस आरू तुमरी सकछे? आपने पोर्‍या क याहा ली आय।”
LUK 9:42 वो पोर्‍या आय ही रया हुता कि साहळा ने ओको नाखीन मरोड़ा, पुन ईशु साहळा क लड़िया आरू पोर्‍या क वारू करीन ओका बास क आपी दिया
LUK 9:43 तव सब मानसे यहोवा–भगवान क महाशक्ति छे चकित हुया। पुन जव सब मानसे उन सब काम छे जो वो करता हुता घबराय हुता, तो त्यो आपने चेला छे कयो,
LUK 9:44 “तुमू इन वात पर कान्टा देवु, काहकि मानुस क पोर्‍या मानुस क हातमा सौप दिया जाछे।”
LUK 9:45 पुन वो इन वात क नी जानने यो वात क नी सझता हुता, आरू उनछे डुकाय रयी कि वो ओको जानने नी देख्या; होती; आरू वो वात क विषय मा ईशु छे पुछा छे घाबराय हुता।
LUK 9:46 पछु चेलामा यो विवाद हुयने लाग्यो कि हामु मा छे मोटो कुन छे।
LUK 9:47 पर ईशु ओको मनको विचार जान लेदो, आरू एक पोर्‍या क लीन आपने साथे उबा कर्‍या,
LUK 9:48 आरू चेला छे कयो, “जु कुई मार नाव छे इन पोर्‍या क मान्य करता छे, चु मखे मान्य करतो छे; आरू जु कुई मखे मान्य करता छे, चु मखे मुकलनेवावा क मान्य करतो छे, काहकि जु तुमू मा सब छे नाना छे नाना छे, चु मोटो छे।”
LUK 9:49 तव यहुन्ना ने कयो, “हे भगवान, हामु ने एक माणुस क तारे नाव साहळा क निकावता देख्या, आरू हामु ओको मना कर्‍या, काहकि वो हामरे साथे हईन तारे पछव नी होय लेता।”
LUK 9:50 ईशु ओका सी कयो, “ओको मना मा करू; काहकि जो तुमरे विरोध मा नी, वो तुमरी तरफ छे।”
LUK 9:51 जव ओको ऊपर उठाय जाने क दाहड़ा पूरा हुयने पर हुता, तो त्यो यरूशलेम जाने क विचार दृढ कर्‍या।
LUK 9:52 त्यो आपने ओगव मुकल्या। वो सामरिया क एक गाँव मा गया कि ओका करता धरती तीयार कर्‍या।
LUK 9:53 पुन उन मानसे ने ओको उतरने नी दिया, काहकि वो यरूशलेम जाय रया हुता।
LUK 9:54 यो देखीन ओका चेला याकूब आरू यहुन्ना ने कयो, “हे पोरबु, काय तु जुवता छे कि हामु हुकुम देय, कि आकाश छे आगठो पड़ीन तीनुक भस्म कर देय?”
LUK 9:55 पुन त्यो पुगीन तीनुक लड़िया आरू कयो, “तुमू नी जानता कि तुमू कोसी आत्मा क होय। काहकि मानुस क पोर्‍या मानसे क जीव क नाश करने नी वरना वाचाड़ने क करता आश छे।”
LUK 9:56 आरू ईशु काही दिसरा गाव मा चाली गया।
LUK 9:57 जव वो मार्गमा जाय रया हुता, तो कोय ने ओका सी कयो, “जा तु जाछे, हाव तारे पछव चालीस।”
LUK 9:58 ईशु ने ओका सी कयो, “कुल्या क धर आरू वादळा क चिल्ला क पांजरो हुतो छे, पर माणुस क पोर्‍या क मुनको हावकने भी धरती नी।”
LUK 9:59 त्यो दिसराछे कयो, “मारे पछव होय लेय।” त्यो कयो, “हे पोरबु, मखे पेहले जाने दे कि आपसा बासक गाड़ देसे।”
LUK 9:60 ईशु ओका सी कयो, “मरलो हुयो क आपने मरला गाड़ ने दे, पर तु जाईन यहोवा–भगवान क राज्य कि कथा सोमवाय।”
LUK 9:61 एक आरू ने भी कयो, “हे पोरबु, हाव तारे पछव होय आवीस; पर पेहले मखे जाने दे कि आपने घरको मानसे जानेन आदेश लेवु।”
LUK 9:62 ईशु ओका सी कयो, “कायी आपसा हात हल पर राखीन पछव देखता छे, वो यहोवा–भगवान क राज्य काम करने योग्य नी।”
LUK 10:1 इन वात क बाद पोरबुने तीनवीसु दस दुय आरू माणुस नियुक्त कर्‍या, आरू जीना–जीना नगर आरू धरती क वो आप जाने पर हुता, वाँ तीनुक दुय करीन आपने ओगव मुकल्या।
LUK 10:2 ईशु आपसा चेला क कयो, पक्का खेत घोणा छे, पुन दाहाड़क्या कम छे; अतरानकरीन खेत क भगवान छे विनता कर्‍या कि चु आपने खेत काटने क दाहडक्या मुकल्या छे।
LUK 10:3 जावु; हाव तुमूक गा़डरा क समान लेन्डीया क विचमा मुकल्या छे।
LUK 10:4 अतरानकरीन नी बटवो, नी झुली, नी खासड़ा ले; आरू नी मार्गमा काही क नमस्कार कर्‍या।
LUK 10:5 जा काही घर मा जावु, पेहले कयो, “इनीये घर पर भलो होय।”
LUK 10:6 यदि वाँ घर क मानसे काही भलो क योग्य होयछे, तो तुमरा भलो उना पर ठरछे, नी तो तुमरे साथे पुगीन आवसे।
LUK 10:7 तीना घर मा रयो, आरू जो काय त्यो मिव्य, चो खाऊ, पीऊ, काहकि दाहडक्या क आपसी दाहड़की जोडने जुवे; घर–घर नी पुगनेन।
LUK 10:8 जीस नगरमा जावु आरू वाँ क मानसे तुम्हे हावक्या, तो जो काय तुमरे सामने राख्या जाय चो खाऊ।
LUK 10:9 वाँ क बीमारी क वारू कर्‍या आरू ओका कयो, “यहोवा–भगवान क राज्य तुमरे नाट आय पुग्यो छे।”
LUK 10:10 पुन जीस नगरमा तुम जावु, आरू वाहा क मानसे तुम्हे मान्य नी कर्‍या, तो ओका बजारमा जाईन कयो,
LUK 10:11 तुमरे नगर कि धरती भी, जो हामरे पायमा लागी छे, हामु तुमरे सामने बाहरने देता छे; तोभी यो जान लेय कि यहोवा–भगवान क राज्य तुमरे नाट आय पुच्चो।
LUK 10:12 हाव तुमूछे कयता छे कि उना न्याय क दहाडे उना नगर कि दशा छे सदोम कि दशा सवटो सहने योग्य होयछे।
LUK 10:13 “हाय खुराजीन! हाय बैतसैदा! जो शक्ति क काम तुमूमा कर्‍या गया, यदि वो सोर आरू सीदोन हाव कर्‍या जातो तो गंटो पांगरीन आरू रूखडामा बठीन वो किही क मन फिराय लेये।”
LUK 10:14 पुन न्याय क दाहडो तुमरी दशा छे सोर आरू सीदोन कि दशा सवटो सहने योग्य होयछे।
LUK 10:15 आरू हे कफरनहूम, काय तु सोरग तक उँचा कर्‍या जासे? तु तो नरक तक सुधो नेचो जाछे।
LUK 10:16 ईशुने आपने चेला छे कयो, “जो तुमरी सोमवता छे, वो मारी सोमवता छे; आरू जो तुमूक तुच्छ जानता छे, वो मखे तुच्छ जानता छे; आरू जो मखे तुच्छ जानता छे, वो मारे मुकलनेवावा क तुच्छ जानता छे।”
LUK 10:17 वो तीनवीसु दस दुय खुशी करता हुया पोछा पुगता आरू कयनो लाग्या, “हे पोरबु, तारे नाव छे साहळा हामरे हुकुम मानता छे।”
LUK 10:18 त्यो ओका सी कयो, “हाव शैतान क बिजली क समान सोरग छे पड़्या हुया देख रया हुता।
LUK 10:19 हाव ने तुम्हे घड़सा आरू विसु क उबा रयने क, आरू दुस्मन कि सारी शक्ति पर हक पाने की; आरू काही समान छे तुम्हे काय अन्याय नी होयछे।
LUK 10:20 तोभी इनासे खुश मा होय कि साहळा तुमरे हुकुम मानता छे, पुन इनासे खुश होय कि तुमरे नाव सोरगदूत मा लिख्यो छे।”
LUK 10:21 तीनी घड़ी वो चुखलो आत्मा मा हुयने खुशी छे भर गया, आरू कयो, “हे बास, सोरग आरू धरती क पोरबु, हाव तारे धन्यवाद करता छे कि तु ने इन वात क ज्ञानी आरू समझदार छे डुकाय राख्या, आरू पोर्‍या पर प्रगट कर्‍या। हाव, हे बास, काहकि तुखे यो वारू लाग्यो।”
LUK 10:22 “म्हार बास मेखे सब आप देदलो छे; आरू काही नी जानता कि पोर्‍य कुन छे केवल बास, आरू बास कुन छे यो भी काही नी जानता केवल पोर्‍या क आरू वो जिना पर पोर्‍या ओको प्रगट करनो जुवे।”
LUK 10:23 तव चेला की आरू मुड़कर ऐखलो मा कयो, “धन्य छे वो डुवा, जो यो वात जो तुमू देखता होय देखती छे।
LUK 10:24 काहकि हाव तुमू छे कयता छे कि, घोणा छे भविष्यवक्ता आरू राजा ने जुया कि जो वात तुमू देखता होय देख्या पर नी देखी, आरू जो वात तुमू सोमवता होय सोमव्या पर नी सोमवी।”
LUK 10:25 आरू एक व्यवस्थापक उठ्यो आरू यो कयीन ओकी परीक्षा करने लाग्या, “हे गुरू, अमरकाय जीवन क वारीस हुयने क करता हाव काय करीस?”
LUK 10:26 त्यो ओका सी कयो, “मूसा क व्यवस्था मा काय लिख्या छे? तु कोसो भणता छे?”
LUK 10:27 त्यो उको जवाब देदो, “तु पोरबु आपने यहोवा–भगवान छे आपने सब मन आरू आपने सब जीव आरू आपसी सारी शक्ति आरू आपसी सारी बुध्दी क साथे मोंग राख्यो आरू आपने धडे वावा छे आपने समान मोंग राख्यो।”
LUK 10:28 ईशु ओका सी कयो, “तु ने ठीक जवाब देदो, या कर तो तु जीवतो रवछे।”
LUK 10:29 पुन त्यो आपने आप क न्यायी ठहराने की मरजी छे ईशु छे पुच्छा, “तो मारो धडेवावा कुण छे?”
LUK 10:30 ईशु जवाब दिया, “एक माणुस यरूशलेम छे यरीहो क जाय रया हुता कि डाकु ने घेरकर ओका लुगड़ा उतारीन करता, आरू मारपीट कर उको आदमरतो छुड़ीन चाली गया।”
LUK 10:31 आरू असो हुया कि तीनी मार्ग छे एक पुजारा जाय रया हुता, पुन ओको देख क जाती रयो।
LUK 10:32 इनी रीति छे एक लेवी उना धरती पर आयो, वो भी उको देखीन दिसरे वाट चाली जाय रया हुता।
LUK 10:33 पुन एक सामरि यात्री वाँ आयो आरू उको देखीन तरस खायो।
LUK 10:34 त्यो ओको साथे आवीन ओका घाव पर तेल आरू अंगुर क रस नाखीन पाटू बांधीन, आरू आपसी सवारी पर चढ़ावीन सराय मा ली गया, आरू ओकी सेवा करी।
LUK 10:35 दिसरे दाहडे त्यो दुयी चाँदी क दीनार निकावीन सराय क मालीक क दिया, आरू कयो, “इसकी सेवा करनो, आरू जो काय तारे आरू लागछे, वो हाव पुगीन पर तुके भर देसे।”
LUK 10:36 ईशु ओका सी पुछो, “हिमी तारी समज मा जो डाकु मा घिर गया हुता, इन तीन मा छे ओका धडेवावा कुण ठहराया?”
LUK 10:37 त्यो कयो, “वा जीसने ओको पर दया करी।” ईशु ओका सी कयो, “जा, तु भी ओसो ही कर।”
LUK 10:38 जव ईशु आरू ओका चेला जा रया हुता तो वो एक गाँव मा गया, आरू मार्था नावकी एक बायर ने ओको आपने घर मा बठाडी।
LUK 10:39 मरीयम नाव कि ओकी एक बहिनीस होती। वो पोरबु क चरनो मा बठीन ओका वचन सोमवती होती।
LUK 10:40 पुन मार्था सेवा करती नोराज होती, आरू ओको साथे आवीन कयनो लागी, “हे पोरबु, काय तुखे काय भी चिंता नी कि मारी बहिनीस ने मोखे सेवा करने क करता एखली हिय छुड़ दिया छे? अतरान करीन ओका सी कय कि मारी सहायता कर।”
LUK 10:41 पोरबुने ओको जवाब दिया, “मार्था, हे मार्था; तु घोणा वात क करता चिंता करती आरू दुःखी छे।
LUK 10:42 पुन एक वात नक्‍की छे, आरू ओको वारलो भाग मरियम क निवाड़ लेदो छे; जो ओका सी छिना नी जाछे।”
LUK 11:1 वो काही धरती प्रार्थना कर रया हुता। जव वो प्रार्थना कर त्योक्या, तो ओका चेला मा छे एक ने ओको कयो, “हे पोरबु, जोसो यहुन्ना ने आपने चेला क प्रार्थना करनो सिखाड्या वोसो ही हामु भी तु सिखाड दे।”
LUK 11:2 त्यो उनछे कयो, “जव तुमू प्रार्थना कर्‍या तो कयो:” “हे बास, तारे नाव चुखलो मान्य जाय, तारे राज्य आये।”
LUK 11:3 “हामरा दाहडु भर कि रूटा हर दाहडे हामु आप्या कर्‍या”
LUK 11:4 “आरू हामरे पाप क माफ कर, जोसो हामु भी आपने हर एक गुणेगार क माफ करता छे आरू हामु परीक्षा मा नी लेय।”
LUK 11:5 तव त्यो उनछे कयो, “तुमू मा छे कुन छे कि ओका दोस्त होय, आरू वो आधली रात क ओको साथे जाईन ओको जाईन कये, दोस्त; मखे तीन रोटा दे।”
LUK 11:6 काहकि एक यात्री दोस्त मारे साथे आश छे, आरू ओको ओगव राखने क करता मारे साथे काय नी छे।
LUK 11:7 आरू वो माहीय छे जवाब देय, मखे परेशान नी देय; हिमी तो झोपलो बंद छे आरू मारो पोर्‍या साथे बिछौने पर छे, एरकरीन हाव उठीन तुखे देय नी सकता?
LUK 11:8 हाव तुमू छे कयता छे, यदि ओका दोस्त हुयने पर भी ओको उठीन नी देय, तौभी ओका लज्जा छुड़ीन मांगने क कारण ओको जोतरी छचो होय ओतरी उठीन देसे।
LUK 11:9 आरू हाव तुमूक कयता छे कि, मांगछे, तो तुमूक आपसे; हेरने, वो तो तुमू जुड़से; खटखटा, तो तुमरे करता उगाड़े जाछे।
LUK 11:10 काहकि जो काही मांगता छे, ओको मिवता छे; आरू जो हेरता छे, वो देखता छे; आरू जो खटखटाता छे, ओको करता खुलाय जाछे।
LUK 11:11 तुमू मा छे ओसो कुन बास होयछे, कि जव ओका पोर्‍या रोटा मांगछे तो ओको दगड़ा देय; या मासा मांगछे, तो मासा क बदलने ओको गोड़सु आपसे?
LUK 11:12 या आण्डा मांगे तो ओको विसो आपे?
LUK 11:13 “अळते जव तुमू बुरे हुयने आपने पोर्‍या क वारली समान देने जानता होय, तो सोरगन बास आपने मांगनेवावा क चुखलो आत्मा कोसो नी देसे।”
LUK 11:14 पछु ईशु एक साहळा क निकाव्या जो उना माणुस क मुका करतो हतो। जव साहळा निकाव गयी ते मुका माणुस बुलने लाग्या; आरू क भोंगलाय गयो हुया।
LUK 11:15 पुन ओका छे काय ने कयो, “यो तो नावको साहळा क बालजबुल की मदत छे साहळा क निकवता छे।”
LUK 11:16 दिसरा ने ओकी परीक्षा करने क करता ओका सी आकाश यहोवा–भगवान क आरू छे एक सहलानी मांगने लाग्यो।
LUK 11:17 पुन त्यो ओको मन की वात जानीन, त्यो कयो, “जिना राज्य मा फूट पड़ी, वो राज्य वीजावो जातो छे; आरू जिना घर मा फूट होयती छे, वो नष्ट होय जाता छे।”
LUK 11:18 यदि बालजबुल आपसा ही विरोधी होय जाय, तो ओको राज्य कोसो बन्य रवछे? काहकि तुमू मारे विषय मा तो कयता होय की बालजबुल की मदत छे साहळा निकावता छे।
LUK 11:19 भला यदि हाव बालजबुल की मदत छे साहळा क निकावता छे, तो तुमरी चेला क कायकी मदत छे निकवता छे? एरकरीन वो ही तुमरा न्याय त्योकछे।
LUK 11:20 पुन यदि हाव यहोवा–भगवान की शक्ति छे साहळा क निकालो, तो यहोवा–भगवान क राज्य तुमरे साथे आय पुच्चा छे।
LUK 11:21 “जव बलवन्त मानुस हथियार बांध्या हुया आपने घर की राखवावी करता छे, तो ओकी संपत्ती वाच रयती छे।”
LUK 11:22 पर जव ओका सी मोट काही आरू बलवन्त चढ़ाय करीन उको जीत लेता छे, तो ओका वो हथियार जिन पर ओको भरोसा हुता, छिन लेता छे। आरू ओकी संपत्ती लुटीन वाट देता छे।
LUK 11:23 जो मारे साथे नी वो मारे विरोध मा छे, आरू जो मारे साथे नी बटोरता वो बिखेरता छे।
LUK 11:24 “जव साहळा मानुस मा छे निकाव जाती छे तो सूखी धरती मा विसराम हेरती पुगती छे, आरू जव नी देखती तो कयती छे, आपने तीनी घर मा वा छे निकावी होती पुगीन जाछे।
LUK 11:25 आरू आवीन ओको झाड़ा बुहारा आरू सजा सजाया देखती छे।
LUK 11:26 तव वो जाईन आपने छे बुरी सात आरू विटळ आत्मा क आपने साथे लेय आवती छे, आरू वो ओका मा पैठकर वास करती छे, आरू ओको मानुस की पोछली दशा पेहल छे भी बुरी होय जाती छे।”
LUK 11:27 जव ईशु यो वात कय ही रया हुता तो गर्दी मा काही बायर ने उंचा ओवाज छे कयो, “धन्य छे वो कुख जिनामा तु रया आरू वो स्तन जो तु ने चूछे।”
LUK 11:28 त्यो कयो, “हाव; पुन धन्य वो छे जो यहोवा–भगवान क वचन आरू सोमवता आरू मानता छे।”
LUK 11:29 जव मोटी गर्दी एखटी होयती जाती होती तो वो कयनो लाग्यो, “इनीये युग क मानसे बुरे छे; वो सहलनी हेरता छे पर योना क सहलानी क छुड़ कायी आरू सहलनी तीनुक नी दिया जाछे।”
LUK 11:30 जोसो योना नीनवे क मानसे क करता सहलानी ठेहराया, वोसो हिय माणुस क पोर्‍य दि इनीये युग क मानसे क करता ठेहरछे।
LUK 11:31 दक्षिण रानी न्याय दहाडो इनीये टेहाव क माणुस क साथे उठीन तीनुक दोषी ठेहरछे, काहकि वो सुलैमान क ज्ञान सोमवने क धरती कि छोर क आवी, आरू याहा वो छे जो सुलैमान छे भी मोटो छे।
LUK 11:32 नीनवे क मानसे न्याय क दहाडो इनीये टेहाव क मानसे क साथे उबा हईन, तीनुक दोषी ठेहराछे, काहकि त्या योना क खबर सोमवीन मन फिराया, आरू देख, या वा छे जो यहुन्ना छे भी मोटो छे।
LUK 11:33 कायी माणुस दिया धपाडयो क डुकायने कि धरती मा या ठाहारा क नेचो नी राखता, पुन दीवट पर राखता छे कि माहय आवनेवाळा विजावो देखाये।
LUK 11:34 तारे डिल क दिवु तारो डुवो छे, एरकरीन जव तारो डुवो वारलो छे, ते तारा सब डिल भी विजावो छे। पुन जव चो खराब होय जासे, ते तारे डिल मा भी आंधारो होय छे।
LUK 11:35 अतरान करीन चोकचौळीया रयने कि जो विजावो तुम मा छे आंधारो नी होयी जाछे।
LUK 11:36 “अतरान करीन यदि तारे सब डील विजावो होय आरू ओको कायी भाग आंधारो नी रये तो सब क सब ओसो विजावो होयछे, जोसो ओको टेहाव हुता छे जव दिया आपसी चमक छे तुखे विजावो देता छे।”
LUK 11:37 जव ईशु वात करनो बंद कर्‍या तो कायी फरीसि ने ओका सी विनती करी कि मारे याहा भोजन कर। वो माही जाईन भोजन करने बठयो।
LUK 11:38 फरीसि क यो देखीन भोंगलाय गयो हुया कि त्यो भोजन करने छे पहेल यहूदि ओको नियम नुसार हात धुया नी।
LUK 11:39 पोरबुने ओका सी कयो, “हे फरीसियो, तुमो वाटका आरू थावी क उपर छे मांढता होय, पुन तुमरे माहीय आंधारो आरू दुष्टता भरी छे।”
LUK 11:40 हे निर्बुदीयो, जो बाहरता क भाग बनाड़े काय, त्यो माही क भाग नी बनाड़े?
LUK 11:41 पुन जो तुमरे साथ छे वो गरीबो क वाट देवो, तो देखु सब कायी तुमरे करता चुखो होय जाछे।
LUK 11:42 पर हे फरीसियो, तुमो बार हायी! तुमू पुदीने आरू सुदाब क आरू सब भाति क सागपात क दसवो अंश देता होय, पुन न्याय क आरू यहोवा–भगवान क मोंग क टाल देता होय; जुवे तो हुता कि इनुक भी करता रयता आरू तीनुक भी नी छुड़ता।
LUK 11:43 हे फरीसियो, तुमू पर हाय! तुमू आराधना घर मा मुखी आसान आरू बजार मा नमस्कार आरू मोंग जुवतो छे।
LUK 11:44 “धिक्‍कार तुमू पर! काहकि तुमू उन मोड़वाट्या क सारखा होय, जिन पर मानसे चालता छे पुन नी जानता।”
LUK 11:45 तव एक व्यवस्थापक ने ओको जवाब दिया, “हे गुरू, इन वात क कयनो छे तु हामरी निंदा करता छे।”
LUK 11:46 ईशु कयो, “हे व्यवस्थापक, तुमू पर भी हाय! तुमू ओसो बोझ जिनको हाकलिया वातड़ो छे, मानुस पर लादता होय पुन तुमू आप उन बोझ क आपसी एक आँगवी छे भी नी छुते।”
LUK 11:47 हे कपट राखने वाला शास्त्रीया आरू फरीसिया तुमरे पर धिक्‍कार! तुमू उन भविष्यवक्ता की मोड़वाट्या बनावता होय, जिना तुमरा बाब दादा क मार नाख्या हुता।
LUK 11:48 शेवली कावा तुमू गवा होय, आरू आपने बास दादा क काम छे सहमत होय; काहकि त्या तीनुक मार नाख्या आरू तुमू ओकान मोट्ट्या बनावता होय।
LUK 11:49 “एरकरीन यहोवा–भगवान की बुध्दि ने भी कयो छे, हाव ओको साथे भविष्यवक्ता आरू प्रेरितन क मुकलीस, आरू वो ओका छे काय क मारे नाखछे, आरू काय क सताया।”
LUK 11:50 ताकि जोतरा भविष्यवक्ता क लुहूय यो धरती की उत्पत्ती छे वयाड़े गया छे, सब क लेखो इनीये युग क मानसे छे ली जाय:
LUK 11:51 हाबील की हत्या छे लीन जकर्‍याह की हत्या तक, जो वेदी आरू मंदिर क वीच मा घात कर्‍या जाय। हाव तुमू छे सच कयता छे, इन सब क लेखो इनी टेहाव क मानसे छे ली जाछे।
LUK 11:52 हाय तुमू फरीसिया शास्त्री पर धिक्‍कार! तुमू ने ज्ञान की चाबी लेय तो ली, पुन तुमू ने आप ही भरायने नी कर्‍या, आरू भरायने करनेवावा क भी रूकी दिया।
LUK 11:53 जव वो वाँ छे निकव्या, तो शास्त्री आरू फरीसि बुरी तरह ओका पछव पड़ गया आरू छेड़ने लाग्या कि वो घोणा सी वात की चर्चा कर्‍या,
LUK 11:54 आरू घात मा लाग्या रया कि ओका मुय की काही वात दरिया।
LUK 12:1 ओतरा मा जव हजारो की गर्दी लागी गयी, याहा तक कि वे एक दिसरा पर गिर पड़ता हुता, तो वो सब छे पेहल आपने चेला छे कयनो लाग्या, “फरीसियों क कपट राखनीया न सखमीर सी चोकचौळीया रयने।”
LUK 12:2 काय ढाक्य नी, जो उघडी नी जाछे; आरू नी काय डुकाय छे, जो जाने नी जाछे।
LUK 12:3 एरकरीन जो काय तुमू ने आंधारो मा कयो छे, वो विजावो मा सोमवाय जाछे; आरू जो तुमू ने कोठरियो मा कांटो कयो छे, वो छत पर छे खबर कर्‍या जाछे।
LUK 12:4 “हाव तुमू मारे दोस्त होय कयता छे कि जो डील क घात करता छे पुन ओको पछळ आरू काय नी कर सकता, उका मा घाबराये।”
LUK 12:5 हाव तुमूक चितावो छे कि तुमूक कुनी घबरायना जुवे, घात करने क बाद जिनाक नरक मा नाखने क हक छे, तीनी यहोवा–भगवान छे घाबराय; हाव तुमू छे कयतु छे, तीनी छे घाबरया।
LUK 12:6 काय दुय पयसिया क पाच चिल्ला नी वेचाये? तोभी यहोवा–भगवान ओका छे एक क भी नी भुलता।
LUK 12:7 तुमरे मुनका क सब झोठा भी गीन्या हुया छे, अतरान करीन घाबराय नी, तुमू बैस चिल्ला छे मोटो होय।
LUK 12:8 “हाव तुमू छे कयता छे जो काही मानुस क सामने मखे मान लेछे ओको मानुस क पोर्‍या भी यहोवा–भगवान क सोरगदूतो बासन सामने मान लेछे।”
LUK 12:9 पुन जो मानुस क सामने मखे मना करे ओको यहोवा–भगवान क सोरगदूत क सामने मना कर्‍या जाछे।
LUK 12:10 जो काही मानुस क पोर्‍या क विरोध मा काही वात कये, ओको वो गुणेहगार माफ कर्‍या जाछे, पुन जो चुखलो आत्मा की नींदा कर्‍या ओको गुणेहगार माफ नी कर्‍या जाछे।
LUK 12:11 जव मानसे तुम्हे सभा आरू हाकिम आरू आधिकारी क सामने लेय जाछे, तो चिंता नी करनो की हामु काही रीति छे या काय जवाब देय, या काय कयो।
LUK 12:12 काहकि चुखलो आत्मा तीनी घड़ी तुम्हे सिखाड़ देसे की काय कयनो जुवे।
LUK 12:13 पछी गर्दी मा छे एक ने उको कयो, “हे गुरू मारे भाईस छे कय की बास की सम्पती हामु विरासत मा मिवी छे वो मारे साथे वाट लेय।”
LUK 12:14 त्यो ओका सी कयो, “हे मानुस कुन मखे तुमरा न्यायी या पाच पंचु नीयुक्त कर्‍या छे?”
LUK 12:15 आरू त्यो उनछे कयो, “चोकचौळीया रया, आरू हर प्रकार क लोभ छे आपने आप क वाचाड़्यो राख्यो काहकि काही क जीवन ओकी सम्पती की देखाड़ी छे नी हुयसे।”
LUK 12:16 त्यो उनछे एक दृष्टान्त कयो: “काही धनवान की धरती मा मोटी उपज होयी।”
LUK 12:17 तव वो आपने मन मा विचार करने लाग्या, “हाव काय करीस? काहकि मारे या धरती नी जहा आपसी उपज आरू काय राखीस।”
LUK 12:18 आरू त्यो कयो, “हाव यो करसे: हाव आपसी बखारिया तुड़ीन उनछे मोटी बनावीस; आरू कुठार मा आपसा सब अन आरू संपत्ती रवछे;
LUK 12:19 आरू आपने जीव छे कयसे कि जीव तारे साथे घोणा साल क करता घोणा संपत्ती राखी छे चैन कर खाय, पी, सुख छे रेयछे।”
LUK 12:20 पुन यहोवा–भगवान ने ओका सी कयो, “हे मुर्ख, इनी रात तारे जीव तुखे से ली जाछे तव जो काही तुने एखठा कर्‍या छे वो कुनीन होय छे?”
LUK 12:21 “ओसो ही वो माणुस भी छे जो आपने करता धन भराता छे पुन यहोवा–भगवान कि दृष्टीमा धनी नी।”
LUK 12:22 पछु त्यो आपने चेला क कयो, “अतरान करीन हाव तुमू कयतो छे आपनो जीव क चिंता नी करू कि हामु काय खासु, नी आपने डील क काय पेहरसु।”
LUK 12:23 काहकि भोजन छे जीव आरू लुगड़ा छे डिल बडीन छे।
LUK 12:24 हा़डगाळा पर ध्यान देवु, वो नी वेरतो छे नी काटतो नी ओको भंडार आरू नी कुठार हुता छे तो भी यहोवा–भगवान तिनुक देखतो छे, तुमरा किमत चिल्ला छे कयी सवटो छे।
LUK 12:25 तुमू मा छे, ओसो कुण छे जो चिंता करसे आपने उमर थुड़ीक वार बढ़ाव आरू मोटी कर सकता छे?
LUK 12:26 अतरान करीन यदि तुमो सपछे नाना काम भी नी कर सकता तो आरू वात क करता काय चिंता करता होय?
LUK 12:27 जंगल क फुल क देख्या करो कि वो कसो मोटो होयतो छे वो नी हावहनत करता नी काटतो छे तो भी हाव तुमछे कयता छे की सुलैमान भी आपने सब वैभव मा उनमा छे काही एक क समान लुगड़ो पेहरला नी हुता।
LUK 12:28 अतरान करीन यदि यहोवा–भगवान मैदान कि खोड़ो क जो आज छे आरू काल आगठा झोकी जाछे, ओसो पेहर्‍या छे तो हे विनभुरसीया वो तुम्हे काय नी पेहर छे?
LUK 12:29 आरू तुमू इनीये वात कि खोज मा नी रया कि काय खासे आरू काय पीछे आरू नी संदेह करो।
LUK 12:30 काय कि संसार कि मानसे इन सब समान कि खोज मा रहती छे आरू तुमरा बास जानता छे कि तुम्हे इन समान कि छचो छे।
LUK 12:31 पुन ओका राज्य कि खोज मा रया तो यो समान भी तुमूक मिव जाछे।
LUK 12:32 मारो नाना टुळा मानसे मत घाबराय काहकि तुमरे बास क वो भाया छे कि तुम्हे राज्य देय।
LUK 12:33 आपने संपत्ती वेचीन गरीब क दान कर दियो आरू आपने करता ओसो थैली बनायो जो जुनला नी हुयसे मतलब सोरग क ओसो धन एखठा कर्‍या जो घटता नी आरू जीसके नीकट चुर नी जाता छे आरू किड़ा नी बिगड़ता।
LUK 12:34 काहकि वा तारो धन छे, चा तारो मन भी लागी रोवसे।
LUK 12:35 तुमरी कड़ीया बांधीन रया आरू तुमरे दिया धपतो रयो।
LUK 12:36 आरू तुमू उन माणुस क समान बन्या जो आपने भगवान कि वाट देखता रया होय कि वो वियाव छे किही पछु कि जव वो आवीन दरवाजा खटखटये तो तत्काल ओका करता उघाड दे।
LUK 12:37 धन्य छे वो दास जिन्हे भगवान आवीन जागता देख्यो हाव तुमू छे सच कयता छे कि कड़ीया बांधीन कर तीनुक भोजन करने क बठ्या आरू साथे आवीन उनकी सेवा करसे।
LUK 12:38 यदि वो रात क दुसरा पहेर्‍या या तीसरा पहेर्‍यामा आवीन तीनुक जागता देख्या तो वो धन्य छे।
LUK 12:39 पुन तुमू यह जान राख्या कि यदि घरको सामने जानता कि चोर कि काय घड़ी आवसे तो जागता रयता आरू आपने घर मा डुचो नी लागने देता।
LUK 12:40 तुमो भी तियार रयो काहकि जिना घड़ी तुमो चोकळिया भी नी तीनी घड़ी माणुस क पोर्‍य आय जाछे।
LUK 12:41 तव पतरस ने कयो, “हे पोरबु काय यो दृष्टान्त तु हामु ही छे या सब छे कयता छे।”
LUK 12:42 पोरबु न कयो, “वो विश्वास योग्य आरू बुध्दिमान भण्डारी कुन छे, जेरो मालिक ओको नौकर चाकर पर सरदार ठेराया कि तीनुक टेहाव पर भोजन सामग्री देय।”
LUK 12:43 धन्य छे वो दास, जिनाक ओको भगवान आवीन ओसो ही करता देख्या
LUK 12:44 हाव तुमू छे सच कयता छे वो ओको आपसी सब धन पर हकदार ठरछे।
LUK 12:45 पुन यदि वो दास विचार करने लाग्या कि मारो भगवान आवने मा वार कर रया छे, आरू खाने पीने आरू दासियो क मारने पीटने लाग्या, आरू खाने पीने आरू साकिन हुयने लाग्या।
LUK 12:46 तो उना दास क भगवान ओसो दाहड़ो, जव वो ओकी वाट जुवता नी रया, आरू ओसी घड़ी जिनाक वो जानता नी होय, आवसे आरू उको भारी दण्ड दीन ओको भाग विनभुरसीया क साथे ठरसे।
LUK 12:47 वो दास जो आपने भगवान की मरजी जानता हुता, आरू तीयार नी रया आरू नी ओकी मरजी क नुसार चाल, घोणा मार खासे।
LUK 12:48 पुन जो नी जाईन मार खाने क योग्य काम करे वो थुड़ी मार खासे। एरकरीन जिनाक घोणा दिया गया छे, ओका सी घोणा मांगने जाछे आरू जिनाक घोणा सौप गया छे, ओका सी घोणा ली जाछे।
LUK 12:49 हाव धरती पर आगठो लागाड़ ने आश छे; आरू काय जुवता छे केवल यो कि हिमी सुलग जाती।
LUK 12:50 मखे तो एक बपतिस्मा लेने छे, आरू जव तक वो नी होय लेय तव तक हाव कोसी व्यथा मा रवीस!
LUK 12:51 काय तुमू समझता होय कि हाव धरती पर मिलाप करावने आयु छे? हाव तमुक कयतु छे: नी, अलग करने आयु छे।
LUK 12:52 काहकि हिमी छे एक घर मा पाच जना आपस मा विरोध राखछे, तीन दुय छे आरू दुय तीन छे।
LUK 12:53 बास पोर्‍या छे, आरू पोर्‍या बास छे विरोध राखछे; आश पोराय छे, आरू पोराय आश छे, सासु उहडीस छे, आरू उहडीस सासु छे विरोध राखछे।
LUK 12:54 त्यो गर्दी छे भी कयो, “जव वादवो क पश्चिम छे उठतला देखीन तत्काल कयता होय कि साल होयछे, आरू ओसो ही हुयसे छे;
LUK 12:55 आरू जव दक्षिण वाहवो चालती देखता होयतो कयता होय लहू चालसे, आरू ओसो हिय हुयसे छे।
LUK 12:56 हे कपटीयो, धरती आरू आकाश क रूपरंगमा भेद करता छे होय पुन इनीये युग क विषयमा काय भेद करने नी जानता?”
LUK 12:57 तुमू आप ही न्याय काय नी कर लेता कि वात काय छे?
LUK 12:58 जव तु आपने मुद्दे क साथ सरदार क साथे जाईन रया छे तो मार्ग हिय मा ओका सी छुटने क यत्न कर ले, ओसो नी होय कि वो तुखे न्यायी क साथे खेच लेय जाय, आरू न्यायी तुखे शिपाई क सौपे आरू शिपाई तुखे जेलमा नाक देय।
LUK 12:59 हाव तुमछे कयता छे कि जब तक तु दमडी भर नी देसे तव तक वा छे छुटने नी पाये गा।
LUK 13:1 उना टेहाव कायी मानसे आय उचा आरू ओका सी उसने गलीलीयो कि चर्चा करने लाग्या जिनका लुहूय यो पिलातुसने ओका क बलिदान क साथ मिवाया हुता
LUK 13:2 यो सोमवीन ईशु ओका सी जवाब मा यो कयो, “काय तुमू समजता होय कि यो गलीली आरू सब गालीलीयो सी सवटो पापी हुता कि उन पर ओसी संकट पड़ी?”
LUK 13:3 हाव तुमूछे कयता छे कि नी पुन यदि तुमू मन नी फिरावसे तो तुमू सब भी इनी रीति छे नष्ट होय छे।
LUK 13:4 या काय तुमू समजता होय कि वो अठारे जन जिन पर शीलोह क गुम्मट पड़्या आरू वो दबाईन मर गयो, यरूशलेमको आरू सब रहनेवावा छे सवटो गुणेहगार हुता।
LUK 13:5 हाव तुमछे कयता छे, कि नी पुन यदि तुमू मन नी फिरावसे तो तुमू सब भी इनी रीति छे नष्ट होय।
LUK 13:6 पछु त्यो यह दृष्टांत भी कयो काही कि अंगुर कि वाड़ी मा एक अंजीर क झाड़को क लाग्यो हुयो हुतो वो ओकामा फवो हेरता आश पुन नी देखाय।
LUK 13:7 तव त्यो वाड़ी क राखनेवावा कयो देख तीन साल छे हाव इनीये अंजीर क झाड़का मा फवो हेरता आवता छे पुन नी देखता इनाक काटीन नाखने कि यो धरती क भी काय रूक गया।
LUK 13:8 त्यो ओको जवाब दिया, हे भगवान इनाक इनीये साल आरू कयने दे कि हाव ओका चार आरू खुंदीन खत नाख्यो।
LUK 13:9 यदि अगोळ क फवो नी तो ओको काट नाखे।
LUK 13:10 विश्राम क दहाडो वो एक आराधना घर शिक्षा कर रया हुता।
LUK 13:11 वाँ एक बायर हुती जिनाक अठारे साल छे एक कमजोर करनेवाळी साहळा लागी होती आरू वो कुभडी होय गयी होती आरू काही रीति सिधी नी होयी सकती होती।
LUK 13:12 ईशु ओको देखीन बुलाया आरू कयो, “हे नारी तु आपसी कमजोरी छे छुट गयी।
LUK 13:13 तव त्यो ओको पर हार राखीन आरू वो छाटोत सुधो वा गयी आरू यहोवा–भगवान कि बढ़ाई करने लागी।”
LUK 13:14 अतरान करीन कि ईशु विश्राम क दहाडो ओको वारू कर्‍या हुता आराधना घर क सरदार चिताकर मानसेछे कयने लाग्या, “छो, दहाडो छे जीनमा काम करने जुवे आखरी उन ही दहाडे मा आवी वारू होय पुन विश्राम दहाडो मा नी।”
LUK 13:15 यो सोमवीन पोरबुने जवाब दिया हे कपटी, काय विश्राम क दहाडो तुमू मा छे हर एक आपने बैल या गदड़ा क स्थान छे उघाडीन पानी पावने नी ली जाता छे?
LUK 13:16 तो काय वारू नी हुता कि यो बायर जो अब्राहम कि बेटी छे जीनाक शैतान क अठारे साल छे बांधीन राख्या हुता विश्राम क दहाडो इनीये बंधनछे छुड़ायो जारी?
LUK 13:17 जी त्यो यो वात कयी तो ओका सब विरोधी लज्जित हो गया आरू सारी गर्दी उन महिमा क काम छे जो वो करता हुता खुश हयी
LUK 13:18 पछु त्यो कयो यहोवा–भगवान क राज्य काय क समान छे? आरू मा ओकी बराबरी कुनी सी देसे।
LUK 13:19 वो राई क एक दानो क समान छे जीनाक कायी माणुस ने लीन आपसी खेत मा वेर्‍या आरू वो मोटो झाड़को होयी गया आरू आकाश क चिल्ला ने ओका डावखा पर पांजरो कर्‍या।
LUK 13:20 त्यो पछु कयो, हाव यहोवा–भगवान क राज्य कि बराबरी कुनी सी देसे?
LUK 13:21 वो खमीर क समान छे जीसको कोय बायर लीन तीन पासरी पिठु मा मिलावी आरू धीरो–धीरो सब पिठु खमीर हुय गयो।
LUK 13:22 वो नगर आरू गाव हईन शिक्षा करता हुया यरूशलेम कि आरू जाय रया हुता।
LUK 13:23 तो कोय ओका सी पुछा, “हे पोरबु काय उध्दार देखनेवावा थुडा छे?” त्यो ओका सी कयो,
LUK 13:24 “संकेत झोपला छे भरायने करने क यत्न करो काय कि हाव तुमू छे कयता छे कि घोणा छे भरायने करने जुवे आरू नी कर सक्या।”
LUK 13:25 जी घर क भगवान उठीन झोपलो बंद कर त्योक्यो होय आरू तुमू बाहरता उबा हुया दरवाजो खटखटावीन कयनो लाग्या हे पोरबु हामरे करता उघाड दे आरू वो जवाब दिदो, “हाव तुम्हे नी जानता तुमू कयो क होयी?”
LUK 13:26 तव तुमू कयनो लाग्या, “हामु तारे सामने खाया, पीया आरू तु ने हामरे बजारमा शिक्षा कर्‍या।”
LUK 13:27 पुन वो कवसे हाव तुमूछे कयता छे, हाव नी जानता तुमू कयो छे होय हे अन्याय करनेवावा तुमू सब मखे छे दुर होय।
LUK 13:28 वाँ रड़नु आरू दात रगड़ने होयछे जव तुमू अब्राहम आरू इसहाक आरू याकोब आरू सब भविष्यवक्ता क यहोवा–भगवान को राज्यमा बठ्या आरू आपने आप क बाहरता निकावता होया देखछे।
LUK 13:29 आरू पुरब आरू पक्षिम, जवाब आरू दक्षिण छे मानसे आवी यहोवा–भगवान क राज्य क भोज मा भागी होयछे।
LUK 13:30 आरू काय पछो छे वो पेहेल होय छे आरू काय जो पेहल छे वो पछो होयछे।
LUK 13:31 तीनी घड़ी काही फरीसियो ने आवीन ओका सी कयो, “या छे निकाव चाल जा काहकि हेरोदेस तुखे मारने जुवता छे।”
LUK 13:32 त्यो ओका सी कयो, “जाईन ओको कुल्या छे कयी दे कि देख हाव आज आरू काल साहळा निकावता आरू बीमारी क वारू करता छे आरू तिसरे दहाडे आपसा काम पुरो करसे।”
LUK 13:33 तो भी मखे आज आरू काल आरू पंदहाडे चालने पाको छे काहकि होय नी होय सकता कि काही भविष्यवक्ता यरूशलेम क बाहरता मारा जाय
LUK 13:34 हे यरूशलेम! हे यरूशलेम! तु जो भविष्यवक्ता क मार नाकता छे आरू जो तारे साथे मुकल्या गया ओका पर दगड़ा देय; कोतरी ही बार मा ने यो जुवा कि जोसो कुकड़ो आपने पिला क आपसो पोखड़ा क नेचो एखठा करता छे वोसो ही हाव भी तारे पोर्‍या क करीस पर तुमू ने यो नी जुवा।
LUK 13:35 देखु तुमरा घर तुमरे करता विजावो छुड़िया जाता छे आरू ने तुमू छे कयता छे जव धन्य छे वो जो पोरबु क नाव छे आवता छे तव तक तुमू मखे पछु कदी नी देखछे।
LUK 14:1 पछु वो विश्राम क दाहड़ो फरीसियो क सरदार मा छे काही क घर रोटा खाने गया; आरू वो ओकी घात मा हुता।
LUK 14:2 वाँ एक मानुस ओको सामने हुता, जिनाक जलन्धर क बीमार हुता।
LUK 14:3 इनीये पर ईशु व्यवस्थापक आरू फरीसियो छे कयो, “विश्राम क दाहड़ा वारलो करने वारू छे या नी?”
LUK 14:4 पुन वो त्योपचाप रया। तव त्यो ओको धरीन वारू कर्‍या आरू जाने दिया।
LUK 14:5 आरू त्यो कयो, “तुमू हाव छे ओसो कुन छे, जेरो गाडरो या बैल कुवा मा पड़ जाय आरू वो विश्राम क दाहड़े ओको तत्काल बाहरता नी निकाव्य?”
LUK 14:6 वो इन वात क काही जवाब नी देय सक्या।
LUK 14:7 जव त्यो देखा की नेवतो लेदला मानसे कोसो मुखी धरती निवाड़ लेदा छे तो एक दृष्टान्त देकर ओका सी कयो,
LUK 14:8 “जव काही तुखे वियाव मा बुलाया, तो मुखी धरती मा नी बठने, कयी ओसो नी होय कि त्यो तुखे छे भी काही मोटा क नेवतो दिया होय,”
LUK 14:9 आरू जो तुखे आरू ओको दुयी क नेवता दिया छे आवी थार सी कये इनाक जागो आप, आरू तव तुखे लज्जित होयीन सबछे नेची धरती मा बेठने पड़्या।
LUK 14:10 पर जव तु बुलाया जाय तो सबछे नेची धरती जाय बठ्या कि जव वो जीसने तुखे नेवतो दिया छे आश तो तुखे छे कये, “हे दोस्त ओगोव बेठीन बठ्या तव तारे साते बठनेवावा क सामने तारी बढ़ाई होयछे।”
LUK 14:11 काहकि जो काही आपने आपको मोटो बनाड़े वो नानो कर्‍या आरू जो काही आपने आपको नानो बनावोछे वो मोटो कर्‍या जाछे।
LUK 14:12 तव त्यो आपने नेवतो देनेवावा छे भी कयो जव तु दहाडो क या रात क भोज कर्‍या क आपने दोस्त या भाईसो या घराना या धनवान धडेवावा क नी बुलाव कही ओसो नी होय कि वो भी तुखे नेवता देय आरू तारे बदला होय जाय।
LUK 14:13 पुन जव भोज कर्‍या तो गरीब, टुण्डो, लेंगड़ा आरू आंधवा क बुलाया।
LUK 14:14 तव तु धन्य होयछे काहकि ओको साथे तुखे बदला देने क काही नी पुन तुखे न्यायी क जी उठने पर इनीये क हर फोव मिवो छे।
LUK 14:15 ओका साथ भोजन करनेवावा मा छे एक ने यह वात सोमवीन ओका सी कयो, “धन्य छे वो जो यहोवा–भगवान क राज्य रोटा खासे।”
LUK 14:16 ईशु ओका सी कयो, “कुई लोगहन क मोटो भोज देदा आरू घोणा क बुलाया।”
LUK 14:17 जव भोजन तियार होय गया तो त्यो आपने दास क हाथ नेवतो मानसे क कय मुकल्या, “आवु हिमी भोजन तियार छे।”
LUK 14:18 पर वो सब क सब माफ मांगने लाग्या पहेल ओका सी कयो, “हाव खेत गिरवे करता छे आरू छाचो छे कि ओको देखछे हाव तुखे विनती करतु छे मखे माफ कर दे।”
LUK 14:19 दिसरा ने कयो, “हाव पाच जुड बैल गिरवे करततो छे, आरू उन लोगहन क पुछने जाता छे, हाव तुखे विनती करता छे मखे माफ कर दे।”
LUK 14:20 एक आरू ने कयो, “हाव या कर्‍या छे अतरान करीन हाव नी आय सकता।”
LUK 14:21 उना दास ने आवीन आपने भगवान क यो वात कय सोमवाया। तव घरको भगवान ने रीसमा आवीन आपने दासछे कयो, “नगर क बजार आरू गलिया माछे छाटोत जाईन गरीब टुण्डो, लेंगड़ा आरू आंधवा वो या ली आवु।”
LUK 14:22 दासने पछु कयो, “हे भगवान जोसो तुने कयो हुता वोसो ही कर्‍या गया छे आरू पछु भी धरती छे।”
LUK 14:23 भगवान दासक कयो, “सडको पर आरू बजार क तरफ आरू जाय आरू मानसे क मजबुर करीन ली आश ताकी मारे घर भर जाय।”
LUK 14:24 “काहकि तुमछे कयता छे कि ओको नेवतो मानसे मा काही मारे भोज क नी चाकसे।”
LUK 14:25 जव मोटो गर्दी ओका साथ जाई रयी होती तो ईशु पोछो पुगीन ओका सी कयो,
LUK 14:26 “यदि कुई मारे साथे आवे आरू आपने बास आरू आश आरू बायर आरू पोर्‍या आरू भाईसो आरू बहिनीस वरना आपने जीव क भी मोंगवाळो नी न जाने ते वो मार चेलो नी होय सकतो।
LUK 14:27 आरू जो काही मरना जानेनी तियार होयतो नी हुता आरू मारे पोछो नी आवे वो भी मार चेलो नी होय सकतो।
LUK 14:28 “तुमू मा छे कुण छे जो गढ़ बनाड़े जुवता होय आरू पहेले बठीन सच्चनी जुड़या क पुरा करने कि शक्ति मारे साथे छे कि नी?”
LUK 14:29 कोय ओसो होय कि, जव वो निव नाक ले पर तियार नी कर सक्या, वो सब देखनेवावा यो कयीन ओको ठट्टामा उड़ावने लाग्या।
LUK 14:30 “यो माणुस बनावने तो लाग्या पर तियार नी कर सक्य।”
LUK 14:31 या कुण ओसो राजा छे जो दिसरा राजा छे युध्द करनो जाता होय आरू पहेले बठीन विचार नी करला कि जो विस हजार लीन मखे पर चढ़ा पर आवता छे काय हाव दस हजार लीन ओको सामना कर सकता छे या नी?
LUK 14:32 नी तो ओका दुर रयता ही वो दुतो क मुकलीन विलाप करने जुवे।
LUK 14:33 इनी रीति छे तुमू मा छे जो काही आपसा सब काही त्याग नी दे वो मारो चेला नी होय सकता।
LUK 14:34 नोन तो वारलो छे पुन यदि नोन क हवाद बिगड़ जाय तो वो कायी समान छे नोन कि कर्‍या जाछे।
LUK 14:35 वो नी तो धरती क आरू नी खत क करता काम मा आवता छे ओको तो मानसे बाहरता फेक दिया छे। ओका सोमवने क कांटो होयी वो सोमवी लेय।
LUK 15:1 सब फाळो लेनेवाळा आरू पापी ओका साथे आश करता हुता ताकी ईशु क सोमवने।
LUK 15:2 फरीसि आरू शास्त्री कुरकुर कयने लाग्या, “यो माणुस पापी छे मीवता छे आरू ओको साथे खाता भी छे।”
LUK 15:3 तव त्यो उनछे यो दृष्टांत कयो,
LUK 15:4 “तुमू मा छे कुण छे जेरा सौ गाडरा होय, आरू उनमा छे एक खुवाय जाय तो चारविसु नोव क जंगलमा छुड़ीन ओको खुवायली हुये क जव तक मीवी नी जाय खुवता नी रया?”
LUK 15:5 आरू जव मिवी जाती छे तव वो मोटा खुशी छे ओको खांदा पर लीन जाता छे।
LUK 15:6 आरू घर मा आवीन दोस्त आरू धडेवावा क एखठा करीन कयता छे, “मारे साथे खुशी करो, काहकि मारी खुवायला होयी गाडरा जड़ गयला छे।”
LUK 15:7 हाव तुमछे कयता छे कि इनी रीति छे एक मण फिरावने वावा पापी क विषयमा भी सोरगमा ओत्रा ही खुशी होय छे जोत्रा कि चारविसु नोव ओसो न्यायीन क विषय नी हुयसे जीने पाप कयनो छुड़ दिया कि छचो नी।
LUK 15:8 या कुण ओसी बायर होयछे जीसके साथे दस सिक्‍का होय आरू उनमा छे एक खुवाय जाय तो वो दिया धपाडीन हेरती आरू घर मा बाहरी झाटकीन जव तक मिव नी जाय जी लगाड़ीन हेरती नी रयी?
LUK 15:9 आरू जव मिव जाता छे तो वो सख्या आरू धडेवावा क एखठा करीन कयती छे मारे साथे खुशी करो काहकि मारा खुवायला होया शिक्‍का मिव गया छे।
LUK 15:10 हाव तुमछे कयता छे की इनी रीति छे एक पाप छे मन फीरावणे वावा पापी क विषय मा यहोवा–भगवान क सोरगदूत क सामने खुश हुयसे छे।
LUK 15:11 पछु ईशु कयो, “काही मानुस क दूय पोर्‍या हुता।”
LUK 15:12 उनमा छे नाना ने बास छे कयो, “हे बास धन मा छे जो भाग मारो होय वो मखे देय दिजीये। त्यो उनको आपसी धन वाट देदी।”
LUK 15:13 घोणा दाहाड़ा नी वीत्या हुता क नाना पोर्‍या सब काय एखठा करीन दुर देस क चाली गया आरू वा कुकर्म मा आपसी सम्पती उड़ाय दीया।
LUK 15:14 जव वो सब काय सच्च कर चूक्या तो ओको देसमा मोटा अकाल पड़्या आरू वो गरीब होय गया।
LUK 15:15 अतरान करीन वो ओको देस क नीवासियो मा छे एक क याहा काम हरने क गया। त्यो ओको छे आपने खेतो मा सुहर्‍या चारने क करता मोकल्या।
LUK 15:16 आरू वो जुवता हुता की फलीया छे जीनुक सुहर्‍या खाता हुता आपसा पेट भर, आरू उको काही काय खाना नी देता हुता।
LUK 15:17 जव वो आपने आप मा आश तव कयनो लाग्या, “मारा बास क कोतरा हिय दाहड़क्या क भोजन छे खुबुत् रोटा मीवतो छे आरू हाव या भुकलो मर रया छे।”
LUK 15:18 हाव हिमी उठीन आपने बास क साते जाइस आरू उको कवीस की बाबजी हाव ने यहोवा–भगवान (सोरग) क विरोध मा आरू तारी दृष्टी मा पाप कर्‍या छे।
LUK 15:19 हिमी इनीये योग्य नी रया की तारे पोर्‍या कोवाइस मखे आपने एक दाहड़क्या क समान राख लेय।
LUK 15:20 तव वो उठीन आपने बास क साथे चाली: वो अब दुर ही हुता की ओका बास ने ओको देखीन दवडीन आयो आरू दवडीन ओको गले लगाड़या आरू घोणा त्योम्मा।
LUK 15:21 पोर्‍या ने उको कयो, “बास जी हाव ने यहोवा–भगवान (सोरग) क विरोध मा आरू तारी दृष्टी मा पाप कर्‍या छे आरू हिमी इनीये योग्य नी रया की तारे पोर्‍या कोवाइस।”
LUK 15:22 पुन बास ने तुमरा दास छे कयो, “झट वारला छे वारला छिंदरा नीकावीन ओको पेहराया आरू ओका हात मा मुंद्या, आरू पायमा खासड़ा पेहराया।”
LUK 15:23 आरू पला बुकड़ो लावीन मारा ताकी हामु खासे आरू खुश मनाया।
LUK 15:24 काहकि मारे या पोर्‍या मर गया हुता, पछु जीव गया छे: खुवाय गया हुता हिमी मिव गया छे आरू वो खुश करने लाग्या।
LUK 15:25 पुन ओको जेठा पोर्‍या खेत मा हुता। जव वो आवता हूया घर क नीकट पुच्चा तो त्यो गीते गावने आरू नाचने क ओवाज सोमव्या।
LUK 15:26 शेवली कावा त्यो एक दास क बुलावीन पुछा, “हय काय होय रया छे?”
LUK 15:27 त्यो उनछे कुवा तारो भाई आयो छे आरू तारो बास ने पला हुया बुकड़ो कटाड़ीया छे। अतरान करीन ओको भला वारलो देख्या छे।
LUK 15:28 यो सोमवीन वो रीस छे भर गया आरू माहीय जाने नी जुवता, पुन ओको बास बाहरता आवीन ओको मानने लाग्या।
LUK 15:29 त्यो बास क जवाब दिया देख हावने ओतरा साल छे तारी सेवा कर रया छे आरू कदी भी तारी हुकुम ने नी टाली, तो भी तु ने मखे कदी एक नानो बुकड़ा क पिल्लो भी नी दीया की हाव आपने दोस्तो क साथे खुश करता।
LUK 15:30 पुन जव तारे यो पोर्‍या जीसने तारी धन वेची आयो मा उड़ाय दियो छे आश तो ओका करता तु ने पला हुया बुकड़ो कटाड़ीयो।
LUK 15:31 त्यो ओका सी कयो, “पोर्‍या तु सर्वदा मारे साथे छे; आरू जो काय मारो छे वो सब तारे ही छे।
LUK 15:32 1 पुन हिमी खुश करने आरू मगन हुयने जुवे काहकि यो तारो भाईस मर गया हुता, पछु जीवतु होई गुयो; खुवाया हुता हिमी मिव गया छे।”
LUK 16:1 पछु त्यो चेला छे भी कयो, “काही धनवान क भण्डारी हुता, आरू मानसे ने ओका सामने ओको पर यो दोषी लागाड़ ्या कि वो तारी संपत्ती उड़ाय देता छे।”
LUK 16:2 शेवली कावा त्यो ओको बुलावीन कयो, “यो काय छे जो हाव तारे विषय मा सोमवाय रया छे? आपने भण्डारी क पद लिख दिया, काहकि तु ओगव क भण्डारी नी रया सकता।”
LUK 16:3 तव भण्डारी सुचने लाग्या, “हिमी हाव काय करीस? काहकि मारो भगवान हिमी भण्डारी क काम मखे छे छिन रया छे। धरती तो मखे छे खोदी नी जाती; आरू भीख मांगने मा मखे लाज आवती छे।”
LUK 16:4 हाव समझ गया की काय करीस, ताकि जव हाव भण्डारी क काम छे छुड़ाया जाछे तो मानसे मखे आपने घर मा लेय।
LUK 16:5 “तव त्यो आपने भगवान क देनदा़र क एक करीन बुलाया आरू पेहले छे पूछा तुखे पर मारे भगवान क कोतरा कर्ज छे?”
LUK 16:6 त्यो कयो, “सौ मन तेल, तव त्यो ओका सी कयो, आपसा खाता वहय लेय आरू बठीन तत्काल पचास लिख देय।”
LUK 16:7 पछु त्यो दिसरा छे पुछा, “तुखे पर कतरो कर्ज छे? त्यो कयो, सौ मन गवे, तव त्यो ओका सी कयो, आपसा खत वेरने लीन चारविसु लिख देय।”
LUK 16:8 “भगवान ने ओको अन्यायी भण्डारी क सराहा कि त्यो चालाक छे काम कर्‍या छे। काहकि इनीये संसार क मानसे आपने टेहाव क मानसे क साथे रीति व्यवहार मा प्रकाश क मानसे छे सवटो त्योरावा छे।”
LUK 16:9 आरू हाव तुमू छे कयता छे कि अन्याय क धन छे आपने करता दोस्त बन लेवु, ताकि जव वो जाता रया तो वो तुम्हे अमरकाय जागू मा ली लेय।
LUK 16:10 जो थुड़ा छे मा विश्वास छे वो घोणा मा भी विश्वास छे: आरू जो थुड़ा छे थुड़ा मा अन्यायी, वो घोणा मा भी अन्यायी।
LUK 16:11 एरकरीन जव तुमू अन्याय क धन मा विश्वास नी ठेराया, तो सच्च धन तुम्हे कुन सपछे?
LUK 16:12 आरू यदि तुमू पोराया धन मा सच्च नी ठेराया तो जो तुमरा छे, ओको तुम्हे कुन देसे?
LUK 16:13 काही दास दुय यहोवा–भगवान क सेवा नी कर सकता: काहकि वो तो एक सी बैर आरू दिसरा छे मोंग राखसे: या एक सी ईमानदार रोवछे आरू दिसरा क तुच्छ जानछे। तुमू यहोवा–भगवान आरू धन दुयन सेवा नी कर सकता।
LUK 16:14 फरीसियो जो धन को लालची हुता यो सब वात सोमवीन उना थठ्ठा मा उड़ावने लाग्या।
LUK 16:15 ईशु उनछे कयो, “तुमू तो माणुस क सामने आपने आपको न्यायी ठेहराया होय, पुन यहोवा–भगवान तुमरे मन क जानता छे काय कि जो समान माणुस कि दृष्टी मा सच छे वो यहोवा–भगवान क निकट गलत छे।
LUK 16:16 “मूसा कि व्यवस्था आरू भविष्यवक्ता यहुन्ना बपतिस्मा देनेवालान तक रया; उना टेहाव छे यहोवा–भगवान क राज्य क खुश खबर सोमवाया जाय रया छे आरू हर काही उना मा उशारी छे भरायने करता छे।
LUK 16:17 आकाश आरू धरती क गायप होय जाने व्यवस्था क एक बिंदु क मीट जाने सी सहज छे।
LUK 16:18 “जो काही आपसी बायर क सोडीन दुसरी छे ईहाव करता छे वो व्यभिचार करता छे आरू जो काही ओसी सुडीन होयी बायर छे ईहाव करता छे वो भी व्यभिचार करता छे।”
LUK 16:19 “एक धनवान माणुस हुता बैंजनी छिंदरा आरू मलमल क पेहरता आरू हर दहाडो सुख विलास आरू धुम धाम क साथे रयता हुता।”
LUK 16:20 लाज़र नामको एक गरीब घावो छे भरा हुया ओकी आंगना मा पर छुड़ दिया जाता हुता।
LUK 16:21 आरू वो जुवता हुता कि धनवान कि हावज पर पड्यो हुयो खानो छे उष्टो छे आपसा पेठ भरे; या तक कि कुत्रा भी आवीन ओका घाव क चाटता हुता।
LUK 16:22 ओसो हुया कि वो गरीब मर गया आरू सोरगदूत ने ओको लीन अब्राहम क धड़े मा पुचाड्या। वो धनवान भी मरा आरू गाड़या गया,
LUK 16:23 आरू नरक मानसे मा त्यो पीड़ा मा पड़्या हुया आपसी डुवा उठाय आरू दुर छे अब्राहम क धड़े मा लाजर क देख्या।
LUK 16:24 तव त्यो आयड़ीन कयो, “हे बास, अब्राहम मखे पर दया कर लाज़र स क मुकली दे ताकी वो आपसी आंगवी क टोक पानी मा बुडावीन मारी जीभ छेवी कर, काहकि हाव इनीये ज्वाला मा तडप रया छे।”
LUK 16:25 पुन अब्राहम ने कयो, “हे पोर्‍या स्मरण कि तु आपने जीवन मा वारलो समान ले त्योक्या छे आरू ओसो ही लाज़र बुरी समान पुन हिमी वो याहा सुख देख रया छे आरू तु तडप रया छे।”
LUK 16:26 इन वात क छुड़ीन हामरे आरू तुमरे विच मा एक भारी खाडु ठेहराया गया छे कि जो या छे ओको पार तुमरे साथे जाने जुवे वो नी जाय सक्या आरू नी कायी वा छे इनीये पार हामरे साथे आये सक्या।
LUK 16:27 उना धनवान मानुस ने कयो, “तो हे बास अब्राहम, हाव तुखे छे विनती करता छे कि तु लाज़र क मारे बास क घर मुकल्या।”
LUK 16:28 “काहकि वा मारे पाच भाई छे वो ओको सामने इन वात कि देखाड़ दे ओसो नी होय कि वो भी इनीये पीड़ा कि धरती मा आवी।”
LUK 16:29 अब्राहम ओका सी कयो, “ओको साथे मूसा क नियम आरू भविष्यवक्ता कि किताब छे वो उन क चेतावनी दे।”
LUK 16:30 धनवान मानुस कयो नी हे बास अब्राहम, पर यदि काय मारे हुया मा छे उठीन ओको साथे जाईन तो वो पापो छे मन फिराव छे।
LUK 16:31 अब्राहम ओका सी कयो, “जव वो मूसा आरू भविष्यवक्ता किही नी सोमवता तो यदि मारा हुया मा छे कायी जी भी उठीन जाय तो भी ओकी नी मानोय।”
LUK 17:1 पछु ईशु आपने चेला छे कयो, “होय नी सकता कि पाप मा डालता नी लागे पुन हाव ओको माणुस पर जिना क कारण वो आवती छे!”
LUK 17:2 जो इन नानो मा छे काही एक क पाप मा डालता छे ओका करता यो भला हुयसे कि चक्‍की क पुड ओका गवा मा लटकावीन जाता आरू वो दरियामा नाक दिया जाता।
LUK 17:3 सचेत रयो; यदि तारे भाईस पाप कर्‍या तो उको सुधारे आरू यदि पछातावो तो ओको माफ कर।
LUK 17:4 यदि दाहड़ा भर मा वो सात बार तारे विरोध मा पाप करे आरू सात वार तारे साथे पछु आवीन कयो, “हाव पछातावो छे, तो ओको माफ कर।”
LUK 17:5 तव प्रेरितने पोरबु छे कयो, “आमरो विश्वास बढ़ाव।”
LUK 17:6 पोरबुने कयो, “यदि तुमू कायी राई क दानो क बराबर भी विश्वास हुयसे, तो तुमू इनीये तुत्तु क झाड़को क छे कयता कि जड़ छे उखड़ीन आपने आप दरिया मा लाग जा, तो वो तुमरी हुकुम मान लेता।”
LUK 17:7 “यदि तुमू मा छे ओसो कुण छे जेको दास हल जोतीन या गाडरा चारता होय आरू जव वो खेत छे आश तो ओका सी कयो छाटो दावीन भोजन करने बठ्या, बिलकुल नी!”
LUK 17:8 आरू यो नी कयो, “मारो खानो तीयार कर आरू जव तक हाव खाय, पीय तव तक कमर बांधीन मारी सेवा कर ओका बाद तु भी खाय, पीय ले।”
LUK 17:9 काय वो उना दास क करलो काम एहसान मान छे कि त्यो वो ही काम कर्‍या जीसकी दीही गयी होती।
LUK 17:10 इनी रीति छे तुमू भी जव उन सब काम क कर त्योक्या जीसकी तुम्हे दि गयी होती, तो कहु, “हामु फालता दास छे; जो हामु करने जुया हुता हामु ने केवल वा कर्‍या छे।”
LUK 17:11 ओसो हुया क ईशु यरूशलेम जाता हुया सामरिया आरू गलील क बीच मा छे होयीन जाय रया हुता।
LUK 17:12 काही गाँव मा भरायने करता टेहाव ओको दस कुड़ावा मिव्या जो दुर उबा हुता।
LUK 17:13 त्या जोरदीन ओवाज छे कयो, “हे ईशु भगवान हामु पर दया कर!”
LUK 17:14 त्यो तीनुक देखीन कयो, “जावो आरू आपने आपको पुजारा क देखाडु” आरू जाता ही जाते वो चुखो होयी गया।
LUK 17:15 तव उनमा छे एक यह देखीन कि हाव वारू हुयी गया छे उंची ओवाज छे यहोवा–भगवान कि बढ़ाई करता हुया पछो आयो।
LUK 17:16 आरू ईशु क पाय पर मुयी क बल पाड़ी उना क धन्यवाद करने लाग्या; आरू वो सामरिया हुता।
LUK 17:17 इनीये पर ईशु कयो, “कायी दस चुखो नी हुया तो पछु वो नोव कहा छे।
LUK 17:18 काय इनीये परदेश क छुड़ीन आरू नी निकव्या जो यहोवा–भगवान कि बढ़ाई करता?”
LUK 17:19 तव ईशु ओका सी कयो, “उठीन चाली जा; तारे विश्वास तुखे वारू कर्‍या छे।”
LUK 17:20 जव फरीसियो ने उनछे पुछा, यहोवा–भगवान क राज्य किही आवसे तो त्यो उनको जवाब दिया, “यहोवा–भगवान क राज्य दृश्य रूप मा नी आवता।”
LUK 17:21 आरू मानसे यो नी कवसे, “या छे या वा छे काहकि यहोवा–भगवान क राज्य तुमरे विच मा छे।”
LUK 17:22 पछु त्यो चेला छे कयो, “वो दहाडो आवसे जीनमा तुमू माणुस क पोर्‍या क दहाडो मा छे एक दहाडो देखनो जुवे आरू नी देखने देख्या।
LUK 17:23 मानसे तुमछे कवसे, ‘वा छे’ या ‘देखो या छे’ पुन तुमू चाली नी जाने, आरू नी ओको पछव चाल देदा।
LUK 17:24 काहकि जोसो विजवी आकाश क एक छोर निकवीन इन टेके कर तीन टेके चमकती छे, वोसो ही माणुस क पोर्‍य भी आपने दाहाड़ा मा प्रकट होय छे।
LUK 17:25 पुन पहेले छाचो छे कि वो घोणा दुःख हाकलिया आरू इनीये युग क मानसे ओको तुच्छ ठेहराया।”
LUK 17:26 जोसो नूहा क दाहड़ा मा हुया हुता वोसो ही माणुस क पोर्‍या क दाहड़ा मा भी हुयसे।
LUK 17:27 जिना दहाडे तक नूह ढोंड्या पर नी चढया उना दिन तक मानसे खाता, लोगहन खाता–पीता हुता, आरू इहाव वियाव हुयती हुती। तव जलप्रलय ने आवीन उन सब क नष्ट कर्‍या।
LUK 17:28 आरू जोसो लुत क दाहाड़ा मा हुया हुता कि मानसे खाता, पिता लेना, देना करता, झाड़का लगाड़ ता आरू घर बनावता हुता।
LUK 17:29 पुन जिना दहाड़े लुत सदोम छे निकव्या उना दहाड़े आगठो आरू गंधक आकाश छे बरसी आरू सबको नष्ट कर दिया।
LUK 17:30 माणस क पोर्‍य क प्रकट हुयने क दहाडो भी ओसो ही होयछे।
LUK 17:31 उना दाहाड़ा जो छत पर होय आरू ओको चादरो घर मा होय वो ओको लेने क नी उतरीया। वोसो ही जो खेत मा होय वो पछो नी पुगीयो।
LUK 17:32 लुत कि बायर क स्मरण रख्या!
LUK 17:33 जो कुई आपसा जीव वाचाडनो चाहे चो ओको खुवसे आरू जो कुई ओको खुवे चो ओको वाचाड़ राखे
LUK 17:34 हाव तुमू छे कयता छे, उना रात दुय मानसे एक खाटला पर सुया होय छे; एक उठाव ली जासे आरू दिसरा छुड़ देय जासे।
LUK 17:35 दुय बायर एक साथे मा चक्‍की दवायती होती, एक उठाव ली जासे, आरू दिसरी छुड़ देय जासे।
LUK 17:36 दुय जन खेत मा होय छे एक आरू दिसरा छुड़ देय जासे।
LUK 17:37 यो सोमवीन ईशु पुछा, “हे पोरबु यो क होयछे?” ईशु उनछे कयो, “जहा धड़ छे वाँ घुवड़ एखठा होयछे।”
LUK 18:1 ईशु ओका विषय मा कि नीत्य प्रार्थना करने आरू हीयाव नी छुड़ने जुवे त्यो यो दृष्टान्त क द्वारा सिकाड्या।
LUK 18:2 काही नगर मा एक न्यायी रयता हुता जो नी यहोवा–भगवान सी बीक राखता हुता आरू नी काही मानुस की परवा करता हुता।
LUK 18:3 तीनी नगर मा एक रंडायली भी रयती होती जो ओका साथे आय आवीन कयो करती होती, “मारे न्यायी चुकाकर मखे मुद्दई छे वाचाड़।”
LUK 18:4 काही टेहाव तक तो वो नी मान पुन आखरी मा मन मा विचार कर कयो, “यदि हाव नी यहोवा–भगवान सी बीक राखता हुता आरू नी मानुस की काही परवाह करता छे।”
LUK 18:5 तौभी यो रंडायली मखे सताती रयती छे, अतरान करीन हाव ओको न्याय चुकाड़ता, कयी ओसो नी हाव की घड़ी–घड़ी आवीन आखरी क मारे नाक मा दम कर्‍या।
LUK 18:6 पोरबु ने कयो, “सोमवु यो अन्यायी न्यायी काय कयता छे?”
LUK 18:7 अतरान करीन काय यहोवा–भगवान आपने नेवाड़ला हुया क न्याय नी चुकाड़से, जो रात–दाहडो ओकी मदत क करता रड़ता मदत क करता आयड़ता रया छे? काय वो ओको विषय मा देर करसे।
LUK 18:8 हाव तुमछे कयता छे, वो छाटोत ओको न्याय चूकाड़छे। तौभी मानुस क पोर्‍या जव आवसे तो काय वो धरती पर विश्वास देखछे?
LUK 18:9 त्यो उनछे जो आपने उपर विश्वास राखता छे कि हामु न्यायी सी आरू दिसरा क तुच्छ जानता हुता यो दृष्टान्त कयो:
LUK 18:10 दुय मानुस मंदिर मा प्रार्थना करने क करता गया एक फरीसि हुता आरू दीसर व्याज लेनेवावा।
LUK 18:11 फरीसि उबो हईन आपने मन मा यो प्रार्थना करने लाग्या, “हे यहोवा–भगवान, हाव तारो धन्यवाद करता छे की हाव दिसरा मानुस क समान लोभी, बेईमान आरू व्यभिचारी नी, आरू नी इनीये व्याज लेनेवावा क समान छे।”
LUK 18:12 हाव सप्ताह हाव दुय बार उपवास राखता छे; हाव आपसी सब कमाय क दसवो अंश भी देता छे।
LUK 18:13 “पुन फाळो लेनेवाळा ने दुर उबा हईन सोरग की आरू आपसा डुवा उठाड़ीन भी नी जुया वरना आपसी छाती ठुक–ठुकीन कयो, हे यहोवा–भगवान, मखे पापी पर दया कर!”
LUK 18:14 हाव तुमू छे कयता छे की वो दिसरा नी, पुन योही मानुस न्यायी ठेराया जाय आपने घर गया; काहकि जो काही आपने आपको मोटो बनावछे, वो नम्र कयो जाछे; आरू जो आपने आपको नम्र बनावछे, वो मोटो कर्‍या जाछे।
LUK 18:15 पछु मानसे आपने पोर्‍या क भी ओका साथे लावने लाग्या की वो उन पर हाथ राख्य: पुन चेला ने देखीन तीनुक लड़िया।
LUK 18:16 ईशु ने पोर्‍या क साथे बुलावीन कयो, “पोर्‍या क मारे साथे आवने देवु आरू तीनुक मना नी करू: काहकि यहोवा–भगवान क राज्य ओसो ही क छे।”
LUK 18:17 हाव तुम छे सच कयता छे कि जो काही यहोवा–भगवान क राज्य क पोर्‍या क समान मान्य नी करसे वो उको कदी भरायने करने नी देखे।
LUK 18:18 काही यहूदि सरदार ने उको पुच्छा, “हे खरला गुरू, अमरकाय जीवन क हक हुयने क करता हाव काय करीस?”
LUK 18:19 ईशु ने उको कयो, “तु मखे खरला काय कयता छे? काही खरलो नी, केवल एक, मतलब यहोवा–भगवान।”
LUK 18:20 तु हुकुम क तो जानता छे: व्यभिचार नी करने हत्या, नी करने आरू चोरी नी करने, काही कि झुठी गवा नी देने, आपने बास आरू आपसी आश क विजुत करने।
LUK 18:21 यहूदि सरदार कयो, “हाव तो इन सब क लड़कपन छे मनता आवलो छे।”
LUK 18:22 यो समवीन ईशु ने ओका सी कयो, “तुखे हिमी भी एक वात करने छे, आपसा सब काय वेचीन गरीबो मा वाट देय; आरू तुखे सोरग मा धन मिवछे, आरू आवीन मारे पछळ होय ले।”
LUK 18:23 वो यो समवीन जुवान क चेहरो नराज हुयो, काहकि वो मोटो धनी हुता।
LUK 18:24 ईशु ने ओको देखीन कयो, “धनवान क यहोवा–भगवान क राज्य मा भरायने करने कतरा वातड़ो छे!
LUK 18:25 यहोवा–भगवान क राज्य मा धनवान क भरायने करने वातड़ो छे, लीन उटड़ान क सुवी क गाळा मा छे नीकाव जने छे सहज छे।”
LUK 18:26 इनीये पर समवने वावा ने पुछा, “तो पछु कुनीन उध्दार हुयसे छे?”
LUK 18:27 ईशु कयो, “जो मानुस छे नी होय सकता, वो यहोवा–भगवान छे होय सकता छे।”
LUK 18:28 पतरस ईशु क कयो, “हामु तो घर–बार छुड़ीन तारे पछळ जाय लेदा छे।”
LUK 18:29 त्यो ओका सी कयो, “हाव तुमछे सच कयता छे की ओसो काही नी जीसने यहोवा–भगवान क राज्य क करता घर, या बायर, या भाईस, या आश–बास, या पोर्‍या क छुड़ दीया होय:”
LUK 18:30 “आरू इनीये टेहाव कयी गुना ज्यादा नी देख्या आरू आवने वावा युग मा अमरकाय जीवन।”
LUK 18:31 पछु त्यो बारा क साथे लीन जाईन उनछे कयो, “देखो हामु यरूशलेम क जाता छे आरू जोतरी वात मानुस क पोर्‍या क करता भविष्यवक्ता क द्बारा लिखी गयी छे, वो सब पुरी होयछे।
LUK 18:32 काहकि वो गैरयहुदी क हाथ मा सौप देसे, आरू वो उको ठट्ठा मा उड़ावने; आरू ओको विजुत करने, आरू उना पर थूपने,
LUK 18:33 आरू उको कोड़ मारने, आरू घात करने: आरू वो तीसरे दाहडे जीवीन उठसे।”
LUK 18:34 पर चेलोने इन वात मा छे काय वात नी समझा: आरू यो वात उनछे डुकाडीन रयी, आरू ईशु जो कयो गया हुता वो चेलो कि समझ मा नी आश।
LUK 18:35 जव ईशु यरीहो नगर क नाट पुच्चा, ते दूय आंदवो सडक क धोड़े बठयो हुयो भीख मांग रया हुता।
LUK 18:36 वो गर्दी क चालने की आवाज सोमवीन पुछने लाग्या, “यो काय होय रया छे?”
LUK 18:37 त्या ओको देखाड्या, “ईशु नासरत नगर जाय रया छे।”
LUK 18:38 तव त्यो आयडी क कयो, “हे ईशु, दाऊद कि अवलियाद, हामरे पर दया कर!”
LUK 18:39 जो ओगोव–ओगोव जाय रया हुता, वो ओको लड़ायने लाग्या की चुप रया: पुन वो आरू भी आयड़ने लाग्यो, “हे दाऊद की अवलियाद, मखे पर दया कर!”
LUK 18:40 तव ईशु ने उबा हईन हुकुम देदी की ओको मारे साथे लावु, आरू जव वो आंधवो नीकट आयो ते त्यो ओका सी पुछा,
LUK 18:41 “तु काय जुवता छे की हाव तारे करता करीस?” त्यो कयो, “हे पोरबु, यो की हाव देखने लाग्यो।”
LUK 18:42 ईशु ने उको कयो, “देखने लाग्या; तारे विश्वास ने तुखे वारू कर दीया छे।”
LUK 18:43 तव वो छाटोत देखने लाग्यो आरू यहोवा–भगवान की बढ़ाई करता हुया ओका पछव होय लेदा; आरू सब मानसे ने देखिन यहोवा–भगवान कि बढ़ाई कर्‍या।
LUK 19:1 वो यरीहो मा भरायने करीन जाय रया हुता।
LUK 19:2 वाँ जक्‍कयो नावको मानुस हुता जो फावो लेनेवावा क सरदार हुता आरू धनी हुता।
LUK 19:3 वो ईशु क देखने जुवता हुता कि वो कुन सा छे। पुन गर्दी क कारण देख नी सकता हुता, काहकि वो बटक्या हुता।
LUK 19:4 तव ओको देखने क करता वो ओगव दौडीन एक गुलर क झाड़का पर चढ़ गया, काहकि ईशु तीनेत मार्ग छे जानेवावा हुता।
LUK 19:5 जव ईशु उना धरती पुच्चा तो ऊपर दृष्टि करीन ओका सी कयो, “हे जक्‍कयो, छाटो उतर आव; काहकि आज मखे तारे घर मा रयने पाको छे।”
LUK 19:6 वो तत्काल उतरीन खुशी छे उको आपने घर ली गया।
LUK 19:7 यो देखीन सब मानसे कुरकुर करने लाग्या, “वो तो एक पापी मानुस क याहा जाय उतरियो छे।”
LUK 19:8 जक्‍कयो ने उबा हईन पोरबु छे कयो, “हे पोरबु, देख हाव आपसी आधी सम्पती गरीबो क देता छे, आरू यदि काही क भी अन्याय करीन लेदा छे तो उको चोवगुना फेर देता छे।”
LUK 19:9 तव ईशु ने ओका सी कयो, “आज इनीये घर मा उध्दार आश छे, अतरान करीन कि यो भी अब्राहम क एक पोर्‍या छे।
LUK 19:10 काहकि मानुस क पोर्‍या खुवायो हुयो क हेरने आरू ओको उध्दार करने आश छे।”
LUK 19:11 जव वो यो वात सोमवी रया हुता, तो त्यो एक दृष्टांत कयो, अतरान करीन कि वो यरूशलेम क नीकट हुता, आरू वो समझता हुता कि यहोवा–भगवान क राज्य अब प्रगट हुयने वावा छे।
LUK 19:12 शेवली कावा त्यो कयो, “एक धनि मानुस दुर देस क चाली ताकी राज्य क पद देख्या पछा फीरीन आश।”
LUK 19:13 त्यो तुमरा दासो मा छे दस क बुलावीन तीनुक दस मुहर दिदा आरू उनछे कयो, “मारे पछव फिरीन आवने तक लेन–देन करने।”
LUK 19:14 पुन ओका नगर क रयने वावा ओका सी बैर रखता हुता, आरू ओका पछळ दुत क द्बारा कहवाये मुकल्या, “हामु नी जुवता कि यो हामु पर राज्य करे।”
LUK 19:15 जव वो राज्य क पद जुड़यो तव वा पछा पुगीयो, तो ओसो हुया कि त्यो आपने दासो क जीनुक रोकड दि होती, आपने साथे बुलाया ताकि मालम कर्‍या की त्या लेन–देन छे काय–काय कमाया।
LUK 19:16 तव पेहले ने आवीन कयो, “हे भगवान, तारी मुहर छे दस आरू मुहर कमाया छे।”
LUK 19:17 त्यो ओका सी कयो, “वारला आरू सयाळा दास! तु घोणा ही थुडा मा छे विश्वास योग्य नीकाव्या हिमी दस नगर पर हक राख।”
LUK 19:18 दिसरा आवीन कयो, “हे स्वामी, तारा सिक्‍का छे पाच आरू सिक्‍का कमाया छे।”
LUK 19:19 त्यो ओका सी भी कयो, “तु भी पाच नगर क सरदार क शासक बनजी।”
LUK 19:20 दिसरा आवीन कयो, “हे भगवान, देख सोनान सिक्‍का यो छे, जीनाक हाव ने पुतल्या मा बांधीन राख्या हुता।
LUK 19:21 काहकि हाव तुखे छे घबरायता हुता, अतरानकरीन कि तु ठुकर मानुस छे: जो तुने नी राख्या उको उठा लेता छे, आरू जो तुने जव वेर्‍या, उको काटतो छे।”
LUK 19:22 त्यो ओका सी कयो, “हे दृष्ट दास, हाव तारी मुह छे तुखे दोषी ठेहराया छे। तु मखे जानता हुता की ठुकर मानुस छे, जो हाव ने नी राख्या छे उठाय लेता, आरू जो हावने नी वेर्‍या उको काटतो छे;
LUK 19:23 तो तुने मारा धन सराफो क साथे काय नी राख्या दीया की हाव आवीन व्याज सहावत लेय लेता?”
LUK 19:24 आरू जो मानसे उबा हुता, त्यो उनछे कयो, “वो सोनान सिक्‍का ओका सी लेय ले, आरू जेका साथे दस सोनान सिक्‍का छे उको दे दो।”
LUK 19:25 त्या ओका सी कयो, “हे भगवान, ओका साथे दस सोनान सिक्‍का ते छे।”
LUK 19:26 “हाव तुमछे कयतु छे की जेका साथे छे, उको दीया जाछे; आरू जेका साथे नी छे, उको वो भी जो ओका साथे छे ले लेदा जाछे।”
LUK 19:27 “पुन मारे उन दुस्मनयो क जो नी जुवता हुता की हाव उन पर राज्य करीस, उनको या लावीन मारे सामने घात करीस।”
LUK 19:28 यो वात कयीन वो यरूशलेम की आरू ओको अगळ–अगळ चाल्या।
LUK 19:29 जव वो जैतुन नाव क बयड़ा पर बैतफगे आरू बैतनिया क साथे पुच्चा, तो त्यो तुमरा चेला मा छे दुय क यो कयीन मुकल्या,
LUK 19:30 “सामने क गाव मा जावु; आरू उको पुचता ही एक गदड़ी क पीलो जीस पर कदी कोय सवार नीहि हुया, बांधियो हुया तुम्हे मीवछे, ओको छुड़ीन लेय आवु।
LUK 19:31 यदि काही तुमू छे पुछ्या की काय छुड़ता होय, तो यह कय देना कि पोरबु क इनाक जरूरत छे।”
LUK 19:32 जो मुकल्यया गया हुता, त्या जायन जसो ईशु उनछे कयो हुता, वोसो ही देख्या।
LUK 19:33 जव वो गदडा क पिल्लो क छुड़ता रया हुता तो गदडा क मालीक ने त्यो पुछा, “इनीये पीला क काय छुड़ता होय?”
LUK 19:34 त्या कयो, “पोरबु क इनाक जरूरत छे।”
LUK 19:35 वो ओको ईशु क साथे ले आश, आरू आपने लुगड़ा उना पीला पर नाखीन ईशु क उना पर बठाड दिया।
LUK 19:36 जव वो जाय रया हुता, तो वो आपने लुगड़ा मार्ग मा आथरता जाता हुता।
LUK 19:37 नीकट आवता हुया जव वो जैतुन बयड़ा की ढलान पर पुच्चा, तो चेला कि सारी मंडळी उन सब शक्ति क काम क कारण जो तीनुक देख्या हुता, खुश हईन मोटा ओवाज छे यहोवा–भगवान की बढ़ाई करने लाग्या:
LUK 19:38 “धन्य छे वो राजा, जो पोरबु क नाव छे आवता छे! सोरग मा शांती आरू आकाश मण्डल मा महिमा होय!”
LUK 19:39 तव गर्दी मा छे काय फरीसि उको कयनो लाग्या, “हे गुरू, आपसा चेला क लड़िया।”
LUK 19:40 त्यो जवाब दीय, “हाव तुमछे कयता छे, यदि यो चुप रया तो दगड़ा आयड़ने उठसे।”
LUK 19:41 जव वा नीकट आश तो नगर क देखिन उना पर रड्या।
LUK 19:42 आरू यरूशलेम क देखीन कयो, “काय ही भला हुयसे की तु, हाव, तु ही, इने दाहडे हाव कुशल की वात जानता, पुन वो तारा डुवा छे डुकाय गयी छे।
LUK 19:43 काहकि वो दाहडो तुखे पर आवसे कि तारे दुस्मन मोरचा बांधिन तुखे घेर लेछे, आरू च्यारो तरफ छे तुखे दाब देसे;
LUK 19:44 आरू तुखे आरू तारा पोर्‍या क जो तुखे मा छे, धरती मा मिववछे, आरू तुखे मा दगड़ा पर दगड़ा भी नी छुड़से; काहकि उना मेखे क जव यहोवा–भगवान तुखे बचाने क था तुने उको नी पेहचान।”
LUK 19:45 तव ईशु मंदिर मा जाईन वेचने वावा क बारथा नीकावणे लाग्या,
LUK 19:46 आरू उनछे कयो, शास्त्र मा लिख्या छे, यहोवा–भगवान कयता छे “मारो घर प्रार्थना क घर होयछे पुन तुमू ने उको डाकु कि खोह बनाड़ देदो छे।”
LUK 19:47 वो हर दाहडे मंदिर मा शिक्षा करता हुता; आरू मुखी पुजारा आरू शास्त्री आरू मानसे क मुखिया उको मारना क मेखे हेरता हुता।
LUK 19:48 पुन काही उपाय नी नीकाव सक्या की यो काही प्रकार कर्‍या, काहकि सब मानसे मोटि चाह छे ओकी सोमवता हुता।
LUK 20:1 एक दाहड़े ओसो कि जव ईशु यरूशलेम मंदिर मा जाईन शिक्षा दी रियो हुतो आरू खुश खबर सोमवी रया हुता, तो मुखी पुजारा आरू शास्त्री, डाहडा क साथे धड़े आवीन उबा हुया;
LUK 20:2 आरू कयनो लाग्या, “हामु देखाड़ तु इन काम कि काही हक छे करता छे, आरू वो कुन छे। जो तुखे यो हक दिया छे?”
LUK 20:3 ईशु ओका जवाब देदो, “हाव भी तुमू छे एक सवाल पुछता छे; मखे देखाडु
LUK 20:4 यहुन्ना क बपतिस्मा करने क हक सोरग कि तरफ छे हुता या मानसक क तरफ छे हुता?”
LUK 20:5 तव वो आपस मा कयनो लाग्या, “हामु काय जवाब देय, हामु कये सोरग कि तरफ छे, तो वो कवसे, पछु तुमू ने ओकी प्रतिति काय नी करी?”
LUK 20:6 आरू यदि हामु कये, “मानुस कि आरू छे, तो सब मानसे हामु पर दगड़ा देसे, काहकि वो सचमुच जानता छे कि यहुन्ना क कागळीयो मानता हुता।”
LUK 20:7 शेवली कावा त्या जवाब देदो, “हामु नी जानता कि वो काही की आरू छे हुता।”
LUK 20:8 ईशु ने उनछे कयो, “तो हाव भी तुम क नी देखाडता कि हाव यो काम काय हक छे करता छे।”
LUK 20:9 तव वो मानसे छे यो दृष्टान्त कयनो लाग्या: “काही मानुस ने अंगुर क वाड़ी लगाया, आरू ठेका दे देदा आरू घोणा दाहाड़ा क करता परदेश जात रया।”
LUK 20:10 जव अंगुर क टेहाव आश तो त्यो किसान क साथे एक दास क मुकल्या की वा अंगुर की वाड़ी क काही फोव क भाग उको देय पर किसान ने उको पिटाकर खाली हाथ पछा पुगाड़ दिया।
LUK 20:11 पछु त्यो एक आरू दास क मुकल्या, आरू त्या उको भी पिटाकर आरू ओको विजुत करीन खाली हाथ पछा फीराय दीया।
LUK 20:12 पछी त्यो तीसरा मुकल्या, आरू त्या उको भी घायल करीन बाहरता नीकाव दीया।
LUK 20:13 तव अंगुर की वाड़ी क भगवान ने कयो, “हाव काय करीस? हाव आपने मोंगावु पोर्‍या क मुकलीस, सम्भव छे पोर्‍या क विजुत करसे।”
LUK 20:14 जव किसान ने उको देखा तो आपस मा विचार करने लाग्या, “यो तो वारीस; आवु, हामु इनाक मार नाख्या की मीरास हामरी होय जाछे।”
LUK 20:15 आरू त्या उको अंगुर न वाड़ी सी बाहर निकालीन मार न्हाखिया। अतरान करीन अंगुर क वाड़ी क भगवान ओको साथे काय करसे?
LUK 20:16 “वो आवीन उन किसान क नष्ट करसे, आरू अंगुर की वाड़ी दिसरा क सोप्या।” यो सोमवीन त्या कयो, “यहोवा–भगवान करे असो नी होय।”
LUK 20:17 ईशु ओको आरू देखिन कयो, “पछु यो काय लिख्या छे: “जिन दगड़ा क राजमिस्त्री ने निकम्मा ठेराया हुता, वो ही कुपरा क सीरा होय गया।”
LUK 20:18 जो काही उना दगड़ा पर पड़से वो तुकड़ा होय जाछे, आरू जिना पर त्यो दगड़ो पड़से, उको चिमधी देसे।
LUK 20:19 तीनी घड़ी शास्त्री आरू मुखी पुजारा ईशु क धरने चाह्या, काहकि वो समझ गया हुता कि त्यो हामु पर यो दृष्टान्त कयो, “पुन वो मानसे छे घाबराया।
LUK 20:20 आरू वो ओकी ताकत मा लाग्या आरू मुकल्या की न्यायी क भेष धरीन ईशु क काही नी काही सवालो मा धरने, ताकी उको रोमन शासक क हात आरू हक मा सोप देदा।”
LUK 20:21 त्या ईशु छे पुछा, “हे गुरू, हामु जानता छे कि तु ठीक कयता आरू सिखाडता भी छे, आरू काही पक्ष पता नी करता, वरना यहोवा–भगवान क सच्चाई छे बताता छे।
LUK 20:22 काय हामु कैसर रोमि सम्राट क फाळु आपनो वारू छे या नी?”
LUK 20:23 ईशु ओकान चालाकसे क ताड़कर उन छे कयो,
LUK 20:24 “एक चाँदी क दीनार मखे देखाड़। इनीये पर काही की छाप आरू नाव छे?” त्या कयो, “कैसर रोमि सम्राट क।”
LUK 20:25 ईशु उन लोगहन सी कयो, “तो जो कैसर रोमि सम्राट क छे, वो कैसर रोमि सम्राट क देवु; आरू जो यहोवा–भगवान क वो यहोवा–भगवान क देवु।”
LUK 20:26 वो मानसे क सामने इनीये वात मा उको दरिया नी सक्या, वरना ओका जवाब छे घबराय हईन चुप रया गया।
LUK 20:27 पछु, सदूकियो जो कयता छे कि मारला हुया क जीवाड़ी झेलीया छे ही नी, ओका छे काही ने ओका साथे आवीन पूछा,
LUK 20:28 “हे गुरू मूसा ने हामरे करता यो नियम लिख्या छे: यदि काही क भाईस आपसी बायर क रयता हुया विना अवलियाद मर जाय, तो ओको भाईस ओकी बायर छे वियाव कर लेय, आरू आपने भाईस क करता अवलियाद पैदा करे।
LUK 20:29 सात भाईस हुता, पेहला भाईस वियाव करीन विना अवलियाद मर गया।
LUK 20:30 पछु दिसरा,
LUK 20:31 आरू तीसरे ने भी उना बायर छे वियाव कर लेदो। इनी रीति छे सात विना अवलियाद मर गया।
LUK 20:32 आखरी मा वो बायर भी मर गयी।
LUK 20:33 एरकरीन जीवीन उठने पर वो ओका छे काही की बायर होयछे? काहकि वो सात ने ओका सी वियाव होयी होती।”
LUK 20:34 ईशु उनछे कयो, “इनीये युग की मानसे मा तो वियाव हुयसे छे,
LUK 20:35 पर जो मानसे इनीये योग्य ठरछे कि उना युग क आरू मर्‍या हुया मा छे जीवीन उठने क हासिल करे, वो नी वियाव करसे आरू नी वियाव मा दिया जाछे।”
LUK 20:36 वो पछु मरना क भी नी; काही वो सोरगदूत क समान होयछे, आरू मरे मा छे जीव उठने क अवलियाद हुयने छे यहोवा–भगवान कि भी अवलियाद होय छे।
LUK 20:37 पुन इनीये वात क कि मरे हुया जीव उठ्या छे, मूसा ने भी धपतो झाड़ी कि कथा मा प्रकट करी छे कि वो पोरबु क अब्राहम क यहोवा–भगवान, आरू इसहाक क यहोवा–भगवान, आरू याकोब क यहोवा–भगवान कयता छे।
LUK 20:38 यहोवा–भगवान क मरला क नी पुन जीवता क यहोवा–भगवान छे काहकि ओका नीकट सब जीवता छे।
LUK 20:39 तव यो सोमवीन शास्त्री मा छे थुड़ांक यो कयो, “हे गुरू तु वारू कयो।”
LUK 20:40 आरू त्यो पछु ओका सी काय आरू पुछने क हिंमत नी हुया।
LUK 20:41 पछु ईशु उनछे पुछा, “मसीह क दाऊद कि अवलियाद कसो कयता छे?
LUK 20:42 दाऊद आप भजन सहिंता कि किताब मा कयता छे: “पोरबुने मारे पोरबुछे कयो, मारे दायीन बठ्या,
LUK 20:43 जब तक कि हाव तारे दुस्मनया क तारे पाय क तोवे नी कर देसे।
LUK 20:44 दाऊद तो उको पोरबु, पोरबु कयता छे; तो पछु वो ओकी पोर्‍यो कसो ठेहराया?”
LUK 20:45 जव सब मानसे सोमवी रया हुता तो ईशु आपने चेलो छे कयो,
LUK 20:46 शास्त्रीयो छे चोकचौळीया रया, जीनको नाम्बा चोगला पेहर्‍या हुया पुगनेन वारला लागता छे, आरू जीने बजारमा नमस्कार आरू आराधना घरो मुखी आसन आरू भोज मा मुखी स्थान मोंगावु लागता छे।
LUK 20:47 वो रंडायली क घर खाये जाता छे आरू ओको गैर फायदा लेता छे आरू देखाने क करता मोटी–मोटी प्रार्थना करता रयता छे: यो घोणा ही दण्ड जोड़से।
LUK 21:1 पछु ईशु डुवा उचा करीन धनवान क आपने मंदिर क दान भण्डार मा नाखता देख्या।
LUK 21:2 त्यो एक गरीब रंडायली क भी उको तांब क दुय दमड़ीया नाखता।
LUK 21:3 तव ईशु कयो, “हाव तुमू छे सच कयता छे कि इनीये गरीब रंडायली ने सब छे जादा नाख्या छे।
LUK 21:4 काहकि उन सब आपसी बढ़ती मा छे दान माहय काय नाखता छे, पुन यो आपसी घटी मा छे आपसी सब जीविका नाख देदी छे।”
LUK 21:5 जव काय मानसे मंदिर क विषय मा चेलो हाव छे कायी ने कय रया हुता कि वो कोसो घाटळो दगड़ो आरू यहोवा–भगवान क दिये भेंट छे संबारा गया छे, तो ईशु कयो,
LUK 21:6 “वो दाहड़ो आवसे, जिनहाव यो सब जो तुमू देखता होय, ओका छे याहा काही दगड़ा पर दागड़ा भी नी छुटसे जो ढाया नी जाछे।”
LUK 21:7 ईशु ओका सी पुछा, “हे गुरू, यो सब काह होयछे? आरू यो वात जव पुरी हुयने पर होयछे, तो उना टेहाव क काय सहलानी होयछे?”
LUK 21:8 ईशु कयो, चोकचौळीया रयो भरमाय नी जावु, काहकि घोणा छे मारे नाव छे आवीन कयसे, “हाव ची छे, आरू यो भी कि, टेहाव निकट आय पुच्चा छे तुमू ओको पछव नी चाल्या जाने।”
LUK 21:9 “जव तुमू लड़ाइयो आरू बलवों की चर्चा सोमवु तो घबराय नी जाने, काहकि इन्दरो पेहले हुयने पाको; पुन उना टेहाव तत्काल आखरी होयछे।”
LUK 21:10 तव त्यो उनछे कयो, “देश पर देश आरू राज्य पर राज्य लड़ाई करसे,
LUK 21:11 आरू मोटा भूकप होयछे, आरू धरती अकाल आरू महामारिया पड़से, आरू आकाश छे भयंकर वात आरू मोटी सहलानी प्रगट होयछे।
LUK 21:12 पुन इन सब वात छे पेहले वो मारे नाव क कारण तुमू पर पड़से, आरू सतावछे, आरू पचायतो मा सौपछे, आरू जेल मा नाखछे, आरू राजा आरू सरदार क सामने ली जाछे।
LUK 21:13 पर यो तुमरे करता खुश खबर कि गवा देने क मेखे हो जाछे।
LUK 21:14 एरकरीन मन मा ठान राख्या कि आपने खुद क कोसो वाचाड़ने क करता पेहले छे चिंता नी करसे।
LUK 21:15 काहकि हाव तुम्हे ओसो बुल आरू बुध्दि देसे कि तुमरे सब विरोधी सामना या खण्डन नी कर सकछे।
LUK 21:16 तुमरे आश बास, आरू भाईस, आरू रिश्तेदार, आरू दोस्त भी तुमूक धरावसे; या तक कि तुमू मा छे काय क माराय नाखछे।
LUK 21:17 मारा नाव सी सब मानसे तुमू छे बैर करसे।
LUK 21:18 पुन तुमरे मुनका क झटा भी वाका नी होयछे।
LUK 21:19 आपने धीरज छे तुमू आपने जीव क वाचाड़ी राखछे।
LUK 21:20 “जव तुमू यरूशलेम क छेना छे घिरा हुया देखो, जान लेय कि ओको उजाड़ जाने नाट छे।
LUK 21:21 तव जो यहूदि या मा होय वो बयड़ा पर ढास जाय; आरू जो यरूशलेम क माहीय होय वो बाहरता निकवी जाय; आरू जो गाँव मा होय वो उना शहरो माहीय नी जाय।
LUK 21:22 काहकि यो बदला लेने क ओसो दाहड़ो होयछे, जिन वचन मा लिखी हुयी सब वात पूरी होय जाछे।
LUK 21:23 उन दाहड़ा मा जो भारीस आरू दूध पिवाड़ती होयछे, ओको करता हाय, हाय! काहकि धरती पर मोट पीड़ा आरू इन मानसे पर मोट प्रकोप होयछे।
LUK 21:24 वो तलवार छे मार देय जाछे, आरू सब देश क मानसे मा बंद हईन पुचाड़े जाछे; आरू जव तक गैर यहूदि क टेहाव पूरा नी होय तव तक यरूशलेम गैरयहुदी छे रौंदा जाछे।
LUK 21:25 “दाहडु आरू चाँद, आरू तारे मा सहलानी देखाय देसे; आरू धरती पर देश क मानसे क सकट होयछे, काहकि वो दरिया क गरजने आरू लहरा क कोलाहल छे घाबराय जाछे।
LUK 21:26 बीक क कारण आरू संसार पर आवनेवावी घटना की वाट देखता मानसे क जीव मा जीव नी रवछे, काहकि आकाश की शक्ति हाल जाछे।
LUK 21:27 तव वो मानुस क पोर्‍या क शक्ति आरू मोटी महिमा क साथे वादवा पर आवता देखछे।
LUK 21:28 जव यो वात हुयने लागी, तो सुध उबा हईन आपने मुनका ऊपर हाकलने; काहकि तुमरा छुटकारा निकट होयछे।”
LUK 21:29 ईशु उनछे एक दृष्टान्त भी कयो: “अंजीर क झाड़को आरू सब झाड़का क देख्या।
LUK 21:30 ज्योही ओका कोपले निकावती छे, तो तुमू देखीन आप ही जान लेता कि ग्रीष्मकाल निकट छे।”
LUK 21:31 इनी रीति छे जव तुमू यो वात हुयसे देखु, तव जान ले कि यहोवा–भगवान क राज्य निकट छे।
LUK 21:32 हाव तुमू छे सच कयता छे कि जव तक यो सब वात नी होय लेय, तव तक इनीये पीढ़ी क कदी आखरी नी होयछे।
LUK 21:33 आकाश आरू धरती टवे जाछे, पुन मारी वात कदी नी टळसे।
LUK 21:34 एरकरीन सावधान रयो, ओसो नी होय कि तुमरे मन खुमार, आरू मतवालेपन, आरू इनीये जीवन की चिंता छे सुस्त होय जाय, आरू वो दाहड़े तुमू पर फंदान क समान उचकाळुन आय पड़्या।
LUK 21:35 काहकि वो सारी धरती क सब रयनेवावा पर इनी प्रकार आय पड़से।
LUK 21:36 “एरकरीन जागता रयो कि तुमू इन सब हर टेमे प्रार्थना करता रवु, आवनेवाळा घटना छे वाचाड़ने आरू मानुस क पोर्‍या क सामने उबा हुयने क योग्य बनु।”
LUK 21:37 वो दाहड़ा मा क मंदिर मा सिखाडता हुता, आरू रात क बाहरता जाईन जैतुन नावको बयड़ा पर रया करता हुता;
LUK 21:38 आरू रोज भोर क जलदी सब मानसे ओकी सोमवने क करता मंदिर मा ओका साथे आवी करता हुता।
LUK 22:1 अखमीरी रूटा क पर्व जो फसह छे, निकट हुता;
LUK 22:2 आरू मुखी पुजारा आरू शास्त्री इनीये वात की खोज मा हुता की ओको कोसो मार नाखीस, पर वो मानसे छे घाबरायता हुता।
LUK 22:3 तव शैतान यहूदा मा समाया, जो इस्करियोती कवाये आरू बारा चेला मा गिने जाता हुता।
LUK 22:4 यहूदाने जाईन मुखी पुजारा आरू मंदिर क पहरू क सरदार क साथे वातचीत करी कि ओको काही प्रकार ओको हात धराया।
LUK 22:5 वो खुश हुया, आरू उको पोशा देने क वचन दिया।
LUK 22:6 त्यो मान लेदा, आरू मेखे हेरने लाग्या कि जव गर्दी नी होय तो ओको हात धराय दिदा।
LUK 22:7 तव अखमीरी रूटा क पर्व क दाहाड़े आयो, जिनामा फसह क हाव गाडरान बलि चढ़ावता छे,
LUK 22:8 “ईशु पतरस आरू यहुन्ना क यो कोईन मुकल्या: जाईन हामरे खाने क करता फसह तीयार करू।”
LUK 22:9 त्या ओका सी पूछा, “तु कयो, जुवता छे कि हामु इनाक तीयार करू?”
LUK 22:10 त्यो ओका सी कयो, “देखु, नगर मा भरायने करता ही एक मानुस पानी क वटवो उठाय हुया तुमूक मिवछे; जिना घर मा वो जाय तुमू ओका पछव चालने”
LUK 22:11 आरू उना घर क भगवान छे कयनो: “गुरू तुखे छे कयता छे कि वो पाहंतराय करने क घर कयो छे जिना मा आपने चेला क साथे तीवार खावु?”
LUK 22:12 वो तुमूक एक सजी–सजावळी मोटी उपर कि कमरो देखाय देसे; वो हामरे करता तीयार करू।
LUK 22:13 त्या जाईन, जोसो त्यो उनछे कयो हुता, वोसो ही देख्या आरू तीवार तीयार कर्‍या।
LUK 22:14 जव घड़ी आय पुच्चा, तो वो प्रेरितन क साथे भोजन करने बठ्या।
LUK 22:15 आरू त्यो उनछे कयो, “मखे मोटी लालस होती कि दुःख भोगने छे पहले यो तीवार तुमरे साथे खासे।
LUK 22:16 काहकि हाव तुमछे कयता छे की जव तक वो यहोवा–भगवान क राज्य मा पुरा नि होय तव तक हाव उको कदी नी खाइस।”
LUK 22:17 तव त्यो वाटको लीन धन्यवाद कर्‍या आरू कयो, “इनीये क ले आरू आपस मा वाट लेवु।
LUK 22:18 काहकि हाव तुमछे कयता छे कि जव तक यहोवा–भगवान क राज्य नी आवे तव तक हाव अंगुर क रस हिमी छे कदी नी देखीस।”
LUK 22:19 पछु त्यो रूटा लीन आरू धन्यवाद करीन तुडीन आरू उनको यो कयता हुया आपियो, “यो मारी देह छे जो तुमरे करता देदी जाती छे: मारे स्मरण क करता योही कर्‍या करो।”
LUK 22:20 इनी रीति छे त्यो भोजन क वाटको भी यो कयता हुया दिया, “यो वाटको मारे उना लुहूय यो मा जी तुमरे करता वेर्‍या जाता छे नयी वाचा छे।”
LUK 22:21 पर देखु, मखे धरावने वावा क हाथ मारे साथे हावज पर छे।
LUK 22:22 “काहकि मानुस क पोर्‍या तो जोसो ओका करता ठेराया गया जाता ही छे, पर हाय उना मानुस पर जेका द्बारा वो धराया जाता छे!”
LUK 22:23 तव आपस मा पुछताछ करने लाग्या कि हामु मा छे कुन छे, यो काम करसे।
LUK 22:24 ओका यो वाद विवाद भी हुया की उन मा छे कुन मोटो समझ जाता छे।
LUK 22:25 त्यो ओका सी कयो, “गैरयहुदी क राजा उन पर पोरबुता करता छे; आरू जो उन पर हक राखता छे, वो करलो काम कोवायता छे।”
LUK 22:26 पुन ओसो नी हुयने वरना जो तुमू मा मोटा छे वो नानो क समान आरू जो प्रधान छे, वो सेवक क समान बने।
LUK 22:27 काहकि मोटो कुन छे, जो भोजन करने बठ्या छे, या वो जो सेवा करता छे? काय वो नीहि जो भोजन करने बठ्या छे? पुन हाव तुमरे वीचमा सेवक क समान छे।
LUK 22:28 “तुमू चाज से, जो मारी परीक्षा मा लगातार मारे साथ रोया;
LUK 22:29 आरू जसो मारे बास ने मारे करता जो हक मारे क राज्य करने देदा छे, वोसो ही हाव भी तुमरे क हक देतो छे,
LUK 22:30 ताकि तुमू मारा राज्य मा मारी हावज पर खावु पिवु, वरना राजगाद्दी पर बठीन इस्राएल क बारा वंश क न्याय करू।
LUK 22:31 “शमौन, हे शमौन! सुन, शैतान ने तुमू सब क पारखने क करता मांग लेदा छे कि बुरे मा छे वारू क अलग करता छे जोसो किसान गवे क भुसो मा छे अलग करता छे,
LUK 22:32 पुन हाव थारे करता प्रार्थना करीयो की थारो विश्वास कम नी हुये; आरू जव तु पछो आवे, ती थारा विश्वासी भाईस क पाका करजी।”
LUK 22:33 पतरस ओका सी कयो, “हे पोरबु, हाव तारे साथे जेल जाने, आरू मरना क भी तीयार छे।”
LUK 22:34 ईशु पतरस सी कयो, “हे पतरस, हाव तुखे छे कयता छे कि आज कुकड़ा वाषने नी तव तक तु तीन बार मारो मना नी कर लीस कि तु मखे नी जानता।”
LUK 22:35 पछु ईशु ओका सी कयो, “जव हाव ने तुम्हे बटुवो, झुली, आरू खासड़ा विना मुकल्या हुता, तो काय तुमू क काही सामान की घटी हुयी होती?” त्या कयो, “काही सामान की नी।”
LUK 22:36 त्यो ओका सी कयो, पुन हिमी ओका साथे बटुवो होय वो उको ली आरू वोसो ही झुली भी आरू ओका साथे तलवार नी होय वो आपसा लुगड़ा वेचीन एक मुवे लेय।
LUK 22:37 काहकि हाव तुमू छे कयता छे, कि यो जो लिखा छे: “वो गुणेगार क साथे गिना गया, ओको मखे मा पूरा हुयने पाको छे; काहकि मारा विषय मा लिखी वात पूरी हुयने पर छे।”
LUK 22:38 त्या कयो, “हे पोरबु, याहा दुय तलवार छे!” त्यो उनछे कयो, “घोणा छे।”
LUK 22:39 तव वो बारा निकवीन आपसी रीति क लारे जैतुन क बयड़ा पर गया, आरू चेला ओका पछव चाल देदा।
LUK 22:40 उना धरती पुच्चा त्यो उनछे कयो, “प्रार्थना करू कि तुमू परीक्षा मा नी पड़्या।”
LUK 22:41 आरू वो आप उनछे अलग एक ढेला फेकना कि दूरी भर गया, आरू घुटना टेकीन प्रार्थना करने लाग्या,
LUK 22:42 “हे पिता, यदि तु जुवे तो इनीये दुःख क वाटको क मारे साथे छे हटा लेय, तौभी मारी नी पुन तारी ही मरजी पूरी होय।”
LUK 22:43 तव सोरग छे एक ओको देखाय दिया जो उको शक्ति देता हुता
LUK 22:44 वो घण व्याकुल हईन आरू भी हार्दिक वेदना छे प्रार्थना करने लाग्यो; आरू ओको गाम लुहूयन बूंदो क समान धरती पर पड़ रया हुता।
LUK 22:45 तव वो प्रार्थना छे उठ्यो आरू आपने चेला क साथे आवीन तीनुक शोक कि उदासी क मारे सुवता देख्या
LUK 22:46 आरू उनछे कयो, “काय सुवता होय? उठो, प्रार्थना करो कि तुमू परीक्षा मा नी पडु।”
LUK 22:47 ईशु यो कय ही रया कि एक गर्दी आवी, आरू उन बारा मा छे एक जेरो नाव यहूदा हुता ओको ओगव आय रया हुता। वो ईशु क साथे आश कि ओको गुवो लेदो।
LUK 22:48 ईशु ओका सी कयो, “यहूदा, काय तु चुमलीन मानुस क पोर्‍या क धराय देता छे?”
LUK 22:49 ओका चेलो ने जव देख्या कि काय हुयने वालो छे, वो कयो, “हे पोरबु, काय हामु तलवार चालाड़जे?”
LUK 22:50 आरू उनमा छे एक डाहला पुजारा क दास पर तलवार चालाड्या ओको डावु कांटो तुड़ देदो।
LUK 22:51 इनीये पर ईशु कयो, “हिमी बस कर।” आरू ओको कांटो छूकर ओको वारू कर्‍या।
LUK 22:52 तव ईशु मुखी पुजारा आरू मंदिर क पहरू क सरदार आरू डाहडा छे, जो उना पर चढ़ आश हुता, कयो, “काय तुमू मखे डाकू जानीन तलवार आरू ड़ेगा लेदा निकाव होय?”
LUK 22:53 जव हाव मंदिरमा हर दहाडे तुमरे साथे हुता, तो तुमू ने मखे पर हात नी नाख्या, पर यो तुमरी घड़ी छे, आरू आंधारला क हक छे।
LUK 22:54 पछु वो ईशु क धरीन ली चाल्या आरू महा पुजारा क घर मा लाया। पतरस दुर ही दुर ओका पछो चालता हुता।
LUK 22:55 आरू जव वो आंगना मा आगठो धपाडीन एखठा बठ्या, तो पतरस भी ओको विच मा बठ्या गया।
LUK 22:56 तव एक दासी उको आगठो क विजावो मा बठ्या देखीन आरू ओकी आरू ताककर कयनो लागी, “यो भी तो ईशु क साथे हुता।”
LUK 22:57 पुण पतरस यो कयीन मानने सी मना कर्‍या, “हे नारी हाव उको नी जानता।”
LUK 22:58 थुडी देर बाद काही आरू ने उको देखीन कयो, “तु भी तो तीनी मा छे है” पतरस ने कयो, “हे माणुस, हाव नी छे।”
LUK 22:59 काही घंटे पर क बाद एक आरू माणुस यकीन छे कहने लाग्या, “छाचो यो भी तो ओका साथे हुता, काहकि यो गलीली छे।”
LUK 22:60 पतरस कयो, “हे माणुस हाव नी जानता कि तु काय कयता छे।” वो कयीन रया कि छाटोत कुकड़ा ने वाषने लाग्यो।
LUK 22:61 तव पोरबु ने पछो पुगीन पतरस कि आरू देख्या, आरू पतरस क पोरबु नी वो वात फोम आवी जो पोरबु क कयी होती, “आज सोनदारे कुकड़ा क वाषने देने छे पेहले तु तीन बार मारे छे मानने सी मना करीस।”
LUK 22:62 आरू वो बाहरता नीकवीन खुप रोड्या।
LUK 22:63 जो माणुस ईशु क धरायो हुयो होतो वो उको ठट्टा मा उड़ावीन धुमाट्या लाग्या
LUK 22:64 आरू ओका डुवा ढाकीन ओका सी पुछ्या, “भविष्यवाणी करीन देखाड्या कि तुखे कुण मार्‍या छे!”
LUK 22:65 आरू त्या घोणा सी भी निंदा कि वात ओका विरोध मा कयी।
LUK 22:66 जव दाहाड़ा हुया तो मानसे क डाहडा, मुखी पुजारा आरू शास्त्री एखठा हुया आरू ईशु क आपसी महासभा मा लायो।
LUK 22:67 आरू पुछो, “यदि तु मसीहा छे तो हामु छे कय दे” त्यो उनछे कयो, “यदि हाव तुमू छे कहवो तो तुमू विश्वास नी करसे;
LUK 22:68 आरू यदि हाव सवाल पुछो तुमू तो जवाब नी देसे
LUK 22:69 पुन हिमी छे माणुस क पोर्‍य सर्व शक्तिमान यहोवा–भगवान क जेवड़े तरफ बठ्से।”
LUK 22:70 इना पर सब कयो, “ते काय तु यहोवा–भगवान क पोर्‍या छे?” ईशु उनछे कयो, “तुमू आप ही कयता होय की हाव छे।”
LUK 22:71 “तव त्या कयो, हिमी हामु गवा कि काय जरूरत छे; काहकि हामु आप ही ओका मुय छे सोमवी लेदा छे।”
LUK 23:1 तव सब सभा उठीन ईशु क पिलातुस क साथे ली गयी।
LUK 23:2 वो यो धरती उना पर दोष लागाड़ ने लाग्या: “हामु इनाक मानसे क भड़कावता, आरू कैसर क फाळु आपने सी मना करता, आरू आपने आप क मसीह, एक राजा कयता हुया सोमव्या छे।”
LUK 23:3 पिलातुस ने ओका सी पुछ्या, “काय तु यहूदि यो क राजा छे?” त्यो उको जवाब दिया, “तु आप आपसुत् कय रया छे।”
LUK 23:4 तव पिलातुस ने मुखी पुजारा आरू गर्दी छे कयो, “हाव इनीये मानुस मा काही दोष नी देखता छे।”
LUK 23:5 पर वो आरू भी यकीन छे कयनो लाग्या, “यो गलील छे लीन याहा तक, सब यहूदि या मा शिक्षा दे दीन मानसे क भड़कावता छे।”
LUK 23:6 यो सोमवीन पिलातुस ने पुछ्या, “काय यो मानुस गलीली छे?”
LUK 23:7 आरू यो जानीन की वो हेरोदेस की रीयासत क छे, उको हेरोदेस क साथे मुकली दीया, काहकि उन दाहाड़ा मा वो भी यरूशलेम मा हुता।
LUK 23:8 हेरोदेस ने ईशु क देख क घोणा ही खुश हुया, काहकि वो घोणा दाहाड़ा छे ओको देखने जुवता हुता; एरकरीन कि ओका विषय मा सोमवता हुता, आरू ओका सी काही चमत्कार देखने की आश राखता हुता।
LUK 23:9 वो ओका सी घोणा सी वात पुछता रया, पर त्यो ओको काय भी जवाब नी दीया।
LUK 23:10 मुखी पुजारा आरू शास्त्री उबा हुया उना पर वातड़ो दोष लागाड़ ता रया।
LUK 23:11 तव हेरोदेस ने आपने सिपायड़ा क साथे ओको विजुत करीन ठट्ठा मा उड़ाया आरू वारला छिंदरा पेराया उको पिलातुस क साथे मुकली दिदा।
LUK 23:12 तीनी दाहाड़ा पिलातुस आरू हरोदेस दोस्त होय गया; ओका पेहले वो एक–दिसरा क दुस्मन हुता।
LUK 23:13 पिलातुस ने मुखी पुजारा क आरू सरदार आरू मानसे क बुलायो
LUK 23:14 आरू उनछे कयो, “तुमू इनीये मानसे क भड़कावने वावा ठरावीन मारे साथे लाया होय, आरू देखो, हाव ने तुमरे सामने ओकी पुछताछ की, पर जिन वात क तुमू उना पर दोष लागाड़ ता होय उन वात क विषय मा हाव ने उको काय भी दोष नि देख्या छे;
LUK 23:15 नी हेरोदेस ने, काहकि त्यो उको हामरे साथे मुकली दीया छे: आरू देखो, त्यो ओसो काय नी कर्‍या की वो मृत्यु क दण्ड क योग्य ठेराया जाछे।
LUK 23:16 एरकरीन हाव फटका मारीन छुड़ दिदा छे।”
LUK 23:17 पिलातुस पर्व क टेहाव ओको करता एक बन्दि क छुड़ने पर मजबुर हुता।
LUK 23:18 तव सब मिवीन आयडी उठ्या, “इनीये क मार नाखु, आरू हामरे करता बरअब्बा क छुड़ देवु!”
LUK 23:19 वो काही दंगाप्रसाद क कारण जो नगर मा हुया हुता, आरू हत्या क कारण जेल मा नाख दिया हुता।
LUK 23:20 पर पिलातुस ने ईशु क छुड़ने की मरजी छे मानसे क पछु समझाया,
LUK 23:21 पुन त्या लगातर आयड़ी कयो, “उको कुरूस पर चढ़ाय! कुरूस पर चढ़ाय!”
LUK 23:22 त्यो तीसरी बार उनछे कयो, “काय त्यो कुनसा गुणेहगार कर्‍या छे? हाव ने उको मृत्यु क योग्य काही वात नी देखी। एरकरीन हाव उको फटका मारीन छुड़ देता छे।”
LUK 23:23 पुन वो आयड़ी पछव पड़ गया कि वो क कुरूस पर चढ़ा जाय, आरू ओको आयड़ने सफल होया।
LUK 23:24 अळते पिलातुस ने हुकुम देदी कि ओकान विनती क लारे करता जाय।
LUK 23:25 त्यो उना मानुस क जो दंगे आरू हत्या क कारण जेल मा नाख दिया हुता उको वो मांगता हुता, ओको छुड़ दिया; आरू ईशु क उनकी मरजी क लारे ओको हात मा सौप दिया।
LUK 23:26 जव वो ईशु करता जाय रया हुता, तो त्या शमौन नाव क एक कुरेनी क जो शहर छे आय रया हुता, धरीन उना पर कुरूस लाद दिया कि उको ईशु क पछव ली चाल्या।
LUK 23:27 मानसे की मोटी गर्दी ओका पछव चाल देदा आरू उको घोणा सी बायर भी होती जो ओका करता छाती ठुकता आरू विलाप करती होती।
LUK 23:28 ईशु उनकी आरू पुगीन कयो, “हे यरूशलेम क पोराय, मारे करता मा रडु; पुन आपने आरू आपने पोर्‍या क करता रडु।
LUK 23:29 काहकि वो दाहड़ा आवता छे, जिनहाव मानसे कयसे, ‘धन्य छे वो जो बांझ छे आरू वो कुख जो नी पोखड़ा आरू वो स्तन जिन्होने दूध नी पिवाड्या।
LUK 23:30 उना टेहाव वो बयड़ा छे कयनो लागछे कि हामु पर पड़्या, आरू टेकड़ी छे कि हामु ढांप लेवु।’
LUK 23:31 यदि जव वो नीवो झाड़का क साथे ओसो करता छे, तो सुखला क साथे काय काही नी कर्‍या जाछे?”
LUK 23:32 वो दिसरा दुय मानुस क भी जो गुणेगार हुता ओका घात करने क ली चाल्या।
LUK 23:33 जव वो उना धरतीम जिनाक खोपड़ी कयता छे पुच्चा, तो त्या वाँ उको आरू उन गुणेगार क भी, एक क जेवड़ा आरू दिसरा क बाई आरू कुरूस पर चढ़ाया।
LUK 23:34 तव ईशु कयो, “हे बास, इनुक माफ कर, काहकि यो जानता नी कि काय कर रया छे।” आरू त्या चिठ्ठया नाखीन ओका छिंदरा वाट लेदा।
LUK 23:35 मानसे उबा देख रया हुता, आरू यहूदि हकी भी ठठ्ठा कर करीन कयता हुता: “त्यो दीसरो क वाचाड्या यदि यो यहोवा–भगवान क मसीह छे, आरू ओको चुना होया सरदार सारखा छे, तो आपने आप क वाचाड़ लेय।”
LUK 23:36 सिपायड़ा क साथे आवीन आरू सिरका देईन ओको थठ्ठा करीन कयता हुता,
LUK 23:37 “यदि तु यहूदियो क राजा छे, तो आपने आप क वाचाड़!”
LUK 23:38 आरू ओका ऊपर एक दोष पत्री भी लाग्यो हुता: “यो यहूदियो क राजा छे।”
LUK 23:39 जो गुणेगार वो लटकाय गया हुता, ओका छे एक ने ईशु नी वायकेड़ा उड़ावीन कयो, “काय तु मसीह छे नी? तो पछु आपने आप क आरू हामु वाचाड्य!”
LUK 23:40 इनीये पर दिसरे गुणेगार उको निंदा करीन कयो, “काय तु यहोवा–भगवान छे भी नी घाबराय? तु भी तो वो दण्ड भोग रयो छे,
LUK 23:41 हामु तो न्याय नुसार दण्ड भोग रया छे, काहकि हामु आपने काम क ठीक फवो देख रया छे; पर यो काही गलत काम नी कर्‍या।”
LUK 23:42 तव त्यो कयो, “हे ईशु, जव तु आपने राज्यधिकार मा आश, तो मारी याद राखजी।”
LUK 23:43 त्यो ओका सी कयो, “हाव तुखे छे सच कयता कि आज ही तु मारे साथे सुख मानसे मा होयस।”
LUK 23:44 लग–भग सीरान बारा वाजे छे तीन वाजे तक सब धरती पर आंधारो होय गयो,
LUK 23:45 आरू सुर्‍या क विजावो जाता रया, आरू मंदिर क परदो वीच मा छे फाट गया,
LUK 23:46 आरू ईशु मोटा ओवाज छे आयड़ी कयो, “हे बास हाव आपसी आत्मा तारे हात मा सौपता छे।” आरू यो धरती मर गया।
LUK 23:47 शिपायक क सुबेदार जो काय हुता देखीन यहोवा–भगवान की बढ़ाई करी, आरू कयो, “छाचो यो मानुस न्यायी होतो।”
LUK 23:48 आरू गर्दी जो यो देखने क एखठी हुयी होती, इनीये घटना क देखीन छाती ठुकीन हुयी पोछी पछु गयी।
LUK 23:49 पर ईशु क सब जान पेहचान वालो, आरू जो बायर गलील छे ओका पछव आवी होती, दूर उभी हुयी यो सब देख रयी होती।
LUK 23:50 वा यूसुफ नाव जो यहूदियो क नगरमा आरिमतिया गाव क हुता, वो महासभा क एक सदस्य हुता जो वारलो आरू न्यायी पुरूष हुता
LUK 23:51 आरू तीनरा विचार आरू तीनरा इना कामम खुश नी हुता; आरू त्यो यहूदिन नगर अरिमतियाह क रयनेवावान आरू यहोवा–भगवान क राजन वाट देखनेवावु होतु।
LUK 23:52 चु पिलातुस क साथे जाईन ईशु क शव मांग्या;
LUK 23:53 तव त्यो वो शव क उतारीन मलमल की लुगड़ा मा लेपटीन, आरू एक बीड़ा मा राख्या, जो चट्टान मा खुंदीन हुयी होती; आरू उको काही कदी नी राख्या गया हुता।
LUK 23:54 चु तियार हुयने क दाहडो हतो, आरू विश्राम क दाहड़ो शुरू हुयने पर हुता।
LUK 23:55 उन बायर ने जो ईशु क साथे गलील छे आवी होती, वो यूसुफ क पोछव–पछव उना मोड़वाट्या क देख्या, आरू यो भी कि ओको शव काही रीति छे राख लेदा छे।
LUK 23:56 तव त्या पोछा पुगीन घर जाईन इत्र ओसली चीजन सारखो आरू मसालो तीयार कर्‍या; आरू विश्राम क दाहडो त्या हुकुम क लारे आराम कर्‍या।
LUK 24:1 पुन हापतान क पेहले दाहड़ मोट भोर क वो उन सुगन्ध चीजन सारखो जो चाँ तीयार करी होती, लेय बीड़ा पर आवी।
LUK 24:2 त्या दगड़ा क जो मोड़वाट्या दरवाजा पर ढाकलो होतो उको लुड़काय हुया देख्या,
LUK 24:3 पुन चो माहीय जाईन पोरबु ईशु क धड़ नी जोड़यो।
LUK 24:4 जव वो इनीये वात छे भौचक्‍की होय रयी होती तो देख, दुय मानसे धोव्या झलकता लुगड़ा पेहरीन हुया ओको साथे आवी उबा हुया।
LUK 24:5 जव वो घाबराय गयी आरू धरती क तरफ मुन झुकाड़ी रयी। ते त्या मानसे ओका कयो, “तुमू जीवता क मरला हुया मा काय हेरती होय?
LUK 24:6 वो या नी, पुन जीव उठ्यो छे। फोम करू कि त्यो गलील मा रयता हुया तुमू छे कयो हुता,
LUK 24:7 पाको छे कि मानुस क पोर्‍या हाव पापी क हात मा धराया जाय, आरू कुरूस पर चढ़ाया जाय, आरू तीसरे दाहड़े जीवीन उठ्यो।”
LUK 24:8 तव ओकी वात उनको स्मरण आवी,
LUK 24:9 आरू मोड़वाट्याम रयन पछा आवीन त्या उन ग्यारा क प्रेरित, आरू दिसरा सब चेला क, यी सब वात कय सोमवाय।
LUK 24:10 जु प्रेरितन छे यी वात कयी, चा मरीयम मगदलीनी, आरू यहुन्ना, आरू याकूब क आश मरियम आरू ओको साथे दिसरा बायरा भी हता।
LUK 24:11 पुन ओकी वातन तीनुक काहानी छे जान पड़ी, आरू त्या ओका न विश्वास नी करी।
LUK 24:12 तव पतरस उठीन मोळवट्याम तरफ दौड़ी गयो, आरू जाईन देख्यु केवल छिंदरान पड़्या आरू वा भी काहय नी हुतो ओका सी भोंगलाय गयो आरू वापस आय लाग्यो।
LUK 24:13 तीनी दाहड़े ओका छे दुय जना इम्माऊस नावको एक गाँव क जाय रयो हुतो, जो यरूशलेम छे काही ग्यारे किलो मीटर की दूरी पर हुता।
LUK 24:14 वो इन सब वात पर जो होयी होती, आपस मा वातचीत करता जाय रया हुता,
LUK 24:15 आरू जव वो आपस मा वातचीत आरू पूछताछ कर रया हुता, तो ईशु आप साथे आवीन ओको साथे होय लेदा।
LUK 24:16 पुन ओको डुवा ओसी बंद कर देदी गयी होती कि ओको पेहचान नी सक्या।
LUK 24:17 ईशु उन छे पुछ्या, “यो काय वात छे, जो तुमू चाली आपस मा करता होय?” सससवो नराज छे उबा रया गया।
LUK 24:18 यो सोमवीन उनमा छे क्लियोपास नाव क एक मानुस कयो, “काय तु यरूशलेम मा एखलूत परदेशी छे, जो नी जानता कि इन दाहड़ा मा ओका काय हुयो छे?”
LUK 24:19 त्यो उनछे पुछ्या, “कुन नी वात?” त्या ओको छे कयो, ईशु नासरत क विषय मा जो यहोवा–भगवान आरू सब मानसे क निकट काम आरू वचन मा सामर्थी भविष्यवक्ता हुता,
LUK 24:20 मुखी पुजारा आरू हामरे सरदारने ओको धराया दिया कि ओको पर मरन की हुकुम देदी जाय; आरू ओको कुरूस पर चढ़ाया।
LUK 24:21 पुन हामुक आशा हती कि यो इस्राएल क छुटकारो देसे। “हे परबु काय तु इने टेहाव इस्राएल न राज क पछो बोठाड़ीस?”
LUK 24:22 आरू हामु मा छे कयी बायर ने भी हामु घबरायीन मा नाख दिया छे, जो भोर क मोळवट्याम पर गयी होती;
LUK 24:23 आरू जव ओका शव नी देख्या तो यो कयती होयी आवी कि हामु सोरगदूत क दर्शन देख्या, जा कया कि वो जीवतो छे।
LUK 24:24 तव हामरे साथी मा छे कयी एक मोळवट्याम पर गयी, आरू जोसो बायर ने कयो कि हुता वोसो ही देख्या; पुन उनको नी देखछे।
LUK 24:25 तव ईशु उनछे कयो, “हे निर्बुध्दियो आरू भविष्यवक्ता की सब वात पर विश्वास करने मा छे कमजोर होय!”
LUK 24:26 काय जरूरी नी हुता कि मसीह यो दुःख झेलीयो आपसी महिमा भरायने करसे?
LUK 24:27 तव त्यो मूसा छे आरू सब भविष्यवक्ता छे शुरू करीन सब पवित्रशास्त्र मा छे आपने विषय मा लिखी वात क मतलब, तीनुक समझाय दिया।
LUK 24:28 ओतरा मा वो उना गाँव क साथे पुच्य वा वो जाय रया हुता, आरू ओका ढंग छे ओसो जान पड़्या कि वो ओगोव जाने जुवता छे।
LUK 24:29 पुन त्या यो कयनो उको रावन्या करी, “हामरे साथे रया काहकि शांत होय लाग्यो छे आरू दाहड़ो हिमी घोणा ढल गया छे।” तव वो ओको साथे रयने क करता माहीय गया।
LUK 24:30 जव वो साथे भोजन करने बठ्या, तो त्यो रोटा लीन यहोवा–भगवान क धन्यवाद कर्‍या आरू उको तुड़ीन उनको देने लाग्या।
LUK 24:31 तव ओको डुवा उघड़ी गया; आरू त्या उको पेहचान लेदा, “आरू वो ओको डुवा छे विनदेखियो होय गया।”
LUK 24:32 त्या आपस मा कयो, “जव वो मार्ग मा हामु छे वात करता हुता आरू चुखलो शास्त्र क मतलब हामु समझता हुता, तो काय हामरे मन मा मरजी नी पैदा हुयी?”
LUK 24:33 वो तीनी घड़ी उठीन यरूशलेम क पछु गया, आरू उन ग्यारे आरू ओको साथी क एखठा देख्या।
LUK 24:34 वो कयता हुता, “पोरबु सचमुच जीव उठ्यो छे, आरू शमौन पतरस क देखाय दिया छे!”
LUK 24:35 तव उन दुय ने मार्ग की वात तीनुक देखाड देदी आरू यो भी कि त्या उको रोटा तुडीन टेहाव पोरबु क कसो पुछने।
LUK 24:36 वो यो वात कय रया हुता कि चु खुद ओको वीचमा आईन उबा हुया, आरू ओका कयो, “तुमूक शांती जोड़े।”
LUK 24:37 पुन वो घाबराय गयो आरू बीह गया, आरू समझे की हामु एक भुत क देख रया छे।
LUK 24:38 ईशु उनछे कयो, “काय घबरायता होय? आरू तुमरे मन मा काय संदेह उठे छे?
LUK 24:39 मारो हात आरू मारो पाय क देखो, कि हाव चो छे। मखे धरीन देख, काहकि आत्मा क हड्डी मास नी हुयसे जोसो मखे मा देखता होय।”
LUK 24:40 यो धरती त्यो तीनुक आपने हात पाय देखाड्या।
LUK 24:41 जव खुशी क मारे उनको हिमी भी विश्वास नी हुयी, आरू घबरायीन करता हुता, तो त्यो उनछे पुछ्या, “काय याहा तुमरे साथे काय भोजन?”
LUK 24:42 त्या ओको भुनी हुयी मासा क तुकड़ा दिदा।
LUK 24:43 त्यो लीन ओको सामने खाया।
LUK 24:44 पछु त्यो उनछे कयो, “यो मारी वो वात छे, जो हाव ने तुमरे साथे रयता हुया तुमू छे कयी होती कि पाको छे कि जितनी वात मूसा की व्यवस्था आरू भविष्यव्दाक्ता आरू भजन सहिंता की किताब मा मारे विषय मा लिखी छे, सब पूरी होय।”
LUK 24:45 तव ओको ने पवित्रशास्त्र जानने क करता उनकी बुध्दी खुल देदी,
LUK 24:46 आरू त्यो कयो, “यो लिख्या छे कि मसीह दुःख झेलसे, आरू तीसरे दाहड़े मरलो हुयो मा रयन जीवीन उठसे,
LUK 24:47 आरू यरूशलेम रयन ते सब भाषा क मानसे मा फिराव कर्‍या आरू यहोवा–भगवान ओकान पाप की माफ करसे ओसो खबर करो, तीना क नाव छे कर्‍या जाछे।
LUK 24:48 तुमू इन सब वात क गवा होय।
LUK 24:49 आरू जो इनाम देने क प्रतिज्ञा मारो बास छे, हाव ओको तुमरे पर उतारीस आरू जव तक सोरग छे शक्ति नी देख्या, तव तक तुमू इनी नगर मा उबा रवजु।”
LUK 24:50 तव ईशु तीनुक बैतनिया गाँव तक बाहरता ली गया जहा जैतुन क बयड़ा हुता, आरू आपने हात उठाड़ी तीनुक सय बरकत दिदो;
LUK 24:51 आरू ईशु ओका सी वात करने क बाद सोरग पर उठाय लेदो, आरू यहोवा–भगवान क जेवड़े तरफ बठ् गयो।
LUK 24:52 तव वो ओको दण्डवत करीन मोट खुशी छे यरूशलेम क पोछा पुगीयो गया;
LUK 24:53 आरू वो लगातार मंदिर मा हजुर हईन यहोवा–भगवान की बढ़ाई कर्‍या करता हुता।
JOH 1:1 पेहलुत शब्द हतो, आरू शब्द यहोवा–भगवान साथे हतो, आरू शब्द यहोवा–भगवान हतु।
JOH 1:2 यो शब्द पेहल यहोवा–भगवान साथे हतो।
JOH 1:3 सब काहय उका द्वारा पैदा हयो, आरू जो काहय पैदा हयो छे ओको मा रईन कोय भी चीज उका बिना पैदा नी होई।
JOH 1:4 ओको मा जीवन हतो आरू चो जीवन मानसोन दिपक हतो।
JOH 1:5 प्रकाश आँधाराम चमके छे, आरू आंधारो उका मान्य नी कर्‍या।
JOH 1:6 एक संदेश यहोवा–भगवानन तरफ रईन आयो जेरो नाव यहुन्ना हतो।
JOH 1:7 त्यो गवाय देने आयु क प्रकाशन गवाय दे, ताकि सब हेरेन द्वारा विश्वास लावजु।
JOH 1:8 चाँ तुमूक ते चाँ प्रकाश नी हतु, पुन उका प्रकाशन गवाय देनेन करता आयु हतो।
JOH 1:9 सच्त्यो प्रकाश जु हर एक मानसो प्रकाशित कर रयु छे, जगमा आवनेवाळो हतु।
JOH 1:10 त्यो जगत मा हतु, आरू जग ओको द्वारा पैदा हयो, आरू जग उका नी उळयो।
JOH 1:11 चो आपने घर आयो आरू तीनाक आपसा मानसे नी ओको मान्य कर्‍या।
JOH 1:12 पुन जोतरा ओको मान्य कर्‍या, ओको तीनुक यहोवा–भगवानन पोर्‍या होयनेन हक देदु, मतलब् तीनुक जु ओको नाव पर विश्वास राकता छे।
JOH 1:13 जु नी ते लुहूय से, नी ते शरीरन मरजी से, पुन यहोवा–भगवान से पैदा हयो छे।
JOH 1:14 आरू वचन देहधारी हयो; आरू फोकटन दया आरू सच्चाई से भरायला होईन हामरे विच मा डेरा कर्‍या, आरू हामु हेरेन ओसी महिमा देख्या, जोसी बासन एकखुळाय पोर्‍या महिमा।
JOH 1:15 यहुन्ना हेरेन विषय मा गवाय दी, आरू आयड़ीन कये, “यु त्यो छे, उका हाव नीके चर्चा कर्‍यु कि जु मार बाद आय रोयु छे, त्यो मखे बढ़ीन छे काहकि त्यो मखे रईन पेहल हतु।”
JOH 1:16 काहकि हेरेन परिपूर्णता मा रईन हामु सब जने सापड़्याव्या कर्‍या मतलब फोकटन दया पर फोकटन दया।
JOH 1:17 एरकरीन कि व्यवस्था ते मूसान द्वारा देदी हती, पुन फोकटन दया आरू सच्चाई ईशु मसीहन द्वारा पुगली।
JOH 1:18 यहोवा–भगवान काजे कोय नी कदी नी देख्या, एखलु पोर्‍या जु बासन खुवा मा छे, उका ने उका प्रकट कर्‍या।
JOH 1:19 यहुन्ना न गवाय यी छे, कि जव यहूदि या आरू यरूशलेम रईन प्रधान पुजारा आरू लेविया ओको यी पुछनेन करता मोकल्या, “तु कुन छे?”
JOH 1:20 ते उका यो मान लेदा आरू मना नी कर्‍या, पुन मान लेदा, “हाव मसीह नी छे।”
JOH 1:21 तव ओको उका पुछा, “ते पुछा कुन छे? काय तु एलियाह छे?” त्यो कयो, “हाव नी छे। ते काय तु त्यो भविष्यवक्तु छे? त्यो जवाब देदु, नी।”
JOH 1:22 तव ओको ने मखे पुछा, “मग तु छे कुन? ताकि हामु आपसा मकलनेवावा काजे जवाब देजे। तु आपसा विषयमा काय कयतु छे?”
JOH 1:23 यहुन्ना कयो, “जोसो यशायाह कागळियान कयो छे: हाव जंगल मा एक आयड़ने वावान शब्द छे कि तुमू पोरबुन मार्ग सुधं करू।”
JOH 1:24 चाँ फरीसियोन तरफ रईन मकल्या गयु हतु।
JOH 1:25 त्यो ओको यो सवाल पुछा, “यदि तु नी मसीह छे, आरू नी एलियाह, आरू नी त्यो भविष्यवक्ता छे, ते बपतिस्मा काँ देतु छे?”
JOH 1:26 बपतिस्मा देनेवावो यहुन्ना ओको जवाब देदु, “हाव ते पानी करीन बपतिस्मा देतु छे, पुन तुमरे विच मा एक जन उभु छे जिनाक तुमू नी जानता।
JOH 1:27 मतलब मार बाद आवनेवाळो छे, जिनान खासड़ान धुवड़ी मा छुड़नेन योग्य नी।”
JOH 1:28 यी वात यरदन नदीन पार बैतनिया मा होयी, जा यहुन्ना बपतिस्मा देतु हतु।
JOH 1:29 दिसरे दाहाड़े त्यो ईशु काजे आपसी तरफ आवतु देखीन कयो, “देखु, यु यहोवा–भगवानन गाडरो छे जु जगन पाप उठाव ले जातु छे।”
JOH 1:30 यहुन्ना हेरेन विषय मा गवाय कयो हतु, “एक मानुस मारे पछळ आवतु छे जु मखे रईन श्रेष्ठ छे, काहकि त्यो मखे रईन पेहल हतु।”
JOH 1:31 “हाव ते तीनाक उवखियु नी हतु, पुन एरकरीन मखे पानी करीन बपतिस्मा देतु आयु कि त्यो इस्राएल पर प्रकट होय जाय।”
JOH 1:32 आरू यहुन्ना यी गवाय देदु: “हाव आत्मा काजे पेरवान समान वादवा रईन उतरती देख्यु छे, आरू चाँ तीनाक पर उभु रया गय।
JOH 1:33 हाव ते उका उवखतलु नी हतु, पुन जु मखे पानी करीन बपतिस्मा देने काजे मोकल्य, त्यो मखे कयो, ‘जिनाक पर तु आत्मा काजे उतरती आरू उबरयती देख्यु, ची चुखलो आत्मा करीन बपतिस्मा देनेवावु छे।’
JOH 1:34 आरू हाव देख्य, आरू गवाय देदी छे कि यी यहोवा–भगवानन पोर्‍य छे।”
JOH 1:35 दिसरे दहाड़े पछु यहुन्ना आरू तीनान चेला मा रईन दुय जनु उबा होया हता,
JOH 1:36 आरू त्यो ईशु पर जु जाय रयु हतु, नजर करीन कयो, “देखु, यु यहोवा–भगवानन गाडरो छे।”
JOH 1:37 तव चाँ दुय चेला तीनाक यी वात सोमवीन ईशु पछळ चाल दिदा।
JOH 1:38 ईशु फिरीन ओको पछळ आवता देख्यु आरू ओको कयो, “तुमू कुनीन खोज मा छे?” चाँ तीनुक कयो, “हे गुरू मतलब हे गुरू, तु क रोवतु छे?”
JOH 1:39 त्यो तीनुक कयो, “चालु, ते देखु मानसो।” तव चाँ जाईन ओकी रोवनेन जागु देख्या, आरू तीन दहाड़े ऐर साथे रया। यो दस घंटान लग–भग हतो।
JOH 1:40 ओको दुयम रईन, जु यहुन्ना न वात सोमवीन ईशुन पछळ चाल दिदा, एक शमौन पतरसन भाई अन्द्रियास हतु।
JOH 1:41 उका पेहल आपसा सगु भाईस शमौन काजे मिवीन ओका सी कयो, “हामु ख्रिस्त, मतलब मसीह, सापड़ी गयु।”
JOH 1:42 त्यो तीनाक ईशु साथे लायु। ईशु उका पर नजर करीन कयो, “तु यहुन्ना न पोर्‍या शमौन छे: तु कैफा मतलब पतरस कोवायसे।”
JOH 1:43 दिसरे दहाड़े ईशु गलील जानेह कर्‍यु। त्यो फिलिप्पुस मिव्यु आरू कयो, “मार पछळ चाल दे।”
JOH 1:44 फिलिप्पुस, अन्द्रियास आरू पतरसन नगर बैतसैदान रोयनारू हतु।
JOH 1:45 फिलिप्पुस नतनएल काजे मिव्यु आरू उका कयो, “जेरो वर्णन मूसा व्यवस्था मा आरू भविष्यवक्ता नु कर्‍या छे, त्यो हामुक मिव गयु; त्यो यूसुफन पोर्‍य, ईशु नासरत छे”
JOH 1:46 नतनएल ओको कयो, “काय कोय वारली चीज भी नासरत रईन निकवी सकती छे?” फिलिप्पुस ओका सी कयो, “चालीन देख लेवु।”
JOH 1:47 ईशु नतनएल मा आपसी भुनी आवतु देखीन तीनाक विषय मा कयो, “देखु, यु सच्त्यो इस्त्राएली छे: इनाम कपट नी।”
JOH 1:48 नतनएल ओको कयो, “तु मखे कोसु जानतु छे?” ईशु तीनाक जवाब देदु, “ओको रईन पेहल कि फिलिप्पुस तुखे बुलायु, जव तु अंजीरन झाड़कान तवे बठलु हतु, तव हाव तुखे देख्यु हतु।”
JOH 1:49 नतनएल तीनाक जवाब देदु, “हे गुरू, तु यहोवा–भगवानन पोर्‍य छे; तु इस्त्राएलन राजु छे।”
JOH 1:50 ईशु तीनाक जवाब देदु, “हाव जो तुखे कयो कि हाव तुखे अंजीरन झाड़कान तवे देख्यु, काय तु एरेन करता मार पर विश्वास करे? तु इनाक रईन भी मोटा–मोटा काम देखसे।”
JOH 1:51 पछु तीनाक कयो, “हाव तुमूक सच कयतु छे कि तुमू सोरगदूत काजे खुल्लो हुयो, आरू यहोवा–भगवानन सोरगदूत काजे मानसन पोर्‍या क उपर उतरता आरू ऊपर जातु देख्यु हतु।”
JOH 2:1 पछ तीसरे दहाड़े गलीलन काना गाँव मा कुनीन एकान शाक हुती, आरू ईशुन आया भी चाँ हुती।
JOH 2:2 ईशु आरू उका चेला भी उका शाक मा आवला हुता।
JOH 2:3 जव अंगुर क रस घट गयलो, ते ईशुन आया उका कयी, “हेरेन जु अंगुरन रस नी रोयु।”
JOH 2:4 ईशु ने ओको कयो “हे बाई, मखे तार जु काय काम? हिमी मार टेम नी आयु।”
JOH 2:5 ईशुन आया सेवकों काजे कयी, “जो काहय त्यो तुमूक कये, चो करजु।”
JOH 2:6 चाँ यहूदि योन आधिकारी चुखो करनेन रीतिन लारे दगड़ा क छव: ढुसरो धरला हुता, जीनाम दुय–दुय, तीन–तीन मन समायता हुता।
JOH 2:7 ईशु ने उका कयो, “ढुसराम पानी भर देवु।” चाँ तीनुक मुयेमुये भर दिदा।
JOH 2:8 तव उका कयो, “हिमी निकळीन भोज प्रधानन साथे ले जावु।” आरू चाँ ले गया।
JOH 2:9 जव भोज प्रधानन चाँ पानी चखा, जु अंगुर रस बन गयु हतु आरू नी जानतु छे कि त्यो क से आवलु छे पुन जा सेवके पानी काहडला हुता चाँ जानता हुता, ते भोज क प्रधान ने दुल्हा बुलावीन उका कयो,
JOH 2:10 “हर एक मानसु पेहल वारलु दाखरस देतु छे, आरू जव मानसे पीईन साक जाता छे, तव मध्यम देता छे; पुन तु ने वारलो दासचस हिमी तव मेक छुडे छे।”
JOH 2:11 ईशु गलीलन काना मा आपनो यो पेहलो सहलानी देखाड़ीन आपसी महिमा प्रगट कर्‍यु आरू उका चेला क पर विश्वास करलो।
JOH 2:12 ओको बाद ईशु आपनी आईस, आरू आपना भाईस आरू हेरेन चेला कफरनहूम नगर मा गया आरू वा काही दाहाड़ा रया।
JOH 2:13 यहूदि या क फसहन तिवार नाट होतो, आरू ईशु यरूशलेम गयु।
JOH 2:14 उका मंदिर मा बैल, गाडरा आरू कबुतर वेचनेवावा आरू सर्राफो काजे बठला देख्यु।
JOH 2:15 तव उका दुवड़ान गुन्डो बनाड़े, आरू सब गाड़ गाडरा आरू बैल क साथ मा मंदिर मा सी बाहर निकाळ दियो, आरू सर्राफों पोस्या क वेराय देदो आरू पीढ़िन काजे उलटाव देदो,
JOH 2:16 आरू कबुतर वेचनेवावा कयो, “इनुक यी से ली जावु। मार बासन घर क धंदान घर मा बनावु।”
JOH 2:17 तव उका चेला काजे फोम आयो कि लिखलो छे, “तार घरन धुन मखे खाय जासे।”
JOH 2:18 ओको पर यहूदि या ने उका से कयो, “तु जो यो करे ते हामुक कसलो सहलानी देखाडे छे?”
JOH 2:19 ईशु तीनुक जवाब देदु, “ओको मंदिर क ढा देवु, आरू हाव ओको तीन दहाड़ा मा उबो कर दिस।”
JOH 2:20 यहूदि या ने कयो, “ओको मंदिर क बनावने मा छियालीस साल लाग्या छे, आरू काय तु ओका तीन दहाड़ा मा उभु कर दी रयु?”
JOH 2:21 पुन उका आपसी देहन मंदिरन विषयमा कयलु हतु।
JOH 2:22 अळते: जव चाँ मरलामा से जीव उठयो ते उका चेलान फोम आयो कि उका यी कयो हतु: आरू हेरेन चुखलो शास्त्र आरू उका वचन कि जो ईशु कयलु हतु, विश्वास कर्‍या।
JOH 2:23 जव चाँ यरूशलेम मा फसहन टेमे तिवारमा हतु, ते खुब जने तीन सहलानी क जो चाँ देखाडता हुता देखीन हेरेन नाव पर विश्वास कर्‍या।
JOH 2:24 पुन ईशु ने आपने आपसु हेरेन विश्वास पर नी छुड़िया, काहकि चाँ सुबक जानतु छे;
JOH 2:25 आरू उका कोय जरूरत नी हुती कि मानसोन विषय मा कोय गवाय दे, काहकि चाँ तुमूक जानतु हतु कि मानसोन मन मा काय छे?
JOH 3:1 फरीसिया मा नीकुदेमुस नावन एक मानसु हतु, जु यहूदि यान सरदार हतु।
JOH 3:2 त्यो राती ईशुन साथे आयु ओका कयो, “हे रब्बी, हामु जानता छे कि तु यहोवा–भगवानन तरफ छे गुरू होईन आयु छे, काहकि कोय सहलानी क जो तु देखाड़े छे, यदि यहोवा–भगवान ओको साथे रये ते नी देखाड़ सके।”
JOH 3:3 ईशु ने उका जवाब देदु, “हाव तुखे सच कयतु छे, यदि कोय नवली सिरे छे नी जन्मा ते यहोवा–भगवान राज्य देख नी सकता।”
JOH 3:4 नीकुदेमुस ने उका कयो, “मानुस जव डायो होय गयो, ते कोसो जनम ली सकतो छे? काय होया आपसी माय पेटमा दिसरी वार भराइन जनम ली सकत छे?”
JOH 3:5 ईशु जवाब देदु, “हाव तुखे सच कय रयु छे, जव तव कोय मानुस पानी आरू आत्मा छे नी जनम ता चाँ यहोवा–भगवानन राज्यमा भराय नी सकता।
JOH 3:6 काहकि जु शरीर छे जनमछे, चो शरीर छे; आरू जु आत्मा छे जनमछे, ची आत्मा छे।
JOH 3:7 भोंगलाय गयो मा करे कि हाव मा तुखे कयो, ‘तुखे नवला सिर छे जनम लेनु जरूरी छे।’
JOH 3:8 हवा जींखुर चाहे छे तींखुर चालती छे आरू तु ओकी ओवाज सोमवीन छे, पुन त्यो नी जानतु कि हयी क छे आवती आरू कोत्ती जाय छे? जु कोय आत्मा छे जन्मा छे त्यो ओसलुज छे।”
JOH 3:9 नीकुदेमुस ने उका जवाब दिदा, “यी वात कोसो होय सकती छे?”
JOH 3:10 यी सोमवीन ईशु उका कयो, “तु इस्त्राएलियान गुरू होईन भी काय इन वात काजे नी समझता?”
JOH 3:11 हाव तुखे छे सच सच कयतु छे कि आपो जु जानतु छे चाँ कयता छे, आरू जीनाक हामु देखा छे ओको गवाय देता छे, आरू तुमू हामरी गवाय मान्य नी करता।
JOH 3:12 जव हाव ने तुमू छे धरतीन वात कयो आरू तुमू विश्वास नी करत़ा, ते यदि हाव तुमूक सोरगन वातु कयो ते मग कोसो विश्वास करसु?
JOH 3:13 कोय सोरगमा नी चढ़िया, केवल त्यो सोरग छे उतरीयो, मतलब मानसन पोर्‍या जो सोरगदूतमा छे।
JOH 3:14 आरू जीन रीति छे मूसा ने जंगल मा घड़सा क उपर चढ़ाया, तोसीज रीति छे जरूर छे कि मानसोन पोर्‍या भी उपर चढ़ाया जाय;
JOH 3:15 ताकि जु कोय उका पर विश्वास करे तीनाक अमरकाय जीवन जड़से।
JOH 3:16 “काहकि यहोवा–भगवान जगत साथे ओसलो मोंग राखे कि उका आपनो एकखुळीयो पोर्‍य आप दिदो, ताकि उका पर जु कुन विश्वास करे त्यो नष्ट नी हुयो, पुन अमरकाय जीवन जड़से।
JOH 3:17 यहोवा–भगवान आपसा पोर्‍या काजे इनान करता नी मोकल्यु कि जगत पर दण्डन हुकुम दे, पुन इनान करता कि जगत ओको व्‍दारा उध्दार जड़से।
JOH 3:18 जु उका पर विश्वास करता छे, उका पर दण्डन हुकुम नी हुयो, पुन जु उका पर विश्वास नी करता, त्यो दोषी ठर गयु; अतरान करीन कि ओको यहोवा–भगवानन एकखुळीयो पोर्‍या नाव पर विश्वास नी करिया।
JOH 3:19 आरू दण्डन हुकुमन कारण यो छे कि ज्योति जगत मा आवी छे, आरू मानसे आँधारलो ज्योति छे सवटो मोंग मा जावना काहकि ओको काम बुरो होतो।
JOH 3:20 काहकि जु कुन बुराई करता छे, त्यो ज्योति छे बैर राखता छे, आरू ज्योतिन नाट नी आवे, ओसो नी हुयो कि ओको कामो पर दोष लागाड़ ़े जाय।
JOH 3:21 पुन जु सच्चाई पर चालता छे, त्यो ज्योतिन नाट आवता छे, ताकि ओको काम ज्योति हुयो कि चो यहोवा–भगवानन आरू छे कर्‍या गया छे।”
JOH 3:22 एकान बाद ईशु आरू ओको चेला यहूदि या देश मा आया आरू चाँ चाहरी ओको साथे रोवीन बपतिस्मा देने लाग्या।
JOH 3:23 यहुन्ना भी शालेमन नाट ऐनोन गाव मा बपतिस्मा देतु होतु, काहकि चाँ बैस पानी होतो, आरू मानसे आवीन बपतिस्मा लेता हुता
JOH 3:24 यहुन्ना तीन टेहाव तक जेलखाना मा नी नाख्यो गयो होतो।
JOH 3:25 चाँ यहुन्ना न चेलान काहना यहूदि न साथे शुध्दिन विषयमा वाद विवाद होयलु।
JOH 3:26 आरू ओको यहुन्ना न साथे आवीन उका कोयु, “हे गुरू, जु व्यक्ति यरदनन पार तार साथे होतु, आरू जिनान तु गवाय देदु छे; देख, होयु बपतिस्मा देतु छे, आरू सुब उका साथे आवता छे।”
JOH 3:27 यहुन्ना जवाब देदु, “जव तव मानसो काजे सोरगदूत रईन नी आप जाय, जव तव त्यो काय नी जुड़ सके।”
JOH 3:28 तुमू ते आपसु मार गवाय छे कि हाव कयो, “हाव मसीह नी, पुन ओको ओगव मोकल्यु गयु छे।
JOH 3:29 जिनान दुलहिन छे, त्यो दूल्हु छे; पुन दूल्हान दोस्त जु उभु रयु त्यो ओको ओकी समळे, दूल्हान ओवाज छे घोणा खुश हुये: हिमी मारो खुशी पुरो हय।
JOH 3:30 पाको छे कि त्यो वाढ़े आरू हाव।”
JOH 3:31 “जु उपर रईन आवतु छे चो सर्वोत्तम छे; जु धरती छे आवतु छे त्यो धरतीन छे, आरू धरतीनुज वात करे छे: जु सोरगदूत छे आवतु छे, त्यो सुबन ऊपर छे।
JOH 3:32 जो काहय त्यो देख्यु आरू सोंब्यु छे, हेरेन गवाय देता छे; आरू कोय हेरेन गवाय मान्य नी करता।
JOH 3:33 जिनान ओको गवाय मानीया कर लेदा ओको इन वात पर छाप लागाड़ दी कि यहोवा–भगवान सच्चु छे।
JOH 3:34 काहकि जीनाक यहोवा–भगवान मोकल्यु छे, त्यो यहोवा–भगवानन वात करे; काहकि ची आत्मा मोज मोजीन नी आपे।
JOH 3:35 बास पोर्‍या साथे मोंग राकतु छे, आरू ओको सुब वस्तु ओको हाथ मा आप दिदा छे।
JOH 3:36 जु पोर्‍या पर विश्वास करे, अमरकाय जीवन ओको छे; पुन जु पोर्‍या नी मानतु, त्यो जीवन नी देख सके, पुन यहोवा–भगवानन रीस उका पर रयतु छे।”
JOH 4:1 फरीसियों भी सोमव्या छे कि ईशु यहुन्ना रईन जास्ती चेला बनावतु आरू तीनुक बपतिस्मा देतु छे।
JOH 4:2 हिमी ईशु स्वता: नी वरना हेरेन चेला बपतिस्मा देता हता
JOH 4:3 पछा जव पोरबु काजे मालुम हुयो तव त्यो यहूदि या काजे छुड़ीन पछु गलील जात रयु,
JOH 4:4 आरू तीनाक सामरिया रईन जानु जरूरी हतो।
JOH 4:5 एरकरीन चाँ सूखार नावन सामरिया एक नगर तक आयु, जु तीन धरती साथे छे जिनाक याकूब आपसा पोर्‍या यूसुफ काजे आपलो हतु।
JOH 4:6 आरू याकूबन कुवो भी चाँ हतो। अळते: ईशुन वाट पर थाकलो ओसलु कुवा पर ओसोज बोठ गयु। यी वात दिसुन टेमे होईली।
JOH 4:7 इतरीक वार मा एक सामरिया बाई पानारी आवी। ईशु तीनाक कयो, “मखे पानी पिवाड़।”
JOH 4:8 काहकि हेरेन चेला ते नगर मा खानेन बजार लेने करीन गया हुता।
JOH 4:9 ची सामरिया बाई तीनाक कयली, “तु यहूदि होईन मखे सामरिया बाई पर पानी काँ मांगता छे?” काहकि यहूदि सामरियो साथे काहनाज प्रकारन व्यवहार नी राखता।
JOH 4:10 ईशु जवाब देदु, “यदि तु यहोवा–भगवानन वरदान जानती, आरू यी भी जानती कि चाँ कुन छे जु तुखे कयतु छे, मखे पानी पिवाड़, ते तु तीनाक पर मांगती, आरू त्यो तुखे जीवनेन पानी देदु।”
JOH 4:11 बाई तीनाक कयी, “हे पोरबु, तार जु पानी भरनेन करता काय ते छे भी नी, आरू कुवो उंडो छे; ते पछो चाँ जीवनन पानी तार जु क रईन आयो?
JOH 4:12 काय तु आमरू बास याकूब रईन मोटु छे, जु आपनुक यी वावड़ी देदु; आरू आपसु आपसा पोर्‍या, आरू आपसा पशुओं समेत इन वावड़ीन पानी पिदला?”
JOH 4:13 ईशु तीनाक जवाब देदु, “जु कुन यो पानी पीसे तीनाक पछी पानी पीस लागसे,
JOH 4:14 पुन जु कोय इन पानीम रईन पीसे जो हाव तीनाक आपीस, त्यो पछु अमरकायो तक पीसलु नी रवे; वरना जो पानी हाव तीनाक आपीस, वा तीनाम सुवतु रोवे जासे जु अमरकाय जीवनन करता खुश रवसे।”
JOH 4:15 बाई तीनाक कयी, “हे पोरबु, त्यो पानी मखे आप काहकि हाव पीसली नी रवु आरू नी पानी भरने काजे अतरे नाम्बे नी जाव।”
JOH 4:16 ईशु तीनाक कयो, “जा, आपसा बास काजे या बुलाव लाव।”
JOH 4:17 “बाई तीनाक जवाब आपी, हाव बिना माटीन छे।” ईशु तीनाक कयो, “तु ठिक कयती छे, हाव बिना माटीन
JOH 4:18 काहकि तु पाच माटी कर लेदी छे, आरू जीना पाह तु हिमी छे त्यो भी तार माटी नी होय। यो तु सच कयनो बाज रयु छे।”
JOH 4:19 बाई तीनाक कयी, “पोरबु, मखे लागे से कि तु भविष्यवक्ता छे।
JOH 4:20 हामरा बाबदादा भी इनुज बोयड़ा पर भक्ती करला, आरू तुमू कयता से कि ची धरती जा भक्ती करनो जुवु ची यरूशलेमा छे।”
JOH 4:21 ईशु तीनाक कयी, “देख नारी, मार वातन विश्वास कर कि त्यो टेम आवतु छे कि तुमू इन बोयड़ा पर बासन भक्ती करतो, नी यरूशलेम मा
JOH 4:22 तुमू जिनाक नी जानता छे, हेरेन भक्ती करता छे; आरू हामु जिनाक जानता छे, हेरेन भक्ती करता छे; काहकि उध्दार यहूदि या मा रईन छे,
JOH 4:23 पुन त्यो टेम आवतु छे, वरना हिमी भी छे, जीनाम सच्चा भक्त बासन भक्ती आत्मा आरू सच्चाई से करसु, काहकि बास आपने करता ओसाज तपस्या वाला देखतु छे।
JOH 4:24 यहोवा–भगवान आत्मा छे, आरू जरूरी छे कि हेरेन भक्ती करनेवालान आत्मा आरू सच्ची भक्ती करू।”
JOH 4:25 बाई ईशु काजे कयी, “हाव जानती से कि मसीह जु ख्रिस्त कोवाड़तु छे, आवनेवाळो छे; जव त्यो आवसे, ते हामुक सुब वात कय देसे।”
JOH 4:26 ईशु तीनाक बाई क कयो, “हाव जो तुखे कयनो बाजरयु छे, हाव त्यो छे।”
JOH 4:27 इतरीक वार मा हेरेन चेला आव गया, आरू घबरायने करने लाग्या कि त्यो बाई साथे वात करने बाज रयु छे; तेभी कुनुज नी पुच्या, “तु काय चाहतु छे?” या “काय करनेन करता तीनाक साथे वात कर रयु छे?”
JOH 4:28 तव ची बाई आपनो ढुसरो छुड़ीन नगर मा जात रयी, आरू मानसो काजे कोवने लागी,
JOH 4:29 “आवु, एक मानसो काजे देखु, जु सब काय जो हाव जो कर्‍यु मखे कय देदु काय यु ते मसीह नी छे?”
JOH 4:30 अळते: चाँ नगर मा रईन निकवीन तीनाक जु आवने लाग्या।
JOH 4:31 तवूज हेरेन चेला ईशु यी विनती कर्‍या, “हे गुरू, काही खाय ले।”
JOH 4:32 पुन त्यो तीनुक कोयु, “मार जु खानेन करता ओसलो खानो छे जिनाक तुमू नी जानता।”
JOH 4:33 तव चेला आपसु मा कोया, “काय कोय हेरेन करता खानेन करता काय लावला छे?”
JOH 4:34 ईशु तीनाक कयो, “मार खानो यो छे कि ओका मोकलने वालान इच्छानुसार चालो आरू हेरेन क पुरो करो।
JOH 4:35 काय तुमू नी जानता, ‘काटनेन हुयने मा हिमी भी चार महीना पड़ला छे?’ देखु, हाव तुमूक कोय रयु छे, आपसा ढुवा उगाड़ ़ीन खेतो मा नजर मारू कि चाँ काटनेन करता पाक गयो छे कि।
JOH 4:36 काटने वाळा क दाहाड़की जड़े आरू त्यो अमर काया न जीवन क फव एखटो करे, काहकि वेरनेवाळो आरू काटनेवाळो दुयु मिवीन खुशीम रहवे।
JOH 4:37 काहकि या पर यी काहनी सच बठती छे: ‘वेरनेवाव आरू छे आरू काटनेवाळो आरू।’
JOH 4:38 मे तुमूक वा खेत काटनेन करता मोकल्यु तीनाकमा तुमू मेहनत नी कर्‍या: दिसरा मेहनत कर्‍या आरू तुमू हेरेन मेहनतन फव मा भागीदार होया।”
JOH 4:39 तीन गाँवन भारी सोवटा सामरिया तीन बाईन कोवने से ईशु पर विश्वास कर्‍या; काहकि ची यी गवाय देदली छे: “त्यो सब हाव कर्‍यु छे, मखे कय देदु।”
JOH 4:40 तेरेन करता तव चे सामरिया तीनाक जु आवला, ते ओतेन विनती करने लाग्या कि हामरेन चाँ रोवे। अळते: ओतेन त्यो चाँ दुय दाहाड़ा तक रयु।
JOH 4:41 हेरेन वचन क कारण आरू भी बैस मानसे विश्वास कर्‍या
JOH 4:42 आरू तीन बाई कयो, “हिमी हामु तारे कयनो पर विश्वास नी करता; काहकि हामु तुमूक सोमवाळ्या छे, आरू जानता छे कि यु सचमुच जगन अमरकाय रक्षा करनीयो छे।”
JOH 4:43 पछा चाँ दुय दाहाड़ान बाद त्यो चाँ रईन निकलीन गलील जात रयु,
JOH 4:44 काहकि ईशु ते आपसु साक्षी देदु कि कागळीयान आपसा देश मा विजुत नी जुड़े।
JOH 4:45 जब चा गलील मा आवला, ते गलीलवाला खुश मा तीनाक भेवाया; काहकि जोतरा काम त्यो यरूशलेम मा तिवारन टेमे करला हुता, चाँ तीनाक सुब काजे देख्या हुता, काहकि चाँ भी तिवार मा गयला हुता,
JOH 4:46 तव त्यो पछु गलीलन काना गाव मा आयु, जा त्यो पानी काजे दाखरस बनायु हतु। चा रोमन सरदार हतु जिनान पोर्‍य कफरनहूम नगर मा बीमार हतु।
JOH 4:47 त्यो यो सोमवीन ईशु यहूदिया से गलीलमा आव गयु छे, तीनाक जु गयु आरू तीनाक से विनती करने लाग्यु कि चालीन मारा पोर्‍या काजे आरगा कर दे: काहकि त्यो मरने पर हतु।
JOH 4:48 ईशु तीनाक कयो, “जव तव तुमूक सहलानी आरू विनछळ्यो काम नी देखसे जा तक कदी भी विश्वास नी करसे।”
JOH 4:49 राजान आधिकारी तीनाक कयो, “हे पोरबु, मारा नानला पोर्‍या मरनान पेहल चाल।”
JOH 4:50 ईशु तीनाक कयो, “जा, तार पोर्‍यो जीवतो छे।” त्यो मानुस ईशुन कयली वात विश्वास करीन आरू जात रयु।
JOH 4:51 त्यो वाट परूच हुतो कि हेरेन दास तीनाक आव भेवाया आरू कोवने लाग्या, “तारू पोर्‍यो जीवतो छे।”
JOH 4:52 त्यो तीनुक पूछु, “काहले टेमे त्यो वारला हुयने लाग्यो?” चाँ तीनाकसे कयो, “काल सात घंटा न बाद हेरेन ज्वर उतरी गयो।”
JOH 4:53 तव बास जान गयु कि यो तीन टेमे हुयो जिन टेमे ईशु तीनाक कयो, “तार पोर्‍यो जीवतो छे” आरू त्यो आरू हेरेन सब घर वाला विश्वास कर्‍या।
JOH 4:54 यो दिसरो विछेळीयो काम होतो जो ईशु यहूदि या रईन गलील मा आवीन देखाड़्यु।
JOH 5:1 इन वातन बाद भी यहूदि यान एक तिवार होयलो, आरू ईशु यरूशलेम गयु।
JOH 5:2 यरूशलेम मा भेड़–फाटकन साथे एक पानीन ढाबरू छे जो इब्रानी भाषाम बैतहसदा करे छे; हेरेन पाच ओसारे छे।
JOH 5:3 इनामा बैस बीमार, आंधवा, लेंगड़ा आरू सुकला डिलवाला पौवड़ा रयता हुता।
JOH 5:4 काहकि ठरावला टेम पर यहोवा–भगवानन सोरगदूत पानीम डाबराम उतरीन पानी हिलाया करता हुता। पानीम हिलताज जु कोय पेहल पानीम उतरे त्यो आरगाय होय जातु हतु चाहे हेरेन काहनी बीमारी काँ नी हुयो।
JOH 5:5 चाँ एक मानुस हतु, जु अड़तीस सालन बीमारी मा पौड़ु हतु।
JOH 5:6 ईशु उका पौड़ु देखीन आरू यो जानीन कि त्यो बैस दाहाड़ान इन हाल मा पौड़ रयलु छे, ओका पूछु, “काय तुखे आरगाय होयनु छे?”
JOH 5:7 त्यो बीमार उका जवाब देदु, “हे पोरबु, मार जु कोय मानुस नी कि जब पानी हिलाया जाय, ते मखे पानीन ढाबराम उतारियो; पुन हाव पुगता–पुगता दिसरू मखे से पेहल यतर जाता छे।”
JOH 5:8 ईशु ओका सी कयो, “उठ, आपनु खाटलु उठाव, आरू चाल मग।”
JOH 5:9 त्यो मानुस चटकरीन आरगाय होय गयु, आरू आपनु खाटलु हाकलीन चालने पुगनेन लाग्यु।
JOH 5:10 चाँ सब्तान दाहाड़ु हतु। एरकरीन यहूदि उकासे आरगाय होयला हुता, कयनो लाग्या, “आज ते सब्तन दाहाड़ु छे, तुखे खाटलु उठावनो वारू नी छे।”
JOH 5:11 त्यो तिनुक जवाब देदु, “जु मखे आरगाय कर्‍यु, हेरेने हाव कयो, आपसी खाटलु उठाव चाल पछु।”
JOH 5:12 चाँ तिनुक पुछा, “त्यो कुन मानुस छे जु तुखे जो कयो, खाटलु उठाव, आरू चाल पछु?”
JOH 5:13 पुन जु आरगाय होय गयु हतु त्यो नी जानतु हतु कि त्यो कुन छे, काहकि तीन धरतीमा गर्दी होयनेन कारण ईशु चाँ रईन सेटु होय गयु हतु।
JOH 5:14 इन वातन बाद त्यो ईशु काजे मंदिर मा भेवायु। ईशु उका कयो, “देख, तु आरगाय होय गयु छे: पछु पाप मा करे, ओसो नी होय कि उकासे काहनी भारी परेशानी तुखे पर आव पड़े।”
JOH 5:15 त्यो मानुस जाईन यहूदि आधिकारी काजे कय कि जु मखे आरगाय कर्‍यु त्यो ईशु छे।
JOH 5:16 एरकारण ईशु यहूदि ईशु काजे सतावने लाग्या, काहकि त्यो ओसला काम सब्तन दाहाड़े करे हतु।
JOH 5:17 एर पर ईशु उका कयो, “मार बास हिमी तक काम करे, आरू हाव भी काम करे।”
JOH 5:18 एरकारण यहूदि आरू भी सवटो उका मार नाखनेन कोशिस करने लाग्या, काहकि त्यो नी केवल सब्तन दाहाड़ान विधि काजे तुड़तु, पुन यहोवा–भगवान काजे आपनु बास कयीन आपने आपसु यहोवा–भगवानन समान ठरावतु हतु।
JOH 5:19 एर पर ईशु उका कयो, “हाव तुखे सच सच कय रयु छे, पोर्‍यो तुखे काय नी कर सके, केवल त्यो जु बास काय करे देखरीयो; काहकि जिन जिन कामो काजे त्यो करे तिनुक पोर्‍यो भी ची रीति से करे।”
JOH 5:20 काहकि बास पोर्‍या से मोंग राखतु छे आरू जो जो काम त्यो करे, चो सब उका देखाड़ता छे; आरू त्यो उकासे मटला काम उका देखाड़ सु, ताकि कि तु घबरायने कर।
JOH 5:21 जोसु बास मरला क उठाड़े आरू जीवाडे।
JOH 5:22 बास कुनीन नी न्याय करे, पुन न्याय करनेन सब काम पोर्‍या काजे सौप देदु छे,
JOH 5:23 कि सब मानसे जोसा बासन विजुत करता छे तोसाज पोर्‍या भी विजुत करे। जु पोर्‍या विजुत नी करे, जु बास उका मकल्यु छे, विजुत नी करे।
JOH 5:24 हाव तुखे सच सच कयतु छे, जु मारो वचन सोमवीन मारा मोकलनेवाला पर विश्वास करे, अमरकाय जीवन हेरेन छे; आरू उका पर दण्डन हुकुम नी हुती, पुन ची मोत रईन पार होईन जीवन मा भरायने कर त्योक्यु छे।
JOH 5:25 “हाव तुखे सच सच कयतु छे त्यो टेम आवतु छे, आरू हिमी छे, जिनाम मरला यहोवा–भगवानन पोर्‍या शब्द सोंबायसे, आरू जु सोंबवसे त्यो जीवसे।
JOH 5:26 काहकि जोसी रीति रईनी बास आपने आपसु जीवन राखता छे, ची रीति छे त्यो पोर्‍या भी यी हक आपला छे कि आपसा आप मा जीवन राखे;
JOH 5:27 वरना उका न्याय करनेन भी हक आपला छे, एरकरीन क त्यो मानसोन पोर्‍य छे।
JOH 5:28 ओको घबरायने मा करू; काहकि त्यो टेम आवतु छे क जोतरा बीड़ाम छे चाँ हेरेन शब्द सोमवीन निकवी आवसे।
JOH 5:29 जा वारलो करला छे चाँ क अमरकाय जीवनन करता जीव उठसे आरू जा भुराई करला छे चाँ दण्डन अमरकाय जीवनन करता जीव उठसे।
JOH 5:30 “हाव आपने आपसु काय नी कर सके; जोसो सोंबेसे छे, तोसलो न्याय करे; आरू मार न्याय सच्त्यो छे, काहकि हाव आपसी मरजी नी पुन आपसा मोकलनेवालान मरजी चाहतु छे।
JOH 5:31 यदि हाव आपसु आपसी गवाय दे, ते मारी गवाय सच्ची नी।
JOH 5:32 एक आरू छे जु मार गवाय देतु छे, आरू हाव जनता छे कि मारी जी गवाय त्यो देतु छे, ची सच्ची छे।
JOH 5:33 तु ते यहुन्ना पुछावड़ु आरू ओकाने सच्चाईन गवाय देदु छे।
JOH 5:34 पुन हाव आपसा विषयमा मानसन गवाय नी चाहतु; ते भी यी वात एरकरीन कयतु छे कि तुमूक उध्दार जुड़े।
JOH 5:35 त्यो ते जलतु आरू चमकतु ओसलु दिया हतु, आरू तुमूक इतरीक वार तक हेरेन प्रकाश मा खुश होयनु वारलो लागलो।
JOH 5:36 पुन मार जु जी गवाय छे ची यहुन्ना न गवाय से मोटली गवाय छे; काहकि जो काम बास मखे पुरो करने सौपलु छे मतलब यो काम जो हाव करे, चाँ मार गवाय छे कि बास मखे मकल्यु छे।
JOH 5:37 आरू बास जु मखे मकल्यु छे, त्यो मार गवाय देदलु छे। तु ते कदी हेरेन शब्द सोंब्यु, आरू नी हेरेन चेहरू देख्यु छे;
JOH 5:38 आरू हेरेन वचन काजे मनमा स्थिर नी राखता छे, काहकि जीनाक त्यो मकल्यु तुमू हेरेन विश्वास नी करता।
JOH 5:39 तुमू चुखलो शास्त्र मा देखता छे, काहकि समझता छे कि ओकामा अमरकाय जीवन तुमूक जुड़तो छे; आरू यु त्यो छे जु मारी गवाय देतु छे;
JOH 5:40 पछु भी तुमूक जीवन जुवणो जुवे करीन मार जु आवने नी चाहता छे।
JOH 5:41 हाव मानसो छे विजुत नी चाहतु।
JOH 5:42 पुन हाव तुमूक जानतु छे कि तुमूक मा यहोवा–भगवानन मोंग नी होय।
JOH 5:43 हाव आपसा बासन नाव पर आवलु छे, आरू तुमू मखे मान्य नी करता; यदि दिसरू कोय आपसा नाव पर आवे, ते ओका मान्य कर लेसु क।
JOH 5:44 तुमू जा एक दिसरा से विजुत चाहता छे आरू चो विजुत एकुत् यहोवा–भगवानन तरफ से छे, नी चाहता, कोसलो प्रकारन विश्वास कर सकता छे?
JOH 5:45 यो मा समझे कि हाव बासन सामने तुमू पर दोष लागाड़ ़सु; तुखे पर दोष लागावनेवालु ते मूसु छे, जिना पर तुमू विश्वास राखता छे।
JOH 5:46 काहकि यदि तु मूसान विश्वास करता, ते मारू भी विश्वास करता, एरकरीन कि हेरेने मारा विषयमा लिखलो छे।
JOH 5:47 पुन यदि तुमू हेरेन लिखली वात पर विश्वास नी करता, ते मारी वात पर कोसो विश्वास करसे?”
JOH 6:1 इन वातन बाद ईशु गलीलन नदी मतलब् तिबिरियुस नदीन पार गयु।
JOH 6:2 आरू एक मोटली गर्दी हेरेन पछळ होय गयी काहकि जो चमत्कार त्यो बीमारी पर देखाड़तु हतु चाँ तीनुक देखता हता।
JOH 6:3 तव ईशु बयड़ा पर चढ़ीन आपसा चेला साथे चाँ बठ गया।
JOH 6:4 यहूदि यान फसहन तिवार नाठ होतो।
JOH 6:5 जब ईशु ने आपसा डुवा उगाड़ीन एक मोटली गर्दी आपने जु आवती देख्यु, ते फिलिप्पुस से कयो, “हामु इन्दरा खानान करता क रईन रोटा किमत लावजे?”
JOH 6:6 त्यो यी वात उका जावनेन करता कयो, काहकि त्यो आपसु जानता हुता कि चाँ काय करसु।
JOH 6:7 फिलिप्पुस उको जवाब दिदा, “दुय सौ दीनारन रोटा भी ओकान करता पूरू नी होयसे कि तीनुक मा हर एक थुड़ थुड़ जुड़ जाये।”
JOH 6:8 ओकान चेला मा से शमौन पतरसन भाई अन्द्रियास उका कयो, “या एक पोर्‍य छे ओका पास जौ जु पाच रोटा आरू दुय मासा छे; पुन इतरा मानसन करता चाँ काय छे?”
JOH 6:9 “या एक पोर्‍यो छे, तेर जु जा पाच रूटा आरू दुय मासा छे, पुन ओतरा मानसन करता चाँ काहय भी नी होय”
JOH 6:10 ईशु कयो, “मानसो बठाड़ दे।” तीन जागे बैस खोड़ो होत: तव मानसे जिनामा मानसन संख्या लग–भग पाच हजार हुती, बोठ गया।
JOH 6:11 तव ईशु रूटा लेदु, आरू धन्यवाद करीन बोठनेवावा वाट देदु; आरू ओसोज मासा मा रईन जोतरा चाँ चाहता हुता वाट देदु।
JOH 6:12 जेतार चाँ खाईन खुस होय गया ते हेके आपसा चेला कयो, “बचला टुकड़ा त्योट लेवु कि काहय नी नाखलो नी जाणु जुवे।” अळते: हेको त्योटला, आरू जा कि पाच जा खाना वालान वाच रया हुता, बारा खिल्लो बर्‍या।
JOH 6:13 अतरान करीन हेकोने त्योट्या, आरू जा पाच रूटा टुकड़ा जा खाने वालान बच रया हता, ओको बारा खिल्ला बर्‍या।
JOH 6:14 तव चाँ चमत्कार करीन देखाड़्यु ओका सी चाँ मानसे देखीन कयनो लाग्या, “त्यो भविष्यवक्ता जु जगमा आवनेवालु हतु नक्‍की युच छे।”
JOH 6:15 ईशु यो जानीन चाँ मखे राजा बनावने करता धरने चाहता छे, पछु बयड़ा पर एखलु जात रयु।
JOH 6:16 जब सांतो हुयो, ते ओका चेला नदीन काठ पर गया,
JOH 6:17 आरू ढोंड्या पर चड़ीन नदीन पार कफरनहूम गाँव जाने लाग्या। तीन टेमे आन्धारो होय गयो हतो, आरू ईशु हिमी तक उका जु नी आयु हतु।
JOH 6:18 वाधुनन कारण नदीमा जो सी मा लाटा उठने लाग्या।
JOH 6:19 जव चाँ चालाड़ता–चालाड़ता तीन–चार किलो मीटर आस पास जात रया, ते हेको ईशु नदीन काठे चालतु आरू नाव वोगे आवतु देख्या, आरू घाबराय गया।
JOH 6:20 पुन त्यो उका कयो, “मी छे; बीहये मा।”
JOH 6:21 अळते: चाँ ओका सी ढोंड्यो पर चढ़ाव लेने करीन तयार होया आरू चटकन ची बुट तीन धरती पर जाय पुगी जा चाँ जाय रया हुता।
JOH 6:22 दिसरे दाहाड़े ची गर्दी, जी गर्दी साथे उभी हुती, या देख्या कि या एक काजे छुड़ आरू कोय बुट नी हुती; आरू ईशु आपसा चेला साथे उना नाव पर नी चढया होतु, पुन ओकान चेलाज गया हुता।
JOH 6:23 तव दिसरा ढोंड्या तिबिरियुस सी उना जागा पर साते आया, जा सारी त्या लोगहन पोरबु क धन्यवाद करने क बाद मा खादला हुता।
JOH 6:24 एरकरीन जब गर्दी देखी कि या नी ईशु छे आरू नी ओकान चेला, ते चाँ भी नाव पर चढ़ीन ईशु देखने लाग्या आरू कफरनहूम पुच्या।
JOH 6:25 नदीन पार जेतार चाँ उका भेव्या ते कयो, “हे गुरू, तु या कोतार आयु?”
JOH 6:26 ईशु हेका जवाब देदु, “हाव तुमूक सच सच कय रयु छे, तु मखे अतरान करीन नी देख रयु छे कि तुमू विछेळीयो काम देख्या, पुन एरकरीन कि तुमू रूटा खाईन शांत होया।”
JOH 6:27 “नाशवन् खानान करता मेहनत मा करू, पुन तीन खानान करता जु अमरकाय जीवन तक रूकाये छे, जिनाक मानसन पोर्‍या तुमूक आपे; काहकि बास मतलब् यहोवा भगवान तीना पर छाप लगाड़ छे।”
JOH 6:28 हेकोने उका कयो, “यहोवा भगवानन काम करनेन करता हामु काय करजे?”
JOH 6:29 ईशु हेको जवाब देदु, “यहोवा भगवानन काम यो छे कि तुमु ओका पर, जिनाक उका मकल्यु छे, विश्वास करू।”
JOH 6:30 तव हेकाने उका कयो, पछु तु काहलो सहलानी देखाड़े छे कि हामु उका देखीन तारू विश्वास करसु? तु काळ्ळो काम देखाड़े छे?
JOH 6:31 आपसा बाबदादा जंगल मा मन्ना खादा; जोसो लिखलो छे, “उको हेको खानेन करता सोरग से रोटा आपलो।”
JOH 6:32 ईशु उका कयो, “हाव तुमूक सच सच कय रयु छे कि मूसु तुमूक त्यो रोटा सोरग सेद नी आपलो, पुन मारू बास तुमूक सच्त्यो रोटा सोरग से आपलो छे।
JOH 6:33 काहकि यहोवा भगवानन रोटा त्योच छे जी सोरग से उतरीन जगत काजे जीवन आपे।”
JOH 6:34 तव हेको उका कयो, “हे पोरबु, यु रोटा हामु हमेशा आपियो कर।”
JOH 6:35 ईशु उका कयो, “जीवनन रोटा हाव छे: जु मार आवे छे त्यो कदी भूखु नी रये, आरू जु मार पर विश्वास करे त्यो कदी तीसकु नी रवसे।”
JOH 6:36 पुन हाव तुखे कयो हतु कि तु मखे देख भी लेदु छे तेभी विश्वास नी करता।
JOH 6:37 जो काही बास मखे छे चो सब मार जु आवसे, आरू जु कोय मार जु आवसे उका हाव कदी नी निकाव।
JOH 6:38 काहकि मे आपसी मरजी नी वरना आपसा मुकलनेवावान मरजी पूरी करनेन करता सोरगदूतम रईन उतरीयो छे;
JOH 6:39 आरू मारो मकलनेवालान मरजी यी छे कि जो काही मखे देदु छे, ओकामा रईन हाव काही नी नाखो, पुन उका आखरी दाहाड़ा मा जीव उठाड़ो।
JOH 6:40 काहकि मारा बासन मरजी यी छे कि जो काही पोर्‍य काजे देख्य आरू ओको पर विश्वास करे, त्यो अमरकाय जीवन जीवसे; आरू हाव उका आखरी दाहाड़ाम पछु जीवाड़ीस।
JOH 6:41 एरकरीन यहूदि ओका पर कुरकुर करने लाग्या, उका कयो हतु, “जु रोटा सोरग सी उतरीयो त्यो हाव छे।”
JOH 6:42 आरू हेको कयो, “काय यूसुफन पोर्‍य ईशु नी, जिनान आवी बास हामु जानता छे? ते त्यो कोसो कयतु छे कि हाव सोरग सी उतरीयो?”
JOH 6:43 ईशु उका जवाब देदु, “कुरकुर मा करो।”
JOH 6:44 कोय मार जु नी आव सकता जब तक बास, जु मखे मकल्यु छे, उका खींच न ले; आरू हाव उका आखरी दाहाड़ा पछा जीव उठाड़
JOH 6:45 भविष्यवक्तान लेखो मा यो लिखलो छे: “चाँ सब यहोवा भगवानन आरू से सिकाल्ला होयसे।” जु कोय बासन सोंब्यु छे आरू सिकलु छे, त्यो मार जु आवतु छे।
JOH 6:46 यो नी क कोय बास काजे देख्या छे। पुन जु यहोवा भगवानन तरफ से छे, केवल त्यो बास काजे देख्यु छे।
JOH 6:47 हाव तुखे छाचो कयतु छे कि जु कोय विश्वास करता छे, अमरकाय जीवन ओकान छे।
JOH 6:48 जीवनन रोटा हाव छे।
JOH 6:49 तुमरा बाबदादा भी जंगल मा मन्ना खादा आरू मर गया।
JOH 6:50 पुन यु त्यो रोटा छे जु सोरगदूत से उतरता छे ताकि मानुस तीनाम रईन खाए आरू नी मरे।
JOH 6:51 जीवनन रोटा जु सोरगदूत रईन उतरसे, रोटा हाव छे। यदि कोय इन रोटान रईन खाए, ते हमेशा जीवतु रवसे; आरू जु रोटा हाव अमरकाय जीवनन करता आपदीस, त्यो मारू डील छे।
JOH 6:52 ओको पर यहूदि यो कयीन आपसु मा लड़ने लाग्या, “या मानसे कोसा आपनुक आपनो मास खाए करीन आप सकता छे?”
JOH 6:53 ईशु ओका कयो, “हाव तुखे सच सच कयतु छे कि जब तक तुमु मानसन पोर्‍या मास खावु, आरू ओकान लुहूय यो मा पियो, तुमु मा जीवन नी।
JOH 6:54 जु मार मास खाय आरू मार लुहूय यो पितु छे, अमरकाय जीवन ओकान छे; आरू हाव तु उका आखरी दाहाड़ाम पछा जीव उठाड़ीस।
JOH 6:55 काहकि मार मास वास्तव मा खानेन वस्तु छे, आरू मार लुहूय यो वास्तव मा पीनेन वस्तु छे।
JOH 6:56 जु मार मास खाय आरू मार लुहूय यो पीतु छे त्यो मखे मा स्थिर बवणु रोवतु छे, आरू हाव ओका मा।
JOH 6:57 जोसो जीवतु बास मखे मकल्यु, आरू हाव बासन कारण जीवतु छे, तोसोज त्यो भी मखे खासे मार कारण जीवित रवसे।
JOH 6:58 जु रोटा सोरग से उतरे यु छे, ओकान रोटा समान नी जिनाक बाबदादा नु खादा आरू मर गया; जु कोय यु रोटा खासे, चु अमरकाय जीवतु रवसे।”
JOH 6:59 यी वात त्यो कफरनहूमन एक आराधना घर मा शिक्षा दिदा टेमे कही।
JOH 6:60 ओका चेला मा से बैस यो सोमवीन कयो, “यी वातड़ो वात छे; उका कुन सोंबी सकता छे?”
JOH 6:61 ईशु आपसा मन मा यो जानीन कि मार चेला आपसु मा ओको वात पर कुरकुर करे, ओका पूछु, “कय तुखे ओको वात पर ठुकर लागी छे?
JOH 6:62 यदि तुमू मानसन पोर्‍या काजे जा त्यो पेहल हतु, चाँ ऊपर जाता देखसु, ते काय होयसे?
JOH 6:63 आत्मा ते जीवनदायक छे, शरीर से काय लाभ नी; जी वात हाव तुखे कयो छे ची आत्मा छे, आरू जीवन भी छे।
JOH 6:64 पुन तुखे मा काही ओसा छे जा विश्वास नी करता।” काहकि ईशु पेहलज जानता हतु कि जा विश्वास नी करता चाँ कुन छे; आरू कुन मखे धरावसे।
JOH 6:65 आरू उका कयो, “ओको करता हाव तुखे कयो हतु कि जब तक कुनीक बासन तरफ से यो वरदान नी दिया जाए तव तक त्यो मार जु नी आव सकतु।”
JOH 6:66 ओको पर ओकान चेला मा रईन बैस चेला उल्टा पछु गया आरू ओकान बाद ओका साथे नी चालनु।
JOH 6:67 तव ईशु उका बारा चेला काजे कयो, “काय तुमूक भी जान्या चाहता छे?”
JOH 6:68 शमौन पतरस उको जवाब दिदा, “हे पोरबु, हामु कुनीन जु जाजे? अमरकाय जीवनन वात ते तार जु छे;
JOH 6:69 आरू हामु विश्वास कर्‍या आरू जान गया छे कि यहोवा भगवानन चुखलो जन तु ही छे।”
JOH 6:70 ईशु हेको जवाब दिदा, “काय हाव तुमूक बारा नी निवाड़या? तौभी तुमू मा रईन एक व्यक्ति शैतान छे।”
JOH 6:71 यो त्यो शमौन इस्करियोतीन पोर्‍य यहूदा क बारा मा कयो हुतो, काहकि चाँ जा बारा मा रईन एक हतु, उका धरावने हतु।
JOH 7:1 इन वातन बाद ईशु गलील मा फिरतु रयु; काहकि यहूदि उका मार नाखनेन कोशिष कर रया हता, एरकरीन चाँ यहूदि या मा फिरने नी चाहता हता।
JOH 7:2 यहूदि यान झोपड़ीन तिवार नाट हतो।
JOH 7:3 एरकरीन हेरेन भाईस उका कयो, “या से यहूदि या जा, कि जो काम तु करे हेको तारा चेला चाँ भी देखे।
JOH 7:4 काहकि ओसलो कोय नी रवे जु परचार होयनु चाहे, आरू दपाईन काम करे। यदि तु यो काम करे, ते आपने आपसु जगत पर प्रकट करे।”
JOH 7:5 काहकि हेरेन भाईस भी उका पर विश्वास नी करता हता।
JOH 7:6 तव ईशु उका कयो, “मार टेम हिमी तक नी आयु, पुन तुमूक करता सब टेम छे।
JOH 7:7 संसार तुखे बैर नी कर सके, पुन त्यो मार से बैर करे काहकि हाव हेरेन विरोध मा यी गवाय देतु छे कि हेरेन काम बुरा छे।
JOH 7:8 तु तिवार मा जावु; हाव हिमी इन तिवार मा नी जाता, काहकि हिमी तक मार टेम पूरी नी हयु।”
JOH 7:9 त्यो उका यी वात कयीन गलील माज रोवे गयु।
JOH 7:10 पुन जब ओका भाईस तिवार मा जात रया ते त्यो खुद भी, प्रकट मा नी पुन मानले सातायलो से गयु।
JOH 7:11 यहूदि तिवार मा उका यो कयीन देखने लाग्या, “चाँ क छे?”
JOH 7:12 आरू मानसम हेरेन विषय मा दपाईन खुब वातु होयली: काही कयता हता, “त्यो वारलो मानुस छे।” आरू काही कयता हता, “नी, त्यो मानसो भ्रम मा नाकतु छे।”
JOH 7:13 तिभी यहूदियान बीक क कारण कोय मानुस ओका विषयमा खुलीन नी नुलतु हतु।
JOH 7:14 तव तिवारन आधा दाहाड़ा जात रया; ते ईशु मंदिर मा जाईन शिक्षा करने लाग्या।
JOH 7:15 तव यहूदि या चकित होईन कयो, “उका बिना भन्ले विद्या कोसो आव गय?”
JOH 7:16 ईशु हेको जवाब देदु, “मार शिक्षा मारू नी, पुन मारा मुकलनेवावान छे।
JOH 7:17 यदि हेरेन मरजी पार चालवने चाहे, ते त्यो इन शिक्षान विषयमा जान लेसे कि यो यहोवा–भगवानन तरफ से छे या हाव आपसी तरफ से कयतु छे।
JOH 7:18 जु आपने तरफ से काही कयतु छे, त्यो आपसी बढ़ाई चाहतु छे; पुन जु आपसा मकलनेवालान बढ़ाई चाहतु छे त्यो सच्त्यो छे, आरू ओकामा अन्याय नी।
JOH 7:19 काय मूसु तुमूक व्यवस्था नी देदु? तिभी तुमुम रईन कोय व्यवस्था पर नी चालता। तुमू काँ मखे मार नाखना चाहता छे?”
JOH 7:20 मानसे जवाब दिदा, “तुखेमा साहळा छे। कुन तुखे मार नाखने चाहतु छे?”
JOH 7:21 ईशु उका जवाब दिदो, “हाव एक कर्‍यु, आरू तुमू सब घबरायीन करता छे।
JOH 7:22 ओको कारण मूसु तुमूक खतनान हुकुम देदु छे यो नी कि चो मूसान तरफ से पुन बाबदादा से चालती आवती रीत छे, आरू तुमू सब्तन दाहाड़े मानसन खतना करता छे।
JOH 7:23 जब सब्तन दाहाड़े मानसन खतना करता जाता छे ताकि मूसान व्यवस्थान हुकुम टव नी जाए, ते तु मखे पर काँ एरकरीन रीस करे कि हाव ने सब्तन दाहाड़े एक मानुसो पूरी रीति रईन आरगाय कर्‍या।
JOH 7:24 मुय देखीन न्याय मा करू, पुन ठीक न्याय करू”
JOH 7:25 तव काही यरूशलेमवासी कयनो लाग्या, “काय यु त्यो नी जीनाक मार नाखनेन कोशिष कर्‍या जाय रया हता छे?
JOH 7:26 पुन देखु, त्यो ते खुल्लाम खुल्लु वात करे आरू कोय ओका सी काही नी कयता छे। काय सरदारे सच सच जान लेदा छे कि यु मसीह छे?
JOH 7:27 ओका ते हामु जानता छे कि पुन यु क वावु छे; पुन मसीह जब आवसे ते कोय नी जानसे कि त्यो क वावु छे।”
JOH 7:28 तव ईशु मंदिर मा शिक्षा देता जाईन आईड़ीन कयो, “तु मखे जानतु छे, आरू यो भी जानता छे कि हाव क वावु छे। हाव ते आपसु नी आयु, पुन मार मकलनेवावा सच्चा छे, ओका सी तुमूक नी जानता।
JOH 7:29 हाव उका जानतु छे काहकि हाव हेरेन तरफ से छे आरू हेको मखे मकल्यु छे।”
JOH 7:30 ओको पर हेकोने उका दरने चाह्यु, तिभी कोय नी उका पर हाथ नी नाख्या काहकि हेरेन टेम हिमी तक नी आयु हतु।
JOH 7:31 पछु भी गर्दी मा रईन बैस मानसे उका पर विश्वास कर्‍या, आरू कयनो लाग्या, “मसीह जेतार आवसे ते काय ओका सी सवटो विछेळीयो काम देखाड़छे जो त्यो देखड़ियो?”
JOH 7:32 फरीसियान मानसे हेरेन विषयमा यी वात दपाईन करता सोंब्या; आरू प्रधान पुजाराे आरू फरीसिया ने उका धरने काजे सिपाही मकल्यु।
JOH 7:33 ओको पर ईशु कयो, “हाव थुड़ाक टेम तक आरू तुमरे जु छे, तव आपसा मकलनेवावान साथे जात रईस।
JOH 7:34 तुमू मखे देखसु, पुन मी नी जुड़ो; आरू जा हाव छे, जा तुमू नी आव सकता।”
JOH 7:35 ओको पर यहूदि या आपस मा कयो, यो कय जासे कि हामु यो नी जुड़से? काय त्यो हेरेन जु आवसे जा यूनानिया मा तितर बितर होईन रवता छे, आरू यूनानियान भी शिक्षा आपसे?
JOH 7:36 यी काय वात छे जी त्यो कयो, कि “तुमू मखे देखसु, पुन नी जुड़से; आरू जा हाव छे, चाँ तुमू नी आव सकता?”
JOH 7:37 तिवारन आखरी दाहाड़ा, जु मुखी दाहाड़ा छे, ईशु उभु हयु आरू आयड़ीन कय रयु, यदि कोय पिसलु से ते मार जु आवे आरू पीए।
JOH 7:38 जु मार पर जु विश्वास करसे, जोसो चुखलो शास्त्र मा आयो छे, “हेरेन दिल मा रईन जीवन क धारन क नदी वईन निकवसे।”
JOH 7:39 त्यो यो वचन चुखलो आत्मान विषयमा कयो, जीनाक उका पर विश्वास करनेवावा पाने पर हता; काहकि आत्मा हिमी तक नी उतरीयो हतु, काहकि ईशु हिमी तक आपसी महिमा काजे नी पूछु हतु।
JOH 7:40 तव गर्दीम रईन कोय–कोय यी वात सोमवीन कयो, “सचमुच यु त्यो भविष्यवक्ता छे।”
JOH 7:41 दिसरा कयो, “यु मसीहा छे।” पुन काहीज नी कयो, “काँ काय मसीह गलील रईन आवसे?
JOH 7:42 काय चुखलो शास्त्र मा या नी आयु कि मसीह दाऊदन वंश रईन आरू बैतलहम गाँव रईन आवसे, जा दाऊद रयतु हतु?”
JOH 7:43 अळते: हेरेन कारण मानसो मा फूट पड़ी।
JOH 7:44 ओका रईन काहय उका धरने चाहता हता, पुन कुन उका पर हाथ नी नाख्यो।
JOH 7:45 तव सिपाही प्रधान पुजारान आरू फरीसियान साथे वापस आया; हेको उका कयो, “तुमू उका काँ नी लाया?”
JOH 7:46 सिपाही जवाब दिदा, “एकदु मानुस कदी ओसली वात नी कर्‍यु।”
JOH 7:47 फरीसिया उका जवाब दिदा, “काय तुमूक भी भरमाए गया छे?
JOH 7:48 काय सरदार या फरीसियोम रईन कोय भी उका पर विश्वास कर्‍या छे?
JOH 7:49 पुन या मानसे जा व्यवस्था नी जानता, श्रापित छे।”
JOH 7:50 नीकुदेमुस ने, जु पेहल उका जु आयु हतु आरू ओकामा रईन एक हतु, ओका सी कयो,
JOH 7:51 “काय हामरी व्यवस्था काहना व्यक्ति काजे, जव तक पेहल हेरेन सोमवीन जान न लेवु कि त्यो काय करे, दोषी ठरावती छे?”
JOH 7:52 हेकोने उका जवाब दिदा, “काय तुमूक भी गलीलन छे? हेर आरू देख कि गलील रईन कोय भविष्यवक्ता प्रकट नी होयनु जुवे।”
JOH 7:53 तव सब कोय आपने आपने घर जात रया।
JOH 8:1 पुन ईशु जैतुनन बयड़ा पर गया।
JOH 8:2 भोर काजे चाँ पछु मंदिर मा आश; सब मानसे उका जु आश आरू चाँ बठीन हेको शिक्षा देने लाग्यु।
JOH 8:3 तव शास्त्र आरू फरीसि एक बाई काजे लाया जा व्यभिचार मा धराय गयी हती, आरू ओका सी वीच मा उभु करीन ईशु काजे कयो,
JOH 8:4 चे कयो, “हे गुरू! या बाई व्यभिचार धराय गयी छे।”
JOH 8:5 “व्यवस्था मा मूसु हामुक काजे हुकुम देदी छे कि ओसली बाया पर दगड़ा देयो। शेवली कावा तु इन बाईन विषयमा काय कयता छे?”
JOH 8:6 हेकोने ओका सी पारखनेन करता यी वात कयी ताकि उका पर दोष लागावनेन करता कोय वात जुवे। पुन ईशु झुकीन आंगवी करीन धरती पर लिखने लाग्यु।
JOH 8:7 जव चाँ उका काजे पुछता रवे, ते ओका सी सुधु होईन उका कयो, “तुखेमा जो निष्पाप छे, त्यो पेहल ओका सी दगड़ा दिदा।”
JOH 8:8 आरू पछु बठीन धरती पर लिखने लाग्यु।
JOH 8:9 पुन चाँ यो सोमवीन डाहला रईन नानला तक, एक एक करीन निकली गया, आरू ईशु एखलु रया गयु, आरू स्त्री चाँ वीच मा उभी रया गयी।
JOH 8:10 ईशु सुधु होईन उका कयो, “हे नारी, चाँ क गया? काय कोय तुखे पर दण्डन हुकुम नी दिदा?”
JOH 8:11 ओको कयो, “हे पोरबु, एकदु कयो।” ईशु कयो, “हाव भी तुखे पर दण्डन हुकुम नी देता; जा आरू पछु पाप मा करे।”
JOH 8:12 ईशु पछु मानसो काजे कयो, “जगतन ज्योति हाव छे; जु मार पछळ आवसे त्यो आँधारा मा नी चाले, पुन जीवनन ज्योति जड़से।”
JOH 8:13 फरीसिया उको कयो, “तु आपसी सच्ची गवाय आपसु देतु छे, तार गवाय ठीक नी होय।”
JOH 8:14 ईशु ओका सी जवाब देदु, “भले मी आपसी सच्ची गवाय आपसु आप देतु छे, तिभी मारी गवाय ठीक छे, काहकि हाव जानतु छे कि हाव क रईन आयु छे आरू क जाय छे? पुन तुमू नी जानता कि हाव क रईन आवतु छे कि क जातु छे।
JOH 8:15 तु शरीरन लारे न्याय करता छे; हाव कुदान न्याय करे।
JOH 8:16 आरू यदि हाव न्याय करो भी, ते मार न्याय सच्त्यो छे; काहकि हाव एखलु नी होय, पुन हाव छे, आरू बास छे जु मखे मकल्यु छे।
JOH 8:17 तुमरी व्यवस्था मा भी लिखलो छे कि दुय जनो मिवीन सच्ची गवाय ठीक रवती छे;
JOH 8:18 एक ते हाव आपसु आपसी गवाय देतु छे, आरू दिसरू बास मार गवाय देतु छे जु मखे मकल्यु छे।”
JOH 8:19 हेरेने उका कयो, “तार बास क छे?” ईशु उका जवाब देदु, “नी तुमू मखे जानता छे, नी मार बास काजे जानता छे, यदि मखे जानता ते मार बास काजे भी जानता।”
JOH 8:20 यी वात त्यो मंदिर मा शिक्षा देतु तव भण्डार घर मा कयो, आरू कोय नी उका धर्‍यु, काहकि ओको टेहाव हिमी तक नी आयु हतु।
JOH 8:21 ईशु ने पछु उका कयो, “हाव जातु छे, आरू तु मखे देखछे आरू आपसा पाप मा मरछे; जा हाव जातु छे, चाँ तुमू नी आव सकता।”
JOH 8:22 ओको पर यहूदि या कयो, “काय त्यो आपने आपसु मार नाखछे, जु कयतु छे, जा हाव जातु छे चाँ तुमू नी आव सकता?”
JOH 8:23 ईशु ने उका कयो, “तुमू नेल्ला छे, हाव ऊफरलु छे; तुमू संसारन छे, हाव संसारन नी छे।
JOH 8:24 अतरान करीन हाव तुखे कयो कि तुमू आपसा पापो मर हत, काहकि यदि तु विश्वास नी करसे कि हाव चाच छे ते आपसा पापो मा मरछे।”
JOH 8:25 हेकोने ओका सी कयो, “तु कुन छे?” ईशु ओका सी कयो, “त्योच छे जु सोरूवात रईन तुमूक कयतु आयु छे।
JOH 8:26 तुमरा विषय मा मखे बैस हाहय कयनो आरू निर्णय करनो छे; पुन मारू मकलनेवावु सच्त्यो छे, आरू जो मी हाव उकासे सोंब्यु छे त्यो जगत काजे कयतु छे।”
JOH 8:27 चाँ यो मा समजु कि हामु बासन विषय मा कयतु छे।
JOH 8:28 तव ईशु कयो, “जव मानसन पोर्‍या काजे ऊपर चढ़ावसे, ते जानछे कि हाव त्योच छे; हाव आपने आपसु काहय नी करे पुन जोसो मार बास मखे सिखाड़ु तोसली वात या कयता छे।
JOH 8:29 मारू मकलनेवावु मार साथे छे; उको मखे एखलु नी छुड़यु काहकि हाव दाहड़ीन चो काम करे जिनाक छे त्यो खुश हतलु छे।”
JOH 8:30 त्यो यी वात कहय रयु हतु कि बैस मानसे उका पर विश्वास कर्‍या।
JOH 8:31 तव ईशु ओका सी यहूदि या जा उका पर विश्वास कर्‍या हता, कयो, “यदि तुमू मार वचन मा बोवना रवछे, ते सचमा मार चेला कहवायसु।
JOH 8:32 तुमू सच्चाई काजे जानहत, आरू सच्चाई हेको स्वतंत्र करसे।”
JOH 8:33 हेकोने उका काजे जवाब दिदा, “हामु ते अब्राहम न वंश छे, आरू कदी कुदान दास नी होया, मग तु कोसो कयतु छे कि तुमू स्वतंत्र होय जासु?”
JOH 8:34 ईशु उको जवाब देदु, “हाव सच कयतु छे कि जु कोय पाप करता छे त्यो पापन दास छे।
JOH 8:35 दास अमरकाय जीवनन घर मा नी रवे; पोर्‍य दाहड़ीन घर मा रोवतु छे।
JOH 8:36 एरकरीन यदि पोर्‍य तुमूक स्वतंत्र करसे, ते सचमा तुमू स्वतंत्र होय जाछे।
JOH 8:37 हाव जानतु छे कि तु अब्राहम न वंश; तौभी मारो वचन तुमरा दिल मा जागु नी जड़से, एरकरीन तु मखे मार नाखने चाहता छे।
JOH 8:38 हाव चो कय रयु छे, जु आपसा बास या देख्यु छे; आरू तुमू चो करता रयता छे जो तुमू आपसा बास छे सोंब्या छे।”
JOH 8:39 चाँ उका जवाब दिदा, “आमरू बास ते अब्राहम छे।” ईशु उका कयो, “यदि तु अब्राहम न संतान रोवतु, ते अब्राहम न बराबर काम करे।
JOH 8:40 पुन अब तु मखे जोसो मानसो काजे मार नाखने चाहतु छे, जु तुमूक सच्च वचन कयो जो यहोवा–भगवान रईन सोंब्या; ओसो ते अब्राहम नी कर्‍यु हतु।
JOH 8:41 तु आपसा बासन बराबर काम करे।” त्यो उका कयो, “हामु व्यभिचार छे नी जनम लेदा, आमरू एक बास छे मतलब यहोवा–भगवान।”
JOH 8:42 ईशु उका कयो, “यदि यहोवा–भगवान तुमरू बास रोवतु, ते तुमू मखे पर मोंग राकता; काहकि हाव यहोवा–भगवानन तरफ रईन आयु छे। हाव आपसु नी आयु, पुन त्यो मखे मकल्यु।
JOH 8:43 तु मारी वात काँ नी समझतु? एरकरीन कि तु मारा वचन सोंबी नी सकता।
JOH 8:44 तु आपनु बास शैतान रईन छे आरू आपसा बासन लालुच पूरी करने चाहतु छे। त्यो ते सोरू छे लुहूय यी छे आरू सच्चाई पर स्थिर नी रवे, काहकि सच्चाई ओकामा छे नी। जव त्यो झूठ बुलतु, ते आपसा स्वभाव छे बुलता छे; काहकि त्यो झूठ बुलता छे वरना झुठन बास छे।
JOH 8:45 पुन हाव जो सच बुल रयु छे, ओको करता तुमू मारा विश्वास नी करता।
JOH 8:46 तुमुम रईन कुन मखे पापी बनावे? यदि हाव सच बुलतु छे, ते तुमू मारू विश्वास काँ नी करता?
JOH 8:47 जु यहोवा–भगवान साथे रोवतु छे, त्यो यहोवा–भगवानन वात सोमवीन छे; आरू तु एरकरीन नी सोंबवता कि तुमू यहोवा–भगवानन तरफ छे नी छे।”
JOH 8:48 यो सोंबु यहूदि या उकासे कयो, “काय हामु ठीक नी कयता कि तु सामरिया छे, आरू तुखे मा साहळा छे?”
JOH 8:49 ईशु यके जवाब देदु, “मखे मा साहळा नी; पुन हाव आपसा बासन विजुत नी करे, आरू तुमू मारा निरादर करता छे।
JOH 8:50 पुन हाव आपसी बढ़ाई नी चाहतु छे; हा, एक छे जु चाहतु छे आरू न्याय करता छे।
JOH 8:51 हाव तुखे सच सच कयतु छे कि यदि कोय व्यक्ति मार शिक्षा पर चालसे, ते त्यो अमरकाय काल तक मरन नी देख सके।”
JOH 8:52 यहूदि या उका कयो, “हिमी हामु जान लेदा कि तुखेमा साहळा छे। अब्राहम मर गयु, आरू भविष्यवक्ता भी मर गया छे; आरू तु कयतु छे, ‘यदि कोय मार वचन पर चालसे ते त्यो अमरकाय काल तक मरनान हवाद नी चाखसे।’
JOH 8:53 आमरू बास अब्राहम ते मर गयु। काय तु उका रईन मोटु छे? आरू भविष्यवक्ता भी मर गया। तु आपने आपसा क काय बनावे छे?”
JOH 8:54 ईशु उका जवाब देदु, “यदि हाव आपसु आपसी महिमा करे, ते मार महिमा काहय नी; पुन मारी महिमा करनेवावा मार बास छे, जिनाक तुमू कयता छे कि त्यो तुमुरू यहोवा–भगवान छे।
JOH 8:55 तुमू ते उका नी जान्या: पुन हाव उका जानतु छे। यदि हाव कयो कि हाव उका नी जानता, ते हाव तुमरे ओसु झुठु बनीस छे; पुन हाव उका जानता छे आरू ओको वचन पर चालतु छे।
JOH 8:56 तुमुरू बास अब्राहम मारू दाहाड़ु देखनेना आश छे बैस मगन हतो; आरू ओको देखा आरू ओको देखा आरू खुशी कर्‍यु।”
JOH 8:57 यहूदि या उकासे कयो, “हिमी तक तु पचास साल क नी हयु, तेभी तु अब्राहम काजे देखलु छे?”
JOH 8:58 ईशु उकासे कयो, “हाव तुमू छे सच सच कयता छे, कि पेहल ओका कि अब्राहम पैदा होयु, हाव छे।”
JOH 8:59 तव उका मारनेन करता दगड़ा उठावला, पुन ईशु धपाईन मंदिर रईन निकव गयु।
JOH 9:1 जातु जातु त्यो एक मानसो काजे देख्यु जु जनम रईन आँधवु हतु।
JOH 9:2 हेरेन चेला ओका सी पुछा, “हे गुरू, कुन पाप कर्‍यु हतु कि यु आँधवु जनायु, यु मानसन क ओका आवी–बासन?”
JOH 9:3 ईशु जवाब देदु, “नी ते यु पाप कर्‍यु हतु, नी ओको माय बास; पुन एरकरीन हुयो क यहोव–भगवानन काम ओका प्रकट होय।”
JOH 9:4 जु मखे मकल्यु छे, हामु हेरेन कामन दाहाड़ाम काम करनो जरूरी छे; ची रात आवनेवावी छे जीनाम कोय काम नी कर सके।
JOH 9:5 जव तक हाव जगत मा छे, तव तक अमरकाय प्रकाश छे।
JOH 9:6 यो कयीन त्यो धरती पर थूकलु, आरू तीन थूकसे धरती जारयु, आरू त्यो धरती तीन आंधवान डुवा पर लागाड़ीन
JOH 9:7 त्यो कयो, “जा, शीलोहन ढाबरू मा धुव ले” शीलोहन मतलब मकल्यु छे। त्यो जाईन धुव्यु, आरू देखतु ओसु वापस आयु।
JOH 9:8 तव साथेवावा आरू जा पेहल उका भीख मांगता देख्या हता, कयनो लाग्या, “काय यु त्यो नी, जु भोठि भोठिन भीख मांग्या करे हतु?”
JOH 9:9 काहय मानसे कयो, “यु त्यो छे” दिसरा कयो, “नी, पुन ओका सारको कोय दिसरो छे।” त्यो कयो, “हाव त्योज छे।”
JOH 9:10 तव चाँ उका पूछने लाग्या, “तार डुवा कोसा खुल गया?”
JOH 9:11 त्यो जवाब देदु, “ईशु नावन एक व्यक्ति धरती जारयु, आरू मार डुवा पर लागाड़ीन मखे कयो, शीलोह मा जाईन धुव ले, शेवली कावा हाव गयु आरू धुव्या आरू देखने लाग्या।”
JOH 9:12 चाँ यकाह पूछा, “त्यो क छे?” हेरेने कयो, “हाव नी जानतु।”
JOH 9:13 मानसे उका जा पेहल आंधवा हुता फरीसियान साथे ली गया।
JOH 9:14 जीन दाहाड़े ईशु धरती जारीन हेरेन डुवा उगड़या हता, त्यो सब्तन दाहाड़ा हता।
JOH 9:15 पछु फरीसिया ने भी उकासे पुछा कि हेरेन डुवा काहनी रीति रईन खुल गया। त्यो ओका सी कयो, “त्यो मारा डुवा पर धरती लागाड़ ्यु, पछु हाव धुव लेदु, आरू हिमी देखतु छे।”
JOH 9:16 ओको पर काहय फरीसि कयनो लाग्या, “यु मानुस यहोवा–भगवानन तरफ से नी, काहकि यु सब्तन दाहाड़ा नी मानता।” दिसरा कयो, “पापी मानुस ओसलो सहलानी कोसो देखाड सकतु छे?” अळते: ओकामा फूट पड़ गय।
JOH 9:17 चाँ उका आंधवा काजे पछा कयो, “हेरेने तारा डुवा खुल्या छे। तु हेरेन विषयमा काय कयता छे?” त्यो कयो, “त्यो भविष्यवक्तु छे।”
JOH 9:18 पुन यहूदि या विश्वास नी होयु कि त्यो आँधवु हतु आरू हिमी देखतु छे, जव तव हेरेन, जीनान डुवा खुल्या गया हता, त्यो आया–बास बुलावीन
JOH 9:19 त्यो नी पुछा, “काय यु तारू पोर्‍य छे, जीनाक तु कयतु छे कि त्यो आँधवु जनायु हतु? मग हिमी त्यो कोसु देखाये छे?”
JOH 9:20 तारा माय–बास जवाब दिदा, “हामु ते जानता छे कि यु आमरो पोर्‍य छे, आरू आँधवो जनायु हतु;
JOH 9:21 पुन हामु यो नी जानता छे कि हिमी कोसु देखातो छे, आरू नी यो जानता छे कि कुन तेरा डुवा उघड्या। त्यो उगाड़ ़ीयो, ओका सी पुछ लेवु; त्यो आपसा विषय मा आपसु कय देसे।”
JOH 9:22 यी वात तेरा आय ने बास अतरान करीन कयो काहकि चे यहूदि या रईन बीहता हुता; काहकि यहूदि या एकु होय गया हता कि यदि कोय कयो कि त्यो मसीह छे, ते आराधना घर घर रईन काहड़ दिदा जासे।
JOH 9:23 इनान कारण हेरेन आयस–बास कयो, “त्यो उगाड़लो, ओका सी पुछ लेवु।”
JOH 9:24 तव हेकोने उका मानसो काजे जु आँधवु हतु, दिसरी वार बुलावीन उका कयो, “यहोवा–भगवानन बढ़ाई करू। हामु ते जानता छे कि त्यो मानसु पापी छे।”
JOH 9:25 त्यो जवाब देदु, “हाव नी जानतु कि त्यो पापी छे क नी; हाव एक वात जानतु छे कि हाव आँधवु हतु आरू हिमी देखतु छे।”
JOH 9:26 हेकोने ओका सी पछु कयो, “त्यो तार साथे काय कयो? आरू कोसो करीन तार डुवा खुल्यु?”
JOH 9:27 त्यो ओका सी कयो, “हाव ते तुखे कय त्योक्यु, आरू तु नी सोंब्यु; आरू दिसरी वार काँ सोंबवन्यु चाहतु छे? काय तुमू भी हेरेन चेला होयन्या चाहता छे?”
JOH 9:28 तव चाँ उका बुर–भला कयीन बुल्या, “तुच हेरेन चेलु छे, हामु ते मूसान चेला छे।
JOH 9:29 हामु जानता छे कि यहोवा–भगवान मूसा साथे वात कर्‍यु; पुन इनीये मानसो काजे नी जानता कि कावावु छे।”
JOH 9:30 त्यो ओका सी जवाब देदु, “यो ते विनछळाय वात छे कि तु नी जानतु कि त्यो कावावु छे, तौभी हेरेने मार डुवा खुल देदु।
JOH 9:31 हामु जानता छे कि यहोवा–भगवान पापीन नी सोमवीन छे, पुन यदि कोय यहोवा–भगवानन भक्त रवे आरू हेरेन मरजी पर चालता छे, ते त्यो हेरेन सोमवीन छे।
JOH 9:32 जगन शुरूवात रईन यो कदी सोंबवने मा नी आयो कि त्यो हमेशान आंधवान डुवा खुल गया छे।
JOH 9:33 यदि यु मानुस यहोवा–भगवानन तरफ छे नी रोवतु, ते काहय नी कर सकतु छे।”
JOH 9:34 त्यो उको जवाब देदु, “तु ते बिलकुल पापो मा जनायु छे, तु हामु काय सिकाड़तु छे?” आरू हेकोने उका बाहरते निकाव देदु छे।
JOH 9:35 जव ईशु सोंब्यु कि हेको उका बाहर निकाव देदु छे, आरू जव उकासे भेंट होयी ते कयो, “काय तु यहोवा–भगवानन पोर्‍या पर विश्वास करे?”
JOH 9:36 त्यो जवाब देदु, “हे पोरबु, त्यो कुन छे, कि हाव उका पर विश्वास करो?”
JOH 9:37 ईशु उका कयो, “तु उका देख्यु भी छे, आरू जु तार साथे वात कर्‍यु छे त्यो त्योच छे।”
JOH 9:38 त्यो कयो, “हे पोरबु, हाव विश्वास करे।” आरू उका पुजा कर्‍या।
JOH 9:39 तव ईशु कयो, “हाव इनीये जग मा नियावन करता आयु छे, ताकि जो नी देखता चो देखे, आरू जो देखता छे चाँ आंधवा होय जाय।”
JOH 9:40 जा फरीसि हेरेन साथे हता हेकोने यी वात सोमवीन ओका सी कयो, “काय हामु भी आंधवा छे?”
JOH 9:41 ईशु ओका सी कयो, “यदि तुमू आंधवा रवता ते पापी नी बनतो; पुन हिमी कयता छे कि हामु देखता छे, एरकरीन तुमरू पाप बवणु रोवतु छे।”
JOH 10:1 हाव तुखे सच सच कय रयु छे कि जु कोय झोपला वाटे गाडरा न खुठामा नी आवे, पुन कोसलो दुहरी तरफ रईन चढ़ जाता छे, त्यो त्योर आरू डाकु छे।
JOH 10:2 पुन जु झोपला रईन माहाय आया करे त्यो गाडरा न गुवाळ्यु छे।
JOH 10:3 ओको करता झोपलु राखतु छे त्यो झोपलु खुल देतु छे, आरू गाड़ गाडरा हेरेन ओवाज सोंबवता छे, आरू त्यो आपसा गाडरा काजे आपसु नाव लिन बुलावे छे आरू बाहरते ली जातु छे।
JOH 10:4 जव त्यो आपसा सब गाड़ गाडरा काजे बाहर निकाल त्योकता छे, ते हेरेन ओगळ–ओगळ चालता छे, आरू गाडरा हेरेन पछळ–पछळ चाल देता छे, काहकि चाँ तेर ओवाज जानता छे।
JOH 10:5 “पुन चाँ पराया मानसो कमाय नी जाय, पुन उका रईन सेटा डास्से, काहकि चाँ परायान ओवाज नी वोकता छे।”
JOH 10:6 ईशु उका काजे यो द्रूष्टान्त कयो, पुन चाँ नी समझा कि यी काय वात छे जी हामुक कय रयु छे।
JOH 10:7 तव ईशु ओका सी पछु कयो, हाव तुमूक सच सच कय रयु छे, गाडरान झोपलो हाव छे।
JOH 10:8 जोतरा भी मार रईन पेहल आया चाँ सब त्योर आरू डाकु छे, पुन गाड़ गाडरा हेरेन नी सोंबे।
JOH 10:9 झोपलो हाव छे; यदि पुन कोय मार द्वारा माहाय जात रये, ते उध्दार जुड़से, आरू माहाय बाहारथे आव जाय करसे आरू चार जुड़से।
JOH 10:10 त्योर कोसो ओसलो कामन करता नी पुन सिर्फ चुरी करने आरू घाव करने आरू नष्ट करने आवतु छे; हाव एरकरीन आयु कि चा जीवन जड़से, आरू बहुतायत से जड़से।
JOH 10:11 वारलु गुवाळ्यु हाव छे; वारलु गुवाळ्यु गाडरा न करता आपनु जीव आप देय।
JOH 10:12 मजुर जु नी गुवाळ्यु छे आरू नी गाडरा न मालिक छे, लेन्डीया काजे आवता देखिन गाड़ गाडरा काजे छुड़ीन डास जातु छे; आरू त्यो हेको धरती आरू तितर–बितर कर देता छे।
JOH 10:13 त्यो एरकरीन डास जातु छे कि त्यो मजदूर छे, आरू ओका सी गाडरा न चिंता नी करे।
JOH 10:14 वारलु गुवाळ्यु हाव छे; हाव आपसा गाडरा काजे जानतु छे, आरू मार गाड़ गाडरा मखे जानता छे।
JOH 10:15 जोसो बास मखे जानतु छे आरू हाव बास काजे जानतु छे–आरू हाव गाडरा न करता आपनु जीव आप देय।
JOH 10:16 मारा आरू भी गाड़ गाडरा छे, जा इन गाडरा न खुठामा नी। मखे उका भी लावणु पाको छे। चाँ मार शब्द सोंबवसे, तव एकुज टुळु आरू एकुज गुवाळ्यु रवसे।
JOH 10:17 बास एरकरीन मार पर मोंग राखतु छे कि हाव आपनु जीव आपे छे कि ओका सी पछा ली लेवु।
JOH 10:18 कोय उका मखे रईन सांडाड़ता नी। वरना हाव उका आपसु देतु छे। मखे ओका सी आपनेन भी हक छे, आरू उका पछु ली लेनेन भी हक छे: यी हुकुम मार बास रईन मखे मिवी छे।
JOH 10:19 इन वातन कारण यहूदि या मा पछी फुट पड़ी।
JOH 10:20 ओका रईन बैस काहय कयनो लाग्या, “ओकामा साहळा छे, आरू त्यो पागल छे; हेरेन काँ सोंबवता छे?”
JOH 10:21 दिसरा मानसे कयो, “यी वात ओसला मानसन नी होय जिनाक मा साहळा छे। काय साहळा आंधवान डुवा खुल सकती छे?”
JOH 10:22 यरूशलेम मा स्थापनान तिवार मनावता जाय रया हता; आरू पानीन दाहाड़ा हता।
JOH 10:23 ईशु मंदिर मा सुलैमानन उटला पर पछु रयु हतु।
JOH 10:24 तव यहूदि या तीनाक आवीन घेर लेदा आरू पुछा, “तु हामरा मन काजे केतार तक अड़चन मा राखसे? यदि तु मसीह छे ते हामुक साफ साफ कय दे।”
JOH 10:25 ईशु हेको जवाब देदु, “हाव तुखे कय देदु पुन तुमू विश्वास नी करता छे। जो काम मी आपसा बासन नाव पर करे चाँ मारा गवाय छे,
JOH 10:26 पुन तुमू एरकरीन विश्वास नी कयता काहकि मारा गाडरा म रईन नी होय।
JOH 10:27 मार गाड़ गाडरा मार शब्द सोंबवता छे; हाव हेको जानतु छे, आरू चाँ मार पछळ–पछळ चालता छे;
JOH 10:28 आरू हाव हेको अमरकाय जीवन देतु छे। चो कदी नष्ट नी होय जा छे, आरू कोय हेको मार हाथम रईन सोंडाड़ नी लेछे।
JOH 10:29 मार बास, जु मखे हेको काजे देदु छे, सब रईन मोटो छे आरू कोय हेको बासन हाथम रवीन सोंडाड़ नी सकता छे।
JOH 10:30 हाव आरू बास एक छे।”
JOH 10:31 यहूदि या उका पर दगड़ा देनेह पछा दगड़ा उठाव्या।
JOH 10:32 इना पर ईशु ओका सी कयो, “हाव तुमूक आपसा बासन तरफ रईन बैस भला काम देखाड़्या छे; उका मा कोसलो कामन करता तुमू मार पर दगड़ा नाखता छे।”
JOH 10:33 यहूदि या ओका सी जवाब दिदा, “भला कामन करता हामु तुखे दगड़ा करीन नी देता पुन यहोवा–भगवानन निन्दा करनेन कारण; आरू एरकरीन कि तु मानुस होईन आपने आपसु यहोवा–भगवान बनावतु छे।”
JOH 10:34 ईशु उको जवाब देदु, “काय तुमरी व्यवस्था मा नी लिखलो छे, हाव कयो, तु भगवान छे?”
JOH 10:35 यदि उका हेको भगवान कयो जीनाक जु यहोवा–भगवानन वचन पुछो आरू चुखलो शास्त्रन वात झुटी नी होय सकती
JOH 10:36 ते जीनाक बास चुखलो कहवायसे जग मा मकल्यु छे, तु उकासे कयतु छे, “तु निन्दा करे” एरकरीन कि हाव कयो, “हाव यहोवा–भगवानन पोर्‍य छे?”
JOH 10:37 यदि हाव आपसा बासन काम नी करे, ते मार पर विश्वास मा कर्‍यु।
JOH 10:38 “पुन यदि हाव करे, ते चाहे मार पर विश्वास नी भी करे, पुन चाँ कामन ते विश्वास करू, ताकि तुमू जानु आरू समझु कि बास मखे मा छे आरू हाव बादमा छे।”
JOH 10:39 तव हेकोने पछु उका धरनेन कोशिष कर्‍या पुन चाँ हेरेन हाथम रईन निकव गया।
JOH 10:40 पछु चाँ यरदन नदीन पार हेरेन स्थान पर जात रयु, जा यहुन्ना पेहल बपतिस्मा दिदा करता हता, आरू चाँ रवु।
JOH 10:41 बैस मानसे हेरेन जु आवीन कयतु हतु, “यहुन्ना ते कोय सहलानी नी देखाड़यु, पुन जो काहय यहुन्ना हेरेन विषय मा कयो हतु, चो सब सच हतो।”
JOH 10:42 आरू चाँ आखा मानसे ईशु पर विश्वास कर्‍या।
JOH 11:1 मरियम आरू ओकी बहिनीस मार्थान गाँव बैतनियान लाज़र नावन एक मानुस मांदलु हतु।
JOH 11:2 यी ची मरियम हती जु पोरबु पर इत्र नाखीन हेरेन पायो करीन आपसा जुठा करीन पूछी हती, ओका भाई लाज़र मांदलु हतु।
JOH 11:3 अळते: हेरेन बहिनीस उका कहय मोकल्यु, “हे पोरबु, देख, जिनाक तु मोंग राखतु छे, त्यो बीमार छे।”
JOH 11:4 यो सोंमवीन ईशु कयो, “यी बीमारी मोतन नी होय; पुन यहोवा–भगवानन महिमान करता छे, कि हेरेन द्वारा यहोवा–भगवानन पोर्‍या महिमा हुयो।”
JOH 11:5 ईशु मार्था आरू हेरेन बहिनीस आरू लाज़र पर मोंग राखतु हतु।
JOH 11:6 तीभी जव उका सोंब्या कि त्यो मांदलु छे, ते जीन स्थान पर त्यो हतु, चाँ दुय दाहाड़ा आरू रूकाय गयु।
JOH 11:7 हेरेन बाद त्यो चेला काजे कयो, “आवु, हामु पछा यहूदि या चाल्या।”
JOH 11:8 चेला ओका सी कयो, “हे गुरू, हिमी ते यहूदि पर दगड़ा करीन देने चाहता हता, आरू काय तु तीभी चाँ जातु छे?”
JOH 11:9 ईशु ओका सी जवाब देदु, “काय दाहाड़ान बारा घंटा नी रवता छे? यदि कोय दाहाड़ा मा चेला ते ठुकर नी खाता छे, काहकि ओको अमरकाय विजाळो देखातु छे।
JOH 11:10 पुन यदि कोय रात मा चाले ते ठुकर खाता छे, काहकि ओकामा प्रकाश नी होय।”
JOH 11:11 त्यो यी वात कयो, आरू ऐर बाद उकासे कयनो लाग्या, “आमरू दोस्त लाज़र सुव गयु छे, पुन हाव उका धरतीवने जाय रयु छे।”
JOH 11:12 तव चेला ओका सी कयो, “हे पोरबु, यदि त्यो सुव गयु छे, ते वारलो होय जासे।”
JOH 11:13 ईशु ते हेरेन मोतन विषय मा कयो हतु, पुन त्यो समझे कि त्यो निंदम रईन सुव जानेन विषय मा कयो।
JOH 11:14 तव ईशु तीनुक काजे साफ साफ कय देदु, “लाज़र मर गयु छे;
JOH 11:15 आरू हाव तुमरे कारण खुश छे कि हाव चाँ नी हतु जीनासे तुमू विश्वास करू। पुन हिमी आवु, हामु हेरेन जु जाता।”
JOH 11:16 तव थोमान जु दिदुमुस हववाये, आपसा साथी चेलाह कयो, “आवु, हामु भी हेरेन साथे मरनाह जाता क।”
JOH 11:17 या पुगने पर ईशु काजे यो मालुम हुयो कि लाज़रन बीड़ा मा राखला चार दाहाड़ा होय त्योक्या छे।
JOH 11:18 बैतनिया यरूशलेमन बराबर कोय तीन कि, मी, दुर हतु।
JOH 11:19 बैस यहूदि मार्था आरू मरियमन जु हेरेन भाईस्योन मोत पर शांती आपने काजे आया हता।
JOH 11:20 जव मार्था ते ईशुन आवनेन बातमी सोमवीन तीनाक मिवने करता गय, पुन मरियम घर मा बठली रवली।
JOH 11:21 मार्था ईशु कयी, “हे पोरबु, यदि तु या रोवतु, ते मार भाईस नी मरतु।
JOH 11:22 आरू हिमी भी हाव जानती छे कि जो काहय तु यहोवा–भगवान पर मांगसे, आरू यहोवा–भगवान तुखे आपसे।”
JOH 11:23 ईशु तीनीक कयो, “तार भाईस पछु जीव उठसे।”
JOH 11:24 मार्था तीनाक कयी, “हाव जानती छे कि शेवटला दाहाड़ाम पुनरूत्थानन टेमे त्यो जीव उठसे।”
JOH 11:25 ईशु ओका सी कयो, “पुनरूत्थान आरू जीवन हाव छे; जु काहय मखे पर विश्वास करता छे, त्यो यदि मर भी जाए तौभी जीवसे,
JOH 11:26 आरू जु कोय जीवतु छे आरू मखे पर जु विश्वास करे, त्यो अमरकाय जीवसे कदी नी मरसे। काय तु इन वात पर विश्वास करती छे?”
JOH 11:27 त्यो तीनाक कयो, “होव हे पोरबु, हाव विश्वास करती छे कि यहोवा–भगवानन पोर्‍य मसीह जु जगत मा आवनेवाळो हतु, त्यो तुच छे।”
JOH 11:28 यो कयीन ची जात रयी, आरू आपसी बहिनीस मरियम काजे बुलावीन दोपाईन कयो, “गुरू या छे आरू तुखे बुलावता छे।”
JOH 11:29 यो सोमवीन ची साठु उठिन हेरेन जु आवी।
JOH 11:30 ईशु हिमी गाँव मा नी पुग्यु हतु पुन उका स्थान मा हतु जा मार्था ओका सी मीवायी हती।
JOH 11:31 तव जा यहूदि हेरेन जु घर मा हता आरू उका शांती दिदा हता, यो देखीन कि मरियम जीरे उठिन बाहर गयी छे यो समझे कि ची बीड़ा पर रवने जाती छे, ते हेरेन पछळ जाता छे।
JOH 11:32 जव मरियम चाँ पुगी जा ईशु हतु, ते उका देखताच हेरेन पायो पर पड़ी आरू कयी, “हे पोरबु, यदि तु रोवतु ते मारू भाईस नी मरतु।”
JOH 11:33 जव ईशु ओका सी आरू यहूदि या जा हेरेन साथे आया हता, रड़ता देख्या, ते आत्मा मा बैस नाराज आरू परेशान हया,
JOH 11:34 आरू कयो, “तु उका क राखतु छे?” हेकोने उकासे कयो, “हे पोरबु, चालीन देख ले।”
JOH 11:35 ईशु रड़यु।
JOH 11:36 तव यहूदि कयनो लाग्या, “देखु, त्यो उका पर कतरू मोंग राखतु हतु।”
JOH 11:37 पुन ओकामा रईन काहय नी कयो, “काय या जोतरा आंधवान डुवा उगाड़ ्या, यो भी नी कर सक्यु कि यु मानुस नी मरतु?”
JOH 11:38 ईशु मन मा पछु बैस नराज होईन बीड़ा पर आयु। चाँ एक दर हती आरू एक दगड़ा उका पर राखला हता।
JOH 11:39 ईशु कयो, “दगड़ो हटाऊ।” उका मरलान बहिनीस मार्था ओका सी कयनो लागी, “हे पोरबु, ओका रईन हिमी ते सचाब वास आवती छे, काहकि उका मरलु चार दाहाड़ा होय गया छे।”
JOH 11:40 ईशु ओका सी कयो, “काय हाव ने तुखे नी कयो हतु कि यदि विश्वास करसे, ते यहोवा–भगवानन महिमा काजे देखसे।”
JOH 11:41 तव हेकोने ओका सी दगड़ा काजे हटाड़या। ईशु डुवा उगाड़ीन कयो, “हे बास, हाव तारू धन्यवाद करे कि तु मारी सोंबी लेदु छे।
JOH 11:42 हाव जानतु छे कि तु मारी सदा सोमवीन छे, पुन जी गर्दी आस पास उभी छे, हेरेन कारण हाव यो कयो, जीनासे कि चाँ विश्वास करे कि तु मखे मकल्यु छे।”
JOH 11:43 यो कयीन त्यो डाहला शब्द मा आयड़्यु, “ऐ लाज़र, निकली आव।”
JOH 11:44 जु मर गयु हतु त्यो छिन्दरान कफन रईन हाथे पाय बांधलो निकली आयु, आरू हेरेन मुहय छिंदरो चिपक्यो हतो। ईशु ओका सी कयो, “ओका सी खुल देऊ आरू जाने देऊ।”
JOH 11:45 तव जा यहूदि मरियम जु आया हता आरू हेरेन काम या देखता छे, ओकामा रईन बैस मानसे उका पर विश्वास कर्‍या।
JOH 11:46 पुन ओकामा रईन काहय ने उका पर फरीसियान साथे जाईन ईशुन कामन खबर दिदा।
JOH 11:47 ओको पर प्रधान पुजाराे आरू फरीसिया महासभा बुलाया, आरू क, “हामु काय कर रया छे? यु मानुस ते बैस चमत्कार देखाड़तु छे।
JOH 11:48 यदि हामु ओका सी ओसोज सुड़ देसु, ते सब मानसे उका पर विश्वास ली आवसु, आरू रोमि आवीन आमरू जागु आरू जाति दुयो पर हक कर लेसे।”
JOH 11:49 तव ओकामा रईन कैफा नावन एक मानुस जु तीन सालन पुजारो हतु, उका कयो, “तुमू काहय नी जानता;
JOH 11:50 आरू यो नी समझता छे कि तुमरे करता यो भी छे कि हामरा मानसोन करता एक मानुस मरे, आरू सब जाति नष्ट नी होय।”
JOH 11:51 यी वात त्यो आपसी तरफ रईन नी कयो, पुन उका साल क डाहला पुजारा होईन भविष्यवाणी कर्‍या, कि ईशु ओको जातीन करता मरसे;
JOH 11:52 आरू नी केवल ओको जातीन करता, वरना एरकरीन भी कि यहोवा–भगवानन तितर–बितर पोर्‍या काजे एक कर देऊ।
JOH 11:53 शेवली कावा उका दाहाड़ा रईन चाँ ओका सी मार नाखनेन षड्यन्त्र बनावने लाग्या।
JOH 11:54 एरकरीन ईशु तीन टेमे रईन यहूदि या मा प्रकट होईन नी फिर्‍या, पुन चाँ रईन जंगलन निकटवर्ती प्रदेशन इफ्राईम नावन। एक नगर जात रयु; आरू आपसा चेला साथे चाँ रोवने लाग्यु।
JOH 11:55 यहूदि यान फसह तिवार नाट हतु, आरू बैस मानसे फसह रईन पेहल देहात रईन यरूशलेम गया कि आपने आपसु चुखो करू।
JOH 11:56 अळते: चाँ ईशु काजे देखने लाग्या आरू मंदिर मा उबा रईन आपस मा कयनो लाग्या, “तुमू काय सोचता छे? काय त्यो तिवार मा नी आवसे?”
JOH 11:57 प्रधान पुजारा आरू फरीसिया हुकुम दे राख्यु हतु कि यदि कोय यो जाने कि ईशु क छे ते कयो, काहकि चाँ उका काजे धर सकें।
JOH 12:1 ईशु फसह छे छव दाहाड़न पेहल बैतनिया मा आयो लाज़र हतु, जीनाक ईशु मरलाम रईन जीवाल्लु हतु।
JOH 12:2 हेकोने ओको करता भोजन तयार कर्‍या; आरू मार्था सेवा कर रया हता, आरू लाजर ओकाम रईन एक हतु जु ओको साथे भोजन करनेन करता बोठल हता।
JOH 12:3 तव मरियम जटामासीन आदो छेर मोहंगलो इत्र लिन एक बायर संगमरमर क होय गया। ईशुन पायो पर नाख्या, आरू आपसा जोठा रईन ओको पाये ओगव; आरू हेको आपनो घर सुगंधित होय गयो,
JOH 12:4 पुन ओको चेला मा रईन यहूदा इस्करियोती नावन एक चेलो जु ओका सी धरावने पर हतु, कयनो लाग्यु,
JOH 12:5 “या इत्र तीन सौ सोनान सिक्‍का वेचीन गरीब काजे क नी आपी दिदा?”
JOH 12:6 हेरेने यी वात एरकरीन नी कयो कि उका गरीब चिंता हती पुन एरकरीन कि त्यो चुर हतु, आरू हेरेन जु तेर थयलु रयती हती आरू ओकामा जो काहय नाखला जाता हता, चो काहड़ लेता छे।
JOH 12:7 ईशु कयो, “उका रवने देऊ। उका या मार गाड़ने जानेन दाहाड़ा करता राखने देऊ।
JOH 12:8 काहकि गरीब तुमरे साथ मा जलोम रहवे, पुन हाव तुमरे साथे सदा नी रवछे।”
JOH 12:9 जव यहूदियान मोटी गर्दी जान गय कि त्यो चाँ छे, ते चाँ नी केवल ईशुन कारण आश पुन एरकरीन भी कि लाज़र काजे देखे, जीनाक त्यो मरलाम रईन जीवाल्लु हतु।
JOH 12:10 जव प्रधान पुजाराे लाज़रह भी मार नाखनेन षड्यन्त्र बनावला।
JOH 12:11 काहकि ओको कारण बैस छे यहूदि जात रया आरू ईशु पर विश्वास कर्‍या।
JOH 12:12 दिसरे दाहाड़े बैस मानसे जा पर्व मा आयो हतो यो सोंब्या कि ईशु यरूशलेम मा आव रयु छे।
JOH 12:13 त्या आरू खजुर न डाळिया लिदा आरू उको भेटने करीन निकळिया, आरू आयड़ीन कयनो लागी गिया, “होशान्ना। धन्य इस्त्राएलन राजु, जु पोरबुन नाव पर आवतु छे।”
JOH 12:14 जव ईशु काजे गदड़ान एक बच्चो सापड़्यो; ते त्यो उका पर बठ गयु, जोसो लिखलो छे,
JOH 12:15 “हे सिय्योन क पोराय, मा बीहये; देख, तार राजु गदड़ान पीला पर चढ़ीन चालीन आवतु छे।”
JOH 12:16 ओको चेला यी वात पेहल नी समझता हता, पुन ईशुन महिमा प्रकट होईली ते ओका सी स्मरण आयो कि यी वात ओको विषय मा लिखली हती आरू मानसे उका जु ओका तरह व्यवहार कर्‍या हता,
JOH 12:17 तव गर्दी मा रईन चाँ मानसे गवाय दिदा, जा तीन टेहाव उका जु हता जव त्यो लाज़र काजे बीड़ा मा रईन मरलाम रईन बुलावीन जीवाल्लु हतु।
JOH 12:18 ओका कारण मानसे उको मिवनेन करता आश हता काहकि हेकोने सोंब्या हता कि त्यो यो विछेळीयो काम देखाड्यु छे।
JOH 12:19 तव फरीसियों आपसु मा कयो, “सोत्यो ते सही कि तुमूक छे काहय नी बंद पड़तो। देखु, संसार ओको पछळ चाल दिदो छे।”
JOH 12:20 जा मानसे उका पर्व मा आराधना करने काजे आश हता ओका रईन काहय यूनानी हता।
JOH 12:21 हेकोने गलीलन बैतसैदा गाँवन रोवनेवावा फिलिप्पुस जु आवीन विनती कर्‍या कि, “श्रीमान्, हामु ईशु काजे मिवने चाहता छे।”
JOH 12:22 फिलिप्पुस आवीन अन्द्रियास काजे कयो, तव अन्द्रियास आरू फिलिप्पुस जाईन ईशु कयो,
JOH 12:23 ओको पर ईशु उका काजे कयो, “त्यो टेहाव आव गयु छे कि मानसन पोर्‍या महिमा हुयो।”
JOH 12:24 हाव तुमूक छे सच सच कय रयु छे कि जव तव जा चाँ गहू क दानु धरती पर पड़ीन मर नी जातु, तव तक एखलु रोवतु छे; पुन जव मर जातु छे, तव बैस फव लावतु छे।
JOH 12:25 जु आपसा जीव काजे मोंगावु जानतु छे, त्यो ओका सी नाख देतु छे; आरू जु इन जगत मा आपसा जीव काजे मोंगवाळो नी जानता छे, त्यो अमरकाय जीवनन करता ओको रक्षा करसे।
JOH 12:26 यदि कोय मार सेवा करे, ते मार पछळ चल पड़े; आरू जा हाव छे, चाँ मार सेवक भी रवछे। यदि कोय मार छेव करे, ते ओको विजुत करसे।
JOH 12:27 “हिमी मार जीव घाबराये। एरकरीन हिमी हाव काय कयो? हे बास” मखे ओको घड़ी बचाढ़? नी,
JOH 12:28 “हे बास, आपसा नावन महिमा करू।” तव सोरग सी यो बोल हुयो, “हाव ओको महिम कर्‍यु छे, आरू पछु भी करसु।”
JOH 12:29 तव जा मानसे उबा हता सोंबी रया हता हेकोने कयो कि वादवाम गाजने बाज रया छे। दिसरा कयो, “एक सोरगदूत उका कयो।”
JOH 12:30 ओको पर ईशु कयो, “यो ओवाज मार करता नी छे, पुन तुमरे करता आयु छे।
JOH 12:31 हिमी ओको संसारन न्याय हुयसे छे, हिमी ओको संसारन सरदार निकाव दिदा जाछे;
JOH 12:32 आरू हाव यदि धरती पर रईन ऊपर चढ़ाया जाछे, ते सब काजे आपने जु खेच छे।”
JOH 12:33 ओसो कयीन त्यो यो प्रकट कर देदु कि त्यो कोसली मतन बराबर मरछे।
JOH 12:34 ओको पर मानसे उका कयो, “हामु ते व्यवस्थान यी वात सोंब्या छे कि मसीहा अमर रवछे, पछु तु काय कयतु छे कि मानसन पोर्‍य काजे ऊपर चढ़ावनो जरूरी छे? यु मानसन पोर्‍य कुन छे?”
JOH 12:35 ईशु ओका सी कयो, “ज्योति हिमी थुड़ीक टेहाव तक तुमरे वीच मा छे। जव तव ज्योति तुमरे जु छे तव तक चाले चालु, ओसो नी हुयो कि आन्धारो तुमूक आवीन घेरे; जु आँधारा मा चालतु छे त्यो नी जानतु कि त्यो क जातु छे।
JOH 12:36 जव तक ज्योति तुमरे जु छे, ज्योति पर विश्वास करू ताकि तुमू ज्योतिन अवलियाद बनु।” यी वात कयीन ईशु जात रयु आरू उका रईन दोपाईन रय।
JOH 12:37 त्यो ओको सामने इतरा सहलानी देखाड्या, तौभी हेकोने उका पर विश्वास नी कर्‍या;
JOH 12:38 ताकि यशायाह भविष्यवक्तान वचन पूरो होय जो ओको कयो: “हे पोरबु, हामरी खुश–खबर कुन विश्वास कर्‍या छे? आरू पोरबुन बाहुबल कुणी पर प्रकट होय छे?”
JOH 12:39 ओका कारण चाँ विश्वास नी कर सके, काहकि यशायाह यो भी कयो छे:
JOH 12:40 “त्यो ओको डुवा आंधवा, आरू ओको मन वातड़ो कर दिदा छे; क ओसलो नी होय कि चाँ डुवा करीन देखे, आरू मन रईन समझे, आरू पछु, आरू हाव हेको आरगाय करसु।”
JOH 12:41 यशायाह यी वात एरकरीन कयो कि त्यो हेरेन महिमा देख्या, आरू त्यो हेरेन विषय मा वात कर्‍यु।
JOH 12:42 तौभी सरदार से बैस उका पर विश्वास कर्‍या, पुन फरीसियान कारण प्रकट मा नी मानता हता, क ओसो नी हुयो कि चाँ आराधना घर मा रईन निकाव्या जाछे:
JOH 12:43 काहकि मानसन तरफ रईन वाहवाय ओका सी यहोवा–भगवानन तरफ रईन बढ़ाई क आश आरू मोंग जास्ती करे छे।
JOH 12:44 ईशु आयड़ीन कयो, “जु मार पर विश्वास करता छे, त्यो मखे पर नी वरना मार मकलनेवावा पर विश्वास करे छे।
JOH 12:45 आरू जु मखे देखतु छे, त्यो मार देखनेवावा काजे देखतु छे।
JOH 12:46 हाव जग मा ज्योति बनीन आवलु छे, ताकि जु कोय मार पर विश्वास करू चाँ आंधारा मा नी रवे।
JOH 12:47 यदि कोय मार वात सोमवीन नी माने, ते हाव उका दोषी नी ठरावता; काहकि हाव जगत काजे दोषी ठरावनेन करता नी, पुन अमरकाय उध्दार करनेन करता आवलु छे।
JOH 12:48 जु मखे तुच्छ जानतु छे आरू मार वात मान्य नी करता छे ओका सी दोषी ठरावनेवावु ते एक छे: मतलब जो वचन हाव कयो छे, त्यो पछला दाहाड़ा मा ओका सी दोषी ठरावछे।
JOH 12:49 काहकि हाव आपसी तरफ छे वात नी कर्‍यु; पुन बास जु मखे मकल्यु छे त्यो मखे हुकुम देदी छे कि काय काय कयो आरू काय काय बुलो?
JOH 12:50 आरू हाव जानतु छे कि ओको हुकुम अमरकाय जीवन छे। एरकरीन हाव जो बुलतु छे, चो जोसो बास मखे छे कयो छे तोसोज बुलतु छे।”
JOH 13:1 फसहन पर्वन पेहल, जव ईशु जान लेदु कि त्यो टेम आव लागी छे कि जग सुड़ीन बास साथे जाऊ, ते आपसा मानसे जा जगमा हता जोसो मोंग त्यो राखतु हतु, आखरी तक ओसलोज मोंग राखतु रवछे।
JOH 13:2 जव शैतान शमौनन पोर्‍य यहूदा इस्करियोतीन मन मा यो नाख दिदो हतो कि उका धरावजे ते खानेन टेहाव
JOH 13:3 ईशु यो जानीन कि बास सब काहय मार हाथ मा कर देदु छे आरू हाव यहोवा–भगवान साथे आयु छे आरू यहोवा–भगवान साथे जातु छे,
JOH 13:4 खाना पर रईन उठिन आपसा पेहरल छिंदरा उतार दिदा, आरू टुवल्यु लिन थार कमर बांध्यु।
JOH 13:5 तव कोवह्याम पानी भरीन चेलान पाय धुवने आरू टुवाल करीन ओको कमर बांधली हती उका टुवाल करीन पुचने लाग्यु।
JOH 13:6 जव शमौन पतरसन साथे आयु, तव पतरस उका कयो, “हे पोरबु, काय तु मार पाय धुवतु छे?”
JOH 13:7 ईशु उका जवाब देदु, “जो मी करो, तु उका हिमी नी जानतु, पुन ओका बाद समझे।”
JOH 13:8 पतरस उका कयो, “तु मार पाय कदी नी धुव नी सके।” यो सोमवीन ईशु उका कयो, “यदि हाव तार पाय नी धुवो ते मार साथे तारो जलोम काहलो नी रिश्तो नी हुयो।”
JOH 13:9 शमौन पतरस उका कयो, “हे पोरबु, ते मार पायुज नी होय, वरना हाथ आरू मुनको भी धुव दे।”
JOH 13:10 ईशु उका कयो, “जु ऊंगवी लेदु छे उका पायन सिवाय आरू काहय धुवनेन जरूरत नी, पुन त्यो बिलकुल चुखो छे; आरू तुमू चुखो होयु, पुन सब क सब नी।”
JOH 13:11 त्यो ते आपसा धरनेवावा काजे जानतु हतु ओको करता त्यो कयो, “तुमू सब क सब चुखो नी।”
JOH 13:12 जव यु ओको पाय धुव त्योक्यु, आरू आपसा छिंदरा पेहरीन पछु बठ गयु, ते उका कयनो लाग्या, “काय तुमू समझे कि हाव ने तुमरे साथे काय कर्यु?
JOH 13:13 तुमू मखे गुरू आरू पोरबु कयता छे, आरू ठीकुज कयता छे, काहकि हाव त्योज छे।
JOH 13:14 यदि हाव पोरबु आरू गुरू होईन तुमरा पाय धुवी, ते तुमूक भी एक दिसरान पाय धुवनु जुवे।
JOH 13:15 काहकि हाव तुमूक नमुनो देखाड़ देदु छे कि जोसो हाव तुमरे साथे करलो छे, तुमू भी तोसोज कर्‍या करू।
JOH 13:16 हाव तुमूक छे सच सच कयतु छे, दास आपसा भगवान रईन मोटु नी होय, आरू नी मुकल्या तेरो आरू आपने मकलनेवावा छे।
JOH 13:17 तु यी वात जानतु छे, आरू यदि उका पर चाल्या ते धन्य होछे।
JOH 13:18 हाव तुमूक सबन विषय मा नी कयतु; जीनाक हाव त्योन लेदु छे, हेको हाव जानतु छे; पुन यो एरकरीन छे कि चुखलो शास्त्रन यो वचन पूरो होय, ‘जु मार रोटा खातु छे, त्यो मेखे ला दिदो।’
JOH 13:19 हिमी मी ओको होयनेन पेहल हेको जताए देता छे कि जव यो होय जाए ते तुमू विश्वास करू कि हाव त्यो छे।
JOH 13:20 हाव तुमूक छे सच सच कयतु छे कि जु मार मकल्या तेरो मान्य करतु छे, त्यो मखे मान्य करतु छे; आरू जु मखे मानीया करतु छे, त्यो मारा मकलनेवावा काजे मान्य करता छे।”
JOH 13:21 यी वात कयीन ईशु आत्मा मा व्याकुल होयु आरू यी गवाय दिदा, “हाव तुमूक छे सच सच कयतु छे कि तुमूम रईन एक मखे धरावछे।”
JOH 13:22 चेला संदेह छे, कि त्यो कुनीन विषय मा कयतु छे, एक दिसरान तरफ देखने लाग्या।
JOH 13:23 ओको चेलाम रईन एक जिनाक ईशु मोंग राखतु हतु, ईशुन छाती नी तरफ झुकीन बठलो हुतो।
JOH 13:24 शमौन पतरस हेरेन तरफ इशारू करीन उका पुछा, “कय ते, त्यो कुनीन विषय मा कयतु छे?”
JOH 13:25 तव त्यो ओको तरह ईशुन छातीन तरफ झुकला ओसला उका पुछा, “हे पोरबु, त्यो कुन छे?”
JOH 13:26 ईशु उका जवाब देदु, “जीनाक हाव रोटा भटकु बुडाड़ीन आपीस त्यो छे।” आरू ओकामा रोटा भटकु बुडाड़ीन शमौन इस्करियोतीन पोर्‍य यहूदा काजे आप देदु।
JOH 13:27 रोटा भटकु लेताज शैतान ओकामा समाय गयु। तव ईशु उका कयो, “जो तु करतु छे, चट करीन कर।”
JOH 13:28 पुन बठनेवावा मा छे कुनीन नी जान्या कि त्यो यी वात ओका सी काहय करने कयी।
JOH 13:29 यहूदा जु थयलु रयती हती, एरकरीन कुन–कुन समझा कि ईशु ओका सी कय रयु छे कि जो काहय हामुक तिवारन करता जुवे रया छे चो मोल लेसे, या यो कि गरीबो काजे काहय आपदे।
JOH 13:30 शेवली कावा त्यो बटकु लिन तत्काल बाहर जात रयु; आरू यो रातीन टेम हतु।
JOH 13:31 जव चाँ बाहर जात रयु ते ईशु कयो, “हिमी मानसन पोर्‍या महिमा होई छे, आरू यहोवा–भगवानन महिमा ओकामा छे;
JOH 13:32 यदि ओकामा यहोवा–भगवानन महिमा होई छे, ते यहोवा–भगवान भी आपसा मा ओको महिमा करसे आरू चट करीन करसे।
JOH 13:33 हे नानला पोर्‍या, हाव आरू थुडूक टेम तुमरे साथ छे: मग तुमू मखे हेरसु, आरू जोसो हाव यहूदि या काजे कयो, जा हाव जातु छे चाँ तुमू नी आव सकता, तोसोज हाव हिमी तुमू भी कयतु छे।
JOH 13:34 हाव हेको एक नवली हुकुम देता छे कि एक दिसरा छे मोंग राखो; जोसो हाव तुमू छे मोंग राख्यु छे, तोसोज तुमू भी एक दिसरा साथे मोंग राखजु।
JOH 13:35 कदाम तुमु एक दिसरा सी मोंग राखसे, ती ओका सी सब लोगहन जान जासे कि तुमू म्हारा चेला छे।”
JOH 13:36 शमौन पतरस उका कयो, “हे पोरबु, तु क जातु छे?” ईशु उका जवाब देदु, “जा हाव जातु छे चाँ तु हिमी मार पछळ आव नी सकता; पुन ओका बाद मार पछळ आवसे।”
JOH 13:37 पतरस उका कयो, “हे पोरबु, हिमी हाव तारे पछळ काँ नी आव सकता? हाव ते तार करता आपनु जीव भी आप देसु।”
JOH 13:38 ईशु उका जवाब देदु, “काय तु मार करता आपनु जीव आपसे? हाव तुखे सच सच कयतु छे कि कुकड़ा नी वाषे जव तु तीन वार मार मना नी कर लेछे।
JOH 14:1 “तुमरो मन व्याकुल नी होय; यहोवा–भगवान पर विश्वास राखु आरू मखे पर भी विश्वास राखु।
JOH 14:2 मार बासन घर मा घोणा रवनेन जागु छे, यदि जागु नी रोवतु ते हाव तुमूक कय देतु; काहकि हाव तुमरे करता जागु तयार करने जतु छे।
JOH 14:3 आरू यदि हाव जाईन तुमरे करता जागु तयार करो, ते पछु आवीन तुमूक आपने चाँ जाईस कि जा हाव रवु चाँ तुमू भी रवु।
JOH 14:4 आरू जा हाव जातु छे तु चा वाट जानतु छे।”
JOH 14:5 थोमा उका कयो, “हे पोरबु, हामु नी जानता कि तु क जाय रयु छे; ते वाट कोसो जाने?”
JOH 14:6 ईशु उका कयो, “मार्ग आरू सच्चाई आरू जीवन हाव छे; बिना मार द्वारा कोय बास जु नी पुछ सकतु।
JOH 14:7 यदि तुमू मखे जान्या हता, ते मार बास काजे भी जानता; आरू हिमी जानता छे, आरू उका देख्या भी छे।”
JOH 14:8 फिलिप्पुस उका कयो, “हे पोरबु, बास काजे हामुक देखाड़ दे, यो हामरे करता खुब छे।”
JOH 14:9 ईशु उका कयो, “हे फिलिप्पुस, हाव इतरा दाहाड़ान तुमरे साथे छे, आरू काय तु मखे नी जानतु?” जु मखे नी देख्यु छे त्यो बास काजे नी देख्यु छे। तु काँ कयतु छे कि बास काजे हामु देख्या?
JOH 14:10 काय तु विश्वास नी करे कि हाव बास मा छे आरू बास मार मा छे? यी वात जी हाव तुमूक कयतु छे, आपसी तरफ रईन नी कयतु, पुन बास मखे मा रवीन आपसा काम करता छे।
JOH 14:11 मार विश्वास करू कि हाव बास मा छे आरू बास मखे मा छे; नी ते कामोन कारण मार विश्वास करू।
JOH 14:12 “हाव तुमूक से सच सच कयतु छे, कि जु मार पर विश्वास राखतु छे, यो काम जो हाव करतु छे त्यो भी करसे, वरना ओको रईन भी मोटो काम करसे, काहकि हाव बासन जु जातु छे।
JOH 14:13 जो काहय तु मार नाव रईन मांगसे, चो हाव करसु कि पोर्‍या द्वारा बासन महिमा होय।
JOH 14:14 यदि तुमू मखे मार नाव रईन काहय मांगसे, ते हाव उका करसु।
JOH 14:15 “यदि तुमू मखे पर मोंग राखता छे, ते मार हुकुम काजे मानसे।
JOH 14:16 हाव बास काजे विनती करी, आरू त्यो तुमूक एक आरू मदतगार आपसे कि त्यो जलोम तुमरे साथे रवसे।
JOH 14:17 मतलब सच्चाई आत्मा, जीनाक संसार नी मान्य कर सके, काहकि त्यो उका देखतु छे आरू नी उका जानतु छे; तुमू उका जानता छे, काहकि त्यो तुमरे साथे रोवतु छे, आरू त्यो तुमूक मा छे।
JOH 14:18 “हाव तुमूक विखाळो नी सुड़ो; हाव तुमरे जु वापस आव रयु छे।
JOH 14:19 आरू थुड़ीक वार रया गय छे कि पछु संसार मखे नी देखसे, पुन तुमू मखे देखसु; एरकरीन कि हाव जीवतु छे, तुमूक भी जीवता रवसे।
JOH 14:20 उका दाहाड़े तुमू जानसु कि हाव आपसा बास मा छे, आरू तुमू मखे मा छे, आरू हाव तुमू मा छे।
JOH 14:21 जीनान जु मार हुकुम छे आरू त्यो हेको मानतु छे, त्यो मखे पर मोंग राखतु छे; आरू जु मके पर मोंग राखतु छे ओकामा मार बास मोंग राखतु छे, आरू हाव उकासे मोंग राखी आरू आपने आपसु उका पर प्रकट करी।”
JOH 14:22 त्यो यहूदा जु इस्करियोती नी हतु, हेके कयो, “हे पोरबु, काय हुयो कि तु आपने आपसु हामु पर प्रकट करने चाहतु छे आरू संसार पर नी?”
JOH 14:23 ईशु उका जवाब देदु, “यदि कोय मखे पर मोंग राखछे ते त्यो मार वचन काजे मानछे, आरू मार बास ओकामा मोंग राखछे, आरू हामु उका पास आवसु आरू उका साथे वास करसु।”
JOH 14:24 जु मखे उपर मोंग नी राखता, चाँ मार वचन नी मानता; आरू जो वचन तुमू सोंब्या छे चो मारो नी वरना बासन छे, जु मखे मोकल्यु।
JOH 14:25 “यी वात हाव तुमरे साथे रोवतु तवन कयलु।”
JOH 14:26 पुन मदतगार मतलब चुखलो आत्मा जीनाक बास मार नाव करीन मुकलसे, त्यो तुमूक सब वातु सिकाड़से, आरू जो काहय हाव तुमूक कयो छे, चो तुमूक सब याद करावसे।
JOH 14:27 हाव तुमूक शांती आपीन जाय रयु छे, आपसी शांती तुमूक आप रयु छे; जोसो संसार आपे छे, हाव तुमूक नी आपे: तुमरो मन व्याकुल नी हुयो आरू नी डरे।
JOH 14:28 तुमू सोंब्या कि हाव तुमूक कयो, “हाव जातु छे, आरू तुमरे जु पछु आवीस। यदि तुमू मखेमा मोंग राखता ते ओको वात पर खुश हता कि हाव बासन जु जातु छे, काहकि बास मार रईन मोटु छे।”
JOH 14:29 आरू हाव हिमी यी वात होयनेन पेहल तुमूक कय देदु छे, कि जव ची वात होय जाये, ते तुमू विश्वास करू।
JOH 14:30 हाव हिमी तुमरे साथे आरू खुब वातु नी करसु, काहकि इना संसारन सरदार आवतु छे। मखे पर हेरेन कोय हक नी छे;
JOH 14:31 पुन यो एरकरीन हतलो छे कि संसार जाने कि हाव बास साथे मोंग राखतु छे, आरू जोसो बास मखे हुकुम देदु हाव तोसोज करतु छे। उठु या रईन चालु।
JOH 15:1 “सच्ची दाखलता हाव छे, आरू मारू बास किसान छे।
JOH 15:2 जी झाड़कान डाव मखे मा छे आरू नी फवती, उका त्यो काट नाखे छे; आरू जी फवती छे, उका त्यो छाटो देतु छे काहकि आरू फवे।”
JOH 15:3 तु ते तीन वचन क कारण जो हाव तुमूक कयो छे, चुखो हुयो।
JOH 15:4 तु मखे मा बवना रवु, आरू हाव तुमूक मा। जोसो डाव जेतार दाखलता मा बवनी नी रवे, ते आपने आपसेमा नी फव सके, तोसाच तुमू भी मखे मा बवना नी रवे ते नी फव सकता।
JOH 15:5 हाव दाखलता छे: तुमू झाड़कान डाव छे। जु मखेमा बवनु रोवतु छे आरू हाव ओकामा, चाँ बैस फव फवता छे, काहकि मखे रईन अलग होईन तु काहय नी कर सके।
JOH 15:6 यदि कोय मखेमा बवना नी रवे, ते ओका सी डावन सारखा नाख देता छे, आरू सुख जातु छे; आरू मानसे हेको उचलीन आगठा मा नाख देता छे, आरू चाँ सिलगी जाती छे।
JOH 15:7 यदि तुमू मखे मा बवना रवु आरू मारो वचन तुमू मा बवनो रवे, ते जो चाहे चो मांगु आरू चो तुमरे करता होय जाछे।
JOH 15:8 मार बासन महिमा एर रईन हतली छे कि तुमू बैस फवे लावु, तव तुमू मारा चेला ठरहत।
JOH 15:9 जोसो बास मारमा मोंग राख्यु, तोसोज हाव तुमूक पर मोंग राखतु छे; मार मोंग मा बवना रवु।
JOH 15:10 यदि तुमू मार हुकुम मानता छे, ते मार मोंग मा बवना रवसे; जोसो कि हाव आपसा बासन हुकुम काजे मानला छे, आरू हेरेन मोंग मा बवना रवता छे।
JOH 15:11 हाव यी वात तुखे एरकरीन कयो छे, कि मार खुशी तुमूक मा बवना रवे, आरू तुमरो खुशी पुरो होय जाये।
JOH 15:12 “मार हुकुम यी छे, कि जोसो हाव तुमू पर मोंग राख्या, तोसोज तुमू भी एक दिसरा साथे मोंग राखु।”
JOH 15:13 एर रईन मोटो मोंग काहनान नी कि कोय आपसा दोस्तन करता आपनु जीव आपदेय।
JOH 15:14 जी हुकुम हाव तुमूक देतु छे, यदि उका माने ते तु मार दोस्त छे।
JOH 15:15 हिमी रईन हाव तुमूक दास नी कयो, काहकि दास नी जानतु कि हेरेन पोरबु काय कयतु छे; पुन हाव तुमूक दोस्त कयो छे, काहकि हाव जी वातु आपसा बास जु सोंब्यु, ची सब तुमूक कय देदु।
JOH 15:16 तुमू मखे नी निवाड़्या पुन हाव तुखे निवाड़या छे आरू तुमूक नियुक्त कर्‍यु कि तु जाईन फव लावु आरू तुमूरो फव बवनु रवे, कि तु मार नाव से जो काहय बास पर मांग्यु, त्यो तुमूक आपे।
JOH 15:17 ओको वातन हुकुम हाव तुमूक एरकरीन देतु छे कि तुमू एक दिसरा मोंग राखु।
JOH 15:18 “यदि संसार तुमक रईन बैर राखता छे, ते तुमू जानता छे कि त्यो तुमूक रईन पेहल मखे रईन बैर राख्या।”
JOH 15:19 यदि तु संसारन रोवतु, ते संसार आपसा तोसु मोंग राखतु, पुन इना कारण कि तुमू संसारन नी छे, वरना हाव तुमूक संसार मा रईन निवाड़ लेदु छे, ओको करता संसार तुमूक से बैर राखतु छे।
JOH 15:20 जी वात हाव तुखे कयो हतु, “दास आपसा भगवान रईन मोटु नी होतलु” उका याद राखु। यदि चाँ मखे विताड्या, ते तुमूक भी विताड़छे; यदि चाँ मार वात मान्या, ते तुमरी भी मानछे।
JOH 15:21 पुन यो सब काहय चाँ मार नावन कारण तुमरे साथे करसे, काहकि चाँ मारा मोकलनेवाला नी जानता।
JOH 15:22 यदि हाव नी आवतु आरू उकासे वात नी करता, ते त्यो पापी नी ठरतु; पुन हिमी हेको हेरेन पापन कारण कोय बहानो नी जुवे।
JOH 15:23 जु मार छे बैर राखतु छे, त्यो मार बास छे बैर राखतु छे।
JOH 15:24 यदि हाव ओका चो काम नी करे जो आरू कोय नी कर्‍यु, ते चाँ पापी नी कहवाये; पुन हिमी ते चाँ मखे आरू मार बासक दुय काजे देख्या आरू दुयो से बैर कर्‍या।
JOH 15:25 यो एरकरीन हुयो कि चो वचन पुरो होय, जो ओका व्यवस्था मा लिख्यो छे, “चाँ मखे से व्यर्थ बैर कर्‍या।”
JOH 15:26 पुन त्यो मदतगार आवसे, जिनाक हाव तुमरे जु बासन तरफ रईन मोकलसु, मतलब सच्चाई आत्मा जी बासन तरफ से निकलती छे, ते त्यो मार गवाय देसे;
JOH 15:27 आरू तुमू भी मार गवाय छे काहकि सोरू रईन तुमू मार साथे रोवला छे।
JOH 16:1 “यी वातु हाव तुमू छे एरकरीन कयो कि तुमू ठुकर मा खावु।
JOH 16:2 चाँ तुमूक आराधना घर मा रईन नीकाव देसे, वरना त्यो टेहाव आवतु छे, कि जु कोय तुमूक मार नाखछे त्यो समझे कि हाव यहोवा–भगवानन सेवा करतु छे।
JOH 16:3 ओसो यो एरकरीन करसे कि चाँ नी बास काजे जान्या आरू नी मखे जानता छे।
JOH 16:4 पुन यी वातु हाव एरकरीन तुमूक कयो, कि जव ओका टेहाव आवे ते तुमूक याद आव जाये कि हाव तुमूक पेहल कय देदु हतु। “हाव सोरवात मा तुखे यी वात एरकरीन नी कयो काहकि हाव तुमरे साथे हतु।
JOH 16:5 पुन हिमी हाव आपसा मकलनेवालान जु जातु छे; आरू तखेम रईन कोय मखे नी पुछता, ‘तु क जाय रयु छे?’
JOH 16:6 पुन हाव जी यी वात तुखे कयो छे, एरकरीन तुमरो मन शोक रईन भर गयो छे।
JOH 16:7 तेभी हाव तुखे सच कय रयु छे कि मारो जानु तुमरे करता वारलो छे, काहकि यदि हाव नी जावो ते चाँ सहायक तुमरे जु नी आवे; पुन यदि हाव जासु, ते उका तुमरे जु मोकलीह।
JOH 16:8 त्यो आवीन संसार काजे पाप आरू न्यायपन आरू न्यायन विषय मा अमरकाय करसे।
JOH 16:9 पापन विषय मा एरकरीन कि चाँ मखे पर विश्वास नी करता;
JOH 16:10 आरू न्यायपनन विषय मा एरकरीन कि हाव बासन जु जातु छे, आरू तु पछु मखे नी देखछे;
JOH 16:11 न्यायन विषयमा एरकरीन कि संसारन सरदार दोषी ठरावलु गयु छे।
JOH 16:12 “मखे तुमूक छे बैस वात कयनो छे, पुन हिमी तु हेको सहन नी कर सके।
JOH 16:13 पुन जव चाँ मतलब सच्चाईन आत्मा आवसे, ते तुमूक सब सच्चाईन मार्ग कयसे, काहकि त्यो आपने तरफ रईन नी कये पुन जो काहय सोंबवछे चोज कयसे, आरू आवनेवावी वात तुमूक कयसे।
JOH 16:14 त्यो मार महिमा करसे, काहकि त्यो मार वातु मा रईन लिन तुमूक कयसे।
JOH 16:15 जो काहय बासन छे, चो सब मरो छे; एरकरीन हाव कयो कि त्यो मार वातम रईन लिन तुमूक कयसे।
JOH 16:16 “थुड़ाक टेम मा तु मखे नी देखछे, आरू पछु थुड़ाक देम मा मखे देखछे।”
JOH 16:17 तव ओको काहय चेला आपसु मा कयो, “यो काय छे जो हामुक कयतु छे, ‘थुड़ाक टेम मा मखे नी देखछे, आरू थुड़ाक टेम मा मखे देखछे?’ आरू चाँ एरकरीन कि हाव बासन जु जातु छे?”
JOH 16:18 तव हेकोने कयो, “या ‘थुड़ीक टेम’ जो त्यो कयतु छे, काय वात छे? हामु जानता कि त्यो काय कयतु छे।”
JOH 16:19 ईशु यो जानीन कि चाँ मखे पुछने चाहता छे, त्यो कयो, “काय तुमू आपसु मा यी मार वातन विषय मा पुछताछ करता छे, ‘थुड़ाक टेम मा तु मखे नी देखछे, आरू थुड़ाक टेम मा मखे देखछे?’
JOH 16:20 हाव तुमूक सच सच कय रयु छे कि तुमू रड़हत आरू विलाप करसे, पुन संसार खुशी करसे, तुमूक शोक होयछे, पुन तुमरू शोक खुशी मा बदल जाछे।
JOH 16:21 फकड़ायनेन टेहाव बाई काजे शोक होतलो छे, काहकि ओको दुःखन घड़ी आव पुची छे, पुन जव ची पोर्‍या काजे जनम आप देती छे, ते ओको खुश रईन कि संसार मा एक मानसन पैदा हुयो, उका संकट काजे पछी याद नी करती छे।
JOH 16:22 उका टायपन तुमूक भी हिमी ते शोक छे, पुन हाव तुखे पछु मिवायी आरू तुमरो मन खुशी रईन भर जाछे; आरू तुमरो खुशी कोय तुमूक पर रईन सांडाड़ नी लेछे।
JOH 16:23 उका दाहाड़े तुमू मखे काहय नी पुछनु। हाव तुमूक सच सच कय रयु छे, यदि बास पर काहय मांगसु, ते त्यो मार नाव छे तुमूक आपसे।
JOH 16:24 हिमी तक तुमू मार नाव पर काहय नी मांग्या; मांगु, ते जड़से ताकि काहकि तुमरो खुशी पुरो होय जाछे।
JOH 16:25 “हाव यी वात तुमूक उदाहरण मा कयो छे, पुन त्यो टेम आवतु छे कि हाव तुमूक दृष्टान्तों मा नी कयो, पुन खुलीन तुमूक बासन विषय मा कहवीस।
JOH 16:26 उका दाहाड़ा रईन तुमू मार नाव लिन मांगसु; आरू हाव तुमूक यो नी कयतु कि हाव तुमरे करता बास साथे विनती करसु;
JOH 16:27 काहकि बास आपसु तुमूक मोंग राखतु छे, एरकरीन कि तु मखे पर मोंग राखतु छे आरू यो भी विश्वास कर्‍यु छे कि हाव बासन तरफ रईन आयु छे।
JOH 16:28 हाव बासन तरफ रईन जगत मा आयु छे; हाव पछु जग सुड़ीन बासन जु जातु छे।”
JOH 16:29 ओको चेला कयो, “देखु, हिमी ते तु खुलीन कयतु छे, आरू कोय दृष्टान्त नी कयतु।
JOH 16:30 हिमी हामु जान गया छे कि तु सब काहय जानतु छे, आरू जरूरत नी कि कोय तुखे काहय पुछे; ओका सी हामु विश्वास करता छे कि तु यहोवा–भगवानन तरफ छे आयु छे।”
JOH 16:31 यो सोमवीन ईशु उका कयो, “काय तुमू हिमी विश्वास करता छे?
JOH 16:32 देखु, ची घड़ी आवती छे वरना आव पुगी छे कि तुमू सब तितर–बितर होईन आपसा मार्ग लेसु, आरू तुखे एखलु छुड़ दिदा छे; तैभी हाव एखला नी काहकि बास मार साथे छे।
JOH 16:33 हाव यी वात तुमूक एरकरीन कयो कि तुमूक मखे मा शांती मिवे। संसार मा तुमूक पीड़ा होयतो छे, पुन ढाढ़स बांधु, हाव संसार काजे जीत लेदु छे।”
JOH 17:1 ईशु यी वात कयो आरू थार डुवा आकाश तरफ उठावीन कयो, “हे बास, ची घड़ी आव पुगी छे; आपसा पोर्‍या महिमा कर कि पोर्‍य भी तारी महिमा करे,
JOH 17:2 काहकि तु ओका सी सब मानसो पर हक देदु, कि जीनुक तु ओका सी देदु छे तीनु सबह त्यो अमरकाय जीवन आपे।
JOH 17:3 आरू अमरकाय जीवन यो छे कि चाँ तुखे एकुत् सच्चा यहोवा–भगवान काजे आरू ईशु मसीह काजे, जीनाक तु मोकल्या छे, जाने।
JOH 17:4 जो काम तु मखे करने काजे देदु हतु, उका पूरो करीन हाव धरती पर तारी महिमा कर्‍यु छे।
JOH 17:5 हिमी हे बास, तु आपने साथे मारी महिमा उका महिमा छे कर जी जगतन सृष्टिन पेहल, मारी तार साथे हती।
JOH 17:6 “हाव ते तारो नाव चाँ मानसो पर प्रकट कर्‍यु छे जीनाक तु जगत मा रईन मखे देदु। चाँ तारा हता आरू तु हेको मखे देदु, आरू चाँ तारो वचन काजे मान लेदा छे।
JOH 17:7 हिमी चाँ जान गया छे कि जो काहय तु मखे देदु छे चो सब तार तरफ छे;
JOH 17:8 काहकि जो वचन तु मखे देदु, आरू चाँ ओका सी मान्य कर्‍यु, आरू सच सच जान लेदु छे कि हाव तार तरफ रईन आयु छे, आरू विश्वास कर लेदु छे कि तुच मखे मकल्यु।
JOH 17:9 हाव ओको करता रावन्या करतु छे; संसारन करता रावन्या नी करतु पुन ओको करता जीनुक तु मखे देदु छे, काहकि चाँ तारा छे;
JOH 17:10 आरू जो काहय मारो छे चो सब तारो छे, आरू जो तारो छे चो सब मारो छे, आरू ओका सी मारी महिमा प्रगट होईली छे।
JOH 17:11 हाव हिमी जगत मा नी रयो, पुन या जग मा रयछे, आरू हाव तार जु आवतु छे। हे चुखलो बास, आपसा ओको नाम छे जो तु मखे देदु छे, ओको रक्षा करीन चाँ हामरे समान एक हुयो।
JOH 17:12 जब हाव ओको साथे हतु, ते हाव तार ओको नाम छे, जो तु मखे देदु छे ओको रक्षा कर्‍यु। हाव ओको पूस तास कर्‍यु, आरू विनाशन पोर्‍या काजे छुड़ ओकामा रईन कोय नष्ट नी होया, एरकरीन कि चुखलो शास्त्र मा जो कयो गयो चो पूरो हुयो।
JOH 17:13 हिमी हाव तार जु आवतु छे, आरू यी वात जगमा कयतु छे, कि चो मारो खुशी आपसु मा पूरो जड़से।
JOH 17:14 हाव तारो वचन हेको पुगाड़ देदु छे; आरू संसार उकासे बैर कर्‍या, काहकि जोसो हाव संसारन नी, तोसाज चाँ भी संसारन नी।
JOH 17:15 हाव यी रावन्या नी करता कि तु हेको जगत रईन उठाव ले; पुन यो कि तु हेको ओको शैतान रईन बचाढ़ीन राखे।
JOH 17:16 जोसो हाव संसारन नी, तोसाज चाँ भी संसारन नी।
JOH 17:17 सच्चाई द्वारा हेको चुखलो कर: तार वचन सच्चाई छे।
JOH 17:18 जोसो तु मखे जगत मा मकल्यु, तोसोज हाव भी हेको जगत मा मकल्यु;
JOH 17:19 आरू ओको करता हाव आपने आपसु चुखलो करतु छे, ताकि चाँ भी सच्चाई द्वारा चुखलो कर्‍या जाछे।
JOH 17:20 “हाव केवल हेकोन करता रावन्या नी करता, पुन ओको करता भी जो ओको वचन क द्वारा मखे पर विश्वास करसु,
JOH 17:21 क चाँ सब होय; जोसो तु छे बास मखे मा छे, आरू हांव तुखे मा छे, तोसाज चाँ भी हामु मा छे, तोसलाप संसार विश्वास करे कि तुज मखे मकल्यु छे।
JOH 17:22 ची महिमा जी तु मखे देदु हाव हेको देदु छे, कि चाँ तोसाज छे जोसा कि हामु एक छे,
JOH 17:23 हाव ओकामा आरू तु मखे मा कि चाँ सिद्ध होईन एक होय जाछे, आरू संसार जाने कि तुझ मखे मकल्यु, आरू जोसो तु मखे पर मोंग राखे तोसोज उकासे मोंग राखु।
JOH 17:24 हे न्यायी बास, हाव चाहतु छे कि जीनुक तु मखे देदु छे, जा हाव छे वा चाँ भी मार साथे रोवे, कि चाँ मारी ओको महिमा देखु जो तु मखे देदु छे, काहकि तु जगन उत्पत्ती छे पेहल मखे जु मोंग राख्यु।
JOH 17:25 हे न्यायी बास, संसार मखे नी जान्यु, पुन हाव तुखे जान्यु; आरू चाँ भी जान्या कि तुझ मखे मकल्यु छे।
JOH 17:26 हाव तार नाव ओका सी कयो आरू कयतु रोवी कि जो मोंग तुखेह मखे छे हतो चो ओकामा रोवे, आरू हाव ओकामा रोवे।”
JOH 18:1 ईशु ने वात कयीन आपसा चेला साथे किद्रोन नदिन पार गया। चाँ एक वाड़ी हती, जीनाम वा आरू हेरेन चेला गया।
JOH 18:2 ओका सी धरावनेवावा यहूदा भी त्यो जागु जानतु हतु, काहकि ईशु आपसा चेला साथे वा जाया करतु हतु,
JOH 18:3 तव यहूदा, सैनिकन एक टुकड़ी काजे आरू प्रधान पुजारो आरू फरीसियोन तरफ रईन प्यादा काजे लीन, दिवा आरू मशाल आरू हथियारे लेता चाँ आया।
JOH 18:4 तव ईशु, तीन सब वातु जु तीना पर आवनेवावी हती जानीन, निकल्यो आरू ओका सी कयो, “कुनीक देख रया छे?”
JOH 18:5 हेकोने ओका सी जवाब दिदा, “ईशु नासरत काजे।” ईशु ओका सी कयो, “हाव छे।” ओका सी धरावणेवावु यहूदा भी हेरेन साथे उभु हतु।
JOH 18:6 ओका सी यो कयताज, “हाव छे” त्यो पछळ वसरीन धरती पर पड़ गया।
JOH 18:7 तव त्यो पछु ओका सी पूछु, “तुमू कुनीक देख रया छे।” त्यो बुल्यु, “ईशु नासरत काजे।”
JOH 18:8 ईशु जवाब देदु, “हाव ते तुखे कय त्योक्यु छे कि हाव छे, यदि मखे देखतु छे ते हेको जाने देऊ।”
JOH 18:9 यो एरकरीन हुयो कि चो वचन पूरो हुयो जो त्यो कयो हतु: “जीनुक तु मखे देदु ओकामा रईन हाव एकाह भी नी नाख्यु।”
JOH 18:10 तव शमौन पतरस तलवार, जी हेरेन जु हती, खींची आरू पुजारान दास पर चालाड़ीन हेरेन डाखर्‍यु कान काट देदु। ओको दासन नाव मलखुस हतो।
JOH 18:11 तव ईशु पतरस काजे कयो, “आपसी तलवार म्यान मा हावक। जो कटोवरो बास मखे आपलो छे, काय हाव ओको नी पीऊ?”
JOH 18:12 तव सैनिकों आरू ओका सूबेदार आरू यहूदि यान प्यादा ईशु काजे धरीन बांध दिदा,
JOH 18:13 आरू पेहल ओको हन्ना जु ली गया, काहकि चाँ तीन सालन डाहला पुजारा कैफान सोसरू हतु।
JOH 18:14 यो कैफा नावन एक मानुस जु तीन सालन पुजारो हतु, के हामरा मानसो करता केवल एक मानसो मरनु जुवे।
JOH 18:15 शमौन पतरस आरू एक दिसरा चेला भी ईशुन पछळ चाल दिदा। एरकरीन चाँ ईशु साथे पुजारा आंगनामा गयु,
JOH 18:16 पुन पतरस बाहरते झोपला पर उभु रोवे। तव यु दिसरू चेलु जु पुजारा जानु–पेहचानु हतु, बाहरते निकल्यु आरू झपलावाला कयीन पतरस काजे माहय ले आयु
JOH 18:17 ची दासी जी झपला पर हती, पतरस कयो, “क तु भी ओको मानसोन चेला माहयलु ते नी छे?” त्यो कयो, “हाव नी छे।”
JOH 18:18 दास आरू प्यादा जाड़ेन कारण कुयला धधकाकर उबा आगठो तापाय रोया हता, आरू पतरस भी हेरेन साथे आगठो तापाय रोयु हतु।
JOH 18:19 तव डाहला पुजारा ईशु से हेरेन चेलान विषय मा आरू हेरेन विषय मा पुछताछ कर्‍या।
JOH 18:20 ईशु ओका सी जवाब देदु, “हाव संसार साथे खुलीन वात कर्‍यु; हाव आराधना घरो आरू मंदिर मा, जा सब यहूदि एखठा होया करता छे, सदा शिक्षा कर्‍या आरू सातायलो मा काहय भी नी कयो।
JOH 18:21 तु मखे से काय पुछता छे? सोंमवनेवावा पूछतास कि हाव ओका सी काय कयो। देख, चाँ जानता छे कि हाव काय काय कयो।”
JOH 18:22 जव त्यो यो कयो, ते प्यादा मा रईन एक जु साथे उभु हतु, ईशु थापुड़ देदु आरू कयो, “काय तु डाहला पुजारा काजे ओको तरह जवाब देदु छे?”
JOH 18:23 ईशु ओका सी जवाब देदु, “यदि हाव काहय बुरो कयो, ते ओको बुराईन गवाय आप; पुन यदि वारलो कयो, ते मखे काँ देतलु छे?”
JOH 18:24 हन्ना उका बांधल कैफा डाहला पुजारा साथे मकली देदु।
JOH 18:25 शमौन पतरस उबा होईन आगठो तापाय रया हता। तव चाँ ओका सी कयो, “क तु भी हेरेन चेलाम रईन ते नी छे?” त्यो नाकार करीन कयो, “हाव नी होय।”
JOH 18:26 पुजारा सेवक मा एक, हेरेन परिवार माहयलु हतु जीनान कान पतरस काट देदु हतु, कयो, “काय हाव तुखे हेरेन साथे वाड़ी मा नी देख्या हता?”
JOH 18:27 पतरस पछो नाकार कर देदु, आरू चटकरीन कुकड़ा वाषने लाग्यो।
JOH 18:28 तव चाँ ईशु काजे कैफा साथे किला मा ली गया, आरू भोरन टेम हतु, पुन चाँ तुमू किलान माहय नी गया ताकि विटळ नी हुयो पुन फसह खाय सकें।
JOH 18:29 तव पिलातुस हेरेन जु बाहर निकल आयु आरू कयो, “तुमू इन मानसो पर कोसली वातन गुणु लागाड़ता छे?”
JOH 18:30 हेकोने ओका सी जवाब देदु, “यदि त्यो खराब नी हतु ते हामु इनाक तारे हाथे नी सोपता।”
JOH 18:31 पिलातुस ओका सी कयो, “तुमू इनाक ली जाईन आपसी व्यवस्थान लारे हेरेन न्याय करू।” यहूदि या ओका सी कयो, “हामु हक नी कि कुनीन जीव लेनु।”
JOH 18:32 यो एरकरीन हुयो कि ईशुन ची वात पूरी हुयो जो हेरेने यो संकेत देते वोखे कयो हतु कि हेरेन मरन कोसी होयसे।
JOH 18:33 तव पिलातुस पछु किलान माहय गयु, आरू ईशु काजे बुलावीन उका पूछु, “काय तु यहूदि यान राजु छे?”
JOH 18:34 ईशु जवाब देदु, “काय तु यी वात आपसी तरफ रईन कयतु छे कि दिसरा मारा विषय मा तुखे यो कयो छे?”
JOH 18:35 पिलातुस जवाब देदु, “काय हाव यहूदि मानसे छे? तारी जात आरू प्रधान पुजारा तुखे मार साथे सौप्यु छे। तु काय कर्‍यु छे?”
JOH 18:36 ईशु जवाब देदु, “मार राज्य इना संसारन नी; यदि मार राज्य इना संसारन रोवतो, ते मार सेवक लड़ता कि हाव यहूदि यान हाथ मा सौपलु नी जातु: पुन मार राज्य यान नी छे।”
JOH 18:37 पिलातुस जवाब देदु, “ते काय तु राजु छे?” ईशु जवाब देदु, “तु कयतु छे कि हाव राजु छे। हाव एरकरीन जनम लेदु आरू एरकरीन संसार मा आयु छे कि सच्चाईन गवाय देव। जु कोय सच्चाईन छे, त्यो मार शब्द सोमवीन छे।”
JOH 18:38 पिलातुस उका कयो, “सच्चाई काय छे?”
JOH 18:39 “पर तुमरी यी वात रीति छे कि हाव फसह मा तुमरे करता एक मानसो काजे छुड़ देव। अळते: काय तुमू चाहता छे कि हाव तुमरे करता यहूदि यान राजा काजे छुड़ देव?”
JOH 18:40 तव हेकोने पछु आयड़ीन कयो, “इनान नी, पुन हामरे करता बरअब्बा काजे छुड़ दे।” आरू बरअब्बा डाकु हतु।
JOH 19:1 अतरा पर पिलातुस ईशु क लीन कुड़ा लागाङवायो।
JOH 19:2 आरू सिपायड़ा काँटान मुकुट गुथीन हेका मुनका पर मेलमिलाप, आरू हेको बैंगनी उपर वाळा छिंदरा पेहराया,
JOH 19:3 आरू तीना जु आवीन कयनो लाग्या, “है यहूदिया क राजा, नमस्कार!” आरू तीनाह थापुड़ दिदा।
JOH 19:4 तव पिलातुस ओळी बाहर निकळीन लोगहन क कयो, “देखु, हाव हेको तुमरे जुळ ओळी बाहर लावो; काहकि तुमू जानु की हाव एका काय भी गुणू नी देखियो।”
JOH 19:5 तव ईशु क काटान मुकुट आरू बैंगनी छिंदरा पेहरलो बाहर निकळयो आरू पिलातुस ओको कयो, “देखु, यो, मानुस।”
JOH 19:6 जव डाहलो पुजारा आरू चाकरीयो हेको देखिया, तो आयड़ीन कयो, “हेको कुरूस पर चढ़ावु, कुरूस पर!” पिलातुस हेनको कयो, “तुमूत् हेको ली जाईन कुरूस पर चढ़ावु; काहकि म्हार निगाम यो गुणेगार नी होय।”
JOH 19:7 “यहूदि या हेको जवाब दिदा, हामरो भी नियम छे आरू तिना नियम न अनसारे हयो मार नाखने जुगु छे काहकि हयो आपसा क यहोवा–भगवान न पोर्‍या देखाङे।”
JOH 19:8 जव पिलातुस यी वात सोमळियो ती आरू भी बीह गयो।
JOH 19:9 “आरू ओळी किला न माहयता गया आरू ईशु छे कयो, तु काँ वाळो छे?” पर ईशु हेके काहय भी जवाब नी दिदो।
JOH 19:10 पिलातुस हेके कयो, “म्हार छे काँ नी बुलतो? काय तु नी जाने कि तुखे छुड़ देने क हक हाव छे आरू तुखे कुरूस पर चढ़ावनेन हक छे।”
JOH 19:11 ईशु जवाब दिदो, “कदाम तुखे ऊपर छे यो हक नी दियो जातो, ती तारो म्हार पर काय हक नी रहतो; हतरान करता जो हावखे तारा हात मा धरावलो छे, हेको पाप सवटो छे।”
JOH 19:12 हतरान करिन पिलातुस हेको छुड़ देनो चाहतलो, पर यहूदि या आयड़ीन कयो, “कदाम तु हेकेक छुड़ दिस ती तु कैसर न दुस्तिदार नी कहवाये; जो कोय आपसा क राजा बनावे त्यो कैसर न सामनो करे।”
JOH 19:13 यी वात सोमळीन पिलातुस ईशु क बाहर लायो आरू तिना धरती पर एक चबुतरो होतो, जो इब्रानी “गब्बता” कहवायतलो, आरू नियाव नी गाद्दी पर बठ्यो।
JOH 19:14 यो फसह न तिहवार न दाहड़ो होतो आरू छटवा घंटा धोड़े वोड़ होतो; तव त्यो यहूदि या छे कयो, “देखु, यो छे, तुमरो राजा छे, तुमरो राजा।”
JOH 19:15 पर त्या आयड़े लागिया, “ली जा! ली जा! हेको कुरूस पर चढ़ावलो!” पिलातुस हेनको कयो, “काय हाव तुमरा राजा क कुरूस पर चढ़ावो?” डाहला पुजारा जवाब दिदा, “कैसर क छुड़ीन हामरो राजा कोय नी होय।”
JOH 19:16 तव त्यो ओका हात मा सोंप दिदा कि त्यो कुरूस पर चढ़ायो जाय।
JOH 19:17 तव त्या ईशु क ली गया। आरू त्यो आपसो कुरूस हाकलीन तीना धरती पर तक बाहर गयो, जो खोपड़ी न जागो कवाये आरू इब्रानी मा “गुलगुता।”
JOH 19:18 चाहे त्या हेके आरू हेका सात मा दूय मानुस क कुरूस पर चढ़ाया, एका क इना धोङ मा आरू एका क उना धड़ मा, आरू ईशु क वीच मा।
JOH 19:19 आरू पिलातुस एक दोष पत्री लिखीन कुरूस पर लटकाड़ दिदो आरू ओका मा यो लिखीयो होतो, “ईशु नासरत यहूदि या न राजा।”
JOH 19:20 यो दोष पत्री घण सवटा यहूदि या भणिया काहकि त्यो जागो जा सारी ईशु कुरूस पर चढ़ायो गयो होतो नगर न पास होतो आरू इब्रानी आरू लातीनी आरू यूनानी मा लिखीयो होतो।
JOH 19:21 तव यहूदि या न डाहला पुजारा पिलातुस क कयो, “यहूदि या न राजा मा लिख पर यो लिख कि हयो कयो कि हाव यहूदि यान राजा छे।”
JOH 19:22 “पिलातुस जवाब दिदो, हाव जो लिख दिदो, चो लिख दिदो।”
JOH 19:23 जव सिपायड़ा ईशु क कुरूस पर चढ़ाय चुकिया, ती हेका लुगड़ा लीन चार भाग बनाड़े, हर सिपायड़ा जुगे एक भाग आरू सुटर भी लेदा, पर कुर्ता मा सीवन लागली नी हुती ऊपर सी नेचो तक बुनलो होतो;
JOH 19:24 हतरान करिन त्या आपसु कयो, “हामु इनाक नी फाड़ता, पर इना पर पत्री नाखजे कि त्यो कुनीन होयछे।” यो अतरानकरीन करिन हुयो, कि चुखलो शास्त्रन वात पुरी हुयो, “त्या म्हारा छिन्दरा आपसु वाट लेदा आरू म्हारा छिंदरा पर चट्ठी नाखिया, यो काम सिपायड़ा करिया।”
JOH 19:25 ओळतेन सिपायड़ा ओसात् करिया। पर ईशु न कुरूस न पास हेकी आश आरू हेकी आश न बहिनीस मरियम, क्लोपासन, घर वाळी आरू मरियम मगदलीनी ऊब रया हुती।
JOH 19:26 “ईशु आपसी माय आरू तिना चाकरीयो क जिना छे त्यो मोंग राखतो होतो पास मा ऊबो देखीन आपसी माय छे कयो, ओ बाई, देख, यो तारो पोर्‍या छे।”
JOH 19:27 “तव तिना चाकरीयो छे कयो, देख, यी तारी माय छे।” आरू तिने टेहाव छे त्यो चेलो, हेकेक आपसे घर ली गयो।
JOH 19:28 ओळतेन ईशु यो जानीन कि हाय आखो काय छे चो पुरो हुयो; हतरान करता कि चुखलो शास्त्रन वात पुरी हुयो कयो, “हाव पिसलो छे।”
JOH 19:29 चाहे एक सिरका छे भरायलो टाहरो होतो, हेरेन करिन त्या छिंदरो लेपटायलो लाकड़ो सिरका मा डुबायो हेका मुय छे लागाङिया।
JOH 19:30 जव ईशु त्यो सिरको लेदो, ती कयो, “पुरो हुयो” आरू माथो नेचो करिन जीव छुड़ देदो।
JOH 19:31 आरू अतरानकरीन करिन त्यो तियारी न दाहड़ो होतो, यहूदि या पिलातुस विनती करिया की, कि हेनका पाय तुङ देयो आरू हेनको नेचा उतारे कि आरामन दाहड़े त्या कुरूस पर नी रये, काहकि त्यो आरामन दाहड़ो मोटो दाहड़ो होतो।
JOH 19:32 अतरानकरीन करिन सिपायड़ा आवीन पेहेलान पाय तुङिया तव दिसरान भी तुङिया, जो हेका सात मा कुरूस पर चढ़ाया गया हुता।
JOH 19:33 पर जव ईशु पास आवीन देखिया कि हुयो मर गयो, ती हेका पाय नी तुङिया।
JOH 19:34 पर सिपायड़ा माईन एक जनो भाला छे हेका पंजा मा भालो गुपीया आरू ओकाम छे तत्काल लुहूय यो आरू पानी निकळी पड़ियो।
JOH 19:35 जो यो देखियो, त्यो गवाय दिदो, आरू हेकी छाची छे; आरू त्यो जाने, आरू सच कहे कि तुमू विश्वास करो।
JOH 19:36 यी वात हतरान करिन होय कि चुखलो शास्त्रन वात पुरी हुयो, “हेकी काहली भी हाङकी नी तुड़े।”
JOH 19:37 ओळी एक आरू धरती पर यो लिखलो छे, “जिनाक त्या बेधला छे, हेका पर नजर नाखछे।”
JOH 19:38 इनी वातन ओळतेन अरिमतियाह न यूसुफ, जु ईशु क चाकरीयो होतो, पर यहूदियान बीक छे इनी वात क ढाकीन राखलो होतो, पिलातुस छे रावन्या करियो, कि हाव ईशुन धोङ क ली जाम, पिलातुस हेकी रावन्या सोमळी लेदो, आरू त्यो आवीन हेको धोङ ली गयो।
JOH 19:39 नीकुदेमुस भी पेहले ईशु क पास गयो होतो पचास छेर न धोड़े वोड़ छे भेछेकायलो गन्धायनियो रस आरू एलवा ली आयो।
JOH 19:40 तव त्या ईशुन धोङ क ली गया आरू यहूदियान रीतिन अनसारे हेको वारला सुगन्ध वाळो द्रव्य न सात मा सीवङा मा लपटी दिदा।
JOH 19:41 तिना धरती पर वा ईशु क कुरूस पर चढ़ायो गयो होतो, एक वाड़ी हुती; आरू वाड़ी मा एक नवलो बीङो बनलो होतो; केका कोयक नी मेलमिलाप हुता।
JOH 19:42 आरू यहूदियान तियार हुयने क दाहड़ान कारण, काहकि त्यो मोळवाट्यो साथ मा होतो।
JOH 20:1 हापतान पेहले दाहड़े मरियम मगदलीनी भोळ भाका क आँधरोत होतो ची बीड़ान चाँ आवी, आरू दगड़ा क बीङा पर छे अथो होयलो देखी।
JOH 20:2 तव ची दवड़ीन आवी आरू शमौन पतरस काजे आरू तीना दिसरा चाकरीयान जु आवीन कयी जिना ईशु मोंग राखतो होतो, “त्या पोरबु क मोड़वाट्याम रईन नीकाळ ली गया; आरू हामु नी मालम होय, कि हेको काँ मेल दिदा।”
JOH 20:3 तव पतरस आरू दिसरो चाकरीयो निकळीन तीना बीङा हेर आया।
JOH 20:4 आरू दूय जन साथ मा दौवङया। बाकी दिसरो चाकरीयो पतरस रईन मोळवट्याम जु पेहेल पुग्या।
JOH 20:5 आरू नेचो भाळीन छिंदरा पड़ रहवला देख्यो; ते भी त्यो माहयतो नी गयो।
JOH 20:6 तव शमौन पतरस हेको पोछळ–पोछळ गयो आरू भीतङान बनला बीङा न माहय गयो आरू छिंदरा पड़ रहवला देखियो।
JOH 20:7 आरू त्यो फेटको जो हेका मुनका पर बांधलो होतो, छिंदरान पुठी नी पर एक धरती पर एखटो होयलो देखियो।
JOH 20:8 तव दिसरो चाकरीयो भी जो बीङा पर पेहल गयो होतो, माहतो गयो आरू विश्वास करियो।
JOH 20:9 त्या ते हाय तक चुखलो शास्त्रन ची वात नी समझिया हुता, कि हेको मरला माईन जीवतो होयनो पड़से।
JOH 20:10 तव या चेला आखा आपसे–आपसे घर गया।
JOH 20:11 पुन मरियम रोङती जाईन बीङा न साते बाहर ऊबी रयी आरू रङती जाईन बीङा वोखे नेची होईन,
JOH 20:12 दूय सोरगदूत क जुगाळा छिंदरा पेहरला एक क सिरहाने आरू दिसरा क पैताने पर बठलो देखी, वा ईशु न धोङ पड़लो होतो।
JOH 20:13 चाँ हेका से कयो, “ओ बाई, तु काँ रङ रया?” ची हेनको कयी, “त्या म्हारा पोरबु क ली गया आरू हाव नी जानो कि हेकेक काँ सारी मेल दिया।”
JOH 20:14 यो कहीन ची पछी फिरी आरू ईशु क उबरयलो देखी आरू नी ओळखी कि यो ईशु छे।
JOH 20:15 ईशु हेके कयो, “ओ बाई जात तु काँ रोङे? कुनीक हेरे?” “ची राखवाळिया समझीन कयी, ए दादा, कदाम तु हेके हाकली ली गयो होय ती मेखे कय दे कि हेकेक काँ सारी मेकलो छे आरू हाव ओको ली जाईस।”
JOH 20:16 ईशु हेके कयो, “मरियम!” ची पछी फिरीन हेका से इब्रानी मा कयी, “रब्बूनी!” हेरो आर्थो छे “ए गुरू।”
JOH 20:17 ईशु हेके कयो, मेखे मा छिमे काहकि हाव हाल तक बासोन त्या ऊपर नी गयो, बाकुन म्हारा भाईस्यो न पास मा जाईन कय दे, कि हाव म्हारा बास, आरू तुमरा बास, आरू आपसा यहोवा–भगवान न पास ऊपर पास जाम।
JOH 20:18 “मरियम मगदलीनी जाईन चाकरीयो जाईन यी वात कयी, हाव भी पोरबु क देखी आरू त्यो म्हार से वात करियो।”
JOH 20:19 तीने दाहड़े जो हापता क पेहलो दाहड़ो हतो, शान्तो हुयने न टेम पर जव चाहे वाळा झोपला वा चाकरीयो हुता, यहूदिया से बीहिन माहायता बंद हुता, तव ईशु आयो आरू वीच मा ऊबो हुयो आरू हेनको कयो, “तुमूक शांती जोड़े।”
JOH 20:20 आरू यो कहवीन त्यो आपसो हात आरू पंजो हेनको देखड़ियो: तव चाकरीयो पोरबु देखीन खुश होय गया।
JOH 20:21 “ईशु ओळी हेनको कयो तुमूक शांती जोड़े; जोसो बास मेखे मुकलियो, ओसोत् हाव भी तुमूक मुकलो।”
JOH 20:22 यो कहवीन त्यो हेन्दरे पर फूँकियो आरू हेनको कयो, चुखलो आत्मा लेय।
JOH 20:23 जिना पाप माफ करो त्या हेन्दरे जुगे माफ होय गया; जिना तुमू राखो, त्या राखला छे।
JOH 20:24 पर बारा माईन एक चाकरीयो थोमा जो दिदुमुस कवाये, जव ईशु आयो तव ओको साते नी होतो।
JOH 20:25 जव त्या चाकरीयो यो कयनो लागिया हेके कि “हामु पोरबु देखिया” तव त्यो हेनको कयो, “जव तक हाव हेका हात मा खिळान डुचा नी देख लोम, आरू खिळान डुचा मा म्हारीआँगळी नी डालो तव तक हाव विश्वास नी करो।”
JOH 20:26 बाकुन आगठा दाहड़ा न बाद मा हेका चाकरीयो ओळी घरन माहयता हुता, आरू थोमा ओको सात मा होतो, आरू झोपलो बंद होतो, तव ईशु आवीन आरू वीच ऊबो होईन कयो, “तुमूक शांती जोड़े।”
JOH 20:27 “तव त्यो थोमा क कयो, तारी आँगळी या लावीन म्हारा हातोन क देखा आरू तारो हात लावीन म्हार पंजा मा डाल आरू विनभुरसीया नी पर भुरसा वाळो होय।”
JOH 20:28 यो सोमळीन थोमा जोवाब आपियो, “ए म्हारा पोरबु, ए म्हारा यहोवा–भगवान!”
JOH 20:29 ईशु हेके कयो, “तु ते मेखे देखीन विश्वास करियो पर सयालो छे त्यो जो वीन देखे म्हार पर विश्वास करिया।”
JOH 20:30 ईशु आरू भी घण सचटी सोहलाहनी चाकरीयो न क सामने देखड़ियो, जो इनी किताब लिखली नी होय।
JOH 20:31 पर यो एरेन करिन लिखी छान्डीयो कि तुमू विश्वास करो, कि ईशु ही यहोवा–भगवान न पोर्‍यो छे: आरू विश्वास करिन हेका नाव से विश्वास करिन जीवन जुड़से।
JOH 21:1 इनी वात न ओळतेन ईशु आपसा क तिबिरियुस बन्धा न धोड़े चेलाक नेळतालाक देखाङ्यों आरू इनी रीति रईन देखाय पड़्यो।
JOH 21:2 शमौन पतरस आरू थोमा जु दिदुमुस कहवतो छे, आरू गलीलन काना शहरो न नतनएल आरू जबदी ना पोर्‍या, आरू हेका चेला नेळताळा मा एक आरू जन भैळा हुतो।
JOH 21:3 शमौन पतरस हेन क कयो, “हां माछा धरने क जाम” त्या हेके कयो, “हामु भी तारे पुठी आवजे” एका करता त्या निकळीन नाळ पर चढ़ीया, पर तीनि रात त्या काहय नी धोर्‍या।
JOH 21:4 भोळभाको होयतात ईशु धोङ मा ऊबो हुयो; ओळतेन भी नेळताळा हेको नी उळखिया कि यो ईशु छे।
JOH 21:5 तव ईशु तीनुक कयो, “ए नानला पोर्‍या, काय तुमरे जुळ खाने करिन काहय माछली छे?” त्या ईशु क जवाब दिदा, “नी होय”
JOH 21:6 ईशु उन लोगहन क कयो, “डोंगा न जेवड़ा तरफ जाळ नाखो, ती तुमूक जोड़से।” तव त्या जाळ नाख्या, आरू हाय माछा घोण ढेरका आय ज्या तेर सी जाळ नी हापकनेन शक्ति नी हती।
JOH 21:7 “एरकरीन त्यो नेळताळो जिना सी ईशु मोंग करतो होतो पतरस से कयो, यो ते पोरबु छे।” शमौन पतरस यो सोमळीन कि पोरबु छे, कमर मा कनाट्यो कसीन बांध लेदो, काहकि त्यो नांगरो होतो, आरू बांधा मा कुदी गयो।
JOH 21:8 बाकी आरू नेळताळा ढोंड्या पर माछा छे भरायली जाळ हापेकता जाईन आश, काहकि त्या धोड़े छे घोणा दूर नीहि, पर काय दूय सौ हात दूर हुता।
JOH 21:9 जव डोंगा धोड़े उतरिया, ती त्या कुयला न आगठी, आरू उका पर माछली मेकला रोटा देख्या।
JOH 21:10 ईशु तीनुक कयो, “जो मासा तुमू हाय धोरला छे, तीनाम से थुड़ाक लावु।”
JOH 21:11 शमौन पतरस डांगा पर चढ़ीन एक सौ न तिरपन मासा से भरायली जाळ धोड़े हापक्या, आरू हतरा मासा हुयने पर भी जाळ नीहि फाटी।
JOH 21:12 ईशु हेनुक कयो, “आवु, खानो खावु।” आरू चाकरीयान माईन कोयक हेमोत नी होयी, कि हेका से काहय पूछे, “तु कुन छे?” काहकि त्या जानता हुता कि यो पोरबु छे।
JOH 21:13 ईशु आयो, आरू रोटलो लिन हेनको दियो, आरू वोसोत मासा भी आपियो।
JOH 21:14 यो तिसरी बार छे, कि ईशु मरला माईन जीवतो हुयने ओळतेन चाकरीयो क दर्शन दियो।
JOH 21:15 खानो खानेन ओळते ईशु शमौन पतरस काजे कयो, “ए शमौन, यहुन्ना न पोर्‍या, काय तु इना रईन वारलु छे कि तु म्हार साते मोंग राखे?” त्यो हेका कयो, “हाव पोरबु; तु ते जाने, कि हाव तारे से मोंग करो।” ईशु हेका से कयो, “म्हारा गाडरा क चाराव।”
JOH 21:16 त्यो ओळी दिसरी बार हेकाह कयो, “ए शमौन, यहुन्ना न पोर्‍या, काय तु मार साते मोंग करे?” “त्यो कयो हाव पोरबु हाव तारे से मोंगावु करो।” “ईशु कयो म्हारा गाडरा न क राखवाळी कर।”
JOH 21:17 त्यो तिसरी वार ओका सी कयो, “ए शमौन, यहुन्ना न पोर्‍या, काय तु म्हार रईन मोंग राखे?” “पतरस नाराज होयु, कि त्यो उका तिसरी वार ओसो कयो, काय तु म्हार रईन मोंग राखे?” आरू तिनुक कयो, “हे पोरबु तु ते आखो जाने छे; तु यो जानतु छे कि हाव तार से मोंग राखो।” ईशु हेको कयो, म्हारा गाडरा चार।
JOH 21:18 “हाव तुखे सच सच कयो, जव तु जुवान हतु, ते तव तारी कमर बांधीन वा तुखे पसंद हत, चाँ फिरतो हतो; बाकी जव तु डाहलो होय जाईस, तव आपसा हात नाम्बा करीस, आरू तारी कमर बांधीन जा तुखे नी पोटे चाँ तुखे ली जासे।”
JOH 21:19 “त्यो इनी वात देखड़ियो कि पतरस कोसी मोत यहोवा–भगवान न महिमा करसे; आरू यो कयीन हेका कयो म्हार पोछळ आव।”
JOH 21:20 पतरस पोछो फिरीन तीना चाकरीयो क पोछळ आवतलो देख्यो, जिना से ईशु मोंग राखतो होतो, आरू जो खानेन टेम मा हेकी छाती तरफ नेचो वोळीन पुछियो “ए पोरबु तुखे धरावने वाळो कुन छे?”
JOH 21:21 “हेखे देखीन पतरस ईशु से कयो, ए पोरबु एको काय हाल होयसे?”
JOH 21:22 “ईशु हेको कयो, जत्यार हाव चाह कि त्यो मार आवने तक हया रये, ती तारो काय? तु मार पोछळ आव।”
JOH 21:23 हेरेन करिन भाईस्यो मा यी वात पैल गय, त्यो चाकरीयो नी मोरे, बाकी यो कि “जत्यार हाव चाहो कि यो मार आवने तक रये, ती तुखे हेर से काय करनो छे?”
JOH 21:24 यो त्योत् चाकरीयो छे, जो इनी वातन गवाय देतो छे आरू जो इनी वात न क लिख्यो छे आरू हामु जानजे कि ओकी गवाय सच्ची छे।
JOH 21:25 आरू भी खुब घण सोवटा काम छे, जो ईशु करियो; जत्यार त्या एक–एक करिन सचटी लिख देता, ती हाव समझतो कि किताब जो लिखायती ची जगत मा भी नी समायती।
ACT 1:1 ए थियुफिलुस, हाव पेहली किताब उन आखी वातो क बारा मा लिख्यो, जो ईशु मसीह शुरू सी करतो आयो, आरू सिकाड़तु रोयु,
ACT 1:2 उना दाहड़े तक जव त्या निवाड़या क जिनुक ईशु नेवाड़लो हुतो, चुखली आत्मान लारे हुकुम आपीन ऊपर नी उठाई ली गयो,
ACT 1:3 आरू ईशु दुःख उठावने न बाद मा घण सोवटी सोहलानी सी ईशु आपसा क जीवतो देखाड़ीन, आरू चालीस दाहड़ा तक त्यो नेवताळा क देखाय देतो रोयो आरू यहोवा भगवान क राजन वात कयतो रीयो।
ACT 1:4 आरू नेळताळा सी मेवीन ओको हुकुम देदो, आरू कयो, “यरूशलेम क झुण छुड़ता, बाकुन बास जी बांधायली प्रतिज्ञा क पुरो हुयता तक वाट जुवता रहवो, जिनान बाराम हाव तुमूक देखाड़लो हुतो।
ACT 1:5 काहकि बपतिस्मा देनेवावो यहुन्ना ते पानी सी बपतिस्मा दियो बाकुन थुड़ाक दाहड़ान बाद मा तुमु चुखली आत्मा सी बपतिस्मा लेसे।”
ACT 1:6 ओलतेन नेवताळा एक्ठा होईन ओका सी पुछिया, “ए पोरबु काय तु इने टेमे इस्राएल न राज क पछो बोठाड़ीस?”
ACT 1:7 ईशु नेवताळा सी कयो, “टेम आरू कालोन वात बास न तरफ सी टाकायलो छे यो जाननो, जेका मालुम नी आपनो हक मा राख्या, तुमरो काम नी हय।
ACT 1:8 पर जव चुखली आत्मा तुमरे उपर आवसे तव तुमूक शक्ति जोड़से; आरू यरूशलेम आरू आखा यहूदि या आरू सामरिया मा, आरू धरतीन कुने—कुने तक मारा गवाह हुयसे।”
ACT 1:9 ईशु यी वात कयीन त्यो देखता–देखता ऊपर उठायली ली गयो, आरू वादळो उको तिनरा डुळान सामने ढाक लेदो।
ACT 1:10 आरू ओको जाता टेमे जव त्या आकाश न तरफ देख रीया हुता, तव देखो दूय मानुस धोवळिया छिंदरा पेहरला नेवताळा न पास मा उचकालुन आवीन ऊबा हुया।
ACT 1:11 आरू कयनो लाग्या, “ए गलीली मनुसो, तुमू काँ ऊबा होईन सोरग तरफ देख रीया? यो ईशु, जो तुमरे साते सी जिनी रीति सी तुमु उको सोरग मा जातला देख्या तिनी रीति सी त्यो ओळी पोछो आवसे।”
ACT 1:12 12 जव त्या जैतुन नावन बोयड़ा सी जो यरूशलेम न क पास मा एक आराम न दाहड़ा आवनेन साते सी, त्यो यरूशलेम भेणी पोछो आवे।
ACT 1:13 आरू जव त्यो वाँ पुगिया तो उना उपरला कपरा मा गिया, जा पतरस, यहुन्ना, याकूब, अन्द्रियास, फिलिप्पुस, थोमा, बरतुल्मै, मत्ती, हलफईस न पोर्‍या याकूब, शमौन जेलोतेस आरू याकूबन पोर्‍या यहूदा यो रहवता हुता।
ACT 1:14 त्या आखा मळीन थड़ाक बोहनस्या आरू ईशु न माय मरियम आरू उका भाईस क सात मा एक मन होईन विनता आरू प्रार्थना करता रया।
ACT 1:15 आरू उन दाहड़ा मा पतरस भाईस क विच मा जो एक सौ ने वीस मानुस क लोगाथोगी एक्ठा हुता, उबो होईन प्रार्थना करने लागियो।
ACT 1:16 “हे भाईस्यो” छाचो हुतो कि चुखलो शासतुर न त्यो लिखलो वचन पूरो हुये, जो चुखली आत्मा दाऊद क मुय सी यहूदान बारा मा जो ईशु क धोरने वाळा न अगळवानियो हुतो, उका बारा मा पेहले सी कयलो हुतो।
ACT 1:17 “काहकि त्यो ते हामरे मा गिनाय गियो, आरू इनी सेवा मा साजलियो बन्यो।”
ACT 1:18 त्यो अन्याय कमाय करीन एक खेत मूले लिदो; आरू माथा क भुरसे पड़्यो, आरू उको पेट फाट गियो, आरू ओकी आतड़ीया निकळी गिया।
ACT 1:19 आरू इनी वात क यरूशलेम न मा आखा रहवने वाळा जान गिया, या तक कि उना खेत न नाव उन लोगहन की भाषा मा अकलदमा एरो मतलब “लुहूय खेत नाव पड़्यो।”
ACT 1:20 काहकि भजन संहिता मा लिखलो छे, “ओको घर उजड़ जासे, आरू उका मा कोय भी नी बसे,” काहकि यो भी लिखलो छे, आरू “उको पद कोय दिसरो ली लेय।”
ACT 1:21 अतरानकरीन जतरा दाहड़ा तक पोरबु ईशु हामरे साते आवतो जातो रियो, मतलब की यहुन्ना बपतिस्मा देने वाळा सी लगाड़ीन उको हामरे साते सी उठायली जाने तक, जो लोगहन बराबर हामरे साते रीया,
ACT 1:22 “यो वारू छे कि ओका मा सी एक मानुस हामरे सात उको जीव उठने न गवा हुये।”
ACT 1:23 तव त्या दूय जन क ऊबा करीया, एक यूसुफ क, जो बरसब्बास कहवाये, जिनान दिसरो नावठ्यो नाव यूस्तुस छे, दिसरो मत्तियाह क।
ACT 1:24 आरू यो कहवीन प्रार्थना करिया, “ए पोरबु तु जो सबन मन क जाने, यो देखाड़ दे कि इनु दूय माइन तु केको निवाड़या छे,
ACT 1:25 कि त्यो इनी सेवा क कर सके आरू नेवताळान पद लेय, जिनाक छुड़ीन यहूदा ओको जागे जात रीयो।”
ACT 1:26 तव त्या उन दूयन बारा मा चिठ्ठी न्हाखिया, आरू मत्तियाह क नाव सी चिठ्ठी नीकळी, आरू त्यो उन ग्यारे नेळताळा क सात मा गिनाय गयो।
ACT 2:1 जव पेन्तेकुस्त न दाहड़ो आयो, ती त्या आखा एक धरती पर भेळा हुता।
ACT 2:2 आरू एकदम छे सोरग छे मोटी आँधी क सारकु सन्नाटु आवनेन शब्द हुयो, आरू ओका सी सब घर वा त्या बोठ्या हुता, गुंज गयो।
ACT 2:3 आरू ओका आगठी सारकी जीप फाटली देखाय पड़ी आरू आखा पर आवीन उन लोगहन मा समाय गय।
ACT 2:4 आरू त्या आखा चुखली आत्मा से भराय गया, आरू जीने रीते आत्मा हेनको बुलने करिन शक्ति आपी, आरू त्या भाति–भातिन भाषा बुलने लाग्या।
ACT 2:5 आरू आकाश क नेचो आखी जाती मा सी यहूदि भगत यरूशलेम मा रहवता हुता।
ACT 2:6 जव त्यो बुली सोमळाय पड़ी, ती गर्दी लाग गय आरू लोगहन घाबराय गिया, काहकि आखा क यो सोमळाय पड़तो हुतो, की या आखा म्हारी बुली मा बुल रीया छे।
ACT 2:7 आरू त्या आखा बीहिन आरू घबराईन कयनो लाग्या, “देखु, यो जो बुल रया छे काय यो गलील वाळा नी हय?
ACT 2:8 ती ओवी काँ हामरे मा सी; आखा उन लोगहन क आपसी–आपसी पैदावारीन धरती परून भाषान बुली सोमवे?
ACT 2:9 हामु जो पारथी, मेदी, एलाम लोगहन, मेसोपोटामिया, यहूदि या, कप्पदुकिया, पुन्तुस आरू आसिया,
ACT 2:10 आरू फ्रूगिया आरू पंफूलिया आरू यूसुफ आरू मिस्र लीबिया देश जो कुरेन न धोड़वोड़ मा छे, इन आखा देश मा रहवने वाळा आरू रोमि वासी,
ACT 2:11 मतलब काय यहूदि, आरू काय यहूदि रीति भातीन पाळन करने वाळा, क्रेते आरू आरबी भी छे, बाकुन आपसी–आपसी बुली मा ओका सी यहोवा भगवान क मोटा काम क बारा मा सोमळता छे।”
ACT 2:12 आरू त्या आखा घाबराय गया, आरू घाबरायीन एक दिसरा सी कयनो लागिया, “यो काय हो रयो?”
ACT 2:13 पर दिसरा हिमत करीन कयो, “त्या ते नवलु मोंद पीन मोंदन नशिया मा छे।”
ACT 2:14 पतरस तिनु गियारा क सात मा ऊबो हुयो आरू मोटा बुलो सी कयनो लाग्यो, “ए यहूदि या, आरू ए यरूशलेम क आखा रहवने वाळा, यो जान लेय आरू कान्टा लागाड़ ़ीन म्हारी वात समळी लेय।”
ACT 2:15 जोसो तुमू समझी रया यो नशिया मा नी हय काहकि अब ते तिसरो पहर ही चढ़लो छे,
ACT 2:16 पर यी वात सी जो योएल कागळीयान लारे कहवली छे:
ACT 2:17 यहोवा भगवान यो कहे, कि आखरी दाहड़ा मा असो होयछे, कि हाव मारी आत्मा आखा मनुसो पर रेड़ीस आरू तुमरा पोर्‍या आरू तुमरी पुरायोहन ओगळायती वात कहवसे, आरू तुमरा जुवान्या दर्शन देखसे आरू तुमरा डाहडा सपनो देखसे।
ACT 2:18 या तक हाव म्हारा दास आरू दासियाँ पर तिनु दाहड़ा मा म्हारी आत्मा रेड़ीस, आरू त्या ओगळायती वात करसे।
ACT 2:19 आरू हाव ऊपर सोरग मा मोटा काम, आरू नेड़ो धरती पर सोहलानी, आरू लुहूय, आरू आगठो आरू धुंवाड़ो क वादळो देखाड़ीस।
ACT 2:20 पोरबु क डाहला आरू विजाळा दाहड़ा आवने सी पेहले दाहड़े आंधारो आरू चाँद लुहूय क सारको हुय जाछे।
ACT 2:21 आरू जो कोय पोरबुन नाव लेछे, ओकोत् छुटकारो जोड़से।
ACT 2:22 “ए इस्त्राएली यी वात सोमवु कि ईशु नासरी एक मानुस हुतो जिनाक यहोवा भगवानन तरफ सी हुयने न सोहलानी ओकी सामर्थ्यन काम आरू मोटा काम आरू सोहलानी सी देखाये, जो यहोवा भगवान तुमरे वीच मा ओका लारे देखाड़्यो जिनाक तुमू जानो।”
ACT 2:23 ओको क, जव त्यो यहोवा–भगवानन टाकायली वात आरू गियानोन अनसारे धोराय गियो, ती तुमू अन्याय हात सी कुरूस पर चढ़ावीन मार न्हाखिया।
ACT 2:24 पर ओको क यहोवा–भगवान मोत क बंधन सी छुड़ावीन जीवाड़्यो: काहकि यो नी हयने सारको हुतो कि उका हक मा रहवे।
ACT 2:25 काहकि दाऊद उका बारा मा कहे: हाव पोरबु क जलोमकु म्हार सामने देखतो रयो काहकि त्यो मार जेवड़ा तरफ छे, कि हाव कमजोर नी हुय जाम।
ACT 2:26 इना कारण सी म्हारो मन खुश हुयो, आरू म्हारी जीप खुश हई; बाकुन मारो डील भी आश मा बनलो रहवसे।
ACT 2:27 काहकि तु म्हारा जीव क नरक मा नी छुड़े; आरू नी ते थारा चुखलो जन क सड़ने देय!
ACT 2:28 तु मेखे जीवन न वाट देखाड़्लो छे; “तु मेखे थारा दर्शन क लारे खुशी सी भर देसे।”
ACT 2:29 ए भाईस्यो, दाऊद हाव तिना वेगला डाहडा न बारा मा हाव तुमूक हेमोत न सात कय सकतलू कि त्यो मोर गयो आरू गाड़ ़ाय भी गयो आरू ओको बीड़ो आज तक आज काल मा छे।
ACT 2:30 त्यो कागळीयो होतो, त्यो जानतो होतो कि यहोवा–भगवान तिना छे कसम लेदलो छे, हाव तारा ओवलियाद मा छे एक जन क तारी राजगाद्दी पर बोठाड़ीस।
ACT 2:31 त्यो हुयने वाळी वात क पेहेल देखो देखीन ईशु मसीहन जीवतो होयनेन बारा मा हुयने वाळी ओगळायती वात करियो कि नी ते ओको जीव नरक छुड़ी गयो, आरू नी ओको डील सोड़्यो।
ACT 2:32 इनात् ईशु क यहोवा–भगवान जीवाड़्यो, जिना हामु गवा सी।
ACT 2:33 इने रीति छे यहोवा–भगवानन जेवड़ा हात छे मोटो पद लिन, आरू बास छे ची चुखली आत्मा लेय लिन जेरो प्रतिज्ञा करलो होतो, त्यो यो रेड़ दियो जो तुमू देखु आरू सोमळता होय।
ACT 2:34 काहकि दाऊद ते सोरगदूत मा नी चढ़ियो; पर त्यो आपसु कयता छे, पोरबु मारो पोरबु छे कयो; मारे जेवड़ा बोठ,
ACT 2:35 जव तक हाव तारा दुस्मन क तारा पायो तले न चौकी नी कर दो।
ACT 2:36 हीमि इस्राएल न आखो घरानो सच जान लेय कि यहोवा–भगवान तिना ईशु क जिनाक तुमू कुरूस पर चढ़ावला, पोरबु भी बोनाया आरू मसीह भी।
ACT 2:37 तुमरो सोमळने वाळान कालजो टुट गयो, आरू त्या पतरस आरू दिसरा प्रेरित छे पुछने लागिया, ए भाईस्यो, हामु काय कोरजे?
ACT 2:38 पतरस ओको कयो, “मन न पछातावो करो, आरू तुमरे मा छे आखा जना आपसा–आपसा पापो न माफी जुगु ईशु मसीह नाव छे बपतिस्मा लेय; ती तुमूक चुखली आत्मा न दान जोड़से।
ACT 2:39 काहकि यु वायदो तुमरे, आरू तुमरा पुरिया पारी, आरू तिनु आखा दूर–दूर वाला लोगहन क जुगु भी छे जिनाक पोरबु हामरू यहोवा–भगवान आपसे पास बुलावछे।”
ACT 2:40 त्यो घण सोवटी आरू वात छे भी गवाय दी दीन समझाड़ियो कि आपसा क इनी टेढ़ी जाती छे वाचड़ो
ACT 2:41 इने रीते जोतरा वचन क मान लेदा त्या बपतिस्मा लेदा; आरू तिने दाहड़े तीन हजार मानसोन धोड़े वोड़ ओका मा भेवाय ज्या।
ACT 2:42 आरू त्या प्रेरित छे गियान लेने, आरू भेवा हुयने मा आरू खानो खाने मा आरू विनता करने लागला रया।
ACT 2:43 आरू आखा लोगहन मा बीक भराय गय, आरू घोणा सोवटा मोटा–मोटा काम आरू सोहलानी नेळताळान लारे हुयसे हुता।
ACT 2:44 आरू आखा विश्वास करने वाळा एखटा रहवता हुता, आरू हेनकी सारी चीज साजलाय मा होती।
ACT 2:45 आरू त्या आपसी–आपसी सम्पत्ति आरू समान वेच–वेचीन जोसी जेरी जरूरत रहवतली होती त्या वाट दिया करता हुता।
ACT 2:46 आरू त्या दाहड़ीन एक मन होईन मंडळी मा एखटा हुयसे हुता आरू घर–घर भेळा होईन खानो खातला खुशी छे आरू सुतरे मनन छे खानो खाया करता हुता।
ACT 2:47 आरू यहोवा–भगवानन बढ़ाई करता हुता, आरू सब लोगहन हिन्दरा छे खुश हुयसे हुता; आरू जो छुटकारू लेता हुता, हेनको पोरबु दाहड़ीन भेळा कर देतो होतो।
ACT 3:1 पतरस आरू यहुन्ना तीसरे पहर पर विनता क टेहाव मा मंदिर मा जाय रया हुता।
ACT 3:2 आरू लोगहन एक पैदा वार सी लेंगड़ा भिखारी क लाई रया हुता, जिनाक त्या दाहड़ीन मंदिरन एक झोपला पर जो सुन्दर नाव ना कहवायतो होतो, बठाड़ देता हुता, कि चो मंदिर मा जाने वाळा सी भीख मांगे।
ACT 3:3 जव त्यो पतरस आरू यहुन्ना क मंदिर मा जातला देखियो, ती ओका सी भीख मांगीयो।
ACT 3:4 पतरस यहुन्ना साते उका भेणी धियान सी भाळीयो आरू कयो, “हामरे भुणी भाळ!”
ACT 3:5 आरू त्यो हेका सी काहय मांगनेन आस सी हेनुक देखने लागियो।
ACT 3:6 तव पतरस कयो, “सोनो आरू चाँदी ते मारे पास नी होय; पर जो मार पास सी, त्यो हाव तुखे आपो; ईशु मसीह नासरी न नाव सी चाल पछु।”
ACT 3:7 आरू ओको उका जेवड़ा हात धरिन उको उठाड़ियो; आरू तत्यार मा ओको पायो मा आरू घुटना मा ताकत आय गय।
ACT 3:8 आरू चो उछळीन उबो हय गयो, आरू चालने पुगनेन लागियो; आरू चालतो, आरू कुदतो जाईन आरू यहोवा–भगवानन बढ़ाई करतो जाईन ओको साते मंदिर मा गयो।
ACT 3:9 आखा लोगहन हेको चालतो पुगतो जाईन यहोवा–भगवानन गुण गान करतो देखीन,
ACT 3:10 हेको उळखी लेदा की यो चो सी जो मंदिरन सुन्दर नावन झपला पर बठीन भीख मांगीया करतो होतो; आरू तीनी घटना सी जो हेको सात हय चे घना घाबराय गया।
ACT 3:11 जव त्यो पतरस आरू यहुन्ना क धरी रयो होतो, ती आखा लोगहन घोणा घाबरायता जाईन तिना ओसारा मा जो सुलैमानन कहवायतो सी, ओको पास दोवड़ीन आश।
ACT 3:12 यो देखीन पतरस लोगहन सी कयो, ए इस्त्राएली मानसो, तुमु इना मानुस क देखीन काँ घाबराय रया, आरू हामरे भुणी ओसा काँ देखी रया, ओसा कि हामु हामरी ताकत न शक्ति सी इनाक चालतो पुगतो करिया?
ACT 3:13 अब्राहम आरू इसहाक आरू याकूबन यहोवा–भगवान, हानरा डाहडा न यहोवा–भगवान हेरा ईशुन महिमा करियो, जिनाक तुमु धराय दिया, तव तुमु हेके सामने ईशुन विजोत नीहि करियो। जिनाक तुमूक नि मान्या आरू पिलातुस न हात मा आपी दिदा, जब कि पिलातुस तिनुक छुड़नेन ठराय लेदु।
ACT 3:14 तुमू तिना न्यायी आरू चुखलान क नीहि मानिया, आरू तुमूक यो वारू लागियो कि तुमरे जुगु एक हत्या करने वाळा क छुड़ दियो जाय।
ACT 3:15 आरू तुमु जीवन आपनिया क मार नाखिया, जिनाक यहोवा–भगवान मरेला माईन जीवतो करियो; आरू इनी वात न हामु गवाह सी।
ACT 3:16 आरू हेको नाव ते, तिना विश्वासन लारे जो हेका नाव पर सी, इना मानुस क जिनाक तुमु देखता सी आरू हेको जानू भी त्यो ताकत आपलो सी; आरू पाको सी यो विश्वास ईशुन लारे सी, हेनाक आखा सामने छाछलो वारू आरगो कर दियो।
ACT 3:17 “आरू हीमि ए भाईस्यो, हाव तुमूक जानो कि यो काम तुमू विन ओकल मा करिया, आरू ओसात् तुमरा मास्तरिया भी करिया।
ACT 3:18 पर जिनी वात क यहोवा–भगवान आखा कागळिया न मुय सी पेहलेत देखड़्यो हुता, कि हेरो ईशु मसीह दुःख हाकलसी; त्यो ओको इने रीति सी पूरो करियो।
ACT 3:19 अतरानकरीन मन फिरावो आरू पोछा आवती रवो कि तुमरा पापे मिटाड़्या जाय, जिना सी पोरबुन सामने आरामोन दाहड़ा आवे।
ACT 3:20 आरू त्यो तिना ईशु क मुकले जो तुमरे जुगु पेहेल गथो मसीह ठहरायो गयो सी।
ACT 3:21 पाको सी कि सोरग मा तिने टेहाव तक रहवे जव तक कि त्यो आखी वातन सुधार नी कर लेय जेरी वात विचार पेहला जमाना सी यहोवा–भगवान आपसा कागळीयान मुय सी करलो सी।
ACT 3:22 जोसो की मूसु कहवलु, ‘पोरबु यहोवा–भगवान तुमरे भाईस्यो मा सी तुमरे जुगु म्हार सारको एक कागळीयो क नेवाड़सी, जो काय त्यो तुमरे सी कहवसे हेकी समळजो।’
ACT 3:23 पर आखा मानसी जो तीना कागळीयान नी समवसे, लोगहन मा सी तिनक मार नाखसी।
ACT 3:24 आरू शमूएल सी लागाड़ ़ीन हेके ओलतेन वाला जोतरा कागळिया वात कयो त्या आखा इनु दाहड़ान खबर आपला सी।
ACT 3:25 तुमु कागळीयान ओवलियाद आरू तिनी बांधायली वातन साजलिया सी, जो तुमरा डाहडा सी बांधलो, जव त्यो अब्राहम सी कयो, तारी औवलियादन लारे धरती पर आखा लोगहन बरकत लेसे।
ACT 3:26 यहोवा–भगवान हेका चाकरीयो क नेवाड़ीन पेहेल तुमरे जुवे मुकल्यो, कि तुमरे मा सी आखा क हेकी बुराय सी फिरवीन बरकत आपे।”
ACT 4:1 जव पतरस आरू योहन लोगहन छे कय रया हुता, ती पुजारा आरू मंदिरन राखवाल्या सदूकियो तिनु भुणी आश।
ACT 4:2 त्या घोणा किचवाया कि पतरस आरू योहन ईशुन बारा मा सिखाड़ता हुता आरू मरेला माइन जीवतो होय गयो यी खबर करता हुता।
ACT 4:3 आरू त्या ओको धरीन दिसरे दाहड़े तक जेल खाना मा राखिया काहकि सान्तो रात पोड़ने टेम होय गयली होती।
ACT 4:4 पर वचन सोमळने वाळा माईन घण सवटा विश्वास करिया, आरू ओकी गिनती पाच हजार धोड़े वोड़ मानसे हुता।
ACT 4:5 दिसरे दाहड़े ओसो हुयो कि हेन्दरा आरू सरदार आरू धरम शास्त्री कानुन यरूशलेम मा एखठा होया।
ACT 4:6 आरू डाहला पुजारा हन्ना आरू कैफा आरू योहन आरू अलेक्जेन्द्रिया आरू जतरा डाहला पुजारा क घरो माईन हुता, आखा यरूशलेम मा एखटा होया।
ACT 4:7 त्या पतरस आरू योहन क बीच मा उबाराखीन पुछने लागिया, कि तुमू यो काम काहली ताकत छे आरू कुनीन नाव छे करिया?
ACT 4:8 तव पतरस चुखली आत्मा छे भराइन तिनु छे कयो, “ए लोगहन न सरदारिया आरू डाहडा”
ACT 4:9 इना लेंगड़ा मानुस साते जो भलाईन काम करियो गयो, ने आज तुमू हामरे छे ओका बारा मा पुछताछ कर रया, कि त्यो कोस वारू हुयो।
ACT 4:10 ती तुमू आखा आरू आखा इस्त्राएली लोगहन जान लेय कि ईशु मसीह नासरतन नाव छे जिनाक तुमू कुरूस पर चढ़ाया, आरू यहोवा–भगवान हेको मरला माइन जीवाड़्यो, आरू यो मानुस तुमरे सामने वारू आरगो ऊबो छे।
ACT 4:11 यो ईशु त्योत् दगड़ो छे, जिना दगड़ा क तुमू मिस्त्रियाँ रिकामो बनावला, आरू त्यो कुनान न छिवनियान दगड़ो बन गयो।
ACT 4:12 आरू कोय दिसरान लारे छुटकारू नीहि हुयो; काहकि सोरगदूतन नेड़ो आरू मानुस न वीच मा आरू काहाय दिसरो नाव नी दियो गयो, जिना लारे हामुक छुटकारू जोड़े।
ACT 4:13 जव त्या पतरस आरू यहुन्ना न हेम्मोत क देख्या, आरू यो जानीन कि या भनला नी होय आरू साधारण मानसे नी होय, ती त्या घाबरायने लागिया; आरू हेनुक ऊळखिया, कि या ईशुन साते रहवला छे।
ACT 4:14 पर तिना मानुस क जो वारू होयलो होतो, ओको सात ऊभरहवला देखीन, यहूदि या मानसोक हेका विरोध मा काहय नी कहवायो।
ACT 4:15 बाकी न हेनुक मोटली मिटिंग मा सी बाहर जानेन हुकुम आपिन, त्या आपसु विचार करने लाग्या,
ACT 4:16 हामु इनु मानसो साते काय कोरजे? काहकि यरूशलेम आखा रहवने वाळा पर उजेन्तो छे, की इन्दरे लारे नाव सादाय सोहलानी देखाय गयली छे; आरू हामु हेन्दरो मना नी कर सकजे।
ACT 4:17 पर अतरान करीन कि यी वात लोगहन मा आरू जादा नी सोमवे, हामु ओको बीहाड़जे, कि त्या इनी नाव छे ओळी काहना मानसो छे वात नी करे।
ACT 4:18 तव पतरस आरू योहन क बुलाया आरू धमकी आपिन यो कयो, “ईशुन नाव छे काय झुण बिलता आरू नी ते सिखाड़जु।”
ACT 4:19 पर पतरस आरू यहुन्ना ओको काय जोवाब नीहि आपिया, “तुमूत् न्याय करू, कि काय यो यहोवा भगवान साते वारू छे, कि हामु यहोवा–भगवानन वात क छुड़ीन तुमरी वात न क मानजे?
ACT 4:20 काहकि यो ते हामरे छे नीहि हुयो, कि जो हामु देखिया आरू समळीया, त्यो नी कयजे।”
ACT 4:21 तव त्या हेनुक आरू धमकी आपीन छुड़ दिदा, काहकि लोगहन न कारण छे दण्ड आपने क जुगू ओको काय भी गुणु नीहि जोड़यो, हतरान करिन कि जी घटना होयली होती ओको कारण आखा लोगहन यहोवा–भगवानन बढ़ाई करता हुता।
ACT 4:22 काहकि त्यो मानुस, जिना पर यी आरगाय करने न सोहलानी देखाय गय होती, त्यो चालीस साल सी जादा उमरन होतो।
ACT 4:23 पतरस आरू योहन छुटीन आपसा सात वाळान साते आश, आरू जो काय डाहला पुजारा आरू पुडारिया हेका छे कयो हता, हेको सोमळाड़ दिदा।
ACT 4:24 यो सोमळीन, त्या एक मोन्या होईन जो सी बूलो मा कयो, ए पोरबु तु त्योत् छे जो सोरगदूत आरू धरती आरू दोरियो आरू जो काय हेकाम छे ओकाम छे बोनायो।
ACT 4:25 तु चुखली आत्मान लारे तारा सेवक हामरा बास दाऊद छे कयो, “गैरयहुदी हुलड़ काँ मोचाड़े? आरू देश–देशन लोगहन काँ वायकेड़ा वात विचार करिया?”
ACT 4:26 पोरबु आरू हेका चुखा आरू निवाड़ला न विरोध मा धरती न राजा ऊठ्या, आरू डाहडा एक सात मा एखटा होय गया।
ACT 4:27 काहकि सच तारा सेवक ईशुन विरोध मा, जिनाक तु अभिषेक करियो, हेरोदेस आरू पुन्तियुस पिलातुस भी गैरयहुदी आरू इस्त्राएली साते इना नगर मा एखटा होया,
ACT 4:28 कि जो काय पेहले गथो तारी ताकत आरू मति छे टेहरलो होतो त्योत् करे।
ACT 4:29 हाय ए पोरबु, ओकी धमकी क देख; आरू आपसा दास क यो वरदान आप कि तारा वचन क घोणी हेमोतन करिन सोमळाड़जे।
ACT 4:30 “आरू आरगाय करने जुगु तु तारा हात क बढ़ाव कि सहलानी आरू मोटो–मोटो काम तारा चुखलो सेवक ईशुन नाव छे करियो जाय।”
ACT 4:31 जव त्या विनता कर लेदा, तव त्यो जागो जा सारी त्या एखटा हुता हाल गयो, आरू त्या आखा चुखली आत्मा छे भराय गया, आरू यहोवा–भगवानन वचन हेमत न सात मा सोमळाड़ता रया।
ACT 4:32 आरू विश्वास करने वाळान मंडळी एक जीव आरू एक मनन होती, या तक कि कोय भी आपसा धन क आपसो नीहि कयता हुता, पर सब काय साजलियो होतो।
ACT 4:33 आरू नेळताळा मोटी ताकत छे पोरबु ईशुन जीवतो होयनेन गवाय देता रया आरू तिनु आखान पर मोटी दया होती।
ACT 4:34 आरू ओका मा कोय भी कमजोर नी होतो, काहकि जिना पास जागु आरू घरे हुता, त्या तीनाक वेचीन, वेचायली चीजोन किमत लावतला, आरू ओको नेळताळान पायो मा हावलता हुता।
ACT 4:35 आरू जेरी जोसी जरूरत होतली, उको अनसारे सबन क वाट दिया करता हुता।
ACT 4:36 आरू यूसुफ नावन, साइप्रस न एक लेवी होतो जिनाक नाव नेळताळा बरनबास शांती न पोर्‍या राखिया हुता।
ACT 4:37 ओकी काहय खेती होती, जिनाक त्यो वेचलो, आरू ओकी किमत न रिपिया लावीन नेळताळा न पाय मा हावल दियो।
ACT 5:1 हनन्याह नावन एक मानुस, आरू हेकी घर वाळी सफीरा त्या जागु वेचिया।
ACT 5:2 आरू ओकी किमत मा छे थुड़ी काहय राख लेदा; आरू यी वात हेकी घर वाळी जानती होती, आरू एक वाटो लावीन नेळताळान पाय मा हावल दिदा।
ACT 5:3 बाकीन पतरस कयो, “ए हनन्याह! भुत तारा मन मा यी वात काँ नाखियो कि तु चुखली आत्मा छे झुट कये, आरू धरतीन किमत मा छे काहय दाम तु राख लेय?
ACT 5:4 जव तक ची तारे जुळ रयी, काय ची तारी नी होती? आरू जव वेचाय गय ती ओकी किमत तारे जुळ नी होती? तुने यी वात तारा मन मा काँ सोचियो? तु मानुस क नीहि पर यहोवा–भगवान छे झुठ कयो।”
ACT 5:5 यी वात सोमळीन हनन्याह हिट पड़्यो, आरू जीव छुट गयो; आरू आखा सोमळने वाळा न पर बीक भराय गय।
ACT 5:6 ओळी जुवानिया उठीन हेको सिवड़ो बनाड़े आरू बाहर ली जाईन गाड़ दिदा।
ACT 5:7 ओळतेन तीन घंटा न बाद हेकी घर वाळी, जो काय होयलो होतो नी जानीन, भीतर आवी।
ACT 5:8 तव पतरस हेकेक कयो, “मखे देखाड़ काय तुमू यो जागु हतरात मा वेचिया हुता?” ची कही “हाव हतरा मा।”
ACT 5:9 पतरस हेकेक कयो, “यी काय वात छे, कि तुमू दूयु पोरबुन आत्मा क पारेखने जुगु एक्ठा साजान वात करिया? देखे, तारा घर वाळा क गाड़ ने वाळा झोपला पर ऊबा छे, आरू तुखे भी बाहर ली जाछे।”
ACT 5:10 तव ची उतवाळाय ओको पायो पर हिट पड़ी, आरू जीव छुड़ देदी; आरू जुवानिया माहायता आवीन हेखे मरली देखिया, आरू बाहर ली जाईन हेका घर वाळान साते गाड़ दिदा।
ACT 5:11 आरू आखी मंडळी पर आरू इनी वात क सोमळने वाळा आखा मा बीक भराय गय।
ACT 5:12 नेळताळा न हातो छे घण सोवटा मोटा काम लोगहन वीच मा देखाम पोड़ता हुता, आरू त्या आखा एक मोन्या होईन सुलैमानन ओसारा मा एखटा होया करता हुता।
ACT 5:13 पर ओळी तिनु माईन कोयक यी हेमोत नी होयती होती कि, ओकाम जाईन भेळा हो जाय; ओळी भी बढ़ाई करता हुता।
ACT 5:14 आरू विश्वास करनेवाळा घण सोवटा आखा ओदेमड़ा आरू बाई जात पोरबु मंडळी मा आरू सोवटा आविन हावळता रया।
ACT 5:15 या तक कि लोगहन बीमार मानुस क सयड़क पर लावी–लावीन, खाटला पर लेटाड़ देता हुता, कि जव पतरस आवे, ती हेको साहळोत् उना माईन कोय पर पड़ जाय।
ACT 5:16 आरू यरूशलेमन आड़े धोड़े न नगरो छे भी घोणा सोवटा लोगहन मांदला आरू जिनाक साहळा वेला पाड़ती होती तिनुक लावी–लावीन एखटा हुयसे हुता, आरू आखा क आरगाय जोड़ जाती होती।
ACT 5:17 तव डाहला पुजारा आरू ओका आखा साती जो सदूकियों पंथन हुता किचवाय पड़्या।
ACT 5:18 आरू नेळताळा क धरिन जेल खाना मा बंद कर दिदा।
ACT 5:19 पर राती पोरबुन एक सोरगदूत जेल खानान झोपलो खुलीन हेको बाहर लावीन कयो,
ACT 5:20 “जावु, मंदिर मा उबा होईन, इना जीवनन आखी वात लोगहन क समवाड़ो।”
ACT 5:21 त्या यी सोमळीन भोळ भाको हुयसे मंदिर मा जाईन परचार देने लागिया। पर डाहला पुजारा आरू हेका साती आवीन मोटली मिटिंग क आरू इस्त्राएली आखा डाहडा क एखटा करिया, आरू जेल खाना मा कय मुकलिया कि हेनुक लावे।
ACT 5:22 पर आधिकारिया चाहे पुगीन हेनुक जेल खाना मा नी देखिया, आरू पोछा आवीन खबर करिया,
ACT 5:23 “आरू हानु जेल खाना क घोणा चौक चौळ्या होईन बंद करलो, आरू चोवकीदारिया क बाहर उबा होई रहला देखिया; बाकीन जव झोपलो खुल्या, ती माहयता कोय नी देखाय पोड़्या।”
ACT 5:24 जव सरदार आरू मोटा पुजारा त्या यी वात सोमळया, ती हेन्दरा बारा मा त्या घोणी चिंता मा पोड़ गया कि हेनुक काय हुयो होछे!
ACT 5:25 हतरा मा ओको कोय आवीन कयो, “देखु, जीनुक तुमू जेल खाना मा बंद करला हुता, त्या मानसे मंदिर मा उबरहीन लोगहन क परचार करने लागरिया छे।”
ACT 5:26 तव सरदार, आधिकारियाँन पुठी जाईन, हेनुक ली आश, बाकीन ताकत देखाड़ीन नी लाया, काहकि त्या लोगहन सी बीहतला हुता, हेन्दरे पर दगड़ा नी दी पड़े।
ACT 5:27 तिनुक त्या ओळी लावीन मोटली मिटिंगन सामने उबराख दिया आरू डाहला पुजारा हेनको पुछिया,
ACT 5:28 “काय हामु तुमूक कहीन हुकम नी आपिया कयो हुता, कि तुमू इना नावन परचार झुण करजु? ती भी देखु, तुमू आखा यरूशलेम क तुमरा परचार सी भर दिदा आरू तिना मानुस न लुहूय यो हामरा गळा पर नाखने होय रया।”
ACT 5:29 तव पतरस आरू दिसरा, नेळताळा ओको जोवाब आपिया, मानसोन हुकुम छे जादा यहोवा–भगवानन हुकुम क मान्नो हामरो काम छे।
ACT 5:30 हामरा डाहडन यहोवा–भगवान ईशु क जीवाड़्यो, जिनाक तुमू कुरूस पर चढ़ावीन मार नाखिया हुता।
ACT 5:31 हेकोत् यहोवा–भगवान पोरबु आरू छुड़ावने वावु ठेहरावीन आपसा जेवड़ा हातो छे मोटो करियो, कि त्यो इस्त्राएली न मन फिरावने न आरू पापोन माफी आपे।
ACT 5:32 “आरू हामु इनी वातन गवाह छे, आरू चुखली आत्मा भी, जिनाक यहोवा–भगवान न हेको आपियो छे, जो हेको हुकुम क माने।”
ACT 5:33 यो सोमळीन किचवाय गया, आरू हेनुक मारने करिन उठिया।
ACT 5:34 बाकीन गमलीएल नावन एक फरीसि जो होकदारियु आरू आखा लोगहन हाव नावसादियो होतो, मोटली मिटिंग मा उबो होईन नेळताळा क थुड़ीक वार जुगु बाहरा करने हुकुम आपियो।
ACT 5:35 तव त्यो कयो, ए इस्त्राएली, जो काय इनु मानसो साते करनो सी, चौ सोची समझीन करजो।
ACT 5:36 काहकि इनु दाहड़ा छे पेहल थियूदास यो कहवतो जाईन उठियो, कि हां भी काहय छे; आरू चार सौवन धोड़े वोड़ मानसे हेर साते होय गया, बाकीन तीनाक कोय मार नाखियो; आरू जोतरा मानसे हेके मानता हुता त्या आखा तितर–बितर होईन खतम होय गयला छे।
ACT 5:37 ओळतेन यहूदा नाव लिखने दाहड़ा मा यहूदा गलीली उठ्यो, आरू काहय लोगहन क हेर भेणी कर लेदो; आरू त्यो खतम होय गयो, आरू जोतरा लोगहन हेके मानता हुता, आखा तितर–बितर होय गया।
ACT 5:38 हतरान करिन हाय हाव तुमरे छे कहोम, इनु मानसो सी छेटा रहवु आरू हेका छे काहय काम मा राखु; काहकि यी योजना या यो काम मानसो छे ती मिटाय जाछे;
ACT 5:39 पर जत्यार यहोवा–भगवानन तरफ सी छे, ती तुमू ओको कदी नी मिटाय सकु; काही ओसो नी हुयो कि तुमू यहोवा–भगवान छे लड़ायने वाळा बनो।
ACT 5:40 तव त्या ओकी वात मानी लेदा; आरू नेळताळा क बुलावीन मार खावड़्या; आरू यो हुकुम आपीन छुड़ दिदा, कि ईशुन नाव छे ओळी वात नी करे।
ACT 5:41 त्या इनी वात सी खुश होईन मोटली मिटिंग न सामने सी जात रया, कि हामु ओका नाव जुगु विजोत वाळा बनजे।
ACT 5:42 हेरेन ओळतेन दाहड़ीन, मंदिर मा आरू घर–घर मा, त्या लगातार सिकाड़ता आरू परचार करता हुता कि ईशुत् छुड़ावने वाळो छे।
ACT 6:1 तिनु दाहड़ा मा जव चेला न गिनती बढ़ती गय, तव यूनानी बुली बुलने वाळा इब्रानीया पर किचवायने लागिया कि दाहाड़ीन सेवकाई मा हामरी रंडायली बाई सुधी नी ली जाती।
ACT 6:2 तव तिनु बारा चेलान मंडळी क आपसे पास बुलावीन कयो, “यो वारू नी होय कि हामु यहोवा–भगवान न वचन क छुड़ीन खावाड़ने आरू पिवाड़नेन सेवा मा रहवजे।
ACT 6:3 हेरेन करिन ए भाईस्यो, आपने माईन सात नावन ओदेमड़ा क जो चुखली आत्मा आरू ओकल छे भरायला होय, नेवाड़ लेय, कि हामु ओको इना काम पर ठराय देजे।
ACT 6:4 बाकीन हामु ते विनता मा आरू वचन क सेवा मा लागला रहवसु।”
ACT 6:5 यी वात आखी मंडळी क वारू लागी, आरू त्या स्तिफनुस नावन एक मानुस क जो भुरसा मा आरू चुखली आत्मा छे भरायलो होतो, फिलिप्पुस, प्रुखुरूस, नीकानोर, तीमोन, परमिनास आरू अन्ताकिया वासी नीकुलाउस क जो यहूदि यान मत मा आय गयो होतो। निवाड़ लेदा।
ACT 6:6 आरू हेनुक नेळताळान सामने उबा करिया आरू ओका जुगु प्रार्थना करिन ओका पर हात हावलिया।
ACT 6:7 आरू यहोवा–भगवानन वचन फैलतो गयो आरू यरूशलेम मा चेला न रावन्या जादा बढ़ती गय; आरू पुजारा न एक समाज इना मत न हक मा होय गया।
ACT 6:8 स्तिफनुस दया आरू ताकत छे भराइन लोगहन मा मोटा–मोटा काम आरू सोहलाणी देखाड़तो गयो होतो।
ACT 6:9 तव तिना आराधना घरो माईन जो बांधयला छुटला कहवायती होती, आरू कुरेनी आरू अलेक्जेन्द्रिया आरू किलिकिया आरू आसिया न लोगहन मा छे थुड़ाक उबा होईन स्तिफनुस छे वात विचार करिन जुराका हुयने लागिया।
ACT 6:10 पर तिनी ओकल आरू तिनी आत्मा न जिना छे त्यो वात करतो होतो, त्या सामनो नी कर सकिया।
ACT 6:11 इना पर त्या थुड़ाक लोगहन क भड़काया जो कयनो लागिया, हामु इनाक मूसा आरू यहोवा–भगवानन विरोध मा निन्दा क वात कयता समळीया छे।
ACT 6:12 आरू लोगहन आरू डाहडा आरू ओकल वाळा क भड़कावीन चढ़ीन आश आरू हेके धरीन मोटली मिटिंग मा ली आश।
ACT 6:13 आरू झुठा गवाह उबा होय गया त्या यो कयो, यो मानुस इना चुखलो धरतीन आरू नियम विरोध मा बुलनो नी छुड़ियो।
ACT 6:14 “काहकि हामु हेके यो कयता सोमळीया, कि ईशु नासरत इना जागा क उदार देसे, आरू तिनु रीति क बदली देयगो जो मूसा हामुक आपलो छे।”
ACT 6:15 तव आखा लोगहन जो मोटली मिटिंग मा बठला हुता, हेकी भेणी भालीन हेको मुय सोरगदूत सारको देखिया।
ACT 7:1 तव मटलो पुजारो कयो, “काय या वात छाची सी?”
ACT 7:2 त्यो कयो, “ए भाईस्यो, आरू बासो सोमळो, हामरू बास अब्राहम हारान मा बठने छे पेहेल जव मेसोपोटामिया मा होतो; तव तेजोमय यहोवा–भगवान हेको दर्शन दियो।
ACT 7:3 आरू हेका छे कयो, तु तारो देश तारा घराना छे निकळीन तिना देश मा जा जिनाक हाव तुखे देखाड़ीस।”
ACT 7:4 तव त्या कसदिया न देश माईन निकळीन हारान मा जाईन बस गया; आरू हेका बास न मोरनेन ओळतेन यहोवा–भगवान हेको चाहे छे इना देशम लावीन बसाड़्यो जेकाम अब तुमू रया,
ACT 7:5 आरू यहोवा–भगवान हेको काहय विरासत नी आपियो, बाकीन पाय मेकने पर भी तिना मा जागु नी आपियो, जत्यार वायदो तिनए टेमे हेको कोय नी होतो। ओळी भी वात बांधियो, हाव यो देश, तुखे आरू तारेन ओळतेन तारी ओवलियाद न हात मा कर दिस।
ACT 7:6 यहोवा–भगवान यो कयो, तारी ओवलियाद न लोगहन दिसरा देश मा परदेशी होयछे, आरू त्या ओको चाकरीयो बनावसे, आरू चार सौव साल तक दुःख देसे।
ACT 7:7 ओळी हाव यहोवा–भगवान कयो, जिनी जाति न त्या चाकरीया होयछे, ओको हाव डण्ड आपीस; आरू हेरेन ओळतेन त्या नीकळीन म्हारी सेवा करसे।
ACT 7:8 आरू त्यो हेका छे चामड़ी काटनेन वात बांधियो; आरू इनी दशा मा इसाहक हेका छे पैदा हुयो; आरू आठवे दाहड़े ओकी चामड़ी काटी गय; आरू इसहाक छे याकूब आरू याकूब छे बारा जातिन दाहाड़ा पैदा होया।
ACT 7:9 आरू त्या डाहडा यूसुफ छे किचवाईन हेको मिस्र देश मा जाने वाळान हात वेच देदा; पर यहोवा–भगवान हेको साते होतो।
ACT 7:10 आरू हेको हेका आखा दुःखो छे छुड़ावीन मिस्र राजा फिरौन ओगळ दया आरू ओकल आपियो, त्यो हेको मिसर पर आरू आखा घराना पर राजा न मंत्री बनायो।
ACT 7:11 तव मिस्र आरू कनान न आखा देश मा काळ पड़्यो; जिना छे घण भारी दुःख हुयो, आरू हामरा डाहडा क ओन नीहि जोड़यो होतो।
ACT 7:12 बाकीन याकूब यो सोमळीन, कि मिस्र मा ओनाज सी, हामरा डाहडा पेहली बार मुकलियो।
ACT 7:13 आरू दिसरी बार यूसुफ आपसा भाईस्यो पर देखायतो होय गयो, आरू यूसुफन जाती फिरौन अळी राजा क मालोम होय गय।
ACT 7:14 तव यूसुफ आपसा बास आरू आपसा आखा घराना क, जो सत्तर न पाच मानसे हुता, बुलावो मुकलियो।
ACT 7:15 तव याकूब मिस्र मा गयो; आरू वाँ त्यो हामरा डाहडा मर गया।
ACT 7:16 हेका धोड़ क शेकेम मा पुगाड़ीन तिना बीड़ा मा राखिया, जिनाक अब्राहम चाँदी आपिन शेकेम मा हमोर न ओवलियाद छे मुवे लेदो होतो।
ACT 7:17 “पर जव तिना वायदा क पुरो हुयने न टेम साते आवी, जो यहोवा–भगवान अब्राहम छे करियो होतो, ती मिस्र मा त्या लोगहन बढ़ गया; आरू घणा होय गया।”
ACT 7:18 तव मिस्र मा दिसरो राजा बन्या जो यूसुफ क नी जानतो होतो।
ACT 7:19 त्यो हामरी जाती सी चालाकी सी हामरा डाहडा न सात मा या तक भुण्डो व्यवहार करियो, कि हेनको आपसा नानला पोर्‍या क नाखनो पड़ियो कि यी जाती नी रये।
ACT 7:20 तिने टेहाव मूसा न जनम हुयो; आरू त्यो यहोवा–भगवान न नजर मा घणो घाटळो होतो; आरू त्यो तीन मोहना तक बास न घर मोटो हुयो।
ACT 7:21 बाकि जव नाख दियो गयो ती फिरौन क पोराय हेके उठाय लेदो, आरू आपसो पोर्‍या बनावीन मोटो करी।
ACT 7:22 आरू मूसा क मिसरी आखी विद्या भनाड़ी आरू सिकाड़ी गयो, आरू त्यो वचन आरू कामो मा ताकत वाळो होतो।
ACT 7:23 जव त्यो चाळीस साल न हुयो, ती हेका मन मा आश कि आपसा इस्त्राएली भाईस्यो सी हावळ भेंट करे।
ACT 7:24 आरू त्यो एक मानुस पर अन्याय होयतो देखीन, हेको वाचाड़से, आरू मिसरी क मारीन समवला न बदला लेदो।
ACT 7:25 त्यो सोचिया, कि हेका भाईस्यो समझसे कि यहोवा–भगवान हेका हात सी हिनुक छुटकारू करसी, पर त्या नी समझिया।
ACT 7:26 दिसरे दाहड़े ज्योत्यार इस्राएली आपसा लड़ाई करता हुता, ती त्यो हया पुग गयो; आरू यो कहीन समझाड़ियो, कि ए मानसो, तुमू ते भाई–भाई छे, एक दिसरा पर कहा अन्याय करे?
ACT 7:27 पर जो आपसा साते वाळा न उपर अन्याय करता हुता त्यो हेके यो कही धक्‍का दियो, तुखे कुन हामरे पर डाहलो बनायो आरू नियाव करने वाळो बनायो?
ACT 7:28 काय जीने रीति तु मिसरी क मार नाखियो हावखे भी मारने चाह्यो रयो काय?
ACT 7:29 यी वात सोमळीन, मूसा डास्यो आरू मिद्यान न देश मा बाहर गावलियो बनी रहवने लागियो: आरू चाहे हेका दूय पोर्‍या पैदा होया
ACT 7:30 जव पुरा चाळीस साल वीत गया, ती एक सोरगदूत सीनाय बोयड़ा न जंगल मा हेके धपती हुई झाड़ी न आंच मा दर्शन दियो।
ACT 7:31 मूसा दर्शन देखीन घाबराय गयो, आरू जव देखने क करता ओगळ गियो, ती पोरबु न यी वानी सोमळय दी,
ACT 7:32 हाव तारा डाहडा अब्राहम क यहोवा–भगवान, इसहाक क यहोवा–भगवान आरू याकूब क यहोवा–भगवान छे। तव ते मूसा काप उठियो, या तक कि हेको देखनेन हेमोत नी रयी।
ACT 7:33 तव पोरबु हेको कयो, तारा पायो छे खासड़ा निकाळ ले, काहकि जिना धरती पर तु ऊबो छे, ची चुखली छे।
ACT 7:34 हाव सच आपसा लोगहन कि दुर्दशा क जो म मिस्र मा छे, देखियो छे; आरू हेनकी ओकी आरू हेनको रोड़नो सोमळी लेदलो छे, हेरेन करिन हिनुक छुड़ावने जुगज उतरी आवलो छे। हाय आव, हाव तुखे मिसर मा मुकलिस।
ACT 7:35 जिना मूसा क त्या यो कहीन नकारा हुता, तुखे कुन हामु पर होकदार आरू नियाव करने वाळो बनायो? हेना क यहोवा–भगवान हकदार आरू छुड़ावने वाळो बनायो, तिन सोरगदूत न लारे जो हेको झाड़का मा दर्शन दियो होतो, मुकलियो।
ACT 7:36 यो मानुस मिस्र आरू लाल दरियो आरू जंगल मा चालीस साल तक मोटा–मोटा काम आरू सोहलानी देखाड़ीन–देखाड़ीन हेनको निकाळ लायो।
ACT 7:37 यो त्योत् मूसा छे, जो इस्त्राएली छे कयो, यहोवा–भगवान तुमरा भाईस्यो माईन तुमरे जुगु मार सारको कागळीयो झेलसे।
ACT 7:38 यो त्योत् छे, जो जंगल मा मंडळी न विच मा तिना सोरगदूत क सात सीनाय नावन बोयड़ा पर हेका छे वात करियो, आरू हामरा डाहडा क सात मा हुता, हेकोत जीवतलो वचन जोड़े, कि हामरे तक पुगाड़ ़े।
ACT 7:39 पर हामरा डाहडा हेकी वात मानने नी राजी होया; बाकुन हेको ठुकरावीन आपसा मन क मिस्र भेणी फिरविया,
ACT 7:40 आरू हारून छे कयो, हामरे जुगु ओसा देवता बनाव, जो हामरे ओगळ–ओगळ चाले; काहकि यो मूसा जो हामुक मिस्र देश छे निकाळ लायो, हामुक नी मालोम कि हेको काय हुयो?
ACT 7:41 तिनु दाहड़ा मा त्या एक गाय क केवड्या बनावीन, हेकी मुर्ती न ओगळ बलि चढ़ाया; आरू आपसा हातोन कामो मा मगन हुयने लागिया।
ACT 7:42 शेवली कावा यहोवा–भगवान मुय मुड़ीन हेनको छुड़ दियो, कि त्या सोरगदूत क पुजे, जोसो कागळीयान किताब मा लिखलो छे। ए इस्राएल न घर वाळा, काय तुमू जंगल मा चाळीस साल तक पशु बलि आरू अनबली मखेत काजे चढ़ावता रया?
ACT 7:43 आरू तुमू मालेक न तम्बू आरू रिफान देवता क तारा लिन पुगता हुता, जो कि तिनु मुरतीया क वांदने जुगु बनावलास हुता। शेवली कावा हाव तुमूक बेबीलोन न पले धड़ लिजाईन बसाड़िस।
ACT 7:44 गवाय न तम्बू जंगल मा हामरा डाहडन वीच मा होतो; जोसो त्यो टाकलो, जो मूसा छे कयो, जो तेरेन ओसो तु देखलो छे, हेर अनसारे उको बनाव।
ACT 7:45 तिना तम्बु क हामरा डाहडा वित्या दाहड़ा छे हेर करिन यहोशू न सात मा ले आश; जिने टेहाव कि त्या बार जात पर हक करिया जिनाक यहोवा–भगवान हामरा डाहडा न सामने छे निकाळ दिदो, आरू त्यो दाऊद न टेहाव तक रयो।
ACT 7:46 तिना पर यहोवा–भगवान दया करियो; आरू त्यो रावन्या करियो कि, हाव याकूबन यहोवा–भगवान जुगु रहवने न जागु बनावीस।
ACT 7:47 पर सुलैमान हेके जुगु घर बनायो।
ACT 7:48 पर आखा सी मोटो यहोवा–भगवान हातो सी बनावला घरो मा नी रये, जसो कि कागळिया कयो,
ACT 7:49 पोरबु कये, सोरगदूत म्हारी राजगाद्दी आरू धरती म्हारा पाय न तवे वावी चौकी छे, मार जुगु तुमू कसलो घर बनावसु आरू म्हारो आराम क काहलो जागो होयछे?
ACT 7:50 काय यी आखी चीज म्हारा हातो सी बनावली नी होय?
ACT 7:51 ए एक मोनिया, आरू मन आरू कान्टा न काटायला लोगहन, “तुमू जलोम चुखली आत्मा न विरोध करे। जसा तुमरा डाहडा करता हुता, ओसात् तुमू भी करी रया।
ACT 7:52 कागळिया माईन किनको तुमरा डाहडा नी सताया? आरू त्या तिना न्यायी क पछो आवने न पेहल छे खबर देने वाळा क मार नाखिया, आरू हाय तुमू भी हेको धरावने आरू मार नाखने वाळा होया
ACT 7:53 तुमू सोरगदूत न लारे ठरला नियम ते लिदा पर हेको पाळनी नी करिया।”
ACT 7:54 यी वात सोमळीन त्या रीसवाय गया आरू हेका पर दात ककड़ावने लागिया।
ACT 7:55 पर त्यो चुखली आत्मा छे भराइन सोरगदूत भेणी देखियो आरू यहोवा–भगवान न महिमा क आरू ईशु क यहोवा–भगवान न जेवड़ा तरफ देखीन,
ACT 7:56 कयो, “देखो, हाव सोरग क खुलायलो, आरू मानुस न पोर्‍या क यहोवा–भगवान न जेवड़ा तरफ ऊबो रहवलो देखसु।”
ACT 7:57 तव त्या मोटो बुलो छे आयड़ीन कान्टा बंद कर लेदा आरू आखा एक भेळा होईन हेको झपटिया।
ACT 7:58 आरू हेके नगर न बाहर ली जाईन दगड़ावने लागिया, आरू गवाय मानसे आपसा छिंदरा शाऊल नावन मानुस न पायन धड़ मा ऊतारीन हावलिया।
ACT 7:59 आरू त्या स्तिफनुस क दगड़ावता रया, आरू त्यो यो कहवीन प्रार्थना करतो रयो, “ए पोरबु ईशु, म्हरी आत्मा क मान्य कर।”
ACT 7:60 ओळी घुटना टकीन ऊची ओवाज मा आयड़ियो, “ए पोरबु, यो पाप हेनको उपर मा लागाड़ ़े।” आरू यो कयीन मर गयो।
ACT 8:1 शाऊल स्तिपनुस क मारने मा साजलियो होतो। तिने दाहड़े यरूशलेमन मंडळी पर मोटो विरोध हुयने लागियो आरू नेळताळा क छुड़ीन आखा यहूदि या आरू सामरिया देशो मा तितर–बितर होय गया।
ACT 8:2 आरू भगत लोगहन स्तिफनुस क बीड़ा मा मेलिया; आरू हेका विखाम रोड़िया।
ACT 8:3 पर शाऊल मंडळी क उजाड़ी रयो होतो; घर–घर मा भराइन ओदेमड़ा आरू बाई जात क घीसी–घीसीन जेल खाना मा बंद करतो होतो।
ACT 8:4 बाकीन जो गवन–चवन होय गया हुता, त्या खुश खबर सोमवाड़ता रया।
ACT 8:5 आरू फिलिप्पुस सामरिया नगर मा जाईन लोगहन मा मसीह क परचार करने लागियो।
ACT 8:6 जी वात फिलिप्पुस कयो हेके त्या सोमळीन आरू जी सोहलानी त्यो देखाड़तो होतो हेके देखीन, एक मनीया होईन मन लागाड़ ़ीया।
ACT 8:7 काहकि घण सवटा माईन साहळा मोटी ओवाज से आयड़ती जाईन निकळी गय, आरू घण सवटा लकवान बीमारी वाळा आरू लेंगड़ा भी वारू होय गया।
ACT 8:8 आरू तिना नगर मा घणी मोटी खुशी आवी।
ACT 8:9 हेर से पेहेल तिना नगर मा शमौन नाव न एक मानुस होतो, जो जादू–टोना करिन सामरिया न लोगहन क घबरायीन आरू आपसा क एक मोटो मानुस देखाड़तो होतो।
ACT 8:10 आरू आखा नानला से लगाड़ीन डाहला तक हेकी विजोत करिन कयता हुता, “यो मानुस यहोवा–भगवान ची शक्ति छे, जी मोटी कहवाये।”
ACT 8:11 त्या घणा दाहड़ा से हेनको आपसा जादून कामो से घाबराय रयो होतो, हेरेन करीन त्या हेकेक घोणा मानता हुता।
ACT 8:12 पर जव त्या फिलिप्पुस न वात पर विश्वास करिया जो यहोवा–भगवान क राज आरू ईशु मसीह न नाव क खुश खबर सोमवाड़तो हुतो ती लोगहन, काय ओदेमड़ा, काय बाई जात, बपतिस्मा लेने लागिया।
ACT 8:13 तव शमौन भी आपसु विश्वास करियो आरू बपतिस्मा लिन फिलिप्पुस न सात मा रहवने लागियो आरू सोहलानी आरू मोटा–मोटा ताकत न काम देखीन घाबराय जाता हुता।
ACT 8:14 जव नेळताळा जो यरूशलेम मा हुता यो समळीया कि सामरिया वाळा यहोवा–भगवान न वचन मान लेदा ती पतरस आरू यहुन्ना क हिन्दरे पास मुकलिया।
ACT 8:15 आरू त्या जाईन हिन्दरे जुगु प्रार्थना करिया कि हेनको चुखली आत्मा जड़े।
ACT 8:16 काहकि चुखली आत्मा अब तक कोय पर नी उतरी होती, त्या निस्ता ईशु न नाव से बपतिस्मा लेदा हुता।
ACT 8:17 तव त्या हिन्दरे पर हात मेलिया आरू हेनको चुखली आत्मा जड़ी।
ACT 8:18 जव शमौन यो देखियो कि नेळताळान हात मेलने से चुखली आत्मा जड़ जाय, ती हेनको पास रिपिया लावीन कयो,
ACT 8:19 “यी हक मेखे भी आपो, जिना पर भी हात मेलो चुखली आत्मा तीनाक जड़े।”
ACT 8:20 पतरस हेकेक कयो, तारा रिपिया तारे साते नाश हुयो, काहकि तु यहोवा–भगवान न दान रिपिया मा मुवे लेने न विचार करियो।
ACT 8:21 इनी वात मा नी ते तारो वाटो छे, आरू नी भाग; काहकि तारो मन यहोवा–भगवान न ओगळ सुतरो नी होय।
ACT 8:22 हेरेन करीन आपसी इनी बुराई से मन फिरावीन पोरबु से विनता कर, यो होय सके तारा मनन विचार माफ होय जाय।
ACT 8:23 काहकि हाव देखु, कि तु पित्तन कड़वाहट आरू अन्याय न बन्धन पड़लो छे।
ACT 8:24 शमौन जोवाब दिदो, “तुमू मार जुगु पोरबु से प्रार्थना करो जी वात तुमू कयला छे, तीनी माइन काहय वात मार पर नी आय जाय।”
ACT 8:25 ओळतेन पतरस आरू यहुन्ना गवाय दीन आरू पोरबुन वचन सोमळाड़ीन, यरूशलेम भेणी पोछा गया, आरू सामरिया न घण सवटा गाँवो मा खबर सोमळाड़ता गया।
ACT 8:26 ओवी पोरबु क एक सोरगदूत फिलिप्पुस से कयो, “उठीन दक्षिण भेणी तिनए वाटे जा, यरूशलेम से गाजा नगर क जाय। यो रेत वावु जागु छे।
ACT 8:27 त्यो उठीन चाल दियो, आरू तव कुश देश क एक मानुस आवतो होतो, जो खोजा आरू कुशियो न रानी कन्दाके क मंत्री आरू खजांची होतो, आरू आराधना करने करीन यरूशलेम आवलो होतो।
ACT 8:28 आरू त्यो आपसी घुड़सवारी पर बठलो होतो, आरू यशायाह कागळीयान किताब भणतो जाईन पछो जातो होतो।
ACT 8:29 तव चुखली आत्मा फिलिप्पुस से कयो, साते जाईन इनी घुड़सवारी पुठी होय ले।”
ACT 8:30 फिलिप्पुस हेके भेणी दवड़ियो आरू हेके यशायाह कागळिया न किताब भणतला समळीया, आरू पुछियो, तु जो भन रयो काय हेको तु समझे काय?
ACT 8:31 त्यो कयो, “जव तक कोय मेखे नी समझाड़े ती हाव कसो समझीस?” आरू त्यो फिलिप्पुस से विनता करियो, कि चढ़ीन हेके पास बसे।
ACT 8:32 चुखलो शास्त्रन जो पाठ त्यो भणतो होतो, चो यो होतो: “त्यो गाडरा न सारको मारने करिन वा हेके ली गया, आरू जोसो गाडरो हेका झोटा काटने वाळा क ओगळ हुगो रये, ओसोत् त्यो भी आपसो मुय नी खुलियो।
ACT 8:33 हेकी नरमाय मा हेको नियाव नी हुयो, आरू हेका टेम वाला मानुसो न बारा मा कुण कहवसे? काहकि धरती पर से हेका जीव क उपर उठाय ली जासे।”
ACT 8:34 हतरा मा खोजु फिलिप्पुस से पुछियों “हाव तार से विनता करो, यी वात कागळिया कुनीन बारा मा कयता छे, आपसा बारा मा की दिसरान बारा मा?”
ACT 8:35 तव फिलिप्पुस आपसो मुय खुलियो, आरू इना शास्त्र से शुरू करीन हेको ईशुन खबर समळायो।
ACT 8:36 वाटे चालता त्या जा पानी रये तिना धरती पर गया, तव खोजु कयो देख, “या पानी छे, हांय मेखे बपतिस्मा लेने मा काय रूक छे?”
ACT 8:37 फिलिप्पुस कयो, “कदाम तु पुरे मन से विश्वास करतो होय ती ली सकतलो।” त्यो जोवाब आपियो, “हाव विश्वास करो कि ईशु मसीह यहोवा–भगवान न पोर्‍यो छे।”
ACT 8:38 तव त्यो वाटे घुड़ा गाड़ ऊबो राखने न हुकुम आपियो, आरू फिलिप्पुस आरू खोजु दूय जन पानी मा उतरी गया आरू फिलिप्पुस हेके बपतिस्मा आपियो।
ACT 8:39 जव त्या पानी मा से निकळीन बाहर आया, ती पोरबुन आत्मा फिलिप्पुस क उठाई ली गयो, आरू खोजु हेको ओळी नी देखियो, आरू त्यो खुश होईन आपसे वाटे जाती रयो।
ACT 8:40 पर फिलिप्पुस अजोतॉस मा निकळी आयो, आरू जव तक कैसरिया मा नी गयो, तव तक नगर–नगर मा खबर समळाड़तो गयो।
ACT 9:1 इने टेमे शाऊल पर पोरबुन चेला क सतावने आरू धमकी देने आरू हेनको मारने जो सी चढ़ रयो होतो, त्यो डाहला पुजारा न वा गयो।
ACT 9:2 आरू हेके दश्मिक न आराधना घर न नाव पर इना काम की पत्री मांगीयो कि काय ओदमी होय, काय बाई जात होय, जिनाक त्यो इना पंथ पर हाथ करे हेनको बांधीन यरूशलेम क लावे।
ACT 9:3 पर चालता–चालता जव दश्मिक न साते पुगियो ती एक दम सी वादळा मा सी हेके चार तरफ विजाळो चमकियो,
ACT 9:4 आरू त्यो धरती पर हिट पड़्यो, आरू यो बुल समळीयो, “ए शाऊल, ए शाऊल, तु हावखे काँ सतावे?”
ACT 9:5 शाऊल पुछियो, “ए पोरबु, तु कुन छे?” ईशु जवाब दियो, “हाव ईशु छे; जिनाक तु सतावे।
ACT 9:6 बाकीन हाय उठीन नगर मा जा, आरू जो काय तुखे करनो छे, त्यो तुखे कय दियो जाछे।”
ACT 9:7 जो मानुस हेके साते हुता, त्या हुगा रया काहकि बुल ते त्या समोळता हुता, बाकीन कोय देखाय नी पड़ता होतो।
ACT 9:8 तव शाऊल धरती पर छे उठियो, पर जव डुळा ऊगाड़यो ती हेके काय देखाय नी दियो आरू हेका साती हेको हात धरीन दश्मिक मा ली गया।
ACT 9:9 आरू त्यो तीन दाहड़ा तक देखियो नी, आरू नी खादो नी पीदो।
ACT 9:10 दश्मिक मा हनन्याह नाव न पोरबु क एक चाकरीयो होतो, हेखे पोरबु दर्शन दिधो आरू कयो, “ए हनन्याह! त्यो कयो होव, पोरबु।”
ACT 9:11 तव पोरबु हेके कयो, “उठीन तिनी गळी मा जा, जो सुतरी कहवाये, आरू यहूदा न घर मा शाऊल नावन एक तरसुस वाळो छे हेको पुछ ले काहकि त्यो प्रार्थना कराय रयो,
ACT 9:12 आरू हनन्याह नावन एक मानुस क माहतो आवतो आरू आपसे उपर हात हावलता देखियो; कि त्यो पछु छे देखे।”
ACT 9:13 हनन्याह जवाब दिधो, “ए पोरबु, हाव इना मानुस न बारा मा घणा जन समोळलो छे कि यो यरूशलेम मा तारा चुखलो लोगहन क साते घण मोटी–मोटी बुराई करलो छे;
ACT 9:14 आरू या भी हेको डाहला पुजारा छे यो हक जड़लो छे, कि जो लोगहन तारो नाव लेय, हीनु सबन क बांध लेय।”
ACT 9:15 पर पोरबु हेको कयो, “तु जा काहकि यो ते गैरयहुदी आरू राजान, आरू इस्त्राएली न ओगळ म्हारा नाव क देखाड़ने करीन मारो नेवाड़लो ठिकरो छे।
ACT 9:16 आरू हाव हेको देखाड़ीस, कि मारा नाव जुगु हेको कसो–कसो दुःख झेलनो पड़से।”
ACT 9:17 तव हनन्याह उठीन तिना घर मा गयो आरू हेका पर हात हावलीन कयो, “ए भाईस शाऊल, पोरबु मतलब ईशु, जो तिने वाट्ये जिने छे तु आयो तुखे देखाय दियो होतो, त्यो हावखे मुकेल्लो छे, कि तु ओळी देखे आरू चुखली आत्मा छे भराय जाय।”
ACT 9:18 आरू उतवाळिया हेका डुळा छे छलटान सारको पड़ियो आरू त्यो देखने लागियो आरू उठीन बपतिस्मा लेदो;
ACT 9:19 ओळतेन खानो खादो आरू हेके ताकत जड़ी। आरू त्यो घणा दाहड़ा तक ईशुन चाकरीयो न साते रयो जो दश्मिक मा हुता।
ACT 9:20 आरू त्यो उतवाळीयो आराधना घरो मा जाईन ईशुन परचार करने लागियो, कि ईशु यहोवा–भगवान न पोर्‍या छे।
ACT 9:21 आरू आखा समोळने वाळा घाबराय गया आरू कयनो लागिया, “काय यो त्यो मानुस नी छे जो यरूशलेम मा हेनको जो ईशुन नाव क लेता हुता हेनको मारतो होतो, आरू या भी हतरान करीन आवलो होतो कि हेनको बांधीन मटला पुजारा न वा ली जाय?”
ACT 9:22 पर शाऊल ओळी भी ताकत छे भरायतो गयो, आरू इनी वातन गवाय दी–दीन कि ईशुत छुड़ावने वाळो छे, दश्मिक मा रहवने वाळा यहूदि या न मुय बंद करतो रयो।
ACT 9:23 जव घणा दाहड़ा वीत गया, ती यहूदि या हावळाका होईन शाऊल क मारने न एकु करिया।
ACT 9:24 पर हेनको एकु करनो शाऊल क मालोम होय गयो: कि त्या ते हेको मारने जुगु रात ने दाहड़ु झोपला पर केड़ु होईन रहवता हुता।
ACT 9:25 पर राती हेका चाकरीयो हेकेक ली जाईन खिल्ला मा बठाड़िया आरू शहरपनाह पर रयन लटकाड़ीन उतार दिधा।
ACT 9:26 पर यरूशलेम मा पुगीन त्यो चेलान साते मेळाको हुयने करियो पर आखा हेका सी बीहता हुता, काहकि हेनको विश्वास नी होयतो हुतो कि त्यो भी ईशुन चेलु सी।
ACT 9:27 पर बरनबास शाऊल क आपसे साते ली जाईन आरू नेळताळान त्या ली जाईन हेनको कयो, कि यो काहली रीति छे पोरबु क वाट्ये देखियो आरू पोरबु इना छे वात करियो; कि यो दश्मिक मा कसो हेमोत करीन ईशु न नाव न परचार करियो।
ACT 9:28 शाऊल हेनको साते यरूशलेम मा आवतो जातो रयो।
ACT 9:29 आरू वातड़ो रयन पोरबु क नाव छे परचार करतो होतो; आरू यूनानी बुली बुलने वाळा न साते वात चीत आरू वाद विवाद करतो होतो; पर त्या हेको मारने करीन विचार करने लागिया।
ACT 9:30 यो जानीन भाईस हेको कैसरिया मा ली आश, आरू तरसुस भेणी मुकली दिधा।
ACT 9:31 इने रीति आखा यहूदि या, आरू गलील, आरू सामरिया मा मंडळी क आराम जोड़ियो, आरू हेकी बड़ती होयती गय; आरू त्या पोरबुन बीक आरू चुखली आत्मान शांती मा चालती आरू वदती गय।
ACT 9:32 ओळी असो हुयो कि पतरस हर जागे पुगतो जाईन, तिनु चुखलो लोगहन वा पुगियो, जो लीद्दा मा रहवता हुता।
ACT 9:33 वा सी हेके ऐनियास नावन लखवा सी मांदलो एक मानुस भेटियो, जो आगठा साल सी खाटला मा पड़लो होतो।
ACT 9:34 पतरस हेकेक कयो, “ए ऐनियास! ईशु मसीह तुखे आरगाय आपे उठ, आपसो खाटलो हाकल।” तव त्यो उतवाळीयो उठीन उबो हुयो।
ACT 9:35 आरू लुद्दा आरू शारोन न आखा रहवने वाळा हेके देखीन पोरबु भेणी पुछिया।
ACT 9:36 याफा मा तबीता मतलब दोरकास नावन एक विश्वासी रवती होती, ची घण सवटा वारू काम आरू दान दिया करती होती।
ACT 9:37 उन दाहड़ा मा त्या मांदी हुय गय आरू मर गय; आरू त्या लोगहन उको उंगवावीन अटारी पर मेल दिदा।
ACT 9:38 “आरू अतरानकरीन कि लीद्दा याफा न सातले होतो; चाकरीयो यो समळीन कि पतरस वा छे त्या दूय मानुस क मुकलीन रावन्या करी, कि हामरेन वा आवने मुड़ो मा हुयो।”
ACT 9:39 तव पतरस उठीन हेनको सात मा आयो, आरू जव त्यो वा पुगियो, ती त्या हेके तिनी अटारी दर ली गया। आरू रंडायली बाई रोड़ती जाईन, पतरस न धड़े आवीन ऊबो होय गय आरू जो सुटर आरू छिंदरा जो दोरकास हेको सात मा रहवीन बनावलो होतो, देखाड़ने लागी।
ACT 9:40 तव पतरस सबन क बाहर कर दिधो, आरू घुटना टेकीन विनता करियो; आरू हेको धड़ भेणी भाळीन कयो, “ए तबीता उठ।” तव ची आपसा डुळा उगाड़ देदी; आरू पतरस क देखीन बठी होय गय।
ACT 9:41 त्यो हात धरीन हेको उठाड़ियो आरू चुखलो लोगहन आरू रंडायला न क बुलावीन हेके जीवती आरू जागती देखाड़ दिधो।
ACT 9:42 यी वात आखा याफा मा फैल गय; आरू घणा सवटा पोरबु पर विश्वास करिया।
ACT 9:43 आरू पतरस याफा मा शमौन नावन चामड़ान धुन्दू करनेवाळान वा घणा दाहड़ा तक रयो।
ACT 10:1 कैसरिया मा कुरनेलियुस नावन एक मानुस होतो, इतालियानी नावन पलटनन सूबेदार होतो।
ACT 10:2 वो भक्त होतो, आरू आपसा सब घराने सहावत यहोवा–भगवान सी बीक राखता हुतो, आरू यहूदि मानसोक घण दान देता, आरू बराबर यहोवा–भगवान सी प्रार्थना करता होतो।
ACT 10:3 तीनेत दाहड़ेन तीसरे पहरन निकट दर्शन मा स्पष्ट रूप सी देख कि यहोवा–भगवानन एक सोरगदूत तेरे साथे माहीय आवीन कयता सी, हे कुरनेलियुस!
ACT 10:4 त्यो ओको ध्यान सी देख्य आरू बिहीन कयो, “तारी प्रार्थना आरू तारो दान फोम करता यहोवा–भगवानन सामने पुग्यो सी।”
ACT 10:5 आरू हिमी याफा मा मानसी मुकली शमौनन, जो पतरस कोवयतो सी, बुलवा लेय।
ACT 10:6 वो शमौन, चामड़ान धुदो करनेवाळान याहा पाहंनतराय सी, जेरो घर दरियान धोड़े सी।
ACT 10:7 जव वो सोरगदूत जू ओको वात करी होती चाल गया, ती त्यो दुय चाकरीयो, आरू जो तेरे साथे हजुर रया करता हुता इनुमा सी एक भक्त सिपाहीक बुलाया।
ACT 10:8 आरू तीनुक आखी वात कोवीन याफाक मुकल्यो।
ACT 10:9 दिसरे दाहड़े जव वो चालता–चालता गाँवन साथे पुग्या, ती सिरानदाहडु निकट पतरस छत पर प्रार्थना करने चहड्यो।
ACT 10:10 ओको भुख लागी आरू काही खानो जूवतो होतो, पुन जव वो तीयारी कर रया हुता ती वो बेसुध होय गया।
ACT 10:11 आरू त्यो देख्यो कि सोरग उगड़ी गयो; आरू एक पात्र मोटी चादरान समान चार खुना सी लटकाड़ता होया, कोवीन चा रयन उतर रया सी।
ACT 10:12 जिन मा धरती आखा प्रकारन चौपा आरू रेंगनेवावा जन्तु आरू सोरगदूतन चिल्ला हुता।
ACT 10:13 ओको एक ओसो ओवाज सोमवाय दिदो, “हे पतरस उठ, मार आरू खा।”
ACT 10:14 पुन पतरस ने कयो, “नी पोरबु कदी नी; काहकि हाव ने कदी काही विटुळ या विटळ चिज नी खाय सी।”
ACT 10:15 ओवी दीसरी बार यी ओवाज सोमवाय दिदो, “जो काही यहोवा–भगवान ने चुखो ठराय सी, ओको तु विटळ मा कय।”
ACT 10:16 तीन कावा ओसो ही हुयो; तव तत्काल वो पात्र सोरग पर उठाड़ ली गयो।
ACT 10:17 जव पतरस आपसा मन मा दुविधा मा हुता, कि यो दर्शन जो हाव ने देख्य काय हो सकता सी, ती देखु वो मानुस जीनुक कुरनेलियुस ने मुकल्या हुता, शमौनन घरन पतु लगाड़ीन झपला पर आवीन उबा होया।
ACT 10:18 आरू आयड़ीन पूछने लाग्या, “काय शमौन जो पतरस कोवायतो सी, योही पाहंनतराय सी?”
ACT 10:19 पतरस तो ओको दर्शन पर सुच ही रया हुता, कि आत्मा ने ओकासी कयो, “देख, तीन मानसी तारी हेर मा सी।
ACT 10:20 शेवली कावा उठाड़ीन नेचो जा, आरू नि: संका इन्दरे साथे होय ले; काहकि हाव ही ने तीनुक मुकल्या सी।”
ACT 10:21 तव पतरस ने उतरीन इन मानसो सी कवो, “देखु, जेरी हेर तुमू कर रया होय, वो हाव ही सी। तुमरे आवनेन काय कारण सी?”
ACT 10:22 तीनुक कयो, “कुरनेलियुस सूबेदार जो न्यायी आरू यहोवा भगवान सी बीक राखतो आरू सब यहूदि जाति मा सुनाम मानसी सी, त्यो एक चुखलो सोरगदूत सी यो निर्देश देख्य सी कि तुखे आपने घर बुलावीन तुखे सी वचन सोमवाया।”
ACT 10:23 तव त्यो तीनुक माहीय बुलावीन तीन्दरी पाहंतराय कर्‍या। विश्वासी माईन काहय तिन्दरे पुठी चालिया दीसरे दाहड़े वो तींदरा साथे गया, आरू याफान भाईस्यो मा सी काही तेरे साथे होय गया।
ACT 10:24 दिसरे दाहड़े वो कैसरिया पुग्या, आरू कुरनेलियुस आपने घराना आरू मोंगावु दोस्तोक एखठा करीन इन्दरी वाट जूय रया हुता।
ACT 10:25 जव पतरस माहीय आय रया होतो, ती कुरनेलियुस ने ओका सी भेंट करी, आरू ऐरा पाय पर पड़ीन ओको नमस्कार कर्‍या।
ACT 10:26 पुन पतरस ने ओको उठाड़ीन कयो, “उभु होय, हाव भी तो मानुस सी।”
ACT 10:27 आरू अतरान करीन साथे वातचीत करता होया माहीय गया, आरू घण सी मानसोन एखठा देखीन।
ACT 10:28 त्यो कयो, “तुमू जानता होय कि बाहरजातीयान संगति करने या तेरे याहा जाने यहूदि न करता अन्याय सी, पुन यहोवा–भगवान ने मखे देखाड्य सी कि काही मानसोक विटुळ या विटळ नी कोवु।”
ACT 10:29 अतरान करीन हाव जव बुलाया गया ती बिना काही कये चाल आश। हिमी हाव पूछता सी कि मखे काही कामन करता बुलाया गया।
ACT 10:30 कुरनेलियुस ने कयो, इनी घड़ी, पूरो चार दाहड़ा होया, हाव आपने घर मा तीसरे पहर प्रार्थना कर रया हुता; ती देखु, मानुस चमकीला लुगड़ा पेहर्‍या हुयो मारे सामने आवीन उबो हुयो।
ACT 10:31 आरू कयनो लाग्या, हे कुरनेलियुस, तारी प्रार्थना सोमवी लेदी गयी सी तारो दान यहोवा–भगवानन सामने स्मरण कर्‍या गया सी।
ACT 10:32 अतरान करीन कुदाक याफा मुकली शमौनन जो पतरस कहवाये सी, बुला। वो दरियान धोड़े शमौन, चामड़ान धुदो करनेवाळान घर मा पाहंनतराय सी।
ACT 10:33 तव हाव ने तत्काल तारे साथे मानसी मुकलीस, आरू तु ने भला कर्‍या जो आय गया। हिमी हामु आखा याहा यहोवा–भगवानन सामने सी, ताकि जो काही यहोवा–भगवान ने तुखे सी कयो सी ओको सोमव्या।
ACT 10:34 तव पतरस ने कयो, हिमी मखे छाचो हुयो कि सचमा यहोवा–भगवान कुदान पक्ष नी करता।
ACT 10:35 वरना हर जाति मा जो ओका सी बिहता आरू न्यायन काम करता सी, वो ओको भाता सी।
ACT 10:36 जो वचन त्यो इस्त्राएलन साथे मुकल्या, जव त्यो ईशु मसीहन द्वारा जो आखान पोरबु सी शांतीन खुश खबर सोमवाया।
ACT 10:37 वो वचन तुमू जानता होय, जो यहुन्ना न बपतिस्मा खबरन ओतेन गलील सी शुरू हईन सब यहूदि या मा पसरी गयो।
ACT 10:38 यहोवा–भगवान ने काही रीति सी ईशु नासरी चुखलो आत्मा आरू शक्ति सी अभिषेक कर्‍या; वो भलाई करता आरू आखान जो शैतानन सतायो हुयो होतो, वारला करे, काहकि यहोवा–भगवान इन्दरे साथे होतो।
ACT 10:39 हामु इन कामन गवा सी; जो यहूदि यान देश आरू यरूशलेम मा भी कर्‍या, आरू तीनुक ओको कुरूसन काठ पर लटकाड़ीन
ACT 10:40 तेरो यहोवा–भगवान ने तीसरे दाहड़े जीवाड्यो, आरू प्रगट भी कर दिया सी।
ACT 10:41 आखा मानसो पर नी वरना इन गवा पर जीनुक यहोवा–भगवान ने पेहल सी त्योन लेदो होतो, एणे हामु पर जे अतरान करीन मरला होया मा सी जीवन उठने ओतेन अतरान करीन साथे खाय पीय।
ACT 10:42 आरू त्यो हामु हुकुम आपी कि मानसो मा खबर करू आरू गवा देवु, कि यो चो सी जिन यहोवा–भगवान ने जीवतलान आरू मरला होयाक न्यायी ठेरायो सी।
ACT 10:43 तारी सब भविष्यवक्ता गवाय देता सी कि जो काही ओको पर विश्वास करसी, अतरान करीन ऐरेत नावन द्वारा पापन माफी क मिवसी।
ACT 10:44 पतरस यी वात कय ही रीयो होतो कि चुखलो आत्मा वचन क आखा सोमवनेवावा पर उतर आयो।
ACT 10:45 आरू जोतरा खतना कर्‍या होया विश्वास पतरसन साथे आश हुता, वो आखा चकित होया कि गैरयहुदी पर भी चुखलो आत्मान दान रेड़ गय सी।
ACT 10:46 काहकि चे तीनुक भाति भातिन भाषा बुलता आरू यहोवा–भगवानन बढ़ाई करता सोमव्या इन पर पतरस ने कयो।
ACT 10:47 “काय काही पानीन रूकी सकता सी कि यो बपतिस्मा नी देखे, चे हामरे समान चुखलो आत्मा देख्या सी।”
ACT 10:48 आरू त्यो हुकुम देदी कि तीनुक ईशु मसीहन नावन बपतिस्मा देतु जाय। तव चे त्या ओका सी रावन्या करी कि काही दाहड़ा आरू अतरान करीन साथे रवु।
ACT 11:1 पछो प्रेरितन आरू भाईस्यो ने जो यहूदि या मा हुता सोमव्या कि गैरयहुदी ने भी यहोवा–भगवानन वचन मान लेदा सी।
ACT 11:2 शेवली कावा जव पतरस यरूशलेम मा आश ती खतना कर्‍या होया मानसे तीना सी वाद करने लाग्या।
ACT 11:3 “तु ने खतनारहित मानसोन याहा जाईन तींदरा साथे खादा।
ACT 11:4 तव पतरस ने तीनुक शुरू छे एक एक कय सोमवाया।
ACT 11:5 “हाव याफा नगर मा प्रार्थना कर रयो होतो, आरू बेसुध हईन एक दर्शन देख्य कि एक पात्र, मोटलो चादरान न समान चार लुहूय या छे चसटाड्या होया, आकाश छे उतरीन मारे साथे आयो।
ACT 11:6 जव हाव तिना पर धियान करियो, ती धरती परून चार पाय वाळा आरू वन मा वाळा जनवार आरू रगड़ाईन चालनिया जन्तु आरू सोरग न चिल्ला क देखियो।
ACT 11:7 आरू यी ओवाज समळीयों, ‘ए पतरस उठ मार आरू खा।’
ACT 11:8 हाव कयो, नी पोरबु, नी; काहकि कोय विटळ आरू चीज म्हारा मुय मा हाव कदी नी गयी।
ACT 11:9 हेरा जवाब मा आकाश सी ओळी ओवाज आवी, ‘जो–जो काय यहोवा–भगवान चुखो बनावलो सी, हेको विटळ मा कहे।’
ACT 11:10 तीन वार तक असोत् हुयो; तव आखो काय पोछो आकाश मा हापकी लेदो गयो।
ACT 11:11 तव उतवाळीया तीन मानुस जो कैसरिया सी म्हारेन चाँ मुकलीयों हुता, तिना घर मा जिना मा हामु हुता, आवीन ऊबा होया।
ACT 11:12 तव आत्मा हाव से ओका साथे बिंदास चालने कयो, आरू या छव: भाईस भी मार साथे चाल देदा; आरू हामु तिना मानुस क घर मा गया।
ACT 11:13 आरू त्यो देखाड़ियों, कि हाव एक सोरगदूत क मार घर मा ऊब रहवलो देखियों, जो म्हार छे कयो, ‘याफा मा मानछेक मुकलीन शमौन पतरस कहवाये हेको बुलाय ले।
ACT 11:14 त्यो तुखे असी वात कहयसे, जिना लारे तु आरू तारा घरानो क छुटकारो होयछे।’
ACT 11:15 जव हाव वात करने लागियो, ती चुखली आत्मा हेनको उपर हिने रीति उतरी, जिने रीति छे शुरू मा हामरे पर उतरी होती,
ACT 11:16 तव हावखे पोरबुन त्यो वचन फोम आयों; जो पोरबु कहवलु, ‘बपतिस्मा देनेवावो यहुन्ना ते पानी छे बपतिस्मा दिदो, पर तुमू चुखली आत्मा छे बपतिस्मा लेसु।’
ACT 11:17 शेवली कावा यहोवा भगवान हेनको भी दान दिधो, जो हामुक पोरबु ईशु मसीह पर विश्वास करने छे जड़ियो; ती हाव कुन होतो जो यहोवा–भगवान क रूक सकतो होतो?”
ACT 11:18 यह समळीन, त्या हुगा रया, “आरू यहोवा–भगवानन बढ़ाई करीन कयनो लागिया” तव ते यहोवा–भगवान ही गैरयहुदी क जीवन जुगु मन फिरावनेन दान दिधो।
ACT 11:19 जो लोगहन तिना दुःख छे जो स्तिफनुस क कारण छे पड़लो होतो, तीतर–बितर होय गया हुता, त्या पुगता–पुगता फीनीके आरू साइप्रस आरू अन्ताकिया मा पुगिया; पर यहूदि या क छुड़ीन आरू कोयक नी समळाड़ता हुता।
ACT 11:20 पर हिन्दरे माईन थुड़ाक साइप्रस वासी आरू कुरेनी हुता, जो अन्ताकिया मा आवीन यूनानीयाक भी पोरबु क खबर न वात समळाड़ने लागिया।
ACT 11:21 आरू पोरबु न हात हेनको उपर होतो, आरू घण सवटा लोगहन विश्वास करिन पोरबु भेणी फिरीया।
ACT 11:22 तव हेनकी चर्चा यरूशलेम न मंडळी क समळने मा आवी, आरू त्या बरनबास क अन्ताकिया मा मुकलिया।
ACT 11:23 त्यो हया पुगीन, आरू यहोवा–भगवान न दया क देखीन खुश हुयो; आरू सबन क भाषण दिधो कि मन लागाड़ीन पोरबु छे लिपटीन रहवो।
ACT 11:24 काहकि त्यो एक वारलो मानुस होतो; आरू चुखली आत्मा आरू विश्वास छे भरायलो होतो; आरू घण सवटा लोगहन पोरबु मा आवीन भेसकाय गया।
ACT 11:25 तव त्यो शाऊल क हेरने करीन तरसुस भेणी जाती रयो।
ACT 11:26 आरू जव हेनको हावळियो ती हेके अन्ताकिया मा लायो आरू असो हुयो कि त्या एक साल तक मंडळी न साते हावळता आरू घण सवटा लोगहन क शिक्षा देता रया, चाकरीयो आखा छे पेहल अन्ताकिया मा मसीह कहवाया।
ACT 11:27 तिनु दाहड़ा मा काय कागळिया यरूशलेम सी अन्ताकिया मा आश।
ACT 11:28 हेनु माईन अगबुस उबो होईन आत्मा न अगवाय छे यो देखाड़ियो, कि आखी कोळ जुग मा अकाल पड़से, आरू त्यो अकाल क्लौदियुस न टेहाव पड़से।
ACT 11:29 तव चेला विचार करिया कि हर एक जन आपसा–आपसा धनन अनसारे यहूदि या मा रहवने वाळा भाईस्यो न सेवा जुगु काहय ली मुकले।
ACT 11:30 आरू त्या असात् करिया; आरू बरनबास आरू शाऊल न हाते डाहडा न पास काहय ली मेलिया।
ACT 12:1 तिनु दाहड़ा मा राजा हेरोदेस मंडळी न काहय लोगहन क दुःख देने करीन बन्दी बनाय लिधो।
ACT 12:2 हेरोदेस यहुन्ना भाईस याकूब क तलवार सी माराय दिधो।
ACT 12:3 जव त्यो देखियो, कि यहूदि लोगहन इना सी खुश हुयो, ती त्यो पतरस क भी धर लिधो। त्यो दाहड़ो अखमीरी रोटा दाहड़ो होतो।
ACT 12:4 आरू त्यो हेके धरीन जेल खाना मा बंद कर दिदो, आरू राखवाळी करने करीन, चार–चार क चार टेहाव रखियो, इने विचार सी कि फसहन ओळतेन हेको लोगहन न सामने लावे।
ACT 12:5 जेल खाना मा पतरस न राखवाळी होय रया होती; बाकीन मंडळी जो सी लगाड़ीन एक मन सी यहोवा–भगवान सी प्रार्थना करती होती।
ACT 12:6 आरू जव हेरोदेस पतरस क हेनको सामने लावने वाळो होतो, ती तिने राती पतरस साकळिया सी बांधायलो, दुय सिपायड़ा न वीच मा सुवतो होतो; आरू झोपला पर राखवाळिया हेकी राखवाळी करी रया हुता।
ACT 12:7 तव पोरबुन एक सोरगदूत आवीन ऊबो हुयो आरू तिनी खुली मा विजाळो चमकियो, आरू त्यो पतरस न पासळी पर हात दीन हेको जागाड़यो, आरू कयो, “उठ, तावनी कर।” आरू हेका हातो सी साकळ खुलीन नेची पड़ गयी।
ACT 12:8 तव सोरगदूत हेको कयो, “कमर बांध, आरू आपसा खासड़ा पेहरले।” त्यो असोत् करियो, ओळी सोरगदूत पतरस सी कयो, “आपसा छिंदरा पेहरीन मार पछोळ आव।”
ACT 12:9 पतरस निकळीन सोरगदूत न पछोळ चाल पड़ियो; पर यो नी जानतो होतो कि जो काय सोरगदूत कर रयो, चो छाचो सी, बाकीन यो समझियो कि हाव दर्शन देख रयो।
ACT 12:10 तव त्या पेहले आरू दिसरे पहर सी निकळीन तीना लुहड़ान झोपला पर पुग गया, जो शहर भेणी सी। त्यो झपलो हेनको जुगे आपसूत् सी आपसु खुल गयो, आरू त्या निकळीन एकुत् गळी माईन गया, अतरा मा सोरगदूत हेको छुड़ीन जात रयो।
ACT 12:11 तव पतरस चोकचौळियो होईन कयो, “हांय हाव छाची जान लेदो कि पोरबु हेका सोरगदूत मुकलीन हावखे हेरोदेस न हात सी छुड़ाय लिदो आरू यहूदि या न आखा भुरसाक तुड़ दिदो।”
ACT 12:12 आरू यो सोचीन, त्यो तीना यहुन्ना माय मरियम न घर आयो, जो मरकुस कहवाये। वा घण सवटा मानसी एखटा होईन प्रार्थना करता हुता।
ACT 12:13 जव त्यो झोपला न खड़की ठुकियों ती रूदे नाव न एक चाकरीया समळने आवी।
ACT 12:14 आरू पतरस न बुल ओळखीन, ची खुशी सी झपलो नी खुली बाकीन दवड़ीन माहय गयी, आरू कयी कि पतरस झोपला पर उबो सी।
ACT 12:15 त्या घर वाळा चाकरीयाक कयो “तु गांडी सी।” बाकीन ची वातड़ी होईन कयी कि असोत् सी तव त्या कयो, “हेको सोरगदूत हसे।”
ACT 12:16 बाकीन पतरस झपलो ठुकतो रयो ओळतेन त्या खड़की खुलिया, आरू हेके देखीन वाहराय गया।
ACT 12:17 तव पतरस हेनको हात सी सहलानी दिदो कि हुगा रये; आरू हेनको देखाड़ियो कि पोरबु कसो हेको जेल खाना मा सी निकाळ लायो। ओळी कयो, याकूब आरू भाईस्योन क यी वात कय देजो। तव निकळीन दिसरे जागे जात रयो।
ACT 12:18 भोळ भाका मा सिपायड़ा घण मोटी हलचल हुयने लागी कि पतरस काँ गयो।
ACT 12:19 जव हेरोदेस हेको पुछताछ करने लागियो आरू हेके नी जोड़ियो, ती राखवाळिया क जाच करीन हुकुम दिदो कि राखवाळी करने वाळा सिपायड़ा क मार नाखे; आरू त्यो यहूदि या क छु़ड़ीन कैसरिया मा जाईन रहने लागियो
ACT 12:20 हेरोदेस सोर आरू सीदोनन लोगहन सी घणो नराज होतो। तव त्या एक मनीया होईन हेरोदेस न वा आश आरू बलास्तुस क जो राजा न चाकरीयो हुतो, हेको मनवीन हावळती करने करिया; काहकि राजान देश सी हेनका देश न पाळन पुषन होयतो होतो।
ACT 12:21 टाकले दाहड़े हेरोदेस राजन छिंदरा पेहरीन राज गाद्दी पर बोठियो; आरू उन लोगहन आखो देखाड़ने लागियो।
ACT 12:22 आरू लोगहन आयड़ी उठिया, “यो ते मानुस क नी भगवान न बुल सी।”
ACT 12:23 तिना टेम मा पोरबु न एक सोरगदूत तत्यारूत् हेको दुःख दिदो, काहकि त्यो यहोवा–भगवानन महिमा नी करियो आरू हेका डीलो मा किड़ा पड़ गया आरू त्यो मर गयो
ACT 12:24 पुन यहोवा–भगवान क वचन बढ़ता आरू फैलाता गया।
ACT 12:25 जव बरनबास आरू शाऊल आपसी सेवा पुरी कर चुका ती यहुन्ना क जो मरकुस कहवाये, पुठी लीन यरूशलेम सी पोछा आश।
ACT 13:1 अन्ताकिया न मंडळी मा थुड़ाक कागळिया आरू शिक्षा देने वाळा हुता; मतलब बरनबास आरू शमौन जो नीगर कहवाये; आरू लुकियुस कुरेनी आरू चौथाई देश न राजा हेरोदेस न दुधभाईस मनाहेम आरू शाऊल।
ACT 13:2 जव त्या उपवास करीन पोरबुन भक्ति करता हुता, ती चुखली आत्मा कयी, मार जुगु बरनबास आरू शाऊल क तीना काम जुगु अलग करो जिना जुगु हाव हेनको बुलावलो सी।
ACT 13:3 तव त्या उपवास आरू विनता करीन आरू हेनको उपर हात हावलीन हेनको मुकली दिदा।
ACT 13:4 शेवली कावा त्या चुखली आत्मा न मुकेलने सी सिलुकिया गया; आरू वा सी जाहाज पर चढ़ीन साइप्रस भेणी चालिया।
ACT 13:5 आरू सलमीस मा पुगिन, यहोवा भगवान, क वचन यहूदि या न आराधना घरो मा समळाड़ियो; आरू यूहन्ना हेनका चाकरीयो होतो।
ACT 13:6 आरू तिना आखा टापु मा सी होईन, पाफुस तक पुगिया। हया हेनको बार–ईशु नामक एक यहूदि जादू टुना आरू झुठी ओगवायती वात करने वाळो कागळीयो हावळियों।
ACT 13:7 आरू होकदार सिगियुस पौलुस न साते होतो, जो अकाल वाळो मानुस होतो। त्यो बरनबास आरू शाऊल क आपसी पास बुलावीन यहोवा–भगवान न वचन समळावने चाहतलो।
ACT 13:8 बाकीन एलीमास जादूगर हेनको सामनो करीन, होकदार क विश्वास करने सी रूकने चाहतलो।
ACT 13:9 तव शाऊल जिनाक नाव पौलुस भी सी, चुखलो आत्मा सी भराइन हेर तरफ एक सारको भाळीन कयो,
ACT 13:10 ए आखी कपट आरू चालाक सी भरायला शैतान न ओवलियाद, सकल न्यायन दुस्मन, काय तु पोरबु क सुतरी वाट क आड़ी करनो नी छुड़े?
ACT 13:11 हाय देख पोरबुन हात तार पर पड़लो सी; आरू तु थुड़ाक टेहाव तक आंधळो रहीस आरू दाहड़ा क नी देखे। तव तत्काळ धुंदळो आरू आंधारो हेका पर होय गयो, आरू त्यो अथोन अथो टुटळाने लागियो कि कोय हेका हात धरीन ली जाय।
ACT 13:12 तव होकदार जो काय होयलो होतो, देखीन आरू पोरबुन शिक्षा सी घाबरायीन विश्वास करियों।
ACT 13:13 पौलुस आरू हेको साती पाफुस सी जाहाज खुलीन पंफूलिया न पिरगा मा आश; आरू यूहन्ना हेनको छुड़ीन यरूशलेम मा जात रयो।
ACT 13:14 आरू पिरगा सी ओगा जाईन पिसिदिया न अन्ताकिया मा पुगिया; आरू आराम न दाहड़े मंदिरो मा जाईन बस गया।
ACT 13:15 व्यवस्था आरू कागळिया न किताब सी भेणनेन ओळतेन मंदिरोन सरदारियाँ हेनके पास कय मुकलिया, “ए भाईस्यो, कदाम लोगहन न शिक्षा जुगु तुमरा मन मा काहय वात होय ती कहवु।”
ACT 13:16 तव पौलुस उबो होईन आरू हात सी सोहळणी आपीन कयो, ए इस्त्राएली, आरू यहोवा–भगवान सी बीक राखने वावा समवु,
ACT 13:17 या इस्त्राएली लोगहन क यहोवा–भगवान हामरा डाहडा क निवाड़ लेदा, आरू जव या मिस्र देश मा परदेशी होईन रहता हुता, ती हेन्दरी बढ़ती होय; आरू ताकत वाळा हातों सी निकाळ लायो।
ACT 13:18 आरू त्यो चाळीस साल तक जंगल मा हेनकी मदत करियो,
ACT 13:19 आरू कनान देश मा सात जातिया क नाश करीन हेनको देश लग–भग साढ़ी चार सौ साल मा हेनकी विरासत मा कर दियो।
ACT 13:20 ओळतेन त्यो शमूएल कागळिया न तक हेका मा न्यायी बने।
ACT 13:21 एरेन ओळतेन त्या एक राजा मांगीया; तव यहोवा–भगवान चाळीस साल जुगु बिन्यामीनन घराना माईन एक मानुस किश क पोर्‍या शाऊल क हेन्दरे पर राजा बनाड़े।
ACT 13:22 ओळतेन हेके अलग करीन दाऊद क हेन्दरो राजा बनाड़े; जिना बारा मा त्यो गवाय आपलो, हावखे एक मानुस, जो यिशै क पोर्‍या दाऊद मारा मनन अनसारे जोड़ गयलो सी त्योत् म्हारी आखी मरजी पुरी करसी।
ACT 13:23 ओकीत् ओवलियाद माईन यहोवा–भगवान म्हारी प्रतिज्ञा बुलन अनसारे इस्राएल क पास एक छुड़ावने वाळाक ईशु क मुकलियो।
ACT 13:24 जिनाक आवने सी पेहेल यहुन्ना आखा इस्त्राएली क मन पछतावान बपतिस्मा क परचार करियों।
ACT 13:25 आरू जव बपतिस्मा देनेवावो यहुन्ना आपसी सीवा पूरी करने पर होतो, ती त्यो कयो, “तुमु हावखे काय समझु? हाव त्यो नी होय! पर देखु मारेन ओळतेन एक आवने वाळो सी, जिना पायन खासड़ा भी छुड़ने भी हाव योग्य नी सी।”
ACT 13:26 ए भाईस्यो, तुमु जो अब्राहम न पोर्‍या सी; आरू तुमु जो यहोवा–भगवान सी बीक राखे, तुमरे जुळ इना उध्दारन वचन आवलो सी।
ACT 13:27 काहकि यरूशलेम मा रहवने वाळा आरू हेन्दरा सरदारिया नी हेके उळखिया आरू नी कागळियान वातक समझिया; जो हर आरामन दाहड़े भणे, हेरेन करीन हेके दोषी बनावीन हेनको पूरो करिया।
ACT 13:28 त्या मार नाखने जुगु त्या हेका मा काय दोष नी देखिया, तेबी पिलातुस सी रावन्या करिया, कि हेनाक मार देय।
ACT 13:29 आरू जव त्या हेका बारा मा लिखली आखी वात पूरी करिया, ती हेके कुरूस पर सी उतारीन बीड़ा मा हावलिया।
ACT 13:30 पर यहोवा–भगवान हेको मरेला माईन जीवतो करियों,
ACT 13:31 आरू त्यो हेनको जो हेका साती गलीली सी यरूशलेम मा आश हुता, घणा दाहड़ा तक देखाम पड़तो गवा रयो
ACT 13:32 आरू हामु तिना बांधायली वातन बारा मा जो डाहडा सी बांधली होती, यो खुश खबर समळने
ACT 13:33 कि यहोवा–भगवान ईशु क जीवाड़ीन, चीत् बांधली वात हामरी ओवलियाद जुगु पुरी करियो; जोसो पिसरा भजन मा लिखलो सी, तु म्हारो पोर्‍या सी; आज हाव तुखे पैदा करलो सी।
ACT 13:34 आरू हेकी इनी रीति सी मरेला माईन जीवाड़ने बारा मा भी कि त्यो कदी नी सड़े, त्यो यो कयलो सी, हाव दाऊद परून चुखली आरू नी टळने वाळी दया तुमरे पर करीस जिनाक हाव वायदो करलो सी।
ACT 13:35 अतरानकरीन त्यो एक आरू भजन मा भी कयलो सी, “तु आपसा चुखलो जन क सड़ने नी देये।”
ACT 13:36 काहकि दाऊद ते यहोवा–भगवानन मरजी न अनसारे आपसा टेहाव मा चाखरी करीन सुय गयो, आरू आपसा डाहडा मा जाईन भेसकाय गयो, आरू सड़ी भी गयों
ACT 13:37 बाकीन जिनाक यहोवा–भगवान जीवाड़ियों, त्यो सड़ियो नी।
ACT 13:38 अतरानकरीन ए भाईस्यो तुमु जान लेय कि ईशु न लारे पापोन माफी क खबर तुमक दि रया सी।
ACT 13:39 आरू जीनी वात सी तुमु मूसान नियम न लारे निर्दोष नी ठहर सकतला हुता, तिना आखा सी विश्वास करने वाळा हेके लारे निर्दोष ठरसे।
ACT 13:40 अतरानकरीन चोकचौळीया रहवो, असो नी हुयो कि जो कागळिया न किताब मा लिखलो सी, तुमरे पर भी पड़े;
ACT 13:41 ए निंदा करने वाळा, देखु, आरू घाबराय होय, आरू मिट जाऊ; काहकि हाव तुमरा दाहड़ा मा एक काम करो; असो काम, कदाम कोय तुमरे सी हेकी चर्चा करे, ती तुमु कदी भी विश्वास नी करसु।
ACT 13:42 हेन्दरे बाहर निकळनेन टेहाव लोगहन हेका सी विनता करने लागे, कि अगला आरामन दाहड़े हामुक यी वात ओळी समळाड़े।
ACT 13:43 आरू जव आराधना घर उठ गय ती यहूदि या आरू यहूदि मत मा आवला भक्त माईन घण सवटा पौलुस आरू बरनबास पोछळ होय लेदा; आरू त्या हेनको वात करीन समझड़िया, कि यहोवा–भगवानन दया मा बनला रहवु।
ACT 13:44 अगला आरामन दाहड़े नगरन आखा लोगहन यहोवा–भगवान क वचन समळने करीन एखठा होय गया।
ACT 13:45 पर यहूदि गर्दी क देखीन किचवाय गया, आरू निंदा करीन पौलुसन वातन विरोध मा कयनो लागिया।
ACT 13:46 तव पौलुस आरू बरनबास निडर होईन कयो, “छाचो सी की यहोवा–भगवान न वचन पेहेल तुमूक समळाड़ियो जातो; बाकीन जव तुमु हेके दूर कर रया, ती आपसा क वारला जीवनन योग्य नी बनावु, ती हाय हामु गैरयहुदी भेणी फिरे।”
ACT 13:47 काहकि पोरबु हामुक यु हुकुम आपलू सी, हाव तुखे गैरयहुदी जुगु विजाळो ठहरावलो सी काहकि तु धरतीन पल धड़े तक छुटकारो क झोपलो हुय।
ACT 13:48 यो समळीन गैरयहुदी खुश हुयो आरू यहोवा–भगवान न वचन न बढ़ाई करने लागिया, आरू जतरा अमर कायान जीवन जुगु ठहरावला हुता, त्या विश्वास करिया।
ACT 13:49 तव पोरबु वचन तुना आखा देश मा फैलने लागियो
ACT 13:50 बाकीन यहूदि या न भक्त आरू कुलीन स्त्रीया क नगरन खास लोगहन भड़कयो आरू पौलुस आरू बरनबास पर झगड़ो करावनो करावने हेनको आपसी सीमा सी बाहर कर दिदा।
ACT 13:51 तव त्या हेन्दरे ओगव आपसा पायन धुवु झाटकीन इकुनियुम मा जात रया।
ACT 13:52 आरू चाकरीयो खुशी सी आरू चुखली आत्मा सी भरायता रया।
ACT 14:1 इकुनियुम मा असो हुयो कि वो यहूदियान इन प्रकार वात करी कि यहूदि आरू यूनानिया दुयू मा छे घण ने विश्वास कर्‍या।
ACT 14:2 पुन विश्वास नी करनेवाला यहूदि या गैरयहुदीन मन भाईहोन विरोध मा भड़काव्या आरू नम मा कपट पैदा कर दिदा।
ACT 14:3 चाँ वार दाहाड़ा तक वा रया, आरू पोरबु भरूसा पर हिम्मतन साथे करीन वात करता हुता; आरू या ओको हाथ करीन सहलानी आरू घण मोटो काम करावीन आपसा फुकट दया वचन पर गवाय देता हुता।
ACT 14:4 पुन नगरन मानसो मा फूट पड़ गय हती, ओका सी रईन कोतरा ते यहूदि यान तरफ आरू कोतरा प्रेरितन तरफ होय गया।
ACT 14:5 पुन जव गैरयहुदी आरू यहूदि ओको विजुत आरू उका पर दगड़ा देनेन करता आपसा मुखिया सहावत ओका पर दोवड़िया,
ACT 14:6 ते चाँ उका वात काजे जान गया, आरू लुकाउनियान लुस्त्रा आरू दिरबे नगरो मा हुता, आरू आस पासन प्रदेश मा डास गया
ACT 14:7 आरू चाँ खुश खबर सोंबवने लाग्या।
ACT 14:8 लुस्त्रा मा एक मानुस बठलु होतु, जु पायोन निर्बल होतु, त्यो जनम रईन लेंगड़ो होतु आरू कदी भी चाल्यु होतु,
ACT 14:9 त्यो पौलुस काजे वात करे सोंब्यु रयु होतु। पौलुस ओको तरफ टक लागाड़ीन देख्यु कि ओका सी आरगाय होयनेन विश्वास सी,
ACT 14:10 आरू जोरदीन ओवाज रईन कयो, “आपसा पायोन दम पर सुधु उबरय जा” तव त्यो कुदकुदीन चालने पुगनेन लाग्यु।
ACT 14:11 मानसी पौलुसन यो काम देखीन लुकाउनियान भाषा मा उचा ओवाज मा कयो, “देवता मानसोन रूप मा होईन हामरे जु उतर आश सी।”
ACT 14:12 हेकेने बरनबास काजे ज्यूस, आरू पौलुस काजे हिर्मेस कयो काहकि त्यो वात करने मा मुखी होतु।
ACT 14:13 ज्यूसन तीन मंदिरन पुजारी जु ओको नगरन सामने होतु, बैल आरू फुलन हार फाटक पर लावीन मानसो साथे बलिदान करने चाहता हुता।
ACT 14:14 पुन बरनबास आरू पौलुस प्रेरितन जेतार यो सोंब्या, ते आपसा छिंदरा फाड़्या आरू गर्दी मा लटक्या, आरू आयड़ीन कयनो लाग्यु,
ACT 14:15 “हे मानसो, तुमू काय कर रिया? हामु भी तो तुमरे समान दुःख सुख भोगी मानुस छे, आरू तुमू खुशीन खबर सोमवाड़जे कि तुमू इन व्यर्थ चीज सी अलग होईन जीवता यहोवा भगवानन तरफ पोछा फिरो जो सोरग आरू धरती आरू दरिया आरू जो काय ओका मा छे बनायो।
ACT 14:16 त्यो गयला टेम मा आखा जातिन आपनो–आपनो वाट मा चालने दिदा।
ACT 14:17 तव त्यो आपसुत् बिगुर गवाय नी छुड़ियो; पुन त्यो वारलो काम करतो रयो, आरू आकाश सी पानी आरू फलवंत वारू आरू सय टेम आपीन तुमरा मन क भोजन आरू खुशी सी भरतो रयो।”
ACT 14:18 यो कयीन भी हेनको मानसो काजे मोटी अड़चन रईन रूकु कि ओको करता बलिदान नी करे।
ACT 14:19 पुन काहय यहूदि अन्तकियान आरू इकुनियुम रईन आवीन मानसो आपसी तरफ कर लेदा, आरू पौलुस काजे दगड़ा करीन दिदा, आरू मर गयु समझीन गाँवन बाहरता घीसड़ीन ली गया।
ACT 14:20 पर जेतार चाँ चेला ओको चार तरफ आवीन उबा होय गया, ते त्यो उठीन गाव मा गयु आरू दिसरे दाहाड़े बरनबास साथे दिरबे काजे जात रयु।
ACT 14:21 चाँ तीन गाँवन मानसो काजे खुश खबर सोंबाड़ीन, आरू बैस चेला बनावीन, लुस्त्रा आरू इकुनियुम आरू अन्तकिया पछा आश,
ACT 14:22 आरू चेलान मन काजे स्थिर करता रवे आरू यो शिक्षा देता हुता कि विश्वास मा बवना रवे; आरू यो कयता सी, “हामुक बैस पीड़ा उठावीन यहोवा–भगवानन राज्य मा भरायने करनो पड़सी।”
ACT 14:23 आरू हेकेने हर एक मंडळी मा ओको करता डाहडा ठहराए, आरू उपवास क सात मा प्रार्थना करीन हेको पोरबु साथे हाथ सौप्या जिना पर हेकोने विश्वास करला हता।
ACT 14:24 जव पिसिदिया रईन जातु–जातु त्यो पंफूलिया पुग्यु;
ACT 14:25 पछो पिरगा मा वचन सोंबाड़ीन अत्तलिया मा आश,
ACT 14:26 आरू चाँ रईन चाँ ढोंडिया पर अन्तकिया गया, जा वा ओका सी कामन करता जो चाँ पुरो करलो हतो यहोवा–भगवानन फोकटन दया मा आपलो हुतो।
ACT 14:27 चाँ पुगीन हेकेने मंडळी एखटा कर्‍या आरू कयो कि यहोवा–भगवान ओको साथे रईन कोसला–कोसला काम करलो, आरू गैरयहुदीन करता विश्वासन झोपलो उघाड़ देदु।
ACT 14:28 आरू चाँ चेलान साथे बैस दाहाड़ा रयु।
ACT 15:1 पछा काहय मानसी यहूदि या रईन आवीन भाईयो काजे सिखावने लाग्या: “यदि मूसान रीति पर तुमरो खतना नी होय ते तुमू उध्दार नी जुड़ सके।”
ACT 15:2 जव पौलुस आरू बरनबास साथे ओको बैस झगड़ु आरू वाद–विवाद होयु ते यो ठहरायो गयो कि पौलुस आरू बरनबास आरू ओकामा रईन काहय व्यक्ति ओकी वातम विषय मा प्रेरितन आरू डाहडा साथे यरूशलेम मा जाय।
ACT 15:3 शेवली कावा मंडळी हेके जराक नांबे तक पुगाड़से; आरू चाँ फीनीके आरू सामरिया रईन जात–जातु गैरयहुदीन मन फिरवनेन खबर सोंबाड़तु गयु, आरू सब भाई बैस खुश हुया।
ACT 15:4 जव चाँ यरूशलेम पुग्यु, ते मंडळी आरू प्रेरित आरू डाहडा उका खुस मा मिवायु, आरू हेकेने कयो कि यहोवा–भगवान ओको साथे होईन कोसला–कोसला काम कर्‍या हुता।
ACT 15:5 पुन फरीसियान पंथ मा रईन जा विश्वास कर्‍या हता, ओका रईन काहय उठावीन कयो, “हेके खतना करावनेन आरू मूसान व्यवस्था माननेन हुकुम देनी आपनो जुवे।”
ACT 15:6 तव प्रेरित आरू डाहडा ओको वातन विषय मा विचार करनेन करता एखठा होया।
ACT 15:7 तव पतरस बैस वाद–विवाद होय जानेन बाद उभु होईन ओका सी कयो, “हे भाईयो, तुमू जानता सी कि बैस दाहाड़ा होया यहोवा–भगवान तुमू मा रईन मखे निवाड़ लेदु कि मार मुयम रईन गैरयहुदी खुश खबर वचन सोंबीन विश्वास करू।
ACT 15:8 मन काजे पारखनेवालु यहोवा–भगवान ओका सी भी हामरे समान चुखलो आत्मा आपीन ओको गवाय देदी;
ACT 15:9 आरू विश्वासन द्वारा ओको मन शुद्ध करीन हामरे मा आरू उका मा काहय भेद नी राख्यु।
ACT 15:10 ते हिमी तुमू काँह यहोवा–भगवानन पारख कर रिया कि चेलान गळा पर ओसलो जुवड़ो राखु, जीनाक नी हामरा बाबदादा उठाड़ सके हुता आरू न हामु उठाड़ सकता सी?
ACT 15:11 होव, आमरो यो छाचो सी कि जीन रीति रईन चाँ पोरबु ईशुन फोकटन दया रईन उध्दार जुड़सी; तीनी रीति रईन हामु भी जुड़सी।”
ACT 15:12 तव सब सभा त्योपचाप बरनबास आरू पौलुसन सोंबवने लाग्या, कि यहोवा–भगवान ओको द्वारा गैरयहुदी मा कोसा मोटा–मोटा सहलानी, आरू घण मोटो काम देखाड़े।
ACT 15:13 जव चाँ चुप होया ते याकूब कयनो लाग्यु, “हे भाईयो, मारी सोंबु।”
ACT 15:14 शमौन कयो कि यहोवा–भगवान पेहल–पेहल गैरयहुदी पर कोसी किरपा नजर करियो कि ओकामा रईन आपसा नावन करीन एक मानुस बनावले।
ACT 15:15 ओका भविष्यवक्तान वात भी मिवती सी, जोसो कि लिखलो सी,
ACT 15:16 ओका बाद हाव अळी पछु आवीन आरू दाऊदन पड़ला तम्बू क अळी उबो करीस, आरू उका उजाड़ जागा क अळी बनावीस, आरू उको उबो करसु,
ACT 15:17 अतरानकरीन वाचला मानुस मतलब सब गैरयहुदी जो म्हार नावन कहवाये, पोरबु काजे हेरो,
ACT 15:18 यो त्यो पोरबु कहवे जु जगत न उबजनो रईन इनी वात न खबर देतो आवलो छे।
ACT 15:19 अतरान करीन मार विचार यो सी कि गैरयहुदी मा रईन जा मानसे यहोवा–भगवानन तरफ रईन फिरता छे, आपो इनुक दुःख नी देनु;
ACT 15:20 पुन ओका लिखीन मोकल्या कि चाँ मुर्ती विटळ आरू व्यभिचार आरू गवा घुटला होयान मास रईन आरू लुहूय यो रईन छेठा रवे।
ACT 15:21 “काहकि पेहला जमानाम रईन गाव–गाव मा मूसान व्यवस्थान खबर करनेवाला हुयसे चालता आय रया सी, आरू त्यो हर आरामन दाहाड़े आराधना घर मा वाच जाती सी।”
ACT 15:22 तव सब मंडळी सहित प्रेरितन आरू डाहडा काजे वारलो लाग्यो कि आपसा मा रईन काहय मानसी काजे निवाड़, मतलब यहूदा जु बरसब्बा कहवाये सी, आरू सीलास काजे जा भाई हो मा मुखिया होतु; आरू हेके पौलुस आरू बरनबास साथे अन्तकिया मोकल्यु।
ACT 15:23 हेकेने ओको हाथमा यो लिख मोकल्यु: “अन्तकिया आरू सीरिया आरू किलिकियान रवनेवाला भाईयो काजे जा गैरयहुदी मा रईन सी, प्रेरितन आरू डाहडा काजे नमस्कार।
ACT 15:24 हामु सोंबवला सी कि हामरेम रईन काही वा जाईन, तुमूक आपसी वातम घाबराय दिदा; आरू तुमरा मन उलटा दी दिदा सी पुन हामु तीनुक हुकुम नी देदु होतु।
ACT 15:25 एरकरीन हामुक एक मनीया होईन ठीक समझिया कि निवाड़या होया मानसो काजे आपसा मोंगावु बरनबास आरू पौलुस साथे तुमरे जु मोकल्यु।
ACT 15:26 या ओसला मानसी सी जा आपनु जीव आमरू पोरबु ईशु मसीहन नावन करता अड़चन मा नाखला सी।
ACT 15:27 अतरान करीन हामु यहूदा आरू सीलास मोकल्या सी, जा आपसा मुयम रईन भी यी वात कय देता सी।
ACT 15:28 चुखलो आत्मा आरू हामुक ठिक जान पड़्या कि इन छाची वात काजे छुड़, तुमू पर आरू वजन नी नाखे;
ACT 15:29 कि मृत्यु पर बली क होयला सी आरू लहू रईन, आरू गवाड़ीन गळो दड़पीन मारला क मास रईन, आरू व्यभिचार रईन सीटु रवु। ओका सीटा रयु ते तुमरो भलो होयसी। ओगव शुभ।”
ACT 15:30 पछो वो हईन अन्ताकिया पुगीयो, आरू आखाक एखठा करीन वो चिठ्ठी आपी।
ACT 15:31 वो चिठ्ठी भनीन ओको शिक्षा करी वात सी घण खुशी होया।
ACT 15:32 यहूदा आरू सीलास ने जो आप भी भविष्यवक्ता होतो, घण वात सी भाईस्योक शिक्षा आपीन स्थिर कर्‍या।
ACT 15:33 वो काही दाहड़ा रोवीन, भाईस्यो सी शांतीन साथे विदा होया कि आपसा मुकलनेवावान साथे जाय।
ACT 15:34 पुन सीलासन वाँ रोवने वारलो लाग्या।
ACT 15:35 पुन पौलुस आरू बरनबास अन्ताकिया मा रया गयो: आरू दिसरा घण सी मानसोन साथे पोरबु न वचन क शिक्षा करता आरू खुश खबर सोमवावता रोवे।
ACT 15:36 कही दाहड़ा बाद पौलुस ने बरनबास सी कयो, जिन–जिन नगर मा हामु ने पोरबु न वचन सोमवाया हुता, आवु, पोछा इनुमा चालीन आपसा भाईस्योन देख कि वो कोसो सी।
ACT 15:37 तव बरनबास ने यहुन्ना न जो मरकुस कोवायतो सी, साथे लेने विचार कर्‍या।
ACT 15:38 पुन पौलुस ने ओको जो पंफूलिया मा इनुसी अलग होय गयो होतो, आरू काम पर इन्दरे साथे नी गया, साथे ली जाने वारलो नी समझिया।
ACT 15:39 शेवली कावा ओसो विवाद उठ्यो कि वो एक दिसरा सी अलग होय गयो, आरू बरनबास, मरकुसन लीन ढोंड्या पर साइप्रस मा चाली गयो।
ACT 15:40 पुन पौलुस ने सीलासन त्योन लेदो, आरू भाईस्यो सी यहोवा–भगवानन फोकटन दया मा सौप दिदा जाईन वाँ सी चाली गया।
ACT 15:41 आरू वो मंडळी स्थिर करता होया सीरिया आरू किलिकिया सी होयतो हुयो निकव्य।
ACT 16:1 पछा चाँ दिरबे आरू लुस्त्रा मा भी गया। वा तीमुथियुस नावन एक चेला होतु, जु एकदान विश्वासी यहूदि यान पोर्‍य होतो, पुन ऐरो बास यूनानी होतु।
ACT 16:2 वो लुस्त्रा आरू इकुनियुमन भाईस्यो मा सुनाम होतो।
ACT 16:3 पौलुसन मरजी होती कि वो अतरान करीन साथे चाले; आरू जो यहूदि मानसी इनु जागा मा हुता ओका कारण त्यो ओको खतना कर्‍या, काहकि चाँ सब जानता हुता, कि ओको बास यूनानी होतु।
ACT 16:4 आरू गाव–गाव जात–जाता चाँ तीन विधिया काजे जो यरूशलेम न प्रेरितन आरू डाहडा ठहराया हुता, माननेन करता हेके पुगाड़ता जाता हता।
ACT 16:5 ओको सारखा मंडळी भुरसा मा वातड़ी हुय गय आरू गिनती मा हर एक दाहाड़े बढ़ती गय।
ACT 16:6 चाँ फ्रूगिया आरू गलातिया प्रदेश मा रईन होईन गया, काहकि चुखलो आत्मा हेके आसिया मा वचन सोंबावने काजे मना कर्‍या सी।
ACT 16:7 हेकेने मुसियान नाट पुगीन, बैतनीया मा जाने चाहे; पुन ईशुन आत्मा हेके जाने नी देदु।
ACT 16:8 शेवली कावा चाँ मुसिया रईन त्रोआस रईन आश।
ACT 16:9 चाँ पौलुस रात मा एक दर्शन देख्यु कि एक मकिदनी मानुस उभु हतु ओका सी रावन्या करीन कय रयु सी, “पार उतरीन मकिदुनिया मा आव, आरू हामरी मदत कर।”
ACT 16:10 ओको या दर्शन देखताच हामु तत्काल मकिदुनिया जाने चाह्यु, यो समझीन कि यहोवा–भगवान हामु काजे हेके खुश खबर सोंबाने करीन बुलाया सी।
ACT 16:11 अतरान करीन त्रोआस सी जाहाज उगाड़ीन हामु सुधी सुमात्राके आरू दिसरे दाहाड़े नियापुलिस मा आश।
ACT 16:12 वा रईन हामु फिलिप्पी पुग्या जा मकिदुनिया प्रांतन खास गाव आरू रोमिन वस्ती सी; आरू हामु इन गाव मा काहय दाहाड़ा तक रया।
ACT 16:13 आराम क दाहाड़े हामु गाँवन फाटकन बाहरता नदिन धोड़े यो समझीन गया कि चाँ प्रार्थना करनेन जागु–जागु होयसी, आरू बठीन इन बायरा चाँ रईन जी एखठी होई होती, वात करने लागी।
ACT 16:14 लीद्दा नावन थुआतीरा गाँवन निव्वा छिंदरा वेचनेवावी एक भक्त बाहर सोमळी रया होती। पोरबुन एरो मन उगाड़ीन वा पौलुसन वात पर मनीया लागाड़यो।
ACT 16:15 जव आपसा घरानान सहावत बपतिस्मा लेदु, ती त्यो हामु काजे विनती कर्‍यु, “यदि तुमू मखे पोरबुन विश्वासी समझो सहावत तो चालीन मार घर मा रहवो” आरू वो हामु मानाड़ीन ली गय।
ACT 16:16 जव हामु प्रार्थना करने जागाम जाय रया हता, ते हामु एक दासी मीवी जिनमा हात भावने वावी विटळ आत्मा होती; आरू भावी कयनो सी आपसा भगवानन करता घण काहय कमाईन लावती हती।
ACT 16:17 वो पौलुस आरू दासी हामरे पछळ आवीन आयड़ने लागी, यो मानुस परमप्रधान यहोवा–भगवानन दास सी, जो हामु उध्दारन मार्गन काहनी सोंमवावता सी।
ACT 16:18 वो घना दाहाड़ा ओसा ही करती रयी; पुन पौलुस दुःखी, आरू पछो उनी विटळ आत्मा सी कयो, तुखे ईशु मसीह नाव रईन हुकुम देता सी कि अतरान करीन मा रईन निकवी जा। आरू चाँ तिनी टेहाव निकवी गय।
ACT 16:19 जव तिनी पुराईन मालिकिया देख्या कि हामरी कमाईन आश जाती रयी, ती पौलुस आरू सीलास सक धरीन चौकी मा पुजारान चाँ धरीन लाया।
ACT 16:20 आरू तीनुक सेना आदीकारी क पास ली गया आरू कयो, या मानसी जा यहूदि सी, हामरा गाँव मा मोटली हालचाल मच रयी सी।
ACT 16:21 आरू ओसी रीतिरिवाज देखाड़ रयी सी, जीनुक ग्रहण करने या मानने हामु रोमियोन करता वारू नी।
ACT 16:22 तव गर्दीम मानसी इन्दरे विरोध मा एखठा होईन चढ़ आश, आरू शासकन इन्दरा छिंदरा फाड़ीन हेड़ीन नाख्या, आरू तीनुक भेद मारनेन हुकुम देदी।
ACT 16:23 घण जबर सड़का दीन त्या हेको जेल मा नाख दिदा आरू सिपायड़ा काजे हुकुम देदी कि तिनुक चौकसी राख्या।
ACT 16:24 त्यो ओसी हुकुम देखीन तीनुक माहय जेल मा राख्यो आरू ओको पाय काठ मा ठुक दिदा
ACT 16:25 आधी रात लग–भग पौलुस आरू सीलास प्रार्थना करता रया यहोवा–भगवानन भजन गाय रया हता, आरू कैदी तीनरी समळी रयो हतो।
ACT 16:26 ओतरा मा एकदम मोठो भुकंप आयो, या तक की जेलन नीव हाल गयी, आरू साठा आखा झोपला उगड़ी गया; आरू आखान बंधन उगड़ी पड्यो।
ACT 16:27 सिपायड़ा जाग उठ्या आरू जेल न झोपलो उगड़्या देखीन समझ्या की कैदी ड़ास गया सी, शेवली कावा त्यो तलवार हापकीन आपने आपसु काजे मार नाखने गयु।
ACT 16:28 पुन पौलुस जोरदीन ओवाजामा आयड़ीन कयो, “आपने आपसु काही हानी मा पुगाड़ ़े, काहकि हामु आखा या सी।”
ACT 16:29 तव वो दिया लागाड़ ़ीन, आरू कापता होया सीलासक आरू पौलुस क ओगव पड़्या।
ACT 16:30 आरू तुमू बाहरता लावीन कयो, हे सज्जनो, उध्दार देखनेन करता हाव काय करो?
ACT 16:31 चे कयो, “पोरबु ईशु मसीह पर विश्वास कर, ती तु आरू तारा घरानान उध्दार देखीस।”
ACT 16:32 आरू चे ओको तारा आरू तारा सब घरन मानसोन पोरबुन वचन सोमवाया।
ACT 16:33 राती तीने टेहाव त्यो तीनुक ली जाईन तिनरा घाव धुयु, आरू त्यो आपसा मानसो सहावत साठोज बपतिस्मा लेदो।
ACT 16:34 तव त्यो तीनुक आपने घर मा जाईन तिनरे ओगव भोजन हावक्यु, आरू सब घरानान सहावत यहोवा–भगवान पर विश्वास करीन खुशी कर्‍या।
ACT 16:35 जव दाहाड़ु उग्यु तव शासन सिपायड़ान हाथ कोवायता हुता मुकल्या कि तीनुक मानसक छुड़ देवु।
ACT 16:36 सिपायड़ा यी वात पौलुस काजे कयो, “शासन तुमू छुड़ देनेन हुकुम मोकली देदु सी। अतरान करीन हिमी निकवीन कुशल रईन जात रयु।”
ACT 16:37 पुन पौलुस तिनुक कयो, “हेकेने हामु रोमि मानसी सी, दोषी ठहराये बीना मानसोन सामने दिदा आरू जेल मा नाख दिदा। हिमी काय हामु डुकाईन निकवी रया सी? ओसो नी; पुन त्यो खुद आवीन हामुक बाहरतु निकाव्यु।”
ACT 16:38 सिपायड़ा यी वात शासन काजे कयो, आरू वो यो सोमवीन रोमि सी, बीहि गया,
ACT 16:39 आरू आवीन तिनुक मनाया, आरू बाहरता ली जाईन रावन्या कर्‍या कि गाव रईन जात रयु।
ACT 16:40 पौलुस आरू सियास जेल मा रईन निकवीन लुद्दा आव गया, आरू भाईयो सी भेवाईन तिनुक शांती आपी, आरू जात रया।
ACT 17:1 पछा चाँ अम्फिपुलिस आरू अपुल्लोनिया होईन थिस्सलुनीके मा आश, जे यहूदि यान एक आराधना घर होतो।
ACT 17:2 पौलुस आपसी रीतिन लारे ओको साथे गयु, आरू तीन आरामन बाद न्याय शास्त्रो रईन ओको साथ वाद–विवाद कर्‍या;
ACT 17:3 आरू ओको मतलब खुल–खुलीन समझाड़तु होतु कि मसीह काजे दुःख उठावनो, आरू मरलाम रईन जीव उठनु, पाको हुता; आरू “यु ईशु जीनान हाव तुमूक कथा सोंमावनु छे, मसीह छे।”
ACT 17:4 ओका रईन कोतराक, आरू भक्त यूनानिया मा रईन लेके सोवटा कुलीन बायरा मान लेदा, आरू पौलुस आरू सीलास साथे मिवाय गया।
ACT 17:5 पुन यहूदि यान डाह रईन भरीन बजारन मानसो मा रईन काही सचाब मानसे काजे आपने साथ मा ली लेदु, आरू गर्दी एखठी करीन गाव मा हूल्लड़ मचालने लाग्या, आरू यासोन न घर पर चढ़ाई करीन हेके मानसोन सामने लावने चाह्यु।
ACT 17:6 हेके चाँ नी देखीन त्यो या आयड़तु ओसु यासोन आरू काहय भाईस्यो काजे गाँवन शासकन सामने खेच लाया, “या मानसी जा दुनिया उलटा–सुलटा कर दिदा सी, या भी आव गया सी।
ACT 17:7 यासोन हेके आपने या रूकाया सी। या सब या कयता सी कि ईशु राजु सी, आरू कैसरन हुकुमन विरोध करता सी।”
ACT 17:8 हेकोने मानसोन तरफ गाँवन शासकन यो सोमवीन घाबराय देदु।
ACT 17:9 एरकरीन हेकोने यासोन आरू बाकीन मानसो काजे मुचलका लीन हेके छुड़ देदु।
ACT 17:10 भाई हे तत्काल रात–रात मा पौलुस आरू सीलास काजे बिरीया मोकली देदु; आरू चाँ चे पुगीन यहूदि योन आराधना घर मा गया।
ACT 17:11 या मानसे ते थिस्सलुनीके यहूदि रईन भला हुता, आरू हेकोने मोटी लालुच करीन वचन मानीया कर्‍या, आरू हर दाहाड़े चुखलो शास्त्रो मा हेरता रया कि यी वात ओसीज छे कि नी।
ACT 17:12 एरकरीन ओकामा रईन लेके सोवटा, आरू युनानी न कुलीन बायरा मा रईन आरू मानसो मा रईन लेके सोवटा विश्वास कर्‍या।
ACT 17:13 पुन जव थिस्सलुनीके यहूदि जान लेदा कि पौलुस बिरीया गाव मा यहोवा–भगवानन वचन समळाड़े, ते चाँ भी आवीन मानसो काजे भड़कावनेन आरू हलचल मचाने लाग्या।
ACT 17:14 तव भाई हे तत्काल पौलुस काजे विदा कर्‍या कि दरियान धोड़े जात रये; पुन सीलास आरू तीमुथियुस चाँ रया गया।
ACT 17:15 पौलुस काजे पुगावनेवावा उका एथेंस तक ली गया, आरू सीलास तीमुथियुस न करता यो हुकुम लीन विदा होयु कि नाट घण साटा आवु।
ACT 17:16 जव पौलुस एथेंस मा ओको वाट देख रयु होतु, ते गाँवन मुरतीया भरीन देखीन ओको जीव सिलग्यु उठ्यु।
ACT 17:17 शेवली कावा त्यो आराधना घर मा यहूदि या आरू भक्तो रहवीन आरू चौक मा जा मानसे मिवता हुता, तिनुक रईन हर दाहाड़े वाद–विवाद कर्‍या करता हुता।
ACT 17:18 तव इपिकूरी आरू स्तोईकी राय देखाड़निया मा सी काहय लोगहन ओका सी वात विचार करने लाग्या, आरू काहय मानसी कयो, “यु बकवादी काय कयनो चाहतु सी?” पुन दिसरा कयो, “त्यो दिसरा देवतान खबरक मालुम पड़तु सी” काहकि त्यो ईशुन आरू ओळी जीवतु होईनने खुश खबर सोमावतु होतु।
ACT 17:19 तव चाँ उका आपने साथे अरियुपगुस पर ली गया आरू पछा, “काय हामु जान सकता छे, की यो नवीन मत जो सोमावतु छे, काय छे?
ACT 17:20 काहकि तु जी कदी नी सोमव्यु ओसी वात हामुक सोमावतु छे, एरकरीन हामु जावना चाहता छे कि ओका मतलब काय छे?”
ACT 17:21 एरकरीन कि सब एथेंस वासी आरू परदेशी जा चाँ रवता हता नवली–नवली वात कयनो आरू सोमवने सिवाय आरू कोयक काम मा टेम नी बितावतु होतु।
ACT 17:22 तव पौलुस अरियुपगुसन वीच मा उबो होईन कयो, “ए एथेंस क लोगहन हाव यो देखो कि तुमू हर वात मा देवता क मोटा माननेवाळा छे।”
ACT 17:23 काहकि हाव हिनतो फिरतो तुमरी पुजनेन वस्तु काजे देख रयु हुता, ते एक ओसी वेदी भी देखाई, जीना पर लिखलो होतो, “अनजानिया भगवानन करता।” एरकरीन जीनाक तुमू बिना जाने पुजता छे, हाव तुमूक ओको खबर सोमावतु छे।
ACT 17:24 जु यहोवा–भगवान धरती आरू ओको सब वस्तु काजे बनाव्यु, त्यो सोरगदूत आरू धरतीन भगवान होईन हाथन बनाड़े ओसला मंदिरो मा नी रोवतु,
ACT 17:25 नी कोयक वस्तुन छाचलीन कारण मानसोन हाथन सी चाकरी कोरावतलू, काहकि त्यो ते आपसु आपसुत् सबन जीवन आरू श्वास आरू सब काहय देता छे।
ACT 17:26 ईशु तो एकुज मुळ सी मानुस न सब जाति आखी धरती पर रहवने करीन करता बनावी छे; आरू ओको ठहरावला टेम आरू रोवनेन सिव काजे एरकरीन बांधियो छे,
ACT 17:27 कि चाँ यहोवा–भगवान काजे हेरो, आरू शायद चाँ उका जु पुग गया सी, आरू वास्तव मा, त्यो हामु रईन कोयक रईन दुर नी सी।
ACT 17:28 काहकि हामु उका मा जीवतला रयजे, आरू चालता–पुगता, आरू स्थिर रवता छे; जोसा तुमरा कोतरा कविया भी कयो छे, “हामु ते ओको ओवळियाद भी छे।”
ACT 17:29 शेवली कावा यहोवा–भगवानन ओवळियाद होईन हामु या समझनो वारू नी कि यहोवा–भगवान, सोनो या चाँदी या दगड़ान समान सी, जी मानसन कारीगरी आरू कल्पना रईन बनावलो छे।
ACT 17:30 अतरानकरीन यहोवा भगवानन विनअकलोन टेम पर ध्यान नी दिदो, पर अब आखा जागा आरू आखा मनुसो क मन फिरावनेन हुकुम देय।
ACT 17:31 “काहकि त्यो एक दाहाड़ु टाकलु छे, जिनाम त्यो तीन मानसोन द्वारा न्यायपन रईन जगतन न्याय करसे, जीनाक तु ठरावलु छे आरू उका मरलाम रईन मा रईन जीवाल्लु, यी वात सब पर उजेन्तो कर दिदो”
ACT 17:32 मरलाम रईन जीव उठने वात सोमवीन कोतरा ते उपवास करने लाग्या, आरू कोतरा कयो, यी वात हामु तुखे रईन पछा कदी सोमवजे,
ACT 17:33 ओको पर पौलुस ओको वीच मा रईन जात रया।
ACT 17:34 पुन काहय मानुस ओको साथे मिवाय गयु, आरू विश्वास कर्‍या; जीनामा दियुनुसियुस जु अरियुपगुसन सदस्य होतु, आरू दमरिस नावन एक बायर होती, आरू ओको साथे आरू भी कोतरा मानसे हुता।
ACT 18:1 अतरान करीन बाद पौलुस एथेंस न छुड़ीन कुरिन्थस मा आश।
ACT 18:2 आरू वाँ अक्विला नावन एक यहूदि मिव्यो, जेरो जनम पुन्तुस मा हुयो होतो; आरू आपसी बायर प्रिस्किल्लान साथे इतालिया छे हाल ही मा आश हुता, काहकि क्लौदियुस ने आखा यहूदि याक रोम छे निकवी जानेन हुकुम आपी होती, अतरान करीन वो तींदरा याहा गयो।
ACT 18:3 आरू तेरा आरू तीन्दरो व्यापार होतो; अतरान करीन वो इन्दरे साथे रया, आरू वो काम करने लाग्या, आरू हिन्डरो काम तम्बू बनावनेन थो।
ACT 18:4 आरू वो हर आरामन दाहड़े आराधना घर मा वाद विवाद करीन यहूदि आरू यूनानीन भी समझाडता हुता।
ACT 18:5 जव सीलास आरू तीमुथियुस मकिदुनिया छे आयो, ती पौलुस वचन सोमवावने धुन मा लागाड़ीन यहूदि याक गवा देता हुता कि ईशु ही मसीह छे।
ACT 18:6 पुन जव वो विरोध आरू निंदा करने लाग्या, ती त्यो आपसा छिंदरा ढाकीन तीनुछे कयो, “तुमरो लुहूय यो तुमरी मुनका पर रये! हाव निर्दोष छे। हिमी छे हाव गैरयहुदीन साथे जाईस।”
ACT 18:7 आरू वाँ सी चालीन वो तीतुस यूस्तुस नावन यहोवा–भगवानन एक भक्तन घर मा आयो, ओको घर आराधना घर सी लाग्या होया हुता।
ACT 18:8 तव आराधना घर सरदार क्रिस्पुस ने सब घराना सहावत पोरबु पर विश्वास कर्‍या; आरू घोणा छे आरू घना सवटा कुरिन्थियो वावा ने समवीन विश्वास कर्‍या आरू बपतिस्मा लेदु।
ACT 18:9 आरू पोरबु ने रात मा दर्शनन लारे पौलुस छे कयो मा डर बाकीन कवतु जा ने आरू हुगो मा रहवे;
ACT 18:10 काहकि हाव तारे साथ छे; आरू काहनुस तार पर चढ़ाई कयी तारू घाटु नी करे काहकि इना गाँव मा मारा घण सवटा मानसे छे।
ACT 18:11 अतरान करीन त्यो तीना चाँ यहोवा–भगवान वचन सिखतु डेढ़ साल तक रयु।
ACT 18:12 “तव गल्‍लियो अखाया देशन राज्यपाल हुता अळतेन यहूदि मानसे एका करीन पौलुस पर चढ़ आश आरू उको नियाव नी गाद्दीन सामने लावीन कवेने लागिया”
ACT 18:13 चाँ मानसक काजे समजाड़े की यहोवा–भगवान भक्ति असी रीति सी करतलो ची व्यवस्था क उलटी सी।
ACT 18:14 तव पौलुस बुलने वावा हुता तव गल्‍लियो ने यहूदि यो सी कयो ए यहूदि यो अळतेन काह्‍य अन्याय या दुष्‍टता वात होयती, तव होयत वारलो की हाव तुमरी सुनतो।
ACT 18:15 “बाकीन अळतेन इन वातन–वातन बुलन आरू नाव आरू व्यवस्थान बाराम मा तुमो जानो काहकि हाव इन वातन न्यायी बन्ने चाहतलू।”
ACT 18:16 आरू त्यो उको नियावन गाद्दी सामने से निकाव दिदा।
ACT 18:17 अळतेन सब मानसी आराधना घर सरदार सोस्‍थिनेस काजे धरने ने नियावन गाद्दी सामने दिदा। बाकीन गल्‍लियो ने इनान वातन कायनी चिंता करीया।
ACT 18:18 बाकीन पौलुस लेके दाहड़ा तक वा रयु अळतेन भाईस्‍योक वाट लागाड़ीन किंख्रिया हाव इनानकरता मुन्‍क बुड़ायु काहकि त्यो मानता मान्यु आरू जाहजम पर सीरिया भुनी चाल दिदा आरू तेरे साथमा प्रिस्किल्ला आरू अक्विला हुता।
ACT 18:19 आरू त्यो इफिसुस मा पुगिन तीनक त्या छुड़ियो आरू त्योत आराधना घर मा जायन यहूदि यो छे झगड़ा करने लागु।
ACT 18:20 जव हेकोने उकासे रावन्या की, “हामरे साथे आरू काहय दाहाड़े रया।” ते त्यो स्वीकार नी कर्‍या;
ACT 18:21 पुन यो कयीन त्यो विदा होयु “यहोवा–भगवान चाह ते हाव तुमरे जु पछु आवीस।” तव इफिसुस पर रईन ढोंड्या खुलीन चाल देदु;
ACT 18:22 आरू कैसरिया मा उतरीन (यरूशलेम) गयु आरू मंडळी काजे नमस्कार करीन अन्तकिया मा आयु।
ACT 18:23 अळी काहय दाहाड़ा रहवीन त्या वा सी जात रीया, आरू एक तरफ सी गलातिया आरू फ्रूगिया मा सब चेला काजे बाताड़्या करता फिरीया।
ACT 18:24 अपुल्लोस नावन एक यहूदि जेरो जनम अलेक्जेन्द्रिया मा होया हुता, जु विद्वान मानसे हुता आरू चुखलो शास्त्र काजे वारलो जानतो होतो इफिसुस मा आया।
ACT 18:25 चाँ पोरबुन वाटन शिक्षा सापड़ी होती, आरू मन लागाड़ ़ीन ईशुन विषय मा ठीक–ठीक सोमवतु आरू सिखाड़तु हतु, पुन चाँ सिर्फ यहुन्ना न बपतिस्मा वात जानता हता।
ACT 18:26 चाँ आराधना घर मा निडर होईन बुलने लाग्या, पर प्रिस्किल्ला आरू अक्विला ओको वात सोमवीन, ओका सी आपने या ली गया आरू यहोवा–भगवानन वाट ओका सी आरू भी स्पष्ट रीति सी कयो।
ACT 18:27 आरू जव त्यो छाचो कर्‍या कि पार उतरीन अखाया काजे जाए ते भाईस्यो उका हिमत आपीन चेला काजे लिख्या कि चाँ उकासे वारला मिवाया, आरू त्यो पुगीन चाँ तिनुक मानसोन मोटली मदत कर्‍या जा फुकट दया कारण विश्वास कर्‍या हुता।
ACT 18:28 अपुल्लोस आपसी शक्ति आरू कौशलन साथे यहूदि या आखे भातिये शास्त्र रईन प्रमाण दिदा की इसुत मसीह सी।
ACT 19:1 जव अपुल्लोस कुरिन्थस मा हुता, ते पौलुस उपरला सब देश रईन इफिसुस मा आयु आरू चाँ काहय चेला मिव्या।
ACT 19:2 त्यो कयो, “काय तुमू विश्वास करता टेहाव चुखलो आत्मा देख्या?” हेकोने तिनाक कयो, “हामु ते चुखलो आत्मान चर्चा भी नी सोमव्या।”
ACT 19:3 चाँ तिनिक कयो, “ते पछा तुमू कुनीन बपतिस्मा लेदा?” हेकोने कयो, “यहुन्ना बपतिस्मा।”
ACT 19:4 पौलुस कयो, “यहुन्ना यो कयीन मन फिरावीन बपतिस्मा देदु, कि जु मार बाद आवनेवाळो सी, उका पर मतलब ईशु पर विश्वास करनो।”
ACT 19:5 यो सोमवीन हेकोने पोरबु ईशुन नावन बपतिस्मा लेदा।
ACT 19:6 आरू जव पौलुसन उका पर हाथ हावले, ते उका पर चुखलो आत्मा उतरी, आरू चाँ भिन्न–भिन्न भाषा बुलने लाग्या। आरू भविष्यवाणी करने लाग्या।
ACT 19:7 यी सब लग–भग बारा मानसी हुता।
ACT 19:8 आरू चाँ आराधना घर मा जाईन तीन महीना तक निडर होईन बुलता रया, आरू यहोवा–भगवानन राज्यन विषय मा विवाद करता आरू समझता रया।
ACT 19:9 पुन जव काहय मानसी वातड़ा होईन ओको नी मान्या वरना मानसोन सामने ओका पंथ काजे भुंडो कयनो लाग्या, ते त्यो तिनुक छुड़ीन चेला काजे अलग कर लेदा, आरू हर दाहाड़े तुरन्नुसन स्कलेमा वाद–विवाद कर्‍या करता हुता।
ACT 19:10 दुय साल तक यो होतो रयो, या तक कि आसिया रवनेवाला काय यहूदि, काय यूनानी सब पोरबु न वचन सोमवी लेदा।
ACT 19:11 आरू यहोवा–भगवान पौलुसन हाथन सामर्थ्यन घण मोटो काम देखाड़तो होतु।
ACT 19:12 या तक की रूमाल आरू सालन छेवड़ा आरू ओको धड़ काजे हाथ लागाड़ीन मांदला मानसो पर नाकता हुता, आरू ओको बीमारी दुर जात रयी होती; आरू विटळ आत्मा ओका रईन निकवी जाया करती होती।
ACT 19:13 पुन काही यहूदि जो झाड़ा भोपाय करता पीरता हुता, यो करने लाग्या कि जिनुमा साहळा होय उना पर पोरबु ईशुन नाव यो कोवीन भोपाय करने ला गिया, जिना ईशुन खबर पौलुस करे, हाव तुमूक ओकी आन द्योव।
ACT 19:14 आरू स्क्किवा नावन एक यहूदि प्रधान पुजारान सात पोर्‍या हुता, जो ओसी ही करता हुता।
ACT 19:15 पर साहळा ने तीनुक जवाब आपियो, “ईशु क हाव जानती सी, आरू पौलुस क भी जानती छे, पुन तुमू कुन छे?”
ACT 19:16 आरू ओको मानुस ने जिनुमा विटळ आत्मा होती तिनुमा भराइन तिनु पर ओसो झगड़ो करावनो कर्‍या कि वो नागरलेला आरू घायल हईन ओको घर सी निकवीन ढाष्या।
ACT 19:17 यो वात इफिसुस न रोवनेवावा यहूदि आरू यूनानी मा भी सब जान गया; आरू पोरबु ईशुन नावन बढ़ाई होयी।
ACT 19:18 जीनुक विश्वास कर्‍या हुता, इनुमा सी घण तेरी ने आवीन आपसा–आपसा कामन मान लेदा आरू प्रगट कर्‍या।
ACT 19:19 जादु टोना करनेवावा मा सी घण सवटा आपसी–आपसी पोथियां एखठा करीन आखान सामने धपाड़ दिदा, आरू जव इन्दरो दाम जोड़ा गया, ती पचास हजार चाँदीन सिक्‍कान बराबर निकव्या।
ACT 19:20 इनीये प्रकार पोरबु न वचन बलपूर्वक पुगती आरू मजबुत हुयसे गया।
ACT 19:21 जव यो वात होय त्योकी ती पौलुस ने आत्मा मा ठानान मकिदुनिया आरू अखाया सी हईन यरूशलेम मा जावु, आरू कयो, “वाँ जानेन बाद मखे रोमन भी देखनो पाको सी।”
ACT 19:22 अतरान करीन आपसी सेवा करनेवावा मा सी तीमुथियुस आरू इरास्तुसन मकिदुनिया मुकल्या आप काही दाहड़ा आसिया मा रया गया।
ACT 19:23 तीन टेहाव ओको पंथन विषय मा मोटा हुल्लड़ हुयो।
ACT 19:24 काहकि दिमेत्रियुस नावन एक सुनार अरतिमिस चाँदीन मंदिर बनावीन कारागिरन घण काम आपाड्या करता हुता।
ACT 19:25 त्यो तीनुक आरू ओसी ही चिजन कारागिरक एखठा करीन कयो, “हे मानसो, तुमू जानता होय कि इन काम सी हामु कोतरो धन मिवतो सी।
ACT 19:26 तुमू देखता आरू सोमवता होय कि केवल इफिसुस ही मा नी, वरना प्राय: सब आसिया मा यो कोवी कोवीन इनीये पौलुस ने घण सी मानसोक सोमझाया आरू भरमाय भी सी, कि जो हातन कारागिरी सी, वो भगवान नी।
ACT 19:27 ऐरेसी हिमी केवल इनी वातक ही बिहे नी सी कि हामरा इन धन्धाक मान मर्‍यादा जाती रोवसी, वरना यो कि महान देवी अरतिमिसन मंदिर तुच्छ समझाय जासी, आरू जिनाक सब आसिया आरू कोवी पूजता सी तीनान महत्व भी जातो रोवसी।”
ACT 19:28 वो यो रीस सी भर गयो आरू आयड़ी आयड़ीन कोवने लाग्यो, “इफिसियोन अरतिमिस, महान सी!”
ACT 19:29 आरू सब गाव मा मोटा कोलाहल मच गया, आरू मानसोन ने मकिदुनिया गयुस आरू अरिस्तर्खुसक जो पौलुसन संगी यात्री हुता, धर लेदा, आरू एक साथे कहानी नाटक हुयो वा दौवड़ीन गया।
ACT 19:30 जव पौलुस मानसोक साथे माहीय जानो जूवे ती चेला ने ओको जाने नी दिदा।
ACT 19:31 आसियान शासन मा सी भी ऐरो कयी दोस्तो ने अतरान करीन साथे कोवीन मुकल्या आरू रावन्या करी कि रंगशाला मा जाईन जोखिम नी झेलनो।
ACT 19:32 वाँ काही काय आयड़तो होतो आरू काही काय काहकि सभा मा मोटी गड़बड़ी होय रयी होती, आरू घण सी मानसी तो यो जानता भी नी हुता कि हामु काय करता एखठा होया सी।
ACT 19:33 तव तीनुक अलेक्जेन्द्रिया जिनाक यहूदि या ने उबा कर्‍या हुता, गर्दी मा सी ओगा बढ़ाया। सिकन्दर हात सी संकेत करीन मानसोन सामने जवाब देने जूवता हुता।
ACT 19:34 पुन जव तीनुक जान लेदा कि वो यहूदि सी, ती आखाक एक ओवाज सी काही दुय घंटा तक आयड़ता रया, “इफिसियोन अरतिमिस, महान सी।”
ACT 19:35 तव नगरन मंत्री न लोगहन क शांत करीन कयो, कुन नी जानता कि इफिसियोन नगर महान देवी अरतिमिसन मंदिर, आरू वादवा पर रईन पड़ली मुरतीन राखवावु छे।
ACT 19:36 शेवली कावा जव कि इन वातन खण्डन ही होय सकता, तो वारू सी कि तुमू शांत रयो आरू बिना सुचने पुछने काही नी करनो।
ACT 19:37 काहकि तुमू इन मानसोक लाया होय जो नी मंदिरक लुटनेवावा सी आरू नी हामरी देवीन निन्दा सी।
ACT 19:38 यदि दिमेत्रियुस आरू अतरान करीन साथी कारागिरक काही सी विवाद होय तो कचहरी उघड़ी सी आरू शासन भी सी; वो एक दिसरा पर नालिश करू।
ACT 19:39 पुन यदि तुमू काही आरू वातन विषय मा काही पुछ जूवता होय, तो नियत सभा मा पसराय जासी।
ACT 19:40 काहकि आजून बलवेन कारण हामु पर दोष लागाड़ जानेन बिह्या सी, अतरान करीन कि ऐरा काही कारण नी, आरू हामु इन गर्दीन एखठा हुयने काही जवाब नी आप सकसी
ACT 19:41 यो धरती त्यो सभान विदा कर्‍या।
ACT 20:1 जब हुल्लड़ थम गया तो पौलुस ने चेलाक बुलावीन समझाड्या, आरू इनुसी विदा हईन मकिदुनिया चाँ रयन चाल दिदा।
ACT 20:2 तीना सब प्रदेश मा रयन हईन आरू चेलान घण जुरदेवाड़ कर वो यूनान मा आश।
ACT 20:3 जव तीन महना रोवीन वो वाँ सी ढोंड्या पर सीरियान चा रयन जाने पर होतो, तो यहूदि ओकी घात मा लाग्या, अतरान करीन त्यो यो निश्यय कर्‍या कि मकिदुनिया हईन पछो पछु जाय।
ACT 20:4 बिरीयान निवासी पुर्रूस क पोर्‍या सोपत्रुस आरू थिस्सलुनीकियो मा सी अरिस्तर्खुसक आरू सिकुन्दुस आरू दिरबे गयुस, आरू तीमुथियुस आरू आसियान तुखिकुस आरू त्रफिमुस आसिया तक अतरान करीन साथे होय लेदा।
ACT 20:5 पर वो ओगा जाईन त्रोआस मा हामरी वाट जुवता रया।
ACT 20:6 आरू हामु अखमीरी रोटा दाहड़ान ओतेन फिलिप्पी सी ढोंड्या पर चढ़ीन पाच दाहड़ा मा त्रोआस मा तींदरा साथे पुग्या, आरू सात दाहड़ा तक चो रया।
ACT 20:7 हापतान पेहले दाहड़े जव हामु रोटा तुड़नेन करीन एखठा होया, ती पौलुस ने जो दीसरे दाहड़े चालीन जाने पर हुता, तीनुसी वात करी, आरू आधी रात तक शिक्षा देता रया।
ACT 20:8 जिन अटारी पर हामु एखठा हुता घण दिया धप रया हुता।
ACT 20:9 आरू यूतुखुस नावन एक जवान खिड़की पर बठ्य हुयो गहरी नींद सी डुल रयो होतो, आरू जव पौलुस देर तक वात करतो रयो, ती वो नींद मा हिदवायो तीसरी अटारी पर सी पड़ गयो, आरू मरला रयन उठाय लेदो।
ACT 20:10 पुन पौलुस उतरीन तीनाक थाबाईन, आरू गवाम लागड़ीन कयो, “घबरायो मा; काहकि ऐरो जीव अतरान करीन मा सी।”
ACT 20:11 आरू उपर जाईन रोटा तुड़ीन आरू खाईन अतरी वार तक हेनु सी वात करतो रयो कि भोळ भाको होय गयो; ओळी पौलुस जात रयो।
ACT 20:12 आरू वो तीन जवानक जीवतो ली आश, आरू घण शांती देख्या।
ACT 20:13 हामु पेहल सी ढोंड्या पर चहड़ीन अस्सुस क इन विचार सी ओगा गया, कि वाँ सी पौलुसक चढ़ा लेदा काहकि त्यो यो अतरान करीन ठेरायो होतो, कि आप ही पाये जानेवावो सी।
ACT 20:14 जव वो अस्सुस मा हामु मिव्या ती हामु ओको चड़ावी मितुलेने मा आश।
ACT 20:15 आरू वाँ सी ढोंड्या उघाड़ीन हामु दीसरे दाहड़े खियुसन सामने पुग्या, आरू अगले दाहड़े सामुस मा जाय पुग्या, पोछा दीसरे दाहड़े मीलेतुस आश।
ACT 20:16 काहकि पौलुस ने इफिसुसन साथे हईन जाने की ठानी होती, कि कयी ओसो नी होय, कि ओको आसिया मा देर लाग्या; काहकि वो तावनी मा होतो, कि यदि होय सके, ती वो पिन्तेकुस्तन दाहड़ा यरूशलेम मा रया।
ACT 20:17 आरू त्यो मीलेतुस इफिसुस मा खबर मुकल्या, आरू मंडळी डाहला बुलाया।
ACT 20:18 जव वो अतरान करीन साथे आयो, ती तीनुसी कयो, तुमू जानता होय, कि पेहल ही दाहड़ा सी जव हाव आसिया मा पुग्या, हाव हर टेहाव तुमरे साथे काय प्रकार रया।
ACT 20:19 एणे मोटी दीनता सी, आरू आसा पाड़ी–पाड़ी, आरू इन परीक्षा मा जो यहूदि योन षडयंत्रन कारण जो मखे पर आय पड़ी; हाव पोरबु न सीवा करता ही रया।
ACT 20:20 आरू जो वात तुमरा लाभन करी होती, तीनुक कोवने आरू मानसोन सामने आरू घर सिकाड़ने सी कदी नी वसर्‍यु।
ACT 20:21 पर यहूदि यो आरू यूनानिया क देखड़तो रयो कि यहोवा–भगवान भेणी मन फिराव लेये आरू हामरे पोरबु ईशु मसीह पर भरसु करो
ACT 20:22 आरू हिमी, हाव आत्मा मा बांधाय हुयो यरूशलेम मा जाता सी, आरू नी जानता, कि वाँ मखे पर काय वीतसी।
ACT 20:23 केवल यो चुखलो आत्मा हर गाव मा गवाय देखाड़ीन म्हार सी कये कि बंधन आरू पीड़ा तारे करीन तीयार सी।
ACT 20:24 पुन हाव आपसा जीव काही नी समझता कि ओको वारलो जानीन वरना यो कि आपसी दवड़, आरू ओको सेवा पूरी करू, जो हावने यहोवा–भगवानन फुकटाय दया खुश खबर पर गवाय देखाड़ देनेन करीन पोरबु ईशु सी देख्या सी।
ACT 20:25 आरू हिमी जानता सी, कि तुमू आखा जिनुमा हाव यहोवा भगवान राज्यन खबर करतो फिरो, म्हारो मुय पछो नी देखसु।
ACT 20:26 अतरान करीन हाव आजून दाहडु तुमू सी गवा दी कयता सी, कि हाव आखान लुहूय सी निर्दोष सी।
ACT 20:27 काहकि हाव यहोवा–भगवानन सारी मनसा तुमूक पूरी रीति सी कोवने सी नी वसर्‍यु।
ACT 20:28 अतरान करीन आपसी आरू टुळान देख रेख करू; जिनाम चुखलो आत्मा ने तुमूक अध्यक्ष ठेरायो सी कि तुमू यहोवा–भगवानन मंडळी राखवावी करू, जिनाक त्यो आपसा लुहूय सी मुले लेदु सी।
ACT 20:29 हाव यो जानो, कि मार जाने क बाद फाड़नेवाळा लेन्डीया तुमरे मा आवसे, जो टुळा क नी छुड़े।
ACT 20:30 तुमरे ही वीच मा सी भी ओसा–ओसा मानसी उठसी, जे चेलान आपने पछव हापकी लेने टेढ़ी हावढ़ी वात कोवसी।
ACT 20:31 अतरान करीन जागता रवु, आरू स्मरण करू कि हावने तीन साल तक रात दाहडु आसा पाड़ी–पाड़ी, हर एक काजे चितौनी देने नी छुड़ियो।
ACT 20:32 आरू हिमी तुमूक यहोवा–भगवानन आरू तरो फुकट दया चवनक सौप दिदा सी; जो तुमरी बढ़ती कर सकता सी, आरू आखा चुखलो कर्‍या गया मानसी सहभाग हईन विरासत देय सकता सी।
ACT 20:33 हाव कुदाक चाँदी, या छिन्दरान लालस नी कर्‍या।
ACT 20:34 तुमू आपसूत् जानो कि यात हात म्हारी आरू म्हार साथियोन जरूरत पूरी करीया।
ACT 20:35 हावने तुमूक आखो काही करीन देखाड्या, कि इन रीति सी मेहनत करता होया निर्बलोन सम्भालना, आरू पोरबु ईशुन वचन स्मरण राखने पाको सी, कि त्यो आप ही कयो सी “लेने सी आपने धन्य सी।”
ACT 20:36 यो धरती त्यो मांडा टेकीन आरू तीनुक आखाक साथे प्रार्थना करे।
ACT 20:37 तव वो आखा घण रोड्या आरू पौलुसन गवाम हाववीन ओको गुवा देने लाग्या।
ACT 20:38 वो विशेष करीन इन वातन शोक करता हुता, जो त्यो कयी होती तुमू मारे मुय पछो फिरवीन नी देखसी। आरू चे ओको ढोंड्या तक पुगाड़ीया।
ACT 21:1 जव हामु तीनुसी अलग हईन दरियान यात्रा शुरू कर्‍या, तो सुधा वाट्ये सी कोस मा आया, आरू दीसरे दाहड़े रूदेस मा आरू वाँ सी पतरा मा।
ACT 21:2 आरू एक ढोंड्या फीनीकेन जाता होया मिव्या, आरू हामु ओको पर चढ़ीन उगाड़ दिदा।
ACT 21:3 जव साइप्रस देखाड़ दिदा, ती हामु ओको जेवड़ा हात सी छुड़ीन जात रीया, आरू सीरियान चालीन सब मा उतरीया; काहकि वाँ ढोंड्यान भार उतारनो होतो।
ACT 21:4 आरू चाकरीयो क भेळीन हामु वा सात दाहड़ा तक रया। त्या आत्मान सिखाड़ला पौलुस सी कयो कि या यरूशलेम मा पाय नी हावलजी।
ACT 21:5 जव त्या दाहड़ा पुरा हुय गया; तव हामु ते चाहे सी जात रया; आरू आखा बाई जाती आरू पोर्‍या हावळीन हामुक शहरन बाहर तक पुगाड़ ़िया आरू हामु घुटना टेकीन प्रार्थना करिया।
ACT 21:6 तव एक दिसरा सी अलग होईन हामु ढोंड्या पर चड़िया, आरू त्या आपसी–आपसी घर जात रया।
ACT 21:7 जव हामु सोर सी पानी पर यात्रा करीन पतुलिमयिस मा पुगिया, आरू भाईस्यो क नमस्कार करीन हेन्दरे साते एक दाहड़ु रया।
ACT 21:8 दिसरे दाहड़े हामु चाहे सी चालीन कैसरिया मा आश, आरू फिलिप्पुस खुश खबर न घर मा जो सात माईन एक हुतो, जाईन हेके या रया।
ACT 21:9 हेकी चार छल्ली पोराय होती; जी ओगवायती वात करती होती।
ACT 21:10 जव हामु वा घणा दाहड़ा रया, ती कागळिया अगबुस नावन यहूदि या सी आश।
ACT 21:11 त्यो हामरे साते आवीन पौलुसन कड़ीया मा बांधने न पट्टु लिदो, आरू आपसा हात पाय बांधीन कयो, “चुखली आत्मा यो कहे, कि जिना मानुस न यो कड़ीया मा बांधनियो पट्टो छे, उको यरूशलेम मा यहूदि इने रीति बांधसे, आरू गैरयहुदी वाळा क हात मा आप देसे।”
ACT 21:12 जव हामु यी वात समळिया, ती हामु आरू वा वाळा लोगहन हेका सी रावन्या करिया, की यरूशलेम मा नी जाजी।
ACT 21:13 बाकीन पौलुस जवाब दिदो, “तुमु काय कर रिया सी, कि रोड़ी–रोड़ी मारो मन तुड़ रया? हाव ते यरूशलेम मा पोरबु ईशुन नाव जुगु यरूशलेम मा नी बाकीन मरना करीन भी तियार सी।”
ACT 21:14 “जव त्यो नी मानियों ती यो कहवीन हुगा रया गया, पोरबुन मरजी पूरी हुयो।”
ACT 21:15 तिनु दाहड़ान ओळतेन हामु तीयारी करिया आरू यरूशलेम भेणी चाल दिदा।
ACT 21:16 कैसरियान भी थुड़ाक चाकरीयो हामरे साते आश, आरू मनासोन नावन साइप्रस न एक जुनला चाकरीयो क भी पुठी ली आश, कि हामु हेके या रहजे।
ACT 21:17 जव हामु यरूशलेम मा पुगिया, तव भाईस घणी खुशी सी हामरो आव भाव करिया।
ACT 21:18 दिसरे दाहड़े पौलुस हामु काजे लीन याकूबन वा ली गयो, जा सारी घण सवटा डाहडा भेळा हुयला हुता।
ACT 21:19 तव त्यो हेनको नमस्कार करीन, जो–जो काम यहोवा भगवान हेन्दरी सेवान लारे गैरयहुदी मा करलो होतो, एक–एक करीन देखाड़ियो।
ACT 21:20 त्या यो समळीन यहोवा–भगवानन महिमा करिया, ओळतेन हेको कयो, “ए भाईस, तु देख रयो, यहूदि या माईन काय असा हजार जना विश्वास करिया; आरू आखा नियमन मा मन लागाड़िया।
ACT 21:21 आरू हेनको तारा बारा मा सिखाड़ी हावलेदो, कि तु गैरयहुदी मा रहवने वाळा यहूदि याक मूसा सी पुगनेन जाने करीन सिखाडे, आरू यो कहे, नी आपसा पोर्‍या न चामड़ी काटाड़जु आरू नी रीति पर चालु।
ACT 21:22 ती ओळी काय कोरजे? लोगहन छाचीन समळसी कि तु या आय रयो।
ACT 21:23 अतरानकरीन जो हामु तुसीक कयजे, त्यो कर, हामरे जुळ चार मानसी सी, ज्या मन्नत मानला सी।
ACT 21:24 हेनको लीन हेन्दरे साते आपसा काजे चुखो क; आरू हेनको जुग छाचोत् आप, कि त्या मुनको बुड़ावे। तव आखा जान जासी, कि हेनको तारा बारा मा सिकाड़ मैली हेन्दरो थुड़ नी होय बाकिन तु आपसु भी व्यवस्था क मानीन हेको अनसारे चाल रयो।
ACT 21:25 पुन तिनु गैरयहुदी बारा मा जे विश्वास करला सी, हामू यो विचार करीन लिखीन मुकल्ला सी कि त्या मुरतीया न ओगळ बली करीन चढ़ावला मास सी, आरू लुहूय सी, आरू गलो दड़ेपलान मास सी आरू व्यभिचार सी वाचीन रहजी।”
ACT 21:26 तव पौलुस तिनु लोगहन क लिन, आरू दिसरे दाहड़े हेन्दरे साते चुखो होईन मंदिर मा गयो, आरू वा देखाड़ दिदो, कि त्योखो होईनने दाहड़े, यो कि हेन्दरे माईन आखा जुगु चढ़ावो चढ़ावी जाने तकुन दाहड़ा किही पुरा होयसी।
ACT 21:27 जव त्या सात दाहड़ा पुरा हुयने वाळा हुता, ती आसिया यहूदि या पौलुस क मंदिर मा देखीन आखा लोगहन क भड़काय दिदा आरू यो आयड़ी–आयड़ीन हेको धर लिदा,
ACT 21:28 “ए इस्त्राएली, मदत करू; यो त्योत् मानुस सी, जो लोगहन क, आरू व्यवस्थान, आरू इना जागान विरोध मा आखे जागे सिकाड़े या तक कि यूनानिया क भी मंदिर मा लावीन यो इना चुखलो जागा क विटुळ करियो।”
ACT 21:29 तीनुक ती इनुसी पेहल इफिसुस वासी त्रफिमुस ऐरा गाव मा देख्या हुता, आरू समझता हुता कि पौलुस ओको मंदिर मा ली आश सी।
ACT 21:30 तव सब गाव कोलहल मच गयो, आरू मानसी दोवड़ीन एखठा होया, आरू पौलुसक धरीन मंदिरक बाहरता घीसीन लाया, आरू तत्काल झोपलो बंद कर दिदा।
ACT 21:31 जव वो ओको मार नाखने जूवता हुता, ती सैन्य दलन सरदारन सन्देश पुग्यो कि सब यरूशलेम मा कोलहल मच रया सी।
ACT 21:32 तव वो तत्काल सिपाई आरू सूबेदारक लीन इन्दरे साथे नेचा दवड़ीन आश; आरू तीनुक सैल्य दलन सरदरन आरू सिपाईक देखीन पौलुसक मार कुट रूक दिदा।
ACT 21:33 तव सैन्य दल सरदारन साथे आवीन ओको धर लेदा; आरू दुय जंजीर सी बांधनेन हुकुम आपीन पूछने लाग्या, “यो कुन सी, आरू यो काय कामो सी।”
ACT 21:34 पुन गर्दी मा कुन काहय आरू कुन काहय आयड़तो रयो जव हुल्लड़न मारो ठिक सची जान सक्या, ती गढ़ मा ली जानेन हुकुम देदी।
ACT 21:35 जव वो नीसुन पर पुग्या, ती ओसो हुयो कि गर्दीन दबान मार सिपाईक ओको उठाड़ीन ली जानो पड्यो।
ACT 21:36 काहकि मानसीन गर्दी यी आयड़ीन होयी ओको पछव पड़ी, “उको मार देयों।”
ACT 21:37 जव वो पौलुसक गढ़ मा ली जाने पर हुता, ती त्यो सैन्य दलन सरदार सी कयो, “काय मखे हुकुम सी कि हाव तुखे सी काय कयो?” त्यो कयो, “काय तु यूनानी जानता सी?”
ACT 21:38 काय तु वो मिसरी नी, जो इन दाहड़ा सी पेहल विरोध बनावीन चार हजार हथियार बंद मानसोन जंगल मा ली गया?
ACT 21:39 पौलुस ने कयो, “हाव तो तरसुसन यहूदि मानुस सी! किलिकियान परचार नगरन निवासी सी। आरू हाव तुखे सी रावन्या करतो सी, कि मखे मानसो सी वात करने देवु।”
ACT 21:40 जव त्यो हुकुम देदी, ती पौलुस ने नीसुन पर उभु हईन मानसोन हात सी संकेत कर्‍या। जव वो चुप होय गयो, ती वो इब्रानी भाषा मा बुलने लाग्यो।
ACT 22:1 “ए भाईस्यो आरू बासो, म्हारो जवाब समळो, जो हाव हाय तुमरे ओगळ कहवो।”
ACT 22:2 त्या यो समळीन कि त्यो इब्रानी बुली मा बुले, त्या गुंगा रया। तव त्यो कयो;
ACT 22:3 हाव तो यहूदि छे, जो किलिकिया न तरसुस मा पैदा हुयो; बाकीन इना शहर मा गमलीएल पाय मा बठीन सिकलु छे, आरू डाहडन नियम भी वारू रीति छे सिकाड़ी गयो; आरू यहोवा–भगवान जुगु असो धुन लागाड़लो होतो, जसा तुमू आखा आज लगाड़ला छे।
ACT 22:4 हाव ओदमी आरू बाई जात दुयन क बांधीन, आरू जेल खाना मा बंद करियो, इना पंथ क या तक सतायो, कि हेनको माराय भी दिदो।
ACT 22:5 आखा पुजारा आरू डाहडा गवाय छे; कि हेन्दरे माईन हाव भाईस्यो न नाव पर चीट्ठियाँ लीन दश्मिक मा जातु होतो, कि जो चाहे रये हेनको दण्ड आपाड़ने जुगु बांधीन यरूशलेम मा ली जाम
ACT 22:6 जव हाव यात्रा करीन दश्मिक न साते पुगियो, ती असो हुयो कि सीरानन धोड़े वोड़ होतो उचकालुन एक मोतो विजाळो आकाश छे मार चार तरफ चमकियो।
ACT 22:7 आरू धरती पर पड़ा; आरू यो बुल समळियों, ए शाऊल, ए शाऊल, तु हावखे कहा सतावे?
ACT 22:8 हाव जवाब देदो, ए पोरबु तु कुन छे? त्यो हावखे कयो, हाव ईशु नासरत छे, जिनाक तु सतावे।
ACT 22:9 आरू मारा साती विजाळो ते देखिया पर, जो मार सी वात करतो हुतो हेकी ओवाज नी समळिया।
ACT 22:10 तव हाव कयो, ए पोरबु, हाव काय करो? पोरबु हावखे कयो, उठीन दश्मिक मा जा, आरू जो काय तारे करने जुगु ठहरावलो छे वा तुखे देखाड़ दिस।
ACT 22:11 जव तिना विजाळान तेज क कारण हावखे देखाय नी पड़ियो, ती हाव म्हार सातीन हात धरीन दश्मिक मा
ACT 22:12 तव हनन्याह नावन नियम कायदान अनसारे एक भगत मानुस होतो, जो चाहे रहवने वाळा आखा यहूदि या मा वारू विजोत वाळो होतो, मार पास आयो,
ACT 22:13 आरू उबो होईन हावखे कयो, ए भाई शाऊल, पोछो देखने लाग जा। तिनिए टेहाव म्हारा डुळा उगड़ी गया आरू हाव हेकेक देखियों।
ACT 22:14 तव त्यो कयो, हामरा डाहडन यहोवा–भगवान तुखेएरकरीन ठहरावलो छे कि तु हेकी मरजी क जाने आरू तिना न्यायी काजे देखियों, आरू हेके मुय छे वात समळियो।
ACT 22:15 काहकि तु हेकी तरफ छे आखा मानसोम तीनि वातन गवाय होइस, जो तु देखियों आरू समळियो।
ACT 22:16 हाय काय वार करियो? उठ, आरू बपतिस्मा ले, आरू हेको नाव लीन आपसा पापो काजे धुयले।
ACT 22:17 जब हाव ओळी यरूशलेम मा आवीन मंदिर मा प्रार्थना कर रया हुता, ती बेहुस होय गयो।
ACT 22:18 आरू एको देखियों कि हावख कहे, ताचनी करीन यरूशलेम छे उतवाळियों निकळ जा; काहकि त्या मारा बारा मा गवाय नी माने।
ACT 22:19 हाव कयो, हे पोरबु चाँ ते आपसु जानता छे, कि हाव तुखे पर विश्वास करनेवावा काजे जेल मा नाकता आरू जागे–जागे आराधना घर मा मार खावड़तु होतु।
ACT 22:20 आरू ज्योत्यार तार गवाय स्तिफनुसन लुहूय यो वयाड़ जाय रयु होतु तव भी हाव चाँ उभु हतु आरू इना वात मा सहमत हतो, आरू ओका घातक क छिंदरा क राखवावी करता हता।
ACT 22:21 आरू चु मखे कयो, जात रया: काहकि हाव तुखे गैरयहुदीन साथे नाहाव–नाहाव मोकलीह।
ACT 22:22 चाँ ओको वात तक ओको सोमवता रवु; तव ऊंची आवाज मा आयड़्यु, “ओसला मानसोन आखरी करू; ओको धरती पर जीवतलो रयनु वारू नी।”
ACT 22:23 जव चाँ आयड़ता आरू छिंदरा नाकता आरू हवा मा धरती उड़ावता हुता,
ACT 22:24 ते सैन्य–दलन सिपायड़ु कयो, “उको गढ़ मा ली जाऊ; आरू कुड़ा दिन जात्यो, कि हाव जानतु कि मानसे कोसला कारण हेका विरोध मा ओसो आयड़ी रयु छे।”
ACT 22:25 जव त्या हेके साकळिया मा बांधे ते पौलुस हेके सिपायड़ा त्यो हेकोन साथे उभु होतु कयो, “काय यो वारू छे, कि तुमू एक रोमि मानसो काजे, आरू त्यो भी बिना दोषी लागाड़ कुड़ा देवु?”
ACT 22:26 सिपायड़ा यो सोमवीन सैन्य–दलन मुखियान जु जाईन कयो, “तु या काय करतु छे? यु ते रोमि मानसु छे।”
ACT 22:27 तव सैन्य–दलन सिपायड़ु हेके जु आवीन कयो, “मखे कय, काय तु रोमि छे?” हेके कयो, “होव।”
ACT 22:28 यो समवीन सैना–दलन सिपायड़ो कयो, “हाव रोमि होयनेन पद वारू पयस्या आपीन–सापीन लेदलो छे।” पौलुस कयो, “हाव ते पैदावारी सी रोमि छे।”
ACT 22:29 तव जो लोगहन हेके पुछनेवाळा हुता, त्या तत्काळ हेके साते छे छेटा होय गया; आरू सैना नायक भी यो जानीन कि पौलुस रोमि छे, आरू त्यो हेको बांधलो बीह गयों।
ACT 22:30 दिसरे दाहड़े सैना नायक त्यो वारू रीति जाननेन मरजी छे कि यहूदि हेका पर कहा दोष लागाड़ ़े, हेरेन करीन पौलुसन बन्धन खुल दिदो; आरू डाहला पुजारा आरू आखी मोटली मिटिंग क एखटी होईनेन हुकुम दिदो, आरू पौलुस क नेचा ली जाईन हेन्दरे सामने उबो कर दिदो।
ACT 23:1 पौलुस ने महासभान चा रयन टकटकी लागाड़ीन देख, आरू कहा, हे भाईस्यो, हावने आज तक यहोवा–भगवानन खरी विवेक छाचाय सी जीवन जीवतो रयो सी।
ACT 23:2 इनी वात पर हनन्याह डाहला पुजारा, तिनुक जो तेरे साथे उबा होतो, पौलुसन गाल पर थापुड़ देनेन हुकुम दिदो।
ACT 23:3 तव पौलुस ने ओको कयो, ए निवाड़ा पुतायला भीतड़ा, यहोवा–भगवान तुखे देसी। तु व्यवस्थान अनसारे मारो नियाव करने करीन बठ्य सी, आरू तु व्यवस्थान विरोध मखे मारनेन हुकुम आपीस काय?
ACT 23:4 जे साथे उबा हुता चे पौलुसक कयो, “काय यहोवा–भगवानन पुजारान बुर भला कोवतो सी?”
ACT 23:5 पौलुस ने कयो, “हे भाईस्यो, हाव नी जानता हुता, कि यो पुजारू सी; काहकि शास्त्र मा लिख्यो सी, आपसा मानसोन प्रधानन बुर नी कोवे।”
ACT 23:6 तव पौलुस ने यो जानीन, एक दल सदूकियो आरू दिसरा फरीसियोन सी, महासभा मा आयड़ीन कयो, “हे भाईस्यो, हाव फरीसी आरू फरीसियोन अवलियाद सी, मरलान आश आरू पछो जीवन उठनेन विषय मा मारो मुकद्दमा होय रयो सी।”
ACT 23:7 जव त्यो यी वात कयी ती फरीसियो आरू सदूकियो मा झगड़ो हुयने लाग्या; आरू सभा मा फूट पड़ गयी।
ACT 23:8 काहकि सदूकियो ती यो कोवता सी, कि पछो जीव उठनो सी, नी सोरगदूत होय, आरू नी आत्मा सी; पुन फरीसि आखाक मानता सी।
ACT 23:9 तव मोटो हल्ला मचाड़ीयो आरू काही मूसान नियम सिकाड़ने वावा जो फरीसियोन दलन होतो, उठीन यो कोवीन झगड़ो लाग्यो, “हामु इन मानसोन काही बुराई नी देखता; आरू यदि काही आत्मा या सोरगदूत तीनाक बुल्यो सी ती पछु काय?”
ACT 23:10 जव घण झगड़ो हुयो, ती सैन्य दलन सरदार ने इन घाबराय सी कि वो पौलुसन टुकड़ा–टुकड़ा नी कर नाख्य, सैन्य दलन हुकुम देदी कि उतरीन ऐरो तींदरा वीच मा सी जबरजस्ती निकावु, आरू गढ़ मा ली आवु।
ACT 23:11 तीनेत राती पोरबु ने तेरे साथे आवी उबो हईन कयो, हे पौलुस, गोम राख्य; काहकि जोसी तु यरूशलेम मा मारी गवाय देदी, वोसी ही तुखे रोम मा भी गवा देनो पड़सी।
ACT 23:12 जव दिसरो दाहड़ु हुयो, ती यहूदि यो ने एक मन होईन, आरू शपथ खादी कि जव तक हामु पौलुसक मारीन नाखने, यदि हामु खाजे या पीजे ती हामु पर धिक्‍कार।
ACT 23:13 जे यी शपथ खादी होती, वो चावीस जन सी सवटो हुता।
ACT 23:14 चे प्रधान याजक आरू डाहडा साथे आवीन कयो, “हामु यो ठान्या सी कि जव तक पौलुसन मारीन नी नाख्यजे, तव तक हामु नी खाजे नी पीजे।
ACT 23:15 अतरान करीन हिमी महासभा सहावत सैन्य दलन सरदारन समझाडु कि ओको तुमरे साथे ली आश मानु कि तुमू तेरे विषय मा आरू भी ठीक सी हेर करनो जूवे होय, आरू हामु तेरो पुगने सी पेहल ही ओको मार नाखनेन करीन तीयार रोवसी।”
ACT 23:16 आरू पौलुसन बहिनीसन पोर्‍यो सोमव्या कि वो ओको मारने केड़ु होय रया घात मा सी, ती गढ़ मा जाईन पौलुसक सन्देश दिदा।
ACT 23:17 पौलुस ने सूबेदरो मा सी एकाक आपने साथे बुलावीन कयो, “इन जवान सैन्य दलन सरदारन साथे ली जावु, यो ओका सी काही कोवनो जूवता सी।”
ACT 23:18 शेवली कावा चु तीनाक सैन्य दलन सरदारन साथे ली जाईन कयो, “बन्दी पौलुस ने मखे बुलावीन रावन्या करी, यो जवान सैन्य दलन सरदार सी काही कोवनो जूवता सी; इनाक अतरान करीन साथे ली जाय।”
ACT 23:19 सैन्य दलन सरदार ने ऐरो हात धरीन, ओको अलग ली जाईन पूछा, “तु मुखसी काय कोवनो जूवता सी।”
ACT 23:20 त्यो कयो, “यहूदि यो ने एक कयो सी, कि तुखे सी रावन्या करो कि काल पौलुसन महासभा मा लाया, मान तु आरू ठीक सी ओकी हेर करने जूवता सी।
ACT 23:21 पुन इन्दरी नी मानोन, काहकि इनुमा सी चावीसन ऊपर मानसी ओकी घात मा सी, जे यो ठान लेदा सी कि जव तक वो पौलुसक नी मारे, तव तक नी खासी आरू नी पीसी, आरू हिमी वो तीयार सी आरू तारा वचन क वाट जुव रया सी।”
ACT 23:22 तव सैन्य दलन सरदर ने जवानक यो निर्देश आपीन विदा कर्‍या, “काही सी नी कोवने कि तु मखे यी वात देखाड़ी सी।”
ACT 23:23 त्यो बाद दुय सूबेदारक बुलावीन कयो, “दुय सौव सिपाई, सत्तर घुड़ सवार, आरू दुय सौव भालावाळा कैसरिया जाने करीन तीयार कर राख, तु रातीन तीसरे पहर निकवने।
ACT 23:24 आरू पौलुसन सवारीन करीन घुल्ला तीयार राखु कि ओको फेलिक्स मंत्री साथे वाचाड़ीन पुगाड़ दे।”
ACT 23:25 त्यो इन प्रकार चिठ्ठी भी लिखी।
ACT 23:26 महाप्रतापी फेलिक्स राज्यपालन क्लौदियुस लुसियासन नमस्कार।
ACT 23:27 यो मानसोन यहूदि यो ने धरीन मार नाखने जूवे, पुन जव हावने जाने कि वो रोमि सी, ती सैन्य दल लीन छुड़ाय लेदा।
ACT 23:28 आरू हाव जानो जूवतो होतो, कि वो ओको पर काय कारण दोष लागतो सी, अतरान करीन ओको तीन्दरी महासभा मा ली गया।
ACT 23:29 तव हाव जान लेदु, कि वो आपसी व्यवस्थान करीन विवादन विषय मा ओको पर दोष लागड़ता सी, पुन मार नाखने या बांधने जुगु हेका मा काय दोष नी।
ACT 23:30 आरू जव हावखे देखाड़ीयों, कि त्या इना मानसोन घात मा लाग्या सी ती हाव उको छाटलोत् तारे साथे मुकली दिदा; आरू मुद्दयोन भी हुकुम देदी, कि तारे सामने ओको पर ओराप लगाड़यो।
ACT 23:31 शेवली कावा जोसा सिपाईन हुकुम देदी गयी होती, वोसो ही पौलुसन लीन राती–राती अन्तिपत्रिस मा लाया।
ACT 23:32 दिसरे दाहड़े चे सवारन तेरे साथे जाने करीन छुड़ीन आप गढ़ पर गया।
ACT 23:33 चे कैसरिया मा पुगीन राज्यपालन चिठ्ठी आपी पौलुसक भी तीना सामने उबो कर्‍या।
ACT 23:34 भनीन पुछियो, यो काहना प्रदेशन सी? किलिकिया।
ACT 23:35 आरू जव जान लेदा कि किलिकियान सी; ती त्यो कयो, जव तारे मुद्दई भी आवसे, पाहरा मा राखनेन हुकुम देदी।
ACT 24:1 पाच दाहड़ा बाद हनन्याह डाहलो पुजारो कयी डाहडा आरू तिरतुल्लुस नावन काही वकीलन साथे लीन आश; चे राज्यपालन सामने पौलुस पर दोषारोपण कर्‍या।
ACT 24:2 जव वो बुलाया गया ती तिरतुल्लुस ओको पर दोष लागाड़ीन कुशल हुयसे छे; आरू तारो तयारी छे इन जातिन करीन कोतरी बुराई सुजागा जाती छे।
ACT 24:3 ओको हामु हर धरतीम आरू हर प्रकार छे धन्यावद साथे मानता छे।
ACT 24:4 पुन अतरान करीन कि तुखे आरू दुःख नी देने जूवता, हाव तुखे छे रावन्या करता छे, कि दया करीन हामरी दुय एक वात सोमवी लेवु।
ACT 24:5 काहकि हामु इन मानसोन झगड़ो करवानो आरू कोळ सब यहूदि यो मा बलवा करावनेवाळा, आरू नासरयोन गलत वाट्ये मुखी देख्या छे।
ACT 24:6 त्यो मंदिरक विटळ करनो जूवे, आरू तव हामु ओको बन्दी बनाय लेदा। हामु ओको आपसी व्यवस्था लारे दण्ड देता हुता।
ACT 24:7 पुन सैन्य दलन सरदार लूसियास ने आवीन ओको बलपूर्वक आमरो हातम रयन हापकी लेदा।
ACT 24:8 आरू इनु पर दोष लागाड़ने वावान तारे सामने आवनेन हुकुम देदी। इन आखा वातन ओका विषय मा हामु ओको पर दोष लागाड़ता सी, आपसूत् तीनाक हेर करीन जान लेसे।
ACT 24:9 यहूदि या लोगहन भी तेरे साथे आवीन कयो, यी वात हेर बारा सची छे।
ACT 24:10 जव राज्यपाल ने पौलुसक बुलनेन करीन संकेत कर्‍या ती त्यो जवाब दिदो: “यो जानीन कि तु घण साल इन जातिन न्याय करता छे, खुशी छे आपनो जवाब देतो” छे।
ACT 24:11 तु आप जान सकतु छे, कि जव रईन हाव यरूशलेम मा आराधना करनेन आयो, मखे बारा दाहड़ा छे ऊपर नी हुयो।
ACT 24:12 चे मखे नी मंदिर मा नी आराधना घर मा, नी नगर मा काही सी विवाद करता या गर्दी लागाड़ता देख्या।
ACT 24:13 आरू नी तो वो इन वातन, जिन्दरो वो हिमी मखे पर दोष लागाड़ता छे, तारे सामने सच साबित कर सकता छे।
ACT 24:14 पुन हाव तारे सामने यो मान लेता छे कि जिनी वाट क कुपन्थ कोवता छे, तिनीत रीति छे पर हाव आपसा बास दादान यहोवा–भगवानन सेवा करता छे; आरू जी वात व्यवस्था आरू कागळीयान किताब मा लिख्यो छे, इन आखा पर विश्वास करतो छे।
ACT 24:15 आरू यहोवा–भगवान छे आश राखतो छे जो वो तु भी राखतो छे, कि न्यायी आरू अन्यायी दुयन जीव उठने होयछे।
ACT 24:16 ओका सी मा तु भी यत्न करता छे कि यहोवा–भगवानन, आरू मानसोन चा रयन मारो विवेक सदा निर्दोष रोवे।
ACT 24:17 घण सालन बाद हाव आपसा मानसोन दान पुगाड़ ने, आरू भेंट चढ़ावने आश हुता।
ACT 24:18 चे मखे मंदिरक चुखो दशा मा बिना गर्दीन साथे, आरू बिना दंगा करता होया भेंट चढ़ावता देख्या हाव, आसिया कयी यहूदि हुता उन क वारू हुता।
ACT 24:19 आसिया नगरन काही यहूदि चाँ आया हुता; हिनुक खुद क भी आपने सामने आवु जुवे आरू मार विरोध काहय हुयो ते आपसा गुणाह क काजे लागु करनो जुवसे।
ACT 24:20 या यो तु कयो कि जव हाव महासभान सामने उबा हुता, तो चे ती चे मखे मा काहनो गुणेहगार देख्या?
ACT 24:21 इन एक वातक छुड़ीन जी हाव ने इन्दरे विच मा उबो हईन आयड़ीन कयी होती: हुयो कि जीव उठनेन विषय मा आज मारो तुमरे सामने मुकद्दमा होय रया सी।
ACT 24:22 फेलिक्स ने, जो इन पंथन वात ठीक–ठीक जानता हुता, तीनुक यो धरती टाव दिदा, “जव पलटन क सरदार लुसियासन आवसे, ती तुमरी वातन निर्णय करसे।”
ACT 24:23 आरू सूबेदारन हुकुम देदी कि पौलुसन काही छुट मा राखीन राखवावी करनो, आरू अतरान करीन दोस्ता मा छे काहीक भी चाखरी करने छे नी रूकने।
ACT 24:24 काही दाहड़ान बाद फेलिक्स हेकी बायर द्रुसिल्ला क जी यहूदि नी होती, साथे ली आश आरू पौलुसक बुलावीन तीना विश्वासन विषय मा जो मसीह ईशु पर छे, तेरे चा रयन सोमव्या।
ACT 24:25 जव वो न्यायपन आरू संयम आरू आवनेवाळो न्यायन चर्चा कर रया हुता, ती फेलिक्स ने भयभीत हईन जवाब दिदा, हिमी तो जा; देखीन हाव तुखे पछो बुलावीस।
ACT 24:26 ओको पौलुस छे काही धन मिवछे ती भी आश होती; अतरान करीन आरू भी बुलावी बुलावीन तीना सी वात कर्‍या करता हुता।
ACT 24:27 पुन जव दुय साल वीत गया ती पुरकियुस, फेलिक्सन धरती पर आश, आरू फेलिक्स यहूदि योन खुश करनेन मरजी सी पौलुसन बन्दी ही छुड़ दिदा।
ACT 25:1 फेस्तुस तिना प्रांतन ना पुगीन तीन दाहड़ा बाद कैसरिया सी यरूशलेम मा गयों।
ACT 25:2 तव डाहला पुजारू आरू यहूदि यान खास लोगहन हेके ओगळ पौलुस पर दोषारोपण करियो;
ACT 25:3 आरू उको रावन्या करीन हेका विरोध मा यो चाहयो कि त्यो हेके यरूशलेम मा बुलावे, काहकि त्या हेको वाटे मार देनेन करीन करता हुता।
ACT 25:4 फेस्तुस जवाब दिदो, पौलुस कैसरिया मा कैद छे, आरू हाव भी छाटलो वा आवीस।
ACT 25:5 ओळी कयो, “तुमू छे जो हक राखे त्यो पुठी आवे, आरू यो मानुस काहय गलत काम करलो होय, ती दोष लागाड़ ़े।”
ACT 25:6 हेन्दरे वीच मा काय आगठा दस दाहड़ा रहवीन त्यो कैसरिया गयो; आरू दिसरे दाहड़े नियावन गाद्दी पर बठीन पौलुस क लावनेन हुकुम दिदो।
ACT 25:7 जव त्यो आयो, ती जो यहूदि यरूशलेम मा आश हुता, त्या आस पास उबा होईन हेका पर घण वातड़ो दोष लागड़िया जिनाक पुरावु त्या नी आप सकतला।
ACT 25:8 बाकीन पौलुस जवाब दिदो, “हाव नी ते यहूदि यान न व्यवस्थान आरू नी मंदिरन, आरू नी कैसरन विरोध मा काहय गुणेहगार करियो।”
ACT 25:9 तव फेस्तुस यहूदि याक खुश करनेन मरजी पौलुसक जवाब दिदो, काय तु चाहे कि यरूशलेम मा जाजे; आरू वा मारे सामने तारो यो मुकद्दमा तियार करीयो जाय?
ACT 25:10 पौलुस कयो, “हाव कैसरन नियाव नी गाद्दी सामनेत उबो छव; मारा मुकदमो यात होयनो चाहया। जोसो तु वा रीति जाने, यहूदि यान हाव काय अन्याय करियो।
ACT 25:11 कदाम हाव अन्यायी छे आरू मारने जुगु काहय काम कर्‍या छे, ती मरना छे नी वसरतु; पुन जिन वातन या मार पर दोष लगाड़ता छे, कदाम हीनी माईन कोय वात सच नी ठरसे, ते कोय मखे ओको हाथ मा नी सौप सकता। हाव कैसर क दोहाई देतु छे।”
ACT 25:12 तव फेस्तुस ने मंत्रियान मिटिनन साथ मा विचार करीन जवाब दिया, “तु कैसर गवाय दीया की तु कैसरन पास जाछे।”
ACT 25:13 इतराक दाहड़ा वीतने बाद मा अगरीपा राजा आरू बिरनीके कैसरिया मा आवीन फेस्तुस साढ़े हावव्‍यु।
ACT 25:14 उको घण सवटा दाहड़ा चाँ रवनेन बाद मा फेस्तुस ने पौलुसन बारा मा राजा काजे कयो की एक मानुस छे तीनाक फेलिक्स मा बंद करीन छुड़ गया।
ACT 25:15 तव हाव यरूशलेम मा हुतो तो प्रधान पुजारा आरू यहूदि योन पेहला ओका पर दोषारोपन करीया आरू चाहे की तीना पर दण्डन हुकुम दिया।
ACT 25:16 पासी की हाव उको उतर दियौ की रोमियोन ने चि रीति नी होति कि कूदा मानशक काजे दण्डन करता सौप देय तव गुणेगार काजे दोष लागावने वावान सामने उबू रवीन दोषन जवाब देनेन मोकु नी मिव्‍यु।
ACT 25:17 बैस सालन बाद हाव आपसा मानसो काजे दान पुगावने, आरू भेंट चढ़ावने काजे आयु होतु।
ACT 25:18 जव ओको मुद्दई उबा होया, ते चाँ ओसली बुन्डी वात काजे दोष नी लागावड़ा, जोसो हाव समझता हुता।
ACT 25:19 पुन आपसा रीतिन, आरू ईशु नावन कोय मानसोन विषय मा जु मर गयु होतु, आरू पौलुस ओका सी जीवतु कयतु सी, विवाद कयता।
ACT 25:20 आरू हाव उलझन मा होतु, कि इन वातन पत्तु कोसो लागाड़ो? एरकरीन हाव ओका सी पुछियो, काय तु यरूशलेम जाछे, कि चाँ इन वातन फेसलु हुयो?
ACT 25:21 “पुन जव पौलुस विनता देदु, कि मार मुकद्मान फैसलु महाराजाधिराजन या हुयो; ते हाव हुकुम देदु, कि जव तव उका कैसरन जु मा मोकल्यु, ओको राखवावी करती जाए।”
ACT 25:22 तव अगरीपा फेस्तुस काजे कयो, “हाव भी मानसोन सोमवने चाहतु छे। फेस्तुस जवाब दियो तु काल सोमवी लेजी।”
ACT 25:23 शेवली कावा दिसरे दाहाड़े, जव अगरीपा आरू बिरनीके मोटली धुमधाम रईन आवीन सैन्य–दलन सरदारो आरू गाँवन मुखिया लोगहन सभा दरबार मा पुगता। तव फेस्तुस हुकुम देदु, कि चाँ पौलुस काजे ली आवे।
ACT 25:24 फेस्तुस कयो, “राजा अगरीपा, आरू छे सब मानसो या हामरे साथे छे, तु इन मानसो काजे देखतु छे, जिनान विषय मा सब यहूदि यरूशलेमा आरू या आयड़ीन–आयड़ीन मखे विनती की, कि ओको जीवतलो रवनु वारू नी।
ACT 25:25 पुन हाव जान लेदु कि त्यो ओसो काहय नी कर्‍यु कि मार नाखे जाए; आरू जव त्यो आपसु राजाधिराज की विनता देदी, ते तीनाक मोकलनेन फेसलु कर्‍यु।
ACT 25:26 पुन हाव तेर विषय मा काहनी वारू वात नी देख्यु कि महाराजाधिराज काजे लिखे, एरकरीन हाव तीनाक तुमरे सामने आरू विशेष करीन हे राजा अगरीपा तार सामने लायु छे, कि पारखनेन बाद मखे काहय लिखने काजे जुड़यो।
ACT 25:27 काहकि बन्दी काजे मोकलनु आरू जा दोष तिना पर लागाड़ला गया, तिनुक नी कयनो, मखे व्यर्थ समझनो पड़तो सी।”
ACT 26:1 अगरीपा राजा पौलुस सी कयो, “तुखे थारा बारा मा बुलनेन छुट छे।” तव पौलुस आपसो हाथ अगो करीन जवाब देने लाग्यो,
ACT 26:2 “हे राजा अगरीपा! जीतरी वातन यहूदि मखे पर दोष लागाड़ता छे, आज तार सामने तीनाक जवाब देने मा हाव खुद काजे धन्य समझतु छे”
ACT 26:3 विशेष करीन एरकरीन कि यहूदि योन सब रीति आरू विवाद काजे जानता छे। शेवली कावा हाव रावन्या करतु छे, भागे रईन मारी सोमवी ले।
ACT 26:4 जोसो मारो चाल–चलन सोरवाती रईन आपसी जातीन वीच मा आरू यरूशलेम मा जोसु हुता, यो सब यहूदि जानता छे।
ACT 26:5 चाँ यदि गवाय देने चाहता छे, ते सोरवात रईन मखे वोकतु छे, कि हाव फरीसि होईन आपसा न्यायन सबन सच पंथन लारे चाल।
ACT 26:6 आरू हिमी तीन प्रतिज्ञान आश क कारण जो यहोवा–भगवान हामरा डाया करला हुता, मखे पर मुकद्मा चाल रयु सी।
ACT 26:7 तीन प्रतिज्ञान पुरो होयनेन आश लगाड़ता, हामरा बारा ओवळियाद आपसा सब मन छे रात–दाहाड़े यहोवा–भगवानन सेवा करता आश छे। हे राजा, इन आश विषय मा यहूदि मखे पर दोष लागाड़ता छे।
ACT 26:8 जव कि यहोवा–भगवान मरला काजे जीवाड़तु सी, ते तुमरे या यी वात काँ विश्वासन योग्य नी समझी जाती?
ACT 26:9 हाव भी समझु होतु कि ईशु नासरतन नावन विरोध मा मखे घण काहय करनो जुवे।
ACT 26:10 आरू हाव यरूशलेम मा ओसोज कर्‍या; आरू प्रधान पुजारा रईन हक लिन घण चुखलो मानसो काजे जेल मा नाख्या, आरू जव चाँ मार नाख्या जाता हुता, ते हाव भी ओको विरोध मा आपसी सहमती देतु होतु।
ACT 26:11 आरू हर आराधना घर मा हाव हेके ताड़ना आपी–आपीन ईशुन निन्दा करवाता था, या तक कि रीश लागने सी ओसो गांडो होय गयो कि बाहरन गाव मा भी जाईन हेके सतावतु होतु।
ACT 26:12 इन धुन मा जब हाव प्रधान पुजारा रईन हक आरू हुकुम–पत्री लिन दश्मिक काजे जाय रयु होतु;
ACT 26:13 ते हे राजा, वाट मा सिरान परन टेहाव वादवा पर रईन सोर्‍यन तेज रईन भी बढ़ीन एक ज्योति, आपने तरफ आरू आपने साथे चालनेवालान चारो तरफ चमकती हुई देखाई।
ACT 26:14 आरू जव हामु सब धरती पर पड़ गया, ते हाव इब्रानी भाषा मा, मखे कहवतला यी वाणी सोमव्यु, “ए शाऊल, ए शाऊल, तु मखे काह सतावे? तिखला पर लात देनु तार करता वातड़ो छे।”
ACT 26:15 हाव कयो, हे पोरबु, तु कुन छे? पोरबु कयो, हाव ईशु छे, जीनाक तु सतावतु छे।
ACT 26:16 पुन तु उठ, आपसा पायो पर उभु होय; काहकि हाव ने तुखे एरकरीन दर्शन दिदा छे कि तुखे इन वातन भी सेवक आरू गवाय ठहरावु, जो तु देखलु छे, आरू तिनरो भी जीनान करता हाव तुखे दर्शन आपी।
ACT 26:17 आरू हाव तार मानसो काजे आरू गैरयहुदी रईन बचाडतु रयु, जिनान जु हाव हिमी तुखे एरकरीन मोकलतु छे।
ACT 26:18 “कि तु इन्दरा डुवा खुले, कि चाँ आंधारला रईन ज्योतिन तरफ, आरू शैतान क हक रईन यहोवा–भगवानन तरफ पछु कि पापोन माफी, आरू इन मानुस न साथे जा म्हार पर विश्वास करने सी चुखा हुयला छे, विरासत जड़से।”
ACT 26:19 पुन: ए राजा अगरीपा, तीनु सोरगदूतन दर्शनन वात नी टाली,
ACT 26:20 पुन पेहल दश्मिक क, पछु यरूशलेम क रहनेवाला क, तव यहूदि या क सब देश हाव काजे, तव यहुदियान सब आरू गैरयहुदी यो क समझाता रहा, कि मन फिरावो आरू यहोवा–भगवान की आरू पछतावो करीन मन फिराव योग्य काम करो।
ACT 26:21 इन वात न कारण यहूदि मखे मंदिर मा धरिन लिजाईन मार नाखनेन कोशिष करता हुता।
ACT 26:22 बाकीन यहोवा–भगवानन मदत छे हाव आज तक बवनु छे आरू नानला मोटा सबन गवाय देतु छे, आरू इन वात छुड़ आरू काहय नी कयतु, जु भविष्यवक्ता आरू मूसु भी कयो कि होयनेवावी छे,
ACT 26:23 कि मसीह काजे दुःख उठावनो पड़सी, आरू त्यो सब रईन पेहल मरलाम रईन जीव उठीन, हामरा मानसो मा आरू गैरयहुदी मा ज्योतिन खबर करसी।
ACT 26:24 जव चाँ इन रीति रईन जवाब आप रयु होतु, ते फेस्तुस जो सी ओवाज छे कयो, “हे पौलुस, तु गांडवाय गयों काय। सवटी अकाल तुखे गांडवाड़ देदी।”
ACT 26:25 पुन पौलुस कयो, “हे महाप्रतापी फेस्तुस, हाव पागल नी, पुन सच्चाई आरू ओकलन वात कयतु छे।
ACT 26:26 राजा भी जिनान सामने हाव निसर होईन बुल रयु छे, यी वात जानतु छे, आरू मखे विश्वास छे, कि इन वात मा रईन कोय तीनाक लिकाई नी, काहकि चाँ घटना ते कुना मा नी होई।
ACT 26:27 हे राजा अगरीपा, काय तु भविष्यवक्तान विश्वास करतु छे? होव, हाव जातु छे, कि तु विश्वास करे।”
ACT 26:28 तव अगरीपा राजा पौलुस सी कयो, “काय तु थुड़क समझाड़ने सी तु मखे मसीह बनाय दीस?”
ACT 26:29 पौलुस जवाब देधो, कम टेम मा चाहे जादा टेम मा “यहोवा–भगवान छे मारी यी प्रार्थना छे कि निस्तु तुत् नी बाकीन या आखा भी जे आज मखे समळी रया तसात् इनु म्हारा साकळियान काजे छुड़ीन।”
ACT 26:30 तव राजा आरू राज्यपाल आरू बिरनीके साथे बठनेवावा उभरय गया;
ACT 26:31 आरू अलग जाईन आपसु कयनो लाग्या, “यो मानुस ओसो ते काहय नी करे, जो मोतन–सजिया या जेल मा नाखनेन जुगु सी।”
ACT 26:32 अगरीपा फेस्तुस काजे कयो, “कदाम यो मानुस कैसर सी विनता नी करतो ती छुट जातु। विनता नी देतु, ते छुट सकतु होतु।”
ACT 27:1 जव यु विचार बन गयों कि हामु ढोंड्यान लारे इटली जाजे, ती चे पौलुस आरू काही दिसरा कैदड़ान क भी यूलियुस नावन औगुस्तुसन सैनान एक सूबेदारन हात मा सौप दिदा।
ACT 27:2 अद्रमुत्तियुमन एक ढोंड्या पर जो आसियान धोड़ेन धरती मा जाने पर हुता, चढ़ीन हामु ओको छुड़ दिदा, आरू अरिस्तर्खुसक नावन थिस्सलुनीके एक मकिदुनिया हामरे साथे हुता।
ACT 27:3 दिसरे दाहड़े सीदोन मा लंगर न्हाखीन आरू यूलियुस ने पौलुस पर किरपा करीन उको दुसतीदार क वा जाने दिदो कि ओकी पाहंनतराय करे।
ACT 27:4 वाँ सी ढोंड्या उगाड़ हवा विरोध होयनेन कारण हामु साइप्रस न आड़ हईन चाले।
ACT 27:5 आरू किलिकिया आरू पंफूलिया निकटन दरिया मा हईन लूसिया न मूरा मा उतरीया।
ACT 27:6 वाँ सूबेदारन अलेक्जेन्द्रिया एक ढोंड्या इटली जाता होया मिव्या, आरू त्यो हामुक तीना पर चढ़ाय दिदा।
ACT 27:7 जव हामु घण दाहड़ा तक धीरा–धीरा चालीन जसा तसा कनिदुसक सामने पुग्या, तो अतरान करीन कि वाहवो हामुक ओगळ जाने नी देती होती, हामु सलमोने सी हईन क्रेतेन आड़ मा चाले।
ACT 27:8 आरू तीनान धोड़े–धोड़े कठिनता छे चालीन शुभलंगरबारी नावन एक धरतीम पुग्या, वा छे लसैया नगर निकट हुता।
ACT 27:9 जव घण दाहड़ा वीत गया, आरू जलयात्रा मा जोखिम अतरान करीन होयती होती कि उपवासन दाहड़ा हिमी वीत त्योक्या हुता, तो पौलुस ने तीनान धरती चेतावनी देदी।
ACT 27:10 पुन सज्जनो, मखे ओसो जान पड़ता छे कि इन यात्रा मा विपत्ति घण हानि, केवल माल आरू ढोंड्यान वरना हामरा जीवन भी होयनेवावी छे।
ACT 27:11 पुन सूबेदार ने अगळवानिया आरू ढोंड्यान भगवानन बातन पौलुस छे बढ़ीन मान्यो।
ACT 27:12 वो बन्दरगाह जाड़े काटनेन करीन वारलो नी होतो; अतरान करीन आखान विचार हुयो कि वाँ छे ढोंड्या उगाड़ यदि काही रीति छे होय सके तो फीनक्स मा पुग्या जाड़े काटे। यो तो क्रेतेन एक बन्दरगाह छे जो दक्षिण पश्चिम आरू जवाब पश्चिमन चा रयन खुलतो छे।
ACT 27:13 जव दक्षिण वाहवो पुगनेन लागी, ती चे सोचिया कि चे जेरी जरूरत होती वो तींदरा साथे होती, लंगर झेलीया आरू धोड़े–धोड़े, दरिया तटन साथे क्रेते चाल दिदा।
ACT 27:14 पुन थुड़ी देर मा खेतन चा रयन एक मोटी आंझी आवी, जो युरकुलीन कोवायती छे।
ACT 27:15 जव आंझी ढोंड्या पर लागी, तव वो वाहवान सामने ठराय नी सक्या, हामु तीना बहनीन दिदा, आरू इनी तरह उहतो हुयो चाल गया।
ACT 27:16 तव कौदा नावन एक नानो छे टापून आड़ मा आड़ उहवतो–उहवतो हामु कठिनता छे डोगीन वश मा कर सक्या।
ACT 27:17 पछु मेलिया ने उठाड़ीन, काहय करीन उपाय करीन ढोंड्यान नेचा सी बांधिया, आरू सुरतिस रेत पर टिक जानेन भय सी पाव आरू सामान उतारीन उहवतो हुयो चाल गयो।
ACT 27:18 आरू जव हामु आंझी सी घोणा हिचकोले आरू धक्‍के खाय, तो दीसर दाहड़ा वो ढोंड्यान माल नाखेने लाग्या।
ACT 27:19 आरू तीसरे दाहड़ा चे आपसा हात सी ढोंड्यान साज सामान भी नाख दिदा।
ACT 27:20 आरू जव घण दाहड़ा तक नी सोर्‍य नी तारे देखाय दिदा, आरू मोटी आंझी चाल रयी होती ती आखरी मा हामरे वाचनेन सब आशा जात रयी।
ACT 27:21 जव वो घण दाहड़ा तक भुकला रया त्योके, ती पौलुस इन्दरे वीच मा उबो हईन कयो, “हे मानसोन जूवे होतो कि तुमू मारी वात मानीन, क्रेते छे नी ढोंड्या उगाड़ता आरू नी यो विपत्ति आवती आरू नी यो हानि झेलतो रये।”
ACT 27:22 पुन हिमी हाव तुमूक समझाता छे कि हिमत बांधो, काहकि तुमू मा छे कुदाक जीव क हानि नी होछे, पर केवल ढोंड्या करी।
ACT 27:23 काहकि यहोवा–भगवान जेरो हाव छे, आरू जिन्दरी सेवा करता छे, ऐरा सोरगदूत ने आज रात मारे साथे आवीन कयो।
ACT 27:24 हे पौलुस, “मा बिहे! तुखे कैसरन सामने उबो होयनो पाको सी। देख, यहोवा–भगवान सबक जा तारे साथे जत्रा करता छे, तुखे देदो छे।”
ACT 27:25 अतरान करीन, हे सज्जनो, ढाढ़स बांधो; काहकि हाव यहोवा–भगवान पर विश्वास करता सी, कि जोसो हावखेसी कयो, कि जोसो मुझसी कयो गया सी, वोसो ही होयसी।
ACT 27:26 पुन हामु काही टापु पर टिकना होछे।
ACT 27:27 जव चौदहवी रात होयी हामु अद्रिया दरिया मा भटक रया, हुता आधी रातन निकट मेलिया ने सार सी जानेन हामु देशन निकट पुग्य रया सी।
ACT 27:28 थाह लीन चे वीस पुरसा देख्या आरू थुड़ा ओगव बढ़ीन पछो थाह लीन, पंदरे पुरसा देख्या।
ACT 27:29 तव दगड़ा वाळी जागा पर पड़नेन आरू डर छे चे ढोंड्यान पछो चार लंगर नाख्य, आरू इच्छा करता रया।
ACT 27:30 पुन जव मेलिया ढोंड्या पर छे ढासनो जूवता हुता, आरू गलही छे लंगर नाखनेन वजेसे ढोगी दरिया मा उतार दिदा।
ACT 27:31 ती पौलुस ने सूबेदार आरू सिपाई सी कयो, यदि यो ढोंड्या पर नी रया, ती तुमू भी नी वाच सकता।
ACT 27:32 तव सिपाई ने राश काटीन ढोंड्या पाड़ देदी।
ACT 27:33 जव भोर हुयने पर होतो, ती पौलुस ने यो धरती, आखो भोजन करनेन समझाया, “आज चौवदे दाहड़ा होया कि तुमू आस देखता–देखता भूखला रया आरू काही भोजन नी कर्‍या।
ACT 27:34 अतरान करीन तुमूक समझाता सी कि काही खाय लेवु, ओका सी तुमरो बचाव होय; काहकि तुमू मा सी कुदान मुनकान एक झटु भी नी पड़े।”
ACT 27:35 आरू यो धरती त्यो रूटा लावीन आखान सामने यहोवा भगवान धन्यावद कामो आरू तुड़ीन खाने लाग्या।
ACT 27:36 तव वो आखा भी ढाढ़स बांधीन भोजन करने लाग्या।
ACT 27:37 हामु आखा हाववीन ढोंड्या पर दुय सौव ने तीन वीसु सत्ते जना हुता।
ACT 27:38 जव वो भोजन करीन आफरी गिया, तो गहू दरिया मा नाखीन ढोंड्या फोवर करने लाग्या।
ACT 27:39 जव दाहड़ो निकव्यो, ती चे तीना देशन नी उवखिया, पुन एक खाड़ी देखीन जेरो चौरस धोड़े होतो, आरू विचार कर्‍या कि यदि होय सके ती इन पर ढोंड्यान टिकाड्या।
ACT 27:40 तव चे लंगरोन उगाड़ ़ी दरिया मा छुड़ दिदा आरू तीनी टेहाव पतवारोन बन्धन उगड़ी दिदा, आरू वाहवान सामने ओगळी पाल चढ़ावीन धोड़े चा रयन चाले।
ACT 27:41 पुन दुय दरियान संगमन धरतीम धरीन ढोंड्यान टिकाया, आरू गलही तो धक्‍का खाय गड़ गयी, आरू टल नी सकी; पुन ढोंड्यान पोछलो भाग लहराम बल छे टुटने लाग्या।
ACT 27:42 तव सिपाहियोन यो विचार हुयो कि बन्दियोन मार नाखनेन; ओसो नी होय कि तीयार निकवीन डास्या।
ACT 27:43 पुन सूबेदार ने पौलुसक वाचाड़ने मरजी छे तीनुक इन विचार छे रूक, आरू यो कयो, कि जो तीयार हुयसे छे पेहल कूदीन धोड़े पर निकवी जाय।
ACT 27:44 आरू बाकी काही पड़ीया पर, आरू काही ढोंड्यान दिसरा चीजन सहारे निकवी जाय, इन रीति छे आखो काही धोड़े पर वाच निकवे।
ACT 28:1 जव हामु वाच निकल्या, ते मालुम पड़्यो कि यो टापू माल्टा कहवाये से।
ACT 28:2 आरू चा रवनेवावा हामु पर अलगुज किरपा की; काहकि पानी पड़ रीयु हुतु आरू जाड़ेन कारण, हेकेने आगठो धोपाड़ीन हामु सब जाजे ठहराव्या।
ACT 28:3 जव पौलुस पोराय काजे लाकड़ान गाट्ठो चुटीन आगठा पर हावक्यु, ते एक घड़सा आस देखीन निकल्यु आरू ओको हाथ पर चष्टी गयु।
ACT 28:4 जव इन रवनेवावा गड़सा ओको हाथ मा चष्ट्या ओसा देख्या, ते आपसु मा कयो, “सचमुच यु मानुस लुहूय यी छे, कदाम दरया रईन वाच गया, ते भी न्याय काजे जीवतो नी रवने दे।”
ACT 28:5 तव त्यो गड़सा काजे आगठा मा झटकी दिदा, आरू तीनाक काहय हानि नी पुगी।
ACT 28:6 पुन चाँ वाट जुवे रया हुता कि त्यो सुज जाछे, या एकदम पड़ीन मर जाछे, पुन जव चाँ घण देर तव देखता रया आरू देख्या कि ओको काहय भी नी बिगड़या, ते आरू ही पुछीन कयो, “यु ते कोय देव छे।”
ACT 28:7 तीन जगन आस–पास पुबलियुस नावन तीन टापुन प्रधानन धरती होती: त्यो हामुक आपने घर ली जाईन तीन दाहाड़ा दोस्तन पाहंतराय कर्‍या।
ACT 28:8 पुबलियुसन बास तेज छेरी आरू पश्चिम रईन मांदलु पवड़ु होतु। शेवली कावा पौलुस ओको जु घर मा जाईन प्रार्थना कर्‍या, आरू तीना पर हाथ हावकीन तीनाक आरगाय कर्‍यु।
ACT 28:9 जब असो हुयो, ते तीन टापुन बाकी मांदला आश, आरू आरगाय कर्‍या गया।
ACT 28:10 चाँ हामरा घण विजुत कर्‍या, आरू जब हम चालने लाग्या, ते जा काहय हामरे करता जरूरत होती, ढोंड्या पर हावक दिदा।
ACT 28:11 तीन महनान बाद हामु अलेक्जेन्द्रिया एक ढोंड्या पर चाल निकव्या, जो ओको टापू मा जोड़े काट रया हुता, आरू जेरो सहलानी दियुसकूरी हुता।
ACT 28:12 सुरकूसा मा लंगर नाखीन हामु तीन दाहड़ा टिकाड़ रया।
ACT 28:13 वाँ छे हामु पुगिन रेगियुम मा आश; आरू एक दाहड़ान बाद दक्षिण वाहवो चाली तव दिसरे दाहड़े पुतियुली मा पुग्या।
ACT 28:14 वाँ हामुक काही भाईस मिव्या, आरू तीनुक कोवने सी हामु तीनुन चाँ सात दाहड़ा तक रया; आरू इनी रीति सी हामु रोम मा चाल्या।
ACT 28:15 चा रईन हामरू भाई खुश खबर सोमळीन अप्पियुसन चौक आरू तीन सराय तक हामरी भेंट करने निकवी आश, जीनुक देखीन पौलुस ने यहोवा–भगवानन धन्यवाद कर्‍या, आरू, ढाढ़स बांधिया।
ACT 28:16 जव हामु रोम मा पुग्या, ती पौलुसन एक सिपाईन साथे जी तेरी राखवावी करता हुता, एखला रोवनेन हुकुम होयी।
ACT 28:17 तीन दाहड़ा बाद त्यो यहूदि योन मुखिया मानसोक बुलायो, आरू जव वो एखठा होया ती तीनुछे कयो, “हे भाईस्यो, हावने आपसा मानसोक या डाहलानुक रीतिन विरोध मा काही भी नी कर्‍या, पछु भी बन्दी बनावीन यरूशलेम छे रोमियोन हाते सौप दिदा।”
ACT 28:18 चे मखे पुछताछ करीन छुड़ देने जूवे, काहकि मखे मा मरलान योग्य काही दोष नी हुता।
ACT 28:19 पुन जव यहूदि अतरान करीन विरोध मा बुलने लाग्या, ती मखे कैसरन विनता देनो पड़े; यी नी कि मखे आपसा मानसोन पर काही दोष लागाड़ ्या हुता।
ACT 28:20 अतरान करीन हावने तुमूक बुलायो छे, कि तुमू छे हाववो आरू वात करीस; काहकि इस्त्राएली आश करीन हाव इन साकव छे जकड़ा हुयो छे।
ACT 28:21 चे तीनुसी कयो, “हामु तारे विषय मा यहूदि यो सी चिठ्ठी देखी, आरू नी भाईस्यो मा सी काही ने आवीन तारे विषय मा काय देखाड्या, आरू नी बुरो कयो।”
ACT 28:22 पुन तारो विचार काय छे? चो हामु तुखे छे सोमवनो जूवता छे, काहकि हामु जानता छे, कि हर धरतीम इनुमा विरोध मा मानसे वात करता छे।
ACT 28:23 तव चे तेरेन करता एक दाहडु ठेराया, आरू घण छे मानसे तेरे चाँ एखठा होया, आरू वो यहोवा–भगवान क राज्यन गवाय देतु, आरू मूसान व्यवस्था आरू भविष्यवक्तान किताब से ईशु क विषय मा समझा–समझाड़ीन सोंधारेन ते सांते तक तेर बाराम वात करतु रयु।
ACT 28:24 तव काही ने इन वातक मान लेदा, आरू काही विश्वास नी कर्‍या।
ACT 28:25 जव वो तींदरा मा एकु नी होया, ती पौलुसन इन एक वात कोवने पर चाल गया, “चुखलो आत्मा ने यशायाह कागळीयान द्बारा तुमरा डाहला छे ठीक ही कयो।”
ACT 28:26 जसो त्यो कयो, जाईन इन मानसो छे कय कि सोमवता ती रोवछे, पुन नी समझे, आरू देखता रोवछे, पुन नी समझे।
ACT 28:27 काहकि इन मानसोन मन मोट आरू इन्दरा कान्टा भारी होय गया छे, आरू चे आपसा डुवा बंद कर्‍या छे, ओसो नी होय कि वो कदी डुवा छे देख्या, आरू कान्टा छे सोमव्या, आरू मन समझे आरू म्हार तरफ फिरिया, आरू हाव तीनुक वारू करियो।
ACT 28:28 शेवली कावा तुमू जानु, कि यहोवा–भगवानन इन उध्दार न काहानी गैरयहुदी योन साथे मुकली गयी सी, आरू वो सोमवसी।
ACT 28:29 जव त्यो यो कयो ती यहूदि तीनुमा घण बुलचाल करने लाग्या आरू वा रयन चाल गया।
ACT 28:30 आरू पौलुस पूरा दुय साल तेरो घर भाड़े आप्य होतो।
ACT 28:31 आरू जो तेरे साथे आवता हुता, इन आखासे मिवता रया आरू विना रूक टोक घण निडर हईन यहोवा–भगवानन राज्यन खबर करता आरू पोरबु ईशु मसीहन वात सिखाड़ता रया।
ROM 1:1 पौलुसन तरफ छे जु ईशु मसीहन दास छे, आरू जिनाक प्रेरित हुयने करता बुलाया हुता, आरू यहोवा–भगवानन काजे ओको खुश खबर करता अलग कर्‍या गया छे।
ROM 1:2 जिनान चु पेहले सी कहवलो आपसा भविष्यवक्ता द्वारा चुखलो शास्त्र मा।
ROM 1:3 चाँ ओको पोर्‍याक हामरा पोरबु ईशु मसीहन विषयमा उजन्तो करली होती; त्यो शरीर क भाव से ते दाऊदन अवळियाद छे पैदा हुयो।
ROM 1:4 आरू चुखलोता आत्मान भाव छे मरलाम रईन जीव उठनेन कारण शक्ति साथे यहोवा–भगवानन पोर्‍य उबो छे, चु ईशु मसीह आमरू पोरबु छे।
ROM 1:5 उको द्वारा हामुक फोकटन दया आरू प्रेरिताई मीवी कि उका नामन कारण सुब जातीयान मानसो काजे विश्वास करीन ओको द्बारा यहोवा–भगवान गैरयहुदी ओको नाव पर विश्वास करे आरू हुकुम करे।
ROM 1:6 जिनामा तुमूक भी सामील होय जाऊ जिनामा ईशु मसीहन होयनेन करता बुलावला गया छे।
ROM 1:7 तीन ओका सबन नाव जो रोम मा यहोवा–भगवानन मोंगावु रईन आरू चुखलो करनेन करता बुलावला छे: आमरू बास यहोवा–भगवान आरू पोरबु ईशु मसीह तरफ छे फोकटन दया आरू शांती जुड़ती रोवे।
ROM 1:8 पेहल मा हाव सबन करीन ईशु मसीहन द्वारा आपसो यहोवा–भगवानन धन्यवाद करो, काहकि तुमरा विश्वासन चर्चा सब जगमा चाल रयी छे।
ROM 1:9 यहोवा–भगवान जेरी सेवा मा आपसी आत्मा छे उका पोर्‍याक काजे खुश खबर विषय मा करतु छे, चु मार गवाय छे कि हाव तुमूक कसु करीन एकदम फोम कर रयु छे,
ROM 1:10 आरू नित्य आपसी प्रार्थना मा विनती करतु छे, कि काहनी रीति रईन हिमी भी तुमरे जु आवनेन मारू रस्तु खुल्लु छे।
ROM 1:11 काहकि हाव तुखे मिवनेन मरजी कर रयु छे, कि हाव तुमूक काजे एकदुक आत्मिक वरदान आपो तिनान करता तुमूक एक जागे रवु;
ROM 1:12 मतलब यो कि हाव तुमरे विच मा रईन तुमरे साथ चु विश्वासन द्वारा जो मारमा आरू तुमूक मा छे, एक दिसराक हिम्मत जड़से।
ROM 1:13 आरू हे भाईस्यो, हाव नी चाहतु कि तु इनाक रईन गैरयहुदी रया कि हाव ताव–ताव तार जु आवने चाहे, कि जोसो मखे बाहर जाती मा भुरसान फव जुड़यो, तोसोज तुमूक मा भी जुड़यो, पुन मखे हिमी तक रूकलो हतो।
ROM 1:14 हाव सब मानसन कर्जदार छे, यूनानीयो आरू गैर यूनानी, आरू बुध्दिमानोन आरू निर्बुध्दियोन कर्जदार छे।
ROM 1:15 अतरान करीन हाव तुमूक भी चाँ रोम मा रोवता छे, खुश खबर सोंभावने भरसक तयार छे।
ROM 1:16 काहकि हाव खुश खबर छे नी आवे लाज, इनान करीन कि त्यो हर एक विश्वास करनेवालान करता, पेहल ते यहूदि मग यूनानीन करीन, उध्दारन निमित्त यहोवा–भगवानन शक्ति छे।
ROM 1:17 काहकि खुश खबर ओसो प्रकट करता छे कि यहोवा–भगवान मानसो काजे आपने सारखु बनावतु छे, चु पेहल रईन शेवाट तक भुरसा पर छे, जोसो शास्त्र मा लिखलो छे। “जु न्यायी मानुस छे चु भुरसा पर जीवतु रवसे।”
ROM 1:18 यहोवा–भगवान न रीस त्या लोगहन क सब अभक्ती आरू अन्याय पर सोरग पर से हुयसे, जो सत्य क छाचाय क दाबीब राखसे।
ROM 1:19 एरकरीन कि यहोवा–भगवानन विषय क ज्ञान ओको मन मा प्रकट होतलु छे, काहकि यहोवा–भगवान तिनु पर प्रकट करलो छे।
ROM 1:20 ओकान विनदेखियो गुण, मतलब उका सनातन शक्ति आरू यहोवा–भगवानत्व, जगन सृष्टिन टेहाव छे उका कमों द्वारा देखनेम आवतला छे, यो तक कि त्यो अमरकाय छे।
ROM 1:21 एर कारण कि यहोवा–भगवान जावनेन पर भी त्या यहोवा–भगवानन योग्य बढ़ाई आरू धन्यवाद नि कर्‍या, पुन व्यर्थ वात विचार करने लाग्या, यो तक कि ओकान निर्बुध्दि मनमा आंधारो होय गयो।
ROM 1:22 चाँ आपने आपसु बुध्दिमान सोमजीन मुर्ख बन गया,
ROM 1:23 आरू अमरकाया यहोवा–भगवानन महिम नाशवान मानुस, आरू चिल्ला, आरू चार पायवाला, घिसढ़ायने वाला जतुन मुरतीन समानता मा चाँ बदली देदो।
ROM 1:24 एर कारण यहोवा–भगवान ने तीनू मनन लालोच न लारे विटळता करीन सुड़ देदु, कारण चाँ आपसु मा ओका शरीरन विजुत करू।
ROM 1:25 काहकि चु यहोवा–भगवानन सच्चाई काजे बदलीन झूठ बनाव देदा, आरू बनावली वस्तुन भक्ती आरू सेवा कर्‍या, नी कि तीनु बनावनेवाला क जु सदा धन्य छे। आमेन।
ROM 1:26 एरकरीन यहोवा–भगवान तीनुक नीच इच्छान वश मा सुड़ देदु; या तक कि तीनुन बाई लोगहन भी स्वभाविक व्यवहार तीनुछे जो स्वभावन विरोध छे, बदली देदु।
ROM 1:27 तोसाच मानसे भी बाई लोगहन साथे स्वभाविक व्यवहार छुड़ीन आपसेमा कामातुर होईन जलने लाग्या, आरू मानसे भी मानसो साथे लाज आवे ओसो काम करीन आपसा भ्रमन वारलो फव देख्यु।
ROM 1:28 आरू जेतार तिनुक यहोवा–भगवानो काजे वोखने नी चाहे, एरकरीन यहोवा–भगवान भी तिनुक काजे तिनरा निकम्मा मन पर छुड़ देदु कि चाँ गलत काम करने लाग्या जा तिनुक नी करनो जुवे।
ROM 1:29 चाँ सब भाति–भातिन अन्याय, आरू द्दष्टता, आरू लालुच, आरू भेद–भाव मा भर गया; आरू डाह, आरू हत्या, आरू झगड़ा, आरू छल, आरू किचवन छे भरपुर होय गयो, आरू चुगल्यु,
ROM 1:30 यहोवा–भगवान निंदा करनेवावा, आरू एक दिसरान बुराई बदनाम करनेवाला, मुजा मारनीया, डाहवाळा, कुमनीयो, बुराई करनेन करता काहय रस्ता देखावनेवावा, आरू आश–बासन वात नी माननारा,
ROM 1:31 उल्टा विचार, निर्दयी, आपसी आपली जबान तुवड़ेवावा आरू एक दिसरा पर द्या नी देखावनेवावा, आरू एक दिसरान करता विचार नी करनो।
ROM 1:32 चाँ ते जानता छे, यहोवा–भगवानन यो नियम काय कयतु छे, जा मानसे इना रस्ता पर चालता छे, चाँ मरनेन दण्डन योग्य छे, तीभी ने सिरप चाँ मानसे सच्चा काम करनेवाला काजे मदत करता छे।
ROM 2:1 हे दोष लगावनेवावा, तु कोय काँ नी होय, तु निरूत्तर छे; काहकि जिनी वातमा तु दिसरा पर दोष लागाड़ छे, तिनी वातम हाव आपने आप काजे भी दोषी ठरावतु छे, अतरान करीन कि तु जु दोष लागाड़ छे खुद चु चो काम करतलु छे।
ROM 2:2 आरू हामु जानता छे कि ओसला–ओसला काम करनेवावा पर यहोवा–भगवान तरफ छे सच्चाईन न्याय करता छे।
ROM 2:3 हे मानव, तु जो ओसला–ओसला काम करनेवावा पर दोष लागाड़ छे, आरू चु खुद चो काम करतु छे; काँ यो समझे छे कि तु यहोवा–भगवानन न्याय रईन बच जाछे?
ROM 2:4 काय तु ओको किरपा, आरू सहनशीलता, आरू धीरजरूपी धन क तुच्छ जानतु छे? आरू काहय यो नी समझता कि यहोवा–भगवान की भलाई तारो मन फिराव करने काजे सिकाड़ती छे?
ROM 2:5 पुन तु आपसी कोठोरता आरू हठीला मनन कारन ओको रीसन दाहड़ान करता, जिनामा यहोवा–भगवानन सच्चु न्याय प्रकट होयसे, आपने उपर दण्ड लाय रयु छे।
ROM 2:6 यहोवा–भगवान आपो सब काजे कामोन पर फव आपसे।
ROM 2:7 जु मानुस वारला काम मा स्थिर रोवीन, महिमा आरू विजुत करसे तिनुक यहोवा–भगवान अमरकाय जीवन आपसे;
ROM 2:8 पुन जा मानसे स्वार्थी छे आरू सच्चाई काजे नाकार करता छे, ओसा मानसे अन्याय काजे मानता छे, तिनुक पर यहोवा–भगवान आपनु गुस्सु आरू रीस करसे।
ROM 2:9 आरू पीड़ा आरू संकट हर एक मानसन जीव पर बुराई करे आवसे, पेहल यहूदि पर बाद मा यूनानी पर;
ROM 2:10 पुन यहोवा–भगवान हर एक काजे जा वारला काम करता छे, तिनुक महिमा, विजुत, शांती आरू भला करता छे, पेहल यहूदि बाद मा यूनानी पर;
ROM 2:11 काहकि यहोवा–भगवान भेदभाव नी करता सबन न्याय करतु छे।
ROM 2:12 गैरयहुदी न जु मूसान नियम नी होय, आरू हेके पापन न्याय भी बिना व्यवस्थान होय जाछे; यहूदि यान जु मूसान नियम छे, आरू हेकेन पापन न्याय नियमन अनसारे होयछे;
ROM 2:13 काहकि यहोवा–भगवानन या व्यवस्थाक सोंबावनेवाला न्यायी नी, पुन व्यवस्था पर चालनेवाला न्यायी ठहरावला जाछे।
ROM 2:14 पछु जव गैरयहुदी मानसे तीनरे जु व्यवस्था नी छे, स्वभाव पर व्यवस्थान वात पर चालता छे, ते मूसान व्यवस्था ओकान जु नी होय तरी भी त्या आपनु करता खुद मा व्यवस्था छे।
ROM 2:15 ओकान चाल–चलन देखाड़ता छे, कि व्यवस्था ओको दिल मा लिखली छे, आरू ओकान विचार भी कयता छे कि सही छे, आरू इनाक लिन ओकान मनन विचार निर्दुष ठरतु छे।
ROM 2:16 जिन दाहाड़े यहोवा–भगवान मारा खुश खबर लारे ईशु मसीह क द्वारा माणसन सातायलो विचारन न्याय करसे।
ROM 2:17 यदि तु आपसा काजे यहूदि कयतु छे, आरू व्यवस्था पर भरसु राखतु छे, आरू यहोवा–भगवानन विषयमा डाहळाय करतु छे,
ROM 2:18 आरू तुखे मालुम छे यहोवा–भगवान तुखे काय करवानो चाहतु छे, आरू काहली वात वारली छे, आरू वारली वात तु नियम शास्त्रमा रईन सिखलु छे;
ROM 2:19 आरू आपने आपसु पर भरसु राखतु छे, कि हाव आंधवान अगळवाण्यु, आरू आंधारलाम पौड़ान विजावो छव।
ROM 2:20 मुर्ख काजे हुकुम देनारू, आरू साधा–बुवान मानसन मास्तर छे, आरू तु पक्‍क छे कि जो नियम शास्त्र तार जु छे, ओकामा पुरी सच्चाई आरू ज्ञानन समायलु छे।
ROM 2:21 मतलब जो तु जो दिसरा काजे सिकाड़े छे, आपने आपसु नी सिकाड़े? काँ तु जु चुरी करनेन शिक्षा आपे छे, चु आपसु खुद चुरी करतु छे?
ROM 2:22 तु जो कयतु छे, “व्यभिचार नी करनो” काय आपसु व्यभिचार करतु छे? तु जु मरला काजे नफरत करतु छे, काय तुमूक मंदिर काजे लुटता छे?
ROM 2:23 तु जु व्यवस्था क विषय मा डाहळाय करतु छे, काय व्यवस्था नी मानीन, यहोवा–भगवानन विजुत करतु छे?
ROM 2:24 “काहकि तुमरे कारण गैरयहुदी मा यहोवा–भगवानन नावन निन्दा करता छे” तोसो शास्त्र मा लिखलो भी छे।
ROM 2:25 यदि तु व्यवस्था पर चाल छे, ते खतना रईन भी फायदु छे, पुन तु व्यवस्था काजे नी माने, ते तुखे खतना बिन खतनान दशा ठहरावसे।
ROM 2:26 आरू गैरयहुदी जिनान खतना नी हुयो छे, पछा भी नियम पालन करता छे, ते काय हेकान खतना हुयने पर भी खतना नी गिनियो जाय?
ROM 2:27 आरू जो यहूदि क आरू गैरयहुदियोंन द्वारे गुणेगार बनायों जाछे जी भी तुमरे जुळ लिखला नियम आरू चामड़ी काटायली छे, बाकुन गैरयहुदी मानसे नियमन पाळन करे जिनाक चामड़ो नी काटयलों होय।
ROM 2:28 एक सच यहूदि कुन छे, जिनाक सचाकोर चामड़ो काटयलो छे चौ यहूदि जिनाक चामड़ो बाहरो काटायलो छे, सच्च यहूदि यो नी होय जो सचं चामड़ो काटयलो बाहरा रूप मा लेदला छे।
ROM 2:29 सच यहूदि चाँ छे जो मन मा छे; आरू खतना चो छे जु दिल क आरू आत्मा मा छे नी कि लेखक क; जिना काळजान पर चामड़ी काटायली छे जो माहय छे यहूदि है जिना काळजा छे चामड़ी काटयलो छे आरू यो यहोवा–भगवानन काम छे नी कि लिखला नियमन! असा मानसे यहोवा–भगवानन तरफ छे वारू कहवाये छे। नी की मानसोन तरफ छे।
ROM 3:1 गैरयहुदी न सामने तुमरा यहूदि न काय लाभ छे, तुमूक आरू तुमरा खतनान काय लाभ?
ROM 3:2 वार बातन वारू काही लाभ छे, पेहल ते यो कि यहोवा–भगवानन वचन ओको यहूदि काजे सोपला गया।
ROM 3:3 यदि बाकी विश्वासघाती निकवे भी ते काय हुयो? काय तीनरा विश्‍वासघाती हुयने रईन यहोवा–भगवानन सच्चाई व्यर्थ ठहरावछे?
ROM 3:4 कदी भी नी। वरना यहोवा–भगवान सच आरू हर मानसु झुठ ठरछे, जोसो लिखलो छे, “जिनासे तु आपसी बातो हाव न्यायी ठरसे आरू न्याय करता टेहाव तु जय जड़से।”
ROM 3:5 एरकरीन यदि आपनो अन्याय आपसी न्यायीपन ठराव देता छे, ते हामु काय कोवजे? काय यो यहोवा–भगवान जू रीस करतु छे अन्यायी छे? यो ते हाव यहोवा–भगवानन रीति पर कोवतु छे।
ROM 3:6 कदी भी नी। नी ते यहोवा–भगवान कोसो जगन न्याय करसे?
ROM 3:7 यदि मार झूठन कारण यहोवा–भगवानन सच्चाई तेर महिमान करता, जादा करीन प्रकट होई ते पछु काँ पापीन समान हाव दण्डन योग्य ठहराया जाता छे?
ROM 3:8 “हामु काय निन्दा करजे कि वारली वात निकले?” जोसलो हामु पर भी यो दोष लागाड़ भी जातला छे, आरू काहय कयता छे कि हिनरो यो कोवनु छे। पुन ओसला काजे दोषी ठहरावनु वारू छे।
ROM 3:9 ते मग काय हुयो? काय हामु तेर रईन वारला छे? कदी भी नी; काहकि हामु यहूदि यो आरू यूनानी दुयो पर यु दोष लागाड़ देदा छे कि चाँ सुब क सुब पापन वश मा छे।
ROM 3:10 जोसो लिखलो छे: “कोय न्यायी नी होय, एक भी नी।
ROM 3:11 कोय समझदार नी छे; कोय यहोवा–भगवान काजे देखनेवाला नी?”
ROM 3:12 सब भटक गया छे, सब जन निकम्मा बन गया छे; कोय भलाई करने वावा नी, एक भी नी।
ROM 3:13 इन्दरो गवो खुली हुई बीड़ा छे: तिनुक आपसी जीभों रईन छल कर्‍या छे: तिनरा हुटड़ीया मा घड़सान जहर छे।
ROM 3:14 आरू तिनरा मुय श्राप आरू कड़वजेर से भर गयो छे।
ROM 3:15 तिनरा पायो लुहूय वहय क फुर्तीले छे,
ROM 3:16 तिनरा रस्ता मा नाश आरू पीड़ा छे,
ROM 3:17 चे शांतीन वाट नी जानता छे।
ROM 3:18 तिनरे डूवान सामने यहोवा–भगवानन बीक नी छे।
ROM 3:19 हामु जाणता छे, कि व्यवस्था जो काहय कयती छे, ओकात कयती छे, जु व्यवस्थान हको तळे छे; एरकरीन कि हर एकान मुहय बंद कर जाए, आरू ओका संसार यहोवा–भगवानन दण्डन योग्य ठरसे;
ROM 3:20 काहकि व्यवस्थान काम छे कोय मानुस तेर सामने न्यायी नी ठरसे, एरकरीन कि व्यवस्थान व्दरा पापन पेहचान होतली छे।
ROM 3:21 पुन हिमी व्यवस्था छे अलग यहोवा–भगवान न्यायीपन प्रकट होयली छे, जेरी गवाय मूसान व्यवस्था आरू भविष्यवक्ता आपे छे,
ROM 3:22 मतलब यहोवा–भगवान की ची न्यायीपन, जी ईशु मसीह पर विश्वास करने छे सुब विश्वास करनेवाला करता छे। काहकि कोसलोज भेद नी होय;
ROM 3:23 एरकरीन कि सब पाप करला छे आरू यहोवा–भगवानन महिमा छे,
ROM 3:24 पुन ओकान फोकटन दया रईन ओकान छुटकारान द्बारा जु मसीह ईशु मा छे, न्यायी ठहराए जातु छे।
ROM 3:25 तीनाक यहोवा–भगवानन तेर लुहूयन कारण एक ओसलो पछतावान बली ठहरावसे, जु विश्वास करने से काम होयतु छे, कि जु पाप पेहल करलो गयलु, आरू जिनु पर यहोवा–भगवान आपसी सहनशीलता रईन ध्यान नी देदु; ओकान विषय मा आपसी न्यायीपन प्रकट करे।
ROM 3:26 वरना इन टेमे तिनान न्यायीपन प्रकट हुयो कि जिनाछे वा खुद न्यायी ठहरसे, आरू जु ईशु पर विश्वास करे तिनरो भी न्यायी ठहरानेवाला रोवसे।
ROM 3:27 ते डाहळाय करनेन कारण काय छे? ते हेकान पालन करनो काय काम छे, काहनी व्यवस्थान कारण? काय कामो व्यवस्था छे? नी, वरना विश्वास आरू व्यवस्थान कारण।
ROM 3:28 मानुस यहोवा–भगवान पर विश्वासन द्बारा न्यायी ठहरतु छे, एरकरीन हामु इन परिणाम पर पुगता छे, कि मानुस व्यवस्थान कामन बिना भुरसान व्दरा न्यायी ठहरावतु छे।
ROM 3:29 काय यहोवा–भगवान सिर्फ यहूदि योन छे? काय चु गैरयहुदीया काय नी छे? हमकास चु गैरयहुदियोंन भी यहोवा–भगवान छे।
ROM 3:30 काहकि एकुज यहोवा–भगवान छे, जु खतनावावान विश्वास छे आरू खतनारहितों क भी विश्वासन व्दरा न्यायी ठहरावछे।
ROM 3:31 ते काय हामु व्यवस्था क भुरसान द्वारा व्यर्थ ठरावतला छे? कदी भी नी। वरना व्यवस्था क एक जागे करता छे।
ROM 4:1 ते हामु काय कयजे, हामरा डाहायलान बास अब्राहम काजे काय सापड़लो?
ROM 4:2 काहकि यदि अब्राहम कामन रईन न्यायी ठरलु जातु ते, तीनाक डाहळाय करनेन जागु रोवतु, पुन यहोवा–भगवानन साथे नी।
ROM 4:3 चुखलो शास्त्र काय कयतो छे? यो कि “अब्राहम यहोवा–भगवान पर विश्वास करलो, आरू या तिनान करता न्यायीपन गिनाय गया।”
ROM 4:4 काम करनेवाळान दाहाड़की आपणु दान नी रोवे, पुन हक समझी जातो छे।
ROM 4:5 पुन जु विश्वास पर जेलाईन नी पुन कामो पर आरू यहोवा–भगवान पर विश्वास करता छे आरू जु यहोवा–भगवान पर ढोंगी भक्ति न काम बनावतु छे। हेकान यो यहोवा–भगवान पर विश्वास छे यहोवा–भगवान हेके न्यायी ठहरावता छे।
ROM 4:6 दाऊद क यो मतलब होतो कि ज्योत्यार चाँ उका मानसन क खुश होईन कयो छे जिनाक यहोवा–भगवान न्यायपन मानततु हतु, जो काहय भी करतु छे।
ROM 4:7 “धन्य छे चाँ जिनान अन्याय माफ होया, आरू जिनरा पाप ढाकला गया।”
ROM 4:8 “धन्य छे चाँ मानसे जिनाक यहोवा–भगवान पापी नी ठरावे।”
ROM 4:9 ते यो धन्य वचन, काय खतनावालोंन करता छे, खतनारहितोंन भी करता? हामु यो कयता छे, “अब्राहम न करता तिनान विश्वास न्यायीपन गिना गया।”
ROM 4:10 ते चाँ कोतार हुयो? काय ज्योत्यार हेकान खतना होय गयलो होतो। क बिना खतनान होतु। नी खतना होयनेन बाद नी बल्की खतना होयनेन पेहल ओसो हुयो।
ROM 4:11 आरू हेकान खतना होयतो ते एक सहलानी बनाव ताकि दर्शाव सके, कि यहोवा–भगवान उका खतना होयनेन पेहलुज विश्वासन द्बारा न्यायी स्विकार कर्‍यु! आरू अब्राहम सब विश्वासन आत्मिक बास बोन्यु हिमी चाँ बिना खतनान छे, पुन विश्वासीन छे, एरेन करता चाँ भी विश्वासी रूकाय जाछे;
ROM 4:12 चु तिनरू भी बास छे जिनरो खतना होयलो छे। ताकि काहकि चाँ मानसे खतना होयलाज हुता, बल्की आमरू बास अब्राहम विश्वासन पद सहलानी पर चालनेवालु होतु, चु अब्राहम जु खतना हुयने पेहल पर चाललु। विश्वास क द्वारा यहोवा–भगवान की प्रतिज्ञा क मिलना
ROM 4:13 ज्योत्यार यहोवा–भगवान अब्राहम छे आरू ओको पिढी छे प्रतिज्ञा करलो कि तुमू संसारन हकदार होयछे, यी प्रतिज्ञा अब्राहम काजे व्यवस्थान पालन करने छे नी मिवी पुन उका पर विश्वास कर्‍यु आरू यहोवा–भगवानन द्वारे न्याय स्विकार कर्‍या गया एरकारण छे मिवी।
ROM 4:14 ऐरकरता यदि मानते छे कि, यहोवा–भगवान आपली ची प्रतिज्ञा यी व्यवस्थान कारण पालन करनेवावा काजे मिवी, ते तुमरू विश्वास व्यर्थ छे, आरू यहोवा–भगवानन प्रतिज्ञा रिकामी होय जाती छे।
ROM 4:15 व्यवस्था रईन रीस प्रकट होयती छे, पुन जा व्यवस्था नी छे, चाँ व्यवस्थान नियम कोय नी तुड़तलो।
ROM 4:16 आरू यो यहोवा–भगवान भेटावनी छे, सब अब्राहम न वंश काजे भेटावनी छे, यो सिर्फ व्यवस्थान पालन करनेवालाज नी जा विश्वास करता छे, जो अब्राहम करलो काहकि अब्राहम हामु सबन आत्मिक बास छे।
ROM 4:17 जोसो लिखलो छे, “हाव तुखे बैस राष्ट्रान बास ठरावलु छे” काहकि यी वात यहोवा–भगवानन सामने वारली लागली छे। जु यहोवा–भगवान मरला माईन लोगहन क जीवता करलो छे, जु यहोवा–भगवान रूप रहित वातन आपसी हुकुमन रूप मा लावलु होतु। विश्वास करला, आरू जु मरला काजे जीवाड़े छे, आरू जी वात छे नी, तिनरा नाव ओसा लेता छे कि माने चाँ छे।
ROM 4:18 जसो वचन मा लिखलो छे, तु घण सवटी जातीन बास होयछे, आरू तारी पिढ़ी तारान सारकी होयछे। इनी वात पर आश राखनेन काय कारण नी हतों, तेबी अब्राहम विश्वास आरू आश राखिया।
ROM 4:19 काहकि चू सौ सालोन धोड़ तुमरा मरे होय शरीर आरू सारा क कुख क मरली होई क सी दशा जानीन भी विश्वास मा निर्बल नी हुयो,
ROM 4:20 आरू नी विनभुरसीया होईन यहोवा–भगवानन प्रतिज्ञा पर संका करे, पुन विश्वासमा द्दुढ़ होईन यहोवा–भगवानन महिमा करे;
ROM 4:21 आरू पाको जाना कि जिन वातन चु प्रतिज्ञा करली छे, वा तीनाक पुरो करनेमा भी समर्थ छे।
ROM 4:22 एर कारण, यहोवा–भगवान अब्राहम क ओका विश्वासन लारे हेके न्यायी मान लेदु।
ROM 4:23 आरू यो वचन, “विश्वास द्वारे न्यायी मान लेनो” सिर्फ तिना एखलान लोगहन जुगु नीं लिखी गयो हतो।
ROM 4:24 यो कि हामरे जुगु भी लिखी गय जो हामु न्यायी बनाड़े गया आरू जो हामु ईशु हामरा पोरबु जो मोतो माईन जीवतु हयु तिना पर विश्वास करजे।
ROM 4:25 चु हामरा पापोन कारण मोत जुगु आपाय गयु आरू हामुक यहोवा–भगवानन साते न्यायी बनावीन मरलाम माईन जीव उठ्यु।
ROM 5:1 काहकि हामु भुरसान कारण न्यायी होय गया छे, ते आपणा पोरबु ईशु मसीहन द्वारा यहोवा–भगवानन साथे हावल राखे,
ROM 5:2 आरू हिमी हेको द्बारा भुरसान कारण हामु यहोवा–भगवान क फुकट दया पारख लेता छे, आरू जीवन जीवता छे, आरू हामु हेको भुरसा पर डाहळाय करता छे, जी भुरसो यहोवा–भगवान महिमा साथे भागीदारी करली छे।
ROM 5:3 ओतरो नी हामरी अड़चन पर भी डाहळाय करता छे, काहकि हामु मालुम छे हामरी अड़चन धीरज तयार करतो छे।
ROM 5:4 आरू भागे रईन पारखीन चरित्र बनतो छे, आरू वाढ़तो ओसो चरित्र रईन आश पैदा होतली छे।
ROM 5:5 आरू यु आश हामुक निराश नीं करे काहकि यहोवा भगवान हेको मोंग हामरा दिल मा नाखलो छे मतलब चुखली आत्मा जी यहोवा–भगवानन भेंट छे।
ROM 5:6 काहकि ज्योत्यार हामु मा विश्वास नी होतु, ती मसीह सही टेम पर हामु भक्तीहीनोन करता मसीह बलिदान करलो छे।
ROM 5:7 कुदान न्यायी जनन करता कोय मरे, यो ते दुर्लभ छे; पुन काय जान सके कि एकदो वारलो मानसन करता कोय मरनेन भी साहस देखाड़े।
ROM 5:8 पुन यहोवा–भगवान हामु पर आपणा मोंगन, भलाई ओसली रीति मा प्रकट करता छे, कि जेतार हामु पापीच हुता तेतार मसीह आपणे करता मरलु।
ROM 5:9 अतरान करीन जब कि हामु एवी तेर लुहूय कारण न्यायी ठरहे, ते तेर द्वारा यहोवा–भगवानन रीस छे काँ नी बचाड़से?
ROM 5:10 हामु यहोवा–भगवानन हता दुस्मनी हता, पुन यहोवा–भगवान हेका पोर्‍यान मरने द्वारे हामरे साथे मेलमिलाप करायु, हिमी हामु यहोवा–भगवान क दोस्त छे, ते मसीहन द्बारा बैस जास्ती हामरा उध्दार काँ नी जुड़से।
ROM 5:11 केवल यो नी, पुन हामु आपना पोरबु ईशु मसीहन द्वारा, जेको द्वारा आमरू हावल होयलु छे, यहोवा–भगवान मा खुश रोवता छे।
ROM 5:12 एरकरीन जोसो एक मानुसन द्वारा पाप जगमा आवलो, आरू पापन द्वारा मरन आवलो, आरू इनी रीति छे मरनु सब मानसो मा पसरी गय, काहकि सब पाप करला।
ROM 5:13 नियम आवने छे पेहेल भी पाप हतों बाकीन पाप गिनायतों नीं हतों तव नियम नी हतों
ROM 5:14 पुन तेबी आदम गथु लीन मूसा तक पापन शासक हतों तेबी आदमन तसो चे लोगहन यहोवा–भगवानन वात नी टाळिया आरू आदम आवने वाळान सोहलानी बन्या।
ROM 5:15 यहोवा–भगवानन वरदान नी जो एक मानुसन पापोन रूप मा आयो तसोत् भेटावनी वरदान नी। काहकि जव एक मानुस क गुणा से बैस लोगहन मर गया ते भी यहोवा–भगवान क वरदान एक मानुस क द्बारा एणे ईशु मसीह क फोकटन दया क द्बारा सब क बैस वरदान जुड़से।
ROM 5:16 आरू यहोवा–भगवानन भेंट आरू एक मानुसन पाप, इनु दूयो मा फरक छे, ओळी एक पापोन कारण दोषन न्याय त्यो पुन घणा सवटा पापोन ओळते निर्दोष होयनेन जेका हामु कामका नी हता ची भेंट आवी ती हामु बिगुर पापोन होय गया।
ROM 5:17 काहकि जेतार एक मानसन गुणा कारण ओसलो मृत्यु ओको न द्वारा राज्य करलो, ते जा मानसे फोकटन दया आरू न्याय वरदान बहुतायत रईन पाते छे चाँ एक मानसोन, मतलब ईशु मसीह क द्वारा पाको ही अमरकाय जीवन मा राज्य करसु।
ROM 5:18 एरकरीन जोसो एक गुणा सब लोगहन मुक्त करता छे, पुन हुकुमन कारण ओको, एक लोगहन क काम भी सब लोगहन क मुक्त करता छे, आरू जीवनन करता न्यायी ठहरनेन कारण होयु।
ROM 5:19 काहकि जोसो एक मानुस हुकुम नी माननेन रईन घोणा मानसे पापी ठरसे, ओसो एक मानसन हुकुम मानने रईन घोणा मानसे न्यायी ठरहता जासे।
ROM 5:20 नियम छे परिचित हुयने छे पाप बढ़ गयो, पुन जा सारी पाप बढ़ियों चाँ सारी यहोवा–भगवानन दया ओळी भी जादा बढ़ी।
ROM 5:21 कि जोसो पाप मृत्यु फैलावतु राज्य कर्‍यु, तोसो आमरू पोरबु ईशु मसीहन द्वारा फोकटन दया भी अमरकाय जीवनन करता न्यायी ठरावता राज करसे।
ROM 6:1 ते हामु काय कयजे? काय हामु पाप करता रोवजे कि फोकटन दया घोणा हुयो?
ROM 6:2 कदी भी नी। हामु ज्योत्यार पापन करता मर गया ते पछा ओगव तीनाम कोसो जीवन जाय?
ROM 6:3 काय तुमू नी जानता कि हामु सब ओको मसीह ईशु मा बपतिस्मा लेदा, उको मृत्यु मा बपतिस्मा लेदा।
ROM 6:4 एरकरीन ओको न मृत्युन बपतिस्मा जुड़ने छे हामुक ओको साथे गाड़ीया, ताकि जोसो मसीह बासन महिमा क द्वारा मरला मा रईन जीवाल्लो गयो, तोसोज हामु भी नवलो जीवनन अनसारे चाल चाले।
ROM 6:5 काहकि यदि हामु उको मृत्युन समानता मा उको साथे जुड़ गया छे, ते नक्‍की उको जीव उठनेन समानता मा भी जुड़ जाछे।
ROM 6:6 काहकि हामु काजे जानता छे कि हामरा पुरानो मानुसकी उको साथे कुरूस पर चढ़ाव गया ताकि पापन शरीर नाश होय जाय, ताकि हामु ओगव पापन क पापन हको तळे मा नी रोवे।
ROM 6:7 काहकि जु मर गयु, जु पाप रईन मुक्त होय गयु।
ROM 6:8 एरकरीन यदि हामु मसीह साथे मर गया, ते आमरू विश्वास यो छे कि ओको साथे जीवसु भी।
ROM 6:9 काहकि यो जानतु छे कि मसीह मरला मा रईन जीव उठ्यु आरू पछु कदी नी मरनु। ओको पर पछु मृत्यु ओको पर पोरबुता नी करती।
ROM 6:10 काहकि आरू जु मर गयु पापन करता एकुज पुन जु नी जीवतु छे, चु यहोवा–भगवानन करता जीवतु छे।
ROM 6:11 ओसो तुमू भी आपने–आपसु पापन करता ते मर चुक्यो छे, पुन यहोवा–भगवानन करता मसीह ईशु मा जीवतु समझु।
ROM 6:12 अतरान करीन पाप तुमूक नश्वर शरीर मा राज नी करे, कि तुमूक उको लालुच हको तळे रोवु;
ROM 6:13 आरू ने आपणा अंगोंन अन्यायन हथियार होयनेन करता पाप क सोपु, पुन खुद आपसु मरे हुओं मा छे जीवतो उठनेन समान होईन जानीन यहोवा–भगवान हवाले कर देवु।
ROM 6:14 तेतार तुमु पर पापन पोरबुता नी हुयो, काहकि तुमूक व्यवस्थान हको तळे नी वरना फुकट दया तळे होय।
ROM 6:15 ते काय हुयो? काय एरकरीन हामु पाप करजे कि हामु व्यवस्थान हको तळे नी वरना फुकट दया तळे छे? कदी भी नी।
ROM 6:16 काय तुमूक नी जानतला कि जेरी हुकुम मानने करता तु खुद आपसु दासों क समान सौप देदा। ते ओकान दास छे: चाहे पाप क, जेरो आखरीम मृत्यु छे, चाहे हुकुमन करता। जेरो आखरी न्यायीपन छे?
ROM 6:17 पुन यहोवा–भगवानन धन्यवाद होय, कि तुमू जु पापन दास हुता हिमी मन रईन ओको शिक्षा माननेवाला होय गया, जिनान साँचामा नाखला गया हुता।
ROM 6:18 आरू पाप छुड़ावु जाईन न्यायपनन दास होय गया।
ROM 6:19 हाव उको शारीरिक दुर्बलतान कारण मानसोन रीति पर कोवतु छे। जोसो तुमूक आपना अंगोह खराब कामो क करता विटळ आरू खराब कामो न दास करीन सौपलु होतु, ओसोज हिमी आपना अंगोह चुखलोतान करता न्यायपन दास करीन सौप देवु।
ROM 6:20 ज्योत्यार तुमू पापन दास हुता, ते न्यायीपन छे स्वतंत्र हता।
ROM 6:21 जीन वातन करता तुमू लज्जित होय रया हता, ओको तिन टेहाव तुमू काय फव देख्या? काहकि ओको न आखरी ते रईन मृत्यु छे।
ROM 6:22 पुन पाप छे स्वतंत्र होईन आरू यहोवा–भगवानन दास बनीन तुमू फव जुवड़ो ओको चुखलोता हासिल होतली छे, आरू ओको आखरी अमरकाय जीवन छे।
ROM 6:23 काहकि पापन दाहाड़की ते मृत्यु छे, पुन यहोवा–भगवानन वरदान हामरा पोरबु मसीह ईशु मा अमरकाय जीवन छे।
ROM 7:1 हे भाईयो, काय तुमू नी जानता हाव व्यवस्था जावनेवावा काजे कय गयु छे कि ज्योत्यार तोत्यार मानुस जीवतु रोवतु छे, तोत्यार तक ओको पर व्यवस्थान पोरबुता रवती छे?
ROM 7:2 उदारणन करता एक वियाव वाली बाई नियम न द्वारे ताह तक बांधली छे, ज्योत्यार तक ची जीवती छे, पुन यदि हेको घर वावु मर जातु छे, ती तेर नाता मा नियम रईन सुट जाती छे।
ROM 7:3 एरकरीन यदि घर वावु जीवतु रवे तेबी कोय दिसरा मानसन होय जाये, ते व्यभिचारिणी कहवासे, पुन यदि घर वावु मर जाये, ते चाँ ओको व्यवस्था रईन छुट गय, यो तक कि यदि कोय दिसरा मानसन होय जाय तौभी व्यभिचारिणी नी ठहरछे।
ROM 7:4 ते हे मार भाईस्यो, तुमू भी मसीहान देहन द्वारा व्यवस्थान करता मरला बन गया, कि ओको दिसरा काजे होय जावु, जु मरलाम रईन जीव उठलु: ताकि हामु यहोवा–भगवानन करता फव लावजे।
ROM 7:5 काहकि ज्योत्यार हामु शारीरिक हुता, ते पापन लालसा जी व्यवस्थान द्वारा होती, मृत्युन फव पैदा करनेन करता हामरा अंगों मा काम करती होती।
ROM 7:6 पुन जीनान बन्धन मा हामु हुता ओको करता हिमी मरीन, हिमी व्यवस्था छे ओसा छुट गए, कि लिखल जुनली रीति पर नी, वरना आत्मान नवली रीति पर सेवा करता छे।
ROM 7:7 ते हामु काय कयजे? काय व्यवस्था पाप छे? कदी भी नी। वरना बिना व्यवस्थान हाव पाप काजे नी वोकतु व्यवस्था यदि नी कयती, “लालुच मा करे” ते हाव काजे नी जानतु।
ROM 7:8 पुन पाप काजे मकु देखीन हुकुमन द्वारा मखे मा सब प्रकारन लालस पैदा कर्‍यु, काहकि बिना व्यवस्थान पाप मरलु छे।
ROM 7:9 हाव ते व्यवस्थान बिना पेहल जीवतु होतु, पुन हुकुम आवी, ते पाप जीव गयु, आरू हाव मर गयु।
ROM 7:10 आरू ची हुकुम जी जीवनन करता होती, मार करता मृत्युन कारण ठरली।
ROM 7:11 काहकि पाप मकु देखीन हुकुमन द्वारा मखे भड़कायु, आरू ओको न द्वारा मखे मार भी देदु।
ROM 7:12 एरकरीन व्यवस्था चुखलो छे, आरू हुकुम चुखलो, न्यायी, आरू वारली छे।
ROM 7:13 ते काय ची जी वारली होती, मार करता मोत ठरली? कदी भी नी। पुन पाप तिन वारली वस्तुन द्वारा मार करता मोत पैदा करनेवावा होया कि ओको न पाप होयना प्रकट हुयो, आरू हुकुमन द्वारा पाप घोणा पापमय ठहरसे।
ROM 7:14 काहकि हामु जानता छे कि व्यवस्था ते आत्मिक छे, पुन हाव शारीरिक छे आरू पापन हातन वेचलु होतु छे।
ROM 7:15 आरू जु हाव करतु छे ओको नी जानतु; काहकि जो हाव चाहतु छे चो नी करता, आरू जेका मखे घीन आवती छे, चो करतु छे।
ROM 7:16 यदि जो हाव नी चाहतु चोज करतु छे, ते हाव मान लेतु छे कि व्यवस्था वारू छे।
ROM 7:17 ती ओसी दशा मा ओको न करनेवाला हाव नी, वरना पाप छे जु मार मा बठ रोयु छे।
ROM 7:18 काहकि हाव जानतु छे, कि मखे मा मतलब मारा शरीर मा कोय वारली वस्तु वास नी करतली, मरजी ते मखे मा छे, पुन वारला काम मखे बन नी पड़े।
ROM 7:19 काहकि जीन वारला कामन हाव मरजी करतु छे, चाँ ते नी करे, पुन जीन बुराईन मरजी नी करतु, चो कर्‍या करतु छे।
ROM 7:20 पुन यदि हाव चो करतु छे जिनान मरजी नी करे, ते ओको न करनेवावा हाव नी रवो, पुन पाप जु मखे मा बठलु छे।
ROM 7:21 ते हाव यो व्यवस्था देखो कि ज्योत्यार भलाई करनेन मरजी करतु छे, ते बुराई मार जु आवती छे।
ROM 7:22 काहकि हाव माहयतली आत्मा से ते यहोवा–भगवानन व्यवस्था छे बैस खुश रवता छे।
ROM 7:23 पुन मखे आपना अंगो मा दिसरा प्रकारन व्यवस्था देखाय पड़ती छे, जी मारी ओकलन व्यवस्था रईन लड़ती छे आरू मखे पापन व्यवस्थान बन्धन मा नाखती छे जी मार अंगो मा छे।
ROM 7:24 हाव कोसु अभागु मानसु छे! मखे इन मृत्युन देह रईन कुन छुड़ावसे छे?
ROM 7:25 आमरू पोरबु ईशु मसीहन द्वारा मखे छुटकारो जुड़से एरकरीन हाव तुमू यहोवा–भगवानन धन्यवाद करतु छे, पुन शरीर छव पापन व्यवस्थान सेवा करतु छे।
ROM 8:1 जु मसीह ईशु मा जीवन जीवतु छे, उको पर दण्डन हुकुम नी।
ROM 8:2 काहकि जीवन क आत्मान व्यवस्था मसीह ईशु मा मखे पाप रईन मृत्युन व्यवस्था छे छुड़ देदा।
ROM 8:3 काहकि जो काम व्यवस्था शरीरन कारण कमजोर होईन नी कर सके, ओको काजे यहोवा–भगवान कर्‍यु, मतलब आपना पोर्‍या काजे पापमय शरीरन समानता मा आरू पापनबलि होयनेन करता मोकलीन, शरीर मा पाप पर दण्डन हुकुम देदा।
ROM 8:4 अतरान करीन व्यवस्थान विधि हामु मा जो शरीर क लारे नी वरना आत्मान लारे चालता छे, पुरी कर जाए।
ROM 8:5 काहकि शारीरिक मानसन शरीरन वात पर मन लागाड़ ़े छे; पुन जा आत्मिकता मा जीवता छे, आत्मान वात पर मन लागाड़ता छे।
ROM 8:6 शरीर पर मन लागाड़नु ते मरन छे, पुन आत्मा पर मन लागाड़ जीवन आरू शांती छे;
ROM 8:7 काहकि शरीर पर मन लागावने ते यहोवा–भगवान छे दुस्मनी हावकनु छे, काहकि नी ते यहोवा–भगवान कि व्यवस्थान हको तळे छे आरू नी होय सके छे;
ROM 8:8 आरू जु शरीरन हको तळे मा छे, चाँ यहोवा–भगवान काजे खुश नी कर सके।
ROM 8:9 पुन जेतार यहोवा–भगवानन आत्मा तुखे मा बठती छे, ते तुमूक मानसन स्वभाव मा नी, पुन आत्मिक हालत मा छे। यदि एकदामा मसीहन आत्मा नी ते चो ओका नी।
ROM 8:10 यदि मसीह तुखे मा छे, ते धोङ पापन कारण मर गयो छे; पुन आत्मा न्यायीपनन कारण जीवतलो छे।
ROM 8:11 यदि ओका आत्मा जिना छे ईशु मरलाम रईन जीवाड़्यु थारे मा बठ्यु छे; ते जु मसीह काजे मरलाम रईन जीवाल्लु, चो तुमरो मरल शरीर क भी आपना आत्मान द्वारा जो तुखे मा बठलो छे जीवाड़छे।
ROM 8:12 अतरान करीन हे भाइयो, हामु शरीरन कर्जदार नी, क शरीरन लारे दाहड़ा काटे।
ROM 8:13 हामु बहुतेक शरीरन लारे जीवन काटसु ते कर्ज छे, पुन इनान मतलब यो नी क हामु बहुतेक स्वभाव रईन जीवजे।
ROM 8:14 अतरान करीन जोतरा लोगहन यहोवा–भगवानन आत्मा छे चलावड़े चालता छे, चास ते यहोवा–भगवानन पोर्‍या छे।
ROM 8:15 काहकि तुमूक दासत्वन आत्मा नी जुड़ी क पछा बीह गया, पुन लेपालकपन की आत्मा जुड़ी छे, जेरछे हामु छे अब्बा, हे बाप करीन आयड़े छे।
ROM 8:16 चुखलो आत्मा आपसु हामरी आत्मा साथे गवाही देदा छे, कि हामु यहोवा–भगवानन पोर्‍या छे;
ROM 8:17 आरू यदि पोर्‍या छे ते वारीस भी, वरना यहोवा–भगवानन वारीस आरू मसीह क साथे छे, क हामु ओका साथे दुःख उठावे ते उको साथे महिमा भी जुड़से।
ROM 8:18 काहकि हाव समझतु छे, कि इन टेमे दुःख आरू पीड़ा उको महिमा न सामने, जी हामु पर प्रगट होयनेवावी छे, काहय भी नी छे।
ROM 8:19 काहकि सृष्टि मोटली भुरसा सी भरायली नजर सी यहोवा–भगवान न अवळियाद उजन्तो हुयसे।
ROM 8:20 काहकि सृष्टि आपसी मरजी छे नी पुन हक तळे करनेवावा रईन छे, व्यर्थतान तळे एर आश सी करी।
ROM 8:21 कि सृष्टि भी आपसु विनाशन दासत्व रईन छुटकारा जोड़ताज, यहोवा–भगवानन पोर्‍यान महिमा न छुटकारो हासील करसे।
ROM 8:22 काहकि हामु जानता छे, कि सब सृष्टि हिमी तक भेवायती करती आरू पीड़ा मा पड़ीन तड़पावती छे;
ROM 8:23 आरू सिर्फ चु नी पुन हामु भी जिनाक जु आत्मा क पेहलो फव छे, आपसु जु करहाये; आरू लेपालक होयनेन, मतलब आपना शरीरन छुटकारान वाट देख रया छे।
ROM 8:24 भुरसान द्बारा ते आमरू छुटकारो होयलु छे, पुन जिन वस्तु क भुरसो करती जाती छे, जब चाँ देखने मा आवे ते पछी भुरसो क रवी? काहकि जिन चीजो क कोय देख रयु छे, ओकी आश काय करसे।
ROM 8:25 पुन जिन वस्तु काजे हामु नी देखता, यदि ओको पर भुरसो राखता छे, ते भागेज करीन उको वाट देखता भी छे।
ROM 8:26 ओसली रीति रईन आत्मा भी आपणी दुर्बलता मा मदत करता छे: काहकि हामु नी जानता कि प्रार्थना कोसली रीति रईन करनो जुवे, पुन आत्मा आपनु आपसुज ओसली दम भर भरीन, जु बयानन बाहर छे, हामरे करता रावन्या करता छे;
ROM 8:27 आरू मन क यहोवा–भगवान जानतु छे, कि चुखलो आत्मान मनमा काय छे? काहकि चु चुखलो मानसो करता यहोवा–भगवानन इच्छान लारे रावन्या करतो छे।
ROM 8:28 आरू हामु जानता छे, कि जा लोगहन यहोवा–भगवान रईन मोंग राखता छे, उको करता सब वातु मिवीन भलाई ही काजे पैदा करता छे; मतलब उको करता जी मरजी लारे बुलावला छे।
ROM 8:29 काहकि जिनुक उको पेहल छे जानलु छे तिनुक पेहल ठहरावलु भी छे कि उको पोर्‍या क स्वरूप मा छे ताकि चु घोणा भाईस्यो मा पहिलौठा ठरसे।
ROM 8:30 पछु तिनुक उको पेहल छे ठरावला, तिनुक बुलावला भी; आरू जिनाक बुलावला, तिनुक न्यायी भी ठहरावला छे; आरू तिनुक न्यायी ठरावला, तिनुक महिमा भी देदा छे।
ROM 8:31 छेवली कावा हामु इनी वात विषय मा काय कोवजे? यदि यहोवा–भगवान हामरी वोगे छे, ते हामरा विरोधी कुन रोव सेकता छे?
ROM 8:32 जु आपना खुदन पोर्‍या काजे भी नी राखीन छु़ड़यु, पुन उको हामु सबन करता आप देदा, तिनाक उको साथे हामुक आरू फुकट मा सब काय कोसो नी आपसे?
ROM 8:33 यहोवा–भगवानन नेवाड़ला पर गुणू कुन लागाड़ छे? यहोवा–भगवानूज जु छे उको न्यायी ठहरावनेवावु छे।
ROM 8:34 मग कुन छे जु दण्डन हुकुम देसे? मसीह चु छे जु मर गयु वरना मरलाम रईन भी जीव उठलु, आरू यहोवा–भगवानन डाखरे बाजु छे, आरू हामरे करता भानगाड़ाईन भी करतु छे।
ROM 8:35 कुन हामु काजे मसीहान मोंग रईन अलग कर छे? काय पीड़ा, या संकट, या अकाल, या गरीब, या नंगाई, या जोखिम, या तलवार?
ROM 8:36 जोसो शास्त्र लिखलो छे, “तार करता हामु दाहड़ु भर घात करता जाता छे; हामु वध होयनेवाला गाडरा न समान गिन्ला गया छे”
ROM 8:37 पुन इन सब वात मा हामु उको द्वारा जु हामु काजे मोंग करलो छे, विजेता रईन बढ़ीन छे।
ROM 8:38 काहकि हाव नक्‍की जानतु छे कि नी मृत्यु, नी जीवन, नी सोरगदूत, नी प्रधानता, नी वर्तमान, नी भविष्य, नी शक्ति, नी ऊचो,
ROM 8:39 नी धरती उंडो, नी धरतीन उचाई, आरू नी सृष्टि हामु यहोवा–भगवानन मोंग रईन, जो आमरू पोरबु ईशु मा छे, अलग कर सके।
ROM 9:1 हाव मसीह मा सच कयतु छे, हाव झुठ नी बुल रयु आरू मारू मन भी चुखलो आत्मा मा गवाही देदा छे,
ROM 9:2 कि मखे मो़टो शोक छे, आरू मारो मन मा दाहड़ीन दुःखतो रवतो छे,
ROM 9:3 काहकि हाव या तक चाहतु हतु, कि आपना भाईस्यो करता जो शरीरन भाव रईन मारो घरानो वालो छे, खुद मसीह मा शापित होय जाछे।
ROM 9:4 चु इस्त्राएली छे, आरू लेपालकपन हक्‍क, महिमा, आरू वाचा, व्यवस्थान उपहार, यहोवा–भगवान क भक्ति, आरू प्रतिज्ञाऍ ओका छे।
ROM 9:5 पुर्वज भी ओका छे, आरू मसीह भी शरीरन भाव रईन छुटकारो होयलु, सबन ऊपर सयाळा यहोवा–भगवान युगानुयुग धन्य छे। आमेन।
ROM 9:6 पुन यो नी कि यहोवा–भगवानन वचन टव गयो, अतरान करीन कि जो इस्‍त्राएलन वंश छे, चाँ सब इस्त्राएली नी;
ROM 9:7 आरू नी अब्राहमन वंश होयनेन कारण सब ओका पोर्‍या ठरसे, पुन लिखलो छे “इसहाक हिय रईनज तारो वंश कहवासे।”
ROM 9:8 मतलब शरीरन पोर्‍या यहोवा–भगवानन पोर्‍या नी, पुन प्रतिज्ञान पोर्‍यान वंश गिनियो जातो छे।
ROM 9:9 काहकि प्रतिज्ञान वचन यो छे: “हाव इन टेहावन लारे आवी, आरू सारान पोर्‍या रोवछे।”
ROM 9:10 आरू सिर्फ यो नी, पुन जेतार रिबका भी एक छे मतलब आमरू बास इसहाक रईनी भारपाय होती, त्योतार रिबका क दुय पोर्‍या होयला।
ROM 9:11 आरू हिमी तक नी ते पोर्‍यो जनम हतो, आरू नी उको काय भलो या भुरो करता हता; अतरान करीन कि यहोवा–भगवानन मनमा जी उको निवाड़ लेनेन लारे छे, काम कारण नी, पुन बुलावनेवाले पर बवनी रवे।
ROM 9:12 उको कयो, “मोटलु नानलान दास रवछे।”
ROM 9:13 जोसो लिखलो छे, “हाव याकूब काजे मोंग करलो, पुन एसाव क मोंग नी कर्‍यु।”
ROM 9:14 ते हामु काय कयजे? काय यहोवा–भगवानन यो अन्याय छे? कदी भी नी।
ROM 9:15 काहकि चु मूसा क कयतु छे, “हाव जेका कोय पर दया करने चाह्यु तिना पर द्या करीस, आरू जेका कोय पर किरपा करने चाह्यु ओको पर किरपा करीस।”
ROM 9:16 ऐरकरता यो नी ते चाहनेवालान, नी दौड़नेवावान पुन दया करनेवावा यहोवा–भगवानन भुरसे छे।
ROM 9:17 काहकि चुखलो शास्त्र मा फिरौन छे कयलो गयलो, “हाव तुखे अतरान करीन उभु करलो छे, कि तुखे मा आपनो शक्ति देखाड़ो, आरू मारो नावन प्रचार सब धरती पर होयछे।”
ROM 9:18 ते पछु, चु जेका पर चाहता छे, उको पर दया करतु छे, आरू जेका चाहतु छे उको मजबुत कर देतु छे।
ROM 9:19 पछु तु मखे कयसे, “चु पछु कोसो दोष लागाड़ ़े छे? कुन ओका इच्छान सामना करतु छे?”
ROM 9:20 हे मानव, भला तु कुन छे, जु यहोवा–भगवानन सामना करतु छे? काय बनावली वस्तु बनावने वाला काजे कय सकता छे, “तु मखे ओसलु काँ बनावलु छे?”
ROM 9:21 काय कुमायड़ा क धुवा पर हक्‍क नी, कि एकुज गुंडाम रईन एक ठाहरो विजुतन करता, आरू दिसरा विन विजुतन करता बनावे?
ROM 9:22 कि यहोवा–भगवान आपनु रीस देखावने आरू आपनी शक्ति प्रगट करनेन मरजी रईन रीसन ठाहरा काजे, जा विनाशन करता तयार करला गयला छे, धीर रईन छे।
ROM 9:23 आरू दयान ठाहरा पर, जिनाक महिमान करता पेहल तयार करलो, आपसा महिमान धन काजे प्रगट करनेन मरजी कर्‍या।
ROM 9:24 मतलब हामु पर जीनुक उको नी सिर्फ यहूदियों मा रईन, वरना गैरयहुदी मा रईन बुलावलु।
ROM 9:25 जोसो चो होशे क किताब मा भी कयतु छे, “जी मारी प्रजा नी होती, उको हाव आपनी प्रजा कयीस, आरू जु मोंगावु नी होतु, उको मोंगावु कोइस;
ROM 9:26 आरू ओसो होयछे कि जिन जागामा उको यो कयलो गयलो हतो, क तुमू मार प्रजा नी होय, तिनाज जागे चाँ जीवता यहोवा–भगवानन पोर्‍या कहवासे”
ROM 9:27 आरू यशायाह इस्त्राएलन विषयमा आयड़ीन कयता छे, “लागे ते इस्त्राएलन पोर्‍यान गिनती दरियान रेतान बराबर रवे, तेभी तिनाम रईनी थुड़ाक वाचछे।
ROM 9:28 काहकि पोरबु आपना वचन धरती पर पुरा करीन, न्यायीपन रईन साठु–साठु उको सिद्ध करसे।”
ROM 9:29 जोसो यशायाह ने पेहल भी कयलु हतु, “यदि सैनीकन पोरबु हामरे करता काहय वंश नी छुड़तु” ते हामु सदोमन समान होय जाता, “आरू गमोरान सरीखे ठरता।”
ROM 9:30 ते हामु काय कयजे? यो कि गैरयहुदी ने जा न्यायीपन क खोज नी करता हता, न्यायीपन हासिल करीन मतलब उको न्यायीपन क जु विश्वास रईन छे;
ROM 9:31 पुन इस्त्राएली; जी न्यायीपन व्यवस्थान खोज करता–करता उको व्यवस्था तक नी पुगी।
ROM 9:32 काय करने? अतरान करीन ओको विश्वास रईनी नी, पुन मानु कामो रईनी उको खोज करता हता; हेका उको दंगड़ा पर ठुकर खाई।
ROM 9:33 जोसो लिखलो छे, “देखु, हाव सिय्योन मा एक ठेस लागनेन दगड़ो, आरू ठुकर खानेन दगड़ु राखतु छे, आरू जु उको पर विश्वास करसे, चु लज्जित नी हुये।”
ROM 10:1 हे भाईस्यो, मार मनन लालुच आरू उको करता यहोवा–भगवान क मारी प्रार्थना छे, कि तिनुक उध्दार जुड़से।
ROM 10:2 काहकि हाव ओकान गवाही देता छे, कि उको यहोवा–भगवानन करता धुन रवती छे, पुन बुध्दिमानी क साथे नी।
ROM 10:3 काहकि चाँ यहोवा–भगवानन न्यायीपन रईन अनजान होईन, आरू आपनी न्यायीपन स्थापित करनेन यत्न करीन, यहोवा–भगवानन न्यायीपन क हको तळे रहवने सी मना करीया।
ROM 10:4 काहकि हर एक विश्वास करनेवाळान करता न्यायीपन क निमित्त मसीह व्यवस्थान आखरी छे अतरान करीन जु कोय विश्वास राखतु छे, जु यहोवा–भगवानन सही संबंध मा आवतु छे।
ROM 10:5 काहकि मुसू यो लिखलु छे कि जु मानुस उको न्यायीपन पर जु व्यवस्था रईनी जुड़नेवावु न्यायीपन छे, चु ओकान वर्णन मुसू ओसो करसे करतु छे, जु कोय व्यवस्थान हुकुम मानता छे।
ROM 10:6 पुन जु न्यायीपन विश्वास से छे, चाँ यो कयती छे, “तु आपना मन मा यो कयनो कि मतलब मसीह उतार लावनेन करता, सोरग पर कुन चढ़से?”
ROM 10:7 “या नरक मा मसीह क उतार लावनेन करता, कुन उतार छे?” मतलब मसीह क मरलाम रईन जीवाड़ीन ऊपर लावनेन करता!
ROM 10:8 पुन शास्त्र काय कये छे? यो कि, “वचन तारे साथे छे, तार मुय मा आरू तारा मन मा छे” यु चुज भुरसान वचन छे, जो हामु प्रचार करता छे,
ROM 10:9 कि यदि तु आपना मुय रईन ईशु क पोरबु जानीन अंगीकर करे आरू आपने मन रईन विश्वास करे, कि यहोवा–भगवान उको मरलाम रईन जीवाड़े, ते तुखे नक्‍कि उध्दार जुड़से।
ROM 10:10 विश्वास करने से आपनु यहोवा–भगवान क साथे सही संबंध मा आवता छे, ते विश्वास करने से खुद मुय करीन कोतारलीन छुटकारो जुड़तो छे।
ROM 10:11 काहकि चुखलो शास्त्र यो कयतो छे, “जु कोय उको पर विश्वास करसे, चु लज्जित नी हुये।”
ROM 10:12 यहूदियों आरू यूनानीयो मा कोय भेद नी, अतरान करीन कि चो सब पोरबुन छे; आरू आपना सब नाम लेनेवावा करता बहुताए से बरकत जुड़से।
ROM 10:13 काहकि शास्त्र कयतु छे, “जु कुन भी पोरबुन मदतन करता नाव लेछे, ओको उध्दार जड़से।”
ROM 10:14 पुन पछु जेका पर उको पर विश्वास नी करे, चाँ ओको न नाव कोसो लेछे? आरू जेको नी सोंबड़ी उको पर कोसो विश्वास करे? आरू प्रचारन बिना कोसो सोंबड़े?
ROM 10:15 आरू यदि संदेश सोंबवनेवावा मकले नी जाए, ते कोसो प्रचार करे? जोसो लिखलो छे, “ओको न पाय काय या सुहावने छे, जु वारली वातन खुश खबर सोंमबाड़े छे।”
ROM 10:16 पुन सब ने खुश खबर पर कान्टा नी लागाड़या, भविष्यवक्तो यशायाह कयतो छे, “हे पोरबु, कुन आपना खबर पर विश्वास करला छे?”
ROM 10:17 अतरान करीन विश्वास संदेश सोंबवने से, आरू सोंबवने मसीहन वचन से हतो छे।
ROM 10:18 पुन हाव कयतु छे, काय ओको नी सोंब्या? सोंब्या ते खरी छे; काहकि लिखलो छे, “ओकान स्वर सुब धरती पर, आरू ओकान वचन जगतन छोर तक पुग गया छे।”
ROM 10:19 पछु हाव कयतु छे, काय इस्त्राएली नी जानता हता? पेहल ते मुसू कयतु छे, “हाव ओकान द्वारा जी लोगहन नी, तुमरे मन मा जलन उगाड़से; हाव एक मुर्ख लोगहन द्वारा तुमूक रिस आपाड़ दिसु।”
ROM 10:20 पछु यशायाह बड़े हियाव साथे कयतु छे, “जु मखे नी देखतो हतु, ओको मखे हासील कर लेदा; आरू जु मोखे पुछता भी नी हता, ओको पर हाव प्रगट होय गयु।”
ROM 10:21 पुन इस्राएल न विषय मा चाँ यो कयता छे, “हाव आखु दाहाड़ु आपना हाथ एक हुकुम नी माननेवावी आरू विवाद करनेवाळी प्रजा तरफ पसारे रये।”
ROM 11:1 अतरान करीन हाव कयतु छे, काय यहोवा–भगवान आपनी प्रजा क त्याग देदु? कदी भी नी! हाव भी ते इस्त्राएली छे; अब्राहमन वंश आरू बिन्यामीनन अवळियाद मा छे हुं।
ROM 11:2 यहोवा–भगवान आपनी ओकी प्रजा काजे नी नाकारे, जिनाक उको पेहल छे हिय निवाड़ली; काय तुमू नी जानता, कि चुखलोशास्‍त्र एलियाह क काहनी मा काय कयतु छे, कि जब इस्राएल क विरोध मा यहोवा–भगवान रावन्या करता छे?
ROM 11:3 “हे पोरबु, उको तारो भविष्यवक्ता क मार नाख्या, आरू तारो वेदी क ढा देदा छे; आरू हाव एखलु बच रयु छे, आरू चाँ मखे मारने काजे देख रयु छे।”
ROM 11:4 पुन यहोवा–भगवान से उको काय जवाब जुड़से? “हाव आपना करता सात हजार लोगहन रख छुवड़ा छे जिनाक बाल क ओगव मांडा नी टेकलु छे।”
ROM 11:5 ओसली रीति से इन टेहाव भी, फोकटन दया से नेवाड़ला थुड़ाक मानसे बाकी छे।
ROM 11:6 यदि यो फोकटन दया से होयलो छे, ते पछा काम से नी, नी ते फोकटन दया पछ फोकटन दया नी रवे।
ROM 11:7 पछु परिणाम काय होयलो? यो कि इस्त्राएली ओकान खोज मा हुता, चु ओको नी जुड़यो; पुन नेवाड़ला काजे जुड़यो, आरू शेष मानसे वातड़ो करता गया छे।
ROM 11:8 जोसो लिखलो मा छे, “यहोवा–भगवान उको आजेन दाहाड़े तक भारी नींदन आत्मा मा नाखली छे, आरू ओसला डुवा आपलो जा नी देखे आरू ओसला कान्टा जा नी सोंब्या”
ROM 11:9 आरू दाऊद कयतु छे, “ओको न खानो ओखन करता जाव, आरू फासु, आरू ताकि ठुकर, आरू दण्डन जुड़े।
ROM 11:10 ओको न डुवा पर अन्धारो पड़ जाये ताकि नी देखे, आरू हमेशा ओको वा क झुकाड़ीन राख।”
ROM 11:11 ते हाव कयतु छे काय उको अतरान करीन ठुकर खासे, क पड़ जासे? कदी भी नी पुन उको पड़नेन कारण गैरयहुदीया क उध्दार जोड़से, कि उको जलन होय।
ROM 11:12 यदि ओको पड़नु जगतन करता धन आरू उको घटी गैरयहुदी क करता संपत्तीन कारण होयलो, ते ओको भरपूरी से कतरू बरकत जुड़से।
ROM 11:13 हाव तुमूक गैरयहुदीयो छे यी वातु कयतु छे। जब कि हाव गैरयहुदीयो क करता प्रेरित छे, ते हाव आपनी सेवान बढ़ाई करतु छे,
ROM 11:14 ताकि कोसली रीति छे हाव तुमरा घरानो मा जलन पैदा करावीन उको से कोय एकन उध्दार करावु।
ROM 11:15 काहकि जब यदि उको खोज करनो त्याग देनु जगतन मिलापन कारण होयलो, ते काय ओकान मान्य करता जानु मरलाम रईन जीव उठनेन बराबर नी हुयो?
ROM 11:16 जब भेटन पेहल पेड़ा चुखलो ठरसे, ते पूरा कुसनला पिठु भी चुखलो छे; आरू जब मुव चुखलो ठरसे, ते डावखा भी ओसलाज छे।
ROM 11:17 आरू यदि कोय एक दि डाव तुड़ देदा ते, आरू तु जंगली जैतुन होईन ओकामा साट दिया गया, आरू जैतुनन मुवन चिकनाई क भागी होयलु छे,
ROM 11:18 ते डावखा पर डाहळाय नी करनो; आरू यदि तु डाहळाय करे, ते जान ले, कि तु मुव काजे नी पुन मुव तुखे सम्भालती छे।
ROM 11:19 पछु तु कयसे, “डावखा अतरान करीन तुवड़ा गया कि हाव साट जाऊ।”
ROM 11:20 भला, चाँ ते विश्वासन कारण तुवड़ा गया, पुन तु विश्वास छे बवनु रवतु छे अतरान करीन डाहवाळा मा हुये, पुन डर क मानजी,
ROM 11:21 काहकि जब यहोवा–भगवान स्वभाविक डावो काजे नी छुड़ियु ते तुखे भी नी छुड़से।
ROM 11:22 अतरान करीन यहोवा–भगवानन किरपा आरू कड़ाई काजे देख! जा पड़ गया, ओको पर कड़ाई, पुन तुखे पर किरपा, यदि तु ओको मा बवनु रवे, तु भी काटाय जाछे।
ROM 11:23 आरू यहुदि भी विनभुरसा मा नी रवे, ते झाड़का साथे जुड़ाय जासे काहकि यहोवा–भगवान उको पछु जुड़ सकतु छे।
ROM 11:24 काहकि यदि तु उको जैतुन से, जु स्वभाव से जंगली छे, काटाय गयु आरू स्वभावन विरोध वारला जैतुन मा हाव साटाय गयु, ते या स्वभाविक डावे छे, आपना जैतुन मा काँ नी साटाय जाछे।
ROM 11:25 हे भाईस्‍यो, कि ओसो नी हये, कि तु आपने आपसु बुध्दिमान समजे; अतरान करीन हाव नी चाहतु कि तुमू इन भेद रईन अनजान रोवु, कि जेतार तक गैरयहुदी पूरी रीति रईन भरायने नी कर लेय, त्योतार तक इस्त्राएली एक भाग ओसोज वातड़ो रयछे।
ROM 11:26 आरू इन रीति रईन सब इस्राएल काजे उध्दार जड़से; जोसो शास्त्र मा लिखलो छे, “छुड़ावने वावु सिय्योन बयड़ा पर रईन आवसे, आरू अभक्ति याकूब रईन छेठो करावसे;
ROM 11:27 आरू उको साथे मारी वाचा त्योतार होयसे, जब कि हाव उको पापोन काजे दुर कर देसु।”
ROM 11:28 चाँ खुश खबर नी भाव से ते तुमूक करता चाँ यहोवा–भगवानन दुस्मनी छे, पुन नेवाड़ लेदा जानीन भाव से बाबदादा कारण मोंगावा छे।
ROM 11:29 काहकि यहोवा–भगवानन कदी भी नी बदले आपना वरदान से, आरू बुलाहट से कदी भी पछल नी वसर्‍यु छे।
ROM 11:30 काहकि जोसा तुमूक गैरयहुदी पेहल यहोवा–भगवानन हुकुम नी मान्या, पुन हिमी उको हुकुम नी मानने छे तुमूक पर दया होइली;
ROM 11:31 तोसोज यहूदि उको भी हिमी हुकुम नी मान्या, कि तुमूक पर जी दया होइली छे इना करीन ओको पर भी द्या होय।
ROM 11:32 काहकि यहोवा–भगवान सुबक हुकुम नी माननेन कारण बंद करीन मेकजी ताकि चाँ सुब पर दया करे।
ROM 11:33 आहा! यहोवा–भगवानन धन आरू बुध्दि आरू ज्ञान काय यो वातड़ो छे! उको विचार कोसा विछेळीयो, आरू उको मार्ग कोसो अगम छे!
ROM 11:34 शास्त्र मा लिखलो छे, “पोरबु क ओकलन कुन जानसे? आरू उके कुन सलाह आप सकता छे?
ROM 11:35 या यहोवा–भगवान क कुन पेहल उको काहय आपला छे, जेको चु पछु ओको वापस आपे?”
ROM 11:36 काहकि उको क तरफ छे, आरू उको क द्वारा, आरू ओकान करता सब काय बनावली गय छे; ओकान महिमा युगानयुग होयती रवे। आमेन।
ROM 12:1 अतरान करीन हे भाईहो, हाव तुमू काजे यहोवा–भगवानन द्या फोम करावीन रावन्या करतु छे, कि आपना शरीरक जीवतो, आरू चुखलो, आरू यहोवा–भगवानह भावता करता बलिदान करीन चढ़ाऊ; यी तुमरी आत्मिक सेवा छे।
ROM 12:2 आरू इन संसार क सदृश नी बने; पुन तुमरी बुद्धि क नवलो होय जाने छे तुमरो चाल–चलन भी बदलतो जाये, जिना से यहोवा–भगवान क वारलो, आरू भावती, आरू सिद्ध मरजी पारख से मालुम करता रवु।
ROM 12:3 काहकि हाव उको फुकट दया कारण जो मोखे मिवी छे, तुमू मा रईन हर एक से कयतु छे, कि जोसो समझनु जुवतो, उको बढ़िन कोय भी आपने आपसु मा नी समझे; पुन यहोवा–भगवान हर एक भुरसान परिणामन लारे वाट देदो छे, तोसलीज सुबुध्दि क साथे आपनु काजे समझे।
ROM 12:4 काहकि जोसो आपना एक देह मा बैस छे अंग छे, आरू सब अंगोन एक जोसो काम नी;
ROM 12:5 तोसो हामु बैस छे, मसीह मा एक देह होईन आपसो मा एक दिसरान अंग छे।
ROM 12:6 आरू जब कि उको फुकट दया लारे जो हामुक आपलो गयो छे, हामुक अलग–अलग वरदान मिवी छे, ते उको भविष्यवाणीन दान मिवी छे, चो विश्वासन परिणामन लारे भविष्यवाणी करे;
ROM 12:7 यदि सेवा करनेन दान मिवी छे, ते सेवा मा लाग रवे; यदि कोय सिकावनेवावा हुयो, ते सिकावनेमा लाग रवे;
ROM 12:8 जु शिक्षा देने वाळा हो, चु शिक्षा देने मा लाग रोवे; दान आपनेवावा पुरे छे दे, जु अगवाय करे, चु जुर छे करे, जो दया करे, चु हर्ष करे।
ROM 12:9 मोंग निष्कपट रोवे; बुराई छे घीन करे; वारला काम मा लाग रोवे।
ROM 12:10 भाईचारे क मोंग छे एक दिसरा रईन स्नेह हावको; परस्पर विजुत करने मा एक दिसरा रईन बढ़ीन चालु
ROM 12:11 कोशिष करने मा उजगाय नी करे; आत्मिक उन्माद मा भरला रोवे; पोरबुन सेवा करता रोवु।
ROM 12:12 आश मा खुश रवु; पीड़ा मा स्थिर रवु; प्रार्थना मा नित्य लागला रवु।
ROM 12:13 चुखलो मानसो काजे जो काय जरूरी हो, तिनामा उको मदत करसु; पाहंनतराय करनेमा लाग रोवु।
ROM 12:14 आपनु सतावनेवावा काजे बरकत हामु; बरकत हामु स्राप मा देवु।
ROM 12:15 खुशी करनेवाला क साथ खुशी करू, आरू रोड़नेवावा साथे रोडु़।
ROM 12:16 आपसु मा एक जोसो मन राखु; डाहवाळा मा हयो, पुन दाहाड़ा साथे संगति राखु; आपनी दृष्टि मा बुध्दिमान मा हयो।
ROM 12:17 बुराईन बदले कुणीन बुराई मा करू; जी वातु सब मानसो साथे वारली छे, ओकान चिंता कर्‍या करू।
ROM 12:18 जा तक होय सके, तुमूक सब मानसो साथे मेलमिलाप राखु।
ROM 12:19 हे मोंगावु आपनु बदलु नी लेनु; पुन यहोवा–भगवानन रीस काजे मोकु आपनु, काहकि शास्त्र मा लिखलो छे, “बदलु लेनु मारो काम छे, पोरबु कोवतु छे कि हाव बदलाव दिस।”
ROM 12:20 पुन “यदि तेरा दुस्मन भुखलो छे ते उको खानो खावाड़, यदि पीसलो होय, ते उको काजे पानी पिवाड़; काहकि ओसो करने पर चु खुदुज तुखे रईन ओको लाज आवसे।”
ROM 12:21 बुराई से मा हारो, पुन भलाई रईन बुराई काजे जीत लेवु।
ROM 13:1 हर एक व्यक्ति शासकीय हको तळे रोवे, काहकि काहलोज हक ओसो नी जो यहोवा–भगवान कि आरू छे नी होय; आरू जु हक छे, चाँ यहोवा–भगवानन ठहरावला छे।
ROM 13:2 एरकरीन जु कुन हकन विरोध करतु छे, चु यहोवा–भगवानन विधिन सामना करतु छे, आरू सामना करनेवावा दण्ड जड़से।
ROM 13:3 काहकि सरदार वारला कामन नी, पुन बुरा कामोन करता बीक क कारण छे; शेवली कावा यदि तु सरदार छे निडर रोवने कोवतु छे, ते वारलो काम कर, आरू ओको रईन छे तारी सराहना होयछे;
ROM 13:4 काहकि चाँ तारी भलाई न करता यहोवा–भगवानन सेवक छे। पुन यदि तु बुराई करसे, ते डर, काहकि चाँ तलवार व्यर्थ लेदा मिदा नी; आरू यहोवा–भगवानन सेवक छे कि ओको रीसन लारे बुरे काम करनेवाला काजे दण्ड आपसु।
ROM 13:5 एरकरीन हको तळे रोवनु नी केवल ओको रीसन डर रईन छाची छे, वरना विवेक भी यी गवाय आपे छे।
ROM 13:6 एरकरीन फाळु भी आपनु, काहकि शासन करनेवावा यहोवा–भगवानन सेवक छे, आरू हमेशा एर काममा लाग रवता छे।
ROM 13:7 एरकरीन हर एकन हक चुकाड़ देदु करू; जिनाक काजे कर जुवे, ओको महसुल जुवछे, ओको फाळु आपो; जिनाक बीक हुयनो जुवे, जेरो विजुत करनो जुवे, ओकान विजुत करू।
ROM 13:8 आपसेमा मोंग क छुड़ीन आरू कोसली वात मा कुणीन कर्जदार नी होय; काहकि जु दिसरा साथे प्रेम हावकतु छे, ओको नी व्यवस्था पूरी करलो छे।
ROM 13:9 काहकि यदि कि “व्यभिचार नी करनो, हत्या नी करनो, चुरी नी करनो, लालस नी करनो” आरू इनुक काजे छुड़ीन आरू कोय भी हुकुम मा देखायता जाता छे, “ओका पड़ोसी साथे आपने समान मोंग हावक।”
ROM 13:10 मोंग पड़ोसीन काजे कोय बुराई नी करे, एरकरीन मोंग राखनेन व्यवस्था क पालन करनो छे।
ROM 13:11 टेहाव काजे पेहचानीन ओसोज करू, एरकरीन कि एवी तुमूक करता नींद रईन जाग उठनेन घड़ी आव लागी छे; काहकि कि जीन टेहाव हामु विश्वास करला हुता, तिन टेमन विचार रईन एवी आमरू उध्दार नाट छे।
ROM 13:12 रात बैस जात रयी छे, आरू दाहाडु निकवने पर छे; एरकरीन हामु आंधारला कामोंन त्याग करीन ज्योतिन हथियार बांध ले।
ROM 13:13 जोसो दिसु होभा आपे छे, योसोज हामु सिधी चाल चालु, नी कि लीला–क्रीडा आरू पियक्‍कड़पन मा, नी व्यभिचार आरू लुचपन मा, आरू नी झगड़े आरू किचवाय मा।
ROM 13:14 वरना पोरबु ईशु मसीह काजे पहिन ले, आरू शरीर कि लालुच काजे पूरो करनेन उपाय नी करो।
ROM 14:1 जु विश्वास मा निर्बल छे, ओको आपसी संगति मा ली लेवु, पुन ओका मतों पर विचार करनेन करता नी।
ROM 14:2 एको काजे विश्वास छे कि सब काय खानु वारू छे, पुन जु विश्वास मा निर्बल छे, साग–पात ही खाता छे।
ROM 14:3 खाने वावु न–खाने वाला काजे तुच्छ नी जाने, आरू न–खाने वावु खाना वाला पर दोष नी लागावे; काहकि यहोवा–भगवान ओको मानीया करलो छे।
ROM 14:4 तु कुण छे जु दिसरान सेवक पर दोष लागाड़ तु छे? ओकान स्थिर रोवनु क गिर पौवनु ओको भगवान ही रईन सम्बन्ध हावकतु चे; वरना चाँ स्थिरूच कर देदो जायछे, काहकि पोरबु ओको स्थिर हावक देदो छे। च
ROM 14:5 कोय ते एक दाहाडु ते दिसरा छे। आरू कोय सब दाहाड़ान एक समान मानता छे। हर एक आपनाच मन मा पाको कर ले।
ROM 14:6 जु एकदा दाहाड़ा काजे मानतु छे, चाँ पोरबुन करता मानता छे। जो खातलु छे, चाँ पोरबुन करता खातु छे, काहकि चाँ यहोवा–भगवानन धन्यवाद करतु छे।
ROM 14:7 काहकि हामु मा रईन नी ते कोय आपने करता जीवतु छे आरू नी कोय आपने करता मरता छे।
ROM 14:8 यदि हामु जीवित छे, ते पोरबुन करता जीवित छे, ते पोरबुन करता मरता छे; शेवली कावा हामु जीवजे या मरें, हामु पोरबुच छे।
ROM 14:9 काहकि मसीह एरकरीन मरलु आरू जीव भी उठलु कि चाँ मरलाम रईन आरू जीवितों दुयोन पोरबु
ROM 14:10 तु आपसा भाईस पर कोसो दोष लागाड़से? या तु पछु कोसो आपसा भाईस काजे तुच्छ जानतु छे। आपो सब क सब यहोवा–भगवानन नियाव नी गाद्दी सामने उभु होयछे।
ROM 14:11 काहकि लिखलो छे, “पोरबु कोवतु छे, मारा जीवनन सोगुन कि हर एक घुटना मारा सामने टिकछे, आरू हर एक जीभ यहोवा–भगवान काजे अंगीकार करसे।”
ROM 14:12 एरकरीन आपो मा रईन हर एक यहोवा–भगवान काजे आपसा–आपसा लेखो आपसे।
ROM 14:13 शेवली कावा ओगव हामु एक दिसरा पर दोष नी लागाड़े, पर तुमू यो ठान लेवु कि कोय आपसा भाई क सामने ठुकर खाईन पाप मा पड़नेन कारण मा बने।
ROM 14:14 आरू पोरबु ईशु मा एक होयनेन कारण मोखे मा हाव जानतु छे, कि कोय वस्तु आपने आप रईन विटळ नी, पुन जु ओको विटळ समझतु छे ओका करता विटळ छे।
ROM 14:15 यदि तार भाईस या बोहनीस खानेन कारण नाराज होयतु छे, ते पछु तु मोंग न रीतिन रईन नी चालतु; जेर करता मसीह मरलु, ओको तु आपसा खानेन द्वारा नष्ट नी करे।
ROM 14:16 जिनाक तुमु वारू मानता छे ओका कोय क निन्दा नी कयनो देनु।
ROM 14:17 काहकि यहोवा–भगवानन राज्य खानु–पिनु नी, पुन न्यायीपन आरू हावल–मिलाप आरू चाँ खुशी छे जी चुखलो आत्मा से हुता छे।
ROM 14:18 जु इन रीति रईन मसीहान सेवा करता छे, चाँ यहोवा–भगवान काजे भाता छे आरू मानसो मा मान्य योग्य ठहरता छे।
ROM 14:19 एरकरीन आपो ओको वात मा लाग रोवे जिनाछे हावल–मिलाप आरू एक दिसरान बढ़ती होय।
ROM 14:20 भोजनन करता यहोवा–भगवानन नाव कोसो बिगाड़। सब काय चुखो छे, पुन ओको मानसन करता वात छे जिनाक ओका भोजन छे ठुकर लागती छे।
ROM 14:21 वारू ते यो छे कि तु नी मास खा, आरू नी दारू पी, नी आरू काय ओसलो करे तार विश्वासी भाईस ठुकर खाए।
ROM 14:22 तारू जु विश्वास हुयो, ओको यहोवा–भगवानन सामने आपनाच मन मा हावक। धन्य छे चाँ ओको वात मा, जिनाक चु ठीक समझतु छे, आपने आपसु दोषी नी ठरावतु।
ROM 14:23 पुन जु संका करीन खातु छे चु दण्डन योग्य ठहर त्यो कयो, काहकि चाँ विश्वास छे नी, चु पाप छे।
ROM 15:1 शेवली कावा हामु बलवान क काजे जुवछे कि निर्बलोंन निर्बलताओं क सहें, नि क आपने आपसु खुश करे।
ROM 15:2 हामरेम रईन हर एक पड़ोसी काजे आपसी भलाई न करता खुश करे काहकि हिनरी प्रगती हुयो।
ROM 15:3 काहकि मसीह ने आपनु आपसु खुश नी कर्‍यु, पुन जोसो लिखलो छे: “तार निंदकन निंदा मोखे पर आव पड़ी।”
ROM 15:4 जोतरी वात पेहल लिखली गय, ची आपसी शिक्षान करता लिखली गय छे कि हामरी धीरज आरू चुखलोशास्‍त्रन बढ़ावु द्वारा आश हावकजे।
ROM 15:5 धीरज आरू शांतीन दाता यहोवा–भगवान तुमूक यो वरदान आपे कि मसीह ईशुन लारे आपसु मा एक मन रवु।
ROM 15:6 ताकि तुमूक एक मन आरू एक स्वर मा हामरू पोरबु ईशु मसीहन बास यहोवा–भगवानन बढ़ाई करू।
ROM 15:7 एरकरीन, जोसो मसीह यहोवा–भगवानन महिमान करता तुमूक मान्य करतु छे, ओसोज तुमूक भी एक दिसरा काजे मान्य करू।
ROM 15:8 एरकरीन हाव कोवतु छे कि जी प्रतिज्ञाऍ बाबदादा काजे आपी गय होती ओको द्दुढ़ करनेन करता मसीह, यहोवा–भगवानन सच्चाई क प्रमाण आपनेन करता, यहुदि मानसोन सेवक बना:
ROM 15:9 आरू गैरयहुदी भी दयान कारण यहोवा–भगवानन बढ़ाई करे; जोसो लिखलो छे, “एरकरीन हाव जाति–जाति मा तारो धन्यवाद करसु, आरू तार नावन भोजन गावसु।”
ROM 15:10 पछु क छे, “हे गैरयहुदी यो क सुब मानसो, ओका प्रजा क साथे खुशी करो।”
ROM 15:11 आरू पछु, “हे गैरयहुदी यो सुब मानसो, पोरबु कि बढ़ाई करू; आरू हे राज्य राज्यन सब मानसो, ओको सराहो।”
ROM 15:12 आरू पछु यशायाह कोवतु छे, “यिशै कि एक वंश प्रगट होय छे, आरू गैरयहुदी यो क सरदार होयनेन करता एक उठसे, ओको पर आश हावकछे।”
ROM 15:13 यहोवा–भगवान जु आश दाता छे तुमूक विश्वास करने मा सुब भातीन खुशी आरू शांती रईन सब पुरो–करे, कि चुखलो आत्मा की शक्ति रईनी तुमरी आश बढ़ती जाए।
ROM 15:14 हे मार भाईसो, हाव खुद तुमरा विषय मा पाको जानता छे कि तु भी आप ही भलाई छे भरे आरू ईश्वरीय ज्ञान छे भरपूर छे, आरू एक दिसरा काजे समझाड़ सकता छे,
ROM 15:15 तेभी हाव भी काहरी–काहरी याद देवाड़नेन करता तुमूक जु घोणा हिंमत करीन लिखा। यो ओको फुकट दया कारण होयलो जो यहोवा–भगवान मोखे आपलो छे,
ROM 15:16 कि हाव गैरयहुदी करता मसीह ईशुन सेवक होईन यहोवा–भगवानन खुश खबर न सेवा पुजारान समान करजे, जिनान गैरयहुदीन मानो चढ़ाया जाना, चुखलो आत्मा रईन चुखलो बनीन मान लेय।
ROM 15:17 एरकरीन ओकान वातन विषय मा जो यहोवा–भगवान छे सम्बन्ध राखती छे, हाव मसीह ईशु मा बढ़ाई कर सकतलु छे।
ROM 15:18 काहकि ओको वात काजे सुड़ीन मोखे आरू कोसली वातन विषय मा कोवने मा साहस नी, जु मसीह गैरयहुदीन हको तळे वचन, आरू काम,
ROM 15:19 आरू सहलानी, आरू विनछळ्यो कामोंन शक्ति रईन, आरू चुखलो आत्मान शक्ति रईन मार द्वारा करला; यो तक कि हाव ने यरूशलेम रईन लिन चार तरफ इल्लुरिकुम तक मसीहन खुश खबर पुरी–पुरी खबर कर्‍या।
ROM 15:20 पर मार मनन मरजी या छे कि जाहरी मसीहन नाव नी लिदा, चा खुश खबर सोंबाडजे ओसो नी होय कि दिसरान नींव पर घर बनावजे।
ROM 15:21 पुन जोसो लिखलो छे तोसोज हुयो, “जिनाक ओका खुश खबर नी पुगी, चाज देखछे आरू जा नी सोंब्या चाज समझसे।”
ROM 15:22 अतरान करीन हाव तुमरे जु आवने रईन बार बार रूकलो रोवे।
ROM 15:23 पुन एवी इन देशों मा मार कामन करता आरू जागु नी रोवी, आरू घोणा साल रईन मोखे तुमरे जु आवनेन लालुच छे।
ROM 15:24 एरकरीन जब हाव स्पेन काजे जाईस ते तुमरे साथे होयतुस करे जासु, काहकि मोखे आश छे कि ओको जात्रा मा तुमूक रईन भेंट होयछे, आरू अब तुमरी संगति रईन मारो जी काय भर जाए ते तुमूक मोखे काय दुर अगळ पुगाड़ देजु।
ROM 15:25 पुन अब हाव चुखलो मानसो काजे सेवा करनेन करता यरूशलेम मा जातु छे।
ROM 15:26 काहकि मकिदुनिया आरू अखाया न मानसो काजे यो वारलो लागे कि यरूशलेमन चुखलो मानसो मा निर्धनोंन करता काय चन्दा करे।
ROM 15:27 ओको वारलो ते लागे, पुन चाँ ओका कर्जदार भी छे, काहकि यदि गैरयहुदी ओका आत्मिक वातु मा भागी हुए, ते ओको भी वारू छे कि शारीरिक वात मा ओका सेवा करे।
ROM 15:28 एरकरीन हाव यो काम पूरो करीन आरू ओका यो चन्दा सौपिन तुमरे जु होईन स्पेन काजे जाईस।
ROM 15:29 आरू हाव जानतु छे कि जब हाव तुमरे जु आवीस, ते मसीहन पूरी बरकत साथे आवसु।
ROM 15:30 हे भाईहो, आमरू पोरबु ईशु मसीहन आरू चुखलो आत्मान मोंग स्मरण दिला कर हाव तुमू रईन रावन्या करता छे, कि मार करता यहोवा–भगवान रईन प्रार्थना करने मा मारे साथे मिवीन लौलीन रवु
ROM 15:31 कि हाव यहूदियान विनभुरसीया रईन बच रवु, आरू मारो चाँ सेवा जी यरूशलेम न करता छे, चुखलो मानसो काजे स्वीकार हुयो;
ROM 15:32 आरू हाव यहोवा–भगवानन मरजी रईन तुमरे जु खुशी न साथे आवीन तुमरे साथे जु विस्राम पाऊं।
ROM 15:33 शांतीन यहोवा–भगवान तुमू सुबन साथ रोवे। आमेन।
ROM 16:1 हाव तार छे फीबेन करता जु हामरी बहिनीस काजे आरू किंख्रिया की मंडळी सेविका छे, रावन्या करता हुं
ROM 16:2 कि तुखे, जोसो कि चुखलो मानसोंकाजे जुवछे, ओको पोरबु मा मान्य करू; आरू जीन कुणीन वात मा ओकान तुमरी जरूरत रोवे, ओकान साहायता करू, काहकि चाँ भी बेसक की वरना मारी भी करलो काम करनेवाली रोवी छे।
ROM 16:3 प्रिस्किल्ला आरू अक्विला काजे जु मसीह ईशु मा मारा पुठी काम कोरन्या छे, नमस्कार।
ROM 16:4 चाँ मारा जीवन करता आपनोज जीवन जोखिम मा नाक देदा छे; आरू केवल हाव नी, वरना गैरयहुदीन सुब मंडळी भी ओकान धन्यवाद करती छे।
ROM 16:5 ओको मंडळी काजे भी नमस्कार जु ओका घर मा छे। मारा मोंगावु इपैनितुस काजे, जु मसीहन करता आसियान पेहलो फोव छे, नमस्कार।
ROM 16:6 मरियम काजे, जा तुमरे करता बैस मेहनत कर्‍या, नमस्कार।
ROM 16:7 अन्द्रुनीकुस आरू युनियास जा मारा घरानो छे, आरू मार साथ कैद होयला हुता आरू प्रेरितन मा नामी छे, आरू मोखे रईन पेहल मसीह होयला हुता, नमस्कार।
ROM 16:8 अम्पलियातुस काजे, जु पोरबु मा मारू मोंगावु छे, नमस्कार।
ROM 16:9 उरबानुस काजे जु मसीह मा आमरू पुठी काम कोरन्या छे, आरू मारा मोंगावु इस्तखुस काजे नमस्कार।
ROM 16:10 अपिल्लेस काजे जु मसीह मा सचू निकवु, नमस्कार। अरिस्तुबुलुसन घराना काजे नमस्कार।
ROM 16:11 मार घरानो हेरोदियोन काजे नमस्कार। नरकिस्सुसन घरानान जा मानसे पोरबु मा छे, ओका नमस्कार।
ROM 16:12 त्रूफेना आरू त्रूफोसा काजे पोरबु मा मेहनत करती छे, नमस्कार। मोंगावु पिरसिस काजे जु पोरबु मा बैस मेहनत कर्‍या, नमस्कार।
ROM 16:13 रूफुस काजे जु पोरबु मा नेवाड़ला छे आरू ओका माता क जु मारी भी छे, दुयो काजे नमस्कार।
ROM 16:14 असुंक्रितुस आरू फिलगोन आरू हिर्मोस आरू पत्रूबास आरू हिर्मास आरू ओको साथ भाईस्यो काजे नमस्कार।
ROM 16:15 फिलुलुगुस आरू युलिया आरू नेर्‍युस आरू ओकी बहिनीस, आरू उलुम्पास आरू ओको साथे सुब चुखलो मानसो काजे नमस्कार।
ROM 16:16 आपसु मा चुखलो चुम्बन छे नमस्कार करू। तुमूक मसीहन सुब मंडळीया रईन भी नमस्कार।
ROM 16:17 हिमी हे भाईहो, हाव तुमूक रावन्या करता छे, कि जा मानसे शिक्षान विपरीत, जो तुमूक जुवड़ो छे, फूट नाखनेन आरू ठोकर खावाड़नेन कारण रोवता छे, ओको काजे ताड़ लिदा करू आरू ओको छे छेटा रोवजु।
ROM 16:18 काहकि ओसला मानसे हामरा पोरबु मसीहन नी, पुन ओका पेटन सेवा करता छे; आरू वारली–वारली वातु रईन सीधे–सादे मनन मानसो काजे बड़काव देता छे।
ROM 16:19 तुमरी हुकुम मानने की चर्चा सुब मानसो मा फैल गय छे, एरकरीन हाव तुमरे विषय मा खुशी करतु छे, पुन हाव यो चाहतु छे कि तुमू भलाई न करता बुध्दिमान पुन बुराईन करता भोला बोवना रवु।
ROM 16:20 शांती क यहोवा–भगवान शैतान काजे तुमरे पायो करीन शीघ्र कुचली दे। आपसा पोरबु ईशु मसीह काजे फोकटन दया तुमूक पर हुयती रोवे।
ROM 16:21 मारा सहकर्मी तीमुथियुस न, आरू मारा घराना लूकियुस आरू यासोन आरू सोसिपत्रुस काजे तुमूक नमस्कार।
ROM 16:22 मोखे पत्री क लिखनेवावा तिरतियुसन, पोरबु मा तुमूक नमस्कार।
ROM 16:23 गयुस जी मारी आरू मंडळी पहुनाई करनेवाळु छे, ओकान तुमूक नमस्कार। इरास्तुस जु नगरन भण्डारी छे, आरू भाई क्वारतुस काजे तुमूक नमस्कार।
ROM 16:24 आमरू पोरबु ईशु मसीहन फोकटन दया तुमु पर होयतु रोवे। आमेन।
ROM 16:25 हिमी जा तुमू काजे मारा खुश खबर मतलब ईशु मसीहन संदेशन खबरन लारे स्थिर कर सकता छे, ओको भेदन प्रकाशन लारे जा अमरकाय काजे धोपाय रोवला,
ROM 16:26 पुन हिमी प्रगट होईन अमरकाय यहोवा–भगवानन हुकुम रईन भविष्यवक्तान किताब क द्वारा सुब जातियक काजे कोवनु छे कि चाँ विश्वास रईन हुकुम माननेवावा होय जाऍ,
ROM 16:27 ओका एकुत् बुध्दिमान यहोवा–भगवान कि ईशु मसीहन द्वारा युगानयुग महिमा होयती रोवे। आमेन।
1CO 1:1 पौलुसन चा रयन जो यहोवा–भगवानन मरजी छे ईशु मसीहन प्रेरित छे, हुयने क करता बुलाया गया आरू भाईस सोस्थिनेस की आरू छे,
1CO 1:2 यहोवा–भगवान की उना मंडळी क नाव जो कुरिन्थस मा छे, मतलब ओको नाव जो मसीह ईशु मा चुखलो कामो गयो, आरू चुखलो हुयने क करता बुलाया गया छे; आरू उन सब क नाव भी जो हर धरतीम हामरे आरू आपने पोरबु ईशु मसीह क नाव छे प्रार्थना करता छे।
1CO 1:3 आमरो आरू ओको बास यहोवा–भगवान पोरबु ईशु मसीह की आरू छे तुमूक फोकटन दया आरू शांती मिवती रये।
1CO 1:4 हाव तुमरे विषय मा आपने क धन्यवाद सदा करता छे, एरकरीन कि यहोवा–भगवान क यो फोकटन दया तुमू पर मसीह ईशु मा होया।
1CO 1:5 एरकरीन की तुमू ईशु मसीह मा एक हुयने की वो हर एक वात मा मतलब सब काही बुलने मा आरू संपूर्ण ज्ञान छे हुयो।
1CO 1:6 कि ईशु क बारा मा गवाही तुमू मा स्थापित होय।
1CO 1:7 एरकरीन कि काही वरदान मा तुमू घटी नी, जोसी की तुमू हामरे पोरबु ईशु मसीह क प्रगट हुयने की वाट जुवता रयता होय।
1CO 1:8 वो तुमूक आखरी तक दृढ़ भी करसे एरकरीन कि तुमू हामरे पोरबु ईशु मसीह क पछो आवने दाहड़ो मा निर्दोष ठरछे।
1CO 1:9 यहोवा–भगवान विश्वासयोग्य छे, जो तुमू क ओका पोर्‍या हामरा पोरबु ईशु मसीह की संगति मा बुलाया छे।
1CO 1:10 हे भाईस, हाव तुमू छे हामरे छे हामरे पोरबु ईशु मसीह क नाव छे रावन्या करता छे कि तुमू सब एक ही वात कयो, आरू तुमू मा फूट नी होय, पुन एक ही मन आरू एक ही मा हईन मिवे रयो।
1CO 1:11 हे मारा भाई आरू बहनीस खलोए क घराना क मानसे ने मखे तुमरे विषय मा देखाड्या छे कि तुमू मा झगड़ा होय रया छे।
1CO 1:12 मारे कयनो क मतलब यो छे कि तुमू मा छे काही तो आपने आप क “पौलुस क” काही “अपुल्लोस क, काही कैफा क” तो काही “मसीह क चेला” कयता छे।
1CO 1:13 काय मसीह बट गया? काय पौलुस तुमरे करता कुरूस पर चढ़ाया गया? या तुम्हे पौलुस क नाव पर बपतिस्मा मिव्यो?
1CO 1:14 हाव यहोवा–भगवान क धन्यावाद करता छे क्रिस्पुस आरू गयुस क छु़ड़ हाव ने तुमू हाव छे काही क भी बपतिस्मा नी दिया।
1CO 1:15 काही ओसो नी होय कि कये कि तुम्हे मारे नाव पर बपतिस्मा मिव्यो।
1CO 1:16 आरू हाव, हाव ने स्तिफनास क घराना क भी बपतिस्मा दिया; इनको छुड़ हाव नी जानता कि हाव ने आरू काही बपतिस्मा दिया।
1CO 1:17 काहकि मसीह ने मखे बपतिस्मा देने क नी, वरना खुश खबर सोमवाने क मुकल्या छे, आरू यो भी मानुस क ज्ञान क लारे नी, आरू ओसो नी होय कि मसीह क कुरूस मरना रिकामो जाय।
1CO 1:18 काहकि कुरूस क बारा मा शिक्षा व्यर्थ छे, पुन हामु उध्दार देखनेवावा क करता यहोवा–भगवान की शक्ति छे,
1CO 1:19 काहकि लिख्या छे, “हाव ज्ञानवावा क ज्ञान क नष्ट करीस, आरू समझदार की समझ क बेकार कर देसे।”
1CO 1:20 कयो रया ज्ञानवान? कयो, रया शास्त्री? कयो रया शास्त्री? संसार क विवादी? काय यहोवा–भगवान ने संसार क ज्ञान क मुर्खता नी ठेराया?
1CO 1:21 काहकि जव यहोवा–भगवान क ज्ञान क लारे संसार ज्ञान छे यहोवा–भगवान क नी जाने, तो यहोवा–भगवान क यो वारलो लाग्या कि इनीये खबर की मुर्खता क द्वारा विश्वास करनेवावा क उध्दार दिदो।
1CO 1:22 यहूदि तो सहलानी जुवता छे, आरू यूनानी ज्ञान की खोज मा छे,
1CO 1:23 पुन हामु तो ओको कुरूस पर चढ़ाया हुया मसीह क खबर करता छे, जो यहूदि क करता ठुकर क कारण आरू गैरयहुदी क करता मुर्खता छे;
1CO 1:24 पुन जो बुलाया हुया छे, काय यहूदि काय यूनानी ओको निकट मसीह यहोवा–भगवान क शक्ति, आरू यहोवा–भगवानन ज्ञान छे।
1CO 1:25 काहकि यहोवा–भगवान की मुर्खता मानुस क बल छे घोणा ताकद वावो छे।
1CO 1:26 हे भाईस, आपने बुलाया जाने क तो सुचू कि नी डील क लारे घोणा ज्ञानवान, आरू नी घोणा सामर्थी, आरू नी कुलीन बुलाया गया।
1CO 1:27 पुन यहोवा–भगवान ने धरतीम क मुर्ख क निवाड़ लेदा छे कि ज्ञानवान क लज्जित करे, आरू यहोवा–भगवान ने धरतीम क निर्बलो क लेदा छे कि ताकद वावो क लज्जित करे;
1CO 1:28 आरू यहोवा–भगवान ने धरतीम क नेचो आरू तुच्छो क, वरना जो छे भी नी उनको भी निवाड़ लेदा कि तीनुक जो छे, व्यर्थ ठेराया।
1CO 1:29 ताकि काही मानुस यहोवा–भगवान ने असो क सामने डाहळाय नी करने देख्या।
1CO 1:30 पुन यहोवा–भगवान ने हामु ईशु मसीह मा एक छे, आरू हामु यहोवा–भगवान क करता हामु ज्ञान बनाड़े छे, मतलब यहोवा–भगवान क समाने हामु न्यायी, आरू चुखलो ठराय;
1CO 1:31 ताकि जोसो लिख्या छे, वोसो ही होय, “जो डाहळाय करे वो पोरबु मा डाहळाय करे।”
1CO 2:1 हे भाईस, आरू बहनीस जव हाव यहोवा–भगवान क सच्चाई भेद सोमवता हुया तुमरे साथे आश, तो ओवाज या ज्ञान की वारू मा वारू क साथे नी आश।
1CO 2:2 काहकि हाव ने यो ठान लेदा हुता कि तुमरे वीच ईशु मसीह वरना कुरूस पर चढ़ाया हुया मसीह क मरलो छुड़ आरू काही वात क नी जानीस।
1CO 2:3 हाव निर्बलता आरू बीक क साथे, आरू घोणा थरथराता हुया तुमरे साथे आयो;
1CO 2:4 आरू मारो वचन, आरू मारो खबर मा ज्ञान की लुभानेवावी वात नी, यहोवा–भगवान क आत्मा क शक्ति क प्रमाण हुता,
1CO 2:5 एरकरीन कि तुमरा विश्वास मानुस क ज्ञान पर नी, पुन यहोवा–भगवान की शक्ति पर निर्भर होय।
1CO 2:6 पछु भी सिध्द मानसे मा हामु ज्ञान सोमवता छे; पुन इनीये संसार क आरू इनीये संसार क नाश हुयने वालो सरदार क ज्ञान नी;
1CO 2:7 पुन हामु यहोवा–भगवान क वो सातायलो ज्ञान, भेद की रीति पर देखाड़ता छे, जिनाक यहोवा–भगवान ने जगमा छे पेहल छे हामरी महिमा क करता त्योन्यो।
1CO 2:8 जिनाक इनीये संसार क सरदार मा छे काही ने नी जाने, काहकि यदि वो जानता तो तेजोमय पोरबु क कुरूस पर नी चढ़ावता।
1CO 2:9 पुन जोसो लिख्यो छे, “जो वात डुवा ने नी देखी आरू कान्टा ने नी सोमवी, आरू जो वात मानुस क मन मा नी चढ़ी वो ही छे जो यहोवा–भगवान ने आपने मोंग राखनेवावा क करता तीयार करी छे।”
1CO 2:10 पुन यहोवा–भगवान ने उनको आपने आत्मा क द्वारा हामु पर प्रगट कर्‍या, काहकि आत्मा सब वात वरना यहोवा–भगवान की सातायली वात हेरता छे।
1CO 2:11 मानुस मा छे कुन काही मानुस की वात जानता छे, केवल मानुस की आत्मा जो उको छे? वोसो ही यहोवा–भगवान की वात भी काही नी जानता केवल यहोवा–भगवान क आत्मा।
1CO 2:12 पुन हामु ने संसार की आत्मा नी, पुन वो आत्मा देख्या छे जो यहोवा–भगवान की आरू छे कि हामु उन वात क जाने जो यहोवा–भगवान ने हामु देदी छे।
1CO 2:13 जिनको हामु मानुस क ज्ञान सिखाड़ी होयी वात मा नी, पुन आत्मा की सिखाड़ी होयी वात मा आत्मिक वात आत्मिक वात छे मिवी मिवीन सोमवता छे।
1CO 2:14 पुन जो मनुस यहोवा–भगवान क आत्मा न आत्मिक वात नी माने, काहकि वो ओकी नजर मा मुर्खता की छे, आरू नी वो तीनुक जान सकता छे काहकि उनकी हेरता आत्मिक रीति छे होयती छे।
1CO 2:15 आत्मिक जन सब काय हेरता छे, पुन वो आप काही छे समझ नी जाता।
1CO 2:16 “काहकि पोरबु क मन कोय जाने छे कि ओको सिखाड्या?” पुन हामु मा मसीह क मन छे।
1CO 3:1 हे भाईस, आरू बहनीस, हाव तुमू छे इनीये रीति छे वात नी कर सक्या जोसो आत्मिक मानसे छे, पुन जोसो संसार क मानसे छे, आरू उनछे जो मसीह मा पोर्‍या छे।
1CO 3:2 हाव ने तुम्हे दुध पिवाड्या, अन नी खावड़ाया; काहकि तुमू ओको नी खाय सकता हुता; वरन् हिमी तक भी नी खाय सकता होय,
1CO 3:3 काहकि हिमी तक संसार होय। एरकरीन कि जव तुमू मा किचवाय आरू झगड़ा छे, तो काय तुमू संसार क मानसे जोसो नी? आरू काय मानुस की रीति पर नी चालता?
1CO 3:4 काहकि जव एक कयता छे, “हाव पौलुस क छे” आरू दिसरा , “हाव अपुल्लोस क छे” तो काय तुमू जीवो क नी?
1CO 3:5 अपुल्लोस काय छे? आरू पौलुस काय छे? केवल सेवक, जिनके द्वारा तुमू ने विश्वास कर्‍या, जोसो पोरबु ने हर एक क काम करनो जुवे।
1CO 3:6 हाव ने लागाड़ ्या, अपुल्लोस ने पानी नाख्यो, पुन यहोवा–भगवान ने मोट।
1CO 3:7 एरकरीन नी तो लागाड़ने वावा काय छे आरू नी सीचनेवावा, पुन यहोवा–भगवान ही सब काही छे जो बढ़ावनेवावो छे।
1CO 3:8 लागाड़ने वावा आरू सीचनेवावा दुय एक छे; पुन हर एक आपने ही मेहनत क लारे आपसी ही मजदूरी देख्या।
1CO 3:9 काहकि हामु यहोवा–भगवान क सहकर्मी छे; तुमू यहोवा–भगवान की खेत आरू यहोवा–भगवान की रचना होय।
1CO 3:10 यहोवा–भगवान क उना फोकटन दया क लारे जो मखे दिया गया, हाव ने बुध्दिमान राजमिस्त्री क समान नीव नाखी, आरू दिसरा ओको पर रद्दा राखता छे। पुन हर एक मानुस चोकचौळीया रये कि वो ओको पर कोसो रद्दा राखता छे।
1CO 3:11 काहकि ओको नीव क छुड़ जो पड़ी छे, आरू वो ईशु मसीह छे, काही दीसरी नीव नाख सकता।
1CO 3:12 यदि काही इनीये नीव पर सोना चाँदी या महंगा दगड़ा या लाकड़ो या खोड़ो या पुवो क रद्दा राखे,
1CO 3:13 तो हर एक क काम प्रगट होय जाछे; काहकि वो दाहड़ो ओको देखाड्या, एरकरीन कि आगठो क साथे प्रगट होयछे आरू वो आगठो हर एक क काम पारख छे कि कोसी छे।
1CO 3:14 जेरो काम ओको पर बना होया स्थिर रयछे, वो न्याय क दाहड़ो देखछे।
1CO 3:15 यदि काही क काम धप जाछे, तो वो हानि झेलसे पुन वो वाच जाछे धपतो धपतो।
1CO 3:16 काय तुमू नी जानता कि तुमू यहोवा–भगवान क मंदिर होय, आरू यहोवा–भगवान क आत्मा तुमू मा निवास करता छे?
1CO 3:17 यदि काही यहोवा–भगवान क मंदिर क नष्ट करसे तो यहोवा–भगवान ओको नष्ट करसे। काहकि यहोवा–भगवान क मंदिर चुखलो छे, आरू वो तुमू होय।
1CO 3:18 काही आपने आप क धुखो नी देय। यदि तुमू मा छे काही इनीये संसार मा आपने आप क ज्ञानी समझे, तो मुर्ख बने कि ज्ञानी होय जाय।
1CO 3:19 काहकि इनीये संसार क ज्ञान यहोवा–भगवान क निकट मुर्खता छे, जोसो लिख्यो छे, “वो ज्ञानियो क उनकी चतराय मा फोस देता छे”
1CO 3:20 आरू पछु, “पोरबु ज्ञानियो क विचार क जानता छे कि वो व्यर्थ छे।”
1CO 3:21 एरकरीन मानुस पर काही डाहळाय नी करे, काहकि सब काही तुमरो छे:
1CO 3:22 काय पौलुस, काय अपुल्लोस, काय कैफा, काय धरतीम, काय जीवन, काय मरण, काय वर्तमान, काय भविष्य, सब काही तुमरो छे,
1CO 3:23 आरू तुमू मसीह क होय, आरू मसीह यहोवा–भगवान क छे।
1CO 4:1 मानुस हामु मसीह क सेवक आरू यहोवा–भगवान क भेदो क भण्डारी समझे।
1CO 4:2 पछु याहा भण्डारी मा यो वात देख जाती छे कि वो विश्वास योग्य होय।
1CO 4:3 पुन मारी दृष्टि मा यो घोणा नानी वात छे कि तुमू या मानुस क काही न्यायी मखे न्याय, वरना हाव स्वयं आपने आप क नी न्याय नी करता।
1CO 4:4 काहकि मारो मन मखे काही वात क न्याय नी ठेरायता, पुन इनासे हाव निर्दोष नी ठेरायता, काहकि मारा न्याय करनेवावा पोरबु छे।
1CO 4:5 एरकरीन जव तक पोरबु नी आश, टेहाव छे पेहले काही वात क न्याय नी करे: चो आंधारा आरू मनो क मरजी क प्रगट करसे, तव यहोवा–भगवान करी आरू छे हर एक करी वाहवाय होयछे।
1CO 4:6 हे भाईस, हाव ने इन वात मा तुमरे करता आपसी आरू अपुल्लोस की चर्चा दृष्टान्त की रीति पर की छे, एरकरीन कि तुमू हामरे द्वारा यो सीखु कि लिख्या होया छे ओगव नी वदने, आरू एक क पक्ष मा आरू दिसरा क विरोध मा डाहवाय नी करने।
1CO 4:7 तुखे मा आरू दिसरा मा कुन संका करता छे? आरू तारे साथे काय छे जो तु ने यहोवा–भगवान छे नी देख्या? आरू जव कि तु ने यहोवा–भगवान छे देख्या छे, तो ओसो डाहळाय काय करता छे कि मानो नी देख्या?
1CO 4:8 तुमू तो तुप्त त्योक्य, तुमू धनी होय, त्योक्य, तुमू ने हामरे विना राज्य कर्‍या; पुन भला हुयसे कि तुमू राज्य करता कि हामु भी तुमरे साथे राज्य करता।
1CO 4:9 मारी समझ मा यहोवा–भगवान ने हामु प्रेरितन क सब क बाद उन मानसे क समान ठेराया छे, जिनकी मरला की हुकुम होय त्योकी होय; काहकि हामु धरतीम आरू सोरगदूत आरू मानसे क करता एक तमाशा ठेराया छे।
1CO 4:10 हामु मसीह क करता मुर्ख छे; पुन तुमू मसीह मा बुध्दिमान होय; हामु निर्बल छे, पुन तुमू ताकद वावो होय; तुमू विजुत देखता होय, पुन हामु निरदार हुयसे छे।
1CO 4:11 हामु इनीये घड़ी तक भुखला पिसला हामु फाटला लुगड़ा पेहरतला, आरू धुमा खाता रया आरू मारे मारे पुगता छे;
1CO 4:12 आरू आपने ही हात छे काम करीन मेहनत करता छे। मानसे हामु बुरा कयता छे, हामु बरकत देता छे; वो सताता छे, हामु सहते छे।
1CO 4:13 वो बदनाम करता छे, हामु विनती करता छे। हामु आज तक धरतीम क कूड़ा आरू सब समान की मोयव क समान ठेराया छे।
1CO 4:14 हाव तुम्हे लज्जित करने क करता यो वात नी लिखता, पुन आपने मोंगावु पोर्‍या जानीन तुमूक चिताता छे।
1CO 4:15 काहकि यदि मसीह मा तुमरा सिखाडनेवावा दस हजार भी हुता, तौभी तुमरा बास घोणा छे नी; एरकरीन कि मसीह ईशु मा खुश खबर क द्वारा हाव तुमरा बास होया।
1CO 4:16 एरकरीन हाव तुमू छे रावन्या करता छे कि मारो गती करो।
1CO 4:17 एरकरीन हाव ने तीमुथियुस क जो पोरबु मा मारो मोंगावु आरू विश्वास योग्य पोर्‍य छे तुमरे साथे मुकल्या छे। तुमू मसीह मा मारो चारित्र स्मरण करावसे, जोसो कि हाव हर धरती हर एक मंडळी मा शिक्षा करता छे।
1CO 4:18 काय तो ओसो फूल गया छे, मानो हाव तुमरे साथे आवने ही क नी।
1CO 4:19 पुन पोरबु ने जुया तो हाव तुमरे साथे शीघ्र ही आवसे, आरू उन फूले हुया की वात क नी, पुन उनकी शक्ति क जान लेछे।
1CO 4:20 काहकि यहोवा–भगवान क राज्य वात मा नी पुन शक्ति मा छे।
1CO 4:21 तुमू काय जुवता होय? काय हाव लाकड़ी लीन तुमरे साथे आवीस, या मोंग आरू नम्रता न आत्मा क साथे?
1CO 5:1 याहा तक सोमवने मा आवता छे कि तुमू मा व्यभिचार हुयसे छे, वरना ओसो व्यभिचार जो गैरयहुदीन मा भी नी कि एक मानुस आपने बास की बायर क राखता छे।
1CO 5:2 आरू तुमू शोक तो नी करता, छे जिनासे ओसो काम करनेवावा तुमरे विच मा छे निकाव जाता, पुन डाहळाय करता होय।
1CO 5:3 हाव तो डील छे दूर हुता, पुन आत्मा छे तुमरे साथे छे। हईन की हजरी करी दशा मा ओसो काम करनेवावा क विषय मा यो हुकुम देय त्योक्या छे।
1CO 5:4 कि जव तुमू आरू मारी आत्मा, हामरे पोरबु ईशु की शक्ति क साथे एखठा होय, तो ओसो मानुस हामरे पोरबु ईशु क नाव छे।
1CO 5:5 डील क विनाश क करता शैतान क सौप जाय, ताकि ओकी आत्मा पोरबु ईशु क दाहड़ा मा उध्दार जुड़से।
1CO 5:6 तुमरा डाहळाय करने वारलो नी; काय तुमू नी जानता कि थुड़ा सा खमीर पूरे गूंधे होया पिठु क खमीर कर देता छे।
1CO 5:7 जुनलो खमीर निकाव कर आपने आप क चुखो करो कि नवलो गूंधा होया पिठु बन जाय! ताकि तुमू अखमीरी होय। काहकि हामरा भी फसह, जो मसीह छे, बलिदान होया छे।
1CO 5:8 एरकरीन आवु, हामु तिवार मा खुशी मनावजे, नी तो जुनलो खमीर छे आरू नी बुराई आरू दुष्टता क खमीर छे, पुन सीधाई आरू सच्चाई की अखमीरी रोटा छे।
1CO 5:9 हाव ने आपसी पत्री मा तुमूक लिख्या छे कि व्यभिचार की सगति नी करने।
1CO 5:10 यो नी कि तुमू बिलकुल इनीये धरतीम क व्यभिचार या लोभियो, या चुरी करनेवावा, या मुर्तिपूजक की सगति नी करो; काहकि इनीये दशा मा तो तुमूक धरतीम मा छे निकाव जाने ही पड़ता।
1CO 5:11 पर मारो कयनो यो छे कि यदि काही भाईस धरती, व्यभिचारी, या लोभी, या मुर्तिपूजक, या गाली देनेवावा, या पियक्‍कड़ या चुरी करनेवावा होय, तो ओकी संगति मा करने; वरना ओसो मानुस क साथे खानो भी नी खानो।
1CO 5:12 काहकि मखे बाहरतावावा क न्याय करने छे काय काम? काय तुमू माहीयवावा क न्याय नी करता?
1CO 5:13 पुन बाहरतावावा क न्याय यहोवा–भगवान करता छे एरकरीन ओको खराब क आपने वीच मा छे निकाव देय।
1CO 6:1 काय तुमू मा छे काही क यो हियाव छे कि जव दिसरा क साथे झगड़ा होय तो फैसला क करता जो यहोवा–भगवान क नी जाता ओको साथे जाय आरू भुरसा क साथे नी जाय?
1CO 6:2 काय तुमू नी जानता कि विश्वास मानसे धरतीम क न्याय करसे? एरकरीन जव तुमूक धरतीम क न्याय करने छे, तो काय तुमू नानो छे नानो झगड़ा क भी निर्णय करने क योग्य नी?
1CO 6:3 काय तुमू नी जानता कि हामु सोरगदूत क न्याय करसे? तो काय सांसारिक वात क निर्णय नी कर्‍या?
1CO 6:4 यदि तुमू सांसारिक वात क निर्णय करने होय, तो काय तीनी क बठछे जो मंडळी मा काही नी समझ जाता छे?
1CO 6:5 हाव तुमू लज्जित करने क करता यो कयता छे। काय सचमुच तुमू मा एक भी बुध्दिमान नी मिवता, जो आपने भाईस भाईस क निर्णय कर सक्या?
1CO 6:6 तुमू मा भाईस भाईस मा मुकद्दमा हुयसे छे, आरू वो भी विनभुरसीया क सामने।
1CO 6:7 पुन सचमुच तुमू मा मोट दोष तो यो छे कि आपस मा मुकद्दमा करता होय। अन्याय काय नी सहते? आपसी हानि काय नी सहते?
1CO 6:8 पुन तुमू तो स्वयं अन्याय करता आरू हानि पुचाड़ता होय, आरू वो भी भाईस क।
1CO 6:9 काय तुमू नी जानता कि अन्यायी मानसे यहोवा–भगवान क राज्य क वारीस नी होयछे? धूखो नी खावु; नी वेश्यागामी, नी मुर्तिपूजक, नी विनलाज्या काम, नी लुच्चा नी मानुसगामी,
1CO 6:10 नी त्योट्टा, नी लोभी, नी पियक्‍कड़, नी गाली देनेवावा, नी चुरी करनेवावा यहोवा–भगवान क राज्य क वारीस होयछे।
1CO 6:11 आरू तुमू मा छे कोतरा ओसो ही हुता, पुन तुमू पोरबु ईशु मसीह क नाव छे आरू हामरा यहोवा–भगवान क आत्मा छे धुया गया आरू चुखलो होया आरू न्यायी ठेराया।
1CO 6:12 सब समान मारे करता वारू तो छे, पुन सब समान लाभ की नी; सब समान मारे करता वारू छे, पुन हाव काही वात क हक तळे नी होयछे।
1CO 6:13 भोजन पेट क करता, आरू पेट भोजन क करता छे, पुन यहोवा–भगवान इनीये क आरू ओको क दुय क नष्ट करसे। पुन डील व्यभिचार क करता नी वरना पोरबु क करता छे, आरू पोरबु डील क देख रेख करता छे।
1CO 6:14 यहोवा–भगवान ने आपसी शक्ति छे पोरबु क जीवाड्या, आरू हामु भी जीवाड़छे।
1CO 6:15 काय तुमू नी जानता कि तुमरो डील मसीह क अंग छे? तो काय हाव मसीह क अंग लीन तीनुक वेश्या क अंग बनावु? कदी नी।
1CO 6:16 काय तुमू नी जानता कि जो काही वेश्या छे संगति करता छे, वो ओका साथे एक तन होय जाता छे? काहकि लिख्या छे: “वो दुय एक डील होयछे।”
1CO 6:17 आरू जो पोरबु की सगति मा रयता छे, वो ओका साथे एक आत्मा होय जाता छे।
1CO 6:18 व्याभिचार छे वाच रयो। जोतरा दिसरा पाप मानुस करता छे वो देह क बाहरता छे, पुन व्यभिचार करनेवावा आपसी ही देह क विरोध पाप करता छे।
1CO 6:19 काय तुमू नी जानता कि तुमरी देह चुखलो आत्मा क मंदिर छे जो तुमू मा बठला होया छे आरू यहोवा–भगवान की आरू छे मिव्यो छे; आरू तुमू आपने तुमू आपने नी होय?
1CO 6:20 काहकि यहोवा–भगवान तुमूक दाम आपीन छुटकारो करलो छे, एरकरीन आपसा डील न लारे यहोवा–भगवानन महिमा करू।
1CO 7:1 उन वात क विषय मा जो तुमू ने लिखी यो वारलो छे कि मानुस बायर क नी धर्‍य।
1CO 7:2 पुन व्यभिचार क घाबराय छे हर एक मानुस की बायर, आरू हर एक बायर क घर वावो होनो जुवे।
1CO 7:3 घर वावो आपसी बायर क हक पूरो कर्‍या; आरू वोसो ही बायर भी आपने घर वावो क
1CO 7:4 बायर क आपसी देह पर हक नी पर ओका घर वावो क हक छे; वोसो ही घर वावो क भी आपसी देह पर हक नी, पुन बायर क छे।
1CO 7:5 तुमू एक दिसरा छे अलग नी रयो; पुन केवल काही टेहाव तक आपस की सम्मति छे कि प्रार्थना क करता छुट्टी मिवे, आरू पछु एक साथे रयो; ओसो नी होय कि तुमरे गम क कारण शैतान तुमू पारखे।
1CO 7:6 पुन हाव जो यो कयता छे वो हक छे नी कि हुकुम।
1CO 7:7 हाव यो जुवता छे कि जोसो हाव छे, वोसो ही सब मानुस होय; पुन हर एक क यहोवा–भगवान की आरू छे विशेष वरदान मिव्या छे; काही क काही प्रकार क, आरू काही क काही आरू प्रकार क।
1CO 7:8 हिमी हाव छल्ला आरू रंडायली क विषय मा कयता छे कि ओको करता ओसो ही रयने वारलो छे, जोसो हाव छे।
1CO 7:9 पुन यदि वो संयम नी कर सक्या, तो वियाव करे; काहकि वियाव करने कामातुर रयने छे भलो छे।
1CO 7:10 जिनका वियाव होय गया छे, उनको हाव नी, वरना पोरबु हुकुम देता छे कि बायर आपने घर वावो छे अलग नी होय।
1CO 7:11 आरू यदि अलग भी होय जाय, तो विन दिसरा वियाव कर रया; या आपने घर वावो छे पछु हावल कर लेय आरू नी घर वावो आपसी बायर क छुड़।
1CO 7:12 दिसरा छे पोरबु नी पुन हाव ही कयता छे, यदि काही भाईस की बायर विश्वास नी राखती होय आरू ओका साथे रयने छे खुश होय, तो वो ओको नी छुड़े।
1CO 7:13 जिना बायर क घर वावो विनभुरसियो होय, आरू ओका साथे रयने छे खुश होय; वो घर वावो क नी छुड़े।
1CO 7:14 काहकि ओसो घर वावो जो विनभुरसिया होय, वो बायर क कारण चुखलो ठेराया छे; आरू ओसी बायर जो विश्वास नी राखती, घर वावो क कारण चुखलो ठेरायती छे; नी तो तुमरे पोर्‍या पारी विटळ होयतो, पुन हिमी तो चुखलो छे।
1CO 7:15 पुन जो मानुस विनभुरसीया छे, यदि वो अलग होय तो अलग हुयने देवु, ओसी दशा मा काही भाईस या बहिनीस बन्धन मा नी यहोवा–भगवान ने हामु मेलमिलाप क करता बुलाया छे।
1CO 7:16 काहकि हे बायर, तु काय जानती छे कि तु आपने घर वावा क उध्दार कर लेछे? आरू हे मानुस, तु काय जानता छे कि तु आपसी बायर क उध्दार कर लेछे?
1CO 7:17 जोसो पोरबु ने हर एक क वाट्या छे, आरू जोसो यहोवा–भगवान ने हर एक क बुलाया छे, वोसो ही वो चाले। हाव सब मंडळी मा ओसो ही ठेरायता छे।
1CO 7:18 जो खतना कर्‍या होया बुलाया गया होय, वो खतनारहित नी बने। जो खतनारहित बुलाया गया होय, वो खतना नी कराय।
1CO 7:19 नी खतना काही छे आरू नी खतनारहित, पुन यहोवा–भगवान की हुकुम क लारे चालने ही सब काही छे।
1CO 7:20 हर एक जन जिना दशा मा बुलाया गया होय, तीनी मा रये।
1CO 7:21 यदि तु दास की दशा मा बुलाया होय तो चिंता नी कर; पुन यदि तु स्वतंत्र होय सके, तो ओसो ही काम कर।
1CO 7:22 काहकि जो दास की दशा मा पोरबु मा बुलाया गया छे, वो पोरबु क स्वतंत्र कर्‍या होया छे। वोसो ही जो स्वतंत्रता करी दशा मा बुलाया गया छे, वो मसीह क दास छे।
1CO 7:23 यहोवा–भगवान ने तुमू दाम दीन छुड़ाय लेदा गया छे; मानुस क दास नी बन्या।
1CO 7:24 हे भाईस, आरू बहनीस जो काही जिना दशा मा बुलाया गया होय, वो तीनी मा यहोवा–भगवान क साथे रये।
1CO 7:25 छल्ली क विषय मा पोरबु की काही हुकुम मखे नी मिवी, पुन विश्वासयोग्य हुयने क करता जोसी दया पोरबु ने मखे पर करी छे, तीनी क लारे सम्माति देता छे।
1CO 7:26 मारी समझ मा यो वारलो छे कि आजकाल पीड़ा क कारण, मानुस जोसो छे वोसो ही रये।
1CO 7:27 यदि तारी बायर छे, तो ओका सी अलग हुयने क यत्न नी कर; आरू यदि तारी बायर नी, तो बायर की खोज नी कर।
1CO 7:28 पुन यदि तु वियाव भी करे, तो पाप नी; आरू यदि छल्ली ब्याही जाय तो काही पाप नी। पुन ओसो क शारीरिक दुःख होयछे, आरू हाव वाचाड़ने जुवता छे।
1CO 7:29 हे भाईस हाव यो कयता छे कि टेहाव कम कर्‍या गया छे, एरकरीन जुवे कि जिन क बायर होय, वो ओसो मानु उन क बायर नी;
1CO 7:30 आरू रड़नेवावा ओसो होय, मानु रड़ता नी; आरू खुशी करनेवावा ओसो होय, मानु खुशी नी करता; ओको साथे काही छे ही नी।
1CO 7:31 आरू इनीये संसार क साथे व्यवहार करनेवावा ओसो होय, कि संसार ही क नी लेय; काहकि इनीये संसार की वात खत्म हुयसे जाता छे। रीति आरू व्यवहार बदलता जाता छे।
1CO 7:32 शेवली कावा हाव यो जुवता छे कि तुमू चिंता नी होय। वियाव मानुस पोरबु की वात की चिंता मा रयता छे कि पोरबु क कोसो खुश राखे।
1CO 7:33 पुन वियाव मानुस संसार की वात करी चिंता मा रयता छे कि आपसी बायर क काही रीति छे खुश राखे।
1CO 7:34 वियाव आरू अवियाव आरू वियाव मा भी भेद छे: वियाव पोरबु की चिंता मा रयती छे कि वो देह आरू आत्मा दुय मा चुखलो होय, पुन वियाव संसार की चिंता मा रयती छे कि आपने घर वावो खुश राखे।
1CO 7:35 हाव यो वात तुमरे ही लाभ क करता कयता छे, नी कि तुमू फंसाने क करता, वरना एरकरीन कि जोसो शोभा देता छे वोसो ही कर्‍या जाय, कि तुमू एक मनीया हईन पोरबु की सेवा मा लाग रयो।
1CO 7:36 यदि काही यो समझे कि हाव आपसी उना छल्ली क हक मार रया छे, जेरी जुवानी ढव रयी छे, आरू जरूरत भी होय, तो जोसो जुवे वोसो करे, इनाम पाप नी, वो ओको वियाव हुयने देय।
1CO 7:37 पुन जो मन मा दृढ़ रयता छे, आरू ओको जरूरत नी वरना आपसी मरजी पर हक राखता होय, आरू आपने मन मा यो वात ठान लेदा से कि वो आपसी छल्ली पोराय क वियाव राखछे, वो वारलो करता छे।
1CO 7:38 एरकरीन जो आपसी छल्ली क वियाव कर देता छे, वो वारलो छे, आरू जो वियाव नी कर देता, वो आरू भी वारलो करता छे।
1CO 7:39 जव तक बायर क घरवाळो जीवता रयता छे, तव तक वो ओका सी बन्धी होयी छे; पुन यदि ओको घर वावो मर जाय तो जिना छे जुवे वियाव कर सकती छे, पुन केवल वो पोरबु मा।
1CO 7:40 पुन जोसी छे यदि वोसी ही रये, तव सवटो खुश तो मारे विचार मा आरू भी धन्य छे; आरू हाव समझता छे कि यहोवा–भगवान क आत्मा मखे मा भी छे।
1CO 8:1 हिमी मुर्ती क चढ़ाया गया भोजन क विषय मा हामु जानता छे कि हामु सब क ज्ञान छे। ज्ञान डाहळाय पैदा करता, पुन मोंग छे बढ़ती होयती छे।
1CO 8:2 यदि काही समझे कि हाव काही जानता छे, तो जोसो जाननो जुवे वोसो हिमी तक नी जानता।
1CO 8:3 पुन यदि काही यहोवा–भगवान छे मोंग राखता छे, तो यहोवा–भगवान ओको जानता छे।
1CO 8:4 शेवली कावा मुर्ती क सामने बलि की होयी समान क खाने क करता विषय मा हामु जानता छे कि मुर्ती धरतीम मा काही भी नी, आरू एक क छुड़ आरू काही यहोवा–भगवान नी।
1CO 8:5 यदि आकाश मा आरू धरती पर घोणा छे भगवान कवाये छे जोसो कि घोणा छे भगवान आरू घोणा छे पोरबु छे।
1CO 8:6 तौभी हामरे करता तो एक ही यहोवा–भगवान छे: मतलब बास जेरी आरू छे सब समान छे, आरू हामु तीनी क करता छे। आरू एक ही पोरबु छे, मतलब ईशु मसीह ओका द्वारा सब समान होयी, आरू हामु भी तीनी क द्वारा छे।
1CO 8:7 पर सब क यो ज्ञान नी, पुन काही तो हिमी तक मुर्ती क काही समझने क कारण मुर्ती क सामने बलि करी होयी समान क काही समझीन खाता छे, आरू ओको विवेक निर्बल हुयने क कारण विटळ होय जाता छे।
1CO 8:8 भोजन हामु यहोवा–भगवान क निकट नी पुचाड़तो। यदि हामु नी खाय तो हामरी काही हानि नी, आरू यदि खाय तो काही लाभ नी।
1CO 8:9 पुन सावधान! ओसो नी होय कि तुमरी यो स्वतंत्रता काही निर्बलो क करता ठुकर क कारण होय जाय।
1CO 8:10 काहकि यदि काही तुखे ज्ञानी क मुर्ती क मंदिर मा भोजन करता देखे आरू वो निर्बल जन होय, तो काय ओका मन क प्रयोग मुर्ती क सामने बलि करी होयी समान खाने क साहस नी होय जाछे।
1CO 8:11 इनीये रीति छे तारे ज्ञान क कारण वो निर्बल भाईस ओका करता मसीह मरीन, नष्ट होय जाछे।
1CO 8:12 इनीये प्रकार भाईस क विरोध गुणेहगार करने छे आरू ओको निर्बल मन क चोट पुचाड़ने छे, तुमू मसीह क विरोध गुणेहगार करता होय।
1CO 8:13 इनीये कारण यदि भोजन मारा भाईस क ठुकर खावड़ाया, तो हाव कदी काही रीति छे मास नी खासे, नी होय कि हाव आपने भाईस क करता ठुकर क कारण बनु।
1CO 9:1 काय हाव छुटक नी हय? काय हाव प्रेरितन नी? काय हाव ने ईशु क जो हामरा पोरबु छे, नी देखे? काय तुमू पोरबु मा मारे बनायो हुयो नी?
1CO 9:2 यदि हाव दिसरा क करता प्रेरित नी, तौभी तुमरे करता तो छे; काहकि तुमू पोरबु मा मारी प्रेरिताई हुयने क निसानी छे।
1CO 9:3 जो मखे हेरता छे, ओको करता योही मारो जवाब छे।
1CO 9:4 काय हामु खाने पीने क हक नी?
1CO 9:5 काय हामुक यो हक नी, कि कोय मसीह बहिनीस क साथ मा वियाव करीन उको लीन फिरजे, जसा दिसरा सेवक आरू पोरबुन भाई आरू कैफा करे?
1CO 9:6 या आरू केवल मखे आरू बरनबास क ही हक नी कि कमाय करने छुड़े।
1CO 9:7 कुन कदी आपसी गिरह छे खाईन सिपाही क काम करता छे? कुन अंगुर की वाड़ी लागाड़ीन ओको फोव नी खाता? कुन हावढरा की राखवावी करने ओको दूध नी पीता?
1CO 9:8 काय हाव यो वात मानुस ही की रीति पर बुलता छे, ओसो नियम शास्त्र नी कयता छे?
1CO 9:9 काहकि मूसा की व्यवस्था मा लिख्यो छे, “दांवते टेहाव चालता होया बैल क मुय नी बांधने।” काय यहोवा–भगवान बुल्यो की ही चिंता करता छे?
1CO 9:10 या विशेष करीन हामरे करता कयता छे। हाव, हामरे करता ही लिख्या गया, काहकि वारू छे कि जोतनेवावा आश छे जोते आरू दांवनेवावा भागी हुयने की आश छे दांवनी करे।
1CO 9:11 शेवली कावा जव कि हामु ने तुमरे करता आत्मिक समान बोई, तो काय यो काही मोटी वात छे कि तुमरी शारीरिक समान की कमाय काटे।
1CO 9:12 जव दिसरा क तुमू पर यो हक छे, तो काय हामरा इनासे सवटो नी होयछे? पुन हामु यो हक क काम मा नी लायो; पुन सब काही सहते छे हामरे द्वारा मसीह क खुश खबर मा काही रूकावट नी होय।
1CO 9:13 काय तुमू नी जानता कि जो मंदिर मा सेवा करता छे, वो मंदिर मा छे खाता छे; आरू जो वेदी की सेवा करता छे, वो वेदी पर राख्यो साथे भागी हुयसे छे?
1CO 9:14 इनी रीति छे पोरबु ने भी ठेराया कि जो मानसे खुश खबर सोमवता छे, उनकी जीविका खुश खबर छे होय।
1CO 9:15 पुन हाव इन मा छे काही भी वात काम मा नी लाया, आरू हाव ने यो वात एरकरीन नी लिखी कि मारे करता ओसो कर्‍या जाय, काहकि इनासे तो मारो मरनो ही भलो छे कि काही मारे डाहळाय क रिकामो ठेराया।
1CO 9:16 यदि हाव खुश खबर सोमवावी, तो मारे करता काही डाहळाय की वात नी; काहकि यो तो मारे करता पाको छे। यदि हाव खुश खबर नी सोमवावी, तो मखे पर हाय!
1CO 9:17 काहकि यदि आपसी मरजी छे, यो करता छे तो दाहडकी मखे मिवती छे, आरू यदि आपसी मरजी छे नी करता तौभी भण्डारीपन मखे आपी गया छे।
1CO 9:18 तो मारी कुन सी दाहडकी छे? यो कि खुश खबर सोमवावने मा हाव मसीह क खुश खबर विना पोशा करता खुशी छे संदेश सोमवाय दीस, याहा तक कि खुश खबर मा जो मारो हक छे ओको भी हाव पूरी रीति छे काम हाव नी लावु।
1CO 9:19 काहकि सब छे स्वतंत्र हुयने पर भी हाव ने आपने आप क सब क बना दिया छे कि सवटो मानसे क खेंची लावु।
1CO 9:20 हाव यहूदि यो क करता यहूदि बना कि यहूदि यो क खेंची लावु। जे मानसे व्यवस्था क हको तळे छे ओको करता हाव व्यवस्था क हको तळे बना कि तीनुक जो व्यवस्था क हको तळे छे, खेंची लावु।
1CO 9:21 व्यवस्था क करता हाव जो यहोवा–भगवान की व्यवस्था छे हीन नी पुन मसीह की व्यवस्था क हको तळे छे व्यवस्थाहीन सा बना कि बाहरजातीयान क खेंची लावु।
1CO 9:22 हाव निर्बलो क करता निर्बल सा बना कि निर्बलो क खेंची लावु। हाव सब मानुस क करता सब काही बना कि काही नी काही रीति छे कयी एक क उध्दार करावु।
1CO 9:23 हाव यो सब काही खुश खबर क करता छे कि दिसरा क साथे ओको भागी होय जावु।
1CO 9:24 काय तुमू नी जानता कि दौड़ मा तो दौड़ता सब ही छे, पुन इनाम एक ही ली छे? तुमू वोसो ही दौड़ो कि जीतु।
1CO 9:25 हर एक पेहलवान सब प्रकार क संयम छे; वे तो एक मुरझानेवावा हार क छे जो मुरझाने क नी।
1CO 9:26 एरकरीन हाव तो इनी रीति छे हार छे लड़ायतो छे, पुन उना क समान नी जो वाहवो पेटतो हुयो लड़ायतो छे।
1CO 9:27 पुन हाव आपसी देह क मारतो कूटतो आरू वश मा लावतो छे, ओसो नी होय कि दिसरा क खबर करीन हाव आप ही काही रीति छे निकम्मा ठेहरीस।
1CO 10:1 हे भाईस आरू बहनीस, हाव नी जुवता कि तुमू इनीये वात छे अनजान रयो कि हामरे सब बाबदादा वादवा क नेचो होतो, आरू सब क दरिया क वीचमा छे पार होय गयो;
1CO 10:2 आरू सब ने वादवा मा आरू दरिया मा, मूसा क बपतिस्मा लेदो;
1CO 10:3 आरू सब ने एक ही आत्मिक भोजन कर्‍या;
1CO 10:4 आरू सब ने एक ही आत्मिक जल पीदा, काहकि वो ओको आत्मिक चट्टान छे पीता हुता जो ओको साथ मा चालती होती, आरू वो चट्टान मसीह होतो।
1CO 10:5 पुन यहोवा–भगवान उनमा छे घोणा छे खुश नी हुयो, एरकरीन वो जंगल मा डील बिसच होय गयो।
1CO 10:6 यो वात हामरे करता सपनो ठेहर्‍य, कि जोसो त्या लालस कर्‍या, वोसो हामु बुरी समान क लालस नी कर्‍या;
1CO 10:7 आरू नी तुमू मुर्तिपूजक बनु जोसो कि उनमा छे कोतरा बन गया हुता, जोसो लिख्या छे, “मानसे खाने पीने बठ्या, आरू खेलने कूदने उठ्या, आरू एक दिसरा साथे कुकर्म करने लाग्या।”
1CO 10:8 आरू नी हामु व्यभिचार कर्‍या, जोसो उनमा छे कोतरा ने कर्‍या; आरू एक दाहड़ा मा तेवीस हजार मर गया।
1CO 10:9 आरू नी हामु पोरबु क पारखे, जोसो उनमा छे कोतरा ने कर्‍या, आरू घड़सो क द्वारा नष्ट कर्‍या गया।
1CO 10:10 आरू नी तुमू कुरकुर करो, जिना रीति छे उन मा छे कोतरा कुरकुर करीन आरू नष्ट करनेवावा क द्वारा नष्ट कर्‍या गया।
1CO 10:11 पुन यो सब वात, जो उन पर पड़ी, सपनो कामो रीति पर होती; आरू वो हामरी चेतावनी क करता जो धरती क आखरी टेहाव मा रयता छे लिखी गयी छे।
1CO 10:12 एरकरीन जो समझता छे, “हाव स्थिर छे” वो चोकचौळीया रये कि कयी गिर नी पड़्या।
1CO 10:13 तुमू काही ओसी परीक्षा मा नी पड़्या, जो मानुस क सहने छे बाहरता छे। यहोवा–भगवान सच्चा छे आरू वो तुम्हे शक्ति छे बाहरता परीक्षा मा नी पड़ने देसे, वरना परीक्षा क साथे निकास भी करसे कि तुमू सह सके।
1CO 10:14 इनीये कारण, हे मारे मोंगावु भाईस बहनीस मुर्तिपूजक छे वाच रयो।
1CO 10:15 हाव बुध्दिमान जानीन तुमू छे कयता छे: जो हाव कयता छे, ओको तुमू पारखु।
1CO 10:16 वो धन्यवाद क वाटको, जिना पर हामु धन्यवाद करता छे; काय मसीह क लुहूय करी सहभागिता नी? वो रोटा जिनाक हामु तुड़ता छे, काय वो मसीह की देह की सहभागिता नी?
1CO 10:17 एरकरीन कि एक ही रोटा छे तो हामु भी जो घोणा छे, एक देह छे: काहकि हामु सब ओकी एक रोटा मा भागी हुयसे छे।
1CO 10:18 जो डील क इस्त्राएली छे, उनको देखु: काही बलिदान क खाने वावा यहोवा–भगवान की वेदी क सहभागी नी?
1CO 10:19 पछु हाव काय कयता छे? काय यो कि मुर्ती पर चढ़ाया गया बलिदान काही छे या मुर्ती काही छे?
1CO 10:20 नी, वरना यो कि गैरयहुदी जो बलिदान करता छे; वे यहोवा–भगवान क करता नी पुन साहळा क करता बलिदान करता छे आरू हाव नी जुवता कि तुमू साहळा क सहभागी होय।
1CO 10:21 तुमू पोरबु क वाटको आरू साहळा क वाटको दुयू मा छे नी पीय सकता। तुमू पोरबु की हावज आरू साहळा की हावज दुयू क साझी नी होय सकता।
1CO 10:22 काय हामु पोरबु क रीस देवाड़ने जुवता छे? काय हामु ओको छे शक्तिमान छे?
1CO 10:23 काही मानसे कयता, सब समान मारे करता वारू तो छे, पुन सब लाभ करी नी। दिसरा मानसे सब समान मारे करता वारू तो छे, पुन सब समान छे बढ़ती नी।
1CO 10:24 काही आपसी ही भलाई क नी, वरना दिसरा की भलाई क हेरे।
1CO 10:25 जो काही कस्साइयो क याहा वेचायता छे, वो खावु आरू मन मारो खाय नी क कारण काही नी पुछ्या।
1CO 10:26 “काहकि धरती आरू ओको की भरपूरी पोरबु की छे।”
1CO 10:27 यदि विनभुरसीया मा छे काही तुम्हे नेवता देय, आरू तुमू जाने जुवता, तो जो काही तुमरे सामने राख्य जाय चो खावु: आरू मारो मन क कारण काही नी पुछ्या।
1CO 10:28 पुन यदि काही तुमू छे कये, “यो तो मुर्ती क बलि करी होयी समान छे” तो ओकी कोवनेवावा क कारण आरू आमरो मन विवेक क कारण नी खावु।
1CO 10:29 मारो मतलब तारो विवेक नी, पुन ओको दिसरा क। भला, मारी स्वतंत्रता दिसरा क विचार छे काय पारखी जाय?
1CO 10:30 यदि हाव धन्यवाद करीन साझी हुयसे छे, तो जिना पर हाव धन्यवाद करता छे ओका कारण मारी बदनामी काय होयती छे?
1CO 10:31 एरकरीन तुमू जुवे खावु, जुवे पीवु, जुवे जो काही करू, सब काही यहोवा–भगवान की महिमा क करता करू।
1CO 10:32 तुमू नी यहूदि, नी यूनानीयो, आरू नी यहोवा–भगवान की मंडळी क करता ठुकर क कारण बनु।
1CO 10:33 जोसो हाव भी सब बात मा सब क खुश राखता छे, आरू आपसा नी पुन घोणा क लाभ हेरता छे कि वो उध्दार देखछे।
1CO 11:1 तुमू मारी सी चाल चालु जोसो हाव मसीह की सी चाल चालता छे।
1CO 11:2 हे भाईस, हाव तुमू सराहता छे कि सब वात मा तुमू मखे स्मरण करता होय; आरू जो शिक्षा मा तुमू सौपी छे, ओको पालन करता होय।
1CO 11:3 पुन मा जुवता छे कि तुमू यो जान लेवु कि हर एक मानुस क मुनक मसीह छे, आरू बायर क मुनक मानुस छे, आरू मसीह क मुनक यहोवा–भगवान छे।
1CO 11:4 जो मानुस मुनक ढाकने होया प्रार्थना या यहोवा–भगवान आरू करता छे, वो आपने मुनक क विजुत करता छे।
1CO 11:5 पुन जो बायर उघाड़ मुनक प्रार्थना या यहोवा–भगवान करता छे, वो आपने मुनक क विजुत करती छे, काहकि वो मुण्डी हुयने क बराबर छे।
1CO 11:6 यदि बायर लुगड़ा नी पागरने तो झटा भी काटाड़ लेय; यदि बायर क करता झटा काटने या मुनको बुड़ने करने लाज की वात छे, तो लुगड़ा पागरने।
1CO 11:7 हाव, मानुस क आपनो मुनक ढाकने वारू नी, काहकि वो यहोवा–भगवान क रूप आरू महिमा छे; पुन बायर मानुस की महिमा छे।
1CO 11:8 काहकि मानुस बायर छे नी होया, पुन बायर मानुस छे होयी छे;
1CO 11:9 आरू मानुस बायर क करता नी सिरजा गया, पुन बायर मानुस क करता सिरजा गयी छे।
1CO 11:10 इनी करता सोरगदूत क कारण बायर क वारू छे कि हक क सहलानी समझीन आपसा मुनका पर राखे।
1CO 11:11 तव पोरबु मा नी तो बायर विना मानुस, आरू नी मानुस विना बायर क छे।
1CO 11:12 काहकि जोसो बायर मानुस छे, वोसो ही मानुस बायर क द्वारा छे; पुन सब समान यहोवा–भगवान छे।
1CO 11:13 तुमू आप ही विचार करू, काय बायर क उघाड़ा मुनक यहोवा–भगवान छे प्रार्थना करने शोभा देता छे?
1CO 11:14 काय स्वाभाविक रीति छे भी तुमू नी जानता कि यदि मानुस नाबला झटा राखतो, तो ओका करता विजुत छे।
1CO 11:15 पुन यदि बायर नाबला झटा राखतो तो ओको करता शोभा छे, काहकि झटा उना क लुगड़ा क करता दिया गया छे।
1CO 11:16 पुन यदि काही विवाद करनो जुवे, तो यो जान लेय कि नी हामरी आरू नी यहोवा–भगवान की मंडळी की ओसी रीति छे।
1CO 11:17 पुन यो हुकुम देता हुयो हाव तुमू नी सराहता, एरकरीन कि तुम जव यहोवा–भगवान की आराधना एखठा हुयने छे भलाई नी, पुन हानि होयती छे।
1CO 11:18 काहकि पेहल तो हाव यो सोमवता छे, कि जव तुमू मंडळी मा एखठा हुयसे होय तो तुमू तो तुमू मा फूट होयती छे, आरू हाव इनीये पर काही काही विश्वास भी करता छे।
1CO 11:19 काहकि दलबन्दी भी तुमू मा पाको होयछे, एरकरीन कि जो मानसे तुमू मा सचा छे वो प्रगट होय जाय।
1CO 11:20 शेवली कावा तुमू जो एक धरती मा एखठा हुयसे होय तो यो पोरबु भोज खाने क करता नी,
1CO 11:21 काहकि खाने क टेहाव एक दिसरा छे पेहल आपनो खाय लेदा छे इनीये प्रकार काही तो भूखलो रयतो छे आरू काही तो मतवावा होय जातो छे।
1CO 11:22 काय खाने–पीने क करता तुमरे घर नी? या यहोवा–भगवान की मंडळी क तुच्छ जानता होय, आरू जिनके साथे नी छे तीनुक लज्जित करता होय, हाव तुमू छे काय कयो? काय इनीये वात मा तुमरी बढ़ाई करू? नी, हाव बढ़ाई नी करता।
1CO 11:23 काहकि यो वात मखे पोरबु छे पुच्या, आरू हाव ने तुमू भी पुचाड़ देदी कि पोरबु ईशु ने जिना रात वो धराय गयो, रोटा लेदो,
1CO 11:24 आरू यहोवा–भगवान क धन्यवाद करीन ओको तुड़ीन आरू कयो, “यो मारी देह छे, जो तुमरे करता छे: मारे स्मरण क करता योही कर्‍या करो।”
1CO 11:25 इनी रीति छे त्यो बियारी क पछव गिलास भी लेदा आरू कयो, “यो वाटको मारे लुहूय मा नोवली भोन्या छे: जव कदी पीवो, तो मारे स्मरण क करता योही कर्‍या करो।”
1CO 11:26 काहकि जव कदी तुमू यो रोटा खाता आरू इनीये गिलास मा छे पीतो होय, तो पोरबु की मरन क जव तक वो नी आश, खबर करता होय।
1CO 11:27 एरकरीन जो काही गलत रीति छे पोरबु की रोटा खाय या ओका गिलास मा छे पीता, वो पोरबु की देह आरू लुहूय क गुणेगार ठरछे।
1CO 11:28 एरकरीन मानुस आपने आप क हेर लेदा आरू इनी रीति छे रोटा मा खाय, आरू इनीये गिलास मा छे पीदो।
1CO 11:29 काहकि जो खाता पीता समय पोरबु की देह क नी उळखने, वो इनीये खाने आरू पीने छे आपने ऊपर दण्ड लावता छे।
1CO 11:30 इनी कारण तुमू मा घोणा छे निर्बल आरू बीमार छे, आरू घोणा छे सुवी भी गया।
1CO 11:31 यदि हामु आपने आप क हेरता तो यहोवा–भगवान छे हामु दण्ड नी देखता।
1CO 11:32 पुन पोरबु हामु दण्ड दीन हामरी ताड़ना करता छे, एरकरीन कि हामु संसार क साथे दोषी नी ठरछे।
1CO 11:33 एरकरीन, हे मारा भाईस आरू बहनीस जव पोरबु भोज तुमू खाने क करता एखठा हुयसे होय तो एक दिसरा क करता ठेहर्‍या करो।
1CO 11:34 यदि काही भूखलो होय तो आपने घर मा खाय लेय, जिनासे तुमरा एखठा हुयने दण्ड क कारण नी होय। रोवली वात क हाव आवीन ठीक करसे।
1CO 12:1 हे भाईस, हाव नी जुवता कि तुमू चुखली आत्मा क वरदान क विषय मा अनजान रयो।
1CO 12:2 तुमू जानता होय कि जव तुमू गैरयहुदी हुता, तो गूंगी मुर्ती क पछव जोसो चालाड्या जातो होतो वोसो चालता हुता।
1CO 12:3 एरकरीन हाव तुमूक चेतावनी देता छे कि जो काही यहोवा–भगवान की आत्मा की अगवाय छे आरू बुलता छे, वो नी कयता कि ईशु स्रापित छे; आरू नी काही चुखलो आत्मा क विना कय सकता छे कि ईशु पोरबु छे।
1CO 12:4 वरदान तो काही प्रकार क छे, पुन आत्मा एक ही छे;
1CO 12:5 आरू सेवा भी काही प्रकार की छे, पुन वरदान देनेवावा चुखलो आत्मा एक ही छे;
1CO 12:6 आरू शक्तिशाली काम काही प्रकार क छे, पुन यहोवा–भगवान एक ही छे, जो सब मा हर प्रकार क शक्ति पैदा करता छे।
1CO 12:7 पुन सब क लाभ पुचाडने क करता हर एक क यहोवा–भगवान की चुखलो आत्मा क हर एक दिया जाता छे।
1CO 12:8 काहकि एक क आत्मा क द्वारा बुध्दि की वात देदी जाती छे, आरू दिसरा क ओकी आत्मा क लारे ज्ञान की वात।
1CO 12:9 काही क ओकी आत्मा छे विश्वास, आरू काही क ओकी एक आत्मा छे वारू करने क वरदान दिया जाता छे।
1CO 12:10 पछु कोयक शक्ति क काम करनेन शक्ति, आरू कोयक यहोवा–भगवान क संदेश दान न, आरू कोयक क आत्मा क पारख, आरू कोयक क काहय प्रकार क भाषा, आरू कोयक क भाषा, आरू काहनी भाषा क मतलब कयनो।
1CO 12:11 पुन यो सब शक्तिशाली काम चो एक आत्मा करे छे, आरू जिनाक जो जुवता छे वो वाट देता छे।
1CO 12:12 काहकि जिना प्रकार देह तो एक छे आरू ओको अंग घोणा छे, आरू उना एक देह क सब अंग घोणा हुयने पर भी सब हाववीन एक ही देह छे, ओकी प्रकार मसीह क डील छे।
1CO 12:13 काहकि हामु सब काय यहूदि होय, काय यूनानी, काय दास होय काय स्वतंत्र, एक ही आत्मा क द्वारा एक देह हुयने क करता बपतिस्मा लेदा, आरू हामु सब क एक ही आत्मा पिवाड्या गया।
1CO 12:14 एरकरीन की देह मा एक ही अंग नी पुन घोणा छे।
1CO 12:15 यदि पाय कये, “हाव हात नी एरकरीन देह क नी” तो काय वो इनीये कारण देह क नी?
1CO 12:16 आरू यदि कान कये, “हाव डुवा नी, एरकरीन देह क नी” तो काय वो इनीये कारण देह क नी छे?
1CO 12:17 यदि सारी देह डुवा ही होयती तो सोमवने काँ हुता? जव पुरो डिलने सोमवावा ने तव, सुंघनो काँ रया लेदो।
1CO 12:18 पुन खरलो यहोवा–भगवान अंग क आपसी मरजी क लारे एक एक करीन देह मा राखलो छे।
1CO 12:19 यदि वे सब एक ही अंग होयतो, तो देह काँ होयती?
1CO 12:20 पुन हिमी अंग तो घोणा छे, पुन देह एक ही छे।
1CO 12:21 डुवा हात छे नी कय सकती, “मखे तारी जरूरत नी” आरू नी मुनको पाय छे कय सकता छे, “मखे तुमरी जरूरत नी।”
1CO 12:22 पुन देह क वे अंग जो दिसरा छे निर्बल लागता छे, घोणा ही जरूरत छे;
1CO 12:23 आरू डील क जिन डील क हामु विजुत क योग्य नी समझता उका क हामु सवटो विजुत देता छे; आरू हामरे शोभायमान होय जाता छे,
1CO 12:24 पछु भी हामरे शोभायमान डील क इसकी जरूरत नी। पुन यहोवा–भगवान ने डील क ओसो बनाय दिया छे कि जिना डील क विजुत की घटी होती ओकी क आरू भी घोणा विजुत मिव्यो।
1CO 12:25 ताकि देह मा फूट नी पड़े, पुन डील एक दिसरा की बराबर चिंता करसे।
1CO 12:26 एरकरीन यदि एक डील दुःख देखता छे, तो सब डील ओको साथे दुःख देखता छे; आरू यदि एक डील की बढ़ाई होयती छे, तो ओको साथे सब डील खुशी मानता छे।
1CO 12:27 इनी प्रकार तुमू सब हाववीन मसीह की देह होय, आरू अलग अलग ओका डील होय;
1CO 12:28 आरू यहोवा–भगवान ने मंडळी मा अलग अलग मानसे नियुक्त कर्‍या छे: पेहलो प्रेरित, दीसर भविष्यवक्ता, तीसर शिक्षक, पछु शक्ति क काम करनेवावा, पछु वारू करनेवावा, आरू करलो काम करने, आरू तयारी करनेवावा, आरू सब प्रकार की भाषा बुलनेवावा।
1CO 12:29 काय सब प्रेरित छे? काय सब भविष्यवक्ता छे? काय सब शिक्षक छे? काय सब शक्ति क काम करनेवावा छे?
1CO 12:30 काय सब क वारू करने क वरदान मिव्यो छे? काय सब हरेक प्रकार की भाषा बुलता छे? काय सब अनुवाद करता छे
1CO 12:31 काय तुमू मोटा छे मोटा वरदान की धुन मा रयो। पुन हाव तुमू आरू भी सब छे वारू मार्ग देखाडता छे।
1CO 13:1 यदि हाव मानुस आरू सोरगदूत की बुली बुल्यो आरू मोंग नी राख्यो, तो हाव ठनठन वाजतो हुयो पीतव, आरू झनझन करनाय झांझर छे।
1CO 13:2 यदि यहोवा भगवान संदेश पुचाड़ने वावा आरू सब भेदो आरू सब प्रकार क ज्ञान क समझु, आरू मखे या तक पूरो विश्वास होय कि हाव बयड़ा क हटाय दम, पुन मोंग नी राख्यो, तो हाव काही भी नी।
1CO 13:3 यदि हाव आपसी सम्पूर्ण संपत्ती गरीब क खावाड़ दिदा, या आपसी देह धपाड़ने क करता देय दिदा, आरू मोंग नी राख्यो, तो मखे काही भी लाभ नी।
1CO 13:4 मोंग धीरजवन्त छे, आरू दयावावु छे; मोंग डाह नी करता; मोंग आपसी बढ़ाई नी करता, आरू फूलता नी,
1CO 13:5 वो रीति क छुड़ीन नी चालता, वो आपसी भलाई नी जुवता, झुझलाता नी, दिसरा की बुरी वात नी मानता।
1CO 13:6 अन्याय छे खुश नी हुयसे, पुन सच्चाई छे खुश हुयसे छे।
1CO 13:7 वो सब वात सह लेता छे, सब वात की विश्वास राखता छे, सब वात की आश राखता छे, सब वात मा धीरज धरती छे।
1CO 13:8 मोंग कदी टलता नी; भविष्यवाणी होय, तो समाप्त होय जाछे; भाषा होय, तो हरेक भाषा मा रवछे; ज्ञान होय तो मिट जाछे।
1CO 13:9 काहकि आमरो ज्ञान आधलो छे, आरू यहोवा–भगवान भविष्यद्वाणी आवने आधली;
1CO 13:10 पुन जव यहोवा–भगवान सर्वसिध्द आवसे, तो आधलो हाववीन जाछे।
1CO 13:11 जव हाव पोर्‍य होतो, तो हाव पोर्‍य क समान बुलता हुता, पोर्‍य क सा मन हुता, पोर्‍य की सी समझ होती; पुन जव सियाना होय गया तो पोर्‍या की पेहली वात छुड़ देदी।
1CO 13:12 हिमी हामु आरसा मा धुंधला सा देखाय देता छे, पुन उना टेहाव आमने सामने देखछे; इनीये टेहाव मारो ज्ञान आधलो छे, पुन उना टेहाव ओसी पूरी रीति छे उवखाय गया छे पुन यहोवा–भगवान मखे उवखसे।
1CO 13:13 पर हिमी विश्वास, आश, मोंग यो तीन स्थायी छे, पर इन मा सब छे मोटो मोंग छे।
1CO 14:1 मोंग क गती करो, आरू आत्मिक वरदान की भी धुन मा रयो, विशेष करीन यो कि भविष्यव्दाणी करो।
1CO 14:2 काहकि जो दिसरा भाषा मा वात करता छे वो मानुस छे नी पुन यहोवा–भगवान छे वात करता छे; एरकरीन कि ओकी वात काही नी समझता, काहकि यहोवा–भगवान की आरू छे वात आत्मा मा हईन बुलता छे।
1CO 14:3 पुन जो भविष्यव्दाणी करता छे, वो मानुस छे बढ़ती आरू शिक्षा आरू दिलासा की कयता छे।
1CO 14:4 जो ज्ञान की भाषा मा वात करता छे, वो आपसी ही बढ़ती करता छे; पुन जो भविष्यव्दाणी करता छे, वो मंडळी की बढ़ती करता छे।
1CO 14:5 हाव जुवता छे कि तुमू सब ज्ञान की भाषा मा वात करो पुन इनासे सवटो यो जुवता छे कि यहोवा–भगवान की आरू आवने संदेश: काहकि यदि आखी भाषा बुलनेवावा मंडळी की बढ़ती क करता अनुवाद नी करे तो यहोवा–भगवान आरू संदेश देनेवावा ओको बढ़ीन छे।
1CO 14:6 एरकरीन हे भाईस आरू बहनीस यदि हाव तुमरे साथे आवीन आखी भाषा मा वात करसु, आरू प्रकाश या ज्ञान या यहोवा–भगवान की आरू छे संदेश की वात तुमू छे नी कयो तो मखे छे तुमू काय लाभ होयछे?
1CO 14:7 इनी प्रकार यदि निर्जीव समान भी जिनछे ध्वनि निकवती छे, जोसो पाव्वी या बीन, यदि ओको स्वरो मा भेद नी होय तो जो फूकने या वाजाड्यो जाता छे, वो कोसो उवखसे जाछे?
1CO 14:8 आरू यदि तुरही क ओवाज साफ नी होय, तो कुन लड़ाई क करता तीयारी करसे?
1CO 14:9 ओसो ही तुमू भी यदि जीभ साफ साफ वात नी कयो, तो जो काही कयो जाता छे वो कोसो समझ जाछे? तुमू तो हवा छे वात करनेवावा ठरछे।
1CO 14:10 जगमा मा कोतरा ही प्रकार की भाषा काय नी होय, पुन उनमा छे काही भी विना मतलब की नी होयछे।
1CO 14:11 एरकरीन यदि हाव काही भाषा क मतलब नी समझ, तो बुलनेवावा की दृष्टि मा परदेशी ठरछे आरू बुलनेवावा मारी दृष्टि मा परदेशी ठरछे।
1CO 14:12 एरकरीन तुमू भी जव आत्मिक वरदान क धुन मा होय, ते ओसो कोशिस करू कि तुमर वरदान न बढ़ती छे मंडळी न बढ़ती होय।
1CO 14:13 इनीये कारण जो ज्ञान की भाषा बुलने, वो प्रार्थना करे कि ओका अनुवाद भी करने करता।
1CO 14:14 एरकरीन यदि हाव दिसरा भाषा प्रार्थना करू, तो मारी आत्मा प्रार्थना करती छे पुन मारी बुध्दि काम नी देती।
1CO 14:15 शेवली कावा काय करनो जुवे? हाव आत्मा छे भी प्रार्थना करीस, आरू बुध्दि छे भी प्रार्थना करीस; हाव आत्मा छे गावीस, आरू बुध्दि छे भी गावीस।
1CO 14:16 नी तो यदि तु आत्मा ही छे धन्यवाद करीस, तो पछु मानसे तारो धन्यवाद पर आमेन कोसो कवसे? काहकि वो तो नी जानता कि तु काय छे?
1CO 14:17 तु तो भली भाति धन्यवाद करता छे, पुन दिसरा की बढ़ती नी होयती।
1CO 14:18 हाव आपसा यहोवा–भगवान क धन्यवाद करता छे, कि हाव तुमू सब छे सवटो ज्ञान की भाषा मा बुलता छे।
1CO 14:19 पुन मंडळी मा ज्ञान की सभाषा मा दस हजार वात कयनो छे यो मखे आरू भी वारू जान पड़ता छे, कि दिसरा क सिकाडने क करता बुध्दि छे पाच ही वात कहवो।
1CO 14:20 हे भाईस, बहनीस तुमू समझ मा पोर्‍य नी बनु: बुराई मा तो पोर्‍य रयो, पुन समझ मा सियाने बनु।
1CO 14:21 व्यवस्था किताब मा लिख्यो छे कि पोरबु कयता छे, “हाव अनजानी भाषा बुलनेवावा क द्वारा आरू पराया मुख क द्वारा इन मानसे छे वात करसे तौभी वे मारी नी सोमवने।”
1CO 14:22 एरकरीन ज्ञान की भाषा बुलने क वरदान भुरसीया क करता नी, पुन विनभुरसा क करता सहलानी छे।
1CO 14:23 शेवली कावा यदि मंडळी एक जगमा एखटी होय, आरू सब क सब दिसरा भाषा बुलने, आरू बाहरतावावा या विनभुरसीया मानसे माहीय आय जाय तो काय वे तुमू पागल नी कवीस?
1CO 14:24 पुन यदि सब भविष्यव्दाणी करने लाग्या, आरू काही विनभुरसीया या बाहरतावावा मानसे माहीय आय जाय, तो सब ओको दोषी ठराय देसे आरू पारखी लेछे;
1CO 14:25 आरू मन की डुकाली वात उघडी जाय, आरू तव वो मुय क बुल पाड़ीन यहोवा–भगवान क दण्डवत् करसे, आरू मान लेछे कि सचमुच यहोवा–भगवान तुमरे वीच मा छे।
1CO 14:26 हे भाईस, बहनीस काय करने जुवे? जव तुमू एखठा हुता होय, तो हर एक क हृदय मा भोजन या शिक्षा या दिसरा भाषा या प्रकाश या दिसरा भाषा क मतलब कोवने रयता छे। सब काही आत्मिक बढ़ती क करता हुयने जुवे।
1CO 14:27 यदि दिसरा भाषा मा वात करनो होय, तो दुय या घोणा होय तो तीन जन वाड़ी छे बुलू, आरू एक व्यक्ति अनुवाद करे।
1CO 14:28 पुन यदि अनुवाद करनेवावा नी होय, तो दिसरा भाषा बुलनेवावा मंडळी मा शांत रये, आरू आपने मन छे आरू यहोवा–भगवान छे वात करे।
1CO 14:29 भविष्यवक्ता मा छे दुय या तीन बुलू, आरू शेष मानसे ओको वचन क पारखे।
1CO 14:30 पुन यदि दिसरा पर जो बठ्य छे, काही ईश्वरीय प्रकाश होय, तो पेहला चुप होय जाय।
1CO 14:31 काहकि तुमू सब एक एक कर क भविष्यव्दाणी कर सकता होय, ताकि सब सीखे आरू सब शांती देखछे।
1CO 14:32 आरू भविष्यवक्ता क आत्मा भविष्यवक्ता क वश मा छे।
1CO 14:33 काहकि यहोवा–भगवान गड़बड़ी क नी, पुन शांती क यहोवा–भगवान छे। जोसो चुखलो मानसे की सब मंडळी मा ओसो ही हईन जुवे।
1CO 14:34 बायर मंडळी की सभा मा चुप रये, काहकि तीनुक वात करने की हुकुम नी, पुन हको तळे रयने की हुकुम छे, जोसो व्यवस्था मा लिख्या भी छे।
1CO 14:35 यदि वे काही सिखने जुवे तो घर मा आपने आपने घर वावा छे पुछ, काहकि बायर क मंडळी मा वात करने लाज की वात छे।
1CO 14:36 काय यहोवा–भगवान क वचन तुमू छे निकव्य छे? या केवल तुमू ही तक पुच्या छे।
1CO 14:37 यदि काही मानुस आपने क भविष्यवक्ता या आत्मिक जन समझ, तो यो जान लेय कि जो वात हाव तुमू लिखता छे, वे पोरबु की हुकुम छे।
1CO 14:38 पुन यदि काही यो नी माने, तो ओको भी नी मानु।
1CO 14:39 शेवली कावा हे भाईस, बहनीस भविष्यव्दाणी करने की धुन मा रया आरू दिसरा भाषा बुलने छे मना नी करू;
1CO 14:40 पर सारी वात शालीनता आरू व्यवस्थित रूप छे करी जाय।
1CO 15:1 हे भाईस, बहनीस हिमी हाव तुमू चो खुश खबर देखाड़तो छे जो पेहल सोमवीन त्योक्य छे, जिनाक तुमू ने पछतायो भी कर्‍या हुता आरू जिन मा तुमू स्थिर भी होय।
1CO 15:2 उको क द्वारा तुमरो उध्दार भी होयतो छे, यदि उना खुश खबर क हाव ने तुमू सोमवायो होतो धरायता होय; नी तो तुमरो विश्वास करने व्यर्थ हुयो।
1CO 15:3 इनी कारण हाव ने सब छे पेहल तुमू चो वात पुचाड़ देदी, जो मखे पुचाड़ी होती कि पवित्रशास्त्र क वचन क लारे ईशु मसीह हामरा पाप क करता मर गयो,
1CO 15:4 आरू गाड़या गयो, आरू पवित्रशास्त्र क लारे तीसरे दाहड़ो जीवीन भी उठ्यो,
1CO 15:5 आरू कैफा क तव बारा प्रेरित क देखाय दिदो।
1CO 15:6 पछु वो पाच सौ छे सवटो भाईस क एक साथे देखाय दिदो, जिनमा छे घोणा छे हिमी तक जीवतो छे पर काही सुय गयो।
1CO 15:7 पछु वो याकूब क देखाय दिदो तव सब प्रेरितन क देखाय दिदो।
1CO 15:8 सब क बाद मखे क भी देखाय दिदो, जो मानु आधलो दाहड़ो क पैदा हुयो।
1CO 15:9 काहकि हाव चेला मा सब छे नानो छे, वरना प्रेरित कोवायने क योग्य भी नी, काहकि हाव ने यहोवा–भगवान की मंडळी क सताया होतो।
1CO 15:10 पुन हाव जो काही भी छे, यहोवा–भगवान क फोकटन दया छे। ओको फोकटन दया जो मखे पर हुयो, वो व्यर्थ नी हुयो; पुन हाव ने उन सब छे बढ़ीन मेहनत भी कर्‍या: तौभी यो मारी आरू छे नी हुयो पुन यहोवा–भगवान क फोकटन दया छे जो मखे पर होतो।
1CO 15:11 एरकरीन जुवे हाव छे, जुवे वो होय, हामु योही खबर करता छे, आरू इनी पर तुमू ने विश्वास भी कर्‍या।
1CO 15:12 एरकरीन जव कि मसीह क यो खबर कर्‍या जाता छे कि वो मर्‍य हुयो मा छे जीवन उठ्यो, तो तुमू मा छे कोतरा कोसो कयता छे कि मर्‍य हुयो क पुनरूत्थान छे ही नी?
1CO 15:13 यदि मर्‍य हुयो क पुनरूत्थान छे ही नी, तो मसीह भी नी जीव उठने;
1CO 15:14 आरू यदि मसीह नी जीव उठने, तो आमरो खबर करने भी व्यर्थ छे, आरू तुमरो विश्वास भी व्यर्थ छे।
1CO 15:15 वरना हामु यहोवा–भगवान क झुठ गवाय ठराय; काहकि हामु ने यहोवा–भगवान क विषय मा यो गवा देदी कि त्यो मसीह क जीवाड़ दिदो, यदि नी जीवाड्य यदि मर हुयो नी जीवीन उठ्यो।
1CO 15:16 आरू यदि मरला नी जीव उठने, तो मसीह भी नी जीवीन उठ्यो;
1CO 15:17 आरू यदि मसीह नी जीव उठ्यो, तो तुमरो विश्वास व्यर्थ छे, आरू तुमू हिमी तक आपसा पाप मा फोस होय।
1CO 15:18 वरना जो मसीह मा सुय गयो छे, वो भी नष्ट हुयो।
1CO 15:19 यदि हामु केवल इनी जीवन मा मसीह छे आश राखता छे तो हामु सब मानुस छे सवटो खोटो छे।
1CO 15:20 पुन सचमुच मसीह मरला मा छे जीव उठसे, नमस्कार आरू जो मरला होया मा जीवन उठसे छे।
1CO 15:21 काहकि जव मानुस क द्वारा मरन आयो, तो मानुस ही क द्वारा मरलो होया क जीव उठने भी आयो।
1CO 15:22 आरू जोसो आदम ने सब मरन लायो, वोसो ही मसीह जीवन सब जीव जाछे,
1CO 15:23 पुन हर एक आपसी–आपसी वाड़ी छे: पेहल मसीह, पछु मसीह क आवने पर ओका मानछे।
1CO 15:24 ओका बाद आखरी होयछे। उना टेहाव वो प्रधानता, आरू सब हक आरू शक्ति क आखरी करीन राज राखनेवा यहोवा–भगवान बास क हात मा सौप दीस।
1CO 15:25 काहकि जव तक वो आपने दुस्मनयो मसीह क आपने पाय तवे नी लेय आय, तव तक ओको राज करने पाको छे।
1CO 15:26 सब छे आखरी दुस्मन जो नष्ट होय जाछे, वो मरन छे।
1CO 15:27 काहकि “यहोवा–भगवान ने सब काही ओका पाय तवे कर दिदो छे” पुन जव वो कयता छे कि सब काही वो खुद रयो छे तो सामने छे कि जो सब काही उका हको तळे कर दिदो, वो आप अलग रया।
1CO 15:28 आरू जव सब काही ओका हको तळे होय जाछे, तो पोर्‍य आप भी ओका हको तळे होय जाछे, जो सब काही ओका हको तळे कर दिदो, ताकि सब मा यहोवा–भगवान ही सब समान पर पूरा राज करसे।
1CO 15:29 नी तो जो मानसे मर्‍य हुयो क करता बपतिस्मा लेता छे वे काय करसे? यदि मरला जीव उठे ही नी तो पछु काय ओको करता बपतिस्मा लेता छे?
1CO 15:30 आरू हामु भी काय हर घड़ी जोखिम मा पड़ रयता छे?
1CO 15:31 हे भाईस, बहनीस मखे उना डाहळाय की शपथ जो हामरे मसीह ईशु मा हाव तुमरा विषय मा करता छे कि हाव हर दाहाड़े मरता छे।
1CO 15:32 यदि हाव मानुस की रीति पर इफिसुस मा वन मानुस छे लड़ाई तो मखे काय लाभ हुयो? यदि मरला जीवाड्य नी जाछे, “तो आवु, खाय पीय, काहकि काल तो मर ही जाछे।”
1CO 15:33 धुखो नी खानो, “बुरी संगति वारला चरित्र क बिगाड़ देतली छे।”
1CO 15:34 सही विचार करनो सोरू करू आरू पाप क छुड़ देवु; काहकि काही ओसो छे जो यहोवा–भगवान क नी जानता। हाव तुमू लज्जित करने क करता यो कयता छे।
1CO 15:35 हिमी काही यो कवसे, “मरला काही रीति छे जीव उठे छे, आरू कोसी देह क साथे आवता छे?”
1CO 15:36 हे निर्बुध्दि! जो काही तु वेरता छे, जव तक वो नी मरला जीवता नी जाता।
1CO 15:37 आरू जो तु वेरता छे, यो वो डील नी जो पैदा होयनेवावी छे, पुन निरा दाना छे, जुवे गवे क जुवे काही आरू धान क।
1CO 15:38 पुन यहोवा–भगवान आपसी मरजी क लारे ओको देह देता छे, आरू हर एक बीज क ओकी विशेष देह।
1CO 15:39 सब डील एक समान नी: मानुस क डील आरू छे, मानुस क डील आरू छे; चिल्ला क डील आरू छे; मासा क डील आरू छे।
1CO 15:40 सोरगन देह छे आरू पार्थिव देह भी छे। पुन सोरगदूतीय देहो क तेज आरू छे, आरू पार्थिव क आरू।
1CO 15:41 दाहड़ा क तेज आरू छे, चाँद क तेज आरू छे, आरू तारागणो क तेज आरू छे, काहकि एक तारा छे दीसरो तारा क तेज मा जागा छे।
1CO 15:42 मरला क जीव उठने भी ओसो ही छे। डील नाशवान दशा मा वेरलो जातो छे आरू अमरकाया रूप मा जीवीन उठे छे।
1CO 15:43 वो विजुत क साथे वेरलो जातो छे, आरू तेज क साथे जीव उठे छे; निर्बलता क साथे वेरलो जातो छे, शक्ति क साथे जीवीन उठे छे।
1CO 15:44 स्वाभाविक डील गाड़ देय, आरू आत्मिक देह जीव उठे छे: जबकि स्वाभाविक देह छे, तो आत्मिक देह भी छे।
1CO 15:45 ओसो ही लिख्यो भी छे, कि “पेहलो मानुस, मतलब आदम जीवतो मानुस बन्यो” आरू आखरी आदम, जीवनदायक आत्मा छे।
1CO 15:46 पुन पेहल आत्मिक डील नी होतो पर स्वाभिविक डील होतो, ओका बाद आत्मिक डील हुयो।
1CO 15:47 पेहल मानुस धरती न धुळा न हुतो; दीसरो मानुस सोरग न हुतो।
1CO 15:48 जोसो वो धरती क होतो, वोसो ही वे भी छे जो धरती क छे; आरू जोसो वो सोरग छे, वोसो ही वे भी छे जो सोरग छे।
1CO 15:49 आरू जोसो हामु ने ओको डील धारण कर्‍या जो धुवो क होतो वोसो ही उना सोरग क रूप भी धारण करसे।
1CO 15:50 हे भाईस आरू बहनीस हाव यो कयता छे कि मास आरू लुहूय यहोवा–भगवान क राज क हक नी होय सकता, आरू नी नाशवान अमरकाया क हकी होय सकता छे।
1CO 15:51 देखु, हाव तुमू छे भेद कि वात कयता छे: हामु सब नी मर जे, पुन सब बदली जाछे,
1CO 15:52 आरू यो पल भर मा पापन्या पाड़तो ही आखरी तुरही फूंकता ही होयछे। काहकि तुरही फूंकी जाछे आरू मारला अमरकाया दशामा उठ जाछे, आरू हामु बदली जासु।
1CO 15:53 काहकि पाको छे कि यो नाशवान देह अमरकाया डील क पेहरी लेय, आरू यो मरलोहार देह अमरकाय डील क पेहरी लेय।
1CO 15:54 आरू जव नाशवान अमरकाया डील क पेहेरी लेछे, आरू यो मरलोहार देह अमरकाय डील क पेहरी लेछे, तव वो वचन जो लिख्यो छे पूरो होय जाछे: “जय ने मरला क निघल लेदो।
1CO 15:55 हे मरला तारी जय काँ रयी? हे मरला, तारो आहळ क रया?”
1CO 15:56 मरला क डंक पाप छे, आरू पाप क शक्ति व्यवस्था छे।
1CO 15:57 पुन यहोवा–भगवान क धन्यवाद होय, जो हामरे पोरबु ईशु मसीह क द्वारा हामु जयन्त करता छे।
1CO 15:58 एरकरीन हे मारा मोंगावु भाईस, आरू बहनीस दृढ़ आरू अटल रयो, आरू पोरबु क काम मा सर्वदा बढ़ता जाय, काहकि यो जानता होय कि तुमरा मेहनत पोरबु मा व्यर्थ नी छे।
1CO 16:1 हिमी उना चंदा क विषय मा जो चुखलो मानसे क करता कर्‍या जाता छे, जोसी हुकुम मा गलातिया गाव की मंडळी क देदी, वोसो ही तुमू भी करू।
1CO 16:2 हापता क पेहल दहाडू तुमू मा छे हर एक आपसी आमदनी क लारे काही आपने साथे राख्या छुड़ी करे कि मारे आवने पर चंदा नी करने पड़्या।
1CO 16:3 आरू जव हाव आवीस, तो जीवने तुमूक जुवछे तीनुक मा चिठ्ठया आपीन मुकली देसे कि तुमरा दान यरूशलेम मा पुचाडी देसे।
1CO 16:4 यदि मारा भी जाने वारू हुयो, तो वो मारे साथे जाछे।
1CO 16:5 हाव मकिदुनिया गाव हईन तुमरे साथे आवीस, काहकि मखे मकिदुनिया गाव हईन जाने ही छे।
1CO 16:6 पुन सम्भव छे कि तुमरे याहा ही ठेहर जावु आरू शरद ऋतु तुमरे याहा काटू तव जिना आरू मारो जाने होय उना आरू तुमू मखे पुचाड देसे।
1CO 16:7 काहकि हाव हिमी मार्ग मा तुमू छे भेंट करने नी जुवता; पुन मखे आश छे कि यदि पोरबु जुवे तो काही टेहाव तक तुमरे साथे रवीस।
1CO 16:8 पुन हाव पिन्तेकुस्त तक इफिसुस मा रवीस,
1CO 16:9 काहकि मारे करता वाँ एक मोठो व्दरा कामलागु झोपलो उघाड्यो छे, आरू विरोधी घोणा छे।
1CO 16:10 यदि तीमुथियुस आय जाय, तो देखने कि वो तुमरे याहा निडर रया; काहकि वो मारे समान पोरबु क काम करता छे।
1CO 16:11 एरकरीन काही ओको तुच्छ नी जाने पुन ओको कुशल छे इनीये आरू पुचाड देने कि मारे साथे आय जाय; काहकि हाव ओकी वाट जुवो रया छे कि वो मारा भाईस क साथे आवसे।
1CO 16:12 भाईस अपुल्लोस छे हाव ने घोणा रावन्या करी छे कि तुमरे साथे भाईस क साथे जाय; पुन त्यो इनीये टेहाव जाने कि काही भी मरजी नी करी, पुन जव मेखे देखछे तव आय जाछे।
1CO 16:13 जागता रयो, विश्वास मा स्थिर रयो, हिमत करो, ताकदवावो हुयो।
1CO 16:14 जो काही करता होय मोंग छे करो।
1CO 16:15 हे भाईस, तुमू स्तिफनास भाईस क घराना क जानता होय कि वो अखाया क पेहल फोव छे, आरू चुखलो मानसे कि सेवा क करता तियार रयता छे।
1CO 16:16 एरकरीन हाव तुमू छे रावन्या करता छे कि वोसो क हको तळे रयो, वरना हर एक क जो इनीये काम मा मेहनत आरू सहकर्मी छे।
1CO 16:17 हाव स्तिफनास आरू फूरतुनातुस आरू अखीकुश इन भाईस क आवने छे खुशी मा छे, काहकि त्या तुमरी घटी क पूरो कर्‍या छे।
1CO 16:18 त्या मारी आरू तुमरी आत्मा क सुख देदो छे, एरकरीन ओसला क मानु।
1CO 16:19 आसिया प्रदेश कि मंडळी कि आरू छे तुमू क नमस्कार; अक्विला आरू प्रिस्किल्ला क आरू ओको घर कि मंडळी क भी तुमू क पोरबु मा घोणा नमस्कार करू!
1CO 16:20 सब भाईस क तुमू क नमस्कार। चुखलो गवे लागाड़ ने छे आपस मा नमस्कार करो।
1CO 16:21 मखे पौलुस क आपने हात क लिख्या होया नमस्कार।
1CO 16:22 यदि काही पोरबु छे मोंग नी राखे तो वो उना पर हाय होय। हे हामरा पोरबु, आवो!
1CO 16:23 पोरबु ईशु क फोकटन दया तुमू पर होयतो रये।
1CO 16:24 मारो मोंग मसीह ईशु मा तुमू सब क साथे रयो। आमेन।
2CO 1:1 पौलुस न चा गथो जो यहोवा–भगवान कि मरजी छे मसीह ईशु क प्रेरित छे, आरू भाईस तीमुथियुस कि आरू छे यहोवा–भगवान कि उना मंडळी क नाव, जो कुरन्थियो मा छे, आरू सब अखाया क सब चुखला मानसो क नाव:
2CO 1:2 आमरो बास यहोवा–भगवान आरू पोरबु ईशु मसीह कि आरू छे तुमू फोकटन दया आरू शांती मिवती रये।
2CO 1:3 आमरो पोरबु ईशु मसीह क यहोवा–भगवान आरू बास क धन्यवाद होय, जो दया क बास आरू सब प्रकार कि शांती क यहोवा–भगवान छे।
2CO 1:4 वो हामरे सब तकलीद मा शांती देता छे; ताकि हामु उना शांती क कारण जो यहोवा–भगवान हामु देता छे, तीनुक भी शांती देय सके जो काही प्रकार क तकलीद मा होय।
2CO 1:5 काहकि जोसो मसीह क दुःख मा हामु सवटो सहभागी हुयसे छे, वोसो ही हामु शांती मा भी मसीह क द्वारा सवटो सहभागी हुयसे छे।
2CO 1:6 यदि हामु तकलीद मा देखता छे, तो यो तुमरी शांती आरू उध्दार क करता छे; आरू यदि शांती देखता छे, तो यो तुमरी शांती क करता छे; ओका शक्ति छे तुमू धीरज क साथे उन तकलीद क सह लेता होय, जिन्हे हामु भी सहत छे।
2CO 1:7 हामरी आश तुमरे विषय मा दृढ़ छे; काहकि हामु जानता छे कि तुमू जोसो हामरे दुःख मा, वोसो ही मदत मा भी सहभागी होय।
2CO 1:8 हे भाईस, हामु नी जुवता कि, तुमू हामरे उना तकलीद छे अनजान रयो जो आसिया प्रदेश मा हामु पर पड़्या; हामु वोसो भारी बोझ छे दाब गया हुता, जो हामरी शक्ति छे बाहरता हुता, याहा तक कि हामु जीवन छे भी हात धुवीन बठ्या हुता।
2CO 1:9 वरना हामु ने आपने मन मा समझ लेदा हुता, कि हामु पर मरला कि हुकुम होय त्योकी छे। ताकि हामु आपसा विश्वास नी राख्या, वरना यहोवा–भगवान क जो मरला हुयो क जीवाड्या छे।
2CO 1:10 तीनी ने हामु मरला क वोसो मोठो संकट छे वाचाड़यू आरू वाचाड़छे छे; आरू उना पर हामरी यो आश छे। कि वो ओगव क भी वाचाडता रया।
2CO 1:11 तुमू भी मिवीन प्रार्थना क द्वारा हामरी मदत करू कि जो वरदान घोणा क द्वारा हामु हावव्य ओका कारण घोणा मानसे हामरी आरू छे धन्यवाद कर्‍या।
2CO 1:12 काहकि हामु आपने विवेक इनीये गवा पर डाहळाय करता छे, कि जगमा मा आरू विशेष करीन तुमरे विच मा, हामरा चरित्र यहोवा–भगवान क योग्य ओसी चुखला आरू सच्चाई सहित हुता, जो शारीरिक ज्ञान छे नी पुन यहोवा–भगवान क फोकटन दया क साथे हुता।
2CO 1:13 हामु तुमू आरू काही नी लिखता, केवल वो जो तुमू भनता या मानता भी होय, आरू मखे आश छे कि आखरी तक भी मानता रोवछे।
2CO 1:14 जोसो तुमू मा छे कोतरा ने मान लेदा छे कि हामु तुमरे डाहळाय क कारण छे, वोसो ही तुमू भी पोरबु ईशु क दाहडू हामरे करता डाहळाय क कारण ठेहरछे।
2CO 1:15 इनीये विश्वास छे ने जुवता हुता कि पेहल तुमरे साथे आवीस कि तुमू एक आरू जादा खुशी मिवे;
2CO 1:16 आरू तुमरे साथे छे हईन मकिदुनिया क जावु, आरू पछु मकिदुनिया छे तुमरे साथे आवीस; आरू तुमू मखे यहूदिया कि आरू छे काही दूर तक पुचाड्या।
2CO 1:17 एरकरीन हाव ने जो यो मरजी कि होती तो काय हाव ने चंचलता देखाय? या जो करने जुवता छे काय डील क लारे करने जुवता छे कि हाव वात मा होव भी करू आरू नी भी करू?
2CO 1:18 यहोवा–भगवान सच्चा गवा छे कि हामरे उना वचन मा जो तुमू छे कयो “होव आरू नी दुय नी देखता जाता।”
2CO 1:19 काहकि यहोवा–भगवान क पोर्‍य ईशु मसीह जेरो हामरे द्वारा मतलब मारो आरू सिलवानुस आरू तीमुथियुस क द्वारा हामरे विच मा खबर हुयो, उनमा होव, आरू नी दुय नी हुता, पुन उनमा होव ही होव होयी।
2CO 1:20 काहकि यहोवा–भगवान की जोतरी प्रतिज्ञा छे, वो सब तीनी मा होव क साथे छे। एरकरीन ओका द्वारा आमेन भी होयी कि हामरे द्वारा यहोवा–भगवान कि महिमा होय।
2CO 1:21 आरू जो हामु तुमरे साथे मसीह मा दृढ़ करता छे, आरू जो हामरा अभिषेक कर्‍या चो यहोवा–भगवान छे,
2CO 1:22 जो हामु पर छाप भी कर दिदा छे आरू बयाने मा आत्मा क हामरे मानो मा दिदा।
2CO 1:23 हाव ने यहोवा–भगवान क गवा करीन कयता छे कि हाव हिमी तक कुरिन्थस मा एरकरीन नी आश, कि मखे तुमू पर तरस आवता हुता।
2CO 1:24 यो नी कि हामु विश्वास क विषय मा तुमू पर पोरबुता जताना जुवता छे; पुन तुमरे खुशी मा सहायक छे काहकि तुमू विश्वास ही छे स्थिर रयता होय।
2CO 2:1 हाव ने आपने मन मा योही ठान लेदो होतो कि तुमरे साथे नराज करने नी आवु।
2CO 2:2 काहकि यदि हाव तुमू नराज करू, तो मखे खुशी देनेवावा कुन होयछे, केवल चो जिनाक हाव ने नराज कर्‍या?
2CO 2:3 आरू हाव ने योही वात तुमू एरकरीन लिख्यो कि काही ओसो नी होय कि मारे आवने पर जो मखे खुशी हाववनो जुवे हाव उनछे नराज हुयो; काहकि मखे तुमू सब पर इनीये वात क विश्वास छे कि जो मारो खुशी छे, चो तुमू सब क भी छे।
2CO 2:4 मोट तकलीद आरू मन क कष्ट छे हाव ने घोणा छे आसा वयाडीन तुमू लिख्या हुता, एरकरीन नी कि तुमू नराज होय पुन एरकरीन कि तुमू उना मोट मोंग क जान लेदो, जो मखे तुमू छे।
2CO 2:5 यदि काही ने नराज कर्‍या छे, तो मखे ही नी वरना कि ओका साथे घोणा कड़ाई नी करू काही तुमू सब क भी नराज कर्‍या छे।
2CO 2:6 ओसो जन क करता यो दण्ड जो भाईस मा छे घोणा ने दिदा घोणा छे।
2CO 2:7 एरकरीन इनासे भला यो छे कि ओको गुणेहगार माफ करू आरू शांती देवु नी होय कि ओसो मानुस घोणा उदासी मा डूब जाय।
2CO 2:8 इनीये कारण हाव तुमू छे रावन्या करता छे कि ओको आपने मोंग क प्रमाण देवु।
2CO 2:9 काहकि हाव ने एरकरीन भी लिख्यो होतो कि तुमू पारख लेछे कि तुमू मारी सब वात क मानने क करता तीयार होय कि नी।
2CO 2:10 जेरो तुमू काही माफ करता होय त्यो उको भी माफ करता छे, काहकि हाव ने भी जो काही माफ कर्‍या छे, यदि कर्‍या होय, तो तुमरे कारण मसीह कि जगमा हईन माफ कर्‍या छे।
2CO 2:11 कि शैतान क हामु कर दाळ नी चाले, काहकि हामु ओकी युक्ती अनजान नी।
2CO 2:12 जव हाव मसीह क खुश खबर सोमवाने क त्रोआस शहर मा आयो, आरू पोरबु ने मारे करता एक झोपलो उघाड़ दिदो,
2CO 2:13 ते मारा मन क सुख नी जुड़यो, एरकरीन की हाव आपने भाईस तीतुस क नी देख्यो; एरकरीन त्यो जाईन हाव मकिदुनिया प्रदेश क चाल देदो।
2CO 2:14 पुन यहोवा–भगवान क धन्यवाद होय जो मसीह मा सदा हामु क जय क तिवार मा करता पुगता छे, आरू आपने ज्ञान कि सुगन्ध हामरे व्दरा हर जगमा पुगता छे।
2CO 2:15 काहकि हामु यहोवा–भगवान क निकट उध्दार देखनेवावा आरू नाश हुयने वाला दुय क करता मसीह की सुगन्ध छे।
2CO 2:16 काही क करता तो मरना क निमित्त मरलो कि गन्ध, आरू कोतरा क करता जीवन क निमित्त जीवन की सुगन्ध। भला इन वात क योग्य कुन छे?
2CO 2:17 काहकि हामु उन घोणा क समान नी जो यहोवा–भगवान क वचन मा मिलावट करता छे; पुन मन की सच्चाई छे आरू यहोवा–भगवान की आरू छे यहोवा–भगवान क हजुर जानीन मसीह मा बुलता छे।
2CO 3:1 काय हामु पछु आपसी बढ़ाई करने लाग्या? या हामु दिसरा मानसे क समान सिफारिश की पत्री या तुमरे साथे लानी या तुमू छे लेनु छे?
2CO 3:2 हामरी पत्री तुमू ही होय, जो हामरे हृदय पर लिख्यो होय छे आरू ओको सब मानुस उवखता आरू भनता छे।
2CO 3:3 यो प्रगट छे कि तुमू मसीह कि चिठ्ठी होय। जिनाक हामु ने सेवक क समान लिख्या, आरू जो शाही छे नी पुन जीवता यहोवा–भगवान क आत्मा छे, दगड़ा कि पट्टी पर नी पुन हृद्य कि मास रूपी पट्टीया पर लिख्यो छे।
2CO 3:4 हामु मसीह क द्वारा यहोवा–भगवान पर ओसो ही विश्वास राखता छे।
2CO 3:5 यो नी कि हामु आपने आप छे इनीये योग्य छे कि आपने आरू छे काही वाद क विचार कर सख्या, पर हामरी योग्यता यहोवा–भगवान कि आरू छे,
2CO 3:6 जो हामु नवलो वाचा क सेवक हुयने क योग्य भी कर्‍या, ओवाज क सेवक नी वरना आत्मा क; काहकि ओवाज मारतो छे, पर आत्मा जीवाडे छे।
2CO 3:7 यदि मरला कि वो वाचा ओका अक्सर दगड़ा पर खुदीन गया हुता, याहा तक तेजोमय होय कि मूसा क मुय पर क तेज क कारण जो घटता भी जाता हुता, इस्राएल ओका मुय पर दृष्टि नी कर सकता हुता,
2CO 3:8 तो आत्मा कि वाचा आरू भी तेजोमय काय नी होयछे?
2CO 3:9 यदि सजव दोषी ठेरायनेवावा सेवकाई तेजोमय होती, तो न्यायी ठेरावने वावी सेवकाई आरू भी तेजोमय काय नी होयछे?
2CO 3:10 आरू जो तेजोमय हुता वो भी ओको तेज क कारण जो ओका सी बढ़िन बढ़ाई न योग्य तेजोमय हुता काही तेजोमय नी ठहराव्यो।
2CO 3:11 काहकि जव वो जो घटता जाता हुता तेजोमय हुता तो वो जो स्थिर रवछे आरू भी तेजोमय काय नी होयछे?
2CO 3:12 एरकरीन ओसी आश राखीन हामु हियाव क साथे बुलता छे,
2CO 3:13 आरू मूसा क समान नी, जो आपने मुय पर परदा नाख्यो होतो ताकि इस्राएल उना घटने वावा तेज क आखरी क नी देख्यो।
2CO 3:14 पुन वो मतिमन्द होय गया, काहकि आज तक जुनलो नियम मा भनता टेहाव ओको हृदय पर चो परदा देखता रयता छे, पर वो मसीह मा उठ जाता छे।
2CO 3:15 आज तक जव कदी मूसा कि किताब भणी जाती छे, तो ओको हृदय पर परदा पड़ रयता छे।
2CO 3:16 पुन जव कदी ओको हृदय पोरबु कि आरू पछु, तव वो परदा उठ जाछे।
2CO 3:17 पोरबु तो आत्मा छे: आरू वा काही पोरबु क आत्मा वो स्वतंत्रता छे।
2CO 3:18 पुन जव हामु सब क उघाड़ चेहरा छे पोरबु क प्रताप इनीये प्रकार क प्रगट हुयसे छे, जिना प्रकार दर्पण मा, तो पोरबु क द्वारा जो आत्मा छे, हामु तीनी तेजस्वी रूप मा अंश करीन बदलता जाता छे।
2CO 4:1 एरकरीन जव हामु पर ओसी दया होय कि हामु यो सेवा मिवी तो हामु हियाव नी छुड़ता।
2CO 4:2 पुन हामु ने लाज क सातायलो काम क त्याग कि दिया, आरू नी चतराय छे चालता, आरू नी यहोवा–भगवान क वचन मा मिलावट करता छे; पुन सच्चाई क प्रगट करीन यहोवा–भगवान क सामने हर एक मानुस क विवेक मा आपसी भलाई बठ्या छे।
2CO 4:3 पुन यदि हामरे खुश खबर भनावने पर परदा पड़्या छे तो यो नष्ट हुयने वाळा ही क करता पड्यो छे।
2CO 4:4 आरू उन विनभुरसीया क करता जिन की बुध्दि इनीये संसार क भगवान ने आंधळी कर दिदो छे, ताकि मसीह जो यहोवा–भगवान क सारखो रूप छे, ओका तेजोमय खुश खबर क प्रकाश वो नी देख सक्यो।
2CO 4:5 काहकि हामु आपने क नी पुन मसीह ईशु क खबर करता छे कि वो पोरबु छे; आरू आपने विषय मा यो कयता छे कि हामु ईशु क कारण तुमरे सेवक छे।
2CO 4:6 एरकरीन कि यहोवा–भगवान ही छे, जो कयो, “आंधारला मा छे दिया चमक्यो” आरू चो हामरे हृदय मा चमक्या कि यहोवा–भगवान की महिमा की उळखने की दिया ईशु मसीह क चेहरा छे चमकता छे।
2CO 4:7 पुन हामरे साथे वो धन धुवो क ठाहरा मा राख्यो छे कि यो मोटी शक्ति हामरी आरू छे नी, वरना यहोवा–भगवान ही की आरू छे ठेहराय।
2CO 4:8 हामु चार आरू छे तकलीद तो भुकता छे, पर संकट मा नी पड़ता, निरूपाय तो छे, पर निराश नी हुयसे;
2CO 4:9 सताये तो जातो छे, पर त्याग नी जाता छे; पड़्या तो जातो छे, पर नष्ट नी हुयसे।
2CO 4:10 हामु ईशु कि मरला क आपसी देह मा हर टेहाव करता पुगता छे कि ईशु क जीवन भी हामरी देह मा प्रगट होय।
2CO 4:11 काहकि हामु जीवतो जीवन सर्वदा ईशु क कारण मरला क हात मा सौपी जाता छे कि ईशु क जीवन भी आमरो मरलोहार डील मा प्रगट होय।
2CO 4:12 इनीये प्रकार मरला तो हामु पर शक्ति नाखती छे आरू जीवन तुमू पर।
2CO 4:13 एरकरीन कि हामु मा चो विश्वासन आत्मा छे, जेका विषय मा लिखलो छे, “हाव विश्वास कर्‍यु, एरकरीन हाव कयो। आखरी मा हामु भी विश्वास करता छे एरकरीन बुलता छे।”
2CO 4:14 काहकि हामु जानता छे कि जो पोरबु ईशु क जीवाड्य, चो हामु भी ईशु मा भागी जाईन जीवाड़छे, आरू तुमरे साथे आपने सामने हजुर करसे।
2CO 4:15 काहकि सब समान तुमरे करता छे, ताकि फोकटन दया घोणा क द्वारा सवटो होयीन यहोवा–भगवान कि महिमा क करता धन्यवाद भी बढछे।
2CO 4:16 एरकरीन हामु हिम्मत नी हारजे; यद्यपी हामरी बाहेरी मानुस वक्ता हुयसे जाता छे, तभी हामरी भी माही मानुस वक्ता दिन हर दहाडो नवलो होयतो जातो छे।
2CO 4:17 काहकि हामरा पलभर क हलकोसो तकलीद हामरे करता घोणा हिय महत्त्वपुर्ण आरू अमरकाय महिमा पैदा करता जाता छे;
2CO 4:18 आरू हामु तो देखीन होय समान क नी पुन विनदेखियो समान क देखता रयता छे; काहकि देखी होय समान क थुडी ही दाहाड़ा कि छे, पुन विनदेखियो समान अमरकाय बने रवता छे।
2CO 5:1 काहकि हामु जानता छे कि जव हामरा धरतीपर क ढेरा सरीखा घर पड़ जाछे, तो हामु यहोवा–भगवान कि आरू छे सोरगदूत पर एक ओसो अमरकाय भवन मिव छे जो हातो छे बन्यो हुयो डील नी, पुन चिरस्थाई छे।
2CO 5:2 इनमा तो हामु कहराता आरू मोटी लालस राखता छे कि आपने सोरगदूतीय डील क पेहरी ले।
2CO 5:3 कि इनीये पेहरी छे हामु नांगरला नी देख्या जाय।
2CO 5:4 आरू हामु इनीये धैर्‍य मा रयता होया बोज छे दाब्या करे रयता छे, काहकि हामु उतारने नी वरना आरू पेहेरने जुवता छे, ताकी वो जो मरलोहार छे जीवन मा डूब जाय।
2CO 5:5 जो हामु इनी वात क करता तीयार कर्‍या छे वो यहोवा–भगवान छे, जो हामु बयाने मा आत्मा भी दिया छे।
2CO 5:6 आखरी हामु सदा हापकीन बांधता रवता छे आरू यो जानता छे कि जी तक काम हामु डील मा रवता छे, तव तक पोरबु छे अलग छे।
2CO 5:7 काहकि हामु रूप क देखीन नी पर विश्वास छे चालता छे।
2CO 5:8 अतरान करीन हामु हापकिन बांधीन रयता छे आरू इनीये डील छे अलग हईन पोरबु क साथे रयने आरू भी वारू समझता छे।
2CO 5:9 इनीये कारण हामरे मन कि मरजी यह छे कि जूवे साथे रया जूवे अलग रया, पर हामु उको भात रया।
2CO 5:10 काहकि छाची छे कि हामु सब क हाल मसीह क नियाव नी गाद्दी क सामने खुल जाय, कि हर एक व्यक्ति क तुमरा–तुमरा वारला आरू बुरे काम क बदली जो त्यो डील क द्वारा कर्‍या होय देखछे।
2CO 5:11 एरकरीन पोरबु न बीक मानीन हामु मानसे क समझता छे; पुन यहोवा–भगवान पर आमरो हाल प्रगसट छे, आरू हामरी आश यो छे कि तुमरे विवेक पर भी प्रगट होय जाछे।
2CO 5:12 हामु पछु भी आपसी बढ़ाई तुमरे सामने नी करता, वरना हामु आपने विषय मा तुमू डाहळाय करने क मेखे देता छे कि तुमू ने जवाब देय सकु जो मन पर नी वरना दिखावटी वात पर डाहळाय करता छे।
2CO 5:13 यदि हामु बेसुध्द छे तो यहोवा–भगवान क करता, आरू यदि चैतन्य छे तो तुमरे करता छे।
2CO 5:14 काहकि मसीह क मोंग हामु मजबुर कर देता छे; एरकरीन कि हामु यो समझता छे कि जव एक सब क करता मर तो सब मर गया।
2CO 5:15 आरू वो इना कारण सी सबन क करता मरीयो कि जो जीवतो छे, वो अगो आपसे न करीन नी जीवे पुन ओका करता मरीयो आरू पछु जीवीन उठ्यो।
2CO 5:16 पछलो हिमी छे हामु काही क डील क लारे नी समझा। जव हामु ने मसीह क भी डील क लारे जानता हुता, तभी हिमी छे उनको ओसो नी जानछे।
2CO 5:17 एरकरीन यदि काही मसीह मा छे तो वो नोवली सृष्टी छे: जुनली वात वित गयी छे; देखु, सब वात नोवली होय गयी छे।
2CO 5:18 यो सब वात यहोवा–भगवान कि आरू छे, जो मसीह क व्दरा आपने साथे आमरो हाववमिलाप कर दिदा आरू मेलमिलाप कि सेवा हामु पर सब दिदा छे।
2CO 5:19 मतलब यहोवा–भगवान ने मसीह मा हईन आपने साथे संसार क हाववमिलाप कर दिदो, आरू ओको गुणेगार क दोष उन पर नी लगाड़यो आरू त्यो हाव मेलमिलाप क वचन हामु पर सब दिदो छे।
2CO 5:20 एरकरीन, हामु मसीह क राज छे; मानु यहोवा–भगवान हामरे द्वारा विनती कर रया छे। हामु मसीह कि आरू छे विनती करता छे कि यहोवा–भगवान क साथे मेलमिलाप कर लेदा।
2CO 5:21 जो पाप छे विनअकल होतो, तीनी क त्यो हामरे करता पाप ठेराया कि हामु उनमा हईन यहोवा–भगवान की न्यायपन बन जाय।
2CO 6:1 हामु जो यहोवा–भगवान क सहकर्मी छे यह भी समझजे छे कि ओका फोकटन दया जो तुमू पर हुयो, उको व्यर्थ नी जाने देवु।
2CO 6:2 काहकि वो तो कयता छे, “आपसी खुशी क टेहाव हाव ने तारी सोमवी लेदी, आरू उध्दार क दहाडो हाव ने तारी मदत करी।” हिमी वो खुशी क टेहाव छे; हिमी वो उध्दार क दहाडो छे।
2CO 6:3 हामु काही वात मा ठोकर खाने क भी मेखे नी देता ताकि हामरी सेवा पर काही दोष नी आय।
2CO 6:4 पुन हर वात छे यहोवा–भगवान क सेवको क समान आपने सद्गुणो क प्रगट करता छे, मोटो धैर्‍य छे, तोकलीत छे, दरिद्रता छे, संकटो छे,
2CO 6:5 काही खुलने छे, कैद हुयने छे, हल्लड़ो छे, मेहनत छे, जागता रयने छे, उपवास करने छे,
2CO 6:6 चुखापन सी, ज्ञान सी, धीरज सी, मोंग सी, आत्मा सी,
2CO 6:7 सच्चाई क वचन छे, यहोवा–भगवान की शक्ति छे, न्यायपन क हथियारो छे जो जेवड़ा डाखरीया हात मा छे,
2CO 6:8 विजुत आरू निरादर छे, दुर्नाम आरू सुनाम छे यदि भरमानेववा जोसो मालुम हुता छे तौभी सच्चे छे;
2CO 6:9 अनजानिया क सदृश छे, तौभी परचार छे; मरता होया क समान छे आरू देखु जीवतो छे; मारखानेवावा क सदृश छे पुन जीव छे मारो नी जाता;
2CO 6:10 शोक करनेवावा क समान छे, पुन सर्वदा खुश करता छे; गरीब क समान छे, पुन घोणा क धनवान बनाय देता छे; ओसो छे जोसो हामरे साथे काही नी तभी सब काही राखता छे।
2CO 6:11 हे कुरन्थियो, हामु उगाड़ ीन तुमूछे वात करी छे, हामरा दिल मा तुमरी उगडी गय छे।
2CO 6:12 तुमरे करता आमरो मन मा काही संका नी, पर तुमरे ही मन मा संका छे।
2CO 6:13 पर आपसा पोर्‍या जानीन कयता छे कि तुमू भी ओका बदले मा दिल उघाड़ देवु।
2CO 6:14 विनभुरसीया क साथे मा असमान जुवड़ा मा नी जुपनो, काहकि न्यायपन आरू अन्याय क काय रिश्तो? या विजाळा न आरू आंधारला कि काय रिश्तो?
2CO 6:15 आरू मसीह क शैतान क साथे काय लगाड़यो? या विश्वासी क साथे विनभुरसीया क काय नातो?
2CO 6:16 आरू मुर्ती क साथे यहोवा–भगवान क मंदिर क काय संबध? काहकि हामु तो जीवतो यहोवा–भगवान क मंदिर छे; जोसो यहोवा–भगवान ने कयो छे, “हाव उनमा बसीस आरू उनमा चाली फिरिया करीस; आरू हाव ओको यहोवा–भगवान क होयीस, आरू वो मारा मानसे होयछे।”
2CO 6:17 अतरान करीन पोरबु कयता छे, “ओको विच मा छे निकवता आरू अलग रयो; आरू विटळ समान क मा धरू, तो हाव तुमू मान्य करीस;
2CO 6:18 आरू हाव तुमरे बास होयस, आरू तुमू मारा पोर्‍या आरू पोराय होयछे। यो सर्वशक्तिमान पोरबु यहोवा–भगवान क वचन छे।”
2CO 7:1 अळते हे मोंगावु, जव ती यो वचन हामु मिवी छे, तो आवु, हामु आमने आप क डील आरू आत्मा कि सब मलिनता छे चुखो करसु, आरू यहोवा–भगवान क बीक राखता होय, चुखला क सिध्द करे।
2CO 7:2 हामु आपने दिल मा धरती देवु। हामु ने नी काही क साथे अन्याय कर्‍या नी काही क बिगाड्या, आरू नी काही क ठग्या।
2CO 7:3 हाव तुमू दोषी ठेराये क करता यो नी कयता। काहकि हाव पेहल ही कय त्योक्या छे कि तुमू हामरे दिल मा ओसो बस गयो होय कि हामु तुमरे साथे मरना जीवने क करता तीयार छे।
2CO 7:4 हाव तुमू छे घोणा हियाव क साथे बुल रया छे, मखे तुमू पर मोठ डाहळाय छे; हाव दिलासा छे भर गया छे। आपने सब तकलीद मा हाव खुश छे घण भरपूर रयता छे।
2CO 7:5 काहकि जव हामु मकिदुनिया आय गया, तव भी हामरे डील क चैन नी मिव्यो पुन हामु चार आरू छे तकलीद देता छे; बाहरता लड़ाई होती, माहीय घणा बीह हुता।
2CO 7:6 तौभी दाहड़ा क दिलासा देनेवावा यहोवा–भगवान ने तीतुस क आवने छे हामु क शांती देदी;
2CO 7:7 आरू नी केवल ओका आवने छे पुन ओकी उना शांती छे भी, जो ओको तुमरी आरू छे मिवी होती। त्यो तुमरी लालसा, तुमरे दुःख आरू मारे करता तुमरी धुन क खबर हामु सोमवाया, जिनासे मखे आरू भी खुश हुयो।
2CO 7:8 काहकि यदि हाव ने आपसी पात्री छे तुमू शोकित कर्‍या, पुन ओका सी पछतावो नी जोसो कि पेहल पछतावो हुता, काहकि हाव देखता छे कि उना पत्री छे तुमू शोक तो हुयो पुन वो थुड़ी देर क करता होतो।
2CO 7:9 हिमी हाव खुशी छे पर एरकरीन नी कि तुमू क शोक पुचाड़, वरना एरकरीन कि तुमू ने उना शोक क कारण मन फिरावसे, काहकि तुमरा शोक यहोवा–भगवान की मरजी क लारे हुता कि आमरो आरू छे तुमू काही वात मा हानि नी पुगीयो।
2CO 7:10 काहकि जो शोक यहोवा–भगवान लावता छे जेरो परिणाम उध्दार छे आरू पछु ओका सी पछतायनो नी पड़ता। पुन सांसारिक शोक मरलो पैदा करता छे।
2CO 7:11 शेवली कावा देखु इनी वात छे कि तुमू जो शोक यहोवा–भगवान लावता छे, हुयो तुमू मा कोतरो जुर आरू खुद क वाचाड़ने की मरजी, आरू बीक, आरू वारली मरजी, आरू धुन आरू दण्ड देने क विचार पैदा हुयो? तुमू ने सब प्रकार छे यो सिध्द कर देखाड्य कि तुमू इनीये वात मा निर्दोष होय।
2CO 7:12 पछु हाव ने जो तुमरे साथे लिख्यो होतो, वो नी तो ओका कारण लिख्यो जो अन्याय कर्‍या आरू नी ओका कारण जिना पर अन्याय कामो गयो, पुन एरकरीन कि तुमरो जुर जो हामरे करता, वो यहोवा–भगवान क सामने तुमू पर प्रगट होय जाय।
2CO 7:13 एरकरीन हामु दिलासा जुड़ी। हामरी इनीये शांतीन क साथे तीतुस क खुशीन कारण आरू भी खुश हुयो काहकि ओकान जीवन तुमू सबक कारण हरा–भरा होय गया छे।
2CO 7:14 काहकि यदि हावने ओका सामने तुमरे विषय मा काही डाहळाय देखायो तो लज्जित नी हुयो, पुन ओसो हामु ने तुमू छे सब वात सच सच कयो छे कि, ओसो हिय आमरो डाहळाय देखाडने तीतुस क सामने भी सच निकयो।
2CO 7:15 जव ओको तुमू सबको हुकुमकारी होयनेको स्मरण आवता छे कि कोसो तुमू घाबराय आरू बीहता जाईन ओका सी भेंट करी; तो ओको मोग तुमरी आरू भी बढ़ता जाता छे।
2CO 7:16 हाव खुशी छे काहकि मखे हर वात मा तुमू पर पुरो विश्वास छे।
2CO 8:1 हिमी हे भाईस, बहनीस हामु तुमू यहोवा–भगवान क उना फोकटन दया क खबर देता छे जो मकिदुनिया की मंडळी पर होया छे।
2CO 8:2 कि तकलीद कि मोटी परिक्षा मा ओको मोटी खुशी आरू भारी गरीब मा उनकी उध्दारता खुप मोटी होय गयी।
2CO 8:3 ओको विषय मा मारी यो गवाय छे कि तीनुक तुमरा शक्ति भर वरना शक्ति छे भी बाहरता मन छे दिदा।
2CO 8:4 आरू इनीये दान मा आरू चुखलो मानसे कि सेवा मा भागी हुयने क फोकटन दया क विषय मा, हामरे सी बार बार खुप रावन्या करी,
2CO 8:5 आरू जोसी हामु ने आश कि करी होती, ओसी ही नी वरना त्या पोरबु क कि यहोवा–भगवान कि मरजी छे हामु क भी आपने आप क आप दिदा।
2CO 8:6 एरकरीन हामु ने तीतुस क समझाया की जोसो त्यो पेहल शुरू कर्‍या हुता, ओसो ही तुमरे विच मा इनीये दान क काम क पूरो भी कर लेय।
2CO 8:7 एरकरीन जोसो तुमू हर वात मा मतलब विश्वास, वचन, ज्ञान आरू सब प्रकार क यत्न मा, आरू उना मोंग मा जो आपने छे राखता होय, बोढता जाता होय, ओसो ही इनीये दान क काम मा भी बढ़ता जावु।
2CO 8:8 हाव हुकुम कि रिती पर तो नी, पुन दुसरा क जुर छे तुमरे मोंग कि सच्चाई क पारखने क करता कयता छे।
2CO 8:9 तुमू आमरो पोरबु ईशु मसीह क फोकटन दया जानता होय कि वा धनी हईन भी तुमरे करता गरीब बन गया, ताकी ओका गरीब होय जाने छे तुमू धनी होय जाय।
2CO 8:10 इनीये वात मा मारी सल्ला योही छे यो तुमरे करता वारलो छे, जो एक साल छे नी तो केवल इनीये काम क करने ही मा, पुन इनीये वात क जुवे मा भी पेहलो हुयो हुता,
2CO 8:11 एरकरीन हिमी यो काम पूरो करो की जोसो मरजी करने मा तुमू तीयार हुता, ओसो ही आपसी–आपसी पूंजी क लारे पूरो भी कर्‍या।
2CO 8:12 काहकि यदि मन की तीयारी होय तो यहोवा–भगवान आप क दान क फोकटन दया हुता छे जो ओका साथे छे, नी कि ओका लारे जो ओका साथे नी।
2CO 8:13 यो नी की दिसरा क आराम आरू तुमू क तकलीद मिवे।
2CO 8:14 पुन बराबरी क विचार छे इनीये टेहाव तुमरी बढ़ती तिनुक घटी मा काम आये, ताकि तिनुक बढ़ती होय तुमरी घटी मा काम आयो कि बराबरी होय जाय।
2CO 8:15 जोसो लिख्यो छे, “जो घोणा बटोरा ओको काही हको तळे नी निकव्या आरू जो थोडा बटोरा ओको काही कम नी निकव्या।”
2CO 8:16 यहोवा–भगवान क धन्यवाद होय, जो तुमरे करता चो जुर तीतुस क दिल मा नाख दिदा छे।
2CO 8:17 कि त्यो हामरे समझने मा मान करता वरना घोणा जुराको चो वो आपने मरजी छे तुमरे साथे गयो छे।
2CO 8:18 हामु ने ओका साथे उना भाईस क भी मुकली दिदा छे जेरो नाव खुश खबर क विषय मा सब मंडळी मा पसराया होया छे;
2CO 8:19 आरू ओतरा ही नी, पुन वो मंडळी द्वारा ठेराया भी गया की इनीये दान क काम क करता हामरे साथे जाय। हामु यो सेवा एरकरीन करता छे की पोरबु की महिमा आरू हामरे मन की तीयारी प्रगट होय जाय।
2CO 8:20 हामु इनीये वात मा चोकचौळीया रयता छे कि इनीये उध्दारता क काम क विषय मा जेरी सेवा हामु करता छे, काही हामु पर दोष नी लागाड़ ने देखछे।
2CO 8:21 काहकि जो वात केवल पोरबु ही क निकट नी, पुन मानुस क निकट भी भली छे हामु उनकी चिंता करता छे।
2CO 8:22 हामु ओका साथे आपने भाईस क भी मुकल्या छे, जिनाक हामु ने बार बार पारख्या क घोणा वात मा जुराको देख्या छे; पुन हिमी तुमू पर ओको मोठो भरोछे छे, इनीये कारण वो आरू भी सवटो जुराको छे।
2CO 8:23 यदि काही तीतुस क विषय मा, तो वो मारे साथे आरू तुमरे करता मारू सहकर्मी छे; यदि आरू हामु भाईस क विषय मा पुछता, तो वो मंडळी क मुकल्या हुयो आरू मसीह कि महिमा छे।
2CO 8:24 अळते आपनु मोंग आरू हामरे डाहळाय जो तुमरे विषयमा छे मंडळी क सामने सिध्द करीन उन देखाडीस।
2CO 9:1 हिमी उना सेवा क विषय मा जो यहूदि या मानसे क करता कि जाती छे, मखे तुमू लिखने छाची नी।
2CO 9:2 काहकि हाव तुमरे मन की तीयारी क जानता छे, जीसके कारण हाव तुमरे विषय मा मकिदुनिया वासी क सामने डाहळाय देखता छे कि अखाया क मानसे एक साल छे तीयार होया छे, आरू तुमरे जुर हाव आरू घोणा भी जुर देवाड़ीया छे।
2CO 9:3 पुन हावने भाईसो क अतरान करीन मुकल्या छे कि हामु जो डाहळाय तुमरे विषयमा देखाड्या, वो इनीये वात मा रिकामी नी ठरसे; पुन जोसो हावने कयो ओसो हिय तुमू तियार रयो।
2CO 9:4 ओसो नी हुयो कि यदि काय मकिदुनिया वासी मारे साथे आवे आरू तुमू तियार देख्या, तो वो सकता छे कि इनीये विश्वास क कारण हामु यो नी कयता कि तुमू लज्जित होय।
2CO 9:5 अतरान करीन माने भाईस छे यो विनती करने छाची समझो कि वो पेहले छे तुमरे साथे जाए, आरू तुमरी उदरता क फोव ओका विषय मा पेहले सी कहवलो आपने वचन दि दिदो गयो होतो, तियार कर राख्या कि यो दबाव छे नी पुन काम क फावो क समान तियार होय।
2CO 9:6 पुन वात यो छे; जो थोडो वात छे, वो थोडो काटसे भी; आरू जो घोणा वात छे, वो घोणा काटसे।
2CO 9:7 हर एक जन जोसो मनमा ठाने ओसो भी दान करे; नी कुण्ड क वो आरू नी दबाव छे, काहकि यहोवा–भगवान हर्ष छे देने वावा छे मोंग राखतो छे।
2CO 9:8 यहोवा–भगवान सब प्रकार क फोकटन दया तुमू घोणा छे देखक सकता छे जिनासे हर वातमा आरू हर टेहावमा, सब काही जो तुमू छाची होय, तुमरे साथे होय; आरू हर एक वारला काम क करता तुमरे साथे घोणा काही होय।
2CO 9:9 जोसो लिख्यो छे, “त्यो बिखेरा, त्यो गरीब क दान दिदा ओकी न्यायपन सदा बनी रोवछे।”
2CO 9:10 आखरी जो वेरने वावा क बीज आरू भजन क करता रूटा देता छे, वो तुमू हाव बिज आपसे, आरू उको फलवंत करसे; आरू तुमरे न्यायपन क, फवो क बढ़ावो छे।
2CO 9:11 वो हर वात ममा आप क सारी वात मा धनवान बनछे, ताकि आप उदार बस सके, बैस सब मानसे ओको धन्यवाद देसे तुमरे दान क करता हामु ने आप क दिया।
2CO 9:12 काहकि इनीये सेवा क पुरो करने छे नी केवल चुखलो मानसे कि जरूरत पुरी होयती छे, पुन माणसो कि आरू छे यहोवा–भगवान क भी घोणा धन्यवाद होयती छे।
2CO 9:13 काहकि इनीये सेवा क प्रमाण स्विकार कर वो यहोवा–भगवान कि महिमा प्रकट करता छे कि तुमू मसीह क खुश खबर क मान कर ओका हको तळे रवता होय, आरू उनकी आरू सब कि सहायता करने मा उध्दारता प्रकट करता रयता होय।
2CO 9:14 आरू वो तुमरे करता मोंग छे प्रार्थना करता छे; अतरान करीन कि तुमू पर यहोवा–भगवान क मोठो हिय फुकट दया छे,
2CO 9:15 यहोवा–भगवान क, उना दान क जो वर्णन छे बाहरता छे, धन्यवाद होय।
2CO 10:1 हाव चो पौलुस जो तुमरे सामने भलो छे पुन वासा पछोळ तुमरी आरू साहस करता छे, तुमू क मसीह की नम्रता आरू कमरता क कारण समझता छे।
2CO 10:2 हाव यो रावन्या करता छे कि तुमरे सामने मखे निर्भय होयीन साहस करने नी पड्यो, जोसो हाव काही मानसे पर जो हामु क डील क लारे चालनेवावा समझता छे, साहस देखने क विचार करता छे।
2CO 10:3 काहकि यद्यपी हामु डील मा चालता पुगता छे, तो भी डील क लारे नी लड़ता।
2CO 10:4 काहकि हामरी बढ़ाई क हथियार शारीरिक नी, पर खाडु क ढाक देने क करता यहोवा–भगवान क द्वारा सामर्थी हाथियार छे।
2CO 10:5 एरकरीन हामु कल्पना क आरू हर एक उंची वात क जो यहोवा–भगवान कि उळखने क विरोध मा उठे छे खण्डने करता छे; आरू हर एक भावना क कैद करीन मसीह क हुकुमकारी बनाय देता छे।
2CO 10:6 आरू तीयार रयता छे जी तुमरा हुकुमपालन पूरो होय जाय, तो हर एक प्रकार क हुकुम तुड़नो क दण्डित करू।
2CO 10:7 तुमू उन वात क देखो, जो डुवा क समान छे। यदि काय क आपने पर यो भरोसा होय कि हाव मसीह क छे, तो वो यो भी जान ले कि जोसो वो मसीह छे ओसो ही हामु भी।
2CO 10:8 काहकि यदि हाव उना हक क विषय मा आरू भी डाहळाय देखाय, जो पोरबु ने बिगाड़ने क करता नी पर बनावने क करता हामु देता छे, तो लज्जित नी होयछे।
2CO 10:9 यो हाव एरकरीन कयता छे कि पत्री या क द्वारा तुमू घाबरायने वावा नी ठेहरे।
2CO 10:10 काहकि वो कयता छे, “ओकी पत्री या तो वातड़ो आरू शक्तिशाली छे; पुन जव वो सामने हुयसे छे, तो वो डील क निर्मल आरू वक्तव्य मा हल्का जान पड़ता छे।”
2CO 10:11 जो वोसो कयता छे, वो यो समझ राख्यो कि जोसो वासा पछव पत्री या मा हामरे वचन छे, ओसो ही तुमरे सामने हामरे काम भी होयछे।
2CO 10:12 काहकि हामु यो साहस नी कि हामु आपने आप की उनमा छे ओसो काही क साथे गिने या उनछे आपने क हाववाड्यो, जो आपसी वाहवाय आप करता छे आरू आपने आप क आपस मा नाप तुलीन एक दिसरा छे न्याय करे विनअकलिया छे।
2CO 10:13 हामु तो सीमा छे बाहरता डाहळाय कदी नी करसे, पुन तीनी सीमा तक जो यहोवा–भगवान ने हामरे करता ठेहराय दिदो छे, आरू उनमा तुमू भी आय गया होय, आरू तीनी क लारे डाहळाय भी करसे।
2CO 10:14 काहकि हामु आपसी सीमा छे बाहरता आपने आप क बढ़ाने नी जुवता, जोसो कि तुमू तक नी पुचाड्य की दशा मा हुयसे, वरना मसीह क खुश खबर सोमवाय हुयो तुमू तक पुचाड़ त्योक्यो छे।
2CO 10:15 हामु सीमा छे बाहरता दिसरा क मेहनत पर डाहळाय नी करता; पुन हामु आश छे। कि जो जो तुमरा विश्वास बढ़तो जाछे त्यो त्यो हामु आपसी सीमा क लारे तुमरे कारण आरू भी बढ़तो जाछे,
2CO 10:16 ताकि हामु तुमरी सीमा छे ओगव बढ़ीन खुश खबर सोमवाय, आरू यो नी कि हामु दिसरा की सीमा क माहीय बन बनाय काम पर डाहळाय कामो।
2CO 10:17 पुन जो डाहळाय कामो, वो पोरबु पर डाहळाय कामो।
2CO 10:18 काहकि जो आपसी बढ़ाई करता छे वो नी, पुन जेरी बढ़ाई पोरबु छे, चो मान्य कर्‍या जाता छे।
2CO 11:1 यदि तुमू मारी थुड़ी सी मुर्खता सह लेता तो काय भला हुयसे; हाव, मारी सह भी लेय।
2CO 11:2 काहकि हाव तुमरे विषय मा ईश्वरीय मन लागाड़ला रये, एरकरीन कि हाव ने एक ही मानुस छे तुमरी वात लागाड़ छे कि तुमू चुखलो छल्ली क समान मसीह क सौप दीस।
2CO 11:3 पुन हाव घाबराय छे कि जोसो घड़सो ने आपसी चालाक छे हव्वा क भड़काव्या, वोसो ही तुमरे मन उना सीधाई आरू चुखला छे जो मसीह क साथे होनी जुवे, काही भ्रष्ट नी कामो जाय।
2CO 11:4 यदि कोय तुमरे साथे आवीन काही दिसरा ईशुन प्रचार करे, आरू जेका प्रचार हामु नी कर्‍या; या कोय आरू आत्मा तुमू मिवे, जो पेहल नी मिव्यो हता; या आरू काही खुश खबर सोमवाय जिनाक तुमू पेहल नी मान्या हता, तो तुमू ओका सहन कर लेता।
2CO 11:5 हाव तो समझता छे कि जिन मानसे मा काही वात मा मोटा छे मोटा प्रेरितन छे कम नी छे।
2CO 11:6 यदि हाव वक्तव्य मा अनाड़ी छे, तौभी ज्ञान मा नी। हामु ने इनीये क हर वात मा सब प्रकार छे तुमरे करता प्रगट कर्‍या छे।
2CO 11:7 काय इना हाव ने काही पाप कर्‍या कि हाव ने तुमू यहोवा–भगवान क खुश खबर विना काही करता सोमवाय; आरू आपने आप क नेचो कर्‍या कि तुमू उचा होय जाय?
2CO 11:8 हाव ने दिसरा मंडळी क लूटा, मतलब हाव ने उनछे मजदूरी लेय ताकि तुमरी सेवा करू।
2CO 11:9 आरू जव हाव तुमरी साथे होतो आरू मखे घटी होयी, तो हाव ने काही पर भार नी नाख्या, काहकि भाईस ने मकिदुनिया छे आवीन मारी घटी क पूरो कर्‍या; आरू हाव ने हर वात मा आपने आप क तुमू पर भार बनने छे रूका आरू रूकीस रोवीस।
2CO 11:10 यदि मसीह की सच्चाई मखे मा छे तो अखाया देश मा काही मखे इनीये डाहळाय छे नी रूकछे।
2CO 11:11 काय? काय एरकरीन कि हाव तुमू छे मोंग नी राखता? यहोवा–भगवान यो जानता छे कि हाव मोंग राखता छे।
2CO 11:12 पुन जो हाव करता छे, कि चो करता रवछे कि जो मोटा प्रेरित कोवायता छे डाहळाय हेरता छे तीनुक हाव दांव देखने नी देय, ताकि जिना वात मा वो डाहळाय करता छे, उना मा वो हामरे ही समान ठराय।
2CO 11:13 काहकि ओसो मानसे झूठ प्रेरितो, आरू छल छे काम करनेवावा, आरू मसीह क प्रेरितन क रूप धरनेवावा छे।
2CO 11:14 यो काही घबरायने की वात नी काहकि शैतान आप भी ज्योतिर्मय सोरगदूत क रूप धारण करता छे।
2CO 11:15 एरकरीन यदि ओका सेवक भी न्यायपन क सेवक क सा रूप धरे, तो काही मोटी वात नी, पुन ओको आखरी ओको काम क लारे होयछे।
2CO 11:16 हाव पछु कयता छे, काही मखे मुर्ख नी समझ; नी तो मुर्ख ही समझीन मारी सह लेय, ताकि थुड़ो सो हाव भी डाहळाय कर सक्यो।
2CO 11:17 इनीये बेधड़क डाहळाय मा जो काही मा कयता छे, वो पोरबु की हुकुम क लारे नी पर मानो मुर्खता छे ही कयता छे।
2CO 11:18 जबकि घोणा छे मानसे डील क लारे डाहळाय करता छे, तो हाव भी डाहळाय करीस।
2CO 11:19 तुमू तो समझदार हईन खुश छे मुर्ख की सहन लेता होय।
2CO 11:20 काहकि जव तुमू काही दास बनाय लेता छे, या काही ओको फायदा लेय छे, या फसाड़ लेता छे, या आपने आप क मोटो बनावतो छे, या तुमरे मुय पर थापुड़ देतो छे, तो तुमू सह लेता होय।
2CO 11:21 मारो कयनो विजुत ही की रीति पर छे, मानो हामु ओका करता निर्बल छे हुता। पुन जिना काही वात मा काही साहस करता छे हाव मुर्खता छे कयता छे तो हाव भी साहस करता छे।
2CO 11:22 काय वो ही इब्रानी छे? हाव भी छे। काय वो ही इस्त्राएली छे? हाव भी छे। काय वो ही अब्राहम वो ही इस्त्राएली छे? हाव भी छे।
2CO 11:23 काय वो ही मसीह क सेवक छे हाव पागल क समान कयता छे हाव उनछे बढ़ीन छे। सवटो मेहनत करने मा; बार बार कैद हुयने मा कोड़े खाने मा; बार बार मरला क जोखिम मा।
2CO 11:24 पाच बार हाव ने यहूदि यो क हात छे न एक चावीस कोड़े खाय।
2CO 11:25 तीन बार हाव ने बेते खाय; एक बार मखे पर दगड़ायो गयो; तीन बार ढोंड्या, जिन पर हाव चढ़ियो होतो, टूट गयो; एक रात दाहडु मा ने दरिया मा काठ्य।
2CO 11:26 हाव बार बार यात्रा मा; नद्या क जोखिम मा; डाकु क जोखिम मा; आपने यहूदि यो छे जोखिम मा; गैरयहुदी यो छे जोखिम मा; नगर क जोखिम मा जंगल क जोखिम मा; दरिया क जोखिम मा; झूठ भाईस क वीच जोखिम मा रया।
2CO 11:27 मेहनत आरू कष्ट मा; बार बार जागता रयने मा; भूखला पिसला मा; बार उपवास करने मा; जाड़े मा; उघाड़ रयने मा;
2CO 11:28 आरू दिसरा वात क छुड़ीन जिनका वर्णन हाव नी करता, सब मंडळी की चिंता हर दाहडु मखे दाबावती छे।
2CO 11:29 कायकी निर्बलता छे हाव निर्बल नी हुयसे? कुदाक ठुकर खाने छे मारो जो नी दुखता?
2CO 11:30 यदि डाहळाय करने पाको छे, तो हाव आपने निर्बल ताकी वात पर डाहळाय करीस।
2CO 11:31 पोरबु ईशु क यहोवा–भगवान आरू बास जो सदा धन्य छे, जानता छे कि हाव झुठ नी बुलता।
2CO 11:32 दश्मिक शहर मा अरितास नाव क राजा कि आरू छे जो सरदार होतो, त्यो मखे धरीन क दमिश्कयों क नगर पर देसचेख सिपाई बठ्या रया हुता।
2CO 11:33 आरू हाव टुकरा मा खिड़की छे हईन शहर क भितडो पर छे उतार गयो, आरू ओका हात छे बच निकव्यो।
2CO 12:1 यद्यपी डाहळाय करने मारे करता ठीक नी कदी करने पड़ता छे; अतरान करीन हाव पोरबु क दियो हुयो दर्शन आरू प्रकाश कि चर्चा करीस।
2CO 12:2 हाव मसीह मा एक मानुस क जानता छे; चौवदे साल हुयो कि नी जाने डील साथे, नी जाने डील सहित, यहोवा–भगवान जानता छे; ओसो माणुस तीसर सोरगदूत तक उठाय लेदा गयो।
2CO 12:3 हाव ओसो माणुस क जानता छे नी जाने डील साथे, नी जाने डील साथे यहोवा–भगवान नी जानता छे।
2CO 12:4 कि सोरगदूत मानसे पर उठाय लेदा गया, आरू ओसो वात सोमवी जो कयनो कि नी; आरू जिनका मुह पर लाया मानुस क वारू नी।
2CO 12:5 ओसो माणुस पर तो हाव डाहळाय करीस, पुन तुमरा पार पर आपसी निर्बलता क छुड़ीन तुमरा विषयमा डाहळाय नी करीस।
2CO 12:6 काहकि यदि हाव डाहळाय करने जूवे भी तो मुर्ख नी होयस, काहकि हाव सच बुलीस; तौभी रूक जातो छे, ओसो नी होय कि काही मखे देखता छे या मखे छे सोमावता छे, मखे ओका सी बठीन समझे।
2CO 12:7 एरकरीन कि हाव प्रकाश कि बहुतायत छे फूल नी जाय, मारो डील मा एक काटो त्योभायो गयो, मतलब शैतान क एक कि मखे धुमा देदा ताकी हाव फूल नी जाय।
2CO 12:8 ओका विषय मा हाव ने पोरबु छे तीन बार रावन्या करी कि मखे छे यो दूर होय जाय।
2CO 12:9 पर त्यो मखे छे कयो, “मारी फोकटन दया तारे करता खुप छे; काहकि मारी शक्ति निर्बलता मा सिध्द होयती छे।” अतरान करीन हाव मोठो खुश छे आपने निर्बलता पर डाहळाय करीस कि मसीह कि शक्ति मखे पर रवती करती रये।
2CO 12:10 इनीये कारण हाव मसीह क करता निर्बलता मा, आरू निंदा मा आरू दरिद्रता मा, आरू झगड़ो करावनो मा, आरू संकट मा खुश छे; काहकि जव हाव निर्बल हुयसे छे, तो भी बलवन्त हुयसे छे।
2CO 12:11 हाव मुर्ख तो बना, पुन तुमू ही ने मखे यो करने क करता मजबुर कर्‍या। तुमू तो मारी वाहवाय करनो जुवे होती, काहकि यद्यपी हाव काही भी नी तोभी उन मोठा छे मोठो प्रेरितन छे काही वात मा कम नी छे।
2CO 12:12 प्रेरितन क लक्षण भी तुमरे विच मा सब प्रकार क धीरज साथे सहलानी, आरू घण मोटा काम, आरू शक्ति क काम छे देखाय गयो।
2CO 12:13 तुमू कुन छे वात मा दीसरी मंडळी छे कम हुता केवल इना कि हावने तुमू पर आपनो भार नी नाखो। मारो यो अन्याय माफ करो।
2CO 12:14 हाव तीसरी बार तुमरे साथे आवने क तियार छे, आरू ने तुमू पर काही भार नी राखीस, काहकि हाव तुमरी संपत्ती नी वरना तुमू ही क जुवता छे। काहकि पोर्‍य क आश बास क करता धन एखठो करने नी जुवे, पर आश बास क पोर्‍य क करता।
2CO 12:15 हाव तुमरी आत्मा क करता खुप खुश छे सच्च करीस, वरना आप भी सच्च होय जाछे। काय जोतरा बढ़ीन तुमू छे मोंग राखता छे, ओतरा ही घटी तुमू मखे छे मोंग राखसे?
2CO 12:16 ओसो होय सकता छे कि हाव ने तुमू पर भार नी नाख्यो, पुन चतराय छे तुमू धोखा देखीन फसाड़ दिदो।
2CO 12:17 भला, जिन्हे हाव ने तुमरे साथे मुकल्यो, काय उनमा छे काही क द्वारा हाव ने छल करी तुमू छे काही ली लेदा?
2CO 12:18 हाव ने तीतुस क समझाड़ीन ओका साथे तीना भाईस्यो क मुकल्यो, त काय तीतुस छल करीन तुमू छे काहय लेदा? काय हामु एकुज आत्मा छे चलाड़े छे चाले? काय एकुज लीक पर नी चाले?
2CO 12:19 तुमू हिमी तक समझ रया होयछे कि हामु तुमरे सामने जवाब देय रया छे। हामु तो यहोवा–भगवान क हजुर जाने मसीह मा बुलता छे, आरू हे मोंगावु, सब वात तुमरी बढ़ती ही क करता कयता छे।
2CO 12:20 मखे घाबराय छे काही ओसो नी होय कि हाव आवीन जोसो जुवता छे, वोसो तुमू भी देखछे; आरू मखे भी जोसो तुमू नी जुवता ओसो हिय देखता; आरू तुमू मा झगड़ा, डाह, रीस, विरोध, किचवन, चुगली, डाहवाय आरू वाद होय;
2CO 12:21 आरू काही ओसो नी होय कि मारो यहोवा–भगवान मारो पछु तुमरे याहा आवने पर मखे पर दबाव नाखने आरू मखे घोणा क करता पछु शोक करने पड़्या, जिन्होने पेहल पाप कर्‍या हुता आरू भुण्डलो काम आरू व्यभिचार आरू लुचपन छे, जो त्या कर्‍या, मन नी फिराया।
2CO 13:1 हिमी तीसरी बार मा तुमरे साथे आवता छे; दुय या तीन गवा क मुय छे हर एक वात ठराय जाछे।
2CO 13:2 जोसो हावने जव दीसरी बार तुमरे साथे होतो, ओसो हिय हिमी दूर रयता होया छे उन मानुस छे जिन्होने पेहल पाप कर्‍या, आरू अन्याय सब मानसे छे हिमी पेहल छे कये देता छे कि यदि हाव पछु आवीस तो नी छुड़ीस।
2CO 13:3 काहकि तुमू तो इनाक प्रमाण जूवता होय कि मसीह मखे मा बुलता छे, जो तुमरे करता निर्बल नी पुन तुमू मा शक्ति छे।
2CO 13:4 वो कमजोरी क कारण कुरूस पर चढ़ावी गयो तो गया, तो भी यहोवा–भगवान कि शक्ति छे जीवतो छे। हामु भी उनमा निर्बल छे, यहोवा–भगवान कि शक्ति छे हामु सेवा करता छे।
2CO 13:5 आपने आप क पारखी कि विश्वास मा होय कि नी। आपने आप क हेरता। काय तुमू आपने विषय मा यो नी जानता कि ईशु मसीह तुमू मा छे? नी तो तुमू हेरता मा निकम्हाव निकव्य होय।
2CO 13:6 पर मारी आश छे कि तुमू जान लेछे कि हामु निकम्हाव नी।
2CO 13:7 हामु आपने यहोवा–भगवान छे यो प्रार्थना करता छे कि तुमू काही बुराई नी करू, एरकरीन नी कि हामु सच देखाय पड्यो, पर एरकरीन कि तुमू भलाई करू, जुवे हामु निकम्हाव ही ठराय।
2CO 13:8 काहकि हामु सच्चाई क विरोधी मा काही नी कर सकता, पर सच्चाई क करता ही कर सकता छे।
2CO 13:9 जव हामु निर्बल छे आरू तुमू बलवन्त होय, तो हामु खुश हुयसे छे, आरू यो प्रार्थना भी करता छे कि तुमू सिध्द बन जावु।
2CO 13:10 इनीये कारण हाव तुमरे वासा पछव यो वात लिखता छे, कि हजुर हईन मखे उना हक क लारे जिनाक पोरबु ने बिगाड़ ने क करता नी पर बनावने क करता मखे दिदा छे, कड़ाई छे काही करने नी पड्यो।
2CO 13:11 शेवली कावा हे भाईस, खुश रयो; सिध्द बनता जाय; ढाढ़स राख्यो; एक ही मन राख्यो; मेल छे रयो। आरू मोंग आरू शांती क दाता यहोवा–भगवान तुमरे साथे होयछे।
2CO 13:12 एक दिसरा क यहोवा–भगवान छे चुखलो मन छे नमस्कार करू।
2CO 13:13 सब चुखलो मानसे तुमू नमस्कार आरू यहोवा–भगवानन मोंग कयता छे।
2CO 13:14 पोरबु ईशु मसीह क फोकटन दया आरू यहोवा–भगवान क मोंग आरू चुखलो आत्मा करी सहभागिता तुमू सब क साथे होयती रये।
GAL 1:1 पौलुसन जीन मानसन तरफ छे आरू नी मानुसन द्वारा, वरना ईशु मसीह आरू यहोवा–भगवान न लारे, जु ओको मरलाम रईन जीवाल्लु, प्रेरित छे
GAL 1:2 आरू सब भाईयों की तरफ छे जु मार साथे छे, गलातियान काजे मंडळी नमस्‍कार:
GAL 1:3 आमरू बास यहोवा–भगवान आरू आमरू पोरबु ईशु मसीह कि तरफ रईन तुमूक फोकटन दया आरू शांती मिवती रोवे।
GAL 1:4 त्यो आपने आपसु हामरा पापन करता आप देदु, ताकि आमरू यहोवा–भगवान आरू बासन इच्छान लारे हामुक इन वर्तमान सचाब संसार रईन छुड़ायु।
GAL 1:5 ओको बढ़ाई आरू ओको महिमा युगानयुग हयती रवे। आमेन।
GAL 1:6 मखे घबरायीन होयतो छे कि जु तुमूक मसीहान फोकटन दया मा बुलायु उका रईन तुमू ओतरू छाटु पछु फिरीन आरू इन प्रकारन खुश खबर तरफ झुकने लाग्यो।
GAL 1:7 पुन चाँ दिसरं खुश खबर छे ही नी: पर वात यी छे कि कतरा ओसा छे जा तुमूक भटकाड़ देय कर देता छे, आरू मसीहन खुश खबर काजे बदलन चाहता छे।
GAL 1:8 पुन यदि हामु, या सोरगदूत रईन कोय दुत भी उका खुश खबर काजे छुड़ जो हामु तुमूक सोंबाड़्या छे, कोय आरू खुश खबर तुमूक सोंबाड़्या, ती शापित छे।
GAL 1:9 जोसो हामु पेहल कय त्योक्या छे, ओसोज हाव हिमी ओवी कयतु छे कि उका खुश खबर काजे छुड़ जिनाक तुमूक मान्य करला छे, यदि कोय आरू खुश खबर सोंबाड़े छे, ते शापित छे।
GAL 1:10 हिमी हाव काय मानसो काजे मानतु छे या यहोवा–भगवान काजे? काय हाव मानुस काजे खुश करने चाहतु छे? यदि हाव हिमी तक मानसो काजे खुश करे रोवतु ते मसीहान दास नी होयतु।
GAL 1:11 हे भाईशो हाव तुमूक कय देव कि जो खुश खबर हाव नी सोमवाळ्यो हतो वा मानस क नी।
GAL 1:12 काहकि चो मखे मानसन तरफ रईन नी सिकाड्यु, आरू नी मखे सिखाड़या गया, पर ईशु मसीहान प्रकट रईन जुड़यो।
GAL 1:13 यहूदि न्याय हावं जु मारो पेहल्‍ल चाल–चलन होतो ओका विषय तुमू सोंबी त्योक्या छे कि हाव यहोवा–भगवानन मंडळी क घण सतावतु आरू खतम करनेन कोशिस करतु हतु।
GAL 1:14 हाव आपसी यहूदि न्याय पुछने मा आपने युग साथे कहय दाहाड़ा यहूदि या रईन अगळ होतु, काहकि हामरा डाहायला रईन जी रीति मखे जुड़ी होती, ओकामा मारी आश पुरी होती।
GAL 1:15 पुन यहोवा–भगवान काजे, ओकान फोकटन दया छे मखे माय न कुखम रईन नेवाड़ लेदु, आरू बुलाय लेदु ताकि हाव ओको सेवा कर सके।
GAL 1:16 जव मरजी होई कि मखे मा ओका पोर्‍या काजे प्रकट करे कि हाव गैरयहुदी मा ओको खुश खबर सोंबाड़ो, ते नी हाव मानुस आरू लुहूय रईन सलाह लिदी,
GAL 1:17 आरू नी यरूशलेमा ओको न जु गयु जो मखे रईन पेहल प्रेरित होतु, पुन तत्काल अरब काजे जात रोयु छे आरू पछु चाँ रईन दश्मिक आपसु पछु ीन आयु।
GAL 1:18 पछा तीन साल बाद हाव कैफा मिवायनेन करता यरूशलेम गयु, आरू ओको जु पंदरा दाहाड़ा तक रोवलु।
GAL 1:19 पुन पोरबुन भाईस याकूब काजे छुड़ आरू प्रेरितन मा पतरस मिवायु।
GAL 1:20 जी वातु हाव तुमूक लिखतु छे, देखु, यहोवा–भगवान क हजुर जानीन कयतु छे कि वो झुठी नी होय।
GAL 1:21 एकान बाद हाव सीरिया आरू किलिकिया क प्रांतन मा आयु।
GAL 1:22 पुन यहूदि यान मंडळी मा जी मसीह मा होती, मारो मुय कदी नी देख्यु होतु;
GAL 1:23 पुन यी सोंब्या करती हती कि जु हामुक पेहल सताड़तु होतु, वो अब उका विश्वासन खुश खबर सोंबाड़े छे जिनाक पेहल नष्ट करला हता।
GAL 1:24 आरू चाँ मार कारण यहोवा–भगवानन बढ़ाई करती होती।
GAL 2:1 चौवदा सालन बाद हाव बरनबास साथे पछु यरूशलेम काजे गयु, आरू तीतुस काजे भी साथे ली गयु।
GAL 2:2 हाव चाँ गयलु आरू गैरयहुदी वावान विच मा जिन खुश खबर करतु छे, उका खुश खबर काजे हाव एक घरन सभान विच मा मण्डलीन मुखिया काजे सोमवाड्यु, हाव चाँ एरकरीन गयु होतु, कि यहोवा–भगवान मखे सपनाम देखाड्यु होतु, कि मखे चाँ जानु जुवछे, ताकि जो काम हाव पछला दाहाड़ाम करलो होतु, क जिनाक हाव कर रयु छे, चो बेकार नी जाय।
GAL 2:3 पुन तीतुस काजे भी जो मार साथे होतु आरू जु गैरयहुदी यूनानी छे, खतना करनेन करता मजबुर नी कर्‍या गया।
GAL 2:4 या चो झूठा तीन भाईस्यों कारण होयलो जा त्योराये बराय आश हता, कि तीन स्वतंत्रता काजे जी मसीह ईशु मा हामु जुड़ी छे, भेद लिन हामुक दास बनाड़े।
GAL 2:5 एक घड़ी भर मा ओको हको तळे होयनु हामु ने नी मान्या, अतरान करीन कि खुश खबर सच्चाई तुमूक मा बोनली रोवे।
GAL 2:6 जा मानसे काहय जरूरी लागता छे, चाँ चाहता छे चो होयछे मखे हेके कोय फरक नी पड़तु, यहोवा–भगवान कुदान बाहरलु रूप देखीन भेदभाव नी करे; हेके जु आपसा आपसु जरूरी मानसे हुता, हेके रईन कोय फायदु नी होय,
GAL 2:7 पुन उका उलटो जव उका काजे देख्या कि जोसो खतना करला होयलो मानसो करता खुश खबर काम पतरस काजे सोपलो गयलो, तोसोज खतनारहितोंन करता मखे खुश खबर सोंबावने सोपलो गयो।
GAL 2:8 काहकि जा पतरस जु खतना करला होयला मा प्रेरिताईन काम डाहला शक्ति सहित करावला, त्यो मखे रईन भी गैरयहुदी मा शक्तिशाली काम करावलो,
GAL 2:9 आरू जव ओका उका फोकटन दया काजे जो मखे मिवायलु हतो जान लेदो, ते याकूब, आरू कैफा, आरू यहुन्ना जी मंडळी खांम्बा समझा जाता हतो, मखे आरू बरनबास संगतीन ढासचूयु हाथ आपियो कि हामु गैरयहुदीन जु जावु आरू चाँ खतना कर्‍या होयला जु;
GAL 2:10 केवल यो कयलु कि हामु गरीब कि सुधि ले, आरू इना काम क करनेन काजे हाव तुमूक भी यत्न कर रया हुता।
GAL 2:11 जव कैफा अन्ताकियान सामने आयु ते हाव हेके सब मानसन सामने विरोध करलो, काय चो पुरी रीति छे गलत हतो,
GAL 2:12 हेरेन करता कि याकूबन द्बारा मकल्या ओसा काहय मानसे यहूदि आवनेन पेहल पतरस गैरयहुदी वावा भुरसन साथे खाता–पिता करता हुता, पुन जा मानसे पुग्या ते पतरस गैरयहुदी विश्वासी क साथे रईन दुर होया, आरू हेके साथे खाने–पिनेन बंद कर दिदा, चाँ त्यो तिनु मानसोन डर छे ओसो कर्‍यु जो चाहता छे, कि गैरयहुदीन भी खतना होयनु जुवे।
GAL 2:13 दिसरा यहूदि मानसे भी इना देखावा मा भी पतरस न साथ दिदा, या तक कि इना पाखंडीन कारण बरनबास भी भटक गयु।
GAL 2:14 पर जव हाव देख्या कि वा खुश खबर सच्चाई पर सुधी चाल नी चालता, ते हाव सुबन सामने कैफा पतरस काजे। कयो, “जव तु यहूदि होईन गैरयहुदीन समान चालता छे आरू यहूदि योन समान नी ते तु गैरयहुदीन यहूदि योन समान चालने काँ कयतु छे?”
GAL 2:15 हामु ते जन्मा रईन यहूदि छे, आरू पापी गैरयहुदी मा रईन नी
GAL 2:16 तिभी यो जानीन कि मानुस व्यवस्थान कामो रईन नी, पर केवल ईशु मसीह पर विश्वास करनेन द्वारा न्यायी ठहरता छे, हामु ते आप भी मसीह ईशु पर विश्वास करला कि हामु व्यवस्थान कामो रईन नी, पर मसीह पर विश्वास करने पर न्यायी रूकाय; अतरान करीन कि व्यवस्थान कामो मा कोय मानुस न्यायी नी ठरसे।
GAL 2:17 हामु जा मसीह मा न्यायी ठहरावने चाहता छे, यदि तुमूक भी पापी निकल्या ते काय मसीह पापन सेवक छे? कदी भी नी।
GAL 2:18 काहकि जो काहय हाव पाड़ देदु यदि उका पछु बनावतलु छे, ते आपने आपसु काजे गुणेगार ठहरावतलु छे,
GAL 2:19 हाव ते व्यवस्थान द्वारा व्यवस्थान करता कुरूस पर मर गयु क यहोवा–भगवानन करता जीवो।
GAL 2:20 हाव मसीह साथे कुरूस पर चढ़ावलु गयलु छे, हिमी हाव जीवतु नी रोयु, पर मसीह मखे मा जीवतु छे; आरू हाव शरीर मा हिमी जु जीवित छे ते केवल ओको विश्वास छे जीवतु छे जु यहोवा–भगवानन पोर्‍य पर छे, जु मार छे मोंग करलो आरू मार करता आपसा आपसु काजे आप देदु।
GAL 2:21 हाव यहोवा–भगवानन फोकटन दया काजे वाया नी ठरावतला; काहकि यदि व्यवस्थान द्वारा न्यायीपन होती, ते मसीहन मरनु वाया रोवतो।
GAL 3:1 हे विनअकलिया गलातिया, कुन तुमूक मोह लेदु छे? तुमरी ते मानो डुवान सामने ईशु मसीह कुरूस पर देखाड़यो गयो।
GAL 3:2 एक वात जावने चाहतु छे, कि तुमूक चुखलो आत्मा विश्वास करने छे जड़से,
GAL 3:3 काय तुमू ओसा निर्बुध्दि छे कि आत्मान रीति पर चालु करीन हिमी शरीरन रीति पर खतम करसु?
GAL 3:4 काय तु ओतरो दुःख वायेज उठाडयु? पुन एक दे दाहाडे वायेज नी।
GAL 3:5 जु यहोवा–भगवान दान करता आरू तुमूक हाव शक्तिन क काम करतु छे, कि तुमू व्यवस्था काजे सोमव्या आरू तिना पर विश्वास कर्‍या?
GAL 3:6 जोसो अब्राहम न पारखनेन विषयमा शास्त्र मा लिखलो छे, “त्यो ते यहोवा–भगवान पर विश्वास करलो आरू ओकान विषयन कारण यहोवा–भगवान ओका न्यायी मान्यु।”
GAL 3:7 शेवली कावा यी जान लेवु कि जु विश्वास करनेवावा छे, चाँ अब्राहम न पिढ़ीन पोर्‍या छे।
GAL 3:8 चुखलोशास्‍त्र पेहल ही छे यी भविष्यवाणी जानीन कि यहोवा–भगवान गैरयहुदीन काजे विश्वास रईन न्यायी ठहरावछे, आरू पेहल रईन अब्राहम यो खुश खबर अन्यजाती कय देदु कि “तुखे रईन सब जातिया काजे बरकत जड़से।”
GAL 3:9 अतरान करीन जा विश्वास करनेवावा छे, चाँ विश्वास अब्राहम साथे बरकत हाववछे छे।
GAL 3:10 अतरान करीन जोतरा मानसे व्यवस्थान कामो पर विश्वास राखता छे, चाँ सब शापन हको तळे छे, काहकि लिखलो छे “जु व्यवस्थान किताब मा लिखली होई सब वातु करने मा स्थिर नी रोवता, चाँ शापित छे।”
GAL 3:11 पर यी वात प्रकट छे कि व्यवस्थान द्वारा यहोवा–भगवानन यी कोय न्यायी नी ठरावता, काहकि न्यायी जन विश्वास छे जीवता रोवछे।
GAL 3:12 विश्वासन साथे बल्की जोसो शास्त्र मा लिखलो छे, “जु ओका सी मान छे, त्यो ओको साहारे जीवतु रोवछे।”
GAL 3:13 मसीह जु हामरे करता शापित बन्यु, हामुक किमत लिन व्यवस्थान शाप छे छुड़ावलु, काहकि लिखलो छे, “जु कोय कुरूसन काठ पर लटकायु जातु छे चाँ शापित छे।”
GAL 3:14 यो अतरान करीन होयलो कि अब्राहम की बरकत मसीह ईशु मा गैरयहुदी तक पुगे, आरू हामु विश्वासन द्वारा उका आत्मा काजे हासिल करे जेरी प्रतिज्ञा होयली छे।
GAL 3:15 हे भाईस्यो, आरू बहनीस हाव दाहड़ीन जीवन छे एक उदाहरण आपने जाय रयु छे, जोसो मानसोन द्बारा एकदु करार कर लेदु जाछे पुन नी ते ओका सी कम करता आवे छे, आरू नी तीनाक काहय घटाड़ी जा सकता छे आरू नी बढ़ावता आवसे,
GAL 3:16 अब अब्राहम आरू ओकी अवलियाद क योहवा भगवान यो प्रतिज्ञा देदो, ओका बाराम शासतुर यो नी कहवे कि घण सवटान क बाराम पुन जोसो एक न क बाराम कि “तारी अवलियाद क” आरू त्यो मसीह छे।
GAL 3:17 पर हाव यो कयतु छे: जु करार यहोवा–भगवान अब्राहम साथे पेहलुज ठराव कर देदु, उका चार सौ तीस सालन बाद आवीन नी प्रतिज्ञा नी बदली सकतली।
GAL 3:18 काहकि यदि यहोवा–भगवानन दान जवाब हकी व्यवस्था रईन मिवी ते त्यो प्रतिज्ञा पर आधारित पर नी होय। अब्राहम काजे प्रतिज्ञान द्वारा आप दिदा छे।
GAL 3:19 ते पछो व्यवस्थान उद्देश होतो? हुकुमन नी माननो गुणा कारण व्यवस्था साथे जुड़ दिदो छे, काहकि जिनान करता वचन दिदा हुता, तिनी पिढ़ी काजे आवनेन टेहाव तक चाँ रया, व्यवस्थान माध्यमन रूप मा मूसान मदत छे सोरगदूत द्बारा आप देदी होती।
GAL 3:20 मध्यस्थ ते एकन नी होतो, पुन यहोवा–भगवान एकुज छे।
GAL 3:21 ते काय व्यवस्था यहोवा–भगवानन प्रतिज्ञान विरोध मा छे? कदी भी नी। काहकि यदि ओसी व्यवस्था आपी जाती जी जीवन आप सकती, ते सचमुच न्यायीपन व्यवस्था छे होतली छे।
GAL 3:22 पुन चुखलो शास्त्र सब काजे पापन हो देदु, ताकि ची प्रतिज्ञा जिनान आधार ईशु मसीह पर विश्वास करनो छे, विश्वास करनेवाळान करता पुरी होय जाय।
GAL 3:23 पर विश्वास आवने रईन पेहल व्यवस्थान हको तळे मा आमरू राखवावु होतली छे, आरू उका विश्वास आवनेन तक जो प्रकट होयनेवावो होतो, हामु ओको बन्धन मा रोवे।
GAL 3:24 अतरान करीन व्यवस्था मसीह तक पुगावनेन करता हामरी शिक्षक होयली छे कि हामु विश्वास रईन न्यायी ठरछे।
GAL 3:25 पुन जव विश्वास आव त्योक्यु, ते हामु हिमी शिक्षकन हको तळे नी रोवजे।
GAL 3:26 काहकि तुमू सब ओको विश्वासन द्वारा जु मसीह ईशु पर छे, यहोवा–भगवानन पोर्‍या रोवे।
GAL 3:27 आरू तुमूक मा रईन जोतरा मसीह मा बपतिस्मा लेदा छे चाँ हेकोने मसीह काजे पेहर लेदा छे।
GAL 3:28 हिमी नी कोय यहूदि रोयु आरू नी यूनानी, नी कोय दास नी स्वतंत्र, आरू नी कोय नर नारी, काहकि तुमू सब मसीह ईशु मा एक छे।
GAL 3:29 आरू यदि तुमू मसीहन छे ते अब्राहम न वंश आरू प्रतिज्ञान लारे वारिस भी होय।
GAL 4:1 हाव यी कयतु छे कि वारीस जव तक नानल पोर्‍यो छे, यद्यपि सब वस्तुन भगवान छे, तेभी ओकामा आरू दास मा काहय भेदभाव नी।
GAL 4:2 पुन बासन ठहरावला टेहाव तक संरक्षक आरू तयारी करनारान वश मा रोवतु छे।
GAL 4:3 तोसाज हामु भी, जव नानल पोर्‍यो हुता, ते संसारन शुरू शिक्षान वश मा होईन दास बवना छे।
GAL 4:4 पुन जव टेम पुरो हुयो, ते यहोवा–भगवान आपसा पोर्‍या काजे मोकल्यो जु स्त्री छे जन्मा, आरू व्यवस्थान हको तळे पैदा होयलु,
GAL 4:5 ताकि हामु जा व्यवस्थान हको तळे होय ते कोय छुड़ावे, जिना छे आपो यहोवा–भगवानन पोर्‍या बन सकतला।
GAL 4:6 आरू तुमू जा यहोवा–भगवानन पोर्‍या छे, अतरान करीन यहोवा–भगवान आपसा पोर्‍या आत्मा, “अब्बा! हे बाप” कयीन आयड़े छे, हामरा दिल मा मकल्यु छे।
GAL 4:7 तु यहोवा–भगवान काजे नी जानतु छे, आरू त्यो भगवानन दास होतु, जा वास्तव मा यहोवा–भगवान नी छे,
GAL 4:8 पेहल ते तु यहोवा–भगवान काजे नी जानीन ओको न दास होतु जु स्वभाव रईन यहोवा–भगवान नी,
GAL 4:9 पर हिमी जा यहोवा–भगवान काजे उळखी लेदा वरना यहोवा–भगवान तुमूक वोखलो, ते उका निर्बल आरू निकम्मी शुरू–शिक्षान वातु वोगे काँ पुगता छे, जीनान तुमूक पछा दास होयना चाहता हुता?
GAL 4:10 तुमू काहय दाहाड़ा काजे आरू महीना काजे आरू मोसम आरू सालो काजे मानता छे।
GAL 4:11 हाव तुमरा विषय मा बीहता छे, निते ओसो नी हयनो जुवे कि जो हावहनत हाव तुमरे करता करलो छे चो वायेज ठर्‍या।
GAL 4:12 हे भाईस्यो, हाव तुमूक रावन्या कर रयु छे, तुमू मार समान होय जाऊ; काहकि हाव भी तुमरे समान होय गयु छे; तुमूक मारो काय नी बिगाड़ ला नी।
GAL 4:13 पर तुमू ते जानता छे कि पेहल–पहल हाव शरीरन निर्बलतान कारण तुमूक खुश खबर सोंबाड़्या।
GAL 4:14 आरू तुमू मारी शारीरिक दशा काजे तुमरी परीक्षान कारण होती, तुच्छ नी जानलु; नी ओका सी चेष्टा नी कर्‍यु; आरू यहोवा–भगवानन सोरगदूत वरना खुद मसीहन समान मखे मान्य कर्‍या।
GAL 4:15 ते चाँ तुमरी खुशी मनावनेन कोसो गय? हाव तुमरू गवाय छे कि यदि होय सके ते तुमू आपसा डुवा भी काहड़ीन मखे आप देता।
GAL 4:16 ते काय तुमूक सचं बुलनेन कारण हाव तुमरा दुस्मनी ी बन गया छे?
GAL 4:17 चाँ तुमूक दोस्त बनावने चाहता छे, पर वारला उद्देशन छे नी; वरना तुखे अलग करने चाहता छे कि तुमू तिनुक दोस्त बनाव लेवु।
GAL 4:18 पर यो भी वारलो छे कि वारू वात मा हर टेहाव दोस्त बनावनेन कोशिष करलो जा छे, नी सिर्फ तिन टेमे जव हाव तुमरे साथे रोवतु छे।
GAL 4:19 हे मारा नानला पोर्‍या, जव तक तुमूक मा मसीहन चेहरू नी बन जा छे, त्योत्यार तक हाव तुमरे करता पछु पोखड़ायनेन सारख दुःख सहन करतु छे।
GAL 4:20 मरजी ते यी होयती छे कि हिमी तुमरे जु आवीन आरू ही प्रकार रईन बुलो, काहकि तुमरे विषयमा हाव उलजन मा छे।
GAL 4:21 तुमू जा व्यवस्थान हको तळे हुयने चाहताछे, मखे कयो, काय तु व्यवस्थान नी सोंबवता?
GAL 4:22 यो लिखलो छे कि अब्राहम न दुय पोर्‍या होया; एक दासीन आरू एक स्वतंत्र बाईन।
GAL 4:23 पुन जु दासीन पेटन जनम लेदु, त्यो शारीरिक रीति करीन जनम लेदु; आरू जु स्वतंत्र बाई छे जनम हुयो, त्यो प्रतिज्ञान लारे जन्म्यु।
GAL 4:24 इनी वात मा द्रूष्टान्त छे: यी बाई मानु दुय वाचा छे; एक ते सीनाय बयड़ान जीनामा दासत्व पैदा हुता छे; आरू होयु हाजिरा छे।
GAL 4:25 आरू हाजिरा मानु अरबन सीनाय बयड़ो छे, आरू पुरानो यरूशलेम ओको तुल्य छे, काहकि चाँ आपसा नाना पोर्‍या सहावत दासत्व मा छे।
GAL 4:26 पर उपर न यरूशलेम स्वतंत्र छे, आरू ची आपसी आवी छे।
GAL 4:27 काहकि लिखलो छे, “हे बांझ, तु जो नी जानतली खुशी कर; तु जिनाक पिड़ाए नी झेले, गवो फाड़ीन आईड़ीन जय जयकार कर; काहकि त्यागी होयली अवलियाद सुहागिनन अवलियाद छे भी सवटो छे।”
GAL 4:28 हे भाईस्यो, हामु इसहाकन समान प्रतिज्ञान अवलियाद छे।
GAL 4:29 आरू जोसो तीन टेहाव शरीरन लारे जनम हुयो आत्मान लारे जनम लेदला काजे सतावतु होतु, तोसोज आज भी होतलो छे।
GAL 4:30 पुन चुखलो शास्त्र काय कयतो छे। “दासी आरू उका पोर्‍या काजे काहड़ दे, काहकि दासी क पोर्‍या स्वतंत्र बाईन साथे हकदार नी होय।”
GAL 4:31 अतरान करीन हे भाईस्यो, हामु दासीन नी पुन स्वतंत्र बाईन अवलियाद छे।
GAL 5:1 मसीह स्वतंत्रन करता हामुक स्वतंत्र करला छे; अळते: ओकामा स्थिर रवु, आरू दासत्वन जुवड़ो मा पछा नी जुपे।
GAL 5:2 देखु, हाव पौलुस तुमूक कयतु छे कि यदि खतना करावसे, ते मसीह से तुमूक काजे काहय लाभ नी होयसे।
GAL 5:3 पछु भी हाव हर एक खतना करनेवावा काजे जताए देतु छे कि ओका सी सब व्यवस्था माननी पड़से।
GAL 5:4 तुमू जा व्यवस्थान द्वारा न्यायी ठहराने चाहता छे, मसीह रईन अलग आरू फोकटन दया रईन पड़ गया छे।
GAL 5:5 काहकि आत्मान कारण हामु विश्वास रईन, आश होई न्यायीपनन वाट जोहता छे।
GAL 5:6 मसीह ईशु मा नी खतना आरू नी खतनारहित काहय कामोन छे, पुन केवल विश्वास, जु मोंग न द्वारा शक्ति नाकतु छे।
GAL 5:7 तुमू ते भली–भाति दौड़ता रोवता हुता। हिमी कुण तुमूक रूक दिदा कि सच्चाई काजे नी मानु।
GAL 5:8 ओसली सीख तुमूक बुलावनेवावा रईन नी।
GAL 5:9 थुड़ो सो खमीर सब कुसनीन पिठाक खमीर कर नाकतो छे।
GAL 5:10 हाव पोरबु पर तुमरा विषय मा विश्वास राखतु छे कि तुमरू दिसरू विचार नी होयसे; पुन जु तुमूक घाबराय देतु छे, त्यो कोय काँ नी होय दण्ड जड़से।
GAL 5:11 पुन हे भाईस्यो, यदि आज भी जोसो कि काहय मानसे समझता छे, खतना करनो महत्त्वपुर्ण होय, क यो प्रचार करतु छे, ते मखे आज तक सतावता काँ जाय रया छे? तव ते मसीहान कुरूसन कारण जनम हुयो सब मारी बाधा समाप्त होय जानु जुवे!
GAL 5:12 भलो होयतो कि जो तुमूक डावाडोल काजे दुःखी करता छे, चाँ आपसा अंग काट देता छे।
GAL 5:13 हे भाईस्यो, तुमू स्वतंत्र होयनेन करता बुलाया गया छे; पुन ओसो नी हुयो कि यी स्वतंत्रता शारीरिक कामोंन करता मेखे बने, वरना मोंग से एक दिसरान दास बनु।
GAL 5:14 काहकि सब व्यवस्था इन एकुज वात मा पुरी होय जाती छे, “तु आपसा पड़ोसी साथे आपने समान मोंग राख।”
GAL 5:15 पर यदि तुमूक एक दिसरा काजे दात करीन काटे आरू फाड़ खाता से, ते चोकचौळीया रोवजु कि एक दिसरान सच्चाईानाश नी कर दे।
GAL 5:16 पर हाव कयतु छे, आत्मान लारे चालु ते तुमू शरीरन लालसा काहनी रीति रईन पूरी नी करसे।
GAL 5:17 काहकि शरीर आत्मान विरोध मा आरू शरीरन विरोध मा लालसा करता छे, आरू या एक दिसरान विरोधी छे, अतरान करीन जो तुमू करनो चाहता छे चाँ नी कर सके।
GAL 5:18 आरू यदि तुमू आत्मान चाले चालता से ते व्यवस्थान हको तळे नी रोवे।
GAL 5:19 शरीरन काम ते प्रकट छे, मतलब् व्यभिचार, भोगविलास, लुचपन,
GAL 5:20 मुर्तिपूजक, टोना, बैर, झगड़ु, किचवन, रीस, विरोध, फूट, अन्याय,
GAL 5:21 मतवालापन, लीलाक्रीड़ा आरू इनाक जोसु आरू–आरू काम छे, इनाक विषय मा हाव तुमू पेहल कय देतु छे जोसो पेहल कय भी त्योक्यु छे, कि ओसा ओसा काम करनेवाला यहोवा–भगवानन राज्यन वारीस नी रोवे।
GAL 5:22 पर आत्मान फोव मोंग, खुशी, शांती, धीरज, किरपा, भलाई, विश्वास,
GAL 5:23 नम्रता, आरू संयम छे; ओसा ओसा कामोंन विरोध मा कोय भी व्यवस्था नी।
GAL 5:24 आरू जु मसीह ईशुन छे, ओको शरीरन ओको लालसा आरू लालोच समेत कुरूस पर चढ़ाव दिदा छे।
GAL 5:25 यदि हामु आत्मान द्वारा जीवता छे, ते आत्मान लारे चालु भी।
GAL 5:26 हामु डाहळाय होईन नी एक दिसरा काजे छुड़सु, आरू नी एक दिसरा डाह करू।
GAL 6:1 हे भाईस्यो, यदि कोय मानुस काहना गुणेहगार मा धराय भी जाय ते तुमू जा आत्मिक छे, नम्रता साथे ओसला काजे सोमावजु, आरू आपसी भी चौकसी राखु कि तुमू भी पारख मा नी पड़ु।
GAL 6:2 तुमू एक दिसरान भार उठावु, आरू एर प्रकारे मसीहान व्यवस्था काजे पूरी करू।
GAL 6:3 काहकि यदि कोय काहय नी हुयने पर भी आपने आपसु काय समझता छे। ते आपने आपसु धोखु देता छे।
GAL 6:4 पर हर एक आपसा कामो काजे तपास ले, आरू तव दिसरान विषय मा नी पुन आपसा विषय मा उका डाहळाय करनेन मेखे रोवे।
GAL 6:5 काहकि हर एक मानुस आपनुज वजन झेलसे।
GAL 6:6 जु वचन क शिक्षा सापड़े छे, चाँ सब वारली वस्तु मा सिकावनेवावा काजे भागी करू।
GAL 6:7 पुन हर एक काजे जात्यो जु आपने आपसु कोय धोखु मा देवु; यहोवा–भगवान काजे मुर्ख बनाव नी सकतला, तुमू यो काटसे जो तुमूक वेरला छे।
GAL 6:8 काहकि जु आपसा शरीरन करता वेरतु छे, त्यो शरीरन द्वारा विनाशन काटनी काटसे; आरू जु आत्मान करता वेरतु छे, त्यो आत्मान द्वारा अमरकाय जीवनन काटनी काटसे।
GAL 6:9 हामु वारलो काम करने मा हिम्मत नी छुड़सु, काहकि यदि हामु ढीला नी होयजे ते ठीक टेहाव पर काटनी काटसु।
GAL 6:10 अतरान करीन जव तक मेखे जुड़े सबन साथे वारलो करू, जास्ती करीन विश्वास भाईस्यो साथे।
GAL 6:11 देखु, हाव कोसो मोटा ओवाजा मा तुमूक आपने हाथ करीन लिखलो छे।
GAL 6:12 जा मानछे शारीरिक दिखावा चाहता छे चाच तुमरा खतना करावनेन करता दबाव नाकता छे, केवल अतरान करीन कि चाँ मसीहन कुरूसन कारण सतावनु नी जुवे।
GAL 6:13 काहकि खतना करनेवावा खुद ते व्यवस्था पर नी चालता, पर तुमरा खतना अतरान करीन करनो चाहता छे कि तुमरी शारीरिक दशा पर डाहळाय करे।
GAL 6:14 पर ओसो नी हुये कि हाव दिसरा कोसली वातन डाहळाय करो केवल आमरू पोरबु ईशु मसीह कुरूसन, ओको द्वारा संसार मा मारी दृष्टि मा आरू हाव संसारन दृष्टि मा कुरूस पर चढ़ायु गयु छे।
GAL 6:15 काहकि नी खतना आरू खतनारहित काहय छे, पुन नोवली धरती।
GAL 6:16 जोतरा इना नियम मा चालसे उका पर, आरू यहोवा–भगवानन इस्राएल पर शांती आरू दया होतली रोवे।
GAL 6:17 पतरस काजे समाप्त करता होतु हाव तुखे रावन्या करतु छे, कि हिमी मखे कोय दुःख मा देवु, काहकि हाव ते पेहल ही आपसा देह मा ईशु काजे जाने कय रयु छे।
GAL 6:18 हे भाईस्यो, आमरू पोरबु ईशु मसीहन फोकटन दया तुमरी आत्मा साथे रवे। आमेन।
EPH 1:1 पौलुस न तरफ सी जो ईशु मसीह क कागळीयो छे तिनु चुखलो आरू मसीह ईशु मा विश्वास मानसे क नाव जो इफिसुस मा छे
EPH 1:2 हामरा पिता यहोवा–भगवान आरू पोरबु ईशु मसीह कि तरप छे तुमके दया आरू शांती जोड़ती रये।
EPH 1:3 हामरा पोरबु ईशु क आरू यहोवा–भगवान आरू पिता क धन्यवाद हुयो कि वाँ हामुक मसीह मा सोरग न धरती मा आखी भातिन बरकत दीयों छे।
EPH 1:4 जोसो त्यो हामुक जगत न उबजने छे पेहल मोंग सी हामुक तिनाम निवाड़ लेदो कि हामु ओकी नजर मा त्योखो आरू निर्दोष हो।
EPH 1:5 आरू मोंग मा वो आपसी मरजी क भले मेहनत क लारे हामुक आपसा जुगे पेहल सी ठहरावलो कि ईशु मसीह क द्वारा हामु ओको लेपालक बेटा होयजे,
EPH 1:6 जो आपसा एक खुळिया पोर्‍यान क लारे कि ओको तिनी दयान महिमा कि बढ़ाई होय, जिनाक वो हामुक आपसा पोर्‍या मोंग क द्बारा फुकट मा दिदो।
EPH 1:7 हामुक तिनामा ओको लुहूय यो क द्वारा छुटकारू, मतलब गुणान कि माफी ओको तिनी दया क धन क अनसारे मिल्यो छे,
EPH 1:8 जिनाक वो पुरे गियान आरू समझ क सात हामु पर घोणा करियों।
EPH 1:9 काहकि वो आपसी मरजी क भेद तिना भला मेहनत क अनसारे बताड़्यों, जिनाक वो आपसा मा ठान लेदो हूतो।
EPH 1:10 कि टेम क पुरो हुयने क ओसो तयारी हुयो कि जो काय सोरगदूत मा छव आरू जो काय धरती पर छे, आखो काय तौ मसीह मा एखटो करे।
EPH 1:11 तिना मा जोकाम हामु भी ओकी मनसा छे जो आपसी मरजी क मत क अनसारे सब काय करतो छे, पेहल सी ठहरायो जाईन मीरास बने।
EPH 1:12 की हामु, जिनने पेहल सी मसीह पर आश राखला हुता, ओकी महिमा कि बढ़ाई क कारण हुयो।
EPH 1:13 आरू तिना मा तुमरे पर भी जव तुमू सच वचन सुन्या जो तुमरे छुटकारा क खुश खबर छे आरू जिना पर तुमू विश्वास करिया, वायदो करला चुखली आत्मा क छापो लाग्या।
EPH 1:14 वो उका मुववी लेदला क छुटकारू क सिएन हामरी मीरास क बनायों छे, कि ओकी महिमा की बढ़ाई हुयो।
EPH 1:15 इना कारण, हाव भी तिना मा मोंग आरू विश्वास क खबर समवीन जो तुम लोगहन मा पोरबु ईशु पर छे आरू आखा चुखलो लोगहन पर देखाये,
EPH 1:16 तुमरे जुगे धन्यवाद करनो नीहि छुड़ो आरू मारी प्रार्थना मा तुमूके फोम करिया करो
EPH 1:17 कि हामरा पोरबु ईशु मसीह क यहोवा–भगवान जो महिमा क बास छे, तुममक आपसी उळखन मा गियान आरू प्रकाश कि आत्मा आपे,
EPH 1:18 आरू तुमरा मन न डुवा विजावो हुयो कि तुमू जान लेदो कि ओकी बुलावने की आश काय छे, आरू चुखलो लोगहन मा ओकी मीरास की महिमा क धन कसो छे,
EPH 1:19 आरू ओकी शक्ति हामरे मा जो विश्वास करता छे, कतरी मोटी छे, ओकी शक्ति क शक्ति क तिना काम क अनसारे
EPH 1:20 जो वो मसीह मा कर्‍यो कि उको मरला मा सी जीवाड़िन सोरग धरती मा आपसे जेवड़े तरफ
EPH 1:21 आखी भातिन प्रधानता हक आरू शक्ति, आरू पोरबुता क आरू आखा नाव क उपर जो नी ते इना धरती मा पर आवने वाळा धरती मा भी लेदो जाछे, बठाड़्यों;
EPH 1:22 आरू आखो काय ओको पाय तळे कर दियों; आरू ओको आखी चीजों पर होकदार ठेहरावीन मंडळी क दे दियों,
EPH 1:23 यी उको डिल छे, आरू ओकी भरपुरी छे जो आखाम आखो पुरो करतो छे।
EPH 2:1 वो तुमक भी जीवाड़्यो, जो आपसा गुणेहगार आरू पापोन क कारण मरला हबता।
EPH 2:2 जेकाम तुमू पेहल इन संसार न रीति पर, आरू आकाश क हकदार मतलब तिनी आत्मा क अनसारे चालता हूता, जो हांय भी हुकूम नी मानने वावा मा काम करता छे।
EPH 2:3 इनु मा हामु भी आखा पेहल आपसा डील न लालस मा दाहड़ा निकावत्ला हूता, आरू ड़िल, आरू मन की मनसा पुरी करता हूता, आरू दिसरा लोगहन क सारका स्वभाव छे रीस क अवलियाद हूता।
EPH 2:4 बाकीन यहोवा–भगवान जो दया क धनी छे; आपसा मोटा मोंग क कारण जिना सी वो हामरे छे मोंग करियो,
EPH 2:5 जव हामु पाप क कारण मर गया हूता, ती हामुक मसीह क सात मा जीवाड़्यों; दया छे ही तुमरो छुटकारो हुयलों छे,
EPH 2:6 आरू मसीह ईशु मा ओको सात झेलीयो आरू सोरग धरती मा बठाड़्यों
EPH 2:7 कि त्यों आपसी तिनी दया सी जो मसीह ईशु मा हामरे पर, छे आवने वावा टेहाव मा आपसी दया असीम दन देखाड़े।
EPH 2:8 काहकि विश्वास न लारे दया सी तुमरो छुटकारो होयलों छे, आरू यो तुमरे तरफ रयन नीहि, पर यहोवा भगवान क दान छे;
EPH 2:9 आरू नी कामो क कारण, ओसो नी हुयो कि कोय डाहळाय करे
EPH 2:10 काहकि हामु यहोवा–भगवान की रचना छे; आरू मसीह ईशु मा तिनु वारला काम क करता बनाड़े गया जिनाक यहोवा–भगवान पेहल छे ही हामरे करने क तियार करियो।
EPH 2:11 एका सी फोम करो, तुमू जो डील न रीति छे गैरयहुदी छे, आरू जो लोगहन डील मा हात क काम क करला खतना सी खतना वाळा कहवायता छे, चे तुहूंक काजे खतनारहित कयता छे,
EPH 2:12 तुमू तिनी टेहाव मा मसीह छे अलग आरू इस्राएल नी प्रजा क पद सी अलग करला, आरू प्रतिज्ञा की वाचा क भागीदार नी हूता, आरू विन आश आरू दूनीया मा यहोवा–भगवानन बिना रवता हूता।
EPH 2:13 पर हिमी मसीह ईशु मा तुमू जो पेहल दूर हूता, मसीहन लुहूय यो छे साते होय गिया।
EPH 2:14 काहकि हयो आमरो हावल छे, जो यहूदि यो आरू गैरयहुदी क एक कर दियों आरू अलग करने वाळा भितड़ा क जो विच ना हूतों ढुळ्वी दियों।
EPH 2:15 आरू आपसा डिलो मा दुस्मन मतलब ची व्यवस्था जेरो हुकुम विधि न रीति पर हूती, मिटाय दियों कि दूय छे आपसा मा एक नवली जाती बनावीन हावल कराय देय,
EPH 2:16 आरू कुरूस पर दुस्मन क खतम करिन एका सी दूयन क एक डिल बनावीन यहोवा भगवान छे भेवाड़।
EPH 2:17 आरू चो आवीन तुमूक जो दूर हूता, आरू ओको जो साते हूता, दूयन क हावळती क खुश खबर समवाड़ियों।
EPH 2:18 काहकि हेरे लारे हामु दूयन आत्मा मा बास क साते हुयो।
EPH 2:19 एका करता तुमू हिमी बाहर देशी आरू अनजानिया नीहि रया, पर चुखलो लोगहन क साती स्वदेशी आरू यहोवा–भगवान न घर क हुय गया छे।
EPH 2:20 आरू दासो आरू कागळीयान क निंव क कुना क दगड़ो मसीह आपसु बन गयों छे, बनाड़े गयला छे।
EPH 2:21 जेकाम आखो बनलो हाववीन पोरबु मा एक त्योखों मंदिर बनतो जाय,
EPH 2:22 जिना मा तुमू भी आत्मा क लारे यहोवा–भगवान क रयने क जागो बन जाय।
EPH 3:1 इना कारण हांव पौलुस जो तुमरे मा गैरयहुदी क करता ईशु क बन्दी छे
EPH 3:2 जत्यार कदाम तुमू यहोवा–भगवान न तिना फोकटन दया क तयारी क खुश खबर सुन्या होय, जो तुमरे सियन मोखे दियों गयो।
EPH 3:3 पर यो कि चो भेद म्हार पर प्रकाश न लारे देखाय पड़्यो, जोसो हाव पेहल संक्षेप्त मा त्योकयों छे।
EPH 3:4 जेकामा तुमू भणिन जान जावो कि हाव मसीह क वो भेद काँ तक समझाड़ों।
EPH 3:5 जो दिसरा टेहाव मा मानुस न अवलियाद क ओसो देखाड़ियाँ, जोसो कि आत्मा न लारे हीमि तेरा चुखलो नेवताळा आरू अगवायती वात दिसरा लोगहन पर देखाड़ी गयों छे
EPH 3:6 पर यो कि मसीह ईशु मा खुश खबर न लारे गैरयहुदी न लोगहन विरासत मा साजलीया, आरू एकुज डीलन प्रतिज्ञा क भागी छे।
EPH 3:7 आरू हाव यहोवा–भगवान क फोकटन दया क तिना दान न लारे, जो शक्ति क शक्ति न लारे मोखे दियो गयों छे। तीन खुश खबर सेवक बना।
EPH 3:8 म्हार पर जो आखा चुखलो लोगहन मा सी नाना मा भी मानो छे, यो फोकटन दया हुयो कि हाव गैरयहुदी क मसीह क विनदेखियो धन क खुश खबर सुनावों,
EPH 3:9 आरू आखा पर यी वात प्रकाशित करो कि तिना भेद क तयारी काय छे, जो आखा क बनावने वाळा यहोवा–भगवान मा शुरू छे सातायलो हूतो।
EPH 3:10 कि हीमि मंडळी न लारे, यहोवा–भगवान क अलग अलग भातिन गियान, तिनु मुखिया पर आरू आधिकारिया पर, जो सोरग धरती पर छे प्रगट करे।
EPH 3:11 तिनी सनातन कि मनसा न लारे जो वो हामरा पोरबु मसीह ईशु मा करलो हूतों।
EPH 3:12 जिना मा हामुक तिना पर विश्वास राखने छे हेमोत् आरू भुरसा छे साते आवने क होंक छे।
EPH 3:13 एका करता हाव रावन्या करतो छे जो दुःख तुमरे जुगे मोखे होय रयो, ओको कारण हेमोत् नीहि छुड़जू, काहकि तिनाम तुमरी महिमा छे।
EPH 3:14 हाव इना कारण छे तिना बास न ओगळ घुटना टेको,
EPH 3:15 जिना छे सोरगदूत आरू धरती पर, आखी भातिन घराना पर नाव हावलतो छे,
EPH 3:16 कि चो आपसी महिमा न धन क अनसारे तमुक यो दान देय कि तुमू ओकी आत्मा छे तुमरा माहयता मानुस मा शक्ति क लिन ताकत वाळा हुयसे जावो,
EPH 3:17 आरू विश्वास न लारे मसीह तुमरा दिल मा बछे कि तुमू मोंग मा मूळ धरीन आरू निंव नाखीन,
EPH 3:18 आखा चुखलो लोगहन क सात वारू रीतेन समझने कि शक्ति लेय; कि ओकी चवड़ाय, आरू नांबाय, आरू उचाई, कतरी छे।
EPH 3:19 आरू मसीह क तिना मोंग क जान सकु जो गियान छे बाहर छे कि तुमू यहोवा–भगवान कि आखी भरपुरी तक पाका होय जावु।
EPH 3:20 हीमि जो ओसो सामर्थी छे, कि हामरी विनता आरू समझ छे भी जादा काम कर सकतों छे, तिना शक्ति क अनसारे जो हामरे मा काम करे,
EPH 3:21 मंडळी मा, मसीह ईशु मा, ओकी महिमा पीढ़ी छे पीढी तक सदा होयती रोवे। आमेन।
EPH 4:1 एका करता हाव जो पोरबु मा बन्दी छे तुमरे छे रावन्या कोरो कि जीना बुलावा छे तुमू बुलाया गया हूता, ओको सारकी चाल चालु,
EPH 4:2 मतलब आखी दिनता आरू नरमाय, आरू गम राखीन धीरज आरू मोंग न क सहन कर लेय,
EPH 4:3 आरू हावळन क बन्धन मा आत्मा क एकु राखने न कोशिस करो।
EPH 4:4 एकुत डील छे, आरू एकुत आत्मा; जोसो तुमूक जो बुलाया गया हूता आपनुक बुलावी जाने छे एकज् आश छे।
EPH 4:5 एकज् पोरबु छे, एकज् विश्वास, एकज् बपतिस्मा,
EPH 4:6 आरू आखा क एकज् यहोवा–भगवान आरू बास छे, जो आखा पर आरू आखा क विच मा, आरू आखा मा छे।
EPH 4:7 पर हामरे मा सी हर एक क मसीह क दान क परिणाम छे फोकटन दया मिव्यो छे।
EPH 4:8 एका करता वो कयतो छे, “हयों ऊंचा पर चढ़ियो, आरू बन्दियोंक बांधली गयो, आरू मानुस क दान दियों।”
EPH 4:9 उका चढ़ने छे, आरू काय मतलब जोड़े अतरो कि वो धरती क नेचला धरती मा उतरियों भी हूतों।
EPH 4:10 आरू जो उतरी गयों चो यो छे जो आखा आकाश न ऊपर चढ़ी भी गयो कि आखो काय परो करे।
EPH 4:11 आरू हुयो थुड़ा क नेवतो देने वाळा, आरू थुड़ा क अगवायती वात कयनो वाळा, आरू थुड़ा क खुश खबर समवाड़ने वाळा, आरू शिक्षा नियुक्त करिन आप दे दो।
EPH 4:12 जिना छे चुखलो लोगहन पाका होय जाय आरू सेवा क काम करे, आरू मसीह क डील वद्तो जाय।
EPH 4:13 जव तक हामु आखा विश्वास आरू यहोवा–भगवान न बेटान उळखान मा एक नीहि हुय जाय, आरू पाका मानसे नीहि बन जाजे आरू मसीह क डील मा पुरा नी वद जाजे।
EPH 4:14 कि हामु ओगा पोर्‍या नी रयजे, जो मानसे क ठगीन बड़वाय आरू चराय छे भ्रम कि बनावली वाट की, आरू शिक्षा देने वाळा की, आखी भातिन हवा छे उछाळने छे अथो–अथो पुगाड़ीया जाय।
EPH 4:15 वरना मोंग मा सच बुले आरू आखी वात मा ओका जो मुनको छे, मतलब मसीह मा वद्ता जावु,
EPH 4:16 जिना सी आखो डिल आखा थुड़न मदोद् सी एक सात हावळीन, आरू एक सात गाठ करिन तिना शक्ति क अनसारे जो आखा अंग क ठीक–ठीक काम करने क लारे ओकाम होयतो छे, आपसा क वोदाड़े कि वो मोंग मा वोदतो जाय।
EPH 4:17 अतरान करीन करता हाव यो कयतो छे आरू पोरबु मा जताड़ देयों कि जोसा गैरयहुदी लोगहन आपसे मन कि गलत न रीति चालता छे, तुमू हीमि ओळी ओगा गाथा ओसो नीहि चालतो।
EPH 4:18 काहकि ओकी बुध्दी आंदारी होय गय छे आरू तिना गियान क नी हुयने क कारण जो तिनु मा छे आरू ओको मन वातड़ो हुयने क कारण चे यहोवा–भगवान न जीवन सी अलग करिया गया छे;
EPH 4:19 आरू चे आद मरता हईन लुचपन मा लाग गिया छे कि आखी भातिन भुण्डला काम आरू लालसा छे करिया करे।
EPH 4:20 पर तुमू मसीह कि असी शिक्षा नीहि जुड़ी।
EPH 4:21 बाकुन तुमू छाचीन ओकी सन्या, आरू जोसो ईशु मा सच छे, उका मा तुमूक सिखाड़ी भी गया।
EPH 4:22 कि तुमू आपसी चाल–चलन क पुरानो मानुस क रूप क जो भटकाड़ने वाळी लालोच न अनसारे भ्रष्ट होयतो जाय तिना उतार न्हाखो।
EPH 4:23 आरू आपसा मन क आत्मिक सभाव मा नवला बनता जावो,
EPH 4:24 आरू नवला मानुस रूप क पेहरी लेय, जो यहोवा–भगवान न अनसारे सचन न्यायपन, आरू चुखला पुन मा बनायो गयों छे।
EPH 4:25 इना कारण झुठ बुलनो छुड़ीन, आखा आपसा साते वावा छे सच बुले, काहकि हामु भेटाळ मा एक दिसरा क अंग छे।
EPH 4:26 रीश ते करो, पर पाप मा करो; दाहड़ा क डुबने तक तुमरी रीश नी रोवे।
EPH 4:27 आरू नी शैतान क मेखे आपों।
EPH 4:28 चुरी करने वाळा ओळी पछो चुरी नी करे; बाकीन वारला काम करने मा आपसा हातो छे काठो काम करे; ओको करता कि जिना योजना छे, उको आपने जुगे उका पास काहय होय।
EPH 4:29 काहय भुण्डली वात तुमरे मुय छे नी निकळे जो वोदने क जुगे खरी होय, की उका छे समळने वाळा पर फोकटन दया हुयो।
EPH 4:30 यहोवा–भगवान न चुखली आत्मा क शोकित मा करो, जिना सी तुमरे पर छुटकारा न दाहड़ा क करता छाप आप दी गय छे।
EPH 4:31 आखी भातिन कड़वाहट आरू रीश, आरू निन्दा आखी बैर–भाव क सात मा तुमरे छे दूर करी जाय।
EPH 4:32 एक दिसरा पर किरपा वाळा, आरू दया हुयो, आरू जोसो यहोवा–भगवान न मसीह मा तुमरा पाप क माफ करियों, वसात तुमू भी एक दिसरा क पाप क माफ करो।
EPH 5:1 हतरान करिन मोंगावु पोर्‍यान सारका यहोवा–भगवानन अनुसरण कोरू;
EPH 5:2 आरू मोंग मा चालु जोसो ईशु मसीह भी तुमरे साते मोंग करियो; आरू हामरे जुगु आपसा काजे सुखदायक सुगन्ध जुगु यहोवा–भगवानन ओगळ भेंट करिन बलिदान कर दिदो।
EPH 5:3 जोसो विटळ लोगहन क योग्य छे, तसो तुमरे मा व्यभिचार, आरू काहय भी भातिन भुण्डला काम, या लोभ न वात तक नी होयनो जुवे।
EPH 5:4 आरू नी लाजवायन, आरू नी विन ओकलाय वात करला हय, काहकि यी वात वारू नी लागे, बाकुन धन्यवाद ही सोमळायनो जुवे।
EPH 5:5 काहकि तुमू यो जानु कि कोय व्यभिचार, या विटळ जनु, या लोभी मानुसन जो मुर्तिपूजक करनिया बराबर छे, मसीह आरू यहोवा–भगवानन राज मा जागु नी होय।
EPH 5:6 कोय तुमूक वायकेड़ा वात छे धुखु नी देय; काहकि इनु कामोन कारन यहोवा–भगवानन रीश हुकुम नी मानेन वाळा पर भड़के।
EPH 5:7 अतरान करीन करता तुमू हेको साती नी होयनो होय।
EPH 5:8 काहकि पेहले ते आंधारो हुतो पर हिमी पोरबु मा विजाळो होज्या, हैरेन करिन विजाळान पोर्‍या बनीन चालु।
EPH 5:9 काहकि विजालान फव आखी भातिन फव आरू भलाई, आरू न्यायपन, आरू सच्चाई छे,
EPH 5:10 आरू यो पारखु, कि पोरबुक काय वारू लागे?
EPH 5:11 आरू आँधरलान फायदु नी ओसला कामो मा भाग मा लेवु, पुन तिनु काजे शिखापन मा चोक चौळ्या होय जाय।
EPH 5:12 काहकि ओको ढाकयला कामोन वात भी लाजवायन वात छे।
EPH 5:13 दिया जव विजाळो हतलो ते विजाळामा सुब काहय देखायतो छे।
EPH 5:14 इना कारण छे वो कयता छे “ए सुवने वा वाळा जाग जावु आरू मोरेला मा रयन जीव उठु; तित्यार मसीहन विजाळो तुमरे पर चमकसे।”
EPH 5:15 हेरेन करता धियान छे देखु, कि कोसी चाल चाल रोया; विन ओकल्यान सारका नी पर ओकल वाळान सारका चालु।
EPH 5:16 टेम काजे मोंहगलो सोमझु, काहकि भुण्डला दाहड़ा छे।
EPH 5:17 इना कारण तुमू विन ओकल्या मा होयु, पर धियन छे सोमझु, कि पोरबुन मरजी काय छे।
EPH 5:18 आरू मोंद पीन छाकला मा बनु, काहकि इना सी लुच्चाई हुयो, आरू चुखली आत्मा छे भरायने पाक्‍का हुयसे जावु।
EPH 5:19 आरू एक हावळ राखीन सात सोंगोत राखजु आरू भजन आरू बढ़ाईन गीत आरू आत्मिक गीत गाया करू, आरू आपसा–आपसा मन मा पोरबुन सामने गावता आरू बढ़ाई करता रवु।
EPH 5:20 आरू सदा सब वात जुगु आपसा पोरबु ईशु मसीहन नाव छे यहोवा–भगवान बासोन करता रवु।
EPH 5:21 आरू मसीहन बीक छे एक दिसरान वात मानता रहवो।
EPH 5:22 हे लाड़िया, आपसा–आपसा घर वाळान ओसा वात मानता रवु, जोसा कि पोरबुन वात माने
EPH 5:23 काहकि घर वाळु ते लाड़ीन मुनको छे जोसु ईशु मसीह मंडळी न मुनका छे आरू आपसु डीलोन उध्दारकरता छे।
EPH 5:24 पर जोसी मंडळी ईशू मसीहन वात मानती रये, वसोत लाड़िया भी आपसा–आपसा घर वाळान वात मानता रहवो।
EPH 5:25 ए घर वाळा, आपसी–आपसी लाड़ी साते मोंग राखु, जोसु ईशु मसीह भी मंडळी साते मोंग राखीन आपसा काजे हेर जुगु आप दिदो,
EPH 5:26 कि हेरा वचन क लारे पानी छे उगवाड़िन चुखो बनावे,
EPH 5:27 आरू ओको एक ओसी तेजस्वी मंडळी बनावीन आपसे साते उबी करे, जिना मा नी गुणो, नी झुर्री होय, नी ओसी काय चीज होय, बाकुन त्योखो आरू निर्दोष होय।
EPH 5:28 इने रीते वारू छे, कि घर वाळु आपसी–आपसी घर वाळी छे आपसा डीलोन सारका मोंग राखे, जो आपसी घर वाळी छे मोंग राखे, चो आपसा छे मोंग राखे।
EPH 5:29 काहकि कोय भी कदी आपसा डील सी बैर नी राखलो होय बाकुन हेरो पाळन पुषण करलो छे, जो मसीह भी मंडळी न साते करियो।
EPH 5:30 एका करता कि हामु ओको डिल आरू अंग छे।
EPH 5:31 “इना कारण छे मानुस आपसा माय बास क छुड़ीन आपसी घर वाळी सी मिळीन रहछे, आरू चे दुयू एक डील होयछे।”
EPH 5:32 यो भेद ते मोटो छे; हाव मसीह मंडळी न बारा मा कयतो छे।
EPH 5:33 पर तुमरे मा सी आखा आपसी घर वाळी साते आपसा सारका मोंग राखु, आरू घर वाळी आपसा घर वाळा विजुत करे।
EPH 6:1 ए पोर्‍या, पोरबु मा आपसा आसी–बासन सोमनीन चालु वाळा बोनु, काहकि यो न्यायीक छे।
EPH 6:2 “आपसी आइस आरू बासन विजुत कोरजी यी पेहखलु हुकुम छे, जिना साते वायदो भी छे,
EPH 6:3 कि तारो वारू हुयो, आरू तु धरती पर घोणा दाहड़ा तक जीवतु रये।”
EPH 6:4 आरू ए पोर्‍यान बासो आपसा पोर्‍यान काजे किचवादड़ो मा बाकुन पोरबुन शिखापन, आरू चेतावनी, ओको पाळन पुषण कोरू।
EPH 6:5 ए चाकरीयो, जो लोगहन संसारन अनसारे तुमरा मालिक छे, तुमरा मन छे सुतरा बिहता, आरू कापता जाईन, जोसा मसीहन माने, तोसा ओका भी हुकुम मानु।
EPH 6:6 आरू मानसो काजे खुश करने वाळान तोसा देखाड़ने करिन सेवा नीहि कोरजु, पर मसीहन चाकरीयान सारका मन छे यहोवा–भगवानन मरजी पर चालु,
EPH 6:7 आरू तिनी सेवा क मानसोन नीहि, बाकुन पोरबुन छेव जानीन पुरी मरजी छे कोरू।
EPH 6:8 काहकि तुमू जाने, कि कोय जोसो वारू काम करसे, चाहे चाकरीयो होय, चाहे छुटक, पोरबु छे तोसो जोड़छे।
EPH 6:9 आरू ए मालिकिया, तुमू भी धमकी देनो छुड़ीन उका सात तोसात बुल चाल करू, काहकि तुमू जानु, कि उका आरू तुमरू दुयन मालिक सोरगदूत मा छे, आरू त्यो कुदान पक्ष नी करे।
EPH 6:10 हेरेन करीन पोरबु मा आरू ओकी शक्तिन जुरोम वातङा बोनु।
EPH 6:11 यहोवा–भगवानन आखा हतियार बांध लेयु कि तुमू शैतानन युक्तिया मा वातङा रया सोकु।
EPH 6:12 काहकि हामरी यी लोङाय लुहूय यो ने मास छे नीहि होय, बाकुन परधानो साते आरू हाकिम साते, आरू इना संसारन आंधारो करनिया साते, आरू तिनी दृष्टात्मान आत्मिक छेना साते छे जो वादवान ऊपर छे।
EPH 6:13 हेरेन करीन यहोवा–भगवानन आखा हतियार बांध लेयु कि तुमू भुण्डला दाहड़ा मा तेरो सामनो कर सकु, आरू सब काय पुरो करिन वातङा रया सकु।
EPH 6:14 हेरेन करिन सच्चाई छे आपसी कमर कोसीन, आरू न्यायपन झिलम पेहरिन
EPH 6:15 आरू पायो मा खुश खबर नी तियारीन खासड़ा पेहरिन;
EPH 6:16 आरू तिनु आखान साते विश्वासन ढाळ लिन वातड़ा रयु जिना छे तुमू तिना शैतानन आखा धोपतली तीर काजे उलवी सोकु।
EPH 6:17 आरू उध्दार न टुपु, आरू आत्मान तलवार जो यहोवा–भगवानन वचन छे ली लेयु।
EPH 6:18 आरू हर टेहाव आरू हर भाति छे प्रार्थना, आरू विनता करता रयु, आरू जागता रयु कि आखा चुखलो लोगहन जुगु लगातार विनता करिया कोरू,
EPH 6:19 आरू म्हार जुगु भी कि मोखे बुलनेन टेहाव मा ओसो वचन जोड़े कि हाव हेमत छे खुश खबर नी ढाकायली वात देखाङ सको,
EPH 6:20 जिना जुगु हाव साकव मा बांधायलो राज छे। आरू यो भी कि हाव ओको बाराम जोसो मोखे बुलनो जुवे हेमोत छे बुलो।
EPH 6:21 तुखिकुस जो मोंगावु भाईस्यो आरू पोरबु मा भुरसा मा पाको सेवक छे, तुमूक आखी वात देखाड़से कि तुमू भी मारी वितली जानु कि हाव कसो रयो।
EPH 6:22 उका हाव तुमरे पास हेरेन करिन मुकल्यो, कि तुमू हामरी वितली काजे जानु, आरू त्यो तुमरा मन मा शांती आपे।
EPH 6:23 यहोवा–भगवान बास आरू पोरबु ईशु मसीहन कोथी भाईस्यो काजे शांती आरू विश्वास पुठी मोंग जोड़े।
EPH 6:24 जो हामरा पोरबु ईशु मसीह सी मोंग राखे तिनू आखा पर दया होयती रोवे।
PHI 1:1 मसीह ईशु क चाकरीया पौलुस आरू तीमुथियुस क तरप छे, आखा चुखा लोगहन क नाव जो मसीह ईशु मा हईन फिलिप्पी मा रयता छे, अध्यक्ष आरू सेवको सहावत।
PHI 1:2 हामरा बास यहोवा–भगवान आरू पोरबु ईशु मसीह की आरू छे तुमूक फोकटन दया आरू शांती मिवती रये।
PHI 1:3 हाव जव तुमूक फोम करता छे तव आपसा यहोवा–भगवान क धन्यवाद करता छे।
PHI 1:4 आरू जव किही तुमू सब क करता रावन्या करता छे, तो सदा खुशी क साथे रावन्या करता छे।
PHI 1:5 अतरान करीन कि तु पेहल दाहड़ो छे आज तक खुश खबर क पसरावने मा मारो साजलिया रहवला छे।
PHI 1:6 मखे इनी वात क भरसु छे कि जिनुम तुमूक हाव वारलो काम सोरू कामो छे, ईशु मसीह क दाहड़े तक पूरो करसे।
PHI 1:7 न्यायी छे कि हाव तुमू सब क करता ओसो ही विचार करीस, काहकि तुमू मारा मन मा आय बस्या होय, आरू मारी कैद मा आरू खुश खबर क करता जवाब आरू प्रमाण देने मा तुमू सब मारे साथे फोकटन दया मा सहभागी होय।
PHI 1:8 इनाम यहोवा–भगवान मारो गवा छे कि हाव मसीह ईशु की सी दया करीन तुमू सब की लालस करता छे।
PHI 1:9 हाव यी प्रार्थना करे कि तुमरा मोंग ज्ञान आरू सब प्रकार क विवेक सहित आरू भी बढ़तो जाय।
PHI 1:10 याहा तक कि तुमू वारू छे वारू वात क मोंगावु जानो, आरू मसीह क दाहड़े तक सचा बने रया, आरू ठुकर नी खाय।
PHI 1:11 आरू ओको न्यायपन क फोव छे जो ईशु मसीह क द्वारा हुयसे छे, भरपूर हुयसे जावु जिनुछे यहोवा–भगवान की महिमा आरू बढ़ाई होयती रये।
PHI 1:12 हे भाईस, हाव जूवतो छे कि तुमू यो जान लेवु कि मखे पर जो बीता छे, ओका सी खुश खबर ही की बढ़ती होयी।
PHI 1:13 याहा तक कि कैसर क किलान की सारी पलटन आरू शेष सब मानसे मा यो प्रगट होय गया छे कि हाव मसीह क करता कैद छे।
PHI 1:14 आरू पोरबु मा जो भाईस छे, इनुमा छे खुब जना मारे कैद होयनेन कारण, हियाव बांधीन यहोवा–भगवान क वचन निधड़क सोमवावने क आरू हेम्मत करतो छे।
PHI 1:15 काही तो डाह आरू झगड़ा क कारण मसीह क खबर करतो छे आरू काही वारली मरजी छे।
PHI 1:16 कयी एक तो यो जानीन कि हाव खुश खबर क करता जवाब देने क ठेराया गया छे, मोंग छे खबर करता छे।
PHI 1:17 आरू कयी एक तो सुधी छे नी पर विरोध छे मसीह की कथा सोमवाता छे, यो सुचीन कि मारी कैदी मा मारे करता पीड़ा पैदा करे।
PHI 1:18 तो काय हुयो? केवल यो कि हर प्रकार छे, जूवे वजेसे छे जूवे सची छे, मसीहन काहनी सोमवाड़ जाती छे, आरू हाव ओका सी खुशी छे आरू खुशी रोवीस भी।
PHI 1:19 काहकि हाव जानतु छे तुमरी रावन्या क द्वारा, आरू मसीह की आत्मा क दान क द्वारा, ऐरो हर फोव मारो उध्दार होयछे।
PHI 1:20 हाव तो योही हार्दिक लालस आरू आश राखतो छे कि हाव काही वात मा लज्जित नी हुयो, पुन जोसो मारो मजबुत साहस क कारण मसीह की बढ़ाई मारो डील क द्वारा सदा होयती रयी छे, वोसी ही हिमी भी होय, जूवे हाव जीवतो रोवीस या मर जाईस।
PHI 1:21 काहकि मारे करता जीवतो रोवने मसीह छे, आरू मर जाने लाभ छे। पुन यदि डील मा जीवतो रोवने ही मारो काम क करता लाभदायक छे तो हाव नी जानतु कि कुनीक त्योना।
PHI 1:22 काहकि हाव दुयन वीच मा टागायलु छे; जी तो जूवतो छे कि काही करीन मसीहन साथे जाय रवु, काहकि यो घोणा ही वारलो छे।
PHI 1:23 काहकि हाव दुयून विच विचार मा चस्ठी रयु; जी तु जुवतो छे कि कूच करीन मसीहन साथे जायन रवु, काहकि यो घोणा ही वारलो छे।
PHI 1:24 पुन डील मा रोवने तुमरे कारण आरू भी छाची छे।
PHI 1:25 अतरान करीन कि मखे ऐरो विश्वास छे शेवली कावा हाव जानता छे कि हाव जीवतो रोवीस, वरना तुमू आखा साथे रोवीस जिनाछे तुमू विश्वास मा दृढ़ हुयसे जावु आरू इनुमा खुशी रवु।
PHI 1:26 आरू जो डाहळाय तुमू मारा विषय मा करता होय, वो मारे पछु तुमरे साथे आवने छे मसीह ईशु मा सवटो बढ़ जावु।
PHI 1:27 सिर्फ ओतरा करू कि तुमरो चाल–चालने मसीहान खुश खबर क योग्य छे क चाहे कि हाव आवीन तुमूक देखसु, चाहे भी नी जाऊ, तुमरा बारा मा यी सोमव्यु कि तुमु एकुज आत्मा मा स्थिर रवे, आरू एक जागे ध्यान लागाड़े खुश खबर क विश्वासन करता मेहनत करता आरू जीवन जीवता रवजु।
PHI 1:28 आरू काही वात मा विरोध छे भय नी खाता। यो इन्दरे करता विनाश क साप सहलानी छे, पुन तुमरे करता उध्दार क आरू यो यहोवा–भगवानन चा रयन छे।
PHI 1:29 काहकि मसीह क कारण तुमू यो फोकटन दया हुयो कि नी केवल ओको पर विश्वास करू पर ओको करता दुःख भी झेलो।
PHI 1:30 आरू तुमूक वोसो ही मेहनत करनो छे, जोसो तुमू ने मखे करता देख्या छे, आरू हिमी भी सोमवता होय कि हाव वोसो ही करता छे।
PHI 2:1 शेवली कावा यदि मसीह मा काही शांती, आरू मोंग छे ढाढ़स, आरू आत्मा की सहभागिता, आरू काही करूणा आरू दया छे।
PHI 2:2 तो मारो याहा खुशी पूरो करू कि एक मन रयो, आरू एक ही मोंग, एक मनीया, आरू एक ही मनसा राखु।
PHI 2:3 विरोध या झुठी बढ़ाईन करता काही नी करू पर दीनता छे एक दिसरा न आपने छे वारलो समझो।
PHI 2:4 हर एक आपने ही हित की नी, वरना दिसरा न हित की भी चिंता करे।
PHI 2:5 जोसो मसीह ईशु क स्वाभाव होतो वोसो ही तुमरा भी स्वभाव होय।
PHI 2:6 जो यहोवा–भगवानन स्वरूप मा हईन भी यहोवा–भगवानन तुल्य होयनेन आपने वश मा राखने की चीज नी समझा।
PHI 2:7 वरना आपने आप क खुद हटाव दिदा, आरू दासन स्वरूप धारण कर्‍या, आरू मानुस की समानता मा होय गया।
PHI 2:8 आरू मानसोन रूप मा प्रगट हईन आपने आप क दीन कर्‍या, आरू याहा तक हुकुमकारी रया कि मृत्यु, हाव, कुरूस की मृत्यु भी सह ली।
PHI 2:9 इनीये कारण यहोवा–भगवान ने ओको घण महान भी कर्‍या, आरू ओको वो नाव राख्या जो सब नाव मा छेरठ छे।
PHI 2:10 कि जो सोरगदूत मा आरू धरती पर आरू धरती क नेचो छे, वो सब ईशुन नाव पर माड़ा।
PHI 2:11 आरू यहोवा–भगवान बाकी महिमान करता हर एक जीभ पछतावो कर लेय कि ईशु मसीह ही पोरबु छे।
PHI 2:12 अतरान करीन मोंगावु, जिना प्रकार तुमू सदा छे हुकुम मानता आश होय, वोसो ही हिमी भी नी केवल मारे साथे रोयता होया पर विशेष करीन हिमी मारे दूर रोवने पर भी बीक राखता जाईन आरू कापता होया आपने उध्दार क काम पूरो करता जावु।
PHI 2:13 काहकि यहोवा–भगवान ही छे जुने आपसी सुइच्छा निमित्त तुमरा मन मा मरजी आरू काम, दुयू वातन करीन शक्ति नाखता छे।
PHI 2:14 सब काम कुरकुर नी करता जाईन आरू विना विवाद कर्‍या करू।
PHI 2:15 ताकि तुमू निर्दोष आरू भोले हईन टेढ़ आरू हठीले मानसे क विच यहोवा–भगवानन निष्कलंक अवलियाद बन रया, जिन्दरे विच मा तुमू जीवनन वचन लेदा होय धरती मा धपता दिवान समान देखाड़ देता होय।
PHI 2:16 कि मसीहन दाहड़ा मखे डाहळाय करनेन कारण होय कि नी मारो दौवड़नेन आरू नी मारो मेहनत करने व्यर्थ हुयो।
PHI 2:17 यदि मखे तुमरा विश्वास रूपी बलिदान आरू सेवा न साथे आपसा लुहूय भी वयाड़नु पड़े, तवभी हाव खुशी छे आरू तुमू सबन साथे खुशी राखता छे।
PHI 2:18 वोसो ही तुमू भी खुशी होय आरू मारे साथे खुशी करू।
PHI 2:19 मखे पोरबु ईशु मा आश छे कि हाव तीमुथियुस न तुमरे साथे तत्काल मुकल्या, ताकि तुमरी दशा सोमवीन मखे शांती मिवछे।
PHI 2:20 काहकि मारे साथे ओसो स्वभावन काही नी जो चुखो मन छे तुमरी चिंता करे।
PHI 2:21 काहकि सब आपने स्वार्थ की हेर मा रोयता छे, नी कि ईशु मसीहन।
PHI 2:22 पर तीनाक तो तुमू ने पारखे आरू जान भी लेदा छे कि जोसो पोर्‍य बासन साथे करता छे, वोसो ही त्यो खुश खबर क फैलाने मा मारे साथे मेहनत कर्‍या।
PHI 2:23 अतरान करीन मखे आश छे कि ज्यो ही हावखे जानो पड़से कि मारी काय दशा होछे, त्यो ही, हाव ओको तत्काल मुकली देसे।
PHI 2:24 आरू मखे पोरबु मा विश्वास छे कि हाव आप भी शीघ्र आवीस।
PHI 2:25 पर हाव ने इपफ्रुदीतुस क जो मारो भाईस आरू सहकर्मी आरू संगी योध्दा आरू तुमरो, आरू छाची वात मा मारी सेवा टहल करनेवावा छे, तुमरे साथे मुकलने छाची समझा।
PHI 2:26 काहकि तेरो मन तुमू सब मा लाग होया हुता, अतरान करीन कारण वो व्याकुल रोयता हुता काहकि तुमू ने ओको की बीमार क हाल सोमवाय होतो।
PHI 2:27 छाचो ही वो बीमार तो होय होतो याहा तक कि मरना पर होतो, पुन यहोवा–भगवान ने ओको पर दया करी, आरू केवल ओको ही पर नी पर मखे पर भी कि मखे शोक पर शोक नी होय।
PHI 2:28 अतरान करीन हाव ने ओको मुकलने आरू भी यत्न कर्‍या कि तुमू ओका सी पछु भेंट करीन खुशी होय जाय आरू मारी भी शोक घट जाय।
PHI 2:29 अतरान करीन तुमू पोरबु मा ओका सी घोणा खुशीन साथे भेंट करने, आरू ओसो काय विजुत कर्‍या करने।
PHI 2:30 काहकि वो मसीहन कामन करता आपने जीव पर जोखिम उठाड़ीन मरलान निकट आय गयो होतो ताकि जो घटी तुमरी आरू छे मारी सेवा मा होयी ओको पूरो करे।
PHI 3:1 अतरान करीन हे भाईस, पोरबु मा खुशी रवु। वो ही वात तुमूक बार बार लिखने मा मखे तो काही कष्ट नी हुता, आरू इनमा तुमरी कुशलता छे।
PHI 3:2 कुत्रान चोकचौळीया रयो, उन बुरे काम करनेवावा छे चोकस रयो, उन काट कुट करनेवावा छे चोकस रयो।
PHI 3:3 काहकि खतनावावा तो हामु ही छे जो यहोवा–भगवानन आत्मान अगवाय छे उपवास करता छे आरू मसीह ईशु पर डाहळाय करता छे, आरू डील पर विश्वास नी राखता।
PHI 3:4 पर हाव तो डील पर भी विश्वास राख सकतो छे।
PHI 3:5 आठवो दाहड़ो मारो खतना हुयो, इस्त्राएलन वंश, आरू बिन्यामीनन क अवळियाद छे; बिन्यामीनन इब्रानी छे; व्यवस्थान विषय मा यदि कयो तो फरीसि छे।
PHI 3:6 मरजी विषय मा यदि कयो तो मंडळी सतानेवावान; आरू व्यवस्था की न्यायपन विषय मा यदि कयो तो निर्दोष होतो।
PHI 3:7 पुन जो वात मारे लाभ करी होती, उका क हाव ने मसीहन कारण हानि समझ लेदा छे।
PHI 3:8 वरना मा आपने पोरबु मसीह ईशुन उवख करी वारला कारण सब वातन हानि समझता छे ओका कारण हाव ने सब चीज की नुक्सान झेलीयो आरू तीनुक कूड़ा समझता छे, जिनाछे हाव मसीहक हासिल करू।
PHI 3:9 आरू इनाम देखाय जासु; नी कि आपसी ओको न्यायपनन साथे, जो व्यवस्था छे, वरना ओको न्यायपनन साथे जो मसीह पर विश्वास करनेन कारण छे आरू यहोवा–भगवानन चा रयन विश्वास करने पर मिवती छे।
PHI 3:10 ताकि हाव ओको आरू ओका मरलाजनान सामर्थ्यान आरू ओको साथे दुःख मा सहभागी होयनेन मर्मान जानु आरू ओका मरनन समानताक हासिल करू।
PHI 3:11 कि हाव काही भी रीति छे मरला होया मा छे जीवन उठनेन पद तक पुच्या।
PHI 3:12 यो मतलब नी कि हाव देख त्योक्या छे, या सिध्द होय त्योक्या छे; पर उनी चीज क धरनेन करता दौवड़ीन चाल जाता छे, ओका करता मसीह ईशु ने मखे दरिया होतो।
PHI 3:13 हे भाईस, मारी भावना यो नी हाव धर त्योक्य; पुन केवल यो एक काम करता छे कि जो बात पछव रया गयी छे तीनुक वीसरीन कर, ओगव की वातन चा रयन बढ़ता हुयो।
PHI 3:14 निशानोन चा रयन दौवड़ीन चाल जात छे, ताकि वो इनाम देखछे ओका करता यहोवा–भगवान ने मखे मसीह ईशु मा ऊपर बुलायो छे।
PHI 3:15 हामु मा छे जोतरा सिध्द छे, योही विचार राख, आरू यदि काही वात मा तुमरो आरू ही विचार होय तो यहोवा–भगवान ओको भी तुमू पर प्रगट कर देसे।
PHI 3:16 अतरान करीन वा तक पुच्या छे, ओको लारे चाले।
PHI 3:17 हे भाईस्यो, तुमू सब हाववीन मारेसी चाल चालीन, आरू तीनुक उवखी राखु जो इनी रीति पर चालतो छे ओका उदाहरण तुमू हामु मा देखता होय।
PHI 3:18 काहकि घोणा छे ओसी चाल चालता छे, जेरो चर्चा हाव ने तुमू छे बार बार करी छे, आरू हिमी रड़ता जाईन कयता छे कि वो आपसी चाल चालीन छे मसीहन कुरूसन दुस्मन छेे।
PHI 3:19 तींदरा आखरी विनाश छे, तींदरा भगवान पेट छे, वो आपसी लज्जान वात पर डाहळाय करता छे आरू धरती चीज पर मन लागाड़ रोवता छे।
PHI 3:20 पर हामरा स्वदेश सोरगदूत पर छे; आरू हामु एक उध्दारकरता पोरबु ईशु मसीहन वाँ छे आवनेन वाट जुय रया छे।
PHI 3:21 वो आपसी शक्तिन क उना साहळा क अनसारे जिनान लारे त्यो सब चीजन क ओका हक कर सके, हारो दाहड़ीन साहळो बदलीन आपसी महिमा न तसो बनाय देसे।
PHI 4:1 अतरान करीन हे मारा मोंगावु भाईस्यो, जिनमा मारो जीव लागी रोवतो छे, जी मारी खुशी आरू मुकूट होय, हे मोंगावु भाईस्यो, पोरबु मा इन प्रकार स्थिर रयो।
PHI 4:2 हाव यूओदिया क भी समझाता छे आरू सुन्तुखेन भी, कि वो पोरबु मा एक मन रयो।
PHI 4:3 हे सच सहकर्मी, हाव तुखे छे भी रावन्या करता छे कि तु तीनु बायरन मदत कर, काहकि चे मारे खुश खबर पुगाने मा, क्लेमेंस आरू मारा दिसरा सहकर्मियो सहावत मेहनत कर्‍या, जिन्दरो नाव जीवनन किताब मा लिखलो छे।
PHI 4:4 पोरबु मा हहावशा खुश रवु; हाव पछु कयता छे, खुश रवु।
PHI 4:5 तुमरी कोमलता सब मानसे पर प्रगट होय। पोरबु निकट छे।
PHI 4:6 काही भी वातन चिंता मा करू; पुन हर एक वात मा तुमरो निवेदन, प्रार्थना आरू रावन्यान द्वारा धन्यवादन साथे यहोवा–भगवानन सम्मुख हजुर होयती जाय।
PHI 4:7 तव यहोवा–भगवानन शांती जो सारी समझ छे बाहर छे, तुमरे दिल आरू तुमरो विचारन मसीह ईशु मा सोरक्षित राखछे।
PHI 4:8 अतरान करीन हे भाईस्यो, जी जी वात सच्चाई छे, आरू जी जी वात विजुत बढ़े छे, आरू जी जी वात न्यायी छे, आरू जी जी वात चुखलो छे, आरू जी जी वात मनभावनी छे, मतलब जो भी सद्गुण आरू वाहवाय की वात छे तीनु पर ध्यान लागाड़ ्या करू।
PHI 4:9 जी वात तुमू ने मखे छे सिकली, आरू मान्य करी, आरू सोमवी, आरू मखे मा देख, तीन्दरो पालन कर्‍या करू, तव यहोवा–भगवान जी शांतीन आपे छे जु हामरे साथे रोवसे।
PHI 4:10 हाव पोरबु मा घोणा खुशी छे कि हिमी ओतरा दाहड़ान बाद तुमरी चिंता मारे विषय मा पछु जागृत होयी; छाचो तुमू शुरू मा भी ऐरो विचार होतो, पर तुमू मेखे नी मिव्यो।
PHI 4:11 यो नी कि हाव आपसी घटीन कारण यो कयतो छे; काहकि हाव ने यो सिक्यो छे कि जिन दशा मा छे; ओको मा सन्तोष करू।
PHI 4:12 हाव दीन भी होयनो जानतु छे आरू बढ़ने भी जानतु छे; हर एक वात आरू सब दशा मा हाव ने तृप्त हुयने, भूकलो रोवने, आरू वदने घटने सिक्यो छे।
PHI 4:13 जो मखे शक्ति देतो छे तीनामा हाव सब काही कर सकतो छे।
PHI 4:14 तवभी तुमू ने भला कर्‍या कि मारो पीड़ा मा मारो भागीदार हुयो।
PHI 4:15 फिलिप्पियो, तुमू आप भी जानता होय कि खुश खबर खबरन शुरू मा, जव हाव मकिदुनिया छे विदा हुयो, तव तुमू छुड़ आरू काही मंडळी ने लेना देनान विषय मा मारी मदत नी करी।
PHI 4:16 इनीये प्रकार जव हाव थिस्सलुनीके मा होतो, तव भी तुमू ने मारी घटी पूरी करनेन करता एक बार काय वरना दुय बार काही मुकल्या हुता।
PHI 4:17 यो नी कि हाव दान आपने जूवतो छे पुन हाव ओसो फोव आपने जूवतो छे जो तुमरो लाभन करता बढ़तो जाय।
PHI 4:18 मारे साथे सब काही छे, वरना बहुतायत छे भी छे; जो चिज तुमू ने इपफ्रुदीतुस हात छे मुकली होती तीनुक देखीन हाव तृप्त होय गयो छे, वो तो सुखदायक सुगन्ध, मान्य करने योग्य बलिदान छे, जो यहोवा–भगवानन भाता छे।
PHI 4:19 मारो यहोवा–भगवान भी आपसा तिना धनन लारे जो महिमा सहित मसीह ईशु मा छे, तुमरी हर एक कमी घटीक पूरी करसे।
PHI 4:20 हामरा यहोवा–भगवान आरू बासन महिमा युगानयुग हयती रवे। आमेन।
PHI 4:21 हर एक चुखलो जनन, जो ईशु मसीह मा छे नमस्कार कयो। जो भाईस मारे साथे छे, तुमू नमस्कार कयता छे।
PHI 4:22 सब चुखलो मानछे, विशेष करीन जो कैसरन घरानान छे, तुमूक नमस्कार कयता छे।
PHI 4:23 हामरा पोरबु ईशु मसीहन फोकटन दया तुमरी आत्मान साथे रोवे।
COL 1:1 पौलुस की आरू सी, जो यहोवा–भगवान की मरजी छे मसीह ईशु क प्रेरित छे, आरू भाईस तीमुथियुस की आरू छे।
COL 1:2 मसीह मा उन चुखलो आरू विश्वास भाईस क नाव जो कुलुस्से मा रयता छे: हामरा बास यहोवा–भगवान की आरू छे तुमूक फोकटन दया आरू शांती मुवती रया।
COL 1:3 हामु तुमरे करता नित्य प्रार्थना करीन आपसा पोरबु ईशु मसीह क बास मतलब यहोवा–भगवान क धन्यवाद करता छे।
COL 1:4 काहकि हामु ने सोमव्या छे कि मसीह ईशु पर तुमरा विश्वास छे, आरू सब चुखलो मानसे छे तुमू मोंग राखता होय।
COL 1:5 ओको आश की होयी समान क कारण जो तुमरे करता सोरग मा राखी छे, जेरो वर्णन तुमू ओको खुश खबर क सच्चाई मा वचन सोमवी त्योक्यो होय।
COL 1:6 जो तुमरा साथे पुगीयो छे, आरू धरती मा भी फैल जाय आरू बढ़ता जाता छे, वोसो ही जिना दाहड़ा छे तुमू ने ओको सोमव्या आरू सच्चाई छे यहोवा–भगवान क फोकटन दया उवखता छे, तुमू मा भी ओसो ही करता छे।
COL 1:7 तीनी की शिक्षा तुमू ने हामरा मोंगावु सहकर्मी इपफ्रास छे देखी, करता मसीह क विश्वासयोग्य दास छे।
COL 1:8 तीनी ने तुमरा मोंग क जो आत्मा मा छे हामु पर प्रगट कर्‍या।
COL 1:9 इनी करता जिना दाहड़ा छे यो सोमव्या छे, हामु भी तुमरा करता यो प्रार्थना आरू रावन्या करने नी छुड़ता कि तुमू सब आत्मिक ज्ञान आरू समझ सहित यहोवा–भगवान की मरजी की उवख मा पाका होय जावु।
COL 1:10 ताकि तुमरी चाल चालने पोरबु क योग्य होय, आरू वो सब प्रकार छे खुश होय, आरू तुमू मा हर प्रकार क वारला काम क फोव लाग्या, आरू तुमू यहोवा–भगवान की उवख मा बढ़त जावु।
COL 1:11 ओकी महिमा की शक्ति नको लारे सब प्रकार करी शक्ति छे बलवन्त होयतो जावु, याहा तक खुशी क साथे हर प्रकार छे धीरज आरू सहनशील ता देखाय सक्यो।
COL 1:12 आरू बास क धन्यवाद करता रयो, जो हामु इनीये योग्य बनाय कि दिवा मा चुखलो मानसे क साथे मीरास मा सहभागी होय।
COL 1:13 तीनी ने हामु आंधारला क वश छे छुड़ीन आपसा मोंग पोर्‍या क राज मा भरायने कराया।
COL 1:14 जिना मा हामु छुटकारू मतलब पाप की माफ हासिल होयती छे।
COL 1:15 वो तो विन देखिया यहोवा–भगवान क सारखो रूप आरू सारी सृष्टि मा पेहलू कोवषो छे।
COL 1:16 काहकि तीनी मा सब समान की सृष्टि होयी, सोरग करी होय धरती की, देखी या विनदेखियो, काय सिहासन, काय पोरबुता काय प्रधानता, काय हक, सब समान तीनी क द्वारा आरू तीनी क करता सृजी गयी छे।
COL 1:17 चो सब समान मा पेहलो छे, आरू सब समान तीनी मा स्थिर रयती छे।
COL 1:18 चो देह, मतलब मंडळी क मुनको; चो शुरू छे, आरू मरला होया मा छे उठनेवावा मा पेहला कोवषा कि सब वात मा चो प्रधान ठेराया।
COL 1:19 काहकि बास की खुशी इनी मा छे कि ओकामा सारी परिपूर्णता वास करे।
COL 1:20 आरू उना क कुरूस पर वहय होया लुहूय क द्वारा भेटाव करीन, सब समान क तीनी क द्वारा छे आपने साथे मेल कर लेन जूवे वो धरती पर की होय या सोरग माईन।
COL 1:21 तुमू जो पेहल निकायो हुयो होतो आरू बुरा काम क कारण मन दुस्मन होतो।
COL 1:22 त्यो हिमी ओकी शारीरिक देह मा मरन क द्वारा तुमरा भी भेटाव कर लेदो ताकि तुमूक आपने सम्मुख चुखलो आरू निष्कलंक, आरू निर्दोष बनावीन हजुर करू।
COL 1:23 यदि तुमू विश्वास की नींव पर दृढ़ बन रयो आरू ओको खुश खबर की आश क जिनाक तुमू ने नेचा की सारी सृष्टि मा कर्‍या गया, आरू जेरो हाव, पौलुस, सेवक बन्यो।
COL 1:24 हिमी हाव उन दुःख क कारण खुशी करता करो, जो तुमरे करता झेलो आरू मसीह क दुःखो नी घटी ओका डील क करता, मतलब मंडळी क करता, म्हारा डील मा पूरी करो।
COL 1:25 जेरी हाव यहोवा–भगवान क ओको तयारी क लारे सेवक बन जो तुमरे करता मखे आपी गया, ताकि हाव यहोवा–भगवान क वचन लोगहन वारलान करता पुगाड़ो।
COL 1:26 मतलब पीढी छे सातायलो रया, पुन हिमी ओका उन प्रगट होया छे।
COL 1:27 जिन पर यहोवा–भगवान ने प्रगट करने जूवे कि तीनुक ज्ञात होय कि गैरयहुदी मा ओको भेद की महिमा क मूल्य काय छे, आरू वो यो कि मसीह जो महिमा की आश छे तुमू मा रयता छे।
COL 1:28 जेरो खबर करीन हामु हर एक मानुस क सिखाड़ता छे, कि हामु हर एक मानुस क मसीह मा सिध्द करीन हजुर करे।
COL 1:29 इनी क करता हाव ओकी ओको शक्ति क लारे जो मखे मा शक्ति क साथे शक्ति नाखती छे, तन मन लागाड़ ़ी मेहनत भी करता छे।
COL 2:1 हाव जूवता छे कि तुमू जान लेवु कि तुमरा आरू ओको करता जो लौदीकिया हाव छे, आरू उन सब क करता जे मारा शारीरिक मुय नी देख, हाव कोसो मेहनत करता छे।
COL 2:2 ताकि ओको मन मा होय आरू वो मोंग छे आपस मा बाधाय रया, आरू वो पूरी समझ क सब धन हासिल करू आरू यहोवा–भगवान बास क भेद क मतलब मसीह क उवखी लेय।
COL 2:3 जिनमा बुध्दि आरू ज्ञान क सब भण्डार डुकाय होया छे।
COL 2:4 यो हाव एरकरीन कयता छे कि काही मानुस तुमूक लोभाड़ने वावी वात छे धोखु नी देय।
COL 2:5 यद्दयपि हाव डील क भाव छे तुमू छे दूर छे, तवभी आत्मिक भाव छे तुमरे निकट छे, आरू तुमरा व्यवस्थित जीवन क आरू तुमरा विश्वास की, जो मसीह मा छे, दृढ़ता देखीन खुश होयतो छे।
COL 2:6 शेवली कावा जोसो तुमू ने मसीह ईशु क पोरबु करीन मान्य कर लेदा छे, वोसो ही तीनी मा चालतो रयो।
COL 2:7 आरू तीनी मा मुव धरती आरू बढ़ता जावु; आरू जोसो तुमू सिकाड़ गया वोसा ही विश्वास मा दृढ होयतो जाय, आरू खुब सी खुब धन्यवाद करता रया।
COL 2:8 चोकचौळीया रयो कि काही तुमूक ओको तत्व ज्ञान आरू व्यर्थ धोखु द्वारा आपनो अहर नी बनाय लेय, जो मानुस की रीति आरू संसार की शुरू शिक्षा क लारे तो छे, पर मसीह क लारे नी।
COL 2:9 काहकि ओकामा ईश्वरत्व की आखी खोरली वात जोलोम रोहे।
COL 2:10 आरू तुमू ओकी मा भरपूर होय जो सारी प्रधानता आरू हक क शिरोमणि छे
COL 2:11 तीनी मा तुमरो ओसो खतना होया छे जो हात छे नी होयतो, मतलब मसीह क खतना, जिनासे शारीरिक देह उतार देदी जाती छे।
COL 2:12 आरू तीनी क साथे बपतिस्मा मा गाड़ ़े गया आरू तीनी मा यहोवा–भगवान की शक्ति पर विश्वास करीन जो ओको मरला होया मा छे जीवाडड्यो ओका साथे जीवन भी उठ्यो।
COL 2:13 त्यो तुमूक भी, जो आपने गुणेहगार आरू डील की खतनारहित दशा मा मरला हुता, ओका साथे जीवाड्यो, आरू हामरा सब गुणेहगार क माफ कर्‍या।
COL 2:14 आरू विधियो क वो लेख जो हामरे नाव पर आरू हामरा विरोध मा हुता मिटा नाख्या, आरू ओको कुरूस पर खिलो छे मुवकर सामने छे हटाय दिदा छे।
COL 2:15 आरू त्यो प्रधानता आरू हक क ऊपर छे उतारीन ओको खुल्लाम खुल्लु तमाशा बनाड़े आरू कुरूस क द्वारा उन पर जय जयकार की ध्वनि सोमवाय।
COL 2:16 एरकरीन खाने पीने या पर्व या नवलो चाँद या आराम क विषय मा तुमरा काही फैसला नी करे।
COL 2:17 काहकि यी सब आवनेवाली वात क साव्वु छे, “सच्चु मसीह छे”
COL 2:18 आरू ओको शिरोमणि क धरने नी रयता जिनासे सारी देह जुडू आरू पट्टा क द्वारा पावीन पुछीन देखीन आरू एक साथे गठकर, यहोवा–भगवान की आरू छे बढ़ती जाती छे।
COL 2:19 ए घर वाळा आपसी–सआपसी घर वाळी सी मोंग राखो, आरू ओका सी वातड़ो व्यवहार मा करो।
COL 2:20 जव कि तुमू मसीह क साथे संसार की शुरू शिक्षा की आरू छे मर गया होय, तो पछु काय ओको समान जो संसार क छे जीवन देखाड़ता होय?
COL 2:21 यो सब समान काम मा लावता लावता नष्ट होय जाछे काहकि यो मानुस की हुकुम आरू शिक्षा क लारे
COL 2:22 यो सब समान काम मा लावता लावता नष्ट होय जाछे काहकि यो मानुस की हुकुम
COL 2:23 इन विधि मा आपसी मरजी क लारे बनावली होयी भक्ति की रीति, आरू आत्मा मा नरमाय, आरू डील क गुण भाव सी ज्ञान क नाव तो छे, पुन डीलन लालसा क रूकने मा इनु सी काही भी लाभ नी होयतो।
COL 3:1 शेवली कावा जव तुमू मसीह क सा थे जीवाड्या गया, तो सोरगदूतीय समान की हेर मा रया, वा मसीह विद्यमान छे आरू यहोवा–भगवान क डासच्या कावे बठ्या छे।
COL 3:2 धरती पर की नी पुन सोरगदूतीय समान पर धीयान लागाड़ ु।
COL 3:3 काहकि तुमू तो मर गया आरू तुमरा जीवन मसीह क साथे यहोवा–भगवान मा डुकायो हुयो छे।
COL 3:4 जव मसीह जो हामरा जीवन छे, प्रगट होयछे, तव तुमू भी ओका साथे महिमा सहित प्रगट कर्‍या जासु।
COL 3:5 एरकरीन आपने उन डील क मार नाखु जो धरती पर छे, मतलब व्यभिचार, विटळ, दुष्कमना, बुरी लालस आरू लोभ क जो मुर्तिपूजक क बराबर छे।
COL 3:6 इन ही क कारण यहोवा–भगवान क प्रकोप हुकुम नी माननेवावा पर पड़ती छे।
COL 3:7 आरू तुमू भी, जव इन बुराइयो मा जीवन देखाड़ता हुता तो इन्ही क लारे चालता हुता।
COL 3:8 पर हिमी तुमू भी इन सब क, मतलब रीस, दोष, बैरभाव, निन्दा आरू मुय छे लोड़ने बोकने यो सब वात छुड़ देवु।
COL 3:9 एक दिसरा छे झूठ मा बुलू, काहकि तुमू ने जुनला मानुस क ओका काम सहावत उतार नाख्या छे।
COL 3:10 आरू नवलो मानुस क पेहर लेदा छे, जो आपने सृहाहार क स्वरूप क लारे ज्ञान हासिल करने क करता नवलो बनतो जातो छे।
COL 3:11 आरू उका परिणाम यो छे कि त्यो यूनानी आरू नी ते यहूदि मा कोय माहय नी रवतु छे, आरू नी ते काहना खतना करला होया आरू खतना रहीत मा, आरू नी काहना वारलु मानसु आरू वारलु मानसु मा दास नी छु़ला मानुस मा पुन मसीह ज सब जागे छे, आरू सब मा ओको गाव छे।
COL 3:12 एरकरीन यहोवा–भगवान क त्योन्या होया क समान जो चुखलो आरू मोंगावु छे, मोटी दया, आरू भलाई, आरू दीनता, आरू नम्रता, आरू सहनशीलता धारण करू।
COL 3:13 आरू यदि काही क काही पर दोष देने क कारण होय, तो एक दिसरा की सह लेवु आरू एक दिसरा क गुणेहगार माफ करू; जोसो पोरबु ने तुमरा गुणेहगार माफ कर्यो, वोसो ही तुमू भी करू।
COL 3:14 इन सब क ऊपर मोंग क जो सिध्दता क पट्टो बांध लेवु।
COL 3:15 मसीह की शांती ओका करता तुमू एक देह हईन बुलाया भी गया होय तुमरा दिल मा राज करे; आरू तुमू धन्यवाद बन रवु।
COL 3:16 मसीह क वचन क आपसा दिल मा खुबुत् बठने देवु, आरू सिध्द ज्ञान सहित एक दिसरा क सिकाड़ने आरू चिंता, आरू आपसा–आपसा मन मा फोकटन दया क साथे यहोवा–भगवान क करता भजन आरू बढ़ाईगान आरू आत्मिक गीत गावु।
COL 3:17 वचन मा या काम जो काही भी करू सब पोरबु ईशु क नाव छे करू, आरू ओका द्वारा यहोवा–भगवान बास क धन्यवाद करू।
COL 3:18 हे लुगाई, जोसो पोरबु मा वारू छे, वोसो ही आपसा–आपसा घर वावा क हको तळे रवु।
COL 3:19 हे घर वावा आपसी–आपसी लुगाई, छे मोंग राखु, आरू उनछे वातड़ो हुयने नी करनो।
COL 3:20 हे पोर्‍या, सब वात मा आपसा–आपसा आश बास की हुकुम क पालन करू, काहकि पोरबु इनीये छे खुश होयतो छे।
COL 3:21 हे पोर्‍यावावा, आपसा पोर्‍या क तंग नी करनो, नी होय कि ओको साहस टूट जाय।
COL 3:22 हे सेवको, जो डील लारे तुमरा भगवान छे, सब वात मा उनकी हुकुम क पालन करू, मानुस क खुश करनेवावा क समान देखाड़ने क लिय नी, पुन मन की सिधाई आरू यहोवा–भगवान क बीक राखे।
COL 3:23 जो काही तुमू करता होय, तन मन छे करू, यो समझीन कि मानुस क करता नी पुन पोरबु क होय।
COL 3:24 काहकि तुमू जानता होय कि तुमू इन क बदलने पोरबु छे मीरास मिवछे; तुमू पोरबु मसीह की सेवा करता होय।
COL 3:25 काहकि जो अन्याय करता छे वो आपसी बुराई क फोव देखछे, वाहा काही क भेदभाव नी
COL 4:1 हे स्वामियो, आपने दास क साथे न्याय आरू वारू व्यवहार करू, यो समझीन कि सोरग मा वतुमरा भी एक भगवान छे।
COL 4:2 प्रार्थना मा लागी रयो, आरू धन्यवाद क साथे उना मा जागृत रयो।
COL 4:3 आरू ओका साथे ही साथे हामरे करता भी प्रार्थना करता रवु कि यहोवा–भगवान हामरे करता वचन सोमवावने क ओसो झोपलो उघाड़ दिदो, कि हामु मसीह क उना भेद क वर्णन कर सक्या ओका कारण हाव कैद मा छे।
COL 4:4 आरू ओको ओसो प्रगट करू, जोसो मखे करने वारू छे।
COL 4:5 मेखे क मोंगलो समझीन बाहरतावावा क साथे बुध्दिमान छे व्यवहार करू।
COL 4:6 तुमरा वचन सदा फोकटन दया सहित आरू सलोना होय कि तुमूक हर मानुस क वारू रीति छे जवाब देनो आय जाय।
COL 4:7 मोंगावु भाईस आरू विश्वासयोग्य दास, तुखिकुस, जो पोरबु मा मारो सहकर्मी छे, मारी सब वात तुमूक कय दीस।
COL 4:8 उको मा ने एरकरीन तुमरे साथे मुकल्या छे कि तुमू हामरी दशा मालम होय जाय आरू वो तुमरा दिल क शांती देय।
COL 4:9 ओको साथे हाव ने उनेसिमुस क भी मुकल्यो छे जो विश्वासयोग्य आरू मोंगावु भाईस तुमू ही मा छे; यो तुमू याहा की सारी वात कय देसे।
COL 4:10 अरिस्तर्खुसक, जो मारे साथे कैदी छे, आरू मरकुस जो बरनबास क भाईस लागतो छे ओका विषय मा तुमू ने हुकुम देखी होती कि यदि वो तुमरे साथे आयो तो ओका सी वारली तरह व्यवहार करनो।
COL 4:11 आरू ईशु जो यूस्तुस कोवायतो छे, तुमू नमस्कार कयता छे। खतना कर्‍या होया मानसे मा छे केवल यो ही यहोवा–भगवान क राज क करता मारो सहकर्मी आरू मारी शांती क कारण रया छे।
COL 4:12 इपफ्रास, जो तुमू मा छे आरू मसीह ईशु क दास छे, तुमू नमस्कार कयता छे आरू सदा तुमरे करता प्रार्थना मा कोशिष करता छे, ताकि तुमू सिध्द हईन पूरो विश्वास क साथे यहोवा–भगवान की मरजी पर स्थिर रयो।
COL 4:13 हाव ओको गवाय छे कि वो तुमरे करता आरू लौदीकिया आरू हियरापुलिसवावा क करता मोटो मेहनत करता रयता छे।
COL 4:14 मोंगावु वैद्य लूका आरू देमास क तुमू नमस्कार।
COL 4:15 लौदीकिया ते निम्फा भाईस क, आरू न आरू ओको घर की मंडळी क नमस्कार कोवनो।
COL 4:16 जव यो पत्री तुमरे याहा भन्न लेदा जाय तो ओसो करनो कि लौदीकिया की मंडळी मा भी भन्न जाय, आरू वो पत्री जो लौदीकिया छे आय ओको तुमू भी भन्नु।
COL 4:17 आरू अर्खिप्पुस छे कोवनो कि जो सेवा पोरबु मा तुखे सौंपी गयी छे, ओको सावधान क साथे पूरी करने।
COL 4:18 मखे पौलुस क आपने हात छे लिख्यो हुयो नमस्कार। मारी जंजीरो क स्मरण राखने। तुमू पर फोकटन दया हुयसे रया। आमेन।
1TH 1:1 पौलुस आरू सिलवानुस आरू तीमुथियुस की आरू छे थिस्सलुनीकियों की मंडळी क नाव, जो यहोवा–भगवान बास आरू पोरबु ईशु मसीह मा छे: फुकट दया आरू शांती तुमू मिवती रये।
1TH 1:2 हामु आपसी प्रार्थना मा तुमू स्मरण करता आरू सदा तुमू सब क विषय मा यहोवा–भगवान क धन्यवाद करता छे,
1TH 1:3 आरू आपने यहोवा–भगवान आरू बास क सामने तुमरे विश्वास क काम, आरू मोंग क मेहनत, आरू हामरे पोरबु ईशु मसीह मा आश करी धीरता क लागातार स्मरण करता छे।
1TH 1:4 हे भाईस, आरू बहनीस यहोवा–भगवान क मोंगावु मानसे हामु जानता छे कि तुमू त्योन्या होया होय।
1TH 1:5 काहकि आमरो खुश खबर तुमरे साथे नी केवल ओवाज मात्र ही मा वरना शक्ति, आरू चुखलो आत्मा मा, आरू सच्चाई क पूरी छाचो क साथे पुचाड्या छे; जोसो तुमू जानता होय कि, हामु तुमरे करता तुमरे वीच मा कोसो बन गयो होतो।
1TH 1:6 तुमू मोट तकलीद मा तौभी, चुखलो आत्मा क खुश क साथे वचन क मानीन हामरी आरू पोरबु कि सी चाल चालने लाग्या।
1TH 1:7 याहा तक मकिदुनिया आरू अखाया क सब विश्वासीया क करता तुमू विजुत राखिया।
1TH 1:8 काहकि तुमरे याहा छे नी केवल मकिदुनिया आरू अखाया मा पोरबु क वचन सोमवाय गयो पर तुमरे विश्वास कि जो यहोवा–भगवान पर छे हर जगमा ओसी चर्चा पछु गयी छे कि हामु कयनो कि जरूरत हिय नी।
1TH 1:9 काहकि वो आप ही हामरे विषय मा कयतो छे कि तुमरे साथे आमरो आवने कोसो हुयो; आरू तुमू कोसो मुर्ती छे कोसो यहोवा–भगवान कि आरू छे पछु ताकि जीवता आरू सच्चा यहोवा–भगवान कि सेवा करू,
1TH 1:10 आरू ओको पोर्‍य क सोरग पर छे आवने कि वाट जूवता रवु जो उना मरलो हुयो मा छे जीवाड्या मतलब ईशु की, जो हामु आवनेवाळा प्रकोप छे वाचाड़े।
1TH 2:1 हे भाईस, आरू बहनीस तुमू आप ही जानता होय कि हामरे तुमरे साथे आवने व्यर्थ नी हुयो,
1TH 2:2 वरना तुमू आप ही जानता होय क तुमरे साथे आवने पेहल फिलिप्पी गाव मा दुःख हाकलिया आरू झगड़ो करावनो सहने पर भी हामरे यहोवा–भगवान ने ओसो साहस दिदो, कि हामु यहोवा–भगवान क खुश खबर भारी विरोधी क हुयसे हुयो भी तुमू सोमवाया।
1TH 2:3 काहकि हामरा शिक्षा नी भ्रम छे आरू नी विटळ शिक्षा छे, आरू नी चालाक क साथे छे।
1TH 2:4 पर जोसो यहोवा–भगवान ने हामु योग्य ठेराया खुश खबर सौप दिया, हामु ओसो ही कयो करता छे, आरू इनीये मा मानुस क नी, पुन यहोवा–भगवान क, जो हामरे मानो क हेरता छे, खुश करता छे।
1TH 2:5 काहकि तुमू जानता होय कि हामु नी तो कदी चापलूसी करी वात कर्‍या करता हुता आरू नी लोभ क करता वयाड़नु करता हुता, यहोवा–भगवान गवा छे।
1TH 2:6 तभी हामु मानुस छे विजुत नी जूवता हुता, आरू नी तुमू छे, नी आरू काही छे।
1TH 2:7 आरू यद्यपी हामु मसीह क प्रेरित हुयने क कारण तुमू पर बोझ नाखता सकता हुता। पुन जिना तरह आश आपने पोर्‍य क पालन पोषण करती छे। ओसो ही हामु ने भी तुमरे विच मा रयन मोटी कमरता देखाय छे।
1TH 2:8 आरू ओसो ही हामु तुमरी लालस करता होया ने केवल यहोवा–भगवान क खुश खबर पर आपसा–आपसा हामु तुमू मोंगावु करता छे, भी तुमू देने क तीयार हुता एरकरीन कि तुमू हामरे मोंगावु होय गया हुता।
1TH 2:9 काहकी, हे भाईस, आरू बहनीस तुमू हामरे मेहनत आरू कष्ट क स्मरण राखता होय; हामु ने एरकरीन रात दहाडू काम धंदा करता होया, तुमू मा यहोवा–भगवान क खुश खबर कर्‍या कि तुमू छे काही पर भार नी होय।
1TH 2:10 तुमू आप ही गवा होय, आरू यहोवा–भगवान भी ओसो छे, कि तुमू विश्वास क विच मा आमरो व्यवहार कोसो चुखलो आरू सच छे आरू ने निर्दोष रया।
1TH 2:11 तुमू जानता होय कि जोसो आश बास आपने पोर्‍य क साथे व्यवहार करता छे। ओसो ही हामु भी तुमू मा छे हर एक क करता छे।
1TH 2:12 शिक्षा करता आरू शांती देता, आरू समझता हुता कि, तुमरो चाल चलन यहोवा–भगवान क योग्य होय। जो तुमू आपने राज आरू महिमा मा आरू सहभागी हुयने क करीन बुलाया छे।
1TH 2:13 एरकरीन हामु भी यहोवा–भगवान क धन्यवाद निन्तर करता छे की जव हामरे द्वारा यहोवा–भगवान क खुश खबर क वचन तुमरे साथे पुचाड्या तो तुमू ने ओको मानुस क नी पुन यहोवा–भगवान क वचन समझीन आरू सचमुच यो ओसो ही छे। मान्य कर्‍या; आरू वो तुमू विश्वासीया मा जो विश्वास राखता होय, शक्तिशाली छे।
1TH 2:14 एरकरीन तुमू हे भाईस, आरू बहनीस यहोवा–भगवान कि उन मंडळी कि सी चाल चालने लाग्या यहूदि या मा मसीह ईशु मा छे, काहकि तुमू हाव भी आपने मानुस छे ओसो ही छल देखता जोसो त्या यहूदि या छे देखता हुता।
1TH 2:15 जिन्होने पोरबु ईशु क आरू भविष्यवक्ता क भी मार नाख्यो आरू हामु क सताया। आरू यहोवा–भगवान उनछे खुश नी, आरू वो सब मानुस क विरोध करता छे।
1TH 2:16 आरू वो गैरयहुदी यो छे ओको यहोवा–भगवान क उध्दार क खुश खबर सोमवाता क करता हामु रूकता छे कि सदा तुमरा पाप क नपुआ भरता होय। पर उन पर यहोवा–भगवान क भयानक प्रकोप आय पुचाड़ छे।
1TH 2:17 हे भाईस, जव हामु थोडी देर क करता, मन मा नी वरना प्रगट मा तुमू छे अलग होय गया हुता, तो हामु ने मोटी लालसा क साथे तुमरे मुय देखने क करता आरू भी सवटो यत्न कर्‍या।
1TH 2:18 एरकरीन हामु ने मतलब मखे पौलुस ने एक बार नी वरना दुय बार तुमरे साथे आवने जूवे, पुन शैतान हामु रूक रयो।
1TH 2:19 भला हामरी आश या खुश या बढ़ाई क मुकूट काय छे? काय हामरे पोरबु ईशु क सम्मुख ओका आवने क टेहाव तुमू ही नी होय छे?
1TH 2:20 हामरी बढ़ाई आरू खुश तुमू ही होय।
1TH 3:1 एरकरीन जव हामु छे आरू नी रया गया, तो हामु ने यो ठेराया कि एथेंस शहर मा एखलो रया जाय।
1TH 3:2 आरू हामु ने तीमुथियुस क, जो मसीह क खुश खबर मा आमरो भाईस आरू यहोवा–भगवान क सेवक छे, एरकरीन मुकल्या कि वो तुमू स्थिर कर्‍या आरू तुमरे विश्वास क विषय मा तुमू समझाय।
1TH 3:3 कि काही इन तकलीद क कारण डगमगा नी जाय। काहकि तुमू आप जानता होय कि हामु यो सताव यहोवा–भगवान की मरजी छे ही हामरे करता छे।
1TH 3:4 काहकि पेहल ही जव हामु तुमरे याहा हुता तो तुमू छे कयो करता हुता कि हामु तकलीद झेलनो पड़्यो, आरू ओसो ही हुयो छे, जोसो कि तुमू जानता भी होय।
1TH 3:5 इनीये कारण जव मखे छे आरू नी रया गया, तो तुमरे विश्वास क हाल जानने क करता तीमुथियुस मुकल्या, कि काही ओसो नी होय कि परीक्षा करनेवावा ने तुमरी परीक्षा करी होय, आरू हामरा मेहनत व्यर्थ होय गयो होयस।
1TH 3:6 पर हिमी तीमुथियुस ने जो तुमरे साथे छे हामरे याहा आयो छे, तुमरे विश्वास खबर आरू मोंग क खबर सोमवाया आरू इनीये वात क भी सोमवाया कि तुमू सदा प्रेम क साथे हामु स्मरण करता होय, आरू हामरे देखने कि लालस राखता होय, जोसो हामु भी तुमू देखने की।
1TH 3:7 एरकरीन हे भाईस, हामु ने आपने सब दुःख क आरू तकलीद मा तुमरे विश्वास छे तुमरे विषय मा बढ़ावु मिवी।
1TH 3:8 काहकि हिमी यदि तुमू पोरबु मा स्थिर रया तो हामु जीवता छे।
1TH 3:9 आरू जोसो हामु खुश तुमरे कारण आपने यहोवा–भगवान क सामने छे, ओका बदले तुमरे विषय मा हामु काही रीति छे यहोवा–भगवान क धन्यवाद कर्‍या?
1TH 3:10 हामु रात दहाडू खुप ही प्रार्थना करता रयता छे कि तुमरे आमने सामने देखने आरू तुमरे विश्वास कि घटी पुरी कर्‍या।
1TH 3:11 हिमी हामरा यहोवा–भगवान आरू बास आप ही आरू हामरा पोरबु ईशु, तुमरे याहा आवने मा हामरी रस्तो उघाड्यो छे।
1TH 3:12 आरू पोरबु ओसो कर्‍यो कि जोसो हामु तुमू छे मोंग राखता छे, ओसो हिय तुमरो प्रेम भी आपस मा आरू सब मानुस क साथे बढ़े, आरू बढ़ती करता जाय।
1TH 3:13 ताकि वो तुमरो मनो क ओसो स्थिर कर्‍यो कि जव हामु हामरा पोरबु ईशु आपने सब चुखलो मानसे क साथे आयो, तो आप हामरे यहोवा–भगवान आरू बास क सामने निर्दोष ठराय।
1TH 4:1 एरकरीन हे भाईस, आरू बहनीस हामु तुमू छे रावन्या करता छे आरू तुमू पोरबु ईशु मा समझाता छे कि जोसो तुमू नी हामु छे योग्य चाल चालने आरू यहोवा–भगवान क खुश करने सिख्या छे, आरू जोसो तुमू चालता भी होय, ओसो ही आरू भी बढ़तो जाय।
1TH 4:2 काहकि तुमू जानता होय कि हामु नी पोरबु ईशु कि आरू छे तुमू कुन कुन सी शिक्षा आपी।
1TH 4:3 काहकि यहोवा–भगवान कि मरजी यो छे कि तुमू चुखलो बन्या; आरू व्यभिचार छे वाच रया,
1TH 4:4 आरू तुमू मा छे हर एक चुखला आरू विजुत क साथे आपने बायर क व्यवहार करनो जूवे।
1TH 4:5 आरू यो काम लालोच छे नी, आरू नी आरू नी उन जाति क समझ जो यहोवा–भगवान क नी जानता
1TH 4:6 आरू ची वात मे कयो वो भाईस्योक नी ठगनो आरू ओका पर यहोवा भगवान सब वातन हिसाब लेनु छे, जोसो कि पेहले से कय रयु होतु।
1TH 4:7 काहकि यहोवा–भगवान ने हामु विटळ जीवने क करता नी, पुन चुखलो हुयने क करता बुलाया छे।
1TH 4:8 इनीये कारण जो इनाक तुच्छ जानता छे वो मानुस क नी पुन यहोवा–भगवान क तुच्छ जानता छे, जो आपसा चुखलो आत्मा तुमू मा देता छे।
1TH 4:9 पुन भाईचारे कि प्रेम क विषय मा यो छाची नी कि हाव तुमरे साथे काही लिख्यो काहकि आपस मा मोंग राखने तुमू ने आप ही यहोवा–भगवान छे सिख्या छे।
1TH 4:10 आरू सब मकिदुनिया क सब भाईस क साथे प्रेम करता भी होय। पुन हे भाईस, आरू बहनीस हामु तुमू समझता छे कि आरू भी बढ़ता जाय।
1TH 4:11 आरू जोसो हामु तुमू क हुकुम देदी छे, ओसो ही त्योपचाप रयने आरू आपनो–आपनो कामाकाज करने आरू आपने–आपने हात छे कमायने क कोशिष करू।
1TH 4:12 ताकि बाहरतावावा छे विजुत हासिल करी आरू तुमू काही समान कि घटी नी होय।
1TH 4:13 हे भाईस, आरू बहनीस हामु नी जानता कि तुमू ओको विषय मा जो मरला छे, विनअकलिया रयो; ओसो नी होय कि तुमू दिसरा क सामने शोक कर्‍या जीने आश नी।
1TH 4:14 काहकि यदि हामु विश्वास करता छे कि ईशु मरला आरू जीवीन भी उठाय, तो ओसो ही यहोवा–भगवान तीनुक भी जो ईशु मा मरला गया छे, तीनी क साथे ली आवसे।
1TH 4:15 काहकि हामु पोरबु क वचन क लारे तुमू छे यो कयता छे कि हामु जो जीवता छे आरू पोरबु क आवने तक वाच रये, सुया होया छे कदी अगो नी बडछे।
1TH 4:16 काहकि पोरबु आप ही सोरग छे उतरसे; उना टेहाव ललकार, आरू प्रधान क ओवाज सोमवाय देसे, आरू यहोवा–भगवान कि भेहरी वाजाड़ी जाछे; आरू जो मसीह मा मरला छे, वो पेहल जीवन उठसे।
1TH 4:17 तव हामु जो जीवता आरू वाचा रोवछे ओको साथे वादवा पर उठाय लेदा जाछे कि हवा मा पोरबु छे मिव्यो; आरू इनी रीति छे हामु सदा पोरबु क साथे रोवछे।
1TH 4:18 इनीये प्रकार इन वात छे एक दिसरा क बढ़ावु दिया करो।
1TH 5:1 पर हे भाईस, आरू बहनीस इनाक योजना नी की टेहावो आरू काळो विषयमा तुमरे साथे काही लिख्यो जाछे।
1TH 5:2 काहकि तुमू आप ठीक जानता होय कि जोसो रात क त्योंटा आवता छे, ओसो ही पोरबु क दहाडू आवनेवाळो छे।
1TH 5:3 जव मानसे कयता होयछे, “कुशल छे, आरू काही भय नी, तो उन पर एक एक विनाश आवसे, पड़से जिना प्रकार भारीस पर पीड़ा, आरू वो काही रीति छे नी वाचछे।”
1TH 5:4 पर हे भाईस, आरू बहनीस तुमू तो आंधारला मा नी होय कि वो दहाडू तुमू पर त्योंटा क समान आय पड्यो।
1TH 5:5 काहकि तुमू सब दिवा की अवलियाद आरू दहाडू कि अवलियाद होय; हामु नी रात क छे, नी आंधारला क छे।
1TH 5:6 एरकरीन हामु दिसरा क समान सुवता नी रया पर जागता आरू सावधान रयो।
1TH 5:7 काहकि जो सुवता छे वो रात ही क सुवता छे, आरू जो नश्या करता हुता छे वो रात ही क मतवावा हुयसे छे।
1TH 5:8 पर हामु जो दहाडू क छे, विश्वास आरू मोंग कि झिलम पेहरीन आरू उध्दार कि आश क मुकूट पेहरीन सावधान रया।
1TH 5:9 काहकि यहोवा–भगवान ने हामु रीस क करता नी, पुन एरकरीन ठराय छे कि हामु आपने पोरबु ईशु मसीह क द्वारा उध्दार हासिल कर्‍या।
1TH 5:10 ईशु हामरे करता इनीये कारण मर्‍य कि हामु जुवे जीवता होय जुवे मरला होय, सब मिवीन तीनी क साथे जाय।
1TH 5:11 इनीये कारण एक दिसरा क बढ़ावु दिदा आरू एक दिसरा क बढ़ती क कारण बन्या, जोसो कि तुमू करता भी होय।
1TH 5:12 हे भाईस, आरू बहनीस हामु तुमू छे रावन्या करता छे कि जो तुमू मा मेहनत करता छे, आरू मसीह जीवन मा तुमरे अगो छे, आरू तुमू शिक्षा देता छे, ओको सन्मान करो।
1TH 5:13 आरू ओको काम क कारण मोंग क साथे उनको खुश ही विजुत क योग्य समझ। आपस मा मेलमिलाप छे रया।
1TH 5:14 हे भाईस, आरू बहनीस हामु तुमू समझता छे, कि जो उजग्यो नी चालता उनको समझाय, कमजोर, क ढाढंस दुय, निर्बल क संभाली, सब की आरू सहनशीलता देखाय।
1TH 5:15 सावधान! काही छे बुराई क बदल बुराई मा आरू सब छे भी सकी एक दिसरा भलाई करू।
1TH 5:16 सदा खुशी रयो।
1TH 5:17 निरन्तर प्रार्थना मा लागे रया।
1TH 5:18 हर वात मा धन्यवाद करू; काहकि तुमरे करता मसीह ईशु मा यहोवा–भगवान की योही मरजी छे।
1TH 5:19 चुखलो आत्मा क नी उलवु।
1TH 5:20 यहोवा–भगवान की आरू आवनेवाळो संदेश क तुच्छ नी जानु।
1TH 5:21 सब वात क पारखने; जो वारली छे ओको धरने रया।
1TH 5:22 सब प्रकार की बुराई छे वाच रवु।
1TH 5:23 शांती क यहोवा–भगवान आप ही तुमू पूरी रीति छे चुखलो कर्‍या; आरू तुमरी आत्मा आरू जीव आरू डील हामरे पोरबु ईशु मसीह क आवने तक पुरो पुरो आरू निर्दोष सोरक्षित रया।
1TH 5:24 तुमरे बुलनेवावा विश्वास योग्य छे, आरू वो ओसो ही करसे।
1TH 5:25 हे भाईस, हामरे करता प्रार्थना करू।
1TH 5:26 सब भाईस क यहोवा–भगवान प्रेम छे नमस्कार करू।
1TH 5:27 हाव तुमू पोरबु की शपथ देता छे कि यो पत्री सब भुरसीया भाईस क भनीन सोमवाय जाय।
1TH 5:28 हामरे पोरबु ईशु मसीह क फोकटन दया तुमू पर हुयसे रया।
2TH 1:1 पौलुस आरू सिलवानुस आरू तीमुथियुस कि आरू छे चिठ्ठी लिखी छे थिस्सलुनीकियों कि मंडळी क नाव, जो हामरे बास यहोवा–भगवान आरू पोरबु ईशु मसीह मा छे।
2TH 1:2 हामरे बास यहोवा–भगवान आरू पोरबु ईशु मसीह कि आरू छे तुमू फोकटन दया आरू शांती मिवती रवे।
2TH 1:3 हे भाईस, आरू बहनीस तुमरे विषय मा हर टेहाव यहोवा–भगवान क धन्यवाद करने जुवे, आरू यो वारू भी छे एरकरीन कि तुमरा विश्वास खुप बढ़ता जाता छे आरू तुमू सब क मोंग आपस मा खुप ही बढ़तो जातो छे।
2TH 1:4 याहा तक कि हामु आप यहोवा–भगवान कि मंडळी मा तुमरो विषय मा डाहळाय करता छे की यात्रा झगड़ो करावनो आरू तकलीद तुमू सहित होय, उन सब मा तुमरो धीरज आरू विश्वास प्रगट हुयसे छे।
2TH 1:5 यो यहोवा–भगवान क सच्चा न्याय क स्पष्ट प्रमाण छे कि तुमू यहोवा–भगवान क राज्य क योग्य ठहराया, ओका करता तुमू दुःख भी हाकलिया होय।
2TH 1:6 काहकि यहोवा–भगवान क निकट यो न्याय छे कि जो तुमू तकलीद देता छे, तीनुक बदलने मा तकलीद देय।
2TH 1:7 आरू तुमू जो तकलीद देता होय, हामरे साथे हुक देय, ओका टेहाव जव कि पोरबु ईशु आपसा ताकत वाळा दूतोन क साथे धधकती होय अगो मा सोरग छे प्रगट होयछे।
2TH 1:8 आरू जो यहोवा–भगवान कि नी उवखता आरू हामरे पोरबु ईशु क खुश खबर क नी मानता उनछे पलटा लेछे।
2TH 1:9 वो पोरबु क सामने छे आरू ओकी शक्ति क तेज छे दूर हईन अमरकाय विनाश क दंड देखछे।
2TH 1:10 यो उना दाहड़ा मा हुयसे, जव चुखलो लोगहन मा महिमा लेने, आरू सब विश्वास करने वाळा उना दाहड़ा मा मोटो काम करसे, काहकि तुमू ने हामरी गवा पर विश्वास कर्‍या।
2TH 1:11 एरकरीन हामु सदा तुमरे करता प्रार्थना भी करता छे कि हामरा यहोवा–भगवान तुमू इनीये बुलाहट क योग्य समझे, आरू भलाई की हर एक मरजी आरू विश्वास क हर एक काम क शक्ति सहित पूरो कर्‍या।
2TH 1:12 ताकि हामरे यहोवा–भगवान आरू पोरबु ईशु मसीह क फोकटन दया क लारे हामरे पोरबु ईशु मसीह क नाव तुमू मा महिमा देख्या, आरू तुमू उना मा।
2TH 2:1 हे भाईस, आरू बहनीस हिमी हामु आपसा पोरबु ईशु मसीह क आवने, आरू ओका साथे आपने एखठा हुयने क विषय मा तुमू छे रावन्या करता छे।
2TH 2:2 कि काही आत्मा, या पत्री क द्वारा, जो कि मानु हामरी तरफ छे होय, यो समझीन कि पोरबु क दहाडू आय गयु छे, तुमर मन उचकाळुन कमजोर नी होय जाय आरू नी तुमू घबरायो।
2TH 2:3 काही रीति छे काही क धोखा मा नी आवने, काहकि पोरबु क दहाडू नी आवसे जव तक हड़ताळ चालसे, आरू दुष्ट मानुस प्रगट होयछे आरू ओको नरक नाखछे।
2TH 2:4 जो विरोध करता छे, आरू हर छे एक जो भगवान या पूज्य कवाये छे। आपने आप क मोटा ठेराया छे, याहा तक कि वो यहोवा–भगवान क मंदिर मा बठीन तुमरा आप क भगवान ठेराया छे।
2TH 2:5 काय तुमू स्मरण नी कि जव हाव तुमरे साथे हुता, तो तुमू छे यो वाद कयता करता हुता?
2TH 2:6 तुमू उना वात क जानता होय, जो उको हिमी रूक रया छे की दुष्ट मानुस तुमरा हिय टेहाव मा प्रगट होय।
2TH 2:7 काहकि अन्याय क भेद हिमी भी काम करता जाता छे, पर हिमी भी एक रूकनेवावा छे, आरू जव तक वो दूर नी जाय वो रूकने रवछे।
2TH 2:8 तव वो दुष्ट मानुस प्रगट होयछे, जिनाक पोरबु ईशु तुमरा मुय कि फूक छे मार देसे, आरू तुमरा आवनो क तेज छे भस्म करसे।
2TH 2:9 उना दुष्ट मनुष्य क आवने शैतान क काम क लारे सब प्रकार कि झूठी शक्ति, आरू सहलानी, आरू घण मोटा काम क साथे नी होयछे।
2TH 2:10 आरू नाश हुयने वालान करता अन्याय क सब भातिन क धोखा क साथ मा हुयसे; काहकि त्या सच्चाई छे मोंग नी कर्‍या एरसे इन्दरो उध्दार हुये।
2TH 2:11 इनीये कारण यहोवा–भगवान उनमा एक भटका देनेवावा शक्ति क मुकल्यो की वो झुठ कि भुरसो कर्‍या।
2TH 2:12 ताकि मानसे सच्चाई कि भुरसो नी करता, वरना अनैतिकता छे खुश हुयसे छे वो सब दंड मिवछे।
2TH 2:13 हे भाईस, आरू पोरबु क मोंगावु मानछे, जुवे कि हामु तुमरे विषय मा सदा यहोवा–भगवान क धन्यावाद करता रया, काहकि यहोवा–भगवान ने शुरू छे तुमू चुन लेदा कि चुखलो आत्मा क द्वारा चुखलो बने, आरू सच्चाई कि भुरसो करीन उध्दार देख्या।
2TH 2:14 जिना क करता उनछे तुमू क जव खुश खबर सोमवाया क द्वारा बुलाया, कि तुमू हामरे पोरबु ईशु मसीह कि महिमा क सहभागी होय सके।
2TH 2:15 एरकरीन हे भाईस, आरू बहनीस स्थिर रयो; आरू जो जो शिक्षा तुमू ने जूवे वचन या पत्री क द्वारा हामु छे सिख्या छे, तीनुक थाम रयो।
2TH 2:16 आमरो पोरबु ईशु मसीह आप ही, आरू हामरा बास यहोवा–भगवान, जो हामु छे मोंग राख्यो आरू फोकटन दया छे अमरकाय बढ़ावु आरू खरी आश देदी छे।
2TH 2:17 तुमरे मन मा शांती देय आरू तुमरे हर एक वारला काम आरू वचन मा दृढ कर्‍या।
2TH 3:1 अळते मा हे भाईस, आरू बहनीस हामरे करता प्रार्थना कर्‍या कर की पोरबु क वचन ओसो शीघ्र पुगीयो आरू महिमा देख्या, जोसो तुमू मा हुयो।
2TH 3:2 आरू हामु वाकलो आरू दुष्ट मानुस छे वाच रया काहकि हर एक काम मा विश्वास नी।
2TH 3:3 पुन पोरबु सच्चा छे; वो तुमू दृढ़ता छे स्थिर करसे आरू उना शैतान छे सोरक्षित राखछे,
2TH 3:4 हामु पोरबु मा तुमरे ऊपर विश्वास छे कि जो जो हुकुम मा हामु तुमू देता छे, तीनुक तुमू मानता होय, आरू मानता भी रवछे।
2TH 3:5 यहोवा–भगवान क मोंग आरू मसीह क धीरज कि आरू छे पोरबु तुमरे मन की अगवाय करे।
2TH 3:6 हे भाईस, आरू बहनीस हामु तुमू मा आपने पोरबु ईशु मसीह क नाव छे हुकुम देता छे, कि तुमू हर एक ओसो विश्वास भाईस छे अलग रया जो गलत चाल चालता आरू जो शिक्षा त्यो हामु छे देख्या ओका लारे नी करता।
2TH 3:7 काहकि तुमू आप जानता होय कि काही रीति छे हामरी जोसी चाल चालने जुवे, काहकि हामु तुमरे विच मा गलत चाल नी चाल्यो।
2TH 3:8 आरू काही कि रोटा मुक्त मा नी खाय; पर मेहनत आरू कष्ट छे रात दहाडू काम धंदा करता हुता कि तुमू मा छे काही पर भार नी होय।
2TH 3:9 यो नी कि हामु हक नी, पर एरकरीन कि तुमरा आप क तुमरे करता विजुत राखनीया बन्या कि तुमू हामरी जोसी चाल चाल्या।
2TH 3:10 काहकि जव हामु तुमरे याहा हुता, तव भी याहा हुकुम तुमू देता हुता की यदि काही काम करने नी जूवे तो खाने भी नी देख्या।
2TH 3:11 हामु सोमवता छे कि काही मानसे तुमरे विच मा गलत चाल चालता छे, आरू काही काम नी करता छे, पर दिसरा क काम मा हात नाख्या करता छे।
2TH 3:12 ओसी क हामु पोरबु ईशु मसीह मा हुकुम देता आरू समझता छे कि चुपचाप काम करीन आपसी ही रोटा खाया करू।
2TH 3:13 तुमू, हे भाईस, आरू बहनीस भलाई करने मा साहस नी छुड़िया।
2TH 3:14 यदि काही हामरे इनीये पत्री क वात क नी मान तो उना पर दृष्टी राख, आरू ओकी संगति नी कर्‍या, जिनासे वो लज्जित होय।
2TH 3:15 तौभी त्यो दुस्मन मत समझ, पर भाईस्यो साथी जानीन ओको समझावु।
2TH 3:16 हिमी पोरबु जो शांती क सुवता छे आप ही तुमू सदा आरू हर प्रकार छे शांती देय। पोरबु तुमू सब क साथे रये।
2TH 3:17 हाव, पौलुस, आपने हात छे नमस्कार लिखता छे। हर पत्री मा मारो याहा योही सहलानी छे; हाव इनीये प्रकार छे लिखता छे।
2TH 3:18 हामरे पोरबु ईशु मसीह क फोकटन दया तुमू सब पर हुयसे रया।
1TI 1:1 पौलुस की आरू छे जो आमरो उध्दारकरता यहोवा–भगवान आरू हामरी आश क आधार मसीह ईशु की हुकुम छे मसीह ईशु कि प्रेरित छे।
1TI 1:2 तीमुथियुस क नाव जो भुरसा मा मारो सचो पोर्‍य छे: बास यहोवा–भगवान, आरू आमरो पोरबु मसीह ईशु की आरू छे तुखे फोकटन दया, आरू दया आरू किरपा आरू शांती मिवती रये।
1TI 1:3 जोसो हाव ने मकिदुनिया क जाते टेहाव तुखे समझाया हुता, कि इफिसुस मा रोवीन काही मानसे क हुकुम देय कि झूठी शिक्षा नी देय।
1TI 1:4 आरू उन काहनियो आरू अमरकाय वंशावड़ी पर मन नी लागाड़या, जिनछे विवाद हुयसे छे, आरू यहोवा–भगवान क चो तयारी क लारे नी, जो भुरसा पर आधारित छे। वोसो ही पछु भी कयता छे।
1TI 1:5 हुकुम क सबंश यो छे कि चुखो मन आरू वारला विवेक, आरू ढोंगी विश्वास छे मोंग पैदा होय।
1TI 1:6 इनको छुड़ीन कोतरा मानसे उधुड़ वाते भुनी बकवाद रयन भटक गया छे।
1TI 1:7 आरू व्यवस्थापक तो होयनो जूवे छे, पर जो वात कयता आरू जिनको ढृढ़ता छे बुलता छे, उनको समझता भी नी।
1TI 1:8 पर हामु जानता छे कि यदि काही व्यवस्था क सही रीति छे काम मा लाया तो वो भली छे।
1TI 1:9 हामु यो जानता छे कि व्यवस्था न्यायी मानसोन करता नी पर अन्यायी, निरंकुशो, भक्तवनो, पापियो, अन्यायी आरू विटळ मानुस, आश बास क घात करनेवावा, हत्यारो।
1TI 1:10 व्यभिचारियो, मानुस गामियो, गुलाम क वेचनेवावा, झूठ बुलनेवावा, आरू झूठी कसम खाने वावा, आरू इनुक छुड़ीन खरी शिक्षा क सब विरोधी सब क करता टाकायली गयली छे।
1TI 1:11 योही सयाळा धन्य यहोवा–भगवान की महिमा क उना खुश खबर क अनसारे छे जो मखे सौप्या गया छे।
1TI 1:12 हाव आपने पोरबु मसीह ईशु क जो मखे शक्ति देदी छे, धन्यवाद करता छे कि त्यो मखे विश्वास योग्य समझीन आपसी सेवा क करता नियुक्त कर्‍या।
1TI 1:13 हाव तो पेहल निन्दा करनेवावा, आरू सतावनेवावा, आरू आँधारलो करनेवावा हुता; तौभी मखे पर दया होयी, काहकि हाव ने विनभुरसा की दशा मा बिन सझीन बूझे यो काम कर्‍या हुता।
1TI 1:14 आरू हामरा पोरबु क फोकटन दया उना विश्वास आरू मोंग क साथे जो मसीह ईशु मा छे, बहुतायत छे होया।
1TI 1:15 यो वात सच्ची आरू हर प्रकार छे मानने क योग्य छे कि मसीह ईशु पापी क उध्दार करने क करता धरती मा आश, जिनमा सब छे मोटा हाव छे।
1TI 1:16 पर मखे पर एरकरीन दया होयी कि मखे सब छे मोटा पापी मा ईशु मसीह आपसी पूरी सहनशीलता देखाय, कि जो मानसे ओको पर अमरकाय जीवन क करता विश्वास करसे तीदरे करता हाव एक नावसादियो बनीस।
1TI 1:17 हिमी सनातन राजा मतलब अमरकाया, विनदेखियो, एकुत् यहोवा–भगवान क विजुत आरू महिमा सदा होयती रये। आमेन।
1TI 1:18 हे पोर्‍या तीमुथियुस, जो वचन की भविष्याव्दाणी जो पेहल तारे विषय मा करी गयी होती, हाव यो हुकुम सौपता छे कि तु वचन क हत्यार क लारे काम मा लावीन वारली बढ़ाई क लड़ता रया।
1TI 1:19 आरू विश्वास आरू ओको वारली विवेक थाहाव रया, जिनाक दूर करने क कारण कोतरा क विश्वास सारको ढोंड्या डूब गया।
1TI 1:20 तीनु मा छे हुमिनयुस आरू अलेक्जेन्द्रिया छे, जीनुक हाव ने शैतान क सौप दिदा छे कि वे यहोवा–भगवान की निन्दा करने नी सीखे।
1TI 2:1 हिमी हाव सब छे पेहल यो अगवाय करता छे करी रावन्या, आरू प्रार्थना, आरू निवेदन, आरू धन्यवाद सब मानुसो क करता कर्‍या जाय।
1TI 2:2 राजा आरू सब उचा पदवावा क निर्मित एरकरीन कि हामु विश्राम आरू चैन क साथ यहोवा–भगवान क विजुत करता चुखलो जीवन जीवे।
1TI 2:3 यो हामरे उध्दारकरता यहोवा–भगवान क वारू लागतो आरू भाता भी छे।
1TI 2:4 जो यो जूवता छे कि सब मानसे क उध्दार होय, आरू वो सच्चाई क वारू छे जान लेय।
1TI 2:5 काहकि यहोवा–भगवान एक ही छे, आरू यहोवा–भगवान आरू मानुसोन विच मा भी एक ही बिचवई छे, मतलब मसीह ईशु जो मानुस छे।
1TI 2:6 त्यो आपने आप क सब क छुटकारा क दाम मा देय दिदा, आरू ओकी गवा ठीक टेहाव पर देदी गयी।
1TI 2:7 हाव सचो कयता छे, झूठ नी बुलता, कि हाव इनी उद्देश्य छे खबरक आरू प्रेरित आरू गैरयहुदी क करता विश्वास आरू सच्चाई क शिक्षा देने वाळा नियुक्त कर्‍या गया।
1TI 2:8 एरकरीन हाव जूवता छे कि हर धरती मानुस, विना रीस आरू विवाद क चुखलो हात क हुचलीन प्रार्थना कर्‍या करे।
1TI 2:9 वोसो बायर भी संका आरू संयम क साथ सुहावने छिन्दरा छे आपने आप क संवारे; नी कि झटा गूंथने आरू सोनो मोती आरू मोंगला छिन्दरा छे।
1TI 2:10 पर वारला काम छे, काहकि यहोवा–भगवान की भक्ति करनेवाळी बायर क योही सही छे।
1TI 2:11 बायर क शांती आरू पूरी हको तळे छे सीखनो जूवे।
1TI 2:12 हाव कयता छे कि बायर नी शिक्षा करे आरू नी मानुस पर हुकुम चालाड़े, पुन चुपचाप रये।
1TI 2:13 काहकि आदम पेहल बनायो गयो, आरू ओका बाद हव्वा बनाय गयी।
1TI 2:14 आरू आदम भड़काव्या नी गया पर बायर भड़कावने मा आवीन यहोवा–भगवान क नियम तुड़ी।
1TI 2:15 तौभी बायर पोर्‍या पैदा क द्वारा उध्दार देखछे, यदि वो सभ्यता सहित विश्वास, मोंग, आरू चुखला मा स्थिर रवे।
1TI 3:1 यो वात सच्चाई छे कि जो अध्यक्ष हुयने जूवता छे, वो वारलो काम की मरजी करता छे।
1TI 3:2 यो छाची छे कि मंडळी क मुखी निर्दोष, आरू एक ही बायर क घर वावो, संयमी, सुशील, सभ्य, पाहंनतराय सत्कार करनेवावा, आरू सिखाड़ने मा निपुन होय।
1TI 3:3 पियक्‍कड़ या मारपीट करनेवावा नी होय; वरना कोमल होय, आरू नम्र, आरू दीन होय, आरू नी धन क लालुच होय।
1TI 3:4 आपने घर क वारलो तयारी करता होय, आपसा पोर्‍या पारी क सारी वातड़ी छे हको तळे राखता होय।
1TI 3:5 जव काही आपने घर ही क तयारी करने नी जानता होय, तो यहोवा–भगवान कि मंडळी की राखवावी कोसी करसे।
1TI 3:6 ओवी यो कि नवलो चेलो नी होय, ओसो नी होय कि डाहवाय करीन शैतान क सारको दण्ड देख्या।
1TI 3:7 बाहरतावावा मा भी तेरो सुनाम होय, ओसो नी होय, कि निन्दित हईन शैतान क फांदा मा फंस जाय।
1TI 3:8 वोसो ही सेवक क भी वारला सभाव क होयनो जूवे, दुय तरफियो जीवन जीवनियो, पियक्‍कड़ आरू नेची कमाय क लोभ नी होय।
1TI 3:9 पर भुरसा क सच्चाई क चुखलो मन छे सुरक्षित राखे।
1TI 3:10 आरू यो भी पेहल पारखे जाय, तव यदि निर्दोष निकवे तो सेवक क काम करे।
1TI 3:11 इनी प्रकार छे बायर क भी वातड़ो हुयने जूवे; दोष लागाड़ने वावी नी होय, पर सचेत आरू सब वात मा भुरसावावो होय।
1TI 3:12 सेवक एक ही बायर क घर वावो होय आरू पोर्‍या पारी आपने घर क वारलो तयारी करने जानता होय।
1TI 3:13 काहकि जो सेवक क काम वारली तरह छे कर सकता छे, वो आपने करता वारलो पद आरू ओको भुरसा मा जो मसीह ईशु पर छे, मोट साहस हासिल करता छे।
1TI 3:14 हाव तारे साथे छाटु आवने की आश राखने पर भी यो वात तुखे हतरान करीन लिखता छे।
1TI 3:15 कि यदि मारे आवने मा देर होय, तो तु जान लेय कि यहोवा–भगवान क घराने मा जो जीवता यहोवा–भगवान की मंडळी छे, आरू जो सच्चाई क खंभा आरू नींव छे, कोसो बर्ताव करनो जूवे।
1TI 3:16 इनामा शक नी कि भक्ति क भेद वातड़ो छे, मतलब वो जो डील मा प्रगट होया, आत्मा मा न्यायी ठरायु, सोरगदूत क देखाय देदो, गैरयहुदी मा ओका सच होया, धरती मा ओका पर विश्वास कर्‍या गया, आरू महिमा ऊपर हाकलिया गया।
1TI 4:1 पुन आत्मा स्पष्टता छे कयती छे कि आवनेवाळा टेहाव मा कोतरा मानसे सची वात छे छेटी ली जानेवावी आत्मा, आरू साहळा की शिक्षा पर मन लागाड़ीन भुरसा छे भड़की जाछे।
1TI 4:2 यो उन झूठा मानुस क कपट क कारण होयछे, जिनका विवेक मर गया छे।
1TI 4:3 जो वियाव करने छे रूकछे, आरू खाने की काही चीज छे छेटा रोवने की हुकुम देसे, जीनुक यहोवा–भगवान ने हेरेन करता बनायो कि विश्वास आरू सच्चाई क उवखनेवावा उको धन्यवाद क साथे खाय।
1TI 4:4 काहकि यहोवा–भगवान की बनावली आखी चीज वारली छे, आरू काही चीज नी मानने क योग्य नी; पर यो कि धन्यवाद क साथे खायो जाय।
1TI 4:5 काहकि यहोवा–भगवान क वचन आरू प्रार्थना क द्वारा चुखली होय जाती छे।
1TI 4:6 यदि तु भाईस क इन वात की याद देवाड़ता रोवछे, तो मसीह ईशु क वारलो सेवक ठरछे; आरू विश्वास आरू ओको वारलो शिक्षा की वात छे, जो तु मानतो आयो छे, तारो पालन पोषण होयतो रोवछे।
1TI 4:7 पुन भुंडी आरू डुकर्‍या की काहनी छे अलग रया; आरू भक्तिन शिकाड़ने कर।
1TI 4:8 काहकि डीलन करीन काम करने छे कम लाभ हुयसे छे, पर भक्ति सब वात क करता फायदु छे, काहकि इनाक टेहाव क आरू आवनेवाळो जीवन की भी प्रतिज्ञा अतरान करीन छे।
1TI 4:9 यो वात सच्ची आरू हर प्रकार छे मानने योग्य छे।
1TI 4:10 काहकि हामु हावहनत आरू यन्त इनान करीन करता छे कि हामरी आश तीना जीवता यहोवा–भगवान पर छे, जो सब मानुस क आरू खास करीन विश्वास क उध्दारकरता छे।
1TI 4:11 इन वात की हुकुम दे आरू सिकाड़ता रया।
1TI 4:12 कुधु तारी जुवानी क नेची नी समझे; पर वचन, आरू चाल चालन आरू मोंग, आरू विश्वास, आरू चुखलो जीवन मा भुरसा क करता विजुत राखनीया बन जा।
1TI 4:13 जव तक हाव नी आव, तव तक भन्ने आरू शिक्षा देने आरू सिकाड़ने मा लागलो रया।
1TI 4:14 तिना वरदान क प्रति जो तारे मा छे, आरू भविष्यव्दाणी क द्वारा डाहडान हात राखता टेमे तुखे जोड़ल छे, तिना पर ध्यान दे।
1TI 4:15 इन वात क सुचता रया आरू इन्ही मा आपनो ध्यान लागाड़तो रया, ताकि तारी बड़ती आखा पर प्रगट होय।
1TI 4:16 तारी आरू तारो शिक्षा की चोकसी राख इन वात पर बनलो रया, काहकि तव ओसो करतो रोवीस ती तु तारे आरू तारी सोमवनेवावा क करता भी उध्दार क कारण होयछे।
1TI 5:1 काही डाहला क मानसक लड़े, पर ओको बास जानीन समझाड़ देय, आरू जुवान्या क भाईस जानीन।
1TI 5:2 डाहली बायर क आश जानीन; आरू जुवान बायर क पूरा चुखलो मा बहिनीस जानीन समझाड़ दे।
1TI 5:3 तिनी रंडायली क, जो छाचीत रंडायली छे, विजुत कर।
1TI 5:4 तव कुधु रंडायली क पोर्‍या या नाती पोते होय, तो वो पेहल आपने ही घराने क साथे भक्ति क बर्ताव करने, आरू आपसा आश बास शुरू ओको हक देने सीख्या, काहकि यो यहोवा–भगवान क भाता छे।
1TI 5:5 जो सचमुच रंडायली छे, आरू ओको काही नी, वो यहोवा–भगवान पर आश राखती छे, आरू रात दाहडु रावन्या आरू प्रार्थना मा लौलीन रयती छे।
1TI 5:6 पर जो भोगविलास मा पड़ गयी, वो जीवता जीवीन मर गयी छे।
1TI 5:7 इन वात की भी हुकुम दिया कर काहकि त्यो निर्दोष रोवे।
1TI 5:8 पर यदि काही आपसा की आरू निज करीन आपने घराने की चिंता नी करे, तो वो विश्वास छे मुकर गया छे आरू विनभुरसीया छे भी बुरा बन गया छे।
1TI 5:9 इनी रंडायली क नाव लिख्यो जाय जो साठ साल छे कम की नी होय, आरू एक ही घर वावा की बायर रोवी होय।
1TI 5:10 आरू भले काम मा सुनाम रोवी होय, जिना ने पोर्‍या क पालन पोषण कर्‍या होय पाहंनतराय की सेवा करी होय, चुखलो मानसे क पाय धुवीन होय, दुखियो की मदत करी होय आरू हर एक वारलो काम मा मन लागाड़ ्यो होय।
1TI 5:11 पुन सजुवान रंडायली क नाव नी लिखनो, काहकि जव वो मसीह क विरोध करीन सुख विलास मा पड़ जाती छे तो वियाव करने जूवता छे।
1TI 5:12 आरू दोषी ठेरायती छे, काहकि चे आपने पेहल भुरसा क छुड़ दिदा छे।
1TI 5:13 इनान साथे ही साथे वो घर घर पुगीन आलसी हुयने सीखती छे, आरू केवल आलसी नी पर बकबक करती रयती आरू दिसरा क काम मा हात भी नाखती छे आरू गलत वात बुलती छे।
1TI 5:14 अतरान करीन हाव यो जूवता छे कि जुवान रंडायली वियाव करे, आरू पोर्‍या पैदा आरू घर बार समावे, आरू काही विरोधी क बदनाम करने क मेखे नी देय।
1TI 5:15 काहकि एक तो भड़कीन शैतान क पछव होय त्योकी छे।
1TI 5:16 जेतार काही विश्वास क याहा रंडायली होय, तो चो उनकी मदत करे कि मंडळी पर भार नी होय, ताकि वो उनकी मदत कर सके जो छाचलीत रंडायली छे, मंडळी पर बोध नी नाखे।
1TI 5:17 जो डाहडा वारला तयारी करता छे, खास करीन वो वचन सोमवने आरू सिखने मा हावहनत करता छे, दुय गुना विजुत क योग्य समझे जाय।
1TI 5:18 काहकि चुखलो शास्त्र कयता छे, “दांवनेवावा बैल क मुय नी बांधने मजदूर आपसी मजदूरी क हकदार छे।”
1TI 5:19 काही दोष काही डाहडा पर लागाड़ जाय तो बिना दुय या तीन गवा क तीनाक नी सोमव्य।
1TI 5:20 पाप करनेवावा क सब क सामने समझाड़ देय, ताकि आरू मानसे भी बीहये।
1TI 5:21 यहोवा–भगवान, आरू मसीह ईशु आरू त्योने होया सोरगदूत क हजुर जानीन हाव तुखे चेतावनी देता छे कि तु मन उघाड़ीन इन वात क मानीन, आरू काही काम भेदभाव छे नी कर।
1TI 5:22 काही पर शीघ्र हात नी राखने, आरू दिसरा क पाप मा भागी नी हुयने; आपने आप क चुखलो बनाय राख।
1TI 5:23 भविष्य मा केवल पानी ही क पीनेवावा नी रया, पर आपने पेट क आरू आपने बार बार बीमार हुयने क कारण थुड़ा थुड़ा अंगुर क रस भी काम मा लाया करू।
1TI 5:24 काही मानसे क पाप प्रगट होय जाता छे आरू न्याय क करता पेहल छे पुचाड़ जाता छे, पर काही क पछव छे आवता छे।
1TI 5:25 वोसो ही काही भले काम भी प्रगट हुयसे छे; आरू जो ओसो नी हुयसे वो भी डुकाय नी सकता।
1TI 6:1 जोतरा मानसोन क जुवड़ो क नेचो छे, वो आपने आपने भगवान क मोटो विजुत क योग्य जाने, ताकि यहोवा–भगवान क नाव आरू शिक्षा की निन्दा नी होय।
1TI 6:2 जिदरा भगवान विश्वास छे तीनुक वो भाईस हुयने क कारण तुच्छ नी जाने, बाकुन तीनदरी आरू भी सेवा करे, काहकि इनासे लाभ उठाड़नेवावा विश्वास आरू मोंगावु छे। इन वात क शिक्षा कर्‍या कर आरू समझातो रया।
1TI 6:3 जेतार काही आरू ही प्रकार क शिक्षा देता छे आरू सची वात क, मतलब आमरो पोरबु ईशु मसीह की वात क आरू ओको शिक्षा क नी मानतो, जो भक्ति क लारे छे।
1TI 6:4 तो वो डाहवाळों होय गया, आरू काही नी जानतो वरना ओको विवाद आरू ओवाज तर्क करने क बीमार छे, जिनान डाहवाय आरू झगड़ो आरू निन्दा बुरे बुरे संका।
1TI 6:5 आरू उन मानुस मा व्यर्थ रगड़े झगड़े पैदा हुयसे छे जिनकी बुध्दि बिगड़ गयी छे, आरू वो सच्चाई छे भटक गया छे, जो समझता छे कि भक्ति कमाय क व्दरा छे।
1TI 6:6 पर सन्तोष सहित भक्ति मोटी कमाय छे।
1TI 6:7 काहकि नी हामु धरती मा काही लाया छे आरू नी काही ली जाय सकता छे।
1TI 6:8 यदि हामरे साथे खाने आरू पेहरने क होय, तो इन्ही पर सन्तोष करनो जूवे।
1TI 6:9 पर जो धनी हुयने जूवता छे, वो ओसी परीक्षा आरू फांदा आरू घोणा सी व्यर्थ आरू हानिकारक लालस मा फंसता छे, जो मानुस क बिगाड़ देता छे आरू विनाश क दरिया मा डुबा देती छे।
1TI 6:10 काहकि पयसियान लालच आखी बुराई न मुव छे, जिनाक हासिल करने क कोशिष करता होया घोणा ने भूरसो छे भटकीन आपने आप क हरेक प्रकार क दुःख मा फसाय लेदा छे।
1TI 6:11 पर हे यहोवा–भगवान क जन, तु इन वात छे भाग आरू न्यायपन, भक्ति, भूरसो, मोंग, धीरज आरू नम्रता क पीछा कर।
1TI 6:12 विश्वास की वारली कुश्ती लड़ाय आरू ओको अमरकाय जीवन क धर लेय, जिदरे करता तु बुलाया गया आरू घोणा छे गवा क सामने वारली पछतायो कर्‍या हुता।
1TI 6:13 हाव तुखे यहोवा–भगवान क, जो सब क जीवता राखतो छे, आरू मसीह ईशु क गवाय करीन जा पुन्तियुस पिलातुस क अगो वारलो पछतायो कर्‍या, यो हुकुम देता छे।
1TI 6:14 कि तु हामरे पोरबु ईशु मसीह क प्रगट हुयने तक इनी हुकुम क निष्कलंक आरू निर्दोष राख।
1TI 6:15 जिनान वो ठीक टेहाव पर देखाड्यो, जो सयाळा धन्य आरू एकुत् अधिपति आरू राजा क राजा आरू पोरबु क पोरबु छे।
1TI 6:16 आरू अमरकाय डील केवल ओकी छे, आरू वो विनदेखियो दिवा मा रयता छे, आरू नी ओको काही मानुस ने देखा आरू नी कदी देख सकता छे, ओकी मान मर्‍यादा आरू राज अमरकाय युगानयुग रवछे। आमेन
1TI 6:17 इनी संसार क धनवान क हुकुम देदी कि वो डाहवाळा नी होय आरू खाटळो धन पर आश नी राखे, काहकि यहोवा–भगवान पर जो हामरा सुख क करता सब काही बहुतायत छे देता छे।
1TI 6:18 वो भलो करे, आरू वारला काम मा धनी बने, आरू उदार आरू मदत देने मा तत्पर होय।
1TI 6:19 आरू ओगव क करता एक वारली नींव नाख राखे कि सचो जीवन क वश मा कर लेय।
1TI 6:20 हे तीमुथियुस, इनीये धरोहर की राखवावी कर; आरू जिनूक ज्ञान कयनो ही भूल छे, ओको विटळ बकवाद आरू विरोध की वात छे बाहर रये।
1TI 6:21 कोतरा इनीये ज्ञान क पछतायो करीन भुरसा सी भटक गया छे। तुमू पर फोकटन दया होतो रये।
2TI 1:1 पौलुसन चा रयन सी जो, ओको जीवन की प्रतिज्ञा क लारे जो मसीह ईशु मा छे, यहोवा–भगवान की मरजी छे मसीह ईशु क प्रेरित छे।
2TI 1:2 मोंगावु पोर्‍या तीमुथियुस क नाव यहोवा–भगवान बास आरू हामरा पोरबु मसीह ईशु की आरू छे तुखे फोकटन दया आरू दया आरू शांती मिवती रोवे।
2TI 1:3 जिना यहोवा–भगवान की सेवा मा आपसा बास दादा की रीति पर चुखो विवेक छे करता छे, तिनान धन्यवाद होय कि हाव आपसी प्रार्थना मा तुखे रातने दाहडु फोम करतो छे।
2TI 1:4 आरू तारा आसा की सुधि कर करीन रात दाहडु तुखे छे भेंट करने की लालस राखता छे कि खुशी छे भर जाय।
2TI 1:5 मखे तारे वोखे निष्कपट विश्वास की सुधि आवती छे, जो पेहल तारी नानी लोइस आरू तारी आश यूनीके मा हुता, आरू मखे छाचो छे कि तुखे मा भी छे।
2TI 1:6 इनी कारण हाव तुखे याद देवाड़ता छे कि तु यहोवा–भगवान क ओको वरदान क जो मारे हात राखने क तुखे मिव्यो छे प्रज्वलित कर देय।
2TI 1:7 काहकि यहोवा–भगवान हामु क डर नी पुन शक्ति आरू मोंग आरू संयम क आत्मा देदी छे।
2TI 1:8 एरकरीन आमरो पोरबु की गवा छे, आरू मखे छे जो ओको कैदी छे, लज्जित नी होय पर ओको यहोवा–भगवान की शक्ति क लारे खुश खबर क करता मारे साथे दुःख झेलीयो।
2TI 1:9 जो हामरा उध्दार कर्‍यो आरू चुखलो बुलावट छे बुलाया, आरू यो आमरो काम क लारे नी; पर ओका उद्देश्य आरू ओको फोकटन दया क लारे छे जो मसीह ईशु मा अमरकाय छे हामु पर होया छे।
2TI 1:10 पर हिमी हामरा उध्दारकरता मसीह ईशु क प्रगट हुयने क द्वारा प्रकाशित हुयो, जो मरन क नाश कर्‍या आरू जीवन आरू अमरकाय डील क ओको खुश खबर क द्वारा चमकाड़ देदा।
2TI 1:11 जिना क करता हाव खबरक, आरू प्रेरित, आरू शिक्षा देने वाळा भी ठराय।
2TI 1:12 इनीये कारण हाव इन दुःख क भी झेलतो रये छे, पर लाज नी काहकि हाव ओको जिना पर हाव ने विश्वास कर्‍या छे, जानता छे; आरू मखे छाचो छे कि वो मारी जवाबदारी की उना दाहड़ा तक राखवावी कर सकता छे।
2TI 1:13 जो सची वात तु ने मखे छे सोमवी छे उनको ओको विश्वास आरू मोंग क साथे जो मसीह ईशु मा छे, आपसी विजुत बनावीन राख।
2TI 1:14 आरू चुखलो आत्मा क द्वारा जो हामु मा बस्यो हुयो छे, इनीये वारली धरोहर की राखवावी कर।
2TI 1:15 तु जानता छे कि आसियावाळा सब मखे छे पछु गया छे, जिनमा फूगिलुस आरू हिरमुगिनेस छे।
2TI 1:16 उनेसिफुरूस क घराने पर पोरबु दया करे काहकि त्यो घोणा बार मारा जीव क ठंडो कर्‍यो आरू मारी साकव छे लज्जित नी हुयो।
2TI 1:17 पर जव वो रोम मा आश, तो मोटो यत्न छे हेरीन मखे छे भेंट करी।
2TI 1:18 पोरबु करे कि उना दाहड़ाम ओको पर पोरबु की दया होय आरू जो जो सेवा त्यो इफिसुस मा की छे तीनुक तु भली भाति जानता छे।
2TI 2:1 एरकरीन हे मारा पोर्‍या, तु ओको फोकटन दया छे जो मसीह ईशु मा छे, बलवन्त होय जाय।
2TI 2:2 आरू जी वात तु ने घोणा छे गवा क सामने मखे छे सोमवी छे, तीनुक विश्वास मानुस क आपी देय; जो दिसरा क भी सिकाड़ने क योग्य होय।
2TI 2:3 मसीह ईशु क वारला योध्दा क समान मारे साथे दुःख उठ्यो।
2TI 2:4 जव काही योध्दा लड़ाई पर जाता छे, तो अतरान करीन कि आपने भरती करनेवावा क खुश करे, आपने आप क संसार क काम मा नी फंसाता।
2TI 2:5 पछु अखाड़ा मा लड़ायनेवावा यदि विधि क लारे नी लड़ाये तो मुकूट नी देखता।
2TI 2:6 जो किरसान मेहनत करता छे, फोव क अंश पेहल ओको मिवने जूवे।
2TI 2:7 जो हाव कयता छे ओको पर ध्यान देय, आरू पोरबु तुखे सब वात की समझ देसे।
2TI 2:8 ईशु मसीह क स्मरण राख, जो दाऊद क वंश छे हुयो आरू मरला होया मा छे जीव उठ्यो, आरू यो मारो खुश खबर क लारे छे।
2TI 2:9 जिदरे करता हाव खराब क समान दुःख झेल छे, याहा तक कि कैद नी; पुन यहोवा–भगवान क वचन कैद भी नी।
2TI 2:10 इनान करीन हाव त्योन्या होया मानसे क करता सब काही सहता छे, कि वो भी ओको उध्दार क जो मसीह ईशु मा छे अमरकाय महिमा क साथे देख्या।
2TI 2:11 यी वात सची छे, कि यदि हामु ओका साथे मर गया छे, तो ओको साथे जीवसु भी।
2TI 2:12 तव हामु धीरज छे सहता रोवसु, तो ओको साथे राज भी करसु; जेतार हामु ओका मना करसु, तो वो भी आमरो मना करसे।
2TI 2:13 जेतार हामु विनभुरसीया भी होय, तौभी वो विश्वासयोग्य बन रयतो छे, काहकि वो आप आपसा मना नी कर सकतो।
2TI 2:14 इन वात की याद तीनुक दिला आरू पोरबु क सामने चिंता देय कि ओवाज पर सोच–विचार नी कर्‍या करे, जिनु छे काही लाभ नी हुयसे वरना सोमवनेवावा नाश होय जाय।
2TI 2:15 आपने आप क यहोवा–भगवान क मान्ययोग्य आरू ओसो काम करनेवावा ठराय क कोशिष कर, जो लज्जित हुयने नी देखे, आरू जो सच्चाई क वचन क ठीक रीति छे काम मा लावता होय।
2TI 2:16 पर विटळ बकवाद छे वाच रया, काहकि ओसा मानसे आरू भी ढोंगी भक्ति मा बढ़ता जाय।
2TI 2:17 आरू जिन्दरो वचन सड़े घाव की तरह पसरती जाछे। हुमिनयुस आरू फिलेतुस तीनु मा छे।
2TI 2:18 जो यो कयीन कि पुनरूत्थान होय चुक्या छे सच्चाई सी भटक गया छे, आरू कोतरा क भुरसा क उलटो पालटो कर देता छे।
2TI 2:19 तव भी यहोवा–भगवान की पाक्‍की नींव बनी रयती छे, आरू ओको पर यो छाप लागी छे: “पोरबु आपनो क उवखता छे” आरू काही पोरबु क नाव लेता छे, वो अन्याय छे वाच रया।
2TI 2:20 मोटा घर मा नी केवल सोनो चाँदी ही क, पर लाकड़ान आरू धरती क ठाहरू भी होयतो छे; काही काही विजुत, आरू काही काही विजुत क करता।
2TI 2:21 कदाम कोय आपसा क इनु सी चुखो करसे, तो त्यो विजुत क ठाहरा बनसे; आरू मालिक क काम मा आवसे आरू आखा वारला काम क करता तियार रयसे।
2TI 2:22 जुवानी की लालोच छे भाग, आरू चुखलो मन छे पोरबु क नाव लेता छे तींदरा साथे न्यायपन, आरू विश्वास, आरू मोंग आरू मेलमिलाप क पछव पोड़ू।
2TI 2:23 पुन मुर्खता आरू गलत क विवादो छे दुर रोव, काहकि तु जानता छे कि इनु सी झगड़ु पैदा होयतो छे।
2TI 2:24 पोरबु क दास क झगड़ावु नी होयनो जूवे, पर वो सब क साथे कमर आरू शिक्षा मा निपुन आरू सहनशील होय।
2TI 2:25 वो विरोध क नम्रता छे समझायो, काय जाने यहोवा–भगवान तीनुक मन फिराव क मन देय कि वो भी सच्चाई क जनो।
2TI 2:26 आरू ऐरा द्वारा ओकी मरजी पूरी करने क करता सचेत हईन शैतान क फंदाम छे छूट जाछे।
2TI 3:1 पुन यो फोम राख कि आखरी दाहड़ा मा वातड़ो टेहाव आवसे।
2TI 3:2 काहकि मानुस स्वार्थी, धन को लालची, डीगमार, डाहवाळा, निन्दा, माय बास की हुकुम टावनेवाव, विटुळ।
2TI 3:3 मोंग नी करनेवावा, माफ नी करनेवावा, दोष लागाड़ने वावा, कुमनीयो वातड़ो, भले क दुस्मन।
2TI 3:4 विश्वासघाती, एक हेट्यो, डाहवाळा, आरू यहोवा–भगवान को मोंग नी वरना सुखवास ही क जूवनेवावा होछे।
2TI 3:5 वो भक्ति क ढोग तो करसे, पर ओकी शक्ति क नी मानछे; ओसो छे पोरा रोवनो।
2TI 3:6 इन्ही मा छे वो मानसे छे जो घर मा डाबाय पाय आवता छे, आरू तीनुक कमजोर बायर क वश मा कर लेता छे जो पाप छे डाबाय आरू हर प्रकार की लालोच क वश मा छे।
2TI 3:7 आरू सदा सीखती तो रयती छे पर सचाय निजाने।
2TI 3:8 जोसो यन्नेस आरू यम्ब्रेस ने मूसा क विरोध कर्‍यो होतो, वोसो ही यो भी सही क विरोध करता छे; यो ओसो मानुस छे, जिन्दरी बुध्दि भ्रष्ट होय गयी छे आरू वो सच्चाईन बारा मा बिगड़ी ज्या।
2TI 3:9 पुन वो इन्दरे ओगव नी बढ़ सकता, काहकि जोसो इन्दरी विनअकल सब मानसे पर प्रगट होय गयी होती, वोसो ही इन्दरे भी होय जाछे।
2TI 3:10 काहकि तु ने शिक्षा, चाल–चालन, मनसा, विश्वास, सहनशीलता, मोंग, धीरज, आरू सताय जाने, आरू दुःख उठावने मा मारो साथ दिदा।
2TI 3:11 आरू ओसो दुःख मा भी जो अन्ताकिया आरू इकुनियुम आरू लुस्त्रा मा मखे पर पड्यो होतो, आरू दिसरा दुःख मा भी जो हाव झेलीयो छे; काहकि पोरबु ने मखे तीनू सब छे छुड़वी लेदु।
2TI 3:12 पुन जोतरा मसीह ईशु मा भक्ति क साथे जीवन देखड्या जूवता छे चे आखा सताया जाछे।
2TI 3:13 काहकि दुष्ट आरू भड़कावने वावु धोखा देता होया आरू धोखा खाता होया, बिगड़ता चाली जाछे।
2TI 3:14 पुन तु तिनी वात पर जो तु ने सीखी छे आरू विश्वास कर्‍या छे, यो जानीन वातड़ा बन रया कि तु ने तीनुक किन मानछे छे सीख्यो छे।
2TI 3:15 आरू बचपन छे चुखलो शास्त्र तारो जानो हुयो छे, जो तुखे मसीह पर विश्वास करने छे उध्दार हासिल करने क करता बुध्दिमान बन सकता छे।
2TI 3:16 सम्पूर्ण चुखलो शास्त्र यहोवा–भगवान की अगवायन लारे रची गयी छे आरू शिक्षा, आरू समझने, आरू सुधारने, न्यायपन की शिक्षा क करता लाभदायक छे।
2TI 3:17 ताकि यहोवा–भगवान क जन सिध्द बन, आरू हर एक वारला काम क करता तत्पर होय जाय।
2TI 4:1 यहोवा–भगवान आरू मसीह ईशु क गवा करीन, जो जीवतान आरू मरला होया क न्याय करसे, आरू ओको प्रगट हुयने आरू राज की देवाड़ी हाव तुखे हुकुम देता छे।
2TI 4:2 कि तु वचन क खबर कर, टेहाव आरू असमय तीयार रया, सब प्रकार की सहनशील आरू शिक्षान साथ मा सुधार करीन आरू लड़िया आरू समझाड़।
2TI 4:3 काहकि ओसो टेहाव आवसे जव मानसे सचा शिक्षा नी सह सकछे, पुन कान्टा की खुजलीन कारण आपसी लालोच क लारे आपने करता घोणा छे शिक्षा देने वाळा एखठा कर लेछे।
2TI 4:4 आरू आपसा कान्टा सच्चाई छे पुगीन कथा काहनी पर लागाड़ छे।
2TI 4:5 पुन तु सब वात मा सावधान रया, दुःख उठाड़, खुश खबर खबरन क काम कर, आरू आपसी सेवा क पूरी कर।
2TI 4:6 काहकि हिमी हाव पानी रेड़ाये तसो हुयतो जाय रीयो, आरू म्हारो जानेन टेम आय गयलो छे।
2TI 4:7 हाव वारली कुश्ती लड़ त्योक्यो छे, हाव ने आपसी दौड़ पूरी कर लेदी छे, हाव ने विश्वास की राखवावी करी छे।
2TI 4:8 भविष्य मा मारे करता न्यायी क वो मुकूट राख्यो होया छे, जीनाक पोरबु जो धरमी आरू न्यायी छे, मखे उना दाहड़ा आपसे, आरू मखे ही नी वरना उन सब क भी जो ओका प्रगट हुयने क मोंगावु जानता छे।
2TI 4:9 मारे साथे छाटोत आवने क कोशिष कर।
2TI 4:10 काहकि देमास ने इनीये संसार क मोंगावु जानीन मखे छुड़ दिदा छे आरू थिस्सलुनीके क चाली गयो छे। क्रेसकेंस गलातिया क आरू तीतुस दलमतिया क चाली गयो छे।
2TI 4:11 केवल लूका मारे साथे छे। मरकुस क लीन चालीन आव; काहकि सेवा क करता वो मारो घोणा काम क छे।
2TI 4:12 तुखिकुस क हाव ने इफिसुस मुकल्या छे।
2TI 4:13 जो बागा हाव त्रोआस मा करपुस क याहा छुड़ आश छे, जव आश तो ओको आरू किताब विशेष करीन चर्मपत्रो क लेता आवु।
2TI 4:14 अलेक्जेन्द्रिया ठठेरे ने मखे छे घोणा बुराइयां करी छे; पोरबु ओको तेरे कामन लारे बदल आपसे।
2TI 4:15 तु भी ओका सी सावधान रया, काहकि त्यो हामरी वात क घोणा ही विरोध कर्‍या छे।
2TI 4:16 मारे पेहल जवाब क टेहाव काही ने भी मारो साथ नी दिदा, वरना सब ने मखे छुड़ दिदा हुता। भलो होय कि ऐरा तीदरा लेखो देनो नी पड़े!
2TI 4:17 पुन पोरबु मारो सहायक रया आरू मखे शक्ति देदी, ताकि मारे द्वारा पूरा पूरा खबर होय आरू सब गैरयहुदी सोमवी ले। हाव नाहरन मुय छे छुड़ दिदा।
2TI 4:18 आरू पोरबु हर एक बुरो काम छे छुड़वसे, आरू आपसा सोरगदूतीय राज मा सोरक्षित पुच जाछे। ओकी की महिमा युगानयुग होयती रोवे। आमेन।
2TI 4:19 प्रिस्किल्ला आरू अक्विला क आरू उनेसिफुरूस क घराना क नमस्कार।
2TI 4:20 इरास्तुसन कुरिन्थस मा रया गया, आरू त्रफिमुस क हाव ने मीलेतुस मा बीमार छुड़िया छे।
2TI 4:21 जाड़े छे पेहल चालीन आवने क कोशिष कर। यूबुस, आरू पूदेंस, आरू लीनुस आरू क्लौदिया, आरू सब भाईस आरू बहनीस तुखे नमस्कार।
2TI 4:22 पोरबु तारी आत्मा क साथे रवे। तुमू पर यहोवा–भगवान फोकटन दया हयतो रवे।
TIT 1:1 पौलुस की आरू छे जो यहोवा–भगवान क दास आरू ईशु मसीह क प्रेरित छे, यहोवा–भगवान क त्योन्या होया मानसे क विश्वास आरू ओको सच्चाई की उळखने क लारे भक्ति क लारे छे।
TIT 1:2 ओको अमरकाय जीवन की आश पर जेरी प्रतिज्ञा यहोवा–भगवान ने, जो झूठ बुल नी सकता सनतान छे की छे।
TIT 1:3 पर ठीक टेहाव पर आपने वचन क ओको खबर क द्वारा प्रगट कर्‍या, जो हामरा उध्दारकरता यहोवा–भगवान की हुकुम क लारे मखे सौप गया, आरू ओकी क लारे हुकुम छे खबर कर्‍या।
TIT 1:4 तीतुस क नाव, जो विश्वास की सहभागिता क विचार छे मारो सच्चो पोर्‍य छे: यहोवा–भगवान बास आरू हामरा उध्दारकरता मसीह ईशु की आरू छे तुखे फोकटन दया आरू शांती मिवती रये।
TIT 1:5 हाव एरकरीन तुखे क्रेते मा छुड़ आश हुता कि तु शेष वात क सुधारे, आरू मारी हुकुम क लारे नगर नगर डाहडा क नियुक्त करे।
TIT 1:6 जो निर्दोष आरू एक ही बायर क घर वावो होय, जीनुक पोर्‍या विश्वास होय आरू इनुमा आरू उनमा लुचपन आरू निरंकुशता क दोष नी होय।
TIT 1:7 काहकि अध्यक्ष क यहोवा–भगवान क भण्डारी हुयने क कारण निर्दोष होयनो जूवे; नी हठी, नी किचवानिया, नी पियक्‍कड़ नी मारपीट करनेवावा, आरू नी नेचो कमाय क लोभी होय।
TIT 1:8 पर पाहंनतराय सत्कार करनेवावा, भलाई क जूवनेवावा, संयमी न्यायी चुखलो आरू जितेन्र्दिय होय।
TIT 1:9 आरू वो विश्वासयोग्य वचन पर जो न्याय उपदेश क लारे छे, स्थिर रये कि सची शिक्षा छे शिक्षा देय सके आरू विरोधी क मुय भी बंद कर सके।
TIT 1:10 काहकि घोणा छे मानसे निरंकुश, बकवादी आरू धोखा देनेवावा छे; विशेष करीन खतनावावा मा छे।
TIT 1:11 इदरो मुय बंद करनो जूवे। यो मानसे नीच कमाय क करता गलत वात सिखाड़ी घर क घर बिगाड़ देता छे।
TIT 1:12 उका मा एक जन ने जो उका क भविष्यवक्ता छे, कयो छे, “क्रेते मानसे सदा झूठा, दुष्ट पशु, आरू आलसी पेटू हुयसे छे।”
TIT 1:13 यो गवा सच छे एरकरीन तीनुक कड़ाई छे चेतावनी देया कर कि वो विश्वास मा पक्‍का होय जाय।
TIT 1:14 आरू यहूदिन कथा काहनिया आरू उन मानुस की हुकुम पर मन नी लगाड़ जो सच्चाई छे भटक जाता छे।
TIT 1:15 चुखो मानसे क करता सब समान चुखो छे, पर विटळ आरू विनभुरसीया क करता काही भी चुखो नी, वरना उनकी बुध्दि आरू विवेक दुयू विटळ छे।
TIT 1:16 वो कयता छे कि हामु यहोवा–भगवान क जानता छे, पर आपने काम छे ओको मना करता छे; काहकि घीन वाळा आरू हुकुम नी माननेवावा छे, आरू काही वारला काम क योग्य नी।
TIT 2:1 पर तु ओसी वात कयो कर जो सचे सिध्दात क योग्य छे।
TIT 2:2 मतलब डाहला मानसे सचेत आरू वातड़ो आरू संयमी होय, आरू तीदरो विश्वास आरू मोंग आरू धीरज पक्‍का होय।
TIT 2:3 इनी प्रकार डाहली बायर क चाल चालन चुखलो मानसे सा होय वो दोष लागाड़ने वावी आरू पियक्‍कड़ नी, पर वारली वात सिखाड़नेवावी होय।
TIT 2:4 ताकि वो जुवान बायर क चेतावनी देती रोवे कि आपने घर वावा आरू पोर्‍या छे मोंग राख।
TIT 2:5 आरू संयमी, घर वावो घर क कारभार करनेवाळी, वारली, आरू आपने आपने घर वावा क हको तळे रयनेवावी, होय ताकि यहोवा–भगवान क वचन की निन्दा नी हुयने देख्या।
TIT 2:6 ओसो ही जुवान मानुस क भी समझाया कर कि संयमी होय।
TIT 2:7 आखी वात मा आपने आप क भले काम क नमुना बन। तारे शिक्षा मा सफाई, वातड़ी।
TIT 2:8 आरू ओसी सच्चाई देखी जाय कि काही ओको बुरा नी कय सके, जिनासे विरोधी हामु पर काही दोष लागाड़ ने क मेखे नी देखीन लज्जित होय।
TIT 2:9 दास क समझा कि आपने आपने भगवान क हको तळे रये, आरू सब वात मा तीनुक खुश राखे, उलटावीन जवाब नी देय।
TIT 2:10 चुरी चालाकी नी करे, पर सब प्रकार छे पूरा विश्वासी निकावे कि वो सब वात मा हामरा उध्दारकरता यहोवा–भगवान क शिक्षा की शोभा बढ़ावी।
TIT 2:11 काहकि यहोवा भगवान क वो फोकटन दया प्रगट छे, जो सब मानुस क वाचडने क कारण छे।
TIT 2:12 आरू हामु चेतावनी देता छे कि हामु ढोंगी भक्ति आरू सांसारिक लालोच छे मन पुगीन इनीये युग मा संयम आरू न्यायी आरू भक्ति छे जीवन देखाड्या।
TIT 2:13 आरू ओको धन्य आश कि मतलब आपसा महान यहोवा–भगवान आरू उध्दारकरता ईशु मसीह की महिमा प्रगट हुयने की वाट जूवता रया।
TIT 2:14 जिना ने आपने आप क हामरे करता देय दिया कि हामु हर प्रकार क अन्याय छे छुड़ाय लेय, आरू चुखो करीन आपने करता एक ओसी जाति बनाय लेय जो भले भले काम मा सोरगर्म होय।
TIT 2:15 पूरा हक क साथे यो वात कय, आरू समझा आरू सिखाड़ता रया। काही तुखे तुच्छ नी जानने क देखछे।
TIT 3:1 मानसे क सुधि दिला कि हाकिम आरू हकी क हको तळे रये, आरू उनकी हुकुम माने, आरू हर एक वारला काम क करता तीयार रये।
TIT 3:2 काही क बदनामी नी करे, झगड़ालू नी होय; पर कोमल स्वभाव क होय, आरू सब मानसे क साथे मोटी नम्रता साथे रये।
TIT 3:3 काहकि हामु भी पेहल निर्बुध्दि आरू हुकुम नी माननेवावा, आरू भ्रम मा पड़ा होया आरू अलग प्रकार की लालोच आरू सुखविलास क दासत्व मा हुता, आरू बैरभाव, डाह करने मा जीवन व्यतीत करता हुता, आरू घीन आवे असो हुतो, आरू एक दिसरा छे बैर राखता हुता।
TIT 3:4 पर जव हामरे उध्दारकरता यहोवा–भगवान की किरपा आरू मानुस पर ओको मोंग प्रगट होया।
TIT 3:5 तो त्यो हामरा उध्दार कर्‍या; आरू यो न्यायपन क काम क कारण नी, जो हामु ने आप कर्‍या, पर आपसी दया क लारे नवलो जनमक स्नान आरू चुखलो आत्मा क हामु नवलो बनावने क द्वारा होया।
TIT 3:6 जिनाक त्यो हामरे उध्दारकरता ईशु मसीह क द्वारा हामु पर खुबुत् रेड़।
TIT 3:7 जिना छे हामु ओका फोकटन दया छे न्यायी ठेरीन, अमरकाय जीवन की आश क लारे वारीस बने।
TIT 3:8 यी वात सची छे, आरू हाव जूवता छे कि तु इन वात क विषय मा ढृढ़ता छे बुले एरकरीन की जिन्होने यहोवा–भगवान पर विश्वास कर्‍या छे, वो भले भले काम मा लागे रोवने क ध्यान राखे। यी वात भली आरू मानुस क लाभ करी छे।
TIT 3:9 पर मुर्खता क विवाद, आरू वंशावड़ी आरू विरोध आरू झगड़ा छे जो व्यवस्था क विषय मा होय, वाच रोव; काहकि वो निष्फल आरू व्यर्थ छे।
TIT 3:10 काही पाखंडी क एक दुय बार समझा बुझाड़ीन ओका सी अलग रोव।
TIT 3:11 यो जानीन की ओसो मानुस भटक गया छे, आरू आपने आप क दोषी ठेरीन पाप करता रोवता छे।
TIT 3:12 जव हाव साथे अरतिमास या तुखिकुस क मुकल्या तो मारे साथे निकुपुलिस आवने क कोशिष करने, काहकि हाव ने चो जाड़े काटने क छाचो कर्‍या छे।
TIT 3:13 जेनास व्यवस्थापक आरू अपुल्लोस क यत्न करीन ओगव पुचाड़ देय, आरू देख की तीनुक काही समान की घटी नी हुयने देखछे।
TIT 3:14 हामरा मानसे भी जरूरत क पूरा करने क करता वारला काम मा लागे रोवने सीखे ताकि निष्फल नी रोवे।
TIT 3:15 मारा सब साथी क तुखे नमस्कार। जो विश्वास क कारण हामु छे प्रेम राखता छे, उनको नमस्कार। तुमू सब पर फोकटन दया हुयसे रोवे।
PHM 1:1 पौलुस कि आरू छे जो मसीह ईशु क कैदी छे, आरू भाईसो तीमुथियुस कि आरू छे हामरे मोंगावु सहकर्मी फिलेमोन।
PHM 1:2 आरू बहिनीस अफफिया, आरू हामरे साथे योध्दा अर्खिप्पुस आरू फिलेमोन क घर कि मंडळी क नाव।
PHM 1:3 हामरे बास यहोवा–भगवान ईशु मसीह कि आरू छे फोकटन दया आरू शांती तुमूक मिवती रया।
PHM 1:4 हाव सदा यहोवा–भगवान कि धन्यवाद करता छे, आरू आपसी प्रार्थना मा भी तुखे स्मरण करता छे।
PHM 1:5 काहकि हाव तारे उना मोंग आरू विश्वास कि चर्चा सोमवता छे, जो सब चुखलो मानसे क साथे आरू पोरबु ईशु पर छे।
PHM 1:6 हाव प्रार्थना करता छे कि विश्वास मा तारो सहभागी हुयने, तुमरी सारी भलाई कि उळखने मा, मसीह क करता शक्तिशाली होय।
PHM 1:7 काहकि हे भाईसो, मखे तारे मोंग छे खुप खुश आरू शांती मिवती छे, एरकरीन कि तारे द्वारा चुखलो मानसे क खुश होय गया।
PHM 1:8 एरकरीन यद्यपि मखे मसीह मा मोटो साहस छे कि जो वात ठीक छे, ओकी हुकुम तुखे देसे।
PHM 1:9 तवभी मखे डाहला पौलुस क जो हिमी मसीह ईशु क करता कैदी छे यो आरू भी भला जान पड़्या कि मोंग छे विनती करू।
PHM 1:10 हाव तुमरा पोर्‍या उनेसिमुस क करता, जो मखे छे मारी कैद मा जनमछे, तुखे छे विनती करता छे।
PHM 1:11 वो तो पहेल तारे काही काम क नी हुता, पर हिमी तारे आरू मारे दुयू क मोटा काम क छे।
PHM 1:12 तीनी क मतलब जो मारे डील क तुकड़ा छे हाव ने तारे साथे पोछु आप देदु।
PHM 1:13 तीनाक हाव आपने ही साथे राखने जुवता हुता कि वो तारी आरू छे इनीये कैद मा जो खुश खबर क कारण छे मारी सेवा करे।
PHM 1:14 पुन हाव ने तारी मरजी विना काही भी करने नी जूवे, कि तारी यो किरपा दबाव छे नी पर खुशी छे होयती।
PHM 1:15 काहकि काय जाने वो तुखे छे काही दहाड़ा तक क करता इना कारण अलग होया कि अमरकाय तारे निकट रया।
PHM 1:16 पुन हिमी छे दास कि तरह नी वरना दास छे भी वारू मतलब भाईस क समान रयो जो मारो तो विशेष मोंगावु छे हिय, पर हिमी डील मा आरू पोरबु मा भी, तारे भी विशेष मोंगावु होय।
PHM 1:17 शेवली कावा यदि तु मखे आपनो सहभागी समजता छे तो उको इनीये प्रकार मान्य कर जोसो मखे।
PHM 1:18 यदि त्यो तारी काही अन्याय करी छे, या उना पर तारो काही आवतो छे, तो मारे नाव पर लिख लेय।
PHM 1:19 हाव पौलुस क आपने हात छे लिखता छे कि हाव आप भर दिस; आरू इनान कयनो कि काही जरूरत नी कि मारो कर्ज जो तुखे पर छे वो तु ही छे।
PHM 1:20 हे भाईस, यो खुश मखे पोरबु मा तारी आरू छे मिव्यो। मसीह मा मारो जीवन क हरो भरो कर दे।
PHM 1:21 हाव तारे हुकुमकारी हुयने क विश्वास राख्यो तुखे लिखता छे, आरू यो जानता छे कि जो काही हाव कयता छे तु तीना सी काही बढ़ीन करसे।
PHM 1:22 आरू यो भी कि मारे करता ठरने कि धरती तीयार राख। मखे आश छे कि तुमरी प्रार्थना क द्वारा हाव तुमू दे दिया जाईस।
PHM 1:23 इपफ्रास, जो मसीह ईशु मा मारे साथे कैदी छे।
PHM 1:24 आरू मरकुस आरू अरिस्तर्खुसक आरू देमास आरू लूका जो मारे सहकर्मी छे, तीदरो तुखे नमस्कार।
PHM 1:25 हामरे पोरबु ईशु मसीह क फोकटन दया तुमरी आत्मा पर होयतो रये। आमेन।
HEB 1:1 पेहला बारा मा यहोवा–भगवान कागळियान क लारे वेगला डाहडा से थुड़ो थुड़ो करीन आरू भाति भातिन वात करियो।
HEB 1:2 इन आखरी दाहड़ा मा हामु छे पोर्‍य क द्वारा वात की, जिनाक त्यो सारी समान क वारीस ठेराया आरू ओकी क द्वारा त्यो सारी सृष्टि की रचना की छे।
HEB 1:3 वो ओकी महिमा क प्रकाश आरू ओका तत्व की छाप छे, आरू सब चीज क आपसी शक्ति क वचन छे संमावतो छे। वो पाप क धुवीन उंचा स्थान पर महामहिमन क डासच्य जाय बठ्या।
HEB 1:4 आरू सोरग छे ओतरा ही वारू ठेराया, जोतरा त्यो उनछे मोटा पद क वारीस हईन वारू नाव देख्या।
HEB 1:5 काहकि सोरग मा छे किही काही छे कयो, “तु मारो पोर्‍य छे, आज तु म्हार सी पयदा हुयो?” आरू “हाव ओको बाप कहवाईस।”
HEB 1:6 आरू जव पेहलौठे क धरती मा पछु लावता छे, तो कयता छे, “यहोवा–भगवानन सब सोरगदूत ओको दण्डवत् करू।”
HEB 1:7 आरू सोरगदूतन विषय मा यो कयता छे, “वो आपने दुतन पवन, आरू आपसा सेवकन धधकती आगठो बनावता छे।”
HEB 1:8 पुन पोर्‍या विषय मा कयता छे, “हे यहोवा–भगवान तारा सिंहासन युगानयुग रोवछे: तारा राज्य क राजदण्ड न्याय क राजदण्ड छे।”
HEB 1:9 तु ने न्यायपन छे मोंग अन्याय छे दुस्मनी राख्या; इनीये कारण यहोवा–भगवान, तारा यहोवा–भगवान ने, तारा साथी छे बढ़ीन हर्षरूपी तेल छे तारो अभिषेक कर्‍या।
HEB 1:10 आरू यो कि, “हे पोरबु शुरू मा तु ने धरती की नींव नाखी, आरू सोरगदूत तारा हात की कारीगरी छे।
HEB 1:11 वो तो नष्ट होय जाछे, पुन तु बन रोवछे; आरू वो सब लुगड़ान समान जुनला होय जाछे।
HEB 1:12 आरू तु तीनुक चादरान समान वेटावछे, आरू वो लुगड़ा क समान बदल जाछे: पर तु चो छे आरू तारा साल क आखरी नी होयछे।”
HEB 1:13 आरू सोरगदूत मा छे त्यो काही छे किही कयो, “तु मारो डावु बठ्या, जव तक की हाव तारे दुस्मनयो क तारे पाय क नेचो की पीढ़ी नी कर दीस?”
HEB 1:14 काय वो सब सेवा टहल करनेवाळी आत्मा नी, जो उध्दार देखनेवावान करता सेवा करनेन मुकली जाती छे।
HEB 2:1 इनीये कारण जूवे कि हामु उन वात पर जो हामु सोमवी छे, आरू भी मन लागाड़ या ओसो नी होय कि भड़कीन उन छे दूर चाली जाय।
HEB 2:2 काहकि जो वचन सोरगदूतन द्वारा कयो गया हुता। जव वो स्थिर रया आरू हर एक गुणेहगार आरू हुकुम नी माननेन ठीक बदला मिव्या।
HEB 2:3 तो हामु मानसे ओसा मोटा उध्दार छे निश्चन्त रोवीन कोसो वाच सकता छे? जेरो चर्चा पेहल पोरबुन द्वारा होयी, आरू सोमवनेवावान द्वारा हामु ऐरो छाचो हुयो।
HEB 2:4 आरू साथे ही यहोवा–भगवान भी आपसी मरजी क लारे सहलानी, आरू घण मोटो काम, आरू हरेक प्रकारन सामर्थ्यन काम, आरू चुखलो आत्मान वरदान वाटनेन द्वारा ओकी गवा देता रया।
HEB 2:5 त्यो ओको आवनेवाळा जगत क जेरो चर्चा हामु कर रया छे, सोरगदूतन हको तळे नी कर्‍या।
HEB 2:6 वरना काही ने कयी यो गवा देदी छे, “मानुस काय छे कि तु ओकी सुधि लेता छे या मानुस क पोर्‍या काय छे कि तु ओकी चिंता करता छे?”
HEB 2:7 तु ने ओको सोरगदूत छे काही कम कर्‍या; तु ने ओको पर महिमा आरू विजुत क मुकूट राख्या, आरू त्यो आपने हात क काम पर हक दिदा।
HEB 2:8 तु ने सब काही ओको पायन नेचो कर दिदा, अतरान करीन जव कि त्यो सब काही ओको हको तळे कर दिदा, तो त्यो काही भी राख नी छुड़िया जो ओको हको तळे नी होय। पर हामु हिमी सब काही ओको हको तळे नी देखता।
HEB 2:9 पर हामु ईशु क जो सोरगदूत छे काही ही काम कर्‍या गया हुता, मरलाक दुःख झेलनेन कारण महिमा आरू विजुत क मुकूट पेहरीन होया देखता छे, ताकि यहोवा–भगवानन फोकटन दया छे वो हर एक मानसोन करता मरला क हवाद चाखे।
HEB 2:10 काहकि ओका करता सब काही छे आरू ओका द्वारा सब काही छे, ओको योही वारलो लागे कि जव वो घोणा छे पोर्‍य क महिमा मा पुचाड्या, ती उध्दारन करता क दुःख उठावने क द्वारा सिध्द करे।
HEB 2:11 काहकि चुखलो करनेवावा आरू जो चुखलो कर्‍या जाता छे, सब एक मूल छे; अतरान करीन कारण वो तीनुक भाईस कयनो छे नी लाजवायता।
HEB 2:12 वो कयता छे, “हाव तारो नाव आपने भाईस्योक सोमवावी; सभा क विच मा हाव तारो भजन गावीस।”
HEB 2:13 आरू पछु यो, “हाव ओको पर विश्वास राखीस।” आरू पछु यो, “देख हाव उन पोर्‍य सहित जिनाक यहोवा–भगवान ने मखे आपलो।”
HEB 2:14 एरकरीन जव कि पोर्‍य मास आरू लुहूय क भागी छे, तो वो आप भी तींदरा समान ओको सहभागी होय गया, ताकि मरला क द्वारा ओको जिनाक मरला पर शक्ति मिवी होती, मतलब शैतानन निकम्मा कर देय।
HEB 2:15 आरू जोतरा मरलान बीक क मारे जीवन भर दासत्व मा फंछे हुता, तीनुक छुड़ा लेय।
HEB 2:16 काहकि वो तो सोरगदूतन नी वरना अब्राहम न वंश क संभावता छे।
HEB 2:17 अतरान करीन कारण ओको क जुवे हुता, कि सब वात मा आपने भाईस्यो क समान बने; जिनासे वो वात मा जो यहोवा–भगवान छे सम्बन्ध राखती छे, एक दयालु आरू विश्वासयोग्य डाहला पुजारा बने ताकि मानसे क पाप क करता प्राश्चाताप करे।
HEB 2:18 काहकि जव त्यो परीक्षा करी दशा मा दुःख झेलीया, तो वो उनकी भी मदत कर सकता छे जिन्दरी परीक्षा होयती छे।
HEB 3:1 अतरान करीन हे चुखलो भाईस्यो, तुमू जो सोरगदूतीय बुलाहट मा भागी होय, ओको प्रेरित आरू डाहला पुजारा ईशु पर जिनाक पछतावो करता छे, ध्यान करू।
HEB 3:2 वो आपने नियुक्त करनेवाळान करता विश्वासयोग्य हुता, जोसो मूसा भी यहोवा–भगवानन सब घर मा हुता।
HEB 3:3 काहकि ईशु मूसा छे ओतरो बढ़ीन महिमान योग्य समझ गया छे, जोतरा घर क बनावनेवावा घर छे बढ़ीन विजुत राखता छे।
HEB 3:4 काहकि हर एक घर क काही नी काही बनावनेवावा हुयसे छे, पर जो सब काही बनाड़े वो यहोवा–भगवान छे।
HEB 3:5 मूसा तो यहोवा–भगवानन सब घर मा सेवकन समान विश्वासयोग्य रया कि जिन वातन वर्णन हुयने वालो हुता, तीन्दरी गवा देय।
HEB 3:6 पुन मसीह पोर्‍या समान यहोवा–भगवान क घर क हक छे; आरू उना क घर हामु छे, यदि हामु साहस पर आरू आपसी आश डाहळाय पर आखरी तक दृढ़ता छे स्थिर रोवे।
HEB 3:7 शेवली कावा जोसो चुखलो आत्मा कयता छे, “यदि आज तुमू तेरो ओवाज सोमवु।”
HEB 3:8 तो आपसा मन मा वातड़ो नी करो, जोसो कि रीस देवाड़ेन टेहाव आरू परीक्षा क दाहडु जंगल मा कर्‍या हुता।
HEB 3:9 वा तुमरे बाबदादा ने मखे हेरीन पारखने आरू चावीस साल तक मारा काम देखने।
HEB 3:10 इनीये कारण हाव ओको टेहाव क मानसे छे रीसवाला रया, आरू कयो, “इन्दरा मन सदा भटकता रयता छे, आरू त्या लोगहन मारो मार्ग क नी उवखता।”
HEB 3:11 तव हाव ने रीस मा आवीन शपथ खादु, “वो मारो विश्राम मा भरायने करने नी देखछे।”
HEB 3:12 हे भाईस्यो, चोकचौळीया रवु कि तुमू मा ओसो बुरो आरू विनभुरसा मन होय, जो तुमूक जीवता यहोवा–भगवान छे दूर हटाय ली जाय।
HEB 3:13 वरना जिना दाहड़े तक आज क दाहडु कयो जाता छे, हर दाहड़े एक दिसरा क समझता रया, ओसो नी होय कि तुमू मा छे काही जन पाप क छव मा आवीन वातड़ो होय जाय।
HEB 3:14 काहकि हामु मसीहन भागीदार होया छे, यदि हामु आपनो पेहलो विश्वास पर आखरी तक दृढ़ता छे स्थिर रोवे।
HEB 3:15 जोसो कयो जाता छे, “यदि आज तुमू ऐरो ओवाज सोमवु, तो आपने मनन वातड़ो नी करू, जोसो कि रीस देवाड़ने क टेहाव कर्‍या हुता।”
HEB 3:16 भला कुनीछे मानसे ने सोमवीन भी रीस देवाड्या? काय उन सब ने नी, जो मूसा क द्वारा मिस्र छे निकवता हुता?
HEB 3:17 आरू वो चावीस साल तक काहना मानसे छे रीसवाला रया? काय इनु छे नी जे पाप कर्‍या, आरू इन्दरो शव जंगल मा पड़ी रोवे?
HEB 3:18 आरू त्यो कुनीछे शपथ खादी कि तुमू मारे विश्राम मा भरायने करने नी देखछे? काय केवल इनु सी नी जी हुकुम नी मानी?
HEB 3:19 शेवली कावा हामु देखता छे कि वो विनभुरसा कारण भरायने नी कर सके।
HEB 4:1 अतरान करीन जव कि ओका विश्राम मा भरायने करने की प्रतिज्ञा हिमी तक छे, तो हामु घाबरायने जूवे ओसो नी होय कि तुमू मा छे काही जन ओका सी वंचित रया जाय।
HEB 4:2 काहकि हामु इन्दरी तरह खुश खबर सोमवाया गया छे, पर सोमवने होया वचन छे तीनुक काही लाभ नी होया; काहकि सोमवनेवावा क मन मा विश्वास क साथ नी बठ्या।
HEB 4:3 पुन हामु जे विश्वास कर्‍या छे, ओको विश्राम मा भरायने करता छे; जोसो त्यो कयो, “हाव ने आपने रीस मा शपथ खादी कि वो मारे विश्राम मा भरायने करने नी देखछे।” यदि धरती की उबजनो क टेहाव छे तेरो काम पूरो होय त्योक्यो होतो।
HEB 4:4 काहकि सातवु दाहडु क विषय मा त्यो कयी यो कयो छे, “यहोवा–भगवान ने सातवे दाहड़े आपसा सब कामक निपटा करीन विश्राम कर्‍या।”
HEB 4:5 आरू इनीये धरती पछु यो कयता छे, “वो मारे विश्राम मा भरायने नी करने देखछे।”
HEB 4:6 तो जव यो वात बाकी छे कि कोतरा आरू छे जो ओको विश्राम मा भरायने करे, आरू जे तेरो खुश खबर पेहल सोमवाय गया तीनुक हुकुम नी माननेन कारण इनुमा भरायने नी कर्‍या।
HEB 4:7 अतरान करीन वो काही विशेष दाहड़ा ठेरावीन ओतरा दाहड़ान बाद दाऊद की किताब मा ओको “आज क दाहडु क कयता छे। जोसो पेहल कयो गया यदि आज तुमू ओको ओवाज सोमवीन, तो आपनो मन क वातड़ो नी करो।”
HEB 4:8 काहकि यदि यहोशू तीनुक विश्राम मा भरायने कराय लेता, तो तेरे बाद दिसरे दाहड़े की चर्चा नी होयती।
HEB 4:9 शेवली कावा जान लेवु कि यहोवा–भगवान क मानसे क करता आरामन दाहडान विश्राम बाकी छे।
HEB 4:10 काहकि जु तेरो विश्राम मा भरायने कर्‍या छे, त्यो भी यहोवा–भगवानन समान आपसा काम क पूरो करीन विश्राम कर्‍या छे।
HEB 4:11 शेवली कावा हामु ओको विश्राम मा भरायने करने क कोशिष करे, ओसो नी होय कि काही जन उन क समान हुकुम नी मानीन पड़ गया।
HEB 4:12 काहकि यहोवा–भगवान क वचन जीवतो, आरू मजबुत, आरू एक दुधारी तलवार छे भी चोखा छे; आरू जीव आरू आत्मान, आरू गाठ–गाठ आरू गूदा–गूदा क अलग करीन आरू पार छेदता छे आरू मन की भावना आरू विचार क हेरता छे।
HEB 4:13 सृष्टि की काही समान इनु सी डुकाय नी छे वरना जिनुछे हामु काम छे, ओका डुवा क सामने सब चीज उघाड़ली आरू प्रगट छे।
HEB 4:14 अतरान जव आमरो ओसो मोटो डाहला पुजारा छे, जो सोरगदूतो छे हईन गया छे, मतलब यहोवा–भगवानन पोर्‍य ईशु, तो आवु, हामु आपने पछतायो क दृढता छे थाहाव रोवे।
HEB 4:15 काहकि आमरो ओसो डाहला पुजारा नी जो हामरी निर्बलता मा हामरे साथे दुःख नी होय सके; वरना वो सब वात मा हामरे समान पारखता तो गया, तौभी निष्पाप निकवता।
HEB 4:16 अतरान करीन आवु, हामु फोकटन दया क सिंहासन क निकट हियाव बांधीन चाले कि हामु पर दया होय, आरू वो फोकटन दया देखछे जो जरूरत क टेहाव हामरी मदत करे।
HEB 5:1 काहकि हर एक डाहला पुजारा मानुस मा छे लेता जाता छे आरू मानुस ही क करता, उन वात क विषय मा जो यहोवा–भगवान छे सम्बन्ध राखती छे, ठेराया जाता छे कि भेंट आरू पाप बलि चढ़ाया करे।
HEB 5:2 वो विनअकलिया आरू भूले भटको क साथे नर्मी छे व्यवहार कर सकता छे, अतरान करीन कि वो आप भी निर्बलता छे घिरा छे।
HEB 5:3 अतरान करीन ओको जुवे कि जोसा मानसोन वोसो ही आपने करता भी पाप बलि चढ़ाया करू।
HEB 5:4 यो विजुत क पद काही आपने आप क छे नी लेता, जव तक कि हारून क समान यहोवा–भगवान की आरू छे ठराय नी जाय।
HEB 5:5 वोसो ही मसीह ने भी डाहला पुजारा बनने की बढ़ाई आपने आप छे नी लेदी, पर ओको तीनी ने देदी, जो ओका सी कयो हुता, “तु मारो पोर्‍य छे, आज हाव ही ने तुखे पैदा कर्‍या छे।”
HEB 5:6 इन प्रकार वो दीसरी धरती मा भी कयता छे, “तु मेलख़ीत्सेदेक की रीति पर सदान करता पुजारा छे।”
HEB 5:7 ईशु ने आपसी डील मा रोवने क दाहड़ा मा उंचा ओवाज छे आयड़ीन आरू आसा पाड़ीन ओका सी जो ओको मरला मारयन वाचड़ सकता हुता, प्रार्थना आरू रावन्या करी, आरू भक्ति क कारण ओकी सोमवाय गयी।
HEB 5:8 पोर्‍य हुयने पर भी त्यो दुःख उठाड़ हुकुम मान सखी।
HEB 5:9 आरू सिध्द बनीन, आपने सब हुकुम माननेवावा क करता अमरकाय काव क उध्दार क कारण होय गया।
HEB 5:10 आरू ओको यहोवा–भगवान की आरू छे मेलख़ीत्सेदेक की रीति पर डाहला पुजारा क पद मिव्य।
HEB 5:11 अतरान करीन विषय मा घोणा सी वात कयनो छे, जिन्दरो समझने भी वातड़ो छे, अतरान करीन कि तुमू उंचा सोमवने लागे होय।
HEB 5:12 टेहाव क विचार छे तो तुमूक गुरू होय जानो जुवे हुता, तौभी यो छाची होय गया छे कि काही तुमूक यहोवा–भगवानन वचन की शुरू शिक्षा पछु छे सिखाड़। तुमू तो ओसो होय गयो होय कि तुमूक अन क बदल हिमी तक दूध ही जुवे।
HEB 5:13 काहकि दूध पीनेवावा पोर्‍या क तो न्यायपन क वचन की उवख नी होयती, काहकि वो पोर्‍य छे।
HEB 5:14 पुन अन सयानो क करता छे, जिन्दरी ज्ञानेंद्रिया मेहनत करता भले बुरे मा भेद करने मा निपुन होय गयी छे।
HEB 6:1 अतरान करीन आवु मसीह की शिक्षा की शुरू की वात क छुड़ीन हामु सिध्दता करी आरू ओगव बढ़ता जाय, आरू मरला होया काम छे मन फिरावने, आरू यहोवा–भगवान पर विश्वास करने।
HEB 6:2 आरू बपतिस्मा आरू हात राखने, आरू मरला होया क जीवता उठने, आरू अमरकाय न्याय की शिक्षा रूपी नींव पछु छे नी नाखने।
HEB 6:3 यदि यहोवा–भगवान जूवे तो हामु योही करसे।
HEB 6:4 काहकि जिन्दरो एक बार दिया देख छे, आरू जो सोरगदूतीय वरदान क हवाद चाख त्योक्यो छे आरू चुखलो आत्मान भागी होय गया छे।
HEB 6:5 आरू यहोवा–भगवानन वारू वचन क आरू आवनेवाळा युग की शक्ति क हवाद चाख त्योक्या छे।
HEB 6:6 यदि वो भटक जाय तो तीनुक मन फिरावनेन करता पछु नवलो बनावने काठलो छे; काहकि वो यहोवा–भगवान क पोर्‍य क आपने करता पछु कुरूस पर चढ़ावता छे आरू प्रगट मा उना पर गुणो लागाड़ता छे।
HEB 6:7 काहकि जो धरती सालन क पानी क, जो उना पर बार बार पड़ता छे, पी पीयन जिन मानसोन करता वो जोती वेरी जाती छे इन्दरे कामन सागपात उगाड़ ़े छे, वो यहोवा–भगवान छे बरकत देखती छे।
HEB 6:8 पर यदि वो झाड़काम आरू काटेवसीया उगाड़ती जाती छे, तो निकम्मी आरू स्रापित हुयने पर छे, आरू ऐरो आखरी धपाड्या जाना छे।
HEB 6:9 पर हे मोंगावु, यदि हामु यो वात कयता छे तौभी तुमरे विषय मा हामु ओका सी वारली आरू उध्दारवली वात क विश्वास करता छे।
HEB 6:10 काहकि यहोवा–भगवान अन्यायी नी कि तुमरे काम, आरू ओको मोंग क भूल जाय, जो तुमू ने अतरान करीन नावन करता इनीये रीति छे देखाड्या, कि चुखलो मानसे की सेवा करी आरू कर भी रया होय।
HEB 6:11 पर हामु घोणा जूवता छे कि तुमू मा छे हर एक जन आखरी तक पूरी आश क करता ओसो ही कोशिष करता रया।
HEB 6:12 ताकि तुमू उजग्या नी होय जावु, वरना इन्दरो गती करू जो विश्वास आरू धीरज क द्वारा प्रतिज्ञा क वारीस हुयसे छे।
HEB 6:13 यहोवा–भगवान ने अब्राहम छे प्रतिज्ञा करता टेहाव जव शपथ खाने क करता काही क आपने छे मोटो नी देख्या, तो आपसी ही शपथ खायन कयो।
HEB 6:14 “हाव सचमुच तुखे घोणा बरकत दीस, आरू तारी अवलियाद क बढ़ावता जाछे।”
HEB 6:15 आरू इन रीति छे त्यो धीरज धरीन प्रतिज्ञा करी होयी वात हासिल करी।
HEB 6:16 मानुस तो आपने छे काही मोटान शपथ खाया करता छे, आरू इन्दरो हर एक विवाद क फैसला शपथ छे पक्‍का हुयसे छे।
HEB 6:17 अतरान करीन जव यहोवा–भगवान ने प्रतिज्ञा क वारीस पर आरू भी साफ रीति छे प्रगट करनो जूवे कि तेरो उद्देश्य बदल नी सकता, तो शपथ क वीच मा लाया।
HEB 6:18 ताकि दुय बे बदल वात क द्वारा, जिन्दरे विषय मा यहोवा–भगवान क झूठ ठराय काठलो छे, दृढ़ता छे आमरो ढाढ़स बंध जाय, जो शरण लेने क एरकरीन दौवड़े छे कि ओको आश क जो सामने राखी होयी छे हासिल करे।
HEB 6:19 वो आश हामरे जीव क करता ओसो लंगर छे जो स्थिर आरू दृढ़ छे, आरू परदा क माहीय तक पुचाड़ता छे।
HEB 6:20 वा ईशु ने मेलख़ीत्सेदेक की रीति पर सदा काव क डाहला पुजारा बनीन, हामरे करता अगळवानिया क रूप मा भरायने कर्‍या छे।
HEB 7:1 यो मेलख़ीत्सेदेक शालेम क राजा, आरू परमप्रधान यहोवा–भगवान क पुजारा, सर्वदा पुजारा बनाय रयता छे। जव अब्राहम राजा क मारीन पुगीयो जाता हुता, तो इनी ने ओका सी भेंट करीन ओको बरकत दिदो।
HEB 7:2 इनी क अब्राहम ने सब चीज क दसवा अंश भी दिदा। यो पेहल आपने नाव क मतलब लारे, न्यायपन क राजा, आरू पछु शालेम मतलब शांती क राजा छे।
HEB 7:3 जेरो नी बास, नी आश, नी वंशावड़ी छे, जेरा दाहड़ा क नी शुरू छे आरू नी जीवन क आखरी छे; पुन यहोवा–भगवान क पोर्‍य क स्वरूप ठराय कर वो सदा क करता पुजारा बनाय रयता छे।
HEB 7:4 हिमी अतरान करीन पर ध्यान करू कि वो कोसो महान हुता जेरो कुलपति अब्राहम ने लूट क वारला छे वारला माल क दसवा अंश दिदा।
HEB 7:5 लेवी की अवलियाद मा छे जो पुजारा क पद देखता छे, तीनुक हुकुम मिवी छे कि मानछे, मतलब आपसा भाईस्यो छे, जूवे अब्राहम ही की डील छे काय नी जन्हाव होय, व्यवस्था क लारे दसवा अंश लेय।
HEB 7:6 पर त्योने, जो इन्दरी वंशावड़ी मा क भी नी हुता, अब्राहम छे दसवा अंश लेदो, आरू जिनाक प्रतिज्ञा मिवी होती ओको बरकत देदी।
HEB 7:7 इनामा संदेह नी कि नाना मोटा छे बरकत देखता छे।
HEB 7:8 आरू याहा तो मरनहार मानुस दसवा अंश लेता छे, पर वाँ चो लेता छे जिन्दरी गवाय देदी जाती छे कि वो जीवतो छे।
HEB 7:9 तो हामु यो भी कय सकता छे कि लेवी ने भी, जो दसवो अंश लेता छे, अब्राहम क द्वारा दसवो अंश आपियो।
HEB 7:10 काहकि जिना टेहाव मेलख़ीत्सेदेक ने ऐरा बास छे भेंट की, उना टेहाव वो आपने बास की देह मा हुता।
HEB 7:11 यदि लेवीय पुजारा पदन द्वारा सिध्द हासिल होय सकती ओका सहारे मानसे व्यवस्था मिवी होती तो पछु काय जरूरत होती कि दिसरा पुजारा मेलख़ीत्सेदेक की रीति पर उबा होय, आरू हारून की रीति क नी कवायसे।
HEB 7:12 काहकि जव पुजारा क पद बदलाय जाता छे, तो व्यवस्था क भी बदलने पाको छे।
HEB 7:13 काहकि ओका विषय मा यो वात काही जाती छे कि वो दिसरा अवळियाद क छे, जिनामा छे काही ने वेदी की सेवा नी की।
HEB 7:14 तो प्रगट छे कि आमरो पोरबु यहूदा क अवळियाद मा छे उद्य हुयो छे, आरू इनीये अवळियाद क विषय मा मूसा ने पुजारा पद की काही चर्चा नी की।
HEB 7:15 आमरो दावा आरू भी स्पष्टता छे प्रगट होय जाता छे, जव मेलख़ीत्सेदेक क समान एक आरू पुजारा पैदा होय, जाता छे।
HEB 7:16 जो शारीरिक हुकुमन व्यवस्थान लारे नी, पर अमरकाया जीवनन शक्ति क लारे नियुक्त हुयो होय।
HEB 7:17 काहकि अतरान करीन विषय मा यो गवा देदी गयी छे, “तु मेलख़ीत्सेदेक की पर युगानयुग पुजारा छे।”
HEB 7:18 इनीये प्रकार, पेहली हुकुम निर्बल आरू निष्फल हुयने क कारण लोप होय गयी।
HEB 7:19 अतरान करीन कि व्यवस्था ने काही वात की सिध्दि नी करी, आरू अतरान करीन स्थान पर एक ओसी वारू आश राखी गयी छे ओका द्वारा हामु यहोवा–भगवान क समीप जाय सकता छे।
HEB 7:20 मसीहन नियुक्ति विना शपथ नी होयी।
HEB 7:21 काहकि वो तो विना शपथ पुजारा ठराय गया पर यो शपथ क साथे ओकी आरू छे नियुक्ति कर्‍या गया ओका ओको विषय मा कयो, “पोरबु ने शपथ खादी, आरू वो ओका सी पछु नी पछतावो छे कि तु युगानयुग पुजारा छे।”
HEB 7:22 इनीये प्रकार ईशु एक वारू वाचा जामिन ठेराया।
HEB 7:23 वो तो घोणा मोटी संख्या मा पुजारा बनतो आयो, ऐरो कारण यो होतो कि मरलो इनुक रोवने नी देती होती।
HEB 7:24 पर यो युगानयुग रोवता छे, इनीये कारण ओको पुजारा पद अटल छे।
HEB 7:25 अतरान करीन करता जो ओको द्वारा यहोवा–भगवान क साथे आवता छे, वो इन्दरो पूरा पूरा उध्दार कर सकता छे, काहकि वो ओको करता रावन्या करने क सर्वदा जीवता छे।
HEB 7:26 शेवली कावा ओसो ही पुजारा हामरे योग्य हुता जो चुखलो, आरू निष्कपट, आरू निर्मल, आरू पापी छे अलग, आरू सोरगदूत छे भी उचो कर्‍या होया होय।
HEB 7:27 उन डाहला पुजारा क समान ओको छाची नी कि हर दाहड़े पेहल आपने पाप आरू पछु मानसे क पाप क बलिदान चढ़ाया; काहकि त्यो आपने आप बलिदान चढ़ावीन उको एक ही बार मा पूरा कर दिदा।
HEB 7:28 काहकि व्यवस्था तो निर्बल मानुस क डाहला पुजारा नियुक्त करती छे, पुन ओको शपथ क वचन जो व्यवस्था क बाद खाय गयी, उना पोर्‍या क नियुक्त करता छे जो युगानयुग क करता सिध्द कर्‍या गया छे।
HEB 8:1 हिमी जो वात हामु कय रया छे उनमा छे सब छे मोटी वात यो छे कि आमरो ओसो डाहला पुजारा छे, जो सोरगदूत पर महामहिमन क सिंहासन क डासच्य कावे जाईन बठ्य छे।
HEB 8:2 आरू चुखलो स्थान आरू ओको सच्चे तम्बू क सेवक होया जिनाक काही मानुस ने नी, वरना पोरबु ने उबा कर्‍या छे।
HEB 8:3 काहकि हर एक डाहला पुजारा भेंट आरू बलिदान चढ़ावने क करता ठेराया जाता छे, इनीये कारण पाको छे कि इनीये पुजारा क साथे भी काही चढ़ावने क करता होय।
HEB 8:4 यदि वो धरती पर हुता तो कदी पुजारा नी हुता, अतरान करीन कि व्यवस्था क लारे भेंट चढ़ावने वावा तो छे।
HEB 8:5 वो सोरग मा की चीज क सारखो रूप आरू प्रतिबिम्ब की सेवा करता छे; जोसो जव मूसा तम्बू बनावने पर हुता, तो ओको यो चेतावनी मिवी, “देख जो नमूना तुखे बयड़ा पर देखाय गया हुता, अतरान करीन लारे सब काही बनावने।”
HEB 8:6 पर पुजारा छे बढ़ीन सेवा ईशु क मिवी काहकि वो आरू भी वारू वाचा क मध्यस्थ ठेराया, जो आरू वारू प्रतिज्ञा क सहारे बांधी गयी छे।
HEB 8:7 काहकि यदि वो पेहल वाचा निर्दोष होयती, तो दीसरी क करता मेखे नी हेर्‍या जाता।
HEB 8:8 पर वो उन पर दोष लागाड़ ने कयता छे, देखु, वो दाहडु आवतु छे कि हाव इस्राएल क लोगहन साथे, आरू यहूदा क घराना क नोवली वाचा बांधीस।
HEB 8:9 यो उना वाचा क समान नी होछे, जो हाव ने ओको बास दादा क साथे उना टेहाव बांधी होती, जव हाव इन्दरो हात धरीन इनुक मिस्र देश छे निकाव लाया; काहकि वो मारी वाचा पर स्थिर नी रावे, अतरान करीन हाव ने इन्दरी सुधि नी लेदी योही कयता छे।
HEB 8:10 पछु पोरबु कयता छे, कि जो वाचा हाव उन दाहड़ा क बाद इस्राएल क घराने क साथे बांधीस वो यो छे कि हाव आपसी व्यवस्था क इन्दरे मनो मा नाखीस, आरू ओको इन्दरा दिल पर लिखीस, आरू हाव इन्दरो यहोवा–भगवान ठेरायस आरू वो मारा मानसे ठेरायछे।
HEB 8:11 आरू हर एक आपसा देशवावा क आरू आपसा भाईस क यो शिक्षा नी देय, कि तु पोरबु क उळखने, काहकि नानी छे मोटी तक सब मखे जान लेछे।
HEB 8:12 काहकि हाव इन्दरो अन्याय क विषय मा दयावन्त होयछे, आरू इन्दरो पाप क पछु स्मरण नी करीस।
HEB 8:13 नोवली वाचा की स्थापना छे त्योने पेहलो वाचा क जुनली ठराय दिदा; आरू जो चीज जुनली आरू जीर्ण होय जाती छे ऐरो मिट जाने छाचो छे।
HEB 9:1 ओको पेहली वाचा मा भी सेवा क नियम हुता, आरू ओसो चुखलोस्थान हुता जो इनीये धरती क हुता
HEB 9:2 काहकि एक तम्बू बनायो गयो, पेहल तम्बू मा दीवट, आरू हावज, की रूटा हुता; आरू वो चुखलोस्थान कोवायता छे।
HEB 9:3 दिसरा परदा क पछव वो तम्बू होतो, जो यहोवा–भगवानन चुखलोस्थान कोवायता छे।
HEB 9:4 उनमा सोनो की धूपदानी, आरू चार आरू सोनो छे आरू ढावलो वाचा क सन्दुक आरू इनमा मन्ना छे भराय हुयो सोनो क मर्तवान आरू हारून की लाकड़ी जिनमा फुल आय गयो होतो आरू वाचा की पट्टी होती।
HEB 9:5 अतरान करीन ऊपर दुयू तो तेजोमय करूब हुता, जो प्राश्चाताप क ढाकने पर सहावु कर्‍या होया हुता; इन्दरो एक एक करीन वर्णन करने क हिमी मेखे नी छे।
HEB 9:6 यो चीज इनीये रीति छे तीयार होय त्योकी। ओको पेहल तम्बू मा पुजारा हर टेहाव भरायने करीन सेवा क काम सम्पन्न करता छे।
HEB 9:7 पर दिसरा मा केवल डाहला पुजारा साल भर मा एक ही बार जाता छे, आरू बिना लुहूय करता नी जाता; जिनाक वो आपने करता आरू मानसे की भूल चूक क करता चढ़ावता छे।
HEB 9:8 इनीये छे चुखलो आत्मा योही देखाडतो छे कि जव तक पेहल तम्बू उबो छे तक चुखलोस्थान क मार्ग प्रगट नी हुयो।
HEB 9:9 यो तम्बू वर्तमान टेहाव क करता एक सपनो छे; जिनमा ओसी भेंट आरू बलिदान चढ़ावने जाता छे, जिनुछे आराधना करनेवावा क विवेक सिध्द नी होय सकता।
HEB 9:10 काहकि वो केवल खाने पीने की चीज आरू भाति की स्नान विधि क आधार पर शारीरिक नियम छे, जो सुधार क टेहाव तक क करता नियुक्त कामो गयो छे।
HEB 9:11 पुन जव मसीह आवनेवावी वारली वारली चीज क डाहला पुजारा हईन आयो, तो त्यो आरू भी मोटो आरू सिध्द तम्बू छे हईन, जो हात क बनायो हुयो नी मतलब इनीये सृष्टि क नी।
HEB 9:12 आरू बुकड़ो आरू केवड्या क लुहूय यो क द्वारा नी पर आपने ही लुहूय यो क द्वारा, एक ही बार चुखलोस्थान मा भरायने कर्‍या आरू अमरकाय छुटकारो हासिल कर्‍या।
HEB 9:13 काहकि जव बुकड़ो आरू बुल्यो क लुहूय यो आरू कलोर क रूखड़ो क विटुळ मानसे पर छाटने सी विटळ डील इनुक चुखलो करे।
HEB 9:14 तो मसीह क लुहूय यो जो आपने आप क अमरकाय आत्मा क द्वारा यहोवा–भगवान क सामने निर्दोष चढ़ावने, तुमरे विवेक क मरला हुयो काम छे काय नी चुखो करसे ताकि तुमू जीवता यहोवा–भगवान की सेवा करू।
HEB 9:15 इनी कारण वो नोवली वाचा क मध्यस्थ छे, ताकि ओकी मरन क द्वारा जो पेहली वाचा क टेहाव क दोष छे छुटकारो देखने क करता होयी छे, बुलाया होया मानसे प्रतिज्ञा क लारे अमरकाय मीरास क करे।
HEB 9:16 काहकि वा वाचा बांधीन गयी छे वाँ वाचा बांधनेवावा की मरन क समझ लेने भी पाको छे।
HEB 9:17 काहकि ओसी वाचा मरना पर पाक्‍की होयती छे, आरू जव तक वाचा बांधनेवावा जीवता रयता छे तव तक वाचा काम की नी होयती।
HEB 9:18 इनी करता पेहली वाचा भी बिना लुहूय क नी बांधीन गयी।
HEB 9:19 काहकि जव मूसा सब मानसे क व्यवस्था की हर एक हुकुम सोमवी त्योक्यो तो त्यो केवड्यो आरू बुकड़ो क लुहूय लीन, पानी आरू रातलो रूई आरू जूफा क साथे, इन किताब पर आरू सब मानसे पर छिड़की दिदा।
HEB 9:20 आरू काँ, “यो उना वाचा लुहूय छे, जेरो हुकुम यहोवा–भगवान ने तुमरे करता देदी छे।”
HEB 9:21 आरू इनी रीति छे त्यो तम्बू आरू सेवा क सब समान पर लुहूय छिड़कीया।
HEB 9:22 सच ती यो छे कि व्यवस्था क लारे प्राय: सब चीज लुहूय क द्वारा चुखो करी जाती छे, आरू बिना लुहूय उहवने न पापन माफ नी।
HEB 9:23 अतरान करीन पाको छे कि सोरग मा करी चीज क सारखो रूप इन बलिदान क द्वारा चुखो कर जाय, पर सोरग मा करी चीज स्वय इनु सी वारू बलिदान क द्वारा चुखो करी जाती।
HEB 9:24 काहकि मसीह ने उना हात क बनाय हुयो त्यो चुखलोस्थान मा, जो सच त्यो चुखलो स्थान क नमूना छे, भरायने नी कर्‍या पर सोरग ही मा भरायने कर्‍या, ताकि हामरे करता हिमी यहोवा–भगवान क सामने देखाय देय।
HEB 9:25 यो नी कि वो आपने आप क बार बार चढ़ाय, जोसो कि डाहला पुजारा हर साल दिसरा क लुहूय करता चुखलोस्थान मा भरायने कर्‍या करता छे।
HEB 9:26 नी तो धरती की उबजनो छे लीन ओको बार बार दुःख उठाड़नो पड़तो; पर हिमी युग क आखरी मा वो एक ही बार प्रगट होया छे, ताकि आपने ही बलिदान क द्वारा पाप क दूर कर देय।
HEB 9:27 आरू जोसो मानुस क करता एक बार मरना आरू अतरान करीन बाद न्याय क हुयने नियुक्त छे।
HEB 9:28 तसात् ईशु मसीह भी घण सवटा क पाप क उका पर लेने करीन एक बार बलिदान हयो; आरू जो लोगहन ओकी वाट देखे त्यान क छुटकारा क करता दीसरी बार बिना पाप आपसा पर लेदो हयो देखाय पड़से।
HEB 10:1 काहकि व्यवस्था, जिनमा आवनेवावी वारलो चीज क प्रतिबिम्ब छे पर ओको असली स्वरूप नी, एरकरीन उन एक ही प्रकार क बलिदान क द्वारा जो हर साल लगत चढ़ाय जाता छे, साथे आवनेवाळा क कदी सिध्द नी कर सकती।
HEB 10:2 नी तो ओको चढ़ावने बंद काय नी होय जाता? एरकरीन जव सेवा करनेवावा एक ही बार चुखो होय जाता, तो पछु ओको विवेक तीनुक पापी नी ठराय।
HEB 10:3 पुन ओको द्वारा हर साल पाप क स्मरण होया करता छे।
HEB 10:4 काहकि यो वातड़ो छे कि बुल्यो आरू बुकड़ा क लुहूय पाप क दूर करे।
HEB 10:5 इनी कारण वो धरती मा आवता टेहाव कयता छे, “बलिदान आरू भेंट तु ने नी जूवी, पर मारे करता एक देह तीयार करी।”
HEB 10:6 होम बलीया आरू पाप बलीया छे तु खुश नी होया।
HEB 10:7 तव हाव ने कयो, “देखु हाव आय गयो छे, चुखलो शास्त्र मा मारा वाराम मा लिख्या हुयो छे, ताकि छे यहोवा–भगवान, तारी मरजी पूरी करे।”
HEB 10:8 ऊपर तो वो कयता छे, “नी तु ने बलिदान आरू भेंट आरू होम बलीया आरू पाप बलीया क जूवे, नी ओका सी खुश हुयो” यदि यो बलिदान तो व्यवस्था क लारे चढ़ाय जाता छे।
HEB 10:9 पछु यो भी कयता छे, “देखु हाव आय गयो छे, ताकि तारी मरजी पूरी करीस” शेवली कावा वो पेहल क उठाड़ देता छे, ताकि दिसरा क नियुक्त करे।
HEB 10:10 ओकी मरजी छे हामु ईशु मसीह की देह क एक ही बार बलिदान चढ़ावने जाने क द्वारा चुखलो कर गया छे।
HEB 10:11 हर पुजारा तो उबा हईन हर दाहड़े सेवा करता छे, आरू एक ही प्रकार क बलिदान क जो पाप क कदी भी दूर नी कर सकता, बार बार चढ़ावता छे।
HEB 10:12 पुन यो व्यक्ति तो पाप क बदले एक ही बलिदान सर्वदा क करता चढ़ावीन यहोवा–भगवान क डासच्य जाय बठ्या।
HEB 10:13 आरू तीनी टेहाव छे इसकी वाट जुय रया छे, कि ओका दुस्मन ओका पाय क नेचो की पीढी बने।
HEB 10:14 काहकि त्यो एक ही चढ़ावने क द्वारा तीनुक जो चुखलो कर्‍या जाता छे, सर्वदा क करता सिध्द कर दिदा छे।
HEB 10:15 आरू चुखलो आत्मा भी हामु योही गवा देता छे: काहकि त्यो पेहल कयो हुता।
HEB 10:16 पोरबु कयता छे कि जो वाचा हाव उन दाहड़ा क बाद उनछे बांधीस वो यो छे कि हाव आपने नियम क ओको दिल पर लिखीस आरू हाव ओको विचार नाखीस।
HEB 10:17 पछु हाव वो यो कयता छे, “हाव ओको पाप क आरू ओको अन्याय क काम क पछु कदी याद नी करीस।”
HEB 10:18 आरू जव इन्दरी माफी हुय गयी, तो पछु पाप क बलिदान नी रया।
HEB 10:19 एरकरीन हे भाईस, जव हामु ईशु क लुहूय क द्वारा ओको नवलो आरू जीवतो मार्ग छे चुखलोस्थान मा भरायने करने क हियाव होय गयो छे।
HEB 10:20 जो त्यो परदा मतलब आपसा डील मा छे हईन, हामरे करता अभिषेक कर्‍या छे।
HEB 10:21 आरू एरकरीन कि आमरो ओसो महान पुजारा छे, जो यहोवा–भगवान क घर क हक छे।
HEB 10:22 तो आवु, हामु सचे मन आरू पूरो विश्वास क साथे, आरू विवेक क दोष दूर करने क करता हृदय पर छिड़काव लीन, आरू देह क चुखो जल छे धुवीन यहोवा–भगवान क समीप जाय।
HEB 10:23 आवु हामु आपसी आश क पछतायो क दृढ़ता छे थाहाव रया, काहकि जो प्रतिज्ञा करी छे वो सच छे।
HEB 10:24 आरू मोंग, आरू भले काम मा चढ़ावने क करता हामु एक दिसरा की चिंता कर्‍या करे।
HEB 10:25 आरू एक दिसरा क साथे एखठा हुयने नी छुड़ जोसो कि कोतरा की रीति छे, पर एक दिसरा क समझता रया; आरू जसो–जसो उना दाहड़ाम निकट आवता देखु त्यो त्यो आरू भी सवटो यो कर्‍या करू।
HEB 10:26 काहकि सच की उळखने हासिल करने क बाद यदि हामु जान बुझीन पाप करता रया, तो पाप क करता पछु काही बलिदान बाकी नी।
HEB 10:27 हाव, दण्ड क एक भयानक वाट जोहना आरू आगठा जलन बाकी छे जो विरोधी क भस्म कर देसे।
HEB 10:28 जव मूसा की व्यवस्था क नी माननेवावा, दुय या तीन जना की गवा पर, बिना दया क मार नाखने जाता छे।
HEB 10:29 तो सुच लेवु कि वो कोतरा आरू भी भारी दण्ड क योग्य ठरछे, जो यहोवा–भगवान क पोर्‍य क पाय छे रौंदा आरू वाचा क लुहूय क ओका द्वारा वो चुखलो ठराय गया हुता, विटुळ जानने छे, आरू फोकटन दया क आत्मा क विजुत कर्‍या।
HEB 10:30 काहकि हामु उको जानता छे, हाव जो कयो, “पलटा लेने मारो काम छे, हाव ही बदलाय दीस।” आरू पछु यो, कि “पोरबु आपने मानसे क न्याय करसे।”
HEB 10:31 जीवता यहोवा–भगवान क हात मा पड़ने भयानक वात छे।
HEB 10:32 पुन उन पोछले दाहड़े क स्मरण करू, जिन मा तुमू दिया देखीन दुःख क मोटो संघर्ष मा स्थिर रया।
HEB 10:33 किही किही तो यो कि तुमू निंदा आरू पीड़ा सहता होया तमाशा बने, आरू किही यो कि तुमू ओको साझी होया जिनकी दुर्दशा की जाती होती।
HEB 10:34 काहकि तुमू कैदीयो क दुःख मा भी दुःखी होया, आरू आपसी संपत्ति भी खुशी छे लुटने देदी; यो जानीन कि तुमरे साथे एक आरू भी वारू आरू सर्वदा ठरनेवावी सहमत छे।
HEB 10:35 एरकरीन आपसा हियाव नी छुडू काहकि ओको हर फोव मोटा छे।
HEB 10:36 काहकि तुमू धीरज धरने छाची छे, ताकि यहोवा–भगवान की मरजी क पूरी करीन तुमू प्रतिज्ञा क फोव देखछे।
HEB 10:37 काहकि हिमी घोणा ही थुड़ा टेहाव रया गया छे, जव कि आवनेवाळा आवसे आरू देर नी करसे।
HEB 10:38 पर मारो छाचाय पर चालने वाळो न्यायीजन विश्वास छे जीवता रोवछे, आरू यदि वो पछव हट जाछे तो मारो मन उना छे खुश नी होयछे
HEB 10:39 पर हामु हटनेवावा नी कि नाश होय जाय पर विश्वास करनेवावा छे कि जीव क वाचाड़्या।
HEB 11:1 हिमी विश्वास आश की होयी चीज क छाचो, आरू विनदेखियो चीज क प्रमाण छे।
HEB 11:2 काहकि इनी क विषय मा डाहडा न वारली गवा देदी गयी।
HEB 11:3 विश्वास ही छे हामु जान जानता छे कि सारी सृष्टि की रचना यहोवा–भगवान क वचन क द्वारा होयी छे। पर यो नी कि जो काही देखने मा आवतो छे, वो देखी होयी चीज छे बनाय होय।
HEB 11:4 विश्वास ही छे हाबील ने कैन छे वारू बलिदान यहोवा–भगवान क करता चढ़ाया, आरू ओकी क द्वारा ओका न्यायी हुयने की गवा भी देदी गयी, काहकि यहोवा–भगवान ने ओकी भेंट क विषय मा गवा देदी; आरू ओकी क द्वारा वो मरना पर भी हिमी तक वात करता छे।
HEB 11:5 विश्वास ही छे हनोक उठाय लेदा गया कि मरन क नी देखे, आरू ओको पता नी हावव्य काहकि यहोवा–भगवान ने ओको उठाय लेदा हुता, आरू ओका उठाय जाने छे पेहल ओकी यो गवा देदी गयी होती कि त्यो यहोवा–भगवान क खुश कर्‍या छे।
HEB 11:6 आरू विश्वास विना उको खुश करने वातड़ो छे; काहकि यहोवा–भगवान क साथे आवनेवाळा क विश्वास करनो जूवे कि वो छे, आरू आपने हेरनेवावा क हर फोव देता छे।
HEB 11:7 विश्वास ही छे नूह ने उन वातन विषय मा जो उना टेहाव देखाय नी पड़ती होती, चेतावनी देखीन भक्ति क साथे आपने घराने क बचाव क करता ढोंड्या बनाड़े, आरू ओका द्वारा त्यो संसार क दोषी ठेराया; आरू ओको न्यायपन क वारीस होया जो विश्वास छे हुता छे।
HEB 11:8 विश्वास ही छे अब्राहम जव बुलाया गया तो हुकुम मानीन ओसी धरतीम निकवीन गया जिनाक मीरास मा लेनेवावा हुता; आरू यो नी जानता हुता कि हाव काह जाता छे, तोभी निकवी गया।
HEB 11:9 विश्वास ही छे त्यो प्रतिज्ञा कर्‍या होया देश मा, दिसरं देश मा परदेशी क समान, रोवीन इसहाक आरू याकूब सहावत, जो ओका साथे तीनी प्रतिज्ञा क वारीस होतो, तम्बू मा वास कर्‍या।
HEB 11:10 काहकि वो उना स्थिर नींव वावा नगर की वाट जुवता हुता, जेरो रचनेवावा आरू बनावनेवावा यहोवा–भगवान छे।
HEB 11:11 विश्वास छे सारा ने आप डाहली हुयने पर भी कुख धारण करने की शक्ति देखी, काहकि त्यो प्रतिज्ञा करनेवावा क सच जाननो होतो।
HEB 11:12 इनीये कारण एक ही जन छे, जो मरलो हुयो सा होतो, आकाश क तारों आरू दरिया क तीर क बालु क समान अनगिनित वंश पैदा हुयो।
HEB 11:13 यो सब विश्वास ही की दशा मा मरला; आरू त्या प्रतिज्ञा की होयी चीज नी देखी, पर तीनुक दूर छे देखीन खुशी होया आरू मान लेदा कि हामु धरती पर परदेशी आरू बाहरी छे।
HEB 11:14 जो ओसी वात कयता छे, वे प्रगट करता छे, कि स्वदेश की हेर मा छे।
HEB 11:15 आरू जिना देश छे वो निकवी आश हुता यदि उना की सुधि करता तो तीनुक पछो जाने क मेखे होतो।
HEB 11:16 पर वे एक वारू मतलब सोरग देश क लालोच छे; इनी करता यहोवा–भगवान इन्दरो यहोवा–भगवान कवायने मा उनछे नी लाजवातो, काहकि त्यो इन्दरे करता एक एक नगर तीयार कर्‍या छे।
HEB 11:17 विश्वास ही छे अब्राहम ने, पारखी जाने क टेहाव मा, इसहाक क बलिदान चढ़ायो; आरू जो प्रतिज्ञा क सची मान होती।
HEB 11:18 आरू जिनासे यो कयो हुता, “इसहाक छे तारो वंश कवायसे चो आपने एक खुळीया क चढ़ावने लाग्यो।”
HEB 11:19 काहकि त्यो मान लेदो, कि यहोवा–भगवान सामर्थी छे कि उको मरला मा छे जीवाड्यो; शेवली कावा उका मा छे सपनो की रीति पर वो उको पछु मिव।
HEB 11:20 विश्वास ही छे इसहाक ने याकूब आरू एसाव क आवनेवावी वातन विषय मा बरकत आप्यो।
HEB 11:21 विश्वास ही छे याकूब ने मरता टेहाव यूसुफ क दुय पोर्‍या मा छे एक एक क बरकत आपी, आरू आपसी लाठी क सिरे पर सहारा लीन दण्डवत् कर्‍या।
HEB 11:22 विश्वास ही छे यूसुफ ने, जव वो मरना पर होतो, तो इस्राएल की अवलियाद क निकवी जाने की चर्चा करी, आरू आपसी हड्डियो क विषय मा हुकुम देदी।
HEB 11:23 विश्वास ही छे मूसा क आश बास ने ओको, पैदा हुयने क बाद तीन महना तक डुकाड़ राख्या, काहकि त्या देख्या कि पोर्‍य सुन्दर छे, आरू वो राजा की हुकुम सी नी घाबराये।
HEB 11:24 विश्वास ही छे मूसा सयाना हईन फिरौन क पोराय क पोर्‍य कोवायने क नि कयो।
HEB 11:25 एरकरीन कि उको पाप मा थुड़ा दाहड़ाम सुख भोगने छे यहोवा–भगवानन मानसोन साथे दुःख भुगने सवटो वारू लागे।
HEB 11:26 त्यो मसीह क कारण निन्दित हुयने क मिस्र क भण्डार छे मोटो धन समझा, काहकि ओका डुवा फोव देखने की आरू लागी होती।
HEB 11:27 विश्वास से राजा न रीस सी नी बीहिन मिस्र देश क नी छुड़ीयो, काहकि त्यो देखीन भी नी देखला बराबर वातड़ो रयो।
HEB 11:28 विश्वास ही छे ओको ने फसह आरू लुहूय यो छिटनेन की विधि मानी, कि पेहलौठान नाश करनेवावा इस्राएलियों पर हात नी नाखे।
HEB 11:29 विश्वास ही छे वे लाल दरियान पार ओसो उतर गया, जोसो सूखी धरती पर छे; आरू जव मिसरी ने वोसो ही करनो जूवे तो आखा डूब मर्‍या।
HEB 11:30 विश्वास ही छे यरीहो की शहरपनाह, जव वो सात दाहड़ा तक ओको चक्‍कर लागाड़ चुक्या, तो वो पड़ गयो।
HEB 11:31 विश्वास ही छे राहाब वेश्या हुकुम नी माननेवावान साथे नष्ट नी होयी, तेरेन करीन कि त्यो भेदियान कुशल छे राख्यो होतो।
HEB 11:32 हिमी आरू काय कहवो? काहकि टेहाव नी रया कि गिदोन क, आरू बाराक, आरू शिमशोन न आरू येफ़्ताह, आरू दाऊद, आरू शमूएल, आरू नबिया, भविष्यवक्तान वर्णन करू।
HEB 11:33 चे विश्वास ही क द्वारा राज्य जीक्या; न्यायपन काम कर्‍या; प्रतिज्ञा करी होयी चीज हासिल करी; नाहरन मुय बंद कर्‍या।
HEB 11:34 आगठा आस छेवो कर्‍या; तलवारन धार छे वाच गया; निर्बलता मा बलवन्त होया; लड़ाई मा वीर निकव्या; विदेसन फौज काजे ढेगाठीन ढासाड्या।
HEB 11:35 लुगाई ने आपने मरला होया पोछा जीवता होया देखी; कोतरा तो मार खाता खाता मर गया आरू छुटकारा नी जूव्या तेरे करीन कि वारू जीव उठनेन भागी होय।
HEB 11:36 काही एक ठट्ठा मा उड़ाय जाने; आरू कोड़े खाने वरना बांध जाने, आरू कैद मा पड़नेन द्वारा पारखाय गया।
HEB 11:37 दगड़ा देदा; आरे छे चीराय गया; इन्दरी परीक्षा की गयी; तलवार छे मार गया; वो गरीब मा आरू पीड़ा मा, आरू दुःख भगता होया भेड़ो आरू बुकड़ा की खालें पांगरला होया, याने वा मारे मारे पुगीयो।
HEB 11:38 आरू जंगल, आरू बयड़ा आरू दोर मा, आरू धरती क दरारों मा भटकता लिकायता संसार ओको वारला जागु नी हुतोँ।
HEB 11:39 विश्वास ही क द्वारा इन सब क विषय मा वारली गवा देदी गयी, तव तीनुक प्रतिज्ञा की होयी चीज नी मिवी।
HEB 11:40 काहकि यहोवा–भगवान ने हामरे करता पेहल छे एक वारू वात ठराय, कि वो हामरे बिना सिध्दता क नी पुचाड़े।
HEB 12:1 इनीये कारण जव गवा क ओसो मोटो वादवो हामु क घेर होया छे, तो आवु, हर एक रूकनेवावा चीज आरू उलझानेवावा पाप क दूर करीन, वो दौवड़ीन जिनमा हामु दौवने छे धीरज छे दौवड़ने।
HEB 12:2 आरू विश्वास क करता आरू सिध्द करनेवावा ईशु की आरू ताकद रये, जो ओको खुश क करता जो ओका ओगव दरिया हुता, लज्जा की काही चिंता नी करीन कुरूस क दुःख सहा, आरू यहोवा–भगवान क सिंहासन की डासच्य आरू जाईन बठ्यो।
HEB 12:3 एरकरीन ओको पर ध्यान करू, जो आपने विरोध मा पापियो क ओतरा विरोध सह लेदा कि तुमू निराश हईन साहस नी छुड़ देवु।
HEB 12:4 तु ने पाप छे लड़ायतो हुयो ओका सी ओसी मुठभेड़ नी की कि तुमरी लुहूय वयो होय।
HEB 12:5 आरू तु ओको शिक्षा क, जो तु पोर्‍य क समान दिदा जाता छे, भूल गया होय: “हे मारा पोर्‍या, पोरबु की ताड़ना क हलकी वात नी जान, आरू जव वो तुखे घुड़के तो साहस नी छुड़।”
HEB 12:6 काहकि पोरबु जिनासे मोंग करता छे, ओकी ताड़ना भी करता छे, आरू जिनाक पोर्‍य बनाय लेता छे, ओकी कोड़े भी लागता छे।
HEB 12:7 तुमू दुःख क ताड़ना समझीन सह लेवु; यहोवा–भगवान तुमू पोर्‍य जानीन तुमरे साथे बर्ताव करता छे। वो कुन सी पोर्‍य छे जेरी ताड़ना बास नी करता?
HEB 12:8 यदि वो ताड़ना जिन्दरे भागी आखा हुयसे छे, तुमरी नी होयी तो तुमू पोर्‍या नी, पर व्यभिचार की अवलियाद ठेराये।
HEB 12:9 पछु जव कि हामरे शारीरिक बास भी हामरी ताड़ना कर्‍या करता हुता आरू हामु इन्दरो विजुत कर्‍या, तो काय आत्मान बासन आरू भी हको तळे नी रये जिनाछे हामु जीवता रया।
HEB 12:10 वो तो आपसी–आपसी समझ क लारे थुड़ा दाहड़ान करता ताड़ना करता हुता, पर वो तो हामरे लाभन करता छे, कि हामु भी ओकी चुखलान भागी होय जाय।
HEB 12:11 वर्तमान मा हर प्रकार की ताड़ना खुशी की नी, पर शोक ही की वात देखाय पड़ती छे; तौभी जो ओको सहते सहते पक्‍का होय गया छे, बाद मा इनुक शांती क साथ न्यायपन हर फोव मिवता छे।
HEB 12:12 तेरे करीन ढीले हात आरू निर्बल मांडा सुधा करू।
HEB 12:13 आरू आपसा पायन करता सुध मार्ग बनावु कि लेंगड़ा भटक नी जाय पर भला वारू होय जाय।
HEB 12:14 सब छे मेलमिलाप राखु, आरू ओको त्योखलोतान हेर होय ओका विना काही पोरबुन कदी नी देखछे।
HEB 12:15 ध्यान छे देखता रवु, ओसो नी होय कि काही यहोवा–भगवानन फोकटन दया छे वंचित रया जाय, या काही कड़वी मुव फूटीन कष्ट देय, आरू अतरान करीन द्वारा घोणा छे मानसे विटळ होय जाय।
HEB 12:16 ओसो नी होय कि काही जन व्यभिचार या एसावन समान अन्यायी होय जु एक बारम खानो बदलीन आपसा पेहलौठा होयनेन पद वेच नाख्य।
HEB 12:17 तुमू जानता होय कि बाद मा जव त्यो बरकत पायो जूवी तो खरो नी गिना गया, आरू आसू पाड़ी पाड़ीन हेरने पर भी मन फिरावनेन मेखे ओको नी मिव्यो।
HEB 12:18 तुमू तो ओको बयड़ा साथे जो धर्‍य जाय सकता होतो, आरू आगठो छे आँधारलो आरू आंझीन साथे।
HEB 12:19 आरू तुरही की ध्वनि, आरू बुलनेवावान ओसो ओवाजान साथे नी आयो, जिनाक सोमवनेवावा ने रावन्या करी कि हिमी हामरे सी आरू वात मा करे।
HEB 12:20 काहकि वो ओको हुकुमन नी सह सके: “यदि काही जनवार भी बयड़ाक धरे तो ओको पर दगड़ा देयो।”
HEB 12:21 आरू वो दर्शन ओसो भयानक होतो कि मूसा ने कयो, “हाव घोणा घाबरायो आरू कापतो छे।”
HEB 12:22 पर तुमू सिय्योनन बयड़ा साथे, आरू जीवता यहोवा–भगवानन नगर, सोरगदूत यरूशलेम न, साथे आरू लाखो सोरगदूत।
HEB 12:23 आरू इनु एकखुळिया न साधारण सभा आरू मंडळी, जिन्दरो नाव सोरगदूत मा लिख्यो छे, आरू आखान न्याय यहोवा–भगवानन साथे आरू सिध्द कर्‍या होया न्यायी की आत्मा।
HEB 12:24 आरू नोवली वाचान मध्यस्थ ईशु आरू छिड़कनेन ओको लुहूय साथे आयो होय जो हाबील न लुहूय छे वारू वात कयता छे।
HEB 12:25 सावधान रवु, आरू ओको कयनेवावा छे मुय नी फेरो, काहकि वो मानसे जव धरती परन चेतावनी देनेवावा छे मुय भाझीन नी वाच सक्या, तो हामु सोरगदूत पर छे चेतावनी देनेवावा छे मुय भाझीन कोसो वाच सकछे।
HEB 12:26 तीन टेहाव तो तेरो ओवाज ने धरती हालाड़ दिदो, पर हिमी त्यो यो प्रतिज्ञा करी छे, “एक बार पछु हाव नी केवल धरती वरना सोरग न भी हालाड़ दीस।”
HEB 12:27 आरू यो वाक्य “एक बार पछु इन वातक प्रगट करता छे कि जो चीजक हालाड़ जाती छे, वो सृजी होयी चीज होयनेन कारण टल जाछे; ताकि जो चीज हाल नी जाती, वो अटल बन रवे।”
HEB 12:28 इन कारण हामु इन राज्यम देखीन जो हाल नी सके होय, आरू भक्ति, आरू भय सहित यहोवा–भगवानन ओसी आराधना करू जेरेछे वो खुश होयतो छे।
HEB 12:29 काहकि हामरा यहोवा–भगवान भस्म करनेवावा आगठो छे।
HEB 13:1 भाईस लोगहन मा मोंग रये।
HEB 13:2 पाहंनतराय करने नी भूलने, काहकि ओका द्वारा काही मानसे ने अनजाने मा सोरगदूत क विजुत सत्कार कर्‍या छे।
HEB 13:3 कैदीयो की ओसी सुधि लेदी कि मानु ओको साथे तुमू भी कैद होय, आरू जिन्दरे साथे बुरा बर्ताव कर्‍या जाता छे, उनकी भी यो समझीन सुधि लेदा करू कि हामरी भी देह छे।
HEB 13:4 वियाव सब मा विजुत की वात समझी जाय, आरू वियाव बिछौना निष्कलंक रया, काहकि यहोवा–भगवान व्यभिचारी आरू विनलाज्या क न्याय करसे।
HEB 13:5 तुमरा स्वभाव लोभरहित होय, आरू जो तुमरे साथे छे तीनी पर सन्तोष करू काहकि त्यो आप ही कयो छे, “हाव तुखे कदी नी छुड़ीस; आरू नी कदी तुखे त्यागीस।”
HEB 13:6 एरकरीन हामु निडर हईन कयता छे, “पोरबु मारो सहायक छे, हाव नी घाबराय; मानुस मारो काय कर सकता छे।”
HEB 13:7 जो तुमरा ओगवला हुता, आरू जिन्होने तुमूक यहोवा–भगवान क वचन सोमव्या छे, तीनुक स्मरण राखीन; आरू ध्यान छे ओको चाल–चलन क आखरी देखीन ओको विश्वास क गती करू।
HEB 13:8 ईशु मसीह काल आरू आज आरू युगानयुग एक सा छे।
HEB 13:9 हरेक प्रकार क ओसी तोसी शिक्षा छे नी भरमाय जावु, काहकि मन क फोकटन दया छे दृढ रयने भला छे, नी कि उन खाने की चीज छे जिन छे काम राखनेवावा क काही लाभ नी हुयो।
HEB 13:10 हामरी एक ओसी वेदी छे जिना पर छे खाने क हक उन मानसे क नी, जो तम्बू की सेवा करता छे।
HEB 13:11 काहकि जिन ढुरो क लुहूय डाहला पुजारा पाप बलि क करता चुखलोस्थान मा ली जाता छे, उनकी डील छावनी क खयड़े धपाड़ जातो छे।
HEB 13:12 इनी कारण, ईशु ने भी मानसे क आपने ही लुहूय क द्वारा चुखलो करने क करता फाटक क बाहरता दुःख झेलीयो।
HEB 13:13 एरकरीन आवु, उना की निंदा आपने ऊपर लेदा होया छावनी क बाहरता ओका साथे निकवीन चाले।
HEB 13:14 काहकि याहा हामरा काही स्थाई नगर नी, वरना हामु एक आवनेवाळा नगर की हेर मा छे।
HEB 13:15 एरकरीन हामु ओका द्वारा बढ़ाईरूपी बलिदान, मतलब उन हुटड़ा क फोव जो ओका नाव क पछतायो करता छे, यहोवा–भगवान क सर्वदा चढ़ाया करे।
HEB 13:16 भालाई करने आरू मोंग देखाड़ने नी भूल, काहकि यहोवा–भगवान ओसी बलिदान छे खुश होयतो छे।
HEB 13:17 आपने अगळवानिया की हुकुम मानो आरू ओको हको तळे रयो, काहकि वो ओको समान तुमरे जीव क करता जागता रया छे जिन्हे लिखने देनो पड़से; वो यो काम खुशी छे करू, नी कि छेवी हवा ली लेदी, काहकि इनीये दशा मा तुमूक काही लाभ नी।
HEB 13:18 हामरे करता प्रार्थना करता रयो, काहकि हामु विश्वास छे कि हामरा मन चुखो छे: आरू हामु सब वात मा वारली चाल चालने जूवता छे।
HEB 13:19 प्रार्थना करने क करता हाव तुमू आरू भी समझता छे कि हाव शीघ्र तुमरे साथे पछु आय सकु।
HEB 13:20 हिमी शांतीदाता यहोवा–भगवान, जो हामरा पोरबु ईशु क जो गाडरा क महान राखवावी छे अमरकाय वाचा क लुहूय क गुण छे मरला होया मा छे जीवाड़ीन ली आश।
HEB 13:21 तुमू हर एक वारली वात मा सिध्द करू, जिनासे तुमू ओकी मरजी पूरी करू, आरू जो काही ओको भाता छे ओको ईशु मसीह क द्वारा हामु मा पैदा करू। ओकी की महिमा युगानयुग होयती रयी। आमेन।
HEB 13:22 हे भाईस, हाव तुमू छे रावन्या करता छे कि इनीये शिक्षा की वात क सह लोम, काहकि हाव ने तुमूक घोणा संक्षेप मा लिख्यो छे।
HEB 13:23 तुमू यो ज्ञात होय कि तीमुथियुस, हामरा भाईस छुट गया छे आरू यदि वो शीघ्र आय गया तो हाव ओका साथे तुमू छे भेंट करीस।
HEB 13:24 आपने सब अगळवानिया आरू सब चुखलो मानसे क नमस्कार कोवु। इतालिया वाळा उको सयाळा कहे।
HEB 13:25 तुमू सब पर फोकटन दया हुयसे रयो। आमेन।
JAM 1:1 यहोवा–भगवान क आरू पोरबु ईशु मसीह क दास याकूबन चा रयन जिनु बारा अवळियाद क जो तितर बितर हईन रयता छे नमस्कार।
JAM 1:2 हे मारा भाईस, आरू बहनीस जव तुमू हरेक प्रकार की परीक्षा मा पड़ो, तो इनुक पूरो खुशी की वात समझु।
JAM 1:3 काहकि तुमू जानता छे कि जव तुमरू विश्वास पारखायने सी गम पैदा हुये, ते परिणाम यो सहन करनेन ताकत छे;
JAM 1:4 पर धीरज क आपसा पूरो काम करने देवु कि तुमू पूरे आरू सिध्द होय जाय, आरू तुमू मा काही वात की घटी नी रये।
JAM 1:5 पुन जेतार तुमू मा छे काही क बुध्दि की घटी होय तो यहोवा–भगवान छे मांग, जो बिना दोष दिदा सब क किरपा छे देता छे, आरू ओको देदी जाछे।
JAM 1:6 पर विश्वास छे मांगे आरू काही संका नी करे, काहकि संका करनेवावा दरिया की लहरे क समान छे जो वाहवा सी उहवती आरू उछलती रये।
JAM 1:7 ओसो मानुस यो नी समझे कि मखे पोरबु छे काही मिवछे,
JAM 1:8 वो व्यक्ति दुचिता छे आरू आपसी सारी वात मा खाटळो छे।
JAM 1:9 विश्वासी गरीब भाईस आपसा उंचा पद पर खुश रोवे।
JAM 1:10 आरू धनवान आपसी नेची दशा पर खुशी करनो जूवे; काहकि वो खोड़ो क फूल की तरह जाता रोवछे।
JAM 1:11 काहकि दाहडु उग हुयसे ही वातड़ी धूप पड़ती छे आरू खोड़ो क सुखाड़ देती छे, आरू तेरो फूल झड़ जाता छे आरू ओकी शोभा जाती रयती छे। इनीये प्रकार धनवान भी आपनो व्यवसाय करता धरतीम मिव जाछे।
JAM 1:12 धन्य वो मानुस जो परीक्षा मा स्थिर रयता छे, काहकि वो सचा निकवीन जीवन क वो मुकट देखे जेरो प्रतिज्ञा पोरबु ने आपने मोंग करनेवावा छे की छे।
JAM 1:13 जव काही की परीक्षा होय, तो वो यो नी कये कि मारी परीक्षा यहोवा–भगवान की आरू छे होयती छे काहकि नी तो बुरी वात छे यहोवा–भगवान की परीक्षा होय सकती छे।
JAM 1:14 पुन हर एक व्यक्ति आपसी ही लालोच छे हापकीन आरू फंसकर परीक्षा मा पड़ता छे।
JAM 1:15 पछु लालोच भारीस हईन पाप क जानती छे आरू पाप जव बढ़ जाता छे तो मरला क पैदा करता छे।
JAM 1:16 हे मारा मोंगावु भाईस, धोखा नी खावु।
JAM 1:17 काहकि हर एक खरी दान ऊपर ही छे, आरू दिवा क बास की आरू छे मिवता छे, जिनाम नी तो काही बदलाव होय सकता छे।
JAM 1:18 यहोवा–भगवान ने आपसी ही मरजी छे हामु सच्चाई क वचन क द्वारा पैदा कर्‍या, ताकि हामु ओकी सृष्टी करी होयी समान मा छे एक प्रकार क पेहलो फोव होय।
JAM 1:19 हे मारा मोंगावु भाईस, आरू बहनीस यो वात तुमू जान लेवु: हर एक मानुस सोमवने क करता तत्पर आरू बुलने मा धीरो आरू रीस मा धीमा होय।
JAM 1:20 काहकि मानुस रीस यहोवा–भगवान क न्यायपन उध्देश हासिल नी कर सकता।
JAM 1:21 एरकरीन सारी मलिनता आरू बैर भाव की बढ़ती क दूर करीन, उना वचन क नम्रता छे मान्य कर लेवु जो दिल मा वेर्‍या गया आरू जो तुमरे जीव क उध्दार कर सकता छे।
JAM 1:22 पुन वचन पर चालनेवावा बनु, आरू केवल सोमवनेवावा ही नी जो आपने आप क धोखा देता छे।
JAM 1:23 काहकि जो काही वचन क सोमवनेवावा होय आरू ओको पर चालनेवावा नी होय, तो ओको मानुस क सामने छे जो आपसा स्वभाविक मुय आरसा देखता छे।
JAM 1:24 एरकरीन कि वो आपने आप क देखीन चाल जाता आरू तत्काल भुल जाता छे कि हाव कोसो होतो।
JAM 1:25 पुन जो व्यक्ति स्वतंत्रता की सिध्द व्यवस्था पर ध्यान करता रयता छे, वो आपने काम मा एरकरीन बरकत देखछे कि सोमवीन भुलता नी पर वोसो ही काम करता छे।
JAM 1:26 यदि काही आपने आप क भक्त समझे आरू आपसी जीभ पर लगाम नी देय पर आपसा दिल क धोखा देय, तो ओकी भक्ति व्यर्थ छे।
JAM 1:27 हामरा यहोवा–भगवान आरू बास क निकट चुखो आरू निर्मल भक्ति यो छे कि विखाळा आरू रंडायली क तकलीद मा ओकी सुधि लेय, आरू आपने आप क संसार छे निष्कलंक राखे।
JAM 2:1 हे मारा भाईस, हामरा महिमायुक्त पोरबु ईशु मसीह पर तुमरो विश्वास भेदभाव क साथे नी होय।
JAM 2:2 काहकि जेतार एक मानुस सोनो छल्लो आरू घाटळो लुगड़ा पेहर्‍या होया तुमरी सभा आश, आरू एक गरीब भी किटायला, कुचवायला लुगड़ा पेहर्‍या होया आश।
JAM 2:3 आरू तुमू ओको घाटळो लुगड़ा क मुय देखीन कोवु, “वाँ वारली धरतीम बठ्या” आरू उना गरीब छे कोवु, “तु याहा उबा रोव” या मारा पाय क साथे बठ्या।
JAM 2:4 तो काय तुमू ने आपस मा संका नी कर्‍या आरू बुरे विचार छे न्याय करनेवावा नी ठराय?
JAM 2:5 हे मारा मोंगावु भाईस, सोमवु। काय यहोवा–भगवान ने इनीये धरती क गरीब क नी निवाड़या कि विश्वास मा धनी आरू ओको राज्य क हक होय, जेरी प्रतिज्ञा ओको ने उनछे करी छे जो ओका सी मोंग राखता छे?
JAM 2:6 पुन तुमू ने ओको गरीब क विजुत कर्‍या। काय धनी मानसे तुमू पर वेला नी पाड़े आरू काय वो ही तुमूक कचहरियो मा घसड़ी–घसड़ीन नी ली जाय?
JAM 2:7 काय वो ओको वारलो नाव की निन्दा नी करता जिनाक तुमू कोवायता छे?
JAM 2:8 तौभी तुमू पवित्रशास्त्र इनीये वचन क लारे कि “तु आपसा धड़ेवावा छे आपने समान मोंग राख” सचमुच ओको राज व्यवस्था पूरी करता होय, तो वारला ही करता होय।
JAM 2:9 पर यदि तुमू भेदभाव करता होय तो पाप क दोषी होय; आरू व्यवस्था तुमूक गुणेगार ठेरायती छे।
JAM 2:10 काहकि जो काही सारी व्यवस्था क पालन करता छे पुन एक ही वात मा चूक जाय तो वो सब वात मा दोषी ठराय त्योकी छे।
JAM 2:11 अतरान करीन कि जो यो कयो, “तु व्यभिचार नी करने” तीनी ने यो भी कयो, “हत्या नी करने” एरकरीन यदि तु व्यभिचार तो नी कर्‍या पर हत्या की तौभी तु व्यवस्था क तुड़नो करनेवावा ठेराया।
JAM 2:12 तुमू उन मानसे क समान वचन बुले आरू काम भी करू जिनका न्याय स्वतंत्रता की व्यवस्था क लारे होयछे।
JAM 2:13 काहकि जो दया नी करी, ओको न्याय विना दया क होयछे: निर्दयी, न्याय पर जयवन्त होयती छे।
JAM 2:14 हे मा भाईस यदि काही कये कि मखे विश्वास छे पर वो काम करता होय, तो इनासे काय लाभ? काय ओसो विश्वास कदी ओको उध्दार कर सकता छे?
JAM 2:15 यदि काही भाईस आरू बहिनीस नांगरला उघाड़ला होय आरू हर दाहडु भोजन की घटी होय।
JAM 2:16 आरू तुमू मा छे काही उनछे कये, “कुशल छे जावु, तुमू गरम रवु आरू तृप्त रवु” पर जो समान डील क करता छाची छे वो इनुक नी देय तो काय लाभ?
JAM 2:17 वोसो ही विश्वास भी, यदि काम सहित नी होय तो आपसा स्वभाव मा मरला हुयो छे।
JAM 2:18 वरना काही कय सकता छे, “तुखे विश्वास छे आरू हाव काम करता छे।” आपसा विश्वास मखे काम बिना तो देखाय; आरू हाव आपसा विश्वास आपने कामो क द्वारा तुखे आपाड़ीस।
JAM 2:19 काय तुखे विश्वास छे कि एक ही यहोवा–भगवान छे; तु वारलो करता छे। साहळा भी विश्वास राखता, आरू थरथराता छे।
JAM 2:20 पर हे निकम्मी मानुस काय तु यो भी नी जानता कि काम बिना विश्वास व्यर्थ छे।
JAM 2:21 जव हामरा बास अब्राहम ने आपनो पोर्‍य इसहाक क वेदी पर चढ़ाया, तो काय वो कामो छे न्यायी नी ठेराया हुता?
JAM 2:22 शेवली कावा तु ने देख लेदा कि विश्वास ने ओका काम छे विश्वास सिध्द होया।
JAM 2:23 आरू चुखलो शास्त्र क यो वचन पूरो होया: “अब्राहम ने यहोवा–भगवान क विश्वास कर्‍या, आरू यो ओका करता न्यायी गिना गया” आरू वो यहोवा–भगवान क दोस्त कोवायता।
JAM 2:24 इनीये प्रकार ने देख लेदा कि मानुस केवल विश्वास छे ही नी, वरना कामो छे भी न्यायी ठेरायता छे।
JAM 2:25 वोसो ही राहाब वेश्या भी, जव त्यो क आपने घर मा उतरीया आरू दीसर मार्ग छे विदा कर्‍या, तो काय कामो छे न्यायी नी ठराय।
JAM 2:26 शेवली कावा जोसो देह आत्मा विना मरी होयी छे, वोसी ही विश्वास भी काम विना मर्‍या होया छे।
JAM 3:1 हे मारा भाईस, आरू बहनीस तुमू मा छे घोणा शिक्षक नी बने, काहकि जानता होय कि हामु शिक्षक आरू भी दोषी ठेरायछे।
JAM 3:2 अतरान करीन कि हामु सब घोणा कावा चूक जानता छे; जो काही वचन मा नी चूकता चो तो सिध्द मानुस छे आरू सारी देह पर भी लगाम लागाड़ सकता छे।
JAM 3:3 जव हामु आपसा वश मा करने क करता घुल्लान मुय मा लगाम लागाड़जे ती हामु ओका सब डील क फेरवी सकजे।
JAM 3:4 देखु ढोंड्या भी, यदि ओसो मोटो होयतो छे आरू बैस हवा छे चालाड़ जातो छे, तवभी एक नानी सी पतवार क द्वारा मांझी की मरजी क लारे घुमायो जाए।
JAM 3:5 वोसो ही जीभ एक नानो सा डील छे आरू वो मोटी मोटी डीगे मारती छे। देखु, थुड़ी सी आगठी छे कोतरा मोटा जोन्गोल मा आगठो लाग जातो छे।
JAM 3:6 जीभ भी एक आगठो छे; जीभ हामरे डील मा अन्याय क एक मानसे छे, आरू सारी देह पर गुणो लागाड़ ती छे, आरू जीवन गती मा आगठो लागाड़ देती छे, आरू नरक कुण्डा की आगठा छे धपती रयती छे।
JAM 3:7 काहकि हर प्रकार क वन मा वाळा जनवार चिल्ला, आरू रेंगनेवावा जन्तु, आरू जलचर तो मानुस जाति क वश मा होय सकता छे आरू होय भी गया छे।
JAM 3:8 पुन जीभ क मानुस मा छे काही वश मा नी कर सकता; वो एक ओसी बला छे जो कदी रूकती ही नी, वो जीव नाशक विष छे भरी होयी छे।
JAM 3:9 इनी मा रयन छे हामु पोरबु आरू बास की बढ़ाई करता छे, आरू इनी छे मानुस क जो यहोवा–भगवान क स्वरूप मा पैदा होया छे शाप देता छे।
JAM 3:10 एक ही मुय छे धन्यवाद आरू शाप दुयू निकवता छे। हे मारा भाईस ओसो नी होयनो जूवे।
JAM 3:11 काय सुवता क एक ही मुय छे गुव्वो आरू खारलो पानी दुयू निकवता छे।
JAM 3:12 हे मारा भाईस, काय अंजीर क झाड़का मा जैतुन या अंगुर क रस की सोता मा अंजीर लाग सकता छे? वोसो ही खारे सुवता छे गुव्वो पानी नी निकव सकतो।
JAM 3:13 तुमू मा बुध्दिवान आरू समझदार कुन छे? जो ओसो होय वो आपसा काम क वारली चाल–चलन छे ओको नम्रता सहित प्रगट करे जो ज्ञान छे पैदा होयती छे।
JAM 3:14 पुन जेतार तुमू आपसा–आपसा मन मा कड़वी किचवाय आरू विरोध राखता होय, तो सच्चाई क विरोध मा डाहळाय नी करने आरू, नी तो झूठ बुलने।
JAM 3:15 यो ज्ञान वो नी जो ऊपर छे उतरता छे, वरना सांसारिक, आरू डीलन अनसारे, आरू शैतान सी आवे।
JAM 3:16 काहकि वा किचवाय आरू विरोध हुयसे छे, वाँ बखेड़ा आरू हर प्रकार क दुष्कर्म भी हुयसे छे।
JAM 3:17 पुन जो ज्ञान ऊपर छे आवतो छे वो पेहल तो चुखलो होयतो छे पछु मिलनसार, कोमल आरू मृदुभाव आरू दया वारलो फोव छे लदा होया आरू भेदभाव आरू कपट रहित हुयसे छे।
JAM 3:18 मिलाप करावनेवाळा न्यायपन क फोव मेलमिलाप क साथे वेरता छे।
JAM 4:1 तुमू मा लड़ाई आरू झगड़ा कयो छे आय गया? काय उन सुख विलास छे लालोच छे नी आवतो जो तुमरा डील मा लड़ता भिड़ता छे?
JAM 4:2 तुमू लालसा राखता होय, आरू तुमूक मिवता नी; अतरान करीन तुमू हत्या करता होय, आरू तुमू डाह करता होय, आरू काही हासिल नी कर सकता; तो तुमू झगड़ता आरू लड़ायता होय। तुमू एरकरीन नी मिवता काहकि वो यहोवा–भगवान छे कि मांगता नी।
JAM 4:3 मांगता होय आरू देखता नी, अतरान करीन कि बुरी मरजी छे मांगता होय ताकि आपनो सुख विलास मा उड़ाय देवु।
JAM 4:4 हे व्यभिचारिणियो, काय तुमू नी जानती कि संसार सी साथ सोंगात करनो यहोवा–भगवान छे बैर करनो छे? शेवली कावा जो काही संसार क दोस्त होयनो जूवत छे, वो आपने आप क यहोवा–भगवान क दुस्मन बनावतो छे।
JAM 4:5 काय तुमू यो समझता होय कि चुखलो शास्त्र व्यर्थ कयता छे, जिना आत्मा क त्यो हामरा माहीय बसाड्या छे, काय वो ओसी लालस करता छे जेरो हर फोव डाह होय?
JAM 4:6 वो तो आरू भी फोकटन दया देता छे; इनीये कारण यो लिख्यो छे, “यहोवा–भगवान डाहवाळिया क विरोध करता छे, पर दाहड़ा पर फोकटन दया करता छे।”
JAM 4:7 एरकरीन यहोवा–भगवान क हको तळे होय जावु; आरू शैतान क सामना करू, तो वो तुमरे साथे छे ढास गयो।
JAM 4:8 यहोवा–भगवान क निकट आवु तो वो भी तुमरे निकट आवसे। हे पापी, आपसा हात चुखो करू; आरू हे दुचित्ते मानछे, आपसा दिल क चुखलो करू।
JAM 4:9 दुःखी होय, आरू शोक करू, आरू रडु। तुमरी हासी शोक मा आरू तुमरा खुशी उदासी मा बदल जाय।
JAM 4:10 पोरबु क सामने दाहड़ा बन तो वो तुमूक उचा उठावसे।
JAM 4:11 हे भाईस, एक दिसरा की बदनामी नी करू। जो आपसा भाईस की बदनामी करता छे या भाईस पर दोष लागड़ता छे, वो व्यवस्था की बदनामी करता छे आरू व्यवस्था पर दोष लागाड़ता छे; आरू यदि तु व्यवस्था पर चालनेवावा नी पर ओको पर सरदार ठराय।
JAM 4:12 व्यवस्था देनेवावा आरू सरदार तो एक ही छे, जो वाचाड़ने आरू नाश करने मा समर्थ छे। पर तु कुन छे, जो आपसा धड़ेवावा पर न्याय करता छे?
JAM 4:13 तुमू जो यो कयता होय, आज या काल हामु काही आरू नगर मा जाईन वाँ एक साल देखाड़े, आरू व्यापारी करीन लाभ कमायसे।
JAM 4:14 आरू यो नी जानता कि काल काय? तुमू तो बाप क समान होय, जो थुड़ी देर देखाय देती छे पछु लोप होय जाती छे।
JAM 4:15 ओका उलटो तुमू यो कयनो जूवे, “यदि पोरबु जूवे तो हामु जीवता रोवसु, आरू यो वो काम भी करसु।”
JAM 4:16 पर हिमी तुमू आपसा डींग मारता होय आरू डाहळाय करता होय; ओसो सब डाहळाय बुरा हुयसे छे।
JAM 4:17 एरकरीन जो काही भलाई करने जानता छे आरू नी करता, ओका करता यो पाप छे।
JAM 5:1 हे धनवानो, सोमवी लेवु तुमू आपसा–आपसा आवनेवाळा दुःख पर आयड़ी आयड़ीन रोडु।
JAM 5:2 तुमरो धन बिगड़ गयो छे आरू तुमरा लुगड़ा क कीड़ा खाय गया छे।
JAM 5:3 तुमरो सोनो चाँदी मा काही लाग गयो छे; आरू वो काही तुमू पर गवा देसे, आरू आगठो क समान तुमरा मास खाय जाछे।
JAM 5:4 देखु, जिन दाहडक्या ने तुमरा खेत काटे, उनकी वो दाहडक्या जो तुमू ने धुको दीन राख लेदा छे आयड़ी रोवी छे, आरू लावनेवावा की दोहाई छेना क पोरबु क कान्टा तक पुचाड़ गयी छे।
JAM 5:5 तुमू धरती पर भोग; तुमू ने इनीये वध क दाहड़ो क करता आपसा दिल मा पालन पुषण करीन ओको मोटा ताजा कर्‍या।
JAM 5:6 तुमू ने न्यायी क दोषी ठेरावीन मार नाख्या, वो तुमरो सामना नी करे।
JAM 5:7 अतरान करीन हे भाईस, पोरबु क आवनो तक धीरज धरू। देखु, किरसान धरती की मोंगलो कमाय की आश राखता होया पेहलो आरू आखरी साल हुयने तक धीरज धरती छे।
JAM 5:8 तुमू भी धीरज धरू आपसा दिल क दृढ़ करू, काहकि पोरबु क आवनो निकट छे।
JAM 5:9 हे भाईस, आरू बहनीस एक दिसरा पर दोष नी लागाड़ ु, ताकि तुमू दोषी नी ठराय; देखु, सरदार झोपला पर उबो छे।
JAM 5:10 हे भाईस, जिन कागळिया ने पोरबु क नाव छे वात करी उनको दुःख उठाड़ने आरू धीरज धरने क एक विजुत करो।
JAM 5:11 देखु हामु धीरज धरनेवावा क धन्य कयता छे। तुम ने अय्यूब न धीरज क विषय मा ते सोमव्या छे, आरू पोरबु की आरू छे जो ओको हर फोव हुयो ओको भी जान लेदा छे, जिनासे पोरबु की घण करूणा आरू दया प्रगट होयती छे।
JAM 5:12 पर हे मारा भाईस, आरू बहनीस सब स्रेष्ठ वा त यो छे कि शपथ नी खाय नी सोरग की, नी धरती की, नी काही आरू समान की, पर तुमरी वातचीत हव ते हव, आरू नी की नी होय, कि तुमू दण्ड क योग्य नी ठराय।
JAM 5:13 यदि तुमू मा काही दुःख छे, तो वो प्रार्थना करू। यदि खुशी छे, ते चाँ बढ़ाई क भोजन गावे।
JAM 5:14 यदि तुमू मा काही बीमार छे, तो मंडळी क डाहडा क बुलाय, आरू वो पोरबु क नाव छे ओको पर तेल मल कर ओका करता प्रार्थना करू।
JAM 5:15 आरू विश्वास की प्रार्थना क द्वारा बीमार वाच जाछे आरू पोरबु ओको उठाड़ीन उबा करसे; आरू यदि त्यो पाप भी कर्‍या होय तो उन की भी माफ होय जाछे।
JAM 5:16 एरकरीन तुमू आपस मा एक दिसरा क सामने आपसा–आपसा पाप क मान लेवु, आरू एक दिसरा क करता प्रार्थना करू, जिना छे वारू होय जावु: न्यायीजन की प्रार्थना क शक्ति छे घोणा काही होय सकता छे।
JAM 5:17 एलियाह भी तो हामरा समान दुःख सुख भोगी मानुस हुता; आरू त्यो गिड़ गिड़ाकर प्रार्थना करी की हावह नी बरछे; आरू साड़े तीन साल तक धरती पर हावह नी बरसा।
JAM 5:18 फछो त्यो प्रार्थना करी, तो आकाश छे साल होयी, आरू धरती फलवंत होयी।
JAM 5:19 हे मारा भाईस, यदि तुमू मा काही सच्चाई क मार्ग छे भटक जाय आरू काही ओको क पोछा लाया लावे।
JAM 5:20 तो वो यो जान लेवु कि जो काय काही भटके हुयो पापी क फेर लागाड़ छे वो एक जीव क मरन छे वाचाड़छे आरू काहय करीन पाप पर परदा नाखछे।
1PE 1:1 पतरस की आरू छे जो ईशु मसीह क प्रेरित छे, उन परदेशीया क नाव जो पुन्तुस, गलतिया, कप्पदुकिया, आसिया आरू बैतनीया मा तितर बितर हईन रयता छे,
1PE 1:2 आरू यहोवा–भगवान बास क भविष्य ज्ञान क लारे, आत्मा क चुखलो करने द्वारा हुकुम मानने आरू ईशु मसीह क लुहूय क छिड़के जाने क करता त्योन गया छे। तुमू फोकटन दया आरू शांती बहुतायत छे मिवती रया।
1PE 1:3 हामरे पोरबु ईशु मसीह क यहोवा–भगवान आरू बास क धन्यवाद होय, जो ईशु मसीह क मरला होया मा छे जीव उठने क द्वारा, आपसी मोटी दया छे हामु जीवती आशा करता नवलो जनन लेनु जरूरी छे,
1PE 1:4 मतलब एक अमरकाया, आरू निर्मल, आरू अजर मीरास क करता जो तुमरे करता सोरगदूत मा राख्य छे;
1PE 1:5 जिन्दरी रक्षा यहोवा–भगवान की शक्ति छे विश्वास क द्वारा उना उध्दार क करता, जो आखरी टेहाव मा प्रगट हुयने वालो छे, करी जाती छे।
1PE 1:6 अतरान करीन कारण तुमू खुश होय, यदि पाको छे कि हिमी काही दाहाड़ा क करता हरेक प्रकार की परीक्षा क कारण दुःख मा होय;
1PE 1:7 आरू यो अतरान करीन छे कि तुमरी पारखी हुयो विश्वास, जो आगठो छे ताय हुयो नाशवान सोनो छे भी काही सवटो मोंगलो छे, ईशु मसीह क प्रगट क हुयने पर वाहवाय आरू महिमा आरू विजुत हासिल होयछे।
1PE 1:8 ओको तुमू विन देखे मोंग राखता होय, आरू हिमी तो उना पर बिन देख भी विश्वास करीन ओसो खुशी आरू मगन हुयसे होय जो वर्णन छे बाहरता आरू महिमा छे भरायो हुयो छे;
1PE 1:9 आरू आपसा विश्वास क हर फोव मतलब आत्मा क उध्दार हासिल करता होय।
1PE 1:10 इनी उध्दार क विषय मा इना भविष्यवक्ता ने घोणा मोजीन आरू हेरने पड़ताल की, जा ओको फोकटन दया क विषय मा जो तुमू पर हुयने क हुता, भविष्यव्दाणी करी होती।
1PE 1:11 चे यी वात की हेर करी की मसीह क आत्मा उनमा हुता, आरू पेहल ही छे मसीह क दुःख की आरू ओका होयनेवावी महिमा की गवा देता हुता, वो कुन छे आरू कोसो टेहाव की आरू संकेत करता हुता।
1PE 1:12 उन पर यो प्रगट कर्‍या गया की वो आपसी नी वरना तुमरी सेवा क करता यो वात कयो करता हुता, जेरो खबर हिमी तुम्हे ओको द्वारा मिव्यो जिन्होने चुखलो आत्मा क द्वारा जो सोरगदूत छे मुकल्या गया, तुमूक खुश खबर सोमवाया; आरू इन वात क सोरगदूत भी ध्यान छे देखने की लालसा राखता छे।
1PE 1:13 इनीये कारण आपसी–आपसी मन की कमर बांधीन, आरू सचेत रहकर, फोकटन दया की पूरी आश राखु जो ईशु मसीह क प्रगट हुयने क टेहाव तुमूक हाववनेवावा छे
1PE 1:14 हुकुमकारी पोर्‍य क समान आपसी विनअकल क टेहाव की जुनली लालोच क सदृश नी बन्यो।
1PE 1:15 पर जोसो तुमरा बुलावनेवावा चुखलो छे, वोसो ही तुमू भी आपने सब चाल चालने मा चुखलो बनु।
1PE 1:16 काहकि लिख्या छे, “चुखलो बनु, काहकि हाव चुखलो छे।”
1PE 1:17 आरू जव कि तुमू “हे बास कयकर ओका सी प्रार्थना करता होय, जो विना भेदभाव हर एक क काम क लारे न्याय करता छे, आपने परदेशी हुयने क टेहाव बीक छे देखाडु।”
1PE 1:18 काहकि तुमू जानता होय कि तुमरा निकम्मा चाल चालने जो बाबदादा चाली आवता छे, ओका सी तुमरा छुटकारो चाँदी सोना मतलब नाशवान समान क द्वारा नी होया।
1PE 1:19 पर निर्दोष आरू निष्कलंक गाडरो, मतलब मसीह क बेस किमती लुहूय क द्वारा होया।
1PE 1:20 ओको ज्ञान तो धरतीम पैदा क पेहल ही छे जाने गया हुता, पर ही इनीये आखरी युग मा तुमरे करता प्रगट होया।
1PE 1:21 ओका द्वारा तुमू उना यहोवा–भगवान पर विश्वास करता होय, जो ओको मरलो हुयो मा छे जीवाड्य आरू महिमा देदी कि तुमरा विश्वास आरू आश यहोवा–भगवान पर होय।
1PE 1:22 शेवली कावा जव कि तुमू ने भाईचारे की निष्कपट प्रेम क निमित्त सच्चाई क मानने छे आपसा मन क चुखलो कर्‍या छे, तो तन मन लागड़ी एक दिसरा छे सवटो मोंग राखु।
1PE 1:23 काहकि तुमू ने नाशवान नी पर अमरकाया बीज छे, यहोवा–भगवान क जीवतो आरू सदा ठेरानेवावा वचन क द्वारा नवलो जनम रयन पैदा देख्या छे।
1PE 1:24 काहकि “हर एक मानुस खोड़ो क समान छे, आरू ओकी सारी शोभा खोड़ो क फूल क समान छे। खोड़ो सूख जाती छे, आरू फूल झड़ जाता छे,
1PE 1:25 पुन पोरबु क वचन युगानयुग स्थिर रयता छे।” आरू योही खुश खबर क वचन छे जो तुमूक उजन्तो कर्‍या गया हुता।
1PE 2:1 एरकरीन सब प्रकार क बैरभाव आरू छोव आरू कपट आरू डाह आरू निंदा क दूर करीन,
1PE 2:2 नवलो पैदा हुयो पोर्‍य क समान निर्मल आत्मिक दूध की लालसा करू, ताकि ओका द्वारा उध्दार देखने क करता बढ़ता जावु,
1PE 2:3 काहकि तुमू ने पोरबु की भलाई क हवाद चाख लेदा छे।
1PE 2:4 ओका साथे आवीन, जिनाक मानुस क राजमिस्त्री निकम्मा ठेराया पुन यहोवा–भगवान क निकट नेवाड़लो आरू मोंगलो जीवता दगडो छे,
1PE 2:5 तुमू भी आप जीवता दगड़ा क समान आत्मिक घर बनतो जातो होय, ओका पुजारा क चुखलो समाज बनीन, ओसो आत्मिक बलिदान चढ़ावु जो ईशु मसीह क द्वारा यहोवा–भगवान क मानने जुगु छे:
1PE 2:6 इनीये कारण चुखलो शास्त्र मा भी आयो छे: “देखु, हाव सिय्योन मा कुन क मुनका क त्योन्यो होया आरू मोंगलो दगड़ा धरती छे: आरू जो काही उना पर विश्वास करसे, वो काही रीति छे लज्जित नी होयछे।”
1PE 2:7 शेवली कावा तुमरे करता जो विश्वास करता होय वो तो मोंगलो छे, जो विश्वास नी करता ओको करता “जिना दगड़ा क राजमिस्त्री ने निकम्मा ठेराया हुता, चो कुन सिरा होय गया”
1PE 2:8 आरू “ठेस लागने क दगड़ा आरू ठुकर खाने की चट्टान होय गया छे” काहकि वो तो वचन क नी मानीन ठुकर खाता छे आरू इनी क करता वो ठहराया भी गया हुता।
1PE 2:9 पर तुमू एक त्योन्या होया वंश राज पदधारी पुजारा क समाज, आरू चुखलो मानसे आरू यहोवा–भगवान कि नीच प्रजा होय, अतरान करीन कि जो तुमूक आंधारला मा छे आपसी घण मोटो दिवा मा बुलाया छे, ओका गुण प्रगट करू।
1PE 2:10 तुमू पेहल तो काही भी नी हुता पर हिमी यहोवा–भगवान की प्रजा होय; तुमू पर दया नी होयी होती पर हिमी तुमू पर दया होयी छे।
1PE 2:11 हे मोंगावु, हाव तुमू छे रावन्या करता छे की तुमू आपने आप क परदेशी आरू यात्री जानीन उन सांसारिक लालोच छे जो आत्मा छे युध्द करती छे, वाच रयो।
1PE 2:12 गैरयहुदी मा तुमरा चाल चालने भला होय; ताकि जिन जिन वात मा वो तुमू खराब जानीन बदनाम करता कारण किरपा दृष्टि दाहड़ो यहोवा–भगवान की महिमा करे।
1PE 2:13 पोरबु क करता मानुस क ठेराया होया हर एक तयारी क हको तळे रयो, राजा क एरकरीन की वो सब पर प्रधान छे।
1PE 2:14 आरू सरदार क, काहकि वो खराब क दण्ड देने आरू वारलो काम करने वाला वाहवाय क करता ओका मुकल्या होया छे।
1PE 2:15 काहकि यहोवा–भगवान की मरजी यो छे कि तुमू भले काम करने क द्वारा निर्बुध्द मानसे की विनअकल की वात क बंद कर देवु।
1PE 2:16 आपने आप क स्वतंत्र जाने पर आपसी इनीये स्वतंत्रता क बुराई क करता आड़ नी बनावु; पुन आपने आप क यहोवा–भगवान दास समझीन चालु।
1PE 2:17 सब क विजुत करू, भाईस छे मोंग राखु यहोवा–भगवान छे घाबराय, राजा क सम्मान करू।
1PE 2:18 सेवको, हर प्रकार क भय क साथे आपने स्वामियो न विजुत करीन हको तळे रयो, नी केवल ओको जो वारू सयाळा आरू नम्र होय पर ओको भी जो कुटिल होय।
1PE 2:19 काहकि यदि काही यहोवा–भगवान क विचार करीन अन्याय छे दुःख झेलतो रये होया पीड़ा सहता छे तो यो सुहावना छे।
1PE 2:20 काहकि यदि तुमू ने गुणेहगार करीन धुमा खाय आरू धीरज धरू, तो इनीये मा काय बढ़ाई की वात छे? पर यदि भला काम करीन दुःख झेलीयो आरू धीरज धरती होय, तो यो यहोवा–भगवान क भाता छे।
1PE 2:21 आरू तुमू इनी क करता बुलायो भी गया होय, काहकि मसीह भी तुमरे करता दुःख उठाड़ीन पद सहलानी पर चालु।
1PE 2:22 नी तो त्यो पाप कर्‍या आरू नी ओका मुय छे छोव की काही वात निकवी।
1PE 2:23 वो गाली सोमवीन गाली नी देता हुता, पर आपने आप क सच्चा न्यायी क हात मा सौपता हुता।
1PE 2:24 वो आप ही हामरा पाप क आपसी डील पर करता हुयो, कुरूस पर चढ़ गयु, जिनान करता हामु, पापन करता आरू मरीन न्यायपन क करता जीवन देखाड्या: तीनी मार खाने छे तुमू वारू होया।
1PE 2:25 काहकि तुमू पेहला भटकला गाडरा क समान हुता, पर हिमी आपने जीव राखनेवावा आरू अध्यक्ष क साथे पुगीन आवे होय।
1PE 3:1 हे बायर, तुमू भी आपसा घरवाळा क हको तळे रयो, अतरान करीन कि यदि इन मा छे काही ओसो होय जो वचन क मानता होय,
1PE 3:2 तौभी तुमरे बीक सहित चुखलो चाल चालने क देखीन विना वचन क आपसी–आपसी बायर क चाल चालने क द्वारा खेच जाय।
1PE 3:3 तुमरा सिनगार दिखावटी नी होय, मतलब झटा गुथने, आरू सोने क गयनो, या भाति क लुगड़ा पेहरने।
1PE 3:4 वरना तुमर डुकायलो आरू सातायलो मानुसत्व, नम्रता आरू मन क दीनता क अमरकाया सजावट छे सुसज्जित रये, काहकि यहोवा–भगवान न नजर मा ओका किमत मोटी छे।
1PE 3:5 पूर्वकाव मा भक्तीमान बायर भी, जो यहोवा–भगवान पर आश राखती होती, आपने आप क इनी रीति छे संवारती आरू आपने आपने घरवाळा क हको तळे रयती होती।
1PE 3:6 जोसो सारा अब्राहम की हुकुम मा रयती आरू ओको भगवान कयती होती। इनी प्रकार तुमू भी यदि भलाई करू आरू काही प्रकार क भय छे भयभीत नी होय, तो ओकी पोराय ठराय।
1PE 3:7 वोसो ही घर वावो तुमू भी बुध्दिमानी छे बायर क साथे जीवन निर्वाह करू, आरू बायर क निर्बल पात्र जानीन ओको विजुत करू यो समझीन की हामु दुय जीवन क वरदान क वारीस छे, जिनासे तुमरी प्रार्थना रूक नी जाय।
1PE 3:8 शेवली कावा सब क सब एक मन आरू किरपा आरू भाईचारे की मोंग राखनेवाळा, आरू सहनुभुती करूणामय, आरू नम्र बनु।
1PE 3:9 बुराई क बदले गाली देवु; पर ओका विपरीत बरकत ही देवु काहकि तुमू बरकत क वारीस हुयने क करता बुलाया गया होय।
1PE 3:10 काहकि “जो काही जीवन की मरजी राखता छे, आरू वारला दाहड़ा देखने जूवता छे वो आपसी जीभ क बुराई छे, आरू आपसा हुटड़ा क छोव की वात करने छे रूक रये।
1PE 3:11 वो बुराई क साथ छुड़े आरू भलाई ही करू: वो हावव मिलाप क हेरता, आरू ओका यत्न मा रये।
1PE 3:12 काहकि पोरबु क डुवा न्याय पर लागी रयती छे, आरू ओका कान्टा उनकी रावन्या करी आरू लाग रयता छे; पुन पोरबु बुराई करनेवावा क विरोध रयता छे।”
1PE 3:13 यदि तुमू भलाई करने क करीन जुर सी भरायलो रयो तो तुमरी बुराई करनेवावा पछु कुन छे?
1PE 3:14 यदि तुमू न्यायपन क कारण दुःख भी झेलो, तो धन्य होय; पर मानसे क घाबरायने छे मा घाबरायो, आरू नी घाबरायु,
1PE 3:15 पुन मसीह क पोरबु जानीन आपसा–आपसा मन मा चुखलो समझु। जो काही तुमू छे तुमरी आश क विषय मा काही पूछया, ओको जवाब देने क करता सर्वदा तीयार रयो, पर नम्रता आरू भय क साथे।
1PE 3:16 आरू विवेक भी चुखो राखु, अतरान करीन की जिन वात क विषय मा तुमरी बदनामी होयती छे इन्दरा विषय मा वो, जो मसीह तुमरो वारलो चाल चालने क विजुत करता छे, लज्जित होय।
1PE 3:17 काहकि यदि यहोवा–भगवान की योही मरजी होय की तुमू भलाई करने क कारण दुःख उठावु, तो यो बुराई करने क कारण दुःख उठावने छे वारू छे।
1PE 3:18 अतरान करीन की मसीह ने भी मतलब अन्यायी क करता न्यायी ने पाप क कारण एक बार दुःख हाकलिया, ताकि हामु यहोवा–भगवान की साथे पुचाड्या; वो डील क भाव छे तो घात कर्‍या गया, पर आत्मा क भाव छे जीवाड्या गया।
1PE 3:19 ओका मा त्यो जाईन कैदी आत्मा क भी प्रचार कर्‍या।
1PE 3:20 जा ओको बीते टेहाव मा हुकुम नी मानी, जव यहोवा–भगवान नूह क ढोंड्या बन रया हुता, बठीन थुड़ा मानसे मतलब आगठा मानुस पानी क द्वारा वाच गया।
1PE 3:21 तीनी बपतिस्मा क सपनो भी, मतलब ईशु मसीह क जीवन उठने क द्वारा, हिमी तुमूक वाचाड़ छे, पुन विवेक छे यहोवा–भगवान क वश मा होय जाने क मतलब छे।
1PE 3:22 वो सोरगदूत पर जायन यहोवा–भगवान क जेवड़ा तरफ बठ गया; आरू सोरगदूत आरू शक्ति ओका हको तळे कर्‍या गया छे।
1PE 4:1 अतरान करीन जव कि मसीह ने डील मा हईन दुःख झेलीयो तो तुमू भी तीनी मनसा क हथियार क समान धारण करू, काहकि जो डील मा दुःख हाकलिया वो पाप छे छूट गया।
1PE 4:2 ताकि भविष्य मा आपसा शेष शारीरिक जीवन मानुस की लालोच क लारे नी वरना यहोवा–भगवान की मरजी क लारे व्यतीत करे।
1PE 4:3 काहकि गैरयहुदी की मरजी क लारे गलत काम करने, आरू लुचपन की बुरी लालोच मतवालापन, लीलाक्रीड़ा, छाकट्यो, आरू घीन वाळी मुर्तिपूजक मा वा तक हामु ने पेहल टेहाव गंवाया, चो घोणा होया।
1PE 4:4 इनासे वो भोंगलाय गयो करता छे कि तुमू ओसो भारी लुचपन मा ओको साथ नी देता, आरू एरकरीन वो बुरा–भला कोवायता छे।
1PE 4:5 पर वो ओको जो जीवता आरू मरला होया क न्याय करने क तीयार छे, लिख देसे।
1PE 4:6 काहकि मरला होया क भी खुश खबर इनी करता सोमवाया गया कि डील मा तो मानुस क लारे ओको न्याय होय, पर आत्मा मा वो यहोवा–भगवान क लारे जीवतो रोवे।
1PE 4:7 सब वात क आखरी तत्काल हुयने वालो छे; एरकरीन संयमी हईन क विनता करता सचेत रवु।
1PE 4:8 सब मा श्रेष्ठ वात यो छे कि एक दिसरा छे सवटो मोंग राखु, काहकि मोंग काहकि काहय करीन पाप क ढांप देता छे।
1PE 4:9 बिना कुरकुर करीन एक दिसरा क पाहंनतराय सत्कार करू।
1PE 4:10 जिनाक जो वरदान हावव्य छे, वो ओको वो ओको यहोवा–भगवान क हरेक प्रकार क फोकटन दया क भला भण्डारी क समान एक दिसरा सेवा मा लागाड़ ़े।
1PE 4:11 यदि काही बुले, तो ओसो बुले मानो यहोवा–भगवान क वचन छे; यदि काही सेवा करे, तो ओको शक्ति छे करे जो यहोवा भगवान देता छे; जिनासे सब वात मा ईशु मसीह क द्वारा, यहोवा–भगवान की महिमा प्रगट होय। महिमा आरू साम्राज्य युगानयुग तीनी क छे। आमेन।
1PE 4:12 हे मोंगावु जो दुःख रूपी आगठी तुमरे पारखने क करता तुमू मा भड़की छे, इनीये छे यो समझीन भोंगलाय गयो नी करे कि काही सारकी वात तुमू पर वीत रयी छे।
1PE 4:13 पुन जोसा–जोसा मसीह क दुःख मा सहभागी होते होय, खुशी करू, जिनासे ओकी महिमा क प्रगट होयते टेहाव भी तुमू खुशी आरू खुशी होय।
1PE 4:14 पछु यदि मसीह क नाव क करता तुमरी निंदा करी जाती छे तो धन्य होय, काहकि महिमा क आत्मा, जो यहोवा–भगवान क आत्मा छे, तुमू पर रवती करती छे।
1PE 4:15 तुमू मा छे काही मानुस हत्यारा चुट्टा या खराब काम हुयने, या परायो काम मा हात नाखने क कारण दुःख देखछे।
1PE 4:16 पर यदि मसीह हुयने क कारण दुःख देखछे, तो लज्जित नी होय, पर इनीये वात क करता यहोवा–भगवान की मसीह क नाव बढ़ाई कर्‍या।
1PE 4:17 काहकि वो टेहाव आय पुगीयो छे कि पेहल यहोवा–भगवान क मानसे क न्याय कर्‍या जाय; आरू जव कि न्याय क शुरू हामु ही छे तो ओको काय आखरी होयछे जो यहोवा–भगवान क खुश खबर क नी मानता?
1PE 4:18 आरू “यदि न्यायी मानुस ही वातड़ी मेहनत छे उध्दार देखछे, तो भक्तवन आरू पापी क काय ठिकानो?”
1PE 4:19 एरकरीन जो यहोवा–भगवान की मरजी क लारे दुःख झेलतो रये छे, भलाई करता होया आपसा–आपसा जीव क विश्वासयोग्य सृजनहार क हात मा आपी दिदा।
1PE 5:1 तुमू मा जो पुरानो छे, हाव ओको समान डाहडा आरू मसीह क दुःख क गवा आरू प्रगट होयनेवावी महिमा मा सहभागी हईन तीनुक यो समझाड़ता छे।
1PE 5:2 कि यहोवा–भगवान क उना टुळा क, जो तुमरे वीच मा छे राखवाळी करो; आरू यो कोय क कयनो सी नी बाकुन यहोवा–भगवान की मरजी क लारे खुशी छे, आरू सिर्फ कमाय क करता नी पर मन लागाड़ कर।
1PE 5:3 जो मानसे तुमूक आपी गया छे, उन पर हक नी जितावु, वरना टुळान करता विजुत बने।
1PE 5:4 जव प्रधान राखवायु प्रगट होयछे, तो तुमूक महिमा क मुकुट आपसे तेरी घाटळो रूप खतम नी हुये।
1PE 5:5 इनी प्रकार हे नवयुवको, तुमू भी डाहडा क हको तळे रयो, वरना तुमू सब क सब एक दिसरा की सेवा क करता दीनता छे कमर बांधीन रयो, काहकि “यहोवा–भगवान डाहवाळा क विरोध करता छे, पुन दाहड़ा पर फोकटन दया करता छे।
1PE 5:6 एरकरीन यहोवा–भगवान क बलवन्त हात क नेचो दीनता छे रयो, जिना छे वो तुमू वारू टेहाव पर बढ़ाई।”
1PE 5:7 आपसी सारी चिंता ओको पर नाख देवु, काहकि ओको तुमरो ध्यान छे।
1PE 5:8 सचेत होय, आरू जागता रवु; काहकि तुमरा विरोध शैतान गर्जनेवावो सिंह क समान इनीये हेरने मा रयता छे कि काही क फाड़ीन खावु।
1PE 5:9 विश्वास मा दृढ़ हईन, आरू यो जानीन ओको सामना करू कि तुमरा भाईस जो संसार मा छे ओसो ही दुःख सह रये छे।
1PE 5:10 हिमी यहोवा–भगवान जो सब फोकटन दया क दाता छे, जो तुमू मसीह मा आपसी अमरकाय महिमा क करता बुलाया, तुमरे थुड़ी देर तक दुःख उठाड़ने क बाद आप ही तुमू सिध्द आरू स्थिर आरू बलवन्त करसे।
1PE 5:11 तीनी क साम्राज्य युगानयुग रवे। आमेन।
1PE 5:12 हाव ने सिलवानुस क हात, जिनाक हाव विश्वासयोग्य भाईस समझता छे, संक्षेप मा लिखीन तुमू समझाड्या छे, आरू यो गवा देदी छे कि यहोवा–भगवान क सच्चा फोकटन दया छे, इनी मा स्थिर रयो।
1PE 5:13 जो बेबीलोन मा तुमरे समान त्योन्या होया मानसे छे, वो आरू मारो पोर्‍य मरकुस तुमूक नमस्कार कोवतो छे।
1PE 5:14 मोंग क गोवे लागाड़ ने छे एक दिसरा क नमस्कार करू। तुमू सब क, जो मसीह मा होय, शांती मिवती रवे।
2PE 1:1 शमौन पतरस आरू छे, जो ईशु मसीह क दास आरू प्रेरित छे, उन मानसे क नाव जिन्होने हामरा यहोवा–भगवान आरू उध्दारकरता ईशु मसीह की न्यायपन द्वारा हामरे समान मोंगलो विश्वास हासिल कर्‍या छे।
2PE 1:2 यहोवा–भगवान की आरू हामरा पोरबु की उवख क द्वारा फोकटन दया आरू शांती तुमू मा बहुतायत छे बढ़ती जाय।
2PE 1:3 काहकि ओकी ईश्वरीय शक्ति ने सब काही जो जीवन आरू भक्ति छे सम्बन्ध राखतो छे, हामु तीनी की उवखाय क द्वारा दिदा छे, जो हामु आपसी ही महिमा आरू सद्गुण क लारे बुलाया छे।
2PE 1:4 जेका द्वारा त्यो हामु मोंगलो आरू घोणा ही मोटी प्रतिज्ञा देदी छे: ताकि इन्दरे लारे तुमू उना भ्रष्टचार छुड़ीन, जो संसार मा बुरी लालोच छे होयती छे, ईश्वरीय स्वभाव क साजलीया होय जावु।
2PE 1:5 इनी कारण तुमू सब प्रकार क यत्न करीन आपसा विश्वास पर सद्गुण, आरू सद्गुण पर ज्ञान क जुडू।
2PE 1:6 आरू समझ पर संयम, आरू संयम पर धीरज, धीरज आरू भक्ति।
2PE 1:7 आरू भक्ति पर भाईचारे की प्रेम आरू भाईचारे की प्रेम आरू मोंग बड़ावता जावु।
2PE 1:8 काहकि यदि यी वात तुमू मा वर्तमान रये आरू बड़ावता जाय तो तुमू हामरा पोरबु ईशु मसीह की उवख मा निकम्मी आरू निष्फल नी हुयने देसे।
2PE 1:9 काहकि जिनामा यी वात नी, वो आँधवो छे आरू धुधवो देखतो छे, आरू आपने पछव पाप छे धुवीन चुखो हुयने क भूल बठ्या छे।
2PE 1:10 इनीये कारण हे भाईस, आपने बुलाय जाने, आरू त्योन करता जाने क सिध्द करने क भली भाति यन्त करता जावु, काहकि यदि ओसो करसे तो कदी ठुकर नी खाय।
2PE 1:11 वरना इनीये रीति छे तुमू हामरा पोरबु आरू उध्दारकरता ईशु मसीह क अमरकाय राज मा मोटो विजुत क साथे भरायने करने देखछे।
2PE 1:12 एरकरीन यद्यपि तुमू यो वात जानता होय, आरू जो सच्चाई वचन तुमू मिव्या छे उनमा बन रयता होय, तव हाव तुमू इन वात की याद आपाड़ने क सर्वदा तीयार रोवछे।
2PE 1:13 हाव यो आपने करता न्यायी समझता छे कि जव तक हाव इनीये डेरा मा छे, तव तक तुमू याद आपी आपीन उभारता रोवछे।
2PE 1:14 काहकि यो जानता छे कि मारा डेरा क नाखीन जाने क टेहाव शीघ्र आवनेवाळा छे, जोसो कि हामरा पोरबु ईशु मसीह ने मखे पर प्रगट कर्‍या छे।
2PE 1:15 एरकरीन हाव ओसो यत्न करसे कि मारो कूच करने क बाद तुमू इन सब बात क सर्वदा स्मरण कर सकु।
2PE 1:16 काहकि जव हामु ने तुमू आपसा पोरबु ईशु मसीह की शक्ति क आरू आवनो क खबर दिदा हुता, तो वो चालाक छे बनावली होयी काहनी क गती नी हुता वरना हामु ने आप ही ओका प्रताप क देख्या हुता।
2PE 1:17 काहकि जव त्यो यहोवा–भगवान बास छे विजुत आरू महिमा देखी आरू उना प्रतापमय महिमा मा छे यो वाणी आवी, “यो मारो मोंगावु पोर्‍य छे, जिनासे हाव खुश छे।”
2PE 1:18 तव हामु ओका साथे चुखलो बयड़ा पर हुता आरू सोरगदूत छे योही वाणी आवती सोमवी।
2PE 1:19 हामरे साथे जो भविष्यवक्ता क वचन छे, वो इनीये घटना छे दृढ़ ठराय। तुमू यो वारलो करता होय जो यो समझीन ओको पर ध्यान करता होय कि वो एक दिया छे, जो आंधारा स्थान मा ओको टेहाव तक प्रकाश देता रयता छे जव तक कि पौ नी फाटे आरू भोर क तारा तुमरे दिल मा नी चमक उठे।
2PE 1:20 पर पेहल यो जान लेय कि चुखलो शास्त्र की काही भी भविष्यव्दाणी काही क आपने ही विचार धार क आधार पर निकवती नी होती।
2PE 1:21 काहकि काही भी भविष्यव्दाणी मानुस की मरजी छे किही नी होयी, पर भक्त जन चुखलो आत्मा क द्वारा जुए देवाड़े जाईन यहोवा–भगवान की आरू छे बुलता हुता।
2PE 2:1 जिना प्रकार उन मानसे मा झुठा भविष्यवक्ता होतो, तीनी प्रकार तुमू मा भी झुठु शिक्षा होयछे, जो नाश करनेवावा पाखण्ड क उद्घाटन डुक डुकाय करसे, आरू ओको भगवान क जो तीनुक मुलवी लेदा छे मना करसे, आरू आपने आप क शीघ्र विनाश मा नाख देसे।
2PE 2:2 घोणा छे उन क समान लुचपन करसे, जिनके कारण सच्चाई क मार्ग की निन्दा की जाछे।
2PE 2:3 वो लोभ क करता वात बनावीन तुमूक आपने लाभ क कारण बनावसे, आरू जो दण्ड की हुकुम उन पर पेहल छे होय चुकियो ओको आवने मा काही भी देर नी, आरू उन क विनाश उंगाये नी।
2PE 2:4 काहकि जव यहोवा–भगवान ने उन सोरगदूत क जिन्होने पाप कर्‍या नी छुड़ियो पर नरक मा मुकली आंधारला कुण्डा मा नाख दिदा ताकि न्याय क दाहड़े तक बंद रोवछे।
2PE 2:5 आरू पुरानो युग क संसार क भी नी छुड़ियो वरना भक्तवन संसार पर महा जल प्रलय मुकल्यो, पर न्यायपन क खबरक नूह सहावत आगठा मानसो क वाचाड़ लेदा।
2PE 2:6 आरू सदोम आरू गमोरा क नगर क विनाश क ओसो दण्ड दिदा कि तीनुक भस्म करीन रूखड़ा मा हाववाय लेदा ताकि वो आवनेवाळा भक्तवन मानसे की शिक्षा क करता एक सपनो बने।
2PE 2:7 आरू न्यायी लुत क जो अन्यायपन क विटळ चालचलन छे घोणा दुःखी होतो वाचाड़यू दिदो।
2PE 2:8 काहकि वो न्यायी ओको बीच मा रवे तो आरू तीनुन अन्याय क काम क देख देखीन आरू सोमवी सोमवीन, हर दाहड़े आपने सचे मन क पीड़ित करतलो हुता।
2PE 2:9 तो पोरबु भक्त क परीक्षा मा छे निकाव लावने आरू अन्यायपन क न्याय क दाहड़ो तक दण्ड की दशा मा राखने भी जानता छे।
2PE 2:10 विशेष करीन तीनुक जो विटळ लालोच क पछव डील क लारे चालता आरू पोरबुता क तुच्छ जानता छे। वो ढीठ, आरू हठी छे, आरू उंचा पदवावा क बुरो भलो कोवने सी नी घाबराये।
2PE 2:11 तव सोरगदूत जो शक्ति आरू शक्ति मा उनछे मोटो छे, पोरबु क सामने तीनुक बुरा भला कयकर दोष नी लागाड़
2PE 2:12 पर यो मानसे निर्बुध्दि ढुरो ही क तुल्य छे, जो धराय जाने आरू नाश हुयने क करता पैदा होया छे; आरू जिन वात क जानता ही नी ओको विषय मा दिसरा क बुरो भलो कयता छे, वो आपसी सड़ाहट मा आप ही सड़ जाछे।
2PE 2:13 दिसरान बुरो करने क बदले खुदन क बुरो होयछे। तीनुक दाहडु सिरान भोग विलास करने भलो लागतो छे। यो गुणो आरू अन्याय छे; जव वो तुमरे साथे खातो पीतो छे, तो आपसी आरू छे करीन भोग विलास करता छे।
2PE 2:14 तींदरा डुवा मा व्यभिचार बठला हुयो छे, आरू वो पाप कर्‍या विना रूक नी सकता। वो खाटळो मनवावो क फुसला लेता छे। ओको मन क लोभ करने क मेहनत होय गयो छे; वो सन्ताप की अवलियाद छे।
2PE 2:15 वो सुध मार्ग क छुड़ीन भटक गयो छे, आरू बओर क पोर्‍य बिलाम क मार्ग पर होय करता छे, जो अन्याय की मजदूरी क मोंगावु जाने।
2PE 2:16 पर ओका गुणेहगार क विषय मा उलाहना दिदा गया, याहा तक कि नी बोलने वाली गदड़ी ने मानुस की बोली छे ओको भविष्यवक्ता क ओका बावलेपन छे रूकु।
2PE 2:17 यो मानसे सुकला कूवा, आरू आँधी क उड़ाय हुयो वादवो छे; ओको करता अमरकाय आँधारलो ठराय गया छे।
2PE 2:18 वो व्यर्थ डाहळाय की वात कर करीन लुचपन क काम क द्वारा उन मानसे क शारीरिक लालोच मा फसाय लेता छे जो भटक्यो होया मा छे हिमी निकाव ही रया छे।
2PE 2:19 वो तीनुक स्वतंत्र करने की प्रतिज्ञा तो करता छे, पर आप ही सड़ाहट क दास छे; काहकि जो मानुस जिनासे हार गयो छे, वो ओको दास बन जातो छे।
2PE 2:20 जव वो पोरबु आरू उध्दारकरता ईशु मसीह की उवख क द्वारा संसार की हरेक प्रकार की विटळ छे वाच निकव्या, आरू पछु उनमा फसीन हार गया, तो उनकी पोछली दशा पेहली छे भी बुरी होय गयी छे।
2PE 2:21 काहकि न्यायपन क मार्ग क नी जानने ही ओको करता इनासे भला हुयसे कि ओको जानीन, ओको चुखलो हुकुम छे पछु जाता तीनुक सौपी गयी होती।
2PE 2:22 उन पर यो कहावत ठीक बठती छे, कि कुत्रो आपसी छांट की आरू नहलाई सूअरनी कीचड़ मा लुटने क पोछी चाली जाती छे।
2PE 3:1 हे मोंगावु, हिमी हाव तुमूक यो दीसरी पत्री लिखतु छे, आरू दुय मा सुधि आपाड़ी तुमरा चुखो मन क उभारता छे।
2PE 3:2 कि तुमू इनी वात क जो चुखलो भविष्यवक्ता ने पेहल छे कयी छे, आरू पोरबु आरू उध्दारकरता की ओको हुकुम क स्मरण करू जो प्रेरितन क द्वारा देदी गयी होती।
2PE 3:3 पेहल यो जान लेवु कि आखरी दाहड़ा मा हासी ठट्ठा करनेवावा आवसे जो आपसी ही लालोच क लारे चालसे।
2PE 3:4 आरू कोवसे, “ओका आवने की प्रतिज्ञा कयो गया? काहकि जव छे बाबदादा सुय गया छे, सब काही वोसो ही छे जोसो सृष्टि क शुरू छे होतो?”
2PE 3:5 वो तो जान बुझीन यो भूल गयो कि यहोवा–भगवान क वचन क व्दरा आकाश पुरानो काव छे विद्यमान छे आरू धरती भी जल मा छे बनी आरू जल मा स्थिर छे।
2PE 3:6 इनी कारण क ओको युग क जगत जल मा डूबीन नष्ट होय गया।
2PE 3:7 पर वर्तमान काव क आकाश आरू धरती तीनी वचन क द्वारा एरकरीन राख गया छे कि धपाड़ जाय; आरू यो भक्तवन मानुस क न्याय आरू नष्ट हुयने क दाहड़े तक ओसो ही राख रोवछे।
2PE 3:8 हे मोंगावु, यी वात तुमू छे डुकाय नी रया कि पोरबु क याहा एक दाहड़े हजार साल क बराबर छे, आरू हजार साल एक दाहड़े क बराबर छे।
2PE 3:9 पोरबु आपसी प्रतिज्ञा क विषय मा वार नी करता, जोसी वार काही मानसे समझता छे; पर तुमरा विषय मा धीरज धरती छे, आरू नी जुवता कि काही नष्ट होय, वरना यो कि सब क मन फिराव क मेखे मिवे।
2PE 3:10 पुन पोरबु क दाहडु त्योटा क समान आय जाछे, उना दाहड़े आकाश मोटी हड़हड़ाहट क ओवाज छे जातो रोवछे आरू तत्व घोणा ही तप्त हईन पीगवी जाछे आरू धरती आरू ओको पर क काम धप जाछे।
2PE 3:11 जबकि यो सब समान इनीये रीति छे पीगवनेवावी छे, तो तुमू चुखलो चाल चालीन आरू भक्ति मा कोसो मानुस होयनो जूवे।
2PE 3:12 आरू यहोवा–भगवान क उना दाहड़े की वाट काही रीति छे जोहना जूवे आरू ओका जल्द आवने क करता कोसो यत्न करनो जूवे ओका कारण आकाश आगठा छे पीगवी जाछे, आरू आकाश क गुण घोणा ही तप्त हईन गव जाछे।
2PE 3:13 पर ओकी प्रतिज्ञा क लारे हामु एक नवो आकाश आरू नोवली धरती की आस देखता छे जिनमा न्यायपन वास करसे।
2PE 3:14 एरकरीन, हे मोंगावु, दोस्त जव कि तुमू इन वात की आस देखता होय, तो यत्न करू कि तुमू शांती छे ओको सामने निष्कलंक आरू निर्दोष ठराय।
2PE 3:15 आरू हामरा पोरबु क धीरज क उध्दार समझो, जोसो हामरा मोंगावु भाईस पौलुस ने भी ओको यहोवा–भगवान ने दिदो हुयो ज्ञान क लारे जो ओको मिव्यो, तुमू लिख्या छे।
2PE 3:16 वोसो ही त्यो आपसी सब पत्री या मा भी इन वात की चर्चा करी छे। जिनमा काही आरू वात ओसी छे जिनका समझना वातड़ो छे आरू अनपढ़ आरू खाटळो मानसे उन क अर्थो क भी चुखलो शास्त्र की दिसरा वात की तरह खेचीन हापकीन आपनो ही नाश क कारण बनतो छे।
2PE 3:17 एरकरीन हे मोंगावु, तुमू मानसे पेहल ही छे इन वात क जानीन चोकचौळीया रवु, ताकि अन्यायपन क भ्रम मा फसीन आपसी स्थिरता क कयी हात छे खुय नी देय।
2PE 3:18 पर हामरा पोरबु आरू उध्दारकरता ईशु मसीह क फोकटन दया आरू उवख मा बढ़ता जावु। ओकी महिमा हिमी भी होय, आरू युगानयुग होयती रोवे। आमेन।
1JO 1:1 उना जीवन क वचन क विषय मा जो शुरू छे हुता, जिनाक हामु ने सोमव्या, आरू जिनाक आपसा डुवा छे देखु, वरना जिनाक हामु ने ध्यान छे देख्या आरू हात छे दरिया।
1JO 1:2 यो जीवन प्रगट होया, आरू हामु ने ओको देख्या, आरू ओकी गवा देता छे, आरू तुमूक ओको अमरकाय जीवन क खुश खबर देता छे जो बास क साथे हुता आरू हामु पर प्रगट होया।
1JO 1:3 जो काही हामु ने देख्या आरू सोमव्या छे ओका खबर तुमूक भी देता छे, एरकरीन तुमू भी हामरे साथे सहभागी होय; आरू हामरी यो सहभागिता बास क साथे आरू ओका पोर्‍य ईशु मसीह क साथे छे।
1JO 1:4 आरू यो वात हामु एरकरीन लिखता छे कि हामरी खुशी पूरो होय जाय।
1JO 1:5 जो खबर हामु ने ओको छे सोमवाया आरू तुमूक सोमवाता छे, वो यो छे कि यहोवा–भगवान दिया छे आरू उनमा काही भी आँधारलो नी।
1JO 1:6 यदि हामु कये कि ओको साथे हामरी सहभागिता छे पछु आंधारला मा चाले, तो हामु झूठा छे आरू सच्चाई पर नी चालता।
1JO 1:7 पर यदि जोसो वो दिवा मा छे, वोसो ही हामु भी दिवा मा चाले, तो एक दिसरा छे सहभागिता राखता छे, आरू ओका पोर्‍य ईशु क लुहूय हामु सब पाप छे चुखो करता छे।
1JO 1:8 यदि हामु कये कि हामु मा कोय भी पाप नी, तो आपने आप क धोखा देता छे, आरू हामु मा सच्चाई नी।
1JO 1:9 यदि हामु आपसा पाप क मान लेय, तो वो यहोवा–भगवान हामरे पाप क माफ करने आरू हामु सब अन्याय छे चुखो करने मा विश्वासयोग्य आरू न्यायी छे।
1JO 1:10 यदि हामु कये कि हामु ने पाप नी कर्‍या, तो ओको झूठा ठेराया छे, आरू ओको वचन हामु मा नी छे।
1JO 2:1 हे मारा पोर्‍या, हाव या वात तुमूक एरकरीन लिखता छे कि तुमू पाप नी करू; आरू यदि काही पाप करे, तो बास क साथे आमरो एक सहायक छे, मतलब न्यायी ईशु मसीह।
1JO 2:2 आरू वो हामरे पाप क माफ करता छे, आरू केवल हामरे ही नी वरना सारी धरती क पाप क भी माफ करता छे।
1JO 2:3 यदि हामु ओकी हुकुम क मानसु, तो इनासे हामु जान लेसु कि हामु ओको जान गया छे।
1JO 2:4 जो काही यो कयता छे, “हाव ओको जान लेदु छे” आरू ओकी हुकुम क नी मानता, वो झूठ छे आरू ओको मा सच्चाई नी
1JO 2:5 पर जो काही ओको वचन पर चाले, उनमा सचमुच यहोवा–भगवान क मोंग सिध्द होया छे। इनी छे हामु जानता छे कि हामु उनमा छे।
1JO 2:6 जो काही यो कयता छे कि हाव उनमा बना रयता छे, ओको जुवे कि आप भी वोसो ही चाले जोसो वो चालतो हुता।
1JO 2:7 हे मोंगावु, हाव तुमूक काही नोवली हुकुम नी लिखता, पर चो जुनली हुकुम जो शुरू छे तुमूक मिवी छे; यो जुनली हुकुम वो वचन छे जिनाक तुमू ने सोमव्या छे।
1JO 2:8 पछु भी हाव तुमूक नोवली हुकुम लिखता छे, आरू यो उनमा आरू तुमू मा सच्ची ठेरायती छे; काहकि आँधारलो मिटतो जातो छे आरू सच्चाई क दिया हिमी चमकने लाग्यो छे।
1JO 2:9 जो काही यो कयता छे कि हाव दिवा मा छे आरू आपसा भाईस छे बैर राखता छे, वो हिमी तक आंधारला ही मा छे।
1JO 2:10 जो काही आपसा भाईस छे मोंग राखता छे वो दिवा मा रयता छे, आरू ठुकर नी खाय सकता।
1JO 2:11 पर जो काही आपने भाईस छे बैर राखता छे वो आंधारला मा छे आरू आंधारला मा चालता छे, आरू नी जानता कि काँ जाता छे, काहकि आँधारलो ने ओकी डुवा आंधळी कर देदी छे।
1JO 2:12 हे पोर्‍या, हाव तुमूक एरकरीन लिखता छे कि ओका नाव छे तुमरा पाप माफ हुयो छे।
1JO 2:13 हे पितरो, हाव तुमूक एरकरीन लिखता छे कि जो शुरू छे तुमू ओको जानता होय। हे जुवान्या, हाव तुमूक एरकरीन लिखता छे कि तुमू ने ओको शैतान पर जय देख्या छे। हे पोर्‍या हाव ने तुमूक एरकरीन लिख्यो छे कि तुमू बास क जान गया होय।
1JO 2:14 पितरो, हाव ने तुमूक एरकरीन लिख्या छे जो शुरू छे तुमू ओको जान गया होय। हे जुवान्या, हाव ने तुमूक एरकरीन लिख्या छे कि तुमू बलवन्त होय, आरू यहोवा–भगवान क वचन तुमू मा बना रयता छे, आरू तुमू ने ओको शैतान पर जय देख्या छे।
1JO 2:15 तुमू नी तो संसार छे आरू नी संसार मा की समान छे मोंग राखु। यदि काही संसार छे मोंग राखता छे, तो उनमा बास क मोंग नी छे।
1JO 2:16 काहकि जो काही संसार मा छे, मतलब डील की लालोच आरू डुवा की लालोच आरू जीविका क डाहळाय, वो बास की आरू छे नी पुन संसार ही की आरू छे।
1JO 2:17 संसार आरू ओकी लालुच दुय मिटती जाता छे, पर जो यहोवा–भगवान की मरजी पर चालता छे वो सर्वदा बन रोवछे।
1JO 2:18 हे पोर्‍या, यो आखरी टेहाव छे; आरू जोसो तुमू ने सोमव्या छे कि मसीह क विरोधी आवनेवाळा छे, ओको लारे हिमी भी घोणा छे मसीह विरोधी उठ उबा होया छे; इनासे हामु जानता छे कि यो आखरी टेहाव छे।
1JO 2:19 वो निकव तो हामु ही मा छे, पर हामु मा क हुता नी; काहकि यदि वो हामु मा क हुयसे, तो हामरे साथे रयता; पर निकवता एरकरीन गया कि यो प्रगट होय कि वो सब हामु मा रयन नी छे।
1JO 2:20 पुन तुमरा तो ओको चुखलो छे अभिषेक हुयो छे, आरू तुमू सब काही जानता होय।
1JO 2:21 हाव ने तुमूक एरकरीन नी लिख्या कि तुमू सच्चाई क नी जानता, पर एरकरीन की ओको जानता होय, आरू एरकरीन कि काही झूठ सच्चाई की आरू छे नी।
1JO 2:22 झूठा कुन छे? केवल वो जो ईशु क मसीह हुयने छे मना करता छे; आरू मसीह विरोधी चो छे जो बास क आरू पोर्‍या क मना करता छे।
1JO 2:23 जो काही पोर्‍या क मना करता छे ओको साथे बास भी नी जो पोर्‍या क मान लेता छे, ओको साथे बास भी छे।
1JO 2:24 जो काही तुमू ने शुरू छे सोमव्या छे, चो तुमू मा बन रये तो तुमू भी तो तुमू पोर्‍या मा आरू बास मा बन्या रवु।
1JO 2:25 आरू जेरी ओको हामरे सी प्रतिज्ञा करी वो अमरकाय जीवन छे।
1JO 2:26 हाव ने यो वात तुमूक उन क विषय मा लिखी छे, जो तुमूक भरमाते छे:
1JO 2:27 पुन तुमरा वो अभिषेक जो ओकी आरू छे कर्‍या गया, तुमू मा बन्या रयता छे: आरू तुमू इनाक योजना नी कि काही तुमूक सिखाड्या, वरना जोसो वो अभिषेक जो ओकी आरू छे कर्‍या गया तुमूक सब वात सिखाड़ता छे, आरू यो सची छे आरू झूठ नी; आरू जोसो त्यो तुमूक सिखाड्या छे वोसो ही तुमू उको बन्या रयता होय।
1JO 2:28 शेवली कावा हे पोर्‍या, बन्या रवु कि जव वो प्रगट होय तो हामु हियाव होय, आरू ओको आवने पर ओको सामने लज्जित नी होय।
1JO 2:29 यदि तुमू जानता होय, कि वो न्यायी छे, तो यो भी जानता होय कि जो काही न्याय क काम करता छे वो ओको छे पैदा छे।
1JO 3:1 देखु बास ने हामु छे कोसो मोंग कर्‍या छे कि हामु यहोवा–भगवान की अवलियाद कोवायता; आरू हामु छे भी। इनीये कारण संसार हामु नी जानता, काहकि त्यो ओको भी नी जान्या।
1JO 3:2 हे मोंगावु, हिमी हामु यहोवा–भगवान की अवलियाद छे, आरू हिमी तक यो प्रगट नी होया की हामु काय काही होयछे! ओतरा जानता छे कि जव वो प्रगट होयसर तो हामु ओका समान होयसु, काहकि ओको वोसो ही देखछे जोसो वो छे।
1JO 3:3 आरू जो काही ओको पर यो आश राखता छे, वो आपने आप क वोसो ही चुखलो करता छे जोसो वो चुखलो छे।
1JO 3:4 जो काही पाप करता छे, वो व्यवस्था क विरोध करता छे; आरू पाप तो व्यवस्था क विरोध छे।
1JO 3:5 तुमू जानता होय कि वो एरकरीन प्रगट होया कि पाप क हर ली जाय; आरू ओका स्वभाव मा पाप नी।
1JO 3:6 जो काही उनमा बन्या रयता छे, वो पाप नी करता, जो काही पाप करता छे, त्यो नी तो ओको देख्या छे आरू नी ओको जाने छे।
1JO 3:7 हे पोर्‍या काही क भरमाने मा नी आवने। जो न्याय क काम करता छे, चो ओको क समान न्यायी छे।
1JO 3:8 जो काही पाप करता छे शैतान की आरू छे, काहकि शैतान शुरू ही छे पाप करता आश छे। यहोवा–भगवान क पोर्‍या एरकरीन प्रगट होया कि शैतान क काम क नाश करे।
1JO 3:9 जो काही यहोवा–भगवान छे पैदा छे वो पाप नी करता; काहकि ओका स्वभाव ओकामा बन्या रयता छे, आरू वो पाप करीन ही नी सकता काहकि यहोवा–भगवान छे पैदा छे।
1JO 3:10 इनी छे यहोवा–भगवान की अवलियाद आरू शैतान की अवलियाद जाने जाता छे; जो काही न्यायपन क काम नी करता वो यहोवा–भगवान छे नी, आरू नी वो जो आपने भाईस छे मोंग नी राखता।
1JO 3:11 काहकि जो खबर तु ने शुरू छे सोमव्या, वो यो छे कि हामु एक दिसरा छे मोंग राखसु;
1JO 3:12 आरू कैन क समान नी बने जो ओको शैतान छे हुता आरू जो आपने भाईस क घात कर्‍या। आरू ओको काही कारण घात कर्‍या? इनीये कारण कि ओका काम बुरा हुता, आरू ओका भाईस क काम न्यायी हुता।
1JO 3:13 हे भाईस, आरू बहनीस यदि संसार तुमू छे बैर करता छे तो भोंगलाय गयो नी करने।
1JO 3:14 हामु जानता छे कि हामु मरला छे पार हईन जीवन मा पुच्या छे; काहकि हामु भाईस आरू बहनीस छे मोंग राखता छे। जो मोंग नी राखता वो मरला की दशा मा रयता छे।
1JO 3:15 जो काही आपने भाईस छे बैर राखता छे, वो हत्यारा छे; आरू तुमू जानता होय कि काही हत्यार मा अमरकाय जीवन नी रयता।
1JO 3:16 हामु ने मोंग इनी छे जान्या कि त्यो हामरे करता आपनो जीव देय दिया; आरू हामु भी भाईस क करता जीव देना जूवे।
1JO 3:17 पर जिना काही क साथे संसार क धन होय आरू वो आपसा भाईस क गरीब देखीन ओको पर तरस खाने नी जूवे, तो उनमा यहोवा–भगवान क मोंग क बन्या रया सकता छे?
1JO 3:18 हे पोर्‍या, हामु वचन आरू जीभ ही छे नी, पर काम आरू सच्चाई क द्वारा भी मोंग करे।
1JO 3:19 इनी छे हामु जागसु कि हामु सच्चाई क छे; आरू जिना वात मा हामरा मन हामु दोष देसे, ओको विषय मा हामु ओको सामने आपसा–आपसा मन क ढाढ़स दी सकछे।
1JO 3:20 काहकि यहोवा–भगवान हामरे मन छे मोट छे, आरू सब काही जानता छे।
1JO 3:21 हे मोंगावु, यदि हामरा मन हामु दोष नी देता, तो हामु यहोवा–भगवान क सामने हेम्मत करता छे।
1JO 3:22 आरू जो काही हामु मांगता छे, वो हामु ओको जड़से काहकि हामु ओकी हुकुम क मानता छे आरू जो ओको भाता छे चो करता छे।
1JO 3:23 ओकी हुकुम यो छे कि हामु ओको पोर्‍य ईशु मसीह क नाव पर विश्वास करे, आरू जो ओको ने हामु हुकुम देदी छे तीनी क लारे आपस मा मोंग राखे।
1JO 3:24 जो ओकी हुकुम क मानता छे, वो उनमा आरू वो उन मा बना रयता छे: आरू इनी छे, मतलब उना आत्मा छे जो ओको ने हामु दिया छे, हामु जानता छे की वो हामु मा बन्यो रयतो।
1JO 4:1 हे मोंगावु, हर एक आत्मा की प्रतिती नी करू, वरना आत्मा क पारखु कि वो यहोवा–भगवान की आरू छे कि नी; काहकि घोणा छे झुठा भविष्यवक्ता धरती मा निकवीन उबा होया छे।
1JO 4:2 यहोवा–भगवान क आत्मा तुमू इनीये रीति छे उवखी सकता होय: जो आत्मा मान लेती छे कि ईशु मसीह डील मा हईन आश छे वो यहोवा–भगवान की आरू छे।
1JO 4:3 आरू जो आत्मा ईशु क नी मानती, वो यहोवा–भगवान की आरू छे; आरू चो तो मसीह विरोधी आत्मा छे जेरो चर्चा तुमू सोमवी त्योक्या होय कि वो आवनेवाळो छे, आरू हिमी भी धरती मा छे।
1JO 4:4 हे पोर्‍या, तुमू यहोवा–भगवान क होय, आरू तुमू ने तींदरा पर जय देख छे; काहकि जो तुमू मा छे ओको छे जो संसार मा रयन महान छे।
1JO 4:5 वो संसार क छे, इन कारण वो संसार की वात बुलता छे, आरू इन्दरी सोमवता छे।
1JO 4:6 हामु यहोवा–भगवान क छे। जो यहोवा–भगवान क जानता छे वो हामरी सोमवता छे; जो यहोवा–भगवान क नी जानता वो हामरी नी सोमवता। इन प्रकार हामु सच्चाई की आत्मा आरू भ्रम आत्मा क उवख लेता छे।
1JO 4:7 हे मोंगावु, हामु आपस मा मोंग राखु; काहकि मोंग यहोवा–भगवान छे। जो काही मोंग करता छे, वो यहोवा–भगवान छे पैदा छे आरू यहोवा–भगवान क जानता छे।
1JO 4:8 जो मोंग नी राखता वो यहोवा–भगवान क नी जानता, काहकि यहोवा–भगवान मोंग छे।
1JO 4:9 जो मोंग हामु छे राखता छे, वो इन छे प्रगट होया कि यहोवा–भगवान ने आपनो एकखुळीया पोर्‍य क धरती मा मुकल्या छे कि हामु ओका द्वारा जीवन देखसु।
1JO 4:10 मोंग इनीये मा नी कि हामु ने यहोवा–भगवान छे मोंग कर्‍या, पर इनीये मा छे कि त्यो हामु छे मोंग कर्‍या हामरा पाप क माफ करने करीन आपसा पोर्‍या क मुकल्यो।
1JO 4:11 हे मोंगावु, जव यहोवा–भगवान ने हामु छे ओसो मोंग कामो, तो हामु क भी आपस मा मोंग राखनो जुवे।
1JO 4:12 यहोवा–भगवान क किही काही ने नी देख्या; यदि हामु आपस मा मोंग राखसु, तो यहोवा–भगवान हामु मा बना रयता छे आरू ओको मोंग हामु मा सिध्द होय गया छे।
1JO 4:13 इनी छे हामु जानता छे कि हामु ओकामा बन्या रयता छे, आरू वो हामु मा; काहकि त्यो आपने आत्मा मा छे हामु आपियो छे।
1JO 4:14 हामु ने देख भी लेदा आरू गवा देता छे कि बास ने पोर्‍या क धरती क उध्दारकरता करीन मुकल्या छे।
1JO 4:15 जो काही यो मान लेता छे कि ईशु यहोवा–भगवान क पोर्‍य छे, यहोवा–भगवान उनमा बना रयता छे, आरू वो यहोवा–भगवान मा।
1JO 4:16 जो मोंग यहोवा–भगवान हामु छे राखता छे, ओको हामु जान गया आरू ओका विश्वास छे। यहोवा–भगवान मोंग छे, आरू जो मोंग मा बना रयता छे वो यहोवा–भगवान मा बना रयता छे, आरू यहोवा–भगवान उनमा बना रयता छे।
1JO 4:17 इनी छे मोंग हामु मा सिध्द होया कि हामु न्याय क दाहड़ो हेम्मत होय; काहकि जोसो वो छे वोसो ही संसार मा हामु भी छे।
1JO 4:18 मोंग बीक नी हुयसे, वरना सिध्द मोंग भय क दूर कर देता छे; काहकि भय क सम्बन्ध दण्ड छे हुयसे छे, आरू जो भय करता छे वो मोंग मा सिध्द नी होया।
1JO 4:19 हामु अतरान करीन मोंग करता छे, कि पेहल त्यो हामु छे मोंग कामो।
1JO 4:20 यदि काही कये, “हाव यहोवा–भगवान छे मोंग राखता छे” आरू आपने भाईस्यो छे बैर राखे तो वो झूठा छे; काहकि जो आपने भाईस्यो छे जिनाक त्यो देख्या छे मोंग नी देखा मोंग नी राखता सकता।
1JO 4:21 आरू उका रईन यी हुकुम मीवी छे। कि जु कोय आपसा यहोवा–भगवान न से मोंग राखता छे, चाँ आपसा भाईस्यो साथे मोंगावु राखे।
1JO 5:1 जेरो यो विश्वास छे कि ईशु ही मसीह छे, वो यहोवा–भगवान छे पैदा हुयो छे; आरू जो काही पैदा करनेवावा छे मोंग राखता छे, वो ओको छे भी मोंग राखता छे जो ओका सी पैदा हुयो छे।
1JO 5:2 जव हामु यहोवा–भगवान छे मोंग राखता छे आरू ओकी हुकुम क मानता छे, तो इनी छे हामु जानता छे कि हामु यहोवा–भगवान की अवलियादो छे मोंग राखता छे।
1JO 5:3 काहकि यहोवा–भगवान छे मोंग राखनो यो छे कि हामु ओकी हुकुम क मानु; आरू ओकी हुकुम वातड़ो नी।
1JO 5:4 काहकि जो काही यहोवा–भगवान छे पैदा हुयो छे वो संसार पर जय हासिल करता छे; आरू वो विजय जिना छे संसार पर जय हासिल होयती छे आमरो विश्वास छे।
1JO 5:5 संसार पर जय देखनेवावा कुन छे? केवल वो जेरो यो विश्वास छे कि ईशु, यहोवा–भगवान क पोर्‍य छे।
1JO 5:6 योही छे जो पानी आरू लुहूय क द्वारा आश हुता, मतलब ईशु मसीह: वो नी केवल पानी क द्वारा वरना पानी आरू लुहूय दुय क द्वारा नी सच्चा हुता।
1JO 5:7 आरू जो गवा देता छे, वो आत्मा छे; काहकि आत्मा सच्चाई छे।
1JO 5:8 गवा देनेवावा तीन छे, आत्मा, आरू पानी, आरू लुहूय; आरू तीनु एक ही वात पर सहमत छे।
1JO 5:9 जव हामु मानुस की गवा मान लेता छे, तो यहोवा–भगवान की गवा तो ओका सी बढ़ीन छे; आरू यहोवा–भगवान की गवा यो छे कि त्यो आपसा पोर्‍या क विषय मा गवा देदी छे।
1JO 5:10 जो यहोवा–भगवान क पोर्‍या पर विश्वास करता छे वो आपसा ही मा गवा राखता छे। जो यहोवा–भगवान पर विश्वास नी कर्‍या त्यो ओको झूठा ठेराया, काहकि त्यो ओको गवा पर विश्वास नी कर्‍या जो यहोवा–भगवान ने आपसा पोर्‍या क विषय मा दिदो छे।
1JO 5:11 आरू वो गवा यो छे कि यहोवा–भगवान ने हामु अमरकाय जीवन आप्य छे, आरू यो जीवन ओका पोर्‍या मा छे।
1JO 5:12 ओका साथे पोर्‍य छे, ओका साथे जीवन छे; आरू ओका साथे यहोवा–भगवान क पोर्‍य नी, ओका साथे जीवन भी नी छे।
1JO 5:13 हाव ने तुमू जो यहोवा–भगवान क पोर्‍या क नाव पर विश्वास करता होय, एरकरीन लिख्या छे कि तुमू जानु कि अमरकाय जीवन तुमरो छे।
1JO 5:14 आरू हामु ओका सामने जो हियाव होयतो छे, वो यो छे; कि यदि हामु ओकी मरजी क अनसारे काही मांगता छे, तो वो हामरी सोमवता छे।
1JO 5:15 जव हामु जानता छे कि जो काही हामु मांगता छे वो हामरी सोमवतो छे, तो यो भी जानता छे कि जो काही हामु ने ओका सी मांग्या, वो देख्या छे।
1JO 5:16 यदि काही आपने भाईस आरू क ओसो पाप करता देखु जीनुन फव मरनो नी होय, तो रावन्या करे, आरू यहोवा–भगवान ओको तिनून करता, जो ओसू पाप करिया छे जीनान फव मोरनो नी होय, जीवन आपसे। पाप असो भी हुयो छे जिनाक फव मोरनो छे ओका विषय मा हाव रावन्या करने क करता नी कयतो।
1JO 5:17 सब प्रकार क अन्याय तो पाप छे, पुन ओसो पाप भी छे जेरो फोव मरला नी।
1JO 5:18 हामु जानता छे, कि जो काही यहोवा–भगवान छे पैदा होया छे, वो पाप नी करता; पर जो यहोवा–भगवान छे पैदा होया ओको वो वाचाड़ राखता छे, वो शैतान ओको धर नी सके।
1JO 5:19 हामु जानता छे कि हामू यहोवा–भगवान छे, आरू सब संसार ओको शैतान क वंश मा पड़्या छे।
1JO 5:20 हामु यो भी जानता छे कि यहोवा–भगवान क पोर्‍य आय गयो छे आरू त्यो हामु समझ देदी छे कि हामु ओको सच्चा मन क उळखने; आरू हामु ओकामा जो सच्चाई छे, मतलब ओका पोर्‍य ईशु मसीह मा रयता छे। सच्चा यहोवा–भगवान आरू अमरकाय जीवन योही छे।
1JO 5:21 हे पोर्‍या–पारी, तुमू मुरतीया सी वाचीन रयजो।
2JO 1:1 मखे पुढारी कि आरू छे उना त्योनी होयी बायर आरू ओका पोर्‍या क नाव, जिनासे हाव सच्चा मोंग राखता छे, आरू केवल हाव ही नी वरना वा सब भी मोंग राखता छे जो सच्चाई क जानता छे।
2JO 1:2 वो सच्चाई जो हामु मा स्थिर रवता छे, आरू सर्वदा हामरे साथे अटल रोवछे।
2JO 1:3 यहोवा–भगवान बास आरू बास क पोर्‍या ईशु मसीह कि आरू छे फोकटन दया आरू दया आरू शांती, सच्चाई आरू मोंग सहित हामरे साथे रोवछे।
2JO 1:4 हाव घोणा खुश हुयो कि हावने तारे काही पोर्‍या क उना हुकुम क लारे, जो हामु बास कि आरू छे मिवती होती, सच्चाई पर चालता होया देख्या।
2JO 1:5 हिमी हे बायर, हाव तुखे काही नवलो हुकुम नी, पर वा जो शुरू छे हामरे साथे छे लिखता छे; आरू तुखे छे विनती करता छे कि हामु एक दिसरा छे मोंग राख्यो।
2JO 1:6 आरू मोंग याहा छे कि हामु यहोवा–भगवान की हुकुम क लारे चाल; यो वा हुकुम छे जो तुमू ने शुरू छे सोमवी छे, आरू तुमू इनीये पर चालने भी जूवे।
2JO 1:7 काहकि खुप छे ओसो भरमानेवावा जगत मा निकव्या आश छे, जो यो नी मानता कि ईशु मसीह डील मा हईन आयो; भरमानेवावा आरू मसीह विरोधी योही छे।
2JO 1:8 आपने विषय मा चोकचौळीया रयो, कि जो मेहनत हामु ने कर्‍या छे ओको तुमू गवा नी दुय वरना ओको पूरा हर फोव देख्या।
2JO 1:9 जो काही मसीह कि शिक्षा छे ओगो बढ़तो जातो छे आरू ओकामा बन्या नी रवता, ओका साथे यहोवा–भगवान नी; जो काही ओकी शिक्षा मा स्थिर रयता छे, ओका साथे बास भी छे आरू पोर्‍या भी।
2JO 1:10 यदि काही तुमरे साथे आवे आरू योही शिक्षा नी देय, उको नी तो घर मा आवने दुय आरू नी नमस्कार कर्‍या।
2JO 1:11 काहकि जो काही ओसो जन क नमस्कार करता छे वो ओका बुरे कामो मा सहभागी होयती छे।
2JO 1:12 मखे खुप सी वात तुमू लिखने छे, पर कागद आरू शाही छे लिखने नी जुवता, पर आश छे कि हाव तुमरे साथे आवीस आरू आमने सामने वात चीत करीस, जिनासे तुमरो खुशी पूरो होय।
2JO 1:13 तारी त्योनी होय बहिनीस क पोर्‍या तुखे नमस्कार करता छे।
3JO 1:1 मखे पुढारी की आरू छे मोंगावु गयुस क नाव, जिनासे मा सच्चा मोंग राखता छे।
3JO 1:2 हे मोंगावु, मारी यो प्रार्थना छे कि जोसो तु आत्मिक बढ़ती कर रया छे, वोसो ही तु सब वात मा बढ़ती करे आरू भला वारू रया।
3JO 1:3 काहकि जव भाईस ने आवीन तारे उना सच्चाई की गवा देदी, जिना पर तु सचमुच चालता छे, तो मा घोणा ही खुश हुयो।
3JO 1:4 मखे इनासे बढ़ीन आरू काही खुश नी कि हाव सुनू, कि मारे पोर्‍य सच्चाई पर चालता छे।
3JO 1:5 हे मोंगावु, जो काही तु उन भाईस क साथे करता छे, जो परदेशी छे, ओको तु ईमानदारी छे करता छे।
3JO 1:6 त्या मंडळी क सामने तारे मोंग की गवा देदी छे। यदि तु तीनुक उना प्रकार विदा करसे जिना प्रकार यहोवा–भगवान क मानसे क करता वारू छे तो वारलो करसे।
3JO 1:7 काहकि वो ओको मसीह क नाव क करता निकवता छे, आरू गैरयहुदी छे काही नी लेता।
3JO 1:8 एरकरीन ओसो क स्वागत करने जुवे, जिनासे हामु भी सच्चाई क पक्ष मा ओको सहकर्मी होय।
3JO 1:9 हाव ने मंडळी क काही लिख्या हुता, पर दियुत्रिफेस जो उनमा मोटो बनने जुवता छे, हामु मान्य नी करता।
3JO 1:10 एरकरीन जव हाव आवीस तो ओका काम की जो वो कर रया छे, याद आपाड़ीस, कि वो हामरे विषय मा बुरी–बुरी वात बकता छे: आरू इनीये पर भी सन्तोष नी करीन आप ही भाईस क मान्य नी करता, आरू तीनुक जो मान्य करने जुवता छे मना करता छे आरू मंडळी छे निकाव देता छे।
3JO 1:11 हे मोंगावु बुराई क नी पर भलाई क साजलिया होय। जो भलाई करता छे, वो यहोवा–भगवान की आरू छे, पर जो बुराई करता छे, त्यो यहोवा–भगवान क नी देख्य।
3JO 1:12 दिहावत्रियुस क विषय मा सब ने, वरना सच्चाई ने भी आप ही गवा देदी; आरू हामु भी गवाय देता छे, आरू तु जानता छे कि हामरी गवा सच्ची छे।
3JO 1:13 मखे तुखे क घोणा काही लिखने तो हुता, पर शाही आरू पेन छे लिखने नी जुवता।
3JO 1:14 पर मखे आश छे कि तुखे छे शीघ्र भेंट करीस, तव हामु आमने सामने वातचीत करसु।
3JO 1:15 तुखे शांती मिवती रये। याहा क दोस्त तुखे नमस्कार कयता छे। वाँ क दोस्तो छे नाव लेय लीन नमस्कार कय दिदा।
JUD 1:1 यहूदा कि आरू छे जो ईशु मसीह क दास आरू याकूब क भाई छे, उन बुलायो हुयो क नाम जो यहोवा–भगवान क बास मा मोंगावु आरू ईशु मसीह क करता सोरक्षित छे।
JUD 1:2 दया आरू शांती आरू मोंग तुमू बहुतायत छे हासिल हुयसे रया।
JUD 1:3 हे मोंगावु, जव हाव तुमू उना उध्दार क विषय मा लिखने मा घण मेहनत छे कोशिष कर रया हुता जिनामा हामु सब सहभागी छे, तो हाव ने तुमूक यो समझाया छाची जाने कि उना विश्वास क करता पुरो यत्न करो जो चुखलो मानसे क एक हिय बार आपी गया हुता।
JUD 1:4 काहकि कोतरा ओसो मानुस मनेन छे हामु मा आय मिव्य छे, जिन्दरे इनीये दण्ड क वर्णन जुनला टेहाव मा पेहल ही छे लिख्या गया हुता: यो भक्तवन छे, आरू हामरे यहोवा–भगवान क फोकटन दया क लुचपन मा बदल नाकता छे, आरू आमरो एकुत् भगवान आरू पोरबु ईशु मसीह क मना करता छे।
JUD 1:5 पर यद्यपी तुमू सब वात एक बार जान त्योक्या होय, तवभी हावने तुमू इनीये वात कि सुधी देखाड़ने जुवता छे, कि पोरबु ने एक कुल क मिस्र देश छे छुड़वने क बाद विश्वास नी लावनेवावा क नष्ट कर दिदो।
JUD 1:6 पछु जिन सोरगदूतो ने आपने पद स्थिर नी राख्यो वरना आपसी नीच निवास क छुड़ दिदा, त्यो उनको भी उना काटला दहाड़ा क न्याय क करता आंधारा मा, जो अमरकाय क करता छे, बांधने राख्या छे।
JUD 1:7 जीन रिती छे सदोम आरू गमोरा आरू ओको आस पास क नगर जो इन्दरे समान व्‍यभिचार होय गया हुता आरू पराया डील क पोछो लागो गयो हुता, आगठो क अमरकाय दंड मा धरीन दृष्टांत ठेहरायो छे।
JUD 1:8 तीनी रीति छे यो स्वप्नदर्शी भी आपसा डील क विटळ करता, आरू पोरबुता क तुच्छ जानता छे, आरू जोरदीन पदवावा क बुरो भलो कयता छे।
JUD 1:9 पुन प्रधान सोरगदूत मीकाईल ने, जव शैतान छे मूसा क धड़ क विषयमा विवाद कर्‍या, तो ओको बुरो भलो कयनो दोष लगाड़ ने क साहस नी कर्‍या पर यो कयो “पोरबु तुखे दाट्यो।”
JUD 1:10 पुन यो मानसे जीन वात क नी जानता उनको बुरा भला कयता छे आरू जीन वात क विनअकलिया ढुरो क समान स्वभाव हिय छे जानता छे, उनमा आपने आप क नष्ट करता छे।
JUD 1:11 उन पर हाय! काहकि वो कैन की सी चाल चाले, आरू मजदूरी क करता बिलाम क समान भ्रष्ट होय गया छे, आरू कोहर क समान विरोध करीन नष्ट होया छे।
JUD 1:12 यो तुमरो मोंग संभावना मा तुमरे साथे खातो पितो, दरिया मा डुका़य होयी चाफरीया न पाळ सारको छे, आरू बेधड़क आपसा हिय पेट मा भरनेवावा राखनेवावा छे; वो निर्जल वादवो छे, जीनुक हवा उड़ाय लेता जाती छे, पतझड़ क निष्फल झाड़को क छे, जो दुय बार मर त्योक्यो छे, आरू जड़ छे उखड गयो छे।
JUD 1:13 यो दरिया क प्रचण्ड हिलकोरे छे, जो आपसी लज्जा क फेन उछाळता छे; यो डांवाडोल तारे छे, जीन्दरे करता सदा काव तक घर आंधारा राख्यो गयो छे।
JUD 1:14 हनोक ने भी जो आदम छे सातवी पिढी मा होतो, इन्दरे विषय मा यी भविष्यव्दाणी करी, “देखु, पोरबु आपने लाखो क चुखलो साथे आयो।
JUD 1:15 कि सबका न्याय कर्‍यो, आरू सब भक्तवनो क तींदरा ढोंगी भक्ति क सब काम क विषय मा जो त्या भक्तवन हईन कर्‍या छे, आरू उन सब वातड़ो वात क विषय मा जो भक्तवन पापी ओका विरोध मा कयो छे दोषी ठहराया।”
JUD 1:16 यी तो नी आफरने वाळा, कुरकुर करने वाळा, आरू आपसी लालोच क लारे चालनेवावा छे, आरू आपने मुय छे डाहळाय कि वात बुलता छे, आरू वो लाभ क करता देखीन बढ़ाई कर्‍या करता छे।
JUD 1:17 पुन हे मोंगावु, तुमू उन वात क स्मरण राख्या जो हामरे पोरबु ईशु मसीह क प्रेरित पहेल हिय कय त्योक्यो छे।
JUD 1:18 वो तुमू छे कयो करतो होतो “पोछला दहाड़ा मा ओसो ठट्टा करनेवावा होयछे जो आपसी ढोंगी भक्ति करी लालोच क लारे चालसे।”
JUD 1:19 यी वो छे जो फुट नाकता छे; या डीलन अनसारे जीवनिया मानसे छे, जी मा आत्मा नी।
JUD 1:20 पुन हे मोंगावु, तुमू आपने घण चुखलो विश्वास मा बढ़ती करता होया आरू चुखलो आत्मा मा प्रार्थना करता होया।
JUD 1:21 आपने आप क यहोवा–भगवान क मोंग मा बनाय राख्यो; आरू अमरकाय जीवन क करता हामरे पोरबु ईशु मसीह की दया कि वाट जुवता रया।
JUD 1:22 उन पर संका मा छे दया करो।
JUD 1:23 आरू खुप क आगट्टा मा छे झापटीन निकावु; आरू घोणा क पर बीक क साथे दया करू, पुन तींदरा छिंदरा छे भी घीन करू जो डील क द्वारा गुणेगार होय गया छे।
JUD 1:24 हिमी जो तुमूक ठुकर खाने छे वाच सकता छे, आरू आपसी महिमा कि भरपुरी क सामने मगन आरू निर्दोष करीन उबा कर सकता छे।
JUD 1:25 उना एकुत् यहोवा–भगवान हामरे उध्दारकरता कि महिमा आरू गौरव आरू पराक्रम आरू हक, हामरे पोरबु ईशु मसीह क द्वारा जोसो युगानयुग काल छे, हिमी भी होय आरू युगानयुग रया। आमेन।
REV 1:1 ईशू मसीह क प्रकाशितवाक्य जो उको यहोवा–भगवान ने अतरान करीन दियो कि वो आपसा दास् नको वो वात, वताड़ देय जिनको छाटोत होयनो जरूरी छे, आरू वो आपसा सोरगदूत क मोकलिन ओका लारे आपसा दास यहुन्ना क बताड़ीयो।
REV 1:2 जु यहोवा–भगवान क वचन की आरू ईशू मसीह की गवाय, मतलब जो काय त्यो देख्यो हुतो ओकी गवाय दियो।
REV 1:3 सयाळो छे त्यो जो इनी भविष्यव्दाणी क बोल क भणे, आरू वो जो समळतो होय आरू इनाम लिखली वात क मानतो होय; काहकि समय साते छे।
REV 1:4 यहुन्ना नी तरफ सी आसिया नी सात मंडळीया क नाव: ओका तरफ सी जो छे आरू जो हूतो जो आवने वाळो छे; आरू उन सात आत्माओ नी तरफ सी जो ओकी राजगाद्दीन सामने छे,
REV 1:5 आरू ईशू मसीह नी तरफ सी जो भुरसा मा पाक्‍को आरू गवाय मा आरू मरेला मा कथो जीवतो हुयने वाळो आखा सी पेहलो आरू धरती पर न राजा न सरदार छे, तुमू काजे शांती जोड़ती रोवे। वो हम मोंग करे आरू वो ओका लुहूय क द्वारा हमको पापो सी छुड़ाय लेदो छे,
REV 1:6 आरू हामुक एक राज्य आरू आपसा पिता यहोवा–भगवान क करता पुजारा बनाई दिदो; ओकी ही महिमा आरू पराक्रम युगानयुग रवे। आमेन।
REV 1:7 देखो वो वादळा क साथ मा आवने वाळो छे, आरू हर एक डुळा उको देखसे आरू वो भी जो ओका भाला गुपिया छे वो भी उको देखसे, आरू धरती पर न पुरी जाती ओका कारण आपसी–आपसी छाती पिटसे। हा। आमेन।
REV 1:8 पोरबु यहोवा–भगवान, जो छे आरू हुतो आरू जो आवने वाळो छे, जो आखा सी मोटो ताकत वाळो छे, यो कये, “हाव पेहलो आरू चेहलो छे”
REV 1:9 हाव यहुन्ना थार भाई आरू ईशु न दुःख आरू राज्य आरू धीरज मा तुमरे साथ साजलियो छे, यहोवा–भगवान वचन आरू ईशु की गवाय क कारण पतमोस नावन ने टापू मा हूतो।
REV 1:10 हाव पोरबु क दाहाड़े आत्मा मा आवी गियो, आरू मार पछोळ भिरा न सारको मोटी ओवाज मा यो कयतला समळ्यो,
REV 1:11 “जो काय तु देखे उको किताब मा लिखीन सातु मंडळीन क पास मोकली दे, मतलब इफिसुस, आरू स्मुरना, आरू पिरगमुन, आरू थूआतीरा, आरू सरदीस, आरू फिलदेलफिया, आरू लौदीकिया क।”
REV 1:12 तव हाव उको, जो मखे कयरीयो हुतो उको देखने करीन म्हारो मुय फेरयो; आरू पछो फिरीन हाव सोना नी सात दीवट न क देख्यों,
REV 1:13 आरू उना दीवट न बीच मा मनसु न पोर्‍या क सारको एक मनुस क देखियो, जो पाय तक क छिंदरा पेहेनलो आरू छाती पर सोना क पट्टो बांधलो हुतो।
REV 1:14 उको माथो आरू झोठा धवळिया कापस न सारको जुगाळा हुता याहतोक की पाले क सारको जुगाळो हुतो, आरू ओका डूळा आगठी न धपना सारको हूता।
REV 1:15 ओका पाय चुखा पितळन् सारका जुगाळा हुता जो मानो आगठान भाट्टी मा हळो–हळो तातो करलो होय, आरू ओकी ओवाज घणो सळटो पानी घुगळनेन ओवाज सारकी हुती।
REV 1:16 त्यो आपसा जेवड़ा हातमा सात तारा ली रयलो हुतो, आरू ओका मुय सी तेज दुयधाराय तरवार निकळती हुती। ओको मुय ओसो विजाळो हूतो, जोसो दाहड़ु माथे दाहड़े भिबळे।
REV 1:17 जव हाव उको देख्यो तव ओका पायो पर मोरला सारको पोड़ग्यो त्यो म्हार पर आपसा जेवड़ो हात मेलीन कयो, “मा बिही” हांव पेहलो आरू छेहलो आरू जीवतु छे;
REV 1:18 हांव मर गयो हुतो, पुन आरू देख हाय जोलोम जीवतो छे; आरू मोतन आरू पोताळन न चाबीया मार जु छे।
REV 1:19 अतरान करीन जो वात तु देख्यो उका बाद जो हुयने वाळी छे, उन सबन क लिखी ले।
REV 1:20 मतलब चो सात तारो न क भेद जिनको तु म्हारा जेवड़ा हात मा देख्यो हूतो, आरू उन सात सोना नी दीवट क भेदन वात: वो सात तारा सातों मंडळीन सोरगदूत छे, आरू वो सात दिवट सात मंडळी छे।
REV 2:1 “इफिसुस नी मंडळीन सोरगदूत क यह लिख: “जो सातो तारा आपसा हात मा लेदलो छे, आरू सोना क सातों दीवट क बीच मा फिरे, वो यो कय रियो कि
REV 2:2 हाव तारा काम क आरू तारी मेहनत, आरू गम क जानू; आरू यो भी कि तु भुण्डळा लोगहन क देखी नी सके, आरू जो आपसा क चाकरिया कयतो होय् आरू वो नी हय उनको तु झूठा सापड़ियो।”
REV 2:3 तु गम राखतो छे, आरू म्हार नाव सी दुःख झेलतो–झेलतो थाक्यो नी।
REV 2:4 पर मखे तारा विरोध मा यो कयनो छे कि तुन थारो पेहलो सो मोंग छुड़ी दियो छे।
REV 2:5 एरकरीन फोम कर कि तु काँ सी पड़लो छे, आरू मन फिराव आरू पेहलो सारको काम कर। जव तु मन नी फीरावे तव हाव तारै पास आवीन् नतारी दीवट क उका धरती सी छेटो करी द्योंगा
REV 2:6 पण हाव यी वात तो छे कि तु नीकुलइयों क कामो सी वारू किचवाये आरू हांव भी किचवायो।
REV 2:7 जिनका कान होय वो सुमळी लेयो कि जीव मंडळी छे काय कयता छे; जिका जित जोड़े, हांव उको चो जीवन क झाड़को न क जो यहोवा–भगवान न सोरग लोक मा छे, फोव खाने द्योंगा।
REV 2:8 “स्मुरना की मंडळी क सोरगदूत क यो लिख: जो पेहलो आरू सेवली छे, जो मर गियो हुतो आरू अब जीवतो छे, त्यो यो कये कि
REV 2:9 हाव तारो दुःख आरू गरबाय क जानो पर तु लकपती छे, आरू जो लोग होन आपसे क यहूदि कये छे आरू वो नी छे, पर वो शैतान क मंडळी छे, उका निन्दा क भी जानू छे”
REV 2:10 जो दुःख तीखें झेलनो छे उका सी मा बीहि। काहकि देंखु, शैतान तुहूं थुड़ांग क जेल खाना मा नाखने वाळो छे जिना सी तुमूू पारखाय जाय; आरू तुहूंक काजे दस दाहड़ा तक दुःख झेलनू पोड़छे। जीव आपने तक तु विश्वास रहवो, तव हांव तिखे जीवोन् न मुकुट द्योंगा।
REV 2:11 जिना कान होय वो यो सोमळी लेय कि आत्मा मंडळी क काय कये। जो जिती जाय, उको दिसरी मोत से अन्याय या दुस्मन नी हुयो।
REV 2:12 “पिरगमुन की मंडळी क सोरगदूत यो लिख: “जिना पास दूयधारी आरू तिखी तलवार छे, वो यो कये छे कि
REV 2:13 हांवयो जानू छे कि तु वाँ रोवे वा भूतड़ा न सिंहासन छे; तु म्हारा नाव मा वातड़ो छे, आरू म्हारा पर भरोसा राखने सी उना दाहड़ा मा हाव भी पछो नी पड़्यो जिना मा म्हारा विश्वासयोग्य गवाह अन्तिपास, तुमरा विच मा उना धरती मा माराय गियो वा शैतान न रोवे छे”
REV 2:14 पर मका तारा विरोध मा काहय वात कयनो छे, काहकि तारे याहा थुड़ांक ओसा छे नो बिलाम नी शिक्षा क माने, जिन् ने पोर्‍य न क इस्त्राएली क सामने ठुकर खाने क कारण राखनो सिखाड़्या कि वो मुरतीया क चढ़ावली चीज क खाय आरू व्यभिचार करे।
REV 2:15 ओसात् तारे या थुड़ांक ओसा छे, जो नीकुलइयों की शिक्षा क माने।
REV 2:16 शेवली कावा मन फिराव, नी ते हांव तारे या छाटलोत् आवीन म्हारा मुय की तलवार सी ओको साथ मा लोड़ाय करीस।
REV 2:17 जिना कान होय वो यो सोमळी लेय कि जीव “आत्मा” मंडळी सी काय कये छे। जो जित जाय ओका हांव ढाकायलो खानो द्योंगा, आरू ओका धवळो दगड़ो भी द्योंगा आरू उना दगड़ा पर एक नाव लिखलो होयगा, जिना उका पाय लेना वाळा क छुड़ीन दूसरो कोय भी नी उको जाने।
REV 2:18 “थुआतीरा की मंडळी क सोरगदूत क यो लिख: “यहोवा–भगवान क पोर्‍या जिना डुळा आगठान धोपना सारको आरू उका पाय मोहंगा पीतळोन सारका छे वो यो कये छे कि
REV 2:19 हांव मखे थारा काम, आरू मोंग, आरू विश्वास, आरू सेवा, आरू गम क जानू, आरू यो भी कि थारा पोछला काम पेहले से भी बढ़ीन छे।”
REV 2:20 पुन मखे थारा विरोध मा यो कयनो छे, कि तु तिनी बायोर इजेबेल क थारे या रहवने देय जो आपसू भविष्यव्दक्ता कहे, आरू म्हारा दास व्यभिचार आरू मुर्तीयान ओगळ चढ़ावली चीज क खाने सीकाड़ीन भटकाड़े।
REV 2:21 हाव उको पापोन से पछतावो करने क टेम दियो पुन ची उका व्यभिचार क काम से मन फिराव नी करी।
REV 2:22 अतरानकरीन करीन देख हाव पीड़ान की खाटली पर उको न्हाख दिस आरू त्या लोगहन क भी घणी पीड़ा मा न्हाख दिस जो उका सात मा व्यभिचार मा लागला छे कदाम त्या उका सात भुण्डला काम से मन फिराव नी करे।
REV 2:23 आरू हाव उका पोर्‍या क पीड़ा से नाश कर दिस। तव तक मंडळी जान लेदा कि ह्रदय आरू मन क पारखनेवावु हाव छे, आरू हाव तुमु मा से हर एक क ओका क काम क अनसारे बदली दिस।
REV 2:24 पुन तुमू थुआतीरा क बाकी लोगहन से, जतरा इनी शिक्षा क नी माने
REV 2:25 तीबि जो तुमरे जुळ छे उको, म्हारेन आवने तक सुक्षित राखजो
REV 2:26 जो जीत जाय आरू आखरी तक म्हारी मोरजी पूरी करे उको हाव जाति–जाति क लोगहन पर हक आपीस।
REV 2:27 आरू त्यो त्या लोगहन पर लुहड़ा क सरियो लीन राज करसे आरू त्या धरतीन ठिकरा क सारका त्योर–त्योर होय जासे हाव भी म्हार बास से असो हक लिदलो छे।
REV 2:28 आरू हाव उको भोळ भाकान क विजाळो तारो द्योंगा।
REV 2:29 जिना कान्टा होय वो समळी लेय कि आत्मा मंडळी से काय कहे।
REV 3:1 “सरदीसन मंडळी क सोरगदूत क यो लिख:” “जिना पास यहोवा–भगवानन सात जीव आत्मा” आरू सात तारा छे, त्यो यो कये कि हाव तारा कामो क जानो तु जीवतो ते कवाय् बाकीन तु मरलो छे।
REV 3:2 जागतो होंय, आरू उन चीजों क बची गय चे आरू जो खतम होंयणे क छे उका वातड़ी कर; “काहकि हांव तारा काहणा भी काम क म्हारा बास न सामने पूरों होयतों नी देख्यों।”
REV 3:3 एका करता फोम कर कि तुन कसी शिक्षा लेदो आरू सुन्यों थों आरू उका मा बनलों रोव आरू मन फिराव। जत्यार तु जागतो नी रवसे ती हाव चुट्टा क सारकों आवीस, आरू तु कदी नी जान सकतों कि हांव कसा टेहाव तारे पर आवीस्।
REV 3:4 पर हाव, सरदीस मा तारे या थुड़ाक ओसा लोगहन छे जिन् न आपसा–आपसा छिंदरा विटळ नी करियो, वाँ धोंवळा छिंदरा पेहनला रहने मार साते पुगता रहवसे
REV 3:5 जो जित जाय उको धवळा छिंदरा पेहनाव सी, आरू हांव ओका नाव जीवन की किताब मा सी काहय सी भी नीहि काटू; पर उका नाव म्हारा बास आरू सोरगदूत क सामने मान दिस।
REV 3:6 जिना कान होय वो यो सोंमळी लेय कि जीव आत्मा मंडळी सी काय कये छे।
REV 3:7 “फिलदेलफिया की मंडळी क सोरगदूत क यो लिख: “जो चूखो आरू सच्चो छे, आरू दाऊद न चाबी राखतो छे, जिना खोलेला क कोय भी बोंद नीहि कर सकता आरू बोंद करला क काय भी खोली नी सकता, वो यो कये छे कि
REV 3:8 हांव तारा कामो क जानु छे; देख, हांव तारे सामने एक झोपलो खुल राख्यो छे जिना कोय बोंद नीहि कर सोके; तारी ताकत थुड़ीक सी ते छे, पछु भी तु न म्हारा वचन न क पाळनी करियो आरू म्हार नाव क मना नीहि करियो।”
REV 3:9 देख हांव शैतान न उन मंडळी वाळा न क तारा वश मा कर द्योंगा जो यहूदि बोणी गया छे, बाकी वाँ छे नीहि बाकी झूठ बुलताज छे देख मे असो कर द्योंगा कि वाँ आवीन तारा पाय पोड़छे, आरू यो जानी लेछे कि तारे सी मोंग राखतो छे।
REV 3:10 तु न तो म्हारा गम नी वचन धरी राख्यो छे, ओको करता हांव भी तुको परीक्षा क उना टेहाव मा बचाड़ राखीस जो धरती पर रवणे वाळा क पारखने क करता आखो संसार क उपर आवनेवाळो छे।
REV 3:11 हांव छाटलोत् आवने वाळो छे; जो काय तारे पास छे उको धरलों रह कि कोय तारो मुकुट हापकी नी लेय।
REV 3:12 जो जित जाय उको हांव आपसा यहोवा–भगवान क मंदिर क एक खंभो बनावीस्, आरू वाँ अळी पछो बाहर नीहि निकळे; आरू हांव आपसा यहोवा–भगवान क नाव आरू आपसा यहोवा–भगवान क नगर मतलब नवळो यरूशलेम क नाव, जो मारा यहोवा–भगवान क पास सी सोरग पर सी उतरनेवाळो छे, आरू म्हारो नवळो नाव उका पर लिखने वाळो छे।
REV 3:13 जिना कान होय वो यो सोमळी लेय कि जीव आत्मा मंडळी सी काय कये छे।
REV 3:14 “लौदीकिया की मंडळी क सोरगदूत क यो लिख: “जो आमेन आरू विश्वासयोग्य आरू सच गवाह छे, आरू यहोवा–भगवान की सृष्टी क मोटो कारण छे, वो यो कये छे कि
REV 3:15 हाव तारा कामो क जानु कि तु नीहि ते ठंड़ो छे आरू नीहि गरम: भलो ते यो होतो कि तु ठंड़ो या गरम होतों।
REV 3:16 ओको करता कि तु गुनगुनो छे, आरू नीहि ठंड़ा छे आरू नीहि गरम, हांव तुको म्हाता मुय सी उगळने पर छे।”
REV 3:17 तु कये कि हांव धनी छे आरू धनवान होय गयो छे आरू मेखे काहय चीज न की कमी नीहि; आरू यो नाय जानतो कि तु खुल्लो आरू रद्दी आरू गरीब आरू आंधळो आरू नांगरो छेे।
REV 3:18 ओको करता हांव तुको सम्पती आपूं कि आगठा तपावलो सोनो म्हार सी मोल ली लेय कि तु धनी होय जाय, आरू धवळा छिंदरा ली लेय कि पेहरिन तुको नांगरलो होयणेन् लाज नीहि हुयो, आरू आपसा डुळा मा लगावने क करता सुरमो ली लेय कि तु देखने लाग जाय।
REV 3:19 हांव जिना–जिना सी मोंग करता छे उन सब क सिकापन आरू ताड़ना आपों एका करता सोरगदूतर्म (तातो) होय आरू मन फिराव।
REV 3:20 देख हांव झपला पर उबो खट खटाय रोयू; जोत्यार कोय मारो ओवाज सोमळीन् झोपलो खुले ती हाव ओको पास माहाय आवीन् उको सात मा खानो खाईस आरू वो मार सात।
REV 3:21 जो जिक जाय हांव उको मार सात् मा मार सिंहासन पर बठाड़ीस, जोसो हांव भी जोत जाईन म्हारा बासन सात उको सिंहासन पर बठी गयो।
REV 3:22 “जिना कान होय वो यो सोमळी लेय कि आत्मा मंडळी सी काय कये।”
REV 4:1 इनी वात क बाद जो हाव नजर न्हाखियो ती हाव यो देखियो कि सोरग मा एक झोपलो खुलो हूओ छे, आरू जिनाक हांवने पेहल सी भिरा सारकी ओवाज छे म्हार साते वात करतो हूओ समळ्यों हूतों त्योत् कये, “याहा उपर आवीजा; आरू हांव वो वात तुको सिकाड़ीस जिनाक इन वात न क बाद मा होयणों जरूरी छे”
REV 4:2 पर हाव आत्मा मा आवीग्यों; आरू काय देखूँज् कि एक सिंहासन सोरग मा हावकळों छे, आरू उना सिंहासन पर कोय बठलों छे।
REV 4:3 जो उका पर बठलो छे वो यशब आरू माणिक्य सारको देखायतों छे, आरू सिंहासन क च्यारे ओळी मरकत सारकों एक हावघधनुष देखाय देतों छे।
REV 4:4 उना सिंहासन क च्यारे तरफ सी आरू चौवीस सिंहासन छे; आरू उना सिंहासनों पर चौवीस डाहडा धवळा छिंदरा पेहरीन् बठ्या छे, आरू ओको माथा पर सोना क मुकुट छे।
REV 4:5 उना सिंहासन मा सी विजळी आरू ककड़ीन निकळती छे आरू सिंहासन क ओंगळ आगठा सात दिळा धोंपता छे, वाँ यहोवा–भगवान की सात आत्मा छे,
REV 4:6 आरू उना सिंहासन क ओंगळ मानल्यों कि घणो घाटाळा सारकों आरसान सारकों दरियों छे। राजगाद्दी क बीच मा आरू राजगाद्दी न च्यारे मेर सी च्यार जीव छे, जिना ओंगळ पोछळ ड़ूळात् ड़ूळा छे।
REV 4:7 पेहलों जीव नाहारों सारकों छे आरू दिसरों जीव कैवड़्याँ सारकों छे, तिसरा जीवन् मुय मानुस न सारकों छे, आरू चौवथों जीव घुवड सारकों छे।
REV 4:8 च्यारो जीवों क छव–छव पाखड़ा छे, आरू च्यारो हावर आरू माहायता ड़ुँळात् ड़ुँळा छे; आरू वाँ रात न दाहाड़ू बिगुर आराम करियो यो कयता रवे छे, “चुखलो पोरबु यहोवा–भगवान, आखा सी मोटु ताकत वाळु, जो हूँतों आरू जो छे आरू जो आवने वाळो छे।”
REV 4:9 जव वाँ जीव ओकी जो सिंहासन पर बोठ्या छे, आरू जो युगानयुग क जीवतु छे, महिमा आरू विजुत आरू धन्यवाद करसु;
REV 4:10 तव चौवीसो डाहडा सिंहासन पर बठने वाळा न ओंगळ पड़ जाछे, आरू ओका जो जलोमकु जीवतु छे वंदसी, आरू वो आपसा–आपसा मुकुट सिंहासन क ओंगळ यो कयता जाय न्हाख देसी,
REV 4:11 “ए हामरा पोरबु आरू यहोवा–भगवान, तु ही महिमा आरू विजुत आरू शक्ति क योग्य छे” काहकि तु न ही सब चीजन क बनायों “आरू वाँ तारी मोरजी सी हूँती आरू बोनावी गय।”
REV 5:1 जो सिंहासन पर बठ्यों हूँतों, हाव हेका जेवड़ा मा एक किताब देख्यों जो माहयती आरू बाहर लिखली हूँती, आरू वाँ सात मुहर लगाड़ीन बन्द करी गय हूँती।
REV 5:2 ओळतेन हांव एक घणो ताकत वाळा सोरगदूत न क देख्यों जो उची ओवाज मा यो परचार करतो हूँतो, इनी किताब क खुलने आरू ओकी मुहर ततोंड़ने क लायक (योग्य) कुण छे?
REV 5:3 बाकीन नीहि सोरगमा, नीहि धरती पर, नीहि धोंरती क नेचो कोय उनी किताब क खुलने या उका पर नजर न्हाखने क योग्य निकल्यों।
REV 5:4 तव हाव डुवा खुद रोड़ने लाग्यो काहकि ची किताब क खुलने या उका पर नजर न्हाखने क योग्य कोय नीहि जोड़यो।
REV 5:5 “इनी वात पर उन डाहडा मा सी एक ने म्हार सी कयो, मा रोड़े; देख, यहूदा न जात क वो नाहार जो दाऊद क वारीसदार क थुड़ छे, ची किताब क खुलने आरू ओकी सातो मुहर तुड़ने क करता जित गयलों छे।”
REV 5:6 तव हाव उना सिंहासन आरू च्यारो जीवों आरू वो च्यारो डाहडा क बीच मा, मानी लेय एक चढ़ावला गाडरा सारकों उबो देख्यों। उको सात सींगड़ा आरू सात ड़ळा हूता; यो यहोवा–भगवान की सातों जीव आत्मा छे जो सारी धरती पर मोकली गय छे।
REV 5:7 चो आवीन् उका जेवड़ा हात मा सी जो सिंहासन पर बठ्यों हूतों, वाँ किताब ली लेदो।
REV 5:8 जोत्यार वाँ किताब ली लेदो, तो वो च्यार जीव आरू चौबीस डाहडा वो गाडरा क ओगळ हिटी पड़्या। उका मा सी हर एक क हात मा वीणा आरू धुप, जो चुखलो लोगहन की प्रार्थना छे, उका सी भरेला सोना क वाटका हुता।
REV 5:9 नी यो नवलो गीत गावने लाग्या, “तु किताब क ली लेने, आरू ओकी मुहर खुलने न योग्य छे; काहकि तु मोरीन् तारा लुहूय सी हर एक कुल आरू भाषा आरू लोगहन आरू जाती मा सी यहोवा–भगवान क करता लोगहन क मुलवी लेदो छे,
REV 5:10 आरू ओका हमार यहोवा–भगवान क करता एक राज्य आरू पुजारा बनायों; आरू वाँ धरती पर राज करता छे।”
REV 5:11 जव हांव देख्यों, तों चो सिंहासन आरू चो जीव आरू चो डाहडा क च्यारो हावर घणा सोळटा सोरगदूतों न क सारको ओवाज सोमळ्यों, जेरो गिनती लाखो आरू कोरोड़ों न हूती,
REV 5:12 आरू वाँ उची ओवाज मा कयता हुता, “काटयलो गाड़ गाडरा ताकत वाळो जुरभर्‍यों आरू धन आरू गियान आरू शक्ति आरू विजुत आरू महिमा आरू धन्यवाद क योग्य छे।”
REV 5:13 पछु हांव ने सोरग मा आरू धरती पर आरू धरती क नेचो आरू दरिया की आखी बनावली चीजों क, आरू आखो काय उका मा छे, यो कयतला समळ्यो, “आरू जो सिंहासन पर बठलो छे उको आरू गाडरा क, धन्यवाद आरू विजोत आरू महिमा आरू राज जलोमको रवे।”
REV 5:14 आरू च्यारो जीवो ने आमने कयो, आरू मोनख्या नेचा पोड़िन वंद्या।
REV 6:1 ओळी हाव देखियो कि गाडरो तिनु सात मुहर माईन एक मूहर क खुल्यो आरू तिनू च्यारू जीवोंन हांगेरनेन जसी बुल समळियों कयो कि “आव”
REV 6:2 हंव नजर नाखियों यो देखियों कि एक धवळियों घुल्लो आरू हेका पर सवारी करने वाळो हाथ मा धँधली ली रयो: आरू हेको एक मुकुट आपलो हतों, आरू त्यो जय करतो जाईन निकळियों कि हेको आरू जीक मुवती जाय।
REV 6:3 जव त्यो दिसरी मुहर को खुलियो ती हाव दिसरा जीव क यो कयता समळियो, आव।
REV 6:4 ती अळी हाव चाँ सारीक एक दिसरा गुल्ला क निकळता देखियो देख्यो, जो आगठा सारको रातला रंगन हुतो। तिना सवार क जो ओका पर बठलो हुतो, एक मोटित तरवार दियो आरू घुल्ला क धरती पर रईन शांती ली जात रहने क हुकुम दियो गयो कि लोगहन एक दिसरा क मारे
REV 6:5 जत्यार चो तिसरी मुहर खुलियो ती हाव तीसरा जीवो क यो कयतलो सुन्यो, “आ।” आरू हाव नजर न्हाखियो, आरू एक काळ्ळो घुल्लो छे; आरू उका सवारन हाथ मा एक ताकड़ी छे।
REV 6:6 आरू हाव तिनु चार जीवोन क बीच मा रूक यो बुल सुन्यो, दाहड़न दाहड़की मा से तीन भाग सेर जौ, पर हानि दुस्मन नी अन्याय नी करे।
REV 6:7 आरू हाव नजर न्हाखियो, आरू एक पेल्ला घुल्लो छे उका सवार क नाव मोत छे; जत्यार चो चौथी मुहर खुलियो
REV 6:8 हाव नजर न्हाखियो, आरू एक पीळ्ळो घुल्लो छे; आरू उका सवार क नाव मोत छे; नरक ओको पोछळ–पोछळ छे आरू उको धरती पर क एक भाग पर यो हक दियो गयो, तलवार आरू ओकाळ, आरू मरी, आरू धरती क जंगली जनवार क लारे मार न्हाखे।
REV 6:9 आरू त्यो पाचवी मुहर खुलियो, ती हाव वेदी क नेचो उको जीवो क देखियो, जो यहोवा भगवान क वचन क कारण आरू ओकी गवाय क कारण जो त्या आरू दिया हुता मार दिया गया हुता,
REV 6:10 “आरू चे ज्युरे आयड़ीन कयनो लागीया, ए पोरबु, ए चुखला, आरू सच; तु कत्यार तक नियाव नी करे? आरू धरती पर रहवने वाळा से हामरा लुहूय यो क पलटो कब तक नी लेय?”
REV 6:11 आरू तिनुम मा से आखा जन क धवळिया चोगला दिया गया, आरू तिनक कयो, कि आरू धुड़ीक वार तक आराम करो, जत्यार तक तुमरा साती दास आरू भाई जा तार समान हुयने वालो छे, ओको भी गिनती पूरी नी हय जाय, जिनाक भी तुमरे जसा,
REV 6:12 जत्यार हाव छटवी मुहर खुलतेला देखीयो, ती हाव देखियो कि एक मोटो भुकंप हुयो; आरू दाहड़ो काम्बळा क समान कालो हुय गयो आरू पुरो चाँद लुहूय यो क सारको रातो हुय गयो।
REV 6:13 आरू आकाश क तारा धरती पर असा पड़ गया जसा कि मोटी आँधी से हालीन अंजीरन झाड़को से काचला फव पड़ जाय।
REV 6:14 आकाश फाटीन असो सरली गयो, जसो कि चिठ्ठी गुळी करने से सरकी जाय; आरू आखा बयड़ा, आरू टापू, आपसे–आपसे धरती सी टळ गया।
REV 6:15 तत्यार धरती क राजा, नावसादिया लोगहन, सेनानायक, मातभोर आरू ताकत वाळा लोगहन, आरू आखा दास, आरू आखा छुटला, बयड़ान दरो मा जाईन डुकाय गया;
REV 6:16 चे आरू बयड़ा आरू चाफरीया से कयनो लागिया, “हामरे उपर हिट पड़ो; आरू हामुक ओका मुय से जु सिंहासन पर बठलु छे, आरू गाड़ गाडरा क रीस से धोपाड़ ले।”
REV 6:17 काहकि तिन्दरी रीस क काठला दाहड़ा आय गयला छे, हाय कुन रया सके।
REV 7:1 ओळतेन हाव देखियो कि चार सोरगदूत धरती क चारे कुना पर उबा हुईन धरतीन चारे दिशा मा हवा क चालने से रूक रया की नी ते धरती पर हवा चालनो जुवे, नी ते दरिया पर आरू नी ते काहला झाड़को पर
REV 7:2 हाव एक दिसरा सोरगदूत क जीवता यहोवा–भगवान क मूहर लिन बुडेवनो से उफरो आवतलो देखियो; त्यो चार सोरगदूत से जिनको धरती आरू दरियान अन्याय करने क हक दियो गयो हुतो आरू जो सी से आयड़ीन कयो,
REV 7:3 “जत्यार तक हामु आपसा यहोवा भगवान क दासन क माथा पर मुहर नी लागाड़ देजे, चाँ तक धरती आरू दरिया आरू झाड़को बीड़ क अन्याय नी करनो।”
REV 7:4 आरू जिना पर सील लागली छे हाव तेखी गिनती सुन्यो, कि इस्राएल क ओवलियाद क खान्दान मा से एक लाख चौवालीस हजार लोगहन छापू लगाड़ दियो गयो
REV 7:5 यहूदा क घराना माईन बारा हजार पर सील लागड़ी गय, रूबेन क घराना मा रईन बारा हजार पर, गाद क घराना मा रईन बारा हजार पर,
REV 7:6 आशेर क घराना माईन बारा हजार पर; नप्ताली क घराना माईन बारा हजार पर, मनश्शे क घराना माईन बारा हजार पर,
REV 7:7 शमौन क घराना माईन बारा हजार पर, आरू लेवी क घराना माईन बारा हजार पर, इस्साकार क घराना माईन बारा हजार पर,
REV 7:8 जबुलून क घराना माइन बारह हजार पर, यूसुफ क घराना माईन बारा हजार पर बिन्यामीनन
REV 7:9 ओळतेन हाव नजर न्हाखियो, आरू आखी जाती, आरू कुल, आरू लोगहन आरू भाषा माईन एक असी गर्दी, जीनिक कोय गिनी नी सकतो हुतो धवळिया चोगला पेहरीन आरू हाथो मा खजुर न डाळीया लीन राजगाद्दी क सामने आरू गाड़ गाडरा क सामने उबी छे।
REV 7:10 चे ज्युरे आयड़ीन कहे, छुटकारा जुगु हामरा यहोवा भगवान क जो राजगाद्दी पर बठलो छे, आरू गाड़ गाडरा क जय जयकार हुयो।
REV 7:11 आरू आखा सोरगदूत, तिनी राज गाद्दी आरू वेगला बारान डाहडा आरू चार जीवो क चार धड़े उबा रहला देखियो सिंहासन
REV 7:12 चे कयता हुता: “आमेन! हामरा यहोवा भगवान क बढ़ाई, महिमा, ज्ञान, आभार, विजोत, ताकत, आरू शक्ति, जलोम हुयती रये।”
REV 7:13 अतरा पर वेगला डाहडा माइन एक म्हार से कयो, “या धवळिया छिंदरा पेहेरलो कुन छे? आरू काँ सी आवला छे?”
REV 7:14 हाव उको कयो, “ए मालिक, तु यो जाने।” त्यो म्हार सी कयो या चे छे जो डाहला दुःख माईन निकळीन आवला छे; त्या आपसा छिंदरा क गाडरा न लुहूय यो सी धुवीन धवळिया करला छे।
REV 7:15 हेरेन करीन चे यहोवा भगवान क राजगाद्दीन ओगळ आरू उका मंदिर मा रात ने दाहड़ु ओकी चाकरी करे। स
REV 7:16 चे हीमि भुकला आरू तिसला नी रये; आरू नी काय तिनु पर तप आरू नी आज पड़े।
REV 7:17 काहकि गाडरो जो राजगाद्दीन बूच मा तिन्दरी राखवाळी करसे; आरू तिनुक जीवनन पानी क झोरोन चाँ ली जासे, आरू यहोवा भगवान तेखा डुळान आखा आसा नुछ देसे।
REV 8:1 जत्यार चो सातवी मुहर खुलियो, ती सोरगदूत मा आधा घंटा तक सुनसान होय तसो हय गयलो,
REV 8:2 आरू हाव तिनु सोरगदूत क जो यहोवा भगवान क ओगळ उबा रये, देखियो, आरू उको सात भीरा आपिया
REV 8:3 ओळी एक आरू सोरगदूत सोनान धुपदान लीन आयो, आरू वेदी क धोड़ मा उबो हुयो; आरू
REV 8:4 आरू उको धुप क धरतीड़ो चुखलो लोगहन की प्रार्थना क सोरगदूत क हाथ से यहोवा–भगवान क सामने पुच गया।
REV 8:5 तित्यार सोरगदूत धुपदान लीन तिनाम वेदी क आगठो भरियो, आरू धरती पर न्हाख दीदो
REV 8:6 आरू सातु सोरगदूत जिनक पास सात भीरा हुता, फुकने करीन तियार हुया।
REV 8:7 पेहलो सोरगदूत भीरो फुँकियो, ती लुहूय यो से भेसकायला गारा पैदा हुया, आरू तिनु गारा क धरती पर न्हाख दियो गयो, आरू एक भाग धरती धप गय,
REV 8:8 दिसरो सोरगदूत भीराक फुँकियो ती असा मसझो कि आगठा सारका धपलो एक बयड़ो दरिया मा न्हाख दिदो;
REV 8:9 आरू दरियान एक भाग मा बनावला जीवे मोर गया
REV 8:10 तीसरो सोरगदूत भीराक फूँकियो, आरू एक मोटोत तारो जो चीमना सारको धपतो हुतो सोरग से टुटीयो
REV 8:11 तिना तारा क नाव नागदोना छे, आरू एक भाग पानी नागदोना जैसा कड़वा हो गया, आरू घण सवटा मानुस तिना पानी क कड़वो हय जाने से मर गया।
REV 8:12 चौथा सोरगदूत भीराक फूँकियो आरू दाहड़ान क एक भाग, आरू चाँदन एक भाग आरू तारान एक भाग पर पीड़ा आय पड़ी, आरू या तक की उको एक भाग आँधरो हुय गियो आरू दिन क एक भाग मा आँधरो हुय गियो, आरू वसोत रात मा भी हुयो।
REV 8:13 जत्यार हाव पसु देख्यु, ते वादवा क विच मा हाव घुवड़ क उडतो आरू उचो आवाज मा यो कयतो सोमव्यो, चे तीन सोरगदूत क भीरा क आवाजन कारण जिनान फुकने हिमी बाकी छे, धरती पर रयनेवाला क पर हाय, हाय, हाय।
REV 9:1 जत्यार पाचवो सोरगदूत भीराक फुँकियों ती हाव सोरगदूत से धरती एक तारा क नेचो पड़तलो देखियों, आरू उको आंधारला कुण्डा चाबी दि गय।
REV 9:2 चो आंधारला कुण्डा क खोल दियो, आरू खाडा माईन मोटली भाट्टीन सारको धरतीड़ो उठियो, आरू खाडा क धरतीड़ा से दाहड़ो आरू वाहळो आंधारलो हुय गयो।
REV 9:3 तिना धरतीड़ा माईन टिड्डिया निकळिया आरू उको विछान सारकी हक आपली हुती।
REV 9:4 तिनुक कयो कि चे धरती पर नी ते खोड़ो क नुक्शानी करे नी ते नीळ्ळा पत्तान क आरू नी ते कोय झाड़को अन्याय नी पुन तेखेत काजे जिना माथा पर यहोवा भगवान क छापू नी होय,
REV 9:5 आरू उन लोगहन क मार देने करीन नी पुन पाच मोहना तक जोबर काम पिड़ा आपने हुकुम दियो गयो हुतो, यी पीड़ा तसीत हुती, जसी विछान आहळ से हये,
REV 9:6 तिनु दाहड़ा मा मानुस आपसी मोत क हेरसे पुन उको मोत नी जोड़े, त्या मोत क आस तो करसे पुन मोत हेका से दूर डास्से,
REV 9:7 तिनु टिड्डियान क रूप लड़ाई क करता तियार करला घुल्लान क जसो हुतो, आरू तेखा मुनका पर असा मानो की सोनान मुकुट हुता; आरू तेखा मुय मानुस क जसा हुता
REV 9:8 तिन्दरा झोटा बायरान झोटान तसा आरू तिन्दरा दात नाहरन दातोन जसा हुता,
REV 9:9 चे लुहड़ान क जसी झिलम पेहरला हुता आरू तेखा पाखड़ा न अवाज असी हुती जसी घुड़ सवारी आरू घण सवटा घुल्ला लड़ाई मा दवड़ता होय।
REV 9:10 तेखी छेमटी विछान आहळ क सारकी हुती आरू तेखी छेमटी मा मानुस क पाच महिन तक पीड़ा अन्याय नी करनो देनेन आधिकारी हुती,
REV 9:11 आंधारला कुण्डा क सोरगदूत उको पर राजा हुता, तेखो नाव इब्रानी मा अबद्दोन, आरू युनानी मा अबद्दोन, आरू युनानी मा अपुल्लयोन छे।
REV 9:12 पेहली पीड़ा वीत गय, अब ओको बाद मा दूय पीड़ा आरू आवने वाळी छे।
REV 9:13 जत्यार छटवो सोरगदूत भीराक फुँकियो ती जो सोनान वेदी यहोवा भगवान क ओगळ छे तेखा सींगड़ा मा सी हाव असी अवाज सुन्यो,
REV 9:14 असा मानो कोय छटवा सोरगदूत से जिनाक पास भीरो हुतो उको कय रयो, त्या चार सोरगदूत क जो मोटली नदी फरात क पास बांधायला छे खुल दे। जुगु, जो भीराक वाचाड़्यो हुतो, यो हुकुम हुतो,
REV 9:15 हेरेन करीन आरू त्या चार सोरगदूत छुट गया, जो तिना समय आरू दाहड़े, आरू मोहना, आरू साल क करता मनुसो क एक भाग क मार न्हाखने क तियार हुया हुता।
REV 9:16 ओकी सैनान गिनती वीस करोड़ हुती; हाव तेखी गिनती सुन्यो।
REV 9:17 आरू मखे इना दर्शन मा घुल्ला आरू उका सवार असो देखाय पड़ियो, जेरो झिलम मा आगठो, धुम्रकान्त, आरू गन्धक क जसी हुती, आरू तेखा मुय से आगठो, धरतीड़ो, आरू गन्धक निकळतो हुतो।
REV 9:18 इनी तीनु पीड़ा; आगठा, धरतीड़ा, गन्धक से जो उको मुय से निकळतो हुतो मानुस क एक भाग क मार न्हाखियो।
REV 9:19 तिनु घुल्लान ताकत तिन्दरा मुय आरू छेमटा मा हुती; अतरान करीन तेखी छेमटी घड़सान जसी हुती, आरू त्या छेमटा क मुनका भी हुता आरू इनु से पीड़ा आरू अन्याय करता हुता।
REV 9:20 रहवला मानसे, जो उनी पीड़ा सी नी मरीया हुता, त्या आपसा हाथ क काम सी मन नी फिराया, बाकुन साहळा, आरू सोनान, चाँदी, पीतळ, दगड़ान, आरू लाकड़ान की मुरतीन पुजा नी करे, जो नी देखे, नी सुने, नी चाल सकती हुती।
REV 9:21 आरू जो खुन, आरू टोना, व्यभिचार, आरू चोरियाँ, त्या करला हुता ओका सी मन नी फिराया।
REV 10:1 आरू हाव एक शक्तिवाळो सोरगदूत क वादळो पांगरला सोरगदूत से उतेरतेलो देखियो; आरू उका मुनका पर धँधली हुती, आरू मुय दाहड़ान क सारको आरू उका पाय आगठा खाम्बा सारका हुता;
REV 10:2 आरू उका हाथ माएक नानली खुलायली किताब हुती। चो आपसा जेवड़ा पायक दरिया पर, आरू डासचियों पाय धरती पर मेलियो
REV 10:3 आरू असी मोटी अवाज मा आयड़ियो, जसो नाहर गाँगरे; आरू जत्यार चो आयड़ियो ती गाँगेरने न सात बुल समळाया।
REV 10:4 जत्यार सातु गाँगेरने न बुल दि त्योक्यो, ती हाव लिखने पर हुतो, आरू हाव सोरगदूत से यो बुल सुन्यो,
REV 10:5 जिना सोरगदूत क हाव दरिया आरू धरती पर उबो देखियो हुतो चो आपसो जेवड़ो हाथ सोरगदूत भुणी झेलीयो
REV 10:6 आरू ओकी कसम खाईन जो जलोमकु जीवतु छे, आरू जो सोरगदूत क आरू जो काय उका मा छे, आरू धरती क आरू जो काय उका पर छे, आरू दरिया क आरू जो काय उका मा छे ओकी कसम खाईन कयो “हाय वार नी हुयो।”
REV 10:7 सातवो सोरगदूत क बुल कयनेन दाहड़ा मा, जव त्यो भीराक वाजाड़ने पर हुयसे, ती यहोवा भगवान की ची ढाकायली वात पूरी होय जासे, एरो खबर चू आपसा दाद कागळियान क दियो हुतो।
REV 10:8 जिना शब्द क हाव सोरगदूत से सुन्यो, त्यो आरू मार साते वात करने लागियो, “जा, सोरगदूत दरिया आरू धरती पर उबो छे, ओका हाथ मा वाळी खुल्ली किताब धरले।”
REV 10:9 “आरू हाव सोरगदूत क पास जाईन कयो, यी किताब मखे आप दे।” चो कयो, “ले, इनीक खायले; यी तारा पेट क कड़वो ते करसे, पुन तारा मुय क माहळ जसी गुळी लागसे।”
REV 10:10 हाव आरू ची नानली किताब तिना सोरगदूत क हाथ से लीन खाय गयो। ची म्हारा मुय मा महाळ जसी गुळी लागी, पुन जत्यार हाव ओको खाय गयो, ती म्हारो पेट कड़वो हुय गयो।
REV 10:11 तत्यार म्हार से कयो, “तुखे घण सवटा लोगहन, जाती, भाषा, आरू राजान क बारा मा ओळी अगवायती वात करनो छे।”
REV 11:1 आरू मखे मापणे जुगु एक मापनेन लाकड़ी दियो गयो, आरू कोय उठीन कयो, “उठ, यहोवा भगवान क मंदिर आरू वेदी, आरू ओका मा भजन करने वालो क नाप ले।”
REV 11:2 पर मंदिर क बाहर क आंगना क छुड़ दे, उको झुण मापे काहकि त्यो गैरयहुदीन क आपलो गयो छे, आरू त्या चुखलो नगर क बयालीस मोहना तक रौंदळसे।
REV 11:3 आरू हाव म्हारा दूय गवा क यो हक आपीस कि गंटो पांगरीन एक हजार दूय सौ साठ दाहड़ा तक ओगवयती वात कहे
REV 11:4 या चे दूय गवा दूय झाड़को आरू दूय दीवट छे जो धरती क पोरबुन ओगळ उबा रये।
REV 11:5 आरू कदाम कोय त्या आरू क नुक्शान करे, ती तिन्दरा मुय से आगठी निकळीन उका दुस्मन क भसम करे, आरू कदाम कोय भी अन्याय नुक्शान करने करसे, ती सच त्यो आरू इनिये रीति से मरसे।
REV 11:6 त्या आरू क हक छे कि वादवो क बंद करे, कि ओकी अगवायती वातन दाहड़ा मा पानी नी पड़े, आरू त्या न क आखा पानी पर हक छे, कि उको लुहूय यो बनावे, आरू जव–जव मन पड़े तव–तव धरती पर आखी भाति न की पिड़ा लावे।
REV 11:7 जत्यार त्या आरू गवा देय दिसे ती त्यो जनवार जो आंधारला कुण्डा मा से निकळसे, तिनु से लड़ाय करीन उको जीत लेसे आरू उको मार न्हाखसे।
REV 11:8 आरू हिन्दरा धड़ डाहला नगरन चौक मा पड़ला रहसे, जो आत्मिक रीति सी सदोम आरू गमोरा आरू मिस्र कहवाये, जा सारी त्यान पोरबु भी कुरूस पर चढ़ावी गयो हुतो।
REV 11:9 आरू सब लोगहन, कुलो, भाषा, जातिया मा से लोगहन उको धड़ क साढ़ी तीन दाहड़ा तक देखता रहसे, आरू उको धड़ क बीड़ा मा नी मेलने देसे।
REV 11:10 आरू धरती क रहवने वाळा तेखी मोत पर खुब खुशी क तिहवार मनावसे या तक कि त्या एक दिसरा क भेंट भी आपसे काहकि यो कागळिया धरती पर क रहवने वाळान क वेला पाड़ता हुता।
REV 11:11 पुन साढ़े तीन दाहड़ान ओळते यहोवा–भगवान क तरफ से जीवनन साँस तिनु मा समाय गय; आरू त्या आपसा पायन ताकत पर उबा हुय गया, आरू उको देखने वाळान मा मोटी बीक भराय गय।
REV 11:12 तित्यार तिनुक सोरगदूत मा से एक मोटो बुल समळाय दियो, “या ऊपर आवु!” यो समळीन त्या वादळा पर सवार होईन आपसा दुस्मन देखता–देखता सोरगदूत पर चढ़ गया।
REV 11:13 ओवी तिना समय एक मोटोत् भुकंप हुयो, आरू नगरन दसवु भाग गिर पड़्यु; आरू हिना भूकम्प मा सात हजार माणसे मर गया, आरू शेष भिह गया, आरू सोरगदूतन भगवानन महिमा कर्‍या।
REV 11:14 दिसरी पीड़ा वीत गय; ती हाय तिसरी पिड़ा छाटली आवने वाळी छे।
REV 11:15 जत्यार सातवो सोरगदूत भीराक फुँकियो, ती इना बारा मा मोटा–मोटा बुल हुयने लागिया; “कोळजुग क राज हामरा पोरबुन आरू मसीह क हुय गयो आरू त्यो जलोमको राज करसे।”
REV 11:16 आरू चौवीस वेगला डाहडा जो यहोवा भगवान क ओगळ आपसी–आपसी राजगाद्दी पर बठला हुता, मुय क भुरसे पड़ीन उको वंदिन,
REV 11:17 यो कयनो लागिया, आखा सी ताकत वाळा पोरबु यहोवा–भगवान, जो छे आरू जो हुतो, हामु थारो धन्यवाद करजे कि थारी मोटी शक्ति क काम मा लायो, आरू राज करलो छे।
REV 11:18 “गैरयहुदी रीस करला छे। आरू थारी रीस आय गय आरू त्यो टेम आय गयो, कि मरलान क नियाव हुयो, आरू तारा दास भविष्यवक्ता आरू चुखलो लोगहन क आरू उका नानला मोटा क जा तार नाव रईन बीक राखे, बदल दिदा जासे, आरू धरती क बिगाड़ने वावा खतम होय जासे।”
REV 11:19 आरू यहोवा–भगवान क जा मंदिर सोरगदूत मा छे चाँ ओगाड़ ्या गया, आरू ओको मंदिर मा ओका सी वाचा क सन्दुक देखाय दिदो; आरू बिजलिया आरू शब्द आरू गाजनो आरू भूकम्प हयो आरू डाहला गारा पड़्या।
REV 12:1 सोरगदूत पर आरू एक सोहलाणी देखाय दियो, जो दाहड़ा क पांगरी रया हुती, आरू चाँद ओका पाय तळे हुतो, आरू ओका मुनका पर बारा तारान क मुकुट हुतो;
REV 12:2 आरू ची भारपाय हयी, आरू आयड़ती हुती; काहकि प्रसव पिड़ा ओको हुयती हुती; आरू ची बाळा क जनने की पीड़ा मा हुती।
REV 12:3 एक आरू सोहलाणी सोरगदूत मा देखाय दियो, एक मोटोत रातलो अजगर हुतो जिना सात मुनका आरू दस सींगड़ा हुता, आरू ओका मुनका पर सात राजमुकुट हुता।
REV 12:4 आरू चो वादवो क एक भाग तारा क आपसी छेमटी से एखटो करीन धरती पर न्हाख दिदो आरू चो अजगर तिनी बायोर क अगळ जो बाळा क जनम देने वाळी हुती, उबो हुय गयो कि चो बाळा क पैदा हयतात् गीळ जाए,
REV 12:5 आरू ची बायोर एक पोर्‍यो जनी जो लुहड़ा क राजदण्ड लीन, आखी जातिया पर राज करने पर हुतो, आरू ओको पोर्‍यो यहोवा भगवान क पास पुगाड़ दियो गयो।
REV 12:6 आरू ची बायोर तिना जंगल क ढास गय, जा सारीक यहोवा भगवान ओको जुगु जागो तियार करलो हुतो कि चाँ एक हजार दूय सौ साहठ दाहड़ा तक पोळे।
REV 12:7 तित्यार सोरग मा लड़ाय हुय, मीकाईल आरू ओका सोरगदूत अजगर से लड़ायने क निकळिया; आरू अजगर आरू तेखा उको से लड़ाय करिया,
REV 12:8 पुन सक्षम नी हयु, आरू सोरग मा ओको करता ओळी जागु नी रयु।
REV 12:9 आरू त्यो मोटलो अजगर त्यो पेहलो घड़सो, जो शैतान कहवाये, आरू आखी कोळजुग क भटकाड़ने वाळो छे, त्यो धरती पर गिराय दियो गयो; आरू तेखा सोरगदूत तेखेत् साते गिराय दिया गया।
REV 12:10 औळी हाव सोरग से यो मोटो बुल आवतलो सुन्यो, “हाय हामरा यहोवा भगवान क छुटकारो, शक्ति, राज्य, आरू ओगळ मसीह क हक प्रगट हुए छे; काहकि हामरा भाईयो बहनीन पर दोष लागावनेवाला, जा रात दाहड़ा हामरा यहोवा भगवानन ओगळ उका पर दोष लागाड़ीया करता हुता करीन सोरग रईन नेड़ा पाड़ दिदा।
REV 12:11 आरू त्या गाड़ गाडरा क लुहूय यो क कारण, आरू गवाय क कारण, आरू वचन क कारण तेखा पर जीक गया, काहकि त्या उको जीवन क मोंग नी जानिया, या तक कि मोत क भी छेल लेदा।
REV 12:12 इना कारण से ए सोरगदूत आरू तेखाम रहवने वाळा खुश हयो; ए धरती, आरू दरिया, तुमरे पर विखु काहकि शैतान दुस्मन घणी रीस क करीन उतरी आवलो छे; काहकि त्यो यो जाने कि हाय टेम कम रहलो छे।”
REV 12:13 जत्यार अजगर यो देखियो कि, हाव धरती पर गिराय दियो गयो, ती त्यो त्या बायोर क पछोळ पड़ गयो
REV 12:14 पर त्या बायोर क दुय मोटा पाखाड़ा आपी दियो, कि घड़सा क ओगळ से उड़ीन जंगल मा उना जागा पर जा पुग नी सके जहा वो एक समय, आरू समय आरू आधा समय तक पावली जाए।
REV 12:15 आरू तिने टेमे त्यो घड़सो त्या बायोर क पछोळ आपसा मुय से नदी सारको पानी उहवाड़ियो कि उको इना पानी से उहवाड़ देय।
REV 12:16 पुन धरती त्या बायोर की आरू आपसा मुहय उगाड़ ़ीन उका नदी क जु अजगर क आपसो मुहय मा रईन वह्याड़ी होती, आरू पी लेदी।
REV 12:17 तत्यार अजगर बायोर पर कीचवायो, आरू तेखी वाचली ओवळियाद से जो यहोवा भगवान क हुकुम क माने, आरू गवाय देने पर वातड़ा उबा रया, लड़ायने करीन गयो
REV 12:18 आरू चो दरिया क रेत पर जाईन ऊबो हुयो।
REV 13:1 हाव एक जनवार क दरिया माईन निकळता देखियो, जिना दूय सींगड़ा आरू सात मुनका हुता। ओका सींगड़ा पर दस राजमुकुट, आरू ओको मुनका पर यहोवा–भगवानन क निन्दान नाव लिखलो हतो।
REV 13:2 जो जनवार हाव देखियो, चो जनवार चीता क सारको हुतो; आरू उका पाय रिछड़ान क पाय सारका हुता, आरू मुय नाहर क समान हुतो। आरू त्यो अजगर आपसी शक्ति, आरू ओकी राजगाद्दी, आरू ओको मोटो हक उनाक दी दिदो।
REV 13:3 हाव उका मुनका पर असो घणो मोटो घाव देखियो, जसो कि चो मरना पर छे ओळतेन तेरो मार देनियों घाव वारू होय गयो, आरू सब धरती क लोगहन उका जनवार क विच मा पछल–पछल घबरायने करता चाल्या।
REV 13:4 चे अजगरन पुजा करिया, काहकि चो जनवार क आपसो हक आपलो हुतो आरू यो कहीन, इना जनवारन पुजा करियो
REV 13:5 मोटा बुल बुलने आरू वायकेड़ा उड़ावने करीन उको मुय आपलो हुतो, आरू ओका बेचालीस महिना तक काम करने क हक आपलो हतो।
REV 13:6 आरू चो यहोवा–भगवानन वायकेड़ा उड़ावने करीन मुय खुलियो, कि उको नाव लीन उका तम्बू आरू सोरगदूतन रहने वाळन वायकेड़ा उड़ायो
REV 13:7 उको यो हक दियो गयो, कि चुखलो लोगहन से लड़ाय करे आरू उको आखी भाति कुल आरू लोगहन, भाषा, जाती पर हक दियो गयो
REV 13:8 धरती पर क आखा रहवने वाळा जिन्दरो नाव तिना गाडरा न क जीवनन किताब मा लिखियो नी होय, जो कोळजुगन क पैदा हुयने से घात हुयो कि लोगहन उना जनवार कि पुजा करसे।
REV 13:9 जिना कान्टा होय वो समळी लेय
REV 13:10 जिनाक कैद मा पड़नो छे चो कैद मा पड़से, जो तलवार से मारसे त्यो तलवार से मरसे। चुखलो लोगहन क गम आरू विश्वास एका मा छे।
REV 13:11 ओवी हाव ते आरू एक जनवार क धरती माईन निकळता देखियो, ओका गाड़ गाडरा क से दुय सिंगड़ा हता, आरू त्यो अजगरन समान बुलतो हतो।
REV 13:12 यी तिना पेहला जनवार क आखो हक उको सामने लावतो हुतो, आरू धरती आरू रहवने वाला तिना पेहला जनवारन, जिनाक घाव मारदेने वाळो वार होय गयो हुतो, तेखी पुजा करता हुता।
REV 13:13 चो चमत्कार से भरायली सोहलाणी देखड़तो हुतो या मनुसो ओगळ सोरगदूत से धरती पर आगठी पाड़तो हुतो।
REV 13:14 तिनी सोहलाणी क कारण से तिना जनवार क सामने देखाड़ने क हक उको दियो गयो; त्यो धरती पर क रहवनर वाळान क इनी रीति से भटकाड़तो हुतो, आरू धरती पर रहवने वाळा से कहवतो हुतो कि जिना जनवार क तलवार लागली हुती, त्यो जीवतो हुय गयो तेखी मुर्ती बनावो।
REV 13:15 आरू उको त्या जनवार कि मुर्ती मा जीव न्हाखने क हक दियो गयो, कि त्या जनवार की मुर्ती बुलने लागे; आरू जतरा लोगहन त्या जनवारन मुरतीन क नी पुजे, उको मार न्हाखे
REV 13:16 आरू चो नाना–मोटा, धन वाळा, भिखारी, छुटला, दास, बांधायला, आखान क जेवड़ा हाथ नी ते माथा पर एक–एक छापू लगाड़ दीयो,
REV 13:17 कि उको छुड़ीन जिना पर त्या जनवार क नाव, या उको नाव क आकड़ो डामलो होय, आरू दिसरो काहय लेनो देनो नी करी सकतो।
REV 13:18 अकोल इना मा छे: जिनाक ओकल होय, त्यो इना जनवार क आकड़ो जुड़ लेय, काहकि त्यो मानुस क आकड़ो छे, आरू तेखो आकड़ो छव सौ छियासठ छे।
REV 14:1 आरू हाव नजर न्हाखियो, आरू देखियो कि त्यो गाडरो सिय्योन बयड़ा पर उबो छे, आरू तेखा मुनका पर ओकान बासन नाव लिखलो छे।
REV 14:2 सोरगदूत से आरू मखे एक असो बुल समळायो, जो पानीन घण सवटी
REV 14:3 आरू चे राजगाद्दी क ओगळ आरू चार जीवप्राणी आरू वेगला डाहडा क सामने मानु, एक नवलो गीत गाय रयु होतु, आरू उका एक लाख चौव्वालीस हजार जनोक छुड़ जा धरती पर मुलवी ली गया हता, कोय चो गीत सिख नी सके।
REV 14:4 या चे छे, जो बायरन क साथ मा विटळ नी हुया, बाकुन त्या छल्ला छे; या त्या छे, कि जा काँ भी गाडरो जाय, त्या ओका पछोळ चालता रये; त्या यहोवा भगवान आरू गाडरा न निमित्त पेहला फव हुयने करीन मनुसो माईन मुलवी गया छे।
REV 14:5 आरू तिन्दरा मुय से कदी छुट नी निकलियो हुतो, चे निर्दोष नी होय
REV 14:6 औळी हाव एक आरू सोरगदूत क वादवा क विच मा उड़तलो देखियो जिना पास धरती पर क रहवनेवाळा क आखी जाती, कुल भाषा, आरू लोगहन क करता अमरकाय खुश खबर हुतो
REV 14:7 “आरू चो मोटा बुल से कयो, यहोवा भगवान से बीक राखो, आरू ओकी महिमा करो, काहकि उको नियाव करनेन समय आय गयलो छे; आरू ओकी आराधना करो, जो सोरगदूत आरू धरती आरू दरिया आरू पानी क झोरे बनायो”
REV 14:8 “एका बाद मा आरू एक दिसरो सोरगदूत यो कहवतो जाईन आयो, गिर पड़्यो, चो मटलो बेबीलोन गिर पड़्यो, जो आपसा व्यभिचार क काम क रीस सी भरायलो मोंद आखी जातीन क पीवाड़लो छे।”
REV 14:9 ओळतेन आरू एका बाद मा आरू तीसरा सोरगदूत मोटा बुल से यो कयता जाईन आयो, “जो कोय भी त्या जनवार आरू ओकी पुजा करे, आरू आपसा माथा या आपसा हाथ पर एकु छापू लागाड़,
REV 14:10 ती चो यहोवा भगवान क रीसन मोंद जिनाम काय भी भेस्काव नी होय, उका रीस न वाटका मा भर दियो गयो छे, चो पीसे आरू चुखलो सोरगदूत क सामने आरू गाड़ गाडरा क सामने आगठी आरू गन्धक ससन पीड़ा मा पड़से।
REV 14:11 आरू तेखी पीड़न धरतीड़ो जलोमको उठतो रहवसे, आरू चे जो तिना जनवार क पुजे, आरू उका नाव क छापू लेय, उको रात न दाहड़ू आराम नी जोड़से।”
REV 14:12 चुखलो लोगहन क गम इना मा छे, जो यहोवा भगवान न हुकुम क माने, आरू ईशु पर विश्वास राखे।
REV 14:13 आरू हाव सोरगदूत से यो बुल सुन्यो, “लिख: जो मरला पोरबु मा मरे, चे हाय गथा सयाळा छे।” आत्मा कहे, “होव, काहकि चे आपसी मेहनतन कामो से आराम करसे, आरू तेखा काम उको पुठी रहसे।”
REV 14:14 नजर न्हाखियो, आरू देखियो, कि एक विजाळो वादळो छे, आरू त्या वादळा पर मानुस क पोर्‍या सारको कोय बठलो छे, जिना मुनका पर सोनान मुकुट आरू महंगलो हळ छे।
REV 14:15 औळी एक आरू सोरगदूत मंदिर मा से निकळीन, हेका सी जो वादळा पर बठलो हुतो, जुर्‍ये बुलो से आयड़ीन कयो, “थारो हळ लागाड़ डीन लवनी कर, काहकि लवने क समय आय गयलो छे, एरकरीन कि धरती पर की खेती पाक गयली छे।”
REV 14:16 आरू जो वादळा पर बठलो हुतो, त्यो धरती पर आपसो हळ लगाड़यो, आरू धरती पर लवनी करियो।
REV 14:17 ओळी एक आरू तिना मंदिर मा से निकळियो, जो सोरगदूत मे छे, उको पास भी महंलो हळ हुतो।
REV 14:18 ओळी एक आरू सोरगदूत, जिनाक आगठी पर हक आपलो हुतो, वेदी मा से निकळियो, आरू जिनाक पास महंगलो हळ हुतो, उको जुर्‍ये आयड़ीन कयो, “थारो महंगलो हळ लगाड़ीन धरती पर की अंगुर क गुछळो काट ले: काहकि ओकी गयली छे।”
REV 14:19 तीत्यार त्यो सोरगदूत धरती पर आपसो हळ लगाड़यो, आरू धरती पर की अंगुर क पाक क फव काटीन, आपसा यहोवा भगवान क रीसन मटला रसन कुण्डा मा डाल दिदो
REV 14:20 आरू नगरन बाहर त्या रसन कुण्डा मा डाळियान क रौंदळीया, आरू रसन कुण्डा मासे अतरो लुहूय यो निकळियो कि घुल्लान क लगाम तक पुग गयो, आरू सौ कदाम तक उहवी गयो।
REV 15:1 आरू हाव सोरगदूत मा एक मोटो आरू घाबरावने वाळी सोहलानी देखियो, आरू सात सोरगदूत जिनाक पास सातु पीड़ा हुती, काहकि ओको होय जाने पर यहोवा भगवान क रीस क आखरी छे।
REV 15:2 आरू हाव आगठा से भेस्कायला आरसान क जसो दरियो देखियो, जो लोगहन तिना जनवार पर आरू ओकी मुर्ती पर, आरू उका नाव क आकड़ा पर जीकला हुता, उको तिना आरसान क दरिया क साते यहोवा भगवान की वीणान क लीन उबो देखियो।
REV 15:3 आरू चे यहोवा भगवान क दास मूसा क यो गीत, आरू गाड़ गाडरा क गीत गावी गावीन कयता हुता, सब मा ताकत वाळा यहोवा–भगवान, थारा काम मोटा छे, आरू कसा विन छेळिया छे, युग युगन राजा, तारी चाल ठिक आरू सत्य छे।
REV 15:4 “ए पोरबु कुन थार से नी बीक राखे, आरू थारा नाव की महिमा कुन नी करसे? काहकि तु एखलुत् चुखलो छे, आरू सब जाति आवसे, आरू थारी महिमा करसे, काहकि तार न्यायन काम प्रगट होय गया छे।”
REV 15:5 ओळतेन हाव देखियो, कि सोरगदूत मा गवाय देने क तम्बू क मंदिर खुल दियो गयो,
REV 15:6 आरू चे सात सोरगदूत जिना पास मा सातु पिड़ा हुती, वारला सुवाळा आरू चुखा चमकने वाळा छिंदरा पहरलो आरू छाती पर सोनान पट्टो बांधीन मंदिर माहय से निकळो।
REV 15:7 तित्यार तिनु चार जीवो माईन एक जीव मा से एक ने ओका सोरगदूत क यहोवा–भगवान क, जु युगानयुग जीविता छे, रीस क भर होए सात सोनान वाटको आपियो।
REV 15:8 आरू यहोवा भगवान कि महिमा, आरू ओकी ताकत क कारण मंदिर धुँवाडा से भराय गयो आरू जत्यार तक तनु सातु सोरगदूत क सातु पीड़ा खतम नी होय, तित्यार तक मंदिर मा नी जाय सकियो
REV 16:1 ओळी हाव मंदिर मा कोयक जुरिये वात से तिनु सातु सोरगदूत से यी वात कहवतला समळियो, “जावु, यहोवा–भगवानन सात वाटका धरती पर रेड़ देवु।”
REV 16:2 आरू पेहलो सोरगदूत जाईन धरती पर वाटका रेड़ दिदो। आरू ओका मानस पर जनवार छाप हती, आरू जा ओका मुरतीन पुजा करता हता, एक भातीन खराब आरू दुःख भरीयो फोड़ो निकव्यु।
REV 16:3 दिसरा सोरगदूत जाईन आपसो वाटको दरोया पर रेड़ दिदो आरू चो मरला क लुहूय यो जसो बन गयो, आरू दरिया माईन आखा जीव मर गया।
REV 16:4 तीसरो सोरगदूत आपसो वाटको नद्या, आरू पानीन झोरो पर न्हाख दिदो, आरू चे लुहूय यो बन गया।
REV 16:5 आरू हाव पानी क सोरगदूत क यो कहवतलो सुन्यो, हे चुखलो जु छे, आरू जु होतु, तु न्यायी छे आरू तु यो न्याय कर्‍यु।
REV 16:6 काहकि चे चुखलो लोगहन, आरू कागळिया क लुहूय यो उहवाड़िया हुता, आरू तु उको लुहूय यो पिवाड़ियो
REV 16:7 ओळी हाव वेदी से यो बुल सुन्यो, “होव, सर्वशक्तिमान पोरबु यहोवा–भगवान, थारी न्यायी वात वारू आरू सच छे।”
REV 16:8 चौथो सोरगदूत आपसो वाटको दाहड़ा पर रेड़ दिदो, आरू ओको मानुस क आगठा मा झुलसा देने क हक दियो गयो।
REV 16:9 मानुस घणा तप से झुलसाय गया, आरू यहोवा भगवान क नावन जिनाक इनी पीड़ा पर हक छे, वायकेड़ा क पर ओका महिमा करने क करता मन क फिरायो।
REV 16:10 पाचवो सोरगदूत आपसा वाटको तिना जनवार क राजगाद्दी पर रेड़ दिदो आरू उका राज पर आंधारो होय गयो; आरू लोगहन पीड़ा क कारण
REV 16:11 आरू तिन्दरी पीड़ा आरू फुड़ा क कारण सोरगदूतन यहोवा भगवान की वायकेड़ा उड़ाया; पुन आपसा–आपसा कामो से मन नि फिराया।
REV 16:12 छटवो सोरगदूत आपसा वाटका क मोटली नोदी फरात पर रेड़ दियो आरू उका पानी सुख गयो, कि पुरब दिशा वावा राजा क करता वाट तयार होय जासे।
REV 16:13 आरू हाव तिना अजगर क मुय से, आरू तिना जनवार क मुय से आरू तिना झुठा कागळियान क मुय से तीन दृष्ट आत्मा क डेडका क रूप मा निकळता हसे।
REV 16:14 यी सहलाणी देखाड़ने वाळी साहळा छे, जो संसार क राजान क पास निकळीन अतरानकरीन करीन जाय, कि ताकत वाला यहोवा भगवान क उना मोटा दिन की लड़ाय क जुग एखटा करे।
REV 16:15 “देख, हाव त्योरन क सारको आवीस, सयाळा छे चे, जो जागता रहे, आरू हेका छिंदरा क राखवाळी करे कि चे नांगरा नी फिरे”
REV 16:16 आरू चे राजान क तिना धरती से एखठा करियो, जो इब्रानी मा हरमगिदोन कहवाये।
REV 16:17 आरू सातवो सोरगदूत आपसा वाटका क हवा पर रेड़ दियो, आरू मंदिर क राजगाद्दी से यो बुल हुयो, “होय गयो।”
REV 16:18 ओळी वीजळी आरू बुल, आरू गाँगेरनो हुयो, आरू एक असो मोटो भुकंप हुयो, कि जत्यार मनुसन उबजणो धरती पर होय,
REV 16:19 इना से तिना डाहला नगर क तीन टुकड़ा हो गया, आरू जातीन–जातिन क नगर पर हुट पड़्या आरू मोटा बेबीलोन क फोम कर्‍या यहोवा भगवान वाँ हयो कि रीस मा आवीन जलजलाहट न मोंद ओको पिवडाया।
REV 16:20 आरू आखा टापू आपसे धरती से टळ गया, आरू बयड़ान क पतो नी लागियो।
REV 16:21 आरू वादवो से मानुस पर मन–मन भर क डाहला गारा पड़ने लागिया, लोगहन गारान पीड़ा क कारण यहोवा भगवान की वायकेड़ा करिया
REV 17:1 दिनु सोरगदूत क पास चे सात वाटका हुता, तिनुम माईन एक जन आवीन मखे यो कयो, “उरो आव, हाव तुके उनी मोटली वेश्या क डण्ड देखाड़ीस, जो बैस पानी पर बठली छे।
REV 17:2 जिना साथ मा धरती पर क राजा व्यभिचार क काम करिया, आरू धरती क पर रहवने वाळा ओका खराब काम क मोंद पीन छाकी गया हुता।”
REV 17:3 तित्यार चुखली आत्मा मखे जंगलो मा ली गयो हुता, आरू हाव रातला रंग क जनवार पर जो वायकेड़ा क नावो सी भरायलो हुतो आरू जीनान सात माथा आरू दस सींगड़ा हुता, एक बायर क बठली देखीयो।
REV 17:4 यी बायोर रिंगण्या रंगन आरू रातला रंगन छिंदरा आरू चाँदी मोंगला दगड़ा आरू मोति करीन सजाड़ता हता। आपसा हाथ मा विटळ आरू विटळ चीज करीन गिलास हाथ मा लिन।
REV 17:5 आरू उका माथा पर यो नाव लिखलो हुतो, मोटो बेबीलोन धरती परन वेश्या आरू खराब काम नी चीजोन माय।
REV 17:6 आरू हाव तिनी बायोर क चुखलो लोगहन क लुहूय यो आरू ईशु क गवान लुहूय यो पीन छाकली देखियो, उको देखीन हाव घाबराय गयो।
REV 17:7 चो सोरगदूत मखे कयो, तु कायलेन घबराय रयो हाव इनी बायोर, आरू तिना जनवार क, जिना पर ची सवार छे, आरू जिना सात मुनका आरू दस सींगड़ा छे तुखे ओकी ढाकायली वात देखाड़ो
REV 17:8 जो जनवार तु देखलो छे, यो पेहले ते हुतो, पुन हाय नी होय, आरू आँधारा कुण्डा से निकळीन विनाश मा पड़से, आरू धरती क रहवनेवाळा जिनाक नाव कोळजुगन उबजनेन समय से जीवनन किताब मा लिखला नी होय, चे इना जनवारन हालत देखीन कि पेहले हुतो, हाय आरू नी होय; त्यो आरू पछो आय जासे, ती घाबराय जासे।
REV 17:9 यो समझने करीन ओकल मन जुवे; चे सात मुनका सात बोयड़ा छे, जिनु पर ची बायोर बठली छे।
REV 17:10 आरू चे सात राजा भी छे पाच ते हुय गयला छे, आरू एक ओळी छे; आरू एक हाय आयो नी; आरू जत्यार आवसे ती काहय समय तक ओको रवणो जरूरी छे।
REV 17:11 जो जनवार पेहले हुतो, हाय आरू नी होय, त्यो आरू आठवो छे; आरू तिनु सातवा माईन एक छे, त्यो आरू विनाश मा पड़से।
REV 17:12 जो दस सींगड़ा तु देखलो छे त्या दस राजा छे; जे हाय तक राज नी करिया; पुन तिना जनवार क सात थुड़ाक समय क करता राजान क समान हक करसे
REV 17:13 या आखा एक मन हुय जासे, आरू त्या आपसी–आपसी ताकत आरू हक तिना जनवार क आपसे।
REV 17:14 “या गाड़ गाडरा से लड़ाय करसे, आरू गाडरो उको पर जिक जासे, काहकि त्यो पोरबुन क पोरबु, आरू राजान क राजा छे, आरू जो बुलावला, अलग करला, आरू विश्वासयोग्य छे, ओको सात छे त्या आरू जीक जासे।”
REV 17:15 ओळी चो मखे कयो, जो पानी तु देखियो, जिना पर वेश्या बठली छे, त्या लोगहन, गर्दी, जाति, आरू भाषा छे।
REV 17:16 आरू जो दस सींगड़ा तु देखिया, त्या आरू जनवार तिनी वेश्या से किचवन राखसे, आरू ओको कमजोर आरू नांगी कर देसे; आरू उको मास खाय जासे, आरू ओको आगठा मा धपाड़ देसे।
REV 17:17 काहकि यहोवा भगवान तिन्दरा मन मा यी वात लावसे कि त्या तेखी मरजी पुरी करे; आरू जत्यार तक यहोवा भगवान क वचन पूरो नी होय जाय, तित्यार तक एक मन होईन आपसो–आपसो राज तिना जनवार क आप देसे।
REV 17:18 “आरू ची बायोर, जिनाक तु देखलो छे त्यो मोटलो नगर छे, जो धरती क राजा पर राज करे।”
REV 18:1 ओको ओळतेन हाव सोरगदूत काजे सोरग छे उतरतो देख्यो, जिनाक मोटो हक जोड़लो हुतो; आरू धरती ओको तेज छे विजाळी होय गय।
REV 18:2 चो मोटा बूलो छे आयड़ीन कयो, मोटलो बेबीलोन पोङ गयो छे! आरू विटळ आत्मान जागु, आरू आखी भातिन विटळ आत्मान हाड्डू, आरू आखा भातिन भुण्डला आरू भुण्डला जनवार हाड्डू होय गयो।
REV 18:3 “काहकि ओको व्यभिचारन घनो जबर मोंदन कारण छे आखी जाती गीर गय आरू धरती पर न राजा उका सात मा व्यभिचार कर्‍या; आरू धरतीन वेपारिया ओको सात सुख विलास बहुतायतन कारण छे मातभोरिया होय गया।”
REV 18:4 ओळी हाव सोरगदूत छे एक आरू बुल सोमळ्यो, “ए म्हारा लोगहन, हेका मा छे निकळी आवु कि तुमू हेका पापो मा भागी मा बोनु, आरू तिनी पिड़ा मा काहय पिड़ा तुमरे पर नी आय पड़े”
REV 18:5 काहकि ओको अन्याय न ढेर सोरगदूत तक पुगी गयलो छे, आरू ओको अन्याय यहोवा–भगवानन चाँ तक पुग गयला छे।
REV 18:6 जोसो त्यो तुमूक आपो छे, तोसोत् उको बि आपो, आरू ओको कामोन अनसारे उका बदलाम दुय गुणा आपो, जिना वाटका मा चो भरी दियो हुतो उका मा उका जुगु दुय गुणा भर देयु।
REV 18:7 जतरी चो आपसी मोटो समझीन बढ़ाई कर्‍यो आरू सुख विलास करियो; होतरित ओको पिड़ा आरू घाबराय देयु; काहकि ची आपसा मन मा कहवती रये, कि हाव रानी बोन गयली छे, रंडायली नी होय; आरू कदी घाबरायो नी।
REV 18:8 इना कारण छे एकात दाहड़ा मा ओको पर पिड़ा आय पड़से। मतलब मोत आरू घाबरायनो, आरू काळ; आरू ची आगठा मा धोपीन रूखड़ा होय जाछे, काहकि उका नियाव करने वाळु पोरबु यहोवा–भगवान ताकत वाळु छे
REV 18:9 आरू धरती राजा उका सात मा व्यभिचार, आरू सुख विलास करिया, जव उको धोपनेन धुँवाङु देखाय पड़से, ती ओको जुगु रोङछे, आरू छाती ठुकछे।
REV 18:10 आरू ओकी पिड़ाछे बीहिन घणा छेटा उबरोहीन कयसे “ए डाहला शोहर, बेबीलोन! ए वातङु हायला शोहर, विखु तारे पर विखु हुयो! घण कम टेम मा तुखे डोण्ड जोड़ गयो।”
REV 18:11 आरू धरती पर वाळ वेपारिया ओको जुगु रोङछे आरू कोलेपसे, काहकि हिमि कोय हेनको सोमान मुवे नी लेय
REV 18:12 मतलब सोनो, चाँदी, रत्न, मोती, मलमल, बैंगनी, रेशमी, रातला रंगन छिंदरा, आखी भातिन गोदायनिया लाकड़ा, हातीन दातोन आखी भातिन चीज महंगलो लाकङा, पितळन, लूहङान आरू संगमरमरन आखी भातिन ठिकरा,
REV 18:13 आरू दाळ चीनी, धुप, गंधरस, लोबान, मदीरा, तेल, हावदा, गहव, गाय–बैलिया, गाडरा बुकड़ा घुल्ला, घुड़सवारी, आरू चाकरीयो, आरू मानसोन जीव।
REV 18:14 हिमी तुखे पटे तोसला फोव तारेन चाँ गोथा जाता रोया; आरू सुख–विलास आरू तारो घाटळी आखी भातिन चीज तारे साते छे दूर होय गयली छे, आरू ची हिमी कदी नी जोड़छे।
REV 18:15 इनी चीजोन वेपारिया जो ओको लारे धोनी होय गयला हुता, ओकी पिड़ा छे बीहिन दूर उबारोहिन, रोङता आरू कोलेपता जाईन कयसे,
REV 18:16 विखु! विखु! यो मोटलो शोहर जो मलमल, बैंजनी, रातला रंगन छिंदरा पेहरलो हुतो, आरू सोनान आरू रत्नान मोती छे सजायलो हुतो;
REV 18:17 “उतवाळीयो ओसो भारी धन खतम होय गयो।” आरू आखी भातिन मांझी, आरू जलयात्री, आरू मेलिया, आरू जोतरा दोरिया छे कोमाये, आखा उबा होया,
REV 18:18 आरू ओको धोपनेन् धुंवाड़ो देखता जाईन आयड़ीन कयसे, “काहलो शहर इना डाहला शोहर सारको छे?”
REV 18:19 “आरू आपसा–आपसा मुनका पर धुलु नाखछे, आरू रोङता जाईन, आरू विलाप करता जाईन आयड़ी–आयड़ीन कयसे, विखु! विखु! यो मोटलो शोहर जेरो सम्पत्तिन लारे दोरियान आखा जाहाज वाळा धनी होय गया हुता उतवाळिया उजड़ी गया।”
REV 18:20 “ए सोरग, आरू ए चुखलो लोगहन, आरू दास, आरू कागळिया उका पर खुशी करो, काहकि यहोवा–भगवान नीयाव करिन उका छे तारू बोदलु लेदला छे।”
REV 18:21 ओळी एक ताकत वाळु सोरगदूत मोटी चौक्‍किन पाटन सारकु एक दोगङू हाकल्यु, आरू यो कहवतो जाईन दोरिया मा नाख दिदो, मोटलो शोहर बेबीलोन इने रीते मोटी ताकत छे दोरिया मा पोङ जाछे, आरू ओळी पोछो हेको पोतु भी नी चाले।
REV 18:22 वीणा वाजाड़ने वाळा, गावने वाळा, पाव्वी वाजाड़ने वाळा, आरू भिरा फुँकने वाळान बुल ओळी कदी नी सोमळाये, आरू कदी आवने वाळु मिस्त्री भी ओळी तारे मा नी जोड़े; आरू चक्‍की चालने बुल ओळी तुछेक नी सोमळाये;
REV 18:23 आरू दिवान विजाळो तारे मा ओळी नी चमके आरू लाङा आरू लुगाई बुल तारेम कदी नी सोमळाये; काहकि तारा वेपारी धरतीन आधिकारिया हुता, आरू तारा टोना छे आखी जाती भटकी गय होती।
REV 18:24 “आरू ओगळायती वात कयनिया कागळिया आरू चुखलो लोगहन, आरू धरती पर आखा मोरलान लुहूय यो उका मा जोड़यो।”
REV 19:1 ओवतेन हाव सोरगदूत मा मानु एक मोटी भीड क मोटे बुल छे यो कयता सुन्यों, हाल्लेलूय्याह! छुटकारो, आरू महिमा आरू शक्ति हामरा यहोवा–भगवान क ही छे।
REV 19:2 काहकि तेरा न्याय आरू विचार सच्चा आरू सय छे, ओको करता वो तिनी मोटली वेश्या छेको जो आपसा व्यभिचार छे धरती क बिगाड़ ती हूती, नियाव करिया आरू ओका छे आपसा दासो क लुहूय यो क बदलो लेदो छे।
REV 19:3 ओळी दिसरी वार त्या कयो, हालेलुय्याह! उका धोपने क धरतीड़ों जलोमको धोपतो रयछे।
REV 19:4 आरू चौवीसु डाहडा आरू चार जींवों पड़ीन यहोवा–भगवान क वंदया; जो सिंहासन पर बठ्यो हूतो, आरू कयो, “आमेन! हालेलुय्याह!”
REV 19:5 आरू सिंहासन मा सी एक बुल निकल्यों, “ए हामरा यहोवा–भगवान छे आखा बीक राखने वावा दासों, काय नाना, काय मोटा, तुमू आखा ओकी बढ़ाई करो।”
REV 19:6 ओळी हाव मोटी गर्दी क जोसो आरू घणा पानी क सात मोटो बुल, आरू गाजनेन जोसो मोटो बुल सुन्यों “हालेलुय्याह! एका करता कि पोरबु हमारा यहोवा–भगवान, आखा सी मोटो ताकत वाळो राज करता छे।
REV 19:7 आवों, हामु खुश आरू खुशी होयजे, ओकी बढ़ाई करे, काहकि ओकी गाडरा न वियाव आय लाग्यु। आरू ओकान दुलहन आपसा क तियार कर लेदा छे।
REV 19:8 उको चुखा आरू चमकने वाळा आरू सुवाळा पेहरने क दियो गयो, काहकि तिना सुवाळा मतलब चुखलो लोगहन क न्यायन काम छे।
REV 19:9 “तव सोरगदूत म्हार छे कयो, यो लिख, कि धन्य चाँ छे, जो गाड़ गाडरा क वियावन भोज मा बुलाया गया छे।” पछो वो मको कयो, “यो वचन यहोवा–भगवानन सत्य वचन छे।”
REV 19:10 तव हाव ओको वांदने क करता उका पाय पड़ीयो। त्यो मखे कयो, असो मा करे, हाव तारो आरू तारा भाईस्योन साती छे, जो ईशु मसीह की गवाय देने करिन उबो छे। यहोवा–भगवान क वाद। काहकि ईशु की गवाय ओगळायती कयनो की आत्मा छे।
REV 19:11 ओळी हाव सोरगदूत क खुलायलो देख्यों, आरू देखूँ कि एक धवळियो घुल्लो छे; आरू उका पर एक सवार छे, जो विश्वासयोग्य, आरू सच्चों कवायतो छे; आरू वाँ न्यायपन क सात नियाय आरू लड़ाई करता छे।
REV 19:12 ओका डुळा आगठा न धपणी छे, आरू उका मुनका पर घण सोवटा राजमुकुट छे। आरू ओका नाव उका पर लिख्यो हुओ छे, जिनाक ओको छुड़ीन आरू कोय नीहि जानतो।
REV 19:13 वो लुहूय यो मा डुबायलो छिंदरा क पेहरलो छे, आरू उका नाव “यहोवा–भगवान क नाव छे।”
REV 19:14 आरू सोरगदूत की छेना धवळिया घुल्ला पर सवार आरू चुखलो मलमल पेहरिन उका पछळ–पछळ छे।
REV 19:15 “जाती–जाती क मारने क करता ओको मुय छे एक चार कुनाय तलवार निकळती छे, आरू चो लुहड़ा क राजदण्ड करता तिनु पर राज करसे, आरू तो सर्वशक्तिमान क भयानक रीश जलजलाहट की मंदिर क कुण्डा मा अंगुर रोंदेवछे। आरू ओको आरू जाँघ पर यो नाव लिखा छे; राजा न राजा आरू पोरबु न पोरबु।”
REV 19:16 ओका छिंदरा आरू जाँघ पर यो नाव लिखलो छे; “राजान राजु आरू पोरबु न पोरबु।”
REV 19:17 ओळी हाव एक सोरगदूत क दाहड़ा पर उबो देख्यों, आरू चो मोटा बुल छे आयड़ीन वादवा क विच मा सी उड़ने वावा आखा चिल्ला छे कयो, “आवु, यहोवा–भगवान क मोटा खाना क जुगे एखटा होय जावु,”
REV 19:18 जिनाछे तुमू राजा क मास, आरू सरदारों क मास, आरू शक्तिवाळा मानुस क मास, आरू घुल्ला क आरू उका सवारों क मास, काय छुटला काय दास, काय नाना आरू काय मोटा, आखा लोगहन क मास खावु।
REV 19:19 ओळी हाव तिना जनवार आरू धरती क राजा आरू ओकी सेनान क उना घुल्ला क सवार, आरू ओकी छेना छे लड़ाय क करता एखटा देख्यों।
REV 19:20 आरू चो जनवार आरू उका सात चो झुठी अगवायती। ती वात कयनो वाळो धराय गियो, जो ओको सामने ओसा सहलानी देखाड़यों हूतों, जेके लारे चो तिनुक भरमाड़्यो, जिना पर तिना पशु न छाप हूती, आरू जो ओकी मुर्ती पुजा करता हूता। यो दुयू जीवतला गन्धक छे धोपत्ली आगठी मा न्हाख दिया गया।
REV 19:21 आरू वाचला लोगहन तिना घुल्ला कि तलवार छे, जो ओको मुय छे निलळती हूती, मारीन न्हाख दिया गया; आरू आखा चिल्ला तिन्दरा मास छे धाप गिया।
REV 20:1 ओळी हाव एक सोरगदूत क सोरग सी उतरता देख्यों; जिना हात मा आंधारला कुण्डा की चाबी, आरू एक मोटी साकव हूती।
REV 20:2 आरू वो तीना अजगर क, तिना पुराना घड़सो क, जो शैतान कहवाये; धरिन हजार साल क करता बांध दियो,
REV 20:3 आरू ओको आँधरा कुण्डा मा न्हाखीन बंद कर दियो आरू उका पर मुहर लागाड़ दियों कि हजार साल क पुरो हुयने तक जाती–जाती क लोगहन क ओळी नीहि भटकाड़ सोके। ओको ओळतेन जरूरी छे कि थुड़ीक वार जुगे ओळी खुल दियो जाछे।
REV 20:4 ओळी हाव एक सिंहासन देख्यो, आरू ओका पर लोगहन बठ गया, आरू ओको नियाव करने क हक दियो गयों। आरू ओकी आत्माओ क भी देख्यो जिना मुनका पर ईशु कि गवाय देने आरू यहोवा–भगवान क बुल क कारण तिनुक काट दिया दया हूता, आरू जिनन नी ते तिना जनवार की, आरू नी ओकी मुर्ती की पुजा करिया हूता, आरू नी ओकी छाप आपसा माथा पर आरू हातो पर लेदा हूता। चे जीवता हईन मसीह क सात मा हजार साल तक राज करता रये
REV 20:5 जव तक यो हजार साल पुरा नीहि होय जाय, बाकी रहला मायन नीहि जीवता हुयो। यो ते पेहलो जीव उठनो छे।
REV 20:6 सयालो आरू चुखा वो छे इना पेहला जीव उठने क भागीदार छे, ओसा पर दिसरी मोतोन काय हक भी नीहि, पर चे यहोवा–भगवान आरू मसीह क पुजारो होयछे, आरू ओको सात हजार साल तक राज करसे।
REV 20:7 जव हजार साल पुरा होय जाछे ती शैतान कैद खाना मा सी छुड़ दियो जासे।
REV 20:8 आरू तिनु जाती क जे धरती क चार कुना मा हसे, मतलब गोग आरू मागोग जेरो गिनती दरिया क रेत बराबर होछे, भटकाड़ीन लड़ाई क जुगे एखठा करने क निकळछे।
REV 20:9 आरू वो आखी धरती पर फैलाय जाछे आरू चुखलो लोगहन की छावनी आरू मोंग शहर क घेराव कर लेछे आरू आगठी सोरगदूत छे आवीन ओको भसम करसे।
REV 20:10 आरू उका भटकाड़ने वावा शैतान क आगठी आरू गन्धक न तिनी तलाव मा, जेकाम चो जनवार आरू ओगवायती वात क झुठ बुलने वावो भी होछे न्हाख दियो जाछे; आरू वो रात न दाहड़ु सदा पीड़ा मा तड़पता रहछे।
REV 20:11 ओळी हाव एक मोटो धवळो राजगाद्दी क आरू उको जो तिना पर बठ्यो छे, देख्यों ओको ओगळ सी धरती आरू वादवो ठास गया, आरू ओको जुगे जागु नी जोड़यो।
REV 20:12 ओळी हाव नाना आरू मोटा आखा मरला क राजगाद्दी ओगळ उबा होयला देख्यो, आरू किताब खुली गय; ओळी एक आरू किताब खुली गय, मतलब जीवन नी किताब; आरू जोसो तिनी किताब मा लिखी गयों हूतों ओसत् ओको कामो न अनसारे मरला क नियाय कर्‍यो जाछे।
REV 20:13 आरू दरियो तिना मरला क जो अधोलोक उका मा हूता दे दियों; आरू ओका मा सी आखा क काम क अनसारे उका नियाय करियो जाछे।
REV 20:14 आरू मोत आरू अधोलोक पताळ आगठा मा न्हाखी गया। यी आगठा न तलाव दिसरी मोत छे;
REV 20:15 आरू जिनाक नाव जीवनन किताब मा लिख्यो हुओ नी हावळछे, वो आगठा न तलाव मा न्हाखी गयों।
REV 21:1 ओळी हाव नवळो सोरगदूत आरू नवळी धरती क देख्यो, काहकि पेहळो सोरगदूत आरू पेहळी धरती जाती रयी होती, आरू दरियो भी नी रयो
REV 21:2 ओळी हाव चुखलो गाँव आरू नवलो यरूशलेम क सोरगदूत सी यहोवा–भगवान क साते सी आवतो देख्यो, आरू चौ तिनी लुगाई क सारकी होती, जो आपसा दुल्हा क जुगु तियार होयली होय।
REV 21:3 ओळी हाव राजगाद्दी मा सी कोय काजे मोटा बुल छे यो कयता सुन्यो, देख यहोवा–भगवानन डेरो मानसोन विच मा छे; आरू चे ओको लोगहन होय जायछे, आरू यहोवा–भगवान आपसु तिन्दरे साते रहछे; आरू ओका यहोवा–भगवान होय जाछे।
REV 21:4 “आरू त्यो ओका डुळान आखा आसा नुछ देसे; आरू एका ओळतेन मोत नी रहवछे, आरू नी शोक, आरू नी रोङनो, आरू नी पीङा, पेहली वात जाती रहवी।”
REV 21:5 आरू जो राजगाद्दी पर बठ्यो हूतो, चो कयो, हाव आखो नवलो कर देयो। ओळी चो कयो, यी वात लिखले, काहकि यो वचन विश्वासयोग्य आरू सचो छे।
REV 21:6 ओळी चौ मखे कयो, यी आखी वात पुरी होय गय छे। हाव शूरू आरू आखरी छे। हाव पीसला क जीवनन पानी क झोरो मा सी फिरी मा पावीस।
REV 21:7 जो जीत जाय, चो तिनी चीज क वारीस होयछे; आरू हाव उका यहोवा–भगवान होय जाईस, आरू चो म्हारो बेटो कहवायसे।
REV 21:8 बाकीन बिहने वाळा, विनभुरसीया, खराब काम, हत्यारो, व्यभिचार करने वाळा, बङवाउ झोपाय, मुर्तिपूजक करने वाळा, आरू आखा झुठ बुलने वाळा क वाट तिनी तलाव मा जोड़छे, जो आगठी आरू गन्धक छे धपती रये; यी दिसरी मोत छे।
REV 21:9 ओळतेन जिनु सोरगदूतों न पास सात आखरी पीङा छे भरायला सात वाटका हूता, तिनु माइन एक मार साते आयों, आरू म्हार सात वात करिन कयो, “उरो आव, हाव तुखे दुल्हन मतलब गाड़ गाडरा कि लुगाई देखाड़ीस।”
REV 21:10 आरू चो मोखे आत्मा मा, एक मोटा आरू ऊंचा बयड़ा पर ली गयों, आरू चुखलो नगर यरूशलेम क सोरगदूत छे यहोवा–भगवान न पास छे उतरतला देखाङ्यों।
REV 21:11 यहोवा–भगवानन महिमा तिना मा हूती, आरू ओकी ज्योति घणोत मोंहगा दगड़ा, मतलब घाटळान तोसो यशब तोसो साफ सुतरी हूती।
REV 21:12 आरू ओकी शहरपनाह मोटी उची हूती, आरू उका बारह झोपला पर बारह सोरगदूत हूता; आरू तिनु झपला पर इस्त्राएली बारा जातीन नाव लिखला हुता।
REV 21:13 पूर्व तरफ तीन झोपला, जवाब तरफ तीन झोपला, दक्षिण तरफ तीन झोपला, आरू पश्चिम तरफ तीन झोपला हुता।
REV 21:14 आरू नगरन शहरपनाह क बारह नींव होती, आरू तिनु पर गाड़ गाडरा क बारह प्रेरितन क बारह नाव लेदा हुता।
REV 21:15 जो म्हार साते वात कर रयो हुतो, उका पास नगर आरू नगरन झोपला आरू ओकी शहरपनाह क मापने जुगे एक सोना क गज हुता।
REV 21:16 चौ नगर वर्गाकार मा बठलो होतो आरू ओकी नामबाय, चोवड़ाईन बराबर हुती, आरू चो तिना गज नगर क मापीयो, ती साढे सात सौ कदाम निकल्यों: ओकी नामबाय, आरू चोवढाई, आरू उचाई बराबर हुती।
REV 21:17 आरू चो ओकी शहरपनाह क मानुस क, मतलब सोरगदूत क माप छे मापियों, तो एक सौ चौवालीस हात निकळी।
REV 21:18 ओकी शहरपनाह यशबन नीव बनली हुती, आरू नगर ओसा शुद्ध सोनो क हतो जो स्वच्छ शीशान क समान होय।
REV 21:19 तिना नगरन नीव आखे भतियेन महंगा गदड़ा सी सवारली हुती, पेहली नींव यशबन, आरू दिसरी नीलमणिन, तीसरी लाड़ीन, चौथी मरकतन,
REV 21:20 पाचवी गोमेदकन, छटवी माणिक्यन, सातवी पीतमणिन, आठवी पेरोजन, नौवी पुखराजन, दसवी चन्द्रकांत, गियारवी दुमरकान्तन, बारवी याकुतन कि हुती।
REV 21:21 आरू बारह झोपला, बारा मोतियान हुता; एक–एक झोपला एक–एक मोतीन बनला हुता। आरू नगरन सयड़क चुखलो सोनान सारको हुतो।
REV 21:22 हाव ओकाम काय मंदिर नी देख्यों, काहकि सर्वशक्तिमान यहोवा–भगवान, आरू गाड़ गाडरा उका मंदिर छे।
REV 21:23 आरू तिना नगर मा दाहड़ु आरू चाँदन विजाळान काय जरूरत नी, काहकि यहोवा–भगवानन विजाळा छे ओकाम विजाळो होय जयो छे, आरू गाडरो उको विजाळो छे।
REV 21:24 जाती–जातीन लोगहन ओका तेज चालसे–पछु छे, आरू धरती पर न राजा आपसो–आपसो सोमान उका मा लावछे।
REV 21:25 उका झोपला दिस मा कदी बंद नी हुयो, आरू रात चा नी होयछे।
REV 21:26 आरू लोगहन जाती–जातीन तेज आरू वैभव क सोमान उका मा लावछे।
REV 21:27 आरू उका मा काय गलत चीज या खराब काम क करने वाळा, आरू झुठ क बनावने वाळा, काहय भी रीति छे माहय भराय नी सोके; पर चे लोगहन जिना नाव गाडरा न जीवनन किताब मा लिख्यो छे।
REV 22:1 ओळी चो मखे बिल्लौरन जीवनन सारको झलकतेली, जीवनन जलन एक नदी देखाड़्यो, जो यहोवा–भगवान आरू गाड़ गाडरा न राजगाद्दी छे निकळीन,
REV 22:2 तिनात नगरन विच मा उहवती होती। नंदीन इने पार आरू उना पार जीवनन झाड़को हुता; उका मा बारा भातिन फव लागता हुता, आरू चो हर महने फळतो हुतो; आरू झाङन पान्टा छे जाती जातीन लोगहन वारू हुयसे हुता।
REV 22:3 ओळी सराप नी होयछे, आरू यहोवा–भगवान आरू गाडरा न राजगाद्दी तिना नगर मा होछे, आरू ओको दास ओकी सेवा करसे।
REV 22:4 चे उका मुय देखछे, आरू उका नाव तिन्दरा माथा पर लिखलो हुओ होयछे।
REV 22:5 आरू ओळी रात नी होयछे, आरू तिनुक दिया आरू दाहड़ान विजाळान जरूरत नी होयछे, काहकि पोरबु यहोवा–भगवान तिनुक विजाळो आपसे, आरू चे जलोमका राज करसे।
REV 22:6 “ओळी चौ मखे कयो, यी वात विश्वासयोग्य आरू सत्य छे। आरू पोरबु ने जो भविष्यव्दाक्ता न आत्माओ क यहोवा–भगवान छे, आपसा सोरगदूत क अतरान करीन मुकल्यो कि आपसा दास न क वो वात, जो छाटलो होयणो छे वो देखाङे।”
REV 22:7 “आरू देख, हाव छाटुत आवने वाळु छे; सयालो छे चे जो इनी किताबन ओगळायती वात क मानता छे।”
REV 22:8 हाव त्योत् यहुन्ना छे जो यी वात सोमळता आरू देखता हुता। आरू जव हाव सुन्यो आरू देख्यो, ती जो सोरगदूत मखे यी वात देखाङतो हुतो, हाव ओको वंदने क पाय पड़्यों।
REV 22:9 ओळी चो मखे कयो, “देख, असो मा करे; काहकि हाव तारा आरू तारा भाईस कागळिया न क आरू इनी किताब न वात क मानने वाळा न संगी दास छे, यहोवा–भगवानन आराधना कर।”
REV 22:10 ओळी चो मखे कयो, “इनी किताबन अगवायती वात क बंद मा करे; काहकि टेहाव साते छे।
REV 22:11 जो अन्याय करे चो अन्याय करतो रये; आरू जो हावळव्यो छे चो मेळन्यो बनलो रये; आरू जो न्यायी सी, चो बनलो रये; आरू जो चुखलो छे, चो चुखलो बनलो रये।”
REV 22:12 देख, हाव छाटोत् आवने वाळो छे; आरू हर एक क ओको कामन अनसारे बदलो देने जुगु तेरो फोव मार पास छे।
REV 22:13 “हाव अल्फा आरू ओमेगा, पेहलो आरू आखरी, शुरू आरू सेवलो छे।”
REV 22:14 सयालो छे चे जो आपसा चोगला धुयलेय, काहकि ओको जीवनन झाड़को क साते आवनेन हक जोड़छे, आरू चे झोपला मा सी भरायछे।
REV 22:15 पर टोना करनिया, व्यभिचारी, हत्यारा, मुर्ती पुजा करने वाळा, ओळी भातिन झुठ बुलने वाळा क वाटे तिना आगठा तलाव मा रयछे।
REV 22:16 “हाव ईशु म्हारा सोरगदूत क एका करता मोकळ्यो, की तुमरे ओगळ मंडळीन बारा मा इनी वातन गवाय देय। हाव दाऊदन मुव आरू ओवलियाद, आरू भोळ भाकान चमकने वाळो तारो छे।”
REV 22:17 आरू आत्मा, आरू लुगाई दुयू कयती छे, “आव!” आरू सोमळने वाळो भी कये “आव!” आरू जो तिसलो होय, चो आवे आरू जो कोय चाहे चो जीवनन पानी फिरी मा लेय।
REV 22:18 हाव आखा क, जो जीवनन किताबन ओगळायती वात क सोमळे, आरू गवाय देयो: यदि कोय मानुस इनी वात मा काहय बढ़ावे ती यहोवा–भगवान तिनी पीङा क जो इनी किताब मा लिखली छे, तिना पर बढावछे।
REV 22:19 आरू यदि कोय इनी ओगळायती वातन किताब मा सी काहय निकाळ देय, ती यहोवा–भगवान तिना जीवनन झाड़को नगर मा सी जेरो वात किताब मा छे, उको वाटो निकाळ देसे।
REV 22:20 जो इनी वातन गवाय देय, चो यो कये, “हाव, हाव छाटलो आवने वाळो छे। आमेन। ए पोरबु आव!”
REV 22:21 पोरबु ईशुन दया चुखलो लोगहन क साते रये। आमेन।
