﻿San Mateo Jesús cheja pa'iʉ cho'osi'ere kʉamʉ.
1.
Aperʉmʉ pa'isina Jesucristo aipãi paasina mamire kʉajʉ tochasi'ea'me ie. Davina'me Abraham repaʉ aipãi paniasome. 
Abraham mamakʉ Isaac paniasomʉ. 
Judá mamachĩi Farena'me Zara paniasome. Repana pʉka'ko Tamar paniasomo. 
Aram mamakʉ Aminadab paniasomʉ. 
Salmón mamakʉ Booz paniasomʉ. Pʉka'ko Rahab paniasomo. 
Isaí mamakʉ David paniasomʉ, pãi jainʉkore chʉ̃'ʉsi'kʉ. 
Salomón mamakʉ Roboam paniasomʉ. 
Asa mamakʉ Josafat paniasomʉ. 
Uzías mamakʉ Jotam paniasomʉ. 
Ezequías mamakʉ Manasés paniasomʉ. 
Josías mamachĩi Jeconíana'me repaʉ cho'jechĩi pa'irʉmʉna Babilonia cheja cana sani Israelpãi chẽa repana pa'ichejana sasõasome. 
Repanare sasõsirʉmʉ pa'isina Jesús aipãi mamia'me ie: 
Zorobabel mamakʉ Abiud paniasomʉ. 
Azor mamakʉ Sadoc paniasomʉ. 
Eliud mamakʉ Eleazar paniasomʉ. 
Jacob mamakʉ José paniasomʉ, María ʉ̃jʉ pa'isi'kʉ. Repao María, Jesús, pãi ũcuanʉkore chʉ̃'ʉa'kʉ chini Dios Raosi'kʉ chiicojñokʉ pʉka'ko paniasomo. 
Abraham pa'irʉmʉpi David pa'irʉmʉjatʉ'ka repaʉ Abraham jojosina catorcerepana paajʉ saniasome. Ũcuachi'a David pa'irʉmʉpi Israelpãi Babilonia cheja chẽa sacojñorʉmʉjatʉ'ka David jojosina catorcerepana paajʉ saniasome. Ũcuachi'a Israelpãi repana Babilonia cheja chẽa sacojñorʉmʉpi Dios Raosi'kʉ Cristo'te jñaarʉmʉjatʉ'ka repana paasina catorcerepana paajʉ saniasome. 
Jesucristo'te jñaasi'e ija'cheasomʉ: María repaʉ pʉka'ko Josere pasa chiikojeko so'opi paniasomo. Jã'ata'ni repana chuta'a veja kueñe pa'imarʉmʉna María te'eo pa'ikoji Dios Rekochoji jo'kaʉna chĩi sʉniasomo. 
Repaoji chĩi sʉnisõona José repao'te paara chiikʉ re'okʉjekʉ, “Pãipi repao chĩi sʉ'isi'e asa cu'ache i'kajanaa'me repao'te”, chini cuasa chekʉnare pãi kʉa jñauma'ñe repao'te rope'e jo'kasõʉache cuasaasomʉ. 
Jã'aja'ñe cho'ora chini cuasakʉta'ni repaʉ ʉokãisirʉmʉna ángel, Dios raosi'kʉ rani ija'che i'kaasomʉ repaʉ'te: —José, David jojosi'kʉ, María'te paavajʉchʉma'ñe veja paajʉ̃'ʉ. Repao sʉ'ipʉ chĩipʉ Dios Rekochoji jo'kaʉna sʉ'imo repao. 
Chĩiva'ʉre ʉmʉva'ʉni paaja'mo repao. Repao María chĩiva'ʉre jñaasirʉmʉ Jesure ve'ojʉ̃'ʉ repava'ʉre. Pãi cu'ache cho'osi'e jũni ro'ikaijaʉjekʉ jã'aja'ñe ve'eja'mʉ repaʉ —chiniasomʉ ángel repaʉ'te. 
Peore jã'a Diopi i'kaʉna aperʉmʉ Repaʉ chʉ'o kʉasi'kʉ kʉakʉ tocha jo'kasi'epi ũcuarepa ti'jñesi'kʉa'mʉ. 
Ija'che chiimʉ repaʉ kʉakʉ tocha jo'kasi'e: Romichĩio ʉmʉʉ'terejẽ'e ja'me kãima'kopi chĩi sʉni, chĩiva'ʉre ʉmʉva'ʉni paaja'mo. Repava'ʉre pãi, Emanuelre ve'ojanaa'me, chiimʉ. (“Emanuel” chiiche “Dios maina'me pa'imʉ” chiimʉ.) 
Ũcuarʉmʉ José repaʉ kãni vʉisirʉmʉ ángel Dios raocojñosi'kʉ chʉ̃'ʉ jo'kasi'e cho'okʉ, María'te paara chini vejaasomʉ. 
Jã'ata'ni repana vejasirʉmʉ, chĩiva'ʉre jñaañejatʉ'ka ja'me kãima'ñe paniasome. Repaʉ rʉ̃jo chĩiva'ʉre jñaasirʉmʉ José ángel repaʉ'te ra kʉasi'ere mami, Jesure ve'oasomʉ repava'ʉre. 
