﻿योना नी किताब.
1.
परमेश्वरन यो बुल अमितैन पुर्या योनाक जोड़्‌यो: 
उठीन उना मोटला शहर नीनवे क जा, आरु हेका विरुद् परचार कोर; काहाकि हेकी बुराय मारी निंगा मा जादा हुय गयली छे। 
पुन योना यहोवा न अगळ रयीन तोरसीस क ढास जाने करीन उठ्यो, आरु याफा शहर मा जाईन तरसीस जानेवाळा एक ढोन्डिया क हात करीयो आरु भाड़ो आपीन उनाम चहोड़ गियो कि हेनको साथ मा यहोवा न अगळ रयीन तरसीस जात रयेँ। 
तव यहोवा दोरिया मा एक मोटली आंजी चालाड़्यु, आरु दरिया मा मोटली आंजी आवी, यां लोगुन की ढोन्डियो टुटनेम होतो। 
तोत्यार जहाज न मानसे बीहिन आपसा आपसा देवता सी विनता कोरने लाग्या; आरु ढोन्डिया मा जो वेपारी मानसोन सोमान होतो तिनाक दोरिया मा नाखने लाग्या कि ढोन्डियो फोवरो होय जाय। पुन योना ढोन्डियान नेचला जागाम उतरीन नाम्बे नींदे सुय गयलो हुतो। 
तोत्यार ढोन्डियो चालाड़ने वाळो मुखी तेरे धोड़े आवीन कोवने लाग्यु, तु वारली निंदोम पोड़ीन काय कोर कोरे? उठ, आपसा देव धानी जुळ विनता कोर, होय सोके की भोगवान हामरी फिकुर कोरे, आरु हामरो नास नी होये 
तोत्यार चे आंबा सांबा वात कोरीन कोया, आवु, हामु चिट्ठी नाखीन पोतु लागाड़जे की यी पीड़ा हामरे पोर काहना मानसोन कोरता आय रोय। तव त्या चिट्ठी न्हाकीया, आरु चिट्ठी योनान नाव पर निकळी। 
ती चे योना काजे कोया, “हामुक देखाड़ की कुनीन कोरता यी पीड़ा हामरे पोर आय पोड़ली छे? तू काय काम करे? तू काह सी आयो? तू काहला देशन आरु काहला मुलकोम गोथु आवलु छे?” 
योना हेनु सी कयो, हांव इब्री छे; आरु सोरग न परमेश्वर यहोवा जो समुद्र धरती क बनावलो छे, हेकोत् बीक मानो। 
“तोत्यार चे बेसका बीह गोया, आरु चे कोवने लाग्या, तु यो काय कोरलु छे?” चे जान गोयला कि होयु योहोवा ओगोव गोथु ढासीन आवलु छे; काहाकि चु आपसुत् तेनुक देखाड़ देदलु। 
ती चे योना काजे कोया, “हामुक देखाड़ की कुनीन कोरता यी पीड़ा हामरे पोर आय पोड़ली छे?” 
योना तिनुक कोयु, “मेसेक चुटिन दोरिया मा नाख देवु; तोत्यार दोरिया धीरी पोड़ जासे: काहकि हांव जाने, कि यी भारी आंजी तुमरे पोर मारेन् कोरता आवली छे।” 
ते बी त्या घणी मेहनत करीया की जहाज क धड़ेस लावे, पुन हेनको पुगायो नी, काहकी दोरियान लोहर हेनको सामने बढ़तीत् जाती हुती। 
तव त्या यहोवा क आयड़ीन कया, “ए यहोवा, हामू थारे सी विनता करजे कि इना मनुस न बदले हामरो नाश झुण करे, आरु नी निर्दोषन हत्यान गुणेगार बनावजी; काहकी हे यहोवा जो काय थारी मरजी हुती त्योत् तू करियो।” 
तोत्यार चे योना काजे चुटिन दोरिया मा नाख देदा, आरु दोरीयान मोटली झेलोक धीरी पोड़ गोय 
तोत्यार चे मानसे योहोवा भोगवानोन बीक मान्या, आरु तिनाक चोड़ावु चोड़ाया आरु मानता राख्या 
योहोवा एक बेसका मोटला माछाक नेवाड़लु होतु कि योना काजे गिव जाय; आरु योना तिना मोटला माछान पेटोम तीन दाहड़ा आरु तीन रात पोड़ रोवे। 
