﻿SALMOS.
82.
Chuíicarij aꞌɨ́ɨn tɨ jaꞌaꞌrij ɨ Asaf Dios pu tyámuaꞌ naa tyuꞌtóosejrataj aꞌájna joꞌmaj jóosɨɨreꞌ ajta tyámuaꞌ tyáꞌxaꞌpuɨꞌɨntareꞌ u tajapuá joꞌmaj jáꞌsejreꞌ ɨ maj jimi tyíꞌhuɨɨreꞌ. 
“¿Aꞌnajnyí muaꞌaj siaatapuáꞌcɨtaj siaj jeꞌej puaꞌaj tyáꞌxaꞌpuɨꞌɨntareꞌ ajta siaj huaꞌ jamuán ajtyáꞌuj xáꞌjuꞌun aꞌɨ́ɨjma ɨ maj jeꞌej puaꞌaj tyityetyúuchaꞌɨj? 
¡Tyámuaꞌ xu tyoꞌxáꞌpuɨꞌɨntariꞌtzeꞌen aꞌɨ́jcɨ ɨ tɨ quee jucaꞌnyej siajta ɨ xáꞌrɨcan! ¡Tyámuaꞌ xu tyoꞌxáꞌpuɨꞌɨntariꞌtzeꞌen ɨ tɨ quee jeꞌej tyéejviicueꞌ siajta ɨ tɨ jajpuéjtzij! 
¡Siataꞌaj huiꞌrátoonyij aꞌɨ́ɨjma ɨ maj quee jucaꞌnyej siajta ɨ maj quee jeꞌej tyéejviicueꞌ, siajta huaꞌ japua huatányuunyij aꞌɨ́ɨjma jimi ɨ maj jeꞌej puaꞌaj tyityetyúuchaꞌɨj! 
’Siajta muaꞌaj caxu jamuaꞌreej, caxu tyihuojóꞌitej, tɨ́caꞌrij tzajtaꞌ xu cɨɨnyej. Aꞌɨ́ɨ pu tóocatzej ɨ chuéj tɨ japuan róocaꞌnyej. 
Aꞌyaa nu nyáaj tyuꞌtaxájtacaꞌ siaj muaꞌaj dioosij puéꞌeen; siajta néijmiꞌi yójmuaꞌmuaꞌ puéꞌeen aꞌɨ́jcɨ ɨ tajapuá tɨ jáꞌsejreꞌ. 
Ajta aꞌyájna, aꞌyaa xu néijmiꞌi tyíꞌtyacuiꞌnyij matɨꞌɨj ɨ tyeɨ́tyee, ¡siajta aꞌyan tyityeꞌentyipuáꞌrij tɨꞌɨj ɨ tɨ tyiꞌtɨ́j jɨn antyúumuaꞌreej!” 
¡Taj Dios, pataꞌaj huatyeꞌchenyij paj joꞌxɨ́jtyeꞌen ɨ cháanacaj, jiꞌnye muáaj paj antyíaꞌmuaꞌreej néijmiꞌcaa jimi ɨ tyeɨ́tyee ɨ maj séej chuéj japua joꞌcháatɨmee! 
