GEN 1:1 ឞើស​នតើម​ឆាអើម​ឆាអាម​កោរាញ​ឞ្រាស​ញជេង​ត្រោក ញជេង​នែស​នតូ។
GEN 1:2 នោក​នៃ​នើស​នែស​នតូ​អេ​ហ៝ៈ​គែស​អោស ហោម​ញឆ៝យ្ស​ឞ៝ង់​លាហឺរ ង៝​ចេក​កោលាក់​ងាន់​តា​ឞើស​លើ​ទាក​ជ្រូ ជេសរី​ឞ្រាស​ហ្វេង​អ្វែស​កោរាញ​ឞ្រាស​ហាន់​រាឆ៝ង​តា​កាលើ​ទាក​រី។
GEN 1:3 ជេសរី​កោរាញ​ឞ្រាស​លាស៖ “អ៝ន់​គែស​អាង” ជេសរី​គែស​អាង​ងាន់​រ៝។
GEN 1:4 កោរាញ​ឞ្រាស​ឆៃ​អាង​អី​នៃ​លែៈ​អ្វែស​ជេស ជេសរី​ពាង់​តឹម​ងខាស​លើយ​អាង​នៃ​ឞើស​ង៝។
GEN 1:5 កោរាញ​ឞ្រាស​ក្វាល់​អាង​អី​នៃ​រាញា «នារ» ជេសរី​ពាង់​ក្វាល់​ដ៝ង់​ង៝​រាញា «មាង់» តា​នៃ​គែស​មាង់​គែស​អោយ អី​នៃ​ជេង​នារ​ត៝ល់​ង្វាយ។
GEN 1:6 ជេសរី​កោរាញ​ឞ្រាស​លាស៖ “អ៝ន់​គែស​ទូ​មល៝ម់​រាលាត​តា​ងក្លាង​ងគូល​ទាក​គៃ​មា​តឹម​ងខាស​លើយ​ទាក”។
GEN 1:7 នទ្រី​កោរាញ​ឞ្រាស​ជាន​រាលាត​អី​នៃ គៃ​មា​តឹម​ងខាស​លើយ​ទាក​ឞើស​ទ៝ង់​ឞើស​លើ ជេសរី​គែស​កើត​អី​នៃ​ងាន់​រ៝។
GEN 1:8 ជេសរី​កោរាញ​ឞ្រាស​ក្វាល់​រាលាត​អី​នៃ​រាញា​«ត្រោក» តា​នៃ​គែស​មាង់​គែស​អោយ អី​នៃ​ជេង​នារ​ត៝ល់​ឞារ។
GEN 1:9 ជេសរី​កោរាញ​ឞ្រាស​លាស៖ “ទាក​អី​តា​ន៝ម់​ត្រោក​អី​នៃ​អ៝ន់​ញឆុន​គុ​ទូ​នតុក គៃ​អ៝ន់​មពើល​កើស” ជេសរី​គែស​កើត​អី​នៃ​ងាន់​រ៝។
GEN 1:10 កោរាញ​ឞ្រាស​ក្វាល់​កើស​អី​នៃ​រាញា​«នែស» ក្វាល់​ទាក​ញឆុន​អី​នៃ​រាញា​«ទាក​វាច់​ទាក​វារ់» កោរាញ​ឞ្រាស​ឆៃ​លែៈ​នទើ​ពាង់​ញជេង​អី​នៃ​អ្វែស​ទាទេ​ជេស។
GEN 1:11 ជេសរី​កោរាញ​ឞ្រាស​លាស៖ “អ៝ន់​នែស​គែស​ហ៝ន​តើម​ឆី​តើម​គ្លែ​រេប​ជា​អី​គែស​ងគារ់ តើម​ឆី​តើម​គ្លែ​អី​គែស​ព្លៃ​អី​គែស​ងគារ់​ហ៝ន​តាៈ​ឞើស​នែស គែស​លែៈ​នតីល​តឹង​នតីល​អេងៗ” ជេសរី​គែស​កើត​អី​នៃ​ងាន់​រ៝។
GEN 1:12 តា​កាលើ​នែស​ពាង់​គែស​ហ៝ន​ព្រូ​តើម​ឆី​តើម​គ្លែ​រេប​ជា​ទឹង​លែៈ​នតីល​អេងៗ នទ្រែល​មា​តើម​ឆី​តើម​គ្លែ​អី​គែស​ព្លៃ​អី​គែស​ងគារ់។ កោរាញ​ឞ្រាស​ឆៃ​លែៈ​នទើ​ពាង់​ញជេង​អី​នៃ​អ្វែស​ទាទេ​ជេស។
GEN 1:13 តា​នៃ​គែស​មាង់​គែស​អោយ អី​នៃ​ជេង​នារ​ត៝ល់​ពែ។
GEN 1:14 ជេសរី​កោរាញ​ឞ្រាស​លាស៖ “អ៝ន់​គែស​នទើ​អាង​អេងៗ​តា​កាលើ​ត្រោក គៃ​មា​តឹម​ងខាស​លើយ​នារ​ដាស​មាង់ អ៝ន់​មា​ឞ្លាវ​កើប​នារ ខៃ នាម់
GEN 1:15 នទ្រែល​មា​អាង​តា​នែស​នតូ​អ្យា​ដ៝ង់” ជេសរី​គែស​កើត​នៃ​ងាន់​រ៝។
GEN 1:16 នទើ​អាង​កោរាញ​ឞ្រាស​លែៈ​ជេស​ញជេង​គែស​នទើ​អាង​ក្វ៝ង់ៗ​ឞារ​មល៝ម់​តា​កាលើ​ត្រោក នទើ​អាង​អី​ទូ​មល៝ម់​រី​ទាង់​រាលាវ​ឞូ​មា​អាង​នោក​នារ នទើ​អាង​ដេៈៗ​រី​មា​អាង​នោក​មាង់ នហ៝​មា​ពាង់​ញជេង​ដ៝ង់​ទឹង​លែៈ​មាញ់​មឞីង។
GEN 1:17 កោរាញ​ឞ្រាស​តេៈ​នទើ​អាង​តា​កាលើ​ត្រោក​នៃ គៃ​មា​អាង​តា​នែស​នតូ​អ្យា
GEN 1:18 មា​អាង​តា​នោក​នារ តា​នោក​មាង់ គៃ​មា​តឹម​ងខាស​អាង​ឞើស​ង៝​ដ៝ង់ កោរាញ​ឞ្រាស​ឆៃ​លែៈ​នទើ​អាង​អី​នៃ​អ្វែស​ទាទេ​ជេស។
GEN 1:19 តា​នៃ​គែស​មាង់​គែស​អោយ អី​នៃ​ជេង​នារ​ត៝ល់​ព្វាន់។
GEN 1:20 ជេសរី​កោរាញ​ឞ្រាស​លាស៖ “តា​ត្រោម​ទាក​អ៝ន់​គែស​កឹត​កា​ងគ្លា​មែ​រែ​អ៝ន់​អ៝ក់​រ៝ក់ តា​កាលើ​ត្រោក​អ៝ន់​គែស​ឆ្យុម​មពារ់​ដ៝ង់”។
GEN 1:21 នទ្រី​កោរាញ​ឞ្រាស​ញជេង​កា​ក្វ៝ង់ៗ​ងាន់​រ៝ៈ​ទាក​វាច់​ទាក​វារ់ នទ្រែល​មា​ទឹង​លែៈ​នទើ​អី​គែស​រេស​គែស​នហ៝ម់​ឞ្លាវ​មព៝ត់​ឞ្លាវ​ញឆ្ល៝ង់​ព៝ល់​រែ​លិញ​វិញ​តា​ទាក តឹង​នតីល​អេងៗ​ងាន់ ទឹង​លែៈ​ឆ្យុម​នារ​គែស​តឹង​នតីល​អេងៗ​ដ៝ង់។ កោរាញ​ឞ្រាស​ឆៃ​ទឹង​លែៈ​នទើ​អី​នៃ​អ្វែស​ទាទេ​ជេស។
GEN 1:22 ជេសរី​កោរាញ​ឞ្រាស​អ៝ន់​នាវ​គែស​ជេង​ទឹង​លែៈ​នតីល​នទើ​អី​នៃ ពាង់​លាស៖ “អ៝ន់​គែស​អ៝ស​គែស​ក៝ន​ឞឹក​រឹ​លាម​ទាក​វាច់​ទាក​វារ់​នៃ ឆ្យុម​នារ​អ៝ន់​គែស​អ៝ស​គែស​ក៝ន​ឞឹក​រឹ​តា​នែស​នតូ​អ្យា​ដ៝ង់”។
GEN 1:23 តា​នៃ​គែស​មាង់​គែស​អោយ អី​នៃ​ជេង​នារ​ត៝ល់​ព្រាម់។
GEN 1:24 ជេសរី​កោរាញ​ឞ្រាស​លាស៖ “តា​នែស​នតូ​អ្យា​អ៝ន់​គែស​មពោមពា​(ឆ្យុម)​តឹង​នតីល​អេងៗ មពោមពា​(ឆ្យុម)​តា​ប៝ន មពោមពា​(ឆ្យុម)​ហូង​វើរ មពោមពា​(ឆ្យុម)​តា​ឞ្រី” ជេសរី​គែស​កើត​នៃ​ងាន់​រ៝។
GEN 1:25 កោរាញ​ឞ្រាស​ញជេង​មពោមពា​(ឆ្យុម)​តា​ឞ្រី គែស​តឹង​នតីល​អេងៗ មពោមពា​(ឆ្យុម)​តា​ប៝ន​តឹង​នតីល​អេងៗ ទឹង​លែៈ​មពោមពា​(ឆ្យុម)​អី​ហូង​អី​វើរ​តា​នែស​នតូ​អ្យា​គែស​តឹង​នតីល​អេងៗ​ដ៝ង់ ពាង់​ឆៃ​ទឹង​លែៈ​នតីល​នទើ​អី​នៃ​អ្វែស​ទាទេ​ជេស។
GEN 1:26 ជេសរី​កោរាញ​ឞ្រាស​លាស៖ “អ៝ន់​ឞ៝ន់​ជាន​ក៝ន​ឞូនុយ្ស​ឞ្លាវ​មឹន​ជេង​កោរាញ​តឹម​ឞាន​មា​ឞ៝ន់​នើម​កើត​ឞ៝ន់​នើម អ៝ន់​ពាង់​កោរាញ​មា​នែស​នតូ​អ្យា ទើយ​ដាស​មា​កឹត​កា​តា​ទាក​វាច់​ទាក​វារ់ ឆ្យុម​មពារ់​តា​កាលើ​ត្រោក មពោមពា​(ឆ្យុម)​តា​ឞ្រី​តា​ប៝ន​លាម​នែស​នតូ នទ្រែល​មា​អ៝ន់​ពាង់​ទើយ​ទាទេ​ដាស​ទឹង​លែៈ​នតីល​នទើ​ហូង​នទើ​វើរ​តា​នែស​នតូ​អ្យា”។
GEN 1:27 កោរាញ​ឞ្រាស​ញជេង​ក៝ន​ឞូនុយ្ស​នើស​ឞ្លាវ​មឹន​ជេង​កោរាញ​តឹម​ឞាន​មា​ពាង់នើម​ងាន់ កើត​ពាង់នើម​ងាន់​រ៝ កោរាញ​ឞ្រាស​ញជេង​ខាន់​ពាង់​អ៝ន់​គែស​ឞូ​ក្លោ​គែស​ឞូ​អូរ។
GEN 1:28 ជេសរី​កោរាញ​ឞ្រាស​អ៝ន់​នាវ​គែស​ជេង​មា​ខាន់​ពាង់ ពាង់​លាស៖ “អ៝ន់​ឞាៈ​អ៝ស​រ៝ង​ក៝ន​ឞឹក​រឹ​លាម​នែស​នតូ​អ្យា អ៝ន់​ជេង​កោរាញ​មា​នែស​នតូ​អ្យា ជេសរី​ទើយ​ដាស​មា​កឹត​កា​តា​ទាក​វាច់​ទាក​វារ់ ឆ្យុម​មពារ់​តា​កាលើ​ត្រោក ទើយ​ដាស​ទឹង​លែៈ​រាងោច​មពោមពា​(ឆ្យុម)​អី​គែស​តា​នែស​នតូ​អ្យា”។
GEN 1:29 កោរាញ​ឞ្រាស​លាស​ជឹត៖ “ហើយ​ខាន់​អៃ​មៃ អ្វាញ់​អ្យា! គ៝ប់​ញជេង​អ៝ន់​គែស​ទឹង​លែៈ​នតីល​រេប​ជា​អី​គែស​ងគារ់​ហ៝ន​លាម​នែស​នតូ​អ្យា នទ្រែល​មា​ទឹង​លែៈ​នតីល​តើម​ឆី​តើម​គ្លែ​អី​គែស​ព្លៃ​គែស​ងគារ់​អ្យា គៃ​មា​អ៝ន់​ខាន់​អៃ​មៃ​ឆោង​ឆា
GEN 1:30 ជេសរី​លែៈ​រាងោច​ឆ្យុម​មពារ់​កាលើ​ត្រោក លែៈ​រាងោច​មពោមពា​(ឆ្យុម) ទឹង​លែៈ​នតីល​នទើ​ហូង​នទើ​វើរ ទឹង​លែៈ​នតីល​នទើ​អី​គែស​រេស​គែស​នហ៝ម់​តា​នែស​នតូ​អ្យា គ៝ប់​អ៝ន់​ដ៝ង់​រេប​ជា​តើម​ឆី​តើម​គ្លែ​ទឹង​លែៈ​នតីល​អ្យា​ព្រែ​មា​កាប់​មា​ឆា​ដ៝ង់” ជេសរី​ពាង់​គែស​កើត​នៃ​ងាន់​រ៝។
GEN 1:31 កោរាញ​ឞ្រាស​អ្វាញ់​ទឹង​លែៈ​រាងោច​នទើ​ពាង់​ញជេង​អី​នៃ​នើស ពាង់​ឆៃ​ទឹង​លែៈ​នតីល​នទើ​ពាង់​ជាន​នើស លែៈ​អ្វែស​ងាន់​រ៝ តា​នៃ​គែស​មាង់​គែស​អោយ អី​នៃ​ជេង​នារ​ត៝ល់​ព្រាវ។
GEN 2:1 នទ្រី​ត្រោក នែស​នតូ លែៈ​រាងោច​អាប់​នតីល​នទើ លែៈ​រាងោច​អាប់​នតីល​មពោមពា​(ឆ្យុម) កោរាញ​ឞ្រាស​ញជេង​ជេស​លែៈ​ផ្យៅ​ទាទេ​ដ៝ង់។
GEN 2:2 ត៝ត់​នារ​ពើស កោរាញ​ឞ្រាស​ជាន​លែៈ​នទើ​នើស​លែៈ​ជេស​លែៈ​ផ្យៅ ជេសរី​ពាង់​គុ​ទើម​ឞាស​ជាន​ការ​តា​នារ​ពើស​អី​នៃ។
GEN 2:3 កោរាញ​ឞ្រាស​អ៝ន់​នាវ​គែស​ជេង​តា​នារ​ពើស​អី​នៃ កើប​នារ​អី​នៃ​ជេង​នារ​ខ្លៃ​ជេង​នារ​ក្ល៝ស​អ្វែស យ៝រ​លាស​នារ​អី​នៃ​ពាង់​គុ​ឞាស​ទឹង​លែៈ​នទើ​ពាង់​ជាន​ពាង់​ញជេង​នើស។
GEN 2:4 នទ្រី​នាវ​ងក៝ច​នតើម​គែស​ត្រោក​នតើម​គែស​នែស​នតូ។ ឞើស​នោក​ឞ្រាស​យេហោវា ​ញជេង​ត្រោក ញជេង​នែស​នតូ
GEN 2:5 តើម​ឆី​អេ​ហ៝ៈ​គែស​ហ៝ន ឞា​ទូ​ងក៝ង​អេ​ហ៝ៈ​គែស​ដ៝ង់ យ៝រ​លាស​ឞ្រាស​យេហោវា ​អេ​ហ៝ៈ​អ៝ន់​គែស​ទាក​មីស​តុប​តា​នែស​នតូ​អ្យា ឞូនុយ្ស​មា​ជាន​មីរ​មោ​ហ៝ៈ​គែស​ដ៝ង់។
GEN 2:6 គែស​ទាក​លោស​នហោល​តាៈ​ឞើស​នែស​ទើម​ឞែៈ​លាម​នែស​នតូ។
GEN 2:7 ជេសរី​ឞ្រាស​យេហោវា ​ឆ៝ៈ​នែស​មោយ​ជាន​ម៝ន​ទូ​ហ្វេ​ឞូនុយ្សពាង់​ខោម​នហ៝ម់​លាប់​រ៝ៈ​ត្រោម​មុស​ឞូនុយ្ស​អី​នៃ ជេសរី​គែស​នហ៝ម់​គែស​ឆ្វាន ជេង​រេស​ប្លឺ​នទ្រី​ពាង់​ហែស។
GEN 2:8 ឞ្រាស​យេហោវា ​អ៝ន់​គែស​ទូ​មល៝ម់​មីរ​តា​ឞ្រី​អេដែន  តា​នតុក​មពែស​មា​លោស​នារ​នៃ ជេសរី​ឆ៝ៈ​ឞូនុយ្ស​អី​ពាង់​ម៝ន​ជាន​នើស​លែវ​គុ​តា​នតុក​មីរ​អី​នៃ។
GEN 2:9 ជេសរី​ឞ្រាស​យេហោវា ​អ៝ន់​តើម​ឆី​តើម​គ្លែ​អាប់​នតីល​ហ៝ន​ដែស​ព្រូ​តាៈ​ឞើស​នែស អ្វែស​ងាន់​អ្វាញ់ នទ្រែល​មា​គែស​ព្លៃ​ឆា​កាស​ដ៝ង់។ តា​ងក្លាង​ងគូល​មីរ​អី​នៃ​គែស​តើម​ឆី​ឞារ​តើម តើម​ឆី​អី​ទូ​តើម​រី​អ៝ន់​មា​នាវ​រេស តើម​ឆី​អី​ទូ​តើម​រី​ជឹត​អ៝ន់​មា​គឹត​នាល់​នទើ​អ្វែស​នទើ​អ្យើស​ដ៝ង់។
GEN 2:10 គែស​ទូ​មល៝ម់​នហ៝ង​លោស​តាៈ​ឞើស​ឞ្រី​អេដែន ​ហ៝ច​រ៝ៈ​មីរ​អី​នៃ ជេសរី​នហ៝ង​អី​នៃ​គែស​ញចាស​ព្វាន់​អឹ​នហ៝ង​ដ៝ង់​លោស​ឞើស​នហ៝ង​អី​នៃ។
GEN 2:11 ទូ​មល៝ម់​នហ៝ង​រាញា​ពីហុន  ហ៝ច​ងក្វែ​ងក្វាច់​រ៝ៈ​ឞ្រី​ហាវីលា  នតុក​ឞ្រី​អី​គែស​មាយ្ស។
GEN 2:12 មាយ្ស​អី​លោស​តាៈ​ឞើស​នតុក​អី​នៃ​អ្វែស​ងាន់ ជេសរី​គែស​ដ៝ង់​នតាក់​ឆី​បោ​កាស នទ្រែល​មា​លុ​ខ្លៃ​រាញា​ដៃកៀម ។
GEN 2:13 នហ៝ង​ត៝ល់​ឞារ​រាញា​កីហូន  អី​ហ៝ច​ងក្វែ​ងក្វាច់​រ៝ៈ​ឞ្រី​កុស ។
GEN 2:14 នហ៝ង​ត៝ល់​ពែ​រាញា​ហីដេកែល  ហ៝ច​មពែស​មា​លោស​នារ​មា​ប៝ន​អាឆើរ ។ ជេសរី​នហ៝ង​ត៝ល់​ព្វាន់​រាញា​អើប្រាត ។
GEN 2:15 ជេសរី​ឞ្រាស​យេហោវា ​ឆ៝ៈ​ឞូនុយ្ស​អី​ពាង់​ជាន​ម៝ន​នើស​អ៝ន់​គុ​តា​មីរ​អេដែន ​អី​នៃ នហ៝​មា​ដាៈ​ឞូនុយ្ស​អី​នៃ​គុ​ម៝ត់​អ្វាញ់​ដ៝ង់។
GEN 2:16 ឞ្រាស​យេហោវា ​ដាៈ​ឞូនុយ្ស​អី​នៃ ពាង់​លាស៖ “លែៈ​រាងោច​ព្លៃ​ឆី​ព្លៃ​គ្លែ​តា​មីរ​អ្យា​មៃ​ឆា​ទាទេ​មោ​ច្រាវ​វាៈ
GEN 2:17 តីស​មា​តា​ព្លាង់​តើម​ឆី​អ៝ន់​មា​គឹត​នាល់​នទើ​អ្វែស​នទើ​អ្យើស គ៝ប់​មោ​អោស​អ៝ន់​មៃ​ឆា មោ​អ៝ន់​មៃ​ឆា​វាៈ លាស​មៃ​ឆា​មៃ​ខឹត​នារ​នៃ​រ៝”។
GEN 2:18 ជេសរី​ឞ្រាស​យេហោវា ​មឹន​អេង៖ “លាស​អ៝ន់​ឞូនុយ្ស​អ្យា​គុ​ទូ​ហ្វេ​អេង​លិច​អ្វែស​អោស លាស​នទ្រី​គ៝ប់​ជាន​តៃ​ទូ​ហ្វេ​ឞូនុយ្ស​ជឹត​អ៝ន់​មា​ពាង់​គុ​នទ្រែល​តឹម​កើល​ឞាល់”។
GEN 2:19 នោក​ឞ្រាស​យេហោវា ​ញជេង​មពោមពា​(ឆ្យុម)​ទឹង​លែៈ​នើស ពាង់​ឆ៝ៈ​នែស​ម៝ន​អាប់​នតីល​មពោមពា​(ឆ្យុម)​តា​នែស​នតូ អាប់​នតីល​ឆ្យុម​មពារ់​តា​កាលើ​ត្រោក។ ជេសរី​ឞ្រាស​យេហោវា ​លែវ​ទឹង​លែៈ​មពោមពា​(ឆ្យុម)​អី​នៃ​មា​ឞូនុយ្ស យ៝រ​លាស​ឞ្រាស​យេហោវា ​អុច​គឹត​អា​មើម​ឞូនុយ្ស​អី​នៃ​តេៈ​រាញា​អ៝ន់​មា​មពោមពា​(ឆ្យុម)​ទឹង​លែៈ​អី​នៃ ជេសរី​មពោមពា​(ឆ្យុម)​ទឹង​លែៈ​គែស​រាញា​តឹង​ឞូនុយ្ស​តេៈ​រាញា​អ៝ន់។
GEN 2:20 ឞូនុយ្ស​តេៈ​រាញា​លែៈ​រាងោច​មពោមពា​(ឆ្យុម)​តា​ឞ្រី តា​ប៝ន នទ្រែល​មា​ឆ្យុម​មពារ់​តា​កាលើ​ត្រោក​ដ៝ង់។ យើន​មា​មោ​អោស​ឆៃ​គែស​ទូ​នតីល​នទើ​មា​ឞ្លាវ​តឹម​កើល​ឞូនុយ្ស​អី​នៃ មា​ឞ្លាវ​គុ​នទ្រែល​ពាង់។
GEN 2:21 នទ្រី​ឞ្រាស​យេហោវា ​អ៝ន់​ឞូនុយ្ស​អី​នៃ​លេត​ឞិច ឞ្រាស​យេហោវា ​ឆ៝ៈ​ទូ​មល៝ម់​នតីង​ពាយ្ស​ឞូនុយ្ស​អី​នៃ ជេសរី​ញជឹរ​លើយ​មលៃ​អ៝ន់​ជឹរ។
GEN 2:22 នតីង​ពាយ្ស​អី​ឞ្រាស​យេហោវា ​ឆ៝ៈ​តាៈ​ឞើស​ឞូនុយ្ស​អី​នៃ​ពាង់​ជាន​ជេង​ឞូ​អូរ ជេសរី​លែវ​ឞូ​អូរ​អី​នៃ​អ៝ន់​មា​ឞូនុយ្ស​ឞូ​ក្លោ​អី​នៃ​នើស។
GEN 2:23 ឞូនុយ្ស​អី​នៃ​លាស៖ “ឞូនុយ្ស​អ្យា​រ៝​នតីង​អី​ឆ៝ៈ​តាៈ​ឞើស​នតីង​គ៝ប់ មលៃ​អី​ឆ៝ៈ​តាៈ​ឞើស​មលៃ​គ៝ប់ គ៝ប់​ក្វាល់​ពាង់​រាញា «ឞូ​អូរ» យ៝រ​លាស​ពាង់​នើស​លោស​តាៈ​ឞើស​ឞូ​ក្លោ”។
GEN 2:24 យ៝រ​មា​កើត​នទ្រី​ទឹង​ឞូ​ក្លោ​លោស​ទូ​ឞើស​មែ​ឞឹ ហាន់​គុ​អា​អូរ ជេសរី​ឞារ​ហៃ​ខាន់​ពាង់​នៃ​ជេង​អូរ​ឆាយ​ជេង​ទូ​រាង្លៃ​ឆាក់។
GEN 2:25 នោក​នៃ​លែៈ​ឞារ​ហៃ​អូរ​ឆាយ​ខាន់​ពាង់​នៃ​គុ​លាហោក មោ​គែស​នាវ​ដីត​ព្រេង​ដេៈ​រ៝។
GEN 3:1 នតើម​នើស​គែស​ទូ​មល៝ម់​ឞេស​ជេង​មពោមពា​(ឆ្យុម)​ឞ្រី ពាង់​ឞ្លាវ​រាលាម់​នាវ​រាលាវ​ឞូ ដាស​មា​មពោមពា​(ឆ្យុម)​អាបាៈ​អេង​តា​ឞ្រី​អី​ឞ្រាស​យេហោវា ​លែៈ​ជេស​ញជេង។ គែស​ទូ​នារ​ឞេស​នៃ​អោប​មា​ឞូ​អូរ​អី​នៃ៖ “ហើយ​យោស ងាន់​លាស​កោរាញ​ឞ្រាស​លាស​នើស៖ «មោ​អ៝ន់​ខាន់​អៃ​មៃ​ឆា​ព្លៃ​ទឹង​លែៈ​តា​មីរ​អ្យា?»”
GEN 3:2 ឞូ​អូរ​អី​នៃ​អើស​មា​ពាង់៖ “លិច​នទ្រី​អោស ព្លៃ​តា​មីរ​អ្យា​កោរាញ​ឞ្រាស​អ៝ន់​ហេន​ឆា​ទាទេ‌
GEN 3:3 តើម​ព្លៃ​អី​ងក្លាង​មីរ​អី​នៃ​ទូ​តើម​ទើម កោរាញ​ឞ្រាស​លាស៖ «ព្លៃ​តើម​ឆី​អី​ងក្លាង​មីរ​អី​នៃ​មោ​អោស​អ៝ន់​ខាន់​អៃ​មៃ​ឆា មោ​អោស​អ៝ន់​ខាន់​អៃ​មៃ​ពាស លាស​ឆា​លាស​ពាស​ខាន់​អៃ​មៃ​មរា​ខឹត​រ៝» នទ្រី​លាស​ព្រែ​នើស”។
GEN 3:4 ឞេស​លាស​មា​ឞូ​អូរ​អី​នៃ​ជឹត៖ “មោ​ខឹត​អោស​យោស ខាន់​អៃ​មៃ​មោ​ខឹត​វាៈ។
GEN 3:5 កោរាញ​ឞ្រាស​ពាង់​គឹត លាស​ខាន់​អៃ​មៃ​ឆា មាត់​មរា​អាង រី​មើ​ទឹង​ខាន់​អៃ​មៃ​ជេង​តឹម​ឞាន​មា​កោរាញ​ឞ្រាស​នើម គឹត​នាល់​នទើ​អ្វែស​នទើ​អ្យើស​ដ៝ង់​អេៈ”។
GEN 3:6 ជេសរី​ឞូ​អូរ​អី​នៃ​ឆៃ​ព្លៃ​ឆី​អី​នៃ​ទុម​អ្វែស​ងាន់ អុច​មា​ឆា​រ៝ ពាង់​កើញ​គែស​នាវ​គឹត​ឞ្លាវ​អី​រី នហ៝​មា​ត៝ត់​ពាង់​ពែៈ​ឆា។ អី​ឆាយ​ពាង់​គុ​ដាស​ពាង់​នើម​តា​នៃ​ដ៝ង់ ជេសរី​ពាៈ​អ៝ន់​អី​ឆាយ​ពាង់​ឆា អី​ឆាយ​ពាង់​ឆា​ដ៝ង់។
GEN 3:7 ជេស​ឆា​ព្លៃ​អី​នៃ មាត់​ខាន់​ពាង់​ឆៃ​អាង​ងាន់​រ៝ នហ៝​មា​គឹត​លាស​ឆាក់​ខាន់​ពាង់​នើម​គុ​លាហោក​ដ៝ង់ ជេសរី​ខាន់​ពាង់​ពែៈ​នហា​រាវី  ជឹង​តឹម​ងក្រេប​ជាន​ឞ៝ក​គៃ​មា​មឞាន់​ឆាក់​ជាន់​ខាន់​ពាង់​នើម។
GEN 3:8 ត៝ត់​នារ​វែត​ញឆ្រិញ​រិញ​នអីក​រាងេត​នៃ ខាន់​ពាង់​តាង់​នតែស​ឞ្រាស​យេហោវា ​ហាន់​ឞ្រោៈ​រ៝ៈ​មីរ​នៃ ខាន់​ពាង់​ទូ​ញច្វាត់​ក្រាប​តា​ន៝ម់​តើម​ឆី​តា​មីរ​នៃ​រ៝ គៃ​មា​លើយ​អ៝ន់​ឞ្រាស​យេហោវា ​ឆៃ។
GEN 3:9 ជេសរី​ឞ្រាស​យេហោវា ​ក្វាល់​អី​ឆាយ​រី៖ “ហើយ​អាដាម់  អាស​មៃ​ហ្យើ?”
GEN 3:10 ពាង់​អើស៖ “គ៝ប់​តាង់​មៃ​ហាន់​រ៝ៈ​មីរ​នៃ គ៝ប់​ក្លាច​ញឆ៝រ់​ងាន់ យ៝រ​លាស​គ៝ប់​នើស​គុ​ឆាក់​លាហោក​ទើម កើត​នទ្រី​ទឹង​គ៝ប់​ក្រាប​កោរាញ​ឞ្រាស​មេ”។
GEN 3:11 ឞ្រាស​យេហោវា ​អោប​ជឹត៖ “ឞូ​ម៝ស​មឞើស​មា​មៃ ទឹង​មៃ​គឹត​លាស​គុ​លាហោក? គឹត​មៃ​គែស​ឆា​ព្លៃ​ឆី​អី​គ៝ប់​ឞ្វៃ​មោ​អ៝ន់​មៃ​ឆា​នើស​មោ?”
GEN 3:12 អាដាម់ ​អើស៖ “ឞូ​អូរ​អី​មៃ​អ៝ន់​គុ​នទ្រែល​គ៝ប់​នើស ពាង់​អ៝ន់​ព្លៃ​អី​នៃ​មា​គ៝ប់ ជេសរី​គ៝ប់​ឆា​ដ៝ង់”។
GEN 3:13 ជេសរី​ឞ្រាស​យេហោវា ​លាស​ឞូ​អូរ​អី​នៃ៖ “ម៝ស​ជាន​អៃ​កើត​នទ្រី​រី?” ឞូ​អូរ​អី​នៃ​អើស៖ “ឞេស​ទែ​មរោស​ដាៈ​គ៝ប់​ឆា ទឹង​គ៝ប់​ឆា​ព្លៃ​ឆី​អី​នៃ​នើស កោរាញ​ឞ្រាស​មេ”។
GEN 3:14 ឞ្រាស​យេហោវា ​លាស​ឞេស៖ “យ៝រ​មា​មៃ​ជាន​នអៃ ទឹង​លែៈ​មពោមពា​(ឆ្យុម)​អាបាៈ​អេង អី​តា​ឞ្រី​តា​ប៝ន ទូ​មល៝ម់​មៃ​អ្យា​គ៝ប់​រាតាប់​អ៝ន់​មៃ​ឞ្រោៈ​ហូង​មា​នទុល នទ្រែល​មា​ឆា​លែរ​នែស ទូ​ញជារ់​នាវ​រេស​មៃ។
GEN 3:15 ជេសរី​គ៝ប់​អ៝ន់​គែស​នាវ​តឹម​លើស​មៃ ដាស​ឞូ​អូរ​អី​នៃ នទ្រែល​មា​រាន៝យ​ទែស​ឞូ​អូរ​អី​នៃ ដាស​មា​អី​ក៝ន​ឆៅ​មៃ​តៃ​ដ៝ង់ រាន៝យ​ទែស​ពាង់​តៃ​មរា​ជ៝ត​ឞោក​មៃ ជេសរី​មៃ​តៃ​មរា​ចោក​រាមាង់​អ្យារ់​រាន៝យ​ទែស​ពាង់​ដ៝ង់”។
GEN 3:16 ជេសរី​ឞ្រាស​យេហោវា ​លាស​មា​ឞូ​អូរ​អី​នៃ​ដ៝ង់៖ “ទោល​អៃ​គុ​អ៝ស​គ៝ប់​អ៝ន់​អៃ​គែស​នាវ​ជេរ​ហោ​រាលាវ​ជឹត អៃ​គែស​នាវ​ជី​នទុល​ហោ​ងាន់​រ៝ នូយ្ស​នហ៝ម់​អៃ​មរា​អុច​ងាន់​ម៝ត់​ឞោក​ឆាយ​អៃ តីស​មា​ឆាយ​អៃ​ម៝ត់​ឞោក​អៃ”។
GEN 3:17 ជេសរី​ឞ្រាស​យេហោវា ​លាស​អាដាម់ ​ដ៝ង់៖ “គ៝ប់​រាតាប់​នែស​អ្យា មោ​អោស​អ៝ន់​គែស​ជេង យ៝រ​មា​មៃ​អ្យាត់​នាវ​អូរ​មៃ​ឆា​ព្លៃ​ឞើស​តើម​ឆី​អី​គ៝ប់​មោ​អ៝ន់​ឆា​នៃ​នើស នទ្រី​ទឹង​មៃ​ជ៝យ​នទើ​ឆោង​ឆា​ព៝ក់​នែស​រាអាស​រាគាញ់​អាប់​នារ​ទូ​ញជារ់​នាវ​រេស​មៃ។
GEN 3:18 ជេសរី​មៃ​ឆោង​ឆា​នទើ​អី​ហ៝ន​លោស​តាៈ​ឞើស​ឞ្រី​ឞើស​មីរ យើន​មា​នែស​ហ៝ន​រេប​ហ៝ន​ល៝ក​ដ៝ង់
GEN 3:19 មៃ​ជាន​ការ​លោស​រាហាល​ពាល​មលៃ​ងាន់ រី​មើ​គែស​នទើ​ឆោង​ឆា​មា​ឆ្យាម់​ឆាក់​ត៝ត់​ខឹត​ងក្រែ​មា​លេក​តៃ​តា​នែស យ៝រ​លាស​គ៝ប់​ឆ៝ៈ​ម៝ន​មៃ​នើស​តាៈ​ឞើស​នែស​មោយ កើត​នទ្រី​មៃ​មរា​ជេង​តៃ​នែស​មោយ​កើត​អើម​ដ៝ង់”។
GEN 3:20 ជេសរី​អាដាម់ ​តេៈ​រាញា​អូរ​ពាង់​អី​នៃ​ក្វាល់​លាស​«អេវា » យ៝រ​លាស​ពាង់​នើស​អី​មេៈ​ទឹង​លែៈ​រាងោច​ឞូនុយ្ស។
GEN 3:21 ជេសរី​ឞ្រាស​យេហោវា ​ឆ៝ៈ​នតោ​មពោមពា​(ឆ្យុម)​ឆើម​ជាន​ឞ៝ក​អាវ​ឆើម​ញឆ៝ស​អ៝ន់​មា​ខាន់​ពាង់។
GEN 3:22 ឞ្រាស​យេហោវា ​លាស​អេង​ពាង់នើម៖ “អាបៃ​រី​ឞូនុយ្ស​ជេង​តឹម​ឞាន​មា​ឞ៝ន់ លែៈ​គឹត​នាល់​នទើ​អ្វែស​នទើ​អ្យើស លាស​នទ្រី​គៃ​មា​លើយ​អ៝ន់​ខាន់​ពាង់​គែស​នាវ​រេស​នហ៝​រ៝ លើយ​អោស​អ៝ន់​ខាន់​ពាង់​ពែៈ​ឆា​តៃ​ព្លៃ​តើម​ឆី​អ៝ន់​នាវ​រេស”។
GEN 3:23 នទ្រី​ទឹង​ឞ្រាស​យេហោវា ​នត្រុត​មព្រើស​ខាន់​ពាង់​ទូ​លោស​ឞើស​មីរ​អេដែន ​នៃ អ៝ន់​ខាន់​ពាង់​គុ​នតុក​អេង ជាន​មីរ​ព៝ក់​នែស​អី​ឞ្រាស​យេហោវា ​ឆ៝ៈ​ម៝ន​ញជេង​ខាន់​ពាង់​នើស។
GEN 3:24 ជេស​នត្រុត​មព្រើស​ខាន់​ពាង់​ទូ​លោស​ឞើស​មីរ​អេដែន ​អី​នៃ ឞ្រាស​យេហោវា ​អ៝ន់​តោង​ពារ់​ចេរូបីន នទ្រែល​មា​ដាវ​អុញ​រាវាវ​ញជ្រាង់​ត្រ៝ង ក៝ប់​ឞើស​មពែស​លោស​នារ​មីរ​អេដែន ​នៃ គៃ​មា​លើយ​អោស​អ៝ន់​ឞូនុយ្ស​ព្លឹ​តៃ​តា​តើម​ឆី​អី​អ៝ន់​នាវ​រេស​នហ៝​រ៝។
GEN 4:1 ជេសរី​អាដាម់ ​គុ​ដាស​អេវា ​អី​អូរ​ពាង់​រី អេវា ​នត្រែវ​គុ​អ៝ស​គែស​ក៝ន​ង្វាយ ជេសរី​អេវា ​លាស៖ “អ្យា​ឞ្រាស​យេហោវា ​អ៝ន់​គ៝ប់​គែស​ទូ​ហ្វេ​ក៝ន​ឞូ​ក្លោ គ៝ប់​ឞែ​តេៈ​រាញា​ពាង់​«កាអីន »”។
GEN 4:2 ជេសរី​ពាង់​គែស​តៃ​ទូ​ហ្វេ​ក៝ន​ឞូ​ក្លោ​ជឹត ពាង់​តេៈ​រាញា​អាបែល ។ ត៝ត់​ខាន់​ពាង់​លែៈ​នទាម់ អី​អ៝ស​រី​ឞូនុយ្ស​ច្យាប់​ឞែ​ឞ្យាប់ អី​នោ​រី​ឞូនុយ្ស​ជាន​មីរ។
GEN 4:3 គែស​ទូ​នារ​អី​នោ​ឆ៝ៈ​បាៈ​នទើ​អី​គែស​តាៈ​ឞើស​មីរ​ពាង់​នើម​នៃ ជេសរី​ញអោត​ញហើរ​អ៝ន់​មា​ឞ្រាស​យេហោវា ។
GEN 4:4 ល៝ង់​អី​អ៝ស​រី​ញហើរ​ដ៝ង់ ពាង់​ឆ៝ៈ​អី​ក៝ន​ទាក​ឞោក​តា​ផូង​មពោមពា​(ឆ្យុម)​អី​ព្រែ​ច្យាប់​នៃ​បាៈ នទ្រែល​មា​អី​ងី​តា​ឆាក់ ជេសរី​ពាង់​ញហើរ​អ៝ន់​មា​ឞ្រាស​យេហោវា ។ នោក​ពាង់​ញហើរ​នៃ ឞ្រាស​យេហោវា ​រាម់​ងាន់​មា​ពាង់ នទ្រែល​មា​នទើ​ញហើរ​ពាង់​នៃ។
GEN 4:5 តីស​មា​កាអីន ​អី​នោ​ពាង់​រី ឞ្រាស​យេហោវា ​មោ​រាម់​អោស នទ្រែល​មា​នទើ​ញហើរ​ពាង់។ នទ្រី​ទឹង​កាអីន ​នូយ្ស​ហោ​ងាន់ មុស​មាត់​ពាង់​ចាង់​រាហ៝ញ់។
GEN 4:6 ឞ្រាស​យេហោវា ​លាស​មា​ពាង់៖ “ហើយ​កាអីន  ម៝ស​នូយ្ស​មៃ​អី​នៃ? ម៝ស​ជាន​មុស​មាត់​មៃ​ចាង់​រាហ៝ញ់​នៃ​មេស?
GEN 4:7 លាស​មៃ​ជាន​អ្វែស គែស​នាវ​រាម់​ងាន់ លាស​មៃ​មោ​អោស​ជាន​អ្វែស ជាន​ងខើង​នទើ​អ្យើស​ច្រាវ នាវ​អ្យើស​អី​នៃ​ពាង់​គុ​ក៝ប់​តា​ឞោក​មពោង​មៃ​នៃ តឹម​ឞាន​មា​យៅ​គុ​ញឆាន​ក៝ប់​ឆា​ហេក​ទូ​មល៝ម់​មពោមពា​(ឆ្យុម)។ នទើ​អ្យើស​អុច​ជាន​កោរាញ​ក៝ប់​ដាៈ​មៃ​ជាន​អ្យើស លាស​នទ្រី​អ៝ន់​មៃ​ទើយ​ដាស​នាវ​អ្យើស​អី​នៃ​ហ៝ម់”។
GEN 4:8 កាស​ទូ​នារ​នៃ កាអីន ​ជាៈ​អី​អ៝ស​ពាង់​នៃ​ហាន់​លោស​អា​មីរ។ ត៝ត់​តា​មីរ​រី កាអីន ​រាទោស​ងខឹត​លើយ​អ៝ស​ពាង់​នៃ​ត៝ត់​ខឹត​រ៝។
GEN 4:9 ជេសរី​ឞ្រាស​យេហោវា ​អោប៖ “ហើយ​កាអីន  អាស​អ៝ស​មៃ​នៃ​មេស?” កាអីន ​អើស៖ “គឹត​អែស គ៝ប់​មោ​គឹត​អោស​កោរាញ​ឞ្រាស​មេ គ៝ប់​គឹត​មា​ឞូនុយ្ស​ម៝ត់​ពាង់​លាស?”
GEN 4:10 ជេសរី​ឞ្រាស​យេហោវា ​លាស៖ “ម៝ស​ឆី​កោៈ​មៃ​ជាន​កើត​នៃ​មេស? យ៝រ​លាស​មហាម​អ៝ស​មៃ​អី​មៃ​ងខឹត​នើស​ហ៝ច​តា​នែស មហាម​អី​នៃ​តឹម​ឞាន​មា​នតែរ​ក្វាល់​ដាៈ​គ៝ប់​កោស​មៃ​ងាន់។
GEN 4:11 អាបៃ​រី​គ៝ប់​រាតាប់​មៃ នត្រុត​មៃ​ទូ​លោស​ងាយ​តាៈ​ឞើស​នតុក​នែស​អ្យា​ងាន់​រ៝ ឞើស​នតុក​នែស​អី​មហាម​អ៝ស​មៃ​ហ៝ច​អ្យា​នើស។
GEN 4:12 មៃ​តៃ​លើស​មីរ​ជាន​ឆ្រែ មោ​អោស​គែស​មោ​អោស​ជេង​មា​មៃ​ដ៝ង់ មៃ​គុ​រេស​ងគ្លាៈ​ងគ្លើត​លាម​នតុក​អ្យា​នតុក​រី”។
GEN 4:13 កាអីន ​អើស៖ “អើ​កោរាញ​ឞ្រាស ទោយ្ស​មៃ​តេៈ​មា​គ៝ប់​អ្យា​ជ៝ក់​ងាន់ កោរាញ​ឞ្រាស​មេ គ៝ប់​មោ​អោស​ទើយ​ទោរ។
GEN 4:14 ល៝ង់​នារ​អ្យា​មៃ​នត្រុត​គ៝ប់​ទូ​ឞើស​នតុក​នែស​អ្យា ទូ​ងាយ​ឞើស​មាត់​មៃ​ដ៝ង់ គ៝ប់​គុ​រេស​ងគ្លាៈ​ងគ្លើត​លាម​នតុក​អ្យា​នតុក​រី លាស​គែស​ឞូ​ម៝ប់ ឞូ​មរា​ងខឹត​គ៝ប់​ងាន់​រ៝”។
GEN 4:15 ឞ្រាស​យេហោវា ​អើស៖ “មោ​អោស លាស​ឞូ​ងខឹត​មៃ គ៝ប់​មរា​ព្លើង​ពាង់​ពើស​តឹ”។ ជេសរី​ឞ្រាស​យេហោវា ​ព្លា​កែប​ទូ​មល៝ម់​នទើ​តា​កាលើ​កាអីន ​នៃ គៃ​មា​លើយ​អោស​អ៝ន់​ឞូ​លើស​ងខឹត​ពាង់។
GEN 4:16 ជេសរី​កាអីន ​ទូ​លោស​ឞើស​នៃ ពាង់​ទូ​ឞើស​មាត់​ឞ្រាស​យេហោវា ​ងាន់ គុ​តា​នតុក​ឞ្រី​នោត ​មពែស​លោស​នារ​មា​នតុក​អេដែន  នទ្រី​ពាង់​កាអីន ​អី​រី​ហែស។
GEN 4:17 ជេសរី​កាអីន ​គុ​ដាស​អី​អូរ​ពាង់​រី អូរ​ពាង់​នត្រែវ​គុ​អ៝ស​ទូ​ហ្វេ​ក៝ន​ឞូ​ក្លោ រាញា​ហេនុក ។ ជេសរី​ពាង់​ជាន​ទូ​មល៝ម់​ប៝ន ពាង់​ក្វាល់​ប៝ន​អី​នៃ​ហេនុក ​កើត​រាញា​ក៝ន​ពាង់​នើម​ដ៝ង់។
GEN 4:18 ជេសរី​ហេនុក ​គែស​ក៝ន​ឞូ​ក្លោ​រាញា​អីរាត អីរាត​ឞាៈ​មហូយាអែល មហូយាអែល ​ឞាៈ​មាតូឆាអែល មាតូឆាអែល ​ឞាៈ​លាមេក ។
GEN 4:19 លាមេក ​គែស​អូរ​ឞារ អូរ​តើម​រាញា​អាដា  អូរ​ចោង​រាញា​ឆីលា ។
GEN 4:20 អាដា ​គែស​ឞារ​អឹ​ក៝ន អី​នោ​រាញា​យាបាល  ពាង់​អី​ឞូនុយ្ស​ទាក​ឞោក​គុ​តា​ចូន គុ​ច្យាប់​តា​នតុក​អ្យា​នតុក​រី។
GEN 4:21 អី​អ៝ស​យាបាល  រាញា​យូបាល  ពាង់​អី​ឞូនុយ្ស​ទាក​ឞោក​ងក្រេស​នទើ​តឹម​ឞាន​មា​គ៝ង​រេង នទ្រែល​មា​អោស​នទើ​តឹម​ឞាន​មា​រាលែត។
GEN 4:22 ជេសរី​ឆីលា ​គែស​ក៝ន​ដ៝ង់ រាញា​តូបាល-កាអីន  ពាង់​អី​ឞូនុយ្ស​ទាក​ឞោក​ឞ្លាវ​ទ្រែប​ច្យារ់​កោង នទ្រែល​មា​ល៝យ្ស។ អ៝ស​ឞូ​អូរ​តូបាល-កាអីន  រាញា​នាអាមា ។
GEN 4:23 ជេសរី​លាមេក ​លាស​មា​លែៈ​ឞារ​ហៃ​អី​អូរ​ពាង់​នៃ៖ “ហើយ​អាដាឆីលា  ខាន់​អៃ​អ្យាត់​នាវ​គ៝ប់​ហ៝ៈ! ហើយ​ខាន់​អៃ រាកេង​ហ៝ម់​តោរ​អ្យាត់​នាវ​គ៝ប់​ងើយ​មឞ្រាម​មា​គឹត! គ៝ប់​ងខឹត​ឞូនុយ្ស​ទូ​ហ្វេ​ឞូ​ក្លោ យ៝រ​លាស​ពាង់​នើស​ជាន​អ៝ន់​គ៝ប់​គែស​ឆោត គ៝ប់​ងខឹត​ទូ​ហ្វេ​ឞូ​នទាម់ យ៝រ​មា​ពាង់​លើស​គ៝ប់​ឞុរ។
GEN 4:24 លាស​ឞូ​ងខឹត​ទូ​ហ្វេ​កាអីន  ឞូ​មរា​ព្លើង​ងខឹត​ពើស​តឹ យើន​មា​លាស​ឞូ​ងខឹត​លាមេក  អ៝ន់​ព្លើង​ងខឹត​ត៝ត់ ៧៧ តឹ​ងាន់​រ៝”។
GEN 4:25 អាដាម់ ​ហោម​គុ​ដាស​អូរ​ពាង់​ជឹត ជេសរី​អូរ​ពាង់​គុ​អ៝ស​តៃ​ទូ​ហ្វេ​ក៝ន​ឞូ​ក្លោ ពាង់​លាស៖ “ក៝ន​អ្យា​កោរាញ​ឞ្រាស​អ៝ន់​តៃ​មា​គ៝ប់ គៃ​មា​នត្រ៝ៈ​អាបែល ​អី​កាអីន ​ទែ​ងខឹត​នើស” កើត​នទ្រី​រាញា​ពាង់​«ឆេត »។
GEN 4:26 ជេសរី​ឆេត ​ឞាៈ​ទូ​ហ្វេ​ក៝ន​ឞូ​ក្លោ ពាង់​រាញា​ក៝ន​អី​នៃ​អេនោស ។ នតើម​ឞើស​នៃ​ឞូ​ក្វាល់​កោរាញ​ឞ្រាស៖ «ឞ្រាស​យេហោវា » នោក​ឞូ​យើក​មឞាស​ពាង់។
GEN 5:1 អ្យា​នាវ​មឞើស​ងក៝ច​រាន៝យ​ទែស​អាដាម់ ។ នោក​កោរាញ​ឞ្រាស​ញជេង​ឞូនុយ្ស​នើស កោរាញ​ឞ្រាស​ញជេង​ខាន់​ពាង់​កើត​ពាង់នើម​ងាន់។
GEN 5:2 កោរាញ​ឞ្រាស​ញជេង​ខាន់​ពាង់​គែស​ឞូ​ក្លោ​ឞូ​អូរ តា​នារ​នៃ​កោរាញ​ឞ្រាស​តេៈ​រាញា​ខាន់​ពាង់​«ឞូនុយ្ស» ជេសរី​អ៝ន់​នាវ​គែស​ជេង​មា​ខាន់​ពាង់​ដ៝ង់។
GEN 5:3 ត៝ត់​អាដាម់ ​គែស ១៣០ នាម់ ពាង់​ឞាៈ​ទូ​ហ្វេ​ក៝ន​ឞូ​ក្លោ​តឹម​ឞាន​មា​ពាង់​នើម​កើត​ពាង់​នើម​ងាន់ ជេសរី​អាដាម់ ​តេៈ​រាញា​ពាង់​«ឆេត »។
GEN 5:4 ជេស​ពាង់​ឞាៈ​ឆេត ​នៃ ឞើស​កើយ​នៃ​ពាង់​ហោម​រេស​គែស ៨០០ នាម់​ជឹត នហ៝​ឞាៈ​អ៝ស​ឞាៈ​ក៝ន គែស​ក៝ន​ឞូ​អូរ​ក៝ន​ឞូ​ក្លោ​ដ៝ង់។
GEN 5:5 ពាង់​រេស​ទឹង​លែៈ​គែស ៩៣០ នាម់ ជេសរី​ខឹត។
GEN 5:6 ត៝ត់​ឆេត ​គែស ១០៥ នាម់ ពាង់​ឞាៈ​អេនោស ។
GEN 5:7 ជេស​ពាង់​ឞាៈ​អេនោស ​អី​នៃ ពាង់​រេស​គែស ៨០៧ នាម់​ជឹត នហ៝​ឞាៈ​អ៝ស​ឞាៈ​ក៝ន គែស​ក៝ន​ឞូ​អូរ​ក៝ន​ឞូ​ក្លោ​ដ៝ង់។
GEN 5:8 ពាង់​រេស​ទឹង​លែៈ​គែស ៩១២ នាម់ ជេសរី​ខឹត។
GEN 5:9 ត៝ត់​អេនោស ​គែស ៩០ នាម់ ពាង់​ឞាៈ​ខេនាន ។
GEN 5:10 ជេស​ពាង់​ឞាៈ​ខេនាន ​អី​នៃ ពាង់​រេស​គែស ៨១៥ នាម់​ជឹត នហ៝​ឞាៈ​អ៝ស​ឞាៈ​ក៝ន គែស​ក៝ន​ឞូ​អូរ​ក៝ន​ឞូ​ក្លោ​ដ៝ង់។
GEN 5:11 ពាង់​រេស​ទឹង​លែៈ​គែស ៩០៥ នាម់ ជេសរី​ខឹត។
GEN 5:12 ត៝ត់​ខេនាន ​គែស ៧០ នាម់ ពាង់​ឞាៈ​មហាលេលអែល ។
GEN 5:13 ជេស​ពាង់​ឞាៈ​មហាលេលអែល ​អី​នៃ ពាង់​រេស​គែស ៨៤០ នាម់​ជឹត នហ៝​ឞាៈ​អ៝ស​ឞាៈ​ក៝ន គែស​ក៝ន​ឞូ​អូរ​ក៝ន​ឞូ​ក្លោ​ដ៝ង់។
GEN 5:14 ពាង់​រេស​ទឹង​លែៈ​គែស ៩១០ នាម់ ជេសរី​ខឹត។
GEN 5:15 ត៝ត់​មហាលេលអែល ​គែស ៦៥ នាម់ ពាង់​ឞាៈ​យារេត ។
GEN 5:16 ជេស​ពាង់​ឞាៈ​យារេត ​អី​នៃ ពាង់​រេស​គែស ៨៣០ នាម់​ជឹត នហ៝​ឞាៈ​អ៝ស​ឞាៈ​ក៝ន គែស​ក៝ន​ឞូ​អូរ​ក៝ន​ឞូ​ក្លោ​ដ៝ង់។
GEN 5:17 ពាង់​រេស​ទឹង​លែៈ​គែស ៨៩៥ នាម់ ជេសរី​ខឹត។
GEN 5:18 ត៝ត់​យារេត ​គែស ១៦២ នាម់ ពាង់​ឞាៈ​ហេនុក ។
GEN 5:19 ជេស​ពាង់​ឞាៈ​ហេនុក ​អី​នៃ ពាង់​រេស​គែស ៨០០ នាម់​ជឹត នហ៝​ឞាៈ​អ៝ស​ឞាៈ​ក៝ន គែស​ក៝ន​ឞូ​អូរ​ក៝ន​ឞូ​ក្លោ​ដ៝ង់។
GEN 5:20 ពាង់​រេស​ទឹង​លែៈ​គែស ៩៦២ នាម់ ជេសរី​ខឹត។
GEN 5:21 ត៝ត់​ហេនុក ​គែស ៦៥ នាម់ ពាង់​ឞាៈ​មឹថូឆាលាស ។
GEN 5:22 ជេស​ពាង់​ឞាៈ​មឹថូឆាលាស ​អី​នៃ ពាង់​គុ​តឹម​ទេស​តឹម​ទាច់​ដាស​កោរាញ​ឞ្រាស នទ្រែល​មា​អ្យាត់​នាវ​ពាង់​ដ៝ង់​គែស ៣០០ នាម់​ជឹត នហ៝​ឞាៈ​អ៝ស​ឞាៈ​ក៝ន គែស​ក៝ន​ឞូ​អូរ​ក៝ន​ឞូ​ក្លោ​ដ៝ង់។
GEN 5:23 ពាង់​រេស​ទឹង​លែៈ​គែស ៣៦៥ នាម់។
GEN 5:24 ហេនុក ​គុ​តឹម​ទេស​តឹម​ទាច់​អ្យាត់​នាវ​កោរាញ​ឞ្រាស​ងាន់ ជេសរី​ពាង់​រ៝ស​ក្ល៝ក់​ឞើស​នែស​នតូ​អ្យា យ៝រ​លាស​កោរាញ​ឞ្រាស​ឆ៝ៈ​គុ​នទ្រែល​ពាង់នើម។
GEN 5:25 ត៝ត់​មឹថូឆាលាស ​គែស ១៨៧ នាម់ ពាង់​ឞាៈ​លាមេក ។
GEN 5:26 ជេស​ពាង់​ឞាៈ​លាមេក ​អី​នៃ ពាង់​រេស​គែស ៧៨២ នាម់​ជឹត នហ៝​ឞាៈ​អ៝ស​ឞាៈ​ក៝ន គែស​ក៝ន​ឞូ​អូរ​ក៝ន​ឞូ​ក្លោ​ដ៝ង់។
GEN 5:27 ពាង់​រេស​ទឹង​លែៈ​គែស ៩៦៩ នាម់ ជេសរី​ខឹត។
GEN 5:28 ត៝ត់​លាមេក ​គែស ១៨២ នាម់ ពាង់​ឞាៈ​ទូ​ហ្វេ​ក៝ន​ឞូ​ក្លោ
GEN 5:29 ពាង់​តេៈ​រាញា​ក៝ន​អី​នៃ​«នោអេ » ពាង់​លាស៖ “ក៝ន​អ្យា​ពាង់​មរា​កើល​ឞ៝ញ​លែង​លែៈ​នាវ​ការ​ជេរ​ហេន លែៈ​នាវ​រាអាស​ហេន​ជាន​មីរ តាៈ​ឞើស​ឞ្រាស​យេហោវា ​ទែ​រាតាប់​នែស​អី​អ្យា​នើស”។
GEN 5:30 ជេស​ពាង់​ឞាៈ​នោអេ ​អី​នៃ ពាង់​រេស​គែស ៥៩៥ នាម់​ជឹត នហ៝​ពាង់​ឞាៈ​អ៝ស​ឞាៈ​ក៝ន គែស​ក៝ន​ឞូ​អូរ​ក៝ន​ឞូ​ក្លោ​ដ៝ង់។
GEN 5:31 ពាង់​រេស​ទឹង​លែៈ​គែស ៧៧៧ នាម់ ជេសរី​ពាង់​ខឹត។
GEN 5:32 ត៝ត់​នោអេ ​គែស ៥០០ នាម់ ពាង់​ឞាៈ​ក៝ន​ពែ​អឹ ឆិម ហាម់  នទ្រែល​មា​យាផែត ។
GEN 6:1 ជេសរី​ឞូនុយ្ស​តា​នែស​នតូ​លើ​មា​អ៝ក់​លើ​មា​អ៝ក់​ងាន់ ខាន់​ពាង់​ឞាៈ​ក៝ន​ឞូ​អូរ
GEN 6:2 ជេសរី​ក៝ន​ឞូ​ក្លោ​ឞ្រាស​ឆៃ​ក៝ន​ឞូ​អូរ​ឞូនុយ្ស​អ្វែសៗ​ងាន់ ខាន់​ពាង់​លែវ​ឞាល់​ឆ៝ៈ​អូរ ឆ៝ៈ​ឞូ​មា​ហែ​រ៝។
GEN 6:3 ជេស​ឞ្រាស​យេហោវា ​ឆៃ​ខាន់​ពាង់​ជាន​កើត​នៃ ជេសរី​ពាង់​ងើយ​អេង​ឆាក់​ពាង់​នើម៖ “ហ្វេង​គ៝ប់​មោ​ហោម​អោស​គុ​នហ៝​រ៝​តា​ឞូនុយ្ស យ៝រ​លាស​ឆាក់​ខាន់​ពាង់​នើស​មរា​ខឹត កើត​នៃ​ទឹង​គ៝ប់​អ៝ន់​ខាន់​ពាង់​រេស​ទុត​តា ១២០ នាម់​ទើម”។
GEN 6:4 តា​នោក​នៃ​នើស គែស​ឞូនុយ្ស​ឆាក់​ជាន់​ក្វ៝ង់ៗ​ងាន់​តា​នែស​នតូ​អ្យា ត៝ត់​អា​កើយ​នៃ​ហោម​អែ​គែស​ដ៝ង់។ ខាន់​ពាង់​អី​នៃ​អី​ក៝ន​តាៈ​ឞើស​ក៝ន​ឞ្រាស​ឆ៝ៈ​អូរ​ឆាយ​ដាស​ឞូ​អូរ​ឞូនុយ្ស​នើស ខាន់​ពាង់​នើស​ទាង់ៗ​ងាន់​តឹម​លើស កើត​នទ្រី​ទឹង​គែស​រានោក​កាល់​អែ​នើស​ឞូ​លឺ​ខាន់​ពាង់​ហោ​ងាន់។
GEN 6:5 ជេសរី​ឞ្រាស​យេហោវា ​ឆៃ​នាវ​តីស​ឞូនុយ្ស​ជាន​តា​នែស​នតូ​អ្យា​ហោ​ងាន់ នូយ្ស​នហ៝ម់​នាវ​មឹន​ខាន់​ពាង់​នើស​អុច​ជាន​នទើ​ទុត​អ្យើស​នឹង​ងាន់។
GEN 6:6 ឞ្រាស​យេហោវា ​រាង៝ត​ងាន់​តា​នូយ្ស​នហ៝ម់ ពាង់​នទុយ្ស​តោរ​លាន់​ញជេង​ឞូនុយ្ស​តា​នែស​នតូ​អ្យា​នើស។
GEN 6:7 ពាង់​លាស​អេង​ឆាក់​ពាង់នើម៖ “គ៝ប់​មរា​លើស​ហេង​លើយ​ឞូនុយ្ស​អី​គ៝ប់​ញជេង​អ៝ន់​លែៈ​ឞើស​នែស​នតូ​អ្យា​ប៝ត់ នតើម​ឞើស​ឞូនុយ្ស​ត៝ត់​មា​មពោមពា​(ឆ្យុម)​តា​ឞ្រី​តា​ប៝ន ឆ្យុម​មពារ់​តា​កាលើ​ត្រោក នទ្រែល​មា​អាប់​នតីល​មពោមពា​(ឆ្យុម)​ហូង​វើរ​តា​នែស​នតូ​អ្យា យ៝រ​លាស​គ៝ប់​ញហ្វាច​លាន់​ញជេង​ពាង់​នើស”។
GEN 6:8 យើន​មា​គែស​ទូ​ហ្វេ​ឞូ​ក្លោ​រាញា​ពាង់​នោអេ ឞ្រាស​យេហោវា ​ទី​នូយ្ស​នហ៝ម់​មា​ពាង់។
GEN 6:9 អ្យា​ងក៝ច​នាវ​រេស​ជេង​នោអេ ។ តា​រានោក​នោអេ ​នៃ​នើស គែស​ទូ​ហ្វេ​ពាង់​ទើម​ឞូនុយ្ស​អ្វែស​ឞូនុយ្ស​ឆ៝ង់ មោ​អោស​ឆៃ​គែស​ទោយ្ស​តា​ពាង់។ ពាង់​អ្យាត់​នាវ​កោរាញ​ឞ្រាស​ងាន់។
GEN 6:10 នោអេ ​ឞាៈ​ក៝ន​ឞូ​ក្លោ​ពែ​អឹ រាញា​ខាន់​ពាង់​ឆិម ហាម់  នទ្រែល​មា​យាផែត ។
GEN 6:11 នោក​នៃ​ឞូនុយ្ស​តា​នែស​នតូ​អ្យា​អ្យើស​មហឹក​ទាទេ​ងាន់​តា​នាប់​មាត់​កោរាញ​ឞ្រាស ខាន់​ពាង់​ជាន​អ្យើស​អ៝ក់​នតីល​ងាន់ ហាត់​ជាញ​តឹម​លើស​តឹម​ងខឹត​ហោ​ងាន់។
GEN 6:12 កោរាញ​ឞ្រាស​ឆៃ​នែស​នតូ​អ្យើស​លែៈ​ផ្យៅ យ៝រ​លាស​ឞូនុយ្ស​ទឹង​លែៈ​តា​នែស​នតូ​អ្យា​នើស ខាន់​ពាង់​ជាន​អ្យើស​មហឹក​ទាទេ​ងាន់។
GEN 6:13 ជេសរី​កោរាញ​ឞ្រាស​លាស​មា​នោអេ ៖ “ហើយ​នោអេ គ៝ប់​លែៈ​អុច​ងខឹត​លើយ​ទឹង​លែៈ​នទើ​អី​គែស​នាវ​រេស​តា​នែស​នតូ​អ្យា​មេៈ យ៝រ​លាស​ឞូនុយ្ស​លាម​នែស​នតូ​អ្យា ខាន់​ពាង់​ជាន​អ្យើស​អ៝ក់​នតីល​ងាន់ ហាត់​ជាញ​តឹម​លើស​តឹម​ងខឹត​ហោ​ងាន់។ អោ គ៝ប់​មរា​លើស​លើយ​ខាន់​ពាង់​អ៝ន់​ហេង​លែៈ​ផ្យៅ នទ្រែល​មា​លែៈ​នទើ​តា​នែស​នតូ​អ្យា​រ៝”។
GEN 6:14 “អាបៃ​រី​គ៝ប់​ដាៈ​មៃ​ជាន​ទូ​មល៝ម់​ទូក​អ៝ន់​ទុត​ក្វ៝ង់ ជាន​មា​តើម​ឆី​អី​អ្វែស ជេសរី​ឆ៝ៈ​នតាក់​ចាយ​លឹរ​ឞើស​ទីស​ឞើស​ត្រោម​ទូក​អី​នៃ​អ៝ន់​ជឹរ នទ្រែល​មា​ជាន​ជ្រោ​អ៝ន់​អ៝ក់​តា​ត្រោម​ទូក​នៃ​ដ៝ង់។
GEN 6:15 អ៝ន់​មៃ​ជាន​កើត​នអា៖ ជ៝ង​អ៝ន់​គែស ៣០០ ហាត់ ហ្វី ៥០ ហាត់ អី​ព្រេស ៣០ ហាត់។
GEN 6:16 ជេសរី​ជាន​ច៝រ​ឞើស​លើ​ទូក​នៃ ព្រេស​ទូ​ហាត់។ រ៝ង​ជាន​មពោង​អ៝ន់​ឞើស​មពុង ជេសរី​ជាន​ទូក​អី​នៃ​អ៝ន់​គែស​តឹម​រាទាប់ ទូ​ទាប់​ឞើស​ទ៝ង់ ទូ​ទាប់​តា​ងក្លាង ទូ​ទាប់​ឞើស​លើ។
GEN 6:17 ជេសរី​គ៝ប់​មរា​អ៝ន់​គែស​ទាក​លេង​ទាក​ទើង​លាម​នែស​នតូ​អ្យា អ៝ន់​ទាក​ឞុក​លែៈ​រាងោច​នទើ​អី​គែស​នាវ​រេស​អី​គែស​នហ៝ម់​តា​ឞើស​ទ៝ង់​ត្រោក​អ្យា។ លែៈ​នទើ​គែស​តា​នែស​នតូ​អ្យា​មរា​ខឹត​លែៈ​ផ្យៅ។
GEN 6:18 យើន​មា​គ៝ប់​ហោម​តឹម​រាង្លាប់​មា​មៃ​នានាវ មៃ​មរា​លាប់​តា​ត្រោម​ទូក​នៃ នទ្រែល​អូរ​មៃ​ក៝ន​មៃ​មាន់​មៃ។
GEN 6:19 ជេសរី​អ៝ន់​មៃ​ឆ៝ៈ​លែវ​មពោមពា​(ឆ្យុម)​ឞារៗ​ទឹង​លែៈ​នតីល​មពោមពា​(ឆ្យុម) អ៝ន់​មៃ​ឆ៝ៈ​មែ​ង្វាយ​ងក្វ៝ង់​ង្វាយ​អ៝ន់​លាប់​តា​ត្រោម​ទូក​នៃ​ទាទេ គៃ​មា​គែស​ក្លាយ្ស​នាវ​រេស​នទ្រែល​មៃ​ដ៝ង់។
GEN 6:20 ពាង់​មរា​រាន​វាច់​តា​មៃ​ឞារៗ​រ៝ ទឹង​លែៈ​នតីល​មពោមពា​(ឆ្យុម)​តឹង​នតីល​អេងៗ ឆ្យុម​មពារ់​តា​កាលើ​ត្រោក មពោមពា​(ឆ្យុម)​តា​ឞ្រី​តា​ប៝ន នទ្រែល​មា​អាប់​នតីល​មពោមពា​(ឆ្យុម)​ហូង​វើរ​តា​នែស​នតូ​អ្យា គៃ​មា​គែស​ក្លាយ្ស​នាវ​រេស។
GEN 6:21 ជេសរី​ឆ៝ៈ​ញអោត​លែៈ​នទើ​អី​មៃ​វៃ​ឆោង​ឆា​ព្រាប់​អ៝ន់​មា​មៃ​នើម នទ្រែល​មា​មពា មា​អ៝ន់​មពោមពា​(ឆ្យុម)​ទឹង​លែៈ​អី​នៃ​ដ៝ង់”។
GEN 6:22 នោអេ ​ជាន​កើត​នៃ​ងាន់​រ៝ ពាង់​ជាន​ជេស​លែៈ​ផ្យៅ​តឹង​នាវ​កោរាញ​ឞ្រាស​ដាៈ​មា​ពាង់​នៃ​នើស។
GEN 7:1 ជេសរី​ឞ្រាស​យេហោវា ​លាស​មា​នោអេ ៖ “ហើយ​នោអេ  លែវ​រានាក់​វ៝ល់​មៃ លាប់​គុ​តា​ត្រោម​ទូក​ក្វ៝ង់​អី​នៃ​នទ្រែល​មៃ​នើម យ៝រ​លាស​ទឹង​លែៈ​រាងោច​ឞូនុយ្ស​តា​នែស​នតូ​អ្យា គ៝ប់​ឆៃ​ទូ​ហ្វេ​មៃ​ទើម​ឞូនុយ្ស​អ្វែស​ឞូនុយ្ស​ឆ៝ង់។
GEN 7:2 ជេសរី​អ៝ន់​មៃ​ឆ៝ៈ​លែវ​មពោមពា​(ឆ្យុម)​អី​កើប​ក្ល៝ស​ជេង​មពោមពា​(ឆ្យុម)​អី​ខាន់​មៃ​ទើយ​ញហើរ​មា​គ៝ប់ មែ​ពើស​អឹ​ងក្វ៝ង់​ពើស​អឹ មពោមពា​(ឆ្យុម)​អី​កើប​មោ​ក្ល៝ស​មៃ​ឆ៝ៈ​លែវ​មែ​ង្វាយ​ងក្វ៝ង់​ង្វាយ​ហ៝ៈ
GEN 7:3 មៃ​លែវ​ដ៝ង់​ឆ្យុម​មពារ់​កាលើ​ត្រោក​មែ​ពើស​អឹ​ងក្វ៝ង់​ពើស​អឹ ទឹង​លែៈ​អាប់​នតីល​អី​នៃ គៃ​មា​រ៝ង​នតីល​តា​នែស​នតូ​អ្យា។
GEN 7:4 យ៝រ​លាស​ហោម​ពើស​នារ​ជឹត​គ៝ប់​អ៝ន់​គែស​មីស​តា​នែស​នតូ​អ្យា​ព្វាន់​ជឹត​នាង់​ព្វាន់​ជឹត​នារ គៃ​មា​លើស​ហេង​លើយ​អ៝ន់​លែៈ​រាងោច​នទើ​អី​គែស​នាវ​រេស​អី​គ៝ប់​លែៈ​ញជេង អ៝ន់​លែៈ​ឞើស​នែស​នតូ​អ្យា​រ៝”។
GEN 7:5 នោអេ ​ជាន​ជេស​លែៈ​ផ្យៅ​តឹង​នាវ​ឞ្រាស​យេហោវា ​ដាៈ​មា​ពាង់​នើស។
GEN 7:6 នោក​គែស​ទាក​លេង​ទាក​ទើង​អី​នៃ​តា​នែស​នតូ នោអេ ​លែៈ​គែស ៦០០ នាម់​ជេស។
GEN 7:7 ពាង់​លាប់​គុ​តា​ត្រោម​ទូក​ក្វ៝ង់​អី​រី អូរ​ពាង់ ក៝ន​ពាង់ នទ្រែល​មា​មាន់​ពាង់​ដ៝ង់ គៃ​មា​ក្លាយ្ស​ឞើស​ទាក​លេង​ទាក​ទើង​អី​នៃ។
GEN 7:8 គែស​មពោមពា​(ឆ្យុម)​អី​កើប​ក្ល៝ស មពោមពា​(ឆ្យុម)​អី​កើប​មោ​ក្ល៝ស ឆ្យុម​មពារ់​កាលើ​ត្រោក នទ្រែល​មា​អាប់​នតីល​មពោមពា​(ឆ្យុម)​អី​ហូង​វើរ​តា​នែស​នតូ​អ្យា​ដ៝ង់
GEN 7:9 ឞ្រោៈ​មា​ឞារ​មា​ឞារ​ងាន់​រ៝​ឞើស​រី​ត៝ត់​តា​នតុក​នោអេ ​នៃ គែស​មែ​គែស​ងក្វ៝ង់​លាប់​តា​ត្រោម​ទូក​រី តឹង​កើត​នាវ​កោរាញ​ឞ្រាស​ដាៈ​មា​ពាង់​នៃ​នើស។
GEN 7:10 ត៝ត់​ពើស​នារ​ឞើស​កើយ​នៃ ទាក​លេង​ទាក​ទើង​នតើម​រាលាប​លាម​នែស​នតូ​អ្យា។
GEN 7:11 តា​នាម់​នោអេ ​អី​គែស ៦០០ នាម់ ខៃ​ឞារ​នារ ១៧ តា​នារ​អី​នៃ​រ៝​ទឹង​លែៈ​តូ​ទាក​នតើម​លោស​រាទោល​តាៈ​ឞើស​ទ៝ង់​រី​ទាទេ ជេសរី​តា​កាលើ​ត្រោក​គែស​មីស​នត៝ង់​ងាន់ តឹម​ឞាន​មា​ពើក​មពោង​ឞ្ល៝ស។
GEN 7:12 មីស​ងខុត​តា​នែស​នតូ​អ្យា ៤០ នាង់ ៤០ នារ​ងាន់។
GEN 7:13 នារ​អី​នៃ​ដ៝ង់​នោអេ  នទ្រែល​មា​ក៝ន​ឞូ​ក្លោ​ពាង់ ឆិមហាម់យាផែត  អូរ​ពាង់ ជេសរី​មាន់​ពាង់​ពែ​នុយ្ស​លាប់​គុ​តា​ត្រោម​ទូក​រី​ទាទេ
GEN 7:14 នទ្រែល​មា​លែៈ​អាប់​នតីល​មពោមពា​(ឆ្យុម)​តា​ឞ្រី​តា​ប៝ន មពោមពា​(ឆ្យុម)​ហូង​វើរ​តា​នែស​នតូ​អ្យា ឆ្យុម​មពារ់​តា​កាលើ​ត្រោក លែៈ​នទើ​អី​គែស​នារ លាប់​ទាទេ​ដ៝ង់។
GEN 7:15 ទឹង​លែៈ​នទើ​អី​គែស​នាវ​រេស​នៃ​នើស​ពាង់​ឞ្រោៈ​ឞើស​រី​មា​ឞារ​មា​ឞារ​រ៝ គុ​នទ្រែល​នោអេ ​តា​ត្រោម​ទូក​រី។
GEN 7:16 អាប់​នតីល​នទើ​អី​គែស​នាវ​រេស គែស​មែ គែស​ងក្វ៝ង់ ពាង់​លាប់​គុ​តា​ត្រោម​ទូក​រី​ទាទេ តឹង​កើត​នាវ​កោរាញ​ឞ្រាស​ដាៈ​មា​នោអេ ​នើស ជេសរី​ឞ្រាស​យេហោវា ​នើម​នតឹល​មពោង​ទូក​អី​នៃ​រ៝។
GEN 7:17 ជេសរី​មីស​គែស ៤០ នាង់ ៤០ នារ។ ទាក​លេង​ទាក​ទើង​រាលាប​លាម​នែស​នតូ​អ្យា​ហាវ​តេស​ងាន់ ត៝ត់​មា​ទូក​អី​នៃ​នហោង​មពឺប​ឞើស​លើ​នែស​រី។
GEN 7:18 ទាក​លេង​ទាក​ទើង​អី​រី​លើ​មា​ហាវ​តេស​លើ​មា​ក្វ៝ង់​លើ​មា​ជ្រូ​ងាន់ ទូក​អី​រី​នហោង​ឞើស​លើ​ទាក​រី។
GEN 7:19 ហាវ​តេស​ទាក​លើ​មា​ក្វ៝ង់​លើ​មា​ក្វ៝ង់​តា​កាលើ​នែស​នតូ​អ្យា ត៝ត់​មា​ឞុក​នទ៝ប់​លែៈ​ផ្យៅ​យោក​អី​ព្រេសៗ​ទឹង​លែៈ​ឞើស​ទ៝ង់​ត្រោក​អ្យា។
GEN 7:20 ទាក​ហាវ​តេស​ត៝ត់​មា​ឞាម់​រាលាវ​ឞើស​លើ​យោក​អី​នៃ ១៥ ហាត់​ជឹត។
GEN 7:21 ជេសរី​លែៈ​រាងោច​នទើ​អី​គែស​នាវ​រេស​តា​នែស​នតូ​អ្យា ទឹង​ឆ្យុម​មពារ់​កាលើ​ត្រោក ទឹង​មពោមពា​(ឆ្យុម)​តា​ប៝ន​តា​ឞ្រី លែៈ​រាងោច​មពោមពា​(ឆ្យុម)​ហូង​វើរ​លាម​នែស​នតូ​អ្យា នទ្រែល​មា​លែៈ​រាងោច​ឞូនុយ្ស​ខឹត​លែៈ​ផ្យៅ។
GEN 7:22 លែៈ​នទើ​អី​ឞ្លាវ​នហាវ​នហ៝ម់ អី​គុ​រេស​តា​កាលើ​នែស​នតូ​អ្យា​ខឹត​ទាទេ។
GEN 7:23 ឞ្រាស​យេហោវា ​លើស​ហេង​លើយ​លែៈ​នទើ​អី​គែស​នាវ​រេស​ឞើស​នែស​នតូ​អ្យា នតើម​ឞើស​ឞូនុយ្ស​ត៝ត់​មា​មពោមពា​(ឆ្យុម)​តា​ឞ្រី​តា​ប៝ន មពោមពា​(ឆ្យុម)​ហូង​វើរ ត៝ត់​មា​ឆ្យុម​មពារ់​កាលើ​ត្រោក​អ៝ន់​រ៝ស​លែៈ​ផ្យៅ ហោម​អែ​នោអេ  នទ្រែល​មា​ឞូ​ម៝ស​អី​គុ​តា​ត្រោម​ទូក​នទ្រែល​ពាង់ ទាស​រី​ទើម។
GEN 7:24 ជេសរី​ទាក​លេង​ទាក​ទើង​ក្វ៝ង់​តា​នែស​នតូ​អ្យា​គែស ១៥០ នារ។
GEN 8:1 ជេសរី​កោរាញ​ឞ្រាស​ហោម​កាស​គឹត​មា​នោអេ  នទ្រែល​មា​លែៈ​មពោមពា​(ឆ្យុម)​អី​គុ​តា​ត្រោម​ទូក​នទ្រែល​ពាង់​នៃ កើត​នទ្រី​កោរាញ​ឞ្រាស​អ៝ន់​គែស​ឆ្យាល​ខោម​តា​នែស​នតូ​អ្យា ជេសរី​ទាក​នតើម​អ្យ៝ស​អ្យហុប។
GEN 8:2 ទឹង​លែៈ​តូ​ទាក​អី​លោស​រាទោល​តាៈ​ឞើស​នតុក​ជ្រូ​រី នទ្រែល​មា​អី​កើត​មពោង​ឞ្ល៝ស​កាលើ​ត្រោក​រាទ៝ល់​អ៝ន់​ជឹរ មីស​ឞាស​ដ៝ង់។
GEN 8:3 ទាក​តា​នែស​នតូ​អ្យា​នតើម​អ្យ៝ស​ទូ​តឹ​ដេៈ​ទូ​តឹ​ដេៈ ត៝ត់ ១៥០ នារ​ពាង់​នតើម​អ្យ៝ស។
GEN 8:4 តា​នារ ១៧ ខៃ​ពើស​ទូក​អី​នៃ​ខាន​តា​កាលើ​យោក​អារារាត ។
GEN 8:5 ទាក​ហោម​អ្យ៝ស​ដេៈ​អ្យ៝ស​ដេៈ​ត៝ត់​ខៃ​ជឹត តា​នារ​ង្វាយ​ខៃ​ជឹត​អី​នៃ នារ​នៃ​នោអេ ​នតើម​មពើល​ឆៃ​យោក។
GEN 8:6 ជ៝ៈ ៤០ នារ​ឞើស​កើយ​នៃ នោអេ ​ពឹ​មពោង​ឞ្ល៝ស​ទូក​អី​ពាង់​ជាន​នើស
GEN 8:7 បើក​ទូ​មល៝ម់​នអាក។ នអាក​អី​នៃ​មពារ់​នាប់​មពារ់​កើយ​នហ៝​មា​ត៝ត់​ឆ្វាត់​ទាក។
GEN 8:8 ជេសរី​ពាង់​បើក​ដ៝ង់​ទូ​មល៝ម់​ព្លុក គៃ​មា​គឹត​លាស​ទាក​លែៈ​ឆ្វាត់​មោ​លាស​អេ​ហ៝ៈ។
GEN 8:9 ព្លុក​អី​នៃ​មពារ់​ជ៝យ​នតុក​មា​ទ្រ៝ម់​មោ​គែស​អោស យ៝រ​លាស​ទាក​ហោម​លាម​នែស​នតូ​អ្យា ជេសរី​ព្លឹ​តៃ​អា​នោអេ ​អ្យា ពាង់​នតា​តី​ញុប​ព្លុក​អី​នៃ​ងលាប់​តៃ​តា​ត្រោម​ទូក​នទ្រែល​ពាង់​នើម​ជឹត។
GEN 8:10 នោអេ ​ក៝ប់​ត៝ត់​ពើស​នារ​ជឹត ជេសរី​ពាង់​បើក​តៃ​ព្លុក​អី​នៃ​ទូ​តឹ​ជឹត​លោស​ឞើស​ត្រោម​ទូក​នៃ។
GEN 8:11 ត៝ត់​កេង​មាង់​ព្លុក​អី​នៃ​ព្លឹ​អា​ពាង់​នើម​អ្យា យី ងក្រែ​មា​គ្លែង​ងកុរ​តើម​ឆី​អោលីវ​ដ៝ង់។ កើត​នទ្រី​ទឹង​នោអេ ​គឹត​លាស​ទាក​លែៈ​ឆ្វាត់​ជេស។
GEN 8:12 ពាង់​ក៝ប់​ហោម​ពើស​នារ​ជឹត ជេសរី​ពាង់​បើក​តៃ​ព្លុក​អី​នៃ តីស​មា​មោ​ហោម​អោស​ឆៃ​ព្លុក​ព្លឹ​អា​ពាង់។
GEN 8:13 នោក​នោអេ ​គែស ៦០១ នាម់ នារ​ង្វាយ​ខៃ​ង្វាយ នាម់​អី​នៃ​ទាក​ឆ្វាត់​លែៈ​ផ្យៅ​ឞើស​នែស​នតូ​អ្យា។ ជេសរី​នោអេ ​ព្លោក​ច៝រ​ទូក ល៝ង់​ពាង់​ឆៃ​មពើល​នែស​ទាទេ។
GEN 8:14 តា​នារ ២៧ ខៃ​ឞារ នារ​អី​នៃ​នែស​ឆើស​លែៈ​ផ្យៅ​តា​កាលើ​នែស​នតូ​អ្យា។
GEN 8:15 នោក​នៃ​កោរាញ​ឞ្រាស​ងើយ​មា​នោអេ ៖
GEN 8:16 “ហើយ​នោអេ  មៃ​លោស​ឞើស​ទូក​នៃ​ហ៝ម់ អូរ​មៃ ក៝ន​មៃ នទ្រែល​មា​មាន់​មៃ។
GEN 8:17 ជេសរី​មៃ​ងលោស​អាប់​នតីល​មពោមពា​(ឆ្យុម)​អី​គុ​នទ្រែល​មៃ​នើម​តា​ត្រោម​ទូក​នៃ​ដ៝ង់ ទឹង​ឆ្យុម​មពារ់​កាលើ​ត្រោក ទឹង​លែៈ​មពោមពា​(ឆ្យុម)​តា​ឞ្រី​តា​ប៝ន មពោមពា​(ឆ្យុម)​ហូង​វើរ​តា​នែស​នតូ លោស​អា​ទីស​ត៝ អ៝ន់​មា​គែស​អ៝ស​គែស​ក៝ន​ឞឹក​រឹ​លាម​នែស​នតូ​អ្យា”។
GEN 8:18 ជេសរី​នោអេ  អូរ​ពាង់ ក៝ន​ពាង់ នទ្រែល​មា​មាន់​ពាង់​លោស​អា​ទីស​អ្យា​ទាទេ
GEN 8:19 នទ្រែល​មា​លែៈ​មពោមពា​(ឆ្យុម)​តា​ឞ្រី​តា​ប៝ន ឆ្យុម​មពារ់​កាលើ​ត្រោក មពោមពា​(ឆ្យុម)​ហូង​វើរ​តា​នែស លោស​ឞើស​ទូក​រី​ទាទេ​តឹង​នតីល​ពាង់​នើស​ដ៝ង់។
GEN 8:20 ជេសរី​នោអេ ​ឆ៝ៈ​លុ​តឹម​រាទាប់ គៃ​មា​ជាន​នតុក​ជាន​ឞ្រាស​មា​ឞ្រាស​យេហោវា ។ ពាង់​ឆ៝ៈ​បាៈ​មពោមពា​(ឆ្យុម)​ប៝ន​អាប់​នតីល​អី​កើប​ក្ល៝ស ឆ៝ៈ​បាៈ​ឆ្យុម​មពារ់​អាប់​នតីល​អី​កើប​ក្ល៝ស ពាង់​ញហើរ​នទើ​អី​នៃ គុច​ពូរ​មល៝ម់​តា​កាលើ​នតុក​ជាន​ឞ្រាស​រី។
GEN 8:21 ជេសរី​ឞ្រាស​យេហោវា ​រាម់​ងាន់​តា​នូយ្ស​នហ៝ម់​គែស​បោ​អី​នៃ ពាង់​មឹន​អេង​ពាង់នើម៖ “គ៝ប់​មោ​ហោម​អោស​រាតាប់​នែស​នតូ​យ៝រ​មា​នទើ​ក៝ន​ឞូនុយ្ស​ជឹត ឞ៝ល​លាស​នាវ​មឹន​ឞូនុយ្ស​អ្យើស​លែៈ​អើម​ឞើស​ជេៈ គ៝ប់​មោ​ហោម​អោស​លើស​ហេង​ជឹត​ទឹង​លែៈ​នទើ​អី​គែស​នាវ​រេស​កើត​គ៝ប់​មហែ​លើស​នើស។
GEN 8:22 ទោល​នែស​នតូ​ហោម​គែស ខៃ​តូច​ខៃ​តាម់ ខៃ​កាច់​ខៃ​រ៝យ្ស ខៃ​មីស​ខៃ​វាយ គែស​ទោស​គែស​នអីក គែស​នារ​គែស​មាង់ ពាង់​ហោម​គែស​នឹង​ទើម មោ​អោស​ឞ្លាវ​រ៝ស”។
GEN 9:1 ជេសរី​កោរាញ​ឞ្រាស​អ៝ន់​នាវ​គែស​ជេង​មា​នោអេ  នទ្រែល​មា​ពែ​នុយ្ស​ក៝ន​ឞូ​ក្លោ​ពាង់ កោរាញ​ឞ្រាស​លាស៖ “អ៝ន់​ឞាៈ​អ៝ស​រ៝ង​ក៝ន​ឞឹក​រឹ​លាម​នែស​នតូ​អ្យា!
GEN 9:2 គ៝ប់​អ៝ន់​ខាន់​មៃ​ជាន​កោរាញ​មា​ទឹង​លែៈ​នតីល​មពោមពា​(ឆ្យុម) ទឹង​លែៈ​ឆ្យុម​មពារ់​កាលើ​ត្រោក ទឹង​លែៈ​មពោមពា​(ឆ្យុម)​ហូង​វើរ​តា​នែស នទ្រែល​មា​ទឹង​លែៈ​នតីល​កឹត​កា​តា​ត្រោម​ទាក​វាច់​ទាក​វារ់ នតើម​ឞើស​អាបៃ​រី​ទឹង​លែៈ​មពោមពា​(ឆ្យុម)​អី​នៃ​ក្លាច​ញឆ៝រ់​ខាន់​មៃ​ទាទេ។
GEN 9:3 ទឹង​លែៈ​មពោមពា​(ឆ្យុម)​អី​គែស​នាវ​រេស​តា​នែស​នតូ​អ្យា អ៝ន់​មា​ខាន់​មរែ​ឆ៝ៈ​ជាន​ត្រាវ​ទាទេ គ៝ប់​អ៝ន់​ទឹង​លែៈ​នទើ​អ្យា​មា​ខាន់​មៃ​កើត​គ៝ប់​អ៝ន់​ត្រាវ​បាង់​មា​ខាន់​មៃ​នើស​ដ៝ង់។
GEN 9:4 តីស​មា​ឞ្វៃ​ឆា​ព្វាច់​អី​ហោម​គែស​មហាម​តា​ត្រោម​ឆាក់ យ៝រ​លាស​តា​មហាម​ជេង​នាវ​រេស​ពាង់។
GEN 9:5 ម៝ស​នទើ​អី​ងខឹត​ឞូនុយ្ស គ៝ប់​ដាៈ​ងខឹត​លើយ​នទើ​អី​នៃ កើត​គ៝ប់​ដាៈ​ឞូនុយ្ស​អី​ងខឹត​ឞូនុយ្ស​អ៝ន់​ត៝ម់​ខឹត​ឆាក់​តឹម​ឞាន​កើត​អី​នៃ​ដ៝ង់។
GEN 9:6 ឞូ​ម៝ស​ពាង់​អី​ញចាយ​មហាម​ឞូនុយ្ស ឞូ​មរា​ញចាយ​មហាម​នើម​អី​នៃ​មោ​ក្លាយ្ស​រ៝ យ៝រ​លាស​គ៝ប់​ញជេង​ឞូនុយ្ស​នើស​កើត​គ៝ប់​នើម​ងាន់​រ៝។
GEN 9:7 អាបៃ​អ្យា​គ៝ប់​អ៝ន់​ខាន់​មៃ​គែស​ក៝ន​គែស​ឆៅ​ឞឹក​រឹ​លាម​នែស​នតូ​អ្យា”។
GEN 9:8 កោរាញ​ឞ្រាស​ងើយ​ជឹត​មា​នោអេ  នទ្រែល​មា​លែៈ​ក៝ន​ពាង់៖
GEN 9:9 “អ្យាត់​យឹ អាបៃ​អ្យា​គ៝ប់​នើម​តឹម​រាង្លាប់​នទ្រែល​ខាន់​មៃ នហ៝​រ៝​ត៝ត់​ក៝ន​ត៝ត់​ឆៅ​ខាន់​មៃ​អា​កើយ​តៃ
GEN 9:10 នទ្រែល​មា​មពោមពា​(ឆ្យុម)​ទឹង​លែៈ​អី​គែស​នាវ​រេស​គុ​នទ្រែល​ខាន់​មៃ​នើស ឆ្យុម​មពារ់​កាលើ​ត្រោក មពោមពា​(ឆ្យុម)​តា​ឞ្រី​តា​ប៝ន ទឹង​លែៈ​មពោមពា​(ឆ្យុម)​ហោម​គែស​តា​នែស​នតូ​នទ្រែល​ខាន់​មៃ​អ្យា ងើយ​ទូ​ត៝ង​លាស​ទឹង​លែៈ​មពោមពា​(ឆ្យុម)​អី​លោស​តាៈ​ឞើស​ទូក​ក្វ៝ង់​អី​នៃ។
GEN 9:11 គ៝ប់​តឹម​រាង្លាប់​នទ្រែល​ខាន់​មៃ នទើ​គែស​នាវ​រេស​តា​នែស​នតូ​អ្យា​មោ​ហោម​អោស​គែស​ខឹត​រ៝ស​ហេង​លែៈ​យ៝រ​មា​ទាក​លេង​ទាក​ទើង​ឞុក​ជឹត មោ​ហោម​គែស​ទាក​លេង​ទាក​ទើង​មា​ឞុក​លែៈ​នែស​នតូ​ដ៝ង់”។
GEN 9:12 កោរាញ​ឞ្រាស​លាស​ជឹត៖ “គ៝ប់​អ៝ន់​នទើ​មឞេន​មា​ខាន់​មៃ​គឹត​នាល់​នាវ​តឹម​រាង្លាប់​គ៝ប់​នទ្រែល​ខាន់​មៃ នទ្រែល​មា​ទឹង​លែៈ​រាងោច​នទើ​អី​គែស​នាវ​រេស​គុ​នទ្រែល​ខាន់​មៃ នាវ​តឹម​រាង្លាប់​អ្យា​នហ៝​រ៝​អាប់​រានោក។
GEN 9:13 គ៝ប់​អ៝ន់​គែស​ឞេស​ចុង​តឹង​គ៝ប់​តា​កាលើ​ត្រោក គៃ​មា​ឆៃ​នទើ​មឞេន​អ៝ន់​គឹត​នាល់​នាវ​តឹម​រាង្លាប់​គ៝ប់​នទ្រែល​មា​នែស​នតូ។
GEN 9:14 លាស​គ៝ប់​អ៝ន់​គែស​តុក​តា​កាលើ​ត្រោក​អ្យា ជេសរី​ឞេស​ចុង​តឹង​លោស​តា​កាលើ​ត្រោក​នៃ‌
GEN 9:15 តា​នៃ​គ៝ប់​កាស​គឹត​នាវ​តឹម​រាង្លាប់​គ៝ប់​នទ្រែល​ខាន់​មៃ នទ្រែល​មា​លែៈ​រាងោច​នទើ​គែស​នាវ​រេស​តា​នែស​នតូ​អ្យា​ដ៝ង់។ ជេសរី​មោ​ហោម​អោស​គែស​ទាក​លេង​ទាក​ទើង​ឞុក​ខឹត​រ៝ស​ហេង​លែៈ​រាងោច​នទើ​ជឹត។
GEN 9:16 លាស​ឞេស​ចុង​តឹង​គុ​តា​កាលើ​ត្រោក គ៝ប់​អ្វាញ់​ពាង់ កាស​គឹត​នាវ​តឹម​រាង្លាប់​គ៝ប់​ហោម​នហ៝​រ៝ នទ្រែល​មា​លែៈ​រាងោច​នទើ​អី​ហោម​រេស​តា​នែស​នតូ​អ្យា”។
GEN 9:17 កោរាញ​ឞ្រាស​លាស​តៃ​មា​នោអេ ៖ “ឞេស​ចុង​តឹង​អី​នៃ​នទើ​មឞេន​អ៝ន់​គឹត​នាល់​នាវ​តឹម​រាង្លាប់​គ៝ប់​នទ្រែល​មា​ទឹង​លែៈ​នទើ​គែស​នាវ​រេស​តា​នែស​នតូ​អ្យា”។
GEN 9:18 ក៝ន​ឞូ​ក្លោ​នោអេ ​អី​លោស​តាៈ​ឞើស​ត្រោម​ទូក​នៃ រាញា​ខាន់​ពាង់​ឆិមហាម់  ជេសរី​យាផែត ។ ហាម់​អី​នៃ​អី​ឞឹ​កានាន ។
GEN 9:19 ពែ​នុយ្ស​ខាន់​ពាង់​អី​នៃ​អី​ក៝ន​នោអេ  លែៈ​ឞូនុយ្ស​លាម​នែស​នតូ​អ្យា​តាៈ​ឞើស​ខាន់​ពាង់​អី​នៃ។
GEN 9:20 ជេស​ទាក​លេង​ទាក​ទើង​នៃ នោអេ ​ឞូនុយ្ស​ជាន​មីរ ពាង់​ឞូនុយ្ស​ល៝រ​ឞូ​ឞាល់​ងាន់​តាម់​តើម​ព្លៃ​យុងយារ​ប៝ន​មា​ជាន​នទ្រាញ់។
GEN 9:21 គែស​ទូ​នារ​រី​ពាង់​ញេត​នទ្រាញ់​ព្លៃ​យុងយារ​ប៝ន​អី​នៃ​ត៝ត់​ញុល នហ៝​មា​ឞិច​លាហោក​លាហាក​តា​ចូន​ពាង់​នើម​រី។
GEN 9:22 ជេសរី​ហាម់ ​អី​ឞឹ​កានាន ​រី​នើស​ឆៃ​ឞឹ​ពាង់​ឞិច​លាហោក​លាហាក​តា​ចូន​កើត​នទ្រី ពាង់​លោស​ឞើស​នៃ​ហាន់​មឞើស​អី​អ៝ស​នោ​ពាង់​រី។
GEN 9:23 ជេសរី​អី​អ៝ស​នោ​រី​ឆ៝ៈ​ទូ​ឞ្លាស​ឞ៝ក​មអាក់​តា​មលីក​ខាន់​ពាង់​នើម ជេសរី​ឞ្រោៈ​ងកើយៗ​ងកុម​ឞ៝ក​អី​នៃ​ឞើស​លើ​អី​ឞឹ​រី។ ឞារ​ហៃ​ខាន់​ពាង់​អី​នៃ​មោ​អោស​រាលែ​មាត់​ជឹត​អី​ឞឹ​រី កើត​នទ្រី​ទឹង​ខាន់​ពាង់​មោ​ឆៃ​អី​ឞឹ​លាហោក។
GEN 9:24 ត៝ត់​អី​ឞឹ​លែៈ​អាយ្ស ពាង់​គឹត​នាវ​ក៝ន​អី​ជេៈ​ជាន​មា​ពាង់​នើស
GEN 9:25 ជេសរី​ពាង់​លាស៖ “កានាន ​លែៈ​គែស​នាវ​រាតាប់​ជេស! អ៝ន់​ពាង់​គុ​ជាន​ទឹក​តា​ន៝ម់​ឞូ​មា​អី​អ៝ស​នោ​ពាង់​នើម”។
GEN 9:26 ពាង់​លាស​ជឹត៖ “រានេ​មា​ឞ្រាស​យេហោវា ​អី​ឞ្រាស​ឆិម  ជេសរី​អ៝ន់​កានាន ​អី​នៃ​មា​គុ​ជាន​ទឹក​ពាង់
GEN 9:27 ទាន់​កោរាញ​ឞ្រាស​អ៝ន់​នែស​ហ្វី​មា​យាផែត  ជេសរី​រ៝ម​ពាង់​គុ​នទ្រែល​ឆិម ​នើម អី​កានាន ​រី​អ៝ន់​ជាន​ទឹក​យាផែត​នៃ”។
GEN 9:28 ជេស​ទាក​លេង​ទាក​ទើង​នៃ នោអេ ​គុ​រេស​គែស ៣៥០ នាម់​ជឹត។
GEN 9:29 នោអេ ​រេស​ទឹង​លែៈ​រាងោច​គែស ៩៥០ នាម់ ជេសរី​ពាង់​ខឹត។
GEN 10:1 អ្យា​នាវ​ងក៝ច​រាន៝យ​ទែស​ឆិម ហាម់  នទ្រែល​មា​យាផែត ​អី​ក៝ន​នោអេ ​នៃ​នើស។ ជេស​ទាក​លេង​ទាក​ទើង​អី​នៃ ខាន់​ពាង់​ពែ​នុយ្ស​អី​នៃ​ឞាៈ​អ៝ស​ឞាៈ​ក៝ន​កើត​នអា៖
GEN 10:2 អី​ក៝ន​ឞូ​ក្លោ​យាផែត  ខាន់​ពាង់​គែស​រាញា​កោមើរ មាកុកមាដាយយាវានតូបាលមេឆេក  នទ្រែល​មា​តីរាស ​។ ទឹង​លែៈ​អី​ក៝ន​ឆៅ​ឞើស​កើយ​ឞើស​កើយ ខាន់​ពាង់​ឆ៝ៈ​ទឹង​លែៈ​រាញា​អី​នៃ​មា​ជេង​រាញា​មពោល​ខាន់​ពាង់។
GEN 10:3 ជេសរី​អី​ក៝ន​ឞូ​ក្លោ​កោមើរ  ខាន់​ពាង់​គែស​រាញា​អាសកេនាសរីផាត  នទ្រែល​មា​តូការមា ។
GEN 10:4 អី​ក៝ន​ឞូ​ក្លោ​យាវាន ​ជឹត ខាន់​ពាង់​គែស​រាញា​អេលីឆាតាឆើសកីតីម  នទ្រែល​មា​ដោដានីម ។
GEN 10:5 ខាន់​ពាង់​អី​នៃ​អី​អូ​ចែ​មពោល​ឞូនុយ្ស​អេងៗ​គុ​រ៝ៈ​ទាក​វាច់​ទាក​វារ់។ ខាន់​ពាង់​ញចាស​មពោល​អេងៗ តឹង​រានាក់​វ៝ល់ តឹង​នាវ​ងើយ តឹង​ទាក​ខាន់​ពាង់​នើម។
GEN 10:6 អី​ក៝ន​ឞូ​ក្លោ​ហាម់ ​ជឹត ខាន់​ពាង់​គែស​រាញា​កុសអេឆីប ពូត នទ្រែល​មា​កានាន ។ ទឹង​លែៈ​អី​ក៝ន​ឆៅ​ឞើស​កើយ​ឞើស​កើយ ខាន់​ពាង់​ឆ៝ៈ​ទឹង​លែៈ​រាញា​អី​នៃ​មា​ជេង​រាញា​មពោល​ខាន់​ពាង់។
GEN 10:7 អី​ក៝ន​ឞូ​ក្លោ​កុស  ខាន់​ពាង់​គែស​រាញា​ចេបាហាវីលាឆាបតារាមា  នទ្រែល​មា​ឆាបតិកា ។ អី​ក៝ន​ឞូ​ក្លោ​រាមា  ពាង់​គែស​រាញា​ឆេបា  នទ្រែល​មា​ដេដាន ។
GEN 10:8 ជេសរី​កុស ​ឞាៈ​ទូ​ហ្វេ​ក៝ន​ជឹត​គែស​រាញា​និមរោត  ពាង់​អី​នៃ​អី​ឞូនុយ្ស​ល៝រ​ឞូ​ឞាល់​ជេង​កោរាញ​ម៝ត់​អ្វាញ់​ទាង់​ងាន់​តា​នែស​នតូ​អ្យា។
GEN 10:9 ពាង់​ជេង​ឞូនុយ្ស​ឞ្រែន​ទុត​អ្វែស​ដ៝ង់​តា​នាប់​មាត់​ឞ្រាស​យេហោវា  នទ្រី​ទឹង​ឞូ​វៃ​លាស៖ «មៃ​ឞ្រែន​ទុត​អ្វែស​តឹម​ឞាន​មា​និមរោត ​តា​នាប់​មាត់​ឞ្រាស​យេហោវា »។
GEN 10:10 នតើម​នើស​ពាង់​គុ​ម៝ត់​អ្វាញ់​តា​ប៝ន​បាបីល  ប៝ន​អេរេក  ប៝ន​អាកាត  នទ្រែល​មា​ប៝ន​កាល់នេ  តា​ឞ្រី​ឆីនើរ ។
GEN 10:11 ជេស​ឞើស​នៃ​ពាង់​លោស​ហាន់​ជឹត​ឞ្រី​អាឆើរ  ត៝ត់​តា​ឞ្រី​អាឆើរ ​រី​ពាង់​ជាន​ប៝ន​នីនីវេ  ប៝ន​រេហូបុត  ប៝ន​កាលាស
GEN 10:12 នទ្រែល​មា​ប៝ន​រេឆែន  ប៝ន​អី​នៃ​ក្វ៝ង់​ងាន់​វាស​វាង​ប៝ន​នីនីវេ ​មា​ប៝ន​កាលាស ។
GEN 10:13 អី​ក៝ន​ឆៅ​អេឆីប ​អី​រី​ជឹត​ជេង​មពោល​លូដីម  មពោល​អានាមីម  មពោល​លេហាបីម  មពោល​នាប់ថូហីម
GEN 10:14 មពោល​ពាត្រូឆីម  មពោល​កាសលូហីម  នទ្រែល​មា​មពោល​កាប់ថ៝រីម  មពោល​កាសលូហីម ​អី​នៃ​ជេង​ផូង​អូ​ចែ​មពោល​ផាលីសតីន ។
GEN 10:15 ជេសរី​អី​កានាន ​អី​រី​ឞាៈ​ឆីដោន ​ក៝ន​ទាក​ឞោក ជេសរី​ឞាៈ​ហេត
GEN 10:16 នទ្រែល​មា​មពោល​យេបូឆីត  មពោល​អាមោរី  មពោល​គីរកាឆីត
GEN 10:17 មពោល​ហីវី  មពោល​អារ់កីត  មពោល​ឆីនីត
GEN 10:18 មពោល​អារ់វាតីត  មពោល​ឆេមារីត  នទ្រែល​មា​មពោល​ហាមាថីត ។ ជេសរី​មពោល​កានាន ​ហាន់​គុ​នតុក​អេងៗ​ឞាល់។
GEN 10:19 ឞ្រី​ទាក​ខាន់​ពាង់ នតើម​ឞើស​ប៝ន​ឆីដោន ​ត៝ត់​មា​ប៝ន​កេរារ ​អី​ទាច់​ប៝ន​កាឆា  នហ៝​មា​ត៝ត់​ប៝ន​ឆោដុម  ប៝ន​កោមោរា  ប៝ន​អាតមា  នទ្រែល​មា​ប៝ន​ឆេប៝យីម  ជេសរី​នហ៝​មា​ត៝ត់​អា​ប៝ន​លាឆា​រី។
GEN 10:20 នទ្រី​រាន៝យ​ទែស​ហាម់  ពាង់​គុ​តឹង​រានាក់​វ៝ល់ តឹង​នាវ​ងើយ តឹង​ឞ្រី តឹង​ទាក​ខាន់​ពាង់​នើម។
GEN 10:21 ជេសរី​ឆិម ​អី​នោ​យាផែត ​រី​ពាង់​ឞាៈ​អ៝ស​ឞាៈ​ក៝ន​ដ៝ង់។ ពាង់​អី​នៃ​អី​អូ​ចែ​មពោល​អេបែរ ។
GEN 10:22 ក៝ន​ពាង់​គែស​រាញា​អេលាមអាសឆើរអារពាក់ឆាតលូត  ជេសរី​អារាម ។
GEN 10:23 អារាម ​ឞាៈ​អុស  ឞាៈ​ហូល  ឞាៈ​កេថើរ  នទ្រែល​មា​ឞាៈ​មាស ។
GEN 10:24 អារពាក់ឆាត ​ឞាៈ​ឆេលាសឆេលាស ​ឞាៈ​អេបែរ ។
GEN 10:25 អេបែរ ​ឞាៈ​ក៝ន​ឞូ​ក្លោ​ឞារ​ហៃ អី​នោ​រាញា​ផេលេក  រាញា​អី​នៃ​រាឞ្លាង​លាស​«ចាស​ច្រាយ​ឞាល់» យ៝រ​លាស​នោក​នៃ​ឞូនុយ្ស​តា​នែស​នតូ​អ្យា​គុ​ចាស​ច្រាយ​ឞាល់។ អី​អ៝ស​ពាង់​រាញា​យុកថាន ។
GEN 10:26 យុកថាន ​ឞាៈ​អាល់មោដាត  ឞាៈ​ឆេលេប  ឞាៈ​ហាឆារមាវេត  ឞាៈ​យេរាស
GEN 10:27 ឞាៈ​ហាដោរាម  ឞាៈ​អូឆាល  ឞាៈ​ដិកលា
GEN 10:28 ឞាៈ​អោបាល  ឞាៈ​អាបីមាអែល  ឞាៈ​ឆេបា
GEN 10:29 ឞាៈ​អោផីរ  ឞាៈ​ហាវីលា  នទ្រែល​មា​ឞាៈ​យោបាប ។ ទឹង​លែៈ​ខាន់​ពាង់​អី​នៃ​ក៝ន​យុកថាន ​ទាទេ។
GEN 10:30 ឞ្រី​ទាក​ខាន់​ពាង់​គុ​រេស​នតើម​ឞើស​ឞ្រី​មេឆា ​នហ៝​មា​ត៝ត់​នតុក​យោក​ឞ្រី​ឆេផារ ​អី​មពែស​មា​លោស​នារ​នៃ។
GEN 10:31 អី​នៃ​រាន៝យ​ទែស​ឆិម  ពាង់​គុ​តឹង​រានាក់​វ៝ល់ តឹង​នាវ​ងើយ តឹង​ឞ្រី តឹង​ទាក​ខាន់​ពាង់​នើម។
GEN 10:32 លែៈ​អី​នៃ​នើស​រាន៝យ​ទែស​អី​ក៝ន​នោអេ ​ពែ​នុយ្ស តឹង​រាន៝យ​ទែស​តឹង​ឞ្រី​ខាន់​ពាង់​នើម។ ជេស​ទាក​លេង​ទាក​ទើង​នៃ​នើស ខាន់​ពាង់​ចាស​ច្រាយ​កើត​នៃ ទឹង​គែស​មា​ជេង​លែៈ​ឞ្រី​ទាក​អេងៗ​តា​នែស​នតូ​អ្យា។
GEN 11:1 នោក​កាល់​អែ​នើស​ទឹង​លែៈ​ឞូនុយ្ស​តា​នែស​នតូ​អ្យា​ទូ​នាវ​ងើយ​ទើម មឞើស​ងើយ​តឹម​ឞាន​ឞាល់។
GEN 11:2 ជេសរី​ខាន់​ពាង់​នត្រើន​នតុក​ឞើស​លោស​នារ ត៝ត់​តា​នតុក​ល៝ង់​តា​ឞ្រី​ឆីនើរ  ខាន់​ពាង់​គុ​ជាន​ប៝ន​តា​នៃ។
GEN 11:3 ខាន់​ពាង់​តឹម​លាស​នទ្រាង់​ខាន់​ពាង់​នើម៖ “ហោៈ​ឞ៝ន់ លែវ​ឞាល់​ម៝ន​នែស​គុច អ៝ន់​ពាង់​មា​ក្រ៝ស​អ៝ន់​ទាង់”។ ជេសរី​ខាន់​ពាង់​ឆ៝ៈ​នែស​អី​គុច​នៃ​មា​ជាន​ជៃ ឆ៝ៈ​ចាយ​ក្រាក់​មា​ជាន​នទើ​លឹរ​មា​ក្រេប។
GEN 11:4 ជេសរី​ខាន់​ពាង់​លាស៖ “អ៝ន់​ឞ៝ន់​ជាន​ទូ​ប៝ន​ក្វ៝ង់ ជេសរី​ជាន​ទូ​មល៝ម់​ជៃ​អ៝ន់​ទុត​ព្រេស​ប្លឺវ​ត៝ត់​អា​ត្រោក​ងាន់ អ៝ន់​ឞូ​លឺ​ឞ៝ន់ រី​មើ​ឞ៝ន់​មោ​អោស​ចាស​ច្រាយ​លាម​នែស​នតូ​អ្យា”។
GEN 11:5 ជេស​ខាន់​ពាង់​ជាន​ជៃ​ទុត​ព្រេស​អី​នៃ ឞ្រាស​យេហោវា ​ជុរ​អ្វាញ់​ប៝ន នទ្រែល​មា​ជៃ​ព្រេស​អី​ឞូនុយ្ស​ជាន​អី​នៃ
GEN 11:6 ជេសរី​ឞ្រាស​យេហោវា ​លាស​អេង​ពាង់នើម៖ “យី! ខាន់​ពាង់​អ្យា​ជេង​ទូ​មពោល​ទើម មឞើស​ងើយ​ទូ​នាវ​ងើយ​ទើម​ដ៝ង់ លាស​ឞ្លាវ​ជាន​អ្យា​អាបៃ​រី តា​ជឹត​នាប់​តៃ​ខាន់​ពាង់​ទើយ​ជាន​ដ៝ង់​ម៝ស​នទើ​អី​ខាន់​ពាង់​អុច។
GEN 11:7 លាស​នទ្រី​ឞ៝ន់​ជុរ​ជាន​វិ​លើយ​នាវ​ងើយ​ខាន់​ពាង់​ប៝ត់ លើយ​ហោម​អោស​អ៝ន់​ខាន់​ពាង់​តឹម​គឹត​ងើយ​ជឹត​នាប់​តៃ”។
GEN 11:8 ជេសរី​ឞ្រាស​យេហោវា ​អ៝ន់​ខាន់​ពាង់​ចាស​ច្រាយ​ឞាល់​ទូ​ងាយ​តាៈ​ឞើស​នតុក​អី​នៃ ទឹង​គែស​លាម​នែស​នតូ​អ្យា នទ្រី​ខាន់​ពាង់​ឞាស​ជាន​ប៝ន​តា​នតុក​អី​នៃ​ជឹត។
GEN 11:9 កើត​នទ្រី​ទឹង​ឞូ​តេៈ​រាញា​ប៝ន​អី​នៃ​លាស បាបីល  រាឞ្លាង​លាស​«វិ» យ៝រ​លាស​តា​នតុក​អី​នៃ​អី​ឞ្រាស​យេហោវា ​ជាន​វិ​នាវ​ងើយ​អ៝ន់​ឞូនុយ្ស​ទឹង​លែៈ​តា​នែស​នតូ​អ្យា​ងើយ​តឹម​តីស​ឞាល់ អ៝ន់​ឞូនុយ្ស​ចាស​ច្រាយ​ឞាល់​តាៈ​ឞើស​នតុក​នៃ​ទឹង​គែស​លាម​នែស​នតូ​អ្យា។
GEN 11:10 អ្យា​នាវ​ងក៝ច​រាន៝យ​ទែស​ឆិម ។ ត៝ត់​ឆិម ​គែស ១០០ នាម់​ពាង់​ឞាៈ​អារពាក់ឆាត  នាម់​អី​នៃ​លែៈ​គែស​ឞារ​នាម់ ជេស​ទាក​លេង​ទាក​ទើង​ក្វ៝ង់​អី​នៃ​នើស។
GEN 11:11 ជេស​ពាង់​ឞាៈ​អារពាក់ឆាត ​រី ពាង់​រេស​គែស ៥០០ នាម់​ជឹត នហ៝​ឞាៈ​អ៝ស​ឞាៈ​ក៝ន គែស​ក៝ន​ឞូ​អូរ​ក៝ន​ឞូ​ក្លោ​ដ៝ង់។
GEN 11:12 ត៝ត់​អារពាក់ឆាត ​គែស ៣៥ នាម់ ពាង់​ឞាៈ​ឆេលាស ។
GEN 11:13 ជេស​ពាង់​ឞាៈ​ឆេលាស  ពាង់​រេស​គែស ៤០៣ នាម់​ជឹត នហ៝​ឞាៈ​អ៝ស​ឞាៈ​ក៝ន គែស​ក៝ន​ឞូ​អូរ​ក៝ន​ឞូ​ក្លោ​ដ៝ង់។
GEN 11:14 ត៝ត់​ឆេលាស ​គែស ៣០ នាម់ ពាង់​ឞាៈ​អេបែរ ។
GEN 11:15 ជេស​ពាង់​ឞាៈ​អេបែរ ​រី ពាង់​រេស​គែស ៤០៣ នាម់​ជឹត នហ៝​ឞាៈ​អ៝ស​ឞាៈ​ក៝ន គែស​ក៝ន​ឞូ​អូរ​ក៝ន​ឞូ​ក្លោ​ដ៝ង់។
GEN 11:16 ត៝ត់​អេបែរ ​គែស ៣៤ នាម់ ពាង់​ឞាៈ​ផេលេក ។
GEN 11:17 ជេស​ពាង់​ឞាៈ​ផេលេក ​រី ពាង់​រេស​គែស ៤៣០ នាម់​ជឹត នហ៝​ឞាៈ​អ៝ស​ឞាៈ​ក៝ន គែស​ក៝ន​ឞូ​អូរ​ក៝ន​ឞូ​ក្លោ​ដ៝ង់។
GEN 11:18 ត៝ត់​ផេលេក ​គែស ៣០ នាម់ ពាង់​ឞាៈ​រេអូ ។
GEN 11:19 ជេស​ពាង់​ឞាៈ​រេអូ ​រី ពាង់​រេស​គែស ២០៩ នាម់​ជឹត នហ៝​ឞាៈ​អ៝ស​ឞាៈ​ក៝ន គែស​ក៝ន​ឞូ​អូរ​ក៝ន​ឞូ​ក្លោ​ដ៝ង់។
GEN 11:20 ត៝ត់​រេអូ ​គែស ៣២ នាម់ ពាង់​ឞាៈ​ឆេរូក ។
GEN 11:21 ជេស​ពាង់​ឞាៈ​ឆេរូក ​រី ពាង់​រេស​គែស ២០៧ នាម់​ជឹត នហ៝​ឞាៈ​អ៝ស​ឞាៈ​ក៝ន គែស​ក៝ន​ឞូ​អូរ​ក៝ន​ឞូ​ក្លោ​ដ៝ង់។
GEN 11:22 ត៝ត់​ឆេរូក ​គែស ៣០ នាម់ ពាង់​ឞាៈ​នាហោរ ។
GEN 11:23 ជេស​ពាង់​ឞាៈ​នាហោរ ​រី ពាង់​រេស​គែស ២០០ នាម់​ជឹត នហ៝​ឞាៈ​អ៝ស​ឞាៈ​ក៝ន គែស​ក៝ន​ឞូ​អូរ​ក៝ន​ឞូ​ក្លោ​ដ៝ង់។
GEN 11:24 ត៝ត់​នាហោរ ​គែស ២៩ នាម់ ពាង់​ឞាៈ​ថេរា ។
GEN 11:25 ជេស​ពាង់​ឞាៈ​ថេរា ​រី ពាង់​រេស​គែស ១១៩ នាម់​ជឹត នហ៝​ឞាៈ​អ៝ស​ឞាៈ​ក៝ន គែស​ក៝ន​ឞូ​អូរ​ក៝ន​ឞូ​ក្លោ​ដ៝ង់។
GEN 11:26 ត៝ត់​ថេរា ​គែស ៧០ នាម់ ពាង់​ឞាៈ​អាប់រាម  ឞាៈ​នាហោរ  នទ្រែល​មា​ឞាៈ​ហារាន ។
GEN 11:27 អ្យា​ជេង​នាវ​ងក៝ច​រាន៝យ​ទែស​ថេរា ។ ថេរា ​ឞាៈ​អាប់រាម  ឞាៈ​នាហោរ  នទ្រែល​មា​ឞាៈ​ហារាន ។ ជេសរី​ហារាន ​ឞាៈ​លុត ។
GEN 11:28 ហារាន ​ខឹត​តា​ប៝ន​អូរ ​តា​ឞ្រី​ខាលដេ  នតុក​ឞ្រី​ពាង់​នើម ទោល​អី​ឞឹ​ពាង់​ថេរា ​ហោម​រេស​ដ៝ង់។
GEN 11:29 អាប់រាម  នទ្រែល​មា​នាហោរ ​អី​អ៝ស​ពាង់​រី ខាន់​ពាង់​ឆ៝ៈ​អូរ។ អី​អូរ​អាប់រាម ​រាញា​ឆារាយ  អី​អូរ​នាហោរ ​រី​រាញា​មីលកា ​អី​ក៝ន​ហារាន ហារាន ​អី​រី​អី​ឞឹ​ក៝ន​ឞូ​អូរ​មីលកា  នទ្រែល​មា​អីសកា ។
GEN 11:30 ល៝ង់​ឆារាយ ​អី​អូរ​អាប់រាម ​នៃ ជេង​ឞូ​អូរ​មោ​អោស​ឞាៈ​ក៝ន ពាង់​មោ​គែស​ក៝ន​វាៈ។
GEN 11:31 ជេសរី​ថេរា ​លែវ​អាប់រាម ​អី​ក៝ន​ពាង់​នើម​រី នទ្រែល​មា​អី​ឆៅ​លុត ​ពាង់​រី អី​ក៝ន​ហារាន ​រី​នើស ជេសរី​ឆារាយ ​អី​មាន់​ពាង់​នើម​រី​ដ៝ង់ ខាន់​ពាង់​លោស​តាៈ​ឞើស​ប៝ន​អូរ ​ឞ្រី​ខាលដេ ​នៃ ហាន់​ជឹត​ឞ្រី​កានាន ។ ត៝ត់​តា​ប៝ន​ចារាន ​រី ខាន់​ពាង់​ជាន​នតុក​មា​គុ​តា​ប៝ន​នៃ អេ​អោស​ត៝ត់​តា​ឞ្រី​កានាន ។
GEN 11:32 ថេរា ​រេស​គែស ២០៥ នាម់ ជេសរី​ខឹត ពាង់​ខឹត​តា​ប៝ន​ចារាន ​នៃ។
GEN 12:1 ជេសរី​ឞ្រាស​យេហោវា​លាស​មា​អាប់រាម ​កើត​នអា៖ “មៃ​ទូ​លោស​ហ៝ម់​ឞើស​ឞ្រី​មៃ​នើម ឞើស​នទុល​មពោល​មៃ​នើម នទ្រែល​មា​ឞើស​រានាក់​វ៝ល់​ឞឹ​មៃ​នើម ជេសរី​ហាន់​គុ​តា​ឞ្រី​គ៝ប់​ញហើ​មា​មៃ​នៃ។
GEN 12:2 គ៝ប់​អ៝ន់​មៃ​គែស​រាន៝យ​ទែស​អ៝ក់ អ៝ន់​ខាន់​ពាង់​ជេង​ទូ​ផូង​ទុត​ក្វ៝ង់ គ៝ប់​អ៝ន់​មៃ​គែស​ជេង នទ្រែល​មា​អ៝ន់​ឞូ​លឺ​ឆាក់​មៃ កើត​នទ្រី​ទឹង​មៃ​ជេង​ឞូនុយ្ស​អ៝ន់​គែស​ជេង​មា​ឞូ​ដ៝ង់។
GEN 12:3 គ៝ប់​អ៝ន់​គែស​ជេង​មា​ឞូ​ម៝ស​អី​អ៝ន់​គែស​ជេង​មា​មៃ គ៝ប់​រាតាប់​ដ៝ង់​មា​ឞូ​ម៝ស​អី​រាតាប់​មៃ ទឹង​លែៈ​រានាក់​វ៝ល់​ឞូនុយ្ស​តា​នែស​នតូ​អ្យា គែស​ជេង​តាៈ​ឞើស​មៃ​ទាទេ”។
GEN 12:4 ជេស​ឞ្រាស​យេហោវា​ដាៈ​អាប់រាម​កើត​នៃ ពាង់​ជាន​តឹង​រ៝ ពាង់​ទូ​លោស​ឞើស​ប៝ន​ចារាន  ជេសរី​អី​ម៝ន​ពាង់​លុត ​ហាន់​នទ្រែល​ដ៝ង់។ ទោល​អាប់រាម ​ទូ​លោស​ឞើស​នតុក​នៃ ពាង់​លែៈ​គែស ៧៥ នាម់។
GEN 12:5 ពាង់ អី​អូរ​ឆារាយ ​ពាង់ អី​ម៝ន​លុត ​ពាង់ នទ្រែល​មា​លែៈ​ទ្រាប់​នទើ​ពាង់​គែស នអ៝ប់​មា​ផូង​ឞូនុយ្ស​អី​នតើម​ជាន​ការ​មា​ពាង់​តា​ប៝ន​ចារាន ​នៃ​នើស ពាង់​ញអោត​ហាន់​ជឹត​ឞ្រី​កានាន ​រី​ទាទេ។ លែៈ​ត៝ត់​តា​ឞ្រី​កានាន ​រី
GEN 12:6 អាប់រាម ​ហាន់​គ្លាត់​រ៝ៈ​ឞ្រី​នៃ​ត៝ត់​តា​តើម​ជ្រី​អី​ឞូ​រាញា​មោរេ  ទាច់​មា​ប៝ន​ឆីកែម ។ ទោល​នៃ​ផូង​កានាន​គុ​តា​ឞ្រី​ទាក​នៃ។
GEN 12:7 ជេសរី​ឞ្រាស​យេហោវា​តឹម​មពើល​អ៝ន់​មា​អាប់រាម ​ឆៃ ពាង់​លាស៖ “គ៝ប់​អ៝ន់​ឞ្រី​ទាក​អ្យា​មា​ផូង​រាន៝យ​ទែស​មៃ”។ ជេសរី​អាប់រាម ​ជាន​ទូ​នតុក​មា​ជាន​ឞ្រាស​តា​នតុក​នៃ​គៃ​មា​ញហើរ​មា​ឞ្រាស​យេហោវា​អី​លែៈ​តឹម​មពើល​អ៝ន់​ពាង់​ឆៃ​រី​នើស។
GEN 12:8 ជេសរី​ពាង់​ហាន់​ជឹត ហាន់​តា​នតុក​យោក​មពែស​ឞើស​លោស​នារ​ប៝ន​បេតអែល ពាង់​ជាន​ចូន​គុ​តា​នតុក​នៃ ពាង់​គុ​វាស​វាង​ប៝ន​បេតអែល ដាស​មា​ប៝ន​អាយ គែស​មពែស​ឞើស​លោស​នារ​មា​ប៝ន​បេតអែល។ គែស​មពែស​ឞើស​ញ៝ប់​នារ​មា​ប៝ន​អាយ តា​នតុក​នៃ​ពាង់​ជាន​ទូ​នតុក​ជឹត​មា​ជាន​ឞ្រាស​មា​ឞ្រាស​យេហោវា ជេសរី​ពាង់​យើក​មឞាស​មា​ឞ្រាស​យេហោវា​។
GEN 12:9 ជេសរី​ពាង់​ហាន់​ងាន់ ត៝ត់​តា​ឞ្រី​នេកិប។
GEN 12:10 នោក​នៃ​តា​ឞ្រី​កានាន​គែស​នាវ​ជី​ឆ៝ត់​ជី​ង៝ត យ៝រ​រី​អាប់រាម​ហាន់​គុ​តា​ឞ្រី​អេឆីប  យ៝រ​លាស​នាវ​ជី​ឆ៝ត់​ជី​ង៝ត​តា​ឞ្រី​កានាន​នៃ​ហោ​ងាន់។
GEN 12:11 ទោល​ពាង់​ហាន់​ឞើយ​ត៝ត់​តា​ឞ្រី​អេឆីប  ពាង់​លាស​មា​អូរ​ពាង់៖ “គ៝ប់​គឹត​អៃ​អ្យា​ជេង​ឞូ​អូរ​អ្វែស​រែស​ងាន់។
GEN 12:12 ត៝ត់​ផូង​អេឆីប ​ឆៃ​អៃ ឞូ​លាស​អៃ​ជេង​អូរ​គ៝ប់ លាស​នទ្រី​ឞូ​មរា​ងខឹត​លើយ​គ៝ប់ ហោម​រ៝ង​អៃ​រេស។
GEN 12:13 លាស​នទ្រី​អ៝ន់​អៃ​មឞើស​មា​ឞូ​លាស អៃ​ជេង​អ៝ស​គ៝ប់ គៃ​មា​ឞូ​ជាន​អ្វែស​មា​គ៝ប់​យ៝រ​តាៈ​ឞើស​អៃ ជេសរី​ឞូ​រ៝ង​គ៝ប់​រេស​យ៝រ​តាៈ​ឞើស​អៃ​ដ៝ង់”។
GEN 12:14 ត៝ត់​តា​ឞ្រី​អេឆីប​រី ផូង​អេឆីប ​ឆៃ​អូរ​អាប់រាម​អ្វែស​រែស​ងាន់។
GEN 12:15 ផូង​កោរាញ​កាដាច់​ផារ៝ន​នើម​ឆៃ​ពាង់​ដ៝ង់ ខាន់​ពាង់​រានេ​អ្វែស​ឆារាយ ​រី​មឞើស​មា​ផារ៝ន ជេសរី​ឞូ​លែវ​ពាង់​ញជុន​តា​ញីស​កាដាច់​ផារ៝ន​រី។
GEN 12:16 ល៝ង់​អី​អាប់រាម​រី ផារ៝ន​ជាន​អ្វែស​មា​ពាង់​ងាន់​យ៝រ​តាៈ​មា​អូរ​ឆារាយ ​ពាង់​រី ផារ៝ន​អ៝ន់​ទឹក​ឞូ​អូរ​ទឹក​ឞូ​ក្លោ​មា​ពាង់ អ៝ន់​ឞែ​ឞ្យាប់ អ៝ន់​នទ្រោក​ងក្វ៝ង់ អ៝ន់​ឆែស​លៀ​មែ​ដ៝ង់ ឆែស​លៀ​ងក្វ៝ង់​ដ៝ង់ នទ្រែល​មា​អ៝ន់​ឆែស​ឆាមោ។
GEN 12:17 យើន​មា​ឞ្រាស​យេហោវា​ជាន​អ៝ន់​នាវ​ជី​ក្វ៝ង់​ងាន់​មា​ផារ៝ន នទ្រែល​មា​ឞូនុយ្ស​ទឹង​លែៈ​តា​ញីស​ពាង់ យ៝រ​មា​ឆារាយ ​អី​អូរ​អាប់រាម​នៃ។
GEN 12:18 ជេសរី​ផារ៝ន​ក្វាល់​អាប់រាម ​លាស​ពាង់៖ “ម៝ស​កោៈ​មៃ​ជាន​មា​គ៝ប់​កើត​នអា​មេស? ខ៝ន់​មៃ​មា​មឞើស​ឆ៝ង់​មា​គ៝ប់ ឞូ​អូរ​អ្យា​ជេង​អូរ​មៃ!
GEN 12:19 ម៝ស​ទឹង​មៃ​លាស​ពាង់​ជេង​អ៝ស​មៃ ជាន​អ៝ន់​គ៝ប់​ឆ៝ៈ​ពាង់​ជាន​អូរ​ច្រាវ? អឺស​អូរ​មៃ ញឆឹត​មរែ​អា​រី ទូ​ឞើស​នតុក​អ្យា​ហ៝ម់!”
GEN 12:20 ជេសរី​ផារ៝ន​ដាៈ​តាហែន​ពាង់​ញជុន​អាប់រាម  នទ្រែល​មា​អូរ​ពាង់ នអ៝ប់​មា​លែៈ​ទ្រាប់​នទើ​ពាង់​គែស​ទូ​លោស​ឞើស​ឞ្រី​នៃ។
GEN 13:1 ជេសរី​អាប់រាម ​នទ្រែល​មា​អូរ​ពាង់​លោស​ឞើស​ឞ្រី​អេឆីប ​ព្លឹ​ឆឹត​តៃ​តា​ឞ្រី​នេកិប លែៈ​ទ្រាប់​នទើ​ពាង់​គែស ញអោត​លែវ​នទ្រែល​ពាង់​នើម​ទាទេ។ លុត ​ហាន់​នទ្រែល​ពាង់​ដ៝ង់។
GEN 13:2 អាប់រាម​គែស​មពោមពា​(ឆ្យុម) នទ្រែល​មា​ព្រាក់​មាយ្ស​អ៝ក់​ងាន់។
GEN 13:3 ពាង់​លោស​ឞើស​ឞ្រី​នេកិប​នៃ ត៝ត់​តា​ប៝ន​បេតអែល​នតុក​ពាង់​គុ​ជាន​ចូន​អា​ល៝រ​នើស តា​វាស​វាង​ប៝ន​បេតអែល ដាស​មា​ប៝ន​អាយ​នៃ
GEN 13:4 ជេសរី​ពាង់​មឞើស​ឆើម​ក្វាល់​ឞ្រាស​យេហោវា​តា​នតុក​ពាង់​លែៈ​ជាន​នតុក​មា​ជាន​ឞ្រាស​អា​ល៝រ​រី​នើស។
GEN 13:5 លុត ​អី​វៃ​ហាន់​នទ្រែល​មា​អាប់រាម​រី ពាង់​គែស​ឞែ​ឞ្យាប់​ផូង គែស​នទ្រោក​ផូង នទ្រែល​មា​គែស​ចូន​អ៝ក់ តឹម​ឞាន​មា​អាប់រាម​ដ៝ង់។
GEN 13:6 តា​ឞ្រី​នៃ​មោ​អោស​ត៝ង់​មពា​មា​អ៝ន់​មពោមពា​(ឆ្យុម)​ឞារ​ហៃ​ខាន់​ពាង់ យ៝រ​លាស​ខាន់​ពាង់​គែស​មពោមពា​(ឆ្យុម)​ទ្រាប់​នទើ​អ៝ក់​ងាន់ នទ្រី​ទឹង​ខាន់​ពាង់​មោ​ហោម​អោស​ឞ្លាវ​គុ​នទ្រែល
GEN 13:7 គែស​នាវ​តឹម​ល៝ក់​ឞាល់​ផូង​ច្យាប់​អាប់រាម ​នទ្រែល​មា​ផូង​ច្យាប់​លុត ។ រានោក​នៃ​ផូង​កានាន នទ្រែល​មា​ផូង​ពេរិឆីត​គុ​តា​ឞ្រី​នៃ​ដ៝ង់។
GEN 13:8 ជេសរី​អាប់រាម​លាស​មា​លុត ៖ “អើ​ម៝ន លើយ​អ៝ន់​អោស​គ៝ប់​នទ្រែល​មៃ​គែស​នាវ​តឹម​ល៝ក់​ឞាល់ មោ​លាស​ផូង​ច្យាប់​គ៝ប់ នទ្រែល​មា​ផូង​ច្យាប់​មៃ យ៝រ​លាស​ឞ៝ន់​ជេង​អ៝ស​នោ។
GEN 13:9 ឞ្រី​តា​អ្យា​ហោម​ហ្វី​ងាន់ លាស​នទ្រី​អ៝ន់​ឞ៝ន់​គុ​តឹម​ងខាស​ឞាល់ លាស​មៃ​គុ​មពែស​ឞើស​ច្យៅ គ៝ប់​គុ​មពែស​ឞើស​មា លាស​មៃ​គុ​មពែស​ឞើស​មា គ៝ប់​គុ​មពែស​ឞើស​ច្យៅ”។
GEN 13:10 ជេសរី​លុត ​ងគឹល​អ្វាញ់​ឆៃ​នទ្រិច​រាដុង​រ៝ៈ​ទាក​រាលាយ​យោរដាន់​មពែស​មា​ប៝ន​ឆោអារ​អ្វែស​ងាន់​គែស​ទាក​ទាទេ។ នតុក​នៃ​នោក​អេ​ហ៝ៈ​ឞ្រាស​យេហោវា​លើស​រាយ​លើយ​ប៝ន​ឆោដុម នទ្រែល​មា​ប៝ន​កោមោរា​ជេង​តឹម​ឞាន​មា​អេដែន​អី​មីរ​កោរាញ​ឞ្រាស មោ​លាស​កើត​ឞ្រី​អេឆីប ​រី​ដ៝ង់។
GEN 13:11 នទ្រី​លុត ​ឆ៝ៈ​លែៈ​នទ្រិច​រាដុង​យោរដាន់​នៃ​មា​ពាង់​នើម ពាង់​ហាន់​មពែស​ជឹត​លោស​នារ​រី កើត​នទ្រី​ទឹង​គែស​មា​តឹម​ងខាស​ខាន់​ពាង់​ឞារ​ហៃ​អី​នៃ​នើស។
GEN 13:12 អាប់រាម​គុ​តា​ឞ្រី​កានាន​នៃ យើន​មា​លុត ​គុ​រ៝ៈ​ប៝ន​នទ្រិច​រាដុង​យោរដាន់​រី ឞើស​កើយ​នៃ​ពាង់​គុ​ជាន​ចូន​តា​មែង​ប៝ន​ឆោដុម​រី។
GEN 13:13 ឞូនុយ្ស​តា​ប៝ន​ឆោដុម​រី ជេង​ផូង​អ្យើស ជាន​តីស​មា​ឞ្រាស​យេហោវា​ទុត​ហោ។
GEN 13:14 ជេស​លុត ​ទូ​លោស​ឞើស​នតុក​នៃ ឞ្រាស​យេហោវា​លាស​មា​អាប់រាម៖ “អ៝ន់​មៃ​ងគើរ​អ្វាញ់​ឞើស​នតុក​មៃ​គុ​នៃ​អាបៃ​រី អ្វាញ់​ជឹត​លោស​នារ​អ្វាញ់​ជឹត​ញ៝ប់​នារ អ៝ន់​មៃ​អ្វាញ់​មពែស​ជឹត​លើ​អ្វាញ់​មពែស​ជឹត​ទ៝ង់។
GEN 13:15 យ៝រ​លាស​លែៈ​រាងោច​ឞ្រី​អី​មៃ​ឆៃ​នៃ គ៝ប់​អ៝ន់​មា​មៃ​តា​ជឹត​នាប់​តៃ នទ្រែល​មា​រាន៝យ​ទែស​មៃ​នហ៝​រ៝។
GEN 13:16 គ៝ប់​អ៝ន់​មៃ​រាន៝យ​ទែស​ឞឹក​រឹ​អ៝ក់​តឹម​ឞាន​មា​នែស​មោយ មោ​គែស​អោស​ឞូនុយ្ស​ទើយ​កើប តឹម​ឞាន​មា​ឞូ​មោ​ទើយ​កើប​នែស​មោយ​នៃ​ដ៝ង់។
GEN 13:17 មៃ​ទ៝ក់​ហ៝ម់ ហាន់​លាម​ឞ្រី​នៃ យ៝រ​លាស​គ៝ប់​អ៝ន់​ឞ្រី​អី​នៃ​មា​មៃ​តា​ជឹត​នាប់​តៃ”។
GEN 13:18 ជេសរី​អាប់រាម​រើយ្ស​ចូន​ពាង់​រី ហាន់​ត្រើន​គុ​អា​នតុក​តើម​ជ្រី​មាម់រេ ទាច់​មា​ប៝ន​ហេប្រ៝ន តា​នតុក​នៃ​ពាង់​រាទាប់​លុ​ជាន​ទូ​នតុក​មា​ជាន​ឞ្រាស​មា​យើក​មឞាស​ឞ្រាស​យេហោវា។
GEN 14:1 នោក​នៃ​គែស​ទូ​ហ្វេ​កាដាច់​ក្វ៝ង់​រាញា​កេដោលោមើរ​ជេង​កាដាច់​តា​ឞ្រី​អេលាម ពាង់​តឹម​រាង្លាប់​ដាស​ពែ​នុយ្ស​កាដាច់ កាដាច់​តា​ឞ្រី​ឆីនើរ​រាញា​អាម់រាផែល កាដាច់​តា​ឞ្រី​អេលាឆារ​រាញា​អារយុក នទ្រែល​មា​កាដាច់​តា​ឞ្រី​កោយីម​រាញា​ថីដាល។
GEN 14:2 លែៈ​ព្វាន់​នុយ្ស​កាដាច់​អី​នៃ​លែវ​ឞាល់​ហាន់​តឹម​លើស​ដាស​ព្រាម់​នុយ្ស​កាដាច់ កាដាច់​តា​ប៝ន​ឆោដុម​រាញា​បេរា កាដាច់​តា​ប៝ន​កោមោរា​រាញា​បីរឆា កាដាច់​តា​ប៝ន​អាតមា​រាញា​ឆីនាប កាដាច់​តា​ប៝ន​ឆេប៝យីម​រាញា​ឆេមេបើរ នទ្រែល​មា​កាដាច់​តា​ប៝ន​បេលា​អី​ឞូ​ក្វាល់​ដ៝ង់​ប៝ន​ឆោអារ។
GEN 14:3 លែៈ​រាងោច​ព្រាម់​នុយ្ស​កាដាច់​អី​នៃ រាគូម​តាហែន​ខាន់​ពាង់​នើម​ហាន់​តឹម​រាង្លាប់​នទ្រែល​តា​រាដុង​យោក​ឆីដីម​ទាទេ នតុក​ទាក​វាច់​ទាក​វារ់​ឞ៝ស​អាបៃ​រី។
GEN 14:4 លែៈ​គែស ១២ នាម់​ជេស លែៈ​ព្រាម់​នុយ្ស​កាដាច់​អី​នៃ​គុ​តា​ន៝ម់​កាដាច់​ក្វ៝ង់​កេដោលោមើរ ត៝ត់​នាម់ ១៣ ខាន់​ពាង់​លែវ​ឞាល់​ឞាស​អ្យាត់​នាវ​ដាស​កាដាច់​អី​នៃ។
GEN 14:5 យើន​មា​ត៝ត់​នាម់ ១៤ កាដាច់​កេដោលោមើរ នទ្រែល​មា​លែៈ​កាដាច់​អី​គុ​នទ្រែល​ពាង់ លែវ​ឞាល់​ហាន់​តឹម​លើស​ដាស​មពោល​កាដាច់​អី​ឞាស​អ្យាត់​នាវ​ពាង់។ ទោល​ហាន់​រ៝ៈ​ត្រ៝ង​នៃ ខាន់​ពាង់​តឹម​លើស​ដាស​ផូង​រេផែម​តា​ប៝ន​អាសថោរោត-​ការនែម ផូង​ឆោឆីម​តា​ប៝ន​ហាម់ ផូង​អេមីម​តា​នតុក​ឞ្រី​ល៝ង់​ខិរយាថែម
GEN 14:6 នទ្រែល​មា​ផូង​ហោរី​រ៝ៈ​យោក​ឆេអីរ នហ៝​មា​ត៝ត់​តា​ប៝ន​អែលបារាន​ទាច់​មា​ឞ្រី​រាទាស​រី។
GEN 14:7 ជេស​ទើយ​ខាន់​ពាង់​តឹម​លើស​ដាស​ផូង​អី​នៃ ខាន់​ពាង់​ព្លឹ​ឆឹត​ឞើស​នៃ​ត៝ត់​តា​ប៝ន​អេន-​មីសផាត អី​ឞូ​ក្វាល់​ប៝ន​កាដែស​ដ៝ង់ ខាន់​ពាង់​តឹម​លើស​ដាស​ផូង​អាមាលេក​តា​ឞ្រី​នៃ នទ្រែល​មា​ដាស​ផូង​អាមោរី​គុ​តា​ឞ្រី​ហាឆាឆោន-​តាមារ​នៃ​ទើយ​ខាន់​ពាង់​ដ៝ង់។
GEN 14:8 ផូង​កាដាច់​ព្រាម់​នុយ្ស​អី​ឞាស​អ្យាត់​នាវ​កាដាច់​ក្វ៝ង់​កេដោលោមើរ​នើស ជេង​កាដាច់​ប៝ន​ឆោដុម កាដាច់​ប៝ន​កោមោរា កាដាច់​ប៝ន​អាតមា កាដាច់​ប៝ន​ឆេប៝យីម នទ្រែល​មា​កាដាច់​ប៝ន​បេលា ខាន់​ពាង់​លែវ​ឞាល់​តឹម​លើស​តា​រាដុង​យោក​ឆីដីម។ ប៝ន​បេលា​អី​នៃ​ឞូ​ក្វាល់​ប៝ន​ឆោអារ​ដ៝ង់។
GEN 14:9 តា​រាដុង​យោក​ឆីដីម​នៃ ខាន់​ពាង់​តឹម​លើស​ដាស​កាដាច់​កេដោលោមើរ​ជេង​កាដាច់​ឞ្រី​អេលាម កាដាច់​ថីដាល​ជេង​កាដាច់​ឞ្រី​កោយីម កាដាច់​អាម់រាផែល​ជេង​កាដាច់​ឞ្រី​ឆីនើរ នទ្រែល​មា​កាដាច់​អារយុក​ជេង​កាដាច់​ឞ្រី​អេលាឆារ នទ្រី​គែស​ព្វាន់​កាដាច់​តឹម​លើស​ដាស​ព្រាម់​កាដាច់។
GEN 14:10 តា​រាដុង​យោក​ឆីដីម​នៃ​គែស​នតូ​ទាក​ព្រីង​ក្រាក់​អ៝ក់​ងាន់។ ទើយ​កាដាច់​កេដោលោមើរ ជេសរី​កាដាច់​ប៝ន​ឆោដុម នទ្រែល​មា​កាដាច់​ប៝ន​កោមោរា​ញច្វាត់​ចាស​ច្រាយ​តុប​តា​នតូ​ព្រីង​រី​ខឹត​លែៈ​ផ្យៅ​នទ្រែល​តាហែន​ខាន់​ពាង់​នើម ជេសរី​កាដាច់​អី​ហោម​ពែ​នុយ្ស​រី​ញច្វាត់​ជឹត​យោក​រី។
GEN 14:11 កាដាច់​អី​ទើយ​លើស​ឞូ​នៃ ខាន់​ពាង់​ឆ៝ៈ​លែៈ​ទ្រាប់​នទើ​តា​ប៝ន​ឆោដុម នទ្រែល​មា​តា​ប៝ន​កោមោរា​រី នអ៝ប់​មា​នទើ​ឆោង​ឆា​ដ៝ង់ ជេសរី​ទូ​ឆឹត​ឞើស​នតុក​នៃ។
GEN 14:12 លុត ​អី​ម៝ន​អាប់រាម​គុ​តា​ប៝ន​ឆោដុម​រី ឞូ​ញុប​រាទូ​ពាង់​ដ៝ង់ នទ្រែល​មា​លែៈ​ទ្រាប់​នទើ​ពាង់។
GEN 14:13 គែស​ទូ​ហ្វេ​ឞូនុយ្ស​ក្លាយ្ស ហាន់​ញច្វាត់​មឞើស​មា​អាប់រាម​អី​ផូង​ហេឞ្រើ នោក​ពាង់​ហោម​គុ​តា​នតុក​តើម​ជ្រី​មាម់រេ។ មាម់រេ​ជេង​ឞូ​ក្លោ​ផូង​អាមោរី ជេង​អ៝ស​នោ​មា​អែសកុល នទ្រែល​មា​អានើរ​ដ៝ង់។ អែសកុល នទ្រែល​មា​អានើរ​នៃ​លែៈ​តឹម​រាង្លាប់​មា​អាប់រាម។
GEN 14:14 ត៝ត់​អាប់រាម​តាង់​លាស​ម៝ន​ពាង់​លែៈ​ឞូ​ញុប​រាទូ ពាង់​លែវ​ឞាល់ ៣១៨ នុយ្ស ជេង​ឞូនុយ្ស​អី​ឞ្លាវ​តឹម​លើស​អី​ទែស​តា​ជៃ​ពាង់​នើម ខាន់​ពាង់​តឹង​ផូង​រាលាង់​ត៝ត់​តា​ប៝ន​ដាន់។
GEN 14:15 អាប់រាម​តឹម​ពាៈ​មពោល​តា​ផូង​ពាង់​នើម​នៃ ជេសរី​លើស​ផូង​កាដាច់​អី​នៃ​តា​នោក​មាង់ នហ៝​មា​តឹង​លើស​ត៝ត់​តា​ប៝ន​ហោបា​មពែស​ឞើស​លើ​ប៝ន​ដាមាស​រី។
GEN 14:16 ខាន់​ពាង់​ឆ៝ៈ​ឆឹត​ទាទេ​លែៈ​ទ្រាប់​នទើ ឆ៝ៈ​អី​ម៝ន​លុត ​ពាង់​រី នទ្រែល​មា​ទ្រាប់​នទើ​ពាង់​ដ៝ង់ ឆ៝ៈ​ផូង​ឞូ​អូរ នទ្រែល​មា​លែៈ​រាងោច​ឞូនុយ្ស​អេងៗ​អី​ឞូ​ញុប​ដ៝ង់។
GEN 14:17 ជេស​អាប់រាម​ឆឹត​ទើយ​តឹម​លើស​ដាស​កាដាច់​កេដោលោមើរ នទ្រែល​មា​កាដាច់​អាបាៈ​អេង​អី​គុ​តឹម​រាង្លាប់​នទ្រែល​កាដាច់​នៃ កាដាច់​ប៝ន​ឆោដុម​ហាន់​ច្វាៈ​ពាង់​តា​រាដុង​យោក​ឆាវេ អី​ឞូ​ក្វាល់​ដ៝ង់​«រាដុង​យោក​កាដាច់»។
GEN 14:18 ជេសរី​កាដាច់​ប៝ន​ឆាលេម​រាញា​មិលកីឆាដែក​ញអោត​នុមពាង់ នទ្រែល​មា​នទ្រាញ់​ព្លៃ​យុងយារ​ប៝ន​មា​អ៝ន់​អាប់រាម  កាដាច់​នៃ​ជេង​ឞូនុយ្ស​ជាន​ឞ្រាស​មា​កោរាញ​ឞ្រាស​អី​ទុត​ព្រេស។
GEN 14:19 ពាង់​លាស​នាវ​គែស​ជេង​អ៝ន់​មា​អាប់រាម៖ “ទាន់​កោរាញ​ឞ្រាស​អី​ទុត​ព្រេស​តា​កាលើ នើម​តើម​ញជេង​ត្រោក នទ្រែល​មា​នែស​នតូ អ៝ន់​នាវ​គែស​ជេង​មា​មៃ។
GEN 14:20 រានេ​មា​កោរាញ​ឞ្រាស​អី​ទុត​ព្រេស​តា​កាលើ ឞ្រាស​អី​អ៝ន់​មៃ​ទើយ​ដាស​ផូង​រាលាង់​មៃ”។ ជេសរី​អាប់រាម​អ៝ន់​មា​កាដាច់​អី​នៃ​ទូ​កោៈ​តឹម​ជឹត លែៈ​ទ្រាប់​នទើ​អី​ពាង់​ឆ៝ៈ​លើស​ឞូ​រី​នើស។
GEN 14:21 ជេសរី​កាដាច់​ប៝ន​ឆោដុម​លាស​មា​អាប់រាម៖ “មៃ​មព្លឹ​ប៝ន​លាន​គ៝ប់​នើម​មា​គ៝ប់​គាប់​ហើយ្ស ទ្រាប់​នទើ​អី​នៃ​មៃ​ឆ៝ៈ​ទោស”។
GEN 14:22 យើន​មា​អាប់រាម​លាស​មា​កាដាច់​ប៝ន​ឆោដុម​នៃ៖ “គ៝ប់​ត៝ន​តា​ឞើស​នាប់​ឞ្រាស​យេហោវា​អី​កោរាញ​ឞ្រាស​ទុត​ព្រេស នើម​តើម​ញជេង​ត្រោក នទ្រែល​មា​នែស​នតូ
GEN 14:23 គ៝ប់​មោ​អោស​ឆ៝ៈ​ទ្រាប់​នទើ​មៃ​ទូ​មល៝ម់ ឞ៝ល​លាស​ទូ​មល៝ម់​រាឆែ​ឞ្រាយ មោ​លាស​ទូ​មល៝ម់​រាឆែ​នតោ​ជ៝ត​ក៝ៈ​គ៝ប់​មោ​ឆ៝ៈ​ដ៝ង់ លើយ​អ៝ន់​មៃ​លាស៖ «គ៝ប់​យា​ឆើម​នហើម​នទ្រ៝ង់​អ៝ន់​អាប់រាម»។
GEN 14:24 គ៝ប់​មោ​អោស​ឆ៝ៈ​នទើ គ៝ប់​ទាន់​មៃ​អ៝ន់​នទើ​ឆោង​ឆា​អី​ផូង​ហាន់​តឹម​លើស​នទ្រែល​គ៝ប់​ជេង​ផូង​អី​គុ​តា​ជៃ​គ៝ប់​នើម​លែៈ​ជេស​ឆា​នើស​គាប់​ហើយ្ស។ យើន​មា​អានើរអែសកុល នទ្រែល​មា​មាម់រេ ខាន់​ពាង់​ជេង​ឞូនុយ្ស​តឹម​រាង្លាប់​នទ្រែល​គ៝ប់ អ៝ន់​ខាន់​ពាង់​នៃ​ឆ៝ៈ​អេង​ទ្រាប់​នទើ​មា​ខាន់​ពាង់​នើម”។
GEN 15:1 ជេស​នាវ​អី​នៃ​ឞ្រាស​យេហោវា​អ៝ន់​មា​អាប់រាម​ឆៃ​នទើ​តា​នាវ​តឹម​មពើល លាស​មា​ពាង់​កើត​នអា៖ “អើ​អាប់រាម ​មៃ​លើយ​ក្លាច​អោស យ៝រ​លាស​គ៝ប់​ជេង​ខេល​មា​មៃ នទ្រែល​មា​អ៝ន់​នទើ​ងខោម​ទុត​ក្វ៝ង់​មា​មៃ​ដ៝ង់”។
GEN 15:2 យើន​មា​អាប់រាម​អើស​មា​កោរាញ​ឞ្រាស​លាស៖ “អើ​ឞ្រាស​យេហោវា​អី​កោរាញ​គ៝ប់ ម៝ស​នទើ​មៃ​អ៝ន់​មា​គ៝ប់​ក៝ៈ​មោ​គែស​ខ្លៃ​ដ៝ង់ យ៝រ​លាស​គ៝ប់​មោ​អោស​គែស​ក៝ន ឞូនុយ្ស​អី​ទើន​ទ្រាប់​នទើ​ខ្លៃ​តា​ជៃ​គ៝ប់​ជេង​អេលេឆើរ​តាៈ​ឞើស​ប៝ន​ដាមាស​នៃ​ច្រាវ”។
GEN 15:3 អាប់រាម​លាស​តៃ៖ “មៃ​មោ​អោស​អ៝ន់​គ៝ប់​គែស​ក៝ន លាស​នទ្រី​ឞូនុយ្ស​អី​ទើន​ទ្រាប់​នទើ​ខ្លៃ​គ៝ប់​ជេង​ទឹក​អី​គុ​តា​ជៃ​គ៝ប់​នៃ”។
GEN 15:4 យើន​មា​ឞ្រាស​យេហោវា​លាស​មា​អាប់រាម​កើត​នអា៖ “មោ​ទី​អោស​ឞូនុយ្ស​នៃ​ទើន​ទ្រាប់​នទើ​ខ្លៃ​មៃ ក៝ន​ឞូ​ក្លោ​មៃ​នើម​ជេង​ឞូនុយ្ស​ទើន​ទ្រាប់​នទើ​ខ្លៃ​មៃ”។
GEN 15:5 ជេសរី​ឞ្រាស​យេហោវា​លែវ​អាប់រាម​លោស​អា​ទីស លាស​មា​ពាង់៖ “ល៝ង់​មៃ​ងើក​អ្វាញ់​ជឹត​ត្រោក​តី មៃ​ទើយ​ដ៝ង់​កើប​មាញ់​អី​តី? រាន៝យ​ទែស​មៃ​អ៝ក់​តឹម​ឞាន​មា​មាញ់​អី​តី​ដ៝ង់”។
GEN 15:6 អាប់រាម​អ្យាត់​ញឆីង​នាវ​ឞ្រាស​យេហោវា​អី​នៃ យ៝រ​មា​នាវ​ពាង់​អ្យាត់​ញឆីង​នៃ​ទឹង​ឞ្រាស​យេហោវា​កើប​ពាង់​ជេង​ឞូនុយ្ស​ឆ៝ង់​ឆ្រាង់។
GEN 15:7 ឞ្រាស​យេហោវា​លាស​តៃ​មា​អាប់រាម៖ “គ៝ប់​អ្យា​ឞ្រាស​យេហោវាគ៝ប់​លែវ​មៃ​ទូ​លោស​ឞើស​ប៝ន​អូរ​ឞ្រី​ខាលដេ  គៃ​មា​អ៝ន់​ឞ្រី​ទាក​អ្យា​មា​មៃ​ទើន”។
GEN 15:8 អាប់រាម​អោប៖ “អើ​ឞ្រាស​យេហោវា មើម​ទឹង​គ៝ប់​គឹត​លាស​គ៝ប់​ទើន​ឞ្រី​ទាក​អ្យា​ងាន់?”
GEN 15:9 ជេសរី​ឞ្រាស​យេហោវា​លាស​មា​ពាង់៖ “អ៝ន់​មៃ​ឆ៝ៈ​ទូ​មល៝ម់​នទ្រោក​មែ​អី​លែៈ​គែស​ពែ​នាម់ ឆ៝ៈ​ទូ​មល៝ម់​ឞែ​មែ​អី​លែៈ​គែស​ពែ​នាម់ ឆ៝ៈ​ទូ​មល៝ម់​ឞែ​ឞ្យាប់​ងក្វ៝ង់​អី​លែៈ​គែស​ពែ​នាម់ ទូ​មល៝ម់​នតើប នទ្រែល​មា​ទូ​មល៝ម់​ព្លុក​រាស​ញហើរ​អ៝ន់​មា​គ៝ប់”។
GEN 15:10 ជេសរី​អាប់រាម​ឆ៝ៈ​លែៈ​មពោមពា​(ឆ្យុម)​អី​នៃ​ព្លាស​ទូ​ដាស​ទូ​ដាស​តេៈ​តឹម​ញច្រឹង​ក្រែប​តា​រី អី​ឆ្យុម​នារ​រី​ពាង់​ងខឹត​ដ៝ង់​យើន​មា​មោ​ព្លាស​អោស។
GEN 15:11 ជេសរី​គែស​គ្រ៝ត់​នអាក​ទ្រ៝ម់​ឆា​ព្វាច់​អី​នៃ យើន​មា​អាប់រាម​នត្រូ​លើយ​គ្រ៝ត់​នអាក​អី​នៃ។
GEN 15:12 ត៝ត់​ឞើយ​ញ៝ប់​នារ​រី អាប់រាម​ហាក់​ឞិច​ឆ្វេប ជេសរី​ពាង់​រាៈ​ឞោក​ក្វ៝ង់​ហោ​ងាន់ គែស​ង៝​ចេក​កោលាក់​ងកុម​តា​ពាង់។
GEN 15:13 ជេសរី​ឞ្រាស​យេហោវា​លាស​មា​អាប់រាម៖ “អ៝ន់​មៃ​គឹត​នហេល​យឹ រាន៝យ​ទែស​មៃ​មរា​ទូ​គុ​តា​ទូ​ឞ្រី ឞ្រី​នៃ​មោ​អោស​ទី​ឞ្រី​ខាន់​ពាង់​នើម ខាន់​ពាង់​គុ​ជាន​ទឹក​ឞូ​តា​ឞ្រី​នៃ ឞូនុយ្ស​តា​ឞ្រី​នៃ​តុន​ជ៝ត​ខាន់​ពាង់​ជ៝ៈ ៤០០ នាម់
GEN 15:14 យើន​មា​គ៝ប់​តេៈ​ទោយ្ស​មា​ផូង​ឞូនុយ្ស​អី​តុន​ជ៝ត​រាន៝យ​ទែស​មៃ​នៃ ជេសរី​តៃ​ខាន់​ពាង់​ទូ​លោស​ឞើស​ឞ្រី​នៃ ញអោត​នអ៝ប់​មា​ទ្រាប់​នទើ​អ៝ក់​ជឹត។
GEN 15:15 អី​មៃ​នៃ​តៃ ត៝ត់​មៃ​ខឹត​មៃ​ខឹត​មា​នាវ​ដាប់​មពាន់ ឞូ​មរា​ត៝ប់​មៃ ជេស​មៃ​រេស​លែៈ​រាញ​ងាន់​តៃ។
GEN 15:16 ត៝ត់​តា​រានោក ៤ រី​មើ​រាន៝យ​ទែស​មៃ​ព្លឹ​ឆឹត​តៃ​តា​ឞ្រី​អ្យា យ៝រ​លាស​នាវ​តីស​ផូង​អាមោរី​អី​គុ​តា​ឞ្រី​អ្យា​អាបៃ​រី​អេ​ហ៝ៈ​អោស​ឞេង​អេ​ហ៝ៈ​អោស​ទី​មា​តេៈ​ទោយ្ស”។
GEN 15:17 ត៝ត់​នារ​លែៈ​ញ៝ប់ ឞ្រី​លែៈ​ង៝ តា​នៃ​ទោ​មា​ឆៃ​គែស​គ្លាស​ញហូក​អុញ នហ៝​មា​គែស​អុញ​ហីត​រ៝ៈ​វាស​វាង​ព្វាច់​អី​ព្លាសៗ​រី​នើស​ដ៝ង់។
GEN 15:18 តា​នារ​នៃ​ឞ្រាស​យេហោវា​តឹម​រាង្លាប់​មា​អាប់រាម ពាង់​លាស​មា​អាប់រាម៖ “គ៝ប់​អ៝ន់​ឞ្រី​ទាក​អ្យា​មា​រាន៝យ​ទែស​មៃ នតើម​ឞើស​ទាក​រាលាយ​ឞ្រី​អេឆីប ​រី ត៝ត់​មា​ទាក​រាលាយ​ក្វ៝ង់ ជេង​ទាក​រាលាយ​អើប្រាត
GEN 15:19 គ៝ប់​អ៝ន់​ដ៝ង់​ឞ្រី​ទាក​ទឹង​លែៈ​ផូង​កែន ផូង​កេនិឆីត ផូង​កាត់មោនី
GEN 15:20 ផូង​ហេត ផូង​ពេរិឆីត ផូង​រេផែម
GEN 15:21 ផូង​អាមោរី ផូង​កានាន ផូង​គីរកាឆីត នទ្រែល​មា​ផូង​យេបូឆីត​អី​ហោម​គុ​អាបៃ​រី”។
GEN 16:1 ឆារាយ ​អី​អូរ​អាប់រាម​រី​មោ​អោស​ឞាៈ​ក៝ន​មា​អាប់រាម។ ពាង់​គែស​ទូ​ហ្វេ​ទឹក​ឞូ​អូរ​ផូង​អេឆីប ​រាញា​ហាការ។
GEN 16:2 ជេសរី​ឆារាយ ​លាស​មា​អាប់រាម៖ “យ៝រ​មា​ឞ្រាស​យេហោវា​មោ​អ៝ន់​គ៝ប់​គែស​ក៝ន លាស​នទ្រី​មៃ​ឆ៝ៈ​ទឹក​ឞូ​អូរ​គ៝ប់​នៃ​ទោ ក្លាប់​លាស​គ៝ប់​គែស​ទូ​ហ្វេ​ក៝ន​តាៈ​ឞើស​ពាង់”។ អាប់រាម​អ្យាត់​នាវ​អី​អូរ​ពាង់។
GEN 16:3 ត៝ត់​អាប់រាម​លែៈ​គែស ១០ នាម់​គុ​តា​ឞ្រី​កានាន​នៃ ឆារាយ ​អី​អូរ​ពាង់​រី​ឆ៝ៈ​ហាការ​អី​ឞូ​អូរ​ផូង​អេឆីប ​ជេង​ទឹក​ពាង់​នើម​រី អ៝ន់​មា​អាប់រាម​អី​ឆាយ​ពាង់​រី​មា​ជាន​អូរ។
GEN 16:4 អាប់រាម​គុ​អូរ​ឆាយ​នទ្រែល​មា​ហាការ​រី ជេសរី​ហាការ​នត្រែវ។ ត៝ត់​មា​ហាការ​គឹត​លាស​ឆាក់​ពាង់​លែៈ​នត្រែវ ពាង់​នតើម​មឺច​រាម៝ត​កោរាញ​ឞូ​អូរ​ពាង់​នើម​រី។
GEN 16:5 ឆារាយ ​លាស​មា​អាប់រាម៖ “យ៝រ​មា​មៃ​ទឹង​គ៝ប់​គែស​នាវ​ដីត​ព្រេង គ៝ប់​ឆ៝ៈ​ឞូ​អូរ​ទឹក​គ៝ប់​អ៝ន់​តា​នតើស​មៃ ត៝ត់​មា​ពាង់​គឹត​លាស​ឆាក់​ពាង់​លែៈ​នត្រែវ បេង​ពាង់​មា​មឺច​រាម៝ត​គ៝ប់​ច្រាវ។ លាស​នទ្រី​ទាន់​ឞ្រាស​យេហោវា​ឆើម​ផាត​ទោយ្ស​មា​ឞ៝ន់​ឞារ​ហៃ”។
GEN 16:6 ជេសរី​អាប់រាម​លាស​មា​ឆារាយ ៖ “ឞូ​អូរ​អ្យា​គុ​តា​ន៝ម់​អៃ លាស​នទ្រី​មើម​នាវ​អៃ​អុច​ជាន​មា​ពាង់ តឹង​អៃ​នើម​អុច”។ ជេសរី​ឆារាយ ​ជាន​ទាង់​ហោ​ងាន់​មា​ហាការ ត៝ត់​មា​ពាង់​ទូ​ញច្វាត់​ងាយ។
GEN 16:7 ជេស​ពាង់​ទូ​ញច្វាត់​នៃ គែស​តោង​ពារ់​ឞ្រាស​យេហោវា​ហាន់​ម៝ប់​ហាការ​ទាច់​មា​ទូ​មល៝ម់​តូ​ទាក​តា​ឞ្រី​រាទាស​រី កេង​មែង​ត្រ៝ង​ហាន់​ជឹត​ឞ្រី​ឆូរ។
GEN 16:8 តោង​ពារ់​អោប​ហាការ​នៃ៖ “ហើយ​ហាការ​ទឹក​ឆារាយ  ឞើស​តាៈ​អៃ​នៃ អាស​ជឹត​លែត​ហាន់​អៃ​នៃ​អេស?” ហាការ​អើស៖ “គ៝ប់​ទូ​ញច្វាត់​ឞើស​ឆារាយ ​កោរាញ​គ៝ប់​នើម​លាស”។
GEN 16:9 តោង​ពារ់​ឞ្រាស​យេហោវា​លាស​មា​ពាង់៖ “អ៝ន់​អៃ​ឆឹត​អា​ជៃ​កោរាញ​អៃ​នើម​រី អ្យាត់​នាវ​ពាង់​ទោ”។
GEN 16:10 តោង​ពារ់​ឞ្រាស​យេហោវា​នៃ​លាស​តៃ​ដ៝ង់​មា​ពាង់៖ “តៃ​ទឹង​គ៝ប់​ជាន​រាន៝យ​ទែស​អៃ​អ៝ន់​ឞឹក​រឹ​ទុត​អ៝ក់​ងាន់​មោ​ហោម​អោស​ទើយ​កើប”។
GEN 16:11 តោង​ពារ់​ឞ្រាស​យេហោវា​នៃ​លាស​តៃ​មា​ពាង់​ដ៝ង់៖ “អាបៃ​រី​អៃ​លែៈ​នត្រែវ​ជេស អៃ​តៃ​គុ​អ៝ស​ទូ​ហ្វេ​ក៝ន​ឞូ​ក្លោ ជេសរី​អ៝ន់​អៃ​តេៈ​រាញា​ពាង់​អីសមាអែល គែស​នាវ​ខ្លៃ​លាស​«កោរាញ​ឞ្រាស​តាង់» យ៝រ​លាស​ឞ្រាស​យេហោវា​លែៈ​តាង់​នាវ​អៃ​នតែរ​ទោល​អៃ​គែស​នាវ​ជេរ​ជ៝ត់​នៃ​នើស។
GEN 16:12 ក៝ន​អី​នៃ​ជាន​នទើ​តឹង​នូយ្ស​នហ៝ម់​ពាង់​នើម​អុច​ទើម តឹម​ឞាន​មា​មពោមពា​(ឆ្យុម)​ឞ្រី​ដ៝ង់។ ពាង់​តឹម​លើស​ដាស​មា​លែៈ​រាងោច​ឞូនុយ្ស ជេសរី​លែៈ​រាងោច​ឞូនុយ្ស​តឹម​លើស​ដាស​ពាង់​ដ៝ង់។ ពាង់​មោ​អោស​គុ​នទ្រែល​នទុល​មពោល​ពាង់”។
GEN 16:13 ហាការ​តេៈ​រាញា​ឞ្រាស​យេហោវា​អី​ងើយ​មា​ពាង់​នៃ «កោរាញ​ឞ្រាស​អី​អ្វាញ់​ឆៃ» យ៝រ​លាស​ហាការ​មឹន​អេង៖ “នតុក​អ្យា​គ៝ប់​លែៈ​ឆៃ​កោរាញ​ឞ្រាស ជេសរី​ពាង់​អ្វាញ់​ឆៃ​គ៝ប់”។
GEN 16:14 កើត​នទ្រី​ទឹង​ឞូ​ក្វាល់​តូ​ទាក​នៃ​រាញា «តូ​ទាក​លាហាយរ៝យ» គែស​នាវ​ខ្លៃ​លាស «តូ​ទាក​ឞ្រាស​រេស​ងាន់​អី​អ្វាញ់​ឆៃ​គ៝ប់»។ តូ​ទាក​អី​នៃ​វាស​វាង​ប៝ន​កាដែស មា​ប៝ន​ពារែត។
GEN 16:15 ជេសរី​ហាការ​គុ​អ៝ស​ទូ​ហ្វេ​ក៝ន​ឞូ​ក្លោ​ពាង់​ដាស​អាប់រាម ។ អាប់រាម​តេៈ​រាញា​ក៝ន​នៃ​«អីសមាអែល»។
GEN 16:16 នោក​ហាការ​ទែស​អីសមាអែល​នៃ អាប់រាម​លែៈ​គែស ៨៦ នាម់។
GEN 17:1 ត៝ត់​អាប់រាម​លែៈ​គែស ៩៩ នាម់ ឞ្រាស​យេហោវា​តឹម​មពើល​អ៝ន់​ពាង់​ឆៃ ពាង់​លាស​មា​អាប់រាម៖ “គ៝ប់​ជេង​ឞ្រាស​អី​ទុត​គែស​នាវ​ទើយ អ៝ន់​មៃ​អ្យាត់​នាវ​គ៝ប់ គុ​អ្វែស​ឆ៝ង់​ឆ្រាង់​ងាន់។
GEN 17:2 គ៝ប់​អុច​តឹម​រាង្លាប់​ដាស​មៃ អុច​ជាន​រាន៝យ​ទែស​មៃ​អ៝ន់​ឞឹក​រឹ​ទុត​អ៝ក់”។
GEN 17:3 អាប់រាម​ពាន់​ក្រាប​អា​នែស​ឆូ ជេសរី​កោរាញ​ឞ្រាស​លាស​មា​ពាង់​ជឹត៖
GEN 17:4 “អ្យា​នាវ​គ៝ប់​តឹម​រាង្លាប់​នទ្រែល​មៃ​កើត​នអា មៃ​តៃ​ជេង​ចែ​មា​ផូង​ឞូនុយ្ស​ទុត​អ៝ក់។
GEN 17:5 ឞូ​មោ​ហោម​អោស​ក្វាល់​មៃ «អាប់រាម»​ជឹត គែស​នាវ​ខ្លៃ «ឞឹ​ក្វ៝ង់» ឞូ​ក្វាល់​មៃ «អាឞ្រាហាម់ » គែស​នាវ​ខ្លៃ «ឞឹ​ផូង​ឞូនុយ្ស​ទុត​អ៝ក់» យ៝រ​លាស​គ៝ប់​អ៝ន់​មៃ​ជេង​ឞឹ​មា​ផូង​ឞូនុយ្ស​ទុត​អ៝ក់។
GEN 17:6 គ៝ប់​ជាន​អ៝ន់​មៃ​គែស​ក៝ន​គែស​ឆៅ​ទុត​អ៝ក់ គ៝ប់​អ៝ន់​រាន៝យ​ទែស​មៃ​ជេង​គែស​ផូង​អ៝ក់​ងាន់ នទ្រែល​មា​អ៝ន់​គែស​កាដាច់​អាបាៈ​តាៈ​ឞើស​រាន៝យ​ទែស​មៃ​ដ៝ង់។
GEN 17:7 គ៝ប់​តឹម​រាង្លាប់​មា​មៃ​ត៝ត់​ក៝ន​ត៝ត់​ឆៅ​មៃ​ឞើស​កើយ​ឞើស​កើយ​តឹម​អាប់​រានោក។ នាវ​តឹម​រាង្លាប់​អ្យា​ហោម​នហ៝​រ៝។ គ៝ប់​ជេង​ឞ្រាស​មៃ នហ៝​មា​ត៝ត់​ក៝ន​ត៝ត់​ឆៅ​មៃ​ឞើស​កើយ​ឞើស​កើយ​រី​តៃ
GEN 17:8 គ៝ប់​អ៝ន់​ទឹង​លែៈ​ឞ្រី​ទាក​កានាន​អី​មៃ​វែស​គុ​អ្យា​ជេង​ឞ្រី​ទាក​មៃ​នហ៝​រ៝ នទ្រែល​មា​ត៝ត់​ក៝ន​ត៝ត់​ឆៅ​មៃ​ឞើស​កើយ​ឞើស​កើយ​តៃ​ដ៝ង់ ជេសរី​គ៝ប់​ជេង​ឞ្រាស​មា​ក៝ន​ឆៅ​មៃ​នៃ”។
GEN 17:9 កោរាញ​ឞ្រាស​លាស​មា​អាឞ្រាហាម់ ៖ “ល៝ង់​អី​មៃ​នៃ អ៝ន់​មៃ​ញអោត​នាវ​តឹម​រាង្លាប់​គ៝ប់ នអ៝ប់​មា​មៃ​នើម​នហ៝​រ៝ នអ៝ប់​មា​ក៝ន​មា​ឆៅ​មៃ​ឞើស​កើយ​ឞើស​កើយ​តៃ។
GEN 17:10 អ្យា​នាវ​តឹម​រាង្លាប់​អី​គ៝ប់​អ៝ន់​មា​ខាន់​អៃ​មៃ​ញអោត នទ្រែល​មា​ក៝ន​មា​ឆៅ​ខាន់​អៃ​មៃ​នៃ អ៝ន់​លែៈ​ក៝ន​ឞូ​ក្លោ​តា​ផូង​ខាន់​អៃ​មៃ​អ៝ន់​ក៝ស​នតោ​ទាទេ។
GEN 17:11 អ៝ន់​ខាន់​អៃ​មៃ​ក៝ស​តា​ចោង​នតោ​នទើ​ឞូ​ក្លោ​រី អី​នៃ​ជេង​នទើ​មឞេន​នាវ​តឹម​រាង្លាប់​គ៝ប់​អ៝ន់​មា​ខាន់​អៃ​មៃ។
GEN 17:12 ទឹង​លែៈ​ក៝ន​ឞូ​ក្លោ​អ្យាត់​មា​ត៝ត់​ផាម​នារ​ជេស​ទែស ជាន​ក៝ស​នតោ​ទាទេ ឞ៝ល​លាស​ទឹក​ទែស​តា​ជៃ​ខាន់​អៃ​មៃ​នើម​កាដោយ​លែៈ ឞ៝ល​លាស​ទឹក​រាវាត់​ឞើស​ឞូ​នាច់​ផូង​ឞ្រី​អេង​កាដោយ​លែៈ ជាន​នាវ​អ្យា​នហ៝​រ៝​តឹម​អាប់​រានោក​ខាន់​អៃ​មៃ។
GEN 17:13 ទឹង​លែៈ​ទឹក​ឞូ​ក្លោ​ទែស​តា​ជៃ​ខាន់​អៃ​មៃ​នើម មោ​លាស​ទឹក​រាវាត់​មា​ព្រាក់​កាដោយ ជាន​ក៝ស​នតោ​ទាទេ អី​នៃ​ជេង​នទើ​មឞេន​នាវ​តឹម​រាង្លាប់​គ៝ប់​អ៝ន់​មពែស​មា​ឆាក់​ជាន់​ខាន់​អៃ​មៃ​ហោម​នហ៝​រ៝។
GEN 17:14 លាស​ឞូ​ម៝ស​ឞូ​ក្លោ​អី​មោ​អោស​ក៝ស​នតោ​តា​ឆាក់​ពាង់​រី មោ​ហោម​អោស​កើប​ពាង់​ជេង​ផូង​ប៝ន​លាន​ខាន់​អៃ​មៃ​ជឹត យ៝រ​លាស​ពាង់​លែៈ​មអារ់​លើយ​នាវ​តឹម​រាង្លាប់​គ៝ប់”។
GEN 17:15 កោរាញ​ឞ្រាស​លាស​មា​អាឞ្រាហាម់ ​ជឹត៖ “ឆារាយ ​អូរ​មៃ​នៃ មៃ​មោ​ហោម​អោស​ក្វាល់​ពាង់​ឆារាយ ​ជឹត ក្វាល់​ពាង់ «ឆារា»​ហ៝ៈ។
GEN 17:16 គ៝ប់​អ៝ន់​នាវ​គែស​ជេង​មា​ពាង់ គ៝ប់​អ៝ន់​មៃ​គែស​ទូ​មល៝ម់​ក៝ន​ឞូ​ក្លោ​តាៈ​ឞើស​ពាង់។ គ៝ប់​អ៝ន់​នាវ​គែស​ជេង​មា​ពាង់ ជេសរី​រាន៝យ​ទែស​ពាង់​ជេង​ផូង​ឞ្រី​អេងៗ នទ្រែល​មា​គែស​កាដាច់​អាបាៈ​តា​រាន៝យ​ទែស​ពាង់​ដ៝ង់”។
GEN 17:17 ជេសរី​អាឞ្រាហាម់ ​ក្រាប​ពាន់​អា​នែស​ឆូ គើម​អេង​តា​នូយ្ស​នហ៝ម់​រី​លាស៖ “ឞូ​ក្លោ​លែៈ ១០០ នាម់ អើម​ហោម​ឞ្លាវ​គែស​ក៝ន​លាស? ល៝ង់​ឆារា​លែៈ ៩០ នាម់ គឹត​មា​ហោម​ឞាៈ​ក៝ន​លាស?”
GEN 17:18 អាឞ្រាហាម់ ​លាស​មា​កោរាញ​ឞ្រាស៖ “លាស​មៃ​អ៝ន់​អីសមាអែល​ទើន​នាវ​ត៝ន​មៃ​អ្យា លែៈ​គាប់​ងាន់”។
GEN 17:19 កោរាញ​ឞ្រាស​លាស​មា​អាឞ្រាហាម់ ៖ “មោ​អោស យ៝រ​លាស​អូរ​មៃ​ឆារា​ឞាៈ​ទូ​ហ្វេ​ក៝ន​ឞូ​ក្លោ​មា​មៃ! អ៝ន់​មៃ​តេៈ​រាញា​ពាង់ «អីឆាក់» គែស​នាវ​ខ្លៃ​«គើម»។ គ៝ប់​តឹម​រាង្លាប់​មា​ពាង់ ជេង​នាវ​តឹម​រាង្លាប់​ហោម​នហ៝​រ៝​ត៝ត់​ក៝ន​ត៝ត់​ឆៅ​ពាង់។
GEN 17:20 ល៝ង់​អីសមាអែល​អី​នៃ លែៈ​គ៝ប់​តាង់​នាវ​មៃ​លាស តៃ​គ៝ប់​អ៝ន់​នាវ​គែស​ជេង​មា​ពាង់ គ៝ប់​ជាន​អ៝ន់​ពាង់​គែស​ក៝ន​គែស​ឆៅ​ឞឹក​រឹ​ទុត​អ៝ក់។ គ៝ប់​អ៝ន់​គែស​កាដាច់ ១២ នុយ្ស​តាៈ​ឞើស​រាន៝យ​ទែស​ពាង់ នទ្រែល​មា​អ៝ន់​រាន៝យ​ទែស​ពាង់​ជេង​ទូ​ផូង​ឞ្រី​ទាក​ទុត​ក្វ៝ង់​ដ៝ង់។
GEN 17:21 យើន​មា​គ៝ប់​តឹម​រាង្លាប់​ដាស​មា​អីឆាក់​ក៝ន​ឆារា ពាង់​ទែស​នាម់​តៃ ខៃ​អ្យា​ដ៝ង់”។
GEN 17:22 ជេស​លែៈ​ផ្យៅ​កោរាញ​ឞ្រាស​ងើយ​នទ្រែល​មា​អាឞ្រាហាម់  ជេសរី​ពាង់​ទូ​ឞើស​នតុក​នៃ​យ៝ត​ក្ល៝ក់។
GEN 17:23 ជេសរី​អាឞ្រាហាម់ ​លែវ​អីសមាអែល លែវ​លែៈ​រាងោច​ផូង​ទឹក​ទែស​តា​ជៃ​ពាង់​រី នអ៝ប់​មា​ផូង​ទឹក​អី​ពាង់​រាវាត់​មា​ព្រាក់ ទឹង​លែៈ​ឞូ​ក្លោ​អី​គុ​តា​ជៃ​ពាង់​រី ពាង់​ក៝ស​នតោ​តា​នារ​នៃ​ទាទេ ពាង់​ជាន​កើត​នាវ​កោរាញ​ឞ្រាស​ទែ​ដាៈ​មា​ពាង់​រី​នើស។
GEN 17:24 នោក​អាឞ្រាហាម់ ​ក៝ស​នតោ ពាង់​លែៈ​គែស ៩៩ នាម់
GEN 17:25 យើន​មា​អីសមាអែល​អី​ក៝ន​ពាង់​រី លែៈ​គែស ១៣ នាម់។
GEN 17:26 អាឞ្រាហាម់  នទ្រែល​មា​អីសមាអែល​ក៝ស​នតោ​ទូ​នារ​ទើម។
GEN 17:27 នអ៝ប់​មា​លែៈ​រាងោច​ផូង​ឞូ​ក្លោ​អី​គុ​តា​ជៃ​ពាង់​រី ផូង​ទឹក​ទែស​តា​ជៃ​ពាង់ ផូង​ទឹក​ពាង់​រាវាត់​មា​ព្រាក់​ឞើស​ផូង​ឞូ​នាច់​ឞ្រី​អេង​កាដោយ ខាន់​ពាង់​ក៝ស​នតោ​នទ្រែល​មា​អាឞ្រាហាម់ ​ទាទេ​ដ៝ង់។
GEN 18:1 ជេសរី​ឞ្រាស​យេហោវា​តឹម​មពើល​អ៝ន់​មា​អាឞ្រាហាម់ ​ឆៃ​តៃ​តា​តើម​ជ្រី​មាម់រេ​រី ទោល​អាឞ្រាហាម់ ​គុ​តា​ឞោក​មពោង​ចូន​ពាង់​នើម​រី នោក​នារ​ងក្លាង​ឞោក។
GEN 18:2 ជេសរី​អាឞ្រាហាម់ ​ងើក​ឆៃ​ឞូនុយ្ស​ពែ​នុយ្ស​ទ៝ក់​ឞើស​នាប់​ពាង់​រី។ ត៝ត់​មា​ឆៃ​ខាន់​ពាង់ ពាង់​ញច្វាត់​ឞើស​មពោង​ចូន​ពាង់​នើម​នៃ​ហាន់​រាន​អា​ខាន់​ពាង់​ពាន់​អា​នែស​ឆូ តឹង​នាវ​វៃ​អោប​អ្វែស​លាង់​មា​កោរាញ។
GEN 18:3 ជេសរី​ពាង់​លាស៖ “អើ​កោរាញ លាស​ខាន់​មៃ​រ៝ង់​មា​គ៝ប់​ងាន់ ទាន់​ប៝ត់​ហ៝ៈ​អោស​នហ៝ត​ឞើស​គ៝ប់​ជេង​ឞូនុយ្ស​តា​ន៝ម់​ខាន់​មៃ។
GEN 18:4 អ៝ន់​គ៝ប់​ដាៈ​ឞូ​ឆ៝ៈ​ទាក​ដេៈ​មា​រាវ​ជ៝ង់​ខាន់​មៃ ទាន់​ខាន់​មៃ​គុ​រាលូ​តា​ន៝ម់​តើម​ឆី​អ្យា​ប៝ត់។
GEN 18:5 គ៝ប់​ហាន់​ឆ៝ៈ​នទើ​ឆោង​ឆា​ដេៈ​ដាៈ​ខាន់​មរែ​មា​ឆោង មា​គែស​ឆ្វាន​ខាន់​មៃ​មា​ហាន់​ជឹត​នាប់​ជឹត លែៈ​ខាន់​មៃ​មា​ត៝ត់​តា​នតុក​គ៝ប់​អ្យា”។ ជេសរី​ពែ​នុយ្ស​ខាន់​ពាង់​នៃ​លាស​មា​ពាង់៖ “ជាន​ហ៝ម់​កើត​នាវ​មៃ​លាស​រី”។
GEN 18:6 ជេសរី​អាឞ្រាហាម់ ​ហាន់​តា​ចូន​រី​រ៝ មឞើស​មា​ឆារា​អី​អូរ​ពាង់​នើម៖ “អៃ​ឆ៝ៈ​រានីស​មោយ​ពែ​ប្វាត់ ម៝ន​ជាន​នុមពាង់​អ៝ន់​គើញ​អ៝យ”។
GEN 18:7 អាឞ្រាហាម់ ​នើម​រី​ហាន់​ញច្វាត់​តា​ផូង​មពោមពា​(ឆ្យុម)​ជ៝យ​ទូ​មល៝ម់​ក៝ន​នទ្រោក​លៃ​អ្វែស​ងាន់ អ៝ន់​ឞូនុយ្ស​ជាន​ការ​មា​ពាង់​ទូ​ហ្វេ​ជាន ឞូនុយ្ស​ជាន​ការ​អី​នៃ​ឆ៝ៈ​ជាន​រ៝។
GEN 18:8 ជេសរី​អាឞ្រាហាម់ ​ឆ៝ៈ​ងី​ទាក​ត៝ស​នទ្រោក ឆ៝ៈ​ទាក​ត៝ស​នទ្រោក នទ្រែល​មា​ឆ៝ៈ​ព្វាច់​ក៝ន​នទ្រោក​អី​ឞូ​ជាន​ត្រាវ​រី​នើស លែវ​អ៝ន់​តា​នាប់​មពោល​ពែ​នុយ្ស​នៃ​ឆោង​ឆា។ ជេសរី​ខាន់​ពាង់​អី​នៃ​ឆោង​ឆា អាឞ្រាហាម់ ​នើម​រី​ហោម​គុ​នទ្រែល មា​ឆើម​ឆ៝ៈ​នទើ​ឆោង​ឆា​មា​ខាន់​ពាង់​តា​ន៝ម់​តើម​ឆី​រី​ដ៝ង់។
GEN 18:9 ជេសរី​មពោល​ពែ​នុយ្ស​នៃ​អោប​អាឞ្រាហាម់ ៖ “អាស​ឆារា​អូរ​មៃ​នៃ?” អាឞ្រាហាម់ ​អើស​មា​ខាន់​ពាង់៖ “ពាង់​គុ​អា​ត្រោម​ចូន​ត៝”។
GEN 18:10 ជេសរី​ឞ្រាស​យេហោវា​លាស​មា​អាឞ្រាហាម់ ៖ “នាម់​ជឹត​នាប់​ក្លាប់​លាស​តា​ខៃ​អ្យា​ដ៝ង់ ហេន​ហាន់​ម៝ប់​មៃ​ទូ​តឹ​តៃ​ជឹត តា​នោក​រី​តៃ​ឆារា​លែៈ​គែស​ទូ​មល៝ម់​ក៝ន​ឞូ​ក្លោ”។ ឆារា​គុ​អ្យាត់​តាង់​នាវ​ខាន់​ពាង់​ងើយ​តា​ឞោក​មពោង​ឞើស​កើយ​អាឞ្រាហាម់ ​រី។
GEN 18:11 អាឞ្រាហាម់  នទ្រែល​មា​ឆារា​លែៈ​រាញៗ​ងាន់ ឆារា​លែៈ​ឞាស​គែស​ឆាក់​ដ៝ង់។
GEN 18:12 នទ្រី​ឆារា​គើម​លាស​អេង​តា​នូយ្ស​នហ៝ម់​រី៖ “ឆាក់​លែៈ​រាញ​ទាស​អ្យា​ជេស ល៝ង់​ឆាយ​គ៝ប់​លែៈ​រាញ​ងាន់​ដ៝ង់ គ៝ប់​អើម​ហោម​រ៝ង់​មា​នាវ​មអាក​លាស?”
GEN 18:13 ឞ្រាស​យេហោវា​លាស​មា​អាឞ្រាហាម់ ៖ “មើម​ទឹង​ឆារា​គើម? នអ៝ប់​មា​លាស «គ៝ប់​លែៈ​រាញ​ងាន់​អើម​ហោម​គែស​ក៝ន​លាស?»
GEN 18:14 អើម​គែស​លាស​នទើ​ឞ្រាស​យេហោវា​ជាន​មោ​ឞ្លាវ? ត៝ត់​អាប់​ខៃ​រី​តៃ​ហេន​ហាន់​ម៝ប់​តៃ​មៃ នោក​នៃ​ឆារា​គែស​ទូ​ហ្វេ​ក៝ន​ឞូ​ក្លោ”។
GEN 18:15 យើន​មា​ឆារា​រាលាច់​លាស៖ “មោ​អោស គ៝ប់​មោ​អោស​ព្រ៝ត​គើម” ទឹង​ពាង់​លាស​កើត​នៃ យ៝រ​លាស​ពាង់​លែៈ​ក្លាច។ ឞ្រាស​យេហោវា​លាស​មា​ពាង់៖ “មោ​អោស អៃ​លែៈ​គើម​ងាន់”។
GEN 18:16 ជេសរី​ពែ​នុយ្ស​ខាន់​ពាង់​នៃ​ទ៝ក់​ហាន់ ខាន់​ពាង់​ងគឹល​អ្វាញ់​ជឹត​ប៝ន​ឆោដុម​រី អាឞ្រាហាម់ ​ហាន់​នទ្រែល​ដ៝ង់​គៃ​មា​ញជុន​ខាន់​ពាង់​នៃ។
GEN 18:17 នោក​នៃ​ឞ្រាស​យេហោវា​លាស៖ “នាវ​គ៝ប់​នទ្រាប់​អុច​ជាន​អ្យា គ៝ប់​មោ​អោស​ម៝​មា​អាឞ្រាហាម់
GEN 18:18 យ៝រ​លាស​អាឞ្រាហាម់ ​តៃ​ជេង​ឞឹ​មា​ទូ​ផូង​ឞ្រី​ទាក​អី​ទុត​ក្វ៝ង់ នអ៝ប់​មា​គែស​នាវ​ទើយ​ដ៝ង់ លែៈ​រាងោច​ឞ្រី​ទាក​តា​នែស​នតូ​អ្យា​មរា​ឆ៝ៈ​ទើន​នាវ​គែស​ជេង​តាៈ​ឞើស​ពាង់​ទាទេ។
GEN 18:19 លែៈ​គ៝ប់​កើយ្ស​ជេស​ពាង់​គៃ​មា​អ៝ន់​ពាង់​នតុម​នតី​ក៝ន​ឞូ​ក្លោ​ពាង់ នទ្រែល​មា​ត៝ត់​ក៝ន​ត៝ត់​ឆៅ​ពាង់​ឞើស​កើយ​ឞើស​កើយ​តៃ អ៝ន់​ញអោត​ន៝ប់​ត្រ៝ង​ឞ្រាស​យេហោវា គៃ​មា​គុ​ងាវ​តឹម​ទី នទ្រែល​មា​អ៝ន់​ឆ៝ង់។ លាស​ក៝ន​ឆៅ​ពាង់​ជាន​កើត​នអា​ងាន់ គ៝ប់​ជាន​ទឹង​លែៈ​នាវ​គ៝ប់​ត៝ន​មា​ពាង់”។
GEN 18:20 ជេសរី​ឞ្រាស​យេហោវា​លាស៖ “យ៝រ​លាស​នាវ​ឞូ​លាស​មា​ប៝ន​ឆោដុម នទ្រែល​មា​ប៝ន​កោមោរា​លែៈ​ហោ​ងាន់​ឞូនុយ្ស​តា​ប៝ន​នៃ​ជាន​តីស​ទុត​អ៝ក់​ដ៝ង់។
GEN 18:21 លាស​នទ្រី​គ៝ប់​អុច​ហាន់​ជុរ​អ្វាញ់ គៃ​មា​គឹត​នាវ​ឞូ​ជាន​តា​នៃ​ជេង​ទី​កើត​នាវ​គ៝ប់​លែៈ​តាង់​លាស​មោ។ លាស​មោ​ងាន់​គ៝ប់​អុច​គឹត​ដ៝ង់”។
GEN 18:22 ជេសរី​ឞារ​ហៃ​ហាន់​រាប៝ង់​ជឹត​ប៝ន​ឆោដុម​រី។ អាឞ្រាហាម់ ​រី​ហោម​ទ៝ក់​នទ្រែល​មា​ឞ្រាស​យេហោវា​តា​រី​ដ៝ង់។
GEN 18:23 អាឞ្រាហាម់ ​ហាន់​ទាច់​អោប​ឞ្រាស​យេហោវា៖ “អើម​មៃ​លើស​លើយ​ងាន់​លាស ឞូនុយ្ស​ឆ៝ង់ នទ្រែល​មា​ឞូនុយ្ស​តីស?
GEN 18:24 លាស​គែស ៥០ នុយ្ស​ឞូនុយ្ស​ឆ៝ង់​គុ​តា​ប៝ន​អី​នៃ អាស​មៃ​លើស​លើយ​ដ៝ង់​ប៝ន​អី​នៃ​បាស? លាស​នទ្រី​មៃ​មោ​យោៈ​មា​ប៝ន​អី​នៃ​យ៝រ​មា​គែស​ឞូនុយ្ស​ឆ៝ង់ ៥០ នុយ្ស​គុ​តា​ប៝ន​អី​នៃ?
GEN 18:25 លាស​មៃ​លើស​កើត​នៃ ជេង​លើស​លើយ​ឞូនុយ្ស​ឆ៝ង់​នទ្រែល​មា​ឞូនុយ្ស​តីស​មោ​ជេង​វាៈ លាស​លើស​កើត​នៃ​មៃ​ហោម​តេៈ​ទោយ្ស​ឞូនុយ្ស​ឆ៝ង់​ជេង​តឹម​ឞាន​មា​ឞូនុយ្ស​តីស មោ​ជេង​វាៈ។ ជាន​កើត​នៃ​អើម​ទី​កោរាញ​ផាត​ទោយ្ស​មា​លែៈ​រាងោច​នែស​នតូ​លាស?”
GEN 18:26 ជេសរី​ឞ្រាស​យេហោវា​លាស៖ “លាស​គ៝ប់​ឆៃ​គែស ៥០ នុយ្ស​ឞូនុយ្ស​ឆ៝ង់​គុ​តា​ប៝ន​ឆោដុម​នៃ គ៝ប់​មោ​លើស​អោស គ៝ប់​យោៈ​មា​ប៝ន​អី​នៃ​យ៝រ​មា​ឞូនុយ្ស ៥០ នុយ្ស​អី​នៃ”។
GEN 18:27 អាឞ្រាហាម់ ​ងើយ​មា​ឞ្រាស​យេហោវា​ជឹត៖ “គ៝ប់​អ្យា​ជេង​នែស​មោយ នទ្រែល​មា​អុញ​ឞុស​ទើម​មោ​គែស​នាវ​ខ្លៃ ទាន់​មៃ​លើយ​ក្លាប់​នទាង់​នាវ​តីស​គ៝ប់​ហោម​ងើយ​ជឹត​មា​មៃ​អ្យា។
GEN 18:28 លាស​តា​ប៝ន​អី​នៃ​មោ​អោស​ត៝ត់ ៥០ នុយ្ស គែស ៤៥ នុយ្ស​ទើម លាស​នទ្រី​មៃ​លើស​ប៝ន​នៃ​យ៝រ​មា​ហោម​អែ​ព្រាម់​នុយ្ស​អេ​ហ៝ៈ​រឹង​នៃ​ឞើស?” ពាង់​អើស៖ “លាស​គ៝ប់​ឆៃ​គែស ៤៥ នុយ្ស​ឞូនុយ្ស​ឆ៝ង់ គ៝ប់​មោ​លើស​អោស”។
GEN 18:29 អាឞ្រាហាម់ ​ងើយ​តៃ​មា​ឞ្រាស​យេហោវា៖ “ក្លាប់​លាស​គែស ៤០ នុយ្ស​ទើម”។ ពាង់​លាស៖ “គ៝ប់​មោ​លើស​អោស យ៝រ​មា​ផូង ៤០ នុយ្ស​នៃ”។
GEN 18:30 អាឞ្រាហាម់ ​ងើយ​ជឹត៖ “ទាន់​មៃ​លើយ​ជី​នូយ្ស​មា​គ៝ប់ គ៝ប់​ទាន់​ងើយ​មា​មៃ​ទូ​តឹ​ជឹត។ ក្លាប់​លាស​គែស ៣០ នុយ្ស​ទើម”។ ពាង់​លាស៖ “លាស​គ៝ប់​ឆៃ​គែស ៣០ នុយ្ស គ៝ប់​មោ​លើស​អោស”។
GEN 18:31 អាឞ្រាហាម់ ​ងើយ​ជឹត៖ “ទាន់​មៃ​លើយ​ក្លាប់​នទាង់​នាវ​គ៝ប់​ហោម​ងើយ​នទ្រែល​មៃ​អ្យា ក្លាប់​លាស​គែស ២០ នុយ្ស​ទើម”។ ពាង់​លាស៖ “គ៝ប់​មោ​លើស​អោស យ៝រ​មា​ផូង ២០ នុយ្ស​នៃ”។
GEN 18:32 អាឞ្រាហាម់ ​ងើយ​ជឹត៖ “ទាន់​កោរាញ​ឞ្រាស​លើយ​ជី​នូយ្ស​មា​គ៝ប់ គ៝ប់​ទាន់​ងើយ​ហោម​ទូ​តឹ​អ្យា​ទើម។ ក្លាប់​លាស​គែស​ជឹត​នុយ្ស​ទើម”។ ពាង់​លាស៖ “គ៝ប់​មោ​លើស​អោស យ៝រ​មា​ផូង​ជឹត​នុយ្ស​នៃ”។
GEN 18:33 ជេស​លែៈ​ផ្យៅ​ឞ្រាស​យេហោវា​ងើយ​នទ្រែល​អាឞ្រាហាម់ ​រី ពាង់​ហាន់​យ៝ត​ក្ល៝ក់​ឞើស​នតុក​នៃ ជេសរី​អាឞ្រាហាម់ ​ព្លឹ​ឆឹត​តៃ​តា​ចូន​ពាង់​នើម។
GEN 19:1 ត៝ត់​កេង​មាង់​រី ឞារ​ហៃ​តោង​ពារ់​នៃ​ហាន់​ត៝ត់​តា​ប៝ន​ឆោដុម។ លុត ​គុ​តា​ឞោក​មពោង​ប៝ន​នៃ ត៝ត់​មា​ឆៃ​តោង​ពារ់​ឞារ​ហៃ​នៃ ពាង់​រាន​ច្វាៈ​នហ៝​មា​ពាន់​ក្រាប​អា​នែស​ឆូ​រ៝។
GEN 19:2 ពាង់​លាស​មា​ឞារ​ហៃ​តោង​ពារ់​នៃ៖ “អើ​កោរាញ គ៝ប់​ជេង​ឞូនុយ្ស​តា​ន៝ម់​ខាន់​មៃ ហាន់​លាប់​អា​ជៃ​គ៝ប់​ប៝ត់ គៃ​មា​រាវ​ជ៝ង់​ខាន់​មៃ ជេសរី​ឞិច​តា​អ្យា​ទូ​មាង់ ក៝ប់​អោយ​តៃ​ទឹង​ទ៝ក់​អើម​អោយ​ហាន់​ជឹត”។ យើន​មា​តោង​ពារ់​នៃ​អើស​មា​ពាង់៖ “មោ​អោស មាង់​អ្យា​ហេន​ឞិច​តា​ជ៝ង់​គូង​ប៝ន”។
GEN 19:3 យ៝រ​មា​លុត ​ទាន់​ហោ​ងាន់ នទ្រី​ទឹង​មពោល​តោង​ពារ់​នៃ​ហាន់​ឞិច​អា​ជៃ​ពាង់ ពាង់​នទ្រាប់​នទើ​ឆោង​ឆា​អ្វែស ដាៈ​ឞូ​គុច​នុមពាង់​មោ​គែស​នទ្រូយ​អ៝ន់​មា​មពោល​តោង​ពារ់​នៃ ជេសរី​មពោល​តោង​ពារ់​នៃ​ឆា។
GEN 19:4 ទោល​ខាន់​ពាង់​អេ​ហ៝ៈ​ឞិច​អោស ទឹង​លែៈ​ឞូនុយ្ស​តា​ប៝ន​នៃ លែៈ​រាងោច​ឞូ​ក្លោ​តា​ប៝ន​ឆោដុម​រី នតើម​ឞើស​ឞូ​នទាម់​ត៝ត់​មា​ឞូ​រាញ លែវ​ឞាល់​ហាន់​ញជ្វែង​ជៃ​លុត ​រី​ទាទេ។
GEN 19:5 ផូង​អី​នៃ​នតែរ​អោប​លុត ៖ “អាស​គុ​ឞូនុយ្ស​អី​លាប់​តា​ជៃ​មៃ​មាង់​អ្យា​នើស​មេស? ហាន់​មៃ​ងលោស​ខាន់​ពាង់​មា​ហេន ហេន​ទែ​មា​តឹម​ហាវ​ដាស​ខាន់​ពាង់”។
GEN 19:6 ជេសរី​លុត ​លោស​អា​ទីស​ទ៝ក់​ឞើស​ទីស​មពោង​រី ពាង់​នតឹល​មពោង​ឞើស​កើយ​ពាង់​នើម។
GEN 19:7 ពាង់​លាស៖ “អើ​អ៝ស​នោ គ៝ប់​ទាន់​ទោយ្ស​មា​ខាន់​មៃ​ខឹត​អោម​លោម​លាៈ​ងាន់ លើយ​ជាន​អ្យើស​កើត​នៃ!
GEN 19:8 គ៝ប់​គែស​ក៝ន​ឞូ​អូរ​ទ្រោស​ឞារ​ហៃ អេ​ហ៝ៈ​ដាស​ឞូ​អោស គ៝ប់​អ៝ន់​ខាន់​ពាង់​មា​ខាន់​មៃ ទាស​ខាន់​មៃ​អុច​ជាន អ្យាត់​មា​ខាន់​មៃ​លើយ​លើស​មា​ឞារ​ហៃ​ខាន់​ពាង់​អ្យា យ៝រ​លាស​ខាន់​ពាង់​លែៈ​វែស​ឞិច​តា​ជៃ​គ៝ប់”។
GEN 19:9 ឞូ​លាស​មា​ពាង់៖ “ទុ​មៃ​អ្យាៈ!” ជេសរី​ឞូ​លាស​តៃ​ពាង់​ជឹត៖ “មៃ​អី​នៃ​មោ​អោស​ទី​ផូង​ហេន មើម​អាបៃ​រី​អុច​ជាន​កោរាញ​ហេន? លាស​នទ្រី​លើស​អ្យើស​មៃ​អ៝ន់​ហោ​រាលាវ​មា​ឞារ​ហៃ​នៃ​ជឹត”។ ជេសរី​ឞូ​នត្រោល​លុត ​ទុត​ហោ លាប់​អុច​មា​មព្លុង​មពោង​រ៝។
GEN 19:10 យើន​មា​តោង​ពារ់​ទែ​ឆូក​តី​មផ៝ក់​លុត ​លាប់​អា​ត្រោម​ជៃ ជេសរី​នតឹល​មពោង។
GEN 19:11 ជេស​ឞើស​នៃ​តោង​ពារ់​ទែ​ជាន​ចែស​ត្រោម​មាត់​ផូង​អី​គុ​តា​ឞោក​មពោង​រី​អ៝ន់​ចែស​ទាទេ នតើម​ឞើស​ឞូ​ជេៈ​ត៝ត់​មា​ឞូ​ក្វ៝ង់ នទ្រី​ទឹង​ផូង​អី​នៃ​ជ៝យ​ងាន់​ជ៝យ​ងាន់​មពោង​មោ​ហោម​ឆៃ​ជឹត​អោស។
GEN 19:12 ជេសរី​តោង​ពារ់​នៃ​អោប​លុត ៖ “មៃ​គែស​នទុល​មពោល​អាបាៈ​គុ​តា​ប៝ន​អ្យា​ដ៝ង់? មោ​លាស​គែស​ក៝ន​គែស​ក្លៃ? អ៝ន់​មៃ​លែវ​លែៈ​ឞូនុយ្ស​មៃ​ទូ​លោស​ឞើស​នតុក​អ្យា​ហ៝ម់។
GEN 19:13 ប៝ន​អ្យា​ហេន​លើស​លើយ យ៝រ​លាស​នាវ​អ្យើស​តា​ប៝ន​អ្យា​លើ​ហោ​ងាន់​លឺ​អា​ឞ្រាស​យេហោវា​រី កើត​នទ្រី​ទឹង​ពាង់​ដាៈ​ហេន​ហាន់​លើស​ហេង​លើយ​ប៝ន​អ្យា”។
GEN 19:14 ជេសរី​លុត ​ទ៝ក់​មឞើស​ក្លៃៗ​អី​នអាប់​មា​ក៝ន​ពាង់​រី៖ “ទ៝ក់​ទូ​ឞើស​នតុក​អ្យា​ហ៝ម់ យ៝រ​លាស​ឞ្រាស​យេហោវា​ឞើយ​មា​លើស​ហេង​លើយ​ប៝ន​អ្យា”។ តីស​មា​អី​ក្លៃៗ​រី​មោ​អោស​អ្យាត់ ខាន់​ពាង់​នអោន​លាស​ងើយ​ព៝ល់​ទើម។
GEN 19:15 ត៝ត់​ឞ្រី​លែៈ​ប្ហីត​អាង តោង​ពារ់​ទែ​ញច៝ប់​លុត ៖ “ទ៝ក់​ហ៝ម់ លែវ​អូរ​មៃ នទ្រែល​មា​ក៝ន​មៃ​ទូ​ឞើស​នតុក​អ្យា ក្លាច​លាស​គែស​ខឹត​នទ្រែល​ផូង​តីស​តា​ប៝ន​អ្យា”។
GEN 19:16 តីស​មា​លុត ​ហោម​អែ​គុ​មឞ្រែៈ​មឞ្រើយ។ ជេសរី​តោង​ពារ់​ទែ​តេក​តី​លុត  តេក​តី​អី​អូរ​ពាង់ នទ្រែល​មា​តេក​តី​អី​ក៝ន​ពាង់​រី លែវ​ខាន់​ពាង់​អ៝ន់​គុ​អា​ឞើស​ទីស​ប៝ន​រី យ៝រ​លាស​ឞ្រាស​យេហោវា​យោៈ​ខាន់​ពាង់។
GEN 19:17 ត៝ត់​ឞើស​ទីស​ប៝ន​រី ទូ​ហ្វេ​តោង​ពារ់​លាស​មា​ខាន់​ពាង់៖ “ខាន់​មៃ​ញច្វាត់​ហ៝ម់​គៃ​មា​ក្លាយ្ស លើយ​អោស​ងគឹល​ជឹត​កើយ នទ្រែល​មា​លើយ​ញឆ្រុង​តា​នតុក​ឞ្រី​រាដុង​ដ៝ង់ អ៝ន់​ខាន់​មៃ​ញច្វាត់​ជឹត​យោក​រី គៃ​មា​ក្លាយ្ស​ឞើស​នាវ​ខឹត​ហេង”។
GEN 19:18 លុត ​ងើយ​មា​តោង​ពារ់៖ “អើ​កោរាញ លើយ​អោស​ញច៝ប់​គ៝ប់​នទ្រី។
GEN 19:19 មៃ​លែៈ​យោៈ​មា​គ៝ប់​ហោ​ងាន់ រាក្លាយ្ស​នាវ​រេស​គ៝ប់។ យើន​មា​លាស​មៃ​ដាៈ​គ៝ប់​ញច្វាត់​ជឹត​យោក​រី​មោ​នាន់​អោស ក្លាច​លាស​នាវ​អ្យើស​នៃ​ឞាន​គ៝ប់​ច្រាវ ជេសរី​គ៝ប់​ខឹត​រ៝។
GEN 19:20 អើ​កោរាញ តា​អ្យា​គែស​ទូ​ប៝ន​ទាច់​អ៝យ​គ៝ប់​ទើយ​មា​ញច្វាត់ ប៝ន​អី​នៃ​ជេៈ​ទើម លាស​នទ្រី​មៃ​អ៝ន់​គ៝ប់​ញច្វាត់​តា​ប៝ន​ជេៈ​នៃ គៃ​មា​រេស!”
GEN 19:21 តោង​ពារ់​លាស​មា​ពាង់៖ “លាស​នទ្រី​គ៝ប់​តឹង​នាវ​មៃ គ៝ប់​មោ​អោស​លើស​ហេង​ប៝ន​ជេៈ​អី​មៃ​លាស​នៃ។
GEN 19:22 មៃ​ញច្វាត់​អ៝ន់​គើញ​ហ៝ម់​តា​ប៝ន​នៃ យ៝រ​លាស​គ៝ប់​មោ​អោស​ឞ្លាវ​ជាន​លាស​មៃ​អេ​ហ៝ៈ​ត៝ត់​តា​នៃ”។ នទ្រី​ទឹង​ឞូ​តេៈ​រាញា​ប៝ន​អី​នៃ​«ឆោអារ» គែស​នាវ​ខ្លៃ​«ជេៈ»។
GEN 19:23 ត៝ត់​លុត ​លែៈ​លាប់​តា​ប៝ន​ឆោអារ​រី នារ​លែៈ​លោស​ជេស។
GEN 19:24 នោក​នៃ​ឞ្រាស​យេហោវា​អ៝ន់​គែស​ញឆីវ​ហីត​អុញ​តាៈ​ឞើស​ត្រោក​តី​តឹម​ឞាន​មា​មីស​ងាន់​ងខុត​តា​ប៝ន​ឆោដុម នទ្រែល​មា​ប៝ន​កោមោរា។
GEN 19:25 ឞ្រាស​យេហោវា​លើស​ហេង​លើយ​ទឹង​លែៈ​ប៝ន​នៃ នទ្រែល​មា​លែៈ​រាងោច​នតុក​ឞ្រី​រាដុង ឞូនុយ្ស​ទឹង​លែៈ​តា​ប៝ន នអ៝ប់​មា​លែៈ​នទើ​ហ៝ន​តា​នែស ខឹត​រ៝ស​ហេង​លែៈ​ផ្យៅ។
GEN 19:26 ល៝ង់​អី​អូរ​លុត ​រី ពាង់​ងគឹល​ជឹត​កើយ នហ៝​មា​ជេង​ឞ៝ស​រូប​អី​ឆាក់​ពាង់​រី។
GEN 19:27 អាឞ្រាហាម់ ​ទ៝ក់​អើម​អោយ ពាង់​ហាន់​តា​នតុក​ពាង់​គុ​នទ្រែល​ឞ្រាស​យេហោវា​រី​នើស
GEN 19:28 ជេសរី​ពាង់​អ្វាញ់​ឞើស​លើ​យោក​ជឹត​ប៝ន​ឆោដុម ជឹត​ប៝ន​កោមោរា នទ្រែល​មា​លែៈ​រាងោច​នតុក​ឞ្រី​រាដុង​រី ពាង់​ឆៃ​ញហូក​អុញ​តឹម​ឞាន​មា​ញហូក​អុញ​មពុយ្ស​ងាន់។
GEN 19:29 កើត​នទ្រី​នោក​ឞ្រាស​យេហោវា​លើស​ហេង​លើយ​ទឹង​លែៈ​ប៝ន​រ៝ៈ​នតុក​ឞ្រី​រាដុង​នៃ ពាង់​កាស​គឹត​មា​អាឞ្រាហាម់  ជេសរី​ពាង់​រាក្លាយ្ស​លុត ​អ៝ន់​រេស នោក​ពាង់​លើស​ហេង​លើយ​ប៝ន​លុត ​គុ​នៃ​នើស។
GEN 19:30 លុត  នទ្រែល​មា​ឞារ​ហៃ​ក៝ន​ទ្រោស​ពាង់​លោស​ឞើស​ប៝ន​ឆោអារ​ហាន់​គុ​អា​យោក​រី យ៝រ​លាស​ពាង់​មោ​អោស​ឞាញ់​គុ​តា​ប៝ន​ឆោអារ នទ្រី​ទឹង​ពាង់​ហាន់​គុ​អា​ទូ​មល៝ម់​ត្រោម​យោក នទ្រែល​មា​ឞារ​ហៃ​ក៝ន​ទ្រោស​ពាង់​នៃ។
GEN 19:31 ទោល​នៃ​អី​យោស​រី​លាស​មា​អី​អ៝ស៖ “ឞឹ​ឞ៝ន់​លែៈ​រាញ តា​ឞ្រី​អ្យា​មោ​អោស​គែស​ឞូ​ក្លោ​ឆ៝ៈ​ឞ៝ន់​មា​ជាន​អូរ កើត​ឞូ​អាបាៈ​អេង​តា​នែស​នតូ​អ្យា។
GEN 19:32 លាស​នទ្រី​ឞ៝ន់​ជាៈ​ពាង់​ញេត​នទ្រាញ់​អ៝ន់​ត៝ត់​ញុល ជេសរី​ឞិច​នទ្រែល​ពាង់ គៃ​មា​ហោម​គែស​រាន៝យ​ទែស​តាៈ​ឞើស​ឞឹ​ឞ៝ន់”។
GEN 19:33 មាង់​នៃ​ឞារ​ហៃ​ខាន់​ពាង់​រី​ជាៈ​ឞឹ​ខាន់​ពាង់​ញេត​នទ្រាញ់​អ៝ន់​ញុល​រ៝ ជេសរី​អី​យោស​រី​លាប់​ឞិច​នទ្រែល​អី​ឞឹ​រី យើន​មា​លុត ​មោ​គឹត​អោស​ក៝ន​ពាង់​ឞិច​ដាស​ពាង់ យ៝រ​មា​លែៈ​ញុល​ហោ​អីរ។
GEN 19:34 កាស​អោយ​តៃ​អី​យោស​រី​លាស​មា​អី​អ៝ស៖ “អា​មាង់​នើស​គ៝ប់​លែៈ​ជេស​ឞិច​ដាស​ឞឹ មាង់​អ្យា​ឞ៝ន់​ជាៈ​ពាង់​ញេត​នទ្រាញ់​អ៝ន់​ត៝ត់​ញុល​ជឹត ជេសរី​អៃ​ឞិច​ដាស​ពាង់ គៃ​មា​ហោម​គែស​រាន៝យ​ទែស​តាៈ​ឞើស​ពាង់”។
GEN 19:35 ត៝ត់​មាង់​នៃ ខាន់​ពាង់​ជាៈ​តៃ​អី​ឞឹ​ញេត​នទ្រាញ់​អ៝ន់​ត៝ត់​ញុល ជេសរី​អី​អ៝ស​រី​លាប់​ឞិច​ដាស​អី​ឞឹ​រី យើន​មា​លុត ​មោ​គឹត​អោស​ក៝ន​ពាង់​ឞិច​ដាស​ពាង់ យ៝រ​មា​លែៈ​ញុល​ហោ​អីរ។
GEN 19:36 ជេសរី​លែៈ​ឞារ​ហៃ​ក៝ន​ទ្រោស​លុត ​រី នត្រែវ​ដាស​ពាង់​នើម​ទាទេ។
GEN 19:37 អី​យោស​រី​គុ​អ៝ស​ទូ​ហ្វេ​ក៝ន​ឞូ​ក្លោ ពាង់​តេៈ​រាញា​មោអាប់ ពាង់​អី​នៃ​ជេង​ចែ​មា​ផូង​មោអាប់​នហ៝​មា​ត៝ត់​អាបៃ​អ្យា។
GEN 19:38 អី​អ៝ស​រី​គុ​អ៝ស​ទូ​ហ្វេ​ក៝ន​ឞូ​ក្លោ​ដ៝ង់ ពាង់​តេៈ​រាញា​បេន-​អាមី ពាង់​អី​នៃ​ជេង​ចែ​មា​ផូង​អាមោន​នហ៝​មា​ត៝ត់​អាបៃ​អ្យា។
GEN 20:1 ជេសរី​អាឞ្រាហាម់ ​លោស​ឞើស​នតុក​ពាង់​គុ​នៃ ហាន់​មពែស​មា​ឞ្រី​នេកិប។ ពាង់​គុ​តា​ប៝ន​កេរារ ជេង​វាស​វាង​ប៝ន​កាដែស​មា​ឞ្រី​ឆូរ។
GEN 20:2 តា​នៃ​អាឞ្រាហាម់ ​ងើយ​ងក៝ច​ឆារា​អី​អូរ​ពាង់​រី​មា​ឞូ ពាង់​លាស​ឆារា​នៃ​ជេង​អី​អ៝ស​ពាង់។ តា​ប៝ន​កេរារ​នៃ​គែស​ទូ​ហ្វេ​រាញា​អាបីមាលិច ពាង់​ជេង​កាដាច់​ឞ្រី​នៃ ត៝ត់​ពាង់​គឹត​មា​នាវ​អាឞ្រាហាម់​ងក៝ច​អី​នៃ ពាង់​ដាៈ​ឞូ​ហាន់​ឆ៝ៈ​ឆារា​លែវ​អា​ពាង់​មា​ជាន​អូរ‌
GEN 20:3 យើន​មា​តា​មាង់​នៃ​កោរាញ​ឞ្រាស​ហាន់​ម៝ប់​មា​នាវ​មឞើយ លាស​មា​ពាង់៖ “មៃ​តៃ​ខឹត​រ៝​យ៝រ​មា​ឞូ​អូរ​អី​មៃ​ឆ៝ៈ​នៃ យ៝រ​លាស​ពាង់​នើស​ជេង​អូរ​ឞូ”។
GEN 20:4 យើន​មា​កាដាច់​អាបីមាលិច​អេ​ហ៝ៈ​អោស​ឞិច​ដាស​ឆារា នទ្រី​ពាង់​អោប៖ “អើ​កោរាញ​ឞ្រាស មៃ​លើស​លើយ​ដ៝ង់​ឞើស លាស​គ៝ប់​នទ្រែល​មា​ប៝ន​លាន​គ៝ប់​មោ​ម៝ប់​ជាន​តីស?
GEN 20:5 អើម​មោ​ទី​លាស​ពាង់​លែៈ​មឞើស​មា​គ៝ប់​លាស៖ «ឞូ​អូរ​អ្យា​ជេង​អ៝ស​គ៝ប់»? ជេសរី​ឞូ​អូរ​នៃ​ក៝ៈ​មឞើស​មា​គ៝ប់​លាស៖ «ឞូ​ក្លោ​អ្យា​ជេង​នោ​គ៝ប់»​ដ៝ង់។ កើត​នទ្រី​នាវ​គ៝ប់​ជាន​អ្យា​ជេង​ទី​មា​គ៝ប់ គ៝ប់​ក៝ៈ​មោ​ជាន​តីស​ដ៝ង់”។
GEN 20:6 កោរាញ​ឞ្រាស​លាស​មា​ពាង់​តឹម​នាវ​មឞើយ​នៃ៖ “គ៝ប់​គឹត​នាវ​មៃ​ជាន​នៃ​ជេង​ទី​មា​មៃ កើត​នទ្រី​ទឹង​គ៝ប់​ឞ្វៃ​មៃ មោ​អ៝ន់​មៃ​ជាន​តីស​មា​គ៝ប់។ គ៝ប់​មោ​ប៝ង់​គ៝រ​អ៝ន់​មៃ​ឞិច​ដាស​ឞូ​អូរ​នៃ​ដ៝ង់។
GEN 20:7 លាស​នទ្រី​អ៝ន់​មៃ​មព្លឹ​ឞូ​អូរ​នៃ​អា​ឆាយ​ពាង់​អាបៃ​រី តៃ​ពាង់​មឞើស​ឆើម​អ៝ន់​មា​មៃ គៃ​មា​មៃ​ហោម​គុ​រេស​ជឹត យ៝រ​លាស​ពាង់​ជេង​ឞូនុយ្ស​នតើយ្ស​នាវ​គ៝ប់​ងើយ។ លាស​មៃ​មោ​អោស​មព្លឹ​ឞូ​អូរ​នៃ​អា​ពាង់ មៃ​តៃ នទ្រែល​មា​ប៝ន​លាន​មៃ​ខឹត​រ៝”។
GEN 20:8 កាដាច់​អាបីមាលិច​រី​ទ៝ក់​អើម​អោយ ពាង់​ក្វាល់​រាគូម​ផូង​កើល​ជាន​ការ​ពាង់ ជេសរី​មឞើស​ងក៝ច​ទឹង​លែៈ​នាវ​មឞើយ​អី​នៃ​អ៝ន់​មា​ខាន់​ពាង់​តាង់។ ជេស​តាង់​នាវ​អី​នៃ លែៈ​រាងោច​ខាន់​ពាង់​ក្លាច​ញឆ៝រ់​ទាទេ។
GEN 20:9 ជេសរី​កាដាច់​អាបីមាលិច​ដាៈ​ឞូ​ហាន់​ក្វាល់​អាឞ្រាហាម់  កាដាច់​លាស​ពាង់៖ “ម៝ស​មៃ​ជាន​មា​ហេន​កើត​នអា​មេស? ម៝ស​បាៈ​គ៝ប់​ជាន​តីស​មា​មៃ ទឹង​មៃ​ជាន​អ៝ន់​មា​គ៝ប់ នទ្រែល​មា​ឞ្រី​ទាក​គ៝ប់​គែស​នាវ​តីស​ទុត​ក្វ៝ង់​កើត​នអា? យ៝រ​លាស​នាវ​អី​មៃ​ជាន​មា​គ៝ប់​អ្យា ឞូ​មោ​គែស​អោស​ទី​មា​ជាន!”
GEN 20:10 កាដាច់​អាបីមាលិច​លាស​តៃ​មា​អាឞ្រាហាម់ ៖ “មើម​នាវ​មៃ​មឹន ទឹង​មៃ​អុច​ជាន​កើត​នអា?”
GEN 20:11 អាឞ្រាហាម់ ​លាស​មា​កាដាច់​នៃ៖ “យ៝រ​លាស​គ៝ប់​មឹន ឞូនុយ្ស​តា​ឞ្រី​អ្យា​មោ​គែស​អោស​ទូ​ហ្វេ​ក្លាច​មា​កោរាញ​ឞ្រាស ល៝ង់​គ៝ប់​តៃ​ឞូ​ទែ​ងខឹត​យ៝រ​មា​អុច​ឆ៝ៈ​អូរ​គ៝ប់​នៃ។
GEN 20:12 នទ្រែល​មា​ពាង់​នើស​ជេង​អ៝ស​គ៝ប់​ងាន់ ជេង​ក៝ន​ឞឹ​គ៝ប់​ដ៝ង់ តីស​មា​មេៈ​គ៝ប់​ដាស​មេៈ​ពាង់​ជេង​មេៈ​អេងៗ ជេសរី​គ៝ប់​ឆ៝ៈ​ពាង់​នអាប់​អូរ​ឆាយ។
GEN 20:13 ទោល​កោរាញ​ឞ្រាស​អ៝ន់​គ៝ប់​ទូ​ងាយ​ដាស​មា​នទុល​មពោល​គ៝ប់​នើម គ៝ប់​លែៈ​លាស​មា​ពាង់៖ «អ៝ន់​អៃ​យោៈ​នអាច​មា​គ៝ប់​បាៈ​យឹ អាស​នតុក​ឞ៝ន់​ហាន់ អ៝ន់​អៃ​មឞើស​ងក៝ច​មា​ឞូ​លាស ឞ៝ន់​ជេង​រោស​ក្លោ​ហ៝ៈ»”។
GEN 20:14 ជេសរី​កាដាច់​អាបីមាលិច​ឆ៝ៈ​ឞែ​ឞ្យាប់ ឆ៝ៈ​នទ្រោក​តាៈ​ឞើស​ផូង​មពោមពា​(ឆ្យុម)​ពាង់​នើម នទ្រែល​មា​ឆ៝ៈ​ទឹក​ឞូ​អូរ​ទឹក​ឞូ​ក្លោ​ពាង់​នើម​អ៝ន់​មា​អាឞ្រាហាម់  នអ៝ប់​មា​មព្លឹ​ឆារា​អី​អូរ​ពាង់​នើម​រី​នើស​ដ៝ង់។
GEN 20:15 កាដាច់​នៃ​លាស​មា​អាឞ្រាហាម់ ៖ “ល៝ង់​ឞ្រី​ទាក​គ៝ប់​តា​អ្យា អាស​នតុក​មៃ​អុច​គុ ទាស​មៃ​អុច”។
GEN 20:16 ពាង់​លាស​ដ៝ង់​មា​ឆារា៖ “អ្យា​ព្រាក់​គ៝ប់​ទូ​រាឞាន់​កាក់​ព្រាក់ គ៝ប់​អ៝ន់​មា​នោ​អៃ គៃ​មា​មពោល​អី​គុ​នទ្រែល​អៃ​នៃ​គឹត​នហេល​អៃ​មោ​អោស​គែស​ជាន​តីស​ទូ​នតីល គៃ​មា​ឞូនុយ្ស​ទឹង​លែៈ​គឹត​នហេល​អៃ​មោ​អោស​គែស​ជាន​តីស”។
GEN 20:17 នោក​នៃ​យ៝រ​មា​ឆារា​អី​អូរ​អាឞ្រាហាម់ ​នៃ​គុ​តា​ជៃ​កាដាច់​អាបីមាលិចឞ្រាស​យេហោវា​អ៝ន់​ទឹង​លែៈ​ឞូ​អូរ​អី​គុ​តា​ជៃ​ពាង់​ឞាស​ឞាៈ​ក៝ន។ អាឞ្រាហាម់ ​មឞើស​ឆើម​អ៝ន់​មា​អាបីមាលិច​ទាន់​មា​កោរាញ​ឞ្រាស ជេសរី​កោរាញ​ឞ្រាស​ជាន​អ៝ន់​ឞាស​ជី​ពាង់ អ៝ន់​ឞាស​ជី​អូរ​ពាង់ នទ្រែល​មា​លែៈ​ទឹក​ឞូ​អូរ​ពាង់ ជេសរី​មពោល​នៃ​គែស​អ៝ស​គែស​ក៝ន​ជឹត។
GEN 21:1 ឞ្រាស​យេហោវា​ជាន​តឹង​នាវ​ពាង់​លែៈ​លាស​នើស ពាង់​អ៝ន់​ឆារា​គែស​ក៝ន​ងាន់​កើត​នាវ​ពាង់​លែៈ​ត៝ន។
GEN 21:2 ឆារា​នត្រែវ​ងាន់ ត៝ត់​តា​ទី​នារ​កោរាញ​ឞ្រាស​លាស ពាង់​គុ​អ៝ស​ទូ​ហ្វេ​ក៝ន​ឞូ​ក្លោ​អ៝ន់​មា​អាឞ្រាហាម់  នោក​អាឞ្រាហាម់​លែៈ​រាញ​ងាន់​ជេស។
GEN 21:3 ក៝ន​ឆារា​ទែស​មា​អាឞ្រាហាម់ ​នៃ ជេសរី​អាឞ្រាហាម់​តេៈ​រាញា «អីឆាក់»។
GEN 21:4 ត៝ត់​អីឆាក់​លែៈ​គែស​ផាម​នារ​ជេស​ទែស អាឞ្រាហាម់ ​ជាន​ក៝ស​នតោ​មា​ពាង់ កើត​នាវ​កោរាញ​ឞ្រាស​ទែ​ដាៈ​មា​ពាង់​រី​នើស។
GEN 21:5 នោក​ទែស​អីឆាក់​នៃ អាឞ្រាហាម់ ​លែៈ​គែស ១០០ នាម់​ជេស។
GEN 21:6 នោក​នៃ​ឆារា​លាស៖ “កោរាញ​ឞ្រាស​ជាន​អ៝ន់​គ៝ប់​ជេង​គើម នទ្រែល​មា​ឞូ​ម៝ស​អី​តាង់​នាវ​អ្យា ឞូ​ជេង​គើម​នទ្រែល​មា​គ៝ប់​ដ៝ង់”។
GEN 21:7 ឆារា​ងើយ​ជឹត៖ “ឞូ​ម៝ស​ឞាញ់​មឞើស​ងក៝ច​មា​អាឞ្រាហាម់ ៖ «គែស​ទូ​នារ​អូរ​មៃ​មពូ​ត៝ស​ក៝ន»? ល៝ង់​អាបៃ​រី​គ៝ប់​ឞាៈ​ទូ​ហ្វេ​ក៝ន​ឞូ​ក្លោ​អ៝ន់​មា​អាឞ្រាហាម់  ទោល​ពាង់​លែៈ​រាញ​ងាន់”។
GEN 21:8 ត៝ត់​អីឆាក់​លែៈ​ក្វ៝ង់​អ៝យ ពាង់​ឞាស​ពូ​ត៝ស ជេសរី​អាឞ្រាហាម់ ​នទ្រាប់​ញេត​ទុត​ក្វ៝ង់ នារ​ក៝ន​ឆែ​នៃ​ឞាស​ពូ​ត៝ស។
GEN 21:9 ឆារា​ឆៃ​អីសមាអែល​អី​ក៝ន​ហាការ​ផូង​អេឆីប ​ទែស​អ៝ន់​មា​អាឞ្រាហាម់ ​គើម​មឺច​មា​អីឆាក់​អី​ក៝ន​ពាង់​នើម‌
GEN 21:10 ជេសរី​ពាង់​លាស​មា​អាឞ្រាហាម់ ៖ “មព្រើស​លើយ​ទឹក​ឞូ​អូរ​នៃ នទ្រែល​មា​ក៝ន​ពាង់​ទូ​លោស​ឞើស​នតុក​អ្យា អ្យាត់​មា​ក៝ន​ទឹក​ឞូ​អូរ​អី​នៃ​មោ​អោស​ទើន​ឆ៝ៈ​ទ្រាប់​នទើ​ខ្លៃ​នទ្រែល​ក៝ន​គ៝ប់​អីឆាក់​អ្យា”។
GEN 21:11 នាវ​ងើយ​នៃ​ជាន​អ៝ន់​អាឞ្រាហាម់ ​ហោ​ងាន់​រាង៝ត​តា​នូយ្ស​នហ៝ម់​ពាង់​រី យ៝រ​លាស​អីសមាអែល​នៃ​ក៝ន​ពាង់​ដ៝ង់។
GEN 21:12 យើន​មា​កោរាញ​ឞ្រាស​លាស​មា​ពាង់៖ “មៃ​លើយ​តា​រាង៝ត​អោស យ៝រ​មា​ក៝ន​ឆែ​នទ្រែល​មា​អី​មែ​ពាង់​នៃ។ អ៝ន់​មៃ​អ្យាត់​ម៝ស​នាវ​ឆារា​ទែ​លាស យ៝រ​លាស​រាន៝យ​ទែស​អី​គ៝ប់​ត៝ន​មា​មៃ​កើប​តា​អីឆាក់។
GEN 21:13 យើន​មា​ក៝ន​អូរ​ចោង​មៃ​នៃ តៃ​គ៝ប់​អ៝ន់​ពាង់​ជេង​ទូ​ផូង​គែស​ឞ្រី​ទាក​ដ៝ង់ យ៝រ​លាស​ពាង់​នើស​រាន៝យ​ទែស​មៃ​ដ៝ង់”។
GEN 21:14 ត៝ត់​អោយ​តៃ​រី​អាឞ្រាហាម់ ​ទ៝ក់​អើម​អោយ ពាង់​ឆ៝ៈ​នទើ​ឆោង​ឆា នទ្រែល​មា​នោង​ទាក​អ៝ន់​មា​ហាការ ពឺ​ទឹង​លែៈ​នទើ​អី​នៃ​អ៝ន់​តា​ត៝ង​ក៝​អី​មេៈ​រី ដាៈ​ពាង់​ហាន់​នទ្រែល​មា​អី​ក៝ន​ពាង់។ ជេសរី​ហាការ​ទូ​លោស​ឞើស​នតុក​នៃ​ហាន់​ញហើត​ត្រ៝ង​តា​ឞ្រី​រាទាស​តឹម​ទាច់​ដាស​ប៝ន​បេរឆេបា​រី។
GEN 21:15 ត៝ត់​លែៈ​ទាក​តា​នោង​រី ហាការ​នត្លើយ​អី​ក៝ន​ពាង់​គុ​តា​ន៝ម់​ទូ​ពុម​រាលោ‌
GEN 21:16 ជេសរី​ពាង់​នើម​គុ​បាស​មា​ក៝ន​ពាង់​រី ក្លាប់​លាស​ងាយ​ត្រុយ្ស​ពាញ់​មា​នា យ៝រ​លាស​ពាង់​លាស៖ “លើយ​អ៝ន់​គ៝ប់​ឆៃ​ខឹត​ក៝ន​គ៝ប់”។ ជេសរី​ពាង់​គុ​បាស​មា​ក៝ន នទ្រី​ទឹង​ពាង់​ញុម​នតែរ។
GEN 21:17 កោរាញ​ឞ្រាស​តាង់​អ្យាត់​មា​ក៝ន​ឞូ​ក្លោ​នៃ​ញុម ជេសរី​តោង​ពារ់​កោរាញ​ឞ្រាស​ក្វាល់​ហាការ​ឞើស​កាលើ​ត្រោក​នតុក​ពាង់​នើម៖ “ហើយ​ហាការ មើម​ជាន​អៃ​រុង​រាង់​ងាន់​នៃ​ហែស? អៃ​លើយ​អោស​រាវៃ យ៝រ​លាស​កោរាញ​ឞ្រាស​លែៈ​តាង់​អ្យាត់​ក៝ន​អី​នៃ​ញុម​នតែរ​ឞើស​នតុក​ពាង់​គុ​នៃ។
GEN 21:18 អៃ​ទ៝ក់​ហ៝ម់ ហាន់​តេក​តី​ក៝ន​អៃ​នៃ យ៝រ​លាស​តៃ​គ៝ប់​ជាន​អ៝ន់​ពាង់​ជេង​ទូ​ផូង​ក្វ៝ង់​គែស​ឞ្រី​ទាក”។
GEN 21:19 កោរាញ​ឞ្រាស​ជាន​អ៝ន់​មាត់​ហាការ​ឆៃ​ទូ​មល៝ម់​នតូ​ទាក​គែស​ទាក ពាង់​ទ៝ក់​ហាន់​ឞុក​ទាក​អី​នៃ​ឞេង​នោង ជេសរី​អ៝ន់​ក៝ន​ពាង់​ញេត។
GEN 21:20 កោរាញ​ឞ្រាស​គុ​នទ្រែល​មា​ក៝ន​ឞូ​ក្លោ​អី​នៃ ពាង់​គុ​រេស​តា​ឞ្រី​រាទាស​រី​នហ៝​មា​ត៝ត់​ក្វ៝ង់​ត៝ត់​នទាម់ ពាង់​ជេង​ឞូនុយ្ស​ឞ្លាវ​ពាញ់​នា​ទុត​ឞ្លាវ​ងាន់។
GEN 21:21 ពាង់​គុ​តា​ឞ្រី​រាទាស​ពារាន ជេសរី​អី​មេៈ​រី​កើយ្ស​ឞូ​អូរ​ផូង​អេឆីប ​ទូ​ហ្វេ​មា​ជេង​អូរ​ពាង់។
GEN 21:22 នោក​នៃ​កាដាច់​អាបីមាលិច នទ្រែល​មា​ផីកុល​អី​កោរាញ​តាហែន​ក្វ៝ង់​ពាង់ ពាង់​លាស​មា​អាឞ្រាហាម់ ៖ “កោរាញ​ឞ្រាស​គុ​នទ្រែល​មៃ ទឹង​លែៈ​នតីល​នទើ​មៃ​ជាន។
GEN 21:23 លាស​នទ្រី​អ៝ន់​មៃ​ត៝ន​មា​គ៝ប់​តា​អ្យា អ៝ន់​កោរាញ​ឞ្រាស​គឹត​ឆៃ មៃ​លាស​មោ​នទើម​គ៝ប់ ក៝ន​គ៝ប់ នទ្រែល​មា​ក៝ន​ឆៅ​គ៝ប់។ យ៝រ​លាស​គ៝ប់​លែៈ​ជាន​អ្វែស​ជេស​មា​មៃ លាស​នទ្រី​អ៝ន់​មៃ​ជាន​អ្វែស​មា​គ៝ប់ នទ្រែល​មា​ឞ្រី​ទាក​គ៝ប់​អី​មៃ​គុ​អ្យា​អ៝ន់​កើត​នៃ​ដ៝ង់”។
GEN 21:24 អាឞ្រាហាម់ ​អើស​មា​កាដាច់៖ “អើ គ៝ប់​ត៝ន”។
GEN 21:25 ជេសរី​អាឞ្រាហាម់ ​លាស​មា​ពាង់​ទូ​មល៝ម់​នតូ​ទាក​អី​ផូង​ប៝ន​លាន​ពាង់​អីន​នៃ​នើស។
GEN 21:26 កាដាច់​អាបីមាលិច​អើស​មា​ពាង់៖ “គ៝ប់​មោ​គឹត​អោស​ឞូ​ម៝ស​អី​ជាន​កើត​នៃ យ៝រ​លាស​មៃ​មោ​ព្រ៝ត​ងក៝ច​មា​គ៝ប់​ដ៝ង់ ត៝ត់​នារ​អ្យា​មើ​ទឹង​គ៝ប់​គឹត​នាវ​អី​នៃ”។
GEN 21:27 អាឞ្រាហាម់ ​ឆ៝ៈ​ឞែ​ឞ្យាប់​អាបាៈ នទ្រែល​មា​នទ្រោក​អាបាៈ​អ៝ន់​មា​កាដាច់​អាបីមាលិច ជេសរី​លែៈ​ឞារ​ហៃ​ខាន់​ពាង់​រី​តឹម​រាង្លាប់​នទ្រែល។
GEN 21:28 អាឞ្រាហាម់ ​ឆ៝ៈ​ពើស​អឹ​ឞែ​ឞ្យាប់​អី​ទ្រោសៗ​អ៝ន់​គុ​អេង។
GEN 21:29 កាដាច់​អាបីមាលិច​អោប​អាឞ្រាហាម់ ៖ “ពើស​អឹ​ឞែ​ឞ្យាប់​អី​ទ្រោសៗ​មៃ​អ៝ន់​គុ​អេង​នៃ​ម៝ស​ជាន?”
GEN 21:30 អាឞ្រាហាម់ ​មឞើស​មា​ពាង់៖ “ពើស​អឹ​ឞែ​ឞ្យាប់​អី​អ្យា គ៝ប់​អ៝ន់​មា​មៃ​មា​តី​គ៝ប់​នើម នទើ​អ្យា​គៃ​មា​មឞើស​នហេល​នានេៈ​លាស នតូ​ទាក​នៃ​លែៈ​គ៝ប់​កុយ្ស​ងាន់”។
GEN 21:31 កើត​នទ្រី​ទឹង​ឞូ​ក្វាល់​នតុក​នៃ​រាញា​«បេរឆេបា» គែស​នាវ​ខ្លៃ​ជេង​«នតូ​ទាក​ពើស​នទើ» មោ​លាស៖ «នតូ​ទាក​ត៝ន» យ៝រ​លាស​នតុក​នៃ​ជេង​នតុក​ខាន់​ពាង់​លែៈ​ជេស​តឹម​ត៝ន​ឞាល់។
GEN 21:32 កើត​នទ្រី​នាវ​ខាន់​ពាង់​លែៈ​តឹម​រាង្លាប់​ឞាល់​តា​បេរឆេបា​រី។ ជេសរី​កាដាច់​អាបីមាលិច នទ្រែល​មា​កោរាញ​តាហែន​ក្វ៝ង់​ពាង់​រី ព្លឹ​ឆឹត​តៃ​តា​ឞ្រី​ផាលីសតីន។
GEN 21:33 ជេសរី​អាឞ្រាហាម់ ​តាម់​ទូ​មល៝ម់​តើម​ឆី​តា​បេរឆេបា​នៃ តា​នតុក​នៃ​ដ៝ង់​នហ៝​មា​ពាង់​យើក​មឞាស​ឞ្រាស​យេហោវា​អី​កោរាញ​ឞ្រាស​អី​ហោម​គុ​រេស​នហ៝​រ៝។
GEN 21:34 អាឞ្រាហាម់ ​គុ​តា​ឞ្រី​ផាលីសតីន​រី​ជ៝ៈ​នារ។
GEN 22:1 ជេស​គែស​នាវ​នៃ កោរាញ​ឞ្រាស​អុច​រាល៝ង​នូយ្ស​នហ៝ម់​អាឞ្រាហាម់ ពាង់​ក្វាល់​អាឞ្រាហាម់ ៖ “ហើយ​អាឞ្រាហាម់ !” អាឞ្រាហាម់ ​អើស៖ “ម៝ស​កោរាញ?”
GEN 22:2 កោរាញ​ឞ្រាស​លាស​មា​ពាង់៖ “ឆ៝ៈ​អីឆាក់​ក៝ន​មៃ​នៃ​អី​មៃ​រ៝ង់​មា​ពាង់​ទុត​ហោ ជេង​ក៝ន​ឞូ​ក្លោ​មៃ​នើម​ង្វាយ​អឹ​ទើម​នៃ លែវ​ពាង់​ហាន់​តា​ឞ្រី​មោរីយា។ តា​រី​អ៝ន់​មៃ​ពូរ​ញហើរ​ពាង់​អ៝ន់​មា​គ៝ប់​តា​កាលើ​យោក តា​ទូ​មល៝ម់​យោក​នតុក​គ៝ប់​មឞើស​មា​មៃ​រី​តៃ”។
GEN 22:3 អាឞ្រាហាម់ ​ទ៝ក់​អើម​អោយ ពាង់​ចោក​ល៝ង​មា​ពូរ​នទើ​ញហើរ ពាង់​ឆ៝ៈ​ទុរ​តេៈ​តា​កាលើ​ឆែស​លៀ​រី ជេសរី​ឆ៝ៈ​ឞារ​ហៃ​ឞូ​ក្លោ​ជាន​ការ​ពាង់​នើម នទ្រែល​មា​អីឆាក់​អី​ក៝ន​ពាង់​នើម​រី ហាន់​នទ្រែល​មា​ពាង់​នើម​ជឹត​នតុក​កោរាញ​ឞ្រាស​ទែ​មឞើស​មា​ពាង់​រី​នើស។
GEN 22:4 ត៝ត់​ឞ្រោៈ​លែៈ​គែស​ពែ​នារ អាឞ្រាហាម់ ​ងគើរ​ឆៃ​នតុក​នៃ​ឞើស​ងាយ
GEN 22:5 ជេសរី​លាស​មា​ឞារ​ហៃ​មពោល​ឞូនុយ្ស​ជាន​ការ​នៃ៖ “ឞារ​ហៃ​ខាន់​មៃ​អ្យា​មា​គុ​ចាម់​ឆែស​លៀ​តា​អ្យា​ប៝ត់ គ៝ប់ នទ្រែល​មា​ក៝ន​គ៝ប់​អ្យា​មា​ហាវ​យើក​មឞាស​កោរាញ​ឞ្រាស​តា​កាលើ​យោក​រី ជេស​ទឹង​ហេន​ព្លឹ​ឆឹត​តៃ​តា​អ្យា”។
GEN 22:6 អាឞ្រាហាម់ ​ក៝ត់​ល៝ង​មា​ពូរ​នទើ​ញហើរ​រី​អ៝ន់​អីឆាក់​តូយ ពាង់​នើម​រី​ញអោត​អុញ នទ្រែល​មា​ពេស ជេសរី​ហាន់​លែៈ​ឞារ​ហៃ​ឞឹ​ក៝ន​អា​រី​រើន​ទ្រើន។
GEN 22:7 ទោល​នៃ​អីឆាក់​ងើយ​ដាស​អី​ឞឹ​ពាង់៖ “ហើយ​ឞឹ” អាឞ្រាហាម់ ​អើស៖ “ម៝ស​ក៝ន?” អីឆាក់​លាស៖ “តា​អ្យា​ឞ៝ន់​លែៈ​គែស​អុញ លែៈ​គែស​ពេស លាស​នទ្រី​អាស​ឞែ​ឞ្យាប់​នទើ​មា​ពូរ​ញហើរ?”
GEN 22:8 អាឞ្រាហាម់ ​អើស៖ “អើ​ក៝ន ឞែ​ឞ្យាប់​នទើ​មា​ពូរ​ញហើរ​អី​នៃ កោរាញ​ឞ្រាស​នើម​ឆើម​អ៝ន់”។ ជេសរី​លែៈ​ឞារ​ហៃ​ឞឹ​ក៝ន​រី​ហាន់​ជឹត​នាប់​រើន​ទ្រើន​ជឹត។
GEN 22:9 ត៝ត់​តា​នតុក​កោរាញ​ឞ្រាស​ទែ​មឞើស​មា​ពាង់​រី​នើស អាឞ្រាហាម់ ​ឞូន​លុ​ទូ​នតុក​តា​នតុក​នៃ​មា​នតុក​ជាន​ឞ្រាស ជេស​ឞូន​នៃ ពាង់​ឞូន​ល៝ង​ឞើស​លើ​រី ពាង់​ញុប​ក៝ត់​អីឆាក់​អី​ក៝ន​ពាង់​នើម​រី​តេៈ​ឞើស​លើ​ល៝ង​ឞើស​លើ​នតុក​ជាន​ឞ្រាស​រី
GEN 22:10 ជេសរី​ពាង់​ឆ៝ៈ​ពេស​នតើម​យាត​តី​មា​លាច់​ត៝ង​ក៝​អី​ក៝ន​រី។
GEN 22:11 ទោល​នៃ​ទោ​មា​តាង់​តោង​ពារ់​ឞ្រាស​យេហោវា​ទែ​ក្វាល់​ពាង់​តាៈ​ឞើស​លើ​ត្រោក​តី​លាស៖ “អាឞ្រាហាម់ ! អាឞ្រាហាម់ !” ពាង់​អើស៖ “ម៝ស​កោរាញ?”
GEN 22:12 តោង​ពារ់​នៃ​លាស៖ “លើយ​មៃ​ងខឹត​ក៝ន​ឆែ​នៃ លើយ​តា​លើស​ពាង់​អោស អាបៃ​រី​លែៈ​គ៝ប់​គឹត​ជេស​មៃ​ក្លាច​យើក​មា​កោរាញ​ឞ្រាស យ៝រ​លាស​មៃ​មោ​អោស​ញហ្វាច​ក៝ន​មៃ​នើម​អើម​ង្វាយ​អឹ​កោលឹ​នៃ​អ៝ន់​មា​គ៝ប់”។
GEN 22:13 ជេសរី​អាឞ្រាហាម់ ​ងគឹល​ឆៃ​ទូ​មល៝ម់​ឞែ​ឞ្យាប់​ងក្វ៝ង់​តា​រី វាក់​ខាន​ងកែ​តា​តើម​ឆី។ ជេសរី​ពាង់​ហាន់​ឆ៝ៈ​ឞែ​ឞ្យាប់​អី​នៃ​ព្លាច់​មា​ពូរ​ញហើរ​នត្រ៝ៈ​អី​ក៝ន​ពាង់​នើម​រី​នើស។
GEN 22:14 អាឞ្រាហាម់ ​ក្វាល់​នតុក​នៃ​រាញា៖ «ឞ្រាស​យេហោវា​នើម​ឆើម​អ៝ន់» នទ្រី​ទឹង​ឞូ​ក្វាល់​នតុក​នៃ​ត៝ត់​អាបៃ​រី​រាញា៖ «តា​កាលើ​យោក​ឞ្រាស​យេហោវាពាង់​នើម​ឆើម​អ៝ន់»។
GEN 22:15 តោង​ពារ់​ឞ្រាស​យេហោវា​ក្វាល់​តៃ​អាឞ្រាហាម់ ​ឞើស​លើ​ត្រោក​តី​ទូ​តឹ​ជឹត
GEN 22:16 ពាង់​លាស៖ “គ៝ប់​អ្យា​ឞ្រាស​យេហោវាគ៝ប់​ឆ៝ៈ​រាញា​គ៝ប់​នើម​មា​ត៝ន មៃ​មោ​អោស​ញហ្វាច​ក៝ន​មៃ​នើម​អើម​ង្វាយ​អឹ​កោលឹ​នៃ​អ៝ន់​មា​គ៝ប់។ យ៝រ​មា​មៃ​លែៈ​ជាន​ជេស​កើត​នៃ
GEN 22:17 គ៝ប់​អ៝ន់​គែស​ជេង​មា​មៃ​ទុត​អ៝ក់ តៃ​គ៝ប់​អ៝ន់​នាវ​គែស​ជេង​មា​មៃ​អ៝ក់​ឞេង​លែរ​ងាន់​ងេន ជេសរី​ជាន​រាន៝យ​ទែស​មៃ​អ៝ន់​អ៝ក់​ឞឹក​រឹ​តឹម​ឞាន​មា​មាញ់​មឞីង​តា​កាលើ​ត្រោក មោ​លាស​តឹម​ឞាន​មា​ច៝យ្ស​រ៝ៈ​មែង​ទាក​វាច់​ទាក​វារ់​ដ៝ង់។ ជេសរី​រាន៝យ​ទែស​មៃ​តៃ​ទើយ​ម៝ត់​អ្វាញ់​ផូង​រាលាង់​ដាស​ខាន់​ពាង់​នើម។
GEN 22:18 នទ្រី​ទឹង​លែៈ​ផូង​ឞូនុយ្ស​តា​នែស​នតូ​អ្យា ឞូ​គែស​ជេង​តាៈ​ឞើស​រាន៝យ​ទែស​មៃ យ៝រ​លាស​មៃ​លែៈ​អ្យាត់​ជេស​នាវ​គ៝ប់”។
GEN 22:19 ជេស​នៃ​អាឞ្រាហាម់  នទ្រែល​មា​ក៝ន​ពាង់​ព្លឹ​ឆឹត​តៃ​តា​ផូង​ឞូ​ក្លោ​ជាន​ការ​ពាង់​នើម​រី​នើស ជេសរី​ខាន់​ពាង់​ទ៝ក់​ហាន់​នទ្រែល​ជឹត​ប៝ន​បេរឆេបា​រី។ ត៝ត់​តា​បេរឆេបា​រី អាឞ្រាហាម់ ​គុ​តា​ប៝ន​នៃ។
GEN 22:20 ជេស​គែស​នាវ​នៃ គែស​ឞូ​ហាន់​មឞើស​ងក៝ច​មា​អាឞ្រាហាម់ ៖ “ល៝ង់​មីលកា ​គុ​អ៝ស​គែស​ក៝ន​ឞូ​ក្លោ​អ៝ក់​ងាន់​អ៝ន់​មា​នាហោរ​អ៝ស​មៃ តា​នៃ​គែស៖
GEN 22:21 អុស​ជេង​ក៝ន​ឞោក​ទាក គែស​បុស​ជេង​អី​អ៝ស គែស​កេមោអែល​អី​ឞឹ​អារាម
GEN 22:22 គែស​កេឆែត គែស​ហាឆោ គែស​ពីលដាស គែស​យិតលាប នទ្រែល​មា​គែស​បេថូអែល។
GEN 22:23 បេថូអែល​នៃ​អី​ឞឹ​ឞូ​អូរ​រេបេកា។ លែៈ​ផាម​នុយ្ស​ក៝ន​អី​នៃ​ជេង​មីលកា ​ទែស​មា​នាហោរ​អី​អ៝ស​អាឞ្រាហាម់ ​រី។
GEN 22:24 ល៝ង់​អី​អូរ​ចោង​នាហោរ​រី​រាញា​រេយោមា ពាង់​គែស​ក៝ន​ឞូ​ក្លោ​ដ៝ង់ តា​នៃ​គែស៖ ថេបា គែស​កាហាម់ គែស​ថាហាស នទ្រែល​មា​គែស​មាកា។
GEN 23:1 ឆារា​អី​អូរ​អាឞ្រាហាម់ ​រេស​ត៝ត់ ១២៧ នាម់ ទាស​នៃ​ជេង​អ៝ក់​នាម់​ពាង់​រេស។
GEN 23:2 ជេសរី​ពាង់​ខឹត​តា​ប៝ន​ខិរយាត់-អារបា អី​ឞូ​ក្វាល់​ដ៝ង់​ប៝ន​ហេប្រ៝ន តា​ឞ្រី​កានាន។ អាឞ្រាហាម់ ​ញុម​នអ៝រ​ឆារា។
GEN 23:3 ជេសរី​ពាង់​ទ៝ក់​ឞើស​នតុក​ឞូនុយ្ស​ខឹត​នៃ ហាន់​ងើយ​ដាស​មា​ផូង​ហេត៖
GEN 23:4 “គ៝ប់​អ្យា​ជេង​ផូង​ឞូ​នាច់​ឞ្រី​អេង ជេង​ឞូនុយ្ស​វែស​គុ​ទូ​ប្ល៝ត់​តា​ខាន់​មៃ​អ្យា។ លាស​នទ្រី​គ៝ប់​ទាន់​ខាន់​មៃ​តាច់​នែស​មោច​ទូ​នតុក​អ៝ន់​មា​គ៝ប់​តា​ឞ្រី​ខាន់​មៃ​អ្យា គ៝ប់​ឞែ​មា​ត៝ប់​អូរ​គ៝ប់។
GEN 23:5 ផូង​ហេត​អើស​មា​អាឞ្រាហាម់ ៖
GEN 23:6 “អើ​កោរាញ ទាន់​មៃ​អ្យាត់​ផូង​ហេន មៃ​ជេង​ឞូ​ក្វ៝ង់​គុ​តា​ផូង​ហេន​អ្យា ទាន់​មៃ​ត៝ប់​អូរ​មៃ​តា​នែស​មោច​ផូង​ហេន​អី​ទុត​អ្វែស​ទោ។ យ៝រ​លាស​ទឹង​លែៈ​ផូង​ហេន​មោ​គែស​អោស​ទូ​ហ្វេ​ឞូនុយ្ស​ឞ្វៃ​មៃ​មោ​អ៝ន់​នែស​មោច​មា​ត៝ប់​អូរ​មៃ”។
GEN 23:7 ជេសរី​អាឞ្រាហាម់ ​ទ៝ក់​ពាន់​តា​នាប់​ផូង​ហេត​អី​ឞូនុយ្ស​ឞ្រី​នៃ
GEN 23:8 ពាង់​លាស​មា​ផូង​នៃ៖ “លាស​ខាន់​មៃ​អ៝ន់​គ៝ប់​ត៝ប់​អូរ​គ៝ប់​តា​អ្យា​រី ទាន់​ខាន់​មៃ​ឆើម​ងើយ​ដាស​អេប្រុន​អី​ក៝ន​ឆោហារ​អ៝ន់​មា​គ៝ប់
GEN 23:9 ទាន់​ពាង់​អ៝ន់​ត្រោម​យោក​មាក់ពេលា​ឞើស​ចោង​មីរ​ពាង់​នៃ​អ៝ន់​មា​គ៝ប់ ទាន់​ពាង់​តាច់​នតុក​នៃ​អ៝ន់​គ៝ប់ អ៝ន់​ទី​ខ្លៃ​តា​ឞើស​នាប់​ខាន់​មៃ អ៝ន់​រឹង​ឆៃ​រឹង​តាង់ គៃ​មា​នតុក​នែស​មោច​អី​នៃ​ជេង​នតុក​គ៝ប់​នើម​តា​ផូង​ខាន់​មៃ​អ្យា”។
GEN 23:10 ល៝ង់​អេប្រុន​អី​ផូង​ហេត​ពាង់​គុ​នទ្រែល​មា​ផូង​ប៝ន​លាន​តា​នៃ​ដ៝ង់ ពាង់​លាស​មា​អាឞ្រាហាម់ ​តា​នាប់​ផូង​ប៝ន​លាន​ពាង់​នើម នទ្រែល​មា​តា​នាប់​ទឹង​លែៈ​ផូង​ប៝ន​លាន​អី​គុ​តា​ឞោក​មពោង​ប៝ន​នៃ ពាង់​លាស​កើត​នអា៖
GEN 23:11 “មោ​អោស​កោរាញ ទាន់​មៃ​អ្យាត់​គ៝ប់​ប៝ត់ នែស​មីរ នទ្រែល​មា​នតុក​ត្រោម​យោក​នៃ​គ៝ប់​អ៝ន់​មា​មៃ​ទាទេ គ៝ប់​អ៝ន់​នតុក​នៃ​មា​មៃ​តា​នាប់​មាត់​ទឹង​លែៈ​ផូង​ប៝ន​លាន​គ៝ប់​នើម។ អ៝ន់​មៃ​ត៝ប់​អូរ​មៃ​តា​នែស​នៃ​ទោ”។
GEN 23:12 ជេសរី​អាឞ្រាហាម់ ​ពាន់​តា​នាប់​មាត់​ទឹង​លែៈ​ផូង​ប៝ន​លាន​តា​ឞ្រី​នៃ​ទូ​តឹ​ជឹត។
GEN 23:13 ពាង់​លាស​មា​អេប្រុន​តា​នាប់​មាត់​ផូង​ប៝ន​លាន​ទឹង​លែៈ៖ “លាស​មៃ​អ៝ន់​កើត​រី ទាន់​មៃ​អ្យាត់​គ៝ប់ គ៝ប់​រាវាត់​នែស​មីរ​មៃ​នៃ​អ៝ន់​ទី​ខ្លៃ ទាន់​មៃ​ឆ៝ៈ​ខ្លៃ​ឞើស​គ៝ប់​ហ៝ម់ គ៝ប់​ឞែ​មា​ត៝ប់​អូរ​គ៝ប់​តា​នតុក​នៃ”។
GEN 23:14 យើន​មា​អេប្រុន​អើស​មា​អាឞ្រាហាម់ ៖
GEN 23:15 “អើ​កោរាញ ខ្លៃ​នែស​នៃ​តា ៤០០ កាក់​ព្រាក់​ទើម ព្រាក់​ទាស​អ្យា​មៃ​មា​គ៝ប់ ឞ៝ន់​មោ​អោស​កើប​ខ្លៃ ទាន់​មៃ​ត៝ប់​អូរ​មៃ​នៃ”។
GEN 23:16 ជេសរី​អាឞ្រាហាម់ ​អ្យាត់​នាវ​អេប្រុន​លាស​នៃ ពាង់​ញជីង​ព្រាក់​អ៝ន់​មា​អេប្រុន​តា​នាប់​មាត់​ផូង​ប៝ន​លាន​ហេត​តឹម​ទី​ខ្លៃ​កើត​នាវ​ពាង់​លែៈ​លាស​រី​នើស តឹម ៤០០ កាក់​ព្រាក់ ពាង់​ញជីង​ព្រាក់​អី​នៃ​តឹម​ទី​តឹង​នាវ​វៃ​ខាន់​ពាង់។
GEN 23:17 ជេសរី​នែស​មីរ​អេប្រុន​តា​នតុក​មាក់ពេលា​អី​មពែស​ឞើស​លោស​នារ​មា​ប៝ន​មាម់រេ លែៈ​មា​នែស​មីរ លែៈ​មា​នែស​ត្រោម​យោក នទ្រែល​មា​លែៈ​តើម​ឆី​តា​មីរ​នៃ
GEN 23:18 ជេង​នទើ​អាឞ្រាហាម់ ​ទាទេ នោក​ខាន់​ពាង់​តឹម​អ៝ន់​នៃ តា​នៃ​គែស​ផូង​ប៝ន​លាន​ហេត នទ្រែល​មា​ទឹង​លែៈ​ផូង​ប៝ន​លាន​អី​គុ​តា​ឞោក​មពោង​មពេរ​ប៝ន​នៃ​ឆៃ​ទាទេ។
GEN 23:19 ជេសរី​អាឞ្រាហាម់ ​ត៝ប់​ឆារា​អី​អូរ​ពាង់​តា​ត្រោម​យោក​មីរ​មាក់ពេលា មពែស​ឞើស​លោស​នារ​មា​ប៝ន​មាម់រេ អី​ឞូ​ក្វាល់​ដ៝ង់​ប៝ន​ហេប្រ៝ន តា​ឞ្រី​កានាន​នៃ។
GEN 23:20 នែស​មីរ នទ្រែល​មា​នែស​ត្រោម​យោក ទឹង​លែៈ​នតុក​អី​នៃ​លែៈ​ផូង​ប៝ន​លាន​ហេត​អ៝ន់​ជេស​មា​អាឞ្រាហាម់  ជេង​នតុក​នែស​មោច។
GEN 24:1 អាឞ្រាហាម់ ​លើ​មា​រាញ​ងាន់ ឞ្រាស​យេហោវា​លែៈ​អ៝ន់​នាវ​គែស​ជេង​តា​លែៈ​នតីល​នទើ​មា​ពាង់។
GEN 24:2 គែស​ទូ​នារ​រី​អាឞ្រាហាម់ ​លាស​មា​ឞូនុយ្ស​ជាន​ការ​មា​ពាង់ ឞូនុយ្ស​អី​រាញ​រាលាវ​ឞូ​គុ​តា​ជៃ​ពាង់ នទ្រែល​មា​នើម​អី​នៃ​ជេង​ឞូនុយ្ស​ម៝ត់​អ្វាញ់​ទឹង​លែៈ​ទ្រាប់​នទើ​ពាង់​ដ៝ង់ ពាង់​លាស៖ “អ៝ន់​មៃ​តេៈ​តី​តា​ន៝ម់​តឹម​ឞ្លូ​គ៝ប់​អ្យា
GEN 24:3 ជេសរី​អ៝ន់​មៃ​ត៝ន​មា​ឞ្រាស​យេហោវា អី​កោរាញ​ឞ្រាស​មា​ត្រោក នទ្រែល​មា​នែស​នតូ អ៝ន់​មៃ​លាស មៃ​លើយ​អោស​ជ៝យ​អូរ​អ៝ន់​មា​ក៝ន​គ៝ប់​តាៈ​ឞើស​ឞូ​អូរ​ផូង​កានាន​តា​នតុក​ឞ្រី​គ៝ប់​គុ​អ្យា។
GEN 24:4 អ៝ន់​មៃ​ហាន់​តា​នតុក​ឞ្រី​ទែស​គ៝ប់​នើម​រី ជេសរី​ឆើម​ជ៝យ​អូរ​តាៈ​ឞើស​នទុល​មពោល​គ៝ប់​នើម​តា​នៃ​អ៝ន់​មា​ក៝ន​អីឆាក់​គ៝ប់”។
GEN 24:5 ឞូនុយ្ស​ជាន​ការ​នៃ​អើស​មា​ពាង់៖ “ក្លាប់​លាស​ឞូ​អូរ​នៃ​មោ​អុច​អោស​ហាន់​តឹង​គ៝ប់​តា​ឞ្រី​អ្យា លាស​នទ្រី​អ៝ន់​គ៝ប់​លែវ​ក៝ន​មៃ​ហាន់​ព្លឹ​គុ​តា​ឞ្រី​នតុក​ឞ្រី​មៃ​ទូ​លោស​នៃ​នើស​ឞើស?”
GEN 24:6 អាឞ្រាហាម់ ​លាស​មា​ពាង់៖ “មៃ​ញជ្រាង់​ហ៝ៈ គ៝ប់​លាស​មា​មៃ ក៝ន​គ៝ប់​មោ​អោស​អ៝ន់​លែវ​ហាន់​តា​ឞ្រី​នៃ!
GEN 24:7 យ៝រ​លាស​ឞ្រាស​យេហោវា​អី​កោរាញ​តា​កាលើ​ត្រោក​លែៈ​លែវ​ជេស​គ៝ប់​ទូ​លោស​ឞើស​នទុល​មពោល​គ៝ប់ ឞើស​នតុក​ឞ្រី​ទែស​គ៝ប់​នើម ជេសរី​ពាង់​លែៈ​លាស​មា​គ៝ប់ នទ្រែល​មា​លែៈ​ត៝ន​ដ៝ង់ នហេល​នានេៈ​ងាន់​ឞ្រី​អ្យា​ពាង់​ត៝ន​អ៝ន់​មា​រាន៝យ​ទែស​គ៝ប់។ លាស​នទ្រី​ពាង់​ដាៈ​តោង​ពារ់​ពាង់នើម​ហាន់​ឞើស​នាប់​មៃ​រ៝​គៃ​មា​កើល​មៃ ជេសរី​អ៝ន់​មៃ​ឆ៝ៈ​អូរ​មា​ក៝ន​គ៝ប់​តាៈ​ឞើស​ឞ្រី​នៃ។
GEN 24:8 យើន​មា​លាស​ឞូ​អូរ​នៃ​រាលាច់​មោ​អុច​ហាន់​តឹង​មៃ មៃ​លែៈ​ក្លាយ្ស​ជេស​នាវ​មៃ​ត៝ន​អ្យា​មា​គ៝ប់ អ្យាត់​មា​មៃ​លើយ​អោស​លែវ​ក៝ន​គ៝ប់​ហាន់​តា​ឞ្រី​នៃ”។
GEN 24:9 ជេសរី​ឞូនុយ្ស​ជាន​ការ​នៃ​តេៈ​តី​តា​តឹម​ឞ្លូ​អាឞ្រាហាម់ ​កោរាញ​ពាង់​រី នហ៝​មា​ពាង់​ត៝ន​នាវ​នៃ​ដាស​អាឞ្រាហាម់ ។
GEN 24:10 ជេសរី​ឞូនុយ្ស​ជាន​ការ​នៃ​ឆ៝ៈ​ឆែស​ឆាមោ​ជឹត​អឹ នទ្រែល​មា​ញអោត​ទ្រាប់​នទើ​គែស​នាវ​ខ្លៃ​អី​កោរាញ​រី​អ៝ន់ ពាង់​ហាន់​តា​ប៝ន​នាហោរ​ឞ្រី​មេឆោពោតាមៀ​រី។
GEN 24:11 ហាន់​ត៝ត់​កេង​ទូ​នតូ​ទាក​តា​ឞើស​ទីស​ប៝ន​រី ពាង់​អ៝ន់​ទឹង​លែៈ​ឆែស​ឆាមោ​ពាង់​រី​ទ្រោម​ទាទេ នោក​នៃ​ឞ្រី​លែៈ​កេង​មាង់​តឹម​ទី​មា​ផូង​ឞូ​អូរ​វៃ​ហាន់​ឞ្រោៈ​ឞុក​ទាក​ត៝។
GEN 24:12 ឞូនុយ្ស​ជាន​ការ​នៃ​មឞើស​ឆើម៖ “អើ​ឞ្រាស​យេហោវា អី​ឞ្រាស​អាឞ្រាហាម់ ​ជេង​កោរាញ​គ៝ប់​យើក​មឞាស នារ​អ្យា​ទាន់​មៃ​កើល​គ៝ប់ អ៝ន់​គ៝ប់​តឹម​ម៝ប់​មា​ឞូ​អូរ​ទូ​ហ្វេ​មា​ជាន​អូរ​អីឆាក់។ ទាន់​ញហើ​ហ៝ម់​នាវ​រ៝ង់​រាប់​ជាប់​មៃ​អី​ហោម​នឹង​មា​អាឞ្រាហាម់ ​កោរាញ​គ៝ប់។
GEN 24:13 គ៝ប់​លែៈ​គុ​ទាច់​កេង​មែង​នតូ​ទាក​អ្យា​ជេស លាស​ត៝ត់​ផូង​ក៝ន​ឞូ​អូរ​តា​ប៝ន​អ្យា​ហាន់​ឞុក​ទាក
GEN 24:14 លាស​ឞូ​ម៝ស​ឞូ​អូរ​ទ្រោស​អី​គ៝ប់​ទែ​លាស៖ «ទាន់​ទាក​តា​រាឞ៝ង់​អៃ​នៃ​គ៝ប់​ឞែ​មា​ញេត​ដេៈ​យោស​អើ» ជេសរី​លាស​ពាង់​អើស​មា​គ៝ប់៖ «ញេត​ហែស​កោញ តៃ​គ៝ប់​ឞុក​ទាក​មា​អ៝ន់​ឆែស​ឆាមោ​មៃ​ញេត​ដ៝ង់» លាស​នទ្រី​ទាន់​អ៝ន់​តឹម​ទី​មា​ឞូ​អូរ​អី​មៃ​លែៈ​នត្រ៝ង់​មា​ជេង​អូរ​អីឆាក់។ នទ្រី​ទឹង​គ៝ប់​គឹត​នទើ​នៃ​នហេល​នានេៈ​ងាន់ ជេង​នទើ​មៃ​ញហើ​នាវ​រ៝ង់​រាប់​ជាប់​មៃ​អ៝ន់​មា​កោរាញ​គ៝ប់​ងាន់”។
GEN 24:15 អេ​ហ៝ៈ​នាន់​អោស​លោច​នាវ​ពាង់​មឞើស​ឆើម​នៃ ទោ​មា​ឆៃ​រេបេកា​លោស​ឞើស​ប៝ន​នៃ តេៈ​នោង​រាឞ៝ង់​តា​មលីក​ពាង់​នើម​រី។ រេបេកា​នៃ​អី​ក៝ន​ឞូ​អូរ​បេថូអែលបេថូអែល​អី​ក៝ន​ឞូ​ក្លោ​មីលកា មីលកា ​អី​អូរ​នាហោរ​អ៝ស​អាឞ្រាហាម់ ​នៃ​នើស។
GEN 24:16 រេបេកា​ជេង​ឞូ​អូរ​អ្វែស​រែស​ងាន់ ហោម​អែ​ទ្រោស​អេ​ហ៝ៈ​គែស​អោស​ដាស​ឞូ​ក្លោ។ ពាង់​ហាន់​ត៝ត់​តា​នតូ​ទាក​នៃ ពាង់​ជុរ​ឞុក​ទាក​ឞេង​នោង​រាឞ៝ង់​រី ជេសរី​ពាង់​ទ៝ក់​ឆឹត។
GEN 24:17 ឞូនុយ្ស​ជាន​ការ​អាឞ្រាហាម់ ​នៃ​ញច្វាត់​រាន​ជឹត​ពាង់​រី ជេសរី​លាស៖ “ទាន់​ទាក​តា​រាឞ៝ង់​អៃ​នៃ​គ៝ប់​ឞែ​មា​ញេត​ដេៈ​យោស​អើ”។
GEN 24:18 ឞូ​អូរ​នៃ​អើស៖ “ញេត​ហែស​កោរាញ”។ ឞូ​អូរ​នៃ​ជុយ្ស​រ៝​អ៝ន់​ពាង់​ញេត។
GEN 24:19 ជេស​អ៝ន់​ពាង់​ញេត​រី ឞូ​អូរ​នៃ​លាស៖ “តៃ​គ៝ប់​ហាន់​ឞុក​ទាក​មា​អ៝ន់​ឆែស​ឆាមោ​មៃ​ញេត​អ៝ន់​ត៝ត់​ហើម​ដ៝ង់”។
GEN 24:20 ជេសរី​ពាង់​ងខុត​ទាក​តា​ឞ៝ង​រី​រ៝ ពាង់​ព្លឹ​ឞុក​តៃ​ទាក​មា​អ៝ន់​ឆែស​ឆាមោ​រី​ញេត​ត៝ត់​ហើម​ទាទេ។
GEN 24:21 ឞូ​ក្លោ​អី​នៃ​អ្វាញ់​ជឹត​ពាង់​រី​រាល៝ល់ ពាង់​មឹន​អេង​តា​នូយ្ស​នហ៝ម់​រី​អុច​គឹត គឹត​ឞ្រាស​យេហោវា​ជាន​អ៝ន់​ពាង់​កើត​នាវ​ពាង់​អុច​នើស​ងាន់​លាស​មោ។
GEN 24:22 ទឹង​លែៈ​ឆែស​ឆាមោ​រី​ញេត​ទាក​លែៈ​ហើម​ទាទេ​ជេស ជេសរី​ពាង់​ឆ៝ៈ​ទូ​មល៝ម់​រាគេន​មាយ្ស​ជ៝ក់​ទូ​ចី​ងគូល​តេៈ​តា​ត្រោម​មុស​ឞូ​អូរ​នៃ ឆ៝ៈ​ដ៝ង់​ឞារ​មល៝ម់​កោង​តី​មាយ្ស​ជ៝ក់ ៣០ ចី​អ៝ន់​មា​ឞូ​អូរ​ទ្រោស​នៃ។
GEN 24:23 ជេសរី​ពាង់​អោប​ឞូ​អូរ​ទ្រោស​នៃ៖ “អៃ​ឞូ​ម៝ស​ក៝ន? ទាន់​មឞើស​មា​គ៝ប់។ អាស​តា​ជៃ​ឞឹ​អៃ​គឹត​គែស​នតុក​ហេន​ទែ​មា​ឞិច​មាង់​អ្យា?”
GEN 24:24 ឞូ​អូរ​ទ្រោស​នៃ​អើស​មា​ពាង់៖ “គ៝ប់​ក៝ន​បេថូអែល អី​ក៝ន​ចែ​នាហោរ នទ្រែល​មា​អូ​មីលកា ”។
GEN 24:25 ឞូ​អូរ​ទ្រោស​នៃ​លាស​តៃ​មា​ពាង់៖ “តា​ជៃ​ហេន​គែស​អ៝ក់​រាហែ​មា​ឆែស​ឆាមោ​ឞិច នទ្រែល​មា​រេប​លែៈ​ឆើស​មា​មពា​ឆែស​ឆាមោ​ឆា នទ្រែល​មា​នតុក​មា​អ៝ន់​ខាន់​មៃ​ឞិច​គែស​ដ៝ង់”។
GEN 24:26 ជេសរី​ឞូនុយ្ស​ជាន​ការ​នៃ​ពាង់​កុញ​ឞោក យើក​មឞាស​មា​ឞ្រាស​យេហោវា
GEN 24:27 ពាង់​លាស៖ “រានេ​មា​ឞ្រាស​យេហោវា អី​ឞ្រាស​អាឞ្រាហាម់ ​ជេង​កោរាញ​គ៝ប់​យើក​មឞាស មៃ​មោ​រាលូន​អោស​អ៝ន់​នាវ​រ៝ង់​រាប់​ជាប់​មៃមៃ​ជាន​កើត​នាវ​មៃ​លែៈ​លាស​បាបើ​មា​កោរាញ​គ៝ប់ ល៝ង់​គ៝ប់​អ្យា​ឞ្រាស​យេហោវា​ដ៝ង់​លែវ​ត្រ៝ង​ទឹង​ត៝ត់​តា​ជៃ​នទុល​មពោល​កោរាញ​គ៝ប់”។
GEN 24:28 ជេសរី​ឞូ​អូរ​នៃ​ញច្វាត់​អា​ជៃ​មេៈ​ពាង់ នហ៝​មា​មឞើស​ងក៝ច​នាវ​អី​នៃ​មា​ទឹង​លែៈ​ឞូនុយ្ស​តា​ជៃ​នៃ។
GEN 24:29 រេបេកា​គែស​ទូ​ហ្វេ​នោ​រាញា​លាបានលាបាន​ញច្វាត់​ជ៝យ​ឞូ​ក្លោ​នៃ​អា​នតូ​ទាក​រី
GEN 24:30 យ៝រ​លាស​ពាង់​ឆៃ​កោង​តា​តី​ដ៝ង់ ឆៃ​រាគេន​តា​ត្រោម​មុស​ដ៝ង់ នទ្រែល​មា​តាង់​រេបេកា​អី​អ៝ស​ទែ​មឞើស​ងក៝ច​ទឹង​លែៈ​នាវ​ឞូ​ក្លោ​នៃ​លាស ជេសរី​ពាង់​ហាន់​ម៝ប់​ឞូ​ក្លោ​នៃ ឆៃ​ពាង់​ទ៝ក់​កេង​នតូ​ទាក​រី​នទ្រែល​មា​ឆែស​ឆាមោ។
GEN 24:31 លាបាន​លាស​មា​ឞូ​ក្លោ​អី​នៃ៖ “អើ​ឞូនុយ្ស​លែៈ​ឞ្រាស​យេហោវា​ទែ​អ៝ន់​គែស​ជេង លាប់​ហ៝ម់ ម៝ស​គុ​មៃ​ឞើស​ទីស​អ្យា? លែៈ​ជេស​គ៝ប់​នទ្រាប់​ជៃ​មា​មៃ នទ្រែល​មា​នតុក​អ៝ន់​ឆែស​ឆាមោ​មៃ​ដ៝ង់”។
GEN 24:32 ជេសរី​ឞូ​ក្លោ​អី​នៃ​លាប់​អា​ត្រោម​ជៃ​តី។ លាបាន​ទ្រីស​ញជុរ​នទ៝ស​នទើ​ឞើស​លើ​ឆែស​ឆាមោ​រី​ផ្យៅ ឞូ​ឆ៝ៈ​ជា​ឆ៝ៈ​រាហែ​មា​អ៝ន់​ឆែស​ឆាមោ​ទែ​ឆា នទ្រែល​មា​ឆ៝ៈ​ទាក​មា​អ៝ន់​ឞូ​ក្លោ​នៃ​រាវ​ជ៝ង់ នអ៝ប់​មា​មពោល​អី​ហាន់​នទ្រែល​ពាង់​នៃ​ដ៝ង់។
GEN 24:33 ជេសរី​ឞូ​លែៈ​នទ្រាប់​ព្យាង់​ត្រាវ​អ៝ន់​ពាង់​ឆោង យើន​មា​ពាង់​លាស៖ “គ៝ប់​មោ​ហ៝ៈ​អោស​ឆោង លាស​នាវ​គ៝ប់​ហាន់​អ្យា​គ៝ប់​មោ​ហ៝ៈ​មឞើស​ងក៝ច​មា​ខាន់​មៃ” លាបាន​លាស៖ “នែស ងក៝ច​ហ៝ម់!”
GEN 24:34 ពាង់​លាស៖ “គ៝ប់​អ្យា​ជេង​ឞូនុយ្ស​ជាន​ការ​អាឞ្រាហាម់ ។
GEN 24:35 ឞ្រាស​យេហោវា​អ៝ន់​គែស​ជេង​មា​កោរាញ​គ៝ប់​លែៈ​ទុត​អ៝ក់ នហ៝​មា​ពាង់​ត៝ត់​ជេង​ឞូនុយ្ស​នទ្រ៝ង់​ងាន់ កោរាញ​ឞ្រាស​អ៝ន់​ពាង់​គែស​ឞែ​ឞ្យាប់ គែស​នទ្រោក គែស​ឆែស​ឆាមោ គែស​ឆែស​លៀ នទ្រែល​មា​គែស​ព្រាក់ គែស​មាយ្ស គែស​នអ៝ប់​មា​ទឹក​ឞូ​អូរ​ទឹក​ឞូ​ក្លោ​អ៝ក់​ងាន់។
GEN 24:36 នោក​កោរាញ​គ៝ប់​ពាង់​លែៈ​រាញ​ងាន់ អី​អូរ​ពាង់​រាញា​ឆារា​គុ​អ៝ស​ទូ​ហ្វេ​ក៝ន​ឞូ​ក្លោ​មា​ពាង់ កោរាញ​គ៝ប់​លែៈ​អ៝ន់​ជេស​ទឹង​លែៈ​ទ្រាប់​នទើ​ពាង់​គែស​មា​ក៝ន​អី​នៃ។
GEN 24:37 កោរាញ​គ៝ប់​ពាង់​ដាៈ​គ៝ប់​ត៝ន​អ្យាត់​នាវ​ពាង់ ពាង់​លាស៖ «មៃ​លើយ​អោស​ជ៝យ​អូរ​មា​ក៝ន​គ៝ប់​តាៈ​ឞើស​ផូង​កានាន​នតុក​ឞ្រី​គ៝ប់​គុ​អ្យា។
GEN 24:38 អ៝ន់​មៃ​ហាន់​តា​ជៃ​ឞឹ​គ៝ប់ តា​នទុល​មពោល​គ៝ប់​នើម​រី ជេសរី​ឆើម​ជ៝យ​អូរ​មា​ក៝ន​គ៝ប់​តាៈ​ឞើស​មពោល​នៃ»។
GEN 24:39 គ៝ប់​លាស​មា​កោរាញ​គ៝ប់៖ «ក្លាប់​លាស​ឞូ​អូរ​អី​នៃ​មោ​អុច​អោស​តឹង​គ៝ប់​តា​ឞ្រី​អ្យា»។
GEN 24:40 ពាង់​លាស​មា​គ៝ប់៖ «ឞ្រាស​យេហោវា​អី​គ៝ប់​ទែ​អ្យាត់​បាបើ ពាង់​អ៝ន់​តោង​ពារ់​ពាង់នើម​ហាន់​នទ្រែល​មៃ គៃ​មា​ជាន​អ៝ន់​មៃ​ត៝ត់​គែស​ងាន់។ អ៝ន់​មៃ​ឆើម​ជ៝យ​អូរ​មា​ក៝ន​គ៝ប់​តាៈ​ឞើស​នទុល​មពោល​តាៈ​ឞើស​រានាក់​វ៝ល់​គ៝ប់។
GEN 24:41 អ៝ន់​មៃ​ហាន់​ត៝ត់​តា​នទុល​មពោល​គ៝ប់​រី លាស​ឞូ​មោ​អោស​អ៝ន់​ក៝ន​មា​មៃ រី​មើ​មៃ​មោ​ហោម​អោស​ក្រេប​ដាស​នាវ​លែៈ​ជេស​ត៝ន​អ្យា»។
GEN 24:42 នារ​អ្យា​គ៝ប់​ហាន់​ត៝ត់​តា​នតូ​ទាក គ៝ប់​មឞើស​ឆើម៖ «អើ​ឞ្រាស​យេហោវា អី​ឞ្រាស​អាឞ្រាហាម់ ​ជេង​កោរាញ​គ៝ប់​យើក​មឞាស ទាន់​មៃ​អ៝ន់​គែស​ងាន់​នទើ​អី​កោរាញ​គ៝ប់​ដាៈ​មា​គ៝ប់។
GEN 24:43 អាបៃ​រី​គ៝ប់​លែៈ​គុ​ទាច់​កេង​នតូ​ទាក​អ្យា​ជេស លាស​គែស​ឞូ​អូរ​ទ្រោស​ហាន់​ឞុក​ទាក លាស​គ៝ប់​លាស​មា​ពាង់៖ «អើ​យោស ទាន់​ទាក​តា​រាឞ៝ង់​អៃ​នៃ​គ៝ប់​ឞែ​មា​ញេត​ដេៈ​អើ»
GEN 24:44 លាស​ឞូ​អូរ​នៃ​អើស៖ «អ្យា​ញេត​ហ៝ម់ តៃ​គ៝ប់​ឞុក​ជឹត​មា​អ៝ន់​ឆែស​ឆាមោ​មៃ​ញេត​ដ៝ង់» លាស​នទ្រី​អ៝ន់​តឹម​ទី​មា​ឞូ​អូរ​អី​មៃ​លែៈ​ជេស​នត្រ៝ង់​មា​ជេង​អូរ​អី​ក៝ន​កោរាញ​គ៝ប់​ងាន់»។
GEN 24:45 នោក​នៃ​គ៝ប់​មឞើស​ឆើម​អេ​ហ៝ៈ​នាន់​លោច​អោស ទោ​មា​ឆៃ​រេបេកា​លោស​ឞើស​ប៝ន តេៈ​នោង​រាឞ៝ង់​តា​មលីក​ពាង់​រី​ហាន់​អា​នតូ​ទាក។ ជេស​ពាង់​ជុរ​ឞុក​ទាក​ឞេង គ៝ប់​លាស​មា​ពាង់៖ «អើ​យោស ទាន់​ទាក​អៃ​នៃ​គ៝ប់​ឞែ​មា​ញេត​ដេៈ​អើ»។
GEN 24:46 ពាង់​ជុយ្ស​នោង​រាឞ៝ង់​ឞើស​មលីក​រី​រ៝ ពាង់​លាស​មា​គ៝ប់៖ «អ្យា​ញេត​ហ៝ម់ តៃ​គ៝ប់​ឞុក​ជឹត​ទាក​មា​អ៝ន់​ឆែស​ឆាមោ​មៃ​ញេត​ដ៝ង់»។ ជេសរី​គ៝ប់​ញេត​ទាក​អី​រី ពាង់​ឞុក​តៃ​ទាក​មា​អ៝ន់​ឆែស​ឆាមោ​គ៝ប់​ញេត​ដ៝ង់។
GEN 24:47 គ៝ប់​អោប​ពាង់៖ «អៃ​ឞូ​ម៝ស​ក៝ន?» ពាង់​អើស៖ «គ៝ប់​ក៝ន​បេថូអែល អី​ក៝ន​ចែ​នាហោរ នទ្រែល​មា​អូ​មីលកា »។ ជេសរី​គ៝ប់​ឆ៝ៈ​រាគេន​តេៈ​តា​ត្រោម​មុស​ពាង់ នទ្រែល​មា​កោង​តី​នទ៝ក​តា​ពាង់​រី។
GEN 24:48 ជេសរី​គ៝ប់​ពាន់​យើក​មឞាស​មា​ឞ្រាស​យេហោវា រានេ​មា​ឞ្រាស​យេហោវា​អី​ឞ្រាស​អាឞ្រាហាម់ ​ជេង​កោរាញ​គ៝ប់​យើក​មឞាស យ៝រ​មា​ពាង់​ឆើម​លែវ​ត្រ៝ង​មា​គ៝ប់​ទឹង​ត៝ត់​តា​នទុល​មពោល​កោរាញ​គ៝ប់ នទ្រែល​មា​ឆៃ​ក៝ន​ឞូ​អូរ​ខាន់​ពាង់ គៃ​មា​ឆ៝ៈ​ជេង​អូរ​អី​ក៝ន​កោរាញ​គ៝ប់។
GEN 24:49 អាបៃ​អ្យា លាស​ខាន់​មៃ​ជាន​អ្វែស នទ្រែល​មា​នាវ​ងាន់​មា​កោរាញ​គ៝ប់ ទាន់​ខាន់​មៃ​ងើយ អុច​មោ​លាស​មោ គៃ​មា​គ៝ប់​គឹត​ដ៝ង់ ម៝ស​នទើ​គ៝ប់​ជាន​ជឹត”។
GEN 24:50 ជេសរី​លាបាន នទ្រែល​មា​បេថូអែល​លាស​មា​ពាង់៖ “ទឹង​គែស​ជេង​នាវ​អ្យា​នើស​តាៈ​ឞើស​ឞ្រាស​យេហោវា លាស​នទ្រី​ហេន​មោ​ឞ្លាវ​លាស​អុច មោ​ឞ្លាវ​លាស​មោ​អុច​មា​មៃ​រី។
GEN 24:51 នៃ​រេបេកា​លែៈ​តា​នៃ មៃ​ញអោត​លែវ​ពាង់​អា​រី មា​អ៝ន់​ដាស​ក៝ន​កោរាញ​មៃ​រី កើត​នាវ​ឞ្រាស​យេហោវា​ទែ​លាស​នៃ”។
GEN 24:52 ត៝ត់​មា​ឞូនុយ្ស​ជាន​ការ​អាឞ្រាហាម់ ​តាង់​លាស​កើត​នៃ ពាង់​ពាន់​យើក​មឞាស​មា​ឞ្រាស​យេហោវា​។
GEN 24:53 ជេសរី​ពាង់​ងលោស​ទ្រាប់​នទើ​ងក្រឹ ព្រាក់ មាយ្ស នទ្រែល​មា​ឞ៝ក​អាវ​អ៝ន់​មា​រេបេកា​នៃ ពាង់​អ៝ន់​ដ៝ង់​នទើ​ទុត​ខ្លៃ​មា​មេៈ​មា​នោ​រេបេកា​នៃ​ដ៝ង់។
GEN 24:54 ជេសរី​មើ​ទឹង​ពាង់ នទ្រែល​មា​មពោល​អី​ហាន់​ដាស​ពាង់​នៃ​នើស​ញេត​ឆោង។ មាង់​នៃ​ខាន់​ពាង់​ឞិច​តា​នៃ កាស​អោយ​តៃ​រី​អើម​អោយ​ពាង់​ទ៝ក់ ពាង់​លាស​មា​ផូង​តើម​ជៃ​នៃ៖ “ទាន់​អ៝ន់​គ៝ប់​ព្លឹ​ឆឹត​អា​កោរាញ​គ៝ប់​នើម​នារ​អ្យា​យឹ”។
GEN 24:55 យើន​មា​អី​នោ នទ្រែល​មា​អី​មេៈ​រេបេកា​នៃ​លាស​មា​ពាង់៖ “អ៝ន់​រេបេកា​គុ​នទ្រែល​មា​ហេន​តា​អ្យា​ប៝ត់​ហែស ក្លាប់​លាស​ត៝ត់​ជឹត​នារ​ប៝ត់​ទឹង​ហាន់”។
GEN 24:56 ឞូនុយ្ស​ជាន​ការ​អាឞ្រាហាម់ ​នៃ​អើស​មា​ខាន់​ពាង់៖ “ខាន់​អៃ​មៃ​លើយ​អោស​ក៝ន់​គ៝ប់ អ៝ន់​គ៝ប់​ព្លឹ​ឆឹត​មា​កោរាញ​គ៝ប់​នើម យ៝រ​លាស​នាវ​ឞ្រោៈ​ហាន់​គ៝ប់​អ្យា​លែៈ​ឞ្រាស​យេហោវា​ជាន​ជេស​ផ្យៅ​ជេស”។
GEN 24:57 ខាន់​ពាង់​លាស៖ “ក៝ប់​ហេន​ក្វាល់​រេបេកា អោប​ពាង់​នើម​ប៝ត់”។
GEN 24:58 ជេសរី​ខាន់​ពាង់​ក្វាល់​រេបេកា អោប​ពាង់៖ “អ៝ស អៃ​អុច​ហាន់​នទ្រែល​មា​ពាង់​អ្យា​ឞើស?” រេបេកា​អើស៖ “អើ គ៝ប់​អុច”។
GEN 24:59 ជេសរី​អ៝ន់​រេបេកា​អី​អ៝ស​ឞូ​អូរ​ពាង់​រី នទ្រែល​មា​ឞូនុយ្ស​ឆើម​មពូ​ត៝ស​ពាង់​នៃ អ៝ន់​ហាន់​នទ្រែល​មា​ឞូនុយ្ស​ជាន​ការ​អាឞ្រាហាម់  ឞូ​អ៝ន់​ខាន់​ពាង់​ហាន់​ទាទេ​នទ្រែល​មា​លែៈ​ឞូនុយ្ស​អី​ហាន់​ដាស​ពាង់​នៃ​នើស។
GEN 24:60 រានាក់​វ៝ល់​រេបេកា​អ៝ន់​នាវ​គែស​ជេង​មា​ពាង់៖ “អើ​អ៝ស អ៝ន់​អៃ​គែស​ក៝ន​ឞឹក​រឹ​ងាន់ ជេសរី​រាន៝យ​ទែស​អៃ​អ៝ន់​ជេង​កោរាញ​មា​ផូង​រាលាង់​ដាស​ខាន់​ពាង់”។
GEN 24:61 ជេសរី​រេបេកា នទ្រែល​មា​មពោល​ឞូ​អូរ​ជាន​ការ​មា​ពាង់​ញច៝​ឆែស​ឆាមោ​ហាន់​តឹង​ឞូ​ក្លោ​អី​ឞូនុយ្ស​ជាន​ការ​អាឞ្រាហាម់ ​ហាន់​ព្លឹ​ឆឹត។
GEN 24:62 នោក​ខាន់​ពាង់​ហោម​ហាន់​រ៝ៈ​ត្រ៝ង អីឆាក់​លែៈ​លោស​ឞើស​នតុក​រាញា​តូ​ទាក​លាហាយរ៝យ ពាង់​គុ​តា​ឞ្រី​រាទាស​នេកិប។
GEN 24:63 នោក​ឞ្រី​កេង​មាង់ ពាង់​ហាន់​ព៝ល់​រ៝ៈ​មីរ ពាង់​ងើក​ឆៃ​ហាន់​នហ៝ច​ឆែស​ឆាមោ​ត៝ត់​តា​រី។
GEN 24:64 រេបេកា​នៃ​ឆៃ​ដ៝ង់ ត៝ត់​មា​ឆៃ​អីឆាក់​រី ពាង់​ជុរ​ឞើស​លើ​ឆែស​ឆាមោ
GEN 24:65 អោប​ឞូនុយ្ស​ជាន​ការ​អាឞ្រាហាម់ ​នៃ៖ “ឞូ​ម៝ស​អី​គុ​តា​មីរ​រី ហាន់​ជឹត​អ្យា​រី?” ពាង់​អើស៖ “ពាង់​អី​នៃ​អីឆាក់​អី​កោរាញ​គ៝ប់”។ នទ្រី​រេបេកា​ឆ៝ៈ​ឞ៝ក​ងកុម​លើយ​មុស​មាត់​ពាង់​នើម។
GEN 24:66 ឞូនុយ្ស​ជាន​ការ​អី​នៃ​មឞើស​ងក៝ច​មា​អីឆាក់​ទឹង​លែៈ​នតីល​នទើ​ពាង់​ជាន​រី​នើស។
GEN 24:67 ជេសរី​អីឆាក់​ឆ៝ៈ​រេបេកា​ជេង​អូរ​ពាង់ ពាង់​លែវ​រេបេកា​លាប់​តា​ត្រោម​ចូន​ឆារា​អី​មេៈ​ពាង់​រី​នើស ពាង់​គែស​នូយ្ស​នហ៝ម់​រ៝ង់​មា​រេបេកា​ហោ​ងាន់ នហ៝​មា​ឞាស​ងក្ល៝ន់​រាវៃ​អី​មេៈ​ពាង់​ខឹត​រី​នើស។
GEN 25:1 អាឞ្រាហាម់ ​ឆ៝ៈ​តៃ​អូរ​អេង​ជឹត​រាញា​កិតូរា។
GEN 25:2 ឞូ​អូរ​នៃ​គុ​អ៝ស​ក៝ន​ឞូ​ក្លោ​មា​ពាង់ តា​នៃ​គែស៖ ឆឹមរាន គែស​យុកឆាន គែស​មេដាន គែស​មីដៀន គែស​អីសបាក់ នទ្រែល​មា​គែស​ឆូអា។
GEN 25:3 យុកឆាន​អី​នៃ​ឞាៈ​ឆេបា នទ្រែល​មា​ដេដាន អី​ក៝ន​ឆៅ​ដេដាន​នៃ​ទឹង​ជេង​គែស​ផូង​អាសឆើរ ផូង​លេតូឆីម នទ្រែល​មា​ផូង​លេអូមីម។
GEN 25:4 អី​ក៝ន​ឆៅ​មីដៀន​រី តា​នៃ​គែស៖ អេផា គែស​អេផើរ គែស​ហានុក  គែស​អាបីដា នទ្រែល​មា​គែស​អែលដា។ ទឹង​លែៈ​ផូង​អី​នៃ​ជេង​ក៝ន​ឆៅ​កិតូរា​ទាទេ។
GEN 25:5 ទឹង​លែៈ​នទើ​អាឞ្រាហាម់ ​គែស ពាង់​អ៝ន់​មា​អីឆាក់​ទាទេ។
GEN 25:6 យើន​មា​នោក​អាឞ្រាហាម់ ​ហោម​រេស ពាង់​អ៝ន់​ដ៝ង់​នទើ​អាបាៈ​មា​ក៝ន​អូរៗ​ចោង​ពាង់​រី ពាង់​អ៝ន់​ផូង​នៃ​ទូ​ងាយ​ឞើស​អីឆាក់ អ៝ន់​ខាន់​ពាង់​គុ​អា​ឞ្រី​មពែស​ឞើស​លោស​នារ​រី។
GEN 25:7 អាឞ្រាហាម់ ​រេស គែស ១៧៥ នាម់។
GEN 25:8 ពាង់​រេស​មពៃ​លែៈ​ជ៝ៈ​ងាន់ នអ៝ប់​មា​លែៈ​រាញ​ងាន់​ដ៝ង់ ជេសរី​ពាង់​រ៝ស​នហ៝ម់​ខឹត​ហាន់​គុ​នទ្រែល​មា​ផូង​ចែ​ពាង់។
GEN 25:9 ជេសរី​ក៝ន​ពាង់​អីឆាក់ នទ្រែល​មា​អីសមាអែល​ត៝ប់​ពាង់​តា​ត្រោម​យោក​មាក់ពេលា​មពែស​ឞើស​លោស​នារ​មា​ប៝ន​មាម់រេ តា​មីរ​អេប្រុន​អី​ក៝ន​ឆោហារ​ផូង​ហេត។
GEN 25:10 អី​នៃ​ជេង​មីរ​អាឞ្រាហាម់ ​ទែ​រាវាត់​តាៈ​ឞើស​ផូង​ហេត​នើស តា​នៃ​ឞូ​ត៝ប់​អាឞ្រាហាម់  ត៝ប់​នទ្រែល​តា​នតុក​ពាង់​ត៝ប់​ឆារា​នើស។
GEN 25:11 ជេស​ខឹត​អាឞ្រាហាម់ ​រី កោរាញ​ឞ្រាស​អ៝ន់​គែស​ជេង​មា​អីឆាក់​ក៝ន​ពាង់​រី អីឆាក់​ហាន់​គុ​ទាច់​កេង​តូ​ទាក​លាហាយរ៝យ។
GEN 25:12 អ្យា​ជេង​ងក៝ច​យៅ​ទែស​ក៝ន​ឆៅ​អីសមាអែល អី​ក៝ន​អាឞ្រាហាម់  ជេង​ក៝ន​ហាការ​ឞូ​អូរ​ផូង​អេឆីប ​អី​ទឹក​ឆារា​ឞាៈ​អ៝ន់​មា​អាឞ្រាហាម់។
GEN 25:13 អ្យា​ជេង​រាញា​ក៝ន​ឞូ​ក្លោ​អីសមាអែល រាញា​តឹង​ឞូ​ម៝ស​ទែស​ល៝រ ឞូ​ម៝ស​ទែស​ឞើស​កើយ ក៝ន​ឞោក​ទាក​អីសមាអែល​រាញា​នេបាយោត ជេសរី​អី​អ៝សៗ​រាញា​កេដារ រាញា​អាត់បែល រាញា​មីបឆាម‌
GEN 25:14 រាញា​មីសមា រាញា​ដូមា រាញា​មាឆា‌
GEN 25:15 រាញា​ហាដាត់ រាញា​ថេមា រាញា​យេថូរ រាញា​នាផីស នទ្រែល​មា​រាញា​កេតមា។
GEN 25:16 ទឹង​លែៈ​ក៝ន​អីសមាអែល​អី​នៃ អី​នៃ​រាញា​ខាន់​ពាង់​តឹង​ប៝ន​តឹង​នតុក​ខាន់​ពាង់​គុ ទឹង​លែៈ ១២ នុយ្ស​នៃ​ជេង​កោរាញ​តា​នទុល​មពោល​ខាន់​ពាង់​នើម។
GEN 25:17 អីសមាអែល​រេស​គែស ១៣៧ នាម់ ជេសរី​ពាង់​រ៝ស​នហ៝ម់​ខឹត​គុ​នទ្រែល​មា​ផូង​ចែ​ពាង់។
GEN 25:18 ឞ្រី​ផូង​ក៝ន​ឆៅ​អីសមាអែល​គុ នតើម​ឞើស​ឞ្រី​ហាវីលា ត៝ត់​អា​ឞ្រី​ឆូរ​ទាច់​មា​ឞ្រី​អេឆីប ​មពែស​មា​ឞ្រី​អាឆើរ។ ផូង​ក៝ន​ឆៅ​អីសមាអែល​ខាន់​ពាង់​គុ​តឹម​លើស​នទ្រាង់​អ៝ស​នោ​ខាន់​ពាង់​នើម​នឹង។
GEN 25:19 អ្យា​នាវ​ងក៝ច​យៅ​អីឆាក់​ក៝ន​អាឞ្រាហាម់ ៖ អាឞ្រាហាម់ ​ឞាៈ​អីឆាក់។
GEN 25:20 ត៝ត់​អីឆាក់​លែៈ​គែស ៤០ នាម់ ពាង់​ឆ៝ៈ​រេបេកា​ជេង​អូរ។ រេបេកា​នៃ​អី​ក៝ន​បេថូអែល​អី​អ៝ស​លាបានបេថូអែល​នៃ​ផូង​អារាម​គុ​តា​ឞ្រី​ពាដាន-អារាម។
GEN 25:21 អីឆាក់​មឞើស​ឆើម​មា​ឞ្រាស​យេហោវា យ៝រ​លាស​អូរ​ពាង់​នៃ​ជេង​ឞូ​អូរ​មោ​អោស​ឞាៈ​ក៝ន ឞ្រាស​យេហោវា​អ្យាត់​នាវ​ពាង់​មឞើស​ឆើម ជេសរី​អូរ​ពាង់​នត្រែវ។
GEN 25:22 ក៝ន​តា​ត្រោម​នទុល​រេបេកា​គែស​ឞារ​អឹ​តឹម​ថាក់​ឞាល់ ពាង់​លាស៖ “មើម​ទឹង​ជេង​កើត​នទ្រី​ច្រាវ?” ជេសរី​ពាង់​អោប​ឞ្រាស​យេហោវា។
GEN 25:23 ឞ្រាស​យេហោវា​លាស​មា​ពាង់៖ “អៃ​គែស​ឞារ​អឹ​ឞ្រី​ទាក​គុ​តា​ត្រោម​នទុល​អៃ​នៃ អៃ​ទែស​គែស​ឞារ​អឹ​ផូង​តាៈ​ឞើស​នទុល​អៃ​អី​តឹម​រាទ៝ង់​ឞាល់ ទូ​ផូង​ជេង​ទាង់​រាលាវ​ដាស​មា​ទូ​ផូង ក៝ន​ឞោក​ទាក​ជេង​ព្លាច់​ឆើម​កើល​ជាន​ការ​អ៝ន់​មា​អី​អ៝ស”។
GEN 25:24 ត៝ត់​អាប់​ខៃ​រី ពាង់​គុ​អ៝ស​គែស​ក៝ន​ឞារ​ងាន់ ក៝ន​ឞូ​ក្លោ​ទាទេ។
GEN 25:25 ក៝ន​អី​ឞោក​ទាក​រី​ឆាក់​ពាង់​ទុម​ងាន់ គែស​រាឆៅ​តឹម​ឞាន​មា​រាឆៅ​មពោមពា​(ឆ្យុម) ឞូ​តេៈ​រាញា «អេឆាវ»។
GEN 25:26 ជេសរី​អី​អ៝ស​លោស​ដ៝ង់ តី​ពាង់​ក្វាន់​ការ់​ញើន​តា​ជ៝ង់​អេឆាវ​រី កើត​នទ្រី​ទឹង​ឞូ​តេៈ​រាញា «យាកោប» គែស​នាវ​ខ្លៃ​លាស​«ក្វាន់​ការ់​ញើន​តា​ជ៝ង់»។ នោក​គុ​អ៝ស​នៃ​អីឆាក់​លែៈ​គែស ៦០ នាម់។
GEN 25:27 ជេសរី​អី​ក៝ន​ពាង់​ឞារ​អឹ​រី​ត៝ត់​ក្វ៝ង់​ត៝ត់​នទាម់ អេឆាវ​ជេង​ឞូនុយ្ស​ឞ្រែន​ពាញ់​ព្វាច់ ពាង់​ហោ​ងាន់​ឞ្រោៈ​ឞ្រី។ ល៝ង់​យាកោប​រី ជេង​ឞូនុយ្ស​គុ​រាមឺយ្ស​ទើម ពាង់​គុ​ទាច់​តា​ចូន​ឞ៝ក​រី​ច្យាប់​ឞែ​ឞ្យាប់។
GEN 25:28 អីឆាក់​រ៝ង់​មា​អេឆាវ​ហោ​ងាន់ យ៝រ​លាស​ពាង់​រ៝ង់​ឆា​ព្វាច់​អេឆាវ​ទែ​ពាញ់ យើន​មា​រេបេកា​រ៝ង់​មា​យាកោប។
GEN 25:29 គែស​ទូ​នារ​យាកោប​គុ​គ៝ម់​ត្រាវ អេឆាវ​ឆឹត​ឞើស​នទ្រិច​រី​ពាង់​ហ្វារ់​ងាន់។
GEN 25:30 ពាង់​លាស​មា​យាកោប៖ “ទាន់​ពាៈ​គ៝ប់​ដេៈ​ត្រាវ​ទុម​អី​ជាន​មា​តោស​មៃ​នៃ​គ៝ប់​ឞែ​មា​ឆា លែៈ​ហោ​ងាន់​ហ្វារ់​គ៝ប់​តា​រី!” (កើត​នទ្រី​ទឹង​ឞូ​ក្វាល់​ពាង់ «អេដ៝ម់» យ៝រ​លាស​គែស​នាវ​ខ្លៃ​«ទុម»។)
GEN 25:31 យាកោប​លាស​មា​ពាង់៖ “ព្លាច់​អ៝ន់​មា​គ៝ប់​នាវ​ខ្លៃ​មៃ​ជេង​ក៝ន​ឞោក​ទាក​នៃ​មើ”។
GEN 25:32 អេឆាវ​អើស​មា​ពាង់៖ “គ៝ប់​តា​រី​លែៈ​ឞើយ​មា​ខឹត​ងាន់ ម៝ស​ហោម​ខ្លៃ​ជេង​ក៝ន​ឞោក​ទាក?”
GEN 25:33 យាកោប​លាស​តៃ​មា​ពាង់៖ “លាស​នទ្រី​មៃ​ត៝ន​អ៝ន់​មា​គ៝ប់​ល៝រ​ប៝ត់”។ ជេសរី​អេឆាវ​ត៝ន​ព្លាច់​អ៝ន់​មា​យាកោប​នាវ​ខ្លៃ​ជេង​ក៝ន​ឞោក​ទាក​នៃ។
GEN 25:34 យាកោប​ឆ៝ៈ​នុមពាង់ នទ្រែល​មា​ត្រាវ​តោស​ទុម​ពាង់​គ៝ម់​នៃ​អ៝ន់​មា​អេឆាវ​ឆោង។ អេឆាវ​ញេត​ឆោង​នទើ​យាកោប​អ៝ន់​នៃ ជេសរី​ទ៝ក់​ទូ​ឞើស​នតុក​នៃ។ កើត​នទ្រី​ពាង់​លែៈ​មឺច​ជេស​នាវ​ខ្លៃ​តា​ឆាក់​ពាង់​នើម​ជេង​ក៝ន​ឞោក​ទាក​រី។
GEN 26:1 នោក​នៃ​គែស​នាវ​ជី​ឆ៝ត់​ជី​ង៝ត​ក្វ៝ង់​តា​ឞ្រី​នៃ​ទូ​តឹ​ជឹត តឹម​ឞាន​មា​លែៈ​គែស​តា​រានោក​អាឞ្រាហាម់ ​នើស​ដ៝ង់។ នទ្រី​អីឆាក់ ​ហាន់​តា​ប៝ន​កេរារ  គៃ​មា​ទាន់​គុ​នទ្រែល​កាដាច់​អាបីមាលិច  ជេង​កាដាច់​ផូង​ផាលីសតីន ។
GEN 26:2 ជេសរី​ឞ្រាស​យេហោវា​តឹម​មពើល​មា​អីឆាក់ លាស​មា​ពាង់៖ “មៃ​លើយ​អោស​ទូ​តា​ឞ្រី​អេឆីប  អ៝ន់​មៃ​គុ​តា​នតុក​ឞ្រី​គ៝ប់​មឞើស​មា​មៃ​ហ៝ៈ។
GEN 26:3 អ៝ន់​មៃ​គុ​តា​ឞ្រី​អី​មោ​អោស​ទី​ឞ្រី​មៃ​នើម​អ្យា​ហ៝ៈ គ៝ប់​មរា​គុ​នទ្រែល​មា​មៃ គ៝ប់​មរា​អ៝ន់​គែស​ជេង​មា​មៃ គ៝ប់​មរា​អ៝ន់​ទឹង​លែៈ​ឞ្រី​អ្យា​មា​មៃ​នហ៝​មា​ត៝ត់​ក៝ន​ត៝ត់​ឆៅ​មៃ គ៝ប់​មរា​ជាន​ងាន់​កើត​នាវ​គ៝ប់​លែៈ​ត៝ន​មា​អាឞ្រាហាម់ ​ឞឹ​មៃ​នើស។
GEN 26:4 គ៝ប់​មរា​អ៝ន់​ក៝ន​ឆៅ​មៃ​ឞឹក​រឹ​អ៝ក់​តឹម​ឞាន​មា​មាញ់​កាលើ​ត្រោក គ៝ប់​មរា​អ៝ន់​ទឹង​លែៈ​ឞ្រី​ទាក​អ្យា​មា​ក៝ន​ឆៅ​មៃ ជេសរី​ទឹង​លែៈ​ឞូនុយ្ស​លាម​នែស​នតូ​អ្យា​ឞូ​មរា​ឆ៝ៈ​ទើន​គែស​ជេង​យ៝រ​មា​តាៈ​ឞើស​ក៝ន​ឆៅ​មៃ​ទាទេ។
GEN 26:5 គ៝ប់​មរា​ជាន​ទឹង​លែៈ​នទើ​អី​នៃ យ៝រ​លាស​អាឞ្រាហាម់ ​អ្យាត់​នាវ​គ៝ប់​នើស ពាង់​ជាន​តឹង​នាវ​គ៝ប់​ដាៈ​គ៝ប់​លាស នទ្រែល​មា​ជាន​តឹង​នាវ​វៃ​គ៝ប់”។
GEN 26:6 ជេសរី​អីឆាក់​គុ​តា​ប៝ន​កេរារ​នៃ។
GEN 26:7 លាស​ឞូនុយ្ស​តា​ប៝ន​នៃ​អោប​ពាង់​មា​នាវ​អូរ​ពាង់​នៃ៖ “ឞូ​ម៝ស​ឞូ​អូរ​អ្យា?” ពាង់​មឞើស​មា​ឞូ​លាស៖ “អ៝ស​គ៝ប់”។ ពាង់​មោ​អោស​ឞាញ់​មឞើស​មា​ឞូ​លាស​អូរ​ពាង់ យ៝រ​លាស​ពាង់​គឹត​លាស៖ “គ៝ប់​ក្លាច​ឞូ​ក្លោ​តា​ប៝ន​អ្យា​ងខឹត​គ៝ប់ គៃ​មា​ឆ៝ៈ​អូរ​គ៝ប់ យ៝រ​លាស​អូរ​គ៝ប់​អ្វាញ់​អ្វែស​រែស​ងាន់”។
GEN 26:8 ត៝ត់​ពាង់​គុ​តា​ប៝ន​នៃ​លែៈ​ជ៝ៈ​ងាន់ គែស​ទូ​នារ​កាដាច់​អាបីមាលិច​ជេង​កាដាច់​ផូង​ផាលីសតីន ពាង់​អ្វាញ់​ឞើស​មពោង​ឞ្ល៝ស​រី ឆៃ​អីឆាក់​នទ្រែល​មា​រេបេកា​អី​អូរ​រី​តឹម​អូត​តឹម​លោរ។
GEN 26:9 ជេសរី​កាដាច់​អាបីមាលិច​ដាៈ​ឞូ​ក្វាល់​អីឆាក់ លាស​ពាង់៖ “ពាង់​អូរ​មៃ​ងាន់ មើម​ទឹង​មៃ​លាស «ពាង់​អ៝ស​គ៝ប់»?” អីឆាក់​អើស៖ “ទឹង​គ៝ប់​លាស​កើត​នៃ យ៝រ​លាស​គ៝ប់​ក្លាច​ឞូ​ងខឹត​យ៝រ​មា​អូរ​គ៝ប់​នៃ”។
GEN 26:10 កាដាច់​អាបីមាលិច​លាស​មា​ពាង់៖ “ម៝ស​ទឹង​មៃ​ជាន​មា​ហេន​កើត​នៃ? លាស​គែស​ទូ​ហ្វេ​តា​ផូង​ប៝ន​លាន​គ៝ប់​ឞិច​នទ្រែល​មា​អូរ​មៃ លាស​នទ្រី​មៃ​ញឆុក​ផូង​ហេន​ជេង​តីស”។
GEN 26:11 ជេសរី​កាដាច់​អាបីមាលិច​មឞើស​ទឹង​លែៈ​ផូង​ប៝ន​លាន ពាង់​លាស​កើត​នអា៖ “ឞូ​ម៝ស​ជាន​អ្យើស​ឞូ​ក្លោ​អ្យា មោ​លាស​អី​អូរ​ពាង់ ងខឹត​លើយ​ឞូនុយ្ស​នៃ”។
GEN 26:12 អីឆាក់​គុ​តូច​តាម់​តា​ឞ្រី​នៃ ត៝ត់​ពាង់​កាច់​ពាង់​រែក​ពាង់​គែស​រាហ្យាង់ យ៝រ​លាស​ឞ្រាស​យេហោវា​អ៝ន់​គែស​ជេង​មា​ពាង់។
GEN 26:13 ជេសរី​ត៝ត់​ពាង់​នទ្រ៝ង់ ត៝ត់​ពាង់​គែស​ទ្រាប់​នទើ​លើ​មា​អ៝ក់​នហ៝​មា​ជេង​ឞូនុយ្ស​ទុត​នទ្រ៝ង់​ងាន់។
GEN 26:14 ពាង់​គែស​ឞែ​ឞ្យាប់ គែស​នទ្រោក​អ៝ក់​ងាន់ នទ្រែល​មា​គែស​ឞូនុយ្ស​ឆើម​កើល​ជាន​ការ​អ៝ក់​ដ៝ង់ កើត​នទ្រី​ផូង​ផាលីសតីន​មោ​នាច​មា​អោឞាល់។
GEN 26:15 ទឹង​លែៈ​នតូ​ទាក​មពោល​ឆើម​កើល​ជាន​ការ​ឞឹ​ពាង់​អាឞ្រាហាម់ ​កុយ្ស​រានោក​អាឞ្រាហាម់ ​ហោម​រេស​នើស ផូង​ផាលីសតីន​ឞ្រោយ​លែៈ​ផ្យៅ។
GEN 26:16 ជេសរី​កាដាច់​អាបីមាលិច​លាស​អីឆាក់៖ “មៃ​ទូ​ឞើស​នតុក​អ្យា​ហ៝ម់ យ៝រ​លាស​មៃ​គែស​ឞូនុយ្ស​គែស​ទ្រាប់​នទើ​ទុត​អ៝ក់​រាលាវ​ហេន”។
GEN 26:17 ជេសរី​អីឆាក់​ទូ​ឞើស​នតុក​នៃ​ហាន់​គុ​តា​ញជ៝ង់​យោក​កេរារ តេៈ​ចូន​ឞ៝ក​គុ​តា​នតុក​នៃ។
GEN 26:18 អីឆាក់​ដាៈ​ឞូ​ក្វាយ​តៃ​ទឹង​លែៈ​នតូ​ទាក​អាឞ្រាហាម់ ​អី​ឞឹ​ទែ​កុយ្ស​រី​នើស យ៝រ​លាស​លែៈ​ផូង​ផាលីសតីន​ទែ​ឞ្រោយ​លើយ​ទាទេ​ជេស​ខឹត​អាឞ្រាហាម់ ​នៃ​នើស អីឆាក់​តេៈ​តៃ​រាញា​ទឹង​លែៈ​នតូ​ទាក​អី​នៃ​តឹង​កើត​រាញា​អី​ឞឹ​ពាង់​លែៈ​តេៈ​នើស​ដ៝ង់។
GEN 26:19 មពោល​ឆើម​កើល​ជាន​ការ​អីឆាក់​កុយ្ស​ទូ​នតូ​ទាក​តា​ញជ៝ង់​យោក​នៃ គែស​ទាក​លោស​ហ៝ច​នឹង​ឞើស​នតូ​អី​នៃ។
GEN 26:20 យើន​មា​ផូង​ច្យាប់​តា​ឞ្រី​កេរារ​នៃ​តឹម​ល៝ក់​ដាស​ផូង​ច្យាប់​អីឆាក់ ផូង​នៃ​លាស៖ “អ្យា​ជេង​នតូ​ទាក​ហេន” ជេសរី​អីឆាក់​តេៈ​រាញា​នតូ​នៃ «អេឆេក» គែស​នាវ​ខ្លៃ​លាស​«នាវ​តឹម​រាលាច់» យ៝រ​លាស​ផូង​នៃ​លែៈ​តឹម​ល៝ក់​ដាស​ពាង់។
GEN 26:21 មពោល​ឆើម​កើល​ជាន​ការ​អីឆាក់​កុយ្ស​តៃ​ទូ​មល៝ម់​នតូ​ទាក​ជឹត យើន​មា​ផូង​ច្យាប់​តឹម​ល៝ក់​ដាស​ពាង់​ដ៝ង់ នទ្រី​អីឆាក់​តេៈ​រាញា​នតូ​ទាក​នៃ «ឆិតនា» គែស​នាវ​ខ្លៃ​លាស​«តឹម​រាទ៝ង់»។
GEN 26:22 ជេសរី​ពាង់​ទូ​នតុក​អេង ពាង់​កុយ្ស​តៃ​ទូ​មល៝ម់​នតូ​ទាក​ជឹត នតូ​ទាក​នៃ​មោ​ហោម​អោស​ឆៃ​ឞូ​តឹម​ពីត នទ្រី​ទឹង​ពាង់​តេៈ​រាញា​នតូ​ទាក​នៃ «រេហោបោត» គែស​នាវ​ខ្លៃ​លាស​«ហ្វី» ពាង់​លាស៖ “អាបៃ​អ្យា​ឞ្រាស​យេហោវា​លែៈ​អ៝ន់​នតុក​ហ្វី​មា​ហេន​ជេស អ៝ន់​ហេន​គែស​ទ្រាប់​នទើ​នទ្រ៝ង់​តា​ឞ្រី​អ្យា”។
GEN 26:23 ជេសរី​ពាង់​ទូ​ឞើស​នតុក​នៃ​ហាន់​គុ​តា​ប៝ន​បេរឆេបា។
GEN 26:24 តា​មាង់​នៃ​ឞ្រាស​យេហោវា​តឹម​មពើល​មា​ពាង់ លាស​មា​ពាង់​កើត​នអា៖ “មៃ​លើយ​អោស​ក្លាច យ៝រ​លាស​គ៝ប់​គុ​នទ្រែល​មៃ គ៝ប់​អ្យា​អី​ឞ្រាស​អាឞ្រាហាម់ ​ឞឹ​មៃ​យើក​មឞាស​នើស គ៝ប់​អ៝ន់​គែស​ជេង​មា​មៃ គ៝ប់​ជាន​អ៝ន់​មៃ​គែស​ក៝ន​គែស​ឆៅ​ឞឹក​រឹ យ៝រ​លាស​អាឞ្រាហាម់ ​នើស​អី​ឞូនុយ្ស​ឆើម​កើល​ជាន​ការ​មា​គ៝ប់”។
GEN 26:25 ជេសរី​ពាង់​ជាន​ទូ​នតុក​មា​ជាន​ឞ្រាស​តា​នតុក​នៃ ពាង់​យើក​មឞាស​ឞ្រាស​យេហោវា​តា​នតុក​នៃ។ ពាង់​តេៈ​ចូន​ឞ៝ក​ពាង់​នើម​គុ​តា​នតុក​នៃ ជេសរី​មពោល​ឆើម​កើល​ជាន​ការ​ពាង់​កុយ្ស​នតូ​ទាក​តា​នតុក​នៃ​ដ៝ង់។
GEN 26:26 គែស​ទូ​នារ​កាដាច់​អាបីមាលិច​ហាន់​ម៝ប់​អីឆាក់ ហាន់​នទ្រែល​ពាង់​គែស​អាហូឆាត​ជេង​ឞូនុយ្ស​កើល​ពាង់ នទ្រែល​មា​ផីកុល​ជេង​កោរាញ​តាហែន​ពាង់​ដ៝ង់។
GEN 26:27 អីឆាក់​លាស​មា​កាដាច់​នៃ៖ “ម៝ស​នាវ​ខាន់​មៃ​ហោម​អុច​ហាន់​ម៝ប់​គ៝ប់ យ៝រ​លាស​ខាន់​មៃ​លែៈ​ឞ្យាញ់​មព្រើស​គ៝ប់”។
GEN 26:28 កាដាច់​អាបីមាលិច​លាស​មា​អីឆាក់៖ “លែៈ​ហេន​គឹត​ឞ្រាស​យេហោវា​គុ​នទ្រែល​មៃ​ងាន់ កើត​នទ្រី​ហេន​មឹន ហេន​អុច​អ៝ន់​ឞ៝ន់​តឹម​ត៝ន​តឹម​រាង្លាប់​នទ្រែល។
GEN 26:29 អ៝ន់​មៃ​ត៝ន​មា​ហេន មៃ​មោ​លើស​អ្យើស​មា​ហេន កើត​ហេន​មោ​លើស​អ្យើស​មា​មៃ ជាន​នទើ​អ្វែស​ទើម​មា​មៃ លែៈ​អ៝ន់​មៃ​ឆឹត​ដាប់​មពាន់​នើស អាបៃ​អ្យា​មៃ​លែៈ​ឞ្រាស​យេហោវា​ទែ​អ៝ន់​គែស​ជេង​ដ៝ង់”។
GEN 26:30 អីឆាក់​នទ្រាប់​ញេត​ឆា​ក្វ៝ង់​អ៝ន់​មា​កាដាច់ នទ្រែល​មា​លែៈ​ផូង​អី​ហាន់​នទ្រែល​ពាង់​នៃ ជេសរី​ខាន់​ពាង់​ញេត​ឆោង​ឆា​នទ្រែល​តា​រី​ទាទេ។
GEN 26:31 ត៝ត់​អោយ​តៃ ខាន់​ពាង់​ទ៝ក់​អើម​អោយ​តឹម​ត៝ន​ឞាល់ ជេសរី​អីឆាក់​ញជុន​កាដាច់​អាបីមាលិច នទ្រែល​មា​ផូង​អី​ហាន់​នទ្រែល​ពាង់​នៃ​ឆឹត ខាន់​ពាង់​ឆឹត​ដាប់​មពាន់។
GEN 26:32 តា​នារ​នៃ​ដ៝ង់ មពោល​ឆើម​កើល​ជាន​ការ​មា​អីឆាក់​ហាន់​មឞើស​មា​ពាង់​នតូ​ទាក​អី​ខាន់​ពាង់​មហែ​កុយ្ស​នៃ​នើស ខាន់​ពាង់​លាស៖ “នតូ​ហេន​កុយ្ស​នើស​លែៈ​គែស​ទាក”។
GEN 26:33 អីឆាក់​តេៈ​រាញា​នតូ​ទាក​នៃ «ឆីបា» គែស​នាវ​ខ្លៃ​លាស​«នាវ​ត៝ន» នទ្រី​ទឹង​ឞូ​នតើ​ប៝ន​នៃ «បេរឆេបា» គែស​នាវ​ខ្លៃ​លាស​«នតូ​ទាក​ត៝ន» នហ៝​មា​ត៝ត់​អាបៃ​អ្យា។
GEN 26:34 ត៝ត់​អេឆាវ​លែៈ​គែស ៤០ នាម់ ពាង់​ឆ៝ៈ​អូរ​ឞារ​ឞើស​ផូង​ហេត ទូ​ហ្វេ​រាញា​យូដីត​អី​ក៝ន​បេរី អី​ទូ​ហ្វេ​រាញា​បាសមាត​អី​ក៝ន​អេលោន។
GEN 26:35 លែៈ​ឞូ​អូរ​ឞារ​ហៃ​នៃ​ជាន​អ៝ន់​អីឆាក់ នទ្រែល​មា​រេបេកា​រាង៝ត​ងាន់។
GEN 27:1 ត៝ត់​អីឆាក់​លែៈ​រាញ​ងាន់ មាត់​ពាង់​ង៝​អ្វាញ់​មោ​ហោម​អោស​ឆៃ។ ពាង់​ក្វាល់​អេឆាវ​ក៝ន​ឞោក​ទាក​ពាង់​រី៖ “ហើយ​នោ” អេឆាវ​អើស៖ “ម៝ស​ឞឹ!”
GEN 27:2 ឞឹ​ពាង់​លាស៖ “គ៝ប់​អ្យា​លែៈ​រាញ មោ​គឹត​នារ​ខឹត។
GEN 27:3 លាស​នទ្រី​មៃ​ឆ៝ៈ​នទើ​មៃ​វៃ​ពាញ់ នា​ដូត​ហារ់​ទឹង​កាម់ ហាន់​អា​ឞ្រី​ពាញ់​ព្វាច់​អ៝ន់​មា​គ៝ប់។
GEN 27:4 មៃ​ជាន​ត្រាវ​ព្វាច់​នៃ​អ៝ន់​ទុត​កាស​មា​គ៝ប់ អ៝ន់​ទី​ក៝​គ៝ប់​វៃ​ឆា គ៝ប់​ឞែ​មា​ឆោង ជេសរី​ទឹង​គ៝ប់​អ៝ន់​គែស​ជេង​មា​មៃ អេ​ល៝រ​មា​គ៝ប់​ខឹត”។
GEN 27:5 ជេសរី​អេឆាវ​ហាន់​អា​ឞ្រី​រី ជ៝យ​ពាញ់​ព្វាច់​មា​អ៝ន់​អី​ឞឹ​ពាង់។ នោក​អីឆាក់​ងើយ​មា​អេឆាវ​ក៝ន​ពាង់​នៃ​នើស រេបេកា​តាង់​ដ៝ង់។
GEN 27:6 ជេសរី​រេបេកា​មឞើស​មា​យាកោប​ក៝ន​ពាង់​នៃ៖ “គ៝ប់​តាង់​ឞឹ​មៃ​លាស​មា​អេឆាវ​នោ​មៃ​កើត​នអា៖
GEN 27:7 «ពាញ់​ព្វាច់​អ៝ន់​មា​គ៝ប់ ជេសរី​ជាន​ត្រាវ​អ៝ន់​ទុត​កាស​មា​គ៝ប់ អ៝ន់​ទី​ក៝​គ៝ប់​វៃ​ឆា គ៝ប់​ឞែ​មា​ឆោង ជេសរី​ទឹង​គ៝ប់​អ៝ន់​គែស​ជេង​មា​មៃ​តា​នាប់​មាត់​ឞ្រាស​យេហោវា អេ​ល៝រ​មា​គ៝ប់​ខឹត»។
GEN 27:8 លាស​នទ្រី​អើ​នោ មៃ​អ្យាត់​នាវ​គ៝ប់ ជាន​តឹង​នាវ​គ៝ប់​ដាៈ​មា​មៃ។
GEN 27:9 មៃ​ហាន់​តា​ឞែ​ឞ្យាប់​ផូង​រី ជេសរី​ឆ៝ៈ​ឞារ​អឹ​ក៝ន​ឞែ​អី​អ្វែសៗ​អ៝ន់​មា​គ៝ប់ គ៝ប់​ឞែ​មា​ជាន​ត្រាវ​អ៝ន់​ទុត​កាស អ៝ន់​ទី​ក៝​ឞឹ​មៃ​វៃ​ឆា។
GEN 27:10 មៃ​ញអោត​ត្រាវ​នៃ​ញជុន​អ៝ន់​ឞឹ​មៃ​ឆា គៃ​មា​ពាង់​អ៝ន់​គែស​ជេង​មា​មៃ អេ​ល៝រ​មា​ពាង់​ខឹត”។
GEN 27:11 យើន​មា​យាកោប​អើស​មា​មេៈ​ពាង់៖ “អេឆាវ​នោ​គ៝ប់ ពាង់​គែស​រាឆៅ​លាម​ឆាក់ ល៝ង់​គ៝ប់​មោ​អោស​គែស​រាឆៅ។
GEN 27:12 ក្លាប់​លាស​ឞឹ​គ៝ប់​ពាង់​ឞូត​គ៝ប់ ជេសរី​គឹត​គ៝ប់​ជេង​ឞូនុយ្ស​នទើម​ពាង់ លាស​នទ្រី​គ៝ប់​មោ​អោស​គែស​ឆ៝ៈ​ទើន​គែស​ជេង​តាៈ​ឞើស​ឞឹ​គ៝ប់ គែស​ងខើង​នាវ​រាតាប់​ច្រាវ”។
GEN 27:13 មេៈ​ពាង់​លាស៖ “អើ​នោ អ៝ន់​នាវ​រាតាប់​នៃ​គែស​តា​គ៝ប់ អ៝ន់​មៃ​ជាន​តឹង​នាវ​គ៝ប់ ហាន់​ឆ៝ៈ​ហ៝ម់​ឞែ​លែវ​អា​គ៝ប់​អ្យា”។
GEN 27:14 ជេសរី​យាកោប​ហាន់​ឆ៝ៈ​ឞែ​ញជុន​អ៝ន់​មេៈ​ពាង់ មេៈ​ពាង់​ជាន​ត្រាវ​អ៝ន់​ទុត​កាស អ៝ន់​ទី​ក៝​អី​ឞឹ​ពាង់​វៃ​ឆា។
GEN 27:15 ជេសរី​មេៈ​ពាង់​ឆ៝ៈ​អាវ​អេឆាវ អាវ​អី​ទុត​អ្វែស​អី​គែស​តា​ជៃ​រេបេកា​នើម​រី ឆើម​ញឆ៝ស​អ៝ន់​មា​យាកោប​អី​អ៝ស​ពាង់​នៃ។
GEN 27:16 ពាង់​ឆ៝ៈ​ដ៝ង់​រាឆៅ​ឞែ​ពូត​តា​គ្លាន់​តី នទ្រែល​មា​តា​ត៝ង​ក៝​យាកោប​រី។
GEN 27:17 ជេស​ឞើស​នៃ​មេៈ​ពាង់​រី​ឆ៝ៈ​ត្រាវ​ព្វាច់​ទុត​កាស នទ្រែល​មា​នុមពាង់​អី​ព្រែ​លែៈ​ជេស​ជាន​រី​នើស នទឹ​អ៝ន់​យាកោប​ញអោត។
GEN 27:18 ជេសរី​យាកោប​ញជុន​ព្យាង់​ត្រាវ​នៃ​មា​ឞឹ​ពាង់ ពាង់​លាស៖ “ហើយ​ឞឹ!” អីឆាក់​អើស៖ “គ៝ប់​តា​អ្យា ឞូ​ម៝ស​មៃ​រី​អើ​នោ?”
GEN 27:19 យាកោប​អើស៖ “គ៝ប់​ហែស​ឞឹ គ៝ប់​អេឆាវ​ក៝ន​ឞោក​ទាក​មៃ​ហែស លែៈ​ជេស​គ៝ប់​ជាន​តឹង​នាវ​មៃ​ដាៈ​មា​គ៝ប់​នើស ទ៝ក់​ហ៝ម់ ឆា​ព្វាច់​អី​គ៝ប់​ឞែ​ពាញ់​តាៈ​ឞើស​ឞ្រី​អ្យា​ប៝ត់ ជេសរី​ទឹង​មៃ​អ៝ន់​គែស​ជេង​មា​គ៝ប់”។
GEN 27:20 អីឆាក់​អោប​ពាង់៖ “អើ​នោ មើម​ទឹង​ងាច់​គែស​ពាញ់​មរែ​រី?” យាកោប​អើស៖ “​ឞ្រាស​យេហោវា​អី​ឞ្រាស​មៃ​យើក​មឞាស​ឆើម​កើល​អ៝ន់​គ៝ប់”។
GEN 27:21 អីឆាក់​លាស​មា​យាកោប៖ “អើ​នោ មៃ​ហាន់​ទាច់​អា​គ៝ប់​អ្យា​ដេៈ​គ៝ប់​ឞែ​មា​ឞូត គៃ​មា​គឹត​នហេល​មៃ​ក៝ន​គ៝ប់​អេឆាវ​ងាន់​លាស​មោ”។
GEN 27:22 យាកោប​ហាន់​ទាច់​អា​ឞឹ​ពាង់​រី ជេសរី​ឞឹ​ពាង់​ឞូត ពាង់​លាស៖ “តី​អ្យា​ជេង​តី​អេឆាវ​ងាន់ តីស​មា​ងើយ​រី​ងើយ​យាកោប”។
GEN 27:23 អីឆាក់​មោ​អោស​គឹត​នាល់​យាកោប យ៝រ​លាស​អី​តី​ពាង់​រី​គែស​រាឆៅ​តឹម​ឞាន​មា​តី​អេឆាវ​ដ៝ង់។ យើន​មា​អេ​ល៝រ​ពាង់​អ៝ន់​គែស​ជេង​មា​យាកោប‌
GEN 27:24 ពាង់​អោប​នហេល៖ “មៃ​អេឆាវ​ក៝ន​គ៝ប់​ងាន់​ឞើស?” យាកោប​អើស៖ “អើ​គ៝ប់​ងាន់”។
GEN 27:25 អីឆាក់​លាស​មា​ក៝ន​ពាង់៖ “ពឺ​ត្រាវ​ព្វាច់​អ៝ន់​ទាច់​កេង​គ៝ប់​អ្យា គ៝ប់​ឞែ​មា​ឆា​ព្វាច់​អី​មៃ​ពាញ់​នៃ​ប៝ត់​នោ តៃ​ទឹង​គ៝ប់​អ៝ន់​គែស​ជេង​មា​មៃ”។ យាកោប​ពឺ​ត្រាវ​ព្វាច់​អ៝ន់​ឞឹ​ពាង់​ឆា ពាង់​កេត​ដ៝ង់​នទ្រាញ់​ព្លៃ​យុងយារ​ប៝ន​អ៝ន់​ឞឹ​ពាង់​ញេត។
GEN 27:26 ជេសរី​អីឆាក់​ឞឹ​ពាង់​រី​លាស​មា​ក៝ន​ពាង់៖ “អើ​នោ មៃ​ហាន់​ទាច់​អា​អ្យា​ចុម​គ៝ប់​ប៝ត់”។
GEN 27:27 យាកោប​ហាន់​ទាច់​ចុម​អី​ឞឹ​ពាង់​រី អី​ឞឹ​ពាង់​រី​នាល់​បោ​ងលុម​ឞ៝ក​អាវ​អេឆាវ ជេសរី​ពាង់​អ៝ន់​គែស​ជេង​មា​យាកោប ពាង់​លាស៖ “បោ​ងលុម​ក៝ន​គ៝ប់​រី​ជេង​បោ​ងលុម​មីរ​ឞ្រាស​យេហោវា​ទែ​លែៈ​អ៝ន់​គែស​ជេង។
GEN 27:28 ទាន់​កោរាញ​ឞ្រាស​អ៝ន់​មា​មៃ​គែស​ទាក​រាងេត​តាៈ​ឞើស​កាលើ​ត្រោក នទ្រែល​មា​អ៝ន់​នែស​កាស​មា​មៃ​ដ៝ង់។ ទាន់​កោរាញ​ឞ្រាស​អ៝ន់​មៃ​គែស​ឞា នទ្រែល​មា​អ៝ន់​មៃ​គែស​នទ្រាញ់​ព្លៃ​យុងយារ​ប៝ន​ទុត​អ៝ក់។
GEN 27:29 ទាន់​ពាង់​អ៝ន់​ផូង​ឞូនុយ្ស​អេងៗ​អ៝ន់​ឆើម​កើល​ជាន​ការ​មា​មៃ។ ទាន់​ពាង់​អ៝ន់​ឞូនុយ្ស​ឞ្រី​ទាក​អេងៗ​កុញ​ឞោក​យើក​មា​មៃ។ ទាន់​ពាង់​អ៝ន់​មៃ​ជេង​កោរាញ​មា​អ៝ស​នោ​ទូ​នទុល​ទែស​មៃ​នើម។ ទាន់​ពាង់​អ៝ន់​អ៝ស​នោ​ទូ​នទុល​ទែស​មា​មៃ​កុញ​ឞោក​យើក​មា​មៃ។ ឞូ​ម៝ស​ពាង់​អី​រាតាប់​មៃ​អ៝ន់​កោរាញ​ឞ្រាស​រាតាប់​មា​ពាង់។ ឞូ​ម៝ស​ពាង់​អី​អ៝ន់​គែស​ជេង​មា​មៃ​អ៝ន់​កោរាញ​ឞ្រាស​អ៝ន់​គែស​ជេង​មា​ពាង់​ដ៝ង់”។
GEN 27:30 លែៈ​ជេស​អីឆាក់​អ៝ន់​គែស​ជេង​មា​យាកោប នទុត​យាកោប​ទូ​លោស​ឞើស​ឞឹ​ពាង់​នៃ អេឆាវ​ឆឹត​ពាញ់​ព្វាច់​ឞើស​ឞ្រី​រី។
GEN 27:31 ពាង់​ជាន​ត្រាវ​ទុត​កាស​ញជុន​អ៝ន់​ឞឹ​ពាង់​ដ៝ង់ ពាង់​លាស​មា​ឞឹ​ពាង់៖ “ហើយ​ឞឹ ទ៝ក់​ហ៝ម់ ឆា​ព្វាច់​គ៝ប់​ឞែ​អី​ពាញ់​អ្យា​ប៝ត់ ជេសរី​ទឹង​មៃ​អ៝ន់​គែស​ជេង​មា​គ៝ប់”។
GEN 27:32 អីឆាក់​ឞឹ​ពាង់​រី​អោប៖ “ឞូ​ម៝ស​មៃ​រី?” អេឆាវ​អើស៖ “គ៝ប់​អេឆាវ​ហែស​ឞឹ ក៝ន​ឞោក​ទាក​មៃ​ហែស”។
GEN 27:33 អីឆាក់​ញឆ៝រ់​ឆាក់​ទុត​ហោ ពាង់​អោប៖ “លាស​នទ្រី​ឞូ​ម៝ស​ញអោត​ព្វាច់​អ៝ន់​មា​គ៝ប់​នទើស​នើស? ឞើស​នាប់​មៃ​នើស​អា​ពើ គ៝ប់​ឆា​ព្វាច់​ពាង់​លែៈ​ផ្យៅ ជេសរី​គ៝ប់​អ៝ន់​គែស​ជេង​មា​ពាង់។ កោរាញ​ឞ្រាស​មរា​អ៝ន់​គែស​ជេង​នៃ​មា​ពាង់​នហ៝​រ៝​ងាន់”។
GEN 27:34 ត៝ត់​អេឆាវ​តាង់​នាវ​ឞឹ​ពាង់​លាស​នៃ ពាង់​នតែរ​ទុត​ទាង់ នអ៝ប់​មា​រាង៝ត​ហោ​ងាន់ ពាង់​លាស​មា​ឞឹ​ពាង់៖ “អើ​ឞឹ អ៝ន់​គែស​ជេង​មា​គ៝ប់​ដ៝ង់​អើ!”
GEN 27:35 អីឆាក់​អើស​មា​ពាង់៖ “អ៝ស​មៃ​ពាង់​ឞ្រោៈ​នទើម ជេសរី​ពីត​លើយ​គែស​ជេង​មៃ”។
GEN 27:36 អេឆាវ​លាស៖ “ទី​ងាន់​ឞូ​តេៈ​រាញា​ពាង់​«យាកោប»​នៃ យ៝រ​លាស​ពាង់​ពីត​លើយ​នទើ​គ៝ប់​លែៈ​ឞារ​តឹ​មា​អ្យា​ជេស ទូ​តឹ​ពាង់​ពីត​នាវ​ខ្លៃ​ក៝ន​ឞោក​ទាក​គ៝ប់ អាបៃ​អ្យា​ពាង់​ពីត​ដ៝ង់​គែស​ជេង​គ៝ប់​ជឹត។ អើ​ឞឹ លាស​នទ្រី​មៃ​មោ​រ៝ង​គែស​ជេង​មា​អ៝ន់​គ៝ប់​ដ៝ង់?”
GEN 27:37 អីឆាក់​លាស​មា​អេឆាវ៖ “លែៈ​គ៝ប់​អ៝ន់​ពាង់​ជាន​កោរាញ​មៃ​ជេស ជេសរី​លែៈ​ផូង​អ៝ស​នោ​ពាង់ លែៈ​គ៝ប់​អ៝ន់​ខាន់​ពាង់​ឆើម​កើល​ជាន​ការ​មា​ពាង់​ទាទេ។ ឞា នទ្រែល​មា​ព្លៃ​យុងយារ​ប៝ន​លែៈ​គ៝ប់​អ៝ន់​មា​ពាង់​ដ៝ង់ លាស​នទ្រី​មាៈ​នទើ​គ៝ប់​អ៝ន់​មា​មៃ?”
GEN 27:38 អេឆាវ​អោប​ឞឹ​ពាង់៖ “អើ​ឞឹ មៃ​គែស​ទូ​នៃ​ទើម​គែស​ជេង​មៃ? ពាៈ​គ៝ប់​ដ៝ង់​គែស​ជេង​មៃ​ឞឹ​អើ”។ នោក​នៃ​អេឆាវ​ញុម​នតែរ​ងាន់។
GEN 27:39 អីឆាក់​ឞឹ​ពាង់​រី​លាស​មា​ពាង់៖ “មៃ​តៃ​គុ​តា​នតុក​នែស​ឆ៝ត់ ទាក​រាងេត​តាៈ​ឞើស​កាលើ​ត្រោក​មោ​គែស​ដ៝ង់។
GEN 27:40 មៃ​តៃ​រេស​ឆ្យាម់​ឆាក់​មា​ដាវ​មៃ​នើម នទ្រែល​មា​គុ​ឆើម​កើល​ជាន​ការ​មា​អ៝ស​មៃ​នើម។ យើន​មា​គែស​ទូ​នារ មៃ​មរា​ក្លាយ្ស​ឞើស​អ៝ស​មៃ មអារ់​លើយ​ម៝ង់​មឞាក់​ពាង់​តា​ត៝ង​ក៝​មៃ”។
GEN 27:41 អេឆាវ​ជី​នូយ្ស​យាកោប​ទុត​ហោ​ងាន់ យ៝រ​មា​នាវ​គែស​ជេង​ឞឹ​ពាង់​អ៝ន់​នៃ​លែៈ​យាកោប​ឆ៝ៈ។ អេឆាវ​លាស​អេង​តា​នូយ្ស​នហ៝ម់​ពាង់​រី៖ “នារ​ញុម​រាង៝ត​ឞឹ​គ៝ប់​ខឹត​ឞើយ​មា​ត៝ត់ នោក​នៃ​តៃ​ទឹង​គ៝ប់​ងខឹត​លើយ​ពាង់”។
GEN 27:42 គែស​ឞូ​ហាន់​មឞើស​មា​រេបេកា​នាវ​អេឆាវ​ក៝ន​ឞោក​ទាក​ពាង់​លាស​នៃ ជេសរី​រេបេកា​ដាៈ​ឞូ​ហាន់​ក្វាល់​យាកោប​អី​អ៝ស​រី មឞើស​មា​ពាង់៖ “អេឆាវ​នោ​មៃ ពាង់​អុច​ព្លើង​មា​មៃ អុច​ងខឹត​លើយ​មៃ។
GEN 27:43 អើ​នោ អាបៃ​អ្យា​មៃ​អ្យាត់​នាវ​គ៝ប់ មៃ​ញច្វាត់​តា​ប៝ន​ចារាន  គុ​អា​នោ​គ៝ប់​លាបាន​រី​ទោ។
GEN 27:44 អ៝ន់​មៃ​គុ​នទ្រែល​ពាង់​ជ៝ៈ​អ៝យ ត៝ត់​នោ​មៃ​នអីក​នូយ្ស​ប៝ត់។
GEN 27:45 ត៝ត់​ពាង់​ឞាស​នូយ្ស​មា​មៃ លែៈ​ច្វេល​នាវ​មៃ​ជាន​មា​ពាង់​នើស តៃ​ទឹង​គ៝ប់​ដាៈ​ឞូ​ហាន់​មឞើស​មៃ​ព្លឹ​ឆឹត​តៃ​តា​អ្យា យ៝រ​លាស​គ៝ប់​មោ​អុច​អោស​ឆៃ​ខាន់​មៃ​ខឹត​លែៈ​ឞារ​ហៃ​ទូ​នារ”។
GEN 27:46 រេបេកា​លាស​មា​អីឆាក់៖ “គ៝ប់​ទឹល​ងាន់​មា​មាន់​ឞូ​អូរ​ផូង​ហេត​អ្យា លាស​យាកោប​ឆ៝ៈ​អូរ​ផូង​ហេត​តា​ឞ្រី​អ្យា​ដ៝ង់ គ៝ប់​មោ​ហោម​អុច​អោស​រេស”។
GEN 28:1 នទ្រី​អីឆាក់​ក្វាល់​យាកោប ពាង់​អ៝ន់​គែស​ជេង​មា​ក៝ន​ពាង់​នៃ ជេសរី​ឞ្វៃ​ពាង់៖ “មៃ​លើយ​អោស​ឆ៝ៈ​អូរ​តាៈ​ឞើស​ក៝ន​ឞូ​អូរ​ផូង​កានាន​អ្យា។
GEN 28:2 មៃ​ហាន់​តា​ឞ្រី​ពាដាន-អារាម តា​ជៃ​បេថូអែល​ចែ​អី​ឞឹ​មេៈ​មៃ​រី មៃ​ឆ៝ៈ​អូរ​ដាស​ក៝ន​វា​លាបាន​អី​នោ​មេៈ​មៃ​នៃ​ហ៝ៈ។
GEN 28:3 ទាន់​កោរាញ​ឞ្រាស​នើម​អី​ទុត​គែស​នាវ​ទើយ​អ៝ន់​គែស​ជេង​មា​មៃ ជាន​អ៝ន់​មៃ​គែស​អ៝ស​គែស​ក៝ន​ឞឹក​រឹ​អ៝ន់​ទុត​អ៝ក់ ជេសរី​អ៝ន់​រាន៝យ​ទែស​មៃ​ជេង​អ៝ក់​ផូង​ឞូនុយ្ស​អេងៗ។
GEN 28:4 ទាន់​កោរាញ​ឞ្រាស​អ៝ន់​មា​មៃ​គែស​ជេង​អី​កោរាញ​ឞ្រាស​ទែ​អ៝ន់​មា​ឞឹ​គ៝ប់​អាឞ្រាហាម់ ​នៃ​នើស នទ្រែល​មា​ត៝ត់​ក៝ន​ត៝ត់​ឆៅ​មៃ​ដ៝ង់ គៃ​មា​ឞ្រី​អី​មៃ​វែស​គុ​អ្យា​ជេង​នទើ​មៃ យ៝រ​លាស​ឞ្រី​អ្យា​លែៈ​កោរាញ​ឞ្រាស​ទែ​អ៝ន់​មា​ឞឹ​គ៝ប់​អាឞ្រាហាម់ ​នើស”។
GEN 28:5 ជេសរី​អីឆាក់​អ៝ន់​យាកោប​ហាន់ នទ្រី​ពាង់​ហាន់​តា​ឞ្រី​ពាដាន-អារាម ហាន់​តា​ជៃ​លាបាន​ក៝ន​បេថូអែល​ផូង​អារាម ជេង​អី​នោ​រេបេកា​នើម​អី​មេៈ​យាកោប នទ្រែល​អេឆាវ។
GEN 28:6 អេឆាវ​ឆៃ​អីឆាក់​អ៝ន់​គែស​ជេង​មា​យាកោប នទ្រែល​មា​ដាៈ​ពាង់​ហាន់​ឆ៝ៈ​អូរ​តា​ឞ្រី​ពាដាន-អារាម នតិញ​ពាង់​មោ​អោស​អ៝ន់​ពាង់​ឆ៝ៈ​អូរ​ដាស​ផូង​ឞូ​អូរ​កានាន‌
GEN 28:7 ឆៃ​យាកោប​អ្យាត់​នាវ​មេៈ​ឞឹ​ហាន់​តា​ឞ្រី​ពាដាន-អារាម​រី។
GEN 28:8 ត៝ត់​អេឆាវ​គឹត​ជេស​អី​ឞឹ​ពាង់​មោ​តឹម​ទី​មា​ឞូ​អូរ​ផូង​កានាន‌
GEN 28:9 ជេសរី​ពាង់​ហាន់​តា​អីសមាអែល​ក៝ន​អាឞ្រាហាម់ ឆ៝ៈ​អូរ​ង្វាយ​ជឹត​ដាស​ក៝ន​អីសមាអែល​រី ពាង់​ឆ៝ៈ​មាហាលាត​អី​អ៝ស​នេបាយោត ពាង់​គែស​អូរ​ពែ។
GEN 28:10 យាកោប​ទូ​ឞើស​ប៝ន​បេរឆេបា​ហាន់​តា​ប៝ន​ចារាន ។
GEN 28:11 ពាង់​ហាន់​ត៝ត់​តា​ទូ​នតុក ជេសរី​ពាង់​រាលូ​តា​នតុក​នៃ យ៝រ​លាស​នារ​លែៈ​ញ៝ប់ ពាង់​ឆ៝ៈ​ទូ​មល៝ម់​លុ​តា​នតុក​នៃ​មា​ទ៝ម់​ឞោក ជេសរី​ពាង់​ឞិច​ហាក់​ខេរ។
GEN 28:12 ពាង់​មឞើយ​គែស​ទូ​មល៝ម់​នតូង​គូង​រាទ៝ក់​តា​នែស អី​ចោង​នតូង​គូង​នៃ​នទាល់​ត៝ត់​អា​ត្រោក​រី ជេសរី​គែស​ផូង​តោង​ពារ់​កោរាញ​ឞ្រាស​ឞ្រោៈ​ញឆ៝ង​ជុរ​ហាវ​រ៝ៈ​នតូង​គូង​នៃ។
GEN 28:13 ឞ្រាស​យេហោវា​ទ៝ក់​តា​កាលើ​នតូង​គូង​នៃ លាស​មា​ពាង់៖ “គ៝ប់​អ្យា​ឞ្រាស​យេហោវា អី​ឞ្រាស​អាឞ្រាហាម់ ​ចែ​មៃ​យើក​មឞាស អី​ឞ្រាស​អីឆាក់​ឞឹ​មៃ​យើក​មឞាស​ដ៝ង់។ នែស​នតុក​មៃ​ឞិច​អ្យា​គ៝ប់​អ៝ន់​មា​មៃ នហ៝​ត៝ត់​ក៝ន​ត៝ត់​ឆៅ​មៃ។
GEN 28:14 ក៝ន​ឆៅ​មៃ​តៃ​អ៝ក់​តឹម​ឞាន​មា​នែស​មោយ ខាន់​ពាង់​មរា​គុ​លាម​នតុក​ត៝ត់​ជឹត​ញ៝ប់​នារ ត៝ត់​ជឹត​លោស​នារ ត៝ត់​ជឹត​ទ៝ង់ នទ្រែល​មា​ត៝ត់​ជឹត​លើ។ ជេសរី​ទឹង​លែៈ​នទុល​មពោល​ឞូនុយ្ស​តា​នែស​នតូ​អ្យា​ឞូ​គែស​ជេង​តាៈ​ឞើស​ក៝ន​ឆៅ​មៃ​ទាទេ។
GEN 28:15 គ៝ប់​គុ​នទ្រែល​មៃ អាស​នតុក​មៃ​ហាន់​គ៝ប់​ម៝ត់​ញជ្រាង់​មៃ នទ្រែល​មា​លែវ​មៃ​ព្លឹ​តៃ​តា​ឞ្រី​អ្យា​ដ៝ង់ គ៝ប់​មោ​អោស​មអារ់​មៃ យ៝រ​លាស​ម៝ស​នាវ​គ៝ប់​លែៈ​ជេស​ត៝ន​មា​មៃ គ៝ប់​ជាន​អ៝ន់​ត៝ត់​ជេង​ងាន់​រ៝”។
GEN 28:16 ត៝ត់​យាកោប​កាស​រាងាល់​ឞិច ពាង់​លាស៖ “​ឞ្រាស​យេហោវា​គុ​តា​នតុក​អ្យា​ងាន់​រ៝ យើន​មា​គ៝ប់​មោ​គឹត​អោស”។
GEN 28:17 ពាង់​ក្លាច ជេសរី​លាស៖ “ក្លាច​ងាន់​នតុក​អ្យា​អឺស! តា​អ្យា​រ៝​ជៃ​កោរាញ​ឞ្រាស នទ្រែល​មា​នតុក​មពោង​មពេរ​ត្រោក​អី​នតុក​ពាង់”។
GEN 28:18 យាកោប​ទ៝ក់​អើម​អោយ ពាង់​ឆ៝ៈ​លុ​អី​ព្រែ​ទ៝ម់​ឞោក​រី​នើស​ពាង់​រាទ៝ក់​ជាន​ងគ៝ង់​តា​រី ជាន​នទើ​គឹត​នាល់​គែស​កោរាញ​ឞ្រាស​គុ ជេសរី​ពាង់​ត៝ៈ​ទាក​ងី​ឞើស​លើ​រី។
GEN 28:19 ពាង់​តេៈ​រាញា​នតុក​នៃ «បេតអែល» គែស​នាវ​ខ្លៃ​លាស​«ជៃ​កោរាញ​ឞ្រាស»។ ឞើស​នតើម​នើស​ឞូ​ក្វាល់​នតុក​នៃ​រាញា «លុស»។
GEN 28:20 ជេសរី​យាកោប​ត៝ន ពាង់​លាស៖ “លាស​កោរាញ​ឞ្រាស​គុ​នទ្រែល​គ៝ប់ ម៝ត់​ញជ្រាង់​គ៝ប់​រ៝ៈ​ត្រ៝ង​គ៝ប់​ហាន់​អ្យា អ៝ន់​ព្យាង់​ត្រាវ​មា​គ៝ប់ នទ្រែល​មា​អ៝ន់​ឞ៝ក​ងគូត​អាវ​ញឆ៝ស​មា​គ៝ប់‌
GEN 28:21 អ៝ន់​គ៝ប់​ព្លឹ​ឆឹត​ត៝ត់​តា​ជៃ​ឞឹ​គ៝ប់​ដាប់​មពាន់ លាស​នទ្រី​គ៝ប់​មរា​យើក​មឞាស​មា​ឞ្រាស​យេហោវា​ងាន់​រ៝។
GEN 28:22 លុ​គ៝ប់​រាទ៝ក់​ជាន​ងគ៝ង់​អ្យា​ជេង​នតុក​មា​យើក​មឞាស​មៃ ម៝ស​នទើ​មៃ​អ៝ន់​មា​គ៝ប់ តៃ​គ៝ប់​ឆ៝ៈ​នទើ​នៃ​ទូ​កោៈ​តឹម​ជឹត​ញហើរ​មាមៃ​នើម”។
GEN 29:1 ជេសរី​យាកោប​ទ៝ក់​ហាន់ ពាង់​ហាន់​ត៝ត់​តា​ឞ្រី​ផូង​ឞូនុយ្ស​គុ​មពែស​ឞើស​លោស​នារ។
GEN 29:2 ពាង់​ឆៃ​គែស​ទូ​មល៝ម់​នតូ​ទាក​តា​ទូ​លោក​មីរ នទ្រែល​មា​គែស​ឞែ​ឞ្យាប់​ពែ​ផូង​ក្វែន​កេង​មែង​នតូ​ទាក​រី​ដ៝ង់ យ៝រ​លាស​ឞើស​នតូ​ទាក​អី​នៃ​ឞូ​វៃ​អ៝ន់​មា​ឞែ​ឞ្យាប់​ទែ​ញេត យើន​មា​គែស​លុ​ក្វ៝ង់​ងាន់​កុប​ឞើស​លើ​ឞ៝រ់​នតូ​រី។
GEN 29:3 លាស​ទឹង​លែៈ​ឞែ​ឞ្យាប់​ផូង​ឞូ​លែៈ​វែង​លែៈ​រាគូម​តា​រី​ទាទេ រី​មើ​ទឹង​ឞូ​លែវ​ឞាល់​ពឺ​រាលាៈ​លុ​ឞើស​ឞ៝រ់​នតូ​រី​អ៝ន់​ឞែ​ឞ្យាប់​ញេត ជេសរី​ឞូ​រាលាៈ​តៃ​លុ​នៃ​កុប​តៃ​តា​ឞ៝រ់​នតូ​រី​ជឹត។
GEN 29:4 យាកោប​អោប​មពោល​អី​ច្យាប់​នៃ៖ “អើ​អ៝ស​នោ ខាន់​មៃ​ឞើស​តាៈ?” ខាន់​ពាង់​អើស៖ “ហេន​តាៈ​ឞើស​ប៝ន​ចារាន ”។
GEN 29:5 ពាង់​អោប​តៃ​មពោល​អី​នៃ​ជឹត៖ “លាស​នទ្រី​ខាន់​មៃ​នាល់​ដ៝ង់​វា​លាបាន​អី​ក៝ន​ចែ​នាហោរ?” ខាន់​ពាង់​អើស៖ “នាល់​ដ៝ង់”។
GEN 29:6 យាកោប​អោប​ខាន់​ពាង់៖ “លាស​នទ្រី​អ្វែស​លាង់​ដ៝ង់​ពាង់?” ខាន់​ពាង់​អើស៖ “អ្វែស​លាង់​ដ៝ង់ រី​ម៝ស រាចែល​អី​ក៝ន​ឞូ​អូរ​ពាង់ ហាន់​នទ្រែល​មា​ឞែ​ឞ្យាប់​ផូង​រី​ម៝ស”។
GEN 29:7 យាកោប​លាស​មា​ខាន់​ពាង់៖ “នារ​ហោម​អែ​ព្រេស មោ​ហ៝ៈ​ទី​ម៝ង​រាគូម​ឞែ​ឞ្យាប់ ជេស​អ៝ន់​ពាង់​ញេត​ទាក បើក​តៃ​អ៝ន់​ពាង់​ឆា​មពា​ប៝ត់”។
GEN 29:8 ខាន់​ពាង់​លាស៖ “មោ​ទើយ​អោស ហេន​ក៝ប់​គូម​អ៝ន់​រឹង​ឞែ​ឞ្យាប់​ផូង​ប៝ត់ ជេសរី​ពឺ​រាលាៈ​លុ​ឞើស​ឞ៝រ់​នតូ​ទាក​នៃ​រី​មើ​ទឹង​អ៝ន់​ឞែ​ឞ្យាប់​ញេត​ទាក”។
GEN 29:9 ទោល​យាកោប​ហោម​អែ​ងើយ​ដាស​មពោល​នៃ រាចែល​ឆឹត​ត៝ត់​តា​នៃ នទ្រែល​មា​ឞែ​ឞ្យាប់​ឞឹ​ពាង់ យ៝រ​លាស​ពាង់​ឞូនុយ្ស​ច្យាប់​ឞែ​ឞ្យាប់។
GEN 29:10 ត៝ត់​យាកោប​ឆៃ​រាចែល​អី​ក៝ន​លាបាន​ជេង​ក៝ន​អី​នោ​មេៈ​ពាង់​រី នទ្រែល​មា​ឞែ​ឞ្យាប់​លាបាន​ត៝ត់​តា​នៃ ពាង់​ហាន់​ពឺ​រាលាៈ​លុ​ឞើស​ឞ៝រ់​នតូ​ទាក​នៃ​អ៝ន់​ឞែ​ឞ្យាប់​លាបាន​រី​ញេត។
GEN 29:11 ជេសរី​ពាង់​ចុម​រាចែល​រី​តា​តឹម​ឞ៝ម នហ៝​មា​ញុម។
GEN 29:12 យាកោប​មឞើស​ងក៝ច​មា​រាចែល ពាង់​ជេង​មពោល​ឞាល់​ដាស​ឞឹ​រាចែល ពាង់​អី​ក៝ន​រេបេកា។ ត៝ត់​មា​តាង់​នាវ​ងក៝ច​អី​នៃ រាចែល​ញច្វាត់​មឞើស​មា​អី​ឞឹ​រី។
GEN 29:13 ត៝ត់​មា​លាបាន​តាង់​ងក៝ច​យាកោប​ក៝ន​អី​អ៝ស​ឞូ​អូរ​ពាង់​នើម ពាង់​ហាន់​ញច្វាត់​រ៝ ចុម​អូត​យាកោប​រី លែវ​យាកោប​ឆឹត​លាប់​អា​ជៃ​ពាង់​រី។ ជេសរី​យាកោប​ងក៝ច​ឞ្រី​មា​លាបាន​នោ​នាវ​ពាង់​ហាន់​រី​នើស។
GEN 29:14 លាបាន​លាស​មា​យាកោប៖ “មៃ​អ្យា​មលៃ​មហាម​គ៝ប់​ងាន់”។ ជេស​យាកោប​គុ​នទ្រែល​លាបាន​តា​រី​គែស​ទូ​ខៃ
GEN 29:15 លាបាន​លាស​មា​យាកោប៖ “ឞ៝ល​លាស​មៃ​មា​គ៝ប់​ជេង​វា​ម៝ន មើម​ឞ្លាវ​ជាន​ការ​ទើម​ទាម មៃ​មឞើស​មា​គ៝ប់ ម៝ស​នទើ​មៃ​អុច​មា​ងខោម?”
GEN 29:16 លាបាន​គែស​ឞារ​ហៃ​ក៝ន​ឞូ​អូរ អី​យោស​រាញា​លេអា អី​អ៝ស​រាញា​រាចែល។
GEN 29:17 លេអា​ត្រោម​មាត់​ពាង់​អ្វែស យើន​មា​រាចែល​លែៈ​មុស​មាត់​លែៈ​ឆាក់​ជាន់​ពាង់​អ្វែស​រែស​ងាន់។
GEN 29:18 យាកោប​រ៝ង់​រាចែល​ហោ​ងាន់ ពាង់​អើស​កើត​នអា៖ “គ៝ប់​អុច​ជាន​ការ​មា​មៃ​ពើស​នាម់​វា គៃ​មា​គែស​ឆ៝ៈ​រាចែល​ក៝ន​មៃ​នៃ​មា​ជេង​អូរ​គ៝ប់”។
GEN 29:19 លាបាន​អើស​មា​ពាង់៖ “អ្វែស​រាលាវ​គ៝ប់​អ៝ន់​ពាង់​មា​មៃ​ដាស​មា​គ៝ប់​អ៝ន់​ពាង់​មា​ឞូ​អេង លាស​នទ្រី​មៃ​គុ​នទ្រែល​គ៝ប់​ទោស​ម៝ន!”
GEN 29:20 ជេសរី​យាកោប​គុ​ជាន​ការ​មា​លាបាន​ពើស​នាម់ គៃ​មា​គែស​ឆ៝ៈ​រាចែល​នៃ ឞ៝ល​លាស​ជ៝ៈ​ទាស​នៃ​កាដោយ​តឹម​ឞាន​មា​ពែ​ព្វាន់​នារ​ទើម​មា​ពាង់ យ៝រ​លាស​ពាង់​រ៝ង់​រាចែល​ទុត​ហោ។
GEN 29:21 ជេស​ឞើស​នៃ​យាកោប​លាស​មា​លាបាន៖ “អើ​វា មៃ​នអាប់​គ៝ប់​ដាស​រាចែល​ហ៝ម់ គៃ​មា​គ៝ប់​គុ​ដាស​ពាង់ យ៝រ​លាស​គ៝ប់​ជាន​ការ​អ៝ន់​មៃ​លែៈ​លោច​ពើស​នាម់ នាវ​ឞ៝ន់​តឹម​ត៝ន​នើស​លែៈ​ត៝ត់”។
GEN 29:22 ជេសរី​លាបាន​ជាន​នទ្រាប់​ញេត​នអាប់​ក៝ន​ពាង់​នៃ ពាង់​ជាៈ​ទឹង​លែៈ​ឞូនុយ្ស​តា​ប៝ន​នៃ។
GEN 29:23 ត៝ត់​អា​មាង់ លាបាន​ទែ​រាព្លាច់​ឆ៝ៈ​ក៝ន​ពាង់​លេអា​អ៝ន់​ឞិច​ដាស​យាកោប ជេសរី​យាកោប​ឞិច​ដាស​ពាង់។
GEN 29:24 លាបាន​ឆ៝ៈ​ឆិលផា​អី​ឞូ​អូរ​ឆើម​កើល​ជាន​ការ​មា​ពាង់​នើម​អ៝ន់​មា​លេអា មា​ឆើម​កើល​ជាន​ការ​ក៝ន​ពាង់។
GEN 29:25 ត៝ត់​អាង​អោយ​យាកោប​ឆៃ​លេអា​ច្រាវ ជេសរី​ពាង់​លាស​លាបាន៖ “ម៝ស​មៃ​ជាន​មា​គ៝ប់​កើត​នអា? អើម​មោ​ទី​លាស​គៃ​មា​គែស​ឆ៝ៈ​រាចែល​គ៝ប់​ជាន​ការ​មៃ​នើស? ម៝ស​មៃ​នទើម​គ៝ប់?”
GEN 29:26 លាបាន​អើស​មា​ពាង់៖ “តា​ឞ្រី​អ្យា​ឞូ​មោ​អោស​វៃ​អ៝ន់​ល៝រ​អី​អ៝ស។
GEN 29:27 អ៝ន់​មៃ​គុ​ដាស​ពាង់​ត៝ត់​ទូ​ពើស​ប៝ត់ តៃ​ទឹង​គ៝ប់​អ៝ន់​រាចែល​អ្យា​មា​មៃ​ដ៝ង់ ជេសរី​មៃ​គុ​ជាន​ការ​តៃ​មា​គ៝ប់​អ៝ន់​គែស​ពើស​នាម់​ជឹត”។
GEN 29:28 យាកោប​ជាន​តឹង​នាវ​លាបាន​ទែ​លាស​មា​ពាង់​នៃ ពាង់​គុ​ដាស​លេអា​ត៝ត់​លោច​ទូ​ពើស ជេសរី​លាបាន​អ៝ន់​តៃ​រាចែល​មា​យាកោប​ជឹត។
GEN 29:29 ពាង់​ឆ៝ៈ​ដ៝ង់​បិលហា​អី​ឞូ​អូរ​ឆើម​កើល​ជាន​ការ​មា​ពាង់​នើម​អ៝ន់​មា​រាចែល មា​ឆើម​កើល​ជាន​ការ​អ៝ន់​មា​ក៝ន​ពាង់។
GEN 29:30 យាកោប​ហាន់​ឞិច​នទ្រែល​រាចែល​ដ៝ង់ ពាង់​រ៝ង់​រាចែល​រាលាវ​ដាស​ពាង់​រ៝ង់​លេអា។ ជេសរី​ពាង់​គុ​ជាន​ការ​មា​លាបាន​ពើស​នាម់​ជឹត។
GEN 29:31 ឞ្រាស​យេហោវា​ឆៃ​យាកោប​មោ​រ៝ង់​មា​លេអាពាង់​ជាន​អ៝ន់​មា​លេអា​គែស​ក៝ន តីស​មា​រាចែល​មោ​គែស​ក៝ន។
GEN 29:32 លេអា​នត្រែវ ពាង់​ឞាៈ​ទូ​ហ្វេ​ក៝ន​ឞូ​ក្លោ ជេសរី​ពាង់​តេៈ​រាញា​«រូបេន» យ៝រ​លាស​ពាង់​លាស៖ “​ឞ្រាស​យេហោវា​លែៈ​ឆៃ​នាវ​រាង៝ត​តា​គ៝ប់ អាបៃ​អ្យា​គឹត​លាស​ឆាយ​គ៝ប់​រ៝ង់​មា​គ៝ប់”។
GEN 29:33 ជេសរី​ពាង់​នត្រែវ​តៃ​ឞាៈ​តៃ​ទូ​ហ្វេ​ក៝ន​ឞូ​ក្លោ​ជឹត ពាង់​លាស៖ “ឞ្រាស​យេហោវា​លែៈ​ពាង់​តាង់​ជេស​ឆាយ​គ៝ប់​មោ​រ៝ង់​មា​គ៝ប់ នទ្រី​ទឹង​ពាង់​អ៝ន់​តៃ​ក៝ន​ឞូ​ក្លោ​អ្យា​មា​គ៝ប់”។ ជេសរី​លេអា​តេៈ​រាញា​ក៝ន​នៃ «ឆីមោន»។
GEN 29:34 ពាង់​នត្រែវ​តៃ​ឞាៈ​តៃ​ទូ​ហ្វេ​ក៝ន​ឞូ​ក្លោ​ជឹត ពាង់​លាស៖ “ជ៝ង់​អ្យា​ឆាយ​គ៝ប់​មរា​ក្រេប​រ៝ង់​មា​គ៝ប់​ងាន់​រ៝ យ៝រ​លាស​គ៝ប់​គុ​អ៝ស​ក៝ន​ឞូ​ក្លោ​មា​ពាង់​លែៈ​ពែ​អឹ”។ កើត​នទ្រី​ទឹង​ពាង់​តេៈ​រាញា​ក៝ន​នៃ «លេវី»។
GEN 29:35 ជេសរី​ពាង់​នត្រែវ​តៃ​ឞាៈ​តៃ​ទូ​ហ្វេ​ក៝ន​ឞូ​ក្លោ​ជឹត ពាង់​លាស៖ “ទូ​តឹ​អ្យា​គ៝ប់​រានេ​មា​ឞ្រាស​យេហោវា”។ កើត​នទ្រី​ទឹង​ពាង់​តេៈ​រាញា​ក៝ន​នៃ «យូដា» ជេសរី​ពាង់​មោ​ហោម​អោស​ឞាៈ​ក៝ន។
GEN 30:1 នោក​រាចែល​ឆៃ​ឆាក់​ពាង់​នើម​មោ​អោស​ឞាៈ​ក៝ន​មា​យាកោប ពាង់​មោ​នាច​អី​យោស​ព្រែ។ ជេសរី​ពាង់​លាស​មា​យាកោប៖ “អ៝ន់​គ៝ប់​គែស​ក៝ន​បាៈ លាស​មោ​គែស​ក៝ន​ខឹត​ហើយ្ស​គ៝ប់”។
GEN 30:2 យាកោប​ហាវ​នូយ្ស​ឞ្រូត ពាង់​ជី​នូយ្ស​មា​រាចែល ពាង់​អើស៖ “គ៝ប់​អ្យា​គឹត​មា​កោរាញ​ឞ្រាស​អី​មោ​អ៝ន់​អៃ​គែស​ក៝ន​លាស?”
GEN 30:3 រាចែល​លាស៖ “នៃ​បិលហា​តា​នៃ ពាង់​អី​ឞូ​អូរ​ឆើម​កើល​ជាន​ការ​គ៝ប់​នើម មៃ​ឆ៝ៈ​ពាង់​ទោ គៃ​មា​ពាង់​ឞាៈ​ក៝ន​មា​គ៝ប់ គ៝ប់​ឆ៝ៈ​ក៝ន​នៃ​ម៝ត់​ជេង​តឹម​ឞាន​មា​ក៝ន​គ៝ប់​នើម”។
GEN 30:4 រាចែល​ឆ៝ៈ​បិលហា​អី​ឞូ​អូរ​ឆើម​កើល​ជាន​ការ​ពាង់​នើម​នៃ​អ៝ន់​ជេង​អូរ​យាកោប នទ្រី​យាកោប​ឞិច​ដាស​បិលហា​នៃ។
GEN 30:5 ជេសរី​បិលហា​នត្រែវ ពាង់​ឞាៈ​ទូ​ហ្វេ​ក៝ន​ឞូ​ក្លោ​មា​យាកោប។
GEN 30:6 រាចែល​លាស៖ “លែៈ​កោរាញ​ឞ្រាស​ផាត​ទោយ្ស​ឆ៝ង់​មា​គ៝ប់ លែៈ​ពាង់​តាង់​នាវ​គ៝ប់​ទាន់ យ៝រ​លាស​ពាង់​លែៈ​អ៝ន់​គ៝ប់​គែស​ទូ​ហ្វេ​ក៝ន​ឞូ​ក្លោ” នទ្រី​ទឹង​រាចែល​តេៈ​រាញា​ក៝ន​នៃ «ដាន»។
GEN 30:7 ជេសរី​បិលហា​អី​ឞូ​អូរ​ឆើម​កើល​ជាន​ការ​មា​រាចែល​នៃ ពាង់​នត្រែវ​តៃ​ឞាៈ​តៃ​ទូ​ហ្វេ​ក៝ន​ឞូ​ក្លោ​ជឹត​មា​យាកោប។
GEN 30:8 រាចែល​លាស៖ “គ៝ប់​តឹម​រាទ៝ង់​ដាស​មា​យោស​គ៝ប់​គៃ​មា​កោរាញ​ឞ្រាស​កើល ត៝ត់​ទើយ​គ៝ប់​ដ៝ង់”។ ជេសរី​ពាង់​តេៈ​រាញា​ក៝ន​នៃ «នាប់តាលី»។
GEN 30:9 ត៝ត់​លេអា​ឆៃ​ឆាក់​ពាង់​នើម​មោ​ហោម​ឞាៈ​ក៝ន ពាង់​ឆ៝ៈ​ឆិលផា​អី​ឞូ​អូរ​ឆើម​កើល​ជាន​ការ​មា​ពាង់​នើម​នៃ​អ៝ន់​ជេង​អូរ​យាកោប។
GEN 30:10 ជេសរី​ឆិលផា​ឞាៈ​ទូ​ហ្វេ​ក៝ន​ឞូ​ក្លោ​មា​យាកោប។
GEN 30:11 លេអា​លាស៖ “គែស​នាវ​លាប​ងាន់” ជេសរី​ពាង់​តេៈ​រាញា​ក៝ន​នៃ «កាត»។
GEN 30:12 ឆិលផា​អី​អ៝ស​ម៝ន​លេអា​នៃ​ឞាៈ​តៃ​ទូ​ហ្វេ​ក៝ន​ឞូ​ក្លោ​ជឹត​មា​យាកោប។
GEN 30:13 លេអា​លាស៖ “គ៝ប់​រាម់​មអាក​ងាន់ យ៝រ​លាស​ទឹង​លែៈ​ផូង​ឞូ​អូរ ឞូ​លាស​មា​គ៝ប់​រាម់​មអាក​ងាន់”។ ជេសរី​ពាង់​តេៈ​រាញា​ក៝ន​នៃ «អាឆើរ»។
GEN 30:14 ត៝ត់​ខៃ​រែក​ឞា​ព្រាង់ រូបេន​ហាន់​អា​មីរ ពាង់​ឆៃ​ព្លៃ​ឆានែ​ពាង់​ពែៈ​អ៝ន់​លេអា​អី​មេៈ​ពាង់។ ជេសរី​រាចែល​លាស​មា​លេអា៖ “ទាន់​ពាៈ​ព្លៃ​ឆានែ​ក៝ន​អៃ​នៃ​អ៝ន់​គ៝ប់​បាៈ​យោស”។
GEN 30:15 លេអា​លាស​មា​ពាង់៖ “មោ​ហ៝ៈ​ឆ៝ប់​អៃ​ពីត​ឆាយ​គ៝ប់​បាស? អាបៃ​អ្យា​អៃ​អុច​ទាន់​ព្លៃ​ឆានែ​ក៝ន​គ៝ប់​ជឹត”។ រាចែល​អើស​មា​ពាង់៖ “លាស​អៃ​អ៝ន់​ព្លៃ​ឆានែ​ក៝ន​អៃ​នៃ​មា​គ៝ប់ គ៝ប់​អ៝ន់​ឆាយ​គ៝ប់​ឞិច​ដាស​អៃ​មាង់​អ្យា”។
GEN 30:16 ត៝ត់​កេង​មាង់ នោក​យាកោប​ឆឹត​ឞើស​មីរ លេអា​ហាន់​ច្វាៈ​ពាង់​អា​ត្រ៝ង​រី ពាង់​លាស៖ “អ្យាត់​មា​មៃ​ឞិច​ដាស​គ៝ប់​មាង់​អ្យា យ៝រ​លាស​លែៈ​ជេស​គ៝ប់​រាវាត់​មៃ​មា​ព្លៃ​ឆានែ​ក៝ន​គ៝ប់”។ ជេសរី​មាង់​នៃ​យាកោប​ហាន់​ឞិច​ដាស​មា​លេអា។
GEN 30:17 កោរាញ​ឞ្រាស​អើស​នាវ​លេអា​ទាន់ ជេសរី​លេអា​នត្រែវ​ឞាៈ​តៃ​ទូ​ហ្វេ​ក៝ន​ឞូ​ក្លោ​ជឹត នៃ​ជេង​ក៝ន​ត៝ល់​ព្រាម់​លេអា​ឞាៈ​មា​យាកោប។
GEN 30:18 លេអា​លាស៖ “កោរាញ​ឞ្រាស​អ៝ន់​នទើ​ងខោម​មា​គ៝ប់ យ៝រ​លាស​លែៈ​គ៝ប់​អ៝ន់​ឞូ​អូរ​ឆើម​កើល​ជាន​ការ​មា​គ៝ប់​នើម​មា​ឆាយ​គ៝ប់”។ ជេសរី​ពាង់​តេៈ​រាញា​ក៝ន​នៃ «អីឆាខារ»។
GEN 30:19 លេអា​នត្រែវ​តៃ​ឞាៈ​តៃ​ទូ​ហ្វេ​ក៝ន​ឞូ​ក្លោ​ជឹត​មា​យាកោប ជេង​ក៝ន​ត៝ល់​ព្រាវ។
GEN 30:20 លេអា​លាស៖ “កោរាញ​ឞ្រាស​អ៝ន់​ទើម​ទាម​នទើ​ខ្លៃ​មា​គ៝ប់ ទូ​តឹ​អ្យា​ឆាយ​គ៝ប់​ពាង់​យើក​មា​គ៝ប់​រ៝ យ៝រ​លាស​លែៈ​គ៝ប់​ឞាៈ​ព្រាវ​អឹ​ក៝ន​ឞូ​ក្លោ​មា​ពាង់”។ ជេសរី​ពាង់​តេៈ​រាញា​ក៝ន​នៃ «ឆាប់យូលោន»។
GEN 30:21 ជេស​ឞើស​នៃ​ពាង់​ឞាៈ​ទូ​ហ្វេ​ក៝ន​ឞូ​អូរ ពាង់​តេៈ​រាញា «ដីនា»។
GEN 30:22 កោរាញ​ឞ្រាស​ហោម​កើល​មា​រាចែល​អើស​នាវ​ពាង់​ទាន់ ជេសរី​ជាន​អ៝ន់​រាចែល​គែស​ក៝ន។
GEN 30:23 ជេសរី​ពាង់​នត្រែវ​ឞាៈ​ទូ​ហ្វេ​ក៝ន​ឞូ​ក្លោ ពាង់​លាស៖ “កោរាញ​ឞ្រាស​មោ​ហោម​អោស​អ៝ន់​គ៝ប់​គែស​នាវ​ដីត​ព្រេង​ជឹត​”។
GEN 30:24 ជេសរី​ពាង់​តេៈ​រាញា​ក៝ន​នៃ «យោឆែប» ពាង់​លាស៖ “ទាន់​ឞ្រាស​យេហោវា​នត៝ប​អ៝ន់​មា​គ៝ប់​ហោម​ទូ​ហ្វេ​ក៝ន​ឞូ​ក្លោ​ជឹត”។
GEN 30:25 ជេស​រាចែល​ឞាៈ​យោឆែបយាកោប​ងើយ​មា​លាបាន៖ “អើ​ចែ គ៝ប់​ទាន់​អ៝ន់​គ៝ប់​ព្លឹ​ឆឹត​តា​ឞ្រី​គ៝ប់​នើម​រី
GEN 30:26 គ៝ប់​ទាន់​លែវ​អូរ​លែវ​ក៝ន​គ៝ប់​អ្យា​ហាន់​នទ្រែល​គ៝ប់​នើម គ៝ប់​លែៈ​លោច​ជេស​ជាន​ការ​មា​បែ​យ៝រ​មា​ឞារ​ហៃ​ក៝ន​បែ​អ្យា។ បែ​លែៈ​គឹត​ដ៝ង់​នាវ​គ៝ប់​ជាន​ការ​អ្វែស​មា​បែ”។
GEN 30:27 លាបាន​អើស​មា​ពាង់៖ “ទាន់​បែ​អ្យាត់​នាវ​គ៝ប់​ប៝ត់ លែៈ​គ៝ប់​គឹត​នហេល​ងាន់​ឞ្រាស​យេហោវា​ទែ​អ៝ន់​គែស​ជេង​មា​គ៝ប់​អ្យា ជេង​តាៈ​ឞើស​បែ។
GEN 30:28 មឞើស​មា​គ៝ប់​ហ៝ម់ ម៝ស​នទើ​បែ​អុច​ឆ៝ៈ​ងខោម​ឞើស​គ៝ប់ គ៝ប់​អ៝ន់​មា​បែ”។
GEN 30:29 យាកោប​អើស​មា​ពាង់៖ “អើ​ចែ បែ​លែៈ​គឹត​ជេស​នាវ​គ៝ប់​គុ​ជាន​ការ​រាអាស​រាគាញ់​មា​បែ​នើស គ៝ប់​ម៝ត់​អ្វាញ់​មពោមពា​(ឆ្យុម)​ផូង​បែ​នើស ជេសរី​គែស​លើ​មា​អ៝ក់។
GEN 30:30 នោក​អេ​ហ៝ៈ​គ៝ប់​គុ​នទ្រែល​មា​បែ មពោមពា​(ឆ្យុម)​បែ​ដេៈ​ទើម ល៝ង់​អាបៃ​អ្យា​មពោមពា​(ឆ្យុម)​បែ​លែៈ​ឞឹក​រឹ​អ៝ក់​ងាន់ នតើម​ឞើស​គ៝ប់​គុ​នទ្រែល​បែ​ឞ្រាស​យេហោវា​អ៝ន់​គែស​ជេង​មា​បែ​តា​ទឹង​លែៈ​នទើ​គ៝ប់​ជាន។ អាបៃ​អ្យា​គ៝ប់​អុច​ជាន​ការ​អ៝ន់​មា​រានាក់​វ៝ល់​គ៝ប់​នើម​ហាញ”។
GEN 30:31 លាបាន​លាស​មា​យាកោប៖ “លាស​នទ្រី​ម៝ស​នទើ​បែ​អុច​គ៝ប់​អ៝ន់​មា​បែ?” យាកោប​អើស៖ “អើ​ចែ បែ​លើយ​អោស​អ៝ន់​នទើ​មា​គ៝ប់។ លាស​បែ​អុច អ៝ន់​គ៝ប់​ហោម​គុ​ច្យាប់​ឞែ​ឞ្យាប់​ផូង​បែ​ជឹត។
GEN 30:32 នារ​អ្យា​គ៝ប់​ហាន់​អ្វាញ់​តា​ឞែ​ឞ្យាប់​ផូង​បែ ទឹង​លែៈ​ឞែ​ឞ្យាប់​អី​គែស​រាវាញ​រុក​លុក នទ្រែល​មា​ក៝ន​ឞែ​ឞ្យាប់​អី​ក្រាក់ៗ គ៝ប់​ងខាស​អ៝ន់​គុ​អេង។ ទឹង​លែៈ​ឞែ​អី​គែស​រាវាញ​រុក​លុក​គ៝ប់​ងខាស​អ៝ន់​គុ​អេង​ឞើស​ផូង​មពោមពា​(ឆ្យុម)​បែ។ ជេសរី​ទឹង​លែៈ​មពោមពា​(ឆ្យុម)​នៃ​គ៝ប់​ទាន់​ឆ៝ៈ​ជេង​នទើ​ងខោម​អ៝ន់​មា​គ៝ប់។
GEN 30:33 នារ​ជឹត​នាប់​តៃ​ត៝ត់​បែ​ហាន់​អ្វាញ់​មពោមពា​(ឆ្យុម)​អី​ងខោម​មា​គ៝ប់ បែ​ឆៃ​ទី​កើត​នាវ​គ៝ប់​លាស​នៃ​រ៝ ទឹង​លែៈ​មពោមពា​(ឆ្យុម)​មោ​គែស​រាវាញ​រុក​លុក​អី​បែ​ឆៃ មោ​លាស​ទឹង​លែៈ​ឞែ​ឞ្យាប់​មោ​គែស​ក្រាក់​គុ​តា​មពោមពា​(ឆ្យុម)​ផូង​គ៝ប់ ទឹង​លែៈ​មពោមពា​(ឆ្យុម)​នៃ​ជេង​កើប​គ៝ប់​នតុង”។
GEN 30:34 លាបាន​អើស៖ “អើ កាដោយ​ដ៝ង់ បែ​ជាន​តឹង​នាវ​បែ​លាស​រី​ទោស!”
GEN 30:35 ជេសរី​នារ​នៃ​រ៝​លាបាន​ហាន់​តឹម​ងខាស​ឞែ​ងក្វ៝ង់​អី​គែស​រាវាញ​មព៝រ នទ្រែល​មា​ឞែ​មែ​អី​គែស​រាវាញ​មព៝រ ទឹង​លែៈ​ឞែ​អី​គែស​ងលាង​ដេៈ នទ្រែល​មា​ឞែ​ឞ្យាប់​អី​ក្រាក់ៗ ពាង់​តឹម​ងខាស​អ៝ន់​គុ​អេង ផូង​អី​នៃ​ពាង់​អ៝ន់​មា​មពោល​ក៝ន​ពាង់​នើម​ម៝ត់​ច្យាប់។
GEN 30:36 ជេសរី​លាបាន​អ៝ន់​ខាន់​ពាង់​គុ​បាស​ងាយ​ដាស​យាកោប​ពែ​នារ​ឞ្រោៈ​ត្រ៝ង។ យាកោប​គុ​ម៝ត់​មពោមពា​(ឆ្យុម)​លាបាន​អី​ហោម​តា​រី។
GEN 30:37 យាកោប​គិច​ងគីង​ពែ​នតីល​តើម​ឆី​អី​គែស​ងលាង​តា​ន៝ម់​នតោ​អី​ហោម​រេស ពាង់​ព្លោក​ច៝រ​អី​នតោ​រី​អ៝ន់​ឆៃ​ងលាង​រូន​អូន។
GEN 30:38 ជេសរី​ពាង់​ឆ៝ៈ​ងគីង​ឆី​អី​នៃ​នទើម​តា​ត្រ៝ង​ទាក នទ្រែល​មា​តា​ឞ៝ង នតុក​មពោមពា​(ឆ្យុម)​ពាង់​វៃ​ញេត​ទាក គៃ​មា​អ៝ន់​មពោមពា​(ឆ្យុម)​នៃ​ឆៃ យ៝រ​លាស​ពាង់​តឹម​ជើង​ឞាល់​ទោល​ពាង់​ញេត​ទាក។
GEN 30:39 លាស​ពាង់​តឹម​ជើង​តា​ព្លាង់​ងគីង​ឆី​នៃ ត៝ត់​មា​ទែស​ក៝ន​ជេង​រាវាញ​មព៝រ។
GEN 30:40 ជេសរី​យាកោប​តឹម​ងខាស​លើយ​ទឹង​លែៈ​ក៝ន​អី​គែស​រាវាញ​មព៝រ​អ៝ន់​គុ​អេង​ឞើស​មពោមពា​(ឆ្យុម)​លាបាន។ នោក​តឹម​ជើង ពាង់​អ៝ន់​មពោមពា​(ឆ្យុម)​លាបាន​អ្វាញ់​ជឹត​មពោមពា​(ឆ្យុម)​អី​រាវាញ​មព៝រ មោ​លាស​អី​ក្រាក់ៗ គៃ​មា​គែស​ក៝ន​រាវាញ​មព៝រ។ កើត​នទ្រី​មពោមពា​(ឆ្យុម)​ផូង​ពាង់​នើម​គែស​លើ​មា​អ៝ក់។
GEN 30:41 ត៝ត់​មា​មពោមពា​(ឆ្យុម)​អី​ទាង់ៗ​តឹម​ជើង​ឞាល់ យាកោប​ឆ៝ៈ​ងគីង​ឆី​រី​នទើម​តា​ត្រ៝ង​ទាក​អ៝ន់​មពោមពា​(ឆ្យុម)​នៃ​ឆៃ គៃ​មា​អ៝ន់​ពាង់​តឹម​ជើង​ឞាល់​តា​ព្លាង់​ឞើស​នាប់​ងគីង​ឆី​នៃ។
GEN 30:42 លាស​មពោមពា​(ឆ្យុម)​អី​មោ​ទាង់​មោ​ទាង់​តឹម​ជើង​ឞាល់ ពាង់​មោ​អោស​នទើម​ងគីង​ឆី​នៃ។ កើត​នទ្រី​ទឹង​មពោមពា​(ឆ្យុម)​អី​មោ​ទាង់​មោ​ទាង់​ជេង​មពោមពា​(ឆ្យុម)​លាបាន ជេសរី​មពោមពា​(ឆ្យុម)​អី​ទាង់ៗ​ជេង​មពោមពា​(ឆ្យុម)​យាកោប។
GEN 30:43 ជេសរី​យាកោប​គែស​ទ្រាប់​នទើ​លើ​មា​អ៝ក់​ងាន់ ពាង់​គែស​មពោមពា​(ឆ្យុម)​ទុត​អ៝ក់ គែស​នអ៝ប់​មា​ឞូនុយ្ស​ឆើម​កើល​ជាន​ការ​ឞូ​អូរ​ឞូ​ក្លោ នអ៝ប់​មា​ឆែស​ឆាមោ នទ្រែល​មា​ឆែស​លៀ​អ៝ក់​ដ៝ង់។
GEN 31:1 ជេសរី​យាកោប​តាង់​ផូង​ក៝ន​ឞូ​ក្លោ​លាបាន​តឹម​លាស៖ “លែៈ​យាកោប​ឆ៝ៈ​ញឆ្យាន់​ទ្រាប់​នទើ​ឞឹ​ឞ៝ន់។ ពាង់​នទ្រ៝ង់​អ៝ក់​ទ្រាប់​នទើ​នៃ​តាៈ​ឞើស​ទ្រាប់​នទើ​ឞឹ​ឞ៝ន់”។
GEN 31:2 យាកោប​ឆៃ​លាបាន​មោ​ហោម​អោស​លាង់​មឞើស​ងើយ​មា​ពាង់។
GEN 31:3 ជេសរី​ឞ្រាស​យេហោវា​លាស​មា​ពាង់៖ “មៃ​ព្លឹ​ឆឹត​ហ៝ម់​តា​ឞ្រី​អូ​ចែ​មៃ​នើម តា​នទុល​មពោល​មៃ​នើម​រី គ៝ប់​មរា​គុ​នទ្រែល​មៃ”។
GEN 31:4 ជេសរី​យាកោប​ដាៈ​ឞូ​ហាន់​ក្វាល់​រាចែល នទ្រែល​មា​លេអា ហាន់​គុ​នទ្រែល​ពាង់​តា​នតុក​ច្យាប់​ឞែ​ឞ្យាប់​តា​នទ្រិច​រី។
GEN 31:5 យាកោប​លាស​មា​ឞារ​ហៃ​អូរ​ពាង់​នៃ៖ “លែៈ​គ៝ប់​ឆៃ​ឞឹ​ខាន់​អៃ​មោ​ហោម​អោស​លាង់​មឞើស​ងើយ​មា​គ៝ប់​កើត​ឞើស​នតើម​នើស យើន​មា​កោរាញ​ឞ្រាស​អី​ឞឹ​គ៝ប់​យើក​មឞាស​លែៈ​គុ​នទ្រែល​គ៝ប់។
GEN 31:6 ខាន់​អៃ​លែៈ​គឹត​ដ៝ង់​គ៝ប់​គុ​ជាន​ការ​អ៝ន់​មា​ឞឹ​ខាន់​អៃ លែៈ​ឞើស​ឞ្រាត់​ឆ្វាន​គ៝ប់​ងាន់។
GEN 31:7 យើន​មា​ឞឹ​ខាន់​អៃ​ពាង់​នទើម​មរោស​គ៝ប់ ពាង់​ងើយ​មព្លាច់​នទើ​ងខោម​មា​គ៝ប់​លែៈ​ជឹត​តឹ។ យើន​មា​កោរាញ​ឞ្រាស​មោ​អោស​អ៝ន់​ពាង់​ជាន​អ្យើស​មា​គ៝ប់។
GEN 31:8 លាស​ឞឹ​ខាន់​អៃ​លាស៖ «ទឹង​លែៈ​មពោមពា​(ឆ្យុម)​អី​គែស​រាវាញ​រុក​លុក​ទើម ជេង​នទើ​ងខោម​មា​អ៝ន់​បែ​ទាទេ» ជេសរី​ទឹង​លែៈ​មពោមពា​(ឆ្យុម)​ត៝ត់​មា​ទែស​ក៝ន​គែស​រាវាញ​រុក​លុក​ទាទេ​រ៝ លាស​ឞឹ​ខាន់​អៃ​លាស៖ «ទឹង​លែៈ​មពោមពា​(ឆ្យុម)​អី​គែស​រាវាញ​មព៝រ​ទើម ជេង​នទើ​ងខោម​មា​អ៝ន់​បែ​ទាទេ» ជេសរី​ត៝ត់​មា​ទែស​ក៝ន​គែស​រាវាញ​មព៝រ​ទាទេ​ដ៝ង់។
GEN 31:9 កើត​នទ្រី​កោរាញ​ឞ្រាស​ឆ៝ៈ​មពោមពា​(ឆ្យុម)​ឞឹ​ខាន់​អៃ​អ៝ន់​មា​គ៝ប់។
GEN 31:10 នោក​ខៃ​តឹម​ជើង​មពោមពា​(ឆ្យុម) គែស​ទូ​មាង់​គ៝ប់​មឞើយ​ឆៃ​ឞែ​ងក្វ៝ង់​ជើង​ឞែ​មែ តា​នៃ​ឞែ​ងក្វ៝ង់​គែស​រាវាញ​មព៝រ នទ្រែល​មា​គែស​រាវាញ​រុក​លុក​ទាទេ។
GEN 31:11 ជេសរី​តោង​ពារ់​កោរាញ​ឞ្រាស​ក្វាល់​គ៝ប់៖ «ហើយ​យាកោប!” គ៝ប់​អើស៖ «ម៝ស​នទើ»។
GEN 31:12 តោង​ពារ់​នៃ​លាស៖ «មៃ​អ្វាញ់​នៃ! ទឹង​លែៈ​ឞែ​ងក្វ៝ង់​ជើង​ឞែ​មែ តា​នៃ​ឞែ​ងក្វ៝ង់​គែស​រាវាញ​មព៝រ នទ្រែល​មា​រាវាញ​រុក​លុក​ទាទេ យ៝រ​លាស​គ៝ប់​លែៈ​ឆៃ​នាវ​លាបាន​ទែ​ជាន​មា​មៃ។
GEN 31:13 គ៝ប់​អ្យា​កោរាញ​ឞ្រាស​អី​ញហើ​ឆាក់​មា​មៃ​តា​ប៝ន​បេតអែល នតុក​មៃ​ត៝ៈ​ទាក​ងី​តា​ងគ៝ង់​លុ​នៃ​នើស នអ៝ប់​មា​មៃ​ត៝ន​មា​គ៝ប់​ដ៝ង់។ អាបៃ​អ្យា​មៃ​ទ៝ក់​លោស​ឞើស​ឞ្រី​ទាក​អ្យា​ហ៝ម់ ព្លឹ​ឆឹត​តា​នតុក​ឞ្រី​ទាក​ទែស​មៃ​នើម​រី​នើស»”។
GEN 31:14 រាចែល នទ្រែល​មា​លេអា​អើស​មា​យាកោប៖ “ឞឹ​ហេន​ពាង់​មោ​គែស​អោស​អ៝ន់​ទ្រាប់​នទើ​ខ្លៃ​មា​នទ្រៃ​អ៝ន់​មា​ហេន។
GEN 31:15 ពាង់​លែៈ​កើប​ហេន​ជេង​តឹម​ឞាន​មា​ផូង​ឞូ​នាច់​ដ៝ង់ ពាង់​តឹម​ឞាន​មា​តាច់​ហេន ជេសរី​ទ្រាប់​នទើ​អី​មៃ​លែៈ​ជាន​ការ​មា​ពាង់​យ៝រ​មា​ហេន ពាង់​ឆ៝ៈ​មា​ពាង់​នើម​ទើម។
GEN 31:16 ទឹង​លែៈ​ទ្រាប់​នទើ​កោរាញ​ឞ្រាស​ទែ​អ៝ន់​មា​មៃ​ឆ៝ៈ​តាៈ​ឞើស​ឞឹ​ហេន ជេង​ទ្រាប់​នទើ​មា​ហេន នទ្រែល​មា​ផូង​អ៝ស​ក៝ន​ហេន។ លាស​នទ្រី​មៃ​ជាន​ហ៝ម់​ម៝ស​នទើ​កោរាញ​ឞ្រាស​ទែ​ដាៈ​មា​មៃ”។
GEN 31:17 ជេសរី​យាកោប​ទ៝ក់​ហាន់ ពាង់​អ៝ន់​អូរ​អ៝ន់​ក៝ន​ពាង់​ញច៝​ឆែស​ឆាមោ‌
GEN 31:18 ជេសរី​ពាង់​វែង​ទឹង​លែៈ​មពោមពា​(ឆ្យុម)​ផូង​ពាង់​នើម នអ៝ប់​មា​ញអោត​លែវ​ទឹង​លែៈ​ទ្រាប់​នទើ​ពាង់​គែស​ទោល​ពាង់​គុ​តា​ឞ្រី​ពាដាន-អារាម​នៃ​នើស គៃ​មា​ព្លឹ​ឆឹត​តា​អីឆាក់​ឞឹ​ពាង់​នើម​តា​ឞ្រី​កានាន​រី។
GEN 31:19 ទោល​នៃ​លាបាន​នទុត​ហាន់​ក៝ស​រាឆៅ​ឞែ​ឞ្យាប់​ពាង់​នើម ជេសរី​រាចែល​នតុង​លែៈ​ផ្យៅ​រូប​ឞ្រាស​ឞឹ​ពាង់​តា​ជៃ​រី​ដ៝ង់។
GEN 31:20 យាកោប​ញច្វាត់​នតុង​មា​លាបាន​ផូង​អារាម​នៃ ពាង់​មោ​អោស​មឞើស​អ៝ន់​លាបាន​គឹត។
GEN 31:21 យាកោប​ញអោត​លែវ​លែៈ​ផ្យៅ​ទឹង​លែៈ​ទ្រាប់​នទើ​ពាង់​គែស។ ពាង់​ហាន់​គ្លាត់​ទាក​រាលាយ​អើប្រាត ហាន់​លែត​ជឹត​យោក​ឞ្រី​កាលាត​រី។
GEN 31:22 ត៝ត់​លែៈ​ពែ​នារ គែស​ឞូ​ហាន់​មឞើស​មា​លាបាន​នាវ​យាកោប​លែៈ​ញច្វាត់​នៃ។
GEN 31:23 ជេសរី​លាបាន​លែវ​នទុល​មពោល​ពាង់​ហាន់​តឹង​យាកោប ខាន់​ពាង់​តឹង​ពើស​នារ រី​មើ​ទឹង​ឞាន​តា​យោក​កាលាត​រី។
GEN 31:24 យើន​មា​កោរាញ​ឞ្រាស​ហាន់​មឞើស​មា​លាបាន​ផូង​អារាម​នៃ​តា​នាវ​មឞើយ​តា​នោក​មាង់ ពាង់​លាស៖ “មៃ​ញជ្រាង់​ហ៝ៈ មៃ​លើយ​អោស​ទាស​មា​ងើយ​មា​យាកោប ឞ៝ល​លាស​នាវ​អ្វែស មោ​លាស​នាវ​អ្យើស”។
GEN 31:25 លាបាន​តឹង​ឞាន​យាកោប នោក​យាកោប​លែៈ​គុ​រាទ៝ក់​ចូន​ឞ៝ក​តា​កាលើ​យោក​ឞ្រី​កាលាត​រី លាបាន នទ្រែល​មា​នទុល​មពោល​ពាង់​គុ​រាទ៝ក់​ចូន​ឞ៝ក​តា​កាលើ​យោក​កាលាត​រី​ដ៝ង់។
GEN 31:26 លាបាន​លាស​យាកោប៖ “ម៝ស​ទឹង​បែ​ជាន​ក្វែ​ញច្វាត់​នតុង​មា​គ៝ប់? រាទូ​ក៝ន​ឆៅ​គ៝ប់ តឹម​ឞាន​មា​ឞូ​ញុប​វែង​ឞើស​នតុក​តឹម​លើស​តឹម​ឆ្រែស​នៃ ម៝ស​ទឹង​បែ​ជាន​កើត​នៃ?
GEN 31:27 ម៝ស​ទឹង​បែ​ញច្វាត់​នតុង​មា​គ៝ប់​កើត​នៃ មោ​មឞើស​អ៝ន់​គ៝ប់​គឹត? លាស​គ៝ប់​គឹត គ៝ប់​ញជុន​ខាន់​បែ​មា​នាវ​រាម់​មអាក នអ៝ប់​មា​មព្រឹត​មា​មព្រើ នអ៝ប់​មា​គ៝ស​គ៝ង​គ៝ស​គ៝រ់ គ៝ស​គ៝ង​រេង​ងាន់​រ៝។
GEN 31:28 ម៝ស​បែ​មោ​អ៝ន់​គ៝ប់​ចុម​គ៝ប់​នតិញ​ក៝ន​ឆៅ​គ៝ប់? បែ​ជាន​កើត​នៃ​ជេង​រាលូក​ម៝ល់​ងាន់។
GEN 31:29 គ៝ប់​គែស​នាវ​ទើយ​លើស​ខាន់​បែ យើន​មា​កោរាញ​ឞ្រាស​អី​ឞឹ​បែ​យើក​មឞាស​លែៈ​ពាង់​ឞ្វៃ​គ៝ប់​អា​មាង់​នើស ពាង់​លាស៖ «មៃ​ញជ្រាង់​ហ៝ៈ មៃ​លើយ​អោស​ទាស​មា​ងើយ​មា​យាកោប ឞ៝ល​លាស​នាវ​អ្វែស មោ​លាស​នាវ​អ្យើស»។
GEN 31:30 អាបៃ​អ្យា​លាស​បែ​ញច្វាត់​យ៝រ​មា​មោ​អ្យាង់​ឞឹ​មោ​ច្រាវ​វាៈ លាស​នទ្រី​ម៝ស​ទឹង​បែ​នតុង​នអ៝ប់​មា​រូប​ឞ្រាស​គ៝ប់?”
GEN 31:31 យាកោប​អើស​មា​លាបាន៖ “ទឹង​គ៝ប់​ជាន​កើត​នអា យ៝រ​លាស​គ៝ប់​ក្លាច​បែ​ឆ៝ៈ​ពីត​អ៝ស​ក៝ន​បែ​នើម​តាៈ​ឞើស​គ៝ប់។
GEN 31:32 ល៝ង់​រូប​ឞ្រាស​បែ​រី លាស​បែ​ឆៃ​តា​ឞូ​ម៝ស អ្យាត់​មា​ងខឹត​ឞូនុយ្ស​អី​នៃ។ បែ​ញឆើរ​ជ៝យ​អាប់​ឞូនុយ្ស​តា​នាប់​ឞាល់​មពោល​បែ​នៃ​ទោ លាស​ឆៃ​គែស​នទើ​បែ បែ​ឆ៝ៈ​ឆឹត​ទោ”។ យើន​មា​យាកោប​មោ​អោស​គឹត​លាស​លែៈ​រាចែល​ទែ​ញអោត​នតុង​រូប​ឞ្រាស​រី។
GEN 31:33 ជេសរី​លាបាន​លាប់​តា​ចូន​យាកោប លាប់​តា​ចូន​លេអា នទ្រែល​មា​លាប់​តា​ចូន​ឞូនុយ្ស​ឆើម​កើល​ជាន​ការ​មា​លេអារាចែល ជ៝យ​នទើ​នៃ​មោ​ឆៃ​អោស។ លាបាន​លោស​ឞើស​ចូន​លេអា​រី លាប់​តា​ចូន​រាចែល។
GEN 31:34 រាចែល​ឆ៝ៈ​ទឹង​លែៈ​រូប​ឞ្រាស​អី​នៃ ពាង់​ពោន​តា​ទុរ​ឆែស​ឆាមោ​រី ជេសរី​ពាង់​នើម​គុ​ឞើស​លើ។ លាបាន​ជ៝យ​លាម​ចូន​នៃ ជ៝យ​មោ​អោស​ឆៃ​នទើ។
GEN 31:35 រាចែល​មឞើស​មា​ឞឹ​ពាង់៖ “លើយ​តា​ឞឹ​ក្លាប់​នទាង់​មា​គ៝ប់ គ៝ប់​មោ​ទ៝ក់​តា​នាប់​មៃ គ៝ប់​មោ​ទើយ​ទ៝ក់ យ៝រ​លាស​គ៝ប់​មោ​អ្វែស​ឆាក់”។ កើត​នទ្រី​ពាង់​ជ៝យ​រូប​ឞ្រាស​អី​នៃ យើន​មា​មោ​អោស​ឆៃ។
GEN 31:36 យាកោប​ជី​នូយ្ស​ងាន់ ពាង់​លាស​លាបាន៖ “ម៝ស​ទោយ្ស​គ៝ប់ ម៝ស​នទើ​តីស​តា​គ៝ប់​ទឹង​បែ​តឹង​គ៝ប់​នអ៝ប់​មា​នូយ្ស?
GEN 31:37 ទោល​បែ​ញឆើរ​រាហី​នទើ​គ៝ប់ ម៝ស​បាៈ​បែ​ឆៃ​នទើ​បែ​តា​ផូង​ហេន? ល៝ង់​បែ​ញហើ​អ៝ន់​មា​ឞាល់​មពោល​គ៝ប់​ឆៃ ញហើ​អ៝ន់​មា​ឞាល់​មពោល​បែ​ឆៃ​តា​អ្យា គៃ​មា​អ៝ន់​ផូង​ខាន់​ពាង់​នៃ​ឆើម​ផាត​ទោយ្ស​មា​ឞារ​ហៃ​ឞ៝ន់។
GEN 31:38 លែៈ ២០ នាម់ គ៝ប់​គុ​នទ្រែល​បែ ទឹង​លែៈ​ឞែ​ឞ្យាប់​មែ នទ្រែល​មា​ឞែ​មែ​បែ មោ​គែស​អោស​ទូ​មល៝ម់​រាលេស​ក៝ន ឞែ​ឞ្យាប់​ងក្វ៝ង់​បែ​ទូ​មល៝ម់​គ៝ប់​មោ​ហ៝ៈ​គែស​ឆា​ដ៝ង់។
GEN 31:39 លាស​គែស​មពោមពា​(ឆ្យុម)​ឞ្រី​កាប់​ឆា បែ​ហោម​ដាៈ​គ៝ប់​ត្រ៝ៈ មោ​អោស​អ៝ន់​គ៝ប់​ញអោត​មពោមពា​(ឆ្យុម)​ខឹត​នៃ​នទឹ​អ៝ន់​បែ​មា​ឆៃ​ទើម លាស​គែស​ឞូ​នតុង​នោក​នារ មោ​លាស​នោក​មាង់ បែ​ដាៈ​គ៝ប់​ត្រ៝ៈ​ទាទេ គ៝ប់​ត្រ៝ៈ​អ៝ន់​បែ​មរ៝។
GEN 31:40 កើត​នអា​ងាន់​នាវ​គ៝ប់​ញឆ្រោយ្ស នោក​នារ​មា​ទោស​នារ នោក​មាង់​មា​នអីក នទ្រែល​មា​រាងែស​មាង់​គាង់​មាត់​ងាន់។
GEN 31:41 គ៝ប់​គុ​នទ្រែល​បែ​ជ៝ៈ ២០ នាម់ គ៝ប់​ជាន​ការ​មា​បែ ១៤ នាម់ គៃ​មា​គែស​ឆ៝ៈ​ក៝ន​ឞូ​អូរ​បែ​ឞារ​ហៃ​នៃ ជេសរី​ព្រាវ​នាម់​ជឹត​គៃ​មា​គែស​មពោមពា​(ឆ្យុម)​ផូង។ យើន​មា​នទើ​ងខោម​គ៝ប់​នៃ បេង​មា​ងើយ​មព្លាច់​ជឹត​តឹ​ងាន់។
GEN 31:42 លាស​មោ​គែស​កោរាញ​ឞ្រាស​អី​ចែ​គ៝ប់​យើក​មឞាស អី​ឞឹ​គ៝ប់​ក្លាច​យើក​នៃ​គុ​នទ្រែល​គ៝ប់ បែ​អ៝ន់​គ៝ប់​ឆឹត​មពាង​តី​ទើម​ងាន់​រ៝។ កោរាញ​ឞ្រាស​លែៈ​ឆៃ​នទើ​ជេរ​តា​គ៝ប់ កើត​នទ្រី​ទឹង​អា​មាង់​នើស​ពាង់​លាស​បែ”។
GEN 31:43 លាបាន​លាស​មា​យាកោប៖ “ផូង​ឞូ​អូរ​អ្យា​ក៝ន​គ៝ប់​ទាទេ ទឹង​លែៈ​ផូង​ក៝ន​ឆែ​អ្យា​ឆៅ​គ៝ប់​ទាទេ ទឹង​លែៈ​មពោមពា​(ឆ្យុម)​អ្យា​មពោមពា​(ឆ្យុម)​គ៝ប់ នទ្រែល​មា​ទឹង​លែៈ​នទើ​បែ​ឆៃ​តា​អ្យា​នទើ​គ៝ប់​ទាទេ នារ​អ្យា​គ៝ប់​មោ​អោស​ទាន់​ឆ៝ៈ​ក៝ន​ឞូ​អូរ​គ៝ប់ គ៝ប់​មោ​អោស​ទាន់​ឆ៝ៈ​ឆៅ​គ៝ប់​ខាន់​ពាង់​ឞាៈ​នៃ។
GEN 31:44 លាស​នទ្រី​នារ​អ្យា​អ៝ន់​ឞ៝ន់​ជាន​នាវ​តឹម​រាង្លាប់​ឞាល់ នអ៝ប់​មា​ជាន​នទើ​មឞេន​អ៝ន់​មា​ហោម​កាស​គឹត”។
GEN 31:45 ជេសរី​យាកោប​ឆ៝ៈ​ទូ​មល៝ម់​លុ ពាង់​រាទ៝ក់​ជាន​ងគ៝ង់​តា​រី។
GEN 31:46 ពាង់​លាស​មា​ឞាល់​មពោល​ពាង់៖ “ខាន់​អៃ​មៃ​ឞូន​លុ​ហ៝ម់”។ ខាន់​ពាង់​ទោញ​លុ​ឞូន​រាទុល ជេសរី​លែវ​ឞាល់​គុ​ឆោង​តា​មែង​នៃ។
GEN 31:47 លាបាន​ក្វាល់​នតុក​នៃ​រាញា៖ «យេការ-ឆាហាដូថា» យើន​មា​យាកោប​ក្វាល់​នតុក​នៃ​រាញា៖ «កាលេត»។
GEN 31:48 ជេសរី​លាបាន​លាស៖ “នារ​អ្យា​ឞ៝ន់​ឆ៝ៈ​លុ​អ្យា​ជាន​នទើ​មឞេន​បែ​នទ្រែល​គ៝ប់”។ កើត​នទ្រី​ទឹង​ឞូ​ក្វាល់​លុ​អី​ឞូន​នៃ​រាញា «កាលេត» គែស​នាវ​ខ្លៃ​លាស​«ឞូន​លុ​នាក់​ឆៃ​នាក់​តាង់»។
GEN 31:49 យើន​មា​ឞូ​ក្វាល់ «មីសពា» ដ៝ង់ គែស​នាវ​ខ្លៃ​លាស​«ច្វាញ​ងកើង​មា​នតុក​ញជ្រាង់» យ៝រ​លាស​លាបាន​លាស៖ “ទាន់​ឞ្រាស​យេហោវា​ញជ្រាង់​បែ​នទ្រែល​គ៝ប់ ទោល​ឞ៝ន់​គុ​តឹម​បាស​ងាយ។
GEN 31:50 លាស​បែ​ជាន​អ្យើស​មា​ក៝ន​ឞូ​អូរ​គ៝ប់ មោ​លាស​ឆ៝ៈ​អូរ​អេង​នោក​ខាន់​ពាង់​ហោម​រេស ឞ៝ល​លាស​ខាន់​ពាង់​មោ​គែស​នទុល​មពោល​គុ​នទ្រែល​កាដោយ ហោម​គែស​កោរាញ​ឞ្រាស​ដ៝ង់​ឆៃ យ៝រ​លាស​ពាង់​អី​លែៈ​គឹត​ឆៃ​នាវ​ឞ៝ន់​លែៈ​តឹម​រាង្លាប់​តា​អ្យា”។
GEN 31:51 លាបាន​ងើយ​តៃ​មា​យាកោប៖ “អ្វាញ់​អ្យា​យឹ លុ​ឞូន​អ្យា នទ្រែល​មា​ងគ៝ង់​លុ​អ្យា​លែៈ​គ៝ប់​តេៈ​តា​ងក្លាង​ងគូល​វាស​វាង​បែ​មា​គ៝ប់។
GEN 31:52 លុ​ឞូន​អ្យា នទ្រែល​មា​ងគ៝ង់​លុ​អ្យា​ជេង​នទើ​មឞេន​មា​នាវ​ឞ៝ន់​លែៈ​តឹម​រាង្លាប់​អ៝ន់​មា​ងកាស​តោរ​ឞ៝ន់ គ៝ប់​មោ​អោស​មរា​ហាន់​រាលាវ​ឞើស​ដាស​លុ​អ្យា​គៃ​មា​លើស​បែ បែ​ក៝ៈ​មោ​ដ៝ង់​មរា​ហាន់​រាលាវ​ឞើស​ដាស​លុ​អ្យា​គៃ​មា​លើស​គ៝ប់។
GEN 31:53 ទាន់​កោរាញ​ឞ្រាស​អី​អាឞ្រាហាម់ អី​នាហោរ នអ៝ប់​មា​អី​ឞឹ​ខាន់​ពាង់​យើក​មឞាស​នៃ ឆើម​ផាត​ទោយ្ស​អ៝ន់​មា​ឞ៝ន់”។ ជេសរី​យាកោប​ត៝ន​ដ៝ង់ តា​រាញា​កោរាញ​ឞ្រាស​អី​អីឆាក់​អី​ឞឹ​ពាង់​ក្លាច​យើក​រី​ពាង់​ត៝ន។
GEN 31:54 យាកោប​ញហើរ​នទើ​ជាន​ឞ្រាស​តា​កាលើ​យោក​នៃ ជេសរី​ពាង់​ក្វាល់​ទឹង​លែៈ​ផូង​អី​គុ​តា​នៃ​វាច់​ឆោង​ឆា​នទ្រែល។ ជេស​ឆោង​ជេស​ឆា ខាន់​ពាង់​ឞិច​តា​កាលើ​យោក​នៃ​ទូ​មាង់។
GEN 31:55 អើម​អោយ​លាបាន​ទ៝ក់ ពាង់​ចុម​ក៝ន​ចុម​ឆៅ​ពាង់​រី នទ្រែល​មា​អ៝ន់​គែស​ជេង​មា​ផូង​ខាន់​ពាង់។ ជេសរី​ពាង់​ព្លឹ​ឆឹត​តៃ​តា​ឞ្រី​ពាង់​នើម។
GEN 32:1 យាកោប​ទ៝ក់​ហាន់​ជឹត​នាប់​ជឹត ជេសរី​គែស​ផូង​តោង​ពារ់​កោរាញ​ឞ្រាស​តឹម​ម៝ប់​ដាស​ពាង់។
GEN 32:2 ត៝ត់​មា​យាកោប​ឆៃ​ផូង​តោង​ពារ់​នៃ ពាង់​លាស៖ “នតុក​អ្យា​ជេង​នតុក​ផូង​តោង​ពារ់​កោរាញ​ឞ្រាស​គុ​រ៝” ជេសរី​ពាង់​រាញា​នតុក​នៃ៖ «មាហានែម» គែស​នាវ​ខ្លៃ​លាស​«គែស​ឞារ​ផូង​គុ​តា​នៃ»។
GEN 32:3 យាកោប​ដាៈ​មពោល​ឞូនុយ្ស​នតើយ្ស​នាវ​ពាង់​ហាន់​ល៝រ​តឹម​ម៝ប់​ដាស​អេឆាវ​នោ​ពាង់​តា​នតុក​អេដ៝ម់ ឞ្រី​ឆេអីរ​រី។
GEN 32:4 យាកោប​លាស​មា​មពោល​អី​នៃ៖ “ខាន់​មៃ​មឞើស​កើត​នអា​មា​អេឆាវ​កោរាញ​គ៝ប់​តៃ៖ «យាកោប​អី​ឞូនុយ្ស​ឆើម​កើល​ជាន​ការ​មៃ ពាង់​ដាៈ​ហេន​មឞើស​កើត​នអា៖ «គ៝ប់​មាន​មា​គុ​នទ្រែល​លាបាន​ត៝ត់​នារ​អ្យា។
GEN 32:5 គ៝ប់​គែស​នទ្រោក គែស​ឆែស​លៀ គែស​ឞែ​ឞ្យាប់ គែស​ឞែ នទ្រែល​មា​គែស​ឞូនុយ្ស​ឆើម​កើល​ជាន​ការ​ឞូ​អូរ​ឞូ​ក្លោ​អ៝ក់​ដ៝ង់។ អាបៃ​អ្យា​គ៝ប់​ដាៈ​ឞូ​ហាន់​មឞើស​មា​មៃ​អី​កោរាញ​គ៝ប់ គៃ​មា​មៃ​យោៈ​គ៝ប់»”។
GEN 32:6 ជេសរី​មពោល​អី​ពាង់​ដាៈ​ហាន់​នៃ ព្លឹ​ឆឹត​មឞើស​ងក៝ច​មា​យាកោប៖ “លែៈ​ជេស​ហេន​តឹម​ម៝ប់​ដាស​អេឆាវ​នោ​មៃ។ ពាង់​ហាន់​តឹម​ម៝ប់​ដាស​មៃ​ដ៝ង់ នទ្រែល​មា​លែវ​ឞាល់ ៤០០ នុយ្ស​ហាន់​នទ្រែល​ពាង់​នើម”។
GEN 32:7 យាកោប​ក្លាច​រាវៃ​ហោ​ងាន់ ជេសរី​ពាង់​តឹម​ពាៈ​នតុក​គុ​ឞារ​មពោល នទ្រោក ឞែ​ឞ្យាប់ ឞែ នទ្រែល​មា​ឆែស​ឆាមោ​ពាង់​តឹម​ពាៈ​ឞារ​មពោល​ដ៝ង់‌
GEN 32:8 យ៝រ​លាស​ពាង់​មឹន លាស​អេឆាវ​លើស​ទូ​នតុក ហោម​ទូ​នតុក​ដ៝ង់​ក្លាយ្ស។
GEN 32:9 យាកោប​មឞើស​ឆើម​មា​កោរាញ​ឞ្រាស៖ “អើ​កោរាញ​ឞ្រាស​អី​អាឞ្រាហាម់ ​ចែ​គ៝ប់​យើក​មឞាស អី​អីឆាក់​ឞឹ​គ៝ប់​យើក​មឞាស អើ​ឞ្រាស​យេហោវាមៃ​លែៈ​លាស​ជេស​មា​គ៝ប់៖ «ហាន់​មៃ​ព្លឹ​ឆឹត​ហ៝ម់​តា​ឞ្រី​ចែ​មៃ​នើម តា​នទុល​មពោល​មៃ​នើម​រី គ៝ប់​មរា​ជាន​នទើ​អ្វែស​មា​មៃ»។
GEN 32:10 គ៝ប់​អ្យា​ឞូនុយ្ស​ឆើម​កើល​ជាន​ការ​មៃ​ទើម មោ​ទី​មៃ​រ៝ង់​មា​គ៝ប់​រាប់​ជាប់ នទ្រែល​មា​គុ​តា​គ៝ប់​រាប់​ជាប់​ត៝ត់​ទាស​អ្យា​អីរ​មា​គ៝ប់។ យ៝រ​លាស​ទោល​គ៝ប់​ហាន់​គ្លាត់​ទាក​រាលាយ​យោរដាន់​អ្យា គ៝ប់​គែស​ទូ​មល៝ម់​ម៝ង់​ជ្រា​ទើម យើន​មា​អាបៃ​អ្យា​គ៝ប់​លែៈ​ជេង​ឞារ​មពោល​ងាន់។
GEN 32:11 ទាន់​មៃ​កើល​គ៝ប់ អ៝ន់​គ៝ប់​ក្លាយ្ស​ឞើស​តី​អេឆាវ​នោ​គ៝ប់ យ៝រ​លាស​គ៝ប់​ក្លាច​ពាង់​ត៝ត់​តា​អ្យា ពាង់​ងខឹត​ញហាង​រានាក់​វ៝ល់​គ៝ប់ នអ៝ប់​មា​ឞូ​អូរ​ក៝ន​ឆែ។
GEN 32:12 យើន​មា​មៃ​លែៈ​លាស​ជេស​មា​គ៝ប់៖ «តៃ​គ៝ប់​អ៝ន់​នាវ​អ្វែស​មអាក​ដាប់​មពាន់​មា​មៃ តៃ​គ៝ប់​ជាន​រាន៝យ​ទែស​មៃ​អ៝ន់​ឞឹក​រឹ​អ៝ក់​តឹម​ឞាន​មា​ច៝យ្ស​រ៝ៈ​ទាក​វាច់​ទាក​វារ់ មោ​ហោម​ឞ្លាវ​កើប»”។
GEN 32:13 មាង់​នៃ​ពាង់​ឞិច​តា​នតុក​នៃ។ ពាង់​ឆ៝ៈ​ទ្រាប់​នទើ​ពាង់​គែស​បាៈ មា​អ៝ន់​អេឆាវ​នោ​ពាង់​រី‌
GEN 32:14 គែស​ឞែ​មែ ២០០ ឞែ​ងក្វ៝ង់ ២០ ឞែ​ឞ្យាប់​មែ ២០០ ឞែ​ឞ្យាប់​ងក្វ៝ង់ ២០
GEN 32:15 ឆែស​ឆាមោ​នអ៝ប់​មា​ហោម​ក៝ន​ពូ​ត៝ស ៣០ នទ្រោក​មែ ៤០ នទ្រោក​ងក្វ៝ង់ ១០ ឆែស​លៀ​មែ ២០ នទ្រែល​មា​ឆែស​លៀ​ងក្វ៝ង់ ១០។
GEN 32:16 ពាង់​អ៝ន់​ទឹង​លែៈ​មពោមពា​(ឆ្យុម)​អី​នៃ​មា​ផូង​ឞូនុយ្ស​ឆើម​កើល​ជាន​ការ​មា​ពាង់​រី តឹង​ផូង​តឹង​ផូង​អេងៗ ជេសរី​ពាង់​លាស​មា​មពោល​ឆើម​កើល​ជាន​ការ​មា​ពាង់​នៃ៖ “ខាន់​មៃ​ហាន់​ល៝រ លែវ​មពោមពា​(ឆ្យុម)​អ្យា​អ៝ន់​តឹម​បាស​តឹង​ផូង​តឹង​ផូង គ៝ប់​ហាន់​ឞើស​កើយ”។
GEN 32:17 យាកោប​នតិញ​មា​ផូង​ឞូនុយ្ស​ឆើម​កើល​ជាន​ការ​មា​ពាង់​នៃ ពាង់​លាស៖ “លាស​អេឆាវ​នោ​គ៝ប់​ម៝ប់​ខាន់​មៃ​តៃ លាស​ពាង់​អោប៖ «ឞូ​ម៝ស​កោរាញ​មៃ? អាស​នតុក​ឞ្រោៈ​នតុក​ហាន់​មៃ? មពោមពា​(ឆ្យុម)​ផូង​ហាន់​ឞើស​នាប់​មៃ​នៃ​ឞ្រែ​ម៝ស?»
GEN 32:18 អ៝ន់​ខាន់​មៃ​លាស​មា​ពាង់​កើត​នអា៖ «ទឹង​លែៈ​មពោមពា​(ឆ្យុម)​អ្យា មពោមពា​(ឆ្យុម)​យាកោប​ឞូនុយ្ស​ឆើម​កើល​ជាន​ការ​មា​មៃ​នើម ពាង់​អ៝ន់​ទឹង​លែៈ​មពោមពា​(ឆ្យុម)​អ្យា​មា​មៃ កោរាញ។ ពាង់​នើម​ហោម​អែ​ឞ្រោៈ​ឞើស​កើយ​ហេន​រី»”។
GEN 32:19 យាកោប​ដាៈ​មា​ទឹង​លែៈ​ឞូនុយ្ស​អី​វែង​ឞើស​កើយ​ឞើស​កើយ​ទឹង​លែៈ​ផូង​មពោមពា​(ឆ្យុម)​នៃ​ពាង់​ដាៈ​កើត​នៃ​ទាទេ។ ពាង់​លាស​មា​ផូង​ខាន់​ពាង់៖ “នោក​ខាន់​មៃ​ម៝ប់​អេឆាវ​រី​តៃ អ៝ន់​ខាន់​មៃ​មឞើស​មា​ពាង់​កើត​នៃ​ទាទេ​យឹ។
GEN 32:20 ខាន់​មៃ​មឞើស​មា​ពាង់៖ «យាកោប​ឞូនុយ្ស​ឆើម​កើល​ជាន​ការ​មៃ​ហោម​អែ​ឞ្រោៈ​ឞើស​កើយ​គ៝ប់​រ៝»”។ យាកោប​ជាន​កើត​នៃ យ៝រ​លាស​ពាង់​មឹន៖ “ទឹង​លែៈ​នទើ​គ៝ប់​អ៝ន់​ឞូ​លែវ​ញអោត​ល៝រ​មា​អ៝ន់​នោ​គ៝ប់​នៃ គ៝ប់​អុច​ពាង់​ឞាស​ជី​នូយ្ស​មា​គ៝ប់​រ៝។ ជេសរី​ត៝ត់​គ៝ប់​តឹម​ម៝ប់​ដាស​ពាង់​នើម​តៃ ក្លាប់​លាស​ពាង់​រ៝ម​គ៝ប់​មា​នាវ​អ្វែស”។
GEN 32:21 ទឹង​លែៈ​មពោមពា​(ឆ្យុម)​ព្រែ​អ៝ន់​នៃ​ឞូ​លែវ​ញអោត​ល៝រ​ទាទេ យាកោប​នើម​រី​ហោម​ឞិច​តា​ចូន​ឞ៝ក​នៃ​ទូ​មាង់។
GEN 32:22 តា​មាង់​នៃ​ដ៝ង់ យាកោប​ទ៝ក់​លែវ​លែៈ​អូរ​ពាង់​ឞារ​ហៃ លែៈ​ឞូ​អូរ​អី​ឆើម​កើល​ជាន​ការ​មា​ឞារ​ហៃ​អូរ​ពាង់​នៃ នទ្រែល​មា​ក៝ន​ឞូ​ក្លោ​ពាង់ ១១ នុយ្ស​រី​ហាន់​គ្លាត់​នហ៝ង​ទាក​យាបុក​ព្លាង់​នតុក​ថើល​ឞូ​វៃ​ហាន់។
GEN 32:23 ជេស​ពាង់​ញជុន​អូរ​ក៝ន​ពាង់​នើម​ត៝ត់​កាល់​តី​ទាក​រី​លែៈ​ផ្យៅ ពាង់​ដាៈ​ឞូ​ហាន់​នតោស​ទ្រាប់​នទើ​ពាង់​នើម​រី​ដ៝ង់។
GEN 32:24 យាកោប​ហោម​គុ​ពាង់​ទូ​ហ្វេ​អេង​តា​នៃ។ តា​មាង់​នៃ​គែស​ទូ​ហ្វេ​ឞូ​ក្លោ​ហាន់​តឹម​ញាត់​ដាស​ពាង់​នហ៝​មា​ត៝ត់​អាង​អោយ។
GEN 32:25 ត៝ត់​មា​ឞូ​ក្លោ​នៃ​ពាង់​គឹត​លាស ពាង់​មោ​អោស​ទើយ​ដាស​យាកោប ជេសរី​ពាង់​លើស​យាកោប​តា​ព្លាង់​ងគាង​ឞុត។ យាកោប​នហ៝​មា​គ្លែត​រ៝​នោក​ខាន់​ពាង់​តឹម​ញាត់​នៃ។
GEN 32:26 ឞូ​ក្លោ​នៃ​លាស​មា​ពាង់៖ “បើក​អ៝ន់​គ៝ប់​ឆឹត យ៝រ​លាស​ឞ្រី​លែៈ​អាង”។ យាកោប​អើស៖ “គ៝ប់​មោ​អោស​បើក​មៃ ត៝ត់​មៃ​លែៈ​អ៝ន់​នាវ​គែស​ជេង​មា​គ៝ប់​ប៝ត់​មើ”។
GEN 32:27 ឞូ​ក្លោ​នៃ​អោប​យាកោប៖ “មៃ​មើម​រាញា?” ពាង់​អើស៖ “គ៝ប់​រាញា​យាកោប”។
GEN 32:28 ឞូ​ក្លោ​នៃ​លាស​តៃ៖ “មៃ​មោ​ហោម​អោស​នតើ​យាកោប​ជឹត មៃ​នតើ​អីឆ្រាអែល យ៝រ​លាស​មៃ​តឹម​ញាត់​ដាស​កោរាញ​ឞ្រាស តឹម​ញាត់​ដាស​ឞូនុយ្ស​ដ៝ង់ លែៈ​ទើយ​មៃ”។ «អីឆ្រាអែល» គែស​នាវ​ខ្លៃ​លាស​«ពាង់​តឹម​ញាត់​ដាស​ឞ្រាស»។
GEN 32:29 យាកោប​អោប​ឞូ​ក្លោ​នៃ៖ “ទាន់​មៃ​មឞើស​រាញា​មៃ​អ៝ន់​គ៝ប់​គឹត”។ ឞូ​ក្លោ​នៃ​លាស​មា​ពាង់៖ “ម៝ស​មៃ​អោប​អុច​គឹត​រាញា​គ៝ប់?” ជេសរី​ពាង់​អ៝ន់​គែស​ជេង​មា​យាកោប​តា​នតុក​នៃ។
GEN 32:30 យាកោប​តេៈ​រាញា​នតុក​នៃ «ពេនីអែល» គែស​នាវ​ខ្លៃ​លាស​«មុស​មាត់​ឞ្រាស» យ៝រ​លាស​ពាង់​លាស៖ “គ៝ប់​លែៈ​ឆៃ​មា​មាត់​ងាន់​មុស​មាត់​កោរាញ​ឞ្រាស យើន​មា​ឆាក់​គ៝ប់​នើម​ហោម​អែ​រេស”។
GEN 32:31 នារ​លែៈ​លោស យាកោប​លោស​ហាន់​ឞើស​នតុក​ពេនូអែល​នៃ។ ពាង់​ហាន់​ដឹល​នទឹត​ដឹល​នទឹត យ៝រ​លាស​ងគាង​ឞុត​ពាង់​គ្លែត។
GEN 32:32 កើត​នទ្រី​ទឹង​ផូង​ក៝ន​ឆៅ​អីឆ្រាអែល​ត៝ត់​អាបៃ​អ្យា ខាន់​ពាង់​មោ​អោស​ឆា​ព្វាច់​មលៃ​តា​ងគាង​ឞុត យ៝រ​លាស​លែៈ​កោរាញ​ឞ្រាស​លើស​យាកោប​តា​ព្លាង់​ងគាង​ឞុត។
GEN 33:1 ជេសរី​យាកោប​ងគើរ​មាត់​អ្វាញ់ ឆៃ​អេឆាវ​ហាន់ នអ៝ប់​មា​គែស​ឞាល់​ពាង់ ៤០០ នុយ្ស​ហាន់​នទ្រែល​ពាង់​ដ៝ង់ ជេសរី​យាកោប​តឹម​ពាៈ​ក៝ន​អ៝ន់​មា​លេអា អ៝ន់​មា​រាចែល នទ្រែល​មា​អ៝ន់​មា​ឞូ​អូរ​ឆើម​កើល​ជាន​ការ​ឞារ​ហៃ​នៃ។
GEN 33:2 យាកោប​អ៝ន់​ឞូ​អូរ​ឆើម​កើល​ជាន​ការ​ឞារ​ហៃ​នៃ នទ្រែល​មា​ទឹង​លែៈ​ក៝ន​ខាន់​ពាង់​ហាន់​ល៝រ ជេសរី​លេអា នទ្រែល​មា​ទឹង​លែៈ​ក៝ន​ពាង់ ងគ្លែៈ​ទុត​ឞូ​រី​ពាង់​អ៝ន់​រាចែល​នទ្រែល​មា​យោឆែប​ហាន់។
GEN 33:3 យាកោប​នើម​រី​ពាង់​ហាន់​ឞើស​នាប់​ផូង​នៃ ពាង់​ហាន់​ពាន់​មឞាស​អា​នែស​ឆូ​ពើស​តឹ នហ៝​មា​ត៝ត់​ទាច់​អេឆាវ​នោ​ពាង់​រី។
GEN 33:4 អេឆាវ​ញច្វាត់​រាន​ពាង់ អូត​ពាង់ អូត​តា​ត៝ង​ក៝​ពាង់ ចុម​ពាង់ ជេសរី​ញុម​លែៈ​ឞារ​ហៃ។
GEN 33:5 អេឆាវ​អ្វាញ់​ឆៃ​ផូង​ឞូ​អូរ នទ្រែល​មា​ផូង​ក៝ន​ឆែ ពាង់​អោប៖ “ឞូ​ម៝ស​ផូង​គុ​នទ្រែល​មៃ​អ្យា?” យាកោប​អើស៖ “អ្យា​ក៝ន កោរាញ​ឞ្រាស​ទែ​អ៝ន់​មា​គ៝ប់​តាៈ​ឞើស​នាវ​អ្វែស​ពាង់នើម”។
GEN 33:6 ជេសរី​ឞូ​អូរ​ឆើម​កើល​ជាន​ការ​មា​ឞារ​ហៃ​អូរ​ពាង់​រី នទ្រែល​មា​ទឹង​លែៈ​ក៝ន​ខាន់​ពាង់​ហាន់​ពាន់​មឞាស​អេឆាវ​នៃ។
GEN 33:7 ជេស​នៃ​លេអា​នទ្រែល​មា​ទឹង​លែៈ​ក៝ន​ពាង់​ហាន់​ពាន់​មឞាស ងគ្លែៈ​ទុត​ឞើស​កើយ​យោឆែប នទ្រែល​មា​រាចែល​ហាន់​ពាន់​មឞាស​ដ៝ង់។
GEN 33:8 ជេសរី​អេឆាវ​អោប​យាកោប៖ “ម៝ស​ជាន​នទើ​មៃ​អី​អ៝ន់​ឞូ​លែវ​ម៝ប់​គ៝ប់​នទើស​នើស?” យាកោប​អើស៖ “គ៝ប់​លែវ​មា​ញជុន​អ៝ន់​មៃ​នោ គៃ​មា​នោ​យោៈ​គ៝ប់”។
GEN 33:9 អេឆាវ​លាស​មា​ពាង់៖ “អើ​អ៝ស គ៝ប់​ឞែ​លែៈ​គែស​អ៝ក់​ងាន់ មៃ​ឆ៝ៈ​នទើ​មៃ​នៃ​ព្រាប់​អ៝ន់​មា​មៃ​នើម​ទោ”។
GEN 33:10 យាកោប​អើស៖ “មោ​អោស​នទ្រី​នោ លាស​មៃ​យោៈ​គ៝ប់​ងាន់ មៃ​ទើន​នទើ​គ៝ប់​ញជុន​អ៝ន់​មា​មៃ​នៃ​ទោ។ ទោល​គ៝ប់​ឆៃ​មុស​មាត់​មៃ​តឹម​ឞាន​មា​ឆៃ​មុស​មាត់​កោរាញ​ឞ្រាស​ដ៝ង់ យ៝រ​លាស​លែៈ​មៃ​រ៝ម​គ៝ប់​មា​នាវ​អ្វែស​ដាប់​មពាន់។
GEN 33:11 លាស​នទ្រី​ទាន់​មៃ​ឆ៝ៈ​ទើន​ហ៝ម់​នទើ​គ៝ប់​ញជុន​អ៝ន់​មៃ​នៃ យ៝រ​លាស​លែៈ​កោរាញ​ឞ្រាស​អ៝ន់​គែស​ជេង​មា​គ៝ប់ អ៝ន់​គ៝ប់​គែស​ទ្រាប់​នទើ​អ៝ក់​រាមែស”។ ជេសរី​អេឆាវ​ឆ៝ៈ​ទើន​នទើ​នៃ យ៝រ​មា​យាកោប​ញច៝ប់​ពាង់​ងាន់។
GEN 33:12 អេឆាវ​លាស៖ “ហោៈ ហាន់​ហ៝ម់​ឞ៝ន់ គ៝ប់​ហាន់​នទ្រែល​មៃ”។
GEN 33:13 យាកោប​លាស​មា​ពាង់៖ “អើ​នោ មៃ​លែៈ​គឹត ឞ៝ន់​ឞ្រោៈ​ត្រ៝ង​ហាន់​នទ្រែល​ក៝ន​ឆែ​អ៝ស​ឞេ​មោ​គែស​អោស​អ្វែស គ៝ប់​គែស​ឞែ​ឞ្យាប់ គែស​ឞែ នទ្រែល​មា​គែស​នទ្រោក​ហោម​អែ​ក៝ន​ពូ​ត៝ស។ លាស​ឞ៝ន់​ញច៝ប់​អ៝ន់​ហាន់​ងាយ​អីរ​តា​ទូ​នារ ទឹង​លែៈ​មពោមពា​(ឆ្យុម)​នៃ​ខឹត​លែៈ​ផ្យៅ​រ៝។
GEN 33:14 លាស​នទ្រី​មៃ​ហាន់​ល៝រ​គ៝ប់​អី​ឞូនុយ្ស​ឆើម​កើល​ជាន​ការ​មា​មៃ​ទោស​នោ គ៝ប់​មា​ហាន់​មព្លេមៗ​ផូង​ក៝ន​ឆែ នទ្រែល​មា​មពោមពា​(ឆ្យុម) នហ៝​មា​ត៝ត់​គ៝ប់​តឹម​ម៝ប់​ដាស​មៃ​តា​ឞ្រី​ឆេអីរ​រី”។
GEN 33:15 អេឆាវ​លាស​មា​យាកោប៖ “លាស​នទ្រី​គ៝ប់​អ៝ន់​ឞាល់​គ៝ប់​ហាន់​នទ្រែល​មៃ​បាៈ​ទោស”។ យាកោប​អើស៖ “មោ​ច្រាវ​អោស​នោ មៃ​លែៈ​យោៈ​មា​គ៝ប់​កើត​នៃ​លែៈ​គាប់​ជេស”។
GEN 33:16 ជេសរី​អេឆាវ​ព្លឹ​ឆឹត​តា​ឞ្រី​ឆេអីរ​រី​នារ​នៃ​ដ៝ង់។
GEN 33:17 យើន​មា​យាកោប​មោ​អោស​ហាន់​តា​ឞ្រី​ឆេអីរ ពាង់​ហាន់​ត៝ត់​តា​ប៝ន​ឆូកោត​ច្រាវ។ ពាង់​ជាន​ទូ​មល៝ម់​ជៃ​មា​គុ​ពាង់​នើម នទ្រែល​មា​រាទ៝ក់​ងកឺប​មា​អ៝ន់​មពោមពា​(ឆ្យុម)​ពាង់​នើម​ដ៝ង់។ កើត​នទ្រី​ទឹង​ឞូ​ក្វាល់​នតុក​នៃ «ឆូកោត» គែស​នាវ​ខ្លៃ​លាស​«ចូន»។
GEN 33:18 ឞើស​កើយ​យាកោប​ឆឹត​ឞើស​ឞ្រី​ពាដាន-អារាម​នៃ ពាង់​ហាន់​តា​ប៝ន​ឆីកែម​ឞ្រី​កានាន​មា​នាវ​ដាប់​មពាន់ ជេសរី​ពាង់​រាទ៝ក់​ចូន​ឞ៝ក​តឹម​ទាច់​មា​ប៝ន​នៃ។
GEN 33:19 នែស​នតុក​ពាង់​ជាន​ចូន​ឞ៝ក​នៃ ពាង់​រាវាត់​តាៈ​ឞើស​ផូង​អ៝ស​ក៝ន​ហាម៝រ​អី​ឞឹ​ឆីកែម ខ្លៃ ១០០ កាក់​ព្រាក់។
GEN 33:20 ជេសរី​ពាង់​ជាន​ទូ​នតុក​មា​ជាន​ឞ្រាស​តា​នតុក​នៃ ពាង់​តេៈ​រាញា «អែលអែលោហេអីឆ្រាអែល» គែស​នាវ​ខ្លៃ​លាស​«កោរាញ​ឞ្រាស​ជេង​ឞ្រាស​អីឆ្រាអែល​យើក​មឞាស»។
GEN 34:1 ដីនា​អី​ក៝ន​លេអា​ឞាៈ​អ៝ន់​មា​យាកោប​នៃ​នើស ពាង់​ហាន់​ខ៝ល់​ផូង​ឞូ​អូរ​តា​ឞ្រី​នៃ។
GEN 34:2 ទោល​នៃ​គែស​ទូ​ហ្វេ​ឞូ​ក្លោ​រាញា​ឆីកែម​អី​ឞឹ​ពាង់​រាញា​ហាម៝រ​ផូង​ហីវី ជេង​កោរាញ​តា​ឞ្រី​នៃ ឆីកែម​ឆៃ​ដីនា ញុប​ត៝ម​គែស​អោឞាល់។
GEN 34:3 ពាង់​ទី​មាត់​ងាន់​មា​ដីនា​ក៝ន​យាកោប​រី ពាង់​រ៝ង់​ហោ​ងាន់​មា​ឞូ​អូរ​នៃ មឞើស​ងើយ​អ្វែសៗ​មា​ពាង់។
GEN 34:4 ឆីកែម​លាស​មា​ហាម៝រ​អី​ឞឹ​ពាង់​នៃ៖ “អើ​ឞឹ ដាៈ​មៃ​អោប​វាង់​ឞូ​អូរ​នៃ គ៝ប់​អុច​ឆ៝ៈ​ពាង់​ជេង​អូរ​គ៝ប់”។
GEN 34:5 យាកោប​លែៈ​គឹត​ជេស​ឆីកែម​លើស​អ្យើស​មា​ក៝ន​ឞូ​អូរ​ពាង់​រី យើន​មា​ពាង់​គុ​អ្យាត់​ឆាក់​រាក្លាក់​ទើម យ៝រ​លាស​ទឹង​លែៈ​ក៝ន​ឞូ​ក្លោ​ពាង់​ហោម​គុ​ច្យាប់​អា​ជា​រី​ទាទេ ពាង់​ក៝ប់​ត៝ត់​ខាន់​ពាង់​ឆឹត​ឞើស​រី។
GEN 34:6 យើន​មា​ហាម៝រ​អី​ឞឹ​ឆីកែម​រី ហាន់​តឹម​ម៝ប់​ដាស​យាកោប គៃ​មា​តឹម​ងើយ​នទ្រែល​ពាង់។
GEN 34:7 ត៝ត់​មា​ផូង​ក៝ន​យាកោប​ឆឹត​តាៈ​ឞើស​ច្យាប់​រី ខាន់​ពាង់​តាង់​នាវ​នៃ ខាន់​ពាង់​ទោស​នូយ្ស​ហោ​ងាន់​រ៝ ខាន់​ពាង់​ជី​នូយ្ស​ទុត​ហោ​មា​ឆីកែម​យ៝រ​មា​នទើ​ពាង់​លែៈ​ជាន​ទុត​បឹ​តា​រានាក់​វ៝ល់​យាកោប នាវ​ពាង់​ញុប​ត៝ម​ក៝ន​ឞូ​អូរ​យាកោប យ៝រ​លាស​នទើ​នៃ​ឞូ​មោ​អោស​ទី​មា​ជាន។
GEN 34:8 ហាម៝រ​ងើយ​មា​យាកោប នទ្រែល​មា​លែៈ​ក៝ន​ឞូ​ក្លោ​ពាង់៖ “ឆីកែម​ក៝ន​គ៝ប់ ពាង់​លែៈ​ទី​មាត់​ងាន់​មា​ក៝ន​ឞូ​អូរ​មៃ​នៃ គ៝ប់​ទាន់​ខាន់​មៃ​អ៝ន់​ឞូ​អូរ​នៃ​ដាស​ពាង់ ព្រែ​មា​ឆ៝ៈ​ជេង​អូរ។
GEN 34:9 អ៝ន់​ខាន់​មៃ​តឹម​រាង្លាប់​ដាស​ហេន​ទោ អ៝ន់​ក៝ន​ឞូ​អូរ​ខាន់​មៃ​តឹម​នអាប់​ដាស​ហេន ជេសរី​ហេន​ព្លើង​អ៝ន់​ក៝ន​ឞូ​អូរ​ហេន​តឹម​នអាប់​ដាស​ខាន់​មៃ​ដ៝ង់។
GEN 34:10 អ៝ន់​ខាន់​មៃ​គុ​នទ្រែល​ហេន​តា​អ្យា ឞ្រី​ហេន​ឆ៝យ្ស​មា​អ៝ន់​ខាន់​មៃ ខាន់​មៃ​គុ​ទោ​តា​ឞ្រី​អ្យា តាច់​រាគ៝ល់​ទ្រាប់​នទើ រាវាត់​នែស​មា​គែស​នតុក​ខាន់​មៃ​នើម​គុ”។
GEN 34:11 ជេសរី​ឆីកែម​ងើយ​មា​យាកោប នទ្រែល​មា​អី​នោៗ​ដីនា​រី​ដ៝ង់ ពាង់​លាស៖ “ទាន់​ខាន់​មៃ​យោៈ​មា​គ៝ប់ ម៝ស​នទើ​ខាន់​មៃ​កែស គ៝ប់​អ៝ន់​ទាទេ។
GEN 34:12 អ៝ន់​ខាន់​មៃ​កែស​នទើ​ខ្លៃ​ឞើស​គ៝ប់ មោ​លាស​កែស​ទ្រាប់​នទើ​ទុត​អ៝ក់​កាដោយ ម៝ស​នទើ​ខាន់​មៃ​កែស​ឞើស​នៃ​គ៝ប់​អ៝ន់​ទាទេ អ្យាត់​មា​ខាន់​មៃ​អ៝ន់​អ៝ស​ឞូ​អូរ​ខាន់​មៃ​នៃ​មា​ជេង​អូរ​គ៝ប់”។
GEN 34:13 ជេសរី​ផូង​ក៝ន​យាកោប​ព្លើង​អើស​នាវ​ឆីកែម នទ្រែល​មា​នាវ​ហាម៝រ​អី​ឞឹ​រី ខាន់​ពាង់​អុច​នទើម យ៝រ​លាស​ឆីកែម​លែៈ​ជាន​អ្យើស​មា​ដីនា​អ៝ស​ខាន់​ពាង់​នៃ ខាន់​ពាង់​លាស៖
GEN 34:14 “មោ​ទើយ​អោស​ហេន​អ៝ន់​អ៝ស​ហេន​មា​ផូង​ឞូ​ក្លោ​មោ​គែស​ក៝ស​នតោ។ លាស​ហេន​ជាន​កើត​នអា ហេន​ដីត​ព្រេង​ទុត​ហោ​ងាន់​រ៝។
GEN 34:15 លាស​ខាន់​មៃ​អុច​ក៝ស​នតោ​កើត​ហេន ទឹង​លែៈ​ផូង​ឞូ​ក្លោ​តា​ផូង​ខាន់​មៃ​អ៝ន់​ក៝ស​នតោ​ទាទេ​ដ៝ង់ រី​មើ​ហេន​ឆ៝ៈ​ទើន​នាវ​ខាន់​មៃ​នៃ។
GEN 34:16 ទឹង​ហេន​អ៝ន់​ក៝ន​ឞូ​អូរ​ហេន​មា​ខាន់​មៃ តៃ​ហេន​ព្លើង​ឆ៝ៈ​ក៝ន​ឞូ​អូរ​ខាន់​មៃ​ដ៝ង់ ទឹង​ហេន​គុ​នទ្រែល​មា​ខាន់​មៃ ជេសរី​ឞ៝ន់​នហ៝​មា​ជេង​ទូ​ផូង​ទើម។
GEN 34:17 យើន​មា​លាស​ខាន់​មៃ​មោ​អុច​ក៝ស​នតោ​កើត​ហេន ហេន​ឆ៝ៈ​លើយ​អ៝ស​ឞូ​អូរ​ហេន ជេសរី​ទូ​ឞើស​នតុក​អ្យា”។
GEN 34:18 នាវ​ងើយ​នៃ​ទី​នូយ្ស​ក្លឺៈ​ងាន់​មា​ហាម៝រ នទ្រែល​មា​ឆីកែម​ក៝ន​ពាង់​រី។
GEN 34:19 ឆីកែម​មោ​ហោម​អោស​រ៝ង​ក៝ប់​ជ៝ៈ​ដ៝ង់​ជាន​នាវ​នៃ យ៝រ​លាស​ពាង់​រ៝ង់​ហោ​ងាន់​មា​ក៝ន​ឞូ​អូរ​យាកោប។ តា​រានាក់​វ៝ល់​ហាម៝រ​រី​ឞូ​យើក​ឆីកែម​រាលាវ​ឞូ។
GEN 34:20 ជេសរី​ហាម៝រ នទ្រែល​មា​ឆីកែម​ក៝ន​ពាង់​ហាន់​ត៝ត់​តា​មពោង​មពេរ​ប៝ន​ខាន់​ពាង់​នើម លាស​មា​ផូង​ឞូ​ក្លោ​តា​ប៝ន​នៃ៖
GEN 34:21 “ផូង​ខាន់​ពាង់​នៃ​អុច​គុ​ដាប់​មពាន់​នទ្រែល​ឞ៝ន់ លាស​នទ្រី​រ៝ម​ខាន់​ពាង់ អ៝ន់​ខាន់​ពាង់​គុ​តា​ឞ្រី​អ្យា​តាច់​រាគ៝ល់​ទ្រាប់​នទើ​នទ្រែល​ឞ៝ន់​ទោ យ៝រ​លាស​នែស​ឞ៝ន់​ហ្វី​ដ៝ង់ ត៝ង់​មា​រ៝ម​អ៝ន់​ខាន់​ពាង់​គុ។ អ៝ន់​ឞ៝ន់​ឆ៝ៈ​ក៝ន​ឞូ​អូរ​ខាន់​ពាង់​មា​ជេង​អូរ ជេសរី​អ៝ន់​ក៝ន​ឞូ​អូរ​ឞ៝ន់​មា​ខាន់​ពាង់​មា​ជេង​អូរ​ដ៝ង់។
GEN 34:22 យើន​មា​ទឹង​ខាន់​ពាង់​អុច​គុ​នទ្រែល​ឞ៝ន់ គៃ​មា​ជេង​ទូ​ផូង អ៝ន់​ទឹង​លែៈ​ផូង​ឞូ​ក្លោ​តា​ផូង​ឞ៝ន់​ក៝ស​នតោ​អ៝ន់​កើត​ខាន់​ពាង់​ដ៝ង់​មើ។
GEN 34:23 លាស​ឞ៝ន់​ជាន​កើត​នៃ ទឹង​លែៈ​ទ្រាប់​នទើ​ខាន់​ពាង់ នទ្រែល​មា​មពោមពា​(ឆ្យុម)​ខាន់​ពាង់​ជេង​ទ្រាប់​នទើ​ឞ៝ន់​ទាទេ​រ៝។ ហោៈ អ៝ន់​ឞ៝ន់​ជាន​កើត​នាវ​ខាន់​ពាង់​ទាន់ អ៝ន់​ខាន់​ពាង់​គុ​នទ្រែល​ឞ៝ន់”។
GEN 34:24 ទឹង​លែៈ​ឞូ​ក្លោ​តា​ប៝ន​នៃ ខាន់​ពាង់​អ្យាត់​នាវ​ហាម៝រ នទ្រែល​មា​ឆីកែម​ក៝ន​ពាង់​រី ជេសរី​ទឹង​លែៈ​ផូង​ឞូ​ក្លោ​តា​ប៝ន​អី​នៃ​ក៝ស​នតោ​ទាទេ។
GEN 34:25 ត៝ត់​ពែ​នារ​រី ទឹង​លែៈ​ឞូ​ក្លោ​តា​ប៝ន​នៃ​ហោម​ជី​ទាទេ ជេសរី​ក៝ន​យាកោប​ឞារ​ហៃ ឆីមោន នទ្រែល​មា​លេវី​អី​នោ​ទូ​មែ​ឞាៈ​មា​ដីនា​រី ខាន់​ពាង់​ញអោត​ដាវ​ហាន់​លាប់​តា​ត្រោម​ប៝ន​នៃ ឆ្រែស​ទឹង​លែៈ​ផូង​ឞូ​ក្លោ​តា​ប៝ន​នៃ​លែៈ​ផ្យៅ មោ​គែស​អោស​ទូ​ហ្វេ​មា​តឹម​រាទ៝ង់​ដាស​ខាន់​ពាង់។
GEN 34:26 ខាន់​ពាង់​ងខឹត​ហាម៝រ នទ្រែល​មា​ឆីកែម​ក៝ន​ពាង់​រី​មា​ដាវ ជេសរី​ឆ៝ៈ​ដីនា​លោស​ឞើស​ជៃ​ឆីកេម​នៃ ឆឹត​តា​នតុក​ខាន់​ពាង់​នើម។
GEN 34:27 ទឹង​លែៈ​ក៝ន​ឞូ​ក្លោ​យាកោប​អាបាៈ​អេង ខាន់​ពាង់​ហាន់​ត៝ត់​តា​ផូង​ឞូនុយ្ស​ខឹត​រី ជេសរី​លាប់​ឆ៝ៈ​គ្រ៝​ទ្រាប់​នទើ​តា​ប៝ន​នៃ​ញច្វាន់​លែៈ​ផ្យៅ យ៝រ​លាស​ឞូនុយ្ស​តា​ប៝ន​នៃ​លែៈ​ជាន​អ្យើស​អ៝ន់​មា​ដីនា។
GEN 34:28 ខាន់​ពាង់​ឆ៝ៈ​លែៈ​ឞែ​ឞ្យាប់ ឆ៝ៈ​លែៈ​ឞែ ឆ៝ៈ​លែៈ​នទ្រោក ឆ៝ៈ​លែៈ​ឆែស​លៀ​តា​ប៝ន នអ៝ប់​មា​តា​មីរ។
GEN 34:29 ខាន់​ពាង់​ឆ៝ៈ​ញច្វាន់​លែៈ​ផ្យៅ​ទ្រាប់​នទើ​ឞូនុយ្ស​តា​ប៝ន​នៃ ញុប​អូរ​ញុប​ក៝ន​ដ៝ង់ នទ្រែល​មា​ទឹង​លែៈ​ទ្រាប់​នទើ​តា​ញីស​ជៃ​ខាន់​ពាង់​ឆ៝ៈ​រាគូម​លែៈ​ផ្យៅ។
GEN 34:30 ជេសរី​យាកោប​លាស​មា​ឆីមោន នទ្រែល​មា​លេវី​ក៝ន​ពាង់​រី៖ “ខាន់​មៃ​ជាន​អ៝ន់​គ៝ប់​គែស​នាវ​រាវៃ​ងាន់ ជាន​អ៝ន់​ផូង​កានាន នទ្រែល​មា​ផូង​ពេរិឆីត​តា​ឞ្រី​អ្យា​ឞូ​ជី​ឞ្យាញ់​មា​គ៝ប់។ លាស​ឞូ​រាគូម​ឞាល់​ហាន់​លើស​គ៝ប់ ខាន់​ពាង់​មរា​ងគ្រ៝ស​លើយ​គ៝ប់ នទ្រែល​មា​រានាក់​វ៝ល់​គ៝ប់ យ៝រ​លាស​ឞាល់​គ៝ប់​គែស​ដេៈ​ទើម”។
GEN 34:31 យើន​មា​ឞារ​ហៃ​ខាន់​ពាង់​អើស​មា​ពាង់៖ “ហេន​មោ​អុច​អោស​ឞូ​ជាន​មា​អ៝ស​ហេន​តឹម​ឞាន​មា​ទូ​ហ្វេ​ឞូ​អូរ​វាង់​តឹរ”។
GEN 35:1 ជេសរី​កោរាញ​ឞ្រាស​លាស​មា​យាកោប៖ “មៃ​លោស​ឞើស​នតុក​អ្យា ហាន់​ទូ​តា​ប៝ន​បេតអែល​រី គុ​តា​នតុក​នៃ ជេង​នតុក​គ៝ប់​លែៈ​តឹម​មពើល​មា​មៃ ទោល​មៃ​ទូ​ញច្វាត់​ឞើស​អេឆាវ​នោ​មៃ​នើស។ តា​នតុក​នៃ​អ៝ន់​មៃ​ជាន​នតុក​ជាន​ឞ្រាស​មា​ញហើរ​នទើ​មា​គ៝ប់”។
GEN 35:2 ជេសរី​យាកោប​លាស​មា​ផូង​រានាក់​វ៝ល់​ពាង់ នទ្រែល​មា​ទឹង​លែៈ​ឞូនុយ្ស​គុ​ដាស​ពាង់៖ “ទឹង​លែៈ​រូប​ឞ្រាស​ផូង​ឞូ​នាច់​តា​ផូង​ខាន់​មៃ អ៝ន់​ខាន់​មៃ​មអារ់​លើយ​អ៝ន់​លែៈ ជេសរី​រាវ​ឆាក់​ខាន់​មៃ​នើម​អ៝ន់​ក្ល៝ស នទ្រែល​មា​តើស​លើយ​ឞ៝ក​អាវ​ខាន់​មៃ​នៃ ញឆ៝ស​ឞ៝ក​អាវ​អី​អ្វែស អី​មោ​អោស​គែស​រាមាវ។
GEN 35:3 ឞ៝ន់​ហាន់​ទូ​តា​ប៝ន​បេតអែល​រី។ តា​នតុក​នៃ​គ៝ប់​ជាន​នតុក​ជាន​ឞ្រាស​មា​គុច​ពូរ​នទើ​ញហើរ​មា​កោរាញ​ឞ្រាស មា​នើម​លែៈ​កើល​តឹង​នាវ​គ៝ប់​ទាន់​ទោល​គ៝ប់​គែស​នាវ​ជេរ​នើស ជេសរី​អាប់​នតុក​គ៝ប់​ហាន់​ពាង់​គុ​នទ្រែល​គ៝ប់​ដ៝ង់”។
GEN 35:4 ជេស​យាកោប​លាស​កើត​នៃ ខាន់​ពាង់​ឆ៝ៈ​ទឹង​លែៈ​រូប​ឞ្រាស​អី​ខាន់​ពាង់​គែស នទ្រែល​មា​ទ្រ៝ស​រាគេន​ឞើស​តោរ​ខាន់​ពាង់​នើម​រី នទឹ​អ៝ន់​មា​យាកោប​លែៈ​ផ្យៅ។ ជេសរី​យាកោប​ឆ៝ៈ​លែៈ​នទើ​នៃ ពាង់​កុយ្ស​នែស​ត៝ប់​តា​ន៝ម់​តើម​ឆី​ក្វ៝ង់​ពោថិ​កេង​ប៝ន​ឆីកែម​រី។
GEN 35:5 ជេស​ឞើស​នៃ​ខាន់​ពាង់​លែវ​ឞាល់​ហាន់​ទ្រឺម។ ទឹង​លែៈ​ប៝ន​ទាច់ៗ​តា​ប៝ន​នៃ​កោរាញ​ឞ្រាស​ជាន​អ៝ន់​ផូង​ខាន់​ពាង់​ក្លាច​ញឆ៝រ់​ហោ​ងាន់ នហ៝​មា​មោ​អោស​ឞាញ់​ហាន់​តឹង​ផូង​អ៝ស​ក៝ន​យាកោប​រី។
GEN 35:6 ជេសរី​យាកោប នទ្រែល​មា​ទឹង​លែៈ​ផូង​ហាន់​ដាស​ពាង់​ហាន់​ត៝ត់​តា​ប៝ន​លុស​ឞ្រី​កានាន ជេង​ប៝ន​បេតអែល​ដ៝ង់។
GEN 35:7 តា​នតុក​នៃ​យាកោប​ជាន​នតុក​ជាន​ឞ្រាស​អី​នៃ ពាង់​តេៈ​រាញា​នតុក​នៃ «កោរាញ​ឞ្រាស​បេតអែល» យ៝រ​លាស​តា​នតុក​នៃ​កោរាញ​ឞ្រាស​តឹម​មពើល​មា​ពាង់ ទោល​ពាង់​ញច្វាត់​ឞើស​នោ​ពាង់​នើស។
GEN 35:8 នោក​នៃ​ដេបោរា​ខឹត ពាង់​ជេង​ឞូនុយ្ស​មពូ​ត៝ស​អ៝ន់​មា​រេបេកា​នោក​ហោម​អ៝ស​ឞេ ជេសរី​ឞូ​ត៝ប់​ពាង់​តា​ញជ៝ង់​យោក​បេតអែល តា​ន៝ម់​ទូ​មល៝ម់​តើម​ជ្រី ឞូ​ក្វាល់​លាស «តើម​ជ្រី​ញុម​រាង៝ត»។
GEN 35:9 នោក​នៃ​យាកោប​លែៈ​ព្លឹ​ឆឹត​តាៈ​ឞើស​ឞ្រី​ពាដាន-អារាម​រី ជេសរី​កោរាញ​ឞ្រាស​តឹម​មពើល​តៃ​មា​ពាង់​ទូ​តឹ​ជឹត​តា​បេតអែល​នៃ នហ៝​មា​កោរាញ​ឞ្រាស​ទែ​អ៝ន់​គែស​ជេង​មា​ពាង់‌
GEN 35:10 លាស​មា​ពាង់​កើត​នអា៖ “មៃ​រាញា​យាកោប យើន​មា​ឞូ​មោ​ហោម​អោស​ក្វាល់​មៃ​យាកោប​ជឹត ឞូ​ក្វាល់​មៃ​អីឆ្រាអែល”។ កើត​នទ្រី​កោរាញ​ឞ្រាស​តេៈ​រាញា​ពាង់​អីឆ្រាអែល។
GEN 35:11 កោរាញ​ឞ្រាស​លាស​មា​ពាង់​ជឹត៖ “គ៝ប់​អ្យា​អី​ឞ្រាស​ទុត​គែស​នាវ​ទើយ អ៝ន់​មៃ​គែស​ក៝ន​គែស​ឆៅ​ឞឹក​រឹ​អ៝ន់​អ៝ក់។ មរា​គែស​ទូ​ផូង​ឞូនុយ្ស​តាៈ​ឞើស​មៃ នហ៝​មា​អ៝ក់​ផូង​អេងៗ​ជឹត​អី​គែស​តាៈ​ឞើស​មៃ មរា​គែស​កាដាច់​អ៝ក់​គែស​តាៈ​ឞើស​មៃ​ដ៝ង់។
GEN 35:12 ឞ្រី​អី​លែៈ​គ៝ប់​ត៝ន​អ៝ន់​មា​អាឞ្រាហាម់  នទ្រែល​មា​អីឆាក់​នៃ គ៝ប់​អ៝ន់​ឞ្រី​នៃ​មា​មៃ​នហ៝​រ៝​ត៝ត់​ក៝ន​ត៝ត់​ឆៅ​មៃ​ដ៝ង់”។
GEN 35:13 ជេសរី​កោរាញ​ឞ្រាស​ហាវ​ឆឹត​ឞើស​នតុក​នៃ ឞើស​នតុក​ពាង់​ងើយ​ដាស​យាកោប​នៃ​នើស។
GEN 35:14 ជេសរី​យាកោប​រាទ៝ក់​លុ​ជាន​ងគ៝ង់​តា​ព្លាង់​នតុក​កោរាញ​ឞ្រាស​ទែ​ងើយ​មា​ពាង់​នៃ​នើស ពាង់​ត៝ៈ​ហ៝ច​ទាក​នទ្រាញ់​ព្លៃ​យុងយារ​ប៝ន នទ្រែល​មា​ត៝ៈ​ទាក​ងី​តា​កាលើ​លុ​រី។
GEN 35:15 នទ្រី​យាកោប​តេៈ​រាញា​នតុក​កោរាញ​ឞ្រាស​ទែ​ងើយ​មា​ពាង់​នៃ​នើស «បេតអែល»។
GEN 35:16 ជេសរី​យាកោប​លែវ​រានាក់​វ៝ល់​ពាង់​ទូ​ឞើស​បេតអែល។ ហោម​ដេៈ​មា​ត៝ត់​តា​ប៝ន​អេប្រាតារាចែល​គុ​អ៝ស​ទុត​ជេរ​ងាន់។
GEN 35:17 ទោល​ពាង់​គុ​អ៝ស​គែស​នាវ​ជេរ​នៃ ឞូនុយ្ស​ញអោត​នទុល​លាស​មា​ពាង់៖ “អៃ​លើយ​ក្លាច យ៝រ​លាស​អៃ​គែស​តៃ​ទូ​មល៝ម់​ក៝ន​ឞូ​ក្លោ​ជឹត”។
GEN 35:18 ទោល​រាចែល​ឞើយ​តាច់​នហ៝ម់ ពាង់​តេៈ​រាញា​ក៝ន​នៃ «បែន-​អោនី» រាឞ្លាង​នាវ​នៃ «ក៝ន​ឞូ​ក្លោ​នាវ​រាង៝ត​គ៝ប់» យើន​មា​ឞឹ​ពាង់​តេៈ​រាញា​ក៝ន​នៃ «បែនយាមឹន» រាឞ្លាង​នាវ​នៃ «ក៝ន​ឞូ​ក្លោ​តី​ឞើស​មា»។
GEN 35:19 រាចែល​ខឹត ជេសរី​ឞូ​ត៝ប់​ពាង់​រ៝ៈ​ត្រ៝ង​ហាន់​ជឹត​ប៝ន​អេប្រាតា ជេង​ប៝ន​បេតលេហឹម​ដ៝ង់។
GEN 35:20 យាកោប​រាទ៝ក់​លុ​ជាន​ងគ៝ង់​តា​ឞើស​លើ​មោច​រាចែល​រី ជេង​ងគ៝ង់​មោច​រាចែល​នហ៝​មា​ហោម​ត៝ត់​អាបៃ​រី។
GEN 35:21 ជេសរី​យាកោប​អី​គែស​រាញា​អីឆ្រាអែល​ដ៝ង់​ហាន់​ឞើស​នតុក​នៃ ពាង់​រាទ៝ក់​ចូន​ឞើស​នាប់​មិកដាល-​អេដើរ​តី។
GEN 35:22 ទោល​អីឆ្រាអែល​គុ​តា​ឞ្រី​នៃ រូបេន​ឞិច​នទ្រែល​មា​បិលហា​អូរ​ចោង​ឞឹ​ពាង់​នើម ជេសរី​អីឆ្រាអែល​តាង់​ឞូ​ងក៝ច​នាវ​នៃ។ យាកោប​គែស​ក៝ន​ឞូ​ក្លោ ១២ នុយ្ស
GEN 35:23 តា​នៃ​ក៝ន​លេអា​គែស​រូបេន​ជេង​ក៝ន​ឞោក​ទាក ជេសរី​គែស​ឆីមោន គែស​លេវី គែស​យូដា គែស​អីឆាខារ នទ្រែល​មា​គែស​ឆាប់យូលោន។
GEN 35:24 ក៝ន​រាចែល តា​នៃ​គែស​យោឆែប នទ្រែល​មា​បែនយាមឹន។
GEN 35:25 ក៝ន​បិលហា អី​ឞូ​អូរ​ឆើម​កើល​ជាន​ការ​មា​រាចែល តា​នៃ​គែស​ដាន នទ្រែល​មា​នាប់តាលី។
GEN 35:26 ក៝ន​ឞូ​ក្លោ​ឆិលផា អី​ឞូ​អូរ​ឆើម​កើល​ជាន​ការ​មា​លេអា តា​នៃ​គែស​កាត នទ្រែល​មា​អាឆើរ។ ទឹង​លែៈ​ផូង​នៃ​ជេង​ក៝ន​ឞូ​ក្លោ​យាកោប ទែស​តា​ឞ្រី​ពាដាន-អារាម​រី​នើស។
GEN 35:27 ជេសរី​យាកោប​ត៝ត់​តា​នតុក​អីឆាក់​ឞឹ​ពាង់​នើម​គុ​តា​ប៝ន​មាម់រេ ជេង​ប៝ន​ខិរយាត់-អារបា ជេង​ប៝ន​ហេប្រ៝ន ជេង​នតុក​ប៝ន​អាឞ្រាហាម់  នទ្រែល​មា​អីឆាក់​វែស​គុ។
GEN 35:28 អីឆាក់​រេស​គែស ១៨០ នាម់
GEN 35:29 ជេសរី​ខឹត គុ​នទ្រែល​ផូង​ចែ​ពាង់ ពាង់​រេស​នើស​លែៈ​ជ៝ៈ​នាម់ នទ្រែល​មា​លែៈ​រាញ​ងាន់​ដ៝ង់។ ជេសរី​អេឆាវ នទ្រែល​មា​យាកោប​ក៝ន​ពាង់​ត៝ប់​ពាង់។
GEN 36:1 អ្យា​នាវ​ងក៝ច​យៅ​មា​ផូង​ក៝ន​ឆៅ​អេឆាវ ឞូ​ក្វាល់​ពាង់​ជេង​អេដ៝ម់​ដ៝ង់។
GEN 36:2 អេឆាវ​ឆ៝ៈ​អូរ​តា​ក៝ន​ឞូ​អូរ​ឞ្រី​កានាន តា​នៃ​គែស​អាដា​អី​ក៝ន​អេលោន​ជេង​ផូង​ហេត គែស​អោហោលីបាមា​អី​ក៝ន​អានា​អី​ឆៅ​ឆីបៀន​ជេង​ផូង​ហីវី
GEN 36:3 នទ្រែល​មា​បាសមាត​អី​ក៝ន​អីសមាអែល ជេង​អី​អ៝ស​នេបាយោត។
GEN 36:4 អាដា​ឞាៈ​អេលីផាស​មា​អេឆាវបាសមាត​ឞាៈ​រេហូល
GEN 36:5 ជេសរី​អោហោលីបាមា​ឞាៈ​យេអុស ឞាៈ​យាលាម នទ្រែល​មា​ឞាៈ​កោរា។ ទឹង​លែៈ​ផូង​នៃ​ជេង​ក៝ន​ឞូ​ក្លោ​អេឆាវ​ទែស​តា​ឞ្រី​កានាន។
GEN 36:6 អេឆាវ​លែវ​អូរ​លែវ​ក៝ន​ពាង់ លែវ​ទឹង​លែៈ​ឞូនុយ្ស​អី​គុ​នទ្រែល​ពាង់ នទ្រែល​មា​មពោមពា​(ឆ្យុម)​ផូង​ពាង់ នអ៝ប់​មា​ទឹង​លែៈ​ទ្រាប់​នទើ​ពាង់​គែស​ទោល​ពាង់​គុ​តា​ឞ្រី​កានាន​នៃ ជេសរី​ពាង់​ហាន់​គុ​តា​ឞ្រី​អេង​ជឹត ជេង​តឹម​បាស​ងាយ​ដាស​មា​យាកោប​អី​អ៝ស​ពាង់​នើម។
GEN 36:7 ទឹង​ពាង់​ហាន់​កើត​នៃ យ៝រ​លាស​ខាន់​ពាង់​នទ្រ៝ង់​ងាន់ មពោមពា​(ឆ្យុម)​ផូង​ឞារ​ហៃ​ខាន់​ពាង់​នៃ​មោ​អោស​ត៝ង់​មា​គុ​នតុក​នៃ កើត​នទ្រី​ខាន់​ពាង់​គុ​នទ្រែល​មោ​ជេង​អោស។
GEN 36:8 ជេសរី​អេឆាវ​គុ​រ៝ៈ​យោក​ឆេអីរ។ អេឆាវ​នៃ​គែស​រាញា​អេដ៝ម់​ដ៝ង់។
GEN 36:9 អ្យា​ជេង​មឞើស​ងក៝ច​រាន៝យ​ទែស​ផូង​ក៝ន​ឆៅ​អេឆាវ ជេង​ចែ​តើម​មា​ផូង​អេដ៝ម់​គុ​រ៝ៈ​ឞ្រី​យោក​ឆេអីរ។
GEN 36:10 គែស​រាញា​ឆាក់​ផូង​ក៝ន​ឆៅ​ឞូ​ក្លោ​អេឆាវ៖ តា​នៃ​គែស​អេលីផាស​ក៝ន​អាដា​អូរ​អេឆាវ។ រេហូល​ក៝ន​បាសមាត​អូរ​អេឆាវ។
GEN 36:11 អ្យា​ជេង​ផូង​ក៝ន​អេលីផាស៖ តា​នៃ​គែស​ថេមាន គែស​អោមារ គែស​ឆេផោ គែស​កាថាម នទ្រែល​មា​កេនាស។
GEN 36:12 អេលីផាស​ក៝ន​អេឆាវ ពាង់​គែស​អូរ​ចោង​រាញា​ថិមនាថិមនា​នៃ​ទែស​អាមាលេក។ ទឹង​លែៈ​ផូង​នៃ​ជេង​ក៝ន​អាដា​អូរ​អេឆាវ។
GEN 36:13 អ្យា​ជេង​ផូង​ក៝ន​ឞូ​ក្លោ​រេហូល៖ តា​នៃ​គែស​នាហាត គែស​ឆេរាស គែស​ឆាម់មា នទ្រែល​មា​មីឆា។ ទឹង​លែៈ​ផូង​នៃ​ជេង​ក៝ន​ឆៅ​បាសមាត​អូរ​អេឆាវ​ដ៝ង់។
GEN 36:14 អ្យា​ជេង​ផូង​ក៝ន​ឞូ​ក្លោ​អោហោលីបាមា​អី​អូរ​អេឆាវ​ក៝ន​អានា​ឆៅ​ឆីបៀន៖ ពាង់​ឞាៈ​ក៝ន តា​នៃ​គែស​យេអុសយាលាម នទ្រែល​មា​កោរា។
GEN 36:15 អ្យា​ជេង​មពោល​កោរាញ​តា​ផូង​ក៝ន​ឆៅ​អេឆាវ។ ជេសរី​មពោល​កោរាញ​តា​ផូង​ក៝ន​ឆៅ​អេលីផាស​ក៝ន​ទាក​ឞោក​អេឆាវ៖ តា​នៃ​គែស​ថេមាន គែស​អោមារ គែស​ឆេផោ គែស​កេនាស‌
GEN 36:16 គែស​កោរា គែស​កាថាម នទ្រែល​មា​អាមាលេក។ ទឹង​លែៈ​មពោល​កោរាញ​នៃ​ជេង​ក៝ន​អេលីផាស​តា​ឞ្រី​អេដ៝ម់ ជេង​ក៝ន​ឆៅ​អាដា​ទាទេ។
GEN 36:17 អ្យា​ជេង​មពោល​កោរាញ​តា​ផូង​ក៝ន​ឆៅ​រេហូល​ក៝ន​អេឆាវ៖ តា​នៃ​គែស​នាហាត គែស​ឆេរាស គែស​ឆាម់មា គែស​មីឆា។ ទឹង​លែៈ​មពោល​កោរាញ​នៃ​ជេង​ក៝ន​រេហូល​តា​ឞ្រី​អេដ៝ម់ ជេង​ក៝ន​ឆៅ​បាសមាត​អូរ​អេឆាវ។
GEN 36:18 អ្យា​ជេង​មពោល​កោរាញ​តា​ផូង​ក៝ន​ឆៅ​អោហោលីបាមា​អូរ​អេឆាវ៖ តា​នៃ​គែស​យេអុស គែស​យាលាម នទ្រែល​មា​គែស​កោរា។ ទឹង​លែៈ​មពោល​កោរាញ​នៃ​ជេង​ក៝ន​ឆៅ​អោហោលីបាមា​អូរ​អេឆាវ ក៝ន​អានា។
GEN 36:19 ទឹង​លែៈ​មពោល​នៃ​ជេង​ក៝ន​ឆៅ​អេឆាវ នទ្រែល​មា​ជេង​កោរាញ​ខាន់​ពាង់។ អេឆាវ​នៃ​ពាង់​រាញា​អេដ៝ម់​ដ៝ង់។
GEN 36:20 អ្យា​ជេង​មពោល​ក៝ន​ឞូ​ក្លោ​ឆេអីរ​ផូង​ហោរី​អី​គុ​តា​ឞ្រី​អេដ៝ម់​នៃ៖ តា​នៃ​គែស​លោថាន គែស​ឆោបាល គែស​ឆីបៀន គែស​អានា‌
GEN 36:21 គែស​ដីឆ៝ន គែស​អេឆើរ នទ្រែល​មា​ដីឆាន។ ទឹង​លែៈ​មពោល​កោរាញ​នៃ​ជេង​ក៝ន​ឆៅ​ឆេអីរ​ផូង​ហោរី​តា​ឞ្រី​អេដ៝ម់​ទាទេ។
GEN 36:22 ក៝ន​ឞូ​ក្លោ​លោថាន៖ តា​នៃ​គែស​ហោរី នទ្រែល​មា​ហេមាម។ ជេសរី​អី​អ៝ស​ឞូ​អូរ​លោថាន​រាញា​ថិមនា។
GEN 36:23 អ្យា​ជេង​មពោល​ក៝ន​ឞូ​ក្លោ​ឆោបាល៖ តា​នៃ​គែស​អាលវាន គែស​មានាហាត គែស​អេបាល គែស​ឆេផោ នទ្រែល​មា​អោនាម។
GEN 36:24 អ្យា​ជេង​មពោល​ក៝ន​ឞូ​ក្លោ​ឆីបៀន៖ តា​នៃ​គែស​អៃយា នទ្រែល​មា​អានាអានា​អ្យា​ឆៃ​ទាក​តូ​តា​ឞ្រី​រាទាស ទាក​អី​នៃ​ទោស ទោល​ពាង់​ច្យាប់​ឆែស​លៀ​ឆីបៀន​ឞឹ​ពាង់​នើម។
GEN 36:25 អ្យា​ជេង​មពោល​ក៝ន​អានា៖ តា​នៃ​គែស​ដីឆ៝ន នទ្រែល​មា​អោហោលីបាមា​ជេង​ក៝ន​ឞូ​អូរ។
GEN 36:26 អ្យា​ជេង​មពោល​ក៝ន​ឞូ​ក្លោ​ដីឆ៝ន៖ តា​នៃ​គែស​ហែមដាន គែស​អែសបាន គែស​យិតរាន នទ្រែល​មា​កេរាន។
GEN 36:27 អ្យា​ជេង​មពោល​ក៝ន​ឞូ​ក្លោ​អេឆើរ៖ តា​នៃ​គែស​បិលហាន គែស​ឆាវាន នទ្រែល​មា​អាកាន។
GEN 36:28 អ្យា​ជេង​មពោល​ក៝ន​ឞូ​ក្លោ​ដីឆាន៖ តា​នៃ​គែស​អុស នទ្រែល​មា​អារាន។
GEN 36:29 អ្យា​ជេង​មពោល​កោរាញ​តា​ផូង​ហោរី៖ តា​នៃ​គែស​លោថាន គែស​ឆោបាល គែស​ឆីបៀន គែស​អានា‌
GEN 36:30 គែស​ដីឆ៝ន គែស​អេឆើរ នទ្រែល​មា​ដីឆាន។ ទឹង​លែៈ​មពោល​នៃ​ជេង​កោរាញ​មា​ផូង​ហោរី​តា​ឞ្រី​ឆេអីរ។
GEN 36:31 នោក​ផូង​ក៝ន​ឆៅ​អីឆ្រាអែល​មោ​ហ៝ៈ​អោស​គែស​កាដាច់​ម៝ត់​អ្វាញ់ អ្យា​ជេង​មពោល​កាដាច់​លែៈ​គែស​តា​ឞ្រី​អេដ៝ម់៖
GEN 36:32 បេលា​ក៝ន​បេអ៝រ​ពាង់​ជេង​កាដាច់​ម៝ត់​អ្វាញ់​ឞ្រី​អេដ៝ម់ គុ​តា​ប៝ន​ដីនហាបា។
GEN 36:33 ត៝ត់​លែៈ​ខឹត​បេលា គែស​យោបាប​ក៝ន​ឆេរាស​តាៈ​ឞើស​ប៝ន​បោសរា​ពាង់​ត្រ៝ៈ​ជេង​កាដាច់។
GEN 36:34 ត៝ត់​លែៈ​ខឹត​យោបាប គែស​ហូឆាម​តាៈ​ឞើស​ឞ្រី​ផូង​ថេមាន​ពាង់​ត្រ៝ៈ​ជេង​កាដាច់។
GEN 36:35 ត៝ត់​លែៈ​ខឹត​ហូឆាម គែស​ហាដាត​ក៝ន​បេដាត​ពាង់​ត្រ៝ៈ​ជេង​កាដាច់ រាញា​ប៝ន​ពាង់​អាវីត កាដាច់​អី​នៃ​តឹម​លើស​ដាស​ផូង​មីដៀន​តា​ឞ្រី​មោអាប់​ទើយ​ពាង់។
GEN 36:36 ត៝ត់​លែៈ​ខឹត​ហាដាត គែស​ឆាម់លា​តាៈ​ឞើស​ប៝ន​មាសរេកា​ពាង់​ត្រ៝ៈ​ជេង​កាដាច់។
GEN 36:37 ត៝ត់​លែៈ​ខឹត​ឆាម់លា គែស​ឆោល​តាៈ​ឞើស​ប៝ន​រេហោបោត​ទាច់​ដាស​ទាក​រាលាយ​អើប្រាត​ពាង់​ត្រ៝ៈ​ជេង​កាដាច់។
GEN 36:38 ត៝ត់​លែៈ​ខឹត​ឆោល គែស​បាលហានាន​អី​ក៝ន​អាសប៝រ​ពាង់​ត្រ៝ៈ​ជេង​កាដាច់។
GEN 36:39 ត៝ត់​លែៈ​ខឹត​បាលហានាន​អី​ក៝ន​អាសប៝រ គែស​ហាដារ​ពាង់​ត្រ៝ៈ​ជេង​កាដាច់ រាញា​ប៝ន​ពាង់​ពាវ។ រាញា​អូរ​កាដាច់​នៃ មហេថាបែល​អី​ក៝ន​មាតរេត អី​ឆៅ​មេឆាហាប។
GEN 36:40 អ្យា​ជេង​រាញា​មពោល​កោរាញ​តា​ផូង​ក៝ន​ឆៅ​អេឆាវ តឹង​នទុល​មពោល​ខាន់​ពាង់​នើម តឹង​ឞ្រី​ខាន់​ពាង់​នើម​គុ៖ តា​នៃ​គែស​ថិមនា គែស​អាលវា គែស​យេថេត
GEN 36:41 គែស​អោហោលីបាមា គែស​អេលា គែស​ពីនោន
GEN 36:42 គែស​កេនាស គែស​ថេមាន គែស​មិបឆារ‌
GEN 36:43 គែស​មាក់ដៀល នទ្រែល​មា​អីរាម។ ទឹង​លែៈ​មពោល​នៃ​ជេង​កោរាញ​មា​ផូង​អេដ៝ម់ តឹង​នតុក​ខាន់​ពាង់​គុ តឹង​ឞ្រី​ខាន់​ពាង់​គុ អេឆាវ​អ្យា​ជេង​ចែ​តើម​មា​ផូង​អេដ៝ម់​នៃ។
GEN 37:1 យាកោប​គុ​តា​ឞ្រី​កានាន ជេង​ឞ្រី​ឞឹ​ពាង់​វែស​គុ​នៃ​នើស។
GEN 37:2 អ្យា​ជេង​នាវ​ងក៝ច​ឞ្រី​មា​ផូង​ក៝ន​ឆៅ​យាកោប។ ទោល​យោឆែប​អី​ក៝ន​យាកោប​នៃ​លែៈ​គែស ១៧ នាម់ ពាង់​កើល​ច្យាប់​ឞែ​ឞ្យាប់​នទ្រែល​នោៗ​ពាង់ អី​ក៝ន​បិលហា នទ្រែល​មា​អី​ក៝ន​ឆិលផា​អូរ​ចោង​អី​ឞឹ​ពាង់​រី។ ពាង់​មឞើស​ងក៝ច​មា​ឞឹ​ពាង់​នាវ​អ្យើស​តា​អី​នោៗ​ពាង់។
GEN 37:3 អីឆ្រាអែល​អី​គែស​រាញា​យាកោប​ដ៝ង់ ពាង់​រ៝ង់​មា​យោឆែប​រាលាវ​ដាស​មា​ក៝ន​ពាង់​បាបាៈ យ៝រ​លាស​នោក​គុ​យោឆែប​នៃ​ពាង់​លែៈ​រាញ។ ពាង់​ដាៈ​ឞូ​ជឹង​ទូ​ឞ្លាស​អាវ​ជ៝ង​ទុត​អ្វែស​អ៝ន់​មា​យោឆែប។
GEN 37:4 ទឹង​លែៈ​នោៗ​ពាង់​រី​ឆៃ​អី​ឞឹ​រ៝ង់​មា​យោឆែប​រាលាវ​ដាស​មា​ខាន់​ពាង់ ជេសរី​ខាន់​ពាង់​ឞ្យាញ់​មា​យោឆែប​ទាទេ មោ​គែស​អោស​មឞើស​ងើយ​អ្វែស​មា​អោឞាល់។
GEN 37:5 គែស​ទូ​នារ​យោឆែប​មឞើយ ជេសរី​ពាង់​ងក៝ច​មឞើយ​នៃ​មា​នោៗ​ពាង់ ជាន​អ៝ន់​នោៗ​រី​ឞ្យាញ់​មា​ពាង់​លើ​មា​ហោ​ជឹត។
GEN 37:6 ពាង់​លាស​មា​ខាន់​ពាង់៖ “ល៝ង់​ខាន់​មៃ​អ្យាត់​គ៝ប់​ងក៝ច​មឞើយ​គ៝ប់៖
GEN 37:7 គ៝ប់​មឞើយ ទឹង​លែៈ​ឞ៝ន់​គុ​ក៝ត់​ញចាប់​ឞា​តា​មីរ​រី​ទាទេ ទោល​នៃ​ទោ​មា​ញចាប់​ឞា​គ៝ប់​រី​ទ៝ក់​ឆ៝ង់​ជឹត​លើ​តី ល៝ង់​ញចាប់​ឞា​ខាន់​មៃ​រី​ទ៝ក់​ជុម​ញចាប់​ឞា​គ៝ប់​រី ជេសរី​កុញ​មឞាស​មា​ញចាប់​ឞា​គ៝ប់​រី​ទាទេ”។
GEN 37:8 អី​នោៗ​រី​លាស​មា​ពាង់៖ “លាស​នទ្រី​មៃ​គែស​នាវ​មឹន​អុច​ជេង​កោរាញ​មា​ផូង​ហេន​បាស​? មោ​លាស​មៃ​គែស​នាវ​មឹន​អុច​ម៝ត់​ឞោក​ហេន?” ខាន់​ពាង់​លើ​មា​ហោ​ឞ្យាញ់​មា​ពាង់ យ៝រ​មា​នាវ​មឞើយ​ពាង់​នៃ នអ៝ប់​មា​នាវ​ពាង់​ងក៝ច​នៃ។
GEN 37:9 ជេសរី​ពាង់​មឞើយ​តៃ​នទើ​អេង​ជឹត ពាង់​ងក៝ច​មឞើយ​នៃ​មា​នោៗ​ពាង់ ពាង់​លាស៖ “គ៝ប់​មឞើយ​កើត​នអា នារ ខៃ នទ្រែល​មា​មាញ់ ១១ កុញ​មឞាស​មា​គ៝ប់​ទាទេ”។
GEN 37:10 ពាង់​ងក៝ច​មឞើយ​នៃ​មា​ឞឹ​ពាង់ កើត​ពាង់​ងក៝ច​មា​នោៗ​ពាង់​នើស​ដ៝ង់។ ឞឹ​ពាង់​លាស​ពាង់៖ “មើម​មឞើយ​មៃ​កើត​នទ្រី​រី? លាស​នទ្រី​មៃ​អុច​អ៝ន់​គ៝ប់​អ្យា មេៈ​មៃ​នៃ នទ្រែល​មា​ទឹង​លែៈ​អ៝ស​នោ​មៃ​នៃ​ពាន់​មឞាស​មា​មៃ​ទាទេ​ឞើស?”
GEN 37:11 ទឹង​លែៈ​នោៗ​រី​ខាន់​ពាង់​មោ​នាច​មា​យោឆែប យើន​មា​ឞឹ​ពាង់​រី​ហោម​កាស​គឹត​មរ៝​នាវ​នៃ​តា​នូយ្ស​នហ៝ម់​ពាង់​នើម។
GEN 37:12 គែស​ទូ​នារ​អី​នោៗ​យោឆែប ខាន់​ពាង់​ហាន់​ច្យាប់​ឞែ​ឞ្យាប់​ឞឹ​ពាង់​តា​ប៝ន​ឆីកែម។
GEN 37:13 ជេសរី​យាកោប​អី​ឞូ​ក្វាល់​អីឆ្រាអែល​លាស​មា​យោឆែប៖ “នោៗ​មៃ​លែៈ​ហាន់​ច្យាប់​ឞែ​ឞ្យាប់​តា​ប៝ន​ឆីកែម​រី គ៝ប់​អុច​អ៝ន់​មៃ​ហាន់​តា​រី”។ យោឆែប​អើស៖ “អើ”។
GEN 37:14 អីឆ្រាអែល​លាស​មា​ពាង់៖ “ហាន់​មៃ​ហាន់​អា​នោៗ​មៃ​រី គឹត​អ្វែស​លាង់​ខាន់​ពាង់​តា​រី ឞែ​ឞ្យាប់​ខាន់​ពាង់​គឹត​អ្វែស​ដ៝ង់​មោ​លាស​មោ។ ជេសរី​មៃ​ហាន់​ព្លឹ​មឞើស​តៃ​មា​គ៝ប់​អ្យា”។ ពាង់​ដាៈ​យោឆែប​តាៈ​ឞើស​ញជ៝ង់​យោក​ហេប្រ៝ន​អ្យា​ហាន់​ជឹត​ឆីកែម​រី។
GEN 37:15 ត៝ត់​តា​រី គែស​ទូ​ហ្វេ​ឞូ​ក្លោ​ឆៃ​យោឆែប​ហាន់​រាឆ៝ង​នាប់​រាឆ៝ង​កើយ​តា​ជា​លាច​រី ឞូ​ក្លោ​នៃ​អោប៖ “ម៝ស​ជ៝យ​មរែ​នៃ?”
GEN 37:16 យោឆែប​អើស៖ “គ៝ប់​ជ៝យ​នោៗ​គ៝ប់ មៃ​ឆើម​មឞើស​មា​គ៝ប់​អឺស​អាស​នតុក​ខាន់​ពាង់​ច្យាប់”។
GEN 37:17 ឞូ​ក្លោ​នៃ​អើស​មា​ពាង់៖ “ខាន់​ពាង់​លែៈ​ត្រើន​ឞើស​នតុក​អ្យា យ៝រ​លាស​គ៝ប់​តាង់​ខាន់​ពាង់​តឹម​លាស៖ «ហោៈ​ឞ៝ន់! ហាន់​តា​ប៝ន​ដោថាន​រី»។ ជេសរី​យោឆែប​ហាន់​តឹង​អី​នោៗ​ពាង់ ឆៃ​ខាន់​ពាង់​តា​ប៝ន​ដោថាន​នៃ។
GEN 37:18 ទោល​ខាន់​ពាង់​ឆៃ​យោឆែប​ហោម​ឞើស​ងាយ មោ​ហ៝ៈ​ត៝ត់ ខាន់​ពាង់​លែៈ​តឹម​ទី​ឞាល់​អុច​ងខឹត​លើយ​យោឆែប។
GEN 37:19 ខាន់​ពាង់​តឹម​លាស​នទ្រាង់​ខាន់​ពាង់​នើម៖ “អ្វាញ់​រី! កោរាញ​មឞើយ​លែៈ​ត៝ត់!
GEN 37:20 ហោៈ​ឞ៝ន់​ងខឹត​លើយ​ពាង់​អាបៃ​រី ល៝ង់​តា​អ្យា​គែស​អ៝ក់​ត្រោម​នតូ ជេសរី​ងក្លាច់​ពាង់​តា​ទូ​មល៝ម់​ត្រោម​នតូ។ ឞ៝ន់​លាស​លែៈ​មពោមពា​(ឆ្យុម)​ជាញ​ឆា​ហេក ឞ៝ន់​ជាន​កើត​នៃ ជេសរី​អ៝ន់​ឞ៝ន់​ក៝ប់​អ្វាញ់​មើម​ហោម​ជេង​ដ៝ង់​តា​នាវ​មឞើយ​ពាង់”។
GEN 37:21 ត៝ត់​រូបេន​តាង់​នាវ​ខាន់​ពាង់​ងើយ​កើត​នៃ ជេសរី​ពាង់​អុច​កើល​យោឆែប ពាង់​លាស​មា​ខាន់​ពាង់៖ “លើយ​អោស​ឞ៝ន់​ងខឹត​ពាង់”។
GEN 37:22 រូបេន​លាស​ជឹត៖ “លើយ​អោស​ញចាយ​មហាម​ពាង់ ឞ៝ន់​ងក្លាច់​ពាង់​តា​ត្រោម​នតូ​តា​ឞ្រី​រាទាស​អ្យា​ហ៝ៈ លើយ​អោស​ងខឹត​ពាង់”។ រូបេន​ងើយ​កើត​នៃ យ៝រ​លាស​ពាង់​អុច​រាក្លាយ្ស​យោឆែប​ឞើស​តី​នោៗ​ពាង់ ជេសរី​អុច​ញជុន​អ៝ន់​ពាង់​ឆឹត​អា​ឞឹ​រី។
GEN 37:23 យោឆែប​ហាន់​ត៝ត់​តា​អី​នោៗ​រី ខាន់​ពាង់​ទ្រ៝ស​លើយ​អាវ​ទុត​អ្វែស​យោឆែប​ទែ​ញឆ៝ស​រី‌
GEN 37:24 ញុប​ពាង់​ងក្លាច់​តា​ត្រោម​នតូ​រី នតូ​នៃ​មោ​ហោម​អោស​គែស​ទាក។
GEN 37:25 ជេសរី​ខាន់​ពាង់​នើម​គុ​ឆោង ទោ​មា​ខាន់​ពាង់​ងគឹល​មាត់​ឆៃ​ផូង​អីសមាអែល​ទូ​មពោល នអ៝ប់​មា​ឆែស​ឆាមោ​ខាន់​ពាង់​តាៈ​ឞើស​ឞ្រី​កាលាត។ ឆែស​ឆាមោ​ខាន់​ពាង់​រាទែង​ចាយ​ក្រ៝ស នទ្រែល​មា​នទើ​បោ​កាស​អេងៗ​លែវ​ជឹត​ឞ្រី​អេឆីប ​រី។
GEN 37:26 ឆៃ​កើត​នៃ យូដា​លាស​មា​អ៝ស​នោ​ពាង់៖ “លាស​ឞ៝ន់​ងខឹត​អ៝ស​ឞ៝ន់ មោ​អោស​ឆៃ​នតីល ជេរ​ដ៝ង់​មា​ម៝។
GEN 37:27 លាស​នទ្រី​ឞ៝ន់​តាច់​ពាង់​អ៝ន់​មា​ផូង​អីសមាអែល​ទោស លើយ​ងខឹត​ពាង់ យ៝រ​លាស​ពាង់​អ៝ស​ឞ៝ន់ ជេង​មហាម​ឞ៝ន់​ដ៝ង់”។ ខាន់​ពាង់​អ្យាត់​នាវ​ពាង់។
GEN 37:28 ទោល​នៃ​គែស​មពោល​តាច់​ទ្រាប់​ត៝ត់​តា​រី អី​នោៗ​យោឆែប​នហាវ​ពាង់​ឞើស​ត្រោម​នតូ​រី តាច់​ពាង់​អ៝ន់​មា​ផូង​អីសមាអែល​ខ្លៃ ២០ កាក់​ព្រាក់។ ជេសរី​មពោល​នៃ​លែវ​ពាង់​ជឹត​ឞ្រី​អេឆីប ​រី។
GEN 37:29 ត៝ត់​រូបេន​ព្លឹ​អ្វាញ់​តៃ​តា​ត្រោម​នតូ​រី​មោ​ហោម​អោស​ឆៃ​យោឆែប ពាង់​ងខេក​ឞ៝ក​អាវ​ពាង់​នើម យ៝រ​លាស​ពាង់​រាង៝ត​ហោ​ងាន់‌
GEN 37:30 ជេសរី​ហាន់​តា​អ៝សៗ​រី លាស​មា​ខាន់​ពាង់៖ “ក៝ន​ឆែ​នៃ​លែៈ​រ៝ស​ជេស លាស​នទ្រី​គ៝ប់​អ្យា​អាស​ជឹត​គុ?”
GEN 37:31 ជេសរី​ខាន់​ពាង់​ងខឹត​ទូ​មល៝ម់​ឞែ​ងក្វ៝ង់ ឆ៝ៈ​អាវ​យោឆែប​អី​ទុត​អ្វែស​រី​នើស​យុក​តា​មហាម​ឞែ​រី‌
GEN 37:32 លែវ​អាវ​នៃ​ញហើ​មា​អី​ឞឹ​រី មឞើស​មា​ពាង់៖ “ហេន​ឆៃ​អាវ​អ្យា។ ល៝ង់​មៃ​អ្វាញ់​ឞឹ គឹត​ទី​អាវ​ក៝ន​មៃ​ងាន់​មោ​លាស​មោ?”
GEN 37:33 យាកោប​នាល់​អាវ​នៃ ជេសរី​លាស៖ “អាវ​អ្យា​អាវ​ក៝ន​គ៝ប់​ងាន់ លែៈ​ឞូ​កាប់​ឆា​រ៝​ពាង់​អ្យា​អើ លែៈ​ងាន់​រ៝​ឞូ​ឆា​ហេក​យោឆែប​អ្យា”។
GEN 37:34 ជេសរី​យាកោប​ងខេក​ឞ៝ក​អាវ​ពាង់​នើម​រី ញឆ៝ស​ងគូត​បៅ​ច្យាត់ ពាង់​គុ​រាង៝ត​ងក្ល៝ន់​មា​ក៝ន​ពាង់​នៃ​ជ៝ៈ​នារ។
GEN 37:35 ទឹង​លែៈ​អ៝ស​ក៝ន​ពាង់ នអ៝ប់​មា​ឞូ​អូរ​នអ៝ប់​មា​ឞូ​ក្លោ​ហាន់​ឞ៝ញ​លែង​ពាង់​ទាទេ យើន​មា​ពាង់​មោ​អោស​ឞាស​នាវ​រាង៝ត​ងក្ល៝ន់​នៃ ពាង់​លាស៖ “គ៝ប់​មរា​ខឹត​តឹម​ម៝ប់​ដាស​ក៝ន​គ៝ប់ ក៝ៈ​មោ​ឞាស​ដ៝ង់​រាង៝ត​ងក្ល៝ន់​ក៝ន​គ៝ប់” នទ្រី​ទឹង​ពាង់​ហោម​ញុម​នឹង។
GEN 37:36 ល៝ង់​យោឆែប​នៃ​ផូង​មីដៀន​ទែ​លែវ​ពាង់​ហាន់​តា​ឞ្រី​អេឆីប  តាច់​ពាង់​អ៝ន់​មា​ផោតីផារ កោរាញ​ម៝ត់​ញជ្រាង់​កាដាច់​ផារ៝ន។
GEN 38:1 នោក​នៃ​យូដា​ទូ​លោស​ឞើស​អ៝ស​នោ​ពាង់ ហាន់​គុ​នទ្រែល​ទូ​ហ្វេ​ឞូ​ក្លោ​តា​ប៝ន​អាដូលាម រាញា​ហីរា។
GEN 38:2 តា​នតុក​នៃ​ពាង់​ឆៃ​ទូ​ហ្វេ​ឞូ​អូរ​ទ្រោស ក៝ន​ឆូអា​ផូង​កានាន ពាង់​ឆ៝ៈ​ឞូ​អូរ​នៃ​ជេង​អូរ​ពាង់ គុ​នទ្រែល​ពាង់។
GEN 38:3 ជេសរី​ឞូ​អូរ​នៃ​នត្រែវ​គុ​អ៝ស​ទូ​ហ្វេ​ក៝ន​ឞូ​ក្លោ ពាង់​តេៈ​រាញា​អេរ។
GEN 38:4 ឞូ​អូរ​នៃ​នត្រែវ​គុ​អ៝ស​តៃ​ទូ​ហ្វេ​ក៝ន​ឞូ​ក្លោ​ជឹត នហ៝​មា​តេៈ​រាញា​អោនាន។
GEN 38:5 ជេសរី​ពាង់​នត្រែវ​គុ​អ៝ស​តៃ​ទូ​ហ្វេ​ក៝ន​ឞូ​ក្លោ​ជឹត នហ៝​មា​តេៈ​រាញា​ឆេលា។ នោក​ពាង់​គុ​អ៝ស​អី​នៃ យូដា​គុ​តា​ប៝ន​កេឆីប​រី។
GEN 38:6 ជេសរី​ត៝ត់​អេរ​អី​ក៝ន​ឞោក​ទាក​រី​លែៈ​នទាម់ យូដា​អោប​អូរ​មា​ពាង់ ឞូ​អូរ​នៃ​រាញា​ថាមារ។
GEN 38:7 យើន​មា​អេរ​អី​ក៝ន​ឞោក​ទាក​យូដា​ជេង​ឞូនុយ្ស​អ្យើស​ជាញ​តា​នាប់​មាត់​ឞ្រាស​យេហោវា កើត​នទ្រី​ទឹង​ឞ្រាស​យេហោវា​ងខឹត​លើយ​ពាង់។
GEN 38:8 ជេសរី​យូដា​លាស​មា​អោនាន​អី​អ៝ស​អេរ​នៃ៖ “មៃ​ឆ៝ៈ​មី​មៃ​នៃ​ទោ ជេង​ទី​មា​នាវ​វៃ​ឞ៝ន់ គុ​នទ្រែល​ពាង់ គៃ​មា​ហោម​គែស​រាន៝យ​ទែស​មា​នោ​មៃ”។
GEN 38:9 យើន​មា​អោនាន​លែៈ​គឹត លាស​គែស​ក៝ន​នៃ​មោ​អោស​កើប​ជេង​ក៝ន​ពាង់​នើម កើត​នទ្រី​នោក​ពាង់​ហាន់​គុ​ដាស​មី​ពាង់​នៃ ពាង់​ងលោស​លើយ​ទាក​ពាង់​អា​នែស គៃ​មា​លើយ​អ៝ន់​គែស​ក៝ន​មា​នោ​ពាង់។
GEN 38:10 នទើ​អោនាន​ជាន​នៃ​ជេង​អ្យើស​តា​នាប់​មាត់​ឞ្រាស​យេហោវាឞ្រាស​យេហោវា​ងខឹត​លើយ​ពាង់​ដ៝ង់។
GEN 38:11 ជេសរី​យូដា​លាស​មា​ថាមារ​អី​មាន់​ពាង់​នៃ៖ “បែ​ឆឹត​គុ​នទ្រោ​តា​ជៃ​ឞឹ​បែ​រី​ប៝ត់ មពើ​មា​ក្វ៝ង់​ឆេលា​ក៝ន​គ៝ប់” យ៝រ​លាស​ពាង់​ក្លាច​អី​ក៝ន​ទុត​ពាង់​នៃ​ខឹត​ដ៝ង់។ ជេសរី​ថាមារ​ឆឹត​គុ​អា​ជៃ​ឞឹ​ពាង់​នើម។
GEN 38:12 ជ៝ៈ​ឞើស​កើយ​នៃ អី​អូរ​យូដា​ក៝ន​ឆូអា​រី​នើស​ខឹត។ ត៝ត់​យូដា​លែៈ​ឞាស​រាង៝ត​ងក្ល៝ន់​ខឹត​អី​អូរ​នៃ ជេសរី​ពាង់​ហាន់​តា​ប៝ន​ថិមនា ហាន់​នទ្រែល​មា​មឹត​ជាង់​ពាង់​រាញា​ហីរា​ឞើស​ប៝ន​អាដូលាម គៃ​មា​អ្វាញ់​ឞូ​ក៝ស​រាឆៅ​ឞែ​ឞ្យាប់​ពាង់​នើម។
GEN 38:13 គែស​ឞូ​ហាន់​មឞើស​មា​ថាមារ៖ “ឞឹ​ព៝​អៃ​ហាន់​ក៝ស​រាឆៅ​ឞែ​ឞ្យាប់​ពាង់​នើម​តា​ប៝ន​ថិមនា”។
GEN 38:14 តាង់​លាស​កើត​នៃ ពាង់​ទ្រីស​លើយ​ឞ៝ក​អាវ​ឞូ​អូរ​នទ្រោ​ពាង់​នើម​រី ជេសរី​ពាង់​ឆ៝ៈ​ឞ៝ក​ពូត​លើយ​មុស​មាត់​ពាង់​នើម មោ​អោស​អ៝ន់​ឞូ​គឹត​នាល់។ ពាង់​ហាន់​គុ​អា​ត្រ៝ង​ទាច់​កេង​ប៝ន​អេនាយីម ជេង​ត្រ៝ង​ហាន់​តា​ថិមនា​រី។ ពាង់​ជាន​កើត​នៃ យ៝រ​លាស​ពាង់​ឆៃ​ឆេលា​លែៈ​ក្វ៝ង់ តីស​មា​មោ​អោស​ឆៃ​យូដា​ឆ៝ៈ​ពាង់​អ៝ន់​មា​ជេង​អូរ​ឆេលា។
GEN 38:15 ទោល​យូដា​ឆៃ​ពាង់ យូដា​នអោន​លាស​ឞូ​អូរ​វាង់​តឹរ​គៃ​មា​គែស​ព្រាក់ យ៝រ​លាស​មុស​មាត់​ពាង់​លែៈ​ងកុម​លើយ។
GEN 38:16 ជេសរី​យូដា​ហាន់​ទាច់​តា​ឞូ​អូរ​នៃ ពាង់​លាស៖ “ហោៈ! ហាន់​ឞិច​នទ្រែល​គ៝ប់”។ ពាង់​មោ​គឹត​អោស​លាស​ឞូ​អូរ​នៃ​មាន់​ពាង់​នើម​ច្រាវ។ ឞូ​អូរ​នៃ​អើស​មា​ពាង់៖ “លាស​គ៝ប់​ឞិច​ដាស​មៃ ម៝ស​នទើ​មៃ​អ៝ន់​មា​គ៝ប់?”
GEN 38:17 ពាង់​អើស៖ “តៃ​គ៝ប់​អ៝ន់​ទូ​មល៝ម់​ក៝ន​ឞែ​មា​អៃ”។ ឞូ​អូរ​នៃ​អើស៖ “អើ​គ៝ប់​អុច លាស​នទ្រី​ម៝ស​នទើ​មៃ​ញចាម់​មា​គ៝ប់​ល៝រ គឹត​ជ៝ៈ​មៃ​អ៝ន់​ក៝ន​ឞែ​នៃ​មា​គ៝ប់?”
GEN 38:18 ពាង់​លាស៖ “លាស​នទ្រី​ម៝ស​នទើ​អៃ​អុច​គ៝ប់​ញចាម់​អ៝ន់​អៃ?” ឞូ​អូរ​នៃ​អើស៖ “នៃ មៃ​អ៝ន់​ត្រា​មៃ នអ៝ប់​មា​អី​រាឆែ​យោង​នៃ នទ្រែល​មា​អ៝ន់​ម៝ង់​តា​តី​មៃ​នៃ​មា​គ៝ប់”។ យូដា​អ៝ន់​នទើ​នៃ​មា​ពាង់ ជេសរី​ហាន់​ឞិច​ដាស​ពាង់។ ឞូ​អូរ​នៃ​នហ៝​មា​នត្រែវ​មា​ពាង់​រ៝។
GEN 38:19 ជេសរី​ឞូ​អូរ​នៃ​ទ៝ក់​ឆឹត ពាង់​ទ្រីស​លើយ​ឞ៝ក​ងកុម​មុស​មាត់​ពាង់​រី​នើស ពាង់​ញឆ៝ស​ងគូត​តៃ​ឞ៝ក​អាវ​ឞូ​អូរ​នទ្រោ។
GEN 38:20 នោក​យូដា​អ៝ន់​ទូ​មល៝ម់​ក៝ន​ឞែ​តា​មឹត​ជាង់​ពាង់​អី​តាៈ​ឞើស​ប៝ន​អាដូលាម គៃ​មា​អ៝ន់​មឹត​ជាង់​នៃ​ហាន់​ច្វាយ​នទើ​ពាង់​ញចាម់​តា​ឞូ​អូរ​នៃ​នើស យើន​មា​មឹត​ជាង់​នៃ​ជ៝យ​ឞូ​អូរ​នៃ​មោ​ឆៃ​អោស។
GEN 38:21 ពាង់​អោប​ឞូ​តា​នៃ៖ “អាស​នតុក​គុ​ឞូ​អូរ​វាង់​តឹរ​គុ​តា​មែង​ត្រ៝ង​លាប់​ជឹត​អេនាយីម​អ្យា​នើស?” ឞូ​អើស៖ “តា​នតុក​អ្យា​មោ​គែស​អោស​ឞូ​អូរ​វាង់​តឹរ”។
GEN 38:22 ជេសរី​ពាង់​ឆឹត​មឞើស​អ៝ន់​មា​យូដា៖ “គ៝ប់​ជ៝យ​ឞូ​អូរ​នៃ​មោ​ឆៃ​អោស ឞូ​តា​ឞ្រី​នៃ​លាស៖ «តា​នតុក​អ្យា​មោ​គែស​អោស​ឞូ​អូរ​វាង់​តឹរ»”។
GEN 38:23 យូដា​លាស​មា​ពាង់៖ “លាស​នទ្រី​អ៝ន់​ពាង់​ញអោត​កាដោយ​នទើ​គ៝ប់​ញចាម់​នៃ លើយ​ហោម​ជ៝យ ដីត​ឞូ។ យ៝រ​លាស​គ៝ប់​លែៈ​អុច​អ៝ន់​ក៝ន​ឞែ​មា​ពាង់​កើត​នាវ​គ៝ប់​លែៈ​ត៝ន យើន​មា​មៃ​ជ៝យ​ពាង់​មោ​ឆៃ​អោស”។
GEN 38:24 ត៝ត់​ពែ​ខៃ​ឞើស​កើយ​នៃ គែស​ឞូ​ហាន់​មឞើស​មា​យូដា៖ “ថាមារ​មាន់​មៃ​ឞូ​អូរ​វាង់​តឹរ លែៈ​នត្រែវ​អេង​ដាស​ឞូ”។ យូដា​លាស៖ “ងលោស​ពាង់​អា​ទីស​អ្យា ពូរ​ងគ្រេស​ពាង់​តា​អុញ​ទោស!”
GEN 38:25 ត៝ត់​ឞូ​លែវ​ពាង់​លោស​អា​ទីស​អ្យា ឞូ​អូរ​នៃ​ងើយ​មា​យូដា​ឞឹ​ព៝​ពាង់​រី៖ “គ៝ប់​នត្រែវ​ដាស​ពាង់​អី​តើម​នទើ​អ្យា ល៝ង់​មៃ​អ្វាញ់ ឞ្រែ​ម៝ស​ម៝ង់ ត្រា នទ្រែល​មា​រាឆែ​អ្យា?”
GEN 38:26 យូដា​នាល់​លែៈ​នទើ​នៃ ជេសរី​លាស៖ “បែ​ឆ៝ង់​រាលាវ​គ៝ប់​ងាន់ យ៝រ​លាស​គ៝ប់​មោ​គែស​អ៝ន់​បែ​មា​ឆេលា​មា​ជេង​អូរ​ក៝ន​គ៝ប់”។ នតើម​ឞើស​នៃ​យូដា​មោ​ហោម​អោស​ឞិច​នទ្រែល​ពាង់​ដ៝ង់។
GEN 38:27 ត៝ត់​ឞើយ​អាប់​ខៃ​គុ​អ៝ស ឆៃ​តា​ត្រោម​នទុល​ពាង់​រី​គែស​ក៝ន​ឞារ។
GEN 38:28 ត៝ត់​ពាង់​គុ​អ៝ស គែស​អី​ទូ​ហ្វេ​លោស​ល៝រ​តី ជេសរី​ឞូនុយ្ស​ញអោត​នទុល​នៃ​ឆ៝ៈ​រាឆែ​ឞ្រាយ​គុរ​ក៝ត់​តា​តី​អ៝ស​ឞេ​រី ពាង់​លាស៖ “ក៝ន​អ្យា​រ៝​លោស​ល៝រ”។
GEN 38:29 យើន​មា​អ៝ស​ឞេ​នៃ​ពាង់​រាហ្វាត់​តី​លាប់​ជឹត​ត្រោម​រី អី​នោ​ពាង់​លោស​ល៝រ។ ឞូនុយ្ស​ញអោត​នទុល​នៃ​លាស៖ “មើម​មៃ​អ្យា​ច្រាវ​លោស​ល៝រ” ជេសរី​ឞូ​តេៈ​រាញា​ក៝ន​នៃ ពេរេស គែស​នាវ​ខ្លៃ​លាស​«មព្លុង»។
GEN 38:30 ជេស​ឞើស​នៃ​លោស​អី​អ៝ស​រី​ជឹត នអ៝ប់​មា​គែស​រាឆែ​ឞ្រាយ​គុរ​ក៝ត់​តា​តី​ពាង់​រី​ដ៝ង់។ ជេសរី​ឞូ​តេៈ​រាញា​ក៝ន​នៃ «ឆេរាស» គែស​នាវ​ខ្លៃ​លាស​«ត្រោក​គុរ​អា​អោយ»។
GEN 39:1 ផូង​អីសមាអែល​លែៈ​លែវ​យោឆែប​ជុរ​តា​ឞ្រី​អេឆីប  តាច់​ពាង់​អ៝ន់​មា​ទូ​ហ្វេ​ផូង​អេឆីប រាញា​ផោតីផារ កោរាញ​ម៝ត់​ញជ្រាង់​កាដាច់​ផារ៝ន។
GEN 39:2 ឞ្រាស​យេហោវា​គុ​នទ្រែល​មា​យោឆែប ជេសរី​ទឹង​លែៈ​នទើ​ពាង់​ជាន​គែស​ជេង​ទាទេ។ ពាង់​គុ​តា​ជៃ​កោរាញ​ពាង់​ផូង​អេឆីប ​រី។
GEN 39:3 កោរាញ​ពាង់​ឆៃ​ឞ្រាស​យេហោវា​គុ​នទ្រែល​ពាង់ នអ៝ប់​មា​ឞ្រាស​យេហោវា​ជាន​អ៝ន់​ពាង់​គែស​នាវ​អ្វែស​ទាទេ​ទឹង​លែៈ​នទើ​ពាង់​ជាន។
GEN 39:4 នទ្រី​ផោតីផារ​ទី​នូយ្ស​នហ៝ម់​មា​យោឆែប​ងាន់ ជេសរី​អ៝ន់​យោឆែប​ជាន​ការ​មា​ពាង់​នើម ពាង់​អ៝ន់​យោឆែប​ជាន​កោរាញ​តា​ញីស​ជៃ​ពាង់ នទ្រែល​មា​អ៝ន់​ពាង់​ទើយ​ម៝ត់​អ្វាញ់​ទឹង​លែៈ​ទ្រាប់​នទើ​ពាង់​គែស។
GEN 39:5 នតើម​ឞើស​ផោតីផារ​អ៝ន់​យោឆែប​ជាន​កោរាញ​តា​ញីស​ជៃ​ពាង់ នទ្រែល​មា​អ៝ន់​ពាង់​ទើយ​ម៝ត់​អ្វាញ់​ទឹង​លែៈ​ទ្រាប់​នទើ​ពាង់​គែស ឞ្រាស​យេហោវា​អ៝ន់​នាវ​គែស​ជេង​មា​រានាក់​វ៝ល់​ផោតីផារ​នៃ យ៝រ​តាៈ​ឞើស​យោឆែប ជេសរី​ឞ្រាស​យេហោវា​អ៝ន់​គែស​ជេង​ទឹង​លែៈ​ទ្រាប់​នទើ​ពាង់​គែស តា​ញីស​តា​ជៃ តា​មីរ​តា​ឆ្រែ។
GEN 39:6 ទឹង​លែៈ​ទ្រាប់​នទើ​ពាង់​គែស​រី ពាង់​អ៝ន់​មា​យោឆែប​ម៝ត់​អ្វាញ់​ទាទេ ពាង់​នើម​មោ​ហោម​អោស​គែស​មឹន​រាវៃ​ទូ​នតីល​នទើ ពាង់​មឹន​មា​នទើ​ឆោង​ឆា​ទើម។ យោឆែប​ជេង​ឞូនុយ្ស​អ្វែស​រែស​ងាន់។
GEN 39:7 ត៝ត់​ឞើស​កើយ​រី អូរ​ផោតីផារ​នៃ​ឆៃ​យោឆែប​ជេស​រី​អុច​ពាង់​ហោ​ងាន់ នហ៝​មា​លាស៖ “ហាន់​ឞិច​នទ្រែល​គ៝ប់”។
GEN 39:8 យោឆែប​រាលាច់ ពាង់​លាស​មា​អូរ​កោរាញ​ពាង់​នៃ៖ “តា​អ្យា​កោរាញ​គ៝ប់​លែៈ​ពាង់​អ៝ន់​មា​គ៝ប់​ទាទេ​ទឹង​លែៈ​ទ្រាប់​នទើ​ពាង់​គែស យ៝រ​មា​គ៝ប់​ពាង់​នើម​មោ​ហោម​អោស​គែស​មឹន​រាវៃ​ទូ​នតីល​នទើ។
GEN 39:9 តា​ជៃ​អ្យា​មោ​ហោម​គែស​ឞូនុយ្ស​អេង​ក្វ៝ង់​រាលាវ​គ៝ប់ ពាង់​អ៝ន់​គ៝ប់​ទើយ​ទ៝ង់​ទាទេ​ទឹង​លែៈ​នទើ​តា​ជៃ​អ្យា អៃ​ទូ​ហ្វេ​ទើម​គ៝ប់​មោ​ទើយ យ៝រ​លាស​អៃ​ជេង​អូរ​ពាង់។ លាស​នទ្រី​មើម​គ៝ប់​ទើយ​ជាន​នាវ​ទុត​អ្យើស​អ្យា? គ៝ប់​មោ​អុច​ជាន​តីស​ដាស​មា​កោរាញ​ឞ្រាស​ដ៝ង់”។
GEN 39:10 ឞូ​អូរ​នៃ​ជាៈ​យោឆែប​ឞិច​នទ្រែល​ពាង់​អាប់​នារ​ងាន់ យើន​មា​យោឆែប​មោ​អុច​អោស​អ្យាត់​នាវ​ពាង់ ឞ៝ល​លាស​គុ​ទាច់​មោ​អុច​ដ៝ង់។
GEN 39:11 គែស​ទូ​នារ​នៃ យោឆែប​លាប់​ជាន​ការ​តា​ត្រោម​ជៃ​រី តា​ត្រោម​ជៃ​នៃ​មោ​គែស​អោស​ឞូនុយ្ស។
GEN 39:12 អូរ​ផោតីផារ​រី​ក្វាន់​ន៝ប់​អាវ​យោឆែប ជេសរី​លាស៖ “ហាន់​ឞិច​នទ្រែល​គ៝ប់​ប៝ត់”។ យោឆែប​ទ្រីស​អាវ​ហោម​ខាន​តា​តី​ឞូ​អូរ​នៃ ពាង់​នើម​រី​ញច្វាត់​លោស​អា​ទីស។
GEN 39:13 ឞូ​អូរ​នៃ​ឆៃ​អាវ​យោឆែប​ហោម​តា​តី​រី អី​ឆាក់​ពាង់​នើម​លែៈ​ញច្វាត់​អា​ទីស‌
GEN 39:14 ជេសរី​ឞូ​អូរ​នៃ​នតែរ​ក្វាល់​ឞូនុយ្ស​អី​គុ​ជាន​ការ​តា​ជៃ​នៃ ពាង់​មឞើស​មា​ឞូ៖ “អ្វាញ់​អ្យាៈ ឆាយ​គ៝ប់​លែវ​ផូង​ហេឞ្រើ​អ្យា ពាង់​មឺច​រាម៝ត​គ៝ប់។ ពាង់​អុច​លាប់​ឞិច​នទ្រែល​គ៝ប់ ងាច់​គ៝ប់​ទែ​នតែរ​ទុត​នតែស។
GEN 39:15 ត៝ត់​តាង់​គ៝ប់​នតែរ​នៃ ពាង់​នត្លើយ​អាវ​តា​គ៝ប់​អ្យា ពាង់​នើម​ញច្វាត់​លោស​អា​ទីស​រី”។
GEN 39:16 ឞូ​អូរ​នៃ​ព្រាប់​អាវ​យោឆែប​កេង​ឆាក់​ពាង់​នើម​រី នហ៝​មា​ត៝ត់​ឆឹត​អី​ឆាយ​ពាង់​តា​ជៃ​រី។
GEN 39:17 ពាង់​មឞើស​មា​ឆាយ​ពាង់​កើត​នអា៖ “ទឹក​ផូង​ហេឞ្រើ​មៃ​លែវ​តា​អ្យា ពាង់​អុច​ត៝ម​គ៝ប់‌
GEN 39:18 យើន​មា​គ៝ប់​នតែរ​ក្វាល់​ឞូ ពាង់​ញច្វាត់​អា​ទីស អាវ​ពាង់​នត្លើយ​តា​គ៝ប់​អ្យា”។
GEN 39:19 ត៝ត់​មា​តាង់​អូរ​ពាង់​មឞើស​នាវ​អ្យើស​យោឆែប៖ “កើត​នអា​ទឹក​មៃ​នៃ​ជាន​មា​គ៝ប់” ពាង់​ជី​នូយ្ស​រ៝។
GEN 39:20 ជេសរី​ពាង់​ដាៈ​ឞូ​ញុប​យោឆែប​ក្រុង​តា​នតុក​ឞូ​ក្រុង​ផូង​ទោយ្ស​កាដាច់។ ទោល​យោឆែប​គុ​តា​នទ្រូង​នៃ‌
GEN 39:21 ឞ្រាស​យេហោវា​ហោម​គុ​នទ្រែល​យោឆែបពាង់​ញហើ​នាវ​រ៝ង់​រាប់​ជាប់​ពាង់​នើម​អ៝ន់​មា​យោឆែប ជេសរី​ជាន​អ៝ន់​កោរាញ​នទ្រូង​នៃ​កើប​ពាង់​គែស​នាវ​ខ្លៃ។
GEN 39:22 ជេសរី​កោរាញ​នទ្រូង​នៃ​អ៝ន់​មា​យោឆែប​ទើយ​ម៝ត់​អ្វាញ់​ទឹង​លែៈ​ឞូនុយ្ស​ទោយ្ស​តា​ត្រោម​នទ្រូង​នៃ នទ្រែល​មា​ម៝ស​នទើ​នាវ​ជាន​ការ​តា​ត្រោម​នទ្រូង​នៃ​យោឆែប​ដ៝ង់​ទើយ​ម៝ត់​អ្វាញ់។
GEN 39:23 កោរាញ​នទ្រូង​នៃ​ពាង់​មោ​ហោម​អោស​មឹន​រាវៃ​ម៝ស​ការ​យោឆែប​ជាន យ៝រ​លាស​ឞ្រាស​យេហោវា​គុ​នទ្រែល​ពាង់ លែៈ​ការ​ពាង់​ជាន​ជេង​ទាទេ។
GEN 40:1 ជេស​គែស​នាវ​នៃ គែស​ឞារ​ហៃ​ឞូនុយ្ស​ជាន​ការ​មា​កាដាច់​អេឆីប  ទូ​ហ្វេ​ឞូនុយ្ស​ជាន​ការ​ញអោត​ងោរ​នទ្រាញ់ ទូ​ហ្វេ​ជឹត​ឞូនុយ្ស​ជាន​ការ​ញអោត​នុមពាង់។ ខាន់​ពាង់​ជាន​តីស​មា​កាដាច់​កោរាញ​ខាន់​ពាង់​នើម។
GEN 40:2 កាដាច់​ផារ៝ន​ជី​នូយ្ស​ហោ​ងាន់​មា​លែៈ​ឞារ​ហៃ​កោរាញ​នៃ ទូ​ហ្វេ​ឞូនុយ្ស​ញអោត​ងោរ​នទ្រាញ់ ទូ​ហ្វេ​ជឹត​ឞូនុយ្ស​ញអោត​នុមពាង់។
GEN 40:3 នទ្រី​ពាង់​ដាៈ​ឞូ​ញុប​ឞារ​ហៃ​ខាន់​ពាង់​នៃ​ក្រុង​តា​ត្រោម​នទ្រូង​កោរាញ​ម៝ត់​ញជ្រាង់​កាដាច់ នតុក​នទ្រូង​ឞូ​ក្រុង​យោឆែប​រី​នើស​ដ៝ង់។
GEN 40:4 កោរាញ​ម៝ត់​ញជ្រាង់​ញជុន​ឞារ​ហៃ​ខាន់​ពាង់​នៃ​ដាៈ​យោឆែប​ឆើម​ជាន​ការ​មា​ខាន់​ពាង់ ទោល​ខាន់​ពាង់​គុ​ជ៝ៈ​នារ​តា​ត្រោម​នទ្រូង​នៃ។
GEN 40:5 គែស​ទូ​មាង់​រី លែៈ​ឞារ​ហៃ​កោរាញ​គែស​នទ្រូង​នៃ​មឞើយ​ទាទេ ទូ​ហ្វេ​ឞូនុយ្ស​ជាន​ការ​ញអោត​ងោរ​នទ្រាញ់ នទ្រែល​មា​ទូ​ហ្វេ​ជឹត​ឞូនុយ្ស​ជាន​ការ​ញអោត​នុមពាង់ យើន​មា​នាវ​មឞើយ​ខាន់​ពាង់​នៃ​គែស​នាវ​ខ្លៃ​អេង​ឞាល់។
GEN 40:6 ត៝ត់​អា​អោយ យោឆែប​ហាន់​ម៝ប់​ខាន់​ពាង់ ឆៃ​មុស​មាត់​ខាន់​ពាង់​ញ៝​រឹ​ញឹ។
GEN 40:7 ជេសរី​ពាង់​អោប​ឞារ​ហៃ​កោរាញ​ជាន​ការ​អ៝ន់​មា​ផារ៝ន ឞូ​ទែ​ក្រុង​នទ្រែល​មា​ពាង់​តា​ត្រោម​នទ្រូង​កោរាញ​ពាង់​នើម​នៃ ពាង់​លាស៖ “នារ​អ្យា​ម៝ស​លើស​ខាន់​មៃ​ញ៝​រឹ​ញឹ​នៃ?”
GEN 40:8 ខាន់​ពាង់​មឞើស​មា​ពាង់៖ “ហេន​គែស​មឞើយ យើន​មា​មោ​គែស​អោស​ឞូនុយ្ស​ទើយ​ឆើម​រាឞ្លាង​នាវ​មឞើយ​នៃ”។ យោឆែប​លាស​មា​ខាន់​ពាង់៖ “គែស​កោរាញ​ឞ្រាស​ទើម​ទើយ​ឆើម​រាឞ្លាង​នាវ​មឞើយ! ទាន់​ខាន់​មៃ​មឞើស​ងក៝ច​នាវ​មឞើយ​នៃ​មា​គ៝ប់”។
GEN 40:9 ជេសរី​ឞូនុយ្ស​ញអោត​ងោរ​នទ្រាញ់​មា​កាដាច់​នៃ​មឞើស​ងក៝ច​នាវ​មឞើយ​ពាង់​មា​យោឆែប ពាង់​លាស៖ “គ៝ប់​មឞើយ​កើត​នអា៖ គែស​តើម​ព្លៃ​យុងយារ​ប៝ន​ទូ​តើម​ឞើស​នាប់​គ៝ប់។
GEN 40:10 តើម​ព្លៃ​យុងយារ​ប៝ន​នៃ​គែស​ងគីង​ពែ​អឹ​មោ​អោស​គែស​នហា ជេសរី​ទោ​មា​ចាត់​ងក៝ត កាវ​ពាង់​ទាង ជេសរី​គែស​ព្លៃ​ទុម​ដ៝ង់។
GEN 40:11 ទោល​នៃ​ងោរ​កាដាច់​ផារ៝ន​គ៝ប់​ញអោត​តា​តី​គ៝ប់ គ៝ប់​ពែៈ​ព្លៃ​យុងយារ​ប៝ន​មពែត​តា​ត្រោម​ងោរ​ពាង់​រី ជេសរី​គ៝ប់​នទឹ​ងោរ​នៃ​អ៝ន់​តា​តី​កាដាច់​ផារ៝ន”។
GEN 40:12 យោឆែប​លាស​មា​ពាង់៖ “មឞើយ​មៃ​នៃ​កើត​នអា​នាវ​រាឞ្លាង៖ ងគីង​ពែ​អឹ​នៃ ជេង​ពែ​នារ។
GEN 40:13 ហោម​ពែ​នារ​ជឹត កាដាច់​ផារ៝ន​អ៝ន់​មៃ​លោស​ឞើស​នតុក​អ្យា ពាង់​អ៝ន់​មៃ​ជាន​ការ​កើត​អើម មៃ​ញអោត​ងោរ​នទ្រាញ់​តា​តី​ពាង់ កើត​មៃ​លែៈ​ជាន​ការ​មា​ពាង់​ឞើស​នតើម​នើស​ដ៝ង់។
GEN 40:14 ត៝ត់​មៃ​លែៈ​អ្វែស​លាង់​ដាប់​មពាន់​តៃ ទាន់​លើយ​ច្វេល​មា​គ៝ប់ ទាន់​មៃ​យោៈ​នអាច​មឞើស​ងក៝ច​នាវ​គ៝ប់​អ៝ន់​ផារ៝ន​គឹត ជេសរី​ទាន់​ឆ៝ៈ​គ៝ប់​លោស​ឞើស​នតុក​អ្យា។
GEN 40:15 យ៝រ​លាស​ឞូ​ញុប​គ៝ប់​តាៈ​ឞើស​ផូង​ហេឞ្រើ នទ្រា​មា​ញុប​ទើម គ៝ប់​គុ​តា​ឞ្រី​អ្យា​មោ​ដ៝ង់​ម៝ប់​ជាន​តីស ឞូ​ញុប​គ៝ប់​ក្រុង​តា​ត្រោម​នទ្រូង​ច្រាវ”។
GEN 40:16 ត៝ត់​មា​កោរាញ​ញអោត​នុមពាង់​ឆៃ​តា​នាវ​មឞើយ​នៃ​គែស​នាវ​អ្វែស ជេសរី​ពាង់​លាស​មា​យោឆែប៖ “គ៝ប់​មឞើយ​កើត​នអា​មេៈ៖ គ៝ប់​គែស​ពែ​ញជើ​នុមពាង់​តា​កាលើ​ឞោក​គ៝ប់។
GEN 40:17 តា​ញជើ​កាលើ​ទុត​រី​គែស​នុម​អាប់​នតីល​ផារ៝ន​វៃ​ឆា យើន​មា​គែស​ឆ្យុម​ហាន់​ច៝ក​លើយ​នុម​តា​ញជើ​ឞោក​គ៝ប់​រី​លែៈ​ផ្យៅ”។
GEN 40:18 យោឆែប​លាស​មា​ពាង់៖ “មឞើយ​មៃ​នៃ​កើត​នអា​នាវ​រាឞ្លាង៖ ញជើ​ពែ​អឹ​នៃ ជេង​ពែ​នារ។
GEN 40:19 ហោម​ពែ​នារ​ជឹត ផារ៝ន​ក៝ស​ត៝ង​ក៝​មៃ យោង​មៃ​តា​តើម​ឆី ជេសរី​គែស​ឆ្យុម​ហាន់​ច៝ក​ឆា​ឆាក់​មៃ”។
GEN 40:20 ត៝ត់​ពែ​នារ​នៃ ជេង​ទី​នារ​កាដាច់​ផារ៝ន​ជាន​នទ្រាប់​ញេត​ងកាស​នារ​ទែស​ពាង់​នើម ពាង់​ក្វាល់​ទឹង​លែៈ​ផូង​កោរាញ​ពាង់។ កាដាច់​ដាៈ​ឞូ​ក្វាល់​កោរាញ​ញអោត​ងោរ​នទ្រាញ់ នទ្រែល​មា​កោរាញ​ញអោត​នុមពាង់​អ៝ន់​គុ​តា​ងក្លាង​ផូង​កោរាញ​ពាង់​រី។
GEN 40:21 កាដាច់​អ៝ន់​កោរាញ​ញអោត​ងោរ​នទ្រាញ់​នៃ អ៝ន់​ពាង់​ជាន​ការ​តៃ​កើត​ពាង់​ឞើស​នតើម។
GEN 40:22 យើន​មា​កាដាច់​ដាៈ​ឞូ​យោង​ក៝​កោរាញ​ញអោត​នុមពាង់​នៃ ជេង​តឹម​ទី​កើត​នាវ​យោឆែប​ទែ​រាឞ្លាង​មា​ខាន់​ពាង់​រី​នើស។
GEN 40:23 ល៝ង់​កោរាញ​ញអោត​ងោរ​នទ្រាញ់​នៃ ពាង់​ច្វេល​ក្លាក់​ទើម មោ​ហោម​អោស​កាស​គឹត​មា​យោឆែប។
GEN 41:1 ត៝ត់​គែស​ឞារ​នាម់​ឞើស​កើយ​នៃ កាដាច់​ផារ៝ន​មឞើយ​កើត​នអា៖ ពាង់​ទ៝ក់​កេង​មែង​ទាក​រាលាយ​នីល។
GEN 41:2 ពាង់​ឆៃ​គែស​ពើស​អឹ​នទ្រោក​មែ លៃៗ​អ្វែស​ងាន់ លោស​តាៈ​ឞើស​ទាក​រាលាយ ហាវ​ឆា​ជា​តា​នទ្រិច។
GEN 41:3 ជេសរី​គែស​ពើស​អឹ​នទ្រោក​មែ​ដ៝ង់ លោស​តាៈ​ឞើស​ទាក​រាលាយ​ឆូ ទុត​រាគៃៗ​រូម​គ្រូម​ងាន់ ហាវ​គុ​កេង​នទ្រោក​អី​លៃៗ​រី។
GEN 41:4 នទ្រោក​មែ​ទុត​រាគៃៗ​រូម​គ្រូម​នៃ ពាង់​ឆា​លើយ​នទ្រោក​មែ​អី​លៃៗ​អ្វែស​រី​លែៈ​ផ្យៅ។ ជេសរី​កាដាច់​ផារ៝ន​កាស​រាងាល់​ឞិច។
GEN 41:5 ជេសរី​ពាង់​រើយ​ឞិច​ជឹត ពាង់​មឞើយ​តៃ​ទូ​តឹ​ជឹត។ ពាង់​មឞើយ​ឆៃ​ងក៝ង​ឞា​ពើស​រាកុម ព្លៃ​ឆាក់​រាកុម​ងាន់ អី​តើម​ពាង់​ទូ​តើម​ទើម។
GEN 41:6 ជេសរី​គែស​ដ៝ង់​ងក៝ង​ឞា​ពើស​រាកុម​ជឹត លោស​ឞើស​កើយ​ឞា​ឆាក់​នៃ យើន​មា​ញឆ្យាប់​លែៈ​ផ្យៅ យ៝រ​មា​គែស​ឆ្យាល​ទោស​មពែស​ឞើស​លោស​នារ​ឞាន។
GEN 41:7 ឞា​ញឆ្យាប់​នៃ ឆា​លើយ​ឞា​ឆាក់​ព្លៃ​រាកុម​លែៈ​ផ្យៅ។ ជេសរី​កាដាច់​ផារ៝ន​កាស​រាងាល់​ឞិច ងក្ល៝ន់ នៃ​ជេង​នាវ​មឞើយ​ទើម។
GEN 41:8 ត៝ត់​អាង​អោយ កាដាច់​ផារ៝ន​គែស​នាវ​រាវៃ​ហោ​ងាន់​តា​នូយ្ស​នហ៝ម់​ពាង់​រី ពាង់​ក្វាល់​ទឹង​លែៈ​ឞូនុយ្ស​គែស​នាវ​ឞ្លាវ​មឹន នទ្រែល​មា​ឞូ​នហុម​តា​ឞ្រី​អេឆីប ​រី​អ៝ន់​វាច់​លែៈ ជេសរី​ពាង់​មឞើស​ងក៝ច​នាវ​មឞើយ​ពាង់​នៃ​មា​ឞូ យើន​មា​មោ​គែស​អោស​ទូ​ហ្វេ​ឞូនុយ្ស​ទើយ​រាឞ្លាង​នាវ​មឞើយ​អី​នៃ។
GEN 41:9 ទោល​នៃ​កោរាញ​អី​ញអោត​ងោរ​នទ្រាញ់ លាស​មា​កាដាច់​ផារ៝ន៖ “នារ​អ្យា​គ៝ប់​លែៈ​កាស​គឹត​នោក​គ៝ប់​តីស​នើស។
GEN 41:10 នោក​កាដាច់​ជី​នូយ្ស​មា​ឞារ​ហៃ​ហេន​នើស ដាៈ​ឞូ​ញុប​គ៝ប់ នទ្រែល​មា​កោរាញ​ញអោត​នុមពាង់​ក្រុង​តា​ត្រោម​នទ្រូង​កោរាញ​ម៝ត់​ញជ្រាង់​កាដាច់។
GEN 41:11 លែៈ​ឞារ​ហៃ​ហេន​គែស​នាវ​មឞើយ​តា​ទូ​មាង់​ទើម យើន​មា​តា​នាវ​មឞើយ​ហេន​នៃ​គែស​នាវ​ខ្លៃ​អេង​ឞាល់។
GEN 41:12 តា​ត្រោម​នទ្រូង​នៃ​គែស​ទូ​ហ្វេ​ឞូ​ក្លោ​នទាម់​ផូង​ហេឞ្រើ ពាង់​ជេង​ឞូនុយ្ស​ទឹក​មា​កោរាញ​ម៝ត់​ញជ្រាង់​កាដាច់ ហេន​ងក៝ច​នាវ​មឞើយ​ហេន​នៃ​មា​ពាង់ ជេសរី​ពាង់​ឆើម​រាឞ្លាង​អ៝ន់​មា​ហេន តឹង​នាវ​ហេន​មឞើយ​ទូ​ហ្វេ​ទូ​ហ្វេ​នៃ។
GEN 41:13 ត៝ត់​ឞើស​កើយ​នៃ​ជេង​ទី​កើត​នាវ​ពាង់​លាស​មា​ហេន​ងាន់ គ៝ប់​អ្យា​កាដាច់​អ៝ន់​ជាន​ការ​តៃ​កើត​ឞើស​នតើម ជេសរី​កោរាញ​ញអោត​នុមពាង់​កាដាច់​ដាៈ​ឞូ​យោង​ក៝”។
GEN 41:14 ជេសរី​កាដាច់​ផារ៝ន​ដាៈ​ឞូ​ហាន់​ឆ៝ៈ​យោឆែប​នៃ​រ៝។ ឞូ​ងលោស​ពាង់​ឞើស​ត្រោម​នទ្រូង​រី ពាង់​ព៝យ្ស​តេប តើស​ខ៝​អាវ ជេសរី​ហាន់​តឹម​ម៝ប់​មា​ផារ៝ន។
GEN 41:15 ផារ៝ន​លាស​មា​យោឆែប៖ “គ៝ប់​គែស​នាវ​មឞើយ តីស​មា​មោ​គែស​អោស​ទូ​ហ្វេ​ឞូនុយ្ស​ទើយ​ឆើម​រាឞ្លាង។ យើន​មា​គ៝ប់​តាង់​មៃ​ទើយ​ឆើម​រាឞ្លាង លាស​មៃ​តាង់​ឞូ​ងក៝ច​មឞើយ​នៃ​មា​មៃ”។
GEN 41:16 យោឆែប​លាស​មា​ផារ៝ន​នៃ៖ “មោ​ទី​គ៝ប់​អោស​ទើយ​ឆើម​រាឞ្លាង គែស​ទូ​ហ្វេ​កោរាញ​ឞ្រាស​ទើម​ទើយ ពាង់​មរា​មឞើស​នាវ​អ្វែស​អ៝ន់​មា​មៃ​កាដាច់”។
GEN 41:17 ជេសរី​ផារ៝ន​មឞើស​មា​យោឆែប៖ “គ៝ប់​មឞើយ​កើត​នអា៖ គ៝ប់​ទ៝ក់​កេង​មែង​ទាក​រាលាយ​រី។
GEN 41:18 ទោ​មា​គែស​ពើស​អឹ​នទ្រោក​មែ លៃៗ​អ្វែស​ងាន់ លោស​ឞើស​ទាក​រាលាយ​រី ហាវ​ឆា​ជា​តា​នទ្រិច​អ្យា។
GEN 41:19 ជេសរី​គែស​ពើស​អឹ​នទ្រោក​មែ​ជឹត លោស​តាៈ​ឞើស​ទាក​រាលាយ​រី​ដ៝ង់ ទុត​រាគៃៗ​រូម​គ្រូម​ងាន់ ឆៃ​នតោ​នទ្រែល​មា​នតីង​ទើម គ៝ប់​មោ​អោស​ព្រ៝ត​ម៝ប់​ឆៃ​នទ្រោក​ទុត​អ្យើស​កើត​នៃ​តា​ឞ្រី​អេឆីប ​អ្យា។
GEN 41:20 នទ្រោក​មែ​ផូង​ទុត​រាគៃៗ​រូម​គ្រូម​នៃ ពាង់​ឆា​លើយ​លែៈ​ផ្យៅ​នទ្រោក​អី​លៃៗ​លោស​ល៝រ​អី​រី។
GEN 41:21 នទ្រោក​មែ​ផូង​ទុត​រាគៃ​នៃ ឞ៝ល​លាស​ពាង់​ឆា​នទ្រោក​មែ​ផូង​លៃ​លែៈ​ផ្យៅ​កាដោយ​ដ៝ង់ ហោម​អែ​រាគៃ​កើត​អើម​ដ៝ង់​នទ្រោក​មែ​ផូង​ទុត​រាគៃ​នៃ ជេសរី​គ៝ប់​កាស​ព្រុស។
GEN 41:22 ជេសរី​គ៝ប់​មឞើយ​តៃ​ទូ​តឹ​ជឹត ឆៃ​ងក៝ង​ឞា​ពើស​រាកុម ព្លៃ​ឆាក់​រាកុម​ងាន់ អី​តើម​ពាង់​ទូ​តើម​ទើម។
GEN 41:23 ជេសរី​គែស​ដ៝ង់​ងក៝ង​ឞា​ពើស​រាកុម​ជឹត លោស​ឞើស​កើយ តីស​មា​ឞា​អី​នៃ​ខឹត​ឞូ​តោស​លែៈ​ផ្យៅ យ៝រ​មា​គែស​ឆ្យាល​ទែ​ពោស។
GEN 41:24 ល៝ង់​ឞា​ញឆ្យាប់​នៃ ឆា​លើយ​ឞា​ឆាក់​រាង្លៃ​លែៈ​ផ្យៅ។ គ៝ប់​លែៈ​មឞើស​ងក៝ច​ដ៝ង់​នាវ​មឞើយ​គ៝ប់​អ្យា​មា​មពោល​ឞូ​នហុម យើន​មា​មោ​គែស​អោស​ទូ​ហ្វេ​ឞូនុយ្ស​ទើយ​ឆើម​រាឞ្លាង​អ៝ន់​មា​គ៝ប់”។
GEN 41:25 យោឆែប​លាស​មា​កាដាច់​ផារ៝ន៖ “នាវ​មៃ​មឞើយ​នៃ​កាដាច់ គែស​នាវ​ខ្លៃ​ង្វាយ​ទើម កោរាញ​ឞ្រាស​មឞើស​ងក៝ច​អ៝ន់​មា​មៃ​គឹត​ម៝ស​នាវ​ពាង់​អុច​ជាន។
GEN 41:26 នតីល​នាវ​ខ្លៃ​នទ្រោក​មែ​ពើស​អឹ​លៃៗ​អី​នៃ ជេង​ពើស​នាម់ ជេសរី​ឞា​ពើស​រាកុម​ឆាក់​រាង្លៃ​អី​នៃ ជេង​ពើស​នាម់​ដ៝ង់ លែៈ​ឞារ​មឞើយ​អ្យា​ជេង​គែស​នាវ​ខ្លៃ​ង្វាយ​ទើម។
GEN 41:27 នតីល​នាវ​ខ្លៃ​នទ្រោក​មែ​លោស​ឞើស​កើយ​ទុត​រាគៃ​ងាន់​អី​នៃ ជេង​ពើស​នាម់ ជេសរី​នតីល​នាវ​ខ្លៃ​ឞា​ញឆ្យាប់​យ៝រ​មា​ឆ្យាល​ឞាន​អី​នៃ ជេង​គែស​នាវ​ជី​ង៝ត​ក្វ៝ង់​ជ៝ៈ​ពើស​នាម់​ដ៝ង់។
GEN 41:28 អើ​កាដាច់ ទី​កើត​នាវ​គ៝ប់​លែៈ​ជេស​មឞើស​មា​មៃ​នើស​ងាន់ កោរាញ​ឞ្រាស​មឞើស​ងក៝ច​អ៝ន់​មា​មៃ​គឹត​ម៝ស​នាវ​ពាង់​អុច​ជាន។
GEN 41:29 ហោម​ពើស​នាម់ លាម​ឞ្រី​អេឆីប ​អ្យា​គែស​ព្យាង់​ឞា​អ៝ក់​រាមែស​លែរ​ងាន់។
GEN 41:30 ជេសរី​ពើស​នាម់​ជឹត​នាប់​ជឹត គែស​នាវ​ជី​ង៝ត​ក្វ៝ង់​ងាន់ ទឹង​លែៈ​ផូង​ប៝ន​លាន​តា​ឞ្រី​អេឆីប ​មរា​ច្វេល​លែៈ​ផ្យៅ​នាវ​គែស​អ៝ក់​រាមែស​តា​ខាន់​ពាង់​នៃ​នើស យ៝រ​លាស​នាវ​ជី​ង៝ត​ក្វ៝ង់​អី​នៃ​លើស​អ្យើស​មា​ឞ្រី​ខាន់​ពាង់​អ៝ន់​ហេង​លែៈ​ផ្យៅ។
GEN 41:31 ផូង​ប៝ន​លាន​ច្វេល​លែៈ​ផ្យៅ​នាវ​គែស​អ៝ក់​រាមែស​តា​ឞ្រី​ខាន់​ពាង់​នើម យ៝រ​លាស​នាវ​ជី​ង៝ត​អី​នៃ​លែៈ​ទុត​ហោ​អីរ​ងាន់។
GEN 41:32 ទឹង​មៃ​មឞើយ​ឞារ​តឹ​ងាន់​អ្យា យ៝រ​លាស​លែៈ​កោរាញ​ឞ្រាស​នទ្រាប់​ជាន​ងាន់​នាវ​អ្យា ពាង់​ជាន​គើញៗ​រ៝។
GEN 41:33 អាបៃ​រី​នអា​ទោស​កាដាច់៖ មៃ​ជ៝យ​ទូ​ហ្វេ​ឞូនុយ្ស​គែស​នាវ​មឹន​គឹត​ឞ្លាវ អ៝ន់​ពាង់​ជាន​កោរាញ​ម៝ត់​អ្វាញ់​តា​ឞ្រី​អេឆីប ​អ្យា។
GEN 41:34 ជេសរី​មៃ​ជ៝យ​ឞូនុយ្ស​អេង​ដ៝ង់ គៃ​មា​រាហ្វាត់​នទើ​ទូ​កោៈ​តឹម​ព្រាម់ ទោល​ឞ្រី​ទាក​គែស​ឞា​អ៝ក់​រាមែស​តឹម​ពើស​នាម់​ជឹត​នាប់​អ្យា។
GEN 41:35 មៃ​អ៝ន់​ផូង​អី​នៃ​រាគូម​ទឹង​លែៈ​ព្យាង់​ឞា​ទោល​ឞ្រី​ទាក​គែស​អ៝ក់​រាមែស​តឹម​ពើស​នាម់​អ្យា តោស​ព្រាប់​តា​ត្រោម​ជៃ​អាប់​ប៝ន ជេសរី​មៃ​នើម​ដាៈ​ឞូ​ម៝ត់​រាបៃ​ទឹង​លែៈ​នទើ​នៃ។
GEN 41:36 ព្យាង់​ឞា​អី​នៃ​ព្រាប់​មា​ទ៝ង់​ទោល​ឞ្រី​ទាក​គែស​នាវ​ជី​ង៝ត​ក្វ៝ង់​ពើស​នាម់​តា​ឞ្រី​អេឆីប  គៃ​មា​លើយ​អោស​អ៝ន់​ផូង​ប៝ន​លាន​ខឹត​ហ្វារ់​ជី​ង៝ត​”។
GEN 41:37 នាវ​យោឆែប​ងើយ​នៃ​ជេង​ទី​មា​នូយ្ស​នហ៝ម់​កាដាច់​ផារ៝ន​ងាន់ នទ្រែល​មា​ទឹង​លែៈ​មពោល​កោរាញ​ពាង់​ដ៝ង់។
GEN 41:38 ជេសរី​ផារ៝ន​លាស​មា​មពោល​កោរាញ​ពាង់៖ “មោ​ហោម​គែស​ឞូនុយ្ស​អេង​រាលាវ​មា​ពាង់​អ្យា គែស​ហ្វេង​កោរាញ​ឞ្រាស​គុ​តា​ពាង់”។
GEN 41:39 ផារ៝ន​លាស​មា​យោឆែប៖ “កោរាញ​ឞ្រាស​លែៈ​មឞើស​អ៝ន់​មា​មៃ​គឹត​នាវ​អ្យា លាស​នទ្រី​មោ​ហោម​គែស​អោស​ឞូនុយ្ស​អេង​មា​គែស​នាវ​មឹន​គឹត​ឞ្លាវ​កើត​មៃ​ដ៝ង់។
GEN 41:40 គ៝ប់​អ៝ន់​មៃ​ម៝ត់​អ្វាញ់​តា​ឞ្រី​អេឆីប ​អ្យា នទ្រែល​មា​ទឹង​លែៈ​ផូង​ប៝ន​លាន​គ៝ប់ ខាន់​ពាង់​អ្យាត់​ទាទេ​នាវ​មៃ​ដាៈ។ ទឹង​គ៝ប់​ក្វ៝ង់​រាលាវ​មៃ យ៝រ​លាស​គ៝ប់​គុ​តា​រានើល​កាដាច់”។
GEN 41:41 ផារ៝ន​លាស​តៃ​មា​យោឆែប៖ “អាបៃ​រី​គ៝ប់​អ៝ន់​មៃ​ទើយ​ម៝ត់​អ្វាញ់​ទឹង​លែៈ​តា​ឞ្រី​អេឆីប ​អ្យា”។
GEN 41:42 ជេសរី​ផារ៝ន​ទ្រីស​រាគេន​ត្រា​ឞើស​តី​ពាង់​នើម​រី នទ៝ក​តា​តី​យោឆែប ឆ៝ៈ​អាវ​ទុត​អ្វែស​ឆើម​ញឆ៝ស​មា​យោឆែប​រី​ដ៝ង់ នទ្រែល​មា​ឆ៝ៈ​រាឆែ​មាយ្ស​វាន់​តា​ត៝ង​ក៝​យោឆែប​រី​ជឹត។
GEN 41:43 ពាង់​អ៝ន់​យោឆែប​ញច៝​រាទែស​ឆែស​កាដាច់ ញច៝​គ្រ៝យ​ឞើស​កើយ​ពាង់​នើម​រី ជេសរី​គែស​ឞូ​នតែរ​លាស៖ “ច៝ន​កោម៝ក់​មឞាស​ពាង់!” កើត​នទ្រី​នាវ​កាដាច់​ផារ៝ន​អ៝ន់​យោឆែប​ទើយ​ម៝ត់​អ្វាញ់​ទឹង​លែៈ​តា​ឞ្រី​អេឆីប ​នៃ។
GEN 41:44 ផារ៝ន​លាស​តៃ​មា​យោឆែប៖ “គ៝ប់​អ្យា​កាដាច់​ផារ៝ន ទឹង​លែៈ​ឞូនុយ្ស​លាម​ឞ្រី​អេឆីប ​អ្យា លាស​មោ​លោស​នាវ​តាៈ​ឞើស​មៃ ឞូ​មោ​ទើយ​អោស​ជាន​ទូ​នតីល​នទើ”។
GEN 41:45 កាដាច់​ផារ៝ន​តេៈ​រាញា​មហែ​អ៝ន់​មា​យោឆែប «ឆាប់នាត-​ផានាស» ជេសរី​ពាង់​ឆើម​អោប​ទូ​ហ្វេ​ឞូ​អូរ​រាញា​អាសនាត ក៝ន​ផោថីផេរា​ឞូនុយ្ស​ជាន​ឞ្រាស​តា​ប៝ន​អោន គៃ​មា​នអាប់​ដាស​យោឆែប។ ទោល​នៃ​យោឆែប​ហាន់​ញឆ៝ង​អ្វាញ់​តា​ឞ្រី​អេឆីប ។
GEN 41:46 យោឆែប​លែៈ​គែស ៣០ នាម់ នោក​ពាង់​ហាន់​តឹម​ម៝ប់​ដាស​កាដាច់​ផារ៝ន ជេសរី​ពាង់​លោស​ឞើស​កាដាច់​ផារ៝ន​នៃ ហាន់​ញឆ៝ង​លាម​នតុក​តា​ឞ្រី​អេឆីប ​រី។
GEN 41:47 នោក​ពើស​នាម់​នៃ តា​ឞ្រី​អេឆីប ​គែស​ព្យាង់​ឞា​អ៝ក់​រាមែស​ងាន់។
GEN 41:48 យោឆែប​ហាន់​រាគូម​ព្យាង់​ឞា​ទឹង​លែៈ​ព្យាង់​ឞា​តា​ឞ្រី​អេឆីប ​រី នោក​ព្យាង់​ឞា​គែស​អ៝ក់​រាមែស​តា​ពើស​នាម់​នៃ ពាង់​តោស​ព្យាង់​ឞា​ឞើស​មីរ​ជុម​ប៝ន​រ៝ៈ​អាប់​ប៝ន​នៃ។
GEN 41:49 យោឆែប​រាគូម​ព្យាង់​ឞា​ទុត​អ៝ក់​ងាន់ តឹម​ឞាន​មា​ច៝យ្ស​រ៝ៈ​ទាក​វាច់​ទាក​វារ់ នហ៝​មា​មោ​ហោម​អោស​ទាង់​កើប​ដ៝ង់។
GEN 41:50 នោក​នាម់​អេ​ហ៝ៈ​ត៝ត់​នាវ​ជី​ង៝ត​ក្វ៝ង់​អី​នៃ យោឆែប នទ្រែល​មា​អូរ​ពាង់​រាញា​អាសនាត​លែៈ​គែស​ក៝ន​ឞូ​ក្លោ​ឞារ​ហៃ អូរ​ពាង់​នៃ​អី​ក៝ន​ផោថីផេរា​អី​ឞូនុយ្ស​ជាន​ឞ្រាស​តា​ប៝ន​អោន។
GEN 41:51 យោឆែប​តេៈ​រាញា​មា​ក៝ន​ឞោក​ទាក​ពាង់​នៃ «មានាឆេ» យ៝រ​លាស​ពាង់​លាស៖ “លែៈ​កោរាញ​ឞ្រាស​ជាន​អ៝ន់​គ៝ប់​ច្វេល​លែៈ​ផ្យៅ​នាវ​ជេរ​ជ៝ត់​តា​គ៝ប់ នទ្រែល​មា​ច្វេល​លែៈ​ផ្យៅ​ឞើស​នទុល​មពោល​គ៝ប់​នើម​ដ៝ង់”។ «មានាឆេ» នតែស​តា​នាវ​ងើយ​ហេឞ្រើ តឹម​ឞាន​មា​នាវ​«អ៝ន់​ច្វេល»។
GEN 41:52 ពាង់​តេៈ​រាញា​មា​ក៝ន​ត៝ល់​ឞារ «អេប្រាអីម» យ៝រ​លាស​ពាង់​លាស៖ “លែៈ​កោរាញ​ឞ្រាស​អ៝ន់​គែស​ក៝ន​មា​គ៝ប់ នតុក​គ៝ប់​គែស​នាវ​ជេរ​អ្យា”។ «អេប្រាអីម» នតែស​តា​នាវ​ងើយ​ហេឞ្រើ តឹម​ឞាន​មា​នាវ​«អ៝ន់​គែស​ក៝ន»។
GEN 41:53 ពើស​នាម់​នាវ​គែស​អ៝ក់​រាមែស​តា​ឞ្រី​អេឆីប ​នៃ​លែៈ​លោច​ជេស‌
GEN 41:54 ជេសរី​នតើម​គែស​នាវ​ជី​ង៝ត​ក្វ៝ង់​ពើស​នាម់ កើត​នាវ​យោឆែប​លែៈ​លាស​នើស​ងាន់។ ទឹង​លែៈ​ឞ្រី​ទាក​អេង​គែស​នាវ​ជី​ង៝ត​ក្វ៝ង់​ទាទេ ហោម​តា​ឞ្រី​អេឆីប ​អី​រី​ទើម​ហោម​គែស​នទើ​ឆោង​ឆា។
GEN 41:55 ត៝ត់​ផូង​ប៝ន​លាន​តា​ឞ្រី​អេឆីប ​នតើម​មោ​គែស​នទើ​ឆោង​ឆា ជេសរី​ខាន់​ពាង់​លែវ​ឞាល់​ហាន់​ទាន់​ព្យាង់​ឞា​តា​កាដាច់​ផារ៝ន ពាង់​លាស​មា​ផូង​ប៝ន​លាន​នៃ៖ “ខាន់​មៃ​ហាន់​ម៝ប់​យោឆែប​រី​ទោ អ្យាត់​ម៝ស​នាវ​ពាង់​ដាៈ”។
GEN 41:56 ទោល​នៃ​នាវ​ជី​ង៝ត​ក្វ៝ង់​លែៈ​លាម​ឞ្រី​អេឆីប ​ងាន់។ យោឆែប​ពើក​ទឹង​លែៈ​ជៃ​ឞា​រ៝ៈ​ប៝ន​អេងៗ​រ៝ គៃ​មា​តាច់​ឞា​អ៝ន់​មា​ផូង​ប៝ន​លាន​អេឆីប  យ៝រ​លាស​នាវ​ជី​ង៝ត​ក្វ៝ង់​អី​នៃ​លើ​មា​ហោ​ងាន់​តា​ឞ្រី​អេឆីប ​រី។
GEN 41:57 ឞូនុយ្ស​ទឹង​លែៈ​ឞ្រី​ហាន់​រាវាត់​ឞា​យោឆែប​តា​ឞ្រី​អេឆីប ​រី​ទាទេ យ៝រ​លាស​នាវ​ជី​ង៝ត​ក្វ៝ង់​អី​នៃ​លើ​មា​ហោ​លាម​នែស​នតូ​អ្យា​ងាន់។
GEN 42:1 ត៝ត់​មា​យាកោប​លែៈ​គឹត​តា​ឞ្រី​អេឆីប ​រី​គែស​ឞា ជេសរី​ពាង់​លាស​មា​អ៝ស​ក៝ន​ពាង់៖ “មើម​គុ​ខាន់​មៃ​រ៝ង់​គ៝ង់​នៃ?”
GEN 42:2 ពាង់​លាស​តៃ​មា​ខាន់​ពាង់៖ “គ៝ប់​តាង់​តា​ឞ្រី​អេឆីប ​រី​គែស​ឞា​តាច់។ លាស​នទ្រី​ខាន់​មៃ​ហាន់​តា​ឞ្រី​នៃ​ទោ រាវាត់​ឞា​គៃ​មា​ឞ៝ន់​រេស លើយ​អ៝ន់​ខឹត​ជី​ង៝ត​ឆា”។
GEN 42:3 ជេសរី​ជឹត​នុយ្ស​អី​នោៗ​យោឆែប​ហាន់​រាវាត់​ឞា​តា​ឞ្រី​អេឆីប ​រី។
GEN 42:4 យើន​មា​យាកោប​មោ​អោស​អ៝ន់​បែនយាមឹន​អី​អ៝ស​យោឆែប​ហាន់​នទ្រែល​នោៗ​ពាង់ យ៝រ​លាស​ក្លាច​គែស​នាវ​ត៝ត់​ជេរ​មា​ពាង់។
GEN 42:5 ជេសរី​អី​ក៝នៗ​យាកោប​អី​ឞូ​ក្វាល់​អីឆ្រាអែល​ដ៝ង់ ហាន់​រាវាត់​ឞា​នទ្រែល​ឞូ​អាបាៈ​អេង​ដ៝ង់ យ៝រ​លាស​តា​ឞ្រី​កានាន​អី​នៃ​គែស​នាវ​ជី​ង៝ត​ក្វ៝ង់​ដ៝ង់។
GEN 42:6 ទោល​នៃ​យោឆែប​ជាន​កោរាញ​ក្វ៝ង់​ម៝ត់​អ្វាញ់​តា​ឞ្រី​អេឆីប  ពាង់​អី​នៃ​ដ៝ង់​តើម​តាច់​ឞា​អ៝ន់​ទឹង​លែៈ​ផូង​ប៝ន​លាន​លាម​ឞ្រី។ អី​នោៗ​ពាង់​ហាន់​ត៝ត់​តា​រី​ពាន់​មឞាស​ពាង់។
GEN 42:7 យោឆែប​នាល់​អី​នោៗ​ពាង់​រ៝ យើន​មា​មោ​អោស​អ៝ន់​អី​នោៗ​នាល់​ពាង់។ ពាង់​ងើយ​ជាញ​មា​ខាន់​ពាង់៖ “ឞើស​តាៈ​ខាន់​មៃ?” ខាន់​ពាង់​អើស៖ “អើ​កោរាញ ហេន​អ្យា​តាៈ​ឞើស​ឞ្រី​កានាន ហាន់​ជ៝យ​រាវាត់​នទើ​ឆោង​ឆា”។
GEN 42:8 យោឆែប​នាល់​ខាន់​ពាង់ យើន​មា​ខាន់​ពាង់​មោ​អោស​គឹត​នាល់​យោឆែប។
GEN 42:9 ទោល​នៃ​យោឆែប​កាស​គឹត​នាវ​មឞើយ​មា​អី​នោៗ​ពាង់​ពាន់​មឞាស​មា​ពាង់។ ពាង់​លាស​មា​អី​នោៗ​ពាង់៖ “ខាន់​មៃ​ជេង​ឞូនុយ្ស​ហាន់​មេត​អ្វាញ់​តា​ឞ្រី​អ្យា​ទើម គៃ​មា​អ្វាញ់​នតុក​មោ​គែស​តាហែន​អ៝ក់”។
GEN 42:10 ខាន់​ពាង់​អើស៖ “មោ​អោស​កោរាញ ហេន​អ្យា​អី​ឞូនុយ្ស​ឆើម​ជាន​ការ​មា​មៃ ហាន់​រាវាត់​នទើ​ឆោង​ឆា​ងាន់។
GEN 42:11 ទឹង​លែៈ​ហេន​អ្យា​ទូ​ឞឹ​ឞាៈ​ទើម ហេន​ជេង​ឞូនុយ្ស​ឆ៝ង់​ងាន់ មោ​គែស​អោស​ឞូនុយ្ស​ហាន់​មេត​អ្វាញ់​នតុក​”។
GEN 42:12 ពាង់​អើស៖ “ខាន់​មៃ​មរោស! ខាន់​មៃ​ហាន់​តា​អ្យា​គៃ​មា​មេត​អ្វាញ់​នតុក​មោ​គែស​តាហែន​អ៝ក់​ទើម”។
GEN 42:13 ខាន់​ពាង់​អើស៖ “អើ​កោរាញ ទឹង​លែៈ​អ៝ស​នោ​ហេន​គែស ១២ នុយ្ស ជេង​ទូ​ឞឹ​ឞាៈ​ទើម ហេន​គុ​តា​ឞ្រី​កានាន។ អាបៃ​អ្យា​អ៝ស​ទុត​ហេន​ហោម​គុ​នទ្រែល​ឞឹ​ហេន ជេសរី​អ៝ស​ហេន​ទូ​ហ្វេ​រី​លែៈ​ខឹត”។
GEN 42:14 យើន​មា​យោឆែប​លាស​មា​ខាន់​ពាង់៖ “ទី​កើត​នាវ​គ៝ប់​លាស​ងាន់ ខាន់​មៃ​អ្យា​ជេង​ឞូនុយ្ស​ហាន់​មេត​អ្វាញ់​នតុក!
GEN 42:15 គ៝ប់​អុច​រាល៝ង​មា​ខាន់​មៃ៖ គ៝ប់​ត៝ន​មា​ខាន់​មៃ​តា​កាដាច់​ផារ៝ន លាស​អ៝ស​ខាន់​មៃ​មោ​ត៝ត់​តា​អ្យា ខាន់​មៃ​មោ​ទើយ​អោស​លោស​ឞើស​នតុក​អ្យា។
GEN 42:16 ខាន់​មៃ​អ៝ន់​ទូ​ហ្វេ​ហាន់​ឆ៝ៈ​អ៝ស​ទុត​ខាន់​មៃ​ឞើស​រី ខាន់​មៃ​អាបាៈ​នៃ​ក្រុង​តា​អ្យា​ប៝ត់ យ៝រ​លាស​គ៝ប់​អុច​គឹត​ខាន់​មៃ​ងើយ​ងាន់​លាស​មោ។ លាស​មោ​ងាន់ គ៝ប់​ត៝ន​តា​កាដាច់​ផារ៝ន ខាន់​មៃ​ជេង​ឞូនុយ្ស​ហាន់​មេត​អ្វាញ់​នតុក​ងាន់​រ៝”។
GEN 42:17 ជេសរី​យោឆែប​ដាៈ​ឞូ​ក្រុង​អី​នោៗ​ពាង់​រី​ពែ​នារ។
GEN 42:18 ត៝ត់​ពែ​នារ យោឆែប​ងើយ​មា​ខាន់​ពាង់៖ “លាស​ខាន់​មៃ​អុច​រេស ខាន់​មៃ​ជាន​កើត​នអា​ទោ យ៝រ​លាស​គ៝ប់​ជេង​ឞូនុយ្ស​ក្លាច​យើក​កោរាញ​ឞ្រាស៖
GEN 42:19 លាស​ខាន់​មៃ​ជេង​ឞូនុយ្ស​ឆ៝ង់​ងាន់ ខាន់​មៃ​អ៝ន់​ទូ​ហ្វេ​តា​មពោល​ខាន់​មៃ​នៃ​ក្រុង​តា​អ្យា ជេសរី​ខាន់​មៃ​អាបាៈ​នៃ​ហាន់​ឆឹត​តា​ឞ្រី​ខាន់​មៃ​នើម នទ្រែល​មា​ញអោត​លែវ​ព្យាង់​ឞា​មា​គែស​នទើ​ឆោង​ឆា​តា​រានាក់​វ៝ល់​មា​ឞាស​ជី​ង៝ត។
GEN 42:20 ជេសរី​លែវ​អ៝ស​ទុត​ខាន់​មៃ​ហាន់​តា​អ្យា គៃ​មា​គឹត​នាវ​ខាន់​មៃ​ងើយ​នៃ​ជេង​ងើយ​ងាន់។ នទ្រី​ខាន់​មៃ​មោ​ខឹត​អោស”។ ខាន់​ពាង់​ជាន​កើត​នៃ‌
GEN 42:21 ជេសរី​ខាន់​ពាង់​តឹម​លាស​នទ្រាង់​ខាន់​ពាង់​នើម៖ “ឆៃ​បាស ឞ៝ន់​តីស​យ៝រ​មា​ឞ៝ន់​ជាន​អ្យើស​មា​អ៝ស​ឞ៝ន់​នើស​រ៝ យ៝រ​លាស​ឞ៝ន់​ឆៃ​ពាង់​ទុត​រាង៝ត​ងាន់​ទាន់​ឞ៝ន់​កើល​ពាង់ តីស​មា​ឞ៝ន់​មោ​អោស​អ្យាត់​ពាង់។ កើត​នទ្រី​ទឹង​នាវ​ជេរ​អ្យា​គែស​តា​មពោល​ឞ៝ន់​ដ៝ង់”។
GEN 42:22 រូបេន​លាស​មា​ខាន់​ពាង់៖ “លែៈ​គ៝ប់​លាស​មា​ខាន់​មៃ​នើស លើយ​ងខឹត​ពាង់ ខាន់​មៃ​មោ​អ្យាត់​នាវ​គ៝ប់។ អាបៃ​អ្យា​ទឹង​ឞ៝ន់​គែស​នាវ​ជេរ យ៝រ​មា​ឞ៝ន់​លែៈ​ញចាយ​មហាម​អ៝ស​ឞ៝ន់​នើស”។
GEN 42:23 ខាន់​ពាង់​មោ​គឹត​អោស​លាស​យោឆែប​អ្យាត់​នាវ​ខាន់​ពាង់​ងើយ​នៃ​គឹត​ទាទេ យ៝រ​លាស​នោក​ពាង់​ងើយ​មា​ខាន់​ពាង់​គែស​ឞូនុយ្ស​ឆើម​រាឞ្លាង​អ៝ន់។
GEN 42:24 យោឆែប​ទូ​ឞើស​នតុក​ខាន់​ពាង់​នៃ​ញុម​អេង ជេសរី​ពាង់​ព្លឹ​ងើយ​តៃ​ដាស​ខាន់​ពាង់។ ពាង់​ឆ៝ៈ​ឆីមោន​ក៝ត់​តា​នាប់​មាត់​អ៝ស​នោ​ពាង់​រី។
GEN 42:25 យោឆែប​ដាៈ​ឞូ​ត៝ល់​មឞេង​ឞា​អ៝ន់​មា​នោៗ​ពាង់ នអ៝ប់​មា​មព្លឹ​ព្រាក់​តេៈ​តា​ទុង​ព្រាក់​តា​ត្រោម​បៅ​ខាន់​ពាង់​នើម​ដ៝ង់ នទ្រែល​មា​អ៝ន់​នទើ​ខាន់​ព្រែ​មា​ឆោង​ឆា​រ៝ៈ​ត្រ៝ង​ជឹត។ ឞូ​ជាន​មា​ខាន់​ពាង់​កើត​នៃ​ងាន់​រ៝។
GEN 42:26 ខាន់​ពាង់​ទាប់​ឞា​តា​កាលើ​ឆែស​លៀ​ខាន់​ពាង់​នើម​រី ជេសរី​ហាន់​ឆឹត។
GEN 42:27 ត៝ត់​តា​នតុក​រាលូ​រ៝ៈ​ត្រ៝ង​រី គែស​ទូ​ហ្វេ​តា​មពោល​ខាន់​ពាង់​រី​ទ្រីស​បៅ ឆ៝ៈ​មពា​គៃ​មា​អ៝ន់​ឆែស​លៀ​ឆា ពាង់​ឆៃ​ទុង​ព្រាក់​តា​ឞ៝រ់​បៅ​ពាង់​នើម។
GEN 42:28 ពាង់​មឞើស​មា​អ៝ស​នោ​ពាង់៖ “អ្វាញ់​អ្យាៈ ព្រាក់​គ៝ប់​លែៈ​ឞូ​មព្លឹ ឞូ​អ៝ន់​តា​ត្រោម​បៅ​អ្យា”។ ទោល​នៃ​ទឹង​លែៈ​ខាន់​ពាង់​នទ្រ៝ត់​ទាទេ ខាន់​ពាង់​ក្លាច​ញឆ៝រ់​ងាន់ ជេសរី​តឹម​លាស​នទ្រាង់​ខាន់​ពាង់​នើម៖ “មើម​កោរាញ​ឞ្រាស​ជាន​មា​ឞ៝ន់!”
GEN 42:29 ជេសរី​ខាន់​ពាង់​ឆឹត​ត៝ត់​តា​ឞ្រី​កានាន​តា​ឞឹ​ខាន់​ពាង់​នើម​រី ខាន់​ពាង់​មឞើស​ងក៝ច​អ៝ន់​មា​ឞឹ​ខាន់​ពាង់​នើម ម៝ស​នាវ​គែស​តា​ខាន់​ពាង់​នើស។
GEN 42:30 ខាន់​ពាង់​លាស៖ “កោរាញ​ម៝ត់​អ្វាញ់​តា​ឞ្រី​អេឆីប ​នៃ​ងើយ​ទុត​ជាញ​ងាន់​មា​ហេន នទ្រែល​មា​នតោន​ហេន​ជេង​ឞូនុយ្ស​ហាន់​មេត​អ្វាញ់​នតុក​ដ៝ង់។
GEN 42:31 យើន​មា​ហេន​អើស​មា​ពាង់៖ «ហេន​អ្យា​ជេង​ឞូនុយ្ស​ឆ៝ង់ មោ​អោស​ទី​ឞូនុយ្ស​ហាន់​មេត​អ្វាញ់​នតុក។
GEN 42:32 ហេន​គែស ១២ នុយ្ស​អ៝ស​នោ ហេន​ទូ​ឞឹ​ឞាៈ​ទើម អ៝ស​ហេន​ទូ​ហ្វេ​លែៈ​ខឹត ហោម​អ៝ស​ទុត​គុ​នទ្រែល​ឞឹ​ហេន​តា​ឞ្រី​កានាន​រី»។
GEN 42:33 កោរាញ​ម៝ត់​អ្វាញ់​តា​ឞ្រី​អេឆីប ​នៃ​លាស​មា​ហេន​កើត​នអា៖ «អាបៃ​អ្យា​នអា​ទោ គៃ​មា​គឹត​នាវ​ខាន់​មៃ​ងើយ​នៃ​ងើយ​ងាន់​លាស​មោ៖ ខាន់​មៃ​អ៝ន់​ទូ​ហ្វេ​ឞូនុយ្ស​តា​មពោល​ខាន់​មៃ​នៃ​គុ​តា​អ្យា ខាន់​មៃ​អាបាៈ​នៃ​ហាន់​ឆឹត​តា​ឞ្រី​ខាន់​មៃ​នើម​រី នទ្រែល​មា​ញអោត​លែវ​ព្យាង់​ឞា​អ៝ន់​មា​រានាក់​វ៝ល់​ខាន់​មៃ​នើម​អា​រី​មា​ឞាស​ជី​ង៝ត​ទោ។
GEN 42:34 ជេសរី​លែវ​អ៝ស​ទុត​ខាន់​មៃ​ឞើស​រី​ហាន់​តឹម​ម៝ប់​នទ្រែល​គ៝ប់។ កើត​នទ្រី​ទឹង​គ៝ប់​គឹត​លាស​ខាន់​មៃ​ជេង​ឞូនុយ្ស​ឆ៝ង់ មោ​អោស​ទី​ឞូនុយ្ស​ហាន់​មេត​អ្វាញ់​នតុក។ តៃ​ទឹង​គ៝ប់​បើក​ឞូនុយ្ស​អ្យា ជេសរី​ខាន់​មៃ​ហាន់​រាឆ៝ង​រាវាត់​នទើ​តា​ឞ្រី​អ្យា​មោ​ច្រាវ​អោស»”។
GEN 42:35 ត៝ត់​មា​ខាន់​ពាង់​ងខុត​បៅ​ឞា អាប់​នើម​ខាន់​ពាង់ ខាន់​ពាង់​ឆៃ​ទុង​ព្រាក់​តា​ត្រោម​បៅ​ឞា​ខាន់​ពាង់​នើម​រី​ទាទេ។ ត៝ត់​មា​ឆៃ​ទុង​ព្រាក់​អី​នៃ ខាន់​ពាង់ នទ្រែល​មា​ឞឹ​ខាន់​ពាង់​ក្លាច​ហោ​ងាន់។
GEN 42:36 យាកោប​អី​ឞឹ​រី​លាស​មា​ខាន់​ពាង់៖ “ខាន់​មៃ​ជាន​អ៝ន់​គ៝ប់​រ៝ស​លែៈ​ក៝ន យោឆែប​រ៝ស ឆីមោន​រ៝ស អាបៃ​អ្យា​ខាន់​មៃ​អុច​ឆ៝ៈ​បែនយាមឹន​ហាន់​ជឹត ជាន​អ៝ន់​គ៝ប់​អោស​នូយ្ស​អោស​នហ៝ម់​ងាន់”។
GEN 42:37 រូបេន​លាស​មា​ឞឹ​ពាង់៖ “អើ​ឞឹ លាស​គ៝ប់​មោ​អោស​លែវ​បែនយាមឹន​ព្លឹ​ញឆឹត​អ៝ន់​មៃ មៃ​ងខឹត​លើយ​ទោ​ក៝ន​ឞូ​ក្លោ​គ៝ប់​ឞារ​ហៃ​នៃ! មៃ​អ៝ន់​ពាង់​ហាន់​នទ្រែល​គ៝ប់ ឞឹ តៃ​គ៝ប់​លែវ​ពាង់​ព្លឹ​ឆឹត​មា​មៃ​ងាន់​រ៝”។
GEN 42:38 យើន​មា​យាកោប​លាស៖ “គ៝ប់​មោ​អោស​អ៝ន់​ក៝ន​ងគ្លែៈ​ទុត​គ៝ប់​ហាន់​នទ្រែល​ខាន់​មៃ យ៝រ​លាស​នោ​ពាង់​លែៈ​ខឹត​ដ៝ង់ ហោម​អែ​ទូ​ហ្វេ​ពាង់​ទើម។ លាស​ម៝ស​គែស​នាវ​ម៝ស​រាមាន​រ៝ៈ​ត្រ៝ង​ទោល​ពាង់​ហាន់​នទ្រែល​ខាន់​មៃ​នៃ លាស​នទ្រី​ជាន​អ៝ន់​គ៝ប់​លែៈ​រាញ​ងាន់​អ្យា​ខឹត យ៝រ​មា​ក្ល៝ង់​រាង៝ត​ហោ​អីរ​នៃ​ដ៝ង់”។
GEN 43:1 នាវ​ជី​ង៝ត​ក្វ៝ង់​តា​ឞ្រី​កានាន​នៃ​លើ​មា​ហោ​លើ​មា​ហោ​ងាន់។
GEN 43:2 ត៝ត់​មា​លែៈ​ឆា​ឞា​រាវាត់​តាៈ​ឞើស​ឞ្រី​អេឆីប ​នៃ​នើស យាកោប​លាស​មា​អ៝ស​ក៝ន​ពាង់៖ “ហាន់​ព្លឹ​រាវាត់​តៃ​ឞា​អាបាៈ​តា​ឞ្រី​អេឆីប ​រី​ហ៝ម់”។
GEN 43:3 យូដា​អើស​មា​ឞឹ​ពាង់៖ “ឞូនុយ្ស​អី​នៃ​លាស​មា​ហេន​នអា​ងាន់៖ «លាស​ខាន់​មៃ​មោ​លែវ​អ៝ស​ទុត​ខាន់​មៃ​ហាន់​តា​អ្យា គ៝ប់​មោ​អ៝ន់​ខាន់​មៃ​ម៝ប់​គ៝ប់​អោស»។
GEN 43:4 អើ​ឞឹ លាស​មៃ​អ៝ន់​ពាង់​ហាន់​នទ្រែល​ហេន នទ្រី​មើ​ទឹង​ហេន​ហាន់​រាវាត់​ឞា។
GEN 43:5 យើន​មា​លាស​មៃ​មោ​អ៝ន់​ពាង់​ហាន់ ហេន​មោ​ហាន់​ដ៝ង់ យ៝រ​លាស​ឞូនុយ្ស​នៃ​លែៈ​លាស​មា​ហេន៖ «លាស​ខាន់​មៃ​មោ​លែវ​អ៝ស​ទុត​ខាន់​មៃ​ហាន់​តា​អ្យា គ៝ប់​មោ​អ៝ន់​ខាន់​មៃ​ម៝ប់​គ៝ប់​អោស!»”
GEN 43:6 អីឆ្រាអែល​អី​ឞូ​ក្វាល់​យាកោប​ដ៝ង់​លាស​មា​ខាន់​ពាង់៖ “ហៃ ម៝ស​ញជោ​លាស​ខាន់​មៃ​ជាន​អ្យើស​មា​គ៝ប់ មឞើស​ងក៝ច​មា​ឞូនុយ្ស​នៃ​លាស​ហោម​គែស​អ៝ស​ទុត​ទូ​ហ្វេ​ហៃ!”
GEN 43:7 ខាន់​ពាង់​អើស៖ “ឞូនុយ្ស​អី​នៃ​អោប​ហេន​ហាច់​មពឹ​លឹ​នតីល​ងាន់ នទ្រែល​មា​អោប​នទុល​មពោល​ឞ៝ន់ ពាង់​លាស៖ «ឞឹ​ខាន់​មៃ​ហោម​រេស​ដ៝ង់? ខាន់​មៃ​ហោម​គែស​អ៝ស​នោ​ដ៝ង់?» ជេង​ហេន​អើស​កើត​នាវ​ពាង់​អោប​នៃ អើម​ហេន​គឹត​លាស​ពាង់​ដាៈ​អ៝ស​ហាន់​តា​ឞ្រី​អេឆីប ​លាស?”
GEN 43:8 យូដា​ទាន់​មា​អីឆ្រាអែល​ឞឹ​ពាង់​រី៖ “អើ​ឞឹ មៃ​អ៝ន់​អ៝ស​នៃ​ហាន់​នទ្រែល​គ៝ប់​ទោ។ នទ្រី​ហេន​ហាន់​អាបៃ​អ្យា​រ៝ គៃ​មា​ឞ៝ន់​រេស លើយ​អ៝ន់​ខឹត នអ៝ប់​មា​មៃ នអ៝ប់​មា​ឆៅៗ​មៃ នអ៝ប់​មា​ហេន​ដ៝ង់។
GEN 43:9 គ៝ប់​ឞាញ់​ត៝ន​ពាង់​មា​មៃ លាស​មោ​អោស​ឆៃ​គ៝ប់​ញជុន​ពាង់​មា​មៃ លាស​នទ្រី​គ៝ប់​គែស​ទោយ្ស​ដាស​មៃ​លែៈ​ទូ​ញជារ់​រេស​គ៝ប់។
GEN 43:10 លាស​ហេន​មោ​គុ​ញជ៝ង ហេន​ឞ្រោៈ​លែៈ​គែស​ឞារ​តឹ​ព្លឹ​រ៝”។
GEN 43:11 ទុត​មា​ទេល​អីឆ្រាអែល​អី​ឞឹ​រី​លាស​មា​ខាន់​ពាង់៖ “លាស​នទ្រី​នអា​ទោ ខាន់​មៃ​ញអោត​នទើ​ទុត​អ្វែស​តាៈ​ឞើស​ឞ្រី​ឞ៝ន់​អ្យា​អ៝ន់​មា​ឞូនុយ្ស​អី​នៃ​បាៈ ខាន់​មៃ​ញអោត​នទើ​បោ​កាស​អាប់​នតីល​បាៈ ទាក​ឆុត​បាៈ នអ៝ប់​មា​គារ់​តោស​អាប់​នតីល​បាៈ​ដ៝ង់។
GEN 43:12 ខាន់​មៃ​ញអោត​ព្រាក់​តា​ឆាក់​អ៝ន់​អ៝ក់​រាលាវ​ខាន់​មរែ​ឞើស​នាប់​នើស​ឞារ​តឹ ព្រាក់​អី​មា​រាវាត់​តៃ​ឞា នទ្រែល​មា​ព្រាក់​អី​ខាន់​មៃ​ឆៃ​តា​បៅ​នើស​ដ៝ង់ ក្លាប់​លាស​ឞូ​វិ​ទាប់។
GEN 43:13 ជេសរី​លែវ​អ៝ស​ខាន់​មៃ​នៃ​ហាន់​អាបៃ​អ្យា​ម៝ប់​ឞូនុយ្ស​អី​រី​ហ៝ម់។
GEN 43:14 ទាន់​កោរាញ​ឞ្រាស​នើម​អី​ទុត​គែស​នាវ​ទើយ​ជាន​អ៝ន់​មា​ឞូនុយ្ស​នៃ​គែស​នាវ​យោៈ​នអាច​មា​ខាន់​មៃ គៃ​មា​បើក​អ៝ន់​ឆីមោន នទ្រែល​បែនយាមឹន​ព្លឹ​ឆឹត​នទ្រែល​មា​ខាន់​មៃ​ដ៝ង់។ គ៝ប់​អ្យា​លាស​មោ​ហោម​គែស​ក៝ន ផាលាស​ទើម”។
GEN 43:15 ជេសរី​ខាន់​ពាង់​ញអោត​នទ៝ស​នទើ​នៃ នអ៝ប់​មា​ព្រាក់​អ៝ក់​ឞារ​តឹ នទ្រែល​មា​លែវ​បែនយាមឹន​ដ៝ង់ ហាន់​តា​ឞ្រី​អេឆីប  ហាន់​តឹម​ម៝ប់​ដាស​យោឆែប​រី។
GEN 43:16 ត៝ត់​តា​ឞ្រី​អេឆីប យោឆែប​ឆៃ​បែនយាមឹន​ហាន់​នទ្រែល​នោៗ​ពាង់ ពាង់​លាស​មា​ឞូនុយ្ស​ម៝ត់​អ្វាញ់​ញីស​ជៃ​ពាង់​រី៖ “លែវ​ខាន់​ពាង់​លាប់​តា​ជៃ​គ៝ប់ ជេសរី​មឞាង​មពោមពា​(ឆ្យុម)​ជាន​ត្រាវ យ៝រ​លាស​ទឹង​លែៈ​ខាន់​ពាង់​អី​នៃ​ឆោង​នារ​នទ្រែល​មា​គ៝ប់”។
GEN 43:17 ពាង់​ជាន​កើត​នាវ​យោឆែប​ទែ​ដាៈ​មា​ពាង់ ជេសរី​លែវ​ខាន់​ពាង់​អី​នៃ​ហាន់​លាប់​តា​ជៃ​យោឆែប។
GEN 43:18 ខាន់​ពាង់​ក្លាច​ហោ​ងាន់ ឆៃ​ឞូ​លែវ​លាប់​តា​ជៃ​យោឆែប ខាន់​ពាង់​តឹម​លាស​នទ្រាង់​ខាន់​ពាង់​នើម៖ “ទឹង​ឞូ​ញជុន​ឞ៝ន់​ហាន់​តា​អ្យា​អា យ៝រ​មា​ព្រាក់​តា​ត្រោម​បៅ​នើស​រ៝។ ឞូ​លែវ​ឞ៝ន់​ហាន់​តា​អ្យា​អា យ៝រ​លាស​ឞូ​គៃ​មា​តេៈ​ទោយ្ស​ឞ៝ន់ គៃ​មា​ឆ៝ៈ​លើយ​ឆែស​លៀ​ឞ៝ន់ នហ៝​មា​ឆ៝ៈ​ឞ៝ន់​គុ​ជាន​ទឹក​ជឹត”។
GEN 43:19 ត៝ត់​តា​ឞោក​មពោង​ជៃ​រី ខាន់​ពាង់​ហាន់​ទាច់​មា​ឞូនុយ្ស​ម៝ត់​អ្វាញ់​ញីស​ជៃ​យោឆែប ជេសរី​ងើយ​ដាស​ពាង់៖
GEN 43:20 “អើ​កោរាញ នារ​ឞើស​កើយ​នើស​ហេន​ហាន់​រាវាត់​ឞា​តា​អ្យា​លែៈ​ទូ​តឹ។
GEN 43:21 ហេន​ឆឹត​ត៝ត់​តា​នតុក​រាលូ​រី ហេន​ទ្រីស​បៅ ឆៃ​ទុង​ព្រាក់​តា​ត្រោម​បៅ​ឞា​ហេន​នើម​រី​ទាទេ រឹង​កើត​អើម។ នារ​អ្យា​ហេន​ញអោត​តៃ​ព្រាក់​នៃ​នទឹ​មា​មៃ‌
GEN 43:22 យ៝រ​លាស​ហេន​មោ​គឹត ឞូ​ម៝ស​តេៈ​ព្រាក់​នៃ​តា​ត្រោម​បៅ​ឞា​ហេន។ ជេសរី​ហេន​ញអោត​តៃ​ព្រាក់​អា​អេង​ជឹត​មា​រាវាត់​តៃ​ឞា”។
GEN 43:23 ឞូ​ក្លោ​អី​នៃ​អើស​មា​ខាន់​ពាង់៖ “លើយ​អោស​រាវៃ គុ​ដាប់​មពាន់​ហ៝ៈ កោរាញ​ឞ្រាស​ខាន់​មៃ​នើម កោរាញ​ឞ្រាស​ឞឹ​ខាន់​មៃ​នើម​ឆើម​អ៝ន់​ព្រាក់​នៃ​តា​ត្រោម​បៅ​ខាន់​មៃ។ យ៝រ​លាស​ព្រាក់​ខ្លៃ​ខាន់​មៃ​រាវាត់​ឞា​នើស​លែៈ​រឹង​តា​គ៝ប់​អ្យា​ទាទេ”។ ជេសរី​ពាង់​បើក​ឆីមោន​អ៝ន់​គុ​នទ្រែល​ខាន់​ពាង់។
GEN 43:24 ជេសរី​ពាង់​លែវ​ខាន់​ពាង់​អី​នៃ​លាប់​តា​ត្រោម​ជៃ​យោឆែប​រី ឆើម​ឆ៝ៈ​ទាក​អ៝ន់​ខាន់​ព្រែ​មា​រាវ​ជ៝ង់ នទ្រែល​មា​ឆ៝ៈ​មពា​មា​អ៝ន់​ឆែស​លៀ​ខាន់​ពាង់​ទែ​ឆា​ដ៝ង់។
GEN 43:25 ខាន់​ពាង់​លែៈ​នទ្រាប់​លើយ​ទឹង​លែៈ​នទើ​មា​អ៝ន់​យោឆែប ទោល​គុ​ក៝ប់​យោឆែប​ត៝ត់​តា​នៃ យ៝រ​លាស​ខាន់​ពាង់​លែៈ​គឹត​ខាន់​ពាង់​គុ​ឆោង​នារ​តា​នតុក​នៃ។
GEN 43:26 ត៝ត់​ឆឹត​យោឆែប​តា​ជៃ​រី ទឹង​លែៈ​ខាន់​ពាង់​ឆ៝ៈ​នទើ​នៃ​ញជុន​អ៝ន់​មា​យោឆែប ជេសរី​ពាន់​មឞាស​ពាង់។
GEN 43:27 យោឆែប​អោប​នាវ​អ្វែស​លាង់​ខាន់​ពាង់៖ “អា​ល៝រ​នើស​ខាន់​មៃ​មឞើស​មា​គ៝ប់​លាស​គែស​ឞឹ​លែៈ​រាញ​ងាន់ អាស​អ្វែស​លាង់​ដ៝ង់​ពាង់? ពាង់​ហោម​រេស​ដ៝ង់​ឞើស?”
GEN 43:28 ខាន់​ពាង់​អើស៖ “ឞឹ​ហេន​ហោម​រេស កោរាញ​មេ ពាង់​អ្វែស​លាង់​ដ៝ង់”។ ជេស​មឞើស​នៃ ខាន់​ពាង់​ពាន់​មឞាស​ពាង់​ទាទេ។
GEN 43:29 ជេសរី​យោឆែប​អ្វាញ់​ឆៃ​បែនយាមឹន អ៝ស​ទូ​នទុល​ទែស​ដាស​ពាង់​នើម ពាង់​អោប​ខាន់​ពាង់៖ “អ្យា​អ៝ស​ទុត​ខាន់​មៃ​មឞើស​ងក៝ច​មា​គ៝ប់​នើស​បាស? ទាន់​កោរាញ​ឞ្រាស​អ៝ន់​នាវ​គែស​ជេង​មា​មៃ​អ៝ស”។
GEN 43:30 យោឆែប​រាង៝ត​ហោ​ងាន់​ឆៃ​អ៝ស​ពាង់ ជេសរី​ពាង់​ហាន់​ញុម​តា​ត្រោម​ជ្រោ​ពាង់​នើម​រី យ៝រ​លាស​ពាង់​មោ​អោស​ទើយ​អ៝ត់។
GEN 43:31 ពាង់​រាពោស​មុស​មាត់​ផ្យៅ លោស​អា​ទីស​អ្យា ពាង់​ញឆ្រោយ្ស​អ៝ត់​ងាន់ ជេសរី​ដាៈ​ឞូ​ពឺ​ព្យាង់​ត្រាវ។
GEN 43:32 ឞូ​ពឺ​ព្យាង់​ត្រាវ​មា​យោឆែប​អ៝ន់​អេង ផូង​អេឆីប ​អី​គុ​តា​រី​គុ​ឆោង​អេង មពោល​អ៝ស​នោ​ពាង់​រី​អ៝ន់​គុ​ឆោង​អេង។ នាវ​វៃ​តា​ផូង​អេឆីប ​មោ​អោស​អ៝ន់​ឆោង​នទ្រែល​ផូង​ហេឞ្រើ យ៝រ​លាស​ខាន់​ពាង់​អ្វាញ់​នាវ​នៃ​បឹ​ងាន់។
GEN 43:33 មពោល​អ៝ស​នោ​យោឆែប​គុ​ឆោង​រាលែ​មាត់​ជឹត​ពាង់​រី​ទាទេ ឞូ​អ៝ន់​ខាន់​ពាង់​គុ​តឹង​ឞោក​នោ នតើម​ឞើស​នោ​ឞោក​ទាក ត៝ត់​មា​អ៝ស​ទុត ទឹង​លែៈ​ខាន់​ពាង់​នទ្រ៝ត់​ទាទេ​ងាន់ មោ​វ៝ត់​អោស​មើម​ទឹង​ឞូ​គឹត។
GEN 43:34 យោឆែប​ដាៈ​ឞូ​ឆ៝ៈ​នទើ​ឆា​ឞើស​នាប់​ពាង់​នើម​រី អ៝ន់​មា​មពោល​អ៝ស​នោ​ពាង់ យើន​មា​បែនយាមឹន​ឞូ​អ៝ន់​អ៝ក់​រាលាវ​ព្រាម់​តឹ​ដាស​មា​ខាន់​ពាង់​អាបាៈ។ ខាន់​ពាង់​ញេត​ឆោង​នទ្រែល​យោឆែប​មអាក​ងាន់។
GEN 44:1 ជេសរី​យោឆែប​ដាៈ​មា​ឞូនុយ្ស​អី​ម៝ត់​អ្វាញ់​ញីស​ជៃ​ពាង់​នៃ៖ “ត៝ល់​អ៝ន់​ឞេងៗ​បៅ​ខាន់​ពាង់ ទាស​ទើយ​ខាន់​ពាង់​ញអោត ជេសរី​តេៈ​ទុង​ព្រាក់​ខាន់​ពាង់​នើម​តា​ត្រោម​បៅ​ខាន់​ពាង់​នើម​ទូ​ហ្វេ​ទូ​ហ្វេ។
GEN 44:2 មៃ​អ្វាញ់​ឞូ​ម៝ស​អី​ក៝ន​ឆែ​រាលាវ​ឞូ​អី​រី ជេសរី​មៃ​តេៈ​ងោរ​ព្រាក់​គ៝ប់​អ្យា​តា​ត្រោម​បៅ​ពាង់ នទ្រែល​មា​ព្រាក់​ខ្លៃ​រាវាត់​ឞា​នៃ​នើស”។ ឞូនុយ្ស​អី​នៃ​ជាន​កើត​នាវ​យោឆែប​ទែ​ដាៈ​មា​ពាង់​ងាន់។
GEN 44:3 ត៝ត់​អាង​អោយ ឞូ​អ៝ន់​ខាន់​ពាង់​ហាន់ នទ្រែល​មា​ឆែស​លៀ​ខាន់​ពាង់​នើម​ដ៝ង់។
GEN 44:4 ខាន់​ពាង់​លោស​ឞើស​ប៝ន​នៃ​អេ​ហ៝ៈ​ងាយ​អោស យោឆែប​លាស​មា​ឞូនុយ្ស​ម៝ត់​អ្វាញ់​ញីស​ជៃ​ពាង់៖ “តឹង​ហ៝ម់​ផូង​អ្យា​អ៝ន់​ត៝ត់​ឞាន ត៝ត់​ឞាន​ខាន់​ពាង់​មៃ​លាស​កើត​នអា៖ «ម៝ស​ខាន់​មៃ​ជាន​កើត​នអៃ ឞូ​លែៈ​ជាន​អ្វែស​មា​ខាន់​មៃ ខាន់​មៃ​ជាន​អ្យើស​មា​ឞូ​ច្រាវ?
GEN 44:5 ខាន់​មៃ​គឹត​បាស? ងោរ​នៃ​កោរាញ​គ៝ប់​វៃ​ទ៝ង់​មា​ញេត នទ្រែល​មា​នាវ​ច្រ៝ង់ ខាន់​មៃ​ជាន​កើត​នៃ​គែស​ទោយ្ស​ជ្រូ​ងាន់»”។
GEN 44:6 ជេសរី​ឞូនុយ្ស​នៃ​តឹង​ខាន់​ពាង់​ត៝ត់​ឞាន ពាង់​លាស​ខាន់​ពាង់​អី​នៃ​កើត​នាវ​យោឆែប​ទែ​ដាៈ​មា​ពាង់​នើស។
GEN 44:7 ខាន់​ពាង់​តឹម​អើស​ដាស​ពាង់៖ “ម៝ស​មៃ​លាស​ហេន​កើត​នទ្រី​រី​កោរាញ? ហេន​មោ​អោស​គែស​ជាន​កើត​នាវ​មៃ​លាស​រី។
GEN 44:8 ព្រាក់​ហេន​ឆៃ​តា​ត្រោម​បៅ​ហេន​នើស លែៈ​ហេន​ញអោត​មព្លឹ​អ៝ន់​មៃ​តាៈ​ឞើស​ឞ្រី​កានាន លាស​នទ្រី​មើម​ហេន​ហោម​ឞ្លាវ​នតុង​ដ៝ង់​ព្រាក់​មាយ្ស​តា​ត្រោម​ជៃ​កោរាញ​មៃ?
GEN 44:9 លាស​នទ្រី​ឞូ​ម៝ស​ឞូនុយ្ស​មៃ​ឆៃ​ជ៝យ​ងោរ​អី​នៃ​តា​មពោល​ហេន​អ្យា ឞូនុយ្ស​អី​នៃ​មៃ​ងខឹត​លើយ​ទោ ជេសរី​ឆ៝ៈ​ទឹង​លែៈ​ហេន​អ្យា​គុ​ជាន​ទឹក​មា​មៃ​រ៝”។
GEN 44:10 ឞូនុយ្ស​នៃ​អើស​មា​ខាន់​ពាង់៖ “អើ លាស​នទ្រី​ជាន​កើត​នាវ​ខាន់​មៃ​លែៈ​លាស​រី​ទោស ឞូ​ម៝ស​បៅ​គ៝ប់​ឆៃ​ងោរ​នៃ ឞូនុយ្ស​អី​នៃ​អ៝ន់​គុ​ជាន​ទឹក​គ៝ប់ ឞូនុយ្ស​អាបាៈ​មោ​ហោម​ដ៝ង់​អោស​គែស​ទោយ្ស”។
GEN 44:11 ជេសរី​ទឹង​លែៈ​ខាន់​ពាង់​ញជុរ​បៅ​អា​នែស​ទាទេ​រ៝ ទ្រីស​បៅ​អី​រី។
GEN 44:12 ឞូ​នុយ្ស​នៃ​រាហី​អ្វាញ់​នតើម​ឞើស​បៅ​នោ​ឞោក​ទាក នហ៝​មា​ត៝ត់​បៅ​អ៝ស​ទុត ពាង់​ឆៃ​ងោរ​អី​នៃ​តា​ត្រោម​បៅ​បែនយាមឹន។
GEN 44:13 ល៝ង់​អី​នោៗ​រី រាង៝ត​ហោ​ងាន់ ងខេក​ឞ៝ក​អាវ​ខាន់​ពាង់​នើម ពឺ​ទ្រាប់​នទើ​ទាប់​តា​កាលើ​ឆែស​លៀ ជេសរី​ព្លឹ​តៃ​តា​ប៝ន​យោឆែប​នៃ។
GEN 44:14 យូដា​នទ្រែល​មា​អ៝ស​នោ​ពាង់​ព្លឹ​ជឹត​កើយ ត៝ត់​តា​ជៃ​យោឆែប​រី ឆៃ​ពាង់​ហោម​តា​នៃ​ដ៝ង់។ ខាន់​ពាង់​ពាន់​តា​នែស​តា​នាប់​ពាង់។
GEN 44:15 យោឆែប​លាស​មា​ខាន់​ពាង់៖ “ម៝ស​ខាន់​មៃ​ជាន​កើត​នអៃ ខាន់​មៃ​មោ​គឹត​បាស គ៝ប់​អ្យា​ជេង​ឞូនុយ្ស​ឞ្លាវ​ច្រ៝ង់​ងាន់?”
GEN 44:16 យូដា​អើស​មា​ពាង់៖ “ហេន​មោ​ហោម​អោស​គែស​នាវ​អើស​មា​កោរាញ​ដ៝ង់ ហេន​មោ​ហោម​គែស​នាវ​ងើយ​ដ៝ង់ យ៝រ​លាស​លែៈ​កោរាញ​ឞ្រាស​ញហើ​ជេស​នាវ​តីស​ហេន អាបៃ​អ្យា​ទឹង​លែៈ​ហេន​អ្យា នទ្រែល​មា​ឞូនុយ្ស​នតុង​ងោរ​អី​នៃ ហេន​គុ​ជាន​ទឹក​មា​កោរាញ”។
GEN 44:17 យោឆែប​អើស​មា​ខាន់​ពាង់៖ “គ៝ប់​មោ​អោស​ជាន​កើត​នអៃ ឞូ​ម៝ស​បៅ​ឆៃ​ងោរ ឞូនុយ្ស​អី​នៃ​ទូ​ហ្វេ​ទើម​គ៝ប់​ឆ៝ៈ​ជាន​ទឹក។ ខាន់​មៃ​អាបាៈ​នៃ​ព្លឹ​ឆឹត​តា​រានាក់​វ៝ល់ តា​ឞឹ​ខាន់​មៃ​នើម​រី​មា​នាវ​ដាប់​មពាន់​ទោ”។
GEN 44:18 យូដា​ហាន់​ទាច់​អា​យោឆែប​ងើយ​មា​ពាង់៖ “អើ​កោរាញ ទាន់​មៃ​យោៈ​នអាច​មា​គ៝ប់ លើយ​ជី​នូយ្ស​មា​គ៝ប់ អ៝ន់​គ៝ប់​ងើយ​ដាស​មៃ​ទូ​ត៝ង មៃ​តឹម​ឞាន​មា​កាដាច់​ផារ៝ន​ដ៝ង់។
GEN 44:19 មៃ​លែៈ​អោប​ហេន៖ «ខាន់​មៃ​គែស​ឞឹ គែស​អ៝ស​ដ៝ង់?»
GEN 44:20 ហេន​លែៈ​មឞើស​ងក៝ច​មា​មៃ៖ «ហេន​គែស​ឞឹ​លែៈ​រាញ​ងាន់ នទ្រែល​មា​អ៝ស​ទុត​ទូ​ហ្វេ នោក​ទែស​ពាង់​អី​នៃ​ឞឹ​ហេន​លែៈ​រាញ អី​នោ​ពាង់​លែៈ​ខឹត​ដ៝ង់ ទូ​មេៈ​ឞាៈ​ពាង់​ហោម​ពាង់​អី​នៃ​ទូ​ហ្វេ​ទើម ឞឹ​ហេន​រ៝ង់​មា​ពាង់​អី​នៃ​ហោ​ងាន់។
GEN 44:21 មៃ​លែៈ​លាស​មា​ហេន៖ «លែវ​ពាង់​ហាន់​តា​គ៝ប់​អ្យា គ៝ប់​ឞែ​មា​ឆៃ​មុស​មាត់​ពាង់»។
GEN 44:22 ជេសរី​ហេន​លែៈ​មឞើស​ងក៝ច​មា​មៃ៖ «អ៝ស​ហេន​អី​នៃ​មោ​អោស​ទើយ​បាស​ងាយ​ដាស​ឞឹ​ហេន លាស​បាស​ងាយ​ឞឹ​ហេន​ខឹត​រ៝»។
GEN 44:23 មៃ​លែៈ​លាស​មា​ហេន​អី​ឞូនុយ្ស​ឆើម​ជាន​ការ​មា​មៃ៖ «លាស​អ៝ស​ទុត​ខាន់​មៃ​មោ​អោស​ហាន់​តា​អ្យា ខាន់​មៃ​មោ​ម៝ប់​មុស​មាត់​គ៝ប់​ជឹត»។
GEN 44:24 ត៝ត់​ហេន​ព្លឹ​ឆឹត​អា​ឞឹ​ហេន​រី ហេន​មឞើស​ងក៝ច​នាវ​មៃ​លាស​នៃ​មា​ពាង់។
GEN 44:25 ឞឹ​ហេន​លាស​មា​ហេន៖ «ខាន់​មៃ​ហាន់​ព្លឹ​រាវាត់​តៃ​ឞា​អាបាៈ​អ៝ន់​មា​ឞ៝ន់​ជឹត»។
GEN 44:26 ហេន​អើស​មា​ពាង់៖ «ហេន​មោ​ទើយ​អោស​ហាន់ អ៝ស​ទុត​អី​នៃ​ហាន់​នទ្រែល​ហេន នទ្រី​មើ​ទឹង​ហេន​ហាន់​ព្លឹ​រាវាត់​តៃ លាស​ពាង់​អី​នៃ​មោ​ហាន់​នទ្រែល​ហេន ឞូ​មោ​អោស​អ៝ន់​ហេន​ហាន់​ម៝ប់​មុស​មាត់​ឞូនុយ្ស​អី​រី​»។
GEN 44:27 ជេសរី​ឞឹ​ហេន​លាស​មា​ហេន៖ «ខាន់​មៃ​លែៈ​គឹត​ដ៝ង់ អូរ​គ៝ប់​ឞាៈ​ក៝ន​មា​គ៝ប់​ក៝ន​ឞូ​ក្លោ​ឞារ​អឹ​ទើម។
GEN 44:28 ក៝ន​ង្វាយ​លែៈ​រ៝ស​ដ៝ង់ គ៝ប់​មឹន​លាស​លែៈ​មពោមពា​(ឆ្យុម)​ឞ្រី​ឆា​ហេក​លែៈ​ផ្យៅ​រ៝ គ៝ប់​មោ​ហោម​អោស​ឆៃ​មុស​មាត់​ពាង់ នហ៝​មា​ត៝ត់​នារ​អ្យា។
GEN 44:29 អាបៃ​អ្យា​ខាន់​មៃ​អុច​ឆ៝ៈ​ពាង់​អី​នៃ​លែវ​ហាន់​អា​រី​ដ៝ង់ លាស​គែស​នាវ​ម៝ស​រាមាន​ត៝ត់​ជេរ​មា​ពាង់ ខាន់​មៃ​ជាន​អ៝ន់​គ៝ប់​អី​លែៈ​រាញ​ងាន់​អ្យា​ខឹត យ៝រ​មា​នាវ​អ្យើស»។
GEN 44:30 អាបៃ​អ្យា​លាស​ហេន​ឆឹត​ម៝ប់​ឞឹ​ហេន លាស​អ៝ស​ហេន​អី​នៃ​មោ​ហាន់​នទ្រែល​ហេន យ៝រ​លាស​ឞូនុយ្ស​អី​នៃ​ឞឹ​ហេន​រ៝ង់​ហោ​ងាន់‌
GEN 44:31 លាស​មោ​ឆៃ​ពាង់ ឞឹ​ហេន​ខឹត​ងាន់​រ៝។ លាស​នទ្រី​ហេន​ជាន​អ៝ន់​ឞឹ​ហេន​លែៈ​រាញ​ខឹត យ៝រ​មា​ក្ល៝ង់​រាង៝ត​ហោ​អីរ។
GEN 44:32 គ៝ប់​លែៈ​ត៝ន​មា​ឞឹ​គ៝ប់៖ «លាស​គ៝ប់​មោ​លែវ​ពាង់​ព្លឹ​ឆឹត​មា​មៃ​ឞឹ គ៝ប់​គែស​ទោយ្ស​មា​មៃ​លែៈ​ទូ​ញជារ់​នាវ​រេស​គ៝ប់»។
GEN 44:33 អើ​កោរាញ លាស​នទ្រី​ទាន់​មៃ​អ៝ន់​គ៝ប់​គុ​ជាន​ទឹក​មា​មៃ​តា​អ្យា​ត្រ៝ៈ​អ៝ស​គ៝ប់។ មៃ​អ៝ន់​ពាង់​អី​នៃ​ព្លឹ​ឆឹត​នទ្រែល​អ៝ស​នោ​គ៝ប់​អា​រី។
GEN 44:34 លាស​មៃ​មោ​អ៝ន់​ពាង់​អី​នៃ​ឆឹត​នទ្រែល​គ៝ប់ មើម​គ៝ប់​ឞាញ់​ហាន់​ម៝ប់​ឞឹ​គ៝ប់? យ៝រ​លាស​គ៝ប់​មោ​អុច​ឆៃ​នាវ​រាង៝ត​ឞឹ​គ៝ប់​នៃ”។
GEN 45:1 យោឆែប​មោ​ហោម​អោស​ទើយ​អ៝ត់​រាទ៝ង់​នូយ្ស​នហ៝ម់​តា​នាប់​ផូង​គុ​កេង​ពាង់​រី ជេសរី​ពាង់​ដាៈ​ឞូ​ទូ​លោស​ឞើស​នតុក​នៃ​លែៈ​ផ្យៅ។ នោក​យោឆែប​ញហើ​ឆាក់​ពាង់​នើម​អ៝ន់​មា​អ៝ស​នោ​ពាង់​នាល់ ឞូ​អាបាៈ​មោ​អោស​គុ​តា​នៃ។
GEN 45:2 យោឆែប​ញុម​លុង​ល៝ច​ងាន់ តាង់​ត៝ត់​តា​ផូង​អេឆីប  នទ្រែល​មា​ផូង​គុ​តា​ជៃ​កាដាច់​ផារ៝ន​រី​ងាន់។
GEN 45:3 យោឆែប​លាស​មា​អ៝ស​នោ​ពាង់៖ “គ៝ប់​អ្យា​យោឆែប! អាស​ឞឹ​គ៝ប់​ហោម​រេស​ដ៝ង់?” មពោល​អ៝ស​នោ​ពាង់​មោ​ហោម​អោស​ឞ្លាវ​អើស ខាន់​ពាង់​ក្លាច​ទាទេ យ៝រ​លាស​លែៈ​ឆៃ​យោឆែប​ឞើស​នាប់​ខាន់​ពាង់​នើម​រី។
GEN 45:4 យោឆែប​លាស​មា​ខាន់​ពាង់៖ “គ៝ប់​ទាន់​ខាន់​មៃ​ហាន់​ទាច់​អា​គ៝ប់​អ្យា” ខាន់​ពាង់​ហាន់​ទាច់​អា​យោឆែប​ត៝។ ជេសរី​លាស​មា​ខាន់​ពាង់៖ “គ៝ប់​អ្យា​យោឆែប​អ៝ស​ខាន់​មៃ អី​ខាន់​មៃ​តាច់​អ៝ន់​មា​ផូង​អេឆីប ​នើស។
GEN 45:5 អើ​នោ ខាន់​មៃ​លើយ​រាវៃ លើយ​ហោម​អោស​រាង៝ត​នាវ​ខាន់​មៃ​លែៈ​តាច់​គ៝ប់​អ្យា​នើស យ៝រ​លាស​ជេង​កោរាញ​ឞ្រាស​នើម​ញជុន​អ៝ន់​គ៝ប់​ហាន់​ល៝រ​តា​អ្យា គៃ​មា​កើល​ខាន់​មៃ។
GEN 45:6 ល៝ង់​អាបៃ​អ្យា​នាវ​ជី​ង៝ត​ក្វ៝ង់​អី​នៃ​លែៈ​គែស​ឞារ​នាម់ យើន​មា​ហោម​ព្រាម់​នាម់​ជឹត​នាប់​ជឹត មោ​អោស​គែស​ឞូនុយ្ស​មា​តូច​តាម់ មា​កាច់​រ៝យ្ស។
GEN 45:7 កោរាញ​ឞ្រាស​ញជុន​អ៝ន់​គ៝ប់​ហាន់​ល៝រ​តា​អ្យា គៃ​មា​រាគូម​ព្រាប់​ព្យាង់​ឞា​មា​អ៝ន់​ខាន់​មៃ​ហោម​រេស​តា​នែស​នតូ​អ្យា អ្យា​ជេង​នាវ​រាក្លាយ្ស​ទុត​ក្វ៝ង់​ងាន់។
GEN 45:8 លាស​នទ្រី​មោ​គែស​អោស​ខាន់​មៃ​ញជុន​គ៝ប់​ហាន់​តា​អ្យា កោរាញ​ឞ្រាស​អី​នាក់​ញជុន​គ៝ប់ កោរាញ​ឞ្រាស​អ៝ន់​គ៝ប់​ជាន​កោរាញ​ទុត​ក្វ៝ង់​មា​កាដាច់​ផារ៝ន អ៝ន់​គ៝ប់​ម៝ត់​អ្វាញ់​ទឹង​លែៈ​តា​ញីស​ជៃ​ពាង់ នទ្រែល​មា​អ៝ន់​គ៝ប់​ជាន​កោរាញ​ម៝ត់​អ្វាញ់​លាម​ឞ្រី​អេឆីប ​អ្យា។
GEN 45:9 អើ​នោ ខាន់​មៃ​ហាន់​ព្លឹ​អា​ឞឹ​រី​អ៝ន់​គើញ​ហ៝ម់ មឞើស​ងក៝ច​មា​ពាង់​កើត​នអា៖ «អើ​ឞឹ យោឆែប​ក៝ន​មៃ​ទាន់​នតិញ កោរាញ​ឞ្រាស​អ៝ន់​ក៝ន​ជាន​កោរាញ​ម៝ត់​អ្វាញ់​លាម​ឞ្រី​អេឆីប  ទាន់​ឞឹ​ហាន់​តឹម​ម៝ប់​ដាស​ក៝ន​តា​អ្យា​រ៝ លើយ​អោស​ក៝ប់​ជ៝ៈ។
GEN 45:10 មៃ​គុ​តា​ឞ្រី​កោឆែន​តឹម​ទាច់​ដាស​នតុក​គ៝ប់​គុ នអ៝ប់​មា​មៃ​នើម នអ៝ប់​មា​ក៝ន​មា​ឆៅ​មៃ នអ៝ប់​មា​នទ្រោក​មា​ឞែ​ឞ្យាប់​មៃ នទ្រែល​មា​ទឹង​លែៈ​នទើ​មៃ​គែស។
GEN 45:11 តៃ​គ៝ប់​ពេត​ឆ្យាម់​មៃ​តា​ឞ្រី​អី​នៃ នទ្រែល​មា​រានាក់​វ៝ល់​មៃ មោ​អោស​អ៝ន់​ខាន់​មៃ​ខឹត​ជី​ង៝ត​ឆា យ៝រ​លាស​ហោម​ព្រាម់​នាម់​ជឹត​នាវ​ជី​ង៝ត​ក្វ៝ង់​អ្យា»។
GEN 45:12 អើ​នោ ទឹង​លែៈ​ខាន់​មៃ នទ្រែល​មា​អ៝ស​បែនយាមឹន​លែៈ​ឆៃ​ជេស​គ៝ប់​តា​អ្យា គ៝ប់​ងាន់​ងើយ​នទ្រែល​ខាន់​មៃ។
GEN 45:13 អើ​នោ ខាន់​មៃ​មឞើស​ងក៝ច​មា​ឞឹ​ឞ៝ន់​រី​តៃ ទឹង​លែៈ​នាវ​ទើយ​គ៝ប់​ជាន​តា​ឞ្រី​អេឆីប ​អ្យា នទ្រែល​មា​ទឹង​លែៈ​នទើ​ខាន់​មៃ​លែៈ​ឆៃ។ អ៝ន់​គើញ​ខាន់​មៃ​លែវ​ឞឹ​ហាន់​តា​អ្យា”។
GEN 45:14 យោឆែប​អូត​បែនយាមឹន​នហ៝​មា​ញុម​តា​អ៝ស​ពាង់​រី បែនយាមឹន​កើត​នទ្រី​ដ៝ង់។
GEN 45:15 យោឆែប​អូត​នោៗ​ពាង់​ទឹង​លែៈ ញុម​ដ៝ង់ ជេសរី​ខាន់​ពាង់​តឹម​មឞើស​ងើយ​ងក៝ច​ឞ្រី​ដាស​ពាង់។
GEN 45:16 នាវ​អី​នៃ​តាង់​ត៝ត់​តា​ជៃ​កាដាច់​ផារ៝ន​រី​ងាន់ លាស​អ៝ស​នោ​យោឆែប​លែៈ​ត៝ត់​តា​រី ផារ៝ន នទ្រែល​មា​ផូង​កោរាញ​ពាង់​រាម់​មអាក​ងាន់។
GEN 45:17 កាដាច់​ផារ៝ន​លាស​មា​យោឆែប៖ “មៃ​លាស​មា​អ៝ស​នោ​មៃ​កើត​នអា៖ «នទ្រាប់​ឆែស​លៀ​ខាន់​មៃ​នៃ​ព្លឹ​ឆឹត​ហ៝ម់​តា​ឞ្រី​កានាន​រី‌
GEN 45:18 ជេសរី​លែវ​ឞឹ នទ្រែល​មា​រានាក់​វ៝ល់​ខាន់​មៃ​ហាន់​តា​អ្យា តៃ​គ៝ប់​អ៝ន់​នតុក​អ្វែស​រាលាវ​ឞូ​តា​ឞ្រី​អេឆីប ​អ្យា​មា​ខាន់​មៃ ជេសរី​ខាន់​មៃ​ឆា​នទើ​អី​កាស​រាលាវ​ឞូ​ដ៝ង់​តា​ឞ្រី​អ្យា»។
GEN 45:19 មៃ​លាស​ដ៝ង់​មា​ខាន់​ពាង់៖ «អ៝ន់​ខាន់​មៃ​ញអោត​រាទែស​ឞើស​ឞ្រី​អេឆីប ​អ្យា​មា​ញច្វាន់​រាទែង​អូរ​ក៝ន​ខាន់​មៃ នទ្រែល​មា​ឞឹ​ខាន់​មៃ​ហាន់​តា​អ្យា។
GEN 45:20 លើយ​អោស​ពើស​ទ្រាប់​នទើ​ខាន់​មៃ យ៝រ​លាស​នទើ​អ្វែស​រាលាវ​ឞូ​តា​ឞ្រី​អេឆីប ​អ្យា​ជេង​នទើ​ខាន់​មៃ»”។
GEN 45:21 ជេសរី​មពោល​អ៝ស​ក៝ន​អីឆ្រាអែល​ជាន​តឹង​កើត​នៃ។ យោឆែប​ឆ៝ៈ​រាទែស​អ៝ន់​មា​ខាន់​ពាង់​កើត​នាវ​ផារ៝ន​លាស​មា​ពាង់ នទ្រែល​មា​អ៝ន់​នទើ​ខាន់​ពាង់​ឆោង​ឆា​រ៝ៈ​ត្រ៝ង​ដ៝ង់។
GEN 45:22 យោឆែប​អ៝ន់​ឞ៝ក​អាវ​មហែ​មា​នោៗ​ពាង់​ទូ​ឞ្លាស​ទូ​ហ្វេ​ទូ​ហ្វេ យើន​មា​ពាង់​អ៝ន់​ព្រាក់​មា​បែនយាមឹន ៣០០ កាក់​ព្រាក់ នទ្រែល​មា​ព្រាម់​ឞ្លាស​ឞ៝ក​អាវ។
GEN 45:23 ពាង់​ញជ្វាល់​នទើ​មា​ឞឹ​ពាង់ ឆែស​លៀ​ជឹត​អឹ គែស​នអ៝ប់​មា​នទើ​អ្វែសៗ​តាៈ​ឞើស​ឞ្រី​អេឆីប  ឆែស​លៀ​មែ​ជឹត​អឹ គែស​នអ៝ប់​មា​ឞា​ទាប់​តា​កាលើ​រី នទ្រែល​មា​នទើ​អ៝ន់​ឞឹ​ពាង់​ឆោង​ឆា​រ៝ៈ​ត្រ៝ង​តៃ។
GEN 45:24 ជេសរី​យោឆែប​អ៝ន់​អ៝ស​នោ​ពាង់​ឆឹត នហ៝​មា​នតិញ​ខាន់​ពាង់៖ “លើយ​តា​ខាន់​មៃ​តឹម​រាលាច់​តឹម​ល៝ក់​រ៝ៈ​ត្រ៝ង​រី​តៃ”។
GEN 45:25 ខាន់​ពាង់​លោស​ឞើស​ឞ្រី​អេឆីប  ឆឹត​តា​យាកោប​ឞឹ​ខាន់​ពាង់​នើម តា​ឞ្រី​កានាន​រី។
GEN 45:26 ត៝ត់​តា​ឞ្រី​នៃ ខាន់​ពាង់​មឞើស​ងក៝ច​មា​ឞឹ​ខាន់​ពាង់៖ “ក៝ន​មៃ​យោឆែប​ហោម​រេស ពាង់​ជាន​កោរាញ​ម៝ត់​អ្វាញ់​លាម​ឞ្រី​អេឆីប ​ងាន់”។ យើន​មា​យាកោប​មោ​អោស​ជី​ឞោក​ជី​តោរ យ៝រ​លាស​ពាង់​មោ​អោស​អ្យាត់​នាវ​ខាន់​ពាង់​មឞើស​ងក៝ច​នៃ។
GEN 45:27 ត៝ត់​មា​ខាន់​ពាង់​មឞើស​ងក៝ច​ទឹង​លែៈ​នាវ​យោឆែប​ទែ​នតិញ​រី​នើស ឆៃ​រាទែស​យោឆែប​ទែ​ញជ្វាល់​គៃ​មា​រាទែង​ពាង់​ហាន់​តា​ឞ្រី​អេឆីប  រី​មើ​យាកោប​នតើម​នទ្រ៝ត់​ឆាក់។
GEN 45:28 ជេសរី​អីឆ្រាអែល​អី​ឞូ​ក្វាល់​យាកោប​ដ៝ង់​លាស៖ “លែៈ​គ៝ប់​អ្យាត់​ហើយ្ស! យោឆែប​ក៝ន​គ៝ប់​ពាង់​ហោម​រេស គ៝ប់​អុច​ហាន់​ម៝ប់​ពាង់​អេ​ល៝រ​មា​គ៝ប់​ខឹត”។
GEN 46:1 ជេសរី​អីឆ្រាអែល​អី​ឞូ​ក្វាល់​យាកោប​ដ៝ង់ ញអោត​ទឹង​លែៈ​ទ្រាប់​នទើ​ពាង់​គែស​ហាន់​នទ្រែល​ពាង់​នើម។ ត៝ត់​តា​ប៝ន​បេរឆេបា​រី ពាង់​គុច​ញហើរ​នទើ​ជាន​ឞ្រាស​មា​កោរាញ​ឞ្រាស​អី​ឞ្រាស​អីឆាក់​ឞឹ​ពាង់​នើម​យើក​មឞាស។
GEN 46:2 កោរាញ​ឞ្រាស​ងើយ​មា​អីឆ្រាអែល​តា​នាវ​តឹម​ឆៃ​នោក​មាង់៖ “អើ​យាកោប! អើ​យាកោប!” អីឆ្រាអែល​អើស៖ “ម៝ស​ហាៈ​កោរាញ​ឞ្រាស!”
GEN 46:3 កោរាញ​ឞ្រាស​លាស​មា​ពាង់៖ “គ៝ប់​អ្យា​កោរាញ​ឞ្រាស​អី​ឞ្រាស​ឞឹ​មៃ​យើក​មឞាស។ មៃ​លើយ​អោស​ក្លាច​ហាន់​តា​ឞ្រី​អេឆីប  យ៝រ​លាស​តា​ឞ្រី​អី​នៃ​តៃ​គ៝ប់​ជាន​អ៝ន់​មៃ​ជេង​ទូ​ផូង​ក្វ៝ង់។
GEN 46:4 គ៝ប់​ហាន់​នទ្រែល​មៃ​តា​ឞ្រី​អេឆីប ​នៃ ជេសរី​តៃ​គ៝ប់​លែវ​មៃ​ព្លឹ​ឞើស​ឞ្រី​អី​នៃ​ដ៝ង់។ ត៝ត់​មៃ​ខឹត​យោឆែប​ឆើម​រាទេប​មាត់​មៃ”។
GEN 46:5 ជេសរី​យាកោប​លោស​ឞើស​បេរឆេបា​នៃ ផូង​អ៝ស​ក៝ន​អីឆ្រាអែល​រាទែង​ឞឹ​ខាន់​ពាង់​នើម នទ្រែល​មា​អូរ​ក៝ន​ខាន់​ពាង់​នើម​មា​រាទែស​កាដាច់​ផារ៝ន​ទែ​ញជ្វាល់​រី​នើស។
GEN 46:6 ខាន់​ពាង់​ញអោត​ទឹង​លែៈ​មពោមពា​(ឆ្យុម)​ទឹង​លែៈ​ទ្រាប់​នទើ​ខាន់​ពាង់​នើម​គែស​តា​ឞ្រី​កានាន លែវ​នទ្រែល​ខាន់​ពាង់​នើម​ទាទេ។ យាកោប​លែវ​រាន៝យ​ទែស​ពាង់​នើម​លែៈ​ផ្យៅ​ហាន់​តា​ឞ្រី​អេឆីប ។
GEN 46:7 យាកោប​លែវ​ក៝ន​ឞូ​អូរ​ក៝ន​ឞូ​ក្លោ ឆៅ​ឞូ​អូរ​ឆៅ​ឞូ​ក្លោ នទ្រែល​មា​ទឹង​លែៈ​រាន៝យ​ទែស​ពាង់​នើស ហាន់​តា​ឞ្រី​អេឆីប ​រី​នទ្រែល​ពាង់​នើម​ទាទេ។
GEN 46:8 អ្យា​ជេង​គែស​រាញា​ឆាក់​ផូង​ក៝ន​ឆៅ​អីឆ្រាអែល​ហាន់​តា​ឞ្រី​អេឆីប ៖ យាកោប នទ្រែល​មា​ទឹង​លែៈ​អ៝ស​ក៝ន​ពាង់។ ក៝ន​ឞោក​ទាក​យាកោប​រាញា​រូបេន។
GEN 46:9 ក៝ន​ឞូ​ក្លោ​រូបេន តា​នៃ​គែស៖ ហានុក  គែស​ផាលូ គែស​ហេឆ្រុន នទ្រែល​មា​ការមី។
GEN 46:10 ក៝ន​ឞូ​ក្លោ​ឆីមោន៖ តា​នៃ​គែស​យេមូអែល គែស​យាមីន គែស​អោហាត គែស​យាកីន គែស​ឆោហារ នទ្រែល​មា​ឆោល។ មេៈ​ឆោល​ឞូ​អូរ​ផូង​កានាន។
GEN 46:11 ក៝ន​ឞូ​ក្លោ​លេវី៖ តា​នៃ​គែស​កេរឆ៝ន គែស​កេហាត នទ្រែល​មា​មរារី។
GEN 46:12 ក៝ន​ឞូ​ក្លោ​យូដា៖ តា​នៃ​គែស​អេរ គែស​អោនាន គែស​ឆេលា គែស​ពេរេស នទ្រែល​មា​ឆេរាស។ (ក៝ន​ឞារ​ហៃ​អេរ នទ្រែល​មា​អោនាន​លែៈ​ខឹត​តា​ឞ្រី​កានាន។) ក៝ន​ឞូ​ក្លោ​ពេរេស៖ តា​នៃ​គែស​ហេឆ្រុន នទ្រែល​មា​ហាមុល។
GEN 46:13 ក៝ន​ឞូ​ក្លោ​អីឆាខារ៖ តា​នៃ​គែស​ថោលា គែស​ពូវា គែស​យោប នទ្រែល​មា​ឆីមរោន។
GEN 46:14 ក៝ន​ឞូ​ក្លោ​ឆាប់យូលោន៖ តា​នៃ​គែស​ឆេរែត គែស​អេលោន នទ្រែល​មា​យាលៀល។
GEN 46:15 ទឹង​លែៈ​ខាន់​ពាង់​អី​នៃ​ជេង​ក៝ន​លេអា​ទាទេ ពាង់​ឞាៈ​អ៝ន់​មា​យាកោប​ទោល​គុ​តា​ឞ្រី​ពាដាន-អារាម​នើស នទ្រែល​មា​ដីនា​ក៝ន​ឞូ​អូរ​ពាង់។ ទឹង​លែៈ​ក៝ន​លេអា នអ៝ប់​មា​ឆៅ​ពាង់​គែស ៣៣ នុយ្ស។
GEN 46:16 ក៝ន​ឞូ​ក្លោ​កាត៖ តា​នៃ​គែស​ឆេផុន គែស​ហាកី គែស​ឆូនី គែស​អេសប៝ន គែស​អេរី គែស​អារោដី នទ្រែល​មា​អារេលី។
GEN 46:17 ក៝ន​ឞូ​ក្លោ​អាឆើរ៖ តា​នៃ​គែស​យិមនា គែស​យីសវា គែស​អីសវី គែស​បេរីយា នទ្រែល​មា​ឆេរា​អ៝ស​ឞូ​អូរ។ ក៝ន​បេរីយា៖ តា​នៃ​គែស​ហេបើរ នទ្រែល​មា​មាល់កៀល។
GEN 46:18 ទឹង​លែៈ​ខាន់​ពាង់​អី​នៃ​ជេង​ក៝ន​ឆៅ​ឆិលផា​អី​លាបាន​ទែ​អ៝ន់​មា​លេអា​នើស។ ទឹង​លែៈ​ក៝ន​ឆិលផា នអ៝ប់​មា​ឆៅ​ពាង់​គែស ១៦ នុយ្ស។
GEN 46:19 ក៝ន​ឞូ​ក្លោ​រាចែល​អូរ​យាកោប៖ តា​នៃ​គែស​យោឆែប នទ្រែល​មា​បែនយាមឹន។
GEN 46:20 តា​ឞ្រី​អេឆីប ​យោឆែប​គែស​ឞារ​ហៃ​ក៝ន​ឞូ​ក្លោ៖ តា​នៃ​គែស​មានាឆេ នទ្រែល​មា​អេប្រាអីម។ អាសនាត​ក៝ន​ឞូ​អូរ​ផោថីផេរា​ឞូនុយ្ស​ជាន​ឞ្រាស​តា​ប៝ន​អោន​ឞាៈ​ខាន់​ពាង់​មា​យោឆែប។
GEN 46:21 ក៝ន​ឞូ​ក្លោ​បែនយាមឹន៖ តា​នៃ​គែស​បេលា គែស​បេកើរ គែស​អាសបេល គែស​កេរា គែស​នាមាន គែស​អេហី គែស​រោស គែស​មូផីម គែស​ហូផីម នទ្រែល​មា​អារើត។
GEN 46:22 ទឹង​លែៈ​ខាន់​ពាង់​អី​នៃ​ជេង​ក៝ន​ឆៅ​រាចែល​ទាទេ ក៝ន​ឆៅ​រាចែល​ទឹង​លែៈ​គែស ១៤ នុយ្ស។
GEN 46:23 ក៝ន​ឞូ​ក្លោ​ដាន៖ តា​នៃ​គែស​ហូឆីម។
GEN 46:24 ក៝ន​ឞូ​ក្លោ​នាប់តាលី៖ តា​នៃ​គែស​យាឆៀល គែស​កូនី គែស​យេឆើរ នទ្រែល​មា​ឆីលេម។
GEN 46:25 ទឹង​លែៈ​ខាន់​ពាង់​អី​នៃ​ជេង​ក៝ន​បិលហា​អី​លាបាន​ទែ​អ៝ន់​មា​រាចែល​នើស។ ក៝ន​ឆៅ​បិលហា​អ៝ន់​មា​យាកោប​ទឹង​លែៈ​គែស ៧ នុយ្ស។
GEN 46:26 ទឹង​លែៈ​ក៝ន​ឆៅ​យាកោប​ហាន់​នទ្រែល​ពាង់​នើម​តា​ឞ្រី​អេឆីប  គែស ៦៦ នុយ្ស មោ​អោស​កើប​បាន់ៗ​ពាង់។
GEN 46:27 លាស​កើប​នអ៝ប់​មា​ក៝ន​យោឆែប​ឞារ​ហៃ​ទែស​តា​ឞ្រី​អេឆីប ​រី​ដ៝ង់ ទឹង​លែៈ​ឞូនុយ្ស​តា​រានាក់​វ៝ល់​យាកោប​ហាន់​គុ​តា​ឞ្រី​អេឆីប ​គែស ៧០ នុយ្ស។
GEN 46:28 យាកោប​ដាៈ​យូដា​ហាន់​ល៝រ​ម៝ប់​យោឆែប គៃ​មា​អោប​ត្រ៝ង​ហាន់​ជឹត​ឞ្រី​កោឆែន ជេសរី​យាកោប​នទ្រែល​មា​រានាក់​វ៝ល់​ពាង់​ហាន់​ត៝ត់​តា​ឞ្រី​កោឆែន។
GEN 46:29 យោឆែប​អ៝ន់​ឞូ​នទ្រាប់​រាទែស​ឆែស​ពាង់​នើម ជេសរី​ញច៝​ហាន់​ច្វាៈ​យាកោប​អី​ឞូ​ក្វាល់​អីឆ្រាអែល​ឞឹ​ពាង់​នើម​តា​ឞ្រី​កោឆែន ត៝ត់​តា​រី​ពាង់​អូត​ឞឹ​ពាង់ នហ៝​មា​ញុម​ជ៝ង​ងាន់។
GEN 46:30 អីឆ្រាអែល​លាស​មា​យោឆែប៖ “អាបៃ​អ្យា​លាស​គ៝ប់​ខឹត​មោ​ច្រាវ​អោស យ៝រ​លាស​លែៈ​គ៝ប់​ឆៃ​មុស​មាត់​មៃ​ហោម​អែ​រេស”។
GEN 46:31 យោឆែប​ងើយ​មា​អ៝ស​នោ​ពាង់ នអ៝ប់​មា​ទឹង​លែៈ​ឞូនុយ្ស​អី​ហាន់​នទ្រែល​ខាន់​ពាង់៖ “គ៝ប់​ហាន់​មឞើស​ងក៝ច​មា​កាដាច់​ផារ៝ន​លាស៖ «ទឹង​លែៈ​អ៝ស​នោ​គ៝ប់ នទ្រែល​មា​រានាក់​វ៝ល់​ឞឹ​គ៝ប់​ឞើស​ឞ្រី​កានាន អាបៃ​អ្យា​ខាន់​ពាង់​លែៈ​ត៝ត់​តា​អ្យា។
GEN 46:32 ខាន់​ពាង់​លែវ​នអ៝ប់​មា​នទ្រោក មា​ឞែ​ឞ្យាប់ នទ្រែល​មា​ទឹង​លែៈ​មពោមពា​(ឆ្យុម)​ខាន់​ពាង់​គែស យ៝រ​លាស​ខាន់​ពាង់​ជេង​ឞូនុយ្ស​ច្យាប់ នាវ​រេស​ខាន់​ពាង់​នើស​គុ​ម៝ត់​មពោមពា​(ឆ្យុម)​ទើម»។
GEN 46:33 លាស​កាដាច់​ផារ៝ន​អោប​ខាន់​មៃ៖ «ខាន់​មៃ​ម៝ស​បាៈ​វៃ​ជាន?»
GEN 46:34 អ៝ន់​ខាន់​មៃ​អើស​មា​ពាង់​កើត​នអា៖ «អើ​កោរាញ ហេន​វៃ​ច្យាប់​នតើម​ឞើស​ជេៈ​នហ៝​មា​ត៝ត់​អាបៃ​អ្យា កើត​ផូង​ចែ​ហេន​កាល់​អែ​នើស​ដ៝ង់»។ លាស​ខាន់​មៃ​អើស​មា​ពាង់​កើត​នៃ ខាន់​មៃ​គែស​គុ​តា​នតុក​ឞ្រី​កោឆែន​អ្យា​រ៝ យ៝រ​លាស​ផូង​អេឆីប ​មឺច​ហោ​ងាន់​មា​ផូង​ច្យាប់”។
GEN 47:1 យោឆែប​ហាន់​មឞើស​ងក៝ច​មា​កាដាច់​ផារ៝ន៖ “ឞឹ​គ៝ប់ នទ្រែល​មា​អ៝ស​នោ​គ៝ប់ ខាន់​ពាង់​លែៈ​លោស​តាៈ​ឞើស​ឞ្រី​កានាន លែវ​នអ៝ប់​មា​នទ្រោក មា​ឞែ​ឞ្យាប់ នទ្រែល​មា​ទឹង​លែៈ​នទើ​ខាន់​ពាង់​គែស អាបៃ​អ្យា​ខាន់​ពាង់​លែៈ​ត៝ត់​តា​ឞ្រី​កោឆែន”។
GEN 47:2 យោឆែប​លែវ​អ៝ស​នោ​ពាង់​ព្រាម់​នុយ្ស​ហាន់​ម៝ប់​កាដាច់​ផារ៝ន។
GEN 47:3 ផារ៝ន​អោប​ខាន់​ពាង់៖ “ម៝ស​នទើ​ខាន់​មៃ​វៃ​ជាន?” ខាន់​ពាង់​អើស៖ “អើ​កោរាញ ហេន​ជេង​ផូង​ច្យាប់​កើត​ផូង​ចែ​ហេន​កាល់​អែ​នើស​ដ៝ង់”។
GEN 47:4 ខាន់​ពាង់​ងើយ​តៃ​មា​កាដាច់៖ “អើ​កោរាញ ហេន​ទាន់​គុ​តា​ឞ្រី​អ្យា​ទូ​ប្ល៝ត់ យ៝រ​លាស​តា​ឞ្រី​កានាន​គែស​នាវ​ជី​ង៝ត​ក្វ៝ង់ រេប​ជា​មា​អ៝ន់​មពោមពា​(ឆ្យុម)​ឆា​មោ​ហោម​គែស​ដ៝ង់។ កើត​នទ្រី​ហេន​ទាន់​មៃ​រ៝ម​ហេន​អ៝ន់​ហេន​គុ​តា​ឞ្រី​កោឆែន”។
GEN 47:5 ផារ៝ន​លាស​មា​យោឆែប៖ “ឞឹ​មៃ នទ្រែល​មា​អ៝ស​នោ​មៃ​លែៈ​ត៝ត់​តា​មៃ។
GEN 47:6 អ៝ន់​មៃ​កើយ្ស​ឞ្រី​អី​អ្វែស​រាលាវ​ឞូ​អ៝ន់​មា​ឞឹ​មៃ នទ្រែល​មា​អ៝ស​នោ​មៃ ម៝ស​ឞ្រី​អី​មៃ​អុច លាស​មៃ​អុច អ៝ន់​ខាន់​ពាង់​គុ​តា​ឞ្រី​កោឆែន​នៃ​ទោ។ តា​ផូង​ខាន់​ពាង់​អី​នៃ​ឞូ​ម៝ស​មៃ​ឆៃ​អី​ឞ្លាវ អ៝ន់​ពាង់​ជាន​កោរាញ​ម៝ត់​អ្វាញ់​មា​មពោមពា​(ឆ្យុម)​គ៝ប់​នើម​ដ៝ង់”។
GEN 47:7 ជេសរី​យោឆែប​លែវ​ឞឹ​ពាង់​ហាន់​ម៝ប់​កាដាច់​ផារ៝ន​ដ៝ង់ យាកោប​ទាន់​នាវ​គែស​ជេង​កោរាញ​ឞ្រាស​អ៝ន់​មា​ផារ៝ន។
GEN 47:8 ផារ៝ន​អោប​យាកោប៖ “ទាស​អ៝ក់​នាម់​មៃ​ចែ?”
GEN 47:9 យាកោប​មឞើស​ងក៝ច​មា​កាដាច់​ផារ៝ន៖ “នាម់​គ៝ប់​គុ​រេស​អាបៃ​អ្យា​លែៈ​គែស ១៣០ នាម់។ នាម់​គ៝ប់​ដេៈ​ទើម នាវ​រេស​គ៝ប់​មោ​គែស​នាវ​អ្វែស​ដ៝ង់ គ៝ប់​រេស​មោ​អោស​ជ៝ៈ​ជ៝ង​កើត​ផូង​ចែ​គ៝ប់”។
GEN 47:10 យាកោប​ទាន់​នាវ​គែស​ជេង​កោរាញ​ឞ្រាស​អ៝ន់​មា​ផារ៝ន​ទូ​តឹ​ជឹត ជេសរី​ពាង់​លោស​ឞើស​នតុក​នៃ។
GEN 47:11 ជេសរី​យោឆែប​អ៝ន់​នែស​ទុត​អ្វែស​តា​ឞ្រី​អេឆីប ​អ៝ន់​មា​ឞឹ​ពាង់ នទ្រែល​មា​អ៝ស​នោ​ពាង់ ជេង​នទើ​មា​ខាន់​ពាង់​នើម ពាង់​អ៝ន់​ខាន់​ពាង់​គុ​តា​ឞ្រី​កោឆែន​ទាច់​កេង​ប៝ន​រាម់ឆែស កើត​នាវ​ផារ៝ន​ទែ​លាស។
GEN 47:12 យោឆែប​ម៝ត់​ឆ្យាម់​ឞឹ​ពាង់ នទ្រែល​មា​អ៝ស​នោ​ពាង់ នអ៝ប់​មា​ទឹង​លែៈ​ឞូនុយ្ស​គុ​តា​រានាក់​វ៝ល់​ខាន់​ពាង់​រី តឹង​អ៝ក់​ឞូនុយ្ស​ខាន់​ពាង់។
GEN 47:13 នាវ​ជី​ង៝ត​ក្វ៝ង់​ហោ​ងាន់ លាម​ឞ្រី​ទាក​មោ​អោស​គែស​ព្យាង់​ឆោង ឞូនុយ្ស​តា​ឞ្រី​អេឆីប  នទ្រែល​មា​តា​ឞ្រី​កានាន​គែស​នាវ​ជេរ​ជ៝ត់​ហោ​ងាន់ យ៝រ​មា​ជី​ង៝ត​ក្វ៝ង់​អី​នៃ។
GEN 47:14 យោឆែប​លែៈ​តាច់​ឞា​អ៝ន់​មា​ឞ្រី​អេឆីប  នទ្រែល​មា​ឞ្រី​កានាន ពាង់​រាគូម​ទឹង​លែៈ​ព្រាក់​តាច់​ឞា​អី​នៃ ជេសរី​ញជុន​តា​ជៃ​កាដាច់​ផារ៝ន ត៝ត់​មា​មោ​ហោម​អោស​គែស​ព្រាក់​តា​ទឹង​លែៈ​ឞ្រី​អី​នៃ។
GEN 47:15 ព្រាក់​មា​រាវាត់​ឞា​មោ​ហោម​អោស​តា​ឞ្រី​អេឆីប  នទ្រែល​មា​តា​ឞ្រី​កានាន​លែៈ​ផ្យៅ ទឹង​លែៈ​ផូង​ប៝ន​លាន​អេឆីប ​ខាន់​ពាង់​ហាន់​ម៝ប់​មា​យោឆែប​ទាទេ ងើយ​ដាស​ពាង់៖ “ទាន់​មៃ​អ៝ន់​ព្យាង់​ឞា​មា​ហេន លាស​មៃ​មោ​អ៝ន់ ហេន​ខឹត​តា​នាប់​មៃ​ងាន់​រ៝ យ៝រ​លាស​ហេន​មោ​ហោម​គែស​ព្រាក់​មា​រាវាត់”។
GEN 47:16 យោឆែប​អើស​មា​ខាន់​ពាង់៖ “លាស​ខាន់​មៃ​មោ​ហោម​គែស​ព្រាក់ ខាន់​មៃ​អ៝ន់​មពោមពា​(ឆ្យុម)​ខាន់​មៃ​មា​គ៝ប់ តៃ​គ៝ប់​អ៝ន់​ព្យាង់​ឞា​មា​ខាន់​មៃ​ឆោង”។
GEN 47:17 ជេសរី​ខាន់​ពាង់​លែវ​មពោមពា​(ឆ្យុម)​ខាន់​ពាង់​នើម​អ៝ន់​មា​យោឆែបយោឆែប​អ៝ន់​ព្យាង់​ឞា​មា​ខាន់​ពាង់ តឹម​រាគ៝ល់​ដាស​ឆែស ដាស​ឞែ​ឞ្យាប់ ដាស​នទ្រោក ដាស​ឆែស​លៀ។ យោឆែប​អ៝ន់​ព្យាង់​ឞា​មា​ខាន់​ពាង់​នាម់​នៃ តឹម​រាគ៝ល់​ដាស​មពោមពា​(ឆ្យុម)​ខាន់​ពាង់។
GEN 47:18 នាម់​នៃ​លែៈ​លោច​ជេស លាប់​នាម់​អេង ខាន់​ពាង់​ហាន់​ម៝ប់​តៃ​យោឆែប​ទូ​តឹ​ជឹត ខាន់​ពាង់​ងើយ​ដាស​ពាង់៖ “អើ​កោរាញ ហេន​ទាន់​មឞើស​ងក៝ច​មា​មៃ ហេន​មោ​អោស​ពោន​ម៝ ព្រាក់​តា​ឆាក់​ហេន​លែៈ​ផ្យៅ មពោមពា​(ឆ្យុម)​ហេន​លែៈ​ហេន​ញជុន​អ៝ន់​មៃ​លែៈ​ផ្យៅ​ដ៝ង់ ហេន​មោ​ហោម​អោស​គែស​នទើ​ទូ​នតីល ហោម​អែ​នែស នទ្រែល​មា​ឆាក់​ហេន​នើម​ទូ​រី​ទើម​ហោម។
GEN 47:19 អើ​កោរាញ គៃ​មា​ហេន​ហោម​រេស ទាន់​មៃ​រាវាត់​នែស​ហេន នទ្រែល​មា​ឆាក់​ហេន​នើម​តឹម​រាគ៝ល់​ដាស​ព្យាង់​ឞា​មៃ​នៃ អ៝ន់​ហេន​គុ​ជាន​ទឹក​ផារ៝ន នទ្រែល​មា​នែស​ហេន​អ៝ន់​ជេង​ទ្រាប់​នទើ​ពាង់ យ៝រ​លាស លាស​ហេន​ខឹត​លែៈ​ផ្យៅ​នែស​ហេន​នៃ​ឞូ​ម៝ស​មា​នទើន? ទាន់​កោរាញ​អ៝ន់​ឞា​នតីល​មា​ហេន គៃ​មា​ហេន​ហោម​រេស មោ​ខឹត លើយ​អោស​អ៝ន់​ឞ្រី​ទាក​រាង៝ត​រាងាត់”។
GEN 47:20 យោឆែប​រាវាត់​លែៈ​ផ្យៅ​នែស​តា​ឞ្រី​អេឆីប ​អ៝ន់​មា​កាដាច់​ផារ៝ន ទឹង​លែៈ​ផូង​អេឆីប ​តាច់​នែស​មីរ​ខាន់​ពាង់​នើម​យ៝រ​មា​នាវ​ជី​ង៝ត​ក្វ៝ង់​អី​នៃ​លើ​មា​ហោ​ងាន់ កើត​នទ្រី​នែស​លាម​ឞ្រី​អី​នៃ​ជេង​នែស​ផារ៝ន​ទាទេ។
GEN 47:21 ជេសរី​ទឹង​លែៈ​ផូង​ប៝ន​លាន​លាម​ឞ្រី​អេឆីប ​នៃ​ជេង​ទឹក​ទាទេ។
GEN 47:22 នែស​ផូង​ឞូនុយ្ស​ជាន​ឞ្រាស​ទើម​យោឆែប​មោ​រាវាត់ យ៝រ​លាស​ផូង​អី​នៃ​គែស​ផារ៝ន​ឆើម​អ៝ន់​ព្យាង់​ឞា កើត​នទ្រី​ទឹង​នែស​ខាន់​ពាង់​មោ​តាច់។
GEN 47:23 យោឆែប​លាស​មា​ផូង​ប៝ន​លាន៖ “នារ​អ្យា​លែៈ​គ៝ប់​រាវាត់​ជេស​ឆាក់​ខាន់​មៃ​នើម នទ្រែល​មា​នែស​ខាន់​មៃ​អ៝ន់​មា​កាដាច់​ផារ៝ន។ អាបៃ​អ្យា​គ៝ប់​អ៝ន់​នតីល​ឞា​មា​ខាន់​មៃ ខាន់​មរែ​មា​តូច​តាម់។
GEN 47:24 ត៝ត់​ខៃ​លែៈ​កាច់​លែៈ​រែក​តៃ ខាន់​មៃ​អ៝ន់​ទូ​កោៈ​តឹម​ព្រាម់​(១/៥)​មា​ផារ៝ន ជេសរី​ព្វាន់​កោៈ​មា​ខាន់​មៃ​នើម គៃ​មា​គែស​នតីល នទ្រែល​មា​នទើ​ឆោង​ឆា​មា​ខាន់​មៃ​នើម មា​អ៝ស​ក៝ន​ខាន់​មៃ នអ៝ប់​មា​ឞូនុយ្ស​គុ​តា​ញីស​ជៃ​ខាន់​មៃ​ដ៝ង់”។
GEN 47:25 ផូង​ប៝ន​លាន​លាស​មា​យោឆែប៖ “មៃ​លែៈ​រាក្លាយ្ស​នាវ​រេស​ផូង​ហេន។ លាស​មៃ​អុច តៃ​ហេន​គុ​ជាន​ទឹក​មា​ផារ៝ន”។
GEN 47:26 យោឆែប​អ៝ន់​នាវ​វៃ​តា​ឞ្រី​អេឆីប ​នហ៝​មា​ត៝ត់​អាបៃ​អ្យា ដាៈ​ផូង​អេឆីប ​អ៝ន់​មា​ផារ៝ន​ទូ​កោៈ​តឹម​ព្រាម់​នទើ​ខាន់​ពាង់​គែស​តាៈ​ឞើស​នែស​នៃ នែស​ផូង​ឞូនុយ្ស​ជាន​ឞ្រាស​ទើម​មោ​ជេង​នទើ​ផារ៝ន។
GEN 47:27 ផូង​អីឆ្រាអែល​គុ​រេស​តា​ឞ្រី​អេឆីប  ខាន់​ពាង់​គុ​តា​នតុក​កោឆែន គែស​នែស​តា​នតុក​នៃ ខាន់​ពាង់​ឞាៈ​អ៝ស​ឞាៈ​ក៝ន​អ៝ក់​ឞឹក​រឹ​ងាន់​តា​នតុក​នៃ។
GEN 47:28 យាកោប​គុ​រេស​តា​ឞ្រី​អេឆីប ​គែស ១៧ នាម់។ ទឹង​លែៈ​នាម់​ពាង់​រេស​គែស ១៤៧ នាម់។
GEN 47:29 ត៝ត់​អីឆ្រាអែល​អី​ឞូ​ក្វាល់​យាកោប​ដ៝ង់ ឞើយ​មា​ខឹត ពាង់​ក្វាល់​ក៝ន​ពាង់​យោឆែប នតិញ​មា​ពាង់៖ “អើ​នោ លាស​មៃ​រ៝ង់​មា​គ៝ប់ មៃ​តេៈ​តី​មៃ​អី​នៃ​តា​ន៝ម់​តឹម​ឞ្លូ​គ៝ប់​អ្យា នអ៝ប់​មា​ត៝ន អ៝ន់​មៃ​ជាន​អ្វែស ជាន​ឆ៝ង់​មា​គ៝ប់ មៃ​លើយ​អោស​ត៝ប់​គ៝ប់​តា​ឞ្រី​អេឆីប ​អ្យា!
GEN 47:30 មៃ​ត៝ប់​គ៝ប់​តា​នតុក​ត៝ប់​ផូង​ចែ​គ៝ប់ មៃ​រាទែង​គ៝ប់​លោស​ឞើស​ឞ្រី​អេឆីប ​អ្យា ជេសរី​ត៝ប់​គ៝ប់​តា​នតុក​មោច​ផូង​ចែ​គ៝ប់​នើម”។ យោឆែប​អើស​មា​ពាង់៖ “តៃ​គ៝ប់​ជាន​កើត​នាវ​មៃ​លាស​ឞឹ”។
GEN 47:31 យាកោប​លាស​តៃ​មា​ពាង់៖ “លាស​នទ្រី​មៃ​ត៝ន​មា​គ៝ប់” នទ្រី​យោឆែប​ត៝ន​មា​ពាង់។ ជេសរី​យាកោប​អី​ឞូ​ក្វាល់​អីឆ្រាអែល​ដ៝ង់​យើក​មឞាស​កោរាញ​ឞ្រាស​តា​ឞោក​ឞិច​ពាង់​នើម​រី។
GEN 48:1 ឞើស​កើយ​នៃ គែស​ឞូ​មឞើស​មា​យោឆែប​ឞឹ​ពាង់​ជី។ យោឆែប​ហាន់​ច៝ប​ឞឹ​ពាង់ ពាង់​លែវ​ក៝ន​ឞូ​ក្លោ​ពាង់​ឞារ​ហៃ​ហាន់​នទ្រែល​ពាង់​នើម៖ មានាឆេ នទ្រែល​មា​អេប្រាអីម។
GEN 48:2 ឞូ​មឞើស​មា​យាកោប៖ “ក៝ន​មៃ​យោឆែប​ហាន់​ច៝ប​មៃ”។ យាកោប​អី​ឞូ​ក្វាល់​អីឆ្រាអែល​ដ៝ង់​ញឆ្រោយ្ស​ទ៝ក់​គុ​តា​គ្រែ​រី‌
GEN 48:3 ជេសរី​លាស​មា​យោឆែប៖ “កោរាញ​ឞ្រាស​នើម​អី​ទុត​គែស​នាវ​ទើយ ពាង់​វាច់​អ៝ន់​គ៝ប់​ឆៃ​ពាង់​តា​ប៝ន​លុស​ឞ្រី​កានានពាង់​អ៝ន់​គែស​ជេង​មា​គ៝ប់។
GEN 48:4 កោរាញ​ឞ្រាស​លាស​មា​គ៝ប់៖ «តៃ​គ៝ប់​ជាន​អ៝ន់​មៃ​គែស​អ៝ស​គែស​ក៝ន​ឞឹក​រឹ​អ៝ក់​ងាន់ នហ៝​មា​គែស​អ៝ក់​ផូង​ឞូនុយ្ស​តាៈ​ឞើស​មៃ។ តៃ​គ៝ប់​អ៝ន់​ឞ្រី​អ្យា​មា​ក៝ន​ឆៅ​មៃ ជេង​នតុក​មា​ខាន់​ពាង់​នើម​នហ៝​រ៝»។
GEN 48:5 ក៝ន​ឞូ​ក្លោ​មៃ​ឞារ​ហៃ​ទែស​តា​ឞ្រី​អេឆីប ​ទោល​គ៝ប់​អេ​ហ៝ៈ​ត៝ត់​តា​អ្យា កើប​ជេង​ក៝ន​គ៝ប់ អេប្រាអីម នទ្រែល​មា​មានាឆេ ខាន់​ពាង់​អី​នៃ​ជេង​ក៝ន​គ៝ប់ តឹម​ឞាន​មា​រូបេន នទ្រែល​មា​ឆីមោន​ដ៝ង់។
GEN 48:6 ក៝ន​មៃ​ទែស​ឞើស​កើយ​ឞើស​កើយ​នៃ អី​នៃ​កើប​ក៝ន​មៃ ខាន់​ពាង់​ឆ៝ៈ​ទើន​នែស​តា​នែស​អេប្រាអីម នទ្រែល​មា​មានាឆេ​ដ៝ង់។
GEN 48:7 ទោល​គ៝ប់​ព្លឹ​ឆឹត​តាៈ​ឞើស​ឞ្រី​ពាដាន-អារាមរាចែល​មេៈ​មៃ​ខឹត​តា​តី​គ៝ប់​នើម ទាច់​កេង​ប៝ន​អេប្រាតា​ឞ្រី​កានាន គ៝ប់​ត៝ប់​មេៈ​មៃ​រ៝ៈ​ត្រ៝ង​ហាន់​ជឹត​ប៝ន​អេប្រាតា”។ អេប្រាតា​ជេង​ប៝ន​បេតលេហឹម។
GEN 48:8 អីឆ្រាអែល​ឆៃ​ក៝ន​ឞូ​ក្លោ​យោឆែប ពាង់​អោប៖ “ឞូ​ម៝ស​ឞារ​ហៃ​នៃ?”
GEN 48:9 យោឆែប​អើស៖ “ខាន់​ពាង់​ក៝ន​គ៝ប់ កោរាញ​ឞ្រាស​អ៝ន់​មា​គ៝ប់​តា​ឞ្រី​អ្យា”។ អីឆ្រាអែល​លាស​មា​ពាង់៖ “លែវ​ខាន់​ពាង់​ហាន់​ទាច់​តា​គ៝ប់​អ្យា គ៝ប់​ឞែ​មា​ទាន់​កោរាញ​ឞ្រាស​អ៝ន់​នាវ​គែស​ជេង​មា​ខាន់​ពាង់”។
GEN 48:10 ទោល​នៃ​មាត់​អីឆ្រាអែល​លែៈ​ង៝ អ្វាញ់​មោ​ហោម​អោស​ឆៃ យ៝រ​លាស​ឆាក់​ពាង់​លែៈ​រាញ។ យោឆែប​លែវ​ខាន់​ពាង់​ហាន់​ទាច់​តា​អីឆ្រាអែល ជេសរី​ពាង់​អូត នទ្រែល​មា​ចុម​អី​ឆៅៗ​ពាង់​រី។
GEN 48:11 អីឆ្រាអែល​ងើយ​មា​យោឆែប៖ “អា​ល៝រ​នើស គ៝ប់​មោ​គឹត​លាស​ហោម​ឆៃ​មុស​មាត់​មៃ​នអា យើន​មា​អាបៃ​អ្យា​កោរាញ​ឞ្រាស​អ៝ន់​គ៝ប់​ឆៃ​នអ៝ប់​មា​រាន៝យ​ទែស​មៃ​ជឹត”។
GEN 48:12 ជេសរី​យោឆែប​តេក​ក៝ន​ពាង់​ឞារ​ហៃ​អី​នៃ​បាស​ដាស​កោម៝ក់​ឞឹ​ពាង់ ជេសរី​ច៝ន​ម៝ន​កោម៝ក់​ពាន់​អា​នែស។
GEN 48:13 ជេស​នៃ​យោឆែប​លែវ​ក៝ន​ពាង់​ហាន់​ទាច់​តា​អី​ឞឹ​តៃ​ជឹត ពាង់​អ៝ន់​អេប្រាអីម​មពែស​ឞើស​មា​ពាង់​នើម ជេង​មពែស​ឞើស​ច្យៅ​អីឆ្រាអែលមានាឆេ​មពែស​ឞើស​ច្យៅ​ពាង់​នើម ជេង​មពែស​ឞើស​មា​អីឆ្រាអែល។
GEN 48:14 អីឆ្រាអែល​តេៈ​តី ពាង់​រាព្លាច់​តី​មា​តេៈ​តា​ឞោក​អេប្រាអីម​អី​អ៝ស ជេសរី​ពាង់​តេៈ​តី​ច្យៅ​តា​ឞោក​មានាឆេ​ជេង​ក៝ន​ឞោក​ទាក ឞ៝ល​លាស​មានាឆេ​ជេង​ក៝ន​ឞោក​ទាក​កាដោយ អីឆ្រាអែល​ជាន​កើត​នៃ​ពាង់​លែៈ​គឹត​នហេល​នានេៈ។
GEN 48:15 ជេសរី​អីឆ្រាអែល​ទាន់​កោរាញ​ឞ្រាស​អ៝ន់​គែស​ជេង​មា​យោឆែប ពាង់​លាស៖ “ទាន់​កោរាញ​ឞ្រាស​អី​ឞ្រាស​អាឞ្រាហាម់  នទ្រែល​មា​អី​ឞ្រាស​អីឆាក់​វៃ​យើក​មឞាស ទាន់​កោរាញ​ឞ្រាស​អី​ម៝ត់​ញជ្រាង់​គ៝ប់​នតើម​ឞើស​ជេៈ​ត៝ត់​អាបៃ​អ្យា អី​តឹម​ឞាន​មា​ឞូនុយ្ស​ច្យាប់​ម៝ត់​ញជ្រាង់​មពោមពា​(ឆ្យុម)​ផូង​ពាង់​នើម
GEN 48:16 ទាន់​តោង​ពារ់​កោរាញ​ឞ្រាស​នើម​អី​លែៈ​រាក្លាយ្ស​ជេស​គ៝ប់​ឞើស​អាប់​នតីល​នាវ​ជេរ ទាន់​ពាង់​អ៝ន់​គែស​ជេង​មា​ក៝ន​ឞូ​ក្លោ​ឞារ​ហៃ​អ្យា អ៝ន់​ឞូ​ហោម​កាស​គឹត​មា​រាញា​ឆាក់​គ៝ប់ រាញា​ឆាក់​អាឞ្រាហាម់ ​ជេង​ចែ នទ្រែល​មា​រាញា​ឆាក់​អីឆាក់​ឞឹ​គ៝ប់ យ៝រ​មា​ឞារ​ហៃ​ខាន់​ពាង់​អ្យា។ ទាន់​អ៝ន់​មា​ឞារ​ហៃ​ខាន់​ពាង់​អ្យា​គែស​អ៝ស​គែស​ក៝ន​ឞឹក​រឹ​អ៝ន់​អ៝ក់​ងាន់​តា​នែស​នតូ​អ្យា”។
GEN 48:17 យោឆែប​ឆៃ​ឞឹ​ពាង់​តេៈ​តី​ឞើស​មា​តា​ឞោក​អេប្រាអីម ពាង់​មោ​អោស​មអាក។ ពាង់​ក្វាន់​តី​ឞឹ​ពាង់​តឹម​រាគ៝ល់​ឞើស​ឞោក​អេប្រាអីម​តេៈ​តា​ឞោក​មានាឆេ។
GEN 48:18 យោឆែប​មឞើស​មា​ឞឹ​ពាង់៖ “មោ​អោស​ទី​កើត​នៃ​អើ​ឞឹ អី​អ្យា​ក៝ន​ឞោក​ទាក មៃ​តេៈ​តី​មា​មៃ​តា​ឞោក​ពាង់”។
GEN 48:19 ឞឹ​ពាង់​មោ​អោស​អ្យាត់ ពាង់​លាស​មា​យោឆែប៖ “អើ​នោ គ៝ប់​លែៈ​គឹត គ៝ប់​លែៈ​គឹត​ជេស​មានាឆេ​ជេង​ក៝ន​ឞោក​ទាក ពាង់​តៃ​គែស​ទូ​ផូង​ក្វ៝ង់​ដ៝ង់។ យើន​មា​អេប្រាអីម​គែស​ទូ​ផូង​ក្វ៝ង់​រាលាវ​ពាង់​ងាន់។ រាន៝យ​ទែស​អេប្រាអីម​មរា​អ៝ក់​ផូង​អេងៗ​ក្វ៝ង់ៗ​ងាន់”។
GEN 48:20 នារ​នៃ​អីឆ្រាអែល​អ៝ន់​គែស​ជេង​មា​ខាន់​ពាង់​ឞារ​ហៃ​អី​នៃ ពាង់​លាស៖ “ជឹត​នាប់​តៃ ទឹង​លែៈ​ផូង​អីឆ្រាអែល មរា​ទាន់​កោរាញ​ឞ្រាស​អ៝ន់​នាវ​គែស​ជេង​មា​ឞូ​កើត​នអា៖ «ទាន់​កោរាញ​ឞ្រាស​ជាន​អ៝ន់​មៃ​ជេង​តឹម​ឞាន​មា​អេប្រាអីម តឹម​ឞាន​មា​មានាឆេ»”។ កើត​នទ្រី​អីឆ្រាអែល​កើប​អេប្រាអីម​ខ្លៃ​រាលាវ​ដាស​មា​មានាឆេ។
GEN 48:21 អីឆ្រាអែល​ងើយ​មា​យោឆែប៖ “គ៝ប់​ឞើយ​មា​ខឹត​ជេស យើន​មា​កោរាញ​ឞ្រាស​មរា​គុ​នទ្រែល​ខាន់​មៃ នទ្រែល​មា​លែវ​ខាន់​មៃ​ព្លឹ​ឆឹត​តៃ​តា​ឞ្រី​ផូង​ចែ​ខាន់​មៃ។
GEN 48:22 គ៝ប់​អុច​ពាៈ​នែស​អ៝ន់​មៃ​ក្វ៝ង់​រាលាវ​ដាស​មា​ផូង​អ៝ស​នោ​មៃ ជេង​នែស​ទាច់​តា​ប៝ន​ឆីកែម​នៃ នតុក​អី​គ៝ប់​លែៈ​ទើយ​ពីត​តឹម​លើស​ដាស​ផូង​អាមោរី​មា​ដាវ មា​នា​ទុត​គ៝ប់​នើម​នៃ​នើស”។
GEN 49:1 យាកោប​អី​ឞូ​ក្វាល់​អីឆ្រាអែល​ដ៝ង់ ពាង់​ក្វាល់​ទឹង​លែៈ​ក៝ន​ពាង់​វាច់​តា​រី​ទាទេ ជេសរី​លាស៖ “ទាន់​ខាន់​មៃ​ហាន់​រឹង​ទាទេ គៃ​មា​គ៝ប់​មឞើស​ងក៝ច​អ៝ន់​ខាន់​មៃ​គឹត​ម៝ស​នាវ​គែស​តា​នារ​ជឹត​នាប់​អ្យា​តៃ។
GEN 49:2 អើ​ផូង​ក៝ន​ឆៅ​យាកោប វាច់​រឹង​ហ៝ម់​គៃ​មា​អ្យាត់ អ្យាត់​ហ៝ម់​នាវ​អីឆ្រាអែល​ឞឹ​ខាន់​មៃ​នើម។
GEN 49:3 អើ​រូបេន មៃ​ជេង​ក៝ន​ឞោក​ទាក​គ៝ប់ គ៝ប់​ឞាៈ​មៃ​ល៝រ​ឞូ​ទោល​គ៝ប់​គែស​ឆ្វាន​ទុត​ទាង់ មៃ​ឞូ​លឺ​រាលាវ​ឞូ នទ្រែល​មា​គែស​នាវ​ទើយ​រាលាវ​ឞូ​ដ៝ង់។
GEN 49:4 មៃ​ទាង់​តឹម​ឞាន​មា​ទាក​រាឞុស មោ​អោស​ទើយ​អ៝ត់​ទើយ​រាទ៝ង់ តីស​មា​មៃ​មោ​អោស​ជាន​ឞោក យ៝រ​លាស​មៃ​ហាវ​កាលើ​គ្រែ​គ៝ប់ មៃ​ឞិច​នទ្រែល​មា​អូរ​គ៝ប់ ជាន​អ៝ន់​គ្រែ​គ៝ប់​អារ។
GEN 49:5 ឆីមោន នទ្រែល​មា​លេវី​ជេង​អ៝ស​នោ​ទូ​នទុល​ទែស នូយ្ស​នហ៝ម់​ខាន់​ពាង់​ហាត់​ជាញ​ងាន់ ខាន់​ពាង់​ងខឹត​ឞូ​មា​ដាវ។
GEN 49:6 គ៝ប់​មោ​អោស​អុច​គុ​នទ្រែល​ខាន់​ពាង់ នោក​ខាន់​ពាង់​តឹម​ញច្រាៈ​នាវ​ជាន​អ្យើស។ យ៝រ​លាស​នោក​ខាន់​ពាង់​ជី​នូយ្ស ខាន់​ពាង់​ងខឹត​ឞូ​នើស ជេសរី​ខាន់​ពាង់​ក៝ស​លើយ​ជ៝ង់​ជ៝ន​នទ្រោក​ងក្វ៝ង់​ទាស​ខាន់​ពាង់​នើម​អុច​ទើម។
GEN 49:7 គ៝ប់​រាក​រាតាប់​លើយ​នាវ​ជី​នូយ្ស​ខាន់​ពាង់ យ៝រ​មា​ខាន់​ពាង់​ហាត់​ជាញ​ហោ​អីរ ជេសរី​តា​នាវ​ជី​នូយ្ស​ខាន់​ពាង់​ជាន​នទើ​ទុត​អ្យើស​ហោ​ងាន់ ទាស​ខាន់​ពាង់​នើម​អុច គ៝ប់​មរា​ញចាស​លើយ​ខាន់​ពាង់​ឞារ​ហៃ​អី​នៃ​តា​រាន៝យ​ទែស​គ៝ប់ មោ​អោស​អ៝ន់​គុ​នទ្រែល​ទូ​នតុក​តា​ឞ្រី​អីឆ្រាអែល។
GEN 49:8 អើ​យូដា អ៝ស​នោ​មៃ​មរា​រានេ​មៃ​ទាទេ​ងាន់ មៃ​តៃ​ទើយ​លើស​ដាស​ផូង​រាលាង់​មា​មៃ អ៝ស​នោ​មៃ​តៃ​ពាន់​យើក​មា​មៃ​ទាទេ។
GEN 49:9 អើ​យូដា​ក៝ន​គ៝ប់ មៃ​ជេង​តឹម​ឞាន​មា​ក៝ន​យៅ​មុរ ឆឹត​ហើម​ឞើស​កាប់​ឆា​មពោមពា​(ឆ្យុម) មៃ​តឹម​ឞាន​មា​យៅ​មុរ​អី​ពាន់​ញឆាន មៃ​តឹម​ឞាន​មា​យៅ​មុរ​អី​ឞិច មោ​គែស​អោស​ឞូនុយ្ស​ឞាញ់​រាខ្វាក។
GEN 49:10 ម៝ង់​តាក់​ជ្រា​កាដាច់​គែស​តា​មៃ​នឹង រាន៝យ​ទែស​មៃ​តៃ​មរា​ជេង​កាដាច់​មរ៝​មរាង់ នហ៝​មា​ត៝ត់​ត្រុយ្ស​ពាង់​អី​គែស​នាវ​ទើយ​ក្វ៝ង់​នៃ នអ៝ប់​មា​ទឹង​លែៈ​ផូង​ឞូនុយ្ស​លាម​នតុក​អ្យាត់​នាវ​ពាង់​ទាទេ។
GEN 49:11 ពាង់​នទ្រ៝ង់​ងាន់ នទ្រី​ទឹង​ពាង់​ក៝ត់​ឆែស​លៀ​ពាង់​នើម​តា​តើម​ព្លៃ​យុងយារ​ប៝ន ឞ៝ល​លាស​តើម​ព្លៃ​នៃ​ទុត​ខ្លៃ ពាង់​មោ​អោស​រាវៃ​ឆែស​លៀ​ឆា​អី​ព្លៃ​អី​នហា​នៃ ពាង់​ពីស​អាវ​ពាង់​នើម​មា​ទាក​នទ្រាញ់​ព្លៃ​យុងយារ​ប៝ន ពីស​ឞ៝ក​ពាង់​នើម​មា​ទាក​ព្លៃ​យុងយារ​ប៝ន​អី​ចាង់​តឹម​ឞាន​មា​មហាម។
GEN 49:12 ត្រោម​មាត់​ពាង់​ចាង់​ងាន់​រាលាវ​មា​ទាក​នទ្រាញ់​ព្លៃ​យុងយារ​ប៝ន ងលាង​ឆេក​ពាង់​រាលាវ​មា​ទាក​ត៝ស​នទ្រោក​ជឹត។
GEN 49:13 ឆាប់យូលោន​តៃ​គុ​រ៝ៈ​មែង​ទាក​វាច់​ទាក​វារ់ នតុក​ពាង់​ជេង​នតុក​ញឆ្រុង​ទូក​ក្វ៝ង់ នហារ់​នែស​ពាង់​នហ៝​មា​ត៝ត់​តា​ប៝ន​ឆីដោន​រី​ងាន់។
GEN 49:14 អីឆាខារ​ជេង​តឹម​ឞាន​មា​ឆែស​លៀ​ទុត​ទាង់ ពាង់​ឞិច​តា​វាស​វាង​ងគារ​ឞែ​ឞ្យាប់។
GEN 49:15 ពាង់​មឹន​លាស​នតុក​ពាង់​គុ​រាលូ​នៃ​ជេង​នតុក​អ្វែស នទ្រែល​មា​ទើស​ដ៝ង់ ជេសរី​ពាង់​កុញ​ឆាក់​ពាង់​នើម​អ៝ន់​ឞូ​ទ៝ង់​រាទែង​ទ្រាប់​នទើ តឹម​ឞាន​មា​ទឹក​ឞូ​ងាន់។
GEN 49:16 ដាន​ជេង​កោរាញ​ម៝ត់​អ្វាញ់​មពោល​ប៝ន​លាន​ពាង់​នើម កើត​មពោល​អេងៗ​តា​ផូង​អីឆ្រាអែល​ទឹង​លែៈ​ដ៝ង់
GEN 49:17 ពាង់​ជេង​តឹម​ឞាន​មា​ឞេស​ហូង​រ៝ៈ​ត្រ៝ង តឹម​ឞាន​មា​ឞេស​កូ​គុ​តា​មែង​ត្រ៝ង ក៝ប់​ចោក​តា​ជ៝ង់​ជ៝ន​ឆែស ជេសរី​ឞូនុយ្ស​អី​គុ​ញច៝​តា​កាលើ​រី​តុប​អា​នែស”។
GEN 49:18 ជេសរី​យាកោប​មឞើស​ឆើម​លាស៖ “អើ​ឞ្រាស​យេហោវា គ៝ប់​ហោម​ក៝ប់​នារ​មៃ​រាក្លាយ្ស​គ៝ប់”។ ជេសរី​ពាង់​នហ៝​មា​លាស​មា​អ៝ស​ក៝ន​ពាង់​ជឹត៖
GEN 49:19 “កាត​គែស​ផូង​តាហែន​ហាន់​លើស​ពាង់ យើន​មា​ពាង់​ហាន់​លើស​ផូង​តាហែន​អី​នៃ​តាៈ​ឞើស​កើយ។
GEN 49:20 អាឆើរ​គែស​នទើ​ឆោង​ឆា​កាស​ងាន់ ពាង់​តៃ​អ៝ន់​នទើ​ឆោង​ឆា​កាស​ងាន់​មា​អ៝ន់​កាដាច់​ឆា។
GEN 49:21 នាប់តាលី​ជេង​តឹម​ឞាន​មា​ងក្រ៝ង់​មែ​លែៈ​ក្លាយ្ស ពាង់​ឞាៈ​ក៝ន​អ្វែសៗ​ងាន់។
GEN 49:22 យោឆែប​ជេង​តឹម​ឞាន​មា​ងគីង​គែស​ព្លៃ​អ៝ក់ ងគីង​គែស​ព្លៃ​អ៝ក់​ហ៝ន​កេង​មែង​នហ៝ង​ទាក ងគីង​ពាង់​ព្រេស​រាលាវ​មពេរ​ប៝ន​ងាន់។
GEN 49:23 ផូង​រាលាង់​តឹម​លើស​ដាស​ពាង់ ឞូ​ពាញ់​ពាង់​មា​នា
GEN 49:24 យើន​មា​យោឆែប​ហោម​ទាង់​រាលាវ ពាង់​ហោម​ទាង់​ងាន់ យ៝រ​មា​គែស​នាវ​ទើយ​កោរាញ​ឞ្រាស​អី​គ៝ប់​យើក​មឞាស។ កោរាញ​ឞ្រាស​ទុត​គែស​នាវ​ទើយ​ងាន់ មោ​គែស​អោស​ឞូនុយ្ស​ទើយ​ដ៝ង់។ កោរាញ​ឞ្រាស​ម៝ត់​អ្វាញ់​ផូង​អីឆ្រាអែល តឹម​ឞាន​មា​នើម​ច្យាប់​មពោមពា​(ឆ្យុម)​ផូង។ កោរាញ​ឞ្រាស​ទុត​ន៝ប់​មា​កើល​ញជ្រាង់ តឹម​ឞាន​មា​លុ​ក្លេរ​មោ​អោស​ទើយ​ងគើ។
GEN 49:25 កោរាញ​ឞ្រាស​អី​ឞ្រាស​គ៝ប់​យើក​មឞាស​មរា​កើល​មៃ កោរាញ​ឞ្រាស​នើម​អី​ទុត​គែស​នាវ​ទើយ​មរា​អ៝ន់​នាវ​គែស​ជេង​មា​មៃ ពាង់​មរា​អ៝ន់​គែស​ទាក​មីស​មា​មៃ ពាង់​មរា​អ៝ន់​គែស​ទាក​លោស​តាៈ​ឞើស​ទ៝ង់​ឆូ​មា​មៃ នទ្រែល​មា​អ៝ន់​មៃ​គែស​ក៝ន​អ៝ក់ នអ៝ប់​មា​គែស​មពោមពា​(ឆ្យុម)​អ៝ក់​ដ៝ង់។
GEN 49:26 នាវ​គែស​ជេង​គ៝ប់​ទាន់​កោរាញ​ឞ្រាស​អ៝ន់​មា​មៃ​អ្យា ជេង​ក្វ៝ង់​រាលាវ​មា​នាវ​គែស​ជេង​ផូង​ចែ​គ៝ប់​ទាន់​ឞើស​កោរាញ​ឞ្រាស​អ៝ន់​មា​គ៝ប់ ជេង​ព្រេស​រាលាវ​មា​យោក​ទុត​ន៝ប់​នហ៝​រ៝​ជឹត ទាន់​ទឹង​លែៈ​នាវ​គែស​ជេង​អ្យា​អ៝ន់​គែស​តា​មៃ ទាន់​អ៝ន់​គែស​តា​ឞោក​មៃ​អី​លែៈ​កោរាញ​ឞ្រាស​តឹម​ងខាស​ជេស​ដាស​ផូង​អ៝ស​នោ​មៃ។
GEN 49:27 បែនយាមឹន​ជេង​តឹម​ឞាន​មា​ឆ៝​ឞ្រី​ទុត​ជាញ អា​អោយ​ពាង់​ហាន់​កាប់​ឆា​ហេក​មពោមពា​(ឆ្យុម) ត៝ត់​កេង​មាង់​ពាង់​តឹម​ពាៈ​មពា​ពាង់​គ្លែង​អី​នៃ”។
GEN 49:28 ទឹង​លែៈ​ផូង​ខាន់​ពាង់​អី​នៃ​ជេង​មពោល​រាន៝យ​ទែស​ផូង​អីឆ្រាអែល អី​នៃ​ជេង​នាវ​ឞឹ​ខាន់​ពាង់​នតិញ​មា​ខាន់​ពាង់ ពាង់​ទាន់​កោរាញ​ឞ្រាស​អ៝ន់​នាវ​គែស​ជេង​មា​ខាន់​ពាង់ ១២ នុយ្ស​នៃ ទូ​ហ្វេ​ទូ​ហ្វេ​ពាង់​អ៝ន់​អេងៗ តឹម​ទី​មា​អាប់​នើម​ខាន់​ពាង់។
GEN 49:29 ជេសរី​យាកោប​នតិញ​មា​ផូង​អ៝ស​ក៝ន​ពាង់៖ “ហោម​ទូ​ប្ល៝ត់​គ៝ប់​តៃ​ខឹត គ៝ប់​ហាន់​តឹម​ម៝ប់​មា​ផូង​ចែ​គ៝ប់​នើម។ អ៝ន់​ខាន់​មៃ​លែវ​ត៝ប់​គ៝ប់​កេង​មោច​ផូង​ចែ​គ៝ប់​តា​ត្រោម​យោក​តា​មីរ​អេប្រុន​ផូង​ហេត‌
GEN 49:30 ជេង​តា​មីរ​មាក់ពេលា តឹម​ទាច់​មា​ប៝ន​មាម់រេ​តា​ឞ្រី​កានាន មីរ​នៃ​លែៈ​ចែ​អាឞ្រាហាម់ ​ទែ​រាវាត់​តាៈ​ឞើស​អេប្រុន​ផូង​ហេត គៃ​មា​នតុក​មោច។
GEN 49:31 តា​នតុក​នៃ​ឞូ​ត៝ប់​ចែ​អាឞ្រាហាម់  នទ្រែល​មា​អូ​ឆារា​អូរ​ពាង់ ឞូ​ត៝ប់​អីឆាក់ នទ្រែល​មា​រេបេកា​អូរ​ពាង់ លេអា​គ៝ប់​ត៝ប់​ពាង់​តា​នតុក​អី​នៃ​ដ៝ង់។
GEN 49:32 មីរ​នទ្រែល​មា​នតូ​យោក​អី​នៃ​លែៈ​ចែ​អាឞ្រាហាម់ ​ទែ​រាវាត់​ឞើស​ផូង​ហេត”។
GEN 49:33 ជេស​យាកោប​នតិញ​មា​ផូង​អ៝ស​ក៝ន​ពាង់​លែៈ​ផ្យៅ ជេសរី​ពាង់​យើក​ជ៝ង់​ល៝ង់​ឆាក់​តា​គ្រែ​ពាង់​នើម​រី នហ៝​មា​រ៝ស​នហ៝ម់​ហាន់​តឹម​ម៝ប់​មា​ផូង​ចែ​ពាង់​នើម​រី។
GEN 50:1 យោឆែប​អូត​ចុម​ឞឹ​ពាង់ ញុម​តា​មុស​មាត់​ឞឹ​ពាង់​រី។
GEN 50:2 យោឆែប​ដាៈ​ផូង​កោរាញ​ទាក​ឆី​ជាន​អ្វែស​ឆាក់​ឞឹ​ពាង់​រី។ ជេសរី​ផូង​កោរាញ​ទាក​ឆី​ខាន់​ពាង់​លែវ​ឞាល់​ជាន​អ្វែស​ឆាក់​អីឆ្រាអែល​អី​រី​មា​នទើ​បោ​កាស គៃ​មា​មោ​អោស​អោម​នតោ​មលៃ។
GEN 50:3 ខាន់​ពាង់​ជាន​កើត​នៃ​គែស ៤០ នារ ទាស​នៃ​នាវ​ជ៝ៈ​ខាន់​ពាង់​ជាន​អ្វែស​ឆាក់​គៃ​មា​ត៝ប់។ ផូង​អេឆីប ​គុ​ងក្ល៝ន់​រាង៝ត​យាកោប​អី​ឞូ​ក្វាល់​អីឆ្រាអែល​ដ៝ង់ ទឹង​លែៈ​គែស ៧០ នារ។
GEN 50:4 ត៝ត់​លែៈ​លោច​ជេស​នាវ​ខាន់​ពាង់​គុ​ងក្ល៝ន់​រាង៝ត​នៃ យោឆែប​លាស​មា​ផូង​កោរាញ​កាដាច់​ផារ៝ន​កើត​នអា៖ “លាស​ខាន់​មៃ​យោៈ​មា​គ៝ប់ ទាន់​ខាន់​មៃ​មឞើស​ងក៝ច​នាវ​គ៝ប់​អ៝ន់​មា​ផារ៝ន​កើត​នអា៖
GEN 50:5 ឞឹ​គ៝ប់​ដាៈ​គ៝ប់​ត៝ន​មា​ពាង់៖ «គ៝ប់​រេស​មោ​ហោម​អោស​ជ៝ៈ​ដ៝ង់ ត៝ត់​គ៝ប់​ខឹត​តៃ​អ៝ន់​មៃ​ត៝ប់​គ៝ប់​តា​មោច​គ៝ប់​លែៈ​ជេស​នទ្រាប់​តា​ឞ្រី​កានាន​រី»។ លាស​នទ្រី​អាបៃ​អ្យា​គ៝ប់​ទាន់​ហាន់​ត៝ប់​ឞឹ​គ៝ប់ ជេសរី​ទឹង​គ៝ប់​ព្លឹ​តៃ​តា​អ្យា”។
GEN 50:6 កាដាច់​ផារ៝ន​លាស​មា​ពាង់៖ “មៃ​ហាន់​ត៝ប់​ឞឹ​មៃ​រី​ហ៝ម់ កើត​នាវ​មៃ​លែៈ​ជេស​ត៝ន​ដាស​ពាង់​រី​នើស”។
GEN 50:7 ជេសរី​យោឆែប​ហាន់​ត៝ប់​ឞឹ​ពាង់​អា​រី ទឹង​លែៈ​ផូង​កោរាញ​កាដាច់​ផារ៝ន ទឹង​លែៈ​មពោល​ឞូ​រាញ​តា​ជៃ​កាដាច់ នទ្រែល​មា​ទឹង​លែៈ​ផូង​កោរាញ​តា​ឞ្រី​អេឆីប ​រី ខាន់​ពាង់​ហាន់​នហ៝ច​នទ្រែល​មា​យោឆែប​ទាទេ។
GEN 50:8 ទឹង​លែៈ​រានាក់​វ៝ល់​យោឆែប អ៝ស​នោ​ពាង់ នទ្រែល​មា​ទឹង​លែៈ​នទុល​មពោល​ឞឹ​ពាង់ ហាន់​ទាទេ​ដ៝ង់ ហោម​អែ​ក៝ន​ឆែ​ជេៈៗ នទ្រែល​មា​នទ្រោក ឞែ​ឞ្យាប់​ទូ​រី​ទើម​ហោម​គុ​តា​ឞ្រី​កោឆែន​រី។
GEN 50:9 គែស​អ៝ក់​ហាន់​នទ្រែល​តា​នៃ គែស​នអ៝ប់​មា​រាទែស​ឆែស គែស​នអ៝ប់​មា​តាហែន​ញច៝​ឆែស អ៝ក់​នហ៝ច​ងាន់។
GEN 50:10 ត៝ត់​តា​នតុក​អាថាត​រី​ជេង​នតុក​ឞូ​រាពាត់​ព្លេន​ឞា កាល់​អា​ទាក​រាលាយ​យោរដាន់ ខាន់​ពាង់​គុ​ញុម​ក្ល៝ង់​រាង៝ត​តា​នតុក​នៃ​ក្វ៝ង់​ងាន់។ យោឆែប​លែវ​ខាន់​ពាង់​ងក្ល៝ន់​រាង៝ត​មា​ឞឹ​ពាង់​តា​នតុក​នៃ​ពើស​នារ។
GEN 50:11 ទោល​ផូង​អេឆីប ​គែស​នាវ​ងក្ល៝ន់​រាង៝ត​តា​អាថាត​នៃ ផូង​ឞ្រី​កានាន​អី​គុ​តា​នៃ​តឹម​លាស៖ “យី! ហោ​ងាន់​ងក្ល៝ន់​រាង៝ត​ផូង​អេឆីប ​នៃ​ហៃ”។ កើត​នទ្រី​ទឹង​ឞូ​ក្វាល់​នតុក​កាល់​អា​ទាក​រាលាយ​យោរដាន់​អី​នៃ​លាស៖ “អាបែល-​មីឆ្រែម” គែស​នាវ​ខ្លៃ​លាស​«នាវ​ញុម​រាង៝ត​អេឆីប»។
GEN 50:12 ផូង​អ៝ស​ក៝ន​យាកោប​ជាន​កើត​នាវ​ពាង់​នតិញ​មា​ខាន់​ពាង់‌
GEN 50:13 ខាន់​ពាង់​ត៝ប់​យាកោប​តា​ឞ្រី​កានាន តា​មីរ​ត្រោម​យោក​មាក់ពេលា​មពែស​ឞើស​លោស​នារ​ប៝ន​មាម់រេ ជេង​នតុក​មីរ​លែៈ​អាឞ្រាហាម់ ​ទែ​រាវាត់​តាៈ​ឞើស​អេប្រុន​ផូង​ហេត​នៃ​នើស គៃ​មា​នតុក​មោច។
GEN 50:14 ជេស​ត៝ប់​ឞឹ​ពាង់​រី​ផ្យៅ យោឆែប នទ្រែល​មា​ផូង​អ៝ស​នោ​ពាង់ នអ៝ប់​មា​ផូង​ហាន់​ត៝ប់​ឞឹ​ពាង់​អី​រី​នើស ខាន់​ពាង់​ព្លឹ​ឆឹត​តា​ឞ្រី​អេឆីប ​ទាទេ។
GEN 50:15 អី​នោៗ​យោឆែប​ត៝ត់​ឞឹ​ខាន់​ពាង់​លែៈ​ខឹត ខាន់​ពាង់​នតើម​គែស​នាវ​មឹន​រាវៃ​តឹម​លាស​នទ្រាង់​ខាន់​ពាង់៖ “ក្លាប់​លាស​យោឆែប​ឞ្យាញ់​មា​ឞ៝ន់​រ៝ ពាង់​ព្លើង​នាវ​ឞ៝ន់​ជាន​អ្យើស​មា​ពាង់​នើស”។
GEN 50:16 ជេសរី​ខាន់​ពាង់​អ៝ន់​ទូ​ហ្វេ​ហាន់​ងើយ​មា​យោឆែប៖ “ឞឹ​ឞ៝ន់​នតិញ​មា​មៃ​កើត​នអា​អេ​ល៝រ​ពាង់​មា​ខឹត​នើស៖
GEN 50:17 «ខាន់​មៃ​មឞើស​ងក៝ច​មា​យោឆែប៖ «អើ​ក៝ន ទាន់​មៃ​យោៈ​នអាច​មា​នោៗ​មៃ លើយ​ក្លាប់​នទាង់​នាវ​តីស​ខាន់​ពាង់​ជាន​អ្យើស​មា​មៃ»។ នាវ​តីស​ហេន​ជាន​មា​មៃ​នើស​ហោ​ងាន់​ដ៝ង់ លាស​នទ្រី​ទាន់​មៃ​លើយ​ក្លាប់​នទាង់​មា​ហេន​ជេង​ផូង​ជាន​ការ​មា​កោរាញ​ឞ្រាស​អី​ឞ្រាស​ឞឹ​ឞ៝ន់​យើក​មឞាស”។ យោឆែប​តាង់​នាវ​នៃ ពាង់​ញហ្យាង់​ញុម​រ៝។
GEN 50:18 ជេសរី​ទឹង​លែៈ​នោៗ​យោឆែប ហាន់​តឹម​ម៝ប់​មា​ពាង់ ពាន់​តា​នាប់​ពាង់ លាស​មា​ពាង់៖ “ទឹង​លែៈ​ហេន​ជាន​ទឹក​មៃ​ទាទេ”។
GEN 50:19 យោឆែប​លាស​មា​ខាន់​ពាង់៖ “លើយ​ក្លាច យ៝រ​លាស​គ៝ប់​មោ​អោស​កោរាញ​ឞ្រាស​ទឹង​ផាត​ទោយ្ស​ខាន់​មៃ។
GEN 50:20 ខាន់​មៃ​តឹម​ទី​ទូ​នតោរ​នាវ​ជាន​អ្យើស​មា​គ៝ប់​នើស យើន​មា​កោរាញ​ឞ្រាស​ជាន​នាវ​នៃ​ជេង​អ្វែស កោរាញ​ឞ្រាស​រាក្លាយ្ស​ឞូនុយ្ស​ទុត​អ៝ក់ កើត​មា​ឞ៝ន់​លែៈ​ឆៃ​អាបៃ​អ្យា។
GEN 50:21 អើ​នោ ខាន់​មៃ​លើយ​អោស​ក្លាច តៃ​គ៝ប់​ហោម​ម៝ត់​ឆ្យាម់​ខាន់​មៃ នទ្រែល​មា​អ៝ស​ក៝ន​ខាន់​មៃ”។ នទ្រី​នាវ​យោឆែប​ឞ៝ញ​លែង​នោៗ​ពាង់ ងើយ​អ្វែស​មា​ខាន់​ពាង់។
GEN 50:22 យោឆែប​នទ្រែល​មា​ទឹង​លែៈ​រានាក់​វ៝ល់​ឞឹ​ពាង់​ហោម​គុ​តា​ឞ្រី​អេឆីប ។ យោឆែប​រេស​គែស ១១០ នាម់។
GEN 50:23 យោឆែប​ឆៃ​ក៝ន​ឆៅ​អេប្រាអីម​ត៝ត់​មា​ឆែ នទ្រែល​មា​ពាង់​លែៈ​ឆៃ​ដ៝ង់​អី​ក៝ន​មាកីរមាកីរ​នៃ​ជេង​អី​ក៝ន​មានាឆេ ទឹង​លែៈ​ឆែ​អី​នៃ​ពាង់​កើប​ជេង​ក៝ន​ពាង់​នើម​ដ៝ង់។
GEN 50:24 នោក​យោឆែប​ឞើយ​មា​ខឹត ពាង់​ងើយ​មា​ផូង​អ៝ស​នោ​ពាង់៖ “គ៝ប់​ឞើយ​មា​ខឹត​ជេស យើន​មា​កោរាញ​ឞ្រាស​គុ​នទ្រែល​ខាន់​មៃ ពាង់​មរា​លែវ​ខាន់​មៃ​ទូ​លោស​ឞើស​ឞ្រី​អ្យា​ឆឹត​តា​ឞ្រី​នតុក​ពាង់​លែៈ​ត៝ន​មា​អាឞ្រាហាម់  មា​អីឆាក់ នទ្រែល​មា​យាកោប​នើស”។
GEN 50:25 ជេសរី​យោឆែប​អ៝ន់​ផូង​ក៝ន​ឆៅ​អីឆ្រាអែល​ត៝ន​មា​ពាង់៖ “ត៝ត់​កោរាញ​ឞ្រាស​ហាន់​កើល​ខាន់​មៃ​តៃ អ៝ន់​ខាន់​មៃ​ឆើម​ញអោត​នតីង​គ៝ប់​ឞើស​នតុក​អ្យា​លែវ​នទ្រែល​មា​ខាន់​មៃ”។
GEN 50:26 យោឆែប​រេស​គែស ១១០ នាម់ ជេសរី​ពាង់​ខឹត ឞូ​ជាន​អ្វែស​ឆាក់​ពាង់ តេៈ​ពាង់​តា​ឞាង់ ជេសរី​ឞូ​ត៝ប់​ពាង់​តា​ឞ្រី​អេឆីប ​រី៕៚
RUT 1:1 រានោក​កាល់​អែ​តា​ឞ្រី​អីឆ្រាអែល ​អេ​ល៝រ​មា​គែស​កាដាច់ គែស​កោរាញ​ផាត​ទោយ្ស​ទើម​កើល​ម៝ត់​អ្វាញ់​ប៝ន​លាន​តា​ឞ្រី​អី​នៃ។ នោក​នៃ​គែស​ឞារ​ហៃ​អូរ​ឆាយ​គុ​តា​ប៝ន​បេតលេហឹម ​តា​ឞ្រី​យូដា ។ តា​ឞ្រី​នៃ​គែស​នាវ​ត៝ត់​ជី​ឆ៝ត់​ជី​ង៝ត​ក្វ៝ង់​ឞេង​ឞ្រី​ងាន់។ យ៝រ​មា​គែស​នាវ​ជី​ឆ៝ត់​ជី​ង៝ត​ក្វ៝ង់​អី​នៃ​ខាន់​ពាង់​លែវ​ឞារ​ហៃ​ក៝ន​ឞូ​ក្លោ​ខាន់​ពាង់​ទូ​ឞើស​ឞ្រី​យូដា ​ហាន់​គុ​ជឹត​ឞ្រី​មោអាប់ ។
RUT 1:2 អី​ឆាយ​នៃ​រាញា​អេលីមាលេក  អី​អូរ​ពាង់​រាញា​នាអោមី  អី​ក៝ន​ពាង់​រាញា​មាលោន  នទ្រែល​មា​កីលីយោន  ខាន់​ពាង់​តាៈ​ឞើស​ឞាល់​មពោល​អេព្រាតា ​តា​ប៝ន​បេតលេហឹម ​តា​ឞ្រី​យូដា  ជេសរី​ខាន់​ពាង់​គុ​តា​ឞ្រី​មោអាប់ ។
RUT 1:3 ត៝ត់​អា​កើយ​រី អេលីមាលេក ​ខឹត នត្លើយ​អូរ​នទ្រែល​មា​ក៝ន​ពាង់​ឞារ​ហៃ​អី​នៃ។
RUT 1:4 ជេសរី​ក៝ន​ពាង់​ឞារ​ហៃ​អី​នៃ​ឆ៝ៈ​អូរ​ឞើស​ផូង​មោអាប់  ទូ​ហ្វេ​រាញា​អោរពា  ទូ​ហ្វេ​ជឹត​រាញា​រូត  ខាន់​ពាង់​គុ​តា​ឞ្រី​អី​នៃ​ក្លាប់​លាស​គែស​ជឹត​នាម់។
RUT 1:5 ជេសរី​មាលោន ​នទ្រែល​មា​កីលីយោន ​នៃ​ខឹត​ដ៝ង់ នត្លើយ​អី​មេៈ​គុ​ទូ​ហ្វេ​អេង ខឹត​លែៈ​ក៝ន​លែៈ​ឆាយ​រ៝។
RUT 1:6 គែស​ទូ​នារ​រី​នាអោមី ​លឺ​តាង់​ឞូ​ងក៝ច​លាស​ឞ្រាស​យេហោវា លែៈ​កើល​ប៝ន​លាន​ផូង​អីឆ្រាអែល ​អី​ប៝ន​លាន​ពាង់​នើម​អ៝ន់​គែស​ជេង​គែស​នទើ​ឆោង​ឆា​ត៝ង់​តា​ឞ្រី​យូដា ។ ជេសរី​ពាង់​នទ្រែល​ឞារ​ហៃ​អី​មាន់​នៃ​នទ្រាប់​នទ៝ស​នទើ​ព្លឹ​ឆឹត​ជឹត​ប៝ន​ពាង់​នើម​រី។
RUT 1:7 ពែ​នុយ្ស​ខាន់​ពាង់​ទូ​ឞើស​នតុក​នៃ​ហាន់​រ៝ៈ​ត្រ៝ង​ងាយ​ឆឹត​តៃ​តា​ឞ្រី​យូដា ។
RUT 1:8 ជេសរី​នាអោមី ​លាស​មា​អី​មាន់​ពាង់​ឞារ​ហៃ​នៃ៖ “ខាន់​បែ​ហាន់​ឆឹត​តឹង​មេៈ​ឞឹ​ខាន់​បែ​នើម​អា​រី​ទោស! ខាន់​បែ​នើស​លែៈ​ជាន​នាវ​អ្វែស​មា​ក៝ន​គ៝ប់​លែៈ​ខឹត នទ្រែល​មា​គ៝ប់​នើម​ដ៝ង់។ គ៝ប់​ទាន់​ឞ្រាស​យេហោវា​ជាន​នាវ​អ្វែស​មា​ខាន់​បែ​កើត​នៃ​ដ៝ង់។
RUT 1:9 គ៝ប់​ទាន់​ឞ្រាស​យេហោវា​អ៝ន់​ខាន់​បែ​ឞារ​ហៃ​អ្យា​គែស​ឆាយ​តៃ រេស​ជេង​អ្វែស​ដាប់​មពាន់​តា​រានាក់​វ៝ល់”។ ជេសរី​អី​ព៝​ចុម​នតិញ​អី​មាន់​ពាង់​ឞារ​ហៃ​នៃ​តឹង​មា​នាវ​វៃ​ខាន់​ពាង់។ ខាន់​ពាង់​ឞារ​ហៃ​នៃ​ញុម​លុង​ងាន់
RUT 1:10 ងើយ​មា​អី​ព៝​ពាង់​លាស៖ “ហេន​មោ​អុច​អោស​តឹម​ងខាស! ហេន​អុច​តឹង​គុ​នទ្រែល​បែ នទ្រែល​មា​ប៝ន​លាន​បែ​ដ៝ង់”។
RUT 1:11 តីស​មា​នាអោមី ​មោ​រ៝ម៖ “ហើយ​ក៝ន! ខាន់​បែ​ព្លឹ​ឆឹត​អា​រី​ហ៝ម់ ម៝ស​នាវ​ខាន់​បែ​អុច​ឞ្រោៈ​នទ្រែល​គ៝ប់? គ៝ប់​លែៈ​អ៝ក់​នាម់​ហើយ មោ​ហោម​អោស​ឞាៈ​ក៝ន​មា​នត្រ៝ៈ​ឆាយ​ខាន់​បែ​តឹង​នាវ​វៃ​ឞ៝ន់។
RUT 1:12 ព្លឹ​ឆឹត​អា​រី​ហ៝ម់! យ៝រ​លាស​គ៝ប់​លែៈ​រាញ​ហើយ្ស​លិច​ហោម​គែស​ឆាយ​តៃ​អោស។ ឞ៝ល​លាស​គ៝ប់​ហោម​រានើម​គែស​ក៝ន លាស​គែស​ឆាយ​គុ​ដាស​គ៝ប់​តា​មាង់​អ្យា ជេសរី​គែស​ឞារ​ហៃ​ក៝ន​ឞូ​ក្លោ‌
RUT 1:13 លាស​នទ្រី​អើម​ខាន់​បែ​អុច​ក៝ប់​ខាន់​ពាង់​ត្រុយ្ស​ក្វ៝ង់​លាស? អើម​ខាន់​បែ​អុច​គុ​ទើម​លិច​អុច​ឆ៝ៈ​ឆាយ​លាស? មោ​អោស! ជាន​កើត​រី​លិច​ទី​អោស! ឞ្រាស​យេហោវា​លែៈ​តឹម​រាទ៝ង់​ដាស​គ៝ប់​ជាន​អ៝ន់​នាវ​រេស​គ៝ប់​អ៝ត​នូយ្ស​អ៝ត​នហ៝ម់​រាលាវ​មា​ខាន់​បែ​នៃ​ជឹត”។
RUT 1:14 ជេសរី​ឞារ​ហៃ​អី​មាន់​ពាង់​នៃ​ញុម​លុង​ទូ​តឹ​ជឹត អី​មាន់​រាញា​អោរពា ​នៃ​ចុម​នតិញ​ព៝​ពាង់​ទូ​តឹ​ជឹត យ៝រ​មា​ពាង់​លែៈ​អុច​ព្លឹ​ឆឹត​តា​រានាក់​វ៝ល់​ពាង់​នើម យើន​មា​អី​មាន់​រាញា​រូត ​នៃ​ក្វាន់​រាទ៝ង់​ព៝​ពាង់​ហោ​ងាន់ មោ​អុច​អោស​ងខាស​ដាស​ពាង់។
RUT 1:15 នាអោមី ​ងើយ​មា​រូត ៖ “ហើយ​មាន់ មាន់​បែ​លែៈ​ព្លឹ​ឆឹត​ជ៝យ​នទុល​មពោល​ពាង់​នើម ព្លឹ​ឆឹត​យើក​មឞាស​ឞ្រាស​ពាង់​នើម​ដ៝ង់។ អ៝ន់​បែ​តឹង​មាន់​បែ​អា​រី​ហ៝ម់!”
RUT 1:16 ជេសរី​រូត ​អើស៖ “ទាន់​បែ​លើយ​អោស​នត្រុត​គ៝ប់​ទូ​ឞើស​បែ លើយ​អោស​ឞ្វៃ​គ៝ប់​តឹង​បែ! អាស​នតុក​បែ​ហាន់ គ៝ប់​ហាន់​តា​រី​ដ៝ង់ អាស​នតុក​បែ​គុ គ៝ប់​គុ​តា​រី​ដ៝ង់ ផូង​ប៝ន​លាន​បែ​ជេង​ផូង​ប៝ន​លាន​គ៝ប់ ឞ្រាស​អី​បែ​យើក​មឞាស​ជេង​ឞ្រាស​អី​គ៝ប់​យើក​មឞាស​ដ៝ង់។
RUT 1:17 អាស​នតុក​បែ​ខឹត គ៝ប់​ខឹត​តា​រី​ដ៝ង់ ជេសរី​ឞូ​ត៝ប់​គ៝ប់​តា​នតុក​នៃ​ដ៝ង់។ នាវ​ខឹត​ទើម​ទើយ​តឹម​ងខាស​គ៝ប់​ឞើស​បែ លាស​មោ​ងាន់ ទាន់​ឞ្រាស​យេហោវា ​តេៈ​ទោយ្ស​ក្វ៝ង់​មា​គ៝ប់​ទោស!”
RUT 1:18 ត៝ត់​តាង់​អី​មាន់​ពាង់​អុច​គុ​នទ្រែល​ទុត​ហោ​កើត​នទ្រី នាអោមី ​រ៝ម ជេសរី​គុ​អ្យាត់​ឆាក់​រាក្លាក់។
RUT 1:19 ជេសរី​ខាន់​ពាង់​ឞ្រោៈ​ត៝ត់​តា​ប៝ន​បេតលេហឹម។ នោក​ខាន់​ពាង់​ឞារ​ហៃ​ត៝ត់​តា​ប៝ន​នៃ​លែៈ​រាងោច​ប៝ន​លាន​នទ្រ៝ត់​ទាទេ ជេសរី​គែស​ផូង​ឞូ​អូរ​តឹម​អោប​លាស៖ “យោស​អី​នៃ នាអោមី ​ងាន់​លាស​ហ្យាស?”
RUT 1:20 យើន​មា​ពាង់​អើស​លាស៖ “លើយ​ហោម​ក្វាល់​គ៝ប់​«នាអោមី »​ជឹត​អោស ក្វាល់​គ៝ប់​«មារា »​ហ៝ៈ យ៝រ​លាស​នាអោមី ​គែស​នាវ​ខ្លៃ​«នាវ​រាម់​មអាក» តីស​មា​មារា ​គែស​នាវ​ខ្លៃ​«នទើ​តាង់​ខែរ​ងាន់»។ យ៝រ​លាស​កោរាញ​ឞ្រាស​អី​គែស​នាវ​ទើយ​ទុត​ព្រេស​ទុត​ក្វ៝ង់​ជាន​អ៝ន់​នាវ​រេស​គ៝ប់​អ៝ត​នូយ្ស​អ៝ត​នហ៝ម់។
RUT 1:21 គ៝ប់​ទូ​តាៈ​ឞើស​អ្យា​នើស​គែស​នទើ​អាប់​នតីល តីស​មា​ឞ្រាស​យេហោវា​អ៝ន់​គ៝ប់​ព្លឹ​ឆឹត​តា​អ្យា​ជ៝ង់​លាង​មពាង​តី​ទើម ម៝ស​នាវ​ហោម​ក្វាល់​គ៝ប់ «នាអោមី »? ឞ្រាស​យេហោវា ​តឹម​រាទ៝ង់​ដាស​គ៝ប់ ជេង​កោរាញ​ឞ្រាស​អី​គែស​នាវ​ទើយ​ទុត​ព្រេស​ទុត​ក្វ៝ង់​អ៝ន់​គែស​នាវ​ជេរ​ជ៝ត់​មា​គ៝ប់!”
RUT 1:22 នទ្រី​នាវ​នាអោមី ​ព្លឹ​ឆឹត​តា​ប៝ន​ពាង់​នើម លែវ​នអ៝ប់​មា​អី​មាន់​ពាង់​តាៈ​ឞើស​ឞ្រី​មោអាប់ ​ឆឹត​នហាញ​ដ៝ង់។ ខាន់​ពាង់​ឞារ​ហៃ​ត៝ត់​តា​ប៝ន​បេតលេហឹម ​តា​ខៃ​នតើម​រែក​ឞា​ព្រាង់ ។
RUT 2:1 តា​ប៝ន​បេតលេហឹម ​គែស​ទូ​ហ្វេ​ឞូ​ក្លោ​ឞាល់​មពោល​តឹម​ទាច់​ដាស​ឆាយ​នាអោមី ​រាញា​ឞោអាស  ពាង់​ឞូ​តេស​ឞូ​ក្វ៝ង់​គែស​ទ្រាប់​នទើ​អ៝ក់​ងាន់។
RUT 2:2 គែស​ទូ​នារ​រី​រូត ​អី​ផូង​មោអាប់ ​នៃ​នើស​ងើយ​មា​ព៝​ពាង់៖ “ហើយ​អូ អ៝ន់​គ៝ប់​ឞ្រោៈ​ទោញ​ឞា​ព្រាង់ ​តា​មីរ​ឞូ​យឹ បារ​នា​ឞូ​យោៈ​អ៝ន់​គ៝ប់​ទោញ​ឞើស​កើយ​ឞូ”។ នាអោមី ​អើស៖ “ឞ្រោៈ​ហែស​មាន់!”
RUT 2:3 ជេសរី​រូត ​ឞ្រោៈ​ទោញ​ឞា​អី​តុប​ឞើស​កើយ​មពោល​អី​រែក​ឞា​រី​អ៝ន់​មា​ពាង់​នើម គែស​ទោញ​ព្លាង់​មីរ​ឞោអាស ​អី​ឞាល់​មពោល​អេលីមាលេក ​រី​នើស។
RUT 2:4 ជេសរី​ឞោអាស ​ឞ្រោៈ​តាៈ​ឞើស​ប៝ន​បេតលេហឹម  ត៝ត់​តា​នៃ​ពាង់​អោប​អ្វែស​លាង់​មា​មពោល​រែក​ឞា​នៃ៖ “ទាន់​ឞ្រាស​យេហោវា​គុ​នទ្រែល​ខាន់​អៃ​មៃ!” ខាន់​ពាង់​អើស៖ “ទាន់​ឞ្រាស​យេហោវា​អ៝ន់​នាវ​គែស​ជេង​មា​កោរាញ​ដ៝ង់!”
RUT 2:5 ជេសរី​ឞោអាស ​អោប​ឞូ​ក្លោ​អី​ម៝ត់​អ្វាញ់​មពោល​រែក​ឞា​នៃ៖ “ឞូ​ម៝ស​មពោល​ឞូ​អូរ​ទ្រោស​អី​ត៝​មេស?”
RUT 2:6 ពាង់​អើស៖ “ឞូ​អូរ​ផូង​មោអាប់ ​អី​ឆឹត​នទ្រែល​នាអោមី ​ឞើស​ឞ្រី​មោអាប់ ​នើស។
RUT 2:7 ពាង់​ទាន់​តឹង​ឞើស​កើយ​ឞូ​គៃ​មា​រាបុន​ឞា​អី​តុប​តា​នែស ពាង់​ឞ្រោៈ​ទោញ​អើម​អោយ​ញឆ្រោយ្ស​នហ៝​មា​ត៝ត់​អាបៃ​អ្យា ពាង់​រាលូ​តា​ងកឺប​ទូ​នទ៝ម់​ទើម”។
RUT 2:8 ជេសរី​ឞោអាស ​ហាន់​ម៝ប់​រូត ​អា​ត៝​លាស​មា​ពាង់៖ “ហើយ​អ៝ស ទាន់​អ្យាត់​គ៝ប់​យឹ! លើយ​ទោញ​ឞា​តា​មីរ​ឞូ​អេង​យឹ មោ​ខាច់​អោស​ហាន់​តា​មីរ​ឞូ​អេង ហាន់​គុ​នទ្រែល​ឞូ​អូរ​អ៝ស​ម៝ន​គ៝ប់​តា​អ្យា​ហ៝ៈ!
RUT 2:9 អ្វាញ់​អាស​នតុក​ឞូ​រែក ជេសរី​តឹង​ខាន់​ពាង់​ឞើស​កើយ​ឞើស​កើយ នទ្រែល​មា​ផូង​ឞូ​អូរ គ៝ប់​ឞ្វៃ​អ៝ស​ម៝ន​ផូង​ឞូ​ក្លោ មោ​អោស​អ៝ន់​ជាន​អ្យើស​មា​អៃ។ លាស​អៃ​ជី​ហីរ​ទាក ញេត​ទាក​នោង​អី​អ៝ស​ម៝ន​គ៝ប់​មឞុក​នៃ​ហ៝ៈ!”
RUT 2:10 ជេស​រូត ​តាង់​នាវ​នៃ​ពាង់​ពាន់​តា​នែស ជេសរី​អើស​មា​ឞោអាស ៖ “ម៝ស​នាវ​កោរាញ​យោៈ​មា​គ៝ប់​ឞូនុយ្ស​ផូង​ឞូ​នាច់​អេង​អ្យា?”
RUT 2:11 ឞោអាស ​លាស៖ “ឞូ​ងក៝ច​មា​គ៝ប់​លែៈ​រាងោច​នាវ​អៃ​ជាន​មា​ព៝​អៃ ជេស​ឆាយ​អៃ​ខឹត​នើស អៃ​ទើយ​នត្លើយ​មេៈ​ឞឹ នទ្រែល​មា​ឞ្រី​ប៝ន​អៃ​នើម ទូ​គុ​នទ្រែល​មពោល​អី​អៃ​មោ​វៃ​នាល់​ឞើស​នតើម​នើស។
RUT 2:12 អ៝ន់​ឞ្រាស​យេហោវា​ព្លើង​ជាន​អ្វែស​មា​អៃ យ៝រ​មា​នទើ​អ្វែស​អី​អៃ​លែៈ​ជាន​នើស។ អ៝ន់​ឞ្រាស​យេហោវា​អី​ឞ្រាស​ផូង​អីឆ្រាអែល ​យើក​មឞាស​ងខោម​នទើ​អ៝ក់​មា​អៃ យ៝រ​លាស​អៃ​រាន​គុ​នទែ​តា​ពាង់​តឹម​ឞាន​មា​ក៝ន​អ្យារ់​រាន​គុ​តា​ន៝ម់​នារ​មែ​ពាង់”។
RUT 2:13 រូត ​លាស៖ “អើ​កោរាញ មៃ​គែស​នូយ្ស​នហ៝ម់​អ្វែស​មា​គ៝ប់​ហោ​ងាន់ មៃ​លែៈ​រាថី​គ៝ប់ ឞ៝ល​លាស​គ៝ប់​ឞូនុយ្ស​គុ​តា​ន៝ម់​អ៝ស​ម៝ន​ឞូ​អូរ​មៃ​កាដោយ មៃ​ហោម​ងើយ​អ្វែស​មា​គ៝ប់​ងាន់”។
RUT 2:14 នោក​ឆោង​ឆា ឞោអាស ​លាស​មា​រូត ៖ “ហោៈ​ឆា​នុមពាង់​លុប​ដាស​ទាក​លុប​អ្យា!” ជេសរី​រូត ​គុ​នទ្រែល​មពោល​អ៝ស​ម៝ន​នៃ ឞោអាស ​នទឹ​មឞ៝​គែ​លែៈ​ជេស​វ៝រ់​អ៝ន់​ពាង់ ពាង់​ឆា​ត៝ត់​ហើម ហោម​រាមែស​ដ៝ង់ ជេសរី​ពាង់​ព្រាប់។
RUT 2:15 ជេស​ឆោង​ឆា​រី​ពាង់​ទ៝ក់​ឞ្រោៈ​ទោញ​តៃ​ឞា ឞោអាស ​លាស​មា​មពោល​អ៝ស​ម៝ន​ពាង់៖ “អ៝ន់​ពាង់​ទោញ​ឞា​តា​នតុក​អី​ឞូន​នៃ​ដ៝ង់ លើយ​អោស​ឞ្វៃ​ពាង់!
RUT 2:16 នតុប​ឞា​ឞើស​ញចាប់​បាៈ អ៝ន់​ពាង់​ទោញ លើយ​អោស​លាស​ពាង់!”
RUT 2:17 ជេសរី​ពាង់​ទោញ​ឞា​នហ៝​មា​ត៝ត់​កេង​មាង់ ព្លេន​ឞា​អី​នៃ​ឞើយ​មា​ឞេង​ឆាស។
RUT 2:18 ពាង់​អាញ​ឞា​អី​នៃ​ឆឹត​អា​ប៝ន​ញហើ​អ៝ន់​អី​ព៝​ពាង់​ឆៃ នហ៝​មា​ញអោត​នទើ​ឆោង​ឆា​អី​រាមែស​នើស​នទឹ​អ៝ន់​មា​អី​ព៝​ពាង់​ដ៝ង់។
RUT 2:19 ព៝​ពាង់​អោប៖ “នារ​អ្យា​ឞូ​ម៝ស​មីរ​បែ​ទោញ​ហាៈ? អ៝ន់​ឞ្រាស​យេហោវា​អ៝ន់​នាវ​គែស​ជេង​មា​ពាង់​អី​គែស​នូយ្ស​នហ៝ម់​ល៝ង់​មា​បែ!” ជេសរី​រូត ​ងក៝ច​មា​ព៝​ពាង់៖ “នារ​អ្យា​គ៝ប់​ទោញ​ឞា​តា​មីរ​ឞូ​ក្លោ​រាញា​ឞោអាស  អូ​អេៈ”។
RUT 2:20 នាអោមី ​អើស​មា​អី​មាន់​ពាង់៖ “គ៝ប់​ទាន់​ឞ្រាស​យេហោវា​អ៝ន់​នាវ​គែស​ជេង​មា​ពាង់! ឞ្រាស​យេហោវា​គែស​នូយ្ស​នហ៝ម់​អ្វែស​រាប់​ជាប់ ហោម​កាស​គឹត​នាវ​ពាង់​រ៝ង់​ន៝ប់​មា​ឞូនុយ្ស​ហោម​រេស ឞ៝ល​លាស​ឞូនុយ្ស​លែៈ​ខឹត​ដ៝ង់!” នាអោមី ​ងើយ​តៃ៖ “ឞូ​ក្លោ​អី​នៃ​ជេង​ឞាល់​មពោល​ឞ៝ន់ ជេង​ទូ​ហ្វេ​ឞូនុយ្ស​នទើន​ម៝ត់​អ្វាញ់​ឞ៝ន់”។
RUT 2:21 រូត ​អី​ផូង​មោអាប់ ​នៃ​អើស៖ “នហ៝​ពាង់​ដាៈ​គ៝ប់​គុ​ទោញ​ឞា​នទ្រែល​អ៝ស​ម៝ន​ពាង់​ត៝ត់​ជេស​រែក​ឞា​រ៝”។
RUT 2:22 ជេសរី​នាអោមី ​ងើយ​តៃ​មា​អី​មាន់​ពាង់៖ “បែ​គុ​ទោញ​ឞា​នទ្រែល​អ៝ស​ម៝ន​ឞូ​អូរ​ឞោអាស ​នៃ​អ្វែស​ងាន់! លាស​បែ​ឞ្រោៈ​មីរ​ឞូ​អេង​ក្លាច​លាស​ឞូ​ជាន​អ្យើស​មា​បែ”។
RUT 2:23 អាប់​នារ​អាប់​នារ​រូត ​គុ​ទោញ​ឞា​នទ្រែល​អ៝ស​ម៝ន​ឞោអាស ​នៃ អា​មាង់ៗ​ពាង់​ឆឹត​គុ​ច្វាញ​អី​ព៝​ពាង់​ដ៝ង់ នហ៝​មា​ត៝ត់​លែៈ​រែក​ឞា​អី​នៃ។
RUT 3:1 ត៝ត់​ទូ​នារ​រី នាអោមី ​ងើយ​មា​រូត ៖ “គ៝ប់​ឆើម​នអាប់​ឆាយ​អ៝ន់​បែ​គែស​នាវ​រេស​អ្វែស​ដាប់​មពាន់​លែត​ជឹត​នាប់។
RUT 3:2 ឞោអាស ​អី​បែ​វៃ​ជាន​ការ​នទ្រែល​មពោល​អ៝ស​ម៝ន​ពាង់​នើស មពោល​ឞាល់​ឞ៝ន់​ដ៝ង់។ កេង​មាង់​អ្យា​ពាង់​ហាន់​រាពាត់​ឞា​តា​នតុក​រាពាត់​ឞា​រី​ដ៝ង់។
RUT 3:3 បែ​អុម​បែ​ងក្រឹ​ឆាក់​អ៝ន់​អ្វែស​ព៝ត​ទាក​ឆី​បោ​កាស​ញឆ៝ស​ឞ៝ក​អាវ​អី​អ្វែសៗ ជេសរី​ហាន់​នតុក​រាពាត់​ឞា​រី លើយ​អោស​ញហើ​ឆាក់​អ៝ន់​ពាង់​នាល់ នហ៝​មា​ត៝ត់​ជេស​ពាង់​ញេត​ឆោង។
RUT 3:4 បែ​អ្វាញ់​នហេល​នានេៈ​នតុក​ពាង់​ឞិច ជេសរី​បែ​ហាន់​ពើក​ផោយ​មពែស​ឞើស​ជ៝ង់​ពាង់​នៃ បែ​ឞិច​តា​រី​យឹ គៃ​មា​ទាន់​ពាង់​កើល​បែ ជេសរី​បែ​ជាន​លែៈ​នតីល​នាវ​ពាង់​មឞើស​ដាៈ​បែ”។
RUT 3:5 រូត ​អើស៖ “អើ គ៝ប់​ជាន​តឹង​ទឹង​លែៈ​នាវ​បែ​ដាៈ”។
RUT 3:6 ជេសរី​រូត ​ហាន់​នតុក​រាពាត់​ឞា​ជាន​តឹង​នាវ​អី​ព៝​ពាង់​ដាៈ​នើស។
RUT 3:7 ជេស​ឞោអាស ​ញេត​ឆោង​ផ្យៅ ពាង់​មអាក​រាម់​នហ៝​មា​ឞិច​នតុក​ឞូន​ឞា​នៃ ជេសរី​រូត ​ហាន់​រាម្យាត់​ពើក​ផោយ​នហ៝​មា​ឞិច​ឞើស​ទ៝ង់​ជ៝ង់​ពាង់​រី។
RUT 3:8 ត៝ត់​ងគូល​មាង់​នៃ ឞោអាស ​កាស​រាងាល់​ឞិច​ប្លី ពាង់​រាព្លាច់​ឆាក់​នទ្រ៝ត់​ហីស​រាហ៝ល់​ឆៃ​ទូ​ហ្វេ​ឞូ​អូរ​ឞិច​ឞើស​ទ៝ង់​ជ៝ង់​ពាង់​នៃ។
RUT 3:9 ជេសរី​ឞោអាស ​អោប៖ “ឞូ​ម៝ស​អ្យា?” រូត ​អើស៖ “គ៝ប់​រូត ​ជេង​ឞូនុយ្ស​ជាន​ការ​មា​មៃ កោរាញ​មេ ទាន់​កោរាញ​យោៈ​នអាច​មា​គ៝ប់ អ៝ន់​គ៝ប់​ជេង​អូរ​មៃ យ៝រ​លាស​មៃ​ជេង​មពោល​ឞាល់​គ៝ប់ ទើន​ម៝ត់​អ្វាញ់​គ៝ប់”។
RUT 3:10 ឞោអាស ​លាស៖ “អ៝ន់​ឞ្រាស​យេហោវា អ៝ន់​នាវ​គែស​ជេង​មា​អ៝ស! អា​ល៝រ​នើស​អៃ​លែៈ​ញហើ​នាវ​រ៝ង់​រាប់​ជាប់​អៃ​គុ​នទ្រែល​ព៝​អៃ យើន​មា​អាបៃ​រី​អៃ​ញហើ​នូយ្ស​នហ៝ម់​ឆ៝ង់​រាលាវ​អី​នៃ​ជឹត អៃ​មោ​អោស​ឆ៝ៈ​ឆាយ​នទាម់​អ៝​អាច មោ​លាស​ឆាយ​នទាម់​អី​នទ្រ៝ង់ តីស​មា​ឆ៝ៈ​គ៝ប់​ច្រាវ។
RUT 3:11 លើយ​តា​រាវៃ​អោស ម៝ស​នទើ​អៃ​ទាន់ គ៝ប់​ទើយ​ជាន​ទឹង​លែៈ យ៝រ​លាស​ប៝ន​លាន​ទឹង​លែៈ​គឹត​នហេល​អៃ​ជេង​ឞូនុយ្ស​ឆ៝ង់​ងាន់។
RUT 3:12 ទី​ងាន់​គ៝ប់​ឞាល់​មពោល​នទើន​ម៝ត់​អ្វាញ់​អៃ យើន​មា​ហោម​គែស​ទូ​ហ្វេ​ឞូ​ក្លោ​ជឹត ឞាល់​មពោល​ទាច់​រាលាវ​មា​គ៝ប់​ងាន់។
RUT 3:13 មាង់​អ្យា​អៃ​ឞិច​តា​អ្យា​ហ៝ៈ! អោយ​តៃ​គ៝ប់​ហាន់​ម៝ប់​ពាង់ លាស​ពាង់​អុច​នទើន​ម៝ត់​អ្វាញ់​អៃ​អ៝ន់​ពាង់​ម៝ត់ លាស​ពាង់​មោ​អុច​អោស គ៝ប់​ត៝ន​មា​អៃ ជាៈ​ឞ្រាស​យេហោវា​អី​រេស​មោ​ឞ្លាវ​ខឹត​កើល​អ្វាញ់​ឆៃ​លែៈ​នាវ​គ៝ប់​ត៝ន គ៝ប់​នទើន​ម៝ត់​អ្វាញ់​អៃ​ងាន់! លាស​នទ្រី​អៃ​ឞិច​តា​អ្យា​ប៝ត់ នហ៝​មា​ត៝ត់​អាង​អោយ”។
RUT 3:14 ជេសរី​រូត ​ឞិច​ឞើស​ទ៝ង់​ជ៝ង់​ឞោអាស ​នៃ នហ៝​មា​ត៝ត់​កេង​អាង ពាង់​ទ៝ក់​អើម​អោយ​ឞ្រី​ហោម​ង៝​គៃ​មា​លើយ​អ៝ន់​ឞូ​គឹត​នាល់ យ៝រ​មា​ឞោអាស ​លាស៖ “មោ​អុច​អោស​អ៝ន់​ឞូ​គឹត​លាស​គែស​ឞូ​អូរ​លាប់​ឞិច​នតុក​អ្យា”។
RUT 3:15 ជេស​រី​ឞោអាស ​លាស៖ “ហើយ​អ៝ស ទ្រ៝ស​ឞ៝ក​អៃ​អី​ក្វ៝ង់​នៃ ក្វាន់​អ៝ន់​ន៝ប់”។ ជេសរី​ឞោអាស ​ត្រ៝ច​ឞា​ឞេង​ឞ៝ក​អី​នៃ​អ៝ន់​មា​ពាង់​នហ៝​កើល​ពឺ​អ៝ន់​ពាង់​មឞាក់ ជេសរី​ពាង់​មឞាក់​ឞា​អី​នៃ​ឆឹត​អា​ប៝ន។
RUT 3:16 ត៝ត់​អា​ច្វាញ​រី​ព៝​ពាង់​អោប៖ “អា​មើម​ពាង់​ជាន​មា​បែ​ហាៈ?” ជេសរី​រូត ​ងក៝ច​មា​អី​ព៝​ពាង់​នើម​ទឹង​លែៈ​នាវ​ឞោអាស ​ជាន​នើស។
RUT 3:17 រូត ​លាស៖ “លែៈ​ឞា​អ្យា​ពាង់​អ៝ន់​មា​គ៝ប់​នហ៝​មា​លាស៖ «អៃ​មោ​អោស​ទី​ឆឹត​ទើម​អា​ព៝​អៃ!»”
RUT 3:18 ជេសរី​នាអោមី ​លាស៖ “ហើយ​មាន់ គុ​ក៝ប់​អ្វាញ់​ប៝ត់ នហ៝​មា​ត៝ត់​គឹត​លាស​នាវ​អ្យា​អា​មើម​ពាង់ យ៝រ​លាស​ឞោអាស ​មោ​អោស​នអ៝ម​ជ៝ៈ​ជ៝ង ពាង់​ជាន​ជេស​តា​នារ​អ្យា​រ៝”។
RUT 4:1 ជេសរី​ឞោអាស ​ឞ្រោៈ​នតុក​មពោង​មពេរ​ប៝ន​នៃ ជេង​នតុក​ឞូ​វៃ​តឹម​រាគូម​ឞាល់ ត៝ត់​តា​នៃ​ពាង់​គុ​ក៝ប់ ជេសរី​ពាង់​ឆៃ​អី​ឞូ​ក្លោ​ឞាល់​មពោល​ទាច់​រាលាវ​អី​ពាង់​មឞើស​មា​រូត ​នើស​ឞ្រោៈ​រ៝ៈ​នៃ ឞោអាស ​ក៝ន់​ឞូ​ក្លោ​អី​នៃ​លាស៖ “ហើយ​នោ ទាន់​មៃ​គុ​តា​អ្យា​ប៝ត់”។ ឞូ​ក្លោ​អី​នៃ​គុ​រ៝។
RUT 4:2 ជេសរី​ឞោអាស ​ជាៈ​ជឹត​នុយ្ស​កោរាញ​ប៝ន​គុ​នទ្រែល​តា​នៃ​ដ៝ង់។
RUT 4:3 ឞោអាស ​លាស​មា​ឞូ​ក្លោ​អី​នៃ៖ “ហើយ​នោ មៃ​គឹត​ហើយ្ស​យោស​នាអោមី ​ព្លឹ​ឆឹត​តាៈ​ឞើស​ឞ្រី​មោអាប់  ពាង់​អុច​តាច់​នែស​មីរ​នោ​អេលីមាលេក ​នើម​នើស។
RUT 4:4 គ៝ប់​អុច​អោប​នហេល​មៃ លាស​មៃ​អុច​រាវាត់​នែស​មីរ​ពាង់​នៃ យ៝រ​មា​មៃ​អី​ឞាល់​មពោល​នទើន​ម៝ត់​អ្វាញ់​នទើន​រាវាត់​ច្វាយ​ល៝រ​ឞូ អុច​អ៝ន់​កោរាញ​អី​គុ​តា​អ្យា​នទ្រែល​ឞូនុយ្ស​អេង​ជឹត​អី​គុ​តា​អ្យា​កើល​ឆៃ​កើល​តាង់​ម៝ស​នាវ​មៃ​ងើយ។ លាស​មៃ​អុច​រាវាត់ រាវាត់​ទោស! លាស​មោ​អុច​រាវាត់ មឞើស​មា​គ៝ប់​ដ៝ង់ យ៝រ​លាស​គ៝ប់​នទើន​ម៝ត់​អ្វាញ់​នទើន​រាវាត់​ច្វាយ​ឞើស​កើយ​មៃ”។ ឞូ​ក្លោ​អី​នៃ​អើស៖ “អើ​គ៝ប់​អុច!”
RUT 4:5 ឞោអាស ​លាស​តៃ៖ “រូត ​អី​ឞូ​អូរ​ផូង​មោអាប់ ​រី​ពាង់​នទ្រោ​ខឹត​ឆាយ​ឆ៝ៈ​ក៝ន​អេលីមាលេក ។ លាស​មៃ​រាវាត់​នែស​មីរ​យោស​នាអោមី ​អី​នៃ​ងក្រែ​មៃ​ឆ៝ៈ​រូត ​ជាន​អូរ​ឆាយ​ដាស​មៃ​ដ៝ង់ គៃ​មា​គែស​ក៝ន​នទើន​តៃ​នែស​មីរ​អី​នៃ លាស​នទ្រី​ហោម​គែស​តៃ​រាន៝យ​ទែស​មា​នែស​មីរ​នោ​ឞ៝ន់​អី​លែៈ​ខឹត​នៃ​នើស​ដ៝ង់”។
RUT 4:6 ឞូ​ក្លោ​អី​នៃ​អើស​មា​ពាង់៖ “លាស​នទ្រី​គ៝ប់​មោ​អោស​ទើយ​រាវាត់ យ៝រ​លាស​គ៝ប់​ក្លាច​រ៝ស​នែស​គ៝ប់​នើម។ អ៝ន់​មៃ​រាវាត់​ទោស គ៝ប់​មោ​អោស​ទើយ​រាវាត់!”
RUT 4:7 រានោក​នៃ​នើស​តា​ឞ្រី​អីឆ្រាអែល  នោក​ឞូ​តាច់​រាគ៝ល់​ទ្រាប់​នទើ ទូ​ហ្វេ​ឞូនុយ្ស​ទ្រ៝ស​នតោ​ជ៝ត​នទឹ​អ៝ន់​មា​ទូ​ហ្វេ​ជឹត គៃ​មា​ញហើ​ខាន់​ពាង់​លែៈ​តឹម​ទី​នាវ។
RUT 4:8 ជេសរី​ឞូ​ក្លោ​នៃ​លាស៖ “អ៝ន់​មៃ​រាវាត់​ទោស!” ជេសរី​ពាង់​ទ្រ៝ស​នតោ​ជ៝ត​នទឹ​អ៝ន់​មា​ឞោអាស ​ដ៝ង់។
RUT 4:9 ជេសរី​ឞោអាស ​លាស​មា​កោរាញ​ប៝ន នទ្រែល​មា​ផូង​ប៝ន​លាន​ទឹង​លែៈ​តា​នៃ៖ “នារ​អ្យា​ទាន់​ទឹង​លែៈ​អ៝ស​នោ​កោញ​វា​ជេង​នើម​លែៈ​ឆៃ​លែៈ​តាង់​នាវ​អី​អ្យា គ៝ប់​រាវាត់​ឞើស​យោស​នាអោមី ​ទឹង​លែៈ​ទ្រាប់​នទើ​នោ​អេលីមាលេក  ទ្រាប់​នទើ​អី​ក៝ន​ពាង់​ឞារ​ហៃ​កីលីយោន ​នទ្រែល​មា​មាលោន ។
RUT 4:10 គ៝ប់​ងក្រែ​ឆ៝ៈ​រូត ​អី​ឞូ​អូរ​ផូង​មោអាប់ ​អី​អូរ​មាលោន ​នើស នអាប់​អូរ​ឆាយ​ដាស​គ៝ប់​ដ៝ង់ គៃ​មា​គែស​ក៝ន​នទើន​តៃ​នែស​មីរ​អី​នៃ លាស​នទ្រី​ហោម​គែស​តៃ​រាន៝យ​ទែស​មា​នែស​មីរ​នោ​ឞ៝ន់​អី​លែៈ​ខឹត​នៃ​នើស គៃ​មា​លើយ​រ៝ស​រាញា​ពាង់​តា​នទុល​មពោល​ពាង់ លើយ​រ៝ស​រាញា​ពាង់​តា​ឞ្រី​ប៝ន​អ្យា។ នារ​អ្យា​ទឹង​លែៈ​អ៝ស​នោ​កោញ​វា​លែៈ​ឆៃ​លែៈ​តាង់​ជេស​នាវ​អី​អ្យា”។
RUT 4:11 លែៈ​រាងោច​ផូង​កោរាញ នទ្រែល​មា​ទឹង​លែៈ​ប៝ន​លាន​អី​គុ​តា​នៃ​អើស៖ “លែៈ​រាងោច​ផូង​ហេន​លែៈ​ឆៃ​លែៈ​តាង់​ទាទេ​ជេស! អ៝ន់​ឞ្រាស​យេហោវា​កើល​រូត ​គែស​ក៝ន​អ៝ក់​តឹម​ឞាន​មា​ឞូ​អូរ​រាចែល  នទ្រែល​មា​ឞូ​អូរ​លេអា ​កាល់​អែ​នើស​អី​មែ​ឞាៈ​ប៝ន​លាន​ផូង​អីឆ្រាអែល ​ដ៝ង់! អ៝ន់​មៃ​ជេង​ឞូនុយ្ស​តេស​ឞូនុយ្ស​នទ្រ៝ង់​គុ​តា​ឞាល់​មពោល​អេព្រាតា  នទ្រែល​មា​លឺ​ឆាក់​មៃ​តា​ប៝ន​បេតលេហឹម ​ដ៝ង់។
RUT 4:12 អ៝ន់​ឞ្រាស​យេហោវា​កើល​មៃ នទ្រែល​មា​អូរ​មៃ​ឞាៈ​ក៝ន​ឞាៈ​ឆៅ​អ៝ន់​អ៝ក់ គៃ​មា​អ៝ន់​រានាក់​វ៝ល់​មៃ​តឹម​ឞាន​មា​រានាក់​វ៝ល់​ពេរេស ​អី​ក៝ន​ឞូ​ក្លោ​យូដា  ឞើស​ឞូ​អូរ​ថាមារ ​នើស​ដ៝ង់!”
RUT 4:13 ជេស​ឞោអាស ​ឆ៝ៈ​រូត ​ជេង​អូរ​ពាង់ ឞ្រាស​យេហោវា​អ៝ន់​នាវ​គែស​ជេង​មា​រូត ។ ត៝ត់​នារ​ឞើស​កើយ​នៃ​ពាង់​នត្រែវ​ឞាៈ​ទូ​ហ្វេ​ក៝ន​ឞូ​ក្លោ។
RUT 4:14 ផូង​ឞូ​អូរ​គុ​តា​ប៝ន​បេតលេហឹម ​នៃ​លាស​មា​នាអោមី ៖ “រានេ​មា​ឞ្រាស​យេហោវា​យ៝រ​នារ​អ្យា​ពាង់​អ៝ន់​អៃ​គែស​ទូ​ហ្វេ​ឆៅ​ឞូ​ក្លោ​មា​ម៝ត់​អ្វាញ់​អៃ អ៝ន់​ពាង់​លឺ​លាម​ឞ្រី​អីឆ្រាអែល ​អ្យា។
RUT 4:15 មាន់​អៃ​រ៝ង់​មា​អៃ​ហោ​ងាន់ ពាង់​លែៈ​ជាន​អ៝ក់​នទើ​អ្វែស​មា​អៃ អ៝ក់​រាលាវ​មា​ពើស​នុយ្ស​ក៝ន​ឞូ​ក្លោ ជេសរី​អាបៃ​អ្យា​ពាង់​ឞាៈ​ទូ​ហ្វេ​ឆៅ​ឞូ​ក្លោ​មា​អៃ ឆៅ​អី​នៃ​ទើយ​ម៝ត់​អ្វាញ់​អៃ​គែស​នាវ​រេស​ជេង​ដាប់​មពាន់​តៃ នហ៝​មា​ត៝ត់​ខឹត”។
RUT 4:16 ជេសរី​នាអោមី ​ពឺ​អី​ឆៅ​នៃ​តុ នហ៝​មា​ម៝ត់​ឆ្យាម់​ពាង់។
RUT 4:17 ផូង​ឞូ​អូរ​អី​គុ​ច្យៅ​មែង​នៃ​លែវ​ឞាល់​លាស៖ “ក៝ន​ឞូ​ក្លោ​អ្យា​អាបៃ​រី​កើប​ក៝ន​នាអោមី !” ជេសរី​ខាន់​ពាង់​រាញា​អ៝ស​ឞេ​អី​នៃ៖ «អោបេត » អោបេត ​អ្យា​អី​ឞឹ​យេឆេ យេឆេ ​អី​ឞឹ​កាដាច់​ដាវីត ។
RUT 4:18 អ្យា​ជេង​រាន៝យ​មពោល​ពេរេស ​ត៝ត់​មា​កាដាច់​ដាវីត ពេរេស ​អី​ឞឹ​ហេឆ្រុន
RUT 4:19 ហេឆ្រុន ​អី​ឞឹ​រាម រាម ​អី​ឞឹ​អាមីនាដាប់
RUT 4:20 អាមីនាដាប់ ​អី​ឞឹ​នាសឆោន នាសឆោន ​អី​ឞឹ​ឆាល់មោន
RUT 4:21 ឆាល់មោន ​អី​ឞឹ​ឞោអាស ឞោអាស ​អី​ឞឹ​អោបេត
RUT 4:22 អោបេត ​អី​ឞឹ​យេឆេ យេឆេ ​អី​ឞឹ​កាដាច់​ដាវីត ៕៚
JON 1:1 ឞើស​កាល់​អែ​នើស​គែស​ទូ​ហ្វេ​ឞូ​ក្លោ​រាញា​យោនាយ្ស ​អី​ក៝ន​អាមីថាយ ។ ត៝ត់​ទូ​នារ​រី​ឞ្រាស​យេហោវា ​ដាៈ​មា​យោនាយ្ស ​៖
JON 1:2 “ហើយ​យោនាយ្ស  មៃ​ទ៝ក់​ហាន់​ហ៝ម់​តា​ប៝ន​នីនីវេ ​អី​ប៝ន​ទុត​ក្វ៝ង់​មពែស​មា​លោស​នារ​នៃ មឞើស​មា​នាវ​តេៈ​ទោយ្ស​ឞូនុយ្ស​តា​ប៝ន​អី​នៃ យ៝រ​លាស​នាវ​តីស​អ្យើស​ខាន់​ពាង់​ជាន​នៃ លឺ​ងគារ់​តាង់​ត៝ត់​អា​គ៝ប់​អ្យា​ងាន់”។
JON 1:3 យោនាយ្ស ​មោ​អ្យាត់​អោស​នាវ​ឞ្រាស​យេហោវា ​ពាង់​ទូ​ញច្វាត់​ឞើស​មាត់​ឞ្រាស​យេហោវា  ពាង់​ទ៝ក់​ឞើស​នៃ​រ៝ ហាន់​ជឹត​ប៝ន​យោបពេ ​រី នតុក​ប៝ន​គែស​ទូក​ក្វ៝ង់ៗ គៃ​មា​ហាន់​ជឹត​ប៝ន​តាឆើស ​អី​ប៝ន​មពែស​មា​ញ៝ប់​នារ​កាល់​តី​ទាក​វាច់​ទាក​វារ់​ច្រាវ។ ពាង់​ឆៃ​គែស​ទូ​មល៝ម់​ទូក​ក្វ៝ង់ អុច​នទ្រាប់​ហាន់​ជឹត​ប៝ន​តាឆើស  ពាង់​អ៝ន់​ព្រាក់​មា​ញច៝​ទូក ជេសរី​ពាង់​ជុរ​ញច៝​ទូក​អី​នៃ​រ៝ ហាន់​ជឹត​ប៝ន​តាឆើស ​នទ្រែល​ឞូ​អាបាៈ​អេង ពាង់​អុច​ទូ​ក្រាប​ងាយ​ឞើស​មាត់​ឞ្រាស​យេហោវា ​ងាន់​រ៝។
JON 1:4 ទូក​អី​នៃ​លោស​ឞើស​យោបពេ  ត៝ត់​តា​ងក្លាង​ទាក​នៃ ជេសរី​ឞ្រាស​យេហោវា ​អ៝ន់​គែស​ឆ្យាល​ផុត​ទុត​ហោ​រ៝ គៃ​មា​ខោម​មព្រាត​រ៝ៈ​ទាក​វាច់​ទាក​វារ់។ កើត​នទ្រី​រ៝ៈ​ទាក​អី​នៃ​គែស​ឆ្យាល​ទុត​ហោ​ងាន់ អ៝ន់​ខាន់​ពាង់​ក្លាច​លាស​ទូក​ខាន់​ពាង់​នើស​អ្យើស​លែៈ​ផ្យៅ។
JON 1:5 មពោល​ជាន​ការ​តា​កាលើ​ទូក​នៃ​ខាន់​ពាង់​ក្លាច​នតែរ​ទាទេ ខាន់​ពាង់​នតែរ​ក្វាល់​ទូ​ហ្វេ​ទូ​ហ្វេ​ដាៈ​ឞ្រាស​ខាន់​ពាង់​នើម​កើល។ ជេសរី​ខាន់​ពាង់​ពឺ​លែៈ​ទ្រាប់​នទើ​តា​កាលើ​ទូក​អី​នៃ មអារ់​លើយ​តា​ទាក​វាច់​ទាក​វារ់​រី​គៃ​មា​អ៝ន់​ទូក​អី​នៃ​ងគើច។ អី​យោនាយ្ស ​នើម​រី​លែៈ​អើម​ជុរ​គុ​ឞិច​ហាក់​ខុរ​ឞើស​ទ៝ង់​ឆូ​តា​ឞ្លាត​ទូក​រី​ពាង់​ហែស។
JON 1:6 ជេសរី​ពាង់​អី​តើម​ទូក​រី​ហាន់​ជ៝យ​យោនាយ្ស ​គៃ​មា​លាស ពាង់​លាស៖ “មើម​គុ​ឞិច​មៃ​អ្យា​ហ្យាស? ទ៝ក់​ហ៝ម់​ហែស! ក្វាល់​ហ៝ម់​ឞ្រាស​មៃ​នើម! ងខេប​លាស​ឞ្រាស​អី​នៃ​កាស​គឹត​មា​ឞ៝ន់ លើយ​អ៝ន់​ឞ៝ន់​ខឹត”។
JON 1:7 មពោល​ឞូនុយ្ស​អី​គុ​ញច៝​តា​កាលើ​ទូក​នៃ​តឹម​ញច្រាៈ​ឞាល់​លាស៖ “ល៝ង់​ឞ៝ន់​ញុប​នទើ​ញច្រ៝ស គៃ​មា​គឹត​ឞូ​ម៝ស​ឞូនុយ្ស​អី​ជាន​នាវ​អ្យើស ទឹង​ឞ៝ន់​គែស​នាវ​ជេរ​កើត​អ្យា”។ ជេសរី​ញច្រ៝ស​នាវ​អី​នៃ​ទី​តា​ព្លាង់​យោនាយ្ស ​រ៝។
JON 1:8 ជេសរី​ខាន់​ពាង់​អោប​យោនាយ្ស ៖ “ឞូ​ម៝ស​ជាន ទឹង​គែស​នាវ​ជេរ​កើត​អ្យា? មឞើស​មា​ហេន​ហ៝ម់ មៃ​ម៝ស​ជាន? ឞើស​តាៈ​មៃ? ម៝ស​ប៝ន? មៃ​ឞូ​ម៝ស​មពោល?”
JON 1:9 យោនាយ្ស ​មឞើស​មា​ខាន់​ពាង់៖ “គ៝ប់​មពោល​ហេឞ្រើ  គ៝ប់​ក្លាច​មា​ឞ្រាស​យេហោវា ​ឞ្រាស​អី​គុ​តា​កាលើ​ត្រោក ពាង់​អី​ញជេង​ទាក​វាច់​ទាក​វារ់ នទ្រែល​មា​នែស​នតូ​អ្យា​ដ៝ង់”។
JON 1:10 យោនាយ្ស ​ងក៝ច​លែៈ​នាវ​ពាង់​អី​នៃ​នើស​អ៝ន់​ឞូ​គឹត ត៝ត់​មា​គឹត​នាវ​យោនាយ្ស ​ពាង់​ញច្វាត់​ទូ​ឞើស​ឞ្រាស​យេហោវា  កើត​នៃ ខាន់​ពាង់​ក្លាច​ទាទេ​លើ​ហោ​ងាន់ លែៈ​ឞូនុយ្ស​អី​គុ​ញច៝​តា​ទូក​អី​នៃ ខាន់​ពាង់​លាស​មា​យោនាយ្ស ៖ “ម៝ស​ជាន​មៃ​កើត​នទ្រី​រី?”
JON 1:11 ទាក​រាឞុស​លើ​មា​ហោ​លើ​មា​ហោ​ងាន់ ជេសរី​ខាន់​ពាង់​អោប​មា​យោនាយ្ស ៖ “លាស​នទ្រី មើម​ហេន​ជាន​មា​មៃ គៃ​មា​ទាក​អ្យា​រាង៝ន់​មេស?”
JON 1:12 យោនាយ្ស ​អើស៖ “ខាន់​មៃ​ងក្លាច់​លើយ​គ៝ប់​តា​ទាក​រី​មើ​ឞាស យ៝រ​លាស​គ៝ប់​គឹត​ឆ្យាល​ផុត​ទុត​ហោ​អ្យា តាៈ​ឞើស​នាវ​តីស​គ៝ប់”។
JON 1:13 ខាន់​ពាង់​មោ​អ្យាត់​អោស ខាន់​ពាង់​ញឆ្រោយ្ស​វាស​ទូក​អី​នៃ​អ៝ន់​ហាន់​ជឹត​មែង មោ​ទើយ​រ៝ យ៝រ​មា​ទាក​រាឞុស​លើ​មា​ហោ​ទាង់​ងាន់។
JON 1:14 ជេសរី​ខាន់​ពាង់​នតែរ​ក្វាល់​ឞ្រាស​យេហោវា  ៖ “អើយ​ឞ្រាស​យេហោវា ​ទាន់​មៃ​យោៈ​នអាច​អ៝ន់​មា​ហេន លើយ​អ៝ន់​ហេន​ខឹត​យ៝រ​មា​ហេន​ងខឹត​ងក្លាច់​លើយ​ឞូនុយ្ស​អ្យា​តា​ទាក។ អើយ​ឞ្រាស​យេហោវា ​លើយ​តេៈ​ទោយ្ស​មា​ហេន​លាស​ឞូនុយ្ស​អ្យា​មោ​គែស​នាវ​តីស​អោស លែៈ​នាវ​អ្យា​នើស​តាៈ​ឞើសមៃ​នើម​អុច”។
JON 1:15 ជេសរី​ខាន់​ពាង់​ពឺ​យោនាយ្ស ​ងក្លាច់​លើយ​តា​ទាក​វាច់​ទាក​វារ់​អី​នៃ ជេសរី​ទាក​រាង៝ន់​នទាល​រ៝។
JON 1:16 លែៈ​រាងោច​មពោល​អី​នៃ​ក្លាច​ឞ្រាស​យេហោវា ​ហោ​ងាន់ ខាន់​ពាង់​លែវ​ឞាល់​ឆ៝ៈ​នទើ​ជាន​មា​ឞ្រាស​យេហោវា ​នទ្រែល​មា​ម៝ត់​ត៝ន​ដ៝ង់។
JON 2:1 ជេសរី​ឞ្រាស​យេហោវា ​អ៝ន់​ទូ​មល៝ម់​កា​ក្វ៝ង់​រាង្វាន់​យោនាយ្ស  ជេសរី​កា​ក្វ៝ង់​អី​នៃ​រាង្វាន់​យោនាយ្ស ​រី ពាង់​គុ​តា​ត្រោម​នទុល​កា​ពែ​នាង់​ពែ​នារ
JON 2:2 ជេសរី​ពាង់​មឞើស​ឆើម​មា​ឞ្រាស​យេហោវា ​អី​ឞ្រាស​ពាង់​នើម​រី​ឞើស​ត្រោម​នទុល​កា​អី​នៃ។
JON 2:3 ពាង់​លាស៖ “ទោល​គ៝ប់​គែស​នាវ​ជេរ គ៝ប់​ជ៝យ​ក្វាល់​ឞ្រាស​យេហោវា  ពាង់​ព្លឹ​អើស​ងាន់​រ៝ ទោល​គ៝ប់​មឹន​គ៝ប់​មរា​ខឹត​ងាន់​រ៝​គ៝ប់​នតែរ​ទាន់​មៃ​កើល មៃ​កើល​ងាន់​រ៝។
JON 2:4 មៃ​មអារ់​គ៝ប់​តា​នតុក​ទុត​ជ្រូ​ងាន់ តា​ន៝ម់​ឞ្លាត​ទាក​វាច់​ទាក​វារ់ ច្យៅ​មា​នាប់​កើយ​ទ៝ង់​លើ​គ៝ប់​នើស​គែស​ទាក​ទាទេ មៃ​ដាៈ​ដ៝ង់​ទាក​ញច៝ច់​រាឞុស ត្រុយ្ស​តា​គ៝ប់។
JON 2:5 គ៝ប់​មឹន​លាស​មៃ​មអារ់​គ៝ប់​ងាយ ឞើស​មាត់​មៃ​ងាន់ គ៝ប់​មោ​មរា​អ្វាញ់ ញីស​ជាន​ឞ្រាស​ក្ល៝ស​អ្វែសមៃ​នើម​ជឹត​អោស។
JON 2:6 គ៝ប់​ង៝ម់​តា​ន៝ម់​ទាក​ងាន់​ឞើយ​មា​ខឹត​រ៝ គ៝ប់​គុ​តា​ងក្លាង​ទាក​ទុត​ជ្រូ​ងាន់ មឞ្រឹង​ពូត​ជុម​ឞោក​គ៝ប់។
JON 2:7 ហើយ​ឞ្រាស​យេហោវា ​អី​ឞ្រាស​គ៝ប់​អើយ គ៝ប់​នើស​ង៝ម់​តា​ន៝ម់​ទាក​វាច់​ទាក​វារ់​ទុត​ជ្រូ​តា​ញជ៝ង់​យោក​រី ងក្រែ​មា​ខាន​តា​ឞ្រី​ផាន​នៃ យើន​មា​មៃ​លែៈ​ឆ៝ៈ​ជេស​ឞើស​នតុក​នៃ​អ៝ន់​គ៝ប់​រេស​តៃ។
JON 2:8 ទោល​គ៝ប់​ឞើយ​អុច​តាច់​នហ៝ម់ គ៝ប់​កាស​គឹត​មឞើស​ឆើម​មា​មៃ ជេសរី​តាង់​ត៝ត់ តា​ញីស​ជាន​ឞ្រាស​មៃ​តា​ប៝ន​យេរូឆាលឹម ​ងាន់​រ៝។
JON 2:9 ឞូនុយ្ស​អី​តឹង​មឞាស​មា​ឞ្រាស​អេងៗ​អី​មោ​គែស​នាវ​ខ្លៃ ពាង់​មោ​អោស​ទើយ​គែស​ឆ៝ៈ​នាវ​រ៝ង់​រាប់​ជាប់​តាៈ​ឞើស​កោរាញ​ឞ្រាស​អី​អុច​អ៝ន់​អី​នៃ​នើស។
JON 2:10 គ៝ប់​ឞែ​នើស​លាស​អ្វែស​មា​កោរាញ​ឞ្រាស នទ្រែល​មា​ឆ៝ៈ​នទើ​ជាន​ញហើរ​មា​ឞ្រាស​យេហោវា  តឹម​ទី​ដាស​នាវ​គ៝ប់​ម៝ត់​ត៝ន យ៝រ​លាស​ឞ្រាស​យេហោវា ​ទើម​ទើយ​រាក្លាយ្ស”។
JON 2:11 ជេសរី​ឞ្រាស​យេហោវា ​ដាៈ​កា​អី​នៃ​ហ៝ក​ងលោស​លើយ​យោនាយ្ស  ជេសរី​កា​អី​នៃ​ហ៝ក​ងលោស​ពាង់​អា​កើស​តី​ងាន់។
JON 3:1 ឞ្រាស​យេហោវា  ដាៈ​មា​យោនាយ្ស ​ទូ​តឹ​ជឹត៖
JON 3:2 “ទ៝ក់​ហ៝ម់ ហាន់​តា​ប៝ន​នីនីវេ ​អី​ប៝ន​ទុត​ក្វ៝ង់​រី ជេសរី​មឞើស​មា​ឞូនុយ្ស​គុ​តា​ប៝ន​រី​អ៝ន់​គឹត កើត​នាវ​គ៝ប់​នតិញ​ដាៈ​មា​មៃ​នើស!”
JON 3:3 យោនាយ្ស ​អ្យាត់​នាវ​ឞ្រាស​យេហោវា ​ដាៈ ជេសរី​ពាង់​ទ៝ក់​ដើប​ឞើស​នៃ ហាន់​តា​ប៝ន​នីនីវេ  ប៝ន​អី​នៃ​ទុត​ក្វ៝ង់​ងាន់ ឞ្រោៈ​ពែ​នារ​រី​មើ​លោច។
JON 3:4 យោនាយ្ស ​ត៝ត់​តា​ប៝ន​អី​នៃ ពាង់​នតើម​ហាន់​លាប់​រ៝ៈ​ប៝ន​អី​នៃ​ទូ​នារ ពាង់​មឞើស​លាស៖ “ហោម​ព្វាន់​ជឹត​នារ​ជឹត​នាប់​កោរាញ​ឞ្រាស​មរា​លើស​អ៝ន់​ហេង​លើយ​ប៝ន​អ្យា!”
JON 3:5 ជេសរី​ឞូនុយ្ស​តា​ប៝ន​នីនីវេ ​នៃ​អ្យាត់​នាវ​កោរាញ​ឞ្រាស​អី​មឞើស​នតិញ​តឹង​យោនាយ្ស ​អី​នៃ ខាន់​ពាង់​នទុយ្ស​តោរ​លែៈ​លាន់​នាវ​ខាន់​ពាង់​ជាន​តីស អុច​ញហើ​ខាន់​ពាង់​មអារ់​លើយ​លែៈ​នាវ​តីស​អា​ល៝រ​នើស កើត​នទ្រី​ខាន់​ពាង់​លែវ​ឞាល់​មឞើស​ងក៝ច​នាវ​អី​នៃ​អ៝ត់​ឆោង​ឆា ញឆ៝ស​ងគូត​ឞ៝ក​បៅ​ច្យាត់ នតើម​ឞើស​ឞូនុយ្ស​នទ្រ៝ង់​ត៝ត់​មា​ឞូនុយ្ស​អ៝​អាច​ងាន់​រ៝។
JON 3:6 នាវ​អ្យា​លឺ​តាង់​ត៝ត់​អា​កាដាច់​នីនីវេ ​ងាន់ ពាង់​នទុយ្ស​តោរ​អុច​ញហើ​លែៈ​នាវ​ពាង់​ជាន​តីស​នើស នទ្រី​ទឹង​ពាង់​ជុរ​ឞើស​លើ​រានើល​កាដាច់​ពាង់​អី​នៃ ទ្រ៝ស​លើយ​អី​អាវ​កាដាច់​នៃ ញឆ៝ស​ងគូត​ឞ៝ក​បៅ​ច្យាត់ ជេសរី​គុ​តា​នតុក​អុញ​ឞុស​ឆី​ឆ៝។
JON 3:7 ជេសរី​លោស​នាវ​តាៈ​ឞើស​កាដាច់​ដាៈ​ឞូ​មឞើស​លាម​តា​ប៝ន​នីនីវេ ​អី​នៃ​លាស៖ “អ្យា​នាវ​កាដាច់ នទ្រែល​មា​ផូង​កោរាញ​កើល​ជាន​ការ។ ទឹង​លែៈ​ឞូនុយ្ស​មោ​អោស​អ៝ន់​ឆោង​ឆា​ញេត​ទាក នទ្រែល​មា​មពោមពា​(ឆ្យុម)​នទ្រោក​ឞែ​មោ​អ៝ន់​ដ៝ង់​ឆា​មពា​ញេត​ទាក។
JON 3:8 អ៝ន់​ទឹង​លែៈ​ឞូនុយ្ស នទ្រែល​មា​មពោមពា​(ឆ្យុម)​ញឆ៝ស​ងគូត​ឞ៝ក​បៅ​ច្យាត់​ទាទេ ជេសរី​ញុម​នតែរ អ៝ន់​ទឹង​លែៈ​ឞូនុយ្ស​មឞើស​ឆើម​ក្វាល់​កោរាញ​ឞ្រាស​អ៝ន់​ហោ​ងាន់ ងក្លើយ​លើយ​នូយ្ស​នហ៝ម់​អ្យើស នទ្រែល​មា​នាវ​ហាត់​ជាញ​តឹម​លើស​តឹម​ងខឹត​អី​ខាន់​អៃ​មៃ​វៃ​ជាន។
JON 3:9 ងខេប​លាស​កោរាញ​ឞ្រាស​រាគ៝ល់​នូយ្ស​នហ៝ម់​ពាង់ មោ​ហោម​នូយ្ស​មា​ឞ៝ន់ លាស​នទ្រី​ឞ៝ន់​មោ​អោស​មរា​ខឹត​ហេង”។
JON 3:10 កោរាញ​ឞ្រាស​ឆៃ​នូយ្ស​នហ៝ម់​រាគ៝ល់​លើយ​ទាទេ​លែៈ​នាវ​អ្យើស​ខាន់​ពាង់​ជាន​នើស ជេសរី​កោរាញ​ឞ្រាស​រាគ៝ល់​នូយ្ស​នហ៝ម់​ពាង់​នើម​អ៝ន់​មា​ផូង​អី​នៃ ឞាស​លើស​ហេង​មា​ខាន់​ពាង់ មោ​អោស​លើស​កើត​នាវ​ពាង់​ថាម់​ឞើស​នតើម​នើស។
JON 4:1 ត៝ត់​មា​យោនាយ្ស ​ឆៃ​កើត​នៃ​នើស​ពាង់​មោ​អ្យាង់​អោស ពាង់​ជី​នូយ្ស​ទុត​ហោ​ងាន់។
JON 4:2 ពាង់​មឞើស​ឆើម​មា​ឞ្រាស​យេហោវា  ៖ “អើយ​ឞ្រាស​យេហោវា  ឞើស​អា​ល៝រ​នើស​ងាន់​គ៝ប់​គឹត​មៃ​មោ​តេៈ​ទោយ្ស​ឞូនុយ្ស​តា​ប៝ន​នីនីវេ ​អ្យា ឞើស​នោក​ហោម​គុ​តា​ប៝ន​គ៝ប់​នើម​នើស​ងាន់ កើត​នទ្រី​ទឹង​គ៝ប់​គើញ​ញច្វាត់​ទូ​តា​ប៝ន​តាឆើស  យ៝រ​លាស​មៃ​ឞ្រាស​អី​គែស​នាវ​យោៈ​នអាច គែស​នូយ្ស​នហ៝ម់​ល៝ង់ គែស​នូយ្ស​នហ៝ម់​រ៝ង់​រាប់​ជាប់ មោ​អោស​គើញ​នូយ្ស។ ជេសរី​លាស​ឞូនុយ្ស​នទុយ្ស​តោរ​មា​នាវ​តីស​អី​ពាង់​លាន់​ជាន​រាគ៝ល់​ឞាស​ជាន​មហឹក មៃ​រាគ៝ល់​លើយ​ឞើស​នាវ​អុច​លើស​ហេង ជេសរី​ឞាស​តេៈ​ទោយ្ស​ឞូនុយ្ស​ដ៝ង់។
JON 4:3 អើយ​ឞ្រាស​យេហោវា ​ទាន់​មៃ​ឆើម​រាហ្វាត់​លើយ​នហ៝ម់​គ៝ប់ អ្វែស​អ៝ន់​គ៝ប់​មា​ខឹត​លើយ ដាស​មា​ហោម​រេស​ជឹត​នាប់​ជឹត”។
JON 4:4 ឞ្រាស​យេហោវា ​ព្លឹ​លាស​មា​យោនាយ្ស ៖ “ទី​លែៈ​លាស​មោ មៃ​នូយ្ស​កើត​នៃ?”
JON 4:5 ជេសរី​យោនាយ្ស ​ទ៝ក់​ដឺប​ឞើស​នៃ​ហាន់​មពែស​ឞើស​លោស​នារ​មា​ប៝ន​នីនីវេ ។ ត៝ត់​តា​នតុក​នៃ​ពាង់​ជាន​ទូ​មល៝ម់​ងកឺប​គុ​តា​ន៝ម់​នហ៝ម់ គៃ​មា​ក៝ប់​អ្វាញ់​ម៝ស​នតីល​នាវ​ត៝ត់​មា​ប៝ន​អី​នៃ។
JON 4:6 ឞ្រាស​យេហោវា  អ៝ន់​តើម​ឆី​ទូ​តើម​ហ៝ន​ឞើស​លើ​ឞោក​យោនាយ្ស ​រី គៃ​អ៝ន់​នហ៝ម់​មា​ពាង់​ជឹត លើយ​អីរ​អ៝ន់​ពាង់​រាញាល់។ ជេសរី​យោនាយ្ស ​ពាង់​មអាក​ងាន់​គែស​នហ៝ម់​តើម​ឆី​អី​នៃ។
JON 4:7 កាស​អើម​អោយ​អោយ​តៃ​ឞ្រី​ហោម​ង៝ កោរាញ​ឞ្រាស​ដាៈ​ទូ​មល៝ម់​នទ្រុង​ហាន់​ចោស​ឆា​តើម​ឆី​អី​នៃ ជេសរី​នទ្រ៝​ប្រុង។
JON 4:8 ត៝ត់​លោស​នារ កោរាញ​ឞ្រាស​ដាៈ​ឆ្យាល​ទោស​ខោម​តាៈ​ឞើស​លោស​នារ ជេសរី​នារ​ទោស​អ្យ្រែង​កាលើ​ឞោក​កាលើ​ឆាក់​យោនាយ្ស ​ដ៝ង់ ពាង់​លេត​រាគាញ់​ហោ​ងាន់ ទាន់​មា​កោរាញ​ឞ្រាស​ដាៈ​ងខឹត​ពាង់៖ “អ្វែស​គ៝ប់​មា​ខឹត​លើយ ដាស​មា​ហោម​រេស​ជឹត​នាប់​ជឹត”។
JON 4:9 កោរាញ​ឞ្រាស​លាស​មា​ពាង់៖ “មៃ​ទី​លែៈ​នូយ្ស​យ៝រ​មា​តើម​ឆី​អី​នៃ?” យោនាយ្ស ​អើស​មា​កោរាញ​ឞ្រាស៖ “អើ ទុត​ហោ​ងាន់”
JON 4:10 ឞ្រាស​យេហោវា ​លាស​មា​យោនាយ្ស ​ជឹត៖ “ល៝ង់​មៃ​មឹន! មៃ​យោៈ​មា​តើម​ឆី​អី​មៃ​មោ​គែស​តាម់​មោ​គែស​រាអាស​ម៝ត់​អី​នៃ ហ៝ន​តា​ទូ​មាង់​ទើម ជេសរី​ខឹត​នទ្រ៝​តា​ទូ​មាង់​ដ៝ង់។
JON 4:11 គ៝ប់​ឞែ​យោៈ​ហោ​ងាន់​មា​ប៝ន​នីនីវេ ​ប៝ន​ទុត​ក្វ៝ង់​អ្យា យ៝រ​លាស​ប៝ន​អី​នៃ​គែស​អ៝ក់​ឞូនុយ្ស ១២០០០០ នុយ្ស​រាលាវ ខាន់​ពាង់​មោ​ហ៝ៈ​គឹត​នាល់​តីស​ទី​អោស ជេសរី​នទ្រែល​មា​គែស​ទុត​អ៝ក់​ដ៝ង់​មពោមពា​(ឆ្យុម)​ខាន់​ពាង់​ម៝ត់​តា​ប៝ន​អី​នៃ”។៚
MAT 1:1 អ្យា​នាវ​ងក៝ច​យៅ​អូ​ចែ​ឞ្រាស​យេឆូ​ក្រីស  អី​ក៝ន​ឆៅ​កាដាច់​ដាវីត ​កាល់​អែ​នើស នទ្រែល​មា​អី​ក៝ន​ឆៅ​អាឞ្រាហាម់ ​ដ៝ង់។ លែៈ​រាងោច​ផូង​អីឆ្រាអែល ​ជេង​រាន៝យ​ទែស​អាឞ្រាហាម់ ​ទាទេ។
MAT 1:2 អាឞ្រាហាម់ ​អី​ឞឹ​អីឆាក់ អីឆាក់ ​អី​ឞឹ​យាកោប យាកោប ​អី​ឞឹ​យូដា  នទ្រែល​មា​អ៝ស​នោ​ពាង់​ដ៝ង់។
MAT 1:3 យូដា ​ឆ៝ៈ​អូរ​រាញា​ពាង់​ថាមារ ​ឞាៈ​ក៝ន​ឞូ​ក្លោ​រាញា​ពេរេស  នទ្រែល​មា​អ៝ស​ពាង់​រាញា​ឆេរាស ពេរេស ​អី​ឞឹ​ហេឆ្រុន ហេឆ្រុន ​អី​ឞឹ​អារាម ‌
MAT 1:4 អារាម ​អី​ឞឹ​អាមីនាដាប់ អាមីនាដាប់ ​អី​ឞឹ​នាសឆោន នាសឆោន ​អី​ឞឹ​ឆាល់មោន ‌
MAT 1:5 ឆាល់មោន ​ឆ៝ៈ​អូរ​រាញា​ពាង់​រាហាប់ ​ឞាៈ​ក៝ន​ឞូ​ក្លោ​រាញា​ពាង់​ឞោអាស ឞោអាស ​ឆ៝ៈ​អូរ​រាញា​ពាង់​រូត ​ឞាៈ​ក៝ន​ឞូ​ក្លោ​រាញា​ពាង់​អោបេត អោបេត ​អី​ឞឹ​យេឆេ ‌
MAT 1:6 យេឆេ ​អី​ឞឹ​កាដាច់​ដាវីត ។ កាដាច់​ដាវីត ​ឆ៝ៈ​ពីត​អូរ​ឞូ ឞាៈ​កាដាច់​ឆាលោមោន  រាញា​ឆាយ​អី​អូរ​កាដាច់​ដាវីត ​ពីត​នៃ​អូរី ។
MAT 1:7 កាដាច់​ឆាលោមោន ​អី​ឞឹ​កាដាច់​រេហូបាម់  កាដាច់​រេហូបាម់ ​អី​ឞឹ​កាដាច់​អាបីយា  កាដាច់​អាបីយា ​អី​ឞឹ​កាដាច់​អាឆា ‌
MAT 1:8 កាដាច់​អាឆា ​អី​ឞឹ​កាដាច់​យោឆាផាត  កាដាច់​យោឆាផាត ​អី​ឞឹ​កាដាច់​យោរាម  កាដាច់​យោរាម ​អី​ឞឹ​កាដាច់​អោឆីស ‌
MAT 1:9 កាដាច់​អោឆីស ​អី​ឞឹ​កាដាច់​យោថាម  កាដាច់​យោថាម ​អី​ឞឹ​កាដាច់​អេហាស  កាដាច់​អេហាស ​អី​ឞឹ​កាដាច់​ហេឆេកៀ ‌
MAT 1:10 កាដាច់​ហេឆេកៀ ​អី​ឞឹ​កាដាច់​មានាឆេ  កាដាច់​មានាឆេ ​អី​ឞឹ​កាដាច់​អាមោន  កាដាច់​អាមោន ​អី​ឞឹ​កាដាច់​យោឆីស ‌
MAT 1:11 កាដាច់​យោឆីស ​អី​ឞឹ​កាដាច់​យេកោនីស  នទ្រែល​មា​អ៝សៗ​ពាង់​ដ៝ង់។ ទោល​នៃ​ឞូ​វែង​គ្រ៝​ប៝ន​លាន​អីឆ្រាអែល ​គុ​ជឹត​ឞ្រី​បាបីលោន ។
MAT 1:12 ជេស​ឞូ​វែង​គ្រ៝​ប៝ន​លាន​អីឆ្រាអែល ​គុ​តា​ឞ្រី​បាបីលោន ​កាដាច់​យេកោនីស ​ឞាៈ​ឆាលាថីល ឆាលាថីល ​អី​ឞឹ​ឆោរោបាបែល ‌
MAT 1:13 ឆោរោបាបែល ​អី​ឞឹ​អាបីយូត អាបីយូត ​អី​ឞឹ​អេលេកីម អេលេកីម ​អី​ឞឹ​អាឆោរ ‌
MAT 1:14 អាឆោរ ​អី​ឞឹ​ឆាដុក ឆាដុក ​អី​ឞឹ​អាកីម អាកីម ​អី​ឞឹ​អេលីយូត ‌
MAT 1:15 អេលីយូត ​អី​ឞឹ​អេលាឆារ អេលាឆារ ​អី​ឞឹ​មាថាន មាថាន ​អី​ឞឹ​យាកោប ‌
MAT 1:16 យាកោប ​អី​ឞឹ​យោឆែប ​អី​ឆាយ​មារី ។ មារី ​អី​នៃ​ឞាៈ​ឞ្រាស​យេឆូ ​ឞូ​ក្វាល់​លាស​ឞ្រាស​ក្រីស ​អី​នើម​រាក្លាយ្ស​តាៈ​ឞើស​កោរាញ​ឞ្រាស​ទែ​ញជ្វាល់។
MAT 1:17 កើត​នទ្រី នតើម​ឞើស​អាឞ្រាហាម់ ​ត៝ត់​មា​កាដាច់​ដាវីត ​ពាង់​គែស ១៤ ឞោង​ឞូនុយ្ស។ នតើម​ឞើស​កាដាច់​ដាវីត ​ត៝ត់​មា​រានោក​ឞូ​វែង​គ្រ៝​ប៝ន​លាន​អីឆ្រាអែល ​គុ​តា​ឞ្រី​បាបីលោន  គែស ១៤ ឞោង​ឞូនុយ្ស។ នតើម​ឞើស​រានោក​ឞូ​វែង​គ្រ៝​ប៝ន​លាន​អីឆ្រាអែល ​គុ​តា​ឞ្រី​បាបីលោន ​ត៝ត់​មា​ឞ្រាស​យេឆូ ​អី​ឞ្រាស​ក្រីស ​គែស ១៤ ឞោង​ឞូនុយ្ស​ដ៝ង់។
MAT 1:18 ឞើស​ទ៝ង់​អ្យា​ងក៝ច​ឞ្រី​នាវ​ទែស​ឞ្រាស​យេឆូ​ក្រីស ។ គែស​ទូ​ហ្វេ​ឞូ​អូរ​រាញា​ពាង់​មារី  ពាង់​អី​នទ្រោយ​យោឆែប ។ អេ​ល៝រ​ខាន់​ពាង់​តឹម​គុ​នទ្រែល មារី ​លែៈ​អើម​នត្រែវ​ឞ្រាស​យេឆូ ​យ៝រ​មា​នាវ​ទើយ​ឞ្រាស​ហ្វេង​អ្វែស​អី​ក្ល៝ស​អ្វែស​អ៝ន់​មា​ពាង់។
MAT 1:19 យោឆែប ​អី​នទ្រោយ​មារី ​នៃ យ៝រ​មា​ពាង់​ឞូនុយ្ស​ឆ៝ង់​ឞូនុយ្ស​អ្វែស ជេស​ឆៃ​នទ្រោយ​ពាង់​លែៈ​នត្រែវ ពាង់​អុច​នត្លើយ​នទ្រោយ​ពាង់​នើម​មោ​អោស​អ៝ន់​ឞូ​គឹត ពាង់​មោ​អុច​អ៝ន់​នទ្រោយ​ពាង់​ដីត​ព្រេង​ឞូ កើត​នទ្រី​ពាង់​អុច​នត្លើយ​អ៝ន់​នទ៝ប់ៗ។
MAT 1:20 ញចោ​អែ​មា​ពាង់​ងក្ល៝ន់​កើត​នៃ គែស​តោង​ពារ់​តាៈ​ឞើស​កោរាញ​ឞ្រាស​មឞើស​អ៝ន់​ពាង់​មា​នាវ​មឞើយ៖ “ហើយ​យោឆែប ​ក៝ន​ឆៅ​កាដាច់​ដាវីត ! លើយ​ក្លាច​អោស​ឆ៝ៈ​មារី ​ជេង​អូរ​មៃ។ ក៝ន​អី​តា​ត្រោម​នទុល​ពាង់​នៃ​មោ​អោស​តាៈ​ឞើស​ឞូនុយ្ស តាៈ​ឞើស​នាវ​ទើយ​ឞ្រាស​ហ្វេង​អ្វែស​អ៝ន់។
MAT 1:21 ពាង់​គុ​អ៝ស​ឞូ​ក្លោ ជេសរី​មៃ​តេៈ​រាញា​ក៝ន​អី​នៃ​ក្វាល់ «យេឆូ » - គែស​នាវ​ខ្លៃ​លាស​«កោរាញ​ឞ្រាស​រាក្លាយ្ស» - យ៝រ​លាស​ក៝ន​អី​នៃ​មរា​រាក្លាយ្ស​ផូង​ប៝ន​លាន​ពាង់​នើម​ឞើស​នាវ​តីស​ខាន់​ពាង់​នើម”។
MAT 1:22 លែៈ​នាវ​អ្យា​គែស​គៃ​មា​តឹម​ទី​ងាន់​ដាស​នាវ​កោរាញ​ឞ្រាស​នតិញ​តឹង​ទូ​ហ្វេ​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស៖
MAT 1:23 «អ្វាញ់​តៃ​យឹ! ទូ​ហ្វេ​ឞូ​អូរ​ទ្រោស​អេ​ហ៝ៈ​គែស​គុ​នទ្រែល​ឞូ​ក្លោ​មរា​នត្រែវ ពាង់​គុ​អ៝ស​ឞូ​ក្លោ‌ ជេសរី​ឞូ​ក្វាល់​ក៝ន​អី​នៃ «អេមានូអែល »»។ «អេមានូអែល »​នាវ​ងើយ​ហេឞ្រើ ​រាឞ្លាង​លាស «កោរាញ​ឞ្រាស​គុ​នទ្រែល​ឞ៝ន់»។
MAT 1:24 ត៝ត់​យោឆែប ​កាស​ឞិច ពាង់​អ្យាត់​តឹង​នាវ​តោង​ពារ់​ដាៈ​មា​ពាង់ ឆ៝ៈ​មារី ​ជេង​អូរ​ពាង់។
MAT 1:25 តីស​មា​ពាង់​អេ​ហ៝ៈ​អោស​គែស​ឞិច​នទ្រែល​ឞូ​អូរ​ឞូ​ក្លោ​ដាស​អូរ​ពាង់​ត៝ត់​មា​អូរ​ពាង់​គុ​អ៝ស​ទូ​ហ្វេ​ក៝ន​ឞូ​ក្លោ ជេសរី​ពាង់​តេៈ​រាញា​ក៝ន​អី​នៃ​ក្វាល់ «ឞ្រាស​យេឆូ »។
MAT 2:1 ឞ្រាស​យេឆូ ​ទែស​តា​ប៝ន​បេតលេហឹម ​ឞ្រី​យូដា ​នោក​កាដាច់​ហេរោត ​ម៝ត់​អ្វាញ់​ឞ្រី​ទាក​អី​នៃ។ ជេស​ពាង់​ទែស​រី គែស​ឞូនុយ្ស​គឹត​ឞ្លាវ​គឹត​នាល់​អ្វាញ់​មាញ់​មឞីង​ហាន់​តាៈ​ឞើស​ឞ្រី​ងាយ​មពែស​មា​លោស​នារ​ត៝ត់​តា​ប៝ន​ក្វ៝ង់​យេរូឆាលឹម ​រី។
MAT 2:2 ខាន់​ពាង់​អោប​ឞូ​តា​រី៖ “អាស​នតុក​ទែស​កាដាច់​មហែ​ផូង​អីឆ្រាអែល ​ហ្យាស? ហេន​លែៈ​គឹត​ពាង់​ទែស យ៝រ​មា​ហេន​ឆៃ​ទូ​មល៝ម់​មាញ់​ច្រាត​ងាន់​លោស​មពែស​ឞើស​ឞ្រី​ហេន​ជេង​នទើ​មឞេន​មា​នាវ​អី​នៃ។ នទ្រី​ទឹង​ហេន​ហាន់​យើក​មឞាស​មា​ពាង់​ដ៝ង់”។
MAT 2:3 ត៝ត់​កាដាច់​ហេរោត ​តាង់​លឺ​នាវ​អោប​អី​នៃ ពាង់​រាវៃ​ហោ​ងាន់​គុ​មោ​ដាប់​ចាប់​មោ​គ៝ន់​រ៝ ក្លាច​គែស​ឞូនុយ្ស​អេង​ជាន​កាដាច់។ លែៈ​ប៝ន​លាន​តា​យេរូឆាលឹម ​រី ខាន់​ពាង់​រាវៃ​ទាទេ​មើម​កាដាច់​ហេរោត ​ជាន។
MAT 2:4 ជេសរី​ពាង់​រាគូម​មពោល​កោរាញ​ជាន​ឞ្រាស នទ្រែល​មា​ផូង​នើម​នតី​នាវ​វៃ​ផូង​អីឆ្រាអែល  គៃ​មា​អោប​នតុក​ប៝ន​ទែស​ឞ្រាស​ក្រីស ​អី​នើម​រាក្លាយ្ស​តាៈ​ឞើស​កោរាញ​ឞ្រាស​ទែ​ញជ្វាល់។
MAT 2:5 ជេសរី​ផូង​អី​នៃ​មឞើស​មា​កាដាច់៖ “នតុក​ឞ្រាស​ក្រីស ​ទែស​តា​ប៝ន​បេតលេហឹម ​ឞ្រី​យូដា  យ៝រ​លាស​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស​ញចីស៖
MAT 2:6 «កោរាញ​ឞ្រាស​លាស៖ «ហើយ​ប៝ន​លាន​ប៝ន​បេតលេហឹម ​តា​ឞ្រី​យូដា ​អើយ! ប៝ន​ខាន់​អៃ​មៃ​មោ​អោស​ទី​ជេៈ​តា​ន៝ម់​ឞូ​ដាស​ប៝ន​ឞ្រី​យូដា ​អ្យា​អី​គែស​នាវ​ខ្លៃ‌ យ៝រ​លាស​ជឹត​នាប់​តៃ​គែស​ទូ​ហ្វេ​កោរាញ​លោស​តាៈ​ឞើស​ប៝ន​ខាន់​អៃ​មៃ‌ ពាង់​អី​នៃ​ម៝ត់​អ្វាញ់​ប៝ន​លាន​អីឆ្រាអែល ​អី​ប៝ន​លាន​គ៝ប់​នើម តឹម​ឞាន​មា​ទូ​ហ្វេ​នើម​ច្យាប់​ឞែ​ឞ្យាប់»»”។
MAT 2:7 ជេសរី​កាដាច់​ហេរោត ​ក្វាល់​នតុង​មពោល​គឹត​ឞ្លាវ​អី​នៃ អោប​ជែក​អេង​ខាន់​ពាង់​ទាស​ហ៝ៈ​ជ៝ៈ​ឆៃ​មាញ់​អី​រី គៃ​មា​គឹត​ក៝ន​ឞេ​អី​រី​ទាស​ហ៝ៈ​អ៝ក់​ខៃ។
MAT 2:8 ជេសរី​ដាៈ​មពោល​អី​នៃ​ហាន់​ជឹត​ប៝ន​បេតលេហឹម ​រី ពាង់​លាស​មា​ខាន់​ពាង់៖ “ខាន់​មៃ​ហាន់​ទោស អោប​នហេល​មា​ក៝ន​ឆែ​ជេៈ​អី​នៃ។ ជេស​ឆៃ​ពាង់​តៃ ព្លឹ​មឞើស​មា​គ៝ប់​យឹ។ គ៝ប់​អុច​ហាន់​យើក​មឞាស​មា​ក៝ន​ឆែ​ជេៈ​អី​នៃ​ដ៝ង់”។ តីស​មា​កាដាច់​ហេរោត ​មោ​អោស​ងើយ​ងាន់ ពាង់​គៃ​មា​អុច​ងខឹត​ក៝ន​ឆែ​អី​នៃ​ទើម។
MAT 2:9 ជេស​អ្យាត់​នាវ​កាដាច់​មឞើស​នៃ ខាន់​ពាង់​លោស​ឞើស​ប៝ន​យេរូឆាលឹម ​រី។ ល៝ង់​មាញ់​អី​ខាន់​ពាង់​ឆៃ​មពែស​ឞើស​លោស​នារ​រី​នើស​លែវ​ត្រ៝ង​មា​ខាន់​ពាង់​នហ៝​មា​ត៝ត់​តឹម​ឆ៝ង់​កាលើ​នតុក​អ៝ស​ឞេ​គុ​រី​មើ​ញឆ្រុង។
MAT 2:10 ខាន់​ពាង់​រាម់​មអាក​លែៈ​ឞើស​នូយ្ស​ឞើស​នហ៝ម់​ងាន់​ឆៃ​មាញ់​លែៈ​គុ​តា​នៃ។
MAT 2:11 ជេសរី​ខាន់​ពាង់​លាប់​តា​ត្រោម​ជៃ​នតុក​អ៝ស​ឞេ​គុ​រី ឆៃ​អ៝ស​ឞេ​នទ្រែល​មេៈ​ពាង់។ ខាន់​ពាង់​ពាន់​មឞាស​មា​អ៝ស​ឞេ​អី​នៃ ជេសរី​ឆ៝ៈ​នទើ​ខ្លៃ​ឞើស​ត្រោម​ហុប​ខាន់​ពាង់​នើម​រី៖ មាយ្ស នតាក់​ឆី​បោ​កាស​មា​ឆូ នទ្រែល​មា​នតាក់​ឆី​បោ​កាស​មឹរ ​ញហើរ​អ៝ន់​មា​អ៝ស​ឞេ​អី​នៃ។
MAT 2:12 ជេសរី​ខាន់​ពាង់​ឆឹត​ជឹត​ឞ្រី​ទាក​ខាន់​ពាង់​នើម​រី ឆឹត​ជឹត​ត្រ៝ង​អេង យ៝រ​លាស​កោរាញ​ឞ្រាស​មឞើស​មា​ខាន់​ពាង់​តឹម​នាវ​មឞើយ មោ​អោស​អ៝ន់​ខាន់​ពាង់​ព្លឹ​មឞើស​មា​កាដាច់​ហេរោត ។
MAT 2:13 នទុត​ឆឹត​ខាន់​ពាង់​អា​រី គែស​តោង​ពារ់​តាៈ​ឞើស​កោរាញ​ឞ្រាស​ញហើ​ឆាក់​មា​យោឆែប ​តា​នាវ​មឞើយ ពាង់​លាស៖ “ហើយ​យោឆែប  ទ៝ក់​ហ៝ម់​លែវ​ក៝ន​ឞេ​អី​នៃ នទ្រែល​មា​អី​មេៈ​ពាង់​ញច្វាត់​ទូ​គុ​តា​ឞ្រី​អេឆីប ​រី។ មៃ​គុ​តា​ឞ្រី​នៃ​ក៝ប់​ត៝ត់​គ៝ប់​ក្វាល់​ប៝ត់​ទឹង​មៃ​ព្លឹ​ឆឹត យ៝រ​លាស​កាដាច់​ហេរោត ​អុច​តឹង​ងខឹត​ក៝ន​ឞេ​អី​នៃ”។
MAT 2:14 ជេសរី​យោឆែប ​កាស​រាងាល់​ឞិច លែវ​អូរ​លែវ​ក៝ន​ពាង់​ញច្វាត់​ទូ​ជឹត​ឞ្រី​អេឆីប ​ទឹង​មាង់​រ៝។
MAT 2:15 ខាន់​ពាង់​គុ​តា​ឞ្រី​អី​នៃ​ត៝ត់​ខឹត​កាដាច់​ហេរោត  នទ្រី​នាវ​អ្យា​ជេង​ទី​ដាស​នាវ​កោរាញ​ឞ្រាស​ដាៈ​ឞូនុយ្ស​នតើយ្ស​នាវ​ងើយ​ពាង់​កាល់​អែ​នើស​ញចីស៖ «កោរាញ​ឞ្រាស​លាស៖ «គ៝ប់​ក្វាល់​ក៝ន​គ៝ប់​លោស​តាៈ​ឞើស​ឞ្រី​អេឆីប ​នៃ»»។
MAT 2:16 ត៝ត់​មា​កាដាច់​ហេរោត ​លែៈ​គឹត​ជេស​មពោល​គឹត​ឞ្លាវ​គឹត​នាល់​អ្វាញ់​មាញ់​មឞីង​អី​នៃ​រាលាម់​ពាង់ មោ​អុច​ព្លឹ​មឞើស ពាង់​ជី​នូយ្ស​ហោ​ងាន់ មឹន​លាស​ក៝ន​ឞេ​ហោម​តា​ប៝ន​បេតលេហឹម  ជេសរី​ដាៈ​ឞូ​ហាន់​ងខឹត​លើយ​ក៝ន​ឞូ​ក្លោ​តា​ប៝ន​បេតលេហឹម  នទ្រែល​មា​ប៝ន​អី​តឹម​ទាច់​ដាស​ប៝ន​បេតលេហឹម ​រី​ដ៝ង់ ងខឹត​ក៝ន​ឆែ​អី​នតើម​ឞើស​ឞារ​នាម់​ជុរ​ជឹត​ទ៝ង់​អ៝ន់​លែៈ។ កាដាច់​ហេរោត ​កើប​នាម់​ក៝ន​ឆែ​ពាង់​ដាៈ​ងខឹត​អី​នៃ ពាង់​កើប​នតើម​ឞើស​មពោល​អី​គឹត​ឞ្លាវ​អី​នៃ​ឆៃ​មាញ់​នើស​រ៝។
MAT 2:17 ប៝ន​បេតលេហឹម  នទ្រែល​មា​ប៝ន​រាមា  តា​នតុក​គែស​រាន៝យ​ទែស​រាចែល ​អី​អូរ​យាកោប ​គុ​កាល់​អែ​នើស។ នទ្រី​នាវ​អ្យា​ជេង​ទី​ងាន់​មា​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស រាញា​ពាង់​យេរេមី ​ពាង់​ញចីស៖
MAT 2:18 «គែស​នាវ​លឺ​ងគារ់​តា​ប៝ន​រាមា  នតុក​ឞូ​អូរ​មែ​អី​រាន៝យ​ទែស​រាចែល ​អី​នៃ។ ជេង​នាវ​ញហ្យាង់​ញុម​ក្រីត​រាង៝ត​ហោ​ងាន់‌ ញុម​វើល​យោៈ​នអាច​មា​ក៝ន​ពាង់។ ពាង់​មោ​អុច​អោស​ឞូ​ឞ៝ញ យ៝រ​លាស​ក៝ន​ពាង់​លែៈ​ខឹត​ជេស»។
MAT 2:19 ត៝ត់​កាដាច់​ហេរោត ​លែៈ​ខឹត​ជេស តោង​ពារ់​តាៈ​ឞើស​កោរាញ​ឞ្រាស​ញហើ​ឆាក់​មា​យោឆែប ​តា​ឞ្រី​អេឆីប ​រី តា​នាវ​មឞើយ ពាង់​លាស៖
MAT 2:20 “ហើយ​យោឆែប ! លែវ​ក៝ន​ឞេ​អី​នៃ នទ្រែល​មា​អី​មេៈ​ពាង់​ព្លឹ​ឆឹត​តា​ឞ្រី​អីឆ្រាអែល ​ហ៝ម់ យ៝រ​លាស​ឞូនុយ្ស​អី​អុច​ងខឹត​ក៝ន​ឞេ​អី​នៃ​នើស​លែៈ​ខឹត​លែៈ​ផ្យៅ​ជេស”។
MAT 2:21 ជេសរី​យោឆែប ​លែវ​ក៝ន​ឞេ​អី​នៃ នទ្រែល​មា​អី​មេៈ​ពាង់​ព្លឹ​ឆឹត​តា​ឞ្រី​អីឆ្រាអែល ​រ៝។
MAT 2:22 តីស​មា​យោឆែប ​មោ​អោស​ឞាញ់​គុ​តា​នតុក​ឞ្រី​យូដា  យ៝រ​មា​ពាង់​លឺ​កោរាញ​អារកេលោស ​អី​ក៝ន​កាដាច់​ហេរោត  ពាង់​នត្រ៝ៈ​អី​ឞឹ​ម៝ត់​អ្វាញ់​តា​ឞ្រី​យូដា ​រី នហ៝​មា​កោរាញ​ឞ្រាស​មឞើស​មា​ពាង់​តឹង​នាវ​មឞើយ​ជឹត មោ​អ្វែស​អោស​លាស​គុ​តា​ឞ្រី​យូដា ។ នទ្រី​ទឹង​ពាង់​ហាន់​ជឹត​ឞ្រី​កាលីលេ ​រី។
MAT 2:23 ត៝ត់​តា​ឞ្រី​កាលីលេ ​រី​ពាង់​គុ​តា​ទូ​ប៝ន ប៝ន​អី​នៃ​រាញា​នាឆារែត ។ នទ្រី​តឹម​ទី​ដាស​នាវ​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស​ញចីស​មា​ឞ្រាស​ក្រីស ៖ «ឞូ​មរា​ក្វាល់​ពាង់​ឞូនុយ្ស​ប៝ន​នាឆារែត »។
MAT 3:1 ជេសរី​យោហាន-​បាប់តែម ​ត៝ត់​តា​ឞ្រី​រាទាស​តា​ឞ្រី​យូដា  ពាង់​នតើម​នតី​ផូង​ប៝ន​លាន​លាស៖
MAT 3:2 “រាគ៝ល់​ហ៝ម់​នូយ្ស​នហ៝ម់​អ្យើស​ខាន់​អៃ​មៃ យ៝រ​លាស​នាវ​កោរាញ​ឞ្រាស​ម៝ត់​អ្វាញ់​លែៈ​ឞើយ​ត៝ត់”។
MAT 3:3 ពាង់​អី​នៃ​ឞូនុយ្ស​អី​គែស​ញចីស​តា​ឆ៝ម់បុត​អេឆាយ ​អី​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស​ញចីស​កើត​នអា៖ «គែស​ទូ​ហ្វេ​ឞូនុយ្ស​នតែរ​តា​ឞ្រី​រាទាស​លាស៖ «នទ្រាប់​ហ៝ម់​នូយ្ស​នហ៝ម់​អ៝ន់​មា​កោរាញ​ឞ្រាស តឹម​ឞាន​មា​ឞូនុយ្ស​ក្វាយ្ស​ត្រ៝ង​ញឆ៝ង់​ត្រ៝ង​អ៝ន់​មា​កាដាច់​ហាន់»»។
MAT 3:4 ល៝ង់​យោហាន-​បាប់តែម ​ពាង់​ញឆ៝ស​អាវ​ជ៝ង​តាញ​មា​រាឆៅ​ឆែស​ឆាមោ វាន់​រាឆែ​ឞុត​ជាន​មា​នតោ នទើ​ឆោង​ឆា​ពាង់​ក្រាស​នទ្រាច ដាស​ទាក​ឆុត។
MAT 3:5 នោក​នៃ​អ៝ក់​ឞូនុយ្ស​តា​ប៝ន​ក្វ៝ង់​យេរូឆាលឹម  អ៝ក់​ឞូនុយ្ស​តា​ឞ្រី​យូដា  នទ្រែល​មា​អ៝ក់​ឞូនុយ្ស​គុ​រ៝ៈ​ទាក​រាលាយ​យោរដាន់  វាច់​រាន​តា​យោហាន-​បាប់តែម ​រី។
MAT 3:6 ខាន់​ពាង់​គឹត​ឆាក់​ខាន់​ពាង់​នើម​តីស​មឞើស​រ៝ ជេសរី​យោហាន-​បាប់តែម ​ជាន​បាប់តែម​យុក​ខាន់​ពាង់​មា​ទាក​តា​ទាក​រាលាយ​យោរដាន់ ​រី។
MAT 3:7 ត៝ត់​មា​ឆៃ​វាច់​ផូង​ផារីឆី  នទ្រែល​មា​ផូង​ឆាដោឆី ​អ៝ក់​ដ៝ង់ ហាន់​អុច​ជាន​បាប់តែម​យុក​មា​ទាក ពាង់​លាស​ខាន់​ពាង់​កើត​នអា៖ “យេ! មពោល​ឞូនុយ្ស​អ្យើស​ឞូនុយ្ស​ជាញ​តឹម​ឞាន​មា​ឞេស​កូ ឞូ​ម៝ស​មឞើស​មា​ខាន់​មៃ​ទឹង​គែស​មា​ញច្វាត់​ក្រាប​ឞើស​នាវ​តេៈ​ទោយ្ស​កោរាញ​ឞ្រាស​អី​ឞើយ​មា​ត៝ត់​អ្យា?
MAT 3:8 លាស​ខាន់​មៃ​មោ​អុច​កោរាញ​ឞ្រាស​តេៈ​ទោយ្ស លាស​នទ្រី​គុ​ឆ៝ង់​ជាន​អ្វែស​ហ៝ម់ គៃ​មា​គឹត​ឆៃ​នូយ្ស​នហ៝ម់​ខាន់​មៃ​លែៈ​រាគ៝ល់​ងាន់​រ៝។
MAT 3:9 លើយ​ហោម​លាស​អេង​តា​ឆាក់​ខាន់​មៃ​នើម៖ «គ៝ប់​លែៈ​ឆៅ​អាឞ្រាហាម់ ​ងាន់ នទ្រី​កោរាញ​ឞ្រាស​មោ​ហោម​អោស​តេៈ​ទោយ្ស»។ គ៝ប់​លាស​មា​ខាន់​មៃ៖ ជេង​ឆៅ​អាឞ្រាហាម់ ​ទើម​មោ​អោស​គែស​នាវ​ខ្លៃ។ លុ​អ្យា​កោរាញ​ឞ្រាស​ឆ៝ៈ​ញជេង​ឆៅ​អាឞ្រាហាម់ ​ជេង​ដ៝ង់។
MAT 3:10 អាបៃ​អ្យា​កោរាញ​ឞ្រាស​អុច​តេៈ​ទោយ្ស​មា​លែៈ​ឞូនុយ្ស​អី​មោ​ជាន​អ្វែស។ ពាង់​តឹម​ឞាន​មា​ឞូនុយ្ស​នទ្រាប់​លើយ​ពេស​ថាវ​តេៈ​តា​រែស​តើម​ឆី ពាង់​មរា​កាល់​លើយ​តើម​ឆី​មោ​គែស​ព្លៃ​អ្វែស ជេសរី​ឆូ​លើយ​មា​អុញ។
MAT 3:11 គ៝ប់​ជាន​បាប់តែម​អ៝ន់​ខាន់​មៃ​យុក​មា​ទាក​ទើម គៃ​មា​ញហើ​ខាន់​មៃ​លែៈ​រាគ៝ល់​នូយ្ស​នហ៝ម់​អ្យើស​ជេស។ យើន​មា​គែស​ទូ​ហ្វេ​កោរាញ​ឞើយ​ត៝ត់​ជេស ពាង់​គែស​នាវ​ទើយ​រាលាវ​គ៝ប់​ងាន់។ តា​នាប់​ពាង់​គ៝ប់​ជេង​ឞូនុយ្ស​ជេៈ​លេៈ​ទើម ឞ៝ល​លាស​គ៝ប់​ឆើម​ទ្រ៝ស​នតោ​ជ៝ត​ពាង់ ហោម​អែ​មោ​ហ៝ៈ​ទី​ដ៝ង់​ដាស​នាវ​ជាន​ការ​អ៝ន់​មា​ពាង់។ ពាង់​បាប់តែម​អ៝ន់​ខាន់​មៃ​មា​ឞ្រាស​ហ្វេង​អ្វែស​អី​ក្ល៝ស​អ្វែស នទ្រែល​មា​អុញ។
MAT 3:12 ពាង់​តឹម​ឞាន​មា​ឞូនុយ្ស​ញអោត​ទោង គៃ​មា​រាឆែង​គុម​មព្រោស​លែៈ​ឞា​អី​គែស​តា​នតុក​ពាង់​ព្លេន​នៃ។ ឞា​រាង្លៃ​ពាង់​ឆ៝ៈ​តោស​ព្រាប់​តា​ជៃ​ឞា​ពាង់​នើម អី​ញឆ្យាប់​ពាង់​ឆូ​លើយ​មា​អុញ​មោ​អោស​ឞ្លាវ​ញហ៝ត់។ កើត​នទ្រី​ពាង់​តឹម​ងខាស​លើយ​ឞូនុយ្ស​ឆ៝ង់​ដាស​ឞូនុយ្ស​តីស ជេសរី​តេៈ​ទោយ្ស​មា​ឞូនុយ្ស​តីស”។
MAT 3:13 នោក​នៃ​ឞ្រាស​យេឆូ ​ហាន់​តាៈ​ឞើស​ឞ្រី​កាលីលេ  ហាន់​ម៝ប់​យោហាន-​បាប់តែម ​តា​ទាក​រាលាយ​យោរដាន់  គៃ​មា​អ៝ន់​យោហាន-​បាប់តែម ​ជាន​បាប់តែម​យុក​ពាង់​មា​ទាក។
MAT 3:14 យើន​មា​ត៝ត់​តា​នៃ​យោហាន ​រាលាច់​លាស​មា​ពាង់៖ “មើម​ហាន់​តា​គ៝ប់ ដាៈ​គ៝ប់​ច្រាវ​ជាន​បាប់តែម​យុក​មៃ​មា​ទាក? ទី​លាស​មៃ​ឆើម​ជាន​អ៝ន់​គ៝ប់”។
MAT 3:15 ឞ្រាស​យេឆូ ​លាស៖ “អាបៃ​អ្យា​អ៝ន់​មៃ​ជាន​ប៝ត់​ទោ គៃ​មា​ជាន​តឹម​ទី​ទាទេ​ដាស​នាវ​កោរាញ​ឞ្រាស​លែៈ​ដាៈ”។ ជេសរី​យោហាន-​បាប់តែម ​អុច​ជាន។
MAT 3:16 ជេស​ឞ្រាស​យេឆូ ​ទើន​បាប់តែម​យុក​មា​ទាក នោក​ពាង់​លោស​ឞើស​ទាក​នៃ ទោ​មា​ឆៃ​ត្រោក​ពើក​ឞ៝ង់​លាហឺរ​មា​ពាង់ ជេសរី​ពាង់​ឆៃ​ឞ្រាស​ហ្វេង​អ្វែស​កោរាញ​ឞ្រាស​តឹម​ឞាន​មា​ព្លុក​ជុរ​ទ្រ៝ម់​តា​ពាង់​រី។
MAT 3:17 ទោល​នៃ​គែស​តាង់​នតែស​ឞ៝រ់​តាៈ​ឞើស​កាលើ​ត្រោក​លាស៖ “អ្យា​ក៝ន​គ៝ប់​រ៝ង់ គ៝ប់​រាម់​រាហើន​មា​ពាង់​ហោ​ងាន់​ងេន”។
MAT 4:1 ជេសរី​ឞ្រាស​ហ្វេង​អ្វែស​លែវ​ឞ្រាស​យេឆូ ​ហាន់​តា​ឞ្រី​រាទាស គៃ​មា​អ៝ន់​ឆាតាង់ ​អី​កោរាញ​មពោល​ឞ្រាស​អ្យើស​នទើម​ពាង់។
MAT 4:2 ឞ្រាស​យេឆូ ​អ៝ត់​ឆោង​ឆា ៤០ នាង់ ៤០ នារ ឞើស​កើយ​នៃ​ពាង់​ជី​ង៝ត​ងាន់​រ៝។
MAT 4:3 ជេសរី​ឆាតាង់ ​អី​ឞូ​ក្វាល់​លាស​«កោរាញ​នទើម»​ដ៝ង់ ហាន់​ទាច់​អា​ពាង់ លាស​មា​ពាង់៖ “លាស​មៃ​ក៝ន​កោរាញ​ឞ្រាស​ងាន់​ងេន ល៝ង់​មៃ​ដាៈ​លុ​អាបាៈ​អ្យា​អ៝ន់​ជេង​នទើ​ឆោង​ឆា!”
MAT 4:4 យើន​មា​ឞ្រាស​យេឆូ ​អើស​មា​ពាង់៖ “មោ​អោស។ លែៈ​ឞូ​ញចីស​ជេស​តា​នាវ​កោរាញ​ឞ្រាស​ងើយ៖ «ឞូនុយ្ស​មោ​អោស​រេស​តាៈ​ឞើស​នទើ​ឆោង​ឆា​ទើម‌ រេស​តាៈ​ឞើស​ទឹង​លែៈ​នាវ​ងើយ​លោស​តាៈ​ឞើស​មឞូង​កោរាញ​ឞ្រាស»”។
MAT 4:5 ជេស​ឞើស​នៃ​កោរាញ​មពោល​ឞ្រាស​អ្យើស​អី​នៃ​លែវ​ឞ្រាស​យេឆូ ​លាប់​តា​ប៝ន​ក្វ៝ង់​យេរូឆាលឹម ​អី​ប៝ន​ក្ល៝ស​អ្វែស ជេសរី​អ៝ន់​ពាង់​តា​កាលើ​ច៝រ​ញីស​ជាន​ឞ្រាស​មា​កោរាញ​ឞ្រាស តា​នតុក​អី​ទុត​ព្រេស​នៃ។
MAT 4:6 ពាង់​លាស​មា​ឞ្រាស​យេឆូ ៖ “លាស​មៃ​ក៝ន​កោរាញ​ឞ្រាស​ងាន់​ងេន ល៝ង់​មៃ​ញឆាត់​ជឹត​ទ៝ង់​ឆូ យ៝រ​លាស​លែៈ​ឞូ​ញចីស​ជេស​តា​នាវ​កោរាញ​ឞ្រាស​ងើយ៖ «កោរាញ​ឞ្រាស​ដាៈ​មពោល​តោង​ពារ់​ពាង់​នើម​អ៝ន់​កើល​មៃ» គែស​ញចីស​ដ៝ង់៖ «តី​តោង​ពារ់​ទ្រើ​មៃ‌ មោ​អោស​អ៝ន់​ជ៝ង់​មៃ​គែស​ញចិញ​មា​លុ»”។
MAT 4:7 ឞ្រាស​យេឆូ ​អើស​មា​ពាង់៖ “តា​នាវ​កោរាញ​ឞ្រាស​ងើយ​លែៈ​ញចីស​កើត​នអា៖ «លើយ​អោស​រាល៝ង​នាវ​ទើយ​កោរាញ​ឞ្រាស​អី​ឞ្រាស​ខាន់​អៃ​មៃ​យើក​មឞាស»”។
MAT 4:8 ជេសរី​កោរាញ​មពោល​ឞ្រាស​អ្យើស​អី​នៃ​លែវ​ឞ្រាស​យេឆូ ​ហាវ​តា​កាលើ​យោក​ទុត​ព្រេស ញហើ​អ៝ន់​ពាង់​ឆៃ​ទឹង​លែៈ​ឞ្រី​ទាក​តា​នែស​នតូ​អ្យា នទ្រែល​មា​ទឹង​លែៈ​នទើ​ខ្លៃ​តា​ឞ្រី​ទាក​នៃ។
MAT 4:9 ពាង់​លាស​មា​ឞ្រាស​យេឆូ ៖ “លាស​មៃ​ពាន់​យើក​មឞាស​មា​គ៝ប់ ទឹង​លែៈ​នទើ​អី​នៃ​គ៝ប់​អ៝ន់​មា​មៃ​ម៝ត់​អ្វាញ់​ទាទេ!”
MAT 4:10 ឞ្រាស​យេឆូ ​លាស៖ “ហើយ​ឆាតាង់  អ៝ន់​មៃ​ទូ​ហ៝ម់! យ៝រ​លាស​តា​នាវ​កោរាញ​ឞ្រាស​ងើយ​លែៈ​ញចីស​ជេស៖ «ដាៈ​ខាន់​អៃ​មៃ​យើក​មឞាស​មា​កោរាញ​ឞ្រាស​អី​ឞ្រាស​ខាន់​អៃ​មៃ​នើម‌ ជាន​ការ​អ្យាត់​នាវ​ទូ​ហ្វេ​ពាង់​អី​នៃ​ទើម»”។
MAT 4:11 ជេសរី​កោរាញ​មពោល​ឞ្រាស​អ្យើស​អី​នៃ​ទូ​ឞើស​ឞ្រាស​យេឆូ ​នៃ ទោ​មា​គែស​ផូង​តោង​ពារ់​កោរាញ​ឞ្រាស​វាច់​តា​ឞ្រាស​យេឆូ  ឆើម​កើល​ជាន​ការ​អ៝ន់​នទើ​ឆោង​ឆា​មា​ពាង់។
MAT 4:12 ត៝ត់​ឞ្រាស​យេឆូ ​គឹត​យោហាន-​បាប់តែម ​លែៈ​ឞូ​ក្រុង​តា​នទ្រូង ជេសរី​ពាង់​លោស​ឞើស​ឞ្រី​យូដា ​ព្លឹ​គុ​តៃ​តា​ឞ្រី​កាលីលេ ។
MAT 4:13 ពាង់​ហាន់​តា​ប៝ន​នាឆារែត  ជេសរី​ហាន់​គុ​តា​ប៝ន​កាពើនិម ​អី​ទាច់​កេង​ងលៅ​ក្វ៝ង់​កាលីលេ  តា​នហារ់​ឞ្រី​មពោល​ឆាបូលោន  ដាស​មា​ឞ្រី​មពោល​នាប់តាលី ។ ឞារ​មពោល​អី​នៃ​ជេង​មពោល​អីឆ្រាអែល ​តា ១២ មពោល​ខាន់​ពាង់​ដ៝ង់។
MAT 4:14 ពាង់​គុ​តា​នៃ​គៃ​មា​តឹម​ទី​ដាស​នាវ​ងើយ​អេឆាយ ​អី​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស​លែៈ​ញចីស​ជេស៖
MAT 4:15 «អើ​ឞ្រី​មពោល​ឆាបូលោន  នទ្រែល​មា​ឞ្រី​មពោល​នាប់តាលី  អី​រ៝ៈ​ត្រ៝ង​រ៝ៈ​មែង​ទាក​ងលៅ​ក្វ៝ង់​កាលីលេ  អើ​ឞ្រី​មពែស​កាល់​តី​ទាក​រាលាយ​យោរដាន់  ឞ្រី​កាលីលេ ​នតុក​អ៝ក់​ផូង​អី​មោ​ទី​ផូង​អីឆ្រាអែល ​គុ!
MAT 4:16 ផូង​ប៝ន​លាន​តា​នៃ​ខាន់​ពាង់​តឹម​ឞាន​មា​គុ​តា​នាវ​ង៝ ក្លាច​មា​នាវ​ខឹត មោ​គែស​នាវ​រានើម‌ ខាន់​ពាង់​តឹម​ឞាន​មា​ឆៃ​នាវ​អាង​ទុត​ក្វ៝ង់ អាង​ងាន់ អ៝ន់​ខាន់​ពាង់​គែស​នាវ​រានើម​យ៝រ​មា​នទើ​អី​គែស​តា​ឞ្រី​ខាន់​ពាង់»។
MAT 4:17 នតើម​ឞើស​នោក​នៃ​ឞ្រាស​យេឆូ ​មឞើស​ងក៝ច៖ “រាគ៝ល់​ហ៝ម់​នូយ្ស​នហ៝ម់​អ្យើស​ខាន់​អៃ​មៃ យ៝រ​លាស​នាវ​កោរាញ​ឞ្រាស​ម៝ត់​អ្វាញ់​ឞើយ​មា​ត៝ត់​ងាន់​រ៝”។
MAT 4:18 គែស​ទូ​នារ​រី​ឞ្រាស​យេឆូ ​ហាន់​ឞ្រោៈ​រ៝ៈ​មែង​ទាក​ងលៅ​ក្វ៝ង់​កាលីលេ ពាង់​ឆៃ​ឞារ​ហៃ​អ៝ស​នោ​គុ​ឆែង​ជាល​តា​ទាក​នៃ ឆីមោន ​អី​ឞូ​ក្វាល់​ពេត្រោស ​ដ៝ង់ នទ្រែល​មា​អ៝ន់ទ្រេ ។ ឞារ​ហៃ​ខាន់​ពាង់​អី​នៃ​ជេង​ឞូនុយ្ស​ជាន​ការ​វាង់​កា​ទើម។
MAT 4:19 ជេសរី​ឞ្រាស​យេឆូ ​លាស​មា​ខាន់​ពាង់៖ “ហើយ​អ៝ស​នោ ហោៈ​តឹង​គ៝ប់គ៝ប់​អ៝ន់​ខាន់​មៃ​ហាន់​ជ៝យ​ឞូនុយ្ស​អ្យាត់​នាវ​គ៝ប់ តឹម​ឞាន​មា​ឆែង​កា”។
MAT 4:20 ទោ​មា​ឞារ​ហៃ​ខាន់​ពាង់​រី​នត្លើយ​ជាល​ព្រុង​តា​នៃ ជេសរី​តឹង​ឞ្រាស​យេឆូ ​រ៝។
MAT 4:21 ហាន់​ត៝ត់​អា​នាប់​ឞ្រាស​យេឆូ ​ឆៃ​ឞារ​ហៃ​អ៝ស​នោ​អា​អេង​ជឹត យាកើ  នទ្រែល​មា​យោហាន ​អី​ក៝ន​ឆេបេដេ ។ ខាន់​ពាង់​ទោល​គុ​ឆុល​ជាល​តា​ទូក នទ្រែល​មា​អី​ឞឹ​ខាន់​ពាង់​នើម។ ឞ្រាស​យេឆូ ​ក្វាល់​ជាៈ​ឞារ​ហៃ​ខាន់​ពាង់​នៃ​ហាន់​នទ្រែល​ពាង់។
MAT 4:22 ជេសរី​ខាន់​ពាង់​នត្លើយ​ទូក នត្លើយ​ឞឹ​ខាន់​ពាង់​នើម​តា​រី ហាន់​តឹង​ឞ្រាស​យេឆូ ​រ៝។
MAT 4:23 ឞ្រាស​យេឆូ ​ហាន់​លាម​ឞ្រី​កាលីលេ ពាង់​នតី​ផូង​ប៝ន​លាន​តា​ញីស​រាបុន​ផូង​អីឆ្រាអែល ​ខាន់​ពាង់​នើម។ ពាង់​មឞើស​ងក៝ច​នាវ​មហែ​មហាន​អ្វែស​មា​នាវ​កោរាញ​ឞ្រាស​ម៝ត់​អ្វាញ់ ជេសរី​ជាន​ឞាស​ទឹង​លែៈ​នាវ​ជី​អាប់​នតីល។
MAT 4:24 ឞូ​លឺ​ឞ្រាស​យេឆូ ​លាម​ឞ្រី​ឆីរី ​ដ៝ង់​អី​តឹម​ទាច់​មា​ឞ្រី​កាលីលេ ។ ជេសរី​ឞូ​ញជុន​លែវ​ទឹង​លែៈ​ឞូនុយ្ស​អី​គែស​នាវ​ជី​អា​ពាង់ ឞូនុយ្ស​គែស​នាវ​ជី​ក្វែត​អាប់​នតីល ឞូនុយ្ស​ឞ្រាស​អ្យើស​លើស ឞូនុយ្ស​ឞ្រុត នទ្រែល​មា​ឞូនុយ្ស​រាវែន​ជ៝ង់​រាវែន​តី ពាង់​ជាន​ឞាស​ទាទេ។
MAT 4:25 ជេសរី​គែស​ឞូនុយ្ស​ផូង​អ៝ក់​តឹង​ពាង់ ខាន់​ពាង់​តាៈ​ឞើស​ឞ្រី​កាលីលេ  តាៈ​ឞើស​ឞ្រី​ដេកាពោលីស  តាៈ​ឞើស​ប៝ន​ក្វ៝ង់​យេរូឆាលឹម  តាៈ​ឞើស​ឞ្រី​យូដា  នទ្រែល​មា​តាៈ​ឞើស​កាល់​តី​ទាក​រាលាយ​យោរដាន់ ។
MAT 5:1 ត៝ត់​ឞ្រាស​យេឆូ ​ឆៃ​ផូង​ប៝ន​លាន​អ៝ក់ ពាង់​ហាវ​តា​មែង​យោក គុ​រាគើប​តា​នៃ។ មពោល​អ៝ស​ម៝ន​ពាង់​ហាន់​អា​ពាង់‌
MAT 5:2 ជេសរី​ឞ្រាស​យេឆូ ​នតី​លាស​ខាន់​ពាង់៖
MAT 5:3 “អ្វែស​មអាក​ងាន់​មា​ឞូ​ម៝ស​អី​លែៈ​គឹត​ជេស​ឞ្លាវ​ជាន​នទើ​អ្វែស​លាស​កោរាញ​ឞ្រាស​កើល​ទើម យ៝រ​លាស​កោរាញ​ឞ្រាស​ម៝ត់​អ្វាញ់​ខាន់​ពាង់។
MAT 5:4 អ្វែស​មអាក​ងាន់​មា​ឞូ​ម៝ស​អី​គែស​នាវ​ញុម​រាង៝ត យ៝រ​លាស​កោរាញ​ឞ្រាស​មរា​ឞ៝ញ​លែង​ខាន់​ពាង់។
MAT 5:5 អ្វែស​មអាក​ងាន់​មា​ឞូ​ម៝ស​គែស​នូយ្ស​នហ៝ម់​មលែស យ៝រ​លាស​ខាន់​ពាង់​តៃ​ឆ៝ៈ​ទើន​ទឹង​លែៈ​នែស​នតូ។
MAT 5:6 អ្វែស​មអាក​ងាន់​មា​ឞូ​ម៝ស​នអើរ​ជ៝យ​នាវ​ឆ៝ង់​តឹម​ឞាន​មា​ឞូនុយ្ស​ជី​ង៝ត​ជី​ហីរ​ជ៝យ​នទើ​ឆោង​ឆា យ៝រ​លាស​កោរាញ​ឞ្រាស​មរា​អ៝ន់​ខាន់​ពាង់​ហើម​ងាន់​រ៝។
MAT 5:7 អ្វែស​មអាក​ងាន់​មា​ឞូ​ម៝ស​គែស​នាវ​យោៈ​មា​ឞូ យ៝រ​លាស​កោរាញ​ឞ្រាស​យោៈ​អ៝ន់​មា​ពាង់។
MAT 5:8 អ្វែស​មអាក​ងាន់​មា​ឞូ​ម៝ស​គែស​នូយ្ស​នហ៝ម់​ក្ល៝ស យ៝រ​លាស​ខាន់​ពាង់​តៃ​ឆៃ​កោរាញ​ឞ្រាស។
MAT 5:9 អ្វែស​មអាក​ងាន់​មា​ឞូ​ម៝ស​គឹត​តឹម​កើល​តឹម​រាង្លាប់ យ៝រ​លាស​ខាន់​ពាង់​ឞូ​ក្វាល់​តៃ​ជេង​ក៝ន​កោរាញ​ឞ្រាស។
MAT 5:10 អ្វែស​មអាក​ងាន់​មា​ឞូ​ម៝ស​ឞូ​ជាន​ជេរ​អាច​មា​ជាន​តឹង​នាវ​ឆ៝ង់ យ៝រ​លាស​កោរាញ​ឞ្រាស​ម៝ត់​អ្វាញ់​ខាន់​ពាង់។
MAT 5:11 អ្វែស​មអាក​ងាន់​មា​ខាន់​អៃ​មៃ លាស​ឞូ​រាក​ឆ្វាយ​ជាន​ជេរ នទ្រែល​មា​ងើយ​ញចើត​អាប់​នតីល​មា​ខាន់​អៃ​មៃ អាច​មា​អ្យាត់​តឹង​នាវ​គ៝ប់។
MAT 5:12 រាម់​ហ៝ម់ មអាក​រាម់​ហ៝ម់ យ៝រ​លាស​ខាន់​អៃ​មៃ​តៃ​គែស​នទើ​ងខោម​ក្វ៝ង់​តា​ប៝ន​អ្វែស​តា​កាលើ​ត្រោក។ អ៝ន់​កាស​គឹត ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស​ឞូ​ជាន​ជេរ​កើត​អ្យា​ដ៝ង់”។
MAT 5:13 “ខាន់​អៃ​មៃ​តឹម​ឞាន​មា​ឞ៝ស​អ៝ន់​មា​ឞូនុយ្ស​តា​នែស​នតូ​អ្យា។ ឞ៝ស​ជេង​ទូ​នតីល​នទើ​តេៈ​ត្រាវ​មា​កាស​ងាន់ លាស​ឞ៝ស​អី​នៃ​មោ​ហោម​គែស​កាស មើម​ហោម​ឞ្លាវ​ជាន​គៃ​មា​អ៝ន់​ព្លឹ​កាស​ជឹត? លាស​នទ្រី​ឞូ​មអារ់​លើយ​ឞើស​ទីស ជេសរី​ឞូ​ជ៝ត​រាប្លាច​ទើម។
MAT 5:14 ខាន់​អៃ​មៃ​តឹម​ឞាន​មា​នាវ​អាង​មា​ឞូនុយ្ស​តា​នែស​នតូ​អ្យា តឹម​ឞាន​មា​ប៝ន​អី​ឞូ​ជាន​តា​កាលើ​យោក​មោ​អោស​ទើយ​ពោន​នទ៝ប់។
MAT 5:15 ឞូ​មោ​វៃ​អោស​មព៝ស​អុញ​ឆាគេង ជេសរី​កុប​លើយ​មា​នទ៝ស។ ឞូ​យោង​អុញ​ឆាគេង​អី​នៃ​តា​ងគ៝ង់ គៃ​មា​អាង​ទឹង​លែៈ​ឞូនុយ្ស​តា​ត្រោម​ជៃ​នៃ។
MAT 5:16 លាស​នទ្រី​នាវ​អាង​ខាន់​អៃ​មៃ​អ៝ន់​ងអាង​ហ៝ម់​ទឹង​លែៈ​ឞូនុយ្ស គៃ​មា​អ៝ន់​ឞូ​គឹត​ឆៃ​នាវ​អ្វែស​ខាន់​អៃ​មៃ​ជាន ជេសរី​ឞូ​រានេ​នាវ​ច្រេក​លើប​ឞឹ​ខាន់​អៃ​មៃ​នើម​អី​គុ​តា​កាលើ​ត្រោក​រី”។
MAT 5:17 “ទាន់​ខាន់​អៃ​មៃ​លើយ​តា​មឹន​អោស​គ៝ប់​អ្យា​វាច់ គៃ​មា​ងគ្រ៝ស​មអារ់​លើយ​នាវ​វៃ​ផូង​ឞ៝ន់ មោ​លាស​ងគ្រ៝ស​មអារ់​លើយ​នាវ​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស​លែៈ​គែស​លាស។ គ៝ប់​មោ​គែស​អោស​វាច់​គៃ​មា​ងគ្រ៝ស​មអារ់​លើយ​នទើ​អី​នៃ គ៝ប់​វាច់​គៃ​មា​អ៝ន់​នាវ​អី​នៃ​ជេង​ងាន់​រ៝។
MAT 5:18 គ៝ប់​លាស​នហេល​នានេៈ​ងាន់​មា​ខាន់​អៃ​មៃ លាស​ត្រោក នទ្រែល​មា​នែស​នតូ​អេ​ហ៝ៈ​លោច​អោស មោ​គែស​អោស​រ៝ស​ទូ​រាព្លៃ​រាឆ៝​តា​ឆ៝ម់បុត​នាវ​វៃ​អី​នៃ ទូ​នតីល​តា​រាព្លៃ​រាឆ៝​ទុត​ជេៈ​មោ​រ៝ស​ដ៝ង់ នាវ​កោរាញ​ឞ្រាស​ងើយ​អី​នៃ​ហោម​បាបើ​ត៝ត់​លោច​ទឹង​លែៈ។
MAT 5:19 ឞូ​ម៝ស​អី​ជាន​តីស​មា​ទូ​នតីល​នាវ​អី​ទុត​ជេៈៗ​តា​នាវ​វៃ​អី​នៃ ជេសរី​នតី​អ៝ន់​មា​ឞូ​ជាន​តឹង​កើត​ដ៝ង់ តា​នាវ​កោរាញ​ឞ្រាស​ម៝ត់​អ្វាញ់​តៃ​ឞូ​ក្វាល់​ពាង់​ជេង​ឞូនុយ្ស​ជេៈ​តា​ន៝ម់​ឞូ។ យើន​មា​ឞូ​ម៝ស​ជាន​តឹង​នាវ​វៃ​អី​នៃ ជេសរី​នតី​អ៝ន់​មា​ឞូ​ជាន​តឹង​កើត​ដ៝ង់ តា​នាវ​កោរាញ​ឞ្រាស​ម៝ត់​អ្វាញ់​តៃ​ឞូ​ក្វាល់​ពាង់​ជេង​ឞូនុយ្ស​ក្វ៝ង់​ងាន់។
MAT 5:20 គ៝ប់​លាស​មា​ខាន់​អៃ​មៃ៖ លាស​នាវ​ឆ៝ង់​ខាន់​អៃ​មៃ​មោ​រាលាវ​អោស​មា​នាវ​ឆ៝ង់​ផូង​នើម​នតី​នាវ​វៃ​ផូង​ឞ៝ន់ នទ្រែល​មា​នាវ​ឆ៝ង់​ផូង​ផារីឆី  ខាន់​អៃ​មៃ​មោ​ទើយ​អោស​លាប់​តា​នាវ​កោរាញ​ឞ្រាស​ម៝ត់​អ្វាញ់”។
MAT 5:21 “ខាន់​អៃ​មៃ​លែៈ​តាង់​ឞូ​លាស​មា​ផូង​អូ​ចែ​កាល់​អែ​នើស៖ «លើយ​អោស​ងខឹត​ឞូនុយ្ស»។ លាស​ឞូ​ម៝ស​ងខឹត​ឞូនុយ្ស ពាង់​អី​នៃ​ឞូ​តេៈ​ទោយ្ស​មា​ពាង់។
MAT 5:22 យើន​មា​គ៝ប់​លាស​មា​ខាន់​អៃ​មៃ​កើត​នអា៖ ឞូ​ម៝ស​អី​ជី​នូយ្ស​ដាស​មា​អ៝ស​នោ​ពាង់​ទើម ពាង់​អី​នៃ​កោរាញ​ឞ្រាស​តេៈ​ទោយ្ស​មា​ពាង់។ ឞូ​ម៝ស​អី​ងើយ​អ្យើស​មា​អ៝ស​នោ​ពាង់ ពាង់​អី​នៃ​កោរាញ​ឞ្រាស​តេៈ​ទោយ្ស។ ជេសរី​ឞូ​ម៝ស​អី​រាក​ឆ្វាយ​ឞូ ពាង់​អី​នៃ​កោរាញ​ឞ្រាស​តេៈ​ទោយ្ស​គុ​តា​នទ្រូង​អុញ​នហ៝​រ៝។
MAT 5:23 លាស​នទ្រី​នោក​ខាន់​អៃ​មៃ​ញអោត​នទើ​ញហើរ​ហាន់​តា​ញីស​ជាន​ឞ្រាស​មា​កោរាញ​ឞ្រាស​តា​ញឆឺង​គុច​ពូរ​នទើ​ជាន​ឞ្រាស ត៝ត់​តា​នៃ​លាស​ខាន់​អៃ​មៃ​កាស​គឹត​ខាន់​អៃ​មៃ​គែស​ជាន​តីស​មា​អ៝ស​នោ​ខាន់​អៃ​មៃ‌
MAT 5:24 អ៝ន់​ខាន់​អៃ​មៃ​ព្រាប់​នទើ​ញហើរ​អី​នៃ​តា​នៃ​ប៝ត់ ជេសរី​ហាន់​ទាន់​នាវ​យោៈ​ល៝រ​ដាស​អ៝ស​នោ​ខាន់​អៃ​មៃ រី​មើ​ទឹង​ខាន់​អៃ​មៃ​ព្លឹ​ញហើរ​តៃ​នទើ​អី​នៃ​នើស។
MAT 5:25 អ៝ន់​ខាន់​អៃ​មៃ​តឹម​ទាន់​នាវ​យោៈ​ហ៝ម់​ដាស​ឞូនុយ្ស​អី​គែស​នាវ​ដាស​ខាន់​អៃ​មៃ​ទោល​ខាន់​អៃ​មៃ​ហោម​ហាន់​នទ្រែល​ពាង់​រ៝ៈ​ត្រ៝ង​ហាន់​តា​កោរាញ​ផាត​ទោយ្ស។ ក្លាច​លាស​ពាង់​ញជុន​ខាន់​អៃ​មៃ​អ៝ន់​មា​កោរាញ​ផាត​ទោយ្ស កោរាញ​ផាត​ទោយ្ស​ញជុន​ខាន់​អៃ​មៃ​អ៝ន់​មា​កោរាញ​នទ្រូង ជេសរី​កោរាញ​នទ្រូង​ក្រុង​ខាន់​អៃ​មៃ​តា​ត្រោម​នទ្រូង​រ៝។
MAT 5:26 គ៝ប់​លាស​នហេល​នានេៈ​ងាន់​មា​ខាន់​អៃ​មៃ លាស​ខាន់​អៃ​មៃ​មោ​រឹង​អ៝ន់​ព្រាក់​មា​ឞូ ខាន់​អៃ​មៃ​មោ​អោស​ទើយ​លោស​ឞើស​នតុក​នៃ ឞ៝ល​លាស​ទូ​ឆេន​មោ​រ៝ស​ដ៝ង់”។
MAT 5:27 “ខាន់​អៃ​មៃ​លែៈ​តាង់​តា​នាវ​វៃ​ឞ៝ន់​លែៈ​ញចីស​លាស​កើត​នអា៖ «លើយ​តា​ល៝ម់​អូរ​ល៝ម់​ឆាយ»។
MAT 5:28 យើន​មា​គ៝ប់​លាស​មា​ខាន់​អៃ​មៃ លាស​ឞូ​ម៝ស​អ្វាញ់​ឞូ​អូរ​នអ៝ប់​មា​កើញ លាស​នទ្រី​តា​នូយ្ស​នហ៝ម់​ពាង់​រី​លែៈ​កើប​ល៝ម់​អូរ​ដាស​ឞូ​អូរ​អី​នៃ។
MAT 5:29 លាស​នទ្រី​លាស​ត្រោម​មាត់​ឞើស​មា​ខាន់​អៃ​មៃ​លែវ​ជាន​តីស អ៝ន់​ខាន់​អៃ​មៃ​រាវែក​មអារ់​លើយ​ត្រោម​មាត់​អី​នៃ យ៝រ​លាស​អ្វែស​ដេៈ​លាស​ទើន​រ៝ស​ត្រោម​មាត់​ទូ​ទីង មា​ដាស​ទឹង​លែៈ​ឆាក់​ជាន់​ខាន់​អៃ​មៃ​ហោម​រឹង ជេសរី​ហាន់​តា​នទ្រូង​អុញ​នហ៝​រ៝។
MAT 5:30 លាស​តី​ឞើស​មា​ខាន់​អៃ​មៃ​លែវ​ជាន​តីស អ៝ន់​ខាន់​អៃ​មៃ​ក៝ស​មអារ់​លើយ​តី​អី​នៃ យ៝រ​លាស​អ្វែស​ដេៈ​លាស​ទើន​រ៝ស​តី​ទូ​ទីង មា​ដាស​ទឹង​លែៈ​ឆាក់​ជាន់​ខាន់​អៃ​មៃ​ហោម​រឹង ជេសរី​ហាន់​តា​នទ្រូង​អុញ​នហ៝​រ៝”។
MAT 5:31 “តា​នាវ​វៃ​ឞ៝ន់​លែៈ​ញចីស​លាស​កើត​នអា៖ «ឞូ​ម៝ស​អី​អុច​នត្លើយ​អូរ​ពាង់​នើម អ៝ន់​ពាង់​អី​នៃ​ជាន​ឆ៝ម់បុត​តឹម​នត្លើយ​ទើម​អ៝ន់​មា​អូរ​ពាង់ ជេសរី​ទើយ​នត្លើយ​អី​អូរ​ពាង់»។
MAT 5:32 យើន​មា​គ៝ប់​លាស​មា​ខាន់​អៃ​មៃ លាស​ឞូ​អូរ​អី​នៃ​មោ​គែស​អោស​ល៝ម់​ឆាយ តីស​មា​ឆាយ​ពាង់​នត្លើយ ឆាយ​អី​នៃ​ជាន​អ៝ន់​អូរ​ពាង់​ជេង​ឞូនុយ្ស​ល៝ម់​ឆាយ។ ជេសរី​លាស​ឞូ​ម៝ស​តឹម​នអាប់​ដាស​ឞូ​អូរ​ឆាយ​នត្លើយ ពាង់​ជេង​ឞូនុយ្ស​ល៝ម់​អូរ​ដ៝ង់”។
MAT 5:33 “ខាន់​អៃ​មៃ​លែៈ​តាង់​ឞូ​លាស​មា​ផូង​អូ​ចែ​កាល់​អែ​នើស៖ «លើយ​អោស​ត៝ន​មរោស អ៝ន់​ខាន់​អៃ​មៃ​ជាន​រឹង​ទឹង​លែៈ​នទើ​អី​ខាន់​អៃ​មៃ​លែៈ​ត៝ន​មា​កោរាញ​ឞ្រាស»។
MAT 5:34 យើន​មា​គ៝ប់​លាស​មា​ខាន់​អៃ​មៃ លើយ​អោស​ត៝ន​ដាស​ត្រោក យ៝រ​លាស​ត្រោក​ជេង​រានើល​កោរាញ​ឞ្រាស។
MAT 5:35 លើយ​ដ៝ង់​ត៝ន​ដាស​នែស​នតូ យ៝រ​លាស​នែស​នតូ​អ្យា​ជេង​រានើល​ឆាប់​ជ៝ង់​កោរាញ​ឞ្រាស។ ដាស​ប៝ន​ក្វ៝ង់​យេរូឆាលឹម ​មោ​ទី​ដ៝ង់ យ៝រ​លាស​ប៝ន​យេរូឆាលឹម ​នតុក​កោរាញ​ឞ្រាស​អី​កាដាច់​ក្វ៝ង់។
MAT 5:36 លើយ​អោស​ត៝ន​ដាស​ឞោក​ខាន់​អៃ​មៃ​នើម យ៝រ​លាស​ខាន់​អៃ​មៃ​មោ​ទើយ​អោស​ជាន​ទូ​មល៝ម់​ឆ៝ក់​ខាន់​អៃ​មៃ​នើម​អ៝ន់​ជេង​ងលាង អ៝ន់​ជេង​ក្រាក់។
MAT 5:37 អ៝ន់​ខាន់​អៃ​មៃ​ងើយ​ឆ៝ង់​នឹង​ហ៝ៈ «អើ» អ៝ន់​គឹត​លាស​«អើ»‌ «មោ» អ៝ន់​គឹត​លាស​«មោ»។ នទើ​នាវ​ងើយ​នត៝ប​ជេង​លោស​តាៈ​ឞើស​កោរាញ​មពោល​ឞ្រាស​អ្យើស​ទាទេ”។
MAT 5:38 “ខាន់​អៃ​មៃ​លែៈ​តាង់​តា​នាវ​វៃ​ឞ៝ន់​លែៈ​ញចីស​លាស​កើត​នអា៖ «លាស​រ៝ស​មាត់​ទូ​ទីង ព្លើង​អ៝ន់​រ៝ស​មាត់​ទូ​ទីង លាស​ទែស​ទូ​មល៝ម់​ឆេក ព្លើង​អ៝ន់​ទែស​ទូ​មល៝ម់​ឆេក​ដ៝ង់»។
MAT 5:39 យើន​មា​គ៝ប់​លាស​មា​ខាន់​អៃ​មៃ លើយ​អោស​តឹម​ព្លើង​ដាស​មា​ឞូនុយ្ស​អ្យើស។ លាស​ឞូ​តាប​តឹម​ឞ៝ម​ខាន់​អៃ​មៃ​ទូ​ទីង អ៝ន់​ខាន់​អៃ​មៃ​រាលែ​ទូ​ទីង អ៝ន់​ឞូ​តាប​តៃ​ទូ​ទីង​ជឹត។
MAT 5:40 លាស​ឞូ​នតោន​ខាន់​អៃ​មៃ​តា​នាប់​កោរាញ​ផាត​ទោយ្ស​គៃ​មា​កើញ​គែស​អាវ​គ្លែស​ខាន់​អៃ​មៃ អ៝ន់​ឞូ​ឆ៝ៈ​នអ៝ប់​មា​អាវ​ជ៝ង​ដ៝ង់។
MAT 5:41 លាស​តាហែន​ញច៝ប់​ខាន់​អៃ​មៃ​អ៝ន់​អាញ​នទើ​ឞ្រោៈ​ទូ​ន៝រ​យោក អ៝ន់​ខាន់​អៃ​មៃ​ឞ្រោៈ​ឞារ​ន៝រ​យោក​នទ្រែល​ឞូ​ទោ។
MAT 5:42 ឞូ​ម៝ស​ទាន់​នទើ​ខាន់​អៃ​មៃ ខាន់​អៃ​មៃ​អ៝ន់​ទោ លើយ​អោស​ទូ​ក្រាប​លាស​ឞូ​ហាន់​មាញ​នទើ​ខាន់​អៃ​មៃ”។
MAT 5:43 “ខាន់​អៃ​មៃ​លែៈ​តាង់​តា​នាវ​វៃ​ឞ៝ន់​លែៈ​ញចីស​លាស​កើត​នអា៖ «អ៝ន់​ខាន់​អៃ​មៃ​រ៝ង់​មា​ឞូ​ច្យៅ​មែង ជេសរី​ឞ្យាញ់​មា​ផូង​ជាន​អ្យើស​ដាស​ខាន់​អៃ​មៃ»។
MAT 5:44 យើន​មា​គ៝ប់​លាស​មា​ខាន់​អៃ​មៃ អ៝ន់​ខាន់​អៃ​មៃ​រ៝ង់​មា​ផូង​ជាន​អ្យើស​ដាស​ខាន់​អៃ​មៃ ជេសរី​មឞើស​ឆើម​ទាន់​កោរាញ​ឞ្រាស​អ៝ន់​នាវ​គែស​ជេង​មា​ឞូ​ម៝ស​ជាន​ជេរ​ដាស​ខាន់​អៃ​មៃ‌
MAT 5:45 គៃ​មា​ខាន់​អៃ​មៃ​ជេង​ក៝ន​ងាន់​មា​កោរាញ​ឞ្រាស​ឞឹ​ខាន់​អៃ​មៃ​គុ​តា​កាលើ​ត្រោក​រី។ យ៝រ​លាស​កោរាញ​ឞ្រាស​អ៝ន់​នារ​លោស​អាង គៃ​មា​ងអាង​ឞូនុយ្ស​អ្វែស នអ៝ប់​មា​ឞូនុយ្ស​អ្យើស ជេសរី​ពាង់​អ៝ន់​ទាក​មីស​មា​ឞូនុយ្ស​ឆ៝ង់ នអ៝ប់​មា​ឞូនុយ្ស​ក្វែ​ដ៝ង់។
MAT 5:46 លាស​ខាន់​អៃ​មៃ​ទើន​រ៝ង់​ទើម​មា​ឞូនុយ្ស​រ៝ង់​ដាស​ខាន់​អៃ​មៃ លាស​នទ្រី​មើម​ទឹង​កោរាញ​ឞ្រាស​រានេ​អ៝ន់​នាវ​ងខោម​មា​ខាន់​អៃ​មៃ? យ៝រ​លាស​ឞូនុយ្ស​អី​ឞូ​កើប​ឞូនុយ្ស​តីស​កើត​លាស​ផូង​អី​ក៝ប់​ឆ៝ៈ​ព្រាក់​ប៝ន​លាន​គៃ​មា​អ៝ន់​កោរាញ​ម៝ត់​អ្វាញ់ ខាន់​ពាង់​ហោម​ឞ្លាវ​រ៝ង់​មា​ឞូនុយ្ស​អី​រ៝ង់​ខាន់​ពាង់​នើម​ដ៝ង់។
MAT 5:47 លាស​ខាន់​អៃ​មៃ​ទើន​រ៝ម​ទើម​មា​អ៝ស​នោ​ខាន់​អៃ​មៃ​នើម លាស​នទ្រី​មើម​ទឹង​ខាន់​អៃ​មៃ​ជាន​នទើ​អ្វែស​រាលាវ​ឞូ​អេង? ឞ៝ល​លាស​ផូង​អី​មោ​គឹត​នាល់​នាវ​កោរាញ​ឞ្រាស ខាន់​ពាង់​វៃ​ជាន​កើត​នៃ​ដ៝ង់។
MAT 5:48 លាស​នទ្រី​អ៝ន់​ខាន់​អៃ​មៃ​គុ​ទុត​អ្វែស​ហ៝ម់ យ៝រ​លាស​ឞឹ​ខាន់​អៃ​មៃ​អី​គុ​តា​កាលើ​ត្រោក​រី ពាង់​លែៈ​ទុត​អ្វែស​ងាន់”។
MAT 6:1 “អ៝ន់​ខាន់​អៃ​មៃ​ញជ្រាង់ លើយ​អោស​ជាន​នទើ​អ្វែស​មា​ឞូ​តា​នាប់​ឞាល់​ផូង​គៃ​មា​អ៝ន់​ឞូ​ឆៃ។ លាស​ជាន​កើត​នៃ ខាន់​អៃ​មៃ​មោ​គែស​អោស​នទើ​ងខោម​តាៈ​ឞើស​កោរាញ​ឞ្រាស​ឞឹ​ខាន់​អៃ​មៃ​អី​គុ​តា​កាលើ​ត្រោក​រី។
MAT 6:2 នោក​ខាន់​អៃ​មៃ​អ៝ន់​នទើ​យោៈ​មា​ផូង​អ៝​អាច លើយ​អោស​មឞើស​មា​ទឹង​លែៈ​ឞូនុយ្ស​មា​នទើ​ខាន់​អៃ​មៃ​ជាន​អី​នៃ​តឹម​ឞាន​មា​ផូង​អី​ញហើ​នាវ​អ្វែស​អ៝ន់​ឞូ​ឆៃ​តា​កាលើ​នតោ​ទើម​វៃ​ជាន​តា​ញីស​រាបុន​ផូង​ឞ៝ន់ មោ​លាស​រ៝ៈ​ត្រ៝ង គៃ​មា​អ៝ន់​ឞូ​រានេ។ គ៝ប់​លាស​នហេល​នានេៈ​ងាន់​មា​ខាន់​អៃ​មៃ ផូង​អី​ញហើ​នាវ​អ្វែស​អ៝ន់​ឞូ​ឆៃ​តា​កាលើ​នតោ​ទើម​អី​នៃ​លែៈ​គែស​ឞូ​រានេ​ខាន់​ពាង់​ជេស កោរាញ​ឞ្រាស​មោ​ហោម​អោស​អ៝ន់​នទើ​អ្វែស​មា​ខាន់​ពាង់​ជឹត។
MAT 6:3 យើន​មា​នោក​ខាន់​អៃ​មៃ​អ៝ន់​នទើ​យោៈ អ៝ន់​ខាន់​អៃ​មៃ​ជាន​នតុង​មពោន​ហ៝ៈ តឹម​ឞាន​មា​លើយ​អ៝ន់​តី​ឞើស​ច្យៅ​គឹត​អី​តី​ឞើស​មា​ជាន ជេសរី​កោរាញ​ឞ្រាស​ឞឹ​ខាន់​អៃ​មៃ​អី​ឆៃ​ទឹង​លែៈ​នទើ​អី​ឞូ​ជាន​នតុង​មពោន​ដ៝ង់ តៃ​ពាង់​ងខោម​មា​ខាន់​អៃ​មៃ”។
MAT 6:5 “នោក​ខាន់​អៃ​មៃ​មឞើស​ឆើម លើយ​អោស​ជាន​តឹម​ឞាន​មា​ផូង​អី​ញហើ​នាវ​អ្វែស​អ៝ន់​ឞូ​ឆៃ​តា​កាលើ​នតោ​ទើម​វៃ​ទ៝ក់​មឞើស​ឆើម​តា​ត្រោម​ញីស​រាបុន​ផូង​ឞ៝ន់ នទ្រែល​មា​តា​មែង​ត្រ៝ង គៃ​មា​ឞូ​ឆៃ។ គ៝ប់​លាស​នហេល​នានេៈ​ងាន់​មា​ខាន់​អៃ​មៃ ផូង​អី​នៃ​លែៈ​គែស​ជេស​នទើ​ងខោម​មា​ខាន់​ពាង់។
MAT 6:6 យើន​មា​ខាន់​អៃ​មៃ នោក​មឞើស​ឆើម អ៝ន់​ខាន់​អៃ​មៃ​លាប់​តា​ត្រោម​ជ្រោ​នតឹល​មពោង​អ៝ន់​ន៝ប់ ជេសរី​មឞើស​ឆើម​ទាន់​មា​កោរាញ​ឞ្រាស​ឞឹ​ខាន់​អៃ​មៃ​អី​ឞូនុយ្ស​មោ​ឞ្លាវ​ឆៃ។ លាស​នទ្រី​កោរាញ​ឞ្រាស​ឞឹ​ខាន់​អៃ​មៃ​អី​ឆៃ​ទឹង​លែៈ​នទើ​អី​គែស​តា​នតុក​នទ៝ប់​ដ៝ង់ តៃ​ពាង់​ងខោម​មា​ខាន់​អៃ​មៃ។
MAT 6:7 នោក​ខាន់​អៃ​មៃ​មឞើស​ឆើម លើយ​លាស​ជ៝ង​រាហេង​កើត​ផូង​អី​មោ​គឹត​នាល់​នាវ​កោរាញ​ឞ្រាស នាវ​អី​នៃ​មោ​គែស​អោស​ខ្លៃ។ ខាន់​ពាង់​មឹន​លាស​កោរាញ​ឞ្រាស​អ្យាត់​ខាន់​ពាង់​តាៈ​ឞើស​នាវ​ងើយ​អ៝ក់។
MAT 6:8 លាស​នទ្រី​ខាន់​អៃ​មៃ​លើយ​អោស​ជាន​កើត​ខាន់​ពាង់​អី​នៃ យ៝រ​លាស​កោរាញ​ឞ្រាស​ឞឹ​ខាន់​អៃ​មៃ​លែៈ​អើម​គឹត​ល៝រ​ម៝ស​នទើ​ខាន់​អៃ​មៃ​អុច​ទាន់​តាៈ​ឞើស​ពាង់។
MAT 6:9 លាស​នទ្រី​អ៝ន់​ខាន់​អៃ​មៃ​មឞើស​ឆើម​កើត​នអា៖ «អើ​កោរាញ​ឞ្រាស​ឞឹ​ហេន​គុ​តា​កាលើ​ត្រោក‌ អ៝ន់​ទឹង​លែៈ​ឞូនុយ្ស​យើក​មឞាស​មា​មៃ។
MAT 6:10 អ៝ន់​នាវ​មៃ​ម៝ត់​អ្វាញ់​គើញ​ត៝ត់។ ទាន់​ទឹង​លែៈ​នាវ​តា​នែស​នតូ​អ្យា​តឹង​នាវ​មៃ​អុច‌ តឹម​ឞាន​មា​ទឹង​លែៈ​នាវ​តា​កាលើ​ត្រោក​លែៈ​តឹង​នាវ​មៃ​អុច។
MAT 6:11 អ៝ន់​នទើ​ឆោង​ឆា​មា​ហេន​នារ​អ្យា​អ៝ន់​ត៝ង់។
MAT 6:12 យោៈ​នអាច​លើយ​ហោម​កើប​នាវ​តីស​ហេន‌ តឹម​ឞាន​មា​ហេន​យោៈ​នអាច​មា​ឞូនុយ្ស​ជាន​តីស​មា​ហេន មោ​ហោម​កើប​នាវ​តីស​ពាង់​ដ៝ង់។
MAT 6:13 កើល​ហេន​លើយ​អោស​ជាន​តីស នោក​ហេន​គែស​នាវ​នទើម។ ទាន់​រាក្លាយ្ស​ហេន​ឞើស​នាវ​អ្យើស​មហឹក។ [មៃ​ជេង​កាដាច់ មៃ​គែស​នាវ​ឞ្រាស នទ្រែល​មា​គែស​នាវ​ច្រេក​លើប​បាបើ​នហ៝​រ៝។ អើ​អ៝ន់​គែស​កើត​នអា​ងាន់​រ៝។]»
MAT 6:14 លាស​ខាន់​អៃ​មៃ​យោៈ​ឞូ​មោ​កើប​នាវ​តីស​អី​ឞូ​ជាន​មា​ខាន់​អៃ​មៃ កោរាញ​ឞ្រាស​ឞឹ​ខាន់​អៃ​មៃ​តា​កាលើ​ត្រោក​យោៈ​ខាន់​អៃ​មៃ​មោ​ហោម​កើប​ដ៝ង់​នាវ​តីស។
MAT 6:15 តីស​មា​លាស​ខាន់​អៃ​មៃ​មោ​គែស​នាវ​យោៈ ហោម​កើប​នាវ​តីស​ឞូ កោរាញ​ឞ្រាស​ឞឹ​ខាន់​អៃ​មៃ​អី​គុ​តា​កាលើ​ត្រោក​មោ​យោៈ​ដ៝ង់​ហោម​កើប​នាវ​តីស​មា​ខាន់​អៃ​មៃ”។
MAT 6:16 “នោក​ខាន់​អៃ​មៃ​អ៝ត់​ឆោង​គៃ​មា​មឞើស​ឆើម លើយ​អោស​ជាន​មុស​មាត់​រាង៝ត​តឹម​ឞាន​មា​ផូង​អី​ញហើ​នាវ​អ្វែស​អ៝ន់​ឞូ​ឆៃ​តា​កាលើ​នតោ​ទើម។ ខាន់​ពាង់​ជាន​កើត​នៃ គៃ​មា​អ៝ន់​ឞូ​គឹត​លាស​ខាន់​ពាង់​អ៝ត់​ឆោង។ គ៝ប់​លាស​នហេល​នានេៈ​ងាន់​មា​ខាន់​អៃ​មៃ ផូង​អី​នៃ​លែៈ​គែស​ជេស​នទើ​ងខោម​មា​ខាន់​ពាង់។
MAT 6:17 យើន​មា​ខាន់​អៃ​មៃ នោក​ខាន់​អៃ​មៃ​អ៝ត់​ឆោង អ៝ន់​ខាន់​អៃ​មៃ​កឹត​ឆ៝ក់ ជេសរី​រាពោស​មុស​មាត់‌
MAT 6:18 គៃ​មា​លើយ​អ៝ន់​ឞូ​ឆៃ​ខាន់​អៃ​មៃ​អ៝ត់​ឆោង។ អ៝ន់​កោរាញ​ឞ្រាស​ឞឹ​ខាន់​អៃ​មៃ​អី​ឞូនុយ្ស​មោ​ឞ្លាវ​ឆៃ​ទើម​ហ៝ៈ​ឆៃ លាស​នទ្រី​កោរាញ​ឞ្រាស​ឞឹ​ខាន់​អៃ​មៃ​អី​ឆៃ​ទឹង​លែៈ​នទើ​អី​គែស​តា​នតុក​នទ៝ប់​ដ៝ង់ តៃ​ពាង់​ងខោម​មា​ខាន់​អៃ​មៃ”។
MAT 6:19 “លើយ​អោស​រាបុន​ទ្រាប់​នទើ​ព្រាប់​មា​ឆាក់​ខាន់​អៃ​មៃ​នើម​តា​នែស​នតូ​អ្យា ជេង​នតុក​អាច់​គាម់​ឆា នទ្រែល​មា​តាប់ទឹរ​គ្រាច់ ជេសរី​គែស​ឞូនុយ្ស​នតុង​ហាន់​លោក​មពីរ​គៃ​មា​នតុង។
MAT 6:20 អ៝ន់​ខាន់​អៃ​មៃ​រាបុន​ទ្រាប់​នទើ​ព្រាប់​មា​ឆាក់​ខាន់​អៃ​មៃ​នើម​តា​នតុក​កោរាញ​ឞ្រាស​តា​កាលើ​ត្រោក​រី​ហ៝ៈ ជេង​នតុក​មោ​គែស​អាច់​គាម់​ឆា នទ្រែល​មា​មោ​គែស​តាប់ទឹរ​គ្រាច់ មោ​គែស​ដ៝ង់​ឞូនុយ្ស​នតុង​ហាន់​លោក​មពីរ​មា​នតុង។
MAT 6:21 ញជ្រាង់​ហ៝ម់ នទើ​អី​ខាន់​អៃ​មៃ​នត្រ៝ង់​ខ្លៃ​រាលាវ​ឞូ ជេង​នទើ​អី​ខាន់​អៃ​មៃ​មឹន​រាវៃ​រាលាវ​ឞូ​ដ៝ង់”។
MAT 6:22 “ត្រោម​មាត់​ជេង​តឹម​ឞាន​មា​ឆាគេង​មា​ឆាក់​ជាន់ លាស​ត្រោម​មាត់​ខាន់​អៃ​មៃ​ហោម​អាង​អ្វែស លែៈ​ឆាក់​ជាន់​ខាន់​អៃ​មៃ​ហោម​អាង​ទាទេ។
MAT 6:23 យើន​មា​លាស​មាត់​ខាន់​អៃ​មៃ​លែៈ​ង៝ ទឹង​លែៈ​ឆាក់​ជាន់​ខាន់​អៃ​មៃ​ង៝​ទាទេ​ដ៝ង់។ លាស​នាវ​អាង​តា​ឆាក់​ខាន់​អៃ​មៃ​លែៈ​ង៝ លាស​នទ្រី​នាវ​ង៝​អី​នៃ​លែៈ​ហោ​ងាន់”។
MAT 6:24 “មោ​គែស​អោស​ទូ​ហ្វេ​ឞូនុយ្ស​ឞ្លាវ​ជាន​ការ​អ៝ន់​មា​ឞារ​ហៃ​កោរាញ យ៝រ​លាស​ពាង់​មរា​រ៝ង់​មា​ទូ​ហ្វេ​កោរាញ ជេសរី​ឞ្យាញ់​មា​ទូ​ហ្វេ​កោរាញ មោ​លាស​តឹង​ជឹត​ទូ​ហ្វេ មឺច​អី​ទូ​ហ្វេ​រី។ កើត​នទ្រី​ខាន់​អៃ​មៃ​មោ​ទើយ​អោស​គៃ​គែស​នាវ​រេស​នហ៝​រ៝​តា​កោរាញ​ឞ្រាស គៃ​គែស​នអ៝ប់​មា​ទ្រាប់​នទើ​តា​នែស​នតូ​ដ៝ង់។
MAT 6:25 កើត​នទ្រី​ទឹង​គ៝ប់​មឞើស​ខាន់​អៃ​មៃ លើយ​រាវៃ​អោស​មា​នទើ​ឆោង​ឆា​មា​នទើ​ញេត​មា​ឆ្យាម់​នាវ​រេស មោ​លាស​ឞ៝ក​អាវ​មា​ញឆ៝ស​ងគូត​ឆាក់​ជាន់​ខាន់​អៃ​មៃ។ គែស​នទើ​អេង​ជឹត​តា​នាវ​រេស​អី​គែស​នាវ​ខ្លៃ​រាលាវ​មា​នទើ​ឆោង​ឆា គែស​នទើ​អេង​ជឹត​មា​ឞូនុយ្ស​អី​គែស​នាវ​ខ្លៃ​រាលាវ​មា​ឞ៝ក​អាវ​មា​ញឆ៝ស។
MAT 6:26 ល៝ង់​អ្វាញ់​ឆ្យុម​មពារ់​កាលើ​ត្រោក ពាង់​មោ​គែស​អោស​តូច​តាម់ មោ​គែស​អោស​កាច់​រ៝យ្ស មោ​គែស​តោស​ឞា​តា​ត្រោម​ជៃ​ដ៝ង់ យើន​មា​កោរាញ​ឞ្រាស​ឞឹ​ខាន់​អៃ​មៃ​តា​កាលើ​ត្រោក​ម៝ត់​ឆ្យាម់​ខាន់​ពាង់​ដ៝ង់។ លាស​នទ្រី​អាស​ខាន់​អៃ​មៃ​អើម​មោ​លាស​ខ្លៃ​រាលាវ​មា​ឆ្យុម​មពារ់​អី​នៃ​ជឹត​បាស?
MAT 6:27 តា​មពោល​ខាន់​អៃ​មៃ​អី​នៃ ឞ៝ល​លាស​ខ៝ម់​រាវៃ​ទុត​ហោ​កាដោយ​លែៈ ក៝ៈ​មោ​គែស​ឞូនុយ្ស​មា​ទើយ​នត៝ប​នាវ​រេស​ពាង់​នើម​អ៝ន់​ជ៝ង​អោស ដេៈ​ក៝ៈ​មោ​ទើយ​ដ៝ង់។
MAT 6:28 មើម​ទឹង​ខាន់​អៃ​មៃ​រាវៃ​មា​នទើ​ញឆ៝ស​ងគូត? ល៝ង់​ខាន់​អៃ​មៃ​អ្វាញ់​កាវ​ឆី​ហ៝ន​អេង​តា​ឞ្រី ពាង់​មោ​អោស​រាអាស​មោ​អោស​រាគាញ់​ជាន​ការ មោ​លាស​រូយ​តាញ​គៃ​មា​អ្វែស​អ្វាញ់។
MAT 6:29 គ៝ប់​មឞើស​មា​ខាន់​អៃ​មៃ ឞ៝ល​លាស​កាដាច់​ឆាលោមោន ​កាល់​អែ​នើស នោក​ពាង់​ងក្រឹ​ឆាក់​ជាន់​ឆ៝ស​ងគូត​ខ៝​អាវ​ខ្លៃ​អ្វែស ក៝ៈ​មោ​ទើយ​ឞាន​អ្វែស​កាវ​ឆី​ទូ​ងក៝ង​អ្យា​ដ៝ង់។
MAT 6:30 ហើយ​ឞូនុយ្ស​គែស​នាវ​ញឆីង​ដេៈ​ទើម លាស​កោរាញ​ឞ្រាស​អ៝ន់​ជេស​មា​កាវ​ឆី​អី​នៃ​អ្វែស​ងាន់​អ្វាញ់ នារ​អ្យា​ពាង់​ទាង នារ​អោយ​តៃ​ឞូ​ឆូ​លើយ​ពាង់​មា​អុញ លាស​នទ្រី​លើ​រាលាវ​មា​នៃ​ដ៝ង់​បាស​កោរាញ​ឞ្រាស​នទ្រាប់​ខ៝​អាវ​អ៝ន់​មា​ខាន់​អៃ​មៃ?
MAT 6:31 លាស​នទ្រី​ខាន់​អៃ​មៃ​លើយ​រាវៃ​អោស​មា​នទើ​ឆោង​ឆា មា​នទើ​ញេត មោ​លាស​មា​នទើ​ញឆ៝ស​ងគូត។
MAT 6:32 គែស​ផូង​អី​មោ​គឹត​នាល់​កោរាញ​ឞ្រាស​ខ៝ម់​ញឆ្រោយ្ស​ជ៝យ​ទឹង​លែៈ​នទើ​អី​នៃ។ ល៝ង់​អី​ខាន់​អៃ​មៃ​នៃ​កោរាញ​ឞ្រាស​ឞឹ​ខាន់​អៃ​មៃ​នើម​តា​កាលើ​ត្រោក​រី លែៈ​ពាង់​គឹត​ទាទេ​ជេស​ម៝ស​នទើ​អី​ខាន់​អៃ​មៃ​អេ​ហ៝ៈ​ត៝ង់។
MAT 6:33 លាស​នទ្រី​ញឆ្រោយ្ស​ជ៝យ នទ្រែល​មា​អ្យាត់​លែៈ​នទើ​អី​ឆ៝ង់​តា​នាប់​មាត់​កោរាញ​ឞ្រាស​ល៝រ រី​មើ​ពាង់​អ៝ន់​នត៝ប​ទឹង​លែៈ​នទើ​អី​នៃ​មា​ខាន់​អៃ​មៃ​ដ៝ង់។
MAT 6:34 ខាន់​អៃ​មៃ​លើយ​អោស​រាវៃ​មា​នារ​អោយ​តៃ យ៝រ​លាស​នារ​អោយ​តៃ​មរា​គែស​នាវ​រាវៃ​មា​នារ​អី​នៃ។ រាវៃ​មា​នាវ​ជេរ​តា​នារ​អ្យា​លែៈ​គាប់​ហើយ្ស”។
MAT 7:1 “ខាន់​អៃ​មៃ​លើយ​អោស​អ្វាញ់​នាវ​តីស​ឞូ គៃ​មា​លើយ​អ៝ន់​កោរាញ​ឞ្រាស​អ្វាញ់​នាវ​តីស​ខាន់​អៃ​មៃ។
MAT 7:2 លាស​ខាន់​អៃ​មៃ​អ្វាញ់​នាវ​តីស​ឞូ កោរាញ​ឞ្រាស​អ្វាញ់​នាវ​តីស​ខាន់​អៃ​មៃ​កើត​នៃ​ដ៝ង់។ កោរាញ​ឞ្រាស​រាញ្វែស​អ៝ន់​មា​ខាន់​អៃ​មៃ តឹង​ខាន់​អៃ​មៃ​រាញ្វែស​អ៝ន់​ឞូ​នៃ​ដ៝ង់។
MAT 7:3 នាវ​តីស​ឞូនុយ្ស​ជេង​តឹម​ឞាន​មា​នទើ​តា​ត្រោម​មាត់។ មើម​ខាន់​អៃ​មៃ​អ្វាញ់​ឆៃ​នទ្រុយ្ស​តា​ត្រោម​មាត់​អ៝ស​នោ​ខាន់​អៃ​មៃ​ទើម តីស​មា​អ្វាញ់​មោ​អោស​ឆៃ​ម៝ង់​រាលាត​តា​ត្រោម​មាត់​ខាន់​អៃ​មៃ​នើម?
MAT 7:4 លាស​គែស​ម៝ង់​រាលាត​តា​ត្រោម​មាត់​ខាន់​អៃ​មៃ​នើម មើម​ទើយ​លាស​មា​អ៝ស​នោ៖ «អ៝ន់​គ៝ប់​ងខែៈ​នទ្រុយ្ស​នៃ»?
MAT 7:5 អើ​ឞូនុយ្ស​មរោស! អ៝ន់​ឆ៝ៈ​រាលាត​តា​ត្រោម​មាត់​ខាន់​អៃ​មៃ​នើម​នៃ​ល៝រ​ប៝ត់ រី​មើ​ឆៃ​នហេល​នទ្រុយ្ស​តា​ត្រោម​មាត់​អ៝ស​នោ ទឹង​ឞ្លាវ​ងខែៈ​នទ្រុយ្ស​នៃ”។
MAT 7:6 “លើយ​អោស​មអារ់​នទើ​ក្ល៝ស​អ្វែស​អ៝ន់​មា​ឆ៝ មោ​ទើយ​មអារ់​អ៝ន់​មា​ឆុរ​ដ៝ង់ ក្លាច​លាស​ពាង់​ជ៝ត​រាប្លាច ជេសរី​រាទោស​ព្លឹ​កាប់​ខាន់​អៃ​មៃ​នើម។ កើត​នទ្រី​ដ៝ង់​អ៝ន់​គឹត​មើម​ទឹង​នតី​នាវ​កោរាញ​ឞ្រាស​អ៝ន់​មា​ឞូនុយ្ស​អី​មោ​អុច​អ្យាត់”។
MAT 7:7 “ទាន់​មរ៝​មរាង់​ហ៝ម់​មា​កោរាញ​ឞ្រាស​ទឹង​ពាង់​អ៝ន់​មា​ខាន់​អៃ​មៃ។ ជ៝យ​មរ៝​មរាង់​ហ៝ម់​ទឹង​ឆៃ។ ក្វាល់ ​មរ៝​មរាង់​ហ៝ម់​ឞើស​ទីស​មពោង​ទឹង​កោរាញ​ឞ្រាស​ពើក​អ៝ន់​មា​ខាន់​អៃ​មៃ​រ៝។
MAT 7:8 យ៝រ​លាស​ឞូ​ម៝ស​ទាន់ មរា​គែស ឞូ​ម៝ស​ជ៝យ​មរា​ឆៃ ជេសរី​ឞូ​ម៝ស​អី​ក្វាល់​ឞើស​ទីស​មពោង មរា​ពើក​អ៝ន់​មា​ពាង់។
MAT 7:9 តា​មពោល​ខាន់​អៃ​មៃ​វៃ​គែស​ដ៝ង់ លាស​ក៝ន​ទាន់​ព្យាង់​អ៝ន់​ងខើង​លុ​មា​ពាង់​ច្រាវ?
MAT 7:10 លាស​ក៝ន​ទាន់​កា ឞឹ​ពាង់​អ៝ន់​ងខើង​ឞេស​គែស​កាច់​មា​ពាង់​ច្រាវ​ឞើស?
MAT 7:11 ឞ៝ល​លាស​ខាន់​អៃ​មៃ​ជេង​ឞូនុយ្ស​តីស​កាដោយ ខាន់​អៃ​មៃ​ហោម​ឞ្លាវ​អ៝ន់​នទើ​អ្វែស​មា​ក៝ន​ខាន់​អៃ​មៃ​ដ៝ង់។ លាស​នទ្រី​កោរាញ​ឞ្រាស​ឞឹ​ខាន់​អៃ​មៃ​អី​គុ​តា​កាលើ​ត្រោក​រាលាវ​ឞើស​នៃ​អ៝ន់​នទើ​អ្វែស​មា​ឞូ​ម៝ស​ទាន់​ឞើស​ពាង់”។
MAT 7:12 “តា​អាប់​នតីល​នទើ ម៝ស​នាវ​អុច​អ៝ន់​ឞូ​ជាន​មា​ខាន់​អៃ​មៃ អ៝ន់​ខាន់​អៃ​មៃ​ជាន​មា​ឞូ​ល៝រ។ នាវ​អី​នៃ​ជេង​តឹម​ទី​ដាស​នាវ​វៃ នទ្រែល​មា​នាវ​ឞូនុយ្ស​នតើយ្ស​នាវ​ងើយ​កោរាញ​ឞ្រាស​លែៈ​ញចីស។
MAT 7:13 អ៝ន់​ខាន់​អៃ​មៃ​លាប់​រ៝ៈ​មពោង​មពេរ​ហ្វេត យ៝រ​លាស​មពោង​មពេរ​អី​ហាន់​តា​នាវ​រ៝ស​ហេង​ហ្វី នទ្រែល​មា​ត្រ៝ង​អី​ញជុន​តា​នាវ​រ៝ស​ហេង​ទើស​ងាន់​មា​ហាន់ គែស​អ៝ក់​ឞូនុយ្ស​លាប់​រ៝ៈ​មពោង​មពេរ​អី​នៃ។
MAT 7:14 យើន​មា​មពោង​មពេរ​អី​ហាន់​តា​នាវ​រេស​នហ៝​រ៝​ហ្វេត នទ្រែល​មា​ត្រ៝ង​អី​ញជុន​តា​នាវ​រេស​នហ៝​រ៝​ជេរ​មា​ហាន់ គែស​ដេៈ​ទើម​ឞូនុយ្ស​ជ៝យ​ឆៃ​ត្រ៝ង​អី​នៃ”។
MAT 7:15 “អ៝ន់​ខាន់​អៃ​មៃ​ញជ្រាង់​ហ៝ម់​មា​ឞូនុយ្ស​នតើយ្ស​ងក្លាៈ​នាវ​ងើយ​កោរាញ​ឞ្រាស។ ខាន់​ពាង់​វាច់​អា​ខាន់​អៃ​មៃ​មលែស អ្វាញ់​តឹម​ឞាន​មា​ឞែ​ឞ្យាប់ យើន​មា​តា​ត្រោម​នូយ្ស​នហ៝ម់​ខាន់​ពាង់​រី​ជាញ​តឹម​ឞាន​មា​ឆ៝​ឞ្រី​ងាន់។
MAT 7:16 ខាន់​អៃ​មៃ​គឹត​នាល់​ខាន់​ពាង់​តាៈ​ឞើស​នទើ​ខាន់​ពាង់​ជាន តឹម​ឞាន​មា​ឞូ​គឹត​នាល់​តើម​ឆី​តាៈ​ឞើស​ព្លៃ​ពាង់។ ឞូ​មោ​ព្រ៝ត​អោស​ពែៈ​ព្លៃ​យុងយារ​ប៝ន មោ​លាស​ពែៈ​ព្លៃ​រាវី ​តាៈ​ឞើស​ពុម​ល៝ក​ដ៝ង់។
MAT 7:17 លាស​នទ្រី​ទឹង​លែៈ​តើម​ឆី​អ្វែស ព្លៃ​ពាង់​អ្វែស យើន​មា​តើម​ឆី​អ្យើស ព្លៃ​ពាង់​អ្យើស​ដ៝ង់។
MAT 7:18 មោ​ព្រ៝ត​គែស​អោស​លាស​តើម​អ្វែស​អី​ព្លៃ​អ្យើស តើម​អ្យើស​អី​ព្លៃ​អ្វែស។
MAT 7:19 ទឹង​លែៈ​តើម​ឆី​ព្លៃ​មោ​អ្វែស ឞូ​កាល់​ពូរ​លើយ​តា​អុញ។
MAT 7:20 លាស​នទ្រី​ទឹង​ខាន់​អៃ​មៃ​ទើយ​គឹត​នាល់​ឞូនុយ្ស​នតើយ្ស​ងក្លាៈ យ៝រ​មា​ឆៃ​នទើ​ពាង់​ជាន”។
MAT 7:21 “ឞូនុយ្ស​ទើយ​លាប់​តា​នាវ​កោរាញ​ឞ្រាស​ម៝ត់​អ្វាញ់ មោ​ទើន​ក្វាល់​គ៝ប់ «អើ​កោរាញ អើ​កោរាញ»​ទើម​អោស។ ពាង់​អី​ជាន​តឹង​កោរាញ​ឞ្រាស​ឞឹ​គ៝ប់​គុ​តា​កាលើ​ត្រោក​អុច ពាង់​អី​នៃ​ទើម​ទើយ​លាប់។
MAT 7:22 តា​នារ​ផាត​ទោយ្ស​ទឹង​លែៈ​ឞូនុយ្ស មរា​គែស​អ៝ក់​ឞូនុយ្ស​លាស​មា​គ៝ប់៖ «អើ​កោរាញ អើ​កោរាញ ហេន​វៃ​នតើយ្ស​នាវ​ងើយ​មៃ ហេន​វៃ​មព្រើស​ឞ្រាស​អ្យើស​មា​រាញា​ឆាក់​មៃ នទ្រែល​មា​អ៝ក់​ងាន់​ហេន​ជាន​នាវ​ខ្លៃ​មា​រាញា​ឆាក់​មៃ»។
MAT 7:23 យើន​មា​តា​នោក​នារ​នៃ​តៃ គ៝ប់​លាស​មា​ឞូនុយ្ស​អី​នៃ៖ «អើ​ផូង​ក្វែ​ផូង​អ្យើស ទូ​ងាយ​ហ៝ម់​ឞើស​គ៝ប់គ៝ប់​មោ​អោស​គឹត​នាល់​ខាន់​អៃ​មៃ»”។
MAT 7:24 “ឞូ​ម៝ស​តាង់​នាវ​គ៝ប់​ងើយ​អ្យា ជេសរី​ជាន​តឹង​កើត ពាង់​អី​នៃ​ជេង​តឹម​ឞាន​មា​ឞូនុយ្ស​ឞ្លាវ​មឹន​ជាន​ជៃ​ពាង់​នើម​តាម់​មែស​កុយ្ស​នតូ​អ៝ន់​ជ្រូ។
MAT 7:25 ឞ៝ល​លាស​គែស​មីស​ក្វ៝ង់ គែស​ទាក​ក្វ៝ង់​រាលាប​ហ៝ច នទ្រែល​មា​គែស​ឆ្យាល​ខោម​អ៝ន់​ងគើ​កាដោយ​ដ៝ង់ ជៃ​អី​នៃ​មោ​អោស​ទើយ​រាល៝ម់ យ៝រ​លាស​មែស​ពាង់​លែៈ​ឞូ​តាម់​អ៝ន់​ន៝ប់។
MAT 7:26 យើន​មា​ឞូ​ម៝ស​លែៈ​តាង់​ជេស​នាវ​គ៝ប់​ងើយ​អ្យា តីស​មា​មោ​អោស​ជាន​តឹង​កើត ពាង់​អី​នៃ​ជេង​តឹម​ឞាន​មា​ឞូនុយ្ស​ម៝ល់​ជាន​ជៃ​ពាង់​នើម​ងគ៝ន់​ទើម​តា​កាលើ​នែស។
MAT 7:27 លាស​គែស​មីស​ក្វ៝ង់ គែស​ទាក​រាលាប​ហ៝ច នទ្រែល​មា​គែស​ឆ្យាល​ខោម​អ៝ន់​ងគើ​កាដោយ​ដ៝ង់ ជៃ​អី​នៃ​រាល៝ម់​អ្យើស​លែៈ​ផ្យៅ​រ៝”។
MAT 7:28 ត៝ត់​មា​លែៈ​ជេស​ឞ្រាស​យេឆូ ​ងើយ​ទឹង​លែៈ​នាវ​អី​នៃ ផូង​ប៝ន​លាន​គុ​អ្យាត់​នទ្រ៝ត់​ហីស​រាហ៝ល់​ងាន់​តាង់​នាវ​ពាង់​នតី​អី​នៃ‌
MAT 7:29 យ៝រ​លាស​នាវ​ពាង់​នតី​នើស​គែស​នាវ​ទើយ​ងាន់ មោ​គែស​អោស​កើត​នើម​នតី​នាវ​វៃ​ផូង​អីឆ្រាអែល ​ខាន់​ពាង់។
MAT 8:1 នោក​ឞ្រាស​យេឆូ ​ជុរ​ឞើស​កាលើ​យោក​នៃ គែស​អ៝ក់​ឞូនុយ្ស​តឹង​ពាង់។
MAT 8:2 តា​នៃ​គែស​ទូ​ហ្វេ​ឞូនុយ្ស​ផុង​ឆា​ច៝ន​កោម៝ក់​តា​នាប់​ឞ្រាស​យេឆូ  ពាង់​លាស៖ “អើ​កោរាញ! គ៝ប់​គឹត​មៃ​ទើយ​ជាន​ឆាក់​គ៝ប់​អ៝ន់​ក្ល៝ស​អ៝ន់​ឞាស​ជី លាស​មៃ​អុច”។
MAT 8:3 ឞ្រាស​យេឆូ ​ពាស​តី​តា​ឆាក់​ពាង់​រី ជេសរី​លាស​មា​ឞូនុយ្ស​ផុង​ឆា​អី​នៃ៖ “អើ គ៝ប់​អុច​ដ៝ង់ ឞាស​ហ៝ម់!” ទូ​ប្ល៝ត់​តា​នៃ​ពាង់​ឞាស​រ៝ មោ​ហោម​ផុង​ឆា​អោស។
MAT 8:4 ជេសរី​ឞ្រាស​យេឆូ ​លាស​មា​ពាង់៖ “មៃ​លើយ​អោស​មឞើស​ងក៝ច​នាវ​អី​អ្យា​អ៝ន់​ឞូ​គឹត អ៝ន់​មៃ​ហាន់​ឞ្រ៝ង់​ញហើ​ឆាក់​មា​ឞូនុយ្ស​ជាន​ឞ្រាស​រី ជេសរី​ញហើរ​នទើ​ជាន​ឞ្រាស​តឹង​នាវ​វៃ​មោឆេ ​ដាៈ​មា​ឞូនុយ្ស​ឞាស​នាវ​ជី​ផុង​ឆា គៃ​មា​ឞូ​គឹត​នហេល​ឆាក់​មៃ​លែៈ​ក្ល៝ស​លែៈ​ឞាស​ងាន់​រ៝”។
MAT 8:5 ត៝ត់​ឞ្រាស​យេឆូ ​ហាន់​លាប់​តា​ប៝ន​កាពើនិម  គែស​ទូ​ហ្វេ​កោរាញ​តាហែន​រោម ​ហាន់​ឞ៝ញ​ពាង់៖
MAT 8:6 “អើ​កោរាញ គែស​ទូ​ហ្វេ​ឞូនុយ្ស​ជាន​ការ​មា​គ៝ប់​ឞិច​រាខ្វែន​តា​គ្រែ​រី ពាង់​ជី​រាវែន​គែស​នាវ​ជេរ​ទុត​ហោ​ងាន់”។
MAT 8:7 ឞ្រាស​យេឆូ ​លាស​មា​ពាង់៖ “ហោៈ​គ៝ប់​ហាន់​ជាន​អ៝ន់​ពាង់​ឞាស”។
MAT 8:8 កោរាញ​តាហែន​អី​នៃ​លាស​មា​ឞ្រាស​យេឆូ ៖ “អើ​កោរាញ មោ​ខាច់​អោស​ជាៈ​លែវ​មៃ​លាប់​តា​ជៃ​គ៝ប់ យ៝រ​លាស​គ៝ប់​មោ​ទី​ផូង​អីឆ្រាអែល  នទ្រី​ទឹង​មោ​អោស​ទី លាស​គ៝ប់​ជាៈ​មៃ​លាប់​តា​ជៃ​គ៝ប់ ទាន់​មៃ​លាស​ទូ​ត៝ង​ឞើស​នៃ​ទើម ឞូនុយ្ស​ជាន​ការ​មា​គ៝ប់​ឞាស​ជី​រ៝។
MAT 8:9 គ៝ប់​គុ​តា​ន៝ម់​ឞូ យើន​មា​គែស​អ៝ក់​ក៝ន​តាហែន​គុ​តា​ន៝ម់​គ៝ប់​ដ៝ង់។ លាស​គ៝ប់​ដាៈ​ទូ​ហ្វេ​ហាន់ ពាង់​ហាន់​រ៝ លាស​ដាៈ​ឞូនុយ្ស​អា​អេង​វាច់ ពាង់​វាច់​រ៝។ លាស​គ៝ប់​ដាៈ​ទឹក​គ៝ប់​ជាន​នទើ​ទូ​នតីល ពាង់​ជាន​រ៝។ លាស​នទ្រី​គ៝ប់​គឹត​លាស​មៃ​ងើយ​គែស​នាវ​ទើយ​កើត​នៃ​ដ៝ង់”។
MAT 8:10 ត៝ត់​មា​ឞ្រាស​យេឆូ ​លែៈ​តាង់​នាវ​នៃ តា​នូយ្ស​នហ៝ម់​ពាង់​រី​នទ្រ៝ត់​ហីស​រាហ៝ល់​ងាន់ ពាង់​លាស​មា​ផូង​តឹង​ពាង់៖ “គ៝ប់​លាស​នហេល​នានេៈ​ងាន់​មា​ខាន់​អៃ​មៃ តា​ផូង​អីឆ្រាអែល ​អី​កើប​អេង​ឆាក់​ខាន់​ពាង់​នើម​លាស​លែៈ​គឹត​នាល់​កោរាញ​ឞ្រាស អេ​ហ៝ៈ​ឆៃ​គែស​ទូ​ហ្វេ​គែស​នាវ​ញឆីង​កើត​ពាង់​អី​នៃ​ដ៝ង់។
MAT 8:11 គ៝ប់​មឞើស​មា​ខាន់​អៃ​មៃ មរា​គែស​អ៝ក់​ឞូនុយ្ស​តាៈ​ឞើស​លោស​នារ នទ្រែល​មា​តាៈ​ឞើស​ញ៝ប់​នារ ខាន់​ពាង់​អី​មោ​អោស​ទី​ផូង​អីឆ្រាអែល  តា​នាវ​កោរាញ​ឞ្រាស​ម៝ត់​អ្វាញ់ វាច់​គូម​ឆោង​ឆា​នទ្រែល​អាឞ្រាហាម់ អីឆាក់  នទ្រែល​មា​យាកោប ​អី​ចែ​ផូង​ឞ៝ន់។
MAT 8:12 យើន​មា​ផូង​អីឆ្រាអែល ​អី​អើម​ទី​លាប់​តា​នាវ​កោរាញ​ឞ្រាស​ម៝ត់​អ្វាញ់ គែស​អ៝ក់​ឞូ​មអារ់​លើយ​ខាន់​ពាង់​ឞើស​ទីស​តា​នតុក​ង៝ តា​នតុក​នៃ​គែស​នាវ​ញហ្យាង់​ញុម នទ្រែល​មា​រាច្យាត់​ឆេក”។
MAT 8:13 ជេសរី​ឞ្រាស​យេឆូ ​លាស​មា​កោរាញ​តាហែន​រោម ​អី​នៃ៖ “មៃ​ហាន់​ឆឹត​ទោ អ៝ន់​គែស​កើត​នាវ​ញឆីង​មៃ​នៃ​ងាន់”។ ឞូនុយ្ស​ជាន​ការ​មា​ពាង់​ឞាស​នាវ​ជី​ម៝ង​នៃ​រ៝។
MAT 8:14 ជេសរី​ឞ្រាស​យេឆូ ​ហាន់​លាប់​តា​ជៃ​ពេត្រោស ពាង់​ឆៃ​មេៈ​ព៝​ពេត្រោស ​ជី​ក៝ប​ឞិច​តា​គ្រែ​រី។
MAT 8:15 ឞ្រាស​យេឆូ ​ពាស​តា​តី​ពាង់ ពាង់​ឞាស​រ៝ ជេសរី​ពាង់​ជាន​ព្យាង់​ត្រាវ​មា​ឞ្រាស​យេឆូ ។
MAT 8:16 ត៝ត់​ឞ្រី​កេង​មាង់​ឞូ​ញជុន​ឞូនុយ្ស​ឞ្រាស​អ្យើស​លាប់​អ៝ក់​ហាន់​អា​ឞ្រាស​យេឆូ ។ ពាង់​មព្រើស​ឞ្រាស​អ្យើស​អី​នៃ​មា​នាវ​ពាង់​ងើយ នទ្រែល​មា​ជាន​ឞាស​ឞូនុយ្ស​ជី​ក្វែត​អ៝ន់​ឞាស​ទាទេ​ដ៝ង់។
MAT 8:17 ពាង់​ជាន​កើត​នៃ គៃ​មា​តឹម​ទី​ដាស​នាវ​អេឆាយ ​អី​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស​លែៈ​ញចីស​ជេស៖ «ពាង់​អី​នៃ​លែៈ​ឆ៝ៈ​ទើន​ទឹង​លែៈ​នាវ​ក្វែត​រាវែន​ឞ៝ន់​តា​ពាង់​នើម នាវ​ជី​ឞ៝ន់​ពាង់​តូយ​ដ៝ង់»។
MAT 8:18 ត៝ត់​ឞ្រាស​យេឆូ ​ឆៃ​ឞូ​គុ​ជុម​ពាង់​អ៝ក់​ង៝​ងាន់ ពាង់​ដាៈ​មពោល​អ៝ស​ម៝ន​គៃ​មា​ញច៝​ទូក​ហាន់​កាល់​តី​ទាក​ងលៅ​ក្វ៝ង់​កាលីលេ ។
MAT 8:19 នោក​នៃ​គែស​ទូ​ហ្វេ​នើម​នតី​នាវ​វៃ​ផូង​អីឆ្រាអែល ​លាស​មា​ឞ្រាស​យេឆូ ៖ “អើ​កោរាញ អាស​នតុក​មៃ​ហាន់ គ៝ប់​ហាន់​តឹង​មៃ​ដ៝ង់”។
MAT 8:20 ឞ្រាស​យេឆូ ​លាស​មា​ពាង់៖ “ល៝ង់​ឆ្រ៝ត​គែស​ត្រោម​នតុក​ពាង់​គុ ឆ្យុម​នារ​គែស​រាឆ្វាន់​ដ៝ង់ តីស​មា​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​មោ​គែស​អោស​នតុក​គ៝ប់​នើម​ងាន់​មា​ទ៝ម់​ឞោក”។
MAT 8:21 គែស​ទូ​ហ្វេ​តា​មពោល​អ៝ស​ម៝ន​ឞ្រាស​យេឆូ ​លាស​មា​ពាង់៖ “អើ​កោរាញ អ៝ន់​គ៝ប់​ក៝ប់​ឞឹ​គ៝ប់​ខឹត នទ្រែល​មា​ត៝ប់​ពាង់​ប៝ត់”។
MAT 8:22 ឞ្រាស​យេឆូ ​លាស​មា​ពាង់៖ “ហាន់​តឹង​គ៝ប់​អាបៃ​រី​ហ៝ម់។ ឞូនុយ្ស​មោ​អ្យាត់​នាវ​គ៝ប់​តឹម​ឞាន​មា​ឞូនុយ្ស​លែៈ​ខឹត អ៝ន់​ខាន់​ពាង់​តឹម​ត៝ប់​អេង​នទ្រាង់​ខាន់​ពាង់​នើម”។
MAT 8:23 ជេសរី​ឞ្រាស​យេឆូ ​ជុរ​ញច៝​ទូក ផូង​អ៝ស​ម៝ន​ពាង់​ញច៝​នទ្រែល​ពាង់​ដ៝ង់។
MAT 8:24 ទោ​មា​គែស​ឆ្យាល​ផុត​ទុត​ហោ​ត៝ត់​មា​ទាក​រាឞុស​លាប់​តា​ត្រោម​ទូក​រី។ យើន​មា​ឞ្រាស​យេឆូ ​លែៈ​ហាក់​ឞិច។
MAT 8:25 ផូង​អ៝ស​ម៝ន​រាលៃ​ពាង់៖ “អើ​កោរាញ! កើល​រាក្លាយ្ស​ហ៝ម់​ហេន ខឹត​រ៝​ឞ៝ន់​មេ!”
MAT 8:26 ឞ្រាស​យេឆូ ​លាស​មា​ខាន់​ពាង់៖ “អើ​ផូង​គែស​នាវ​ញឆីង​ដេៈ​ទើម ម៝ស​នាវ​ខាន់​មៃ​ក្លាច​ហោ​អីរ?” ឞ្រាស​យេឆូ ​ទ៝ក់ ពាង់​ឞ្វៃ​ឆ្យាល​ផុត នទ្រែល​មា​ទាក ទាក​ញច៝ច់​រាឞុស​រាង៝ន់​ញជុប​រ៝។
MAT 8:27 នោក​នៃ​ផូង​អ៝ស​ម៝ន​នទ្រ៝ត់​ហីស​រាហ៝ល់ ខាន់​ពាង់​តឹម​លាស៖ “ហៃ ឞូ​ម៝ស​ពាង់​អី​នៃ​ហ្យាស ទឹង​គែស​មា​ឆ្យាល​ផុត នទ្រែល​មា​ទាក​ញច៝ច់​អ្យាត់​ពាង់?”
MAT 8:28 នោក​ឞ្រាស​យេឆូ  នទ្រែល​មា​ផូង​អ៝ស​ម៝ន​ពាង់​ត៝ត់​កាល់​តី​ទាក​ងលៅ​ក្វ៝ង់​កាលីលេ ​តា​ឞ្រី​កេរាឆីន  នតុក​ប៝ន​អី​នៃ​ឞូ​មោ​អោស​តឹង​នាវ​វៃ​ផូង​អីឆ្រាអែល  តា​នៃ​គែស​ឞារ​ហៃ​ឞូ​ក្លោ​ឞ្រាស​អ្យើស​លាប់។ ខាន់​ពាង់​លោស​ឞើស​នតុក​មោច​រី ហាន់​រាន​អា​ឞ្រាស​យេឆូ ។ ឞារ​ហៃ​ឞូ​ក្លោ​អី​នៃ​ជាញៗ​ងាន់ កើត​នទ្រី​ទឹង​ឞូ​មោ​ឞាញ់​ហាន់​រ៝ៈ​នៃ។
MAT 8:29 ឞារ​ហៃ​ឞូ​ក្លោ​អី​នៃ​នតែរ​លាស​ឞ្រាស​យេឆូ ៖ “អើ​ក៝ន​កោរាញ​ឞ្រាស ម៝ស​គែស​នាវ​មៃ​មា​ហេន​ហាៈ? មៃ​ហាន់​តា​អ្យា​គៃ​មា​អុច​ងក្រីត​ហេន​អេ​ល៝រ​មា​ត៝ត់​ទី​នារ​កោរាញ​ឞ្រាស​លែៈ​នទ្រាប់​ឞើស?”
MAT 8:30 ងាយ​អ៝យ​ដាស​មពោល​ខាន់​ពាង់​អី​នៃ គែស​ឆុរ​ផូង​គុ​ឆា​មពា​តា​រី។
MAT 8:31 ផូង​ឞ្រាស​អ្យើស​អី​នៃ​ឞ៝ញ​ឞ្រាស​យេឆូ ៖ “អើ​កោរាញ លាស​មៃ​មព្រើស​ហេន ទាន់​មៃ​ញជ្វាល់​ហេន​លាប់​តា​ឆុរ​ផូង​អី​នៃ​អើ”។
MAT 8:32 ឞ្រាស​យេឆូ ​លាស៖ “ហាន់​ហ៝ម់!” ជេសរី​ផូង​ឞ្រាស​អ្យើស​លោស​ឞើស​ឞារ​ហៃ​ឞូ​ក្លោ​អី​នៃ​លាប់​តា​ឆុរ​រី។ ល៝ង់​ឆុរ​ផូង​អី​រី​ញច្វាត់​រាឞុល​ជឹត​ឆ៝ប​រាប៝ង់​ជឹត​ទាក​ងលៅ​ក្វ៝ង់​ខឹត​រាម៝ក​តា​ទាក​លែៈ​ផ្យៅ។
MAT 8:33 មពោល​ម៝ត់​ឆុរ​អី​នៃ​លែវ​ឞាល់​ញច្វាត់​អា​ប៝ន មឞើស​ងក៝ច​ទឹង​លែៈ​នាវ​អី​នៃ នអ៝ប់​មា​មឞើស​ងក៝ច​មា​ឞារ​ហៃ​ឞូនុយ្ស​ឞ្រាស​អ្យើស​លាប់​នៃ​នើស​ដ៝ង់។
MAT 8:34 ទឹង​លែៈ​ឞូនុយ្ស​តា​ប៝ន​នៃ​រាន​ហាន់​ម៝ប់​ឞ្រាស​យេឆូ ​ទាទេ ត៝ត់​មា​លែៈ​ឆៃ​ឞ្រាស​យេឆូ  ខាន់​ពាង់​ឞ៝ញ​ឞ្រាស​យេឆូ ​អ៝ន់​ពាង់​លោស​ឞើស​ឞ្រី​ខាន់​ពាង់​នៃ។
MAT 9:1 ជេសរី​ឞ្រាស​យេឆូ ​ញច៝​ទូក​ព្លឹ​ឆឹត​តា​ប៝ន​កាពើនិម ​នតុក​ប៝ន​ពាង់​គុ។
MAT 9:2 តា​នៃ​គែស​ឞូ​តូង​ទូ​ហ្វេ​ឞូនុយ្ស​រាវែន​ជ៝ង់​រាវែន​តី​ឞិច​តា​ងក៝ៈ​ហាន់​តា​ឞ្រាស​យេឆូ ។ ពាង់​ឆៃ​ខាន់​ពាង់​គែស​នាវ​ញឆីង ជេសរី​លាស​មា​ឞូនុយ្ស​រាវែន​អី​នៃ៖ “អើ​អ៝ស អ៝ន់​មៃ​រាម់​ហ៝ម់។ គ៝ប់​លែៈ​យោៈ​មៃ មោ​ហោម​អោស​កើប​នាវ​តីស​តា​មៃ”។
MAT 9:3 តា​នៃ​គែស​ផូង​នើម​នតី​នាវ​វៃ​ផូង​អីឆ្រាអែល ​អាបាៈ​លាស​អេង​តា​នូយ្ស​នហ៝ម់​ខាន់​ពាង់​នើម៖ “មើម​ពាង់​ងើយ​កើត​នៃ ពាង់​អី​នៃ​មឺច​រាម៝ត​កោរាញ​ឞ្រាស​ងាន់​ហៃ!”
MAT 9:4 ឞ្រាស​យេឆូ ​លែៈ​ឆៃ​នាវ​មឹន​ផូង​អី​នៃ ពាង់​លាស៖ “មើម​ទឹង​ខាន់​មៃ​គែស​នាវ​មឹន​អ្យើស​កើត​នៃ?
MAT 9:5 អ៝ន់​ខាន់​មៃ​គឹត​នាវ​អ្យា លាស​គ៝ប់​លាស​មា​ឞូនុយ្ស​រាវែន​អី​នៃ៖ «នាវ​តីស​មៃ​លែៈ​គ៝ប់​យោៈ​ហើយ» មោ​លាស «មៃ​ទ៝ក់​ឞ្រោៈ​ហ៝ម់» លាស​នទ្រី​ម៝ស​នាវ​លាស​អី​ទើស​រាលាវ​ហាៈ?
MAT 9:6 គ៝ប់​អុច​អ៝ន់​ខាន់​មៃ​គឹត​ឆៃ​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​ទើយ​យោៈ​នាវ​តីស​ឞូនុយ្ស​តា​នែស​នតូ​អ្យា”។ ជេសរី​ឞ្រាស​យេឆូ ​អ្វាញ់​ជឹត​ឞូនុយ្ស​រាវែន​អី​នៃ​លាស៖ “មៃ​ទ៝ក់​ហ៝ម់ ញអោត​ងក៝ៈ​មៃ​នៃ​ឆឹត​អា​ជៃ​មៃ​នើម​រី”។
MAT 9:7 ជេសរី​ឞូនុយ្ស​រាវែន​អី​នៃ​ទ៝ក់​រ៝ ឆឹត​អា​ជៃ​ពាង់​នើម​រី។
MAT 9:8 ឆៃ​កើត​នៃ ផូង​ប៝ន​លាន​នទ្រ៝ត់​ហីស​រាហ៝ល់​ទាទេ ខាន់​ពាង់​រានេ​កោរាញ​ឞ្រាស យ៝រ​លាស​លែៈ​ពាង់​អ៝ន់​នាវ​ទើយ​កើត​នៃ​មា​ឞូនុយ្ស​តា​នែស​នតូ។
MAT 9:9 ជេសរី​ឞ្រាស​យេឆូ ​ហាន់​ឞើស​នតុក​នៃ ពាង់​ឆៃ​មាថាយ ​គុ​ក៝ប់​ឆ៝ៈ​ព្រាក់​ប៝ន​លាន​មា​អ៝ន់​កោរាញ​ម៝ត់​អ្វាញ់។ ឞ្រាស​យេឆូ ​លាស​មា​ពាង់៖ “ហើយ​នោ ហោៈ​ឞ្រោៈ​តឹង​គ៝ប់”។ ពាង់​ទ៝ក់​ឞើស​នៃ ជេសរី​តឹង​ឞ្រាស​យេឆូ ​រ៝។
MAT 9:10 តា​នារ​នៃ​មាថាយ ​ជាៈ​ឞ្រាស​យេឆូ ​ឆោង​ឆា​តា​ជៃ​ពាង់​នើម។ គែស​អ៝ក់​ផូង​ឞូនុយ្ស​ក៝ប់​ឆ៝ៈ​ព្រាក់​ប៝ន​លាន​មា​អ៝ន់​កោរាញ​ម៝ត់​អ្វាញ់ នអ៝ប់​មា​ផូង​ឞូនុយ្ស​ជាន​តីស​អេង​ហាន់​គុ​ឆោង​ឆា​នទ្រែល​ឞ្រាស​យេឆូ  នទ្រែល​មា​ផូង​អ៝ស​ម៝ន​ពាង់​ដ៝ង់។
MAT 9:11 ត៝ត់​មា​ផូង​ផារីឆី ​ឆៃ​កើត​នៃ ខាន់​ពាង់​អោប​ផូង​អ៝ស​ម៝ន​ឞ្រាស​យេឆូ ៖ “មើម​ទឹង​កោរាញ​ខាន់​មៃ​គុ​ឆោង​ឆា​នទ្រែល​ឞូនុយ្ស​ក៝ប់​ឆ៝ៈ​ព្រាក់​ប៝ន​លាន នអ៝ប់​មា​ផូង​ឞូនុយ្ស​ជាន​តីស​អេង​កើត​នៃ?”
MAT 9:12 ឞ្រាស​យេឆូ ​តាង់​កើត​នៃ ជេសរី​អោប​ខាន់​ពាង់៖ “ឞូនុយ្ស​គែស​ឆាក់​ជាន់​អ្វែស​មោ​អុច​អោស​មា​កោរាញ​ទាក​ឆី ឞូនុយ្ស​អី​គែស​នាវ​ជី​ទើម​អុច។
MAT 9:13 អ៝ន់​ខាន់​មៃ​វ៝ត់​តា​ត្រ៝ង​លែៈ​ញចីស​កើត​នអា៖ «គ៝ប់​អុច​ឞូនុយ្ស​ឞ្លាវ​យោៈ​នអាច មោ​អុច​អោស​មា​នទើ​ជាន​ឞ្រាស»។ គ៝ប់​វាច់​តា​អ្យា​មោ​អោស​គៃ​មា​ក្វាល់​ឞូនុយ្ស​ឆ៝ង់ អុច​ក្វាល់​ឞូនុយ្ស​តីស គៃ​មា​កើល​ខាន់​ពាង់”។
MAT 9:14 នោក​នៃ​គែស​មពោល​អ៝ស​ម៝ន​យោហាន-​បាប់តែម ​ហាន់​ម៝ប់​ឞ្រាស​យេឆូ  អោប​ពាង់៖ “ហេន នទ្រែល​មា​ផូង​ផារីឆី ​គែស​នាវ​វៃ​អ៝ត់​ឆោង​ឆា​អ៝ក់​នារ​គៃ​មា​មឞើស​ឆើម មើម​ទឹង​មពោល​អ៝ស​ម៝ន​មៃ​មោ​ជាន​កើត​នៃ?”
MAT 9:15 ឞ្រាស​យេឆូ ​អើស​មា​ខាន់​ពាង់៖ “នោក​តឹម​នអាប់​អូរ​ឆាយ ឞូ​នាច់​វៃ​គុ​រាង៝ត​អ៝ត់​ឆោង​ឆា​ដ៝ង់​ឞើស? មោ​វៃ​អោស។ គ៝ប់​តឹម​ឞាន​មា​ឞូ​ក្លោ​នអាប់​អូរ​ឆាយ។ ត៝ត់​ទី​នារ​រី​តៃ​ឞូ​តឹម​ងខាស​គ៝ប់​ដាស​មពោល​អ៝ស​ម៝ន​គ៝ប់ រី​មើ​ខាន់​ពាង់​អ៝ត់​ឆោង​ឆា។
MAT 9:16 ឞូ​មោ​វៃ​អោស​ឆ៝ៈ​ឞ៝ក​មហែ​អេ​ហ៝ៈ​ពីស​មឞោល​តា​អាវ​លែៈ​ឆាត។ លាស​ជាន​កើត​នៃ​ឞ៝ក​អី​ឆាត​រី​លើ​មា​ហោ​ហេក​រាលាវ​អើម​ងាន់ យ៝រ​មា​អី​ឞ៝ក​មហែ​នៃ​ជេង​រោត​នោក​ជេស​ពីស។
MAT 9:17 កើត​នទ្រី​ដ៝ង់ ឞូ​មោ​វៃ​អោស​តេៈ​នទ្រាញ់​ព្លៃ​យុងយារ​ប៝ន​មហែ​តា​ទុង​នតោ​អើម លាស​ជាន​កើត​នៃ​នទ្រាញ់​ព្លៃ​យុងយារ​ប៝ន​មហែ​ជាន​អ៝ន់​ទុង​នតោ​អី​នៃ​ព្រែក នទ្រាញ់​ហុក​ដ៝ង់ ជេសរី​ទុង​នតោ​អី​នៃ​ជេង​ឆាត​ដ៝ង់ យ៝រ​លាស​ទុង​នតោ​អើម​មោ​ហោម​អោស​ត៝ច។ ឞូ​តេៈ​នទ្រាញ់​ព្លៃ​យុងយារ​ប៝ន​មហែ​តា​ទុង​នតោ​មហែ នទ្រី​នទើ​ឞារ​អឹ​នៃ​ហោម”។
MAT 9:18 នោក​ឞ្រាស​យេឆូ ​ហោម​ងើយ​នាវ​អី​នៃ ទោ​មា​គែស​ទូ​ហ្វេ​កោរាញ​ញីស​រាបុន​ផូង​អីឆ្រាអែល ​ហាន់​ច៝ន​កោម៝ក់​ឞើស​នាប់​ឞ្រាស​យេឆូ  លាស​មា​ពាង់៖ “ក៝ន​ឞូ​អូរ​គ៝ប់​មហែ​ខឹត​នទើស​នើស​ពើ។ ទាន់​មៃ​ហាន់​ពាស​តី​តា​ពាង់​អើ ជេសរី​ពាង់​ទ៝ក់​រេស​រ៝”។
MAT 9:19 ឞ្រាស​យេឆូ ​ទ៝ក់​ហាន់​នទ្រែល​ពាង់ មពោល​អ៝ស​ម៝ន​ឞ្រាស​យេឆូ ​ហាន់​ដ៝ង់។
MAT 9:20 រ៝ៈ​ត្រ៝ង​នៃ​គែស​ទូ​ហ្វេ​ឞូ​អូរ​ជី​រីស​លែៈ​ជ៝ៈ ១២ នាម់ ពាង់​លាស​អេង​តា​ឆាក់​ពាង់​នើម៖ “លាស​គែស​ពាស​អាវ​ពាង់​អី​នៃ គ៝ប់​ឞាស​រ៝”។ ជេសរី​ពាង់​តឹង​ឞ្រាស​យេឆូ ​ឞើស​កើយ ពាស​តា​ច្យាង់​អាវ​ពាង់​រី។
MAT 9:22 ឞ្រាស​យេឆូ ​ងគឹល​ជឹត​កើយ ឆៃ​ឞូ​អូរ​អី​នៃ ជេសរី​លាស​មា​ពាង់៖ “អៃ​រាម់​ហ៝ម់​អើ​អ៝ស នាវ​អៃ​ញឆីង​ជាន​ឞាស​អៃ​ហើយ”។ នាវ​ជី​រីស​ពាង់​ឞាស​តា​នៃ​រ៝។
MAT 9:23 ជេសរី​ឞ្រាស​យេឆូ ​ត៝ត់​តា​ជៃ​កោរាញ​ញីស​រាបុន​នៃ ពាង់​ឆៃ​ផូង​គែស​នាវ​រាង៝ត​អោស​នហោម​អោស​រាលែត​គ្រុ​គ្រាៈ​យាៈ​យ៝រ់​ងាន់
MAT 9:24 ពាង់​លាស​មា​ផូង​អី​នៃ៖ “ខាន់​អៃ​មៃ​ទូ​លោស​អា​ទីស! មោ​ខឹត​អោស​ក៝ន​ឆែ​ឞូ​អូរ​អ្យា មាន​មា​ហាក់​ឞិច​ទើម”។ ទឹង​លែៈ​ឞូ​តា​នៃ​គើម​មឺច​មា​ឞ្រាស​យេឆូ ​ទាទេ។
MAT 9:25 ត៝ត់​លោស​លែៈ​ផ្យៅ​ផូង​អី​នៃ​អា​ទីស ឞ្រាស​យេឆូ ​លាប់​តា​ត្រោម​ជៃ ញុប​តី​ក៝ន​ឆែ​ឞូ​អូរ​អី​នៃ ជេសរី​ក៝ន​ឆែ​អី​នៃ​ទ៝ក់​រ៝។
MAT 9:26 ជេសរី​នាវ​អី​នៃ​លឺ​លាម​ឞ្រី​អី​នៃ​ងាន់​រ៝។
MAT 9:27 នោក​ឞ្រាស​យេឆូ ​ហាន់​ឞើស​នតុក​នៃ គែស​ឞារ​ហៃ​ឞូនុយ្ស​ចែស​មាត់​តឹង​ឞើស​កើយ​ឞ្រាស​យេឆូ  ខាន់​ពាង់​នតែរ៖ “អើ​ក៝ន​ឆៅ​កាដាច់​ដាវីត ! យោៈ​នអាច​ហេន​បាៈ​អើ!”
MAT 9:28 ត៝ត់​ឞ្រាស​យេឆូ ​លែៈ​លាប់​ទូ​មល៝ម់​ជៃ ឞារ​ហៃ​ឞូនុយ្ស​ចែស​មាត់​នៃ​ហាន់​អា​ពាង់។ ជេសរី​ឞ្រាស​យេឆូ ​អោប​ខាន់​ពាង់៖ “អាស​ខាន់​មៃ​លែៈ​ញឆីង​មា​គ៝ប់​ដ៝ង់ គ៝ប់​ទើយ​ជាន​ត្រោម​មាត់​ខាន់​មៃ​អ៝ន់​ឆៃ​អាង?” ខាន់​ពាង់​អើស៖ “អើ ហេន​លែៈ​ញឆីង កោរាញ”។
MAT 9:29 ជេសរី​ឞ្រាស​យេឆូ ​ពាស​តា​ត្រោម​មាត់​ខាន់​ពាង់​រី​លាស៖ “អ៝ន់​គែស​ងាន់ កើត​នាវ​ខាន់​មៃ​លែៈ​ញឆីង”។
MAT 9:30 ជេសរី​ត្រោម​មាត់​ខាន់​ពាង់​ឆៃ​អាង​ងាន់​រ៝។ ឞ្រាស​យេឆូ ​ឞ្វៃ​ទាង់​ងាន់​មា​ខាន់​ពាង់៖ “លើយ​អោស​អ៝ន់​ឞូ​គឹត​នាវ​អ្យា”។
MAT 9:31 យើន​មា​ឞារ​ហៃ​ខាន់​ពាង់​អី​នៃ ហាន់​មឞើស​ងក៝ច​នាវ​នៃ​មា​ឞូ​លាម​ឞ្រី​នៃ​ងាន់។
MAT 9:32 នទុត​ឆឹត​ឞារ​ហៃ​ខាន់​ពាង់​នៃ គែស​ឞូ​លែវ​ទូ​ហ្វេ​ឞូនុយ្ស​មល៝​ឞ្រាស​អ្យើស​លាប់​ហាន់​អា​ឞ្រាស​យេឆូ ។
MAT 9:33 ត៝ត់​ឞ្រាស​យេឆូ ​លែៈ​មព្រើស​ឞ្រាស​អ្យើស​លែៈ​ទូ​លោស​ឞើស​ឞូនុយ្ស​មល៝​អី​នៃ ឞូនុយ្ស​អី​នៃ​ឞ្លាវ​ងើយ​រ៝។ ល៝ង់​ផូង​ប៝ន​លាន​អី​គុ​តា​រី​នទ្រ៝ត់​ហីស​រាហ៝ល់​លែៈ​នាវ​ងាន់ ខាន់​ពាង់​លាស៖ “នតើម​ឞើស​កាល់​អែ​នើស​មោ​អោស​ព្រ៝ត​ឆៃ​គែស​នាវ​ឞ្រាស​កើត​នៃ​តា​ឞ្រី​អីឆ្រាអែល ​អ្យា”។
MAT 9:34 យើន​មា​ផូង​ផារីឆី ​លាស៖ “ទឹង​ពាង់​ទើយ​មព្រើស​ឞ្រាស​អ្យើស​នៃ អាច​មា​កោរាញ​មពោល​ឞ្រាស​អ្យើស​អ៝ន់​នាវ​ទើយ​តា​ពាង់”។
MAT 9:35 ជេសរី​ឞ្រាស​យេឆូ ​ហាន់​រ៝ៈ​ប៝ន​ក្វ៝ង់​ប៝ន​ជេៈ នតុម​នតី​ឞូ​តា​ញីស​រាបុន​ខាន់​ពាង់​នើម នទ្រែល​មា​មឞើស​ងក៝ច​នាវ​មហែ​មហាន​អ្វែស​មា​នាវ​កោរាញ​ឞ្រាស​ម៝ត់​អ្វាញ់ នអ៝ប់​មា​ជាន​ឞាស​ទឹង​លែៈ​នាវ​ជី​អាប់​នតីល​ដ៝ង់។
MAT 9:36 ត៝ត់​មា​ឆៃ​ផូង​ប៝ន​លាន ឞ្រាស​យេឆូ ​គែស​នាវ​យោៈ​នអាច​មា​ខាន់​ពាង់​ទុត​ហោ យ៝រ​លាស​ខាន់​ពាង់​រាវៃ​តា​នូយ្ស​នហ៝ម់​មោ​ហោម​គែស​ឆ្វាន តឹម​ឞាន​មា​ផូង​ឞែ​ឞ្យាប់​អី​មោ​គែស​ឞូនុយ្ស​ម៝ត់​អ្វាញ់។
MAT 9:37 ជេសរី​ឞ្រាស​យេឆូ ​លាស​មា​មពោល​អ៝ស​ម៝ន​ពាង់៖ “ហើយ​អ៝ស​ម៝ន គែស​អ៝ក់​ឞូនុយ្ស​អុច​អ្យាត់​នាវ​មហែ​មហាន​អ្វែស ខាន់​ពាង់​តឹម​ឞាន​មា​ឞា​លែៈ​ទុម​អី​អ៝ក់​ងាន់។ ឞូនុយ្ស​មឞើស​ងក៝ច​នាវ​មហែ​មហាន​អ្វែស​តឹម​ឞាន​មា​ឞូនុយ្ស​រែក តីស​មា​ឞូនុយ្ស​អី​នៃ​ដេៈ​ទើម។
MAT 9:38 លាស​នទ្រី​ទាន់​កោរាញ​ឞ្រាស​នើម​អី​តើម​ឞា​នៃ​ញជ្វាល់​ឞូនុយ្ស​អា​អេង​ជឹត កើល​រែក​ឞា​ទុម​អី​នៃ”។
MAT 10:1 ជេសរី​ឞ្រាស​យេឆូ ​ក្វាល់ ១២ នុយ្ស​មពោល​កោរាញ​អ៝ស​ម៝ន​ពាង់ នហ៝​មា​ពាង់​អ៝ន់​នាវ​ទើយ​មា​ខាន់​ពាង់ ទើយ​មព្រើស​ឞ្រាស​អ្យើស​លោស​ឞើស​ឞូនុយ្ស នទ្រែល​មា​ទើយ​ជាន​ឞាស​ទឹង​លែៈ​នាវ​ជី​អាប់​នតីល​ដ៝ង់។
MAT 10:2 ១២ នុយ្ស​មពោល​កោរាញ​អ៝ស​ម៝ន​នៃ តា​នៃ​គែស​ល៝រ​ឞូ ឆីមោន ​អី​ឞូ​ក្វាល់​ពេត្រោស ​ដ៝ង់ ជេសរី​គែស​អ៝ស​ពាង់​អ៝ន់ទ្រេ  គែស​យាកើ  នទ្រែល​មា​អ៝ស​ពាង់​យោហាន ​អី​ក៝ន​ឆេបេដេ ‌
MAT 10:3 គែស​ផីលីប  គែស​បារថោលោមេ  គែស​ថោមាស  គែស​មាថាយ ​អី​ឞូនុយ្ស​ក៝ប់​ឆ៝ៈ​ព្រាក់​ប៝ន​លាន​មា​អ៝ន់​កោរាញ​ម៝ត់​អ្វាញ់ គែស​យាកើ ​អី​ក៝ន​អាល់ផាយ  គែស​ថាដេ ‌
MAT 10:4 គែស​ឆីមោន ​អី​ឞូនុយ្ស​ផូង​កានាអាន  នទ្រែល​មា​គែស​យូដាស-​អីឆាការីយោត ​ឞូនុយ្ស​អី​លែវ​ឞូ​ហាន់​ញុប​ឞ្រាស​យេឆូ ។
MAT 10:5 ជេសរី​ឞ្រាស​យេឆូ ​ដាៈ ១២ នុយ្ស​មពោល​កោរាញ​អ៝ស​ម៝ន​អី​នៃ​ហាន់​តា​ប៝ន​អេងៗ នហ៝​មា​នតិញ​មា​ខាន់​ពាង់៖ “ខាន់​មៃ​លើយ​ហាន់​អោស​តា​ផូង​អី​មោ​ទី​ផូង​អីឆ្រាអែល  លើយ​អោស​លាប់​តា​ប៝ន​ឞ្រី​ឆាមារី ‌
MAT 10:6 យើន​មា​អ៝ន់​ខាន់​មៃ​ហាន់​តា​ផូង​អីឆ្រាអែល ​ទើម ខាន់​ពាង់​តឹម​ឞាន​មា​ផូង​ឞែ​ឞ្យាប់​លែៈ​ហ្យើត។
MAT 10:7 អ៝ន់​ខាន់​មៃ​មឞើស​ងក៝ច៖ «នាវ​កោរាញ​ឞ្រាស​ម៝ត់​អ្វាញ់​លែៈ​ឞើយ​ត៝ត់»។
MAT 10:8 អ៝ន់​ខាន់​មៃ​ជាន​ឞាស​ឞូនុយ្ស​ជី​ក្វែត ឞូនុយ្ស​ខឹត​ជាន​អ៝ន់​ទ៝ក់​រេស ឞូនុយ្ស​ផុង​ឆា​ជាន​អ៝ន់​ឞាស​អ៝ន់​ក្ល៝ស នទ្រែល​មា​មព្រើស​ឞ្រាស​អ្យើស​អ៝ន់​ទូ​លោស​ឞើស​ឞូនុយ្ស។ លើយ​អោស​ឆ៝ៈ​ខ្លៃ​ឞើស​ឞូ យ៝រ​លាស​នាវ​ទើយ​ខាន់​មៃ​នើស​គែស​ទើម​ដ៝ង់។
MAT 10:9 មោ​អ៝ន់​អោស​ញអោត​ព្រាក់ ឞ៝ល​លាស​ដេៈ​កាដោយ​តា​ទុង​ខាន់​មៃ។
MAT 10:10 លើយ​ចែង​ទុង​ទោល​ខាន់​មៃ​ឞ្រោៈ​ប៝ន​អេងៗ លើយ​អោស​ញអោត​លែវ​ខ៝​អាវ​នតោ​ជ៝ត​អា​អេង​ជឹត​ទើន​អី​គែស​ញឆ៝ស​តា​ឆាក់​រី​ហ៝ៈ លើយ​ញអោត​ម៝ង់​ជ្រា។ យ៝រ​លាស​ទី​មា​ឞូនុយ្ស​អី​ជាន​ការ​មា​កោរាញ​ឞ្រាស​ឆ៝ៈ​ទើន​នទើ​អុច​តា​នាវ​រេស​ពាង់​តាៈ​ឞើស​ឞូនុយ្ស​អី​ពាង់​កើល​នៃ។
MAT 10:11 នោក​ខាន់​មៃ​លាប់​តា​ប៝ន​ក្វ៝ង់ មោ​លាស​ប៝ន​ជេៈ អ៝ន់​ខាន់​មៃ​ជ៝យ​ឞូនុយ្ស​អី​ទី​មា​ខាន់​មៃ​គុ​នទ្រែល ជេសរី​គុ​តា​ជៃ​ពាង់​នហ៝​មា​ត៝ត់​នារ​ខាន់​មៃ​លោស​ឞើស​នតុក​នៃ។
MAT 10:12 នោក​ខាន់​មៃ​លាប់​តា​ជៃ​ឞូនុយ្ស​អី​នៃ អ៝ន់​ខាន់​មៃ​លាស៖ «អ៝ន់​គែស​នាវ​ដាប់​មពាន់​មា​ខាន់​អៃ​មៃ»។
MAT 10:13 លាស​តា​ជៃ​អី​នៃ​ទី​ឆ៝ៈ​ទើន​នាវ​ដាប់​មពាន់​អី​នៃ កោរាញ​ឞ្រាស​មរា​អ៝ន់​កើត​នៃ​ងាន់​រ៝។ លាស​មោ​ទី​ឆ៝ៈ​ទើន កោរាញ​ឞ្រាស​មោ​អ៝ន់​អោស យើន​មា​ខាន់​មៃ​ហោម​គែស​នាវ​ដាប់​មពាន់។
MAT 10:14 លាស​ឞូ​មោ​អោស​រ៝ម​ខាន់​មៃ មោ​អ្យាត់​អោស​នាវ​ខាន់​មៃ នោក​ខាន់​មៃ​លោស​ឞើស​ប៝ន​ឞើស​ជៃ​នៃ អ៝ន់​រាតោស​នែស​មោយ​ឞើស​ជ៝ង់​ខាន់​មៃ​នើម គៃ​មា​ញហើ​លាស​ឞូនុយ្ស​អី​នៃ​កោរាញ​ឞ្រាស​តេៈ​ទោយ្ស។
MAT 10:15 គ៝ប់​លាស​នហេល​នានេៈ​ងាន់​មា​ខាន់​មៃ ឞូនុយ្ស​តា​ឞ្រី​ប៝ន​ឆោដុម ​ប៝ន​កោមោរា  អី​ជាន​តីស​ទុត​ហោ​កាល់​អែ​នើស នទ្រី​ទឹង​កោរាញ​ឞ្រាស​ទែ​លើស​ហេង​ខាន់​ពាង់​មា​អុញ​ឞើស​កាលើ​ត្រោក ខាន់​ពាង់​អី​នៃ​ហោម​អែ​គែស​ទោយ្ស​ថើល​មា​ដាស​ឞូនុយ្ស​តា​ប៝ន​អី​នៃ តា​នារ​កោរាញ​ឞ្រាស​ផាត​ទោយ្ស​លាម​នែស​នតូ”។
MAT 10:16 “គ៝ប់​ដាៈ​ខាន់​មៃ​ហាន់​តា​ប៝ន​ផូង​អីឆ្រាអែល ​តឹម​ឞាន​មា​ដាៈ​ឞែ​ឞ្យាប់​គុ​តា​ងក្លាង​ផូង​ឆ៝​ឞ្រី។ លាស​នទ្រី​អ៝ន់​ខាន់​មៃ​ឞ្លាវ​ញជ្រាង់​តឹម​ឞាន​មា​ឞេស មលែស​តឹម​ឞាន​មា​ព្លុក​ជេង​ឆ្យុម​ទូ​នតីល​អី​មោ​ជាន​តីស។
MAT 10:17 អ៝ន់​ឞ្លាវ​ញជ្រាង់​មា​ឞូនុយ្ស យ៝រ​លាស​ឞូ​មរា​ញុប​ញជុន​ខាន់​មៃ​អ៝ន់​មា​មពោល​កោរាញ​ជាន​ការ​ផូង​អីឆ្រាអែល  ជេសរី​ឞូ​មរា​រាពាត់​ខាន់​មៃ​មា​ម៝ង់​រាឆែ​តា​ត្រោម​ញីស​រាបុន​ខាន់​ពាង់។
MAT 10:18 ឞូ​មរា​ញជុន​ខាន់​មៃ​អ៝ន់​មា​កោរាញ​ក្វ៝ង់ នទ្រែល​មា​ញជុន​ខាន់​មៃ​មា​កាដាច់ គៃ​មា​ផាត​ទោយ្ស​ខាន់​មៃ​អាច​មា​តឹង​គ៝ប់។ ជេសរី​ខាន់​មៃ​ទើយ​ងក៝ច​នាវ​ញឆីង​មា​គ៝ប់​អ៝ន់​មា​ខាន់​ពាង់ អ៝ន់​មា​ផូង​អី​មោ​ទី​ផូង​អីឆ្រាអែល ​ដ៝ង់។
MAT 10:19 នោក​ឞូ​ញុប​ញជុន​ខាន់​មៃ លើយ​អោស​ខាន់​មៃ​រាវៃ​នាវ​មឞើស​ងើយ​មា​ឞូ យ៝រ​លាស​កោរាញ​ឞ្រាស​ឆើម​អ៝ន់​នាវ​មឞើស​ងើយ​មា​ខាន់​មៃ​តា​នោក​នៃ។
MAT 10:20 មោ​ទី​ខាន់​មៃ​នើម​អោស​មឞើស​ងើយ ឞ្រាស​ហ្វេង​អ្វែស​អី​ហ្វេង​កោរាញ​ឞ្រាស​ឞឹ​ខាន់​មៃ​នើម​ឆើម​ងើយ​អ៝ន់​មា​ខាន់​មៃ។
MAT 10:21 អ៝ស​មា​នោ ឞឹ​មា​ក៝ន​មរា​តឹម​រាលាម់​ញុប​ញជុន​អ៝ន់​ឞូ​ងខឹត នទ្រែល​មា​អី​ក៝នៗ​លែវ​ឞាល់​តឹម​រាទ៝ង់​ដាស​មេៈ​ឞឹ នហ៝​មា​ញជុន​អ៝ន់​ឞូ​ងខឹត​លើយ​ដ៝ង់។
MAT 10:22 យ៝រ​មា​ខាន់​មៃ​ញឆីង​មា​គ៝ប់ នទ្រី​ទឹង​អ៝ក់​ឞូនុយ្ស​មរា​ឞ្យាញ់​មា​ខាន់​មៃ។ យើន​មា​ឞូ​ម៝ស​អី​ទើយ​អ៝ត់​នហ៝​មា​ត៝ត់​លោច កោរាញ​ឞ្រាស​មរា​រាក្លាយ្ស​ពាង់​អី​នៃ។
MAT 10:23 លាស​ឞូ​ជាន​ជេរ​ខាន់​មៃ​តា​ទូ​ប៝ន អ៝ន់​ខាន់​មៃ​ញច្វាត់​ទូ​តា​ប៝ន​អេង​ជឹត។ គ៝ប់​លាស​នហេល​នានេៈ​ងាន់​មា​ខាន់​មៃ ខាន់​មៃ​ហាន់​អេ​ហ៝ៈ​អោស​លាម​ប៝ន​ទឹង​លែៈ​តា​ឞ្រី​អីឆ្រាអែល គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​ព្លឹ​លែៈ​ត៝ត់”។
MAT 10:24 “មោ​គែស​អោស​ផូង​នតី​គឹត​រាលាវ​មា​នើម​នតី មោ​គែស​អោស​ទឹក​ក្វ៝ង់​រាលាវ​មា​កោរាញ​ពាង់​នើម។
MAT 10:25 លាស​ផូង​នតី​លែៈ​ឞ្លាវ​តឹម​ឞាន​មា​នើម​នតី​ខាន់​ពាង់ លាស​ទឹក​លែៈ​តឹម​ឞាន​មា​កោរាញ​ពាង់​នើម លាស​នទ្រី​លែៈ​គាប់​ហើយ្ស។ លាស​ឞូនុយ្ស​តើម​ជៃ​ឞូ​ក្វាល់៖ «បេលឆេបូល » លាស​នទ្រី​ទឹង​លែៈ​ឞូនុយ្ស​អី​គុ​តា​ជៃ​ពាង់​នៃ រាលាវ​មា​នៃ​ជឹត​អ្យើស​ឞូ​ក្វាល់​ខាន់​ពាង់”។
MAT 10:26 “លើយ​អោស​ក្លាច​ផូង​អី​ជាន​ជេរ​នៃ យ៝រ​លាស​គែស​ទូ​នារ​ជឹត​នាប់​តៃ​កោរាញ​ឞ្រាស​មរា​អ៝ន់​ឞូ​ឆៃ​ទឹង​លែៈ​នទើ​អី​ឞូនុយ្ស​ហោម​មពោន។ កោរាញ​ឞ្រាស​អ៝ន់​ឞូ​គឹត​ទាទេ​ដ៝ង់ ទឹង​លែៈ​នទើ​អី​ឞូនុយ្ស​មោ​អុច​អ៝ន់​ឞូ​គឹត។
MAT 10:27 លាស​នទ្រី​ម៝ស​នទើ​គ៝ប់​លាស​ខាន់​មៃ​តា​នតុក​ង៝ អ៝ន់​ខាន់​មៃ​មឞើស​ងក៝ច​ហ៝ម់​តា​នតុក​អាង។ ម៝ស​នទើ​គ៝ប់​ងើយ​ឆ្វីស​តា​តោរ​ខាន់​មៃ អ៝ន់​មឞើស​ងក៝ច​ហ៝ម់​តា​កាលើ​ច៝រ​ជៃ​គៃ​មា​អ៝ក់​ឞូនុយ្ស​តាង់។
MAT 10:28 លើយ​ក្លាច​អោស​មា​នើម​ទើយ​ងខឹត​រាង្លៃ​ឆាក់​ទើម យើន​មា​មោ​ទើយ​អោស​ងខឹត​ហ្វេង អ៝ន់​ខាន់​មៃ​ក្លាច​កោរាញ​ឞ្រាស​ហ៝ៈ យ៝រ​លាស​ពាង់​ទើយ​អ៝ន់​ហ្វេង នទ្រែល​មា​រាង្លៃ​ឆាក់​លើស​ញអ្យើស​តា​នទ្រូង​អុញ។
MAT 10:29 ឞូ​វៃ​តាច់​ឞារ​មល៝ម់​ឆ្យុម​រាលែវ​ខ្លៃ​ទូ​មល៝ម់​កាក់​ជេៈ យើន​មា​ឞ៝ល​លាស​ថ៝ក​កើត​នៃ លាស​កោរាញ​ឞ្រាស​ឞឹ​ខាន់​មៃ​មោ​អ៝ន់ មោ​គែស​អោស​ទូ​មល៝ម់​ឆ្យុម​រាលែវ​តុប​តា​នែស។
MAT 10:30 ឞ៝ល​លាស​ទឹង​លែៈ​ឆ៝ក់​តា​ឞោក​ខាន់​មៃ​នើម កោរាញ​ឞ្រាស​លែៈ​ជេស​កើប​ទឹង​លែៈ​ដ៝ង់។
MAT 10:31 កើត​នទ្រី​លើយ​ក្លាច​អោស យ៝រ​លាស​កោរាញ​ឞ្រាស​កើប​ខាន់​មៃ​ខ្លៃ​ងាន់​រាលាវ​មា​ឆ្យុម​រាលែវ​ទូ​ផូង​ជឹត”។
MAT 10:32 “ឞូ​ម៝ស​អី​មឞើស​មា​ឞូ​លាស​ពាង់​តឹង​គ៝ប់គ៝ប់​មរា​មឞើស​ពាង់​អី​នៃ​ជេង​អ៝ស​ម៝ន​គ៝ប់​តា​ឞើស​នាប់​មាត់​ឞឹ​គ៝ប់​តា​កាលើ​ត្រោក។
MAT 10:33 យើន​មា​ឞូ​ម៝ស​អី​រាលាច់​មា​ឞូ​លាស​មោ​តឹង​គ៝ប់គ៝ប់​មោ​ដ៝ង់​មឞើស​ពាង់​អី​នៃ​ជេង​អ៝ស​ម៝ន​គ៝ប់​តា​ឞើស​នាប់​មាត់​ឞឹ​គ៝ប់​តា​កាលើ​ត្រោក”។
MAT 10:34 “លើយ​មឹន​អោស​គ៝ប់​វាច់​តា​នែស​នតូ​អ្យា​លែវ​នាវ​ដាប់​មពាន់។ គ៝ប់​វាច់​តា​អ្យា​តឹម​ឞាន​មា​ញអោត​ដាវ លែវ​នាវ​តឹម​រាទ៝ង់។
MAT 10:35 គ៝ប់​វាច់​អ៝ន់៖ «ក៝ន​ឞូ​ក្លោ​តឹម​ងខាស​ដាស​ឞឹ​ពាង់‌ ក៝ន​ឞូ​អូរ​តឹម​ងខាស​ដាស​មេៈ​ពាង់‌ មាន់​អ៝ន់​តឹម​ងខាស​ដាស​មេៈ​ព៝​ពាង់​នើម​ដ៝ង់។
MAT 10:36 ឞូនុយ្ស​គុ​នទ្រែល​ទូ​ជៃ ជេង​តឹម​រាលាង់​នទ្រាង់​ខាន់​ពាង់​នើម»”។
MAT 10:37 “ឞូ​ម៝ស​រ៝ង់​មា​មេៈ​ឞឹ​ពាង់​នើម​អ៝ក់​រាលាវ​មា​រ៝ង់​គ៝ប់ ពាង់​អី​នៃ​មោ​អោស​ទី​ជេង​អ៝ស​ម៝ន​គ៝ប់។ ឞូ​ម៝ស​រ៝ង់​មា​ក៝ន​ឞូ​អូរ​ក៝ន​ឞូ​ក្លោ​ពាង់​នើម​អ៝ក់​រាលាវ​មា​រ៝ង់​គ៝ប់ ពាង់​អី​នៃ​មោ​ដ៝ង់​ទី​ជេង​អ៝ស​ម៝ន​គ៝ប់។
MAT 10:38 ឞូ​ម៝ស​មោ​តូយ​ឆី​តឹម​រាកាង់​ពាង់​នើម​ឞ្រោៈ​តឹង​គ៝ប់ ជេង​គែស​នាវ​ខ្លៃ​មោ​អ្យាត់​ទឹង​លែៈ​នាវ​កោរាញ​ឞ្រាស​ដាៈ ឞ៝ល​លាស​ត៝ត់​ខឹត​ឆាក់​កាដោយ ពាង់​អី​នៃ​មោ​អោស​ទី​ជេង​អ៝ស​ម៝ន​គ៝ប់។
MAT 10:39 ជេសរី​ឞូ​ម៝ស​ព្រាប់​រាវាន​មា​នាវ​រេស​ឆាក់​ពាង់​នើម ពាង់​តៃ​ខឹត​នហ៝​រ៝ យើន​មា​ឞូ​ម៝ស​ខឹត​អាច​មា​តឹង​គ៝ប់ ពាង់​តៃ​រេស​នហ៝​រ៝”។
MAT 10:40 “ឞូ​ម៝ស​រ៝ម​ខាន់​មៃ តឹម​ឞាន​មា​ពាង់​រ៝ម​គ៝ប់ ឞូ​ម៝ស​រ៝ម​គ៝ប់​តឹម​ឞាន​មា​ពាង់​រ៝ម​កោរាញ​ឞ្រាស​តើម​ញជ្វាល់​គ៝ប់​ដ៝ង់។
MAT 10:41 ឞូ​ម៝ស​រ៝ម​ទូ​ហ្វេ​ឞូនុយ្ស​នតើយ្ស​នាវ​ងើយ​កោរាញ​ឞ្រាស អាច​មា​ពាង់​ជេង​ឞូនុយ្ស​នតើយ្ស​នាវ​ងើយ​កោរាញ​ឞ្រាស ឞូនុយ្ស​អី​នៃ​គែស​នទើ​ងខោម​តឹម​ឞាន​មា​ឞូនុយ្ស​នតើយ្ស​នាវ​ងើយ​កោរាញ​ឞ្រាស​ដ៝ង់។ ឞូ​ម៝ស​រ៝ម​ទូ​ហ្វេ​ឞូនុយ្ស​ឆ៝ង់ អាច​មា​ពាង់​ជេង​ឞូនុយ្ស​ឆ៝ង់ ឞូនុយ្ស​អី​នៃ​គែស​នទើ​ងខោម​តឹម​ឞាន​មា​ឞូនុយ្ស​ឆ៝ង់​ដ៝ង់។
MAT 10:42 ឞូ​ម៝ស​អ៝ន់​ទាក​នអីក​ទូ​កែវ​មា​ទូ​ហ្វេ​ឞូ​ជេៈ អាច​មា​ឞូ​ជេៈ​អី​នៃ​ជេង​អ៝ស​ម៝ន​គ៝ប់គ៝ប់​លាស​នហេល​នានេៈ​ងាន់​មា​ខាន់​មៃ នាវ​ងខោម​មា​ឞូនុយ្ស​អី​នៃ​មោ​រ៝ស​អោស”។
MAT 11:1 ជេស​ឞ្រាស​យេឆូ ​លាស​នាវ​អី​នៃ​អ៝ន់​មា ១២ នុយ្ស​មពោល​កោរាញ​អ៝ស​ម៝ន​ពាង់ ជេសរី​ពាង់​លោស​ឞើស​នតុក​នៃ គៃ​មា​ហាន់​នតុម​នតី​ឞូ​រ៝ៈ​ប៝ន​អេងៗ។
MAT 11:2 នោក​នៃ​យោហាន-​បាប់តែម ​ឞូ​ក្រុង​តា​នទ្រូង។ ត៝ត់​ពាង់​តាង់​លឺ​ឞូ​មឞើស​ងក៝ច​ទឹង​លែៈ​នទើ​ឞ្រាស​ក្រីស ​ជាន ពាង់​ដាៈ​មពោល​អ៝ស​ម៝ន​ពាង់​ហាន់​អោប​ឞ្រាស​យេឆូ ​កើត​នអា៖
MAT 11:3 “នោក​កាល់​អែ​នើស​កោរាញ​ឞ្រាស​លែៈ​ត៝ន​មា​ឞូនុយ្ស​នតើយ្ស​នាវ​ងើយ​កោរាញ​ឞ្រាស​លាស៖ គែស​ឞ្រាស​ក្រីស ​អី​នើម​រាក្លាយ្ស​តាៈ​ឞើស​កោរាញ​ឞ្រាស​ទែ​ញជ្វាល់​ជុរ​វាច់​តាៈ​ឞើស​កាលើ​ត្រោក​នតុក​កោរាញ​ឞ្រាស​នើម។ មៃ​អ្យា​ឞ្រាស​ក្រីស ​អី​នៃ​ឞើស មោ​លាស​អ៝ន់​ហេន​ហោម​ក៝ប់​ទូ​ហ្វេ​អា​អេង​ជឹត?”
MAT 11:4 ឞ្រាស​យេឆូ ​អើស​មា​ខាន់​ពាង់៖ “ខាន់​មៃ​មឞើស​ងក៝ច​មា​ពាង់​រី ទឹង​លែៈ​នទើ​ខាន់​មៃ​តាង់​ខាន់​មៃ​ឆៃ​គ៝ប់​ជាន។
MAT 11:5 ឞូនុយ្ស​ចែស​មាត់​អ្វាញ់​ឆៃ ឞូនុយ្ស​ក្វែត​រាវែន​ឞ្លាវ​ឞ្រោៈ ឞូនុយ្ស​ផុង​ឆា​ឞាស ក្ល៝ស ឞូនុយ្ស​តឹក​តោរ​អ្យាត់​តាង់ ឞូនុយ្ស​ខឹត​ទ៝ក់​រេស នអ៝ប់​មា​ឞូនុយ្ស​អ៝​អាច​តាង់​នាវ​មហែ​មហាន​អ្វែស។
MAT 11:6 អ្វែស​មអាក​ងាន់​មា​ឞូនុយ្ស​មោ​មអារ់​នាវ​ពាង់​ញឆីង​មា​គ៝ប់ យ៝រ​មា​នទើ​គ៝ប់​ជាន​អេង​ងាន់​ឞើស​នាវ​មឹន​ពាង់​អុច!”
MAT 11:7 នទុត​ឆឹត​ផូង​អ៝ស​ម៝ន​យោហាន-​បាប់តែម ឞ្រាស​យេឆូ ​នតើម​ងើយ​មា​យោហាន-​បាប់តែម ​អ៝ន់​មា​ផូង​ប៝ន​លាន៖ “ម៝ស​ឞូនុយ្ស​អ្វាញ់​ខាន់​អៃ​មៃ​ហាន់​តា​ឞ្រី​រាទាស? ហាន់​អ្វាញ់​ឞូនុយ្ស​អី​ងើយ​ទាស​មា​ឞូនុយ្ស​អេងៗ​អុច​តឹម​ឞាន​មា​ជា​មពាត់​រាងោញ​ទាស​ឆ្យាល​មា​ខោម​ឞើស? ពាង់​មោ​ទី​អោស។
MAT 11:8 ម៝ស​ឞូនុយ្ស​ខាន់​អៃ​មៃ​ហាន់​អ្វាញ់? អ្វាញ់​ឞូនុយ្ស​ញឆ៝ស​ឞ៝ក​អ្វែស​អាវ​អ្វែស​ឞើស? មោ​អោស។ ឞូនុយ្ស​ញឆ៝ស​ឞ៝ក​អ្វែស​អាវ​អ្វែស មពោល​នៃ​គុ​តា​ជៃ​កាដាច់​គុ មោ​អោស​គុ​តា​ឞ្រី​រាទាស។
MAT 11:9 លាស​នទ្រី​ឞូ​ម៝ស​ឞូនុយ្ស​ខាន់​អៃ​មៃ​ហាន់​អ្វាញ់? អ្វាញ់​ឞូនុយ្ស​នតើយ្ស​នាវ​ងើយ​កោរាញ​ឞ្រាស​ឞើស? ទី​ងាន់។ យើន​មា​ពាង់​អី​នៃ​រាលាវ​មា​ឞូនុយ្ស​នតើយ្ស​នាវ​ងើយ​កោរាញ​ឞ្រាស​ជឹត។
MAT 11:10 យ៝រ​លាស​តា​នាវ​កោរាញ​ឞ្រាស​ងើយ​លែៈ​គែស​ញចីស​លាស​មា​ពាង់៖ «កោរាញ​ឞ្រាស​លាស៖ «ល៝ង់​គ៝ប់​ញជ្វាល់​ឞូនុយ្ស​ហាន់​ល៝រ​មៃ គៃ​មា​នទ្រាប់​នូយ្ស​នហ៝ម់​ឞូនុយ្ស​អ៝ន់​មា​មៃ​តឹម​ឞាន​មា​ក្វាយ្ស​ត្រ៝ង​អ៝ន់​មា​មៃ»» យោហាន-​បាប់តែម ​អី​នៃ​អី​ឞូនុយ្ស​ហាន់​ល៝រ​តា​នាវ​អី​នៃ។
MAT 11:11 ខាន់​អៃ​មៃ​អ្យាត់​នាវ​គ៝ប់​នហេល​នានេៈ​ងាន់ ទឹង​លែៈ​ឞូនុយ្ស​អី​ទែស​តាៈ​ឞើស​ឞូ​អូរ​តា​នែស​នតូ​អ្យា មោ​គែស​អោស​ទូ​ហ្វេ​ជេង​ក្វ៝ង់​រាលាវ​យោហាន-​បាប់តែម  យើន​លាស​តា​មពោល​ឞូនុយ្ស​អី​កោរាញ​ឞ្រាស​ម៝ត់​អ្វាញ់ ឞូនុយ្ស​អី​ជេៈ​តា​ន៝ម់​ឞូ ឞូនុយ្ស​អី​នៃ​ជេង​ក្វ៝ង់​រាលាវ​យោហាន-​បាប់តែម ​ងាន់។
MAT 11:12 នតើម​ឞើស​នារ​យោហាន-​បាប់តែម ​ជាន​បាប់តែម​ត៝ត់​មា​អាបៃ​អ្យា គែស​ឞូនុយ្ស​ញឆ្រោយ្ស​មឞើស​ងក៝ច​មា​នាវ​កោរាញ​ឞ្រាស​ម៝ត់​អ្វាញ់ ជេសរី​ឞូនុយ្ស​អី​ញឆ្រោយ្ស​ងាន់​រី​មើ​គែស​លាប់។
MAT 11:13 ទឹង​លែៈ​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស នហ៝​មា​ត៝ត់​យោហាន-​បាប់តែម  លែៈ​គែស​ងក៝ច​មា​នាវ​កោរាញ​ឞ្រាស​ម៝ត់​អ្វាញ់ នទ្រែល​មា​តា​នាវ​វៃ​ផូង​ឞ៝ន់​លែៈ​គែស​មឞើស​ងក៝ច​នាវ​អី​នៃ​ដ៝ង់។
MAT 11:14 តា​នាវ​វៃ​ឞ៝ន់​លែៈ​គែស​មឞើស​ងក៝ច​ជេស​មា​ទូ​ហ្វេ​ឞូនុយ្ស​នតើយ្ស​នាវ​ងើយ​កោរាញ​ឞ្រាស​អី​តឹម​ឞាន​មា​អេលីយា ​ពាង់​មរា​វាច់ លាស​ខាន់​អៃ​មៃ​អុច​អ្យាត់​នាវ​គ៝ប់យោហាន-​បាប់តែម ​ជេង​ឞូនុយ្ស​អី​នៃ។
MAT 11:15 ឞូ​ម៝ស​តាង់​នាវ​គ៝ប់​ងើយ​អ្យា អ៝ន់​ពាង់​មឹន​អេង​តា​ឆាក់!
MAT 11:16 លាស​នទ្រី​មើម​គ៝ប់​តឹម​រាដឹល​មា​ឞូនុយ្ស​អាបៃ​អ្យា? ខាន់​ពាង់​ជេង​តឹម​ឞាន​មា​ក៝ន​ឆែ​គុ​ព៝ល់​តា​ជ៝ង់​គូង​ប៝ន គែស​អាបាៈ​តឹម​នតែរ​នទ្រាង់​ខាន់​ពាង់៖
MAT 11:17 «ហេន​លែៈ​អោស​នហោម​គ៝ស​គ៝រ់ តីស​មា​ខាន់​អៃ​មៃ​មោ​ព៝ល់​រាម់​មអាក​(រ៝ម់)‌ ជេសរី​ហេន​លែៈ​នអ៝រ​នត៝ង់​ទ៝ង់​ខឹត តីស​មា​ខាន់​អៃ​មៃ​មោ​អុច​ញុម​នអ៝រ​ដ៝ង់»។
MAT 11:18 នទ្រី​យោហាន-​បាប់តែម ​ពាង់​អ៝ត់​ឆោង​ឆា អ៝ត់​ញេត​នទ្រាញ់ តីស​មា​ឞូ​លាស​ពាង់​ឞូនុយ្ស​ឞ្រាស​អ្យើស​លាប់។
MAT 11:19 ល៝ង់​គ៝ប់​អ្យា​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​គែស​ញេត​គែស​ឆោង មោ​អ៝ត់​ឆោង​ឆា ឞូ​លាស​គ៝ប់៖ «ឞូនុយ្ស​ហៃ​ញេត​ហៃ​ឆោង ជាន​មឹត​ជាង់​ដាស​ឞូនុយ្ស​ឆ៝ៈ​ព្រាក់​ប៝ន​លាន​គៃ​មា​អ៝ន់​កោរាញ​ម៝ត់​អ្វាញ់ ជេសរី​គុ​នទ្រែល​ឞូនុយ្ស​តីស​អា​អេង​ជឹត»។ យើន​មា​ឞូនុយ្ស​អី​តឹង​នាវ​កោរាញ​ឞ្រាស ញហើ​នាវ​កោរាញ​ឞ្រាស​អី​នៃ​ជេង​ទី​អ្វែស​ងាន់​តា​នាវ​រេស​ពាង់”។
MAT 11:20 ជេសរី​ឞ្រាស​យេឆូ ​នទុយ្ស​ប៝ន​អី​ពាង់​លែៈ​ជាន​នាវ​ខ្លៃ​អ៝ក់​រាលាវ​ឞូ យ៝រ​មា​ខាន់​ពាង់​មោ​អុច​រាគ៝ល់​នូយ្ស​នហ៝ម់​អ្យើស ពាង់​លាស​កើត​នអា៖
MAT 11:21 “រេស​រាញាល់​ងាន់​មា​ឞូនុយ្ស​គុ​តា​ប៝ន​ខោរាឆីន  នទ្រែល​មា​ប៝ន​បេតឆៃដា  យ៝រ​លាស​ខាន់​ពាង់​លែៈ​ឆៃ​ទឹង​លែៈ​នទើ​អ្វែស​នទើ​ខ្លៃ​គ៝ប់​ជាន តីស​មា​មោ​អោស​រាគ៝ល់​លើយ​នូយ្ស​នហ៝ម់​អ្យើស។ ឞូនុយ្ស​តា​ប៝ន​តីរុស  នទ្រែល​មា​តា​ប៝ន​ឆីដោន ​ជេង​ផូង​មោ​គឹត​នាល់​កោរាញ​ឞ្រាស លាស​ខាន់​ពាង់​ឆៃ​នាវ​ខ្លៃ​អី​នៃ ខាន់​ពាង់​រាគ៝ល់​លើយ​នូយ្ស​នហ៝ម់​អ្យើស​រ៝ ជេសរី​គៃ​មា​ញហើ​នាវ​ខាន់​ពាង់​លែៈ​រាគ៝ល់​លើយ​នូយ្ស​នហ៝ម់​អ្យើស ខាន់​ពាង់​ញឆ៝ស​ងគូត​បាវ​ច្យាត់​គុ​តា​អុញ​ឞុស។
MAT 11:22 លាស​នទ្រី​គ៝ប់​មឞើស​ងក៝ច​មា​ខាន់​អៃ​មៃ តា​នារ​កោរាញ​ឞ្រាស​ផាត​ទោយ្ស​លាម​នែស​នតូ​តៃ ឞូនុយ្ស​តា​ប៝ន​តីរុស  នទ្រែល​មា​តា​ប៝ន​ឆីដោន  ខាន់​ពាង់​គែស​ទោយ្ស​ថើល​តា​ន៝ម់​ឞូនុយ្ស​គុ​តា​ប៝ន​ខោរាឆីន  ប៝ន​បេតឆៃដា ។
MAT 11:23 ឞូនុយ្ស​គុ​តា​ប៝ន​កាពើនិម ​អី​ប៝ន​គ៝ប់​គុ​ជ៝ៈ​ខៃ នទ្រែល​មា​គ៝ប់​លែៈ​នតី​លែៈ​ជាន​នទើ​នាវ​ខ្លៃ លើយ​អោស​មឹន​លាស​ឆាក់​ខាន់​អៃ​មៃ​នើម​លែៈ​ជេង​ឞូនុយ្ស​អ្វែស​ហាវ​តា​ប៝ន​អ្វែស​កាលើ។ មោ​អោស ខាន់​អៃ​មៃ​តៃ​តុប​តា​នតុក​រេស​រាញាល់​តា​នទ្រូង​អុញ​រ៝។ យ៝រ​លាស​នាវ​ខ្លៃ​អី​លែៈ​គែស​ជេស​តា​ងក្លាង​ខាន់​អៃ​មៃ លាស​ប៝ន​ឆោដុម ​អី​ជាន​តីស​ទុត​ហោ​កាល់​អែ​នើស នទ្រី​ទឹង​កោរាញ​ឞ្រាស​ទែ​លើស​ហេង​ខាន់​ពាង់​មា​អុញ​ឞើស​កាលើ​ត្រោក ខាន់​ពាង់​ឆៃ​កើត​នៃ ឞូនុយ្ស​តា​ប៝ន​នៃ​មោ​អោស​គែស​រ៝ស ហោម​ត៝ត់​តា​នារ​អាបៃ​អ្យា។
MAT 11:24 នទ្រី​ទឹង​គ៝ប់​លាស​មា​ខាន់​អៃ​មៃ តា​នារ​កោរាញ​ឞ្រាស​ផាត​ទោយ្ស​ទឹង​លែៈ​ឞូនុយ្ស​តា​នែស​នតូ​តៃ ឞូនុយ្ស​តាៈ​ឞើស​ឞ្រី​ប៝ន​ឆោដុម ​គែស​ទោយ្ស​ថើល​ទើម​តា​ន៝ម់​ខាន់​អៃ​មៃ”។
MAT 11:25 ជេសរី​ឞ្រាស​យេឆូ ​លាស​កើត​នអា៖ “ហើយ​ឞឹ អី​កោរាញ​មា​ត្រោក នទ្រែល​មា​នែស​នតូ គ៝ប់​រានេ​មៃ​ហោ​ងាន់ យ៝រ​លាស​មៃ​លែៈ​ញហើ​នាវ​មៃ​នតើម​ម៝ត់​អ្វាញ់​ឞូនុយ្ស​អ្យា​អ៝ន់​មា​ឞូនុយ្ស​រាលូក​ម៝ល់​មោ​វ៝ត់​តឹម​ឞាន​មា​ក៝ន​ឆែ ជេសរី​ពោន​នទ៝ប់​លើយ​នទើ​អី​នៃ​មា​ឞូនុយ្ស​អី​កើប​អេង​ឆាក់​ខាន់​ពាង់​នើម​ជេង​ឞូនុយ្ស​គឹត​ឞូនុយ្ស​ឞ្លាវ។
MAT 11:26 ហើយ​ឞឹ នូយ្ស​នហ៝ម់​មៃ​អុច​កើត​នអា​រ៝។
MAT 11:27 ទឹង​លែៈ​នតីល​នទើ លែៈ​ឞឹ​ជាវ​មា​គ៝ប់​ទាទេ​ជេស។ មោ​គែស​អោស​ឞូនុយ្ស​គឹត​នាល់​គ៝ប់​អី​ក៝ន​មៃ គែស​មៃ​អី​ឞឹ​គ៝ប់​នើម​ទើម​គឹត​នាល់។ មោ​គែស​អោស​ឞូនុយ្ស​គឹត​នាល់​មៃ​អី​ឞឹ​គ៝ប់ គែស​គ៝ប់​អី​ក៝ន​មៃ​ទើម​គឹត​នាល់ នទ្រែល​មា​ទឹង​លែៈ​ឞូនុយ្ស​អី​គ៝ប់​អុច​អ៝ន់​គឹត​នាល់​មៃ ទូ​រី​ទើម”។
MAT 11:28 “ឞូ​ម៝ស​គែស​នាវ​លេត​រាគាញ់ នទ្រែល​មា​អាញ​ជ៝ក់ វាច់​ហ៝ម់​អា​គ៝ប់គ៝ប់​អ៝ន់​ខាន់​អៃ​មៃ​រាលូ។
MAT 11:29 ឆ៝ៈ​ហ៝ម់​នទើ​មឞាក់​គ៝ប់ ជេសរី​នតី​តាៈ​ឞើស​គ៝ប់ នូយ្ស​នហ៝ម់​ខាន់​អៃ​មៃ​នអីក​រាងេត​ងាន់​រ៝ យ៝រ​លាស​នូយ្ស​នហ៝ម់​គ៝ប់​មលែស នទ្រែល​មា​ទេស​រាហេត។
MAT 11:30 នទើ​មឞាក់​គ៝ប់​ងគើច នទ្រែល​មា​នទើ​គ៝ប់​អ៝ន់​ខាន់​អៃ​មៃ​អាញ​ងគើច​ដ៝ង់”។
MAT 12:1 គែស​ទូ​នារ​ឆាបាត់ ​អី​នារ​រាលូ​ផូង​អីឆ្រាអែល ​ឞ្រាស​យេឆូ  នទ្រែល​មា​ផូង​អ៝ស​ម៝ន​ពាង់​ហាន់​គ្លាត់​រ៝ៈ​មីរ ផូង​អ៝ស​ម៝ន​ជី​ង៝ត ខាន់​ពាង់​រ៝យ្ស​ឞា​ព្រាង់ ​ឆា។
MAT 12:2 ផូង​ផារីឆី ​ឆៃ​កើត​នៃ ខាន់​ពាង់​ហាន់​លាស​ឞ្រាស​យេឆូ ៖ “ល៝ង់​មៃ​អ្វាញ់ ម៝ស​ឆី​កោៈ​មពោល​អ៝ស​ម៝ន​មៃ​ជាន​ការ​តា​នារ​ឆាបាត់ ​អ្យា​មេស? ឞ៝ល​លាស​ខាន់​ពាង់​រ៝យ្ស​ដេៈៗ​កើត​នៃ ហោម​អែ​កើប​តីស​ដាស​នាវ​វៃ​នារ​រាលូ​ផូង​ឞ៝ន់​ដ៝ង់”។
MAT 12:3 ឞ្រាស​យេឆូ ​លាស​មា​ផូង​ផារីឆី ៖ “លាស​នទ្រី​ខាន់​មៃ​លែៈ​ច្វេល​បាស នាវ​ខាន់​មៃ​វៃ​រ៝ៈ​តា​នាវ​កោរាញ​ឞ្រាស​ងើយ? នោក​ដាវីត ​អេ​ហ៝ៈ​ជេង​កាដាច់ ពាង់ នទ្រែល​មា​ឞូនុយ្ស​គុ​នទ្រែល​ពាង់​ជី​ង៝ត‌
MAT 12:4 ជេសរី​ពាង់​លាប់​តា​ត្រោម​នតុក​ចូន​កោរាញ​ឞ្រាស​អី​ជាន​មា​ឞ៝ក ឆ៝ៈ​ឆា​នុមពាង់​អី​ឞូ​តេៈ​ញហើរ​អ៝ន់​កោរាញ​ឞ្រាស​នៃ នហ៝​មា​ពាៈ​ឞូនុយ្ស​អី​គុ​នទ្រែល​ពាង់​នៃ​ឆា​ដ៝ង់។ ឞូ​មោ​លាស​ពាង់​ដ៝ង់​ឞ៝ល​លាស​តឹង​មា​នាវ​វៃ​គែស​មពោល​ជាន​ឞ្រាស​ទើម​ទើយ​ឆា​នុមពាង់​អី​នៃ។
MAT 12:5 ជេសរី​ខាន់​មៃ​លែៈ​គែស​អ្វាញ់​ដ៝ង់​តា​ឆ៝ម់បុត​នាវ​វៃ​ឞ៝ន់​លាស​ផូង​ឞូនុយ្ស​ជាន​ឞ្រាស​គុ​ជាន​ការ​តា​ញីស​ជាន​ឞ្រាស ខាន់​ពាង់​ហោម​ជាន​ការ​តា​នារ​ឆាបាត់  នាវ​អី​នៃ​មោ​តឹម​ទី​មា​ជាន​តា​នារ​ឆាបាត់  យើន​មា​មោ​អោស​គែស​នាវ​តីស។
MAT 12:6 នទ្រី​ទឹង​គ៝ប់​លាស​មា​ខាន់​មៃ តា​អ្យា​គែស​ទូ​ហ្វេ​គ៝ប់​ក្វ៝ង់​រាលាវ​មា​ញីស​ជាន​ឞ្រាស​អី​នៃ​ជឹត។
MAT 12:7 លាស​ខាន់​មៃ​លែៈ​វ៝ត់​តា​នាវ​លាស​អី​អ្យា៖ «គ៝ប់​មោ​អោស​អុច​មា​នទើ​ជាន​ឞ្រាស​ខាន់​អៃ​មៃ គ៝ប់​អុច​មា​ខាន់​អៃ​មៃ​គែស​នាវ​យោៈ​មា​ឞូ» ខាន់​មៃ​មោ​អោស​នទុយ្ស​មា​ផូង​មោ​គែស​នាវ​តីស។
MAT 12:8 គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស គ៝ប់​ជេង​កោរាញ​ម៝ស​នទើ​អី​ទើយ​អ៝ន់​ឞូ​ជាន មោ​លាស​មោ​ទើយ​អ៝ន់​ឞូ​ជាន​តា​នារ​ឆាបាត់ ​អី​នារ​រាលូ”។
MAT 12:9 ជេសរី​ឞ្រាស​យេឆូ ​លោស​ឞើស​នតុក​នៃ ហាន់​លាប់​តា​ញីស​រាបុន​ខាន់​ពាង់។
MAT 12:10 តា​ញីស​រាបុន​នៃ​គែស​ទូ​ហ្វេ​ឞូនុយ្ស​ឆ្យារ់​តី។ ផូង​ផារីឆី ​អោប​ឞ្រាស​យេឆូ ៖ “តឹង​មា​នាវ​វៃ​ផូង​ឞ៝ន់ អាស​ទី​ដ៝ង់​ឞើស ជាន​ឞាស​នាវ​ជី​តា​នារ​ឆាបាត់ ​អី​នារ​គុ​រាលូ​ឞ្វៃ​ជាន​ការ?” ខាន់​ពាង់​អោប​កើត​នៃ គៃ​មា​ជ៝យ​នាវ​មា​នតោន​ឞ្រាស​យេឆូ ​ទើម។
MAT 12:11 ឞ្រាស​យេឆូ ​អើស​មា​ខាន់​ពាង់៖ “តា​ផូង​ខាន់​មៃ លាស​គែស​ទូ​ហ្វេ​គែស​ទូ​មល៝ម់​ឞែ​ឞ្យាប់​ពាង់​តុប​តា​នតូ​តា​នារ​ឆាបាត់  អាស​ពាង់​មោ​ឆ៝ៈ​ឞែ​ឞ្យាប់​អី​នៃ​លោស​អា​កាលើ​អ្យា?
MAT 12:12 យើន​មា​ឞូនុយ្ស​ខ្លៃ​រាលាវ​ឞែ​ឞ្យាប់ លាស​នទ្រី​ទើយ​ជាន​នទើ​អ្វែស​តា​នារ​ឆាបាត់ ​មោ​អោស​តីស​មា​នាវ​វៃ”។
MAT 12:13 ជេសរី​ឞ្រាស​យេឆូ ​លាស​មា​ឞូនុយ្ស​ឆ្យារ់​តី​នៃ៖ “យើរ​ហ៝ម់​តី​មៃ​នៃ”។ ពាង់​យើរ​រ៝ ជេសរី​តី​ពាង់​ឞាស​កើត​តី​ទូ​ទីង​ដ៝ង់។
MAT 12:14 យើន​មា​ផូង​ផារីឆី ​លោស​អា​ទីស​តឹម​ញច្រាៈ​នាវ​គៃ​មា​ជ៝យ​នាវ​មើម​ទឹង​គែស​ងខឹត​ឞ្រាស​យេឆូ ។
MAT 12:15 នោក​ឞ្រាស​យេឆូ ​គឹត​នាវ​អី​នៃ ជេសរី​ពាង់​លោស​ឞើស​នតុក​នៃ គែស​អ៝ក់​ផូង​ប៝ន​លាន​តឹង​ពាង់​ដ៝ង់ ទឹង​លែៈ​នាវ​ជី​ខាន់​ពាង់ ពាង់​ជាន​ឞាស​ទាទេ។
MAT 12:16 ឞ្រាស​យេឆូ ​ឞ្វៃ​ខាន់​ពាង់ មោ​អោស​អ៝ន់​ខាន់​ពាង់​មឞើស​ងក៝ច​អ៝ន់​ឞូ​គឹត​នាល់​ពាង់។
MAT 12:17 ពាង់​ជាន​កើត​នៃ​គៃ​មា​តឹម​ទី​ដាស​នាវ​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស​អេឆាយ ​លែៈ​ញចីស​កើត​នអា៖
MAT 12:18 «កោរាញ​ឞ្រាស​លាស៖ «ឞូនុយ្ស​អ្យា ឞូនុយ្ស​ឆើម​កើល​ជាន​ការ​មា​គ៝ប់ លែៈ​គ៝ប់​កើយ្ស​ពាង់‌ គ៝ប់​រ៝ង់​ពាង់​ហោ​ងាន់ ទី​នូយ្ស​នហ៝ម់​គ៝ប់​ក្លឹ​ងាន់។ គ៝ប់​អ៝ន់​ឞ្រាស​ហ្វេង​អ្វែស​គ៝ប់​គុ​តា​ពាង់ គៃ​មា​ផាត​ទោយ្ស​ផូង​អី​មោ​ទី​ផូង​អីឆ្រាអែល ​មា​នាវ​ឆ៝ង់។
MAT 12:19 ពាង់​មោ​គែស​តឹម​រាលាច់​ដាស​ឞូ មោ​គែស​អោស​នតែរ‌ មោ​គែស​ដ៝ង់​ឞូនុយ្ស​តាង់​ឞ៝រ់​ពាង់​រ៝ៈ​ត្រ៝ង។
MAT 12:20 ពាង់​មោ​អោស​រាតាច់​លើយ​ជា​លែៈ​ទែស‌ ពាង់​មោ​ខោម​លើយ​ដ៝ង់​អុញ​ឆាគេង​លែៈ​ឞើយ​មា​ញហ៝ត់ គែស​នាវ​យោៈ​មា​ឞូនុយ្ស​អី​គែស​នាវ​ញឆីង​ដេៈ‌ នហ៝​មា​មោ​អោស​ឞាស​ជាន​ការ​ត៝ត់​មា​ទើយ​ដាស​ទឹង​លែៈ​នាវ​អ្យើស។
MAT 12:21 ជេសរី​ទឹង​លែៈ​ផូង​អី​មោ​ទី​ផូង​អីឆ្រាអែល  ឞូ​រានើម​មា​ពាង់​ងាន់»»។
MAT 12:22 ជេសរី​គែស​ឞូ​លែវ​ទូ​ហ្វេ​ឞូនុយ្ស​ឞូ​ក្លោ​ឞ្រាស​អ្យើស​លើស​ហាន់​អា​ឞ្រាស​យេឆូ  ឞូនុយ្ស​អី​នៃ​មល៝ នទ្រែល​មា​ចែស​មាត់។ ឞ្រាស​យេឆូ ​ជាន​អ៝ន់​ពាង់​ឞ្លាវ​ងើយ​មាត់​ឆៃ​អាង​ដ៝ង់។
MAT 12:23 ទឹង​លែៈ​ឞូនុយ្ស​តា​នៃ​នទ្រ៝ត់​ហីស​រាហ៝ល់​ងាន់ ខាន់​ពាង់​តឹម​លាស៖ “គឹត​ពាង់​អី​នៃ​បាស​អី​ក៝ន​ឆៅ​កាដាច់​ដាវីត ​អី​នើម​រាក្លាយ្ស​កោរាញ​ឞ្រាស​ទែ​លែៈ​ត៝ន​ហាន់​តា​អ្យា?”
MAT 12:24 យើន​មា​តាង់​ឞូ​ងើយ​កើត​នអៃ ផូង​ផារីឆី ​លាស៖ “អាច​មា​បេលឆេបូល ​អី​កោរាញ​មពោល​ឞ្រាស​អ្យើស​គុ​តា​ឆាក់​ពាង់​ទើម ទឹង​ពាង់​ទើយ​មព្រើស​ឞ្រាស​អ្យើស​កើត​នៃ”។
MAT 12:25 ឞ្រាស​យេឆូ ​លែៈ​គឹត​ជេស​នាវ​មឹន​ខាន់​ពាង់ ជេសរី​ពាង់​លាស៖ “ទឹង​លែៈ​ឞ្រី​អី​គែស​នាវ​តឹម​ល៝ក់​តឹម​ជាញ​ចាស​ច្រាយ​ឞាល់ ឞ្រី​អី​នៃ​រ៝ស​ហេង​រ៝ ទឹង​លែៈ​ប៝ន​ទឹង​លែៈ​រានាក់​វ៝ល់​អី​គែស​នាវ​តឹម​ល៝ក់​តឹម​ជាញ​នទ្រាង់​នើម ប៝ន​រានាក់​អី​នៃ​រ៝ស​ហេង​មោ​ហោម​គែស​ដ៝ង់។
MAT 12:26 លាស​គ៝ប់​នត្រុត​ឞ្រាស​អ្យើស​តាៈ​ឞើស​នាវ​ទើយ​ឆាតាង់ ​អី​កោរាញ​មពោល​ឞ្រាស​អ្យើស ឞ្រាស​អ្យើស​គែស​នាវ​តឹម​រាទ៝ង់​តឹម​ជាញ​ចាស​ច្រាយ​ឞាល់ លាស​នទ្រី​មើម​ទឹង​ហោម​គែស​ឆាតាង់ ​ម៝ត់​អ្វាញ់?
MAT 12:27 អ៝ស​ម៝ន​ខាន់​មៃ​នត្រុត​ឞ្រាស​អ្យើស​ដ៝ង់។ លាស​គ៝ប់​នត្រុត​ឞ្រាស​អ្យើស​យ៝រ​មា​នាវ​ទើយ​ឆាតាង់ ​ងាន់ ខាន់​មៃ​អើម​មោ​លាស លាស​ខាន់​ពាង់​នត្រុត​ឞ្រាស​អ្យើស​យ៝រ​មា​នាវ​ទើយ​ឆាតាង់ ? លាស​នទ្រី​អ៝ស​ម៝ន​ខាន់​មៃ​នើម​អី​នៃ​មរា​តេៈ​ទោយ្ស​ខាន់​មៃ​ងាន់​រ៝។
MAT 12:28 យើន​មា​លាស​នាវ​ទើយ​គ៝ប់​នត្រុត​ឞ្រាស​អ្យើស​តាៈ​ឞើស​ឞ្រាស​ហ្វេង​អ្វែស​កោរាញ​ឞ្រាស លាស​នទ្រី​នាវ​កោរាញ​ឞ្រាស​ម៝ត់​អ្វាញ់​មា​ខាន់​មៃ​លែៈ​ត៝ត់​ជេស។
MAT 12:29 មើម​ទឹង​ឞូនុយ្ស​ទើយ​ហាន់​តា​ជៃ​ឞូនុយ្ស​ទាង់ ជេសរី​នតុង​ទ្រាប់​នទើ​ពាង់? អ៝ន់​ញុប​ក៝ត់​ល៝រ​ពាង់​អី​នៃ​ប៝ត់ រី​មើ​ទើយ​ពីត​ឆ៝ៈ​ទ្រាប់​នទើ​ទឹង​លែៈ​តា​ជៃ​ពាង់។
MAT 12:30 ឞូ​ម៝ស​មោ​គុ​មពែស​ឞើស​គ៝ប់ ពាង់​អី​នៃ​ជេង​តឹម​រាលាង់​ដាស​គ៝ប់។ ឞូ​ម៝ស​អី​មោ​រាគូម​នទ្រែល​គ៝ប់ ពាង់​អី​នៃ​ជេង​ឞូនុយ្ស​តឹម​ងខាស​ញហីង​ញហាង។
MAT 12:31 កើត​នទ្រី​ទឹង​គ៝ប់​មឞើស​អ៝ន់​មា​ខាន់​អៃ​មៃ ទឹង​លែៈ​នទើ​ឞូនុយ្ស​ជាន​តីស នទ្រែល​មា​លាស​មឺច​រាម៝ត​កោរាញ​ឞ្រាស កោរាញ​ឞ្រាស​ហោម​យោៈ​មោ​អោស​កើប​នាវ​តីស​ជឹត។ តីស​មា​ឞូ​ម៝ស​អី​លាស​មឺច​រាម៝ត​ឞ្រាស​ហ្វេង​អ្វែស​អី​រី មោ​អោស​កោរាញ​ឞ្រាស​យោៈ​មា​ពាង់។
MAT 12:32 ឞូ​ម៝ស​ពាង់​អី​ងើយ​តឹម​រាទ៝ង់​ដាស​គ៝ប់​អី​ឞូនុយ្ស​តាៈ​ឞើស​កោរាញ​ឞ្រាស កោរាញ​ឞ្រាស​ហោម​យោៈ​មោ​អោស​កើប​នាវ​តីស​ពាង់ យើន​មា​ឞូ​ម៝ស​ពាង់​អី​ងើយ​តឹម​រាទ៝ង់​ដាស​ឞ្រាស​ហ្វេង​អ្វែស​អី​ក្ល៝ស​អ្វែស កោរាញ​ឞ្រាស​ហោម​កើប​នាវ​តីស​ពាង់​នានាវ ឞ៝ល​លាស​តា​រានោក​អាបៃ​អ្យា មោ​លាស​តា​រានោក​កោរាញ​ឞ្រាស​ម៝ត់​អ្វាញ់​ទឹង​លែៈ​ឞូនុយ្ស​ងាន់​តៃ​កាដោយ”។
MAT 12:33 “លាស​តើម​អ្វែស ព្លៃ​ពាង់​អ្វែស​ដ៝ង់ តីស​មា​លាស​តើម​មោ​អ្វែស ព្លៃ​ពាង់​មោ​អ្វែស​ដ៝ង់ យ៝រ​លាស​ទឹង​ឞូ​គឹត​នាល់​តើម​ឆី​តាៈ​ឞើស​ព្លៃ​ពាង់។
MAT 12:34 យេ! មពោល​ឞូនុយ្ស​អ្យើស​ឞូនុយ្ស​ជាញ​តឹម​ឞាន​មា​ឞេស​កូ! មើម​ខាន់​មៃ​ឞ្លាវ​ងើយ​នាវ​អ្វែស លាស​ឆាក់​ខាន់​មៃ​ជេង​ឞូនុយ្ស​អ្យើស? យ៝រ​លាស​ឞូនុយ្ស​ទឹង​លោស​ងើយ តាៈ​ឞើស​នាវ​មឹន​អ៝ក់​ងាន់​តា​នូយ្ស​នហ៝ម់​ពាង់។
MAT 12:35 ឞូនុយ្ស​អ្វែស​ងើយ​នទើ​អ្វែស យ៝រ​លាស​តា​ឆាក់​ពាង់​រី​គែស​នាវ​មឹន​អ្វែស​នឹង ឞូនុយ្ស​អ្យើស​ងើយ​នទើ​អ្យើស យ៝រ​លាស​តា​ឆាក់​ពាង់​រី​គែស​នាវ​មឹន​អ្យើស​នឹង។
MAT 12:36 គ៝ប់​លាស​មា​ខាន់​មៃ តា​នារ​កោរាញ​ឞ្រាស​ផាត​ទោយ្ស​ទឹង​លែៈ​ឞូនុយ្ស​តា​នែស​នតូ​តៃ ពាង់​ផាត​ទោយ្ស​ឞូនុយ្ស​មា​ទឹង​លែៈ​នាវ​អី​ឞូនុយ្ស​ងើយ​លាៈ​ងើយ​លេង​ដ៝ង់។
MAT 12:37 ពាង់​លែៈ​កើប​ខាន់​មៃ​ឆ៝ង់​មោ​គែស​ទោយ្ស យ៝រ​លាស​លោស​នាវ​ខាន់​មៃ​មឞើស​ងើយ មោ​លាស​ពាង់​កើប​ខាន់​មៃ​គែស​ទោយ្ស យ៝រ​លោស​នាវ​ខាន់​មៃ​មឞើស​ងើយ​ដ៝ង់”។
MAT 12:38 នោក​នៃ​គែស​អាបាៈ​ផូង​នើម​នតី​នាវ​វៃ​ផូង​អីឆ្រាអែល  នទ្រែល​មា​ផូង​ផារីឆី ​លាស​មា​ឞ្រាស​យេឆូ ៖ “អើ​នើម​នតីមៃ​ជាន​ទូ​នាវ​មឞេន​អ៝ន់​ហេន​ឆៃ​អឺស គៃ​មា​ញហើ​នាវ​ទើយ​មៃ​តាៈ​ឞើស​កោរាញ​ឞ្រាស”។
MAT 12:39 យើន​មា​ឞ្រាស​យេឆូ ​អើស​មា​ខាន់​ពាង់៖ “ឞូនុយ្ស​តា​រានោក​អាបៃ​អ្យា​ហោ​ងាន់​អ្យើស​មហឹក មោ​អុច​ជាន​តឹង​នាវ​កោរាញ​ឞ្រាស​អុច អុច​ឆៃ​មា​នាវ​មឞេន​ទើម យើន​មា​កោរាញ​ឞ្រាស​មោ​អោស​អ៝ន់​នាវ​មឞេន​អេង​ជឹត។ ពាង់​អ៝ន់​ទូ​នាវ​មឞេន​តឹម​ឞាន​មា​នាវ​មឞេន​យោនាយ្ស ​អី​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស​ទើម។
MAT 12:40 យ៝រ​លាស​យោនាយ្ស ​គុ​តា​ត្រោម​នទុល​កា​ក្វ៝ង់​ពែ​នាង់​ពែ​នារ កើត​នអៃ​ដ៝ង់​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​តៃ​គុ​តា​ត្រោម​នែស​ពែ​នាង់​ពែ​នារ​ដ៝ង់។
MAT 12:41 តា​នារ​កោរាញ​ឞ្រាស​ផាត​ទោយ្ស​ទឹង​លែៈ​ឞូនុយ្ស​តា​នែស​នតូ​អ្យា ឞូនុយ្ស​តា​ប៝ន​នីនីវេ ​មរា​តេៈ​ទោយ្ស​ឞូនុយ្ស​តា​រានោក​អាបៃ​អ្យា​ដ៝ង់ យ៝រ​លាស​រានោក​កាល់​អែ​នើស ជេស​ខាន់​ពាង់​តាង់​នាវ​យោនាយ្ស ​មឞើស ខាន់​ពាង់​រាគ៝ល់​លើយ​នូយ្ស​នហ៝ម់​អ្យើស​រ៝ ខាន់​ពាង់​នទុយ្ស​តោរ​លែៈ​លាន់​នាវ​ខាន់​ពាង់​ជាន​តីស​នើស។ យើន​មា​តា​អ្យា​អាបៃ​អ្យា​គែស​ដ៝ង់​ទូ​ហ្វេ​ឞូនុយ្ស​ក្វ៝ង់​រាលាវ​មា​យោនាយ្ស ​នៃ​ជឹត តីស​មា​ខាន់​មៃ​មោ​អោស​រាគ៝ល់​នូយ្ស​នហ៝ម់​អ្យើស។
MAT 12:42 តា​នារ​កោរាញ​ឞ្រាស​ផាត​ទោយ្ស​ទឹង​លែៈ​ឞូនុយ្ស​តា​នែស​នតូ គែស​កាដាច់​ឞូ​អូរ​រាញា​ពាង់​ឆេបា  ពាង់​មរា​តេៈ​ទោយ្ស​មា​ឞូនុយ្ស​រានោក​អាបៃ​អ្យា។ កាល់​អែ​នើស​ពាង់​កាដាច់​តា​ឞ្រី​អេង​ងាយ​មពែស​ឞើស​ទ៝ង់​ឞ្រី​អីឆ្រាអែល  ឞ៝ល​លាស​ពាង់​គុ​ងាយ​ទុត​ឞ្រី​ទុត​នែស​កាដោយ ពាង់​ហាន់​តា​ឞ្រី​អីឆ្រាអែល ​គៃ​មា​អ្យាត់​នាវ​មឹន​គឹត​ឞ្លាវ​កាដាច់​ឆាលោមោន ​តា​ឞ្រី​អ្យា។ យើន​មា​នារ​អ្យា​តា​នតុក​អ្យា​គែស​ទូ​ហ្វេ​ឞូនុយ្ស​នាវ​ងើយ​ពាង់​ខ្លៃ​រាលាវ​នាវ​ងើយ​កាដាច់​ឆាលោមោន  តីស​មា​ខាន់​មៃ​មោ​អោស​អុច​អ្យាត់​ពាង់”។
MAT 12:43 “លាស​ឞ្រាស​អ្យើស​លោស​ឞើស​ទូ​ហ្វេ​ឞូនុយ្ស ជេសរី​ពាង់​ឞ្រោៈ​រ៝ៈ​ឞ្រី​រាទាស ពាង់​ជ៝យ​នតុក​មា​គុ​មោ​គែស​អោស។
MAT 12:44 ជេសរី​ពាង់​មរា​លាស​អេង​កើត​នអា៖ «គ៝ប់​ព្លឹ​គុ​តា​ជៃ​អើម​គ៝ប់ នតុក​គ៝ប់​មហែ​លោស​នើស​ប៝ត់»។ ត៝ត់​ពាង់​ព្លឹ​តា​នៃ ឆៃ​ជៃ​អី​នៃ​លែៈ​ញឆ៝យ្ស​ទាទេ​មពេស​អ្វែស នទ្រាប់​អ្យាហែប‌
MAT 12:45 ជេសរី​ពាង់​ហាន់​ជាៈ​ពើស​ឞ្រាស​អ្យើស​អា​អេង​តៃ ឞ្រាស​អ្យើស​អី​នៃ​ជាញៗ​រាលាវ​ពាង់​ងាន់ ហាន់​លាប់​គុ​នទ្រែល​តា​នៃ​ដ៝ង់ ជាន​អ៝ន់​ឞូនុយ្ស​អី​នៃ​គែស​នាវ​ជេរ​អ្យើស​រាលាវ​អើម​នើស​ជឹត។ កើត​នទ្រី​ឞូនុយ្ស​អ្យើស​តា​រានោក​អ្យា​គែស​តឹម​ឞាន​កើត​នៃ​ដ៝ង់”។
MAT 12:46 នោក​ឞ្រាស​យេឆូ ​ហោម​គុ​ងើយ​ដាស​ផូង​ប៝ន​លាន​នៃ គែស​មេៈ​ពាង់​នទ្រែល​មពោល​អ៝ស​ឞូ​ក្លោ​ពាង់​គុ​ឞើស​ទីស​រី អុច​ងើយ​ដាស​ពាង់។
MAT 12:47 គែស​ទូ​ហ្វេ​ឞូនុយ្ស​ហាន់​មឞើស​មា​ពាង់៖ “ហើយ​នើម​នតី មេៈ​មៃ នទ្រែល​មា​ផូង​អ៝ស​ឞូ​ក្លោ​មៃ​គុ​ឞើស​ទីស​រី ខាន់​ពាង់​អុច​ងើយ​ដាស​មៃ”។
MAT 12:48 យើន​មា​ឞ្រាស​យេឆូ ​អើស​មា​ពាង់៖ “ឞូ​ម៝ស​មេៈ​គ៝ប់? ឞូ​ម៝ស​ផូង​អ៝ស​នោ​គ៝ប់?”
MAT 12:49 ជេសរី​ឞ្រាស​យេឆូ ​ញច៝ង់​តី​ជឹត​ផូង​អ៝ស​ម៝ន​ពាង់ពាង់​លាស៖ “ខាន់​ពាង់​អ្យា​មេៈ​គ៝ប់ នទ្រែល​មា​ផូង​អ៝ស​នោ​គ៝ប់​ហែស!
MAT 12:50 យ៝រ​លាស​ឞូ​ម៝ស​អី​អ្យាត់​តឹង​នាវ​អុច​ឞឹ​គ៝ប់​គុ​តា​កាលើ​ត្រោក ពាង់​អី​នៃ​អ៝ស​នោ​រោស​ក្លោ​គ៝ប់ នទ្រែល​មា​មេៈ​គ៝ប់”។
MAT 13:1 នារ​នៃ​ដ៝ង់​ឞ្រាស​យេឆូ ​លោស​ឞើស​ជៃ ហាន់​គុ​រាគើប​តា​មែង​ទាក​ងលៅ​ក្វ៝ង់​កាលីលេ ។
MAT 13:2 តា​នៃ​គែស​អ៝ក់​ឞូនុយ្ស​ហាន់​វាច់​អា​ពាង់ នទ្រី​ពាង់​ហាវ​គុ​រាគើប​តា​កាលើ​ទូ​មល៝ម់​ទូក ជេសរី​នតី​ឞើស​កាលើ​ទូក​រី ផូង​ប៝ន​លាន​គុ​រ៝ៈ​មែង​ទាក។
MAT 13:3 ជេសរី​ឞ្រាស​យេឆូ ​នតី​លាស​អ៝ន់​មា​ខាន់​ពាង់​អ៝ក់​មា​នាវ​ងើយ​នតឹត ពាង់​លាស​កើត​នអា៖ “អ្យាត់​ហ៝ៈ! គែស​ទូ​ហ្វេ​ឞូនុយ្ស​ឞូ​ក្លោ​ហាន់​ឆូយ​គារ់​នតីល​តា​មីរ។
MAT 13:4 នោក​ពាង់​ឆូយ​នៃ​អាបាៈ​តុប​រ៝ៈ​ត្រ៝ង ជេសរី​ឆ្យុម​ច៝ក​លែៈ​ផ្យៅ។
MAT 13:5 គារ់​អាបាៈ​តុប​តា​នែស​ក្លេរ គារ់​អី​នៃ​គើញ​ហ៝ន​ព្រូ​យ៝រ​លាស​នែស​នហើ។
MAT 13:6 យើន​មា​ត៝ត់​ទោស​នារ​តើម​អី​នៃ​នទ្រ៝​ប្រុង យ៝រ​មា​រែស​ពាង់​ហ៝ន​មោ​ជ្រូ។
MAT 13:7 គារ់​អាបាៈ​ជឹត​តុប​តា​នែស​ល៝ក ជេសរី​ល៝ក​ហ៝ន​ត៝ល់​លែៈ​ផ្យៅ។
MAT 13:8 ល៝ង់​គារ់​អី​អាបាៈ​ជឹត​តុប​តា​នែស​អ្វែស ពាង់​ហ៝ន​ព្រូ​អ្វែស​ជេង​ងាន់ នហ៝​មា​ត៝ត់​គែស​ព្លៃ​ទូ​គារ់​គែស ១០០‌ អាបាៈ​ទូ​គារ់​គែស ៦០‌ អាបាៈ​ជឹត​ទូ​គារ់​គែស ៣០។
MAT 13:9 ឞូ​ម៝ស​តាង់​នាវ​គ៝ប់​ងើយ​អ្យា អ៝ន់​ពាង់​ងក្ល៝ន់​អេង​តា​ឆាក់!”
MAT 13:10 ជេសរី​ផូង​អ៝ស​ម៝ន​ហាន់​អោប​ឞ្រាស​យេឆូ ៖ “មើម​ទឹង​មៃ​ងើយ​ដាស​ផូង​ប៝ន​លាន​ងើយ​នតឹត​កើត​នៃ?”
MAT 13:11 ឞ្រាស​យេឆូ ​អើស​មា​ខាន់​ពាង់៖ “អា​ល៝រ​នើស​នាវ​ខ្លៃ​កោរាញ​ឞ្រាស​ម៝ត់​អ្វាញ់​ឞូនុយ្ស​ហោម​នទ៝ប់​មពោន អាបៃ​អ្យា​កោរាញ​ឞ្រាស​អ៝ន់​មា​ខាន់​អៃ​មៃ​គឹត​វ៝ត់​នទើ​អី​នៃ។ ល៝ង់​ខាន់​ពាង់​កោរាញ​ឞ្រាស​មោ​អ៝ន់។
MAT 13:12 ឞូ​ម៝ស​អី​លែៈ​គែស កោរាញ​ឞ្រាស​កើយ​នត៝ប​អ៝ន់​មា​ពាង់​ជឹត ជេសរី​ឞូនុយ្ស​អី​នៃ​គែស​អ៝ក់​រាមែស​លែរ តីស​មា​ឞូ​ម៝ស​អី​មោ​គែស កោរាញ​ឞ្រាស​ឆ៝ៈ​រាហ្វាត់​លើយ​ទឹង​លែៈ​នទើ​អី​ពាង់​លែៈ​គែស ឞ៝ល​លាស​ដេៈ​កាដោយ។
MAT 13:13 កើត​នទ្រី​ទឹង​គ៝ប់​ងើយ​មា​ខាន់​ពាង់​ងើយ​នតឹត កើត​នទ្រី​ឞ៝ល​លាស​ខាន់​ពាង់​អ្វាញ់​នទើ​គ៝ប់​ជាន​ក៝ៈ​មោ​វ៝ត់​នទើ​ខ្លៃ​នាវ​អី​នៃ ខាន់​ពាង់​តាង់​នាវ​គ៝ប់​ងើយ​ក៝ៈ​មោ​អ្យាត់​មោ​វ៝ត់​ដ៝ង់។
MAT 13:14 នាវ​អី​អ្យា​ជេង​តឹម​ទី​ដាស​នាវ​អេឆាយ ​អី​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស​លែៈ​លាស​មា​ខាន់​ពាង់៖ «ខាន់​អៃ​មៃ​តាង់​ងាន់ តីស​មា​មោ​វ៝ត់។ ខាន់​អៃ​មៃ​អ្វាញ់​ងាន់ តីស​មា​មោ​អោស​ឆៃ​មោ​អោស​វ៝ត់‌
MAT 13:15 យ៝រ​លាស​នូយ្ស​នហ៝ម់​ផូង​ប៝ន​លាន​អ្យា​ទាង់​ក៝​ងាន់ តោរ​ខាន់​ពាង់​មឞ៝ល់។ ខាន់​ពាង់​ញេប​លើយ​មាត់ មោ​អ៝ន់​ឆៃ‌ តោរ​មោ​អ៝ន់​តាង់ នាវ​មឹន​គឹត​ឞ្លាវ​មោ​អ៝ន់​វ៝ត់ នទ្រី​ខាន់​ពាង់​មោ​ព្លឹ​ឆឹត​មា​គ៝ប់‌ ជេសរី​គ៝ប់​មោ​អុច​ជាន​ឞាស​ខាន់​ពាង់»។
MAT 13:16 យើន​មា​អ្វែស​មអាក​ងាន់​មា​ខាន់​អៃ​មៃ យ៝រ​លាស​ត្រោម​មាត់​ខាន់​អៃ​មៃ​លែៈ​ឆៃ តោរ​ខាន់​អៃ​មៃ​លែៈ​តាង់។
MAT 13:17 គ៝ប់​លាស​នហេល​នានេៈ​ងាន់​មា​ខាន់​អៃ​មៃ គែស​អ៝ក់​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស នទ្រែល​មា​អ៝ក់​ឞូនុយ្ស​ឆ៝ង់​កាល់​អែ​នើស​អុច​ឆៃ​ងាន់​ទឹង​លែៈ​នាវ​អី​ខាន់​អៃ​មៃ​ឆៃ​អាបៃ​អ្យា តីស​មា​មោ​អោស​ឆៃ ខាន់​ពាង់​អុច​តាង់​ងាន់​នាវ​អី​ខាន់​អៃ​មៃ​តាង់​អ្យា តីស​មា​មោ​អោស​តាង់”។
MAT 13:18 “លាស​នទ្រី​អ៝ន់​ខាន់​អៃ​មៃ​អ្យាត់​ហ៝ម់ ម៝ស​នាវ​ខ្លៃ​ងើយ​នតឹត​មា​ឞូនុយ្ស​ឆូយ​គារ់​នតីល​អី​នៃ។
MAT 13:19 លាស​គែស​ឞូនុយ្ស​តាង់​នាវ​ងក៝ច​មា​នាវ​កោរាញ​ឞ្រាស​អុច​ម៝ត់​អ្វាញ់​ឞូនុយ្ស តីស​មា​មោ​វ៝ត់​អោស អី​កោរាញ​មពោល​ឞ្រាស​អ្យើស​ហាន់​ឆ៝ៈ​នតុង​ទឹង​លែៈ​នទើ​អី​លែៈ​គែស​លាប់​តា​នូយ្ស​នហ៝ម់​ពាង់ នាវ​អី​នៃ​តឹម​ឞាន​មា​គារ់​តុប​តា​ត្រ៝ង។
MAT 13:20 ឞូនុយ្ស​អី​តឹម​ឞាន​មា​គារ់​តុប​តា​នែស​លុ ពាង់​តាង់​នាវ​កោរាញ​ឞ្រាស ជេសរី​អ្យាត់​រ៝​រាម់​មអាក​ងាន់។
MAT 13:21 ហ៝ន​អ្វែស​ទូ​ប្ល៝ត់​ទើម នាវ​កោរាញ​ឞ្រាស​មោ​អោស​ហ៝ន​រែស​តា​នូយ្ស​នហ៝ម់​ពាង់​នើម នទ្រី​ត៝ត់​គែស​នាវ​ជេរ​អេងៗ មោ​លាស​ឞូ​ជាន​ជេរ​យ៝រ​មា​នាវ​កោរាញ​ឞ្រាស ពាង់​មអារ់​រ៝​នាវ​ញឆីង។
MAT 13:22 ឞូនុយ្ស​អី​តឹម​ឞាន​មា​គារ់​នតីល​តុប​តា​នែស​ល៝ក ពាង់​តាង់​នាវ​ងើយ​កោរាញ​ឞ្រាស តីស​មា​តា​នូយ្ស​នហ៝ម់​ពាង់​ងក្ល៝ន់​រាវៃ​ហោ​ងាន់​មា​នាវ​រេស​តា​នែស​នតូ​អ្យា អុច​រាវាន​កើញ​គែស​ទ្រាប់​នទើ ជេសរី​នាវ​អី​នៃ​ពូត​បារ់​នាវ​កោរាញ​ឞ្រាស​អី​នៃ​មោ​អ៝ន់​ត៝ត់​ព្លៃ។
MAT 13:23 ល៝ង់​គារ់​អី​តុប​តា​នែស​អ្វែស តឹម​ឞាន​មា​ឞូនុយ្ស​តាង់​នាវ​កោរាញ​ឞ្រាស នហ៝​មា​វ៝ត់​នាវ​ខ្លៃ ជេសរី​ត៝ត់​គែស​ព្លៃ គែស​ទូ​ហ្វេ​ឞូនុយ្ស​រី​ទូ​គារ់​ជេង​គែស ១០០‌ ទូ​គារ់​ជេង​គែស ៦០‌ ឞូនុយ្ស​អាបាៈ​រី​ជឹត​ទូ​គារ់​ជេង​គែស ៣០ ងាន់”។
MAT 13:24 ឞ្រាស​យេឆូ ​ងើយ​នតឹត​ទូ​នតីល​នាវ​ជឹត​អ៝ន់​មា​ឞូ​កើត​នអា៖ “នាវ​កោរាញ​ឞ្រាស​ម៝ត់​អ្វាញ់​ឞូនុយ្ស ជេង​តឹម​ឞាន​មា​ទូ​ហ្វេ​ឞូនុយ្ស​ហាន់​ឆូយ​គារ់​នតីល​ឞា​អ្វែស​តា​មីរ​ពាង់​នើម។
MAT 13:25 យើន​មា​ត៝ត់​ឞូ​លែៈ​ឞិច គែស​ទូ​ហ្វេ​ឞូនុយ្ស​រាលាង់​ដាស​ពាង់ ហាន់​ឆូយ​គារ់​នតីល​ឞា​ឞ្រាក​តា​មីរ​អី​នៃ​ដ៝ង់ ជេសរី​ទូ​រ៝ស​ក្លាក់។
MAT 13:26 ត៝ត់​មា​ឞា​លែៈ​ហ៝ន​លែៈ​ជេង​លោស​មឞោន ឞា​ឞ្រាក​អី​នៃ​ហ៝ន​ដ៝ង់។
MAT 13:27 ជេសរី​ផូង​ទឹក​អី​តើម​មីរ​អី​នៃ​ហាន់​មឞើស​អា​កោរាញ​ខាន់​ពាង់៖ «អើ​កោរាញ នោក​មៃ​ឆូយ​គារ់​នតីល​តា​មីរ​មៃ​នើស គារ់​នតីល​ឞា​អ្វែស។ លាស​នទ្រី​ឞើស​តាៈ​លោស​ឞា​ឞ្រាក​អ្យា?»
MAT 13:28 កោរាញ​អី​នៃ​លាស៖ «គែស​ឞូនុយ្ស​រាលាង់​រ៝​ហាន់​ឆូយ​អី​រី»។ ផូង​ទឹក​អើស​មា​ពាង់៖ «លាស​នទ្រី​មៃ​អុច​អ៝ន់​ហេន​រោក​លើយ​ឞើស?»
MAT 13:29 កោរាញ​ពាង់​អើស៖ «មោ​ខាច់​អោស លាស​ខាន់​មៃ​រោក ក្លាច​លាស​គែស​រោក​នអ៝ប់​មា​ឞា។
MAT 13:30 អុច​រ៝ង​អ៝ន់​ពាង់​ហ៝ន​នទ្រែល​ហ៝ៈ ត៝ត់​ខៃ​រែក​រី​តៃ គ៝ប់​មរា​មឞើស​មា​ឞូនុយ្ស​រែក ដាៈ​ខាន់​ពាង់​រែក​ល៝រ​ឞា​ឞ្រាក​ចាប់​រាគូម​ពូរ​លើយ​តា​អុញ ជេសរី​ទឹង​រែក​រាគូម​ឞា​ងាន់​តោស​ព្រាប់​តា​ជៃ​គ៝ប់​នើម»”។
MAT 13:31 ឞ្រាស​យេឆូ ​ងើយ​នតឹត​អ៝ន់​មា​ខាន់​ពាង់​ទូ​នតីល​នាវ​ជឹត៖ “នាវ​កោរាញ​ឞ្រាស​ម៝ត់​អ្វាញ់​ឞូនុយ្ស​តឹម​ឞាន​មា​គែស​ទូ​ហ្វេ​ឞូនុយ្ស​ហាន់​ឆូយ​គារ់​ទូ​នតីល​ទុត​ជេៈ​តា​មីរ​ពាង់​នើម។
MAT 13:32 ឞ៝ល​លាស​គារ់​នតីល​អី​នៃ​ជេៈ​រាលាវ​ឞូ​ងាន់​ដាស​មា​ទឹង​លែៈ​គារ់​នតីល​អេងៗ ត៝ត់​ពាង់​លែៈ​ហ៝ន ពាង់​ក្វ៝ង់​រាលាវ​តើម​ឆី​អេងៗ​តា​មីរ ជេង​ទូ​មល៝ម់​តើម​ឆី​ក្វ៝ង់​ងាន់ គែស​ឆ្យុម​ទ្រ៝ម់​គុ​ជាន​រាឆ្វាន់​តា​ងគីង​នថាន​ពាង់”។
MAT 13:33 ឞ្រាស​យេឆូ ​ងើយ​នតឹត​ទូ​នតីល​នាវ​ជឹត៖ “នាវ​កោរាញ​ឞ្រាស​ម៝ត់​អ្វាញ់​ឞូនុយ្ស​ជេង​តឹម​ឞាន​មា​នទ្រូយ​អី​ដេៈ ទូ​ហ្វេ​ឞូ​អូរ​ឆ៝ៈ​ព៝ត​លាយ​នទ្រែល​រានីស​ឞា​ព្រាង់ ​អ៝ក់ ពាង់​តេៈ​ទាក​មព្យាច់​អ៝ន់​តឹម​លាប់​ឞាល់​គៃ​មា​ជាន​នុមពាង់។ ត៝ត់​ជ៝ៈ​ទូ​ម៝ង​ឞារ​ម៝ង​ឞើស​កើយ​នៃ ឞ៝ល​លាស​ពាង់​តេៈ​នទ្រូយ​ដេៈ​កាដោយ ហោម​ទឹង​លែៈ​នទើ​អី​នៃ​លើ​មា​ក្វ៝ង់​លើ​មា​ក្វ៝ង់”។
MAT 13:34 ទឹង​លែៈ​នាវ​អី​នៃ​ឞ្រាស​យេឆូ ​ងើយ​អ៝ន់​មា​ផូង​ប៝ន​លាន ពាង់​ងើយ​នតឹត​ទាទេ ពាង់​មោ​គែស​អោស​ងើយ​នាវ​លាស​ពាង់​មោ​ងើយ​នតឹត។
MAT 13:35 ពាង់​ងើយ​កើត​នៃ គៃ​មា​តឹម​ទី​ដាស​នាវ​មពោល​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស​លែៈ​លាស​កើត​នអា៖ «គ៝ប់​មរា​ងើយ​មា​ខាន់​ពាង់​មា​នាវ​ងើយ​នតឹត‌ គ៝ប់​មឞើស​ងក៝ច​នាវ​នទ៝ប់​មពោន​ឞើស​នតើម​ឆាអើម​អ៝ន់​ខាន់​ពាង់​គឹត»។
MAT 13:36 ជេសរី​ឞ្រាស​យេឆូ ​ឆឹត​ឞើស​ផូង​ប៝ន​លាន​នៃ​លាប់​តា​ទូ​មល៝ម់​ជៃ ផូង​អ៝ស​ម៝ន​ហាន់​អោប​ពាង់៖ “ទាន់​មៃ​មឞើស​អ៝ន់​ហេន ម៝ស​នាវ​ខ្លៃ​ងើយ​នតឹត​មា​ឞា​ឞ្រាក​តា​មីរ​អី​នៃ?”
MAT 13:37 ឞ្រាស​យេឆូ ​មឞើស​មា​ខាន់​ពាង់៖ “នើម​អី​ឆូយ​គារ់​នតីល​ឞា​អ្វែស នតឹត​តឹម​ឞាន​មា​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស។
MAT 13:38 មីរ​អី​នៃ​នតឹត​តឹម​ឞាន​មា​នែស​នតូ​អ្យា។ គារ់​នតីល​ឞា​អ្វែស​នតឹត​តឹម​ឞាន​មា​ផូង​ឞូនុយ្ស​អី​លែៈ​គុ​តា​នាវ​កោរាញ​ឞ្រាស​ម៝ត់​អ្វាញ់។ ឞា​ឞ្រាក​អី​នៃ​នតឹត​តឹម​ឞាន​មា​ផូង​ឞូនុយ្ស​អី​អ្យាត់​នាវ​កោរាញ​មពោល​ឞ្រាស​អ្យើស។
MAT 13:39 ឞូនុយ្ស​រាលាង់​ឆូយ​ឞា​ឞ្រាក​អី​នៃ​នតឹត​តឹម​ឞាន​មា​កោរាញ​មពោល​ឞ្រាស​អ្យើស។ ខៃ​រែក​នតឹត​តឹម​ឞាន​មា​នារ​ងគ្លែៈ​ទុត​នែស​នតូ​តៃ។ នើម​នាក់​រែក​នតឹត​តឹម​ឞាន​មា​ផូង​តោង​ពារ់។
MAT 13:40 ឞូ​រែក​ឞា​ឞ្រាក​ឆូ​លើយ​តា​អុញ លាស​នទ្រី​តា​នារ​ងគ្លែៈ​ទុត​នែស​នតូ​តៃ​ពាង់​គែស​តឹម​ឞាន​កើត​នៃ​ដ៝ង់៖
MAT 13:41 គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​មរា​ដាៈ​តោង​ពារ់​គ៝ប់​នើម​ហាន់​ញុប​ទឹង​លែៈ​ផូង​ជាន​អ្យើស នទ្រែល​មា​ទឹង​លែៈ​ផូង​លែវ​ឞូ​ជាន​តីស ងលោស​ខាន់​ពាង់​ឞើស​នាវ​គ៝ប់​ម៝ត់​អ្វាញ់‌
MAT 13:42 ងក្លាច់​លើយ​ខាន់​ពាង់​តា​នទ្រូង​អុញ តា​នតុក​នៃ​គែស​នាវ​ញហ្យាង់​ញុម នទ្រែល​មា​រាច្យាត់​ឆេក។
MAT 13:43 យើន​មា​ឞូនុយ្ស​ឆ៝ង់​គែស​នាវ​ច្រាត​អាង​តឹម​ឞាន​មា​នារ​ងាន់ គុ​នទ្រែល​នាវ​កោរាញ​ឞ្រាស​ឞឹ​ខាន់​ពាង់​នើម​ម៝ត់​អ្វាញ់។ ឞូ​ម៝ស​តាង់​នាវ​គ៝ប់​ងើយ​អ្យា អ៝ន់​ពាង់​មឹន​អេង​តា​ឆាក់​ពាង់​នើម”។
MAT 13:44 “នាវ​កោរាញ​ឞ្រាស​ម៝ត់​អ្វាញ់​នតឹត​តឹម​ឞាន​មា​ឞូ​ត៝ប់​នទ៝ប់​ទ្រាប់​នទើ​ខ្លៃ​តា​មីរ។ គែស​ទូ​ហ្វេ​ឞូ​ក្លោ​ឆៃ​ទ្រាប់​នទើ​ខ្លៃ​អី​នៃ ពាង់​ពោន​រ៝ ពាង់​រាម់​មអាក​ហោ​ងាន់ ជេសរី​ពាង់​ឆឹត​តាច់​ទឹង​លែៈ​នទើ​ពាង់​គែស គៃ​មា​ឆ៝ៈ​ព្រាក់​រាវាត់​នែស​មីរ​អី​នៃ”។
MAT 13:45 “នាវ​កោរាញ​ឞ្រាស​ម៝ត់​អ្វាញ់​នតឹត​តឹម​ឞាន​មា​ទូ​ហ្វេ​ឞូនុយ្ស​ហាន់​ជ៝យ​រាវាត់​ពិច​មល៝ម់​(លុ​គ្ល៝)​អី​ខ្លៃ​ដ៝ង់។
MAT 13:46 ត៝ត់​ពាង់​លែៈ​ឆៃ​ពិច​ទូ​មល៝ម់​(លុ​គ្ល៝)​ទុត​ខ្លៃ ពាង់​ឆឹត​តាច់​ទឹង​លែៈ​នទើ​ពាង់​គែស គៃ​មា​រាវាត់​ពិច​(លុ​គ្ល៝)​ខ្លៃ​អី​នៃ”។
MAT 13:47 “នាវ​កោរាញ​ឞ្រាស​ម៝ត់​អ្វាញ់​ឞូនុយ្ស​នតឹត​តឹម​ឞាន​មា​ម៝ង​អី​ឞូ​ទ្រាង់​តា​ទាក​វាច់​ទាក​វារ់​គែស​កា​អាប់​នតីល​ងាន់។
MAT 13:48 ត៝ត់​មា​លែៈ​គែស​ឞេង​ម៝ង​រី ឞូ​អូយ្ស​ហាវ​អា​កើស​អ្យា ជេសរី​គុ​ទោញ​កា​អី​អ្វែសៗ​តេៈ​តា​ត្រោម​ឆាស កា​អី​មោ​អ្វែស​មអារ់​លើយ។
MAT 13:49 តា​នារ​ងគ្លែៈ​ទុត​នែស​នតូ​តៃ​តឹម​ឞាន​មា​កើត​នៃ​ដ៝ង់។ ផូង​តោង​ពារ់​ហាន់​តឹម​ងខាស​ផូង​តីស​លោស​ឞើស​ផូង​ឆ៝ង់។
MAT 13:50 ជេសរី​ខាន់​ពាង់​ងក្លាច់​ផូង​តីស​តា​នទ្រូង​អុញ តា​នតុក​នៃ​គែស​នាវ​ញហ្យាង់​ញុម នទ្រែល​មា​រាច្យាត់​ឆេក”។
MAT 13:51 ឞ្រាស​យេឆូ ​អោប​ផូង​អ៝ស​ម៝ន​ពាង់៖ “អាស​ខាន់​អៃ​មៃ​គឹត​វ៝ត់​ដ៝ង់​នាវ​ទឹង​លែៈ​អ្យា?” ខាន់​ពាង់​អើស៖ “វ៝ត់”។
MAT 13:52 ឞ្រាស​យេឆូ ​លាស​តៃ​មា​ខាន់​ពាង់៖ “ទឹង​លែៈ​ផូង​នើម​នតី​នាវ​វៃ​ឞ៝ន់ អី​នតី​តឹង​នាវ​គ៝ប់​នតី​មា​នាវ​កោរាញ​ឞ្រាស​ម៝ត់​អ្វាញ់​ឞូនុយ្ស ពាង់​តឹម​នតឹត​តឹម​ឞាន​មា​ទូ​ហ្វេ​ឞូនុយ្ស​តើម​ជៃ ពាង់​ងលោស​ទឹង​លែៈ​ទ្រាប់​នទើ​ខ្លៃ​ពាង់​នើម​ឞើស​នតុក​ពាង់​ព្រាប់ នអ៝ប់​មា​នទើ​អើម​នទើ​មហែ”។
MAT 13:53 ជេស​ឞ្រាស​យេឆូ ​ងើយ​នតឹត​កើត​នៃ ជេសរី​ពាង់​ទូ​លោស​ឞើស​នតុក​នៃ‌
MAT 13:54 ហាន់​តា​ប៝ន​នាឆារែត ​អី​ប៝ន​ពាង់​នើម ពាង់​នតុម​នតី​ឞូ​តា​ញីស​រាបុន​ខាន់​ពាង់​នើម។ ទឹង​លែៈ​ឞូនុយ្ស​គែស​នាវ​នទ្រ៝ត់​ហីស​រាហ៝ល់​ងាន់ ជេសរី​តឹម​លាស​នទ្រាង់​ខាន់​ពាង់​នើម៖ “ហៃ! ឞើស​តាៈ​គែស​នាវ​មឹន​គឹត​ឞ្លាវ​ពាង់​អី​នៃ នទ្រែល​មា​នាវ​ទើយ ទើយ​ជាន​នាវ​ខ្លៃ​នៃ​ហៃ?
MAT 13:55 ពាង់​អី​នៃ​អី​ក៝ន​ឞូនុយ្ស​នាក់​ជាន​ការ​តើម​ឆី​ទើម មេៈ​ពាង់​រាញា​មារី  អ៝ស​ឞូ​ក្លោ​ពាង់​រាញា​យាកើ យោឆែប ឆីមោន  នទ្រែល​មា​យូដាស ‌
MAT 13:56 ទឹង​លែៈ​អី​អ៝សៗ​ឞូ​អូរ​ពាង់​គុ​នទ្រែល​ឞ៝ន់​តា​ប៝ន​អ្យា​ដ៝ង់។ លាស​នទ្រី​ឞើស​តាៈ​នាវ​គឹត​នាវ​ទើយ​ពាង់​អី​នៃ?”
MAT 13:57 នទ្រី​ទឹង​ខាន់​ពាង់​ជី​នូយ្ស​ក៝ៈ​នូយ្ស​ក៝ៈ​នហ៝ម់​មោ​អុច​អ្យាត់​នាវ​ពាង់។ ឞ្រាស​យេឆូ ​លាស​មា​ខាន់​ពាង់៖ “ទី​ងាន់! មពោល​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស ឞូ​យើក​តា​ទឹង​លែៈ​នតុក យើន​មា​ឞូ​មឺច​ខាន់​ពាង់​តា​ឞ្រី​ខាន់​ពាង់​នើម នទ្រែល​មា​តា​ជៃ​ខាន់​ពាង់​នើម​ដ៝ង់”។
MAT 13:58 តា​នតុក​នៃ​ឞ្រាស​យេឆូ ​ជាន​នទើ​អ្វែស​នទើ​ខ្លៃ​មោ​អោស​អ៝ក់ យ៝រ​លាស​ឞូ​មោ​អោស​ញឆីង​មា​ពាង់។
MAT 14:1 នោក​នៃ​ហេរោត-​អ៝ន់តីពាស ​អី​កោរាញ​ម៝ត់​អ្វាញ់​ឞ្រី​កាលីលេ ​តាង់​លឺ​ឞ្រាស​យេឆូ ។
MAT 14:2 ពាង់​លាស​មា​ផូង​កើល​ជាន​ការ​មា​ពាង់៖ “ឞូនុយ្ស​អី​នៃ​យោហាន-​បាប់តែម ​អី​គ៝ប់​លែៈ​ងខឹត ពាង់​លែៈ​ទ៝ក់​រេស​តៃ នទ្រី​ទឹង​ពាង់​អី​នៃ​គែស​នាវ​ទើយ​ជាន​លែៈ​នាវ​កើត​នៃ”។
MAT 14:3 អា​ល៝រ​នើស​ហេរោត ​ពីត​ឆ៝ៈ​អូរ​អី​អ៝ស​ពាង់​រាញា​ផីលីប  ជេសរី​ពាង់​ឆ៝ៈ​អី​អូរ​ផីលីប ​រាញា​ហេរោដៀស ​ជាន​អូរ។ ជេស​គឹត​នទ្រី​យោហាន-​បាប់តែម ​លាស​ហេរោត ៖ “មោ​អោស​ទី​ដាស​នាវ​វៃ​ឞ៝ន់ វែរ​ឆ៝ៈ​អូរ​អ៝ស​ជាន​អូរ​មៃ”។ ជេសរី​ហេរោត ​ដាៈ​តាហែន​ញុប​យោហាន-​បាប់តែម ​ក៝ត់​ក្រុង​តា​នទ្រូង​រី គៃ​មា​អី​អូរ​ពាង់​នៃ​រាម់​មអាក។
MAT 14:5 កើត​នទ្រី​ទឹង​ហេរោត ​អុច​ងខឹត​យោហាន-​បាប់តែម  យើន​មា​ពាង់​មោ​អោស​ឞាញ់ ក្លាច​ផូង​ប៝ន​លាន យ៝រ​មា​ផូង​ប៝ន​លាន​អ្វាញ់​យោហាន-​បាប់តែម ​ជេង​ឞូនុយ្ស​នតើយ្ស​នាវ​ងើយ​កោរាញ​ឞ្រាស នទ្រី​ទឹង​ហេរោត ​ញុប​ងក្រុង​ពាង់​ទើម។
MAT 14:6 តា​នារ​ញេត​បុន​កាស​គឹត​នារ​ទែស​ហេរោត  ក៝ន​ឞូ​អូរ​ហេរោដៀស ​លាប់​រ៝ម់​ឞើស​នាប់​ផូង​ឞូ​នាច់​គុ​រាបុន​តា​នៃ ជាន​អ៝ន់​ហេរោត ​រាម់​ងាន់‌
MAT 14:7 ត៝ត់​មា​ពាង់​ត៝ន​អ៝ន់​នទើ​មា​ក៝ន​ឞូ​អូរ​អី​នៃ ម៝ស​នទើ​ក៝ន​ឞូ​អូរ​អី​នៃ​ទាន់ ពាង់​អ៝ន់​ទាទេ​រ៝។
MAT 14:8 ក៝ន​ឞូ​អូរ​អី​នៃ​អ្យាត់​នាវ​មេៈ​ពាង់​ដាៈ ពាង់​ទាន់​មា​ហេរោត ​កើត​នអា៖ “គ៝ប់​ទាន់​ឞោក​យោហាន-​បាប់តែម ​អ៝ន់​មា​គ៝ប់ តេៈ​តា​កាលើ​ងាន​ថាង​តា​អ្យា​រ៝”។
MAT 14:9 ជេស​តាង់​នាវ​ទាន់​អី​នៃ ហេរោត ​នទុយ្ស​តោរ​ហោ​ងាន់ យើន​មា​ពាង់​ដាៈ​ឞូ​ជាន​កើត​នាវ​ក៝ន​ឞូ​អូរ​អី​នៃ​ទាន់ យ៝រ​មា​កាដាច់​លែៈ​លាន់​ត៝ន​ឞើស​នាប់​ផូង​ឞូ​នាច់​អី​គុ​តា​នៃ។
MAT 14:10 ពាង់​ដាៈ​ឞូ​ហាន់​ក៝ស​ត៝ង​ក៝​យោហាន-​បាប់តែម ​តា​ត្រោម​នទ្រូង​រី។
MAT 14:11 ឞូ​ឆ៝ៈ​អី​ឞោក​តេៈ​កាលើ​ងាន​ថាង ជេសរី​នទឹ​អ៝ន់​មា​ឞូ​ទ្រោស​នៃ ឞូ​ទ្រោស​អី​នៃ​ញអោត​នទឹ​អ៝ន់​មា​អី​មេៈ​ពាង់​នើម។
MAT 14:12 ជេសរី​ផូង​អ៝ស​ម៝ន​យោហាន-​បាប់តែម ​ហាន់​ឆ៝ៈ​ឆាក់​ពាង់​ហាន់​ត៝ប់ ជេសរី​ហាន់​មឞើស​ងក៝ច​នាវ​អី​នៃ​អ៝ន់​មា​ឞ្រាស​យេឆូ ។
MAT 14:13 ត៝ត់​ឞ្រាស​យេឆូ ​តាង់​នាវ​អី​នៃ ជេសរី​ពាង់​លោស​ឞើស​នតុក​នៃ​ញច៝​ទូក​នទ្រែល​មពោល​អ៝ស​ម៝ន​ពាង់​ហាន់​តា​ទូ​នតុក​បាស​មា​ឞូ។ យើន​មា​ផូង​ប៝ន​លាន​លែៈ​តាង់ ខាន់​ពាង់​លោស​តាៈ​ឞើស​ប៝ន​អេងៗ ហាន់​ឞ្រោៈ​តឹង​ឞ្រាស​យេឆូ ។
MAT 14:14 នោក​ឞ្រាស​យេឆូ ​ជុរ​ឞើស​ទូក​នៃ​ឆៃ​ផូង​ប៝ន​លាន​អ៝ក់​មពឺម​ងាន់។ ពាង់​គែស​នាវ​យោៈ​នអាច​មា​ខាន់​ពាង់​ងាន់ ជេសរី​ពាង់​ជាន​ឞាស​ឞូនុយ្ស​គែស​នាវ​ជី​ក្វែត​តា​ផូង​ខាន់​ពាង់។
MAT 14:15 ត៝ត់​ឞើយ​មា​ទេស​នារ មពោល​អ៝ស​ម៝ន​ពាង់​ហាន់​មឞើស​មា​ឞ្រាស​យេឆូ ​លាស៖ “តា​អ្យា​នតុក​រាទាស​ងាយ​ឞើស​ប៝ន មោ​អោស​គែស​នទើ​ឆា នារ​លែៈ​ឞើយ​ញ៝ប់​ដ៝ង់។ មៃ​ដាៈ​ផូង​ប៝ន​លាន​ព្លឹ​ឆឹត​ជ៝យ​រាវាត់​នទើ​មា​ឆោង​ឆា​រ៝ៈ​ប៝ន​អី​ទាច់ៗ​អ៝យ​តា​អ្យា”។
MAT 14:16 យើន​មា​ឞ្រាស​យេឆូ ​លាស​មា​ខាន់​ពាង់៖ “មោ​ខាច់​អោស​អ៝ន់​ឞូ​ជ៝យ​រាវាត់​នទើ ខាន់​អៃ​មៃ​អ៝ន់​ឞូ​ឆោង​ឆា​ហែស”។
MAT 14:17 មពោល​អ៝ស​ម៝ន​អើស​មា​ពាង់៖ “ហេន​គែស​ព្រាម់​មល៝ម់​នុមពាង់ នទ្រែល​មា​ឞារ​មល៝ម់​កា​ទើម”។
MAT 14:18 ឞ្រាស​យេឆូ ​លាស​មា​ខាន់​ពាង់៖ “ញអោត​លែវ​នុមពាង់ នទ្រែល​មា​កា​អី​នៃ​អា​គ៝ប់​អ្យា”។
MAT 14:19 ជេសរី​ឞ្រាស​យេឆូ ​ដាៈ​ផូង​ប៝ន​លាន​គុ​កាលើ​រេប​ញឆែ ពាង់​ឆ៝ៈ​ព្រាម់​មល៝ម់​នុមពាង់ នទ្រែល​មា​ឞារ​មល៝ម់​កា​រី ពាង់​ងគើរ​មាត់​ជឹត​លើ​មឞើស​ឆើម​នទើ​ឆោង​ឆា​អី​នៃ​មា​កោរាញ​ឞ្រាស។ លោច​ជេស​ពាង់​គិច​នុមពាង់​អី​នៃ​នទឹ​អ៝ន់​អ៝ស​ម៝ន មពោល​អ៝ស​ម៝ន​ពាៈ​ផូង​ប៝ន​លាន​ឆា។
MAT 14:20 ជេស​តឹម​ពាៈ​នទើ​ឆា​អី​រី ទឹង​លែៈ​ឞូនុយ្ស​គុ​ឆា​តា​នៃ​ហើម​ទាទេ ជេសរី​មពោល​អ៝ស​ម៝ន​រាគូម​នុមពាង់ នទ្រែល​មា​កា​អី​ហោម​រាមែស​នៃ​គែស ១២ ឆាស។
MAT 14:21 ផូង​ប៝ន​លាន​អី​ឆា​នៃ​នើស​កើប​អី​ឞូ​ក្លោ​ទើម​អ៝ក់ ៥០០០ នុយ្ស មោ​កើប​អោស​ផូង​ឞូ​អូរ នទ្រែល​មា​ក៝ន​ឆែ។
MAT 14:22 ទូ​នទ៝ម់​តា​នៃ ឞ្រាស​យេឆូ ​ដាៈ​មពោល​អ៝ស​ម៝ន​ពាង់​ហាន់​ល៝រ​ញច៝​ទូក​មពែស​ជឹត​កាល់​តី​រី ជេសរី​ពាង់​ដាៈ​ផូង​ប៝ន​លាន​ទឹង​លែៈ​អី​គុ​តា​នៃ​ព្លឹ​ឆឹត។
MAT 14:23 ជេស​ដាៈ​នទ្រី ឞ្រាស​យេឆូ ​ហាវ​តា​កាលើ​យោក​ទូ​ហ្វេ​អេង​គៃ​មា​មឞើស​ឆើម។ ត៝ត់​ឞ្រី​លែៈ​មាង់​ពាង់​ហោម​គុ​ទូ​ហ្វេ​អេង​តា​នតុក​នៃ។
MAT 14:24 នោក​នៃ​ទូក​លែៈ​តា​ងក្លាង​ទាក​ងលៅ​ក្វ៝ង់ ងាយ​ឞើស​កើស គែស​ទាក​រាឞុស​ទុត​ទាង់ យ៝រ​លាស​ខាន់​ពាង់​ហាន់​រាលឹ​ឞើស​ចោង​ឆ្យាល។
MAT 14:25 ត៝ត់​មា​លែៈ​ទូ​តឹ​នទ្រាវ​អ្យារ់ ឞ្រាស​យេឆូ ​ហាន់​តឹង​ផូង​អ៝ស​ម៝ន​ពាង់ពាង់​ឞ្រោៈ​តា​កាលើ​ទាក។
MAT 14:26 ត៝ត់​មា​ឆៃ​ពាង់​ឞ្រោៈ​តា​កាលើ​ទាក​ងលៅ​នៃ មពោល​អ៝ស​ម៝ន​ក្លាច​ញឆ៝រ់​ងាន់ ខាន់​ពាង់​លាស៖ “ច្យាក​ញហូ​ឞ៝ន់​មេៈ!” ខាន់​ពាង់​នតែរ​ទ្រើវ។
MAT 14:27 យើន​មា​ឞ្រាស​យេឆូ ​លាស​ខាន់​ពាង់​រ៝៖ “លើយ​ក្លាច​អោស អ៝ន់​នូយ្ស​នហ៝ម់​ឞាញ់ គ៝ប់​យា!”
MAT 14:28 ពេត្រោស ​លាស​មា​ឞ្រាស​យេឆូ ៖ “អើ​កោរាញ លាស​មៃ​ងាន់ អ៝ន់​គ៝ប់​ឞ្រោៈ​កាលើ​ទាក​ហាន់​អា​មៃ​នៃ”។
MAT 14:29 ឞ្រាស​យេឆូ ​លាស​មា​ពាង់៖ “វាច់​តា​អ្យា​ហ៝ម់!” ជេសរី​ពេត្រោស ​ជុរ​ឞើស​លើ​ទូក ឞ្រោៈ​កាលើ​ទាក​ហាន់​អា​ឞ្រាស​យេឆូ ។
MAT 14:30 យើន​មា​ត៝ត់​ពាង់​ឆៃ​ឆ្យាល​ហោ​អីរ នតើម​ក្លាច​ងាន់ ពាង់​នតើម​ង៝ម់​តា​ទាក នហ៝​មា​នតែរ​ក្វាល់​ឞ្រាស​យេឆូ ៖ “អើ​កោរាញ កើល​គ៝ប់​អើ!”
MAT 14:31 ឞ្រាស​យេឆូ ​នតា​តី​ញុប​តី​ពាង់​រ៝ នអ៝ប់​មា​លាស៖ “អើ​ឞូនុយ្ស​គែស​នាវ​ញឆីង​ដេៈ មើម​មៃ​មោ​គុ​ន៝ប់​តា​នាវ​ញឆីង?”
MAT 14:32 ជេសរី​ឞ្រាស​យេឆូ  នទ្រែល​មា​ពេត្រោស ​ហាវ​តា​កាលើ​ទូក ឆ្យាល​ឞាស​រាង៝ន់​រ៝។
MAT 14:33 ផូង​គុ​ញច៝​តា​កាលើ​ទូក​រី យើក​មឞាស​ឞ្រាស​យេឆូ  នអ៝ប់​មា​លាស​ពាង់៖ “មៃ​ក៝ន​កោរាញ​ឞ្រាស​ងាន់​រ៝”។
MAT 14:34 ជេសរី​ឞ្រាស​យេឆូ  នទ្រែល​មា​មពោល​អ៝ស​ម៝ន​ពាង់ ហាន់​ត៝ត់​កាល់​តី​ទាក ត៝ត់​តា​ឞ្រី​កេនេឆារែត ។
MAT 14:35 ឞូនុយ្ស​តា​ឞ្រី​នៃ​នាល់​ពាង់​រ៝ ជេសរី​ខាន់​ពាង់​ហាន់​មឞើស​ងក៝ច​រ៝ៈ​ជៃ​លាម​ឞ្រី​នៃ។ ទឹង​លែៈ​ឞូនុយ្ស​អី​គែស​នាវ​ជី​ក្វែត ឞូ​ញជុន​អា​ពាង់​ទាទេ។
MAT 14:36 ខាន់​ពាង់​ឞ៝ញ​ឞ្រាស​យេឆូ ​ទាន់​ពាស​ពាង់ ឞ៝ល​លាស​ពាស​តា​ច្យាង់​អាវ​ពាង់​ទើម​កាដោយ ឞូ​ម៝ស​អី​គែស​ពាស​ឞាស​ទាទេ។
MAT 15:1 ជេសរី​ផូង​ផារីឆី  នទ្រែល​មា​ផូង​នើម​នតី​នាវ​វៃ​ផូង​អីឆ្រាអែល ​អី​តាៈ​ឞើស​ប៝ន​យេរូឆាលឹម  ហាន់​អោប​ឞ្រាស​យេឆូ ៖
MAT 15:2 “ម៝ស​ឆី​កោៈ​មពោល​អ៝ស​ម៝ន​មៃ​មោ​ជាន​តឹង​នាវ​វៃ​អើម​ឞើស​កាល់​អែ យ៝រ​លាស​ខាន់​ពាង់​ឆោង​អេ​ហ៝ៈ​រាវ​តី​ល៝រ?”
MAT 15:3 ឞ្រាស​យេឆូ ​អើស​មា​ខាន់​ពាង់៖ “លាស​នទ្រី​ខាន់​មៃ ម៝ស​ឆី​កោៈ​មោ​ជាន​តឹង​នាវ​កោរាញ​ឞ្រាស​ដាៈ ងខើង​មា​ជាន​តឹង​នាវ​វៃ​ខាន់​មៃ​នើម?
MAT 15:4 យ៝រ​លាស​កោរាញ​ឞ្រាស​លែៈ​លាស​កើត​នអា៖ «អ៝ន់​ខាន់​អៃ​មៃ​យើក​ហ៝ម់​មា​មេៈ​ឞឹ» ជេសរី «ឞូ​ម៝ស​រាក​ឆ្វាយ​មា​មេៈ​ឞឹ​ពាង់​នើម ពាង់​អី​នៃ​គែស​ទោយ្ស​ត៝ត់​ឞូ​ងខឹត​រ៝»។
MAT 15:5 យើន​មា​ខាន់​មៃ​លាស ឞូ​ម៝ស​លាស​មា​មេៈ​ឞឹ​ពាង់​នើម៖ «ទឹង​លែៈ​នទើ​អី​ទី​មា​គ៝ប់​អ៝ន់​មា​ខាន់​អៃ​មៃ លែៈ​គ៝ប់​ត៝ន​ញហើរ​មា​កោរាញ​ឞ្រាស»។
MAT 15:6 លាស​នទ្រី​ឞូនុយ្ស​អី​នៃ​មោ​ហោម​អោស​ខាច់​យើក​មា​មេៈ​ឞឹ​ពាង់។ កើត​នទ្រី​ខាន់​មៃ​ងគ្រ៝ស​លើយ​នាវ​ងើយ​កោរាញ​ឞ្រាស ញអោត​ងខើង​នាវ​វៃ​ខាន់​មៃ​នើម​ច្រាវ។
MAT 15:7 ខាន់​មៃ​ឞូនុយ្ស​ជាន​អ្យាត់​នាវ​កោរាញ​ឞ្រាស​ទើម។ ទី​ងាន់​នាវ​អេឆាយ ​អី​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស​លែៈ​ញចីស​លាស​មា​ខាន់​មៃ​កើត​នអា៖
MAT 15:8 «កោរាញ​ឞ្រាស​លាស៖ «ផូង​ប៝ន​លាន​អ្យា​យើក​មឞាស​គ៝ប់​មា​ឞ៝រ់​មឞូង​ទើម‌ នូយ្ស​នហ៝ម់​ខាន់​ពាង់​គុ​ងាយ​ដាស​គ៝ប់។
MAT 15:9 ខាន់​ពាង់​យើក​មឞាស​គ៝ប់​មោ​អោស​គែស​នតីល​ខ្លៃ មោ​អើម​យ៝រ​មា​ខាន់​ពាង់​នតុម​នតី​ឆ៝ៈ​នាវ​វៃ​តាៈ​ឞើស​ឞូនុយ្ស​ទើម យើន​មា​ខាន់​ពាង់​លាស​នាវ​វៃ​អី​នៃ​តាៈ​ឞើស​គ៝ប់​ដាៈ»»”។
MAT 15:10 ជេសរី​ឞ្រាស​យេឆូ ​ក្វាល់​ផូង​ប៝ន​លាន​វាច់​អា​ពាង់ លាស​មា​ខាន់​ពាង់៖ “អើ​អ៝ស​នោ​កោញ​វា អ្យាត់​នាវ​គ៝ប់​លែរ​ងែរ​ប៝ត់ អ៝ន់​គឹត​វ៝ត់​នាវ​អ្យា៖
MAT 15:11 មោ​អោស​ទី​នទើ​លាប់​រ៝ៈ​មឞូង​អ៝ន់​ឞូនុយ្ស​ជេង​មោ​ហោម​ក្ល៝ស។ នទើ​អី​អ៝ន់​ឞូនុយ្ស​ជេង​មោ​ហោម​ក្ល៝ស ជេង​នទើ​អី​លោស​តាៈ​ឞើស​មឞូង​ច្រាវ”។
MAT 15:12 មពោល​អ៝ស​ម៝ន​ហាន់​អា​ឞ្រាស​យេឆូ ​អោប​ពាង់៖ “អាស​មៃ​គឹត​ដ៝ង់​បាស ផូង​ផារីឆី ​ជី​នូយ្ស​មា​មៃ តាង់​នាវ​មៃ​ងើយ​កើត​នៃ​នើស?”
MAT 15:13 ឞ្រាស​យេឆូ ​អើស​មា​ខាន់​ពាង់៖ “ទឹង​លែៈ​តើម​ឆី​អី​មោ​គែស​ឞឹ​គ៝ប់​អី​គុ​តា​កាលើ​ត្រោក​តាម់ ឞូ​រោក​លើយ។ ឞូនុយ្ស​អី​ជី​នូយ្ស​ដាស​គ៝ប់​តឹម​ឞាន​មា​តើម​ឆី​អី​នៃ។
MAT 15:14 លើយ​ទឹង​អោស​រាវៃ​ខាន់​ពាង់ ខាន់​ពាង់​អី​នៃ​តឹម​ឞាន​មា​ឞូនុយ្ស​ចែស​មាត់​តឹម​តេក​នទ្រាង់​ឞូនុយ្ស​ចែស​មាត់។ លាស​អ៝ន់​ឞូនុយ្ស​ចែស​មាត់​តឹម​តេក​នទ្រាង់​ឞូនុយ្ស​ចែស​មាត់ លែៈ​ឞារ​ហៃ​ខាន់​ពាង់​តុប​តា​នតូ​ទាទេ​រ៝”។
MAT 15:15 ពេត្រោស ​លាស​មា​ឞ្រាស​យេឆូ ៖ “ទាន់​មៃ​មឞើស​នាវ​ងើយ​នតឹត​អី​នៃ​អ៝ន់​ហេន​វ៝ត់”។
MAT 15:16 ឞ្រាស​យេឆូ ​លាស៖ “អាស​ខាន់​មៃ​អេ​ហ៝ៈ​ដ៝ង់​គឹត​វ៝ត់?
MAT 15:17 នទើ​អី​លាប់​រ៝ៈ​មឞូង​ឞូនុយ្ស ពាង់​នហ៝ត​លាប់​ត្រោម​នទុល ជេសរី​លោស​អាច់ នទ្រី​បាស?
MAT 15:18 យើន​មា​នទើ​អី​លោស​តាៈ​ឞើស​មឞូង​ឞូនុយ្ស ពាង់​លោស​តាៈ​ឞើស​នូយ្ស​នហ៝ម់ នទើ​អី​នៃ​ជាន​អ៝ន់​ឞូនុយ្ស​មោ​ហោម​ក្ល៝ស៖
MAT 15:19 នាវ​អុច​ជាន​នទើ​អ្យើស នាវ​ងខឹត​ឞូ នាវ​តឹម​ល៝ម់​តឹម​រាលាវ នាវ​តឹម​ទ៝ង់ នាវ​នតុង​ងគ្លាញ់ នាវ​មរោស​រាលាម់ នាវ​ងើយ​ញចើត ជេង​លោស​តាៈ​ឞើស​នូយ្ស​នហ៝ម់​ឞូនុយ្ស​ទាទេ។
MAT 15:20 ទឹង​លែៈ​នទើ​អី​នៃ​ជាន​អ៝ន់​ឞូនុយ្ស​ទឹង​គែស​ជេង​បឹ​បើច អ៝ន់​កោរាញ​ឞ្រាស​មោ​ហោម​រ៝ម។ ឆោង​មោ​គែស​រាវ​តី​ល៝រ មោ​គែស​អោស​អ៝ន់​ឞូនុយ្ស​មោ​ហោម​ក្ល៝ស”។
MAT 15:21 ជេសរី​ឞ្រាស​យេឆូ ​លោស​ឞើស​នតុក​នៃ ហាន់​តា​នតុក​ទាច់​តា​ប៝ន​ក្វ៝ង់​តីរុស  នទ្រែល​មា​ហាន់​ទាច់​តា​ប៝ន​ក្វ៝ង់​ឆីដោន ។
MAT 15:22 តា​ឞ្រី​នៃ​គែស​ទូ​ហ្វេ​ឞូ​អូរ​ឞ្រី​កានាអាន ​អី​មោ​ទី​ផូង​អីឆ្រាអែល ​ពាង់​ហាន់​អា​ឞ្រាស​យេឆូ  នហ៝​មា​នតែរ​ក្វាល់​ឞ្រាស​យេឆូ ​មោ​ឞាស​អោស៖ “អើ​កោរាញ! អើ​ក៝ន​ឆៅ​កាដាច់​ដាវីត ! ទាន់​មៃ​យោៈ​នអាច​គ៝ប់​អើ ក៝ន​ឞូ​អូរ​គ៝ប់​ឞ្រាស​អ្យើស​លើស ពាង់​គែស​នាវ​រេស​រាញាល់​ហោ​ងាន់!”
MAT 15:23 យើន​មា​ឞ្រាស​យេឆូ ​មោ​អើស​អោស ជេសរី​មពោល​អ៝ស​ម៝ន​ហាន់​អា​ឞ្រាស​យេឆូ  ឞ៝ញ​ពាង់៖ “ទាន់​មៃ​ដាៈ​ឞូ​អូរ​អី​នៃ​ទូ​ឞើស​ឞ៝ន់ យ៝រ​លាស​ហោ​ងាន់​ពាង់​នតែរ​តឹង​ឞើស​កើយ​ឞ៝ន់”។
MAT 15:24 ឞ្រាស​យេឆូ ​អើស៖ “កោរាញ​ឞ្រាស​ដាៈ​គ៝ប់​ហាន់ អ៝ន់​គ៝ប់​ជ៝យ​ឞូនុយ្ស​តា​ផូង​អីឆ្រាអែល ​អី​មោ​អ្យាត់​នាវ​កោរាញ​ឞ្រាស​ទើម ខាន់​ពាង់​តឹម​ឞាន​មា​ឞែ​ឞ្យាប់​លែៈ​ហ្យើត”។
MAT 15:25 យើន​មា​ឞូ​អូរ​អី​នៃ​ហាន់​ទាច់​អា​ឞ្រាស​យេឆូ ​ច៝ន​កោម៝ក់​មឞាស​ឞើស​នាប់​ពាង់​រី ជេសរី​លាស៖ “អើ​កោរាញ ទាន់​កើល​គ៝ប់​អើ”។
MAT 15:26 ឞ្រាស​យេឆូ ​អើស៖ “មោ​ទី​អោស លាស​ឆ៝ៈ​នទើ​ឆោង​ឆា​ឞើស​ក៝ន ជេសរី​មអារ់​អ៝ន់​ឆ៝​ឆា”។
MAT 15:27 ឞូ​អូរ​អី​នៃ​អើស​មា​ឞ្រាស​យេឆូ ៖ “ទី​ងាន់​កោរាញ យើន​មា​ឆ៝​ហោម​ឆា​នទើ​នទាក់​ត្រោស​ឞើស​កាលើ​គ្រែ​កោរាញ​ពាង់​ដ៝ង់”។
MAT 15:28 ឞ្រាស​យេឆូ ​លាស​មា​ពាង់៖ “អើ​យោស នាវ​ញឆីង​អៃ​ក្វ៝ង់​ងាន់ លាស​នទ្រី​អ៝ន់​គែស​កើត​នាវ​អៃ​លែៈ​អុច​ងាន់​រ៝!” ជេសរី​ក៝ន​ឞូ​អូរ​ពាង់​ទោ​មា​ឞាស​នោក​នៃ​រ៝។
MAT 15:29 ឞ្រាស​យេឆូ ​លោស​ឞើស​នតុក​នៃ ហាន់​អា​ទាក​ងលៅ​ក្វ៝ង់​កាលីលេ  ជេសរី​ហាវ​អា​កាលើ​យោក​គុ​រាគើប​តា​នៃ។
MAT 15:30 អ៝ក់​ងាន់​ឞូនុយ្ស​ហាន់​អា​ពាង់ នអ៝ប់​មា​លែវ​ឞូនុយ្ស​ក្វែត​រាវែន ឞូនុយ្ស​ឆ្យារ់​ជ៝ង់​តី ឞូនុយ្ស​ចែស​មាត់ ឞូនុយ្ស​មល៝ នទ្រែល​មា​ឞូនុយ្ស​ជី​ក្វែត​អេងៗ។ ឞូ​អ៝ន់​ឞិច​ឞើស​នាប់​ជ៝ង់​ឞ្រាស​យេឆូ ​រី ជេសរី​ពាង់​ជាន​ឞាស​ទាទេ។
MAT 15:31 ទឹង​លែៈ​ឞូនុយ្ស​ឆៃ​កើត​នៃ​គែស​នាវ​នទ្រ៝ត់​ហីស​រាហ៝ល់​ងាន់ ឆៃ​ឞូនុយ្ស​មល៝​ឞ្លាវ​ងើយ ឞូនុយ្ស​ឆ្យារ់​ជ៝ង់​តី​ជេង​ទាង់ ឞូនុយ្ស​ក្វែត​រាវែន​ឞ្លាវ​ឞ្រោៈ ឞូនុយ្ស​ចែស​មាត់​អ្វាញ់​ឆៃ។ ទឹង​លែៈ​ខាន់​ពាង់​លែវ​ឞាល់​រានេ​កោរាញ​ឞ្រាស​អី​ឞ្រាស​ផូង​អីឆ្រាអែល ​ទាទេ។
MAT 15:32 ឞ្រាស​យេឆូ ​ក្វាល់​មពោល​អ៝ស​ម៝ន​ពាង់​ហាន់​អា​ពាង់ ជេសរី​លាស​មា​ខាន់​ពាង់៖ “គ៝ប់​យោៈ​ងាន់​មា​ផូង​ប៝ន​លាន​នៃ ខាន់​ពាង់​គុ​នទ្រែល​គ៝ប់​លែៈ​ពែ​នារ​ហើយ នទើ​មា​ឆោង​ឆា​មោ​គែស​ដ៝ង់។ គ៝ប់​មោ​អុច​អ៝ន់​ខាន់​ពាង់​ព្លឹ​ឆឹត​នទុល​ទើម ក្លាច​លាស​ហ្វារ់​រ៝ៈ​ត្រ៝ង”។
MAT 15:33 មពោល​អ៝ស​ម៝ន​លាស​មា​ឞ្រាស​យេឆូ ៖ “តា​អ្យា​រាង៝ត​រាងាត់ លាស​នទ្រី​អាស​នតុក​ហេន​ជ៝យ​គៃ​មា​ត៝ង់​អ៝ន់​ផូង​ឞូនុយ្ស​អ៝ក់​អី​នៃ​ឆា?”
MAT 15:34 ឞ្រាស​យេឆូ ​អោប​ខាន់​ពាង់៖ “លាស​នទ្រី​ទាស​អ៝ក់​គែស​នុមពាង់​ខាន់​មៃ?” ខាន់​ពាង់​អើស៖ “ហេន​គែស​ពើស​មល៝ម់ នទ្រែល​មា​កា​ជេៈ​ដេៈ​ដាៈ”។
MAT 15:35 ជេសរី​ឞ្រាស​យេឆូ ​ដាៈ​ផូង​ប៝ន​លាន​គុ​រើប​គើប​តា​នែស​រី។
MAT 15:36 ពាង់​ឆ៝ៈ​ពើស​មល៝ម់​នុមពាង់​នៃ នទ្រែល​មា​កា​អី​នៃ មឞើស​ឆើម​លាស​អ្វែស​មា​កោរាញ​ឞ្រាស ពាង់​គិច​អ៝ន់​មា​មពោល​អ៝ស​ម៝ន ជេសរី​មពោល​អ៝ស​ម៝ន​ពាៈ​មា​ផូង​ប៝ន​លាន​នៃ។
MAT 15:37 ទឹង​លែៈ​ឞូ​ឆា​ហើម​ទាទេ ជេសរី​រាគូម​នុមពាង់ នទ្រែល​មា​កា​អី​រាមែស​នៃ​គែស​ពើស​ឆាស។
MAT 15:38 ទឹង​លែៈ​ឞូនុយ្ស​អី​គុ​ឆា​តា​នៃ​គែស ៤០០០ នុយ្ស​ឞូ​ក្លោ មោ​កើប​អោស​ផូង​ឞូ​អូរ នទ្រែល​មា​ក៝ន​ឆែ។
MAT 15:39 ជេស​ឞ្រាស​យេឆូ ​អ៝ន់​ផូង​ប៝ន​លាន​ឆឹត ជេស​នៃ​ពាង់​ញច៝​ទូក​ហាន់​តា​នតុក​ក្វាល់​លាស​មាកាដាន ។
MAT 16:1 នោក​នៃ​ផូង​ផារីឆី  នទ្រែល​មា​ផូង​ឆាដោឆី ​អាបាៈ​ហាន់​អុច​រាល៝ង​ឞ្រាស​យេឆូ  ដាៈ​ពាង់​ជាន​ទូ​នាវ​មឞេន​គៃ​មា​ញហើ​នាវ​ទើយ​ពាង់​តាៈ​ឞើស​កោរាញ​ឞ្រាស​រី។
MAT 16:2 យើន​មា​ឞ្រាស​យេឆូ ​លាស​មា​ខាន់​ពាង់៖ “ត្រោក​គុរ​អា​អោយ ខាន់​មៃ​វៃ​លាស​ព្រាង់។
MAT 16:3 ត្រោក​គុរ​កេង​មាង់ ខាន់​មៃ​វៃ​លាស​នារ​អោយ​តៃ​មីស​រ៝។ ខាន់​មៃ​ឞ្លាវ​មឞេន​ត្រោក លាស​នទ្រី​មើម​ទឹង​មោ​គឹត​វ៝ត់​នទើ​អី​កោរាញ​ឞ្រាស​ជាន​តា​រានោក​អាបៃ​អ្យា?
MAT 16:4 ឞូនុយ្ស​តា​រានោក​អាបៃ​អ្យា​ហោ​ងាន់​អ្យើស​មហឹក​ជាន​តីស​មា​នាវ​អុច​កោរាញ​ឞ្រាស អុច​ឆៃ​មា​នាវ​មឞេន​ទើម យើន​មា​កោរាញ​ឞ្រាស​មោ​អោស​អ៝ន់​នាវ​មឞេន​អេង​ជឹត ពាង់​អ៝ន់​ទូ​នាវ​មឞេន​តឹម​ឞាន​មា​នាវ​មឞេន​យោនាយ្ស ​អី​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស​ទើម”។ ជេសរី​ឞ្រាស​យេឆូ ​ហាន់​នត្លើយ​ខាន់​ពាង់​តា​នៃ។
MAT 16:5 នោក​មពោល​អ៝ស​ម៝ន​ហាន់​គ្លាត់​កាល់​តី​ទាក​ងលៅ​ក្វ៝ង់​កាលីលេ  ខាន់​ពាង់​ច្វេល​ញអោត​នុមពាង់។
MAT 16:6 ឞ្រាស​យេឆូ ​លាស​មា​ខាន់​ពាង់៖ “អ៝ន់​ខាន់​អៃ​មៃ​ញជ្រាង់​ងាន់​ហ៝ម់​នទ្រូយ​ផូង​ផារីឆី  នទ្រែល​មា​នទ្រូយ​ផូង​ឆាដោឆី ​ហ៝ៈ”។
MAT 16:7 មពោល​អ៝ស​ម៝ន​ងើយ​នទ្រាង់​ខាន់​ពាង់​នើម៖ “ពាង់​ងើយ​កើត​នៃ​អាច​មា​ឞ៝ន់​មោ​គែស​ញអោត​នុមពាង់​ទើម​មោ យ៝រ​មា​ឞូ​ជាន​នុមពាង់​មា​នទ្រូយ!”
MAT 16:8 ឞ្រាស​យេឆូ ​គឹត​នាវ​ខាន់​ពាង់​ងើយ ពាង់​លាស៖ “អើ​ផូង​គែស​នាវ​ញឆីង​ដេៈ​ទើម ម៝ស​ងើយ​ខាន់​ម្រែ​នាវ​មោ​គែស​នុមពាង់​នៃ?
MAT 16:9 ខាន់​អៃ​មៃ​ហោម​មោ​គឹត​វ៝ត់​នាវ​ដ៝ង់? អាស​ខាន់​អៃ​មៃ​មោ​ហោម​កាស​គឹត​នោក​គ៝ប់​ពាៈ​ព្រាម់​មល៝ម់​នុមពាង់​អ៝ន់​មា​ឞូនុយ្ស ៥០០០ នុយ្ស​នើស? ជេសរី​ខាន់​អៃ​មៃ​លែៈ​ច្វេល​បាស នោក​ខាន់​អៃ​មៃ​រាគូម​នទើ​រាមែស ទាស​អ៝ក់​ឆាស?
MAT 16:10 មោ​លាស​ពើស​មល៝ម់​នុមពាង់​គ៝ប់​អ៝ន់​ឞូនុយ្ស ៤០០០ នុយ្ស​នើស ជេសរី​ខាន់​អៃ​មៃ​រាគូម​នទើ​រាមែស​ទាស​អ៝ក់​ឆាស​ហោម​គែស?
MAT 16:11 មើម​ទឹង​ខាន់​អៃ​មៃ​អេ​ហ៝ៈ​គឹត​វ៝ត់​ដ៝ង់ គ៝ប់​មោ​គែស​អោស​ងើយ​មា​នុមពាង់​ងាន់។ គ៝ប់​អ៝ន់​ខាន់​អៃ​មៃ​ញជ្រាង់​នទ្រូយ​ផូង​ផារីឆី  នទ្រែល​មា​នទ្រូយ​ផូង​ឆាដោឆី ”។
MAT 16:12 ជេសរី​មើ​ទឹង​មពោល​អ៝ស​ម៝ន​គឹត​នាវ​ឞ្រាស​យេឆូ ​លាស​អី​នៃ​អ៝ន់​ខាន់​ពាង់​ញជ្រាង់​នាវ​នតុម​នតី​ផូង​ផារីឆី  នទ្រែល​មា​ផូង​ឆាដោឆី  មោ​អោស​ទី​នទ្រូយ​តេៈ​រានីស​ងាន់។
MAT 16:13 នោក​ឞ្រាស​យេឆូ ​ហាន់​នតុក​ទាច់​មា​ប៝ន​ឆេឆារា-​ផីលីប ពាង់​អោប​មពោល​អ៝ស​ម៝ន​ពាង់៖ “តឹង​មា​នាវ​ឞូ​លាស ឞូ​ម៝ស​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស?”
MAT 16:14 ជេសរី​ខាន់​ពាង់​អើស៖ “ឞូ​អាបាៈ​លាស​មៃ​យោហាន-​បាប់តែម ​អី​លែៈ​ទ៝ក់​រេស ឞូ​អាបាៈ​លាស​មៃ​អេលីយា ​អី​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស​លែៈ​ព្លឹ​តា​អ្យា ឞូ​អាបាៈ​ជឹត​លាស​មៃ​យេរេមី ​អី​ឞូនុយ្ស​នតើយ្ស​នាវ​ងើយ​កោរាញ​ឞ្រាស​អី​លែៈ​ទ៝ក់​រេស មោ​លាស​មៃ​ទូ​ហ្វេ​ឞូនុយ្ស​អេង​ជឹត​តា​មពោល​ឞូនុយ្ស​នតើយ្ស​នាវ​ងើយ​កោរាញ​ឞ្រាស​អី​លែៈ​ទ៝ក់​រេស”។
MAT 16:15 ឞ្រាស​យេឆូ ​អោប​ខាន់​ពាង់៖ “លាស​នទ្រី​ខាន់​អៃ​មៃ​អែស គ៝ប់​ឞូ​ម៝ស​ខាន់​អៃ​មៃ​លាស​មេស?”
MAT 16:16 ឆីមោន ​អី​ឞូ​ក្វាល់​ពេត្រោស ​ដ៝ង់​លាស៖ “មៃ​ឞ្រាស​ក្រីស ​អី​នើម​រាក្លាយ្ស​តាៈ​ឞើស​កោរាញ​ឞ្រាស​ទែ​ញជ្វាល់ អី​ក៝ន​កោរាញ​ឞ្រាស ឞ្រាស​អី​រេស​ងាន់”។
MAT 16:17 ឞ្រាស​យេឆូ ​លាស​មា​ពាង់៖ “អើ​ឆីមោន ​ក៝ន​យោនាយ្ស  រាម់​មអាក​ងាន់​មា​មៃ យ៝រ​លាស​ឞឹ​គ៝ប់​គុ​តា​កាលើ​ត្រោក​អ៝ន់​មៃ​គឹត​គ៝ប់​ឞ្រាស​ក្រីស ។ នាវ​អី​នៃ​មោ​គែស​អោស​តាៈ​ឞើស​នាវ​គឹត​ឞ្លាវ​ឞូនុយ្ស។
MAT 16:18 គ៝ប់​មឞើស​មា​មៃ មៃ​រាញា​ពេត្រោស  រាញា​អី​នៃ​គែស​នាវ​ខ្លៃ​លាស​«រាលាត​លុ» ជេសរី​តា​កាលើ​រាលាត​លុ​អ្យា​គ៝ប់​នតាម់​អី​ញីស​ឞ្រាស​គ៝ប់​អី​ទឹង​លែៈ​មពោល​ឞូនុយ្ស​ញឆីង​មា​គ៝ប់។ នាវ​ខឹត​មោ​អោស​ទើយ​ដាស​ផូង​ខាន់​ពាង់​អី​នៃ។
MAT 16:19 គ៝ប់​មរា​អ៝ន់​មៃ​នាវ​ទើយ​មា​អ៝ន់​ឞូនុយ្ស​លាប់​តា​នាវ​កោរាញ​ឞ្រាស​ម៝ត់​អ្វាញ់ តឹម​ឞាន​មា​អ៝ន់​ទូ​មល៝ម់​ក៝ន​ឆ៝​មពោង​មា​មៃ។ ជេសរី​ម៝ស​នទើ​មៃ​ឞ្វៃ​មោ​អ៝ន់​ឞូ​ជាន​តា​នែស​នតូ​អ្យា កោរាញ​ឞ្រាស​អី​គុ​តា​កាលើ​ត្រោក​អុច​កើត​នអៃ។ ម៝ស​នទើ​មៃ​មោ​ឞ្វៃ​មា​ឞូ​ជាន​តា​នែស​នតូ​អ្យា កោរាញ​ឞ្រាស​អី​គុ​តា​កាលើ​ត្រោក​អុច​កើត​នអៃ​ដ៝ង់”។
MAT 16:20 ជេសរី​ពាង់​ឞ្វៃ​ហោ​ងាន់​មពោល​អ៝ស​ម៝ន​ពាង់ លើយ​មឞើស​ងក៝ច​អ៝ន់​ឞូ​គឹត​អោស​ពាង់​ឞ្រាស​ក្រីស ​អី​នើម​រាក្លាយ្ស​តាៈ​ឞើស​កោរាញ​ឞ្រាស​ទែ​ញជ្វាល់។
MAT 16:21 នតើម​ឞើស​នោក​នៃ ឞ្រាស​យេឆូ ​នតើម​មឞើស​ងក៝ច​អ៝ន់​មា​មពោល​អ៝ស​ម៝ន​ពាង់​គឹត​លាស អ្យាត់​មា​ពាង់​ហាន់​តា​ប៝ន​ក្វ៝ង់​យេរូឆាលឹម  នហ៝​មា​តា​ប៝ន​នៃ​ពាង់​គែស​នាវ​ជេរ​ជ៝ត់​ទុត​ហោ​ងាន់​តាៈ​ឞើស​មពោល​ឞូ​រាញ មពោល​កោរាញ​ជាន​ឞ្រាស នទ្រែល​មា​ផូង​នើម​នតី​នាវ​វៃ​ផូង​អីឆ្រាអែល  នហ៝​មា​ងខឹត​លើយ​អោឞាល់ យើន​មា​ត៝ត់​ពែ​នារ​ពាង់​ទ៝ក់​រេស​ដ៝ង់។
MAT 16:22 ជេសរី​ពេត្រោស ​ជាៈ​ឞ្រាស​យេឆូ ​ហាន់​នតុក​អេង​បាស​មា​ឞូ គៃ​មា​លាស​ពាង់៖ “អើ​កោរាញ អ៝ន់​កោរាញ​ឞ្រាស​ឞ្វៃ​នាវ​អី​នៃ លើយ​អោស​អ៝ន់​នាវ​អី​នៃ​ត៝ត់​មា​មៃ”។
MAT 16:23 យើន​មា​ឞ្រាស​យេឆូ ​ងគឹល​ជឹត​ពេត្រោស  ជេសរី​លាស៖ “ហើយ​ឆាតាង់  មៃ​ទូ​ងាយ​ឞើស​គ៝ប់​ហ៝ម់ មៃ​អុច​ងកីង​លើយ​ត្រ៝ង​គ៝ប់។ នាវ​មឹន​មៃ​មោ​អោស​ទី​ដាស​នាវ​មឹន​កោរាញ​ឞ្រាស នាវ​មឹន​នៃ​តាៈ​ឞើស​ឞូនុយ្ស​ទើម”។
MAT 16:24 ជេសរី​ឞ្រាស​យេឆូ ​លាស​មា​មពោល​អ៝ស​ម៝ន​ពាង់៖ “ឞូ​ម៝ស​ពាង់​អី​អុច​តឹង​គ៝ប់ អ៝ន់​មអារ់​លើយ​នទើ​ឆាក់​ពាង់​នើម​អុច ជេសរី​តូយ​ឆី​តឹម​រាកាង់​ពាង់​នើម ឞ៝ល​លាស​ត៝ត់​ខឹត​ឆាក់​កាដោយ រី​មើ​ពាង់​តឹង​គ៝ប់​ងាន់”។
MAT 16:25 “យ៝រ​លាស​ឞូ​ម៝ស​អី​អុច​ព្រាប់​មា​នាវ​រេស​ពាង់​នើម ពាង់​អី​នៃ​មោ​អោស​គែស​នាវ​រេស​នហ៝​រ៝ យើន​មា​ឞូ​ម៝ស​ខឹត​យ៝រ​មា​តឹង​គ៝ប់ ពាង់​អី​នៃ​មរា​គែស​នាវ​រេស​នហ៝​រ៝​ងាន់។
MAT 16:26 លាស​ទូ​ហ្វេ​ឞូនុយ្ស​ពាង់​ជ៝យ​គែស​ទឹង​លែៈ​នែស​នតូ​អ្យា​ជេង​ទ្រាប់​នទើ​ពាង់​នើម​ទាទេ តីស​មា​ឆាក់​ពាង់​នើម​ខឹត​រ៝ស​ហេង មោ​អោស​គែស​នាវ​រេស​នហ៝​រ៝ នទ្រី​ម៝ស​គែស​នាវ​ខ្លៃ​មា​ពាង់? មោ​លាស​ឞូនុយ្ស​អើម​ទើយ​ឆ៝ៈ​ទ្រាប់​នទើ​រាគ៝ល់​មា​នាវ​រេស​ពាង់​នើម​នហ៝​រ៝​ដ៝ង់​ឞើស?
MAT 16:27 នោក​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​ព្លឹ​វាច់​នអ៝ប់​មា​នាវ​ច្រេក​លើប​ឞឹ​គ៝ប់​នើម នទ្រែល​មា​ផូង​តោង​ពារ់​គ៝ប់គ៝ប់​ញអោត​នទើ​ងខោម មោ​លាស​តេៈ​ទោយ្ស​តឹង​នាវ​ជាន​ការ​ទូ​ហ្វេ​ទូ​ហ្វេ​ឆាក់។
MAT 16:28 គ៝ប់​លាស​នហេល​នានេៈ​ងាន់​មា​ខាន់​អៃ​មៃ ឞូនុយ្ស​អាបាៈ​អី​គុ​តា​អ្យា​មោ​ខឹត​អោស​អេ​ល៝រ​មា​ឆៃ​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​ជេង​នើម​ម៝ត់​អ្វាញ់”។
MAT 17:1 គែស​ព្រាវ​នារ​ឞើស​កើយ​នៃ​ឞ្រាស​យេឆូ ​ជាៈ​ពេត្រោស យាកើ  នទ្រែល​មា​យោហាន ​អី​អ៝ស​យាកើ  ហាវ​កាលើ​យោក​ព្រេស មោ​អោស​លែវ​ឞូ​អា​អេង​ហាន់។
MAT 17:2 តា​នៃ​ឆាក់​ជាន់​ពាង់​រាគ៝ល់​ឞើស​នាប់​ខាន់​ពាង់។ មុស​មាត់​ពាង់​រីល​ងាន់​តឹម​ឞាន​មា​អាង​នារ អី​ឞ៝ក​អាវ​ពាង់​ជេង​ងលាង អាង​ច្រាត​ងាន់។
MAT 17:3 ខាន់​ពាង់​ទោ​មា​ឆៃ​ឞូនុយ្ស​នតើយ្ស​នាវ​ងើយ​កោរាញ​ឞ្រាស​ឞើស​កាល់​អែ​នើស​រាញា​អេលីយា  នទ្រែល​មា​កោរាញ​ផូង​អីឆ្រាអែល ​កាល់​អែ​នើស​រាញា​មោឆេ ​គុ​ងើយ​នទ្រែល​ឞ្រាស​យេឆូ ​តា​នៃ​ដ៝ង់។
MAT 17:4 ជេស​ឆៃ​លែៈ​នាវ​អី​នៃ ពេត្រោស ​លាស​មា​ឞ្រាស​យេឆូ ៖ “ហើយ​កោរាញ ឞ៝ន់​គុ​តា​អ្យា​អ្វែស​ងាន់​មេ។ លាស​មៃ​អុច អ៝ន់​គ៝ប់​ជាន​ពែ​មល៝ម់​ចូន ទូ​មល៝ម់​អ៝ន់​មា​មៃ ទូ​មល៝ម់​អ៝ន់​មា​មោឆេ ​ទូ​មល៝ម់​ជឹត​អ៝ន់​មា​អេលីយា ”។
MAT 17:5 នោក​ពាង់​ហោម​ងើយ ទោ​មា​ឆៃ​គែស​តុក​ងកុម​ជុម​ខាន់​ពាង់​លែៈ​រាងោច​អាង​រាល​ហោ​ងាន់ តាង់​នតែស​ងើយ​តាៈ​ឞើស​តុក​នៃ​លាស៖ “ពាង់​អ្យា​ក៝ន​គ៝ប់​អី​គ៝ប់​រ៝ង់​ហោ​ងាន់។ ហោ​ងាន់​គ៝ប់​រាម់​ពាង់។ អ្យាត់​នាវ​ពាង់​ទោ!”
MAT 17:6 ត៝ត់​មពោល​អ៝ស​ម៝ន​តាង់​កើត​អី​នៃ ខាន់​ពាង់​ចោត​ចុន​មុស​មាត់​អា​នែស​ឆូ​ទាទេ ក្លាច​ហោ​ងាន់។
MAT 17:7 យើន​មា​ឞ្រាស​យេឆូ ​ហាន់​ពាស​ខាន់​ពាង់​លាស៖ “ទ៝ក់​ហ៝ម់ លើយ​អោស​ក្លាច!”
MAT 17:8 ត៝ត់​ខាន់​ពាង់​ងើក​អ្វាញ់ ឆៃ​ទូ​ហ្វេ​ឞ្រាស​យេឆូ ​ទើម ឞូនុយ្ស​អាបាៈ​អេង​មោ​អោស​ឆៃ។
MAT 17:9 ជេសរី​ខាន់​ពាង់​ជុរ​តាៈ​ឞើស​យោក ឞ្រាស​យេឆូ ​ឞ្វៃ​ខាន់​ពាង់​កើត​នអា៖ “លើយ​អោស​ងក៝ច​អ៝ន់​ឞូ​គឹត​នទើ​អី​ខាន់​មៃ​ឆៃ​នៃ​នើស នហ៝​មា​ក៝ប់​ត៝ត់​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​ខឹត​ទ៝ក់​រេស​ប៝ត់”។
MAT 17:10 ជេសរី​ខាន់​ពាង់​អោប​ឞ្រាស​យេឆូ ៖ “លាស​នទ្រី​ម៝ស​នាវ​ទឹង​ផូង​នើម​នតី​នាវ​វៃ​ផូង​ឞ៝ន់​នតី​លាស​អេលីយា ​អ្យាត់​មា​ពាង់​វាច់​ល៝រ​តា​អ្យា ឞ្រាស​ក្រីស ​អី​នើម​រាក្លាយ្ស​តាៈ​ឞើស​កោរាញ​ឞ្រាស​ទែ​ញជ្វាល់​វាច់​ឞើស​កើយ​រ៝?”
MAT 17:11 ឞ្រាស​យេឆូ ​អើស​មា​ខាន់​ពាង់៖ “ទី​ងាន់​នាវ​ព្រែ​លាស។ អេលីយា ​វាច់ គៃ​មា​កើយ​នទ្រាប់​អ៝ន់​អាប់​ទឹង​លែៈ​រាងោច។
MAT 17:12 យើន​មា​គ៝ប់​មឞើស​ងក៝ច​មា​ខាន់​មៃ អេលីយា ​លែៈ​ព្លឹ​ងាន់ ជេសរី​ឞូ​មោ​អោស​គឹត​នាល់​ពាង់ ហោ​ងាន់​ឞូ​ជាន​ជេរ​មា​អោឞាល់​ទាស​ទាង់​អុច​ខាន់​ពាង់​នើម។ កើត​នអា​ដ៝ង់​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​ខាន់​ពាង់​ជាន​ជេរ​ដ៝ង់”។
MAT 17:13 នោក​នៃ​មពោល​អ៝ស​ម៝ន​គឹត​វ៝ត់ ឞ្រាស​យេឆូ ​ងើយ​មា​យោហាន-​បាប់តែម ។
MAT 17:14 នោក​ឞ្រាស​យេឆូ  នទ្រែល​មា​ពែ​នុយ្ស​មពោល​អ៝ស​ម៝ន​ពាង់​ត៝ត់​តា​នតុក​ឞូនុយ្ស​ផូង គែស​ទូ​ហ្វេ​ឞូ​ក្លោ​ហាន់​ច៝ន​កោម៝ក់​ឞើស​នាប់​ឞ្រាស​យេឆូ ​រី
MAT 17:15 ជេសរី​លាស៖ “អើ​កោរាញ ទាន់​មៃ​យោៈ​នអាច​ក៝ន​ឞូ​ក្លោ​គ៝ប់​អើ! ពាង់​ខឹត​ឞ្រុត​មេ តា​ពាង់​រេស​រាញាល់​ងាន់ អ៝ក់​តឹ​ពាង់​វៃ​ចោត​តា​អុញ ចោត​តា​ទាក​មរ៝។
MAT 17:16 គ៝ប់​លែៈ​លែវ​ពាង់​អា​មពោល​អ៝ស​ម៝ន​មៃ យើន​មា​ខាន់​ពាង់​ជាន​មោ​ទើយ​អោស”។
MAT 17:17 ឞ្រាស​យេឆូ ​លាស​មា​ទឹង​លែៈ​ឞូនុយ្ស៖ “ហើយ​ឞូនុយ្ស​អ្យើស ឞូនុយ្ស​មោ​អ្យាត់​នាវ​កោរាញ​ឞ្រាស! ទាស​ហោម​ជ៝ៈ​អ៝ន់​គ៝ប់​ញឆ្រោយ្ស​គុ​នទ្រែល​ខាន់​អៃ​មៃ? ទាស​ហោម​ជ៝ៈ​អ៝ន់​គ៝ប់​ញឆ្រោយ្ស​នទ្រែល​ខាន់​អៃ​មៃ? លែវ​ហ៝ម់​ពាង់​អី​នៃ​អា​អ្យា”។
MAT 17:18 ជេសរី​ឞ្រាស​យេឆូ ​មឞ្រាម​ឞ្រាស​អ្យើស​អី​គុ​តា​ក៝ន​ឆែ​រី ឞ្រាស​អ្យើស​លោស​ឞើស​ក៝ន​ឆែ​រ៝ នតើម​ឞើស​នោក​នៃ​រ៝​ក៝ន​ឆែ​អី​នៃ​ឞាស។
MAT 17:19 ជេសរី​មពោល​អ៝ស​ម៝ន​ហាន់​អោប​អេង​ឞ្រាស​យេឆូ ៖ “មើម​ទឹង​ហេន​មោ​ទើយ​មព្រើស​ឞ្រាស​អ្យើស​អ៝ន់​លោស​ហ្យាស?”
MAT 17:20 ឞ្រាស​យេឆូ ​លាស​មា​ខាន់​ពាង់៖ “អាច​មា​នាវ​ញឆីង​ខាន់​អៃ​មៃ​ដេៈ​អីរ។ គ៝ប់​លាស​នហេល​នានេៈ​ងាន់​មា​ខាន់​អៃ​មៃ លាស​ខាន់​អៃ​មៃ​គែស​នាវ​ញឆីង​ដេៈ​តឹម​ឞាន​មា​ទូ​នតីល​គារ់​នតីល​ទុត​ជេៈ ខាន់​អៃ​មៃ​ទើយ​ដាៈ​យោក៖ «ទូ​ហ៝ម់​ឞើស​នតុក​អ្យា ហាន់​គុ​តា​នតុក​រី» ពាង់​ទូ​ងាន់​រ៝ នហ៝​មា​មោ​គែស​អោស​ទូ​នតីល​នទើ​ខាន់​អៃ​មៃ​មោ​ទើយ​ជាន។
MAT 17:21 [ទឹង​ឞូ​ទើយ​មព្រើស​អ៝ន់​លោស​នតីល​ឞ្រាស​អ្យើស​អី​អ្យា យ៝រ​មា​នាវ​មឞើស​ឆើម នទ្រែល​មា​អ៝ត់​ឆោង​ឆា។]”
MAT 17:22 នោក​គុ​តា​ឞ្រី​កាលីលេ ឞ្រាស​យេឆូ ​លាស​មា​មពោល​អ៝ស​ម៝ន៖ “គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស ឞូ​មរា​ញជុន​អ៝ន់​មា​ឞូនុយ្ស
MAT 17:23 អី​ងខឹត​លើយ​គ៝ប់ យើន​មា​ត៝ត់​ពែ​នារ​គ៝ប់​ទ៝ក់​រេស​ដ៝ង់”។ មពោល​អ៝ស​ម៝ន​តាង់​កើត​នៃ ខាន់​ពាង់​រាង៝ត​ហោ​ងាន់។
MAT 17:24 នោក​ឞ្រាស​យេឆូ  នទ្រែល​មា​មពោល​អ៝ស​ម៝ន​ពាង់​ត៝ត់​តា​ប៝ន​កាពើនិម  មពោល​ឞូនុយ្ស​អី​រាគូម​ព្រាក់​មា​អ៝ន់​ញីស​ជាន​ឞ្រាស​មា​កោរាញ​ឞ្រាស​តា​ប៝ន​យេរូឆាលឹម  ខាន់​ពាង់​ហាន់​ម៝ប់​ពេត្រោស  ជេសរី​អោប៖ “អាស​នើម​នតី​ខាន់​មៃ​អ៝ន់​ព្រាក់​មា​ញីស​ជាន​ឞ្រាស​មា​កោរាញ​ឞ្រាស​ដ៝ង់?”
MAT 17:25 ពេត្រោស ​អើស៖ “អើ ពាង់​អ៝ន់”។ នោក​ពេត្រោស ​លាប់​តា​ត្រោម​ជៃ ឞ្រាស​យេឆូ ​អោប​ពាង់​ល៝រ៖ “អើ​ពេត្រោស  តឹង​មា​នាវ​មៃ​មឹន កាដាច់​តា​នែស​នតូ​អ្យា​ឞើស​តាៈ​ពាង់​ឆ៝ៈ​ព្រាក់​មេស? ឆ៝ៈ​ឞើស​អ៝ស​ក៝ន​ពាង់​នើម មោ​លាស​ឞើស​ឞូ​អេង?”
MAT 17:26 ពេត្រោស ​អើស៖ “ឆ៝ៈ​ឞើស​ឞូ​អេង”។ ឞ្រាស​យេឆូ ​លាស៖ “លាស​នទ្រី​ក៝ន​កាដាច់​មោ​ខាច់​អ៝ន់​អោស។
MAT 17:27 យើន​មា​គៃ​មា​លើយ​អ៝ន់​ខាន់​ពាង់​ជី​នូយ្ស អ៝ន់​មៃ​ហាន់​តេៈ​នទារ​អា​ទាក​ងលៅ​ក្វ៝ង់​កាលីលេ  មៃ​ងខាក​មឞូង​កា​អី​ល៝រ​ប៝ស​នទារ តា​ត្រោម​មឞូង​កា​អី​នៃ​មៃ​ឆៃ​គែស​ទូ​មល៝ម់​ព្រាក់​កាក់​មា​គាប់​ឞារ​ហៃ​ឞ៝ន់ ជេសរី​មៃ​ឆ៝ៈ​ព្រាក់​អី​នៃ​នទឹ​អ៝ន់​ឞូ ឆើម​នទឹ​អ៝ន់​មា​គ៝ប់ នអ៝ប់​មា​មៃ​នើម​ដ៝ង់”។
MAT 18:1 នោក​នៃ​មពោល​អ៝ស​ម៝ន​ហាន់​អោប​ឞ្រាស​យេឆូ ៖ “ឞូ​ម៝ស​ក្វ៝ង់​រាលាវ​ឞូ​តា​នាវ​កោរាញ​ឞ្រាស​ម៝ត់​អ្វាញ់?”
MAT 18:2 ឞ្រាស​យេឆូ ​ក្វាល់​ទូ​ហ្វេ​ក៝ន​ឆែ​ជេៈ​គុ​តា​ងក្លាង​ផូង​ខាន់​ពាង់​រី‌
MAT 18:3 ជេសរី​លាស៖ “គ៝ប់​លាស​នហេល​នានេៈ​ងាន់​មា​ខាន់​អៃ​មៃ លាស​ខាន់​អៃ​មៃ​មោ​រាគ៝ល់​នូយ្ស​នហ៝ម់​អ៝ន់​ជេង​តឹម​ឞាន​មា​ក៝ន​ឆែ​ជេៈ ខាន់​អៃ​មៃ​មោ​អោស​ទើយ​លាប់​តា​នាវ​កោរាញ​ឞ្រាស​ម៝ត់​អ្វាញ់។
MAT 18:4 ឞូ​ម៝ស​អី​ញជុរ​ឆាក់​ពាង់​នើម​ជេង​តឹម​ឞាន​មា​ក៝ន​ឆែ​ជេៈ​អ្យា ពាង់​អី​នៃ​ជេង​ក្វ៝ង់​រាលាវ​ឞូ​តា​នាវ​កោរាញ​ឞ្រាស​ម៝ត់​អ្វាញ់។
MAT 18:5 ជេសរី​ឞូ​ម៝ស​រ៝ម​ទូ​ហ្វេ​ក៝ន​ឆែ​ជេៈ​កើត​នអា យ៝រ​មា​ក៝ន​ឆែ​អី​នៃ​ញឆីង​មា​គ៝ប់ ពាង់​អី​នៃ​តឹម​ឞាន​មា​រ៝ម​គ៝ប់​ដ៝ង់”។
MAT 18:6 ឞ្រាស​យេឆូ ​លាស​ជឹត៖ “ឞូ​ម៝ស​លែវ​ទូ​ហ្វេ​ក៝ន​ឆែ​ជេៈ​អី​ញឆីង​មា​គ៝ប់​ជាន​នាវ​តីស នទ្រី​អ្វែស​រាលាវ​លាស​ឞូ​ឆ៝ៈ​មពាល់​លុ​ក៝ត់​តា​ត៝ង​ក៝​ពាង់​ងក្លាច់​តា​ទាក​វាច់​ទាក​វារ់ រាម៝ក​តា​ទាក​វាច់​ទាក​វារ់​ជ្រូ​រី មា​ដាស​អ៝ន់​ពាង់​រេស​ជាន​កើត​នៃ។
MAT 18:7 រេស​រាញាល់​ងាន់​មា​ឞូនុយ្ស​តា​នែស​នតូ យ៝រ​មា​លែវ​ឞូ​ជាន​តីស។ មរា​គែស​ងាន់​នាវ​លែវ​ជាន​តីស យើន​មា​រេស​រាញាល់​ងាន់​រ៝​មា​ឞូ​ម៝ស​អី​លែវ​អ៝ន់​ជាន​តីស!
MAT 18:8 លាស​ឆៃ​តី​មោ​លាស​ជ៝ង់​ខាន់​អៃ​មៃ​លែវ​ជាន​នាវ​តីស ក៝ស​មអារ់​លើយ​តី​មោ​លាស​ជ៝ង់​អី​នៃ។ អ្វែស​រាលាវ​មា​គុ​រេស​ជឹត​នាប់​តៃ​រ៝ង​ទូ​ទីង​តី​មោ​លាស​ទូ​ទីង​ជ៝ង់​ទើម ជេសរី​ទើន​នាវ​រេស​នហ៝​រ៝ មា​ដាស​តី​មោ​លាស​ជ៝ង់​ឞារ​ដាស ជេសរី​គុ​តា​នតុក​អី​គែស​អុញ​ហីត​នហ៝​រ៝។
MAT 18:9 លាស​ឆៃ​ត្រោម​មាត់​ខាន់​អៃ​មៃ​លែវ​ជាន​នាវ​តីស រាវែក​មអារ់​លើយ​ត្រោម​មាត់​អី​នៃ។ អ្វែស​រាលាវ​មា​រ៝ង​ទូ​ទីង​ត្រោម​មាត់​ទើន​នាវ​រេស​នហ៝​រ៝ មា​ដាស​ឞារ​ទីង​ត្រោម​មាត់ ជេសរី​កោរាញ​ឞ្រាស​ងក្លាច់​តា​នទ្រូង​អុញ។
MAT 18:10 អ៝ន់​ខាន់​អៃ​មៃ​ញជ្រាង់​ហ៝ម់ លើយ​អោស​អ្វាញ់​មោ​ខ្លៃ​តា​ក៝ន​ឆែ​ជេៈ​កើត​នៃ។ គ៝ប់​មឞើស​មា​ខាន់​អៃ​មៃ តា​នតុក​កោរាញ​ឞ្រាស​តា​កាលើ​ត្រោក​ផូង​តោង​ពារ់​អី​កើល​ញជ្រាង់​ក៝ន​ឆែ​អី​នៃ​គុ​នឹង​តា​នាប់​មាត់​ឞឹ​គ៝ប់។
MAT 18:11 [គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​វាច់​តា​នែស​នតូ​អ្យា គៃ​មា​រាក្លាយ្ស​ឞូនុយ្ស​តីស​អី​រ៝ស​យ៝ត ឞូនុយ្ស​អី​នូយ្ស​នហ៝ម់​ងាយ​ឞើស​កោរាញ​ឞ្រាស​តឹម​ឞាន​មា​ឞែ​ឞ្យាប់​រ៝ស]”។
MAT 18:12 “មើម​ខាន់​អៃ​មៃ​គឹត មើម​ជាន​ទូ​ហ្វេ​ឞូនុយ្ស​លាស​គែស​ឞែ​ឞ្យាប់ ១០០ យើន​មា​គែស​ទូ​មល៝ម់​ឞែ​ឞ្យាប់​រ៝ស? អើម​មោ​លាស​ពាង់​នត្លើយ​ឞែ​ឞ្យាប់​អី ៩៩ តា​កាលើ​យោក ជេសរី​ហាន់​ជ៝យ​ឞែ​ឞ្យាប់​អី​រ៝ស​នៃ​រ៝?
MAT 18:13 គ៝ប់​លាស​នហេល​នានេៈ​ងាន់​មា​ខាន់​អៃ​មៃ លាស​ពាង់​ជ៝យ​ឆៃ​ឞែ​ឞ្យាប់​អី​រ៝ស​នៃ ពាង់​រាម់​រាហើន​ងាន់​មា​ឞែ​ឞ្យាប់​អី​នៃ រាលាវ​មា​ឞែ​ឞ្យាប់ ៩៩ អី​មោ​រ៝ស​ជឹត។
MAT 18:14 លាស​នទ្រី​តឹម​ឞាន​កើត​នៃ​ដ៝ង់​ឞឹ​ខាន់​អៃ​មៃ​អី​គុ​តា​កាលើ​ត្រោក ពាង់​មោ​អុច​អោស​អ៝ន់​ទូ​ហ្វេ​ក៝ន​ឆែ​ជេៈ​អី​អ្យា​រ៝ស​ខឹត​នហ៝​រ៝”។
MAT 18:15 “លាស​គែស​ទូ​ហ្វេ​ឞូនុយ្ស​ញឆីង​មា​កោរាញ​ឞ្រាស​ជាន​តីស​ដាស​ខាន់​អៃ​មៃ អ៝ន់​ខាន់​អៃ​មៃ​ហាន់​ទូ​ហ្វេ​អេង​ម៝ប់​ពាង់ ងើយ​ដាស​ពាង់។ លាស​ពាង់​អ្យាត់​នាវ​ខាន់​អៃ​មៃ ខាន់​អៃ​មៃ​គែស​តៃ​នាវ​ដាប់​មពាន់​ដាស​ពាង់​កើត​អើម​ដ៝ង់។
MAT 18:16 លាស​ពាង់​មោ​អោស​អ្យាត់​ខាន់​អៃ​មៃ អ៝ន់​ខាន់​អៃ​មៃ​ជាៈ​ទូ​ហ្វេ មោ​លាស​ឞារ​ហៃ​ហាន់​នទ្រែល​ខាន់​អៃ​មៃ គៃ​មា​គឹត​តាង់​ទឹង​លែៈ​នទើ​អី​គែស​ងើយ។
MAT 18:17 លាស​ពាង់​ហោម​អែ​មោ​អ្យាត់​ដ៝ង់​ផូង​ខាន់​អៃ​មៃ​អី​នៃ លាស​នទ្រី​មឞើស​ងក៝ច​នាវ​អី​នៃ​អ៝ន់​មា​ផូង​ញឆីង​មា​កោរាញ​ឞ្រាស។ លាស​ពាង់​មោ​អុច​អ្យាត់​ដ៝ង់​ផូង​ញឆីង​អី​នៃ លាស​នទ្រី​កើប​ពាង់​ជេង​ឞូនុយ្ស​អី​មោ​ញឆីង​មា​កោរាញ​ឞ្រាស មោ​លាស​កើប​ពាង់​ជេង​ឞូនុយ្ស​ជាន​តីស​អា​អេង​ជឹត។
MAT 18:18 គ៝ប់​លាស​នហេល​នានេៈ​ងាន់​មា​ខាន់​អៃ​មៃ ជេសរី​ម៝ស​នទើ​ខាន់​អៃ​មៃ​ឞ្វៃ​មោ​អ៝ន់​ឞូ​ជាន​តា​នែស​នតូ​អ្យា កោរាញ​ឞ្រាស​អី​គុ​តា​កាលើ​ត្រោក​អុច​កើត​នអៃ។ ម៝ស​នទើ​ខាន់​អៃ​មៃ​មោ​ឞ្វៃ​មា​ឞូ​ជាន​តា​នែស​នតូ​អ្យា កោរាញ​ឞ្រាស​អី​គុ​តា​កាលើ​ត្រោក​អុច​កើត​នអៃ​ដ៝ង់។
MAT 18:19 ទូ​តឹ​ជឹត គ៝ប់​លាស​នហេល​នានេៈ​ងាន់​មា​ខាន់​អៃ​មៃ លាស​គែស​ឞារ​ហៃ​តា​ផូង​ខាន់​អៃ​មៃ​តា​នែស​នតូ​មឞើស​ឆើម​ទូ​នតោរ​នាវ ម៝ស​នទើ​ខាន់​ពាង់​ទាន់ ឞឹ​គ៝ប់​អី​គុ​តា​កាលើ​ត្រោក​អ៝ន់​នទើ​អី​នៃ​មា​ខាន់​ពាង់​រ៝។
MAT 18:20 យ៝រ​លាស​ព្លាង់​នតុក​គែស​ឞារ​ពែ​នុយ្ស​គុ​រាបុន​យ៝រ​មា​ខាន់​ពាង់​ញឆីង​មា​គ៝ប់គ៝ប់​គុ​នទ្រែល​តា​នៃ​ដ៝ង់”។
MAT 18:21 ជេសរី​ពេត្រោស ​ហាន់​អោប​ឞ្រាស​យេឆូ ៖ “អើ​កោរាញ លាស​គែស​ទូ​ហ្វេ​ឞូនុយ្ស​ញឆីង​មា​កោរាញ​ឞ្រាស​ជាន​តីស​មា​គ៝ប់ លាស​នទ្រី​ទុម​ឞ្រី​តឹ​គ៝ប់​យោៈ​នាវ​តីស​អ៝ន់​ពាង់​មេស? ត៝ត់​មា​ពើស​តឹ​ឞើស?”
MAT 18:22 ឞ្រាស​យេឆូ ​អើស​មា​ពាង់៖ “មោ​អោស​ទើន​មា​ពើស​តឹ​ទើម យើន​មា ៧០ តឹ​ពើស”។
MAT 18:23 “កើត​នទ្រី​តា​នាវ​កោរាញ​ឞ្រាស​ម៝ត់​អ្វាញ់ នតឹត​តឹម​ឞាន​មា​ទូ​ហ្វេ​កាដាច់​អុច​តឹង​រាន៝ន​មពោល​ឞូនុយ្ស​កើល​ជាន​ការ​អី​ខាន​រាន៝ន​ដាស​ពាង់។
MAT 18:24 នោក​កាដាច់​នៃ​នតើម​ជាន គែស​ឞូ​ញជុន​ទូ​ហ្វេ​ឞូនុយ្ស​មា​ពាង់​អី​ហោម​ខាន​រាន៝ន​អ៝ក់​រាកែស។
MAT 18:25 អាច​មា​ពាង់​អី​នៃ​មោ​ហោម​ទើយ​គែស​ព្រាក់​មា​ត៝ម់​រាន៝ន កាដាច់​ដាៈ​ឞូ​តាច់​អូរ​តាច់​ក៝ន នអ៝ប់​មា​តាច់​ឆាក់​ពាង់​នើម នទ្រែល​មា​តាច់​ទឹង​លែៈ​ទ្រាប់​នទើ​ពាង់ គៃ​មា​ត៝ម់​រាន៝ន​អី​នៃ។
MAT 18:26 ឞូនុយ្ស​កើល​ជាន​ការ​អី​នៃ​ពាន់​មឞាស​តា​ជ៝ង់​ពាង់​រី ជេសរី​លាស៖ «អើ​កោរាញ! ទាន់​មៃ​ញឆ្រោយ្ស​ក៝ប់​ប៝ត់​អើ គ៝ប់​មរា​ត៝ម់​រឹង​អ៝ន់​មៃ»។
MAT 18:27 កាដាច់​យោៈ​នអាច​មា​ពាង់​ហោ​ងាន់ អ៝ន់​ពាង់​ឆឹត ងក្រែ​មា​ងគ្រ៝ស​លែៈ​អី​រាន៝ន​ពាង់​ដ៝ង់។
MAT 18:28 ជេសរី​ឞូនុយ្ស​កើល​ជាន​ការ​អី​នៃ​ទូ​ឆឹត​ឞើស​កាដាច់ ពាង់​តឹម​ម៝ប់​ដាស​ទូ​ហ្វេ​មឹត​ជាង់​វៃ​កើល​ជាន​ការ​នទ្រែល​ពាង់​នើម។ អោឞាល់​អី​នៃ​ខាន​រាន៝ន​ដាស​ពាង់ ១០០ ព្រាក់​កាក់ ញុប​មពែត​អោឞាល់​តា​ត៝ង​ក៝ ជេសរី​លាស៖ «ត៝ម់​ហ៝ម់​រាន៝ន​គ៝ប់!»
MAT 18:29 អី​មឹត​ជាង់​ពាង់​នៃ​ពាន់​តា​ជ៝ង់​ពាង់ ឞ៝ញ​ទាន់​ពាង់៖ «ទាន់​មៃ​ញឆ្រោយ្ស​ក៝ប់​ប៝ត់​អើ គ៝ប់​មរា​ត៝ម់​រឹង​អ៝ន់​មៃ»។
MAT 18:30 យើន​មា​ពាង់​មោ​អុច​អ្យាត់​អោស ញុប​ក្រុង​អោឞាល់​តា​ត្រោម​នទ្រូង នហ៝​មា​ត៝ត់​អោឞាល់​ត៝ម់​រឹង​រាន៝ន​មើ។
MAT 18:31 ឞូនុយ្ស​កើល​ជាន​ការ​អាបាៈ​អេង​ឆៃ​កើត​នៃ ខាន់​ពាង់​រាង៝ត​ហោ​ងាន់ មឞើស​ងក៝ច​ទឹង​លែៈ​នាវ​អី​នៃ​អ៝ន់​មា​កាដាច់។
MAT 18:32 កាដាច់​ដាៈ​ឞូ​ហាន់​ក្វាល់​ពាង់ ជេសរី​លាស៖ «ហើយ​ឞូនុយ្ស​អ្យើស​មហឹក! ទឹង​លែៈ​រាន៝ន​មៃ​លែៈ​គ៝ប់​ងគ្រ៝ស​លើយ​លែៈ​ផ្យៅ អាច​មា​គ៝ប់​ឆៃ​មៃ​ទាន់​ហោ​ងាន់។
MAT 18:33 មើម​ទឹង​មៃ​មោ​អុច​យោៈ​អោស​ឞូនុយ្ស​កើល​ជាន​ការ​នទ្រែល​មៃ​នើម កើត​គ៝ប់​លែៈ​យោៈ​មា​មៃ?»
MAT 18:34 កាដាច់​អី​នៃ​ជី​នូយ្ស​ហោ​ងាន់​មា​ពាង់ ជេសរី​ញជុន​ពាង់​មា​កោរាញ​ម៝ត់​អ្វាញ់​នទ្រូង​គៃ​មា​ងក្រីត​ពាង់ តេៈ​ពាង់​តា​ត្រោម​នទ្រូង​នហ៝​មា​ត៝ត់​ពាង់​ត៝ម់​រឹង​រាន៝ន។
MAT 18:35 តឹម​ឞាន​ដ៝ង់​តា​ផូង​ខាន់​អៃ​មៃ លាស​ខាន់​អៃ​មៃ​មោ​អោស​តឹម​យោៈ​នាវ​តីស មោ​ឞ្លាវ​ឞាស​កើប​នាវ​តីស​នទ្រាង់​ខាន់​អៃ​មៃ​នើម​អ៝ន់​លែៈ​ឞើស​នូយ្ស​នហ៝ម់​ងាន់ ឞឹ​គ៝ប់​គុ​តា​កាលើ​ត្រោក​ពាង់​ជាន​មា​ខាន់​អៃ​មៃ​កើត​នៃ​ដ៝ង់”។
MAT 19:1 លោច​ជេស​ឞ្រាស​យេឆូ ​ងើយ​កើត​នៃ ពាង់​លោស​ឞើស​ឞ្រី​កាលីលេ  ហាន់​ជឹត​ឞ្រី​យូដា ​មពែស​ឞើស​កាល់​តី​ទាក​រាលាយ​យោរដាន់  ជេង​មពែស​ឞើស​លោស​នារ។
MAT 19:2 គែស​ឞូនុយ្ស​អ៝ក់​ងាន់​តឹង​ពាង់ ជេសរី​ពាង់​ជាន​ឞាស​ផូង​ជី​ក្វែត​តា​នៃ។
MAT 19:3 គែស​ផូង​ផារីឆី ​អាបាៈ​ហាន់​អា​ឞ្រាស​យេឆូ ​អោប​រាល៝ង​ពាង់៖ “ហើយ​នើម​នតី! អាស​តឹង​មា​នាវ​វៃ​ផូង​ឞ៝ន់ ឆាយ​ទើយ​នត្លើយ​អូរ ម៝ស​នាវ​អាបាៈ​អេង​ទើយ​ដ៝ង់​ឞើស?”
MAT 19:4 ឞ្រាស​យេឆូ ​អើស​មា​ខាន់​ពាង់៖ “ខាន់​មៃ​លែៈ​អ្វាញ់​បាស​តា​នាវ​កោរាញ​ឞ្រាស​ងើយ ឞើស​នតើម​ឆាអើម​កោរាញ​ឞ្រាស​ញជេង​ឞូនុយ្ស​ដ៝ង់ គែស​ឞូ​ក្លោ គែស​ឞូ​អូរ?
MAT 19:5 ជេសរី​លាស៖ «នទ្រី​ទឹង​គែស​ឞូ​ក្លោ​លោស​ទូ​ឞើស​មេៈ​ឞឹ ហាន់​គុ​អា​អូរ ជេសរី​ឞារ​ហៃ​ខាន់​ពាង់​ជេង​អូរ​ឆាយ​ជេង​ទូ​រាង្លៃ​ឆាក់»
MAT 19:6 នទ្រី​ខាន់​ពាង់​មោ​អោស​ហោម​ជេង​ឞារ​ហៃ​តៃ លែៈ​ជេង​ទូ​រាង្លៃ​ឆាក់​ទើម។ លាស​នទ្រី​ឞារ​ហៃ​អូរ​ឆាយ​អី​កោរាញ​ឞ្រាស​ទែ​រាង្លាប់​នៃ​លើយ​អោស​អ៝ន់​ឞូនុយ្ស​តឹម​ងខាស”។
MAT 19:7 ផូង​ផារីឆី ​អោប​ឞ្រាស​យេឆូ ៖ “លាស​នទ្រី​មើម​ទឹង​មោឆេ ​ដាៈ​អី​ឆាយ​ជាន​ឆ៝ម់បុត​នាវ​តឹម​នត្លើយ ជេសរី​ទើយ​មព្រើស​អី​អូរ​ពាង់​នើម?”
MAT 19:8 ឞ្រាស​យេឆូ ​លាស​ខាន់​ពាង់៖ “អាច​មា​នូយ្ស​នហ៝ម់​ខាន់​មៃ​ទាង់​ក៝​ហោ​អីរ នទ្រី​ទឹង​មោឆេ ​ដាៈ​ខាន់​មៃ​ជាន​ឆ៝ម់បុត​នត្លើយ​អូរ។ យើន​មា​ឞើស​នតើម​នើស​មោ​អោស​គែស​កើត​នៃ។
MAT 19:9 គ៝ប់​មឞើស​មា​ខាន់​មៃ ឞូ​ម៝ស​នត្លើយ​អូរ​ពាង់​នើម យើន​មា​អូរ​ពាង់​មោ​គែស​អោស​ល៝ម់​ឆាយ ជេសរី​ឆ៝ៈ​អូរ​អេង ឞូនុយ្ស​អី​នៃ​កើប​ពាង់​លែៈ​ជេង​ឞូនុយ្ស​ល៝ម់​អូរ”។
MAT 19:10 មពោល​អ៝ស​ម៝ន​លាស​មា​ពាង់៖ “លាស​កើត​នទ្រី​ងាន់​នាវ​ឆ៝ៈ​អូរ​ឆាយ អ្វែស​ដេៈ​លាស​មោ​ឆ៝ៈ​អូរ​ឆ៝ៈ​ឆាយ”។
MAT 19:11 ឞ្រាស​យេឆូ ​ព្លឹ​លាស​មា​ខាន់​ពាង់៖ “មោ​ទី​អោស​ទឹង​លែៈ​ឞូនុយ្ស​គឹត​វ៝ត់​នាវ​អ្យា គែស​ឞូនុយ្ស​អី​កោរាញ​ឞ្រាស​អ៝ន់ ពាង់​អី​នៃ​ទើម​ទើយ​គឹត​វ៝ត់។
MAT 19:12 គែស​ឞូនុយ្ស​អាបាៈ​នហ៝​មា​មោ​ឞ្លាវ​ឆ៝ៈ​អូរ​ឆ៝ៈ​ឆាយ​នតើម​ឞើស​ទែស ឞូនុយ្ស​អាបាៈ​លែៈ​ឞូ​ចារ​លើយ ឞូនុយ្ស​អាបាៈ​ជឹត​មោ​អុច​អោស​ឆ៝ៈ​អូរ​ឆ៝ៈ​ឆាយ​យ៝រ​មា​អុច​កើល​ជាន​ការ​តា​នាវ​កោរាញ​ឞ្រាស​ម៝ត់​អ្វាញ់។ លាស​នទ្រី​ឞូ​ម៝ស​អី​ឞ្លាវ​គឹត​វ៝ត់​នាវ​ងើយ​អី​នៃ អ៝ន់​ពាង់​តឹង​កើត​ទោ!”
MAT 19:13 ជេសរី​គែស​ឞូ​លែវ​ក៝ន​ឆែ​ជេៈៗ​ញជុន​អា​ឞ្រាស​យេឆូ  គៃ​មា​អ៝ន់​ពាង់​តេៈ​តី​មឞើស​ឆើម​មា​ខាន់​ពាង់ យើន​មា​មពោល​អ៝ស​ម៝ន​ឞ្វៃ​លើយ​ខាន់​ពាង់។
MAT 19:14 យើន​មា​ឞ្រាស​យេឆូ ​លាស៖ “អ៝ន់​ផូង​ក៝ន​ឆែ​វាច់​តា​គ៝ប់ លើយ​អោស​ឞ្វៃ​ខាន់​ពាង់។ ឞូនុយ្ស​អី​កោរាញ​ឞ្រាស​ម៝ត់​អ្វាញ់ ខាន់​ពាង់​គែស​កើត​នទ្រី​ដ៝ង់”។
MAT 19:15 ជេស​ឞ្រាស​យេឆូ ​តេៈ​តី​តា​ក៝ន​ឆែ​រី ជេសរី​ពាង់​ទូ​លោស​ឞើស​នតុក​នៃ។
MAT 19:16 នោក​នៃ​គែស​ទូ​ហ្វេ​ឞូ​ក្លោ​ហាន់​ទាច់​អា​ឞ្រាស​យេឆូ ​អោប​ពាង់៖ “អើ​នើម​នតី មើម​គ៝ប់​ជាន​នាវ​អ្វែស​គៃ​មា​គែស​នាវ​រេស​នហ៝​រ៝​មេស?”
MAT 19:17 ឞ្រាស​យេឆូ ​លាស​មា​ពាង់៖ “មើម​មៃ​អោប​គ៝ប់​មា​នាវ​អ្វែស? គែស​ទូ​ហ្វេ​កោរាញ​ឞ្រាស​ទើម​ជេង​អ្វែស ជេសរី​លាស​មៃ​អុច​គែស​នាវ​រេស​នហ៝​រ៝ អ៝ន់​មៃ​ញអោត​នាវ​វៃ​ឞ៝ន់​ទោ”។
MAT 19:18 ពាង់​អោប​ឞ្រាស​យេឆូ ៖ “ម៝ស​នាវ​វៃ​អាបាៈ​មេស?” ឞ្រាស​យេឆូ ​អើស​មា​ពាង់៖ “លើយ​ងខឹត​ឞូ លើយ​ល៝ម់​អូរ​ល៝ម់​ឆាយ លើយ​នតុង លើយ​ងើយ​ញចើត‌
MAT 19:19 យើក​មា​មេៈ​ឞឹ​ហ៝ៈ ជេសរី​រ៝ង់​មា​ផូង​ច្យៅ​មែង​តឹម​ឞាន​មា​រ៝ង់​ឆាក់​មៃ​នើម”។
MAT 19:20 ឞូ​ក្លោ​នទាម់​អី​នៃ​លាស​មា​ឞ្រាស​យេឆូ ៖ “ទឹង​លែៈ​នាវ​វៃ​អី​នៃ​លែៈ​គ៝ប់​ញអោត​ទាទេ លាស​នទ្រី​ម៝ស​នទើ​អេ​ហ៝ៈ​គែស​ដ៝ង់?”
MAT 19:21 ឞ្រាស​យេឆូ ​លាស​មា​ពាង់៖ “លាស​មៃ​អុច​ជេង​ឆ៝ង់​ទុត​អ្វែស​ងាន់ អ៝ន់​មៃ​តាច់​ហ៝ម់​ទឹង​លែៈ​ទ្រាប់​នទើ​មៃ​គែស ពាៈ​អ៝ន់​មា​មពោល​អ៝​អាច នទ្រី​មើ​មៃ​គែស​នទើ​ខ្លៃ​តា​ប៝ន​អ្វែស​តា​កាលើ ជេសរី​ហាន់​តឹង​គ៝ប់”។
MAT 19:22 ត៝ត់​ឞូ​ក្លោ​នទាម់​អី​នៃ​តាង់​នាវ​ងើយ​កើត​នៃ ពាង់​ទូ​ឆឹត​នអ៝ប់​មា​នាវ​រាង៝ត យ៝រ​លាស​ពាង់​គែស​ទ្រាប់​នទើ​ទុត​អ៝ក់។
MAT 19:23 ឞ្រាស​យេឆូ ​លាស​មា​មពោល​អ៝ស​ម៝ន​ពាង់៖ “គ៝ប់​លាស​នហេល​នានេៈ​ងាន់​មា​ខាន់​អៃ​មៃ ជេរ​ងាន់​មា​ឞូនុយ្ស​នទ្រ៝ង់​លាប់​តា​នាវ​កោរាញ​ឞ្រាស​ម៝ត់​អ្វាញ់។
MAT 19:24 គ៝ប់​លាស​តៃ​មា​ខាន់​អៃ​មៃ មា​ឞូនុយ្ស​នទ្រ៝ង់​លាប់​តា​នាវ​កោរាញ​ឞ្រាស​ម៝ត់​អ្វាញ់ ជេរ​រាលាវ​ដាស​អ៝ន់​ឆែស​ឆាមោ​លាប់​តា​ត្រោម​ងលាយ”។
MAT 19:25 ត៝ត់​មា​តាង់​នាវ​ងើយ​កើត​នៃ មពោល​អ៝ស​ម៝ន​មោ​អោស​គឹត​វ៝ត់ ខាន់​ពាង់​នទ្រ៝ត់​ហីស​រាហ៝ល់​ងាន់ អោប​ឞ្រាស​យេឆូ ៖ “លាស​ឞូនុយ្ស​នទ្រ៝ង់​លែៈ​គែស​ជេរ​ជេស​លាប់​តា​នាវ​កោរាញ​ឞ្រាស​ម៝ត់​អ្វាញ់ លាស​នទ្រី​ឞូនុយ្ស​អា​អេង​ហោម​ទើយ​លាប់​តា​នាវ​កោរាញ​ឞ្រាស​ម៝ត់​អ្វាញ់​ដ៝ង់​លាស​មោ?”
MAT 19:26 ឞ្រាស​យេឆូ ​អ្វាញ់​ជឹត​ខាន់​ពាង់​លាស៖ “នាវ​លាប់​អី​នៃ​ឞូនុយ្ស​ជាន​មោ​អោស​ទើយ យើន​មា​កោរាញ​ឞ្រាស​ទើយ​ជាន​ទាទេ​ទឹង​លែៈ​នទើ”។
MAT 19:27 ជេសរី​ពេត្រោស ​អោប​ឞ្រាស​យេឆូ ៖ “លែៈ​មៃ​ឆៃ​ហើយ្ស​ហេន ហេន​លែៈ​នត្លើយ​នទ៝ស​នទើ​ហេន​នើម​លែៈ​ផ្យៅ ហាន់​តឹង​មៃ។ លាស​នទ្រី​ហេន​តៃ​ម៝ស​នទើ​គែស?”
MAT 19:28 ឞ្រាស​យេឆូ ​លាស​មា​ខាន់​ពាង់៖ “គ៝ប់​លាស​នហេល​នានេៈ​ងាន់​មា​ខាន់​មៃ នោក​នែស​នតូ​រាគ៝ល់​មហែ នោក​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​គុ​តា​រានើល​កាដាច់​គ៝ប់​អី​គែស​នាវ​ច្រេក​លើប លាស​នទ្រី​ខាន់​មៃ​អី​លែៈ​តឹង​គ៝ប់​គុ​តា​រានើល​កាដាច់ ១២ អឹ​ដ៝ង់ នហ៝​មា​ផាត​ទោយ្ស​លែៈ​ឞូនុយ្ស ១២ មពោល​រាន៝យ​ទែស​ផូង​អីឆ្រាអែល ​ដ៝ង់។
MAT 19:29 លាស​នទ្រី​ឞូ​ម៝ស​នត្លើយ​ញីស​ជៃ មេៈ​ឞឹ អ៝ស​នោ អ៝ស​នូរ អ៝ស​ក៝ន មោ​លាស​មីរ​ឞា​យ៝រ​មា​តឹង​គ៝ប់ ពាង់​អី​នៃ​គែស​ទូ​មល៝ម់​ជេង​លោស ១០០ នអ៝ប់​មា​ទើន​នាវ​រេស​នហ៝​រ៝។
MAT 19:30 គែស​ឞូនុយ្ស​អ៝ក់​តា​នែស​នតូ​អ្យា​ឞូ​គឹត​ខាន់​ពាង់​គែស​នាវ​ខ្លៃ​ងាន់ យើន​មា​តា​ជឹត​នាប់​តៃ​មោ​អោស​គែស​នាវ​ខ្លៃ។ តីស​មា​គែស​ឞូនុយ្ស​អ៝ក់​អេង​ជឹត​តា​នែស​នតូ​អ្យា​ឞូ​គឹត​ខាន់​ពាង់​មោ​អោស​គែស​នាវ​ខ្លៃ យើន​មា​តា​ជឹត​នាប់​តៃ​បេង​មា​គែស​នាវ​ខ្លៃ”។
MAT 20:1 “នាវ​កោរាញ​ឞ្រាស​ម៝ត់​អ្វាញ់​ឞូនុយ្ស តឹម​ឞាន​មា​ទូ​ហ្វេ​ឞូនុយ្ស​គែស​មីរ។ អើម​អោយ​ពាង់​ហាន់ គៃ​មា​ជ៝យ​ឞូនុយ្ស​ជាន​ការ​តា​មីរ​ព្លៃ​យុងយារ​ប៝ន​ពាង់​នើម។
MAT 20:2 ពាង់​លែៈ​តឹម​ទី​ជេស​ទូ​នតោរ​នាវ​អ៝ន់​មា​ទឹង​លែៈ​ឞូនុយ្ស​ជាន​ការ​អី​នៃ​ទូ​មល៝ម់​ព្រាក់​កាក់​ទូ​នារ ជេសរី​ដាៈ​ខាន់​ពាង់​ហាន់​ជាន​ការ​តា​មីរ​ពាង់​រី។
MAT 20:3 ក្លាប់​លាស​តា​ម៝ង​ឆឹន​ពាង់​ហាន់​តៃ​ដ៝ង់ ឆៃ​ឞូនុយ្ស​អាបាៈ​ហោម​គុ​ទើម​តា​នតុក​តាច់​ទ្រាប់ មោ​គែស​នតុក​ជាន​ការ។
MAT 20:4 ពាង់​លាស​មា​ខាន់​ពាង់៖ «អ៝ន់​ខាន់​មៃ​ហាន់​ជាន​ការ​តា​មីរ​គ៝ប់​រី គ៝ប់​មរា​ងខោម​ខាន់​មៃ​អ៝ន់​តឹម​ទី»។
MAT 20:5 ជេសរី​ផូង​អី​នៃ​ហាន់​រ៝។ ត៝ត់​ងគូល​នារ ត៝ត់​ម៝ង​ពែ​កេង​មាង់ ពាង់​ហាន់​ដាៈ​តៃ​ឞូ​អា​អេង​កើត​នៃ​ដ៝ង់។
MAT 20:6 ត៝ត់​លែៈ​ម៝ង​ព្រាម់ ពាង់​ហាន់​តៃ​ទូ​តឹ​ជឹត ឆៃ​ឞូនុយ្ស​អាបាៈ​អា​អេង​ជឹត​ហោម​គុ​ទើម​តា​នតុក​តាច់​ទ្រាប់​រី។ ពាង់​លាស​មា​ផូង​អី​នៃ៖ «ម៝ស​គុ​ទើម​ខាន់​មៃ​តា​អ្យា​ទូ​នារ​រាមាង់​នៃ?»
MAT 20:7 ខាន់​ពាង់​អើស៖ «យ៝រ​លាស​មោ​គែស​ឞូនុយ្ស​អុច​ជ៝យ​ហេន​ជាន​ការ»។ ពាង់​លាស​មា​ផូង​អី​នៃ៖ «ខាន់​មៃ​ហាន់​ជាន​ការ​ហ៝ម់​អា​មីរ​គ៝ប់​រី»។
MAT 20:8 ត៝ត់​កេង​មាង់ ពាង់​អី​តើម​មីរ​នៃ​លាស​មា​ឞូនុយ្ស​ញអោត​ព្រាក់៖ «ក្វាល់​ហ៝ម់​ផូង​ជាន​ការ បើក​ព្រាក់​អ៝ន់​ខាន់​ពាង់ បើក​នតើម​ឞើស​ងគ្លែៈ​ទុត​ឞូ ត៝ត់​មា​ពាង់​អី​ល៝រ​ឞូ»។
MAT 20:9 ត៝ត់​ផូង​ជាន​ការ​អី​នតើម​ម៝ង​ព្រាម់ ឞូ​បើក​អ៝ន់​ខាន់​ពាង់​ទូ​ហ្វេ​ទូ​មល៝ម់​ព្រាក់​កាក់។
MAT 20:10 ជេសរី​ត៝ត់​ផូង​ជាន​ការ​អី​ល៝រ​ឞូ ខាន់​ពាង់​ងក្ល៝ន់​គែស​ព្រាក់​អ៝ក់​រាលាវ​ឞូ យើន​មា​គែស​ទូ​មល៝ម់​ព្រាក់​កាក់​តឹម​ឞាន​ទើម។
MAT 20:11 ជេស​ខាន់​ពាង់​ឆ៝ៈ​ព្រាក់​អី​នៃ ខាន់​ពាង់​ងើយ​ប្រោក​មា​ឞូនុយ្ស​អី​តើម​មីរ​អី​នៃ៖
MAT 20:12 «ផូង​អី​ជាន​ការ​ងគ្លែៈ​ទុត​ឞើស​កើយ ជាន​ទូ​ម៝ង​ទើម។ មៃ​បើក​ព្រាក់​អ៝ន់​ខាន់​ពាង់​តឹម​ឞាន​មា​ហេន​ជាន​ការ​គុ​ថ៝ង់​តា​ទោស​នារ​ទូ​នារ​រាមាង់​ដ៝ង់!»
MAT 20:13 ឞូនុយ្ស​អី​តើម​មីរ​នៃ​លាស​មា​ទូ​ហ្វេ​ឞូនុយ្ស​តា​ខាន់​ពាង់​អី​នៃ៖ «អើ​ជាង់ គ៝ប់​មោ​គែស​អោស​មរោស​មៃ យ៝រ​លាស​មៃ​លែៈ​តឹម​ទី​ទូ​នតោរ​នាវ​អុច​ជាន​ការ​អ៝ន់​គ៝ប់​ទូ​នារ​ទូ​មល៝ម់​ព្រាក់​កាក់។
MAT 20:14 លាស​នទ្រី​ឆ៝ៈ​ព្រាក់​មៃ​នៃ​ហាន់​ហ៝ម់ ឞូនុយ្ស​អី​ជាន​ការ​ឞើស​កើយ​មៃ គ៝ប់​អុច​អ៝ន់​តឹម​ឞាន​មា​មៃ​ដ៝ង់‌
MAT 20:15 យ៝រ​លាស​ព្រាក់​គ៝ប់​នើម​តឹង​នូយ្ស​នហ៝ម់​គ៝ប់​នើម​អុច​ទ៝ង់។ មោ​លាស​អាច​មា​ឆៃ​គ៝ប់​ជាន​អ្វែស មៃ​តឹម​មោ​នាច​មា​ខាន់​ពាង់?»
MAT 20:16 គែស​ឞូនុយ្ស​តា​នែស​នតូ​អ្យា​ឞូ​គឹត​ខាន់​ពាង់​គែស​នាវ​ខ្លៃ​ងាន់ យើន​មា​តា​ជឹត​នាប់​តៃ​មោ​អោស​គែស​នាវ​ខ្លៃ។ តីស​មា​គែស​ឞូនុយ្ស​អេង​ជឹត​តា​នែស​នតូ​អ្យា​ឞូ​គឹត​ខាន់​ពាង់​មោ​អោស​គែស​នាវ​ខ្លៃ យើន​មា​តា​ជឹត​នាប់​តៃ​បេង​មា​គែស​នាវ​ខ្លៃ”។
MAT 20:17 នោក​ឞ្រាស​យេឆូ ​ហាន់​តា​ប៝ន​ក្វ៝ង់​យេរូឆាលឹម ពាង់​លែវ ១២ នុយ្ស​មពោល​កោរាញ​អ៝ស​ម៝ន​ពាង់ ហាន់​អេង នោក​ហោម​ហាន់​រ៝ៈ​ត្រ៝ង ពាង់​លាស​មា​ខាន់​ពាង់​កើត​នអា៖
MAT 20:18 “អាបៃ​អ្យា​ឞ៝ន់​ហាន់​ជឹត​ប៝ន​យេរូឆាលឹម ។ គ៝ប់​អ្យា​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស ឞូ​ទែ​ញជុន​អ៝ន់​មា​មពោល​កោរាញ​ជាន​ឞ្រាស នទ្រែល​មា​ផូង​នើម​នតី​នាវ​វៃ​ផូង​ឞ៝ន់។ ជេសរី​ខាន់​ពាង់​អី​នៃ​តេៈ​ទោយ្ស​គ៝ប់​ត៝ត់​ខឹត។
MAT 20:19 ខាន់​ពាង់​អី​នៃ​ញជុន​គ៝ប់​មា​ផូង​អី​មោ​ទី​ផូង​អីឆ្រាអែល  អ៝ន់​ឞូ​គើម​ងគ្រើស រាពាត់​មា​ម៝ង់​រាឆែ នហ៝​មា​ងខឹត​គ៝ប់​តា​ឆី​តឹម​រាកាង់។ យើន​មា​ត៝ត់​ពែ​នារ​កោរាញ​ឞ្រាស​អ៝ន់​គ៝ប់​ទ៝ក់​រេស​តៃ​ដ៝ង់”។
MAT 20:20 នោក​នៃ​អី​អូរ​ឆេបេដេ  លែវ​ឞារ​ហៃ​ក៝ន​ពាង់​នើម​ហាន់​ច៝ន​កោម៝ក់​តា​ជ៝ង់​ឞ្រាស​យេឆូ ​រី អុច​ទាន់​ទូ​នតីល​នាវ។
MAT 20:21 ឞ្រាស​យេឆូ ​អោប​ពាង់៖ “ម៝ស​នាវ​អៃ​អុច?” ពាង់​អើស៖ “នោក​មៃ​ជេង​កាដាច់​ងាន់​តា​នាវ​មៃ​នើម​ម៝ត់​អ្វាញ់​តៃ អ៝ន់​ឞារ​ហៃ​ក៝ន​គ៝ប់​អ្យា​ជេង​ក្វ៝ង់​រាលាវ​ឞូ​គុ​តា​ន៝ម់​មៃ​នើម ទូ​ហ្វេ​គុ​ឞើស​មា​ទូ​ហ្វេ​គុ​ឞើស​ច្យៅ​មៃ”។
MAT 20:22 យើន​មា​ឞ្រាស​យេឆូ ​អើស៖ “ខាន់​អៃ​មៃ​មោ​គឹត​វ៝ត់​អោស ម៝ស​នទើ​ខាន់​អៃ​មៃ​ទាន់។ លាស​នទ្រី​ខាន់​មៃ​ទើយ​ឆ៝ៈ​ទើយ​ញេត​ដ៝ង់​នទ្រាញ់​ព្លៃ​យុងយារ​ប៝ន​តា​កាច៝ក​អី​គ៝ប់​ឞែ​ញេត គែស​នាវ​ខ្លៃ​លាស​គែស​នាវ​ជេរ​ជ៝ត់​កើត​គ៝ប់​ដ៝ង់?” យាកើ  នទ្រែល​មា​យោហាន ​អើស៖ “អើ ហេន​ទើយ​ឆ៝ៈ​ទើន”។
MAT 20:23 ឞ្រាស​យេឆូ ​លាស​មា​ខាន់​ពាង់៖ “នាវ​ខាន់​មៃ​ឆ៝ៈ​ទើន​ញេត​នទ្រាញ់​ព្លៃ​យុងយារ​ប៝ន​តា​កាច៝ក​អី​គ៝ប់​ញេត​មរា​គែស​ងាន់ តីស​មា​អី​នាវ​គុ​ឞើស​មា​ឞើស​ច្យៅ​រី គ៝ប់​មោ​អោស​ទើយ​រ៝ម យ៝រ​មា​នតុក​អី​នៃ​លែៈ​នទ្រាប់​អ៝ន់​មា​ឞូនុយ្ស​អី​ឞឹ​គ៝ប់​នើម​លែៈ​អុច​អ៝ន់​ទើម”។
MAT 20:24 ត៝ត់​មពោល​អ៝ស​ម៝ន​អី​ជឹត​នុយ្ស​នៃ​តាង់​លាស​កើត​នៃ ខាន់​ពាង់​ជី​នូយ្ស​មា​ឞារ​ហៃ​ខាន់​ពាង់​អី​នៃ។
MAT 20:25 ជេសរី​ឞ្រាស​យេឆូ ​ក្វាល់​ទឹង​លែៈ​មពោល​អ៝ស​ម៝ន​ពាង់ ជេសរី​លាស៖ “ខាន់​មៃ​លែៈ​គឹត​ហើយ្ស​ឞូនុយ្ស​អី​ម៝ត់​អ្វាញ់​មា​ផូង​ឞូនុយ្ស​អី​មោ​ទី​ផូង​អីឆ្រាអែល  ខាន់​ពាង់​អី​នៃ​ទាស​អុច​ជាន​មា​ផូង​ប៝ន​លាន​ខាន់​ពាង់​នើម គែស​ដ៝ង់​មពោល​អី​តេស​ក្វ៝ង់​តុន​ជ៝ត​មា​ផូង​ប៝ន​លាន​ខាន់​ពាង់​នើម។
MAT 20:26 តា​មពោល​ខាន់​មៃ​តៃ​មោ​អោស​គែស​កើត​នៃ! តា​មពោល​ខាន់​មៃ​លាស​គែស​ទូ​ហ្វេ​អុច​ជាន​ក្វ៝ង់ អ៝ន់​ពាង់​អី​នៃ​ជេង​ឞូនុយ្ស​ឆើម​កើល​ជាន​ការ​មា​ខាន់​មៃ។
MAT 20:27 លាស​គែស​ទូ​ហ្វេ​អុច​ជាន​ក្វ៝ង់​រាលាវ​ឞូ អ្យាត់​មា​ពាង់​ជាន​ទឹក​មា​ខាន់​មៃ​ប៝ត់។
MAT 20:28 តឹម​ឞាន​មា​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​វាច់​តា​នែស​នតូ​អ្យា មោ​អោស​គ៝ប់​ដាៈ​ឞូ​ឆើម​កើល​ជាន​ការ​អ៝ន់​មា​គ៝ប់។ បេង​មា​គ៝ប់​ច្រាវ​ឆើម​កើល​ជាន​ការ​អ៝ន់​មា​ឞូ ជេសរី​គ៝ប់​ជាវ​ឆាក់​គ៝ប់​នើម​ត៝ត់​ខឹត​ឆាក់ គៃ​មា​ច្វាយ​អ៝ក់​ឞូនុយ្ស”។
MAT 20:29 នោក​ខាន់​ពាង់​លោស​ឞើស​ប៝ន​យេរីខោ  គែស​អ៝ក់​ឞូនុយ្ស​តឹង​ឞ្រាស​យេឆូ ។
MAT 20:30 នោក​នៃ​គែស​ឞារ​ហៃ​ឞូនុយ្ស​ចែស​មាត់​គុ​តា​មែង​ត្រ៝ង​រី។ ត៝ត់​ខាន់​ពាង់​តាង់​លាស​ឞ្រាស​យេឆូ ​ហាន់​រ៝ៈ​ត្រ៝ង​នៃ ខាន់​ពាង់​នតែរ​រ៝៖ “អើ​កោរាញ​អី​ក៝ន​ឆៅ​កាដាច់​ដាវីត  យោៈ​នអាច​ហេន​បាៈ​អើ!”
MAT 20:31 គែស​ឞូនុយ្ស​អ៝ក់​ឞ្វៃ​ខាន់​ពាង់​អ៝ន់​គុ​អ្យាត់​ឆាក់​រាក្លាក់​ហ៝ៈ យើន​មា​លើ​ហោ​ខាន់​ពាង់​នតែរ៖ “អើ​កោរាញ​អី​ក៝ន​ឆៅ​កាដាច់​ដាវីត  យោៈ​នអាច​ហេន​អើ!”
MAT 20:32 ឞ្រាស​យេឆូ ​ញឆ្រុង ជេសរី​ក្វាល់​ឞារ​ហៃ​ឞូនុយ្ស​ចែស​មាត់​អី​នៃ​អោប៖ “ម៝ស​នទើ​ខាន់​មៃ​អុច​អ៝ន់​គ៝ប់​ជាន​មា​ខាន់​មៃ?”
MAT 20:33 ខាន់​ពាង់​អើស៖ “អើ​កោរាញ អ៝ន់​មាត់​ហេន​ឆៃ​អាង”។
MAT 20:34 ឞ្រាស​យេឆូ ​យោៈ​នអាច​ខាន់​ពាង់​ហោ​ងាន់ ពាស​ត្រោម​មាត់​ខាន់​ពាង់ ជេសរី​ត្រោម​មាត់​ខាន់​ពាង់​ទោ​មា​ឆៃ​អាង​រ៝ ជេសរី​ខាន់​ពាង់​តឹង​ឞ្រាស​យេឆូ ។
MAT 21:1 នោក​ឞ្រាស​យេឆូ ​ហាន់​ឞើយ​មា​ត៝ត់​ប៝ន​ក្វ៝ង់​យេរូឆាលឹម  លែៈ​ត៝ត់​តា​ប៝ន​បេតផាឆេ ​តា​យោក​តើម​អោលីវ ពាង់​ដាៈ​ឞារ​ហៃ​មពោល​អ៝ស​ម៝ន​ពាង់​ហាន់​ល៝រ‌
MAT 21:2 ពាង់​លាស៖ “អ៝ន់​ខាន់​មៃ​ហាន់​តា​ប៝ន​ឞើស​នាប់​រី លាប់​តា​ប៝ន​នៃ​ខាន់​មៃ​មរា​ឆៃ​ទូ​មល៝ម់​មែ​ឆែស​លៀ​ឞូ​ក៝ត់​នអ៝ប់​មា​ក៝ន​ពាង់​ដ៝ង់។ ខាន់​មៃ​ទ្រ៝ស​តេក​លែៈ​ឞារ​អា​គ៝ប់​អ្យា។
MAT 21:3 លាស​គែស​ឞូ​អោប​ខាន់​មៃ ខាន់​មៃ​លាស​មា​ពាង់​កើត​នអា៖ «កោរាញ​អុច​ទ៝ង់​ពាង់​ទឹង​លែៈ​ឞារ» ឞូ​មរា​អ៝ន់​ខាន់​មៃ​តេក​រ៝”។
MAT 21:4 ទឹង​លែៈ​នាវ​អ្យា​គែស គៃ​មា​តឹម​ទី​ដាស​នាវ​មពោល​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស​លែៈ​ញចីស​លាស៖
MAT 21:5 «អ៝ន់​មឞើស​ងក៝ច​ហ៝ម់​មា​ផូង​ប៝ន​លាន​តា​ប៝ន​យេរូឆាលឹម ៖ «ល៝ង់​អ្វាញ់​អ្យា កាដាច់​ខាន់​អៃ​មៃ​វាច់។ ពាង់​មលែស​ហោ​ងាន់ ញច៝​តា​កាលើ​ឆែស​លៀ‌ ញច៝​តា​ក៝ន​ឆែស​លៀ​ដ៝ង់»»។
MAT 21:6 ជេសរី​ឞារ​ហៃ​មពោល​អ៝ស​ម៝ន​អី​នៃ​ហាន់​ជាន​កើត​នាវ​ឞ្រាស​យេឆូ ​ដាៈ។
MAT 21:7 ខាន់​ពាង់​តេក​មែ​ឆែស​លៀ នអ៝ប់​មា​អី​ក៝ន​ពាង់ ជេសរី​នតាៈ​អាវ​ក្វ៝ង់​ខាន់​ពាង់​នើម​តា​កាលើ​លែៈ​ឞារ​មល៝ម់​ឆែស​នៃ អ៝ន់​ឞ្រាស​យេឆូ ​ញច៝​លាប់​តា​ប៝ន។
MAT 21:8 ផូង​ប៝ន​លាន​ទុត​អ៝ក់​ងាន់​តា​ប៝ន​នៃ ខាន់​ពាង់​ទ្រ៝ស​អាវ​ក្វ៝ង់​ខាន់​ពាង់​នើម​លាក់​តា​ត្រ៝ង។ ឞូនុយ្ស​អាបាៈ​តែ​នថាន​ឆី​ឞើស​មីរ​លាក់​រ៝ៈ​ត្រ៝ង​នៃ​ដ៝ង់។
MAT 21:9 ឞូនុយ្ស​អ៝ក់​ងាន់​ឞ្រោៈ​តឹង​ឞ្រាស​យេឆូ ​ឞើស​នាប់​ឞើស​កើយ លែវ​ឞាល់​នតែរ​ទ្រើវ​លាស៖ “រានេ​មា​កោរាញ​ឞ្រាស​អ៝ន់​មា​អី​ក៝ន​ឆៅ​កាដាច់​ដាវីត ! ទាន់​កោរាញ​ឞ្រាស​អ៝ន់​នាវ​គែស​ជេង​មា​ពាង់​អី​កោរាញ​ឞ្រាស​ទែ​ដាៈ​វាច់! រានេ​មា​កោរាញ​ឞ្រាស​អី​គុ​កាលើ​ត្រោក​ទុត​ព្រេស​រី!”
MAT 21:10 នោក​ឞ្រាស​យេឆូ ​លាប់​តា​ប៝ន​យេរូឆាលឹម  ទឹង​លែៈ​ឞូនុយ្ស​តា​ប៝ន​នៃ​គែស​នាវ​នទ្រ៝ត់​ទុត​ហោ​ងាន់ ខាន់​ពាង់​មោ​អោស​វ៝ត់ អោប៖ “ឞូ​ម៝ស​ពាង់​អី​នៃ?”
MAT 21:11 ផូង​ឞូនុយ្ស​អី​តឹង​ឞ្រាស​យេឆូ ​លាស៖ “ពាង់​អ្យា​យេឆូ ​ឞូនុយ្ស​នតើយ្ស​នាវ​ងើយ​កោរាញ​ឞ្រាស​តាៈ​ឞើស​ប៝ន​នាឆារែត ​ឞ្រី​កាលីលេ ”។
MAT 21:12 ជេសរី​ឞ្រាស​យេឆូ ​នទ្រែល​មពោល​អ៝ស​ម៝ន​ពាង់​ហាន់​លាប់​តា​ជ៝ង់​គូង​ញីស​ជាន​ឞ្រាស។ ផូង​អី​តាច់​រាគ៝ល់​តា​នៃ​ពាង់​មព្រើស​លែៈ​ផ្យៅ។ ពាង់​ងក្លឹ​គ្រែ​ឞូ​គុ​រាគ៝ល់​ព្រាក់ នអ៝ប់​មា​គ្រែ​ឞូ​តាច់​ព្លុក។
MAT 21:13 ឞ្រាស​យេឆូ ​លាស​ខាន់​ពាង់​អី​នៃ៖ “តា​នាវ​កោរាញ​ឞ្រាស​ងើយ​លែៈ​គែស​ញចីស​កើត​នអា៖ «កោរាញ​ឞ្រាស​លាស៖ «ញីស​គ៝ប់​ជេង​នតុក​មា​មឞើស​ឆើម​មា​គ៝ប់»» បេង​មា​ខាន់​មៃ​ឆ៝ៈ​ជាន​នតុក​គុ​រាគូម​មពោល​នតុង​ច្រាវ”។
MAT 21:14 នោក​នៃ​គែស​ឞូនុយ្ស​ចែស​មាត់ នទ្រែល​មា​ឞូនុយ្ស​ក្វែត​រាវែន​ហាន់​អា​ឞ្រាស​យេឆូ ​តា​ជ៝ង់​គូង​ញីស​ជាន​ឞ្រាស​រី ជេសរី​ពាង់​ជាន​ឞាស​ទាទេ។
MAT 21:15 យើន​មា​មពោល​កោរាញ​ជាន​ឞ្រាស នទ្រែល​មា​ផូង​នើម​នតី​នាវ​វៃ​ផូង​អីឆ្រាអែល  ឆៃ​ឞ្រាស​យេឆូ ​ជាន​នទើ​អី​នៃ​លែៈ​នាវ​ងាន់ ជេសរី​តាង់​ផូង​ក៝ន​ឆែ​នតែរ​តា​ជ៝ង់​គូង​ញីស​ជាន​ឞ្រាស​លាស៖ “រានេ​មា​កោរាញ​ឞ្រាស​មា​អី​ក៝ន​ឆៅ​កាដាច់​ដាវីត !” ខាន់​ពាង់​ជី​នូយ្ស​ហោ​ងាន់។
MAT 21:16 ខាន់​ពាង់​អោប​ឞ្រាស​យេឆូ ៖ “មៃ​តាង់​ដ៝ង់​នាវ​ផូង​ក៝ន​ឆែ​នតែរ​នៃ?” ឞ្រាស​យេឆូ ​អើស៖ “តាង់​ដ៝ង់។ លាស​នទ្រី​ខាន់​មៃ​លែៈ​អ្វាញ់​ដ៝ង់​តា​នាវ​កោរាញ​ឞ្រាស​ងើយ​ញចីស​កើត​នអា៖ «អើ​កោរាញ​ឞ្រាស មៃ​លែៈ​នទ្រាប់​អ៝ន់​នាវ​រានេ​មា​មៃ​នើម តា​មឞូង​ក៝ន​ឆែ នទ្រែល​មា​តា​អ៝ស​ឞេ​ហោម​ពូ​ត៝ស»”។
MAT 21:17 ជេសរី​ឞ្រាស​យេឆូ ​នត្លើយ​ខាន់​ពាង់​គុ​តា​នៃ។ ពាង់​លោស​ឞើស​នតុក​នៃ​ហាន់​តា​ប៝ន​បេថានី  គុ​តា​ប៝ន​នៃ​ទូ​មាង់។
MAT 21:18 ត៝ត់​អើម​អោយ អោយ​តៃ​ឞ្រាស​យេឆូ ​ព្លឹ​តៃ​តា​ប៝ន​យេរូឆាលឹម ។ នោក​នៃ​ពាង់​ជី​ង៝ត។
MAT 21:19 ពាង់​ឆៃ​តើម​ព្លៃ​រាវី ​ទូ​តើម​រ៝ៈ​ត្រ៝ង ជេសរី​ពាង់​ហាន់​ទាច់​តើម​ព្លៃ​អី​នៃ​ជ៝យ​ព្លៃ យើន​មា​មោ​អោស​គែស​ព្លៃ គែស​នហា​ទើម។ ពាង់​លាស​មា​តើម​ព្លៃ​អី​នៃ៖ “នតើម​ឞើស​នារ​អ្យា មៃ​តើម​ព្លៃ​អី​អ្យា​លើយ​ហោម​អោស​គែស​ព្លៃ!” ជេសរី​ទោ​មា​នទ្រ៝​រ៝​តើម​រាវី ​អី​នៃ។
MAT 21:20 ត៝ត់​មា​មពោល​អ៝ស​ម៝ន​ឆៃ​កើត​នៃ ខាន់​ពាង់​នទ្រ៝ត់​ហីស​រាហ៝ល់​ងាន់ ខាន់​ពាង់​អោប៖ “មើម​នទ្រ៝​នទាល​តើម​រាវី ​អី​អ្យា​ហ្យាស?”
MAT 21:21 ឞ្រាស​យេឆូ ​លាស​មា​ខាន់​ពាង់៖ “គ៝ប់​លាស​នហេល​នានេៈ​ងាន់​មា​ខាន់​មៃ លាស​ខាន់​មៃ​លែៈ​គែស​នាវ​ញឆីង​ន៝ប់​មោ​គែស​នាវ​វិ​វែៈ​តា​នូយ្ស​នហ៝ម់ មោ​អោស​ទើន​កើត​មា​គ៝ប់​ជាន​តើម​ព្លៃ​រាវី ​អ្យា​ទើម​ខាន់​មៃ​ទើយ​ជាន យើន​មា​លាស​ខាន់​មៃ​ដាៈ​យោក​អ្យា៖ «ទូ​ហ៝ម់​ឞើស​នតុក​អ្យា អ៝ន់​តុប​អា​ទាក​វាច់​ទាក​វារ់​រី» ពាង់​គែស​កើត​នៃ​ងាន់​រ៝។
MAT 21:22 ម៝ស​នទើ​ខាន់​មៃ​មឞើស​ឆើម​ទាន់​កោរាញ​ឞ្រាស​មា​នូយ្ស​នហ៝ម់​គែស​នាវ​ញឆីង ខាន់​មៃ​គែស​ងាន់​រ៝”។
MAT 21:23 ជេសរី​ឞ្រាស​យេឆូ ​លាប់​តា​ជ៝ង់​គូង​ញីស​ជាន​ឞ្រាស​មា​កោរាញ​ឞ្រាស។ នោក​ពាង់​នតី​ឞូ គែស​មពោល​កោរាញ​ជាន​ឞ្រាស នទ្រែល​មា​មពោល​ឞូ​រាញ​ផូង​ប៝ន​លាន​ហាន់​អា​ឞ្រាស​យេឆូ ​អោប​ពាង់៖ “មឞើស​អ៝ន់​មា​ហេន​គឹត នទើ​មៃ​ជាន​អ្យា​ឞើស​តាៈ​នាវ​ទើយ? ឞូ​ម៝ស​អ៝ន់​នាវ​ទើយ​អី​នៃ​មា​មៃ​មេស?”
MAT 21:24 ឞ្រាស​យេឆូ ​អើស៖ “គ៝ប់​អោប​ទូ​នាវ​មា​ខាន់​មៃ​ប៝ត់ ល៝ង់​ខាន់​មៃ​អើស​មា​គ៝ប់​ដ៝ង់ នទ្រី​មើ​គ៝ប់​មរា​មឞើស​មា​ខាន់​មៃ ឞើស​តាៈ​នាវ​ទើយ​មា​នទើ​អី​គ៝ប់​ជាន។
MAT 21:25 លាស​នទ្រី​ឞូ​ម៝ស​ដាៈ​យោហាន-​បាប់តែម ​ជាន​បាប់តែម​យុក​មា​ទាក? តាៈ​ឞើស​កោរាញ​ឞ្រាស មោ​លាស​តាៈ​ឞើស​ឞូនុយ្ស?” ខាន់​ពាង់​តឹម​ញច្រាៈ​អេង៖ “លាស​ឞ៝ន់​លាស៖ «តាៈ​ឞើស​កោរាញ​ឞ្រាស» ពាង់​មរា​លាស​ឞ៝ន់៖ «លាស​នទ្រី​មើម​ទឹង​ខាន់​មៃ​មោ​អ្យាត់​នាវ​ពាង់?»
MAT 21:26 លាស​ឞ៝ន់​អើស៖ «តាៈ​ឞើស​ឞូនុយ្ស» នទ្រី​ឞ៝ន់​ក្លាច​ផូង​ប៝ន​លាន​ជី​នូយ្ស យ៝រ​មា​អ៝ក់​ឞូនុយ្ស​អ្យាត់​នាវ​យោហាន-​បាប់តែម ​កើប​ពាង់​ជេង​ឞូនុយ្ស​នតើយ្ស​នាវ​ងើយ​កោរាញ​ឞ្រាស​រ៝”។
MAT 21:27 ជេសរី​ខាន់​ពាង់​អើស​មា​ឞ្រាស​យេឆូ ៖ “ហេន​មោ​អោស​គឹត!” ឞ្រាស​យេឆូ ​លាស​មា​ខាន់​ពាង់៖ “លាស​នទ្រី​គ៝ប់​មោ​មឞើស​អ៝ន់​មា​ខាន់​មៃ​គឹត​ដ៝ង់ ឞូ​ម៝ស​អ៝ន់​នាវ​ទើយ​គ៝ប់​ជាន​អ្យា”។
MAT 21:28 “មើម​ខាន់​មៃ​វ៝ត់​មា​នាវ​នតឹត​ឞារ​ហៃ​ក៝ន​ឞូ​ក្លោ? គែស​ទូ​ហ្វេ​ឞូ​ក្លោ​គែស​ឞារ​ហៃ​ក៝ន​ឞូ​ក្លោ ពាង់​លាស​មា​ក៝ន​ឞោក​ទាក៖ «អើ​នោ នារ​អ្យា​ដាៈ​មៃ​ហាន់​ជាន​ការ​តា​មីរ​ព្លៃ​យុងយារ​ប៝ន​រី»។
MAT 21:29 អី​ក៝ន​ពាង់​អើស៖ «គ៝ប់​មោ​អុច​ហាន់​អោស!» យើន​មា​ឞើស​កើយ​នៃ​ពាង់​រាគ៝ល់​នាវ​មឹន ជេសរី​ហាន់​តា​មីរ។
MAT 21:30 ជេសរី​អី​ឞឹ​ងើយ​កើត​នៃ​ដ៝ង់​មា​ក៝ន​អា​អេង ក៝ន​អី​នៃ​អើស៖ «អើ​គ៝ប់​ហាន់​ឞឹ!» យើន​មា​ពាង់​មោ​ហាន់​អោស។
MAT 21:31 លាស​នទ្រី​ទឹង​លែៈ​ឞារ​ហៃ​ក៝ន​អី​នៃ ឞូ​ម៝ស​អី​អ្យាត់​នាវ​ឞឹ​ពាង់?” ខាន់​ពាង់​អើស៖ “អី​នោ”។ ឞ្រាស​យេឆូ ​លាស​មា​ខាន់​ពាង់៖ “គ៝ប់​លាស​នហេល​នានេៈ​ងាន់​មា​ខាន់​មៃ មពោល​ក៝ប់​ឆ៝ៈ​ព្រាក់​ផូង​ប៝ន​លាន​គៃ​មា​អ៝ន់​កោរាញ​ម៝ត់​អ្វាញ់ នទ្រែល​មា​ឞូ​អូរ​វាង់​តឹរ ខាន់​ពាង់​អី​នៃ​លាប់​តា​នាវ​កោរាញ​ឞ្រាស​ម៝ត់​អ្វាញ់​ល៝រ​ឞើស​នាប់​ខាន់​មៃ។
MAT 21:32 យ៝រ​លាស​យោហាន-​បាប់តែម ​លែៈ​វាច់​នតុម​នតី​នាវ​គុ​រេស​តឹង​នាវ​កោរាញ​ឞ្រាស​អុច​មា​ខាន់​មៃ តីស​មា​ខាន់​មៃ​មោ​អុច​អោស​អ្យាត់​ពាង់។ មពោល​ក៝ប់​ឆ៝ៈ​ព្រាក់​ផូង​ប៝ន​លាន​អី​នៃ នទ្រែល​មា​ឞូ​អូរ​វាង់​តឹរ​អី​នៃ ខាន់​ពាង់​អ្យាត់​នាវ​ពាង់។ ល៝ង់​ខាន់​មៃ​ឞ៝ល​លាស​លែៈ​ឆៃ​ទឹង​លែៈ​នាវ​អី​នៃ​កាដោយ ខាន់​មៃ​ហោម​អែ​មោ​អុច​អោស​រាគ៝ល់​នូយ្ស​នហ៝ម់​គឹត​មឹន​មា​ពាង់ មោ​អុច​ញឆីង​មា​ពាង់​ដ៝ង់”។
MAT 21:33 “ទាន់​អ្យាត់​ទូ​នាវ​ងើយ​នតឹត​អេង​ជឹត។ គែស​ទូ​ហ្វេ​ឞូ​ក្លោ​តាម់​ទូ​លោក​មីរ​តើម​ព្លៃ​យុងយារ​ប៝ន។ ពាង់​ជាន​ងគារ​ជុម​មីរ​នៃ ជាន​ទូ​នតុក​មា​ឞូ​ញជ៝ត​ព្លៃ​អី​នៃ នទ្រែល​មា​ជាន​ទូ​មល៝ម់​ច្វាញ​ងកើង​ដ៝ង់​គៃ​មា​ញជ្រាង់។ ជេសរី​អ៝ន់​ឞូ​ម៝ត់​មីរ​អី​នៃ ដាៈ​ឞូ​ពាៈ​ព្លៃ​មា​ពាង់​អាប់​នាម់។ ពាង់​នើម​រី​ហាន់​គុ​ឞ្រី​អេង។
MAT 21:34 ត៝ត់​ទី​ខៃ​ទុម​ព្លៃ​យុងយារ​ប៝ន​រី ពាង់​ដាៈ​ទឹក​ពាង់​អាបាៈ​ហាន់​តឹម​ម៝ប់​មា​មពោល​ម៝ត់​មីរ​អី​នៃ គៃ​មា​ឆ៝ៈ​ព្លៃ​អី​ឞូ​ពាៈ​នៃ។
MAT 21:35 មពោល​ម៝ត់​មីរ​អី​នៃ​ញុប​ខាន់​ពាង់ អី​ទូ​ហ្វេ​មឞាង អី​ទូ​ហ្វេ​ងខឹត​លើយ ជេសរី​អី​ទូ​ហ្វេ​ជឹត​នតុប​អោឞាល់​មា​លុ។
MAT 21:36 ជេសរី​ពាង់​ដាៈ​តៃ​ទឹក​ពាង់​អា​អេង​ជឹត​ហាន់ អ៝ក់​រាលាវ​ទឹក​អី​ឞើស​កើយ​នើស។ យើន​មា​មពោល​ម៝ត់​មីរ​លើស​ខាន់​ពាង់​កើត​ទឹក​អី​ឞើស​កើយ​នើស​ជឹត។
MAT 21:37 កេង​មា​ទុត​ពាង់​ដាៈ​អី​ក៝ន​ឞូ​ក្លោ​ពាង់​នើម​ហាន់​ឞើស​កើយ​ឞូ ពាង់​មឹន​អេង​លាស៖ «ឞូ​ក្លាច​យើក​មា​ក៝ន​គ៝ប់​រ៝»។
MAT 21:38 យើន​មា​ត៝ត់​មពោល​ម៝ត់​មីរ​ឆៃ​ពាង់ ខាន់​ពាង់​តឹម​លាស៖ «ពាង់​អី​នៃ​រ៝​នត្រ៝ៈ​នទើន​មីរ​អី​អ្យា​នារ​ជឹត​នាប់​តៃ។ ហាន់​ឞ៝ន់​ងខឹត​លើយ​ពាង់​អី​នៃ​ទោស ឆ៝ៈ​មីរ​អី​អ្យា​មា​ឞ៝ន់​រ៝»។
MAT 21:39 ជេសរី​ឞូ​ទែ​ញុប​អី​ក៝ន​ពាង់​នើម​អី​តើម​មីរ​នៃ មអារ់​អោឞាល់​ឞើស​ទីស​មីរ​អី​នៃ ងខឹត​លើយ​អោឞាល់។
MAT 21:40 លាស​ត៝ត់​ពាង់​នើម​អី​តើម​មីរ​ហាន់ មើម​ពាង់​ជាន​មា​មពោល​ម៝ត់​មីរ​អី​នៃ?”
MAT 21:41 ខាន់​ពាង់​អើស​មា​ពាង់៖ “ពាង់​ងខឹត​ងក្រីត​លើយ​មពោល​អ្យើស​អី​នៃ​រ៝ មោ​អោស​គែស​រ៝ង ជេសរី​ជ៝យ​ងខោម​អ៝ន់​ឞូ​អេង​ជឹត​ម៝ត់​មីរ​ពាង់ មពោល​អី​ពាៈ​ព្លៃ​មា​ពាង់​ត៝ត់​ទី​ខៃ​ពែៈ​ព្លៃ”។
MAT 21:42 ឞ្រាស​យេឆូ ​លាស​មា​ខាន់​ពាង់៖ “នទ្រី​ខាន់​មៃ​មោ​គែស​រ៝ៈ​ឆ៝ម់បុត​នាវ​កោរាញ​ឞ្រាស​ងើយ​លែៈ​គែស​ញចីស​លាស៖ «ឞូនុយ្ស​ឞ្លាវ​ជាន​ជៃ​លុ​ឞ្ល៝ន​លែៈ​មអារ់​លើយ​ទូ​មល៝ម់​លុ​ឞ្ល៝ន‌ យើន​មា​លុ​ឞ្ល៝ន​អី​នៃ​ងខើង​មា​ជេង​លុ​ទុត​ន៝ប់​ខ្លៃ​រាលាវ​ឞូ​មា​ជាន​ជៃ។ កោរាញ​ឞ្រាស​នើម​ជាន​នាវ​អី​នៃ​លែៈ​នាវ​ងាន់‌ ឆៃ​កើត​នៃ​អ៝ន់​ឞ៝ន់​នទ្រ៝ត់​ហីស​រាហ៝ល់​ហោ​ងាន់»។
MAT 21:43 កើត​នទ្រី​ទឹង​គ៝ប់​លាស​មា​ខាន់​មៃ កោរាញ​ឞ្រាស​ឆ៝ៈ​លើយ​នាវ​ពាង់​នើម​ម៝ត់​អ្វាញ់​តាៈ​ឞើស​ខាន់​មៃ​អ៝ន់​ផូង​ឞូនុយ្ស​អេង​អី​អ៝ន់​គែស​ព្លៃ​មា​ពាង់។
MAT 21:44 លាស​នទ្រី​ម៝ស​នាវ​ឞូ​នតឹត​អ្យា? លុ​ឞ្ល៝ន​អី​នៃ​ជេង​នតឹត​មា​គ៝ប់។ ឞូ​ម៝ស​អី​ចោត​តា​លុ​ឞ្ល៝ន​អី​នៃ ពាង់​អី​នៃ​លេក​រាហ៝ច់​រ៝។ ជេសរី​លាស​លុ​ឞ្ល៝ន​អី​នៃ​តុប​កាលើ​ទូ​ហ្វេ​ឞូនុយ្ស ឞូនុយ្ស​អី​នៃ​ហាច់​លែៈ​ផ្យៅ”។
MAT 21:45 នោក​មពោល​កោរាញ​ជាន​ឞ្រាស នទ្រែល​មា​ផូង​ផារីឆី ​តាង់​នាវ​នតឹត​កើត​នៃ ខាន់​ពាង់​គឹត​លាស​ឞ្រាស​យេឆូ ​លាស​នត្រ៝ង់​ជឹត​ខាន់​ពាង់​ងាន់​រ៝។
MAT 21:46 ខាន់​ពាង់​អុច​ញុប​ឞ្រាស​យេឆូ  តីស​មា​ខាន់​ពាង់​ក្លាច​មា​ផូង​ប៝ន​លាន យ៝រ​លាស​ផូង​ប៝ន​លាន​កើប​ពាង់​ជេង​ឞូនុយ្ស​នតើយ្ស​នាវ​ងើយ​កោរាញ​ឞ្រាស។
MAT 22:1 ឞ្រាស​យេឆូ ​ងើយ​នតឹត​មា​ខាន់​ពាង់​ទូ​តឹ​ជឹត៖
MAT 22:2 “តា​នាវ​កោរាញ​ឞ្រាស​ម៝ត់​អ្វាញ់​តឹម​ឞាន​មា​ទូ​ហ្វេ​កាដាច់​នទ្រាប់​នាវ​ញេត​ឆោង​ក្វ៝ង់​មា​នអាប់​ក៝ន​នទាម់​ពាង់​នើម។
MAT 22:3 ជេសរី​ពាង់​ដាៈ​ផូង​ទឹក​ពាង់​ហាន់​ក្វាល់​ឞូនុយ្ស​អី​លែៈ​ពាង់​ជាៈ​លាប់​ញេត​ឆោង​ឆា​តឹម​នអាប់​អី​នៃ យើន​មា​ខាន់​ពាង់​មោ​អុច​អោស​វាច់។
MAT 22:4 ពាង់​ដាៈ​តៃ​ផូង​ទឹក​អា​អេង​ជឹត​ហាន់ លាស​មា​ផូង​ទឹក​អី​នៃ៖ «អ៝ន់​ខាន់​មៃ​មឞើស​មា​ឞូនុយ្ស​អី​លែៈ​ជេស​ជាៈ៖ «គ៝ប់​លែៈ​ជេស​នទ្រាប់​ផ្យៅ​ព្យាង់​ត្រាវ គ៝ប់​លែៈ​មឞាង​នទ្រោក នទ្រែល​មា​មពោមពា​(ឆ្យុម)​អី​គ៝ប់​ពេត លាស​នទ្រី​ហាន់​ញេត​ឆោង​ហ៝ម់!»»
MAT 22:5 យើន​មា​ឞូ​មោ​អោស​គែស​ទោស​តោរ អាបាៈ​លោស​អា​មីរ អាបាៈ​ហាន់​តាច់​ទ្រាប់‌
MAT 22:6 អាបាៈ​ជឹត​ញុប​លើស​ផូង​ទឹក​ពាង់ នហ៝​មា​ងខឹត​លើយ​ខាន់​ពាង់។
MAT 22:7 កាដាច់​ជី​នូយ្ស​ហោ​ងាន់ ជេសរី​ដាៈ​ផូង​តាហែន​ហាន់​ងខឹត​លើយ​ផូង​អី​ងខឹត​ទឹក​ពាង់​នៃ នហ៝​មា​ឆូ​ប៝ន​ខាន់​ពាង់​លែៈ​ផ្យៅ។
MAT 22:8 ជេសរី​ពាង់​លាស​មា​ផូង​ទឹក​ពាង់៖ «នាវ​ញេត​ឆោង​តឹម​នអាប់​ឞ៝ន់​នទ្រាប់​លែៈ​ជេស​ផ្យៅ យើន​មា​ទឹង​លែៈ​ផូង​អី​នៃ​មោ​គែស​អោស​ទី​លាប់​តា​នតុក​អ្យា។
MAT 22:9 លាស​នទ្រី​ខាន់​មៃ​ហាន់​ហ៝ម់​រ៝ៈ​មែង​ត្រ៝ង ជាៈ​ទឹង​លែៈ​ឞូនុយ្ស​អី​ខាន់​មៃ​ម៝ប់​អ៝ន់​ខាន់​ពាង់​លាប់​ញេត​ឆោង​ឆា​នទ្រែល​តា​អ្យា​ទាទេ»។
MAT 22:10 ជេសរី​ផូង​ទឹក​ពាង់​ហាន់​រ៝ៈ​ត្រ៝ង ជាៈ​ទឹង​លែៈ​ឞូនុយ្ស​អី​ខាន់​ពាង់​ម៝ប់ នអ៝ប់​មា​ឞូនុយ្ស​អ្វែស​ឞូនុយ្ស​អ្យើស គែស​ឞេង​ជៃ​(រោង) តឹម​នអាប់​រី​ងាន់។
MAT 22:11 នោក​កាដាច់​លាប់​តា​ត្រោម​ជៃ​តឹម​នអាប់​អ្វាញ់​ឞូ​នាច់​គុ​ឆោង​ឆា​តា​នៃ ពាង់​ឆៃ​គែស​ទូ​ហ្វេ​ឞូ​ក្លោ​ញឆ៝ស​ងគូត​មោ​អោស​តឹម​ទី​មា​នាវ​ញេត​ឆោង​តឹម​នអាប់។
MAT 22:12 ពាង់​លាស​មា​ឞូ​ក្លោ​អី​នៃ៖ «អើ​ជាង់! មើម​មៃ​លាប់​តា​នតុក​អ្យា​ញឆ៝ស​ងគូត​មោ​តឹម​ទី​ដាស​នាវ​ញេត​ឆោង​តឹម​នអាប់?» ឞូ​ក្លោ​អី​នៃ​ជ៝យ​នាវ​មា​អើស​មោ​ហោម​អោស​ឞ្លាវ។
MAT 22:13 កាដាច់​លាស​មា​ផូង​កើល​ជាន​ការ​មា​ពាង់៖ «ញុប​ក៝ត់​ជ៝ង់​តី​ពាង់ មអារ់​ពាង់​ឞើស​ទីស​តា​នតុក​ង៝ តា​នតុក​នៃ​គែស​នាវ​ញហ្យាង់​ញុម នទ្រែល​មា​រាច្យាត់​ឆេក»។
MAT 22:14 ឞូនុយ្ស​កោរាញ​ឞ្រាស​ក្វាល់​អ៝ក់​ងាន់ យើន​មា​ដេៈ​ទើម​ពាង់​កើយ្ស”។
MAT 22:15 នោក​នៃ​ផូង​ផារីឆី ​ហាន់​តឹម​ញច្រាៈ​ឞាល់ ជ៝យ​ញុប​នាវ​តីស​តា​នាវ​ឞ្រាស​យេឆូ ​ងើយ។
MAT 22:16 ជេសរី​ខាន់​ពាង់​ដាៈ​មពោល​អ៝ស​ម៝ន​ខាន់​ពាង់ នទ្រែល​មា​មពោល​អី​តឹង​កោរាញ​ម៝ត់​អ្វាញ់​ហេរោត-​អ៝ន់តីពាស ​ហាន់​អា​ឞ្រាស​យេឆូ ។ ត៝ត់​តា​នៃ​ខាន់​ពាង់​អោប៖ “ហើយ​នើម​នតី! ហេន​គឹត​មៃ​ឞូនុយ្ស​ឆ៝ង់​ងាន់ មៃ​នតី​នាវ​កោរាញ​ឞ្រាស​អ៝ន់​តឹម​ទី​ងាន់ មៃ​មោ​អោស​ក្លាច​មា​ឞូនុយ្ស មោ​អោស​កើយ្ស​ឞូនុយ្ស។
MAT 22:17 លាស​នទ្រី​ទាន់​មៃ​មឞើស​អ៝ន់​ហេន មើម​នាវ​មៃ​មឹន? ទី​ដ៝ង់​តឹង​នាវ​វៃ​ឞ៝ន់​អ៝ន់​ព្រាក់​អី​កោរាញ​កាដាច់​តា​ប៝ន​ក្វ៝ង់​រោម ​ដាៈ​ឞ៝ន់​អ៝ន់​មា​ពាង់​នៃ​មោ​លាស​មោ?”
MAT 22:18 ឞ្រាស​យេឆូ ​លែៈ​គឹត​នាវ​មឹន​អ្យើស​តា​ខាន់​ពាង់ នទ្រី​ពាង់​លាស៖ “អើ​ផូង​ជាន​អ្យាត់​នាវ​កោរាញ​ឞ្រាស​ទើម! ម៝ស​នាវ​ខាន់​មៃ​អុច​អោប​រាល៝ង​មា​គ៝ប់​កើត​នៃ​មេស?
MAT 22:19 ញហើ​នតីល​ព្រាក់​អី​ឞូ​អ៝ន់​មា​កោរាញ​កាដាច់​រី អ៝ន់​គ៝ប់​អ្វាញ់!” ជេសរី​ខាន់​ពាង់​ឆ៝ៈ​ព្រាក់​ទូ​មល៝ម់​ព្រាក់​កាក់​នតីល​អី​នៃ​នទឹ​អ៝ន់​ឞ្រាស​យេឆូ ។
MAT 22:20 ឞ្រាស​យេឆូ ​អោប​ខាន់​ពាង់៖ “នទ្រី​តា​កាលើ​ព្រាក់​កាក់​អ្យា​ឞូ​ម៝ស​រូប? ឞូ​ម៝ស​រាញា?”
MAT 22:21 ខាន់​ពាង់​អើស៖ “រូប នទ្រែល​មា​រាញា​កោរាញ​កាដាច់​តា​ប៝ន​រោម !” ឞ្រាស​យេឆូ ​លាស​មា​ខាន់​ពាង់៖ “លាស​នទ្រី នទើ​កោរាញ​កាដាច់​តា​ប៝ន​រោម ​មព្លឹ​អ៝ន់​មា​ពាង់ នទើ​កោរាញ​ឞ្រាស​មព្លឹ​អ៝ន់​មា​កោរាញ​ឞ្រាស​នើម”។
MAT 22:22 ត៝ត់​តាង់​នាវ​ឞ្រាស​យេឆូ ​អើស​កើត​នៃ ខាន់​ពាង់​នទ្រ៝ត់​ហីស​រាហ៝ល់​ងាន់ ជេសរី​ទូ​លោស​ឞើស​ឞ្រាស​យេឆូ ​នៃ។
MAT 22:23 នោក​នារ​នៃ​គែស​ផូង​ឆាដោឆី ​ហាន់​អា​ឞ្រាស​យេឆូ  ផូង​អី​នៃ​មោ​អ្យាត់​អោស​លាស​ឞូនុយ្ស​ខឹត​ទ៝ក់​រេស ខាន់​ពាង់​អោប​ឞ្រាស​យេឆូ ៖
MAT 22:24 “ហើយ​នើម​នតី មោឆេ ​កាល់​អែ​នើស​លែៈ​ញចីស​ជេស​តា​ឆ៝ម់បុត​អ៝ន់​មា​ឞ៝ន់​ផូង​អីឆ្រាអែល ​លាស​កើត​នអា៖ «លាស​ឞូ​ក្លោ​ឆ៝ៈ​អូរ ជេសរី​ពាង់​ខឹត លាស​ពាង់​មោ​គែស​ក៝ន ដាៈ​អី​អ៝ស​នោ​ពាង់​រី​នត្រ៝ៈ​ឆ៝ៈ​អូរ​ពាង់ ជេសរី​កើប​ក៝ន​ខាន់​ពាង់​ជេង​ក៝ន​មា​ពាង់​អី​លែៈ​ខឹត​នៃ»។
MAT 22:25 នតឹត​លាស​តា​ផូង​ហេន​គែស​អ៝ស​នោ​ពើស​នុយ្ស អី​នោ​ឞោក​ទាក​ឆ៝ៈ​អូរ ជេសរី​ខឹត​មោ​អោស​គែស​ក៝ន អី​អូរ​នៃ​អ៝ន់​អី​អ៝ស​ពាង់​ត្រ៝ៈ​ឆ៝ៈ។
MAT 22:26 អ៝ស​ត៝ល់​ង្វាយ អ៝ស​ត៝ល់​ឞារ នហ៝​មា​ត៝ត់​អី​អ៝ស​មពុត ខាន់​ពាង់​នអាប់​ដាស​ឞូ​អូរ​អី​នៃ​ទាទេ តីស​មា​ទឹង​លែៈ​ខាន់​ពាង់​នៃ​ខឹត​មោ​គែស​ក៝ន​ទាទេ។
MAT 22:27 ងគ្លែៈ​ទុត​ងគ្លែៈ​ទេល​ឞូ​អូរ​អី​នៃ​ខឹត​ដ៝ង់។
MAT 22:28 លាស​នទ្រី​តា​នារ​ឞូនុយ្ស​ខឹត​ទ៝ក់​រេស​តៃ ឞូ​អូរ​អី​នៃ​ឞ្រែ​ម៝ស​អូរ? យ៝រ​លាស​ទឹង​លែៈ​ពើស​នុយ្ស​ខាន់​ពាង់​លែៈ​ឆ៝ៈ​ពាង់​ទាទេ”។
MAT 22:29 ឞ្រាស​យេឆូ ​លាស​មា​ខាន់​ពាង់៖ “ខាន់​មៃ​លែៈ​វ៝ត់​តីស​ជេស យ៝រ​លាស​ខាន់​មៃ​មោ​គឹត​អោស​តា​នាវ​កោរាញ​ឞ្រាស​ងើយ នអ៝ប់​មា​នាវ​ទើយ​កោរាញ​ឞ្រាស។
MAT 22:30 នោក​ឞូនុយ្ស​លែៈ​ខឹត ជេសរី​ទ៝ក់​រេស​តៃ ខាន់​ពាង់​មោ​ហោម​អោស​ឆ៝ៈ​អូរ​ឆ៝ៈ​ឆាយ​ជឹត។ ខាន់​ពាង់​ជេង​តឹម​ឞាន​មា​តោង​ពារ់​កោរាញ​ឞ្រាស​គុ​តា​ប៝ន​អ្វែស​កាលើ។
MAT 22:31 ល៝ង់​មា​នាវ​ឞូនុយ្ស​ខឹត​ទ៝ក់​រេស​តៃ លែៈ​កោរាញ​ឞ្រាស​មឞើស​មា​ខាន់​មៃ​តា​នាវ​ពាង់​ងើយ ពាង់​លាស​កើត​នអា៖ «គ៝ប់​ជេង​ឞ្រាស​អាឞ្រាហាម់ ​យើក​មឞាស ជេង​ឞ្រាស​អីឆាក់ ​យើក​មឞាស ជេង​ឞ្រាស​យាកោប ​យើក​មឞាស»។ អាស​ខាន់​មៃ​គែស​រ៝ៈ​អ្វាញ់​ដ៝ង់​បាស? នោក​កោរាញ​ឞ្រាស​ងើយ​នាវ​អី​នៃ​ពែ​នុយ្ស​ខាន់​ពាង់​អី​នៃ​លែៈ​ខឹត​អ៝ក់​នាម់​ជេស យើន​មា​ឞើស​នាវ​កោរាញ​ឞ្រាស​ងើយ​អី​នៃ​គឹត​នាល់​ខាន់​ពាង់​ហោម​រេស​មា​កោរាញ​ឞ្រាស។ កោរាញ​ឞ្រាស​មោ​អោស​ទី​ឞ្រាស​មា​ឞូនុយ្ស​ខឹត ពាង់​ឞ្រាស​មា​ឞូនុយ្ស​រេស”។
MAT 22:33 ផូង​ប៝ន​លាន​តាង់​នាវ​ពាង់​នតុម​នតី​កើត​នៃ ខាន់​ពាង់​គែស​នាវ​នទ្រ៝ត់​ហីស​រាហ៝ល់​ហោ​ងាន់​តា​ឆាក់​ខាន់​ពាង់​រី។
MAT 22:34 នោក​ផូង​ផារីឆី ​គឹត​ឞ្រាស​យេឆូ ​ទើយ​ដាស​ផូង​ឆាដោឆី  ខាន់​ពាង់​រាគូម​ឞាល់។
MAT 22:35 ជេសរី​តា​ផូង​ខាន់​ពាង់​គែស​ទូ​ហ្វេ​ឞូនុយ្ស​គែស​នាវ​មឹន​គឹត​ឞ្លាវ​មពែស​មា​នាវ​វៃ​ផូង​អីឆ្រាអែល  អោប​រាល៝ង​ឞ្រាស​យេឆូ ៖
MAT 22:36 “អើ​នើម​នតី! តា​នាវ​វៃ​ឞ៝ន់​ម៝ស​នទើ​អី​ខ្លៃ​រាលាវ​ឞូ​មេស?”
MAT 22:37 ឞ្រាស​យេឆូ ​អើស៖ “«អ៝ន់​រ៝ង់​មា​កោរាញ​ឞ្រាស​អី​ឞ្រាស​ខាន់​អៃ​មៃ​នើម មា​លែៈ​នូយ្ស​នហ៝ម់ មា​លែៈ​ហ្វេង នទ្រែល​មា​លែៈ​នាវ​មឹន»។
MAT 22:38 អី​នៃ​នាវ​វៃ​អី​ទុត​ក្វ៝ង់ នាវ​វៃ​ខ្លៃ​រាលាវ​ឞូ​ងាន់។
MAT 22:39 នាវ​វៃ​ឞើស​កើយ​នាវ​វៃ​អី​នៃ​គែស​នាវ​ខ្លៃ​តឹម​ឞាន​កើត​នៃ​ដ៝ង់៖ «អ៝ន់​រ៝ង់​មា​ឞូ​ច្យៅ​មែង​កើត​រ៝ង់​មា​ឆាក់​ខាន់​អៃ​មៃ​នើម​ដ៝ង់»។
MAT 22:40 យ៝រ​លាស​ទឹង​លែៈ​នាវ​វៃ​ឞ៝ន់​អា​អេង នទ្រែល​មា​ទឹង​លែៈ​នាវ​អី​មពោល​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស​លែៈ​ញចីស ជេង​លោស​តាៈ​ឞើស​ឞារ​នាវ​វៃ​អី​នៃ”។
MAT 22:41 នោក​ផូង​ផារីឆី ​ហោម​គុ​គូម​តា​រី ឞ្រាស​យេឆូ ​អោប​ខាន់​ពាង់៖
MAT 22:42 “មើម​ខាន់​មៃ​គឹត​ឞ្រាស​ក្រីស ​អី​នើម​រាក្លាយ្ស​តាៈ​ឞើស​កោរាញ​ឞ្រាស​ទែ​ញជ្វាល់ ពាង់​ឞូ​ម៝ស​ក៝ន​ឆៅ?” ខាន់​ពាង់​អើស៖ “ពាង់​ក៝ន​ឆៅ​កាដាច់​ដាវីត ”។
MAT 22:43 ឞ្រាស​យេឆូ ​អើស​មា​ខាន់​ពាង់៖ “លាស​ឞ្រាស​ក្រីស ​អី​ក៝ន​ឆៅ​កាដាច់​ដាវីត  មើម​ទឹង​កាដាច់​ដាវីត ​ងើយ​មា​ឞ្រាស​ហ្វេង​អ្វែស​ក្វាល់​ឞ្រាស​ក្រីស ៖ «កោរាញ»?
MAT 22:44 យ៝រ​លាស​កាដាច់​ដាវីត ​លែៈ​ញចីស​កើត​នអា៖ «កោរាញ​ឞ្រាស​លាស​មា​កោរាញ​គ៝ប់៖ «គុ​មពែស​ឞើស​មា​គ៝ប់​ហ៝ម់​តា​នតុក​ឞូ​លឺ‌ ក៝ប់​ត៝ត់​គ៝ប់​អ៝ន់​ផូង​រាលាង់​ដាស​មៃ​មោ​ហោម​គែស​នាវ​ទើយ​អ៝ន់​គុ​តា​ន៝ម់​ជ៝ង់​មៃ​ប៝ត់»»។
MAT 22:45 លាស​លែៈ​កាដាច់​ដាវីត ​នើម​ក្វាល់​ឞ្រាស​ក្រីស ​កោរាញ​ពាង់​នើម​កើត​នៃ យើន​មា​ក៝ន​ឆៅ​មោ​គែស​ក្វ៝ង់​រាលាវ​មា​អូ​ចែ លាស​នទ្រី​ឞ្រាស​ក្រីស ​មើម​ហោម​ឞ្លាវ​ជេង​ក៝ន​ឆៅ​កាដាច់​ដាវីត ​ជឹត?”
MAT 22:46 មោ​គែស​អោស​ឞូនុយ្ស​ទើយ​អើស​មា​ឞ្រាស​យេឆូ  ជេសរី​នតើម​ឞើស​នោក​នៃ​មោ​ហោម​អោស​គែស​ឞូនុយ្ស​អា​អេង​ឞាញ់​អោប​ពាង់។
MAT 23:1 ជេសរី​ឞ្រាស​យេឆូ ​លាស​មា​ផូង​ឞូនុយ្ស​អ៝ក់ នទ្រែល​មា​មពោល​អ៝ស​ម៝ន​ពាង់​កើត​នអា៖
MAT 23:2 “ផូង​នើម​នតី​នាវ​វៃ​ផូង​ឞ៝ន់ នទ្រែល​មា​ផូង​ផារីឆី  ខាន់​ពាង់​តឹម​ឞាន​មា​គុ​តា​រានើល​មោឆេ  យ៝រ​មា​ខាន់​ពាង់​នតី​នាវ​វៃ​ពាង់។
MAT 23:3 ទឹង​លែៈ​នទើ​ខាន់​ពាង់​នតុម​នតី​អ៝ន់​មា​ខាន់​អៃ​មៃ អ៝ន់​ខាន់​អៃ​មៃ​អ្យាត់ នទ្រែល​មា​ឆ៝ៈ​ទើន។ យើន​មា​លើយ​អោស​ជាន​តឹង​ខាន់​ពាង់​ជាន យ៝រ​លាស​ខាន់​ពាង់​មាន​មា​លាស​ទើម ឆាក់​ខាន់​ពាង់​នើម​មោ​អោស​ជាន​តឹង។
MAT 23:4 ខាន់​ពាង់​ញជេង​នាវ​វៃ​ទុត​ជេរ​ទុត​ជ៝ក់​ងាន់​អ៝ន់​មា​ឞូនុយ្ស​ញអោត យើន​មា​ខាន់​ពាង់​នើម​មោ​អុច​អោស​ពាស ឞ៝ល​លាស​ពាស​ដេៈ​មោ​អុច​ដ៝ង់។
MAT 23:5 ទឹង​លែៈ​នទើ​ខាន់​ពាង់​ជាន​នៃ គៃ​មា​អ៝ន់​ឞូ​ឆៃ ជេសរី​អ៝ន់​ឞូ​កើប​ខាន់​ពាង់​ជេង​ឞូនុយ្ស​អី​តឹង​នាវ​កោរាញ​ឞ្រាស​រាលាវ​ឞូ​ទើម។ នទ្រី​ទឹង​ខាន់​ពាង់​លើ​មា​ជាន​ក្វ៝ង់​ទុង​អី​ឞ៝ន់​វៃ​ក៝ត់​តា​ឞោក នទ្រែល​មា​ក៝ត់​តា​តី​នោក​មឞើស​ឆើម នទ្រែល​មា​ជាន​ច្យាង់​អាវ​លើ​មា​ជ៝ង​ជឹត។
MAT 23:6 ខាន់​ពាង់​រ៝ង់​គែស​គុ​តា​នតុក​ឞូ​យើក​នោក​ញេត​ឆោង​ក្វ៝ង់ ជេសរី​តា​ត្រោម​ញីស​រាបុន​អុច​គុ​ឞើស​នាប់​ឞូ​តា​នតុក​ឞូ​លឺ។
MAT 23:7 ខាន់​ពាង់​អុច​អ៝ន់​ឞូ​មឞាស​កុញ​ឞោក​មា​ខាន់​ពាង់​រ៝ៈ​នតុក​ឞូ​តាច់​រាគ៝ល់​ទ្រាប់​នទើ មោ​លាស​រ៝ៈ​ត្រ៝ង​ក្វ៝ង់ នទ្រែល​មា​អុច​អ៝ន់​ឞូ​ក្វាល់​ខាន់​ពាង់៖ «នើម​នតី»។
MAT 23:8 ល៝ង់​មា​ខាន់​អៃ​មៃ​នៃ លើយ​អោស​អ៝ន់​ឞូ​ក្វាល់​ខាន់​អៃ​មៃ «នើម​នតី» យ៝រ​លាស​គែស​ទូ​ហ្វេ «នើម​នតី»​ទើម ជេសរី​ទឹង​លែៈ​រាងោច​ខាន់​អៃ​មៃ​ជេង​អ៝ស​នោ​នទ្រែល​ទាទេ។
MAT 23:9 លើយ​អោស​ក្វាល់​ទូ​ហ្វេ​ឞូនុយ្ស​តា​នែស​នតូ​អ្យា «ឞឹ» យ៝រ​លាស​ខាន់​អៃ​មៃ​លែៈ​គែស​ទូ​ហ្វេ​ឞឹ​អី​គុ​តា​កាលើ​ត្រោក។
MAT 23:10 លើយ​អោស​ក្វាល់​ឆាក់​ខាន់​អៃ​មៃ​នើម «នើម​នតី» យ៝រ​លាស​ខាន់​អៃ​មៃ​គែស​ទូ​ហ្វេ​នើម​នតី៖ ឞ្រាស​ក្រីស ​អី​នើម​រាក្លាយ្ស​តាៈ​ឞើស​កោរាញ​ឞ្រាស​ទែ​ញជ្វាល់។
MAT 23:11 យើន​មា​ឞូ​ម៝ស​ពាង់​អី​ក្វ៝ង់​រាលាវ​ឞូ​តា​ផូង​ខាន់​អៃ​មៃ អ៝ន់​ពាង់​ជេង​ឞូនុយ្ស​អី​ឆើម​កើល​ជាន​ការ​អ៝ន់​មា​ខាន់​អៃ​មៃ។
MAT 23:12 ឞូ​ម៝ស​អី​នហាវ​អេង​ឆាក់​ពាង់​នើម កោរាញ​ឞ្រាស​ញជុរ​លើយ យើន​មា​ឞូ​ម៝ស​អី​ញជុរ​អេង​ឆាក់​អុច​អ្យាត់​ពាង់ កោរាញ​ឞ្រាស​ឆើម​នហាវ​ពាង់”។
MAT 23:13 “អើ​ផូង​នើម​នតី​នាវ​វៃ​ផូង​ឞ៝ន់ នទ្រែល​មា​ខាន់​មៃ​អី​ផូង​ផារីឆី ! ខាន់​មៃ​ជាន​អ្យាត់​នាវ​កោរាញ​ឞ្រាស​ទើម។ កោរាញ​ឞ្រាស​មរា​អ៝ន់​នាវ​រេស​រាញាល់​ងាន់​មា​ខាន់​មៃ យ៝រ​លាស​ខាន់​មៃ​ងកីង​លើយ​ត្រ៝ង​តា​នាវ​កោរាញ​ឞ្រាស​ម៝ត់​អ្វាញ់។ ខាន់​មៃ​នើម​មោ​អុច​លាប់ ជេសរី​ឞូនុយ្ស​អី​អុច​លាប់​ខាន់​មៃ​ងកីង​លើយ​ដ៝ង់”។
MAT 23:14 [“អើ​ផូង​នើម​នតី​នាវ​វៃ​ផូង​ឞ៝ន់ នទ្រែល​មា​ខាន់​មៃ​អី​ផូង​ផារីឆី ! ខាន់​មៃ​ជាន​អ្យាត់​នាវ​កោរាញ​ឞ្រាស​ទើម។ កោរាញ​ឞ្រាស​មរា​អ៝ន់​នាវ​រេស​រាញាល់​ងាន់​មា​ខាន់​មៃ យ៝រ​លាស​ខាន់​មៃ​មរោស​ឞូ​អូរ​នទ្រោ​លែៈ​ខឹត​ឆាយ​គៃ​មា​ឆ៝ៈ​ពីត​ទ្រាប់​នទើ​ញីស​ជៃ​ខាន់​ពាង់។ ខាន់​មៃ​ជាន​មឞើស​ឆើម​ទុត​ជ៝ៈ​ងាន់​អ៝ន់​ឞូ​អេង​តាង់ គៃ​មា​ញហើ​ខាន់​មៃ​នើម​ជេង​ឞូនុយ្ស​រ៝ង់​មា​កោរាញ​ឞ្រាស​ងាន់។ នទ្រី​ទឹង​កោរាញ​ឞ្រាស​តេៈ​ទោយ្ស​ជ្រូ​រាលាវ​ឞូ​អេង​តា​នារ​ជឹត​នាប់​តៃ”។]
MAT 23:15 “អើ​ផូង​នើម​នតី​នាវ​វៃ​ផូង​ឞ៝ន់ នទ្រែល​មា​ខាន់​មៃ​អី​ផូង​ផារីឆី ! ខាន់​មៃ​ជាន​អ្យាត់​នាវ​កោរាញ​ឞ្រាស​ទើម។ កោរាញ​ឞ្រាស​មរា​អ៝ន់​នាវ​រេស​រាញាល់​ងាន់​មា​ខាន់​មៃ យ៝រ​លាស​ខាន់​មៃ​ហាន់​ញឆ៝ង​ទុត​ងាយ​រ៝ៈ​កាលើ​នែស រ៝ៈ​ទាក​វាច់​ទាក​វារ់ គៃ​មា​ជាៈ​ទូ​ហ្វេ​ឞូនុយ្ស​លាប់​តឹង​នាវ​វៃ​ផូង​ឞ៝ន់។ ត៝ត់​មា​លែៈ​គែស​ឞូ​លាប់​ជេស ខាន់​មៃ​ជាន​អ៝ន់​ឞូនុយ្ស​អី​នៃ​លើ​មា​ហោ​អ្យើស​ទុត​ហោ​ងាន់ ទី​មា​តុប​តា​នទ្រូង​អុញ អ្យើស​រាលាវ​ឞារ​តឹ​ខាន់​មៃ​នើម​ជឹត”។
MAT 23:16 “កោរាញ​ឞ្រាស​មរា​អ៝ន់​នាវ​រេស​រាញាល់​ងាន់​មា​ខាន់​មៃ។ ខាន់​មៃ​ឞូនុយ្ស​លែវ​ឞូ យើន​មា​ខាន់​មៃ​នើម​តឹម​ឞាន​មា​ឞូនុយ្ស​ចែស​មាត់ យ៝រ​លាស​ខាន់​មៃ​ងើយ​កើត​នអា៖ «ឞូ​ម៝ស​ត៝ន​ដាស​ញីស​ជាន​ឞ្រាស​មា​កោរាញ​ឞ្រាស នាវ​ត៝ន​អី​នៃ​មោ​អោស​គែស​នាវ​ខ្លៃ យើន​មា​ឞូ​ម៝ស​ត៝ន​ដាស​មាយ្ស​តា​ញីស​ជាន​ឞ្រាស​មា​កោរាញ​ឞ្រាស រី​មើ​នាវ​ត៝ន​អី​នៃ​គែស​នាវ​ខ្លៃ»។
MAT 23:17 អើ​មពោល​ឞូនុយ្ស​មឞ្លុ ខាន់​មៃ​តឹម​ឞាន​មា​មពោល​ឞូនុយ្ស​ចែស​មាត់! ម៝ស​នទើ​អី​គែស​នាវ​ខ្លៃ​រាលាវ? មាយ្ស​អី​គែស​តា​ញីស​ជាន​ឞ្រាស មោ​លាស​ញីស​ជាន​ឞ្រាស​អី​អ៝ន់​មាយ្ស​អី​នៃ​ជេង​ក្ល៝ស​អ្វែស​ជេង​នទើ​កោរាញ​ឞ្រាស​នើម?
MAT 23:18 ខាន់​មៃ​លាស​ដ៝ង់៖ «ឞូ​ម៝ស​ត៝ន​ដាស​ញឆឺង​គុច​ពូរ​នទើ​ជាន​ឞ្រាស នាវ​ត៝ន​អី​នៃ​មោ​អោស​គែស​នាវ​ខ្លៃ យើន​មា​ឞូ​ម៝ស​ត៝ន​ដាស​នទើ​ជាន​ឞ្រាស​តា​កាលើ​នតុក​ជាន​ឞ្រាស រី​មើ​នាវ​ត៝ន​អី​នៃ​ទឹង​គែស​នាវ​ខ្លៃ»។
MAT 23:19 អើ​មពោល​ឞូនុយ្ស​ចែស​មាត់ ម៝ស​នទើ​អី​គែស​នាវ​ខ្លៃ​រាលាវ? នទើ​ជាន​ឞ្រាស មោ​លាស​ញឆឺង​គុច​ពូរ​នទើ​ជាន​ឞ្រាស​អី​អ៝ន់​នទើ​ជាន​ឞ្រាស​ជេង​ក្ល៝ស​អ្វែស​ជេង​នទើ​កោរាញ​ឞ្រាស​នើម?
MAT 23:20 លាស​នទ្រី​ឞូ​ម៝ស​ត៝ន​មា​ញឆឺង​គុច​ពូរ​នទើ​ជាន​ឞ្រាស ពាង់​ត៝ន​មា​ញឆឺង​គុច​ពូរ​នទើ​ជាន​ឞ្រាស នទ្រែល​មា​ទឹង​លែៈ​នទើ​ជាន​ឞ្រាស​អី​គែស​តា​កាលើ​នៃ។
MAT 23:21 ជេសរី​ឞូ​ម៝ស​ត៝ន​ដាស​ញីស​ជាន​ឞ្រាស​មា​កោរាញ​ឞ្រាស ពាង់​ត៝ន​មា​ញីស​អី​នៃ នទ្រែល​មា​ត៝ន​ដាស​មា​កោរាញ​ឞ្រាស​អី​គុ​តា​ញីស​ជាន​ឞ្រាស​នៃ​ដ៝ង់។
MAT 23:22 ឞូ​ម៝ស​ត៝ន​ដាស​នតុក​កោរាញ​ឞ្រាស​តា​កាលើ​ត្រោក ពាង់​អី​នៃ​ត៝ន​នអ៝ប់​មា​រានើល​កោរាញ​ឞ្រាស​នើម នអ៝ប់​មា​កោរាញ​ឞ្រាស​អី​គុ​តា​រានើល​អី​នៃ”។
MAT 23:23 “អើ​ផូង​នើម​នតី​នាវ​វៃ​ផូង​ឞ៝ន់ នទ្រែល​មា​ខាន់​មៃ​អី​ផូង​ផារីឆី ! ខាន់​មៃ​ជាន​អ្យាត់​នាវ​កោរាញ​ឞ្រាស​ទើម។ កោរាញ​ឞ្រាស​មរា​អ៝ន់​នាវ​រេស​រាញាល់​ងាន់​មា​ខាន់​មៃ យ៝រ​លាស​ខាន់​មៃ​នើស​ឆ៝ៈ​នទើ​គែស​ជឹត​អឹ​រាហ្វាត់​ង្វាយ​ញហើរ​មា​កោរាញ​ឞ្រាស កើត​លាស​នទើ​មោ​ខ្លៃ ក្លោយ្ស គីរ នទ្រែល​មា​នទើ​បោ​អាបាៈ​អេង​ដ៝ង់។ នាវ​អី​ញហើរ​ជេង​ទី តីស​មា​ខាន់​មៃ​មអារ់​លើយ​នទើ​អី​គែស​នាវ​ខ្លៃ​រាលាវ​មា​នទើ​អី​នៃ​តា​នាវ​វៃ​ឞ៝ន់ នទើ​អី​គែស​នាវ​ខ្លៃ​រាលាវ​នៃ៖ នាវ​ឆ៝ង់ នាវ​យោៈ​នអាច នទ្រែល​មា​នាវ​ញឆីង​មា​កោរាញ​ឞ្រាស។ លាស​នទ្រី​អ៝ន់​ខាន់​មៃ​ញឆ្រោយ្ស​ជាន​នាវ​ឆ៝ង់ នាវ​យោៈ​នអាច នទ្រែល​មា​នាវ​ញឆីង ជេសរី​ញហើរ​កើត​អី​នៃ​មា​កោរាញ​ឞ្រាស​ដ៝ង់”។
MAT 23:24 “ខាន់​មៃ​ឞូនុយ្ស​លែវ​ឞូ យើន​មា​ខាន់​មៃ​នើម​តឹម​ឞាន​មា​ឞូនុយ្ស​ចែស​មាត់។ ខាន់​មៃ​ងខែៈ​លើយ​រាហ្វៃ​ឞើស​ទាក​តា​កាច៝ក​ខាន់​មៃ គៃ​មា​លើយ​រាង្វាន់ តីស​មា​ខាន់​មៃ​តឹម​ឞាន​មា​រាង្វាន់​ទូ​មល៝ម់​ឆែស​ឆាមោ!”
MAT 23:25 “អើ​ផូង​នើម​នតី​នាវ​វៃ​ផូង​ឞ៝ន់ នទ្រែល​មា​ខាន់​មៃ​អី​ផូង​ផារីឆី ! ខាន់​មៃ​ជាន​អ្យាត់​នាវ​កោរាញ​ឞ្រាស​ទើម។ កោរាញ​ឞ្រាស​មរា​អ៝ន់​នាវ​រេស​រាញាល់​ងាន់​មា​ខាន់​មៃ យ៝រ​លាស​ខាន់​មៃ​ជេង​តឹម​ឞាន​មា​ឞូនុយ្ស​អី​រាវ​ងាន រាវ​យាង់​តា​ឞើស​ទីស​ទើម យើន​មា​តា​ត្រោម​ហោម​អែ​អូក​រាមាវ។ ខាន់​មៃ​រាវ​តី​តឹង​មា​នាវ​វៃ​ខាន់​មៃ តីស​មា​តា​នូយ្ស​នហ៝ម់​ខាន់​មៃ​រី​ហោម​ទុត​អុច​មា​នាវ​រាវាន​កើញ​គែស​មា​ទ្រាប់​នទើ នទ្រែល​មា​នាវ​ឆា​ញឆ្យាន់​ហោ​ងាន់។
MAT 23:26 អើ​ផូង​ផារីឆី ​ចែស​មាត់ អ៝ន់​រាវ​កែវ​រាវ​ងាន​តា​ត្រោម​ល៝រ​ប៝ត់ ជេសរី​រាវ​ឞើស​ទីស​ដ៝ង់ រី​មើ​ទឹង​លែៈ​ក្ល៝ស​ទាទេ”។
MAT 23:27 “អើ​ផូង​នើម​នតី​នាវ​វៃ​ផូង​ឞ៝ន់ នទ្រែល​មា​ខាន់​មៃ​អី​ផូង​ផារីឆី ! ខាន់​មៃ​ជាន​អ្យាត់​នាវ​កោរាញ​ឞ្រាស​ទើម។ កោរាញ​ឞ្រាស​មរា​អ៝ន់​នាវ​រេស​រាញាល់​ងាន់​មា​ខាន់​មៃ យ៝រ​លាស​ខាន់​មៃ​តឹម​ឞាន​មា​មោច​ឞូ​ហឹង​មា​ទាក​ឆី​ងលាង អ្វាញ់​ឞើស​ទីស​តឹម​ឞាន​មា​អ្វែស​ងាន់ តីស​មា​តា​ត្រោម​រី​នតីង​ឞូនុយ្ស​ខឹត នទ្រែល​មា​នទើ​បឹ​អាប់​នតីល​ងាន់។
MAT 23:28 ខាន់​មៃ​តឹម​ឞាន​មា​កើត​នៃ​ងាន់ ឞូ​អ្វាញ់​ឞើស​ទីស​ជាន​តឹម​ឞាន​មា​ឞូនុយ្ស​ឆ៝ង់ តីស​មា​តា​ត្រោម​រី​នូយ្ស​នហ៝ម់​នទ៝ប់​មពោន នទ្រែល​មា​មោ​ជាន​តឹង​នាវ​កោរាញ​ឞ្រាស​អុច”។
MAT 23:29 “អើ​ផូង​នើម​នតី​នាវ​វៃ​ផូង​ឞ៝ន់ នទ្រែល​មា​ខាន់​មៃ​អី​ផូង​ផារីឆី ! ខាន់​មៃ​ជាន​អ្យាត់​នាវ​កោរាញ​ឞ្រាស​ទើម។ កោរាញ​ឞ្រាស​មរា​អ៝ន់​នាវ​រេស​រាញាល់​ងាន់​មា​ខាន់​មៃ យ៝រ​លាស​ខាន់​មៃ​ជាន​អ្វែស​ជៃ​មោច​មា​មពោល​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស នទ្រែល​មា​ងក្រឹ​អ្វែស​មោច​មា​ផូង​ឞូនុយ្ស​ឆ៝ង់‌
MAT 23:30 ជេសរី​ខាន់​មៃ​លាស៖ «លាស​ហេន​គុ​រេស​រានោក​ផូង​អូ​ចែ​អី​នៃ​នើស ហេន​មោ​អោស​តឹម​ទី​នាវ​ដាស​ខាន់​ពាង់​ងខឹត​មពោល​ឞូនុយ្ស​នតើយ្ស​នាវ​ងើយ​កោរាញ​ឞ្រាស»។
MAT 23:31 នទ្រី​នាវ​ខាន់​មៃ​ងើយ​កើត​នៃ យើន​មា​ខាន់​មៃ​ហោម​ក្វាល់​ឞូនុយ្ស​អី​នៃ​អូ​ចែ​ខាន់​មៃ កើត​នទ្រី​ខាន់​មៃ​លែៈ​ញហើ​នូយ្ស​នហ៝ម់​ខាន់​មៃ​តឹម​ទី​មា​ផូង​ងខឹត​មពោល​ឞូនុយ្ស​នតើយ្ស​នាវ​ងើយ​កោរាញ​ឞ្រាស​អី​នៃ។
MAT 23:32 លាស​នទ្រី​អ៝ន់​ខាន់​មៃ​ហោម​ជាន​កើត​ផូង​អូ​ចែ​ខាន់​មៃ​នៃ​ត៝ត់​លោច​ហ៝ម់!”
MAT 23:33 “យេ! មពោល​ឞូនុយ្ស​អ្យើស​ឞូនុយ្ស​ជាញ​តឹម​ឞាន​មា​ឞេស​កូ! មើម​ជាន​ខាន់​មៃ​ហោម​ទើយ​ក្លាយ្ស​ឞើស​កោរាញ​ឞ្រាស​តេៈ​ទោយ្ស​នតុប​តា​នទ្រូង​អុញ?
MAT 23:34 កើត​នទ្រី​ទឹង​គ៝ប់​ញជុន​តៃ​មពោល​ឞូនុយ្ស​នតើយ្ស​នាវ​ងើយ​កោរាញ​ឞ្រាស មពោល​ឞូនុយ្ស​គឹត​ឞ្លាវ នទ្រែល​មា​ផូង​នើម​នតី​អ៝ន់​មា​ខាន់​មៃ តីស​មា​អាបាៈ​ខាន់​មៃ​ងខឹត​លើយ​ខាន់​ពាង់​តា​ឆី​តឹម​រាកាង់ អាបាៈ​ជឹត​ខាន់​មៃ​រាពាត់​ខាន់​ពាង់​មា​ម៝ង់​រាឆែ​តា​ញីស​រាបុន​ខាន់​មៃ នទ្រែល​មា​ខាន់​មៃ​តឹង​ជ៝យ​ខាន់​ពាង់​រ៝ៈ​ប៝ន​អ្យា​ប៝ន​រី​ដ៝ង់។
MAT 23:35 លាស​នទ្រី​ទឹង​លែៈ​មហាម​មពោល​ឞូនុយ្ស​ឆ៝ង់​អី​នៃ​ក្រេប​តា​ខាន់​មៃ​ទាទេ ជេង​នតើម​ឞើស​ក៝ន​អាដាម់ ​រាញា​ពាង់​កាអីន ​ងខឹត​អី​អ៝ស​ពាង់​រាញា​អាបែល  នហ៝​មា​ត៝ត់​ឞូ​ងខឹត​ឆាការី ​អី​ក៝ន​បារាកី ​អី​អូ​ចែ​ខាន់​មៃ​ងខឹត​ពាង់​តា​វាស​វាង​ញីស​ជាន​ឞ្រាស តា​ញឆឺង​គុច​ពូរ​នទើ​ជាន​ឞ្រាស​រី។ ឞ៝ល​លាស​ទឹង​លែៈ​ឞូនុយ្ស​អី​នៃ​លែៈ​ឞូ​ងខឹត​ឞើស​កាល់​អែ​នើស ទោយ្ស​អី​នៃ​ហោម​អែ​តេៈ​មា​ខាន់​មៃ​ដ៝ង់។
MAT 23:36 គ៝ប់​លាស​នហេល​នានេៈ​ងាន់​មា​ខាន់​មៃ ទឹង​លែៈ​ទោយ្ស​ទាក​អី​នៃ​ញឆុន​មា​ឞូនុយ្ស​តា​រានោក​អ្យា​រ៝”។
MAT 23:37 “ហើយ​ឞូនុយ្ស​តា​ប៝ន​យេរូឆាលឹម  ឞូនុយ្ស​តា​យេរូឆាលឹម  ខាន់​អៃ​មៃ​លែៈ​ងខឹត​ជេស​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស ឆ៝ៈ​លុ​នតុប​ងខឹត​លើយ​អី​ឞូនុយ្ស​កោរាញ​ឞ្រាស​ដាៈ​ហាន់​នតី​ខាន់​អៃ​មៃ។ យើន​មា​លែៈ​បាបើ​ងាន់​គ៝ប់​អុច​រាគូម​ខាន់​អៃ​មៃ តឹម​ឞាន​មា​មែ​អ្យារ់​រាតុក​ក៝ន​អ៝ន់​គុ​គូម​តា​ន៝ម់​នារ​ពាង់។ តីស​មា​ខាន់​អៃ​មៃ​មោ​អោស​អុច។
MAT 23:38 ល៝ង់​អ្វាញ់ ប៝ន​ខាន់​អៃ​មៃ​តៃ​កោរាញ​ឞ្រាស​នត្លើយ​ងាន់ ជេង​រាង៝ល។
MAT 23:39 គ៝ប់​មឞើស​មា​ខាន់​អៃ​មៃ គ៝ប់​ហាន់​អា​ខាន់​អៃ​មៃ​ហោម​ទូ​តឹ​ទើម ជេសរី​តៃ​ខាន់​អៃ​មៃ​មោ​ហោម​អោស​ឆៃ​គ៝ប់​ជឹត នហ៝​មា​ត៝ត់​ខាន់​អៃ​មៃ​លាស៖ «ទាន់​កោរាញ​ឞ្រាស​អ៝ន់​នាវ​គែស​ជេង​មា​ទូ​ហ្វេ​ឞូនុយ្ស​អ្យា​អី​កោរាញ​ឞ្រាស​ទែ​ដាៈ​វាច់»”។
MAT 24:1 នោក​ឞ្រាស​យេឆូ ​លោស​ឞើស​ជ៝ង់​គូង​ញីស​ជាន​ឞ្រាស​មា​កោរាញ​ឞ្រាស​ហាន់​អា​រី មពោល​អ៝ស​ម៝ន​ញច៝ង់​ទឹង​លែៈ​នទើ​គែស​តា​ញីស​ជាន​ឞ្រាស​នៃ​អ៝ន់​ពាង់​ឆៃ។
MAT 24:2 ឞ្រាស​យេឆូ ​លាស​មា​ខាន់​ពាង់៖ “គ៝ប់​លាស​នហេល​នានេៈ​ងាន់​មា​ខាន់​អៃ​មៃ៖ នារ​ជឹត​នាប់​តៃ លែៈ​នទើ​អី​ខាន់​អៃ​មៃ​ឆៃ​នៃ​ឞូ​មរា​លើស​រាល៝ម់​លែៈ​ផ្យៅ​រ៝ មោ​ហោម​អោស​គែស​ទូ​មល៝ម់​លុ​ឞ្ល៝ន​តឹម​រាទាប់​ជឹត”។
MAT 24:3 នោក​ឞ្រាស​យេឆូ ​គុ​តា​យោក​តើម​អោលីវ  មពោល​អ៝ស​ម៝ន​ហាន់​អេង​អា​ពាង់ អោប​ពាង់៖ “ហើយ​នើម​នតី ល៝ង់​មៃ​មឞើស​អ៝ន់​មា​ហេន​គឹត​ដ៝ង់ ទាស​ហោម​ជ៝ៈ​នារ​ត៝ត់​នាវ​អី​នៃ​មេស? លាស​នទ្រី​ម៝ស​នទើ​មឞេន​អ៝ន់​មា​ហេន​គឹត​លាស​នារ​មៃ​ព្លឹ​វាច់ នទ្រែល​មា​តា​នារ​ងគ្លែៈ​ទុត​នែស​នតូ​តៃ?”
MAT 24:4 ឞ្រាស​យេឆូ ​លាស​មា​ខាន់​ពាង់៖ “អ៝ន់​ខាន់​អៃ​មៃ​ញជ្រាង់​ងាន់​ហ៝ៈ។ លើយ​ទឹង​អោស​អ៝ន់​ឞូ​មរោស​នទើម​ខាន់​អៃ​មៃ​ញហើត​លាៈ​លេង។
MAT 24:5 យ៝រ​មា​នារ​ជឹត​នាប់​តៃ​គែស​អ៝ក់​ឞូ​នតូប​រាញា​គ៝ប់៖ «គ៝ប់​អ្យា​ឞ្រាស​ក្រីស ​អី​នើម​រាក្លាយ្ស​តាៈ​ឞើស​កោរាញ​ឞ្រាស​ទែ​ញជ្វាល់​ហែស!» ខាន់​ពាង់​លែវ​ញហើត​ឞូនុយ្ស​អ៝ក់​ងាន់។
MAT 24:6 ខាន់​អៃ​មៃ​មរា​តាង់​នាវ​មហែ​មា​នាវ​តឹម​លើស​តឹម​ឆ្រែស នទ្រែល​មា​តាង់​ឞូ​ងក៝ច​ញច្រ៝ស​មា​នាវ​តឹម​លើស​តឹម​ឆ្រែស។ លើយ​អោស​ក្លាច យ៝រ​លាស​លែៈ​នាវ​អី​នៃ​ពាង់​គែស​ងាន់​រ៝ យើន​មា​នារ​ងគ្លែៈ​ទុត​នែស​នតូ​អេ​ហ៝ៈ​អោស​ត៝ត់។
MAT 24:7 ទូ​មពោល​តឹម​លើស​ដាស​ទូ​មពោល​អេង​ជឹត ទូ​ឞ្រី​ទាក​តឹម​លើស​ដាស​ទូ​ឞ្រី​ទាក​ជឹត។ គែស​នាវ​ជី​ឆ៝ត់​ជី​ង៝ត​ក្វ៝ង់ នទ្រែល​មា​គែស​នាវ​ងគារ់​នែស​តា​នតុក​អេងៗ។
MAT 24:8 យើន​មា​នាវ​ជេរ​អី​នៃ​ជេង​នតើម​នាវ​ជេរ​ទើម តឹម​ឞាន​មា​នាវ​ឞូ​អូរ​នតើម​ត៝ត់​ជី​នទុល​គុ​អ៝ស។
MAT 24:9 នោក​នៃ​ឞូ​ញជុន​ខាន់​អៃ​មៃ​អ៝ន់​ឞូ​ងក្រីត​ជាន​ជេរ នទ្រែល​មា​ឞូ​ងខឹត​លើយ​ខាន់​អៃ​មៃ។ ទឹង​លែៈ​ឞូនុយ្ស​តា​ឞ្រី​ទាក​តា​នែស​នតូ​អ្យា​ឞូ​រាងឹ​ឞ្យាញ់​ងាន់​មា​ខាន់​អៃ​មៃ​អាច​មា​តឹង​គ៝ប់។
MAT 24:10 តា​នោក​នៃ​គែស​អ៝ក់​ឞូនុយ្ស​មអារ់​នាវ​ញឆីង​មា​គ៝ប់ ជេសរី​តឹម​មរោស​នទ្រាង់​នើម​គៃ​មា​ញជុន​អ៝ន់​ឞូ​ជាន​ជេរ នទ្រែល​មា​តឹម​រាងឹ​ឞ្យាញ់​នទ្រាង់​នើម។
MAT 24:11 មរា​គែស​អ៝ក់​ឞូនុយ្ស​នតើយ្ស​ងក្លាៈ​នាវ​ងើយ​កោរាញ​ឞ្រាស​លែវ​អ៝ក់​ឞូនុយ្ស​ហ្យើត។
MAT 24:12 ជេសរី​យ៝រ​មា​នាវ​ជាន​តីស​មា​នាវ​កោរាញ​ឞ្រាស​អុច​លើ​មា​អ៝ក់ នាវ​រ៝ង់​ឞូនុយ្ស​អ៝ក់​លើ​មា​រ៝ស។
MAT 24:13 យើន​មា​ឞូ​ម៝ស​អី​ទើយ​ញឆ្រោយ្ស​នហ៝​មា​ត៝ត់​លោច កោរាញ​ឞ្រាស​មរា​រាក្លាយ្ស​ពាង់​អី​នៃ។
MAT 24:14 នាវ​មហែ​មហាន​អ្វែស​មា​នាវ​កោរាញ​ឞ្រាស​ម៝ត់​អ្វាញ់​អ្យា​ឞូ​មឞើស​ងក៝ច​លាម​នែស​នតូ គៃ​មា​ទឹង​លែៈ​ឞូនុយ្ស​ទឹង​លែៈ​ឞ្រី​ទាក​តាង់​នាវ​ខ្លៃ​អី​នៃ រី​មើ​នារ​ងគ្លែៈ​ទុត​នែស​នតូ​ត៝ត់”។
MAT 24:15 “ត៝ត់​ខាន់​អៃ​មៃ​ឆៃ​នទើ​ទុត​បឹ​បើច​ឞូ​តេៈ​តា​នតុក​ក្ល៝ស​អ្វែស​អី​ឞូនុយ្ស​នតើយ្ស​នាវ​ងើយ​កោរាញ​ឞ្រាស​រាញា​ដានីអែល ​ទែ​លែៈ​មឞើស​ងក៝ច​កាល់​អែ​នើស - ឞូ​ម៝ស​អី​រ៝ៈ​នាវ​អី​នៃ​អ៝ន់​ពាង់​គឹត​វ៝ត់​នាវ​អី​នៃ -
MAT 24:16 ជេស​ឆៃ​នទើ​អី​នៃ​ឞូនុយ្ស​អី​គុ​តា​ឞ្រី​យូដា ​រី​អ៝ន់​ទូ​ញច្វាត់​នទែ​តា​យោក។
MAT 24:17 ឞូ​ម៝ស​អី​គុ​កាលើ​ច៝រ​ជៃ​ល៝ង់ លើយ​ហោម​អោស​ជុរ​លាប់​តា​ត្រោម​ឆ៝ៈ​ទ្រាប់​នទើ។
MAT 24:18 ឞូ​ម៝ស​អី​គុ​តា​មីរ លើយ​ហោម​ដ៝ង់​ព្លឹ​តា​ជៃ​ឆ៝ៈ​អាវ​ក្វ៝ង់។
MAT 24:19 នោក​នៃ​ឞូ​អូរ​នត្រែវ ឞូ​អូរ​មពូ​ត៝ស​ក៝ន​គែស​នាវ​រេស​រាញាល់​ហោ​ងាន់។
MAT 24:20 អ៝ន់​ខាន់​អៃ​មៃ​មឞើស​ឆើម​ទាន់​មា​កោរាញ​ឞ្រាស​ហ៝ម់ គៃ​មា​លើយ​អោស​គែស​នាវ​ញច្វាត់​ទូ​អី​នៃ​តា​នោក​ខៃ​ជី​កាត់ មោ​លាស​តា​នារ​ឆាបាត់ ​អី​នារ​រាលូ​ឞ៝ន់‌
MAT 24:21 យ៝រ​លាស​តា​នោក​នៃ​គែស​នាវ​ជេរ​ជ៝ត់​ហោ​ងាន់។ នតើម​ឞើស​រានោក​នតើម​គែស​នែស​នតូ​អ្យា​ត៝ត់​អាបៃ​អ្យា នហ៝​មា​នារ​ងគ្លែៈ​ទុត​នែស​នតូ​តៃ មោ​ព្រ៝ត​គែស​នាវ​ទុត​ជេរ​កើត​នៃ​ដ៝ង់។
MAT 24:22 លាស​កោរាញ​ឞ្រាស​មោ​នហុច​លើយ​ទឹង​លែៈ​នារ​នៃ នទ្រី​មោ​ហោម​អោស​គែស​ទូ​ហ្វេ​ឞូនុយ្ស​រេស ខឹត​លែៈ​ផ្យៅ។ យើន​មា​កោរាញ​ឞ្រាស​នហុច​លើយ​នារ​អី​នៃ យ៝រ​មា​នាវ​យោៈ​មពោល​អី​លែៈ​ពាង់​កើយ្ស។
MAT 24:23 តា​នោក​នៃ​លាស​គែស​ឞូ​មឞើស​មា​ខាន់​អៃ​មៃ៖ «ល៝ង់​ខាន់​អៃ​មៃ​អ្វាញ់​ឞ្រាស​ក្រីស ​អី​នើម​រាក្លាយ្ស​តាៈ​ឞើស​កោរាញ​ឞ្រាស​ទែ​ញជ្វាល់​គុ​តា​អ្យា!» មោ​លាស «គុ​តា​ត៝!» លើយ​អោស​អ្យាត់​ឞូ‌
MAT 24:24 យ៝រ​មា​គែស​ឞូនុយ្ស​នតូប​លាស​ឆាក់​ពាង់​ឞ្រាស​ក្រីស  នទ្រែល​មា​គែស​ឞូនុយ្ស​នតូប​លាស​ឆាក់​ពាង់​ឞូនុយ្ស​នតើយ្ស​នាវ​ងើយ​កោរាញ​ឞ្រាស។ ខាន់​ពាង់​អី​នៃ​ជាន​នាវ​មឞេន​អី​ខ្លៃ​ក្វ៝ង់​អេងៗ​ដ៝ង់ គៃ​មា​លែវ​ឞូនុយ្ស​អ៝ន់​ញហើត​លាៈ​លេង ងខេប​លាស​ទើយ​លែវ​ញហើត​ផូង​អី​កោរាញ​ឞ្រាស​លែៈ​កើយ្ស​ដ៝ង់ យើន​មា​មោ​អោស​ទើយ។
MAT 24:25 អ៝ន់​ញជ្រាង់​ហ៝ៈ! នទ្រី​ទឹង​គ៝ប់​មឞើស​ងក៝ច​អ៝ន់​ខាន់​អៃ​មៃ​គឹត​ល៝រ។
MAT 24:26 លាស​គែស​ឞូ​លាស​មា​ខាន់​អៃ​មៃ៖ «ឞ្រាស​ក្រីស ​គុ​តា​ឞ្រី​រាទាស!» ខាន់​អៃ​មៃ​លើយ​អោស​ហាន់​អ្វាញ់។ មោ​លាស លាស​ឞូ​លាស​មា​ខាន់​អៃ​មៃ៖ «ឞ្រាស​ក្រីស ​គុ​ក្រាប​តា​ត្រោម​ជ្រោ!» ខាន់​អៃ​មៃ​លើយ​ដ៝ង់​អ្យាត់​នាវ​ឞូ។
MAT 24:27 យ៝រ​លាស​នារ​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​ព្លឹ​វាច់ តឹម​ឞាន​មា​លើប​ងលាយ្ស​អាង​ឞើស​ជ៝ង់​ត្រោក​ទូ​ទីង​ត៝ត់​មា​ជ៝ង់​ត្រោក​ទូ​ទីង។ កើត​នៃ​ដ៝ង់​លាម​នែស​នតូ​មរា​គឹត​ឆៃ​នារ​គ៝ប់​ព្លឹ​វាច់។
MAT 24:28 អាស​នតុក​គែស​នទើ​ខឹត គ្រ៝ត់​មរា​រាគូម​ឞាល់​មពារ់​នទាច់​តា​នតុក​អី​នៃ​ដ៝ង់ កើត​នទ្រី​នទើ​អី​នៃ​អ៝ន់​មពើល​មា​ឞូនុយ្ស​ឆៃ​ឞើស​ងាយ”។
MAT 24:29 “លោច​ជេស​នារ​ជេរ​ជ៝ត់​អី​នៃ​រ៝ «តា​នោក​នៃ​នារ​ជេង​ង៝‌ ខៃ​មោ​ហោម​អោស​អាង‌ មាញ់​មឞីង​ដុស​ឞើស​ត្រោក‌ លែៈ​នទើ​អី​តេស​ក្វ៝ង់​កាលើ​ត្រោក​ងគើ​ទាទេ»។
MAT 24:30 នោក​នៃ​តា​ត្រោក​មពើល​នទើ​គឹត​មឞេន​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​ទែ​ញជ្វាល់។ ជេសរី​ទឹង​លែៈ​មពោល​ឞូនុយ្ស​តា​នែស​នតូ​អ្យា​ញុម​នអ៝រ។ ខាន់​ពាង់​មរា​ឆៃ​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​ទែ​ញជ្វាល់​ហាន់​រ៝ៈ​នទ៝រ់​តុក​តា​កាលើ​ត្រោក នអ៝ប់​មា​នាវ​ទើយ នទ្រែល​មា​នាវ​ច្រេក​លើប​ទុត​ហោ។
MAT 24:31 ជេសរី​គ៝ប់​ញជ្វាល់​ផូង​តោង​ពារ់​គ៝ប់​ហាន់​អាប់​ព្វាន់​ញជោញ​ឞ្រី​លាម​នែស​នតូ នទ្រែល​មា​អោស​នុង​ទុត​នតែស គៃ​មា​រាគូម​លែៈ​មពោល​អី​កោរាញ​ឞ្រាស​នើម​លែៈ​កើយ្ស​នើស​ឞើស​ជ៝ង់​ត្រោក​ទូ​ទីង​ត៝ត់​មា​ជ៝ង់​ត្រោក​ទូ​ទីង”។
MAT 24:32 “អ៝ន់​ខាន់​អៃ​មៃ​គឹត​ងក្ល៝ន់​ទោ​នាវ​នតឹត​មា​តើម​រាវី ​អ្យា៖ លាស​ងគីង​ពាង់​គែស​ចាត់​នហា​ញឆែ​នអឹរ ខាន់​អៃ​មៃ​គឹត​លាស​ខៃ​តា​មីស​ឞើយ​ត៝ត់​ហើយ្ស។
MAT 24:33 នទ្រី​លាស​ខាន់​អៃ​មៃ​ឆៃ​ទឹង​លែៈ​នាវ​អី​នៃ​លែៈ​ត៝ត់ គឹត​រ៝​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​ឞើយ​ត៝ត់​ដ៝ង់។
MAT 24:34 គ៝ប់​លាស​នហេល​នានេៈ​ងាន់​មា​ខាន់​អៃ​មៃ លែៈ​នាវ​អ្យា​ពាង់​ត៝ត់​ទោល​ឞូនុយ្ស​តា​រានោក​អាបៃ​អ្យា​ហោម​រេស។
MAT 24:35 ត្រោក​នែស​នតូ​មរា​រ៝ស​លេក​រ៝ យើន​មា​នាវ​គ៝ប់​ងើយ​មោ​អោស​ឞ្លាវ​រ៝ស​លេក ហោម​គែស​ទឹង​លែៈ​ងាន់”។
MAT 24:36 “ម៝ង​នារ​អី​នៃ​មោ​អោស​គែស​ទូ​ហ្វេ​ឞូនុយ្ស​ទើយ​គឹត ឞ៝ល​លាស​តោង​ពារ់​តា​កាលើ​ត្រោក​អី​នតុក​កោរាញ​ឞ្រាស មោ​លាស​គ៝ប់​អី​ក៝ន​កោរាញ​ឞ្រាស​មោ​ទើយ​គឹត​ដ៝ង់ គែស​ទូ​ហ្វេ​ឞឹ​គ៝ប់​ទើម​ទើយ​គឹត។
MAT 24:37 តា​នោក​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​ព្លឹ​វាច់​នៃ ជេង​តឹម​ឞាន​មា​រានោក​នោអេ ​កាល់​អែ​នើស​ដ៝ង់‌
MAT 24:38 អេ​ល៝រ​មា​គែស​ទាក​លេង​ទាក​ទើង​ក្វ៝ង់។ រានោក​នៃ​ឞូនុយ្ស​គុ​ញេត​ឆោង​ឆា នអាប់​អូរ​ឆាយ លើស​មីរ​ជាន​ឞា នហ៝​មា​ត៝ត់​នារ​នោអេ ​លាប់​តា​ត្រោម​ទូក​ក្វ៝ង់​រី។
MAT 24:39 ខាន់​ពាង់​មោ​គឹត​អោស​នារ​ទាក​លេង​ទាក​ទើង​លែៈ​ត៝ត់​ជេស នហ៝​មា​ឞុក​ខាន់​ពាង់​លែៈ​ផ្យៅ។ តា​នារ​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​ព្លឹ​វាច់​តៃ​តឹម​ឞាន​កើត​អី​នៃ​ដ៝ង់។
MAT 24:40 នោក​នៃ​លាស​គែស​ឞារ​ហៃ​ឞូនុយ្ស​គុ​តា​មីរ ទូ​ហ្វេ​កោរាញ​ឞ្រាស​ឆ៝ៈ​មា​អ៝ន់​គុ​តា​ប៝ន​អ្វែស​តា​កាលើ ហោម​រ៝ង​ទូ​ហ្វេ​មា​តេៈ​ទោយ្ស។
MAT 24:41 លាស​គែស​ឞារ​ហៃ​ឞូ​អូរ​គុ​ពែស​តឹម​រាប់ កោរាញ​ឞ្រាស​ឆ៝ៈ​ទូ​ហ្វេ​អ៝ន់​គុ​តា​ប៝ន​អ្វែស​តា​កាលើ ហោម​រ៝ង​ទូ​ហ្វេ​មា​តេៈ​ទោយ្ស។
MAT 24:42 លាស​នទ្រី​ខាន់​អៃ​មៃ​គុ​ញជ្រាង់​នឹង យ៝រ​លាស​មោ​គឹត​អោស​ម៝ស​ម៝ង​កោរាញ​ខាន់​អៃ​មៃ​វាច់។
MAT 24:43 អ៝ន់​ខាន់​អៃ​មៃ​គឹត​នាវ​អ្យា៖ លាស​ឞូនុយ្ស​តើម​ជៃ​គឹត​ម៝ង​ឞូ​ហាន់​នតុង​តា​មាង់ ពាង់​រាងែស​មោ​អោស​ប៝ក​គ៝រ​អ៝ន់​ឞូនុយ្ស​នតុង​អី​នៃ​លាប់​តា​ជៃ​ពាង់។
MAT 24:44 លាស​នទ្រី​អ៝ន់​ខាន់​អៃ​មៃ​គុ​ញជ្រាង់​តឹម​ឞាន​ដ៝ង់ យ៝រ​លាស​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​ព្លឹ​វាច់​តា​ម៝ង​ខាន់​អៃ​មៃ​មោ​គែស​មឹន”។
MAT 24:45 “ឞូ​ម៝ស​អី​តឹម​ឞាន​មា​ទូ​ហ្វេ​ទឹក​អី​គែស​នូយ្ស​នហ៝ម់​ឆ៝ង់ នទ្រែល​មា​លែៈ​ឞ្លាវ​ងាន់? កោរាញ​ជាវ​ពាង់​ម៝ត់​អ្វាញ់​ទឹង​លែៈ​ទឹក​អា​អេង​តា​ជៃ នទ្រែល​មា​អ៝ន់​ពាង់​ពាៈ​នទើ​ឆោង​ឆា​តឹម​ទី​ម៝ង​អ៝ន់​មា​ខាន់​ពាង់​ដ៝ង់។ ជេសរី​កោរាញ​ពាង់​ហាន់​តា​នតុក​ងាយ​ជ៝ៈ​នារ។
MAT 24:46 នោក​កោរាញ​ពាង់​ឆឹត​ត៝ត់​តា​ជៃ​រី ហោម​ឆៃ​ពាង់​ជាន​ការ​កើត​នៃ ទឹក​អី​នៃ​គែស​នាវ​អ្វែស​ងាន់​រ៝។
MAT 24:47 គ៝ប់​លាស​នហេល​នានេៈ​ងាន់​មា​ខាន់​អៃ​មៃ កោរាញ​អី​នៃ​មរា​អ៝ន់​ទឹក​អី​នៃ​ម៝ត់​អ្វាញ់​ទឹង​លែៈ​នទើ​ពាង់​គែស។
MAT 24:48 យើន​មា​លាស​ទឹក​អី​នៃ​អ្យើស ពាង់​គែស​លាស​អេង​តា​នូយ្ស​នហ៝ម់​ពាង់​នើម​រី៖ «កោរាញ​គ៝ប់​ជ៝ៈ​ងាន់​ឆឹត មោ​អោស​គើញ​ឆឹត»។
MAT 24:49 ជេសរី​ពាង់​នតើម​រាពាត់​មឞាង​ទឹក​អា​អេង នទ្រែល​មា​ឆោង​ឆា​ញេត​នទ្រាញ់​នទ្រែល​ឞូនុយ្ស​ហៃ​ញេត។
MAT 24:50 ជេសរី​កោរាញ​ទឹក​អី​នៃ​ព្លឹ​ឆឹត​ត៝ត់​តា​រី តា​នារ​ទឹក​អី​នៃ​មោ​អោស​គែស​ញជ្រាង់ តា​ម៝ង​ពាង់​មោ​ដ៝ង់​គែស​គឹត​ល៝រ។
MAT 24:51 កោរាញ​ងក្រីត​ពាង់​រ៝ នទ្រែល​មា​អ៝ន់​ពាង់​គុ​តា​នតុក​ផូង​ជាន​អ្យាត់​នាវ​កោរាញ​ឞ្រាស​ទើម​ដ៝ង់។ តា​នតុក​នៃ​គែស​ញហ្យាង់​ញុម នទ្រែល​មា​រាច្យាត់​ឆេក”។
MAT 25:1 “នោក​នៃ​នាវ​កោរាញ​ឞ្រាស​ម៝ត់​អ្វាញ់​តឹម​ឞាន​មា​ឞូ​អូរ​ទ្រោស​ជឹត​នុយ្ស​ហាន់​វើត​ឆាយ​មហែ​អា​មាង់។ ខាន់​ពាង់​ញអោត​អុញ​ឆាគេង​អាប់​ឞូនុយ្ស។
MAT 25:2 គែស​ព្រាម់​នុយ្ស​តា​មពោល​ខាន់​ពាង់​នៃ​មោ​គែស​អោស​នាវ​មឹន យើន​មា​គែស​ព្រាម់​នុយ្ស​គែស​នាវ​មឹន។
MAT 25:3 មពោល​អី​មោ​គែស​នាវ​មឹន​នៃ ញអោត​ទើម​ទាក​ព្រីង​តា​ឆាគេង តីស​មា​មោ​គែស​អោស​ញអោត​រានាៈ។
MAT 25:4 យើន​មា​មពោល​អី​គែស​នាវ​មឹន ខាន់​ពាង់​ញអោត​ទាក​ព្រីង​តា​ឆាគេង នទ្រែល​មា​គែស​ញអោត​រានាៈ​តា​ដ៝ប​ដ៝ង់។
MAT 25:5 យ៝រ​មា​ក៝ប់​ឆាយ​មហែ​អី​នៃ​ជ៝ៈ​ងាន់​ត៝ត់ ខាន់​ពាង់​ជី​ឞិច​នហ៝​មា​ហាក់​លេរ​ខេរ។
MAT 25:6 ត៝ត់​ងគូល​មាង់​រី តាង់​ឞូ​នតែរ៖ «ឆាយ​មហែ​លែៈ​ត៝ត់​ជេស! រាន​វើត​ពាង់​ហ៝ម់!»
MAT 25:7 ទឹង​លែៈ​ឞូ​អូរ​ទ្រោស​អី​នៃ​ទ៝ក់ នទ្រាប់​ឆាគេង​ឞូ​មា​ហែ​រ៝។
MAT 25:8 មពោល​អី​មោ​គែស​នាវ​មឹន​លាស​មា​មពោល​អី​គែស​នាវ​មឹន៖ «ទាន់​ពាៈ​អ៝ន់​ហេន​បាៈ​ទាក​ព្រីង​អើ យ៝រ​លាស​អុញ​ឆាគេង​ហេន​ឞើយ​មា​ញហាត់»។
MAT 25:9 មពោល​អី​គែស​នាវ​មឹន​អើស៖ «មោ​អោស លាស​ហេន​ពាៈ​អ៝ន់​ខាន់​អៃ មាៈ​មា​ហេន​នើម មាៈ​មា​ខាន់​អៃ។ អ៝ន់​ខាន់​អៃ​ហាន់​តា​នតុក​ឞូ​តាច់​ព្រីង​រី​រាវាត់​ទោ!»
MAT 25:10 យើន​មា​នទុត​ខាន់​ពាង់​ហាន់​រាវាត់​ព្រីង ឆាយ​មហែ​ត៝ត់​រ៝។ ល៝ង់​មពោល​ឞូ​អូរ​អី​លែៈ​គុ​នទ្រាប់​ឆាក់​លែវ​ឞាល់​លាប់​រាងាត់​តា​ត្រោម​ជៃ​នតឹល​មពោង ជេសរី​ឆោង​ឆា។
MAT 25:11 ជ៝ៈ​ទូ​ប្ល៝ត់​ត៝ត់​មពោល​ឞូ​អូរ​អី​មោ​គែស​នាវ​មឹន​រី​នតែរ៖ «អើ​កោរាញ អើ​កោរាញ! ពឹ​មពោង​អ៝ន់​ហេន​អើ!»
MAT 25:12 យើន​មា​កោរាញ​មោ​អោស​អ៝ន់​លាប់ ពាង់​អើស៖ «គ៝ប់​លាស​នហេល​នានេៈ​ងាន់​មា​ខាន់​អៃ គ៝ប់​មោ​អោស​គឹត​នាល់​ខាន់​អៃ»។
MAT 25:13 លាស​នទ្រី​អ៝ន់​គុ​ញជ្រាង់​ហ៝ម់ យ៝រ​លាស​ខាន់​អៃ​មៃ​មោ​គឹត​អោស​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​ព្លឹ​វាច់​ម៝ស​ម៝ង នារ​មោ​គឹត​ដ៝ង់”។
MAT 25:14 “នាវ​កោរាញ​ឞ្រាស​ម៝ត់​អ្វាញ់​តឹម​ឞាន​មា​ទូ​ហ្វេ​ឞូ​ក្លោ អេ​ល៝រ​មា​ពាង់​ហាន់​ប៝ន​ងាយ ពាង់​ក្វាល់​ផូង​ទឹក​ពាង់ ជេសរី​ជាវ​ទ្រាប់​នទើ​មា​ខាន់​ពាង់​អ៝ន់​ម៝ត់​អ្វាញ់។
MAT 25:15 ទូ​ហ្វេ​ពាង់​អ៝ន់ ៥០០០ ទូ​ហ្វេ​ពាង់​អ៝ន់ ២០០០‌ ទូ​ហ្វេ​ជឹត​ពាង់​អ៝ន់ ១០០០។ ពាង់​អ៝ន់​ទូ​ហ្វេ​ទូ​ហ្វេ​តឹង​អី​នាវ​ខាន់​ពាង់​ឞ្លាវ។ ជេសរី​អី​ពាង់​នើម​នៃ​ទូ​លោស​ឞើស​នតុក​នៃ។
MAT 25:16 នើម​អី​ទើន ៥០០០ រី ពាង់​ឆ៝ៈ​ព្រាក់​អី​នៃ​ហាន់​តាច់​រាគ៝ល់​រ៝ ពាង់​ហាវ​គែស ៥០០០ ជឹត។
MAT 25:17 នើម​អី​ទើន ២០០០ តឹម​ឞាន​កើត​នៃ​ដ៝ង់ ពាង់​ឆ៝ៈ​ព្រាក់​ហាន់​តាច់​រាគ៝ល់​ហាវ​គែស ២០០០ ជឹត។
MAT 25:18 ល៝ង់​នើម​អី​ទើន ១០០០ រី ពាង់​កុយ្ស​នតូ​ត៝ប់​លើយ​ព្រាក់​អី​កោរាញ​ពាង់​អ៝ន់​រី។
MAT 25:19 ត៝ត់​ជ៝ៈ​នារ​ឞើស​កើយ​ឆឹត​អី​កោរាញ​ខាន់​ពាង់​អី​នៃ​ឞើស​រី ពាង់​អោប​ព្រាក់​តឹង​រាន៝ស​អ៝ក់​ពាង់​អ៝ន់​មា​ខាន់​ពាង់​រី​នើស។
MAT 25:20 នើម​អី​ទើន​ព្រាក់ ៥០០០ រី​នើស​ហាន់​តា​ឞើស​នាប់​ពាង់​រី ញអោត​ព្រាក់​អី​ហាវ ៥០០០ រី​នើស​ជឹត លាស​មា​កោរាញ​ពាង់៖ «អើ​កោរាញ មៃ​អ៝ន់​ព្រាក់​មា​គ៝ប់​នើស ៥០០០‌ អាបៃ​អ្យា​ហាវ​គែស ៥០០០ ជឹត»។
MAT 25:21 កោរាញ​លាស​មា​ពាង់៖ «អ្វែស​ងាន់! អើ​ទឹក​អ្វែស​គែស​នូយ្ស​នហ៝ម់​រាប់​ជាប់ នទើ​ជេៈ​គ៝ប់​អ៝ន់ មៃ​ជាន​លែៈ​រាប់​ជាប់។ គ៝ប់​មរា​អ៝ន់​មៃ​ម៝ត់​អ្វាញ់​នទើ​ក្វ៝ង់​ជឹត។ លាប់​ហ៝ម់​គុ​មអាក​នទ្រែល​គ៝ប់​នើម»។
MAT 25:22 នើម​អី​ទើន​ព្រាក់ ២០០០ រី​នើស ញអោត​ព្រាក់​អី​ហាវ ២០០០ ជឹត ហាន់​នទឹ​អា​កោរាញ​ពាង់ លាស​កើត​នទ្រី​ដ៝ង់៖ «អើ​កោរាញ! មៃ​អ៝ន់​ព្រាក់​មា​គ៝ប់​នើស ២០០០‌ អាបៃ​អ្យា​ហាវ​គែស ២០០០ ជឹត»។
MAT 25:23 កោរាញ​ពាង់​អើស៖ «អ្វែស​ងាន់! អើ​ឞូនុយ្ស​ជាន​ការ​អ្វែស​គែស​នូយ្ស​នហ៝ម់​ឆ៝ង់ នទើ​ជេៈ​គ៝ប់​អ៝ន់ មៃ​ជាន​លែៈ​ឆ៝ង់។ គ៝ប់​មរា​អ៝ន់​មៃ​ម៝ត់​អ្វាញ់​នទើ​ក្វ៝ង់​ជឹត។ លាប់​ហ៝ម់​គុ​មអាក​នទ្រែល​គ៝ប់​នើម»។
MAT 25:24 ជេសរី​នើម​អី​ទើន​ព្រាក់ ១០០០ រី​នើស​ហាន់​អា​កោរាញ​ពាង់​ដ៝ង់ លាស​មា​ពាង់៖ «អើ​កោរាញ! គ៝ប់​គឹត​មៃ​ជេង​ឞូនុយ្ស​ជាញ​ងាន់។ យ៝រ​លាស​មៃ​កាច់​តា​នតុក​មៃ​មោ​ព្រ៝ត​តូច ជេសរី​រែក​តា​នតុក​មោ​ព្រ៝ត​តាម់។
MAT 25:25 កើត​នទ្រី​គ៝ប់​ឆ៝ៈ​ព្រាក់​អី​មៃ​អ៝ន់​មា​គ៝ប់​នើស​ត៝ប់​លើយ យ៝រ​លាស​គ៝ប់​ក្លាច​ហោ​អីរ​ងាន់។ អ្យា​ព្រាក់​មៃ​នើម​ឆ៝ៈ​ហ៝ម់»។
MAT 25:26 យើន​មា​កោរាញ​ពាង់​អើស៖ «អើ​ឞូនុយ្ស​ជាន​ការ​អ្យើស​មហឹក នទ្រែល​មា​រាលែស​ប្លាវ! មៃ​គឹត​គ៝ប់​កាច់​តា​នតុក​គ៝ប់​មោ​ព្រ៝ត​តូច ជេសរី​រែក​តា​នតុក​មោ​ព្រ៝ត​តាម់។
MAT 25:27 លាស​នទ្រី​ទី​លាស​អ៝ន់​មៃ​ឆ៝ៈ​ព្រាក់​អី​នៃ​អ៝ន់​តា​ជៃ​ឞូ​តាច់​រាគ៝ល់ ត៝ត់​គ៝ប់​ព្លឹ​ឆឹត គ៝ប់​គែស​ព្រាក់​អើម គែស​នអ៝ប់​មា​លោស​ក៝ន​ពាង់​ដ៝ង់!
MAT 25:28 លាស​នទ្រី​ខាន់​មៃ​ឆ៝ៈ​ហ៝ម់​ព្រាក់​ឞើស​ពាង់​អ្យា​អ៝ន់​មា​ឞូនុយ្ស​អី​គែស ១០០០០។
MAT 25:29 កើត​នទ្រី​ឞូ​ម៝ស​អី​លែៈ​គែស ឞូ​កើយ​នត៝ប​អ៝ន់​តៃ អ៝ន់​គែស​អ៝ក់​រាមែស​ជឹត។ យើន​មា​ឞូ​ម៝ស​អី​មោ​គែស​អោស ឞូ​រាហ្វាត់​លើយ​នអ៝ប់​មា​ម៝ស​នទើ​អី​ពាង់​លែៈ​គែស​ដ៝ង់។
MAT 25:30 ល៝ង់​ឞូនុយ្ស​អី​ជាន​ការ​មោ​គែស​នាវ​ខ្លៃ​អ្យា ញុប​មអារ់​លើយ​ពាង់​តា​នតុក​ង៝​ឞើស​ទីស តា​នតុក​នៃ​ញហ្យាង់​ញុម នទ្រែល​មា​រាច្យាត់​ឆេក!»”
MAT 25:31 “នោក​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​ព្លឹ​វាច់​នអ៝ប់​មា​នាវ​ច្រេក​លើប​គ៝ប់ នទ្រែល​មា​ទឹង​លែៈ​ផូង​តោង​ពារ់ នោក​នៃ​គ៝ប់​គុ​តា​រានើល​កាដាច់​ច្រេក​លើប​គ៝ប់​នើម។
MAT 25:32 នោក​នៃ​ទឹង​លែៈ​ឞូនុយ្ស​ទឹង​លែៈ​នទុល​មពោល​វាច់​គូម​តា​គ៝ប់​ទាទេ។ គ៝ប់​តឹម​ងខាស​លើយ​ខាន់​ពាង់ តឹម​ឞាន​មា​ឞូនុយ្ស​ច្យាប់​តឹម​ងខាស​ឞែ​ឞ្យាប់​ដាស​ឞែ។
MAT 25:33 ឞូនុយ្ស​អី​តឹម​ឞាន​មា​ឞែ​ឞ្យាប់​គ៝ប់​អ៝ន់​គុ​ឞើស​មា ឞូនុយ្ស​អី​តឹម​ឞាន​មា​ឞែ​គ៝ប់​អ៝ន់​គុ​ឞើស​ច្យៅ។
MAT 25:34 នោក​នៃ​គ៝ប់​អី​កាដាច់​លាស​មា​ផូង​គុ​ឞើស​មា​គ៝ប់​នតុក​ឞូ​លឺ៖ «អើ​ផូង​លែៈ​ឞឹ​គ៝ប់​អ៝ន់​នាវ​គែស​ជេង​ជេស! វាច់​ហ៝ម់ លាប់​គុ​តា​នាវ​កោរាញ​ឞ្រាស​ម៝ត់​អ្វាញ់​អី​លែៈ​ពាង់​នទ្រាប់​អ៝ន់​មា​ខាន់​អៃ​មៃ​នតើម​ឞើស​ញជេង​នែស​នតូ​នើស។
MAT 25:35 យ៝រ​លាស​នោក​គ៝ប់​ជី​ង៝ត​ខាន់​អៃ​មៃ​លែៈ​អ៝ន់​នទើ​ឆោង​ឆា​មា​គ៝ប់ នោក​គ៝ប់​ជី​ហីរ​ខាន់​អៃ​មៃ​អ៝ន់​ទាក​គ៝ប់​ញេត នោក​គ៝ប់​ជេង​ឞូ​នាច់​អី​ខាន់​អៃ​មៃ​មោ​គឹត​នាល់ ខាន់​អៃ​មៃ​ហោម​រ៝ម​អ៝ន់​គុ‌
MAT 25:36 នោក​គ៝ប់​គុ​ឆាក់​កុស​ខាន់​អៃ​មៃ​អ៝ន់​ឞ៝ក​អាវ​ញឆ៝ស នោក​គ៝ប់​គែស​នាវ​ជី​ខាន់​អៃ​មៃ​ហាន់​ច៝ប នោក​គ៝ប់​គែស​នទ្រូង​ខាន់​អៃ​មៃ​ហាន់​ខ៝ល់​កើល​គ៝ប់​ដ៝ង់»។
MAT 25:37 ជេសរី​ផូង​ឆ៝ង់​លាស​មា​គ៝ប់៖ «អើ​កោរាញ! ហេន​មោ​ព្រ៝ត​អោស​ឆៃ​មៃ​ជី​ង៝ត ជេសរី​អ៝ន់​មៃ​ឆោង មោ​លាស​ជី​ហីរ​ទាក​អ៝ន់​ទាក​មៃ​ញេត។
MAT 25:38 ហេន​មោ​ព្រ៝ត​អោស​ឆៃ​មៃ​ជេង​ឞូ​នាច់​អី​ហេន​មោ​គឹត​នាល់ ជេសរី​រ៝ម​មៃ​លាប់​ជៃ មោ​លាស​ឆៃ​មៃ​គុ​ឆាក់​កុស​ហេន​អ៝ន់​ឞ៝ក​អាវ​មា​មៃ។
MAT 25:39 ហេន​មោ​ព្រ៝ត​ដ៝ង់​ឆៃ​មៃ​គែស​នាវ​ជី មោ​លាស​គែស​នទ្រូង ជេសរី​ហាន់​ច៝ប​ខ៝ល់​កើល​មៃ»។
MAT 25:40 ជេសរី​គ៝ប់​អី​កាដាច់​លាស​មា​ខាន់​ពាង់៖ «គ៝ប់​លាស​នហេល​នានេៈ​ងាន់​មា​ខាន់​អៃ​មៃ អាប់​តឹ​ខាន់​អៃ​មៃ​លែៈ​គែស​ជាន​នាវ​អី​នៃ​មា​ទូ​ហ្វេ​ឞូនុយ្ស​អី​ទុត​ជេៈ​តា​ន៝ម់​ឞូ​តា​ផូង​អ៝ស​នោ​គ៝ប់ តឹម​ឞាន​មា​ខាន់​អៃ​មៃ​លែៈ​គែស​ជាន​អ៝ន់​មា​គ៝ប់​ដ៝ង់»។
MAT 25:41 ជេសរី​គ៝ប់​លាស​មា​ផូង​អី​គុ​ឞើស​ច្យៅ​គ៝ប់៖ «អើ​ផូង​លែៈ​កោរាញ​ឞ្រាស​រាក​រាតាប់! រុច​ទូ​ងាយ​ហ៝ម់​ឞើស​គ៝ប់​ហាន់​តា​នទ្រូង​អុញ​ហីត​មរ៝​មរាង់ ជេង​នតុក​នទ្រាប់​មា​តេៈ​ទោយ្ស​ឆាតាង់ ​អី​កោរាញ​មពោល​ឞ្រាស​អ្យើស នទ្រែល​មា​ផូង​អី​តឹង​ពាង់!
MAT 25:42 យ៝រ​លាស​នោក​គ៝ប់​ជី​ង៝ត​ខាន់​អៃ​មៃ​មោ​អ៝ន់​គ៝ប់​ឆោង នោក​គ៝ប់​ជី​ហីរ​ខាន់​អៃ​មៃ​មោ​អ៝ន់​ទាក​គ៝ប់​ញេត‌
MAT 25:43 នោក​គ៝ប់​ជេង​ឞូ​នាច់​អី​ខាន់​អៃ​មៃ​មោ​គឹត​នាល់ ខាន់​អៃ​មៃ​មោ​រ៝ម​គុ នោក​គ៝ប់​គុ​ឆាក់​កុស​ខាន់​អៃ​មៃ​មោ​អ៝ន់​ឞ៝ក​អាវ​មា​គ៝ប់គ៝ប់​គែស​នាវ​ជី នទ្រែល​មា​គែស​នទ្រូង​ខាន់​អៃ​មៃ​មោ​ហាន់​ខ៝ល់​កើល​គ៝ប់​ដ៝ង់»។
MAT 25:44 ជេសរី​ផូង​អី​នៃ​អើស​មា​គ៝ប់៖ «អើ​កោរាញ! ហេន​មោ​ព្រ៝ត​អោស​ឆៃ​មៃ​ជី​ង៝ត ជី​ហីរ​ទាក ជេង​ឞូ​នាច់​អី​ហេន​មោ​គឹត​នាល់ គុ​ឆាក់​កុស គែស​នាវ​ជី មោ​លាស​គែស​នទ្រូង ជេសរី​មោ​គែស​កើល​មៃ!»
MAT 25:45 ជេសរី​គ៝ប់​លាស​តៃ​មា​ខាន់​ពាង់៖ «គ៝ប់​លាស​នហេល​នានេៈ​ងាន់​មា​ខាន់​អៃ​មៃ អាប់​តឹ​ខាន់​អៃ​មៃ​មោ​គែស​អោស​ជាន​នាវ​អី​នៃ​មា​ទូ​ហ្វេ​ឞូនុយ្ស​អី​ទុត​ជេៈ​តា​ន៝ម់​ឞូ​តា​ផូង​អ៝ស​នោ​គ៝ប់ លាស​នទ្រី​ជេង​តឹម​ឞាន​មា​ខាន់​អៃ​មៃ​មោ​គែស​ដ៝ង់​ជាន​មា​គ៝ប់»។
MAT 25:46 ល៝ង់​ទឹង​លែៈ​ផូង​អី​នៃ​ហាន់​តា​នតុក​តេៈ​ទោយ្ស​នហ៝​រ៝ យើន​មា​ផូង​ឆ៝ង់​គែស​នាវ​រេស​នហ៝​រ៝”។
MAT 26:1 ជេស​ឞ្រាស​យេឆូ ​លាស​កើត​នៃ ជេសរី​ពាង់​លាស​មា​មពោល​អ៝ស​ម៝ន​ពាង់៖
MAT 26:2 “ខាន់​មៃ​លែៈ​គឹត​ជេស​ហោម​ឞារ​នារ​ជឹត​ទី​នារ​ញេត​បុន​នហ៝ត ជេសរី​ឞូ​ញុប​ញជុន​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​អ៝ន់​ឞូ​ងខឹត​តា​ឆី​តឹម​រាកាង់”។
MAT 26:3 នោក​នៃ​មពោល​កោរាញ​ជាន​ឞ្រាស នទ្រែល​មា​ផូង​កោរាញ​ប៝ន​លាន​គុ​រាបុន​តា​ជៃ​កោរាញ​ជាន​ឞ្រាស​ទុត​ក្វ៝ង់ រាញា​ពាង់​កៃផាស ‌
MAT 26:4 ជេសរី​តឹម​ញច្រាៈ​ឞាល់​ជ៝យ​នាវ មើម​ទឹង​គែស​ញុប​នតុង​ឞ្រាស​យេឆូ ​ងខឹត​លើយ។
MAT 26:5 យើន​មា​ខាន់​ពាង់​តឹម​ញច្រាៈ​ឞាល់​លាស៖ “លើយ​អោស​ឞ៝ន់​ញុប​តា​នោក​ជាន​បុន ក្លាច​លាស​គែស​នាវ​អុស​អាស​តាស​ត៝រ់​មា​ផូង​ប៝ន​លាន”។
MAT 26:6 នោក​ឞ្រាស​យេឆូ ​គុ​តា​ប៝ន​បេថានី ពាង់​គុ​តា​ជៃ​ឆីមោន ​ឞូនុយ្ស​តាៈ​ផុង​ឆា។
MAT 26:7 នោក​ពាង់​ឆោង​ឆា​នទ្រែល គែស​ទូ​ហ្វេ​ឞូ​អូរ​ឞ្រោៈ​ត៝ត់​លាប់​តា​ជៃ​នៃ​ញអោត​ទូ​មល៝ម់​ដ៝ប​លុ។ តា​ត្រោម​ដ៝ប​នៃ​គែស​ងី​បោ​កាស​អី​ខ្លៃ​ងាន់។ ជេសរី​ពាង់​ត៝ៈ​ទាក​ងី​បោ​កាស​តា​ឞោក​ឞ្រាស​យេឆូ ។
MAT 26:8 យើន​មា​មពោល​អ៝ស​ម៝ន​ឆៃ​កើត​នៃ​ជី​នូយ្ស ខាន់​ពាង់​លាស៖ “ម៝ស​ជាន​មពុង​មពាង់​កើត​នៃ!
MAT 26:9 លាស​ឆ៝ៈ​ទាក​ងី​អី​នៃ​តាច់​គែស​ព្រាក់​អ៝ក់​ងាន់ ជេសរី​ពាៈ​អ៝ន់​ឞូនុយ្ស​អ៝​អាច!”
MAT 26:10 យើន​មា​ឞ្រាស​យេឆូ ​គឹត​នាវ​ខាន់​ពាង់​ងើយ ពាង់​លាស​មា​ខាន់​ពាង់៖ “មើម​ទឹង​ខាន់​មៃ​ជាន​អ៝ន់​ឞូ​អូរ​អី​នៃ​គែស​នាវ​រាង៝ត​កើត​នៃ? ពាង់​លែៈ​ជាន​នាវ​អ្វែស​អ៝ន់​មា​គ៝ប់។
MAT 26:11 ឞូនុយ្ស​អ៝​អាច​ហោម​គុ​នទ្រែល​ខាន់​មៃ​មរ៝ យើន​មា​គ៝ប់​អ្យា​មោ​អោស​គុ​នទ្រែល​ខាន់​មៃ​មរ៝។
MAT 26:12 យោស​អ្យា​ត៝ៈ​ទាក​ងី​បោ​កាស​តា​ឆាក់​គ៝ប់ ពាង់​នទ្រាប់​ត៝ប់​គ៝ប់​តា​មោច។
MAT 26:13 គ៝ប់​លាស​នហេល​នានេៈ​ងាន់​មា​ខាន់​មៃ អាប់​នតុក​ឞូ​ហាន់​មឞើស​ងក៝ច​នាវ​មហែ​មហាន​អ្វែស​អ្យា​លាម​ងគ៝រ​ឞ្រី​តា​នែស​នតូ​អ្យា ឞូ​ងក៝ច​មា​នាវ​អី​ពាង់​ជាន​នើស​ដ៝ង់ គៃ​មា​ងកាស​តោរ​ឞូ​ឞាស​ច្វេល​ពាង់”។
MAT 26:14 នោក​នៃ​គែស​ទូ​ហ្វេ​អ៝ស​ម៝ន​តា​មពោល​កោរាញ​អ៝ស​ម៝ន ១២ នុយ្ស​រី រាញា​ពាង់​យូដាស-​អីឆាការីយោត  ពាង់​ហាន់​ម៝ប់​មពោល​កោរាញ​ជាន​ឞ្រាស អោប​ខាន់​ពាង់៖
MAT 26:15 “ម៝ស​នទើ​ខាន់​មៃ​អ៝ន់​មា​គ៝ប់ លាស​គ៝ប់​ញជុន​ឞូនុយ្ស​អី​នៃ​មា​ខាន់​មៃ?” ខាន់​ពាង់​អ៝ន់​ព្រាក់​មា​ពាង់ ៣០ កាក់​ព្រាក់។
MAT 26:16 នតើម​ឞើស​នោក​នៃ​យូដាស-​អីឆាការីយោត ​ជ៝យ​ម៝ង​អី​អ្វែស គៃ​មា​លែវ​ឞូ​ហាន់​ញុប​ឞ្រាស​យេឆូ ។
MAT 26:17 តា​នារ​លាប់​ញេត​បុន​នុមពាង់​មោ​គែស​នទ្រូយ មពោល​អ៝ស​ម៝ន​ហាន់​អា​ឞ្រាស​យេឆូ ​អោប​ពាង់៖ “ហើយ​កោរាញ អាស​នតុក​មៃ​អុច​អ៝ន់​ហេន​នទ្រាប់​មា​មៃ​ញេត​ឆោង​បុន​នហ៝ត​អ្យា​មេស?”
MAT 26:18 ឞ្រាស​យេឆូ ​លាស​មា​ខាន់​ពាង់៖ “ខាន់​មៃ​ហាន់​តា​ប៝ន​ក្វ៝ង់​យេរូឆាលឹម ​រី ហាន់​តា​ទូ​ហ្វេ​ឞូ​ក្លោ​អី​នៃ លាស​មា​ពាង់៖ «នើម​នតី​លាស នារ​នាវ​ជេរ​ជ៝ត់​គ៝ប់​ឞើយ​ត៝ត់​ជេស គ៝ប់​អុច​នទ្រាប់​ញេត​បុន​នហ៝ត​នទ្រែល​មពោល​អ៝ស​ម៝ន​គ៝ប់​តា​ជៃ​មៃ»”។
MAT 26:19 ជេសរី​មពោល​អ៝ស​ម៝ន​ជាន​តឹង​នាវ​ឞ្រាស​យេឆូ ​ដាៈ​មា​ខាន់​ពាង់ នហ៝​មា​ខាន់​ពាង់​នទ្រាប់​នទើ​ឆោង​ឆា​មា​នាវ​ញេត​បុន​នហ៝ត​តា​នតុក​នៃ។
MAT 26:20 ត៝ត់​កេង​មាង់​ឞ្រាស​យេឆូ ​គុ​តា​ញឆឺង​នទ្រែល ១២ នុយ្ស​មពោល​កោរាញ​អ៝ស​ម៝ន​ពាង់។
MAT 26:21 នោក​គុ​ឆោង​ឆា​ពាង់​លាស​កើត​នអា៖ “គ៝ប់​លាស​នហេល​នានេៈ​ងាន់​មា​ខាន់​មៃ តា​មពោល​ខាន់​មៃ​គែស​ទូ​ហ្វេ​លែវ​ឞូ​ហាន់​ញុប​គ៝ប់”។
MAT 26:22 ទឹង​លែៈ​មពោល​កោរាញ​អ៝ស​ម៝ន​រាវៃ​ហោ​ងាន់ ខាន់​ពាង់​អោប​ឞ្រាស​យេឆូ ៖ “អើ​កោរាញ! គឹត​គ៝ប់​ហើ?”
MAT 26:23 ឞ្រាស​យេឆូ ​លាស​មា​ខាន់​ពាង់៖ “ឞូ​ម៝ស​ពាង់​អី​លុប​នុមពាង់​តា​ងាន​នទ្រែល​គ៝ប់ ពាង់​អី​នៃ​លែវ​ឞូ​ហាន់​ញុប​គ៝ប់។
MAT 26:24 គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​ឞូ​មរា​ងខឹត តឹង​មា​នាវ​លែៈ​ញចីស​លាស​មា​នាវ​គ៝ប់។ តីស​មា​ពាង់​អី​លែវ​ឞូ​ហាន់​ញុប​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​នៃ ពាង់​អី​នៃ​គែស​នាវ​រេស​រាញាល់​ងាន់​រ៝ អ្វែស​រាលាវ​លើយ​ទឹង​ទែស​ពាង់​អី​នៃ​នើស”។
MAT 26:25 យូដាស-​អីឆាការីយោត ​អី​នើម​លែវ​ឞូ​ហាន់​ញុប​ពាង់​រី​លាស៖ “អើ​នើម​នតី! គឹត​គ៝ប់​ហើ?” ឞ្រាស​យេឆូ ​លាស​មា​ពាង់៖ “ទី​កើត​នាវ​មៃ​លាស​នៃ​ងាន់!”
MAT 26:26 ខាន់​ពាង់​ហោម​គុ​ឆោង​ឆា ជេសរី​ឞ្រាស​យេឆូ ​ឆ៝ៈ​ទូ​មល៝ម់​នុមពាង់ លាស​អ្វែស​មា​កោរាញ​ឞ្រាស ជេសរី​គិច​អ៝ន់​មពោល​អ៝ស​ម៝ន​ឆា នហ៝​មា​លាស៖ “ខាន់​មៃ​ឆ៝ៈ​ឆា​យឹ អ្យា​អី​ឆាក់​ជាន់​គ៝ប់”។
MAT 26:27 ជេសរី​ពាង់​ឆ៝ៈ​កាច៝ក​នទ្រាញ់​ព្លៃ​យុងយារ​ប៝ន​លាស​អ្វែស​មា​កោរាញ​ឞ្រាស ពាង់​នទឹ​អ៝ន់​មា​ខាន់​ពាង់ ជេសរី​លាស៖ “ញេត​ទឹង​លែៈ​មា​ឞាល់​ហ៝ម់‌
MAT 26:28 យ៝រ​លាស​នទ្រាញ់​ព្លៃ​យុងយារ​ប៝ន​តា​កាច៝ក​អ្យា​អី​មហាម​គ៝ប់ អី​ហ៝ច​ឞើស​ឆាក់​ជាន់​គ៝ប់​នោក​គ៝ប់​ខឹត​តៃ គៃ​មា​យោៈ​ឞូនុយ្ស​មោ​ហោម​អោស​កើប​នាវ​តីស​ខាន់​ពាង់។ មា​មហាម​អី​អ្យា​កោរាញ​ឞ្រាស​ជាន​នាវ​តឹម​រាង្លាប់​មហែ។
MAT 26:29 គ៝ប់​មឞើស​អ៝ន់​មា​ខាន់​មៃ​គឹត គ៝ប់​មោ​ហោម​អោស​ញេត​នទ្រាញ់​ព្លៃ​យុងយារ​ប៝ន​អ្យា​ជឹត នហ៝​មា​ត៝ត់​នារ​គ៝ប់​ញេត​នទ្រាញ់​ព្លៃ​យុងយារ​ប៝ន​មហែ​ត៝ត់​នាវ​ឞឹ​គ៝ប់​ម៝ត់​អ្វាញ់​លែៈ​ត៝ត់​ងាន់​មើ”។
MAT 26:30 ជេស​មព្រើ​រានេ ឞ្រាស​យេឆូ ​នទ្រែល​មពោល​អ៝ស​ម៝ន​ពាង់​លោស​ឞើស​នៃ​ហាន់​ជឹត​យោក​តើម​អោលីវ ។
MAT 26:31 ឞ្រាស​យេឆូ ​លាស​មា​មពោល​អ៝ស​ម៝ន​ពាង់៖ “ទឹង​លែៈ​ខាន់​មៃ​នត្លើយ​គ៝ប់​តា​មាង់​អ្យា យ៝រ​មា​តា​នាវ​កោរាញ​ឞ្រាស​ងើយ​លែៈ​គែស​ញចីស៖ «កោរាញ​ឞ្រាស​លាស៖ «គ៝ប់​មឞាង​ងខឹត​លើយ​នើម​ច្យាប់​ឞែ​ឞ្យាប់‌ ជេសរី​ផូង​ឞែ​ឞ្យាប់​ទូ​ចាស​ច្រាយ​លែៈ»»។
MAT 26:32 យើន​មា​ជេស​គ៝ប់​ទ៝ក់​រេស​តៃ គ៝ប់​ហាន់​ត៝ត់​ល៝រ​ឞើស​នាប់​ខាន់​មៃ​តា​ឞ្រី​កាលីលេ ”។
MAT 26:33 ជេស​តាង់​ឞ្រាស​យេឆូ ​ងើយ​នទ្រី​ពេត្រោស ​លាស​មា​ពាង់៖ “ឞ៝ល​លាស​ទឹង​លែៈ​ខាន់​ពាង់​នត្លើយ​មៃ​កាដោយ ទូ​ញជារ់​នាវ​រេស​គ៝ប់ គ៝ប់​មោ​អោស​នត្លើយ​មៃ”។
MAT 26:34 ឞ្រាស​យេឆូ ​លាស​មា​ពាង់៖ “គ៝ប់​លាស​នហេល​នានេៈ​ងាន់​មា​មៃ៖ តា​មាង់​អ្យា​រ៝ អេ​ល៝រ​មា​អ្យារ់​នទ្រាវ មៃ​រាលាច់​ពែ​តឹ​លាស​មោ​គឹត​នាល់​គ៝ប់”។
MAT 26:35 ពេត្រោស ​លាស​មា​ឞ្រាស​យេឆូ ៖ “មោ​អោស! ឞ៝ល​លាស​ឞូ​ងខឹត​គ៝ប់​នទ្រែល​មៃ​កាដោយ គ៝ប់​មោ​គែស​អោស​រាលាច់​លាស​មោ​គឹត​នាល់​មៃ”។ ទឹង​លែៈ​មពោល​អ៝ស​ម៝ន​អាបាៈ​លាស​កើត​ពាង់​ទាទេ​ដ៝ង់។
MAT 26:36 ជេសរី​ឞ្រាស​យេឆូ  នទ្រែល​មា​ផូង​អ៝ស​ម៝ន​ពាង់​ហាន់​ជឹត​ទូ​នតុក​រាញា​គេតឆេមានី ។ ពាង់​លាស៖ “ខាន់​មៃ​គុ​តា​អ្យា​ប៝ត់​យឹ។ គ៝ប់​ហាន់​មឞើស​ឆើម​អា​ត៝​ប៝ត់”។
MAT 26:37 ឞ្រាស​យេឆូ ​ជាៈ​ពេត្រោស  នទ្រែល​មា​ឞារ​ហៃ​អី​ក៝ន​ឆេបេដេ ​ហាន់​នទ្រែល​ពាង់។ នោក​នៃ​តា​នូយ្ស​នហ៝ម់​ឞ្រាស​យេឆូ ​នតើម​គែស​នាវ​រាង៝ត នទ្រែល​មា​គែស​នាវ​អោស​នូយ្ស​អោស​នហ៝ម់​ហោ​ងាន់។
MAT 26:38 ពាង់​លាស​មា​ពែ​នុយ្ស​ខាន់​ពាង់​នៃ៖ “នូយ្ស​នហ៝ម់​គ៝ប់​រាង៝ត​ហោ​ងាន់​នទាៈ​មា​ខឹត​រ៝។ ខាន់​មៃ​ហោម​គុ​តា​អ្យា​ប៝ត់ គុ​រាងែស​ញជ្រាង់​នទ្រែល​គ៝ប់​ហ៝ៈ”។
MAT 26:39 ជេសរី​ឞ្រាស​យេឆូ ​ហាន់​ជឹត​នាប់​ដេៈ ពាន់​ត្រុយ្ស​អា​នែស​មឞើស​ឆើម​ទាន់៖ “អើ​ឞឹ! លាស​ទើយ ទាន់​មៃ​ឆ៝ៈ​នាវ​ជេរ​ជ៝ត់​អ្យា​អ៝ន់​ទូ​ងាយ​ឞើស​គ៝ប់ យើន​មា​លើយ​តឹង​នូយ្ស​នហ៝ម់​គ៝ប់​អុច​អោស អ៝ន់​តឹង​នាវ​មៃ​នើម​អុច​ហ៝ៈ”។
MAT 26:40 ជេសរី​ពាង់​ព្លឹ​ជឹត​មពោល​អ៝ស​ម៝ន​នៃ ឆៃ​ខាន់​ពាង់​ហាក់​ឞិច ពាង់​លាស​មា​ពេត្រោស ៖ “មើម​ខាន់​មៃ​គុ​រាងែស​នទ្រែល​គ៝ប់​ទូ​ម៝ង​មោ​ទើយ​ដ៝ង់!
MAT 26:41 ខាន់​មៃ​ញជ្រាង់​ហ៝ម់​នហ៝​មា​មឞើស​ឆើម គៃ​មា​មោ​ជាន​តីស​នោក​គែស​នាវ​នទើម។ នូយ្ស​នហ៝ម់​ឞូនុយ្ស​លែៈ​អុច​ជាន​ទី​ងាន់ តីស​មា​មោ​អោស​ឞ្លាវ​ជាន យ៝រ​មា​ហោម​រាអ្យា”។
MAT 26:42 ជេសរី​ពាង់​ព្លឹ​មឞើស​ឆើម​តៃ​ទូ​តឹ​ជឹត៖ “អើ​ឞឹ! លាស​នាវ​ជេរ​អ្យា​មោ​អោស​ទើយ​បាស​ងាយ​ឞើស​គ៝ប់ លាស​នទ្រី​តឹង​នាវ​មៃ​នើម​អុច!”
MAT 26:43 ត៝ត់​ឞ្រាស​យេឆូ ​ព្លឹ​តៃ​តា​មពោល​អ៝ស​ម៝ន​រី ឆៃ​ខាន់​ពាង់​ហោម​ហាក់​ឞិច​ទាទេ លីន​មាត់​មោ​ទើយ។
MAT 26:44 ពាង់​ហាន់​ឞើស​នតុក​នៃ​ទូ​តឹ​ជឹត ព្លឹ​មឞើស​ឆើម​អាប់​ពែ​តឹ ពាង់​មឞើស​ឆើម​កើត​នាវ​អើម។
MAT 26:45 ជេសរី​ពាង់​ព្លឹ​តៃ​តា​ផូង​អ៝ស​ម៝ន​រី លាស​មា​ខាន់​ពាង់៖ “ខាន់​មៃ​ហោម​ឞិច​ទាស​ជ៝ៈ​មា​កាស? ល៝ង់​អាបៃ​អ្យា​ម៝ង​លែៈ​ត៝ត់​ជេស ឞូ​ញជុន​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​អ៝ន់​មា​ផូង​ឞូនុយ្ស​តីស។
MAT 26:46 ទ៝ក់​ហ៝ម់​លែវ​ឞាល់​ហាន់ នើម​អី​លែវ​ឞូ​ហាន់​ញុប​គ៝ប់ លែៈ​ឞើយ​ត៝ត់​ហើយ!”
MAT 26:47 ទោល​ឞ្រាស​យេឆូ ​ហោម​ងើយ​នៃ​ត៝ត់​យូដាស-​អីឆាការីយោត ​អី​ទូ​ហ្វេ​ឞូនុយ្ស​តា ១២ នុយ្ស​មពោល​កោរាញ​អ៝ស​ម៝ន​នៃ។ គែស​ទូ​ផូង​ក្វ៝ង់​ហាន់​នទ្រែល​ពាង់​នៃ ញអោត​ម៝ង់​ញអោត​ដាវ។ ខាន់​ពាង់​អី​នៃ​តាៈ​ឞើស​មពោល​កោរាញ​ជាន​ឞ្រាស នទ្រែល​មា​ផូង​កោរាញ​ប៝ន​លាន​ទែ​ដាៈ។
MAT 26:48 យូដាស-​អីឆាការីយោត ​អី​លែវ​ឞូ​ហាន់​ញុប​ឞ្រាស​យេឆូ ​នៃ​លែៈ​ជេស​មឞើស​ទូ​នតីល​នាវ​អ៝ន់​គឹត​នាល់​មា​ឞូ​លាស៖ “ឞូ​ម៝ស​អី​គ៝ប់​ចុមពាង់​អី​រី​រ៝ នទ្រី​ខាន់​មៃ​ញុប​ពាង់​ទោ”។
MAT 26:49 យូដាស-​អីឆាការីយោត ​ត៝ត់​តា​រី ពាង់​ហាន់​ជឹត​ឞ្រាស​យេឆូ  អោប​ឞ្រាស​យេឆូ ៖ “អ្វែស​លាង់​នើម​នតី!” ជេសរី​ចុម​ឞ្រាស​យេឆូ ។
MAT 26:50 ឞ្រាស​យេឆូ ​អោប​ពាង់៖ “អើ​ជាង់! ម៝ស​នទើ​មៃ​ហាន់​តា​អ្យា​អុច​ជាន មៃ​ជាន​ហ៝ម់!” ជេសរី​ឞូ​ញុប​ក្រុប​ឞ្រាស​យេឆូ ។
MAT 26:51 ទោ​មា​ឆៃ​គែស​ទូ​ហ្វេ​តា​ផូង​គុ​នទ្រែល​ឞ្រាស​យេឆូ  តាក់​ដាវ​ឆ្រែស​តាច់​តោរ​ទូ​ទីង​ទឹក​កោរាញ​ជាន​ឞ្រាស​ទុត​ក្វ៝ង់។
MAT 26:52 ឞ្រាស​យេឆូ ​លាស​មា​ពាង់​អី​នៃ៖ “នត្រុប​ហ៝ម់​ដាវ​មៃ​នៃ​តា​នទ្រោម យ៝រ​លាស​ឞូ​ម៝ស​អី​ទ៝ង់​ដាវ ពាង់​ខឹត​មា​ដាវ​ដ៝ង់។
MAT 26:53 គឹត​មៃ​នអោន​លាស​គ៝ប់​មោ​អោស​ទើយ​ទាន់​មា​ឞឹ​គ៝ប់ ជេសរី​ពាង់​ញជ្វាល់​ផូង​តោង​ពារ់​រាលាវ​មា ១២ ផូង ទូ​ផូង​គែស ៦០០០ នុយ្ស​ហាន់​កើល​គ៝ប់​រ៝?
MAT 26:54 យើន​មា​លាស​ជាន​កើត​នៃ មើម​ទឹង​គែស​មា​ទី​ដាស​នាវ​កោរាញ​ឞ្រាស​ងើយ​លែៈ​គែស​ញចីស​អ៝ន់​គែស​នាវ​អ្យា​ងាន់?”
MAT 26:55 ជេសរី​ឞ្រាស​យេឆូ ​លាស​មា​ផូង​អី​នៃ៖ “ម៝ស​ឞ្រោៈ​ខាន់​មៃ​ញអោត​នអ៝ប់​មា​ម៝ង់​មា​ដាវ​កើត​នៃ កើប​គ៝ប់​ជេង​ឞូនុយ្ស​នតុង​ឞើស? អាប់​នារ​កាល់​ទឹ​នើស គ៝ប់​គុ​នតុម​នតី​តា​ជ៝ង់​គូង​ញីស​ជាន​ឞ្រាស។ ខាន់​មៃ​គុ​តា​នៃ​ដ៝ង់ មោ​អោស​ឆៃ​ញុប​គ៝ប់។
MAT 26:56 ទឹង​លែៈ​នាវ​អ្យា​គែស​ងាន់ គៃ​មា​ជេង​ទី​កើត​នាវ​មពោល​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស​លែៈ​ញចីស​តា​នាវ​កោរាញ​ឞ្រាស​ងើយ”។ ជេសរី​មពោល​អ៝ស​ម៝ន​ញច្វាត់​លែៈ​រាង៝ត់ នត្លើយ​ឞ្រាស​យេឆូ ។
MAT 26:57 ផូង​អី​ញុប​ឞ្រាស​យេឆូ ​ញជុន​ពាង់​ហាន់​តា​ជៃ​កៃផាស ​អី​កោរាញ​ជាន​ឞ្រាស​ទុត​ក្វ៝ង់ ជេង​នតុក​មពោល​នើម​នតី​នាវ​វៃ​ផូង​អីឆ្រាអែល  នទ្រែល​មា​ផូង​កោរាញ​ឞ្រី​យូដា ​គុ​រាគូម​ដ៝ង់។
MAT 26:58 ពេត្រោស ​តឹង​ឞ្រាស​យេឆូ ​ឞ្រោៈ​នទ៝ប់​ឞោក​មពើល​ឞោក នហ៝​មា​ត៝ត់​តា​ជ៝ង់​គូង​ជៃ​កោរាញ​ជាន​ឞ្រាស​អី​នៃ។ ពាង់​លាប់​គុ​នទ្រែល​មពោល​ឞូនុយ្ស​កើល​ជាន​ការ​តា​នតុក​នៃ គៃ​មា​អុច​គឹត​ម៝ស​នទើ​នាវ​គែស។
MAT 26:59 មពោល​កោរាញ​ជាន​ឞ្រាស នទ្រែល​មា​ទឹង​លែៈ​ផូង​កោរាញ​ជាន​ការ​ផូង​អីឆ្រាអែល ​តឹម​ញច្រាៈ​ឞាល់​ជ៝យ​ឞូនុយ្ស​មា​តើម​នតោន​ងក្លាៈ​ឞ្រាស​យេឆូ ​គៃ​មា​តេៈ​ទោយ្ស​ងខឹត​លើយ​ពាង់។
MAT 26:60 ជ៝យ​មោ​អោស​ទើយ​ឆៃ ឞ៝ល​លាស​គែស​អ៝ក់​ឞូនុយ្ស​ងើយ​ញចើត​មា​អោឞាល់​កាដោយ​ដ៝ង់។ ជេសរី​គែស​ឞារ​ហៃ​ឞូនុយ្ស​លាស៖
MAT 26:61 “ឞូនុយ្ស​អ្យា​លែៈ​លាស​កើត​នអា៖ «គ៝ប់​ទើយ​រើយ្ស​លើយ​ញីស​ជាន​ឞ្រាស​មា​កោរាញ​ឞ្រាស ជេសរី​ជាន​ជេស​តៃ​ពែ​នារ​ទើម»”។
MAT 26:62 ជេសរី​កោរាញ​ជាន​ឞ្រាស​ទុត​ក្វ៝ង់​ទ៝ក់​លាស​ឞ្រាស​យេឆូ ៖ “មើម​មៃ​មោ​អើស​នាវ​ឞូ​នតោន​មៃ​នៃ​មេស?”
MAT 26:63 យើន​មា​ឞ្រាស​យេឆូ ​គុ​អ្យាត់​ឆាក់​រាក្លាក់។ ជេសរី​កោរាញ​ជាន​ឞ្រាស​ទុត​ក្វ៝ង់​នៃ​អោប​តៃ៖ “គ៝ប់​ដាៈ​មៃ​មឞើស​មា​ហេន​មា​នាវ​ត៝ន​តា​ឞើស​នាប់​កោរាញ​ឞ្រាស​អី​រេស​ងាន់៖ មៃ​ជេង​ឞ្រាស​ក្រីស ​អី​នើម​រាក្លាយ្ស​តាៈ​ឞើស​កោរាញ​ឞ្រាស​ទែ​ញជ្វាល់​ងាន់ អី​ក៝ន​កោរាញ​ឞ្រាស​ងាន់​បាស?”
MAT 26:64 ឞ្រាស​យេឆូ ​អើស៖ “នាវ​មៃ​លាស​អី​រី​ទី​ងាន់ យើន​មា​គ៝ប់​មឞើស​ងក៝ច​មា​ខាន់​មៃ ទឹង​លែៈ​ខាន់​មៃ​មរា​ឆៃ​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស គុ​ឞើស​មា​តី​កោរាញ​ឞ្រាស​នើម​អី​ទុត​នាវ​ទើយ‌ ជេសរី​ជុរ​ឞើស​ត្រោក​រី​ហាន់​រ៝ៈ​នទ៝រ់​តុក”។
MAT 26:65 ជេស​តាង់​ពាង់​ងើយ​កើត​នៃ កោរាញ​ជាន​ឞ្រាស​ទុត​ក្វ៝ង់​នៃ​ងខេក​ច្វីក​អាវ​ពាង់​នើម ជេសរី​លាស៖ “អ្វាញ់​លែៈ​ពាង់​មឺច​រាម៝ត​កោរាញ​ឞ្រាស! ឞ៝ន់​មោ​ហោម​អោស​ខាច់​ជ៝យ​ឞូនុយ្ស​តើម​ឆៃ​តើម​តាង់​អា​អេង​ជឹត។ លែៈ​ខាន់​មៃ​តាង់​ទាទេ​ជេស​នាវ​ព្រែ​មឺច​រាម៝ត​កោរាញ​ឞ្រាស។
MAT 26:66 លាស​នទ្រី​មើម​ខាន់​មៃ​អុច​តេៈ​ទោយ្ស​មា​ពាង់?” ខាន់​ពាង់​អើស៖ “អ្យាត់​មា​តេៈ​ទោយ្ស​ងខឹត​ពាង់​រ៝!”
MAT 26:67 ជេសរី​ឞូ​ឆ៝ស​ទាក​ទីវ​តា​មុស​មាត់​ឞ្រាស​យេឆូ  ថុក​ពាង់​ថាក់​ពាង់ ឞូនុយ្ស​អាបាៈ​តាប​ពាង់‌
MAT 26:68 នអ៝ប់​មា​លាស​ពាង់៖ “អើ​ឞ្រាស​ក្រីស  លាស​មៃ​ឞ្រាស​ក្រីស ​ងាន់​មៃ​គឹត​ទឹង​លែៈ​នទើ លាស​នទ្រី​មៃ​មឞើស​មា​ហេន​ឞូ​ម៝ស​ថុក​មៃ!”
MAT 26:69 នោក​នៃ​ពេត្រោស ​គុ​តា​ឞើស​ទីស​ជៃ​តា​ជ៝ង់​គូង។ គែស​ទូ​ហ្វេ​ឞូ​អូរ​ឆើម​កើល​ជាន​ការ​តា​នៃ​ហាន់​ទាច់​ពាង់ ជេសរី​អោប៖ “ងាន់​មៃ​ឞាល់​មពោល​ដាស​យេឆូ ​ត៝​អី​តាៈ​ឞើស​ឞ្រី​កាលីលេ ​ដ៝ង់!”
MAT 26:70 ពេត្រោស ​រាលាច់​លាស៖ “គ៝ប់​មោ​គឹត​អោស​ម៝ស​នាវ​អៃ​រែ​លាស​រី”។
MAT 26:71 នោក​ពេត្រោស ​ហាន់​គុ​អា​មែង​មពោង គែស​ទូ​ហ្វេ​ឞូ​អូរ​អា​អេង​ជឹត​ឆើម​កើល​ជាន​ការ​តា​នៃ​លាស​មា​ឞូ៖ “ពាង់​អ្យា​ដ៝ង់​គុ​នទ្រែល​យេឆូ ​ប៝ន​នាឆារែត !”
MAT 26:72 ពេត្រោស ​រាលាច់​តៃ​ទូ​តឹ​ជឹត​នអ៝ប់​មា​ត៝ន៖ “គ៝ប់​មោ​អោស​គឹត​នាល់​ឞូនុយ្ស​អី​នៃ!”
MAT 26:73 ទូ​ប្ល៝ត់​ជឹត​ផូង​អី​គុ​តា​នៃ​ហាន់​អា​ពាង់​លាស៖ “មៃ​អ្យា​ឞាល់​មពោល​ឞូនុយ្ស​អី​នៃ​ងាន់​រ៝ យ៝រ​លាស​នាវ​មៃ​ងើយ​តឹម​ឞាន​មា​នាវ​ងើយ​ឞូនុយ្ស​គុ​តា​ឞ្រី​កាលីលេ !”
MAT 26:74 ពេត្រោស ​លាស៖ “លាស​គ៝ប់​មរោស​គ៝ប់​រាតាប់​ឆាក់​គ៝ប់​នើម។ អ៝ន់​កោរាញ​ឞ្រាស​តេៈ​ទោយ្ស​មា​គ៝ប់​ទោស។ គ៝ប់​មោ​គឹត​នាល់​ឞូនុយ្ស​អី​នៃ”។ ទោ​មា​អ្យារ់​នទ្រាវ។
MAT 26:75 ជេសរី​ពេត្រោស ​នតើម​កាស​គឹត​នាវ​ឞ្រាស​យេឆូ ​លាស៖ “អេ​ល៝រ​មា​អ្យារ់​នទ្រាវ មៃ​រាលាច់​ពែ​តឹ​លាស​មោ​គឹត​នាល់​គ៝ប់”។ ជេសរី​ពាង់​លោស​អា​ទីស​ញុម​រាង៝ត​ហោ​ងាន់​រ៝។
MAT 27:1 ត៝ត់​អា​អោយ​មពោល​កោរាញ​ជាន​ឞ្រាស នទ្រែល​មា​មពោល​កោរាញ​ផូង​អីឆ្រាអែល  ខាន់​ពាង់​តឹម​ទី​ទូ​នតោរ​នាវ​អុច​ងខឹត​លើយ​ឞ្រាស​យេឆូ ។
MAT 27:2 ខាន់​ពាង់​ក៝ត់​អោឞាល់​លែវ​ញជុន​អា​ពីលាត ​ឞូនុយ្ស​ប៝ន​រោម  អី​កោរាញ​ក្វ៝ង់​ម៝ត់​អ្វាញ់​ឞ្រី​យូដា ។
MAT 27:3 នោក​នៃ​យូដាស-​អីឆាការីយោត ​អី​នើម​លែវ​ឞូ​ហាន់​ញុប​ឞ្រាស​យេឆូ ​នើស​ឆៃ​ឞូ​តេៈ​ទោយ្ស​ឞ្រាស​យេឆូ  ពាង់​នទុយ្ស​តោរ​លាន់​តា​នូយ្ស​នហ៝ម់។ ពាង់​ឆ៝ៈ​ព្រាក់​អី ៣០ កាក់​រី​នើស​មព្លឹ​អ៝ន់​មា​មពោល​កោរាញ​ជាន​ឞ្រាស នទ្រែល​មា​ផូង​កោរាញ​ផូង​អីឆ្រាអែល ‌
MAT 27:4 ជេសរី​លាស​មា​ខាន់​ពាង់៖ “គ៝ប់​លែៈ​តីស​ញជុន​ឞូនុយ្ស​មោ​គែស​នាវ​តីស​អ៝ន់​ខាន់​មៃ​ងខឹត​ពាង់”។ ខាន់​ពាង់​អើស៖ “គឹត​អែស​មៃ! អី​នៃ​ជេង​នាវ​មៃ​នើម!”
MAT 27:5 យូដាស-​អីឆាការីយោត ​មអារ់​មឞ្រាច​ព្រាក់​អី​នៃ​តា​ញីស​ជាន​ឞ្រាស ជេសរី​ទូ​លោស​ឞើស​នៃ​ហាន់​ងខឹត​យោង​ក៝​ឆាក់​ពាង់​នើម។
MAT 27:6 មពោល​កោរាញ​ជាន​ឞ្រាស​ទោញ​ព្រាក់​អី​នៃ ជេសរី​លាស៖ “ព្រាក់​អ្យា​ឞ៝ន់​មោ​អោស​ទី​តេៈ​តា​កែស​ព្រាក់​កោរាញ​ឞ្រាស យ៝រ​លាស​ព្រាក់​ខ្លៃ​មហាម”។
MAT 27:7 ជេស​ខាន់​ពាង់​តឹម​ញច្រាៈ​រី ខាន់​ពាង់​ឆ៝ៈ​ព្រាក់​អី​នៃ​រាវាត់​មីរ​ឞូនុយ្ស​ម៝ន​គ្លាស​មា​អ៝ន់​ត៝ប់​ខឹត​ផូង​ឞូ​នាច់​អេង។
MAT 27:8 កើត​នទ្រី​ទឹង​ឞូ​ក្វាល់​នតុក​អី​នៃ​នហ៝​មា​ត៝ត់​នារ​អ្យា​លាស «មីរ​មហាម»។
MAT 27:9 នាវ​អី​នៃ​ជេង​ទី​ដាស​នាវ​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស​រាញា​យេរេមី ​លែៈ​ញចីស៖ «ឞូ​លែៈ​ឆ៝ៈ​ព្រាក់ ៣០ កាក់​អី​ផូង​អីឆ្រាអែល ​លែៈ​លាស​ខ្លៃ​ពាង់‌
MAT 27:10 ជេសរី​ឞូ​ឆ៝ៈ​ព្រាក់​អី​នៃ​រាវាត់​នែស​ឞូនុយ្ស​ម៝ន​គ្លាស កើត​កោរាញ​ឞ្រាស​លែៈ​ដាៈ​ជេស​មា​គ៝ប់»។
MAT 27:11 ឞ្រាស​យេឆូ ​ទ៝ក់​ឞើស​នាប់​កោរាញ​ក្វ៝ង់​ពីលាត ពីលាត ​អោប​ពាង់​កើត​នអា៖ “ងាន់​លាស​មៃ​កាដាច់​ផូង​អីឆ្រាអែល ​បាស?” ឞ្រាស​យេឆូ ​អើស៖ “អើ​កើត​នាវ​មៃ​លាស​នាវ​អី​នៃ”។
MAT 27:12 យើន​មា​នោក​មពោល​កោរាញ​ជាន​ឞ្រាស នទ្រែល​មា​មពោល​កោរាញ​ផូង​អីឆ្រាអែល ​នតោន​ឞ្រាស​យេឆូ ពាង់​មោ​អើស​អោស។
MAT 27:13 ពីលាត ​លាស​ពាង់៖ “មៃ​មោ​តាង់​បាស ទឹង​លែៈ​នាវ​ខាន់​ពាង់​នតោន​មៃ​នៃ?”
MAT 27:14 ពាង់​មោ​អើស​អោស ទូ​ត៝ង​ពាង់​មោ​អើស​ដ៝ង់ នហ៝​មា​ត៝ត់​កោរាញ​ក្វ៝ង់​នៃ​នទ្រ៝ត់​ហីស​រាហ៝ល់​ងាន់។
MAT 27:15 តឹម​អាប់​នាម់​ញេត​បុន​នហ៝ត កោរាញ​ក្វ៝ង់​អី​នៃ​វៃ​មអើក​ទូ​ហ្វេ​ឞូនុយ្ស​ទោយ្ស​តឹង​ផូង​ប៝ន​លាន​ទាន់។
MAT 27:16 នោក​នៃ​គែស​ទូ​ហ្វេ​ឞូនុយ្ស​ទោយ្ស​ឞូ​លឺ​គុ​នទ្រូង រាញា​ពាង់​បារាបាស ។
MAT 27:17 ជេស​ផូង​ប៝ន​លាន​តឹម​រាគូម​ឞាល់ ពីលាត ​អោប​ខាន់​ពាង់៖ “ឞូ​ម៝ស​ខាន់​អៃ​មៃ​អុច​អ៝ន់​គ៝ប់​មអើក? មអើក​បារាបាស  មោ​លាស​យេឆូ ​អី​ឞូ​ក្វាល់​ឞ្រាស​ក្រីស ?”
MAT 27:18 ពាង់​លាស​កើត​នៃ យ៝រ​មា​ពាង់​លែៈ​គឹត​ជេស​នូយ្ស​នហ៝ម់​មពោល​កោរាញ​ជាន​ឞ្រាស​មោ​នាច នទ្រី​ទឹង​ខាន់​ពាង់​ញជុន​ឞ្រាស​យេឆូ ​អ៝ន់​មា​ពាង់​នៃ។
MAT 27:19 នោក​ពីលាត ​ហោម​គុ​តា​នតុក​ផាត​ទោយ្ស​នៃ អូរ​ពាង់​ដាៈ​ឞូ​ហាន់​មឞើស​មា​ពាង់៖ “លើយ​អោស​ជាន​មា​ឞូនុយ្ស​អី​នៃ ពាង់​មោ​អោស​គែស​នាវ​តីស។ យ៝រ​មា​ឞូនុយ្ស​អី​នៃ​មាង់​ត៝​នើស​គ៝ប់​មឞើយ​អ្យើស​ហោ​ងាន់”។
MAT 27:20 យើន​មា​មពោល​កោរាញ​ជាន​ឞ្រាស នទ្រែល​មា​មពោល​កោរាញ​ផូង​អីឆ្រាអែល ​ញច៝ប់​ប៝ន​លាន​ទាន់​មអើក​បារាបាស  ជេសរី​ទាន់​ងខឹត​លើយ​ឞ្រាស​យេឆូ ។
MAT 27:21 កោរាញ​ក្វ៝ង់​ពីលាត ​អោប​ខាន់​ពាង់​ទូ​តឹ​ជឹត៖ “ឞារ​ហៃ​ខាន់​ពាង់​អ្យា ឞូ​ម៝ស​ខាន់​អៃ​មៃ​អុច​អ៝ន់​គ៝ប់​មអើក?” ខាន់​ពាង់​អើស៖ “បារាបាស !”
MAT 27:22 ពីលាត ​អោប​តៃ​ខាន់​ពាង់៖ “លាស​នទ្រី​យេឆូ ​អី​ឞូ​ក្វាល់​ឞ្រាស​ក្រីស ​អ្យា មើម​ខាន់​អៃ​មៃ​អុច​អ៝ន់​គ៝ប់​ជាន?” ទឹង​លែៈ​ខាន់​ពាង់​នតែរ​ទ្រើវ៖ “ងខឹត​ពាង់​តា​ឆី​តឹម​រាកាង់!”
MAT 27:23 ពីលាត ​អោប​តៃ​លាស៖ “ឞូនុយ្ស​អ្យា​ម៝ស​នាវ​អ្យើស​ពាង់​លែៈ​ជាន?” ផូង​ប៝ន​លាន​នតែរ​ទ្រើវ​លើ​មា​ហោ​លាស៖ “ដាៈ​ឞូ​ងខឹត​ពាង់​តា​ឆី​តឹម​រាកាង់!”
MAT 27:24 ពីលាត ​គឹត​ពាង់​នើម​មោ​ហោម​ទើយ ឆៃ​ប៝ន​លាន​អុស​អាស​លើ​មា​ហោ​ដ៝ង់។ ជេសរី​ពាង់​ឆ៝ៈ​ទាក​រាវ​តី​តា​នាប់​ផូង​ឞូនុយ្ស​អ៝ក់ នហ៝​មា​លាស៖ “នាវ​អ្យា​ទុត​តា​ខាន់​អៃ​មៃ​នើម​យឹ គ៝ប់​មោ​អោស​គែស​ទោយ្ស​ដាស​ងខឹត​ឞូនុយ្ស​អ្យា”។
MAT 27:25 ទឹង​លែៈ​ផូង​ប៝ន​លាន​អើស​ទ្រើវ៖ “លាស​ពាង់​មោ​គែស​នាវ​តីស អ៝ន់​ទោយ្ស​អី​នៃ​តុប​តា​ហេន​នើម នទ្រែល​មា​ក៝ន​ឆៅ​ហេន​នើម​មហាម​ពាង់​អី​នៃ!”
MAT 27:26 អាច​មា​ពីលាត ​អុច​ជាន​តឹង​នាវ​ផូង​ប៝ន​លាន​ទាន់​នើស ពាង់​មអើក​លើយ​បារាបាស ។ ជេសរី​ពាង់​ដាៈ​តាហែន​រាពាត់​ឞ្រាស​យេឆូ ​មា​ម៝ង់​រាឆែ នហ៝​មា​ជាវ​អ៝ន់​តាហែន​ងខឹត​អោឞាល់​តា​ឆី​តឹម​រាកាង់។
MAT 27:27 ផូង​តាហែន​កោរាញ​ក្វ៝ង់​ពីលាត ​លែវ​ឞ្រាស​យេឆូ ​ហាន់​លាប់​តា​ជ៝ង់​គូង​ញីស​កោរាញ​ក្វ៝ង់​នៃ ជេសរី​ទឹង​លែៈ​តាហែន​តា​នៃ​គុ​ជុម​ពាង់។
MAT 27:28 ខាន់​ពាង់​ទ្រ៝ស​លើយ​ឞ៝ក​អាវ​អោឞាល់ ជេសរី​ឆ៝ៈ​អាវ​ចាង់​ក្វ៝ង់​អី​តឹម​ឞាន​មា​អាវ​កាដាច់​ញឆ៝ស​តា​អោឞាល់។
MAT 27:29 ខាន់​ពាង់​ឆ៝ៈ​រាតាវ​ល៝ក​បារ់​ជាន​មោក​កាដាច់​នទោ​តា​ឞោក​ឞ្រាស​យេឆូ ​រី នទ្រែល​មា​ឆ៝ៈ​ម៝ង់​ជាន​ម៝ង់​កាដាច់​អ៝ន់​តី​ឞើស​មា​ពាង់​ក្វាន់ ជេសរី​ច៝ន​កោម៝ក់​មឞាស​មឺច​រាម៝ត​អោឞាល់​នហ៝​មា​លាស៖ “ហើយ​កាដាច់​ផូង​អីឆ្រាអែល ! ហេន​យើក​មៃ!”
MAT 27:30 ខាន់​ពាង់​រាឆ៝ស​ទាក​ទីវ​តា​អោឞាល់ នទ្រែល​មា​ឆ៝ៈ​ម៝ង់​អី​នៃ​មឞាង​ឞោក​អោឞាល់​ជឹត។
MAT 27:31 ជេស​មឺច​រាម៝ត​មា​អោឞាល់​កើត​នទ្រី ជេសរី​តាហែន​ទ្រ៝ស​លើយ​អាវ​អី​នៃ​ឞើស​ឆាក់​ពាង់ ព្លឹ​ញឆ៝ស​តៃ​អាវ​ពាង់​នើម​នើស ជេសរី​តេក​លែវ​អោឞាល់​អា​នតុក​ឆី​តឹម​រាកាង់។
MAT 27:32 នោក​លោស​ឞើស​ប៝ន ផូង​តាហែន​ម៝ប់​ទូ​ហ្វេ​ឞូ​ក្លោ​រាញា​ពាង់​ឆីមោន ​តាៈ​ឞើស​ប៝ន​ក្វ៝ង់​កីរេន  ឞូ​ដាៈ​អោឞាល់​តូយ​ឆី​តឹម​រាកាង់​ឞ្រាស​យេឆូ
MAT 27:33 ត៝ត់​តា​ទូ​នតុក​រាញា​«កោលកោថា » រាឞ្លាង​លាស «នតុក​នតីង​ឞោក»។
MAT 27:34 ជេសរី​ឞូ​ឆ៝ៈ​នទ្រាញ់​ព្លៃ​យុងយារ​ប៝ន​លាយ​ដាស​ទាក​ព្លៃ​មាត់​តាង់​ងាន់​អ៝ន់​ឞ្រាស​យេឆូ ​ញេត ជេស​ពាង់​ច្យាម់​ដេៈ ពាង់​មោ​អុច​ញេត​អោស។
MAT 27:35 ជេស​ឞូ​ព៝ង់​អោឞាល់​តា​ឆី​តឹម​រាកាង់ ឞូ​តឹម​ពាៈ​ឞ៝ក​អាវ​ពាង់​មា​នទើ​ញច្រ៝ស។
MAT 27:36 ខាន់​ពាង់​គុ​រើប​គើប​តា​នៃ​ញជ្រាង់​ឞ្រាស​យេឆូ ។
MAT 27:37 តា​កាលើ​ឞោក​ឞ្រាស​យេឆូ ​រី ខាន់​ពាង់​ព្លា​ទូ​រាលាត​កាដារ​ញចីស​មឞើស​ងក៝ច​នាវ​ឞូ​នតោន​ពាង់ លាស​កើត​នអា៖ «អ្យា​រាញា​យេឆូ  កាដាច់​ផូង​អីឆ្រាអែល »។
MAT 27:38 នោក​នៃ​ឞូ​ងខឹត​នទ្រែល​ឞ្រាស​យេឆូ ​ឞារ​ហៃ​ឞូនុយ្ស​នតុង​ដ៝ង់ អី​ទូ​ហ្វេ​អ៝ន់​ឞើស​មា​ពាង់ ទូ​ហ្វេ​ជឹត​អ៝ន់​ឞើស​ច្យៅ។
MAT 27:39 លែៈ​ឞូនុយ្ស​អី​ឞ្រោៈ​រ៝ៈ​នៃ ងគ្រើស​ងគ្រាប់​រាតែស​ឞោក​រុល​ទុល​មឺច​មា​អោឞាល់
MAT 27:40 នហ៝​មា​លាស៖ “ហើយ​ឞូនុយ្ស​អី​លាស​រើយ្ស​លើយ​ញីស​ជាន​ឞ្រាស​មា​កោរាញ​ឞ្រាស ជាន​តៃ​អី​មហែ​ពែ​នារ​ជេស។ លាស​នទ្រី​រាក្លាយ្ស​អេង​ឆាក់​មៃ​នើម លាស​មៃ​ក៝ន​កោរាញ​ឞ្រាស​ងាន់ ជុរ​ឞើស​ឆី​តឹម​រាកាង់​នៃ​ហ៝ម់!”
MAT 27:41 មពោល​កោរាញ​ជាន​ឞ្រាស ផូង​នើម​នតី​នាវ​វៃ​ផូង​អីឆ្រាអែល  នទ្រែល​មា​មពោល​កោរាញ​ផូង​អីឆ្រាអែល ​លែវ​ឞាល់​ងើយ​ងគ្រើស​មា​ពាង់​កើត​នៃ​ដ៝ង់ ខាន់​ពាង់​លាស៖
MAT 27:42 “ពាង់​ទើយ​កើល​អ៝ក់​ឞូ​អាបាៈ​អេង តីស​មា​មោ​អោស​ទើយ​រាក្លាយ្ស​ឆាក់​ពាង់​នើម! លាស​ពាង់​អី​កាដាច់​ផូង​អីឆ្រាអែល ​ងាន់ អ៝ន់​ពាង់​ជុរ​ឞើស​ឆី​តឹម​រាកាង់​អាបៃ​អ្យា ជេសរី​ហេន​អ្យាត់​មា​ពាង់​ដ៝ង់!
MAT 27:43 ពាង់​លែៈ​ញឆីង​មា​កោរាញ​ឞ្រាស លាស​កោរាញ​ឞ្រាស​អុច អ៝ន់​កោរាញ​ឞ្រាស​រាក្លាយ្ស​ពាង់​អាបៃ​អ្យា​រ៝ យ៝រ​លាស​ពាង់​លាស៖ «គ៝ប់​អី​ក៝ន​កោរាញ​ឞ្រាស»”។
MAT 27:44 ឞ៝ល​លាស​ឞារ​ហៃ​ឞូនុយ្ស​នតុង​អី​ឞូ​ងខឹត​នទ្រែល​ឞ្រាស​យេឆូ ​តា​រី មឺច​រាម៝ត​អោឞាល់​កើត​នៃ​ដ៝ង់។
MAT 27:45 នតើម​ឞើស​នារ​ងក្លាង​ឞោក​លាម​ឞ្រី​ទាក​អី​នៃ​ត្រោក​គែស​ង៝​ទាទេ នហ៝​មា​ត៝ត់​ម៝ង​ពែ​កេង​មាង់។
MAT 27:46 ក្លាប់​លាស​តា​ម៝ង​ពែ​កេង​មាង់ ឞ្រាស​យេឆូ ​នតែរ​ទុត​ទាង់​តា​នាវ​ងើយ​ហេឞ្រើ ៖ “អេលី! អេលី! លាមា​ឆាបាច់​ថានី ?” រាឞ្លាង​នាវ​នៃ៖ «អើ​កោរាញ​ឞ្រាស​គ៝ប់​អើយ! អើ​កោរាញ​ឞ្រាស​គ៝ប់​អើយ! ម៝ស​នាវ​មៃ​នត្លើយ​គ៝ប់?»
MAT 27:47 ឞូ​បាបាៈ​អី​គុ​តា​នៃ​តាង់​នាវ​ពាង់​នតែរ​នើស​វ៝ត់​វិ ឞូ​លាស៖ “ពាង់​ក្វាល់​អេលីយា ​អី​ឞូនុយ្ស​នតើយ្ស​នាវ​ងើយ​កោរាញ​ឞ្រាស​ឞើស​កាល់​អែ​នើស”។
MAT 27:48 ទោ​មា​គែស​ទូ​ហ្វេ​ឞូនុយ្ស​តា​ផូង​ខាន់​ពាង់​ញច្វាត់​ឆ៝ៈ​ឞ៝ក​យុក​តា​ទាក​ឆ្រាត​ពូត​តា​ចោង​ម៝ង់​នទឹ​អ៝ន់​ពាង់​ញេត។
MAT 27:49 យើន​មា​ឞូនុយ្ស​អាបាៈ​លាស៖ “ក៝ប់​អ្វាញ់​ប៝ត់ គឹត​អេលីយា ​ហាន់​រាក្លាយ្ស​ពាង់​មោ​លាស​មោ”។
MAT 27:50 ជេសរី​ឞ្រាស​យេឆូ ​នតែរ​តៃ​ទុត​ទាង់ នហ៝​មា​រ៝ស​នហ៝ម់​ក្ល៝ក់។
MAT 27:51 តា​ម៝ង​នៃ​ឞ៝ក​អី​ញចីង​តា​មពោង​ជ្រោ​ទុត​ក្ល៝ស​អ្វែស​តា​ត្រោម​ញីស​ជាន​ឞ្រាស​មា​កោរាញ​ឞ្រាស ទោ​មា​ហេក​ច្វីក​ជេង​ឞារ នតើម​ឞើស​លើ​នហ៝​មា​ត៝ត់​អា​ទ៝ង់ នែស​នតូ​ងគារ់ លុ​ក្លេរ​ដាង។
MAT 27:52 នតូ​មោច​ពើក​ឞ៝ង់​រឺក​បឺក ខឹត​ផូង​ឞូនុយ្ស​ក្ល៝ស​អ្វែស​អ៝ក់​អី​វៃ​គុ​ឆ៝ង់​តា​ឞើស​នាប់​កោរាញ​ឞ្រាស​ទ៝ក់​រេស។
MAT 27:53 ជេស​ឞ្រាស​យេឆូ ​ទ៝ក់​រេស ផូង​ខាន់​ពាង់​លោស​ឞើស​នតូ​មោច លាប់​តា​ប៝ន​យេរូឆាលឹម ​អី​ប៝ន​ក្ល៝ស​អ្វែស ញហើ​អ៝ន់​អ៝ក់​ឞូនុយ្ស​ឆៃ។
MAT 27:54 នោក​កោរាញ​តាហែន​រោម  នទ្រែល​មា​ផូង​តាហែន​ក៝ប់​ញជ្រាង់​ឞ្រាស​យេឆូ ​តា​នៃ ឆៃ​ងគារ់​នែស​នតូ នទ្រែល​មា​ឆៃ​ទឹង​លែៈ​នាវ​គែស​កើត​នៃ ខាន់​ពាង់​ក្លាច​ញឆ៝រ់​ហោ​ងាន់ ជេសរី​លាស៖ “ឞូ​ក្លោ​អ្យា​អី​ក៝ន​កោរាញ​ឞ្រាស​ងាន់​យា!”
MAT 27:55 តា​នតុក​នៃ​គែស​អ៝ក់​ឞូ​អូរ​អី​តឹង​ឞ្រាស​យេឆូ ​តាៈ​ឞើស​ឞ្រី​កាលីលេ  អី​កើល​ពាង់​ដ៝ង់ ខាន់​ពាង់​គុ​អ្វាញ់​ពាង់​ទឹង​លែៈ​នាវ​អី​នៃ​ឞើស​ងាយ។
MAT 27:56 តា​នៃ​គែស​មារី ​តាៈ​ឞើស​ប៝ន​មាដាលា មារី ​អី​មេៈ​យាកើ យោឆែប  ជេសរី​គែស​នអ៝ប់​មា​អី​មេៈ​យាកោប យោហាន ​ដ៝ង់។
MAT 27:57 ត៝ត់​កេង​មាង់​គែស​ទូ​ហ្វេ​ឞូនុយ្ស​នទ្រ៝ង់​រាញា​ពាង់​យោឆែប  តាៈ​ឞើស​ប៝ន​អារីមាថេ  ពាង់​ជេង​មពោល​អ៝ស​ម៝ន​ឞ្រាស​យេឆូ ​ដ៝ង់។
MAT 27:58 ពាង់​ហាន់​ម៝ប់​ពីលាត ​ទាន់​ឆ៝ៈ​ឆាក់​ជាន់​ឞ្រាស​យេឆូ ពីលាត ​ដាៈ​ឞូ​អ៝ន់​មា​ពាង់។
MAT 27:59 ជេសរី​ពាង់​ឆ៝ៈ​ឆាក់​ជាន់​ឞ្រាស​យេឆូ ​ពូត​ដាស​ឞ៝ក​លាយ្ស​ក្ល៝ស​ងលាង។
MAT 27:60 ពាង់​ញជ៝រ​ឆាក់​ឞ្រាស​យេឆូ ​នៃ​តា​ត្រោម​នតូ​មោច​មហែ នតូ​អី​ពាង់​លែៈ​ដាៈ​ឞូ​លោក​តា​លុ​ក្លេរ​មា​នទ្រាប់​មា​ឆាក់​ពាង់​នើម។ ជេសរី​ពាង់​រាលាៈ​ទូ​មល៝ម់​លុ​ក្វ៝ង់​រាទ៝ល់​ត្រោម​មោច​រី ពាង់​នើម​ឆឹត​យ៝ត​ក្លាក់។
MAT 27:61 មារី ​តាៈ​ឞើស​ប៝ន​មាដាលា  នទ្រែល​មា​មារី ​ទូ​ហ្វេ​អេង​ជឹត​គុ​តា​នៃ​ដ៝ង់ ខាន់​ពាង់​គុ​តឹម​ឆ៝ង់​មពោង​មោច​រី។
MAT 27:62 ត៝ត់​អោយ​តៃ​រី តា​នារ​ឆាបាត់ ​អី​នារ​រាលូ​ផូង​អីឆ្រាអែល  មពោល​កោរាញ​ជាន​ឞ្រាស នទ្រែល​មា​ផូង​ផារីឆី ​ខាន់​ពាង់​លែវ​ឞាល់​ហាន់​ម៝ប់​ពីលាត
MAT 27:63 មឞើស​មា​ពាង់៖ “អើ​កោរាញ ហេន​ហោម​កាស​គឹត​នាវ​ឞូនុយ្ស​មរោស​អី​នៃ​លាស​នោក​ពាង់​ហោម​រេស​នើស៖ «ជេស​គ៝ប់​ខឹត ត៝ត់​ពែ​នារ​គ៝ប់​ទ៝ក់​រេស​តៃ»។
MAT 27:64 លាស​នទ្រី​ទាន់​កោរាញ​ដាៈ​តាហែន​អ៝ន់​ញជ្រាង់​ងាន់​មោច​អី​នៃ​អ៝ន់​លោច​ពែ​នារ។ ក្លាច​លាស​មពោល​អ៝ស​ម៝ន​ពាង់​ហាន់​ឆ៝ៈ​នតុង​ឆាក់​ពាង់​នៃ ជេសរី​មឞើស​ងក៝ច​មា​ផូង​ប៝ន​លាន​លាស​ពាង់​លែៈ​ទ៝ក់​រេស។ លាស​នទ្រី​នាវ​មរោស​អាបៃ​អ្យា​អ្យើស​រាលាវ​មា​ឞើស​កើយ​នើស​ជឹត”។
MAT 27:65 ពីលាត ​លាស​មា​ខាន់​ពាង់៖ “ខាន់​មៃ​ឆ៝ៈ​តាហែន ដាៈ​ឞូ​ញជ្រាង់​ងាន់​អ៝ន់​ទុត​អ្វែស​ទោ ទាស​អុច​ខាន់​មៃ​នើម!”
MAT 27:66 ជេសរី​ខាន់​ពាង់​ហាន់​អា​មោច ញជឹរ​នតូ​មោច​ព្លា​នទើ​វែរ​កាលើ​ជឹត​គៃ​មា​លើយ​អ៝ន់​ឞូ​លាប់ នទ្រែល​មា​អ៝ន់​តាហែន​គុ​ញជ្រាង់។
MAT 28:1 ជេស​នារ​ឆាបាត់ ​អី​នារ​រាលូ​ផូង​អីឆ្រាអែល  អើម​អោយ​នារ​ង្វាយ​តា​ពើស​អី​នៃ មារី ​ឞើស​ប៝ន​មាដាលា  នទ្រែល​មា​មារី ​អី​ទូ​ហ្វេ​អេង​ជឹត ខាន់​ពាង់​លែវ​ឞាល់​ហាន់​អា​មោច។
MAT 28:2 នោក​នៃ​ទោ​មា​គែស​ងគារ់​នែស​ទុត​ហោ យ៝រ​លាស​គែស​តោង​ពារ់​កោរាញ​ឞ្រាស​ជុរ​តាៈ​ឞើស​ត្រោក​អី​នតុក​កោរាញ​ឞ្រាស​នើម ងក្លឹ​លើយ​លុ​ឞើស​ឞ៝រ់​មោច​នៃ ជេសរី​គុ​រាគើប​តា​កាលើ​លុ​អី​នៃ​ដ៝ង់។
MAT 28:3 អ្វាញ់​ពាង់​រីល​តឹម​ឞាន​មា​លើប​ងលាយ្ស ឞ៝ក​អាវ​ពាង់​ងលាង​តឹម​ឞាន​មា​មលី។
MAT 28:4 ផូង​តាហែន​អី​គុ​ញជ្រាង់​មោច​តា​នៃ​ក្លាច​ញឆ៝រ់​ហោ​ងាន់ នហ៝​មា​ចោត​ខឹត​យើស។
MAT 28:5 យើន​មា​តោង​ពារ់​លាស​មា​មពោល​ឞូ​អូរ​អី​រី៖ “ខាន់​អៃ​លើយ​ក្លាច​អោស! គ៝ប់​លែៈ​គឹត​ជេស​ខាន់​អៃ​ហាន់​ជ៝យ​ឞ្រាស​យេឆូ ​អី​ឞូ​ងខឹត​តា​ឆី​តឹម​រាកាង់​នើស។
MAT 28:6 ពាង់​មោ​ហោម​អោស​តា​អ្យា យ៝រ​លាស​កោរាញ​ឞ្រាស​រាទ៝ក់​អ៝ន់​ទ៝ក់​រេស​តៃ កើត​នាវ​ពាង់​លែៈ​ងក៝ច​នើស។ ហាន់​អ្វាញ់​ហ៝ម់​តា​នតុក​ឞូ​ញជ៝រ​ពាង់‌
MAT 28:7 ជេសរី​ហាន់​គើញ​អា​មពោល​អ៝ស​ម៝ន​ពាង់​រី មឞើស​អ៝ន់​ខាន់​ពាង់​គឹត​កោរាញ​ឞ្រាស​លែៈ​រាទ៝ក់​ពាង់​អ៝ន់​ទ៝ក់​រេស អាបៃ​អ្យា​ពាង់​ហាន់​ល៝រ​ខាន់​អៃ​មៃ​តា​ឞ្រី​កាលីលេ ​រី។ តា​នតុក​នៃ​ខាន់​អៃ​មៃ​ឆៃ​ពាង់។ នទ្រី​នាវ​គ៝ប់​មឞើស​មា​ខាន់​អៃ​យឹ!”
MAT 28:8 ជេសរី​ខាន់​ពាង់​ហាន់​រ៝​តាៈ​ឞើស​មោច​នៃ​នអ៝ប់​មា​គែស​នាវ​ក្លាច​គែស​នាវ​រាម់​ហោ​ងាន់ ខាន់​ពាង់​ញច្វាត់​មឞើស​ងក៝ច​នាវ​មហែ​មហាន​អី​នៃ​មា​មពោល​អ៝ស​ម៝ន​ឞ្រាស​យេឆូ ។
MAT 28:9 ទោ​មា​ឞ្រាស​យេឆូ ​ហាន់​ម៝ប់​ខាន់​ពាង់​អោប​ខាន់​ពាង់៖ “អ្វែស​លាង់​ខាន់​អៃ!” ជេសរី​ខាន់​ពាង់​រាន​ទាច់​ឞ្រាស​យេឆូ ​ពាន់​តា​នែស​ក្វាន់​តា​ជ៝ង់​ឞ្រាស​យេឆូ ​រី យើក​មឞាស​ពាង់។
MAT 28:10 ឞ្រាស​យេឆូ ​លាស​មា​ខាន់​ពាង់៖ “លើយ​ក្លាច​អោស! ខាន់​អៃ​ហាន់​មឞើស​ងក៝ច​មា​មពោល​អ៝ស​នោ​គ៝ប់ អ៝ន់​ខាន់​ពាង់​ហាន់​តា​ឞ្រី​កាលីលេ ​រី តា​នតុក​នៃ​ខាន់​ពាង់​ឆៃ​គ៝ប់”។
MAT 28:11 ទោល​ផូង​ឞូ​អូរ​នៃ​ហាន់​រ៝ៈ​ត្រ៝ង គែស​ផូង​តាហែន​អី​ញជ្រាង់​មោច​នៃ​នើស​អាបាៈ​លាប់​តា​ប៝ន មឞើស​ងក៝ច​ទឹង​លែៈ​នាវ​គែស​អី​នៃ​នើស​អ៝ន់​មា​មពោល​កោរាញ​ជាន​ឞ្រាស។
MAT 28:12 មពោល​កោរាញ​ជាន​ឞ្រាស តឹម​ម៝ប់​តឹម​ញច្រាៈ​ដាស​មពោល​កោរាញ​ផូង​អីឆ្រាអែល  ខាន់​ពាង់​តឹម​ទី​ទូ​នតោរ​នាវ​អ៝ន់​ព្រាក់​អ៝ក់​ងាន់​មា​ផូង​តាហែន‌
MAT 28:13 នហ៝​មា​នតុម​ខាន់​ពាង់​កើត​នអា៖ “អ៝ន់​ខាន់​មៃ​លាស៖ «នទុត​ហេន​ហាក់​ឞិច​គែស​មពោល​អ៝ស​ម៝ន​ពាង់​ហាន់​អា​មាង់​ឆ៝ៈ​នតុង​ឆាក់​ពាង់»។
MAT 28:14 លាស​កោរាញ​ក្វ៝ង់​ពីលាត ​គឹត​នាវ​អ្យា ហេន​មរា​មឞើស​មា​ពាង់។ ខាន់​មៃ​មោ​ច្រាវ​អោស​គែស​ទោយ្ស”។
MAT 28:15 ជេសរី​ខាន់​ពាង់​ឆ៝ៈ​ទើន​ព្រាក់​អី​នៃ ជាន​កើត​នាវ​ឞូ​ដាៈ​មា​ខាន់​ពាង់។ នាវ​អី​នៃ​គឹត​លឺ​លាម​ផូង​អីឆ្រាអែល  នហ៝​មា​ត៝ត់​នារ​អ្យា។
MAT 28:16 ជេសរី ១១ នុយ្ស​មពោល​កោរាញ​អ៝ស​ម៝ន​ហាន់​តា​ឞ្រី​កាលីលេ  ត៝ត់​តា​យោក​នតុក​ឞ្រាស​យេឆូ ​លែៈ​មឞើស​មា​ខាន់​ពាង់។
MAT 28:17 ត៝ត់​ខាន់​ពាង់​ឆៃ​ឞ្រាស​យេឆូ  ខាន់​ពាង់​យើក​មឞាស​មា​ពាង់ យើន​មា​គែស​ឞូនុយ្ស​អាបាៈ​ហោម​អែ​វិ​វែៈ​មា​ពាង់។
MAT 28:18 ឞ្រាស​យេឆូ ​ហាន់​តា​ខាន់​ពាង់ ជេសរី​លាស​មា​ខាន់​ពាង់៖ “លែៈ​នាវ​ទើយ​តា​ត្រោក នអ៝ប់​មា​តា​នែស​នតូ​លែៈ​ឞឹ​អ៝ន់​ជេស​មា​គ៝ប់​ទាទេ។
MAT 28:19 លាស​នទ្រី​ហាន់​ហ៝ម់​អាប់​នទុល​មពោល​ឞូនុយ្ស​តា​នែស​នតូ​អ្យា ញជេង​ខាន់​ពាង់​ជេង​អ៝ស​ម៝ន​គ៝ប់ ជេសរី​ជាន​បាប់តែម​យុក​ខាន់​ពាង់​មា​ទាក តា​រាញា​ឞឹ តា​រាញា​គ៝ប់​អី​ក៝ន​ពាង់ នទ្រែល​មា​តា​រាញា​ឞ្រាស​ហ្វេង​អ្វែស​អី​ក្ល៝ស​អ្វែស។
MAT 28:20 ជេសរី​នតុម​នតី​អ៝ន់​ខាន់​ពាង់​អ្យាត់​ទឹង​លែៈ​នាវ​គ៝ប់​លែៈ​ដាៈ​មា​ខាន់​មៃ​នើស។ អ៝ន់​ហោម​កាស​គឹត​នឹង៖ គ៝ប់​ហោម​អែ​គុ​នឹង​នទ្រែល​ខាន់​មៃ​នហ៝​មា​ត៝ត់​នារ​លោច​នែស​នតូ​អ្យា”៕៚
MAR 1:1 អ្យា​នតើម​នាវ​មហែ​មហាន​អ្វែស​មា​ឞ្រាស​យេឆូ​ក្រីស ​អី​ក៝ន​កោរាញ​ឞ្រាស​នើម។
MAR 1:2 តា​ឆ៝ម់បុត​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស រាញា​អេឆាយ ​លែៈ​ញចីស​លាស៖ «កោរាញ​ឞ្រាស​លាស៖ «អ្វាញ់​យឹ គ៝ប់​ដាៈ​ទូ​ហ្វេ​ឞូនុយ្ស​ហាន់​ល៝រ​នទ្រាប់​នូយ្ស​នហ៝ម់​ឞូនុយ្ស​អ៝ន់​មៃ តឹម​ឞាន​ឞូ​ក្វាយ្ស​ត្រ៝ង មឞើស​មា​ឞូ​មៃ​ហាន់​ឞើស​កើយ។
MAR 1:3 ឞូនុយ្ស​អី​នៃ​នតែរ​តា​ឞ្រី​រាទាស​លាស៖ «នទ្រាប់​ហ៝ម់​នូយ្ស​នហ៝ម់​អ៝ន់​មា​កោរាញ​ឞ្រាស តឹម​ឞាន​មា​ឞូនុយ្ស​ក្វាយ្ស​ត្រ៝ង‌ ញឆ៝ង់​ត្រ៝ង​អ៝ន់​មា​កាដាច់​ហាន់»»»។
MAR 1:4 នទ្រី​នាវ​ងក៝ច​អី​នៃ​លែៈ​ត៝ត់​ហើយ គែស​ទូ​ហ្វេ​ឞូនុយ្ស​រាញា​យោហាន ​គុ​តា​ឞ្រី​រាទាស ពាង់​មឞើស​ងក៝ច​មា​ប៝ន​លាន​រាគ៝ល់​លើយ​នូយ្ស​នហ៝ម់​អ្យើស នហ៝​មា​ទើន​នាវ​យុក​មា​ទាក អី​ឞូ​ក្វាល់​«បាប់តែម» គៃ​មា​ញហើ​ខាន់​ពាង់​អុច​តឹង​នាវ​កោរាញ​ឞ្រាស នទ្រី​ទឹង​កោរាញ​ឞ្រាស​យោៈ​នអាច​មោ​ហោម​អោស​កើប​នាវ​តីស​ខាន់​ពាង់។
MAR 1:5 គែស​អ៝ក់​ឞូនុយ្ស​តា​ឞ្រី​យូដា  នទ្រែល​មា​តា​ប៝ន​ក្វ៝ង់​យេរូឆាលឹម ​ហាន់​រាន​អា​ពាង់​ទាទេ។ ខាន់​ពាង់​គឹត​ឆាក់​ខាន់​ពាង់​នើម​តីស​មឞើស​រ៝ ជេសរី​យោហាន ​ជាន​បាប់តែម​យុក​ខាន់​ពាង់​មា​ទាក​តា​ទាក​រាលាយ​យោរដាន់ ​រី។
MAR 1:6 ល៝ង់​យោហាន ​ពាង់​ញឆ៝ស​អាវ​ជ៝ង​ជាន​មា​រាឆៅ​ឆែស​ឆាមោ វាន់​រាឆែ​ឞុត​ជាន​មា​នតោ ពាង់​ឆា​ក្រាស​នទ្រាច​ដាស​ទាក​ឆុត។
MAR 1:7 ពាង់​មឞើស​ងក៝ច​មា​ផូង​ប៝ន​លាន៖ “គែស​ទូ​ហ្វេ​កោរាញ ពាង់​ហាន់​ឞើស​កើយ​គ៝ប់​ឞើយ​មា​ត៝ត់​ជេស ពាង់​គែស​នាវ​ទើយ​រាលាវ​គ៝ប់​ងាន់។ តា​នាប់​ពាង់​គ៝ប់​ជេង​ឞូនុយ្ស​ជេៈ​លេៈ​ទើម ឞ៝ល​លាស​គ៝ប់​កុញ​ឆើម​ទ្រ៝ស​នតោ​ជ៝ត​ពាង់ ហោម​អែ​មោ​ហ៝ៈ​ទី​ដាស​នាវ​ជាន​ការ​ពាង់​ដ៝ង់។
MAR 1:8 គ៝ប់​ជាន​បាប់តែម​អ៝ន់​ខាន់​អៃ​មៃ​យុក​មា​ទាក​ទើម ល៝ង់​ពាង់​អី​នៃ​ជាន​បាប់តែម​អ៝ន់​ខាន់​អៃ​មៃ​មា​ឞ្រាស​ហ្វេង​អ្វែស​អី​ក្ល៝ស​អ្វែស”។
MAR 1:9 ត៝ត់​នារ​ឞើស​កើយ​ឞ្រាស​យេឆូ ​អី​តាៈ​ឞើស​ប៝ន​នាឆារែត ​ឞ្រី​កាលីលេ ​ពាង់​ហាន់​ត៝ត់​តា​នតុក​យោហាន ​ជាន​បាប់តែម​នៃ ជេសរី​យោហាន ​ជាន​បាប់តែម​មា​ឞ្រាស​យេឆូ ​យុក​មា​ទាក​តា​ទាក​រាលាយ​យោរដាន់ ។
MAR 1:10 ជេស​យុក​ពាង់​តា​ទាក​រី លោស​ប្លូ​ឞើស​ទាក​រី ឞ្រាស​យេឆូ ​ឆៃ​ត្រោក​ពើក​ឞ៝ង់​លាហឺរ ជេសរី​គែស​ឞ្រាស​ហ្វេង​អ្វែស​ជុរ​ទ្រ៝ម់​តា​ពាង់​អ្វាញ់​តឹម​ឞាន​មា​ព្លុក។
MAR 1:11 ទោល​នៃ​គែស​តាង់​នតែស​ឞ៝រ់​តាៈ​ឞើស​កាលើ​ត្រោក​លាស៖ “មៃ​អី​ក៝ន​គ៝ប់​រ៝ង់ គ៝ប់​រាម់​រាហើន​មៃ​ហោ​ងាន់​ងេន”។
MAR 1:12 ជេស​ឞើស​នៃ​ឞ្រាស​ហ្វេង​អ្វែស​ដាៈ​ឞ្រាស​យេឆូ ​ទូ​ហាន់​អា​ឞ្រី​រាទាស។
MAR 1:13 ពាង់​គុ​តា​នតុក​នៃ ៤០ នាង់ ៤០ នារ គែស​ឆាតាង់ ​អី​កោរាញ​មពោល​ឞ្រាស​អ្យើស​នទើម​ពាង់​ដ៝ង់។ ពាង់​គុ​នទ្រែល​មពោមពា​(ឆ្យុម)​ឞ្រី​តា​នតុក​នៃ គែស​មពោល​តោង​ពារ់​ឆើម​កើល​ជាន​ការ​មា​ពាង់​ដ៝ង់។
MAR 1:14 លែៈ​ជេស​ឞូ​ញុប​យោហាន-​បាប់តែម ​ក្រុង​តា​នទ្រូង ជេសរី​ឞ្រាស​យេឆូ ​ហាន់​តា​ឞ្រី​កាលីលេ ​នហ៝​មា​មឞើស​ងក៝ច​នាវ​មហែ​មហាន​អ្វែស​កោរាញ​ឞ្រាស។
MAR 1:15 ពាង់​លាស៖ “ម៝ង​លែៈ​ត៝ត់​ជេស នាវ​កោរាញ​ឞ្រាស​ម៝ត់​អ្វាញ់​ខាន់​អៃ​មៃ​លែៈ​ទាច់​ងាន់​រ៝។ លាស​នទ្រី​រាគ៝ល់​ហ៝ម់​នូយ្ស​នហ៝ម់​អ្យើស​ខាន់​អៃ​មៃ ជេសរី​ញឆីង​មា​នាវ​មហែ​មហាន​អ្វែស​អ្យា​ទោ!”
MAR 1:16 គែស​ទូ​នារ​រី​ឞ្រាស​យេឆូ ​ហាន់​ឞ្រោៈ​រ៝ៈ​មែង​ទាក​ងលៅ​ក្វ៝ង់​កាលីលេ ពាង់​ឆៃ​ឞារ​ហៃ​អ៝ស​នោ​គុ​ឆែង​ជាល​តា​ទាក​នៃ អី​នោ​រាញា​ឆីមោន  នទ្រែល​មា​អ៝ន់ទ្រេ ​អី​អ៝ស។ ឞារ​ហៃ​ខាន់​ពាង់​អី​នៃ​ជេង​ឞូនុយ្ស​ជាន​ការ​វាង់​កា​ទើម។
MAR 1:17 ជេសរី​ឞ្រាស​យេឆូ ​លាស​មា​ខាន់​ពាង់៖ “ហើយ​អ៝ស​នោ ហោៈ​តឹង​គ៝ប់គ៝ប់​អ៝ន់​ខាន់​មៃ​ហាន់​ជ៝យ​ឞូនុយ្ស​អ្យាត់​នាវ​គ៝ប់ តឹម​ឞាន​មា​ឆែង​កា”។
MAR 1:18 ទោ​មា​ឞារ​ហៃ​ខាន់​ពាង់​រី​នត្លើយ​ជាល​ព្រុង​តា​នៃ ជេសរី​តឹង​ឞ្រាស​យេឆូ ​រ៝។
MAR 1:19 ជេសរី​ឞ្រាស​យេឆូ ​ហាន់​ជឹត​នាប់ ពាង់​ឆៃ​ឞារ​ហៃ​អ៝ស​នោ​យាកើ  នទ្រែល​មា​យោហាន ​គុ​ឆុល​ជាល​តា​ទូក​រី ឞារ​ហៃ​ខាន់​ពាង់​នៃ​អី​ក៝ន​ឆេបេដេ ។
MAR 1:20 ត៝ត់​ឆៃ​ខាន់​ពាង់​តា​រី ឞ្រាស​យេឆូ ​ជាៈ​រ៝ ជេសរី​ខាន់​ពាង់​នត្លើយ​អី​ឞឹ នទ្រែល​មា​មពោល​អី​ពាង់​ងខោម​ជាន​ការ​មា​ពាង់​តា​រី ហាន់​តឹង​ឞ្រាស​យេឆូ ​រ៝។
MAR 1:21 ជេសរី​ឞ្រាស​យេឆូ  នទ្រែល​មា​មពោល​អ៝ស​ម៝ន​ពាង់​ហាន់​តា​ប៝ន​កាពើនិម ។ ត៝ត់​នារ​ឆាបាត់ ​អី​នារ​រាលូ​ផូង​អីឆ្រាអែល ​ពាង់​លាប់​នតុម​នតី​តា​ញីស​រាបុន​ផូង​អីឆ្រាអែល ។
MAR 1:22 ឞូ​នទ្រ៝ត់​ញហីស​ងាន់​តាង់​នាវ​ពាង់​នតី​អី​នៃ។ នាវ​ពាង់​នតី​នើស​គែស​នាវ​ទើយ មោ​អោស​តឹម​ឞាន​មា​ផូង​នើម​នតី​នាវ​វៃ​ផូង​អីឆ្រាអែល ។
MAR 1:23 តា​ញីស​រាបុន​នៃ គែស​ទូ​ហ្វេ​ឞូ​ក្លោ​លាប់​តា​នៃ​ឞ្រាស​អ្យើស​គុ​តា​ឆាក់​ពាង់​ដ៝ង់ ពាង់​នតែរ៖
MAR 1:24 “អើ​យេឆូ ​តាៈ​ឞើស​ប៝ន​នាឆារែត ! លើយ​មៃ​រាខ្វាក​ហេន មៃ​ហាន់​អុច​លើស​លើយ​ហេន​ឞើស? គ៝ប់​នាល់​មៃ​ងាន់ មៃ​អី​នៃ​អី​ឞូនុយ្ស​ក្ល៝ស​អ្វែស​តាៈ​ឞើស​កោរាញ​ឞ្រាស”។
MAR 1:25 ឞ្រាស​យេឆូ ​ទែ​មឞ្រាម​ឞ្រាស​អ្យើស​អី​នៃ៖ “លើយ​ហោម​ងើយ គុ​អ្យាត់​ឆាក់​រាក្លាក់​ហ៝ៈ ទូ​លោស​ឞើស​ឞូនុយ្ស​អី​នៃ​ហ៝ម់!”
MAR 1:26 ជេស​តាង់​ឞ្រាស​យេឆូ ​លាស​នទ្រី​ឞ្រាស​អ្យើស​លើស​ឞូនុយ្ស​អី​នៃ​ចោត​ទុល​ញឆ្ល៝ង់​ឆ៝ង់​ឆា នតែរ​លុង​ល៝ច​ងាន់​លោស​ប្ហុច​ឞ្រាស​អ្យើស​អី​នៃ។
MAR 1:27 ទឹង​លែៈ​ឞូនុយ្ស​ឆៃ​កើត​នៃ​នើស នទ្រ៝ត់​ហីស​រាហ៝ល់​ទាទេ​ងាន់ ជេសរី​តឹម​អោប​នទ្រាង់​ខាន់​ពាង់​នើម៖ “យេ! លែៈ​នាវ​ងាន់​ហៃ! នាវ​នតុម​នតី​ពាង់​អី​នៃ​មហែ​ងាន់​ហៃ នអ៝ប់​មា​គែស​នាវ​ទើយ​ដ៝ង់។ ឞ៝ល​លាស​ឞ្រាស​អ្យើស​អ្យាត់​នាវ​ពាង់​ដាៈ​ដ៝ង់”។
MAR 1:28 ជេសរី​គើញ​ងាន់​ឞូ​លឺ​ពាង់​ហោ​លាម​ឞ្រី​កាលីលេ ។
MAR 1:29 ជេសរី​ឞ្រាស​យេឆូ ​លោស​ឞើស​ញីស​រាបុន​អី​នៃ ហាន់​ឞ្រ៝ង់​តា​ជៃ​ឞារ​ហៃ​អ៝ស​នោ ឆីមោន  នទ្រែល​អ៝ន់ទ្រេ ។ យាកើ  នទ្រែល​មា​យោហាន ​ហាន់​នទ្រែល​ដ៝ង់។
MAR 1:30 ល៝ង់​អី​មេៈ​ព៝​ឆីមោន ​រី​ជី​ក៝ប​ឞិច​តា​គ្រែ​រី។ ត៝ត់​តា​នៃ​ឞូ​មឞើស​មា​ឞ្រាស​យេឆូ ​រ៝​នាវ​ជី​ក៝ប​ពាង់។
MAR 1:31 ឞ្រាស​យេឆូ ​ហាន់​រាន​តា​ពាង់ ញុប​តី​រាទ៝ក់​ពាង់។ នាវ​ជី​ក៝ប​ឞាស​រ៝ ជេសរី​ពាង់​ជាន​ព្យាង់​ត្រាវ​មា​ខាន់​ពាង់។
MAR 1:32 ត៝ត់​ឞ្រី​កេង​មាង់​នោក​នារ​លែៈ​ញ៝ប់ លែៈ​ឞូនុយ្ស​គែស​នាវ​ជី នទ្រែល​មា​ឞូនុយ្ស​ឞ្រាស​អ្យើស​លាប់ ឞូ​លែវ​ហាន់​អា​ឞ្រាស​យេឆូ ​ទាទេ។
MAR 1:33 គែស​អ៝ក់​ងាន់​ឞូនុយ្ស​តា​ប៝ន​នៃ​គុ​គូម​តា​មពោង​ជៃ​រី​ទាទេ។
MAR 1:34 ជេសរី​គែស​អ៝ក់​ឞូនុយ្ស​ឞ្រាស​យេឆូ ​ជាន​ឞាស​អាប់​នតីល​នាវ​ជី​តា​ខាន់​ពាង់ មព្រើស​ឞ្រាស​អ្យើស​ទូ​លោស​ឞើស​ឞូនុយ្ស​ដ៝ង់។ ពាង់​ឞ្វៃ​ឞ្រាស​អ្យើស​មោ​អោស​អ៝ន់​ងើយ យ៝រ​លាស​ផូង​ឞ្រាស​អ្យើស​លែៈ​នាល់​ពាង់។
MAR 1:35 កាស​អើម​អោយ​ឞ្រី​ហោម​ង៝ ឞ្រាស​យេឆូ ​ទ៝ក់​ឞិច​ហាន់​ទូ​ហ្វេ​អេង​តា​នតុក​ឞ្រី​រាទាស​ងាយ​ដាស​ឞូនុយ្ស ជេសរី​មឞើស​ឆើម​តា​នតុក​នៃ។
MAR 1:36 ឆីមោន  នទ្រែល​មា​មពោល​អី​គុ​នទ្រែល​ពាង់ ហាន់​ជ៝យ​ឞ្រាស​យេឆូ ។
MAR 1:37 ត៝ត់​មា​ឆៃ​ពាង់ ខាន់​ពាង់​លាស៖ “អ៝ក់​ងាន់​ឞូនុយ្ស​អុច​ជ៝យ​មៃ​មេៈ”។
MAR 1:38 ឞ្រាស​យេឆូ ​លាស​មា​ខាន់​ពាង់៖ “ហោៈ​ឞ៝ន់​ឞ្រោៈ​រ៝ៈ​ប៝ន​អី​ទាច់ៗ​តា​អ្យា។ គ៝ប់​ឞែ​មា​មឞើស​ងក៝ច​នាវ​មហែ​មហាន​អ្វែស​អ៝ន់​មា​ប៝ន​អី​នៃ នទ្រី​ទឹង​គ៝ប់​ហាន់​ត៝ត់​តា​អ្យា”។
MAR 1:39 ជេសរី​ឞ្រាស​យេឆូ ​ហាន់​មឞើស​ងក៝ច​នាវ​មហែ​មហាន​អ្វែស​តា​ញីស​រាបុន​ផូង​អីឆ្រាអែល ​លាម​ឞ្រី​កាលីលេ ​នហ៝​មា​មព្រើស​ឞ្រាស​អ្យើស​ទូ​លោស​ឞើស​ឞូនុយ្ស​អ៝ក់​ដ៝ង់។
MAR 1:40 គែស​ទូ​ហ្វេ​ឞូ​ក្លោ​ផុង​ឆា​ហាន់​ច៝ន​កោម៝ក់​ឞ៝ញ​ឞ្រាស​យេឆូ ៖ “ទាន់​មៃ​យោៈ​នអាច​មា​គ៝ប់​អើ! គ៝ប់​លែៈ​គឹត​មៃ​ទើយ​ជាន​ឆាក់​គ៝ប់​អ៝ន់​ក្ល៝ស​អ៝ន់​ឞាស​ជី លាស​មៃ​អុច”។
MAR 1:41 ឞ្រាស​យេឆូ ​យោៈ​នអាច​មា​ឞូ​ក្លោ​ផុង​ឆា​នៃ។ ឞ្រាស​យេឆូ ​នតា​តី​ពាស​តា​ឆាក់​ពាង់​រី ជេសរី​លាស​មា​ឞូនុយ្ស​ផុង​ឆា​អី​នៃ៖ “អើ គ៝ប់​អុច​ដ៝ង់ ឞាស​ហ៝ម់!”
MAR 1:42 ជេស​ឞ្រាស​យេឆូ ​ងើយ​រី ឞូ​ក្លោ​ផុង​ឆា​អី​នៃ​ទោ​មា​ឞាស​អ្វែស​ក្ល៝ស​រាងុច​រ៝។
MAR 1:43 ជេសរី​ឞ្រាស​យេឆូ ​ដាៈ​ពាង់​ឆឹត នហ៝​មា​ឞ្វៃ​ពាង់៖
MAR 1:44 “មៃ​លើយ​អោស​មឞើស​ងក៝ច​នាវ​អី​អ្យា​អ៝ន់​ឞូ​គឹត អ៝ន់​មៃ​ហាន់​ឞ្រ៝ង់​ញហើ​ឆាក់​មា​ឞូនុយ្ស​ជាន​ឞ្រាស​រី ជេសរី​ញហើរ​នទើ​ជាន​ឞ្រាស​តឹង​នាវ​វៃ​មោឆេ ​ដាៈ​មា​ឞូនុយ្ស​ឞាស​នាវ​ជី​ផុង​ឆា គៃ​មា​ឞូ​គឹត​នហេល​ឆាក់​មៃ​លែៈ​ក្ល៝ស​ងាន់​រ៝”។
MAR 1:45 តីស​មា​ឞូ​ក្លោ​អី​នៃ​មឞូង​រាបើច​ហាន់​មឞើស​ងក៝ច​មា​ឞូ​រ៝ ពាង់​មឞើស​ងក៝ច​នាវ​អី​នៃ​អ៝ន់​ឞូ​គឹត​លាម​អាប់​នតុក​អាប់​នតោ។ អាច​មា​ងក៝ច​នទ្រី ឞ្រាស​យេឆូ ​ទែរ​មោ​ហោម​អោស​ទើយ​លាប់​តា​ប៝ន​ក្វ៝ង់​កើត​អា​ល៝រ​នើស ពាង់​គុ​ឞើស​ទីស​ប៝ន ជេសរី​ហោម​គែស​ឞូនុយ្ស​តាៈ​ឞើស​អាប់​ញជោញ​អាប់​ញជាញ់​ហាន់​អា​ពាង់​នៃ។
MAR 2:1 ត៝ត់​ជ៝ៈ​ឞារ​ពែ​នារ​រី ឞ្រាស​យេឆូ ​ព្លឹ​តៃ​តា​ប៝ន​កាពើនិម ។ ឞូនុយ្ស​តា​ប៝ន​នៃ​តាង់​លឺ​ពាង់​លែៈ​ព្លឹ​ឆឹត​តៃ​គុ​តា​ជៃ។
MAR 2:2 គែស​ឞូនុយ្ស​រាន​តា​ជៃ​នៃ​អ៝ក់​មពឺម​ងាន់ ជ៝យ​នតុក​មា​គុ​មោ​គែស​អោស ឞ៝ល​លាស​ឞើស​ទីស​មពោង​មោ​ហោម​គែស​ដ៝ង់។ ជេសរី​ឞ្រាស​យេឆូ ​មឞើស​ងក៝ច​នាវ​កោរាញ​ឞ្រាស​អ៝ន់​មា​ខាន់​ពាង់​តា​នៃ។
MAR 2:3 ជេសរី​គែស​ឞូនុយ្ស​ព្វាន់​នុយ្ស​ហាន់​ឞើស​កើយ​តូង​ទូ​ហ្វេ​ឞូ​ក្លោ​រាវែន​ជ៝ង់​រាវែន​តី ហាន់​អា​ឞ្រាស​យេឆូ ។
MAR 2:4 ត៝ត់​តា​ជៃ​នៃ​ជ៝យ​ត្រ៝ង​លាប់​ហាន់​តា​ឞ្រាស​យេឆូ ​មោ​ឆៃ​អោស យ៝រ​មា​គែស​ឞូនុយ្ស​អ៝ក់​អីរ។ កើត​នទ្រី​ខាន់​ពាង់​លោក​ត្រោម​កាលើ​ច៝រ​ជៃ​តឹម​ឆ៝ង់​នតុក​ឞ្រាស​យេឆូ ​គុ ជេសរី​ញជុរ​ឞូ​ក្លោ​រាវែន​អី​ឞិច​តា​មឞេល​នៃ​រ៝ៈ​ត្រោម​នៃ។
MAR 2:5 ឞ្រាស​យេឆូ ​ឆៃ​ខាន់​ពាង់​គែស​នាវ​ញឆីង​ពាង់​ទើយ​ជាន​ឞាស​នាវ​ជី​កើត​នៃ ពាង់​លាស​មា​ឞូនុយ្ស​រាវែន​អី​នៃ៖ “ហើយ​អ៝ស គ៝ប់​លែៈ​យោៈ​មៃ មោ​ហោម​អោស​កើប​នាវ​តីស​តា​មៃ”។
MAR 2:6 តា​នៃ​គែស​ផូង​នើម​នតី​នាវ​វៃ​ផូង​អីឆ្រាអែល ​អាបាៈ​ងក្ល៝ន់​អេង​តា​តោរ៖
MAR 2:7 “ហឺស! មើម​ទឹង​ពាង់​ឞាញ់​ងើយ​មឺច​រាម៝ត​កោរាញ​ឞ្រាស​កើត​នទ្រី? គែស​ទូ​ហ្វេ​កោរាញ​ឞ្រាស​ទើម​ទើយ​យោៈ​ឞូនុយ្ស មោ​ហោម​អោស​កើប​មោ​ហោម​អោស​ក្លាប់​នទាង់​នាវ​តីស!”
MAR 2:8 យើន​មា​ឞ្រាស​យេឆូ ​គឹត​រ៝​លែៈ​នាវ​ខាន់​ពាង់​ងក្ល៝ន់​កើត​នៃ ពាង់​លាស​មា​ខាន់​ពាង់៖ “មើម​ទឹង​ខាន់​មៃ​គែស​នាវ​មឹន​កើត​នអៃ?
MAR 2:9 អ៝ន់​ខាន់​មៃ​គឹត​នាវ​អ្យា លាស​គ៝ប់​លាស​មា​ឞូ​ក្លោ​រាវែន​នៃ «នាវ​តីស​មៃ​លែៈ​គ៝ប់​យោៈ​ហើយ» មោ​លាស «មៃ​ទ៝ក់​ញអោត​មឞេល​ឞ្រោៈ​ហ៝ម់» លាស​នទ្រី​ម៝ស​នាវ​លាស​អី​ទើស​រាលាវ​ហាៈ?
MAR 2:10 គ៝ប់​អុច​អ៝ន់​ខាន់​មៃ​គឹត​ឆៃ គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស នទ្រី​ទឹង​គ៝ប់​ទើយ​យោៈ​នាវ​តីស​ឞូនុយ្ស​តា​នែស​នតូ​អ្យា”។ ជេសរី​ឞ្រាស​យេឆូ ​លាស​មា​ឞូ​ក្លោ​រាវែន​អី​នៃ៖
MAR 2:11 “មៃ​ទ៝ក់​ហ៝ម់! មៃ​ញអោត​មឞេល​មៃ​នៃ​ឆឹត​អា​ជៃ​មៃ​នើម​រី”។
MAR 2:12 ពាង់​ទ៝ក់​ដើប​ឞើស​មឞេល​នៃ​រ៝ ញអោត​មឞេល​ពាង់​នើម​នៃ​ហាន់​ឆឹត​លាប់​រ៝ៈ​ងក្លាង​ផូង​ឞាល់​អ៝ក់។ ល៝ង់​លែៈ​ឞូនុយ្ស​អី​គុ​តា​នៃ​គែស​នាវ​នទ្រ៝ត់​ហីស​រាហ៝ល់ ខាន់​ពាង់​រានេ​មា​កោរាញ​ឞ្រាស នហ៝​មា​លាស៖ “ឞ៝ន់​មោ​អោស​វៃ​ឆៃ​នាវ​អ្យា​កាល់​ទឹ​ត៝!”
MAR 2:13 ជេសរី​ឞ្រាស​យេឆូ ​ហាន់​រ៝ៈ​មែង​ទាក​ងលៅ​ក្វ៝ង់​កាលីលេ ​ទូ​តឹ​ជឹត ផូង​ប៝ន​លាន​អ៝ក់​ងាន់​ហាន់​តា​ពាង់ពាង់​នតុម​នតី​អ៝ន់​មា​ខាន់​ពាង់។
MAR 2:14 ជេស​នតុម​នតី​នៃ​ពាង់​លោស​ឞើស​នៃ​ឞ្រោៈ​តៃ​ជឹត​នាប់ ជេសរី​ឆៃ​ទូ​ហ្វេ​ឞូនុយ្ស​រាញា​លេវី ​អី​ក៝ន​អាល់ផាយ ​គុ​ក៝ប់​ឆ៝ៈ​ព្រាក់​ប៝ន​លាន​មា​អ៝ន់​កោរាញ​ម៝ត់​អ្វាញ់ ពាង់​គុ​តា​នតុក​ពាង់​វៃ​ឆ៝ៈ​ព្រាក់។ ឞ្រាស​យេឆូ ​លាស​មា​ពាង់៖ “ហោៈ​ឞ្រោៈ​តឹង​គ៝ប់”។ ពាង់​ទ៝ក់​ឞើស​នៃ ជេសរី​តឹង​ឞ្រាស​យេឆូ ​រ៝។
MAR 2:15 តា​នារ​នៃ​លេវី ​ជាៈ​ឞ្រាស​យេឆូ  នទ្រែល​មា​មពោល​អ៝ស​ម៝ន​ហាន់​ឆោង​ឆា​តា​ជៃ​ពាង់​នើម។ តា​ជៃ​នៃ​គែស​ឞូនុយ្ស​ឆ៝ៈ​ព្រាក់​ប៝ន​លាន នទ្រែល​មា​ឞូនុយ្ស​តីស​អាបាៈ​អេង​គែស​អ៝ក់​គុ​ឆោង​ឆា​នទ្រែល​ដ៝ង់។ គែស​ឞូនុយ្ស​អី​កើត​នៃ​អ៝ក់​ងាន់​ហាន់​តឹង​ឞ្រាស​យេឆូ ។
MAR 2:16 ត៝ត់​ឆៃ​ឞ្រាស​យេឆូ ​គុ​ឆោង​ឆា​នទ្រែល​ផូង​ឞូនុយ្ស​តីស​នៃ ផូង​នើម​នតី​នាវ​វៃ​ផូង​អីឆ្រាអែល ​ជេង​ផូង​ផារីឆី ​ដ៝ង់ លាស​មា​អ៝ស​ម៝ន​ពាង់៖ “មើម​ទឹង​ឞូនុយ្ស​អី​នៃ​គុ​ឆោង​ឆា​នទ្រែល​ឞូនុយ្ស​ឆ៝ៈ​ព្រាក់​ប៝ន​លាន នទ្រែល​មា​ឞូនុយ្ស​ជាន​តីស​អេង​កើត​នៃ?”
MAR 2:17 ជេស​ឞ្រាស​យេឆូ ​តាង់​ខាន់​ពាង់​លាស​កើត​នៃ ពាង់​លាស៖ “ឞូនុយ្ស​គែស​ឆាក់​ជាន់​អ្វែស​មោ​អុច​អោស​មា​កោរាញ​ទាក​ឆី ឞូនុយ្ស​អី​គែស​នាវ​ជី​ទើម​អុច។ នទ្រី​ទឹង​គ៝ប់​វាច់​តា​អ្យា​មោ​អោស​គៃ​មា​ក្វាល់​ឞូនុយ្ស​ឆ៝ង់ អុច​ក្វាល់​ឞូនុយ្ស​តីស គៃ​មា​កើល​ខាន់​ពាង់”។
MAR 2:18 ល៝ង់​គែស​ទូ​នារ​មពោល​អ៝ស​ម៝ន​យោហាន-​បាប់តែម  នទ្រែល​មា​មពោល​ផារីឆី ​ខាន់​ពាង់​អ៝ត់​ឆោង​ឆា។ ជេសរី​គែស​ឞូ​ហាន់​អោប​ឞ្រាស​យេឆូ ៖ “មពោល​អ៝ស​ម៝ន​យោហាន-​បាប់តែម  នទ្រែល​មា​មពោល​អ៝ស​ម៝ន​ផូង​ផារីឆី ​អ៝ត់​ឆោង​ឆា មើម​ទឹង​មពោល​អ៝ស​ម៝ន​មៃ​មោ​អ៝ត់?”
MAR 2:19 ឞ្រាស​យេឆូ ​លាស​មា​ខាន់​ពាង់៖ “នោក​តឹម​នអាប់​អូរ​ឆាយ ឞូ​នាច់​វៃ​អ៝ត់​ឆោង​ឆា​ដ៝ង់​ឞើស? មោ​វៃ​អោស។ អ្យាត់​មា​អី​ឆាយ​មហែ​ហោម​គុ​នទ្រែល​តា​រី នាវ​តឹម​នអាប់​នៃ​អេ​ហ៝ៈ​លោច​អោស។
MAR 2:20 គ៝ប់​តឹម​ឞាន​មា​ឞូ​ក្លោ​នអាប់​អូរ​ឆាយ ត៝ត់​ទី​នារ​រី​តៃ​ឞូ​តឹម​ងខាស​គ៝ប់​ដាស​មពោល​អ៝ស​ម៝ន​គ៝ប់ តា​នារ​អី​នៃ​ខាន់​ពាង់​អ៝ត់​ឆោង​ឆា។
MAR 2:21 ឞូ​មោ​វៃ​អោស​ឆ៝ៈ​ឞ៝ក​មហែ​អេ​ហ៝ៈ​ពីស​មឞោល​តា​អាវ​លែៈ​ឆាត។ លាស​ជាន​កើត​នៃ​ឞ៝ក​អី​ឆាត​រី​លើ​មា​ហោ​ហេក​រាលាវ​អើម​ងាន់ យ៝រ​មា​អី​ឞ៝ក​មហែ​នៃ​ជេង​រោត​នោក​ជេស​ពីស។
MAR 2:22 កើត​នទ្រី​ដ៝ង់ ឞូ​មោ​វៃ​អោស​តេៈ​នទ្រាញ់​ព្លៃ​យុងយារ​ប៝ន​មហែ​តា​ទុង​នតោ​អើម លាស​ជាន​កើត​នៃ​នទ្រាញ់​ព្លៃ​យុងយារ​ប៝ន​មហែ​ជាន​អ៝ន់​ទុង​នតោ​អី​នៃ​ព្រែក នទ្រាញ់​ហុក​ដ៝ង់ ជេសរី​ទុង​នតោ​អី​នៃ​ជេង​ឆាត​ដ៝ង់ យ៝រ​លាស​ទុង​នតោ​អើម​មោ​ហោម​អោស​ត៝ច។ ឞូ​តេៈ​នទ្រាញ់​ព្លៃ​យុងយារ​ប៝ន​មហែ​តា​ទុង​នតោ​មហែ”។
MAR 2:23 គែស​ទូ​នារ​ឆាបាត់ ​អី​នារ​រាលូ​ផូង​អីឆ្រាអែល ​ឞ្រាស​យេឆូ  នទ្រែល​អ៝ស​ម៝ន​ពាង់​ហាន់​គ្លាត់​រ៝ៈ​មីរ​ឞា​ព្រាង់  ជេសរី​មពោល​អ៝ស​ម៝ន​ពាង់​រ៝យ្ស​ឞា​ព្រាង់ ​គៃ​មា​ឆា។
MAR 2:24 គែស​ផូង​ផារីឆី ​ហាន់​ឞើស​កើយ​លាស​ឞ្រាស​យេឆូ ៖ “ល៝ង់​មៃ​អ្វាញ់ ម៝ស​ឆី​កោៈ​មពោល​អ៝ស​ម៝ន​មៃ​ជាន​ការ​តា​នារ​ឆាបាត់ ​អ្យា​មេស? ឞ៝ល​លាស​ខាន់​ពាង់​រ៝យ្ស​ដេៈៗ​កើត​នៃ ហោម​អែ​កើប​តីស​ដាស​នាវ​វៃ​នារ​រាលូ​ផូង​ឞ៝ន់​ដ៝ង់”។
MAR 2:25 ឞ្រាស​យេឆូ ​អោប៖ “លាស​នទ្រី​ខាន់​មៃ​លែៈ​ច្វេល​បាស នាវ​ខាន់​មៃ​វៃ​រ៝ៈ​តា​នាវ​កោរាញ​ឞ្រាស​ងើយ? ឞើស​នោក​អាបីយាថារ ​ជាន​កោរាញ​ជាន​ឞ្រាស​ទុត​ក្វ៝ង់ ដាវីត  នទ្រែល​មា​ឞូនុយ្ស​គុ​នទ្រែល​ពាង់​ហោ​ងាន់​ជី​ង៝ត ខាន់​ពាង់​អុច​គែស​នទើ​ឆោង​ឆា។ នោក​នៃ​ដាវីត ​អេ​ហ៝ៈ​ជេង​កាដាច់។ ជេសរី​ដាវីត ​លាប់​តា​ត្រោម​នតុក​ចូន​ឞ៝ក​កោរាញ​ឞ្រាស ពាង់​ឆា​នុមពាង់​អី​ឞូ​តេៈ​ញហើរ​មា​កោរាញ​ឞ្រាស​នៃ នហ៝​មា​ពាៈ​ឞូនុយ្ស​អី​គុ​នទ្រែល​ពាង់​ឆា​ដ៝ង់។ ឞូ​មោ​លាស​ពាង់​ដ៝ង់​ឞ៝ល​លាស​តឹង​មា​នាវ​វៃ​គែស​មពោល​ជាន​ឞ្រាស​ទើម​ទើយ​ឆា​នុមពាង់​អី​នៃ!”
MAR 2:27 ឞ្រាស​យេឆូ ​លាស​ជឹត៖ “កោរាញ​ឞ្រាស​ដាៈ​ក៝ន​ឞូនុយ្ស​រាលូ​តា​នារ​ឆាបាត់ ​គៃ​មា​កើល​ក៝ន​ឞូនុយ្ស មោ​គែស​អោស​ពាង់​ញជេង​ក៝ន​ឞូនុយ្ស​ជាន​ទឹក​មា​នារ​ឆាបាត់ !
MAR 2:28 គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស នទ្រី​ទឹង​គ៝ប់​ជេង​កោរាញ​ម៝ស​នទើ​អី​ទើយ​អ៝ន់​ឞូ​ជាន មោ​លាស​មោ​ទើយ​អ៝ន់​ឞូ​ជាន​តា​នារ​ឆាបាត់ ​អី​នារ​រាលូ”។
MAR 3:1 ជេសរី​ឞ្រាស​យេឆូ ​លាប់​តា​ញីស​រាបុន​ផូង​អីឆ្រាអែល ​ទូ​តឹ​ជឹត តា​នៃ​គែស​ទូ​ហ្វេ​ឞូ​ក្លោ​រាវែន​តី​ទូ​ទីង។
MAR 3:2 ឞូ​អុច​ជ៝យ​នាវ​មា​នតោន​ឞ្រាស​យេឆូ ​ងខេប​លាស​ពាង់​ជាន​ឞាស​ឞូនុយ្ស​ជី​តា​នារ​ឆាបាត់  យ៝រ​លាស​ខាន់​ពាង់​នតី​តា​នាវ​វៃ​ផូង​អីឆ្រាអែល ​មោ​អ៝ន់​អោស​ជាន​ឞាស​ឞូនុយ្ស​ជី​តា​នារ​ឆាបាត់  នទ្រី​ទឹង​ខាន់​ពាង់​អ្វាញ់​ជឹត​ពាង់​លែរ​ងែរ​ងាន់។
MAR 3:3 ជេសរី​ឞ្រាស​យេឆូ ​លាស​មា​ឞូ​ក្លោ​អី​នៃ៖ “ហើយ​អ៝ស មៃ​ទ៝ក់​ហ៝ម់ ហាន់​ទ៝ក់​ឞើស​នាប់​ឞូ​ត៝!”
MAR 3:4 ជេសរី​ឞ្រាស​យេឆូ ​លាស​មា​មពោល​អី​ក៝ប់​អ្វាញ់​ពាង់៖ “គ៝ប់​អោប​ខាន់​មៃ តឹង​នាវ​វៃ​ផូង​ឞ៝ន់​តា​នារ​ឆាបាត់ ​ឞូនុយ្ស​ទើយ​ជាន​នទើ​អ្វែស​មោ​លាស​នទើ​អ្យើស? ទើយ​រាក្លាយ្ស​នាវ​រេស​ឞូនុយ្ស​មោ​លាស​ងខឹត​ពាង់?” ទឹង​លែៈ​ខាន់​ពាង់​គុ​អ្យាត់​ឆាក់​រាក់​ក្លាក់។
MAR 3:5 ឞ្រាស​យេឆូ ​អ្វាញ់​ទឹង​លែៈ​ឞូនុយ្ស​អី​គុ​តា​នៃ ពាង់​ជី​នូយ្ស​រាង៝ត​អេង​ឆាក់​ពាង់​នើម ឆៃ​ខាន់​ពាង់​ទាង់​ក៝​មោ​គែស​នាវ​តឹម​យោៈ។ ជេសរី​ពាង់​លាស​មា​ឞូ​ក្លោ​អី​រាវែន​តី​នៃ៖ “ល៝ង់​មៃ​រ៝ក​តី​មៃ​នៃ​ហ៝ម់!” ជេសរី​ពាង់​រ៝ក​តី​ពាង់​ឞាស​កើត​អើម​ដ៝ង់។
MAR 3:6 ជេសរី​ផូង​ផារីឆី ​អី​គុ​តា​នៃ​លោស​រុច​ព្លុច​ឞើស​ញីស​រាបុន​នៃ ហាន់​ឞ្រ៝ង់​តឹម​ញច្រាៈ​ដាស​ឞាល់​មពោល​ហេរោត-​អ៝ន់តីពាស ​រ៝ គៃ​មា​ជ៝យ​នាវ​មើម​ទឹង​គែស​ងខឹត​ឞ្រាស​យេឆូ ។
MAR 3:7 ជេសរី​ឞ្រាស​យេឆូ ​លោស​ឞើស​នតុក​នៃ​ហាន់​តា​ងលៅ​ក្វ៝ង់​កាលីលេ ​នទ្រែល​មពោល​អ៝ស​ម៝ន​ពាង់។ គែស​អ៝ក់​ផូង​ប៝ន​លាន​ហាន់​តឹង​ពាង់ ផូង​អី​នៃ​តាៈ​ឞើស​ឞ្រី​កាលីលេ ​ឞើស​ឞ្រី​យូដា ‌
MAR 3:8 ឞើស​ប៝ន​ក្វ៝ង់​យេរូឆាលឹម  ឞើស​ឞ្រី​អីដូមេ  ឞើស​កាល់​តី​ទាក​រាលាយ​យោរដាន់  ឞើស​អាប់​នតុក​ជុម​ប៝ន​ក្វ៝ង់​តីរុស  នទ្រែល​មា​ឞើស​អាប់​នតុក​ជុម​ប៝ន​ក្វ៝ង់​ឆីដោន ។ នទ្រី​ទឹង​អ៝ក់​ងាន់​ឞូនុយ្ស​ហាន់​វាច់​អា​ពាង់​នៃ យ៝រ​លាស​តាង់​ឞូ​មឞើស​ងក៝ច​ទឹង​លែៈ​នាវ​ពាង់​ជាន​នើស។
MAR 3:9 ឆៃ​អ៝ក់​អីរ​ប៝ន​លាន​នៃ​ឞ្រាស​យេឆូ ​ដាៈ​មពោល​អ៝ស​ម៝ន​ពាង់​នទ្រាប់​ទូ​មល៝ម់​ទូក​អ៝ន់​មា​ពាង់ ក្លាច​លាស​ផូង​ប៝ន​លាន​រុន​មពែត​ពាង់។
MAR 3:10 លែៈ​ជេស​ពាង់​ជាន​ឞាស​ឞូនុយ្ស​ជី​អ៝ក់​ងាន់ នទ្រី​ទឹង​ឞូនុយ្ស​អេងៗ​អី​គែស​នាវ​ជី​ញឆ្រោយ្ស​ចុល​ហាន់​ទាច់ៗ អុច​ពាស​ឞ្រាស​យេឆូ ​គៃ​មា​ឞាស​នាវ​ជី​ខាន់​ពាង់​នើម។
MAR 3:11 ត៝ត់​ផូង​ឞូនុយ្ស​អី​គែស​ឞ្រាស​អ្យើស​គុ​តា​ខាន់​ពាង់​ឆៃ​ឞ្រាស​យេឆូ  ខាន់​ពាង់​ពាន់​តា​ឞើស​នាប់​ឞ្រាស​យេឆូ ​រ៝ នអ៝ប់​មា​នតែរ៖ “មៃ​អី​ក៝ន​កោរាញ​ឞ្រាស!”
MAR 3:12 ជេសរី​ឞ្រាស​យេឆូ ​មឞ្រាម មោ​អោស​អ៝ន់​ខាន់​ពាង់​មឞើស​ងក៝ច​មា​ឞូ​គឹត​នាល់​ពាង់​អី​ក៝ន​កោរាញ​ឞ្រាស។
MAR 3:13 ឞ្រាស​យេឆូ ​លែៈ​ហាវ​កាលើ​យោក ជេសរី​ពាង់​ក្វាល់​ជាៈ​ឞូនុយ្ស​អី​ពាង់​អុច​ហាន់​នទ្រែល​ពាង់ ជេសរី​ខាន់​ពាង់​អី​នៃ​ហាន់​តឹង​ពាង់​តា​រី។
MAR 3:14 ឞើស​មពោល​អី​នៃ​ពាង់​កើយ្ស ១២ នុយ្ស ពាង់​ក្វាល់​ខាន់​ពាង់ «កោរាញ​អ៝ស​ម៝ន»។ មពោល​អី​នៃ​គៃ​មា​គុ​នទ្រែល​ពាង់​នើម អ៝ន់​ខាន់​ពាង់​មឞើស​ងក៝ច​នាវ​ពាង់​អ៝ន់​មា​ឞូ‌
MAR 3:15 នទ្រែល​មា​អ៝ន់​ខាន់​ពាង់​គែស​នាវ​ទើយ ទើយ​មព្រើស​ឞ្រាស​អ្យើស​ដ៝ង់។
MAR 3:16 មពោល ១២ នុយ្ស​នៃ តា​នៃ​គែស​ឆីមោន ​អី​ឞ្រាស​យេឆូ ​តេៈ​រាញា​មហែ​ពាង់​ពេត្រោស ‌
MAR 3:17 គែស​ឞារ​ហៃ​អ៝ស​នោ​អី​ក៝ន​ឆេបេដេ ​រាញា​យាកើ  នទ្រែល​មា​យោហាន ។ ឞារ​ហៃ​ខាន់​ពាង់​អី​នៃ​ឞ្រាស​យេឆូ ​ទែ​តេៈ​រាញា «បោអានេរកេ » រាឞ្លាង​នាវ​អី​នៃ «ក៝ន​នតែស​នត៝រ់​ងលាយ្ស»។
MAR 3:18 គែស​រាញា​អ៝ន់ទ្រេ  រាញា​ផីលីប  រាញា​បារថោលោមេ  រាញា​មាថាយ  រាញា​ថោមាស  រាញា​យាកើ ​អី​ក៝ន​អាល់ផាយ  រាញា​ថាដេ  រាញា​ឆីមោន ​អី​ឞូ​ក្វាល់​«គើយ្ស»‌
MAR 3:19 នទ្រែល​មា​រាញា​យូដាស-​អីឆាការីយោត ​អី​ឞូនុយ្ស​លែវ​ឞូ​ហាន់​ញុប​ឞ្រាស​យេឆូ ។
MAR 3:20 ជេសរី​ឞ្រាស​យេឆូ ​ហាន់​គុ​តា​ទូ​មល៝ម់​ជៃ ត៝ត់​តា​នៃ​គែស​ឞូនុយ្ស​វាច់​តៃ​តា​រី លើ​មា​អ៝ក់​លើ​មា​អ៝ក់​ងាន់។ ល៝ង់​ពាង់ នទ្រែល​មា​មពោល​អ៝ស​ម៝ន​ពាង់​មោ​អោស​ហ៝ច​ឆោង​ឆា។
MAR 3:21 ជេស​ផូង​ឞាល់​មពោល​ពាង់​តាង់​ឞូ​ទែ​ងក៝ច​នាវ​អី​នៃ ឞូ​លាស​ដ៝ង់៖ “ហឺស មោ​ហោម​អោស​គឹត​ឆាក់​ពាង់​រី”។ នទ្រី​ទឹង​ខាន់​ពាង់​ជាៈ​ឞាល់​ហាន់​ឆ៝ៈ​ពាង់។
MAR 3:22 ល៝ង់​អី​ផូង​នើម​នតី​នាវ​វៃ​ផូង​អីឆ្រាអែល ​អី​តាៈ​ឞើស​ប៝ន​យេរូឆាលឹម ​រី​ហាន់​ត៝ត់​តា​នៃ ខាន់​ពាង់​លាស៖ “ឞូនុយ្ស​អី​នៃ​គែស​ឞ្រាស​អ្យើស​បេលឆេបូល ​គុ​តា​ឆាក់​ពាង់។ យ៝រ​លាស​អី​កោរាញ​មពោល​ឞ្រាស​អ្យើស​អ៝ន់​នាវ​ទើយ​តា​ពាង់ ទឹង​ពាង់​ទើយ​មព្រើស​ឞ្រាស​អ្យើស”។
MAR 3:23 ឞ្រាស​យេឆូ ​ក្វាល់​ផូង​នើម​នតី​នៃ​ហាន់​ទាច់​អា​ពាង់ ជេសរី​លាស​មា​នាវ​ងើយ​នតឹត៖ “មើម​ឞ្លាវ​ឆាតាង់ ​អី​កោរាញ​មពោល​ឞ្រាស​អ្យើស​មព្រើស​ឆាក់​ពាង់​នើម?
MAR 3:24 លាស​តា​ទូ​ឞ្រី​ផូង​ប៝ន​លាន​ពាង់​តឹម​ល៝ក់​តឹម​ជាញ​ចាស​ច្រាយ​ឞាល់ ឞ្រី​អី​នៃ​មោ​ហោម​អោស។
MAR 3:25 មោ​លាស​តា​ទូ​រានាក់​វ៝ល់​គែស​តឹម​ល៝ក់​តឹម​ជាញ​ឞាល់​នឹង​នែង រានាក់​វ៝ល់​អី​នៃ​រ៝ស​ហេង​មោ​ហោម​ដ៝ង់។
MAR 3:26 លាស​គែស​ឆាតាង់ ​តឹម​ល៝ក់​តឹម​ជាញ​នទ្រាង់​ពាង់​នើម ពាង់​មោ​ទើយ​អោស​គុ​ន៝ប់ រ៝ស​ហេង​រ៝។
MAR 3:27 មោ​គែស​អោស​ឞូនុយ្ស​ទើយ​ហាន់​តា​ជៃ​ឞូនុយ្ស​ទាង់ ជេសរី​នតុង​ទ្រាប់​នទើ​ពាង់។ អ៝ន់​ញុប​ក៝ត់​ល៝រ​ឞូនុយ្ស​អី​នៃ​ប៝ត់ រី​មើ​ទើយ​នតុង​ទឹង​លែៈ​ទ្រាប់​នទើ​តា​ជៃ​ពាង់។
MAR 3:28 គ៝ប់​លាស​នហេល​នានេៈ​ងាន់​មា​ខាន់​មៃ ទឹង​លែៈ​នទើ​ឞូនុយ្ស​ជាន​តីស នទ្រែល​មា​លាស​មឺច​រាម៝ត​កោរាញ​ឞ្រាស កោរាញ​ឞ្រាស​ហោម​យោៈ​ទាទេ។
MAR 3:29 តីស​មា​ឞូ​ម៝ស​អី​លាស​មឺច​រាម៝ត​ឞ្រាស​ហ្វេង​អ្វែស​អី​ក្ល៝ស​អ្វែស​រី មោ​អោស​កោរាញ​ឞ្រាស​យោៈ​មា​ពាង់ ពាង់​អី​នៃ​គែស​ទោយ្ស​នហ៝​រ៝​មោ​ឞ្លាវ​ឞាស”។
MAR 3:30 នទ្រី​ទឹង​ឞ្រាស​យេឆូ ​ងើយ​កើត​នៃ អាច​ខាន់​ពាង់​លាស​ពាង់​គែស​ឞ្រាស​អ្យើស​គុ​តា​ឆាក់​ពាង់។
MAR 3:31 ជេសរី​មេៈ​ឞ្រាស​យេឆូ  នទ្រែល​មា​អ៝ស​ឞូ​ក្លោ​ពាង់ ហាន់​ត៝ត់​តា​ជៃ​ឞ្រាស​យេឆូ ​គុ​នតុម​នតី​នៃ។ ខាន់​ពាង់​គុ​ឞើស​ទីស​រី ជេសរី​ដាៈ​ឞូ​មឞើស​ពាង់​ហាន់​ម៝ប់​ខាន់​ពាង់។
MAR 3:32 ផូង​ប៝ន​លាន​អី​គុ​ជុម​ឞ្រាស​យេឆូ ​រី​មឞើស​ពាង់៖ “ហើយ​នើម​នតី មេៈ​មៃ នទ្រែល​មា​អ៝ស​ឞូ​ក្លោ​មៃ​គុ​ក៝ប់​ឞើស​ទីស​ត៝ អុច​ម៝ប់​មៃ​មេៈ!”
MAR 3:33 ជេសរី​ឞ្រាស​យេឆូ ​អើស​មា​ខាន់​ពាង់៖ “ឞូ​ម៝ស​មេៈ​គ៝ប់? ឞូ​ម៝ស​អ៝ស​នោ​គ៝ប់?”
MAR 3:34 ជេសរី​ពាង់​អ្វាញ់​ឞូនុយ្ស​អី​គុ​ជុម​ពាង់ពាង់​លាស៖ “ឞូនុយ្ស​អី​គុ​តា​អ្យា​គ៝ប់​ក្វាល់​មេៈ​គ៝ប់ អ៝ស​នោ​គ៝ប់។
MAR 3:35 ឞូ​ម៝ស​អី​អ្យាត់​តឹង​នាវ​កោរាញ​ឞ្រាស​អុច ពាង់​អី​នៃ​អ៝ស​នោ​គ៝ប់ នទ្រែល​មា​មេៈ​គ៝ប់”។
MAR 4:1 គែស​ទូ​នារ​រី​ឞ្រាស​យេឆូ ​គុ​នតី​ផូង​ប៝ន​លាន​រ៝ៈ​មែង​ទាក​ងលៅ​ក្វ៝ង់​កាលីលេ ​ទូ​តឹ​ជឹត។ តា​នៃ​គែស​អ៝ក់​ងាន់​ឞូនុយ្ស​ហាន់​វាច់​តា​ពាង់ នទ្រី​ពាង់​ហាវ​គុ​រាគើប​កាលើ​ទូក ជេសរី​នតី​កាលើ​ទូក​រី ផូង​ប៝ន​លាន​គុ​ឞើស​កើស​អ្យា គុ​រ៝ៈ​មែង​ទាក។
MAR 4:2 ឞ្រាស​យេឆូ ​នតុម​នតី​ខាន់​ពាង់​អ៝ក់​ងាន់​មា​នាវ​ងើយ​នតឹត​កើត​នអា៖
MAR 4:3 “អ្យាត់​ហ៝ៈ គែស​ទូ​ហ្វេ​ឞូ​ក្លោ​ហាន់​ឆូយ​គារ់​នតីល។
MAR 4:4 នោក​ពាង់​ឆូយ​នៃ​អាបាៈ​តុប​រ៝ៈ​ត្រ៝ង ជេសរី​ឆ្យុម​ច៝ក​លែៈ​ផ្យៅ។
MAR 4:5 គារ់​អាបាៈ​តុប​តា​នែស​ក្លេរ គារ់​អី​នៃ​គើញ​ហ៝ន​ព្រូ​យ៝រ​លាស​នែស​នហើ។
MAR 4:6 ត៝ត់​ទោស​នារ​តើម​អី​នៃ​នទ្រ៝​ប្រុង យ៝រ​មា​រែស​ពាង់​ហ៝ន​មោ​ជ្រូ។
MAR 4:7 គារ់​អាបាៈ​ជឹត​តុប​តា​នែស​ល៝ក ជេសរី​ល៝ក​ហ៝ន​ត៝ល់​លែៈ​ផ្យៅ នហ៝​មា​មោ​អោស​ត៝ត់​ព្លៃ។
MAR 4:8 ល៝ង់​គារ់​អី​អាបាៈ​ជឹត​តុប​តា​នែស​អ្វែស ពាង់​ហ៝ន​ព្រូ​អ្វែស​ជេង នហ៝​មា​ត៝ត់​គែស​ព្លៃ​ទូ​គារ់​គែស ៣០‌ អាបាៈ​ទូ​គារ់​គែស ៦០‌ អាបាៈ​ជឹត​ទូ​គារ់​គែស ១០០”។
MAR 4:9 ជេសរី​ឞ្រាស​យេឆូ ​លាស​តៃ៖ “ឞូ​ម៝ស​តាង់​នាវ​គ៝ប់​ងើយ​អ្យា អ៝ន់​ពាង់​ងក្ល៝ន់​អេង​តា​ឆាក់!”
MAR 4:10 នោក​ឞ្រាស​យេឆូ ​គុ​ងាយ​ដាស​ឞាល់​ផូង តា​នៃ​គែស ១២ នុយ្ស មពោល​អ៝ស​ម៝ន នទ្រែល​មា​ឞូ​អាបាៈ​ដ៝ង់​គុ​នទ្រែល​ពាង់ ជេសរី​ខាន់​ពាង់​អោប​ពាង់៖ “មៃ​មឞើស​នហេល​នាវ​ងើយ​នតឹត​អី​នៃ​អឺស”។
MAR 4:11 ឞ្រាស​យេឆូ ​អើស​លាស៖ “អា​ល៝រ​នើស​នាវ​ខ្លៃ​កោរាញ​ឞ្រាស​ម៝ត់​អ្វាញ់​ឞូនុយ្ស​ហោម​នទ៝ប់​មពោន អាបៃ​រី​កោរាញ​ឞ្រាស​អ៝ន់​មា​ខាន់​អៃ​មៃ​គឹត​វ៝ត់​នទើ​អី​នៃ។ ល៝ង់​ឞូនុយ្ស​អាបាៈ​ជឹត គ៝ប់​ងើយ​នតឹត​អ៝ន់​មា​ខាន់​ពាង់។
MAR 4:12 នទ្រី​តឹម​ទី​ដាស​នាវ​កោរាញ​ឞ្រាស​ងើយ​កាល់​អែ​នើស៖ «ឞ៝ល​លាស​ខាន់​ពាង់​អ្វាញ់​នទើ​គ៝ប់​ជាន​ក៝ៈ​មោ​វ៝ត់​នទើ​ខ្លៃ​នាវ​អី​នៃ។ ខាន់​ពាង់​តាង់​នាវ​គ៝ប់​ងើយ​ក៝ៈ​មោ​វ៝ត់​ដ៝ង់។ លាស​ខាន់​ពាង់​វ៝ត់ ខាន់​ពាង់​រាគ៝ល់​នូយ្ស​នហ៝ម់​អ្យើស ជេសរី​កោរាញ​ឞ្រាស​យោៈ​នអាច​មោ​ហោម​កើប​នាវ​តីស​ខាន់​ពាង់»”។
MAR 4:13 ឞ្រាស​យេឆូ ​លាស​តៃ​មា​ខាន់​ពាង់៖ “នាវ​ងើយ​នតឹត​អ្យា​លាស​ខាន់​អៃ​មៃ​មោ​វ៝ត់​ដ៝ង់ មើម​ខាន់​អៃ​មៃ​ទើយ​វ៝ត់​នាវ​ងើយ​នតឹត​អាបាៈ​អេង​ជឹត​ហាៈ!
MAR 4:14 ឞូនុយ្ស​អី​ឆូយ​គារ់​នតីល​នៃ កើត​ឞូនុយ្ស​អី​មឞើស​ងក៝ច​នាវ​កោរាញ​ឞ្រាស។
MAR 4:15 គារ់​នតីល​អី​តុប​រ៝ៈ​ត្រ៝ង តឹម​ឞាន​មា​ឞូនុយ្ស​អី​អ្យាត់​នាវ​កោរាញ​ឞ្រាស ជេស​អ្យាត់​ទោ​មា​ឆាតាង់ ​អី​កោរាញ​មពោល​ឞ្រាស​អ្យើស​ពីត​លើយ​នាវ​ពាង់​អ្យាត់​នៃ​រ៝។
MAR 4:16 ឞូនុយ្ស​អី​តឹម​ឞាន​មា​គារ់​នតីល​តុប​តា​នែស​ក្លេរ​តាង់​នាវ​កោរាញ​ឞ្រាស ខាន់​ពាង់​អ្យាត់​រ៝​រាម់​មអាក​ងាន់‌
MAR 4:17 ហ៝ន​អ្វែស​ទូ​ប្ល៝ត់​ទើម។ នាវ​កោរាញ​ឞ្រាស​មោ​អោស​ហ៝ន​រែស​តា​នូយ្ស​នហ៝ម់​ខាន់​ពាង់​នើម នទ្រី​ត៝ត់​គែស​នាវ​ជេរ​អេងៗ មោ​លាស​ឞូ​ជាន​ជេរ​យ៝រ​មា​នាវ​កោរាញ​ឞ្រាស ខាន់​ពាង់​មអារ់​រ៝​នាវ​ញឆីង។
MAR 4:18 ឞូនុយ្ស​អាបាៈ​ជឹត​តឹម​ឞាន​មា​គារ់​នតីល​តុប​តា​នែស​ល៝ក ខាន់​ពាង់​អ្យាត់​នាវ​កោរាញ​ឞ្រាស​ដ៝ង់‌
MAR 4:19 តីស​មា​តា​ត្រោម​នូយ្ស​នហ៝ម់​ខាន់​ពាង់​ងក្ល៝ន់​រាវៃ​ហោ​ងាន់​មា​នាវ​រេស​តា​នែស​នតូ​អ្យា អុច​រាវាន​កើញ​គែស​ទ្រាប់​នទើ នអ៝ប់​មា​នូយ្ស​នហ៝ម់​ខាន់​ពាង់​រ៝ង់​គែស​មា​នទើ​អេងៗ។ ជេសរី​ពូត​បារ់​នាវ​កោរាញ​ឞ្រាស​អី​នៃ​មោ​អ៝ន់​ត៝ត់​ព្លៃ។
MAR 4:20 ល៝ង់​ខាន់​ពាង់​អី​តឹម​ឞាន​មា​គារ់​នតីល​តុប​តា​នែស​អ្វែស​រី ជេស​តាង់​នាវ​កោរាញ​ឞ្រាស​ពាង់​អ្យាត់ នហ៝​មា​ត៝ត់​គែស​ព្លៃ គែស​ឞូនុយ្ស​អាបាៈ​រី​ទូ​គារ់​ជេង​គែស ៣០‌ ទូ​គារ់​ជេង​គែស ៦០‌ ឞូនុយ្ស​អាបាៈ​រី​ជឹត​ទូ​គារ់​ជេង​គែស ១០០ ងាន់”។
MAR 4:21 ជេសរី​ឞ្រាស​យេឆូ ​លាស​មា​ផូង​ប៝ន​លាន៖ “មោ​វៃ​ឆៃ​អោស​ឞូ​មពេស​អុញ​ឆាគេង ជេសរី​កុប​លើយ​មា​ឆាស មោ​លាស​តេៈ​តា​ន៝ម់​គ្រែ។ ឞូ​វៃ​យោង​អុញ​ឆាគេង​អ៝ន់​ព្រេស។
MAR 4:22 ទឹង​លែៈ​នទើ​អី​មពោន​ម៝ កោរាញ​ឞ្រាស​អ៝ន់​ឞូ​គឹត​ទាទេ។ ទឹង​លែៈ​នទើ​អី​ឞូ​មោ​ឆៃ ពាង់​ញហើ​អ៝ន់​ឞូ​ឆៃ​ក្ល៝ស​រាស​វាស​ដ៝ង់។
MAR 4:23 ឞូ​ម៝ស​អី​តាង់​នាវ​គ៝ប់​ងើយ​អ្យា​អ៝ន់​ពាង់​មឹន​អេង​តា​ឆាក់!”
MAR 4:24 “អ៝ន់​ខាន់​អៃ​មៃ​ញជ្រាង់​ងាន់​ហ៝ម់​នាវ​អី​ខាន់​អៃ​មៃ​អ្យាត់​អី​អ្យា។ កោរាញ​ឞ្រាស​រាញ្វែស​អ៝ន់​មា​ខាន់​អៃ​មៃ តឹង​ខាន់​អៃ​មៃ​រាញ្វែស​អ៝ន់​មា​ឞូ​ដ៝ង់ ជេសរី​ពាង់​កើយ​នត៝ប​តៃ​មា​ខាន់​អៃ​មៃ​អ៝ន់​រាលាវ​អី​នៃ​ជឹត។
MAR 4:25 ឞូ​ម៝ស​អី​លែៈ​គែស កោរាញ​ឞ្រាស​កើយ​នត៝ប​អ៝ន់​មា​ពាង់​ជឹត តីស​មា​ឞូ​ម៝ស​អី​មោ​គែស កោរាញ​ឞ្រាស​ឆ៝ៈ​រាហ្វាត់​លើយ​លែៈ​នទើ​អី​ពាង់​គឹត​លាស​លែៈ​គែស”។
MAR 4:26 ឞ្រាស​យេឆូ ​លាស​តៃ៖ “នាវ​កោរាញ​ឞ្រាស​ម៝ត់​អ្វាញ់​ឞូនុយ្ស​តឹម​ឞាន​មា​ទូ​ហ្វេ​ឞូ​ក្លោ​លោស​តូច​ឞា​តា​មីរ​ពាង់​នើម‌
MAR 4:27 ជេសរី​អា​មាង់​ឞិច អា​នារ​ជាន​ការ។ គារ់​ឞា​អី​នៃ​ហ៝ន យើន​មា​ពាង់​មោ​គឹត​ដ៝ង់​អា​មើម​នតើម​ហ៝ន។
MAR 4:28 នែស​អ៝ន់​គារ់​ឞា​អី​នៃ​គែស​ហ៝ន​អេង​ពាង់​នើម។ ឞើស​នតើម​ពាង់​លោស​នហា ព្រេស​ដេៈ​ព្រេស​ដេៈ​នហ៝​មា​ត៝ត់​លោស​ត៝ត់​មឞោន ជេសរី​មើ​ជេង​ព្លៃ​ឞា។
MAR 4:29 ត៝ត់​ឞា​លែៈ​ទុម ពាង់​ឆ៝ៈ​ញអែវ​ហាន់​រែក យ៝រ​លាស​លែៈ​ទី​ខៃ​រែក”។
MAR 4:30 ឞ្រាស​យេឆូ ​លាស៖ “នទ្រី​ម៝ស​នទើ​ឞ៝ន់​តឹម​រាដឹល​មា​នាវ​កោរាញ​ឞ្រាស​ម៝ត់​អ្វាញ់​ឞូនុយ្ស? ម៝ស​នាវ​ងើយ​នតឹត​ឞ៝ន់​ឆ៝ៈ​មា​តឹម​រាដឹល​ដាស​នាវ​កោរាញ​ឞ្រាស​ម៝ត់​អ្វាញ់?
MAR 4:31 នាវ​កោរាញ​ឞ្រាស​ម៝ត់​អ្វាញ់​ឞូនុយ្ស តឹម​ឞាន​មា​ទូ​នតីល​គារ់​ឆី​អី​ឞូ​ឆូយ​តា​នែស គារ់​ឆី​អី​នៃ​រាហេន​រាលាវ​ឞូ​ងាន់​មា​ដាស​គារ់​ឆី​ទឹង​លែៈ​តា​នែស​នតូ​អ្យា។
MAR 4:32 ជេស​ឞូ​ឆូយ​ពាង់​តា​នែស​រី ត៝ត់​មា​ហ៝ន​តើម​អី​នៃ​ក្វ៝ង់​រាលាវ​មា​តើម​អាបាៈ​អេង​ជឹត គែស​ងគីង​គែស​នថាន​នហ៝ម់​ងាន់ នហ៝​មា​គែស​ឆ្យុម​គុ​ជាន​រាឆ្វាន់​តា​នៃ”។
MAR 4:33 កើត​នទ្រី​ឞ្រាស​យេឆូ ​នតុម​នតី​នាវ​កោរាញ​ឞ្រាស ពាង់​ទ៝ង់​នាវ​ងើយ​នតឹត​កើត​នអា តឹង​អី​ប៝ន​លាន​ទើយ​វ៝ត់។
MAR 4:34 ប៝ន​លាន​តាង់​ពាង់​ងើយ​នាវ​ងើយ​នតឹត​ទើម យើន​មា​នោក​ពាង់​គុ​អេង ពាង់​រាឞ្លាង​នាវ​អី​នៃ​អ៝ន់​មា​មពោល​អ៝ស​ម៝ន​ពាង់។
MAR 4:35 នោក​នៃ​ឞ្រាស​យេឆូ ​ហោម​គុ​តា​ទូក ត៝ត់​កេង​មាង់​នារ​អី​នៃ​ដ៝ង់ ពាង់​លាស​មា​មពោល​អ៝ស​ម៝ន​ពាង់៖ “ហោៈ ឞ៝ន់​ហាន់​ជឹត​កាល់​តី​ទាក​រី”។
MAR 4:36 ជេស​រី​ខាន់​ពាង់​ញច៝​ទូក​នៃ​ទូ​ឞើស​ប៝ន​លាន​ហាន់​ជឹត​កាល់​តី​រី គែស​ទូក​អាបាៈ​ដ៝ង់​ហាន់​នទ្រែល​ខាន់​ពាង់។
MAR 4:37 ជេសរី​ទោ​មា​គែស​ផុត​ច្វាញ់​ទុត​ហោ​ងាន់។ ទាក​រាឞុស លាប់​តា​ទូក​រី​ឞើយ​មា​ឞេង។
MAR 4:38 ល៝ង់​ឞ្រាស​យេឆូ ​រី​ពាង់​លែៈ​ហាក់​ឞិច​តា​ខានើយ​តា​ច្យាង់​ទូក​នៃ។ មពោល​អ៝ស​ម៝ន​រាលៃ​ពាង់៖ “ហើយ​នើម​នតី លែៈ​ខឹត​ងាន់​ឞ៝ន់! មើម​ឞិច​មៃ​ថើ​លាវើ​នៃ?”
MAR 4:39 ឞ្រាស​យេឆូ ​កាស​រាងាល់​ពាង់​ទ៝ក់​ដើប ឞ្វៃ​ផុត នទ្រែល​មា​ទាក​រាឞុស​នៃ៖ “ឞាស​ហ៝ម់! រាង៝ន់​ហ៝ម់!” ជេសរី​ផុត​ឞាស​ឆ្យាល​មោ​ហោម ទាក​រាឞុស​រាង៝ន់​ញជុប​ដ៝ង់។
MAR 4:40 ឞ្រាស​យេឆូ ​លាស​ខាន់​ពាង់៖ “មើម​ទឹង​ខាន់​មៃ​ក្លាច​ហោ​អីរ​កើត​នៃ? មើម​ទឹង​មោ​ហោម​គែស​នាវ​ញឆីង​មា​គ៝ប់?”
MAR 4:41 ងាន់​ខាន់​ពាង់​តា​នៃ​ក្លាច​ញឆ៝រ់​ហោ ជេសរី​តឹម​លាស​នទ្រាង់​ខាន់​ពាង់​នើម៖ “ឞូ​ម៝ស​ពាង់​អី​នៃ​ហ្យាស ទឹង​គែស​មា​ផុត នទ្រែល​មា​ទាក​រាឞុស​អ្យាត់​នាវ​ពាង់?”
MAR 5:1 ជេសរី​ឞ្រាស​យេឆូ  នទ្រែល​មា​អ៝ស​ម៝ន​ពាង់​ត៝ត់​កាល់​តី​ទាក​ងលៅ​ក្វ៝ង់​កាលីលេ ​រី ទាច់​នតុក​ប៝ន​កេរាឆីន ។ នតុក​ប៝ន​អី​នៃ​ឞូ​មោ​អោស​តឹង​នាវ​វៃ​ផូង​អីឆ្រាអែល ។
MAR 5:2 ជេស​ឞ្រាស​យេឆូ ​ជុរ​ឞើស​ទូក​នៃ ទូ​ប្ល៝ត់​តា​នៃ​គែស​ទូ​ហ្វេ​ឞូ​ក្លោ​ឞ្រាស​អ្យើស​គុ​តា​ឆាក់​ពាង់ ពាង់​លោស​ឞើស​នតុក​មោច​អុច​ហាន់​ម៝ប់​ឞ្រាស​យេឆូ ។
MAR 5:3 ពាង់​អី​នៃ​គុ​តា​នតុក​មោច​ទើម មោ​គែស​អោស​ឞូនុយ្ស​ទើយ​ញុប​ទើយ​ក៝ត់​ពាង់ ក៝ត់​ដាស​រាឆែ​រាវាក់​ក៝ៈ​មោ​ខាន​ដ៝ង់។
MAR 5:4 ឞ៝ល​លាស​ឞូ​លែៈ​ងកោង​ជ៝ង់​តី ក៝ត់​ពាង់​ដាស​រាឆែ​រាវាក់​អ៝ក់​តឹ ពាង់​លើស​ងក្លាស​តាច់​លែៈ​ផ្យៅ​នទើ​អី​ឞូ​ងកោង​ឞូ​ក៝ត់​ពាង់​នៃ មោ​គែស​អោស​ឞូនុយ្ស​ទើយ​ដាប់​ពាង់។
MAR 5:5 ទឹង​មាង់​ទឹង​នារ​ពាង់​គុ​រ៝ៈ​មោច​រ៝ៈ​យោក នអ៝ប់​មា​នតែរ ជេសរី​ឆ៝ៈ​លុ​មព្លោញ​ត៝រ​អេង​ឆាក់​ពាង់​នើម​ដ៝ង់។
MAR 5:6 ត៝ត់​ពាង់​ឆៃ​ឞ្រាស​យេឆូ ​ឞើស​ងាយ ពាង់​ញច្វាត់​រាន​ច៝ន​កោម៝ក់​កុញ​ឞោក​ឞើស​នាប់​ឞ្រាស​យេឆូ ​រ៝‌
MAR 5:7 ពាង់​នតែរ​ទុត​នតែសៗ​ងាន់៖ “ហើយ​ឞ្រាស​យេឆូ ​ក៝ន​កោរាញ​ឞ្រាស​ទុត​ព្រេស​តា​កាលើ​ត្រោក មើម​មៃ​ជាន​មា​គ៝ប់​មេស? ខឹត​អោម​លោម​លាៈ អ៝ន់​មៃ​ត៝ន​មា​គ៝ប់​តា​ឞើស​នាប់​កោរាញ​ឞ្រាស ទាន់​មៃ​លើយ​អោស​ងក្រីត​គ៝ប់!”
MAR 5:8 ទឹង​ឞ្រាស​អ្យើស​លាស​កើត​នៃ អាច​មា​ឞ្រាស​យេឆូ ​លែៈ​ជេស​លាស​ពាង់៖ “មពោល​ឞ្រាស​អ្យើស ទូ​ហ៝ម់​ឞើស​ឞូនុយ្ស​អ្យា!”
MAR 5:9 ជេសរី​ឞ្រាស​យេឆូ ​អោប​ពាង់៖ “មើម​រាញា​មៃ​មេស?” “គ៝ប់​រាញា «មពោល​តាហែន​អ៝ក់​រាឞាន់» យ៝រ​មា​ឞាល់​ហេន​អ៝ក់​ងាន់”។
MAR 5:10 ពាង់​ឞ៝ញ​ឞ្រាស​យេឆូ ​ហ៝ល់​រាដ៝ក់៖ “លើយ​ទឹង​មព្រើស​ហេន​ទូ​លោស​ឞើស​ឞ្រី​អ្យា”។
MAR 5:11 កេង​នតុក​នៃ​គែស​ឆុរ​ទូ​ផូង​ក្វ៝ង់​គុ​ឆា​មពា​រ៝ៈ​ញជ៝ង់​យោក។
MAR 5:12 ផូង​ឞ្រាស​អ្យើស​អី​នៃ​ទាន់​តៃ​ទុត​ហោ​ងាន់៖ “ទាន់​មៃ​ញជ្វាល់​អ៝ន់​ហេន​លាប់​តា​ឆុរ​ផូង​អី​រី​អើ!”
MAR 5:13 ជេសរី​ឞ្រាស​យេឆូ ​អ៝ន់​ខាន់​ពាង់​លាប់​តា​ឆុរ​រី។ ជេសរី​មពោល​ឞ្រាស​អ្យើស​អី​រី​លោស​ឞើស​ឞូនុយ្ស​អី​នៃ​លាប់​គុ​តា​ឆុរ​រី​លែៈ​រាង៝ត់។ ឆុរ​ផូង​អី​នៃ​ក្លាប់​លាស​អ៝ក់ ២០០០ មល៝ម់ ជេសរី​ញច្វាត់​រាឞុល​ជឹត​ឆ៝ប​រាប៝ង់​ជឹត​ទាក​ងលៅ​រី លាប់​តា​ទាក​រាម៝ក​ខឹត​លែៈ​ផ្យៅ។
MAR 5:14 ជេសរី​មពោល​អី​ច្យាប់​ឆុរ​នៃ ញច្វាត់​មឞើស​ងក៝ច​នាវ​អី​នៃ​មា​ឞូ​រ៝ៈ​ប៝ន​រ៝ៈ​មីរ។ ឞូ​អី​តាង់​រាន​អ្វាញ់​នាវ​ត៝ត់​អី​នៃ។
MAR 5:15 ខាន់​ពាង់​រាន​ត៝ត់​អា​ឞ្រាស​យេឆូ  ជេសរី​ឆៃ​ឞូនុយ្ស​អី​តាៈ​ឞ្រាស​អ្យើស​លាប់​អ៝ក់​ងាន់​នើស​គុ​តា​រី ញឆ៝ស​ឞ៝ក​អាវ​នហ៝​មា​កាស​គឹត​ឆាក់​ដ៝ង់ ជេស​ឆៃ​លែៈ​នាវ​នៃ​ខាន់​ពាង់​ក្លាច​ទាទេ​ងាន់។
MAR 5:16 មពោល​អី​ឆៃ​នហេល​មា​មាត់​លែៈ​នាវ​ត៝ត់​អី​គែស​តា​ឞូ​ក្លោ​អី​នៃ នទ្រែល​មា​ឆុរ​ផូង​នៃ​ដ៝ង់ ខាន់​ពាង់​មឞើស​ងក៝ច​មា​ផូង​ប៝ន​លាន​តា​នៃ​អ៝ន់​គឹត។
MAR 5:17 ជេសរី​ប៝ន​លាន​ឞ៝ញ​ឞ្រាស​យេឆូ ​ដាៈ​ពាង់​ទូ​ឞើស​ឞ្រី​ប៝ន​ខាន់​ពាង់​នៃ។
MAR 5:18 ជេសរី​ឞ្រាស​យេឆូ ​ញចោ​មា​ហាន់​ហាវ​កាលើ​ទូក​រី។ ឞូ​ក្លោ​អី​ឞ្រាស​អ្យើស​លាប់​អា​ល៝រ​នើស​ទាន់​តឹង​ពាង់។
MAR 5:19 យើន​មា​ឞ្រាស​យេឆូ ​មោ​រ៝ម​អោស បេង​ពាង់​មា​ដាៈ៖ “ហាន់​មៃ​ឆឹត​អា​ជៃ​មៃ​នើម​រី មឞើស​ងក៝ច​មា​ឞាល់​មពោល​មៃ​លែៈ​នាវ​អី​កោរាញ​ឞ្រាស​លែៈ​ជាន​មា​មៃ​នើស នទ្រែល​មា​នាវ​អី​កោរាញ​ឞ្រាស​យោៈ​នអាច​មៃ”។
MAR 5:20 ជេសរី​ឞូ​ក្លោ​អី​នៃ​ហាន់​រ៝ នតើម​មឞើស​អ៝ន់​មា​ប៝ន​លាន​តា​ឞ្រី​ដេកាពោលីស ​អ៝ន់​ខាន់​ពាង់​គឹត​ទឹង​លែៈ​នាវ​អី​ឞ្រាស​យេឆូ ​ជាន​មា​ពាង់។ ជេស​តាង់​នាវ​ពាង់​មឞើស​ងក៝ច​នៃ​នទ្រ៝ត់​ហីស​រាហ៝ល់​ងាន់​ប៝ន​លាន។
MAR 5:21 ជេសរី​ឞ្រាស​យេឆូ ​ញច៝​ទូក​ត៝ត់​កាល់​តី​ទាក​រី ពាង់​គុ​តា​មែង​ទាក​ងលៅ​ក្វ៝ង់ តា​នៃ​គែស​ប៝ន​លាន​អ៝ក់​មពឺម​ងាន់​ហាន់​គុ​ញជ្វែង​ជុម​ពាង់។
MAR 5:22 ជេសរី​គែស​ទូ​ហ្វេ​ឞូ​ក្លោ​រាញា​យៃរុស ​ហាន់​តា​នៃ​ដ៝ង់ ពាង់​កោរាញ​ញីស​រាបុន​ផូង​អីឆ្រាអែល ។ ត៝ត់​ពាង់​ឆៃ​ឞ្រាស​យេឆូ ​ពាង់​រាន​ពាន់​តា​ជ៝ង់‌
MAR 5:23 ពាង់​ឞ៝ញ​ជាៈ​ឞ្រាស​យេឆូ ​ហោ​ងាន់ ពាង់​លាស៖ “ហើយ​នើម​នតី ក៝ន​ឞូ​អូរ​គ៝ប់​ជី​ហោ​ងាន់​លែៈ​ឞើយ​ខឹត​មេ។ ទាន់​មៃ​ហាន់​តេៈ​តី​តា​ពាង់​អើ អ៝ន់​ឞាស​នាវ​ជី​លើយ​អ៝ន់​ពាង់​ខឹត!”
MAR 5:24 ជេសរី​ឞ្រាស​យេឆូ ​ហាន់​នទ្រែល​ពាង់។ គែស​អ៝ក់​ងាន់​ផូង​ប៝ន​លាន​ហាន់​តឹង​ពាង់​ដ៝ង់ ត៝ត់​មា​តឹម​មពែត​ឞាល់​ហោ​ងាន់។
MAR 5:25 តា​មពោល​នៃ​គែស​ដ៝ង់​ទូ​ហ្វេ​ឞូ​អូរ​ជី​រីស​លែៈ​ជ៝ៈ ១២ នាម់​ហើយ។
MAR 5:26 នទ្រី​ពាង់​ញឆ្រោយ្ស​ងាន់​អ៝ត់​នាវ​ជី​អី​អ៝ក់​ផូង​នើម​ទាក​ឆី​ទែ​ឆាម់ តីស​មា​មោ​អោស​ទើយ​ឞាស។ ពាង់​ហ្វាច​លែៈ​ទ្រាប់​នទើ​ពាង់ មោ​ឆៃ​ឞាស​ដេៈ​រ៝ នាវ​ជី​ពាង់​លើ​មា​ហោ​លើ​មា​ហោ​ងាន់។
MAR 5:27 ត៝ត់​ពាង់​គឹត​លឺ​ឞ្រាស​យេឆូ ​ហាន់​តា​នៃ ពាង់​រាន​ចុល​លាប់​តា​ងក្លាង​ឞាល់​អ៝ក់​ពាស​អី​អាវ​ក្វ៝ង់​ឞ្រាស​យេឆូ ​ឞើស​កើយ។
MAR 5:28 ពាង់​មឹន​អេង៖ “លាស​គ៝ប់​គែស​ពាស​អី​អាវ​ពាង់ នាវ​ជី​គ៝ប់​ឞាស​រ៝”។
MAR 5:29 ជេស​ពាង់​ពាស​អាវ​ឞ្រាស​យេឆូ ​នៃ មហាម​ពាង់​ឞាស​នទាល​តា​នៃ​រ៝ មោ​ហោម​ត្រោស​អោស។ ជេសរី​ពាង់​គឹត​អេង​តា​ឆាក់​នាវ​ជី​ពាង់​លែៈ​ឞាស​ងាន់។
MAR 5:30 នោក​នៃ​ឞ្រាស​យេឆូ ​គឹត​រ៝​គែស​លោស​នាវ​ឞ្រាស​តាៈ​ឞើស​ឆាក់​ពាង់ ជេសរី​ពាង់​រាលែ​ជឹត​ផូង​ប៝ន​លាន​នៃ​លាស៖ “ឞូ​ម៝ស​ពាស​អាវ​គ៝ប់​ហ្យាស?”
MAR 5:31 មពោល​អ៝ស​ម៝ន​ពាង់​អើស៖ “ហើយ​កោរាញមៃ​ឆៃ​ហើយ​គែស​ឞូនុយ្ស​អ៝ក់​ងាន់​តឹម​មពែត​ឞាល់​គែស​ពាស​មៃ​ទាទេ។ មើម​ទឹង​មៃ​អោប​លាស៖ ឞូ​ម៝ស​ពាស​គ៝ប់?”
MAR 5:32 ជេសរី​ឞ្រាស​យេឆូ ​អ្វាញ់​ជុម​ពាង់​នើម អុច​គឹត​ឞូ​ម៝ស​អី​ពាស​អាវ​ពាង់​អា​នទើស​នើស។
MAR 5:33 ឞូ​អូរ​អី​នៃ​ក្លាច​ញឆ៝រ់​ងាន់ ឆៃ​នាវ​ទើយ​តា​ឆាក់​ពាង់​នើម ពាង់​ពាន់​តា​ជ៝ង់​ឞ្រាស​យេឆូ ​ជេសរី​មឞើស​លែៈ​នាវ​អី​នៃ មោ​ពាង់​ម៝​អោស។
MAR 5:34 ឞ្រាស​យេឆូ ​លាស​មា​ឞូ​អូរ​នៃ៖ “ហើយ​អ៝ស! នាវ​អៃ​ញឆីង​មា​គ៝ប់​ជាន​ឞាស​អៃ​ហើយ ឆឹត​អ៝ន់​អ្វែស​លាង់​ដាប់​មពាន់​យឹ។ នាវ​ជី​អៃ​អ៝ន់​ឞាស​ដ៝ង់!”
MAR 5:35 នោក​ឞ្រាស​យេឆូ ​ហោម​អែ​ងើយ​នៃ គែស​ឞូនុយ្ស​អាបាៈ​តាៈ​ឞើស​ជៃ​យៃរុស ​មឞើស​លាស៖ “ក៝ន​ឞូ​អូរ​មៃ​លែៈ​ខឹត​មេ។ ម៝ស​នាវ​ហោម​រាខ្វាក​នើម​នតី​នៃ​ជឹត​មេស?”
MAR 5:36 ឞ្រាស​យេឆូ ​តាង់​ដ៝ង់​នាវ​អី​ឞូ​មឞើស​នៃ លើ​ពាង់​មា​លាស​មា​យៃរុស ៖ “លើយ​ទឹង​ក្លាច​អោស អ៝ន់​មៃ​ញឆីង​មា​គ៝ប់​ទើម”។
MAR 5:37 ជេសរី​ឞ្រាស​យេឆូ ​ហាន់ មោ​អោស​រ៝ម​ឞូ​អាបាៈ​ហាន់​តឹង​ពាង់។ ពាង់​រ៝ម​ពែ​នុយ្ស​ពេត្រោស យាកើ  នទ្រែល​មា​យោហាន ​អី​អ៝ស​យាកើ ​ទើម។
MAR 5:38 ត៝ត់​តា​ជៃ​យៃរុស ​អី​កោរាញ​ញីស​រាបុន​នៃ ឞ្រាស​យេឆូ ​តាង់​ឞូ​ញុម​វើល​ទុត​នតែស​អុស​អាស​គាស​គាយ​ងាន់។
MAR 5:39 ឞ្រាស​យេឆូ ​លាប់​តា​ត្រោម​ជៃ​លាស​មា​ខាន់​ពាង់៖ “ម៝ស​នាវ​ញុម​ខាន់​អៃ​មៃ​អុស​អាស​គាស​គាយ​នៃ? មោ​ខឹត​អោស​ក៝ន​ឆែ​អ្យា មាន​មា​ហាក់​ឞិច​ទើម!”
MAR 5:40 ជេស​តាង់​នាវ​នៃ​ខាន់​ពាង់​គើម​មឺច​មា​ឞ្រាស​យេឆូ ។ ជេសរី​ឞ្រាស​យេឆូ ​មព្រើស​ខាន់​ពាង់​លោស​អា​ទីស​លែៈ​រាងោច ពាង់​ជាៈ​អី​មេៈ​ឞឹ​ក៝ន​ឆែ​នៃ នទ្រែល​មា​ពែ​នុយ្ស​មពោល​អ៝ស​ម៝ន​ពាង់​លាប់​តា​ត្រោម​ជ្រោ​នតុក​ក៝ន​ឆែ​ឞិច​នៃ។
MAR 5:41 ជេសរី​ពាង់​ញុប​តី​ក៝ន​ឆែ​នៃ នហ៝​ពាង់​លាស៖ “តាលីថា​កូមី ” - រាឞ្លាង​លាស «ហើយ​អ៝ស អៃ​ទ៝ក់​ហ៝ម់!»
MAR 5:42 ទោ​មា​ក៝ន​ឆែ​ឞូ​អូរ​នៃ​ទ៝ក់​ដើប ឞ្រោៈ​រ៝។ ឞូនុយ្ស​អី​គុ​នទ្រែល​តា​នៃ​នទ្រ៝ត់​ហីស​រាហ៝ល់​ទុត​ហោ​ងាន់។ ក៝ន​ឆែ​នៃ​លែៈ​គែស ១២ នាម់​ហើយ។
MAR 5:43 យើន​មា​ឞ្រាស​យេឆូ ​ឞ្វៃ​ខាន់​ពាង់ មោ​អោស​អ៝ន់​មឞើស​ងក៝ច​មា​ឞូ​គឹត​នាវ​អ្យា ជេសរី​ដាៈ​ខាន់​ពាង់​ឆ៝ៈ​នទើ​អ៝ន់​ក៝ន​ឆែ​នៃ​ឆោង​ឆា។
MAR 6:1 ជេសរី​ឞ្រាស​យេឆូ ​លោស​ឞើស​នតុក​នៃ​ព្លឹ​ឆឹត​តា​ប៝ន​ឞ្រី​ពាង់​នើម​តា​ប៝ន​នាឆារែត  មពោល​អ៝ស​ម៝ន​តឹង​ពាង់​ដ៝ង់។
MAR 6:2 ត៝ត់​នារ​ឆាបាត់ ​អី​នារ​រាលូ​ផូង​អីឆ្រាអែល ​រី ពាង់​លាប់​តា​ត្រោម​ញីស​រាបុន​នតុម​នតី​ឞូ គែស​អ៝ក់​ឞូនុយ្ស​អី​តាង់​នាវ​ពាង់​នទ្រ៝ត់​ហីស​រាហ៝ល់​ងាន់ ខាន់​ពាង់​អោប​នទ្រាង់​ខាន់​ពាង់​លាស៖ “ឞើស​តាៈ​គឹត​នាវ​ពាង់​អី​នៃ​ហ្យាស? នាវ​មឹន​គឹត​ឞ្លាវ​ពាង់​នៃ​ឞើស​តាៈ​ឆ៝ៈ? នទើ​អ្វែស​នទើ​ខ្លៃ​ពាង់​ទើយ​ជាន​នើស​ឞើស​តាៈ​ទើយ?
MAR 6:3 ពាង់​នៃ​មោ​ទី​អី​ក៝ន​មារី ​ជាន​ការ​តើម​ឆី អី​នោ​យាកើ យោឆែប យូដាស  នទ្រែល​មា​ឆីមោន ​បាស? អី​អ៝ស​ឞូ​អូរ​ពាង់​គុ​តា​ប៝ន​អ្យា​នទ្រែល​ឞ៝ន់​ដ៝ង់!” នទ្រី​ទឹង​ខាន់​ពាង់​ជី​នូយ្ស ក៝ៈ​នូយ្ស​ក៝ៈ​នហ៝ម់​មោ​អុច​អ្យាត់​នាវ​ពាង់។
MAR 6:4 ជេសរី​ឞ្រាស​យេឆូ ​លាស​មា​ខាន់​ពាង់៖ “ឞូនុយ្ស​នតើយ្ស​នាវ​ងើយ​កោរាញ​ឞ្រាស​អី​ឞូ​យើក យើន​មា​ឞូនុយ្ស​តា​ប៝ន​ពាង់​នើម តា​មពោល​ឞាល់ នទ្រែល​មា​តា​ជៃ​ពាង់​នើម​វៃ​មឺច​រាម៝ត​ពាង់”។
MAR 6:5 លាស​នទ្រី​តា​ប៝ន​នៃ​ពាង់​មោ​អោស​ទើយ​ជាន​នទើ​អ្វែស​នទើ​ខ្លៃ​អ៝ក់ មាន​មា​តេៈ​តី​កាលើ​ឞូនុយ្ស​ជី​អាបាៈ​ទើម​គៃ​មា​អ៝ន់​ឞាស​ជី។
MAR 6:6 ពាង់​នទ្រ៝ត់​ហីស​រាហ៝ល់​ងាន់​យ៝រ​មា​មោ​ឆៃ​ខាន់​ពាង់​គែស​នាវ​ញឆីង​កើត​នៃ។ ជេសរី​ឞ្រាស​យេឆូ ​ហាន់​រ៝ៈ​ប៝ន​អេងៗ នហ៝​មា​នតុម​នតី​អ៝ន់​ឞូ​ដ៝ង់។
MAR 6:7 ពាង់​ក្វាល់ ១២ នុយ្ស​មពោល​អ៝ស​ម៝ន​វាច់​អា​ពាង់ ជេសរី​ដាៈ​ខាន់​ពាង់​ហាន់​ឞារ​ហៃ​ឞារ​ហៃ​រ៝ៈ​ប៝ន​អេងៗ នហ៝​មា​អ៝ន់​នាវ​ទើយ​តា​ខាន់​ពាង់​មព្រើស​ឞ្រាស​អ្យើស​ដ៝ង់។
MAR 6:8 ពាង់​នតិញ​មា​ខាន់​ពាង់៖ “ហើយ​អ៝ស​នោ លើយ​អោស​ញអោត​នទ៝ស​នទើ​ហាន់​ត្រ៝ង ញអោត​ម៝ង់​ជ្រា​ហ៝ៈ លើយ​ញអោត​នទើ​ឆោង​ឆា ទុង​ចែង មោ​លាស​ព្រាក់​រៀល​ងការ់​ឆាក់‌
MAR 6:9 ហាន់​ញឆ៝ស​នតោ​ជ៝ត លើយ​អោស​ញឆ៝ស​អាវ​ក្វ៝ង់​ឞារ​ឞ្លាស”។
MAR 6:10 ពាង់​លាស​មា​ខាន់​ពាង់​ជឹត៖ “ម៝ស​ជៃ​ខាន់​មៃ​លាប់​នៃ គុ​តា​ជៃ​នៃ​ហ៝ៈ​នហ៝​មា​ត៝ត់​ខាន់​មៃ​លោស​ឞើស​ប៝ន​អី​នៃ។
MAR 6:11 លាស​គែស​ប៝ន​អី​មោ​រ៝ម​មោ​អ្យាត់​ខាន់​មៃ លោស​ឞើស​ប៝ន​អី​នៃ ជេសរី​រាតោស​នែស​មោយ​ឞើស​ជ៝ង់​ខាន់​មៃ​នើម គៃ​មា​ញហើ​លាស​ប៝ន​អី​នៃ​កោរាញ​ឞ្រាស​តេៈ​ទោយ្ស”។
MAR 6:12 ជេសរី​មពោល​អ៝ស​ម៝ន​ពាង់​លោស​ឞើស​នៃ​ហាន់​នតុម​នតី​ដាៈ​ឞូ​រាគ៝ល់​នូយ្ស​នហ៝ម់​អ្យើស។
MAR 6:13 មពោល​ខាន់​ពាង់​ទើយ​មព្រើស​ឞ្រាស​អ្យើស​អ៝ក់​លោស​ឞើស​ឞូនុយ្ស នហ៝​មា​ត៝ៈ​ទាក​ងី​តា​ឞូនុយ្ស​ជី​អ៝ក់​ងាន់​អ៝ន់​ឞាស​ឞើស​នាវ​ជី។
MAR 6:14 ជេសរី​កាដាច់​ហេរោត-​អ៝ន់តីពាស ​គឹត​រ៝​នាវ​ឞ្រាស​យេឆូ ​ជាន យ៝រ​មា​លឺ​ឆាក់​ឞ្រាស​យេឆូ ​នៃ​ហោ​ងាន់។ គែស​ឞូ​បាបាៈ​ងើយ​លាស៖ “យោហាន-​បាប់តែម ​លែៈ​ទ៝ក់​រេស​តៃ នទ្រី​ទឹង​ពាង់​អី​នៃ​គែស​នាវ​ទើយ​ជាន​លែៈ​នាវ​កើត​នៃ”។
MAR 6:15 ឞូ​អាបាៈ​អេង​លាស៖ “ពាង់​អី​នៃ​អី​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស​រាញា​អេលីយា ”។ ឞូ​អាបាៈ​ជឹត​លាស៖ “ពាង់​អី​នៃ​ទូ​ហ្វេ​ឞូនុយ្ស​នតើយ្ស​នាវ​ងើយ​កោរាញ​ឞ្រាស​តឹម​ឞាន​មា​ឞូនុយ្ស​នតើយ្ស​រានោក​កាល់​អែ​នើស​ដ៝ង់”។
MAR 6:16 ល៝ង់​កាដាច់​ហេរោត ​រី ជេស​ពាង់​គឹត​លែៈ​នាវ​អី​នៃ ពាង់​លាស៖ “ពាង់​អ្យា​ងាន់​យោហាន ​អី​គ៝ប់​ដាៈ​តាហែន​ក៝ស​ត៝ង​ក៝​នើស អាបៃ​ពាង់​លែៈ​ទ៝ក់​រេស​តៃ”។
MAR 6:17 កាដាច់​ហេរោត ​លាស​នទ្រី យ៝រ​លាស​ឞើស​នតើម​នើស​ពាង់​ដាៈ​តាហែន​ញុប​យោហាន ​ក៝ត់​ក្រុង​តា​នទ្រូង​រី យ៝រ​មា​នាវ​ពីត​អូរ​អី​អ៝ស​ពាង់​រាញា​ផីលីប  ជេសរី​កាដាច់​ហេរោត ​ឆ៝ៈ​នទាៈ​អី​អូរ​ផីលីប ​រាញា​ហេរោដៀស ​ជាន​អូរ​ឆាយ។
MAR 6:18 ជេស​គឹត​នទ្រី​យោហាន ​លែៈ​ជេស​លាស​កាដាច់​ហេរោត ៖ “មោ​អោស​ទី​ដាស​នាវ​វៃ​មៃ​ឆ៝ៈ​អូរ​អ៝ស​ជាន​អូរ​មៃ”។
MAR 6:19 ជេសរី​ហេរោដៀស ​ជី​នូយ្ស​អុច​ងខឹត​លើយ​យោហាន ​នៃ មោ​ទើយ​អោស យ៝រ​មា​កាដាច់​ហេរោត ​មោ​អ៝ន់។
MAR 6:20 កាដាច់​ហេរោត ​ក្លាច​យោហាន-​បាប់តែម  កើប​ពាង់​ឞូនុយ្ស​ឆ៝ង់​ឞូនុយ្ស​ក្ល៝ស​អ្វែស។ នទ្រី​កាដាច់​ហេរោត ​អុច​ងកីង​ពាង់​ឞើស​ហេរោដៀស ។ កាដាច់​ហេរោត ​អុច​ងាន់​តាង់​នាវ​ពាង់​ងើយ យើន​មា​នាវ​ងើយ​អី​នៃ​ជាន​អ៝ន់​តា​នូយ្ស​នហ៝ម់​កាដាច់​ហេរោត ​គែស​នាវ​មឹន​រាវៃ​ហោ​ងាន់។
MAR 6:21 គែស​ទូ​នារ​រី​ទី​នារ​កាស​គឹត​នារ​ទែស​កាដាច់​ហេរោត  ពាង់​នទ្រាប់​នាវ​ញេត​ឆោង​ក្វ៝ង់​ងាន់។ ពាង់​ជាៈ​ឞូនុយ្ស​អី​កើល​ពាង់​ម៝ត់​អ្វាញ់ ជាៈ​កោរាញ​តាហែន នទ្រែល​មា​ឞូនុយ្ស​តេស​ឞូនុយ្ស​នទ្រ៝ង់​អី​គុ​តា​ឞ្រី​កាលីលេ ​នៃ។ តា​នារ​នៃ​រ៝​គែស​នាវ​ឞូ​អូរ​ហេរោដៀស ​ទើយ​ជាន។
MAR 6:22 ជេសរី​អី​ក៝ន​ទ្រោស​ហេរោដៀស ​លាប់​រ៝ម់​តា​នតុក​ញេត​ឆោង​នៃ ត៝ត់​កាដាច់​ហេរោត  នទ្រែល​មា​ទឹង​លែៈ​ឞូ​នាច់​អី​គុ​តា​នៃ​ឆៃ ខាន់​ពាង់​រាម់​ងាន់ ជេសរី​កាដាច់​លាស​មា​ពាង់៖ “ម៝ស​នទើ​អៃ​អុច ទាន់​មា​គ៝ប់​ទោ គ៝ប់​អ៝ន់​មា​អៃ​រ៝!”
MAR 6:23 នហ៝​មា​ត៝ន​លាស៖ “ម៝ស​នតីល​នទើ​អៃ​ទាន់​មា​គ៝ប់ គ៝ប់​អ៝ន់​មា​អៃ​រ៝ ឞ៝ល​លាស​ព្លាស​ទូ​ដាស​ឞ្រី​អី​គ៝ប់​ម៝ត់​អ្វាញ់​កាដោយ”។
MAR 6:24 ឞូ​ទ្រោស​នៃ​លោស​ប្ហុច​ឞើស​នតុក​នៃ​ហាន់​អោប​អី​មេៈ​ពាង់៖ “ហើយ​មេៈ ម៝ស​នទើ​គ៝ប់​ទាន់​អេស?” អី​មេៈ​ពាង់​អើស៖ “ទាន់​អី​ឞោក​យោហាន-​បាប់តែម !”
MAR 6:25 ជេសរី​ពាង់​ព្លឹ​ឞ្រុល​ឞើស​នៃ​មឞើស​មា​កាដាច់​នៃ​រ៝៖ “គ៝ប់​អុច​ទាន់​អី​ឞោក​យោហាន-​បាប់តែម ​តេៈ​កាលើ​ងាន​ថាង​អាបៃ​រី​រ៝!”
MAR 6:26 ជេស​តាង់​នាវ​ទាន់​អី​នៃ​កាដាច់​នទុយ្ស​តោរ​ហោ​ងាន់ តីស​មា​មោ​រាលាច់​អោស យ៝រ​មា​កាដាច់​លែៈ​ជេស​ត៝ន​ឞើស​នាប់​ផូង​ឞូ​នាច់​អី​គុ​តា​នៃ។
MAR 6:27 កាដាច់​ដាៈ​រ៝​ទូ​ហ្វេ​តាហែន​ហាន់​ឆ៝ៈ​អី​ឞោក​យោហាន ។ ត៝ត់​តា​នទ្រូង​រី ពាង់​ក៝ស​ត៝ង​ក៝​យោហាន ‌
MAR 6:28 ឆ៝ៈ​អី​ឞោក​តេៈ​កាលើ​ងាន​ថាង ជេសរី​នទឹ​អ៝ន់​មា​ឞូ​ទ្រោស​នៃ។ ឞូ​ទ្រោស​អី​នៃ​ញអោត​នទឹ​អ៝ន់​មា​អី​មេៈ​ពាង់​នើម។
MAR 6:29 ត៝ត់​មពោល​អ៝ស​ម៝ន​យោហាន ​គឹត​នាវ​អី​នៃ ខាន់​ពាង់​លែវ​ឞាល់​ហាន់​ឆ៝ៈ​អី​ឆាក់​ពាង់​ញជ៝រ​តា​ត្រោម​មោច​លុ។
MAR 6:30 ជេស​មពោល​កោរាញ​អ៝ស​ម៝ន​ឞ្រាស​យេឆូ ​ព្លឹ​ឆឹត​ឞើស​នតុក​អេងៗ ខាន់​ពាង់​ងក៝ច​មា​ឞ្រាស​យេឆូ ​ទឹង​លែៈ​នទើ​អី​ខាន់​ពាង់​ជាន នទ្រែល​មា​នាវ​ខាន់​ពាង់​គែស​នតុម​នតី​នើស។
MAR 6:31 តា​នតុក​នៃ​គែស​អ៝ក់​ឞូនុយ្ស​ហាន់​លោស​លាប់ នទ្រី​ឞ្រាស​យេឆូ  នទ្រែល​មា​មពោល​អ៝ស​ម៝ន​ពាង់​គៃ​មា​ឆោង​ឆា​មោ​អោស​ទើយ​រូ។ ជេសរី​ឞ្រាស​យេឆូ ​ដាៈ​មពោល​អ៝ស​ម៝ន​ពាង់៖ “ហោៈ​ហាន់​លែវ​ឞាល់​ជ៝យ​នតុក​បាស​ងាយ​មា​ផូង​ប៝ន​លាន រាលូ​ទូ​នទ៝ម់​ប៝ត់”។
MAR 6:32 ជេសរី​ខាន់​ពាង់​លោស​ឞើស​នតុក​នៃ​ជុរ​ញច៝​ទូក​ហាន់​ជឹត​នតុក​អេង​បាស​មា​ឞូ។
MAR 6:33 ខាន់​ពាង់​ញច៝​ទូក​រ៝ៈ​ទាក​នៃ​គែស​អ៝ក់​ឞូនុយ្ស​ឆៃ​គឹត​នាល់​ខាន់​ពាង់​អី​នៃ។ ត៝ត់​ប៝ន​លាន​គឹត​នតុក​ពាង់​ហាន់​រី ជេសរី​លែវ​ឞាល់​លោស​តាៈ​ឞើស​ប៝ន​អេងៗ ញច្វាត់​គ្រុង​ល៝រ​ឞើស​នាប់​រី។
MAR 6:34 នោក​ឞ្រាស​យេឆូ ​ជុរ​ឞើស​ទូក​នៃ​ឆៃ​ផូង​ប៝ន​លាន​អ៝ក់​មពឺម​ងាន់ ពាង់​គែស​នាវ​យោៈ​នអាច​មា​ខាន់​ពាង់​ងាន់ ឆៃ​ខាន់​ពាង់​អី​នៃ​តឹម​ឞាន​មា​ផូង​ឞែ​ឞ្យាប់​អី​មោ​គែស​ឞូនុយ្ស​ម៝ត់​អ្វាញ់។ នទ្រី​ពាង់​នតុម​នតី​អ៝ក់​នតីល​នាវ​អ៝ន់​មា​ខាន់​ពាង់។
MAR 6:35 ត៝ត់​នារ​លែៈ​ទេស មពោល​អ៝ស​ម៝ន​ហាន់​មឞើស​មា​ឞ្រាស​យេឆូ ​លាស៖ “តា​អ្យា​នតុក​រាទាស​ងាយ​ឞើស​ប៝ន​មោ​អោស​គែស​នទើ​ឆា នារ​លែៈ​ឞើយ​ញ៝ប់​ដ៝ង់។
MAR 6:36 មៃ​ដាៈ​ខាន់​ពាង់​ព្លឹ​ឆឹត​ជ៝យ​នទើ​រាវាត់​មា​ឆោង​ឆា​រ៝ៈ​ជៃ​រ៝ៈ​ប៝ន​អី​ទាច់ៗ​អ៝យ​តា​អ្យា”។
MAR 6:37 ឞ្រាស​យេឆូ ​អើស​មា​ខាន់​ពាង់​លាស៖ “ខាន់​មៃ​អ៝ន់​ឞូ​ឆោង​ឆា​ហែស!” ខាន់​ពាង់​អើស​លាស៖ “នទ្រី​ហេន​ឆ៝ៈ​ព្រាក់ ២០០ ព្រាក់​កាក់ ហាន់​រាវាត់​នុមពាង់​អ៝ន់​មា​ផូង​ប៝ន​លាន​ទែ​ឆា​ឞើស?”
MAR 6:38 ឞ្រាស​យេឆូ ​លាស​មា​ខាន់​ពាង់៖ “អ្វាញ់​ប៝ត់​ហែស ទាស​អ៝ក់​គែស​នុមពាង់​ខាន់​មៃ?” ត៝ត់​មា​គឹត​នៃ​ខាន់​ពាង់​មឞើស​មា​ពាង់៖ “គែស​ព្រាម់​មល៝ម់​នុមពាង់ ឞារ​មល៝ម់​កា​ទើម”។
MAR 6:39 ជេសរី​ឞ្រាស​យេឆូ ​មឞើស​មា​មពោល​អ៝ស​ម៝ន​ពាង់ ដាៈ​ផូង​ប៝ន​លាន​គុ​ទូ​មពោល​ទូ​មពោល កាលើ​រេប​ញឆែ​នៃ។
MAR 6:40 នទ្រី​ខាន់​ពាង់​គុ មពោល​អាបាៈ​គែស ១០០ នុយ្ស មពោល​អាបាៈ​គែស ៥០ នុយ្ស។
MAR 6:41 ជេសរី​ឞ្រាស​យេឆូ ​ឆ៝ៈ​ព្រាម់​មល៝ម់​នុមពាង់ នទ្រែល​មា​ឞារ​មល៝ម់​កា​រី ពាង់​ងគើរ​មាត់​ជឹត​លើ​មឞើស​ឆើម​នទើ​ឆោង​ឆា​អី​នៃ​មា​កោរាញ​ឞ្រាស។ លោច​ជេស​ពាង់​គិច​នុមពាង់​អី​នៃ​នទឹ​អ៝ន់​អ៝ស​ម៝ន ដាៈ​ខាន់​ពាង់​ពាៈ​អ៝ន់​ឞូ​ឆា នហ៝​មា​ពាៈ​កា​អី​ឞារ​មល៝ម់​នៃ​អ៝ន់​ទឹង​លែៈ​ឞូនុយ្ស​ដ៝ង់។
MAR 6:42 ជេស​តឹម​ពាៈ​នទើ​ឆា​អី​រី ទឹង​លែៈ​ឞូនុយ្ស​គុ​ឆា​តា​នៃ​ហើម​ទាទេ។
MAR 6:43 ជេសរី​មពោល​អ៝ស​ម៝ន​រាគូម​នុមពាង់ នទ្រែល​មា​កា​អី​ហោម​រាមែស​នៃ​គែស ១២ ឆាស។
MAR 6:44 ផូង​ប៝ន​លាន​អី​ឆា​នៃ​នើស​កើប​អី​ឞូ​ក្លោ​អ៝ក់ ៥០០០ នុយ្ស។
MAR 6:45 ទូ​នទ៝ម់​នៃ ឞ្រាស​យេឆូ ​ដាៈ​មពោល​អ៝ស​ម៝ន​ពាង់​ហាន់​ល៝រ​ញច៝​ទូក​មពែស​ជឹត​កាល់​តី​ទាក​រី ជឹត​ប៝ន​បេតឆៃដា ​រី ជេសរី​ពាង់​ដាៈ​ទឹង​លែៈ​ផូង​ប៝ន​លាន​អី​គុ​តា​នៃ​ព្លឹ​ឆឹត។
MAR 6:46 ជេស​ដាៈ​នទ្រី​ឞ្រាស​យេឆូ ​លោស​ឞើស​នៃ​ហាន់​ហាវ​កាលើ​យោក​មឞើស​ឆើម​តា​រី។
MAR 6:47 ត៝ត់​នារ​លែៈ​ញ៝ប់​ទូក​អី​អ៝ស​ម៝ន​ញច៝​នៃ​ញចោ​មា​តា​ងក្លាង​ទាក​ងលៅ​ក្វ៝ង់​រី អី​ឞ្រាស​យេឆូ ​រី​ហោម​គុ​អេង​កាលើ​កើស។
MAR 6:48 ពាង់​អ្វាញ់​ឆៃ​មពោល​អ៝ស​ម៝ន​ពាង់​វាស​ទូក​រាន​ហ្វាន​ជេរ​ងាន់​ហាន់​រាលឹ​ជឹត​តើម​ឆ្យាល។ ត៝ត់​ឞ្រី​លែៈ​ឞើយ​អាង​ឞ្រាស​យេឆូ ​ឞ្រោៈ​កាលើ​ទាក​ងលៅ​ក្វ៝ង់​រី​ឞ្រោៈ​ទាច់​កេង​អ៝ស​ម៝ន​ពាង់ ជេសរី​ពាង់​អុច​ហាន់​នហ៝ត។
MAR 6:49 ត៝ត់​ឆៃ​ពាង់​ឞ្រោៈ​កាលើ​ទាក​ងលៅ​នៃ ខាន់​ពាង់​នតែរ​ទ្រើវ នអោន​លាស​ច្យាក​ញហូ។
MAR 6:50 លែៈ​ខាន់​ពាង់​ឆៃ​ទាទេ​ក្លាច​ញឆ៝រ់​ងាន់ នទ្រី​ឞ្រាស​យេឆូ ​ងើយ​មា​ខាន់​ពាង់​រ៝៖ “លើយ​ក្លាច​អោស អ៝ន់​នូយ្ស​នហ៝ម់​ឞាញ់ គ៝ប់​យា!”
MAR 6:51 ជេសរី​ពាង់​ហាវ​ញច៝​ទូក​នទ្រែល​ខាន់​ពាង់ ឆ្យាល​ទោ​មា​ឞាស​រាង៝ន់​ញជុប​រ៝។ នទ្រ៝ត់​ហីស​រាហ៝ល់​ងាន់​មពោល​អ៝ស​ម៝ន​តា​នៃ‌
MAR 6:52 យ៝រ​លាស​ខាន់​ពាង់​មោ​ហ៝ៈ​អោស​ទើយ​គឹត​នាវ​នុមពាង់​នើស ខាន់​ពាង់​ហោម​ទាង់​ក៝។
MAR 6:53 ជេសរី​ឞ្រាស​យេឆូ  នទ្រែល​មា​អ៝ស​ម៝ន​ត៝ត់​មពែស​កាល់​តី​ទាក​រី តា​ឞ្រី​កេនេឆារែត ។ ខាន់​ពាង់​ញឆ្រុង​តា​នៃ​ក៝ត់​ទូក​តា​មែង​ទាក​រី‌
MAR 6:54 ជេសរី​ខាន់​ពាង់​ហាវ​កាលើ​កើស។ ត៝ត់​មា​ឆៃ ទឹង​លែៈ​ឞូនុយ្ស​អី​គុ​តា​នៃ​គឹត​នាល់​ពាង់​រ៝‌
MAR 6:55 នទ្រី​ឞូ​ហាន់​ញច្វាត់​តាៈ​ឞើស​អាប់​នតុក​ប៝ន លែវ​ឞាល់​តូង​ឞូនុយ្ស​ជី​ហាន់​តា​នតុក​អី​ឞូ​លឺ​លាស​ពាង់​គុ​រី។
MAR 6:56 អាប់​នតុក​អី​ឞ្រាស​យេឆូ ​ហាន់ ឞ៝ល​លាស​តា​ឞ្រី​តា​ប៝ន មោ​លាស​តា​ប៝ន​ក្វ៝ង់​កាដោយ ឞូ​លែវ​ឞូនុយ្ស​ជី​អ៝ន់​គុ​តា​នតុក​ឞូ​តាច់​ទ្រាប់ ជេសរី​ទាន់​ឞ៝ញ​ពាង់​ឆើម​មា​គែស​ពាស​ច្យាង់​អាវ​ក្វ៝ង់​ពាង់​ដេៈៗ​អែង នទ្រី​ទឹង​លែៈ​ឞូនុយ្ស​អី​គែស​ពាស​អាវ​ក្វ៝ង់​ពាង់​ឞាស​ទាទេ​រ៝​នាវ​ជី។
MAR 7:1 គែស​ទូ​នារ​រី​ផូង​ផារីឆី  នទ្រែល​មា​នើម​នតី​អាបាៈ​តាៈ​ឞើស​ប៝ន​ក្វ៝ង់​យេរូឆាលឹម ​ហាន់​ម៝ប់​ឞ្រាស​យេឆូ ។
MAR 7:2 ត៝ត់​តា​នៃ​ខាន់​ពាង់​ឆៃ​មពោល​អ៝ស​ម៝ន​ឞ្រាស​យេឆូ ​ឆោង​ឆា​មា​តី​អី​ខាន់​ពាង់​កើប​មោ​ក្ល៝ស​តឹង​មា​នាវ​វៃ​អើម​ដាៈ យ៝រ​មា​មពោល​អ៝ស​ម៝ន​អី​នៃ​មោ​រាវ​តី​ល៝រ​ឆោង​ឆា។
MAR 7:3 ផូង​ផារីឆី  នទ្រែល​មា​ផូង​អីឆ្រាអែល ​ទឹង​លែៈ​ញអោត​តឹង​នាវ​វៃ​អើម​ឞើស​ឞូ​រាញ​ខាន់​ពាង់​នើម​កាល់​អែ​នើស អេ​ល៝រ​មា​ឆោង​ឆា​ខាន់​ពាង់​រាវ​តី រី​មើ​ឆោង​ឆា។
MAR 7:4 គែស​ដ៝ង់​ឆឹត​តាៈ​ឞើស​នតុក​ឞូ​តាច់​ទ្រាប់ លាស​ខាន់​ពាង់​ឆោង​ឆា​មោ​គែស​រាវ​តឹង​នាវ​វៃ​ល៝រ នទ្រី​ក្លាច​កោរាញ​ឞ្រាស​មោ​ឆ៝ៈ​ទើន។ ខាន់​ពាង់​ញអោត​មោ​នត្លើយ​នាវ​វៃ​អេងៗ​អ៝ក់​ដ៝ង់ កើត​មា​រាវ​កែវ​រាវ​នទ៝ស​រាវ​គ្លាស​ជាន​មា​កោង​[រាវ​គ្រែ]​ដ៝ង់។
MAR 7:5 នទ្រី​ផូង​ផារីឆី  នទ្រែល​មា​ផូង​នើម​នតី​អោប​ឞ្រាស​យេឆូ ​លាស៖ “ម៝ស​នាវ​មពោល​អ៝ស​ម៝ន​មៃ​មោ​ញអោត​តឹង​នាវ​វៃ​អើម​ឞូ​រាញ ឆោង​ឆា​មា​តី​មោ​ក្ល៝ស​កើត​នៃ?”
MAR 7:6 ឞ្រាស​យេឆូ ​លាស​មា​ខាន់​ពាង់៖ “នាវ​អេឆាយ ​អី​ឞូនុយ្ស​នតើយ្ស​នាវ​ងើយ​កោរាញ​ឞ្រាស​លែៈ​ញចីស​កាល់​អែ​នើស គ៝ប់​លែៈ​ឆៃ​ពាង់​ញចីស​តឹម​ទី​ដាស​ខាន់​មៃ។ ខាន់​មៃ​ជាន​អ្យាត់​នាវ​កោរាញ​ឞ្រាស​ទើម អេឆាយ ​លែៈ​ញចីស​លាស៖ «កោរាញ​ឞ្រាស​លាស៖ «ផូង​ប៝ន​លាន​អ្យា​យើក​មឞាស​គ៝ប់​មា​ឞ៝រ់​មឞូង​ទើម‌ តា​នូយ្ស​នហ៝ម់​ខាន់​ពាង់​គុ​ងាយ​ដាស​គ៝ប់។
MAR 7:7 ខាន់​ពាង់​យើក​មឞាស​មា​គ៝ប់​មោ​គែស​អោស​នតីល​ខ្លៃ ដេៈ​មោ​អើម‌ យ៝រ​មា​ខាន់​ពាង់​នតុម​នតី​ឆ៝ៈ​នាវ​វៃ​តាៈ​ឞើស​ឞូនុយ្ស​ទើម។ តីស​មា​ខាន់​ពាង់​លាស​មរោស​នាវ​វៃ​អី​នៃ​តាៈ​ឞើស​គ៝ប់​ដាៈ»»។
MAR 7:8 នាវ​វៃ​អី​តាៈ​ឞើស​កោរាញ​ឞ្រាស​ខាន់​មៃ​មអារ់​លើយ បេង​មា​ញអោត​តឹង​នាវ​វៃ​ឞូនុយ្ស”។
MAR 7:9 ពាង់​លាស​ជឹត៖ “ខាន់​មៃ​ឞ្លាវ​ងាន់​តឹង​នាវ​វៃ​ឞូនុយ្ស​នហ៝​មា​មោ​ហោម​អ្យាត់​នាវ​វៃ​កោរាញ​ឞ្រាស។
MAR 7:10 នតឹត​លាស​មោឆេ ​លែៈ​ញចីស​កាល់​អែ​នើស​លាស៖ «អ៝ន់​ខាន់​អៃ​មៃ​យើក​មឞាស​ហ៝ម់​មា​មេៈ​ឞឹ» ជេសរី «ឞូ​ម៝ស​រាក​ឆ្វាយ​មា​មេៈ​ឞឹ​ពាង់​នើម ពាង់​អី​នៃ​គែស​ទោយ្ស​ត៝ត់​ឞូ​ងខឹត​រ៝»។
MAR 7:11 តីស​មា​ខាន់​មៃ​លាស​នអា៖ «លាស​ទូ​ហ្វេ​ឞូនុយ្ស​ងើយ​មា​អី​មេៈ​ឞឹ​លាស ម៝ស​នទើ​អី​គ៝ប់​អុច​កើល​មា​មេៈ​ឞឹ នទើ​អី​នៃ​លាស​លែៈ​កោរបាន់ » - នាវ «កោរបាន់ » អ្យា​រាឞ្លាង​លាស «នទើ​ញហើរ​មា​កោរាញ​ឞ្រាស»។
MAR 7:12 ជេសរី​ឞូនុយ្ស​អី​ងើយ​កើត​នអៃ ខាន់​មៃ​មោ​ហោម​អោស​អ៝ន់​ពាង់​កើល​មា​មេៈ​ឞឹ។
MAR 7:13 នទ្រី​ទឹង​ខាន់​មៃ​ជូត​លើយ​នាវ​វៃ​កោរាញ​ឞ្រាស ងខើង​មា​ឆ៝ៈ​នាវ​វៃ​អើម​ឞើស​ឞូ​រាញ។ ខាន់​មៃ​ជាន​នទើ​អេងៗ​អ៝ក់​ងាន់ កើត​នទើ​អី​នៃ​ដ៝ង់”។
MAR 7:14 ជេសរី​ឞ្រាស​យេឆូ ​ក្វាល់​លែៈ​ផូង​ប៝ន​លាន​អី​គុ​ទាច់​តា​នៃ លាស​មា​ខាន់​ពាង់៖ “លែៈ​អ៝ស​នោ​កោញ​វា​អ្យាត់​នាវ​គ៝ប់​លែរ​ងែរ​ប៝ត់​អ៝ន់​គឹត​វ៝ត់​នាវ​អ្យា៖
MAR 7:15 លែៈ​នទើ​ឞើស​ទីស​អី​លាប់​តា​ត្រោម​ឆាក់​ឞូនុយ្ស មោ​ទើយ​អោស​ជាន​អ៝ន់​ឞូនុយ្ស​ជេង​មោ​ក្ល៝ស លែៈ​នទើ​អី​លោស​ឞើស​ឞូនុយ្ស នទើ​អី​នៃ​ទើយ​ជាន​អ៝ន់​ជេង​មោ​ក្ល៝ស។
MAR 7:16 [ឞូ​ម៝ស​តាង់​នាវ​គ៝ប់​ងើយ​អ្យា អ៝ន់​ពាង់​មឹន​អេង​តា​ឆាក់!]”
MAR 7:17 ជេសរី​ឞ្រាស​យេឆូ ​លោស​ឞើស​ផូង​ប៝ន​លាន​ហាន់​លាប់​តា​ត្រោម​ជៃ តា​នៃ​មពោល​អ៝ស​ម៝ន​ពាង់​លែវ​ឞាល់​អោប​ពាង់​មា​នាវ​នតី​អី​នៃ។
MAR 7:18 ពាង់​លាស​មា​ខាន់​ពាង់៖ “នទ្រី​ខាន់​មៃ​មោ​ហ៝ៈ​គឹត​វ៝ត់​ដ៝ង់​បាស? អ៝ន់​ខាន់​មៃ​គឹត​វ៝ត់​នាវ​អ្យា លែៈ​នទើ​តាៈ​ឞើស​ទីស​អី​លាប់​តា​ឆាក់​ឞូនុយ្ស​មោ​ទើយ​អោស​ជាន​អ៝ន់​ឞូនុយ្ស​អី​នៃ​ជេង​មោ​ក្ល៝ស‌
MAR 7:19 យ៝រ​មា​នទើ​អី​នៃ​មោ​គែស​អោស​លាប់​តា​ត្រោម​នូយ្ស​នហ៝ម់ លាប់​តា​ត្រោម​នទុល​ទើម ជេសរី​លោស​លែៈ​ផ្យៅ”។ - នទ្រី​ពាង់​មឞើស​លាស​លែៈ​នទើ​ឆោង​ឆា​ជេង​ទី​មា​ឆា​ទាទេ​ងាន់។ -
MAR 7:20 ពាង់​លាស​ជឹត៖ “គែស​នទើ​អី​លោស​ឞើស​ឞូនុយ្ស​ទើម​ទើយ​ជាន​អ៝ន់​ឞូ​ជេង​មោ​ក្ល៝ស‌
MAR 7:21 យ៝រ​លាស​ទឹង​លែៈ​នាវ​មឹន​អ្យើស​អ្យើត​លោស​តាៈ​ឞើស​នូយ្ស​នហ៝ម់​ឞូនុយ្ស នាវ​មឹន​អី​នៃ​លែវ​ជេង​ខើស​ក្លែរ នតុង​ឞូ ងខឹត​ឞូ‌
MAR 7:22 ល៝ម់​អូរ​ល៝ម់​ឆាយ រាវាន​កើញ​គែស​មា​ទ្រាប់​នទើ ជាន​នទើ​អ្យើស មរោស​ឞូ មោ​គែស​នាវ​ដីត អុច​មា​នាវ​តឹម​ពីត ងើយ​ញចើត នាវ​ហឺន នទ្រែល​មា​នាវ​មោ​ហោម​អោស​គឹត​នទើ​អ្វែស​នទើ​អ្យើស។
MAR 7:23 លែៈ​នាវ​អ្យើស​អី​នៃ​លោស​តាៈ​ឞើស​នូយ្ស​នហ៝ម់​ឞូនុយ្ស ជាន​អ៝ន់​ជេង​មោ​ក្ល៝ស”។
MAR 7:24 ជេសរី​ឞ្រាស​យេឆូ  នទ្រែល​មា​អ៝ស​ម៝ន​ពាង់​លោស​ឞើស​នតុក​នៃ ហាន់​តា​ឞ្រី​អី​ទាច់​ដាស​ប៝ន​ក្វ៝ង់​តីរុស  [នទ្រែល​មា​ប៝ន​ក្វ៝ង់​ឆីដោន ]​រី។ ត៝ត់​តា​ទូ​ប៝ន​ខាន់​ពាង់​លាប់​គុ​តា​ទូ​មល៝ម់​ជៃ មោ​អុច​អោស​អ៝ន់​ឞូ​គឹត​លាស​ពាង់​គុ​តា​នៃ តីស​មា​មោ​អោស​ទើយ​នទ៝ប់។
MAR 7:25 ទូ​នទ៝ម់​គែស​ទូ​ហ្វេ​ឞូ​អូរ​តាង់​ឞូ​ងក៝ច​ឞ្រាស​យេឆូ ​គុ​តា​នៃ។ អី​ក៝ន​ឞូ​អូរ​ពាង់​រី​ឞ្រាស​អ្យើស​លាប់ ជេសរី​ពាង់​ហាន់​តា​ជៃ​អី​នៃ​ពាន់​តា​ជ៝ង់​ឞ្រាស​យេឆូ ។
MAR 7:26 ឞូ​អូរ​អី​នៃ​មោ​អោស​ទី​ផូង​អីឆ្រាអែល  អី​ប៝ន​តើម​ពាង់​ទាច់​មា​ប៝ន​ផេនីសី ​តា​ឞ្រី​ឆីរី ។ ជេសរី​ពាង់​ឞ៝ញ​ដាៈ​ឞ្រាស​យេឆូ ​មព្រើស​ឞ្រាស​អ្យើស​អី​នៃ​អ៝ន់​លោស​ឞើស​អី​ក៝ន​ពាង់​រី។
MAR 7:27 ឞ្រាស​យេឆូ ​ងើយ​នតឹត​មា​ពាង់៖ “អ៝ន់​អ៝ស​ក៝ន​ឆោង​ឆា​ហើម​ប៝ត់ មោ​ទី​អោស​ឆ៝ៈ​ព្យាង់​ត្រាវ​អ៝ស​ក៝ន​មអារ់​អ៝ន់​ឆ៝​ឆា​ច្រាវ”។
MAR 7:28 ឞូ​អូរ​អី​នៃ​អើស​លាស៖ “ងាន់​កោរាញ​មេ! ឞ៝ល​លាស​មោ​មអារ់​ព្យាង់​ត្រាវ​កាដោយ ឆ៝​ហោម​គុ​តា​ន៝ម់​គ្រែ​នតេរ​ឆា​ព្យាង់​ត្រាវ​នទាក់​អី​អ៝ស​ក៝ន​គែស​តុប​នើស​ដ៝ង់”។
MAR 7:29 ត៝ត់​តាង់​នាវ​ឞូ​អូរ​លាស​នៃ​ឞ្រាស​យេឆូ ​លាស​មា​ពាង់៖ “យ៝រ​មា​អៃ​ងើយ​នទ្រី ឞ្រាស​អ្យើស​លែៈ​លោស​ឞើស​ក៝ន​អៃ​ហើយ អៃ​ព្លឹ​ឆឹត​អា​រី​ទោស”។
MAR 7:30 ពាង់​ឆឹត​ត៝ត់​តា​ជៃ​ឆៃ​អី​ក៝ន​ពាង់​ឞិច​អ្វែស​កាលើ​គ្រែ​រី ឞ្រាស​អ្យើស​លែៈ​លោស​ឞើស​ក៝ន​ពាង់​នៃ​ជេស។
MAR 7:31 ជេសរី​ឞ្រាស​យេឆូ ​លោស​ឞើស​ឞ្រី​អី​ទាច់​ដាស​ប៝ន​ក្វ៝ង់​តីរុស ​ហាន់​គ្លាត់​រ៝ៈ​ប៝ន​ក្វ៝ង់​ឆីដោន ​នហ៝​មា​ត៝ត់​តា​ឞ្រី​ដេកាពោលីស ​អី​ទាច់​មា​ទាក​ងលៅ​ក្វ៝ង់​កាលីលេ ​រី។
MAR 7:32 ជេសរី​តា​នៃ​ឞូ​លែវ​ទូ​ហ្វេ​ឞូ​ក្លោ​តឹក​តោរ​ហាន់​តា​ឞ្រាស​យេឆូ ។ ឞូ​ក្លោ​អី​នៃ​មោ​លាង់​ឞ្លាវ​ងើយ​ដ៝ង់។ ឞូ​ឞ៝ញ​ពាង់​ដាៈ​តេៈ​តី​តា​ឞូ​ក្លោ​អី​តឹក​តោរ​នៃ គៃ​មា​ឞាស​នាវ​ជី​ឞូ​ក្លោ​អី​នៃ។
MAR 7:33 ជេសរី​ឞ្រាស​យេឆូ ​លែវ​ឞូ​ក្លោ​អី​នៃ​ហាន់​គុ​នតុក​អេង​បាស​ដេៈ​មា​ផូង​ប៝ន​លាន ពាង់​ល៝ក់​លាវ​តី​តា​ត្រោម​តោរ​ឞូ​ក្លោ​អី​នៃ ឆ៝ស​ទាក​ទីវ​តា​លាវ​តី​ពាង់​នើម​តេៈ​តា​មព្យាត់​ឞូ​ក្លោ​អី​នៃ។
MAR 7:34 ជេសរី​ឞ្រាស​យេឆូ ​ងគើរ​កាលើ​ត្រោក​រី ញឆោរ​នហ៝ម់​ក្វ៝ង់​អ្យហូត ពាង់​លាស៖ “អែបផាថា ” - រាឞ្លាង​លាស «អ៝ន់​ពើក​ហ៝ម់»។
MAR 7:35 ទូ​នទ៝ម់​ទោ​មា​តោរ​ឞូ​ក្លោ​អី​នៃ​អ្យាត់​តាង់​រ៝ មព្យាត់​ឞ្លាវ​រាលាម់​នហ៝​មា​ងើយ​ក្ល៝ស​រាស​វាស​ងាន់​រ៝។
MAR 7:36 ជេសរី​ឞ្រាស​យេឆូ ​ឞ្វៃ​ខាន់​ពាង់​លើយ​អោស​ងក៝ច​នាវ​អ្យា​មា​ឞូ។ ពាង់​ឞ្វៃ​លើយ​ទឹង​ងក៝ច​នាវ​អី​នៃ យើន​មា​ខាន់​ពាង់​លើ​មា​ហោ​ងាន់​ងក៝ច​នាវ​អី​នៃ។
MAR 7:37 ទឹង​លែៈ​ឞូនុយ្ស​អី​តាង់​នាវ​អី​នៃ​នទ្រ៝ត់​ហីស​រាហ៝ល់​ងាន់ ជេសរី​លាស៖ “លែៈ​នទើ​អី​ពាង់​ជាន​នៃ​ជេង​អ្វែស​ទាទេ​ងាន់ ឞ៝ល​លាស​ឞូនុយ្ស​តឹក​តោរ​ពាង់​ជាន​អ៝ន់​តាង់ ឞូនុយ្ស​មល៝​ជេង​ឞ្លាវ​ងើយ​ដ៝ង់”។
MAR 8:1 នោក​នៃ​គែស​ដ៝ង់​ផូង​ប៝ន​លាន​អ៝ក់​ងាន់​ហាន់​គុ​រាគូម​ឞាល់​ជឹត។ ខាន់​ពាង់​មោ​គែស​អោស​នទើ​មា​ឆោង​ឆា នទ្រី​ឞ្រាស​យេឆូ ​ក្វាល់​មពោល​អ៝ស​ម៝ន​ពាង់ពាង់​លាស៖
MAR 8:2 “គ៝ប់​យោៈ​ងាន់​មា​ផូង​ប៝ន​លាន​នៃ ខាន់​ពាង់​គុ​នទ្រែល​គ៝ប់​លែៈ​ពែ​នារ​ហើយ នទើ​មា​ឆោង​ឆា​មោ​គែស​ដ៝ង់។
MAR 8:3 លាស​គ៝ប់​ដាៈ​ខាន់​ពាង់​ព្លឹ​ឆឹត​នទុល​ទើម រាគាញ់​ចោត​រ៝ៈ​ត្រ៝ង​រ៝។ ឞូ​អាបាៈ​ឞ្រោៈ​តាៈ​ឞើស​ប៝ន​ងាយៗ”។
MAR 8:4 មពោល​អ៝ស​ម៝ន​អើស​លាស៖ “តា​អ្យា​រាង៝ត​រាងាត់ អាស​នតុក​ជ៝យ​នទើ​មា​អ៝ន់​ខាន់​ពាង់​ឆោង​ឆា​មា​ត៝ង់?”
MAR 8:5 ឞ្រាស​យេឆូ ​អោប​ខាន់​ពាង់៖ “នទ្រី​ខាន់​មៃ​ទាស​អ៝ក់​គែស​នុមពាង់​ហាៈ?” “គែស​ពើស​មល៝ម់”។
MAR 8:6 ជេសរី​ឞ្រាស​យេឆូ ​ដាៈ​ផូង​ប៝ន​លាន​គុ​រើប​គើប​តា​នែស​រី ពាង់​ឆ៝ៈ​នុមពាង់​ពើស​មល៝ម់​នៃ មឞើស​ឆើម​លាស​អ្វែស​មា​កោរាញ​ឞ្រាស ពាង់​គិច​អ៝ន់​មា​មពោល​អ៝ស​ម៝ន​ពាៈ​មា​ផូង​ប៝ន​លាន​នៃ ជេសរី​ខាន់​ពាង់​ជាន​កើត​នៃ។
MAR 8:7 គែស​កា​ជេៈ​អាបាៈ​ដ៝ង់ នទ្រី​ឞ្រាស​យេឆូ ​មឞើស​ឆើម​លាស​អ្វែស​មា​កោរាញ​ឞ្រាស ជេសរី​ដាៈ​មពោល​អ៝ស​ម៝ន​ពាៈ​កា​អី​នៃ​អ៝ន់​មា​ផូង​ប៝ន​លាន។
MAR 8:8 ជេស​ជាន​នទ្រី​លែៈ​ខាន់​ពាង់​ឆា​ហើម​រោច​ដ្ហោច ជេសរី​រាគូម​នុមពាង់ នទ្រែល​មា​កា​អី​រាមែស​នៃ​គែស​ពើស​ឆាស។
MAR 8:9 ទឹង​លែៈ​ឞូនុយ្ស​តា​នៃ​នើស​អ៝ក់ ៤០០០ នុយ្ស។ ជេស​ឞើស​នៃ​ឞ្រាស​យេឆូ ​ដាៈ​ខាន់​ពាង់​ព្លឹ​ឆឹត​អា​ជៃ​រី។
MAR 8:10 ទូ​នទ៝ម់​ឞើស​កើយ​នៃ ពាង់​ញច៝​ទូក​នទ្រែល​មពោល​អ៝ស​ម៝ន​ពាង់​ហាន់​ជឹត​ឞ្រី​ដាល់មានូថា ។
MAR 8:11 ជេស​ខាន់​ពាង់​ត៝ត់​តា​រី ផូង​ផារីឆី ​លែវ​ឞាល់​ម៝ប់​ឞ្រាស​យេឆូ ​តឹម​រាលាច់​មា​ពាង់ ដាៈ​ពាង់​ជាន​ទូ​នាវ​មឞេន​អ្វែស​អ៝ន់​គឹត​នហេល​លាស​ពាង់​ទើន​នាវ​ទើយ​តាៈ​ឞើស​កោរាញ​ឞ្រាស។
MAR 8:12 ជេស​តាង់​នាវ​ខាន់​ពាង់​ដាៈ​នៃ ឞ្រាស​យេឆូ ​ញឆោរ​នហ៝ម់​ក្វ៝ង់​អ្យហូត ជេសរី​លាស៖ “មើម​ទឹង​ឞូនុយ្ស​តា​រានោក​អាបៃ​អ្យា​អុច​គឹត​ឆៃ​នាវ​មឞេន​កើត​រី? គ៝ប់​លាស​នហេល​នានេៈ​ងាន់​មា​ខាន់​មៃ កោរាញ​ឞ្រាស​មោ​អោស​អ៝ន់​ឆៃ​នាវ​មឞេន​មា​ឞូនុយ្ស​រានោក​អាបៃ​អ្យា”។
MAR 8:13 ជេសរី​ឞ្រាស​យេឆូ ​ទូ​ឞើស​ខាន់​ពាង់​នៃ ញច៝​ទូក​ហាន់​តៃ​ជឹត​មពែស​កាល់​តី​រី។
MAR 8:14 ជេសរី​មពោល​អ៝ស​ម៝ន​លែៈ​ច្វេល​ញអោត​នុមពាង់ តា​ទូក​នៃ​គែស​ទូ​មល៝ម់​នុមពាង់​ទើម។
MAR 8:15 ជេសរី​ឞ្រាស​យេឆូ ​ងើយ​ងកាស​មា​ខាន់​ពាង់៖ “អ៝ន់​ខាន់​មៃ​ញជ្រាង់​ងាន់​មា​នទ្រូយ​ផូង​ផារីឆី  នទ្រែល​មា​នទ្រូយ​កោរាញ​ម៝ត់​អ្វាញ់​ហេរោត-​អ៝ន់តីពាស ​ដ៝ង់”។
MAR 8:16 មពោល​អ៝ស​ម៝ន​ងើយ​នទ្រាង់​ខាន់​ពាង់​នើម៖ “ពាង់​ងើយ​កើត​នៃ​អាច​ឞ៝ន់​មោ​គែស​នុមពាង់​ទើម​មោ?”
MAR 8:17 ឞ្រាស​យេឆូ ​គឹត​នាវ​ខាន់​ពាង់​ងើយ ពាង់​លាស៖ “ម៝ស​ងើយ​ខាន់​មរែ​នាវ​មោ​គែស​នុមពាង់​នៃ? ខាន់​មៃ​មោ​ឆៃ​អ្យាត់ មោ​ឆៃ​គឹត​វ៝ត់​នាវ​ដ៝ង់? ខាន់​មៃ​ហោម​ទាង់​ក៝​បាស?
MAR 8:18 ខាន់​មៃ​គែស​ទើម​ត្រោម​មាត់​អ្វាញ់​មោ​ឆៃ គែស​ទើម​តោរ​អ្យាត់​មោ​តាង់​បាស? នទ្រី​ខាន់​មៃ​លែៈ​ច្វេល​បាស‌
MAR 8:19 នោក​គ៝ប់​គិច​ព្រាម់​មល៝ម់​នុមពាង់​ពាៈ​អ៝ន់​មា​ឞូនុយ្ស ៥០០០ នុយ្ស​នើស? ជេសរី​ខាន់​មៃ​រាគូម​នុមពាង់​អី​រាមែស​នើស​ទាស​អ៝ក់​ហោម?” ខាន់​ពាង់​អើស​លាស៖ “១២ ឆាស”។
MAR 8:20 “នទ្រី​នោក​គ៝ប់​គិច​នុមពាង់​ពើស​មល៝ម់​ពាៈ​អ៝ន់​មា​ឞូនុយ្ស ៤០០០ នុយ្ស​នើស ខាន់​មៃ​រាគូម​ទាស​អ៝ក់​ហោម?” ខាន់​ពាង់​អើស​លាស៖ “ហោម​ពើស​ឆាស”។
MAR 8:21 ជេសរី​ឞ្រាស​យេឆូ ​លាស​មា​ខាន់​ពាង់៖ “មើម​ខាន់​មៃ​អេ​ហ៝ៈ​គឹត​វ៝ត់​ដ៝ង់?”
MAR 8:22 ជេសរី​ឞ្រាស​យេឆូ  នទ្រែល​មា​មពោល​អ៝ស​ម៝ន​ត៝ត់​តា​ប៝ន​បេតឆៃដា ។ តា​នៃ​គែស​ឞូ​លែវ​ទូ​ហ្វេ​ឞូ​ក្លោ​ចែស​មាត់​ហាន់​តា​ពាង់ ជេសរី​ឞ៝ញ​ដាៈ​ពាង់​ពាស​ឞូ​ក្លោ​អី​នៃ គៃ​មា​ឞាស​នាវ​ជី។
MAR 8:23 ជេសរី​ពាង់​តេក​តី​ឞូ​ក្លោ​អី​ចែស​មាត់​នៃ លែវ​ហាន់​លោស​ឞើស​ទីស​ប៝ន ពាង់​ឆ៝ស​ទាក​ទីវ​មហឹង​កាលើ​ត្រោម​មាត់ នហ៝​មា​តេៈ​តី ជេសរី​អោប​ពាង់៖ “មៃ​លែៈ​ឆៃ​នទើ​ឞើស?”
MAR 8:24 ឞូ​ក្លោ​អី​នៃ​ងើក​អ្វាញ់ មឞើស​លាស៖ “គ៝ប់​ឆៃ​ឞូនុយ្ស​ឞ្រោៈ​ងគូយ​ងគាយ អ្វាញ់​ខាន់​ពាង់​តឹម​ឞាន​មា​តើម​ឆី”។
MAR 8:25 ឞ្រាស​យេឆូ ​តេៈ​តី​កាលើ​ត្រោម​មាត់​ពាង់​ទូ​តឹ​ជឹត ជេសរី​ពាង់​អ្វាញ់​ឆៃ​ទឹង​លែៈ​នទើ​ក្ល៝ស​រាស​វាស ត្រោម​មាត់​ពាង់​លែៈ​ឞាស​ងាន់​រ៝។
MAR 8:26 ជេសរី​ឞ្រាស​យេឆូ ​ដាៈ​ពាង់៖ “មៃ​ឆឹត​ឞ្រ៝ង់​អា​ជៃ​មៃ​នើម​រី លើយ​ទឹង​លាប់​រ៝ៈ​ប៝ន​យឹ”។
MAR 8:27 ជេសរី​ឞ្រាស​យេឆូ  នទ្រែល​មា​មពោល​អ៝ស​ម៝ន​ពាង់​លោស​ឞើស​នៃ ហាន់​តា​ប៝ន​អេងៗ​ទាច់​ដាស​ប៝ន​ក្វ៝ង់​ឆេឆារា-​ផីលីប ។ នោក​ហាន់​រ៝ៈ​ត្រ៝ង​ពាង់​អោប​ខាន់​ពាង់៖ “អា​មើម​ឞូ​លាស​គ៝ប់?”
MAR 8:28 មពោល​អ៝ស​ម៝ន​អើស​លាស៖ “អាបាៈ​លាស​មៃ​ជេង​យោហាន-​បាប់តែម ​អី​លែៈ​ទ៝ក់​រេស អាបាៈ​លាស​ជេង​អេលីយា ​អី​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស​លែៈ​ព្លឹ​តា​អ្យា អាបាៈ​ជឹត​លាស​មៃ​ជេង​ទូ​ហ្វេ​ឞូនុយ្ស​អី​អេង​នើម​នតើយ្ស​នាវ​ងើយ​កោរាញ​ឞ្រាស​កាល់​អែ​នើស​លែៈ​ទ៝ក់​រេស”។
MAR 8:29 ជេសរី​ឞ្រាស​យេឆូ ​អោប​មា​ខាន់​ពាង់​នើម៖ “នទ្រី​ខាន់​មៃ​លាស​គ៝ប់​ឞូ​ម៝ស​ហាៈ?” ពេត្រោស ​អើស​មា​ពាង់៖ “មៃ​អី​ឞ្រាស​ក្រីស ​អី​នើម​រាក្លាយ្ស​តាៈ​ឞើស​កោរាញ​ឞ្រាស​ទែ​ញជ្វាល់​ងាន់!”
MAR 8:30 ជេសរី​ឞ្រាស​យេឆូ ​ឞ្វៃ​មពោល​អ៝ស​ម៝ន មោ​អោស​អ៝ន់​ខាន់​ពាង់​ងក៝ច​នាវ​នៃ​មា​ឞូ។
MAR 8:31 ជេសរី​ឞ្រាស​យេឆូ ​នតើម​នតុម​នតី​មា​មពោល​អ៝ស​ម៝ន​ពាង់​នៃ ពាង់​លាស៖ “គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស មោ​អោស​ទើយ​ក្លាយ្ស​គែស​នាវ​ជេរ​ជ៝ត់​ទុត​ហោ​ងាន់។ មពោល​ឞូ​រាញ មពោល​កោរាញ​ជាន​ឞ្រាស នទ្រែល​មា​ផូង​នើម​នតី​នាវ​វៃ​ឞ៝ន់​មអារ់​លើយ​គ៝ប់ នហ៝​មា​ងខឹត​គ៝ប់​ដ៝ង់ យើន​មា​ត៝ត់​ពែ​នារ​ឞើស​កើយ​គ៝ប់​ទ៝ក់​រេស​តៃ”។
MAR 8:32 ពាង់​ងក៝ច​មា​ខាន់​ពាង់​ឆ៝ង់ៗ​ងាន់ មោ​គែស​អោស​ពោន​ម៝។ ជេសរី​ពេត្រោស ​ជាៈ​ឞ្រាស​យេឆូ ​ហាន់​នតុក​អេង​បាស​មា​ឞូ ជេសរី​ឞ្វៃ​ពាង់​លើយ​តា​ងើយ​កើត​នៃ។
MAR 8:33 ឞ្រាស​យេឆូ ​រាលែ​អ្វាញ់​ជឹត​មពោល​អ៝ស​ម៝ន ជេសរី​ពាង់​លាស​ពេត្រោស ៖ “ហើយ​ឆាតាង់  មៃ​ទូ​ងាយ​ឞើស​គ៝ប់​ហ៝ម់ នាវ​មឹន​មៃ​មោ​ទី​ដាស​នាវ​មឹន​កោរាញ​ឞ្រាស ​អោស នាវ​មឹន​នៃ​តាៈ​ឞើស​ឞូនុយ្ស​ទើម”។
MAR 8:34 ជេសរី​ឞ្រាស​យេឆូ ​ក្វាល់​ផូង​ប៝ន​លាន នទ្រែល​មា​មពោល​អ៝ស​ម៝ន ពាង់​លាស​មា​ខាន់​ពាង់៖ “ឞូ​ម៝ស​ពាង់​អី​អុច​តឹង​គ៝ប់ អ៝ន់​មអារ់​លើយ​នទើ​ឆាក់​ពាង់​នើម​អុច ជេសរី​តូយ​ឆី​តឹម​រាកាង់​ពាង់​នើម ជេង​គែស​នាវ​ខ្លៃ​អ្យាត់​នាវ​គ៝ប់ ឞ៝ល​លាស​ត៝ត់​ខឹត​ឆាក់​កាដោយ រី​មើ​ទើយ​តឹង​គ៝ប់​ងាន់។
MAR 8:35 យ៝រ​លាស​ឞូ​ម៝ស​អី​កើប​អេង​នាវ​រេស​ពាង់​នើម​ខ្លៃ​រាលាវ ពាង់​អី​នៃ​មោ​អោស​គែស​នាវ​រេស​នហ៝​រ៝ យើន​មា​ឞូ​ម៝ស​ខឹត​យ៝រ​មា​តឹង​គ៝ប់ មោ​លាស​យ៝រ​មា​នាវ​មហែ​មហាន​អ្វែស ពាង់​អី​នៃ​គែស​នាវ​រេស​នហ៝​រ៝​ងាន់​តា​នារ​ជឹត​នាប់​តៃ។
MAR 8:36 លាស​ទូ​ហ្វេ​ឞូនុយ្ស​ពាង់​គែស​ទឹង​លែៈ​នែស​នតូ​អ្យា​ជេង​ទ្រាប់​នទើ​ពាង់​នើម​ទាទេ តីស​មា​ឆាក់​ពាង់​នើម​ខឹត​រ៝ស​ហេង មោ​អោស​គែស​នាវ​រេស​នហ៝​រ៝ នទ្រី​ម៝ស​គែស​នាវ​ខ្លៃ​មា​ពាង់?
MAR 8:37 ឞូនុយ្ស​អើម​ទើយ​លាស​ឆ៝ៈ​ទ្រាប់​នទើ​មា​រាគ៝ល់​នាវ​រេស​ពាង់​នើម​នហ៝​រ៝?
MAR 8:38 អាបៃ​អ្យា​ខាន់​អៃ​មៃ​គុ​នទ្រែល​ឞូនុយ្ស​អ្យើស​ឞូនុយ្ស​តីស​មោ​អ្យាត់​នាវ​កោរាញ​ឞ្រាស។ ឞូ​ម៝ស​អី​ដីត​ព្រេង​មោ​ឞាញ់​មឞើស​ពាង់​តឹង​គ៝ប់ ដីត​ព្រេង​តឹង​នាវ​គ៝ប់​នតី​ដ៝ង់ លាស​នទ្រី​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​ដីត​ព្រេង​មោ​គឹត​នាល់​ពាង់​អី​នៃ​ដ៝ង់​តា​នារ​គ៝ប់​ព្លឹ​វាច់ នអ៝ប់​មា​គែស​នាវ​អ្វែស​ច្រេក​លើប​ឞឹ​គ៝ប់ នទ្រែល​មា​ផូង​តោង​ពារ់​ក្ល៝ស​អ្វែស”។
MAR 9:1 ជេសរី​ឞ្រាស​យេឆូ ​លាស៖ “គ៝ប់​លាស​នហេល​នានេៈ​ងាន់​មា​ខាន់​អៃ​មៃ ឞូនុយ្ស​អាបាៈ​អី​គុ​តា​អ្យា​មោ​ខឹត​អោស អេ​ល៝រ​មា​ឆៃ​នាវ​ទើយ​កោរាញ​ឞ្រាស​ម៝ត់​អ្វាញ់”។
MAR 9:2 គែស​ព្រាវ​នារ​ឞើស​កើយ​នៃ​ឞ្រាស​យេឆូ ​ជាៈ​ពេត្រោស យាកើ  នទ្រែល​មា​យោហាន ​ហាវ​កាលើ​យោក​ព្រេស មោ​អោស​លែវ​ឞូ​អា​អេង​ហាន់។ តា​នៃ​ឆាក់​ជាន់​ពាង់​រាគ៝ល់​ឞើស​នាប់​ខាន់​ពាង់‌
MAR 9:3 អី​ឞ៝ក​អាវ​ពាង់​ជេង​ងលាង​អាង​ច្រាត​ងាន់ មោ​គែស​អោស​ឞូនុយ្ស​តា​នែស​នតូ​អ្យា​ទើយ​ជាន​តឹម​ឞាន​កើត​នៃ។
MAR 9:4 តា​នៃ​ពែ​នុយ្ស​មពោល​អ៝ស​ម៝ន​ទោ​មា​ឆៃ​ឞូនុយ្ស​ឞារ​ហៃ​អី​នតើយ្ស​នាវ​ងើយ​កោរាញ​ឞ្រាស​ឞើស​កាល់​អែ រាញា​អេលីយា  នទ្រែល​មា​មោឆេ ​គុ​ងើយ​នទ្រែល​ឞ្រាស​យេឆូ ​តា​នៃ​ដ៝ង់។
MAR 9:5 ជេស​ឆៃ​លែៈ​នាវ​អី​នៃ ពេត្រោស ​លាស​មា​ឞ្រាស​យេឆូ ៖ “ហើយ​នើម​នតី! ឞ៝ន់​គុ​តា​អ្យា​អ្វែស​ងាន់​មេ អ៝ន់​ហេន​ជាន​ពែ​មល៝ម់​ចូន ទូ​មល៝ម់​អ៝ន់​មា​មៃ ទូ​មល៝ម់​អ៝ន់​មា​មោឆេ  ទូ​មល៝ម់​ជឹត​អ៝ន់​មា​អេលីយា ”។
MAR 9:6 នាវ​ពេត្រោស ​ងើយ​កើត​នៃ​ពាង់​នើម​មោ​អោស​គឹត​ឆាក់ ទាស​មា​លោស​មឞូង​ងើយ យ៝រ​មា​ខាន់​ពាង់​ក្លាច​ហោ​ងាន់។
MAR 9:7 ជេសរី​គែស​តុក​ងកុម​កាលើ​ខាន់​ពាង់​លែៈ​រាងោច តាង់​នតែស​ងើយ​តាៈ​ឞើស​តុក​នៃ​លាស៖ “ពាង់​អ្យា​ក៝ន​គ៝ប់​អី​គ៝ប់​រ៝ង់​ហោ​ងាន់ អ្យាត់​នាវ​ពាង់​ទោ!”
MAR 9:8 ទូ​នទ៝ម់​តា​នៃ មពោល​អ៝ស​ម៝ន​អ្វាញ់​ជុម​ខាន់​ពាង់​នើម​រី មោ​ហោម​អោស​ឆៃ​ឞូនុយ្ស ឆៃ​ទូ​ហ្វេ​ឞ្រាស​យេឆូ ​ទើម​គុ​នទ្រែល​ខាន់​ពាង់​តា​នៃ។
MAR 9:9 ជេសរី​ឞ្រាស​យេឆូ  នទ្រែល​មា​ពែ​នុយ្ស​អ៝ស​ម៝ន​ពាង់​ជុរ​តាៈ​ឞើស​យោក ពាង់​ឞ្វៃ​ខាន់​ពាង់​មោ​អោស​អ៝ន់​ងក៝ច​នាវ​អី​ខាន់​ពាង់​ឆៃ​នើស​មា​ឞូ នហ៝​មា​ត៝ត់​ពាង់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​ទ៝ក់​រេស​តៃ។
MAR 9:10 នទ្រី​ខាន់​ពាង់​អ្យាត់​តឹង​នាវ​ពាង់​លាស តឹម​អោប​នទ្រាង់​ខាន់​ពាង់​នើម៖ “នទ្រី​«នាវ​ទ៝ក់​រេស​តៃ» ម៝ស​នាវ​ខ្លៃ​ហ្យាស?”
MAR 9:11 ជេសរី​ខាន់​ពាង់​អោប​ឞ្រាស​យេឆូ ៖ “ម៝ស​នាវ​ទឹង​ផូង​នើម​នតី​នាវ​វៃ​ផូង​ឞ៝ន់​នតី​លាស​អេលីយា ​អ្យាត់​មា​ពាង់​វាច់​ល៝រ​តា​អ្យា ឞ្រាស​ក្រីស ​អី​នើម​រាក្លាយ្ស​តាៈ​ឞើស​កោរាញ​ឞ្រាស​ទែ​ញជ្វាល់​វាច់​ឞើស​កើយ​រ៝?”
MAR 9:12 ពាង់​អើស​មា​ខាន់​ពាង់​លាស៖ “ទី​ងាន់​នាវ​ព្រែ​លាស អេលីយា ​វាច់​ល៝រ គៃ​មា​កើយ​នទ្រាប់​អ៝ន់​អាប់​ទឹង​លែៈ​រាងោច តីស​មា​មើម​ទឹង​ឞូ​ញចីស​តា​ត្រោម​ឆ៝ម់បុត​លាស​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​គែស​នាវ​ជេរ​ជ៝ត់​ទុត​ហោ ឞូ​មឺច​រាម៝ត​ដ៝ង់?
MAR 9:13 គ៝ប់​មឞើស​មា​ខាន់​មៃ អេលីយា ​លែៈ​ជេស​វាច់​គុ​តា​នែស​នតូ​អ្យា​ហើយ្ស ល៝ង់​ឞូ​អាបាៈ​ជាន​ជេរ​មា​អោឞាល់​អី​នៃ​អាប់​មពឹ​លឹ​នតីល ទាស​អុច​ឞូ​ជាន​តឹង​មា​នាវ​ឞូ​គែស​ញចីស​ល៝រ​មា​ពាង់​នើស”។
MAR 9:14 ជេសរី​ឞ្រាស​យេឆូ  នទ្រែល​មា​ពែ​នុយ្ស​អ៝ស​ម៝ន​រី​ព្លឹ​ត៝ត់​តា​នតុក​អ៝ស​ម៝ន​ទឹង​លែៈ​អី​គុ​តា​នៃ ឆៃ​អ៝ក់​ផូង​ប៝ន​លាន​ជុម​អ៝ស​ម៝ន​ពាង់​នៃ គែស​នើម​នតី​នាវ​វៃ​ផូង​អីឆ្រាអែល ​បាបាៈ​តឹម​រាលាច់​ដាស​ខាន់​ពាង់​ដ៝ង់។
MAR 9:15 ត៝ត់​ផូង​ប៝ន​លាន​ឆៃ​ឞ្រាស​យេឆូ ​ទឹង​លែៈ​ខាន់​ពាង់​នទ្រ៝ត់​រោស​ព្រោស​ញច្វាត់​រាន​អោប​អ្វែស​លាង់​ពាង់។
MAR 9:16 ពាង់​អោប​ខាន់​ពាង់៖ “ម៝ស​នាវ​តឹម​រាលាច់​ខាន់​មរែ​ដាស​ខាន់​ពាង់​នទើស​នើស?”
MAR 9:17 ជេសរី​គែស​ទូ​ហ្វេ​ឞូ​ក្លោ​តា​ផូង​ប៝ន​លាន​នៃ​អើស​មា​ពាង់៖ “ហើយ​នើម​នតី! គ៝ប់​លែវ​ក៝ន​ឞូ​ក្លោ​គ៝ប់​អី​ឞ្រាស​អ្យើស​លាប់​តា​ឆាក់​ពាង់ ជាន​អ៝ន់​ពាង់​មល៝​មោ​ឞ្លាវ​ងើយ។
MAR 9:18 ត៝ត់​ឞ្រាស​អ្យើស​អី​នៃ​លើស​នតឹៗ​ក៝ន​គ៝ប់​ចោត​តា​នែស​ទាង់​ជ៝ង់​ទាង់​តី លោស​មពុញ​ទាក​ទីវ រាច្យាត់​ឆេក​រាច្យាត់​នែង នទ្រី​មេៈ។ គ៝ប់​ដាៈ​មពោល​អ៝ស​ម៝ន​មៃ​មព្រើស​ដ៝ង់ ខាន់​ពាង់​មព្រើស​មោ​អោស​ទើយ​លោស”។
MAR 9:19 ឞ្រាស​យេឆូ ​អើស​មា​ខាន់​ពាង់៖ “ហើយ​ផូង​ឞូនុយ្ស​មោ​គែស​នាវ​ញឆីង​មា​កោរាញ​ឞ្រាស! ទាស​ហោម​ជ៝ៈ​អ៝ន់​គ៝ប់​គុ​នទ្រែល​ខាន់​អៃ​មៃ​ហ្យាស? ទាស​ហោម​ជ៝ៈ​អ៝ន់​គ៝ប់​ញឆ្រោយ្ស​នទ្រែល​ខាន់​អៃ​មៃ? លែវ​ក៝ន​ឆែ​នៃ​ជឹត​គ៝ប់​អ្យា”។
MAR 9:20 ជេសរី​ឞូ​លែវ​ពាង់​ហាន់​អា​ឞ្រាស​យេឆូ ។ ត៝ត់​ឆៃ​ឞ្រាស​យេឆូ  ឞ្រាស​អ្យើស​ជាន​អ៝ន់​ក៝ន​ឆែ​នៃ​ចោត​ញឆ្ល៝ង់​ញឆ្លាង់​រ៝ រាលិ​រាលាង​តា​នែស​នហ៝​មា​លោស​មពុញ​ទាក​ទីវ។
MAR 9:21 ឞ្រាស​យេឆូ ​អោប​អី​ឞឹ​ពាង់៖ “ទាស​ជ៝ៈ​នតើម​គែស​នាវ​ត៝ត់​អី​នៃ​មា​ពាង់?” “នតើម​ឞើស​ហោម​ជេៈ​ងាន់។
MAR 9:22 ឞ្រាស​អ្យើស​ជាន​ពាង់​ចោត​តា​អុញ​តុប​តា​ទាក​នឹង​ងាន់ អុច​ងខឹត​ពាង់។ លាស​មៃ​ទើយ​ជាន ទាន់​មៃ​កើល​ហេន យោៈ​នអាច​មា​ហេន​បាៈ​អើ”។
MAR 9:23 ឞ្រាស​យេឆូ ​អើស​លាស​មា​ពាង់៖ “ម៝ស​នាវ​មៃ​លាស «លាស​មៃ​ទើយ​ជាន» កើត​នៃ? គ៝ប់​ទើយ​ជាន​ទឹង​លែៈ​នតីល​នទើ​អ៝ន់​មា​ឞូ​ម៝ស​អី​ញឆីង​មា​គ៝ប់”។
MAR 9:24 ជេស​តាង់​លាស​នទ្រី​អី​ឞឹ​ក៝ន​ឆែ​នៃ​នតែរ​[ហ៝រ​ទាក​មាត់]​លាស៖ “គ៝ប់​ញឆីង​ហើយ្ស! ទាន់​កើល​គ៝ប់​អ៝ន់​គែស​នាវ​ញឆីង​ងាន់!”
MAR 9:25 តា​នៃ​ឞ្រាស​យេឆូ ​ឆៃ​ផូង​ប៝ន​លាន​ញច្វាត់​រាន​អា​ពាង់ នទ្រី​ពាង់​រាអ៝ត់​ឞ្រាស​អ្យើស​លាស៖ “ហើយ​ឞ្រាស​អ្យើស​អី​ជាន​អ៝ន់​ក៝ន​ឆែ​អ្យា​តឹក​តោរ មល៝! គ៝ប់​ដាៈ​មៃ​លោស​ឞើស​ក៝ន​ឆែ​អ្យា​ហ៝ម់ លើយ​ហោម​អោស​លាប់​តា​ពាង់​ជឹត!”
MAR 9:26 ឞ្រាស​អ្យើស​នៃ​នតែរ​រ៝ ជាន​អ៝ន់​ក៝ន​ឆែ​នៃ​ញឆ្ល៝ង់​ញឆ្លាង់​ទុត​ហោ​ងាន់ ជេសរី​លោស​ប្ហុច។ ជេស​នៃ​ក៝ន​ឆែ​ឞិច​លាអ៝យ្ស​តឹម​ឞាន​មា​ឞូនុយ្ស​លែៈ​ខឹត អ៝ក់​ឞូនុយ្ស​លាស​ពាង់​លែៈ​ខឹត​ងាន់។
MAR 9:27 យើន​មា​ឞ្រាស​យេឆូ ​ញុប​តី​ពាង់ រាទ៝ក់​ពាង់ ក៝ន​ឆែ​នៃ​ទ៝ក់​ដើប។
MAR 9:28 ជេសរី​ឞ្រាស​យេឆូ ​ហាន់​លាប់​តា​ទូ​មល៝ម់​ជៃ មពោល​អ៝ស​ម៝ន​អោប​អេង​ពាង់៖ “មើម​ទឹង​ហេន​មោ​ទើយ​មព្រើស​ឞ្រាស​អ្យើស​អ៝ន់​លោស​ហ្យាស?”
MAR 9:29 ឞ្រាស​យេឆូ ​លាស​មា​ខាន់​ពាង់៖ “គៃ​មា​ទើយ​មព្រើស​ឞ្រាស​អ្យើស​កើត​នៃ មឞើស​ឆើម​[ នទ្រែល​មា​អ៝ត់​ឆោង​ឆា]​មើ​ពា​ហែស”។
MAR 9:30 ជេសរី​ឞ្រាស​យេឆូ  នទ្រែល​មា​មពោល​អ៝ស​ម៝ន​ពាង់​លោស​ឞើស​នតុក​នៃ ហាន់​គ្លាត់​រ៝ៈ​ឞ្រី​កាលីលេ ​មោ​អុច​អោស​អ៝ន់​ឞូ​គឹត‌
MAR 9:31 ពាង់​នតុម​នតី​មា​មពោល​អ៝ស​ម៝ន​ពាង់​កើត​នអា៖ “គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស ឞូ​មរា​ញជុន​អ៝ន់​មា​ឞូនុយ្ស​អី​ងខឹត​លើយ​គ៝ប់ យើន​មា​លោច​ពែ​នារ​ឞើស​កើយ​ជេស​ឞូ​ងខឹត គ៝ប់​ទ៝ក់​រេស​តៃ”។
MAR 9:32 មពោល​អ៝ស​ម៝ន​ពាង់​មោ​វ៝ត់​អោស​នាវ​ពាង់​ងើយ ខាន់​ពាង់​មោ​ឞាញ់​អោប​ពាង់​ដ៝ង់។
MAR 9:33 ជេសរី​ឞ្រាស​យេឆូ  នទ្រែល​មា​មពោល​អ៝ស​ម៝ន​ហាន់​ត៝ត់​តា​ប៝ន​កាពើនិម ​តា​ឞ្រី​កាលីលេ ។ ខាន់​ពាង់​លាប់​តា​ទូ​មល៝ម់​ជៃ ជេសរី​ពាង់​អោប​មា​មពោល​អ៝ស​ម៝ន៖ “ម៝ស​នាវ​តឹម​ញច្រាៈ​ខាន់​ម្រែ​នោក​ហាន់​រ៝ៈ​ត្រ៝ង​នើស?”
MAR 9:34 ខាន់​ពាង់​អ្យាត់​ឆាក់​រាក់​ក្លាក់ យ៝រ​លាស​នោក​ហាន់​រ៝ៈ​ត្រ៝ង​នើស ខាន់​ពាង់​តឹម​រាលាច់​អុច​គឹត​នហេល​តា​មពោល​ខាន់​ពាង់ ឞូ​ម៝ស​អី​ក្វ៝ង់​រាលាវ​ឞូ។
MAR 9:35 ជេសរី​ឞ្រាស​យេឆូ ​គុ​ងគូច ពាង់​ក្វាល់​លែៈ ១២ នុយ្ស​មពោល​អ៝ស​ម៝ន​នៃ ពាង់​លាស៖ “ឞូ​ម៝ស​អី​អុច​ក្វ៝ង់​រាលាវ​ឞូ ពាង់​អី​នៃ​ញជុរ​ឆាក់​ពាង់​នើម​អ៝ន់​ជេៈ​តា​ន៝ម់​ឞូ នហ៝​មា​ជាន​ទឹក​ឞូ​ទឹង​លែៈ​ដ៝ង់”។
MAR 9:36 ពាង់​លែវ​ទូ​ហ្វេ​ក៝ន​ឆែ​ជេៈ អ៝ន់​ទ៝ក់​តា​ងក្លាង​ខាន់​ពាង់ ពាង់​អូត​ក៝ន​ឆែ​អី​នៃ លាស​មា​មពោល​អ៝ស​ម៝ន៖
MAR 9:37 “ឞូ​ម៝ស​អី​រ៝ម​មា​ទូ​ហ្វេ​ក៝ន​ឆែ​ជេៈ​កើត​អ្យា យ៝រ​មា​អុច​អ្យាត់​នាវ​គ៝ប់ ពាង់​តឹម​ឞាន​មា​រ៝ម​គ៝ប់​ដ៝ង់ ជេសរី​ឞូ​ម៝ស​ពាង់​អី​រ៝ម​គ៝ប់ មោ​អោស​ទើន​រ៝ម​មា​ទូ​ហ្វេ​គ៝ប់​ទើម រ៝ម​មា​កោរាញ​ឞ្រាស​អី​តើម​ញជ្វាល់​អ៝ន់​គ៝ប់​ជុរ​តា​អ្យា​ដ៝ង់”។
MAR 9:38 ជេសរី​យោហាន ​មឞើស​មា​ឞ្រាស​យេឆូ ​លាស៖ “ហើយ​នើម​នតី! ហេន​ឆៃ​ទូ​ហ្វេ​ឞូនុយ្ស​មព្រើស​ឞ្រាស​អ្យើស​មា​ម៝ស​រាញា​មៃ។ ជេសរី​ហេន​ឞ្វៃ​ពាង់ យ៝រ​លាស​ពាង់​មោ​គែស​អោស​មពោល​ឞ៝ន់”។
MAR 9:39 ឞ្រាស​យេឆូ ​លាស៖ “លើយ​អោស​ឞ្វៃ​ពាង់។ មោ​គែស​អោស​ឞូនុយ្ស​ទើយ​ជាន​នាវ​ទើយ​មា​ម៝ស​រាញា​គ៝ប់ ជេសរី​បេង​មា​ងើយ​អ្យើស​មា​គ៝ប់។
MAR 9:40 នទ្រី​ឞូ​ម៝ស​មោ​រាទ៝ង់​ដាស​ឞ៝ន់ ពាង់​អី​នៃ​គុ​មពែស​មា​ឞ៝ន់​រ៝។
MAR 9:41 ជេសរី​ជឹត​លាស​ឞូ​ម៝ស​អ៝ន់​ទាក​ទូ​កែវ​មា​ខាន់​មៃ យ៝រ​មា​ខាន់​មៃ​ជេង​មពោល​អ៝ស​ម៝ន​គ៝ប់​អី​ឞ្រាស​ក្រីស គ៝ប់​លាស​នហេល​នានេៈ​ងាន់​មា​ខាន់​មៃ ពាង់​អី​នៃ​គែស​នទើ​ងខោម​រ៝”។
MAR 9:42 ឞ្រាស​យេឆូ ​លាស​ជឹត៖ “ឞូ​ម៝ស​លែវ​ទូ​ហ្វេ​ក៝ន​ឆែ​ជេៈ​អី​ញឆីង​មា​គ៝ប់​ជាន​នាវ​តីស នទ្រី​អ្វែស​រាលាវ​លាស​ឞូ​ឆ៝ៈ​មពាល់​លុ​ក៝ត់​តា​ត៝ង​ក៝​ពាង់ ងក្លាច់​ពាង់​តា​ទាក​វាច់​ទាក​វារ់​រី មា​ដាស​អ៝ន់​រ៝ង​ពាង់​រេស។
MAR 9:43 លាស​ឆៃ​តី​ខាន់​មៃ​លែវ​ជាន​នាវ​តីស​ក៝ស​មអារ់​លើយ​តី​អី​នៃ។ អ្វែស​រាលាវ​មា​គុ​រេស​ជឹត​នាប់​តៃ​រ៝ង​ទូ​ទីង​តី​ទើម ជេសរី​ទើន​នាវ​រេស​នហ៝​រ៝ មា​ដាស​ឞារ​ដាស​តី ជេសរី​គុ​តា​នតុក​អី​គែស​អុញ​ហីត​មោ​ឞ្លាវ​ញហ៝ត់
MAR 9:44 [ជេង​នតុក​អី​គែស​នាវ​រេស​រាញាល់​រាហាយ​ឆា​ឆាក់​ឞូនុយ្ស​នហ៝​រ៝ នតុក​គែស​អុញ​ហីត​មោ​ឞ្លាវ​ញហ៝ត់​ដ៝ង់]។
MAR 9:45 លាស​ឆៃ​ជ៝ង់​ខាន់​មៃ​លែវ​ជាន​នាវ​តីស ក៝ស​មអារ់​លើយ​ជ៝ង់​អី​នៃ។ អ្វែស​រាលាវ​មា​គុ​រេស​ជឹត​នាប់​តៃ​រ៝ង​ទូ​ទីង​ជ៝ង់​ទើម ជេសរី​ទើន​នាវ​រេស​នហ៝​រ៝ មា​ដាស​ឞារ​ដាស​ជ៝ង់ ជេសរី​កោរាញ​ឞ្រាស​ងក្លាច់​តា​នទ្រូង​អុញ
MAR 9:46 [ជេង​នតុក​អី​គែស​នាវ​រេស​រាញាល់​រាហាយ​ឆា​ឆាក់​ឞូនុយ្ស​នហ៝​រ៝ នតុក​គែស​អុញ​ហីត​មោ​ឞ្លាវ​ញហ៝ត់​ដ៝ង់]។
MAR 9:47 លាស​ឆៃ​ត្រោម​មាត់​ខាន់​មៃ​លែវ​ជាន​នាវ​តីស​រាវែក​មអារ់​លើយ​ត្រោម​មាត់​អី​នៃ។ អ្វែស​រាលាវ​មា​រ៝ង​ទូ​ទីង​ត្រោម​មាត់​លាប់​គុ​តា​ប៝ន​អ្វែស​កោរាញ​ឞ្រាស មា​ដាស​ឞារ​ដាស​ត្រោម​មាត់ ជេសរី​កោរាញ​ឞ្រាស​ងក្លាច់​តា​នទ្រូង​អុញ‌
MAR 9:48 ជេង​នតុក​អី​គែស​នាវ​រេស​រាញាល់​រាហាយ​ឆា​ឆាក់​ឞូនុយ្ស​នហ៝​រ៝ នតុក​គែស​អុញ​ហីត​មោ​ឞ្លាវ​ញហ៝ត់​ដ៝ង់។
MAR 9:49 កោរាញ​ឞ្រាស​រាល៝ង​ទឹង​លែៈ​ឞូនុយ្ស​មា​នាវ​ជេរ​ជ៝ត់​តឹម​ឞាន​មា​លាប់​តា​អុញ​ហីត។ នទើ​អី​នៃ​តឹម​ឞាន​មា​នាវ​ញហើរ​មា​កោរាញ​ឞ្រាស​ទឹង​លែៈ​គែស​ព៝ត​លាយ​មា​ឞ៝ស។
MAR 9:50 ឞ៝ស​ជេង​ទូ​នតីល​នទើ​តេៈ​ត្រាវ​មា​កាស​ងាន់ លាស​ឞ៝ស​អី​នៃ​មោ​ហោម​គែស​កាស មើម​ហោម​ឞ្លាវ​ជាន​គៃ​មា​អ៝ន់​ព្លឹ​កាស​ជឹត? អ៝ន់​ខាន់​មៃ​គឹត​មា​នាវ​ខ្លៃ​ឞ៝ស​អ្យា ជេសរី​គុ​នទ្រែល​ឞាល់​អ៝ន់​គែស​នាវ​អ្វែស​លាង់​ដាប់​មពាន់”។
MAR 10:1 ជេសរី​ឞ្រាស​យេឆូ ​លោស​ឞើស​ប៝ន​នៃ ហាន់​ជឹត​ឞ្រី​យូដា ​មពែស​ឞើស​កាល់​តី​ទាក​រាលាយ​យោរដាន់  ជេង​មពែស​ឞើស​លោស​នារ។ ផូង​ប៝ន​លាន​លែវ​ឞាល់​រាន​អា​ឞ្រាស​យេឆូ ​ទូ​តឹ​ជឹត ជេសរី​ពាង់​នតុម​នតី​តៃ​តឹង​មា​នាវ​វៃ​ពាង់។
MAR 10:2 គែស​ផូង​ផារីឆី ​អាបាៈ​ហាន់​លាប់​គុ​ទាច់​អុច​អោប​រាល៝ង​ពាង់ ជេសរី​ខាន់​ពាង់​អោប​ពាង់៖ “ហើយ​នើម​នតី! អាស​តឹង​មា​នាវ​វៃ​ផូង​ឞ៝ន់ ឆាយ​ទើយ​នត្លើយ​អូរ​ដ៝ង់​ឞើស?”
MAR 10:3 ពាង់​អើស​លាស៖ “នទ្រី​មើម​មោឆេ ​ដាៈ​ខាន់​មៃ​តា​នាវ​វៃ​ពាង់?”
MAR 10:4 ខាន់​ពាង់​អើស៖ “មោឆេ ​ញចីស​លាស អ៝ន់​អី​ឆាយ​ជាន​ឆ៝ម់បុត​នាវ​តឹម​នត្លើយ ជេសរី​ទើយ​មព្រើស​អី​អូរ​ពាង់​នើម”។
MAR 10:5 ជេសរី​ឞ្រាស​យេឆូ ​លាស​មា​ខាន់​ពាង់៖ “អាច​មា​ខាន់​មៃ​ទាង់​ក៝​ហោ​អីរ ទឹង​មោឆេ ​ញចីស​នាវ​វៃ​កើត​នៃ។
MAR 10:6 ឞើស​នតើម​កាល់​អែ កោរាញ​ឞ្រាស​ទែ​ញជេង​ទឹង​លែៈ​តា​នែស​នតូ​អ្យា ពាង់​ញជេង​ឞូនុយ្ស​ដ៝ង់ គែស​ឞូ​ក្លោ​គែស​ឞូ​អូរ។
MAR 10:7 មោឆេ ​ញចីស៖ «នទ្រី​ទឹង​គែស​ឞូ​ក្លោ​លោស​ទូ​ឞើស​មេៈ​ឞឹ [ហាន់​គុ​អា​អូរ]‌
MAR 10:8 ជេសរី​ឞារ​ហៃ​ខាន់​ពាង់​ជេង​អូរ​ឆាយ​ជេង​ទូ​រាង្លៃ​ឆាក់»។ នទ្រី​ខាន់​ពាង់​មោ​ហោម​អោស​ជេង​ឞារ​ហៃ​តៃ លែៈ​ជេង​ទូ​រាង្លៃ​ឆាក់​ទើម។
MAR 10:9 លាស​នទ្រី​ឞារ​ហៃ​អូរ​ឆាយ​អី​កោរាញ​ឞ្រាស​ទែ​រាង្លាប់​នៃ​លើយ​អ៝ន់​អោស​ឞូនុយ្ស​តឹម​ងខាស”។
MAR 10:10 ជេសរី​ត៝ត់​ឆឹត​គុ​តា​ទូ​មល៝ម់​ជៃ មពោល​អ៝ស​ម៝ន​អោប​ឞ្រាស​យេឆូ ​មា​នាវ​អី​នៃ​ទូ​តឹ​ជឹត។
MAR 10:11 ពាង់​លាស​មា​ខាន់​ពាង់៖ “ឞូ​ម៝ស​នត្លើយ​អូរ ជេសរី​ឆ៝ៈ​តៃ​អូរ​អេង​ជឹត ឞូ​ក្លោ​អី​នៃ​ជេង​ឞូនុយ្ស​ល៝ម់​អូរ។
MAR 10:12 លាស​ឞូ​អូរ​អី​លែៈ​នត្លើយ​ឆាយ ជេសរី​ឆ៝ៈ​ឆាយ​អេង​ជឹត ឞូ​អូរ​អី​នៃ​ជេង​ឞូនុយ្ស​ល៝ម់​ឆាយ”។
MAR 10:13 គែស​ទូ​នារ​រី​ឞូ​លែវ​ក៝ន​ឆែ​ជេៈៗ ដាៈ​ឞ្រាស​យេឆូ ​ពាស​អ៝ន់​នាវ​គែស​ជេង​មា​ក៝ន​ឆែ​អី​នៃ តីស​មា​មពោល​អ៝ស​ម៝ន​លាស​ឞ្វៃ​ខាន់​ពាង់។
MAR 10:14 ឞ្រាស​យេឆូ ​នូយ្ស​មឞូ ត៝ត់​ឆៃ​កើត​នៃ ពាង់​លាស៖ “អ៝ន់​ផូង​ក៝ន​ឆែ​វាច់​តា​គ៝ប់ លើយ​អោស​ឞ្វៃ​ខាន់​ពាង់ យ៝រ​លាស​ខាន់​ពាង់​មោ​អោស​នហាវ​អេង​ឆាក់​ខាន់​ពាង់​នើម យើន​មា​ញឆីង​មា​មេៈ​ឞឹ​ហោ​ងាន់។ ឞូនុយ្ស​អី​កោរាញ​ឞ្រាស​អុច​ម៝ត់​អ្វាញ់ ខាន់​ពាង់​គែស​កើត​នទ្រី​ដ៝ង់។
MAR 10:15 គ៝ប់​លាស​នហេល​នានេៈ​ងាន់​មា​ខាន់​អៃ​មៃ ឞូ​ម៝ស​មោ​រ៝ម​នាវ​កោរាញ​ឞ្រាស​ម៝ត់​អ្វាញ់​តឹម​ឞាន​មា​ក៝ន​ឆែ​ជេៈ​រ៝ម ឞូនុយ្ស​អី​នៃ​កោរាញ​ឞ្រាស​មោ​រ៝ម​ដ៝ង់ មោ​អ៝ន់​ពាង់​លាប់​តា​នាវ​កោរាញ​ឞ្រាស​នើម​ម៝ត់​អ្វាញ់​ដ៝ង់”។
MAR 10:16 ជេសរី​ឞ្រាស​យេឆូ ​ពឺ​អូត​មពោល​ក៝ន​ឆែ​នៃ នហ៝​មា​មឞើស​ឆើម​តេៈ​តី​អ៝ន់​នាវ​គែស​ជេង​មា​ខាន់​ពាង់​ដ៝ង់។
MAR 10:17 ជេសរី​ឞ្រាស​យេឆូ ​នទ្រាប់​មា​លោស​ឞើស​នៃ​ហាន់​រ៝ៈ​ត្រ៝ង គែស​ទូ​ហ្វេ​ឞូ​ក្លោ​ញច្វាត់​រាន​ត៝ត់​តា​នៃ ច៝ន​កោម៝ក់​ឞើស​នាប់​ពាង់ នហ៝​មា​អោប​លាស៖ “ហើយ​នើម​នតី​អ្វែស មើម​គ៝ប់​ជាន​មេស គៃ​មា​គែស​នាវ​រេស​នហ៝​រ៝?”
MAR 10:18 ឞ្រាស​យេឆូ ​អើស​លាស៖ “មើម​ទឹង​មៃ​ក្វាល់​គ៝ប់​«អ្វែស»​កើត​នៃ​មេស? មោ​គែស​អោស​ទូ​ហ្វេ​ឞូនុយ្ស​អ្វែស គែស​ទូ​ហ្វេ​កោរាញ​ឞ្រាស​ទើម​អ្វែស។
MAR 10:19 មៃ​លែៈ​គឹត​ជេស​តា​នាវ​វៃ​ផូង​ឞ៝ន់​លាស៖ «លើយ​ងខឹត​ឞូ លើយ​ល៝ម់​អូរ​ល៝ម់​ឆាយ លើយ​នតុង លើយ​ងើយ​ញចើត លើយ​មរោស​គៃ​មា​ឆ៝ៈ​ទ្រាប់​នទើ​ឞូ ជេសរី​យើក​មា​មេៈ​ឞឹ​ហ៝ៈ»”។
MAR 10:20 ឞូ​ក្លោ​អី​នៃ​អើស​មា​ពាង់៖ “ហើយ​នើម​នតី! ទឹង​លែៈ​នាវ​អី​នៃ​គ៝ប់​លែៈ​ញអោត​នតើម​ឞើស​ជេៈ​ងាន់”។
MAR 10:21 ជេស​តាង់​ពាង់​អើស​កើត​នទ្រី ឞ្រាស​យេឆូ ​អ្វាញ់​ជឹត​ពាង់​នៃ រ៝ង់​មា​ឞូ​ក្លោ​នៃ ឞ្រាស​យេឆូ ​ងើយ​លាស៖ “ហោម​ទូ​នតីល​មៃ​មោ​ហ៝ៈ​ជាន តាច់​លែៈ​ទ្រាប់​នទើ​មៃ ពាៈ​អ៝ន់​មា​មពោល​អ៝​អាច រី​មើ​មៃ​គែស​នទើ​ខ្លៃ​តា​ប៝ន​អ្វែស​តា​កាលើ។ ជេសរី​ហាន់​តឹង​គ៝ប់”។
MAR 10:22 ជេស​ឞូ​ក្លោ​នៃ​តាង់​លាស​កើត​នៃ មុស​មាត់​ពាង់​ឆើស​រាអើយ្ស ជេសរី​ព្លឹ​ឆឹត នូយ្ស​នហ៝ម់​ពាង់​រាវៃ​ញហ្វាច​ហោ​ងាន់ យ៝រ​មា​ទុត​អ៝ក់​ទ្រាប់​នទើ​ពាង់។
MAR 10:23 ឞ្រាស​យេឆូ ​អ្វាញ់​ជុម​ពាង់​នើម ជេសរី​លាស​មា​មពោល​អ៝ស​ម៝ន​ពាង់៖ “ជេរ​ងាន់​មា​ឞូនុយ្ស​នទ្រ៝ង់​អ៝ន់​កោរាញ​ឞ្រាស​ម៝ត់​អ្វាញ់​ខាន់​ពាង់”។
MAR 10:24 មពោល​អ៝ស​ម៝ន​នទ្រ៝ត់​ហីស​រាហ៝ល់​ហោ​ងាន់​មា​នាវ​ពាង់​ងើយ​អី​នៃ។ ជេសរី​ឞ្រាស​យេឆូ ​លាស​មា​ខាន់​ពាង់​ជឹត៖ “ហើយ​អ៝ស​នោ នាវ​កោរាញ​ឞ្រាស​ម៝ត់​អ្វាញ់​ជេរ​ងាន់​លាប់!
MAR 10:25 មា​ឞូនុយ្ស​នទ្រ៝ង់​លាប់​តា​នាវ​កោរាញ​ឞ្រាស​ម៝ត់​អ្វាញ់ ជេរ​រាលាវ​ដាស​អ៝ន់​ឆែស​ឆាមោ​លាប់​តា​ត្រោម​ងលាយ”។
MAR 10:26 មពោល​អ៝ស​ម៝ន​នទ្រ៝ត់​ហីស​រាហ៝ល់​លើ​ហោ​ជឹត ជេសរី​អោប​នទ្រាង់​ខាន់​ពាង់​នើម៖ “លាស​ឞូនុយ្ស​នទ្រ៝ង់​លែៈ​គែស​ជេរ​ជេស​មា​អ៝ន់​កោរាញ​ឞ្រាស​ម៝ត់​អ្វាញ់​ខាន់​ពាង់ លាស​នទ្រី​ឞូនុយ្ស​អា​អេង​ហោម​ទើយ​អ៝ន់​កោរាញ​ឞ្រាស​ម៝ត់​អ្វាញ់​ដ៝ង់​មោ​លាស​មោ?”
MAR 10:27 ឞ្រាស​យេឆូ ​ងគឹល​អ្វាញ់​ជឹត​ខាន់​ពាង់​លាស៖ “នាវ​អ្យា​ឞូនុយ្ស​ជាន​មោ​អោស​ទើយ យើន​មា​កោរាញ​ឞ្រាស​ហោម​ទើយ​ជាន យ៝រ​លាស​ទឹង​លែៈ​នទើ​ពាង់​ជាន​ទើយ​ទាទេ”។
MAR 10:28 ពេត្រោស ​លាស​មា​ឞ្រាស​យេឆូ ៖ “លែៈ​មៃ​ឆៃ​ជេស​ហេន ហេន​លែៈ​នត្លើយ​នទ៝ស​នទើ​ហេន​នើម​លែៈ​ផ្យៅ ហាន់​តឹង​មៃ”។
MAR 10:29 ឞ្រាស​យេឆូ ​អើស​លាស៖ “គ៝ប់​លាស​នហេល​នានេៈ​ងាន់​មា​ខាន់​មៃ ឞូ​ម៝ស​នត្លើយ​ញីស​ជៃ អ៝ស​នោ អ៝ស​នូរ មេៈ​ឞឹ អ៝ស​ក៝ន មោ​លាស​មីរ​ឞា យ៝រ​មា​តឹង​គ៝ប់ នទ្រែល​មា​តឹង​នាវ​មហែ​មហាន​អ្វែស‌
MAR 10:30 នទ្រី​ទឹង​កោរាញ​ឞ្រាស​ងខោម​តា​នាវ​រេស​ជេង​ពាង់​អី​នៃ​អាបៃ​អ្យា​អ៝ន់​អ៝ក់​ងាន់​ងេន​មា​ញីស​ជៃ អ៝ស​នោ អ៝ស​នូរ មេៈ​ឞឹ អ៝ស​ក៝ន នទ្រែល​មា​មីរ​ឞា។ ពាង់​ឞូ​ជាន​នាវ​ក្រីត​ជេរ​ដ៝ង់ យើន​មា​នារ​ជឹត​នាប់​តៃ​ពាង់​ទើន​នាវ​រេស​នហ៝​រ៝។
MAR 10:31 ល៝ង់​អ៝ក់​ឞូនុយ្ស​អី​ឞើស​នាប់​ព្លាច់​ឞើស​កើយ ឞូនុយ្ស​អី​ឞើស​កើយ​ព្លាច់​ឞើស​នាប់​ច្រាវ។ គែស​អ៝ក់​ឞូនុយ្ស​តា​នែស​នតូ​អ្យា​ឞូ​គឹត​ខាន់​ពាង់​គែស​នាវ​ខ្លៃ​ងាន់ យើន​មា​ជឹត​នាប់​តៃ​មោ​គែស​អោស​នាវ​ខ្លៃ តីស​មា​គែស​អ៝ក់​ឞូនុយ្ស​អេង​ជឹត​តា​នែស​នតូ​អ្យា​ឞូ​គឹត​ខាន់​ពាង់​មោ​គែស​អោស​នាវ​ខ្លៃ យើន​មា​តា​ជឹត​នាប់​តៃ​គែស​នាវ​ខ្លៃ​ច្រាវ”។
MAR 10:32 ឞ្រាស​យេឆូ  នទ្រែល​មា​មពោល​អ៝ស​ម៝ន​ពាង់​ហាន់​ហាវ​ជឹត​ប៝ន​ក្វ៝ង់​យេរូឆាលឹម ។ ពាង់​ហាន់​ឞើស​នាប់​ឞូ ល៝ង់​មពោល​អ៝ស​ម៝ន​រាវៃ​រោត​អោត​ងាន់ លែៈ​ឞូ​អី​ហាន់​តឹង​ឞើស​កើយ​ក្លាច​ដ៝ង់។ ជេសរី​ឞ្រាស​យេឆូ ​លែវ ១២ នុយ្ស​មពោល​កោរាញ​អ៝ស​ម៝ន​នៃ​ហាន់​នតុក​អេង​បាស​មា​ឞូ ងក៝ច​មា​នាវ​អី​គែស​ត៝ត់​មា​ឆាក់​ពាង់​នើម​តៃ៖
MAR 10:33 “អាបៃ​អ្យា​ឞ៝ន់​ហាវ​ជឹត​ប៝ន​ក្វ៝ង់​យេរូឆាលឹម ។ គ៝ប់​អ្យា​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស ឞូ​ទែ​ញជុន​អ៝ន់​មា​មពោល​កោរាញ​ជាន​ឞ្រាស នទ្រែល​មា​ផូង​នើម​នតី​នាវ​វៃ​ផូង​ឞ៝ន់។ ជេសរី​ខាន់​ពាង់​អី​នៃ​តេៈ​ទោយ្ស​គ៝ប់​ត៝ត់​ខឹត ញជុន​គ៝ប់​មា​ផូង​អី​មោ​ទី​ផូង​អីឆ្រាអែល ។
MAR 10:34 លែៈ​ផូង​អី​នៃ​គើម​ងគ្រើស​គ៝ប់ ឆ៝ស​ទាក​ទីវ​តា​គ៝ប់ រាពាត់​គ៝ប់​មា​ម៝ង់​រាឆែ ជេសរី​ងខឹត​លើយ​គ៝ប់ យើន​មា​លោច​ពែ​នារ​ឞើស​កើយ​នៃ​គ៝ប់​ទ៝ក់​រេស​តៃ”។
MAR 10:35 ជេសរី​រ៝ៈ​ត្រ៝ង​នៃ​ឞារ​ហៃ​អ៝ស​នោ​ខាន់​ពាង់​យាកើ  នទ្រែល​មា​យោហាន ​អី​ក៝ន​ឆេបេដេ ​ទាន់​មា​ឞ្រាស​យេឆូ ៖ “ហើយ​នើម​នតី! ទាន់​មៃ​យោៈ​អ៝ន់​តឹង​នាវ​ហេន​ទាន់​ដ៝ង់​អើ”។
MAR 10:36 ឞ្រាស​យេឆូ ​អោប​ខាន់​ពាង់៖ “ម៝ស​នទើ​អុច​គ៝ប់​ជាន​អ៝ន់​មា​ខាន់​មៃ​មេស?”
MAR 10:37 ខាន់​ពាង់​អើស​លាស៖ “នោក​មៃ​ជេង​កាដាច់​ម៝ត់​អ្វាញ់​ឞ្រី​កោរាញ​ឞ្រាស​តៃ អ៝ន់​ហេន​គុ​កេង​មៃ​នើម​ម៝ត់​អ្វាញ់​នទ្រែល​មៃ ទូ​ហ្វេ​គុ​ឞើស​មា ទូ​ហ្វេ​គុ​ឞើស​ច្យៅ​អើ”។
MAR 10:38 ឞ្រាស​យេឆូ ​អើស​នាវ​នតឹត​លាស៖ “ឞារ​ហៃ​ខាន់​មៃ​នៃ​មោ​គឹត​អោស​ម៝ស​នទើ​ទាន់។ នទ្រី​ខាន់​មៃ​ទើយ​ឆ៝ៈ​ទើន​ញេត​នទ្រាញ់​ព្លៃ​យុងយារ​ប៝ន​តា​កាច៝ក​អី​គ៝ប់​ឞែ​ទើយ​ដ៝ង់? ខាន់​មៃ​ទើយ​ទើន​ដ៝ង់​នាវ​បាប់តែម​អី​គ៝ប់​ទើន​លាស​មោ?”
MAR 10:39 ខាន់​ពាង់​អើស៖ “អើ ហេន​ទើយ​ឆ៝ៈ​ទើន”។ ឞ្រាស​យេឆូ ​លាស៖ “ខាន់​មៃ​ឆ៝ៈ​ទើន​ញេត​នទ្រាញ់​ព្លៃ​យុងយារ​ប៝ន​តា​កាច៝ក​អី​គ៝ប់​ញេត នទ្រែល​មា​ទើន​នាវ​បាប់តែម​អី​គ៝ប់​ទើន​តៃ​ងាន់​ដ៝ង់។
MAR 10:40 តីស​មា​អី​នាវ​គុ​ឞើស​មា​ឞើស​ច្យៅ​រី គ៝ប់​មោ​អោស​ទើយ​រ៝ម យ៝រ​មា​នតុក​អី​នៃ​លែៈ​នទ្រាប់​អ៝ន់​មា​ឞូនុយ្ស​អី​កោរាញ​ឞ្រាស​នើម​អុច​អ៝ន់​ទើម”។
MAR 10:41 ត៝ត់​មា​មពោល​អ៝ស​ម៝ន​អី​ជឹត​នុយ្ស​នៃ​តាង់​លាស​កើត​នៃ ខាន់​ពាង់​ជី​នូយ្ស​ដាស​យាកើ  នទ្រែល​មា​យោហាន ។
MAR 10:42 ជេសរី​ឞ្រាស​យេឆូ ​ក្វាល់​លែៈ​រាងោច​មពោល​អ៝ស​ម៝ន​ពាង់ពាង់​លាស៖ “ខាន់​មៃ​លែៈ​គឹត​ជេស​ឞូនុយ្ស​អី​ជាន​កាដាច់​មា​ផូង​ឞូនុយ្ស​អី​មោ​ទី​ផូង​អីឆ្រាអែល  ខាន់​ពាង់​អី​នៃ​ទាស​អុច​ជាន​មា​ផូង​ប៝ន​លាន​ខាន់​ពាង់​នើម។ គែស​ដ៝ង់​មពោល​អី​តេស​ក្វ៝ង់​តុន​ជ៝ត​ផូង​ប៝ន​លាន​ខាន់​ពាង់​នើម។
MAR 10:43 តា​មពោល​ខាន់​មៃ​លើយ​អោស​ជាន​កើត​នៃ! តា​មពោល​ខាន់​មៃ​លាស​គែស​ទូ​ហ្វេ​អុច​ជាន​ក្វ៝ង់ អ៝ន់​ពាង់​អី​នៃ​ជេង​ឞូនុយ្ស​ឆើម​កើល​ជាន​ការ​មា​ខាន់​មៃ។
MAR 10:44 លាស​គែស​ទូ​ហ្វេ​អុច​ជាន​ក្វ៝ង់​រាលាវ​ឞូ អ្យាត់​មា​ពាង់​ជាន​ទឹក​មា​ទឹង​លែៈ​ឞូនុយ្ស​អេង​ប៝ត់‌
MAR 10:45 យ៝រ​មា​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​ជុរ​តា​នែស​នតូ​អ្យា មោ​អោស​គ៝ប់​ដាៈ​ឞូ​ឆើម​កើល​ជាន​ការ​អ៝ន់​មា​គ៝ប់។ គ៝ប់​ច្រាវ​ឆើម​កើល​ជាន​ការ​អ៝ន់​មា​ឞូ ជេសរី​គ៝ប់​ឆើម​ឆាក់​គ៝ប់​នើម​ត៝ត់​ខឹត​ឆាក់ គៃ​មា​ច្វាយ​ទឹង​លែៈ​ឞូនុយ្ស”។
MAR 10:46 ជេសរី​ឞ្រាស​យេឆូ  នទ្រែល​មា​មពោល​អ៝ស​ម៝ន​ហាន់​ត៝ត់​តា​ប៝ន​យេរីខោ ។ នោក​ខាន់​ពាង់​លោស​ឞើស​ប៝ន​យេរីខោ ​នៃ ផូង​ប៝ន​លាន​ឞ្រោៈ​នទ្រែល​ទ្រឺម។ គែស​ដ៝ង់​ទូ​ហ្វេ​ឞូ​ក្លោ​ចែស​មាត់ រាញា​បារតីមេ ​អី​ក៝ន​តីមេ ​គុ​ក៝ប់​ទាន់​ព្រាក់​ឞូ​តា​មែង​ត្រ៝ង​រី។
MAR 10:47 ត៝ត់​ពាង់​តាង់​ឞូ​លាស៖ “យេឆូ ​ប៝ន​នាឆារែត ​ឞ្រោៈ​ត៝ត់​តា​អ្យា” ពាង់​នតែរ​លាស៖ “ហើយ​កោរាញ​យេឆូ ​អី​ក៝ន​ឆៅ​កាដាច់​ដាវីត ! ទាន់​យោៈ​នអាច​មា​គ៝ប់​បាៈ​អើ!”
MAR 10:48 អ៝ក់​ឞូនុយ្ស​លាស​ពាង់​គុ​រាក្លាក់​ហ៝ៈ​លើយ​ហោម​នតែរ យើន​មា​ពាង់​នតែរ​លើ​មា​នតែសៗ​លាស៖ “ហើយ​ក៝ន​ឆៅ​កាដាច់​ដាវីត ! ទាន់​យោៈ​នអាច​មា​គ៝ប់​បាៈ​អើ!”
MAR 10:49 ជេសរី​ឞ្រាស​យេឆូ ​ញឆ្រុង​ព្លឹ​លាស៖ “ដាៈ​ពាង់​ហាន់​អា​អ្យា”។ ជេសរី​ឞូ​ដាៈ​ឞូនុយ្ស​ចែស​មាត់​នៃ​លាស៖ “លើយ​ហោម​រាវៃ ទ៝ក់​ហ៝ម់ ពាង់​ក្វាល់​មៃ​ហើយ”។
MAR 10:50 ឞូនុយ្ស​ចែស​មាត់​អី​នៃ​មអារ់​ច្រ៝ប់​អាវ​ក្វ៝ង់ ទ៝ក់​ដើប​ហាន់​រាន​ទឺស​អា​ឞ្រាស​យេឆូ ​រី។
MAR 10:51 ជេសរី​ឞ្រាស​យេឆូ ​អោប​ពាង់៖ “ម៝ស​នទើ​អុច​គ៝ប់​ជាន​អ៝ន់​មា​មៃ​មេស?” ឞូនុយ្ស​ចែស​មាត់​អី​នៃ​អើស​លាស៖ “ហើយ​នើម​នតី! ដាៈ​មៃ​ជាន​ត្រោម​មាត់​គ៝ប់​អ៝ន់​ឆៃ​អាង​អើ”។
MAR 10:52 ឞ្រាស​យេឆូ ​លាស​មា​ពាង់៖ “មៃ​ហាន់​ឆឹត​អ៝ន់​អ្វែស​លាង់​យឹ! នាវ​មៃ​ញឆីង​មា​គ៝ប់​លែៈ​ជាន​ឞាស​មៃ​ជេស!” ទោ​មា​អ្វាញ់​ឆៃ​អាង​រ៝ នហ៝​មា​ហាន់​តឹង​ឞ្រាស​យេឆូ ។
MAR 11:1 ជេសរី​ឞ្រាស​យេឆូ ​ហាន់​នទ្រែល​មពោល​អ៝ស​ម៝ន​ជឹត​ប៝ន​ក្វ៝ង់​យេរូឆាលឹម ។ ខាន់​ពាង់​ត៝ត់​កេង​ប៝ន​បេតផាឆេ  នទ្រែល​មា​ប៝ន​បេថានី ​អី​គុ​តា​យោក​តើម​អោលីវ ​មោ​ហោម​ងាយ​មា​ប៝ន​យេរូឆាលឹម ។ ជេសរី​ពាង់​ដាៈ​ឞារ​ហៃ​អ៝ស​ម៝ន​ហាន់​ល៝រ ពាង់​លាស៖
MAR 11:2 “អ៝ន់​ខាន់​មៃ​ហាន់​តា​ប៝ន​ឞើស​នាប់​រី លាប់​តា​ប៝ន​នៃ​ខាន់​មៃ​មរា​ឆៃ​ទូ​មល៝ម់​ក៝ន​ឆែស​លៀ​ឞូ​ក៝ត់​តា​នៃ ឆែស​លៀ​អី​នៃ​អេ​ហ៝ៈ​គែស​ឞូ​ញច៝​អោស អ៝ន់​ខាន់​មៃ​ទ្រីស​តេក​ពាង់​ឞើស​រី​អា​អ្យា។
MAR 11:3 លាស​គែស​ឞូ​អោប​ខាន់​មៃ៖ «ម៝ស​ជាន​ទ្រីស​ខាន់​មរែ​នៃ​មេស?» ខាន់​មៃ​អើស​លាស៖ «កោរាញ​អុច​ញច៝​ពាង់»។ ជេសរី​ពាង់​ដាៈ​តេក​មព្លឹ​តា​អ្យា​តៃ​គើញ​រ៝”។
MAR 11:4 ជេសរី​ខាន់​ពាង់​ហាន់​រ៝ង់​ឞ្រ៝ង់​ត៝ត់​តា​នៃ​ឆៃ​ទូ​មល៝ម់​ក៝ន​ឆែស​លៀ ឞូ​ក៝ត់​ឞើស​ទីស​មពោង​ច្វាញ​មែង​ត្រ៝ង ជេសរី​ខាន់​ពាង់​ទ្រីស។
MAR 11:5 តា​នៃ​គែស​ឞូ​បាបាៈ​អោប​មា​ខាន់​ពាង់៖ “ម៝ស​ជាន​ខាន់​មរែ​នៃ? ម៝ស​ជាន​ទ្រីស​ក៝ន​ឆែស​លៀ​អី​នៃ​មេស?”
MAR 11:6 ឞារ​ហៃ​ខាន់​ពាង់​នៃ​អើស​មា​ឞូ​តឹង​នាវ​អី​ឞ្រាស​យេឆូ ​ទែ​នតិញ​នើស ជេសរី​ឞូ​អ៝ន់​ខាន់​ពាង់​តេក។
MAR 11:7 ខាន់​ពាង់​លោស​ឞើស​ប៝ន​នៃ​តេក​លែវ​អ៝ន់​មា​ឞ្រាស​យេឆូ  ជេសរី​លាក់​អាវ​ក្វ៝ង់​ខាន់​ពាង់​នើម​កាលើ​ឆែស​លៀ​នៃ អ៝ន់​ឞ្រាស​យេឆូ ​ញច៝​ហាន់​ជឹត​ប៝ន​យេរូឆាលឹម ។
MAR 11:8 គែស​អ៝ក់​ឞូនុយ្ស​លែវ​ឞាល់​ឆ៝ៈ​អាវ​ក្វ៝ង់​ខាន់​ពាង់​នើម​លាក់​រ៝ៈ​ត្រ៝ង​ឞើស​នាប់​ឞ្រាស​យេឆូ ​រី ល៝ង់​ឞូ​បាបាៈ​ជឹត​តែ​នថាន​ឆី​ឞើស​មីរ​លាក់​រ៝ៈ​ត្រ៝ង​នៃ​ដ៝ង់។
MAR 11:9 ទឹង​លែៈ​ឞូនុយ្ស​អី​ឞ្រោៈ​តឹង​ឞ្រាស​យេឆូ ​ឞើស​នាប់​ឞើស​កើយ លែវ​ឞាល់​នតែរ​ទ្រើវ​លាស៖ “រានេ​មា​កោរាញ​ឞ្រាស! ទាន់​កោរាញ​ឞ្រាស​អ៝ន់​នាវ​គែស​ជេង​មា​ពាង់​អី​កោរាញ​ឞ្រាស​ទែ​ដាៈ​វាច់!
MAR 11:10 ទាន់​កោរាញ​ឞ្រាស​អ៝ន់​នាវ​គែស​ជេង​មា​នាវ​ពាង់​ម៝ត់​អ្វាញ់​អី​មរា​ម៝ត់​អ្វាញ់​ហេន​តឹម​ឞាន​មា​កាដាច់​ដាវីត ​អី​ចែ​ហេន​ឞើស​កាល់​អែ​នើស! រានេ​មា​កោរាញ​ឞ្រាស! រានេ​មា​កោរាញ​ឞ្រាស​អី​គុ​កាលើ​ត្រោក​ទុត​ព្រេស​រី!”
MAR 11:11 ឞ្រាស​យេឆូ ​លែៈ​ត៝ត់​តា​ប៝ន​ក្វ៝ង់​យេរូឆាលឹម ពាង់​ហាន់​លាប់​តា​ជ៝ង់​គូង​ញីស​ជាន​ឞ្រាស​មា​កោរាញ​ឞ្រាស។ ជេស​អ្វាញ់​ជុម​អាប់​ផ្យៅ​ឞ្រី​លែៈ​កេង​មាង់​ជេស នទ្រី​ទឹង​ពាង់​ព្លឹ​តា​ប៝ន​បេថានី ​នទ្រែល ១២ នុយ្ស​មពោល​កោរាញ​អ៝ស​ម៝ន។
MAR 11:12 កាស​អោយ​តៃ​ខាន់​ពាង់​លោស​ឞើស​ប៝ន​បេថានី ​នៃ​ហាន់​ជឹត​ប៝ន​យេរូឆាលឹម ឞ្រាស​យេឆូ ​ជី​ង៝ត​ងាន់។
MAR 11:13 ពាង់​អ្វាញ់​ឞើស​ងាយ​ឆៃ​តើម​រាវី ​ទូ​តើម​គែស​នហា​នអឹរ​រាងឹត ពាង់​ហាន់​អ្វាញ់​ទាច់​ងខេប​លាស​គែស​ព្លៃ។ ត៝ត់​តា​តើម​នៃ​ឆៃ​ទើម​អី​នហា អេ​ហ៝ៈ​ទី​ខៃ​ព្លៃ​ទុម​អោស។
MAR 11:14 ជេសរី​ឞ្រាស​យេឆូ ​លាស​មា​តើម​រាវី ​អី​នៃ៖ “នតើម​ឞើស​នារ​អ្យា​មោ​ហោម​គែស​អោស​ឞូនុយ្ស​ឆា​ព្លៃ​មៃ!” នាវ​ព្រែ​លាស​នៃ មពោល​អ៝ស​ម៝ន​ពាង់​តាង់​ដ៝ង់។
MAR 11:15 ជេសរី​ឞ្រាស​យេឆូ ​នទ្រែល​មពោល​អ៝ស​ម៝ន​ពាង់​ហាន់​ត៝ត់​តា​ប៝ន​ក្វ៝ង់​យេរូឆាលឹម ។ ពាង់​ហាន់​លាប់​តា​ជ៝ង់​គូង​ញីស​ជាន​ឞ្រាស ផូង​អី​តាច់​រាគ៝ល់​តា​នៃ​ពាង់​មព្រើស​លែៈ​ផ្យៅ។ ពាង់​ងក្លឹ​គ្រែ​ឞូ​គុ​រាគ៝ល់​ព្រាក់ នទ្រែល​មា​គ្រែ​ឞូ​តាច់​ព្លុក។
MAR 11:16 ពាង់​មោ​អោស​អ៝ន់​ឞូ​ញអោត​លែវ​នទ៝ស​នទើ​លាប់​គ្លាត់​រ៝ៈ​ជ៝ង់​គូង​ញីស​ជាន​ឞ្រាស​មា​កោរាញ​ឞ្រាស។
MAR 11:17 ឞ្រាស​យេឆូ ​នតុម​នតី​មា​ឞូ​លាស៖ “តា​ឆ៝ម់បុត​នាវ​កោរាញ​ឞ្រាស​ងើយ​លែៈ​ញចីស​លាស៖ «ញីស​គ៝ប់​ជេង​នតុក​អ៝ន់​មា​ទឹង​លែៈ​ឞូនុយ្ស​អាប់​ឞ្រី​ទាក​មឞើស​ឆើម» បេង​មា​ខាន់​មៃ​ឆ៝ៈ​ជាន​នតុក​គុ​រាគូម​មពោល​នតុង​ច្រាវ”។
MAR 11:18 ត៝ត់​មពោល​កោរាញ​ជាន​ឞ្រាស នទ្រែល​មា​ផូង​នើម​នតី​នាវ​វៃ​ផូង​អីឆ្រាអែល ​គឹត​នាវ​អី​នៃ ខាន់​ពាង់​លែវ​ឞាល់​គៃ​មា​ជ៝យ​នាវ​មើម​ទឹង​គែស​ងខឹត​លើយ​ឞ្រាស​យេឆូ ។ យើន​មា​ខាន់​ពាង់​ក្លាច​ពាង់ យ៝រ​មា​ផូង​ប៝ន​លាន​នទ្រ៝ត់​ហីស​រាហ៝ល់​ហោ​ងាន់​មា​នាវ​នតុម​នតី​ពាង់​នៃ។
MAR 11:19 ត៝ត់​កេង​មាង់​ឞ្រាស​យេឆូ  នទ្រែល​មា​មពោល​អ៝ស​ម៝ន​ពាង់​លោស​ឞើស​ប៝ន​អី​នៃ​ព្លឹ​តៃ​តា​ប៝ន​បេថានី ។
MAR 11:20 កាស​អោយ​តៃ​ហាន់​រ៝ៈ​ត្រ៝ង មពោល​អ៝ស​ម៝ន​ឆៃ​តើម​រាវី ​នើស នទ្រ៝​ប្រុង​ត៝ត់​អា​រែស​ឆូ​រ៝។
MAR 11:21 ជេសរី​ពេត្រោស ​កាស​គឹត​នាវ​អី​ឞ្រាស​យេឆូ ​លាស​នើស មឞើស​មា​ពាង់​លាស៖ “ហើយ​នើម​នតី! ល៝ង់​អ្វាញ់​អ្យា តើម​រាវី ​អី​មៃ​រាតាប់​នើស​លែៈ​នទ្រ៝​ងាន់​មេ!”
MAR 11:22 ឞ្រាស​យេឆូ ​លាស​មា​ខាន់​ពាង់៖ “ខាន់​មៃ​ញឆីង​មា​កោរាញ​ឞ្រាស​ហ៝ម់!
MAR 11:23 គ៝ប់​លាស​នហេល​នានេៈ​ងាន់​មា​ខាន់​មៃ លាស​គែស​ទូ​ហ្វេ​ឞូនុយ្ស​លាស​មា​យោក​អ្យា៖ «ហាន់​ទូ​ឞើស​នតុក​អ្យា​តុប​អា​ទាក​វាច់​ទាក​វារ់​រី​ហ៝ម់!» លាស​ឞូនុយ្ស​អី​នៃ​មោ​គែស​នាវ​វិ​វែៈ​តា​នូយ្ស​នហ៝ម់​មា​នទើ​អី​នៃ នហ៝​មា​ញឆីង​មា​នទើ​អី​ពាង់​លាស​នៃ​មរា​គែស​ងាន់ នទ្រី​កោរាញ​ឞ្រាស​អ៝ន់​នាវ​ទើយ​តឹង​នាវ​ពាង់​លាស​នៃ​ងាន់​រ៝។
MAR 11:24 នទ្រី​ទឹង​គ៝ប់​មឞើស​មា​ខាន់​មៃ ម៝ស​នទើ​អី​ខាន់​មៃ​មឞើស​ឆើម​ទាន់ អ៝ន់​ខាន់​មៃ​ញឆីង​គែស​ងាន់ ជេសរី​កោរាញ​ឞ្រាស​អ៝ន់​មា​ខាន់​មៃ​គែស​ងាន់​រ៝។
MAR 11:25 ជេសរី​ជឹត នោក​ខាន់​មៃ​មឞើស​ឆើម លាស​ខាន់​មៃ​គែស​នាវ​ជី​នូយ្ស​ដាស​ឞូ អ៝ន់​ខាន់​មៃ​គែស​នាវ​យោៈ លើយ​ហោម​អោស​កើប​នាវ​តីស​ឞូ នទ្រី​កោរាញ​ឞ្រាស​ឞឹ​ខាន់​មៃ​អី​គុ​តា​កាលើ​ត្រោក​លើ​ហោ​យោៈ​នអាច​មោ​ហោម​កើប​នាវ​តីស​ខាន់​មៃ​ដ៝ង់។
MAR 11:26 [តីស​មា​លាស​ខាន់​មៃ​មោ​គែស​នាវ​យោៈ ហោម​កើប​នាវ​តីស​ឞូ កោរាញ​ឞ្រាស​ឞឹ​ខាន់​មៃ​អី​គុ​តា​កាលើ​ត្រោក​មោ​យោៈ ហោម​កើប​នាវ​តីស​មា​ខាន់​មៃ​ដ៝ង់។]”
MAR 11:27 ឞ្រាស​យេឆូ ​ហាន់​ត៝ត់​តា​ប៝ន​ក្វ៝ង់​យេរូឆាលឹម ​នទ្រែល​មពោល​អ៝ស​ម៝ន​ទូ​តឹ​ជឹត។ នោក​ពាង់​ឞ្រោៈ​រាឆ៝ង​តា​ជ៝ង់​គូង​ញីស​ជាន​ឞ្រាស​មា​កោរាញ​ឞ្រាស ត៝ត់​ឞ្រោៈ​មពោល​កោរាញ​ជាន​ឞ្រាស ផូង​នើម​នតី​នាវ​វៃ​ផូង​អីឆ្រាអែល  នទ្រែល​មា​ផូង​កោរាញ​ឞ្រី​យូដា ​ម៝ប់​អោប​ពាង់៖
MAR 11:28 “ទាន់​មឞើស​អ៝ន់​មា​ហេន​គឹត នទើ​មៃ​ជាន​អ្យា​ឞើស​តាៈ​នាវ​ទើយ? ឞូ​ម៝ស​អ៝ន់​នាវ​ទើយ​អី​នៃ​មា​មៃ​មេស?”
MAR 11:29 ឞ្រាស​យេឆូ ​អើស​លាស៖ “គ៝ប់​ទាន់​អោប​ទូ​នាវ​មា​ខាន់​មៃ​ប៝ត់។ ល៝ង់​ខាន់​មៃ​អើស​មា​គ៝ប់​ដ៝ង់ នទ្រី​មើ​គ៝ប់​មឞើស​មា​ខាន់​មៃ​តៃ ឞើស​តាៈ​នាវ​ទើយ​គ៝ប់​ជាន​អ្យា។
MAR 11:30 ទាន់​អើស​មា​គ៝ប់ លាស​នទ្រី​ឞូ​ម៝ស​ដាៈ​យោហាន-​បាប់តែម ​ជាន​បាប់តែម​យុក​មា​ទាក? តាៈ​ឞើស​កោរាញ​ឞ្រាស មោ​លាស​តាៈ​ឞើស​ឞូនុយ្ស?”
MAR 11:31 ខាន់​ពាង់​តឹម​ញច្រាៈ​អេង​លាស៖ “លាស​ឞ៝ន់​លាស៖ «តាៈ​ឞើស​កោរាញ​ឞ្រាស» ពាង់​មរា​លាស​ឞ៝ន់៖ «លាស​នទ្រី​មើម​ទឹង​ខាន់​មៃ​មោ​អ្យាត់​នាវ​ពាង់?»
MAR 11:32 លាស​ឞ៝ន់​អើស​លាស៖ «តាៈ​ឞើស​ឞូនុយ្ស»”។ នទ្រី​ខាន់​ពាង់​ក្លាច​ផូង​ប៝ន​លាន​ជី​នូយ្ស យ៝រ​មា​អ៝ក់​ឞូនុយ្ស​អ្យាត់​នាវ​យោហាន-​បាប់តែម  កើប​ពាង់​ជេង​ឞូនុយ្ស​នតើយ្ស​នាវ​ងើយ​កោរាញ​ឞ្រាស​ងាន់​រ៝។
MAR 11:33 ជេសរី​ខាន់​ពាង់​អើស​មា​ឞ្រាស​យេឆូ ៖ “ហេន​មោ​គឹត​អោស!” ឞ្រាស​យេឆូ ​លាស​មា​ខាន់​ពាង់៖ “លាស​នទ្រី​គ៝ប់​មោ​ដ៝ង់​មឞើស​អ៝ន់​មា​ខាន់​មៃ​គឹត ឞូ​ម៝ស​អ៝ន់​នាវ​ទើយ​គ៝ប់​ជាន​អ្យា”។
MAR 12:1 ជេសរី​ឞ្រាស​យេឆូ ​ងើយ​នាវ​នតឹត​មា​ខាន់​ពាង់​លាស៖ “គែស​ទូ​ហ្វេ​ឞូ​ក្លោ​តាម់​តើម​ព្លៃ​យុងយារ​ប៝ន​ទូ​លោក​មីរ។ ពាង់​ជាន​ងគារ​ជុម​មីរ​នៃ ជាន​ទូ​នតុក​មា​ឞូ​ញជ៝ត​ព្លៃ​អី​នៃ នទ្រែល​មា​ជាន​ទូ​មល៝ម់​ច្វាញ​ងកើង​ដ៝ង់​គៃ​មា​ញជ្រាង់។ ជេសរី​អ៝ន់​ឞូ​ម៝ត់​មីរ​អី​នៃ ដាៈ​ឞូ​ពាៈ​ព្លៃ​មា​ពាង់​អាប់​នាម់ អី​ពាង់​នើម​រី​ហាន់​គុ​ឞ្រី​អេង។
MAR 12:2 ត៝ត់​ទី​ខៃ​ទុម​ព្លៃ​យុងយារ​ប៝ន​រី ពាង់​ដាៈ​ទូ​ហ្វេ​ទឹក​ពាង់​ហាន់​តឹម​ម៝ប់​មា​មពោល​ម៝ត់​មីរ​អី​នៃ គៃ​មា​ឆ៝ៈ​ព្លៃ​អី​ឞូ​ពាៈ​នៃ។
MAR 12:3 បេង​មា​ឞូ​ទែ​ញុប​លើស​អោឞាល់ ជេសរី​មព្រើស​អោឞាល់​អ៝ន់​ឆឹត​ទើម។
MAR 12:4 ពាង់​អី​នើម​តើម​មីរ​នៃ ដាៈ​ទូ​ហ្វេ​ទឹក​ជឹត​ហាន់​ដ៝ង់ មពោល​អី​ម៝ត់​មីរ​នៃ​មឞាង​ឞោក​អោឞាល់​នៃ នហ៝​មា​រាក​ឆ្វាយ​អោឞាល់​ជឹត។
MAR 12:5 ជេសរី​ពាង់​ដាៈ​ទូ​ហ្វេ​ទឹក​ជឹត​ហាន់។ មពោល​អី​ម៝ត់​មីរ​អី​នៃ​ងខឹត​អោឞាល់​នៃ។ ជេសរី​ទឹក​ពាង់​អាបាៈ​អេង​ជឹត​ឞូ​ទែ​លើស​កើត​នៃ​ដ៝ង់ អាបាៈ​ឞូ​ទែ​មឞាង អាបាៈ​ឞូ​ទែ​ងខឹត​លើយ។
MAR 12:6 ពាង់​អី​នើម​តើម​មីរ​នៃ​ហោម​គែស​ទូ​ហ្វេ​ឞូនុយ្ស​អេង​ជឹត​គុ​នទ្រែល​ពាង់ ជេង​ទូ​ហ្វេ​ក៝ន​ឞូ​ក្លោ​អី​ពាង់​នើម​រ៝ង់​ហោ​ងាន់។ កេង​មា​ទុត​ពាង់​ដាៈ​អី​ក៝ន​នៃ​ហាន់​ឞើស​កើយ​ឞូ ពាង់​មឹន​អេង​លាស៖ «ឞូ​ក្លាច​យើក​មា​ក៝ន​គ៝ប់​រ៝»។
MAR 12:7 តីស​មា​មពោល​អី​ម៝ត់​មីរ​នៃ​តឹម​លាស​នទ្រាង់​ខាន់​ពាង់​នើម៖ «ពាង់​អី​នៃ​រ៝​នត្រ៝ៈ​នទើន​មីរ​អី​អ្យា​នារ​ជឹត​នាប់​តៃ ហាន់​ឞ៝ន់​ងខឹត​លើយ​ពាង់​អី​នៃ​ទោស នទ្រី​មើ​មីរ​អី​អ្យា​នហ៝​គែស​មា​ឞ៝ន់​រ៝»។
MAR 12:8 ជេសរី​ឞូ​ទែ​ញុប​អី​ក៝ន​ពាង់​នើម​អី​តើម​មីរ​នៃ ងខឹត​លើយ​អោឞាល់​មអារ់​ឞើស​ទីស​មីរ​អី​នៃ។
MAR 12:9 នទ្រី​មើម​ពាង់​អី​តើម​មីរ​នៃ​ជាន? ពាង់​ហាន់​ងខឹត​លើយ​មពោល​អី​ម៝ត់​មីរ​នៃ​រ៝ ជេសរី​ជាវ​មីរ​តើម​ព្លៃ​យុងយារ​ប៝ន​អី​នៃ​អ៝ន់​មា​ឞូ​អេង​ជឹត។
MAR 12:10 នទ្រី​ខាន់​មៃ​មោ​គែស​រ៝ៈ​ឆ៝ម់បុត​នាវ​កោរាញ​ឞ្រាស​ងើយ​លែៈ​គែស​ញចីស​លាស៖ «ឞូនុយ្ស​ឞ្លាវ​ជាន​ជៃ​លុ​ឞ្ល៝ន​លែៈ​មអារ់​លើយ​ទូ​មល៝ម់​លុ​ឞ្ល៝ន‌ យើន​មា​លុ​ឞ្ល៝ន​អី​នៃ​ជេង​លុ​ឞ្ល៝ន​ទុត​ន៝ប់​ខ្លៃ​រាលាវ​ឞូ​ច្រាវ​មា​ជាន​ជៃ។
MAR 12:11 កោរាញ​ឞ្រាស​នើម​ជាន​នាវ​អី​នៃ​លែៈ​នាវ​ងាន់‌ ជាន​អ៝ន់​ឞ៝ន់​នទ្រ៝ត់​ញហីស​ហោ​ងាន់»”។
MAR 12:12 ត៝ត់​មា​មពោល​កោរាញ​ជាន​ឞ្រាស ផូង​នើម​នតី​នាវ​វៃ​ផូង​អីឆ្រាអែល  នទ្រែល​មា​ផូង​កោរាញ​ឞ្រី​យូដា ​គឹត​លាស​ពាង់​ងើយ​នតឹត​នាវ​អី​នៃ​លាស​មា​ឆាក់​ខាន់​ពាង់​នើម ជេសរី​ខាន់​ពាង់​អុច​ញុប​ឞ្រាស​យេឆូ  តីស​មា​ខាន់​ពាង់​ក្លាច​មា​ផូង​ប៝ន​លាន នទ្រី​ខាន់​ពាង់​លោស​ទូ​ឞើស​ពាង់​នៃ​ទើម។
MAR 12:13 ជេសរី​ខាន់​ពាង់​ដាៈ​ផូង​ផារីឆី ​បាបាៈ នទ្រែល​មា​មពោល​អី​តឹង​កោរាញ​ម៝ត់​អ្វាញ់​ហេរោត-​អ៝ន់តីពាស ​ហាន់​គុ​ទាច់​កេង​ឞ្រាស​យេឆូ ​គៃ​មា​តាង់​នាវ​ពាង់​ងើយ​នទើ​តីស នទ្រី​ទឹង​ខាន់​ពាង់​ជ៝យ​នាវ​មា​នតោន​ពាង់។
MAR 12:14 ជេសរី​ខាន់​ពាង់​ហាន់​ត៝ត់​តា​នៃ​អោប​ពាង់៖ “ហើយ​នើម​នតី! ហេន​គឹត​មៃ​ឞូនុយ្ស​ឆ៝ង់​ងាន់ មៃ​មោ​អោស​ក្លាច​មា​ឞូនុយ្ស មោ​អោស​កើយ្ស​ឞូនុយ្ស មៃ​នតី​នាវ​កោរាញ​ឞ្រាស​អ៝ន់​ទី។ ទាន់​មឞើស​មា​ហេន​តឹង​នាវ​វៃ​ឞ៝ន់ ទី​ដ៝ង់​អ៝ន់​ព្រាក់​អី​កោរាញ​កាដាច់​តា​ប៝ន​រោម​ដាៈ​ឞ៝ន់​អ៝ន់​នៃ​មោ​លាស​មោ?
MAR 12:15 ទី​មា​ឞ៝ន់​អ៝ន់​មោ​លាស​មោ?” យើន​មា​ឞ្រាស​យេឆូ ​លែៈ​គឹត​នូយ្ស​នហ៝ម់​នទ៝ប់​មពោន​ខាន់​ពាង់ ពាង់​លាស៖ “ម៝ស​នាវ​ខាន់​មៃ​អុច​អោប​រាល៝ង​មា​គ៝ប់​កើត​នៃ​មេស? ល៝ង់​ឆ៝ៈ​ព្រាក់​អី​អ៝ន់​មា​កាដាច់​អី​នៃ​ទូ​មល៝ម់​អ៝ន់​គ៝ប់​អ្វាញ់”។
MAR 12:16 ជេសរី​ឞូ​ឆ៝ៈ​ព្រាក់​ទូ​កាក់​នទឹ​អ៝ន់​ឞ្រាស​យេឆូ ។ ពាង់​អោប​មា​ខាន់​ពាង់៖ “នទ្រី​តា​កាលើ​ព្រាក់​កាក់​អ្យា​ឞូ​ម៝ស​រូប ឞូ​ម៝ស​រាញា?” ខាន់​ពាង់​អើស​លាស៖ “រូប នទ្រែល​មា​រាញា​កោរាញ​កាដាច់​តា​ប៝ន​រោម !”
MAR 12:17 ឞ្រាស​យេឆូ ​លាស​មា​ខាន់​ពាង់៖ “លាស​នទ្រី​នទើ​កោរាញ​កាដាច់​តា​ប៝ន​រោម ​មព្លឹ​អ៝ន់​មា​ពាង់ នទើ​កោរាញ​ឞ្រាស​មព្លឹ​អ៝ន់​មា​កោរាញ​ឞ្រាស​នើម”។ ខាន់​ពាង់​នទ្រ៝ត់​ហីស​រាហ៝ល់​ហោ​ងាន់​មា​នាវ​ឞ្រាស​យេឆូ ​អើស។
MAR 12:18 ជេសរី​គែស​ផូង​ឆាដោឆី ​ហាន់​ម៝ប់​ពាង់ ផូង​អី​នៃ​ជាន​កោរាញ​តា​ឞ្រី​យូដា ​ដ៝ង់ តីស​មា​ខាន់​ពាង់​មោ​អ្យាត់​អោស​ឞូនុយ្ស​លែៈ​ខឹត​ហោម​ទ៝ក់​រេស​ជឹត។ ខាន់​ពាង់​គែស​ទូ​នាវ​អោប​មា​ឞ្រាស​យេឆូ ៖
MAR 12:19 “ហើយ​នើម​នតីមោឆេ ​កាល់​អែ​នើស​លែៈ​ញចីស​ជេស​តា​ឆ៝ម់បុត​អ៝ន់​មា​ឞ៝ន់​ផូង​អីឆ្រាអែល ​លាស​កើត​នអា៖ «លាស​ឞូ​ក្លោ​ឆ៝ៈ​អូរ ជេសរី​ពាង់​ខឹត លាស​ពាង់​មោ​គែស​ក៝ន ដាៈ​អី​អ៝សៗ​ពាង់​រី​នត្រ៝ៈ​ឆ៝ៈ​អូរ​ពាង់​គៃ​មា​គែស​ក៝ន​មា​ពាង់»។
MAR 12:20 នតឹត​លាស​គែស​ពើស​នុយ្ស​អ៝ស​នោ​ឞូ​ក្លោ។ អី​នោ​ឞោក​ទាក​នៃ​ឆ៝ៈ​អូរ ជេសរី​ខឹត​មោ​ឞាៈ​ក៝ន​អោស។
MAR 12:21 ជេសរី​អី​អ៝ស​គ្រ៝យ​ឞើស​កើយ​ពាង់​នៃ​នត្រ៝ៈ​ឆ៝ៈ​អី​មី​នៃ ជេសរី​ខឹត​មោ​ឞាៈ​ក៝ន​ដ៝ង់។ អី​អ៝ស​ត៝ល់​ពែ​ឞើស​កើយ​ឆ៝ៈ​អី​មី​នៃ​ខឹត​កើត​រី​ដ៝ង់។
MAR 12:22 ទឹង​លែៈ​ពើស​នុយ្ស​អ៝ស​នោ​ខាន់​ពាង់​នៃ​មោ​ឞាៈ​ក៝ន​ទាទេ។ ទុត​មា​ទេល​ឞូ​អូរ​អី​នៃ​ខឹត​ដ៝ង់។
MAR 12:23 ត៝ត់​នារ​ឞូនុយ្ស​ទ៝ក់​រេស​តៃ នទ្រី​ឞូ​ម៝ស​អោប​ពាង់​«អូរ»? យ៝រ​លាស​លែៈ​ពើស​នុយ្ស​ខាន់​ពាង់​នើស​លែៈ​តាៈ​ឆ៝ៈ​ពាង់​ទាទេ”។
MAR 12:24 ឞ្រាស​យេឆូ ​អើស​មា​ខាន់​ពាង់៖ “ខាន់​មៃ​មោ​វ៝ត់​អោស​នាវ​កោរាញ​ឞ្រាស​ងើយ នអ៝ប់​មា​មោ​វ៝ត់​ដ៝ង់​នាវ​ទើយ​កោរាញ​ឞ្រាស នទ្រី​ទឹង​នាវ​មឹន​ខាន់​មៃ​មោ​ទី​អោស។
MAR 12:25 នោក​ឞូនុយ្ស​ខឹត ជេសរី​ទ៝ក់​រេស​តៃ ខាន់​ពាង់​មោ​ហោម​អោស​ឆ៝ៈ​អូរ​ឆ៝ៈ​ឆាយ​ជឹត។ ខាន់​ពាង់​ជេង​តឹម​ឞាន​មា​តោង​ពារ់​កោរាញ​ឞ្រាស​គុ​តា​ប៝ន​អ្វែស​កាលើ”។
MAR 12:26 “ល៝ង់​មា​នាវ​ឞូនុយ្ស​ខឹត​ទ៝ក់​រេស​តៃ មោឆេ ​លែៈ​ញចីស​លាស​តា​ព្លាង់​ត្រ៝ង​ពុម​ល៝ក​អី​គែស​ហីត​អុញ នទ្រី​ខាន់​មៃ​វៃ​រ៝ៈ​ដ៝ង់​លាស​មោ? តា​នៃ​កោរាញ​ឞ្រាស​លាស​មា​ពាង់៖ «គ៝ប់​ជេង​ឞ្រាស​អាឞ្រាហាម់ ​យើក​មឞាស ជេង​ឞ្រាស​អីឆាក់ ​យើក​មឞាស ជេង​ឞ្រាស​យាកោប ​យើក​មឞាស»។
MAR 12:27 នោក​កោរាញ​ឞ្រាស​ងើយ​នាវ​អី​នៃ ខាន់​ពាង់​ពែ​នុយ្ស​អី​នៃ​លែៈ​ខឹត​អ៝ក់​នាម់​ជេស។ យើន​មា​ឞើស​នាវ​កោរាញ​ឞ្រាស​ងើយ​អី​នៃ​គឹត​នាល់​ខាន់​ពាង់​ហោម​រេស​មា​កោរាញ​ឞ្រាស។ កោរាញ​ឞ្រាស​មោ​អោស​ទី​ឞ្រាស​មា​ឞូនុយ្ស​ខឹត ពាង់​ឞ្រាស​មា​ឞូនុយ្ស​រេស។ តីស​ងាន់​នាវ​ខាន់​មៃ​មឹន​នៃ!”
MAR 12:28 ជេសរី​ត៝ត់​ឞ្រោៈ​ទូ​ហ្វេ​នើម​នតី​នាវ​វៃ​ផូង​អីឆ្រាអែល  តាង់​ខាន់​ពាង់​តឹម​រាលាច់​ដាស​ឞ្រាស​យេឆូ  ជេសរី​តាង់​នាវ​ឞ្រាស​យេឆូ ​អើស​នៃ​ទី​ងាន់ ពាង់​ហាន់​ទាច់​អោប​ឞ្រាស​យេឆូ ៖ “ទឹង​លែៈ​នាវ​វៃ​ឞ៝ន់ ម៝ស​នាវ​វៃ​អី​ខ្លៃ​រាលាវ​ឞូ​មេស?”
MAR 12:29 ឞ្រាស​យេឆូ ​អើស៖ “«ហើយ​ផូង​អីឆ្រាអែល ​អ្យាត់​ហ៝ម់! គែស​កោរាញ​ឞ្រាស​អី​ឞ្រាស​ឞ៝ន់​ទូ​ហ្វេ​ទើម​អី​កោរាញ​ឞ្រាស​ងាន់​ងេន។
MAR 12:30 អ៝ន់​រ៝ង់​មា​កោរាញ​ឞ្រាស​អី​ឞ្រាស​ខាន់​អៃ​មៃ​នើម មា​លែៈ​នូយ្ស​នហ៝ម់ មា​លែៈ​ហ្វេង មា​លែៈ​នហ៝ម់​ឆ្វាន នទ្រែល​មា​លែៈ​នាវ​មឹន» អ្យា​នាវ​វៃ​នតីល​ង្វាយ។
MAR 12:31 នាវ​វៃ​នតីល​ឞារ «អ៝ន់​រ៝ង់​មា​ឞូ​ច្យៅ​មែង​កើត​រ៝ង់​មា​ឆាក់​ខាន់​អៃ​មៃ​នើម​ដ៝ង់»។ មោ​គែស​អោស​នាវ​វៃ​អី​ខ្លៃ​រាលាវ​មា​ឞារ​អឹ​នាវ​វៃ​អ្យា”។
MAR 12:32 នើម​នតី​នាវ​វៃ​នៃ​លាស​មា​ពាង់៖ “អើ​នើម​នតី ទី​ងាន់​នាវ​មៃ​លាស​នៃ​មេស។ គែស​ទូ​ហ្វេ​កោរាញ​ឞ្រាស​ទើម មោ​ហោម​គែស​អោស​ឞ្រាស​អេង​ជឹត។
MAR 12:33 ឞ៝ន់​រ៝ង់​មា​ពាង់​អ៝ន់​លែៈ​នូយ្ស​នហ៝ម់ អ៝ន់​លែៈ​មា​នាវ​មឹន​គឹត​ឞ្លាវ នទ្រែល​មា​អ៝ន់​លែៈ​ឞ្រាត់​ឆ្វាន ជេសរី​រ៝ង់​មា​ឞូ​ច្យៅ​មែង​កើត​រ៝ង់​មា​ឆាក់​ឞ៝ន់​នើម​ដ៝ង់ នាវ​អី​នៃ​ខ្លៃ​រាលាវ​ងាន់​មា​លែៈ​រាងោច​នទើ​ឞូ​ញហើរ នអ៝ប់​មា​លែៈ​មពោមពា​(ឆ្យុម)​គុច​មា​ជាន​ឞ្រាស​អី​នៃ”។
MAR 12:34 ត៝ត់​ឞ្រាស​យេឆូ ​តាង់​ពាង់​អើស​គឹត​ឞ្លាវ​កើត​នៃ ឞ្រាស​យេឆូ ​លាស៖ “មៃ​មោ​គែស​គុ​ងាយ​ដាស​នាវ​កោរាញ​ឞ្រាស​ម៝ត់​អ្វាញ់​មៃ”។ ឞើស​កើយ​នៃ​មោ​ហោម​គែស​អោស​ទូ​ហ្វេ​ឞូនុយ្ស​ឞាញ់​អោប​ឞ្រាស​យេឆូ ​នាវ​អេង​ជឹត។
MAR 12:35 ឞ្រាស​យេឆូ ​ហោម​នតុម​នតី​ឞូ​តា​ជ៝ង់​គូង​ញីស​ជាន​ឞ្រាស ពាង់​លាស៖ “មើម​ទឹង​ផូង​នើម​នតី​នាវ​វៃ​ផូង​ឞ៝ន់​ក្វាល់​ឞ្រាស​ក្រីស ​អី​នើម​រាក្លាយ្ស​តាៈ​ឞើស​កោរាញ​ឞ្រាស​ទែ​ញជ្វាល់​រី​លាស​ក៝ន​ឆៅ​កាដាច់​ដាវីត ​ទើម?
MAR 12:36 ល៝ង់​កាដាច់​ដាវីត  ឞ្រាស​ហ្វេង​អ្វែស​អី​ក្ល៝ស​អ្វែស​អ៝ន់​ពាង់​ងក៝ច៖ «កោរាញ​ឞ្រាស​លាស​មា​កោរាញ​គ៝ប់៖ «គុ​មពែស​ឞើស​មា​គ៝ប់​ហ៝ម់ ក៝ប់​ត៝ត់​គ៝ប់​អ៝ន់​ផូង​រាលាង់​ដាស​មៃ​ជេង​នតុក​រាកើល​ជ៝ង់​មៃ​ប៝ត់»»។
MAR 12:37 លាស​លែៈ​កាដាច់​ដាវីត ​នើម​ក្វាល់​ឞ្រាស​ក្រីស ​លាស​កោរាញ​ពាង់​នើម​កើត​នៃ យើន​មា​ក៝ន​ឆៅ​មោ​គែស​ក្វ៝ង់​រាលាវ​មា​អូ​ចែ លាស​នទ្រី​ឞ្រាស​ក្រីស ​មើម​ហោម​ឞ្លាវ​ក៝ន​ឆៅ​ដាវីត ​ជឹត?” អ៝ក់​ផូង​ប៝ន​លាន​គុ​តា​នៃ ខាន់​ពាង់​គែស​នូយ្ស​នហ៝ម់​រាម់​ហោ​ងាន់​តាង់​នាវ​ឞ្រាស​យេឆូ ​នតី។
MAR 12:38 ឞ្រាស​យេឆូ ​នតុម​នតី​មា​ខាន់​ពាង់៖ “អ៝ន់​ខាន់​អៃ​មៃ​ញជ្រាង់​ដាស​ផូង​នើម​នតី​នាវ​វៃ​ផូង​ឞ៝ន់​នៃ យ៝រ​លាស​ខាន់​ពាង់​អុច​ញឆ៝ស​អាវ​ជ៝ង​អី​អ្វែស ជេសរី​ឞ្រោៈ​រាឆ៝ង គៃ​មា​អ៝ន់​ឞូ​គឹត​លាស​ខាន់​ពាង់​គែស​នាវ​ខ្លៃ​ងាន់ អុច​អ៝ន់​ឞូ​មឞាស​កុញ​ឞោក​មា​ខាន់​ពាង់​រ៝ៈ​នតុក​ឞូ​តាច់​រាគ៝ល់​ទ្រាប់​នទើ មោ​លាស​រ៝ៈ​ត្រ៝ង​ក្វ៝ង់។
MAR 12:39 ខាន់​ពាង់​អុច​គុ​ឞើស​នាប់​ឞូ​តា​នតុក​ឞូ​លឺ​តា​ញីស​រាបុន​ផូង​ឞ៝ន់ ជេសរី​លាស​ញេត​ក្វ៝ង់​ឆោង​ក្វ៝ង់​នៃ​អុច​គុ​តា​នតុក​ឞូ​យើក​ដ៝ង់។
MAR 12:40 តីស​មា​ខាន់​ពាង់​មរោស​ឞូ​អូរ​នទ្រោ​លែៈ​ខឹត​ឆាយ គៃ​មា​ឆ៝ៈ​ពីត​ទ្រាប់​នទើ​ញីស​ជៃ​ខាន់​ពាង់។ ជេសរី​ខាន់​ពាង់​ជាន​មឞើស​ឆើម​ទុត​ជ៝ៈ​ងាន់​អ៝ន់​ឞូ​អេង​តាង់ គៃ​មា​ញហើ​ខាន់​ពាង់​នើម​ជេង​ឞូនុយ្ស​រ៝ង់​មា​កោរាញ​ឞ្រាស​ងាន់។ ផូង​អី​នៃ​កោរាញ​ឞ្រាស​តេៈ​ទោយ្ស​ទុត​ជ្រូ​រ៝​តា​នារ​ជឹត​នាប់​តៃ”។
MAR 12:41 ជេសរី​ឞ្រាស​យេឆូ ​ហាន់​គុ​ឞើស​នាប់​ហុប​តេៈ​ញហើរ​មា​កោរាញ​ឞ្រាស​តា​ជ៝ង់​គូង​ញីស​ជាន​ឞ្រាស ពាង់​អ្វាញ់​ផូង​ប៝ន​លាន​ឆ៝ៈ​ព្រាក់​តេៈ​តា​ត្រោម​ហុប​នៃ។ ពាង់​ឆៃ​អ៝ក់​ឞូនុយ្ស​នទ្រ៝ង់​តេៈ​ព្រាក់​អ៝ក់ៗ​ងាន់។
MAR 12:42 ជេសរី​ឆៃ​ទូ​ហ្វេ​ឞូ​អូរ​នទ្រោ​ខឹត​ឆាយ​អ៝​អាច។ ត៝ត់​តា​នៃ​ឞូ​នទ្រោ​អី​នៃ​ឆ៝ៈ​ព្រាក់​ឞារ​មល៝ម់​កាក់​ជេៈ​ទើម​អី​មោ​លាង់​គែស​ខ្លៃ​អោស​តេៈ​តា​ត្រោម​ហុប​នៃ​ដ៝ង់។
MAR 12:43 ឞ្រាស​យេឆូ ​ក្វាល់​មពោល​អ៝ស​ម៝ន​ពាង់ ជេសរី​លាស​មា​ខាន់​ពាង់៖ “គ៝ប់​លាស​នហេល​នានេៈ​ងាន់​មា​ខាន់​មៃ កោរាញ​ឞ្រាស​កើប​ឞូ​អូរ​នទ្រោ​អ៝​អាច​អ្យា​តេៈ​ព្រាក់​អ៝ក់​រាលាវ​ទឹង​លែៈ​ឞូ​អី​តេៈ​ព្រាក់​តា​ហុប​អ្យា‌
MAR 12:44 យ៝រ​លាស​ទឹង​លែៈ​មពោល​អី​នៃ ព្រាក់​អី​ខាន់​ពាង់​តេៈ​តា​ត្រោម​ហុប​នើស ឆ៝ៈ​ព្រាក់​រាមែស​ឞើស​ឆាក់​ខាន់​ពាង់​នើម។ ល៝ង់​អី​ឞូ​អូរ​នទ្រោ​ទែ​នៃ ពាង់​ឞូនុយ្ស​អ៝​អាច​ហោ​ងាន់ ឞ៝ល​លាស​ព្រាក់​អី​នៃ​គៃ​មា​ឆ្យាម់​នាវ​រេស​ពាង់​នើម​កាដោយ​លែៈ ពាង់​ហោម​ឆ៝ៈ​លែៈ​ផ្យៅ​តេៈ​ញហើរ​មា​កោរាញ​ឞ្រាស​ដ៝ង់”។
MAR 13:1 នោក​ឞ្រាស​យេឆូ ​លោស​ឞើស​ជ៝ង់​គូង​ញីស​ជាន​ឞ្រាស​មា​កោរាញ​ឞ្រាស គែស​ទូ​ហ្វេ​អ៝ស​ម៝ន​មឞើស​មា​ពាង់៖ “ហើយ​នើម​នតី ល៝ង់​មៃ​អ្វាញ់​ញីស​ជាន​ឞ្រាស​ត៝​ទុត​អ្វែស​ទុត​ក្វ៝ង់​ងាន់ អី​លុ​ឞ្ល៝ន​ពាង់​ត៝​ក្វ៝ង់​ដ៝ង់!”
MAR 13:2 ឞ្រាស​យេឆូ ​លាស​មា​អ៝ស​ម៝ន​ពាង់​នៃ៖ “នារ​ជឹត​នាប់​តៃ លែៈ​ជៃ​ក្វ៝ង់ៗ​អី​មៃ​ឆៃ​នៃ​ឞូ​មរា​លើស​រាល៝ម់​លែៈ​ផ្យៅ​រ៝ មោ​ហោម​អោស​គែស​ទូ​មល៝ម់​លុ​ឞ្ល៝ន​តឹម​រាទាប់​ជឹត”។
MAR 13:3 ជេសរី​ឞ្រាស​យេឆូ ​គុ​តា​យោក​តើម​អោលីវ ​តឹម​ឆ៝ង់​មា​ញីស​ជាន​ឞ្រាស។ ពេត្រោស យាកើ យោហាន  នទ្រែល​មា​អ៝ន់ទ្រេ  គុ​ងាយ​ដាស​ឞូ​អោប​អេង​ពាង់៖
MAR 13:4 “ហើយ​នើម​នតី ល៝ង់​មៃ​មឞើស​អ៝ន់​មា​ហេន​គឹត​ដ៝ង់ ទាស​ហោម​ជ៝ៈ​នារ​ត៝ត់​នាវ​អី​នៃ​មេស? លាស​នទ្រី​ម៝ស​នទើ​មឞេន​អ៝ន់​មា​ហេន​គឹត​លាស​នាវ​អី​នៃ​លែៈ​ឞើយ​ត៝ត់​ងាន់?”
MAR 13:5 ឞ្រាស​យេឆូ ​អើស​មា​ខាន់​ពាង់៖ “អ៝ន់​ខាន់​មៃ​ញជ្រាង់​ងាន់​ហ៝ៈ លើយ​ទឹង​អ៝ន់​ឞូ​មរោស​រាលាម់​ខាន់​មៃ​អ៝ន់​ញហើត​លាៈ​លេង។
MAR 13:6 យ៝រ​មា​នារ​ជឹត​នាប់​តៃ​គែស​អ៝ក់​ឞូ​នតូប​រាញា​គ៝ប់​លាស៖ «គ៝ប់​អ្យា​ឞ្រាស​ក្រីស ​ហែស!» ខាន់​ពាង់​លែវ​ញហើត​ឞូនុយ្ស​អ៝ក់​ងាន់។
MAR 13:7 ត៝ត់​ខាន់​មៃ​តាង់​នាវ​មហែ​មា​នាវ​តឹម​លើស​តឹម​ឆ្រែស នទ្រែល​មា​តាង់​ឞូ​ងក៝ច​ញច្រ៝ស​មា​នាវ​តឹម​លើស​តឹម​ឆ្រែស លើយ​អោស​ក្លាច យ៝រ​លាស​លែៈ​នាវ​អី​នៃ​ពាង់​គែស​ងាន់​រ៝ យើន​មា​នារ​ងគ្លែៈ​ទុត​នែស​នតូ​អេ​ហ៝ៈ​ត៝ត់​អោស។
MAR 13:8 ទូ​មពោល​តឹម​លើស​ដាស​ទូ​មពោល​អេង​ជឹត ទូ​ឞ្រី​ទាក​តឹម​លើស​ដាស​ទូ​ឞ្រី​ទាក​អេង​ជឹត នតុក​បាបាៈ​គែស​នាវ​ងគារ់​នែស នទ្រែល​មា​គែស​នាវ​ជី​ឆ៝ត់​ជី​ង៝ត​ក្វ៝ង់​តា​នតុក​អេងៗ។ យើន​មា​នាវ​ជេរ​អី​នៃ​ជេង​នតើម​នាវ​ជេរ​ទើម តឹម​ឞាន​មា​នាវ​ឞូ​អូរ​នតើម​ត៝ត់​ជី​នទុល​គុ​អ៝ស។
MAR 13:9 នទ្រី​ខាន់​មៃ​ញជ្រាង់​ឆាក់​ហ៝ម់ យ៝រ​មា​ឞូ​ញជុន​ខាន់​មៃ​តា​នតុក​តេៈ​ទោយ្ស ឞូ​ឆ៝ៈ​ម៝ង់​រាពាត់​ខាន់​មៃ​តា​ត្រោម​ញីស​រាបុន​ផូង​ឞ៝ន់ នទ្រែល​មា​ឞូ​លែវ​ខាន់​មៃ​ឞើស​នាប់​កោរាញ​ក្វ៝ង់ ឞើស​នាប់​កាដាច់​ដ៝ង់ យ៝រ​មា​ខាន់​មៃ​តឹង​គ៝ប់។ ជេសរី​ខាន់​មៃ​ទើយ​ងក៝ច​នាវ​ញឆីង​មា​គ៝ប់​អ៝ន់​ឞូ​គឹត​ឞូ​តាង់។
MAR 13:10 អេ​ល៝រ​មា​នារ​ងគ្លែៈ​ទុត​គែស​ឞូនុយ្ស​មឞើស​នាវ​មហែ​មហាន​អ្វែស​អ៝ន់​មា​ប៝ន​លាន​អាប់​ងគ៝រ​ឞ្រី​តាង់​ល៝រ​ប៝ត់។
MAR 13:11 ត៝ត់​ឞូ​ញុប​ខាន់​មៃ​ញជុន​តា​នតុក​ផាត​ទោយ្ស នោក​នៃ​លើយ​អោស​រាវៃ​ល៝រ​មា​នាវ​អី​ខាន់​មៃ​ងើយ​នៃ អ៝ន់​ខាន់​មៃ​ងើយ​តឹង​នាវ​ឞ្រាស​ហ្វេង​អ្វែស​អ៝ន់​មា​ខាន់​មៃ យ៝រ​មា​នាវ​ងើយ​អី​នៃ​មោ​អោស​លោស​តាៈ​ឞើស​ឆាក់​ខាន់​មៃ​នើម តាៈ​ឞើស​ឞ្រាស​ហ្វេង​អ្វែស​អី​ក្ល៝ស​អ្វែស​រី។
MAR 13:12 អ៝ស​មា​នោ ឞឹ​មា​ក៝ន​មរា​តឹម​រាលាម់​ញុប​ញជុន​អ៝ន់​ឞូ​ងខឹត នទ្រែល​មា​អី​ក៝នៗ​លែវ​ឞាល់​តឹម​រាទ៝ង់​ដាស​អី​មេៈ​ឞឹ នហ៝​មា​ញជុន​អ៝ន់​ឞូ​ងខឹត​លើយ​ដ៝ង់។
MAR 13:13 យ៝រ​មា​ខាន់​មៃ​ញឆីង​មា​គ៝ប់ នទ្រី​អ៝ក់​ឞូ​មរា​ឞ្យាញ់​មា​ខាន់​មៃ។ យើន​មា​ឞូ​ម៝ស​អី​ទើយ​អ៝ត់ នហ៝​មា​ត៝ត់​លោច កោរាញ​ឞ្រាស​មរា​រាក្លាយ្ស​ពាង់​អី​នៃ”។
MAR 13:14 “ត៝ត់​ខាន់​មៃ​ឆៃ​នទើ​ទុត​បឹ​បើច​ឞូ​តេៈ​តា​នតុក​ក្ល៝ស​អ្វែស​អី​នតុក​ឞូ​មោ​អ៝ន់​តេៈ - ឞូ​ម៝ស​អី​រ៝ៈ​នាវ​អី​នៃ​អ៝ន់​ពាង់​គឹត​វ៝ត់​នាវ​អី​នៃ - ជេស​ឆៃ​នទើ​អី​នៃ​ឞូនុយ្ស​អី​គុ​តា​ឞ្រី​យូដា ​រី​អ៝ន់​ទូ​ញច្វាត់​នទែ​តា​យោក។
MAR 13:15 ឞូ​ម៝ស​អី​គុ​កាលើ​ច៝រ​ជៃ​ល៝ង់ លើយ​ហោម​អោស​ជុរ​លាប់​តា​ត្រោម​ឆ៝ៈ​ទ្រាប់​នទើ។
MAR 13:16 ឞូ​ម៝ស​អី​គុ​តា​មីរ លើយ​ហោម​ព្លឹ​តា​ជៃ​ឆ៝ៈ​អាវ​ក្វ៝ង់​ដ៝ង់។
MAR 13:17 នោក​នៃ​ឞូ​អូរ​នត្រែវ ឞូ​អូរ​មពូ​ត៝ស​ក៝ន​គែស​នាវ​រេស​រាញាល់​ហោ​ងាន់។
MAR 13:18 មឞើស​ឆើម​ទាន់​មា​កោរាញ​ឞ្រាស​ហ៝ម់ លើយ​អោស​អ៝ន់​គែស​នាវ​ត៝ត់​អ្យា​តា​ខៃ​ជី​កាត់។
MAR 13:19 តា​នោក​នៃ​គែស​នាវ​ជេរ​ជ៝ត់​ហោ​ងាន់។ នតើម​ឞើស​រានោក​កោរាញ​ឞ្រាស​ញជេង​ទឹង​លែៈ​នតីល​នទើ​ត៝ត់​អាបៃ​អ្យា នហ៝​មា​នារ​ជឹត​នាប់​តៃ មោ​ព្រ៝ត​ដ៝ង់​គែស​នាវ​ទុត​ជេរ​កើត​នៃ។
MAR 13:20 លាស​កោរាញ​ឞ្រាស​មោ​នហុច​លើយ​ទឹង​លែៈ​នារ​នៃ នទ្រី​មោ​ហោម​គែស​អោស​ទូ​ហ្វេ​ឞូនុយ្ស​រេស ខឹត​លែៈ​ផ្យៅ យើន​មា​កោរាញ​ឞ្រាស​នហុច​លើយ​នារ​អី​នៃ យ៝រ​មា​ពាង់​យោៈ​មពោល​អី​លែៈ​ពាង់​កើយ្ស។
MAR 13:21 តា​នោក​នៃ​លាស​គែស​ឞូ​មឞើស​មា​ខាន់​មៃ៖ «ល៝ង់​មៃ​អ្វាញ់​ឞ្រាស​ក្រីស ​គុ​តា​អ្យា» មោ​លាស «គុ​តា​ត៝» លើយ​អោស​អ្យាត់​ឞូ។
MAR 13:22 យ៝រ​មា​គែស​ឞូនុយ្ស​នតូប​លាស​ឆាក់​ពាង់​ឞ្រាស​ក្រីស  នទ្រែល​មា​គែស​ឞូនុយ្ស​នតូប​លាស​ឆាក់​ពាង់​ឞូនុយ្ស​នតើយ្ស​នាវ​ងើយ​កោរាញ​ឞ្រាស។ ខាន់​ពាង់​អី​នៃ​ជាន​នាវ​មឞេន​អី​ខ្លៃ​អេងៗ​ដ៝ង់ គៃ​មា​លែវ​ឞូនុយ្ស​អ៝ន់​ញហើត​លាៈ​លេង ងខេប​លាស​ទើយ​លែវ​ញហើត​ផូង​អី​កោរាញ​ឞ្រាស​លែៈ​កើយ្ស​ដ៝ង់ យើន​មា​មោ​ទើយ​អោស។
MAR 13:23 អ៝ន់​ញជ្រាង់​ងាន់​ហ៝ៈ! គ៝ប់​លែៈ​ងក៝ច​ល៝រ​អ៝ន់​មា​ខាន់​មៃ​នាវ​អី​នៃ”។
MAR 13:24 “លោច​ជេស​នារ​ជេរ​ជ៝ត់​អី​នៃ តា​នោក​នៃ​នារ​ជេង​ង៝‌ ខៃ​មោ​ហោម​អោស​អាង‌
MAR 13:25 មាញ់​មឞីង​ដុស​ឞើស​ត្រោក‌ លែៈ​នទើ​អី​តេស​ក្វ៝ង់​កាលើ​ត្រោក​គែស​ងគើ​ទាទេ។
MAR 13:26 នោក​នៃ​ទឹង​លែៈ​ឞូនុយ្ស​ឆៃ​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស ហាន់​រ៝ៈ​នទ៝រ់​តុក​នអ៝ប់​មា​គែស​នាវ​ទើយ នទ្រែល​មា​នាវ​ច្រេក​លើប​ទុត​ហោ។
MAR 13:27 ជេសរី​គ៝ប់​ញជ្វាល់​ផូង​តោង​ពារ់​គ៝ប់​ហាន់​អាប់​ព្វាន់​ញជោញ​ឞ្រី​លាម​នែស​នតូ នតើម​មពែស​ឞើស​លោស​នារ​ត៝ត់​មពែស​ឞើស​ញ៝ប់​នារ គៃ​មា​រាគូម​លែៈ​មពោល​អី​កោរាញ​ឞ្រាស​នើម​លែៈ​កើយ្ស​នើស។
MAR 13:28 អ៝ន់​ខាន់​មៃ​ងក្ល៝ន់​រាវៃ​ទោ នាវ​នតឹត​មា​តើម​រាវី ។ លាស​ងគីង​ពាង់​គែស​ចាត់​នហា​ញឆែ​នអឹរ ខាន់​មៃ​គឹត​លាស​ខៃ​តា​មីស​ឞើយ​ត៝ត់​ហើយ្ស។
MAR 13:29 នទ្រី​លាស​ខាន់​មៃ​ឆៃ​នាវ​អី​នៃ​លែៈ​ត៝ត់ គឹត​រ៝​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​ឞើយ​ត៝ត់​ដ៝ង់។
MAR 13:30 គ៝ប់​លាស​នហេល​នានេៈ​ងាន់​មា​ខាន់​មៃ លែៈ​នាវ​អ្យា​ពាង់​ត៝ត់​ទោល​ឞូនុយ្ស​តា​រានោក​អាបៃ​រី​ហោម​រេស។
MAR 13:31 ត្រោក​នែស​នតូ​មរា​រ៝ស​លេក​រ៝ យើន​មា​នាវ​គ៝ប់​ងើយ​មោ​អោស​ឞ្លាវ​រ៝ស​លេក ហោម​គែស​ទឹង​លែៈ​ងាន់”។
MAR 13:32 “ម៝ង​នារ​អី​នៃ​មោ​គែស​អោស​ទូ​ហ្វេ​ឞូនុយ្ស​ទើយ​គឹត ឞ៝ល​លាស​តោង​ពារ់​អី​គុ​តា​កាលើ​ត្រោក​អី​នតុក​កោរាញ​ឞ្រាស មោ​លាស​គ៝ប់​អី​ក៝ន​កោរាញ​ឞ្រាស​មោ​ទើយ​គឹត​ដ៝ង់ គែស​ទូ​ហ្វេ​ឞឹ​គ៝ប់​ទើម​ទើយ​គឹត។
MAR 13:33 ខាន់​មៃ​មោ​អោស​ទើយ​គឹត​ម៝ង​នារ​ត៝ត់​ល៝រ នទ្រី​អ៝ន់​ញជ្រាង់​ឆាក់​ជាន់​ងាន់‌
MAR 13:34 យ៝រ​មា​នោក​ម៝ង​នារ​អី​នៃ​ត៝ត់​តឹម​ឞាន​មា​ទូ​ហ្វេ​ឞូ​ក្លោ​អី​លោស​ឞើស​ជៃ​ហាន់​នតុក​អេង។ ពាង់​ដាៈ​មពោល​ទឹក​ម៝ត់​អ្វាញ់​ជៃ នហ៝​មា​ពាៈ​នាវ​ជាន​ការ​អ៝ន់​មា​ទូ​ហ្វេ​ទូ​ហ្វេ ជេសរី​ពាង់​ដាៈ​ឞូនុយ្ស​អី​ចាម់​ជៃ​នៃ​ញជ្រាង់​ងាន់។
MAR 13:35 លាស​នទ្រី​អ៝ន់​ខាន់​មៃ​គុ​រាងែស​ញជ្រាង់​ងាន់​កើត​នៃ​ដ៝ង់ យ៝រ​លាស​ខាន់​មៃ​មោ​គឹត​អោស​ម៝ង​នារ​អី​នៃ តឹម​ឞាន​មា​ទឹក​អី​នៃ​មោ​គឹត​អោស​ម៝ង​នារ​តើម​ជៃ​នៃ​ព្លឹ​ឆឹត គឹត​មាង់​គឹត​ងគូល​មាង់​គឹត​នទ្រាវ​អ្យារ់ មោ​លាស​អើម​អោយ។
MAR 13:36 ក្លាច​លាស​ត៝ត់​ពាង់​ព្លឹ​ឆឹត​មោ​គែស​មឞើស​ល៝រ ជេសរី​ឆៃ​ខាន់​មៃ​ហាក់​ឞិច។
MAR 13:37 នាវ​អី​គ៝ប់​មឞើស​មា​ខាន់​មៃ​អ្យា គ៝ប់​អុច​មឞើស​មា​ទឹង​លែៈ​ឞូនុយ្ស​ដ៝ង់៖ អ៝ន់​គុ​រាងែស​ញជ្រាង់​ឆាក់!”
MAR 14:1 ជេសរី​បុន​នហ៝ត នទ្រែល​មា​បុន​នុមពាង់​មោ​គែស​នទ្រូយ​ហោម​ឞារ​នារ​មា​ត៝ត់។ មពោល​កោរាញ​ជាន​ឞ្រាស នទ្រែល​មា​ផូង​នើម​នតី​នាវ​វៃ​ផូង​អីឆ្រាអែល ​ជ៝យ​នាវ​មើម​ទឹង​គែស​ញុប​នតុង​ឞ្រាស​យេឆូ ​ងខឹត​លើយ។
MAR 14:2 ខាន់​ពាង់​តឹម​ញច្រាៈ​ឞាល់​លាស៖ “លើយ​អោស​ឞ៝ន់​ញុប​តា​នោក​ជាន​បុន ក្លាច​គែស​នាវ​អុស​អាស​តាស​ត៝រ់​មា​ផូង​ប៝ន​លាន”។
MAR 14:3 ជេសរី​ឞ្រាស​យេឆូ ​ហាន់​តា​ប៝ន​បេថានី ។ ពាង់​គុ​តា​ជៃ​ទូ​ហ្វេ​ឞូ​ក្លោ​រាញា​ឆីមោន ​អី​តាៈ​គែស​ផុង​ឆា។ នោក​នៃ​តឹង​មា​នាវ​វៃ​ផូង​នទ្រ៝ង់​ខាន់​ពាង់​ឆោង​ឆា​គុ​ឞិច​ងកេង​ជឹត​ច្យៅ អី​ជ៝ង់​រ៝ក​ជឹត​កើយ។ នោក​ពាង់​ឆោង​ឆា​នទ្រែល​ត៝ត់​ឞ្រោៈ​ទូ​ហ្វេ​ឞូ​អូរ​លាប់​តា​ជៃ​នៃ​ញអោត​ទូ​មល៝ម់​ដ៝ប​លុ។ តា​ត្រោម​ដ៝ប​នៃ​គែស​ងី​បោ​កាស​អី​ខ្លៃ​ងាន់ អី​ឞូ​ក្វាល់​លាស​ទាក​ងី​«នារតូ»។ ជេសរី​ពាង់​គិច​លើយ​ឞោក​ដ៝ប​លុ​អី​នៃ​ត៝ៈ​ងី​បោ​កាស​តា​ឞោក​ឞ្រាស​យេឆូ ។
MAR 14:4 គែស​ឞូ​បាបាៈ​អី​គុ​តា​នៃ​ជី​នូយ្ស ខាន់​ពាង់​តឹម​លាស​នទ្រាង់​ខាន់​ពាង់​នើម៖ “ម៝ស​ជាន​មពុង​មពាង់​ងី​បោ​កាស​កើត​នៃ!
MAR 14:5 លាស​ឆ៝ៈ​ព្រីង​អី​នៃ​តាច់​គែស​ព្រាក់ ៣០០ ព្រាក់​កាក់​រាលាវ​រ៝​យាៈ ជេសរី​ពាៈ​មា​ឞូនុយ្ស​អ៝​អាច”។ ជេសរី​ខាន់​ពាង់​នទុយ្ស​អោឞាល់​នៃ។
MAR 14:6 ល៝ង់​ឞ្រាស​យេឆូ ​ទែ​លាស៖ “អ៝ន់​ទាស​មា​ជាន​ព្រែ​ហ៝ៈ! មើម​ទឹង​ខាន់​មៃ​ជាន​អ៝ន់​ពាង់​គែស​នាវ​រាង៝ត​កើត​នៃ? ពាង់​លែៈ​ជាន​នាវ​អ្វែស​អ៝ន់​មា​គ៝ប់។
MAR 14:7 ផូង​អ៝​អាច​ហោម​គុ​នទ្រែល​ខាន់​មៃ​មរ៝។ ខាន់​មៃ​ជាន​អ្វែស​មា​ផូង​អី​នៃ​តឹង​នូយ្ស​នហ៝ម់​ខាន់​មៃ​នើម​អុច យើន​មា​គ៝ប់​អ្យា​មោ​អោស​គុ​នទ្រែល​ខាន់​មៃ​មរ៝។
MAR 14:8 យោស​អ្យា​ជាន​តឹង​នាវ​ទើយ​ពាង់។ ពាង់​ត៝ៈ​ងី​បោ​កាស​តា​ឆាក់​ជាន់​គ៝ប់​អេ​ល៝រ​មា​គ៝ប់​ខឹត ជេង​តឹង​នាវ​វៃ​ផូង​ឞ៝ន់​ជាន​មា​នទ្រាប់​អេ​ល៝រ​មា​ឞូ​ត៝ប់​ឞូនុយ្ស​ខឹត​តា​មោច។
MAR 14:9 គ៝ប់​លាស​នហេល​នានេៈ​ងាន់​មា​ខាន់​មៃ អាប់​នតុក​ឞូ​ហាន់​មឞើស​ងក៝ច​នាវ​មហែ​មហាន​អ្វែស​លាម​ងគ៝រ​ឞ្រី​តា​នែស​នតូ​អ្យា ឞូ​ងក៝ច​មា​នាវ​អី​ពាង់​ជាន​នើស​ដ៝ង់ គៃ​មា​ងកាស​តោរ​ឞូ​ឞាស​ច្វេល​ពាង់”។
MAR 14:10 ជេសរី​យូដាស-​អីឆាការីយោត ​ទូ​ហ្វេ​កោរាញ​អ៝ស​ម៝ន​តា​មពោល ១២ នុយ្ស ពាង់​ហាន់​ម៝ប់​ដាស​មពោល​កោរាញ​ជាន​ឞ្រាស គៃ​មា​តឹម​ញច្រាៈ​ឞាល់​លែវ​ឞូ​ញុប​ឞ្រាស​យេឆូ ​ញជុន​អ៝ន់​មា​ខាន់​ពាង់។
MAR 14:11 ជេស​ផូង​អី​នៃ​តាង់​នាវ​យូដាស-​អីឆាការីយោត ​ងើយ​នៃ នូយ្ស​នហ៝ម់​ខាន់​ពាង់​រាម់​ងាន់ ខាន់​ពាង់​ត៝ន​ងខោម​ព្រាក់​មា​ពាង់។ នទ្រី​យូដាស-​អីឆាការីយោត ​នតើម​ជ៝យ​ម៝ស​នោក​អី​អ្វែស​គៃ​មា​លែវ​ឞូ​ហាន់​ញុប​ឞ្រាស​យេឆូ ។
MAR 14:12 តា​នារ​នតើម​នទ្រាប់​ញេត​បុន​នុមពាង់​មោ​គែស​នទ្រូយ ជេង​នារ​ឞូ​ងខឹត​ក៝ន​ឞែ​ឞ្យាប់​មា​ជាន​ឞ្រាស​គៃ​មា​ញេត​បុន​នហ៝ត ជេសរី​មពោល​អ៝ស​ម៝ន​អោប​ឞ្រាស​យេឆូ ៖ “ហើយ​កោរាញ អាស​នតុក​មៃ​អុច​អ៝ន់​ហេន​នទ្រាប់​មា​មៃ​ញេត​ឆោង​បុន​នហ៝ត​អ្យា​មេស?”
MAR 14:13 ឞ្រាស​យេឆូ ​ដាៈ​ឞារ​ហៃ​អ៝ស​ម៝ន​ហាន់​ជ៝យ​នតុក​មឞើស​មា​ខាន់​ពាង់៖ “ខាន់​មៃ​ហាន់​តា​ប៝ន​ក្វ៝ង់​រី ខាន់​មៃ​ម៝ប់​ទូ​ហ្វេ​ឞូ​ក្លោ​តេៈ​ទាក​យាង់​កាលើ​មលីក។ អ៝ន់​ខាន់​មៃ​ហាន់​តឹង​ពាង់។
MAR 14:14 ម៝ស​ជៃ​ពាង់​លាប់ អ៝ន់​ខាន់​មៃ​ងើយ​មា​នើម​តើម​ជៃ​នៃ៖ «នើម​នតី​ហេន​ដាៈ​ហេន​ហាន់​អោប​មៃ ជ្រោ​មា​ពាង់​ញេត​បុន​នទ្រែល​អ៝ស​ម៝ន​ពាង់​តា​នារ​ញេត​បុន​នហ៝ត​អ្យា អាស​នតុក​មេស?»
MAR 14:15 ឞូនុយ្ស​តើម​ជៃ​នៃ​លែវ​មា​ខាន់​មៃ​រ៝​តា​នតុក​កាលើ​រី​ជ្រោ​ហ្វី​ងាន់ លែៈ​អើម​ជេស​នទ្រាប់​អាប់​លែៈ​ផ្យៅ។ អ៝ន់​ខាន់​មៃ​នទ្រាប់​នាវ​ញេត​ឆោង​អ៝ន់​មា​ឞ៝ន់​តា​ជ្រោ​នៃ​រ៝”។
MAR 14:16 ជេសរី​អ៝ស​ម៝ន​ឞារ​ហៃ​នៃ​ឞ្រោៈ​ទ្រើន​រ៝ ត៝ត់​តា​ប៝ន​ក្វ៝ង់​នៃ​ខាន់​ពាង់​ឆៃ​កើត​នាវ​ឞ្រាស​យេឆូ ​លាស​នើស ជេសរី​ខាន់​ពាង់​នទ្រាប់​នទើ​ឆោង​ឆា​មា​នាវ​ញេត​បុន​នហ៝ត​អី​នៃ។
MAR 14:17 ត៝ត់​កេង​មាង់​ឞ្រាស​យេឆូ ​ត្រុយ្ស​តា​នតុក​នៃ​នទ្រែល ១២ នុយ្ស​មពោល​កោរាញ​អ៝ស​ម៝ន​ពាង់។
MAR 14:18 នោក​ឞ្រាស​យេឆូ ​គុ​ឆោង​ឆា​នទ្រែល​មពោល​អ៝ស​ម៝ន ពាង់​មឞើស៖ “គ៝ប់​លាស​នហេល​នានេៈ​ងាន់​មា​ខាន់​មៃ តា​មពោល​ខាន់​មៃ​គែស​ទូ​ហ្វេ​លែវ​ឞូ​ហាន់​ញុប​គ៝ប់ ពាង់​អី​នៃ​គុ​ឆោង​ឆា​នទ្រែល​ឞ៝ន់​ដ៝ង់”។
MAR 14:19 មពោល​អ៝ស​ម៝ន​រាវៃ​ហោ​ងាន់ លែៈ​ខាន់​ពាង់​នៃ​អោប​ឞ្រាស​យេឆូ ៖ “នទ្រី​គឹត​គ៝ប់​ហើ?”
MAR 14:20 ឞ្រាស​យេឆូ ​លាស​មា​ខាន់​ពាង់៖ “ពាង់​អី​នៃ​តាៈ​ឞើស ១២ នុយ្ស​មពោល​ខាន់​មៃ ពាង់​អី​លុប​នុមពាង់​តា​ងាន​នទ្រែល​គ៝ប់​អាបៃ​អ្យា។
MAR 14:21 គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​ឞូ​មរា​ងខឹត តឹង​មា​នាវ​លែៈ​ញចីស​លាស​មា​គ៝ប់។ តីស​មា​ពាង់​អី​លែវ​ឞូ​ហាន់​ញុប​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​នៃ ពាង់​អី​នៃ​គែស​នាវ​រេស​រាញាល់​ងាន់​រ៝។ អ្វែស​រាលាវ​លើយ​ទឹង​ទែស​ពាង់​អី​នៃ​នើស”។
MAR 14:22 ខាន់​ពាង់​ហោម​គុ​ឆោង​ឆា ជេសរី​ឞ្រាស​យេឆូ ​ឆ៝ៈ​ទូ​មល៝ម់​នុមពាង់ លាស​អ្វែស​មា​កោរាញ​ឞ្រាស ជេសរី​គិច​អ៝ន់​មា​ខាន់​ពាង់​ឆា នហ៝​មា​លាស៖ “ខាន់​មៃ​ឆ៝ៈ​ឆា​យឹ អ្យា​អី​ឆាក់​ជាន់​គ៝ប់”។
MAR 14:23 ជេសរី​ពាង់​ឆ៝ៈ​កាច៝ក​នទ្រាញ់​ព្លៃ​យុងយារ​ប៝ន លាស​អ្វែស​មា​កោរាញ​ឞ្រាស ជេសរី​អ៝ន់​មា​ខាន់​ពាង់​ញេត​លែៈ​មា​ឞាល់។
MAR 14:24 ពាង់​លាស​មា​ខាន់​ពាង់៖ “នទ្រាញ់​ព្លៃ​យុងយារ​ប៝ន​តា​កាច៝ក​អ្យា​អី​មហាម​គ៝ប់ អី​ហ៝ច​ឞើស​ឆាក់​ជាន់​គ៝ប់​នោក​គ៝ប់​ខឹត​តៃ គៃ​មា​រាក្លាយ្ស​អ៝ក់​ឞូនុយ្ស។ មា​មហាម​អី​អ្យា​កោរាញ​ឞ្រាស​ជាន​នាវ​តឹម​រាង្លាប់​មហែ។
MAR 14:25 គ៝ប់​លាស​នហេល​នានេៈ​ងាន់​មា​ខាន់​មៃ គ៝ប់​មោ​ហោម​អោស​ញេត​នទ្រាញ់​ព្លៃ​យុងយារ​ប៝ន​អ្យា​ជឹត នហ៝​មា​ត៝ត់​នារ​គ៝ប់​ញេត​តៃ​នទ្រាញ់​ព្លៃ​យុងយារ​ប៝ន​ត៝ត់​កោរាញ​ឞ្រាស​ម៝ត់​អ្វាញ់​ទឹង​លែៈ​ឞូនុយ្ស​ងាន់​មើ”។
MAR 14:26 ជេស​មព្រើ​នាវ​តឹម​រានេ ឞ្រាស​យេឆូ  នទ្រែល​មពោល​អ៝ស​ម៝ន​ពាង់​លោស​ឞើស​នៃ​ហាន់​ជឹត​យោក​តើម​អោលីវ ។
MAR 14:27 ឞ្រាស​យេឆូ ​លាស​មា​មពោល​អ៝ស​ម៝ន​ពាង់៖ “ទឹង​លែៈ​ខាន់​មៃ​នត្លើយ​គ៝ប់ យ៝រ​មា​តា​នាវ​កោរាញ​ឞ្រាស​ងើយ​លែៈ​គែស​ញចីស៖ «កោរាញ​ឞ្រាស​លាស៖ «គ៝ប់​មឞាង​ងខឹត​លើយ​នើម​ច្យាប់​ឞែ​ឞ្យាប់‌ ជេសរី​ផូង​ឞែ​ឞ្យាប់​ទូ​ចាស​ច្រាយ​លែៈ»»។
MAR 14:28 យើន​មា​ជេស​គ៝ប់​ទ៝ក់​រេស​តៃ គ៝ប់​ហាន់​តា​ឞ្រី​កាលីលេ ​ល៝រ​ឞើស​នាប់​ខាន់​មៃ”។
MAR 14:29 ជេស​តាង់​ឞ្រាស​យេឆូ ​ងើយ​នទ្រី​ពេត្រោស ​លាស​មា​ពាង់៖ “ឞ៝ល​លាស​ទឹង​លែៈ​ខាន់​ពាង់​នត្លើយ​មៃ​កាដោយ គ៝ប់​មោ​អោស​នត្លើយ​មៃ”។
MAR 14:30 ឞ្រាស​យេឆូ ​លាស​មា​ពាង់៖ “គ៝ប់​លាស​នហេល​នានេៈ​ងាន់​មា​មៃ តា​មាង់​អ្យា​រ៝ អេ​ល៝រ​មា​អ្យារ់​នទ្រាវ​ឞារ​តឹ មៃ​រាលាច់​ពែ​តឹ​លាស​មោ​គឹត​នាល់​គ៝ប់”។
MAR 14:31 ពេត្រោស ​រាលាច់​លើ​មា​ហោ៖ “មោ​អោស! ឞ៝ល​លាស​ឞូ​ងខឹត​គ៝ប់​នទ្រែល​មៃ​កាដោយ គ៝ប់​មោ​គែស​អោស​រាលាច់​លាស​មោ​គឹត​នាល់​មៃ”។ ទឹង​លែៈ​មពោល​អ៝ស​ម៝ន​គែស​ងើយ​កើត​នៃ​ដ៝ង់។
MAR 14:32 ជេសរី​ឞ្រាស​យេឆូ  នទ្រែល​មា​មពោល​អ៝ស​ម៝ន​ពាង់​ហាន់​ជឹត​នតុក​ឞូ​រាញា​គេតឆេមានី ។ ពាង់​លាស៖ “ខាន់​មៃ​គុ​តា​អ្យា​ប៝ត់​យឹ គ៝ប់​ហាន់​មឞើស​ឆើម​ប៝ត់”។
MAR 14:33 ពាង់​ជាៈ​ពេត្រោស យាកើ  នទ្រែល​មា​យោហាន ​ហាន់​នទ្រែល។ នោក​នៃ​ពាង់​នតើម​គែស​នាវ​រាវៃ​ហោ​ងាន់ នូយ្ស​នហ៝ម់​មោ​ដាប់​មពាន់ រាង៝ត​ហោ​ងាន់។
MAR 14:34 ពាង់​លាស​មា​ពែ​នុយ្ស​ខាន់​ពាង់​នៃ៖ “នូយ្ស​នហ៝ម់​គ៝ប់​រាង៝ត​ហោ​ងាន់​នទាៈ​មា​ខឹត​រ៝។ ខាន់​មៃ​ហោម​គុ​តា​អ្យា​ប៝ត់ គុ​រាងែស​ញជ្រាង់​ងាន់​ហ៝ៈ”។
MAR 14:35 ជេសរី​ឞ្រាស​យេឆូ ​ហាន់​ជឹត​នាប់​ដេៈ ពាន់​ត្រុយ្ស​អា​នែស​មឞើស​ឆើម​ទាន់​លើយ​តា​គែស​អោស​នាវ​ជេរ​ជ៝ត់ លាស​ទើយ។
MAR 14:36 ពាង់​លាស៖ “អាប់បា​អើ​ឞឹ! ទាស​មៃ​នើម​អុច​មៃ​ទើយ​ជាន​ទឹង​លែៈ​នតីល​នាវ ទាន់​មៃ​ឆ៝ៈ​នាវ​ជេរ​ជ៝ត់​អ្យា​អ៝ន់​ទូ​ងាយ​ឞើស​គ៝ប់។ យើន​មា​លើយ​អោស​តឹង​នូយ្ស​នហ៝ម់​គ៝ប់​អុច អ៝ន់​តឹង​នាវ​មៃ​នើម​អុច​ហ៝ៈ”។
MAR 14:37 ជេសរី​ពាង់​ព្លឹ​ជឹត​មពោល​អ៝ស​ម៝ន​នៃ ឆៃ​ខាន់​ពាង់​ហាក់​ឞិច ពាង់​លាស​មា​ពេត្រោស ៖ “ហើយ​ឆីមោន ​ម៝ស​ឞិច​មៃ​នៃ​ហ្យាស? ម៝ស​មៃ​មោ​ទើយ​ញឆ្រោយ្ស មាន​មា​ទូ​ម៝ង​មោ​ទើយ​ដ៝ង់?
MAR 14:38 ខាន់​មៃ​ញជ្រាង់​ហ៝ម់​នហ៝​មា​មឞើស​ឆើម គៃ​មា​មោ​ជាន​តីស​នោក​គែស​នាវ​នទើម។ នូយ្ស​នហ៝ម់​ឞូនុយ្ស​លែៈ​អុច​ជាន​ទី​ងាន់ តីស​មា​មោ​អោស​ឞ្លាវ​ជាន យ៝រ​មា​ហោម​រាអ្យា”។
MAR 14:39 ជេសរី​ឞ្រាស​យេឆូ ​ទូ​តៃ​ឞើស​ខាន់​ពាង់ មឞើស​ឆើម​កើត​នាវ​អើម​នើស​ទូ​តឹ​ដ៝ង់។
MAR 14:40 ជេសរី​ពាង់​ព្លឹ​ឆឹត​ហាន់​ម៝ប់​មា​មពោល​អ៝ស​ម៝ន​ជឹត ឆៃ​ខាន់​ពាង់​ហោម​ហាក់​ឞិច លីន​មាត់​មោ​ទើយ ជេសរី​ជ៝យ​នាវ​អើស​មា​ពាង់​មោ​គែស។
MAR 14:41 ឞ្រាស​យេឆូ ​ហាន់​ព្លឹ​ម៝ប់​តៃ​ខាន់​ពាង់​លែៈ​ពែ​តឹ​ជេស ពាង់​លាស​ខាន់​ពាង់៖ “ខាន់​មៃ​ហោម​ឞិច​ទាស​ជ៝ៈ​មា​កាស? ទាស​នៃ​គាប់​ហើយ្ស! អាបៃ​អ្យា​ម៝ង​លែៈ​ត៝ត់​ជេស ឞូ​ញជុន​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​អ៝ន់​មា​ផូង​ឞូនុយ្ស​តីស។
MAR 14:42 ទ៝ក់​ហ៝ម់​លែវ​ឞាល់​ហាន់ ពាង់​អី​លែវ​ឞូ​ហាន់​ញុប​គ៝ប់​លែៈ​ឞើយ​ត៝ត់​ហើយ!”
MAR 14:43 ឞ្រាស​យេឆូ ​ហោម​អែ​ងើយ ទោ​មា​ត៝ត់​យូដាស-​អីឆាការីយោត ​ជេង​ទូ​ហ្វេ​ឞូនុយ្ស​តា ១២ នុយ្ស​មពោល​កោរាញ​អ៝ស​ម៝ន​នៃ។ គែស​ទូ​ផូង​ហាន់​នទ្រែល​ពាង់​នៃ ញអោត​ម៝ង់​ញអោត​ដាវ។ ខាន់​ពាង់​អី​នៃ​តាៈ​ឞើស​មពោល​កោរាញ​ជាន​ឞ្រាស ផូង​នើម​នតី​នាវ​វៃ​ផូង​អីឆ្រាអែល  នទ្រែល​មា​ផូង​កោរាញ​ឞ្រី​យូដា ​ទែ​ដាៈ។
MAR 14:44 យូដាស-​អីឆាការីយោត ​អី​លែវ​ឞូ​ហាន់​ញុប​ឞ្រាស​យេឆូ ​នៃ​លែៈ​ជេស​មឞើស​ទូ​នទើ​គឹត​នាល់​មា​ឞូ​លាស៖ “ឞូ​ម៝ស​អី​គ៝ប់​ចុមពាង់​អី​រី​រ៝។ នទ្រី​ខាន់​មៃ​ញុប​លែវ​ពាង់​ទោ”។
MAR 14:45 ជេសរី​យូដាស-​អីឆាការីយោត ​ហាន់​ត៝ត់​តា​ឞ្រាស​យេឆូ ​រ៝ ពាង់​លាស៖ “ហើយ​នើម​នតី!” ពាង់​ចុម​ឞ្រាស​យេឆូ ‌
MAR 14:46 ជេសរី​ឞូ​ញុប​ឞ្រាស​យេឆូ ។
MAR 14:47 គែស​ទូ​ហ្វេ​អ៝ស​ម៝ន​អី​គុ​ទាច់​តា​រី​តាក់​ដាវ​ច្រីប ឆ្រែស​តោរ​អី​ទឹក​កោរាញ​ជាន​ឞ្រាស​ទុត​ក្វ៝ង់​តាច់​ទូ​ទីង។
MAR 14:48 ជេសរី​ឞ្រាស​យេឆូ ​លាស​មា​ផូង​អី​នៃ៖ “ម៝ស​ឞ្រោៈ​ខាន់​មៃ​ញអោត​នអ៝ប់​មា​ម៝ង់​មា​ដាវ​គៃ​មា​ញុប​គ៝ប់​កើត​នៃ កើប​គ៝ប់​ជេង​ឞូនុយ្ស​នតុង​ឞើស?
MAR 14:49 អាប់​នារ​កាល់​ទឹ​នើស គ៝ប់​គុ​នតុម​នតី​តា​ជ៝ង់​គូង​ញីស​ជាន​ឞ្រាស។ ខាន់​មៃ​គុ​តា​នៃ​ដ៝ង់ មោ​អោស​ញុប​គ៝ប់។ អ្យាត់​មា​គែស​នាវ​ត៝ត់​អ្យា​ជេង​ទី​ដាស​នាវ​កោរាញ​ឞ្រាស​ងើយ​អី​ឞូ​លែៈ​ញចីស”។
MAR 14:50 ជេសរី​មពោល​អ៝ស​ម៝ន​ញច្វាត់​រាង៝ត់​លែៈ​ផ្យៅ នត្លើយ​ឞ្រាស​យេឆូ ។
MAR 14:51 គែស​ទូ​ហ្វេ​ឞូ​នទាម់​អី​តឹង​ពាង់ ឞូ​នទាម់​អី​នៃ​គែស​ឞ៝ក​ទូ​ឞ្លាស​ទើម​មា​ងគូត​ឆាក់​ជាន់ ឞូ​ទែ​ញុប​អោឞាល់​ដ៝ង់។
MAR 14:52 ពាង់​មអារ់​ឞ៝ក​អី​នៃ ញច្វាត់​ឆាក់​កុស​ទើម។
MAR 14:53 ជេសរី​ឞូ​លែវ​ឞ្រាស​យេឆូ ​អា​ជៃ​កោរាញ​ជាន​ឞ្រាស​ទុត​ក្វ៝ង់។ លែៈ​មពោល​កោរាញ​ជាន​ឞ្រាស ផូង​នើម​នតី​នាវ​វៃ​ផូង​អីឆ្រាអែល  នទ្រែល​មា​ផូង​កោរាញ​ឞ្រី​យូដា ​គុ​រាគូម​តា​រី​ទាទេ។
MAR 14:54 ល៝ង់​ពេត្រោស ​រី​តឹង​ឞ្រាស​យេឆូ ​ឞើស​កើយ ឞ្រោៈ​នទ៝ប់​ឞោក​មពើល​ឞោក នហ៝​មា​ត៝ត់​តា​ត្រោម​ជ៝ង់​គូង​ជៃ​កោរាញ​ជាន​ឞ្រាស​ទុត​ក្វ៝ង់ ជេសរី​លាប់​គុ​ញជ៝រ់​អុញ​នទ្រែល​មពោល​ឞូនុយ្ស​កើល​ជាន​ការ​តា​នតុក​នៃ។
MAR 14:55 មពោល​កោរាញ​ជាន​ឞ្រាស នទ្រែល​មា​ទឹង​លែៈ​ផូង​កោរាញ​ជាន​ការ​ផូង​អីឆ្រាអែល ​តឹម​ញច្រាៈ​ឞាល់​ជ៝យ​នាវ​នតោន​ឞ្រាស​យេឆូ ​គៃ​មា​តេៈ​ទោយ្ស​ងខឹត​លើយ​ពាង់ ជ៝យ​មោ​អោស​ទើយ​ឆៃ។
MAR 14:56 គែស​អ៝ក់​ឞូនុយ្ស​ងើយ​ញចើត​នតោន​ពាង់ យើន​មា​ទឹង​លែៈ​នាវ​ខាន់​ពាង់​នតោន​នៃ​មោ​អោស​តឹម​ទី​ឞាល់។
MAR 14:57 ឞូ​បាបាៈ​ទ៝ក់​ងើយ​ញចើត​នតោន​ឞ្រាស​យេឆូ ​លាស៖
MAR 14:58 “ហេន​តាង់​ពាង់​ងើយ​លាស៖ «គ៝ប់​រើយ្ស​មអារ់​លែៈ​ញីស​ជាន​ឞ្រាស​មា​កោរាញ​ឞ្រាស​អី​តី​ឞូនុយ្ស​ជាន ជេសរី​តា​ពែ​នារ​ឞើស​កើយ​នៃ​គ៝ប់​ជាន​ញីស​ជាន​ឞ្រាស​ទូ​មល៝ម់​អេង​ជឹត ញីស​ជាន​ឞ្រាស​អី​នៃ​មោ​គែស​អោស​តី​ឞូនុយ្ស​ជាន»”។
MAR 14:59 ឞ៝ល​លាស​ខាន់​ពាង់​នតោន​មា​នាវ​អី​នៃ​កាដោយ ក៝ៈ​ហោម​មោ​តឹម​ទី​ឞាល់​ដ៝ង់។
MAR 14:60 ជេសរី​ទ៝ក់​ដឺប​អី​កោរាញ​ជាន​ឞ្រាស​ទុត​ក្វ៝ង់​នៃ ទ៝ក់​ឞើស​នាប់​លែៈ​ឞូនុយ្ស​អី​គុ​តា​នៃ ពាង់​អោប​ឞ្រាស​យេឆូ ៖ “មើម​មៃ​មោ​អើស​នាវ​ឞូ​នតោន​មៃ​នៃ​មេស?”
MAR 14:61 ឞ្រាស​យេឆូ ​គុ​អ្យាត់​ឆាក់​ក្លាក់​មោ​អើស​ដេៈ​រ៝។ កោរាញ​ជាន​ឞ្រាស​អោប​តៃ​ពាង់​ទូ​តឹ​ជឹត៖ “នទ្រី​មៃ​ជេង​ឞ្រាស​ក្រីស ​អី​នើម​រាក្លាយ្ស​តាៈ​ឞើស​កោរាញ​ឞ្រាស​ទែ​ញជ្វាល់​ងាន់ អី​ក៝ន​កោរាញ​ឞ្រាស​ងាន់​បាស?”
MAR 14:62 ឞ្រាស​យេឆូ ​អើស៖ “អើ​គ៝ប់​អ្យា​ងាន់។ ទឹង​លែៈ​ខាន់​មៃ​មរា​ឆៃ​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស គុ​ឞើស​មា​តី​កោរាញ​ឞ្រាស​នើម​អី​ទុត​នាវ​ទើយ​គៃ​មា​ម៝ត់​អ្វាញ់‌ ជេសរី​ជុរ​ឞើស​ត្រោក​រី​ហាន់​រ៝ៈ​នទ៝រ់​តុក”។
MAR 14:63 ជេស​តាង់​ពាង់​ងើយ​កើត​នៃ កោរាញ​ជាន​ឞ្រាស​ទុត​ក្វ៝ង់​នៃ​ងខេក​អាវ​ពាង់​នើម​ច្វីក ជេសរី​លាស៖ “ឞ៝ន់​មោ​ហោម​ខាច់​អោស​ជ៝យ​ឞូនុយ្ស​តើម​ឆៃ​តើម​តាង់​អា​អេង​ជឹត។
MAR 14:64 លែៈ​ខាន់​មៃ​តាង់​ទាទេ​ជេស​នាវ​ព្រែ​មឺច​រាម៝ត​កោរាញ​ឞ្រាស។ នទ្រី​មើម​ខាន់​មៃ​អុច​តេៈ​ទោយ្ស​មា​ពាង់?” ទឹង​លែៈ​ឞូ​លាស​តេៈ​ទោយ្ស​ងខឹត​លើយ​ពាង់។
MAR 14:65 ឞូ​បាបាៈ​លែវ​ឞាល់​ឆ៝ស​ទាក​ទីវ​តា​អោឞាល់ ងកុម​មាត់​ថុក​អោឞាល់ ជេសរី​អោប៖ “លាស​មៃ​ឞ្រាស​ក្រីស ​ងាន់ មឞើស​មា​ហេន​ឞូ​ម៝ស​ថុក​មៃ!” ជេសរី​មពោល​តាហែន​ញជ្រាង់​ញីស​ជាន​ឞ្រាស​តាប​អោឞាល់​ដ៝ង់។
MAR 14:66 ល៝ង់​ពេត្រោស ​រី​ពាង់​ហោម​គុ​តា​ជ៝ង់​គូង ជេស​រី​ត៝ត់​ឞ្រោៈ​ទូ​ហ្វេ​ឞូ​អូរ​តា​នៃ ពាង់​ជាន​ការ​មា​កោរាញ​ជាន​ឞ្រាស​ទុត​ក្វ៝ង់។
MAR 14:67 ត៝ត់​ឆៃ​ពេត្រោស ​គុ​ញជ៝រ់​អុញ​តា​នៃ ពាង់​អ្វាញ់​អ៝ន់​នហេល​អី​មុស​មាត់ ជេសរី​លាស៖ “ងាន់​មៃ​ជេង​ឞាល់​មពោល​យេឆូ ​ត៝​អី​តាៈ​ឞើស​ប៝ន​នាឆារែត !”
MAR 14:68 ពេត្រោស ​រាលាច់​លាស៖ “គ៝ប់​មោ​អោស​គឹត​វ៝ត់​ម៝ស​នាវ​អៃ​រែ​លាស​រី”។ ជេសរី​ពេត្រោស ​ទូ​ឞើស​នតុក​អី​នៃ​ហាន់​អា​មពោង​មពេរ នោក​នៃ​អ្យារ់​លែៈ​នតើម​នទ្រាវ។
MAR 14:69 ជេសរី​ឞូ​អូរ​អី​ជាន​ការ​តា​នៃ​ឆៃ​ពេត្រោស ​គុ​តា​នៃ ពាង់​មឞើស​លែៈ​ឞូនុយ្ស​អី​គុ​តា​រី​ទូ​តឹ​ជឹត៖ “ពាង់​អី​នៃ​ឞាល់​មពោល​ឞូនុយ្ស​អី​ឞូ​ញុប​នៃ​ដ៝ង់”។
MAR 14:70 ពេត្រោស ​រាលាច់​តៃ​ជឹត។ ត៝ត់​ទូ​នទ៝ម់​ឞើស​កើយ មពោល​ឞូនុយ្ស​អី​គុ​តា​នៃ​ងើយ​មា​ពេត្រោស ​លាស៖ “មៃ​អ្យា​ឞាល់​មពោល​ពាង់​ងាន់​រ៝ រាលាវ​មៃ​ឞ្រី​កាលីលេ ​តឹម​ឞាន”។
MAR 14:71 ពេត្រោស ​ងើយ​លាស៖ “លាស​គ៝ប់​មរោស គ៝ប់​រាតាប់​ឆាក់​គ៝ប់​នើម ទាន់​កោរាញ​ឞ្រាស​តេៈ​ទោយ្ស​មា​គ៝ប់​ទោស។ គ៝ប់​មោ​អោស​គឹត​នាល់​ពាង់​អី​ខាន់​អៃ​មៃ​លាស”។
MAR 14:72 ទោ​មា​អ្យារ់​នទ្រាវ​ទូ​តឹ​ជឹត ជេសរី​ពេត្រោស ​នតើម​កាស​គឹត​នាវ​ឞ្រាស​យេឆូ ​លាស​នើស៖ “អេ​ល៝រ​មា​អ្យារ់​នទ្រាវ​ឞារ​តឹ​មៃ​រាលាច់​ពែ​តឹ​លាស​មោ​គឹត​នាល់​គ៝ប់”។ ជេសរី​ពាង់​ញុម​រាង៝ត​ហោ​ងាន់​រ៝។
MAR 15:1 កាស​អោយ​តៃ​អើម​អោយ​មពោល​កោរាញ​ជាន​ឞ្រាស មពោល​កោរាញ​ឞ្រី​យូដា  ផូង​នើម​នតី​នាវ​វៃ​ផូង​អីឆ្រាអែល  នទ្រែល​មា​ផូង​កោរាញ​ជាន​ការ​ផូង​ឞ្រី​យូដា ​ទឹង​លែៈ​តឹម​ម៝ប់​ឞាល់​តឹម​ញច្រាៈ​នាវ ជេសរី​ដាៈ​ឞូ​ចាប់​ឞ្រាស​យេឆូ ​លែវ​ញជុន​ពាង់​មា​កោរាញ​ក្វ៝ង់​ពីលាត ​អី​ឞូនុយ្ស​ផូង​រោម​។
MAR 15:2 ពីលាត ​អោប​ឞ្រាស​យេឆូ ៖ “ងាន់​លាស​មៃ​កាដាច់​ផូង​អីឆ្រាអែល ​បាស?” ឞ្រាស​យេឆូ ​អើស​មា​ពាង់​លាស៖ “អើ កើត​នាវ​មៃ​លាស​នាវ​អី​នៃ”។
MAR 15:3 មពោល​កោរាញ​ជាន​ឞ្រាស​នតោន​ឞ្រាស​យេឆូ ​ជាន​តីស​អ៝ក់​នតីល​ងាន់។
MAR 15:4 ជេសរី​ពីលាត ​អោប​ពាង់​ទូ​តឹ​ជឹត៖ “ល៝ង់​ខាន់​ពាង់​នតោន​មៃ​ជាន​តីស​អ៝ក់​នតីល​ងាន់ ម៝ស​នាវ​ទឹង​មៃ​មោ​អុច​អើស?”
MAR 15:5 ឞ្រាស​យេឆូ ​មោ​អុច​អើស​ដេៈ​រ៝ នទ្រី​ទឹង​ពីលាត ​គែស​នាវ​នទ្រ៝ត់​ហីស​រាហ៝ល់។
MAR 15:6 អាប់​នាម់​តា​នារ​ញេត​បុន​នហ៝ត ពីលាត ​វៃ​មអើក​ទូ​ហ្វេ​ឞូនុយ្ស​ទោយ្ស​ឞូ​ម៝ស​អី​ផូង​ប៝ន​លាន​ទែ​ទាន់។
MAR 15:7 គែស​ទូ​ហ្វេ​ឞូ​ក្លោ​រាញា​បារាបាស ​ឞូ​ក្រុង​តា​នទ្រូង។ ឞូ​ញុប​ពាង់​នទ្រែល​មពោល​ឞូនុយ្ស​អី​លែៈ​តឹម​រាទ៝ង់​ដាស​ផូង​រោម  នទ្រែល​មា​លែៈ​ងខឹត​ឞូនុយ្ស។
MAR 15:8 ផូង​ប៝ន​លាន​លែវ​ឞាល់​ហាន់​ម៝ប់​មា​ពីលាត ​ទាន់​ពាង់​បើក​ទូ​ហ្វេ​ឞូនុយ្ស​ទោយ្ស​តឹង​មា​នាវ​វៃ​ពាង់​ជាន​អ៝ន់​មា​ប៝ន​លាន។
MAR 15:9 ពីលាត ​អោប​ខាន់​ពាង់​លាស៖ “នទ្រី​ខាន់​អៃ​មៃ​អុច​អ៝ន់​គ៝ប់​បើក​លើយ​អី​កាដាច់​ផូង​អីឆ្រាអែល ​ឞើស?”
MAR 15:10 ពាង់​លាស​កើត​នៃ យ៝រ​មា​ពាង់​លែៈ​គឹត​ជេស​នូយ្ស​នហ៝ម់​មពោល​កោរាញ​ជាន​ឞ្រាស​មោ​នាច នទ្រី​ទឹង​ខាន់​ពាង់​ញជុន​ឞ្រាស​យេឆូ ​អ៝ន់​មា​ពាង់​នៃ។
MAR 15:11 មពោល​កោរាញ​ជាន​ឞ្រាស​លែវ​ឞាល់​ញឆោច​ផូង​ប៝ន​លាន ងខើង​មា​ដាៈ​ពីលាត ​បើក​លើយ​បារាបាស ។
MAR 15:12 ជេសរី​ពីលាត ​លាស​មា​ផូង​អី​នៃ​ទូ​តឹ​ជឹត៖ “នទ្រី​អា​មើម​ខាន់​អៃ​មៃ​អ៝ន់​គ៝ប់​ជាន​មា​ឞូនុយ្ស​អី​ខាន់​អៃ​មៃ​ក្វាល់​លាស​«កាដាច់​ផូង​អីឆ្រាអែល »​អ្យា?”
MAR 15:13 ឞូ​នតែរ​ទ្រើវ​លាស៖ “ងខឹត​ពាង់​តា​ឆី​តឹម​រាកាង់!”
MAR 15:14 ពីលាត ​អោប​តៃ​លាស៖ “ឞូនុយ្ស​អ្យា​ម៝ស​នាវ​តីស​តា​ពាង់?” ផូង​ប៝ន​លាន​នតែរ​ទ្រើវ​លើ​មា​ហោ​លាស៖ “ងខឹត​ពាង់​តា​ឆី​តឹម​រាកាង់!”
MAR 15:15 អាច​មា​ពីលាត ​អុច​ជាន​តឹង​នាវ​ផូង​ប៝ន​លាន​ទាន់​នើស គៃ​មា​អ៝ន់​ខាន់​ពាង់​រាម់​មអាក ពាង់​បើក​លើយ​បារាបាស ។ ជេសរី​ពាង់​ដាៈ​តាហែន​រាពាត់​ឞ្រាស​យេឆូ ​មា​ម៝ង់​រាឆែ នហ៝​មា​ជាវ​អ៝ន់​តាហែន​ងខឹត​អោឞាល់​តា​ឆី​តឹម​រាកាង់។
MAR 15:16 ជេសរី​ផូង​តាហែន​តេក​លែវ​ឞ្រាស​យេឆូ ​ហាន់​លាប់​តា​ជ៝ង់​គូង​ញីស​កោរាញ​ក្វ៝ង់។ ត៝ត់​តា​នៃ​ក្វាល់​លែៈ​ផូង​តាហែន​អ៝ន់​តឹម​ម៝ប់​ឞាល់។
MAR 15:17 ឞូ​ទែ​ឆ៝ៈ​អាវ​ជ៝ង​ចាង់​អី​តឹម​ឞាន​មា​អាវ​កាដាច់​ញឆ៝ស​អ៝ន់​អោឞាល់​ញឆ៝ស ជេសរី​ឆ៝ៈ​រាតាវ​ល៝ក​បារ់​ជាន​មោក​កាដាច់​នទោ​តា​ឞោក​អោឞាល់​រី។
MAR 15:18 ជេសរី​តាហែន​លែវ​ឞាល់​ងើយ​ងគ្រើស​ងគ្រាប់​មា​អោឞាល់​លាស៖ “ហើយ​កាដាច់​ផូង​អីឆ្រាអែល ! ហេន​យើក​មៃ”។
MAR 15:19 ជេសរី​តាហែន​ទែ​ឆ៝ៈ​ម៝ង់​រែស​រាពាត់​តា​ឞោក​ពាង់ ឆ៝ស​ទាក​ទីវ​តា​អោឞាល់​នហ៝​មា​ជាន​លាស​ច៝ន​កោម៝ក់​យើក​មឞាស​មា​ពាង់​ដ៝ង់។
MAR 15:20 ជេស​ងគ្រើស​ងគ្រាប់​មា​អោឞាល់​កើត​នទ្រី ជេសរី​តាហែន​ទ្រ៝ស​លើយ​អាវ​ចាង់​ឞើស​ឆាក់​ពាង់ ព្លឹ​ញឆ៝ស​តៃ​អាវ​ពាង់​នើម​នើស ជេសរី​តេក​លែវ​អោឞាល់​អា​នតុក​ងខឹត​តា​ឆី​តឹម​រាកាង់។
MAR 15:21 រ៝ៈ​ត្រ៝ង​នៃ​គែស​ទូ​ហ្វេ​ឞូ​ក្លោ​អី​តាៈ​ឞើស​ប៝ន​កីរេន ​ពាង់​តាៈ​ឞើស​ឞ្រី​លាប់​អា​ប៝ន។ តាហែន​ទែ​ញច៝ប់​អោឞាល់​តូយ​ឆី​តឹម​រាកាង់​ឞ្រាស​យេឆូ ។ ពាង់​អី​នៃ​រាញា​ឆីមោន ​អី​ឞឹ​អាលេកឆាន់ត្រុស  នទ្រែល​មា​អី​ឞឹ​រូផុស ។
MAR 15:22 ជេសរី​តាហែន​លែវ​ឞ្រាស​យេឆូ ​ត៝ត់​តា​នតុក​អី​ឞូ​រាញា «កោលកោថា » រាឞ្លាង​លាស​«នតុក​នតីង​ឞោក»។
MAR 15:23 ឞូ​ឆ៝ៈ​នទ្រាញ់​ព្លៃ​យុងយារ​ប៝ន​លាយ​ដាស​ទាក​ឆី​តាង់​ទូ​នតីល​អី​ឞូ​ក្វាល់​លាស​«មឹរ »​អ៝ន់​ពាង់​ញេត‌​ពាង់​មោ​អុច​អោស​ញេត។
MAR 15:24 ជេស​រី​តាហែន​ទែ​ងខឹត​អោឞាល់​តា​ឆី​តឹម​រាកាង់ នហ៝​មា​ឆ៝ៈ​ញុប​នទើ​ញច្រ៝ស​គៃ​មា​តឹម​ពាៈ​ឞាល់​ខ៝​អាវ​ឞ្រាស​យេឆូ ។
MAR 15:25 តា​ម៝ង​ឆឹន​អោយ​តាហែន​ងខឹត​ពាង់​តា​ឆី​តឹម​រាកាង់។
MAR 15:26 ឞូ​ព្លា​កាដារ​ទូ​រាលាត​ញចីស​មឞើស​នាវ​តីស​ពាង់​លាស៖ «ពាង់​អ្យា​កាដាច់​ផូង​អីឆ្រាអែល »។
MAR 15:27 តា​នៃ​គែស​ដ៝ង់​ឞារ​ហៃ​ឞូនុយ្ស​នតុង ឞូ​ទែ​ងខឹត​តា​ឆី​តឹម​រាកាង់​កើត​ឞ្រាស​យេឆូ ​ដ៝ង់ អី​ទូ​ហ្វេ​អ៝ន់​ឞើស​មា​ពាង់ ទូ​ហ្វេ​ជឹត​អ៝ន់​ឞើស​ច្យៅ។
MAR 15:28 [នាវ​ត៝ត់​អ្យា​តឹម​ទី​មា​នាវ​លែៈ​គែស​ញចីស​តា​នាវ​កោរាញ​ឞ្រាស​ងើយ​លាស៖ «ពាង់​អី​នៃ​ឞូ​កើប​នទ្រែល​ឞូនុយ្ស​តីស»។]
MAR 15:29 លែៈ​ឞូនុយ្ស​អី​ឞ្រោៈ​រ៝ៈ​នៃ ងគ្រើស​ងគ្រាប់​រាតែស​ឞោក​មា​អោឞាល់ នហ៝​មា​លាស៖ “ហើយ​ឞូនុយ្ស​លាស​រើយ្ស​លើយ​ញីស​ជាន​ឞ្រាស​មា​កោរាញ​ឞ្រាស ជាន​តៃ​អី​មហែ​ពែ​នារ​ជេស។
MAR 15:30 លាស​នទ្រី​រាក្លាយ្ស​អេង​ឆាក់​មៃ​នើម​ជុរ​ឞើស​ឆី​តឹម​រាកាង់​នៃ​ហ៝ម់!”
MAR 15:31 មពោល​កោរាញ​ជាន​ឞ្រាស នទ្រែល​មា​ផូង​នើម​នតី​នាវ​វៃ​ផូង​អីឆ្រាអែល ​លែវ​ឞាល់​ងើយ​ងគ្រើស​មា​ពាង់​កើត​នៃ​ដ៝ង់ ខាន់​ពាង់​លាស៖ “ពាង់​លែៈ​កើល​អ៝ន់​មា​ឞូ​អេងៗ តីស​មា​ឆាក់​ពាង់​នើម​មោ​អោស​ទើយ​កើល។
MAR 15:32 អ៝ន់​ពាង់​អី​ឞ្រាស​ក្រីស ​ជេង​ឞូនុយ្ស​លែៈ​កោរាញ​ឞ្រាស​ទែ​កើយ្ស​ងាន់ ពាង់​កាដាច់​ផូង​អីឆ្រាអែល ​ជុរ​ឞើស​ឆី​តឹម​រាកាង់​អាបៃ​រី អ៝ន់​ហេន​ឆៃ​នហ៝​មា​ញឆីង​ដ៝ង់!” ឞូនុយ្ស​អី​ឞូ​ងខឹត​កេង​ឞ្រាស​យេឆូ ​នៃ មឺច​រាម៝ត​អោឞាល់​ដ៝ង់។
MAR 15:33 ត៝ត់​នារ​ងក្លាង​ឞោក​ទោ​មា​លាម​ឞ្រី​ទាក​អី​នៃ​ត្រោក​គែស​ង៝​ទាទេ​នហ៝​មា​ត៝ត់​ម៝ង​ពែ​កេង​មាង់។
MAR 15:34 តា​ម៝ង​ពែ​កេង​មាង់ ឞ្រាស​យេឆូ ​នតែរ​ទុត​ហោ​លាស​តា​នាវ​ងើយ​ហេឞ្រើ ៖ “អេល៝យ អេល៝យ លាមា​ឆាបាច់​ថានី ?” នាវ​អ្យា​រាឞ្លាង​លាស «អើ​កោរាញ​ឞ្រាស​គ៝ប់ អើ​កោរាញ​ឞ្រាស​គ៝ប់ ម៝ស​នាវ​មៃ​នត្លើយ​គ៝ប់?»
MAR 15:35 ឞូ​បាបាៈ​អី​គុ​តា​នៃ​តាង់​នាវ​ពាង់​នតែរ​នើស​វិ​អ្យាត់ ឞូ​លាស៖ “អោ ពាង់​ក្វាល់​អេលីយា ​អី​ឞូនុយ្ស​នតើយ្ស​នាវ​ងើយ​កោរាញ​ឞ្រាស​ឞើស​កាល់​អែ​នើស”។
MAR 15:36 គែស​ទូ​ហ្វេ​ឞូ​ក្លោ​ហាន់​ញច្វាត់​ឆ៝ៈ​ឞ៝ក​យុក​តា​ទាក​ឆ្រាត​ពូត​តា​ចោង​ម៝ង់​នទឹ​អ៝ន់​ពាង់​ញេត នហ៝​មា​ងើយ​លាស៖ “ក៝ប់​អ្វាញ់​ប៝ត់ គឹត​អេលីយា ​ហាន់​ញជុរ​ពាង់​ឞើស​ឆី​តឹម​រាកាង់​មោ​លាស​មោ”។
MAR 15:37 ជេសរី​ឞ្រាស​យេឆូ ​នតែរ​ទុត​ហោ នហ៝​មា​រ៝ស​នហ៝ម់​ក្ល៝ក់។
MAR 15:38 តា​ម៝ង​នៃ​ឞ៝ក​អី​ញចីង​តា​ជ្រោ​ទុត​ក្ល៝ស​អ្វែស​តា​ត្រោម​ញីស​ជាន​ឞ្រាស​មា​កោរាញ​ឞ្រាស​ទោ​មា​ហេក​ច្វីក​ជេង​ឞារ នតើម​ឞើស​លើ​នហ៝​មា​ត៝ត់​អា​ទ៝ង់។
MAR 15:39 ទូ​ហ្វេ​កោរាញ​តាហែន​រោម ​អី​ទ៝ក់​ឞើស​នាប់​ឞ្រាស​យេឆូ ​ឆៃ​ពាង់​រ៝ស​នហ៝ម់​កើត​នៃ កោរាញ​តាហែន​អី​នៃ​ងើយ​លាស៖ “ឞូ​ក្លោ​អ្យា​អី​ក៝ន​កោរាញ​ឞ្រាស​ងាន់​យា!”
MAR 15:40 គែស​មពោល​ឞូ​អូរ​បាបាៈ​អ្វាញ់​ឞើស​ងាយ។ តា​មពោល​ឞូ​អូរ​អី​នៃ គែស​មារី ​អី​តាៈ​ឞើស​ប៝ន​មាដាលា  គែស​មារី ​អី​មេៈ​យាកើ ​ជេៈ នទ្រែល​មា​អី​មេៈ​យោឆេ  នទ្រែល​មា​ឆាលោមេ ​ដ៝ង់។
MAR 15:41 លែៈ​ឞូ​អូរ​អី​នៃ​តឹង​កើល​ឞ្រាស​យេឆូ ​នតើម​ឞើស​ពាង់​គុ​តា​ឞ្រី​កាលីលេ ។ គែស​អ៝ក់​ឞូ​អូរ​អេង​ជឹត ខាន់​ពាង់​លែៈ​រាងោច​តឹង​ពាង់​ត៝ត់​តា​ប៝ន​ក្វ៝ង់​យេរូឆាលឹម ។
MAR 15:42 លែៈ​នាវ​អី​នៃ​ត៝ត់​តា​នារ​នទ្រាប់​អី​នារ​អេ​ល៝រ​មា​នារ​ឆាបាត់ ​អី​នារ​រាលូ​ផូង​អីឆ្រាអែល ។ លែៈ​ត៝ត់​កេង​មាង់​នារ​អី​នៃ​ជេស‌
MAR 15:43 ជេសរី​គែស​ទូ​ហ្វេ​ឞូ​ក្លោ​រាញា​យោឆែប ​អី​តាៈ​ឞើស​ប៝ន​អារីមាថេ  ពាង់​ឞូនុយ្ស​លឺ​ក្វ៝ង់​តា​មពោល​កោរាញ​ជាន​ការ​ផូង​អីឆ្រាអែល ។ ពាង់​ហោម​ក៝ប់​ត៝ត់​នាវ​កោរាញ​ឞ្រាស​ម៝ត់​អ្វាញ់​លែៈ​ឞូនុយ្ស​ដ៝ង់ នទ្រី​នូយ្ស​នហ៝ម់​ពាង់​ឞាញ់​ងាន់​ហាន់​ម៝ប់​ពីលាត ​ទាន់​ឆ៝ៈ​ឆាក់​ឞ្រាស​យេឆូ ​គៃ​មា​ត៝ប់។
MAR 15:44 ត៝ត់​ពាង់​ម៝ប់​ពីលាត ពីលាត ​គែស​នាវ​មឹន​នទ្រ៝ត់​ហីស​រាហ៝ល់​ងាន់​តាង់​ងក៝ច​លាស​ឞ្រាស​យេឆូ ​លែៈ​ខឹត​ហើយ្ស​កើត​នៃ។ ពាង់​ក្វាល់​កោរាញ​តាហែន​អី​ងខឹត​ឞ្រាស​យេឆូ ​នៃ​នើស គៃ​មា​គឹត​នហេល​លាស​ឞ្រាស​យេឆូ ​លែៈ​ខឹត​ងាន់​មោ​លាស​មោ។
MAR 15:45 ជេស​ពាង់​តាង់​លែៈ​នាវ​តាហែន​នៃ​ងក៝ច ពាង់​អ៝ន់​យោឆែប ​ឆ៝ៈ​ឆាក់​ឞ្រាស​យេឆូ ។
MAR 15:46 យោឆែប ​រាវាត់​ឞ៝ក​លាយ្ស​ងលាង ជេសរី​ពាង់​ញជុរ​ឆាក់​ឞ្រាស​យេឆូ ​ឞើស​ឆី​តឹម​រាកាង់ ញជ៝រ​ពូត​មា​ឞ៝ក​អី​នៃ​តេៈ​តា​ត្រោម​មោច​លុ​ទូ​នតុក​អី​ឞូ​ទែ​លោក​តា​លុ​ក្លេរ​មា​ជាន​ត្រោម​មោច។ ជេសរី​ពាង់​រាលាៈ​ទូ​មល៝ម់​លុ​រាទ៝ល់​ត្រោម​មោច​នៃ។
MAR 15:47 មារី ​អី​តាៈ​ឞើស​ប៝ន​មាដាលា  នទ្រែល​មា​មារី ​អី​មេៈ​យោឆេ ​លែៈ​គុ​តា​នៃ​ដ៝ង់ លែៈ​អ្វាញ់​ឆៃ​នតុក​ឞូ​តេៈ​ឆាក់​ឞ្រាស​យេឆូ ​នើស។
MAR 16:1 អា​មាង់​ជេស​លោច​នារ​ឆាបាត់ ​អី​នារ​រាលូ​ផូង​អីឆ្រាអែល ​មពោល​ឞូ​អូរ​មារី ​អី​តាៈ​ឞើស​ប៝ន​មាដាលា មារី ​អី​មេៈ​យាកើ  នទ្រែល​មា​ទូ​ហ្វេ​ឞូ​អូរ​អេង​ជឹត​រាញា​ឆាលោមេ ​លែវ​ឞាល់​រាវាត់​ទាក​ងី​បោ​កាស​គៃ​មា​ញអោត​ត៝ៈ​តា​ឆាក់​ឞ្រាស​យេឆូ ។
MAR 16:2 កាស​អើម​អោយ​តា​នារ​ពើស ខាន់​ពាង់​លែវ​ឞាល់​ហាន់​អា​មោច​នោក​ឞ្រី​លែៈ​អាង​នារ​លែៈ​លោស‌
MAR 16:3 ងើយ​នទ្រាង់​ខាន់​ពាង់​នើម​លាស៖ “នទ្រី​ឞូ​ម៝ស​ឆើម​រាលាៈ​លុ​អី​រាទ៝ល់​ត្រោម​មោច​អ៝ន់​មា​ឞ៝ន់​ហ្យាស?”
MAR 16:4 ត៝ត់​តា​មោច​នៃ ខាន់​ពាង់​ងើក​អ្វាញ់​ឆៃ​លុ​លែៈ​អើម​រាលាៈ​ជឹត​មែង​ត្រោម​មោច។ លុ​អី​នៃ​ក្វ៝ង់​ងាន់។
MAR 16:5 ជេស​ខាន់​ពាង់​លាប់​តា​ត្រោម​មោច​នៃ ឆៃ​ទូ​ហ្វេ​ឞូ​នទាម់​គុ​រាគើប​មពែស​ឞើស​មា ញឆ៝ស​អាវ​ក្វ៝ង់​ងលាង។ ល៝ង់​មពោល​ឞូ​អូរ​អី​នៃ​ក្លាច​ញឆ៝រ់។
MAR 16:6 ឞូ​នទាម់​អី​នៃ​លាស​មា​ខាន់​ពាង់៖ “លើយ​ទឹង​ក្លាច​អោស! ខាន់​អៃ​ជ៝យ​ឞ្រាស​យេឆូ ​អី​តាៈ​ឞើស​ប៝ន​នាឆារែត ​អី​ឞូ​ងខឹត​តា​ឆី​តឹម​រាកាង់​នើស។ លែៈ​កោរាញ​ឞ្រាស​រាទ៝ក់​ពាង់​អ៝ន់​ទ៝ក់​រេស​តៃ។ ពាង់​មោ​ហោម​អោស​គុ​តា​អ្យា អ្វាញ់​អែស តា​នតុក​អ្យា​ឞូ​ញជ៝រ​ឆាក់​ពាង់​នើស។
MAR 16:7 ហាន់​ខាន់​អៃ​ឆឹត​មឞើស​មពោល​អ៝ស​ម៝ន​ពាង់​រី នហ៝​មា​មឞើស​ពេត្រោស ​ដ៝ង់៖ «ពាង់​ហាន់​អា​ឞ្រី​កាលីលេ ​ល៝រ​ឞើស​នាប់​ខាន់​អៃ​មៃ អា​រី​តៃ​ខាន់​អៃ​មៃ​ឆៃ​ពាង់ តឹម​ទី​កើត​ពាង់​លែៈ​ជេស​នតិញ​នើស»”។
MAR 16:8 ជេសរី​មពោល​ឞូ​អូរ​នៃ​ទូ​លោស​ឞើស​មោច​ញច្វាត់​រ៝ង់​ឞ្រ៝ង់​នអ៝ប់​មា​ញឆ៝រ់​ក្លាច​នទ្រ៝ត់​ហីស​រាហ៝ល់​ងាន់។ ខាន់​ពាង់​មោ​អោស​មឞើស​នាវ​អី​នៃ​អ៝ន់​មា​ឞូ យ៝រ​មា​ក្លាច​ហោ​ងាន់។
MAR 16:9 [តា​អោយ​នារ​ពើស ឞ្រាស​យេឆូ ​ទ៝ក់​រេស​តៃ ពាង់​ញហើ​ល៝រ​ឆាក់​អ៝ន់​មា​មារី ​ឆៃ មារី ​អី​នៃ​តាៈ​ឞើស​ប៝ន​មាដាលា ។ ពាង់​ឞ្រាស​យេឆូ ​លែៈ​មព្រើស​ពើស​ឞ្រាស​អ្យើស​លោស​ឞើស​ឆាក់​ពាង់​នើស។
MAR 16:10 ជេស​រី​មារី ​ហាន់​មឞើស​នាវ​អី​នៃ​អ៝ន់​មា​មពោល​អ៝ស​ម៝ន​ពាង់ ខាន់​ពាង់​ហោម​អែ​រាង៝ត​រាវៃ​ញុម​វើល​ពាង់​ដ៝ង់។
MAR 16:11 ត៝ត់​តាង់​មារី ​ងក៝ច​លាស​ពាង់​លែៈ​ទ៝ក់​រេស​តៃ តាង់​ងក៝ច​ដ៝ង់​លាស​មារី ​លែៈ​ឆៃ​ពាង់ មោ​អោស​ខាន់​ពាង់​អុច​អ្យាត់។
MAR 16:12 ជេសរី​ឞ្រាស​យេឆូ ​ញហើ​ឆាក់​អ៝ន់​ឞារ​ហៃ​អ៝ស​ម៝ន​ឆៃ ជេស​ខាន់​ពាង់​លោស​ឞើស​ប៝ន​យេរូឆាលឹម ​ហាន់​រ៝ៈ​ត្រ៝ង។ នោក​នៃ​មុស​មាត់​ឞ្រាស​យេឆូ ​អេង​ដាស​អា​ល៝រ​នើស។
MAR 16:13 ជេសរី​ឞារ​ហៃ​ខាន់​ពាង់​ហាន់​ព្លឹ​ជឹត​កើយ​មឞើស​នាវ​អី​នៃ​មា​មពោល​អ៝ស​ម៝ន​អា​អេង​ដ៝ង់ តីស​មា​ខាន់​ពាង់​មោ​អុច​អ្យាត់​ដ៝ង់។
MAR 16:14 កេង​មា​ទុត​នោក​ខាន់​ពាង់​ហោម​គុ​ឆោង​ឆា ឞ្រាស​យេឆូ ​ញហើ​ឆាក់​អ៝ន់​មា ១១ នុយ្ស​មពោល​កោរាញ​អ៝ស​ម៝ន​ឆៃ ជេសរី​ឞ្រាស​យេឆូ ​នទុយ្ស​ខាន់​ពាង់ អាច​មា​ខាន់​ពាង់​ទាង់​ក៝​មោ​អុច​អ្យាត់​លែៈ​នាវ​អី​ឞូ​ងក៝ច​លាស​ឆៃ​ពាង់​លែៈ​ជេស​ទ៝ក់​រេស​តៃ​នើស។
MAR 16:15 ពាង់​លាស​មា​ខាន់​ពាង់៖ “ខាន់​មៃ​ហាន់​អ៝ន់​លាម​នែស​នតូ​អ្យា ជេសរី​មឞើស​ងក៝ច​នាវ​មហែ​មហាន​អ្វែស​អ៝ន់​មា​ទឹង​លែៈ​ឞូនុយ្ស​ទោ។
MAR 16:16 ឞូ​ម៝ស​អ្យាត់​នាវ​ងក៝ច​អី​នៃ​ជេសរី​ទើន​នាវ​បាប់តែម​យុក​មា​ទាក ពាង់​អី​នៃ​កោរាញ​ឞ្រាស​ទែ​រាក្លាយ្ស។ ឞូ​ម៝ស​អី​មោ​អ្យាត់​អោស​ពាង់​អី​នៃ​កោរាញ​ឞ្រាស​តេៈ​ទោយ្ស​មា​ពាង់​រ៝។
MAR 16:17 ឞូ​ម៝ស​អី​អ្យាត់​នាវ​អី​នៃ ខាន់​ពាង់​ជាន​នាវ​មឞេន​កើត​នអា៖ មព្រើស​ឞ្រាស​អ្យើស​យ៝រ​មា​នាវ​ទើយ​គ៝ប់ ឞ្លាវ​នាវ​ងើយ​អី​ខាន់​ពាង់​មោ​អោស​ព្រ៝ត​ងើយ។
MAR 16:18 លាស​ខាន់​ពាង់​ញុប​ឞេស​គែស​កាច់ មោ​លាស​ញេត​នទើ​ខេស ខាន់​ពាង់​មោ​គែស​នាវ​ត៝ត់​ដ៝ង់។ លាស​ខាន់​ពាង់​តេៈ​តី​តា​ឞូនុយ្ស​ជី នាវ​ជី​ពាង់​ឞាស​រ៝”។
MAR 16:19 ជេស​កោរាញ​យេឆូ ​ងើយ​លែៈ​នាវ​អី​នៃ ជេសរី​កោរាញ​ឞ្រាស​ឆ៝ៈ​នហាវ​ពាង់​ឆឹត​តា​ប៝ន​អ្វែស​កាលើ​ត្រោក អ៝ន់​គុ​មពែស​ឞើស​មា​តី​កោរាញ​ឞ្រាស​នើម។
MAR 16:20 ជេសរី​ខាន់​ពាង់​ហាន់​មឞើស​ងក៝ច​នាវ​មហែ​មហាន​អ្វែស​អាប់​នតុក នហ៝​មា​កោរាញ​ឞ្រាស​កើល​ជាន​ការ​នទ្រែល​ខាន់​ពាង់ អ៝ន់​ខាន់​ពាង់​ទើយ​ជាន​នាវ​មឞេន​អេងៗ គៃ​មា​អ៝ន់​ឞូ​ឆៃ​នាវ​អី​នៃ​លែៈ​ទី​ងាន់៕]៚
LUK 1:1 ទាន់​កោស​មឞាស​លាស​អ្វែស​មា​កោរាញ​ថេវផីល  អ៝ន់​គឹត! គែស​អ៝ក់​ឞូនុយ្ស​អី​ឆៃ​មា​មាត់​អ៝ក់​នតីល​នាវ​ឞ្រាស​យេឆូ ​ជាន នតើម​ពាង់​នតុម​នតី​មា​ឞូនុយ្ស។ ជេសរី​ឞូនុយ្ស​អី​នៃ​នហ៝​មា​ជាន​ការ​មឞើស​ងក៝ច​នាវ​កោរាញ​ឞ្រាស។ គែស​អ៝ក់​ឞូនុយ្ស​តាង់​នាវ​ខាន់​ពាង់​មឞើស​ងក៝ច​នៃ ជេសរី​ញចីស​នាវ​អី​នៃ​អ៝ន់​មា​ហេន​គឹត។
LUK 1:3 ល៝ង់​គ៝ប់​មេត​អ្វាញ់​ទឹង​លែៈ​នាវ​អី​នៃ​ទុត​នហេល​នានេៈ​ងាន់។ គ៝ប់​គឹត​នាវ​អ្យា​ទី​ងាន់​ញចីស​អ៝ន់​នហេល​ងាន់​គៃ​មា​ញជ្វាល់​អ៝ន់​មៃ​ដ៝ង់‌
LUK 1:4 អុច​អ៝ន់​មៃ​គឹត​នាល់​ទឹង​លែៈ​នាវ​អី​មៃ​លែៈ​តាង់​ឞូ​នតី​លាស​មា​មៃ​នើស នាវ​អី​នៃ​ជេង​ទី​ងាន់។
LUK 1:5 នោក​ហេរោត ​ជេង​កាដាច់​ម៝ត់​អ្វាញ់​តា​ឞ្រី​យូដា  នោក​នៃ​គែស​ដ៝ង់​ទូ​ហ្វេ​ឞូនុយ្ស​ជាន​ឞ្រាស​រាញា​ពាង់​ឆាការី  អូរ​ពាង់​រាញា​អេលីឆាបិត  លែៈ​ឞារ​ហៃ​ខាន់​ពាង់​រាន៝យ​ទែស​អារោន ​អី​ឞូនុយ្ស​ជេង​កោរាញ​ជាន​ឞ្រាស​ល៝រ​ឞូ​តា​ផូង​អីឆ្រាអែល ។ នោក​នៃ​មពោល​ជាន​ឞ្រាស​គែស ២៤ មពោល​តឹម​ព្លែស​ជាន​ការ​តា​ញីស​ជាន​ឞ្រាស​មា​កោរាញ​ឞ្រាស​តា​ប៝ន​ក្វ៝ង់​យេរូឆាលឹម ឆាការី ​គុ​តា​មពោល​រាញា​អាបីយា ។
LUK 1:6 លែៈ​ឞារ​ហៃ​អូរ​ឆាយ​នៃ​កោរាញ​ឞ្រាស​កើប​ខាន់​ពាង់​ជេង​ឞូនុយ្ស​ឆ៝ង់​ឆ្រាង់​ងាន់ ញអោត​ន៝ប់​ទឹង​លែៈ​នាវ​កោរាញ​ឞ្រាស​ដាៈ ជាន​ទី​ទាទេ​មោ​អោស​ទូ​នតីល​តីស។
LUK 1:7 តីស​មា​ខាន់​ពាង់​មោ​គែស​ក៝ន យ៝រ​លាស​អេលីឆាបិត ​អី​ឞូ​អូរ​មោ​ឞាៈ​ក៝ន ឆាក់​ជាន់​ខាន់​ពាង់​លែៈ​រាញ​ដ៝ង់។
LUK 1:8 ត៝ត់​ទី​នារ​ព្លែស​មពោល​ជាន​ឞ្រាស​មពោល​អាបីយា ​លាប់​ជាន​ការ​តា​ជ៝ង់​គូង​ញីស​ជាន​ឞ្រាស​មា​កោរាញ​ឞ្រាស នារ​នៃ​ឆាការី ​ឞូនុយ្ស​ជាន​ឞ្រាស​គែស​លាប់​ជាន​ការ​តា​ញីស​នៃ​ដ៝ង់។
LUK 1:9 តឹង​នាវ​វៃ​ជាន​មពោល​ជាន​ឞ្រាស ខាន់​ពាង់​កើយ្ស​ទូ​ហ្វេ​ឞូនុយ្ស​មា​នទើ​ញច្រ៝ស ទី​តា​ព្លាង់​ឆាការី  ជេសរី​ពាង់​លាប់​ឆូ​នទើ​បោ​កាស​តា​ត្រោម​ញីស​ជាន​ឞ្រាស​រី។
LUK 1:10 ជេសរី​ឆាការី ​លាប់​តា​ត្រោម​នៃ ឆូ​នទើ​បោ​កាស ឞើស​ទីស​អ្យា​គែស​អ៝ក់​ឞូនុយ្ស​គុ​មឞើស​ឆើម។
LUK 1:11 ទូ​នហ៝ម់​តា​នៃ​ពាង់​ឆៃ​ទូ​ហ្វេ​តោង​ពារ់​តាៈ​ឞើស​កោរាញ​ឞ្រាស ទ៝ក់​ឞើស​មា​ញឆឺង​មា​គុច​នទើ​បោ​កាស​រី។
LUK 1:12 ត៝ត់​មា​ឆៃ​កើត​នៃ ពាង់​នទ្រ៝ត់​ព្រោស ក្លាច​ទុត​ញឆ៝រ់​ងាន់។
LUK 1:13 ជេសរី​តោង​ពារ់​លាស​មា​ពាង់៖ “ហើយ​ឆាការី  លើយ​ក្លាច​អោស! កោរាញ​ឞ្រាស​អ្យាត់​កើត​នាវ​មៃ​លែៈ​ជេស​ទាន់ នារ​ជឹត​នាប់​តៃ​អូរ​មៃ​គែស​ទូ​ហ្វេ​ក៝ន​ឞូ​ក្លោ អ៝ន់​មៃ​តេៈ​រាញា​ក្វាល់​ពាង់ «យោហាន »។
LUK 1:14 ក៝ន​អី​នៃ​មៃ​រាម់​រាហើន​ហោ​ងាន់ ជេសរី​គែស​អ៝ក់​ឞូនុយ្ស​ដ៝ង់​រាម់​មអាក​ពាង់​ទែស‌
LUK 1:15 យ៝រ​លាស​កោរាញ​ឞ្រាស​កើប​ក៝ន​អី​នៃ​ខ្លៃ​ហោ​ងាន់​ងេន។ លើយ​អោស​អ៝ន់​ពាង់​ញេត​នទ្រាញ់ មោ​លាស​ទូ​នតីល​នទើ​ញុល ទូ​តឹ​មោ​អ៝ន់​ដ៝ង់។ ឞ្រាស​ហ្វេង​អ្វែស​អី​ក្ល៝ស​អ្វែស​គុ​តា​ពាង់​នតើម​ឞើស​នទុល​មែ​រ៝។
LUK 1:16 ជេសរី​ពាង់​លែវ​ប៝ន​លាន​អីឆ្រាអែល ​អ៝ក់​ឞូនុយ្ស​រាគ៝ល់​លើយ​នូយ្ស​នហ៝ម់​អ្យើស​ព្លឹ​ឆឹត​មា​កោរាញ​ឞ្រាស​អី​ឞ្រាស​ខាន់​ពាង់​នើម។
LUK 1:17 ពាង់​វាច់​ល៝រ​ឞើស​នាប់​កោរាញ​ឞ្រាស នហ៝​មា​គែស​ឞ្រាស​ហ្វេង​អ្វែស​គុ​តា​ពាង់​តឹម​ឞាន​មា​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស រាញា​អេលីយា  គែស​នាវ​ទាង់​តឹម​ឞាន​មា​អេលីយា ​នៃ​ដ៝ង់។ ក៝ន​មៃ​អី​នៃ​រាព្លឹ​នូយ្ស​នហ៝ម់​ឞឹ​អ៝ន់​ព្លឹ​រ៝ង់​មា​ក៝ន​ពាង់​នើម យ៝រ​មា​ឞ្រាស​ហ្វេង​អ្វែស​គុ​តា​ពាង់។ គែស​អ៝ក់​ឞូនុយ្ស​មោ​អ្យាត់​នាវ​កោរាញ​ឞ្រាស ក៝ន​មៃ​អី​នៃ​រាគ៝ល់​នូយ្ស​នហ៝ម់​អ្យើស​ខាន់​ពាង់​ព្លឹ​ឆឹត​មា​កោរាញ​ឞ្រាស​ជេង​ឞូនុយ្ស​ឆ៝ង់​ឞូនុយ្ស​អ្វែស កើត​នទ្រី​ពាង់​នទ្រាប់​ឞូនុយ្ស​ទូ​ផូង​អ៝ន់​មា​វើត​ទើន​កោរាញ​ឞ្រាស​ដ៝ង់”។
LUK 1:18 ឆាការី ​អោប​តោង​ពារ់​អី​នៃ​លាស៖ “មើម​ជាន​ហាៈ ទឹង​គឹត​នាវ​នៃ​ហ៝ច​ងាន់? យ៝រ​លាស​ឆាក់​គ៝ប់​អ្យា​លែៈ​រាញ​ជេស នាម់​អូរ​គ៝ប់​លែៈ​អ៝ក់​ដ៝ង់”។
LUK 1:19 តោង​ពារ់​ព្លឹ​អើស​មា​ពាង់៖ “គ៝ប់​អ្យា​រាញា​កាព្រីយែល ​អី​កោរាញ​តោង​ពារ់​កើល​ជាន​ការ​មា​កោរាញ​ឞ្រាស ពាង់​ដាៈ​គ៝ប់​លែវ​នាវ​អ្វែស​អ្យា​មឞើស​អ៝ន់​មៃ។
LUK 1:20 នាវ​អ្យា​គែស​ងាន់​ត៝ត់​ទី​នារ​រី​តៃ តីស​មា​មៃ​មោ​អ្យាត់​អោស​នាវ​គ៝ប់​មឞើស​ងក៝ច​នើស។ អ្វាញ់​មៃ​តៃ​ជេង​ឞូនុយ្ស​មល៝​ងើយ​មោ​ឞ្លាវ​អោស នហ៝​មា​ត៝ត់​អូរ​មៃ​គុ​អ៝ស”។
LUK 1:21 ឞូនុយ្ស​គុ​ក៝ប់​ឆាការី ​ឞើស​ទីស​រី មោ​វ៝ត់​អោស​ម៝ស​នាវ​គុ​ជ៝ៈ​ពាង់​តា​ត្រោម​ញីស​ជាន​ឞ្រាស​រី។
LUK 1:22 ជេសរី​ឆាការី ​លោស​អា​ទីស​អ្យា ពាង់​ងើយ​ដាស​ឞូ​មោ​ឞ្លាវ​អោស។ ពាង់​ញច៝ង់​មា​តី​ទើម​គៃ​អ៝ន់​ឞូ​គឹត​អី​នាវ​ពាង់​ឆៃ​រី​នើស។ ត៝ត់​ឆៃ​ពាង់​ញច៝ង់​នទ្រី ខាន់​ពាង់​គឹត​វ៝ត់​នទើស​នើស​តា​ត្រោម​ញីស​ជាន​ឞ្រាស​នៃ ឆាការី ​គែស​ឆៃ​នទើ​តាៈ​ឞើស​កោរាញ​ឞ្រាស​ងាន់​រ៝។
LUK 1:23 ពាង់​អេ​ហ៝ៈ​លែៈ​នារ​ឆឹត​អោស ហោម​គុ​ជាន​ការ​តា​ញីស​ជាន​ឞ្រាស​អី​នៃ​ជឹត ត៝ត់​ទី​លែៈ​នារ​ឞាស​ជាន​ការ ជេសរី​ពាង់​ព្លឹ​ឆឹត​អា​ប៝ន​ពាង់​នើម​រី។
LUK 1:24 កាស​អា​កើយ​រី​ឆៃ​អូរ​ពាង់​នត្រែវ ជេសរី​អី​អូរ​ពាង់​គុ​ងាន់​តា​ជៃ​ពាង់​នើម​រី​ជ៝ៈ​ព្រាម់​ខៃ​លិច​លោស​ទីស​អីស​នារ​អោស។ ជេសរី​ពាង់​លាស៖
LUK 1:25 “នាវ​នត្រែវ​គ៝ប់​អ្យា​តាៈ​ឞើស​កោរាញ​ឞ្រាស​ទើម​អ៝ន់​មា​គ៝ប់ ពាង់​ជាន​គ៝ប់ អាបៃ​អ្យា​មោ​ហោម​អោស​ដីត​ព្រេង​ឞូ​ជឹត!”
LUK 1:26 ត៝ត់​អេលីឆាបិត ​នត្រែវ​ក្លាប់​គែស​ព្រាវ​ខៃ កោរាញ​ឞ្រាស​ដាៈ​តោង​ពារ់​រាញា​កាព្រីយែល ​ហាន់​តា​ប៝ន​នាឆារែត  ឞ្រី​កាលីលេ ‌
LUK 1:27 គៃ​មា​ម៝ប់​ទូ​ហ្វេ​ឞូ​ទ្រោស រាញា​ពាង់​មារី ។ ឞូ​ទ្រោស​អី​នៃ​ពាង់​លែៈ​ជាន​នទ្រោយ​ដាស​ទូ​ហ្វេ​ឞូ​នទាម់ រាញា​ពាង់​យោឆែប ​អី​ចែ​ពាង់​កាល់​អែ​នើស​កាដាច់​ដាវីត ​ដ៝ង់។
LUK 1:28 ជេសរី​តោង​ពារ់​អី​នៃ​លាប់​តា​ត្រោម​ជៃ​មារី  ពាង់​លាស៖ “ហើយ​យោស​មារី  អ្វែស​លាង់​អៃ​ឞើស! កោរាញ​ឞ្រាស​លែៈ​កើយ្ស​ទូ​ហ្វេ​អៃ​ទើម អ៝ន់​នាវ​គែស​ជេង​មា​អៃ​លើ​មា​ក្វ៝ង់​លើ​មា​ព្រេស​ងាន់ ពាង់​គុ​នទ្រែល​អៃ​ដ៝ង់”។
LUK 1:29 ត៝ត់​មារី ​តាង់​កើត​នៃ​ពាង់​មោ​អោស​គឹត​វ៝ត់ គែស​នាវ​រាវៃ​ងាន់ ជេសរី​ងក្ល៝ន់​អេង​តា​ឆាក់​ពាង់​នើម៖ “ម៝ស​បាៈ​គែស​នាវ​ខ្លៃ​ងើយ​ព្រែ​អី​នៃ​នើស?”
LUK 1:30 ជេសរី​តោង​ពារ់​លាស​មា​ពាង់​ជឹត៖ “អើយ​មារី  លើយ​អៃ​ក្លាច​អោស កោរាញ​ឞ្រាស​កើយ្ស​អៃ គៃ​អ៝ន់​នាវ​គែស​ជេង​ក្វ៝ង់​ហោ​ងាន់។
LUK 1:31 អៃ​តៃ​នត្រែវ ជេសរី​គែស​ទូ​ហ្វេ​ក៝ន​ឞូ​ក្លោ អ៝ន់​អៃ​តេៈ​រាញា​ពាង់​ក្វាល់ «យេឆូ »។
LUK 1:32 ក៝ន​អ្យា​គែស​នាវ​ខ្លៃ​នាវ​ទើយ​ហោ​ងាន់​ងេន ឞូ​ក្វាល់​ពាង់​លាស៖ «ក៝ន​កោរាញ​ឞ្រាស​អី​ទុត​ព្រេស» ជេសរី​កោរាញ​ឞ្រាស​អ៝ន់​ក៝ន​អី​នៃ​ជេង​កាដាច់​មា​ផូង​អីឆ្រាអែល ​តឹម​ឞាន​មា​កាដាច់​ដាវីត ​អី​ចែ​ពាង់​កាល់​អែ​នើស។
LUK 1:33 យើន​មា​ពាង់​តៃ​ជេង​កោរាញ​ម៝ត់​អ្វាញ់​ប៝ន​លាន​អីឆ្រាអែល ​អី​ក៝ន​ឆៅ​រាន៝យ​ទែស​យាកោប ​នហ៝​រ៝ ពាង់​ម៝ត់​អ្វាញ់​មោ​អោស​ឞ្លាវ​លោច​ឞ្លាវ​ទុត”។
LUK 1:34 ជេសរី​មារី ​អោប​តោង​ពារ់​អី​នៃ​លាស៖ “មើម​ជាន​មេស​ទឹង​គែស​នាវ​អ្យា​ត៝ត់​ងាន់​រ៝ យ៝រ​លាស​គ៝ប់​អេ​ហ៝ៈ​គែស​ឆាយ?”
LUK 1:35 តោង​ពារ់​អើស៖ “ឞ្រាស​ហ្វេង​អ្វែស​អី​ក្ល៝ស​អ្វែស​វាច់​គុ​តា​អៃ នាវ​ទើយ​កោរាញ​ឞ្រាស​អី​ទុត​ព្រេស​ងកុម​អ៝ន់​នហ៝ម់​មា​អៃ អ៝ន់​អៃ​នត្រែវ។ កើត​នទ្រី​ទឹង​ក៝ន​អី​នៃ​ក្ល៝ស​អ្វែស ឞូ​ក្វាល់​ពាង់ «ក៝ន​កោរាញ​ឞ្រាស»។
LUK 1:36 ល៝ង់​អេលីឆាបិត ​អី​នទុល​ទែស​អៃ​នើម ឞ៝ល​លាស​ពាង់​លែៈ​រាញ នទ្រែល​មា​ឞូ​លាស​ពាង់​ឞូ​អូរ​មោ​ឞាៈ​ក៝ន​កាដោយ​លែៈ យើន​មា​អាបៃ​អ្យា​ពាង់​លែៈ​នត្រែវ​ក៝ន​ឞូ​ក្លោ​ក្លាប់​លាស​គែស​ព្រាវ​ខៃ​ជេស‌
LUK 1:37 យ៝រ​លាស​មោ​គែស​អោស​ទូ​នតីល​នទើ​កោរាញ​ឞ្រាស​មោ​ឞ្លាវ​ជាន”។
LUK 1:38 មារី ​អើស៖ “គ៝ប់​អ្យា​អុច​ជាន​តឹង​ទឹង​លែៈ​នាវ​កោរាញ​ឞ្រាស អ៝ន់​ត៝ត់​ងាន់​កើត​នាវ​អី​មៃ​លាស​រី!” ជេសរី​តោង​ពារ់​ទូ​លោស​ឞើស​នតុក​នៃ។
LUK 1:39 ជេសរី​មារី  ទ៝ក់​នទាល​ឞើស​នតុក​នៃ ហាន់​ឞ្រុល​រ៝​ជឹត​ប៝ន​ឆាការី ​គុ​រី​តា​ឞ្រី​យោក នតុក​ឞ្រី​យូដា ​រី។
LUK 1:40 ត៝ត់​តា​ជៃ​ឆាការី ​រី​ពាង់​អោប​នាវ​អ្វែស​លាង់​មា​អេលីឆាបិត ។
LUK 1:41 ត៝ត់​តាង់​មារី ​អោប​នៃ ទោ​មា​មព៝ត់​រ៝​អី​ក៝ន​តា​ត្រោម​នទុល​អេលីឆាបិត ​រី។ ជេសរី​ឞ្រាស​ហ្វេង​អ្វែស​អី​ក្ល៝ស​អ្វែស​គុ​ងាន់​តា​អេលីឆាបិត ​នៃ​រ៝‌
LUK 1:42 អ៝ន់​នាវ​ពាង់​លាស ជេសរី​ពាង់​ងើយ​នតែសៗ​ងាន់៖ “កោរាញ​ឞ្រាស​លែៈ​អ៝ន់​នាវ​គែស​ជេង​ទុត​អ្វែស​មា​អៃ​អ៝ក់​រាលាវ​មា​ដាស​ទឹង​លែៈ​ឞូ​អូរ​អេង​ជឹត នហ៝​ពាង់​អ៝ន់​នាវ​គែស​ជេង​មា​ក៝ន​តា​ត្រោម​នទុល​អៃ​នៃ​ដ៝ង់។
LUK 1:43 ម៝ស​គែស​នាវ​ខ្លៃ​តា​គ៝ប់​អ្យា​ហៃ ទឹង​គែស​មា​ឞូ​អូរ​អី​មែ​កោរាញ​គ៝ប់​នើម​ហាន់​ខ៝ល់​គ៝ប់!
LUK 1:44 គ៝ប់​គឹត​នាល់​រី​នើស យ៝រ​លាស​ក៝ន​តា​ត្រោម​នទុល​គ៝ប់​មព៝ត់​រាម់​មអាក​ងាន់​រ៝ ត៝ត់​គ៝ប់​តាង់​នាវ​អៃ​អោប​អ្វែស​លាង់​នើស។
LUK 1:45 អៃ​លាប​ងាន់​យ៝រ​មា​អ្យាត់​នាវ​កោរាញ​ឞ្រាស​លាស​អី​នៃ​ត៝ត់​មា​អៃ​ងាន់​រ៝ អ៝ស​អេ”។
LUK 1:46 ជេសរី​មារី ​មព្រើ​លាស៖ “នូយ្ស​នហ៝ម់​គ៝ប់​រានេ​មា​កោរាញ​ឞ្រាស។
LUK 1:47 គ៝ប់​រាម់​មអាក​ហោ​ងាន់​មា​កោរាញ​ឞ្រាស​អី​នើម​រាក្លាយ្ស​គ៝ប់‌
LUK 1:48 យ៝រ​លាស​កោរាញ​ឞ្រាស​ហោម​កើយ្ស​គ៝ប់​អី​ឞូនុយ្ស​ប៝ន​លាន​ទើម​ក៝ប់​អ្យាត់​នាវ​កោរាញ​ឞ្រាស។ នតើម​ឞើស​អ្យា​ជឹត​នាប់​តៃ​អាប់​រានោក​ឞូនុយ្ស ឞូ​ក្វាល់​គ៝ប់​អី​ឞូ​អូរ​លាប​ងាន់​ងេន‌
LUK 1:49 យ៝រ​លាស​កោរាញ​ឞ្រាស​អី​គែស​នាវ​ទើយ​អ៝ន់​នទើ​នាវ​ខ្លៃ​ងាន់​មា​គ៝ប់។ កោរាញ​ឞ្រាស​ក្ល៝ស​អ្វែស​ងាន់​ងេន‌
LUK 1:50 ពាង់​យោៈ​នអាច​មា​ឞូ​ម៝ស​អី​ក្លាច​អ្យាត់​នាវ​កោរាញ​ឞ្រាស នហ៝​រ៝​ត៝ត់​អាប់​រានោក​ឞូនុយ្ស‌
LUK 1:51 នទ្រែល​មា​ញហើ​នាវ​ទាង់​ពាង់‌ នត្រុត​លើយ​ឞូនុយ្ស​អី​កើប​អេង​ឆាក់​ពាង់​នើម​ក្វ៝ង់។
LUK 1:52 ពាង់​នអុស​លើយ​កាដាច់​គែស​នាវ​ទើយ​ងាន់​អ៝ន់​ជេង​ឞូនុយ្ស​ប៝ន​លាន​ទើម‌ ជេសរី​ពាង់​នហាវ​ឞូនុយ្ស​អី​ប៝ន​លាន។
LUK 1:53 ពាង់​អ៝ន់​គែស​រាមែស​លែរ​មា​ឞូនុយ្ស​ជី​ង៝ត​ជី​ហីរ‌ តីស​មា​ឞូនុយ្ស​នទ្រ៝ង់​ក្វ៝ង់​អ៝ន់​ឆឹត​ទើម តឹង​កោរាញ​ឞ្រាស​នើម​អុច។
LUK 1:54 ពាង់​កើល​ប៝ន​លាន​អីឆ្រាអែល ​អី​ផូង​ជាន​ការ​អ្យាត់​នាវ​កោរាញ​ឞ្រាស​នើម‌ យ៝រ​មា​ហោម​កាស​គឹត​នាវ​យោៈ​នអាច​ពាង់។
LUK 1:55 ពាង់​ជាន​កើត​នអា​តឹង​នាវ​ពាង់​ត៝ន​មា​ចែ​អាឞ្រាហាម់ ​កាល់​អែ​នើស នហ៝​មា​ត៝ត់​ក៝ន​ត៝ត់​ឆៅ​អាឞ្រាហាម់ ​នហ៝​រ៝”។ នទ្រី​នាវ​មព្រើ​មារី ។
LUK 1:56 ពាង់​គុ​នទ្រែល​អេលីឆាបិត ​ក្លាប់​លាស​គែស​ពែ​ខៃ រី​មើ​ព្លឹ​ឆឹត​អា​ជៃ​ពាង់​នើម។
LUK 1:57 ត៝ត់​អេលីឆាបិត ​អាប់​ខៃ​ជេស ពាង់​គុ​អ៝ស​ក៝ន​ឞូ​ក្លោ។
LUK 1:58 ឞូ​ងក៝ច​ដើន​នាវ​អូ​លែៈ​រាញ​អី​នៃ​ហោម​គែស​ក៝ន​អ៝ន់​លែៈ​មពោល​ច្យៅ​មែង នទ្រែល​មា​ឞាល់​មពោល​ពាង់​នើស​គឹត។ ជេស​តាង់​លឺ​កោរាញ​ឞ្រាស​យោៈ​នអាច​មា​ពាង់​ហោ​ងាន់​ងេន​កើត​នអា ខាន់​ពាង់​រាម់​មអាក​នទ្រែល​ពាង់​ទាទេ។
LUK 1:59 ត៝ត់​អ៝ស​ឞេ​អី​នៃ​លែៈ​គែស​ផាម​នារ លែៈ​ឞាល់​មពោល​ឞារ​ហៃ​អូរ​ឆាយ​ខាន់​ពាង់ នទ្រែល​មា​ឞូនុយ្ស​ច្យៅ​មែង​ហាន់​រាន​តា​ខាន់​ពាង់​ដ៝ង់ តឹង​នាវ​វៃ​ផូង​អីឆ្រាអែល  អ៝ន់​ឞូ​ក៝ស​នតោ​មា​ក៝ន​ឞេ​អី​នៃ ងក្រែ​មា​អុច​តេៈ​រាញា​ពាង់ ក្វាល់ «ឆាការី » កើត​រាញា​អី​ឞឹ​ពាង់​នើម​ដ៝ង់។
LUK 1:60 តីស​មា​អី​មេៈ​រី​លាស៖ “មោ​អោស អុច​តេៈ​រាញា​ពាង់ ក្វាល់ «យោហាន »”។
LUK 1:61 ឞូ​ព្លឹ​អើស​មា​ពាង់៖ “តឹង​មា​នាវ​វៃ​ឞ៝ន់​មោ​ទី​អោស យ៝រ​លាស​តា​ឞាល់​មពោល​ខាន់​អៃ​មៃ​មោ​គែស​ទូ​ហ្វេ​រាញា​កើត​នទ្រី”។
LUK 1:62 ជេសរី​ឞូ​អោប​ឆាការី ​ញច៝ក់​មា​តី ម៝ស​អុច​តេៈ​រាញា​អ៝ន់​មា​ក៝ន​ពាង់​នៃ។
LUK 1:63 ឆាការី ​ញច៝ក់​ដាៈ​ខាន់​ពាង់​ឆ៝ៈ​រាលាត​កាដារ ជេសរី​ញចីស​តា​រី​លាស៖ “ក៝ន​អ្យា​តេៈ​រាញា​ពាង់ ក្វាល់​«យោហាន »”។ លែៈ​ឞូ​តា​នៃ​នទ្រ៝ត់​ហីស​រាហ៝ល់​ទាទេ។
LUK 1:64 ទូ​នហ៝ម់​តា​នៃ​ឆាការី ​ឞ្លាវ​ងើយ​កើត​អើម​រ៝ ជេសរី​ពាង់​នតែស​ឞ៝រ់​ប្ហ៝ង់​រានេ​កោរាញ​ឞ្រាស។
LUK 1:65 ឞូនុយ្ស​ច្យៅ​មែង​ក្លាច​ទាទេ​ឆៃ​នាវ​ទាង់​កោរាញ​ឞ្រាស។ ឞូ​លឺ​នាវ​អ្យា​លាម​នតុក​ប៝ន​រ៝ៈ​យោក​ឞ្រី​យូដា ​នៃ។
LUK 1:66 ឞូ​ម៝ស​អី​តាង់​លឺ​នាវ​អ្យា​ពាង់​ងក្ល៝ន់​អេង​តា​នូយ្ស​នហ៝ម់​ហោ​ងាន់ ជេសរី​អោប​អេង​ឆាក់​ពាង់​នើម​លាស៖ “ត៝ត់​ក៝ន​អី​នៃ​លែៈ​ក្វ៝ង់ មើម​ពាង់​ជេង?” ខាន់​ពាង់​ងើយ​កើត​នទ្រី​យ៝រ​លាស​ឞូ​ឆៃ​នាវ​ទើយ​កោរាញ​ឞ្រាស​គុ​តា​ក៝ន​អ្យា។
LUK 1:67 ជេសរី​ឆាការី ​អី​ឞឹ​អ៝ស​ឞេ​រី ឞ្រាស​ហ្វេង​អ្វែស​អី​ក្ល៝ស​អ្វែស​គុ​តា​ពាង់​ងាន់ ដាៈ​ពាង់​ងើយ យ៝រ​រី​ពាង់​ងើយ​តាៈ​ឞើស​កោរាញ​ឞ្រាស ពាង់​លាស៖
LUK 1:68 “រានេ​មា​កោរាញ​ឞ្រាស​អី​ឞ្រាស​ផូង​អីឆ្រាអែល ​យើក​មឞាស‌ យ៝រ​លាស​ពាង់​វាច់​អុច​រាក្លាយ្ស​ផូង​ប៝ន​លាន​ពាង់​នើម។
LUK 1:69 កោរាញ​ឞ្រាស​អ៝ន់​ទូ​ហ្វេ​ឞូនុយ្ស​គៃ​មា​រាក្លាយ្ស​ឞ៝ន់ ឞូនុយ្ស​អី​នៃ​គែស​នាវ​ទើយ​ងាន់‌ ពាង់​រាន៝យ​ទែស​កាដាច់​ដាវីត ​អី​ឞូនុយ្ស​ជាន​ការ​អ្យាត់​នាវ​កោរាញ​ឞ្រាស​កាល់​អែ​នើស ពាង់​អី​នៃ​អី​ឞូ​ក្វាល់​ឞ្រាស​ក្រីស ​ដ៝ង់។
LUK 1:70 កោរាញ​ឞ្រាស​លែៈ​មឞើស​ជេស​នាវ​អ្យា​អ៝ន់​មា​ឞូនុយ្ស​នតើយ្ស​នាវ​ពាង់​ងើយ​កាល់​អែ​នើស។
LUK 1:71 នោក​នៃ​នើស​កោរាញ​ឞ្រាស​លាស ពាង់​មរា​រាក្លាយ្ស​ឞ៝ន់​ឞើស​តី​ផូង​រាលាង់ នទ្រែល​មា​អ៝ន់​ឞ៝ន់​លោស​ឞើស​មពោល​រាងឹ​មពោល​ឞ្យាញ់។
LUK 1:72 ពាង់​លែៈ​ត៝ន​នាវ​យោៈ​នអាច​មា​អូ​ចែ​ឞ៝ន់​កាល់​អែ​នើស។ នាវ​តឹម​រាង្លាប់​ក្ល៝ស​អ្វែស​កោរាញ​ឞ្រាស​ពាង់​មោ​ច្វេល​អោស។
LUK 1:73 ពាង់​លែៈ​ត៝ន​ងាន់​មា​អាឞ្រាហាម់  ចែ​ឞ៝ន់​កាល់​អែ​នើស‌
LUK 1:74 ពាង់​តៃ​រាក្លាយ្ស​ឞ៝ន់​ឞើស​តី​ផូង​រាលាង់‌ គៃ​មា​ឞ៝ន់​មោ​ហោម​ក្លាច​ជាន​ការ​អ្យាត់​នាវ​កោរាញ​ឞ្រាស‌
LUK 1:75 នទ្រែល​មា​អ៝ន់​ឞ៝ន់​ជាន​ការ​នៃ​ឆ៝ង់​ឆ្រាង់ តឹម​ទី​ដាស​នាវ​កោរាញ​ឞ្រាស​អុច​នហ៝​រ៝​អាប់​ញជារ់​នាវ​រេស។
LUK 1:76 ល៝ង់​ក៝ន​គ៝ប់​អ្យា ឞូ​តៃ​លាស​ពាង់​ជេង​ឞូនុយ្ស​នតើយ្ស​នាវ​ងើយ​កោរាញ​ឞ្រាស​អី​ឞ្រាស​ទុត​ព្រេស‌ យ៝រ​លាស​មៃ​ហាន់​ល៝រ​ឞើស​នាប់​ឞ្រាស​ក្រីស  គៃ​មា​នទ្រាប់​នូយ្ស​នហ៝ម់​ឞូនុយ្ស​អ៝ន់​មា​ពាង់​តឹម​ឞាន​មា​ឞូ​ក្វាយ្ស​ត្រ៝ង​អ៝ន់​មា​កាដាច់​ហាន់។
LUK 1:77 មៃ​អ៝ន់​ប៝ន​លាន​អីឆ្រាអែល ​គឹត​នាល់​លាស​មើម​កោរាញ​ឞ្រាស​រាក្លាយ្ស​ខាន់​ពាង់​លោស​ឞើស​នាវ​តេៈ​ទោយ្ស‌ មើម​កោរាញ​ឞ្រាស​យោៈ​មោ​ហោម​អោស​កើប​មោ​ហោម​អោស​ក្លាប់​នទាង់​នាវ​តីស​ខាន់​ពាង់។
LUK 1:78 ពាង់​យោៈ​នអាច​ឞ៝ន់​ហោ​ងាន់‌ នទ្រី​ពាង់​អ៝ន់​ឞ្រាស​ក្រីស ​តាៈ​ឞើស​កាលើ​ត្រោក​នតុក​កោរាញ​ឞ្រាស​រី​ជុរ​វាច់​តា​ឞ៝ន់ តឹម​ឞាន​មា​ប្រីង​លោស​នារ​អា​អោយ។
LUK 1:79 ឞូនុយ្ស​អី​មោ​គឹត​នាល់​កោរាញ​ឞ្រាស ជេង​តឹម​ឞាន​មា​ឞូនុយ្ស​អី​គុ​តា​នតុក​ង៝ ឞូនុយ្ស​អី​ក្លាច​ខឹត​ដ៝ង់ យើន​មា​ឞ្រាស​ក្រីស ​វាច់​តា​អ្យា​ជេង​នាវ​អាង​មា​ឞូនុយ្ស​អី​នៃ‌ ពាង់​លែវ​ឞ៝ន់​រ៝ៈ​ត្រ៝ង​ដាប់​មពាន់”។ នទ្រី​នាវ​ឆាការី ​ងើយ។
LUK 1:80 ល៝ង់​យោហាន ​រី​ឆាក់​ជាន់​ពាង់​លើ​មា​ហាវ​នទាម់ នាវ​មឹន​គឹត​ឞ្លាវ​ពាង់​លើ​មា​ហោ​ដ៝ង់។ ជេសរី​ពាង់​គុ​រេស​តា​នតុក​ឞ្រី​រាទាស​ងាយ​ឞើស​ប៝ន​អេងៗ នហ៝​មា​ត៝ត់​នារ​ពាង់​ញហើ​ឆាក់ ជេសរី​នតើម​នតុម​នតី​ប៝ន​លាន​អីឆ្រាអែល ​នៃ​គឹត។
LUK 2:1 នោក​នៃ​តា​ប៝ន​ក្វ៝ង់​រោម  គែស​កោរាញ​កាដាច់​ឞូ​ក្វាល់​ឆេឆារ  រាញា​ពាង់​អៅកុស  ពាង់​លាប់​ម៝ត់​អ្វាញ់​កាដាច់​តា​ឞ្រី​អេងៗ។ គែស​ទូ​នារ​រី​លោស​នាវ​តាៈ​ឞើស​កោរាញ​កាដាច់​អី​នៃ​ដាៈ​ប៝ន​លាន​ទឹង​លែៈ​ឞ្រី​អី​ពាង់​ម៝ត់ ញចីស​ឆាក់​កើប​ឞូនុយ្ស​តឹង​ឞ្រី​តឹង​ប៝ន​អូ​ចែ​ខាន់​ពាង់​នើម។
LUK 2:2 នាវ​ញចីស​ឆាក់​ប៝ន​លាន​អី​នៃ​ឞូ​ជាន​ឞោក​ទាក​ឞូ ទោល​កីរេនីស ​ជាន​កោរាញ​ក្វ៝ង់​តា​ឞ្រី​ឆីរី ។
LUK 2:3 កើត​នទ្រី​ទឹង​លែៈ​ឞូនុយ្ស​ហាន់​គ្រុង​ញចីស​ឆាក់​តឹង​ប៝ន​អូ​ចែ​ខាន់​ពាង់​នើម​គុ​នើស។
LUK 2:4 ជេសរី​យោឆែប  លោស​ឞើស​ប៝ន​នាឆារែត ​តា​ឞ្រី​កាលីលេ ​អី​នតុក​ពាង់​គុ​នៃ ឞ្រោៈ​ជឹត​ឞ្រី​លើ​ជឹត​ប៝ន​បេតលេហឹម  តា​ឞ្រី​យូដា ​អី​រី អី​នតុក​ប៝ន​ទែស​កាដាច់​ដាវីត ​កាល់​អែ​នើស យ៝រ​លាស​យោឆែប ​អី​នៃ​ពាង់​រាន៝យ​ទែស​កាដាច់​ដាវីត ។
LUK 2:5 ពាង់​ឞ្រោៈ​ញចីស​ឆាក់​នទ្រែល​មារី ​អី​ឞូ​អូរ​ឞូ​គឹត​លាស​អូរ​ពាង់ មារី ​អី​នៃ​លែៈ​នត្រែវ​ដ៝ង់។
LUK 2:6 ត៝ត់​តា​ប៝ន​បេតលេហឹម មារី ​អី​នៃ​លែៈ​អាប់​ខៃ​ជេស។
LUK 2:7 តា​ជៃ​ឞូ​នាច់​វែស​ឞិច​លែៈ​ឞេង​ទាទេ។ ជេសរី​ពាង់​គុ​អ៝ស​ក៝ន​ឞូ​ក្លោ អី​នៃ​ក៝ន​ឞោក​ទាក។ មេៈ​ពាង់​ងក្រូម​អ៝ស​ឞេ​អី​នៃ​មា​ឞ៝ក ជេសរី​តេៈ​តា​ឞ៝ង​មពោមពា​(ឆ្យុម)​នៃ។
LUK 2:8 មាង់​អី​នៃ​តា​ប៝ន​បេតលេហឹម  គែស​មពោល​ច្យាប់​គុ​រាងែស​ក៝ប់​អ្វាញ់​ឞែ​ឞ្យាប់​ផូង ឞែ​ផូង​តា​នទ្រិច​រី។
LUK 2:9 ជេសរី​ទោ​មា​ឆៃ​ទូ​ហ្វេ​តោង​ពារ់​កោរាញ​ឞ្រាស​ទ៝ក់​កេង​ខាន់​ពាង់​រី។ នាវ​អ្វែស​ច្រេក​មា​លើប​កោរាញ​ឞ្រាស​ច្រាត​ទាទេ​ងាន់​ជុម​នតុក​នៃ ត៝ត់​មា​ខាន់​ពាង់​ក្លាច​ញឆ៝រ់​ឆាក់​ជាន់​ហោ​ងាន់។
LUK 2:10 តោង​ពារ់​រី​លាស​មា​ខាន់​ពាង់៖ “លើយ​តា​ខាន់​មៃ​ក្លាច​អោស! គ៝ប់​លែវ​មឞើស​នាវ​មហែ​មហាន​អ្វែស​ងក៝ច​អ៝ន់​មា​ខាន់​មៃ។ នាវ​មហែ​មហាន​អ្វែស​អ្យា​អ៝ន់​មា​ទឹង​លែៈ​ឞូនុយ្ស​រាម់​មអាក​ងាន់។
LUK 2:11 មាង់​អ្យា​តា​ប៝ន​បេតលេហឹម ​អី​ប៝ន​កាដាច់​ដាវីត  គែស​ទូ​ហ្វេ​ក៝ន​ឞូ​ក្លោ​មហែ​ទែស​ជេង​នើម​រាក្លាយ្ស​ទឹង​លែៈ​ឞូនុយ្ស។ ពាង់​អី​នៃ​ឞូ​លែៈ​មឞើស​ល៝រ​កាល់​អែ​នើស ពាង់​ឞ្រាស​ក្រីស ​អី​នើម​រាក្លាយ្ស​តាៈ​ឞើស​កោរាញ​ឞ្រាស​ទែ​ញជ្វាល់ ពាង់​កោរាញ​ខាន់​មៃ។
LUK 2:12 ខាន់​មៃ​គឹត​នាល់​ពាង់​កើត​អ្យា លាស​ឆៃ​ទូ​ហ្វេ​អ៝ស​ឞេ​មហែ​ទែស​ឞូ​ពូត​ពាង់​មា​ឞ៝ក អ៝ន់​ឞិច​តា​ឞ៝ង​មពោមពា​(ឆ្យុម)​នៃ”។
LUK 2:13 ជេសរី​ទោ​មា​ឆៃ​ដ៝ង់​ផូង​តោង​ពារ់​ទុត​អ៝ក់​ងាន់ ជុរ​តាៈ​ឞើស​កាលើ​ត្រោក​នតុក​កោរាញ​ឞ្រាស​រី គុ​នទ្រែល​ទូ​ហ្វេ​តោង​ពារ់​អី​នៃ​នើស មព្រើ​រានេ​មា​កោរាញ​ឞ្រាស​លាស៖
LUK 2:14 “អ៝ន់​រានេ​មា​កោរាញ​ឞ្រាស​គុ​តា​កាលើ​ត្រោក​ទុត​ព្រេស‌ ជេសរី​អ៝ន់​គែស​នាវ​ដាប់​មពាន់​មា​ឞូនុយ្ស​អី​កោរាញ​ឞ្រាស​រ៝ង់​តា​នែស​នតូ​អ្យា”។
LUK 2:15 នទុត​តោង​ពារ់​ហាវ​ឆឹត​អា​កាលើ​ត្រោក​លែៈ​រាង៝ត់ ខាន់​ពាង់​តឹម​ជាៈ​នទ្រាង់​ខាន់​ពាង់​នើម៖ “ហោៈ! ល៝ង់​ឞ៝ន់​ហាន់​តា​ប៝ន​បេតលេហឹម  អ្វាញ់​អ៝ស​ឞេ​មហែ​ទែស​រី កើត​នាវ​កោរាញ​ឞ្រាស​មឞើស​មា​ឞ៝ន់​នទើស​នើស”។
LUK 2:16 ជេសរី​ខាន់​ពាង់​ទ៝ក់​នទាល​តាៈ​ឞើស​នៃ​ហាន់​ជ៝យ​នតុក​គុ​អ៝ស​ឞេ​រី។ ត៝ត់​អា​រី​ឆៃ​មារី យោឆែប  នទ្រែល​មា​អ៝ស​ឞេ​ឞិច​តា​ឞ៝ង​មពោមពា​(ឆ្យុម)​រី។
LUK 2:17 ជេស​ឆៃ​អ៝ស​ឞេ​អី​នៃ ខាន់​ពាង់​មឞើស​ងក៝ច​នាវ​តោង​ពារ់​លាស​មា​អ៝ស​ឞេ​អី​នៃ​នើស។
LUK 2:18 លែៈ​ឞូនុយ្ស​អី​តាង់​នាវ​មពោល​ច្យាប់​ឞែ​ឞ្យាប់​ច្យាប់​ឞែ​អី​នៃ​ងក៝ច ខាន់​ពាង់​នទ្រ៝ត់​ហីស​រាហ៝ល់​តា​នូយ្ស​នហ៝ម់។
LUK 2:19 ល៝ង់​អី​មារី ​នៃ​ពាង់​ហោម​ព្រាប់​ងក្ល៝ន់​នាវ​អី​នៃ​តា​ឆាក់​ពាង់​នើម។
LUK 2:20 ជេសរី​មពោល​ច្យាប់​ឞែ​ឞ្យាប់​អី​នៃ​ខាន់​ពាង់​ព្លឹ​ឆឹត នហ៝​មា​មព្រើ​រានេ​មា​កោរាញ​ឞ្រាស យ៝រ​លាស​មាត់​លែៈ​ឆៃ​តោរ​លែៈ​តាង់ លែៈ​នទើ​តោង​ពារ់​មឞើស​មា​ខាន់​ពាង់​នើស​ជេង​ទី​ទាទេ មោ​គែស​អោស​តីស​ទូ​នតីល។
LUK 2:21 ត៝ត់​ផាម​នារ​ជេស​ទែស មេៈ​ឞឹ​ដាៈ​ឞូ​ក៝ស​នតោ​អ៝ន់​មា​អ៝ស​ឞេ​អី​នៃ​តឹង​មា​នាវ​វៃ​ផូង​អីឆ្រាអែល ​មា​ក៝ន​ឞូ​ក្លោ នហ៝​មា​តេៈ​រាញា​ពាង់ ក្វាល់ «យេឆូ » កើត​តោង​ពារ់​មឞើស​មា​មារី ​នោក​ពាង់​អេ​ហ៝ៈ​នត្រែវ​នើស​ដ៝ង់។
LUK 2:22 ជេស​គុ​អ៝ស​គែស ៤០ នារ មារី ​តឹង​នាវ​វៃ​មោឆេ ​លែៈ​ញចីស​កាល់​អែ​នើស ពាង់​ញហើរ​ឆ្យុម​នារ​មា​ជាន​ឞ្រាស គៃ​មា​រាវ​ឆាក់​ពាង់​នើម​អ៝ន់​ក្ល៝ស។ ត៝ត់​ទី​នារ​នៃ​ពាង់ នទ្រែល​មា​ឆាយ​ពាង់ លែវ​អ៝ស​ឞេ​ជេៈ​រី​តា​ប៝ន​ក្វ៝ង់​យេរូឆាលឹម ។ ត៝ត់​តា​ប៝ន​នៃ ខាន់​ពាង់​លាប់​តា​ជ៝ង់​គូង​ញីស​ជាន​ឞ្រាស​មា​កោរាញ​ឞ្រាស​ញហើរ​ឞារ​មល៝ម់​ឆ្យុម​នារ​មា​ជាន​ឞ្រាស​តឹម​ទី​ដាស​នាវ​វៃ​កោរាញ​ឞ្រាស​លែៈ​ដាៈ​ញហើរ​នើស។ អាប់​តឹ​ជេស​គុ​អ៝ស នាវ​វៃ​នៃ​ដាៈ​ឞូ​ញហើរ “ឞារ​មល៝ម់​នតើប មោ​លាស​ឞារ​មល៝ម់​ព្លុក​រាស”។ ជេសរី​មេៈ​ឞឹ​ញហើរ​អ៝ស​ឞេ​រី​មា​កោរាញ​ឞ្រាស​ដ៝ង់ ខាន់​ពាង់​ជាន​កើត​នទ្រី​តឹង​នាវ​វៃ​កោរាញ​ឞ្រាស​លែៈ​ដាៈ​ឞូ​ញចីស​កាល់​អែ​នើស​លាស៖ “ទឹង​លែៈ​ក៝ន​ឞូ​ក្លោ​ឞោក​ទាក នអ៝ប់​មា​ក៝ន​មពោមពា​(ឆ្យុម)​ងក្វ៝ង់​ឞោក​ទាក អ៝ន់​ញហើរ​ព្រាប់​មា​កោរាញ​ឞ្រាស”។
LUK 2:25 តា​ប៝ន​ក្វ៝ង់​យេរូឆាលឹម ​រី​គែស​ទូ​ហ្វេ​ឞូនុយ្ស​រាញា​ពាង់​ឆីមេអោន  ពាង់​អី​ឞូនុយ្ស​អ្វែស​ឆ៝ង់​ឆ្រាង់ អ្យាត់​នាវ​កោរាញ​ឞ្រាស​ងាន់ ពាង់​គុ​ក៝ប់​រាហើប​ឞ្រាស​ក្រីស ​អី​កោរាញ​ឞ្រាស​ត៝ន​ដាៈ​ហាន់​រាតុក​រាថី​នហ៝​មា​រាក្លាយ្ស​ប៝ន​លាន​អីឆ្រាអែល ​ដ៝ង់។ ឞ្រាស​ហ្វេង​អ្វែស​អី​ក្ល៝ស​អ្វែស​ជុរ​គុ​តា​ពាង់‌
LUK 2:26 មឞើស​អ៝ន់​ពាង់​គឹត ពាង់​មោ​ខឹត​អោស​លាស​មោ​ហ៝ៈ​ឆៃ​ឞ្រាស​ក្រីស ​អី​នើម​រាក្លាយ្ស​តាៈ​ឞើស​កោរាញ​ឞ្រាស​ទែ​ញជ្វាល់។
LUK 2:27 កាស​ទូ​នារ​រី​ឞ្រាស​ហ្វេង​អ្វែស​ដាៈ​ឆីមេអោន ​ហាន់​តា​ជ៝ង់​គូង​ញីស​ជាន​ឞ្រាស​មា​កោរាញ​ឞ្រាស។ ត៝ត់​តា​នៃ​ឆៃ​យោឆែប  នទ្រែល​មា​មារី ​លែវ​អ៝ស​ឞេ​ហាន់​តា​ជ៝ង់​គូង​ញីស​ជាន​ឞ្រាស​រី​ដ៝ង់ គៃ​មា​ញហើរ​អ៝ស​ឞេ​អី​នៃ​មា​កោរាញ​ឞ្រាស​កើត​នាវ​ឞូ​លែៈ​ជេស​ញចីស​តា​នាវ​វៃ​នៃ​នើស។
LUK 2:28 ជេស​ឆីមេអោន ​ឆៃ​អ៝ស​ឞេ​អី​រី ពាង់​ក្លូ ជេសរី​ពាង់​រានេ​មា​កោរាញ​ឞ្រាស៖
LUK 2:29 “អើយ​កោរាញ​ឞ្រាស! គ៝ប់​អ្យា​អី​ឞូនុយ្ស​ជាន​ការ​អ្យាត់​នាវ​មៃ អាបៃ​អ្យា​លាស​គ៝ប់​ខឹត គ៝ប់​លែៈ​គែស​នាវ​ដាប់​មពាន់​ជេស‌ យ៝រ​នាវ​មៃ​ត៝ន​មា​គ៝ប់​នើស​ជេង​ទី​ងាន់​រ៝។
LUK 2:30 ត្រោម​មាត់​គ៝ប់​លែៈ​ឆៃ​នាវ​រាក្លាយ្ស​មៃ​អ៝ន់​ជេស។
LUK 2:31 នាវ​រាក្លាយ្ស​អី​នៃ​មៃ​លែៈ​នទ្រាប់​អ៝ន់​មា​លែៈ​មពោល​ឞូនុយ្ស​ឆៃ‌
LUK 2:32 ពាង់​ជេង​តឹម​ឞាន​នាវ​អាង​គៃ​មា​ងអាង​លែៈ​មពោល​ឞូនុយ្ស​អី​មោ​ទី​ផូង​អីឆ្រាអែល  យ៝រ​មា​ពាង់​អ៝ន់​ខាន់​ពាង់​នៃ​គឹត​នាល់​កោរាញ​ឞ្រាស‌ ជេសរី​ផូង​អេងៗ​រានេ​រាហើន​ផូង​អីឆ្រាអែល  យ៝រ​មា​ឞ្រាស​ក្រីស ​តាៈ​ឞើស​ផូង​អី​នៃ”។
LUK 2:33 មេៈ​ឞឹ​អ៝ស​ឞេ​អី​នៃ​នទ្រ៝ត់​ហីស​រាហ៝ល់​នាវ​ឆីមេអោន ​លាស​មា​ក៝ន​ឞេ​ខាន់​ពាង់។
LUK 2:34 ឆីមេអោន ​មឞើស​នាវ​គែស​ជេង​មា​ខាន់​ពាង់ ជេសរី​លាស​មា​មារី ៖ “កោរាញ​ឞ្រាស​លែៈ​អ៝ន់​ឞូនុយ្ស​អ៝ក់​តា​ផូង​អីឆ្រាអែល ​គែស​នាវ​រ៝ស​ហេង​យ៝រ​មា​ខាន់​ពាង់​មោ​អ្យាត់​អោស​មា​ក៝ន​ឞេ​អ្យា យើន​មា​គែស​អ៝ក់​ជឹត​គែស​នាវ​រាក្លាយ្ស​យ៝រ​មា​ខាន់​ពាង់​អ្យាត់​មា​ក៝ន​ឞេ​អ្យា។ កោរាញ​ឞ្រាស​នើម​លែៈ​ញជ្វាល់​ជេស​ក៝ន​ឞេ​អ្យា​វាច់​តា​អ្យា តីស​មា​អ៝ក់​ឞូនុយ្ស​ហោម​តឹម​រាទ៝ង់​ដាស​ពាង់។
LUK 2:35 នទ្រី​ទឹង​ឞូ​ឆៃ​ក្ល៝ស​រាស​វាស​នាវ​មឹន​ឞូនុយ្ស​ទុត​នទ៝ប់ អី​អៃ​នើម​តៃ​គែស​ជី​អោស​អេត​អោស​អេល​ងាន់ នហាៈ​មា​គែស​ដាវ​នត៝ប់​រាហ៝​តា​ព្លៃ​នូយ្ស​ព្លៃ​នហ៝ម់​អៃ​ងាន់”។
LUK 2:36 ជេសរី​គែស​ទូ​ហ្វេ​អូ​រាញ ឞូនុយ្ស​នតើយ្ស​នាវ​ងើយ​កោរាញ​ឞ្រាស ពាង់​រាញា​អាន  អី​ក៝ន​ផានូអែល ​តា​មពោល​អាឆើរ ។ ពាង់​នអាប់​លែៈ​គែស​ពើស​នាម់ ជេសរី​ឆាយ​ពាង់​ខឹត‌
LUK 2:37 ជេស​ឆាយ​ពាង់​ខឹត​នៃ ពាង់​គុ​នទ្រោ​នហ៝ នោក​នៃ​ពាង់​លែៈ​រាញ ៨៤ នាម់។ ពាង់​គុ​ងក្រែ​តា​ជ៝ង់​គូង​ញីស​ជាន​ឞ្រាស ពាង់​យើក​មឞាស​មា​កោរាញ​ឞ្រាស​ទឹង​មាង់​ទឹង​នារ គែស​អ៝ក់​ពាង់​មឞើស​ឆើម​អ៝ត់​ឆោង​ឆា។
LUK 2:38 នោក​ឆីមេអោន ​ហោម​ងើយ អូ​អាន ​ត្រុយ្ស​តា​នៃ ត៝ត់​ឆៃ​អ៝ស​ឞេ​អី​នៃ ពាង់​រាន​រានេ​មា​កោរាញ​ឞ្រាស ជេសរី​ពាង់​មឞើស​ងក៝ច​មា​អ៝ស​ឞេ​ជេៈ​នៃ​អ៝ន់​មា​ឞូនុយ្ស​អី​គុ​ក៝ប់​រើប​ហើប​ឞ្រាស​ក្រីស ​អី​កោរាញ​ឞ្រាស​ដាៈ​ហាន់​គៃ​មា​រាក្លាយ្ស​ប៝ន​លាន​អីឆ្រាអែល ។
LUK 2:39 ជេស​មេៈ​ឞឹ​ឞ្រាស​យេឆូ ​ជាន​លែៈ​ផ្យៅ​តឹម​ទី​តឹង​នាវ​វៃ​កោរាញ​ឞ្រាស ជេសរី​ខាន់​ពាង់​ព្លឹ​ឆឹត​តា​ប៝ន​ខាន់​ពាង់​នើម ប៝ន​នាឆារែត ​តា​ឞ្រី​កាលីលេ ​រី។
LUK 2:40 ជេសរី​ឞ្រាស​យេឆូ ​នតើម​តេស​ដេៈ​ក្វ៝ង់​ដេៈ​ឆាក់​ជាន់​ពាង់​ទាង់ គែស​នាវ​មឹន​គឹត​ឞ្លាវ​ងាន់ យ៝រ​មា​កោរាញ​ឞ្រាស​គុ​នទ្រែល​កើល​មា​ពាង់។
LUK 2:41 តា​អាប់​នាម់​ឞូ​ញេត​បុន​នហ៝ត មេៈ​ឞឹ​ឞ្រាស​យេឆូ  នទ្រែល​មា​ផូង​ប៝ន​លាន​អីឆ្រាអែល ​វៃ​ហាន់​តា​ប៝ន​ក្វ៝ង់​យេរូឆាលឹម ​ដ៝ង់។
LUK 2:42 តឹង​នាវ​វៃ​ខាន់​ពាង់​វៃ​ជាន​នើស មេៈ​ឞឹ​ឞ្រាស​យេឆូ ​ហាវ​លាប់​ញេត​បុន។ ត៝ត់​ទូ​នាម់​ឞ្រាស​យេឆូ ​លែៈ​គែស ១២ នាម់ ជេសរី​មេៈ​ឞឹ​លែវ​ពាង់​ហាន់​នទ្រែល​ដ៝ង់។
LUK 2:43 ត៝ត់​លោច​ញេត​បុន អី​មេៈ​ឞឹ​រី​ឆឹត​គ្រុង។ មោ​គឹត​អោស​លាស​ក៝ន​ខាន់​ពាង់​ហោម​គុ​តា​ប៝ន​យេរូឆាលឹម ‌
LUK 2:44 នអោន​លាស​លែៈ​ហាន់​នទ្រែល​ឞូ។ ត៝ត់​ហាន់​លែៈ​គែស​ទូ​នារ​រាមាង់ រី​មើ​ខាន់​ពាង់​នតើម​ជ៝យ​ក៝ន​ខាន់​ពាង់​តា​ឞាល់​មពោល​ខាន់​ពាង់​គឹត​នាល់‌
LUK 2:45 ជ៝យ​មោ​ឆៃ​អោស ជេសរី​ខាន់​ពាង់​ព្លឹ​តៃ​តា​ប៝ន​យេរូឆាលឹម  គៃ​មា​ជ៝យ​ពាង់​តា​រី។
LUK 2:46 ជ៝យ​ត៝ត់​ពែ​នារ ខាន់​ពាង់​ឆៃ​ពាង់​គុ​តា​ជ៝ង់​គូង​ញីស​ជាន​ឞ្រាស​មា​កោរាញ​ឞ្រាស​នទ្រែល​នើម​នតី​នាវ​វៃ​ផូង​អីឆ្រាអែល ​តា​រី ពាង់​គុ​អ្យាត់​នាវ​ឞូ​ងើយ ងក្រែ​មា​អោប​ឞូ​នាវ​អេងៗ​ជឹត។
LUK 2:47 ឞូ​ម៝ស​អី​តាង់​នាវ​ឞ្រាស​យេឆូ ​អើស ឞូ​នទ្រ៝ត់​ហីស​រាហ៝ល់​ងាន់ មោ​វ៝ត់​អោស​នាវ​ពាង់​អើស​អី​នៃ​ឞ្លាវ​ងាន់។
LUK 2:48 ត៝ត់​មេៈ​ឞឹ​ឆៃ​ជេស​អី​ក៝ន​នៃ ឞារ​ហៃ​ខាន់​ពាង់​នៃ​នទ្រ៝ត់​ហីស​រាហ៝ល់​ងាន់។ មេៈ​ពាង់​អោប៖ “ហើយ​នោ! មើម​ជាន​មៃ​កើត​នអៃ​នៃ​ហាៈ? ហេន​រាវៃ​ហោ​ងាន់​ហាន់​ជ៝យ​មៃ”។
LUK 2:49 ក៝ន​ពាង់​អើស៖ “ហើយ​មេៈ​ឞឹ ម៝ស​នាវ​ខាន់​អៃ​មៃ​ជ៝យ​គ៝ប់? គ៝ប់​អ្យា​គុ​តា​ជៃ​អី​ឞឹ​គ៝ប់​នើម​ហែស”។
LUK 2:50 តីស​មា​មេៈ​ឞឹ​មោ​វ៝ត់​អោស​នាវ​ក៝ន​ពាង់​អើស​អី​នៃ។
LUK 2:51 អី​មេៈ​ពាង់​រី​ព្រាប់​លែៈ​នាវ​អី​នៃ​តា​ត្រោម​ឆាក់​ពាង់​នើម។ ជេសរី​អី​ក៝ន​នៃ​ព្លឹ​ឆឹត​អា​ប៝ន​នាឆារែត ​នទ្រែល​មេៈ​ឞឹ អ្យាត់​នាវ​អី​មេៈ​ឞឹ​ពាង់​ដ៝ង់។
LUK 2:52 ឞ្រាស​យេឆូ ​លើ​មា​នទាម់ លើ​មា​គែស​នាវ​មឹន​គឹត​ឞ្លាវ ទី​នូយ្ស​ទី​នហ៝ម់​កោរាញ​ឞ្រាស​ងាន់ នទ្រែល​មា​ទី​នូយ្ស​ទី​នហ៝ម់​ឞូនុយ្ស​ដ៝ង់។
LUK 3:1 នោក​កោរាញ​កាដាច់​ឆេឆារ ​រាញា​តីបេរៀស  ពាង់​ម៝ត់​អ្វាញ់​តា​ប៝ន​រោម ​លែៈ​គែស ១៥ នាម់ គែស​ពុនតេស-​ពីលាត ​ជាន​កោរាញ​ក្វ៝ង់​តា​ឞ្រី​យូដា  គែស​ហេរោត-​អ៝ន់តីពាស  ពាង់​ម៝ត់​អ្វាញ់​ឞ្រី​កាលីលេ  គែស​ផីលីប ​អី​នោ​ហេរោត ​រី ពាង់​ម៝ត់​អ្វាញ់​ឞ្រី​អីតូរេ  នទ្រែល​មា​ឞ្រី​ត្រាខោនីត  គែស​លីឆានេស  ពាង់​ម៝ត់​អ្វាញ់​ឞ្រី​អាបែលែន ។
LUK 3:2 ជេសរី​គែស​ដ៝ង់​ឞារ​ហៃ​កោរាញ​មពោល​ជាន​ឞ្រាស រាញា​ខាន់​ពាង់​អានាស  នទ្រែល​មា​កៃផាស ។ នោក​នៃ​យោហាន ​អី​ក៝ន​ឆាការី ​គុ​តា​ឞ្រី​រាទាស​ងាយ​ឞើស​ប៝ន​អេងៗ ជេសរី​កោរាញ​ឞ្រាស​នតិញ​នាវ​មា​ពាង់។
LUK 3:3 ជេសរី​យោហាន ​ឞ្រោៈ​អាប់​ប៝ន​រ៝ៈ​ទាក​រាលាយ​យោរដាន់  មឞើស​ងក៝ច​មា​ប៝ន​លាន​រាគ៝ល់​លើយ​នូយ្ស​នហ៝ម់​អ្យើស ជេសរី​ទើន​នាវ​យុក​មា​ទាក អី​ឞូ​ក្វាល់​«បាប់តែម» គៃ​មា​ញហើ​ខាន់​ពាង់​អុច​តឹង​នាវ​កោរាញ​ឞ្រាស នទ្រី​ទឹង​កោរាញ​ឞ្រាស​យោៈ​នអាច​មោ​ហោម​អោស​កើប​នាវ​តីស​ខាន់​ពាង់។
LUK 3:4 ពាង់​ជាន​កើត​នៃ​តឹម​ទី​កើត​នាវ​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស រាញា​អេឆាយ  ពាង់​ញចីស​លាស៖ «គែស​ទូ​ហ្វេ​ឞូនុយ្ស​នតែរ​តា​ឞ្រី​រាទាស​លាស៖ «នទ្រាប់​ហ៝ម់​នូយ្ស​នហ៝ម់​អ៝ន់​មា​កោរាញ​ឞ្រាស តឹម​ឞាន​មា​ឞូនុយ្ស​ក្វាយ្ស​ត្រ៝ង​ញឆ៝ង់​ត្រ៝ង​អ៝ន់​មា​កាដាច់​ហាន់‌
LUK 3:5 តឹម​ឞាន​មា​ឞូនុយ្ស​ឞ្រោយ​លើយ​នតុក​រាលុង​អ៝ន់​ឞេង‌ យោក​ជេៈ​ក្វ៝ង់​ខាន់​ពាង់​ជាន​អ៝ន់​ល៝ង់ ខាន់​ពាង់​ញឆ៝ង់​នតុក​ក្វែ​ក្វាច់​អ៝ន់​ឆ៝ង់ នតុក​នទោស​នទាប់​ខាន់​ពាង់​ឞ្រោយ​លើយ​អ៝ន់​ល៝ង់ តឹម​ឞាន​មា​ក្វាយ្ស​ត្រ៝ង​អ៝ន់​មា​កាដាច់​ឞ្រោៈ។
LUK 3:6 នទ្រី​ទឹង​លែៈ​ឞូនុយ្ស​គឹត​ឆៃ​នើម​រាក្លាយ្ស​អី​កោរាញ​ឞ្រាស​ទែ​ញជ្វាល់»»។
LUK 3:7 ជេស​តាង់​នាវ​យោហាន ​មឞើស​នៃ​នើស ខាន់​ពាង់​ឞ្រោៈ​គ្រុង​ដាៈ​ពាង់​បាប់តែម​យុក​មា​ទាក គែស​អ៝ក់​ឞូនុយ្ស​អី​ហាន់​បាប់តែម​យុក​មា​ទាក យើន​មា​មោ​អុច​អោស​រាគ៝ល់​លើយ​នូយ្ស​នហ៝ម់​អ្យើស យោហាន ​លាស៖ “យេ! មពោល​ឞូនុយ្ស​អ្យើស​ឞូនុយ្ស​ជាញ​តឹម​ឞាន​មា​ឞេស​កូ ឞូ​ម៝ស​មឞើស​មា​ខាន់​អៃ​មៃ​ទឹង​គែស​មា​ញច្វាត់​ក្រាប​ឞើស​នាវ​តេៈ​ទោយ្ស​កោរាញ​ឞ្រាស​អី​ឞើយ​មា​ត៝ត់​អ្យា?
LUK 3:8 លាស​ខាន់​អៃ​មៃ​មោ​អុច​កោរាញ​ឞ្រាស​តេៈ​ទោយ្ស លាស​នទ្រី​គុ​ឆ៝ង់​ជាន​អ្វែស​ហ៝ម់ គៃ​មា​គឹត​ឆៃ​នូយ្ស​នហ៝ម់​ខាន់​អៃ​មៃ​លែៈ​រាគ៝ល់​ងាន់​រ៝។ លើយ​ហោម​លាស​អេង​តា​ឆាក់​ខាន់​អៃ​មៃ​នើម៖ «គ៝ប់​លែៈ​ឆៅ​អាឞ្រាហាម់ ​ងាន់ នទ្រី​កោរាញ​ឞ្រាស​មោ​ហោម​អោស​តេៈ​ទោយ្ស»។ គ៝ប់​លាស​មា​ខាន់​អៃ​មៃ ជេង​ឆៅ​អាឞ្រាហាម់ ​ទើម​មោ​អោស​គែស​នាវ​ខ្លៃ លុ​អ្យា​កោរាញ​ឞ្រាស​ឆ៝ៈ​ជាន​ឆៅ​អាឞ្រាហាម់ ​ជេង​ដ៝ង់។
LUK 3:9 អាបៃ​អ្យា​កោរាញ​ឞ្រាស​អុច​តេៈ​ទោយ្ស​មា​លែៈ​ឞូនុយ្ស​អី​មោ​ជាន​អ្វែស ពាង់​តឹម​ឞាន​មា​ឞូនុយ្ស​នទ្រាប់​ពេស​ថាវ​មា​កាល់​លើយ​តើម​ឆី​មោ​គែស​ព្លៃ ជេសរី​ឆូ​លើយ​មា​អុញ”។
LUK 3:10 ផូង​អី​នៃ​អោប​យោហាន ៖ “មើម​ជាន​ហាៈ គៃ​មា​រាក្លាយ្ស​ឞើស​កោរាញ​ឞ្រាស​តេៈ​ទោយ្ស​ហេន?”
LUK 3:11 យោហាន ​អើស​មា​ខាន់​ពាង់៖ “ឞូ​ម៝ស​អី​គែស​ឞារ​ឞ្លាស​អាវ អ៝ន់​ពាង់​ពាៈ​ទូ​ឞ្លាស​មា​ឞូនុយ្ស​មោ​គែស ឞូនុយ្ស​អី​គែស​នទើ​ឆោង​ឆា អ៝ន់​ពាង់​ពាៈ​មា​ឞូនុយ្ស​មោ​គែស”។
LUK 3:12 គែស​ឞូនុយ្ស​អាបាៈ​តាៈ​ឞើស​មពោល​ក៝ប់​ឆ៝ៈ​ព្រាក់​ឞើស​ប៝ន​លាន​មា​អ៝ន់​កោរាញ​ម៝ត់​អ្វាញ់ ឞ្រោៈ​ទាន់​យោហាន ​បាប់តែម​យុក​មា​ទាក​តា​រី អោប​ពាង់​ដ៝ង់៖ “ហើយ​នើម​នតី លាស​នទ្រី​ហេន​អ្យា​មើម​ជាន​មេស?”
LUK 3:13 យោហាន ​អើស៖ “លើយ​អោស​រាអ៝ត់​លើយ​អោស​មរោស​ឞូ​គៃ​មា​ឆ៝ៈ​ព្រាក់​អ៝ក់​រាលាវ​កែស”។
LUK 3:14 គែស​ផូង​តាហែន​អាបាៈ​អោប​ពាង់៖ “លាស​នទ្រី​ហេន​អ្យា មើម​ជាន​មេស?” ពាង់​អើស៖ “លើយ​ទឹង​នតោន​ញច្រ៝ស​ឞូ លើយ​អោស​តុន​ជ៝ត​ឞូ​គៃ​មា​ឆ៝ៈ​ព្រាក់​ឞូ អ៝ន់​ឆ៝ប់​ត៝ង់​ទើន​មា​ព្រាក់​ខៃ​ខាន់​មៃ​នើម​ហ៝ៈ”។
LUK 3:15 ផូង​ប៝ន​លាន​អីឆ្រាអែល  ខាន់​ពាង់​ហោម​គុ​ក៝ប់​ត៝ត់​ឞ្រាស​ក្រីស ​អី​នើម​រាក្លាយ្ស​តាៈ​ឞើស​កោរាញ​ឞ្រាស​ទែ​ញជ្វាល់​រី​វាច់។ ឞូនុយ្ស​អី​តាង់​នាវ​យោហាន ​លាស ទឹង​លែៈ​ខាន់​ពាង់​អី​នៃ​គែស​មឹន​អេង​តា​នូយ្ស​នហ៝ម់៖ “ពាង់​អី​នៃ​ឞ្រាស​ក្រីស ​មោ​លាស​មោ?”
LUK 3:16 ជេសរី​យោហាន ​មឞើស​ទឹង​លែៈ​ឞូនុយ្ស ពាង់​លាស៖ “គ៝ប់​ជាន​បាប់តែម​អ៝ន់​ខាន់​អៃ​មៃ​យុក​មា​ទាក​ទើម យើន​មា​គែស​ទូ​ហ្វេ​កោរាញ​ឞើយ​ត៝ត់​ជេស ពាង់​គែស​នាវ​ទើយ​រាលាវ​គ៝ប់​ងាន់ តា​នាប់​ពាង់​គ៝ប់​ជេង​ឞូនុយ្ស​ជេៈ​លេៈ​ទើម ឞ៝ល​លាស​គ៝ប់​ឆើម​ទ្រ៝ស​នតោ​ជ៝ត​ពាង់ ហោម​អែ​មោ​ហ៝ៈ​ទី​ដ៝ង់​ដាស​នាវ​ជាន​ការ​ពាង់។ ពាង់​បាប់តែម​អ៝ន់​ខាន់​អៃ​មៃ​មា​ឞ្រាស​ហ្វេង​អ្វែស​អី​ក្ល៝ស​អ្វែស នទ្រែល​មា​អុញ។
LUK 3:17 ពាង់​តឹម​ឞាន​មា​ឞូនុយ្ស​ញអោត​ទោង គៃ​មា​រាឆែង​លែៈ​ឞា​អី​គែស​តា​នតុក​ពាង់​ព្លេន​នៃ ឞា​រាង្លៃ​ពាង់​ឆ៝ៈ​តោស​ព្រាប់​តា​ជៃ​ឞា​ពាង់​នើម អី​ញឆ្យាប់​ពាង់​ឆូ​លើយ​មា​អុញ​មោ​អោស​ឞ្លាវ​ញហ៝ត់ កើត​នទ្រី​ពាង់​តឹម​ងខាស​លើយ​ឞូនុយ្ស​អ្វែស​ដាស​ឞូនុយ្ស​អ្យើស ជេសរី​តេៈ​ទោយ្ស​មា​ឞូនុយ្ស​អ្យើស”។
LUK 3:18 នទ្រី​យោហាន ​ពាង់​មឞើស​នាវ​មហែ​មហាន​អ្វែស​អី​នៃ​មា​ផូង​ប៝ន​លាន នទ្រែល​មា​នតុម​នតី​នាវ​អា​អេង​អ៝ក់​ជឹត​គៃ​មា​អ៝ន់​ខាន់​ពាង់​រាគ៝ល់​លើយ​នូយ្ស​នហ៝ម់​អ្យើស។
LUK 3:19 ជេសរី​យោហាន ​នទុយ្ស​លាស​ទុត​ទាង់​អ៝ន់​មា​ហេរោត-​អ៝ន់តីពាស ​អី​កោរាញ​ម៝ត់​អ្វាញ់​ឞ្រី​កាលីលេ  យ៝រ​មា​ពាង់​ឆ៝ៈ​ពីត​អូរ​អី​អ៝ស​ពាង់​នើម រាញា​ឞូ​អូរ​អី​នៃ​ហេរោដៀស  ជេសរី​ពាង់​ឆ៝ៈ​ជាន​អូរ។ យោហាន ​លាស​ហេរោត ​អី​នៃ​មា​នាវ​ពាង់​ជាន​តីស​អេងៗ​អ៝ក់​ជឹត មោ​អោស​ទើន​មា​នាវ​តីស​អី​នៃ​ទើម‌
LUK 3:20 ពាង់​ជាន​តីស​លើ​មា​ហោ​ជឹត​ត៝ត់​ពាង់​ញុប​ក្រុង​យោហាន ​តេៈ​តា​ត្រោម​នទ្រូង​ដ៝ង់។
LUK 3:21 នោក​យោហាន ​ហោម​ជាន​បាប់តែម​មា​ផូង​ប៝ន​លាន ត៝ត់​ឞ្រោៈ​ឞ្រាស​យេឆូ ​ទើន​នាវ​យុក​បាប់តែម​ដ៝ង់ ជេស​បាប់តែម​ពាង់​ហោម​មឞើស​ឆើម ទោ​មា​ត្រោក​ពើក​ឞ៝ង់​លាហឺរ។
LUK 3:22 ជេសរី​ឞ្រាស​ហ្វេង​អ្វែស​អី​ក្ល៝ស​អ្វែស អ្វាញ់​តឹម​ឞាន​មា​ព្លុក ជុរ​ទ្រ៝ម់​តា​ពាង់​រី ទោល​នៃ​គែស​តាង់​នតែស​ឞ៝រ់​តាៈ​ឞើស​កាលើ​ត្រោក​លាស៖ “មៃ​អី​ក៝ន​គ៝ប់​រ៝ង់ គ៝ប់​រាម់​រាហើន​មៃ​ហោ​ងាន់​ងេន”។
LUK 3:23 ត៝ត់​នារ​ឞ្រាស​យេឆូ ​នតើម​ជាន​ការ​មា​កោរាញ​ឞ្រាស នាម់​ពាង់​ក្លាប់​លាស​លែៈ​គែស ៣០ នាម់។ តឹង​នាវ​ឞូ​មឹន ពាង់​នើស​អី​ក៝ន​យោឆែប យោឆែប ​អី​ក៝ន​ហេលី ‌
LUK 3:24 ហេលី ​អី​ក៝ន​មាត់ថាត់ មាត់ថាត់ ​អី​ក៝ន​លេវី លេវី ​អី​ក៝ន​មេលកី មេលកី ​អី​ក៝ន​យានាយ យានាយ ​អី​ក៝ន​យោឆែប ‌
LUK 3:25 យោឆែប ​អី​ក៝ន​មាតាថេស មាតាថេស ​អី​ក៝ន​អាមុស អាមុស ​អី​ក៝ន​នាហុម នាហុម ​អី​ក៝ន​អេឆាលី អេឆាលី ​អី​ក៝ន​នាគាយ ‌
LUK 3:26 នាគាយ ​អី​ក៝ន​មាត មាត ​អី​ក៝ន​មាតាថេស មាតាថេស ​អី​ក៝ន​ឆេមី ឆេមី ​អី​ក៝ន​យោឆែក យោឆែក ​អី​ក៝ន​យូដា ‌
LUK 3:27 យូដា ​អី​ក៝ន​យោអានាន យោអានាន ​អី​ក៝ន​រេឆា រេឆា ​អី​ក៝ន​ឆោរោបាបែល ឆោរោបាបែល ​អី​ក៝ន​ឆាលាថីល ឆាលាថីល ​អី​ក៝ន​នេរី ‌
LUK 3:28 នេរី ​អី​ក៝ន​មេលកី មេលកី ​អី​ក៝ន​អាដី អាដី ​អី​ក៝ន​កោឆាន កោឆាន ​អី​ក៝ន​អេលមាដាម់ អេលមាដាម់ ​អី​ក៝ន​អែរ ‌
LUK 3:29 អែរ ​អី​ក៝ន​យោឆ្វេ យោឆ្វេ ​អី​ក៝ន​អេលេឆារ អេលេឆារ ​អី​ក៝ន​យោរីម យោរីម ​អី​ក៝ន​មាថាត មាថាត ​អី​ក៝ន​លេវី ‌
LUK 3:30 លេវី ​អី​ក៝ន​ឆីមេអោន ឆីមេអោន ​អី​ក៝ន​យូដា យូដា ​អី​ក៝ន​យោឆែប យោឆែប ​អី​ក៝ន​យោនាម យោនាម ​អី​ក៝ន​អេលេកីម ‌
LUK 3:31 អេលេកីម ​អី​ក៝ន​មេលេអា មេលេអា ​អី​ក៝ន​មេនា មេនា ​អី​ក៝ន​មាតាថា មាតាថា ​អី​ក៝ន​នាថាន នាថាន ​អី​ក៝ន​កាដាច់​ដាវីត ‌
LUK 3:32 កាដាច់​ដាវីត ​អី​ក៝ន​យេឆេ យេឆេ ​អី​ក៝ន​អោបេត អោបេត ​អី​ក៝ន​ឞោអាស ឞោអាស ​អី​ក៝ន​ឆាល់មោន ឆាល់មោន ​អី​ក៝ន​នាសឆោន ‌
LUK 3:33 នាសឆោន ​អី​ក៝ន​អាមីនាដាប់ អាមីនាដាប់ ​អី​ក៝ន​អារាម អារាម ​អី​ក៝ន​ហេឆ្រុន ហេឆ្រុន ​អី​ក៝ន​ពេរេស ពេរេស ​អី​ក៝ន​យូដា ‌
LUK 3:34 យូដា ​អី​ក៝ន​យាកោប យាកោប ​អី​ក៝ន​អីឆាក់ អីឆាក់ ​អី​ក៝ន​អាឞ្រាហាម់ អាឞ្រាហាម់ ​អី​ក៝ន​ថេរា ថេរា ​អី​ក៝ន​នាហោរ ‌
LUK 3:35 នាហោរ ​អី​ក៝ន​ឆេរូក ឆេរូក ​អី​ក៝ន​រេអូ រេអូ ​អី​ក៝ន​ផាលេក ផាលេក ​អី​ក៝ន​អេបែរ អេបែរ ​អី​ក៝ន​ឆេលាស ‌
LUK 3:36 ឆេលាស ​អី​ក៝ន​ខៃនាន ខៃនាន ​អី​ក៝ន​អារពាក់ឆាត អារពាក់ឆាត ​អី​ក៝ន​ឆិម ឆិម ​អី​ក៝ន​នោអេ នោអេ ​អី​ក៝ន​លាមេក ‌
LUK 3:37 លាមេក ​អី​ក៝ន​មឹថូឆាលា មឹថូឆាលា ​អី​ក៝ន​ហេនុក ហេនុក ​អី​ក៝ន​យារេត យារេត ​អី​ក៝ន​មហាលលេលអែល មហាលលេលអែល ​អី​ក៝ន​ខៃនាន ‌
LUK 3:38 ខៃនាន ​អី​ក៝ន​អេនោស អេនោស ​អី​ក៝ន​ឆេត ឆេត ​អី​ក៝ន​អាដាម់ អាដាម់ ​អី​រី​អី​ក៝ន​កោរាញ​ឞ្រាស។
LUK 4:1 ជេសរី​ឞ្រាស​យេឆូ ​លោស​ឞើស​ទាក​រាលាយ​យោរដាន់ ​នហ៝​មា​ឞ្រាស​ហ្វេង​អ្វែស​គុ​តា​ពាង់​ងាន់ ជេសរី​ឞ្រាស​ហ្វេង​អ្វែស​អី​ក្ល៝ស​អ្វែស​លែវ​ពាង់​តា​ឞ្រី​រាទាស​ងាយ​ឞើស​ប៝ន​ងាន់។
LUK 4:2 តា​នតុក​នៃ​កោរាញ​មពោល​ឞ្រាស​អ្យើស​នទើម​ពាង់ ៤០ នាង់ ៤០ នារ នោក​នៃ​ពាង់​មោ​គែស​អោស​លាប់​នទើ​ឆោង​ឆា​ទូ​រាង្លៃ​តា​ឆាក់។ ជេស​ឞើស​នៃ​ពាង់​ជី​ង៝ត​ងាន់​រ៝។
LUK 4:3 ជេសរី​កោរាញ​មពោល​ឞ្រាស​អ្យើស​លាស​មា​ពាង់៖ “លាស​មៃ​ក៝ន​កោរាញ​ឞ្រាស​ងាន់​ងេន ល៝ង់​មៃ​ដាៈ​លុ​អ្យា​អ៝ន់​ជេង​នុមពាង់”។
LUK 4:4 ឞ្រាស​យេឆូ ​អើស៖ “មោ​អោស លែៈ​ឞូ​ញចីស​ជេស​តា​នាវ​កោរាញ​ឞ្រាស​ងើយ៖ «ឞូនុយ្ស​មោ​អោស​រេស​តាៈ​ឞើស​នទើ​ឆោង​ឆា​ទើម»”។
LUK 4:5 ជេសរី​កោរាញ​មពោល​ឞ្រាស​អ្យើស​លែវ​ឞ្រាស​យេឆូ ​តា​នតុក​ព្រេស ញហើ​ទូ​នទ៝ម់​ទើម​អ៝ន់​ពាង់​ឆៃ​ទឹង​លែៈ​ឞ្រី​ទាក​តា​នែស​នតូ​អ្យា។
LUK 4:6 ជេសរី​លាស​មា​ឞ្រាស​យេឆូ ៖ “គ៝ប់​អ៝ន់​នាវ​ទើយ​មា​មៃ​ម៝ត់​អ្វាញ់​ទឹង​លែៈ​ឞ្រី​ទាក​អី​នៃ នទ្រែល​មា​លែៈ​ទ្រាប់​នទើ​នាវ​ខ្លៃ​គែស​តា​ឞ្រី​ទាក​អី​នៃ គ៝ប់​អ៝ន់​មា​មៃ​ទាទេ យ៝រ​លាស​លែៈ​ទ្រាប់​នទើ​អី​នៃ​នើស​ជេង​ទ្រាប់​នទើ​គ៝ប់​នើម​ទាទេ ឞូ​ម៝ស​គ៝ប់​អុច​អ៝ន់​ទុត​តា​គ៝ប់​នើម​ទើម។
LUK 4:7 លាស​នទ្រី​មៃ​យើក​មឞាស​មា​គ៝ប់​ទោ នទ្រី​មើ​ទឹង​លែៈ​ទ្រាប់​នទើ​អី​នៃ​ជេង​ទ្រាប់​នទើ​មៃ​ទាទេ​រ៝”។
LUK 4:8 ឞ្រាស​យេឆូ ​លាស​មា​ពាង់៖ “មោ​អោស លែៈ​ឞូ​ញចីស​ជេស​តា​នាវ​កោរាញ​ឞ្រាស​ងើយ​កាល់​អែ​នើស៖ «ដាៈ​ខាន់​អៃ​មៃ​យើក​មឞាស​មា​កោរាញ​ឞ្រាស​អី​ឞ្រាស​ខាន់​អៃ​មៃ​នើម​ទើម​ហ៝ៈ ជាន​ការ​អ្យាត់​នាវ​ទូ​ហ្វេ​ពាង់​អី​នៃ​ទើម​ហ៝ៈ»”។
LUK 4:9 ជេស​ឞើស​នៃ​ពាង់​លែវ​ឞ្រាស​យេឆូ ​លាប់​តា​ប៝ន​ក្វ៝ង់​យេរូឆាលឹម  ជេសរី​អ៝ន់​ឞ្រាស​យេឆូ ​ទ៝ក់​តា​កាលើ​ច៝រ​ញីស​ជាន​ឞ្រាស​មា​កោរាញ​ឞ្រាស តា​នតុក​អី​ទុត​ព្រេស​នៃ ពាង់​លាស​មា​ឞ្រាស​យេឆូ ៖ “លាស​មៃ​ក៝ន​កោរាញ​ឞ្រាស​ងាន់​ងេន ល៝ង់​មៃ​ញឆាត់​ជឹត​ទ៝ង់​ឆូ‌
LUK 4:10 យ៝រ​លាស​លែៈ​ឞូ​ញចីស​ជេស​តា​នាវ​កោរាញ​ឞ្រាស​ងើយ៖ «កោរាញ​ឞ្រាស​ដាៈ​តោង​ពារ់​ពាង់​នើម​ហាន់ ម៝ត់​ញជ្រាង់​មៃ។
LUK 4:11 តី​ពាង់​ទ្រើ​មៃ‌ មោ​អោស​អ៝ន់​ជ៝ង់​មៃ​គែស​ញចិញ​មា​លុ»”។
LUK 4:12 ឞ្រាស​យេឆូ ​អើស​លាស៖ “លែៈ​ឞូ​ញចីស​ជេស​តា​នាវ​កោរាញ​ឞ្រាស​ងើយ​លាស៖ «លើយ​អោស​រាល៝ង​នាវ​ទើយ​កោរាញ​ឞ្រាស​អី​ឞ្រាស​មៃ​នើម»”។
LUK 4:13 លែៈ​ជេស​អាប់​ផ្យៅ​ពាង់​នទើម​ឞ្រាស​យេឆូ  ជេសរី​ពាង់​ទូ​តាៈ​ឞើស​ឞ្រាស​យេឆូ ​រី​នហ៝​មា​ក៝ប់​ត៝ត់​ទី​នារ​ជឹត។
LUK 4:14 ជេសរី​ឞ្រាស​យេឆូ ​ព្លឹ​ឆឹត​តា​ឞ្រី​កាលីលេ ។ នាវ​ទើយ​ឞ្រាស​ហ្វេង​អ្វែស​គុ​តា​ពាង់។ ជេសរី​ឞូ​លឺ​ឆាក់​ពាង់​អាប់​នតុក​តា​ឞ្រី​អី​នៃ។
LUK 4:15 ពាង់​គុ​នតុម​នតី​ឞូ​អាប់​នតុក​តា​ញីស​រាបុន​ខាន់​ពាង់​នើម អាប់​ឞូនុយ្ស​រានេ​ពាង់​ទាទេ​ងាន់។
LUK 4:16 គែស​ទូ​នារ​រី​ឞ្រាស​យេឆូ ​ហាន់​តា​ប៝ន​នាឆារែត  នតុក​ពាង់​គុ​ឞើស​ជេៈ​នើស។ តឹង​មា​នាវ​វៃ​ពាង់​នើស នារ​ឆាបាត់ ​អី​នារ​រាលូ​ផូង​អីឆ្រាអែល ​ពាង់​ហាន់​តា​ញីស​រាបុន។ ជេសរី​ពាង់​ទ៝ក់​គៃ​មា​នទ្រាប់​រ៝ៈ​នាវ​កោរាញ​ឞ្រាស​ងើយ​អ៝ន់​ឞូ​អ្យាត់។
LUK 4:17 ជេសរី​ឞូ​ឆ៝ៈ​នាវ​កោរាញ​ឞ្រាស​ងើយ ឆ៝ម់បុត​អេឆាយ ​ញចីស​អី​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស នទឹ​អ៝ន់​ឞ្រាស​យេឆូ ។ ជេសរី​ពាង់​ពើក​លីង​អ្វាញ់​តា​ព្លាង់​នតុក​អេឆាយ ​ញចីស​លាស៖
LUK 4:18 «ឞ្រាស​ហ្វេង​អ្វែស​គុ​តា​គ៝ប់‌ ពាង់​លែៈ​កើយ្ស​គ៝ប់ គៃ​មា​គ៝ប់​លែវ​នាវ​មហែ​មហាន​អ្វែស​មឞើស​មា​ឞូនុយ្ស​អ៝​អាច។ ពាង់​ដាៈ​គ៝ប់​ហាន់​មឞើស​ងក៝ច​នាវ​រាក្លាយ្ស​អ៝ន់​មា​ឞូនុយ្ស​អី​ឆាតាង់ ​អី​កោរាញ​មពោល​ឞ្រាស​អ្យើស​លែៈ​ញុប​ក៝ត់ កោរាញ​ឞ្រាស​ទែ​ទ្រីស​បើក​ទាទេ។ ពាង់​ដាៈ​គ៝ប់​ហាន់​មឞើស​ងក៝ច​មា​ឞូនុយ្ស​ចែស​មាត់​អ៝ន់​ឆៃ​អាង។ ជេសរី​ដាៈ​គ៝ប់​រាក្លាយ្ស​ឞូនុយ្ស​ឞូ​តុន​ជ៝ត។
LUK 4:19 នហ៝​មា​មឞើស​នាម់​កោរាញ​ឞ្រាស​យោៈ​នអាច​លែៈ​ត៝ត់»។
LUK 4:20 លោច​ជេស​ឞ្រាស​យេឆូ ​រ៝ៈ​នាវ​អី​នៃ ពាង់​ក្លោន​នាវ​កោរាញ​ឞ្រាស​ងើយ​នទឹ​អ៝ន់​មា​ឞូនុយ្ស​ម៝ត់​ញីស​រាបុន ជេសរី​ពាង់​គុ​នតី​នាវ​អី​នៃ។ លែៈ​ឞូនុយ្ស​គុ​តា​ត្រោម​ញីស​អី​នៃ​អ្វាញ់​ផ៝ង់​រាវ​លាវ​ជឹត​ពាង់​រី​ទាទេ។
LUK 4:21 ជេសរី​ឞ្រាស​យេឆូ ​លាស៖ “លែៈ​នាវ​កោរាញ​ឞ្រាស​ងើយ​អី​ខាន់​អៃ​មៃ​តាង់​នទើស​នើស នារ​អ្យា​លែៈ​ត៝ត់​ងាន់​រ៝”។
LUK 4:22 ឞើស​នតើម​ទឹង​លែៈ​ឞូនុយ្ស​តា​នៃ​ខាន់​ពាង់​មអាក​រានេ​មា​ឞ៝រ់​មឞូង​ពាង់​ទាទេ តាង់​នាវ​ពាង់​នតី​នើស​ឞ្លាវ​អ្វែស​ងាន់។ ជេសរី​គែស​ឞូនុយ្ស​តឹម​រាលាច់​មា​នាវ​ពាង់​មឞើស​អី​នៃ​នើស ខាន់​ពាង់​លាស៖ “ហៃ! មើម​ពាង់​ឞាញ់​ងើយ​កើត​នៃ? យ៝រ​លាស​ពាង់​អី​នៃ​ក៝ន​យោឆែប ​ទើម”។
LUK 4:23 ឞ្រាស​យេឆូ ​លាស​មា​ខាន់​ពាង់៖ “ងាន់​រ៝ ខាន់​អៃ​មៃ​ឆ៝ៈ​នាវ​ងើយ​នតឹត​អ្យា​លាស​មា​គ៝ប់៖ «ហើយ​កោរាញ​ទាក​ឆី ឆាម់​ឞាស​ឆាក់​មៃ​នើម​ល៝រ​ប៝ត់» គែស​នាវ​ខ្លៃ​លាស «ហេន​លឺ​តាង់​នាវ​មៃ​លែៈ​ជាន​តា​ប៝ន​កាពើនិម  ល៝ង់​ជាន​តៃ​នាវ​អី​នៃ​តា​ប៝ន​មៃ​នើម​អ្យា​ដ៝ង់»”។
LUK 4:24 ឞ្រាស​យេឆូ ​លាស​តៃ​មា​ខាន់​ពាង់៖ “គ៝ប់​លាស​នហេល​នានេៈ​ងាន់​មា​ខាន់​អៃ​មៃ ឞូនុយ្ស​នតើយ្ស​នាវ​ងើយ​កោរាញ​ឞ្រាស​តា​ប៝ន​ពាង់​នើម​មោ​គែស​អោស​ឞូ​អ្យាត់​នាវ​ពាង់។
LUK 4:25 ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស រាញា​ពាង់​អេលីយា  នោក​នៃ​គែស​នាម់​ផាង​ជ៝ៈ​ពែ​នាម់​ងគូល មោ​គែស​អោស​នទើ​ឆោង​ឆា គែស​នាវ​ជី​ឆ៝ត់​ជី​ង៝ត​ក្វ៝ង់​លាម​ឞ្រី។ គែស​អ៝ក់​ដ៝ង់​ឞូ​អូរ​នទ្រោ​តា​ឞ្រី​អីឆ្រាអែល ។
LUK 4:26 យើន​មា​កោរាញ​ឞ្រាស​មោ​អោស​ដាៈ​ពាង់​ហាន់​កើល​ទូ​ហ្វេ​ឞូ​អូរ​នទ្រោ​អី​នៃ ពាង់​ដាៈ​ហាន់​កើល​ងខើង​ទូ​ហ្វេ​ឞូ​អូរ​នទ្រោ​តា​ឞ្រី​ឆីដោន  ប៝ន​ឆារិបដា ​រី។
LUK 4:27 គែស​ទូ​ហ្វេ​ជឹត​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស រាញា​ពាង់​អេលីឆេ  គែស​អ៝ក់​ឞូនុយ្ស​ផុង​ឆា​តា​ឞ្រី​អីឆ្រាអែល  មោ​អោស​ទូ​ហ្វេ​ឞាស ទើន​ឞាស​ទូ​ហ្វេ​តា​ផូង​ឞ្រី​ឆីរី ​ទើម​រាញា​ពាង់​នាមាន់ ”។
LUK 4:28 ត៝ត់​មា​តាង់​នាវ​ឞ្រាស​យេឆូ ​ងើយ​កើត​រី លែៈ​ឞូនុយ្ស​គុ​អ្យាត់​ជី​នូយ្ស​មា​ពាង់​ទាទេ​ងាន់។
LUK 4:29 ជេសរី​ខាន់​ពាង់​ទ៝ក់​ទ្រឺម​ញជោម​ជុម​ឞ្រាស​យេឆូ ​តេក​ងលោស​ពាង់​ទូ​លោស​ឞើស​ប៝ន​ឞូ​ជាន​តា​កាលើ​យោក​នៃ លែវ​ពាង់​ជឹត​ជ្រែង​យោក​រី​គៃ​មា​ងក្លឹ​ជឹត​ទ៝ង់​ឆូ។
LUK 4:30 យើន​លាស​ឞ្រាស​យេឆូ ​ឞ្រោៈ​រ៝ៈ​វាស​វាង​ឞូនុយ្ស​អ៝ក់​លោស​ឞើស​នតុក​នៃ។
LUK 4:31 ជេសរី​ឞ្រាស​យេឆូ ​ហាន់​ជឹត​ប៝ន​កាពើនិម  តា​ឞ្រី​កាលីលេ ។ អាប់​នារ​ឆាបាត់ ​អី​នារ​រាលូ​ផូង​អីឆ្រាអែល ឞ្រាស​យេឆូ ​នតុម​នតី​ឞូ​តា​ញីស​រាបុន។
LUK 4:32 ឞូ​នទ្រ៝ត់​ហីស​រាហ៝ល់​ងាន់​តាង់​នាវ​ពាង់​នតី​អី​នៃ យ៝រ​លាស​នាវ​ងើយ​ពាង់​គែស​នាវ​ទើយ តីស​ឞាល់​ដាស​នាវ​ឞូ​អេងៗ​នតី។
LUK 4:33 គែស​ទូ​នារ​ឆាបាត់  តា​ញីស​រាបុន​នៃ​គែស​ទូ​ហ្វេ​ឞូ​ក្លោ​ឞ្រាស​អ្យើស​លាប់​តា​ឆាក់​ពាង់ ជាន​អ៝ន់​នតែរ​ទុត​ទាង់ៗ​លាស៖
LUK 4:34 “អើ​ឞ្រាស​យេឆូ ​តាៈ​ឞើស​ប៝ន​នាឆារែត ! លើយ​មៃ​រាខ្វាក​ហេន មៃ​ហាន់​អុច​លើស​លើយ​ហេន​ឞើស? គ៝ប់​នាល់​មៃ​ងាន់ មៃ​អី​នៃ​អី​ឞូនុយ្ស​ក្ល៝ស​អ្វែស​តាៈ​ឞើស​កោរាញ​ឞ្រាស”។
LUK 4:35 ឞ្រាស​យេឆូ ​ទែ​មឞ្រាម​ឞ្រាស​អ្យើស​អី​នៃ៖ “លើយ​ហោម​ងើយ គុ​អ្យាត់​ឆាក់​រាក្លាក់​ហ៝ៈ ទូ​លោស​ហ៝ម់​ឞើស​ឞូនុយ្ស​អី​នៃ!” ឞ្រាស​អ្យើស​លើស​ឞូ​ក្លោ​អី​នៃ​អ៝ន់​ពាង់​ចោត​តា​នាប់​ឞាល់​ផូង ជេសរី​លោស​ប្ហុច​ឞើស​ឞូនុយ្ស​អី​នៃ មោ​អោស​អ៝ន់​អោឞាល់​គែស​នាវ​ជី។
LUK 4:36 ទឹង​លែៈ​ឞូនុយ្ស​ឆៃ​កើត​នៃ​នើស នទ្រ៝ត់​ហីស​រាហ៝ល់​ទាទេ​ងាន់ ជេសរី​តឹម​លាស​នទ្រាង់​ខាន់​ពាង់​នើម៖ “ហៃ! មើម​នាវ​ងើយ​ពាង់​អី​នៃ​ទឹង​តាម​ងាន់​ហ្យាស ទើយ​ដាៈ​ឞ្រាស​អ្យើស​លោស លោស​ងាន់​រ៝”។
LUK 4:37 ឞូ​លឺ​រាញា​ឆាក់​ឞ្រាស​យេឆូ ​លាម​នតុក​អាប់​ប៝ន​អី​នៃ​ងាន់​រ៝។
LUK 4:38 ជេស​ឞ្រាស​យេឆូ ​លោស​ឞើស​ញីស​រាបុន​នៃ ហាន់​ជឹត​ជៃ​ឆីមោន  តា​ជៃ​អី​នៃ​មេៈ​ព៝​ឆីមោន ​គែស​នាវ​ជី តា​ឆាក់​ពាង់​ទោស​ហោ​ងាន់ ឞូ​ទាន់​ឞ្រាស​យេឆូ ​ជាន​អ៝ន់​ឞាស​ព៝​ពាង់​អី​រី។
LUK 4:39 ជេសរី​ឞ្រាស​យេឆូ ​ហាន់​តា​ឞូនុយ្ស​ជី​អី​នៃ នហ៝​មា​មឞ្រាម​នាវ​ជី​អី​រី នាវ​ជី​ឞាស​នទាល​រ៝។ ជេសរី​ពាង់​ទ៝ក់​ដឺប​ជាន​ការ​នទ្រាប់​នទើ​ឆោង​ឆា​អ៝ន់​មា​ឞូ​នាច់​អី​គុ​តា​ជៃ​នៃ។
LUK 4:40 ត៝ត់​កេង​មាង់​ឞូនុយ្ស​តា​ប៝ន​អី​នៃ​ខាន់​ពាង់​លែវ​អ៝ស​នោ​អី​គែស​នាវ​ជី​អេងៗ​រាន​ម៝ប់​ឞ្រាស​យេឆូ ។ ពាង់​តេៈ​តី​កាលើ​ឆាក់​ផូង​ឞូនុយ្ស​ជី​អី​នៃ​អាប់​ខាន់​ពាង់ ជាន​ខាន់​ពាង់​ឞាស​ជី​ទាទេ។
LUK 4:41 គែស​ឞូនុយ្ស​អ៝ក់​ឞ្រាស​អ្យើស​លោស​ឞើស​ឆាក់​ខាន់​ពាង់ នហ៝​មា​នតែរ​លាស៖ “មៃ​ក៝ន​កោរាញ​ឞ្រាស!” យ៝រ​លាស​ខាន់​ពាង់​គឹត​ឞ្រាស​យេឆូ ​ឞ្រាស​ក្រីស ​អី​នើម​រាក្លាយ្ស​តាៈ​ឞើស​កោរាញ​ឞ្រាស​ទែ​ញជ្វាល់។ តីស​មា​ឞ្រាស​យេឆូ ​មឞ្រាម​មពោល​ឞ្រាស​អ្យើស​មោ​អ៝ន់​អោស​ងើយ។
LUK 4:42 ត៝ត់​អើម​អោយ​អោយ​តៃ​រី ឞ្រាស​យេឆូ ​លោស​ឞើស​ប៝ន​អី​នៃ​ហាន់​ទូ​ហ្វេ​អេង​តា​នតុក​រាទាស​ងាយ​ដាស​ឞូនុយ្ស​គៃ​មា​មឞើស​ឆើម។ យើន​មា​គែស​ផូង​ប៝ន​លាន​តឹង​ជ៝យ​ពាង់​គ្រ៝ចៗ​ងាន់ ត៝ត់​ឆៃ​ឞ្រាស​យេឆូ ​ខាន់​ពាង់​ក៝ន់​គុ​នទ្រែល​មោ​អ៝ន់​អោស​ពាង់​ទូ​ឞើស​ខាន់​ពាង់។
LUK 4:43 ឞ្រាស​យេឆូ ​លាស​មា​ខាន់​ពាង់៖ “កោរាញ​ឞ្រាស​ដាៈ​គ៝ប់​មឞើស​នាវ​មហែ​មហាន​អ្វែស​ជេង​កោរាញ​ឞ្រាស​អុច​ម៝ត់​អ្វាញ់​ឞូនុយ្ស អ៝ន់​មា​ប៝ន​អេងៗ​ជឹត យ៝រ​នាវ​អ្យា​ទឹង​ពាង់​ដាៈ​គ៝ប់​ហាន់​តា​អ្យា”។
LUK 4:44 ជេសរី​ឞ្រាស​យេឆូ ​មឞើស​ងក៝ច​នាវ​មហែ​មហាន​អ្វែស​អាប់​ញីស​រាបុន​ផូង​អីឆ្រាអែល ​រ៝ៈ​ឞ្រី​កាលីលេ ​រី។
LUK 5:1 គែស​ទូ​នារ​រី​ឞ្រាស​យេឆូ ​ទ៝ក់​តា​មែង​ទាក​ងលៅ​ក្វ៝ង់ រាញា​ងលៅ​អី​នៃ​កេនេឆារែត  មោ​លាស​រាញា​ងលៅ​កាលីលេ ។ នារ​នៃ​គែស​អ៝ក់​ឞូនុយ្ស​រាន​តា​ពាង់​តឹម​មពែត​ងាន់ គៃ​មា​អ្យាត់​ពាង់​នតី​នាវ​កោរាញ​ឞ្រាស។
LUK 5:2 ជេសរី​ពាង់​ឆៃ​ឞារ​មល៝ម់​ទូក​តា​មែង​កើស​រី អី​ឆាក់​ខាន់​ពាង់​នើម​លែៈ​ជុរ​រាវ​ជាល​អា​ទាក​ឆូ ខាន់​ពាង់​អី​នៃ​ជេង​ឞូនុយ្ស​ជាន​ការ​វាង់​កា​ទើម។
LUK 5:3 ជេសរី​ឞ្រាស​យេឆូ ​ញច៝​ទូ​មល៝ម់​ទូក ឞូនុយ្ស​តើម​ទូក​អី​នៃ​រាញា​ពាង់​ឆីមោន ឞ្រាស​យេឆូ ​ដាៈ​ពាង់​វាស​ទូក​ងាយ​ឞើស​មែង​រី​ដេៈ។ ពាង់​គុ​រាគើប​តា​កាលើ​ទូក​នតី​ផូង​ប៝ន​លាន។
LUK 5:4 លោច​ជេស​ឞ្រាស​យេឆូ ​នតី​ផូង​ប៝ន​លាន ពាង់​លាស​មា​ឆីមោន ៖ “ហើយ​អ៝ស ល៝ង់​មៃ​វាស​ទូក​ហាន់​ជឹត​ទាក​ជ្រូ​រី ជេសរី​ឆែង​ជាល​មៃ​នៃ​អា​ទាក​ឆូ”។
LUK 5:5 ឆីមោន ​ព្លឹ​អើស​មា​ពាង់​លាស៖ “អើយ​កោរាញ ឞើស​ឞោក​មាង់​ត៝ង់​អាង​ងាន់​ហេន​ឆែង​ជាល​មោ​អោស​គែស​កា យើន​មា​លាស​មៃ​ដាៈ​រី នទ្រី​គ៝ប់​ឆែង​អ្យាត់​នាវ​មៃ​ហើយ្ស”។
LUK 5:6 ជេសរី​ខាន់​ពាង់​ឆែង​ជាល ត៝ត់​មា​ឆែង​រី​គែស​កា​ទុត​អ៝ក់​ឞើយ​មា​ព្លុង​ជាល​ងាន់​រ៝។
LUK 5:7 ឆៃ​អ៝ក់​គែស​កា​នៃ ខាន់​ពាង់​រាវេស​តី​ក្វាល់​អី​ឞាល់​តា​ទូក​អេង​ជឹត​ជាៈ​កើល។ ជេសរី​ខាន់​ពាង់​តេៈ​កា​ឞេង​លែៈ​ឞារ​មល៝ម់​ទូក គែស​អ៝ក់​កា​អី​រី​ឞើយ​ង៝ម់​ទូក។
LUK 5:8 ត៝ត់​ឆៃ​គែស​កា​អ៝ក់​អីរ​អារ​អី​នៃ ឞូនុយ្ស​អី​គុ​នទ្រែល​តា​នៃ​នទ្រ៝ត់​ហីស​រាហ៝ល់​ទាទេ​ងាន់។ នោក​ឆីមោន ​អី​ឞូ​ក្វាល់​ពេត្រោស ​ដ៝ង់​ឆៃ​នាវ​ទើយ​កោរាញ​ឞ្រាស​គុ​តា​ឞ្រាស​យេឆូ ​រី ពាង់​ពាន់​មឞាស​តា​ជ៝ង់​ឞ្រាស​យេឆូ ​រី​រ៝ ជេសរី​លាស៖ “ហើយ​កោរាញ ទូ​ងាយ​ឞើស​គ៝ប់​អ្យា យ៝រ​លាស​គ៝ប់​ឞូនុយ្ស​គែស​នាវ​តីស”។
LUK 5:10 យើន​មា​ឞ្រាស​យេឆូ ​លាស​មា​ឆីមោន ៖ “ហើយ​អ៝ស មៃ​លើយ​ក្លាច​អោស នារ​ឞើស​កើយ​នើស​មៃ​ជ៝យ​គែស​កា នតើម​នារ​អ្យា​មៃ​ហាន់​ជ៝យ​គែស​ឞូនុយ្ស​អ្យាត់​នាវ​គ៝ប់ តឹម​ឞាន​មា​ឆែង​ឞូនុយ្ស”។ ឞូនុយ្ស​វាង់​កា​នទ្រែល​ឆីមោន  ទូ​ហ្វេ​រាញា​យាកើ  ទូ​ហ្វេ​រាញា​យោហាន  ឞារ​ហៃ​ខាន់​ពាង់​អី​នៃ​ក៝ន​ឆេបេដេ  ខាន់​ពាង់​វៃ​ជាន​ការ​នទ្រែល​ឆីមោន  ខាន់​ពាង់​នទ្រ៝ត់​ហីស​រាហ៝ល់​ទាទេ​ដ៝ង់។
LUK 5:11 ជេសរី​ខាន់​ពាង់​វាស​ទូក​ជឹត​មែង​កើស ត៝ត់​ទូក​អា​មែង​កើស​តី ខាន់​ពាង់​នត្លើយ​នទ៝ស​នទើ​តា​រី​ទាទេ ងក្រែ​មា​លែវ​ឞាល់​ឞ្រោៈ​តឹង​ឞ្រាស​យេឆូ ​រ៝។
LUK 5:12 គែស​ទូ​នារ​ឞ្រាស​យេឆូ ​គុ​តា​ទូ​ប៝ន តា​ប៝ន​អី​នៃ​គែស​ទូ​ហ្វេ​ឞូនុយ្ស​ផុង​ឆា​ឞេង​ឆាក់​ឞេង​ជាន់​ងាន់ ត៝ត់​ឆៃ​ឞ្រាស​យេឆូ  ពាង់​រាន​ពាន់​មឞាស​ឞើស​នាប់​ឞ្រាស​យេឆូ ​តា​នែស​រ៝ នហ៝​មា​ឞ៝ញ​ពាង់៖ “អើ​កោរាញ ទាន់​មៃ​យោៈ​នអាច​មា​គ៝ប់​អើ លាស​មៃ​អុច គ៝ប់​នាល់​មៃ​ទើយ​ជាន​ឆាក់​គ៝ប់​អ៝ន់​ក្ល៝ស​អ៝ន់​ឞាស​ជី”។
LUK 5:13 តឹង​នាវ​វៃ​ផូង​អីឆ្រាអែល ​ឞូ​មោ​អោស​ឞាញ់​គុ​ទាច់​មោ​អោស​ឞាញ់​ពាស​មា​ឞូនុយ្ស​ផុង​ឆា យើន​មា​ឞ្រាស​យេឆូ ​ពាស​តី​តា​ឆាក់​ពាង់​រី​ច្រាវ ជេសរី​លាស​មា​ឞូនុយ្ស​ផុង​ឆា​អី​នៃ៖ “អើ​គ៝ប់​អុច​ដ៝ង់ ឞាស​ហ៝ម់!” ជេសរី​ឞាស​នទាល​រ៝។
LUK 5:14 ឞ្រាស​យេឆូ ​ឞ្វៃ​ពាង់​លាស៖ “លើយ​មៃ​ងក៝ច​នាវ​អ្យា​មា​ឞូ​អេង​គឹត​យឹ អ៝ន់​មៃ​ហាន់​ឞ្រ៝ង់​ញហើ​ឆាក់​មា​ឞូនុយ្ស​ជាន​ឞ្រាស​រី ជេសរី​ញហើរ​នទើ​តឹង​នាវ​វៃ​មោឆេ ​ដាៈ​មា​ឞូនុយ្ស​ឞាស​នាវ​ជី​ផុង​ឆា គៃ​មា​ឞូ​គឹត​នហេល​ឆាក់​មៃ​លែៈ​ក្ល៝ស​ងាន់​រ៝”។
LUK 5:15 យើន​មា​ឞូ​លឺ​ឞ្រាស​យេឆូ ​លើ​មា​ហោ​លើ​មា​ហោ​ងាន់។ អ៝ក់​ឞូនុយ្ស​វាច់​រាន​អ្យាត់​នាវ​ពាង់​ងើយ នហ៝​មា​ដាៈ​ពាង់​ជាន​ឞាស​នាវ​ជី​អេងៗ​ដ៝ង់។
LUK 5:16 យើន​មា​តឹង​នាវ​វៃ​ឞ្រាស​យេឆូ ពាង់​ហាន់​តា​នតុក​រាទាស​ងាយ​ដាស​ឞូនុយ្ស គៃ​មា​មឞើស​ឆើម​អេង។
LUK 5:17 គែស​ទូ​នារ​ជឹត​ទោល​ឞ្រាស​យេឆូ ​គុ​នតី​តា​ត្រោម​ញីស គែស​ផូង​ផារីឆី  នទ្រែល​មា​ផូង​នើម​នតី​នាវ​វៃ​ផូង​អីឆ្រាអែល  ខាន់​ពាង់​គុ​អ្យាត់​តា​នៃ​ដ៝ង់។ ផូង​អី​នៃ​តាៈ​ឞើស​អាប់​ប៝ន​ឞ្រី​កាលីលេ  អាប់​ប៝ន​ឞ្រី​យូដា  នទ្រែល​មា​ឞើស​ប៝ន​ក្វ៝ង់​យេរូឆាលឹម ។ ឞ្រាស​យេឆូ ​គែស​នាវ​ទើយ​កោរាញ​ឞ្រាស​គុ​នទ្រែល​ពាង់ គៃ​មា​ជាន​ឞាស​ឞូនុយ្ស​ជី។
LUK 5:18 នោក​នៃ​គែស​ឞូ​តូង​ទូ​ហ្វេ​ឞូ​ក្លោ​រាវែន​ជ៝ង់​រាវែន​តី​មា​ងក៝ៈ ខាន់​ពាង់​ជ៝យ​ត្រ៝ង​មា​លែវ​ឞូនុយ្ស​អី​នៃ​ហាន់​ទាច់​ឞ្រាស​យេឆូ ​គៃ​មា​តេៈ​ឞើស​នាប់​ពាង់​រី។
LUK 5:19 តីស​មា​ជ៝យ​ត្រ៝ង​មោ​គែស​អោស អ៝ក់​អីរ​ឞូនុយ្ស ជេសរី​ហាវ​រ៝ៈ​គូង​កាលើ​ច៝រ​ញីស​រី ច៝រ​ញីស​អី​នៃ​ល៝ង់ ខាន់​ពាង់​ព្លោក​ច៝រ​អី​នៃ ញជុរ​ឞូនុយ្ស​រាវែន​រី​នអ៝ប់​មា​ងក៝ៈ​ពាង់​នើម​តា​ងក្លាង​ឞូ​ឞាល់ ព្លាង់​ឞើស​នាប់​ឞ្រាស​យេឆូ ​រី​រ៝។
LUK 5:20 ឞ្រាស​យេឆូ ​ឆៃ​ខាន់​ពាង់​គែស​នាវ​ញឆីង​ពាង់​ទើយ​ជាន​ឞាស​នាវ​ជី​កើត​នៃ ពាង់​លាស​មា​ឞូនុយ្ស​រាវែន​អី​នៃ៖ “ហើយ​អ៝ស គ៝ប់​លែៈ​យោៈ​មៃ មោ​ហោម​អោស​កើប​នាវ​តីស​តា​មៃ”។
LUK 5:21 ត៝ត់​តាង់​នាវ​នៃ ផូង​នើម​នតី​នាវ​វៃ​ផូង​អីឆ្រាអែល  នទ្រែល​មា​ផូង​ផារីឆី  លាស​អេង​តា​នូយ្ស​នហ៝ម់៖ “ឞូ​ម៝ស​ពាង់​អី​នៃ​ហៃ? ទឹង​ឞាញ់​ងើយ​មឺច​រាម៝ត​កោរាញ​ឞ្រាស​កើត​នទ្រី! គែស​ទូ​ហ្វេ​កោរាញ​ឞ្រាស​ទើម​ទើយ​យោៈ​នាវ​តីស​ឞូនុយ្ស”។
LUK 5:22 ឞ្រាស​យេឆូ ​គឹត​នាវ​ខាន់​ពាង់​មឹន​តា​នូយ្ស​នហ៝ម់ ជេសរី​ពាង់​អោប៖ “មើម​ទឹង​ខាន់​មៃ​គែស​នាវ​មឹន​កើត​នអៃ?
LUK 5:23 អ៝ន់​ខាន់​មៃ​គឹត​នាវ​អ្យា លាស​គ៝ប់​លាស​មា​ឞូនុយ្ស​រាវែន​អី​នៃ «នាវ​តីស​មៃ​លែៈ​គ៝ប់​យោៈ​ហើយ» មោ​លាស «មៃ​ទ៝ក់​ឞ្រោៈ​ហ៝ម់» លាស​នទ្រី​ម៝ស​នាវ​លាស​អី​ទើស​រាលាវ​ហាៈ? លែៈ​ឞារ​នាវ​អី​នៃ​ឞូនុយ្ស​ទើម​មោ​ទើយ​ជាន។
LUK 5:24 គ៝ប់​អុច​អ៝ន់​ខាន់​មៃ​គឹត​ឆៃ គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស នទ្រី​ទឹង​គ៝ប់​ទើយ​យោៈ​នាវ​តីស​ឞូនុយ្ស​តា​នែស​នតូ​អ្យា”។ ជេសរី​ឞ្រាស​យេឆូ ​អ្វាញ់​ជឹត​ឞូនុយ្ស​រាវែន​អី​នៃ​លាស៖ “មៃ​ទ៝ក់​ហ៝ម់ ញអោត​ងក៝ៈ​មៃ​នៃ​ឆឹត​អា​ជៃ​មៃ​នើម​រី”។
LUK 5:25 ជេសរី​ទោ​មា​ឆៃ​ឞូនុយ្ស​រាវែន​អី​នៃ​ទ៝ក់​ដឺប​តា​នាប់​ឞូ​ឞាល់ ពាង់​ញអោត​ងក៝ៈ​អី​ឞូ​តូង​ពាង់​នើស​ឆឹត​ជឹត​ជៃ នហ៝​មា​រានេ​មា​កោរាញ​ឞ្រាស។
LUK 5:26 លែៈ​ឞូនុយ្ស​អី​គុ​តា​នៃ​នទ្រ៝ត់​ហីស​រាហ៝ល់​ទាទេ រានេ​កោរាញ​ឞ្រាស។ ខាន់​ពាង់​ក្លាច​ហោ​ងាន់ នហ៝​មា​លាស៖ “លែៈ​នាវ​ងាន់​នទើ​ឞ៝ន់​ឆៃ​នារ​អ្យា”។
LUK 5:27 ជេសរី​ឞ្រាស​យេឆូ ​លោស​ឞើស​ប៝ន​អី​នៃ​ហាន់​រ៝ៈ​ត្រ៝ង​ឆៃ​ទូ​ហ្វេ​ឞូ​ក្លោ​គុ​ក៝ប់​ឆ៝ៈ​ព្រាក់​ឞើស​ឞូ​មា​អ៝ន់​កោរាញ​ម៝ត់​អ្វាញ់ រាញា​ពាង់​អី​នៃ​លេវី  ពាង់​គុ​តា​នតុក​ពាង់​វៃ​ឆ៝ៈ​ព្រាក់។ ឞ្រាស​យេឆូ ​លាស​មា​ពាង់៖ “ហើយ​នោ ហោៈ​ឞ្រោៈ​តឹង​គ៝ប់”។
LUK 5:28 ពាង់​នត្លើយ​លែៈ​ផ្យៅ​នទ៝ស​នទើ​តា​រី ជេសរី​តឹង​ឞ្រាស​យេឆូ ​រ៝។
LUK 5:29 ជេសរី​ពាង់​ជាៈ​ឞ្រាស​យេឆូ ​ហាន់​តា​ជៃ​ពាង់​នើម ពាង់​នទ្រាប់​នាវ​ញេត​ឆា​តេស​អ៝ន់​មា​ឞ្រាស​យេឆូ  នទ្រែល​មា​មពោល​អ៝ស​ម៝ន​ឞ្រាស​យេឆូ ។ គែស​អ៝ក់​ឞូនុយ្ស​ហាន់​លាប់​ឆោង​ឆា​នទ្រែល​តា​រី​ដ៝ង់ តា​នៃ​គែស​ឞូនុយ្ស​ក៝ប់​ឆ៝ៈ​ព្រាក់​ឞើស​ឞូ​មា​អ៝ន់​កោរាញ​ម៝ត់​អ្វាញ់ នទ្រែល​មា​ឞូនុយ្ស​អាបាៈ​អេង​ជឹត។
LUK 5:30 ត៝ត់​ឆៃ​កើត​នៃ ផូង​ផារីឆី  នទ្រែល​មា​ផូង​នើម​នតី​អី​តឹង​ផូង​ផារីឆី ​អី​នៃ ជី​នូយ្ស​ក៝ៈ​នូយ្ស​ក៝ៈ​នហ៝ម់​ងាន់ ខាន់​ពាង់​លាស​មពោល​អ៝ស​ម៝ន​ឞ្រាស​យេឆូ ៖ “ម៝ស​ខាន់​មៃ​ឆោង​នទ្រែល​ឞូនុយ្ស​ឆ៝ៈ​ព្រាក់​ឞូ ញេត​នទ្រែល​ឞូនុយ្ស​តីស?”
LUK 5:31 ឞ្រាស​យេឆូ ​អើស​មា​ខាន់​ពាង់៖ “ឞូនុយ្ស​អ្វែស​ឆាក់​លាង់​ជាន់​មោ​អុច​អោស​មា​កោរាញ​ទាក​ឆី ឞូនុយ្ស​អី​គែស​នាវ​ជី​ទើម​អុច។
LUK 5:32 នទ្រី​ទឹង​គ៝ប់​វាច់​តា​អ្យា​មោ​អោស​គៃ​មា​ក្វាល់​ឞូនុយ្ស​ឆ៝ង់ អុច​ក្វាល់​ឞូនុយ្ស​តីស គៃ​មា​ពាង់​រាគ៝ល់​លើយ​នូយ្ស​នហ៝ម់​អ្យើស​អ៝ន់​អ្យាត់​តឹង​នាវ​កោរាញ​ឞ្រាស”។
LUK 5:33 ជេសរី​ផូង​ផារីឆី  នទ្រែល​មា​ផូង​នើម​នតី​អី​តឹង​ផូង​ផារីឆី ​អី​នៃ​អោប​ឞ្រាស​យេឆូ ៖ “មពោល​អ៝ស​ម៝ន​យោហាន-​បាប់តែម  អ៝ត់​ឆោង​ឆា មឞើស​ឆើម​បាបើ កើត​មពោល​អ៝ស​ម៝ន​ផារីឆី ​ដ៝ង់។ មើម​ទឹង​មពោល​អ៝ស​ម៝ន​មៃ​គុ​ញេត​គុ​ឆោង​កើត​នអៃ​ច្រាវ?”
LUK 5:34 ឞ្រាស​យេឆូ ​អើស៖ “លាស​តឹម​នអាប់​អូរ​ឆាយ ខាន់​មៃ​វៃ​ឞ្វៃ​ឞូ​នាច់​មោ​អ៝ន់​ឆោង​ឆា​ដ៝ង់​ឞើស? ឞូ​មោ​វៃ​អោស​ឞ្វៃ​នទ្រី។
LUK 5:35 គ៝ប់​តឹម​ឞាន​មា​ឞូ​ក្លោ​នអាប់​អូរ​ឆាយ ត៝ត់​ទី​នារ​រី​តៃ​ឞូ​តឹម​ងខាស​គ៝ប់​ដាស​មពោល​អ៝ស​ម៝ន​គ៝ប់ រី​មើ​ខាន់​ពាង់​អ៝ត់​ឆោង​ឆា”។
LUK 5:36 ជេសរី​ឞ្រាស​យេឆូ ​ងើយ​នាវ​នតឹត៖ “ឞូ​មោ​វៃ​អោស​ងខេក​អាវ​មហែ គៃ​មា​ជឹង​មឞោល​តា​អាវ​ឆាត លាស​ជាន​កើត​នៃ​អាវ​មហែ​លែៈ​ជេង​ឆាត នទ្រែល​មា​ឞ៝ក​អី​ងខេក​ឞើស​អាវ​មហែ​មឞោល​តា​អាវ​អើម​ពាង់​មោ​ដ៝ង់​តឹម​ទី​ឞាល់។
LUK 5:37 ឞូ​មោ​វៃ​អោស​តេៈ​ព្រាប់​នទ្រាញ់​ព្លៃ​យុងយារ​ប៝ន​មហែ​តា​ទុង​នតោ​អើម លាស​ជាន​កើត​នៃ​នទ្រាញ់​ព្លៃ​យុងយារ​ប៝ន​មហែ​ជាន​អ៝ន់​ទុង​នតោ​អី​នៃ​ព្រែក នទ្រាញ់​ហុក ជេសរី​ទុង​នតោ​អី​នៃ​ជេង​ឆាត​ដ៝ង់ យ៝រ​លាស​ទុង​នតោ​អើម​មោ​ហោម​អោស​ត៝ច។
LUK 5:38 លាស​នទ្រី​ឞូ​តេៈ​នទ្រាញ់​ព្លៃ​យុងយារ​ប៝ន​មហែ​តា​ទុង​នតោ​មហែ រី​មើ​ទុង នទ្រែល​មា​នទ្រាញ់​ហោម​ទាទេ។
LUK 5:39 លាស​លែៈ​ជេស​ញេត​នទ្រាញ់​ព្លៃ​យុងយារ​ប៝ន​អើម ឞូ​មោ​ហោម​អោស​អុច​ញេត​អី​មហែ​ជឹត លាស​ញេត​ឞូ​លាស «អី​អើម​កាស​រាលាវ​អី​មហែ»”។
LUK 6:1 គែស​ទូ​នារ​ឆាបាត់ ​អី​នារ​រាលូ​ផូង​អីឆ្រាអែល ឞ្រាស​យេឆូ ​នទ្រែល​អ៝ស​ម៝ន​ពាង់​ហាន់​គ្លាត់​រ៝ៈ​មីរ​ឞា​ព្រាង់  ទោល​ឞ្រោៈ​រ៝ៈ​មីរ​អី​នៃ​មពោល​អ៝ស​ម៝ន​ពាង់​រ៝យ្ស​ឞា​ត្រ៝​មា​ឆា។
LUK 6:2 ជេសរី​គែស​ផូង​ផារីឆី ​អាបាៈ​ឆៃ​ជាន​កើត​នៃ លាស​ខាន់​ពាង់៖ “ម៝ស​កោៈ​ខាន់​មៃ​ជាន​ការ​តា​នារ​ឆាបាត់ ​នៃ​មេស? ឞ៝ល​លាស​ខាន់​មៃ​រ៝យ្ស​ដេៈៗ​កើត​នៃ ហោម​អែ​កើប​តីស​ដាស​នាវ​វៃ​មា​នារ​រាលូ​ផូង​ឞ៝ន់​ដ៝ង់”។
LUK 6:3 ឞ្រាស​យេឆូ ​អោប​រាលឹ​ខាន់​ពាង់៖ “លាស​នទ្រី​ខាន់​មៃ​លែៈ​ច្វេល​បាស នាវ​ខាន់​មៃ​វៃ​រ៝ៈ​តា​នាវ​កោរាញ​ឞ្រាស​ងើយ? នោក​ដាវីត ​អេ​ហ៝ៈ​ជេង​កាដាច់ ពាង់ នទ្រែល​មា​ឞូនុយ្ស​គុ​នទ្រែល​ពាង់​ជី​ង៝ត‌
LUK 6:4 ជេសរី​ពាង់​លាប់​តា​ត្រោម​នតុក​ចូន​ឞ៝ក​កោរាញ​ឞ្រាស ឆ៝ៈ​ឆា​នុមពាង់​អី​ឞូ​តេៈ​ញហើរ​អ៝ន់​កោរាញ​ឞ្រាស​នៃ នហ៝​មា​ពាៈ​ឞូនុយ្ស​អី​គុ​នទ្រែល​ពាង់​នៃ​ឆា​ដ៝ង់។ ឞូ​មោ​ដ៝ង់​លាស​ពាង់​ឞ៝ល​លាស​តឹង​មា​នាវ​វៃ​គែស​មពោល​ជាន​ឞ្រាស​ទើម​ទើយ​ឆា​នុមពាង់​អី​នៃ”។
LUK 6:5 ឞ្រាស​យេឆូ ​លាស​តៃ៖ “គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​ទែ​ញជ្វាល់ នទ្រី​ទឹង​គ៝ប់​ជេង​កោរាញ​មា​នារ​ឆាបាត់ ​អី​នារ​រាលូ​ម៝ស​នទើ​អី​ទើយ​អ៝ន់​ឞូ​ជាន មោ​លាស​មោ​ទើយ​អ៝ន់​ឞូ​ជាន​តា​នារ​អី​នៃ”។
LUK 6:6 គែស​ទូ​នារ​ឆាបាត់ ​អេង​ជឹត ឞ្រាស​យេឆូ ​លាប់​នតី​ឞូ​តា​ញីស​រាបុន​ផូង​អីឆ្រាអែល ។ តា​នតុក​នៃ​គែស​ទូ​ហ្វេ​ឞូ​ក្លោ​ឆ្យារ់​តី​ឞើស​មា។
LUK 6:7 គែស​ផូង​នើម​នតី​នាវ​វៃ​ផូង​អីឆ្រាអែល  នទ្រែល​មា​ផូង​ផារីឆី ​ក៝ប់​អ្វាញ់​ឞ្រាស​យេឆូ ។ ផូង​អី​នៃ​អុច​ជ៝យ​នាវ​មា​នតោន​ឞ្រាស​យេឆូ  ងខេប​លាស​ពាង់​ជាន​ឞាស​ឞូនុយ្ស​ជី​តា​នារ​ឆាបាត់  យ៝រ​លាស​ខាន់​ពាង់​នតី​តា​នាវ​វៃ​ផូង​អីឆ្រាអែល ​មោ​អ៝ន់​អោស​ជាន​ឞាស​ឞូនុយ្ស​ជី​តា​នារ​ឆាបាត់  នទ្រី​ទឹង​ខាន់​ពាង់​អ្វាញ់​ជឹត​ពាង់​លែរ​ងែរ​ងាន់។
LUK 6:8 យើន​លាស​ឞ្រាស​យេឆូ ​គឹត​នូយ្ស​នហ៝ម់​នាវ​មឹន​ខាន់​ពាង់ ជេសរី​ពាង់​លាស​មា​ឞូនុយ្ស​ឆ្យារ់​តី​នៃ៖ “ហើយ​អ៝ស មៃ​ទ៝ក់​ហាន់​តា​ងក្លាង​ឞូ​ត៝!” ឞូនុយ្ស​ឆ្យារ់​តី​អី​នៃ​ទ៝ក់​រ៝។
LUK 6:9 ជេសរី​ឞ្រាស​យេឆូ ​អោប​ខាន់​ពាង់៖ “គ៝ប់​អោប​ខាន់​មៃ តឹង​នាវ​វៃ​ផូង​ឞ៝ន់​តា​នារ​ឆាបាត់ ​ឞូនុយ្ស​ទើយ​ជាន​នទើ​អ្វែស​មោ​លាស​នទើ​អ្យើស? ទើយ​រាក្លាយ្ស​នាវ​រេស​ឞូនុយ្ស​មោ​លាស​ងខឹត​ពាង់?”
LUK 6:10 ឞ្រាស​យេឆូ ​អ្វាញ់​ជឹត​ទឹង​លែៈ​ឞូនុយ្ស​អី​គុ​តា​នៃ យើន​មា​មោ​គែស​អោស​ទូ​ហ្វេ​អើស ជេសរី​លាស​មា​ឞូនុយ្ស​រាវែន​តី​នៃ៖ “ល៝ង់​មៃ​រ៝ក​តី​មៃ​នៃ​ហ៝ម់”។ ជេសរី​ពាង់​រ៝ក តី​ពាង់​ឞាស​កើត​អើម​រ៝។
LUK 6:11 ផូង​អី​អុច​ជ៝យ​នាវ​មា​នតោន​ឞ្រាស​យេឆូ ​នៃ​ជី​នូយ្ស​ទុត​ហោ ជេសរី​តឹម​ញច្រាៈ​ឞាល់​គៃ​មា​លើស​ឞ្រាស​យេឆូ ។
LUK 6:12 នោក​នៃ​ឞ្រាស​យេឆូ ​ហាវ​កាលើ​យោក​គៃ​មា​មឞើស​ឆើម។ ពាង់​មឞើស​ឆើម​មា​កោរាញ​ឞ្រាស​តា​នតុក​នៃ​ទូ​នាង់​រាអាង។
LUK 6:13 កាស​អាង​អោយ​តៃ​ពាង់​ក្វាល់​រាគូម​មពោល​អី​វៃ​តឹង​ពាង់​វាច់​តា​រី ជេសរី​កើយ្ស ១២ នុយ្ស​ឞូ​ក្លោ អី​ពាង់​ក្វាល់​លាស​«កោរាញ​អ៝ស​ម៝ន»​ពាង់។
LUK 6:14 តា​នៃ​គែស​រាញា​ឆីមោន  ជេសរី​ឞ្រាស​យេឆូ ​ក្វាល់​រាញា​មហែ​ពាង់ ពេត្រោស  នទ្រែល​មា​អី​អ៝ស​ពាង់​រាញា​អ៝ន់ទ្រេ  ជេសរី​ឞូនុយ្ស​អាបាៈ​អេង​ជឹត​រាញា​យាកើ  រាញា​យោហាន  រាញា​ផីលីប  រាញា​បារថោលោមេ ‌
LUK 6:15 រាញា​មាថាយ  រាញា​ថោមាស  រាញា​យាកើ ​អី​ក៝ន​អាល់ផាយ  រាញា​ឆីមោន ​អី​ឞូ​ក្វាល់​«គើយ្ស»
LUK 6:16 រាញា​យូដាស ​អី​ក៝ន​យាកើ  នទ្រែល​មា​រាញា​យូដាស-​អីឆាការីយោត  ជេង​ឞូនុយ្ស​ញជុន​ឞ្រាស​យេឆូ ​អ៝ន់​មា​ផូង​រាលាង់​ពាង់​តា​នារ​ជឹត​នាប់​តៃ។
LUK 6:17 ជេសរី​ឞ្រាស​យេឆូ  នទ្រែល​មា​មពោល​អ៝ស​ម៝ន​ពាង់​ជុរ​ឞើស​លើ​យោក​នៃ ហាន់​ត៝ត់​តា​នតុក​ល៝ង់​រី។ តា​នតុក​នៃ​គែស​អ៝ក់​មពោល​អ៝ស​ម៝ន​អ្យាត់​នាវ​ពាង់ នទ្រែល​មា​ផូង​ប៝ន​លាន​អ៝ក់​ងាន់ ខាន់​ពាង់​តាៈ​ឞើស​ប៝ន​ក្វ៝ង់​យេរូឆាលឹម  នទ្រែល​មា​ឞើស​ប៝ន​អេងៗ​តា​ឞ្រី​យូដា  ឞើស​ឞ្រី​រាគ៝ៈ​ទាក​វាច់​ទាក​វារ់​ទាច់​កេង​ប៝ន​ក្វ៝ង់​តីរុស ​ប៝ន​ក្វ៝ង់​ឆីដោន ។
LUK 6:18 ខាន់​ពាង់​វាច់​គូម​តា​រី​អ៝ក់​ងាន់ គៃ​គុ​អ្យាត់​នាវ​ឞ្រាស​យេឆូ ​នតី នទ្រែល​មា​អ៝ន់​ពាង់​ជាន​ឞាស​នាវ​ជី​ក្វែត​ខាន់​ពាង់​នើម​ដ៝ង់។ ឞូនុយ្ស​អី​ឞ្រាស​អ្យើស​លើស កើត​លាស​ឞូនុយ្ស​ឞ្រុត​នទ្រាង់​វាច់​តា​រី ជេសរី​ឞាស​ដ៝ង់។
LUK 6:19 លែៈ​ឞូនុយ្ស​តឹម​មពែត​ងាន់​រាន​ពាស​ឞ្រាស​យេឆូ  ជេសរី​ឞូ​ឞាស​ទាទេ យ៝រ​លាស​ពាង់​គែស​នាវ​ឞ្រាស​តា​ឆាក់​ពាង់​នើម។
LUK 6:20 ជេសរី​ឞ្រាស​យេឆូ ​អ្វាញ់​ជឹត​មពោល​អ៝ស​ម៝ន​ពាង់ពាង់​លាស៖ “អ្វែស​មអាក​ងាន់​មា​ខាន់​អៃ​មៃ​ឞូនុយ្ស​ក្រ៝​អ៝​អាច‌ យ៝រ​លាស​កោរាញ​ឞ្រាស​ម៝ត់​អ្វាញ់​ខាន់​អៃ​មៃ។
LUK 6:21 អ្វែស​មអាក​ងាន់​មា​ខាន់​អៃ​មៃ​អាបៃ​អ្យា​គុ​តា​នាវ​ជី​ង៝ត‌ យ៝រ​លាស​ជឹត​នាប់​តៃ​ខាន់​អៃ​មៃ​ហើម​ងាន់។ អ្វែស​មអាក​ងាន់​មា​ខាន់​អៃ​មៃ​គុ​តា​នាវ​ញហ្យាង់​ញុម​អាបៃ​អ្យា‌ យ៝រ​លាស​ជឹត​នាប់​តៃ​ខាន់​អៃ​មៃ​គែស​នាវ​រាម់​មអាក។
LUK 6:22 អ្វែស​មអាក​ងាន់​មា​ខាន់​អៃ​មៃ លាស​គែស​ឞូ​រាងឹ​ឞូ​ឞ្យាញ់​មោ​រ៝ម​ខាន់​អៃ​មៃ មោ​លាស​រាក​ឆ្វាយ អាច​មា​ខាន់​អៃ​មៃ​អ្យាត់​តឹង​នាវ​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស។
LUK 6:23 នោក​កាល់​អែ​នើស​តឹម​ឞាន​កើត​នៃ​ដ៝ង់ អូ​ចែ​មពោល​រាងឹ​ឞ្យាញ់​អី​នៃ​ជាន​អ្យើស​មា​មពោល​ឞូនុយ្ស​នតើយ្ស​នាវ​ងើយ​កោរាញ​ឞ្រាស។ លាស​គែស​កើត​នទ្រី​រាម់​នត្លោៈ​ហ៝ម់ រាម់​មអាក​ហ៝ម់ យ៝រ​លាស​ជឹត​នាប់​តៃ​ខាន់​អៃ​មៃ​គែស​នាវ​ងខោម​ក្វ៝ង់​ងាន់​រ៝​តា​ប៝ន​អ្វែស​តា​កាលើ។
LUK 6:24 តីស​មា​រេស​រាញាល់​ងាន់​មា​ខាន់​អៃ​មៃ​អី​ឞូនុយ្ស​លែៈ​នទ្រ៝ង់​ក្វ៝ង់​អាបៃ​អ្យា‌ យ៝រ​លាស​ខាន់​អៃ​មៃ​អាបៃ​អ្យា​លែៈ​គែស​ជេស​នាវ​រាម់​មអាក។
LUK 6:25 រេស​រាញាល់​ងាន់​មា​ខាន់​អៃ​មៃ​អាបៃ​អ្យា​លែៈ​ហើម​ជេស‌ ខាន់​អៃ​មៃ​តៃ​គែស​នាវ​ជី​ង៝ត​ជី​ហីរ​រ៝។ រេស​រាញាល់​ងាន់​មា​ខាន់​អៃ​មៃ​អាបៃ​អ្យា​លែៈ​គែស​នាវ​រាម់​មអាក‌ ខាន់​អៃ​មៃ​តៃ​គែស​នាវ​ងក្ល៝ន់​រាង៝ត​រាវៃ ជេសរី​នាវ​ញហ្យាង់​ញុម​រ៝។
LUK 6:26 រេស​រាញាល់​ងាន់​មា​ខាន់​អៃ​មៃ​អី​គែស​អ៝ក់​ឞូនុយ្ស​រានេ យ៝រ​មា​អូ​ចែ​ខាន់​ពាង់​លែៈ​រានេ​មា​ឞូនុយ្ស​នតើយ្ស​ងក្លាៈ​នាវ​ងើយ​កោរាញ​ឞ្រាស​កាល់​អែ​នើស​ដ៝ង់”។
LUK 6:27 ជេសរី​ឞ្រាស​យេឆូ ​ងើយ​ជឹត៖ “ល៝ង់​ទឹង​លែៈ​ឞូនុយ្ស​អី​អ្យាត់​នាវ​គ៝ប់គ៝ប់​ដាៈ​ខាន់​អៃ​មៃ​រ៝ង់​មា​ឞូនុយ្ស​រាលាង់ ជេសរី​ជាន​អ្វែស​មា​ឞូនុយ្ស​ឞ្យាញ់​ដាស​ខាន់​អៃ​មៃ​ដ៝ង់។
LUK 6:28 អ៝ន់​ខាន់​អៃ​មៃ​ទាន់​កោរាញ​ឞ្រាស​អ៝ន់​គែស​ជេង​មា​ឞូនុយ្ស​រាក​ឆ្វាយ​ខាន់​អៃ​មៃ ជេសរី​មឞើស​ឆើម​ទាន់​កោរាញ​ឞ្រាស​ជាន​អ្វែស​មា​ឞូនុយ្ស​អី​ជាន​ជេរ​មា​ខាន់​អៃ​មៃ។
LUK 6:29 លាស​ឞូ​តាប​តឹម​ឞ៝ម​ខាន់​អៃ​មៃ​ទូ​ទីង ជេសរី​រាលែ​អ៝ន់​ឞូ​តាប​តៃ​ទូ​ទីង​ជឹត។ លាស​ឞូ​ឆ៝ៈ​អាវ​ក្វ៝ង់​លើយ​អោស​ឞ្វៃ​មោ​អ៝ន់​ឞូ​ឆ៝ៈ​អាវ​ជេៈ​ជឹត។
LUK 6:30 ម៝ស​នទើ​ឞូ​ទាន់​ខាន់​អៃ​មៃ អ៝ន់​នទើ​អី​នៃ​មា​ឞូ លាស​គែស​ឞូ​ឆ៝ៈ​នទ៝ស​នទើ​ខាន់​អៃ​មៃ​លើយ​ហោម​មព្លឹ​អោស។
LUK 6:31 ម៝ស​នាវ​អុច​អ៝ន់​ឞូ​ជាន​មា​ខាន់​អៃ​មៃ អ៝ន់​ខាន់​អៃ​មៃ​ជាន​មា​ឞូ​ល៝រ។
LUK 6:32 លាស​ខាន់​អៃ​មៃ​រ៝ង់​ទើម​មា​ឞូនុយ្ស​រ៝ង់​ខាន់​អៃ​មៃ​ល៝រ កោរាញ​ឞ្រាស​មោ​អោស​រានេ​ខាន់​អៃ​មៃ យ៝រ​លាស​ឞូនុយ្ស​តីស​ឞ្លាវ​តឹម​រ៝ង់​នទ្រាង់​ឞូនុយ្ស​តីស​ដ៝ង់។
LUK 6:33 លាស​ខាន់​អៃ​មៃ​ជាន​អ្វែស​ទើម​មា​ឞូនុយ្ស​ជាន​អ្វែស​ដាស​ខាន់​អៃ​មៃ កោរាញ​ឞ្រាស​មោ​អោស​រានេ​ខាន់​អៃ​មៃ យ៝រ​លាស​ឞូនុយ្ស​តីស​ឞ្លាវ​ជាន​អ្វែស​នទ្រាង់​ឞូនុយ្ស​តីស​ដ៝ង់។
LUK 6:34 លាស​ខាន់​អៃ​មៃ​អ៝ន់​ឞូ​មាញ​ទ្រាប់ មោ​លាស​ព្រាក់​មា​ឞូនុយ្ស​អី​ទើយ​នត្រ៝ៈ​ទើម កោរាញ​ឞ្រាស​មោ​អោស​រានេ​ខាន់​អៃ​មៃ យ៝រ​លាស​ឞូនុយ្ស​តីស​តឹម​អ៝ន់​មាញ​ហោម​តឹម​ត្រ៝ៈ​ដ៝ង់។
LUK 6:35 កើត​នទ្រី​គ៝ប់​អុច​អ៝ន់​ខាន់​អៃ​មៃ​ជាន​តីស​ឞាល់​ដាស​ខាន់​ពាង់។ អ៝ន់​ខាន់​អៃ​មៃ​រ៝ង់​មា​ឞូនុយ្ស​រាលាង់ ជាន​អ្វែស​មា​ពាង់ នទ្រែល​មា​អ៝ន់​ពាង់​មាញ​ទ្រាប់​នទើ ជេសរី​លើយ​ហោម​អោស​ងកាស​តោរ​មា​ទ្រាប់​នទើ​អី​នៃ។ លាស​ជាន​នទ្រី​ខាន់​អៃ​មៃ​តៃ​គែស​នាវ​ងខោម​ក្វ៝ង់ នហ៝​មា​ជេង​ក៝ន​កោរាញ​ឞ្រាស​នើម​អី​ឞ្រាស​ទុត​ក្វ៝ង់ យ៝រ​លាស​កោរាញ​ឞ្រាស​ជាន​អ្វែស​ដ៝ង់​មា​ឞូនុយ្ស​មោ​គឹត​តោរ​មា​ពាង់ នទ្រែល​មា​ឞូនុយ្ស​អ្យើស។
LUK 6:36 លាស​នទ្រី​អ៝ន់​ខាន់​អៃ​មៃ​គែស​នាវ​យោៈ​នអាច តឹម​ឞាន​មា​កោរាញ​ឞ្រាស​ឞឹ​ខាន់​អៃ​មៃ​តា​កាលើ​ត្រោក​ពាង់​គែស​នាវ​យោៈ​នអាច​មា​ខាន់​អៃ​មៃ”។
LUK 6:37 “ជេសរី​លើយ​អោស​អ្វាញ់​នាវ​តីស​ឞូ គៃ​មា​លើយ​អ៝ន់​កោរាញ​ឞ្រាស​អ្វាញ់​នាវ​តីស​ខាន់​អៃ​មៃ។ លើយ​ផាត​ទោយ្ស​ឞូ គៃ​មា​លើយ​អ៝ន់​កោរាញ​ឞ្រាស​តេៈ​ទោយ្ស​ខាន់​អៃ​មៃ។ អ៝ន់​ខាន់​អៃ​មៃ​យោៈ​នអាច​នាវ​តីស​ឞូ នទ្រី​ទឹង​កោរាញ​ឞ្រាស​យោៈ​នអាច​នាវ​តីស​ខាន់​អៃ​មៃ​ដ៝ង់។
LUK 6:38 អ៝ន់​នទើ​មា​ឞូ ជេសរី​កោរាញ​ឞ្រាស​អ៝ន់​នទើ​មា​ខាន់​អៃ​មៃ ពាង់​ឆ៝ល់​ញឆ្រោស ជេសរី​តេៈ​ឞេង​រាមែស​មា​ខាន់​អៃ​មៃ​ដ៝ង់ យ៝រ​លាស​ទាស​អ៝ក់​ខាន់​អៃ​មៃ​អ៝ន់​មា​ឞូ កោរាញ​ឞ្រាស​អ៝ន់​កើត​នៃ​ដ៝ង់”។
LUK 6:39 ឞ្រាស​យេឆូ ​ងើយ​នាវ​នតឹត​ទូ​នាវ​អេង​ជឹត​មា​ខាន់​ពាង់​ដ៝ង់៖ “លាស​គែស​ឞារ​ហៃ​ឞូនុយ្ស​ចែស​មាត់​តឹម​តេក​នទ្រាង់​ខាន់​ពាង់​នើម ឞ្លាវ​ដ៝ង់​លាស​មោ? ពាង់​តុប​តា​ត្រោម​នតូ​លែៈ​ឞារ​ហៃ​រ៝។
LUK 6:40 មោ​គែស​អោស​ផូង​នតី​គឹត​រាលាវ​មា​នើម​នតី យើន​មា​លាស​ពាង់​នតី​លែៈ​អាប់​ផ្យៅ ពាង់​ជេង​តឹម​ឞាន​មា​នើម​ឆើម​នតី​ពាង់​ដ៝ង់។
LUK 6:41 នាវ​តីស​ឞ៝ន់​ជេង​តឹម​ឞាន​មា​នទើ​តា​ត្រោម​មាត់ មើម​ខាន់​អៃ​មៃ​អ្វាញ់​ឆៃ​នទ្រុយ្ស​តា​ត្រោម​មាត់​អ៝ស​នោ​ខាន់​អៃ​មៃ​ទើម តីស​មា​អ្វាញ់​មោ​ឆៃ​ម៝ង់​រាលាត​តា​ត្រោម​មាត់​ខាន់​អៃ​មៃ​នើម?
LUK 6:42 លាស​មោ​ទើយ​ឆៃ​ម៝ង់​រាលាត​តា​ត្រោម​មាត់​ខាន់​អៃ​មៃ​នើម មើម​ទើយ​លាស​មា​អ៝ស​នោ៖ «អ៝ន់​គ៝ប់​ងខែៈ​នទ្រុយ្ស​នៃ»? អើ​ឞូនុយ្ស​មរោស! អ៝ន់​ឆ៝ៈ​រាលាត​តា​ត្រោម​មាត់​ខាន់​អៃ​មៃ​នើម​នៃ​ល៝រ​ប៝ត់ រី​មើ​ឆៃ​នហេល​នទ្រុយ្ស​តា​ត្រោម​មាត់​អ៝ស​នោ ទឹង​ឞ្លាវ​ងខែៈ​នទ្រុយ្ស​នៃ”។
LUK 6:43 “មោ​ព្រ៝ត​អោស​គែស​តើម​ឆី អី​តើម​អ្វែស អី​ព្លៃ​មោ​អ្វែស មោ​លាស​អី​តើម​មោ​អ្វែស អី​ព្លៃ​អ្វែស។
LUK 6:44 ឞូ​ទើយ​គឹត​នាល់​តើម​ឆី​យ៝រ​មា​ព្លៃ​ពាង់។ ឞូ​មោ​ព្រ៝ត​ពែៈ​ព្លៃ​ងលែ​ឞើស​តើម​រាឆ៝ប់ ព្លៃ​យុងយារ​ប៝ន​ឞើស​តើម​នាម។
LUK 6:45 ឞូនុយ្ស​កើត​នទ្រី​ដ៝ង់ ឞូនុយ្ស​អ្វែស​ពាង់​ជាន​ម៝ស​នតីល​នទើ​អ្វែស យ៝រ​លាស​តា​នូយ្ស​នហ៝ម់​ឆាក់​ជាន់​ពាង់​នើស​អ្វែស តីស​លាស​ឞូនុយ្ស​អ្យើស ពាង់​ជាន​នតីល​នទើ​អ្យើស យ៝រ​លាស​តា​នូយ្ស​នហ៝ម់​ឆាក់​ជាន់​ពាង់​នើស​អ្យើស នទ្រី​ទឹង​លែៈ​នតីល​ឞ៝រ់​មឞូង​ឞូនុយ្ស​ងើយ នទ្រែល​មា​នទើ​ពាង់​ជាន លោស​តាៈ​ឞើស​នូយ្ស​នហ៝ម់​ឆាក់​ជាន់​ពាង់​នើម”។
LUK 6:46 “មើម​ខាន់​អៃ​មៃ​ក្វាល់​គ៝ប់ «អើ​កោរាញ! អើ​កោរាញ!» តីស​មា​មោ​ជាន​តឹង​នាវ​គ៝ប់​ដាៈ?
LUK 6:47 គ៝ប់​មឞើស​អ៝ន់​ខាន់​អៃ​មៃ៖ ឞូនុយ្ស​អី​ឞ្រោៈ​អ្យាត់​នាវ​គ៝ប់​ងើយ ជេសរី​ជាន​តឹង​នាវ​គ៝ប់​លាស ឞូនុយ្ស​អី​នៃ​មើម​ជេង​តឹម​ឞាន​មា​ពាង់?
LUK 6:48 ឞូនុយ្ស​អី​នៃ​ជេង​តឹម​ឞាន​មា​ឞូនុយ្ស​ជាន​ជៃ។ ពាង់​កុយ្ស​នតូ​ជ្រូ ជេសរី​ពាង់​តាម់​មែស​តា​ត្រោម​នតូ​នៃ លាស​គែស​ទាក​ក្វ៝ង់​ហ៝ច​ថាង់​រ៝ៈ​ជៃ​អី​នៃ​ក៝ៈ​មោ​ទើយ​រាងោញ​ដ៝ង់ យ៝រ​លាស​លែៈ​ជាន​ទុត​ន៝ប់។
LUK 6:49 ឞូនុយ្ស​អី​តាង់​នាវ​គ៝ប់ ជេសរី​មោ​ជាន​តឹង​នាវ​គ៝ប់​លាស ឞូនុយ្ស​អី​នៃ​ជេង​តឹម​ឞាន​មា​ឞូនុយ្ស​ជាន​ជៃ​ងគ៝ន់​ទើម​តា​កាលើ​នែស។ លាស​ត៝ត់​គែស​ទាក​ក្វ៝ង់​ហ៝ច​ថាង់​រ៝ៈ​នៃ ជៃ​អី​នៃ​រាល៝ម់ នហ៝​មា​អ្យើស​លែៈ​ផ្យៅ​រ៝”។
LUK 7:1 ជេស​ឞ្រាស​យេឆូ ​ងើយ​នាវ​អី​នៃ​អ៝ន់​មា​ផូង​ប៝ន​លាន ជេសរី​ពាង់​ហាន់​លាប់​តា​ប៝ន​កាពើនិម ​ឞ្រី​កាលីលេ  នទ្រែល​មា​មពោល​អ៝ស​ម៝ន​ពាង់។
LUK 7:2 តា​ប៝ន​នៃ​គែស​ទូ​ហ្វេ​ឞូនុយ្ស​ជី​ហោ​ងាន់​ឞើយ​មា​ខឹត ឞូនុយ្ស​អី​នៃ​ជេង​ទឹក​ទូ​ហ្វេ​កោរាញ​តាហែន​រោម  កោរាញ​រ៝ង់​ងាន់​មា​ពាង់។
LUK 7:3 ត៝ត់​កោរាញ​តាហែន​អី​នៃ​តាង់​លឺ​ឞូ​ងក៝ច​ឞ្រាស​យេឆូ  ជេសរី​ពាង់​ដាៈ​មពោល​កោរាញ​អីឆ្រាអែល ​អាបាៈ​ហាន់​ជាៈ​ឞ្រាស​យេឆូ  គៃ​មា​ហាន់​ជាន​ឞាស​ទឹក​អី​នៃ។
LUK 7:4 ជេសរី​មពោល​កោរាញ​អី​នៃ​ហាន់​ម៝ប់​ឞ្រាស​យេឆូ  ត៝ត់​តា​ឞ្រាស​យេឆូ ​រី​ខាន់​ពាង់​ឞ៝ញ​ពាង់​ហាន់​នទ្រែល​ខាន់​ពាង់៖ “អើយ​កោរាញមៃ​យោៈ​មា​កោរាញ​តាហែន​រោម ​អី​នៃ​ទី​មេៈ‌
LUK 7:5 យ៝រ​លាស​ពាង់​រ៝ង់​មា​ប៝ន​លាន​ឞ៝ន់ ជេសរី​ពាង់​ឆើម​អ៝ន់​ព្រាក់​មា​ជាន​ទូ​មល៝ម់​ញីស​រាបុន​ជឹត​អ៝ន់​ឞ៝ន់”។
LUK 7:6 ជេសរី​ឞ្រាស​យេឆូ ​ហាន់​នទ្រែល​មពោល​កោរាញ​អី​នៃ។ ត៝ត់​ឞើយ​ត្រុយ្ស​អា​ជៃ​រី កោរាញ​តាហែន​អី​នៃ​ដាៈ​មឹត​ជាង់​ពាង់​ហាន់​ច្វាៈ​មឞើស​ឞ្រាស​យេឆូ ​អា​ត្រ៝ង​រី៖ “អើ​កោរាញ! មោ​ខាច់​អោស​ជាៈ​លែវ​មៃ​លាប់​តា​ជៃ​គ៝ប់ យ៝រ​លាស​គ៝ប់​មោ​ទី​ផូង​អីឆ្រាអែល  នទ្រី​ទឹង​មោ​លាង់​ទី​លាស​គ៝ប់​ជាៈ​មៃ​លាប់​តា​ជៃ​គ៝ប់។
LUK 7:7 នទ្រី​ទឹង​គ៝ប់​នើម​មោ​ឞាញ់​ហាន់​ម៝ប់​មៃ​ដ៝ង់។ ទាន់​មៃ​លាស​ទូ​ត៝ង​ឞើស​នៃ ទឹក​គ៝ប់​ឞាស​ជី​រ៝។
LUK 7:8 គ៝ប់​គុ​តា​ន៝ម់​ឞូ យើន​លាស​គែស​ក៝ន​តាហែន​អ៝ក់​គុ​តា​ន៝ម់​គ៝ប់​ដ៝ង់។ លាស​គ៝ប់​ដាៈ​ទូ​ហ្វេ​ហាន់ ពាង់​ហាន់​រ៝ លាស​ដាៈ​ឞូនុយ្ស​អា​អេង​វាច់ ពាង់​វាច់​រ៝។ លាស​គ៝ប់​ដាៈ​ទឹក​គ៝ប់​ជាន​ទូ​នតីល​នទើ ពាង់​ជាន​រ៝។ លាស​នទ្រី គ៝ប់​គឹត​លាស​មៃ​ងើយ​គែស​នាវ​ទើយ​កើត​នៃ​ដ៝ង់”។
LUK 7:9 ត៝ត់​ឞ្រាស​យេឆូ ​តាង់​នាវ​កោរាញ​តាហែន​អី​នៃ តា​នូយ្ស​នហ៝ម់​ពាង់​នទ្រ៝ត់​ញហីស​ងាន់។ ជេសរី​ពាង់​រាលែ​ជឹត​ឞូនុយ្ស​អី​ឞ្រោៈ​នទ្រែល​ពាង់ ងក្រែ​មា​លាស៖ “គ៝ប់​មឞើស​មា​ខាន់​អៃ​មៃ ឞ៝ល​លាស​តា​ផូង​អីឆ្រាអែល ​អី​កើប​អេង​ឆាក់​ខាន់​ពាង់​នើម​លាស​លែៈ​គឹត​នាល់​កោរាញ​ឞ្រាស អេ​ហ៝ៈ​គែស​នាវ​ញឆីង​កើត​ពាង់​អី​នៃ​ដ៝ង់”។
LUK 7:10 ជេសរី​មឹត​ជាង់​អី​កោរាញ​តាហែន​ដាៈ​ហាន់​នៃ​នើស ខាន់​ពាង់​ព្លឹ​ឆឹត​ជឹត​កើយ ត៝ត់​អា​ជៃ​ឆៃ​ទឹក​ពាង់​អី​នៃ​លែៈ​ឞាស​ជី។
LUK 7:11 ជេសរី​ឞ្រាស​យេឆូ ​ហាន់​ជឹត​តា​ទូ​ប៝ន រាញា​ប៝ន​អី​នៃ​នាអីន ។ គែស​អ៝ក់​ឞូនុយ្ស​ហាន់​នទ្រែល​ពាង់ មពោល​អ៝ស​ម៝ន​ពាង់​នើម នទ្រែល​មា​ឞូនុយ្ស​អាបាៈ​អេង​អ៝ក់​ដ៝ង់។
LUK 7:12 នោក​ខាន់​ពាង់​ឞើយ​មា​ត៝ត់​តា​មែង​មពោង​មពេរ​ប៝ន​អី​នៃ ឆៃ​គែស​ឞូនុយ្ស​ឞ្រោៈ​នហ៝ច​ត៝ប់​ខឹត។ ឞូនុយ្ស​អី​ខឹត​នៃ​ក៝ន​ឞូ​ក្លោ ទើន​គែស​ទូ​ហ្វេ​ក៝ន​ឞូ​ក្លោ​អី​នៃ​ទើម អី​មេៈ​រី​នទ្រោ​ខឹត​ឆាយ​ជឹត។ ជេសរី​គែស​អ៝ក់​ឞូនុយ្ស​តា​ប៝ន​អី​នៃ​ឞ្រោៈ​នទ្រែល​ពាង់។
LUK 7:13 ត៝ត់​ឞ្រាស​យេឆូ ​ឆៃ​ឞូ​អូរ​នទ្រោ​ខឹត​ឆាយ​អី​នៃ ពាង់​យោៈ​នអាច​ហោ​ងាន់។ ឞ្រាស​យេឆូ ​លាស​មា​ពាង់៖ “លើយ​ហោម​ញុម”។
LUK 7:14 ជេស​រី​ឞ្រាស​យេឆូ ​ហាន់​ទាច់​ពាស​តា​ម៝ង់​រានូង​នៃ មពោល​អី​តូង​រី​ញឆ្រុង​ដ៝ង់ ពាង់​លាស​មា​ឞូនុយ្ស​អី​ខឹត​នៃ៖ “ហើយ​អ៝ស គ៝ប់​មឞើស​មា​មៃ​ទ៝ក់​ហ៝ម់!”
LUK 7:15 ជេសរី​ឞូនុយ្ស​ខឹត​អី​នៃ​ទ៝ក់​ដើប​គុ​តា​រី​រ៝ ឞ្លាវ​មឞើស​ងើយ​ប្ហ៝ៈ។ ជេសរី​ឞ្រាស​យេឆូ ​ញជុន​ឞូ​ក្លោ​នទាម់​អី​នៃ​អា​មេៈ​ពាង់​នើម។
LUK 7:16 លែៈ​ឞូនុយ្ស​អី​គុ​តា​នៃ​ក្លាច​ទាទេ​ងាន់ ខាន់​ពាង់​រានេ​មា​កោរាញ​ឞ្រាស៖ “លែៈ​គែស​ឞូនុយ្ស​នតើយ្ស​នាវ​ងើយ​កោរាញ​ឞ្រាស​ទុត​ក្វ៝ង់​លែៈ​វាច់​គុ​នទ្រែល​ឞ៝ន់ ពាង់​វាច់​តឹម​ឞាន​មា​កោរាញ​ឞ្រាស​វាច់​កើល​ផូង​ប៝ន​លាន​ពាង់​នើម”។
LUK 7:17 ខាន់​ពាង់​មឞើស​ងក៝ច​ឞ្រាស​យេឆូ ​នៃ​លាម​ឞ្រី​យូដា  នទ្រែល​មា​លាម​ឞ្រី​ច្យៅ​មែង​ដ៝ង់។
LUK 7:18 មពោល​អ៝ស​ម៝ន​យោហាន-​បាប់តែម ​ឆៃ​ទឹង​លែៈ​នៃ ជេសរី​ហាន់​មឞើស​ទឹង​លែៈ​នាវ​អី​នៃ​អ៝ន់​យោហាន-​បាប់តែម ​គឹត។
LUK 7:19 ជេសរី​យោហាន-​បាប់តែម ​ដាៈ​ឞារ​ហៃ​មពោល​អ៝ស​ម៝ន​ពាង់​ហាន់​ម៝ប់​ឞ្រាស​យេឆូ ​អោប​ពាង់​កើត​នអា៖ “នោក​កាល់​អែ​នើស​កោរាញ​ឞ្រាស​លែៈ​ត៝ន​មា​ឞូនុយ្ស​នតើយ្ស​នាវ​ងើយ​កោរាញ​ឞ្រាស​លាស គែស​ឞ្រាស​ក្រីស ​អី​នើម​រាក្លាយ្ស​លែៈ​កោរាញ​ឞ្រាស​ទែ​កើយ្ស​ជុរ​វាច់​តាៈ​ឞើស​កាលើ​ត្រោក​នតុក​កោរាញ​ឞ្រាស​នើម។ មៃ​អ្យា​ឞ្រាស​ក្រីស ​អី​នៃ​ឞើស មោ​លាស​អ៝ន់​ហេន​ហោម​ក៝ប់​ទូ​ហ្វេ​អេង​ជឹត?”
LUK 7:20 ជេសរី​ឞារ​ហៃ​ខាន់​ពាង់​អី​នៃ​ហាន់​ត៝ត់​តា​ឞ្រាស​យេឆូ  អោប​ពាង់៖ “ហើយ​កោរាញ ហេន​អ្យា​យោហាន-​បាប់តែម ​ដាៈ​ហាន់​អោប​មៃ គឹត​មៃ​អ្យា​ងាន់​ឞ្រាស​ក្រីស ​អី​កោរាញ​ឞ្រាស​លែៈ​ត៝ន​ជុរ​វាច់ មោ​លាស​អ៝ន់​ហេន​ហោម​ក៝ប់​ទូ​ហ្វេ​អេង​ជឹត?”
LUK 7:21 នោក​នៃ​អ៝ក់​ឞូនុយ្ស​ឞ្រាស​យេឆូ ​លែៈ​ជាន​អ៝ន់​ឞាស​ជី ឞូនុយ្ស​គែស​នាវ​ជី​អេងៗ ឞូនុយ្ស​ឞ្រាស​អ្យើស​លើស ជេសរី​អ៝ក់​ឞូនុយ្ស​ចែស​មាត់​ពាង់​ជាន​អ៝ន់​ឆៃ​អាង​ដ៝ង់។
LUK 7:22 ឞ្រាស​យេឆូ ​លាស​មា​មពោល​អ៝ស​ម៝ន​យោហាន-​បាប់តែម ​អី​នៃ៖ “ខាន់​មៃ​មឞើស​ងក៝ច​មា​ពាង់​រី ទឹង​លែៈ​នទើ​ខាន់​មៃ​លែៈ​តាង់ លែៈ​ឆៃ​គ៝ប់​ជាន។ ឞូនុយ្ស​ចែស​មាត់​អ្វាញ់​ឆៃ ឞូនុយ្ស​តឹក​តោរ​អ្យាត់​តាង់ ឞូនុយ្ស​ក្វែត​រាវែន​ឞ្លាវ​ឞ្រោៈ ឞូនុយ្ស​ផុង​ឆា​ឞាស​ក្ល៝ស ឞូនុយ្ស​ខឹត​ទ៝ក់​រេស ជេសរី​ឞូនុយ្ស​អ៝​អាច​តាង់​នាវ​មហែ​មហាន​អ្វែស។
LUK 7:23 អ្វែស​មអាក​ងាន់​មា​ឞូនុយ្ស​មោ​មអារ់​នាវ​ពាង់​ញឆីង​មា​គ៝ប់ យ៝រ​មា​នទើ​គ៝ប់​ជាន​តីស​ដាស​នាវ​មឹន​ពាង់​អុច!”
LUK 7:24 នទុត​ខាន់​ពាង់​ព្លឹ​ឆឹត ឞ្រាស​យេឆូ ​នតើម​ងើយ​មា​យោហាន-​បាប់តែម ​អ៝ន់​មា​ផូង​ប៝ន​លាន៖ “ម៝ស​ឞូនុយ្ស​អ្វាញ់​ខាន់​អៃ​មៃ​ហាន់​តា​ឞ្រី​រាទាស? ហាន់​អ្វាញ់​ឞូនុយ្ស​អី​ងើយ​ទាស​មា​ឞូនុយ្ស​អេងៗ​អុច តឹម​ឞាន​មា​ជា​មពាត់​រាងោញ​ទាស​ឆ្យាល​មា​ខោម​ឞើស? ពាង់​មោ​ទី​អោស។
LUK 7:25 ម៝ស​ឞូនុយ្ស​ខាន់​អៃ​មៃ​ហាន់​អ្វាញ់? អ្វាញ់​ឞូនុយ្ស​ញឆ៝ស​ឞ៝ក​អ្វែស​អាវ​អ្វែស​ឞើស? មោ​អោស។ ឞូនុយ្ស​ញឆ៝ស​ឞ៝ក​អ្វែស​អាវ​អ្វែស ឆោង​ឆា​ព្យាង់​កាស​ត្រាវ​កាស មពោល​នៃ​គុ​នតុក​កាដាច់​គុ មោ​អោស​គុ​តា​ឞ្រី​រាទាស។
LUK 7:26 លាស​នទ្រី​ឞូ​ម៝ស​ឞូនុយ្ស​ខាន់​អៃ​មៃ​ហាន់​អ្វាញ់? អ្វាញ់​ឞូនុយ្ស​នតើយ្ស​នាវ​ងើយ​កោរាញ​ឞ្រាស​ឞើស? ទី​ងាន់។ យើន​មា​ពាង់​អី​នៃ​រាលាវ​មា​ឞូនុយ្ស​នតើយ្ស​នាវ​ងើយ​កោរាញ​ឞ្រាស​ជឹត‌
LUK 7:27 យ៝រ​លាស​តា​នាវ​កោរាញ​ឞ្រាស​ងើយ​លែៈ​គែស​ញចីស​លាស​មា​ពាង់៖ «ល៝ង់​គ៝ប់​ញជ្វាល់​ឞូនុយ្ស​ហាន់​ល៝រ​មៃ គៃ​មា​នទ្រាប់​នូយ្ស​នហ៝ម់​ឞូនុយ្ស​តឹម​ឞាន​មា​ក្វាយ្ស​ត្រ៝ង​អ៝ន់​មា​មៃ»។ យោហាន-​បាប់តែម ​អី​នៃ​អី​ឞូនុយ្ស​ហាន់​ល៝រ​តា​នាវ​អី​នៃ។
LUK 7:28 ខាន់​អៃ​មៃ​អ្យាត់​នាវ​គ៝ប់ ទឹង​លែៈ​ឞូនុយ្ស​អី​ទែស​តាៈ​ឞើស​ឞូ​អូរ​តា​នែស​នតូ​អ្យា មោ​គែស​អោស​ទូ​ហ្វេ​ក្វ៝ង់​រាលាវ​យោហាន-​បាប់តែម  យើន​លាស​តា​មពោល​ឞូនុយ្ស​អី​កោរាញ​ឞ្រាស​ម៝ត់​អ្វាញ់ ឞូនុយ្ស​អី​ជេៈ​តា​ន៝ម់​ឞូ ឞូនុយ្ស​អី​នៃ​ជេង​ក្វ៝ង់​រាលាវ​ពាង់​ងាន់”។
LUK 7:29 ផូង​ប៝ន​លាន នទ្រែល​មា​ឞូនុយ្ស​ឆ៝ៈ​ព្រាក់​ប៝ន​លាន​គៃ​មា​អ៝ន់​កោរាញ​ម៝ត់​អ្វាញ់ ជេស​ខាន់​ពាង់​អ្យាត់​នាវ​យោហាន-​បាប់តែម  ជេសរី​ខាន់​ពាង់​អ៝ន់​ពាង់​បាប់តែម​ខាន់​ពាង់​យុក​មា​ទាក នទ្រី​ខាន់​ពាង់​ញហើ​ខាន់​ពាង់​គឹត​កោរាញ​ឞ្រាស​ជេង​ទី​ងាន់។
LUK 7:30 តីស​មា​ផូង​ផារីឆី  នទ្រែល​មា​ផូង​នើម​នតី​នាវ​វៃ​ផូង​អីឆ្រាអែល  ខាន់​ពាង់​មោ​អោស​អ៝ន់​ពាង់​បាប់តែម​យុក​ខាន់​ពាង់​មា​ទាក នទ្រី​ខាន់​ពាង់​ទូន​លើយ​លែៈ​នាវ​កោរាញ​ឞ្រាស​អុច​អ៝ន់​មា​ខាន់​ពាង់។
LUK 7:31 ជេសរី​ឞ្រាស​យេឆូ ​លាស៖ “លាស​នទ្រី​មើម​គ៝ប់​តឹម​រាដឹល​មា​ឞូនុយ្ស​អាបៃ​អ្យា? ពាង់​មើម​ជេង?
LUK 7:32 ពាង់​ជេង​តឹម​ឞាន​មា​ក៝ន​ឆែ​គុ​ព៝ល់​តា​ជ៝ង់​គូង​ប៝ន គែស​អាបាៈ​តឹម​នតែរ​នទ្រាង់​ពាង់៖ «ហេន​លែៈ​អោស​នហោម​គ៝ស​គ៝រ់ តីស​មា​ខាន់​អៃ​មៃ​មោ​ព៝ល់​រាម់​មអាក‌ ជេសរី​ហេន​លែៈ​នអ៝រ​នត៝ង់​ទ៝ង់​ខឹត តីស​មា​ខាន់​អៃ​មៃ​មោ​អុច​ញុម​ព៝ល់​ដ៝ង់»។
LUK 7:33 លាស​នទ្រី​យោហាន-​បាប់តែម  នទ្រែល​មា​គ៝ប់​ជេង​តឹម​ឞាន​មា​ផូង​ក៝ន​ឆែ​អី​នៃ យោហាន-​បាប់តែម ​អ៝ត់​ឆោង មោ​អោស​ញេត​នទ្រាញ់ តីស​មា​ខាន់​អៃ​មៃ​លាស​ពាង់​ឞូនុយ្ស​ឞ្រាស​អ្យើស​លាប់”។
LUK 7:34 “ល៝ង់​គ៝ប់​អ្យា​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​គែស​ញេត​គែស​ឆោង មោ​អ៝ត់​ឆោង​ឆា ខាន់​អៃ​មៃ​លាស​គ៝ប់៖ «ឞូនុយ្ស​ហៃ​ញេត​ហៃ​ឆោង ជាន​មឹត​ជាង់​នទ្រែល​ឞូនុយ្ស​ឆ៝ៈ​ព្រាក់​ប៝ន​លាន ជេសរី​គុ​នទ្រែល​ឞូនុយ្ស​តីស​អា​អេង​ជឹត»។
LUK 7:35 យើន​លាស​ឞូនុយ្ស​អី​តឹង​នាវ​កោរាញ​ឞ្រាស ញហើ​នាវ​កោរាញ​ឞ្រាស​អី​នៃ​ជេង​ទី​អ្វែស​ងាន់​តា​នាវ​រេស​ពាង់”។
LUK 7:36 គែស​ទូ​នារ​គែស​ទូ​ហ្វេ​ឞូនុយ្ស​តា​ផូង​ផារីឆី ​រាញា​ពាង់​ឆីមោន  ជាៈ​ឞ្រាស​យេឆូ ​ហាន់​ឆោង​ឆា​តា​ជៃ​ពាង់​នើម ជេសរី​ឞ្រាស​យេឆូ ​ហាន់​គុ​ឆោង​ឆា​នទ្រែល​តា​ជៃ​ពាង់​នៃ។ នោក​នៃ​តឹង​មា​នាវ​វៃ​ផូង​នទ្រ៝ង់​ខាន់​ពាង់​ឆោង​ឆា​គុ​ឞិច​ងកេង​ជឹត​ច្យៅ អី​ជ៝ង់​រ៝ក​ជឹត​កើយ។
LUK 7:37 តា​ប៝ន​នៃ​ដ៝ង់​គែស​ទូ​ហ្វេ​ឞូ​អូរ​វាង់​តឹរ។ ត៝ត់​ពាង់​តាង់​គែស​ឞ្រាស​យេឆូ ​គុ​ឆោង​ឆា​តា​ជៃ​ផារីឆី ​អី​នៃ ពាង់​ឆ៝ៈ​ដ៝ប​ជេៈ​ឞូ​ជាន​មា​លុ តា​ដ៝ប​រី​គែស​ទាក​ងី​បោ​កាស​ខ្លៃ​ដ៝ង់។
LUK 7:38 ជេសរី​ពាង់​ហាន់​តា​ជៃ​ឆីមោន ​គុ​ឞើស​កើយ​ឞ្រាស​យេឆូ ​រី ពាង់​ញុម​ហ៝រ​ទាក​មាត់​តា​ជ៝ង់​ឞ្រាស​យេឆូ  យ៝រ​មា​ពាង់​រាង៝ត​មា​នាវ​តីស​ពាង់​នើម ជេសរី​ឆ៝ៈ​ឆ៝ក់​ពាង់​នើម​រី​ជូត​ជ៝ង់​ឞ្រាស​យេឆូ  ជេសរី​ចុម​តា​ជ៝ង់​រី ជេស​ចុម​រី​ពាង់​ឆ៝ៈ​ទាក​ងី​បោ​កាស​ត៝ៈ​តា​ជ៝ង់​ឞ្រាស​យេឆូ ​រី​ជឹត។
LUK 7:39 ឞូនុយ្ស​អី​តើម​ជាៈ​ឞ្រាស​យេឆូ ​ឆោង​រី​នើស ពាង់​ឆៃ​កើត​នៃ ជេសរី​មឹន​អេង​តា​ឆាក់​រី៖ “លាស​ពាង់​ជេង​ឞូនុយ្ស​នតើយ្ស​នាវ​ងើយ​កោរាញ​ឞ្រាស​ងាន់ ពាង់​គឹត​រ៝​ឞូ​អូរ​អី​ពាស​ពាង់​នៃ​ជេង​ឞូ​អូរ​តីស”។
LUK 7:40 ជេសរី​ឞ្រាស​យេឆូ ​លាស​មា​ឆីមោន ៖ “ហើយ​នោ គ៝ប់​អុច​ងក៝ច​ឞ្រី​មា​មៃ”។ ពាង់​អើស៖ “អើ​មោ​ច្រាវ​កោរាញ នែស​មៃ​ងក៝ច​ហ៝ម់”។
LUK 7:41 ឞ្រាស​យេឆូ ​លាស​ទូ​នាវ​ងើយ​នតឹត៖ “គែស​ឞារ​ហៃ​ឞូនុយ្ស​មាញ​ព្រាក់​ឞូ ទូ​ហ្វេ​មាញ ៥០០ ព្រាក់​កាក់ ទូ​ហ្វេ​មាញ ៥០ ព្រាក់​កាក់។
LUK 7:42 យ៝រ​មា​ឞារ​ហៃ​ខាន់​ពាង់​អី​នៃ​មោ​គែស​ព្រាក់​ត៝ម់ នទ្រី​ទឹង​ឞូនុយ្ស​អី​តើម​អ៝ន់​មាញ​ព្រាក់​នៃ​មោ​ហោម​ដាៈ​ត៝ម់។ លាស​នទ្រី​លែៈ​ឞារ​ហៃ​អី​នៃ ឞូ​ម៝ស​រ៝ង់​ហោ​រាលាវ​មា​តើម​អ៝ន់​មាញ​ព្រាក់​នៃ?”
LUK 7:43 ពាង់​អើស៖ “គ៝ប់​គឹត​លាស​ឞូនុយ្ស​អី​មាញ​អ៝ក់”។ ឞ្រាស​យេឆូ ​លាស៖ “ទី​ងាន់”។
LUK 7:44 ជេសរី​ឞ្រាស​យេឆូ ​អ្វាញ់​ជឹត​ឞូ​អូរ​អី​នៃ លាស​មា​ឆីមោន ៖ “មៃ​ឆៃ​ឞូ​អូរ​អ្យា​ជាន​បាស? គ៝ប់​លាប់​តា​ជៃ​មៃ តឹង​មា​នាវ​វៃ​ឞ៝ន់​ទី​មា​មៃ​ឆ៝ៈ​ទាក​គ៝ប់​ឞែ​មា​រាវ​ជ៝ង់ តីស​មា​មៃ​មោ​អោស​ឆ៝ៈ ល៝ង់​ពាង់ ពាង់​ញុម​ហ៝រ​ទាក​មាត់​តា​ជ៝ង់​គ៝ប់​ឞែៈ​លែៈ​ផ្យៅ ជេសរី​ឆ៝ៈ​ឆ៝ក់​ពាង់​នើម​ជូត​ជឹត។
LUK 7:45 តឹង​មា​នាវ​វៃ​ឞ៝ន់​មៃ​ចុម​តា​តឹម​ឞ៝ម​គ៝ប់ តីស​មា​មៃ​មោ​អោស​ចុម ល៝ង់​ពាង់ ចុម​ជ៝ង់​គ៝ប់​មោ​រាលូ នតើម​ឞើស​គ៝ប់​ត្រុយ្ស​តា​អ្យា​នើស​ងាន់។
LUK 7:46 តឹង​មា​នាវ​វៃ​ឞ៝ន់​ទី​មា​មៃ​ត៝ៈ​ទាក​ងី​តា​ឞោក​គ៝ប់ តីស​មា​មៃ​មោ​អោស​ត៝ៈ ល៝ង់​ពាង់ ត៝ៈ​ទាក​ងី​បោ​កាស​ជូត​តា​ជ៝ង់​គ៝ប់។
LUK 7:47 កើត​នទ្រី​គ៝ប់​មឞើស​មា​មៃ ឞូ​អូរ​អ្យា​អ៝ក់​ងាន់​នាវ​តីស​ពាង់ គ៝ប់​លែៈ​យោៈ​នអាច​ជេស​ទឹង​លែៈ​នាវ​តីស​ពាង់ មោ​ហោម​អោស​កើប​នាវ​តីស​ពាង់ នទ្រី​ទឹង​ពាង់​គែស​នាវ​រ៝ង់​ហោ​ងាន់។ តីស​មា​ឞូ​ម៝ស​អី​គែស​យោៈ​នអាច​ដេៈ នាវ​រ៝ង់​ពាង់​គែស​ដេៈ​ដ៝ង់”។
LUK 7:48 ជេសរី​ឞ្រាស​យេឆូ ​លាស​ជឹត​ឞូ​អូរ​រី៖ “នាវ​តីស​អៃ​លែៈ​គ៝ប់​យោៈ​ជេស គ៝ប់​មោ​ហោម​អោស​កើប​នាវ​តីស”។
LUK 7:49 លែៈ​ឞូនុយ្ស​អី​គុ​នទ្រែល​តា​នៃ​មឹន​អេង​តា​ឆាក់​រី៖ “ឞូ​ម៝ស​ពាង់​អី​នៃ​ហ្យាស ទឹង​ឞាញ់​លាស​យោៈ​នអាច​នាវ​តីស​ដ៝ង់? គែស​កោរាញ​ឞ្រាស​ទើម​ទើយ​យោៈ​នាវ​តីស”។
LUK 7:50 ជេសរី​ឞ្រាស​យេឆូ ​លាស​មា​ឞូ​អូរ​អី​នៃ៖ “ហើយ​អ៝ស យ៝រ​នាវ​អៃ​ញឆីង​មា​គ៝ប់ អៃ​លែៈ​ក្លាយ្ស​ជេស​ឞើស​នាវ​កោរាញ​ឞ្រាស​តេៈ​ទោយ្ស ឆឹត​អ៝ន់​អ្វែស​លាង់​ដាប់​មពាន់”។
LUK 8:1 ជេសរី​ឞ្រាស​យេឆូ  នទ្រែល​មា ១២ កោរាញ​អ៝ស​ម៝ន​ពាង់ ហាន់​រ៝ៈ​ប៝ន​ក្វ៝ង់​ប៝ន​ជេៈ​មឞើស​ងក៝ច​នាវ​មហែ​មហាន​អ្វែស​អី​កោរាញ​ឞ្រាស​អុច​ម៝ត់​អ្វាញ់​ឞូនុយ្ស។
LUK 8:2 គែស​ឞូ​អូរ​អាបាៈ​ហាន់​នទ្រែល​ដ៝ង់ ឞូ​អូរ​អាបាៈ​លែៈ​ឞ្រាស​យេឆូ ​ជាន​ឞាស​ជេស​នាវ​ជី នទ្រែល​មា​លែៈ​នត្រុត​ឞ្រាស​អ្យើស​អ៝ន់​លោស តា​នៃ​គែស​រាញា​មារី  តាៈ​ឞើស​ប៝ន​មាដាលា  ឞូ​អូរ​អី​នៃ​ឞ្រាស​យេឆូ ​នត្រុត​ពើស​ឞ្រាស​អ្យើស​លោស​ឞើស​ពាង់‌
LUK 8:3 ជេសរី​ឞូ​អូរ​រាញា​យោអាន់នា  អី​អូរ​ខូឆា ​ឞូនុយ្ស​ម៝ត់​អ្វាញ់​មពោល​ជាន​ការ​មា​ហេរោត-​អ៝ន់តីពាស ​អី​កោរាញ​ម៝ត់​អ្វាញ់​ឞ្រី​កាលីលេ  គែស​ឞូ​អូរ​រាញា​ឆូឆាន  នទ្រែល​មា​ឞូ​អូរ​អាបាៈ​អេង​អ៝ក់​ដ៝ង់ ខាន់​ពាង់​ឆ៝ៈ​ទ្រាប់​នទើ​ខាន់​ពាង់​នើម​គៃ​មា​កើល​ឞ្រាស​យេឆូ  នទ្រែល​មា​មពោល​អ៝ស​ម៝ន​ពាង់។
LUK 8:4 គែស​អ៝ក់​ឞូនុយ្ស​តាៈ​ឞើស​ប៝ន​អេងៗ ហាន់​វាច់​តា​ឞ្រាស​យេឆូ ​រី ជេសរី​ពាង់​ងើយ​នាវ​នតឹត​កើត​នអា៖
LUK 8:5 “គែស​ទូ​ហ្វេ​ឞូ​ក្លោ​ហាន់​ឆូយ​គារ់​នតីល។ នោក​ពាង់​ឆូយ​នៃ​អាបាៈ​តុប​រ៝ៈ​ត្រ៝ង គែស​ឞូនុយ្ស​ជ៝ត ជេសរី​ឆ្យុម​ច៝ក​លែៈ​ផ្យៅ។
LUK 8:6 គារ់​អាបាៈ​តុប​តា​នែស​ក្លេរ ហ៝ន​ព្រូ ជេសរី​នទ្រ៝​លែៈ​រាងោច យ៝រ​លាស​រែស​មោ​ជ្រូ​មោ​គែស​ទាក។
LUK 8:7 គារ់​អាបាៈ​តុប​តា​នែស​ល៝ក ល៝ក​ហ៝ន​នទ្រែល ជេសរី​ល៝ក​ត៝ល់​លែៈ​ផ្យៅ។
LUK 8:8 គែស​គារ់​អាបាៈ​ជឹត​តុប​តា​នែស​អ្វែស ហ៝ន​ត៝ត់​ព្លៃ ទូ​គារ់​ជេង​គែស ១០០ រាង្លៃ​រ៝”។ ជេស​ឞ្រាស​យេឆូ ​ងើយ​នាវ​នៃ ពាង់​ក្វាល់៖ “ឞូ​ម៝ស​តាង់​នាវ​គ៝ប់​ងើយ​អ្យា អ៝ន់​ពាង់​មឹន​អេង​តា​ឆាក់!”
LUK 8:9 ជេសរី​មពោល​អ៝ស​ម៝ន​អោប​ឞ្រាស​យេឆូ ៖ “លាស​នទ្រី​ម៝ស​នាវ​ខ្លៃ​តា​នាវ​ងើយ​នតឹត​អី​នៃ?”
LUK 8:10 ពាង់​អើស៖ “កោរាញ​ឞ្រាស​លែៈ​អ៝ន់​ជេស​នាវ​ខ្លៃ​នាវ​អី​នៃ​មា​ខាន់​មៃ​គឹត​វ៝ត់ មពើល​នាវ​នទ៝ប់​អា​ល៝រ​នើស អី​នៃ​ជេង​នាវ​ខ្លៃ​កោរាញ​ឞ្រាស​ម៝ត់​អ្វាញ់​ឞូនុយ្ស។ ល៝ង់​ឞូនុយ្ស​អាបាៈ​ជឹត គ៝ប់​ងើយ​នតឹត​អ៝ន់​មា​ខាន់​ពាង់។ កើត​នទ្រី​ឞ៝ល​លាស «ខាន់​ពាង់​អ្វាញ់​នទើ​គ៝ប់​ជាន​ក៝ៈ​មោ​វ៝ត់​នទើ​ខ្លៃ​នាវ​អី​នៃ‌ ខាន់​ពាង់​តាង់​នាវ​គ៝ប់​ងើយ​ក៝ៈ​មោ​វ៝ត់​ដ៝ង់»។
LUK 8:11 អ្យា​គ៝ប់​រាឞ្លាង​នាវ​នតឹត៖ គារ់​នើស​ជេង​នាវ​កោរាញ​ឞ្រាស។
LUK 8:12 ឞូនុយ្ស​អាបាៈ​តឹម​ឞាន​មា​គារ់​តុប​តា​ត្រ៝ង តាង់​ដ៝ង់​នាវ​កោរាញ​ឞ្រាស តីស​មា​ឆាតាង់ ​អី​កោរាញ​មពោល​ឞ្រាស​អ្យើស​ពីត​លើយ​នាវ​កោរាញ​ឞ្រាស​ឞើស​នូយ្ស​នហ៝ម់​ខាន់​ពាង់ គៃ​លើយ​អ៝ន់​អ្យាត់ ជេសរី​លើយ​គែស​នាវ​រាក្លាយ្ស។
LUK 8:13 ឞូនុយ្ស​អាបាៈ​ជឹត​តឹម​ឞាន​មា​គារ់​តុប​តា​នែស​ក្លេរ ត៝ត់​តាង់​នាវ​កោរាញ​ឞ្រាស ខាន់​ពាង់​អ្យាត់​រាម់​មអាក​ងាន់ តីស​មា​ខាន់​ពាង់​អ្យាត់​ទូ​នទ៝ម់​ទើម មោ​អោស​អ៝ន់​នាវ​កោរាញ​ឞ្រាស​អី​នៃ​ហ៝ន​រែស​ជ្រូ​តា​នូយ្ស​នហ៝ម់​ខាន់​ពាង់ លាស​គែស​នាវ​ជេរ​នាវ​នទើម ខាន់​ពាង់​នត្លើយ​នាវ​ញឆីង​រ៝។
LUK 8:14 គារ់​តុប​តា​នែស​ល៝ក តឹម​ឞាន​មា​ឞូនុយ្ស​អ្យាត់​នាវ​កោរាញ​ឞ្រាស តីស​មា​តា​ត្រោម​នូយ្ស​នហ៝ម់​រី​រាវៃ​កើញ​មា​ទ្រាប់​នទើ​ហោ​ងាន់​គឹត​មា​នាវ​មអាក​ទើម នូយ្ស​នហ៝ម់​អុច​មា​គែស ឞូនុយ្ស​កើត​នៃ​តឹម​ឞាន​មា​ល៝ក​បារ់​មោ​អ៝ន់​ខាន់​ពាង់​ព្លៃ​ត្រុយ្ស​ទុម។
LUK 8:15 ល៝ង់​គារ់​អី​តុប​តា​នែស​អ្វែស​រី តឹម​ឞាន​មា​ឞូនុយ្ស​អ្យាត់​នាវ​កោរាញ​ឞ្រាស គែស​នូយ្ស​នហ៝ម់​អ្វែស ញអោត​ន៝ប់​តា​នូយ្ស​នហ៝ម់​ពាង់​នើម​នាវ​អី​នៃ នហ៝​មា​ត៝ត់​គែស​ព្លៃ​អ៝ក់​ងាន់ យ៝រ​មា​នូយ្ស​នហ៝ម់​ញឆ្រោយ្ស”។
LUK 8:16 ឞ្រាស​យេឆូ ​លាស​ជឹត៖ “មោ​គែស​អោស​ឞូនុយ្ស​មពេស​អុញ​ឆាគេង ជេសរី​ឆ៝ៈ​ថុង​កុប​ឞើស​លើ មោ​លាស​តេៈ​តា​ន៝ម់​គ្រែ។ ឞូ​វៃ​យោង​ព្រេស គៃ​មា​អាង​លែៈ​ឞូនុយ្ស​អី​លាប់​តា​ត្រោម​ជៃ​នៃ។
LUK 8:17 ទឹង​លែៈ​នទើ​មពោន​ម៝​មា​ឞូ កោរាញ​ឞ្រាស​អុច​ឞូ​គឹត​នហេល ជេសរី​ទឹង​លែៈ​នទើ​នទ៝ប់​ពាង់​អុច​ឞូ​ឆៃ​ក្ល៝ស​រាស​វាស​តា​អាង។
LUK 8:18 លាស​នទ្រី​ញជ្រាង់​ងាន់​ហ៝ម់​នាវ​អី​ខាន់​មៃ​លែៈ​តាង់ យ៝រ​លាស​ឞូ​ម៝ស​អី​លែៈ​គែស កោរាញ​ឞ្រាស​កើយ​នត៝ប​អ៝ន់​មា​ពាង់​ជឹត តីស​មា​ឞូ​ម៝ស​អី​មោ​គែស កោរាញ​ឞ្រាស​ឆ៝ៈ​រាហ្វាត់​លើយ​លែៈ​នទើ​អី​ពាង់​គឹត​លាស​លែៈ​គែស”។
LUK 8:19 ជេសរី​អី​មេៈ​ឞ្រាស​យេឆូ  នទ្រែល​មា​អី​អ៝ស​ឞូ​ក្លោ​ពាង់ ហាន់​តា​ប៝ន​នៃ​គៃ​មា​ម៝ប់​ពាង់ ត៝ត់​តា​នៃ​មោ​គែស​អោស​ត្រ៝ង​លាប់ យ៝រ​លាស​ឞូនុយ្ស​អ៝ក់​អីរ។
LUK 8:20 ជេសរី​គែស​ឞូ​មឞើស​មា​ឞ្រាស​យេឆូ ៖ “មេៈ​មៃ នទ្រែល​មា​អ៝ស​មៃ​គុ​ឞើស​ទីស​រី​អុច​ម៝ប់​មៃ”។
LUK 8:21 ឞ្រាស​យេឆូ ​អើស៖ “ឞូ​ម៝ស​អី​គុ​អ្យាត់​នាវ​ងើយ​កោរាញ​ឞ្រាស ជេសរី​តឹង​ជាន ឞូនុយ្ស​អី​នៃ​ជេង​មេៈ ជេង​អ៝ស​នោ​គ៝ប់”។
LUK 8:22 គែស​ទូ​នារ​ឞ្រាស​យេឆូ ​ជាៈ​មពោល​អ៝ស​ម៝ន​ពាង់៖ “ហោៈ ឞ៝ន់​ហាន់​ជឹត​កាល់​តី​ទាក​តី”។ ជេសរី​ខាន់​ពាង់​ញច៝​ទូក​ហាន់​ជឹត​កាល់​តី​ទាក​ងលៅ​ក្វ៝ង់​កាលីលេ ​រី។
LUK 8:23 ទោល​ខាន់​ពាង់​ញច៝​រី ឞ្រាស​យេឆូ ​ហាក់​ឞិច ជេសរី​ទោ​មា​គែស​ផុត​ច្វាញ់​ទុត​ហោ​រ៝ៈ​ទាក​ងលៅ​ក្វ៝ង់​រី ទូក​ខាន់​ពាង់​ទាក​លាប់​ឞើយ​មា​ង៝ម់ លែៈ​ខាន់​ពាង់​តា​កាលើ​ទូក​រី​ឞើយ​មា​ខឹត​ងាន់​រ៝។
LUK 8:24 ជេសរី​ខាន់​ពាង់​រាលៃ​ឞ្រាស​យេឆូ ៖ “ហើយ​កោរាញ! ហើយ​កោរាញ! ខឹត​រ៝​ឞ៝ន់​មេ”។ ឞ្រាស​យេឆូ ​កាស​រាងាល់ វាល់​ផុត​ច្វាញ់ នទ្រែល​មា​ទាក​រាឞុស។ ជេសរី​ផុត​ច្វាញ់ នទ្រែល​មា​ទាក​រាឞុស​ឞាស​រ៝ ទាក​រាង៝ន់​កើត​អើម​ដ៝ង់។
LUK 8:25 ឞ្រាស​យេឆូ ​រាង៝ត ជេសរី​លាស​មពោល​អ៝ស​ម៝ន​ពាង់៖ “អាស​អ៝ន់​នាវ​ញឆីង​ខាន់​មៃ?” មពោល​អ៝ស​ម៝ន​ក្លាច​ញឆ៝រ់​ងាន់ នទ្រ៝ត់​ហីស​រាហ៝ល់​ដ៝ង់។ មពោល​អ៝ស​ម៝ន​តឹម​លាស​នទ្រាង់​ខាន់​ពាង់​នើម៖ “មើម​ទឹង​គែស​នាវ​ទើយ​កើត​នៃ ទើយ​ដាៈ​ផុត ដាៈ​ទាក ជេសរី​ផុត​នទ្រែល​ទាក​អ្យាត់​នាវ​ពាង់​ឞាស​ផ្យៅ​ដ៝ង់?”
LUK 8:26 ឞ្រាស​យេឆូ  នទ្រែល​អ៝ស​ម៝ន​ពាង់​ត៝ត់​កាល់​តី​ទាក​ងលៅ​ក្វ៝ង់​កាលីលេ  ទាច់​នតុក​ប៝ន​រាញា​កេរាឆីន ​រី នតុក​ប៝ន​អី​នៃ​ឞូ​មោ​អោស​តឹង​នាវ​វៃ​ផូង​អីឆ្រាអែល ។
LUK 8:27 នោក​ឞ្រាស​យេឆូ ​ហាវ​អា​កើស​តី គែស​ទូ​ហ្វេ​ឞូ​ក្លោ​តាៈ​ឞើស​ប៝ន​នៃ​រាន​ជឹត​ពាង់​អ្យា។ ឞូនុយ្ស​អី​នៃ​ឞ្រាស​អ្យើស​លាប់​គុ​តា​ពាង់ អ៝ន់​ពាង់​គុ​លាហោក មោ​គែស​អោស​គុ​តា​ជៃ គុ​តា​នតុក​មោច​ទើម​លែៈ​ជ៝ៈ​នាម់​ហើយ។
LUK 8:28 គែស​អ៝ក់​តឹ​ឞ្រាស​អ្យើស​ញុប​ពាង់ ឞ៝ល​លាស​ឞូ​ក៝ត់​ជ៝ង់​ក៝ត់​តី​ពាង់​មា​រាឆែ​រាវាក់​អ៝ន់​គុ​ទូ​នតុក​ហ៝ៈ ពាង់​ងក្លាស​លើយ​រាឆែ​រាវាក់​លែៈ​ផ្យៅ ជេសរី​ឞ្រាស​អ្យើស​លែវ​ពាង់​គុ​អេង​តា​ឞ្រី​រាទាស​ងាយ​ឞើស​ឞូនុយ្ស។ ត៝ត់​ឆៃ​ឞ្រាស​យេឆូ ​រី ពាង់​ពាន់​តា​ជ៝ង់​ឞ្រាស​យេឆូ ​នៃ ជេសរី​ឞ្រាស​យេឆូ ​នត្រុត​ឞ្រាស​អ្យើស​ដាៈ​ពាង់​លោស​ឞើស​ឞូ​ក្លោ​អី​នៃ យើន​មា​ឞ្រាស​អ្យើស​អេ​ហ៝ៈ​លោស​អោស ពាង់​នតែរ​ទុត​នតែសៗ​ងាន់៖ “ហើយ​ឞ្រាស​យេឆូ ក៝ន​កោរាញ​ឞ្រាស​អី​ទុត​ព្រេស​តា​កាលើ​ត្រោក មើម​មៃ​ជាន​មា​គ៝ប់​មេស? ខឹត​អោម​លោម​លាៈ លើយ​ទឹង​ងក្រីត​គ៝ប់”។
LUK 8:30 ជេសរី​ឞ្រាស​យេឆូ ​អោប​ពាង់៖ “មើម​រាញា​មៃ​មេស?” ពាង់​អើស៖ “គ៝ប់​រាញា​មពោល​តាហែន​អ៝ក់​រាឞាន់”។ ពាង់​អើស​កើត​នៃ​យ៝រ​លាស​ឞ្រាស​អ្យើស​អ៝ក់​ងាន់​គុ​តា​ឆាក់​ពាង់​រី។
LUK 8:31 មពោល​ឞ្រាស​អ្យើស​អី​នៃ​ឞ៝ញ​ឞ្រាស​យេឆូ  លើយ​អោស​ងក្លាច់​ខាន់​ពាង់​តា​នតូ​ឞ្រ៝ង់​អី​នតុក​តេៈ​ទោយ្ស​មា​ឞ្រាស​អ្យើស។
LUK 8:32 គែស​ឆុរ​ផូង​គុ​ឆា​មពា​រ៝ៈ​យោក​ទាច់​មា​នតុក​នៃ។ មពោល​ឞ្រាស​អ្យើស​អី​រី​ឞ៝ញ​ឞ្រាស​យេឆូ ​អ៝ន់​លាប់​គុ​តា​ឆុរ​អី​នៃ ជេសរី​ឞ្រាស​យេឆូ ​អ៝ន់​ពាង់​លាប់​តា​ឆុរ។
LUK 8:33 ជេសរី​មពោល​ឞ្រាស​អ្យើស​អី​រី​លោស​ឞើស​ឞូនុយ្ស​អី​នៃ​លាប់​គុ​តា​ឆុរ​រី​លែៈ​រាង៝ត់ ជេសរី​ឆុរ​អី​នៃ​ញច្វាត់​រាឞុល​ជឹត​ឆ៝ប​រាប៝ង់​ជឹត​ទាក​ងលៅ​រី លាប់​តា​ទាក​រាម៝ក​ខឹត​លែៈ​ផ្យៅ។
LUK 8:34 ជេស​មពោល​ច្យាប់​ឆុរ​អី​នៃ​ឆៃ​កើត​នៃ ខាន់​ពាង់​ញច្វាត់​មឞើស​រ៝​មា​ឞូនុយ្ស​គុ​រ៝ៈ​ប៝ន រ៝ៈ​មីរ។
LUK 8:35 ជេសរី​ឞូនុយ្ស​អី​តាង់​នាវ​នៃ​ខាន់​ពាង់​ហាន់​អ្វាញ់​គៃ​មា​ឆៃ​នហេល​នទើ​អី​នៃ។ ត៝ត់​តា​ឞ្រាស​យេឆូ ​ខាន់​ពាង់​ក្លាច​ទាទេ​ងាន់ ឆៃ​ឞូ​ក្លោ​ឞ្រាស​អ្យើស​លាប់​នើស​គុ​តា​នាប់​ឞ្រាស​យេឆូ ​រី នទ្រែល​មា​ញឆ៝ស​ខ៝​អាវ​កាស​គឹត​ឆាក់​ដ៝ង់។
LUK 8:36 ឞូនុយ្ស​អី​លែៈ​ឆៃ​មា​មាត់​នាវ​នៃ ខាន់​ពាង់​ដើន​ងក៝ច​អ៝ន់​មា​ឞូ​អេង​មើម​បាៈ​ឞ្រាស​យេឆូ ​ជាន​ឞាស​មា​ឞូនុយ្ស​ឞ្រាស​អ្យើស​លាប់​នៃ។
LUK 8:37 លែៈ​ឞូនុយ្ស​គុ​រ៝ៈ​ឞ្រី​ទាច់​មា​ប៝ន​កេរាឆីន ​ក្លាច​ញឆ៝រ់​ហោ​ងាន់ ខាន់​ពាង់​ឞ៝ញ​ឞ្រាស​យេឆូ ​ដាៈ​ពាង់​ទូ​លោស​ឞើស​នតុក​នៃ នទ្រី​ទឹង​ឞ្រាស​យេឆូ ​ញច៝​ទូក​ឆឹត នទ្រែល​មា​មពោល​អ៝ស​ម៝ន​ពាង់។
LUK 8:38 ល៝ង់​ឞូនុយ្ស​អី​លែៈ​ឞ្រាស​អ្យើស​លោស​នៃ​នើស ពាង់​ឞ៝ញ​ទាន់​គុ​នទ្រែល​ឞ្រាស​យេឆូ  តីស​មា​ឞ្រាស​យេឆូ ​មោ​រ៝ម​អោស ជេសរី​លាស​មា​ពាង់៖
LUK 8:39 “មៃ​ឆឹត​ជឹត​ជៃ​មៃ​នើម​រី មឞើស​លែៈ​នាវ​កោរាញ​ឞ្រាស​ជាន​អ្វែស​មា​មៃ​នើស”។ ជេសរី​ពាង់​ហាន់​លាម​ប៝ន​ក្វ៝ង់ មឞើស​លែៈ​នាវ​ឞ្រាស​យេឆូ ​ជាន​មា​ឆាក់​ពាង់​នើម​នើស​រ៝។
LUK 8:40 ត៝ត់​ឞ្រាស​យេឆូ ​ព្លឹ​ឆឹត​តា​រី ប៝ន​លាន​រ៝ម​ពាង់ ឞូ​រាន​ច្វាៈ​ពាង់ យ៝រ​លាស​លែៈ​ឞូ​នើស​អ្វាញ់​មាត់​តើម​ត្រ៝ង​ទាទេ។
LUK 8:41 តា​នៃ​គែស​ទូ​ហ្វេ​ឞូ​ក្លោ ពាង់​រាញា​យៃរុស  ពាង់​កោរាញ​ញីស​រាបុន​ផូង​អីឆ្រាអែល ​តា​នៃ ពាង់​រាន​ពាន់​តា​ជ៝ង់​ឞ្រាស​យេឆូ ​រី ឞ៝ញ​ជាៈ​ឞ្រាស​យេឆូ ​ហាន់​អា​ជៃ​ពាង់‌
LUK 8:42 យ៝រ​លាស​ក៝ន​ឞូ​អូរ​ពាង់​ជី​ឞើយ​ខឹត។ ពាង់​គែស​ទូ​ហ្វេ​ក៝ន​អី​នៃ​ទើម ក្លាប់​លាស ១២ នាម់។ ជេសរី​ឞ្រាស​យេឆូ ​ហាន់​ជឹត​ជៃ​ពាង់ រ៝ៈ​ត្រ៝ង​នៃ​គែស​អ៝ក់​ឞូនុយ្ស​តឹម​មពែត​ងាន់។
LUK 8:43 តា​មពោល​នៃ​គែស​ដ៝ង់​ទូ​ហ្វេ​ឞូ​អូរ​ជី​រីស​លែៈ​ជ៝ៈ ១២ នាម់​ហើយ ពាង់​ហ្វាច​លែៈ​ទ្រាប់​នទើ​ពាង់ គៃ​មា​អ៝ន់​កោរាញ​ទាក​ឆី តីស​មា​មោ​គែស​អោស​ទូ​ហ្វេ​ឞូនុយ្ស​ទើយ​ជាន​ឞាស​ពាង់។
LUK 8:44 ពាង់​អី​រី​ហាន់​ឞើស​កើយ​ឞ្រាស​យេឆូ  ពាស​តា​ច្យាង់​អាវ​ឞ្រាស​យេឆូ ​រី ជេសរី​មហាម​ពាង់​ឞាស​នទាល​តា​នៃ​រ៝​មោ​ហោម​អោស​ត្រោស។
LUK 8:45 ឞ្រាស​យេឆូ ​លាស៖ “ឞូ​ម៝ស​ពាស​គ៝ប់?” ទឹង​លែៈ​ឞូ​តា​នៃ ឞូ​លាស​មោ​ពាស​អោស។ ពេត្រោស ​លាស៖ “ហើយ​កោរាញ ឞូនុយ្ស​ជុម​មៃ​តឹម​មពែត​ងាន់ ទឹង​លែៈ​ឞូ​គែស​គ៝ៈ​មៃ​ទាទេ”។
LUK 8:46 ឞ្រាស​យេឆូ ​លាស៖ “គែស​ទូ​ហ្វេ​ឞូនុយ្ស​ពាស​គ៝ប់​ងាន់​រ៝ យ៝រ​លាស​គ៝ប់​គឹត​នាវ​ឞ្រាស​គែស​លោស​តាៈ​ឞើស​ឆាក់​គ៝ប់”។
LUK 8:47 ជេសរី​ឞូ​អូរ​អី​នៃ​ហាន់​តា​នាប់​ឞ្រាស​យេឆូ ​រី​ញឆ៝រ់​ងាន់ ពាន់​តា​ជ៝ង់​ឞ្រាស​យេឆូ ​រី ពាង់​លែៈ​គឹត​នាវ​អី​នៃ​ពោន​មោ​នទ៝ប់​អោស។ ពាង់​ងក៝ច​អ៝ន់​មា​ឞ្រាស​យេឆូ ​តា​នាប់​ឞូ​ឞាល់ ម៝ស​យ៝រ​ទឹង​ពាង់​ពាស​ឞ្រាស​យេឆូ  មើម​ទឹង​ពាង់​ឞាស​នទាល​រ៝។
LUK 8:48 ឞ្រាស​យេឆូ ​លាស​មា​ពាង់៖ “ហើយ​អ៝ស នាវ​អៃ​ញឆីង​ជាន​ឞាស​អៃ​ហើយ ឆឹត​អ៝ន់​អ្វែស​លាង់​ដាប់​មពាន់​យឹ”។
LUK 8:49 នោក​ឞ្រាស​យេឆូ ​ហោម​អែ​ងើយ​នៃ គែស​ទូ​ហ្វេ​ឞូនុយ្ស​តាៈ​ឞើស​ជៃ​យៃរុស ​រី​មឞើស​មា​យៃរុស ​អី​កោរាញ​ញីស​រាបុន៖ “ក៝ន​មៃ​លែៈ​ខឹត​មេ លើយ​ហោម​រាខ្វាក​អោឞាល់”។
LUK 8:50 ត៝ត់​ឞ្រាស​យេឆូ ​តាង់​ឞូ​មឞើស​កើត​នៃ ពាង់​លាស​មា​យៃរុស ៖ “លើយ​ទឹង​ក្លាច​អោស អ្យាត់​មា​មៃ​ញឆីង​មា​គ៝ប់ ក៝ន​មៃ​រេស​រ៝”។
LUK 8:51 ជេសរី​ឞ្រាស​យេឆូ ​ហាន់​ត៝ត់​តា​ជៃ​យៃរុស ពាង់​លាប់​តា​ត្រោម​ជៃ ឞូ​អាបាៈ​អេង​មោ​អោស​អ៝ន់​លាប់ ពាង់​អ៝ន់​ពេត្រោស យោហាន យាកើ  នទ្រែល​មា​អី​មេៈ​ឞឹ​ក៝ន​ឆែ​អី​នៃ ទូ​នៃ​ទើម​អ៝ន់​លាប់។
LUK 8:52 ទឹង​លែៈ​ឞូនុយ្ស​តា​នៃ​ញុម​វើល​មា​ក៝ន​ឆែ​អី​ខឹត​រី​ទាទេ ឞ្រាស​យេឆូ ​លាស​មា​ខាន់​ពាង់៖ “លើយ​ហោម​ញុម ពាង់​មោ​អោស​ខឹត ពាង់​ហាក់​ឞិច​ទើម”។
LUK 8:53 មពោល​អី​នៃ​គើម​មឺច​មា​ឞ្រាស​យេឆូ  យ៝រ​លាស​ខាន់​ពាង់​លែៈ​គឹត​ជេស​ក៝ន​ឆែ​អី​នៃ​លែៈ​ខឹត​ងាន់។
LUK 8:54 ជេសរី​ឞ្រាស​យេឆូ ​ញុប​តី​ក៝ន​ឆែ​អី​នៃ លាស​មា​ពាង់៖ “ហើយ​អ៝ស អៃ​ទ៝ក់​ហ៝ម់!”
LUK 8:55 នោក​នៃ​រ៝​ហ្វេង​ពាង់​ព្លឹ​ឆឹត​តា​ពាង់​នើម ជេសរី​ទ៝ក់​រេស​រ៝។ ឞ្រាស​យេឆូ ​ដាៈ​ឞូ​ឆ៝ៈ​នទើ​អ៝ន់​មា​ពាង់​ឆា។
LUK 8:56 មេៈ​ឞឹ​ក៝ន​ឆែ​អី​នៃ​នទ្រ៝ត់​ហីស​រាហ៝ល់​ងាន់​មោ​វ៝ត់​អោស យើន​មា​ឞ្រាស​យេឆូ ​ឞ្វៃ​មោ​អោស​អ៝ន់​ខាន់​ពាង់​ងក៝ច​នាវ​អី​នៃ​មា​ឞូ​អេង​គឹត។
LUK 9:1 គែស​ទូ​នារ​រី​ឞ្រាស​យេឆូ ​ក្វាល់​អី ១២ អ៝ស​ម៝ន ជេសរី​អ៝ន់​នាវ​ទើយ​មា​ខាន់​ពាង់ ទើយ​នត្រុត​ឞ្រាស​អ្យើស នទ្រែល​មា​ទើយ​ជាន​ឞាស​ឞូនុយ្ស​គែស​នាវ​ជី​អេងៗ​ដ៝ង់។
LUK 9:2 ពាង់​ដាៈ​ខាន់​ពាង់​ហាន់​មឞើស​អ៝ន់​ឞូ​គឹត​នាវ​កោរាញ​ឞ្រាស​អុច​ម៝ត់​អ្វាញ់​ឞូនុយ្ស នទ្រែល​មា​ជាន​ឞាស​នាវ​ជី​ក្វែត​ឞូ​អ៝ន់​ឞាស​ដ៝ង់។
LUK 9:3 ឞ្រាស​យេឆូ ​លាស​មា​ខាន់​ពាង់៖ “ទោល​ខាន់​មៃ​ឞ្រោៈ​ប៝ន​អេងៗ មោ​អ៝ន់​អោស​លែវ​ញអោត​នទើ​តា​ឆាក់ ឞ៝ល​លាស​ម៝ង់​ជ្រា ទុង​ចែង នទើ​ឆា ព្រាក់​កាយ្ស មោ​លាស​ខ៝​អាវ។
LUK 9:4 ម៝ស​ជៃ​ខាន់​មៃ​លាប់ គុ​តា​ជៃ​អី​នៃ​ហ៝ៈ នហ៝​មា​ត៝ត់​ខាន់​មៃ​លោស​ឞើស​ប៝ន​អី​នៃ។
LUK 9:5 លាស​ប៝ន​អី​នៃ​មោ​អោស​រ៝ម​ខាន់​មៃ អ៝ន់​លោស​ឞើស​នតុក​នៃ​ហ៝ម់ ជេសរី​រាតោស​នែស​មោយ​ឞើស​ជ៝ង់​ខាន់​មៃ​នើម គៃ​មា​ញហើ​លាស​ប៝ន​អី​នៃ​កោរាញ​ឞ្រាស​តេៈ​ទោយ្ស”។
LUK 9:6 ជេសរី​មពោល​អ៝ស​ម៝ន​នៃ​ហាន់​មឞើស​ងក៝ច​នាវ​មហែ​មហាន​អ្វែស​អ៝ក់​ប៝ន នទ្រែល​មា​ជាន​ឞាស​ឞូនុយ្ស​ជី​អាប់​នតុក​ដ៝ង់។
LUK 9:7 ត៝ត់​ហេរោត-​អ៝ន់តីពាស ​អី​កោរាញ​ម៝ត់​អ្វាញ់​ឞ្រី​កាលីលេ ​នៃ​តាង់​លឺ​ទឹង​លែៈ​នាវ​ឞ្រាស​យេឆូ ​ជាន​រី ពាង់​អ្យាត់​មោ​គឹត លិច​មោ​គឹត យ៝រ​លាស​គែស​ឞូនុយ្ស​អាបាៈ​ងក៝ច​លាស៖ “យោហាន-​បាប់តែម ​លែៈ​ទ៝ក់​រេស”។
LUK 9:8 ឞូ​អាបាៈ​អេង​លាស៖ “ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស រាញា​ពាង់​អេលីយា  លែៈ​ញហើ​ឆាក់​អ៝ន់​មា​ឞូ​ឆៃ”។ ឞូ​អាបាៈ​អេង​ជឹត​លាស៖ “គែស​ទូ​ហ្វេ​ឞូនុយ្ស​នតើយ្ស​នាវ​ងើយ​កោរាញ​ឞ្រាស​ឞើស​កាល់​អែ​នើស លែៈ​ទ៝ក់​រេស​ជេស”។
LUK 9:9 ល៝ង់​កាដាច់​ហេរោត ​លាស៖ “លាស​យោហាន-​បាប់តែម ​លែៈ​គ៝ប់​ក៝ស​ត៝ង​ក៝​ពាង់​ជេស លាស​នទ្រី​ឞូ​ម៝ស​ពាង់​អី​ជាន​នាវ​អី​រី?” ជេសរី​ពាង់​ជ៝យ​នាវ​អុច​ម៝ប់​ឞ្រាស​យេឆូ ​ដ៝ង់។
LUK 9:10 ជេស​មពោល​កោរាញ​អ៝ស​ម៝ន​ពាង់​ឆឹត​តាៈ​ឞើស​នតុក​អេងៗ ខាន់​ពាង់​ងក៝ច​ឞ្រី​អ៝ន់​មា​ឞ្រាស​យេឆូ ​ទឹង​លែៈ​នាវ​ខាន់​ពាង់​ជាន។ ជេសរី​ឞ្រាស​យេឆូ ​ជាៈ​អេង​ខាន់​ពាង់​ហាន់​តា​ទូ​ប៝ន រាញា​ប៝ន​បេតឆៃដា ‌
LUK 9:11 ជេស​ប៝ន​លាន​លែៈ​គឹត ខាន់​ពាង់​លែវ​ឞាល់​ហាន់​តឹង​ឞ្រាស​យេឆូ ។ ឞ្រាស​យេឆូ ​រ៝ម​ខាន់​ពាង់​អី​នៃ ជេសរី​មឞើស​ងក៝ច​អ៝ន់​ខាន់​ពាង់​អ្យាត់​នាវ​កោរាញ​ឞ្រាស​អុច​ម៝ត់​អ្វាញ់​ឞូនុយ្ស នទ្រែល​មា​ជាន​អ៝ន់​ឞាស​ឞូនុយ្ស​គែស​នាវ​ជី​ក្វែត​ដ៝ង់។
LUK 9:12 ត៝ត់​ទេស​នារ ១២ នុយ្ស​មពោល​កោរាញ​អ៝ស​ម៝ន​អី​នៃ​ហាន់​តា​ឞ្រាស​យេឆូ  លាស​មា​ពាង់៖ “ហើយ​កោរាញ ដាៈ​មៃ​មឞើស​អ៝ន់​ប៝ន​លាន​ឆឹត​ជ៝យ​នតុក​ឞិច ជ៝យ​នទើ​ឆោង​ឆា​រ៝ៈ​ជៃ​រ៝ៈ​ប៝ន​ទាច់ៗ​អ៝យ​តា​អ្យា យ៝រ​លាស​តា​អ្យា​នតុក​រាទាស​ងាយ​ឞើស​ប៝ន​មោ​គែស​អោស​នទើ​ឆា”។
LUK 9:13 ឞ្រាស​យេឆូ ​លាស​មា​ខាន់​ពាង់​អី​នៃ៖ “ខាន់​មៃ​អ៝ន់​ឞូ​ឆោង​ឆា​ហែស”។ មពោល​កោរាញ​អ៝ស​ម៝ន​អើស៖ “ហេន​គែស​ព្រាម់​មល៝ម់​នុមពាង់ នទ្រែល​មា​ឞារ​មល៝ម់​កា​ទើម កោរាញ​មេ អើម​ជេង​ត៝ង់​លាស? លាស​នទ្រី​កើយ​រាវាត់​មើ​ត៝ង់​មា​អ៝ន់​ខាន់​ពាង់​អី​នៃ​ឆា”។
LUK 9:14 ខាន់​ពាង់​ងើយ​នទ្រី យ៝រ​លាស​តា​នតុក​អី​នៃ​ក្លាប់​លាស​គែស ៥០០០ នុយ្ស​ឞូ​ក្លោ។ ជេសរី​ឞ្រាស​យេឆូ ​លាស​មា​អ៝ស​ម៝ន៖ “ខាន់​មៃ​ដាៈ​ឞូ​គុ​ទូ​មពោល​ទូ​មពោល​អ៝ន់​គែស​ក្លាប់​លាស ៥០ នុយ្ស”។
LUK 9:15 មពោល​អ៝ស​ម៝ន​ជាន​កើត​នាវ​ពាង់​ដាៈ ជេសរី​ទឹង​លែៈ​ឞូ​គុ​ទាទេ។
LUK 9:16 ជេសរី​ឞ្រាស​យេឆូ ​ឆ៝ៈ​ព្រាម់​មល៝ម់​នុមពាង់ នទ្រែល​មា​ឞារ​មល៝ម់​កា​រី ពាង់​ងគើរ​មាត់​ជឹត​លើ​ត្រោក​មឞើស​ឆើម​នទើ​ឆោង​ឆា​អី​នៃ​មា​កោរាញ​ឞ្រាស លោច​ជេស​ពាង់​គិច​នុមពាង់​អី​នៃ​នទឹ​អ៝ន់​អ៝ស​ម៝ន ដាៈ​ខាន់​ពាង់​ពាៈ​អ៝ន់​ឞូ​ឆា។
LUK 9:17 ជេស​តឹម​ពាៈ​នទើ​ឆា​អី​រី ទឹង​លែៈ​ឞូនុយ្ស​គុ​ឆា​តា​នៃ​ហើម​ទាទេ ជេសរី​រាគូម​នទើ​រាមែស​ឆា​អី​នៃ​ហោម​គែស ១២ ឆាស ។
LUK 9:18 គែស​ទូ​នារ​ឞ្រាស​យេឆូ ​មឞើស​ឆើម​អេង តា​នៃ​គែស​មពោល​អ៝ស​ម៝ន​ទើម​គុ​នទ្រែល​ពាង់ ផូង​ប៝ន​លាន​មោ​គែស​អោស។ ឞ្រាស​យេឆូ ​អោប​មពោល​អ៝ស​ម៝ន​អី​នៃ៖ “លែៈ​ផូង​ប៝ន​លាន​លាស​គ៝ប់​ឞូ​ម៝ស?”
LUK 9:19 មពោល​អ៝ស​ម៝ន​អើស៖ “អាបាៈ​លាស​មៃ​ជេង​យោហាន-​បាប់តែម ​អី​លែៈ​ទ៝ក់​រេស អាបាៈ​លាស​ជេង​អេលីយា ​អី​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស​លែៈ​ព្លឹ​តា​អ្យា អាបាៈ​ជឹត​លាស​មៃ​ជេង​ទូ​ហ្វេ​ឞូនុយ្ស​អី​អេង​អី​នតើយ្ស​នាវ​ងើយ​កោរាញ​ឞ្រាស​កាល់​អែ​នើស​លែៈ​ទ៝ក់​រេស”។
LUK 9:20 ឞ្រាស​យេឆូ ​អោប​ជឹត៖ “លាស​នទ្រី​ខាន់​មៃ​អែស គ៝ប់​ឞូ​ម៝ស​ខាន់​មៃ​លាស​មេស?” ពេត្រោស ​អើស៖ “មៃ​ឞ្រាស​ក្រីស ​អី​នើម​រាក្លាយ្ស​តាៈ​ឞើស​កោរាញ​ឞ្រាស​ទែ​ញជ្វាល់”។
LUK 9:21 ឞ្រាស​យេឆូ ​ឞ្វៃ មោ​អ៝ន់​អោស​ខាន់​ពាង់​ងក៝ច​នាវ​នៃ​មា​ឞូ។
LUK 9:22 ពាង់​លាស៖ “នារ​ជឹត​នាប់​តៃ ឞ៝ល​លាស​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស គ៝ប់​មរា​គែស​នាវ​ជេរ​ជ៝ត់​ទុត​ហោ។ មពោល​ឞូ​រាញ មពោល​កោរាញ​ជាន​ឞ្រាស ផូង​នើម​នតី មអារ់​លើយ​គ៝ប់ នហ៝​មា​ងខឹត​លើយ។ យើន​មា​ត៝ត់​ពែ​នារ​ឞើស​កើយ​នៃ​គ៝ប់​ទ៝ក់​រេស”។
LUK 9:23 ជេសរី​ឞ្រាស​យេឆូ ​លាស​មា​ទឹង​លែៈ​ឞូនុយ្ស៖ “ឞូ​ម៝ស​ពាង់​អី​អុច​តឹង​គ៝ប់ អ៝ន់​មអារ់​លើយ​នទើ​ឆាក់​ពាង់​នើម​អុច ជេសរី​តូយ​ឆី​តឹម​រាកាង់​ពាង់​នើម​អ៝ន់​អាប់​នារ ជេង​គែស​នាវ​ខ្លៃ​អ្យាត់​ទឹង​លែៈ​នាវ​កោរាញ​ឞ្រាស​ដាៈ ឞ៝ល​លាស​ត៝ត់​ខឹត​ឆាក់​កាដោយ រី​មើ​ទើយ​តឹង​គ៝ប់​ងាន់។
LUK 9:24 យ៝រ​លាស​ឞូ​ម៝ស​អី​អុច​ព្រាប់​មា​នាវ​រេស​ពាង់​នើម ពាង់​អី​នៃ​មោ​គែស​អោស​នាវ​រេស​នហ៝​រ៝ យើន​មា​ឞូ​ម៝ស​ខឹត​យ៝រ​មា​តឹង​គ៝ប់ ពាង់​អី​នៃ​គែស​នាវ​រេស​នហ៝​រ៝​ងាន់​តា​នារ​ជឹត​នាប់​តៃ។
LUK 9:25 លាស​ទូ​ហ្វេ​ឞូនុយ្ស​ពាង់​គែស​ទឹង​លែៈ​នែស​នតូ​អ្យា​ជេង​ទ្រាប់​នទើ​ពាង់​នើម​ទាទេ តីស​មា​ឆាក់​ពាង់​នើម​ខឹត​រ៝ស​ហេង​មោ​គែស​អោស​នាវ​រេស​នហ៝​រ៝ លាស​នទ្រី​ម៝ស​នទើ​គែស​នាវ​ខ្លៃ​មា​ពាង់?
LUK 9:26 លាស​ឞូ​ម៝ស​អី​ដីត​ព្រេង​មោ​ឞាញ់​មឞើស​តឹង​គ៝ប់ ដីត​ព្រេង​នាវ​គ៝ប់​នតី លាស​នទ្រី​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​ដីត​ព្រេង​មោ​គឹត​នាល់​មា​ពាង់​អី​នៃ​ដ៝ង់ តា​នារ​គ៝ប់​ព្លឹ​វាច់​គែស​នាវ​អ្វែស​ច្រេក​លើប​គ៝ប់​នើម គែស​នអ៝ប់​មា​នាវ​អ្វែស​ច្រេក​លើប​ឞឹ​គ៝ប់ នទ្រែល​មា​នាវ​អ្វែស​ច្រេក​លើប​ផូង​តោង​ពារ់​ក្ល៝ស​អ្វែស។
LUK 9:27 គ៝ប់​មឞើស​អ៝ន់​មា​ខាន់​អៃ​មៃ​គឹត​នហេល​នានេៈ​ងាន់ គែស​ឞូនុយ្ស​អាបាៈ​តា​អ្យា​ពាង់​មោ​មរា​ខឹត​អោស ល៝រ​មា​ឆៃ​កោរាញ​ឞ្រាស​ម៝ត់​អ្វាញ់​ខាន់​ពាង់”។
LUK 9:28 ក្លាប់​លាស​គែស​ផាម​នារ​ជេស​ឞ្រាស​យេឆូ ​ងើយ​នាវ​អី​នៃ ជេសរី​ពាង់​លែវ​ពេត្រោស  លែវ​យោហាន  នទ្រែល​មា​យាកើ  ហាវ​កាលើ​យោក​គៃ​មា​មឞើស​ឆើម។
LUK 9:29 នោក​ពាង់​មឞើស​ឆើម អី​មុស​មាត់​ពាង់​គែស​រាគ៝ល់ អាវ​ពាង់​ជេង​ងលាង​អាង​ច្រាត​ងាន់។
LUK 9:30 ទោ​មា​ឆៃ​ដ៝ង់​គែស​ឞារ​ហៃ​ឞូ​ក្លោ​ងើយ​នទ្រែល​ពាង់មោឆេ  នទ្រែល​មា​អេលីយា  ខាន់​ពាង់​អី​នៃ​ជេង​ឞូនុយ្ស​នតើយ្ស​នាវ​ងើយ​កោរាញ​ឞ្រាស​ឞើស​កាល់​អែ​នើស។
LUK 9:31 ឞារ​ហៃ​អី​នៃ​គែស​នាវ​អ្វែស​ច្រេក​លើប​ងាន់​តា​ខាន់​ពាង់ ខាន់​ពាង់​ងក៝ច​មា​នាវ​ឞ្រាស​យេឆូ ​ខឹត​តា​ប៝ន​ក្វ៝ង់​យេរូឆាលឹម ​ហោម​ដេៈ​នារ​ជឹត​នាប់​តៃ ខឹត​តឹង​នាវ​កោរាញ​ឞ្រាស​អុច។
LUK 9:32 ល៝ង់​ពេត្រោស  នទ្រែល​មា​ឞារ​ហៃ​ឞាល់​ពាង់​នៃ​ហាក់​ឞិច​ទាទេ។ ត៝ត់​កាស​ឞិច​រី​ខាន់​ពាង់​ឆៃ​នាវ​អ្វែស​នាវ​ច្រេក​លើប​ឞ្រាស​យេឆូ  នទ្រែល​មា​ឆៃ​ឞារ​ហៃ​ឞូនុយ្ស​គុ​នទ្រែល​ពាង់​ដ៝ង់។
LUK 9:33 ត៝ត់​មា​មោឆេ  នទ្រែល​មា​អេលីយា ​ទូ​លោស​ឞើស​ឞ្រាស​យេឆូ ​រី ពេត្រោស ​ងើយ​មា​ឞ្រាស​យេឆូ ៖ “ហើយ​កោរាញ ឞ៝ន់​គុ​តា​អ្យា​អ្វែស​ងាន់​មេ អ៝ន់​ហេន​ជាន​ពែ​មល៝ម់​ចូន ទូ​មល៝ម់​អ៝ន់​មា​មៃ ទូ​មល៝ម់​អ៝ន់​មា​មោឆេ  ទូ​មល៝ម់​ជឹត​អ៝ន់​មា​អេលីយា ”។ នាវ​ពេត្រោស ​ងើយ​អី​នៃ​ពាង់​នើម​មោ​អោស​គឹត​ឆាក់ ពាង់​ទាស​មា​ងើយ​ទើម។
LUK 9:34 នោក​ពេត្រោស ​ហោម​អែ​ងើយ​នៃ គែស​តុក​ងកុម​ឞើស​លើ​ខាន់​ពាង់​រី ខាន់​ពាង់​ជេង​លាប់​គុ​តា​ត្រោម​តុក​ជាន​អ៝ន់​ខាន់​ពាង់​ក្លាច​ទាទេ​ងាន់។
LUK 9:35 ជេសរី​តាង់​នតែស​ងើយ​តាៈ​ឞើស​តុក​នៃ៖ “ពាង់​អ្យា​ក៝ន​គ៝ប់ អី​គ៝ប់​លែៈ​កើយ្ស​ពាង់ អ្យាត់​នាវ​ពាង់​ទោ”។
LUK 9:36 ជេស​តាង់​ងើយ​កើត​នៃ​ឆៃ​ឞ្រាស​យេឆូ ​ទូ​ហ្វេ​អេង​ទើម​គុ​តា​រី។ លែៈ​នាវ​អី​ឆៃ​នៃ​នើស ខាន់​ពាង់​មោ​អោស​ងក៝ច​អ៝ន់​មា​ឞូ​អេង​គឹត ត៝ត់​ជ៝ៈ​ឞើស​នាប់​មើ។
LUK 9:37 ត៝ត់​អោយ​តៃ ឞ្រាស​យេឆូ  នទ្រែល​មា​មពោល​អ៝ស​ម៝ន​ពាង់​ជុរ​ឞើស​លើ​យោក​រី តា​នៃ​គែស​អ៝ក់​ឞូនុយ្ស​វាច់​រាន​ពាង់។
LUK 9:38 ជេសរី​គែស​ទូ​ហ្វេ​ឞូ​ក្លោ​តា​ផូង​ឞូនុយ្ស​អ៝ក់​អី​នៃ​នតែរ​ក្វាល់​ឞ្រាស​យេឆូ ៖ “ហើយ​នើម​នតី! ទាន់​មៃ​យោៈ​នអាច​មា​ក៝ន​គ៝ប់​អើ យ៝រ​លាស​គ៝ប់​គែស​ទូ​ហ្វេ​ក៝ន​អ្យា​ទើម​មេ។
LUK 9:39 គែស​ឞ្រាស​អ្យើស​ង្វាយ​លើស​ពាង់​ទូ​តឹ​ទូ​តឹ អ៝ន់​ពាង់​នតែរ​មព៝ត់​ញឆ្ល៝ង់​ញឆ្លាង់​ងាន់ លោស​មពុញ​ទាក​ទីវ​តា​មឞូង ឆាក់​ជាន់​លោស​ឞុរ​លោស​មោរ ត៝ត់​មា​ពាង់​លែៈ​ហ្វារ់​ងាន់ រី​មើ​ឞ្រាស​អ្យើស​អី​រី​លោស​ទូ​នហ៝ម់​មេ។
LUK 9:40 មពោល​អ៝ស​ម៝ន​មៃ​លែៈ​គ៝ប់​ដាៈ​ដ៝ង់ ខាន់​ពាង់​នត្រុត​មោ​អោស​ទើយ​លោស”។
LUK 9:41 ឞ្រាស​យេឆូ ​លាស​មា​ទឹង​លែៈ​ឞូនុយ្ស៖ “ហើយ​ឞូនុយ្ស​អ្យើស ឞូនុយ្ស​មោ​អ្យាត់! ទាស​ហោម​ជ៝ៈ​អ៝ន់​គ៝ប់​ញឆ្រោយ្ស​គុ​នទ្រែល​ខាន់​អៃ​មៃ​អី​ឞូនុយ្ស​ទាង់​ក៝? លែវ​ហ៝ម់​ក៝ន​មៃ​អី​នៃ​អា​អ្យា”។
LUK 9:42 នោក​ក៝ន​ពាង់​ឞ្រោៈ​អេ​ហ៝ៈ​ត៝ត់​អា​ឞ្រាស​យេឆូ  ឞ្រាស​អ្យើស​ងក្លឹ​ពាង់​ចោត​ញឆ្ល៝ង់​ញឆ្លាង់​រ៝។ ជេសរី​ឞ្រាស​យេឆូ ​មឞ្រាម​ឞ្រាស​អ្យើស​រី ជាន​ក៝ន​ពាង់​ឞាស លែវ​ពាង់​មា​ឞឹ​ពាង់​នើម។
LUK 9:43 លែៈ​ឞូនុយ្ស​តា​នៃ​នទ្រ៝ត់​ហីស​រាហ៝ល់​ទាទេ​ងាន់​ឆៃ​នាវ​ទើយ​កោរាញ​ឞ្រាស​កើត​នៃ។ ទោល​ទឹង​លែៈ​ខាន់​ពាង់​តា​នៃ​ហោម​ងក្ល៝ន់​អេង​តា​ឆាក់​រី​ទឹង​លែៈ​នទើ​ទើយ​អី​ឞ្រាស​យេឆូ ​ជាន​អី​នៃ ជេសរី​ពាង់​លាស​មា​មពោល​អ៝ស​ម៝ន​ពាង់៖
LUK 9:44 “អ៝ន់​ខាន់​អៃ​មៃ​ញអោត​អ្យាត់​នាវ​អ្យា ងកាស​ឆាក់​លើយ​ច្វេល​អោស ឞើយ​ត៝ត់​ឞូ​ញជុន​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​តា​តី​ឞូនុយ្ស​ញុប”។
LUK 9:45 ជេស​តាង់​នាវ​ឞ្រាស​យេឆូ ​រី​នើស មពោល​អ៝ស​ម៝ន​មោ​វ៝ត់​អោស​នាវ​ពាង់​លាស​នៃ យ៝រ​លាស​កោរាញ​ឞ្រាស​អេ​ហ៝ៈ​អ៝ន់​ខាន់​ពាង់​វ៝ត់​អោស ខាន់​ពាង់​ក្លាច​មោ​ឞាញ់​អោប​ដ៝ង់។
LUK 9:46 គែស​ទូ​នារ​មពោល​អ៝ស​ម៝ន​គុ​តឹម​រាលាច់​ឞាល់​មា​នាវ​ខាន់​ពាង់​អុច​គឹត​មា​មពោល​ខាន់​ពាង់​នើម ឞូ​ម៝ស​ពាង់​អី​ក្វ៝ង់​រាលាវ​ឞូ។
LUK 9:47 យើន​មា​ឞ្រាស​យេឆូ ​លែៈ​គឹត​នាវ​ខាន់​ពាង់​មឹន​នៃ ជេសរី​ពាង់​លែវ​ទូ​ហ្វេ​ក៝ន​ឆែ​ជេៈ​គុ​ទាច់​កេង​ពាង់​នើម។
LUK 9:48 ជេសរី​ពាង់​លាស៖ “ឞូ​ម៝ស​រ៝ម​ទូ​ហ្វេ​ក៝ន​ឆែ​ជេៈ​យ៝រ​មា​អុច​អ្យាត់​នាវ​គ៝ប់ តឹម​ឞាន​មា​រ៝ម​គ៝ប់​នើម​ដ៝ង់។ ជេសរី​ឞូ​ម៝ស​ពាង់​អី​រ៝ម​គ៝ប់​តឹម​ឞាន​មា​រ៝ម​ឞឹ​គ៝ប់​អី​តើម​ញជ្វាល់​គ៝ប់​នើស​ដ៝ង់។ ឞូ​ម៝ស​ពាង់​អី​ជេៈ​តា​ន៝ម់​ឞូ​ទឹង​លែៈ​តា​មពោល​ខាន់​អៃ​មៃ ពាង់​អី​នៃ​ជេង​ក្វ៝ង់​រាលាវ​ឞូ”។
LUK 9:49 ជេសរី​យោហាន ​មឞើស​មា​ឞ្រាស​យេឆូ ៖ “ហើយ​នើម​នតី ហេន​ឆៃ​ទូ​ហ្វេ​ឞូនុយ្ស​នត្រុត​ឞ្រាស​អ្យើស​មា​ម៝ស​រាញា​មៃ។ ជេសរី​ហេន​ឞ្វៃ​ពាង់ យ៝រ​លាស​ពាង់​មោ​គែស​អោស​មពោល​ឞ៝ន់”។
LUK 9:50 ឞ្រាស​យេឆូ ​លាស​មា​ពាង់៖ “លើយ​ឞ្វៃ​ពាង់​អោស ឞូ​ម៝ស​ពាង់​អី​មោ​តឹម​រាទ៝ង់​ដាស​ខាន់​អៃ​មៃ ឞូនុយ្ស​អី​នៃ​ជេង​មពោល​ឞាល់​មពែស​មា​ខាន់​អៃ​មៃ”។
LUK 9:51 ត៝ត់​ឞើយ​ទី​នារ​ឞ្រាស​យេឆូ ​ហាវ​ឆឹត​តា​នតុក​កោរាញ​ឞ្រាស​តា​កាលើ ពាង់​ញឆ្រោយ្ស​ហាន់​ជឹត​ប៝ន​យេរូឆាលឹម ។
LUK 9:52 ជេសរី​ឞ្រាស​យេឆូ ​ហាន់​ជឹត​ទូ​ប៝ន​តា​ឞ្រី​ឆាមារី ពាង់​ដាៈ​ឞូនុយ្ស​អាបាៈ​ហាន់​ល៝រ​គៃ​មា​នទ្រាប់​នតុក​វើត​ទើន​ពាង់។
LUK 9:53 តីស​មា​តា​ប៝ន​អី​នៃ​ឞូ​មោ​អោស​រ៝ម​ឞ្រាស​យេឆូ ​គុ​តា​រី យ៝រ​លាស​ខាន់​ពាង់​គឹត​ជេស​ឞ្រាស​យេឆូ ​អុច​ហាន់​នហ៝ត​ជឹត​ប៝ន​ក្វ៝ង់​យេរូឆាលឹម ។
LUK 9:54 ត៝ត់​ខាន់​ពាង់​ឆៃ​កើត​នៃ ឞារ​ហៃ​អ៝ស​ម៝ន យាកើ  នទ្រែល​មា​យោហាន  ខាន់​ពាង់​លាស៖ “ហើយ​កោរាញមៃ​អុច​ឞើស អ៝ន់​ហេន​ក្វាល់​អុញ​តាៈ​កាលើ​ត្រោក​តុប​តា​ប៝ន​អ្យា ឆូ​លើយ​ផូង​អី​នៃ ជាន​កើត​អេលីយា ​ពាង់​ជាន​កាល់​អែ​នើស?”
LUK 9:55 ឞ្រាស​យេឆូ ​អ្វាញ់​ជឹត​ខាន់​ពាង់​នហ៝​មា​រាអ៝ត់​ខាន់​ពាង់៖ [“ខាន់​មៃ​មោ​គឹត​ម៝ស​ហ្វេង​គុ​តា​ត្រោម​ឆាក់​ខាន់​មៃ‌
LUK 9:56 យ៝រ​លាស​គ៝ប់​អី​ក៝ន​ឞូនុយ្ស តាៈ​ឞើស​កោរាញ​ឞ្រាស​វាច់ គៃ​មា​រាក្លាយ្ស​ឞូនុយ្ស មោ​អុច​អោស​លើស​ហេង​ឞូនុយ្ស”។] ជេសរី​លែវ​ឞាល់​នហ៝ត​ជឹត​ប៝ន​អេង​ជឹត។
LUK 9:57 ទោល​ឞ្រាស​យេឆូ ​ឞ្រោៈ​រ៝ៈ​ត្រ៝ង​រី គែស​ទូ​ហ្វេ​ឞូ​ក្លោ​លាស​មា​ពាង់៖ “ហើយ​កោរាញ អាស​នតុក​មៃ​ហាន់? គ៝ប់​ហាន់​តឹង​មៃ​ដ៝ង់”។
LUK 9:58 ឞ្រាស​យេឆូ ​លាស​មា​ពាង់៖ “ល៝ង់​ឆ្រ៝ត​គែស​ត្រោម​នតុក​ពាង់​គុ ឆ្យុម​នារ​គែស​រាឆ្វាន់​ដ៝ង់ តីស​មា​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​មោ​គែស​អោស​នតុក​គ៝ប់​នើម​ងាន់​មា​ទ៝ម់​ឞោក”។
LUK 9:59 ជេសរី​ឞ្រាស​យេឆូ ​លាស​មា​ទូ​ហ្វេ​ឞូនុយ្ស​អេង​ជឹត៖ “ហោៈ ហាន់​តឹង​គ៝ប់!” ឞូនុយ្ស​អី​នៃ​អើស៖ “ហើយ​កោរាញ អ៝ន់​គ៝ប់​ក៝ប់​ឞឹ​គ៝ប់​ខឹត នទ្រែល​មា​ត៝ប់​ពាង់​ប៝ត់”។
LUK 9:60 ឞ្រាស​យេឆូ ​លាស​មា​ពាង់៖ “ឞូនុយ្ស​មោ​អ្យាត់​នាវ​គ៝ប់​តឹម​ឞាន​មា​ឞូនុយ្ស​លែៈ​ខឹត អ៝ន់​ខាន់​ពាង់​តឹម​ត៝ប់​អេង​នទ្រាង់​ខាន់​ពាង់​នើម មៃ​មា​ហាន់​មឞើស​នាវ​កោរាញ​ឞ្រាស​អុច​ម៝ត់​អ្វាញ់​ឞូនុយ្ស”។
LUK 9:61 គែស​ទូ​ហ្វេ​ឞូនុយ្ស​ជឹត​លាស​មា​ពាង់​ដ៝ង់៖ “ហើយ​កោរាញ គ៝ប់​អុច​តឹង​មៃ​ដ៝ង់ យើន​មា​អ៝ន់​គ៝ប់​ហាន់​នតិញ​រានាក់​វ៝ល់​គ៝ប់​ប៝ត់”។
LUK 9:62 ឞ្រាស​យេឆូ ​លាស​មា​ពាង់៖ “ឞូ​ម៝ស​អី​ក្វាន់​ងគ៝ល់​ច្វ៝រ់ ជេសរី​ងគឹល​ជឹត​កើយ ឞូនុយ្ស​អី​នៃ​មោ​អោស​អ៝ន់​កោរាញ​ឞ្រាស​ម៝ត់​អ្វាញ់​មា​ពាង់”។
LUK 10:1 ជេស​ឞើស​កើយ​នៃ ឞ្រាស​យេឆូ ​កើយ្ស​ដ៝ង់​អ៝ស​ម៝ន ៧២ នុយ្ស ​ជឹត ជេសរី​ដាៈ​ខាន់​ពាង់​ហាន់​ល៝រ ហាន់​ឞារ​ហៃ​ឞារ​ហៃ អាប់​ប៝ន អាប់​នតុក​អី​ឞ្រាស​យេឆូ ​អុច​នទ្រាប់​ហាន់។
LUK 10:2 ឞ្រាស​យេឆូ ​លាស​មា​ខាន់​ពាង់៖ “ហើយ​អ៝ស​ម៝ន គែស​អ៝ក់​ឞូនុយ្ស​អុច​អ្យាត់​នាវ​មហែ​មហាន​អ្វែស ខាន់​ពាង់​តឹម​ឞាន​មា​ឞា​លែៈ​ទុម​អី​អ៝ក់​ងាន់ ឞូនុយ្ស​មឞើស​ងក៝ច​នាវ​មហែ​មហាន​អ្វែស​តឹម​ឞាន​មា​ឞូនុយ្ស​រែក តីស​មា​ឞូនុយ្ស​អី​នៃ​ដេៈ​ទើម។ លាស​នទ្រី​ទាន់​កោរាញ​ឞ្រាស​នើម​អី​តើម​ឞា​នៃ​ញជ្វាល់​ឞូនុយ្ស​អា​អេង​ជឹត កើល​រែក​ឞា​ទុម​អី​នៃ។
LUK 10:3 អ៝ន់​ខាន់​មៃ​ហាន់​ហ៝ម់ គ៝ប់​ដាៈ​ខាន់​មៃ​ហាន់​តឹម​ឞាន​មា​អ៝ន់​ក៝ន​ឞែ​ឞ្យាប់​គុ​តា​ងក្លាង​ផូង​ឆ៝​ឞ្រី។
LUK 10:4 គ៝ប់​ដាៈ​ខាន់​មៃ​ហាន់​ឆាក់​ទើម លើយ​ញអោត​ព្រាក់ លើយ​ចែង​ទុង លើយ​ញអោត​នតោ​ជ៝ត លាស​ម៝ប់​ឞូ​រ៝ៈ​ត្រ៝ង​លើយ​ងក៝ច​ឞ្រី​ជ៝ៈ​ដ៝ង់។
LUK 10:5 ម៝ស​ជៃ​អី​ខាន់​មៃ​លាប់​រី អ៝ន់​ខាន់​មៃ​លាស​កើត​នអា​ល៝រ៖ «ទាន់​កោរាញ​ឞ្រាស​អ៝ន់​នាវ​អ្វែស​លាង់​ដាប់​មពាន់​មា​ឞូនុយ្ស​គុ​តា​ជៃ​អ្យា»។
LUK 10:6 លាស​ឞូនុយ្ស​តា​ជៃ​អី​នៃ​រ៝ម​ខាន់​មៃ​អុច​នាវ​ដាប់​មពាន់ នាវ​ដាប់​មពាន់​អី​ខាន់​មៃ​ទាន់​នើស​គុ​តា​ជៃ​ពាង់​នៃ​រ៝។ លាស​ពាង់​មោ​អុច នាវ​ដាប់​មពាន់​អី​នៃ​មោ​ហោម​អោស​គុ​តា​ជៃ​ពាង់​នៃ។
LUK 10:7 ជេសរី​គុ​តា​ជៃ​ពាង់​អី​នៃ​ហ៝ៈ លើយ​អោស​នត្រើន​ជៃ​អេង។ ញេត​ឆោង​លែៈ​នទើ​អី​ឞូ​អ៝ន់​មា​ខាន់​មៃ យ៝រ​លាស​នទើ​អី​នៃ​ជេង​នទើ​ឞូ​ងខោម​មា​ខាន់​មៃ ឞូនុយ្ស​នតុម​នតី​ឞូ​តឹម​ឞាន​មា​គែស​ជាន​ការ​មា​ឞូ​ដ៝ង់។
LUK 10:8 ម៝ស​ប៝ន​អី​ខាន់​មៃ​ហាន់​នៃ លាស​គែស​ឞូ​រ៝ម លែៈ​នទើ​អី​ឞូ​អ៝ន់​ឆា ខាន់​មៃ​ឆា​រ៝‌
LUK 10:9 នហ៝​មា​ជាន​ឞាស​នាវ​ជី​ឞូ។ ជេសរី​មឞើស​ងក៝ច​មា​ប៝ន​នៃ៖ «នាវ​កោរាញ​ឞ្រាស​ម៝ត់​អ្វាញ់​ខាន់​អៃ​មៃ​លែៈ​ទាច់​មា​ខាន់​អៃ​មៃ​ងាន់​រ៝»។
LUK 10:10 លាស​ឞូ​មោ​អោស​រ៝ម ប៝ន​អី​ខាន់​មៃ​លាប់​រី លោស​ហ៝ម់​ឞើស​នតុក​នៃ ហាន់​រ៝ៈ​ប៝ន​ខាន់​មៃ​លាស​កើត​នអា៖
LUK 10:11 «ឞ៝ល​លាស​គែស​នែស​មោយ​នតុក​ប៝ន​ខាន់​អៃ​មៃ​ក្រេប​តា​ជ៝ង់​ហេន ហេន​រាតោស​លើយ​មា​ខាន់​អៃ​មៃ​នើម​ដ៝ង់ យើន​មា​អ៝ន់​ខាន់​អៃ​មៃ​គឹត​នាវ​អ្យា នាវ​កោរាញ​ឞ្រាស​ម៝ត់​អ្វាញ់​ខាន់​អៃ​មៃ​លែៈ​ទាច់​ងាន់​រ៝»។
LUK 10:12 ខាន់​មៃ​គុ​អ្យាត់​នាវ​គ៝ប់​ប៝ត់ ឞូនុយ្ស​តា​ប៝ន​ឆោដុម ​អី​ជាន​តីស​ទុត​ហោ​កាល់​អែ​នើស នទ្រី​កោរាញ​ឞ្រាស​ទែ​លើស​ហេង​ខាន់​ពាង់​មា​អុញ​ឞើស​កាលើ​ត្រោក ខាន់​ពាង់​អី​នៃ​ហោម​អែ​គែស​ទោយ្ស​ថើល​មា​ដាស​ឞូនុយ្ស​តា​ប៝ន​អី​នៃ តា​នារ​កោរាញ​ឞ្រាស​ផាត​ទោយ្ស​លាម​នែស​នតូ”។
LUK 10:13 ជេសរី​ឞ្រាស​យេឆូ ​លាស​ជឹត៖ “រេស​រាញាល់​ងាន់​មា​ឞូនុយ្ស​គុ​តា​ប៝ន​ខោរាឆីន  នទ្រែល​មា​ប៝ន​បេតឆៃដា  យ៝រ​លាស​ខាន់​ពាង់​លែៈ​ឆៃ​ទឹង​លែៈ​នទើ​អ្វែស​នទើ​ខ្លៃ​គ៝ប់​ជាន តីស​មា​មោ​អោស​រាគ៝ល់​លើយ​នូយ្ស​នហ៝ម់​អ្យើស។ ឞូនុយ្ស​តា​ប៝ន​តីរុស  នទ្រែល​មា​តា​ប៝ន​ឆីដោន ​ជេង​ផូង​មោ​គឹត​នាល់​កោរាញ​ឞ្រាស លាស​ខាន់​ពាង់​ឆៃ​នាវ​ខ្លៃ​អី​នៃ ខាន់​ពាង់​រាគ៝ល់​លើយ​នូយ្ស​នហ៝ម់​អ្យើស​រ៝ ជេសរី​គៃ​មា​ញហើ​នាវ​ខាន់​ពាង់​លែៈ​រាគ៝ល់​លើយ​នូយ្ស​នហ៝ម់​អ្យើស ខាន់​ពាង់​ញឆ៝ស​ងគូត​បាវ​ច្យាត់ គុ​តា​អុញ​ឞុស។
LUK 10:14 នទ្រី​តា​នារ​កោរាញ​ឞ្រាស​ផាត​ទោយ្ស​លាម​នែស​នតូ​តៃ ឞូនុយ្ស​តា​ប៝ន​ក្វ៝ង់​តីរុស  នទ្រែល​មា​តា​ប៝ន​ក្វ៝ង់​ឆីដោន  ខាន់​ពាង់​គែស​ទោយ្ស​ថើល​តា​ន៝ម់​ឞូនុយ្ស​គុ​តា​ប៝ន​ខោរាឆីន  ប៝ន​បេតឆៃដា ។
LUK 10:15 ឞូនុយ្ស​គុ​តា​ប៝ន​កាពើនិម ​អី​ប៝ន​គ៝ប់​គុ​ជ៝ៈ​ខៃ នទ្រែល​មា​គ៝ប់​លែៈ​នតី​លែៈ​ជាន​នទើ​នាវ​ខ្លៃ លើយ​អោស​នអោន​លាស​ឆាក់​ខាន់​អៃ​មៃ​នើម​លែៈ​ជេង​ឞូនុយ្ស​អ្វែស​ហាវ​តា​ប៝ន​អ្វែស​កាលើ‌ មោ​អោស ខាន់​អៃ​មៃ​តៃ​តុប​តា​នតុក​រេស​រាញាល់​តា​នទ្រូង​អុញ​រី​រ៝”។
LUK 10:16 ជេសរី​ឞ្រាស​យេឆូ ​លាស​មា​មពោល​អ៝ស​ម៝ន​ពាង់​ដ៝ង់៖ “ឞូ​ម៝ស​ពាង់​អី​អ្យាត់​នាវ​ខាន់​មៃ តឹម​ឞាន​មា​អ្យាត់​នាវ​គ៝ប់​ដ៝ង់។ ឞូ​ម៝ស​អី​មោ​អ្យាត់​អោស​នាវ​ខាន់​មៃ តឹម​ឞាន​មា​មោ​អ្យាត់​នាវ​គ៝ប់​ដ៝ង់ ឞូ​ម៝ស​មោ​អ្យាត់​នាវ​គ៝ប់ តឹម​ឞាន​មា​មោ​អ្យាត់​ដ៝ង់​នាវ​កោរាញ​ឞ្រាស​នើម​អី​ញជ្វាល់​ដាៈ​គ៝ប់​ហាន់​តា​អ្យា​នើស”។
LUK 10:17 ជេសរី​មពោល​អ៝ស​ម៝ន​អី ៧២ នុយ្ស​នៃ​ព្លឹ​ឆឹត​ឞើស​រី​រាម់​រាហើន ខាន់​ពាង់​ងក៝ច​នាវ​មា​ឞ្រាស​យេឆូ ៖ “ហើយ​កោរាញ យ៝រ​មា​ម៝ស​រាញា​ឆាក់​មៃ ឞ៝ល​លាស​ឞ្រាស​អ្យើស​អ្យាត់​នាវ​ហេន​ដ៝ង់”។
LUK 10:18 ឞ្រាស​យេឆូ ​លាស​មា​ខាន់​ពាង់៖ “គ៝ប់​លែៈ​ឆៃ​ឆាតាង់ ​អី​កោរាញ​មពោល​ឞ្រាស​អ្យើស​តុប​តាៈ​ឞើស​កាលើ​ត្រោក​តឹម​ឞាន​មា​លើប​ងលាយ្ស​ងាន់។
LUK 10:19 អ្យា​គ៝ប់​លែៈ​អ៝ន់​នាវ​ទើយ​មា​ខាន់​មៃ ខាន់​មៃ​ទើយ​ដាស​មា​ឆាតាង់ ​អី​កោរាញ​មពោល​ឞ្រាស​អ្យើស នទ្រែល​មា​លែៈ​មពោល​អ្យើស​ពាង់​ដ៝ង់ ទើយ​ឞ្រោៈ​ជ៝ត​ឞេស នទ្រែល​មា​នទើរ​វីង មោ​គែស​អោស​ទូ​នតីល​នទើ​ជាន​អ្យើស​អ៝ន់​មា​ខាន់​មៃ។
LUK 10:20 លើយ​តា​រាម់​អោស​យ៝រ​មា​ឆៃ​ឞ្រាស​អ្យើស​អ្យាត់​នាវ​ខាន់​មៃ​នៃ​ទើម យើន​មា​អ៝ន់​ខាន់​មៃ​រាម់​មអាក​កោរាញ​ឞ្រាស​លែៈ​គែស​ញចីស​ឆាក់​ខាន់​មៃ​តា​កាលើ​ត្រោក​នតុក​ពាង់​នើម​គុ​រី​ហ៝ៈ នទ្រី​នារ​ជឹត​នាប់​តៃ​ខាន់​មៃ​គុ​នទ្រែល​កោរាញ​ឞ្រាស​នហ៝​រ៝”។
LUK 10:21 នោក​នៃ​ឞ្រាស​ហ្វេង​អ្វែស​អី​ក្ល៝ស​អ្វែស​ជាន​អ៝ន់​ឞ្រាស​យេឆូ ​គែស​នូយ្ស​នហ៝ម់​រាម់​មអាក​ងាន់ ឞ្រាស​យេឆូ ​លាស​កើត​នអា៖ “ហើយ​ឞឹ អី​កោរាញ​មា​ត្រោក នទ្រែល​មា​នែស​នតូ គ៝ប់​រានេ​មៃ​ហោ​ងាន់ យ៝រ​លាស​មៃ​លែៈ​ញហើ​នាវ​មៃ​នតើម​ម៝ត់​អ្វាញ់​ឞូនុយ្ស​អ្យា​អ៝ន់​មា​ឞូនុយ្ស​រាលូក​ម៝ល់​មោ​វ៝ត់​តឹម​ឞាន​មា​ក៝ន​ឆែ ជេសរី​ពោន​នទ៝ប់​លើយ​នទើ​អី​នៃ​មា​ឞូនុយ្ស​អី​កើប​អេង​ឆាក់​ខាន់​ពាង់​នើម​ជេង​ឞូនុយ្ស​គឹត​ឞូនុយ្ស​ឞ្លាវ។ ហើយ​ឞឹ នូយ្ស​នហ៝ម់​មៃ​អុច​កើត​នអា​រ៝”។
LUK 10:22 ជេសរី​ពាង់​លាស​ជឹត៖ “ទឹង​លែៈ​នតីល​នទើ លែៈ​ឞឹ​ជាវ​មា​គ៝ប់​ទាទេ​ជេស។ មោ​គែស​អោស​ឞូនុយ្ស​គឹត​នាល់​គ៝ប់​លាស​អី​ក៝ន​កោរាញ​ឞ្រាស គែស​ឞឹ​គ៝ប់​នើម​ទើម​គឹត​នាល់ មោ​គែស​អោស​ឞូនុយ្ស​គឹត​នាល់​ឞឹ​ងាន់​គ៝ប់ គែស​គ៝ប់​អី​ក៝ន​ពាង់​ទើម​គឹត​នាល់ នទ្រែល​មា​ទឹង​លែៈ​ឞូនុយ្ស​អី​គ៝ប់​អុច​អ៝ន់​គឹត​នាល់ ទូ​រី​ទើម”។
LUK 10:23 នោក​មោ​គែស​អោស​ឞូនុយ្ស​អា​អេង​គុ​តា​រី ឞ្រាស​យេឆូ ​ងើយ​ដាស​មពោល​អ៝ស​ម៝ន​ទើម ពាង់​លាស៖ “អ្វែស​មអាក​ងាន់​មា​ខាន់​អៃ​មៃ យ៝រ​លាស​មាត់​ខាន់​អៃ​មៃ​ឆៃ​ទឹង​លែៈ​នាវ​គ៝ប់​លែៈ​ជាន។
LUK 10:24 គ៝ប់​មឞើស​មា​ខាន់​អៃ​មៃ គែស​អ៝ក់​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស នទ្រែល​មា​អ៝ក់​កាដាច់​ផូង​អីឆ្រាអែល ​កាល់​អែ​នើស​អុច​ឆៃ​ងាន់​ទឹង​លែៈ​នាវ​អី​ខាន់​អៃ​មៃ​លែៈ​ឆៃ​អាបៃ​អ្យា តីស​មា​មោ​ឆៃ​អោស ខាន់​ពាង់​អុច​តាង់​ងាន់​នាវ​អី​ខាន់​អៃ​មៃ​លែៈ​តាង់​អ្យា តីស​មា​មោ​តាង់​ដ៝ង់”។
LUK 10:25 នោក​នៃ​គែស​ទូ​ហ្វេ​នើម​នតី​នាវ​វៃ​ផូង​អីឆ្រាអែល  ពាង់​ទ៝ក់​អុច​អោប​រាល៝ង​ឞ្រាស​យេឆូ ៖ “ហើយ​នើម​នតី មើម​អ៝ន់​គ៝ប់​ជាន​គៃ​មា​គែស​នាវ​រេស​នហ៝​រ៝​មេស?”
LUK 10:26 ឞ្រាស​យេឆូ ​អើស​មា​ពាង់៖ “ម៝ស​បាៈ​គែស​នាវ​មោឆេ ​ញចីស​តា​ឆ៝ម់បុត​នាវ​វៃ​កាល់​អែ​នៃ​នើស? ទោល​មៃ​អ្វាញ់ ម៝ស​បាៈ​មៃ​វ៝ត់?”
LUK 10:27 ឞូនុយ្ស​អី​នៃ​អើស​មា​ឞ្រាស​យេឆូ ៖ “«អ៝ន់​រ៝ង់​មា​កោរាញ​ឞ្រាស​អី​ឞ្រាស​ខាន់​អៃ​មៃ​នើម​មា​លែៈ​នូយ្ស​នហ៝ម់ មា​លែៈ​ហ្វេង មា​លែៈ​នហ៝ម់​ឆ្វាន នទ្រែល​មា​លែៈ​នាវ​មឹន» ជេសរី «រ៝ង់​មា​ឞូ​ច្យៅ​មែង​កើត​រ៝ង់​មា​ឆាក់​មៃ​នើម​ដ៝ង់»”។
LUK 10:28 ឞ្រាស​យេឆូ ​លាស​មា​ពាង់៖ “នាវ​មៃ​អើស​អី​នៃ​ជេង​ទី​ងាន់ អ៝ន់​មៃ​ជាន​កើត​នាវ​នៃ​បាបើ នទ្រី​មើ​នារ​ជឹត​នាប់​តៃ​មៃ​មរា​គែស​នាវ​រេស​នហ៝​រ៝”។
LUK 10:29 យើន​មា​ឞូនុយ្ស​អី​នៃ​អុច​ញហើ​នាវ​អោប​ពាង់​នើម​ជេង​នាវ​អោប​ទី មោ​អោស​អោប​រាល៝ង​ទើម ជេសរី​អោប​ឞ្រាស​យេឆូ ​ជឹត៖ “លាស​នទ្រី​ឞូ​ម៝ស​ជេង​ឞូ​ច្យៅ​មែង​គ៝ប់​មេស?”
LUK 10:30 ឞ្រាស​យេឆូ ​អើស​មា​ពាង់​មា​នាវ​ងើយ​នតឹត៖ “គែស​ទូ​ហ្វេ​ឞូ​ក្លោ​លោស​ឞើស​ប៝ន​ក្វ៝ង់​យេរូឆាលឹម  ហាន់​ជឹត​ប៝ន​យេរីខោ ​រី។ រ៝ៈ​ត្រ៝ង​នៃ​ពាង់​ម៝ប់​មា​មពោល​នតុង ឞូ​លើស​ពាង់​ត៝ត់​ខឹត​យើស ឆ៝ៈ​លែៈ​ទ្រាប់​នទើ​ឆ៝ៈ​ខ៝​អាវ​ពាង់​ដ៝ង់ ជេសរី​លែវ​ឞាល់​ញច្វាត់​លែៈ​រាងាត់ នត្លើយ​អេង​អោឞាល់​តា​រី។
LUK 10:31 ជេសរី​គែស​ទូ​ហ្វេ​តា​មពោល​ជាន​ឞ្រាស​ហាន់​រ៝ៈ​ត្រ៝ង​នៃ មពោល​អី​នៃ​ឞ្លាវ​ងាន់​តា​នាវ​វៃ​ផូង​ឞ៝ន់។ ត៝ត់​មា​ឆៃ​ឞូនុយ្ស​រាមាញ​អី​នៃ ពាង់​ហាន់​ទែរ។
LUK 10:32 ជេសរី​គែស​ដ៝ង់​ទូ​ហ្វេ​មពោល​លេវី  មពោល​អី​នៃ​ជេង​នើម​នតី​នាវ​វៃ​ផូង​ឞ៝ន់ ពាង់​ហាន់​ត៝ត់​តា​នៃ​ឆៃ​ឞូនុយ្ស​រាមាញ​អី​នៃ នហ៝​មា​ហាន់​ទែរ​ដ៝ង់។
LUK 10:33 ងខេប​ងាន់​គែស​ទូ​ហ្វេ​មពោល​ឞ្រី​ឆាមារី ​ហាន់​រ៝ៈ​ត្រ៝ង​នៃ​ដ៝ង់ ជេង​ឞូនុយ្ស​អី​ផូង​ឞ៝ន់​មឺច​រាម៝ត​ហោ​ងាន់ មពោល​ពាង់​មោ​អោស​ឞ្លាវ​តា​នាវ​វៃ​ផូង​ឞ៝ន់។ ត៝ត់​មា​ឆៃ​ឞូនុយ្ស​រាមាញ​អី​នៃ ហោ​ងាន់​ពាង់​គែស​នាវ​យោៈ​គែស​នាវ​នអាច​មា​ឞូនុយ្ស​អី​នៃ។
LUK 10:34 ពាង់​ហាន់​ទាច់​ជឹត​ឞូនុយ្ស​រាមាញ​នៃ ពាង់​ឆ៝ៈ​ទាក​ងី ឆ៝ៈ​នទ្រាញ់​ពាង់​នើម​ឞើស​អ្យា​ត៝ៈ​កាលើ​ឆោត​ឞូនុយ្ស​អី​នៃ ឆើម​ពូត​ឆោត​ពាង់​រី ជេសរី​ពឺ​តេៈ​កាលើ​ឆែស​លៀ​ពាង់​ញច៝​រី លែវ​ហាន់​តា​ជៃ​វែស​ឞិច​ឞូ​នាច់។ ត៝ត់​តា​នៃ​ពាង់​ម៝ត់​អ្វាញ់​ឞូនុយ្ស​អី​នៃ​ជឹត។
LUK 10:35 កាស​អោយ​តៃ​ពាង់​អ៝ន់​ឞារ​មល៝ម់​ព្រាក់​កាក់​មា​តើម​ជៃ​នៃ ងក្រែ​មា​នតិញ​ពាង់៖ «ដាៈ​មៃ​ឆើម​ម៝ត់​ឆាម់​ឞូនុយ្ស​អ្យា លាស​លែៈ​ទ៝ង់​រាលាវ​ឞើស​ព្រាក់​គ៝ប់​អ៝ន់​អ្យា ត៝ត់​គ៝ប់​ព្លឹ​តៃ គ៝ប់​កើយ​អ៝ន់​រឹង​មា​មៃ»។
LUK 10:36 លាស​នទ្រី​លែៈ​ពែ​នុយ្ស​ខាន់​ពាង់​អី​នៃ ឞូ​ម៝ស​មៃ​មឹន​ជេង​ឞូនុយ្ស​ច្យៅ​មែង​ដាស​មា​ឞូនុយ្ស​មពោល​នតុង​នៃ​លើស​មេស?”
LUK 10:37 នើម​នតី​នៃ​អើស៖ “ជេង​ឞូនុយ្ស​អី​គែស​នាវ​យោៈ​នអាច​មា​ពាង់​អី​នៃ”។ ឞ្រាស​យេឆូ ​លាស​មា​ពាង់៖ “អ៝ន់​មៃ​ហាន់​ជាន​តឹង​កើត​ពាង់​អី​ទូ​ហ្វេ​នៃ”។
LUK 10:38 ជេសរី​ឞ្រាស​យេឆូ  នទ្រែល​មា​អ៝ស​ម៝ន​ពាង់​ហាន់​ជឹត លាប់​តា​ទូ​ប៝ន តា​ប៝ន​នៃ​គែស​ឞារ​ហៃ​អ៝ស​នូរ​រាញា​ខាន់​ពាង់​មាថា  នទ្រែល​មា​មារី  ជេសរី​មាថា ​ជាៈ​ឞ្រាស​យេឆូ ​លាប់​គុ​តា​ជៃ​ពាង់។ ត៝ត់​តា​ជៃ​នៃ​មារី ​អី​អ៝ស​រី​គុ​អ្យាត់​នាវ​ឞ្រាស​យេឆូ ​នតី ពាង់​គុ​កេង​ជ៝ង់​ឞ្រាស​យេឆូ ​រី។
LUK 10:40 ល៝ង់​មាថា ​ឞ៝ប់​ហោ​ងាន់​មា​នទ្រាប់​ព្យាង់​ត្រាវ ជេសរី​ពាង់​ហាន់​មឞើស​មា​ឞ្រាស​យេឆូ ៖ “ហើយ​កោរាញមៃ​មោ​គឹត​ឞើស អ៝ស​គ៝ប់​ប៝ង់​អេង​គ៝ប់​ជាន​ការ​ទូ​ហ្វេ​អេង​ទើម? មៃ​មឞើស​ដាៈ​ពាង់​កើល​គ៝ប់​បាៈ​ហែស”។
LUK 10:41 ឞ្រាស​យេឆូ ​អើស​មា​ពាង់៖ “អើ​អ៝ស​មាថា  អ៝ស​មាថា ​អើយ! អៃ​រាង៝ត​រាវៃ​មា​នទើ​អេងៗ​អ៝ក់​ងាន់‌
LUK 10:42 យើន​មា​គែស​ទូ​នាវ​ការ​ទើម​គែស​នាវ​ខ្លៃ អ៝ស​អៃ​លែៈ​កើយ្ស​ជេស​ការ​នាវ​ខ្លៃ​អី​នៃ ជេង​ពាង់​អ្យាត់​នាវ​គ៝ប់​នតី។ នាវ​អី​នៃ​ឞូ​មោ​អោស​ឞ្លាវ​ឆ៝ៈ​ឞើស​ពាង់”។
LUK 11:1 គែស​ទូ​នារ​ឞ្រាស​យេឆូ ​មឞើស​ឆើម​តា​ទូ​នតុក។ ជេស​ពាង់​មឞើស​ឆើម​រី គែស​ទូ​ហ្វេ​អ៝ស​ម៝ន​លាស​មា​ពាង់៖ “ហើយ​កោរាញ ដាៈ​មៃ​នតី​អ៝ន់​ហេន​ឞ្លាវ​មឞើស​ឆើម​បាៈ​អើ កើត​យោហាន-​បាប់តែម ​នតី​មា​មពោល​អ៝ស​ម៝ន​ពាង់”។
LUK 11:2 ឞ្រាស​យេឆូ ​អើស​មា​ខាន់​ពាង់៖ “អ៝ន់​ខាន់​អៃ​មៃ​មឞើស​ឆើម​កើត​នអា៖ «អើ​ឞឹ​[គុ​តា​កាលើ​ត្រោក]‌ អ៝ន់​ទឹង​លែៈ​ឞូនុយ្ស​យើក​មឞាស​មា​មៃ [ទាន់​ទឹង​លែៈ​នាវ​តា​នែស​នតូ​អ្យា​តឹង​នាវ​មៃ​អុច តឹម​ឞាន​មា​នាវ​មៃ​នើម​លែៈ​អុច​តា​កាលើ​ត្រោក​ដ៝ង់]។
LUK 11:3 អ៝ន់​នទើ​ឆោង​ឆា​មា​ហេន​អាប់​នារ​អ៝ន់​ត៝ង់។
LUK 11:4 យោៈ​នអាច​លើយ​ហោម​កើប​នាវ​តីស​ហេន តឹម​ឞាន​មា​ហេន​យោៈ​នអាច​មា​ឞូនុយ្ស​ជាន​តីស​មា​ហេន មោ​ហោម​កើប​នាវ​តីស​ពាង់​ដ៝ង់។ កើល​ហេន​លើយ​អោស​ជាន​តីស នោក​ហេន​គែស​នាវ​នទើម [ទាន់​រាក្លាយ្ស​ហេន​ឞើស​នាវ​អ្យើស​មហឹក]»”។
LUK 11:5 ជេសរី​ឞ្រាស​យេឆូ ​លាស​ដ៝ង់​មា​មពោល​អ៝ស​ម៝ន​នៃ៖ “តា​មពោល​ខាន់​អៃ​មៃ លាស​គែស​ទូ​ហ្វេ​ឞូនុយ្ស​ឞ្រោៈ​តា​ជៃ​មឹត​ជាង់​ងគូល​ផុត​ងគូល​មាង់ ពាង់​ក្វាល់៖ «ហើយ​ជាង់ អ៝ន់​គ៝ប់​មាញ​នទើ​ឆោង​ឆា​អាបាៈ​ប៝ត់​អើ‌
LUK 11:6 យ៝រ​លាស​គ៝ប់​គែស​ជាង់​មហែ​ត៝ត់​តាៈ​ឞើស​ងាយ​លាស។ គ៝ប់​មោ​គែស​នទើ​មា​អ៝ន់​ពាង់​ឆោង​ឆា​មេ»។
LUK 11:7 ខាន់​អៃ​មៃ​លាស ឞូនុយ្ស​តា​ត្រោម​ជៃ​នៃ​អើស​មា​ពាង់​កើត​នអា​បាស?៖ «លើយ​ហោម​រាខ្វាក​គ៝ប់​ហ្យា មពោង​លែៈ​ជេស​រាដាង់ អ៝ស​ក៝ន​គ៝ប់​លែៈ​ឞិច​ដ៝ង់ គ៝ប់​មោ​ទើយ​ទ៝ក់​ឆ៝ៈ​អ៝ន់​មា​មៃ​ជាង់​មេ»។
LUK 11:8 មោ​ទី​នទ្រី​អោស។ គ៝ប់​មឞើស​មា​ខាន់​អៃ​មៃ ឞូនុយ្ស​តើម​ជៃ​នៃ​មរា​ទ៝ក់​នទឹ​រ៝ នទ្រែល​មា​អ៝ន់​ម៝ស​នទើ​អាបាៈ​អេង​ជឹត​មឹត​ជាង់​ពាង់​អុច។ ពាង់​ទ៝ក់​នទឹ​នៃ យ៝រ​លាស​ឞូនុយ្ស​អី​នៃ​ឞាញ់​រាខ្វាក​ពាង់​មោ​ឞ្លាវ​ទុត មោ​អោស​យ៝រ​មា​ជេង​មឹត​ជាង់​ទើម។
LUK 11:9 កើត​នទ្រី​គ៝ប់​មឞើស​មា​ខាន់​អៃ​មៃ ទាន់​មរ៝​មរាង់​ហ៝ម់​មា​កោរាញ​ឞ្រាស​ទឹង​ពាង់​អ៝ន់​មា​ខាន់​អៃ​មៃ ជ៝យ​មរ៝​មរាង់​ហ៝ម់​ទឹង​ឆៃ ក្វាល់ ​មរ៝​មរាង់​ហ៝ម់​ឞើស​ទីស​មពោង​ទឹង​កោរាញ​ឞ្រាស​ពើក​អ៝ន់​មា​ខាន់​អៃ​មៃ​រ៝។
LUK 11:10 យ៝រ​លាស​ឞូ​ម៝ស​ទាន់​មរា​គែស ឞូ​ម៝ស​ជ៝យ​មរា​ឆៃ ជេសរី​ឞូ​ម៝ស​អី​ក្វាល់​ឞើស​ទីស​មពោង​មរា​ពើក​អ៝ន់​មា​ពាង់។
LUK 11:11 តា​មពោល​ខាន់​អៃ​មៃ​វៃ​គែស​ដ៝ង់ [លាស​ក៝ន​ទាន់​ព្យាង់​អ៝ន់​ងខើង​លុ​មា​ពាង់?] លាស​ក៝ន​ទាន់​កា ឞឹ​ពាង់​អ៝ន់​ងខើង​ឞេស​គែស​កាច់​មា​ពាង់​ឞើស?
LUK 11:12 មោ​លាស​ក៝ន​ទាន់​តាប់​អ្យារ់​អ៝ន់​ងខើង​នទើរ​វីង​មា​ពាង់?
LUK 11:13 ឞ៝ល​លាស​ខាន់​អៃ​មៃ​ជេង​ឞូនុយ្ស​តីស​កាដោយ ខាន់​អៃ​មៃ​ហោម​ឞ្លាវ​អ៝ន់​នទើ​អ្វែស​មា​ក៝ន​ដ៝ង់ លាស​នទ្រី​ឞឹ​គុ​តា​កាលើ​ត្រោក​រាលាវ​ឞើស​នៃ​អ៝ន់​ឞ្រាស​ហ្វេង​អ្វែស​អី​ក្ល៝ស​អ្វែស​មា​ឞូ​ម៝ស​ទាន់​ឞើស​ពាង់”។
LUK 11:14 គែស​ទូ​ហ្វេ​ឞូ​ក្លោ​ឞ្រាស​អ្យើស​លាប់​អ៝ន់​ពាង់​មល៝ ត៝ត់​ទូ​នារ​រី​ឞ្រាស​យេឆូ ​នត្រុត​ឞ្រាស​អ្យើស​អី​នៃ​លោស​ឞើស​ពាង់ ជេសរី​ពាង់​ឞ្លាវ​ងើយ​រ៝។ ឞូនុយ្ស​គុ​តា​នៃ​អ៝ក់​ងាន់។ ត៝ត់​ឆៃ​នាវ​អី​នៃ​ទឹង​លែៈ​ខាន់​ពាង់​នទ្រ៝ត់​ហីស​រាហ៝ល់​ទាទេ​ងាន់។
LUK 11:15 យើន​មា​គែស​ឞូ​អាបាៈ​លាស៖ “យ៝រ​លាស​ឆាតាង់ ​អី​កោរាញ​មពោល​ឞ្រាស​អ្យើស​អ៝ន់​នាវ​ទើយ​តា​ពាង់ ទឹង​ពាង់​ទើយ​នត្រុត​ឞ្រាស​អ្យើស”។
LUK 11:16 គែស​ឞូ​អាបាៈ​ជឹត​អុច​រាល៝ង​ឞ្រាស​យេឆូ ​ទើម ដាៈ​ពាង់​ជាន​ទូ​នាវ​មឞេន​គៃ​មា​ញហើ​នាវ​ទើយ​ពាង់​តាៈ​ឞើស​កោរាញ​ឞ្រាស​រី។
LUK 11:17 យើន​មា​ឞ្រាស​យេឆូ ​លែៈ​គឹត​ជេស​នាវ​ខាន់​ពាង់​មឹន ជេសរី​ពាង់​លាស៖ “ទឹង​លែៈ​ឞ្រី​អី​គែស​នាវ​តឹម​ល៝ក់​តឹម​ជាញ​ចាស​ច្រាយ​ឞាល់ ឞ្រី​អី​នៃ​រ៝ស​ហេង​រ៝។ ទឹង​លែៈ​រានាក់​អី​គែស​នាវ​តឹម​ល៝ក់​តឹម​ជាញ​នទ្រាង់​នើម រានាក់​អី​នៃ​រ៝ស​ហេង​មោ​ហោម​គែស​ដ៝ង់។
LUK 11:18 លាស​គ៝ប់​នត្រុត​ឞ្រាស​អ្យើស​តាៈ​ឞើស​នាវ​ទើយ​ឆាតាង់ ​អី​កោរាញ​មពោល​ឞ្រាស​អ្យើស ឞ្រាស​អ្យើស​គែស​នាវ​តឹម​រាលាច់​តឹម​ជាញ​ចាស​ច្រាយ​ឞាល់ លាស​នទ្រី​មើម​ទឹង​ហោម​គែស​ឞ្រី​ជឹត? គ៝ប់​ងើយ​កើត​នអា យ៝រ​លាស​ខាន់​មៃ​លាស​គ៝ប់​នត្រុត​ឞ្រាស​អ្យើស​យ៝រ​មា​ឆាតាង់ ​អ៝ន់​នាវ​ទើយ​មា​គ៝ប់។
LUK 11:19 លាស​គ៝ប់​នត្រុត​ឞ្រាស​អ្យើស​យ៝រ​មា​នាវ​ទើយ​ឆាតាង់ ​ងាន់ ឞើស​តាៈ​នាវ​ទើយ​អ៝ស​ម៝ន​ខាន់​មៃ​នត្រុត​ឞ្រាស​អ្យើស​ដ៝ង់? លាស​នទ្រី​អ៝ស​ម៝ន​ខាន់​មៃ​នើម​អី​នៃ​មរា​តេៈ​ទោយ្ស​ខាន់​មៃ​ងាន់​រ៝។
LUK 11:20 យើន​មា​លាស​នាវ​ទើយ​គ៝ប់​នត្រុត​ឞ្រាស​អ្យើស​តាៈ​ឞើស​កោរាញ​ឞ្រាស លាស​នទ្រី​នាវ​កោរាញ​ឞ្រាស​ម៝ត់​អ្វាញ់​មា​ខាន់​មៃ​លែៈ​ត៝ត់​ជេស។
LUK 11:21 លាស​ឞូនុយ្ស​ទាង់​ញអោត​តាក​ញអោត​ដាវ គុ​ញជ្រាង់​ញីស​ជៃ​ពាង់​នើម លាស​នទ្រី​ទ្រាប់​នទើ​ពាង់​ហោម​កើន។
LUK 11:22 យើន​មា​លាស​គែស​ទូ​ហ្វេ​ឞូនុយ្ស​ជឹត​ទាង់​រាលាវ​ពាង់ តឹម​លើស​ទើយ​ឞូ ឞូ​មរា​ឆ៝ៈ​តាក​ដាវ​ពាង់​អី​នៃ នទ្រែល​មា​ឆ៝ៈ​ទ្រាប់​នទើ​ពាង់​ពាៈ​អ៝ន់​មា​ឞូនុយ្ស​អេង​ជឹត។
LUK 11:23 ឞូ​ម៝ស​អី​មោ​គុ​មពែស​មា​គ៝ប់ ឞូនុយ្ស​អី​នៃ​តឹម​រាទ៝ង់​ដាស​គ៝ប់ ឞូ​ម៝ស​អី​មោ​គុ​គូម​នទ្រែល​គ៝ប់ ឞូនុយ្ស​អី​នៃ​ចាស​ច្រាយ​ញហីង​ញហាង”។
LUK 11:24 “លាស​ឞ្រាស​អ្យើស​លោស​ឞើស​ទូ​ហ្វេ​ឞូនុយ្ស ជេសរី​ពាង់​ឞ្រោៈ​រ៝ៈ​ឞ្រី​រាទាស ពាង់​ជ៝យ​នតុក​មា​គុ​មោ​គែស​អោស ជេសរី​ពាង់​មរា​លាស​អេង​កើត​នអា៖ «គ៝ប់​ព្លឹ​គុ​តា​ជៃ​អើម​គ៝ប់​នតុក​គ៝ប់​មហែ​លោស​នើស​ប៝ត់»។
LUK 11:25 ត៝ត់​ពាង់​ព្លឹ​តា​នៃ ឆៃ​ជៃ​អី​នៃ​លែៈ​មពេស​អ្វែស នទ្រាប់​អ្យាហែប‌
LUK 11:26 ជេសរី​ពាង់​ហាន់​ជាៈ​ឞ្រាស​អ្យើស​អា​អេង​ពើស​អឹ​ជឹត ឞ្រាស​អ្យើស​អី​នៃ​ជាញ​រាលាវ​ពាង់​ងាន់ ហាន់​លាប់​គុ​នទ្រែល​តា​នៃ​ដ៝ង់ ជាន​អ៝ន់​ឞូនុយ្ស​អី​នៃ​គែស​នាវ​ជេរ​អ្យើស​រាលាវ​អើម​នើស​ជឹត”។
LUK 11:27 ទោល​ឞ្រាស​យេឆូ ​ហោម​ងើយ​នាវ​នៃ គែស​ទូ​ហ្វេ​ឞូ​អូរ​តា​ផូង​ឞូនុយ្ស​អ៝ក់​នៃ​លាស៖ “ឞូ​អូរ​អី​ទែស​មៃ អី​មពូ​មៃ​មា​ត៝ស ឞូ​អូរ​អី​នៃ​លាប​ងាន់​រ៝”។
LUK 11:28 យើន​មា​ឞ្រាស​យេឆូ ​អើស៖ “ឞូនុយ្ស​អី​អ្យាត់​នាវ​កោរាញ​ឞ្រាស​ងើយ នហ៝​មា​តឹង​កើត ពាង់​អី​នៃ​លាប​អ៝ក់​រាលាវ”។
LUK 11:29 ជេសរី​ឞូនុយ្ស​គុ​គូម​លើ​មា​អ៝ក់​ងាន់ ឞ្រាស​យេឆូ ​លាស​មា​ផូង​អី​នៃ៖ “ឞូនុយ្ស​តា​រានោក​អាបៃ​រី​អ្យើស​មហឹក​ហោ​ងាន់ អុច​ឆៃ​មា​នាវ​មឞេន​ទើម យើន​មា​កោរាញ​ឞ្រាស​មោ​អោស​អ៝ន់​នាវ​មឞេន​អេង​ជឹត ពាង់​អ៝ន់​ទូ​នាវ​មឞេន​តឹម​ឞាន​មា​នាវ​មឞេន​យោនាយ្ស ​អី​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស​ទើម។
LUK 11:30 យោនាយ្ស ​ជេង​នាវ​មឞេន​មា​ប៝ន​នីនីវេ ​ឆៃ នទ្រី​តា​នារ​ជឹត​នាប់​តៃ​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​ជេង​នាវ​មឞេន​តា​រានោក​អាបៃ​អ្យា​ដ៝ង់។
LUK 11:31 តា​នារ​កោរាញ​ឞ្រាស​ផាត​ទោយ្ស​ទឹង​លែៈ​ឞូនុយ្ស​តា​នែស​នតូ គែស​កាដាច់​ឞូ​អូរ​រាញា​ពាង់​ឆេបា  ពាង់​មរា​តេៈ​ទោយ្ស​មា​ឞូនុយ្ស​រានោក​អាបៃ​អ្យា។ កាល់​អែ​នើស​ពាង់​កាដាច់​តា​ឞ្រី​អេង​ងាយ​មពែស​ឞើស​ទ៝ង់​ឞ្រី​អីឆ្រាអែល  ឞ៝ល​លាស​ពាង់​គុ​ងាយ​ទុត​ឞ្រី​ទុត​នែស​កាដោយ ពាង់​ហាន់​តា​ឞ្រី​អីឆ្រាអែល ​គៃ​មា​អ្យាត់​នាវ​មឹន​គឹត​ឞ្លាវ​កាដាច់​ឆាលោមោន ​តា​ឞ្រី​អ្យា។ យើន​មា​នារ​អ្យា​តា​នតុក​អ្យា​គែស​ទូ​ហ្វេ​ឞូនុយ្ស​នាវ​ងើយ​ពាង់​ខ្លៃ​រាលាវ​នាវ​ងើយ​កាដាច់​ឆាលោមោន  តីស​មា​ខាន់​អៃ​មៃ​មោ​អុច​អោស​អ្យាត់​ពាង់។
LUK 11:32 តា​នារ​កោរាញ​ឞ្រាស​ផាត​ទោយ្ស​ទឹង​លែៈ​ឞូនុយ្ស​តា​នែស​នតូ​អ្យា ឞូនុយ្ស​ប៝ន​នីនីវេ ​មរា​តេៈ​ទោយ្ស​ឞូនុយ្ស​តា​រានោក​អាបៃ​អ្យា​ដ៝ង់ យ៝រ​លាស​រានោក​កាល់​អែ​នើស ជេស​ខាន់​ពាង់​តាង់​នាវ​យោនាយ្ស ​មឞើស ខាន់​ពាង់​រាគ៝ល់​លើយ​នូយ្ស​នហ៝ម់​អ្យើស​រ៝ ខាន់​ពាង់​រាង៝ត​លែៈ​លាន់​នាវ​ខាន់​ពាង់​ជាន​តីស​នើស យើន​មា​តា​អ្យា​អាបៃ​អ្យា​គែស​ដ៝ង់​ទូ​ហ្វេ​ឞូនុយ្ស​ក្វ៝ង់​រាលាវ​មា​យោនាយ្ស ​នៃ​ជឹត”។
LUK 11:33 ឞ្រាស​យេឆូ ​នតី​ជឹត៖ “មោ​គែស​អោស​ឞូនុយ្ស​មពេស​អុញ​ឆាគេង ជេសរី​ពោន​តា​ក្វឹល មោ​លាស​កុប​លើយ​ដាស​ឆាស​ឞើស​លើ។ ឞូ​វៃ​មពេស​ឆាគេង​យោង​តា​កាលើ គៃ​មា​អាង​លែៈ​ឞូនុយ្ស​អី​លាប់​តា​ត្រោម​ជៃ​នៃ។
LUK 11:34 ត្រោម​មាត់​ខាន់​អៃ​មៃ​ជេង​តឹម​ឞាន​មា​ឆាគេង​មា​ឆាក់​ជាន់ លាស​ត្រោម​មាត់​ខាន់​អៃ​មៃ​ហោម​អាង​អ្វែស លែៈ​ឆាក់​ជាន់​ខាន់​អៃ​មៃ​ហោម​អាង​ទាទេ យើន​មា​លាស​ត្រោម​មាត់​ខាន់​អៃ​មៃ​លែៈ​ង៝​ជេស លែៈ​ឆាក់​ជាន់​ខាន់​អៃ​មៃ​ជេង​ង៝​ទាទេ​ដ៝ង់។
LUK 11:35 កើត​នអៃ​អ៝ន់​ខាន់​អៃ​មៃ​ឞ្លាវ​ញជ្រាង់ លើយ​អ៝ន់​ខាន់​អៃ​មៃ​កើប​អេង​នាវ​អាង ជេសរី​ឞូ​មោ​អោស​ឆៃ​នាវ​អាង ឆៃ​នាវ​ង៝​ច្រាវ។
LUK 11:36 លាស​លែៈ​ឆាក់​ជាន់​ខាន់​អៃ​មៃ​ហោម​អាង​ទាទេ មោ​អោស​គែស​នតុក​ង៝ លាស​នទ្រី​លែៈ​នាវ​រេស​ខាន់​អៃ​មៃ​គែស​អាង​ទាទេ តឹម​ឞាន​មា​អុញ​ឆាគេង​ងអាង​ខាន់​អៃ​មៃ​នៃ​ដ៝ង់”។
LUK 11:37 ជេស​ឞ្រាស​យេឆូ ​ងើយ​នៃ គែស​ទូ​ហ្វេ​ផូង​ផារីឆី ​ជាៈ​ឞ្រាស​យេឆូ ​ហាន់​ឆោង​ឆា​តា​ជៃ​ពាង់​រី។ ឞ្រាស​យេឆូ ​ហាន់​ត៝ត់​តា​នៃ​គុ​ឆោង​ឆា​នទ្រែល​តា​រី។
LUK 11:38 ឞូនុយ្ស​ផារីឆី ​អី​នៃ​គែស​នាវ​នទ្រ៝ត់​ហីស​រាហ៝ល់​ងាន់​ឆៃ​ឞ្រាស​យេឆូ ​ឆោង​មោ​គែស​រាវ​តី​ល៝រ។
LUK 11:39 លាស​នទ្រី​ឞ្រាស​យេឆូ ​លាស​មា​ពាង់៖ “ហើយ​នោ ផូង​ផារីឆី ​ខាន់​មៃ​ជេង​តឹម​ឞាន​មា​ឞូនុយ្ស​អី​រាវ​ងាន រាវ​យាង់​តា​ឞើស​ទីស​ទើម យើន​មា​តា​ត្រោម​ហោម​អែ​អូក​រាមាវ ខាន់​មៃ​រាវ​តី​តឹង​មា​នាវ​វៃ​ខាន់​មៃ តីស​មា​តា​នូយ្ស​នហ៝ម់​ខាន់​មៃ​រី​ហោម​ទុត​អុច​មា​នាវ​ឆា​ញឆ្យាន់ នទ្រែល​មា​នាវ​មឹន​អ្យើស​មហឹក​ហោ​ងាន់។
LUK 11:40 ហើយ​ឞូនុយ្ស​មឞ្លុ លាស​កោរាញ​ឞ្រាស​លែៈ​ញជេង​ជេស​នទើ​ឞើស​ទីស តា​ត្រោម​ពាង់​ញជេង​នទើ​ដ៝ង់ លាស​នទ្រី​ពាង់​អុច​តា​នូយ្ស​នហ៝ម់​ខាន់​មៃ​អ៝ន់​ក្ល៝ស​តឹម​ឞាន​មា​ឆាក់​ជាន់​ខាន់​មៃ​ដ៝ង់។
LUK 11:41 លាស​នទ្រី​អ៝ន់​អ៝ក់​នទើ​មា​ឞូនុយ្ស​អ៝​អាច រី​មើ​ខាន់​មៃ​ក្ល៝ស​តា​នូយ្ស​នហ៝ម់​ដ៝ង់ ជេសរី​ខាន់​មៃ​ក្ល៝ស​ឞើស​ទីស​ដ៝ង់ ក្ល៝ស​តា​នូយ្ស​នហ៝ម់​ដ៝ង់។
LUK 11:42 ហើយ​ផូង​ផារីឆី  រេស​រាញាល់​ងាន់​មា​ខាន់​មៃ​មេ! ខាន់​មៃ​នើស​ឆ៝ៈ​នទើ​គែស​ជឹត​អឹ​រាហ្វាត់​ង្វាយ​ញហើរ​មា​កោរាញ​ឞ្រាស កើត​លាស​នទើ​មោ​ខ្លៃ ក្លោយ្ស គីរ នទ្រែល​មា​នទើ​បោ​អាបាៈ​អេង​ដ៝ង់។ នាវ​អី​ញហើរ​ជេង​ទី តីស​មា​ខាន់​មៃ​មអារ់​លើយ​នាវ​ឆ៝ង់ នទ្រែល​មា​នាវ​រ៝ង់​កោរាញ​ឞ្រាស​អី​គែស​នាវ​ខ្លៃ​រាលាវ​ឞូ លាស​នទ្រី​អ៝ន់​ខាន់​មៃ​ញឆ្រោយ្ស​ញហើរ​កើត​អី​នៃ​មា​កោរាញ​ឞ្រាស​ដ៝ង់ យើន​មា​លើយ​ច្វេល​នាវ​ឆ៝ង់ នទ្រែល​មា​នាវ​រ៝ង់​ដ៝ង់។
LUK 11:43 ហើយ​ផូង​ផារីឆី  រេស​រាញាល់​ងាន់​មា​ខាន់​មៃ​មេ! យ៝រ​លាស​តា​នតុក​ញីស​រាបុន​ផូង​ឞ៝ន់​ខាន់​មៃ​នើស​អុច​គុ​ឞើស​នាប់​ឞូ​អី​នតុក​ឞូ​លឺ​ងាន់ នទ្រែល​មា​អុច​ហាន់​រ៝ៈ​នតុក​ឞូ​តាច់​ទ្រាប់ អ៝ក់​ឞូនុយ្ស​ឞូ​កុញ​ឞោក​មឞាស​មា​ខាន់​មៃ។
LUK 11:44 រេស​រាញាល់​ងាន់​មា​ខាន់​មៃ​មេ [អី​ផូង​ផារីឆី  នទ្រែល​មា​អី​ផូង​នើម​នតី​នាវ​វៃ​ផូង​ឞ៝ន់ ខាន់​មៃ​មពោល​នូយ្ស​នហ៝ម់​នទ៝ប់​មពោន] យ៝រ​លាស​ខាន់​មៃ​នើស​ជេង​តឹម​ឞាន​មា​នតូ​មោច​អ្វាញ់​មោ​ឆៃ ជេសរី​ឞូ​ទែ​ឞ្រោៈ​ជ៝ត​កាលើ​មោ​អោស​គឹត​ឆាក់ នទ្រី​ពាង់​មោ​ហោម​ក្ល៝ស​អោស។ កើត​នទ្រី​ដ៝ង់​ខាន់​មៃ​អ្វែស​តា​ឞើស​ទីស តីស​មា​តា​នូយ្ស​នហ៝ម់​រី​អ្យើស”។
LUK 11:45 គែស​ទូ​ហ្វេ​នើម​នតី​នាវ​វៃ​ផូង​អីឆ្រាអែល ​អើស​មា​ឞ្រាស​យេឆូ  ពាង់​លាស៖ “ហើយ​នើម​នតីមៃ​ងើយ​កើត​អី​នៃ ជេង​មៃ​មឺច​ញឆ៝ត​មា​ផូង​ហេន​ដ៝ង់​មេ”។
LUK 11:46 ឞ្រាស​យេឆូ ​អើស​មា​ពាង់៖ “ហើយ​ផូង​នើម​នតី​នាវ​វៃ​ផូង​ឞ៝ន់ រេស​រាញាល់​ងាន់​មា​ខាន់​មៃ យ៝រ​លាស​ខាន់​មៃ​តេៈ​នាវ​វៃ​ទុត​ជ៝ក់​អ៝ន់​មា​ឞូនុយ្ស​ជាន តីស​មា​ខាន់​មៃ​នើម​មោ​គែស​អោស​កើល​ជាន​នាវ​អី​នៃ ដេៈ​ក៝ៈ​មោ​គែស​ដ៝ង់។
LUK 11:47 រេស​រាញាល់​ងាន់​មា​ខាន់​មៃ យ៝រ​មា​ខាន់​មៃ​ជាន​អ្វែស​ងាន់​ជៃ​មោច​មា​ឞូនុយ្ស​នតើយ្ស​នាវ​ងើយ​កោរាញ​ឞ្រាស អី​អូ​ចែ​ខាន់​មៃ​លែៈ​ងខឹត​លើយ​កាល់​អែ​នើស តីស​មា​ខាន់​មៃ​មោ​អោស​ជាន​តឹង​នាវ​នតី​ឞូនុយ្ស​នតើយ្ស​នាវ​ងើយ​កោរាញ​ឞ្រាស​អី​នៃ។
LUK 11:48 ខាន់​មៃ​ជាន​កើត​នៃ ខាន់​មៃ​តឹម​ទី​ទូ​នតោរ​នាវ​នទ្រែល​អូ​ចែ​ខាន់​មៃ​នៃ​ដ៝ង់ ខាន់​ពាង់​មា​ងខឹត ខាន់​មៃ​មា​ជាន​ជៃ​មោច​ទើម។
LUK 11:49 នទ្រី​កោរាញ​ឞ្រាស​អី​គែស​នាវ​គឹត​មឹន​លាស​កើត​នអា៖ «គ៝ប់​ដាៈ​ឞូនុយ្ស​នតើយ្ស​នាវ​ងើយ​គ៝ប់​ហាន់​អា​ខាន់​ពាង់ នទ្រែល​មា​កោរាញ​អ៝ស​ម៝ន​ដ៝ង់ តីស​មា​ឞូនុយ្ស​អី​នៃ អាបាៈ​ខាន់​ពាង់​ងខឹត​លើយ អាបាៈ​ជឹត​ខាន់​ពាង់​ជាន​ជេរ»។
LUK 11:50 កើត​នទ្រី​គ៝ប់​កើប​ឞូនុយ្ស​តា​រានោក​អាបៃ​អ្យា​គែស​ទោយ្ស​ងខឹត​ឞូនុយ្ស​នតើយ្ស​នាវ​ងើយ​កោរាញ​ឞ្រាស​នតើម​ឞើស​ញជេង​នែស​នតូ។ ឞ៝ល​លាស​ឞូនុយ្ស​នតើយ្ស​នាវ​ងើយ​កោរាញ​ឞ្រាស​អី​នៃ​លែៈ​ឞូ​ងខឹត​ឞើស​កាល់​អែ​នើស ទោយ្ស​អី​នៃ​ហោម​តេៈ​ត៝ត់​មា​ឞូនុយ្ស​តា​រានោក​អាបៃ​អ្យា​ដ៝ង់‌
LUK 11:51 ជេង​នតើម​ឞើស​ក៝ន​អាដាម់ ​រាញា​ពាង់​កាអីន ​ងខឹត​អី​អ៝ស​ពាង់​រាញា​អាបែល  នហ៝​មា​ត៝ត់​ឞូ​ងខឹត​ឆាការី  អី​ឞូ​ងខឹត​ពាង់​តា​វាស​វាង​ញឆឺង​គុច​ពូរ​នទើ​ជាន​ឞ្រាស មា​ញីស​ជាន​ឞ្រាស​រី។ គ៝ប់​មឞើស​មា​ខាន់​មៃ មហាម​ខាន់​ពាង់​អី​នៃ​កោរាញ​ឞ្រាស​មរា​តេៈ​ទោយ្ស​តា​រានោក​ឞូនុយ្ស​អាបៃ​អ្យា។
LUK 11:52 ហើយ​ឞូនុយ្ស​នើម​នតី​នាវ​វៃ​ផូង​អីឆ្រាអែល  រេស​រាញាល់​ងាន់​មា​ខាន់​មៃ​មេ យ៝រ​លាស​ខាន់​មៃ​មោ​អ៝ន់​ឞូ​គឹត​នាល់​នាវ​ងាន់​កោរាញ​ឞ្រាស។ នាវ​អី​នៃ​តឹម​ឞាន​មា​រាដាង់​លើយ​មពោង​ឞើស​ទីស​មា​លាប់​នាវ​កោរាញ​ឞ្រាស​ម៝ត់​អ្វាញ់ ឆាក់​ខាន់​មៃ​នើម​លែៈ​មោ​គែស​លាប់​តា​មពោង​អី​នៃ ជេសរី​ខាន់​មៃ​ឞ្វៃ​ដ៝ង់​ឞូ​អេង​ជឹត​អី​អុច​លាប់ មោ​អ៝ន់​លាប់”។
LUK 11:53 នតើម​ឞើស​ឞ្រាស​យេឆូ ​លោស​ឞើស​នតុក​នៃ ផូង​នើម​នតី​នាវ​វៃ​ផូង​អីឆ្រាអែល  នទ្រែល​មា​ផូង​ផារីឆី  តឹម​រាទ៝ង់​ដាស​ពាង់​ទុត​ហោ ជេសរី​អោប​មពែត​ពាង់​មា​នាវ​អេងៗ​អ៝ក់។
LUK 11:54 ខាន់​ពាង់​ជាន​កើត​នៃ​អុច​ជ៝យ​នាវ​លាស​ឞ្រាស​យេឆូ ​អើស​តីស មោ​លាស​ងើយ​តីស គៃ​មា​នតោន​ពាង់​រ៝។
LUK 12:1 នោក​នៃ​គែស​ឞូនុយ្ស​គុ​រាបុន​អ៝ក់​រាឞាន់​ងាន់ គៃ​មា​ម៝ប់​ឞ្រាស​យេឆូ  ត៝ត់​មា​តឹម​មពែត​តឹម​ជ៝ត​ឞាល់​ងាន់។ ជេសរី​ឞ្រាស​យេឆូ ​លាស​មា​មពោល​អ៝ស​ម៝ន​ពាង់​ល៝រ៖ “អ៝ន់​ខាន់​អៃ​មៃ​ញជ្រាង់​នូយ្ស​នហ៝ម់​នទ៝ប់​មពោន​ផូង​ផារីឆី  នាវ​អ្យើស​នូយ្ស​នហ៝ម់​នទ៝ប់​មពោន​អី​នៃ​លើ​ក្វ៝ង់​លើ​ក្វ៝ង់ តឹម​ឞាន​មា​នទ្រូយ​ដេៈ​ជាន​អ៝ន់​ព្យាង់​នទ្រាញ់​អ៝ក់​ជេង​ទាង។
LUK 12:2 គែស​ទូ​នារ​ជឹត​នាប់​តៃ​កោរាញ​ឞ្រាស​មរា​អ៝ន់​ឞូ​ឆៃ​ទឹង​លែៈ​នទើ​អី​ឞូនុយ្ស​ហោម​មពោន កោរាញ​ឞ្រាស​អ៝ន់​ឞូ​គឹត​ទាទេ​ដ៝ង់ ទឹង​លែៈ​នទើ​អី​ឞូនុយ្ស​មោ​អុច​អ៝ន់​ឞូ​គឹត។
LUK 12:3 កើត​នទ្រី​ទឹង​លែៈ​នាវ​ខាន់​អៃ​មៃ​ងើយ​តា​នតុក​ង៝ ឞូ​មរា​តាង់​តា​នតុក​អាង លែៈ​នាវ​ខាន់​អៃ​មៃ​ងើយ​ឆ្វីស​តា​ត្រោម​តោរ​តា​ត្រោម​ជ្រោ ឞូ​មរា​មឞើស​ងក៝ច​នាវ​អី​នៃ​តា​កាលើ​ច៝រ​ជៃ​រ៝។
LUK 12:4 ហើយ​មឹត​ជាង់ ខាន់​អៃ​មៃ​អ្យាត់​នាវ​គ៝ប់ ខាន់​អៃ​មៃ​លើយ​អោស​ក្លាច​ឞូនុយ្ស ខាន់​ពាង់​គែស​នាវ​ទើយ​ងខឹត​តា​រាង្លៃ​ឆាក់​ទើម ជេសរី​ជាន​មោ​អោស​ហោម​ឞ្លាវ​ជឹត។
LUK 12:5 គ៝ប់​មឞើស​នទើ​អី​ខាន់​អៃ​មៃ​ទី​ក្លាច ក្លាច​មា​កោរាញ​ឞ្រាស​ហ៝ៈ យ៝រ​លាស​ជេស​ពាង់​ងខឹត ជេសរី​ពាង់​គែស​នាវ​ទើយ​ងក្លាច់​តា​នទ្រូង​អុញ​ជឹត។ នទ្រី​គ៝ប់​មឞើស​មា​ខាន់​អៃ​មៃ អ៝ន់​ខាន់​អៃ​មៃ​ក្លាច​មា​ពាង់។
LUK 12:6 ឞូ​វៃ​តាច់​ព្រាម់​មល៝ម់​ឆ្យុម​រាលែវ​ខ្លៃ​ឞារ​មល៝ម់​កាក់​ជេៈ​ទើម ឞ៝ល​លាស​ថ៝ក​កើត​នៃ​កាដោយ​លែៈ មោ​គែស​អោស​ទូ​មល៝ម់​ឆ្យុម​រាលែវ​កោរាញ​ឞ្រាស​ច្វេល។
LUK 12:7 ឞ៝ល​លាស​ទឹង​លែៈ​ឆ៝ក់​តា​ឞោក​ខាន់​អៃ​មៃ​នើម កោរាញ​ឞ្រាស​លែៈ​ជេស​កើប​ដ៝ង់។ កើត​នទ្រី​លើយ​ក្លាច​អោស យ៝រ​លាស​កោរាញ​ឞ្រាស​កើប​ខាន់​អៃ​មៃ​ខ្លៃ​ងាន់​រាលាវ​មា​ឆ្យុម​រាលែវ​ទូ​ផូង​ជឹត។
LUK 12:8 ហើយ​ខាន់​អៃ​មៃ​អ្យាត់​ហ៝ម់ ឞូ​ម៝ស​អី​ឞាញ់​មឞើស​មា​ឞូ​ពាង់​តឹង​គ៝ប់គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​មរា​មឞើស​ពាង់​អី​នៃ​ជេង​អ៝ស​ម៝ន​គ៝ប់​តា​ឞើស​នាប់​មាត់​កោរាញ​ឞ្រាស នទ្រែល​មា​តា​ឞើស​នាប់​មាត់​ផូង​តោង​ពារ់​កោរាញ​ឞ្រាស​នើម​ដ៝ង់។
LUK 12:9 យើន​មា​ឞូ​ម៝ស​អី​មោ​ឞាញ់​មឞើស​មា​ឞូ​ពាង់​តឹង​គ៝ប់គ៝ប់​មោ​ដ៝ង់​មឞើស​ពាង់​អី​នៃ​ជេង​អ៝ស​ម៝ន​គ៝ប់​តា​ឞើស​នាប់​មាត់​កោរាញ​ឞ្រាស នទ្រែល​មា​មពោល​តោង​ពារ់​កោរាញ​ឞ្រាស។
LUK 12:10 ឞូ​ម៝ស​ពាង់​អី​ងើយ​តឹម​រាទ៝ង់​ដាស​គ៝ប់​អី​ឞូនុយ្ស​តាៈ​ឞើស​កោរាញ​ឞ្រាស កោរាញ​ឞ្រាស​ហោម​យោៈ​មោ​អោស​កើប​នាវ​តីស​ពាង់ យើន​មា​ឞូ​ម៝ស​ពាង់​អី​ងើយ​តឹម​រាទ៝ង់​ដាស​មា​ឞ្រាស​ហ្វេង​អ្វែស​អី​ក្ល៝ស​អ្វែស កោរាញ​ឞ្រាស​ហោម​កើប​នាវ​តីស​ពាង់​នានាវ។
LUK 12:11 លាស​ឞូ​លែវ​ខាន់​អៃ​មៃ​ហាន់​តា​ញីស​រាបុន​ផូង​ឞ៝ន់​គៃ​មា​ផាត​ទោយ្ស​យ៝រ​មា​ខាន់​អៃ​មៃ​តឹង​គ៝ប់ មោ​លាស​ឞូ​លែវ​ខាន់​អៃ​មៃ​ហាន់​តា​ឞើស​នាប់​មាត់​កោរាញ​ម៝ត់​អ្វាញ់ មោ​លាស​មពោល​ឞូ​រាញ លើយ​អោស​ខាន់​អៃ​មៃ​រាវៃ​ម៝ស​នាវ​អី​ខាន់​អៃ​មៃ​អុច​ងើយ មោ​លាស​ម៝ស​នាវ​អី​ខាន់​អៃ​មៃ​អុច​អើស​មា​នាវ​ខាន់​ពាង់​នតោន។
LUK 12:12 យ៝រ​លាស​តា​ម៝ង​អី​នៃ​ឞ្រាស​ហ្វេង​អ្វែស​អី​ក្ល៝ស​អ្វែស​មឞើស​មា​ខាន់​អៃ​មៃ ម៝ស​នាវ​អី​ខាន់​អៃ​មៃ​អុច​ងើយ”។
LUK 12:13 គែស​ទូ​ហ្វេ​ឞូ​ក្លោ​តា​ផូង​ឞូនុយ្ស​អ៝ក់​នៃ​លាស​មា​ឞ្រាស​យេឆូ ៖ “ហើយ​នើម​នតី ឞឹ​ហេន​លែៈ​ខឹត​ជេស ដាៈ​មៃ​មឞើស​មា​នោ​គ៝ប់ ដាៈ​ពាង់​ពាៈ​ទ្រាប់​នទើ​នទើន​អ៝ន់​មា​គ៝ប់​បាៈ​អើ”។
LUK 12:14 ឞ្រាស​យេឆូ ​អើស​មា​ពាង់៖ “ឞូ​ម៝ស​ដាៈ​គ៝ប់​ជាន​កោរាញ​ផាត​ទោយ្ស មោ​លាស​ជេង​ឞូនុយ្ស​កើល​ពាៈ​ទ្រាប់​នទើ​អ៝ន់​មា​ខាន់​មៃ​មេស?”
LUK 12:15 ជេសរី​ឞ្រាស​យេឆូ ​លាស​មា​ផូង​ឞូនុយ្ស​នៃ៖ “អ៝ន់​ញជ្រាង់​ហ៝ម់ លើយ​អោស​រាវាន​កើញ​គែស​មា​ទ្រាប់​នទើ។ ឞ៝ល​លាស​ឞូនុយ្ស​គែស​ទ្រាប់​នទើ​អ៝ក់​រាមែស នាវ​រេស​ពាង់​មោ​អោស​តាៈ​ឞើស​ទ្រាប់​នទើ​អ៝ក់​អី​នៃ”។
LUK 12:16 ជេសរី​ឞ្រាស​យេឆូ ​ងើយ​នាវ​នតឹត​មា​ខាន់​ពាង់ ពាង់​លាស៖ “គែស​ទូ​ហ្វេ​ឞូនុយ្ស​នទ្រ៝ង់ តា​មីរ​ពាង់​រី​គែស​ឞា​ជេង​អ្វែស​ងាន់ ព្លៃ​រាគ្លែត​ងាន់។
LUK 12:17 ជេសរី​ពាង់​មឹន​អេង​តា​ឆាក់​ពាង់​នើម​កើត​នអា៖ «មោ​ហោម​គែស​អោស​នតុក​មា​ទើ​ឞា​គ៝ប់​អី​នៃ​តៃ លាស​នទ្រី​មើម​គ៝ប់​ជាន?»
LUK 12:18 ពាង់​មឹន​ជឹត៖ «គ៝ប់​ជាន​កើត​នអា រើយ្ស​លើយ​ជៃ​ឞា​អើម​អី​នៃ ជេសរី​កើយ​ជាន​អ៝ន់​ហ្វី​អ៝ន់​ក្វ៝ង់​ងាន់ ឆ៝ៈ​ឞា នទ្រែល​មា​ទ្រាប់​នទើ​អី​គ៝ប់​គែស​រី​តោស​ឞូន​តា​នតុក​ជៃ​ឞា​មហែ​អី​នៃ។
LUK 12:19 ជេសរី​គ៝ប់​លាស​អេង​មា​ឆាក់​គ៝ប់​នើម គ៝ប់​គែស​ជេស​ឞា​ឞេង​ឞា​រាហ្យាង់​ទុត​អ៝ក់​អ្យា អ៝ន់​មា​ព្រាប់​ឆា​ជ៝ៈ​នាម់​ជឹត​នាប់ គ៝ប់​គុ​ទើម ជេសរី​មឹន​មា​ឆា​កាស​លាស​រាង្លៃ​ហ៝ៈ»។
LUK 12:20 តីស​មា​កោរាញ​ឞ្រាស​លាស​មា​ពាង់៖ «ហើយ​ឞូនុយ្ស​រាលូក តា​មាង់​អ្យា​រ៝ គ៝ប់​រាហ្វាត់​លើយ​ហ្វេង​មៃ។ លាស​នទ្រី​លែៈ​ទ្រាប់​នទើ​អី​មៃ​គែស​ព្រាប់​អី​នៃ​នើស ជេង​ឞូ​ម៝ស​មា​នទើន?»
LUK 12:21 តឹម​ឞាន​កើត​នៃ​ដ៝ង់ លាស​ឞូ​ម៝ស​ជ៝យ​ព្រាក់​ទ្រាប់​នទើ​ព្រាប់​មា​ឆាក់​ពាង់​នើម​ទើម តីស​មា​មោ​គឹត​មា​នទើ​កោរាញ​ឞ្រាស​ទែ​ដាៈ”។
LUK 12:22 ជេសរី​ឞ្រាស​យេឆូ ​លាស​មា​មពោល​អ៝ស​ម៝ន​ពាង់៖ “កើត​នទ្រី​ទឹង​គ៝ប់​មឞើស​ខាន់​អៃ​មៃ លើយ​អោស​រាវៃ​មា​នទើ​ឆោង​ឆា​មា​ឆ្យាម់​នាវ​រេស មោ​លាស​ឞ៝ក​អាវ​មា​ញឆ៝ស​ងគូត​ឆាក់​ជាន់​ខាន់​អៃ​មៃ។
LUK 12:23 គែស​នទើ​អេង​ជឹត​តា​នាវ​រេស​អី​គែស​នាវ​ខ្លៃ​រាលាវ​មា​នទើ​ឆោង​ឆា គែស​នទើ​អេង​ជឹត​មា​ឆាក់​ជាន់​អី​គែស​នាវ​ខ្លៃ​រាលាវ​មា​ឞ៝ក​អាវ​មា​ញឆ៝ស។
LUK 12:24 ល៝ង់​អ្វាញ់​នអាក ពាង់​មោ​តូច​តាម់ មោ​កាច់​រ៝យ្ស មោ​អោស​គែស​ទ្រ៝ង់​មោ​អោស​គែស​ជៃ​ឞា យើន​មា​កោរាញ​ឞ្រាស​ម៝ត់​ឆ្យាម់​ពាង់​ដ៝ង់។ លាស​នទ្រី​ល៝ង់​ខាន់​អៃ​មៃ​អី​នៃ​កោរាញ​ឞ្រាស​កើប​គែស​នាវ​ខ្លៃ​អ៝ក់​រាលាវ​ងាន់​មា​ដាស​ឆ្យុម​អ៝ច​អី​នៃ។
LUK 12:25 តា​មពោល​ខាន់​អៃ​មៃ​អី​នៃ ឞ៝ល​លាស​ខ៝ម់​រាវៃ​ទុត​ហោ​កាដោយ​លែៈ ក៝ៈ​មោ​គែស​អោស​ឞូនុយ្ស​មា​ទើយ​នត៝ប​នាវ​រេស​ពាង់​នើម​អ៝ន់​ជ៝ង ដេៈ​ក៝ៈ​មោ​ទើយ​ដ៝ង់។
LUK 12:26 លាស​នទ្រី​នាវ​អី​ទុត​ជេៈ​អី​នៃ លាស​ខាន់​អៃ​មៃ​ជាន​មោ​ទើយ​ដ៝ង់ មើម​ទឹង​ហោម​រាវៃ​មា​នាវ​អាបាៈ​អេង​ជឹត?
LUK 12:27 ល៝ង់​ខាន់​អៃ​មៃ​អ្វាញ់​កាវ​ឆី​ហ៝ន​អេង​តា​ឞ្រី ពាង់​មោ​អោស​រាអាស​មោ​អោស​រាគាញ់​ជាន​ការ មោ​លាស​រូយ​តាញ​គៃ​មា​អ្វែស​អ្វាញ់។ គ៝ប់​មឞើស​មា​ខាន់​អៃ​មៃ ឞ៝ល​លាស​កាដាច់​ឆាលោមោន ​កាល់​អែ​នើស នោក​ពាង់​ងក្រឹ​ឆាក់​ជាន់​ឆ៝ស​ងគូត​ខ៝​អាវ​អ្វែស ហោម​មោ​ទើយ​ឞាន​អ្វែស​កាវ​ឆី​ទូ​ងក៝ង​អ្យា​ដ៝ង់។
LUK 12:28 ហើយ​ឞូនុយ្ស​គែស​នាវ​ញឆីង​ដេៈ​ទើម លាស​កោរាញ​ឞ្រាស​អ៝ន់​ជេស​មា​កាវ​ឆី​អី​នៃ​អ្វែស​ងាន់​អ្វាញ់ នារ​អ្យា​ពាង់​ទាង នារ​អោយ​តៃ​ឞូ​ឆូ​លើយ​ពាង់​មា​អុញ លាស​នទ្រី​កោរាញ​ឞ្រាស​នទ្រាប់​អ៝ន់​ខ៝​អាវ​មា​ខាន់​អៃ​មៃ​រាលាវ​ឞើស​នៃ​ជឹត។
LUK 12:29 កើត​នទ្រី​ខាន់​អៃ​មៃ​អី​នៃ​លើយ​អោស​មឹន​រាវៃ លើយ​អោស​ជ៝យ​មា​នទើ​ឆោង​ឆា​មា​នទើ​ញេត​ទើម។
LUK 12:30 គែស​មពោល​អី​មោ​អ្យាត់​មា​កោរាញ​ឞ្រាស​ខ៝ម់​ញឆ្រោយ្ស​ជ៝យ​ទឹង​លែៈ​នទើ​អី​នៃ។ ល៝ង់​អី​ខាន់​អៃ​មៃ​នៃ​ឞឹ​ខាន់​អៃ​មៃ​នើម​តា​កាលើ​ត្រោក​រី លែៈ​ពាង់​គឹត​ទាទេ​ជេស​ម៝ស​នទើ​អី​ខាន់​អៃ​មៃ​អេ​ហ៝ៈ​ត៝ង់។
LUK 12:31 លាស​នទ្រី​ញឆ្រោយ្ស​ជ៝យ នទ្រែល​មា​អ្យាត់​លែៈ​នទើ​កោរាញ​ឞ្រាស​អុច​ល៝រ រី​មើ​ពាង់​អ៝ន់​នត៝ប​នទើ​អី​នៃ​មា​ខាន់​អៃ​មៃ​ដ៝ង់។
LUK 12:32 ហើយ​មពោល​ជេៈ​គ៝ប់ លើយ​ក្លាច​អោស ឞឹ​ខាន់​អៃ​មៃ​នើម​តា​កាលើ​ត្រោក​រី​មអាក​ងាន់​ម៝ត់​អ្វាញ់​ខាន់​អៃ​មៃ។
LUK 12:33 តាច់​ហ៝ម់​ទ្រាប់​នទើ​ខាន់​អៃ​មៃ​គែស ពាៈ​អ៝ន់​មា​មពោល​អ៝​អាច។ នទ្រី​មើ​ខាន់​អៃ​មៃ​ជេង​រាបុន​ទ្រាប់​នទើ​អី​មោ​ឞ្លាវ​អោម​អី​មោ​ឞ្លាវ​លែៈ រាបុន​ទ្រាប់​នទើ​ព្រាប់​មា​ខាន់​អៃ​មៃ​នើម​តា​នតុក​កោរាញ​ឞ្រាស​តា​កាលើ​ត្រោក​រី នតុក​អី​នៃ​មោ​អោស​គែស​ឞូនុយ្ស​នតុង មោ​អោស​គែស​ញច្យារ់​រែស។
LUK 12:34 ញជ្រាង់​ហ៝ម់ នទើ​អី​ខាន់​អៃ​មៃ​នត្រ៝ង់​ខ្លៃ​រាលាវ​ឞូ ជេង​នទើ​អី​ខាន់​អៃ​មៃ​មឹន​រាវៃ​រាលាវ​ឞូ​ដ៝ង់”។
LUK 12:35 “អ៝ន់​ខាន់​អៃ​មៃ​ញជ្រាង់​បាបើ​ហ៝ម់ ក៝ប់​គ៝ប់​ព្លឹ​តៃ​តា​អ្យា តឹម​ឞាន​មា​ទឹក​គុ​ក៝ប់​កោរាញ​ខាន់​ពាង់​ព្លឹ​ឆឹត​ឞើស​ឆា​នអាប់​នោក​មាង់។ ខាន់​ពាង់​នទ្រាប់​ឆាក់​ជាន់ អ៝ន់​គែស​អុញ​ឆាគេង​ហីត​ទូ​នាង់​រាអាង​ដ៝ង់ គៃ​មា​ទើស​ពើក​មពោង​មា​ពាង់ នទ្រែល​មា​គើញ​ជាន​ការ​អ៝ន់​មា​ពាង់​រ៝។
LUK 12:37 ត៝ត់​កោរាញ​ឆឹត​តា​រី អ្វែស​ងាន់​មា​ទឹក​អាបាៈ​អី​ពាង់​ឆៃ​ហោម​គុ​រាងែស​ក៝ប់​តា​រី។ គ៝ប់​លាស​នហេល​នានេៈ​ងាន់​មា​ខាន់​អៃ​មៃ អី​កោរាញ​នៃ​មរា​អ៝ន់​ទឹក​ពាង់​រី​គុ​ឆោង​ឆា​តា​ញឆឺង​រ៝ អី​ពាង់​នើម​រី​នទ្រាប់​ឆាក់​ជាន់​មា​ព្លាច់​ឆើម​កើល​ជាន​ការ​អ៝ន់​ខាន់​ពាង់​អី​នៃ។
LUK 12:38 ឞ៝ល​លាស​អី​កោរាញ​ពាង់​ត៝ត់​ងគូល​មាង់ មោ​លាស​កេង​អាង​កាដោយ ហោម​ឆៃ​ទឹក​ពាង់​ហោម​គុ​រាងែស​ក៝ប់​ដ៝ង់ ទឹក​អី​នៃ​គែស​នាវ​អ្វែស​ងាន់​រ៝។
LUK 12:39 អ៝ន់​ខាន់​អៃ​មៃ​គឹត​នាវ​អ្យា៖ លាស​ឞូនុយ្ស​តើម​ជៃ​គឹត​ម៝ង​ឞូ​ហាន់​នតុង ពាង់​មោ​អោស​ប៝ក​គ៝រ​អ៝ន់​ឞូនុយ្ស​នតុង​អី​នៃ​លាប់​តា​ជៃ​ពាង់។
LUK 12:40 លាស​នទ្រី​អ៝ន់​ខាន់​អៃ​មៃ​គុ​ញជ្រាង់​តឹម​ឞាន​ដ៝ង់ យ៝រ​លាស​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​ព្លឹ​វាច់ តា​ម៝ង​ងើត​រាងើយ​ខាន់​អៃ​មៃ​មោ​គែស​មឹន”។
LUK 12:41 ពេត្រោស ​អោប​ឞ្រាស​យេឆូ ៖ “ហើយ​កោរាញ នាវ​មៃ​ងើយ​នតឹត​អ្យា​ទើន​លាស​មា​ហេន​ទើម មោ​លាស​អុច​លាស​មា​ទឹង​លែៈ​ប៝ន​លាន​ដ៝ង់?”
LUK 12:42 ឞ្រាស​យេឆូ ​អើស​មា​ពាង់៖ “គ៝ប់​មឞើស​មា​ទឹង​លែៈ​ឞូនុយ្ស​អី​តឹម​ឞាន​មា​ទូ​ហ្វេ​ទឹក​អី​គែស​នូយ្ស​នហ៝ម់​ឆ៝ង់ នទ្រែល​មា​លែៈ​ឞ្លាវ​ងាន់។ កោរាញ​ជាវ​ពាង់​ម៝ត់​អ្វាញ់​ទឹក​អា​អេង​តា​ជៃ​នៃ នទ្រែល​មា​អ៝ន់​ពាង់​ពាៈ​នទើ​ឆោង​ឆា​តឹម​ទី​ម៝ង​អ៝ន់​មា​ខាន់​ពាង់​ដ៝ង់។ ជេសរី​កោរាញ​ហាន់​តា​នតុក​ងាយ​ជ៝ៈ​នារ។
LUK 12:43 នោក​កោរាញ​ពាង់​ឆឹត​ត៝ត់​តា​ជៃ​រី ហោម​ឆៃ​ពាង់​ជាន​ការ​កើត​នៃ ទឹក​អី​នៃ​គែស​នាវ​អ្វែស​ងាន់​រ៝។
LUK 12:44 គ៝ប់​មឞើស​ងាន់​មា​ខាន់​អៃ​មៃ កោរាញ​មរា​អ៝ន់​ទឹក​អី​នៃ​ម៝ត់​អ្វាញ់​ទឹង​លែៈ​នទើ​កោរាញ​គែស។
LUK 12:45 តីស​មា​លាស​ទឹក​អី​នៃ​ពាង់​គែស​លាស​អេង​តា​នូយ្ស​នហ៝ម់​ពាង់​នើម​រី៖ «កោរាញ​គ៝ប់​ជ៝ៈ​ងាន់​ឆឹត ពាង់​មោ​អោស​គើញ​ឆឹត»។ ជេសរី​ពាង់​នតើម​រាពាត់​មឞាង​ទឹក​អា​អេង នអ៝ប់​មា​ឞូ​អូរ​ដ៝ង់​ឞូ​ក្លោ​ដ៝ង់ នទ្រែល​មា​ឆោង​ឆា​ញេត​នទ្រាញ់​ញុល​ឞ្លឹក​ឞ្លែក។
LUK 12:46 ជេសរី​អី​កោរាញ​ទឹក​អី​នៃ​ព្លឹ​ឆឹត​ត៝ត់​តា​រី តា​នារ​នៃ​ទឹក​អី​នៃ​មោ​អោស​គែស​ញជ្រាង់ តា​ម៝ង​នៃ​ពាង់​មោ​គែស​គឹត​ដ៝ង់។ កោរាញ​ងក្រីត​ពាង់​រ៝ នទ្រែល​មា​អ៝ន់​ពាង់​គុ​តា​នតុក​ទឹង​លែៈ​ឞូនុយ្ស​អី​មោ​គែស​ដ៝ង់​ជាន​ការ​អ៝ន់​ឆ៝ង់។
LUK 12:47 ឞូ​ម៝ស​ទឹក​អី​លែៈ​គឹត​នាល់​នូយ្ស​នហ៝ម់​កោរាញ​ពាង់​នើម​អុច តីស​មា​មោ​នទ្រាប់​ឆាក់​ជាន់ នទ្រែល​មា​មោ​ជាន​តឹង​នូយ្ស​នហ៝ម់​កោរាញ​អុច ទឹក​អី​នៃ​មរា​ម៝ប់​ម៝ង់​អ៝ក់​ងាន់។
LUK 12:48 យើន​មា​ទឹក​អី​មោ​គឹត​នាល់​នូយ្ស​នហ៝ម់​កោរាញ​រី ពាង់​គែស​ជាន​តីស​ដ៝ង់ តីស​មា​ម៝ប់​ម៝ង់​ដេៈ​ដាៈ​ទើម។ យើន​មា​ឞូ​ម៝ស​អី​ឞូ​អ៝ន់​នទើ​អ៝ក់ ឞូ​មរា​ទាន់​តាៈ​ឞើស​ឞូនុយ្ស​អី​នៃ​អ៝ក់​ដ៝ង់។ ឞូ​ម៝ស​អី​ឞូ​ជាវ​ជាន​ការ​ក្វ៝ង់ ឞូ​មរា​អោប​ឞើស​ពាង់​អី​នៃ​លើ​ហោ​អ៝ក់​ជឹត”។
LUK 12:49 ឞ្រាស​យេឆូ ​លាស​ជឹត៖ “គ៝ប់​វាច់​គៃ​មា​លែវ​អុញ​ទោស​តា​នែស​នតូ។ គ៝ប់​អុច​ងាន់​លាស​ឆៃ​អុញ​អី​នៃ​លែៈ​ហីត។
LUK 12:50 ហោម​ដេៈ​នារ​ជឹត​នាប់​តៃ​គ៝ប់​គែស​នាវ​ក្រីត​ជេរ​ហោ​ងាន់ នទើ​អី​នៃ​ជេង​ទូ​នតីល​បាប់តែម​មា​គ៝ប់ តា​នូយ្ស​នហ៝ម់​គ៝ប់​រាង៝ត​ហោ​ងាន់​ត៝ត់​មា​នាវ​អី​អ្យា​ជេស​លែៈ​ផ្យៅ។
LUK 12:51 លើយ​អោស​ខាន់​អៃ​មៃ​មឹន​គ៝ប់​វាច់​គៃ​មា​លែវ​នាវ​ដាប់​មពាន់​តា​នែស​នតូ​អ្យា មោ​ទី​អោស វាច់​គៃ​មា​លែវ​នាវ​តឹម​ងខាស​មពោល។
LUK 12:52 នតើម​ឞើស​នារ​អ្យា​ជឹត​នាប់ នតឹត​លាស​គែស​ទូ​មល៝ម់​ជៃ គែស​ឞូនុយ្ស​ព្រាម់​នុយ្ស ឞូនុយ្ស​ព្រាម់​នុយ្ស​អី​នៃ​មរា​តឹម​ងខាស​មពោល ពែ​នុយ្ស​តឹម​ងខាស​មពោល​ដាស​មា​ឞារ​ហៃ ឞារ​ហៃ​តឹម​ងខាស​មពោល​ដាស​មា​ពែ​នុយ្ស
LUK 12:53 «ឞឹ​តឹម​ងខាស​មពោល​ដាស​ក៝ន​ឞូ​ក្លោ‌ ក៝ន​ឞូ​ក្លោ​តឹម​ងខាស​មពោល​ដាស​ឞឹ‌ មេៈ​តឹម​ងខាស​មពោល​ដាស​ក៝ន​ឞូ​អូរ‌ ក៝ន​ឞូ​អូរ​តឹម​ងខាស​មពោល​ដាស​មេៈ‌ ព៝​ឞូ​អូរ​តឹម​ងខាស​មពោល​ដាស​មាន់‌ មាន់​តឹម​ងខាស​មពោល​ដាស​ព៝​ឞូ​អូរ»”។
LUK 12:54 ឞ្រាស​យេឆូ ​លាស​មា​ផូង​ប៝ន​លាន​ដ៝ង់៖ “ទោល​ខាន់​អៃ​មៃ​ឆៃ​តុក​ឞ្រោៈ​មពែស​ឞើស​ញ៝ប់​នារ​រី ខាន់​អៃ​មៃ​លាស​រ៝៖ «ឞើយ​អុច​មីស​ជេស» នទ្រី​គែស​មីស​ងាន់​រ៝។
LUK 12:55 លាស​ខាន់​អៃ​មៃ​ឆៃ​គែស​ឆ្យាល​ខោម​តាៈ​មពែស​ឞើស​ទ៝ង់​រី ខាន់​អៃ​មៃ​លាស៖ «នារ​អ្យា​ហោ​ទោស» ពាង់​គែស​ទោស​ងាន់​រ៝។
LUK 12:56 ហើយ​ឞូនុយ្ស​ជាន​អ្យាត់​នាវ​កោរាញ​ឞ្រាស​ទើម ខាន់​អៃ​មៃ​ឞ្លាវ​មឞេន​ត្រោក នទ្រែល​មា​ឞ្លាវ​មឞេន​នែស លាស​នទ្រី​មើម​ទឹង​មោ​គឹត​វ៝ត់​នទើ​អី​កោរាញ​ឞ្រាស​ជាន​តា​នោក​អាបៃ​អ្យា?”
LUK 12:57 “ជេសរី​មើម​ទឹង​ខាន់​អៃ​មៃ​មោ​គែស​ងក្ល៝ន់​អេង​តា​ឆាក់​ខាន់​អៃ​មៃ​នើម អី​នាវ​ខាន់​អៃ​មៃ​ជាន​ទី?
LUK 12:58 លាស​ខាន់​អៃ​មៃ​ហាន់​ជឹត​ញីស​ផាត​ទោយ្ស​រី ទោល​ខាន់​អៃ​មៃ​ហាន់​រ៝ៈ​ត្រ៝ង​នទ្រែល​ឞូនុយ្ស​អី​ខាន់​អៃ​មៃ​គែស​នាវ​នៃ អ៝ន់​ខាន់​អៃ​មៃ​តឹម​ទាន់​នាវ​យោៈ​ឞាល់ ក្លាច​លាស​ឞូ​ញជុន​ខាន់​អៃ​មៃ​ជឹត​កោរាញ​ផាត​ទោយ្ស កោរាញ​ផាត​ទោយ្ស​អី​នៃ​ញជុន​មា​កោរាញ​នទ្រូង ជេសរី​កោរាញ​នទ្រូង​អី​នៃ​ក្រុង​ខាន់​អៃ​មៃ​តា​ត្រោម​នទ្រូង​រ៝។
LUK 12:59 គ៝ប់​មឞើស​មា​ខាន់​អៃ​មៃ លាស​មោ​រឹង​ជាន​ទោយ្ស​អ៝ន់​ឞូ ខាន់​អៃ​មៃ​មោ​ទើយ​អោស​លោស​ឞើស​នតុក​នៃ”។
LUK 13:1 តា​នតុក​នៃ​ដ៝ង់ គែស​ឞូនុយ្ស​អាបាៈ​តា​ផូង​អី​នៃ​មឞើស​មា​ឞ្រាស​យេឆូ ​មា​នាវ​កោរាញ​ពីលាត ​ទែ​ជាន ខាន់​ពាង់​លាស៖ “ហើយ​កោរាញ គែស​មពោល​កាលីលេ ​ពីលាត ​ទែ​ងខឹត​ខាន់​ពាង់​តា​ជ៝ង់​គូង​ញីស​ជាន​ឞ្រាស​មា​កោរាញ​ឞ្រាស តា​នតុក​នៃ​ខាន់​ពាង់​ហោម​អែ​ជាន​ឞ្រាស នទ្រី​មហាម​ខាន់​ពាង់​ហ៝ច​លាយ​ដាស​មហាម​មពោមពា​(ឆ្យុម)​អី​ខាន់​ពាង់​ជាន​ឞ្រាស​នើស”។
LUK 13:2 ឞ្រាស​យេឆូ ​អើស​មា​ខាន់​ពាង់៖ “អាស​ខាន់​អៃ​មៃ​មឹន​មពោល​កាលីលេ ​អី​នៃ​គែស​នាវ​តីស​អ៝ក់​រាលាវ​មា​ដាស​ផូង​កាលីលេ ​អេងៗ​ឞើស ទឹង​គែស​មា​ខាន់​ពាង់​ខឹត​អ្យើស​កើត​នៃ?
LUK 13:3 គ៝ប់​មឞើស​មា​ខាន់​អៃ​មៃ មោ​ទី​អោស! លាស​ខាន់​អៃ​មៃ​មោ​គែស​រាគ៝ល់​លើយ​នូយ្ស​នហ៝ម់​អ្យើស ខាន់​អៃ​មៃ​មរា​រ៝ស​ហេង​តឹម​ឞាន​មា​ខឹត​ឞូ​អី​នៃ​ដ៝ង់។
LUK 13:4 លាស​នទ្រី​អ៝ន់​ខាន់​អៃ​មៃ​កាស​គឹត​នោក​ទូ​មល៝ម់​ជៃ​ព្រេស​រាញា​ឆីល៝ម ​តា​ប៝ន​ក្វ៝ង់​យេរូឆាលឹម  ជៃ​អី​នៃ​ងក្ល៝ន់​ឞូនុយ្ស ១៨ នុយ្ស​ខឹត។ អាស​ខាន់​អៃ​មៃ​មឹន​ខាន់​ពាង់​អី​នៃ​យ៝រ​មា​គែស​នាវ​តីស​អ៝ក់​រាលាវ​មា​ឞូនុយ្ស​អាបាៈ​អេង​តា​ប៝ន​យេរូឆាលឹម ​ឞើស?
LUK 13:5 មោ​ទី​អោស! គ៝ប់​មឞើស​មា​ខាន់​អៃ​មៃ លាស​ខាន់​អៃ​មៃ​មោ​គែស​រាគ៝ល់​លើយ​នូយ្ស​នហ៝ម់​អ្យើស ខាន់​អៃ​មៃ​តៃ​រ៝ស​ហេង​ដ៝ង់”។
LUK 13:6 ជេសរី​ឞ្រាស​យេឆូ ​ងើយ​នាវ​នតឹត​អ្យា​លាស៖ “គែស​ទូ​ហ្វេ​ឞូ​ក្លោ​តាម់​ទូ​តើម​រាវី ​តា​មីរ​ពាង់​នើម។ អាប់​នាម់​ត៝ត់​ខៃ​គែស​ព្លៃ​ឞូនុយ្ស​អី​តើម​មីរ​អី​នៃ​គៃ​មា​ពែៈ​ព្លៃ​ឞើស​តើម​រាវី ​អី​នៃ​មោ​អោស​ឆៃ​គែស​ព្លៃ។
LUK 13:7 ជេសរី​ពាង់​លាស​មា​ឞូនុយ្ស​ម៝ត់​មីរ​នៃ៖ «ហើយ​មៃ តើម​រាវី ​អ្យា​លែៈ​ពែ​នាម់​ជេស​គ៝ប់​គៃ​មា​ពែៈ​ព្លៃ មោ​អោស​ឆៃ​ព្លៃ។ កាល់​មអារ់​លើយ​ទោស ម៝ស​ជាន​រ៝ង​ហ្វាច​ទើម​នែស!»
LUK 13:8 ជេសរី​ឞូនុយ្ស​អី​ម៝ត់​មីរ​នៃ​លាស៖ «ហើយ​កោរាញ មៃ​រ៝ង​ពាង់​ហោម​ទូ​នាម់​ជឹត ក៝ប់​គ៝ប់​ញឆើរ​នែស តេៈ​អាច់​នទ្រោក​ប៝ត់។
LUK 13:9 ងខេប​លាស​នាម់​ឞើស​នាប់​តៃ​ព្លៃ។ លាស​មោ​ឆៃ​ព្លៃ​ដ៝ង់​ទឹង​គែស​មា​កាល់​លើយ​ពាង់!»”
LUK 13:10 គែស​ទូ​នារ​រី ជេង​នារ​ឆាបាត់ ​អី​នារ​ផូង​អីឆ្រាអែល ​រាលូ​ឞ្វៃ​ជាន​ការ ឞ្រាស​យេឆូ ​គុ​នតី​ឞូ​តា​ញីស​រាបុន​ផូង​អីឆ្រាអែល ​រី។
LUK 13:11 តា​នតុក​នៃ​គែស​ទូ​ហ្វេ​ឞូ​អូរ​ឞ្រាស​អ្យើស​លើស​ពាង់ លែៈ​ជ៝ៈ ១៨ នាម់​ហើយ ច៝រ​កុយ្ស​ពាង់​ដុន ទ៝ក់​ឆ៝ង់​មោ​ឞ្លាវ​អោស។
LUK 13:12 ទោល​ឞ្រាស​យេឆូ ​ឆៃ​ឞូ​អូរ​អី​នៃ ពាង់​ក្វាល់​ឞូ​អូរ​អី​នៃ​វាច់​ទាច់ ជេសរី​លាស​មា​ពាង់៖ “នាវ​ដុន​ច៝រ​កុយ្ស​អៃ​លែៈ​ឞាស​ជេស”។
LUK 13:13 ឞ្រាស​យេឆូ ​តេៈ​តី​កាលើ​ឆាក់​ពាង់​រី ជេសរី​ឞូ​អូរ​អី​នៃ​ទ៝ក់​ឆ៝ង់​ឞាស​នទាល​តា​នៃ​រ៝ ងក្រែ​មា​ពាង់​រានេ​មា​កោរាញ​ឞ្រាស​ដ៝ង់។
LUK 13:14 តីស​មា​ឞូនុយ្ស​អី​ម៝ត់​អ្វាញ់​ញីស​រាបុន​នៃ ឆៃ​ឞ្រាស​យេឆូ ​ជាន​ឞាស​ឞូ​តា​នារ​ឆាបាត់  ពាង់​ជី​នូយ្ស​ងាន់។ ពាង់​លាស​មា​ផូង​ប៝ន​លាន​អី​នៃ៖ “គែស​ព្រាវ​នារ​ទើយ​ជាន​ការ លាស​នទ្រី​ខាន់​អៃ​មៃ​ហាន់​តា​នារ​អី​នៃ​ទោ លាស​អុច​ជាន​ឞាស​នាវ​ជី លើយ​អោស​ហាន់​តា​នារ​ឆាបាត់ ”។
LUK 13:15 ឞ្រាស​យេឆូ ​លាស​មា​ឞូនុយ្ស​អី​ម៝ត់​ញីស​រាបុន​នៃ៖ “ហើយ​ឞូនុយ្ស​ជាន​អ្យាត់​នាវ​កោរាញ​ឞ្រាស​ទើម! អាស​ទឹង​លែៈ​ខាន់​មៃ​អើម​មោ​លាស​ទ្រ៝ស​នទ្រោក ឆែស​លៀ ឞើស​នទ្រូង​ងគារ​លែវ​អ៝ន់​ពាង់​ញេត​ទាក​តា​នារ​ឆាបាត់ ​ហែស? នទើ​អី​នៃ​ជាន​ការ​ដ៝ង់។
LUK 13:16 ឞូ​អូរ​អ្យា​ក៝ន​ឆៅ​អាឞ្រាហាម់ ​អី​ចែ​ផូង​ឞ៝ន់​ដ៝ង់។ ឆាតាង់ ​អី​កោរាញ​មពោល​ឞ្រាស​អ្យើស​ក៝ត់​ពាង់​លែៈ​ជ៝ៈ ១៨ នាម់​ងាន់ លាស​នទ្រី​គ៝ប់​រាក្លាយ្ស​ពាង់​តា​នារ​ឆាបាត់ ​អើម​មោ​ទី​បាស?”
LUK 13:17 ជេស​ឞ្រាស​យេឆូ ​ងើយ​នៃ ដីត​ព្រេង​ទាទេ​ងាន់​លែៈ​ឞូនុយ្ស​អី​តឹម​រាទ៝ង់​ដាស​ពាង់​រី​នើស។ ល៝ង់​អី​ប៝ន​លាន​រី​ឞូ​គែស​នាវ​រាម់​មអាក​ងាន់​មា​លែៈ​នាវ​ទើយ​នាវ​អ្វែស​ឞ្រាស​យេឆូ ​ជាន​អី​នៃ។
LUK 13:18 ជេសរី​ឞ្រាស​យេឆូ ​លាស៖ “ម៝ស​នទើ​ទើយ​តឹម​នតឹត​មា​នាវ​កោរាញ​ឞ្រាស​ម៝ត់​អ្វាញ់? លាស​នទ្រី​ម៝ស​នទើ​គ៝ប់​ជាន​គៃ​មា​ទើយ​តឹម​រាដឹល​មា​នាវ​កោរាញ​ឞ្រាស​ម៝ត់​អ្វាញ់​ឞូនុយ្ស​នៃ?
LUK 13:19 នាវ​កោរាញ​ឞ្រាស​ម៝ត់​អ្វាញ់​ឞូនុយ្ស ជេង​តឹម​ឞាន​មា​គារ់​ឆី​ទូ​នតីល​ទុត​ជេៈ គែស​ទូ​ហ្វេ​ឞូ​ក្លោ​តាម់​តា​មីរ​ពាង់​នើម​រី។ គារ់​ឆី​អី​នៃ​ហ៝ន​ជេង​តើម​ឆី​ទុត​ក្វ៝ង់ ជេសរី​នហ៝​មា​គែស​ឆ្យុម​ជាន​រាឆ្វាន់​តា​ងគីង​នៃ​ដ៝ង់”។
LUK 13:20 ឞ្រាស​យេឆូ ​លាស​ជឹត៖ “លាស​នទ្រី​ម៝ស​នទើ​អេង​ជឹត​គ៝ប់​នតឹត​គៃ​មា​ទើយ​តឹម​ឞាន​មា​នាវ​កោរាញ​ឞ្រាស​ម៝ត់​អ្វាញ់​នៃ?
LUK 13:21 នាវ​កោរាញ​ឞ្រាស​ម៝ត់​អ្វាញ់​ឞូនុយ្ស ជេង​តឹម​ឞាន​មា​នទ្រូយ​ទូ​មល៝ម់ ទូ​ហ្វេ​ឞូ​អូរ​ឆ៝ៈ​ព៝ត​លាយ​នទ្រែល​រានីស​ឞា​ព្រាង់  ពាង់​តេៈ​ទាក​មព្យាច់​អ៝ន់​តឹម​លាប់​ឞាល់​គៃ​មា​ជាន​នុមពាង់ ត៝ត់​ជ៝ៈ​ទូ​ម៝ង​ឞារ​ម៝ង​ឞើស​កើយ​នៃ ទឹង​លែៈ​នទើ​អី​នៃ​លើ​មា​ក្វ៝ង់​លើ​មា​ក្វ៝ង់”។
LUK 13:22 ជេសរី​ឞ្រាស​យេឆូ ​ហាន់​រាប៝ង់​ជឹត​ប៝ន​ក្វ៝ង់​យេរូឆាលឹម ពាង់​ហាន់​គ្លាត់​រ៝ៈ​ប៝ន​ក្វ៝ង់ រ៝ៈ​ប៝ន​ជេៈ​អេងៗ នហ៝​មា​នតុម​នតី​ឞូ​ដ៝ង់។
LUK 13:23 តា​ទូ​ប៝ន​គែស​ទូ​ហ្វេ​ឞូ​ក្លោ​អោប​ពាង់៖ “ហើយ​កោរាញ ឞូនុយ្ស​អី​គែស​នាវ​រាក្លាយ្ស​គែស​ដេៈ​ទើម​បាស?” ឞ្រាស​យេឆូ ​អើស​មា​ពាង់៖
LUK 13:24 “ត្រ៝ង​តា​នាវ​រាក្លាយ្ស​តឹម​ឞាន​មា​មពោង​ជៃ​ហ្វេត លាស​នទ្រី​អ៝ន់​ខាន់​អៃ​មៃ​ញឆ្រោយ្ស​លាប់​រ៝ៈ​មពោង​ជៃ​ហ្វេត​អី​នៃ។ គ៝ប់​មឞើស​មា​ខាន់​អៃ​មៃ គែស​អ៝ក់​ឞូនុយ្ស​អុច​លាប់ តីស​មា​មោ​ទើយ​អោស។
LUK 13:25 គែស​ទូ​ហ្វេ​តើម​ជៃ ត៝ត់​ទូ​នារ​ពាង់​ទ៝ក់​រាដាង់​លើយ​មពោង ខាន់​អៃ​មៃ​គុ​ឞើស​ទីស​មពោង​រី នតើម​ក្វាល់​ពាង់៖ «ហើយ​កោរាញ! ហើយ​កោរាញ! ពឹ​មពោង​មា​ហេន​បាៈ​អើ»។ ពាង់​អី​តើម​ជៃ​នៃ​អើស​មា​ខាន់​អៃ​មៃ​លាស៖ «មោ​អោស គ៝ប់​មោ​អោស​គឹត​នាល់​ខាន់​អៃ​មៃ​អី​នៃ​ឞើស​តាៈ!»
LUK 13:26 ជេសរី​ខាន់​អៃ​មៃ​មឞើស​តៃ​មា​ពាង់​ដ៝ង់៖ «ម៝ស​នើស! ហេន​វៃ​គុ​ឆោង​ឆា​នទ្រែល​មៃ​នើស​ហ្យើ មៃ​វៃ​នតុម​នតី​ហេន​រ៝ៈ​ប៝ន​ដ៝ង់»។
LUK 13:27 ពាង់​លាស​មា​ខាន់​អៃ​មៃ៖ «ហើយ​មពោល​ជាន​ការ​ក្វែ ទូ​ងាយ​ឞើស​គ៝ប់​ហ៝ម់! គ៝ប់​មោ​អោស​គឹត​នាល់​ខាន់​អៃ​មៃ​អី​នៃ​ឞើស​តាៈ!» គ៝ប់​តឹម​ឞាន​មា​តើម​ជៃ​អី​នៃ។
LUK 13:28 ជេសរី​ខាន់​អៃ​មៃ​គែស​នាវ​ញហ្យាង់​ញុម នទ្រែល​មា​រាច្យាត់​ឆេក ទោល​ខាន់​អៃ​មៃ​ឆៃ​មពោល​ចែ​ខាន់​អៃ​មៃ​អាឞ្រាហាម់ អីឆាក់  នទ្រែល​មា​យាកោប  ជេសរី​នទ្រែល​មា​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស​គុ​តា​នាវ​កោរាញ​ឞ្រាស​ម៝ត់​អ្វាញ់​នៃ តីស​មា​អី​ខាន់​អៃ​មៃ​នៃ​កោរាញ​ឞ្រាស​នត្លើយ​លើយ​ឞើស​ទីស​រី។
LUK 13:29 គែស​ឞូនុយ្ស​អី​តាៈ​ឞើស​អាប់​ញជោញ​ឞ្រី ខាន់​ពាង់​មោ​អោស​ទី​ផូង​អីឆ្រាអែល  គុ​ញេត​ឆោង​ឆា​នទ្រែល​តា​នតុក​ឞ្រី​កាដាច់​កោរាញ​ឞ្រាស​រី​ដ៝ង់។
LUK 13:30 ល៝ង់​ឞូនុយ្ស​អី​ឞើស​កើយ​ព្លាច់​ឞើស​នាប់ ឞូនុយ្ស​អី​ឞើស​នាប់​ព្លាច់​ឞើស​កើយ​ច្រាវ គែស​ឞូនុយ្ស​អាបាៈ​តា​នែស​នតូ​អ្យា​ឞូ​គឹត​ខាន់​ពាង់​គែស​នាវ​ខ្លៃ​ងាន់ យើន​មា​តា​ជឹត​នាប់​តៃ​មោ​អោស​គែស​នាវ​ខ្លៃ តីស​មា​គែស​ឞូនុយ្ស​អាបាៈ​អេង​ជឹត​តា​នែស​នតូ​អ្យា​ឞូ​គឹត​ខាន់​ពាង់​មោ​អោស​គែស​នាវ​ខ្លៃ យើន​មា​តា​ជឹត​នាប់​តៃ​ងខើង​មា​គែស​នាវ​ខ្លៃ”។
LUK 13:31 តា​នោក​នៃ​គែស​ផូង​ផារីឆី ​អាបាៈ​ហាន់​ម៝ប់​ឞ្រាស​យេឆូ  ជេសរី​លាស​មា​ពាង់៖ “មៃ​ទូ​ឞើស​នតុក​អ្យា​ហ៝ម់ កោរាញ​ម៝ត់​អ្វាញ់​ហេរោត-​អ៝ន់តីពាស ​អុច​ងខឹត​មៃ”។
LUK 13:32 ឞ្រាស​យេឆូ ​លាស​មា​ផូង​អី​នៃ៖ “ពាង់​មោ​អោស​គែស​នាវ​ទើយ​មា​គ៝ប់ ហាន់​ខាន់​មៃ​មឞើស​មា​ពាង់​អី​ឞូនុយ្ស​តឹម​ឞាន​មា​ឆ៝​ឞ្រី​អី​នៃ នារ​អ្យា នារ​អោយ​តៃ គ៝ប់​ហោម​នត្រុត​ឞ្រាស​អ្យើស នទ្រែល​មា​ជាន​ឞាស​ឞូនុយ្ស​ជី ត៝ត់​នារ​អោយ​ក្លាក​គ៝ប់​ជាន​ការ​គ៝ប់​អ្យា​ត៝ត់​ជេស។
LUK 13:33 យើន​មា​នារ​អ្យា នារ​អោយ​តៃ នទ្រែល​មា​នារ​អោយ​ក្លាក អ្យាត់​មា​គ៝ប់​ហាន់​រ៝ៈ​ត្រ៝ង គ៝ប់​ហាន់​ត៝ត់​តា​ប៝ន​ក្វ៝ង់​យេរូឆាលឹម  យ៝រ​លាស​មោ​ទី​អោស​មា​ឞូនុយ្ស​នតើយ្ស​នាវ​ងើយ​កោរាញ​ឞ្រាស​ខឹត​ឞើស​ទីស​ប៝ន​អី​នៃ។
LUK 13:34 ហើយ​ឞូនុយ្ស​តា​ប៝ន​យេរូឆាលឹម  ឞូនុយ្ស​តា​ប៝ន​យេរូឆាលឹម  ខាន់​អៃ​មៃ​លែៈ​ងខឹត​ជេស​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស ឆ៝ៈ​លុ​នតុប​ងខឹត​លើយ​អី​ឞូនុយ្ស​កោរាញ​ឞ្រាស​ដាៈ​ហាន់​នតី​ខាន់​អៃ​មៃ។ យើន​មា​លែៈ​បាបើ​ងាន់​គ៝ប់​អុច​រាគូម​ខាន់​អៃ​មៃ តឹម​ឞាន​មា​មែ​អ្យារ់​រាតុក​ក៝ន​អ៝ន់​គុ​គូម​តា​ន៝ម់​នារ​ពាង់ តីស​មា​ខាន់​អៃ​មៃ​មោ​អុច​អោស។
LUK 13:35 គ៝ប់​មឞើស​មា​ខាន់​អៃ​មៃ គ៝ប់​ហាន់​អា​ខាន់​អៃ​មៃ​ហោម​ទូ​តឹ​ទើម ជេសរី​តៃ​ខាន់​អៃ​មៃ​មោ​ហោម​អោស​ឆៃ​គ៝ប់​ជឹត។ អ្វាញ់​ប៝ន​ខាន់​អៃ​មៃ​តៃ​កោរាញ​ឞ្រាស​នត្លើយ​ងាន់ នហ៝​មា​ត៝ត់​ម៝ង​ខាន់​អៃ​មៃ​លាស​មា​គ៝ប់៖ «ទាន់​កោរាញ​ឞ្រាស​អ៝ន់​នាវ​គែស​ជេង​មា​ឞូនុយ្ស​អ្យា អី​កោរាញ​ឞ្រាស​ទែ​ដាៈ​វាច់»”។
LUK 14:1 គែស​ទូ​នារ​ជេង​នារ​ឆាបាត់ ឞ្រាស​យេឆូ ​ហាន់​ឆោង​ឆា​តា​ជៃ​ទូ​ហ្វេ​កោរាញ​ផូង​ផារីឆី ។ ត៝ត់​តា​នៃ​លែៈ​មពោល​អី​គុ​តា​ជៃ​នៃ​ក៝ប់​រាម្យាង់​អ្វាញ់​ឞ្រាស​យេឆូ ។
LUK 14:2 តា​នៃ​ឆៃ​ទូ​ហ្វេ​ឞូនុយ្ស​ជី​ពុក​ជី​មោរ គុ​ឞើស​នាប់​ឞ្រាស​យេឆូ ​រី។
LUK 14:3 ជេសរី​ឞ្រាស​យេឆូ ​អោប​ផូង​នើម​នតី​នាវ​វៃ​ផូង​អីឆ្រាអែល  នទ្រែល​មា​ផូង​ផារីឆី ៖ “តឹង​មា​នាវ​វៃ​ផូង​ឞ៝ន់ អាស​ទី​ដ៝ង់​ឞើស ជាន​ឞាស​ឞូនុយ្ស​ជី​តា​នារ​ឆាបាត់ ​អី​នារ​គុ​រាលូ​ឞ្វៃ​ជាន​ការ?”
LUK 14:4 លែៈ​ខាន់​ពាង់​រី​គុ​អ្យាត់​ឆាក់​រាក់​ក្លាក់​ទើម មោ​អោស​ទូ​ហ្វេ​ងើយ ជេសរី​ឞ្រាស​យេឆូ ​ក្វាន់​ឞូនុយ្ស​អី​នៃ​ជាន​ឞាស​នាវ​ជី ដាៈ​ពាង់​ឆឹត​អា​រី។
LUK 14:5 ជេសរី​ឞ្រាស​យេឆូ ​លាស​មា​ខាន់​ពាង់​អី​នៃ៖ “តា​ផូង​ខាន់​មៃ លាស​គែស​ក៝ន​ឞូ​ក្លោ មោ​លាស​នទ្រោក​ខាន់​មៃ​តុប​តា​ត្រោម​នតូ​ទាក​តា​នារ​ឆាបាត់  លាស​នទ្រី​អើម​មោ​លាស​ខាន់​មៃ​ឆ៝ៈ​ពាង់​ឞើស? នទើ​អី​នៃ​ជេង​ជាន​ការ​ដ៝ង់”។
LUK 14:6 ខាន់​ពាង់​មោ​អោស​ឞ្លាវ​អើស​នាវ​អី​នៃ​មា​ឞ្រាស​យេឆូ ។
LUK 14:7 ឞ្រាស​យេឆូ ​ឆៃ​មពោល​ឞូ​នាច់​កើយ្ស​នតុក​គុ​ឞូ​លឺ ជេសរី​ពាង់​ងើយ​នាវ​នតឹត​មា​មពោល​អី​នៃ៖
LUK 14:8 “លាស​គែស​ឞូ​ក្វាល់​ខាន់​មៃ​លាប់​ញេត​ឆោង​តា​នតុក​តឹម​នអាប់​ទូ​នតុក លើយ​ខាន់​មៃ​គុ​អោស​តា​នតុក​ឞូ​រ៝ង​អ៝ន់​មា​ឞូ​តេស​ឞូ​ក្វ៝ង់ ងខេប​លាស​គែស​ពាង់​ក្វាល់​ដ៝ង់​ឞូ​អី​ក្វ៝ង់​រាលាវ​មៃ។
LUK 14:9 លាស​ឞូនុយ្ស​អី​តើម​តឹម​នអាប់​នៃ ពាង់​ក្វាល់​មៃ នទ្រែល​មា​ក្វាល់​ឞូនុយ្ស​អី​ក្វ៝ង់​រាលាវ​មៃ​ដ៝ង់ ពាង់​មរា​លាស​មា​មៃ៖ «ទាន់​នតុក​អី​អ្យា​អ៝ន់​មា​ឞូនុយ្ស​អី​អ្យា»​រ៝។ ជេសរី​មៃ​ព្លាច់​គុ​ឞើស​កើយ​ទុត​ឞូ​រី តា​ម៝ង​អី​នៃ​មៃ​គែស​នាវ​ដីត​ព្រេង​ឞូ​ទុត​ហោ។
LUK 14:10 លាស​នទ្រី អ៝ន់​ខាន់​មៃ​គុ​ឞើស​កើយ​ទុត​ឞូ​រី​ប៝ត់ ក៝ប់​ពាង់​នើម​អី​តើម​តឹម​នអាប់​នៃ​លាស៖ «ហើយ​ជាង់ ហាន់​គុ​អា​នតុក​អី​អ្វែស​អី​ឞូ​លឺ​អា​នាប់​អ្យា​ហ៝ម់» អី​នៃ​ជេង​នាវ​ឞូ​យើក​មា​មៃ​មា​លែៈ​ឞូ​អី​គុ​ឆោង​ឆា​នទ្រែល​តា​នៃ។
LUK 14:11 ឞូ​ម៝ស​អី​នហាវ​អេង​ឆាក់​ពាង់​នើម កោរាញ​ឞ្រាស​ញជុរ​លើយ​ពាង់ យើន​មា​ឞូ​ម៝ស​អី​ញជុរ​អេង​ឆាក់​អុច​អ្យាត់​ពាង់ កោរាញ​ឞ្រាស​ឆើម​នហាវ​ពាង់”។
LUK 14:12 ជេសរី​ឞ្រាស​យេឆូ ​លាស​មា​ឞូនុយ្ស​អី​តើម​ជាៈ​ពាង់​ញេត​ឆោង​អី​នៃ៖ “លាស​មៃ​នទ្រាប់​នាវ​ញេត​ឆោង ងគូល​នារ មោ​លាស​កេង​មាង់ មៃ​លើយ​ជាៈ​អោស​មឹត​ជាង់ អ៝ស​នោ ឞាល់​មពោល មោ​លាស​ឞូនុយ្ស​ច្យៅ​មែង​អី​គែស​ទ្រាប់​នទើ​អ៝ក់ យ៝រ​លាស​មពោល​អី​នៃ​ព្លើង​ជាៈ​មៃ​ទើយ លាស​នទ្រី​លែៈ​គែស​ឞូ​ត្រ៝ៈ​មា​មៃ​ជេស។
LUK 14:13 យើន​មា​លាស​មៃ​នទ្រាប់​នាវ​ញេត​ឆោង អ៝ន់​មៃ​ជាៈ​ផូង​អ៝​អាច ផូង​លុត​ជ៝ង់​តី ផូង​ក្វែត​រាវែន នទ្រែល​មា​ផូង​ចែស​មាត់​ហ៝ៈ។
LUK 14:14 កើត​នទ្រី​កោរាញ​ឞ្រាស​អ៝ន់​នាវ​គែស​ជេង​មា​មៃ​រ៝ យ៝រ​លាស​ទឹង​លែៈ​ឞូនុយ្ស​អី​នៃ ខាន់​ពាង់​មោ​អោស​ទើយ​ព្លើង​ជាៈ​មៃ​ដ៝ង់ យើន​មា​កោរាញ​ឞ្រាស​ទើម​ឆើម​ព្លើង​ត្រ៝ៈ​អ៝ន់​មា​មៃ ត៝ត់​មា​ពាង់​អ៝ន់​ឞូនុយ្ស​ឆ៝ង់​ឆ្រាង់​ទ៝ក់​រេស​តៃ”។
LUK 14:15 ជេស​ឞ្រាស​យេឆូ ​ងើយ​នៃ ទូ​ហ្វេ​ឞូ​ក្លោ​អី​គុ​ឆោង​ឆា​នទ្រែល ពាង់​លាស​មា​ឞ្រាស​យេឆូ ៖ “អ្វែស​មអាក​ងាន់​មា​ឞូនុយ្ស​អី​គុ​ឆោង​ក្វ៝ង់​ញេត​ក្វ៝ង់​នទ្រែល​តា​ប៝ន​អ្វែស​កោរាញ​ឞ្រាស”។
LUK 14:16 យើន​មា​ឞ្រាស​យេឆូ ​លាស​នាវ​ងើយ​នតឹត​មា​ពាង់៖ “គែស​ទូ​ហ្វេ​ឞូ​ក្លោ​នទ្រាប់​នាវ​ញេត​ឆោង​ទុត​ក្វ៝ង់ ជេសរី​ពាង់​ជាៈ​ឞូ​នាច់​អ៝ក់​ងាន់។
LUK 14:17 ត៝ត់​ទី​ម៝ង​ញេត​ឆោង​អី​នៃ ពាង់​ដាៈ​ទឹក​ពាង់​រី​ហាន់​មឞើស​ឞូ​លាស៖ «ហាន់​ហ៝ម់! ព្យាង់​ត្រាវ​នទ្រាប់​លែៈ​ជេស​លែៈ​ផ្យៅ»។
LUK 14:18 តីស​មា​ទឹង​លែៈ​ឞូ​នាច់​អី​នៃ​រាលាច់​ទាទេ ពាង់​អី​ឞើស​នាប់​រី​លាស​នអា៖ «គ៝ប់​មហែ​រាវាត់​មីរ​ទូ​លោក អាបៃ​រី​គ៝ប់​អុច​ហាន់​អ្វាញ់​ងាន់​រ៝ គ៝ប់​ទាន់​ទោយ្ស​មា​កោរាញ​មៃ​ហៃ»។
LUK 14:19 ពាង់​អី​ទូ​ហ្វេ​ជឹត​លាស​នអា៖ «គ៝ប់​មហែ​រាវាត់​ជឹត​អឹ​នទ្រោក​ងក្វ៝ង់ គ៝ប់​អុច​រាល៝ង​តេៈ​ពាង់ គ៝ប់​ទាន់​ទោយ្ស​មា​កោរាញ​មៃ​ហៃ»។
LUK 14:20 អី​ទូ​ហ្វេ​រី​ជឹត​លាស​នអា៖ «គ៝ប់​មហែ​នអាប់​មេ កើត​នទ្រី​ទឹង​គ៝ប់​មោ​គែស​ហាន់​ឆោង​ឆា​នទ្រែល»។
LUK 14:21 ទឹក​អី​នៃ​ព្លឹ​មឞើស​មា​កោរាញ​រី​តឹង​នាវ​អី​នៃ។ ជេសរី​កោរាញ​អី​នៃ​ជី​នូយ្ស​ហោ​ងាន់ លាស​មា​ទឹក​ពាង់​រី៖ «ឞ្រោៈ​អ៝ន់​គើញ​ហ៝ម់ រ៝ៈ​ត្រ៝ង​ក្វ៝ង់​ត្រ៝ង​ជេៈ តា​ប៝ន​ក្វ៝ង់​អ្យា ជាៈ​លែវ​ផូង​អ៝​អាច ផូង​លុត​ជ៝ង់​តី ផូង​ក្វែត​រាវែន ផូង​ចែស​មាត់​ហាន់​ញេត​ឆោង​តា​អ្យា»។
LUK 14:22 ជេស​ជាន​កើត​នៃ ពាង់​មឞើស​មា​កោរាញ​ពាង់៖ «ហើយ​កោរាញ! លែៈ​ជេស​គ៝ប់​ជាន​តឹង​នាវ​មៃ​ដាៈ​នៃ យើន​មា​នតុក​ហោម​អែ​រាមែស​ដ៝ង់»។
LUK 14:23 អី​កោរាញ​នៃ​ដាៈ​ជឹត៖ «ហាន់​ឞ្រោៈ​រ៝ៈ​ត្រ៝ង​រ៝ៈ​មីរ ញច៝ប់​ដាៈ​ឞូ​ហាន់​អ៝ន់​ឞេង​ជៃ​គ៝ប់។
LUK 14:24 ខាន់​អៃ​មៃ​អ្យាត់​នាវ​គ៝ប់​លាស លែៈ​ឞូនុយ្ស​អី​លែៈ​ជេស​គ៝ប់​ជាៈ​នើស គ៝ប់​មោ​ហោម​អោស​អ៝ន់​ទូ​ហ្វេ​ច៝ក់​ព្យាង់​ត្រាវ​គ៝ប់!»”
LUK 14:25 គែស​អ៝ក់​ឞូនុយ្ស​ឞ្រោៈ​តឹង​ឞ្រាស​យេឆូ ។ ពាង់​ងគឹល​ជឹត​ផូង​អី​នៃ ជេសរី​លាស​មា​ខាន់​ពាង់៖
LUK 14:26 “លាស​ឞូ​ម៝ស​អុច​តឹង​គ៝ប់ តីស​មា​មោ​រ៝ង់​គ៝ប់​រាលាវ​ដាស​នាវ​ពាង់​រ៝ង់​មេៈ​ឞឹ អូរ​ក៝ន អ៝ស​នោ​អ៝ស​នូរ ឞ៝ល​លាស​ដាស​នាវ​រេស​ពាង់​នើម​កាដោយ ឞូនុយ្ស​អី​នៃ​ជាន​អ៝ស​ម៝ន​គ៝ប់​មោ​ទើយ​អោស។
LUK 14:27 ជេសរី​ឞូ​ម៝ស​អី​មោ​តូយ​ឆី​តឹម​រាកាង់​ពាង់​នើម​ឞ្រោៈ​តឹង​គ៝ប់ ជេង​គែស​នាវ​ខ្លៃ​មោ​អ្យាត់​ទឹង​លែៈ​នាវ​កោរាញ​ឞ្រាស​ដាៈ​ឞ៝ល​លាស​ត៝ត់​ខឹត​ឆាក់​កាដោយ ឞូនុយ្ស​អី​នៃ​មោ​ទើយ​ជាន​អ៝ស​ម៝ន​គ៝ប់​ដ៝ង់។
LUK 14:28 លាស​ខាន់​អៃ​មៃ​អុច​តឹង​គ៝ប់ អ៝ន់​ខាន់​អៃ​មៃ​គឹត​នហេល​ល៝រ។ កើត​នទ្រី​លាស​គែស​ទូ​ហ្វេ​ឞូនុយ្ស​អុច​ជាន​ជៃ​ក្វ៝ង់ ពាង់​គុ​មឹន​ល៝រ​មើ ទាស​អ៝ក់​លែៈ​ហ្វាច​ជាន ទាស​អ៝ក់​គែស​ព្រាក់​តា​ឆាក់​ពាង់​នើម​រី​គៃ​មា​គឹត​ជាន​ជេស មោ​លាស​មោ​ជេស។
LUK 14:29 ក្លាច​លាស​តេៈ​មែស​ជេស​លែៈ​ផ្យៅ តីស​មា​ជាន​មោ​ទើយ​ជេស។ កើត​នទ្រី​ឞូ​ម៝ស​អី​ឆៃ ឞូ​គើម​មឺច
LUK 14:30 កើត​នអា៖ «ពាង់​អ្យា​ជាន​ជៃ តីស​មា​មោ​ទើយ​ជេស​ហ្យាស!»
LUK 14:31 មោ​លាស លាស​គែស​ទូ​ហ្វេ​កាដាច់ ជេសរី​ពាង់​អុច​តឹម​លើស​ដាស​ទូ​ហ្វេ​កាដាច់​អេង លាស​នទ្រី​កាដាច់​អី​នៃ​គុ​មឹន​តឹម​ញច្រាៈ​ល៝រ​មើ លាស​ពាង់​គែស​តាហែន ១០០០០ នុយ្ស​ទើម ទើយ​តឹម​រាទ៝ង់​ដាស​កាដាច់​អី​លែវ​តាហែន ២០០០០ នុយ្ស​នៃ​លាស​មោ។
LUK 14:32 លាស​ពាង់​គឹត​លាស​មោ​ទើយ​រ៝ ពាង់​ដាៈ​ឞូនុយ្ស​ឆើម​នតាង​ពាង់​ឞ្រោៈ​អោប មើម​ជាន​គៃ​មា​គែស​នាវ​ដាប់​មពាន់ ទោល​កាដាច់​អី​នៃ​ហោម​អែ​ងាយ។
LUK 14:33 កើត​នទ្រី​តា​ផូង​ខាន់​អៃ​មៃ​នៃ ឞូ​ម៝ស​អី​មោ​ទើយ​បាស​មា​ទឹង​លែៈ​ទ្រាប់​នទើ​ពាង់​នើម​គែស ឞូនុយ្ស​អី​នៃ​មោ​អោស​ទើយ​ជាន​អ៝ស​ម៝ន​គ៝ប់”។
LUK 14:34 “ឞ៝ស​ជេង​ទូ​នតីល​នទើ​តេៈ​ត្រាវ​មា​កាស​ងាន់ លាស​ឞ៝ស​អី​នៃ​មោ​ហោម​គែស​កាស មើម​ហោម​ឞ្លាវ​ជាន​គៃ​មា​អ៝ន់​ព្លឹ​កាស​ជឹត?
LUK 14:35 ពាង់​មោ​ហោម​អោស​គែស​នាវ​ខ្លៃ​ជឹត ឞ៝ល​លាស​ឆ៝ៈ​ព៝ត​លាយ​មា​នែស មោ​លាស​មា​អាច់​នទ្រោក​មោ​ហោម​គែស​នាវ​ខ្លៃ​ដ៝ង់ ផាលាស​មា​ងខុត​មអារ់​លើយ​ឞើស​ទីស​ទើម។ ឞូ​ម៝ស​គែស​តោរ​មា​អ្យាត់ អ៝ន់​អ្យាត់​ទោ!”
LUK 15:1 ជេសរី​គែស​ទូ​នារ គែស​មពោល​ក៝ប់​ឆ៝ៈ​ព្រាក់​ឞើស​ឞូ​មា​អ៝ន់​កោរាញ​ម៝ត់​អ្វាញ់ នទ្រែល​មា​ឞូនុយ្ស​អី​ឞូ​កើប​ជេង​ឞូនុយ្ស​តីស រាន​វាច់​តា​ឞ្រាស​យេឆូ ​រី​ទាទេ គៃ​មា​អ្យាត់​នាវ​ពាង់​ងើយ។
LUK 15:2 ជេសរី​ផូង​ផារីឆី  នទ្រែល​មា​ផូង​នើម​នតី​នាវ​វៃ​ផូង​អីឆ្រាអែល  ខាន់​ពាង់​ងើយ​បុក​ងើយ​ឆ្វីស​លាស៖ “ល៝ង់​ពាង់​អី​នៃ​រ៝ម​ឞូនុយ្ស​តីស ឆោង​ឆា​នទ្រែល​ខាន់​ពាង់​ដ៝ង់!”
LUK 15:3 ជេសរី​ឞ្រាស​យេឆូ ​លាស​មា​ខាន់​ពាង់​មា​នាវ​ងើយ​នតឹត៖
LUK 15:4 “នតឹត​លាស​តា​ផូង​ខាន់​មៃ ឞូ​ម៝ស​គែស​ឞែ​ឞ្យាប់ ១០០ ជេសរី​រ៝ស​ទូ​មល៝ម់ ពាង់​មរា​នត្លើយ​ឞែ​ឞ្យាប់ ៩៩ អី​នៃ​តា​ឞ្រី​រាទាស ជេសរី​ហាន់​ជ៝យ​ងាន់​ជ៝យ​ងាន់​ទូ​មល៝ម់​ឞែ​ឞ្យាប់​អី​រ៝ស​នៃ​អ៝ន់​ត៝ត់​ឆៃ​រ៝។
LUK 15:5 ត៝ត់​ឆៃ​រី ពាង់​រាម់​មអាក​ងាន់ ពឺ​ឞែ​ឞ្យាប់​អី​នៃ​តេៈ​តា​មលីក​ពាង់​នើម​រី ជេសរី​ព្លឹ​ឆឹត​តៃ​តា​នតុក​អី​នៃ។
LUK 15:6 ឆឹត​ត៝ត់​អា​ជៃ​ពាង់​នើម​រី ពាង់​ក្វាល់​មឹត​ជាង់​ពាង់ នទ្រែល​មា​អ៝ស​នោ​ច្យៅ​មែង មឞើស​មា​ខាន់​ពាង់៖ «ហើយ​ខាន់​អៃ​មៃ​កើល​រាម់​មអាក​នទ្រែល​គ៝ប់​ហ៝ម់ យ៝រ​លាស​ឞែ​ឞ្យាប់​គ៝ប់​អី​រ៝ស​នើស​លែៈ​ឆៃ​ជេស»។
LUK 15:7 គ៝ប់​មឞើស​មា​ខាន់​មៃ គែស​នាវ​រាម់​មអាក​ហោ​ងាន់​តា​កាលើ​ត្រោក​តា​នតុក​កោរាញ​ឞ្រាស​នើម មា​ទូ​ហ្វេ​ឞូនុយ្ស​តីស​រាគ៝ល់​លើយ​នូយ្ស​នហ៝ម់​អ្យើស រាលាវ​មា​ឞូនុយ្ស​ឆ៝ង់ ៩៩ អី​មោ​ហោម​ខាច់​រាគ៝ល់​នូយ្ស​នហ៝ម់​អ្យើស”។
LUK 15:8 ឞ្រាស​យេឆូ ​ងើយ​ទូ​នាវ​នតឹត​ជឹត៖ “នតឹត​លាស លាស​គែស​ទូ​ហ្វេ​ឞូ​អូរ​គែស​ជឹត​មល៝ម់​ព្រាក់​កាក់ ជេសរី​រ៝ស​ទូ​កាក់ ពាង់​មរា​មពេស​នទ៝ក់​មរ៝ម់ មពេស​អុញ​ងអាង​រ៝ៈ​ពុង​រ៝ៈ​ញជោញ​ជ៝យ​រាម្យាង់​អ៝ន់​ត៝ត់​ឆៃ​រ៝។
LUK 15:9 ត៝ត់​មា​ឆៃ​រី ពាង់​ក្វាល់​មឹត​ជាង់​ពាង់ នទ្រែល​មា​អ៝ស​នោ​ច្យៅ​មែង មឞើស​មា​ខាន់​ពាង់៖ «ហើយ​ខាន់​អៃ​មៃ​កើល​រាម់​មអាក​នទ្រែល​គ៝ប់​ហ៝ម់ យ៝រ​លាស​ព្រាក់​គ៝ប់​អី​រ៝ស​នើស​លែៈ​ឆៃ​ជេស»។
LUK 15:10 គ៝ប់​មឞើស​មា​ខាន់​មៃ តោង​ពារ់​កោរាញ​ឞ្រាស​គែស​នាវ​រាម់​មអាក​ទុត​ហោ យ៝រ​លាស​គែស​ទូ​ហ្វេ​ទើម​ឞូនុយ្ស​តីស​លែៈ​រាគ៝ល់​លើយ​នូយ្ស​នហ៝ម់​អ្យើស”។
LUK 15:11 ឞ្រាស​យេឆូ ​លាស​ជឹត៖ “គែស​ទូ​ហ្វេ​ឞូនុយ្ស​គែស​ឞារ​ហៃ​ក៝ន​ឞូ​ក្លោ។
LUK 15:12 គែស​ទូ​នារ អី​ក៝ន​មពុត​នៃ​លាស​មា​ឞឹ​ពាង់៖ «ហើយ​ឞឹ ដាៈ​មៃ​ពាៈ​ទ្រាប់​នទើ​ខ្លៃ​អី​មៃ​អុច​ពាៈ​អ៝ន់​មា​គ៝ប់​នោក​មៃ​ខឹត មៃ​ពាៈ​ហ៝ម់​អ៝ន់​គ៝ប់​អាបៃ​អ្យា​រ៝។ គ៝ប់​មោ​អុច​អោស​ក៝ប់​ត៝ត់​មៃ​ខឹត»។ ជេសរី​អី​ឞឹ​រី​ពាៈ​ទ្រាប់​នទើ​ខ្លៃ​អ៝ន់​មា​លែៈ​ឞារ​ហៃ​ក៝ន​នៃ​រ៝។
LUK 15:13 ត៝ត់​ឞារ​ពែ​នារ​ឞើស​កើយ​នៃ អី​ក៝ន​មពុត​រី​ពាង់​តាច់​ទឹង​លែៈ​ទ្រាប់​នទើ​ពាង់​នើម ជេសរី​ញអោត​ព្រាក់​ហាន់​ជឹត​ឞ្រី​ងាយ។ តា​ឞ្រី​អី​នៃ​ពាង់​ទឹ​ញរីស​(មអីស​មអែស) ព្រាក់​ពាង់​នើម​ត៝ត់​លែៈ។
LUK 15:14 ត៝ត់​មា​លែៈ​ព្រាក់​រី ល៝ង់​តា​ឞ្រី​អី​នៃ​នតើម​គែស​នាវ​ជី​ឆ៝ត់​ជី​ង៝ត​ទុត​ហោ អី​ពាង់​នើម​រី​លែៈ​អ៝​អាច​ដ៝ង់។
LUK 15:15 ជេសរី​ពាង់​ហាន់​ទាន់​គុ​ជាន​ការ​ឞូ​ទូ​ហ្វេ​តា​ឞ្រី​នៃ ឞូ​ដាៈ​ពាង់​ម៝ត់​ឆុរ​ផូង​រ៝ៈ​មីរ។
LUK 15:16 ពាង់​អុច​ងាន់​មា​មពា​ឞូ​អ៝ន់​ឆុរ​ឆា​គៃ​មា​ឞាស​ជី​ង៝ត តីស​មា​មោ​គែស​អោស​ឞូ​អ៝ន់​ពាង់​ឆា។
LUK 15:17 ត៝ត់​ទូ​នារ​ពាង់​កាស​គឹត​ឆាក់ ពាង់​មឹន​អេង​តា​ឆាក់​ពាង់​នើម​រី៖ «ទឹង​លែៈ​ឞូនុយ្ស​ជាន​ការ​មា​ឞឹ​គ៝ប់​គែស​នទើ​ឆោង​ឆា​ត៝ង់​រាមែស ល៝ង់​គ៝ប់​គុ​តា​អ្យា​តាច់​ព្រ៝ច​អុច​មា​ខឹត​ងាន់​រ៝។
LUK 15:18 គ៝ប់​ព្លឹ​ឆឹត​មា​ឞឹ​ហើយ្ស មឞើស​មា​ពាង់៖ «ហើយ​ឞឹ ក៝ន​ជាន​តីស​មា​កោរាញ​ឞ្រាស ជេសរី​ជាន​តីស​មា​មៃ​ដ៝ង់។
LUK 15:19 គ៝ប់​អ្យា​មោ​ហោម​អោស​ទី​មៃ​ក្វាល់​ជេង​ក៝ន​មៃ​ជឹត​ឞឹ ទាន់​មៃ​កើប​គ៝ប់​ជេង​ឞូនុយ្ស​ជាន​ការ​មា​មៃ​ទើម​ហ៝ៈ»»។
LUK 15:20 ជេស​មឹន​កើត​នៃ​ពាង់​ទ៝ក់​ឆឹត​មា​ឞឹ​ពាង់​រ៝។ ពាង់​ហាន់​រ៝ៈ​ត្រ៝ង​ឞឹ​ពាង់​ឆៃ​ហោម​ងាយ ត៝ត់​មា​ឆៃ​ឞឹ​ពាង់​យោៈ​នអាច​ហោ​ងាន់ ញច្វាត់​រាន​អូត​អី​ក៝ន​រី។
LUK 15:21 ជេសរី​អី​ក៝ន​រី​មឞើស​មា​ឞឹ៖ «ហើយ​ឞឹ ក៝ន​ជាន​តីស​មា​កោរាញ​ឞ្រាស ជេសរី​ជាន​តីស​មា​ឞឹ​ដ៝ង់ គ៝ប់​អ្យា​មោ​ហោម​អោស​ទី​មៃ​ក្វាល់​ជេង​ក៝ន​មៃ​ជឹត ឞឹ»។
LUK 15:22 ជេសរី​អី​ឞឹ​នៃ​មឞើស​មា​ទឹក​ពាង់៖ «ហាន់​ឆ៝ៈ​ឞ៝ក​អាវ​អី​ទុត​អ្វែស​អ៝ន់​គើញ ញឆ៝ស​អ៝ន់​មា​ក៝ន​គ៝ប់​អ្យា ជេសរី​ឆ៝ៈ​រាគេន នទ្រែល​មា​នតោ​ជ៝ត​ឆើម​នត្រុប​អ៝ន់​ពាង់​ដ៝ង់ គៃ​មា​ញហើ​ពាង់​ជេង​ក៝ន​គ៝ប់​ងាន់​រ៝។
LUK 15:23 ជេសរី​ឆ៝ៈ​ក៝ន​នទ្រោក​អី​ពេត​អេង​នើស​លាច់​គុច​ញេត​ឆោង​ឆា​អ៝ន់​មអាក‌
LUK 15:24 យ៝រ​លាស​ក៝ន​គ៝ប់​នើស​តឹម​ឞាន​មា​ខឹត អាបៃ​អ្យា​ពាង់​លែៈ​រេស​ជឹត ពាង់​នើស​រ៝ស អាបៃ​អ្យា​លែៈ​គ៝ប់​ឆៃ​ដ៝ង់»។ ជេសរី​ខាន់​ពាង់​លែវ​ឞាល់​ញេត​ឆោង​ឆា​មអាក​ងាន់។
LUK 15:25 នោក​នៃ​អី​ក៝ន​ឞោក​ទាក​រី​គុ​អា​មីរ។ ត៝ត់​ពាង់​ឆឹត​ឞើយ​ត៝ត់​អា​ជៃ តាង់​នតែស​គ៝ង​គ៝រ់ នទ្រែល​មា​រ៝ម់​មព្រើ‌
LUK 15:26 ពាង់​ក្វាល់​ទូ​ហ្វេ​ទឹក​អោប៖ «ម៝ស​នទើ​ជាន​នៃ?»
LUK 15:27 ទឹក​អី​នៃ​មឞើស​មា​ពាង់៖ «អ៝ស​មៃ​លែៈ​ឆឹត។ ឞឹ​មៃ​ដាៈ​ឞូ​លាច់​គុច​ក៝ន​នទ្រោក​អី​ឞ៝ន់​ពេត​នើស យ៝រ​លាស​ក៝ន​ពាង់​ព្លឹ​ឆឹត​គែស​នាវ​អ្វែស​លាង់»។
LUK 15:28 ក៝ន​ឞោក​ទាក​អី​នៃ​ជី​នូយ្ស​រាមាវ​ងាន់ មោ​អុច​អោស​លាប់​ត្រោម​ជៃ ជេសរី​អី​ឞឹ​រី​លោស​អា​ទីស​អ្យា​ឞ៝ញ​ដាៈ​ពាង់​លាប់។
LUK 15:29 ពាង់​អើស​មា​អី​ឞឹ៖ «គ៝ប់​គុ​នទ្រែល​មៃ​លែៈ​ជ៝ៈ​នាម់​ងាន់ មោ​អោស​រាលាវ​ឞ៝រ់​មឞូង​មៃ ជេសរី​ឞ៝ល​លាស​អី​ក៝ន​ឞែ​មៃ​មោ​អ៝ន់​មា​គ៝ប់ គ៝ប់​ឞែ​មា​លាច់​គុច​ញេត​ឆោង​ឆា​នទ្រែល​មឹត​ជាង់ ទូ​មល៝ម់​មោ​អើម។
LUK 15:30 ល៝ង់​អី​ក៝ន​មៃ​អី​នៃ ពាង់​ទឹ​ញរីស​(មអីស​មអែស) លែៈ​ទ្រាប់​នទើ​មៃ ឆ៝ៈ​ទ៝ង់​គុ​ដាស​ឞូ​អូរ​អេងៗ យើន​មា​ត៝ត់​មា​ពាង់​ព្លឹ​ឆឹត​មៃ​លាច់​ក៝ន​នទ្រោក​អី​ពេត​អ៝ន់​មា​ពាង់​រ៝»។
LUK 15:31 អី​ឞឹ​អើស​មា​ពាង់៖ «ហើយ​នោ មៃ​គុ​នទ្រែល​គ៝ប់​មរ៝ លែៈ​នទើ​គ៝ប់​ហោម​គែស​នើស​ជេង​នទើ​មៃ​ដ៝ង់។
LUK 15:32 យ៝រ​លាស​អ៝ស​មៃ​អី​នៃ​នើស​តឹម​ឞាន​មា​ខឹត អាបៃ​អ្យា​លែៈ​រេស​ជឹត ពាង់​នើស​រ៝ស អាបៃ​អ្យា​លែៈ​ឞ៝ន់​ឆៃ​ដ៝ង់ លាស​នទ្រី​អ៝ន់​ឞ៝ន់​ញេត​ឆោង​ឆា​មអាក»”។
LUK 16:1 ជេសរី​ឞ្រាស​យេឆូ ​លាស​មា​មពោល​អ៝ស​ម៝ន​ពាង់៖ “គែស​ទូ​ហ្វេ​ឞូនុយ្ស​នទ្រ៝ង់ ពាង់​អ៝ន់​ទូ​ហ្វេ​ឞូនុយ្ស​ជាន​ការ​ម៝ត់​អ្វាញ់​ទ្រាប់​នទើ​ពាង់។ ជេសរី​គែស​ឞូ​ឞ្រោៈ​មឞើស​មា​ឞូនុយ្ស​នទ្រ៝ង់​អី​នៃ​លាស ឞូនុយ្ស​អី​ម៝ត់​អ្វាញ់​អី​នៃ​ទឹ​ញរីស​(មអីស​មអែស)​ទ្រាប់​នទើ​ពាង់​ទុត​ហោ។
LUK 16:2 ជេសរី​ឞូនុយ្ស​អី​នទ្រ៝ង់​ក្វាល់​ឞូនុយ្ស​អី​ម៝ត់​អ្វាញ់​អី​នៃ​លាស៖ «ល៝ង់​មៃ​ងក៝ច​មា​គ៝ប់​អី​ទ្រាប់​នទើ​គ៝ប់​មៃ​ម៝ត់​អ្វាញ់ ម៝ស​នទើ​លែៈ​គែស​អាបៃ​អ្យា? យ៝រ​លាស​លែៈ​នាវ​គ៝ប់​តាង់​ឞូ​ងក៝ច​មា​មៃ​មោ​អោស​គែស​នាវ​អ្វែស នទ្រី​មៃ​មោ​ហោម​អោស​ម៝ត់​អ្វាញ់​ទ្រាប់​នទើ​គ៝ប់​ជឹត»។
LUK 16:3 ឞូនុយ្ស​អី​នៃ​ងក្ល៝ន់​អេង​តា​ឆាក់​ពាង់​នើម​រី៖ «ឞាស​កោរាញ​មោ​អោស​អ៝ន់​គ៝ប់​ម៝ត់​អ្វាញ់​ទ្រាប់​នទើ​ពាង់​ជឹត។ លាស​នទ្រី​ម៝ស​នទើ​ជាន​គ៝ប់​អី​រី​តៃ? លាស​ព៝ក់​នែស​ហ៝ៈ​មោ​ទើយ លាស​ទាន់​ឞូ​ហ៝ៈ​ដីត។
LUK 16:4 អោ! គឹត​ហើយ្ស គ៝ប់​មរា​ជាន​កើត​នអា គៃ​មា​ឞូ​រ៝ម​គ៝ប់​គុ​តា​ជៃ​ខាន់​ពាង់ លាស​ពាង់​មោ​ហោម​អ៝ន់​គ៝ប់​ជាន​ការ​អ្យា​តៃ»។
LUK 16:5 ជេសរី​ពាង់​ក្វាល់​ទឹង​លែៈ​ឞូនុយ្ស​អី​ហោម​រាន៝ន​ដាស​កោរាញ​ពាង់​រី​នើស អ៝ន់​លាប់​ទូ​ហ្វេ​ទូ​តឹ ពាង់​អោប​ឞូនុយ្ស​អី​ឞើស​នាប់​រី៖ «ទាស​អ៝ក់​មៃ​ហោម​រាន៝ន​មា​កោរាញ​គ៝ប់​មេស?»
LUK 16:6 ឞូនុយ្ស​អី​នៃ​មឞើស​មា​ពាង់៖ «ហោម​ងី ១០០ យាង់​ទុង​យាង់​ក្រែង»។ ពាង់​លាស​មា​ឞូនុយ្ស​អី​នៃ៖ «ឆ៝ៈ​ងាច់​ហ៝ម់​ឆ៝ម់បុត​រាន៝ន​មៃ​ញចីស​តេៈ​លាស ៥០ យាង់​ទុង​យាង់​ក្រែង​ហ៝ៈ»។
LUK 16:7 ជេសរី​ពាង់​អោប​ទូ​ហ្វេ​ឞូនុយ្ស​ជឹត៖ «មៃ​ទាស​អ៝ក់​ហោម​រាន៝ន​មា​កោរាញ​គ៝ប់​មេស?» ឞូនុយ្ស​អី​នៃ​មឞើស​មា​ពាង់៖ «ហោម​ឞា ១០០ ឆាស»។ ពាង់​លាស​មា​ឞូនុយ្ស​អី​នៃ៖ «ឆ៝ៈ​ឆ៝ម់បុត​រាន៝ន​មៃ​ហ៝ម់​ញចីស​តេៈ​លាស ៨០ ឆាស​ហ៝ៈ»។
LUK 16:8 ជេសរី​អី​កោរាញ​រី​រានេ​មា​ឞូនុយ្ស​ម៝ត់​អ្វាញ់​ក្វែ​អី​នៃ យ៝រ​លាស​ពាង់​ឞ្លាវ​គឹត​មឹន​ងាន់។ នទ្រី​ឞូនុយ្ស​មោ​អ្យាត់​នាវ​កោរាញ​ឞ្រាស​ឞ្លាវ​រាលាវ​ឞូនុយ្ស​អ្យាត់ យ៝រ​លាស​ខាន់​ពាង់​ឞ្លាវ​ជ៝យ​ឆា គៃ​មា​គែស​នាវ​រេស​អ្វែស​តា​នែស​នតូ​អ្យា។ យើន​មា​ឞូនុយ្ស​អ្យាត់​នាវ​កោរាញ​ឞ្រាស​មោ​អោស​ឞ្លាវ​កើត​ខាន់​ពាង់​គុ​រេស​គឹត​មា​នាវ​រេស​អ្វែស​តា​នារ​ជឹត​នាប់​តៃ”។
LUK 16:9 “គ៝ប់​មឞើស​មា​ខាន់​អៃ​មៃ នោក​ខាន់​អៃ​មៃ​ហោម​គុ​តា​នែស​នតូ​អ្យា ពាៈ​ទ្រាប់​នទើ​ខាន់​អៃ​មៃ​នើម​ជាន​មឹត​ជាង់​នទ្រែល​ឞូនុយ្ស​អ៝ក់ គៃ​មា​ត៝ត់​ខាន់​អៃ​មៃ​ខឹត​ឆឹត​ប៝ន​អ្វែស​តា​កាលើ​ត្រោក​រី មឹត​ជាង់​ខាន់​អៃ​មៃ​នៃ​រ៝ម​គុ​នទ្រែល​នហ៝​រ៝។
LUK 16:10 ឞូ​ម៝ស​ឆ៝ង់​មា​ជាន​នទើ​ជេៈ ពាង់​ឆ៝ង់​មា​ជាន​នទើ​ក្វ៝ង់​ដ៝ង់។ ឞូ​ម៝ស​ក្វែ​មា​ជាន​នទើ​ជេៈ ពាង់​ក្វែ​មា​ជាន​នទើ​ក្វ៝ង់​ដ៝ង់។
LUK 16:11 លាស​នទ្រី លាស​ខាន់​អៃ​មៃ​មោ​ឆ៝ង់​អុច​ឆា​ញឆ្យាន់​មា​ទ្រាប់​នទើ​ខាន់​អៃ​មៃ​នើម​តា​នែស​នតូ​អ្យា កោរាញ​ឞ្រាស​មោ​អោស​អ៝ន់​មា​ខាន់​អៃ​មៃ​ទ្រាប់​នទើ​អី​គែស​នាវ​ខ្លៃ​ងាន់​តា​ប៝ន​អ្វែស​តា​កាលើ។
LUK 16:12 លាស​ខាន់​អៃ​មៃ​មោ​ឆ៝ង់​មា​ទ្រាប់​នទើ​ឞូ​អេង មើម​កោរាញ​ឞ្រាស​ទើយ​អ៝ន់​ទ្រាប់​នទើ​មា​ខាន់​អៃ​មៃ​តា​ប៝ន​អ្វែស​តា​កាលើ?
LUK 16:13 មោ​គែស​អោស​ទូ​ហ្វេ​ឞូនុយ្ស​ទើយ​ជាន​ការ​អ៝ន់​មា​ឞារ​ហៃ​កោរាញ យ៝រ​លាស​ពាង់​មរា​រ៝ង់​មា​ទូ​ហ្វេ​កោរាញ ជេសរី​ឞ្យាញ់​មា​ទូ​ហ្វេ​កោរាញ​អី​អេង មោ​លាស​តឹង​ជឹត​ទូ​ហ្វេ មឺច​អី​ទូ​ហ្វេ​អី​អេង​រី។ កើត​នទ្រី​ខាន់​អៃ​មៃ​យើក​មឞាស​មា​កោរាញ​ឞ្រាស​ដ៝ង់ យើក​មឞាស​មា​ទ្រាប់​នទើ​តា​នែស​នតូ​ដ៝ង់​មោ​ទើយ​អោស”។
LUK 16:14 គែស​ផូង​ផារីឆី ​តាង់​នាវ​ងើយ​កើត​នៃ ខាន់​ពាង់​គើម​មឺច​មា​ឞ្រាស​យេឆូ  យ៝រ​លាស​ខាន់​ពាង់​នើស​រ៝ង់​មា​ព្រាក់​ងាន់។
LUK 16:15 ឞ្រាស​យេឆូ ​លាស​មា​ខាន់​ពាង់៖ “ខាន់​មៃ​ជេង​ផូង​អុច​ជាន​ឆ៝ង់​អ៝ន់​មាត់​ឞូនុយ្ស​ឆៃ យើន​មា​កោរាញ​ឞ្រាស​លែៈ​គឹត​ជេស​នូយ្ស​នហ៝ម់​ខាន់​មៃ។ គែស​អ៝ក់​នទើ​អី​ឞូនុយ្ស​កើប​ខ្លៃ តីស​មា​កោរាញ​ឞ្រាស​ឞ្យាញ់​ងាន់​នទើ​អី​នៃ។
LUK 16:16 ឆ៝ម់បុត​នាវ​វៃ​ផូង​ឞ៝ន់ នទ្រែល​មា​ឆ៝ម់បុត​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស ទឹង​លែៈ​នទើ​លែៈ​គែស​ញចីស​តា​នៃ​កោរាញ​ឞ្រាស​អ៝ន់​ផូង​ឞ៝ន់​អ្យាត់ នហ៝​មា​ត៝ត់​យោហាន-​បាប់តែម ​នតើម​នតុម​នតី​ឞូ។ តាៈ​ឞើស​យោហាន-​បាប់តែម ​អី​នៃ​គ៝ប់​មឞើស​ងក៝ច​នតី​នាវ​មហែ​មហាន​អ្វែស​មា​នាវ​កោរាញ​ឞ្រាស​អុច​ម៝ត់​អ្វាញ់​ឞូនុយ្ស។ អ៝ន់​ទឹង​លែៈ​ឞូនុយ្ស​ញឆ្រោយ្ស​គៃ​មា​កោរាញ​ឞ្រាស​ម៝ត់​អ្វាញ់​មា​ខាន់​ពាង់។
LUK 16:17 យើន​មា​នាវ​វៃ​ផូង​ឞ៝ន់​អី​កោរាញ​ឞ្រាស​អ៝ន់​មោ​អោស​ទើយ​រាគ៝ល់។ ត្រោក នទ្រែល​មា​នែស​នតូ​ឞ្លាវ​រ៝ស យើន​មា​តា​នាវ​វៃ​អី​នៃ​ឞ៝ល​លាស​តា​នាវ​អី​ទុត​ជេៈ​កាដោយ​មោ​អោស​ឞ្លាវ​រ៝ស។
LUK 16:18 នតឹត​លាស​ឞូ​ម៝ស​នត្លើយ​អូរ ជេសរី​ឆ៝ៈ​តៃ​អូរ​អេង​ជឹត ឞូ​ក្លោ​អី​នៃ​ជេង​ឞូនុយ្ស​ល៝ម់​អូរ។ ឞូ​ម៝ស​ឆ៝ៈ​អូរ​ដាស​ឞូ​អូរ​ឆាយ​នត្លើយ ឞូ​ក្លោ​អី​នៃ​ជេង​ឞូនុយ្ស​ល៝ម់​អូរ​ដ៝ង់”។
LUK 16:19 ជេសរី​ឞ្រាស​យេឆូ ​ងើយ​ជឹត៖ “គែស​ទូ​ហ្វេ​ឞូ​ក្លោ​នទ្រ៝ង់ ពាង់​ញឆ៝ស​ងគូត​មា​ឞ៝ក​អាវ​អី​អ្វែសៗ​ងាន់ ឆ៝ៈ​ឞើស​ឞ៝ក​ឆូត​ឞ៝ក​ហូល ពាង់​គុ​រេស​មអាក​ងាន់​ឆោង​ឆា​ព្យាង់​ត្រាវ​កាស​ងាន់​អ៝ក់​រាមែស​អាប់​នារ។
LUK 16:20 គែស​ដ៝ង់​ទូ​ហ្វេ​ឞូ​ក្លោ​អ៝​អាច​រាញា​ពាង់​លាឆារ  លាម​ឆាក់​ជាន់​ពាង់​គែស​ឆោត​គ្រាយ្ស​ទាទេ ឞូ​លែវ​ពាង់​អ៝ន់​ឞិច​តា​ឞោក​មពោង​ជៃ​ឞូនុយ្ស​នទ្រ៝ង់​អី​នៃ។
LUK 16:21 ពាង់​អុច​ងាន់​ឆា​ព្យាង់​នទាក់​ត្រាវ​នទាក់​អី​ត្រោស​ឞើស​លើ​ញឆឺង​ឆោង​ឞូនុយ្ស​នទ្រ៝ង់​អី​នៃ​គៃ​មា​ឞាស​ជី​ង៝ត គែស​នអ៝ប់​មា​ឆ៝​ហាន់​លែរ​ឆោត​គ្រាយ្ស​ពាង់​តា​រី​ដ៝ង់។
LUK 16:22 ត៝ត់​ទូ​នារ​ឞូនុយ្ស​អ៝​អាច​អី​នៃ​ខឹត ជេសរី​ផូង​តោង​ពារ់​លែវ​ពាង់​គុ​នទ្រែល​អាឞ្រាហាម់ ​អី​ចែ​ផូង​ឞ៝ន់​តា​ប៝ន​អ្វែស​តា​កាលើ​គៃ​មា​គុ​រេស​អ្វែស​តា​រី។ ឞូនុយ្ស​នទ្រ៝ង់​អី​នៃ​ខឹត​ដ៝ង់ ឞូ​លែវ​ត៝ប់​ពាង់​តា​មោច។
LUK 16:23 ជេសរី​ពាង់​គុ​តា​ឞ្រី​ផាន តា​ឞ្រី​ផាន​រី​គែស​នាវ​រេស​រាញាល់​ក្រីត​ជេរ​ទុត​ហោ​ងាន់​មា​ឞូនុយ្ស​នទ្រ៝ង់​អី​នៃ ពាង់​ងគើរ​អ្វាញ់​ឆៃ​ចែ​អាឞ្រាហាម់ ​ឞើស​ងាយ នទ្រែល​មា​លាឆារ ​គុ​កេង​ពាង់​រី​ដ៝ង់។
LUK 16:24 ឞូនុយ្ស​នទ្រ៝ង់​អី​នៃ​នតែរ​ក្វាល់​ចែ​អាឞ្រាហាម់ ៖ «ហើយ​ចែ! ទាន់​មៃ​យោៈ​នអាច​មា​គ៝ប់​បាៈ​អើ។ ឆើម​ដាៈ​លាឆារ ​ដាៈ​ពាង់​យុក​ទាក​មា​លាវ​តី ជេសរី​ហាន់​នត្រោស​តា​មព្យាត់​គ៝ប់​អ្យា​អ៝ន់​មា​នអីក​អ៝យ យ៝រ​លាស​គុ​តា​អុញ​អ្យា​គែស​នាវ​រេស​ញជី​ទុត​ហោ​ងាន់»។
LUK 16:25 ចែ​អាឞ្រាហាម់ ​អើស​មា​ពាង់៖ «ហើយ​ឆៅ! អ៝ន់​មៃ​កាស​គឹត ទោល​មៃ​ហោម​រេស​តា​នែស​នតូ​នើស មៃ​លែៈ​នាល់​មា​នាវ​អ្វែស​ងាន់ ល៝ង់​លាឆារ ​អ្យា​ពាង់​នាល់​មា​នាវ​អ្យើស​ទើម។ អាបៃ​អ្យា​លាឆារ ​លែៈ​គែស​នាវ​ឞ៝ញ​តា​អ្យា​ហើយ អី​មៃ​នៃ​មៃ​គុ​តា​នាវ​រេស​ញជី​ទុត​ហោ​ងាន់។
LUK 16:26 គែស​ដ៝ង់​នតូ​ឞ្រ៝ង់​ទុត​ហ្វី​វាស​វាង​ហេន​មា​មៃ កើត​នទ្រី​ទឹង​ឞូ​ម៝ស​អុច​ហាន់​ឞើស​នតុក​អ្យា​ជឹត​នតុក​មៃ​នៃ ឞើស​នតុក​មៃ​ជឹត​នតុក​ហេន​អ្យា ឆ្វាង​មោ​ទើយ​អោស»។
LUK 16:27 ឞូនុយ្ស​នទ្រ៝ង់​អី​នៃ​លាស​មា​ចែ​អាឞ្រាហាម់ ៖ «ហើយ​ចែ! លាស​កើត​នទ្រី ខឹត​អោម​លោម​លាៈ ទាន់​មៃ​ដាៈ​លាឆារ ​ហាន់​តា​ជៃ​ឞឹ​គ៝ប់​រី​អើ‌
LUK 16:28 យ៝រ​មា​គ៝ប់​គែស​ព្រាម់​នុយ្ស​អ៝ស​នោ​ឞូ​ក្លោ​លាស។ ដាៈ​ពាង់​មឞើស​មា​ខាន់​ពាង់ អ៝ន់​ខាន់​ពាង់​កាស​គឹត​ញជ្រាង់​ឆាក់ គៃ​មា​លើយ​អោស​អ៝ន់​ហាន់​តា​នតុក​នាវ​រេស​រាញាល់​ទុត​ហោ​អ្យា»។
LUK 16:29 ចែ​អាឞ្រាហាម់ ​អើស​មា​ពាង់៖ «អ៝ស​នោ​មៃ​លែៈ​គែស​ឆ៝ម់បុត​មោឆេ  នទ្រែល​មា​ឆ៝ម់បុត​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស លាស​នទ្រី​អ៝ន់​ខាន់​ពាង់​អ្យាត់​ទឹង​លែៈ​នទើ​អី​មពោល​ខាន់​ពាង់​អី​នៃ​គែស​ញចីស​តា​នៃ​ទោ»។
LUK 16:30 ឞូនុយ្ស​នទ្រ៝ង់​ជ៝ល់​អើស​មា​ពាង់​ជឹត៖ «មោ​អោស! ហើយ​ចែ អ៝ន់​គែស​ទូ​ហ្វេ​ឞូនុយ្ស​អី​តាៈ​ឞើស​ខឹត​ហាន់​មឞើស រី​មើ​ខាន់​ពាង់​រាគ៝ល់​លើយ​នូយ្ស​នហ៝ម់​អ្យើស»។
LUK 16:31 ចែ​អាឞ្រាហាម់ ​អើស​មា​ពាង់៖ «លាស​ខាន់​ពាង់​មោ​អ្យាត់​នាវ​មោឆេ  នទ្រែល​មា​នាវ​ឞូនុយ្ស​នតើយ្ស​នាវ​ងើយ​កោរាញ​ឞ្រាស​លែៈ​គែស​ញចីស ឞ៝ល​លាស​គែស​ឞូនុយ្ស​ខឹត​ទ៝ក់​រេស​ហាន់​មឞើស​មា​ខាន់​ពាង់ ក៝ៈ​ខាន់​ពាង់​មោ​អ្យាត់​ដ៝ង់»”។
LUK 17:1 គែស​ទូ​នារ​ឞ្រាស​យេឆូ ​លាស​មា​មពោល​អ៝ស​ម៝ន​ពាង់៖ “គែស​អ៝ក់​នតីល​ជាន​អ៝ន់​ឞូនុយ្ស​គែស​ជាន​តីស។ តីស​មា​រេស​រាញាល់​ងាន់​មា​ឞូ​ម៝ស​អី​លែវ​ឞូ​ជាន​តីស កោរាញ​ឞ្រាស​តេៈ​ទោយ្ស​ទុត​ក្វ៝ង់​ងាន់​មា​ឞូនុយ្ស​អី​នៃ។
LUK 17:2 អ្វែស​រាលាវ​លាស​ឞូ​ឆ៝ៈ​មពាល់​លុ​ក៝ត់​តា​ត៝ង​ក៝​ពាង់ ជេសរី​ងក្លាច់​ពាង់​តា​ទាក​វាច់​ទាក​វារ់​រី មា​ដាស​អ៝ន់​រ៝ង​ពាង់​រេស​លែវ​ទូ​ហ្វេ​ឞូនុយ្ស​ញឆីង​ជេៈ​ជាន​តីស។
LUK 17:3 អ៝ន់​ខាន់​អៃ​មៃ​ញជ្រាង់​ឆាក់​ខាន់​អៃ​មៃ​នើម។ លាស​គែស​អ៝ស​នោ​ជាន​តីស អ៝ន់​ខាន់​អៃ​មៃ​លាស​នតុម​ពាង់ លាស​ពាង់​រាគ៝ល់​លើយ​នូយ្ស​នហ៝ម់​អ្យើស អ៝ន់​ខាន់​អៃ​មៃ​យោៈ​មា​ពាង់។
LUK 17:4 លាស​ពាង់​ជាន​តីស​មា​ខាន់​អៃ​មៃ​ពើស​តឹ​តា​ទូ​នារ ជេសរី​ពាង់​ព្លឹ​ងើយ​មា​ខាន់​អៃ​មៃ​ពើស​តឹ​ដ៝ង់​តា​ទូ​នារ ពាង់​លាស៖ «លែៈ​លាន់​គ៝ប់​ជាន​តីស​នើស​មេ» អ៝ន់​ខាន់​អៃ​មៃ​យោៈ​មា​ពាង់​រ៝”។
LUK 17:5 មពោល​កោរាញ​អ៝ស​ម៝ន​លាស​មា​ឞ្រាស​យេឆូ ៖ “ទាន់​មៃ​អ៝ន់​នាវ​ញឆីង​មា​ហេន​លើ​មា​ជ្រូ​ជឹត​អើ”។
LUK 17:6 ឞ្រាស​យេឆូ ​លាស​មា​ខាន់​ពាង់៖ “លាស​ខាន់​មៃ​គែស​នាវ​ញឆីង​ជេៈ​តឹម​ឞាន​មា​ទូ​គារ់​នតីល​ទុត​ជេៈ ជេសរី​ខាន់​មៃ​លាស​មា​តើម​ឆី​ក្វ៝ង់​អ្យា៖ «រោក​រាយែស​មៃ​ហ៝ន​តា​ងក្លាង​ទាក​វាច់​ទាក​វារ់​រី» ពាង់​មរា​អ្យាត់​នាវ​ខាន់​មៃ​ងាន់​រ៝”។
LUK 17:7 “តា​មពោល​ខាន់​មៃ លាស​គែស​ទូ​ហ្វេ​ឞូនុយ្ស​ពាង់​គែស​ទឹក​ហាន់​ជាន​ការ​តា​មីរ មោ​លាស​ច្យាប់​ឞែ​ឞ្យាប់ ត៝ត់​ពាង់​ព្លឹ​ឆឹត​ឞើស​មីរ​រី អី​កោរាញ​រី​ងើយ​មា​ទឹក​អី​នៃ៖ «គុ​ឆោង​ឆា​ប៝ត់» នទ្រី​ឞើស?
LUK 17:8 មោ​នទ្រី​អោស កោរាញ​អី​នៃ​មរា​លាស​មា​ពាង់​កើត​នអា​រ៝៖ «នទ្រាប់​ព្យាង់​ត្រាវ​អ៝ន់​មា​គ៝ប់ ជេសរី​មៃ​តើស​ខ៝​អាវ​រាក់​អ៝ន់​គ៝ប់​ឆោង ក៝ប់​ជេស​គ៝ប់​ឆោង​ទឹង​មៃ​ឆោង​ឞើស​កើយ»។
LUK 17:9 អាស​កោរាញ​លាស​អ្វែស​មា​ទឹក​អី​នៃ​ឞើស ឆៃ​ពាង់​ជាន​តឹង​នាវ​កោរាញ​ដាៈ? មោ​អោស!
LUK 17:10 ខាន់​មៃ​តឹម​ឞាន​ដ៝ង់ ទោល​ខាន់​មៃ​ជាន​ការ​តឹង​នាវ​កោរាញ​ឞ្រាស​ដាៈ​អាប់​លែៈ​ផ្យៅ​ជេស អ៝ន់​ខាន់​មៃ​លាស៖ «ហេន​ជេង​ទឹក​កោរាញ​ឞ្រាស​ទើម ហេន​ជាន​ការ​ម៝ស​នទើ​អី​ហេន​ទី​ជាន​ទើម»”។
LUK 17:11 ទោល​ឞ្រាស​យេឆូ ​ហាន់​ជឹត​ប៝ន​ក្វ៝ង់​យេរូឆាលឹម  ពាង់​ហាន់​រ៝ៈ​នហារ់​ឞ្រី​ឆាមារី  ដាស​ឞ្រី​កាលីលេ ។
LUK 17:12 ជេសរី​ឞ្រាស​យេឆូ ​ហាន់​លាប់​រ៝ៈ​ទូ​ប៝ន គែស​មពោល​ផុង​ឆា​ជឹត​នុយ្ស​ហាន់​ម៝ប់​ពាង់។ តឹង​នាវ​វៃ ឞ្វៃ​ខាន់​ពាង់​មោ​អ៝ន់​គុ​ទាច់​មា​ឞូនុយ្ស​អេង នទ្រី​ទឹង​ខាន់​ពាង់​គុ​ឞើស​ងាយ​នតែរ​ក្វាល់៖
LUK 17:13 “ហើយ​កោរាញ​យេឆូ  ទាន់​យោៈ​នអាច​ជាន​ឞាស​មា​ហេន​បាៈ​អើ”។
LUK 17:14 ឞ្រាស​យេឆូ ​អ្វាញ់​ជឹត​ខាន់​ពាង់ ជេសរី​លាស៖ “ហាន់​ញហើ​ឆាក់​ខាន់​មៃ​នៃ​អ៝ន់​មា​មពោល​ជាន​ឞ្រាស​អ្វាញ់​អា​រី គៃ​មា​គឹត​នាល់​ឞាស​នាវ​ជី”។ ខាន់​ពាង់​លោស​ឞើស​ឞ្រាស​យេឆូ​នៃ ទោល​ខាន់​ពាង់​ហាន់​រ៝ៈ​ត្រ៝ង នាវ​ជី​ផុង​ឆា​លែៈ​ខាន់​ពាង់​រី​នើស​ទោ​មា​ឞាស​ក្ល៝ស​ទាទេ​រ៝។
LUK 17:15 ត៝ត់​មា​ឆៃ​ឆាក់​ខាន់​ពាង់​នើម​ឞាស​ក្ល៝ស​លែៈ​ផ្យៅ​កើត​នៃ គែស​ទូ​ហ្វេ​តា​មពោល​អី​នៃ​ពាង់​ព្លឹ​ជឹត​កើយ​អ្យា ងក្រែ​មា​រានេ​មា​កោរាញ​ឞ្រាស​ទុត​នតែសៗ​ងាន់។
LUK 17:16 ត៝ត់​តា​នៃ​ពាង់​ពាន់​តា​ជ៝ង់​ឞ្រាស​យេឆូ ​រី កុញ​ឞោក​ជឹត​នែស ជេសរី​លាស​អ្វែស​មា​កោរាញ​ឞ្រាស។ ឞូនុយ្ស​អី​នៃ​មពោល​ឞ្រី​ឆាមារី  មោ​អោស​ទី​ផូង​អីឆ្រាអែល ។
LUK 17:17 ជេសរី​ឞ្រាស​យេឆូ ​លាស៖ “មោ​ទី​មពោល​អី​ជឹត​នុយ្ស​ឞាស​ទាទេ លាស​នទ្រី​មពោល​អី​មឞ៝ល់​តោរ​ឆឹន​នុយ្ស​អាស​ជឹត​គុ?
LUK 17:18 គែស​ទូ​ហ្វេ​មពោល​ឞ្រី​អេង​អ្យា​ទើម​ឞើស ព្លឹ​រានេ​មា​កោរាញ​ឞ្រាស?”
LUK 17:19 ជេសរី​ពាង់​លាស​មា​ឞូនុយ្ស​អី​នៃ​ជឹត៖ “មៃ​ទ៝ក់​ហាន់​រី​ហ៝ម់ នាវ​មៃ​ញឆីង​ជាន​ឞាស​នាវ​ជី​មៃ”។
LUK 17:20 គែស​ទូ​នារ​ផូង​ផារីឆី ​អោប​ឞ្រាស​យេឆូ  ទាស​ជ៝ៈ​នាវ​កោរាញ​ឞ្រាស​ម៝ត់​អ្វាញ់​វាច់។ ឞ្រាស​យេឆូ ​អើស​មា​ខាន់​ពាង់៖ “នាវ​កោរាញ​ឞ្រាស​ម៝ត់​អ្វាញ់​វាច់​មោ​គែស​អោស​នាវ​ឆៃ​មា​មាត់​ឞូនុយ្ស។
LUK 17:21 មោ​គែស​អោស​ឞូនុយ្ស​ទើយ​លាស៖ «នាវ​កោរាញ​ឞ្រាស​ម៝ត់​អ្វាញ់​តា​នតុក​អ្យា» មោ​លាស «តា​នតុក​រី»។ អ៝ន់​ខាន់​មៃ​គឹត​លាស នាវ​កោរាញ​ឞ្រាស​ម៝ត់​អ្វាញ់​គែស​តា​នូយ្ស​នហ៝ម់​ឞូនុយ្ស”។
LUK 17:22 ឞ្រាស​យេឆូ ​លាស​មា​អ៝ស​ម៝ន​ពាង់៖ “ជឹត​នាប់​តៃ ខាន់​អៃ​មៃ​អុច​ឆៃ​នារ​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​ព្លឹ​វាច់ គៃ​មា​ម៝ត់​អ្វាញ់​ខាន់​អៃ​មៃ​តា​នាវ​ទើយ​កោរាញ​ឞ្រាស តីស​មា​ខាន់​អៃ​មៃ​មោ​ឆៃ​អោស។
LUK 17:23 នោក​នៃ​គែស​ឞូ​មឞើស​មា​ខាន់​អៃ​មៃ​លាស៖ «កោរាញ​ឞ្រាស​តា​នតុក​អ្យា» មោ​លាស «តា​នតុក​រី» ខាន់​អៃ​មៃ​លើយ​អោស​អ្យាត់​ខាន់​ពាង់ លើយ​អោស​ហាន់​អ្វាញ់។
LUK 17:24 យ៝រ​លាស​នារ​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​ព្លឹ​វាច់ តឹម​ឞាន​មា​លើប​ងលាយ្ស​អាង​ច្រាត​ឞើស​ជ៝ង់​ត្រោក​ទូ​ទីង​ត៝ត់​មា​ជ៝ង់​ត្រោក​ទូ​ទីង កើត​នៃ​ដ៝ង់​លាម​នែស​នតូ​មរា​គឹត​ឆៃ​នារ​គ៝ប់​ព្លឹ​វាច់។
LUK 17:25 យើន​មា​អេ​ល៝រ​មា​ត៝ត់​នារ​អី​នៃ​នើស គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​មរា​គែស​នាវ​ជេរ​ជ៝ត់​ទុត​ហោ​ល៝រ ជេសរី​ឞូនុយ្ស​តា​រានោក​អាបៃ​អ្យា​មអារ់​លើយ​គ៝ប់​ដ៝ង់។
LUK 17:26 តា​នោក​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​ព្លឹ​វាច់​នៃ ជេង​តឹម​ឞាន​មា​រានោក​នោអេ ​កាល់​អែ​នើស​ដ៝ង់។
LUK 17:27 រានោក​នៃ​ឞូនុយ្ស​គុ​ញេត​ឆោង​ឆា នអាប់​អូរ​ឆាយ​លើស​មីរ​ជាន​ឞា ឞាៈ​អ៝ស​ឞាៈ​ក៝ន នហ៝​មា​ត៝ត់​នារ​នោអេ ​លាប់​តា​ត្រោម​ទូក​ក្វ៝ង់​រី ជេសរី​ទាក​លេង​ទាក​ទើង​ឞុក​លើស​ហេង​ខាន់​ពាង់​លែៈ​ផ្យៅ។
LUK 17:28 នារ​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​ព្លឹ​វាច់ ជេង​តឹម​ឞាន​មា​រានោក​លុត ​កាល់​អែ​នើស​ដ៝ង់។ រានោក​នៃ​ឞូនុយ្ស​គុ​ញេត​ឆោង តាច់​រាគ៝ល់​ទ្រាប់​នទើ តូច​តាម់ នទ្រែល​មា​ជាន​ញីស​ជាន​ជៃ​អាប់​នារ​អាប់​នារ។
LUK 17:29 នហ៝​មា​ត៝ត់​នារ​លុត ​ទូ​លោស​ឞើស​ប៝ន​ឆោដុម ​នៃ គែស​អុញ នទ្រែល​មា​លុ​ហីត​អុញ​តាៈ​ឞើស​កាលើ​ត្រោក​តី​តឹម​ឞាន​មា​តុប​មីស​ងាន់ ជាន​ហេង​លែៈ​ផ្យៅ​ឞូនុយ្ស​តា​ប៝ន​ឆោដុម ​អី​នៃ។
LUK 17:30 នារ​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​ព្លឹ​វាច់​ញឆោស​ឆាក់ ជេង​តឹម​ឞាន​មា​កើត​នៃ​ដ៝ង់។
LUK 17:31 តា​នារ​អី​នៃ លាស​ឞូ​ម៝ស​គុ​កាលើ​ច៝រ​ជៃ​ល៝ង់ លាស​ពាង់​គែស​ទ្រាប់​នទើ​តា​ត្រោម​ជៃ​លើយ​អោស​ជុរ​លាប់​ឆ៝ៈ អ៝ន់​ពាង់​ជុរ​ទូ​ញច្វាត់​ហ៝ៈ។ ឞូ​ម៝ស​អី​គុ​តា​មីរ​តឹម​ឞាន​កើត​នៃ​ដ៝ង់ លើយ​អោស​ព្លឹ​តា​ជៃ​មា​ឆ៝ៈ​នទើ អ៝ន់​ទូ​ញច្វាត់​ហ៝ៈ។
LUK 17:32 អ៝ន់​កាស​គឹត​នាវ​ត៝ត់​មា​អី​អូរ​លុត  ពាង់​ខឹត​យ៝រ​លាស​ពាង់​ងគឹល​ជឹត​កើយ​នោក​ខាន់​ពាង់​ទូ​ឞើស​ប៝ន​ឆោដុម ។
LUK 17:33 យ៝រ​លាស​ឞូ​ម៝ស​អី​អុច​ព្រាប់​មា​នាវ​រេស​ពាង់​នើម ពាង់​អី​នៃ​មោ​អោស​គែស​នាវ​រេស​នហ៝​រ៝ យើន​មា​ឞូ​ម៝ស​រ៝ស​នាវ​រេស​យ៝រ​មា​តឹង​គ៝ប់ ពាង់​អី​នៃ​គែស​នាវ​រេស​នហ៝​រ៝​ងាន់​តា​នារ​ជឹត​នាប់​តៃ។
LUK 17:34 គ៝ប់​មឞើស​មា​ខាន់​អៃ​មៃ តា​នារ​នៃ​លាស​គែស​ឞារ​ហៃ​ឞូនុយ្ស​ឞិច​តា​ទូ​មល៝ម់​គ្រែ​ទើម​តា​នោក​មាង់ ទូ​ហ្វេ​កោរាញ​ឞ្រាស​ឆ៝ៈ​អ៝ន់​គុ​តា​ប៝ន​អ្វែស​តា​កាលើ ហោម​រ៝ង​ទូ​ហ្វេ​មា​តេៈ​ទោយ្ស។
LUK 17:35 គែស​ឞារ​ហៃ​ឞូ​អូរ​ពែស​តឹម​រាប់ ទូ​ហ្វេ​កោរាញ​ឞ្រាស​ឆ៝ៈ​អ៝ន់​គុ​តា​ប៝ន​អ្វែស​តា​កាលើ ហោម​រ៝ង​ទូ​ហ្វេ​មា​តេៈ​ទោយ្ស។
LUK 17:36 [លាស​ឞារ​ហៃ​ឞូ​ក្លោ​គុ​តា​មីរ ទូ​ហ្វេ​កោរាញ​ឞ្រាស​ឆ៝ៈ​ហោម​រ៝ង​ទូ​ហ្វេ]”។
LUK 17:37 អ៝ស​ម៝ន​អោប​ឞ្រាស​យេឆូ ៖ “ហើយ​កោរាញ អាស​នតុក​គែស​នាវ​អី​នៃ​មេស?” ឞ្រាស​យេឆូ ​អើស​មា​ខាន់​ពាង់៖ “អាស​នតុក​គែស​នទើ​ខឹត គ្រ៝ត់​មរា​រាគូម​ឞាល់​មពារ់​នទាច់​តា​នតុក​អី​នៃ​ដ៝ង់ កើត​នទ្រី​នទើ​អី​នៃ​អ៝ន់​មពើល​មា​ឞូនុយ្ស​ឆៃ​ឞើស​ងាយ”។
LUK 18:1 ជេសរី​ឞ្រាស​យេឆូ ​នតុម​នតី​មពោល​អ៝ស​ម៝ន​ពាង់ អ៝ន់​មឞើស​ឆើម​បាបើ លើយ​អោស​ទឹល​នូយ្ស​នហ៝ម់។
LUK 18:2 ពាង់​ងើយ​នតឹត៖ “តា​ទូ​ប៝ន​គែស​ទូ​ហ្វេ​កោរាញ​ផាត​ទោយ្ស ពាង់​ឞូនុយ្ស​មោ​អោស​គឹត​ក្លាច​មា​កោរាញ​ឞ្រាស មោ​កាៈ​មោ​រានាម​មា​ឞូនុយ្ស​ដ៝ង់។
LUK 18:3 តា​ប៝ន​នៃ​គែស​ដ៝ង់​ទូ​ហ្វេ​ឞូ​អូរ​នទ្រោ​ខឹត​ឆាយ​ដាៈ​ពាង់​ផាត​ទោយ្ស​បាបើ​ងាន់។ ឞូ​អូរ​នទ្រោ​អី​នៃ​លាស៖ «ហើយ​កោរាញ ដាៈ​មៃ​ឆើម​ផាត​ទោយ្ស​មា​ឞូនុយ្ស​អី​ជាន​តីស​មា​គ៝ប់​អើ»។
LUK 18:4 ពាង់​រាលាច់​មោ​អុច​ផាត​ទោយ្ស​អ៝ន់​មា​ឞូ​អូរ​នៃ​លែៈ​ជ៝ៈ​នារ​ងាន់ យើន​មា​ជឹត​នាប់​តៃ​ពាង់​មឹន​អេង​តា​នូយ្ស​នហ៝ម់​រី៖ «ឞ៝ល​លាស​គ៝ប់​មោ​គឹត​ក្លាច​មា​កោរាញ​ឞ្រាស មោ​គឹត​ឆ្រីម​មោ​គឹត​រាមាច​មា​ឞូនុយ្ស​កាដោយ​លែៈ‌
LUK 18:5 គ៝ប់​ហោម​ផាត​ទោយ្ស​អ៝ន់​មា​ឞូ​អូរ​នទ្រោ​អ្យា​ដ៝ង់ យ៝រ​លាស​ពាង់​ឞ្រោៈ​រាខ្វាក​គ៝ប់​បាបើ​ងាន់។ លាស​គ៝ប់​មោ​អោស​ផាត​ទោយ្ស​អ៝ន់​មា​ពាង់ ពាង់​ហោម​ដាៈ​គ៝ប់​ជ៝ល់​ក៝​ដ៝ង់ អ៝ន់​គ៝ប់​ទឹល»”។
LUK 18:6 ឞ្រាស​យេឆូ ​លាស​ជឹត៖ “ល៝ង់​អ្យាត់​ម៝ស​នាវ​កោរាញ​ផាត​ទោយ្ស​អ្យើស​អ្យា​ពាង់​ងើយ​នើស។
LUK 18:7 កោរាញ​ឞ្រាស​រាលាវ​មា​នៃ ពាង់​ឆើម​កើល​អ៝ន់​មា​ខាន់​អៃ​មៃ​អី​ឞូនុយ្ស​លែៈ​ពាង់​កើយ្ស អី​ជ៝យ​ក្វាល់​ពាង់​ទឹង​មាង់​ទឹង​នារ។ អាស​ពាង់​ជាន​មឞ្រែៈ​មឞ្រើយ​មា​ខាន់​អៃ​មៃ​ឞើស?
LUK 18:8 មោ​អោស គ៝ប់​មឞើស​មា​ខាន់​អៃ​មៃ កោរាញ​ឞ្រាស​ឆើម​កើល​អ៝ន់​មា​ពាង់​គើញ​រ៝។ យើន​មា​ទោល​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​ព្លឹ​វាច់​តា​នែស​នតូ​អ្យា ហោម​ឆៃ​ឞូនុយ្ស​គែស​នាវ​ញឆីង​កើត​នអា​ដ៝ង់​លាស​មោ?”
LUK 18:9 ជេសរី​ឞ្រាស​យេឆូ ​ងើយ​ទូ​នាវ​នតឹត​ជឹត​អ៝ន់​មា​ឞូនុយ្ស​អី​កើប​អេង​ឆាក់​ពាង់​នើម​ជេង​ឞូនុយ្ស​ឆ៝ង់​តា​ឞើស​នាប់​កោរាញ​ឞ្រាស ជេសរី​មឺច​មា​ឞូ​អេង។
LUK 18:10 ពាង់​លាស​កើត​នអា៖ “គែស​ឞារ​ហៃ​ឞូ​ក្លោ​ហាន់​មឞើស​ឆើម​តា​ជ៝ង់​គូង​ញីស​ជាន​ឞ្រាស។ ទូ​ហ្វេ​ផូង​ផារីឆី  ទូ​ហ្វេ​ជឹត​មពោល​ក៝ប់​ឆ៝ៈ​ព្រាក់​ឞើស​ឞូ​មា​អ៝ន់​កោរាញ​ម៝ត់​អ្វាញ់។
LUK 18:11 ពាង់​អី​ផារីឆី ​រី​ទ៝ក់​ទូ​ហ្វេ​អេង​ពាង់​នើម​មឞើស​ឆើម​ឞើស​អ្យា​លាស៖ «ហើយ​កោរាញ​ឞ្រាស គ៝ប់​លាស​អ្វែស​មា​មៃ យ៝រ​លាស​គ៝ប់​មោ​អោស​កើត​ឞូនុយ្ស​អាបាៈ​អេង លែៈ​មពោល​អី​នៃ​ជេង​ឞូនុយ្ស​នតុង ឞូនុយ្ស​ក្វែ ឞូនុយ្ស​ល៝ម់​អូរ​ល៝ម់​ឆាយ ជេសរី​គ៝ប់​មោ​តឹម​ឞាន​មា​ឞូនុយ្ស​ក៝ប់​ឆ៝ៈ​ព្រាក់​ឞូ​អី​នៃ​ដ៝ង់។
LUK 18:12 ល៝ង់​គ៝ប់​អ្យា​អ៝ត់​ឆោង​ឆា​រាលាវ​មា​ឞូនុយ្ស​អេង​ទូ​ពើស​អ៝ត់​ឞារ​នារ ជេសរី​ឆ៝ៈ​នទើ​គែស​ជឹត​អឹ​រាហ្វាត់​ង្វាយ​ញហើរ​មា​កោរាញ​ឞ្រាស​លែៈ​នទើ​គ៝ប់​មហែ​គែស​ដ៝ង់»។
LUK 18:13 ល៝ង់​ពាង់​អី​ក៝ប់​ឆ៝ៈ​ព្រាក់​ឞូ​រី ទ៝ក់​ឞើស​ងាយ​មោ​ឞាញ់​ដ៝ង់​ងគើរ​មាត់​ជឹត​លើ​មា​កោរាញ​ឞ្រាស។ ពាង់​នតុរ​នតាង​នតើស​ពាង់​នើម​យ៝រ​មា​ពាង់​រាង៝ត​មា​នាវ​តីស​ពាង់​នើម ពាង់​លាស៖ «ហើយ​កោរាញ​ឞ្រាស ទាន់​មៃ​យោៈ​នអាច​មា​គ៝ប់ គ៝ប់​ជេង​ឞូនុយ្ស​តីស»។
LUK 18:14 គ៝ប់​មឞើស​មា​ខាន់​មៃ ខាន់​ពាង់​ព្លឹ​ឆឹត​តា​ជៃ កោរាញ​ឞ្រាស​កើប​ទូ​ហ្វេ​ឞូនុយ្ស​អ្យា​ជេង​ឞូនុយ្ស​លែៈ​ឆ៝ង់ លែៈ​យោៈ​នាវ​តីស​ពាង់ តីស​មា​ទូ​ហ្វេ​ផូង​ផារីឆី ​អី​នៃ​កោរាញ​ឞ្រាស​មោ​អោស​កើប​ជេង​ឞូនុយ្ស​ឆ៝ង់ មោ​អោស​យោៈ​នអាច​នាវ​តីស​ពាង់។ យ៝រ​លាស​ឞូ​ម៝ស​អី​នហាវ​អេង​ឆាក់​ពាង់​នើម កោរាញ​ឞ្រាស​ញជុរ​លើយ ឞូ​ម៝ស​អី​ញជុរ​ឆាក់​ពាង់​នើម កោរាញ​ឞ្រាស​ទែ​នហាវ​ពាង់”។
LUK 18:15 គែស​ទូ​នារ​ឞូ​លែវ​ក៝ន​ឆែ​ជេៈៗ​ហាន់​តា​ឞ្រាស​យេឆូ  គៃ​មា​ដាៈ​ពាង់​ពាស​តី​តា​ក៝ន​ឆែ​អី​នៃ​អ៝ន់​នាវ​គែស​ជេង​មា​ខាន់​ពាង់។ ត៝ត់​មា​មពោល​អ៝ស​ម៝ន​ឆៃ​កើត​នៃ ខាន់​ពាង់​ឞ្វៃ​លើយ​ហាន់​ទាច់​អា​ឞ្រាស​យេឆូ ។
LUK 18:16 យើន​មា​ឞ្រាស​យេឆូ ​ក្វាល់​មពោល​ក៝ន​ឆែ​អី​នៃ​ហាន់​អា​ពាង់ ជេសរី​ពាង់​លាស​មា​មពោល​អ៝ស​ម៝ន​ពាង់៖ “អ៝ន់​ផូង​ក៝ន​ឆែ​វាច់​តា​គ៝ប់ លើយ​អោស​ឞ្វៃ​ពាង់ យ៝រ​លាស​ខាន់​ពាង់​មោ​អោស​នហាវ​អេង​ឆាក់​ខាន់​ពាង់​នើម យើន​មា​ញឆីង​មា​មេៈ​ឞឹ​ហោ​ងាន់ ឞូនុយ្ស​អី​កោរាញ​ឞ្រាស​អុច​ម៝ត់​អ្វាញ់​ខាន់​ពាង់​គែស​កើត​នទ្រី​ដ៝ង់។
LUK 18:17 គ៝ប់​លាស​នហេល​នានេៈ​ងាន់​មា​ខាន់​អៃ​មៃ ឞូ​ម៝ស​មោ​អោស​តឹម​ឞាន​មា​ក៝ន​ឆែ​ជេៈ​អ្យា មោ​គែស​អោស​កោរាញ​ឞ្រាស​រ៝ម​ពាង់​មា​ម៝ត់​អ្វាញ់”។
LUK 18:18 គែស​ទូ​ហ្វេ​កោរាញ​ផូង​អីឆ្រាអែល ​អោប​ឞ្រាស​យេឆូ ​កើត​នអា៖ “ហើយ​នើម​នតី​អ្វែស មើម​គ៝ប់​ជាន​មេស គៃ​មា​គែស​នាវ​រេស​នហ៝​រ៝​តៃ?”
LUK 18:19 ឞ្រាស​យេឆូ ​អើស​មា​ពាង់៖ “មើម​ទឹង​មៃ​ក្វាល់​គ៝ប់​«អ្វែស»​កើត​នៃ​មេស? មោ​គែស​អោស​ទូ​ហ្វេ​ឞូនុយ្ស​អ្វែស គែស​ទូ​ហ្វេ​កោរាញ​ឞ្រាស​ទើម​អ្វែស។
LUK 18:20 មៃ​លែៈ​គឹត​ជេស​តា​នាវ​វៃ​ផូង​ឞ៝ន់​លាស៖ «លើយ​ល៝ម់​អូរ​ល៝ម់​ឆាយ លើយ​ងខឹត​ឞូ លើយ​នតុង លើយ​ងើយ​ញចើត ជេសរី​យើក​មា​មេៈ​ឞឹ​ហ៝ៈ»”។
LUK 18:21 ឞូ​ក្លោ​អី​នៃ​អើស​មា​ឞ្រាស​យេឆូ ៖ “ទឹង​លែៈ​នាវ​វៃ​អី​នៃ​គ៝ប់​ញអោត​នតើម​ឞើស​ជេៈ​ងាន់”។
LUK 18:22 ត៝ត់​ឞ្រាស​យេឆូ ​តាង់​កើត​នៃ ជេសរី​ពាង់​លាស​មា​ឞូ​ក្លោ​អី​នៃ៖ “ហោម​ទូ​នតីល​មៃ​មោ​ហ៝ៈ​ជាន តាច់​លែៈ​ទ្រាប់​នទើ​មៃ ពាៈ​អ៝ន់​មា​មពោល​អ៝​អាច រី​មើ​មៃ​គែស​នទើ​ខ្លៃ​តា​ប៝ន​អ្វែស​តា​កាលើ ជេសរី​ទឹង​ហាន់​តឹង​គ៝ប់”។
LUK 18:23 ជេស​តាង់​កើត​នៃ ពាង់​រាវៃ​ញហ្វាច​ហោ​ងាន់ យ៝រ​លាស​ពាង់​ជេង​ឞូនុយ្ស​នទ្រ៝ង់​គែស​ទ្រាប់​នទើ​អ៝ក់​ងាន់។
LUK 18:24 ទោល​ឞ្រាស​យេឆូ ​ឆៃ​ឞូនុយ្ស​នទ្រ៝ង់​នៃ​[គែស​នូយ្ស​នហ៝ម់​រាវៃ] ពាង់​លាស៖ “ជេរ​ងាន់​មា​ឞូនុយ្ស​នទ្រ៝ង់​អ៝ន់​កោរាញ​ឞ្រាស​ម៝ត់​អ្វាញ់​ខាន់​ពាង់‌
LUK 18:25 ជេរ​រាលាវ​មា​អ៝ន់​ឆែស​ឆាមោ​លាប់​តា​ត្រោម​ងលាយ”។
LUK 18:26 ឞូនុយ្ស​អី​តាង់​នាវ​ឞ្រាស​យេឆូ ​លាស​នៃ ខាន់​ពាង់​អោប៖ “លាស​ឞូនុយ្ស​នទ្រ៝ង់​លែៈ​គែស​ជេរ​ជេស​មា​អ៝ន់​កោរាញ​ឞ្រាស​ម៝ត់​អ្វាញ់​ខាន់​ពាង់ លាស​នទ្រី​ឞូនុយ្ស​អា​អេង​ហោម​ទើយ​អ៝ន់​កោរាញ​ឞ្រាស​ម៝ត់​អ្វាញ់​ដ៝ង់​លាស​មោ?”
LUK 18:27 ឞ្រាស​យេឆូ ​អើស​មា​ខាន់​ពាង់៖ “នទើ​ឞូនុយ្ស​ជាន​មោ​ឞ្លាវ កោរាញ​ឞ្រាស​ជាន​ហោម​ឞ្លាវ ឞូនុយ្ស​មោ​អោស​ឞ្លាវ​រាក្លាយ្ស​អេង​ឆាក់​ពាង់​នើម យើន​មា​កោរាញ​ឞ្រាស​ហោម​ឞ្លាវ​រាក្លាយ្ស”។
LUK 18:28 ពេត្រោស ​លាស​មា​ឞ្រាស​យេឆូ ៖ “មៃ​លែៈ​ឆៃ​ហេន​ជេស លែៈ​នទើ​ហេន​គែស​ហេន​មអារ់​លើយ ជេសរី​តឹង​មៃ លាស​នទ្រី​មើម​ហេន​មេស?”
LUK 18:29 ឞ្រាស​យេឆូ ​លាស​មា​ខាន់​ពាង់៖ “គ៝ប់​លាស​នហេល​នានេៈ​ងាន់​មា​ខាន់​អៃ​មៃ ឞូ​ម៝ស​មអារ់​ញីស​ជៃ អូរ​ក៝ន មេៈ​ឞឹ នទ្រែល​មា​អ៝ស​នោ យ៝រ​មា​អ៝ន់​កោរាញ​ឞ្រាស​ម៝ត់​អ្វាញ់​មា​ពាង់‌
LUK 18:30 ឞូនុយ្ស​អី​នៃ​ពាង់​ទើន​នទើ​គែស​អ៝ក់​រាលាវ​អី​នៃ​តា​នោក​អាបៃ​អ្យា នទ្រែល​មា​គែស​នាវ​រេស​នហ៝​រ៝​ដ៝ង់​តា​នារ​ជឹត​នាប់​តៃ”។
LUK 18:31 ឞ្រាស​យេឆូ ​លែវ​លែៈ ១២ កោរាញ​អ៝ស​ម៝ន​ហាន់​តា​នតុក​អេង​នទ្រែល​ពាង់​នើម។ ពាង់​លាស​មា​ខាន់​ពាង់​នៃ៖ “អាបៃ​អ្យា​ឞ៝ន់​ហាន់​តា​ប៝ន​ក្វ៝ង់​យេរូឆាលឹម  យ៝រ​លាស​លែៈ​នាវ​ឞូនុយ្ស​នតើយ្ស​នាវ​ងើយ​កោរាញ​ឞ្រាស​លែៈ​ញចីស​កាល់​អែ​នើស​ងក៝ច​មា​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស នាវ​អី​នៃ​ត៝ត់​ងាន់​រ៝។
LUK 18:32 យ៝រ​លាស​ឞូ​ញជុន​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​អ៝ន់​មា​ផូង​អី​មោ​ទី​ផូង​ឞ៝ន់។ ផូង​អី​នៃ​គើម​ងគ្រើស​គ៝ប់ រាក​ឆ្វាយ នទ្រែល​មា​ឆ៝ស​ទាក​ទីវ​តា​គ៝ប់​ដ៝ង់។
LUK 18:33 ឞូ​រាពាត់​គ៝ប់​មា​ម៝ង់​រាឆែ ជេសរី​ងខឹត​លើយ​គ៝ប់ យើន​មា​ពែ​នារ​ឞើស​កើយ​នៃ​គ៝ប់​ទ៝ក់​រេស​ជឹត”។
LUK 18:34 លែៈ​មពោល​កោរាញ​អ៝ស​ម៝ន​មោ​វ៝ត់​អោស​នាវ​ឞ្រាស​យេឆូ ​ងើយ​អី​នៃ ខាន់​ពាង់​មោ​វ៝ត់​ម៝ស​នាវ​ពាង់​អុច​លាស យ៝រ​លាស​នាវ​អី​នៃ​ហោម​ម៝​មា​ខាន់​ពាង់​ងាន់។
LUK 18:35 ទោល​ឞ្រាស​យេឆូ ​ហាន់​ឞើយ​ត៝ត់​ប៝ន​យេរីខោ  គែស​ទូ​ហ្វេ​ឞូនុយ្ស​ចែស​មាត់​គុ​ទាន់​ឞូ​តា​មែង​ត្រ៝ង​រី។
LUK 18:36 ទោល​ពាង់​តាង់​នតែស​ឞូនុយ្ស​ផូង​ហាន់​រ៝ៈ​ត្រ៝ង​នៃ ពាង់​អោប​ឞូ៖ “ម៝ស​គែស​នាវ​ហ្យាស?”
LUK 18:37 ឞូ​មឞើស​មា​ពាង់៖ “នើម​នតី​យេឆូ ​តាៈ​ឞើស​ប៝ន​នាឆារែត ពាង់​ហាន់​រ៝ៈ​ត្រ៝ង​អ្យា”។
LUK 18:38 ជេសរី​ឞូនុយ្ស​ចែស​មាត់​នតើម​នតែរ៖ “ហើយ​កោរាញ​យេឆូ ​ក៝ន​ឆៅ​កាដាច់​ដាវីត ! យោៈ​នអាច​មា​គ៝ប់​បាៈ​អើ!”
LUK 18:39 ឞូ​អី​ឞ្រោៈ​ឞើស​នាប់​នៃ​ឞ្វៃ​ពាង់​ដាៈ​គុ​អ្យាត់​ឆាក់​ហ៝ៈ យើន​មា​ពាង់​លើ​មា​នតែរ​ទុត​នតែសៗ៖ “ហើយ​ក៝ន​ឆៅ​កាដាច់​ដាវីត ! យោៈ​នអាច​មា​គ៝ប់​បាៈ​អើ!”
LUK 18:40 ឞ្រាស​យេឆូ ​ញឆ្រុង ជេសរី​ដាៈ​ឞូ​លែវ​ឞូនុយ្ស​នៃ​អា​ពាង់។ ឞូនុយ្ស​ចែស​មាត់​នៃ​ហាន់​ត៝ត់​តា​រី ជេសរី​ឞ្រាស​យេឆូ ​អោប៖
LUK 18:41 “ម៝ស​មៃ​អុច​អ៝ន់​គ៝ប់​ជាន​មា​មៃ​មេស?” ឞូនុយ្ស​ចែស​មាត់​នៃ​អើស៖ “ហើយ​កោរាញ អ៝ន់​មាត់​គ៝ប់​ឆៃ​អាង”។
LUK 18:42 ឞ្រាស​យេឆូ ​លាស​មា​ពាង់៖ “អាង​ហ៝ម់ នាវ​មៃ​ញឆីង​មា​គ៝ប់​លែៈ​រាក្លាយ្ស​មៃ​ជេស”។
LUK 18:43 ជេសរី​មាត់​ពាង់​ទោ​មា​ឆៃ​អាង​រ៝ ពាង់​តឹង​ឞ្រាស​យេឆូ ​ឞើស​កើយ ងក្រែ​មា​រានេ​មា​កោរាញ​ឞ្រាស។ លែៈ​ឞូនុយ្ស​អី​ឆៃ​នាវ​នៃ​ខាន់​ពាង់​រានេ​មា​កោរាញ​ឞ្រាស​ទាទេ​ដ៝ង់។
LUK 19:1 ជេសរី​ឞ្រាស​យេឆូ ​លាប់​តា​ប៝ន​យេរីខោ ​រី ពាង់​ហាន់​រ៝ៈ​ប៝ន​អី​នៃ។
LUK 19:2 គែស​ទូ​ហ្វេ​ឞូ​ក្លោ​រាញា​ឆាខេ  ពាង់​ជេង​កោរាញ​មា​មពោល​ក៝ប់​ឆ៝ៈ​ព្រាក់​ឞើស​ឞូ​មា​អ៝ន់​កោរាញ​ម៝ត់​អ្វាញ់ ពាង់​នទ្រ៝ង់​គែស​ទ្រាប់​នទើ​អ៝ក់​ងាន់។
LUK 19:3 ពាង់​អុច​ងាន់​ឆៃ​ឞ្រាស​យេឆូ  តីស​មា​ឆាក់​ពាង់​នើស​ទេស នទ្រែល​មា​គែស​ឞូនុយ្ស​អ៝ក់​អីរ កើត​នទ្រី​ពាង់​អ្វាញ់​ឞ្រាស​យេឆូ ​មោ​ទើយ​ឆៃ​អោស។
LUK 19:4 ជេសរី​ពាង់​ញច្វាត់​ឞើស​នាប់​រី ហាវ​កាលើ​តើម​រាវី  ក៝ប់​អ្វាញ់​ឞ្រាស​យេឆូ ​ហាន់​រ៝ៈ​នៃ។
LUK 19:5 ឞ្រាស​យេឆូ ​ឞ្រោៈ​រ៝ៈ​ត្រ៝ង​នៃ ត៝ត់​តា​តើម​ឆី​នៃ​ពាង់​ងគើរ​អ្វាញ់​ជឹត​លើ ជេសរី​លាស​មា​ឆាខេ ៖ “ហើយ​នោ​ឆាខេ  មៃ​ជុរ​ហ៝ម់ យ៝រ​លាស​កោរាញ​ឞ្រាស​ដាៈ​គ៝ប់​គុ​ឞិច​តា​ជៃ​មៃ​នារ​អ្យា”។
LUK 19:6 ជេសរី​ពាង់​ជុរ​រ៝ រ៝ម​ឞ្រាស​យេឆូ ​ពាង់​រាម់​មអាក​ងាន់។
LUK 19:7 ទោល​ឆៃ​កើត​នៃ ឞូ​អ៝ក់​ឞ៝រ់​ញជ៝រ់​ឆេក​ងាន់ ឞូ​លាស៖ “យី! អ្វាញ់​ពាង់​អី​នៃ! ហាន់​តា​ជៃ​ឞូនុយ្ស​តីស”។
LUK 19:8 ត៝ត់​តា​ជៃ​នៃ​ឆាខេ ​ទ៝ក់​លាស​មា​ឞ្រាស​យេឆូ ៖ “ហើយ​កោរាញ គ៝ប់​ពាៈ​ទ្រាប់​នទើ​គ៝ប់​ងគូល​អ៝ន់​មា​មពោល​អ៝​អាច លាស​គ៝ប់​លែៈ​ឆ៝ៈ​ព្រាក់​ឞូ​រាលាវ​កែស​នើស គ៝ប់​ត៝ម់​មា​ឞូ​ង្វាយ​លោស​ព្វាន់”។
LUK 19:9 ឞ្រាស​យេឆូ ​លាស​មា​ពាង់៖ “នារ​អ្យា​នាវ​រាក្លាយ្ស​លែៈ​ត៝ត់​ជេស​មា​ឞូនុយ្ស​តា​ជៃ​អ្យា យ៝រ​លាស​មៃ​អ្យា​ញឆីង​មា​កោរាញ​ឞ្រាស តឹម​ឞាន​មា​ចែ​អាឞ្រាហាម់ ​ឞ៝ន់​ដ៝ង់។
LUK 19:10 គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​ទែ​ញជ្វាល់​វាច់​គៃ​មា​ជ៝យ នទ្រែល​មា​រាក្លាយ្ស​ឞូនុយ្ស​តីស​អី​រ៝ស​យ៝ត​នូយ្ស​នហ៝ម់​ងាយ​ឞើស​កោរាញ​ឞ្រាស​តឹម​ឞាន​មា​ទូ​មល៝ម់​ឞែ​ឞ្យាប់​ហ្យើត”។
LUK 19:11 តា​នតុក​ខាន់​ពាង់​គុ​នៃ​មោ​គែស​ងាយ​ឞើស​ប៝ន​យេរូឆាលឹម ។ ជេស​ខាន់​ពាង់​តាង់​ឞ្រាស​យេឆូ ​ងើយ​កើត​នទ្រី ខាន់​ពាង់​គឹត​វិ​លាស​ឞ្រាស​យេឆូ ​ហាន់​ជឹត​ប៝ន​អី​នៃ​គៃ​មា​ជេង​កាដាច់។ នទ្រី​ឞ្រាស​យេឆូ ​ងើយ​នតឹត​ទូ​នាវ​ជឹត
LUK 19:12 លាស៖ “គែស​ទូ​ហ្វេ​ឞូ​ក្លោ​ជេង​ឞូនុយ្ស​នទ្រ៝ង់ ពាង់​ទែស​តា​រាន៝យ​ទែស​កាដាច់ ពាង់​នទ្រាប់​ហាន់​តា​ឞ្រី​ងាយ​គៃ​មា​ឞូ​នតាម់​ពាង់​ជេង​កាដាច់​តា​ឞ្រី​ពាង់​នើម ត៝ត់​មា​លែៈ​ជេង​ជេស ជេសរី​តៃ​ពាង់​ព្លឹ​ឆឹត​ដ៝ង់។
LUK 19:13 អេ​ល៝រ​ពាង់​មា​ហាន់ ពាង់​ក្វាល់​ទឹក​ជឹត​នុយ្ស ជេសរី​អ៝ន់​ព្រាក់​ជឹត​កាក់​ក្វ៝ង់​មា​ខាន់​ពាង់​ទូ​ហ្វេ​ទូ​ហ្វេ​ទូ​កាក់ ពាង់​លាស៖ «ព្រាក់​អ្យា​អ៝ន់​ខាន់​មរែ​មា​ជ៝យ​ឆា នហ៝​មា​ត៝ត់​គ៝ប់​ព្លឹ​ឆឹត​តៃ»។
LUK 19:14 តីស​មា​គែស​ឞូនុយ្ស​អ៝ក់​តា​ឞ្រី​អី​នៃ​មោ​អុច​អោស​មា​ពាង់ ជេសរី​ខាន់​ពាង់​ញជ្វាល់​ឞូនុយ្ស​អា​អេង​ជឹត​ហាន់​តឹង​ឞើស​កើយ​ដាៈ​មឞើស​នាវ​កើត​នអា៖ «ហេន​មោ​អុច​អោស​អ៝ន់​ឞូនុយ្ស​អ្យា​ជាន​កាដាច់​មា​ហេន»។
LUK 19:15 ត៝ត់​ពាង់​លែៈ​គែស​ជាន​កាដាច់ ពាង់​ព្លឹ​ឆឹត​ឞើស​រី ជេសរី​ពាង់​ក្វាល់​លែៈ​ទឹក​អី​ពាង់​អ៝ន់​ព្រាក់​នៃ​នើស​អោប គៃ​មា​អុច​គឹត​ទាស​អ៝ក់​គែស​លោស​ក៝ន​ព្រាក់​ទូ​ហ្វេ​ទូ​ហ្វេ។
LUK 19:16 ទឹក​អី​ល៝រ​ឞើស​នាប់​ឞូ​នៃ​ពាង់​មឞើស៖ «ហើយ​កោរាញ ព្រាក់​អី​មៃ​អ៝ន់​មា​គ៝ប់​នើស គែស​លោស​ក៝ន​ជឹត​កាក់​ក្វ៝ង់​ជឹត»។
LUK 19:17 ជេសរី​កាដាច់​អី​នៃ​លាស​មា​ពាង់៖ «មៃ​ជាន​អ្វែស​ងាន់ ហើយ​ទឹក​អ្វែស គ៝ប់​មរា​អ៝ន់​មៃ​ម៝ត់​អ្វាញ់​ជឹត​អឹ​ប៝ន យ៝រ​លាស​នាវ​ការ​ជេៈ​អ្យា​មៃ​ជាន​រាប់​ជាប់​ងាន់»។
LUK 19:18 ជេសរី​ទឹក​ត៝ល់​ឞារ​លាស៖ «ហើយ​កោរាញ ព្រាក់​អី​មៃ​អ៝ន់​មា​គ៝ប់​នើស គែស​លោស​ក៝ន​ព្រាក់​ព្រាម់​កាក់​ជឹត»។
LUK 19:19 ជេសរី​កាដាច់​នៃ​លាស​មា​ពាង់៖ «នទ្រី​គ៝ប់​អ៝ន់​មៃ​ម៝ត់​អ្វាញ់​ព្រាម់​មល៝ម់​ប៝ន»។
LUK 19:20 ជេសរី​ទឹក​អី​ទូ​ហ្វេ​រី​ជឹត​ហាន់​មឞើស​មា​កាដាច់៖ «ហើយ​កោរាញ អ្យា​ព្រាក់​អី​មៃ​អ៝ន់​មា​គ៝ប់​នើស​ហោម​កើត​អើម គ៝ប់​ងក្ល៝ម់​ព្រាប់​ពាង់​មា​ឞ៝ក​ព្រាប់​អ៝ន់​អ្វែស​ទើម។
LUK 19:21 គ៝ប់​ក្លាច​មៃ យ៝រ​លាស​មៃ​ជេង​ឞូនុយ្ស​ជាញ។ មៃ​ឆ៝ៈ​នទើ​អី​មោ​ទី​នទើ​មៃ​នើម កាច់​ឞា​អី​មៃ​នើម​មោ​គែស​តូច»។
LUK 19:22 ជេសរី​ពាង់​លាស​មា​ទឹក​អី​នៃ៖ «ហើយ​ទឹក​អ្យើស! គ៝ប់​មរា​តេៈ​ទោយ្ស​មៃ​តឹង​នាវ​មៃ​លាស​នើស។ មៃ​លែៈ​គឹត​ជេស​គ៝ប់​ជេង​ឞូនុយ្ស​ជាញ គ៝ប់​ឆ៝ៈ​នទើ​អី​មោ​ទី​នទើ​គ៝ប់​នើម កាច់​ឞា​អី​មោ​គែស​គ៝ប់​នើម​តូច។
LUK 19:23 លាស​នទ្រី​ខាន់​មៃ​ឆ៝ៈ​ព្រាក់​គ៝ប់​នៃ​អ៝ន់​តា​នតុក​ជៃ​ឞូ​មាញ​ព្រាក់ ត៝ត់​គ៝ប់​ឆឹត​ឞើស​រី​តៃ ឞូ​ត្រ៝ៈ​ព្រាក់​អើម នទ្រែល​មា​គែស​លោស​ក៝ន​ព្រាក់​ដ៝ង់»។
LUK 19:24 ជេសរី​ពាង់​លាស​មា​មពោល​អី​គុ​តា​នៃ៖ «ឆ៝ៈ​លើយ​ព្រាក់​អី​នៃ​ឞើស​ពាង់ អ៝ន់​មា​ឞូនុយ្ស​អី​គែស​ជឹត​កាក់​នៃ»។
LUK 19:25 មពោល​ខាន់​ពាង់​នៃ​លាស៖ «ហើយ​កោរាញ ពាង់​លែៈ​គែស​ជឹត​កាក់​ជេស»។
LUK 19:26 ពាង់​អើស៖ «គ៝ប់​មឞើស​មា​ខាន់​អៃ​មៃ ឞូ​ម៝ស​ជាន​រាប់​ជាប់​មា​នទើ​ពាង់​គែស ឞូ​មរា​នត៝ប​អ៝ន់​មា​ពាង់ ឞូ​ម៝ស​មោ​ជាន​រាប់​ជាប់​មា​នទើ​ពាង់​គែស ឞ៝ល​លាស​នទើ​អី​ដេៈ​ពាង់​គែស​ឞូ​មរា​ឆ៝ៈ​លើយ​ឞើស​ពាង់​ដ៝ង់។
LUK 19:27 ជេសរី​ដ៝ង់ មពោល​អី​មោ​អ៝ន់​គ៝ប់​ជាន​កាដាច់​នើស អ៝ន់​ខាន់​មៃ​ងខឹត​លើយ​ខាន់​ពាង់​អ៝ន់​លែៈ​ផ្យៅ​ឞើស​នាប់​មាត់​គ៝ប់»”។
LUK 19:28 លោច​ជេស​ឞ្រាស​យេឆូ ​ងើយ​នាវ​អី​នៃ ជេសរី​ពាង់​ហាន់​ជឹត ហាវ​ជឹត​ប៝ន​ក្វ៝ង់​យេរូឆាលឹម ​រី។
LUK 19:29 ឞើយ​ត៝ត់​ប៝ន​បេតផាឆេ  ដាស​មា​ប៝ន​បេថានី  តា​យោក​អី​ឞូ​ក្វាល់​លាស​យោក​តើម​អោលីវ ​រី ឞ្រាស​យេឆូ ​ដាៈ​ឞារ​ហៃ​អ៝ស​ម៝ន​ហាន់​ល៝រ‌
LUK 19:30 ពាង់​លាស​មា​ខាន់​ពាង់៖ “អ៝ន់​ខាន់​មៃ​ហាន់​តា​ប៝ន​ឞើស​នាប់​រី លាប់​តា​ប៝ន​នៃ​ខាន់​មៃ​មរា​ឆៃ​ទូ​មល៝ម់​ក៝ន​ឆែស​លៀ​ឞូ​ក៝ត់​តា​នៃ ឆែស​លៀ​អី​នៃ​អេ​ហ៝ៈ​គែស​ឞូ​ញច៝​អោស អ៝ន់​ខាន់​មៃ​ទ្រីស​តេក​ពាង់​ឞើស​រី​អា​អ្យា។
LUK 19:31 លាស​គែស​ឞូ​អោប​ខាន់​មៃ៖ «ម៝ស​ជាន​ទ្រីស​ខាន់​មរែ​នៃ​មេស?» ខាន់​មៃ​អើស​លាស៖ «កោរាញ​អុច​ញច៝​ពាង់»”។
LUK 19:32 ជេសរី​ឞារ​ហៃ​អ៝ស​ម៝ន​អី​នៃ​ហាន់​អា​រី ត៝ត់​អា​រី​ឆៃ​កើត​នាវ​ឞ្រាស​យេឆូ ​មឞើស​នើស​ងាន់។
LUK 19:33 ទោល​ឞារ​ហៃ​អ៝ស​ម៝ន​អី​នៃ​ទ្រីស​ក៝ន​ឆែស​លៀ​អី​នៃ គែស​ខាន់​ពាង់​អី​តើម​ឆែស​លៀ​រី​លាស៖ “ម៝ស​ជាន​ទ្រីស​ខាន់​មរែ​នៃ​មេស?”
LUK 19:34 មពោល​អ៝ស​ម៝ន​អើស៖ “កោរាញ​អុច​ញច៝​ពាង់”។ ជេសរី​ខាន់​ពាង់​អី​តើម​ឆែស​លៀ​នៃ​អ៝ន់​ខាន់​ពាង់​តេក។
LUK 19:35 ជេសរី​ខាន់​ពាង់​តេក​ឆែស​លៀ​អី​នៃ​អ៝ន់​មា​ឞ្រាស​យេឆូ  លាក់​អាវ​ក្វ៝ង់​ខាន់​ពាង់​នើម​តា​កាលើ​នទុរ​កើយ​ក៝ន​ឆែស​លៀ​នៃ​ពឺ​អ៝ន់​ពាង់​ញច៝។
LUK 19:36 ជេសរី​ឞ្រាស​យេឆូ ​ញច៝​ឆែស​លៀ​ហាន់​រ៝ៈ​ត្រ៝ង​នៃ ត៝ត់​ឆៃ​ពាង់ ឞូ​ទ្រ៝ស​អាវ​ក្វ៝ង់​ខាន់​ពាង់​នើម​លាក់​រ៝ៈ​ត្រ៝ង​រី​ទាទេ។
LUK 19:37 ឞ្រាស​យេឆូ ​ឞើយ​ត៝ត់​តា​នតុក​ត្រ៝ង​ជុរ​រ៝ៈ​យោក​តើម​អោលីវ  តា​នតុក​នៃ​គែស​ផូង​អ៝ស​ម៝ន​អ៝ក់​ងាន់​រាម់​មអាក​រានេ​មា​កោរាញ​ឞ្រាស​ទុត​នតែសៗ​ងាន់ យ៝រ​មា​លែៈ​នទើ​អ្វែស​នទើ​ខ្លៃ​ខាន់​ពាង់​លែៈ​ឆៃ​ឞ្រាស​យេឆូ ​ជាន​នើស។
LUK 19:38 ខាន់​ពាង់​លាស៖ “ទាន់​កោរាញ​ឞ្រាស​អ៝ន់​នាវ​គែស​ជេង​មា​កាដាច់​អ្យា អី​កោរាញ​ឞ្រាស​ទែ​ដាៈ​វាច់។ អ៝ន់​គែស​នាវ​ដាប់​មពាន់​មា​ហេន​ដាស​មា​កោរាញ​ឞ្រាស​តា​កាលើ​ត្រោក។ រានេ​នាវ​អ្វែស​រែស​មា​កោរាញ​ឞ្រាស​គុ​តា​កាលើ​ត្រោក​ទុត​ព្រេស​រី!”
LUK 19:39 គែស​ផូង​ផារីឆី ​អាបាៈ​គុ​នទ្រែល​ប៝ន​លាន​នៃ​លាស​មា​ឞ្រាស​យេឆូ ៖ “ហើយ​នើម​នតី ឞ្វៃ​អ៝ស​ម៝ន​មៃ​នៃ​លើយ​អ៝ន់​ខាន់​ពាង់​ងើយ​កើត​នទ្រី!”
LUK 19:40 ឞ្រាស​យេឆូ ​អើស​មា​ផូង​ផារីឆី ៖ “គ៝ប់​មឞើស​មា​ខាន់​មៃ លាស​ខាន់​ពាង់​អ្យា​គុ​អ្យាត់​ឆាក់​រាក់​ក្លាក់ លុ​អ្យា​មរា​នតែរ​រានេ​មា​គ៝ប់​រ៝”។
LUK 19:41 ឞ្រាស​យេឆូ ​ឞើយ​ត៝ត់​ប៝ន​ក្វ៝ង់​យេរូឆាលឹម ពាង់​អ្វាញ់​ឆៃ​ប៝ន​អី​នៃ ជេសរី​ពាង់​ញុម​រាង៝ត​មា​ប៝ន​អី​នៃ‌
LUK 19:42 ពាង់​លាស៖ “ហើយ​ឞូនុយ្ស​តា​យេរូឆាលឹម ! ញហ្វាច​ងាន់ គ៝ប់​អុច​ងាន់​ខាន់​អៃ​មៃ​វ៝ត់​នាវ​ដាប់​មពាន់​កោរាញ​ឞ្រាស​អុច​អ៝ន់​មា​ខាន់​អៃ​មៃ​តា​នារ​អ្យា តីស​មា​អាបៃ​អ្យា​នាវ​ខ្លៃ​អី​នៃ​ងកីង​នទ៝ប់​មោ​អោស​អ៝ន់​ខាន់​អៃ​មៃ​វ៝ត់។
LUK 19:43 នារ​ជឹត​នាប់​តៃ​មរា​គែស​ផូង​រាលាង់​គុ​ញជ្វែង​ជុម​ខាន់​អៃ​មៃ តោស​នហាវ​នែស​អ៝ន់​ព្រេស​គៃ​មា​ហាវ​កាលើ​មពេរ​ប៝ន លើស​ខាន់​អៃ​មៃ​អាប់​ញជោញ​អាប់​ញជាញ់។
LUK 19:44 ឞូ​លើស​ហេង​ខាន់​អៃ​មៃ​លែៈ​ផ្យៅ លែៈ​អ៝ស​ម៝ន​ក៝ន​ឆៅ​ខាន់​អៃ​មៃ។ មោ​ហោម​អោស​គែស​លុ​ឞ្ល៝ន​តឹម​រាទាប់​កាលើ​លុ​ឞ្ល៝ន​តា​ប៝ន​អ្យា​ជឹត យ៝រ​លាស​ខាន់​អៃ​មៃ​មោ​គឹត​នាល់​ម៝ង​កោរាញ​ឞ្រាស​វាច់​គៃ​មា​រាក្លាយ្ស​ខាន់​អៃ​មៃ”។
LUK 19:45 ឞ្រាស​យេឆូ ​ត៝ត់​តា​ប៝ន​យេរូឆាលឹម  ជេសរី​ពាង់​លាប់​តា​ជ៝ង់​គូង​ញីស​ជាន​ឞ្រាស​រី តា​នតុក​នៃ​ពាង់​ឆៃ​ឞូនុយ្ស​គុ​តាច់​រាគ៝ល់​ទ្រាប់​នទើ ជេសរី​ពាង់​នត្រុត​ផូង​អី​នៃ​លោស​ឞើស​នតុក​នៃ​រ៝‌
LUK 19:46 ពាង់​លាស៖ “តា​ឆ៝ម់បុត​នាវ​កោរាញ​ឞ្រាស​ងើយ​លែៈ​ជេស​ញចីស៖ «ញីស​គ៝ប់​ជេង​នតុក​អ៝ន់​មា​មឞើស​ឆើម»។ តីស​មា​ខាន់​អៃ​មៃ​ឆ៝ៈ​ជាន​ងខើង​នតុក​គុ​រាគូម​មពោល​នតុង”។
LUK 19:47 ជេសរី​ឞ្រាស​យេឆូ ​គុ​នតី​ឞូ​តា​ជ៝ង់​គូង​ញីស​ជាន​ឞ្រាស​អាប់​នារ​អាប់​នារ។ យើន​មា​មពោល​កោរាញ​ជាន​ឞ្រាស ផូង​នើម​នតី​នាវ​វៃ​ផូង​អីឆ្រាអែល  នទ្រែល​មា​មពោល​កោរាញ​ប៝ន​លាន​អាបាៈ​អេង​ជឹត ខាន់​ពាង់​លែវ​ឞាល់​ជ៝យ​នាវ​គៃ​មា​ញុប​ងខឹត​លើយ​ឞ្រាស​យេឆូ ។
LUK 19:48 តីស​មា​មោ​ឞ្លាវ​អោស ខាន់​ពាង់​ក្លាច​ផូង​ប៝ន​លាន​តឹម​លើស​ដាស​ខាន់​ពាង់ យ៝រ​លាស​លែៈ​ផូង​ប៝ន​លាន​គុ​អ្យាត់​នាវ​ពាង់​រើប​ហើប​ទាទេ​ងាន់។
LUK 20:1 គែស​ទូ​នារ​ឞ្រាស​យេឆូ ​គុ​នតី​ប៝ន​លាន​តា​ជ៝ង់​គូង​ញីស​ជាន​ឞ្រាស​មា​កោរាញ​ឞ្រាស នទ្រែល​មា​មឞើស​ងក៝ច​នាវ​មហែ​មហាន​អ្វែស។ ជេសរី​គែស​មពោល​កោរាញ​ជាន​ឞ្រាស ផូង​នើម​នតី​នាវ​វៃ​ផូង​អីឆ្រាអែល  នទ្រែល​មា​កោរាញ​អាបាៈ​អេង​ជឹត ខាន់​ពាង់​លែវ​ឞាល់​ហាន់​តា​នៃ​ដ៝ង់‌
LUK 20:2 អោប​ឞ្រាស​យេឆូ ​រី៖ “ទាន់​មឞើស​អ៝ន់​មា​ហេន​គឹត នទើ​មៃ​ជាន​អ្យា​ឞើស​តាៈ​នាវ​ទើយ? ឞូ​ម៝ស​អ៝ន់​នាវ​ទើយ​អី​នៃ​មា​មៃ​មេស?”
LUK 20:3 ឞ្រាស​យេឆូ ​អើស​មា​ខាន់​ពាង់៖ “គ៝ប់​ទាន់​អោប​ទូ​នាវ​មា​ខាន់​មៃ​ប៝ត់ ល៝ង់​ខាន់​មៃ​មឞើស​មា​គ៝ប់៖
LUK 20:4 លាស​នទ្រី​ឞូ​ម៝ស​ដាៈ​យោហាន-​បាប់តែម ​ជាន​បាប់តែម​យុក​មា​ទាក? តាៈ​ឞើស​កោរាញ​ឞ្រាស មោ​លាស​តាៈ​ឞើស​ឞូនុយ្ស?”
LUK 20:5 មពោល​អី​នៃ​តឹម​ញច្រាៈ​ឞាល់៖ “លាស​ឞ៝ន់​លាស៖ «តាៈ​ឞើស​កោរាញ​ឞ្រាស» ពាង់​មរា​លាស​ឞ៝ន់៖ «លាស​នទ្រី​មើម​ទឹង​ខាន់​មៃ​មោ​អ្យាត់​នាវ​ពាង់?»
LUK 20:6 លាស​ឞ៝ន់​លាស៖ «តាៈ​ឞើស​ឞូនុយ្ស» ប៝ន​លាន​មរា​នតុប​ឞ៝ន់​មា​លុ​រ៝ យ៝រ​លាស​ឞូ​គឹត​នហេល​យោហាន-​បាប់តែម ​ពាង់​ឞូនុយ្ស​នតើយ្ស​នាវ​ងើយ​កោរាញ​ឞ្រាស​ងាន់”។
LUK 20:7 ជេសរី​ខាន់​ពាង់​អើស​មា​ឞ្រាស​យេឆូ ៖ “ហេន​មោ​គឹត​អោស ឞូ​ម៝ស​ដាៈ​ពាង់​ជាន”។
LUK 20:8 ជេសរី​ឞ្រាស​យេឆូ ​អើស​មា​ខាន់​ពាង់​ដ៝ង់៖ “លាស​នទ្រី​គ៝ប់​មោ​ដ៝ង់​មឞើស​អ៝ន់​មា​ខាន់​មៃ​គឹត ឞូ​ម៝ស​អ៝ន់​នាវ​ទើយ​គ៝ប់​ជាន​អ្យា”។
LUK 20:9 ជេសរី​ឞ្រាស​យេឆូ ​ងើយ​នតឹត​អ៝ន់​មា​ផូង​ប៝ន​លាន៖ “គែស​ទូ​ហ្វេ​ឞូ​ក្លោ​តាម់​តើម​ព្លៃ​យុងយារ​ប៝ន​ទូ​លោក​មីរ ជេសរី​អ៝ន់​ឞូ​ម៝ត់​មីរ​អី​នៃ ដាៈ​ឞូ​ពាៈ​ព្លៃ​មា​ពាង់​អាប់​នាម់។ អី​ពាង់​នើម​រី​ហាន់​គុ​ជឹត​ឞ្រី​អេង​ជ៝ៈ​ងាន់។
LUK 20:10 ត៝ត់​ទី​ខៃ​ទុម​ព្លៃ​យុងយារ​ប៝ន​រី ពាង់​ដាៈ​ទូ​ហ្វេ​ទឹក​ពាង់​ហាន់​តឹម​ម៝ប់​មា​មពោល​ម៝ត់​មីរ​អី​នៃ គៃ​មា​ឆ៝ៈ​ព្លៃ​អី​ឞូ​ពាៈ​នៃ។ តីស​មា​លែៈ​មពោល​អី​នៃ​លើស​អោឞាល់ ជេសរី​នត្រុត​អោឞាល់​អ៝ន់​ឆឹត​ទើម។
LUK 20:11 ពាង់​ដាៈ​តៃ​ទូ​ហ្វេ​ទឹក​ជឹត​ហាន់ មពោល​ម៝ត់​មីរ​អី​នៃ​លើស​អោឞាល់ រាក​ឆ្វាយ នត្រុត​អោឞាល់​អ៝ន់​ឆឹត​ទើម​ដ៝ង់។
LUK 20:12 ជេសរី​ពាង់​អី​តើម​មីរ​នៃ​ដាៈ​តៃ​ទូ​ហ្វេ​ទឹក​ជឹត។ ត៝ត់​តា​នៃ​មពោល​ម៝ត់​មីរ​អី​នៃ​លើស​មឞាង​អោឞាល់​ត៝ត់​មា​ឆោត​រាមាញ ពឺ​មអារ់​អោឞាល់​ឞើស​ទីស​មីរ​រី។
LUK 20:13 ជេសរី​ពាង់​អី​តើម​មីរ​រី​លាស​អេង​ឆាក់​ពាង់​នើម៖ «មើម​គ៝ប់​ជាន​ហៃ? អាបៃ​អ្យា​ដាៈ​ក៝ន​ឞូ​ក្លោ​អី​គ៝ប់​នើម​រ៝ង់​ហោ​ងាន់​អ្យា អ៝ន់​ពាង់​ហាន់​ប៝ត់ លាស​ខាន់​ពាង់​ឆៃ​ក្លាប់​លាស​ខាន់​ពាង់​អ្យាត់​ពាង់​រ៝»។
LUK 20:14 ត៝ត់​មា​មពោល​ម៝ត់​មីរ​អី​នៃ​ឆៃ​ពាង់ ជេសរី​ខាន់​ពាង់​តឹម​លាស​នទ្រាង់​ខាន់​ពាង់​នើម៖ «ពាង់​អី​នៃ​រ៝​នត្រ៝ៈ​នទើន​មីរ​អ្យា​នារ​ជឹត​នាប់​តៃ ហាន់​ឞ៝ន់​ងខឹត​លើយ​ពាង់​អី​នៃ​ទោស មីរ​អ្យា​នហ៝​គែស​មា​ឞ៝ន់​រ៝»។
LUK 20:15 ជេសរី​ឞូ​មអារ់​អោឞាល់​ឞើស​ទីស​មីរ​រី ងខឹត​លើយ​អោឞាល់។ លាស​នទ្រី​ពាង់​អី​តើម​មីរ​អី​នៃ មើម​ពាង់​ជាន​មា​មពោល​ម៝ត់​មីរ​អី​នៃ?
LUK 20:16 ពាង់​មរា​ហាន់​ងខឹត​លើយ​ខាន់​ពាង់ ជេសរី​អ៝ន់​ឞូ​អេង​ជឹត​ម៝ត់​មីរ​អី​នៃ”។ ត៝ត់​មា​តាង់​នាវ​អី​នៃ​ឞូ​លាស៖ “មោ​អោស! លើយ​អោស​អ៝ន់​គែស​កើត​អី​នៃ”។
LUK 20:17 ជេសរី​ឞ្រាស​យេឆូ ​អ្វាញ់​ជឹត​ឞូ ពាង់​លាស៖ “តា​ឆ៝ម់បុត​នាវ​កោរាញ​ឞ្រាស​ងើយ​លាស៖ «ឞូនុយ្ស​ឞ្លាវ​ជាន​ជៃ​លុ​ឞ្ល៝ន​លែៈ​មអារ់​លើយ​ទូ​មល៝ម់​លុ​ឞ្ល៝ន‌ យើន​មា​លុ​ឞ្ល៝ន​អី​នៃ​ជេង​លុ​ឞ្ល៝ន​ទុត​ន៝ប់​ខ្លៃ​រាលាវ​ឞូ​មា​ជាន​ជៃ»។
LUK 20:18 លាស​នទ្រី​ម៝ស​នាវ​ឞូ​នតឹត​អ្យា? លុ​ឞ្ល៝ន​អី​នៃ​ជេង​នតឹត​មា​គ៝ប់។ ជេសរី​ឞូ​ម៝ស​រាលាច់​មា​គ៝ប់​តឹម​ឞាន​មា​ឞូនុយ្ស​ចោត​តា​កាលើ​លុ​អី​នៃ ជេសរី​នាវ​ផាត​ទោយ្ស​គ៝ប់​តា​ជឹត​នាប់​តៃ តឹម​ឞាន​មា​លុ​តុប​តា​កាលើ​ឞូនុយ្ស។ ឞូ​ម៝ស​អី​ចោត​តា​កាលើ​លុ​ឞ្ល៝ន​អី​នៃ ពាង់​អី​នៃ​លេក​រាហ៝ច់​រ៝។ ជេសរី​លាស​លុ​ឞ្ល៝ន​អី​នៃ​តុប​កាលើ​ទូ​ហ្វេ​ឞូនុយ្ស ឞូនុយ្ស​អី​នៃ​ហាច់​លែៈ​ផ្យៅ”។
LUK 20:19 ជេស​ខាន់​ពាង់​តាង់​ឞ្រាស​យេឆូ ​ងើយ​នាវ​នតឹត​នៃ ផូង​នើម​នតី​នាវ​វៃ​ផូង​អីឆ្រាអែល  នទ្រែល​មា​មពោល​កោរាញ​ជាន​ឞ្រាស ខាន់​ពាង់​គឹត​វ៝ត់​នាវ​ងើយ​អី​នៃ​លាស​មា​ឆាក់​ខាន់​ពាង់​រ៝ នទ្រី​ទឹង​ខាន់​ពាង់​អុច​ញុប​ឞ្រាស​យេឆូ ​តា​នៃ​រ៝ យើន​មា​ក្លាច​ផូង​ប៝ន​លាន​លើស។
LUK 20:20 នទ្រី​ខាន់​ពាង់​អី​នៃ​ក៝ប់​អ្វាញ់​នអោយ​ឞ្រាស​យេឆូ  ជេសរី​ដាៈ​ឞូ​គ្រ៝យ​ពាង់។ មពោល​អី​នៃ​គុ​ងាវ​ជាន​កើត​ឞូនុយ្ស​ឆ៝ង់ គៃ​មា​នទើម​ពាង់​ញុប​នាវ​តីស​តា​នទើ​ពាង់​មឞើស​ងក៝ច។ ខាន់​ពាង់​អុច​គែស​នាវ​មា​ញជុន​ពាង់​តា​កោរាញ​ក្វ៝ង់​ពីលាត ​អ៝ន់​តេៈ​ទោយ្ស​ពាង់។
LUK 20:21 ជេសរី​មពោល​អី​នៃ​អោប​ឞ្រាស​យេឆូ ៖ “ហើយ​នើម​នតី! ហេន​គឹត​ទឹង​លែៈ​នាវ​មៃ​មឞើស​នតី​នៃ​ជេង​ទី​ទាទេ​ងាន់។ មៃ​មោ​អោស​ក្លាច​មា​ឞូនុយ្ស មោ​អោស​កើយ្ស​ឞូនុយ្ស មៃ​នតី​នាវ​កោរាញ​ឞ្រាស​អ៝ន់​ទី។
LUK 20:22 ទាន់​មឞើស​មា​ហេន​តឹង​នាវ​វៃ​ឞ៝ន់ ទី​ដ៝ង់​អ៝ន់​ព្រាក់​អី​កោរាញ​កាដាច់​តា​ឞ្រី​រោម ​ដាៈ​ឞ៝ន់​អ៝ន់​នៃ​មោ​លាស​មោ?”
LUK 20:23 យើន​មា​ឞ្រាស​យេឆូ ​លែៈ​គឹត​អី​នាវ​ខាន់​ពាង់​អុច​អោប​នៃ ជេង​អោប​រាល៝ង​ពាង់ លាស​ពាង់​លាស​ទី ផូង​ប៝ន​លាន​មោ​ហោម​រ៝ង់​មា​ពាង់ យ៝រ​លាស​ខាន់​ពាង់​ឞ្យាញ់​អ៝ន់​ព្រាក់​អី​នៃ។ លាស​ពាង់​លាស​មោ​ទី ខាន់​ពាង់​អុច​នតោន​ពាង់​តា​កោរាញ​ក្វ៝ង់​ពីលាត  យ៝រ​លាស​ពាង់​ងើយ​តឹម​រាទ៝ង់​ដាស​ឞ្រី​រោម ​មោ​អ៝ន់​ប៝ន​លាន​អ៝ន់​ព្រាក់​មា​កោរាញ តឹង​កាដាច់​ក្វ៝ង់​តា​ឞ្រី​អី​នៃ​ដាៈ។ ជេសរី​ពាង់​លាស​កើត​នអា៖
LUK 20:24 “ល៝ង់​ញហើ​ព្រាក់​អី​អ៝ន់​មា​កាដាច់​អី​នៃ​ទូ​មល៝ម់។ តា​កាលើ​កាក់​នៃ​ឞូ​ម៝ស​រូប នទ្រែល​មា​ឞូ​ម៝ស​គែស​រាញា?” ឞូ​អើស​មា​ពាង់៖ “គែស​រូប នទ្រែល​មា​គែស​រាញា​កាដាច់​ក្វ៝ង់​តា​ឞ្រី​រោម ”។
LUK 20:25 ឞ្រាស​យេឆូ ​លាស​មា​ខាន់​ពាង់៖ “លាស​នទ្រី នទើ​កោរាញ​កាដាច់​តា​ឞ្រី​រោម ​មព្លឹ​អ៝ន់​មា​ពាង់ នទើ​កោរាញ​ឞ្រាស​មព្លឹ​អ៝ន់​មា​កោរាញ​ឞ្រាស​នើម”។
LUK 20:26 នទ្រី​ខាន់​ពាង់​មោ​អោស​ទើយ​ញុប​ឞ្រាស​យេឆូ ​តា​នាប់​ឞាល់​ផូង យ៝រ​លាស​តា​នាវ​ពាង់​ងើយ​មោ​អោស​ឆៃ​គែស​តីស។ ខាន់​ពាង់​នទ្រ៝ត់​ហីស​រាហ៝ល់​ងាន់​យ៝រ​មា​តាង់​នាវ​ពាង់​អើស​ឞ្លាវ​ងាន់ ជេសរី​ខាន់​ពាង់​គុ​អ្យាត់​ឆាក់​រាក់​ក្លាក់​ទើម។
LUK 20:27 ជេសរី​គែស​ផូង​ឆាដោឆី ​អាបាៈ​ហាន់​អោប​ឞ្រាស​យេឆូ  ផូង​អី​នៃ​កោរាញ​តា​ផូង​អីឆ្រាអែល ​ដ៝ង់ តីស​មា​ខាន់​ពាង់​មោ​អ្យាត់​អោស​ឞូនុយ្ស​លែៈ​ខឹត​ហោម​ទ៝ក់​រេស​ជឹត។
LUK 20:28 ខាន់​ពាង់​អោប​រាល៝ង៖ “ហើយ​នើម​នតីមោឆេ ​កាល់​អែ​នើស​លែៈ​ញចីស​ជេស​តា​ឆ៝ម់បុត​អ៝ន់​មា​ឞ៝ន់​អី​ផូង​អីឆ្រាអែល ​លាស​កើត​នអា៖ «លាស​ឞូ​ក្លោ​ឆ៝ៈ​អូរ ជេសរី​ពាង់​ខឹត លាស​ពាង់​មោ​គែស​ក៝ន ដាៈ​អី​អ៝ស​នោ​ពាង់​រី​នត្រ៝ៈ​ឆ៝ៈ​អូរ​ពាង់​គៃ​មា​គែស​ក៝ន​មា​ពាង់»។
LUK 20:29 នតឹត​លាស លាស​គែស​ពើស​នុយ្ស​អ៝ស​នោ អី​នោ​ឞោក​ទាក​រី​ឆ៝ៈ​អូរ ជេសរី​ពាង់​ខឹត ពាង់​មោ​អោស​គែស​ក៝ន។
LUK 20:30 អី​អ៝ស​គ្រ៝យ​ឞើស​កើយ​ពាង់​នៃ​នត្រ៝ៈ​ឆ៝ៈ ខឹត​មោ​គែស​ក៝ន​ដ៝ង់។
LUK 20:31 ជេសរី​អី​អ៝ស​ត៝ល់​ពែ​នៃ​នត្រ៝ៈ​ឆ៝ៈ​ដ៝ង់ នហ៝​មា​លែៈ​ពើស​នុយ្ស​ខាន់​ពាង់​នៃ​ឆ៝ៈ​ពាង់​ទាទេ តីស​មា​មោ​អោស​គែស​ក៝ន។
LUK 20:32 កេង​មា​ទុត​មា​ទេល​ឞូ​អូរ​អី​នៃ​ខឹត​ដ៝ង់។
LUK 20:33 ត៝ត់​នារ​ឞូនុយ្ស​ទ៝ក់​រេស​តៃ លាស​នទ្រី​ឞូ​ម៝ស​ឆ៝ៈ​ឞូ​អូរ​អី​នៃ? យ៝រ​លាស​លែៈ​ពើស​នុយ្ស​ខាន់​ពាង់​នើស​លែៈ​តាៈ​ឆ៝ៈ​ពាង់​ទាទេ”។
LUK 20:34 ឞ្រាស​យេឆូ ​អើស​មា​ខាន់​ពាង់៖ “ឞូនុយ្ស​តា​នែស​នតូ​អ្យា​វៃ​ឆ៝ៈ​អូរ​ឆ៝ៈ​ឆាយ។
LUK 20:35 យើន​មា​នារ​ជឹត​នាប់​តៃ ឞូ​ម៝ស​អី​កោរាញ​ឞ្រាស​ទែ​ទី​មា​រាក្លាយ្ស​ឞើស​ខឹត ខាន់​ពាង់​ទ៝ក់​រេស​គុ​តា​ប៝ន​អ្វែស​តា​កាលើ ឞូនុយ្ស​អី​នៃ​មោ​ហោម​អោស​ឆ៝ៈ​អូរ​ឆ៝ៈ​ឆាយ​ជឹត។
LUK 20:36 ខាន់​ពាង់​មោ​ហោម​អោស​ឞ្លាវ​ខឹត​ជឹត ខាន់​ពាង់​ជេង​តឹម​ឞាន​មា​តោង​ពារ់​កោរាញ​ឞ្រាស ខាន់​ពាង់​លែៈ​ជេង​ក៝ន​កោរាញ​ឞ្រាស​ងាន់ យ៝រ​មា​ខាន់​ពាង់​លែៈ​ទ៝ក់​រេស​ជេស។
LUK 20:37 មោឆេ ​លែៈ​ងក៝ច​ជេស​មា​ឞូនុយ្ស​ខឹត​ទ៝ក់​រេស ពាង់​គែស​ញចីស​លាស​តា​ព្លាង់​ត្រ៝ង​ពុម​ល៝ក​អី​គែស​ហីត​អុញ នតុក​នៃ​ពាង់​ក្វាល់​កោរាញ​ឞ្រាស​លាស «ជេង​ឞ្រាស​អាឞ្រាហាម់ ​យើក​មឞាស ជេង​ឞ្រាស​អីឆាក់ ​យើក​មឞាស ជេង​ឞ្រាស​យាកោប ​យើក​មឞាស»។
LUK 20:38 នោក​មោឆេ ​ងើយ​នាវ​អី​នៃ​លែៈ​ពែ​នុយ្ស​ខាន់​ពាង់​អី​នៃ​លែៈ​ខឹត​អ៝ក់​នាម់​ជេស យើន​មា​ឞើស​នាវ​កោរាញ​ឞ្រាស​ងើយ​គឹត​នាល់​ខាន់​ពាង់​ហោម​រេស​មា​កោរាញ​ឞ្រាស។ កោរាញ​ឞ្រាស​មោ​អោស​ទី​ឞ្រាស​មា​ឞូនុយ្ស​ខឹត ពាង់​ឞ្រាស​មា​ឞូនុយ្ស​រេស”។
LUK 20:39 ជេសរី​គែស​ផូង​នើម​នតី​នាវ​វៃ​ផូង​អីឆ្រាអែល ​អាបាៈ​លាស​មា​ឞ្រាស​យេឆូ ៖ “ហើយ​នើម​នតី! នាវ​មៃ​អើស​អី​នៃ​ឞ្លាវ​អ្វែស​ងាន់”។
LUK 20:40 ជេសរី​ឞូ​មោ​ហោម​អោស​ឞាញ់​អោប​ពាង់​នាវ​អេងៗ​ជឹត។
LUK 20:41 ជេសរី​ឞ្រាស​យេឆូ ​អោប​ឞូ៖ “មើម​ទឹង​ឞូ​ក្វាល់​ឞ្រាស​ក្រីស ​អី​នើម​រាក្លាយ្ស​តាៈ​ឞើស​កោរាញ​ឞ្រាស​ទែ​ញជ្វាល់​រី​លាស​ក៝ន​ឆៅ​កាដាច់​ដាវីត ​ទើម?
LUK 20:42 យ៝រ​លាស​តា​ឆ៝ម់បុត​នាវ​មព្រើ​អើម​កាដាច់​ដាវីត ​គែស​ងក៝ច​ល៝រ​មា​ឞ្រាស​ក្រីស ​ពាង់​លាស៖ «កោរាញ​ឞ្រាស​លាស​មា​កោរាញ​គ៝ប់៖ «គុ​មពែស​ឞើស​មា​គ៝ប់​ហ៝ម់ តា​នតុក​ឞូ​យើក​រាលាវ​ឞូ។
LUK 20:43 ក៝ប់​ត៝ត់​គ៝ប់​អ៝ន់​ផូង​រាលាង់​ដាស​មៃ​ជេង​នតុក​រាកើល​ជ៝ង់​មៃ​ប៝ត់»»។
LUK 20:44 លាស​លែៈ​កាដាច់​ដាវីត ​នើម​ក្វាល់​ឞ្រាស​ក្រីស ​លាស​កោរាញ​ពាង់​នើម​កើត​នៃ យើន​មា​ក៝ន​ឆៅ​មោ​គែស​ក្វ៝ង់​រាលាវ​មា​អូ​ចែ លាស​នទ្រី​ឞ្រាស​ក្រីស ​មើម​ហោម​ឞ្លាវ​ក៝ន​ឆៅ​កាដាច់​ដាវីត ​ជឹត?”
LUK 20:45 នោក​ប៝ន​លាន​ហោម​អែ​គុ​អ្យាត់​នាវ​ឞ្រាស​យេឆូ ​ងើយ​នៃ ជេសរី​ពាង់​លាស​មា​មពោល​អ៝ស​ម៝ន​ពាង់៖
LUK 20:46 “អ៝ន់​ខាន់​អៃ​មៃ​ញជ្រាង់​ងាន់​ដាស​មា​ផូង​នើម​នតី​នាវ​វៃ​ផូង​ឞ៝ន់​នៃ យ៝រ​លាស​ខាន់​ពាង់​អុច​ញឆ៝ស​អាវ​ជ៝ង​អី​អ្វែស ជេសរី​ឞ្រោៈ​រាឆ៝ង គៃ​មា​អ៝ន់​ឞូ​គឹត​លាស​ខាន់​ពាង់​គែស​នាវ​ខ្លៃ​ងាន់ អុច​អ៝ន់​ឞូ​មឞាស​កុញ​ឞោក​មា​ខាន់​ពាង់​រ៝ៈ​នតុក​ឞូ​តាច់​រាគ៝ល់​ទ្រាប់​នទើ មោ​លាស​រ៝ៈ​ត្រ៝ង​ក្វ៝ង់ នទ្រែល​មា​អុច​គុ​ឞើស​នាប់​ឞូ​តា​នតុក​ឞូ​លឺ​តា​ញីស​រាបុន​ផូង​ឞ៝ន់ ជេសរី​លាស​ញេត​ក្វ៝ង់​ឆោង​ក្វ៝ង់​នៃ​អុច​គុ​តា​នតុក​ឞូ​យើក​ដ៝ង់។
LUK 20:47 តីស​មា​ខាន់​ពាង់​មរោស​រាលាម់​ឞូ​អូរ​នទ្រោ​លែៈ​ខឹត​ឆាយ​គៃ​មា​ឆ៝ៈ​ពីត​ទ្រាប់​នទើ​ញីស​ជៃ​ឞូ​អូរ​នទ្រោ​អី​នៃ។ ជេសរី​ខាន់​ពាង់​ជាន​មឞើស​ឆើម​ទុត​ជ៝ៈ​ងាន់​អ៝ន់​ឞូ​អេង​តាង់ គៃ​មា​ញហើ​ខាន់​ពាង់​នើម​ជេង​ឞូនុយ្ស​រ៝ង់​មា​កោរាញ​ឞ្រាស​ងាន់។ ផូង​អី​នៃ​កោរាញ​ឞ្រាស​តេៈ​ទោយ្ស​ទុត​ជ្រូ​រ៝​តា​នារ​ជឹត​នាប់​តៃ”។
LUK 21:1 នោក​ឞ្រាស​យេឆូ ​គុ​តា​ជ៝ង់​គូង​ញីស​ជាន​ឞ្រាស ពាង់​ងើក​ឆៃ​មពោល​នទ្រ៝ង់​តេៈ​ព្រាក់​តា​ត្រោម​ហុប​ញហើរ​មា​កោរាញ​ឞ្រាស។
LUK 21:2 ជេសរី​ពាង់​ឆៃ​ទូ​ហ្វេ​ឞូ​អូរ​នទ្រោ​ខឹត​ឆាយ​អ៝​អាច ហាន់​តេៈ​ព្រាក់​ដេៈ​ទើម​ឞារ​មល៝ម់​កាក់​ជេៈ​តា​ត្រោម​ហុប​អី​នៃ​ដ៝ង់។
LUK 21:3 ឞ្រាស​យេឆូ ​លាស៖ “គ៝ប់​មឞើស​នហេល​នានេៈ​ងាន់​មា​ខាន់​អៃ​មៃ កោរាញ​ឞ្រាស​កើប​ឞូ​អូរ​នទ្រោ​អ៝​អាច​អី​អ្យា​តេៈ​ព្រាក់​អ៝ក់​រាលាវ​ទឹង​លែៈ​ឞូ‌
LUK 21:4 យ៝រ​លាស​ទឹង​លែៈ​មពោល​អី​នៃ ព្រាក់​អី​ខាន់​ពាង់​តេៈ​តា​ត្រោម​ហុប​នើស ឆ៝ៈ​ព្រាក់​រាមែស​ឞើស​ឆាក់​ខាន់​ពាង់​នើម។ ល៝ង់​អី​ឞូ​អូរ​នទ្រោ​ទែ​នៃ ពាង់​ឞូនុយ្ស​អ៝​អាច​ហោ​ងាន់ ឞ៝ល​លាស​ព្រាក់​នៃ​គៃ​មា​ឆ្យាម់​នាវ​រេស​ពាង់​នើម​កាដោយ​លែៈ ពាង់​ហោម​ឆ៝ៈ​លែៈ​ផ្យៅ​តេៈ​ញហើរ​មា​កោរាញ​ឞ្រាស​ដ៝ង់”។
LUK 21:5 ជេសរី​គែស​ឞូនុយ្ស​អាបាៈ​រានេ​មា​នាវ​អ្វែស​ញីស​ជាន​ឞ្រាស អី​ឞូ​ជាន​មា​លុ​អ្វែស នទ្រែល​មា​ព្លា​នទើ​អេងៗ​អី​ឞូ​ញហើរ​អ៝ន់​មា​កោរាញ​ឞ្រាស ឞ្រាស​យេឆូ ​លាស៖
LUK 21:6 “លែៈ​នទើ​លែៈ​ជៃ​អី​ខាន់​អៃ​មៃ​ឆៃ​តា​អ្យា តា​នារ​ជឹត​នាប់​តៃ​ឞូ​មរា​លើស​រាល៝ម់​លែៈ​ផ្យៅ​រ៝ មោ​ហោម​អោស​គែស​ទូ​មល៝ម់​លុ​ឞ្ល៝ន​តឹម​រាទាប់​ជឹត”។
LUK 21:7 ឞូ​អោប​មា​ឞ្រាស​យេឆូ ៖ “ហើយ​នើម​នតី! ទាស​ហោម​ជ៝ៈ​នារ​អី​នៃ​មេស? លាស​នទ្រី​ម៝ស​នទើ​មឞេន​អ៝ន់​មា​ហេន​គឹត​លាស​នារ​អី​នៃ​ឞើយ​ត៝ត់?”
LUK 21:8 ឞ្រាស​យេឆូ ​អើស​មា​ខាន់​ពាង់៖ “ញជ្រាង់​ងាន់​ហ៝ម់ លើយ​អោស​អ៝ន់​ឞូ​នទើម​មា​ខាន់​អៃ​មៃ យ៝រ​លាស​នារ​ជឹត​នាប់​តៃ​គែស​អ៝ក់​ឞូ​នតូប​រាញា​គ៝ប់ ខាន់​ពាង់​លាស៖ «គ៝ប់​អ្យា​ឞ្រាស​ក្រីស ​ហែស»។ មោ​លាស​ខាន់​ពាង់​លាស៖ «នារ​ងគ្លែៈ​ទុត​ឞើយ​ត៝ត់​ជេស»។ លើយ​អោស​អ្យាត់​មពោល​អី​នៃ។
LUK 21:9 លាស​ខាន់​អៃ​មៃ​តាង់​ឞូ​ងក៝ច​គែស​នាវ​តឹម​លើស​តឹម​ឆ្រែស មោ​លាស​គែស​នាវ​អុស​អាស លើយ​ក្លាច​រាវៃ​អោស យ៝រ​លាស​លែៈ​នាវ​អី​នៃ​ពាង់​ល៝រ​គែស​ងាន់​រ៝ យើន​មា​នារ​ងគ្លែៈ​ទុត​នែស​នតូ​អេ​ហ៝ៈ​ត៝ត់​គើញ​រ៝​អោស”។
LUK 21:10 ឞ្រាស​យេឆូ ​លាស​ជឹត៖ “អេ​ល៝រ​មា​នារ​អី​នៃ ទូ​មពោល​តឹម​លើស​ដាស​ទូ​មពោល​អេង​ជឹត ទូ​ឞ្រី​ទាក​តឹម​លើស​ដាស​ទូ​ឞ្រី​ទាក​អេង​ជឹត។
LUK 21:11 តា​នតុក​អេងៗ គែស​ងគារ់​នែស​នតូ​ទុត​ទាង់ គែស​នាវ​ជី​ឆ៝ត់​ជី​ង៝ត​ក្វ៝ង់ គែស​នាវ​ជី​ខឹត​រុង​ខឹត​រាចាៈ នអ៝ប់​មា​គែស​នាវ​ត៝ត់​អេងៗ​ជាន​អ៝ន់​គែស​នាវ​ក្លាច​រាវៃ នទ្រែល​មា​គែស​នទើ​មឞេន​ក្វ៝ង់​ងាន់​អី​ឞូ​មោ​វៃ​ឆៃ​អោស​តា​កាលើ​ត្រោក​រី។
LUK 21:12 អេ​ល៝រ​មា​គែស​ទឹង​លែៈ​នាវ​អី​នៃ គែស​ឞូ​ជាន​ជេរ​មា​ខាន់​អៃ​មៃ ឞូ​ញុប ឞូ​ញជុន​ខាន់​អៃ​មៃ​តា​ញីស​រាបុន​ផូង​ឞ៝ន់​គៃ​មា​ផាត​ទោយ្ស តេៈ​ខាន់​អៃ​មៃ​តា​ត្រោម​នទ្រូង។ ឞូ​ញជុន​ខាន់​អៃ​មៃ​មា​កាដាច់ មា​កោរាញ​ក្វ៝ង់ គៃ​មា​តេៈ​ទោយ្ស​ខាន់​អៃ​មៃ​យ៝រ​មា​អ្យាត់​តឹង​គ៝ប់​ទើម។
LUK 21:13 យើន​មា​នាវ​អី​នៃ​ព្លាច់​អ៝ន់​មា​ខាន់​អៃ​មៃ​គែស​មឞើស​នាវ​មហែ​មហាន​អ្វែស​មា​ខាន់​ពាង់​ដ៝ង់។
LUK 21:14 អ៝ន់​ខាន់​អៃ​មៃ​គែស​នូយ្ស​នហ៝ម់​ន៝ប់​ហ៝ៈ លើយ​អោស​រាវៃ​នាវ​ល៝រ​គៃ​មា​តឹម​អើស​ដាស​នាវ​ខាន់​ពាង់​នតោន។
LUK 21:15 យ៝រ​មា​នោក​នៃ​គ៝ប់​អ៝ន់​មា​ខាន់​អៃ​មៃ​គែស​នាវ​មា​អើស នទ្រែល​មា​គែស​នាវ​មឹន​គឹត​ឞ្លាវ មោ​អោស​អ៝ន់​ទឹង​លែៈ​មពោល​តឹម​រាទ៝ង់​ទើយ​តឹម​អើស​ទើយ​តឹម​រាលាច់​ដាស​ខាន់​អៃ​មៃ។
LUK 21:16 ឞ៝ល​លាស​មេៈ​ឞឹ អ៝ស​នោ នទុល​មពោល នទ្រែល​មា​មឹត​ជាង់​ខាន់​អៃ​មៃ​នើម​កាដោយ​លែៈ ញជុន​ខាន់​អៃ​មៃ​មា​ខាន់​ពាង់ ជេសរី​ខាន់​អៃ​មៃ​អាបាៈ​ឞូ​ងខឹត​លើយ​ដ៝ង់។
LUK 21:17 នោក​នៃ​គែស​ឞូនុយ្ស​អ៝ក់​ងាន់​ឞ្យាញ់​មា​ខាន់​អៃ​មៃ​ងាន់ យ៝រ​មា​ខាន់​អៃ​មៃ​តឹង​ឆាក់​គ៝ប់។
LUK 21:18 យើន​មា​ខាន់​ពាង់​មោ​គែស​នាវ​ទើយ​ដាស​ហ្វេង​ខាន់​អៃ​មៃ មោ​គែស​នាវ​ទើយ​ដាស​នាវ​រេស​នហ៝​រ៝​ខាន់​អៃ​មៃ។
LUK 21:19 លាស​ខាន់​អៃ​មៃ​ទាង់​អ៝ត់​ដាស​ទឹង​លែៈ​នទើ​អី​នៃ មោ​ឞាស​ញឆីង​មា​គ៝ប់ ខាន់​អៃ​មៃ​មរា​គែស​នាវ​រេស​នហ៝​រ៝”។
LUK 21:20 “លាស​ខាន់​អៃ​មៃ​ឆៃ​តាហែន​ហាន់​ញជ្វែង​ជុម​ប៝ន​ក្វ៝ង់​យេរូឆាលឹម  អ៝ន់​ខាន់​អៃ​មៃ​គឹត​លាស​ប៝ន​អី​នៃ​ឞើយ​មា​ហេង​ជេស។
LUK 21:21 នោក​នៃ​អ៝ន់​ឞូនុយ្ស​អី​គុ​តា​ឞ្រី​យូដា ​ទូ​ញច្វាត់​ក្រាប​តា​យោក ឞូនុយ្ស​អី​គុ​តា​ប៝ន​យេរូឆាលឹម ​រី​ញច្វាត់​លោស​ឞើស​ប៝ន​នៃ ឞូនុយ្ស​អី​គុ​ឞើស​ទីស​ប៝ន​នៃ​លើយ​អោស​ហាន់​លាប់​តា​ត្រោម​ប៝ន។
LUK 21:22 យ៝រ​លាស​នោក​នៃ​រ៝​កោរាញ​ឞ្រាស​ក្លាប់​នទាង់​តេៈ​ទោយ្ស​ប៝ន​លាន​ពាង់​នើម គៃ​មា​តឹម​ទី​ដាស​នាវ​លែៈ​គែស​ញចីស​តា​ឆ៝ម់បុត​នាវ​កោរាញ​ឞ្រាស​ងើយ។
LUK 21:23 នោក​នៃ​ដ៝ង់​ឞូ​អូរ​នត្រែវ ឞូ​អូរ​មពូ​ត៝ស​ក៝ន​គែស​នាវ​រេស​រាញាល់​ហោ​ងាន់ យ៝រ​លាស​គែស​នាវ​ជេរ​រាវៃ​ទុត​ហោ​ងាន់​តា​ឞ្រី​អី​នៃ កោរាញ​ឞ្រាស​តេៈ​ទោយ្ស​មា​ផូង​ប៝ន​លាន​នៃ។
LUK 21:24 គែស​អ៝ក់​ឞូនុយ្ស​ចោត​ខឹត​យ៝រ​មា​ដាវ នទ្រែល​មា​គែស​អ៝ក់​ឞូ​វែង​គុ​ជាន​ទឹក​តា​ឞ្រី​អេងៗ។ ផូង​ឞ្រី​អេងៗ​អី​មោ​ទី​ផូង​ឞ៝ន់​រី​ជ៝ត​មពែត​ប៝ន​យេរូឆាលឹម  នហ៝​មា​ត៝ត់​ទី​នារ​កោរាញ​ឞ្រាស​អ៝ន់​មា​ផូង​អី​នៃ”។
LUK 21:25 “នោក​នៃ​គែស​នទើ​ឞូ​មោ​វៃ​ឆៃ​តា​នារ តា​ខៃ នទ្រែល​មា​តា​មាញ់​មឞីង​រី។ លែៈ​ឞូនុយ្ស​តា​នែស​នតូ​គែស​នាវ​ជេរ​រាវៃ មោ​ហោម​អោស​ឞ្លាវ​មឹន ត៝ត់​មា​តាង់​នតែស​រាឞុស​ទាក​វាច់​ទាក​វារ់ នទ្រែល​មា​រាឞុស​ទុត​ក្វ៝ង់​រី។
LUK 21:26 ឞូនុយ្ស​តា​នែស​នតូ​ក្លាច​ញឆ៝រ់ ទោល​គុ​មឹន​នាវ​ត៝ត់​តា​នែស​នតូ​អ្យា លែៈ​នទើ​តា​កាលើ​ត្រោក​គែស​ងគើ​ដាត់​ញហីង​ញហាង។
LUK 21:27 នោក​នៃ​ឞូ​ឆៃ​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​ហាន់​រ៝ៈ​នទ៝រ់​តុក​នអ៝ប់​មា​គែស​នាវ​ទើយ នទ្រែល​មា​នាវ​ច្រេក​លើប​ទុត​ហោ។
LUK 21:28 ទោល​នាវ​អី​នៃ​នតើម​គែស អ៝ន់​ខាន់​អៃ​មៃ​ទ៝ក់​ហ៝ម់​ងគើរ​អ្វាញ់ អ៝ន់​គែស​នូយ្ស​នហ៝ម់​ឞាញ់ យ៝រ​លាស​នោក​កោរាញ​ឞ្រាស​រាក្លាយ្ស​ខាន់​អៃ​មៃ​ឞើស​ទឹង​លែៈ​នាវ​ជេរ​នើស​ឞើយ​មា​ត៝ត់​រ៝”។
LUK 21:29 ជេសរី​ឞ្រាស​យេឆូ ​ងើយ​នតឹត​មា​តើម​រាវី ពាង់​លាស៖ “អ៝ន់​ខាន់​អៃ​មៃ​អ្វាញ់​តើម​រាវី  នទ្រែល​មា​ទឹង​លែៈ​តើម​ឆី។
LUK 21:30 លាស​ខាន់​អៃ​មៃ​ឆៃ​នហា​ពាង់​នតើម​ចាត់​ងកុរ ខាន់​អៃ​មៃ​គឹត​លាស​ខៃ​មីស​ឞើយ​មា​ត៝ត់​រ៝។
LUK 21:31 តឹម​ឞាន​ដ៝ង់ ទោល​ខាន់​អៃ​មៃ​ឆៃ​លែៈ​នាវ​អី​នៃ​លែៈ​ត៝ត់ អ៝ន់​ខាន់​អៃ​មៃ​គឹត​លាស​នោក​កោរាញ​ឞ្រាស​ម៝ត់​អ្វាញ់​ទឹង​លែៈ​ឞូនុយ្ស​ងាន់​ឞើយ​មា​ត៝ត់​រ៝។
LUK 21:32 គ៝ប់​លាស​នហេល​នានេៈ​ងាន់​មា​ខាន់​អៃ​មៃ លែៈ​នាវ​អ្យា​ពាង់​ត៝ត់ ទោល​ឞូនុយ្ស​តា​រានោក​អាបៃ​អ្យា​ហោម​រេស​ទាទេ។
LUK 21:33 ត្រោក​នែស​នតូ​មរា​រ៝ស​លេក​រ៝ យើន​មា​នាវ​គ៝ប់​ងើយ​មោ​អោស​ឞ្លាវ​រ៝ស​លេក ហោម​គែស​ទឹង​លែៈ​ងាន់”។
LUK 21:34 “អ៝ន់​ខាន់​អៃ​មៃ​គុ​ញជ្រាង់! លើយ​អោស​អ៝ន់​នូយ្ស​នហ៝ម់​ខាន់​អៃ​មៃ​ពើស​មា​នទើ​ព៝ល់​រាម់​មអាក ពើស​មា​ញុល​នទ្រាញ់ មោ​លាស​ពើស​មា​មឹន​រាវៃ​មា​នាវ​រេស ក្លាច​លាស​នារ​គ៝ប់​ព្លឹ​វាច់​នៃ​ខាន់​អៃ​មៃ​តឹម​ឞាន​មា​គែស​ទាក់​យ៝រ​មា​ខាន់​អៃ​មៃ​មោ​គែស​គុ​ញជ្រាង់។
LUK 21:35 នារ​គ៝ប់​ព្លឹ​វាច់​តា​អ្យា មោ​គែស​អោស​ទូ​ហ្វេ​ឞូនុយ្ស​គឹត​ល៝រ ទឹង​លែៈ​ឞូនុយ្ស​លាម​នែស​នតូ​អ្យា​គែស​ទាក់​ទាទេ។
LUK 21:36 ញជ្រាង់ នទ្រែល​មា​មឞើស​ឆើម​បាបើ​ហ៝ម់ គៃ​មា​គែស​ឆ្វាន​ទើយ​អ៝ត់​មា​លែៈ​នាវ​ត៝ត់​អី​នៃ នទ្រែល​មា​ទើយ​ទ៝ក់​ន៝ប់​មោ​គែស​ក្លាច​តា​នាប់​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស”។
LUK 21:37 អាប់​នារ​ឞ្រាស​យេឆូ ​គុ​នតី​ឞូ​តា​ជ៝ង់​គូង​ញីស​ជាន​ឞ្រាស តា​មាង់​ពាង់​ហាន់​គុ​តា​យោក​តើម​អោលីវ ។
LUK 21:38 អើម​អោយ​ផូង​ប៝ន​លាន​ហាន់​អ្យាត់​នាវ​ពាង់​នតី​តា​ជ៝ង់​គូង​ញីស​ជាន​ឞ្រាស។
LUK 22:1 ជេសរី​បុន​នុមពាង់​មោ​គែស​នទ្រូយ អី​ឞូ​ក្វាល់​លាស​បុន​នហ៝ត​ដ៝ង់ លែៈ​ឞើយ​មា​ត៝ត់​ជេស។
LUK 22:2 មពោល​កោរាញ​ជាន​ឞ្រាស នទ្រែល​មា​ផូង​នើម​នតី​នាវ​វៃ​ផូង​អីឆ្រាអែល  ជ៝យ​នាវ​មើម​ជាន​គៃ​មា​ងខឹត​លើយ​ឞ្រាស​យេឆូ ​មោ​អ៝ន់​គែស​នាវ​អុស​អាស យ៝រ​មា​ខាន់​ពាង់​ក្លាច​ផូង​ប៝ន​លាន​នូយ្ស​នោក​ញុប​ពាង់។
LUK 22:3 ជេសរី​ឆាតាង់ ​អី​កោរាញ​មពោល​ឞ្រាស​អ្យើស​លាប់​គុ​តា​យូដាស  អី​ឞូ​ក្វាល់​អីឆាការីយោត ​ដ៝ង់។ ពាង់​ជេង​ទូ​ហ្វេ​ឞូនុយ្ស​តា ១២ នុយ្ស​មពោល​កោរាញ​អ៝ស​ម៝ន​នៃ​ដ៝ង់។
LUK 22:4 ពាង់​ហាន់​ម៝ប់​មា​មពោល​កោរាញ​ជាន​ឞ្រាស នទ្រែល​មា​មពោល​កោរាញ​តាហែន​ញីស​ជាន​ឞ្រាស គៃ​មា​ញច្រាៈ​ឞាល់​មើម​ជ៝យ​នាវ​គៃ​មា​គែស​ញជុន​ឞ្រាស​យេឆូ ​មា​ខាន់​ពាង់។
LUK 22:5 ជេស​ញច្រាៈ​ឞាល់​នាវ​អី​នៃ ផូង​អី​នៃ​រាម់​ងាន់ ខាន់​ពាង់​លែៈ​តឹម​ទី​ត៝ន​អ៝ន់​ព្រាក់​មា​ពាង់។
LUK 22:6 យូដាស-​អីឆាការីយោត ​អុច​ដ៝ង់ ជេសរី​ជ៝យ​ម៝ង​គៃ​មា​លែវ​ឞូ​ហាន់​ញុប​ឞ្រាស​យេឆូ  នោក​ផូង​ប៝ន​លាន​មោ​គែស​គុ​នទ្រែល​ពាង់។
LUK 22:7 ជេសរី​នារ​នទ្រាប់​ញេត​បុន​នុមពាង់​មោ​គែស​នទ្រូយ​លែៈ​ត៝ត់​ជេស ជេង​នារ​ឞូ​ងខឹត​ក៝ន​ឞែ​ឞ្យាប់​មា​ជាន​ឞ្រាស នទ្រែល​មា​ញេត​បុន​នហ៝ត។
LUK 22:8 ជេសរី​ឞ្រាស​យេឆូ ​ដាៈ​ឞារ​ហៃ​កោរាញ​អ៝ស​ម៝ន​ពេត្រោស  នទ្រែល​យោហាន ​ហាន់​ល៝រ ពាង់​លាស​មា​ខាន់​ពាង់៖ “ខាន់​មៃ​ហាន់​នទ្រាប់​នាវ​ញេត​បុន​នហ៝ត​អ្យា​ឞ៝ន់​ទែ​មា​ឆោង​ឆា”។
LUK 22:9 ខាន់​ពាង់​អោប​ឞ្រាស​យេឆូ ៖ “ហើយ​កោរាញ អាស​នតុក​មៃ​អុច​អ៝ន់​ហេន​នទ្រាប់​នាវ​ញេត​ឆោង​ឆា​អ្យា​មេស?”
LUK 22:10 ឞ្រាស​យេឆូ ​អើស៖ “អ្យាត់​គ៝ប់​ហ៝ម់ ត៝ត់​លាប់​តា​ប៝ន​យេរូឆាលឹម ​រី​តៃ ខាន់​មៃ​ឆៃ​ទូ​ហ្វេ​ឞូ​ក្លោ​តេៈ​ទាក​យាង់​តា​មលីក។ អ៝ន់​ខាន់​មៃ​ហាន់​តឹង​ពាង់​នហ៝​មា​ត៝ត់​ពាង់​លាប់​តា​ត្រោម​ជៃ។
LUK 22:11 ជេសរី​ខាន់​មៃ​ងើយ​ដាស​មា​តើម​ជៃ​អី​នៃ​លាស៖ «នើម​នតី​ហេន​ដាៈ​ហេន​ហាន់​អោប​មៃ ជ្រោ​មា​ពាង់​ញេត​បុន​នទ្រែល​អ៝ស​ម៝ន​តា​នារ​ញេត​បុន​នហ៝ត​អ្យា អាស​នតុក​មេស?»
LUK 22:12 ឞូនុយ្ស​តើម​ជៃ​នៃ​លែវ​មា​ខាន់​មៃ​រ៝​តា​នតុក​កាលើ​រី។ ជ្រោ​ហ្វី​ងាន់ លែៈ​អើម​ជេស​នទ្រាប់​ផ្យៅ អ៝ន់​ខាន់​មៃ​នទ្រាប់​នាវ​ញេត​ឆោង​អ៝ន់​មា​ឞ៝ន់​តា​ជ្រោ​នៃ​រ៝”។
LUK 22:13 ជេសរី​ឞារ​ហៃ​ខាន់​ពាង់​នៃ​ឞ្រោៈ​ទ្រើន​រ៝ ត៝ត់​អា​រី​ឆៃ​កើត​នាវ​ឞ្រាស​យេឆូ ​លាស​នើស ជេសរី​ខាន់​ពាង់​នទ្រាប់​នទើ​ឆោង​ឆា​មា​នាវ​ញេត​បុន​នហ៝ត​អី​នៃ។
LUK 22:14 ត៝ត់​ទី​ម៝ង​នៃ ឞ្រាស​យេឆូ ​គុ​ឆោង​ឆា​តា​ញឆឺង​នទ្រែល​មពោល​កោរាញ​អ៝ស​ម៝ន‌
LUK 22:15 ពាង់​លាស៖ “ហើយ​អ៝ស​ម៝ន គ៝ប់​អុច​ហោ​ងាន់​ឆោង​ឆា​នទ្រែល​ខាន់​មៃ​តា​នារ​ញេត​បុន​នហ៝ត​អ្យា អេ​ល៝រ​មា​គ៝ប់​គែស​នាវ​ជេរ​ជ៝ត់។
LUK 22:16 គ៝ប់​មឞើស​មា​ខាន់​មៃ គ៝ប់​មោ​ហោម​អោស​ឆោង​ឆា​ញេត​បុន​នហ៝ត​អ្យា​ជឹត នហ៝​មា​ត៝ត់​ញេត​បុន​អ្យា​គែស​នោក​កោរាញ​ឞ្រាស​ម៝ត់​អ្វាញ់​ទឹង​លែៈ​ឞូនុយ្ស​ងាន់​រី​មើ”។
LUK 22:17 ជេសរី​ឞ្រាស​យេឆូ ​ឆ៝ៈ​កាច៝ក​នទ្រាញ់​ព្លៃ​យុងយារ​ប៝ន លាស​អ្វែស​មា​កោរាញ​ឞ្រាស។ ជេស​លាស​អ្វែស​រី​ពាង់​លាស៖ “ឆ៝ៈ​កាច៝ក​អ្យា​តឹម​ពាៈ​ឞាល់​ញេត។
LUK 22:18 គ៝ប់​មឞើស​មា​ខាន់​មៃ នតើម​ឞើស​អាបៃ​អ្យា​គ៝ប់​មោ​ហោម​អោស​ញេត​នទ្រាញ់​ព្លៃ​យុងយារ​ប៝ន​ជឹត នហ៝​មា​ត៝ត់​កោរាញ​ឞ្រាស​ម៝ត់​អ្វាញ់​ទឹង​លែៈ​ឞូនុយ្ស​ងាន់​មើ”។
LUK 22:19 ជេសរី​ពាង់​ឆ៝ៈ​ដ៝ង់​នុមពាង់​លាស​អ្វែស​មា​កោរាញ​ឞ្រាស ពាង់​គិច​នុមពាង់​អី​នៃ​អ៝ន់​ខាន់​ពាង់​ឆា​នហ៝​មា​លាស៖ “អ្យា​ជេង​ឆាក់​ជាន់​គ៝ប់ អី​គ៝ប់​អ៝ន់​មា​ខាន់​មៃ​តៃ អ៝ន់​ខាន់​មៃ​ជាន​កើត​នអា​លែត​ជឹត​នាប់​តៃ គៃ​មា​កាស​គឹត​មា​គ៝ប់”។
LUK 22:20 លោច​ជេស​នាវ​ញេត​ឆោង​នៃ ឞ្រាស​យេឆូ ​ឆ៝ៈ​កាច៝ក​នទ្រាញ់​ព្លៃ​យុងយារ​ប៝ន​ជាន​កើត​អី​នៃ​ដ៝ង់ ពាង់​លាស៖ “នទ្រាញ់​ព្លៃ​យុងយារ​ប៝ន​តា​កាច៝ក​អ្យា​ជេង​នាវ​តឹម​រាង្លាប់​មហែ​កោរាញ​ឞ្រាស​នទ្រែល​ខាន់​មៃ។ នាវ​តឹម​រាង្លាប់​មហែ​អី​នៃ​គ៝ប់​ជាន​មា​ខាន់​មៃ​មា​មហាម​គ៝ប់​អី​ហ៝ច​ឞើស​ឆាក់​ជាន់​គ៝ប់​នោក​គ៝ប់​ខឹត​តៃ។
LUK 22:21 ល៝ង់​ឞូនុយ្ស​អី​ញជុន​គ៝ប់​មា​ផូង​រាលាង់​ដាស​គ៝ប់ ពាង់​គុ​ឆោង​ឆា​នទ្រែល​គ៝ប់​តា​ញឆឺង​អ្យា​ដ៝ង់។
LUK 22:22 អ្យាត់​មា​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​មរា​ខឹត តឹង​កោរាញ​ឞ្រាស​នើម​លែៈ​អុច យើន​មា​ឞូនុយ្ស​អី​ញជុន​គ៝ប់​គែស​នាវ​រេស​រាញាល់​ងាន់​រ៝​មា​ពាង់”។
LUK 22:23 ជេសរី​មពោល​កោរាញ​អ៝ស​ម៝ន​អី​នៃ​តឹម​អោប​នទ្រាង់​ខាន់​ពាង់​នើម ឞូ​ម៝ស​ពាង់​អី​ជាន​នាវ​អី​នៃ​តា​មពោល​ខាន់​ពាង់​នើម​រី។
LUK 22:24 នោក​នៃ​មពោល​កោរាញ​អ៝ស​ម៝ន​គែស​នាវ​តឹម​រាលាច់​ឞាល់ ឞូ​ម៝ស​ពាង់​អី​ក្វ៝ង់​រាលាវ​ឞូ​តា​មពោល​ខាន់​ពាង់​នើម។
LUK 22:25 ឞ្រាស​យេឆូ ​លាស​មា​ខាន់​ពាង់៖ “ទឹង​លែៈ​កាដាច់​ឞ្រី​អី​មោ​ទី​ផូង​ឞ្រី​ឞ៝ន់ ខាន់​ពាង់​ក្វាន់​ឞោក​ផូង​ប៝ន​លាន​ខាន់​ពាង់​នើម ជេសរី​មពោល​អី​គែស​នាវ​ទើយ​អី​នៃ​លាស​អេង​ឆាក់​ខាន់​ពាង់​នើម​ជេង​ឞូនុយ្ស​អ្វែស។
LUK 22:26 យើន​មា​តា​មពោល​ខាន់​មៃ​លើយ​អោស​ជាន​កើត​នៃ។ ឞូ​ម៝ស​ពាង់​អី​ក្វ៝ង់​រាលាវ​ឞូ​អ៝ន់​ជាន​តឹម​ឞាន​មា​ឞូនុយ្ស​ជេៈ​តា​ន៝ម់​ឞូ។ ឞូ​ម៝ស​អី​កោរាញ អ៝ន់​ពាង់​ជាន​តឹម​ឞាន​មា​ឞូនុយ្ស​ឆើម​កើល​ជាន​ការ​មា​ឞូ។
LUK 22:27 យ៝រ​លាស​ឞូនុយ្ស​គុ​ឆោង​តា​ញឆឺង ដាស​មា​ឞូនុយ្ស​ឆើម​ឆ៝ៈ​ព្យាង់​ត្រាវ ឞូ​ម៝ស​លើ​ក្វ៝ង់? ឞូ​វៃ​លាស​ក្វ៝ង់​រាលាវ​ជេង​ឞូនុយ្ស​អី​គុ​ឆោង​តា​ញឆឺង​រី មា​ដាស​ឞូនុយ្ស​ឆើម​ឆ៝ៈ​ព្យាង់​ត្រាវ។ ល៝ង់​គ៝ប់​អ្យា​កោរាញ​ខាន់​មៃ​គុ​នទ្រែល​ខាន់​មៃ គ៝ប់​ជេង​តឹម​ឞាន​មា​ឞូនុយ្ស​ឆើម​កើល​ជាន​ការ​ឆើម​ឆ៝ៈ​ព្យាង់​ត្រាវ​ទើម។
LUK 22:28 ខាន់​មៃ​លែៈ​ញឆ្រោយ្ស​នទ្រែល​គ៝ប់​តា​នាវ​ជេរ​គ៝ប់​ដ៝ង់។
LUK 22:29 កើត​ឞឹ​គ៝ប់​លែៈ​អ៝ន់​មា​គ៝ប់ កើត​នទ្រី​ទឹង​គ៝ប់​អ៝ន់​មា​ខាន់​មៃ​ម៝ត់​អ្វាញ់​ផូង​ញឆីង​មា​គ៝ប់​ដ៝ង់‌
LUK 22:30 គៃ​មា​ខាន់​មៃ​គុ​ឆោង​ឆា​តា​ញឆឺង​នទ្រែល​គ៝ប់​នោក​គ៝ប់​ជេង​កាដាច់​ងាន់។ នហ៝​មា​ខាន់​មៃ​គុ​តា​រានើល​កាដាច់ គៃ​មា​ផាត​ទោយ្ស​លែៈ​ឞូនុយ្ស​តា ១២ មពោល​រាន៝យ​ទែស​ឞ៝ន់​នៃ”។
LUK 22:31 ឞ្រាស​យេឆូ ​លាស៖ “ហើយ​ឆីមោន  ហើយ​ឆីមោន  អ្យាត់​គ៝ប់​ហ៝ម់! លែៈ​ឆាតាង់ ​អី​កោរាញ​មពោល​ឞ្រាស​អ្យើស​ទាន់​មា​កោរាញ​ឞ្រាស​រាល៝ង​ខាន់​មៃ។ ជេសរី​កោរាញ​ឞ្រាស​អ៝ន់​ជាន​កើត​នទ្រី។ ឆាតាង់ ​អុច​អ៝ន់​នាវ​នទើម​មា​ខាន់​មៃ គៃ​មា​ឆៃ​ឞូ​ម៝ស​អី​មោ​ញឆីង​ងាន់​មា​គ៝ប់ ពាង់​ជេង​តឹម​ឞាន​មា​ឞូ​រាឆែង​ផែ​គៃ​មា​លោស​ល៝ក់។
LUK 22:32 យើន​មា​លែៈ​គ៝ប់​មឞើស​ឆើម​ទាន់​មា​ឞឹ លើយ​អ៝ន់​មៃ​ឞាស​ញឆីង​មា​គ៝ប់។ ជេសរី​ត៝ត់​មៃ​ព្លឹ​ឆឹត​តៃ​មា​គ៝ប់ ញឆីង​មា​គ៝ប់​ជឹត អ៝ន់​មៃ​កើល​អ៝ស​ម៝ន​គ៝ប់​អ៝ន់​ខាន់​ពាង់​ញឆីង​ន៝ប់​មា​គ៝ប់”។
LUK 22:33 ឆីមោន ​អី​ឞូ​ក្វាល់​ពេត្រោស ​ដ៝ង់ ពាង់​អើស៖ “ហើយ​កោរាញ! គ៝ប់​លែៈ​ជេស​នទ្រាប់​ឆាក់​ជាន់ អាស​នតុក​មៃ​ហាន់ គ៝ប់​តឹង​ហាន់​ដ៝ង់ ឞ៝ល​លាស​គុ​នទ្រូង មោ​លាស​ត៝ត់​ខឹត​ឆាក់”។
LUK 22:34 ឞ្រាស​យេឆូ ​លាស​មា​ពាង់៖ “ហើយ​ពេត្រោស ! គ៝ប់​មឞើស​មា​មៃ មាង់​អ្យា​អ្យារ់​អេ​ហ៝ៈ​នទ្រាវ ត៝ត់​មា​មៃ​រាលាច់​ពែ​តឹ​លាស​មោ​គឹត​នាល់​គ៝ប់”។
LUK 22:35 ជេសរី​ឞ្រាស​យេឆូ ​លាស​មា​ខាន់​ពាង់៖ “នោក​គ៝ប់​ដាៈ​ខាន់​មៃ​ហាន់​គៃ​មា​មឞើស​នាវ​មហែ​មហាន​អ្វែស​នើស មោ​គែស​ព្រាក់ មោ​គែស​ទុង មោ​គែស​ញអោត​នតោ​ជ៝ត លែៈ​រឹង​ឞើស?” អ៝ស​ម៝ន​អើស​មា​ពាង់៖ “អើ លែៈ​រឹង”។
LUK 22:36 ឞ្រាស​យេឆូ ​លាស៖ “អាបៃ​អ្យា ឞូ​ម៝ស​គែស​ទុង​ព្រាក់ ឞូ​ម៝ស​គែស​ទុង​ចែង អ៝ន់​ពាង់​ញអោត​តា​ឆាក់​ពាង់​នើម។ ឞូ​ម៝ស​អី​មោ​គែស​ដាវ អ៝ន់​ពាង់​តាច់​អាវ​ក្វ៝ង់​ពាង់​នើម​មា​រាវាត់​ទូ​ងគ៝រ់​ដាវ។
LUK 22:37 គ៝ប់​មឞើស​មា​ខាន់​មៃ តា​ឆ៝ម់បុត​នាវ​កោរាញ​ឞ្រាស​ងើយ​លែៈ​ញចីស​លាស​មា​គ៝ប់៖ «ឞូ​កើប​ពាង់​ជេង​តឹម​ឞាន​មា​ឞូនុយ្ស​គែស​ទោយ្ស»។ អ្យាត់​មា​នទើ​អ្យា​ជេង​ត៝ត់​ងាន់ យ៝រ​មា​អ្យាត់​មា​ទឹង​លែៈ​នទើ​អី​គែស​ញចីស​មា​គ៝ប់​ជេង​ត៝ត់​ងាន់​រ៝”។
LUK 22:38 អ៝ស​ម៝ន​អើស​មា​ពាង់៖ “ហើយ​កោរាញ! ឞ៝ន់​គែស​ឞារ​ងគ៝រ់​ដាវ”។ ឞ្រាស​យេឆូ ​អើស៖ “អើ ងើយ​ទាស​នៃ​លែៈ​គាប់​ហើយ្ស”។
LUK 22:39 ជេសរី​ឞ្រាស​យេឆូ ​លោស​ឞើស​ជៃ​នៃ តឹង​មា​នាវ​វៃ​ពាង់ពាង់​ហាន់​តា​យោក​តើម​អោលីវ ​រី មពោល​អ៝ស​ម៝ន​លែវ​ឞាល់​ហាន់​តឹង​ពាង់​ដ៝ង់។
LUK 22:40 ត៝ត់​តា​នតុក​ពាង់​វៃ​ហាន់​នៃ ឞ្រាស​យេឆូ ​លាស​មា​ខាន់​ពាង់៖ “មឞើស​ឆើម​ហ៝ម់ គៃ​មា​មោ​ជាន​តីស​នោក​គែស​នាវ​នទើម”។
LUK 22:41 ជេសរី​ឞ្រាស​យេឆូ ​ហាន់​បាស​ងាយ​ឞើស​ខាន់​ពាង់​នៃ​ក្លាប់​លាស​ត្រុយ្ស​នតុប​លុ។ ត៝ត់​តា​រី​ពាង់​គុ​ច៝ន​ម៝ន​កោម៝ក់ មឞើស​ឆើម​កើត​នអា៖
LUK 22:42 “ហើយ​ឞឹ! លាស​មៃ​អុច ទាន់​មៃ​លើយ​អោស​អ៝ន់​គែស​នាវ​ជ៝ក់​ជេរ​អ្យា​មា​គ៝ប់។ យើន​មា​លើយ​អោស​តឹង​នូយ្ស​នហ៝ម់​គ៝ប់​អុច អ៝ន់​តឹង​នាវ​មៃ​អុច​ហ៝ៈ”។
LUK 22:43 ទោល​នៃ​គែស​ឆៃ​តោង​ពារ់​កោរាញ​ឞ្រាស​ជុរ​តាៈ​ឞើស​កាលើ​ត្រោក​នតុក​កោរាញ​ឞ្រាស អ៝ន់​ឞ្រាស​យេឆូ ​គែស​នហ៝ម់​ឆ្វាន​ទាង់។
LUK 22:44 តា​នៃ​ពាង់​គែស​នាវ​រាង៝ត​រាវៃ​ទុត​ហោ ជេសរី​ពាង់​មឞើស​ឆើម​លើ​មា​ហោ​ដ៝ង់ លោស​ទាក​រាហាល​ពាង់​តឹម​ឞាន​មា​ហ៝ច​មហាម​ត្រោស​ក្លិច​ងាន់​តា​នែស​រី។
LUK 22:45 ឞ្រាស​យេឆូ ​ទ៝ក់​ឞើស​នតុក​មឞើស​ឆើម​នៃ ហាន់​ជឹត​មពោល​អ៝ស​ម៝ន​ពាង់ ឆៃ​មពោល​អ៝ស​ម៝ន​នៃ​ហាក់​ឞិច​ទាទេ ខាន់​ពាង់​រាគាញ់​យ៝រ​មា​រាង៝ត​ហោ​អីរ​តា​នូយ្ស​នហ៝ម់។
LUK 22:46 ពាង់​រាលៃ​ខាន់​ពាង់​លាស៖ “ម៝ស​ឞិច​ខាន់​មៃ​នៃ? ទ៝ក់​មឞើស​ឆើម​ហ៝ម់ គៃ​មា​មោ​ជាន​តីស​នោក​គែស​នាវ​នទើម”។
LUK 22:47 ទោល​ឞ្រាស​យេឆូ ​ហោម​ងើយ​នៃ ទោ​មា​ត៝ត់​យូដាស-​អីឆាការីយោត ​នអ៝ប់​មា​លែវ​ទូ​មពោល​ឞូនុយ្ស ពាង់​ហាន់​ទាច់​ឞ្រាស​យេឆូ  ជេសរី​ចុម​អ្វែស​លាង់​ឞ្រាស​យេឆូ ​តឹង​នាវ​វៃ​ផូង​អីឆ្រាអែល  ពាង់​ជេង​អ៝ស​ម៝ន​តា​មពោល ១២ នុយ្ស​នៃ​ដ៝ង់។
LUK 22:48 ឞ្រាស​យេឆូ ​លាស​មា​ពាង់៖ “ហើយ​យូដាស  មៃ​ជាន​ចុម​ទូ​ត៝ង​កើត​នៃ​គៃ​មា​ញជុន​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​នទ្រី​ឞើស?”
LUK 22:49 ជេសរី​មពោល​អី​គុ​នទ្រែល​ឞ្រាស​យេឆូ ​ឆៃ​នាវ​អី​ឞើយ​មា​ត៝ត់ លាស​មា​ឞ្រាស​យេឆូ ៖ “ហើយ​កោរាញ! អ៝ន់​ហេន​ឆ៝ៈ​ដាវ​មា​ឆ្រែស​ឞើស?”
LUK 22:50 គែស​ទូ​ហ្វេ​អ៝ស​ម៝ន​រី​តាក់​ដាវ​ឆ្រែស​ទឹក​កោរាញ​ជាន​ឞ្រាស​ទុត​ក្វ៝ង់​តាច់​តោរ​ឞើស​មា។
LUK 22:51 តីស​មា​ឞ្រាស​យេឆូ ​លាស៖ “លើយ​ហោម!” ជេសរី​ឞ្រាស​យេឆូ ​ញុប​តោរ​ឞូ​ក្លោ​អី​នៃ ជាន​តោរ​ពាង់​អ៝ន់​ឞាស​កើត​អើម។
LUK 22:52 ជេសរី​ឞ្រាស​យេឆូ ​លាស​មា​មពោល​កោរាញ​ជាន​ឞ្រាស មា​មពោល​កោរាញ​តាហែន​ញីស​ជាន​ឞ្រាស នទ្រែល​មា​មពោល​កោរាញ​អេង​ជឹត​អី​ហាន់​ញុប​ពាង់​នៃ៖ “ម៝ស​ឞ្រោៈ​ខាន់​មៃ​ញអោត​នអ៝ប់​មា​ម៝ង់​មា​ដាវ​កើត​នៃ កើប​គ៝ប់​ជេង​ឞូនុយ្ស​នតុង​ឞើស?
LUK 22:53 នោក​គ៝ប់​គុ​តា​ជ៝ង់​គូង​ញីស​ជាន​ឞ្រាស​អាប់​នារ​នទ្រែល​ខាន់​មៃ ខាន់​មៃ​មោ​អោស​ញុប​គ៝ប់។ ម៝ង​អ្យា​ជេង​ម៝ង​កោរាញ​ឞ្រាស​អ៝ន់​ខាន់​មៃ​ជាន​នាវ​អី​ខាន់​មៃ​អុច ជេង​ម៝ង​អី​កោរាញ​ឞ្រាស​អ៝ន់​ឆាតាង់ ​អី​កោរាញ​មពោល​ឞ្រាស​អ្យើស​ម៝ត់​អ្វាញ់​តា​នាវ​ង៝​រី​ជាន​នាវ​អី​ពាង់​អុច”។
LUK 22:54 ជេសរី​ឞូ​ញុប​លែវ​ឞ្រាស​យេឆូ ​ហាន់​តា​ជៃ​កោរាញ​ជាន​ឞ្រាស​រី។ ល៝ង់​ពេត្រោស ​រី​តឹង​ឞើស​កើយ​ឞ្រោៈ​នទ៝ប់​ឞោក​មពើល​ឞោក។
LUK 22:55 តា​ងក្លាង​ជ៝ង់​គូង​ជៃ​នៃ​ឞូ​ទែ​ឆុញ​អុញ ជេសរី​គុ​ញជ៝រ់​អុញ​អី​នៃ។ អី​ពេត្រោស ​រី​គុ​នទ្រែល​ឞូ​តា​នៃ​ដ៝ង់។
LUK 22:56 គែស​ទូ​ហ្វេ​ទឹក​ឞូ​អូរ​តា​នៃ ឆៃ​ពេត្រោស ​តា​អាង​អុញ​រី ពាង់​អ្វាញ់​ផ៝ង់​ជឹត​ពេត្រោស ​រី​លាស៖ “ពាង់​អី​នៃ​មពោល​ឞូនុយ្ស​អី​ឞូ​ញុប​នៃ​ដ៝ង់!”
LUK 22:57 ពេត្រោស ​រាលាច់៖ “ហើយ​យោស! គ៝ប់​មោ​អោស​គឹត​នាល់​ពាង់”។
LUK 22:58 ទូ​នទ៝ម់​ឞើស​កើយ​នៃ គែស​ទូ​ហ្វេ​ឞូ​ក្លោ​អេង​ឆៃ​ពេត្រោស  លាស​មា​ពាង់​ដ៝ង់៖ “មៃ​ឞាល់​មពោល​ឞូនុយ្ស​អី​ឞូ​ញុប​នៃ​ដ៝ង់!” ពេត្រោស ​អើស៖ “មោ​អោស! មោ​ទី​គ៝ប់​អោស!”
LUK 22:59 ក្លាប់​លាស​ទូ​ម៝ង​ឞើស​កើយ​នៃ គែស​ទូ​ហ្វេ​ឞូនុយ្ស​ជឹត​អ្វាញ់​ជឹត​ពេត្រោស ​រី​ដ៝ង់ ជេសរី​តឹម​លាស​នទ្រាង់​ខាន់​ពាង់៖ “ឞូ​ក្លោ​អី​នៃ​ឞាល់​មពោល​នទ្រែល​ឞូនុយ្ស​អី​ឞូ​ញុប​នៃ​ងាន់​រ៝ យ៝រ​មា​ពាង់​ផូង​កាលីលេ ​ដ៝ង់ នាវ​ងើយ​ពាង់​នាវ​ងើយ​ផូង​កាលីលេ ”។
LUK 22:60 ពេត្រោស ​អើស​លាស៖ “គ៝ប់​មោ​គឹត​ម៝ស​នាវ​មៃ​អុច​លាស”។ នោក​ពាង់​ហោម​អែ​ងើយ​នៃ គែស​អ្យារ់​នទ្រាវ​រ៝។
LUK 22:61 ជេសរី​កោរាញ​យេឆូ ​ងគឹល​អ្វាញ់​ជឹត​ពេត្រោស ​រី។ តា​នៃ​ពេត្រោស ​កាស​គឹត​នាវ​កោរាញ​យេឆូ ​លាស​មា​ពាង់​នើស៖ “មាង់​អ្យា ល៝រ​មា​អ្យារ់​នទ្រាវ មៃ​រាលាច់​ពែ​តឹ​លាស​មោ​គឹត​នាល់​គ៝ប់”។
LUK 22:62 ជេសរី​ពេត្រោស ​លោស​អា​ទីស​ញុម​រាង៝ត​ហោ​ងាន់​រ៝។
LUK 22:63 មពោល​អី​គុ​ញជ្រាង់​ឞ្រាស​យេឆូ  នតើម​គើម​ងគ្រើស​មា​ពាង់ លើស​ពាង់‌
LUK 22:64 ឆ៝ៈ​ឞ៝ក​ពូត​លើយ​ត្រោម​មាត់​ពាង់ លើស​តៃ​ពាង់ ជេសរី​លាស៖ “លាស​មៃ​ជេង​ឞូនុយ្ស​នតើយ្ស​នាវ​ងើយ​កោរាញ​ឞ្រាស​ងាន់ មៃ​លែៈ​គឹត​ជេស​ឞូ​ម៝ស​លើស​មៃ លាស​នទ្រី​ល៝ង់​មៃ​មឞើស​មា​ហេន!”
LUK 22:65 ជេសរី​ឞូ​រាក​ឞូ​ឆ្វាយ​ពាង់​ហោ​ជឹត។
LUK 22:66 ត៝ត់​អាង​អោយ គែស​កោរាញ​ផូង​អីឆ្រាអែល ​អ៝ក់​តឹម​ម៝ប់​ឞាល់ តា​ផូង​អី​នៃ​គែស​មពោល​កោរាញ​ជាន​ឞ្រាស​ដ៝ង់ នទ្រែល​មា​គែស​ផូង​នើម​នតី​នាវ​វៃ​ផូង​អីឆ្រាអែល ​ដ៝ង់ ដាៈ​ឞូ​លែវ​ឞ្រាស​យេឆូ ​ហាន់​ឞើស​នាប់​ខាន់​ពាង់​អី​មពោល​កោរាញ​ជាន​ការ​ផូង​អីឆ្រាអែល ។
LUK 22:67 ជេសរី​ផូង​អី​នៃ​អោប​ឞ្រាស​យេឆូ ៖ “លាស​មៃ​ជេង​ឞ្រាស​ក្រីស ​អី​នើម​រាក្លាយ្ស​តាៈ​ឞើស​កោរាញ​ឞ្រាស​ទែ​ញជ្វាល់​ងាន់ ល៝ង់​មៃ​មឞើស​មា​ហេន”។ ឞ្រាស​យេឆូ ​អើស៖ “លាស​គ៝ប់​មឞើស​មា​ខាន់​មៃ ខាន់​មៃ​មោ​អ្យាត់​គ៝ប់​ដ៝ង់‌
LUK 22:68 ជេសរី​លាស​គ៝ប់​អោប​ខាន់​មៃ​មា​ឞ្រាស​ក្រីស ​អី​នៃ ខាន់​មៃ​មោ​មឞើស​មា​គ៝ប់​[ មោ​មអើក​គ៝ប់]​ដ៝ង់។
LUK 22:69 យើន​មា​នតើម​ឞើស​អ្យា​ជឹត​នាប់ គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​គុ​ឞើស​មា​តី​កោរាញ​ឞ្រាស​នើម​អី​ទុត​ក្វ៝ង់​គៃ​មា​ម៝ត់​អ្វាញ់”។
LUK 22:70 លែៈ​ផូង​អី​នៃ​អោប​ឞ្រាស​យេឆូ ៖ “លាស​នទ្រី​មៃ​អី​ក៝ន​កោរាញ​ឞ្រាស​បាស?” ឞ្រាស​យេឆូ ​អើស៖ “នាវ​ខាន់​មៃ​លាស​អី​នៃ​ទី​ងាន់ គ៝ប់​អ្យា​រ៝”។
LUK 22:71 ខាន់​ពាង់​តឹម​លាស​នទ្រាង់​ខាន់​ពាង់​នើម៖ “ឞ៝ន់​មោ​ហោម​ខាច់​អោស​អោប​នាវ​ឞើស​ឞូ​អេង​ជឹត​គៃ​មា​ផាត​ទោយ្ស​ពាង់ នាវ​ពាង់​ងើយ​អី​ឞ៝ន់​នើម​លែៈ​តាង់​នៃ​លែៈ​គាប់​ជេស។ យ៝រ​លាស​ពាង់​លាស​អេង​ឆាក់​ពាង់​នើម​អី​ក៝ន​កោរាញ​ឞ្រាស គែស​នាវ​ខ្លៃ​ពាង់​កើប​អេង​ពាង់​នើម​តឹម​ឞាន​មា​កោរាញ​ឞ្រាស នាវ​អី​នៃ​ជេង​គែស​ទោយ្ស​ជ្រូ​ត៝ត់​មា​ខឹត​ឆាក់​ងាន់”។
LUK 23:1 ជេសរី​លែៈ​មពោល​អី​នៃ​ទ៝ក់​ញជុន​ឞ្រាស​យេឆូ ​មា​កោរាញ​ក្វ៝ង់​ឞ្រី​យូដា  រាញា​ពាង់​ពីលាត  ពាង់​ផូង​រោម ។
LUK 23:2 ត៝ត់​តា​នៃ​ខាន់​ពាង់​លាស​នតោន​ឞ្រាស​យេឆូ ៖ “ហើយ​កោរាញ ហេន​ឆៃ​ឞូនុយ្ស​អ្យា​លែវ​ផូង​ប៝ន​លាន​ជាន​នទើ​មោ​អ្វែស ងខាង់​ឞូ​មោ​អ៝ន់​ព្រាក់​មា​កោរាញ​កាដាច់​តា​ប៝ន​ក្វ៝ង់​រោម  នទ្រែល​មា​កើប​អេង​ឆាក់​ពាង់​នើម​លាស​ឞ្រាស​ក្រីស ​អី​នើម​រាក្លាយ្ស​តាៈ​ឞើស​កោរាញ​ឞ្រាស​ទែ​ញជ្វាល់ ជេសរី​ឞ្រាស​ក្រីស ​ជេង​កាដាច់​ដ៝ង់”។
LUK 23:3 កោរាញ​ពីលាត ​អោប​ឞ្រាស​យេឆូ ៖ “ងាន់​លាស​មៃ​កាដាច់​ផូង​អីឆ្រាអែល ​បាស?” ឞ្រាស​យេឆូ ​អើស៖ “អើ កើត​នាវ​មៃ​លាស​នាវ​អី​នៃ”។
LUK 23:4 កោរាញ​ពីលាត ​លាស​មា​មពោល​កោរាញ​ជាន​ឞ្រាស នទ្រែល​មា​ផូង​ប៝ន​លាន៖ “គ៝ប់​មោ​អោស​ឆៃ​ឞូនុយ្ស​អ្យា​គែស​នាវ​តីស!”
LUK 23:5 ខាន់​ពាង់​លាស​លើ​មា​ទាង់៖ “ឞូនុយ្ស​អ្យា​លែវ​នតី​ផូង​ប៝ន​លាន​ជាន​នាវ​អុស​អាស​លាម​ឞ្រី​អីឆ្រាអែល  នតើម​ឞើស​ឞ្រី​កាលីលេ  ត៝ត់​មា​នតុក​អ្យា​រ៝”។
LUK 23:6 ត៝ត់​មា​ពីលាត ​តាង់​កើត​នៃ ពាង់​អោប៖ “លាស​នទ្រី​ពាង់​ឞូនុយ្ស​ឞ្រី​កាលីលេ ​ឞើស?”
LUK 23:7 ជេស​ពីលាត ​គឹត​លាស​ឞ្រាស​យេឆូ ​ឞូនុយ្ស​ឞ្រី​កាលីលេ  ញជុន​ឞ្រាស​យេឆូ ​មា​ហេរោត-​អ៝ន់តីពាស  យ៝រ​លាស​ពាង់​ម៝ត់​អ្វាញ់​ឞ្រី​នៃ នោក​នៃ​ពាង់​គែស​គុ​តា​ប៝ន​ក្វ៝ង់​យេរូឆាលឹម ​ដ៝ង់។
LUK 23:8 ត៝ត់​ពាង់​ឆៃ​ឞ្រាស​យេឆូ  ពាង់​រាម់​ងាន់ យ៝រ​មា​លែៈ​តាង់​នាវ​ឞូ​ងក៝ច​មា​ឞ្រាស​យេឆូ  នទ្រី​ពាង់​អុច​ម៝ប់​ឞ្រាស​យេឆូ ​លែៈ​ជ៝ៈ។ ពាង់​រានើម​លាស​ឆៃ​ឞ្រាស​យេឆូ ​ជាន​ទូ​នាវ​អ្វែស​នាវ​ខ្លៃ។
LUK 23:9 ពាង់​អោប​ឞ្រាស​យេឆូ ​អ៝ក់​នតីល​ងាន់ យើន​មា​ឞ្រាស​យេឆូ ​មោ​អើស​អោស។
LUK 23:10 មពោល​កោរាញ​ជាន​ឞ្រាស នទ្រែល​មា​ផូង​នើម​នតី​នាវ​វៃ​ផូង​អីឆ្រាអែល  គុ​តា​នៃ​ដ៝ង់ លាស​នតោន​ឞ្រាស​យេឆូ ​ទុត​ទាង់ៗ​ងាន់។
LUK 23:11 ហេរោត ​អី​នៃ នទ្រែល​មា​តាហែន​ពាង់​គើម​ងគ្រើស​មឺច​រាម៝ត​ឞ្រាស​យេឆូ ។ ពាង់​ឆ៝ៈ​អាវ​អ្វែស​ងគូត​តា​ឞ្រាស​យេឆូ ​រី ជេសរី​ញជុន​តៃ​ពាង់​មា​កោរាញ​ពីលាត ។
LUK 23:12 ឞើស​នតើម​ហេរោត ​អី​នៃ ដាស​ពីលាត ​ឞូនុយ្ស​តឹម​រាលាង់​ឞាល់ យើន​មា​នតើម​នារ​នៃ​ឞារ​ហៃ​ខាន់​ពាង់​ជេង​មឹត​ជាង់​នទ្រែល។
LUK 23:13 ជេសរី​ពីលាត ​ក្វាល់​មពោល​កោរាញ​ជាន​ឞ្រាស មពោល​កោរាញ​ផូង​អីឆ្រាអែល ​អា​អេង​ជឹត នទ្រែល​មា​លែៈ​ផូង​ប៝ន​លាន​វាច់​តា​ពាង់។
LUK 23:14 ពាង់​លាស៖ “ឞូនុយ្ស​អី​ខាន់​មៃ​ញជុន​អ៝ន់​គ៝ប់​ផាត​ទោយ្ស​អ្យា ខាន់​មៃ​នតោន​មា​ពាង់​លាស​ជេង​ឞូនុយ្ស​លែវ​ផូង​ប៝ន​លាន​តឹម​រាទ៝ង់​មា​ឞ្រី​ទាក។ លែៈ​គ៝ប់​អោប​ជេស​ពាង់​តា​នាប់​ខាន់​មៃ​នើម យើន​មា​មោ​អោស​ឆៃ​គែស​នាវ​តីស​កើត​ខាន់​មៃ​នតោន​នៃ។
LUK 23:15 ឞ៝ល​លាស​ហេរោត ​អ្វាញ់​ឞូនុយ្ស​អ្យា​មោ​ឆៃ​គែស​នាវ​តីស​ដ៝ង់ នទ្រី​ពាង់​ព្លឹ​ញជុន​តៃ​ពាង់​តា​អ្យា នហេល​នានេៈ​ឞូនុយ្ស​អី​អ្យា​មោ​អោស​គែស​នាវ​តីស​ត៝ត់​មា​ខឹត​ឆាក់។
LUK 23:16 លាស​នទ្រី​គ៝ប់​ដាៈ​ឞូ​រាពាត់​ពាង់​មា​រាឆែ ជេសរី​បើក​អ៝ន់​ពាង់​ឆឹត”។
LUK 23:17 [តឹម​អាប់​នាម់​ឞូ​ជាន​ញេត​បុន​នហ៝ត​អ្យា ពីលាត ​វៃ​បើក​ទូ​ហ្វេ​ឞូនុយ្ស​ទោយ្ស​អ៝ន់​មា​ផូង​ប៝ន​លាន។]
LUK 23:18 យើន​មា​គែស​ទឹង​លែៈ​ឞូនុយ្ស​នតែរ​ទ្រើវ​ទុត​ទាង់​លាស៖ “ងខឹត​លើយ​ឞូនុយ្ស​អ្យា បើក​បារាបាស ​មា​ហេន”។
LUK 23:19 បារាបាស ​គែស​នទ្រូង យ៝រ​មា​ពាង់​ជាន​នាវ​អុស​អាស​តា​ប៝ន​យេរូឆាលឹម  នទ្រែល​មា​នោក​នៃ​ពាង់​ងខឹត​ឞូនុយ្ស​ដ៝ង់។
LUK 23:20 ពីលាត ​អុច​បើក​ឞ្រាស​យេឆូ  ទឹង​គែស​មា​ពាង់​ងើយ​មា​ផូង​អី​នៃ​ទូ​តឹ​ជឹត។
LUK 23:21 យើន​មា​ផូង​អី​នៃ​ហោម​នតែរ​ទ្រើវ​លាស៖ “ងខឹត​លើយ​ពាង់​តា​ឆី​តឹម​រាកាង់! ងខឹត​លើយ​ពាង់​តា​ឆី​តឹម​រាកាង់!”
LUK 23:22 ពីលាត ​លាស​តៃ​មា​ផូង​អី​នៃ​ទូ​តឹ​ជឹត៖ “ឞូនុយ្ស​អ្យា​ម៝ស​នាវ​តីស​តា​ពាង់? គ៝ប់​មោ​អោស​ឆៃ​ពាង់​គែស​នាវ​តីស​ត៝ត់​មា​ខឹត​ឆាក់។ គ៝ប់​មាន​មា​ដាៈ​ឞូ​រាពាត់​ពាង់​មា​រាឆែ ជេសរី​បើក​អ៝ន់​ពាង់​ឆឹត”។
LUK 23:23 យើន​មា​ផូង​អី​នៃ​នតែរ​លើ​មា​ទាង់ ជ៝ល់​ទាន់​ងខឹត​ឞ្រាស​យេឆូ ​តា​ឆី​តឹម​រាកាង់ នទ្រី​ទឹង​នតែរ​ផូង​ប៝ន​លាន [នទ្រែល​មា​មពោល​កោរាញ​ជាន​ឞ្រាស​នៃ]​ទឹង​គែស​មា​ទើយ។
LUK 23:24 ជេសរី​ពីលាត ​តេៈ​ទោយ្ស​ជាន​តឹង​នាវ​ផូង​អី​នៃ​ទាន់‌
LUK 23:25 ពាង់​បើក​បារាបាស ​ឞើស​នទ្រូង។ បារាបាស ​អី​នៃ​គុ​នទ្រូង យ៝រ​មា​ជាន​នាវ​អុស​អាស នទ្រែល​មា​ងខឹត​ឞូនុយ្ស​ដ៝ង់។ ល៝ង់​អី​ឞ្រាស​យេឆូ ​រី​ពីលាត ​អ៝ន់​ពាង់​មា​តាហែន អ៝ន់​ជាន​តឹង​នាវ​ផូង​អី​នៃ​ទាន់​នើស។
LUK 23:26 ជេសរី​តាហែន​លែវ​ឞ្រាស​យេឆូ ​ជឹត​នតុក​ងខឹត​ពាង់ ទោល​ហាន់​រ៝ៈ​ត្រ៝ង​នៃ គែស​ម៝ប់​មា​ទូ​ហ្វេ​ឞូ​ក្លោ រាញា​ពាង់​ឆីមោន ​តាៈ​ឞើស​ប៝ន​ក្វ៝ង់​កីរេន  ពាង់​ឆឹត​តាៈ​ឞើស​មីរ។ ជេសរី​តាហែន​ទែ​ញុប​ពាង់​ដាៈ​តូយ​ឆី​តឹម​រាកាង់​តឹង​ឞើស​កើយ​ឞ្រាស​យេឆូ ។
LUK 23:27 អ៝ក់​ងាន់​ឞូនុយ្ស​ហាន់​តឹង​ឞ្រាស​យេឆូ  នអ៝ប់​មា​មពោល​ឞូ​អូរ​ញហ្យាង់​ញុម​មា​ឞ្រាស​យេឆូ ​នតុរ​នតាង​នតើស​ខាន់​ពាង់​នើម យ៝រ​មា​ខាន់​ពាង់​រាង៝ត​ហោ​ងាន់។
LUK 23:28 ឞ្រាស​យេឆូ ​អ្វាញ់​ជឹត​មពោល​ឞូ​អូរ​អី​នៃ លាស​មា​ខាន់​ពាង់៖ “ហើយ​ឞូ​អូរ​យេរូឆាលឹម ! លើយ​អោស​ញុម​រាង៝ត​មា​គ៝ប់ អ៝ន់​ញុម​រាង៝ត​មា​ឆាក់​ខាន់​អៃ​នើម នទ្រែល​មា​ក៝ន​ខាន់​អៃ​នើម​ហ៝ៈ។
LUK 23:29 យ៝រ​លាស​នារ​ជឹត​នាប់​តៃ​ឞូ​មរា​លាស​រ៝៖ «អ្វែស​មអាក​ងាន់​មា​ឞូ​អូរ​មោ​ឞាៈ​ក៝ន មា​ឞូ​អូរ​មោ​គុ​អ៝ស នទ្រែល​មា​ឞូ​អូរ​មោ​គែស​មពូ​ត៝ស​ក៝ន»។
LUK 23:30 នោក​នៃ​តៃ​ឞូ​លាស​មា​យោក​ក្វ៝ង់៖ «រាល៝ម់​ហ៝ម់​តា​កាលើ​ឆាក់​ហេន​អ្យា» លាស​មា​យោក​ជេៈ៖ «ទាន់​ឞ្រោយ​កាលើ​ហេន​អ្យា​ហ៝ម់»។ ខាន់​ពាង់​លាស​នទ្រី​យ៝រ​មា​មោ​ហោម​អុច​អោស​គែស​នាវ​ក្រីត​ជឹត នោក​ផូង​រាលាង់​លើស​ហេង​ប៝ន​ក្វ៝ង់​អ្យា។
LUK 23:31 គ៝ប់​មោ​គែស​តីស​អោស គ៝ប់​តឹម​ឞាន​មា​ឆី​រេស​អី​ឞូ​មោ​អោស​វៃ​ឆូ​តា​អុញ តីស​មា​ឞូ​ហោម​អុច​ងខឹត​គ៝ប់​តា​ឆី​តឹម​រាកាង់។ ឞូនុយ្ស​តា​ប៝ន​យេរូឆាលឹម ​លែៈ​គែស​នាវ​តីស​ជេស ខាន់​ពាង់​តឹម​ឞាន​មា​ឆី​នទ្រ៝​នទ្រាប់​មា​ឆូ​លើយ​តា​អុញ។ លាស​ឆី​រេស​លែៈ​ទាស​អ្យា​ជេស​ឞូ​ជាន លាស​នទ្រី​ឆី​នទ្រ៝​រាលាវ​មា​អ្យា​បាស​ឞូ​ជាន”។
LUK 23:32 គែស​ឞារ​ហៃ​ឞូនុយ្ស​ទោយ្ស​ដ៝ង់ តាហែន​លែវ​ខាន់​ពាង់​គៃ​មា​ងខឹត​នទ្រែល​ឞ្រាស​យេឆូ ​រី។
LUK 23:33 ត៝ត់​តា​នតុក​ឞូ​ក្វាល់​លាស «កោលកោថា» គែស​នាវ​ខ្លៃ​លាស «យោក​នតីង​ឞោក» តាហែន​ព៝ង់​ឞ្រាស​យេឆូ ​តា​ឆី​តឹម​រាកាង់​តា​នតុក​នៃ នទ្រែល​មា​ឞារ​ហៃ​ឞូនុយ្ស​ទោយ្ស​ដ៝ង់ ទូ​ហ្វេ​ឞូ​ព៝ង់​ឞើស​ច្យៅ ទូ​ហ្វេ​ឞូ​ព៝ង់​ឞើស​មា។
LUK 23:34 ជេសរី​ឞ្រាស​យេឆូ ​មឞើស​ឆើម៖ “ហើយ​ឞឹ! យោៈ​នអាច​មា​ខាន់​ពាង់​បាៈ យ៝រ​លាស​ខាន់​ពាង់​មោ​គឹត​អោស​នទើ​អី​ខាន់​ពាង់​ជាន​អ្យា”។ អី​ខ៝​អាវ​ឞ្រាស​យេឆូ ​រី​មពោល​តាហែន​អី​គុ​តា​នៃ​លែវ​ឞាល់​ឆ៝ៈ​ញុប​នទើ​ញច្រ៝ស គៃ​មា​តឹម​ពាៈ​ឞាល់​ខ៝​អាវ​អី​នៃ។
LUK 23:35 ផូង​ប៝ន​លាន​គុ​អ្វាញ់​តា​នៃ​ដ៝ង់ ជេសរី​មពោល​កោរាញ​ផូង​អីឆ្រាអែល ​គើម​ងគ្រើស​លាស​មា​ឞ្រាស​យេឆូ ៖ “លាស​ពាង់​ឞ្រាស​ក្រីស ​អី​កាដាច់​លែៈ​កោរាញ​ឞ្រាស​ទែ​កើយ្ស​ងាន់ អ៝ន់​ពាង់​រាក្លាយ្ស​អេង​ឆាក់​ពាង់​នើម យ៝រ​មា​ពាង់​លែៈ​រាក្លាយ្ស​មា​ឞូនុយ្ស​អេងៗ​ជឹត”។
LUK 23:36 មពោល​តាហែន​គើម​ងគ្រើស​មា​ឞ្រាស​យេឆូ ​ដ៝ង់ ខាន់​ពាង់​ឆ៝ៈ​ទាក​ឆ្រាត​អ៝ន់​ឞ្រាស​យេឆូ ​ញេត
LUK 23:37 នហ៝​មា​លាស៖ “លាស​មៃ​កាដាច់​ផូង​អីឆ្រាអែល ​ងាន់ រាក្លាយ្ស​អេង​ឆាក់​មៃ​នើម​ហ៝ម់!”
LUK 23:38 កាលើ​ឞោក​ឞ្រាស​យេឆូ ​រី​គែស​ឞូ​ព្លា​ទូ​រាលាត​កាដារ​ញចីស​លាស៖ “អ្យា​ជេង​កាដាច់​ផូង​អីឆ្រាអែល ”។ [នាវ​លាស​អី​អ្យា​គែស​ញចីស​មា​នាវ​ងើយ​គ្រែក  នាវ​ងើយ​លាតាង់  នាវ​ងើយ​ហេឞ្រើ ]។
LUK 23:39 ទូ​ហ្វេ​ឞូនុយ្ស​ទោយ្ស​អី​ឞូ​ងខឹត​នទ្រែល​ឞ្រាស​យេឆូ ​នៃ ពាង់​គើម​ងគ្រើស​លាស​ឞ្រាស​យេឆូ ​កើត​នអា៖ “មៃ​វៃ​លាស​ឆាក់​មៃ​នើម​ជេង​ឞ្រាស​ក្រីស  លាស​នទ្រី​ឆ៝ៈ​នាវ​ទើយ​ឞ្រាស​ក្រីស ​មៃ​នើម​រាក្លាយ្ស​ឆាក់​មៃ​នើម​ហ៝ម់ ជេសរី​ឆើម​រាក្លាយ្ស​ហេន​បាៈ​ដ៝ង់”។
LUK 23:40 យើន​មា​ទូ​ហ្វេ​ឞូនុយ្ស​ទោយ្ស​អី​អេង​លាស​ពាង់៖ “មៃ​ឞើយ​ខឹត ហោម​មោ​ក្លាច​កោរាញ​ឞ្រាស​តេៈ​ទោយ្ស​មា​មៃ​ឞើស? មៃ​ឞូ​តេៈ​ទោយ្ស​កើត​ពាង់​ដ៝ង់។
LUK 23:41 ឞ៝ន់​អ្យា​ឞូ​តេៈ​ទោយ្ស​លែៈ​ទី​ហើយ យ៝រ​លាស​ឞ៝ន់​នើម​លែៈ​ជាន​តីស។ ល៝ង់​ពាង់​អី​នៃ​មោ​គែស​អោស​ជាន​តីស”។
LUK 23:42 ជេសរី​ឞូនុយ្ស​នៃ​លាស​មា​ឞ្រាស​យេឆូ ៖ “ហើយ​កោរាញ! ត៝ត់​មៃ​ជេង​កាដាច់​ងាន់​តា​ឞ្រី​មៃ​នើម ទាន់​មៃ​កាស​គឹត​មា​គ៝ប់​បាៈ”។
LUK 23:43 ឞ្រាស​យេឆូ ​លាស​មា​ពាង់៖ “ហើយ​អ៝ស គ៝ប់​លាស​នហេល​នានេៈ​ងាន់​មា​មៃ នារ​អ្យា​រ៝​មៃ​ហាន់​គុ​នទ្រែល​គ៝ប់​តា​ប៝ន​អ្វែស​តា​កាលើ”។
LUK 23:44 នោក​នៃ​ក្លាប់​លាស​នារ​ងក្លាង​ឞោក ជេសរី​លាម​ឞ្រី​ទាក​អី​នៃ​ត្រោក​គែស​ង៝​ទាទេ​នហ៝​មា​ត៝ត់​ម៝ង​ពែ​កេង​មាង់។
LUK 23:45 តា​ម៝ង​អី​នៃ​នារ​ជេង​ង៝ ជេសរី​ឞ៝ក​ញចីង​តា​ត្រោម​ញីស​ជាន​ឞ្រាស​តា​ឞើស​នាប់​ជ្រោ​ទុត​ក្ល៝ស​អ្វែស ហេក​ច្វីក​តា​ព្លាង់​ងក្លាង​ងគូល​ជេង​ឞារ​ឞ្លាស​ឞ៝ក។
LUK 23:46 ជេសរី​ឞ្រាស​យេឆូ ​នតែរ​ទុត​ទាង់​ងាន់ ពាង់​លាស៖ “ហើយ​ឞឹ! គ៝ប់​ញជុន​ហ្វេង​គ៝ប់​មា​មៃ”។ ជេស​ងើយ​កើត​នៃ ពាង់​រ៝ស​នហ៝ម់​ក្ល៝ក់។
LUK 23:47 ត៝ត់​មា​កោរាញ​តាហែន​អី​លែវ​ងខឹត​ឞ្រាស​យេឆូ ​ឆៃ​នាវ​កើត​នៃ ពាង់​រានេ​មា​កោរាញ​ឞ្រាស​លាស៖ “ឞូនុយ្ស​អ្យា​ពាង់​ឆ៝ង់​ងាន់ មោ​គែស​តីស​អោស”។
LUK 23:48 ល៝ង់​លែៈ​ឞូនុយ្ស​អី​វាច់​គូម​តា​នៃ ត៝ត់​មា​ឆៃ​នាវ​កើត​នៃ ខាន់​ពាង់​លែវ​ឞាល់​ឆឹត​អា​ជៃ​ខាន់​ពាង់​នើម​រី​នតុរ​នតាង​នតើស​ខាន់​ពាង់​នើម យ៝រ​មា​រាង៝ត​ហោ​ងាន់។
LUK 23:49 ទឹង​លែៈ​ឞូនុយ្ស​អី​ទេស​ទាច់​ដាស​ឞ្រាស​យេឆូ ​រី នទ្រែល​មា​មពោល​ឞូ​អូរ​អី​តឹង​ឞ្រាស​យេឆូ ​តាៈ​ឞើស​ឞ្រី​កាលីលេ  ខាន់​ពាង់​គុ​អ្វាញ់​នាវ​អី​នៃ​ឞើស​ងាយ។
LUK 23:50 គែស​ទូ​ហ្វេ​ឞូនុយ្ស​តា​មពោល​កោរាញ​ជាន​ការ​ផូង​អីឆ្រាអែល  រាញា​យោឆែប  ពាង់​តាៈ​ឞើស​ប៝ន​អារីមាថេ  តា​ឞ្រី​យូដា  ពាង់​ជេង​ឞូនុយ្ស​ឆ៝ង់​តា​ឞើស​នាប់​កោរាញ​ឞ្រាស។
LUK 23:51 ពាង់​គុ​ក៝ប់​នាវ​កោរាញ​ឞ្រាស​ម៝ត់​អ្វាញ់​ដ៝ង់។ ពាង់​មោ​គែស​អោស​តឹម​ទី​នាវ​ដាស​មពោល​កោរាញ​ជាន​ការ​ផូង​អីឆ្រាអែល ​អេង​ជឹត មោ​គែស​លាប់​នទ្រែល​ខាន់​ពាង់​តា​នាវ​ងខឹត​ឞ្រាស​យេឆូ ​ដ៝ង់។
LUK 23:52 ជេសរី​ពាង់​ហាន់​ម៝ប់​ពីលាត  ទាន់​ឆ៝ៈ​ឆាក់​ឞ្រាស​យេឆូ ​មា​ត៝ប់។ ជេស​ពីលាត ​អ៝ន់
LUK 23:53 ពាង់​ហាន់​ញជុរ​ឆាក់​ឞ្រាស​យេឆូ ​ឞើស​ឆី​តឹម​រាកាង់ ពាង់​ពូត​មា​ឞ៝ក​លាយ្ស​ងលាង ជេសរី​ញជ៝រ​ឞ្រាស​យេឆូ ​តា​ត្រោម​មោច​លុ​ក្លេរ​អី​លែៈ​ជេស​ឞូ​លោក។ ត្រោម​មោច​អី​នៃ​អេ​ហ៝ៈ​គែស​អោស​តេៈ​ឞូនុយ្ស​ខឹត។
LUK 23:54 នារ​នៃ​ជេង​នារ​នទ្រាប់​មា​នារ​ឆាបាត់ ​អី​នារ​រាលូ​ផូង​អីឆ្រាអែល ។ ផូង​អីឆ្រាអែល ​កើប​នារ​ឆាបាត់ ​នតើម​កេង​មាង់​នោក​នារ​នតើម​ញ៝ប់ ម៝ង​អី​នៃ​លែៈ​ឞើយ​ត៝ត់​ដ៝ង់។
LUK 23:55 មពោល​ឞូ​អូរ​អី​តឹង​ឞ្រាស​យេឆូ ​តាៈ​ឞើស​ឞ្រី​កាលីលេ ​នើស ខាន់​ពាង់​ហាន់​តឹង​យោឆែប ​ដ៝ង់។ ខាន់​ពាង់​ឆៃ​មោច​អី​នៃ នទ្រែល​មា​ឆៃ​ឞូ​ញជ៝រ​ឞ្រាស​យេឆូ ​តា​ត្រោម​រី​ដ៝ង់។
LUK 23:56 ជេសរី​ខាន់​ពាង់​លែវ​ឞាល់​ព្លឹ​ឆឹត​តា​ជៃ។ ត៝ត់​អា​ជៃ​រី​ខាន់​ពាង់​នទ្រាប់​ទាក​ងី​បោ​កាស នទ្រែល​មា​នទើ​បោ​កាស​អេង​ជឹត គៃ​មា​ហឹង​តេៈ​តា​ឆាក់​ឞ្រាស​យេឆូ ។ លាប់​នារ​ឆាបាត់ ​ខាន់​ពាង់​គុ​រាលូ​តឹង​មា​នាវ​វៃ​ផូង​អីឆ្រាអែល ។
LUK 24:1 តា​នារ​ត៝ល់​ង្វាយ​ពើស​នៃ ប្ហីត​អាង​ឞ្រី​ហោម​ង៝ មពោល​ឞូ​អូរ​អី​នៃ​លែវ​ឞាល់​ហាន់​តា​មោច ញអោត​នទើ​បោ​កាស​នទើ​អី​ខាន់​ព្រែ​លែៈ​ជេស​នទ្រាប់​រី​នើស​មា​តេៈ​តា​ឆាក់​ឞ្រាស​យេឆូ  [គែស​ឞូនុយ្ស​អាបាៈ​ហាន់​នទ្រែល​ដ៝ង់]។
LUK 24:2 ត៝ត់​តា​នៃ​ខាន់​ពាង់​ឆៃ​លុ​អី​រាទ៝ល់​នតូ​មោច​នើស​លែៈ​រាលាៈ​ជេស។
LUK 24:3 ជេសរី​ខាន់​ពាង់​លាប់​តា​ត្រោម​នតូ​នៃ អ្វាញ់​ឆាក់​ឞ្រាស​យេឆូ ​តា​រី​មោ​ហោម​អោស​ឆៃ។
LUK 24:4 ទោល​មពោល​ឞូ​អូរ​មឹន​រាវៃ​មា​នាវ​នៃ ជេសរី​ទោ​មា​ឆៃ​គែស​ឞារ​ហៃ​ឞូនុយ្ស​ញឆ៝ស​ងគូត​អាវ​ងលាង​ច្រាត​ងាន់ ទ៝ក់​តា​មែង​ខាន់​ពាង់​រី។
LUK 24:5 ខាន់​ពាង់​ក្លាច​ញឆ៝រ់​ងាន់ គុ​កុញ​ឞោក​ជឹត​នែស​ឆូ ជេសរី​មពោល​អី​ឞារ​ហៃ​នៃ​លាស​មា​ខាន់​ពាង់៖ “ម៝ស​ជ៝យ​ខាន់​អៃ​រែ​ឞូនុយ្ស​រេស​តា​នតុក​ឞូនុយ្ស​ខឹត​អ្យា?
LUK 24:6 ពាង់​មោ​ហោម​អោស​តា​អ្យា ពាង់​លែៈ​ទ៝ក់​រេស​ជេស។ ខាន់​អៃ​មោ​កាស​គឹត​នាវ​ពាង់​លែៈ​ងើយ​នោក​គុ​តា​ឞ្រី​កាលីលេ ​នើស?
LUK 24:7 ពាង់​លាស៖ «គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស នាវ​ឞូ​ញជុន​គ៝ប់​តា​ផូង​តីស នអ៝ប់​មា​នាវ​ឞូ​ងខឹត​គ៝ប់​តា​ឆី​តឹម​រាកាង់​អ្យាត់​មា​គែស​ងាន់ យើន​មា​ត៝ត់​ពែ​នារ​ឞើស​កើយ​គ៝ប់​ទ៝ក់​រេស​តៃ»”។
LUK 24:8 ជេសរី​មពោល​ឞូ​អូរ​អី​នៃ​កាស​គឹត​រ៝​នាវ​ឞ្រាស​យេឆូ ​ងើយ​នើស។
LUK 24:9 ខាន់​ពាង់​ទ៝ក់​ឆឹត​ឞើស​មោច​នៃ មឞើស​ងក៝ច​នាវ​អី​នៃ​អ៝ន់​មា ១១ នុយ្ស​មពោល​កោរាញ​អ៝ស​ម៝ន នទ្រែល​មា​ទឹង​លែៈ​អ៝ស​ម៝ន​អេង​ដ៝ង់។
LUK 24:10 ឞូ​អូរ​អី​មឞើស​ងក៝ច​នាវ​នៃ​អ៝ន់​មា​មពោល​កោរាញ​អ៝ស​ម៝ន តា​នៃ​គែស​មារី ​តាៈ​ឞើស​ប៝ន​មាដាលា  គែស​យោអាន់នា  នទ្រែល​មា​មារី ​អី​មេៈ​យាកើ  នអ៝ប់​មា​ឞូ​អូរ​អាបាៈ​អេង​ដ៝ង់​អី​ហាន់​នៃ។
LUK 24:11 មពោល​កោរាញ​អ៝ស​ម៝ន​មោ​អោស​អ្យាត់​នាវ​ខាន់​ពាង់​មឞើស​ងក៝ច​នៃ ខាន់​ពាង់​លាស​មពោល​នៃ​ងើយ​ងក្លាៈ​ទើម។
LUK 24:12 យើន​មា​ពេត្រោស ​ទ៝ក់​ឞើស​នៃ ពាង់​ញច្វាត់​ជឹត​មោច​រី ត៝ត់​តា​រី​ពាង់​កុញ​អ្វាញ់​តា​ត្រោម ឆៃ​ទើម​ឞ៝ក​ឞូ​ពូត​ឞ្រាស​យេឆូ ​ហោម​តា​រី ជេសរី​ពាង់​ព្លឹ​ឆឹត​ជឹត​ជៃ​អ្យា មឹន​រាវៃ​មា​នាវ​អី​នៃ។
LUK 24:13 តា​នារ​នៃ​ដ៝ង់ គែស​ឞារ​ហៃ​អ៝ស​ម៝ន​ហាន់​ជឹត​ប៝ន​អេម៝ស  ងាយ ១១ កីលោមែត​មា​ប៝ន​ក្វ៝ង់​យេរូឆាលឹម ។
LUK 24:14 ខាន់​ពាង់​តឹម​ងក៝ច​ឞ្រី​អី​លែៈ​នាវ​គែស​នៃ។
LUK 24:15 ទោល​ខាន់​ពាង់​តឹម​ងក៝ច​នាវ​អី​នៃ ឞ្រាស​យេឆូ ​ហាន់​ទាច់​ខាន់​ពាង់ ឞ្រោៈ​នទ្រែល​ខាន់​ពាង់‌
LUK 24:16 តីស​មា​ខាន់​ពាង់​មោ​អោស​នាល់​ពាង់ យ៝រ​លាស​កោរាញ​ឞ្រាស​មោ​អ៝ន់​នាល់។
LUK 24:17 ឞ្រាស​យេឆូ ​អោប​ខាន់​ពាង់៖ “ម៝ស​នាវ​ងក៝ច​ខាន់​មរែ​ទោល​ឞ្រោៈ​រ៝ៈ​ត្រ៝ង​រី​ហ្យាស?” ជេសរី​ខាន់​ពាង់​ញឆ្រុង​ទូ​នទ៝ម់ មុស​មាត់​ឆើស​រើយ្ស​អើយ្ស។
LUK 24:18 គែស​ទូ​ហ្វេ​រាញា​ក្លេវពាស ​អើស​លាស៖ “ទឹង​លែៈ​ឞូនុយ្ស​តា​យេរូឆាលឹម  នទ្រែល​មា​ទឹង​លែៈ​ឞូ​នាច់​អី​ហាន់​ញេត​បុន​នហ៝ត​តា​យេរូឆាលឹម ​គឹត​នាវ​គែស​អ្យា​ឞារ​ពែ​នារ​អា​ល៝រ​នើស​ទាទេ មើម​ទឹង​ទូ​ហ្វេ​មៃ​រី​លិច​គឹត?”
LUK 24:19 ឞ្រាស​យេឆូ ​អោប៖ “ម៝ស​នាវ​ហាៈ?” ពាង់​អើស៖ “នាវ​យេឆូ ​អី​តាៈ​ឞើស​ប៝ន​នាឆារែត ​នើស​ហ្យើ។ ពាង់​ជេង​ឞូនុយ្ស​នតើយ្ស​នាវ​ងើយ​កោរាញ​ឞ្រាស នាវ​ពាង់​នតី​គែស​នាវ​ទើយ​ងាន់ នទ្រែល​មា​ជាន​នទើ​អ្វែស​នទើ​ខ្លៃ​ក្វ៝ង់​តា​នាប់​កោរាញ​ឞ្រាស នទ្រែល​មា​តា​ឞើស​នាប់​ផូង​ប៝ន​លាន​ដ៝ង់។
LUK 24:20 យើន​មា​មពោល​កោរាញ​ជាន​ឞ្រាស នទ្រែល​មា​មពោល​កោរាញ​ម៝ត់​អ្វាញ់​ហេន ញជុន​ពាង់​អ៝ន់​ឞូ​ងខឹត​លើយ​ពាង់ ងខឹត​ពាង់​តា​ឆី​តឹម​រាកាង់​ដ៝ង់។
LUK 24:21 ល៝ង់​ហេន​ទែ​នានាៈ​មា​នើម​ពាង់ ហេន​វៃ​នើម​ពាង់​រ៝​ជេង​នើម​រាក្លាយ្ស​ទឹង​លែៈ​ផូង​ប៝ន​លាន​អីឆ្រាអែល ​ឞើស​ផូង​រាលាង់​ឞ៝ន់ អាបៃ​អ្យា​គែស​នាវ​កើត​នៃ​ជឹត នតើម​ឞើស​នារ​នៃ លែៈ​គែស​ពែ​នារ​មា​នារ​អ្យា​ជេស។
LUK 24:22 នទ្រែល​មា​គែស​ឞូ​អូរ​មពោល​ហេន​អាបាៈ ជាន​អ៝ន់​ហេន​គែស​នាវ​នទ្រ៝ត់​ទុត​ហោ​ដ៝ង់ ខាន់​ពាង់​ឞ្រោៈ​តា​មោច​ប្ហីត​អាង​ឞ្រី​ហោម​ង៝‌
LUK 24:23 អ្វាញ់​ឆាក់​ឞ្រាស​យេឆូ ​តា​រី​មោ​អោស​ឆៃ។ ខាន់​ពាង់​ព្លឹ​ឆឹត​ឞើស​រី​មឞើស​ងក៝ច​មា​ហេន​លាស​ឆៃ​តោង​ពារ់ ជេសរី​តោង​ពារ់​ទែ​មឞើស​លាស​ឞ្រាស​យេឆូ ​រេស។
LUK 24:24 ជេសរី​គែស​មពោល​ហេន​អាបាៈ​ហាន់​តា​មោច​រី​ដ៝ង់ ឆៃ​តឹម​ឞាន​កើត​នាវ​មពោល​ឞូ​អូរ​មឞើស​នើស​ងាន់ តីស​មា​មោ​គែស​អោស​ឞូនុយ្ស​ឆៃ​ពាង់”។
LUK 24:25 ជេសរី​ឞ្រាស​យេឆូ ​លាស​មា​ខាន់​ពាង់៖ “ហើយ​ឞូនុយ្ស​មោ​គែស​នាវ​មឹន! ខាន់​មៃ​មោ​ទើស​អ្យាត់​អោស​ទឹង​លែៈ​នាវ​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស​លែៈ​ញចីស​ជេស​មា​ឞ្រាស​ក្រីស ។
LUK 24:26 អ្យាត់​មា​ឞ្រាស​ក្រីស ​អី​នើម​រាក្លាយ្ស​តាៈ​ឞើស​កោរាញ​ឞ្រាស​ទែ​ញជ្វាល់​ទើន​នាវ​ជេរ​ជ៝ត់​នៃ​ល៝រ​ប៝ត់ រី​មើ​ទឹង​កោរាញ​ឞ្រាស​អ៝ន់​ពាង់​នាវ​ច្រាត​អាង អ៝ន់​ពាង់​ម៝ត់​អ្វាញ់​ទឹង​លែៈ​នទើ”។
LUK 24:27 ជេសរី​ឞ្រាស​យេឆូ ​រាឞ្លាង​លែៈ​នាវ​ឞូ​ញចីស​មា​ឆាក់​ពាង់​តា​ឆ៝ម់បុត​នាវ​កោរាញ​ឞ្រាស​ងើយ នតើម​ឞើស​ឆ៝ម់បុត​អី​មោឆេ ​ញចីស ត៝ត់​មា​ទឹង​លែៈ​ឆ៝ម់បុត​អី​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស​ញចីស​ដ៝ង់។
LUK 24:28 ជេសរី​ប៝ន​អី​អ៝ស​ម៝ន​អុច​ហាន់​នៃ​លែៈ​ឞើយ​ត៝ត់។ ជេសរី​ឞ្រាស​យេឆូ ​នទ្រា​ជាន​អុច​ហាន់​នហ៝ត​ជឹត​នាប់​ជឹត។
LUK 24:29 មពោល​អ៝ស​ម៝ន​នៃ​ក៝ន់​ពាង់ ខាន់​ពាង់​លាស៖ “គុ​ឞិច​នទ្រែល​ហេន​តា​អ្យា​ប៝ត់​ហែស នារ​លែៈ​ទេស​ឞ្រី​លែៈ​អុច​មាង់​ដ៝ង់”។ ជេសរី​ឞ្រាស​យេឆូ ​វែស​ឞិច​នទ្រែល​ខាន់​ពាង់​តា​រី។
LUK 24:30 ទោល​ឞ្រាស​យេឆូ ​គុ​ឆោង​ឆា​នទ្រែល​ខាន់​ពាង់​តា​ញឆឺង​រី ពាង់​ឆ៝ៈ​នុមពាង់​លាស​អ្វែស​មា​កោរាញ​ឞ្រាស ជេសរី​គិច​ពាៈ​អ៝ន់​មា​ខាន់​ពាង់​ឆា។
LUK 24:31 នោក​នៃ​មាត់​ខាន់​ពាង់​ទោ​មា​ឆៃ​អាង​រ៝ អ្វាញ់​នាល់​ឞ្រាស​យេឆូ  តីស​មា​ឞ្រាស​យេឆូ ​រ៝ស​ក្លាក់​ឞើស​ខាន់​ពាង់។
LUK 24:32 ជេសរី​ខាន់​ពាង់​តឹម​លាស​នទ្រាង់​ខាន់​ពាង់​នើម៖ “នោក​ពាង់​ងើយ​ដាស​ឞ៝ន់ នហ៝​មា​រាឞ្លាង​នាវ​កោរាញ​ឞ្រាស​ងើយ​រ៝ៈ​ត្រ៝ង​នើស ពាង់​ពើក​ឞោក​តោរ​ឞ៝ន់ តា​នូយ្ស​នហ៝ម់​ឞ៝ន់​រាម់​មអាក​ងាន់”។
LUK 24:33 ជេសរី​ខាន់​ពាង់​ទ៝ក់​ព្លឹ​ឆឹត​ឞ្រុល​ជឹត​យេរូឆាលឹម ​រ៝ ត៝ត់​តា​នៃ​ឆៃ ១១ នុយ្ស​មពោល​កោរាញ​អ៝ស​ម៝ន​គុ​តឹម​រាបុន នទ្រែល​មា​ឞូនុយ្ស​អាបាៈ​អេង​ដ៝ង់។
LUK 24:34 មពោល​អី​នៃ​មឞើស​មា​ខាន់​ពាង់៖ “ឞ្រាស​យេឆូ ​លែៈ​ទ៝ក់​រេស​ងាន់ ពាង់​ញហើ​ឆាក់​អ៝ន់​មា​ឆីមោន ​ឆៃ”។
LUK 24:35 ជេសរី​ឞារ​ហៃ​អ៝ស​ម៝ន​នៃ​មឞើស​ងក៝ច​លែៈ​នាវ​គែស​រ៝ៈ​ត្រ៝ង​នើស នទ្រែល​មា​នាវ​ខាន់​ពាង់​គឹត​នាល់​នហេល​ឞ្រាស​យេឆូ  ទោល​ពាង់​គិច​នុមពាង់​អ៝ន់​មា​ខាន់​ពាង់។
LUK 24:36 ទោល​ឞារ​ហៃ​អ៝ស​ម៝ន​នៃ​ហោម​មឞើស​ងក៝ច​នាវ​អី​នៃ ទោ​មា​ឆៃ​ឞ្រាស​យេឆូ ​ទ៝ក់​តា​ងក្លាង​ខាន់​ពាង់​ទឹង​លែៈ​មពោល​អ៝ស​ម៝ន​នៃ ជេសរី​លាស​មា​ខាន់​ពាង់៖ “អ៝ន់​នាវ​អ្វែស​លាង់​ដាប់​មពាន់​គុ​នទ្រែល​ខាន់​អៃ​មៃ”។
LUK 24:37 លែៈ​ខាន់​ពាង់​ក្លាច​ញឆ៝រ់​ហោ​ងាន់ នអោន​លាស​ច្យាក​ញហូ។
LUK 24:38 ឞ្រាស​យេឆូ ​លាស​មា​ខាន់​ពាង់៖ “មើម​នូយ្ស​នហ៝ម់​ខាន់​អៃ​មៃ​ទឹង​គែស​មា​ផើរ ទឹង​គែស​មា​មោ​អ្យាត់​គ៝ប់​រេស​ងាន់?
LUK 24:39 ល៝ង់​ខាន់​អៃ​មៃ​អ្វាញ់​រាមាញ​តា​ជ៝ង់​តី​គ៝ប់​អ្យា គៃ​មា​គឹត​នហេល​លាស​គ៝ប់​ងាន់​រ៝ ល៝ង់​ពាស​ឆាក់​គ៝ប់ គៃ​មា​គឹត​គែស​ឆាក់​ងាន់។ ច្យាក​ញហូ​លិច​អោស​ឞុត​នតីង​ឞុត​មលៃ​កើត​គ៝ប់​អ្យា”។
LUK 24:40 ជេស​ឞ្រាស​យេឆូ ​ងើយ​កើត​នៃ ពាង់​ញហើ​ជ៝ង់​តី​រាមាញ​អ៝ន់​មា​ខាន់​ពាង់​ឆៃ។
LUK 24:41 មពោល​អ៝ស​ម៝ន​អេ​ហ៝ៈ​អោស​អ្យាត់ នូយ្ស​នហ៝ម់​ខាន់​ពាង់​មអាក យើន​មា​អេ​ហ៝ៈ​លាង់​វ៝ត់​អោស។ ជេសរី​ឞ្រាស​យេឆូ ​អោប​មា​ខាន់​ពាង់៖ “ខាន់​អៃ​មៃ​តា​អ្យា​គែស​នទើ​ឆោង​ឆា​ដ៝ង់?”
LUK 24:42 ឞូ​ទែ​ឆ៝ៈ​កា​គុច​ទូ​គ៝ល់ នទឹ​អ៝ន់​ពាង់‌
LUK 24:43 ជេសរី​ឞ្រាស​យេឆូ ​ឆ៝ៈ​ឆា​តា​នាប់​ទឹង​លែៈ​ខាន់​ពាង់។
LUK 24:44 ពាង់​លាស​មា​ខាន់​ពាង់៖ “អ្យា​នាវ​គ៝ប់​មឞើស​មា​ខាន់​អៃ​មៃ​ទោល​គ៝ប់​ហោម​គុ​នទ្រែល​ខាន់​អៃ​មៃ​នើស អាបៃ​អ្យា​គ៝ប់​មឞើស​តៃ​មា​ខាន់​អៃ​មៃ​ទូ​តឹ​ជឹត៖ ទឹង​លែៈ​នាវ​ឞូ​ញចីស​លាស​មា​គ៝ប់​កាល់​អែ​នើស​គែស​តា​ឆ៝ម់បុត​នាវ​វៃ​មោឆេ  តា​ឆ៝ម់បុត​ឞូនុយ្ស​នតើយ្ស​នាវ​ងើយ​កោរាញ​ឞ្រាស នទ្រែល​មា​តា​ឆ៝ម់បុត​នាវ​មព្រើ​អើម ពាង់​គែស​ងាន់​កើត​នៃ​រ៝”។
LUK 24:45 ជេសរី​ឞ្រាស​យេឆូ ​ពើក​ឞោក​តោរ​ខាន់​ពាង់​អ៝ន់​គឹត​វ៝ត់​លែៈ​នទើ​អី​លែៈ​គែស​ញចីស​មា​ពាង់​នើម​តា​ឆ៝ម់បុត​នាវ​កោរាញ​ឞ្រាស​ងើយ។
LUK 24:46 ឞ្រាស​យេឆូ ​លាស៖ “លែៈ​គែស​ញចីស​នអា៖ អ្យាត់​មា​ឞ្រាស​ក្រីស ​អី​នើម​រាក្លាយ្ស​តាៈ​ឞើស​កោរាញ​ឞ្រាស​ទែ​ញជ្វាល់​រី​គែស​នាវ​ជេរ​ជ៝ត់ នទ្រែល​មា​នាវ​ខឹត យើន​មា​តា​ពែ​នារ​ឞើស​កើយ​ពាង់​ទ៝ក់​រេស​ដ៝ង់។
LUK 24:47 លែៈ​គែស​ញចីស​ដ៝ង់៖ អ៝ន់​អ៝ស​ម៝ន​ឞ្រាស​ក្រីស ​មឞើស​ងក៝ច​តា​រាញា​ឆាក់​ពាង់​អ៝ន់​មា​ឞូនុយ្ស​តា​យេរូឆាលឹម ​ល៝រ ជេសរី​ទឹង​លែៈ​ឞូនុយ្ស​អាប់​ងគ៝រ​ឞ្រី​ដ៝ង់ មឞើស​ងក៝ច​ដ៝ង់​មា​នាវ​រាគ៝ល់​នូយ្ស​នហ៝ម់​អ្យើស នទ្រែល​មា​នាវ​កោរាញ​ឞ្រាស​យោៈ​នអាច​មា​ខាន់​ពាង់​មោ​ហោម​កើប​នាវ​តីស។
LUK 24:48 ខាន់​អៃ​មៃ​លែៈ​ឆៃ​មា​មាត់​ជេស​នាវ​ជេរ​ជ៝ត់ នាវ​ខឹត នទ្រែល​មា​នាវ​ទ៝ក់​រេស​គ៝ប់ លាស​នទ្រី​អ៝ន់​ខាន់​អៃ​មៃ​មឞើស​ងក៝ច​នាវ​ខ្លៃ​អី​នៃ​មា​ឞូ។
LUK 24:49 គ៝ប់​អ៝ន់​ដ៝ង់​ឞ្រាស​ហ្វេង​អ្វែស​គុ​តា​ខាន់​អៃ​មៃ​តៃ កើត​នាវ​ឞឹ​លែៈ​ជេស​ត៝ន។ ខាន់​អៃ​មៃ​គុ​តា​យេរូឆាលឹម ​ហ៝ៈ នហ៝​មា​ត៝ត់​កោរាញ​ឞ្រាស​អ៝ន់​ឞេង​ខាន់​អៃ​មៃ​មា​នាវ​ទើយ​អី​តាៈ​ឞើស​ឞ្រាស​ហ្វេង​អ្វែស”។
LUK 24:50 ជេសរី​ឞ្រាស​យេឆូ ​លែវ​មពោល​អ៝ស​ម៝ន​នៃ​ហាន់​ទាច់​មា​ប៝ន​បេថានី  ត៝ត់​តា​នៃ​ឞ្រាស​យេឆូ ​យើរ​តី​អ៝ន់​នាវ​គែស​ជេង​មា​ខាន់​ពាង់។
LUK 24:51 ទោល​ឞ្រាស​យេឆូ ​អ៝ន់​នាវ​គែស​ជេង​មា​មពោល​អ៝ស​ម៝ន​អី​នៃ កោរាញ​ឞ្រាស​នហាវ​ពាង់​ងខាស​ឞើស​ខាន់​ពាង់​នៃ​ហាវ​ឆឹត​តា​ប៝ន​អ្វែស​តា​កាលើ​រី។
LUK 24:52 ជេសរី​មពោល​អ៝ស​ម៝ន​យើក​មឞាស​មា​ពាង់ ជេសរី​ខាន់​ពាង់​រាម់​មអាក​ទុត​ហោ​ព្លឹ​ឆឹត​តា​ប៝ន​យេរូឆាលឹម ។
LUK 24:53 ខាន់​ពាង់​ហាន់​តា​ជ៝ង់​គូង​ញីស​ជាន​ឞ្រាស​បាបើ លែវ​ឞាល់​រានេ​មា​កោរាញ​ឞ្រាស៕៚
JOH 1:1 ឞើស​នតើម​ឆាអើម​ឆាអាម​នើស​លែៈ​អើម​គែស​ជេស​រាញា​នាវ​ងើយ។ នាវ​ងើយ​អី​នៃ​គុ​នទ្រែល​កោរាញ​ឞ្រាស​នើម នាវ​ងើយ​អី​នៃ​ជេង​កោរាញ​ឞ្រាស។
JOH 1:2 ឞើស​ឆាអើម​ឆាអាម​ងាន់ នាវ​ងើយ​អី​នៃ​គុ​នទ្រែល​កោរាញ​ឞ្រាស​នើម។
JOH 1:3 ទឹង​លែៈ​នតីល​នទើ​កោរាញ​ឞ្រាស​ញជេង កោរាញ​ឞ្រាស​អ៝ន់​ពាង់​អី​រាញា​នាវ​ងើយ​ញជេង​ទាទេ មោ​គែស​អោស​ទូ​នតីល​នទើ​អី​រាញា​នាវ​ងើយ​មោ​ញជេង។
JOH 1:4 រាញា​នាវ​ងើយ​នើម​តើម​នាវ​រេស នាវ​រេស​រាញា​នាវ​ងើយ​អ៝ន់​អាង​តា​នូយ្ស​នហ៝ម់​ទឹង​លែៈ​ឞូនុយ្ស។
JOH 1:5 នាវ​អាង​អី​នៃ​អ៝ន់​អាង​តា​នាវ​ង៝ ជេសរី​នាវ​ង៝​មោ​អោស​ទើយ​មា​នាវ​អាង។
JOH 1:6 គែស​ទូ​ហ្វេ​ឞូ​ក្លោ កោរាញ​ឞ្រាស​ដាៈ​ពាង់​ហាន់​មឞើស​ងក៝ច​នាវ​អាង​អី​នៃ រាញា​ឞូ​ក្លោ​អី​នៃ​យោហាន-​បាប់តែម ។
JOH 1:7 ពាង់​វាច់​ជេង​តើម​មឞើស​ងក៝ច​អ៝ន់​ឞូ​គឹត​នាល់​នាវ​អាង​អី​នៃ គៃ​មា​អ៝ន់​ទឹង​លែៈ​ឞូនុយ្ស​ញឆីង​មា​នាវ​អាង​អី​នៃ​តាៈ​ឞើស​នាវ​ពាង់​មឞើស​ងក៝ច។
JOH 1:8 យោហាន-​បាប់តែម ​មោ​អោស​ជេង​នាវ​អាង​អី​នៃ ពាង់​វាច់​គៃ​មា​ជេង​តើម​មឞើស​ងក៝ច​នាវ​អាង​អី​នៃ​ទើម។
JOH 1:9 នាវ​អាង​អី​នៃ​វាច់​តា​នែស​នតូ​អ្យា ជេង​នាវ​អាង​ងាន់ អាង​តា​នូយ្ស​នហ៝ម់​ទឹង​លែៈ​ឞូនុយ្ស​តា​នែស​នតូ​អ្យា។
JOH 1:10 នាវ​អាង​ទូ​ហ្វេ​ឞូនុយ្ស​គុ​តា​នែស​នតូ​អ្យា ពាង់​អី​នើម​រាហាក់​ញជេង​នែស​នតូ​យ៝រ​មា​តាៈ​ឞើស​កោរាញ​ឞ្រាស​ដាៈ តីស​មា​ឞូនុយ្ស​តា​នែស​នតូ​អ្យា​មោ​អោស​គឹត​នាល់​ពាង់។
JOH 1:11 ពាង់​វាច់​គុ​តា​ឞ្រី​អីឆ្រាអែល ​អី​ឞ្រី​ទាក​ពាង់​នើម តីស​មា​ផូង​ប៝ន​លាន​ពាង់​នើម​មោ​អុច​អោស​រ៝ម​ពាង់។
JOH 1:12 យើន​មា​ឞូ​ម៝ស​អី​ហោម​រ៝ម​ពាង់ ជេង​នើម​អី​ញឆីង​មា​ពាង់ ឞូនុយ្ស​អី​នៃ​ពាង់​អ៝ន់​ជេង​ក៝ន​កោរាញ​ឞ្រាស​នើម។
JOH 1:13 ឞូនុយ្ស​អី​នៃ​ជេង​ក៝ន​កោរាញ​ឞ្រាស មោ​អោស​ទែស​តាៈ​ឞើស​ឆាក់​ជាន់ ឞើស​នាវ​ឞូនុយ្ស​កើញ ពាង់​ជេង​ក៝ន​តាៈ​ឞើស​កោរាញ​ឞ្រាស​នើម​អ៝ន់។
JOH 1:14 រាញា​នាវ​ងើយ​អី​នៃ​ជេង​ឆាក់​ជាន់​ឞូនុយ្ស នហ៝​មា​គុ​រេស​នទ្រែល​ឞូនុយ្ស​ឞ៝ន់។ ហេន​លែៈ​ឆៃ​នាវ​ច្រេក​លើប​ពាង់ពាង់​តាៈ​ឞើស​កោរាញ​ឞ្រាស​នើម​អី​ឞឹ​ពាង់។ កោរាញ​ឞ្រាស​គែស​ក៝ន​អី​នៃ​ង្វាយ​អឹ​ទើម នាវ​ច្រេក​លើប​ក៝ន​អី​នៃ​ក្វ៝ង់ ពាង់​គែស​នាវ​អ្វែស​ទុត​ហោ​ងាន់ នាវ​ងើយ​ពាង់​នាវ​ងើយ​ងាន់​នឹង​នែង។
JOH 1:15 យោហាន-​បាប់តែម ​លែៈ​មឞើស​ងក៝ច​ជេស​នាវ​ខ្លៃ​តា​ពាង់យោហាន-​បាប់តែម ​លាស៖ “ពាង់​អ្យា​អី​គ៝ប់​លែៈ​មឞើស​នើស៖ «ពាង់​វាច់​ឞើស​កើយ​គ៝ប់ យើន​មា​គែស​នាវ​ខ្លៃ​រាលាវ​គ៝ប់​ងាន់ យ៝រ​លាស​ពាង់​លែៈ​អើម​គែស​នាវ​រេស​ល៝រ​គ៝ប់»”។
JOH 1:16 នាវ​អ្វែស​ពាង់​មោ​អោស​ឞ្លាវ​លែៈ​មោ​អោស​ឞ្លាវ​ទុត ទឹង​លែៈ​ឞ៝ន់​នើស​លែៈ​ឆ៝ៈ​ទើន​នទើ​អ្វែស​តាៈ​ឞើស​ពាង់​លើ​មា​អ៝ក់​លើ​មា​អ៝ក់។
JOH 1:17 នាវ​វៃ​ផូង​អីឆ្រាអែល ​កោរាញ​ឞ្រាស​លែៈ​អ៝ន់​តា​មោឆេ  យើន​មា​អ្វែស​រាលាវ​មា​នាវ​វៃ​អី​នៃ ជេង​នាវ​អ្វែស នាវ​ងាន់​អី​ពាង់​លែៈ​អ៝ន់​តា​ឞ្រាស​យេឆូ​ក្រីស ។
JOH 1:18 មោ​គែស​អោស​ទូ​ហ្វេ​ឞូនុយ្ស​លែៈ​ឆៃ​កោរាញ​ឞ្រាស គែស​ទូ​ហ្វេ​ក៝ន​កោរាញ​ឞ្រាស​នើម​ង្វាយ​អឹ​ទើម​លែៈ​លែវ​ឞ៝ន់​អ៝ន់​នាល់​កោរាញ​ឞ្រាស យ៝រ​លាស​ពាង់​នើស​គុ​តឹម​ទាច់​នទ្រែល​ឞឹ​នើម ពាង់​កោរាញ​ឞ្រាស​ដ៝ង់។
JOH 1:19 គែស​ទូ​នារ​រី​មពោល​កោរាញ​ផូង​អីឆ្រាអែល ​ដាៈ​ផូង​ឞូនុយ្ស​ជាន​ឞ្រាស នទ្រែល​មា​ផូង​លេវី ​អី​ផូង​កើល​ជាន​ការ​តា​ញីស​ជាន​ឞ្រាស​មា​កោរាញ​ឞ្រាស ដាៈ​ខាន់​ពាង់​ហាន់​តាៈ​ឞើស​ប៝ន​យេរូឆាលឹម ​អ៝ន់​តឹម​ម៝ប់​ដាស​យោហាន-​បាប់តែម  គៃ​មា​អោប​ពាង់៖ “មៃ​ឞូ​ម៝ស? មៃ​ឞ្រាស​ក្រីស ​បាស?”
JOH 1:20 ពាង់​អើស​ឆ៝ង់​មា​ខាន់​ពាង់ ពាង់​មោ​អោស​ពោន​ម៝ ពាង់​លាស​នហេល​នានេៈ​ងាន់៖ “គ៝ប់​មោ​អោស​ទី​ឞ្រាស​ក្រីស ​អី​នើម​រាក្លាយ្ស​តាៈ​ឞើស​កោរាញ​ឞ្រាស​ទែ​ញជ្វាល់”។
JOH 1:21 ជេសរី​ខាន់​ពាង់​អោប​តៃ​ពាង់៖ “លាស​នទ្រី​មៃ​ឞូ​ម៝ស? មៃ​អេលីយា ​អី​ឞូនុយ្ស​នតើយ្ស​នាវ​ងើយ​កោរាញ​ឞ្រាស​ឞើស​កាល់​អែ​នើស​អី​ឞូ​លែៈ​មឞើស​ងក៝ច​ពាង់​មរា​ព្លឹ​វាច់​អេ​ល៝រ​មា​ឞ្រាស​ក្រីស ​វាច់​ឞើស?” ពាង់​អើស “មោ​អោស”។ ខាន់​ពាង់​អោប​តៃ​ដ៝ង់៖ “លាស​នទ្រី​មៃ​អី​ឞូនុយ្ស​នតើយ្ស​នាវ​ងើយ​កោរាញ​ឞ្រាស​អី​តឹម​ឞាន​មា​មោឆេ ​អី​ឞ៝ន់​ហោម​គុ​ក៝ប់​បាស?” ពាង់​អើស៖ “មោ​អោស”។
JOH 1:22 ខាន់​ពាង់​អោប​តៃ​ពាង់៖ “លាស​នទ្រី​មៃ​ឞូ​ម៝ស? ទាន់​មៃ​មឞើស​ងក៝ច​អេង​ឆាក់​មៃ​នើម យ៝រ​លាស​ហេន​អុច​តាង់​នាវ​មៃ​មឞើស​ងក៝ច គៃ​មា​ហេន​មឞើស​ងក៝ច​មា​ឞូនុយ្ស​ដាៈ​ហេន​ហាន់​អ្យា​នើស”។
JOH 1:23 យោហាន-​បាប់តែម ​លាស​មា​ខាន់​ពាង់៖ “គ៝ប់​អ្យា​អី​ឞូនុយ្ស​អេឆាយ ​អី​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស​លែៈ​ងក៝ច​ល៝រ ពាង់​ញចីស​លាស៖ «គែស​ទូ​ហ្វេ​ឞូនុយ្ស​នតែរ​តា​ឞ្រី​រាទាស៖ «នទ្រាប់​ហ៝ម់​នូយ្ស​នហ៝ម់​អ៝ន់​មា​កោរាញ​ឞ្រាស តឹម​ឞាន​មា​ឞូនុយ្ស​ញឆ៝ង់​ត្រ៝ង​អ៝ន់​មា​កាដាច់​ហាន់»»”។
JOH 1:24 ផូង​អី​ឞូ​ដាៈ​ហាន់​តា​យោហាន-​បាប់តែម ​នៃ អាបាៈ​ផូង​ផារីឆី ‌
JOH 1:25 ខាន់​ពាង់​អោប​តៃ​ពាង់៖ “លាស​មៃ​មោ​យ៝ង់​ឞ្រាស​ក្រីស  មោ​យ៝ង់​អេលីយា  មោ​យ៝ង់​អី​ឞូនុយ្ស​នតើយ្ស​នាវ​ងើយ​កោរាញ​ឞ្រាស​អី​តឹម​ឞាន​មា​មោឆេ  លាស​នទ្រី​មើម​ទឹង​មៃ​ជាន​បាប់តែម​យុក​មា​ទាក​អ៝ន់​ឞូ?”
JOH 1:26 យោហាន-​បាប់តែម ​លាស​មា​ខាន់​ពាង់៖ “គ៝ប់​ជាន​បាប់តែម​យុក​មា​ទាក យើន​មា​គែស​ទូ​ហ្វេ​កោរាញ​គុ​តា​ទឹង​លែៈ​ផូង​ខាន់​មៃ ខាន់​មៃ​មោ​អោស​គឹត​នាល់​ពាង់។
JOH 1:27 ពាង់​អី​នៃ​វាច់​ឞើស​កើយ​គ៝ប់ យើន​មា​ពាង់​ជេង​កោរាញ​ទុត​ក្វ៝ង់​ងាន់។ ឞ៝ល​លាស​គ៝ប់​ឆើម​ទ្រ៝ស​នតោ​ជ៝ត​ពាង់ ហោម​មោ​ទី​ដាស​នាវ​ជាន​ការ​មា​ពាង់​ដ៝ង់”។
JOH 1:28 ទឹង​លែៈ​នាវ​គែស​លាស​អី​នៃ​តា​នតុក​ប៝ន​បេថានី  ជេង​នតុក​យោហាន-​បាប់តែម ​ជាន​បាប់តែម​យុក​មា​ទាក មពែស​ឞើស​លោស​នារ​ទាក​រាលាយ​យោរដាន់ ​នៃ។
JOH 1:29 ត៝ត់​នារ​អោយ​តៃ យោហាន-​បាប់តែម ​ឆៃ​ឞ្រាស​យេឆូ ​ហាន់​ជឹត​ពាង់ ពាង់​លាស៖ “រី​ម៝ស ពាង់​អី​នៃ​អី​ក៝ន​ឞែ​ឞ្យាប់​កោរាញ​ឞ្រាស យ៝រ​មា​ពាង់​តឹម​ឞាន​មា​ឞែ​ឞ្យាប់​ឞូ​ងខឹត​ជាន​ឞ្រាស​គៃ​មា​កោរាញ​ឞ្រាស​យោៈ​មោ​ហោម​កើប​នាវ​តីស ពាង់​ឆ៝ៈ​លើយ​នាវ​តីស​ទឹង​លែៈ​ឞូនុយ្ស​តា​នែស​នតូ​អ្យា។
JOH 1:30 ពាង់​អី​នៃ​អី​គ៝ប់​លែៈ​មឞើស​ងក៝ច​មា​ខាន់​អៃ​មៃ​នើស៖ «គែស​ទូ​ហ្វេ​ឞូ​ក្លោ​វាច់​ឞើស​កើយ​គ៝ប់ ពាង់​គែស​នាវ​ខ្លៃ​រាលាវ​គ៝ប់​ងាន់ យ៝រ​លាស​ពាង់​លែៈ​អើម​គែស​នាវ​រេស​ល៝រ​ឞើស​នាប់​គ៝ប់»។
JOH 1:31 នតើម​នើស គ៝ប់​មោ​អោស​គឹត​នាល់​ពាង់​ឞ្រាស​ក្រីស ។ យើន​មា​គ៝ប់​វាច់​ជាន​បាប់តែម​យុក​មា​ទាក គៃ​មា​ផូង​ប៝ន​លាន​អីឆ្រាអែល ​គឹត​នាល់​ពាង់​អី​ឞ្រាស​ក្រីស ”។
JOH 1:32 យោហាន-​បាប់តែម ​មឞើស​ងក៝ច​នទើ​ពាង់​លែៈ​ឆៃ​អ៝ន់​មា​ឞូ៖ “គ៝ប់​លែៈ​ឆៃ​ឞ្រាស​ហ្វេង​អ្វែស​តឹម​ឞាន​មា​ព្លុក​ជុរ​ឞើស​កាលើ​ត្រោក​ទ្រ៝ម់​គុ​តា​ពាង់។
JOH 1:33 ឞ៝ល​លាស​នតើម​នើស​គ៝ប់​មោ​អោស​គឹត​នាល់​ពាង់​អី​ឞ្រាស​ក្រីស  យើន​មា​កោរាញ​ឞ្រាស​នើម​តើម​ដាៈ​គ៝ប់​វាច់​ជាន​បាប់តែម​យុក​មា​ទាក ពាង់​លាស​មា​គ៝ប់៖ «ឞូនុយ្ស​អី​មៃ​ឆៃ​ឞ្រាស​ហ្វេង​អ្វែស​ជុរ​ទ្រ៝ម់​គុ​តា​ពាង់ពាង់​អី​នៃ​ជាន​បាប់តែម​មា​ឞ្រាស​ហ្វេង​អ្វែស​អី​ក្ល៝ស​អ្វែស»។
JOH 1:34 គ៝ប់​លែៈ​ឆៃ​កើត​នៃ​ងាន់ គ៝ប់​អុច​មឞើស​ងក៝ច ពាង់​អី​នៃ​ក៝ន​ឞូ​ក្លោ​កោរាញ​ឞ្រាស​ងាន់​ងេន”។
JOH 1:35 ត៝ត់​នារ​អោយ​តៃ យោហាន-​បាប់តែម ​ហោម​គុ​តា​នតុក​អើម​នៃ​ដ៝ង់ នទ្រែល​មា​ឞារ​ហៃ​អ៝ស​ម៝ន​ពាង់។
JOH 1:36 ពាង់​ឆៃ​ឞ្រាស​យេឆូ ​ហាន់​រ៝ៈ​នៃ ពាង់​លាស៖ “នៃ​ក៝ន​ឞែ​ឞ្យាប់​កោរាញ​ឞ្រាស”។
JOH 1:37 ឞារ​ហៃ​មពោល​អ៝ស​ម៝ន​នៃ​តាង់​ពាង់​លាស ជេសរី​ខាន់​ពាង់​តឹង​ឞ្រាស​យេឆូ ​រ៝។
JOH 1:38 ឞ្រាស​យេឆូ ​ងគឹល​ជឹត​កើយ ឆៃ​ឞារ​ហៃ​ខាន់​ពាង់​តឹង​ពាង់ ជេសរី​អោប៖ “ម៝ស​នទើ​ខាន់​មៃ​ជ៝យ?” ខាន់​ពាង់​អើស៖ “អើ​រាប់បី !” - «រាប់បី »​នៃ​នាវ​ងើយ​ហេឞ្រើ​រាឞ្លាង​លាស «នើម​នតី» - “មៃ​អាស​នតុក​គុ​មេស?”
JOH 1:39 ឞ្រាស​យេឆូ ​លាស៖ “ហាន់​ហ៝ម់​គៃ​មា​ឆៃ”។ នោក​នៃ​លែៈ​ម៝ង​ព្វាន់​កេង​មាង់ ជេសរី​ខាន់​ពាង់​ហាន់​តឹង​ឞ្រាស​យេឆូ  ឆៃ​នតុក​ពាង់​គុ។ នារ​នៃ​ខាន់​ពាង់​គុ​នទ្រែល​ពាង់។
JOH 1:40 តា​ឞារ​ហៃ​ខាន់​ពាង់​នៃ​លែៈ​តាង់​នាវ​យោហាន-​បាប់តែម ​លាស​នើស ជេសរី​តឹង​គ្រ៝យ​ឞ្រាស​យេឆូ  តា​នៃ​ទូ​ហ្វេ​រាញា​អ៝ន់ទ្រេ  អី​អ៝ស​ឆីមោន ​អី​ឞូ​ក្វាល់​លាស​ពេត្រោស ​ដ៝ង់។
JOH 1:41 ជេសរី​អ៝ន់ទ្រេ ​ហាន់​រ៝ មឞើស​ងក៝ច​មា​នោ​ពាង់​ឆីមោន ​ល៝រ ពាង់​លាស៖ “អើ​នោ ហេន​លែៈ​ឆៃ​ឞ្រាស​មេឆី ​អី​នើម​រាក្លាយ្ស​តាៈ​ឞើស​កោរាញ​ឞ្រាស​ទែ​ញជ្វាល់!” - នាវ​«មេឆី »​នៃ​ជេង​នាវ​ងើយ​ហេឞ្រើ  រាឞ្លាង​តា​នាវ​ងើយ​គ្រែក ​លាស «ក្រីស »។
JOH 1:42 ជេសរី​ពាង់​លែវ​ឆីមោន ​ហាន់​ម៝ប់​ឞ្រាស​យេឆូ ។ ឞ្រាស​យេឆូ ​អ្វាញ់​ជឹត​ពាង់ ជេសរី​លាស៖ “មៃ​រាញា​ឆីមោន ​ក៝ន​យោហាន ។ តា​នារ​ជឹត​នាប់​តៃ មៃ​រាញា​«កេផាស »” - នាវ​«កេផាស »​នៃ​ជេង​នាវ​ងើយ​អារាមេអិច  រាឞ្លាង​តា​នាវ​ងើយ​គ្រែក ​លាស «ពេត្រោស »។
JOH 1:43 ត៝ត់​នារ​អោយ​តៃ​ឞ្រាស​យេឆូ ​លែៈ​អុច​ហាន់​តា​ឞ្រី​កាលីលេ ។ ពាង់​ជ៝យ​ឆៃ​ផីលីប ពាង់​លាស៖ “ហោៈ​ហាន់​តឹង​គ៝ប់”។
JOH 1:44 ផីលីប ​នៃ​តាៈ​ឞើស​ប៝ន​បេតឆៃដា  ជេង​នតុក​ប៝ន​អ៝ន់ទ្រេ  នទ្រែល​មា​នតុក​ពេត្រោស ​គុ​ដ៝ង់។
JOH 1:45 ផីលីប ​ហាន់​មឞើស​ងក៝ច​មា​នាថានែល ៖ “ហេន​លែៈ​ឆៃ​អី​ឞូនុយ្ស​មោឆេ ​ទែ​លែៈ​ញចីស​តា​ឆ៝ម់បុត​នាវ​វៃ​កាល់​អែ​នើស នទ្រែល​មា​មពោល​ឞូនុយ្ស​នតើយ្ស​នាវ​ងើយ​កោរាញ​ឞ្រាស​លែៈ​ងក៝ច​ល៝រ​មា​ពាង់​កាល់​អែ​នើស​ដ៝ង់។ ពាង់​រាញា​យេឆូ ​តាៈ​ឞើស​ប៝ន​នាឆារែត ពាង់​អី​ក៝ន​យោឆែប ”។
JOH 1:46 នាថានែល ​លាស៖ “ម៝ស​នទើ​នាវ​អ្វែស​លោស​តាៈ​ឞើស​ប៝ន​នាឆារែត ​នៃ​ឞើស?” ផីលីប ​លាស៖ “ហាន់​មៃ​តឹង​គ៝ប់ មៃ​នើម​ឆៃ​រ៝”។
JOH 1:47 ត៝ត់​ឞ្រាស​យេឆូ ​ឆៃ​នាថានែល ​ហាន់​តា​ពាង់ពាង់​លាស៖ “ឞូនុយ្ស​អ្យា​ជេង​ប៝ន​លាន​អីឆ្រាអែល ​ងាន់​ងេន យ៝រ​លាស​តា​ពាង់​មោ​អោស​គែស​នាវ​មរោស​រាលាម់”។
JOH 1:48 នាថានែល ​អោប​ឞ្រាស​យេឆូ ៖ “មើម​ទឹង​មៃ​គឹត​នាល់​គ៝ប់?” ឞ្រាស​យេឆូ ​អើស៖ “គ៝ប់​លែៈ​នាល់​មៃ​ឞើស​អេ​ហ៝ៈ​ផីលីប ​ហាន់​ក្វាល់​មៃ​ងាន់ គ៝ប់​ឆៃ​មៃ​នោក​ហោម​គុ​តា​ន៝ម់​តើម​រាវី ​នើស​ជឹត”។
JOH 1:49 នាថានែល ​លាស​មា​ឞ្រាស​យេឆូ ៖ “អើ​នើម​នតីមៃ​អ្យា​ក៝ន​កោរាញ​ឞ្រាស​ងាន់ មៃ​ជេង​កាដាច់​មា​ផូង​អីឆ្រាអែល ​ងាន់​រ៝”។
JOH 1:50 ឞ្រាស​យេឆូ ​លាស​មា​ពាង់៖ “អាច​មា​គ៝ប់​លាស «គ៝ប់​ឆៃ​មៃ​នោក​ហោម​គុ​តា​ន៝ម់​តើម​រាវី ​នើស» កើត​នទ្រី​ទឹង​មៃ​លែៈ​ញឆីង​មា​គ៝ប់​បាស? យើន​មា​នារ​ជឹត​នាប់​តៃ មៃ​ឆៃ​នាវ​ខ្លៃ​ក្វ៝ង់​រាលាវ​អី​អ្យា​ជឹត”។
JOH 1:51 ឞ្រាស​យេឆូ ​លាស​តៃ៖ “គ៝ប់​លាស​នហេល​នានេៈ​ងាន់​មា​ខាន់​មៃ ជឹត​អ្យា​តៃ​ខាន់​មៃ​ឆៃ​ត្រោក​ពើក​ឞ៝ង់​លាហឺរ ជេសរី​ឆៃ​ផូង​តោង​ពារ់​កោរាញ​ឞ្រាស​ហាវ​ឞើស​គ៝ប់​ជឹត​កាលើ​ត្រោក នទ្រែល​មា​ជុរ​តា​កាលើ​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស”។
JOH 2:1 ត៝ត់​ពែ​នារ​ឞើស​កើយ​នៃ គែស​តឹម​នអាប់​តា​ប៝ន​កានា ​ឞ្រី​កាលីលេ ។ មេៈ​ឞ្រាស​យេឆូ ​លែៈ​អើម​ហាន់​តា​នៃ។
JOH 2:2 ឞ្រាស​យេឆូ ​ឞូ​ជាៈ​ហាន់​ញេត​តឹម​នអាប់​តា​នៃ​ដ៝ង់ នទ្រែល​មា​មពោល​អ៝ស​ម៝ន​ពាង់។
JOH 2:3 តា​នតុក​នអាប់​នៃ​នទ្រាញ់​ព្លៃ​យុងយារ​ប៝ន​មោ​ហោម​គែស​អោស លែៈ​ញេត​ផ្យៅ មេៈ​ឞ្រាស​យេឆូ ​លាស​មា​ពាង់៖ “ខាន់​ពាង់​មោ​ហោម​គែស​អោស​នទ្រាញ់​ញេត!”
JOH 2:4 ឞ្រាស​យេឆូ ​អើស៖ “អើ​មេៈ មើម​ទឹង​អៃ​មឞើស​នាវ​អី​នៃ​មា​គ៝ប់? ម៝ង​អី​គ៝ប់​ជាន​នាវ​ខ្លៃ​អេ​ត៝ត់​អោស”។
JOH 2:5 មេៈ​ឞ្រាស​យេឆូ ​លាស​មា​ផូង​គុ​កើល​ជាន​ការ​តា​នៃ៖ “ម៝ស​នទើ​ពាង់​ដាៈ​ខាន់​អៃ​មៃ​ជាន អ៝ន់​ខាន់​អៃ​មៃ​ជាន​រ៝”។
JOH 2:6 តា​នតុក​នៃ​គែស​យាង់​ងគ៝រ់​ទាក​ព្រាវ​មល៝ម់ យាង់​អី​នៃ​ឞូ​ជាន​មា​លុ ឞូ​ទ៝ង់​យាង់​អី​នៃ​មា​ងគ៝រ់​ទាក​មា​រាវ​ក្ល៝ស​តឹង​នាវ​វៃ​ផូង​អីឆ្រាអែល ។ នាវ​ក្វ៝ង់​យាង់​អី​នៃ ទូ​មល៝ម់​យាង់​ក្លាប់​លាស ៨០ មោ​លាស ១២០ លីត។
JOH 2:7 ឞ្រាស​យេឆូ ​ដាៈ​ផូង​កើល​ជាន​ការ​នៃ៖ “ឞុក​ទាក​អ៝ន់​ឞេង​លែៈ​យាង់​អី​អ្យា”។ ជេសរី​ឞូ​ឞុក​ទាក​តេៈ​តា​យាង់​នៃ​ឞេង​លឹរ​គឹរ។
JOH 2:8 ជេសរី​ឞ្រាស​យេឆូ ​លាស​ដ៝ង់៖ “អាបៃ​អ្យា​ខាន់​អៃ​មៃ​វាស​នទឹ​អ៝ន់​ឞូ​រាញ​ឆើម​នអាប់​រី”។ ជេសរី​ខាន់​ពាង់​វាស​នទឹ។
JOH 2:9 ត៝ត់​មា​ឞូ​រាញ​ឆើម​នអាប់​ពាង់​ច្យាម់​ទាក​អី​នៃ​ជេង​នទ្រាញ់ ពាង់​មោ​គឹត​អោស​ឞើស​តាៈ​ឆ៝ៈ​នទ្រាញ់​អី​នៃ យើន​មា​ផូង​អី​កើល​ជាន​ការ​អី​តើម​វាស​ទាក​នៃ​នើស​គឹត។ ជេសរី​ឞូ​រាញ​អី​ឆើម​នអាប់​នៃ​ក្វាល់​ក៝ន​នទាម់​អី​នអាប់​អូរ​ឆាយ​រី​អោប៖
JOH 2:10 “ទឹង​លែៈ​ឞូនុយ្ស ឞូ​វៃ​ឆ៝ៈ​នទ្រាញ់​អី​ទុត​កាស​អ៝ន់​ឞូ​នាច់​ញេត​ល៝រ ត៝ត់​មា​ញេត​លែៈ​ហើម​រី​មើ​ឞូ​ឆ៝ៈ​នទ្រាញ់​អី​មោ​លាង់​កាស​អ៝ន់​ញេត​ឞើស​កើយ។ មើម​ទឹង​មៃ​ងខើង​មា​រ៝ង​នទ្រាញ់​អី​ទុត​កាស​អ្យា​ត៝ត់​អាបៃ​អ្យា?”
JOH 2:11 អ្យា​ជេង​នាវ​ខ្លៃ​ឞ្រាស​យេឆូ ​ជាន​ឞោក​ទាក ពាង់​ជាន​តា​ប៝ន​កានា ​ឞ្រី​កាលីលេ ។ នទ្រី​ពាង់​ញហើ​នាវ​ច្រេក​លើប​ពាង់​នើម ជេសរី​មពោល​អ៝ស​ម៝ន​ញឆីង​មា​ពាង់​ដ៝ង់។
JOH 2:12 ជេសរី​ឞ្រាស​យេឆូ ​ហាន់​តា​ប៝ន​កាពើនិម  នអ៝ប់​មា​មេៈ​ពាង់ អី​អ៝សៗ​ឞូ​ក្លោ​ពាង់ នទ្រែល​មា​មពោល​អ៝ស​ម៝ន​ពាង់​ដ៝ង់ ពាង់​គុ​តា​នៃ​ជ៝ៈ​ឞារ​ពែ​នារ។
JOH 2:13 នារ​ញេត​បុន​នហ៝ត​ផូង​អីឆ្រាអែល ​លែៈ​ឞើយ​ត៝ត់ ជេសរី​ឞ្រាស​យេឆូ ​ហាន់​តា​ប៝ន​ក្វ៝ង់​យេរូឆាលឹម ។
JOH 2:14 ត៝ត់​តា​នៃ​ពាង់​លាប់​តា​ជ៝ង់​គូង​ញីស​ជាន​ឞ្រាស​មា​កោរាញ​ឞ្រាស​នៃ ឞ្រាស​យេឆូ ​ឆៃ​គែស​អ៝ក់​ឞូនុយ្ស​គុ​តាច់​មពោមពា​(ឆ្យុម)​មា​ជាន​ឞ្រាស តាច់​នទ្រោក តាច់​ឞែ​ឞ្យាប់ តាច់​ព្លុក នទ្រែល​មា​ឞូនុយ្ស​រាគ៝ល់​ព្រាក់​គុ​តា​រានើល​ខាន់​ពាង់​នើម។
JOH 2:15 ជេសរី​ឞ្រាស​យេឆូ ​ឆ៝ៈ​រាឆែ​ជាន​ម៝ង់​រាពាត់ ពាង់​នត្រុត​ទឹង​លែៈ​ផូង​អី​នៃ​លោស​ឞើស​ជ៝ង់​គូង​ញីស​ជាន​ឞ្រាស​នៃ នអ៝ប់​មា​ឞែ​ឞ្យាប់ នអ៝ប់​មា​នទ្រោក​ខាន់​ពាង់។ ពាង់​ងខុត​មអារ់​លើយ​ព្រាក់​ខាន់​ពាង់​រាគ៝ល់ ជេសរី​ងក្លឹ​លើយ​ញឆឺង​ខាន់​ពាង់​ដ៝ង់។
JOH 2:16 ឞ្រាស​យេឆូ ​លាស​ផូង​តាច់​ព្លុក៖ “ងលោស​លើយ​នទើ​អី​អ្យា​ឞើស​ទីស​អ៝ន់​លែៈ​ផ្យៅ! លើយ​អោស​ឆ៝ៈ​ញីស​ឞឹ​គ៝ប់​ជាន​នតុក​តាច់​ទ្រាប់”។
JOH 2:17 ជេសរី​មពោល​អ៝ស​ម៝ន​កាស​គឹត​នាវ​ឞូ​ញចីស​មា​ឞ្រាស​ក្រីស ​តា​នាវ​កោរាញ​ឞ្រាស​ងើយ​កាល់​អែ​នើស៖ «អាច​មា​គ៝ប់​ទុត​រ៝ង់​ញីស​កោរាញ​ឞ្រាស ទឹង​គ៝ប់​ខឹត​លើយ!»
JOH 2:18 មពោល​កោរាញ​ផូង​អីឆ្រាអែល ​លាស​ពាង់៖ “ម៝ស​នាវ​ខ្លៃ​មៃ​ជាន​អ៝ន់​មា​ហេន​ឆៃ គៃ​មា​ហេន​គឹត​ឆៃ​នាវ​ទើយ​មៃ​ជាន​នទើ​អី​នៃ​តាៈ​ឞើស​កោរាញ​ឞ្រាស?”
JOH 2:19 ឞ្រាស​យេឆូ ​អើស៖ “រើយ្ស​លើយ​ញីស​ជាន​ឞ្រាស​អ្យា ជេសរី​គ៝ប់​ជាន​មហែ​ពែ​នារ​ជេស”។
JOH 2:20 មពោល​កោរាញ​ផូង​អីឆ្រាអែល ​លាស​ពាង់៖ “ឞូ​ជាន​ញីស​ជាន​ឞ្រាស​អ្យា​លែៈ​ជ៝ៈ ៤៦ នាម់ ត៝ត់​មា​មៃ​លាស​ជាន​ពែ​នារ​ទើម”។
JOH 2:21 យើន​មា​ឞ្រាស​យេឆូ ​ងើយ​មា​ញីស​ជាន​ឞ្រាស​នៃ ពាង់​ងើយ​ហោរ​មា​ឆាក់​ពាង់​នើម។
JOH 2:22 ជេស​ឞ្រាស​យេឆូ ​ខឹត​ទ៝ក់​រេស មពោល​អ៝ស​ម៝ន​កាស​គឹត​នាវ​ពាង់​លាស​នៃ​នើស ជេសរី​ខាន់​ពាង់​អ្យាត់​មា​នាវ​កោរាញ​ឞ្រាស​ងើយ នទ្រែល​មា​អ្យាត់​មា​នាវ​ឞ្រាស​យេឆូ ​លែៈ​ងើយ​ដ៝ង់។
JOH 2:23 នោក​ឞ្រាស​យេឆូ ​គុ​តា​ប៝ន​យេរូឆាលឹម  ទោល​នារ​ញេត​បុន​នហ៝ត​នៃ គែស​អ៝ក់​ឞូនុយ្ស​ញឆីង​មា​ពាង់ យ៝រ​មា​ឆៃ​ទឹង​លែៈ​នាវ​ខ្លៃ​ពាង់​ជាន។
JOH 2:24 យើន​មា​ឞ្រាស​យេឆូ ​មោ​អោស​អ្យាត់​ខាន់​ពាង់ យ៝រ​លាស​តា​នូយ្ស​នហ៝ម់​ទឹង​លែៈ​ឞូនុយ្ស​ពាង់​គឹត​ជេស។
JOH 2:25 ពាង់​មោ​ខាច់​អោស​ឞូ​ឆើម​មឞើស​ងក៝ច​នូយ្ស​នហ៝ម់​ឞូនុយ្ស យ៝រ​លាស​ពាង់​លែៈ​គឹត​លែៈ​ផ្យៅ​តា​នូយ្ស​នហ៝ម់​ឞូនុយ្ស។
JOH 3:1 គែស​ទូ​ហ្វេ​ផូង​ផារីឆី ​រាញា​នីកោដេម  ជេង​កោរាញ​ផូង​អីឆ្រាអែល ។
JOH 3:2 ពាង់​ហាន់​ម៝ប់​ឞ្រាស​យេឆូ ​ទឹង​មាង់ ពាង់​លាស៖ “ហើយ​នើម​នតី ហេន​លែៈ​គឹត​មៃ​នើម​នតី​តាៈ​ឞើស​កោរាញ​ឞ្រាស​ងាន់​រ៝ យ៝រ​លាស​លាស​មោ​គែស​កោរាញ​ឞ្រាស​គុ​នទ្រែល មោ​គែស​អោស​ឞូនុយ្ស​ទើយ​ជាន​នាវ​ខ្លៃ​កើត​មៃ​ជាន​នើស”។
JOH 3:3 ឞ្រាស​យេឆូ ​អើស៖ “គ៝ប់​លាស​នហេល​នានេៈ​ងាន់​មា​មៃ ឞូ​ម៝ស​មោ​ទែស​មហែ ពាង់​អី​នៃ​មោ​ទើយ​អោស​លាប់​ឆៃ​តា​នាវ​កោរាញ​ឞ្រាស​ម៝ត់​អ្វាញ់”។
JOH 3:4 នីកោដេម ​អោប​ពាង់៖ “លាស​ឞូនុយ្ស​លែៈ​រាញ មើម​ហោម​ឞ្លាវ​ទែស​តៃ? មើម​ហោម​ឞ្លាវ​គុ​តា​ត្រោម​នទុល​មែ​ឞារ​តឹ ជេសរី​ទែស​តៃ?”
JOH 3:5 ឞ្រាស​យេឆូ ​លាស៖ “គ៝ប់​លាស​នហេល​នានេៈ​ងាន់​មា​មៃ ឞូ​ម៝ស​មោ​ទែស​មា​ទាក នអ៝ប់​មា​នាវ​ទើយ​ឞ្រាស​ហ្វេង​អ្វែស មោ​ទើយ​អោស​លាប់​តា​នាវ​កោរាញ​ឞ្រាស​ម៝ត់​អ្វាញ់។
JOH 3:6 ឞូ​ម៝ស​ទែស​មពែស​មា​ឆាក់​ជាន់​ទើម ជេង​ឆាក់​ជាន់​ទើម ឞូ​ម៝ស​ទែស​មា​នាវ​ទើយ​ឞ្រាស​ហ្វេង​អ្វែស គែស​នាវ​រេស​មហែ​ជេង​ក៝ន​កោរាញ​ឞ្រាស​នើម។
JOH 3:7 លើយ​អោស​នទ្រ៝ត់​ហីស​រាហ៝ល់​នាវ​គ៝ប់​លាស​មា​មៃ៖ «អ្យាត់​មា​ខាន់​អៃ​មៃ​ទែស​មហែ»​នៃ។
JOH 3:8 នតឹត​លាស​ឆ្យាល​ខោម​ជឹត​លែត​មពែស មៃ​តាង់​នតែស​ទើម យើន​មា​មៃ​មោ​គឹត​ឞើស​តាៈ​លោស​ឆ្យាល ជឹត​លែត​ហាន់​ឆ្យាល។ នាវ​ឞូនុយ្ស​ទែស​មហែ​មា​ឞ្រាស​ហ្វេង​អ្វែស​ជេង​តឹម​ឞាន​កើត​នៃ​ដ៝ង់”។
JOH 3:9 នីកោដេម ​អោប​ឞ្រាស​យេឆូ ៖ “មើម​ជាន​ទឹង​គែស​នាវ​អី​នៃ?”
JOH 3:10 ឞ្រាស​យេឆូ ​លាស​មា​ពាង់៖ “មៃ​ជេង​នើម​នតី​មា​ផូង​អីឆ្រាអែល  មើម​ទឹង​មៃ​មោ​គឹត​វ៝ត់​នាវ​អី​នៃ?
JOH 3:11 គ៝ប់​លាស​នហេល​នានេៈ​ងាន់​មា​មៃ ហេន ​មឞើស​ងក៝ច​នទើ​ហេន​លែៈ​គឹត​លែៈ​ឆៃ យើន​មា​ខាន់​អៃ​មៃ​មោ​អោស​អុច​អ្យាត់​មា​នាវ​ខ្លៃ​ហេន​មឞើស​ងក៝ច។
JOH 3:12 លាស​គ៝ប់​មឞើស​ងក៝ច​នាវ​តា​នែស​នតូ​អ្យា លែៈ​ខាន់​អៃ​មៃ​មោ​អ្យាត់​កើត​នៃ។ លាស​នទ្រី​លាស​គ៝ប់​មឞើស​ងក៝ច​នាវ​កាលើ​ត្រោក​អី​នតុក​កោរាញ​ឞ្រាស​នើម​រាវ​រ៝ត់​លាស​ខាន់​អៃ​មៃ​អ្យាត់!
JOH 3:13 មោ​គែស​អោស​ឞូនុយ្ស​លែៈ​គែស​ហាវ​តា​កាលើ​ត្រោក ជេសរី​ព្លឹ​ជុរ​តៃ​តា​នែស​នតូ​អ្យា ទូ​ហ្វេ​មោ​អើម គែស​ទូ​ហ្វេ​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​ទើម​អី​លែៈ​ជុរ​ឞើស​កាលើ​ត្រោក​រី។
JOH 3:14 រានោក​កាល់​អែ​តា​ឞ្រី​រាទាស​ជេង​រានោក​ផូង​អីឆ្រាអែល ​លោស​ឞើស​ឞ្រី​អេឆីប​នើស មោឆេ ​ឆ៝ៈ​រូប​ឞេស​ជាន​មា​កោង​យោង​តា​ម៝ង់ គៃ​មា​ឞូ​ម៝ស​អី​គែស​ឞេស​ចោក​អ្វាញ់​ជឹត​រូប​ឞេស​អី​នៃ​មោ​អោស​ខឹត។ កើត​នទ្រី​ដ៝ង់​អ្យាត់​មា​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​ឞូ​យោង​កើត​អី​នៃ​ដ៝ង់‌
JOH 3:15 គៃ​មា​ឞូ​ម៝ស​ញឆីង​មា​គ៝ប់ គែស​នាវ​រេស​នហ៝​រ៝។
JOH 3:16 យ៝រ​លាស​កោរាញ​ឞ្រាស​រ៝ង់​ហោ​ងាន់​មា​ទឹង​លែៈ​ឞូនុយ្ស ត៝ត់​ពាង់​ជាវ​ក៝ន​ង្វាយ​អឹ​ពាង់​នើម​អ៝ន់​ឞូ​ងខឹត គៃ​មា​ឞូ​ម៝ស​ញឆីង​មា​ក៝ន​អី​នៃ​មោ​គែស​អោស​តេៈ​ទោយ្ស គែស​នាវ​រេស​នហ៝​រ៝​ងាន់។
JOH 3:17 កោរាញ​ឞ្រាស​ដាៈ​ក៝ន​ពាង់​ជុរ​តា​នែស​នតូ​អ្យា មោ​អោស​គៃ​មា​តេៈ​ទោយ្ស​ឞូនុយ្ស​តា​នែស​នតូ​អ្យា យើន​មា​គៃ​មា​រាក្លាយ្ស​ឞូនុយ្ស​យ៝រ​មា​ក៝ន​ពាង់​អី​នៃ។
JOH 3:18 ឞូ​ម៝ស​ញឆីង​មា​ក៝ន​អី​នៃ មោ​គែស​អោស​តេៈ​ទោយ្ស។ យើន​មា​ឞូ​ម៝ស​មោ​ញឆីង​លែៈ​គែស​តេៈ​ទោយ្ស យ៝រ​លាស​ពាង់​មោ​ញឆីង​មា​ក៝ន​ង្វាយ​អឹ​កោរាញ​ឞ្រាស​នើម។
JOH 3:19 នាវ​អាង​តាៈ​ឞើស​កាលើ​ត្រោក​លែៈ​ត៝ត់​ជេស​តា​នែស​នតូ​អ្យា។ នាវ​តេៈ​ទោយ្ស​កើត​នអៃ តាៈ​ឞើស​ឞូនុយ្ស​អុច​ដេៈ​នាវ​ង៝ ដាស​នាវ​អាង​អី​នៃ យ៝រ​លាស​ទឹង​លែៈ​នទើ​ខាន់​ពាង់​ជាន​នើស​អ្យើស​ងាន់។
JOH 3:20 ឞូ​ម៝ស​ជាន​អ្យើស ពាង់​ឞ្យាញ់​ងាន់​ដាស​នាវ​អាង ពាង់​មោ​អុច​អោស​ហាន់​តា​នាវ​អាង យ៝រ​លាស​ពាង់​ក្លាច​ឞូ​ឆៃ​នាវ​អ្យើស​ពាង់​ជាន។
JOH 3:21 យើន​មា​ឞូ​ម៝ស​ជាន​ឆ៝ង់ ពាង់​អុច​ហាន់​តា​នាវ​អាង គៃ​មា​អ៝ន់​ឞូ​ឆៃ ទឹង​លែៈ​នទើ​ពាង់​ជាន​នើស​ជេង​ទី​កើត​នាវ​កោរាញ​ឞ្រាស​អុច​ងាន់”។
JOH 3:22 ជេស​នៃ​ឞ្រាស​យេឆូ ​ហាន់​នទ្រែល​មពោល​អ៝ស​ម៝ន​ពាង់​តា​ឞ្រី​យូដា ពាង់​គុ​តា​នៃ​នទ្រែល​មពោល​អ៝ស​ម៝ន​ពាង់ នអ៝ប់​មា​ជាន​បាប់តែម​យុក​មា​ទាក​អ៝ន់​ឞូ​ដ៝ង់។
JOH 3:23 នោក​នៃ​យោហាន-​បាប់តែម ​គុ​ជាន​បាប់តែម​យុក​មា​ទាក​តា​ប៝ន​អេនោន  ទាច់​កេង​ប៝ន​ឆាលិម  យ៝រ​លាស​តា​នតុក​នៃ​គែស​អ៝ក់​ទាក​មា​ជាន​បាប់តែម។ ជេសរី​ឞូ​វាច់​អាប់​នារ​ដាៈ​ពាង់​ជាន​បាប់តែម​យុក​មា​ទាក។
JOH 3:24 នោក​នៃ​យោហាន-​បាប់តែម ​អេ​ហ៝ៈ​អោស​ឞូ​ក្រុង។
JOH 3:25 គែស​អ៝ស​ម៝ន​យោហាន-​បាប់តែម ​អាបាៈ​តឹម​រាលាច់​ដាស​ទូ​ហ្វេ​ផូង​អីឆ្រាអែល ​មា​នាវ​រាវ​អ៝ន់​ក្ល៝ស​តឹង​នាវ​វៃ​ផូង​អីឆ្រាអែល ។
JOH 3:26 ជេសរី​ខាន់​ពាង់​ហាន់​ម៝ប់​យោហាន-​បាប់តែម  មឞើស​មា​ពាង់៖ “ហើយ​នើម​នតី ឞូ​ក្លោ​អី​គុ​នទ្រែល​មៃ​កាល់​តី​ទាក​រាលាយ​យោរដាន់ ​នើស ឞូនុយ្ស​អី​មៃ​ងក៝ច​ជេង​ឞ្រាស​ក្រីស​នើស អាបៃ​អ្យា​ពាង់​គុ​ជាន​បាប់តែម​យុក​មា​ទាក​អ៝ន់​ឞូ​ដ៝ង់ ជេសរី​ទឹង​លែៈ​ឞូនុយ្ស​វាច់​រាន​តា​ពាង់​នៃ​ទាទេ មោ​ហោម​អោស​ហាន់​តា​ឞ៝ន់”។
JOH 3:27 យោហាន-​បាប់តែម ​លាស​មា​ខាន់​ពាង់៖ “នាវ​ឞូនុយ្ស​ជាន​ក្វ៝ង់​មោ​ក្វ៝ង់ កោរាញ​ឞ្រាស​នើម​អ៝ន់ មោ​គែស​អោស​ឞូនុយ្ស​ទើយ​ជាន​អេង។
JOH 3:28 ខាន់​អៃ​មៃ​លែៈ​គឹត​ជេស គ៝ប់​លែៈ​មឞើស​ងក៝ច​មា​ខាន់​អៃ​មៃ គ៝ប់​មោ​អោស​ទី​ឞ្រាស​ក្រីស  គ៝ប់​ជេង​ទូ​ហ្វេ​ឞូនុយ្ស​កោរាញ​ឞ្រាស​ទែ​ញជ្វាល់​ហាន់​ល៝រ​ពាង់​ទើម។
JOH 3:29 នតឹត​លាស​នោក​ឞូ​តឹម​នអាប់ ឞូ​ម៝ស​ឞូ​អូរ​គុ​ដាស​ពាង់ ពាង់​អី​នៃ​ជេង​ឆាយ​ឞូ​អូរ​អី​នៃ ល៝ង់​អី​មឹត​ជាង់​គុ​ទាច់​កេង​ពាង់​នៃ​រាម់​មអាក​ងាន់ យ៝រ​មា​តាង់​នាវ​ពាង់​ងើយ។ លាស​នទ្រី​គ៝ប់​រាម់​មអាក​ងាន់ តឹម​ឞាន​មា​មឹត​ជាង់​អី​នៃ​ដ៝ង់។
JOH 3:30 នាវ​យេឆូ ​លើ​មា​ហាវ​ក្វ៝ង់ ជេស​រី​គ៝ប់​លើ​មា​ជុរ​ជេៈ​តាៈ​ឞើស​កោរាញ​ឞ្រាស”។
JOH 3:31 “ពាង់​អី​ជុរ​តាៈ​ឞើស​កាលើ​ត្រោក​អី​នតុក​កោរាញ​ឞ្រាស​នើម ពាង់​ក្វ៝ង់​រាលាវ​ឞូ​ងាន់។ ឞូ​ម៝ស​អី​តាៈ​ឞើស​នែស​នតូ​អ្យា ពាង់​គឹត​វ៝ត់​នទើ​តា​នែស​នតូ​ទើម ពាង់​មឞើស​ងើយ​មា​នាវ​នែស​នតូ​អ្យា​ទើម។ យើន​មា​ពាង់​អី​ជុរ​តាៈ​ឞើស​កាលើ​ត្រោក ពាង់​អី​នៃ​ក្វ៝ង់​រាលាវ​ឞូ​ងាន់។
JOH 3:32 ពាង់​មឞើស​ងក៝ច​នាវ​ខ្លៃ ម៝ស​នទើ​ពាង់​លែៈ​ឆៃ​លែៈ​តាង់​តា​កាលើ​ត្រោក តីស​មា​មោ​គែស​អោស​ឞូនុយ្ស​អ្យាត់​នាវ​ពាង់​មឞើស​ងក៝ច។
JOH 3:33 យើន​មា​ឞូ​ម៝ស​អី​អ្យាត់​នាវ​ពាង់​មឞើស​ងក៝ច ឞូនុយ្ស​អី​នៃ​ជេង​តើម​មឞើស​ងក៝ច​មា​ឞូ​នាវ​ងើយ​កោរាញ​ឞ្រាស​ជេង​នាវ​ងាន់។
JOH 3:34 ឞ្រាស​ក្រីស  កោរាញ​ឞ្រាស​លែៈ​ញជ្វាល់​អ៝ន់​វាច់ ពាង់​មឞើស​ងក៝ច​នាវ​ងើយ​កោរាញ​ឞ្រាស យ៝រ​លាស​កោរាញ​ឞ្រាស​លែៈ​អ៝ន់​ឞ្រាស​ហ្វេង​អ្វែស​គុ​លែៈ​តា​ពាង់។
JOH 3:35 កោរាញ​ឞ្រាស​អី​ឞឹ​ឞ៝ន់​រ៝ង់​ហោ​ងាន់​មា​ឞ្រាស​ក្រីស ​អី​ក៝ន​ពាង់​នើម ជេសរី​ទឹង​លែៈ​នតីល​នទើ​ពាង់​លែៈ​អ៝ន់​អី​ក៝ន​ពាង់​នៃ​ម៝ត់​អ្វាញ់​ទាទេ។
JOH 3:36 ឞូ​ម៝ស​ញឆីង​មា​ក៝ន​អី​នៃ ពាង់​គែស​នាវ​រេស​នហ៝​រ៝ ឞូ​ម៝ស​មោ​អោស​ញឆីង​មា​ក៝ន​អី​នៃ ពាង់​មោ​គែស​អោស​នាវ​រេស​នហ៝​រ៝ នហ៝​មា​កោរាញ​ឞ្រាស​ហោម​តេៈ​ទោយ្ស​តា​ពាង់​ងាន់​រ៝”។
JOH 4:1 ផូង​ផារីឆី ​តាង់​ឞូ​ងក៝ច​លាស ឞ្រាស​យេឆូ ​គែស​អ៝ស​ម៝ន​អ៝ក់​រាលាវ​មា​យោហាន-​បាប់តែម  នទ្រែល​មា​ជាន​បាប់តែម​យុក​មា​ទាក​អ៝ន់​មា​ឞូនុយ្ស​អ៝ក់​រាលាវ​មា​ពាង់​ដ៝ង់។
JOH 4:2 ត៝ត់​ឞ្រាស​យេឆូ ​លែៈ​គឹត​នាវ​អី​នៃ ពាង់​លោស​ឞើស​ឞ្រី​យូដា  ព្លឹ​ឆឹត​តៃ​តា​ឞ្រី​កាលីលេ ។ យើន​មា​ឞ្រាស​យេឆូ ​នើម​មោ​អោស​ជាន​បាប់តែម​យុក​មា​ទាក​អ៝ន់​ឞូ គែស​មពោល​អ៝ស​ម៝ន​ពាង់​ទើម​ជាន។
JOH 4:4 ពាង់​ហាន់​គ្លាត់​រ៝ៈ​ឞ្រី​ឆាមារី ​យ៝រ​មា​កោរាញ​ឞ្រាស​ដាៈ។
JOH 4:5 រ៝ៈ​ត្រ៝ង​នៃ​ពាង់​ហាន់​ត៝ត់​តា​ប៝ន​ឆូខារ ​តា​ឞ្រី​ឆាមារី  ប៝ន​អី​នៃ​តឹម​ទាច់​ដាស​នែស​យាកោប ​អី​ចែ​ផូង​អីឆ្រាអែល ​ពាៈ​មា​ក៝ន​ពាង់​យោឆែប ​កាល់​អែ​នើស។
JOH 4:6 តា​នតុក​នៃ​គែស​ទូ​មល៝ម់​នតូ​ទាក រាញា​«នតូ​ទាក​យាកោប »។ ឞ្រាស​យេឆូ ​ហាន់​លែៈ​រាគាញ់ ជេសរី​ពាង់​គុ​រាលូ​កេង​នតូ​ទាក​នៃ នោក​នៃ​ក្លាប់​លាស​លែៈ​នារ​ងក្លាង​ឞោក។
JOH 4:7 ជេសរី​គែស​ទូ​ហ្វេ​ឞូ​អូរ​ឆាមារី ​ហាន់​ឞុក​ទាក ឞ្រាស​យេឆូ ​លាស​មា​ពាង់៖ “ទាន់​ទាក​ញេត​អើ”។
JOH 4:8 មពោល​អ៝ស​ម៝ន​ពាង់​លែៈ​ហាន់​រាវាត់​នទើ​ឆា​តា​ប៝ន។
JOH 4:9 ឞូ​អូរ​ឆាមារី ​នៃ​លាស​មា​ឞ្រាស​យេឆូ ៖ “មៃ​ផូង​អីឆ្រាអែល  គ៝ប់​ឞូ​អូរ​ផូង​ឆាមារី  ម៝ស​មៃ​ទាន់​ទាក​គ៝ប់​ច្រាវ?” ពាង់​លាស​កើត​នៃ យ៝រ​លាស​ផូង​អីឆ្រាអែល  ដាស​មា​ផូង​ឆាមារី ​មោ​គែស​អោស​តឹម​ទី​ឞាល់។
JOH 4:10 ឞ្រាស​យេឆូ ​លាស​មា​ពាង់៖ “លាស​អៃ​នាល់​នទើ​កោរាញ​ឞ្រាស​អុច​អ៝ន់​ទើម​ទាម នទ្រែល​មា​នាល់​គ៝ប់​អី​ឞូនុយ្ស​លាស​មា​អៃ៖ «ទាន់​ទាក​ញេត​អើ» អៃ​ទាន់​ទាក​ឞើស​គ៝ប់ ជេសរី​គ៝ប់​អ៝ន់​ទាក​អី​អ៝ន់​នាវ​រេស​មា​អៃ​រ៝”។
JOH 4:11 ឞូ​អូរ​អី​នៃ​អើស​មា​ពាង់៖ “អើ​កោរាញ នតូ​ទាក​អ្យា​ជ្រូ​ងាន់ មាៈ​នទើ​មៃ​មា​ឞុក លាស​នទ្រី​ឞើស​តាៈ​គែស​ទាក​អី​អ៝ន់​នាវ​រេស?
JOH 4:12 លាស​នទ្រី​មៃ​ក្វ៝ង់​រាលាវ​ចែ​ហេន​យាកោប ​បាស? យ៝រ​លាស​ពាង់​លែៈ​អ៝ន់​នតូ​ទាក​អី​អ្យា​មា​ហេន។ ពាង់​នើម នទ្រែល​មា​មពោល​ក៝ន​ឞូ​ក្លោ​ពាង់ នអ៝ប់​មា​មពោមពា​(ឆ្យុម)​ពាង់​ញេត​ទាក​ឞើស​នតូ​អី​អ្យា​ទាទេ”។
JOH 4:13 ឞ្រាស​យេឆូ ​លាស៖ “ឞូ​ម៝ស​ញេត​ទាក​អី​អ្យា​ហោម​ជី​ហីរ​ដ៝ង់‌
JOH 4:14 យើន​មា​ឞូ​ម៝ស​ញេត​ទាក​គ៝ប់​អ៝ន់ មោ​ហោម​គែស​អោស​នាវ​ជី​ហីរ​ជឹត យ៝រ​លាស​ទាក​គ៝ប់​អ៝ន់​អី​នៃ ជេង​តូ​ទាក​តា​ពាង់​អី​លោស​រាទោល​អ៝ន់​គែស​នាវ​រេស​នហ៝​រ៝”។
JOH 4:15 ឞូ​អូរ​អី​នៃ​លាស​មា​ពាង់៖ “អើ​កោរាញ! ទាន់​ទាក​មៃ​អី​រី​អ៝ន់​គ៝ប់​បាៈ​អើ គៃ​មា​គ៝ប់​មោ​ហោម​ជី​ហីរ មោ​ហោម​ខាច់​ហាន់​ឞុក​តា​អ្យា​ជឹត”។
JOH 4:16 ឞ្រាស​យេឆូ ​លាស​មា​ពាង់៖ “ឆឹត​ក្វាល់​ឆាយ​អៃ ហាន់​ព្លឹ​តា​អ្យា”។
JOH 4:17 ឞូ​អូរ​អី​នៃ​អើស៖ “គ៝ប់​មោ​អោស​គែស​ឆាយ”។ ឞ្រាស​យេឆូ ​លាស៖ “អៃ​លាស​អៃ​មោ​គែស​ឆាយ​កើត​នៃ​ជេង​ទី​ងាន់‌
JOH 4:18 យ៝រ​លាស​អៃ​នើស​លែៈ​គែស​ព្រាម់​អឹ​ឆាយ យើន​មា​ឞូនុយ្ស​គុ​ដាស​អៃ​អាប់​នារ​អាបៃ​អ្យា​មោ​អោស​ទី​ឆាយ​ងាន់​អៃ នាវ​អៃ​ងើយ​អី​នៃ​ជេង​ទី​ងាន់”។
JOH 4:19 ឞូ​អូរ​អី​នៃ​លាស៖ “អើ​កោរាញ គ៝ប់​គឹត​មៃ​ឞូនុយ្ស​នតើយ្ស​នាវ​ងើយ​កោរាញ​ឞ្រាស​ងាន់​រ៝។
JOH 4:20 អូ​ចែ​ផូង​ហេន​កាល់​អែ​នើស អ៝ន់​ផូង​ហេន​យើក​មឞាស​កោរាញ​ឞ្រាស​តា​កាលើ​យោក​អ្យា យើន​មា​មើម​ទឹង​ផូង​អីឆ្រាអែល ​ខាន់​មៃ​លាស​អ៝ន់​យើក​មឞាស​ពាង់​តា​ប៝ន​យេរូឆាលឹម ​ទើម?”
JOH 4:21 ឞ្រាស​យេឆូ ​លាស៖ “អើ​យោស អៃ​អ្យាត់​នាវ​គ៝ប់​អ្យា៖ ត៝ត់​ទី​នារ​រី​តៃ នតុក​យើក​មឞាស​មា​កោរាញ​ឞ្រាស​អី​ឞឹ​មោ​គែស​អោស​លាស​តា​កាលើ​យោក​អ្យា មោ​លាស​តា​ប៝ន​យេរូឆាលឹម ។
JOH 4:22 ផូង​ឆាមារី ​ខាន់​អៃ​យើក​មឞាស​កោរាញ​ឞ្រាស​យើន​មា​មោ​អោស​គឹត​នាល់​ពាង់។ ផូង​អីឆ្រាអែល ​ហេន ហេន​យើក​មឞាស​កោរាញ​ឞ្រាស​នអ៝ប់​មា​គឹត​នាល់​ពាង់​ដ៝ង់ យ៝រ​លាស​នាវ​រាក្លាយ្ស​មា​ទឹង​លែៈ​ឞូនុយ្ស​កោរាញ​ឞ្រាស​អ៝ន់​នៃ​តាៈ​ឞើស​ផូង​អីឆ្រាអែល ។
JOH 4:23 យើន​មា​ត៝ត់​ទី​នារ​អី​នៃ អាបៃ​អ្យា​លែៈ​ត៝ត់​ជេស ឞូនុយ្ស​អី​យើក​មឞាស​ទី​ងាន់​ងេន​មា​កោរាញ​ឞ្រាស​ឞឹ យើក​មឞាស​ពាង់​មា​នូយ្ស​នហ៝ម់ មា​នាវ​ងាន់ នាវ​យើក​មឞាស​កើត​អី​នៃ​ជេង​នាវ​កោរាញ​ឞ្រាស​ឞឹ​អុច។
JOH 4:24 កោរាញ​ឞ្រាស​ជេង​ហ្វេង​មោ​គែស​អោស​ឆាក់​ជាន់ នទ្រី​ឞូ​ម៝ស​យើក​មឞាស​មា​ពាង់ អ្យាត់​មា​យើក​មឞាស​មា​នូយ្ស​នហ៝ម់ មា​នាវ​ងាន់”។
JOH 4:25 ឞូ​អូរ​អី​នៃ​លាស៖ “គ៝ប់​លែៈ​គឹត​ជេស ឞ្រាស​មេឆី ​អី​ឞូ​ក្វាល់​ឞ្រាស​ក្រីស ​អី​នើម​រាក្លាយ្ស​តាៈ​ឞើស​កោរាញ​ឞ្រាស​ទែ​ញជ្វាល់​ដ៝ង់ ពាង់​មរា​ត៝ត់​តា​នែស​នតូ​អ្យា លាស​ពាង់​ត៝ត់ ពាង់​រាឞ្លាង​ទឹង​លែៈ​នទើ​មា​ហេន”។
JOH 4:26 ឞ្រាស​យេឆូ ​លាស៖ “គ៝ប់​អី​រី​ហែស គ៝ប់​អី​គុ​ងើយ​នទ្រែល​អៃ​អី​អ្យា​ហែស”។
JOH 4:27 តា​ម៝ង​នៃ​មពោល​អ៝ស​ម៝ន​ពាង់​ឆឹត​ត៝ត់​តា​រី ខាន់​ពាង់​នទ្រ៝ត់​ហីស​រាហ៝ល់​ងាន់​ឆៃ​ពាង់​គុ​ងើយ​នទ្រែល​ទូ​ហ្វេ​ឞូ​អូរ។ យើន​មា​មោ​គែស​ទូ​ហ្វេ​អោប​ពាង់ ម៝ស​នទើ​ពាង់​ជ៝យ មោ​លាស​មើម​ទឹង​ពាង់​តឹម​ងើយ​នទ្រែល​ឞូ​អូរ​អី​នៃ។
JOH 4:28 ឞូ​អូរ​អី​នៃ​នត្លើយ​នោង​រាឞ៝ង់​ទាក​តា​រី ជេសរី​ឆឹត​តា​ប៝ន មឞើស​មា​ឞូ​តា​រី៖
JOH 4:29 “ហាន់​អ្វាញ់ គែស​ទូ​ហ្វេ​ឞូ​ក្លោ​លាស​ទឹង​លែៈ​នទើ​គ៝ប់​លែៈ​ជាន គឹត​ពាង់​ឞ្រាស​ក្រីស ​ហើ?”
JOH 4:30 ខាន់​ពាង់​លោស​ឞើស​ប៝ន​នៃ​ហាន់​គ្រុង​តា​ឞ្រាស​យេឆូ ។
JOH 4:31 នទុត​ឞូ​អូរ​នៃ​ឆឹត​តា​ប៝ន មពោល​អ៝ស​ម៝ន​លាស​មា​ឞ្រាស​យេឆូ ៖ “អើ​នើម​នតី ឆោង​ឆា​ហ៝ម់!”
JOH 4:32 ពាង់​លាស៖ “គ៝ប់​គែស​នទើ​ឆោង​ឆា​ហើយ ខាន់​មៃ​មោ​អោស​គឹត​នទើ​គ៝ប់​ឆោង​ឆា”។
JOH 4:33 មពោល​អ៝ស​ម៝ន​តឹម​លាស​នទ្រាង់​ខាន់​ពាង់៖ “គឹត​លែៈ​គែស​ឞូ​អ៝ន់​នទើ​ឆោង​ឆា​មា​ពាង់?”
JOH 4:34 ឞ្រាស​យេឆូ ​លាស៖ “នទើ​ឆោង​ឆា​គ៝ប់​នៃ ជេង​នាវ​គ៝ប់​ជាន​តឹង​នាវ​អុច​កោរាញ​ឞ្រាស​នើម​អី​តើម​ញជ្វាល់​គ៝ប់​វាច់ នទ្រែល​មា​ជាន​លើយ​អ៝ន់​ជេស​នាវ​ជាន​ការ​អី​នៃ។
JOH 4:35 ខាន់​មៃ​តឹម​លាស៖ «ហោម​ព្វាន់​ខៃ​ជឹត​នាប់ ត៝ត់​ខៃ​កាច់»។ យើន​មា​គ៝ប់​ឞែ គ៝ប់​លាស​មា​ខាន់​មៃ៖ អ្វាញ់​ហ៝ម់​ផូង​ឞូនុយ្ស​អី​វាច់​នៃ ខាន់​ពាង់​តឹម​ឞាន​មា​ទូ​លោក​មីរ​អី​គែស​ឞា​លែៈ​ទុម​ទី​មា​កាច់​ងាន់ យ៝រ​មា​ខាន់​ពាង់​អុច​ញឆីង​មា​គ៝ប់។
JOH 4:36 អាបៃ​អ្យា​មពោល​ឞូនុយ្ស​កាច់​ហោម​ឆ៝ៈ​ទើន​នទើ​ងខោម​មា​ខាន់​ពាង់ ខាន់​ពាង់​រាគូម​ឞូនុយ្ស​គៃ​មា​គែស​នាវ​រេស​នហ៝​រ៝​តឹម​ឞាន​មា​ឞូ​រាគូម​ព្លៃ លាស​នទ្រី​មពោល​ឞូនុយ្ស​តូច ដាស​មពោល​ឞូនុយ្ស​កាច់​ខាន់​ពាង់​រាម់​មអាក​តឹម​ឞាន។
JOH 4:37 កើត​នទ្រី​នាវ​វៃ​លាស៖ «ពាង់​អ្យា​មា​តូច ពាង់​អី​ត៝​មា​កាច់» ជេង​ទី​ងាន់។
JOH 4:38 គ៝ប់​លែៈ​អ៝ន់​ខាន់​មៃ​តឹម​ឞាន​មា​ហាន់​កាច់​តា​មីរ​នតុក​ខាន់​មៃ​មោ​ម៝ប់​អោស​រាអាស​ជាន លែៈ​គែស​ឞូនុយ្ស​អា​អេង​រាអាស​ជាន ជេសរី​ខាន់​មៃ​មា​ហាន់​កាច់​រាគូម​នទើ​តាៈ​ឞើស​ខាន់​ពាង់​អី​នៃ​រាអាស​ជាន”។
JOH 4:39 តា​ប៝ន​អី​នៃ​គែស​អ៝ក់​ផូង​ឆាមារី ​ញឆីង​មា​ឞ្រាស​យេឆូ  យ៝រ​មា​តាង់​នាវ​ឞូ​អូរ​អី​នៃ​មឞើស​ងក៝ច​មា​ខាន់​ពាង់៖ “គែស​ទូ​ហ្វេ​ឞូ​ក្លោ​លាស​ទឹង​លែៈ​នទើ​គ៝ប់​លែៈ​ជាន”។
JOH 4:40 កើត​នទ្រី​នោក​ផូង​ឆាមារី ​រាន​តា​ឞ្រាស​យេឆូ ​រី ខាន់​ពាង់​ក៝ន់​អ៝ន់​ពាង់​គុ​តា​នៃ​ប៝ត់ ជេសរី​ឞ្រាស​យេឆូ ​គុ​នទ្រែល​ខាន់​ពាង់​តា​នៃ​ឞារ​នារ។
JOH 4:41 គែស​ឞូនុយ្ស​ញឆីង​មា​ឞ្រាស​យេឆូ ​អ៝ក់​រាលាវ​រី​ជឹត ត៝ត់​មា​តាង់​នាវ​ពាង់​នើម​មឞើស​ងក៝ច​នៃ។
JOH 4:42 ផូង​ខាន់​ពាង់​លាស​មា​ឞូ​អូរ​អី​នៃ៖ “អាបៃ​អ្យា​ហេន​ញឆីង​មា​ពាង់ យ៝រ​លាស​លែៈ​ហេន​នើម​តាង់​នាវ​ពាង់​មឞើស​ងក៝ច មោ​អោស​ទើន​នាវ​អៃ​មឞើស​ងក៝ច​ទើម នទ្រែល​មា​លែៈ​ហេន​គឹត​ពាង់​ជេង​នើម​រាក្លាយ្ស​ទឹង​លែៈ​ឞូនុយ្ស​តា​នែស​នតូ​អ្យា​ងាន់”។
JOH 4:43 ត៝ត់​ឞារ​នារ​នៃ ជេសរី​ឞ្រាស​យេឆូ ​លោស​ឞើស​នតុក​នៃ ហាន់​តា​ឞ្រី​កាលីលេ ។
JOH 4:44 ឞ្រាស​យេឆូ ​លែៈ​លាស​ជេស៖ “ទឹង​លែៈ​ឞូនុយ្ស​នតើយ្ស​នាវ​ងើយ​កោរាញ​ឞ្រាស មោ​គែស​អោស​ទូ​ហ្វេ​ឞូនុយ្ស​តា​ប៝ន​ពាង់​នើម​យើក​មា​ពាង់”។
JOH 4:45 ឞ្រាស​យេឆូ ​ត៝ត់​តា​ឞ្រី​កាលីលេ ​នៃ ឞូនុយ្ស​តា​ឞ្រី​នៃ​រ៝ម​ពាង់ យ៝រ​លាស​លែៈ​ខាន់​ពាង់​ឆៃ​ពាង់​ជាន​នាវ​ខ្លៃ​នោក​ញេត​បុន​នហ៝ត​តា​ប៝ន​យេរូឆាលឹម ​នើស យ៝រ​លាស​នោក​នៃ​ខាន់​ពាង់​ហាន់​លាប់​ញេត​បុន​នទ្រែល​តា​នៃ​ដ៝ង់។
JOH 4:46 ជេសរី​ឞ្រាស​យេឆូ ​ព្លឹ​តៃ​តា​ប៝ន​កានា ​ឞ្រី​កាលីលេ  នតុក​ប៝ន​ពាង់​ជាន​ទាក​អ៝ន់​ជេង​នទ្រាញ់​ព្លៃ​យុងយារ​ប៝ន​រី​នើស។ តា​ប៝ន​កាពើនិម ​គែស​ទូ​ហ្វេ​កោរាញ ក៝ន​ឞូ​ក្លោ​ពាង់​គែស​នាវ​ជី។
JOH 4:47 ត៝ត់​កោរាញ​អី​នៃ​តាង់​លាស​ឞ្រាស​យេឆូ ​លោស​តាៈ​ឞើស​ឞ្រី​យូដា  លែៈ​ត៝ត់​តា​ឞ្រី​កាលីលេ  ពាង់​ហាន់​ជ៝យ ត៝ត់​ឆៃ​ទាន់​ឞ្រាស​យេឆូ ​ហាន់​ជាន​ឞាស​ក៝ន​ពាង់ យ៝រ​លាស​ជី​ឞើយ​មា​ខឹត។
JOH 4:48 ឞ្រាស​យេឆូ ​លាស​មា​ពាង់៖ “លាស​ផូង​អីឆ្រាអែល ​ខាន់​អៃ​មៃ​មោ​អោស​ឆៃ​នាវ​ខ្លៃ នទ្រែល​មា​នាវ​មឞេន​គ៝ប់​ជាន ខាន់​អៃ​មៃ​មោ​ញឆីង​អោស​មា​គ៝ប់”។
JOH 4:49 កោរាញ​អី​នៃ​លាស​មា​ឞ្រាស​យេឆូ ៖ “អើ​កោរាញ ទាន់​មៃ​ហាន់​ហ៝ម់ គើញ​លាន់​ខឹត​ក៝ន​គ៝ប់”។
JOH 4:50 ឞ្រាស​យេឆូ ​លាស​មា​ពាង់៖ “មៃ​ឆឹត​ទោ ក៝ន​មៃ​ហោម​រេស”។ ពាង់​អ្យាត់​នាវ​ឞ្រាស​យេឆូ ​លាស ជេសរី​ពាង់​ព្លឹ​ឆឹត។
JOH 4:51 ទោល​ហាន់​ឆឹត​រ៝ៈ​ត្រ៝ង គែស​ផូង​ទឹក​ពាង់​ហាន់​ច្វាៈ​ពាង់​មឞើស​ងក៝ច​មា​ពាង់៖ “អើ​កោរាញ ក៝ន​មៃ​លែៈ​ឞាស​ហើយ”។
JOH 4:52 ពាង់​អោប​ផូង​ទឹក​ពាង់៖ “ម៝ស​ម៝ង​ពាង់​ឞាស?” ខាន់​ពាង់​មឞើស៖ “ម៝ង​ង្វាយ​កេង​មាង់​នត្រី​នើស​ពាង់​ឞាស​ជី​ក៝ប”។
JOH 4:53 អី​ឞឹ​រី កាស​គឹត​នោក​ម៝ង​អី​នៃ​ដ៝ង់​ឞ្រាស​យេឆូ ​លាស​មា​ពាង់៖ “ក៝ន​មៃ​ហោម​រេស”។ ជេសរី​ពាង់ នអ៝ប់​មា​រានាក់​វ៝ល់​ពាង់​ទឹង​លែៈ​ញឆីង​មា​ឞ្រាស​យេឆូ ​ទាទេ។
JOH 4:54 អី​អ្យា​ជេង​លែៈ​ត៝ល់​ឞារ​ឞ្រាស​យេឆូ ​ទែ​ជាន​នាវ​ខ្លៃ នតើម​ឞើស​ពាង់​ព្លឹ​ឆឹត​ឞើស​ឞ្រី​យូដា ​ហាន់​តា​ឞ្រី​កាលីលេ ​រី។
JOH 5:1 ឞើស​កើយ​នៃ​គែស​នាវ​ញេត​បុន​ផូង​អីឆ្រាអែល  ជេសរី​ឞ្រាស​យេឆូ ​ហាន់​តា​ប៝ន​ក្វ៝ង់​យេរូឆាលឹម ។
JOH 5:2 តា​ប៝ន​យេរូឆាលឹម ​នៃ ទាច់​កេង​មពោង​មពេរ​លាប់​ត្រោម​ប៝ន​អី​ឞូ​រាញា «មពោង​ឞែ​ឞ្យាប់ » គែស​ទូ​មល៝ម់​ទាក​ងលៅ​អី​ឞូ​ជាន តា​នាវ​ងើយ​ហេឞ្រើ ​លាស៖ «ទាក​ងលៅ​បេថែសដា » រ៝ៈ​មែង​ទាក​ងលៅ​អី​នៃ​គែស​ព្រាម់​អឹ​នទ្រីង។
JOH 5:3 តា​នទ្រីង​អី​នៃ​គែស​ឞូនុយ្ស​ជី​អ៝ក់​ងាន់​គុ​ឞិច អាបាៈ​ឞូនុយ្ស​ចែស​មាត់ អាបាៈ​ឞូនុយ្ស​ក្វែត នទ្រែល​មា​អាបាៈ​ឞូនុយ្ស​រាវែន​ជ៝ង់​រាវែន​តី។ [ខាន់​ពាង់​គុ​ក៝ប់​ទាក​អី​នៃ​ញច៝ច់‌
JOH 5:4 យ៝រ​លាស​ជ៝ៈៗ​ទូ​តឹ គែស​តោង​ពារ់​កោរាញ​ឞ្រាស​ជុរ​រាចូល​ទាក​ងលៅ​អី​នៃ​អ៝ន់​ញច៝ច់។ លាស​ឞូ​ម៝ស​អី​ជុរ​ល៝រ​តា​ទាក​ងលៅ​អី​នៃ នាវ​ជី​តា​ឆាក់​ពាង់​ឞាស​រ៝ ឞ៝ល​លាស​គែស​នាវ​ជី​ទុត​ហោ​កាដោយ។]
JOH 5:5 តា​នតុក​នៃ​គែស​ទូ​ហ្វេ​ឞូ​ក្លោ​ជី​លែៈ​ជ៝ៈ ៣៨ នាម់។
JOH 5:6 ឞ្រាស​យេឆូ ​ឆៃ​ពាង់​ឞិច គឹត​លាស​ពាង់​គុ​តា​នតុក​នៃ​លែៈ​ជ៝ៈ​នាម់ ឞ្រាស​យេឆូ ​លាស​មា​ពាង់៖ “មៃ​អុច​ឞាស​ដ៝ង់?”
JOH 5:7 ឞូនុយ្ស​ជី​នៃ​អើស៖ “អើ​កោរាញ គ៝ប់​មោ​គែស​អោស​ឞូនុយ្ស​ឆើម​ពឺ​តេៈ​តា​ទាក។ នោក​គែស​ទាក​ញច៝ច់ លាស​គ៝ប់​ញចោ​មា​ជុរ លែៈ​គែស​ឞូ​ជុរ​ត៝ត់​ល៝រ​តា​ទាក​នៃ”។
JOH 5:8 ឞ្រាស​យេឆូ ​លាស​មា​ពាង់៖ “ទ៝ក់​ឞ្រោៈ​ហ៝ម់ ញអោត​ងក៝ៈ​ឞិច​មៃ​នៃ”។
JOH 5:9 ជេសរី​ឞូ​ក្លោ​អី​នៃ​ទោ​មា​ឞាស​រ៝ ពាង់​ទ៝ក់​ញអោត​ងក៝ៈ​ឞិច​ពាង់​នើម​អី​រី​ហាន់​ឞ្រោៈ។ នារ​នៃ​ជេង​នារ​ឆាបាត់ ​អី​នារ​រាលូ​ផូង​អីឆ្រាអែល ‌
JOH 5:10 នទ្រី​ទឹង​មពោល​កោរាញ​ផូង​អីឆ្រាអែល ​លាស​មា​ឞូ​ក្លោ​អី​នៃ៖ “នារ​អ្យា​នារ​ឆាបាត់  តឹង​នាវ​វៃ​ផូង​ឞ៝ន់​មោ​ទី​អោស​មា​មៃ​ឞ្រោៈ​ញអោត​ងក៝ៈ​កើត​នៃ”។
JOH 5:11 ពាង់​អើស​មា​ខាន់​ពាង់៖ “ពាង់​អី​តើម​ជាន​ឞាស​នាវ​ជី​គ៝ប់ ពាង់​លាស​មា​គ៝ប់៖ «ឞ្រោៈ​ហ៝ម់ ញអោត​ងក៝ៈ​ឞិច​មៃ​នៃ»”។
JOH 5:12 ខាន់​ពាង់​អោប​ពាង់៖ “ឞូ​ម៝ស​ដាៈ​មៃ​ពឺ​ងក៝ៈ​ឞ្រោៈ​កើត​នៃ?”
JOH 5:13 យើន​មា​ឞូ​ក្លោ​អី​លែៈ​ឞាស​ជី​នៃ ពាង់​មោ​អោស​គឹត​នាល់​ឞូ​ម៝ស​ជាន​អ៝ន់​ពាង់​ឞាស នអ៝ប់​មា​ឞ្រាស​យេឆូ ​លែៈ​ហាន់​ឞើស​នតុក​នៃ ជ៝យ​មោ​ហោម​ឆៃ យ៝រ​មា​នតុក​នៃ​គែស​ឞូនុយ្ស​អ៝ក់​ដ៝ង់។
JOH 5:14 ត៝ត់​ឞើស​កើយ​នៃ ឞ្រាស​យេឆូ ​ឆៃ​ឞូ​ក្លោ​អី​លែៈ​ឞាស​ជី​នៃ​នើស​គុ​តា​ជ៝ង់​គូង​ញីស​ជាន​ឞ្រាស​មា​កោរាញ​ឞ្រាស។ ឞ្រាស​យេឆូ ​លាស​មា​ពាង់៖ “អាបៃ​អ្យា​នាវ​ជី​មៃ​លែៈ​ឞាស មៃ​លើយ​ហោម​អោស​ជាន​តីស ក្លាច​លាស​នាវ​អ្យើស​គែស​តា​មៃ​លើ​ហោ​រាលាវ​អើម​ជឹត”។
JOH 5:15 ជេសរី​ឞូ​ក្លោ​អី​នៃ​ហាន់​មឞើស​ងក៝ច​មា​មពោល​កោរាញ​ផូង​អីឆ្រាអែល ​អ៝ន់​ឞូ​គឹត​ឞ្រាស​យេឆូ ​អី​ឞូនុយ្ស​ជាន​អ៝ន់​ពាង់​ឞាស​រី​នើស។
JOH 5:16 កើត​នទ្រី​ទឹង​មពោល​កោរាញ​ផូង​អីឆ្រាអែល ​នតើម​ជាន​ជេរ​មា​ឞ្រាស​យេឆូ  អាច​មា​ពាង់​ជាន​នទើ​អី​នៃ​តា​នារ​ឆាបាត់ ។
JOH 5:17 ឞ្រាស​យេឆូ ​លាស​មា​ខាន់​ពាង់៖ “ឞឹ​គ៝ប់​ហោម​ជាន​ការ​នឹង​អាប់​នារ​នហ៝​មា​ត៝ត់​នារ​អ្យា គ៝ប់​ជាន​ការ​កើត​ពាង់​នៃ​ដ៝ង់”។
JOH 5:18 ត៝ត់​មា​តាង់​នាវ​ឞ្រាស​យេឆូ ​ងើយ​កើត​នៃ មពោល​កោរាញ​ផូង​អីឆ្រាអែល ​លើ​មា​ហោ​អុច​ងខឹត​ពាង់​ជឹត មោ​ទើន​អោស​អាច​មា​ពាង់​ជាន​នទើ​អី​នៃ​តា​នារ​ឆាបាត់ ​ទើម អាច​មា​ពាង់​ក្វាល់​កោរាញ​ឞ្រាស​ជេង​ឞឹ​ពាង់​នើម កើត​នទ្រី​កើប​អេង​ឆាក់​ពាង់​នើម​តឹម​ឞាន​មា​កោរាញ​ឞ្រាស។
JOH 5:19 ឞ្រាស​យេឆូ ​លាស​មា​ខាន់​ពាង់៖ “គ៝ប់​លាស​នហេល​នានេៈ​ងាន់​មា​ខាន់​មៃ មោ​គែស​អោស​នទើ​គ៝ប់​អី​ក៝ន​កោរាញ​ឞ្រាស​ទើយ​ជាន​អេង​តាៈ​ឞើស​ឆាក់​គ៝ប់​នើម គ៝ប់​ជាន​ម៝ស​នទើ​គ៝ប់​ឆៃ​ឞឹ​គ៝ប់​ជាន​ទើម។ យ៝រ​លាស​ម៝ស​នទើ​ឞឹ​គ៝ប់​ជាន គ៝ប់​អី​ក៝ន​ពាង់​ជាន​នទើ​អី​នៃ​ដ៝ង់។
JOH 5:20 ឞឹ​គ៝ប់​រ៝ង់​មា​គ៝ប់​អី​ក៝ន​ពាង់​ហោ​ងាន់ ពាង់​ញហើ​ទឹង​លែៈ​នទើ​ពាង់​ជាន​អ៝ន់​មា​គ៝ប់​អី​ក៝ន​ពាង់​ឆៃ ពាង់​មរា​ញហើ​ដ៝ង់​នទើ​ពាង់​ជាន​ក្វ៝ង់​រាលាវ​មា​អ្យា​ជឹត​អ៝ន់​មា​គ៝ប់​អី​ក៝ន​ពាង់ នទ្រី​ទឹង​ខាន់​មៃ​នទ្រ៝ត់​ហីស​រាហ៝ល់។
JOH 5:21 ឞឹ​គ៝ប់​ជាន​អ៝ន់​ឞូនុយ្ស​លែៈ​ខឹត​ទ៝ក់​រេស កើត​នៃ​ដ៝ង់​គ៝ប់​អី​ក៝ន​ពាង់​អ៝ន់​នាវ​រេស​មា​ឞូ​ម៝ស​គ៝ប់​អុច​អ៝ន់។
JOH 5:22 ឞឹ​គ៝ប់​មោ​អោស​ផាត​ទោយ្ស​ឞូនុយ្ស យ៝រ​លាស​នាវ​ទើយ​ផាត​ទោយ្ស​អី​នៃ​លែៈ​ពាង់​អ៝ន់​តា​គ៝ប់​អី​ក៝ន​ពាង់‌
JOH 5:23 គៃ​មា​អ៝ន់​ទឹង​លែៈ​ឞូនុយ្ស​យើក​មា​គ៝ប់​អី​ក៝ន​ពាង់ តឹម​ឞាន​មា​ឞូ​យើក​មា​ឞឹ​គ៝ប់​ដ៝ង់។ ឞូ​ម៝ស​មោ​អោស​យើក​មា​គ៝ប់​អី​ក៝ន​ពាង់ ឞូនុយ្ស​អី​នៃ​មោ​ដ៝ង់​យើក​មា​ឞឹ​គ៝ប់​នើម​អី​តើម​ញជ្វាល់​គ៝ប់”។
JOH 5:24 “គ៝ប់​មឞើស​នហេល​នានេៈ​ងាន់​មា​ខាន់​មៃ ឞូ​ម៝ស​អ្យាត់​នាវ​គ៝ប់​ងើយ ជេសរី​ញឆីង​មា​នើម​តើម​ញជ្វាល់​គ៝ប់ ពាង់​អី​នៃ​គែស​នាវ​រេស​នហ៝​រ៝ មោ​ហោម​អោស​ទើន​នាវ​តេៈ​ទោយ្ស ពាង់​លែៈ​ក្លាយ្ស​ឞើស​នាវ​ខឹត គែស​នាវ​រេស​នហ៝​រ៝។
JOH 5:25 គ៝ប់​លាស​នហេល​នានេៈ​ងាន់​មា​ខាន់​មៃ ត៝ត់​ទី​នារ​នៃ​តៃ ជេង​អាបៃ​អ្យា​រ៝ ឞូនុយ្ស​អី​តឹម​ឞាន​មា​ខឹត​យ៝រ​មា​ខាន់​ពាង់​ងខាស​ទូ​ឞើស​កោរាញ​ឞ្រាស ខាន់​ពាង់​អី​នៃ​តាង់​ឞ៝រ់​គ៝ប់​អី​ក៝ន​កោរាញ​ឞ្រាស ជេសរី​ឞូ​ម៝ស​តាង់​ឞ៝រ់​គ៝ប់​គែស​នាវ​រេស​នហ៝​រ៝។
JOH 5:26 ឞឹ​គ៝ប់​នើម​ជេង​តើម​នាវ​រេស តឹម​ឞាន​កើត​នៃ​ដ៝ង់​ពាង់​អ៝ន់​គ៝ប់​អី​ក៝ន​ពាង់​ជេង​តើម​នាវ​រេស។
JOH 5:27 លែៈ​ពាង់​អ៝ន់​ដ៝ង់​នាវ​ទើយ​ផាត​ទោយ្ស​តា​គ៝ប់​អី​ក៝ន​ពាង់ យ៝រ​លាស​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស។
JOH 5:28 លើយ​អោស​ខាន់​មៃ​នទ្រ៝ត់​ហីស​រាហ៝ល់​នាវ​អ្យា យ៝រ​លាស​ត៝ត់​ទី​នារ​រី​តៃ ទឹង​លែៈ​ឞូនុយ្ស​លែៈ​ខឹត​តាង់​នតែស​ឞ៝រ់​គ៝ប់​ទាទេ‌
JOH 5:29 ជេសរី​ទ៝ក់​រេស គៃ​មា​ឞូ​ម៝ស​ជាន​អ្វែស​ទើន​នាវ​រេស​នហ៝​រ៝ យើន​មា​ឞូ​ម៝ស​ជាន​អ្យើស ពាង់​ទ៝ក់​រេស​ដ៝ង់ តីស​មា​ទើន​នាវ​តេៈ​ទោយ្ស”។
JOH 5:30 “គ៝ប់​មោ​អោស​ទើយ​ជាន​ទូ​នតីល​នទើ​តាៈ​ឞើស​ឆាក់​គ៝ប់​នើម នាវ​គ៝ប់​ផាត​ទោយ្ស​នៃ គ៝ប់​ជាន​តឹង​នាវ​ឞឹ​គ៝ប់​លាស​មា​គ៝ប់ នាវ​គ៝ប់​ផាត​ទោយ្ស​នៃ​ជេង​ទី យ៝រ​លាស​គ៝ប់​មោ​អោស​តឹង​នាវ​គ៝ប់​នើម​អុច គ៝ប់​តឹង​នាវ​ឞឹ​នើម​អុច​ទើម ពាង់​តើម​ញជ្វាល់​គ៝ប់។
JOH 5:31 លាស​ទូ​ហ្វេ​គ៝ប់​ទើម​មឞើស​ងក៝ច​តា​នាវ​ខ្លៃ​គ៝ប់​នើម នាវ​មឞើស​ងក៝ច​អី​នៃ​មោ​អោស​គែស​នាវ​ខ្លៃ។
JOH 5:32 យើន​មា​គែស​ឞឹ​គ៝ប់​អ៝ន់​ឞូ​គឹត​មា​នាវ​ខ្លៃ​គ៝ប់ ជេសរី​គ៝ប់​គឹត​លាស​នាវ​ពាង់​អ៝ន់​ឞូ​គឹត​ជេង​ទី​ងាន់”។
JOH 5:33 “ខាន់​មៃ​លែៈ​ដាៈ​ឞូ​ហាន់​អោប​យោហាន-​បាប់តែម  ជេសរី​នាវ​ពាង់​មឞើស​ងក៝ច​មា​គ៝ប់​ជេង​ទី​ងាន់។
JOH 5:34 យើន​មា​គ៝ប់គ៝ប់​មោ​អោស​កើប​ខ្លៃ​នាវ​ឞូនុយ្ស​មឞើស​ងក៝ច​មា​ឆាក់​គ៝ប់គ៝ប់​ងើយ​កើត​នៃ គៃ​មា​ងកាស​តោរ​ខាន់​មៃ​មា​នាវ​យោហាន-​បាប់តែម ​មឞើស​ងក៝ច គៃ​មា​អ៝ន់​ខាន់​មៃ​ញឆីង​មា​គ៝ប់ ជេសរី​គែស​នាវ​រាក្លាយ្ស។
JOH 5:35 យោហាន-​បាប់តែម ​ជេង​តឹម​ឞាន​មា​អុញ​ឆាគេង​ហីត​អាង ខាន់​មៃ​នើស​អុច​គុ​រាម់​មអាក​ទោល​ពាង់​គែស​អាង​ទូ​ប្ល៝ត់​អី​នៃ។
JOH 5:36 គ៝ប់​លែៈ​គែស​នទើ​មឞើស​ងក៝ច​មា​នាវ​ខ្លៃ​គ៝ប់ នទើ​អី​នៃ​ខ្លៃ​រាលាវ​មា​នាវ​មឞើស​ងក៝ច​យោហាន-​បាប់តែម ។ នទើ​ទឹង​លែៈ​អី​ឞឹ​គ៝ប់​អ៝ន់ គ៝ប់​ជាន​អ៝ន់​ជេស ជេង​នទើ​អី​គ៝ប់​ហោម​ជាន នទើ​អី​នៃ​អ៝ន់​ឞូ​គឹត​អី​ឞឹ​គ៝ប់​នើម​តើម​ញជ្វាល់​គ៝ប់​ងាន់។
JOH 5:37 ឞឹ​គ៝ប់​អី​តើម​ញជ្វាល់​គ៝ប់ពាង់​អ៝ន់​ឞូ​គឹត​មា​នាវ​ខ្លៃ​គ៝ប់។ យើន​មា​ទូ​ឞោង​នាវ​រេស​ខាន់​មៃ​មោ​អោស​តាង់​ឞ៝រ់​ពាង់ មុស​មាត់​ពាង់​ខាន់​មៃ​មោ​ឆៃ​ដ៝ង់។
JOH 5:38 ជេសរី​នាវ​ងើយ​កោរាញ​ឞ្រាស​មោ​គែស​អោស​ញអោត​តា​នូយ្ស​នហ៝ម់​ខាន់​មៃ យ៝រ​លាស​ខាន់​មៃ​មោ​អោស​ញឆីង​មា​ពាង់​អី​តើម​ញជ្វាល់​គ៝ប់។
JOH 5:39 ខាន់​មៃ​ញឆ្រោយ្ស​អ្វាញ់​នាវ​កោរាញ​ឞ្រាស​ងើយ យ៝រ​មា​ខាន់​មៃ​មឹន​លាស​គែស​នាវ​រេស​នហ៝​រ៝​តាៈ​ឞើស​នាវ​អី​នៃ។ ជេសរី​នាវ​កោរាញ​ឞ្រាស​ងើយ​អី​នៃ​មឞើស​ងក៝ច​មា​នាវ​ខ្លៃ​គ៝ប់‌
JOH 5:40 តីស​មា​ខាន់​មៃ​រាលាច់​ហាន់​តឹង​គ៝ប់​គៃ​មា​គែស​នាវ​រេស​នហ៝​រ៝”។
JOH 5:41 “គ៝ប់​មោ​អោស​ឆ៝ៈ​នាវ​រានេ​តាៈ​ឞើស​ឞូនុយ្ស‌
JOH 5:42 យ៝រ​លាស​លែៈ​គ៝ប់​គឹត​ជេស​តា​នូយ្ស​នហ៝ម់​ខាន់​មៃ​មោ​គែស​អោស​នាវ​រ៝ង់​កោរាញ​ឞ្រាស។
JOH 5:43 គ៝ប់​វាច់​តា​រាញា​ឞឹ​គ៝ប់ យើន​មា​ខាន់​មៃ​មោ​អោស​រ៝ម​គ៝ប់។ លាស​គែស​ទូ​ហ្វេ​ឞូនុយ្ស​ជឹត​វាច់​តា​រាញា​ឆាក់​ពាង់​នើម ខាន់​មៃ​រ៝ម​ពាង់​រ៝។
JOH 5:44 ខាន់​មៃ​អុច​ឆ៝ៈ​ទើម​នាវ​រានេ​តាៈ​ឞើស​នទ្រាង់​ខាន់​មៃ​នើម យើន​មា​មោ​អោស​ជ៝យ​នាវ​រានេ​តាៈ​ឞើស​កោរាញ​ឞ្រាស នទ្រី​ទឹង​ខាន់​មៃ​មោ​ដ៝ង់​អុច​ញឆីង​មា​គ៝ប់។
JOH 5:45 ខាន់​មៃ​លើយ​តា​នអោន​លាស​គ៝ប់​អ្យា​នតោន​នាវ​តីស​ខាន់​មៃ​តា​ឞើស​នាប់​ឞឹ​គ៝ប់​តៃ។ ខាន់​មៃ​នអោន​លាស​មោឆេ ​អី​ចែ​ឞ៝ន់​កាល់​អែ​នើស​កើល​ខាន់​មៃ​តា​ឞើស​នាប់​ឞឹ​គ៝ប់​តៃ យើន​មា​ពាង់​ជេង​ឞូនុយ្ស​អី​នតោន​ខាន់​មៃ។
JOH 5:46 លាស​ខាន់​មៃ​អ្យាត់​ងាន់​នាវ​ពាង់​ញចីស ខាន់​មៃ​អ្យាត់​ដ៝ង់​មា​នាវ​គ៝ប់​ងើយ យ៝រ​លាស​នាវ​ពាង់​ញចីស​អី​នៃ​ងើយ​មា​គ៝ប់។
JOH 5:47 យើន​មា​លាស​ខាន់​មៃ​មោ​អោស​អ្យាត់​មា​នាវ​ពាង់​ញចីស​អី​នៃ អា​មើម​ខាន់​មៃ​អ្យាត់​ដ៝ង់​មា​នាវ​គ៝ប់​ងើយ?”
JOH 6:1 ជេសរី​ឞ្រាស​យេឆូ ​ហាន់​គ្លាត់​កាល់​តី​ងលៅ​ក្វ៝ង់​កាលីលេ  អី​ឞូ​ក្វាល់​ដ៝ង់​ទាក​ងលៅ​តីបេរៀស ។
JOH 6:2 គែស​ឞូនុយ្ស​ផូង​អ៝ក់​ងាន់​ហាន់​តឹង​ពាង់​នឹង យ៝រ​មា​ឆៃ​នាវ​ខ្លៃ​ពាង់​ជាន​ឞាស​ឞូនុយ្ស​ជី​ក្វែត​នើស។
JOH 6:3 ឞ្រាស​យេឆូ ​ហាវ​តា​យោក​នទ្រែល​មពោល​អ៝ស​ម៝ន​ពាង់​គុ​រើប​គើប​តា​នៃ។
JOH 6:4 នោក​នៃ​នាវ​ញេត​បុន​នហ៝ត​ផូង​អីឆ្រាអែល ​លែៈ​ឞើយ​ត៝ត់។
JOH 6:5 ឞ្រាស​យេឆូ ​ងើក​មាត់​ឆៃ​ផូង​ប៝ន​លាន​អ៝ក់​ងាន់​ហាន់​តា​ពាង់ ជេសរី​ពាង់​លាស​មា​ផីលីប ៖ “អាស​នតុក​ឞ៝ន់​រាវាត់​នទើ​ឆោង​ឆា​មា​អ៝ន់​ផូង​ប៝ន​លាន​អី​នៃ​ឆា?”
JOH 6:6 ទឹង​ឞ្រាស​យេឆូ ​អោប​ផីលីប ​កើត​នៃ គៃ​មា​រាល៝ង​ផីលីប  យ៝រ​លាស​ពាង់​លែៈ​អើម​គឹត​ជេស​ម៝ស​នទើ​ពាង់​អុច​ជាន។
JOH 6:7 ផីលីប ​អើស​មា​ឞ្រាស​យេឆូ ៖ “ឞ៝ល​លាស​ឆ៝ៈ​ព្រាក់ ២០០ ព្រាក់​កាក់​រាវាត់​នុមពាង់​អ៝ន់​ខាន់​ពាង់​ឆា​មោ​ត៝ង់​អោស ឞ៝ល​លាស​តឹម​ពាៈ​ដេៈៗ​កាដោយ​មោ​អាប់​ឞូនុយ្ស​ដ៝ង់”។
JOH 6:8 គែស​ទូ​ហ្វេ​អ៝ស​ម៝ន​រាញា​អ៝ន់ទ្រេ  អី​អ៝ស​ពេត្រោស  មឞើស​មា​ឞ្រាស​យេឆូ ៖
JOH 6:9 “តា​អ្យា​គែស​ទូ​ហ្វេ​ក៝ន​ឆែ​ឞូ​ក្លោ ពាង់​គែស​ព្រាម់​មល៝ម់​នុមពាង់ នទ្រែល​មា​ឞារ​មល៝ម់​កា​ជេៈ។ យើន​មា​លាស​គែស​ទូ​នៃ​ទើម គឹត​មា​ត៝ង់​លាស​ឞូនុយ្ស​ទុត​អ៝ក់​អ្យា?”
JOH 6:10 ឞ្រាស​យេឆូ ​លាស៖ “មឞើស​អ៝ន់​ខាន់​ពាង់​គុ”។ តា​នតុក​នៃ​គែស​អ៝ក់​រេប​ញឆែ ជេសរី​ខាន់​ពាង់​លែវ​ឞាល់​គុ​រើប​គើប​តា​រេប​អី​នៃ។ អ៝ក់​ឞូនុយ្ស​ក្លាប់​លាស ៥០០០ នុយ្ស កើប​ផូង​ឞូ​ក្លោ​ទើម។
JOH 6:11 ឞ្រាស​យេឆូ ​ឆ៝ៈ​នុមពាង់​អី​នៃ លាស​អ្វែស​មា​កោរាញ​ឞ្រាស ជេសរី​ពាៈ​អ៝ន់​មា​ទឹង​លែៈ​ឞូនុយ្ស​គុ​តា​នៃ ពាង់​ពាៈ​កា​ជេៈ​កើត​នៃ​ដ៝ង់ ទាស​ខាន់​ពាង់​នើម​អុច។
JOH 6:12 ត៝ត់​លែៈ​ហើម​ខាន់​ពាង់​ឆា ឞ្រាស​យេឆូ ​លាស​មា​មពោល​អ៝ស​ម៝ន​ពាង់៖ “ខាន់​មៃ​ហាន់​រាគូម​នុមពាង់​អី​រាមែស​តាៈ​ឆា លើយ​អោស​អ៝ន់​រ៝ស​ដេៈ”។
JOH 6:13 ជេសរី​មពោល​អ៝ស​ម៝ន​ហាន់​រាគូម​នុមពាង់​រាមែស​តាៈ​ឆា​ព្រាម់​មល៝ម់​នុមពាង់​អី​ផូង​ប៝ន​លាន​ឆា​នៃ​នើស​គែស ១២ ឆាស​ឞេងៗ។
JOH 6:14 ត៝ត់​មា​ផូង​ប៝ន​លាន​ឆៃ​នាវ​ខ្លៃ​ឞ្រាស​យេឆូ ​ទែ​ជាន​អី​នៃ ខាន់​ពាង់​តឹម​លាស៖ “ពាង់​អី​នៃ​ងាន់​រ៝​ឞូនុយ្ស​នតើយ្ស​នាវ​ងើយ​កោរាញ​ឞ្រាស​អី​មោឆេ ​លែៈ​ញចីស​កាល់​អែ​នើស៖ «ពាង់​មរា​វាច់​តា​នែស​នតូ​អ្យា»”។
JOH 6:15 ជេសរី​ផូង​ប៝ន​លាន​គែស​នាវ​មឹន​អុច​ញច៝ប់​ឞ្រាស​យេឆូ ​ជាន​កាដាច់។ ពាង់​គឹត​នាវ​មឹន​ខាន់​ពាង់​នៃ នទ្រី​ទឹង​ពាង់​ទូ​លោស​ឞើស​នតុក​នៃ​ហាវ​តៃ​តា​កាលើ​យោក​គុ​ទូ​ហ្វេ​អេង។
JOH 6:16 ត៝ត់​ឞ្រី​លែៈ​កេង​មាង់ មពោល​អ៝ស​ម៝ន​ឞ្រាស​យេឆូ ​ហាន់​ជុរ​អា​ទាក​ងលៅ​ក្វ៝ង់។
JOH 6:17 ត៝ត់​ត្រោក​លែៈ​ង៝ អេ​ហ៝ៈ​អោស​ឆៃ​ឞ្រាស​យេឆូ ​ហាន់​តា​ខាន់​ពាង់។ ជេសរី​ខាន់​ពាង់​ហាវ​ញច៝​ទូក​ហាន់​តា​ប៝ន​កាពើនិម ​កាល់​តី​ទាក​រី។
JOH 6:18 គែស​ឆ្យាល​ផុត​ទុត​ហោ ជេសរី​ទាក​រាឞុស​ទុត​ទាង់។
JOH 6:19 ត៝ត់​ខាន់​ពាង់​វាស​ទូក​លែៈ​ងាយ​ក្លាប់​លាស​គែស​ព្រាម់​ព្រាវ​កីលោមែត ឆៃ​ឞ្រាស​យេឆូ ​ឞ្រោៈ​តា​កាលើ​ទាក​នៃ ហាន់​ទាច់​ជឹត​ទូក​អ្យា ខាន់​ពាង់​ក្លាច​ញឆ៝រ់​ទុត​ហោ​ងាន់។
JOH 6:20 ឞ្រាស​យេឆូ ​លាស​មា​ខាន់​ពាង់៖ “គ៝ប់​យា លើយ​តា​ក្លាច​អោស”។
JOH 6:21 ជេស​នៃ​មពោល​អ៝ស​ម៝ន​អុច​រ៝ម​ពាង់​ញច៝​តា​កាលើ​ទូក​នៃ ជេសរី​ទោ​មា​ត៝ត់​កាល់​តី​ទាក​រ៝​តា​នតុក​ខាន់​ពាង់​អុច​ហាន់​នៃ។
JOH 6:22 ត៝ត់​អោយ​តៃ​ផូង​ប៝ន​លាន​ហោម​គុ​តា​នតុក​ខាន់​ពាង់​ឆា​នុមពាង់​នើស មោ​វ៝ត់​អោស​មោ​ឆៃ​ឞ្រាស​យេឆូ  យ៝រ​លាស​អា​មាង់​នើស​ទើន​គែស​ទូ​មល៝ម់​ទូក​មពោល​អ៝ស​ម៝ន​ញច៝​ទើម មោ​ដ៝ង់​ឆៃ​ឞ្រាស​យេឆូ ​ញច៝​នទ្រែល​មពោល​អ៝ស​ម៝ន​ពាង់​តា​ទូក​អី​នៃ។
JOH 6:23 ជេសរី​គែស​ទូក​អាបាៈ​តាៈ​ឞើស​ប៝ន​តីបេរៀស  ញឆ្រុង​ទាច់​កេង​នតុក​ផូង​ខាន់​ពាង់​ឆា​នុមពាង់​ជេស​ឞ្រាស​យេឆូ ​លាស​អ្វែស​មា​កោរាញ​ឞ្រាស​រី​នើស។
JOH 6:24 នោក​ផូង​ប៝ន​លាន​អ្វាញ់​មោ​អោស​ឆៃ​ឞ្រាស​យេឆូ  នទ្រែល​មា​មពោល​អ៝ស​ម៝ន​តា​នៃ ផូង​ខាន់​ពាង់​លែវ​ឞាល់​ញច៝​ទូក​ហាន់​តា​ប៝ន​កាពើនិម  គៃ​មា​តឹង​ជ៝យ​ឞ្រាស​យេឆូ ។
JOH 6:25 ត៝ត់​មា​ឆៃ​ឞ្រាស​យេឆូ ​មពែស​កាល់​តី​ទាក​រី ខាន់​ពាង់​អោប​ឞ្រាស​យេឆូ ៖ “ហើយ​នើម​នតី ទាស​អើម​ត៝ត់​មៃ​តា​អ្យា​នើស​មេស?”
JOH 6:26 ឞ្រាស​យេឆូ ​លាស​មា​ខាន់​ពាង់៖ “គ៝ប់​លាស​នហេល​នានេៈ​ងាន់​មា​ខាន់​អៃ​មៃ ខាន់​អៃ​មៃ​តឹង​ជ៝យ​គ៝ប់ មោ​គែស​អោស​យ៝រ​មា​ខាន់​អៃ​មៃ​លែៈ​ឆៃ​នអ៝ប់​មា​គឹត​វ៝ត់​នាវ​ខ្លៃ។ ខាន់​អៃ​មៃ​តឹង​ជ៝យ​គ៝ប់ យ៝រ​មា​ខាន់​អៃ​មៃ​លែៈ​ហើម​ឆា​នុមពាង់​នៃ​នើស​ទើម។
JOH 6:27 លើយ​អោស​ជាន​ការ​គៃ​មា​គែស​នទើ​ឆោង​ឆា​អី​ឞ្លាវ​អោម ជាន​ហ៝ម់​ការ​គៃ​មា​គែស​នទើ​ឆោង​ឆា​ហោម​នហ៝​រ៝ នទ្រែល​មា​អ៝ន់​នាវ​រេស​នហ៝​រ៝ ជេង​នទើ​ឆោង​ឆា​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​អ៝ន់​មា​ខាន់​អៃ​មៃ យ៝រ​លាស​កោរាញ​ឞ្រាស​អី​ឞឹ​គ៝ប់​អ៝ន់​នាវ​ទើយ​មា​គ៝ប់​ជាន”។
JOH 6:28 ខាន់​ពាង់​អោប​ឞ្រាស​យេឆូ ៖ “លាស​នទ្រី​មើម​ហេន​ជាន គៃ​មា​ជាន​ការ​កោរាញ​ឞ្រាស​អុច​រី​មេស?”
JOH 6:29 ឞ្រាស​យេឆូ ​លាស​មា​ខាន់​ពាង់៖ “អ៝ន់​ខាន់​អៃ​មៃ​ញឆីង​មា​គ៝ប់​អី​នើម​កោរាញ​ឞ្រាស​ទែ​លែៈ​ញជ្វាល់​អ៝ន់​វាច់ អី​នៃ​ជេង​នាវ​ជាន​ការ​ពាង់​អុច”។
JOH 6:30 ខាន់​ពាង់​អោប​តៃ​ឞ្រាស​យេឆូ ៖ “លាស​នទ្រី​ម៝ស​នទើ​នាវ​ខ្លៃ​មៃ​ជាន​អ៝ន់​ហេន​គឹត​ឆៃ គៃ​មា​ហេន​ញឆីង​មា​មៃ? ម៝ស​បាៈ​នទើ​មៃ​ជាន​មេស?
JOH 6:31 ផូង​អូ​ចែ​ឞ៝ន់​លែៈ​ជេស​ឆា​នទើ​ឆោង​ឆា​អី​រាញា​«មានា »​តា​ឞ្រី​រាទាស ជេង​ទី​ដាស​នាវ​កោរាញ​ឞ្រាស​ងើយ៖ «មោឆេ ​អ៝ន់​នទើ​ឆោង​ឆា​មានា ​តាៈ​ឞើស​កាលើ​ត្រោក​ខាន់​ព្រែ​មា​ឆា»”។
JOH 6:32 ឞ្រាស​យេឆូ ​លាស៖ “គ៝ប់​លាស​នហេល​នានេៈ​ងាន់​មា​ខាន់​អៃ​មៃ មោ​គែស​អោស​មោឆេ ​អ៝ន់​នុមពាង់​តាៈ​ឞើស​កាលើ​ត្រោក​អី​នៃ អី​ងាន់​ឞឹ​គ៝ប់​អ៝ន់។ ជេសរី​អាបៃ​អ្យា​ពាង់​អុច​អ៝ន់​មា​ខាន់​អៃ​មៃ​នុមពាង់​តាៈ​ឞើស​កាលើ​ត្រោក​អី​ជេង​នុមពាង់​ងាន់​ងេន។
JOH 6:33 នុមពាង់​អី​កោរាញ​ឞ្រាស​ទែ​អ៝ន់​អាបៃ​អ្យា​នៃ ជេង​នើម​ជុរ​តាៈ​ឞើស​កាលើ​ត្រោក​អី​នតុក​កោរាញ​ឞ្រាស គៃ​មា​អ៝ន់​នាវ​រេស​នហ៝​រ៝​មា​ទឹង​លែៈ​ឞូនុយ្ស​តា​នែស​នតូ​អ្យា”។
JOH 6:34 ខាន់​ពាង់​លាស​មា​ឞ្រាស​យេឆូ ៖ “អើ​កោរាញ ទាន់​នុមពាង់​អី​មៃ​ងើយ​អី​រី​អ៝ន់​មា​ហេន​មរ៝​មរាង់​អើ”។
JOH 6:35 ឞ្រាស​យេឆូ ​លាស៖ “គ៝ប់​អ្យា​ជេង​តឹម​ឞាន​មា​នុមពាង់​អី​អ៝ន់​នាវ​រេស។ ឞូ​ម៝ស​តឹង​ជ៝យ​គ៝ប់​មោ​ហោម​អោស​ជី​ង៝ត ឞូ​ម៝ស​ញឆីង​មា​គ៝ប់​មោ​ហោម​ដ៝ង់​ជី​ហីរ។
JOH 6:36 យើន​មា​លែៈ​គ៝ប់​មឞើស​មា​ខាន់​អៃ​មៃ៖ «ខាន់​អៃ​មៃ​លែៈ​ឆៃ​គ៝ប់ តីស​មា​ហោម​មោ​ញឆីង​មា​គ៝ប់»។
JOH 6:37 ឞូ​ម៝ស​លែៈ​ឞឹ​គ៝ប់​ទែ​អ៝ន់​មា​គ៝ប់ ហាន់​រាន​អា​គ៝ប់​រ៝ ជេសរី​ឞូ​ម៝ស​ហាន់​រាន​អា​គ៝ប់ នហេល​នានេៈ​ងាន់​គ៝ប់​មោ​អោស​នត្រុត​ពាង់។
JOH 6:38 គ៝ប់​ជុរ​តាៈ​ឞើស​កាលើ​ត្រោក​អី​នតុក​កោរាញ​ឞ្រាស​នើស គៃ​មា​ជាន​តឹង​នាវ​កោរាញ​ឞ្រាស​អុច​នើម​តើម​ញជ្វាល់​អ៝ន់​គ៝ប់​វាច់ គ៝ប់​មោ​អោស​វាច់​គៃ​មា​ជាន​តឹង​នាវ​គ៝ប់​នើម​អុច។
JOH 6:39 អ្យា​នាវ​អុច​កោរាញ​ឞ្រាស​នើម​តើម​ញជ្វាល់​គ៝ប់​វាច់៖ ទឹង​លែៈ​ឞូនុយ្ស​អី​ពាង់​អ៝ន់​មា​គ៝ប់ពាង់​អុច​គ៝ប់​អ៝ន់​ទ៝ក់​រេស​តៃ​ត៝ត់​នារ​ងគ្លែៈ​ទុត​តៃ ពាង់​ដាៈ​គ៝ប់​លើយ​តា​អ៝ន់​រ៝ស​ខាន់​ពាង់ ទូ​ហ្វេ​មោ​អើម។
JOH 6:40 អ្យា​នាវ​អុច​ឞឹ​គ៝ប់៖ ឞូ​ម៝ស​ឆៃ​គ៝ប់​អី​ក៝ន​ពាង់ ជេសរី​ញឆីង​មា​គ៝ប់ គែស​នាវ​រេស​នហ៝​រ៝។ ជេសរី​គ៝ប់​ជាន​ឞូនុយ្ស​អី​នៃ​អ៝ន់​ទ៝ក់​រេស​តៃ​ត៝ត់​នារ​ងគ្លែៈ​ទុត”។
JOH 6:41 តា​នៃ​មពោល​កោរាញ​ផូង​អីឆ្រាអែល ​គែស​នាវ​ងើយ​អ៝ក់​ឞ៝រ់​ញជ៝រ់​ឆេក​មា​ឞ្រាស​យេឆូ  យ៝រ​មា​តាង់​នាវ​ពាង់​លាស៖ “គ៝ប់​ជេង​នុមពាង់​ជុរ​តាៈ​ឞើស​កាលើ​ត្រោក​នតុក​កោរាញ​ឞ្រាស”។
JOH 6:42 ខាន់​ពាង់​តឹម​លាស៖ “អើម​មោ​ទី​លាស​ពាង់​អី​នៃ​រាញា​យេឆូ ​ហ្យាស? ពាង់​ក៝ន​យោឆែប  មេៈ​ឞឹ​ពាង់​លែៈ​ឞ៝ន់​នាល់​ដ៝ង់។ មើម​ទឹង​ពាង់​លាស​អេង​ឆាក់​ពាង់​នើម​ជុរ​តាៈ​ឞើស​កាលើ​ត្រោក​នតុក​កោរាញ​ឞ្រាស?”
JOH 6:43 ឞ្រាស​យេឆូ ​លាស​ខាន់​ពាង់៖ “ខាន់​មៃ​លើយ​ហោម​អោស​ងើយ​អ៝ក់​ឞ៝រ់​ញជ៝រ់​ឆេក​នទ្រាង់​ខាន់​មៃ​នើម!
JOH 6:44 មោ​គែស​អោស​ទូ​ហ្វេ​ឞូនុយ្ស​ហាន់​វាច់​តា​គ៝ប់ លាស​ឞឹ​គ៝ប់​នើម​តើម​ញជ្វាល់​គ៝ប់​មោ​លែវ​ពាង់​វាច់​តា​គ៝ប់។ ជេសរី​គ៝ប់​ជាន​អ៝ន់​ពាង់​ទ៝ក់​រេស​តៃ​ត៝ត់​នារ​ងគ្លែៈ​ទុត។
JOH 6:45 ទូ​ហ្វេ​ឞូនុយ្ស​នតើយ្ស​នាវ​ងើយ​កោរាញ​ឞ្រាស​លែៈ​ញចីស​ជេស​កាល់​អែ​នើស៖ «ទឹង​លែៈ​ឞូនុយ្ស​កោរាញ​ឞ្រាស​នើម​មរា​នតុម​នតី​ទាទេ»។ ឞូ​ម៝ស​តាង់​នាវ​ឞឹ​គ៝ប់ ជេសរី​ឆ៝ៈ​ទើន​នាវ​ពាង់​នតុម​នតី ឞូនុយ្ស​អី​នៃ​ហាន់​រាន​អា​គ៝ប់​ដ៝ង់។
JOH 6:46 មោ​គែស​អោស​ទូ​ហ្វេ​ឞូនុយ្ស​លែៈ​ឆៃ​ឞឹ​គ៝ប់។ គែស​នើម​អី​កោរាញ​ឞ្រាស​ញជ្វាល់​អី​នៃ នើម​អី​នៃ​ទើម​លែៈ​ឆៃ​កោរាញ​ឞ្រាស។
JOH 6:47 គ៝ប់​លាស​នហេល​នានេៈ​ងាន់​មា​ខាន់​មៃ៖ ឞូ​ម៝ស​ញឆីង​មា​គ៝ប់ ពាង់​អី​នៃ​គែស​នាវ​រេស​នហ៝​រ៝។
JOH 6:48 គ៝ប់​អ្យា​នុមពាង់​អ៝ន់​នាវ​រេស។
JOH 6:49 ផូង​អូ​ចែ​ខាន់​មៃ​ឆា​នទើ​ឆោង​ឆា​មានា ​នោក​គុ​តា​ឞ្រី​រាទាស យើន​មា​ទឹង​លែៈ​ខាន់​ពាង់​ខឹត​លែៈ​ផ្យៅ​ដ៝ង់។
JOH 6:50 ល៝ង់​នុមពាង់​នាវ​គ៝ប់​ងើយ​អ្យា ជេង​នុមពាង់​ជុរ​តាៈ​ឞើស​កាលើ​ត្រោក​នតុក​កោរាញ​ឞ្រាស។ ឞូ​ម៝ស​ឆា ពាង់​អី​នៃ​មោ​ខឹត​អោស។
JOH 6:51 គ៝ប់​អី​អ្យា​នុមពាង់​អ៝ន់​នាវ​រេស​ជុរ​តាៈ​ឞើស​កាលើ​ត្រោក​នតុក​កោរាញ​ឞ្រាស។ ឞូ​ម៝ស​ឆា​នុមពាង់​អី​អ្យា គែស​នាវ​រេស​នហ៝​រ៝។ នុមពាង់​អ្យា ជេង​ឆាក់​ជាន់​គ៝ប់​នើម​ខឹត​ឆើម​នតាង គៃ​មា​អ៝ន់​ទឹង​លែៈ​ឞូនុយ្ស​តា​នែស​នតូ​អ្យា​គែស​នាវ​រេស”។
JOH 6:52 មពោល​កោរាញ​ផូង​អីឆ្រាអែល ​តឹម​រាលាច់​ហោ​ងាន់ ខាន់​ពាង់​តឹម​លាស៖ “មើម​ទឹង​ឞូនុយ្ស​អី​នៃ​ពាង់​ឞ្លាវ​អ៝ន់​ឞ៝ន់​ឆា​ឆាក់​ជាន់​ពាង់​នើម?”
JOH 6:53 ឞ្រាស​យេឆូ ​លាស៖ “គ៝ប់​លាស​នហេល​នានេៈ​ងាន់​មា​ខាន់​មៃ លាស​ខាន់​មៃ​មោ​អោស​ឆា​ឆាក់​ជាន់​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស នទ្រែល​មា​មោ​អោស​ញេត​មហាម​គ៝ប់ ខាន់​មៃ​មោ​អោស​គែស​នាវ​រេស។
JOH 6:54 ឞូ​ម៝ស​ឆា​ឆាក់​ជាន់​គ៝ប់ នទ្រែល​មា​ញេត​មហាម​គ៝ប់ ពាង់​អី​នៃ​គែស​នាវ​រេស​នហ៝​រ៝ ជេសរី​ត៝ត់​នារ​ងគ្លែៈ​ទុត​តៃ​គ៝ប់​ជាន​អ៝ន់​ពាង់​ទ៝ក់​រេស​តៃ​ដ៝ង់។
JOH 6:55 យ៝រ​លាស​ឆាក់​ជាន់​គ៝ប់​ជេង​នទើ​ឆោង​ឆា​ងាន់​ងេន នទ្រែល​មា​មហាម​គ៝ប់​ជេង​នទើ​ញេត​ងាន់​ងេន​ដ៝ង់។
JOH 6:56 ឞូ​ម៝ស​ឆា​ឆាក់​ជាន់​គ៝ប់ នទ្រែល​មា​ញេត​មហាម​គ៝ប់ ពាង់​អី​នៃ​គុ​តា​គ៝ប់​នឹង ជេសរី​គ៝ប់​គុ​តា​ពាង់​អី​នៃ​ដ៝ង់។
JOH 6:57 ឞឹ​គ៝ប់​នើម​អី​តើម​នាវ​រេស ពាង់​ញជ្វាល់​គ៝ប់​វាច់​តា​អ្យា។ គ៝ប់​រេស​យ៝រ​តាៈ​ឞើស​ពាង់ តឹម​ឞាន​ដ៝ង់​ឞូ​ម៝ស​ឆា​ឆាក់​ជាន់​គ៝ប់ ឞូនុយ្ស​អី​នៃ​រេស​យ៝រ​តាៈ​ឞើស​គ៝ប់។
JOH 6:58 គ៝ប់​អ្យា​នុមពាង់​ជុរ​តាៈ​ឞើស​កាលើ​ត្រោក​នតុក​កោរាញ​ឞ្រាស ឞូ​ម៝ស​ឆា​នុមពាង់​អ្យា​គែស​នាវ​រេស​នហ៝​រ៝។ នុមពាង់​អី​អ្យា​មោ​ទី​អោស​កើត​នុមពាង់​ផូង​អូ​ចែ​ខាន់​មៃ​ឆា​តា​ឞ្រី​រាទាស​នើស ខាន់​ពាង់​ឆា ជេសរី​ហោម​ខឹត​លែៈ​ផ្យៅ”។
JOH 6:59 ឞ្រាស​យេឆូ ​ងើយ​ទឹង​លែៈ​នាវ​អី​នៃ ទោល​ពាង់​គុ​នតី​ឞូ​តា​ញីស​រាបុន​ផូង​អីឆ្រាអែល ​តា​ប៝ន​កាពើនិម ។
JOH 6:60 លោច​ជេស​នាវ​ឞ្រាស​យេឆូ ​នតី​នៃ គែស​អ៝ក់​អ៝ស​ម៝ន​ពាង់ ​តឹម​លាស៖ “ទឹង​លែៈ​នាវ​នតី​អី​នៃ​ជេរ​ងាន់ មោ​គែស​អោស​ឞូនុយ្ស​ឞ្លាវ​ឆ៝ៈ​ទើន”។
JOH 6:61 យើន​មា​ឞ្រាស​យេឆូ ​លែៈ​គឹត​ម៝ស​នទើ​អ៝ស​ម៝ន​ពាង់​ងើយ​អ៝ក់​ឞ៝រ់​ញជ៝រ់​ឆេក ពាង់​លាស៖ “លាស​នទ្រី​ទឹង​លែៈ​នាវ​អី​នៃ ជាន​អ៝ន់​ខាន់​អៃ​មៃ​រ៝ស​នាវ​ញឆីង​មា​គ៝ប់​ឞើស?
JOH 6:62 លាស​នទ្រី​មើម​ខាន់​អៃ​មៃ​មឹន លាស​ខាន់​អៃ​មៃ​ឆៃ​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​ហាវ​ឆឹត​គុ​តា​នតុក​គ៝ប់​គុ​អា​ល៝រ​នើស?
JOH 6:63 ឞ្រាស​ហ្វេង​អ្វែស​អ៝ន់​គែស​នាវ​រេស​នហ៝​រ៝ នទើ​ឞូនុយ្ស​ជាន​តា​នែស​នតូ​អ្យា​មោ​អោស​កើល​មា​នាវ​រេស​នហ៝​រ៝។ ទឹង​លែៈ​នាវ​គ៝ប់​នតី​មា​ខាន់​អៃ​មៃ​អី​នៃ តាៈ​ឞើស​ឞ្រាស​ហ្វេង​អ្វែស ជេសរី​អ៝ន់​គែស​នាវ​រេស​នហ៝​រ៝។
JOH 6:64 យើន​មា​គែស​ឞូនុយ្ស​អាបាៈ​តា​ផូង​ខាន់​អៃ​មៃ​មោ​អោស​ញឆីង​មា​គ៝ប់”។ ឞ្រាស​យេឆូ ​ងើយ​នទ្រី យ៝រ​មា​ពាង់​លែៈ​អើម​គឹត​ឞើស​នតើម​ឞូ​ម៝ស​មោ​ញឆីង​មា​ពាង់ ឞូ​ម៝ស​ទូ​ហ្វេ​ឞូនុយ្ស​រាលាង់​មា​ពាង់។
JOH 6:65 ឞ្រាស​យេឆូ ​លាស​តៃ៖ “កើត​នទ្រី​ទឹង​គ៝ប់​លែៈ​មឞើស​មា​ខាន់​អៃ​មៃ លាស​ឞឹ​គ៝ប់​មោ​អ៝ន់​អោស មោ​គែស​អោស​ឞូនុយ្ស​ហាន់​វាច់​តា​គ៝ប់ ទូ​ហ្វេ​មោ​អើម”។
JOH 6:66 តា​នៃ​គែស​អ៝ក់​ឞូនុយ្ស​តា​មពោល​អ៝ស​ម៝ន​ពាង់​នៃ​នតើម​ព្លឹ​ជឹត​កើយ មោ​ហោម​តឹង​ពាង់។
JOH 6:67 នទ្រី​ទឹង​ឞ្រាស​យេឆូ ​អោប ១២ នុយ្ស​មពោល​កោរាញ​អ៝ស​ម៝ន៖ “អាស​ខាន់​មៃ​អុច​ទូ​ឞើស​គ៝ប់​ដ៝ង់?”
JOH 6:68 ឆីមោន ​អី​ឞូ​ក្វាល់​ពេត្រោស ​ដ៝ង់​អើស​មា​ពាង់៖ “អើ​កោរាញ ហេន​មោ​ហោម​អោស​គែស​ឞូនុយ្ស​អេង​ដ៝ង់។ នាវ​មៃ​ងើយ​អ៝ន់​ហេន​គែស​នាវ​រេស​នហ៝​រ៝។
JOH 6:69 ហេន​លែៈ​ញឆីង​មា​មៃ ហេន​លែៈ​គឹត​មៃ​អី​នើម​ក្ល៝ស​អ្វែស​ឞ្រាស​ក្រីស ​តាៈ​ឞើស​កោរាញ​ឞ្រាស”។
JOH 6:70 ឞ្រាស​យេឆូ ​លាស​មា​ខាន់​ពាង់៖ “គ៝ប់​លែៈ​កើយ្ស​ជេស​ខាន់​មៃ ១២ នុយ្ស តីស​មា​គែស​ទូ​ហ្វេ​តា​មពោល​ខាន់​មៃ​ជេង​ឞូនុយ្ស​កោរាញ​មពោល​ឞ្រាស​អ្យើស”។
JOH 6:71 ឞ្រាស​យេឆូ ​អុច​ងើយ​មា​យូដាស ​ក៝ន​ឆីមោន-​អីឆាការីយោត  យ៝រ​លាស​តា ១២ នុយ្ស​មពោល​កោរាញ​អ៝ស​ម៝ន​នៃ គែស​ទូ​ហ្វេ​ពាង់​នូយ្ស​តា​ន៝ម់​នហ៝ម់​កាលើ​មា​ឞ្រាស​យេឆូ ។
JOH 7:1 ជេស​ឞើស​នៃ ឞ្រាស​យេឆូ ​ហាន់​អ៝ក់​នតុក​តា​ឞ្រី​កាលីលេ ពាង់​មោ​អុច​អោស​ហាន់​តា​ឞ្រី​យូដា  យ៝រ​លាស​មពោល​កោរាញ​ផូង​អីឆ្រាអែល ​អុច​តឹង​ងខឹត​ពាង់។
JOH 7:2 នោក​នៃ​នារ​ញេត​បុន​ផូង​អីឆ្រាអែល ​ឞើយ​មា​ត៝ត់ នៃ​ជេង​បុន​ឞូ​ក្វាល់​លាស​«បុន​គុ​តា​ចូន​ងគីង​ឆី» នាវ​ញេត​បុន​អី​នៃ​ជ៝ៈ​ផាម​នារ។
JOH 7:3 អ៝សៗ​ឞូ​ក្លោ​ឞ្រាស​យេឆូ ​លាស​មា​ពាង់៖ “មៃ​លោស​ឞើស​អ្យា​ហាន់​អា​ឞ្រី​យូដា ​រី​ហ៝ម់ គៃ​មា​អ៝ន់​មពោល​អ៝ស​ម៝ន​មៃ​ឆៃ​នទើ​ខ្លៃ​មៃ​ជាន។
JOH 7:4 យ៝រ​លាស​ឞូ​ម៝ស​អុច​អ៝ន់​ឞូ​លឺ​ឆាក់​ពាង់​នើម មោ​អោស​ជាន​ការ​មពោន។ លាស​មៃ​ជាន​ការ​នាវ​ខ្លៃ​អេងៗ ញហើ​អ៝ន់​ទឹង​លែៈ​ឞូនុយ្ស​ឆៃ​ទោ!”
JOH 7:5 អី​អ៝សៗ​ឞ្រាស​យេឆូ ​នើម​នៃ ខាន់​ពាង់​មោ​ដ៝ង់​ញឆីង​មា​ពាង់។
JOH 7:6 ឞ្រាស​យេឆូ ​លាស​មា​ខាន់​ពាង់៖ “ម៝ង​គ៝ប់​ហាន់​អេ​ហ៝ៈ​អោស​ត៝ត់ យើន​មា​ខាន់​មៃ​ទាស​អុច​ខាន់​មៃ​នើម។
JOH 7:7 ឞូនុយ្ស​គុ​តា​នែស​នតូ​អ្យា​មោ​អោស​ទើយ​ឞ្យាញ់​មា​ខាន់​មៃ យើន​មា​ខាន់​ពាង់​ឞ្យាញ់​មា​គ៝ប់ យ៝រ​លាស​គ៝ប់​មឞើស​នហេល​ងាន់​នទើ​ខាន់​ពាង់​ជាន​ទុត​អ្យើស​ងាន់។
JOH 7:8 ខាន់​មៃ​ហាន់​លាប់​ញេត​បុន​រី​ទោ គ៝ប់​មោ​ហាន់​អោស យ៝រ​លាស​គ៝ប់​អេ​ហ៝ៈ​ត៝ត់​ទី​ម៝ង​ហាន់”។
JOH 7:9 ជេស​ឞ្រាស​យេឆូ ​ងើយ​នៃ ពាង់​ហោម​គុ​តា​ឞ្រី​កាលីលេ ​នៃ​ដ៝ង់។
JOH 7:10 ត៝ត់​មា​អ៝សៗ​ឞ្រាស​យេឆូ ​នៃ​លែៈ​ហាន់​ញេត​បុន​លែៈ​ផ្យៅ ជេសរី​ពាង់​ហាន់​ឞើស​កើយ​ដ៝ង់ យើន​មា​មោ​អោស​អ៝ន់​ឞូ​ឆៃ ពាង់​ហាន់​អេង​រាក្លាក់។
JOH 7:11 នោក​ញេត​បុន​នៃ មពោល​កោរាញ​ផូង​អីឆ្រាអែល ​អោប​ឞូ៖ “អាស​ពាង់​មោ​ឆៃ?”
JOH 7:12 តា​ផូង​ប៝ន​លាន គែស​អ៝ក់​ឞូនុយ្ស​តឹម​ងើយ​ឆ្វីស​លាស​មា​ឞ្រាស​យេឆូ  អាបាៈ​លាស៖ “ពាង់​ជេង​ឞូនុយ្ស​អ្វែស​ងាន់” អាបាៈ​លាស៖ “មោ​អោស ពាង់​ជេង​ឞូនុយ្ស​មរោស​រាលាម់​ផូង​ប៝ន​លាន”។
JOH 7:13 មោ​គែស​អោស​ឞូនុយ្ស​ឞាញ់​ងើយ​ងក៝ច​ឞ្រាស​យេឆូ  យ៝រ​លាស​ក្លាច​មពោល​កោរាញ​ផូង​អីឆ្រាអែល ។
JOH 7:14 ត៝ត់​លែៈ​ងគូល​ញេត​បុន​នៃ ឞ្រាស​យេឆូ ​ហាន់​តា​ប៝ន​ក្វ៝ង់​យេរូឆាលឹម ​លាប់​តា​ជ៝ង់​គូង​ញីស​ជាន​ឞ្រាស ជេសរី​នតី​ផូង​ប៝ន​លាន​តា​នៃ។
JOH 7:15 មពោល​កោរាញ​ផូង​អីឆ្រាអែល  ខាន់​ពាង់​នទ្រ៝ត់​ហីស​រាហ៝ល់​ងាន់​មោ​វ៝ត់​អោស ខាន់​ពាង់​តឹម​លាស៖ “ឞូនុយ្ស​អី​នៃ​មោ​ព្រ៝ត​អោស​ម៝ប់​លាប់​នតី មើម​ទឹង​ពាង់​គឹត​ងាន់​នាវ​កោរាញ​ឞ្រាស​នៃ?”
JOH 7:16 ឞ្រាស​យេឆូ ​លាស៖ “នាវ​គ៝ប់​នតី​លាស​អ្យា មោ​ទី​អោស​លោស​តាៈ​ឞើស​នាវ​គ៝ប់​នើម អ្យា​លោស​តាៈ​ឞើស​កោរាញ​ឞ្រាស​នើម​តើម​ញជ្វាល់​អ៝ន់​គ៝ប់​វាច់។
JOH 7:17 លាស​ឞូ​ម៝ស​អុច​ជាន​តឹង​នាវ​កោរាញ​ឞ្រាស​អុច ពាង់​គឹត​រ៝​នាវ​គ៝ប់​នតី​លាស​អ្យា​លោស​តាៈ​ឞើស​កោរាញ​ឞ្រាស​នើម មោ​លាស​លោស​តាៈ​ឞើស​ឆាក់​គ៝ប់​នើម។
JOH 7:18 ឞូ​ម៝ស​ងើយ​នាវ​តាៈ​ឞើស​ឆាក់​ពាង់​នើម ពាង់​អុច​នហាវ​អេង​ឆាក់​ពាង់​នើម​ទើម យើន​មា​ឞូ​ម៝ស​អុច​នហាវ​មា​នើម​តើម​ដាៈ​ពាង់​ហាន់ ពាង់​អី​នៃ​ងើយ​ងាន់ មោ​គែស​អោស​មរោស។
JOH 7:19 ចែ​មោឆេ ​កាល់​អែ​នើស​លែៈ​អ៝ន់​នាវ​វៃ​មា​ខាន់​អៃ​មៃ យើន​មា​មោ​គែស​អោស​ទូ​ហ្វេ​ឞូនុយ្ស​តា​ផូង​ខាន់​មៃ​ញអោត​នាវ​វៃ​ពាង់​ងាន់​ងេន។ លាស​នទ្រី​ម៝ស​កោៈ​ខាន់​មៃ​អុច​ងខឹត​គ៝ប់?”
JOH 7:20 ផូង​ប៝ន​លាន​អើស​មា​ពាង់៖ “មៃ​គែស​ឞ្រាស​អ្យើស​គុ​តា​មៃ​រ៝ ទឹង​មៃ​ងើយ​កើត​នទ្រី យ៝រ​លាស​មោ​គែស​អោស​ឞូនុយ្ស​អុច​ងខឹត​មៃ”។
JOH 7:21 ឞ្រាស​យេឆូ ​លាស​ខាន់​ពាង់៖ “គ៝ប់​លែៈ​ជាន​ការ​ទូ​នតីល​តា​នារ​ឆាបាត់ ​អី​នារ​រាលូ​ផូង​ឞ៝ន់​នៃ​នើស ទឹង​លែៈ​ខាន់​អៃ​មៃ​នទ្រ៝ត់​ហីស​រាហ៝ល់។
JOH 7:22 ចែ​មោឆេ ​លែៈ​ដាៈ​ខាន់​អៃ​មៃ​ជាន​ក៝ស​នតោ​មា​អ៝ស​ឞេ​ឞូ​ក្លោ - អី​ទី​ងាន់​ផូង​ចែ​ឞ៝ន់​ដាៈ​ជាន​ក៝ស​នតោ​អី​នៃ មោ​គែស​អោស​មោឆេ ​ដាៈ - ជេសរី​ខាន់​អៃ​មៃ​ជាន​ក៝ស​នតោ​អ៝ន់​ឞូ​តា​នារ​ឆាបាត់ ​អី​នារ​រាលូ​ដ៝ង់។
JOH 7:23 លាស​ខាន់​អៃ​មៃ​ជាន​ក៝ស​នតោ​អ៝ន់​ឞូ​តា​នារ​ឆាបាត់  មោ​គែស​អោស​តីស​ដាស​នាវ​វៃ​មោឆេ ​ដាៈ លាស​នទ្រី​មើម​ទឹង​ខាន់​អៃ​មៃ​ងខើង​មា​ជី​នូយ្ស​មា​គ៝ប់ នាវ​គ៝ប់​ជាន​ឞាស​ឞូនុយ្ស​ជី​តា​នារ​ឆាបាត់ ?
JOH 7:24 លើយ​ទឹង​អោស​លាស​ឞូ​ជាន​តីស​អី​ឆៃ​កាលើ​នតោ​ទើម អ៝ន់​ខាន់​អៃ​មៃ​គឹត​នហេល​រី​មើ​ទើយ​កើប​តីស​ទី”។
JOH 7:25 គែស​ផូង​ប៝ន​លាន​អាបាៈ​អី​គុ​រេស​តា​ប៝ន​ក្វ៝ង់​យេរូឆាលឹម ​នៃ​លាស៖ “គឹត​ពាង់​អី​នៃ​ឞូ​តឹង​ជ៝យ​អុច​ងខឹត​នើស​បាស?
JOH 7:26 អាបៃ​អ្យា​ពាង់​គុ​នតី​លាស​តា​ងក្លាង​ឞាល់​ផូង មើម​ទឹង​ផូង​កោរាញ​ឞ៝ន់​មោ​លាស​ពាង់? គឹត​លែៈ​ផូង​កោរាញ​កើប​ពាង់​ជេង​ឞ្រាស​ក្រីស ​ហើ?
JOH 7:27 លាស​ឞ្រាស​ក្រីស ​វាច់ ឞូ​លាស​មោ​គែស​អោស​ឞូនុយ្ស​គឹត​ឞើស​តាៈ​នតុក​ពាង់​វាច់។ តីស​មា​ឞូនុយ្ស​អ្យា​លែៈ​ឞ៝ន់​គឹត​ឞើស​តាៈ​នតុក​ពាង់​វាច់”។
JOH 7:28 ឞ្រាស​យេឆូ ​ហោម​គុ​នតី​លាស​ឞូ​តា​ជ៝ង់​គូង​ញីស​ជាន​ឞ្រាស​នៃ ជេសរី​ពាង់​នតែរ​ទាង់​ងាន់ ពាង់​លាស៖ “អើ ខាន់​អៃ​មៃ​តឹម​លាស​នទ្រាង់​ខាន់​អៃ​មៃ​នើម ខាន់​អៃ​មៃ​លែៈ​គឹត​នាល់​គ៝ប់ លែៈ​គឹត​ឞើស​តាៈ​នតុក​គ៝ប់​វាច់​ដ៝ង់។ យើន​មា​គ៝ប់​មោ​អោស​វាច់​តឹង​ឆាក់​គ៝ប់​នើម​អុច។ កោរាញ​ឞ្រាស​នើម​តើម​ញជ្វាល់​គ៝ប់ពាង់​ជាន​ងាន់​តឹង​នាវ​ពាង់​មឞើស​នឹង ខាន់​អៃ​មៃ​មោ​អោស​គឹត​នាល់​ពាង់។
JOH 7:29 យើន​មា​គ៝ប់​គឹត​នាល់​ពាង់ យ៝រ​លាស​គ៝ប់​វាច់​តាៈ​ឞើស​ពាង់ពាង់​ដាៈ​គ៝ប់​វាច់”។
JOH 7:30 នោក​នៃ​ឞូ​អុច​ញុប​ឞ្រាស​យេឆូ  យើន​មា​មោ​គែស​អោស​ឞូនុយ្ស​ញុប​ពាង់ យ៝រ​លាស​អេ​ហ៝ៈ​ត៝ត់​ទី​នារ​កោរាញ​ឞ្រាស​អ៝ន់។
JOH 7:31 តា​ផូង​ប៝ន​លាន​នៃ​គែស​អ៝ក់​ឞូនុយ្ស​លែៈ​ញឆីង​មា​ឞ្រាស​យេឆូ  ខាន់​ពាង់​តឹម​លាស​នទ្រាង់​ខាន់​ពាង់៖ “លាស​ឞូនុយ្ស​អ្យា​មោ​អោស​ទី​ឞ្រាស​ក្រីស  លាស​ហោម​គែស​ឞ្រាស​ក្រីស ​វាច់​តៃ គឹត​ពាង់​ទើយ​ជាន​នាវ​ខ្លៃ​អ៝ក់​រាលាវ​មា​ឞូនុយ្ស​អ្យា​បាស?”
JOH 7:32 ផូង​ផារីឆី ​តាង់​ផូង​ប៝ន​លាន​ងើយ​បុក​ទុក​ឆ្វីស​ងក៝ច​ឞ្រាស​យេឆូ ​កើត​នអៃ។ ជេសរី​មពោល​កោរាញ​ជាន​ឞ្រាស នទ្រែល​មា​ផូង​ផារីឆី  ដាៈ​ផូង​តាហែន​អី​ម៝ត់​ញជ្រាង់​ញីស​ជាន​ឞ្រាស​ហាន់​ញុប​ឞ្រាស​យេឆូ ។
JOH 7:33 ខាន់​ពាង់​ហាន់​ត៝ត់​តា​រី ឞ្រាស​យេឆូ ​លាស៖ “គ៝ប់​គុ​នទ្រែល​ខាន់​អៃ​មៃ​ហោម​ទូ​ប្ល៝ត់​ទើម ជេសរី​គ៝ប់​មរា​ព្លឹ​ឆឹត​តៃ​តា​នើម​តើម​ញជ្វាល់​គ៝ប់​នើស។
JOH 7:34 ខាន់​អៃ​មៃ​តៃ​ជ៝យ​គ៝ប់ យើន​មា​មោ​ឆៃ យ៝រ​លាស​នតុក​គ៝ប់​ហាន់ ខាន់​អៃ​មៃ​មោ​អោស​ទើយ​ហាន់”។
JOH 7:35 ជេសរី​មពោល​កោរាញ​ផូង​អីឆ្រាអែល ​មោ​វ៝ត់​តឹម​លាស​នទ្រាង់​ខាន់​ពាង់៖ “អាស​នតុក​ហាន់​ពាង់​អី​រី ទឹង​ពាង់​លាស​ឞ៝ន់​ជ៝យ​ពាង់​មោ​ឆៃ? អើម​ពាង់​អុច​ហាន់​តា​ឞ្រី​អេង​តឹង​ផូង​អីឆ្រាអែល ​អី​គុ​ចាស​ច្រាយ​នទ្រែល​ផូង​អី​មោ​ទី​ផូង​អីឆ្រាអែល  ជេសរី​នតី​លាស​មា​ផូង​អី​មោ​ទី​ផូង​អីឆ្រាអែល ​លាស?
JOH 7:36 នាវ​ពាង់​លាស៖ «ខាន់​អៃ​មៃ​តៃ​មរា​ជ៝យ​គ៝ប់ យើន​មា​មោ​ឆៃ» ជេសរី​ពាង់​លាស៖ «នតុក​គ៝ប់​ហាន់ ខាន់​អៃ​មៃ​មោ​អោស​ទើយ​ហាន់» ម៝ស​គែស​នាវ​ខ្លៃ​លាស​ព្រែ​អី​នៃ?”
JOH 7:37 ត៝ត់​នារ​ញេត​បុន​ងគ្លែៈ​ទុត នារ​អី​នៃ​ជេង​នារ​ខ្លៃ​ងាន់ ឞ្រាស​យេឆូ ​ទ៝ក់​ឞើស​នាប់​ផូង​ប៝ន​លាន ជេសរី​ពាង់​នតែរ​ទាង់​ងាន់៖ “ឞូ​ម៝ស​ជី​ហីរ​ទាក វាច់​ហ៝ម់​តា​គ៝ប់ ជេសរី​ញេត។
JOH 7:38 ឞូ​ម៝ស​ញឆីង​មា​គ៝ប់ គែស​ទាក​រាលាយ​អ៝ន់​នាវ​រេស​ហ៝ច​លោស​តា​ពាង់ នទ្រី​គែស​ញចីស​តា​នាវ​កោរាញ​ឞ្រាស​ងើយ”។
JOH 7:39 នាវ​ឞ្រាស​យេឆូ ​ងើយ​មា​ទាក​រាលាយ​អី​នៃ ពាង់​អុច​ងើយ​មា​ឞ្រាស​ហ្វេង​អ្វែស។ ឞូ​ម៝ស​ញឆីង​មា​ឞ្រាស​យេឆូ  ពាង់​អី​នៃ​ឆ៝ៈ​ទើន​ឞ្រាស​ហ្វេង​អ្វែស​គុ​នទ្រែល។ យើន​មា​នោក​នៃ​កោរាញ​ឞ្រាស​អេ​ហ៝ៈ​អោស​អ៝ន់​ឞ្រាស​ហ្វេង​អ្វែស​គុ​នទ្រែល​ឞូនុយ្ស យ៝រ​លាស​ឞ្រាស​យេឆូ ​អេ​ហ៝ៈ​ខឹត​ទ៝ក់​រេស​លាប់​តា​នាវ​ច្រេក​លើប​ពាង់​នើម។
JOH 7:40 ត៝ត់​មា​ផូង​ប៝ន​លាន​តាង់​នាវ​ឞ្រាស​យេឆូ ​ងើយ​នៃ ឞូនុយ្ស​អាបាៈ​លាស៖ “ពាង់​អី​នៃ​រ៝​ឞូនុយ្ស​នតើយ្ស​នាវ​ងើយ​កោរាញ​ឞ្រាស​អី​មោឆេ ​លែៈ​ញចីស​កាល់​អែ​នើស ពាង់​មរា​វាច់​តា​នែស​នតូ​អ្យា”។
JOH 7:41 ឞូនុយ្ស​អាបាៈ​លាស៖ “ពាង់​អី​នៃ​រ៝​ឞ្រាស​ក្រីស ”។ យើន​មា​គែស​ឞូនុយ្ស​អាបាៈ​រាលាច់៖ “ឞ្រាស​ក្រីស ​គឹត​មា​លោស​តាៈ​ឞើស​ឞ្រី​កាលីលេ ​លាស?
JOH 7:42 យ៝រ​លាស​តា​នាវ​កោរាញ​ឞ្រាស​ងើយ​លាស ឞ្រាស​ក្រីស ​ទែស​ឞើស​រាន៝យ​ទែស​កាដាច់​ដាវីត  នទ្រែល​មា​លោស​តាៈ​ឞើស​ប៝ន​បេតលេហឹម  អី​នតុក​ប៝ន​ទែស​កាដាច់​ដាវីត ​នើម​បាស?”
JOH 7:43 នទ្រី​ជាន​អ៝ន់​ផូង​ប៝ន​លាន​គែស​នាវ​តឹម​ងខាស​ងខាត​ឞាល់ យ៝រ​មា​ឞ្រាស​យេឆូ ។
JOH 7:44 គែស​ឞូនុយ្ស​អាបាៈ​អុច​ញុប​ឞ្រាស​យេឆូ  យើន​មា​មោ​គែស​អោស​ឞូនុយ្ស​ញុប​ពាង់។
JOH 7:45 ជេសរី​ផូង​តាហែន​អី​ម៝ត់​ញជ្រាង់​ញីស​ជាន​ឞ្រាស​ព្លឹ​ឆឹត​តា​មពោល​កោរាញ​ជាន​ឞ្រាស នទ្រែល​មា​ផូង​ផារីឆី ​រី។ ផូង​អី​នៃ​អោប​ផូង​តាហែន៖ “ម៝ស​កោៈ​ខាន់​មៃ​មោ​ញុប​ពាង់​លែវ​តា​អ្យា?”
JOH 7:46 ផូង​តាហែន​អី​នៃ​អើស៖ “ហេន​មោ​គែស​អោស​ញុប​ពាង់ យ៝រ​លាស​ហេន​មោ​វៃ​ឆៃ​ឞូនុយ្ស​ឞ្លាវ​ងើយ​នតី​កើត​ពាង់​អី​នៃ”។
JOH 7:47 ផូង​ផារីឆី ​លាស​ខាន់​ពាង់៖ “ខាន់​មៃ​លែៈ​អ្យាត់​ដ៝ង់​នាវ​មរោស​ពាង់​ឞើស?
JOH 7:48 តា​ផូង​កោរាញ​ក្វ៝ង់ នទ្រែល​មា​ទឹង​លែៈ​ផូង​ផារីឆី  មោ​គែស​អោស​ទូ​ហ្វេ​ឞូនុយ្ស​ញឆីង​មា​ពាង់។
JOH 7:49 យើន​មា​ផូង​ប៝ន​លាន​អី​នៃ ខាន់​ពាង់​មោ​អោស​គឹត​នាវ​វៃ​ផូង​ឞ៝ន់។ ទឹង​លែៈ​ផូង​អី​នៃ​កោរាញ​ឞ្រាស​លែៈ​រាតាប់​ងាន់​រ៝!”
JOH 7:50 គែស​ទូ​ហ្វេ​រាញា​នីកោដេម  ពាង់​ជេង​ផូង​ផារីឆី ​ដ៝ង់ អា​ល៝រ​នើស​ពាង់​លែៈ​ហាន់​តឹម​ម៝ប់​មា​ឞ្រាស​យេឆូ  ពាង់​អោប​ផូង​ផារីឆី ៖
JOH 7:51 “តឹង​មា​នាវ​វៃ​ផូង​ឞ៝ន់ លាស​ឞ៝ន់​អេ​ហ៝ៈ​អោស​តាង់​ឞូនុយ្ស​តីស​នើម​ងើយ អេ​ហ៝ៈ​អោស​គឹត​នហេល​នាវ​ពាង់​ជាន អើម​ទើយ​ផាត​ទោយ្ស​ពាង់​លាស?”
JOH 7:52 ផូង​ផារីឆី ​នៃ​អើស​មា​ពាង់៖ “មៃ​ងើយ​តឹម​ឞាន​មៃ​ជេង​ឞូនុយ្ស​ឞ្រី​កាលីលេ ​រាលូក​ម៝ល់​ដ៝ង់។ ល៝ង់​មៃ​អ្វាញ់​តា​នាវ​កោរាញ​ឞ្រាស​ងើយ មោ​គែស​អោស​ទូ​ហ្វេ​ឞូនុយ្ស​នតើយ្ស​នាវ​ងើយ​កោរាញ​ឞ្រាស​លោស​តាៈ​ឞើស​ឞ្រី​កាលីលេ ”។
JOH 7:53 [ជេស​ឞើស​នៃ​ខាន់​ពាង់​ព្លឹ​ឆឹត​តា​ញីស​ជៃ​ខាន់​ពាង់​នើម។]
JOH 8:1 [ជេសរី​ឞ្រាស​យេឆូ ​ហាវ​តា​កាលើ​យោក​តើម​អោលីវ  គុ​ឞិច​តា​នៃ។
JOH 8:2 ត៝ត់​អើម​អោយ​ពាង់​ព្លឹ​តៃ​តា​ជ៝ង់​គូង​ញីស​ជាន​ឞ្រាស​មា​កោរាញ​ឞ្រាស គែស​ទឹង​លែៈ​ផូង​ប៝ន​លាន​ហាន់​ម៝ប់​ពាង់ ជេសរី​ពាង់​គុ​រាគើប​នតុម​នតី​ខាន់​ពាង់។
JOH 8:3 នោក​នៃ​ផូង​នើម​នតី​នាវ​វៃ​ផូង​អីឆ្រាអែល  នទ្រែល​មា​ផូង​ផារីឆី ​លែវ​ទូ​ហ្វេ​ឞូ​អូរ​ឞូ​ឞាន​ពាង់​គុ​ឞិច​ដាស​ឞូ​ក្លោ​អី​មោ​ទី​ឆាយ​ពាង់​នើម។ ឞូ​តេក​ឞូ​អូរ​អី​នៃ​គុ​តា​ងក្លាង​ងគូល​ផូង​គុ​តា​នៃ‌
JOH 8:4 ជេសរី​ខាន់​ពាង់​លាស​មា​ឞ្រាស​យេឆូ ៖ “អើ​នើម​នតី ឞូ​អូរ​អ្យា​ហេន​ឞាន​ពាង់​តឹម​ល៝ម់​អូរ​ឆាយ។
JOH 8:5 តា​នាវ​វៃ​មោឆេ  លែៈ​ដាៈ​ឞ៝ន់​នតុប​ឞូ​អូរ​ជាន​តីស​កើត​នអា​មា​លុ​អ៝ន់​ខឹត។ លាស​នទ្រី​មៃ មើម​មៃ​លាស​មេស?”
JOH 8:6 ខាន់​ពាង់​អោប​រាល៝ង​ឞ្រាស​យេឆូ ​កើត​នៃ អុច​ជ៝យ​នាវ​នតោន​ពាង់។ យើន​មា​ឞ្រាស​យេឆូ ​គុ​ចុន​ជឹត​នែស ជេសរី​ញចីស​នាវ​តា​នែស​មោយ​មា​លាវ​តី។
JOH 8:7 យ៝រ​មា​ផូង​នៃ​ជ៝ល់​ក៝​អោប​ឞ្រាស​យេឆូ ពាង់​ងគឹល ជេសរី​លាស៖ “តា​ផូង​ខាន់​មៃ ឞូ​ម៝ស​អី​មោ​គែស​ជាន​តីស អ៝ន់​ពាង់​អី​នៃ​នតុប​ឞូ​អូរ​អី​អ្យា​មា​លុ​ល៝រ​ឞូ​ទោ!”
JOH 8:8 ជេសរី​ពាង់​ចុន​ញចីស​តៃ​តា​នែស​មោយ​នៃ​ជឹត។
JOH 8:9 ត៝ត់​មា​ខាន់​ពាង់​តាង់​នាវ​ឞ្រាស​យេឆូ ​លាស​កើត​នៃ ជេសរី​ខាន់​ពាង់​នតើម​ទូ​លោស​ឞើស​នតុក​នៃ​ទែ​មរោច នតើម​ឞើស​ឞូ​រាញ​នហ៝​មា​ត៝ត់​លែៈ។ ហោម​អែ​តា​នៃ​ឞ្រាស​យេឆូ  នទ្រែល​មា​ឞូ​អូរ​អី​នៃ​នើស​ទើម។
JOH 8:10 ឞ្រាស​យេឆូ ​ងគឹល ជេសរី​លាស​មា​ឞូ​អូរ​អី​នៃ៖ “អើ​យោស អាស​ហាន់​ផូង​ខាន់​ពាង់​យ៝ត​រាងាត់? មោ​គែស​ទូ​ហ្វេ​អុច​តេៈ​ទោយ្ស​អៃ?”
JOH 8:11 ឞូ​អូរ​អី​នៃ​អើស៖ “មោ​គែស​អោស កោរាញ”។ ឞ្រាស​យេឆូ ​លាស​មា​ពាង់៖ “គ៝ប់​មោ​ដ៝ង់​តេៈ​ទោយ្ស​អៃ អៃ​ឆឹត​ទោ យើន​មា​នតើម​ឞើស​នារ​អ្យា អៃ​លើយ​ហោម​អោស​ជាន​តីស”។]
JOH 8:12 ឞ្រាស​យេឆូ ​ងើយ​តៃ​មា​ផូង​ប៝ន​លាន៖ “គ៝ប់​អ្យា​ជេង​តឹម​ឞាន​មា​នាវ​អាង​មា​ទឹង​លែៈ​ឞូនុយ្ស​តា​នែស​នតូ​អ្យា ឞូ​ម៝ស​តឹង​គ៝ប់ ពាង់​មោ​ហោម​អោស​គុ​រេស​តា​នាវ​ង៝ យ៝រ​លាស​ពាង់​មរា​គែស​នាវ​អាង​អី​អ៝ន់​នាវ​រេស”។
JOH 8:13 ផូង​ផារីឆី ​លាស​មា​ឞ្រាស​យេឆូ ៖ “នាវ​មៃ​ងើយ​អី​នៃ​លោស​អេង​តាៈ​ឞើស​មៃ​នើម​ទើម មោ​គែស​ឞូនុយ្ស​អា​អេង​មឞើស​នាវ​មៃ​ងើយ​អី​នៃ លាស​នទ្រី​នាវ​មៃ​ងើយ​អី​នៃ​មោ​អោស​កើប​គែស​នាវ​ខ្លៃ”។
JOH 8:14 ឞ្រាស​យេឆូ ​លាស៖ “ឞ៝ល​លាស​នាវ​គ៝ប់​ងើយ​អ្យា​លោស​អេង​តាៈ​ឞើស​ឆាក់​គ៝ប់​នើម​ទើម​កាដោយ នាវ​គ៝ប់​ងើយ​អ្យា​ហោម​គែស​នាវ​ខ្លៃ យ៝រ​លាស​គ៝ប់​គឹត​ឆាក់​គ៝ប់​នើម​ឞើស​តាៈ ជេសរី​គឹត​ដ៝ង់​នតុក​គ៝ប់​ហាន់។ យើន​មា​ផូង​ខាន់​មៃ​នើស​មោ​អោស​គឹត​គ៝ប់​ឞើស​តាៈ ជេសរី​មោ​ដ៝ង់​គឹត​អាស​នតុក​គ៝ប់​ហាន់។
JOH 8:15 ខាន់​មៃ​ផាត​ទោយ្ស​តឹង​នាវ​វៃ​ផូង​ឞូនុយ្ស។ គ៝ប់​មោ​អោស​ផាត​ទោយ្ស​ឞូ ទូ​ហ្វេ​មោ​អើម។
JOH 8:16 លាស​គ៝ប់​ផាត​ទោយ្ស​ឞូ នាវ​គ៝ប់​ផាត​ទោយ្ស​អី​នៃ​ជេង​ទី​ងាន់ យ៝រ​លាស​គ៝ប់​មោ​អោស​ផាត​ទោយ្ស​អេង​គ៝ប់​នើម​ទើម គែស​ឞឹ​គ៝ប់​នើម​តើម​ញជ្វាល់​គ៝ប់​ដ៝ង់​គុ​នទ្រែល​គ៝ប់។
JOH 8:17 តា​នាវ​វៃ​ខាន់​មៃ​លែៈ​គែស​ញចីស៖ «លាស​គែស​ឞារ​ហៃ​ឞូនុយ្ស​មឞើស​ងក៝ច រី​មើ​កើប​នាវ​អី​នៃ​គែស​នាវ​ខ្លៃ»។
JOH 8:18 គ៝ប់​មឞើស​ងក៝ច​នាវ​ឆាក់​គ៝ប់​នើម​អ្យា ជេសរី​គែស​ឞឹ​គ៝ប់​នើម​តើម​ញជ្វាល់​គ៝ប់​វាច់​ដ៝ង់ មឞើស​ងក៝ច​នាវ​ឆាក់​គ៝ប់​នើម​អ្យា”។
JOH 8:19 ឞូ​អោប​ឞ្រាស​យេឆូ ៖ “អាស​ឞឹ​មៃ?” ពាង់​អើស៖ “ខាន់​មៃ​មោ​គឹត​នាល់​គ៝ប់ ខាន់​មៃ​មោ​ដ៝ង់​គឹត​នាល់​ឞឹ​គ៝ប់។ លាស​ខាន់​មៃ​គឹត​នាល់​គ៝ប់ រី​មើ​ខាន់​មៃ​គឹត​នាល់​ឞឹ​គ៝ប់​ដ៝ង់”។
JOH 8:20 ឞ្រាស​យេឆូ ​ងើយ​នាវ​នៃ នោក​ពាង់​គុ​នតី​លាស​ឞូ​តា​ជ៝ង់​គូង​ញីស​ជាន​ឞ្រាស ទាច់​កេង​នតុក​អ៝ន់​ហុប​ព្រាក់ យើន​មា​មោ​គែស​អោស​ឞូនុយ្ស​ឞាញ់​ញុប​ពាង់ យ៝រ​លាស​អេ​ហ៝ៈ​ត៝ត់​ទី​ម៝ង។
JOH 8:21 ឞ្រាស​យេឆូ ​លាស​តៃ​ខាន់​ពាង់៖ “គ៝ប់​តៃ​ទូ ខាន់​មៃ​តៃ​ជ៝យ​គ៝ប់ យើន​មា​ខាន់​មៃ​ខឹត​នអ៝ប់​មា​នាវ​តីស​ខាន់​មៃ​នើម។ នតុក​គ៝ប់​ហាន់ ខាន់​មៃ​មោ​អោស​ទើយ​ហាន់”។
JOH 8:22 មពោល​កោរាញ​ផូង​អីឆ្រាអែល ​តឹម​លាស​នទ្រាង់​ខាន់​ពាង់៖ “ម៝ស​គែស​នាវ​ខ្លៃ​លាស​ព្រែ​នៃ៖ «នតុក​គ៝ប់​ហាន់ ខាន់​មៃ​មោ​អោស​ទើយ​ហាន់»? គឹត​ពាង់​ងខឹត​អេង​ឆាក់​ពាង់​នើម?”
JOH 8:23 ឞ្រាស​យេឆូ ​លាស​តៃ៖ “ខាន់​មៃ​តាៈ​ឞើស​នែស​នតូ​អ្យា យើន​មា​គ៝ប់​តាៈ​ឞើស​កាលើ​ត្រោក​អី​នតុក​កោរាញ​ឞ្រាស​នើម។ ខាន់​មៃ​ជេង​នទើ​នែស​នតូ​អ្យា យើន​មា​គ៝ប់គ៝ប់​មោ​អោស​ជេង​នទើ​នែស​នតូ​អ្យា។
JOH 8:24 គ៝ប់​លែៈ​មឞើស​មា​ខាន់​មៃ៖ «ខាន់​មៃ​ខឹត​នអ៝ប់​មា​នាវ​តីស​ខាន់​មៃ​នើម» យ៝រ​លាស លាស​ខាន់​មៃ​មោ​អោស​អ្យាត់​នាវ​គ៝ប់​មឞើស​ងក៝ច​នាវ​ឆាក់​គ៝ប់​នើម​អ្យា ខាន់​មៃ​ខឹត​ហោម​នអ៝ប់​មា​នាវ​តីស​ខាន់​មៃ​នើម​ងាន់​រ៝ មោ​អោស​គែស​យោៈ​នាវ​តីស”។
JOH 8:25 ឞូ​អោប​ឞ្រាស​យេឆូ ៖ “លាស​នទ្រី​មៃ​ឞូ​ម៝ស?” ឞ្រាស​យេឆូ ​អើស៖ “គ៝ប់​លែៈ​អើម​មឞើស​ជេស​មា​ខាន់​មៃ។
JOH 8:26 គ៝ប់​គែស​អ៝ក់​ងាន់​នាវ​គៃ​មា​អុច​មឞើស​ងក៝ច​អ៝ន់​មា​ខាន់​មៃ នអ៝ប់​មា​ផាត​ទោយ្ស​ខាន់​មៃ យើន​មា​គ៝ប់​មោ​អុច​អោស​មឞើស​ងក៝ច យ៝រ​លាស​កោរាញ​ឞ្រាស​នើម​តើម​ញជ្វាល់​គ៝ប់ពាង់​ជាន​តឹង​នាវ​ពាង់​មឞើស​នឹង ជេសរី​ម៝ស​នាវ​គ៝ប់​តាង់​តាៈ​ឞើស​ពាង់ នាវ​អី​នៃ​ទើម​គ៝ប់​មឞើស​ងក៝ច​អ៝ន់​មា​ឞូនុយ្ស​តា​នែស​នតូ​អ្យា”។
JOH 8:27 យើន​មា​ផូង​ខាន់​ពាង់​មោ​វ៝ត់​អោស​នាវ​ឞ្រាស​យេឆូ ​មឞើស​ងក៝ច​កោរាញ​ឞ្រាស​ឞឹ​ពាង់​អ៝ន់​មា​ខាន់​ពាង់​នៃ។
JOH 8:28 ឞ្រាស​យេឆូ ​លាស​មា​ខាន់​ពាង់៖ “តា​នារ​ខាន់​មៃ​នហាវ​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​រី​តៃ តា​រី​មើ​ខាន់​មៃ​គឹត​លាស​គ៝ប់​អ្យា​ឞូ​ម៝ស គឹត​លាស​នទើ​គ៝ប់​ជាន មោ​គែស​អោស​ជាន​តឹង​ឆាក់​គ៝ប់​នើម​អុច។ គ៝ប់​ងើយ​នាវ​អី​នៃ​តឹង​នាវ​ឞឹ​គ៝ប់​ដាៈ​មា​គ៝ប់។
JOH 8:29 កោរាញ​ឞ្រាស​នើម​តើម​ញជ្វាល់​គ៝ប់ពាង់​មោ​អោស​នត្លើយ​គ៝ប់​គុ​អេង ពាង់​គុ​នទ្រែល​គ៝ប់ យ៝រ​លាស​ទឹង​លែៈ​នទើ​គ៝ប់​ជាន​អ៝ន់​ពាង់​រាម់​មអាក​មរ៝”។
JOH 8:30 នោក​ឞ្រាស​យេឆូ ​ងើយ​នៃ គែស​អ៝ក់​ឞូនុយ្ស​ឆឹត​ញឆីង​មា​ពាង់។
JOH 8:31 ជេសរី​ឞ្រាស​យេឆូ ​ងើយ​មា​ផូង​អីឆ្រាអែល ​អី​លែៈ​ញឆីង​មា​ពាង់៖ “លាស​ខាន់​អៃ​មៃ​គុ​ន៝ប់​តា​នាវ​គ៝ប់​នតី ខាន់​អៃ​មៃ​ជេង​អ៝ស​ម៝ន​គ៝ប់​ងាន់‌
JOH 8:32 ជេសរី​ខាន់​អៃ​មៃ​គឹត​នាល់​នាវ​ងាន់ ជេសរី​នាវ​ងាន់​មរា​រាក្លាយ្ស​ខាន់​អៃ​មៃ​អ៝ន់​ជេង​ឞូនុយ្ស​ក៝ន​មែ”។
JOH 8:33 ផូង​ខាន់​ពាង់​លាស៖ “មើម​ទឹង​មៃ​លាស​ហេន៖ «ខាន់​អៃ​មៃ​មរា​ជេង​ឞូនុយ្ស​ក៝ន​មែ?» យ៝រ​លាស​ហេន​អី​អ្យា​ក៝ន​ឆៅ​អាឞ្រាហាម់ ​អី​ចែ​ទឹង​លែៈ​ផូង​អីឆ្រាអែល ​ឞ៝ន់ ហេន​មោ​ព្រ៝ត​អោស​គុ​ជាន​ទឹក​ឞូ”។
JOH 8:34 ឞ្រាស​យេឆូ ​លាស​មា​ខាន់​ពាង់៖ “គ៝ប់​លាស​នហេល​នានេៈ​ងាន់​មា​ខាន់​អៃ​មៃ ឞូ​ម៝ស​ជាន​តីស ពាង់​អី​នៃ​ជេង​តឹម​ឞាន​មា​ទឹក​មា​នាវ​តីស​មោ​ឞ្លាវ​ឞាស​ជាន​តីស។
JOH 8:35 ឞូនុយ្ស​ទឹក​ឞូ ពាង់​មោ​អោស​គុ​មរ៝​តា​ជៃ​កោរាញ​ពាង់​នើម យើន​មា​ក៝ន​កោរាញ​នើម ពាង់​គុ​មរ៝​តា​ជៃ​ឞឹ​ពាង់​នើម​នៃ។
JOH 8:36 លាស​នទ្រី លាស​គ៝ប់​អី​ក៝ន​កោរាញ​ឞ្រាស​រាក្លាយ្ស​ខាន់​អៃ​មៃ ខាន់​អៃ​មៃ​ជេង​ឞូនុយ្ស​ក៝ន​មែ​ងាន់​រ៝។
JOH 8:37 គ៝ប់​លែៈ​គឹត​ខាន់​អៃ​មៃ​ផូង​ក៝ន​ឆៅ​អាឞ្រាហាម់  យើន​មា​ខាន់​អៃ​មៃ​អុច​ងខឹត​គ៝ប់ យ៝រ​លាស​ទឹង​លែៈ​នាវ​គ៝ប់​ងើយ នូយ្ស​នហ៝ម់​ខាន់​អៃ​មៃ​មោ​អោស​ឆ៝ៈ​ទើន។
JOH 8:38 ម៝ស​នាវ​គ៝ប់​មឞើស​ងក៝ច​មា​ខាន់​អៃ​មៃ ជេង​នទើ​គ៝ប់​លែៈ​ឆៃ​តា​ឞឹ​គ៝ប់​នើម យើន​មា​ខាន់​អៃ​មៃ​ជាន​តឹង​នាវ​ឞឹ​ខាន់​អៃ​មៃ​នើម​មឞើស”។
JOH 8:39 ខាន់​ពាង់​លាស​មា​ឞ្រាស​យេឆូ ៖ “ឞឹ​ហេន​អាឞ្រាហាម់ ”។ ឞ្រាស​យេឆូ ​លាស៖ “លាស​ខាន់​អៃ​មៃ​ផូង​ក៝ន​ឆៅ​អាឞ្រាហាម់ ​ងាន់ ខាន់​អៃ​មៃ​ជាន​នទើ​កើត​អាឞ្រាហាម់ ​លែៈ​ជាន​ដ៝ង់។
JOH 8:40 អាបៃ​អ្យា​គ៝ប់​មឞើស​ងក៝ច​មា​ខាន់​អៃ​មៃ​នាវ​ងាន់ នាវ​អី​គ៝ប់​តាង់​តាៈ​ឞើស​កោរាញ​ឞ្រាស តីស​មា​ខាន់​អៃ​មៃ​អុច​ងខឹត​គ៝ប់។ យើន​មា​អាឞ្រាហាម់ ​មោ​អោស​ជាន​កើត​នអៃ។
JOH 8:41 ខាន់​អៃ​មៃ​ជាន​នទើ​ឞឹ​ខាន់​អៃ​មៃ​នើម​ជាន”។ ខាន់​ពាង់​លាស​មា​ឞ្រាស​យេឆូ ៖ “ហេន​អ្យា​ក៝ន​មែ​គ្លែ​អាល់​ងាន់ ឞឹ​ហេន​កោរាញ​ឞ្រាស​ទូ​ហ្វេ​ទើម”។
JOH 8:42 ឞ្រាស​យេឆូ ​លាស​តៃ​មា​ខាន់​ពាង់៖ “លាស​កោរាញ​ឞ្រាស​ឞឹ​ខាន់​អៃ​មៃ​ងាន់ ទី​លាស​ខាន់​អៃ​មៃ​រ៝ង់​មា​គ៝ប់​ដ៝ង់ យ៝រ​លាស​គ៝ប់​អ្យា​លោស​តាៈ​ឞើស​កោរាញ​ឞ្រាស​វាច់​តា​អ្យា។ គ៝ប់​មោ​អោស​លោស​តឹង​ឆាក់​គ៝ប់​នើម​អុច កោរាញ​ឞ្រាស​នើម​ញជ្វាល់​គ៝ប់​វាច់​តា​អ្យា។
JOH 8:43 មើម​ទឹង​ខាន់​អៃ​មៃ​មោ​វ៝ត់​នាវ​គ៝ប់​នតី? យ៝រ​លាស​ខាន់​អៃ​មៃ​មោ​ឞ្លាវ​អ្យាត់​នាវ​គ៝ប់​នតី។
JOH 8:44 ឞឹ​ខាន់​អៃ​មៃ​នើស​ឆាតាង់ ​អី​កោរាញ​មពោល​ឞ្រាស​អ្យើស ខាន់​អៃ​មៃ​អុច​ជាន​តឹង​នាវ​ពាង់​អុច។ ពាង់​ងខឹត​ឞូនុយ្ស​ឞើស​នតើម​ឆាអើម​ងាន់ ពាង់​អី​នើម​មរោស នទ្រែល​មា​ពាង់​មោ​អោស​ងើយ​នាវ​ងាន់ យ៝រ​លាស​តា​នូយ្ស​នហ៝ម់​ពាង់​មោ​គែស​អោស​នាវ​ងាន់។ ទោល​ពាង់​មឞើស​ងើយ​មរោស ពាង់​តឹម​ទី​មា​នូយ្ស​នហ៝ម់​ពាង់​នើម​រ៝ យ៝រ​លាស​ពាង់​នើស​ជេង​នើម​មរោស នទ្រែល​មា​ជេង​នើម​តើម​ទឹង​លែៈ​នាវ​មរោស​ដ៝ង់។
JOH 8:45 នទ្រី​ទឹង​ខាន់​អៃ​មៃ​មោ​អោស​អ្យាត់​នាវ​គ៝ប់ យ៝រ​លាស​គ៝ប់​នតី​នាវ​ងាន់។
JOH 8:46 តា​ផូង​ខាន់​អៃ​មៃ​នៃ អើម​គែស​លាស​ទូ​ហ្វេ​ឞូនុយ្ស​ទើយ​នតោន​គ៝ប់​គែស​ជាន​នាវ​តីស? លាស​គ៝ប់​នតី​នាវ​ងាន់ មើម​ទឹង​ខាន់​អៃ​មៃ​មោ​អ្យាត់​គ៝ប់?
JOH 8:47 ឞូ​ម៝ស​ជេង​ប៝ន​លាន​កោរាញ​ឞ្រាស ពាង់​អី​នៃ​អ្យាត់​នាវ​កោរាញ​ឞ្រាស។ ខាន់​អៃ​មៃ​មោ​អោស​ជេង​ប៝ន​លាន​កោរាញ​ឞ្រាស នទ្រី​ទឹង​ខាន់​អៃ​មៃ​មោ​អ្យាត់​នាវ​គ៝ប់​នៃ”។
JOH 8:48 មពោល​កោរាញ​ផូង​អីឆ្រាអែល ​លាស​ឞ្រាស​យេឆូ ៖ “ទី​មោ​លាស​មោ លាស​ហេន​លាស​មៃ​ផូង​ឞ្រី​ឆាមារី ​គែស​ឞ្រាស​អ្យើស​គុ​តា​មៃ?”
JOH 8:49 ឞ្រាស​យេឆូ ​អើស៖ “គ៝ប់​មោ​អោស​គែស​ឞ្រាស​អ្យើស​គុ​តា​គ៝ប់គ៝ប់​យើក​មា​ឞឹ​គ៝ប់​នើម តីស​មា​ខាន់​មៃ​មឺច​រាម៝ត​គ៝ប់​ច្រាវ។
JOH 8:50 គ៝ប់​មោ​អោស​ជ៝យ​គៃ​មា​លឺ​អេង​ឆាក់​គ៝ប់​នើម យើន​មា​គែស​ទូ​ហ្វេ​ឆើម​ជ៝យ​អ៝ន់​លឺ​គ៝ប់ពាង់​អី​កោរាញ​ផាត​ទោយ្ស​ឆ៝ង់​ដ៝ង់។
JOH 8:51 គ៝ប់​លាស​នហេល​នានេៈ​ងាន់​មា​ខាន់​មៃ ឞូ​ម៝ស​ញអោត​តឹង​នាវ​គ៝ប់​នតី ពាង់​មោ​គែស​ខឹត​អោស”។
JOH 8:52 មពោល​កោរាញ​ផូង​អីឆ្រាអែល ​លាស​ឞ្រាស​យេឆូ ៖ “អាបៃ​អ្យា​ហេន​លែៈ​គឹត​មៃ​គែស​ឞ្រាស​អ្យើស​គុ​តា​មៃ​ងាន់​រ៝ យ៝រ​លាស​អាឞ្រាហាម់  នទ្រែល​មា​មពោល​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស​លែៈ​ខឹត​លែៈ​ផ្យៅ យើន​មា​មៃមៃ​លាស៖ «ឞូ​ម៝ស​ញអោត​តឹង​នាវ​គ៝ប់​នតី ពាង់​មោ​គែស​ខឹត​អោស»។
JOH 8:53 អើម​មៃ​ក្វ៝ង់​រាលាវ​ចែ​ហេន​អាឞ្រាហាម់ ​បាស? យ៝រ​លាស​ពាង់ នទ្រែល​មា​មពោល​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស​លែៈ​ខឹត​លែៈ​ផ្យៅ។ លាស​នទ្រី​មៃ​អី​នៃ មើម​មៃ​កើប​ឆាក់​មៃ​នើម​មេស?”
JOH 8:54 ឞ្រាស​យេឆូ ​លាស៖ “លាស​គ៝ប់​ជ៝យ​គៃ​មា​លឺ​អេង​ឆាក់​គ៝ប់​នើម នាវ​លឺ​អី​នៃ​មោ​អោស​គែស​នាវ​ខ្លៃ។ យើន​មា​ឞឹ​គ៝ប់​នើម​អុច​ឞូ​លឺ​ឆាក់​គ៝ប់ពាង់​អី​កោរាញ​ឞ្រាស​អី​ខាន់​មៃ​លាស​យើក​មឞាស​នៃ​នើស។
JOH 8:55 ខាន់​មៃ​មោ​អោស​គឹត​នាល់​ពាង់ យើន​មា​គ៝ប់គ៝ប់​គឹត​នាល់​ពាង់។ លាស​គ៝ប់​លាស គ៝ប់​មោ​អោស​គឹត​នាល់​ពាង់គ៝ប់​ជេង​ឞូនុយ្ស​ងើយ​មរោស​តឹម​ឞាន​មា​ខាន់​មៃ​ដ៝ង់។ យើន​មា​គ៝ប់​លែៈ​នាល់​ពាង់​ងាន់ នទ្រែល​មា​ញអោត​នាវ​ពាង់​ងើយ​ជឹត។
JOH 8:56 អាឞ្រាហាម់ ​ចែ​ខាន់​មៃ ពាង់​រាម់​មអាក​ងាន់​នោក​កោរាញ​ឞ្រាស​អ៝ន់​ពាង់​គឹត​ល៝រ ពាង់​មរា​ឆៃ​នាវ​គ៝ប់​វាច់។ ពាង់​លែៈ​ឆៃ​គ៝ប់​វាច់​ងាន់​រ៝ ជេសរី​ពាង់​រាម់​មអាក​ហោ​ងាន់”។
JOH 8:57 មពោល​កោរាញ​ផូង​អីឆ្រាអែល ​លាស​ឞ្រាស​យេឆូ ៖ “មៃ​អេ​ហ៝ៈ​ត៝ត់ ៥០ នាម់! មើម​ទឹង​មៃ​លាស​លែៈ​ឆៃ​អាឞ្រាហាម់ ?”
JOH 8:58 ឞ្រាស​យេឆូ ​លាស៖ “គ៝ប់​លាស​នហេល​នានេៈ​ងាន់​មា​ខាន់​មៃ នោក​អាឞ្រាហាម់ ​អេ​ហ៝ៈ​ទែស គ៝ប់​លែៈ​អើម​គែស​ជេស”។
JOH 8:59 កើត​នទ្រី​ទឹង​ខាន់​ពាង់​ទោញ​លុ​គៃ​មា​នតុប​ងខឹត​ឞ្រាស​យេឆូ  យើន​មា​ពាង់​ក្រាប​ឞើស​ខាន់​ពាង់​នៃ ជេសរី​លោស​ឞើស​ជ៝ង់​គូង​ញីស​ជាន​ឞ្រាស​រី។
JOH 9:1 នោក​ឞ្រាស​យេឆូ ​ហាន់​រ៝ៈ​ត្រ៝ង ពាង់​ឆៃ​ទូ​ហ្វេ​ឞូ​ក្លោ​ចែស​មាត់​នតើម​ឞើស​នទុល​មែ។
JOH 9:2 មពោល​អ៝ស​ម៝ន​អោប​ឞ្រាស​យេឆូ ៖ “អើ​នើម​នតី ឞើស​តាៈ​នាវ​តីស​អី​នៃ ទឹង​ពាង់​ចែស​មាត់​នតើម​ឞើស​នទុល​មែ​កើត​នៃ? តាៈ​ឞើស​ពាង់​នើម​ជាន​តីស មោ​លាស​តាៈ​ឞើស​មេៈ​ឞឹ​ពាង់​ជាន​តីស?”
JOH 9:3 ឞ្រាស​យេឆូ ​អើស៖ “មោ​អោស​តាៈ​ឞើស​នាវ​តីស​ពាង់​នើម មោ​ដ៝ង់​នាវ​តីស​មេៈ​ឞឹ​ពាង់។ ពាង់​ចែស​មាត់​យ៝រ​លាស​កោរាញ​ឞ្រាស​អុច​អ៝ន់​ឞូ​ឆៃ​នាវ​ទើយ​ពាង់​នើម​តា​ឞូនុយ្ស​អី​នៃ។
JOH 9:4 អ្យាត់​មា​ឞ៝ន់​ហោម​ជាន​ការ​មា​កោរាញ​ឞ្រាស​នើម​តើម​ញជ្វាល់​គ៝ប់​វាច់ នោក​ត្រោក​ហោម​អាង។ មាង់​ឞើយ​ត៝ត់ ជេសរី​លាស​ត្រោក​លែៈ​មាង់​មោ​ហោម​អោស​គែស​ឞូនុយ្ស​ទើយ​ជាន​ការ។
JOH 9:5 នោក​គ៝ប់​ហោម​គុ​តា​នែស​នតូ​អ្យា គ៝ប់​តឹម​ឞាន​មា​នាវ​អាង​មា​ទឹង​លែៈ​ឞូនុយ្ស​តា​នែស​នតូ​អ្យា”។
JOH 9:6 ជេស​ឞ្រាស​យេឆូ ​ងើយ​កើត​នៃ ពាង់​ឆ៝ស​ទាក​ទីវ​តា​នែស លាយ​ទាក​ទីវ​អី​នៃ​មា​នែស ហឹង​តា​មាត់​ឞូនុយ្ស​ចែស​នៃ។
JOH 9:7 ជេសរី​ឞ្រាស​យេឆូ ​ដាៈ​ពាង់៖ “ហាន់​ហ៝ម់ ហាន់​រាពោស​មាត់​មៃ​នៃ​តា​ទាក​ងលៅ​ឆីល៝ម ​រី” - រាឞ្លាង​ងើយ​លាស​«ឆីល៝ម »​នៃ «ឞូ​ដាៈ​ហាន់» ជេង​ទាក​ងលៅ​អី​ឞូ​ជាន។ ឞូនុយ្ស​ចែស​មាត់​នៃ​ហាន់​រាពោស​រ៝ ជេសរី​មាត់​ពាង់​ឆៃ​អាង ពាង់​ឆឹត​ឞើស​រី។
JOH 9:8 ផូង​ច្យៅ​មែង នទ្រែល​មា​ផូង​វៃ​ឆៃ​ពាង់​គុ​ទាន់​ព្រាក់​ឞូ​អា​ល៝រ​នើស ខាន់​ពាង់​តឹម​លាស៖ “ឞូ​ក្លោ​អី​នៃ​បាស​គុ​ទាន់​ឞូ​អា​ល៝រ​នើស?”
JOH 9:9 គែស​ឞូនុយ្ស​អាបាៈ​លាស៖ “ពាង់​អី​នៃ​រ៝”។ ឞូនុយ្ស​អាបាៈ​ជឹត​លាស៖ “មោ មោ​ទី​ពាង់​អោស ពាង់​តឹម​ត្រុប​មាត់​ទើម”។ យើន​មា​ពាង់​នើម​អី​តាៈ​ចែស​មាត់​នៃ​លាស៖ “គ៝ប់​យា”។
JOH 9:10 ឞូ​អោប​ពាង់៖ “មើម​ទឹង​អាង​មាត់​មៃ​អី​នៃ​នើស?”
JOH 9:11 ពាង់​មឞើស​មា​ឞូ៖ “គែស​ទូ​ហ្វេ​ឞូនុយ្ស​រាញា​យេឆូ ពាង់​ឆ៝ៈ​ទាក​ឞ៝ក់​ហឹង​តា​មាត់​គ៝ប់ ជេសរី​ដាៈ​គ៝ប់​ហាន់​រាពោស​តា​ទាក​ងលៅ​ឆីល៝ម ។ គ៝ប់​ហាន់​រាពោស មាត់​គ៝ប់​ឆៃ​អាង​រ៝”។
JOH 9:12 ឞូ​អោប​ឞូនុយ្ស​ចែស​មាត់​នៃ៖ “អាស​ពាង់​អាបៃ?” ឞូនុយ្ស​ចែស​មាត់​នៃ​អើស៖ “គឹត​អែស!”
JOH 9:13 ជេសរី​ឞូ​លែវ​ឞូនុយ្ស​អី​តាៈ​ចែស​មាត់​អី​នៃ​ហាន់​តា​ផូង​ផារីឆី ។
JOH 9:14 នោក​ឞ្រាស​យេឆូ ​លាយ​ទាក​ទីវ​ពាង់​នើម​មា​នែស នទ្រែល​មា​ជាន​អ៝ន់​មាត់​ឞូនុយ្ស​ឆៃ​អាង​នៃ​នើស​ជេង​តា​នារ​ឆាបាត់ ​អី​នារ​រាលូ​ផូង​អីឆ្រាអែល ‌
JOH 9:15 កើត​នទ្រី​ទឹង​ផូង​ផារីឆី ​អោប​ឞូនុយ្ស​តាៈ​ចែស​មាត់​អី​នៃ៖ “មើម​ទឹង​អាង​មាត់​មៃ​នៃ​នើស?” ឞូនុយ្ស​ចែស​មាត់​នៃ​មឞើស​មា​ផូង​ផារីឆី ៖ “ពាង់​ឆ៝ៈ​ទាក​ឞ៝ក់​ហឹង​តា​មាត់​គ៝ប់ ជេសរី​គ៝ប់​រាពោស មាត់​គ៝ប់​ឆៃ​អាង​រ៝”។
JOH 9:16 ផូង​ផារីឆី ​អាបាៈ​តឹម​លាស​នទ្រាង់​ខាន់​ពាង់៖ “ឞូនុយ្ស​អី​នៃ​មោ​គែស​អោស​លោស​តាៈ​ឞើស​កោរាញ​ឞ្រាស យ៝រ​លាស​ពាង់​មោ​ជាន​តឹង​នាវ​វៃ​តា​នារ​ឆាបាត់ ​អី​នារ​រាលូ”។ អាបាៈ​ជឹត​លាស៖ “លាស​ឞូនុយ្ស​តីស មើម​ទឹង​ពាង់​ទើយ​ជាន​នាវ​ខ្លៃ​កើត​នអា?” ជេសរី​ខាន់​ពាង់​ជេង​តឹម​ងខាស​មពោល។
JOH 9:17 ជេសរី​ខាន់​ពាង់​អោប​តៃ​ឞូនុយ្ស​អី​តាៈ​ចែស​មាត់​នៃ​ជឹត៖ “លាស​នទ្រី​អាស​មៃ ពាង់​អី​តើម​ជាន​មាត់​មៃ​ឆៃ​អាង​នៃ ឞូ​ម៝ស​មៃ​លាស​មេស?” ឞូនុយ្ស​ចែស​មាត់​នៃ​អើស៖ “ពាង់​ឞូនុយ្ស​នតើយ្ស​នាវ​ងើយ​កោរាញ​ឞ្រាស”។
JOH 9:18 យើន​មា​មពោល​កោរាញ​ផូង​អីឆ្រាអែល ​អេ​ហ៝ៈ​អ្យាត់​អោស​លាស​ឞូនុយ្ស​អី​នៃ​ឞើស​នតើម​នើស​ពាង់​ចែស អាបៃ​អ្យា​លែៈ​ឆៃ​អាង ខាន់​ពាង់​ក្វាល់​អី​មេៈ​ឞឹ​ពាង់​ប៝ត់។
JOH 9:19 ឞ្រោៈ​ត៝ត់​តា​នៃ ខាន់​ពាង់​អោប៖ “ឞូនុយ្ស​អ្យា​ក៝ន​ខាន់​អៃ​មៃ​ងាន់? ខាន់​អៃ​មៃ​លាស​ពាង់​ចែស​មាត់​នតើម​ឞើស​នទុល​មែ អាបៃ​អ្យា​មើម​ទឹង​មាត់​ពាង់​ជេង​អាង?”
JOH 9:20 មេៈ​ឞឹ​ពាង់​អើស៖ “ពាង់​ក៝ន​ហេន​ងាន់ ហេន​លែៈ​គឹត​នហេល​ពាង់​ចែស​មាត់​នតើម​ឞើស​នទុល​មែ​ងាន់​ដ៝ង់‌
JOH 9:21 យើន​មា​ឞើស​តាៈ​មាត់​ពាង់​ទឹង​ឆៃ​អាង​ហេន​មោ​គឹត​អោស។ ឞូ​ម៝ស​ជាន​អ៝ន់​មាត់​ពាង់​ឆៃ​អាង​នៃ ហេន​មោ​គឹត​ដ៝ង់។ ខាន់​មៃ​អោប​អេង​ឆាក់​ពាង់​នើម​តា​នៃ ពាង់​លែៈ​ក្វ៝ង់ លែៈ​ឞ្លាវ​មឞើស​ងក៝ច​អេង​ឆាក់​ពាង់​នើម”។
JOH 9:22 ទឹង​មេៈ​ឞឹ​ពាង់​ងើយ​កើត​នៃ ខាន់​ពាង់​ក្លាច​មពោល​កោរាញ​ផូង​អីឆ្រាអែល  យ៝រ​លាស​មពោល​កោរាញ​ផូង​អីឆ្រាអែល ​លែៈ​តឹម​ទី​នាវ លាស​ឞូ​ម៝ស​កើប​ឞ្រាស​យេឆូ ​ជេង​ឞ្រាស​ក្រីស  ឞូ​មព្រើស​លើយ​អ៝ន់​លោស​ឞើស​នតុក​ញីស​រាបុន​ផូង​អីឆ្រាអែល ​ខាន់​ពាង់​នើម។
JOH 9:23 កើត​នទ្រី​ទឹង​មេៈ​ឞឹ​ពាង់​លាស៖ “ខាន់​មៃ​អោប​អេង​ឆាក់​ពាង់​នើម​តា​នៃ​អែស យ៝រ​លាស​ពាង់​លែៈ​ក្វ៝ង់”។
JOH 9:24 ជេសរី​ឞូ​ក្វាល់​តៃ​ឞូនុយ្ស​តាៈ​ចែស​មាត់​នៃ​អោប​តៃ​ទូ​តឹ​ជឹត ឞូ​លាស​ពាង់៖ “ហេន​ដាៈ​មៃ​ងើយ​នាវ​ងាន់​ហ៝ម់​តា​នាប់​មាត់​កោរាញ​ឞ្រាស! ហេន​លែៈ​គឹត​ជេស​ឞូនុយ្ស​អី​នៃ ពាង់​ឞូនុយ្ស​ជាន​តីស​ងាន់”។
JOH 9:25 ឞូនុយ្ស​អី​តាៈ​ចែស​មាត់​នៃ​អើស​មា​ខាន់​ពាង់៖ “គ៝ប់​មោ​គឹត​អោស​ពាង់​ឞូនុយ្ស​ជាន​តីស មោ​លាស​មោ។ យើន​មា​គ៝ប់​គឹត​ឆាក់​គ៝ប់​នើម ឞើស​នតើម​នើស​មាត់​គ៝ប់​ចែស អាបៃ​អ្យា​មាត់​គ៝ប់​លែៈ​ឆៃ​អាង”។
JOH 9:26 ខាន់​ពាង់​អោប​តៃ​ពាង់៖ “លាស​នទ្រី​មើម​ពាង់​ជាន​អ៝ន់​មាត់​មៃ​ឆៃ​អាង​នៃ​នើស​មេស? មាៈ​នទើ​ពាង់​ជាន​មេស?”
JOH 9:27 ឞូនុយ្ស​ចែស​មាត់​នៃ​អើស៖ “គ៝ប់​លែៈ​ជេស​ងក៝ច​មា​ខាន់​មៃ តីស​មា​ខាន់​មៃ​មោ​អុច​អ្យាត់​អោស។ អាបៃ​អ្យា​មើម​ទឹង​ខាន់​មៃ​អុច​ដាៈ​គ៝ប់​ងក៝ច​តៃ​ទូ​តឹ​ជឹត? ខាន់​មៃ​អុច​ជាន​អ៝ស​ម៝ន​ពាង់​ដ៝ង់​បាស?”
JOH 9:28 ខាន់​ពាង់​មឺច​រាម៝ត​អោឞាល់៖ “មៃ​អី​លាស​អ៝ស​ម៝ន​ពាង់ ហេន​អ្យា​អ៝ស​ម៝ន​ចែ​មោឆេ ។
JOH 9:29 ហេន​គឹត​កោរាញ​ឞ្រាស​លែៈ​ងើយ​មា​មោឆេ ​ងាន់ យើន​មា​ឞូនុយ្ស​អី​នៃ​ហេន​មោ​គឹត​អោស ឞើស​តាៈ​នាវ​ទើយ​ពាង់!”
JOH 9:30 ឞូនុយ្ស​អី​តាៈ​ចែស​មាត់​អី​នៃ​លាស៖ “គ៝ប់​មោ​វ៝ត់​អោស​ខាន់​មៃ​លាស​មោ​គឹត​ឞើស​តាៈ​នាវ​ទើយ​ពាង់ យើន​មា​ពាង់​លែៈ​ជាន​អ៝ន់​មាត់​គ៝ប់​ឆៃ​អាង។
JOH 9:31 ឞ៝ន់​លែៈ​គឹត លាស​ឞូនុយ្ស​ជាន​តីស កោរាញ​ឞ្រាស​មោ​អ្យាត់​អោស។ ឞូនុយ្ស​ឞ្លាវ​ក្លាច​យើក​មា​ពាង់ នទ្រែល​មា​ជាន​តឹង​នាវ​ពាង់​អុច​មើ​ពាង់​អ្យាត់។
JOH 9:32 នតើម​ឞើស​កោរាញ​ឞ្រាស​រាហាក់​ញជេង​នែស​នតូ អេ​ហ៝ៈ​ព្រ៝ត​តាង់​គែស​ឞូនុយ្ស​ឞ្លាវ​ជាន​ឞូនុយ្ស​ចែស​មាត់​ឞើស​នទុល​មែ​អ៝ន់​ឆៃ​អាង។
JOH 9:33 លាស​ឞូនុយ្ស​អី​នៃ​មោ​គែស​លោស​តាៈ​ឞើស​កោរាញ​ឞ្រាស ពាង់​មោ​អោស​ទើយ​ជាន​នទើ​កើត​នៃ”។
JOH 9:34 ឞូ​លាស​មា​ពាង់៖ “មៃ​ជេង​ឞូនុយ្ស​ជាន​តីស​ហោ​ងាន់​ឞើស​នទុល​មែ មើម​មៃ​ឞាញ់​នតី​លាស​មា​ហេន!” ជេសរី​ឞូ​មព្រើស​អោឞាល់​លោស​អា​ទីស។
JOH 9:35 ឞ្រាស​យេឆូ ​តាង់​ឞូ​មព្រើស​ឞូនុយ្ស​អី​តាៈ​ចែស​មាត់​នៃ​នើស​លោស​អា​ទីស ជេសរី​ឞ្រាស​យេឆូ ​ជ៝យ​ម៝ប់​ពាង់ អោប៖ “អាស​មៃ​ញឆីង​ដ៝ង់​មា​ក៝ន​ឞូនុយ្ស​អី​តាៈ​ឞើស​កោរាញ​ឞ្រាស?”
JOH 9:36 ពាង់​អើស៖ “អើ​កោរាញ អាស​ពាង់​អី​រី​មេស ឆើម​មឞើស​អ៝ន់​គ៝ប់ គ៝ប់​ឞែ​មា​ញឆីង​មា​ពាង់”។
JOH 9:37 ឞ្រាស​យេឆូ ​លាស៖ “មៃ​លែៈ​ឆៃ​ពាង់ពាង់​អ្យា​ហែស​អី​លែៈ​តឹម​ងើយ​មា​មៃ​អាបៃ​អ្យា”។
JOH 9:38 ឞូនុយ្ស​ចែស​មាត់​នៃ​លាស​មា​ឞ្រាស​យេឆូ ៖ “អើ​កោរាញ គ៝ប់​ញឆីង​មា​មៃ”។ ជេសរី​ឞូនុយ្ស​ចែស​មាត់​នៃ​យើក​មឞាស​ឞ្រាស​យេឆូ ​តា​នៃ​រ៝។
JOH 9:39 ឞ្រាស​យេឆូ ​លាស៖ “គ៝ប់​វាច់​តា​នែស​នតូ​អ្យា គៃ​មា​ផាត​ទោយ្ស​ទឹង​លែៈ​ឞូនុយ្ស ជេសរី​អ៝ន់​ឞូនុយ្ស​ចែស​មាត់​ជេង​ឆៃ​អាង នអ៝ប់​មា​ញហើ​មា​ឞូនុយ្ស​អី​កើប​អេង​មាត់​ខាន់​ពាង់​នើម​ឆៃ​អាង ខាន់​ពាង់​បេង​មា​ចែស យ៝រ​លាស​ឞូនុយ្ស​គឹត​នាល់​កោរាញ​ឞ្រាស​ងាន់​តឹម​ឞាន​មា​ឆៃ​អាង”។
JOH 9:40 ផូង​ផារីឆី ​អី​គុ​នទ្រែល​ឞ្រាស​យេឆូ ​តា​នៃ តាង់​ពាង់​លាស​កើត​នៃ ជេសរី​អោប​ពាង់៖ “លាស​នទ្រី​មៃ​ក្វាល់​ហេន​អ្យា​ឞូនុយ្ស​ចែស​មាត់​បាស?”
JOH 9:41 ឞ្រាស​យេឆូ ​លាស​មា​ខាន់​ពាង់៖ “លាស​ខាន់​មៃ​ឞូនុយ្ស​ចែស​មាត់​ងាន់​តា​នាវ​មឹន មោ​គឹត​វ៝ត់​នាវ​កោរាញ​ឞ្រាស ខាន់​មៃ​មោ​អោស​គែស​ទោយ្ស តីស​មា​ខាន់​មៃ​កើប​អេង​មាត់​ខាន់​មៃ​ឆៃ​អាង​លែៈ​គឹត​វ៝ត់​នាវ​កោរាញ​ឞ្រាស យើន​មា​មោ​អោស​រ៝ម​គ៝ប់ កើត​នទ្រី​ទោយ្ស​ហោម​ក្រេប​មរ៝​តា​ខាន់​មៃ”។
JOH 10:1 ជេសរី​ឞ្រាស​យេឆូ ​លាស​ជឹត៖ “គ៝ប់​លាស​នហេល​នានេៈ​ងាន់​មា​ខាន់​មៃ ឞូ​ម៝ស​លាប់​តា​ត្រោម​ងគារ​ឞែ​ឞ្យាប់ មោ​អោស​លាប់​រ៝ៈ​មពោង​ងគារ បេង​មា​ហាវ​លាប់​ងខើង​ត្រ៝ង​អេង​ច្រាវ ពាង់​អី​នៃ​ជេង​ឞូនុយ្ស​នតុង។
JOH 10:2 យើន​មា​ឞូ​ម៝ស​លាប់​រ៝ៈ​មពោង​ងគារ ឞូនុយ្ស​អី​នៃ​ងាន់​រ៝​ជេង​នើម​ច្យាប់​ឞែ​ឞ្យាប់​អី​គុ​តា​ត្រោម​ងគារ​អី​នៃ។
JOH 10:3 ឞូនុយ្ស​ម៝ត់​ញជ្រាង់​ងគារ​ពាង់​ឆើម​ពើក​មពោង​មា​នើម​ច្យាប់​ឞែ​ឞ្យាប់​អី​នៃ​អ៝ន់​លាប់។ ទឹង​លែៈ​ឞែ​ឞ្យាប់​នាល់​ឞ៝រ់​មឞូង​ឞូនុយ្ស​អី​ច្យាប់​ខាន់​ពាង់​ទាទេ ឞូនុយ្ស​អី​នៃ​ក្វាល់​ទឹង​លែៈ​ឞែ​ឞ្យាប់​ពាង់​នើម​នៃ​តឹង​រាញា​អេងៗ ជេសរី​ពាង់​លែវ​ឞែ​ឞ្យាប់​លោស​ឞើស​ទីស​ងគារ​នៃ។
JOH 10:4 ត៝ត់​ឞែ​ឞ្យាប់​លែៈ​លោស​ឞើស​ទីស​ងគារ​លែៈ​ផ្យៅ ពាង់​នើម​ឞ្រោៈ​ឞើស​នាប់ ឞែ​ឞ្យាប់​តឹង​ឞើស​កើយ​ឞើស​កើយ​ពាង់​នើម យ៝រ​លាស​ទឹង​លែៈ​ឞែ​ឞ្យាប់​អី​នៃ​លែៈ​នាល់​ឞ៝រ់​មឞូង​ពាង់​ទាទេ។
JOH 10:5 ផូង​ឞែ​ឞ្យាប់​អី​នៃ​មោ​អោស​តឹង​ឞូ​អេង ខាន់​ពាង់​ញច្វាត់​ងាយ​ឞើស​ឞូ​អេង​រ៝ យ៝រ​លាស​ខាន់​ពាង់​មោ​អោស​គឹត​នាល់​ឞ៝រ់​មឞូង​ឞូ​អេង”។
JOH 10:6 ឞ្រាស​យេឆូ ​ងើយ​នាវ​នតឹត​អី​នៃ​មា​ផូង​ផារីឆី ​អី​គុ​តា​នៃ យើន​មា​ខាន់​ពាង់​មោ​វ៝ត់​អោស ម៝ស​នាវ​ពាង់​អុច​ងើយ​អី​នៃ។
JOH 10:7 នទ្រី​ទឹង​ឞ្រាស​យេឆូ ​ងើយ​តៃ​ទូ​តឹ​ជឹត​មា​ខាន់​ពាង់៖ “គ៝ប់​លាស​នហេល​នានេៈ​ងាន់​មា​ខាន់​មៃ គ៝ប់​អ្យា​ជេង​តឹម​ឞាន​មា​មពោង​ឞែ​ឞ្យាប់​មា​លោស​លាប់។
JOH 10:8 ទឹង​លែៈ​នើម​នតី​ផូង​អីឆ្រាអែល  នទ្រែល​មា​ទឹង​លែៈ​កោរាញ​ផូង​អីឆ្រាអែល ​អី​ហាន់​ល៝រ​ឞើស​នាប់​គ៝ប់ តីស​មា​នតី​ងក្លាៈ ខាន់​ពាង់​ឞូនុយ្ស​នតុង​ទាទេ ឞែ​ឞ្យាប់​អី​នៃ​មោ​អ្យាត់​អោស​ឞ៝រ់​មឞូង​ខាន់​ពាង់។
JOH 10:9 គ៝ប់​អ្យា​តឹម​ឞាន​មា​មពោង ឞូ​ម៝ស​លាប់​រ៝ៈ​មពោង​អី​នៃ​មរា​គែស​នាវ​រាក្លាយ្ស គ៝ប់​ម៝ត់​ញជ្រាង់​ពាង់​តឹម​ឞាន​មា​ឞែ​ឞ្យាប់​លោស​លាប់​ឞើស​ត្រោម​ងគារ​ឆៃ​រេប​ឆា​ដ៝ង់។
JOH 10:10 ឞូនុយ្ស​នតុង​វាច់ ពាង់​គៃ​មា​នតុង មា​ងខឹត មា​លើស​ញអើស​ទើម។ យើន​មា​គ៝ប់​វាច់ គៃ​មា​អ៝ន់​ឞូនុយ្ស​គែស​នាវ​រេស គែស​នាវ​រេស​ទុត​អ្វែស​ងាន់”។
JOH 10:11 “គ៝ប់​អ្យា​អី​នើម​ច្យាប់​អ្វែស។ នើម​ច្យាប់​អ្វែស​ពាង់​ជាវ​ឆាក់​ពាង់​នើម​អ៝ន់​មា​ឞែ​ឞ្យាប់​ពាង់។
JOH 10:12 ល៝ង់​ឞូនុយ្ស​ច្យាប់​ជាន​ការ​គៃ​មា​គែស​នទើ​ងខោម​ទើម មោ​អោស​ទី​ជេង​ឞូនុយ្ស​ច្យាប់​ងាន់ មោ​អោស​ទី​ជេង​នើម​តើម​ឞែ​ឞ្យាប់​អី​នៃ លាស​ឆៃ​ត៝ត់​ឆ៝​ឞ្រី​វាច់ ពាង់​ញច្វាត់​នត្លើយ​ឞែ​ឞ្យាប់​រ៝ អ៝ន់​ឆ៝​ឞ្រី​កាប់​ឆា​ហេក​ខាន់​ពាង់ នអ៝ប់​មា​ជាន​អ៝ន់​ខាន់​ពាង់​ញច្វាត់​ចាស​ច្រាយ​ដ៝ង់។
JOH 10:13 ពាង់​ញច្វាត់​នើស យ៝រ​លាស​ពាង់​ជាន​ការ​គៃ​មា​គែស​នទើ​ងខោម​ទើម ពាង់​មោ​អោស​រាវៃ​មា​ឞែ​ឞ្យាប់។
JOH 10:14 យើន​មា​គ៝ប់គ៝ប់​នើម​ច្យាប់​អ្វែស គ៝ប់​គឹត​នាល់​ឞែ​ឞ្យាប់​គ៝ប់​នើម ជេសរី​ឞែ​ឞ្យាប់​គ៝ប់​គឹត​នាល់​គ៝ប់
JOH 10:15 តឹម​ឞាន​មា​ឞឹ​គ៝ប់​គឹត​នាល់​គ៝ប់ ជេសរី​គ៝ប់​គឹត​នាល់​ឞឹ​គ៝ប់​ដ៝ង់។ គ៝ប់​ជាវ​ឆាក់​គ៝ប់​នើម​អ៝ន់​មា​ឞែ​ឞ្យាប់​គ៝ប់។
JOH 10:16 គ៝ប់​ហោម​គែស​ដ៝ង់​ឞែ​ឞ្យាប់​អាបាៈ​អេង​មោ​អោស​គុ​តា​ត្រោម​ងគារ​អ្យា គែស​នាវ​ខ្លៃ​លាស​គែស​ឞូនុយ្ស​អី​មោ​ទី​ផូង​អីឆ្រាអែល ​មរា​ជេង​ផូង​ប៝ន​លាន​គ៝ប់​ដ៝ង់ អ្យាត់​មា​គ៝ប់​លែវ​ខាន់​ពាង់​លាប់​តា​ងគារ​ដ៝ង់។ ខាន់​ពាង់​អី​នៃ​មរា​អ្យាត់​ឞ៝រ់​មឞូង​គ៝ប់។ លាស​នទ្រី​ទឹង​លែៈ​ខាន់​ពាង់​ជេង​ទូ​ផូង​ទើម ជេសរី​គែស​ទូ​ហ្វេ​ទើម​ដ៝ង់​នើម ​ច្យាប់”។
JOH 10:17 “ឞឹ​គ៝ប់​រ៝ង់​មា​គ៝ប់ យ៝រ​លាស​គ៝ប់​ជាវ​ឆាក់​គ៝ប់​នើម គៃ​មា​ឆ៝ៈ​តៃ​នាវ​រេស។
JOH 10:18 មោ​គែស​អោស​ទូ​ហ្វេ​ទើយ​ងខឹត​គ៝ប់គ៝ប់​នើម​ទើម​ជាវ​ឆាក់​គ៝ប់​នើម​ខឹត។ គ៝ប់​គែស​នាវ​ទើយ​ជាវ​ឆាក់​គ៝ប់​នើម​ខឹត គែស​នាវ​ទើយ​ឆ៝ៈ​តៃ​នាវ​រេស។ នាវ​អី​នៃ​ឞឹ​គ៝ប់​លែៈ​ដាៈ​មា​គ៝ប់”។
JOH 10:19 នោក​នៃ​មពោល​កោរាញ​ផូង​អីឆ្រាអែល ​តឹម​ងខាស​មពោល​តៃ​ទូ​តឹ​ជឹត យ៝រ​មា​នាវ​ងើយ​ឞ្រាស​យេឆូ ​អី​នៃ។
JOH 10:20 គែស​អ៝ក់​ឞូនុយ្ស​លាស៖ “ពាង់​លែៈ​គែស​ឞ្រាស​អ្យើស​គុ​តា​ពាង់ពាង់​លែៈ​ជេង​ត្រើយ។ លើយ​ហោម​អ្យាត់​នាវ​ងើយ​ពាង់”។
JOH 10:21 យើន​មា​ឞូនុយ្ស​អាបាៈ​លាស៖ “នាវ​ងើយ​អី​នៃ​មោ​អោស​តាៈ​ឞើស​ឞូនុយ្ស​គែស​ឞ្រាស​អ្យើស​គុ​តា​ពាង់ យ៝រ​លាស​ឞ្រាស​អ្យើស​មោ​ទើយ​អោស​ជាន​អ៝ន់​ឆៃ​អាង​ឞូនុយ្ស​ចែស​មាត់”។
JOH 10:22 នោក​ខៃ​ជី​កាត់​នៃ តា​ប៝ន​យេរូឆាលឹម ​រី​ឞូ​ជាន​ញេត​បុន​លាប់​ញីស​ជាន​ឞ្រាស​មា​កោរាញ​ឞ្រាស។
JOH 10:23 ឞ្រាស​យេឆូ ​ហាន់​រាឆ៝ង​តា​ជ៝ង់​គូង​ញីស​ជាន​ឞ្រាស​រ៝ៈ​នទ្រីង​ឆាលោមោន ​រី។
JOH 10:24 ជេសរី​មពោល​កោរាញ​ផូង​អីឆ្រាអែល ​គុ​ជុម​ឞ្រាស​យេឆូ  ខាន់​ពាង់​អោប៖ “ទាស​ហោម​ជ៝ៈ​មៃ​អុច​អ៝ន់​ហេន​ហោម​វិ​វែៈ មៃ​មោ​មឞើស​នហេល​មា​ហេន​មៃ​ឞ្រាស​ក្រីស ​មោ​លាស​មោ? លាស​មៃ​ឞ្រាស​ក្រីស ​ងាន់ អ៝ន់​មៃ​មឞើស​ហ៝ម់​មា​ហេន”។
JOH 10:25 ឞ្រាស​យេឆូ ​លាស​មា​ខាន់​ពាង់៖ “គ៝ប់​លែៈ​មឞើស​ងក៝ច​មា​ខាន់​មៃ យើន​មា​ខាន់​មៃ​មោ​អោស​អុច​អ្យាត់​នាវ​គ៝ប់។ ទឹង​លែៈ​នាវ​ខ្លៃ​គ៝ប់​ជាន​តាៈ​ឞើស​នាវ​ទើយ​ឞឹ​គ៝ប់ នទើ​អី​នៃ​អ៝ន់​ខាន់​មៃ​គឹត​ឆៃ។
JOH 10:26 យើន​មា​ខាន់​មៃ​មោ​អុច​អ្យាត់ យ៝រ​លាស​ខាន់​មៃ​មោ​អោស​ទី​ប៝ន​លាន​គ៝ប់​អី​តឹម​ឞាន​មា​ឞែ​ឞ្យាប់​គ៝ប់​នើម។
JOH 10:27 ទឹង​លែៈ​ឞូនុយ្ស​អី​តឹម​ឞាន​មា​ឞែ​ឞ្យាប់​គ៝ប់​នើម​អ្យាត់​ឞ៝រ់​មឞូង​គ៝ប់។ គ៝ប់​គឹត​នាល់​ខាន់​ពាង់ ជេសរី​ខាន់​ពាង់​តឹង​គ៝ប់​ឞើស​កើយ។
JOH 10:28 គ៝ប់​អ៝ន់​ខាន់​ពាង់​នាវ​រេស​នហ៝​រ៝ ខាន់​ពាង់​មោ​អោស​មរា​រ៝ស​ហេង មោ​ដ៝ង់​គែស​ទូ​ហ្វេ​ទើយ​ពីត​ខាន់​ពាង់​ឞើស​តី​គ៝ប់។
JOH 10:29 ឞឹ​គ៝ប់​ទុត​ក្វ៝ង់​រាលាវ​ឞូ​ងាន់ ពាង់​អី​តើម​អ៝ន់​ខាន់​ពាង់​អី​នៃ​មា​គ៝ប់ មោ​គែស​អោស​ទូ​ហ្វេ​ទើយ​ពីត​ខាន់​ពាង់​ឞើស​តី​ពាង់។
JOH 10:30 គ៝ប់​នទ្រែល​ឞឹ​គ៝ប់ ជេង​ង្វាយ​ទើម”។
JOH 10:31 មពោល​កោរាញ​ផូង​អីឆ្រាអែល ​ទោញ​លុ គៃ​មា​ក្លុប​ងខឹត​ឞ្រាស​យេឆូ ​ទូ​តឹ​ជឹត។
JOH 10:32 ឞ្រាស​យេឆូ ​លាស​មា​ខាន់​ពាង់៖ “គ៝ប់​លែៈ​ជាន​នទើ​អ្វែស​តាៈ​ឞើស​ឞឹ​គ៝ប់​នើម​អ៝ក់​ងាន់​ញហើ​អ៝ន់​ខាន់​មៃ​ឆៃ លាស​នទ្រី​ម៝ស​នទើ​គ៝ប់​ជាន​នទើ​អី​នៃ ទឹង​ខាន់​មៃ​អុច​ក្លុប​គ៝ប់​មា​លុ?”
JOH 10:33 ខាន់​ពាង់​លាស​មា​ពាង់៖ “ហេន​ក្លុប​មៃ​មា​លុ មោ​គែស​អោស​យ៝រ​មា​មៃ​ជាន​នទើ​អ្វែស អាច​មា​មៃ​ងើយ​មឺច​រាម៝ត​កោរាញ​ឞ្រាស យ៝រ​លាស​មៃ​ឞូនុយ្ស​ទើម មៃ​កើប​អេង​ឆាក់​មៃ​នើម​លាស​មៃ​តឹម​ឞាន​មា​កោរាញ​ឞ្រាស”។
JOH 10:34 ឞ្រាស​យេឆូ ​លាស​មា​ខាន់​ពាង់៖ “តា​នាវ​វៃ​ខាន់​មៃ​លែៈ​ញចីស​លាស៖ «កោរាញ​ឞ្រាស​លាស៖ «គ៝ប់​មឞើស​មា​ខាន់​មៃ ខាន់​មៃ​ជេង​ឞ្រាស»»។
JOH 10:35 តា​នាវ​កោរាញ​ឞ្រាស​ងើយ​មោ​គែស​អោស​នទើ​ង្វាយ​ទើយ​ជូត​ទើយ​រាគ៝ល់។ លាស​នទ្រី​លាស​កោរាញ​ឞ្រាស​ក្វាល់​ឞូនុយ្ស​អី​នៃ​«ឞ្រាស»​តឹម​ឞាន​មា​ពាង់​នើម‌
JOH 10:36 លាស​នទ្រី​មើម​ទឹង​ខាន់​មៃ​លាស​គ៝ប់​បេង​មា​ងើយ​មឺច​កោរាញ​ឞ្រាស អាច​មា​គ៝ប់​មឞើស​ឆាក់​គ៝ប់​នើម៖ «គ៝ប់​អ្យា​ក៝ន​កោរាញ​ឞ្រាស»? យ៝រ​លាស​គ៝ប់​អី​អ្យា​លែៈ​កោរាញ​ឞ្រាស​ទែ​កើយ្ស​ញជ្វាល់​វាច់​តា​នែស​នតូ​អ្យា។
JOH 10:37 លាស​នទើ​គ៝ប់​ជាន​មោ​អោស​ទី​តាៈ​ឞើស​ឞឹ​គ៝ប់ លើយ​អោស​ខាន់​មៃ​ញឆីង​មា​គ៝ប់។
JOH 10:38 យើន​មា​លាស​នទើ​គ៝ប់​ជាន​តាៈ​ឞើស​ឞឹ​គ៝ប់​ងាន់ អ៝ន់​ខាន់​មៃ​ញឆីង​មា​គ៝ប់​ហ៝ម់​យ៝រ​មា​នទើ​គ៝ប់​ជាន​អី​នៃ ឞ៝ល​លាស​ខាន់​មៃ​មោ​ញឆីង​មា​នាវ​គ៝ប់​ងើយ​កាដោយ។ នទ្រី​ទឹង​ខាន់​មៃ​គឹត​វ៝ត់​នហេល​ឞឹ​គ៝ប់​នើម​គុ​នទ្រែល​តា​គ៝ប់ ជេសរី​គ៝ប់​គុ​នទ្រែល​តា​ឞឹ​គ៝ប់”។
JOH 10:39 ឞូ​គៃ​មា​អុច​ញុប​តៃ​ឞ្រាស​យេឆូ ​ទូ​តឹ​ជឹត យើន​មា​ពាង់​ទូ​លោស​ឞើស​តី​មពោល​កោរាញ​ផូង​អីឆ្រាអែល ​នៃ។
JOH 10:40 ជេសរី​ពាង់​ហាន់​តៃ​កាល់​តី​ទាក​រាលាយ​យោរដាន់ ​រី​ជឹត នតុក​យោហាន-​បាប់តែម ​វៃ​គុ​ជាន​បាប់តែម​យុក​មា​ទាក​អ៝ន់​ឞូ​នើស ពាង់​គុ​តា​នតុក​នៃ។
JOH 10:41 គែស​ឞូនុយ្ស​អ៝ក់​ងាន់​វាច់​រាន​តា​ពាង់ ខាន់​ពាង់​តឹម​លាស​នទ្រាង់​ខាន់​ពាង់៖ “យោហាន-​បាប់តែម ​មោ​អោស​ព្រ៝ត​ជាន​នាវ​ខ្លៃ យើន​មា​ទឹង​លែៈ​នាវ​យោហាន-​បាប់តែម ​មឞើស​ងក៝ច​មា​ឞូនុយ្ស​អី​អ្យា ទី​ទាទេ​ងាន់”។
JOH 10:42 តា​នតុក​នៃ​គែស​អ៝ក់​ឞូនុយ្ស​ញឆីង​មា​ឞ្រាស​យេឆូ ។
JOH 11:1 គែស​ទូ​ហ្វេ​ឞូ​ក្លោ​រាញា​លាឆារ ​គែស​នាវ​ជី ពាង់​គុ​តា​ប៝ន​បេថានី  នទ្រែល​មា​យោស​ពាង់​ឞារ​ហៃ រាញា​មារី  នទ្រែល​មា​មាថា ។
JOH 11:2 មារី ​អី​នៃ​អី​លែៈ​ត៝ៈ​ទាក​ងី​បោ​កាស​តា​ជ៝ង់​ឞ្រាស​យេឆូ  ជេសរី​ជូត​ជ៝ង់​ឞ្រាស​យេឆូ ​មា​ឆ៝ក់​ពាង់​នើម​នើស។
JOH 11:3 ជេសរី​ឞារ​ហៃ​អ៝ស​នូរ​អី​នៃ​ដាៈ​ឞូ​ហាន់​មឞើស​មា​ឞ្រាស​យេឆូ ៖ “ហើយ​កោរាញ ឞូនុយ្ស​អី​មៃ​រ៝ង់​គែស​នាវ​ជី​ហោ​ងាន់​មេ”។
JOH 11:4 ត៝ត់​ឞ្រាស​យេឆូ ​តាង់​នាវ​អី​នៃ ពាង់​លាស៖ “នាវ​ជី​អី​អ្យា​មោ​អីរ​អោស​ត៝ត់​ខឹត នាវ​ជី​អី​អ្យា​គៃ​មា​គែស​លឺ​នាវ​ច្រេក​លើប​កោរាញ​ឞ្រាស ជេសរី​គែស​លឺ​នាវ​ច្រេក​លើប​គ៝ប់​អី​ក៝ន​ពាង់​ដ៝ង់”។
JOH 11:5 ឞ្រាស​យេឆូ ​រ៝ង់​មា​មាថា  មា​មារី  នអ៝ប់​មា​លាឆារ ​ដ៝ង់។
JOH 11:6 យើន​មា​ជេស​ឞ្រាស​យេឆូ ​លែៈ​គឹត​លាឆារ ​គែស​នាវ​ជី ពាង់​ហោម​គុ​តា​នតុក​នៃ​ឞារ​នារ​ជឹត។
JOH 11:7 ត៝ត់​ឞើស​កើយ​នៃ ពាង់​លាស​មា​មពោល​អ៝ស​ម៝ន​ពាង់៖ “ហោៈ​ឞ៝ន់​ព្លឹ​តៃ​តា​ឞ្រី​យូដា ​ជឹត”។
JOH 11:8 មពោល​អ៝ស​ម៝ន​ពាង់​លាស​មា​ពាង់៖ “អើ​នើម​នតី មពោល​កោរាញ​ផូង​អីឆ្រាអែល ​តា​ឞ្រី​យូដា ​អុច​ក្លុប​ងខឹត​មៃ​មា​លុ​មហែ​អា​ពើ​ទើម លាស​នទ្រី​មៃ​អុច​ព្លឹ​តៃ​តា​នៃ​ងាន់​បាស?”
JOH 11:9 ឞ្រាស​យេឆូ ​លាស​មា​ខាន់​ពាង់៖ “នារ​គែស ១២ ម៝ង។ លាស​ឞូ​ម៝ស​ហាន់​តា​នោក​នារ​ពាង់​មោ​អោស​គែស​ចេស​ជ៝ង់ យ៝រ​លាស​ពាង់​ឆៃ​នាវ​អាង​គែស​តា​នែស​នតូ​អ្យា។
JOH 11:10 យើន​មា​ឞូ​ម៝ស​ហាន់​តា​នោក​មាង់ ពាង់​ចេស​ជ៝ង់​រ៝ យ៝រ​លាស​ពាង់​មោ​ឆៃ​នាវ​អាង”។
JOH 11:11 ជេស​ឞ្រាស​យេឆូ ​លាស​កើត​នៃ ពាង់​លាស​តៃ​មា​ខាន់​ពាង់៖ “មឹត​ជាង់​ឞ៝ន់​លាឆារ ​លែៈ​ហាក់​ឞិច​ហើយ យើន​មា​គ៝ប់​ហាន់​គៃ​អុច​រាលៃ​ពាង់”។
JOH 11:12 មពោល​អ៝ស​ម៝ន​លាស​មា​ពាង់៖ “អើ​កោរាញ លាស​ពាង់​លែៈ​ហាក់​ឞិច តៃ​ពាង់​ឞាស”។
JOH 11:13 ខាន់​ពាង់​នអោន​លាស​ឞ្រាស​យេឆូ ​លាស​លាឆារ ​ហាក់​ឞិច​ងាន់​ទើម យើន​មា​នាវ​ឞ្រាស​យេឆូ ​ងើយ​អី​នៃ ពាង់​អុច​លាស​លាឆារ ​លែៈ​ខឹត​ងាន់។
JOH 11:14 ជេសរី​ឞ្រាស​យេឆូ ​មឞើស​ងក៝ច​មា​ខាន់​ពាង់​អ៝ន់​គឹត​នហេល​នានេៈ៖ “លាឆារ ​លែៈ​ខឹត​ងាន់។
JOH 11:15 គ៝ប់​រាម់​មអាក​ងាន់​គ៝ប់​មោ​គែស​គុ​តា​រី យ៝រ​លាស​គែស​នាវ​ខ្លៃ​មា​ខាន់​មៃ អ៝ន់​ខាន់​មៃ​ញឆីង​លើ​មា​ហោ។ ហោៈ​ឞ៝ន់​ហាន់​តា​ជៃ​ពាង់​អាបៃ​អ្យា​ហ៝ម់”។
JOH 11:16 នោក​នៃ​គែស​ទូ​ហ្វេ​អ៝ស​ម៝ន​រាញា​ថោមាស ​អី​ឞូ​ក្វាល់​ដីដីម ​ដ៝ង់ ពាង់​លាស​មា​មពោល​អ៝ស​ម៝ន៖ “ហោៈ​ឞ៝ន់​ហាន់​នទ្រែល​ពាង់ គៃ​មា​ខឹត​នទ្រែល​ពាង់​ដ៝ង់!”
JOH 11:17 ឞ្រាស​យេឆូ ​ហាន់​ត៝ត់​តា​នៃ ឞូ​មឞើស​មា​ពាង់​លាស​លាឆារ ​លែៈ​ឞូ​ត៝ប់​តា​មោច​លែៈ​គែស​ព្វាន់​នារ។
JOH 11:18 ប៝ន​បេថានី ​ដាស​ប៝ន​ក្វ៝ង់​យេរូឆាលឹម ​តឹម​ទាច់ ក្លាប់​លាស​គែស​ពែ​កីលោមែត​ទើម។
JOH 11:19 នទ្រី​គែស​អ៝ក់​ផូង​អីឆ្រាអែល ​តាៈ​ឞើស​ប៝ន​យេរូឆាលឹម ​ហាន់​រាយោក​នហាញ​មាថា មារី ​យ៝រ​មា​អី​អ៝ស​ខាន់​ពាង់។
JOH 11:20 នោក​មាថា ​លែៈ​គឹត​លាស​ឞ្រាស​យេឆូ ​ឞើយ​ត៝ត់​តា​នៃ ពាង់​ហាន់​ច្វាៈ​ឞ្រាស​យេឆូ ​រ៝ យើន​មា​មារី ​ហោម​គុ​តា​ជៃ។
JOH 11:21 មាថា ​លាស​មា​ឞ្រាស​យេឆូ ៖ “អើ​កោរាញ លាស​មៃ​គុ​តា​អ្យា​នើស អ៝ស​គ៝ប់​មោ​ខឹត​អោស។
JOH 11:22 យើន​មា​គ៝ប់​គឹត ឞ៝ល​លាស​អាបៃ​អ្យា​កាដោយ​ដ៝ង់ ម៝ស​នទើ​មៃ​ទាន់​តាៈ​ឞើស​កោរាញ​ឞ្រាស ពាង់​អ៝ន់​មា​មៃ​រ៝”។
JOH 11:23 ឞ្រាស​យេឆូ ​លាស​មា​ពាង់៖ “អ៝ស​អៃ​មរា​ទ៝ក់​រេស”។
JOH 11:24 មាថា ​លាស​មា​ឞ្រាស​យេឆូ ៖ “អើ គ៝ប់​គឹត​ពាង់​មរា​ទ៝ក់​រេស​តៃ ពាង់​ទ៝ក់​រេស​តា​នារ​ងគ្លែៈ​ទុត ត៝ត់​ទឹង​លែៈ​ឞូនុយ្ស​ខឹត​ទ៝ក់​រេស​តៃ”។
JOH 11:25 ឞ្រាស​យេឆូ ​លាស៖ “គ៝ប់​អ្យា​អី​តើម​ជាន​អ៝ន់​ឞូនុយ្ស​ទ៝ក់​រេស នទ្រែល​មា​តើម​នាវ​រេស ឞូ​ម៝ស​ញឆីង​មា​គ៝ប់ ឞ៝ល​លាស​ខឹត​កាដោយ​ពាង់​មរា​ហោម​រេស។
JOH 11:26 ជេសរី​ឞូ​ម៝ស​ហោម​គុ​រេស​ញឆីង​មា​គ៝ប់​មោ​គែស​ខឹត​អោស អៃ​អ្យាត់​ដ៝ង់​នាវ​អី​នៃ?”
JOH 11:27 មាថា ​លាស​មា​ឞ្រាស​យេឆូ ៖ “អើ​កោរាញ លែៈ​គ៝ប់​អ្យាត់​មៃ​ឞ្រាស​ក្រីស ​អី​នើម​រាក្លាយ្ស​អី​កោរាញ​ឞ្រាស​លែៈ​ត៝ន​ញជ្វាល់​តា​នែស​នតូ​អ្យា។ មៃ​ក៝ន​កោរាញ​ឞ្រាស​នើម”។
JOH 11:28 ជេស​មាថា ​ងើយ​កើត​នៃ ជេសរី​ពាង់​ហាន់​ក្វាល់​អ៝ស​ពាង់​មារី ​មោ​អ៝ន់​ឞូ​គឹត ពាង់​លាស៖ “នើម​នតី​លែៈ​ត៝ត់ ពាង់​ក្វាល់​អៃ”។
JOH 11:29 ត៝ត់​មារី ​គឹត ពាង់​ទ៝ក់​ហាន់​ម៝ប់​ឞ្រាស​យេឆូ ​រ៝។
JOH 11:30 ឞ្រាស​យេឆូ ​អេ​ហ៝ៈ​អោស​លាប់​ត្រោម​ប៝ន ពាង់​ហោម​គុ​តា​នតុក​មាថា ​ហាន់​ម៝ប់​រី​នើស។
JOH 11:31 ផូង​អីឆ្រាអែល ​អី​គុ​រាយោក​នហាញ​មារី ​តា​ជៃ​នៃ ឆៃ​ពាង់​ទ៝ក់​ហាន់​នទាល​នៃ ខាន់​ពាង់​លែវ​ឞាល់​ហាន់​តឹង​ពាង់ នអោន​លាស​ពាង់​ហាន់​ញុម​វើល​អ៝ស​ពាង់​អា​មោច។
JOH 11:32 មារី ​ហាន់​ជឹត​នតុក​ឞ្រាស​យេឆូ ​គុ ត៝ត់​ពាង់​ឆៃ​ឞ្រាស​យេឆូ ​ពាង់​ពាន់​តា​ជ៝ង់​ឞ្រាស​យេឆូ ​នៃ​លាស៖ “អើ​កោរាញ លាស​មៃ​គុ​តា​អ្យា​នើស អ៝ស​គ៝ប់​មោ​អោស​ខឹត”។
JOH 11:33 ឞ្រាស​យេឆូ ​ឆៃ​មារី  នទ្រែល​មា​ផូង​អីឆ្រាអែល ​ហាន់​តឹង​ពាង់​ញុម​វើល​ទាទេ ឞ្រាស​យេឆូ ​រាង៝ត​អុក​រាអុល​តា​នូយ្ស​នហ៝ម់​ទុត​ហោ។
JOH 11:34 ពាង់​អោប៖ “អាស​នតុក​ខាន់​អៃ​ត៝ប់​ពាង់?” ខាន់​ពាង់​អើស៖ “អើ​កោរាញ ទាន់​មៃ​ហាន់​តឹង​ហេន”។
JOH 11:35 នោក​នៃ​ឞ្រាស​យេឆូ ​ញុម។
JOH 11:36 ផូង​អីឆ្រាអែល ​តឹម​លាស៖ “អ្វាញ់! ពាង់​រ៝ង់​ហោ​ងាន់​មា​លាឆារ ”។
JOH 11:37 តា​ផូង​ខាន់​ពាង់​អាបាៈ​លាស៖ “ពាង់​អី​នៃ​បាស ឞូនុយ្ស​ចែស​មាត់​លែៈ​ជាន​អ៝ន់​ឆៃ​អាង។ លាស​នទ្រី​មើម​ទឹង​ពាង់​មោ​អោស​ឞ្វៃ​លាឆារ ​អ្យា​មោ​អ៝ន់​ខឹត​នើស?”
JOH 11:38 ជេសរី​ឞ្រាស​យេឆូ ​ហាន់​តា​មោច តា​នូយ្ស​នហ៝ម់​ពាង់​គែស​នាវ​អុក​រាអុល​តៃ​ទូ​តឹ​ជឹត។ មោច​អី​នៃ​ត្រោម​ក្លេរ​តា​យោក អី​ត្រោម​នៃ​ឞូ​រាទ៝ល់​មា​លុ​ក្វ៝ង់។
JOH 11:39 ត៝ត់​តា​មោច​ឞ្រាស​យេឆូ ​លាស៖ “រាលាៈ​លើយ​លុ​អី​នៃ”។ មាថា ​អី​យោស​ឞូនុយ្ស​ខឹត​នៃ​លាស​មា​ឞ្រាស​យេឆូ ៖ “អើ​កោរាញ ឞូនុយ្ស​អ្យា​លែៈ​បោ​អោម យ៝រ​លាស​លែៈ​ព្វាន់​នារ​ត៝ប់​ពាង់​តា​អ្យា”។
JOH 11:40 ឞ្រាស​យេឆូ ​លាស​មា​ពាង់៖ “គ៝ប់​លែៈ​មឞើស​ងក៝ច​មា​អៃ​បាស លាស​អៃ​ញឆីង អៃ​ឆៃ​នាវ​ច្រេក​លើប​កោរាញ​ឞ្រាស​ងាន់​រ៝?”
JOH 11:41 ជេសរី​ឞូ​រាលាៈ​លើយ​លុ​ឞើស​ឞ៝រ់​នតូ​អី​នៃ។ ឞ្រាស​យេឆូ ​ងគើរ​មាត់​ជឹត​ត្រោក​តី​លាស៖ “អើ​ឞឹគ៝ប់​លាស​អ្វែស​មា​មៃ​ងាន់ យ៝រ​មា​មៃ​លែៈ​អ្យាត់​គ៝ប់។
JOH 11:42 គ៝ប់​លែៈ​គឹត​ងាន់​មៃ​អ្យាត់​គ៝ប់​មរ៝​មរាង់ ទឹង​គ៝ប់​ងើយ​នតែស​កើត​នអា យ៝រ​លាស​គែស​អ៝ក់​ឞូនុយ្ស​គុ​ជុម​គ៝ប់​តា​អ្យា។ គ៝ប់​អុច​ខាន់​ពាង់​អ្យាត់​មៃ​នើម​អី​តើម​ញជ្វាល់​គ៝ប់”។
JOH 11:43 ជេស​ឞ្រាស​យេឆូ ​លាស​កើត​នៃ ពាង់​នតែរ​ទុត​ហ្វី៖ “អើ​លាឆារ ! មៃ​លោស​ហ៝ម់!”
JOH 11:44 ជេសរី​លាឆារ ​លោស​ឞើស​រី​ជ៝ង់​តី​ហោម​ពូត​មា​ឞ៝ក មុស​មាត់​ហោម​ពូត​មា​ឞ៝ក​ដ៝ង់។ ឞ្រាស​យេឆូ ​លាស​មា​ខាន់​ពាង់៖ “ឆើម​ទ្រីស​លើយ​ឞ៝ក​ពាង់​នៃ អ៝ន់​ពាង់​ហាន់”។
JOH 11:45 ផូង​អីឆ្រាអែល ​អី​ហាន់​តា​ជៃ​មារី ​នៃ ឆៃ​ឞ្រាស​យេឆូ ​ជាន​នាវ​ខ្លៃ​នៃ អ៝ក់​ងាន់​ឞូ​ញឆីង​មា​ពាង់។
JOH 11:46 យើន​មា​គែស​ឞូនុយ្ស​អាបាៈ​តា​ផូង​ខាន់​ពាង់​អី​នៃ ហាន់​មឞើស​ងក៝ច​អ៝ន់​មា​ផូង​ផារីឆី ​នទើ​អី​ឞ្រាស​យេឆូ ​ជាន​នៃ។
JOH 11:47 ជេសរី​មពោល​កោរាញ​ជាន​ឞ្រាស នទ្រែល​មា​ផូង​ផារីឆី ​រាគូម​មពោល​កោរាញ​ជាន​ការ​ឞ្រី​យូដា ​តឹម​ញច្រាៈ​នាវ៖ “អាបៃ​អ្យា​មើម​ឞ៝ន់​ជាន​មា​ឞូនុយ្ស​អី​នៃ? យ៝រ​លាស​ពាង់​ជាន​នាវ​ខ្លៃ​អ៝ក់​ងាន់។
JOH 11:48 លាស​ឞ៝ន់​រ៝ង​ពាង់​កើត​នៃ ទឹង​លែៈ​ផូង​ប៝ន​លាន​ញឆីង​មា​ពាង់​ទាទេ ជេសរី​ផូង​តាហែន​រោម ​ហាន់​លើស​ហេង​ញីស​ជាន​ឞ្រាស​មា​កោរាញ​ឞ្រាស នអ៝ប់​មា​ឞ្រី​ទាក​ឞ៝ន់​រ៝”។
JOH 11:49 គែស​ទូ​ហ្វេ​ឞូនុយ្ស​តា​មពោល​ខាន់​ពាង់​រាញា​កៃផាស  ពាង់​ជេង​កោរាញ​ជាន​ឞ្រាស​ទុត​ក្វ៝ង់​តា​នាម់​នៃ ពាង់​លាស៖ “ទឹង​លែៈ​ខាន់​មៃ​នៃ​មោ​អោស​គឹត​វ៝ត់​ទូ​នតីល​នាវ!
JOH 11:50 ល៝ង់​ខាន់​មៃ​មឹន​ហែស! អ្វែស​រាលាវ​មា​ខាន់​មៃ​គែស​ខឹត​ទូ​ហ្វេ​ឞូនុយ្ស​អ៝ន់​មា​ទឹង​លែៈ​ផូង​ប៝ន​លាន ដាស​មា​រ៝ស​ហេង​ទឹង​លែៈ​ឞ្រី​ទាក​ឞ៝ន់”។
JOH 11:51 នាវ​ពាង់​ងើយ​កើត​នៃ​មោ​គែស​អោស​តឹង​នាវ​អុច​អេង​ឆាក់​ពាង់​នើម។ ពាង់​ជេង​កោរាញ​ជាន​ឞ្រាស​ទុត​ក្វ៝ង់​តា​នាម់​នៃ កើត​នទ្រី​ទឹង​កោរាញ​ឞ្រាស​អ៝ន់​ពាង់​ងក៝ច​ល៝រ​លាស ឞ្រាស​យេឆូ ​ខឹត​នត្រ៝ៈ​ទឹង​លែៈ​ផូង​អីឆ្រាអែល ។
JOH 11:52 មោ​អោស​ខឹត​អ៝ន់​មា​ទឹង​លែៈ​ផូង​អីឆ្រាអែល ​ទើម យើន​មា​ខឹត​អ៝ន់​មា​ទឹង​លែៈ​ផូង​ក៝ន​កោរាញ​ឞ្រាស​គុ​ចាស​ច្រាយ​ឞាល់​លាម​នែស​នតូ គៃ​មា​រាគូម​ជេង​ទូ​ផូង​ទើម​ហ៝ៈ។
JOH 11:53 នតើម​ឞើស​នារ​នៃ មពោល​កោរាញ​ផូង​អីឆ្រាអែល  ខាន់​ពាង់​តឹម​ញច្រាៈ​ឞាល់​គៃ​មា​អុច​ងខឹត​លើយ​ឞ្រាស​យេឆូ ។
JOH 11:54 អាច​មា​កើត​នទ្រី​ទឹង​ឞ្រាស​យេឆូ ​មោ​ហោម​ឞ្រោៈ​ញឆ៝ង​អ៝ន់​មពោល​កោរាញ​ផូង​អីឆ្រាអែល ​ឆៃ។ ពាង់​ទូ​ឞើស​នតុក​នៃ​ហាន់​តា​ប៝ន​ទាច់​កេង​ឞ្រី​រាទាស ប៝ន​នៃ​រាញា​ប៝ន​អេប្រាអីម ពាង់​គុ​តា​ប៝ន​នៃ​នទ្រែល​មពោល​អ៝ស​ម៝ន​ពាង់។
JOH 11:55 នោក​នៃ​នារ​ញេត​បុន​នហ៝ត​លែៈ​ឞើយ​មា​ត៝ត់​ដ៝ង់ គែស​អ៝ក់​ផូង​អីឆ្រាអែល ​តាៈ​ឞើស​លាម​ឞ្រី​ហាន់​តា​ប៝ន​ក្វ៝ង់​យេរូឆាលឹម  គៃ​មា​ជាន​រាវ​ឆាក់​អ៝ន់​ក្ល៝ស​តឹង​នាវ​វៃ​ផូង​អីឆ្រាអែល ​អេ​ល៝រ​មា​ញេត​បុន​នហ៝ត​អី​នៃ។
JOH 11:56 នោក​នៃ​ឞូ​ជ៝យ​ឞ្រាស​យេឆូ  ជេសរី​គុ​តា​ជ៝ង់​គូង​ញីស​ជាន​ឞ្រាស​នៃ ខាន់​ពាង់​តឹម​លាស​នទ្រាង់​ខាន់​ពាង់៖ “មោ​ឆៃ​អោស​ពាង់ មើម​ខាន់​អៃ​មៃ​មឹន គឹត​លាស​ពាង់​មោ​ឞាញ់​ហាន់​តា​អ្យា​រ៝?”
JOH 11:57 ល៝ង់​មពោល​កោរាញ​ជាន​ឞ្រាស នទ្រែល​មា​ផូង​ផារីឆី  មឞើស​នាវ​មា​ឞូ លាស​ឞូ​ម៝ស​គឹត​នតុក​ឞ្រាស​យេឆូ ​គុ ដាៈ​មឞើស​ងក៝ច​មា​ខាន់​ពាង់ គៃ​មា​ខាន់​ពាង់​ហាន់​ញុប។
JOH 12:1 ហោម​អែ​ព្រាវ​នារ​មា​ត៝ត់​ទី​នារ​ញេត​បុន​នហ៝ត ឞ្រាស​យេឆូ ​ហាន់​ត៝ត់​តា​ប៝ន​បេថានី  នតុក​ប៝ន​លាឆារ ​គុ ឞូនុយ្ស​អី​ឞ្រាស​យេឆូ ​ទែ​ជាន​អ៝ន់​ទ៝ក់​រេស​នើស។
JOH 12:2 តា​នតុក​នៃ​ឞូ​នទ្រាប់​នទើ​ឆោង​ឆា​ក្វ៝ង់​អ៝ន់​មា​ឞ្រាស​យេឆូ ។ មាថា ​កើល​អ៝ន់​នទើ​ឆោង​ឆា​មា​ឞូ លាឆារ ​គុ​ឆោង​ឆា​នទ្រែល​ឞ្រាស​យេឆូ ​តា​ញឆឺង​នៃ។ នោក​នៃ​តឹង​មា​នាវ​វៃ​នោក​ឆោង​ឆា​ក្វ៝ង់ ខាន់​ពាង់​ឆោង​ឆា​គុ​ឞិច​ងកេង​ជឹត​ច្យៅ អី​ជ៝ង់​រ៝ក​ជឹត​កើយ។
JOH 12:3 ជេសរី​មារី ​ឆ៝ៈ​ទាក​ងី​បោ​កាស​អី​ខ្លៃ​ងាន់​នតីល​ទុត​អ្វែស​អី​ឞូ​ក្វាល់​លាស​ទាក​ងី​«នារតូ »​ងគូល​លីត ត៝ៈ​តា​ជ៝ង់​ឞ្រាស​យេឆូ ​នៃ ជេសរី​ជូត​ជ៝ង់​ឞ្រាស​យេឆូ ​អី​នៃ​មា​ឆ៝ក់​ពាង់​នើម នហោល​បោ​កាស​ឞេង​ជៃ​នៃ​ងាន់។
JOH 12:4 គែស​ទូ​ហ្វេ​ឞូនុយ្ស​តា​មពោល​អ៝ស​ម៝ន​ឞ្រាស​យេឆូ  រាញា​យូដាស-​អីឆាការីយោត  ជឹត​នាប់​តៃ​ពាង់​អី​នៃ​លែវ​ឞូ​ហាន់​ញុប​ឞ្រាស​យេឆូ  ពាង់​លាស៖
JOH 12:5 “ម៝ស​កោៈ​មោ​តាច់​ទាក​ងី​បោ​កាស​អី​ខ្លៃ​ងាន់​នៃ ៣០០ ព្រាក់​កាក់ ពាៈ​អ៝ន់​មា​ឞូនុយ្ស​អ៝​អាច?”
JOH 12:6 យូដាស-​អីឆាការីយោត ​ងើយ​កើត​នៃ​ពាង់​មោ​អោស​យោៈ​មា​ផូង​អ៝​អាច​ងាន់។ ពាង់​ឞូនុយ្ស​នតុង ពាង់​ឞូនុយ្ស​ញអោត​ទុង​ព្រាក់​មពោល​អ៝ស​ម៝ន នអ៝ប់​មា​ពាង់​នើស​លែៈ​វៃ​តាៈ​ឆ៝ៈ​ព្រាក់​អាបាៈ​ឞើស​ទុង​អី​នៃ​ទាស​ពាង់​នើម​អុច​ទ៝ង់។
JOH 12:7 យើន​មា​ឞ្រាស​យេឆូ ​លាស៖ “អ៝ន់​ទាស​មា​ជាន​ព្រែ​ហ៝ៈ ពាង់​ត៝ៈ​ទាក​ងី​បោ​កាស​អ្យា គៃ​មា​នទ្រាប់​ឆាក់​គ៝ប់​មា​ត៝ប់។
JOH 12:8 ខាន់​អៃ​មៃ​ហោម​អែ​គែស​ឞូនុយ្ស​អ៝​អាច​គុ​នទ្រែល​ខាន់​អៃ​មៃ​មរ៝ យើន​មា​គ៝ប់​អ្យា គ៝ប់​មោ​ហោម​អោស​គុ​មរ៝​នទ្រែល​ខាន់​អៃ​មៃ”។
JOH 12:9 អ៝ក់​ងាន់​ផូង​អីឆ្រាអែល ​គឹត​លាស​ឞ្រាស​យេឆូ ​គុ​តា​នៃ ជេសរី​ខាន់​ពាង់​ហាន់​តា​ពាង់ មោ​អោស​ទើន​អុច​ឆៃ​ឞ្រាស​យេឆូ ​ទើម ខាន់​ពាង់​អុច​ឆៃ​លាឆារ ​អី​លែៈ​ឞ្រាស​យេឆូ ​ជាន​អ៝ន់​ទ៝ក់​រេស​ឞើស​ផូង​ខឹត​នៃ​ដ៝ង់។
JOH 12:10 នទ្រី​ទឹង​មពោល​កោរាញ​ជាន​ឞ្រាស ខាន់​ពាង់​តឹម​ញច្រាៈ​ឞាល់​អុច​ងខឹត​លើយ​លាឆារ ​ដ៝ង់‌
JOH 12:11 អាច​មា​ឞូ​លែៈ​គឹត​លាឆារ ​លែៈ​ទ៝ក់​រេស ទឹង​អ៝ក់​ផូង​អីឆ្រាអែល ​ទូ​លោស​ឞើស​ខាន់​ពាង់ ជេសរី​ញឆីង​មា​ឞ្រាស​យេឆូ ។
JOH 12:12 ឞូនុយ្ស​អី​ហាន់​តា​ប៝ន​ក្វ៝ង់​យេរូឆាលឹម ​ញេត​បុន​នហ៝ត​អ៝ក់​ងាន់។ ត៝ត់​នារ​អោយ​តៃ​ជេស​នាវ​ឆោង​ឆា​ក្វ៝ង់​អី​នៃ ខាន់​ពាង់​តាង់​លាស​ឞ្រាស​យេឆូ ​ឞ្រោៈ​លែៈ​ឞើយ​មា​ត៝ត់​តា​ប៝ន​យេរូឆាលឹម ។
JOH 12:13 ខាន់​ពាង់​លែវ​ឞាល់​ឆ្រែស​នហា​ជោម​លោស​ឞើស​ប៝ន​ហាន់​ច្វាៈ​ឞ្រាស​យេឆូ  នអ៝ប់​មា​នតែរ​លាស៖ “រានេ​មា​កោរាញ​ឞ្រាស! ទាន់​កោរាញ​ឞ្រាស​អ៝ន់​នាវ​គែស​ជេង​មា​ពាង់​អី​កោរាញ​ឞ្រាស​ទែ​ដាៈ​វាច់‌ ពាង់​កាដាច់​ផូង​អីឆ្រាអែល ”។
JOH 12:14 ឞ្រាស​យេឆូ ​លែៈ​ឆៃ​ទូ​មល៝ម់​ក៝ន​ឆែស​លៀ ពាង់​ញច៝​តា​កាលើ​រី អី​នៃ​ជេង​តឹម​ទី​មា​នាវ​លែៈ​ឞូ​ញចីស​លាស៖
JOH 12:15 «អើ​ផូង​ប៝ន​លាន​តា​ប៝ន​យេរូឆាលឹម ​អី​ឞូ​ក្វាល់​ក៝ន​ឞូ​អូរ​ឆីយោន ​ដ៝ង់ ខាន់​អៃ​មៃ​លើយ​ក្លាច​អោស។ អ្វាញ់​រី! កាដាច់​ខាន់​អៃ​មៃ​ឞើយ​មា​ត៝ត់ ពាង់​គុ​ញច៝​តា​កាលើ​ក៝ន​ឆែស​លៀ»។
JOH 12:16 ឞើស​នតើម​នើស មពោល​អ៝ស​ម៝ន​ឞ្រាស​យេឆូ ​អេ​វ៝ត់​អោស​នាវ​អី​នៃ។ ជេស​ឞ្រាស​យេឆូ ​ទ៝ក់​រេស​លាប់​តា​នាវ​ច្រេក​លើប​ពាង់​នើម រី​មើ​ខាន់​ពាង់​កាស​គឹត​នាវ​ឞូ​លែៈ​ញចីស​មា​ពាង់​កាល់​អែ​នើស ទឹង​លែៈ​នាវ​អី​នៃ​គែស​មា​ពាង់​ជេង​តឹម​ទី។
JOH 12:17 ផូង​ប៝ន​លាន​អី​គុ​នទ្រែល​ឞ្រាស​យេឆូ  នោក​ពាង់​ក្វាល់​លាឆារ ​លោស​ឞើស​នតូ​មោច នអ៝ប់​មា​ជាន​អ៝ន់​ពាង់​ទ៝ក់​រេស​នើស ខាន់​ពាង់​មឞើស​ងក៝ច​នឹង​ទឹង​លែៈ​នាវ​ខ្លៃ​អី​នៃ​អី​ឞ្រាស​យេឆូ ​ទែ​ជាន។
JOH 12:18 ផូង​ប៝ន​លាន​អ៝ក់​ងាន់​ហាន់​រាន​ច្វាៈ​តា​ពាង់ យ៝រ​លាស​តាង់​ឞូ​ងក៝ច​ពាង់​ជាន​នាវ​ខ្លៃ​អ៝ន់​លាឆារ ​ទ៝ក់​រេស​អី​នៃ។
JOH 12:19 ផូង​ផារីឆី ​តឹម​លាស​នទ្រាង់​ខាន់​ពាង់៖ “ឆៃ​បាស! ឞ៝ន់​មោ​អោស​ទើយ​ឞ្វៃ​ពាង់! ទឹង​លែៈ​ផូង​ប៝ន​លាន​លែៈ​តឹង​ពាង់​ទាទេ!”
JOH 12:20 តា​ងក្លាង​ផូង​ឞូនុយ្ស​ហាន់​តា​ប៝ន​យេរូឆាលឹម ​យើក​មឞាស​មា​កោរាញ​ឞ្រាស​តា​នារ​ញេត​បុន​នហ៝ត​នៃ តា​នៃ​គែស​ផូង​គ្រែក ​អាបាៈ​ដ៝ង់​អី​មោ​ទី​ផូង​អីឆ្រាអែល ​ហាន់​លាប់​នទ្រែល។
JOH 12:21 ខាន់​ពាង់​ហាន់​តា​ផីលីប ​ទូ​ហ្វេ​មពោល​កោរាញ​អ៝ស​ម៝ន​ឞូនុយ្ស​តាៈ​ឞើស​ប៝ន​បេតឆៃដា ​ឞ្រី​កាលីលេ  ខាន់​ពាង់​លាស៖ “អើ​កោរាញ ហេន​អុច​ម៝ប់​កោរាញ​យេឆូ ”។
JOH 12:22 ផីលីប ​ហាន់​ម៝ប់​មឞើស​មា​អ៝ន់ទ្រេ  ជេសរី​អ៝ន់ទ្រេ  នទ្រែល​មា​ផីលីប ​ហាន់​អោប​ឞ្រាស​យេឆូ ។
JOH 12:23 ឞ្រាស​យេឆូ ​លាស​មា​ខាន់​ពាង់៖ “នារ​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​ទែ​ញជ្វាល់​លាប់​តា​នាវ​ច្រេក​លើប​គ៝ប់​នើម​លែៈ​ត៝ត់​ជេស។
JOH 12:24 គ៝ប់​លាស​នហេល​នានេៈ​ងាន់​មា​ខាន់​មៃ លាស​ទូ​គារ់​ឞា​លាស​ឞា​អី​នៃ​ឞូ​មោ​តូច​តា​នែស ឞា​អី​នៃ​ហោម​ទូ​គារ់​នឹង​ទើម យើន​មា​លាស​តូច​តា​នែស​ពាង់​មោ​អោស​ហោម​កើត​អើម លោស​ជេង​តើម​ឞា​អី​លែៈ​ហ៝ន ជេសរី​គែស​ព្លៃ​អ៝ក់​ងាន់។ កើត​នទ្រី​ដ៝ង់​យ៝រ​មា​គ៝ប់​ខឹត​ទឹង​គែស​អ៝ក់​ឞូនុយ្ស​ឆ៝ៈ​ទើន​នាវ​រេស​មហែ។
JOH 12:25 ឞូ​ម៝ស​អុច​ងាន់​ពើស​មា​នាវ​រេស​ពាង់​នើម​ទើម​តា​នែស​នតូ​អ្យា ពាង់​អី​នៃ​មោ​អោស​គែស​នាវ​រេស​នហ៝​រ៝ យើន​មា​ឞូ​ម៝ស​មោ​អោស​កើប​ខ្លៃ​មា​នាវ​រេស​ពាង់​នើម​តា​នែស​នតូ​អ្យា ពាង់​អី​នៃ​ហោម​គែស​នាវ​រេស​នហ៝​រ៝​ងាន់​មា​ពាង់​នើម។
JOH 12:26 ឞូ​ម៝ស​ឆើម​កើល​ជាន​ការ​មា​គ៝ប់ អ្យាត់​មា​ពាង់​តឹង​គ៝ប់ ជេសរី​អាស​នតុក​គ៝ប់​គុ ពាង់​គុ​តា​នតុក​នៃ​ដ៝ង់។ ឞូ​ម៝ស​ឆើម​កើល​ជាន​ការ​មា​គ៝ប់ឞឹ​គ៝ប់​រានេ​ដ៝ង់​មា​ពាង់”។
JOH 12:27 “អាបៃ​អ្យា​នូយ្ស​នហ៝ម់​គ៝ប់​គែស​នាវ​រុង​រាង់​ងាន់។ អា​មើម​គ៝ប់​ងើយ​អាបៃ​អ្យា? ងើយ៖ «អើ​ឞឹ ទាន់​មៃ​រាក្លាយ្ស​គ៝ប់​ឞើស​នាវ​ជេរ​អី​អ្យា» ឞើស? មោ​អោស។ យ៝រ​មា​នាវ​អី​អ្យា​រ៝​ទឹង​គ៝ប់​វាច់​តា​នែស​នតូ​អ្យា។
JOH 12:28 អើ​ឞឹ ដាៈ​មៃ​ជាន​អ៝ន់​មៃ​នើម​គែស​នាវ​ច្រេក​លើប”។ នោក​នៃ​គែស​តាង់​នតែស​ឞ៝រ់​តាៈ​ឞើស​កាលើ​ត្រោក​តី៖ “គ៝ប់​លែៈ​ជាន​អ៝ន់​គ៝ប់​នើម​គែស​នាវ​ច្រេក​លើប ជេសរី​គ៝ប់​មរា​ជាន​ទូ​តឹ​ដ៝ង់​ជឹត”។
JOH 12:29 ផូង​ប៝ន​លាន​គុ​តា​នៃ​តាង់​នតែស ខាន់​ពាង់​តឹម​លាស៖ “គឹត​នតែស​នត៝រ់​ងលាយ្ស?” អាបាៈ​ជឹត​លាស៖ “គឹត​គែស​តោង​ពារ់​ងើយ​មា​ពាង់?”
JOH 12:30 ឞ្រាស​យេឆូ ​លាស៖ “នតែស​អី​នៃ​គៃ​មា​គែស​នាវ​ខ្លៃ​មា​ខាន់​អៃ​មៃ មោ​ទី​អោស​គៃ​មា​គែស​នាវ​ខ្លៃ​មា​គ៝ប់។
JOH 12:31 អាបៃ​អ្យា​នារ​ផាត​ទោយ្ស​ទឹង​លែៈ​ឞូនុយ្ស​តា​នែស​នតូ​អ្យា​លែៈ​ត៝ត់​ជេស អាបៃ​អ្យា​លែៈ​ត៝ត់​ដ៝ង់​នារ​មព្រើស​លើយ​ឆាតាង់ ​អី​កោរាញ​មពោល​ឞ្រាស​អ្យើស​អី​នើម​កោរាញ​មា​នែស​នតូ​អ្យា។
JOH 12:32 យើន​មា​គ៝ប់ ត៝ត់​ឞូ​នហាវ​គ៝ប់​ឞើស​នែស​អ្យាគ៝ប់​លែវ​ទឹង​លែៈ​ឞូនុយ្ស​ហាន់​តា​គ៝ប់​ទាទេ”។
JOH 12:33 ឞ្រាស​យេឆូ ​ងើយ​កើត​នៃ អុច​អ៝ន់​ឞូ​គឹត​មើម​នាវ​ពាង់​ខឹត យ៝រ​លាស​តា​ឆី​តឹម​រាកាង់​ឞូ​នហាវ​ពាង់​ឞើស​នែស។
JOH 12:34 ផូង​ប៝ន​លាន​អោប​ឞ្រាស​យេឆូ ៖ “ហេន​លែៈ​តាង់​តា​នាវ​វៃ​ផូង​ឞ៝ន់​លាស៖ «ឞ្រាស​ក្រីស ​ហោម​គុ​នហ៝​រ៝»។ លាស​នទ្រី​មើម​ទឹង​មៃ​លាស​ក៝ន​ឞូនុយ្ស​អី​តាៈ​ឞើស​កោរាញ​ឞ្រាស​ទែ​ញជ្វាល់​ឞូ​ទែ​ងខឹត​នហាវ​ពាង់​ឞើស​នែស​នតូ​អ្យា? លាស​នទ្រី​ឞូ​ម៝ស​ក៝ន​ឞូនុយ្ស​អី​នៃ?”
JOH 12:35 ឞ្រាស​យេឆូ ​លាស​មា​ខាន់​ពាង់៖ “នាវ​អាង​ហោម​គុ​នទ្រែល​ខាន់​អៃ​មៃ​ទូ​ប្ល៝ត់​ទើម។ អ៝ន់​ខាន់​អៃ​មៃ​ហាន់​ហ៝ម់​ទោល​នាវ​អាង​ហោម​អែ​គុ​នទ្រែល​ខាន់​អៃ​មៃ គៃ​មា​នាវ​ង៝​មោ​ទើយ​ដាស​ខាន់​អៃ​មៃ។ លាស​ឞូ​ម៝ស​ហាន់​តា​នាវ​ង៝ ពាង់​មោ​គឹត​អោស​អាស​នតុក​ពាង់​ហាន់។
JOH 12:36 ទោល​ហោម​គែស​នាវ​អាង​អ្យា អ៝ន់​ខាន់​អៃ​មៃ​ញឆីង​ហ៝ម់​មា​នាវ​អាង​អី​នៃ គៃ​មា​ខាន់​អៃ​មៃ​ជេង​ក៝ន​នាវ​អាង”។ ជេស​ឞ្រាស​យេឆូ ​ងើយ​កើត​នៃ ជេសរី​ពាង់​ទូ​ក្រាប ឞូ​មោ​ហោម​អោស​ឆៃ​ពាង់។
JOH 12:37 ឞ៝ល​លាស​ផូង​ប៝ន​លាន​លែៈ​ឆៃ​ឞ្រាស​យេឆូ ​ជាន​អ៝ក់​នាវ​ខ្លៃ​កាដោយ ហោម​អែ​គែស​អ៝ក់​ឞូនុយ្ស​មោ​ញឆីង​មា​ពាង់​ដ៝ង់។
JOH 12:38 នាវ​នៃ​ជេង​តឹម​ទី​ដាស​នាវ​អេឆាយ ​អី​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស​លែៈ​ញចីស៖ «អើ​កោរាញ​ឞ្រាស ឞូ​ម៝ស​មា​អ្យាត់​នាវ​ហេន​លែៈ​មឞើស​ងក៝ច? ឞូ​ម៝ស​មា​ឆៃ​នាវ​ទើយ​មៃ​លែៈ​ញហើ?»
JOH 12:39 អាច​មា​កើត​នអា​ទឹង​ឞូ​មោ​ញឆីង កើត​អេឆាយ ​ញចីស​តៃ​ជឹត៖
JOH 12:40 «កោរាញ​ឞ្រាស​ជាន​អ៝ន់​ត្រោម​មាត់​ខាន់​ពាង់​ចែស‌ នូយ្ស​នហ៝ម់​ខាន់​ពាង់​ទាង់​ក៝‌ គៃ​មា​ត្រោម​មាត់​ខាន់​ពាង់​មោ​ឆៃ​ងាន់‌ នអ៝ប់​មា​នូយ្ស​នហ៝ម់​ខាន់​ពាង់​មោ​គឹត​វ៝ត់‌ នទ្រី​ខាន់​ពាង់​មោ​ព្លឹ​ឆឹត​មា​កោរាញ​ឞ្រាស‌ ជេសរី​កោរាញ​ឞ្រាស​មោ​អោស​ជាន​ឞាស​ខាន់​ពាង់»។
JOH 12:41 អេឆាយ ​ងើយ​កើត​នៃ យ៝រ​លាស​កាល់​អែ​នើស​ពាង់​លែៈ​ឆៃ​នាវ​ច្រេក​លើប​ឞ្រាស​យេឆូ  ជេសរី​ពាង់​មឞើស​ងក៝ច​ល៝រ​មា​ឞ្រាស​យេឆូ ។
JOH 12:42 យើន​មា​ហោម​គែស​អ៝ក់​ឞូនុយ្ស​ញឆីង​មា​ឞ្រាស​យេឆូ  គែស​មពោល​កោរាញ​តា​ផូង​អីឆ្រាអែល ​ញឆីង​មា​ពាង់​ដ៝ង់។ យើន​មា​ខាន់​ពាង់​មោ​ឞាញ់​មឞើស​ងក៝ច​នាវ​ញឆីង​អី​នៃ​មា​ឞូ យ៝រ​មា​ខាន់​ពាង់​ក្លាច​ផូង​ផារីឆី ​មព្រើស​ខាន់​ពាង់​ទូ​ឞើស​ញីស​រាបុន​ផូង​ខាន់​ពាង់​នើម។
JOH 12:43 ខាន់​ពាង់​ជាន​កើត​នៃ យ៝រ​មា​ខាន់​ពាង់​អុច​ឞូនុយ្ស​រានេ​រាលាវ​មា​កោរាញ​ឞ្រាស​រានេ។
JOH 12:44 ជេសរី​ឞ្រាស​យេឆូ ​ងើយ​ទុត​នតែស៖ “ឞូ​ម៝ស​ញឆីង​មា​គ៝ប់ មោ​អោស​ទើន​ញឆីង​មា​គ៝ប់​ទើម ពាង់​ញឆីង​ដ៝ង់​មា​កោរាញ​ឞ្រាស​នើម​តើម​ញជ្វាល់​គ៝ប់។
JOH 12:45 ឞូ​ម៝ស​ឆៃ​គ៝ប់ ពាង់​ឆៃ​ដ៝ង់​អី​នើម​តើម​ញជ្វាល់​គ៝ប់។
JOH 12:46 គ៝ប់​វាច់​តា​នែស​នតូ​អ្យា​តឹម​ឞាន​មា​នាវ​អាង គៃ​មា​ឞូ​ម៝ស​ញឆីង​មា​គ៝ប់ ពាង់​មោ​អោស​ហោម​តឹម​ឞាន​មា​ឞូនុយ្ស​គុ​តា​នាវ​ង៝។
JOH 12:47 លាស​ឞូ​ម៝ស​តាង់​ឞ៝រ់​គ៝ប់​ងើយ តីស​មា​មោ​អុច​អ្យាត់​នាវ​គ៝ប់​នតី គ៝ប់​មោ​អោស​ផាត​ទោយ្ស​អាបៃ​អ្យា យ៝រ​លាស​គ៝ប់​វាច់​មោ​អោស​គៃ​មា​ផាត​ទោយ្ស​ឞូនុយ្ស​តា​នែស​នតូ​អ្យា គ៝ប់​វាច់​គៃ​មា​រាក្លាយ្ស​ឞូនុយ្ស​តា​នែស​នតូ​អ្យា។
JOH 12:48 យើន​មា​ឞូ​ម៝ស​រាលាច់​មោ​អោស​អ្យាត់​នាវ​គ៝ប់ មោ​អោស​ឆ៝ៈ​ទើន​នាវ​គ៝ប់​នតី​លាស ពាង់​អី​នៃ​លែៈ​គែស​កោរាញ​ផាត​ទោយ្ស​ពាង់។ នាវ​គ៝ប់​លែៈ​នតី​លាស​អី​នៃ​មរា​ផាត​ទោយ្ស​ពាង់​តា​នារ​ងគ្លែៈ​ទុត​តៃ‌
JOH 12:49 យ៝រ​លាស​នាវ​គ៝ប់​នតី​លាស​អី​នៃ មោ​គែស​អោស​លោស​តាៈ​ឞើស​ឆាក់​គ៝ប់​នើម​អុច យើន​មា​ឞឹ​គ៝ប់​នើម​តើម​ញជ្វាល់​គ៝ប់​ដាៈ​មា​គ៝ប់ ម៝ស​នាវ​គ៝ប់​នតី ម៝ស​នាវ​គ៝ប់​លាស។
JOH 12:50 ជេសរី​គ៝ប់​លែៈ​គឹត នាវ​កោរាញ​ឞ្រាស​ដាៈ​អ៝ន់​គែស​នាវ​រេស​នហ៝​រ៝។ លាស​នទ្រី​ទឹង​លែៈ​នាវ​គ៝ប់​លាស គ៝ប់​លាស​កើត​នាវ​ឞឹ​គ៝ប់​លែៈ​ដាៈ”។
JOH 13:1 អេ​ល៝រ​មា​លាប់​ញេត​បុន​នហ៝ត ឞ្រាស​យេឆូ ​លែៈ​គឹត​នារ​ពាង់​លោស​ឞើស​នែស​នតូ​អ្យា​ហាន់​ឆឹត​តា​ឞឹ​ពាង់​នើម​លែៈ​ទី​ម៝ង។ ឞ្រាស​យេឆូ ​រ៝ង់​មា​មពោល​អ៝ស​ម៝ន​ពាង់​នើម​តា​នែស​នតូ​អ្យា ពាង់​ហោម​រ៝ង់​មា​ខាន់​ពាង់​មរ៝​មរាង់​ត៝ត់​លោច។
JOH 13:2 ត៝ត់​ម៝ង​ឆោង​ឆា​អា​មាង់ ឆាតាង់ ​លែៈ​ជាន​អ៝ន់​យូដាស-​អីឆាការីយោត ​អី​ក៝ន​ឆីមោន ​គែស​នាវ​មឹន​លែវ​ឞូ​ហាន់​ញុប​ឞ្រាស​យេឆូ ។
JOH 13:3 ឞ្រាស​យេឆូ ​លែៈ​គឹត​ជេស ទឹង​លែៈ​នទើ​ឞឹ​ពាង់​លែៈ​អ៝ន់​នាវ​ទើយ​មា​ពាង់​ទាទេ ពាង់​លែៈ​គឹត​ដ៝ង់ ពាង់​នើស​វាច់​តាៈ​ឞើស​កោរាញ​ឞ្រាស ជេសរី​ព្លឹ​ឆឹត​តៃ​តា​កោរាញ​ឞ្រាស​ដ៝ង់។
JOH 13:4 កើត​នទ្រី​ទឹង​ពាង់​ទ៝ក់​ឞើស​នតុក​ឆោង ទ្រីស​អាវ​ក្វ៝ង់​ពាង់​នើម ឆ៝ៈ​ឞ៝ក​ក៝ត់​តា​ឞុត។
JOH 13:5 ពាង់​ឆ៝ៈ​ទាក​ងខុត​តា​ងាន​គ្រឺង ជេសរី​ពាង់​រាវ​ជ៝ង់​មពោល​អ៝ស​ម៝ន​ពាង់​ទូ​ហ្វេ​ទូ​ហ្វេ ពាង់​ឆ៝ៈ​ឞ៝ក​ក៝ត់​តា​ឞុត ឆើម​ជូត​ជ៝ង់​ខាន់​ពាង់​ដ៝ង់។
JOH 13:6 ត៝ត់​តា​ឆីមោន ​អី​ឞូ​ក្វាល់​ពេត្រោស ​ដ៝ង់​នៃ ពាង់​អោប​ឞ្រាស​យេឆូ ៖ “អើ​កោរាញ អាស​មៃ​អុច​ឆើម​រាវ​ជ៝ង់​គ៝ប់​ឞើស?”
JOH 13:7 ឞ្រាស​យេឆូ ​អើស​មា​ពាង់៖ “អាបៃ​អ្យា​មៃ​អេ​ហ៝ៈ​វ៝ត់​អោស​នទើ​គ៝ប់​ជាន​អ្យា។ នារ​ជឹត​នាប់​តៃ​មៃ​វ៝ត់​រ៝”។
JOH 13:8 ពេត្រោស ​លាស​មា​ឞ្រាស​យេឆូ ៖ “អើ​កោរាញ លើយ​អោស​មៃ​ឆើម​រាវ​ជ៝ង់​គ៝ប់!” ឞ្រាស​យេឆូ ​អើស៖ “លាស​គ៝ប់​មោ​រាវ​ជ៝ង់​មៃ មៃ​មោ​អោស​ជេង​អ៝ស​ម៝ន​គ៝ប់”។
JOH 13:9 ឆីមោន ​អី​ឞូ​ក្វាល់​ពេត្រោស ​ដ៝ង់​លាស៖ “អើ​កោរាញ លាស​នទ្រី​មៃ​លើយ​អោស​ទើន​រាវ​ជ៝ង់​ទើម ទាន់​មៃ​រាវ​លែៈ​មា​តី​មា​ឞោក​គ៝ប់​ដ៝ង់”។
JOH 13:10 ឞ្រាស​យេឆូ ​លាស៖ “ឞូនុយ្ស​លែៈ​ជេស​អុម រាវ​ជ៝ង់​គាប់​ហើយ្ស យ៝រ​លាស​ឆាក់​ជាន់​ពាង់​លែៈ​ក្ល៝ស។ មពោល​ខាន់​មៃ​លែៈ​ក្ល៝ស យើន​មា​មោ​គែស​អោស​គែស​ទឹង​លែៈ​ខាន់​មៃ”។
JOH 13:11 ឞ្រាស​យេឆូ ​ងើយ​កើត​នៃ យ៝រ​លាស​ពាង់​លែៈ​គឹត​ឞូ​ម៝ស​អុច​លែវ​ឞូ​ហាន់​ញុប​ពាង់។ កើត​នទ្រី​ទឹង​ពាង់​លាស៖ “ទឹង​លែៈ​ខាន់​មៃ​មោ​គែស​អោស​ក្ល៝ស​ទាទេ”។
JOH 13:12 ជេស​ផ្យៅ​ឞ្រាស​យេឆូ ​រាវ​ជ៝ង់​មពោល​អ៝ស​ម៝ន​ពាង់ពាង់​ញឆ៝ស​ឞ៝ក​អាវ​ពាង់​នើម គុ​តៃ​តា​នតុក​ឆោង​ឆា ជេសរី​អោប​ខាន់​ពាង់៖ “ខាន់​មៃ​វ៝ត់​ដ៝ង់ នទើ​គ៝ប់​ឆើម​ជាន​អ៝ន់​មា​ខាន់​មៃ​នៃ​នើស?
JOH 13:13 ខាន់​មៃ​ក្វាល់​គ៝ប់​«នើម​នតី» ក្វាល់​គ៝ប់​«កោរាញ»។ ទី​ងាន់​នាវ​ខាន់​មៃ​ក្វាល់​នៃ យ៝រ​លាស​គ៝ប់​នើម​នតី គ៝ប់​កោរាញ​ងាន់។
JOH 13:14 លាស​គ៝ប់​អ្យា​លែៈ​នើម​នតី​ខាន់​មៃ លែៈ​កោរាញ​ខាន់​មៃ ជេសរី​ងខើង​មា​ឆើម​រាវ​រាលឹ​ជ៝ង់​ខាន់​មៃ លាស​នទ្រី​អ៝ន់​ខាន់​មៃ​ឆើម​រាវ​ជ៝ង់​នទ្រាង់​ខាន់​មៃ​នើម​ដ៝ង់។
JOH 13:15 អ្យា​គ៝ប់​ជាន​លែវ​ត្រ៝ង​អ៝ន់​មា​ខាន់​មៃ លាស​នទ្រី​អ៝ន់​ខាន់​មៃ​ជាន​កើត​គ៝ប់​លែៈ​ជាន​មា​ខាន់​មៃ​នៃ។
JOH 13:16 គ៝ប់​លាស​នហេល​នានេៈ​ងាន់​មា​ខាន់​មៃ ឞូនុយ្ស​ឆើម​កើល​ជាន​ការ​មោ​អោស​ក្វ៝ង់​រាលាវ​មា​កោរាញ​ពាង់ ឞូនុយ្ស​នតើយ្ស​នាវ​មោ​ដ៝ង់​ក្វ៝ង់​រាលាវ​មា​នើម​ដាៈ​ពាង់​ហាន់”។
JOH 13:17 “លាស​ខាន់​មៃ​គឹត​វ៝ត់​នាវ​អី​នៃ ជេសរី​ជាន​តឹង​កើត កោរាញ​ឞ្រាស​អ៝ន់​នាវ​គែស​ជេង​អ្វែស​ងាន់​មា​ខាន់​មៃ។
JOH 13:18 គ៝ប់​ងើយ​កើត​នអៃ មោ​អោស​ងើយ​អ៝ន់​មា​ទឹង​លែៈ​ខាន់​មៃ យ៝រ​លាស​គ៝ប់​លែៈ​គឹត​ឞូ​ម៝ស​គ៝ប់​កើយ្ស។ យើន​មា​អ្យាត់​មា​គែស​តឹម​ទី​មា​នាវ​កោរាញ​ឞ្រាស​ងើយ​លែៈ​ញចីស​លាស៖ «ទូ​ហ្វេ​ឞូនុយ្ស​គុ​ឆោង​ឆា​នទ្រែល​គ៝ប់ តីស​មា​ពាង់​ជាន​អ្យើស​មា​គ៝ប់»។
JOH 13:19 គ៝ប់​មឞើស​នាវ​អី​នៃ​មា​ខាន់​មៃ​អេ​ល៝រ​មា​ត៝ត់ គៃ​មា​នោក​ត៝ត់​នាវ​អី​នៃ​តៃ ខាន់​មៃ​អ្យាត់​រ៝​គ៝ប់​ឞ្រាស​ក្រីស ​អី​នើម​រាក្លាយ្ស​តាៈ​ឞើស​កោរាញ​ឞ្រាស​ទែ​ញជ្វាល់​ងាន់។
JOH 13:20 គ៝ប់​លាស​នហេល​នានេៈ​ងាន់​មា​ខាន់​មៃ៖ ឞូ​ម៝ស​រ៝ម​ទូ​ហ្វេ​ឞូនុយ្ស​គ៝ប់​ដាៈ​ហាន់ ជេង​ពាង់​រ៝ម​គ៝ប់​ដ៝ង់ ជេសរី​ឞូ​ម៝ស​រ៝ម​គ៝ប់ ជេង​ពាង់​រ៝ម​អី​នើម​តើម​ញជ្វាល់​គ៝ប់​ដ៝ង់”។
JOH 13:21 ជេស​ឞ្រាស​យេឆូ ​ងើយ​នាវ​នៃ តា​នូយ្ស​នហ៝ម់​ពាង់​រី​គែស​នាវ​រាវៃ​រុង​រាង់​ងាន់ ជេសរី​ពាង់​លាស៖ “គ៝ប់​លាស​នហេល​នានេៈ​ងាន់​មា​ខាន់​មៃ គែស​ទូ​ហ្វេ​តា​មពោល​ខាន់​មៃ​តា​អ៝យ​តៃ​លែវ​ឞូ​ហាន់​ញុប​គ៝ប់”។
JOH 13:22 មពោល​អ៝ស​ម៝ន​តឹម​អ្វាញ់​មាត់​នទ្រាង់​ខាន់​ពាង់​នើម យ៝រ​លាស​ខាន់​ពាង់​មោ​គឹត​អោស​ឞូ​ម៝ស​ឞ្រាស​យេឆូ ​អុច​លាស​អី​នៃ។
JOH 13:23 តា​នៃ​គែស​ទូ​ហ្វេ​អ៝ស​ម៝ន​អី​ឞ្រាស​យេឆូ ​ទែ​រ៝ង់ ពាង់​គុ​ទាច់​កេង​ឞ្រាស​យេឆូ ។
JOH 13:24 ឆីមោន ​អី​ឞូ​ក្វាល់​ពេត្រោស ​ដ៝ង់​ញច៝ង់​មា​តី​អ៝ន់​អ៝ស​ម៝ន​អី​នៃ​គឹត​វ៝ត់ គៃ​មា​ដាៈ​ពាង់​អោប​ឞ្រាស​យេឆូ ​ឞូ​ម៝ស​ឞូនុយ្ស​ពាង់​អុច​លាស​អី​នៃ។
JOH 13:25 ជេសរី​អ៝ស​ម៝ន​អី​នៃ​ងគឹល​មាត់​ជឹត​ឞ្រាស​យេឆូ ​នៃ អោប​ពាង់៖ “អើ​កោរាញ ឞូ​ម៝ស​អី​រី​មេស?”
JOH 13:26 ឞ្រាស​យេឆូ ​អើស៖ “ឞូ​ម៝ស​គ៝ប់​នទឹ​នុមពាង់​គ៝ប់​យុក​អ្យា ពាង់​អី​នៃ​រ៝”។ ជេសរី​ឞ្រាស​យេឆូ ​យុក​នុមពាង់​តា​ងាន​នទឹ​អ៝ន់​យូដាស-​អីឆាការីយោត ​អី​ក៝ន​ឆីមោន ។
JOH 13:27 ជេស​យូដាស-​អីឆាការីយោត ​ឆ៝ៈ​នុមពាង់​អី​នៃ ឆាតាង់ ​លាប់​គុ​តា​ឆាក់​ពាង់​រ៝។ ជេសរី​ឞ្រាស​យេឆូ ​លាស​មា​ពាង់៖ “ម៝ស​នទើ​អី​មៃ​អុច​ជាន អ៝ន់​មៃ​ជាន​គើញ​ហ៝ម់”។
JOH 13:28 ទឹង​លែៈ​មពោល​គុ​ឆោង​ឆា​តា​ញឆឺង​នៃ មោ​គែស​អោស​ទូ​ហ្វេ​ឞូនុយ្ស​គឹត​ម៝ស​គែស​នាវ​ខ្លៃ​នាវ​ឞ្រាស​យេឆូ ​លាស​អី​នៃ។
JOH 13:29 ឞូនុយ្ស​អាបាៈ​នអោន​លាស​ឞ្រាស​យេឆូ ​អុច​ដាៈ​យូដាស-​អីឆាការីយោត ​ហាន់​រាវាត់​នទើ​មា​ទ៝ង់​នារ​ញេត​បុន មោ​លាស​អុច​ដាៈ​ពាង់​ហាន់​ពាៈ​នទើ​អ៝ន់​មា​ផូង​អ៝​អាច អាច​មា​យូដាស-​អីឆាការីយោត ​ជេង​ឞូនុយ្ស​ញអោត​ទុង​ព្រាក់​មពោល​ខាន់​ពាង់​នៃ។
JOH 13:30 ជេស​យូដាស-​អីឆាការីយោត ​ទើន​នុមពាង់​អី​នៃ ជេសរី​ពាង់​ហាន់​រ៝ នោក​នៃ​ឞ្រី​លែៈ​ង៝។
JOH 13:31 នទុត​យូដាស-​អីឆាការីយោត ​ហាន់ ឞ្រាស​យេឆូ ​លាស៖ “អាបៃ​អ្យា​លែៈ​ត៝ត់​ទី​ម៝ង​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​លាប់​តា​នាវ​ច្រេក​លើប​គ៝ប់​នើម ជេសរី​កោរាញ​ឞ្រាស​គែស​នាវ​ច្រេក​លើប​យ៝រ​មា​គ៝ប់​ដ៝ង់។
JOH 13:32 ជេសរី​លាស​កោរាញ​ឞ្រាស​គែស​នាវ​ច្រេក​លើប​យ៝រ​មា​គ៝ប់ ហោម​ទូ​ប្ល៝ត់​ជឹត​ពាង់​អុច​អ៝ន់​នាវ​ច្រេក​លើប​មា​គ៝ប់។
JOH 13:33 អើ​មពោល​ក៝ន​គ៝ប់គ៝ប់​ហោម​គុ​នទ្រែល​ខាន់​មៃ​ទូ​ប្ល៝ត់​ទើម ជេសរី​តៃ​ខាន់​មៃ​តឹង​ជ៝យ​គ៝ប់។ អាបៃ​អ្យា​គ៝ប់​អុច​មឞើស​មា​ខាន់​មៃ​កើត​គ៝ប់​លែៈ​មឞើស​មា​មពោល​កោរាញ​ផូង​អីឆ្រាអែល ​នើស​ដ៝ង់៖ «នតុក​គ៝ប់​ហាន់ ខាន់​មៃ​មោ​អោស​ទើយ​ហាន់»។
JOH 13:34 គ៝ប់​អ៝ន់​ទូ​នាវ​ដាៈ​មហែ​មា​ខាន់​មៃ៖ ដាៈ​ខាន់​មៃ​តឹម​រ៝ង់​នទ្រាង់​ខាន់​មៃ​នើម។ តឹម​ឞាន​មា​គ៝ប់​លែៈ​រ៝ង់​មា​ខាន់​មៃ អ៝ន់​ខាន់​មៃ​តឹម​រ៝ង់​នទ្រាង់​ខាន់​មៃ​នើម។
JOH 13:35 យ៝រ​មា​ខាន់​មៃ​តឹម​រ៝ង់​នទ្រាង់​ខាន់​មៃ​នើម ទឹង​លែៈ​ឞូនុយ្ស​ឞូ​គឹត​លាស​ខាន់​មៃ​អ៝ស​ម៝ន​គ៝ប់​ងាន់”។
JOH 13:36 ឆីមោន ​អី​ឞូ​ក្វាល់​ពេត្រោស ​ដ៝ង់​អោប​ឞ្រាស​យេឆូ ៖ “អើ​កោរាញ អាស​នតុក​ហាន់​មៃ​រី?” ឞ្រាស​យេឆូ ​អើស៖ “នតុក​គ៝ប់​ហាន់​អី​នៃ អាបៃ​អ្យា​មៃ​មោ​អោស​ទើយ​ហាន់។ នារ​ជឹត​នាប់​តៃ​មៃ​មរា​ហាន់​តឹង​គ៝ប់​តា​នៃ”។
JOH 13:37 ពេត្រោស ​អោប​តៃ​ឞ្រាស​យេឆូ ៖ “អើ​កោរាញ ម៝ស​កោៈ​គ៝ប់​មោ​ទើយ​តឹង​មៃ​អាបៃ​អ្យា? គ៝ប់​អុច​ប៝ង់​ឆាក់​គ៝ប់​នើម​ខឹត​មា​មៃ”។
JOH 13:38 ឞ្រាស​យេឆូ ​លាស​មា​ពាង់៖ “មៃ​អុច​ប៝ង់​ឆាក់​មៃ​នើម​ខឹត​មា​គ៝ប់​ងាន់​បាស? យើន​មា​គ៝ប់​លាស​នហេល​នានេៈ​ងាន់​មា​មៃ តា​មាង់​អ្យា​អ្យារ់​អេ​ហ៝ៈ​អោស​នទ្រាវ មៃ​លែៈ​រាលាច់​ពែ​តឹ​លាស​មោ​គឹត​នាល់​គ៝ប់”។
JOH 14:1 “នូយ្ស​នហ៝ម់​ខាន់​មៃ​លើយ​អោស​រាវៃ​រុង​រាង់ អ៝ន់​ខាន់​មៃ​ញឆីង​មា​កោរាញ​ឞ្រាស អ៝ន់​ខាន់​មៃ​ញឆីង​មា​គ៝ប់​ដ៝ង់។
JOH 14:2 តា​ញីស​ឞឹ​គ៝ប់​គែស​អ៝ក់​ងាន់​នតុក​គុ លាស​មោ​គែស​មើម​ទឹង​គ៝ប់​មឞើស​មា​ខាន់​មៃ៖ «គ៝ប់​ហាន់​នទ្រាប់​នតុក​អ៝ន់​មា​ខាន់​មៃ»?
JOH 14:3 ជេស​គ៝ប់​នទ្រាប់​នតុក​អ៝ន់​មា​ខាន់​មៃ គ៝ប់​មរា​ព្លឹ​ឆ៝ៈ​ខាន់​មៃ​ដ៝ង់ គៃ​មា​អ៝ន់​ខាន់​មៃ​គុ​នទ្រែល​គ៝ប់។
JOH 14:4 នតុក​គ៝ប់​ហាន់​នៃ​ខាន់​មៃ​លែៈ​គឹត​ត្រ៝ង​ដ៝ង់”។
JOH 14:5 ថោមាស ​អោប​ឞ្រាស​យេឆូ ៖ “អើ​កោរាញ ហេន​មោ​គឹត​អោស​អាស​នតុក​មៃ​ហាន់ លាស​នទ្រី​មើម​ទឹង​ហេន​គឹត​ត្រ៝ង​មៃ​ហាន់?”
JOH 14:6 ឞ្រាស​យេឆូ ​លាស៖ “គ៝ប់​អ្យា​ជេង​តឹម​ឞាន​មា​ត្រ៝ង​អី​ហាន់​ត៝ត់​តា​ឞឹ​នើម មោ​ហោម​អោស​គែស​ត្រ៝ង​អេង គ៝ប់​អ្យា​ជេង​នាវ​ងាន់ គ៝ប់​អ្យា​ជេង​នាវ​រេស។ រាលាវ​ឞើស​គ៝ប់ មោ​អោស​ហោម​គែស​ត្រ៝ង​អា​អេង​ជឹត​ហាន់​ត៝ត់​តា​ឞឹ​គ៝ប់។
JOH 14:7 លាស​ខាន់​មៃ​លែៈ​គឹត​នាល់​គ៝ប់ ខាន់​មៃ​គឹត​នាល់​ឞឹ​គ៝ប់​ដ៝ង់។ នតើម​ឞើស​អាបៃ​អ្យា​ខាន់​មៃ​គឹត​នាល់​ពាង់ នទ្រែល​មា​លែៈ​ឆៃ​ពាង់​ដ៝ង់”។
JOH 14:8 ផីលីប ​លាស​មា​ឞ្រាស​យេឆូ ៖ “អើ​កោរាញ ទាន់​មៃ​ញហើ​អ៝ន់​ហេន​ឆៃ​ឞឹ​មៃ លែៈ​គាប់​ជេស”។
JOH 14:9 ឞ្រាស​យេឆូ ​អើស​មា​ពាង់៖ “អើ​ផីលីប គ៝ប់​គុ​នទ្រែល​ខាន់​មៃ​លែៈ​ជ៝ៈ​ងាន់ មើម​ទឹង​មៃ​ហោម​អែ​អេ​ហ៝ៈ​នាល់​គ៝ប់? ឞូ​ម៝ស​លែៈ​ឆៃ​គ៝ប់ ពាង់​លែៈ​ឆៃ​ឞឹ​គ៝ប់​ដ៝ង់។ មើម​ទឹង​មៃ​លាស៖ «ទាន់​មៃ​ញហើ​អ៝ន់​ហេន​ឆៃ​ឞឹ​មៃ»​កើត​នៃ?
JOH 14:10 មៃ​មោ​អ្យាត់​បាស គ៝ប់​គុ​តា​ឞឹ​គ៝ប់ឞឹ​គ៝ប់​គុ​តា​គ៝ប់? ទឹង​លែៈ​នាវ​គ៝ប់​មឞើស​ងក៝ច​មា​ខាន់​មៃ មោ​អោស​លោស​តាៈ​ឞើស​ឆាក់​គ៝ប់​នើម​អុច ឞឹ​គ៝ប់​គុ​តា​គ៝ប់ពាង់​នើម​ជាន​ទឹង​លែៈ​នាវ​ពាង់​នើម​អី​នៃ។
JOH 14:11 អ៝ន់​ខាន់​មៃ​អ្យាត់​គ៝ប់​ហ៝ម់ គ៝ប់​គុ​តា​ឞឹ​គ៝ប់ឞឹ​គ៝ប់​គុ​តា​គ៝ប់។ លាស​ខាន់​មៃ​មោ​អ្យាត់​អោស​គ៝ប់​យ៝រ​មា​នាវ​គ៝ប់​ងើយ​ទើម អ៝ន់​ខាន់​មៃ​អ្យាត់​គ៝ប់​យ៝រ​មា​នទើ​ខ្លៃ​គ៝ប់​ជាន​នើស។
JOH 14:12 គ៝ប់​លាស​នហេល​នានេៈ​ងាន់​មា​ខាន់​មៃ ឞូ​ម៝ស​ញឆីង​មា​គ៝ប់ ម៝ស​ការ​គ៝ប់​ជាន ពាង់​ជាន​ដ៝ង់ ជេសរី​ពាង់​ជាន​ការ​ក្វ៝ង់​រាលាវ​អី​នៃ​ជឹត យ៝រ​លាស​គ៝ប់​ឆឹត​តា​ឞឹ​គ៝ប់។
JOH 14:13 ជេសរី​ម៝ស​នទើ​ខាន់​មៃ​ទាន់​តា​រាញា​ឆាក់​គ៝ប់គ៝ប់​ជាន​រ៝ គៃ​មា​គ៝ប់​អី​ក៝ន​អ៝ន់​នាវ​ច្រេក​លើប​មា​ឞឹ​គ៝ប់​លើ​មា​ហោ។
JOH 14:14 ម៝ស​នទើ​ខាន់​មៃ​ទាន់​តា​រាញា​ឆាក់​គ៝ប់គ៝ប់​ជាន​រ៝”។
JOH 14:15 “លាស​ខាន់​មៃ​រ៝ង់​មា​គ៝ប់ ខាន់​មៃ​ញអោត​នាវ​គ៝ប់​ដាៈ។
JOH 14:16 ជេសរី​តៃ​គ៝ប់​ទាន់​មា​ឞឹ ជេស​គ៝ប់​ទាន់​នៃ​ពាង់​អ៝ន់​មា​ខាន់​មៃ​ទូ​ហ្វេ​នើម​កើល​អា​អេង​គុ​នទ្រែល​ខាន់​មៃ​នហ៝​រ៝។
JOH 14:17 ពាង់​អី​នៃ​ឞ្រាស​ហ្វេង​អ្វែស ពាង់​លែវ​ខាន់​មៃ​តា​នាវ​នតី​ងាន់។ ឞូនុយ្ស​អី​មោ​ញឆីង​មា​គ៝ប់​មោ​អោស​វើត​ទើន​ពាង់ យ៝រ​លាស​ខាន់​ពាង់​អ្វាញ់​ពាង់​មោ​ឆៃ នទ្រែល​មា​មោ​គឹត​នាល់​ពាង់​ដ៝ង់។ យើន​មា​ខាន់​មៃ​លែៈ​គឹត​នាល់​ពាង់ពាង់​គុ​រេស​នទ្រែល​ខាន់​មៃ ជេសរី​មរា​គុ​តា​ខាន់​មៃ។
JOH 14:18 គ៝ប់​មោ​អោស​នត្លើយ​ខាន់​មៃ​ជេង​តឹម​ឞាន​មា​ក៝ន​ដើយ គ៝ប់​មរា​ព្លឹ​តា​ខាន់​មៃ​ដ៝ង់។
JOH 14:19 ហោម​ទូ​ប្ល៝ត់ ឞូនុយ្ស​អី​មោ​ញឆីង​មា​គ៝ប់​មោ​អោស​ហោម​ឆៃ​គ៝ប់ យើន​មា​ខាន់​មៃ​មរា​ឆៃ​គ៝ប់។ យ៝រ​លាស​គ៝ប់​រេស នទ្រី​ខាន់​មៃ​មរា​រេស​ដ៝ង់។
JOH 14:20 តា​នារ​នៃ​ខាន់​មៃ​គឹត​គ៝ប់​គុ​តា​ឞឹ​គ៝ប់ ជេសរី​ខាន់​មៃ​គុ​តា​គ៝ប់គ៝ប់​គុ​តា​ខាន់​មៃ​ដ៝ង់។
JOH 14:21 ឞូ​ម៝ស​ឆ៝ៈ​ទើន​នាវ​គ៝ប់​ដាៈ នទ្រែល​មា​ជាន​តឹង​កើត ពាង់​អី​នៃ​រ៝ង់​មា​គ៝ប់​ងាន់ ឞឹ​គ៝ប់​រ៝ង់​មា​ពាង់​អី​នៃ​ដ៝ង់។ គ៝ប់​រ៝ង់​មា​ពាង់​អី​នៃ ជេសរី​គ៝ប់​អ៝ន់​ពាង់​អី​នៃ​គឹត​នាល់​គ៝ប់​លើ​ហោ​ជឹត”។
JOH 14:22 យូដាស  - មោ​អោស​ទី​យូដាស-​អីឆាការីយោត  - ពាង់​អោប​ឞ្រាស​យេឆូ ៖ “អើ​កោរាញ មើម​ទឹង​មៃ​អ៝ន់​មា​ហេន​ទើម​គឹត​នាល់​មៃ ទឹង​លែៈ​ឞូនុយ្ស​តា​នែស​នតូ​អ្យា​មៃ​មោ​អោស​អ៝ន់​នាល់?”
JOH 14:23 ឞ្រាស​យេឆូ ​លាស៖ “លាស​ឞូ​ម៝ស​រ៝ង់​មា​គ៝ប់ ពាង់​អី​នៃ​ជាន​តឹង​នាវ​គ៝ប់​ងើយ ឞឹ​គ៝ប់​រ៝ង់​មា​ពាង់​អី​នៃ​ដ៝ង់។ ជេសរី​ឞឹ​គ៝ប់ នទ្រែល​មា​គ៝ប់​ហាន់​តា​ពាង់ នហ៝​មា​គុ​នទ្រែល​តា​ពាង់។
JOH 14:24 ឞូ​ម៝ស​មោ​រ៝ង់​មា​គ៝ប់ ពាង់​អី​នៃ​មោ​អោស​ជាន​តឹង​នាវ​គ៝ប់​ងើយ។ នាវ​គ៝ប់​ងើយ មោ​អោស​លោស​តាៈ​ឞើស​ឆាក់​គ៝ប់​នើម លោស​តាៈ​ឞើស​ឞឹ​គ៝ប់​នើម ពាង់​អី​តើម​ញជ្វាល់​គ៝ប់​អ្យា”។
JOH 14:25 “គ៝ប់​មឞើស​ងក៝ច​ទឹង​លែៈ​នាវ​អី​នៃ​មា​ខាន់​មៃ​ទោល​គ៝ប់​ហោម​គុ​នទ្រែល​ខាន់​មៃ​តា​អ្យា។
JOH 14:26 យើន​មា​ឞ្រាស​ហ្វេង​អ្វែស​អី​ក្ល៝ស​អ្វែស​អី​នើម​កើល​ឞូនុយ្ស​អី​ញឆីង​នៃ ឞឹ​ទែ​ញជ្វាល់​មា​ឆើម​នតាង​គ៝ប់ពាង់​មរា​នតុម​នតី​ទឹង​លែៈ​នាវ​អ៝ន់​មា​ខាន់​មៃ នហ៝​មា​ងកាស​ទឹង​លែៈ​នាវ​គ៝ប់​លែៈ​មឞើស​មា​ខាន់​មៃ​នើស អ៝ន់​ខាន់​មៃ​កាស​គឹត។
JOH 14:27 គ៝ប់​ទូ​លោស​ឞើស​ខាន់​មៃ យើន​មា​គ៝ប់​ហោម​អ៝ន់​នាវ​ដាប់​មពាន់​គុ​តា​ខាន់​មៃ គ៝ប់​អ៝ន់​នាវ​ដាប់​មពាន់​គ៝ប់​នើម​មា​ខាន់​មៃ។ នាវ​ដាប់​មពាន់​គ៝ប់​អ៝ន់​អី​នៃ មោ​តឹម​ឞាន​មា​នាវ​ដាប់​មពាន់​ឞូនុយ្ស​អី​មោ​ញឆីង​មា​គ៝ប់​អ៝ន់។ កើត​នទ្រី​នូយ្ស​នហ៝ម់​ខាន់​មៃ​លើយ​អោស​រាវៃ​រុង​រាង់​លើយ​អោស​ក្លាច។
JOH 14:28 ខាន់​មៃ​លែៈ​តាង់​ជេស​នាវ​គ៝ប់​មឞើស​ងក៝ច​មា​ខាន់​មៃ៖ «គ៝ប់​ទូ​លោស​ឞើស​ខាន់​មៃ ជេសរី​គ៝ប់​ព្លឹ​តៃ​ដ៝ង់​តា​ខាន់​មៃ»។ លាស​ខាន់​មៃ​រ៝ង់​គ៝ប់ ខាន់​មៃ​រាម់​មអាក​ងាន់​គឹត​គ៝ប់​ហាន់​តា​ឞឹ យ៝រ​លាស​ឞឹ​ក្វ៝ង់​រាលាវ​គ៝ប់។
JOH 14:29 គ៝ប់​មឞើស​ងក៝ច​នាវ​អី​នៃ​អ៝ន់​មា​ខាន់​មៃ​គឹត​ល៝រ អេ​ល៝រ​មា​ត៝ត់ គៃ​មា​ខាន់​មៃ​ញឆីង​នោក​នាវ​អី​នៃ​ត៝ត់​រី​តៃ។
JOH 14:30 គ៝ប់​មោ​ហោម​លាង់​អោស​គែស​ម៝ង​មា​ងើយ​នទ្រែល​ខាន់​មៃ យ៝រ​លាស​ឆាតាង់ ​អី​កោរាញ​មពោល​ឞ្រាស​អ្យើស​អី​ជេង​កោរាញ​នែស​នតូ​អ្យា​លែៈ​ឞើយ​មា​ត៝ត់ យើន​មា​ពាង់​មោ​អោស​គែស​នាវ​ទើយ​ដាស​គ៝ប់។
JOH 14:31 ពាង់​មោ​គែស​នាវ​ទើយ​មា​គ៝ប់ ជេសរី​គ៝ប់​ហោម​ជាន​តឹង​នាវ​ឞឹ​ដាៈ​មា​គ៝ប់ គៃ​មា​ទឹង​លែៈ​ឞូនុយ្ស​តា​នែស​នតូ​អ្យា​ឞូ​គឹត​គ៝ប់​រ៝ង់​ងាន់​មា​ឞឹ។ ហោៈ​ឞ៝ន់​ទ៝ក់​ហាន់​ហ៝ម់”។
JOH 15:1 ជេសរី​ឞ្រាស​យេឆូ ​លាស៖ “គ៝ប់​អ្យា​ជេង​តឹម​ឞាន​មា​តើម​ព្លៃ​យុងយារ​ប៝ន​អី​ងាន់ ជេសរី​ឞឹ​គ៝ប់​នាក់​តើម​ម៝ត់។
JOH 15:2 ម៝ស​ងគីង​ហ៝ន​តា​គ៝ប់​មោ​គែស​ព្លៃ ឞឹ​គ៝ប់​ឆ្រែស​មអារ់​លើយ។ យើន​មា​ងគីង​គែស​ព្លៃ ពាង់​ក៝ស​ដេៈ​ម៝ត់​អ៝ន់​អ្វែស គៃ​មា​ព្លៃ​លើ​អ៝ក់​ជឹត។
JOH 15:3 មពោល​ខាន់​មៃ​លែៈ​ក្ល៝ស​ជេស យ៝រ​មា​នាវ​គ៝ប់​លែៈ​ជេស​មឞើស​ងក៝ច​មា​ខាន់​មៃ។
JOH 15:4 អ៝ន់​ខាន់​មៃ​ហោម​គុ​តា​គ៝ប់​នឹង កើត​គ៝ប់​ហោម​គុ​តា​ខាន់​មៃ​នឹង។ គ៝ប់​ជេង​តឹម​ឞាន​មា​តើម ម៝ស​ងគីង​មោ​ហ៝ន​ឞើស​គ៝ប់ ពាង់​មោ​អោស​គែស​ព្លៃ។ ខាន់​មៃ​តឹម​ឞាន​កើត​នៃ​ដ៝ង់ លាស​មោ​អោស​គុ​នឹង​តា​គ៝ប់ ខាន់​មៃ​មោ​គែស​ព្លៃ​អោស។
JOH 15:5 គ៝ប់​អ្យា​តឹម​ឞាន​មា​តើម​ព្លៃ​យុងយារ​ប៝ន ខាន់​មៃ​តឹម​ឞាន​មា​ងគីង។ ឞូ​ម៝ស​ហោម​គុ​តា​គ៝ប់​នឹង គ៝ប់​ហោម​គុ​តា​ពាង់​នឹង ពាង់​អី​នៃ​គែស​ព្លៃ​អ៝ក់​ងាន់។ លាស​ខាន់​មៃ​គុ​តឹម​ងខាស​មា​គ៝ប់ ខាន់​មៃ​មោ​ឞ្លាវ​អោស​ជាន​អេង​ទូ​នតីល​នទើ​អី​គែស​នាវ​ខ្លៃ​តា​កោរាញ​ឞ្រាស។
JOH 15:6 ឞូ​ម៝ស​មោ​គុ​តា​គ៝ប់ ពាង់​អី​នៃ​តឹម​ឞាន​មា​ងគីង​ឞូ​មអារ់​លើយ ត៝ត់​នទ្រ៝​ឞូ​រាគូម​ពូរ​លើយ​តា​អុញ ជេសរី​អុញ​ឆា​លែៈ​ផ្យៅ។
JOH 15:7 លាស​ខាន់​មៃ​ហោម​គុ​តា​គ៝ប់​នឹង ជេសរី​នាវ​គ៝ប់​ងើយ​ហោម​គុ​តា​ខាន់​មៃ​នឹង លាស​នទ្រី​ម៝ស​នទើ​ខាន់​មៃ​អុច ទាន់​ហ៝ម់ ខាន់​មៃ​គែស​ងាន់​រ៝។
JOH 15:8 លាស​ខាន់​មៃ​គែស​ព្លៃ​អ៝ក់ ខាន់​មៃ​អ៝ស​ម៝ន​គ៝ប់​ងាន់ នទ្រី​ទឹង​អ៝ន់​ឞឹ​គ៝ប់​គែស​នាវ​ច្រេក​លើប”។
JOH 15:9 “គ៝ប់​លែៈ​រ៝ង់​មា​ខាន់​មៃ តឹម​ឞាន​មា​ឞឹ​គ៝ប់​លែៈ​រ៝ង់​មា​គ៝ប់​ដ៝ង់។ អ៝ន់​ខាន់​មៃ​ហោម​គុ​នឹង​ហ៝ម់​តា​នាវ​រ៝ង់​គ៝ប់។
JOH 15:10 លាស​ខាន់​មៃ​ជាន​កើត​នាវ​គ៝ប់​ដាៈ ខាន់​មៃ​ហោម​គុ​នឹង​តា​នាវ​រ៝ង់​គ៝ប់ តឹម​ឞាន​មា​គ៝ប់​លែៈ​ជាន​កើត​នាវ​ឞឹ​គ៝ប់​ដាៈ ជេសរី​គ៝ប់​ហោម​គុ​នឹង​តា​នាវ​រ៝ង់​ពាង់​ដ៝ង់។
JOH 15:11 គ៝ប់​មឞើស​ងក៝ច​ទឹង​លែៈ​នាវ​អ្យា​មា​ខាន់​មៃ គៃ​មា​នាវ​រាម់​មអាក​គ៝ប់​គុ​តា​ខាន់​មៃ ជេសរី​ខាន់​មៃ​គែស​នាវ​រាម់​មអាក​ទុត​ហោ​ងាន់។
JOH 15:12 អ្យា​នាវ​គ៝ប់​ដាៈ​អ៝ន់​មា​ខាន់​មៃ អ៝ន់​ខាន់​មៃ​តឹម​រ៝ង់​នទ្រាង់​ខាន់​មៃ​នើម តឹម​ឞាន​មា​គ៝ប់​លែៈ​រ៝ង់​មា​ខាន់​មៃ​ដ៝ង់។
JOH 15:13 ឞូនុយ្ស​អី​ជាវ​ឆាក់​ពាង់​នើម​ខឹត​មា​មឹត​ជាង់​ពាង់ ពាង់​រ៝ង់​មា​មឹត​ជាង់​អី​នៃ​ទុត​ហោ​រាលាវ​ឞូ។
JOH 15:14 ខាន់​មៃ​ជេង​មឹត​ជាង់​គ៝ប់​ងាន់ លាស​ខាន់​មៃ​ជាន​កើត​នាវ​គ៝ប់​ដាៈ។
JOH 15:15 គ៝ប់​មោ​អោស​ហោម​ក្វាល់​ខាន់​មៃ​ឞូនុយ្ស​ឆើម​កើល​ជាន​ការ​ជឹត យ៝រ​លាស​ឞូនុយ្ស​ឆើម​កើល​ជាន​ការ​មោ​អោស​គឹត​ម៝ស​នាវ​កោរាញ​ពាង់​នើម​ជាន។ គ៝ប់​ក្វាល់​ខាន់​មៃ​ជេង​មឹត​ជាង់​គ៝ប់​នើម យ៝រ​លាស​ទឹង​លែៈ​នាវ​ឞឹ​គ៝ប់​លាស​មា​គ៝ប់ លែៈ​គ៝ប់​មឞើស​ងក៝ច​អ៝ន់​មា​ខាន់​មៃ​គឹត​ទាទេ។
JOH 15:16 មោ​អោស​ខាន់​មៃ​លែៈ​កើយ្ស​គ៝ប់គ៝ប់​អី​កើយ្ស​ខាន់​មៃ ជេសរី​ដាៈ​ខាន់​មៃ​ហាន់​គែស​ព្លៃ​អ៝ក់ ព្លៃ​អី​ហោម​នឹង​នហ៝​រ៝។ លាស​នទ្រី​ម៝ស​នទើ​ខាន់​មៃ​ទាន់​ឞើស​ឞឹ​គ៝ប់​តា​រាញា​ឆាក់​គ៝ប់ពាង់​អ៝ន់​មា​ខាន់​មៃ​រ៝។
JOH 15:17 អ្យា​នាវ​គ៝ប់​ដាៈ​មា​ខាន់​មៃ៖ អ៝ន់​ខាន់​មៃ​តឹម​រ៝ង់​នទ្រាង់​ខាន់​មៃ​នើម”។
JOH 15:18 “លាស​ឞូនុយ្ស​តា​នែស​នតូ​អ្យា​ឞ្យាញ់​មា​ខាន់​មៃ អ៝ន់​ខាន់​មៃ​កាស​គឹត​ខាន់​ពាង់​លែៈ​ឞ្យាញ់​មា​គ៝ប់​ល៝រ។
JOH 15:19 លាស​ខាន់​មៃ​ជេង​តឹម​ឞាន​មា​ទឹង​លែៈ​ឞូនុយ្ស​អី​មោ​ញឆីង​មា​គ៝ប់ ខាន់​ពាង់​រ៝ង់​មា​ខាន់​មៃ​ជេង​ឞាល់​មពោល។ យើន​មា​ខាន់​មៃ​មោ​អោស​ហោម​ជេង​តឹម​ឞាន​មា​ខាន់​ពាង់ យ៝រ​លាស​លែៈ​គ៝ប់​កើយ្ស​ឆ៝ៈ​ខាន់​មៃ​លោស​តាៈ​ឞើស​ខាន់​ពាង់ កើត​នទ្រី​ទឹង​ខាន់​ពាង់​ឞ្យាញ់​មា​ខាន់​មៃ។
JOH 15:20 អ៝ន់​ខាន់​មៃ​កាស​គឹត​នាវ​គ៝ប់​លែៈ​លាស​មា​ខាន់​មៃ​នើស៖ «ឞូនុយ្ស​ឆើម​កើល​ជាន​ការ​មោ​អោស​ក្វ៝ង់​រាលាវ​កោរាញ​ពាង់»។ លាស​ឞូ​ជាន​ជេរ​មា​គ៝ប់ ខាន់​មៃ​នៃ​ឞូ​ជាន​ជេរ​ដ៝ង់ លាស​ឞូ​អ្យាត់​នាវ​គ៝ប់ ខាន់​មៃ​នៃ​ឞូ​អ្យាត់​ដ៝ង់។
JOH 15:21 ឞូ​ជាន​ទឹង​លែៈ​នាវ​អី​នៃ​មា​ខាន់​មៃ​យ៝រ​មា​គ៝ប់ ជេសរី​យ៝រ​មា​ខាន់​ពាង់​មោ​អោស​គឹត​នាល់​នើម​តើម​ញជ្វាល់​គ៝ប់។
JOH 15:22 លាស​គ៝ប់​មោ​គែស​វាច់​តា​នែស​នតូ​អ្យា មោ​គែស​មឞើស​ងក៝ច​មា​ខាន់​ពាង់ ខាន់​ពាង់​មោ​អោស​គែស​នាវ​តីស។ យើន​មា​អាបៃ​អ្យា ខាន់​ពាង់​មោ​អោស​ហោម​គែស​នាវ​មា​ញឆីស​មា​នាវ​តីស​ខាន់​ពាង់​នើម។
JOH 15:23 ឞូ​ម៝ស​ឞ្យាញ់​មា​គ៝ប់ ពាង់​ឞ្យាញ់​ដ៝ង់​មា​ឞឹ​គ៝ប់។
JOH 15:24 លាស​គ៝ប់​មោ​គែស​ជាន​នាវ​ខ្លៃ​តា​នាប់​មាត់​ខាន់​ពាង់ ជេង​នទើ​អី​មោ​គែស​អោស​ទូ​ហ្វេ​ឞូនុយ្ស​អេង​ជាន ខាន់​ពាង់​មោ​គែស​អោស​នាវ​តីស។ យើន​មា​អាបៃ​អ្យា​ខាន់​ពាង់​លែៈ​ឆៃ​ជេស ជេសរី​ខាន់​ពាង់​ហោម​ឞ្យាញ់​មា​គ៝ប់ ឞ្យាញ់​មា​ឞឹ​គ៝ប់​ដ៝ង់។
JOH 15:25 កើត​នទ្រី​នាវ​អី​អ្យា​ជេង​ទី​ដាស​មា​នាវ​កោរាញ​ឞ្រាស​ងើយ​លែៈ​គែស​ញចីស​មា​នទើ​ខាន់​ពាង់​ជាន៖ «ខាន់​ពាង់​ឞ្យាញ់​មា​គ៝ប់​មោ​អោស​គែស​នាវ»”។
JOH 15:26 “គ៝ប់​មរា​ញជ្វាល់​នើម​កើល​តាៈ​ឞើស​ឞឹ​គ៝ប់​មា​ខាន់​មៃ ពាង់​អី​នៃ​ឞ្រាស​ហ្វេង​អ្វែស ពាង់​លែវ​ខាន់​មៃ​តា​នាវ​នតី​ងាន់។ ត៝ត់​ពាង់​វាច់​រី​តៃ ពាង់​ជេង​តើម​មឞើស​ងក៝ច​នាវ​ខ្លៃ​គ៝ប់​អ៝ន់​ឞូ​គឹត។
JOH 15:27 ជេសរី​ខាន់​មៃ​ជេង​នើម​មឞើស​ងក៝ច​នាវ​ខ្លៃ​គ៝ប់​អ៝ន់​ឞូ​គឹត​កើត​នទ្រី​ដ៝ង់ យ៝រ​លាស​ខាន់​មៃ​លែៈ​គុ​នទ្រែល​គ៝ប់​នតើម​ឞើស​គ៝ប់​នតើម​នតុម​នតី​ឞូ​នើស​ងាន់”។
JOH 16:1 ឞ្រាស​យេឆូ ​លាស​ជឹត៖ “គ៝ប់​ងើយ​នាវ​អី​នៃ​មា​ខាន់​មៃ គៃ​មា​លើយ​អោស​ខាន់​មៃ​ឞាស​ញឆីង​មា​គ៝ប់។
JOH 16:2 យ៝រ​លាស​ឞូ​មរា​នត្រុត​ខាន់​មៃ​ទូ​លោស​ឞើស​ញីស​រាបុន​ផូង​អីឆ្រាអែល ​ឞ៝ន់។ ជេសរី​នារ​ជឹត​នាប់​តៃ​ឞូ​ម៝ស​ងខឹត​ខាន់​មៃ ខាន់​ពាង់​មឹន​លាស​នទើ​ខាន់​ពាង់​ជាន​អី​នៃ ខាន់​ពាង់​ជាន​នទើ​អី​កោរាញ​ឞ្រាស​រានេ។
JOH 16:3 ខាន់​ពាង់​ជាន​កើត​នៃ យ៝រ​លាស​ខាន់​ពាង់​មោ​គឹត​នាល់​ឞឹ​គ៝ប់ នទ្រែល​មា​មោ​គឹត​នាល់​គ៝ប់​ដ៝ង់។
JOH 16:4 គ៝ប់​លែៈ​ងើយ​នាវ​អី​នៃ​មា​ខាន់​មៃ គៃ​មា​ត៝ត់​ទី​នារ​អី​នៃ​តៃ ខាន់​មៃ​កាស​គឹត​នាវ​គ៝ប់​លែៈ​នតិញ​មា​ខាន់​មៃ។ អា​ល៝រ​នើស​គ៝ប់​អេ​ហ៝ៈ​អោស​មឞើស​ងក៝ច​ទឹង​លែៈ​នាវ​អី​នៃ យ៝រ​លាស​គ៝ប់​ហោម​គុ​នទ្រែល​ខាន់​មៃ”។
JOH 16:5 “អាបៃ​អ្យា​គ៝ប់​ហាន់​ឆឹត​អា​នើម​តើម​ញជ្វាល់​គ៝ប់ យើន​មា​តា​មពោល​ខាន់​មៃ​មោ​គែស​អោស​ទូ​ហ្វេ​អោប​គ៝ប់៖ «អាស​នតុក​ហាន់​មៃ​រី?»
JOH 16:6 យើន​មា​ខាន់​មៃ​គែស​នាវ​ងក្ល៝ន់​រាវៃ​ហោ​ងាន់​តា​នូយ្ស​នហ៝ម់ ត៝ត់​តាង់​នាវ​គ៝ប់​ងើយ​អ្យា។
JOH 16:7 គ៝ប់​អុច​មឞើស​អ៝ន់​ខាន់​មៃ​គឹត នាវ​គ៝ប់​ទូ​លោស​ឞើស​ខាន់​មៃ​គែស​នាវ​ខ្លៃ​ងាន់​មា​ខាន់​មៃ។ លាស​គ៝ប់​មោ​ទូ​លោស នើម​កើល​មោ​អោស​វាច់​តា​ខាន់​មៃ។ យើន​មា​លាស​គ៝ប់​ទូ​លោស តៃ​គ៝ប់​ញជ្វាល់​ពាង់​អ៝ន់​មា​ខាន់​មៃ។
JOH 16:8 នោក​ត៝ត់​ពាង់​តា​អ្យា​តៃ ពាង់​ពើក​ឞោក​តោរ​ផូង​ឞូនុយ្ស​តា​នែស​នតូ​គឹត​វ៝ត់​មា​នាវ​តីស មា​នាវ​ឆ៝ង់ នទ្រែល​មា​នាវ​កោរាញ​ឞ្រាស​ផាត​ទោយ្ស។
JOH 16:9 គឹត​វ៝ត់​មា​នាវ​តីស យ៝រ​លាស​ផូង​ឞូនុយ្ស​តា​នែស​នតូ​លែៈ​គែស​នាវ​តីស​យ៝រ​មា​មោ​អុច​អោស​ញឆីង​មា​គ៝ប់។
JOH 16:10 គឹត​វ៝ត់​មា​នាវ​ឆ៝ង់ យ៝រ​លាស​គ៝ប់​ហាន់​ឆឹត​តា​ឞឹ​គ៝ប់​នទ្រី​ឆៃ​គ៝ប់​ឆ៝ង់​ងាន់ ជេសរី​ខាន់​មៃ​មោ​ហោម​អោស​ឆៃ​គ៝ប់។
JOH 16:11 គឹត​វ៝ត់​មា​នាវ​កោរាញ​ឞ្រាស​ផាត​ទោយ្ស យ៝រ​លាស​នាវ​កោរាញ​ឞ្រាស​តេៈ​ទោយ្ស​មា​ឆាតាង់ ​អី​កោរាញ​មពោល​ឞ្រាស​អ្យើស​អី​កោរាញ​នែស​នតូ​អ្យា មរា​អ៝ន់​ឞូ​គឹត​នហេល​កោរាញ​ឞ្រាស​តេៈ​ទោយ្ស​មា​ឞូនុយ្ស​អី​ជាន​តីស​ដ៝ង់”។
JOH 16:12 “ហោម​អ៝ក់​ជឹត​នាវ​គ៝ប់​អុច​មឞើស​ងក៝ច​អ៝ន់​មា​ខាន់​មៃ យើន​មា​ខាន់​មៃ​មោ​អោស​ទើយ​ញអោត​អាបៃ​អ្យា។
JOH 16:13 នោក​ឞ្រាស​ហ្វេង​អ្វែស​អី​លែវ​នាវ​នតី​ងាន់​ត៝ត់ តៃ​ពាង់​លែវ​ខាន់​មៃ​អ៝ន់​គឹត​នាល់​ទឹង​លែៈ​នាវ​ងាន់។ ទឹង​លែៈ​នាវ​ពាង់​មឞើស​ងក៝ច​អី​នៃ មោ​អោស​គែស​លោស​តាៈ​ឞើស​ឆាក់​ពាង់​នើម​អុច។ ពាង់​មឞើស​ងក៝ច​ទឹង​លែៈ​នាវ​ពាង់​លែៈ​តាង់​ឞើស​ឞឹ​គ៝ប់ នទ្រែល​មា​មឞើស​ងក៝ច​អ៝ន់​ខាន់​មៃ​គឹត​ល៝រ​ម៝ស​នាវ​គែស​តា​នារ​ជឹត​នាប់​អ្យា​តៃ។
JOH 16:14 ពាង់​មរា​អ៝ន់​គ៝ប់​គែស​នាវ​ច្រេក​លើប យ៝រ​លាស​ទឹង​លែៈ​នាវ​ពាង់​មឞើស​ងក៝ច​អ៝ន់​មា​ខាន់​មៃ ពាង់​ឆ៝ៈ​តាៈ​ឞើស​គ៝ប់​ទាទេ។
JOH 16:15 ទឹង​លែៈ​នទើ​ឞឹ​គ៝ប់​គែស ជេង​នទើ​គ៝ប់​ទាទេ។ កើត​នទ្រី​ទឹង​គ៝ប់​លែៈ​លាស ទឹង​លែៈ​នាវ​ឞ្រាស​ហ្វេង​អ្វែស​មឞើស​ងក៝ច​អ៝ន់​មា​ខាន់​មៃ ពាង់​ឆ៝ៈ​តាៈ​ឞើស​គ៝ប់​ទាទេ”។
JOH 16:16 “ហោម​ទូ​ប្ល៝ត់​ជឹត​ខាន់​មៃ​មោ​អោស​ហោម​ឆៃ​គ៝ប់ យើន​មា​ហោម​ទូ​ប្ល៝ត់​ជឹត​នាប់​ជឹត​ខាន់​មៃ​ឆៃ​តៃ​គ៝ប់”។
JOH 16:17 ជេសរី​មពោល​អ៝ស​ម៝ន​អាបាៈ​តឹម​លាស​នទ្រាង់​ខាន់​ពាង់​នើម៖ “ម៝ស​នាវ​ពាង់​អុច​លាស៖ «ហោម​ទូ​ប្ល៝ត់​ជឹត​ខាន់​មៃ​មោ​អោស​ហោម​ឆៃ​គ៝ប់ យើន​មា​ហោម​ទូ​ប្ល៝ត់​ជឹត​នាប់​តៃ​ខាន់​មៃ​ឆៃ​តៃ​គ៝ប់» នទ្រែល​មា​លាស៖ «គ៝ប់​ហាន់​តា​ឞឹ​គ៝ប់» អី​នៃ​ហ្យាស?”
JOH 16:18 ខាន់​ពាង់​តឹម​លាស​តៃ​នទ្រាង់​ខាន់​ពាង់៖ “នាវ​ពាង់​លាស៖ «ហោម​ទូ​ប្ល៝ត់​ជឹត» ម៝ស​គែស​នាវ​ខ្លៃ? ឞ៝ន់​មោ​វ៝ត់​អោស ម៝ស​នាវ​ពាង់​អុច​លាស!”
JOH 16:19 ឞ្រាស​យេឆូ ​លែៈ​គឹត​ខាន់​ពាង់​អុច​អោប​ពាង់ នទ្រី​ពាង់​លាស៖ “ខាន់​មៃ​តឹម​អោប​នទ្រាង់​ខាន់​មៃ​នើម ម៝ស​នាវ​គ៝ប់​អុច​លាស​ឞើស? គ៝ប់​លាស៖ «ហោម​ទូ​ប្ល៝ត់​ជឹត​ខាន់​មៃ​មោ​អោស​ហោម​ឆៃ​គ៝ប់ យើន​មា​ហោម​ទូ​ប្ល៝ត់​ជឹត​នាប់​ជឹត​ខាន់​មៃ​ឆៃ​តៃ​គ៝ប់»”។
JOH 16:20 “គ៝ប់​លាស​នហេល​នានេៈ​ងាន់​មា​ខាន់​មៃ៖ ខាន់​មៃ​តៃ​ញហ្យាង់​ញុម យើន​មា​ផូង​ឞូនុយ្ស​អី​មោ​ញឆីង​មា​គ៝ប់​រាម់​មអាក។ ខាន់​មៃ​តៃ​គែស​នាវ​ងក្ល៝ន់​រាវៃ​អោស​អេត​អោស​អេល​ងាន់ យើន​មា​នាវ​ងក្ល៝ន់​រាវៃ​ខាន់​មៃ​អី​នៃ​តៃ​ព្លាច់​ជេង​នាវ​រាម់​មអាក​ច្រាវ។
JOH 16:21 ល៝ង់​ឞូ​អូរ ទោល​ពាង់​ឞើយ​គុ​អ៝ស ពាង់​គែស​នាវ​ជី​នទុល​ហោ​ងាន់ យើន​មា​ត៝ត់​ពាង់​លែៈ​ជេស​គុ​អ៝ស ពាង់​ច្វេល​នាវ​ជី​អី​នៃ ពាង់​រាម់​មអាក យ៝រ​លាស​ឆៃ​គែស​អ៝ស​ឞេ​មហែ។
JOH 16:22 អាបៃ​អ្យា​ខាន់​មៃ​តឹម​ឞាន​កើត​នៃ​ដ៝ង់ ខាន់​មៃ​គែស​នាវ​ងក្ល៝ន់​រាវៃ យើន​មា​គ៝ប់​តឹម​ម៝ប់​តៃ​ដាស​ខាន់​មៃ​ទូ​តឹ​ជឹត។ នោក​នៃ​ខាន់​មៃ​គែស​នាវ​រាម់​មអាក​ងាន់ មោ​គែស​អោស​ឞូនុយ្ស​ទើយ​ពីត​នាវ​រាម់​មអាក​ខាន់​មៃ។
JOH 16:23 នោក​នៃ​ខាន់​មៃ​មោ​អោស​ហោម​អោប​គ៝ប់​ទូ​នតីល​នាវ។ គ៝ប់​លាស​នហេល​នានេៈ​ងាន់​មា​ខាន់​មៃ ម៝ស​នទើ​ខាន់​មៃ​ទាន់​ឞើស​ឞឹ​តា​រាញា​ឆាក់​គ៝ប់ពាង់​អ៝ន់​រ៝​មា​ខាន់​មៃ។
JOH 16:24 ត៝ត់​មា​អាបៃ​អ្យា ខាន់​មៃ​អេ​ហ៝ៈ​អោស​គែស​ទាន់​នទើ​ឞើស​ឞឹ​តា​រាញា​ឆាក់​គ៝ប់។ ខាន់​មៃ​ទាន់​ហ៝ម់ គែស​ងាន់​រ៝ ជេសរី​ខាន់​មៃ​គែស​នាវ​រាម់​មអាក​ទុត​ហោ​ងាន់”។
JOH 16:25 “គ៝ប់​មឞើស​ងក៝ច​ទឹង​លែៈ​នាវ​អី​នៃ​អ៝ន់​មា​ខាន់​មៃ​មា​នាវ​ងើយ​នតឹត។ យើន​មា​ហោម​ទូ​ប្ល៝ត់​ជឹត​គ៝ប់​មោ​អោស​ហោម​ងើយ​នាវ​នតឹត ជេសរី​នាវ​ឞឹ​គ៝ប់គ៝ប់​ងើយ​អ៝ន់​មា​ខាន់​មៃ​នហេល​នានេៈ​ងាន់។
JOH 16:26 តា​នារ​អី​នៃ ខាន់​មៃ​ទាន់​អេង​ឞើស​ឞឹ​តា​រាញា​ឆាក់​គ៝ប់។ គ៝ប់​មោ​អោស​ឆើម​ទាន់​ឞើស​ឞឹ​អ៝ន់​មា​ខាន់​មៃ‌
JOH 16:27 យ៝រ​លាស​ឞឹ​នើម​រ៝ង់​មា​ខាន់​មៃ។ ពាង់​រ៝ង់​មា​ខាន់​មៃ យ៝រ​លាស​ខាន់​មៃ​លែៈ​រ៝ង់​មា​គ៝ប់ នទ្រែល​មា​ខាន់​មៃ​លែៈ​អ្យាត់​គ៝ប់​លោស​តាៈ​ឞើស​កោរាញ​ឞ្រាស។
JOH 16:28 គ៝ប់​លោស​តាៈ​ឞើស​ឞឹ​ជុរ​តា​នែស​នតូ​អ្យា​នើស អាបៃ​អ្យា​គ៝ប់​លោស​ឞើស​នែស​នតូ​អ្យា​ព្លឹ​ឆឹត​តៃ​តា​ពាង់”។
JOH 16:29 មពោល​អ៝ស​ម៝ន​ឞ្រាស​យេឆូ ​លាស៖ “អាបៃ​អ្យា​មៃ​ងើយ​មា​ហេន​លែៈ​នហេល​នានេៈ មៃ​មោ​អោស​ហោម​ងើយ​នាវ​នតឹត។
JOH 16:30 អាបៃ​អ្យា​ហេន​លែៈ​គឹត​ជេស​មៃ​គឹត​ទាទេ​ទឹង​លែៈ​នតីល​នទើ។ មៃ​មោ​ខាច់​អោស​គែស​ឞូ​អោប​មៃ​ល៝រ យ៝រ​លាស​មៃ​លែៈ​គឹត​អេង​ជេស​ម៝ស​នទើ​នាវ​មឹន​តា​នូយ្ស​នហ៝ម់​ឞូ។ កើត​នទ្រី​ទឹង​ហេន​អ្យាត់ មៃ​តាៈ​ឞើស​កោរាញ​ឞ្រាស​ងាន់”។
JOH 16:31 ឞ្រាស​យេឆូ ​អោប​ខាន់​ពាង់៖ “អាបៃ​អ្យា​ខាន់​មៃ​លែៈ​អ្យាត់​ងាន់​ឞើស?
JOH 16:32 យើន​មា​ត៝ត់​ទី​ម៝ង​នៃ អាបៃ​អ្យា​ម៝ង​អី​នៃ​លែៈ​ឞើយ​ត៝ត់ ខាន់​មៃ​ញច្វាត់​ទូ​គុ​នតុក​អេងៗ តឹង​ញីស​ជៃ​ខាន់​មៃ​នើម នត្លើយ​គ៝ប់​គុ​អេង។ យើន​មា​គ៝ប់​មោ​គែស​អោស​គុ​អេង គែស​ឞឹ​នើម​គុ​នទ្រែល​គ៝ប់។
JOH 16:33 គ៝ប់​មឞើស​ងក៝ច​នាវ​អី​នៃ​មា​ខាន់​មៃ គៃ​មា​ខាន់​មៃ​គែស​នាវ​ដាប់​មពាន់​យ៝រ​មា​ខាន់​មៃ​ញឆីង​មា​គ៝ប់។ ហោម​គុ​តា​នែស​នតូ​អ្យា ខាន់​មៃ​ហោម​គែស​ម៝ប់​នាវ​ជេរ យើន​មា​លើយ​អោស​ក្លាច​រាវៃ យ៝រ​លាស​ទឹង​លែៈ​នទើ​តា​នែស​នតូ​អ្យា​គ៝ប់​លែៈ​ទើយ​ទាទេ​ជេស”។
JOH 17:1 ជេស​ឞ្រាស​យេឆូ ​ងើយ​នាវ​នៃ ពាង់​ងគើរ​ជឹត​ត្រោក​តី ជេសរី​លាស៖ “អើ​ឞឹ! អាបៃ​អ្យា​លែៈ​ត៝ត់​ទី​ម៝ង។ ទាន់​មៃ​ជាន​អ៝ន់​គ៝ប់​អី​ក៝ន​មៃ​គែស​នាវ​ច្រេក​លើប គៃ​មា​គ៝ប់​អី​ក៝ន​ជាន​អ៝ន់​មៃ​គែស​នាវ​ច្រេក​លើប​ដ៝ង់។
JOH 17:2 កើត​មៃ​លែៈ​អ៝ន់​នាវ​ទើយ​មា​គ៝ប់​ទើយ​ម៝ត់​អ្វាញ់​ទឹង​លែៈ​រាងោច​ឞូនុយ្ស គៃ​មា​គ៝ប់​អ៝ន់​នាវ​រេស​នហ៝​រ៝​មា​ទឹង​លែៈ​ឞូនុយ្ស​អី​មៃ​លែៈ​អ៝ន់​ជេស​មា​គ៝ប់។
JOH 17:3 គែស​ទូ​ហ្វេ​មៃ​ទើម​អី​ឞ្រាស​ងាន់​ងេន។ ឞូនុយ្ស​អី​គែស​នាវ​រេស​នហ៝​រ៝​តាៈ​ឞើស​គឹត​នាល់​មៃ នទ្រែល​មា​គឹត​នាល់​គ៝ប់​អី​យេឆូ​ក្រីស ​អី​មៃ​ញជ្វាល់​ដាៈ​ហាន់។
JOH 17:4 គ៝ប់​លែៈ​ជាន​អ៝ន់​មៃ​គែស​នាវ​ច្រេក​លើប​តា​នែស​នតូ​អ្យា យ៝រ​មា​លែៈ​លោច​ជាន​ជេស​ការ​មៃ​ដាៈ​គ៝ប់​ជាន​នើស។
JOH 17:5 អើ​ឞឹ! អាបៃ​អ្យា​ទាន់​មៃ​អ៝ន់​គ៝ប់​នាវ​ច្រេក​លើប​អី​ឞ៝ន់​លែៈ​អើម​គែស​នទ្រែល​នោក​អេ​ហ៝ៈ​គែស​ត្រោក​នែស​នតូ​នើស”។
JOH 17:6 “ឞូ​ម៝ស​ឞូនុយ្ស​តា​នែស​នតូ​អ្យា​មៃ​លែៈ​អ៝ន់​ជេស​មា​គ៝ប់គ៝ប់​លែៈ​អ៝ន់​ផូង​អី​នៃ​គឹត​នាល់​មៃ។ ឞើស​នតើម​នើស​ផូង​អី​នៃ​ជេង​ប៝ន​លាន​មៃ ជេសរី​មៃ​អ៝ន់​ខាន់​ពាង់​មា​គ៝ប់។ ខាន់​ពាង់​លែៈ​ញអោត​ទឹង​លែៈ​នាវ​មៃ។
JOH 17:7 អាបៃ​អ្យា​ខាន់​ពាង់​លែៈ​គឹត​ទឹង​លែៈ​នាវ​គ៝ប់​ជាន​នាវ​គ៝ប់​នតី លោស​តាៈ​ឞើស​មៃ​នើម​អ៝ន់​ទាទេ។
JOH 17:8 ទឹង​លែៈ​នាវ​មៃ​អ៝ន់​មា​គ៝ប់​នើស លែៈ​គ៝ប់​អ៝ន់​មា​ខាន់​ពាង់​ទាទេ។ លែៈ​ខាន់​ពាង់​ឆ៝ៈ​ទើន​ទាទេ នទ្រែល​មា​ខាន់​ពាង់​លែៈ​គឹត​នហេល​នានេៈ​ងាន់​គ៝ប់​លោស​តាៈ​ឞើស​មៃ ខាន់​ពាង់​អ្យាត់​ងាន់​មៃ​អី​នើម​ញជ្វាល់​ដាៈ​គ៝ប់​ហាន់”។
JOH 17:9 “គ៝ប់​មឞើស​ឆើម​ទាន់​អ៝ន់​មា​ខាន់​ពាង់ គ៝ប់​មោ​អោស​មឞើស​ឆើម​ទាន់​អ៝ន់​មា​ទឹង​លែៈ​ឞូនុយ្ស​តា​នែស​នតូ គ៝ប់​មឞើស​ឆើម​ទាន់​អ៝ន់​មា​ឞូ​ម៝ស​មៃ​លែៈ​អ៝ន់​ជេស​មា​គ៝ប់ យ៝រ​លាស​ខាន់​ពាង់​អី​នៃ​ជេង​ប៝ន​លាន​មៃ។
JOH 17:10 ជេសរី​ទឹង​លែៈ​ប៝ន​លាន​មៃ​ជេង​ប៝ន​លាន​គ៝ប់ ទឹង​លែៈ​ប៝ន​លាន​គ៝ប់​ជេង​ប៝ន​លាន​មៃ​ដ៝ង់។ ខាន់​ពាង់​ជាន​អ៝ន់​គ៝ប់​គែស​នាវ​ច្រេក​លើប។
JOH 17:11 គ៝ប់​មោ​អោស​ហោម​គុ​តា​នែស​នតូ​អ្យា គ៝ប់​ព្លឹ​ឆឹត​តៃ​តា​មៃ យើន​មា​ខាន់​ពាង់​ហោម​គុ​តា​នែស​នតូ​អ្យា។ អើ​ឞឹមៃ​ក្ល៝ស​អ្វែស​ងាន់ ម៝ត់​ញជ្រាង់​ខាន់​ពាង់​មា​នាវ​ទើយ​មៃ​នើម​អី​មៃ​លែៈ​អ៝ន់​មា​គ៝ប់​ដ៝ង់ គៃ​មា​ខាន់​ពាង់​គុ​តឹម​រាង្លាប់​ឞាល់​ហ៝ៈ តឹម​ឞាន​មា​ឞ៝ន់​គុ​តឹម​រាង្លាប់​ឞាល់​ដ៝ង់។
JOH 17:12 នោក​គ៝ប់​ហោម​គុ​នទ្រែល​ខាន់​ពាង់​តា​នែស​នតូ គ៝ប់​ម៝ត់​ញជ្រាង់​ខាន់​ពាង់​មា​នាវ​ទើយ​មៃ​នើម​អី​មៃ​លែៈ​អ៝ន់​មា​គ៝ប់​នើស។ ឞូ​ម៝ស​ឞូនុយ្ស​មៃ​លែៈ​អ៝ន់​មា​គ៝ប់ មោ​គែស​អោស​ទូ​ហ្វេ​រ៝ស​ហេង យើន​មា​ហោម​គែស​រ៝ស​ហេង​ទូ​ហ្វេ អី​នៃ​ជេង​តឹម​ទី​មា​នាវ​លែៈ​គែស​ញចីស​ជេស”។
JOH 17:13 “អាបៃ​អ្យា​គ៝ប់​ហាន់​អា​មៃ យើន​មា​គ៝ប់​ងើយ​នាវ​អ្យា​ទោល​គ៝ប់​ហោម​គុ​តា​នែស​នតូ គៃ​មា​តា​នូយ្ស​នហ៝ម់​ខាន់​ពាង់​គែស​នាវ​រាម់​មអាក​ទុត​ហោ​ងាន់​កើត​គ៝ប់​ដ៝ង់។
JOH 17:14 គ៝ប់​លែៈ​អ៝ន់​នាវ​មៃ​មា​ខាន់​ពាង់។ ឞូនុយ្ស​អី​មោ​ញឆីង​មា​គ៝ប់ ឞូនុយ្ស​អី​នៃ​ឞ្យាញ់​មា​ខាន់​ពាង់ យ៝រ​លាស​ខាន់​ពាង់​នើស​មោ​គែស​អោស​ទូ​នតោរ​នាវ​នទ្រែល​ឞូនុយ្ស​មោ​ញឆីង​មា​គ៝ប់ តឹម​ឞាន​មា​គ៝ប់​មោ​ដ៝ង់​ទូ​នតោរ​នាវ​នទ្រែល​ឞូនុយ្ស​មោ​ញឆីង​មា​គ៝ប់។
JOH 17:15 គ៝ប់​មោ​អោស​ទាន់​មៃ​ឆ៝ៈ​ខាន់​ពាង់​លោស​ឞើស​នែស​នតូ​អ្យា គ៝ប់​ទាន់​មៃ​ញជ្រាង់​ខាន់​ពាង់​ឞើស​ឆាតាង់ ​អី​កោរាញ​មពោល​ឞ្រាស​អ្យើស។
JOH 17:16 ខាន់​ពាង់​មោ​អោស​ទូ​នតោរ​នាវ​នទ្រែល​ឞូនុយ្ស​មោ​ញឆីង​មា​គ៝ប់ តឹម​ឞាន​មា​គ៝ប់​មោ​ដ៝ង់​ទូ​នតោរ​នាវ​នទ្រែល​ឞូនុយ្ស​អី​មោ​ញឆីង​មា​គ៝ប់។
JOH 17:17 ទាន់​ជាន​ខាន់​ពាង់​ជេង​ផូង​ប៝ន​លាន​មៃ​នើម គុ​ងាវ​តឹម​ទី​ដាស​នាវ​ងាន់។ នាវ​ងើយ​មៃ​ជេង​នាវ​ងាន់។
JOH 17:18 គ៝ប់​ដាៈ​ខាន់​ពាង់​ហាន់​តា​ងក្លាង​ផូង​ឞូនុយ្ស​អី​មោ​ញឆីង​មា​គ៝ប់ តឹម​ឞាន​មា​មៃ​លែៈ​ដាៈ​គ៝ប់​អ៝ន់​ហាន់​តា​ងក្លាង​ផូង​ឞូនុយ្ស​អី​មោ​ញឆីង​មា​មៃ​ដ៝ង់។
JOH 17:19 គ៝ប់​ជាវ​ឆាក់​គ៝ប់​នើម​មា​ខាន់​ពាង់ គៃ​មា​អ៝ន់​ខាន់​ពាង់​ជេង​ផូង​ប៝ន​លាន​មៃ​នើម​ងាន់”។
JOH 17:20 “គ៝ប់​មោ​អោស​ទើន​មឞើស​ឆើម​ទាន់​អ៝ន់​មា​មពោល​អ៝ស​ម៝ន​គ៝ប់​អ្យា​ទើម គ៝ប់​អុច​មឞើស​ឆើម​ទាន់​ដ៝ង់​អ៝ន់​ទឹង​លែៈ​ឞូនុយ្ស​អេង​អី​មរា​ញឆីង​មា​គ៝ប់​តាៈ​ឞើស​នាវ​ខាន់​ពាង់​មឞើស​ងក៝ច‌
JOH 17:21 គៃ​មា​ទឹង​លែៈ​ខាន់​ពាង់​គុ​តឹម​រាង្លាប់​ឞាល់​ហ៝ៈ។ អើ​ឞឹ! តឹម​ឞាន​មា​មៃ​គុ​តា​គ៝ប់គ៝ប់​គុ​តា​មៃ ទាន់​អ៝ន់​ខាន់​ពាង់​អី​នៃ​គុ​តា​ឞ៝ន់​ដ៝ង់ គៃ​មា​អ៝ន់​ទឹង​លែៈ​ឞូនុយ្ស​តា​នែស​នតូ​អ្យា​ឞូ​អ្យាត់​មៃ​អី​នើម​តើម​ញជ្វាល់​គ៝ប់។
JOH 17:22 នាវ​ច្រេក​លើប​អី​មៃ​លែៈ​អ៝ន់​មា​គ៝ប់ លែៈ​គ៝ប់​អ៝ន់​មា​ខាន់​ពាង់ គៃ​មា​ខាន់​ពាង់​គុ​តឹម​រាង្លាប់​ឞាល់ តឹម​ឞាន​មា​ឞ៝ន់​តឹម​រាង្លាប់​ឞាល់​ដ៝ង់។
JOH 17:23 មៃ​គុ​តា​គ៝ប់គ៝ប់​គុ​តា​ខាន់​ពាង់ គៃ​មា​អ៝ន់​ខាន់​ពាង់​គុ​តឹម​រាង្លាប់​ឞាល់​នហេល​នានេៈ​ងាន់ គៃ​មា​ទឹង​លែៈ​ឞូនុយ្ស​តា​នែស​នតូ​អ្យា​ឞូ​គឹត​លាស​មៃ​ងាន់​អី​នើម​តើម​ញជ្វាល់​អ៝ន់​គ៝ប់​ហាន់​តា​អ្យា នទ្រែល​មា​ទឹង​លែៈ​ឞូនុយ្ស​តា​នែស​នតូ​អ្យា​ឞូ​គឹត​លាស​នាវ​មៃ​រ៝ង់​មា​ខាន់​ពាង់​តឹម​ឞាន​មា​មៃ​រ៝ង់​គ៝ប់​ដ៝ង់”។
JOH 17:24 “អើ​ឞឹ! គ៝ប់​អុច​អ៝ន់​ឞូ​ម៝ស​មៃ​អ៝ន់​មា​គ៝ប់ អ៝ន់​ខាន់​ពាង់​អី​នៃ​គុ​នទ្រែល​គ៝ប់​តា​នតុក​គ៝ប់​គុ​នៃ​ដ៝ង់ គៃ​មា​អ៝ន់​ខាន់​ពាង់​ឆៃ​នាវ​ច្រេក​លើប​មៃ​លែៈ​អ៝ន់​មា​គ៝ប់ យ៝រ​លាស​មៃ​លែៈ​រ៝ង់​មា​គ៝ប់​ឞើស​អេ​ហ៝ៈ​គែស​ត្រោក​នែស​នតូ​នើស​ងាន់។
JOH 17:25 អើ​ឞឹ! មៃ​ឆ៝ង់​ងាន់។ ឞូនុយ្ស​តា​នែស​នតូ​អ្យា​ឞូ​មោ​អោស​គឹត​នាល់​មៃ យើន​មា​គ៝ប់​គឹត​នាល់​មៃ ជេសរី​ខាន់​ពាង់​អី​អ្យា​លែៈ​គឹត​លាស មៃ​ងាន់​ញជ្វាល់​ដាៈ​គ៝ប់​ហាន់​តា​អ្យា។
JOH 17:26 លែៈ​គ៝ប់​អ៝ន់​ខាន់​ពាង់​គឹត​នាល់​មៃគ៝ប់​ហោម​ជាន​កើត​នៃ​នឹង គៃ​មា​នាវ​រ៝ង់​មៃ​មា​គ៝ប់​គុ​តា​ខាន់​ពាង់ ជេសរី​គ៝ប់​នើម​គុ​តា​ខាន់​ពាង់​ដ៝ង់”។
JOH 18:1 ជេស​ឞ្រាស​យេឆូ ​មឞើស​ឆើម​កើត​នៃ ពាង់​ហាន់​នទ្រែល​មពោល​អ៝ស​ម៝ន​ពាង់​កាល់​តី​នហ៝ង​កេទ្រោន ។ តា​នតុក​នៃ​គែស​ទូ​លោក​មីរ​តើម​អោលីវ  ខាន់​ពាង់​លាប់​តា​មីរ​នៃ។
JOH 18:2 យូដាស-​អីឆាការីយោត ​ឞូនុយ្ស​រាលាង់​មា​ឞ្រាស​យេឆូ ​លែៈ​គឹត​នតុក​នៃ យ៝រ​លាស​ឞ្រាស​យេឆូ  នទ្រែល​មា​មពោល​អ៝ស​ម៝ន​ពាង់​វៃ​ហាន់​តា​នតុក​នៃ​អ៝ក់​តឹ។
JOH 18:3 ជេសរី​យូដាស-​អីឆាការីយោត ​លែវ​ទូ​មពោល​តាហែន​រោម  នទ្រែល​មា​ទូ​មពោល​តាហែន​ញីស​ជាន​ឞ្រាស​ហាន់​តា​នតុក​នៃ។ ខាន់​ពាង់​ញអោត​នអ៝ប់​មា​អុញ​រាទ៝ អុញ​ឆាគេង នអ៝ប់​មា​តាក​ដាវ​ងាន់។ គែស​មពោល​កោរាញ​ជាន​ឞ្រាស នទ្រែល​មា​ផូង​ផារីឆី ​លែៈ​អ៝ន់​ផូង​តាហែន​អី​នៃ​ហាន់​នទ្រែល​យូដាស-​អីឆាការីយោត ។
JOH 18:4 ឞ្រាស​យេឆូ ​លែៈ​គឹត​ល៝រ​ម៝ស​នទើ​គែស​មា​ពាង់ កើត​នទ្រី​ទឹង​ពាង់​ហាន់​ម៝ប់​អោប​ផូង​អី​នៃ ពាង់​លាស៖ “ឞូ​ម៝ស​ខាន់​មៃ​អុច​ជ៝យ?”
JOH 18:5 ខាន់​ពាង់​អើស៖ “ជ៝យ​យេឆូ ​តាៈ​ឞើស​ប៝ន​នាឆារែត ”។ ឞ្រាស​យេឆូ ​អើស៖ “គ៝ប់​អ្យា”។ យូដាស-​អីឆាការីយោត ​ឞូនុយ្ស​រាលាង់​មា​ឞ្រាស​យេឆូ ​គុ​នទ្រែល​ផូង​តាហែន​តា​នៃ​ដ៝ង់។
JOH 18:6 នោក​ឞ្រាស​យេឆូ ​លាស៖ “គ៝ប់​អ្យា”។ ខាន់​ពាង់​រុច​ងកើយ​ចោត​ត្រាច។
JOH 18:7 ឞ្រាស​យេឆូ ​អោប​តៃ​ខាន់​ពាង់៖ “ឞូ​ម៝ស​ខាន់​មៃ​អុច​ជ៝យ?” ខាន់​ពាង់​អើស៖ “ជ៝យ​យេឆូ ​តាៈ​ឞើស​ប៝ន​នាឆារែត ”។
JOH 18:8 ឞ្រាស​យេឆូ ​លាស​មា​ខាន់​ពាង់៖ “គ៝ប់​លែៈ​លាស​មា​ខាន់​មៃ គ៝ប់​អ្យា​ហែស។ លាស​ខាន់​មៃ​អុច​ជ៝យ​គ៝ប់ អ៝ន់​មពោល​ខាន់​ពាង់​អ្យា​ឆឹត”។
JOH 18:9 នាវ​ពាង់​ងើយ​កើត​នៃ​តឹម​ទី​ដាស​នាវ​ពាង់​លែៈ​លាស​នើស៖ “ឞូ​ម៝ស​ឞូនុយ្ស​មៃ​លែៈ​អ៝ន់​មា​គ៝ប់ មោ​គែស​អោស​ទូ​ហ្វេ​រ៝ស​ហេង”។
JOH 18:10 ឆីមោន ​អី​ឞូ​ក្វាល់​ពេត្រោស ​ដ៝ង់​គែស​ទូ​ងគ៝រ់​ដាវ ពាង់​តាក់​ដាវ​ឆ្រែស​ទូ​ហ្វេ​ទឹក​កោរាញ​ជាន​ឞ្រាស​ទុត​ក្វ៝ង់​តាច់​តោរ​ឞើស​មា រាញា​ទឹក​អី​នៃ​មាល់កុស ។
JOH 18:11 ឞ្រាស​យេឆូ ​លាស​មា​ពេត្រោស ៖ “នត្រុប​ហ៝ម់​ដាវ​មៃ​នៃ​តា​នទ្រោម។ មើម​ទឹង​គ៝ប់​មោ​ឆ៝ៈ​ទើន​នាវ​ជ៝ក់​ជេរ​ឞឹ​គ៝ប់​អ៝ន់​មា​គ៝ប់?”
JOH 18:12 ជេសរី​ផូង​តាហែន នទ្រែល​មា​កោរាញ​តាហែន​ខាន់​ពាង់ នអ៝ប់​មា​ផូង​តាហែន​ញីស​ជាន​ឞ្រាស​ញុប​ចាប់​ឞ្រាស​យេឆូ ។
JOH 18:13 ខាន់​ពាង់​លែវ​ឞ្រាស​យេឆូ ​ហាន់​ម៝ប់​អានាស ​អី​ឞឹ​ព៝​កៃផាស ​ល៝រ កៃផាស ​ជេង​កោរាញ​ជាន​ឞ្រាស​ទុត​ក្វ៝ង់​នោក​នាម់​នៃ។
JOH 18:14 កៃផាស ​អី​នៃ​លាស​មា​មពោល​កោរាញ​ផូង​អីឆ្រាអែល ​នោក​តឹម​ញច្រាៈ​នើស៖ “អ្វែស​ដេៈ​គែស​ខឹត​ទូ​ហ្វេ​ឞូនុយ្ស​អ៝ន់​មា​ទឹង​លែៈ​ផូង​ប៝ន​លាន”។
JOH 18:15 ឆីមោន ​អី​ឞូ​ក្វាល់​ពេត្រោស ​ដ៝ង់ នទ្រែល​មា​ទូ​ហ្វេ​អ៝ស​ម៝ន​អេង​ជឹត​ហាន់​តឹង​ឞ្រាស​យេឆូ ។ កោរាញ​ជាន​ឞ្រាស​ទុត​ក្វ៝ង់​នាល់​ទូ​ហ្វេ​អ៝ស​ម៝ន​អី​នៃ កើត​នទ្រី​ទឹង​ឞូ​អ៝ន់​ពាង់​លាប់​នទ្រែល​ឞ្រាស​យេឆូ ​តា​ត្រោម​ជ៝ង់​គូង​ជៃ​អានាស ​នៃ។
JOH 18:16 យើន​មា​ពេត្រោស ​ហោម​គុ​ឞើស​ទីស​មពោង​មពេរ​រី។ កើត​នទ្រី​អ៝ស​ម៝ន​ឞ្រាស​យេឆូ ​អី​កោរាញ​ជាន​ឞ្រាស​នៃ​នាល់ ហាន់​ងើយ​មា​ឞូ​អូរ​គុ​ញជ្រាង់​តា​ឞោក​មពោង ជេសរី​លែវ​ពេត្រោស ​លាប់​តា​ត្រោម​ជ៝ង់​គូង​នៃ​ដ៝ង់។
JOH 18:17 ឞូ​អូរ​អី​នៃ​អោប​ពេត្រោស ៖ “មៃ​អ៝ស​ម៝ន​ពាង់​អី​រី​ដ៝ង់​បាស?” ពេត្រោស ​អើស៖ “មោ​អោស”។
JOH 18:18 ផូង​ទឹក​តា​ជៃ​អី​នៃ នទ្រែល​មា​ផូង​តាហែន​ញីស​ជាន​ឞ្រាស​លែៈ​ឆុញ​អុញ​មា​ឆាអោញ ជេសរី​គុ​ញជ៝រ់​អុញ យ៝រ​លាស​ឞ្រី​នអីក​ងាន់។ ពេត្រោស ​គុ​ញជ៝រ់​អុញ​នទ្រែល​ឞូ​តា​នៃ​ដ៝ង់។
JOH 18:19 ជេសរី​កោរាញ​ជាន​ឞ្រាស​ទុត​ក្វ៝ង់​អោប​ឞ្រាស​យេឆូ ​មា​មពោល​អ៝ស​ម៝ន​ពាង់ នទ្រែល​មា​នាវ​ពាង់​នតី​លាស។
JOH 18:20 ឞ្រាស​យេឆូ ​អើស៖ “គ៝ប់​លែៈ​ងើយ​អ៝ន់​មា​ទឹង​លែៈ​ឞូនុយ្ស​ឆៃ គ៝ប់​វៃ​នតី​លាស​តា​ត្រោម​ញីស​រាបុន​ផូង​ឞ៝ន់ នទ្រែល​មា​តា​ជ៝ង់​គូង​ញីស​ជាន​ឞ្រាស ជេង​ទឹង​លែៈ​នតុក​ផូង​អីឆ្រាអែល ​គុ​គូម។ គ៝ប់​មោ​គែស​អោស​ងើយ​អេង​តា​ញជោញ​ញជាញ់។
JOH 18:21 ម៝ស​មៃ​អោប​គ៝ប់? មៃ​អោប​ផូង​អី​តាង់​នាវ​គ៝ប់​ងើយ​រី​អែស យ៝រ​លាស​ផូង​អី​នៃ​លែៈ​គឹត​ទាទេ​ម៝ស​បាៈ​នាវ​គ៝ប់​ងើយ”។
JOH 18:22 ជេស​ឞ្រាស​យេឆូ ​ងើយ​កើត​នៃ គែស​ទូ​ហ្វេ​តាហែន​ញីស​ជាន​ឞ្រាស​គុ​ទាច់​កេង​ពាង់ តាប​ឞ្រាស​យេឆូ  ជេសរី​លាស៖ “មើម​មៃ​ឞាញ់​ងើយ​កើត​នៃ​មា​កោរាញ​ជាន​ឞ្រាស?”
JOH 18:23 ឞ្រាស​យេឆូ ​អើស៖ “លាស​គ៝ប់​ងើយ​តីស ទាន់​មឞើស​ម៝ស​នាវ​តីស។ យើន​មា​លាស​គ៝ប់​ងើយ​ទី ម៝ស​ឆី​កោៈ​ទឹង​មៃ​លើស​គ៝ប់?”
JOH 18:24 ជេសរី​អានាស ​អ៝ន់​ឞូ​ញជុន​ឞ្រាស​យេឆូ ​មា​កៃផាស ​អី​កោរាញ​ជាន​ឞ្រាស​ទុត​ក្វ៝ង់ នអ៝ប់​មា​ក៝ត់​តី​មា​រាឆែ។
JOH 18:25 ឆីមោន ​អី​ឞូ​ក្វាល់​ពេត្រោស ​ដ៝ង់​ហោម​គុ​ញជ៝រ់​អុញ​តា​រី។ គែស​ទូ​ហ្វេ​អោប​ពាង់៖ “មៃ​អ៝ស​ម៝ន​ពាង់​អី​រី​ដ៝ង់​បាស?” ពេត្រោស ​រាលាច់៖ “មោ​អោស!”
JOH 18:26 គែស​ទូ​ហ្វេ​ទឹក​កោរាញ​ជាន​ឞ្រាស ពាង់​អី​នៃ​នទុល​មពោល​ដាស​ឞូនុយ្ស​អី​ពេត្រោស ​ទែ​ឆ្រែស​តាច់​តោរ​រី​នើស អោប​ពាង់៖ “អើម​មោ​ទី​លាស​មៃ​អី​នៃ​ងាន់​គ៝ប់​ឆៃ​គុ​នទ្រែល​ពាង់​តា​មីរ​តើម​អោលីវ ​រី​នើស?”
JOH 18:27 ពេត្រោស ​រាលាច់​តៃ​ជឹត តា​នៃ​ទោ​មា​គែស​អ្យារ់​នទ្រាវ​រ៝។
JOH 18:28 ត៝ត់​ឞ្រី​ឞើយ​មា​អាង ឞូ​លែវ​ឞ្រាស​យេឆូ ​លោស​ឞើស​ជៃ​កៃផាស  ហាន់​តា​ជៃ​ពីលាត ​អី​កោរាញ​ក្វ៝ង់​តា​ឞ្រី​យូដា  ពាង់​ផូង​រោម ។ ផូង​អីឆ្រាអែល ​មោ​ឞាញ់​អោស​លាប់​តា​ត្រោម​ជៃ​ពាង់​នៃ យ៝រ​លាស​លាស​លាប់​តា​ជៃ​ឞូនុយ្ស​អី​មោ​ទី​ផូង​អីឆ្រាអែល ​មោ​ហោម​ក្ល៝ស​តឹង​នាវ​វៃ​ខាន់​ពាង់ លាស​នទ្រី​មោ​ហោម​អោស​ទើយ​លាប់​ញេត​បុន​នហ៝ត។
JOH 18:29 នទ្រី​ទឹង​ពីលាត ​លោស​អា​ទីស​ហាន់​ម៝ប់​ខាន់​ពាង់ អោប​ខាន់​ពាង់៖ “ម៝ស​នាវ​ខាន់​មៃ​អុច​នតោន​មា​ឞូនុយ្ស​អ្យា?”
JOH 18:30 ខាន់​ពាង់​អើស៖ “លាស​ពាង់​មោ​គែស​នាវ​តីស​ក្វ៝ង់ ហេន​មោ​អោស​លែវ​ពាង់​តា​មៃ កោរាញ!”
JOH 18:31 ពីលាត ​លាស​មា​ខាន់​ពាង់៖ “ខាន់​មៃ​ឆ៝ៈ​ពាង់​ផាត​ទោយ្ស​តឹង​នាវ​វៃ​ខាន់​មៃ​នើម​ទោ”។ មពោល​កោរាញ​ផូង​អីឆ្រាអែល ​មឞើស​មា​ពាង់៖ “ផូង​រោម ​ខាន់​មៃ​ទើម​ទើយ​តេៈ​ទោយ្ស​ងខឹត​ឞូនុយ្ស”។
JOH 18:32 នទើ​អី​នៃ​ជេង​តឹម​ទី​ដាស​មា​នាវ​ឞ្រាស​យេឆូ ​លែៈ​ងើយ អា​មើម​នាវ​ពាង់​ខឹត។
JOH 18:33 ជេសរី​ពីលាត ​លាប់​តៃ​តា​ត្រោម​ជៃ ដាៈ​ឞូ​លែវ​ឞ្រាស​យេឆូ ​តា​ពាង់ ជេសរី​អោប៖ “ងាន់​លាស​មៃ​នើស​កាដាច់​ផូង​អីឆ្រាអែល ?”
JOH 18:34 ឞ្រាស​យេឆូ ​លាស៖ “នាវ​មៃ​អោប​កើត​នៃ តាៈ​ឞើស​ឆាក់​មៃ​នើម មោ​លាស​គែស​ឞូ​អេង​ឆើម​មឞើស?”
JOH 18:35 ពីលាត ​អើស៖ “មៃ​លែៈ​គឹត​ជេស គ៝ប់​អ្យា​មោ​ទី​អោស​ផូង​អីឆ្រាអែល ។ ផូង​មៃ​នើម នទ្រែល​មា​មពោល​កោរាញ​ជាន​ឞ្រាស​មៃ​នើម​ញជុន​មៃ​មា​គ៝ប់ លាស​នទ្រី​ម៝ស​បាៈ​នាវ​មៃ​លែៈ​ជាន?”
JOH 18:36 ឞ្រាស​យេឆូ ​លាស៖ “ឞ្រី​ទាក​គ៝ប់​ម៝ត់​អ្វាញ់​មោ​គែស​អោស​តា​នែស​នតូ​អ្យា។ លាស​ឞ្រី​ទាក​គ៝ប់​តា​នែស​នតូ​អ្យា ផូង​អ៝ស​ម៝ន​គ៝ប់​ហាន់​តឹម​លើស​រ៝ មោ​អ៝ន់​អោស​ឞូ​ញជុន​គ៝ប់​តា​តី​មពោល​កោរាញ​ផូង​អីឆ្រាអែល ។ យើន​មា​ឞ្រី​ទាក​គ៝ប់​មោ​គែស​អោស​តា​នែស​នតូ​អ្យា”។
JOH 18:37 ពីលាត ​អោប​ឞ្រាស​យេឆូ ៖ “លាស​នទ្រី​មៃ​កាដាច់​ងាន់​បាស?” ឞ្រាស​យេឆូ ​អើស៖ “មៃ​លាស​គ៝ប់​កាដាច់​នៃ​ទី​ងាន់។ គ៝ប់​ទែស គ៝ប់​វាច់​តា​នែស​នតូ​អ្យា​គៃ​មា​មឞើស​ងក៝ច​នាវ​ងាន់។ ឞូ​ម៝ស​អី​រ៝ង់​មា​នាវ​ងាន់ ពាង់​អី​នៃ​អ្យាត់​នាវ​គ៝ប់​ងើយ”។
JOH 18:38 ពីលាត ​អោប​ឞ្រាស​យេឆូ ៖ “អា​មើម​នាវ​ងាន់?” ជេស​ពីលាត ​ងើយ​កើត​នៃ ជេសរី​ពាង់​ហាន់​លោស​អា​ទីស​ម៝ប់​តៃ​មពោល​កោរាញ​ផូង​អីឆ្រាអែល ​ទូ​តឹ​ជឹត ពាង់​លាស​មា​ខាន់​ពាង់៖ “ឞូនុយ្ស​អ្យា គ៝ប់​មោ​អោស​ឆៃ​ពាង់​គែស​នាវ​តីស ដេៈ​មោ​អើម”។
JOH 18:39 “យើន​មា​ខាន់​មៃ​គែស​នាវ​វៃ​អ៝ន់​គ៝ប់​បើក​ទូ​ហ្វេ​ឞូនុយ្ស​ទោយ្ស​នោក​នារ​ញេត​បុន​នហ៝ត​អ្យា។ លាស​នទ្រី​ខាន់​មៃ​អុច​ដ៝ង់​អ៝ន់​គ៝ប់​បើក​កាដាច់​ផូង​អីឆ្រាអែល ​អ្យា?”
JOH 18:40 ជេសរី​ឞូ​នតែរ​ទ្រើវ​លាស៖ “មៃ​លើយ​អោស​បើក​ពាង់ មៃ​បើក​បារាបាស ​ហ៝ៈ”។ បារាបាស ​នៃ​ឞូនុយ្ស​នតុង។
JOH 19:1 ជេសរី​ពីលាត ​លែវ​ឞ្រាស​យេឆូ ​លាប់​តា​ត្រោម​ជៃ ដាៈ​តាហែន​រាពាត់​ពាង់​មា​ម៝ង់​រាឆែ។
JOH 19:2 ផូង​តាហែន​ឆ៝ៈ​រាតាវ​ល៝ក​បារ់​ជាន​មោក​កាដាច់​នទោ​តា​ឞោក​ឞ្រាស​យេឆូ ​រី ជេសរី​ឆ៝ៈ​អាវ​ចាង់​ក្វ៝ង់​អី​តឹម​ឞាន​មា​អាវ​កាដាច់​ញឆ៝ស​អ៝ន់​អោឞាល់​ញឆ៝ស​ដ៝ង់។
JOH 19:3 ខាន់​ពាង់​ហាន់​ទាច់​តា​ឞ្រាស​យេឆូ  មឺច​លាស​មា​ពាង់៖ “អើ​កាដាច់​ផូង​អីឆ្រាអែល  ហេន​មឞាស​មា​មៃ” ជេសរី​តាប​អោឞាល់​តា​មុស​មាត់។
JOH 19:4 ជេសរី​ពីលាត ​ហាន់​លោស​អា​ទីស​ម៝ប់​តៃ​មពោល​កោរាញ​ផូង​អីឆ្រាអែល ​ទូ​តឹ​ជឹត លាស​មា​ខាន់​ពាង់៖ “អ្យា គ៝ប់​លែវ​ពាង់​មា​ខាន់​មៃ គៃ​មា​អ៝ន់​ខាន់​មៃ​គឹត គ៝ប់​មោ​អោស​ឆៃ​ពាង់​គែស​នាវ​តីស​មា​តេៈ​ទោយ្ស​ពាង់​ជឹត”។
JOH 19:5 នោក​នៃ​ឞ្រាស​យេឆូ ​លោស​អា​ទីស​ដ៝ង់ នអ៝ប់​មា​នទោ​មោក​កាដាច់​ជាន​មា​ល៝ក នទ្រែល​មា​ញឆ៝ស​អាវ​ចាង់។ ពីលាត ​លាស៖ “អ្យា អ្វាញ់​ហ៝ម់​ឞូនុយ្ស​អ្យា!”
JOH 19:6 ត៝ត់​មា​មពោល​កោរាញ​ជាន​ឞ្រាស នទ្រែល​មា​មពោល​តាហែន​ញីស​ជាន​ឞ្រាស​ឆៃ​ឞ្រាស​យេឆូ  ខាន់​ពាង់​នតែរ​ទ្រើវ៖ “ងខឹត​ពាង់​តា​ឆី​តឹម​រាកាង់! ងខឹត​ពាង់​តា​ឆី​តឹម​រាកាង់!” ពីលាត ​លាស៖ “ខាន់​មៃ​ឆ៝ៈ​ពាង់ ងខឹត​អេង​ពាង់​តា​ឆី​តឹម​រាកាង់ យ៝រ​លាស​គ៝ប់​មោ​អោស​ឆៃ​ពាង់​គែស​នាវ​តីស”។
JOH 19:7 មពោល​កោរាញ​ផូង​អីឆ្រាអែល ​លាស​មា​ពីលាត ៖ “ផូង​ហេន​គែស​នាវ​វៃ តឹង​មា​នាវ​វៃ​ហេន​ឞូនុយ្ស​អី​នៃ​អ្យាត់​មា​ងខឹត​លើយ យ៝រ​លាស​ពាង់​កើប​អេង​ឆាក់​ពាង់​នើម​លាស​ក៝ន​កោរាញ​ឞ្រាស”។
JOH 19:8 ត៝ត់​ពីលាត ​តាង់​កើត​នៃ ពាង់​លើ​ហោ​ក្លាច។
JOH 19:9 ជេសរី​ពីលាត ​ព្លឹ​លាប់​តៃ​តា​ត្រោម​ជៃ អោប​ឞ្រាស​យេឆូ ៖ “មៃ​ឞើស​តាៈ?” យើន​មា​ឞ្រាស​យេឆូ ​មោ​អើស​អោស។
JOH 19:10 ពីលាត ​លាស​ឞ្រាស​យេឆូ ៖ “ម៝ស​មៃ​មោ​អុច​អើស​មា​គ៝ប់​មេស? មៃ​មោ​គឹត​គ៝ប់​គែស​នាវ​ទើយ? អុច​បើក​មៃ​កាដោយ មោ​លាស​អុច​ងខឹត​មៃ​តា​ឆី​តឹម​រាកាង់​កាដោយ”។
JOH 19:11 ឞ្រាស​យេឆូ ​លាស​មា​ពីលាត ៖ “លាស​មោ​គែស​នាវ​ទើយ​តាៈ​ឞើស​កោរាញ​ឞ្រាស​អ៝ន់​មា​មៃ មៃ​មោ​អោស​គែស​នាវ​ទើយ​មា​គ៝ប់ កើត​នទ្រី​ឞូនុយ្ស​អី​ញជុន​គ៝ប់​មា​មៃ ខាន់​ពាង់​គែស​នាវ​តីស​ជ្រូ​រាលាវ​មៃ​ងាន់”។
JOH 19:12 នតើម​ឞើស​នោក​នៃ ពីលាត ​ជ៝យ​នាវ​គៃ​មា​អុច​បើក​ឞ្រាស​យេឆូ ​ដ៝ង់ យើន​មា​មពោល​កោរាញ​ផូង​អីឆ្រាអែល ​នតែរ​ទ្រើវ៖ “លាស​មៃ​បើក​ឞូនុយ្ស​អី​នៃ មៃ​មោ​អោស​ទូ​នតោរ​នាវ​មា​កោរាញ​កាដាច់​ឆេឆារ  មោ​អោស​ទី​មឹត​ជាង់​នទ្រែល​កោរាញ​កាដាច់​ឆេឆារ  យ៝រ​លាស​ឞូ​ម៝ស​កើប​អេង​ឆាក់​ពាង់​នើម​លាស​កាដាច់ ពាង់​អី​នៃ​ឞូនុយ្ស​រាលាង់​មា​កោរាញ​កាដាច់​ឆេឆារ !”
JOH 19:13 ត៝ត់​ពីលាត ​តាង់​នាវ​នៃ ពាង់​លែវ​ឞ្រាស​យេឆូ ​លោស​អា​ទីស គុ​តា​រានើល​ផាត​ទោយ្ស តា​នតុក​នៃ​ឞូ​រាញា​លាស៖ «នតុក​លាក់​លុ» នាវ​ងើយ​ហេឞ្រើ ​លាស៖ «គាបាថា »។
JOH 19:14 នារ​នៃ​ឞូ​នទ្រាប់​នាវ​ញេត​បុន​នហ៝ត ក្លាប់​លាស​ងក្លាង​ឞោក​នារ។ ពីលាត ​លាស​មា​មពោល​កោរាញ​ផូង​អីឆ្រាអែល ៖ “អ្យា! កាដាច់​ខាន់​មៃ”។
JOH 19:15 យើន​មា​ខាន់​ពាង់​នតែរ​លាស៖ “ងខឹត​លើយ​ពាង់! ងខឹត​លើយ​ពាង់! ងខឹត​ពាង់​តា​ឆី​តឹម​រាកាង់!” ពីលាត ​អោប​ខាន់​ពាង់៖ “ខាន់​មៃ​អុច​អ៝ន់​គ៝ប់​ងខឹត​កាដាច់​ខាន់​មៃ​តា​ឆី​តឹម​រាកាង់​ឞើស?” មពោល​កោរាញ​ជាន​ឞ្រាស​លាស៖ “រាលាវ​ឞើស​កោរាញ​កាដាច់​ឆេឆារ  ហេន​មោ​ហោម​អោស​គែស​កាដាច់​អេង”។
JOH 19:16 ជេសរី​ពីលាត ​អ៝ន់​ឞ្រាស​យេឆូ ​មា​ឞូ អ៝ន់​ផូង​តាហែន​ងខឹត​ពាង់​តា​ឆី​តឹម​រាកាង់ ជេសរី​ផូង​តាហែន​លែវ​ឞ្រាស​យេឆូ ​លោស​ឞើស​នៃ។
JOH 19:17 ជេសរី​ឞ្រាស​យេឆូ ​លោស​ឞើស​ប៝ន​តូយ​ឆី​តឹម​រាកាង់ ហាន់​តា​នតុក​ឞូ​រាញា​លាស៖ «នតុក​នតីង​ឞោក» នាវ​ងើយ​ហេឞ្រើ ​លាស៖ «កោលកោថា »។
JOH 19:18 ឞូ​ងខឹត​ឞ្រាស​យេឆូ ​តា​ឆី​តឹម​រាកាង់​តា​នតុក​នៃ គែស​ឞារ​ហៃ​ឞូនុយ្ស​ទោយ្ស​ឞូ​ងខឹត​នទ្រែល​ពាង់​តា​នៃ​ដ៝ង់ ទូ​ហ្វេ​ឞើស​ច្យៅ​ទូ​ហ្វេ​ឞើស​មា ពាង់​ងក្លាង​ងគូល។
JOH 19:19 ជេសរី​ពីលាត ​អ៝ន់​ឞូ​ញចីស​នាវ​មឞើស​តា​ទូ​រាលាត​កាដារ​ព្លា​តា​ឆី​តឹម​រាកាង់​នៃ តា​នៃ​គែស​នាវ​លាស៖ «អ្យា​យេឆូ  តាៈ​ឞើស​ប៝ន​នាឆារែត ពាង់​កាដាច់​ផូង​អីឆ្រាអែល »។
JOH 19:20 តា​នាវ​ញចីស​អី​នៃ គែស​នាវ​ងើយ​ហេឞ្រើ  នាវ​ងើយ​លាតាង់  នទ្រែល​មា​នាវ​ងើយ​គ្រែក ។ គែស​ផូង​អីឆ្រាអែល ​អ៝ក់​អ្វាញ់​នាវ​ញចីស​អី​នៃ យ៝រ​លាស​នតុក​ឞូ​ងខឹត​ឞ្រាស​យេឆូ ​ទាច់​កេង​ប៝ន​ក្វ៝ង់​យេរូឆាលឹម ។
JOH 19:21 មពោល​កោរាញ​ជាន​ឞ្រាស​ហាន់​ម៝ប់​ពីលាត  មឞើស​មា​ពាង់៖ “មៃ​លើយ​អោស​ញចីស៖ «ពាង់​កាដាច់​ផូង​អីឆ្រាអែល »។ ទាន់​មៃ​ញចីស៖ «ពាង់​លាស៖ «គ៝ប់​កាដាច់​ផូង​អីឆ្រាអែល »»”។
JOH 19:22 ពីលាត ​លាស៖ “ម៝ស​នទើ​គ៝ប់​ញចីស គ៝ប់​ញចីស​លែៈ​ជេស​ទាទេ!”
JOH 19:23 ជេស​ផូង​តាហែន​ព៝ង់​ឞ្រាស​យេឆូ ​នៃ ខាន់​ពាង់​ឆ៝ៈ​ឞ៝ក​អាវ​ឞ្រាស​យេឆូ ​តឹម​ពាៈ​ព្វាន់​នុយ្ស ទូ​ហ្វេ​ង្វាយ​ទូ​ហ្វេ​ង្វាយ យើន​មា​អាវ​ជ៝ង​ឞ្រាស​យេឆូ ​នៃ ឞូ​តាញ​មា​ទូ​ឞ្លាស​ឞ៝ក​ទើម​មោ​គែស​ជឹង​អោស​នតើម​ឞើស​លើ​ត៝ត់​អា​ទ៝ង់។
JOH 19:24 កើត​នទ្រី​ទឹង​ខាន់​ពាង់​តឹម​លាស​នទ្រាង់​ខាន់​ពាង់​នើម៖ “អាវ​ជ៝ង​អី​អ្យា​ឞ៝ន់​លើយ​ងខេក​អោស អ៝ន់​ឞ៝ន់​ញុប​នទើ​ញច្រ៝ស​ហ៝ៈ គៃ​មា​គឹត​ឞូ​ម៝ស​គែស​អាវ​អ្យា”។ ផូង​តាហែន​ជាន​កើត​នៃ​ជេង​តឹម​ទី​ដាស​មា​នាវ​កោរាញ​ឞ្រាស​ងើយ​លែៈ​ញចីស៖ «ឞូ​ឆ៝ៈ​ឞ៝ក​អាវ​គ៝ប់​តឹម​ពាៈ​ឞាល់‌ ជេសរី​អាវ​ក្វ៝ង់​គ៝ប់​ឞូ​ញុប​នទើ​ញច្រ៝ស»។ នទ្រី​ផូង​តាហែន​ជាន។
JOH 19:25 តា​នតុក​នៃ​គែស​មេៈ​ឞ្រាស​យេឆូ  អ៝ស​មេៈ​ឞ្រាស​យេឆូ មារី ​អី​អូរ​ក្លោពាស  នទ្រែល​មា​មារី ​អី​តាៈ​ឞើស​ប៝ន​មាដាលា  ទ៝ក់​កេង​ឆី​តឹម​រាកាង់​ឞ្រាស​យេឆូ ​នៃ។
JOH 19:26 ឞ្រាស​យេឆូ ​ឆៃ​មេៈ​ពាង់ នទ្រែល​មា​ទូ​ហ្វេ​អ៝ស​ម៝ន​ពាង់​រ៝ង់​គុ​ទាច់​កេង​នៃ ពាង់​លាស​មា​មេៈ​ពាង់៖ “អើ​មេៈ! នៃ​ក៝ន​អៃ”។
JOH 19:27 ជេសរី​ពាង់​លាស​មា​អ៝ស​ម៝ន​ពាង់​នៃ៖ “នៃ​មេៈ​មៃ”។ នតើម​ឞើស​នៃ អ៝ស​ម៝ន​អី​នៃ​ឆ៝ៈ​មេៈ​ឞ្រាស​យេឆូ ​គុ​នទ្រែល​ពាង់​នើម។
JOH 19:28 ជេស​ឞើស​នៃ​ឞ្រាស​យេឆូ ​លែៈ​គឹត​ទឹង​លែៈ​នទើ​ពាង់​ជាន​រឹង​លែៈ​ផ្យៅ ជេសរី​ឞ្រាស​យេឆូ ​លាស៖ “គ៝ប់​ជី​ហីរ​ទាក” គៃ​មា​តឹម​ទី​ដាស​នាវ​លែៈ​គែស​ញចីស​តា​នាវ​កោរាញ​ឞ្រាស​ងើយ។
JOH 19:29 តា​នតុក​នៃ​គែស​ទូ​មល៝ម់​យាង់​ជេៈ ងគ៝រ់​ទាក​ឆ្រាត​ឞេង។ ឞូ​ឆ៝ៈ​នទើ​តឹម​ឞាន​មា​ឞ៝ក​យុក​តា​ទាក​ឆ្រាត​នៃ ជេសរី​ពូត​តា​ចោង​ងគីង​ឆី​ហីឆោប  មឞ្ល៝ប់​តា​មឞូង​ឞ្រាស​យេឆូ ។
JOH 19:30 ជេស​ឞ្រាស​យេឆូ ​ញេត​ទាក​ឆ្រាត​នៃ ពាង់​លាស៖ “លែៈ​នទើ​គ៝ប់​លែៈ​ជាន​ជេស​លែៈ​ផ្យៅ”។ ជេសរី​ពាង់​កុញ​ឞោក​តាច់​នហ៝ម់។
JOH 19:31 នារ​នៃ​ជេង​នារ​ឞូ​នទ្រាប់​មា​នារ​ឆាបាត់ ​អី​នារ​រាលូ​ផូង​អីឆ្រាអែល ។ មពោល​កោរាញ​ផូង​អីឆ្រាអែល ​ហាន់​ម៝ប់​ពីលាត  ទាន់​ពាង់​ដាៈ​ឞូ​នទែស​លើយ​ជ៝ង់​មពោល​អី​លែៈ​ឞូ​ព៝ង់​តា​ឆី​តឹម​រាកាង់​នៃ គៃ​មា​ខឹត​រ៝ ជេស​ខាន់​ពាង់​ខឹត ញជុរ​លើយ​ឆាក់​ខាន់​ពាង់​ឞើស​លើ​ឆី​តឹម​រាកាង់​រ៝។ ខាន់​ពាង់​មោ​អុច​អោស​អ៝ន់​ឞូនុយ្ស​ហោម​តា​ឆី​តឹម​រាកាង់​តា​នារ​ឆាបាត់  យ៝រ​លាស​នារ​ឆាបាត់ ​អី​នៃ​ក្វ៝ង់ ជេង​ញេត​បុន​នហ៝ត​ដ៝ង់។
JOH 19:32 ជេសរី​ផូង​តាហែន​ហាន់​មឞាង​នទែស​លើយ​ជ៝ង់​ឞូនុយ្ស​ទោយ្ស​ត៝ល់​ង្វាយ នទ្រែល​មា​ឞូនុយ្ស​ទោយ្ស​ត៝ល់​ឞារ​ឞូ​ងខឹត​នទ្រែល​ឞ្រាស​យេឆូ ។
JOH 19:33 ត៝ត់​តា​ឞ្រាស​យេឆូ ​នៃ ខាន់​ពាង់​ឆៃ​ពាង់​លែៈ​ខឹត កើត​នទ្រី​ខាន់​ពាង់​មោ​ហោម​អោស​មឞាង​នទែស​ជ៝ង់​ពាង់។
JOH 19:34 យើន​មា​គែស​ទូ​ហ្វេ​តាហែន​ឆ៝ៈ​តាក​នត៝ប់​តា​ពុង​ទាក​ឞ្រាស​យេឆូ ​នៃ ជេសរី​លោស​ហ៝ច​មហាម នទ្រែល​មា​ទាក​រ៝។
JOH 19:35 គែស​ទូ​ហ្វេ​អ៝ស​ម៝ន​លែៈ​ឆៃ​នាវ​នៃ ពាង់​មឞើស​ងក៝ច​នាវ​អី​នៃ គៃ​មា​អ៝ន់​ខាន់​អៃ​មៃ​រ៝ៈ​ឆ៝ម់បុត​អ្យា​ញឆីង​មា​ឞ្រាស​យេឆូ ​ដ៝ង់។ នាវ​ពាង់​មឞើស​ងក៝ច​ជេង​នាវ​ងាន់ ពាង់​លែៈ​គឹត​ឆាក់​ពាង់​នើម​មឞើស​ងក៝ច​នាវ​ងាន់។
JOH 19:36 នាវ​អី​នៃ​ជេង​តឹម​ទី​ដាស​មា​នាវ​កោរាញ​ឞ្រាស​ងើយ​លែៈ​ញចីស៖ «នតីង​ពាង់​ឞូ​មោ​មរា​នទែស​ទូ​មល៝ម់»។
JOH 19:37 ជេសរី​តា​នាវ​កោរាញ​ឞ្រាស​ងើយ​តា​នតុក​អេង​គែស​ញចីស​កើត​នអា៖ «ខាន់​ពាង់​មរា​អ្វាញ់​ឞូនុយ្ស​ខាន់​ពាង់​នត៝ប់​រាហ៝​នៃ»។
JOH 19:38 ជេស​ឞើស​នៃ​គែស​ទូ​ហ្វេ​ឞូ​ក្លោ​រាញា​យោឆែប ​តាៈ​ឞើស​ប៝ន​អារីមាថេ  ពាង់​អ៝ស​ម៝ន​ឞ្រាស​យេឆូ ​ដ៝ង់ យើន​មា​ពាង់​មោ​អោស​អ៝ន់​ឞូ​គឹត យ៝រ​លាស​ក្លាច​មា​មពោល​កោរាញ​ផូង​អីឆ្រាអែល ។ ពាង់​ហាន់​ម៝ប់​ពីលាត  គៃ​មា​ទាន់​ឆ៝ៈ​ឆាក់​ឞ្រាស​យេឆូ ។ ពីលាត ​អ៝ន់ ជេសរី​ពាង់​ហាន់​ឆ៝ៈ​ឆាក់​ឞ្រាស​យេឆូ ​រ៝។
JOH 19:39 ល៝ង់​នីកោដេម  ឞូនុយ្ស​ហាន់​ម៝ប់​ឞ្រាស​យេឆូ ​តា​នោក​មាង់​នើស ពាង់​ហាន់​នទ្រែល​ដ៝ង់។ ពាង់​ញអោត​នតាក់​ឆី​បោ​កាស រាញា​មឹរ  លាយ​ដាស​រានីស​ឆី​បោ​កាស រាញា​អាលោអេ  ក្លាប់​លាស​គែស ៣០ កីលោគ្រាម។
JOH 19:40 ជេសរី​ឞារ​ហៃ​ខាន់​ពាង់​នៃ ញជុរ​ឆាក់​ឞ្រាស​យេឆូ  ពូត​ពាង់​មា​ឞ៝ក​ងលាង នទ្រែល​មា​នទើ​បោ​កាស​តា​ឆាក់​ពាង់​នៃ អី​នៃ​តឹង​នាវ​វៃ​ត៝ប់​ខឹត​ផូង​អីឆ្រាអែល ​នៃ​នើស។
JOH 19:41 តា​នតុក​ឞូ​ងខឹត​ឞ្រាស​យេឆូ ​តា​ឆី​តឹម​រាកាង់​នៃ គែស​ទូ​លោក​មីរ តា​មីរ​នៃ​គែស​ទូ​មល៝ម់​នតូ​មោច​ហោម​មហែ អេ​ហ៝ៈ​គែស​ឞូ​ត៝ប់​ឞូនុយ្ស​អោស។
JOH 19:42 ម៝ង​នៃ​លែៈ​កេង​មាង់​ឞើយ​មា​លាប់​នារ​ឆាបាត់ ​អី​នារ​រាលូ​ផូង​អីឆ្រាអែល ។ ជេសរី​ឞារ​ហៃ​ខាន់​ពាង់​គើញ​មា​ត៝ប់​ឞ្រាស​យេឆូ ​តា​នតូ​មោច​អី​នៃ យ៝រ​លាស​នតូ​មោច​អី​នៃ​ទាច់​កេង​នៃ។
JOH 20:1 អើម​អោយ​នារ​ត៝ល់​ង្វាយ​ពើស​នៃ​ឞ្រី​ហោម​ង៝ មារី ​តាៈ​ឞើស​ប៝ន​មាដាលា ​ហាន់​អា​មោច។ ត៝ត់​តា​នៃ​ពាង់​ឆៃ​លុ​ឞូ​រាទ៝ល់​នតូ​មោច​លែៈ​រាលាៈ​លើយ។
JOH 20:2 ជេសរី​ពាង់​ព្លឹ​ញច្វាត់​មឞើស​មា​ឆីមោន ​អី​ឞូ​ក្វាល់​ពេត្រោស ​ដ៝ង់ នទ្រែល​មា​ទូ​ហ្វេ​អ៝ស​ម៝ន​អេង​អី​ឞ្រាស​យេឆូ ​ទែ​រ៝ង់​នៃ​នើស មារី ​លាស៖ “ឆាក់​កោរាញ​ឞ៝ន់​លែៈ​ឞូ​ឆ៝ៈ មោ​ហោម​ឆៃ​អោស ហេន​មោ​គឹត​អោស​អាស​នតុក​អ៝ន់​ឞ្រែ!”
JOH 20:3 ជេសរី​ពេត្រោស  នទ្រែល​មា​ទូ​ហ្វេ​អ៝ស​ម៝ន​អេង​នៃ ហាន់​អា​មោច។
JOH 20:4 ឞារ​ហៃ​ខាន់​ពាង់​នៃ​ហាន់​ញច្វាត់​នទ្រែល យើន​មា​ទូ​ហ្វេ​អ៝ស​ម៝ន​អេង​នៃ​ញច្វាត់​ត៝ត់​ល៝រ​តា​មោច។
JOH 20:5 ពាង់​កុញ​អ្វាញ់​ឆៃ​ទើម​ឞ៝ក​ងលាង​ឞូ​ពូត​ឞ្រាស​យេឆូ  យើន​មា​ពាង់​អេ​ហ៝ៈ​អោស​លាប់​តា​ត្រោម​មោច។
JOH 20:6 ឆីមោន ​អី​ឞូ​ក្វាល់​ពេត្រោស ​ដ៝ង់​ហាន់​ត៝ត់​ឞើស​កើយ ពាង់​លាប់​តា​ត្រោម​មោច​ឆៃ​ឞ៝ក​ងលាង​ឞូ​ពូត​ឞ្រាស​យេឆូ ​តា​នៃ​ដ៝ង់។
JOH 20:7 ជេសរី​ឞ៝ក​ឞូ​ងកុម​ឞោក​ឞ្រាស​យេឆូ ​នៃ មោ​គែស​អោស​អ៝ន់​នទ្រែល​ឞ៝ក​ពូត​ឆាក់​ពាង់ លែៈ​ឞូ​ក្លោន​អ៝ន់​អេង។
JOH 20:8 ជេសរី​អ៝ស​ម៝ន​អី​ត៝ត់​ល៝រ​តា​មោច​នៃ ពាង់​លាប់​ដ៝ង់ ពាង់​ឆៃ ជេសរី​ពាង់​អ្យាត់​លាស​ឞ្រាស​យេឆូ ​លែៈ​ទ៝ក់​រេស​ងាន់។
JOH 20:9 នោក​នៃ​ឞារ​ហៃ​ខាន់​ពាង់​អី​នៃ​អេ​វ៝ត់​អោស​នាវ​កោរាញ​ឞ្រាស​ងើយ​ញចីស​លាស អ្យាត់​មា​ឞ្រាស​យេឆូ ​ទ៝ក់​រេស​ជេស​ពាង់​ខឹត។
JOH 20:10 ជេសរី​ខាន់​ពាង់​ព្លឹ​ឆឹត​តា​ជៃ​ខាន់​ពាង់​គុ​នើស។
JOH 20:11 យើន​មា​មារី ​ហោម​គុ​ញុម​ឞើស​ទីស​នតូ​មោច ពាង់​ហោម​ញុម​កុញ​អ្វាញ់​ជឹត​ត្រោម​នតូ​ឆូ‌
JOH 20:12 ឆៃ​តោង​ពារ់​ឞារ​ហៃ​ញឆ៝ស​ឞ៝ក​អាវ​ងលាង គុ​រើប​គើប​តា​ព្លាង់​នតុក​ឞូ​ញជ៝រ​ឞ្រាស​យេឆូ ​នើស ទូ​ហ្វេ​ឞើស​ឞោក ទូ​ហ្វេ​ឞើស​ជ៝ង់។
JOH 20:13 តោង​ពារ់​អី​នៃ​អោប​ពាង់៖ “អើ​យោស! ម៝ស​លើស​ញុម​អៃ​នៃ?” ពាង់​អើស៖ “យ៝រ​លាស​ឆាក់​កោរាញ​គ៝ប់​លែៈ​ឞូ​ឆ៝ៈ គ៝ប់​មោ​គឹត​អោស​អាស​នតុក​អ៝ន់​ឞ្រែ”។
JOH 20:14 ជេស​ពាង់​ងើយ​កើត​នៃ ពាង់​ងគឹល​ជឹត​កើយ​ឆៃ​ឞ្រាស​យេឆូ ​ទ៝ក់​តា​នៃ យើន​មា​ពាង់​មោ​អោស​គឹត​នាល់​លាស​ឞ្រាស​យេឆូ ។
JOH 20:15 ឞ្រាស​យេឆូ ​អោប​ពាង់៖ “អើ​យោស ម៝ស​លើស​ញុម​អៃ​នៃ? ឞូ​ម៝ស​ជ៝យ​អៃ​នៃ?” មារី ​នអោន​លាស​ឞូនុយ្ស​ម៝ត់​មីរ ជេសរី​ពាង់​អោប៖ “អើ​នោ លាស​លែៈ​មៃ​ឆ៝ៈ​ឆាក់​ឞូនុយ្ស​តា​អ្យា ទាន់​មៃ​មឞើស​មា​គ៝ប់ អាស​នតុក​មៃ​អ៝ន់ គ៝ប់​ឞែ​មា​ហាន់​ឆ៝ៈ”។
JOH 20:16 ឞ្រាស​យេឆូ ​លាស​មា​ពាង់៖ “មារី !” មារី ​ងគឹល​ជឹត​ឞ្រាស​យេឆូ  ជេសរី​ងើយ​មា​ពាង់​មា​នាវ​ងើយ​ហេឞ្រើ ៖ “រាបូនី!” គែស​នាវ​ខ្លៃ​លាស៖ «នើម​នតី!»
JOH 20:17 ឞ្រាស​យេឆូ ​លាស​មា​ពាង់៖ “លើយ​ក្វាន់​ក៝ន់​គ៝ប់ យ៝រ​លាស​គ៝ប់​អេ​ហ៝ៈ​អោស​ឆឹត​អា​ឞឹ​គ៝ប់។ ទាន់​អៃ​ហាន់​មឞើស​ងក៝ច​មា​ផូង​អ៝ស​នោ​គ៝ប់៖ «គ៝ប់​ឆឹត​អា​ឞឹ​គ៝ប់ ជេង​ឞឹ​ខាន់​មៃ​ដ៝ង់ គ៝ប់​ឆឹត​អា​ពាង់​អី​កោរាញ​ឞ្រាស ជេង​ឞ្រាស​អី​ខាន់​មៃ​យើក​មឞាស​ដ៝ង់»”។
JOH 20:18 ជេសរី​មារី ​តាៈ​ឞើស​ប៝ន​មាដាលា ​ហាន់ ពាង់​មឞើស​ងក៝ច​មា​មពោល​អ៝ស​ម៝ន៖ “គ៝ប់​លែៈ​ឆៃ​កោរាញ​ឞ៝ន់” នទ្រែល​មា​មឞើស​ងក៝ច​មា​ខាន់​ពាង់​នាវ​ឞ្រាស​យេឆូ ​ដាៈ​ពាង់​នតើយ្ស​នៃ។
JOH 20:19 តា​នារ​ត៝ល់​ង្វាយ​ពើស​អី​នៃ​ដ៝ង់ នារ​លែៈ​ញ៝ប់ មពោល​អ៝ស​ម៝ន​គុ​រាបុន​តា​ត្រោម​ជៃ ខាន់​ពាង់​នតឹល​មពោង​ទុត​ន៝ប់ យ៝រ​លាស​ក្លាច​មពោល​កោរាញ​ផូង​អីឆ្រាអែល ។ ជេសរី​ទោ​មា​ឞ្រាស​យេឆូ ​ហាន់​ទ៝ក់​តា​ងក្លាង​ងគូល​ខាន់​ពាង់​នៃ លាស​មា​ខាន់​ពាង់៖ “អ៝ន់​នាវ​ដាប់​មពាន់​មា​ខាន់​មៃ!”
JOH 20:20 ជេស​ឞ្រាស​យេឆូ ​លាស​កើត​នៃ ពាង់​ញហើ​ដ៝ង់​តី​ពាង់​នើម នទ្រែល​មា​ពុង​ទាក​ពាង់​អ៝ន់​មា​មពោល​អ៝ស​ម៝ន​ឆៃ។ មពោល​អ៝ស​ម៝ន​ឆៃ​កោរាញ​យេឆូ  ខាន់​ពាង់​រាម់​រាហើន​ហោ​ងាន់។
JOH 20:21 ឞ្រាស​យេឆូ ​លាស​តៃ​មា​ខាន់​ពាង់៖ “អ៝ន់​នាវ​ដាប់​មពាន់​មា​ខាន់​មៃ! គ៝ប់​ដាៈ​ខាន់​មៃ​ហាន់​តា​នតុក​អេងៗ កើត​មា​ឞឹ​លែៈ​ដាៈ​គ៝ប់​ហាន់​អ្យា​ដ៝ង់”។
JOH 20:22 ជេស​ពាង់​ងើយ​កើត​នៃ ពាង់​ខោម​ជឹត​ខាន់​ពាង់ នហ៝​មា​លាស៖ “ឆ៝ៈ​ហ៝ម់​ឞ្រាស​ហ្វេង​អ្វែស​អី​ក្ល៝ស​អ្វែស!
JOH 20:23 លាស​ខាន់​មៃ​យោៈ​មា​ឞូ​មោ​ហោម​កើប​នាវ​តីស​ខាន់​ពាង់ កោរាញ​ឞ្រាស​យោៈ​មា​ខាន់​ពាង់​ដ៝ង់។ យើន​មា​លាស​ខាន់​មៃ​មោ​យោៈ​ហោម​កើប​នាវ​តីស​ឞូ នាវ​តីស​ខាន់​ពាង់​ហោម​អែ​កើត​អើម”។
JOH 20:24 នោក​ឞ្រាស​យេឆូ ​ញហើ​ឆាក់​មា​មពោល​អ៝ស​ម៝ន ថោមាស ​ឞូ​ក្វាល់​ដីដីម ​ដ៝ង់​មោ​គែស​អោស​គុ​តា​នៃ ពាង់​ជេង​អ៝ស​ម៝ន​តា​មពោល ១២ នុយ្ស​កោរាញ​អ៝ស​ម៝ន​នៃ​ដ៝ង់។
JOH 20:25 មពោល​អ៝ស​ម៝ន​អាបាៈ​មឞើស​ងក៝ច​មា​ពាង់៖ “ហេន​លែៈ​ឆៃ​កោរាញ​ឞ៝ន់”។ យើន​មា​ថោមាស ​អើស៖ “លាស​គ៝ប់​អេ​ហ៝ៈ​ឆៃ​តេល​នតុក​ឞូ​ព៝ង់​ដែក​គោល​តា​តី​ពាង់ លាស​គ៝ប់​អេ​ហ៝ៈ​ល៝ក់​អោស​មា​លាវ​តី​តា​នតុក​ឞូ​ព៝ង់​តី​ពាង់​នៃ នទ្រែល​មា​លាស​គ៝ប់​អេ​ហ៝ៈ​ពាស​អោស​តា​តេល​នតុក​ឞូ​នត៝ប់​ពាង់​តា​ពុង​ទាក​ពាង់​នៃ គ៝ប់​មោ​អ្យាត់​អោស”។
JOH 20:26 ផាម​នារ​ឞើស​កើយ​នៃ មពោល​អ៝ស​ម៝ន​គុ​រាបុន​តៃ​តា​ត្រោម​ជៃ នោក​នៃ​គែស​ថោមាស ​គុ​នទ្រែល​តា​នៃ​ដ៝ង់។ ឞ៝ល​លាស​ខាន់​ពាង់​នតឹល​មពោង​ទុត​ន៝ប់ ឞ្រាស​យេឆូ ​ហោម​លាប់​ទ៝ក់​តា​ងគូល​ខាន់​ពាង់ លាស​មា​ខាន់​ពាង់៖ “អ៝ន់​នាវ​ដាប់​មពាន់​មា​ខាន់​មៃ!”
JOH 20:27 ជេសរី​ឞ្រាស​យេឆូ ​លាស​មា​ថោមាស ៖ “ល៝ង់​មៃ​អ្វាញ់​តី​គ៝ប់ ល៝ក់​លាវ​តី​មៃ​នៃ​តា​តី​គ៝ប់​អ្យា​ហ៝ម់ ជេសរី​ពាស​តី​មៃ​នៃ​តា​ពុង​ទាក​គ៝ប់​អ្យា​ដ៝ង់។ អ្យាត់​ហ៝ម់! លើយ​ហោម​រាលាច់​អោស!”
JOH 20:28 ថោមាស ​លាស៖ “អើ មៃ​កោរាញ​គ៝ប់ មៃ​ឞ្រាស​គ៝ប់​ងាន់!”
JOH 20:29 ឞ្រាស​យេឆូ ​លាស​មា​ពាង់៖ “អើ​ថោមាស ! ទឹង​មៃ​ញឆីង​មា​គ៝ប់ យ៝រ​លាស​មៃ​លែៈ​ឆៃ​គ៝ប់ យើន​មា​គែស​នាវ​អ្វែស​ងាន់​មា​ឞូ​ម៝ស​ញឆីង​មោ​អោស​ឆៃ”។
JOH 20:30 ឞ្រាស​យេឆូ ​ជាន​នាវ​ខ្លៃ​អ៝ក់​ជឹត​អ៝ន់​មា​មពោល​អ៝ស​ម៝ន​ពាង់​ឆៃ យើន​មា​មោ​គែស​អោស​ញចីស​តា​ឆ៝ម់បុត​អ្យា។
JOH 20:31 នទើ​អី​គែស​ញចីស​តា​ឆ៝ម់បុត​អ្យា​គៃ​មា​អុច​អ៝ន់​ខាន់​អៃ​មៃ​រ៝ៈ នហ៝​មា​អ្យាត់​ឞ្រាស​យេឆូ ​ជេង​ឞ្រាស​ក្រីស ​អី​ក៝ន​កោរាញ​ឞ្រាស​ងាន់ ជេសរី​អុច​អ៝ន់​ខាន់​អៃ​មៃ​ញឆីង គៃ​មា​ខាន់​អៃ​មៃ​គែស​នាវ​រេស​នហ៝​រ៝​យ៝រ​មា​ពាង់។
JOH 21:1 ឞើស​កើយ​នៃ​ឞ្រាស​យេឆូ ​ញហើ​តៃ​ឆាក់​ពាង់​នើម​អ៝ន់​មពោល​អ៝ស​ម៝ន​ពាង់​ឆៃ​ជឹត​តា​មែង​ទាក​ងលៅ​ក្វ៝ង់​កាលីលេ ពាង់​ញហើ​កើត​នអា៖
JOH 21:2 គែស​ឆីមោន ​អី​ឞូ​ក្វាល់​ពេត្រោស ​ដ៝ង់ ថោមាស ​អី​ឞូ​ក្វាល់​ដីដីម ​ដ៝ង់ នាថានែល ​តាៈ​ឞើស​ប៝ន​កានា ​ឞ្រី​កាលីលេ  ក៝ន​ឆេបេដេ ​ឞារ​ហៃ នទ្រែល​មា​អ៝ស​ម៝ន​ឞ្រាស​យេឆូ ​ឞារ​ហៃ​អេង​ជឹត​គុ​នទ្រែល​តា​នៃ។
JOH 21:3 ឆីមោន ​អី​ឞូ​ក្វាល់​ពេត្រោស ​ដ៝ង់​លាស​មា​ខាន់​ពាង់៖ “គ៝ប់​ហាន់​ជ៝យ​កា”។ ខាន់​ពាង់​អើស៖ “ហេន​ហាន់​ដ៝ង់”។ ជេសរី​ខាន់​ពាង់​ទ៝ក់​ហាន់ ហាវ​ញច៝​តា​កាលើ​ទូក។ មាង់​នៃ​ខាន់​ពាង់​មោ​អោស​គែស​កា។
JOH 21:4 ត៝ត់​លោស​នារ​អា​អោយ ឞ្រាស​យេឆូ ​ទ៝ក់​កេង​មែង​ទាក​នៃ យើន​មា​មពោល​អ៝ស​ម៝ន​មោ​អោស​គឹត​នាល់​ពាង់។
JOH 21:5 ឞ្រាស​យេឆូ ​លាស​មា​ខាន់​ពាង់៖ “អើ​អ៝ស​ម៝ន! ខាន់​មៃ​គែស​កា​ដ៝ង់​ឞើស?” ខាន់​ពាង់​អើស៖ “មោ​គែស​អោស”។
JOH 21:6 ឞ្រាស​យេឆូ ​លាស​មា​ខាន់​ពាង់៖ “ខាន់​មៃ​ឆែង​ឞើស​មា​ទូក​នៃ គែស​កា​រ៝!” ជេសរី​ខាន់​ពាង់​ឆែង គែស​កា​ទុត​អ៝ក់ អូយ្ស​ជាល​មោ​ទើយ​អោស។
JOH 21:7 គែស​ទូ​ហ្វេ​អ៝ស​ម៝ន​អី​ឞ្រាស​យេឆូ ​ទែ​រ៝ង់​នៃ​លាស​មា​ពេត្រោស ៖ “អី​នៃ​កោរាញ​ឞ៝ន់!” ត៝ត់​មា​ឆីមោន ​អី​ឞូ​ក្វាល់​ពេត្រោស ​ដ៝ង់​តាង់​លាស​អី​នៃ​កោរាញ​ខាន់​ពាង់ ពាង់​ញឆ៝ស​ឞ៝ក​អាវ​រ៝ យ៝រ​លាស​ពាង់​នើស​គុ​ឆាក់​កុស ជេសរី​ញឆាត់​អា​ទាក​ឆូ។
JOH 21:8 យើន​មា​អ៝ស​ម៝ន​អាបាៈ​នៃ ខាន់​ពាង់​វាស​ទូក​ហាន់​ជឹត​មែង អូយ្ស​កា​អ៝ក់​អី​នៃ យ៝រ​លាស​មោ​អីរ​ងាយ​អោស​មា​មែង ក្លាប់​លាស ២០០ ហាត់​ទើម។
JOH 21:9 ត៝ត់​មពោល​អ៝ស​ម៝ន​ហាវ​អា​កើស​តី ខាន់​ពាង់​ឆៃ​អុញ​រាងា ឆៃ​កា នទ្រែល​មា​ឆៃ​គែស​នុមពាង់​នអោង​កាលើ​អុញ​រាងា​នៃ​ដ៝ង់។
JOH 21:10 ឞ្រាស​យេឆូ ​លាស​មា​ខាន់​ពាង់៖ “ញអោត​លែវ​តា​អ្យា​បាៈ​កា​ខាន់​ម្រែ​មហែ​គែស​អី​នៃ”។
JOH 21:11 ជេសរី​ឆីមោន ​អី​ឞូ​ក្វាល់​ពេត្រោស ​ដ៝ង់​ហាន់​អូយ្ស​ជាល​លែវ​អា​កើស​អ្យា គែស​កា​អ៝ក់​ងាន់ កា​ក្វ៝ង់ៗ​គែស ១៥៣ មល៝ម់ ឞ៝ល​លាស​គែស​កា​អ៝ក់​កើត​នៃ​កាដោយ ជាល​ខាន់​ពាង់​មោ​ហេក​ដ៝ង់។
JOH 21:12 ឞ្រាស​យេឆូ ​លាស​មា​ខាន់​ពាង់៖ “ហាន់​តា​អ្យា​លែវ​ឞាល់​ឆោង​ហ៝ម់”។ ទឹង​លែៈ​មពោល​អ៝ស​ម៝ន​អី​នៃ មោ​គែស​ទូ​ហ្វេ​ឞាញ់​អោប​ពាង់៖ “ឞូ​ម៝ស​មៃ?” យើន​មា​ទឹង​លែៈ​ខាន់​ពាង់​លែៈ​គឹត​លាស​ពាង់​អី​កោរាញ​ខាន់​ពាង់។
JOH 21:13 ឞ្រាស​យេឆូ ​ហាន់​ទាច់​កេង​ខាន់​ពាង់ ជេសរី​ពាង់​ឆ៝ៈ​នុមពាង់ នទ្រែល​មា​កា​អ៝ន់​មា​ខាន់​ពាង់​ឆា។
JOH 21:14 នត៝ប​មា​នៃ​លែៈ​គែស​ពែ​តឹ​ឞ្រាស​យេឆូ ​ញហើ​ឆាក់​ពាង់​នើម​អ៝ន់​មា​មពោល​អ៝ស​ម៝ន​ពាង់​ឆៃ នតើម​ឞើស​ពាង់​លែៈ​ទ៝ក់​រេស។
JOH 21:15 ត៝ត់​លែៈ​ជេស​ខាន់​ពាង់​ឆោង​ឆា​នៃ ឞ្រាស​យេឆូ ​លាស​មា​ឆីមោន ​អី​ឞូ​ក្វាល់​ពេត្រោស ​ដ៝ង់៖ “អើ​ឆីមោន ​ក៝ន​យោហាន  អាស​មៃ​រ៝ង់​មា​គ៝ប់​រាលាវ​ខាន់​ពាង់​អ្យា​ដ៝ង់​ឞើស?” ពាង់​អើស៖ “អើ​កោរាញមៃ​លែៈ​គឹត​ជេស​នាវ​គ៝ប់​រ៝ង់​មា​មៃ”។ ឞ្រាស​យេឆូ ​លាស​មា​ពាង់៖ “អ៝ន់​មៃ​អ្វាញ់​ផូង​អី​ញឆីង​មា​គ៝ប់​តឹម​ឞាន​មា​នើម​ច្យាប់​អ្វាញ់​ផូង​ក៝ន​ឞែ​ឞ្យាប់​ពាង់​នើម​អ៝ន់​គែស​មពា​ឆា”។
JOH 21:16 ឞ្រាស​យេឆូ ​អោប​តៃ​ពាង់​ទូ​តឹ​ជឹត៖ “អើ​ឆីមោន ​ក៝ន​យោហាន ! អាស​មៃ​រ៝ង់​ដ៝ង់​មា​គ៝ប់​ឞើស?” ពេត្រោស ​អើស៖ “អើ​កោរាញមៃ​លែៈ​គឹត​ជេស​នាវ​គ៝ប់​រ៝ង់​មា​មៃ”។ ឞ្រាស​យេឆូ ​លាស​មា​ពាង់៖ “អ៝ន់​មៃ​អ្វាញ់​ផូង​អី​ញឆីង​មា​គ៝ប់​តឹម​ឞាន​មា​នើម​ច្យាប់​អ្វាញ់​ផូង​ឞែ​ឞ្យាប់​ពាង់​នើម”។
JOH 21:17 ឞ្រាស​យេឆូ ​អោប​តៃ​ពាង់​លោច​ពែ​តឹ៖ “អើ​ឆីមោន ​ក៝ន​យោហាន ! អាស​មៃ​រ៝ង់​ដ៝ង់​មា​គ៝ប់​ឞើស?” ពេត្រោស ​គែស​នាវ​រាង៝ត​ងាន់ យ៝រ​លាស​ឞ្រាស​យេឆូ ​អោប​ពាង់​លែៈ​គែស​ពែ​តឹ៖ “អាស​មៃ​រ៝ង់​ដ៝ង់​មា​គ៝ប់​ឞើស?” ពេត្រោស ​អើស​មា​ឞ្រាស​យេឆូ ៖ “អើ​កោរាញមៃ​លែៈ​គឹត​ទឹង​លែៈ​រាងោច​នទើ មៃ​លែៈ​គឹត​ជេស​នាវ​គ៝ប់​រ៝ង់​មា​មៃ”។ ឞ្រាស​យេឆូ ​លាស​មា​ពាង់៖ “អ៝ន់​មៃ​អ្វាញ់​ផូង​អី​ញឆីង​មា​គ៝ប់​តឹម​ឞាន​មា​នើម​ច្យាប់​អ្វាញ់​ផូង​ឞែ​ឞ្យាប់​ពាង់​នើម​អ៝ន់​គែស​មពា​ឆា។
JOH 21:18 គ៝ប់​លាស​នហេល​នានេៈ​ងាន់​មា​មៃ នោក​មៃ​ហោម​នទាម់ មៃ​ញឆ៝ស​អេង​ខ៝​អាវ ជេសរី​មៃ​ហាន់​អាស​នតុក​មៃ​អុច​ហាន់។ យើន​មា​ត៝ត់​មៃ​លែៈ​រាញ មៃ​យើរ​តី ជេសរី​គែស​ទូ​ហ្វេ​ឞូនុយ្ស​ក៝ត់​តី​មៃ នទ្រែល​មា​លែវ​មៃ​ហាន់​តា​នតុក​មៃ​មោ​អុច​អោស​ហាន់”។
JOH 21:19 ឞ្រាស​យេឆូ ​ងើយ​កើត​នៃ ពាង់​អុច​មឞើស​អា​មើម​ខឹត​ពេត្រោស  គៃ​មា​អ៝ន់​កោរាញ​ឞ្រាស​គែស​នាវ​ច្រេក​លើប។ ជេស​ឞ្រាស​យេឆូ ​លាស​ងើយ​កើត​នៃ ពាង់​លាស​មា​ពេត្រោស ៖ “ហោៈ​តឹង​គ្រ៝យ​គ៝ប់​ឞើស​កើយ!”
JOH 21:20 ពេត្រោស ​ងគឹល​ជឹត​កើយ ឆៃ​ទូ​ហ្វេ​អ៝ស​ម៝ន​ឞ្រាស​យេឆូ ​ទែ​រ៝ង់​អី​នៃ​តឹង​គ្រ៝យ​ខាន់​ពាង់​ឞើស​កើយ។ អ៝ស​ម៝ន​អី​នៃ​គុ​ងគឹល​មាត់​ជឹត​ឞ្រាស​យេឆូ  ទោល​មាង់​ខាន់​ពាង់​គុ​ញេត​ឆោង នអ៝ប់​មា​អោប​ឞ្រាស​យេឆូ ​នើស៖ “អើ​កោរាញ ឞូ​ម៝ស​លែវ​ឞូ​ហាន់​ញុប​មៃ?”
JOH 21:21 ត៝ត់​ពេត្រោស ​ឆៃ​ពាង់ ពេត្រោស ​អោប​ឞ្រាស​យេឆូ ៖ “អើ​កោរាញ លាស​នទ្រី​ឞូនុយ្ស​អី​នៃ ម៝ស​បាៈ​នាវ​គែស​មា​ពាង់?”
JOH 21:22 ឞ្រាស​យេឆូ ​អើស៖ “លាស​គ៝ប់​អុច​រ៝ង​ពាង់​ហោម​រេស​ត៝ត់​នារ​គ៝ប់​ព្លឹ​វាច់ ក៝ៈ​មោ​គែស​នាវ​ខ្លៃ​មា​មៃ​ដ៝ង់ ហោៈ​មៃ​តឹង​គ្រ៝យ​គ៝ប់​ហ៝ម់!”
JOH 21:23 ជេសរី​នតើម​ឞើស​នោក​នៃ ឞូ​តាង់​ងក៝ច​ដើន​តា​ផូង​ញឆីង​មា​ឞ្រាស​យេឆូ ​លាស​អ៝ស​ម៝ន​អី​នៃ​មោ​គែស​ខឹត​អោស។ យើន​មា​ឞ្រាស​យេឆូ ​មោ​គែស​អោស​លាស​មា​ពេត្រោស ​អ៝ស​ម៝ន​អី​នៃ​មោ​ខឹត ពាង់​លាស៖ “លាស​គ៝ប់​អុច​រ៝ង​ពាង់​ហោម​រេស​ត៝ត់​នារ​គ៝ប់​ព្លឹ​វាច់ ក៝ៈ​មោ​គែស​នាវ​ខ្លៃ​មា​មៃ​ដ៝ង់”។
JOH 21:24 អ៝ស​ម៝ន​អី​ឞ្រាស​យេឆូ ​ទែ​រ៝ង់​នៃ មឞើស​ងក៝ច​ទឹង​លែៈ​នាវ​ខ្លៃ​អី​អ្យា​ជេង​នាវ​ងាន់ នទ្រែល​មា​ញចីស​នាវ​អី​នៃ​ដ៝ង់។ ឞ៝ន់​គឹត នាវ​ពាង់​មឞើស​ងក៝ច​អី​នៃ​ជេង​នាវ​ងាន់។
JOH 21:25 ហោម​អែ​គែស​អ៝ក់​ជឹត​នាវ​ឞ្រាស​យេឆូ ​លែៈ​គែស​ជាន យើន​មា​លាស​ឞូ​ញចីស​ទឹង​លែៈ​នាវ​ពាង់​លែៈ​ជាន​អី​នៃ តា​នែស​នតូ​អ្យា​យ៝ង់​មា​គែស​នតុក​មា​ទើ​ឆ៝ម់បុត​ឞូ​ញចីស៕៚
ACT 1:1 ទាន់​កោស​មឞាស​លាស​អ្វែស​មា​ថេវផីល ​អ៝ន់​គឹត! តា​ឆ៝ម់បុត​គ៝ប់​ញចីស​ឞើស​កើយ​នើស​ងក៝ច​ទឹង​លែៈ​នទើ​ឞ្រាស​យេឆូ ​ជាន នទ្រែល​មា​ទឹង​លែៈ​នាវ​ពាង់​នតុម​នតី ឞើស​ពាង់​នតើម​នតុម​នតី​ឞូនុយ្ស‌
ACT 1:2 នហ៝​មា​ត៝ត់​នារ​កោរាញ​ឞ្រាស​ឆ៝ៈ​នហាវ​ពាង់​តា​ត្រោក​តា​នតុក​ពាង់​នើម​តា​កាលើ។ ជេស​ទ៝ក់​រេស​អេ​ល៝រ​ពាង់​ហាវ​តា​នៃ ពាង់​នតិញ​នាវ​មា​មពោល​កោរាញ​អ៝ស​ម៝ន​អី​ពាង់​នើម​លែៈ​ជេស​កើយ្ស​នើស ពាង់​នតិញ​ខាន់​ពាង់​តឹង​ឞ្រាស​ហ្វេង​អ្វែស​អី​ក្ល៝ស​អ្វែស​មឞើស​មា​ពាង់។
ACT 1:3 លោច​ជេស​ពាង់​ទើន​នាវ​ជេរ​ជ៝ត់​នហ៝​មា​ខឹត​នៃ គែស ៤០ នាង់ ៤០ នារ​ពាង់​ញហើ​ឆាក់​ពាង់​នើម​អ៝ន់​មា​មពោល​កោរាញ​អ៝ស​ម៝ន​ឆៃ​អ៝ក់​ងាន់ គៃ​មា​អ៝ន់​ខាន់​ពាង់​គឹត​នហេល​លាស​ពាង់​លែៈ​ទ៝ក់​រេស​ងាន់ ពាង់​ជាន​អ៝ក់​នតីល​នទើ​ដ៝ង់។ នោក​នៃ​ពាង់​ងក្រែ​មា​មឞើស​ងក៝ច​នាវ​កោរាញ​ឞ្រាស​ម៝ត់​អ្វាញ់​ដ៝ង់។
ACT 1:4 គែស​ទូ​តឹ​ទោល​ឞ្រាស​យេឆូ ​គុ​ឆោង​ឆា​នទ្រែល​មពោល​កោរាញ​អ៝ស​ម៝ន ពាង់​លាស៖ “លើយ​ហ៝ៈ​អោស​ទូ​លោស​ឞើស​ប៝ន​យេរូឆាលឹម ។ គ៝ប់​លែៈ​ជេស​មឞើស​មា​ខាន់​មៃ ឞឹ​គ៝ប់​លែៈ​ត៝ន​ញជុន​ឞ្រាស​ហ្វេង​អ្វែស​លាប់​គុ​តា​ខាន់​មៃ។ ក៝ប់​តា​អ្យា​ហ៝ៈ ត៝ត់​នាវ​ត៝ន​អី​នៃ​ត្រុយ្ស​ងាន់។
ACT 1:5 យោហាន-​បាប់តែម ​វៃ​ជាន​បាប់តែម​យុក​ឞូ​មា​ទាក យើន​មា​ហោម​ដេៈ​នារ​ជឹត​នាប់​តៃ​កោរាញ​ឞ្រាស​អុច​អ៝ន់​ឞ្រាស​ហ្វេង​អ្វែស​គុ​តា​ឆាក់​ខាន់​មៃ។ នទើ​អី​នៃ​តឹម​ឞាន​មា​ខាន់​មៃ​យុក​មា​ឞ្រាស​ហ្វេង​អ្វែស​ដ៝ង់”។
ACT 1:6 ជេសរី​មពោល​កោរាញ​អ៝ស​ម៝ន​តឹម​រាបុន​ឞាល់​តា​យោក​តើម​អោលីវ  ខាន់​ពាង់​អោប​ឞ្រាស​យេឆូ ៖ “ហើយ​កោរាញ អាបៃ​អ្យា​បាស​មៃ​ជេង​កាដាច់​ឞ្រី​ទាក​អីឆ្រាអែល ?”
ACT 1:7 ពាង់​អើស៖ “តា​រានោក​ម៝ង​នារ​នៃ​មោ​អោស​អ៝ន់​ខាន់​មៃ​គឹត ឞឹ​គ៝ប់​នើម​ទើម​ជាន​នទើ​អី​នៃ​នោក​ពាង់​នើម​អុច។
ACT 1:8 យើន​មា​គែស​ទូ​នាវ​គ៝ប់​អុច​អ៝ន់​ខាន់​មៃ​គឹត៖ ត៝ត់​ឞ្រាស​ហ្វេង​អ្វែស​អី​ក្ល៝ស​អ្វែស​ជុរ​គុ​តា​ឆាក់​ខាន់​មៃ ខាន់​មៃ​គែស​នាវ​ឞ្រាស។ ជេសរី​នាវ​ខ្លៃ​អី​ខាន់​មៃ​លែៈ​ឆៃ​លែៈ​តាង់​គ៝ប់​នតុម​នតី​គ៝ប់​ជាន​នើស ខាន់​មៃ​ជាន​តើម​មឞើស​ងក៝ច​តា​ប៝ន​យេរូឆាលឹម ​អ្យា តា​ប៝ន​អេង​តា​ឞ្រី​យូដា  តា​ឞ្រី​ឆាមារី  ជេសរី​នហ៝​មា​លាម​នែស​នតូ​អ្យា”។
ACT 1:9 ជេស​ឞ្រាស​យេឆូ ​ងើយ​នាវ​នៃ ទោល​មពោល​កោរាញ​អ៝ស​ម៝ន​ហោម​អ្វាញ់​ពាង់ កោរាញ​ឞ្រាស​ឆ៝ៈ​នហាវ​ពាង់​តា​កាលើ​ត្រោក ជេសរី​គែស​តុក​ងកីង​លើយ​ពាង់ ឞូ​មោ​ហោម​អោស​ឆៃ​ពាង់។
ACT 1:10 ទោល​ខាន់​ពាង់​ហោម​អ្វាញ់​ងគើរ​រើក​ហើក​ឞ្រាស​យេឆូ ​ហាវ​កាលើ​ត្រោក​នតុក​កោរាញ​ឞ្រាស​នៃ ទោ​មា​ឆៃ​ឞារ​ហៃ​ញឆ៝ស​ខ៝​អាវ​ងលាង​ទ៝ក់​នទ្រែល​ខាន់​ពាង់​តា​នៃ ឞារ​ហៃ​ខាន់​ពាង់​អី​នៃ​តោង​ពារ់‌
ACT 1:11 ជេសរី​ខាន់​ពាង់​លាស៖ “ហើយ​មពោល​ឞ្រី​កាលីលេ ! ម៝ស​នទើ​ងគើរ​អ្វាញ់​ខាន់​មរែ​ជឹត​លើ​ត្រោក​រី? កោរាញ​យេឆូ ​នៃ​លែៈ​កោរាញ​ឞ្រាស​ឆ៝ៈ​ឞើស​ខាន់​មៃ​នហាវ​កាលើ​ត្រោក ពាង់​មោ​អោស​ព្លឹ​ឆឹត​តៃ​តា​អ្យា​អាបៃ​អ្យា យើន​មា​គែស​ទូ​នារ​ពាង់​មរា​ព្លឹ​តៃ​តឹម​ឞាន​មា​ខាន់​មៃ​ឆៃ​ពាង់​ហាវ​កាលើ​ត្រោក​នៃ​នើស​ដ៝ង់”។
ACT 1:12 ជេសរី​មពោល​កោរាញ​អ៝ស​ម៝ន​ព្លឹ​ឆឹត​ឞើស​យោក​នៃ ឆឹត​ជឹត​ប៝ន​យេរូឆាលឹម ។ យោក​អី​នៃ​ឞូ​រាញា​លាស​យោក​តើម​អោលីវ  ងាយ​ឞើស​យោក​នៃ​ដាស​យេរូឆាលឹម ​ក្លាប់​លាស​ទូ​កីលោមែត។
ACT 1:13 ត៝ត់​តា​ប៝ន​នៃ ខាន់​ពាង់​លាប់​តា​ជៃ​ខាន់​ពាង់​គុ ជេសរី​ហាវ​តា​ជ្រោ​កាលើ​រី។ តា​នៃ​គែស​ពេត្រោស  គែស​យោហាន  គែស​យាកើ  គែស​អ៝ន់ទ្រេ  គែស​ផីលីប  គែស​ថោមាស  គែស​បារថោលោមេ  គែស​មាថាយ  គែស​យាកើ ​អី​ក៝ន​អាល់ផាយ  គែស​ឆីមោន ​អី​ឞូ​ក្វាល់​លាស​«ឞូនុយ្ស​គើយ្ស » នទ្រែល​មា​យូដាស ​អី​ក៝ន​យាកោប ​អា​អេង​ជឹត។
ACT 1:14 លែៈ​មពោល​នៃ​តឹម​ទី​ទូ​នតោរ​នាវ​គៃ​មា​គុ​មឞើស​ឆើម​នទ្រែល​នឹង។ តា​នៃ​គែស​ដ៝ង់​មពោល​ឞូ​អូរ​អាបាៈ​អេង​អី​វៃ​តឹង​ឞ្រាស​យេឆូ  ជេសរី​គែស​មារី ​អី​មេៈ​ឞ្រាស​យេឆូ  នទ្រែល​មា​អី​អ៝សៗ​ឞូ​ក្លោ​ពាង់​ដ៝ង់។
ACT 1:15 នោក​នារ​នៃ​គែស​ឞូនុយ្ស​អី​ញឆីង​មា​ឞ្រាស​យេឆូ ​គុ​រាបុន​ក្លាប់​លាស​គែស ១២០ នុយ្ស។ ជេសរី​ពេត្រោស ​ទ៝ក់​តា​ងក្លាង​ងគូល​ខាន់​ពាង់​រី ពាង់​លាស​កើត​នអា៖
ACT 1:16 “ហើយ​អ៝ស​នោ ឞ្រាស​ហ្វេង​អ្វែស​អី​ក្ល៝ស​អ្វែស​លែៈ​មឞើស​ជេស​មា​កាដាច់​ដាវីត ​កាល់​អែ​នើស ពាង់​ងក៝ច​ល៝រ​មា​ទូ​ហ្វេ​ឞូនុយ្ស ឞូនុយ្ស​អី​នៃ​យូដាស ​ជេង​ទូ​ហ្វេ​តា​មពោល​ឞ៝ន់ ជេង​ឞូនុយ្ស​ជាន​ការ​នទ្រែល​ឞ៝ន់​ដ៝ង់ តីស​មា​យូដាស ​នៃ​លែវ​ឞូ​ហាន់​ញុប​ឞ្រាស​យេឆូ ​ច្រាវ។ លែៈ​នាវ​អ្យា​ជេង​ទី​ងាន់​ដាស​នាវ​ដាវីត ​លែៈ​គែស​ញចីស​តា​ឆ៝ម់បុត​នាវ​កោរាញ​ឞ្រាស​ងើយ។
ACT 1:18 ខាន់​មៃ​លែៈ​គឹត​ជេស​នទើ​អ្យា ព្រាក់​អី​យូដាស ​គែស​តាៈ​ឞើស​ងខោម​ជាន​នទើ​អ្យើស​នៃ​នើស ឞូ​ឆ៝ៈ​ព្រាក់​អី​នៃ​រាវាត់​ទូ​លោក​នែស​មីរ ជេសរី​ពាង់​ចោត​ងកុប នហ៝​មា​ព្រីស​នទុល​លោស​ព្រ៝ច​រាឞ៝ម់។
ACT 1:19 នាវ​អ្យា​លែៈ​ឞូនុយ្ស​តា​ប៝ន​យេរូឆាលឹម ​តាង់​លឺ​ទាទេ នហ៝​មា​ឞូ​ក្វាល់​នតុក​នៃ​តឹង​នាវ​ងើយ​ខាន់​ពាង់​នើម​លាស៖ «ហាខែលដាមាស » រាឞ្លាង​នាវ​អី​នៃ​លាស៖ «មីរ​មហាម»។
ACT 1:20 តា​ឆ៝ម់បុត​នាវ​កោរាញ​ឞ្រាស​ងើយ​តា​នាវ​មព្រើ​អើម​លែៈ​ញចីស​លាស៖ «អ៝ន់​នតុក​ពាង់​គុ​នៃ​ជេង​នតុក​រាង៝ត​ញជាប់‌ មោ​អោស​គែស​ឞូនុយ្ស​គុ»។ ជេសរី​គែស​ញចីស​ដ៝ង់ «អ៝ន់​គែស​ទូ​ហ្វេ​ឞូនុយ្ស​នត្រ៝ៈ​នាវ​ជាន​ការ​ពាង់»។
ACT 1:21 កើត​នទ្រី​អ៝ន់​ឞ៝ន់​ឆ៝ៈ​ទូ​ហ្វេ​ឞូនុយ្ស​មា​នត្រ៝ៈ​ពាង់។ អ្យាត់​មា​ឞូនុយ្ស​អី​នៃ​អី​លែៈ​គុ​នទ្រែល​ឞ៝ន់​បាបើ ទោល​កោរាញ​យេឆូ ​លែវ​ត្រ៝ង​មា​ឞ៝ន់‌
ACT 1:22 នតើម​ឞើស​យោហាន-​បាប់តែម ​ជាន​បាប់តែម​យុក​ពាង់​មា​ទាក នហ៝​មា​ត៝ត់​កោរាញ​ឞ្រាស​ឆ៝ៈ​ពាង់​លោស​ឞើស​ឞ៝ន់​គុ​នតុក​កោរាញ​ឞ្រាស​នើម។ នទ្រី​អ៝ន់​ឞ៝ន់​កើយ្ស​ទូ​ហ្វេ​ឞូនុយ្ស​គៃ​មា​ជាន​តើម​ងក៝ច​នទ្រែល​ឞ៝ន់​មា​នាវ​ខ្លៃ​កោរាញ​យេឆូ ​ទ៝ក់​រេស”។
ACT 1:23 ជេសរី​ខាន់​ពាង់​អុច​ឆ៝ៈ​ឞារ​ហៃ​អ៝ស​ម៝ន ទូ​ហ្វេ​រី​រាញា​យោឆែប  ឞូ​វៃ​ក្វាល់​ពាង់​បារឆាបាស  មោ​លាស​ក្វាល់​យុសតុស ​ដ៝ង់ អី​ទូ​ហ្វេ​ជឹត​រាញា​មាត់ថេស ។
ACT 1:24 ជេសរី​ខាន់​ពាង់​លែវ​ឞាល់​មឞើស​ឆើម​កើត​នអា៖ “ហើយ​កោរាញ! មៃ​គឹត​នូយ្ស​នហ៝ម់​ទឹង​លែៈ​ឞូនុយ្ស លាស​នទ្រី​ទាន់​មៃ​មឞើស​មា​ហេន អាស​តាៈ​មៃ​អុច​កើយ្ស​តា​ឞារ​ហៃ​ខាន់​ពាង់​អ្យា‌
ACT 1:25 គៃ​មា​ជាន​ការ​ជេង​កោរាញ​អ៝ស​ម៝ន​នត្រ៝ៈ​យូដាស  យ៝រ​លាស​យូដាស ​លែៈ​នត្លើយ​នាវ​ការ​អ្យា​លែៈ​ខឹត​ហាន់​គុ​អា​នតុក​ពាង់​នើម​រី”។
ACT 1:26 ជេសរី​ខាន់​ពាង់​ញុប​នទើ​ញច្រ៝ស​នៃ​ទី​តា​ព្លាង់​មាត់ថេស  ឆ៝ៈ​ពាង់​គុ​នទ្រែល ១១ កោរាញ​អ៝ស​ម៝ន​នៃ។
ACT 2:1 ត៝ត់​នារ​ញេត​បុន ៥០ នារ​ផូង​អីឆ្រាអែល  លែៈ​មពោល​កោរាញ​អ៝ស​ម៝ន ខាន់​ពាង់​គុ​នទ្រែល​តា​ទូ​មល៝ម់​ជៃ​តា​ប៝ន​យេរូឆាលឹម ។
ACT 2:2 ទូ​នទ៝ម់​តា​នៃ ទោ​មា​តាង់​នតែស​ងគារ់​តាៈ​ឞើស​កាលើ​ត្រោក តឹម​ឞាន​មា​ឆ្យាល​ខោម​មព្រាត​ទុត​ហោ​តា​ត្រោម​ជៃ​ខាន់​ពាង់​គុ​រាបុន​រី។
ACT 2:3 ទោល​នៃ​មពោល​កោរាញ​អ៝ស​ម៝ន​ឆៃ​តឹម​ឞាន​មា​មព្យាត់​អុញ​ហីត ជេសរី​មព្យាត់​អុញ​អី​នៃ​តឹម​ងខាស​គុ​តា​អាប់​ឞោក​ខាន់​ពាង់​ទូ​ហ្វេ​ទូ​ហ្វេ​រី។
ACT 2:4 ឞ្រាស​ហ្វេង​អ្វែស​អី​ក្ល៝ស​អ្វែស​គុ​តា​ឆាក់​មពោល​កោរាញ​អ៝ស​ម៝ន​ទូ​ហ្វេ​ទូ​ហ្វេ​នៃ​ងាន់ អ៝ន់​ខាន់​ពាង់​ទើយ​មឞើស​ងើយ​នាវ​ងើយ​អេងៗ ជេង​នាវ​ងើយ​អី​ខាន់​ពាង់​មោ​អោស​វៃ​ឞ្លាវ​ងើយ​អា​ល៝រ​នើស។
ACT 2:5 នោក​នៃ​គែស​មពោល​អីឆ្រាអែល ​ជេង​មពោល​អី​អ្យាត់​នាវ​កោរាញ​ឞ្រាស​អ៝ក់​ងាន់​តា​យេរូឆាលឹម  គៃ​មា​ញេត​បុន ៥០ នារ​អី​នៃ។ ខាន់​ពាង់​តាៈ​ឞើស​អាប់​ងគ៝រ​ឞ្រី​លាម​នែស​នតូ​អ្យា។
ACT 2:6 ខាន់​ពាង់​អី​នៃ​ញច្វាត់​រាន​អ្វាញ់​តា​រី​ទាទេ យ៝រ​មា​តាង់​នតែស​ឆ្យាល​អី​នៃ។ ត៝ត់​តា​នៃ​ខាន់​ពាង់​ឆៃ​មពោល​កោរាញ​អ៝ស​ម៝ន​ទូ​ហ្វេ​ទូ​ហ្វេ​ឞ្លាវ​នាវ​ងើយ​ឞូ ជេង​នាវ​ងើយ​ទី​មា​មពោល​អេងៗ​ខាន់​ពាង់​នើម។ ខាន់​ពាង់​ឆៃ​កើត​នៃ​នទ្រ៝ត់​ញហីស​ទាទេ​ងាន់។
ACT 2:7 ខាន់​ពាង់​មោ​វ៝ត់​អោស ខាន់​ពាង់​តឹម​លាស៖ “លែៈ​មពោល​អី​ងើយ​នៃ អើម​មោ​ទី​លាស​មពោល​ឞ្រី​កាលីលេ ​ហ្យាស? មពោល​អី​នៃ​មោ​អោស​ឞ្លាវ​ងើយ​មា​ឞ្រី​អេង។
ACT 2:8 លាស​នទ្រី​មើម​ទឹង​ឞ៝ន់​តាង់​ខាន់​ពាង់​ឞ្លាវ​ងើយ​ទឹង​លែៈ​នាវ​ងើយ​ឞ្រី​ឞ៝ន់?
ACT 2:9 ផូង​ឞ៝ន់​តា​អ្យា​គែស​ឞូនុយ្ស​តាៈ​ឞើស​ឞ្រី​ផាថុស  ឞ្រី​មេដី  ឞ្រី​អេលាម  ជេសរី​គែស​អាបាៈ​តាៈ​ឞើស​ឞ្រី​មេឆោពោតាមៀ  ឞ្រី​យូដា  ឞ្រី​កាពាដោកៀ  ឞ្រី​ពុនតុស  ឞ្រី​អាឆី ‌
ACT 2:10 នទ្រែល​មា​ឞ្រី​ព្រីកៀ  ឞ្រី​ពាមផីលៀ  ឞ្រី​អេឆីប  ឞ្រី​លីបី ​អី​ទាច់​មា​ប៝ន​ក្វ៝ង់​កីរេន  ជេសរី​គែស​ដ៝ង់​ឞូនុយ្ស​អី​តាៈ​ឞើស​ប៝ន​ក្វ៝ង់​រោម ​ហាន់​ខ៝ល់​តា​អ្យា។
ACT 2:11 តា​មពោល​អី​នៃ​គែស​មពោល​អីឆ្រាអែល  គែស​មពោល​ឞូ​អេង​អី​មហែ​លាប់​ជេង​ផូង​អីឆ្រាអែល ​គែស​ក៝ស​នតោ យ៝រ​មា​ញឆីង​មា​កោរាញ​ឞ្រាស​ដ៝ង់ គែស​ឞូនុយ្ស​តាៈ​ឞើស​គោល​ទាក​ក្រែត  នទ្រែល​មា​ឞូនុយ្ស​តាៈ​ឞើស​ឞ្រី​អារាប់ ។ ឞ៝ន់​តាង់​ខាន់​ពាង់​មឞើស​ងក៝ច​នាវ​ខ្លៃ​កោរាញ​ឞ្រាស​ទុត​នាវ​ងាន់​តឹង​នាវ​ងើយ​ឞ៝ន់​នើម​ទូ​ហ្វេ​ទូ​ហ្វេ​ងាន់”។
ACT 2:12 លែៈ​មពោល​អី​នៃ​មោ​វ៝ត់​ហោ​ងាន់ មោ​ហោម​អោស​ឞ្លាវ​មឹន​ដ៝ង់ ខាន់​ពាង់​តឹម​អោប​នទ្រាង់​ខាន់​ពាង់​នើម៖ “ម៝ស​នាវ​ខ្លៃ​អី​នៃ​ហ្យាស?”
ACT 2:13 យើន​មា​គែស​ឞូនុយ្ស​អាបាៈ​មឺច​លាស៖ “មពោល​អី​នៃ​ញុល​នទ្រាញ់​ទើម”។
ACT 2:14 ជេសរី​ពេត្រោស ​ទ៝ក់​នទ្រែល ១១ មពោល​កោរាញ​អ៝ស​ម៝ន​នៃ ពាង់​ងើយ​ទាង់​មា​ផូង​ឞូនុយ្ស​អ៝ក់​នៃ៖ “ហើយ​អ៝ស​នោ​កោញ​វា​ផូង​អីឆ្រាអែល  នទ្រែល​មា​អ៝ស​នោ​កោញ​វា​ទឹង​លែៈ​អី​គុ​តា​ប៝ន​យេរូឆាលឹម ​អ្យា ទាន់​អ្យាត់​ហ៝ម់​នាវ​គ៝ប់​គៃ​មា​គឹត​នហេល​នាវ​អ្យា‌
ACT 2:15 យ៝រ​លាស​ទឹង​លែៈ​ខាន់​ពាង់​អ្យា​មោ​គែស​អោស​ញុល​នទ្រាញ់​កើត​នាវ​ខាន់​មៃ​មឹន​នៃ អាបៃ​អ្យា​ញចោ​មា​ម៝ង​ឆឹន​អោយ​ទើម!
ACT 2:16 នាវ​អ្យា​ជេង​ទី​ងាន់​ដាស​នាវ​យូអែល ​អី​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស ពាង់​លែៈ​ញចីស​លាស៖
ACT 2:17 «កោរាញ​ឞ្រាស​លាស៖ «នារ​ងគ្លែៈ​ទុត​ជឹត​នាប់​តៃ គ៝ប់​ងខុត​ឞ្រាស​ហ្វេង​អ្វែស​គ៝ប់​អ៝ន់​គុ​តា​ទឹង​លែៈ​ឞូនុយ្ស។ ជេសរី​ហ្វេង​គ៝ប់​អ៝ន់​ក៝ន​ឞូ​អូរ​ឞូ​ក្លោ​ខាន់​មៃ​នតើយ្ស​នាវ​ងើយ​គ៝ប់ នទ្រែល​មា​ងក៝ច​ល៝រ។ មពោល​ទ្រោស​នទាម់​ខាន់​អៃ​មៃ​គឹត​ឆៃ​នហេល​មា​មាត់​នទើ​អី​គ៝ប់​អ៝ន់​ឆៃ‌ ជេសរី​មពោល​ឞូ​ឞុញ​ឞូ​រាញ​ខាន់​មៃ​គឹត​ឆៃ​នទើ​តាៈ​ឞើស​គ៝ប់​តា​នាវ​មឞើយ។
ACT 2:18 ឞ៝ល​លាស​ទឹក​ឞូ​អូរ​ទឹក​ឞូ​ក្លោ​អី​ញឆីង​មា​គ៝ប់‌ គ៝ប់​ហោម​ងខុត​ឞ្រាស​ហ្វេង​អ្វែស​គ៝ប់​អ៝ន់​គុ​តា​ខាន់​ពាង់​ដ៝ង់​តា​នោក​នៃ‌ ជេសរី​ខាន់​ពាង់​នតើយ្ស​នាវ​ងើយ​គ៝ប់ នទ្រែល​មា​ងក៝ច​ល៝រ។
ACT 2:19 គ៝ប់​ញហើ​នាវ​ខ្លៃ​អី​ឞូ​មោ​វៃ​ឆៃ​តា​កាលើ​ត្រោក‌ នទ្រែល​មា​នាវ​មឞេន​អេងៗ​តា​នែស​នតូ​អ្យា‌ គែស​មហាម គែស​អុញ​ហីត នទ្រែល​មា​គែស​ញហូក​អុញ។
ACT 2:20 នារ​ព្លាច់​រាលឹ​ជេង​ង៝‌ ខៃ​ជេង​គុរ​ទាទេ​ងាន់​តឹម​ឞាន​មា​មហាម អេ​ល៝រ​មា​ត៝ត់​នារ​កោរាញ​ឞ្រាស ជេង​នារ​ច្រេក​លើប​ទុត​ក្វ៝ង់​អី​នារ​គ៝ប់​ផាត​ទោយ្ស​ទឹង​លែៈ​ឞូនុយ្ស។
ACT 2:21 អេ​ល៝រ​មា​នារ​អី​នៃ​ឞូ​ម៝ស​អី​ក្វាល់​វើល​កោរាញ​ឞ្រាស​គៃ​មា​រាក្លាយ្ស​ឆាក់​ពាង់​នើម ឞូនុយ្ស​អី​នៃ​គែស​ក្លាយ្ស​រ៝»»។
ACT 2:22 ហើយ​អ៝ស​នោ​ផូង​អីឆ្រាអែល  អ៝ន់​ខាន់​អៃ​មៃ​អ្យាត់​ហ៝ម់​នាវ​អ្យា កោរាញ​យេឆូ ​អី​តាៈ​ឞើស​ប៝ន​នាឆារែត ​នៃ លែៈ​កោរាញ​ឞ្រាស​ញហើ​អ៝ន់​មា​ខាន់​អៃ​មៃ​ពាង់​តាៈ​ឞើស​កោរាញ​ឞ្រាស​ងាន់។ កោរាញ​ឞ្រាស​អ៝ន់​ពាង់​ទើយ​ជាន​នទើ​ក្វ៝ង់ ជាន​នទើ​នាវ​ងាន់ នទ្រែល​មា​នាវ​មឞេន​អេងៗ​ជឹត​តា​ផូង​ខាន់​អៃ​មៃ។ ខាន់​អៃ​មៃ​លែៈ​គឹត​ជេស​មា​នទើ​អី​នៃ‌
ACT 2:23 តីស​មា​ខាន់​អៃ​មៃ​ញុប​ញជុន​ពាង់​អ៝ន់​អា​តី​ផូង​អី​មោ​អ្យាត់​នាវ​កោរាញ​ឞ្រាស គៃ​មា​ងខឹត​ព៝ង់​អោឞាល់​តា​ឆី​តឹម​រាកាង់។ យើន​មា​កោរាញ​ឞ្រាស​លែៈ​គឹត​ល៝រ​នទើ​អី​នៃ នហ៝​មា​អុច​គែស​កើត​នៃ​ដ៝ង់។
ACT 2:24 ជេសរី​កោរាញ​ឞ្រាស​អ៝ន់​ពាង់​ទ៝ក់​រេស រាក្លាយ្ស​ពាង់​ឞើស​នាវ​ជេរ​ជ៝ត់​តា​នាវ​ខឹត។ នាវ​ខឹត​មោ​អោស​ទើយ​ក៝ន់​ពាង់។
ACT 2:25 កាល់​អែ​នើស​កាដាច់​ដាវីត ​លែៈ​ងើយ​លាស​នទើ​អី​នៃ​មា​កោរាញ​យេឆូ  ពាង់​លាស៖ «គ៝ប់​លែៈ​គឹត​ជេស​កោរាញ​ឞ្រាស​គុ​ទាច់​មា​គ៝ប់​បាបើ‌ ពាង់​គុ​ឞើស​មា​តី​គ៝ប់​គៃ​មា​កើល​គ៝ប់ កើត​នទ្រី​ទឹង​គ៝ប់​មោ​អោស​ក្លាច​រាវៃ​មា​ទឹង​លែៈ​នតីល​នទើ។
ACT 2:26 នូយ្ស​នហ៝ម់​គ៝ប់​នហ៝​មា​រាម់​មអាក ឞ៝រ់​មឞូង​គ៝ប់​ងើយ​រានេ​មា​ពាង់‌ ឆាក់​ជាន់​គ៝ប់​គុ​តា​នាវ​រានើម​ដ៝ង់‌
ACT 2:27 យ៝រ​លាស​មៃ​មោ​អោស​អ៝ន់​ហ្វេង​គ៝ប់​ខាន​ងក្រែ​តា​ឞ្រី​ផាន​នតុក​ឞូនុយ្ស​ខឹត។ អើ​កោរាញ​ឞ្រាស គ៝ប់​អី​ឞូនុយ្ស​ក្ល៝ស​អ្វែស មៃ​មោ​ដ៝ង់​អ៝ន់​ឆាក់​ជាន់​គ៝ប់​អោម។
ACT 2:28 មៃ​ញហើ​អ៝ន់​គ៝ប់​គឹត​នាល់​ត្រ៝ង​ហាន់​ត៝ត់​តា​នាវ​រេស​នហ៝​រ៝‌ មៃ​អ៝ន់​គ៝ប់​គុ​អ្វែស​រាម់​មអាក យ៝រ​មៃ​គុ​នទ្រែល​គ៝ប់»។
ACT 2:29 ហើយ​អ៝ស​នោ! គ៝ប់​មឞើស​អ៝ន់​មា​ខាន់​អៃ​មៃ​គឹត​នហេល កាដាច់​ដាវីត ​នៃ​អី​ចែ​ឞ៝ន់​កាល់​អែ​នើស​ពាង់​លែៈ​ខឹត​ជេស ឞូ​ត៝ប់​ពាង់​តា​មោច ជេសរី​អី​មោច​ពាង់​ហោម​អែ​តា​ប៝ន​អ្យា​ត៝ត់​អាបៃ​អ្យា​ដ៝ង់។
ACT 2:30 នទ្រី​ទឹង​ឞ៝ន់​គឹត​នហេល​ដាវីត ​មោ​អោស​ងើយ​មា​ឆាក់​ពាង់​នើម​តា​ត្រ៝ង​អី​នៃ យើន​មា​ពាង់​នើស​ជេង​ឞូនុយ្ស​នតើយ្ស​នាវ​ងើយ​កោរាញ​ឞ្រាស។ កើត​នទ្រី​ទឹង​ពាង់​គឹត​កោរាញ​ឞ្រាស​ត៝ន​មា​ពាង់ អ៝ន់​គែស​ទូ​ហ្វេ​ឞូនុយ្ស​តា​រាន៝យ​ទែស​ពាង់​ហាវ​ជេង​កាដាច់ ជេង​ឞ្រាស​ក្រីស ​អី​នើម​រាក្លាយ្ស​អី​កោរាញ​ឞ្រាស​ទែ​ញជ្វាល់​ដ៝ង់។
ACT 2:31 យ៝រ​លាស​លែៈ​កាដាច់​ដាវីត ​ឆៃ​នាវ​អី​នៃ​ល៝រ​នទើ​អី​កោរាញ​ឞ្រាស​អុច​ជាន ទឹង​ពាង់​ងើយ​មា​ឞ្រាស​ក្រីស ​ទ៝ក់​រេស​លាស៖ «ហ្វេង​ពាង់​មោ​អោស​ខាន​ងក្រែ​តា​ឞ្រី​ផាន​នតុក​ឞូនុយ្ស​ខឹត‌ ឆាក់​ជាន់​ពាង់​មោ​អោម​ដ៝ង់»។
ACT 2:32 កោរាញ​យេឆូ ​អី​នៃ​កោរាញ​ឞ្រាស​រាទ៝ក់​អ៝ន់​ពាង់​ទ៝ក់​រេស លែៈ​ហេន​អ្យា​លែៈ​ឆៃ​ពាង់​ទាទេ។
ACT 2:33 កោរាញ​ឞ្រាស​នហាវ​កោរាញ​យេឆូ ​អ៝ន់​ជេង​កោរាញ​ម៝ត់​អ្វាញ់​នទ្រែល​ពាង់​ឞើស​មា​ពាង់​នើម។ កោរាញ​យេឆូ ​ទើន​ឞ្រាស​ហ្វេង​អ្វែស​អី​ក្ល៝ស​អ្វែស​តាៈ​ឞើស​អី​ឞឹ តឹង​នាវ​ពាង់​លែៈ​ត៝ន ជេសរី​កោរាញ​យេឆូ ​ងខុត​ឞ្រាស​ហ្វេង​អ្វែស​អ៝ន់​គុ​តា​ទឹង​លែៈ​ផូង​ហេន។ នទើ​អី​នៃ​ជេង​នទើ​អី​ខាន់​អៃ​មៃ​ឆៃ​ខាន់​អៃ​មៃ​តាង់​តា​អ្យា។
ACT 2:34 កាដាច់​ដាវីត ​មោ​គែស​អោស​ហាវ​កាលើ​ត្រោក​តា​នតុក​កោរាញ​ឞ្រាស ពាង់​លាស​មា​ឞ្រាស​ក្រីស ​កើត​នអា៖ «កោរាញ​ឞ្រាស​មឞើស​មា​កោរាញ​គ៝ប់​លាស៖ «អ៝ន់​មៃ​កោរាញ​ម៝ត់​អ្វាញ់​នទ្រែល​គ៝ប់ គុ​ឞើស​មា​តី​គ៝ប់​អ្យា
ACT 2:35 នហ៝​មា​ត៝ត់​គ៝ប់​ញុប​ក៝ត់​ផូង​រាលាង់​មៃ អ៝ន់​មរែ​មា​រាកើល​ជ៝ង់​ប៝ត់»»។
ACT 2:36 លាស​នទ្រី​ទឹង​លែៈ​ផូង​ប៝ន​លាន​អីឆ្រាអែល ​អ៝ន់​គឹត​នាវ​អ្យា​នហេល​នានេៈ​ងាន់ យ៝រ​លាស​កោរាញ​យេឆូ ​អី​ខាន់​មរែ​ងខឹត​លើយ​ពាង់​តា​ឆី​តឹម​រាកាង់​នើស លែៈ​កោរាញ​ឞ្រាស​ទែ​អ៝ន់​ពាង់​ជេង​កោរាញ​ម៝ត់​អ្វាញ់ នទ្រែល​មា​ជេង​ឞ្រាស​ក្រីស ​ដ៝ង់”។
ACT 2:37 ត៝ត់​មា​ខាន់​ពាង់​តាង់​នាវ​អី​នៃ តា​នូយ្ស​នហ៝ម់​ខាន់​ពាង់​រី​នុម​ឞូ​នត្រោល​ងាន់ ជេសរី​អោប​ពេត្រោស  នទ្រែល​មា​មពោល​កោរាញ​អ៝ស​ម៝ន៖ “ហើយ​អ៝ស​នោ! លាស​នទ្រី​ហេន​អ្យា​មើម​ជាន​ហាៈ គៃ​មា​កោរាញ​ឞ្រាស​យោៈ​នអាច​នាវ​តីស​ហេន?”
ACT 2:38 ពេត្រោស ​អើស​មា​ខាន់​ពាង់៖ “អ៝ន់​ខាន់​អៃ​មៃ​រាគ៝ល់​ហ៝ម់​នូយ្ស​នហ៝ម់​អ្យើស ជេសរី​យុក​បាប់តែម​មា​ទាក​តា​រាញា​កោរាញ​យេឆូ​ក្រីស  នទ្រី​ទឹង​កោរាញ​ឞ្រាស​យោៈ​នអាច​មោ​ហោម​កើប​នាវ​តីស​ខាន់​អៃ​មៃ ជេសរី​កោរាញ​ឞ្រាស​អ៝ន់​ឞ្រាស​ហ្វេង​អ្វែស​អី​ក្ល៝ស​អ្វែស​គុ​តា​ខាន់​អៃ​មៃ។
ACT 2:39 កោរាញ​ឞ្រាស​លែៈ​ត៝ន​កើត​នអា ពាង់​ត៝ន​អ៝ន់​មា​ខាន់​អៃ​មៃ អ៝ន់​មា​ក៝ន​មា​ឆៅ​ខាន់​អៃ​មៃ នទ្រែល​មា​ទឹង​លែៈ​ឞូនុយ្ស​អី​គុ​ងាយៗ​ដ៝ង់ ទាស​អ៝ក់​ឞូនុយ្ស​អី​កោរាញ​ឞ្រាស​ក្វាល់​មា​ញឆីង​ពាង់​នើម ពាង់​អី​ឞ៝ន់​យើក​មឞាស​នៃ”។
ACT 2:40 ជេសរី​ពេត្រោស ​រាឞ្លាង​មឞើស​ងក៝ច​នាវ​អ៝ក់​ជឹត ពាង់​នត្រោល​ខាន់​ពាង់​លាស៖ “អ៝ន់​ខាន់​អៃ​មៃ​ក្លាយ្ស​ទូ​លោស​តាៈ​ឞើស​ឞូនុយ្ស​អ្យើស​មហឹក​តា​រានោក​អ្យា​ហ៝ម់ គៃ​មា​លើយ​អោស​អ៝ន់​កោរាញ​ឞ្រាស​តេៈ​ទោយ្ស​ខាន់​អៃ​មៃ​នទ្រែល​ខាន់​ពាង់”។
ACT 2:41 កើត​នទ្រី​ឞូនុយ្ស​អី​អ្យាត់​នាវ​ពាង់​ងើយ​នៃ ខាន់​ពាង់​ងក្រែ​មា​ទើន​នាវ​បាប់តែម​យុក​មា​ទាក​រ៝ គែស​ក្លាប់​លាស ៣០០០ នុយ្ស ឞូនុយ្ស​អី​មហែ​ឆឹត​ញឆីង។
ACT 2:42 លែៈ​ផូង​អី​នៃ​ញឆ្រោយ្ស​អ្យាត់​នាវ​មពោល​កោរាញ​អ៝ស​ម៝ន​នតី ខាន់​ពាង់​គុ​តឹម​រាង្លាប់​ឞាល់​ជេង​អ៝ស​នោ គុ​ឆោង​ឆា​នទ្រែល នទ្រែល​មា​គុ​មឞើស​ឆើម​នឹង​ដ៝ង់។
ACT 2:43 ទឹង​លែៈ​ឞូនុយ្ស​តា​យេរូឆាលឹម ​គែស​ក្លាច​ញឆ៝រ់​ទាទេ យ៝រ​មា​ឆៃ​នាវ​ទើយ​មពោល​កោរាញ​អ៝ស​ម៝ន​ជាន​នៃ​លែៈ​នាវ​ងាន់​អ៝ក់​ដ៝ង់ នទ្រែល​មា​នាវ​មឞេន​អេងៗ​ខាន់​ពាង់​ជាន​អ៝ក់​ជឹត។
ACT 2:44 ទឹង​លែៈ​ឞូនុយ្ស​អី​ញឆីង​មា​កោរាញ​យេឆូ  ខាន់​ពាង់​តឹម​ទី​ទូ​នតោរ​នាវ​ទើម។ ខាន់​ពាង់​ឆ៝ៈ​លែៈ​ទ្រាប់​នទើ​ខាន់​ពាង់​គែស រាគូម​អ៝ន់​នទ្រែល​ទាទេ។
ACT 2:45 ខាន់​ពាង់​តាច់​ទ្រាប់​នទើ​ខាន់​ពាង់​គែស ឆ៝ៈ​ព្រាក់​តឹម​ពាៈ​ឞាល់​ម៝ស​នទើ​ឞាល់​ខាន់​ពាង់​មោ​ត៝ង់។
ACT 2:46 អាប់​នារ​ខាន់​ពាង់​តឹម​ទី​ទូ​នតោរ​នាវ​ញឆ្រោយ្ស​មឞើស​ឆើម​តា​ជ៝ង់​គូង​ញីស​ជាន​ឞ្រាស។ ទោល​គុ​តា​ជៃ​ខាន់​ពាង់​គុ​ញេត​ឆា​ងកាស​ក្ល៝ស​អ្វែស នហ៝​មា​ឆោង​ឆា​នទ្រែល ខាន់​ពាង់​មអាក​ងាន់ នទ្រែល​មា​គែស​នូយ្ស​នហ៝ម់​ល៝ង់​ដ៝ង់។
ACT 2:47 ខាន់​ពាង់​លែវ​ឞាល់​មព្រើ​រានេ​មា​កោរាញ​ឞ្រាស។ ទឹង​លែៈ​ផូង​ប៝ន​លាន​គឹត​ខាន់​ពាង់​ជេង​ឞូនុយ្ស​អ្វែស។ កោរាញ​យេឆូ ​ទែ​នត៝ប​តៃ​ឞូនុយ្ស​តា​មពោល​អី​នៃ​អាប់​នារ​ជឹត អី​ពាង់​លែៈ​រាក្លាយ្ស។
ACT 3:1 គែស​ទូ​នារ​តា​ម៝ង​ពែ​កេង​មាង់​អី​ទី​ម៝ង​ឞូ​វៃ​ហាន់​មឞើស​ឆើម​នៃ ពេត្រោស ​នទ្រែល​យោហាន ​ហាន់​តា​ជ៝ង់​គូង​ញីស​ជាន​ឞ្រាស គៃ​មា​មឞើស​ឆើម​ដ៝ង់។
ACT 3:2 តា​ឞោក​មពោង​ងគារ​ជ៝ង់​គូង​ញីស​ជាន​ឞ្រាស​រី តា​មពោង​នៃ​ឞូ​រាញា​លាស «មពោង​អ្វែស» តា​នៃ​គែស​ទូ​ហ្វេ​ឞូនុយ្ស​រាវែន។ ពាង់​រាវែន​នតើម​ឞើស​អ៝ស​ឞេ​ងាន់ អាប់​នារ​ឞូ​តូង​ពាង់​អ៝ន់​គុ​តា​នតុក​នៃ គៃ​មា​ក៝ប់​ទាន់​នទើ​ឞូ​អី​ហាន់​តា​ជ៝ង់​គូង​ញីស​ជាន​ឞ្រាស​មា​កោរាញ​ឞ្រាស​នៃ។
ACT 3:3 ត៝ត់​មា​ពាង់​ឆៃ​ពេត្រោស ​នទ្រែល​យោហាន ​ហាន់​លាប់​តា​ជ៝ង់​គូង​ញីស​ជាន​ឞ្រាស​នៃ ពាង់​ទាន់​នទើ​រ៝។
ACT 3:4 ពេត្រោស ​នទ្រែល​យោហាន ​នៃ ខាន់​ពាង់​អ្វាញ់​ជឹត​ពាង់​រី ជេសរី​ពេត្រោស ​លាស៖ “អ្វាញ់​ជឹត​ហេន​អ្យា!”
ACT 3:5 ជេសរី​ពាង់​អ្វាញ់​ប្លីក​ជឹត​ខាន់​ពាង់​រី​រ៝ ពាង់​នអោន​លាស​ខាន់​ពាង់​អ៝ន់​ព្រាក់​មា​ពាង់។
ACT 3:6 យើន​មា​ពេត្រោស ​លាស​មា​ពាង់​កើត​នអា៖ “ព្រាក់​មាយ្ស​គ៝ប់​មោ​គែស​អោស យើន​មា​នទើ​អី​គ៝ប់​គែស​អ៝ន់​មា​មៃ​នៃ៖ យ៝រ​មា​នាវ​ទើយ​កោរាញ​យេឆូ​ក្រីស ​អី​តាៈ​ឞើស​ប៝ន​នាឆារែត  មៃ​ទ៝ក់​ហាន់​ហ៝ម់!”
ACT 3:7 ជេសរី​ពាង់​ញុប​តី​ឞើស​មា​ឞូនុយ្ស​រាវែន​នៃ តេក​អ៝ន់​ពាង់​ទ៝ក់។ ទោ​មា​មពាង​ជ៝ង់ នទ្រែល​មា​រាពាក់​ជ៝ង់​ពាង់​រី​ន៝ប់​រាក៝ក់​រ៝‌
ACT 3:8 ជេសរី​ពាង់​ទ៝ក់​នត្លោៈ​ដឺប​នហ៝​មា​នតើម​ឞ្រោៈ​រ៝។ ពាង់​លាប់​តា​ជ៝ង់​គូង​ញីស​ជាន​ឞ្រាស​រី នទ្រែល​មា​ឞារ​ហៃ​កោរាញ​អ៝ស​ម៝ន​នៃ។ ពាង់​ហាន់​ឞ្រោៈ ហាន់​នត្លោៈ​នត្លាង​រ៝ មឞូង​ពាង់​នហ៝​មា​រានេ​កោរាញ​ឞ្រាស​ដ៝ង់។
ACT 3:9 លែៈ​ផូង​ប៝ន​លាន​ឆៃ​ពាង់​ឞ្រោៈ នទ្រែល​មា​តាង់​ពាង់​រានេ​មា​កោរាញ​ឞ្រាស​ដ៝ង់។
ACT 3:10 ឞូ​នទ្រ៝ត់​ហីស​រាហ៝ល់ មោ​វ៝ត់​អោស​ម៝ស​នាវ​គែស​មា​ពាង់​អី​នៃ យ៝រ​លាស​ឞូ​នាល់​ពាង់​ងាន់​រ៝ ឞូនុយ្ស​អី​វៃ​គុ​ទាន់​នទើ​ឞូ​តា​ឞោក​មពោង​អ្វែស​នៃ​នើស។
ACT 3:11 ទោល​ឞូនុយ្ស​អី​នៃ​ហោម​គុ​ទាច់​ពេត្រោស  នទ្រែល​មា​យោហាន  លែៈ​ឞូនុយ្ស​តា​នៃ​នទ្រ៝ត់​ញហីស​ងាន់ ជេសរី​ញច្វាត់​រាន​តា​ខាន់​ពាង់​រី​ទាទេ​តា​នទ្រីង​រី អី​ឞូ​រាញា​លាស​«នទ្រីង​ឆាលោមោន »​រី។
ACT 3:12 ត៝ត់​មា​ពេត្រោស ​ឆៃ​កើត​នៃ ពាង់​លាស​មា​ផូង​ប៝ន​លាន​នៃ៖ “ហើយ​អ៝ស​នោ​ឞាល់​មពោល​អីឆ្រាអែល ! ម៝ស​នាវ​ខាន់​អៃ​មៃ​នទ្រ៝ត់​មា​នាវ​អ្យា? ម៝ស​នាវ​ខាន់​អៃ​មៃ​អ្វាញ់​ផ៝ង់​ជឹត​ហេន? ខាន់​អៃ​មៃ​នអោន​លាស​ហេន​ជាន​ឞាស​ឞូនុយ្ស​អ្យា​តាៈ​ឞើស​នាវ​ទើយ​ហេន​នើម​ឞើស មោ​លាស​តាៈ​ឞើស​ហេន​ឞ្លាវ​អ្យាត់​នាវ​កោរាញ​ឞ្រាស? មោ​អោស។
ACT 3:13 កោរាញ​ឞ្រាស​អី​អាឞ្រាហាម់ អីឆាក់  នទ្រែល​មា​យាកោប ​វៃ​យើក​មឞាស ជេង​ឞ្រាស​អី​អូ​ចែ​ឞ៝ន់​កាល់​អែ​នើស ពាង់​នហាវ​កោរាញ​យេឆូ ​មា​ជាន​ឞាស​ឞូនុយ្ស​រាវែន​អី​នៃ​យ៝រ​មា​នាវ​ទើយ​កោរាញ​យេឆូ ​អី​ឞូនុយ្ស​ជាន​ការ​មា​ពាង់​នឹង។ តីស​មា​ផូង​កោរាញ​ខាន់​អៃ​មៃ​ញុប​ញជុន​ពាង់​តា​កោរាញ​ក្វ៝ង់​ពីលាត ​នើស គៃ​មា​ងខឹត​ពាង់។ ពីលាត ​អុច​មា​បើក​អោឞាល់ យើន​មា​ផូង​កោរាញ​ខាន់​អៃ​មៃ​រាលាច់​ឞើស​នាប់​ពីលាត ​លាស​មអារ់​លើយ​ពាង់។
ACT 3:14 ខាន់​ពាង់​រាលាច់​មោ​គឹត​នាល់​ពាង់​អី​ក្ល៝ស​អ្វែស​អី​ឆ៝ង់។ តីស​មា​គែស​ទូ​ហ្វេ​ឞូនុយ្ស​ទោយ្ស​អី​វៃ​ងខឹត​ឞូ​នៃ ខាន់​ពាង់​ទាន់​មអើក​ច្រាវ។
ACT 3:15 កោរាញ​ឞ្រាស​កើប​ខាន់​អៃ​មៃ​ជេង​ឞូនុយ្ស​ងខឹត​លើយ​កោរាញ​យេឆូ  អី​តើម​នាវ​រេស យើន​មា​កោរាញ​ឞ្រាស​រាក្លាយ្ស​ពាង់​អ៝ន់​ទ៝ក់​រេស។ ហេន​អ្យា​ឞូនុយ្ស​តើម​មឞើស​នាវ​អី​នៃ។
ACT 3:16 យ៝រ​មា​ហេន​ញឆីង​មា​កោរាញ​យេឆូ ពាង់​ជាន​អ៝ន់​ឞូនុយ្ស​អី​ខាន់​អៃ​មៃ​ឆៃ​អ្យា​ទឹង​គែស​មា​គែស​ឆ្វាន​ទាង់។ ឞូនុយ្ស​អី​នៃ​ខាន់​អៃ​មៃ​លែៈ​គឹត​នាល់​ជេស យ៝រ​នាវ​ញឆីង​មា​កោរាញ​យេឆូ  ទឹង​ឞាស​ពាង់​អី​លែៈ​ខាន់​អៃ​មៃ​ឆៃ​អ្យា។
ACT 3:17 ហើយ​អ៝ស​នោ គ៝ប់​លែៈ​គឹត​ខាន់​អៃ​មៃ នទ្រែល​មា​ផូង​កោរាញ​ខាន់​អៃ​មៃ​ងខឹត​កោរាញ​យេឆូ ​នើស​មោ​អោស​គឹត​ឆាក់។
ACT 3:18 លែៈ​នាវ​អី​ខាន់​អៃ​មៃ​ជាន​នៃ​ជេង​កោរាញ​ឞ្រាស​នើម​អ៝ន់​ហ៝ច​ងាន់ ជេង​ទី​ដាស​នាវ​ពាង់​លែៈ​ជេស​ងក៝ច​អ៝ន់​មា​លែៈ​ឞូនុយ្ស​នតើយ្ស​នាវ​ងើយ​ពាង់​កាល់​អែ​នើស ខាន់​ពាង់​ញចីស៖ ឞ្រាស​ក្រីស ​អី​ពាង់​លែៈ​ត៝ន​ញជុន​នើស អ្យាត់​មា​ទើន​នាវ​ជេរ​ជ៝ត់ នទ្រែល​មា​នាវ​ខឹត​រ៝។
ACT 3:19 លាស​នទ្រី​អ៝ន់​ខាន់​អៃ​មៃ​រាគ៝ល់​ហ៝ម់​នូយ្ស​នហ៝ម់​អ្យើស ព្លឹ​ឆឹត​មា​កោរាញ​ឞ្រាស​ហ៝ម់ គៃ​មា​ពាង់​យោៈ​នអាច​មោ​ហោម​កើប​នាវ​តីស​ខាន់​អៃ​មៃ។
ACT 3:20 លាស​ខាន់​អៃ​មៃ​រាគ៝ល់​លើយ​នូយ្ស​នហ៝ម់​អ្យើស កោរាញ​ឞ្រាស​អ៝ន់​នាវ​ទាង់​មហែ​តា​នូយ្ស​នហ៝ម់​ខាន់​អៃ​មៃ។ កោរាញ​ឞ្រាស​ញជ្វាល់​ឞ្រាស​ក្រីស ​តា​នែស​នតូ​អ្យា កោរាញ​ឞ្រាស​លែៈ​កើយ្ស​ជេស​ពាង់ពាង់​អី​នៃ​កោរាញ​យេឆូ ។
ACT 3:21 អាបៃ​អ្យា​អ្យាត់​មា​កោរាញ​យេឆូ ​ហោម​គុ​តា​នតុក​កោរាញ​ឞ្រាស​តា​កាលើ​ត្រោក នហ៝​មា​ត៝ត់​កោរាញ​ឞ្រាស​ងក្រា​តៃ​ទឹង​លែៈ​នទើ​ពាង់​លែៈ​ជេស​ញជេង​នើស កើត​នាវ​ពាង់​លែៈ​ដាៈ​មា​ឞូនុយ្ស​នតើយ្ស​នាវ​ងើយ​ពាង់​កាល់​អែ​នើស​មឞើស​មា​ផូង​អូ​ចែ​ខាន់​អៃ​មៃ។
ACT 3:22 មោឆេ ​កាល់​អែ​នើស លែៈ​ញចីស​មា​ឞ្រាស​ក្រីស ​កើត​នអា៖ «កោរាញ​ឞ្រាស​អី​ឞ្រាស​ខាន់​អៃ​មៃ​យើក​មឞាស ជឹត​នាប់​តៃ​ពាង់​អ៝ន់​គែស​ទូ​ហ្វេ​ជឹត​ឞូនុយ្ស​នតើយ្ស​នាវ​ងើយ​កោរាញ​ឞ្រាស​តឹម​ឞាន​មា​គ៝ប់ ពាង់​អ៝ស​នោ​ខាន់​អៃ​មៃ។ អ៝ន់​ខាន់​អៃ​មៃ​អ្យាត់​លែៈ​នាវ​ពាង់​មឞើស។
ACT 3:23 ឞូ​ម៝ស​អី​មោ​អ្យាត់​នាវ​ពាង់​អី​នៃ ពាង់​ងគ្រ៝ស​លើយ​ឞូនុយ្ស​អី​នៃ​ឞើស​ផូង​អីឆ្រាអែល ​អី​ប៝ន​លាន​ពាង់​នើម»។
ACT 3:24 ទឹង​លែៈ​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស នតើម​ឞើស​ឆាម់មោអែល  ខាន់​ពាង់​ងក៝ច​ល៝រ​លែៈ​នទើ​អី​លែៈ​គែស​តា​រានោក​អាបៃ​អ្យា។
ACT 3:25 ទឹង​លែៈ​នាវ​អី​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស​ត៝ន នទើ​អី​នៃ​ត៝ន​មា​ខាន់​អៃ​មៃ​ដ៝ង់។ ជេសរី​នាវ​តឹម​រាង្លាប់​កោរាញ​ឞ្រាស​នទ្រែល​អូ​ចែ​ខាន់​អៃ​មៃ​នើស ពាង់​ហោម​តឹម​រាង្លាប់​នទ្រែល​ខាន់​អៃ​មៃ​ដ៝ង់​នោក​ពាង់​មឞើស​មា​អាឞ្រាហាម់ ​នើស៖ «ទឹង​លែៈ​រានាក់​វ៝ល់​តា​នែស​នតូ​អ្យា គ៝ប់​អ៝ន់​គែស​ជេង​តាៈ​ឞើស​រាន៝យ​ទែស​មៃ»។
ACT 3:26 កើត​នទ្រី​កោរាញ​ឞ្រាស​ញជ្វាល់​កោរាញ​យេឆូ ​តា​នែស​នតូ​អ្យា គៃ​មា​អ៝ន់​នាវ​គែស​ជេង​មា​ខាន់​អៃ​មៃ អុច​កើល​ខាន់​អៃ​មៃ​ឞាស​ជាន​នទើ​អ្យើស អ៝ន់​ខាន់​អៃ​មៃ​ឞ្លាវ​ជាន​នទើ​អី​ពាង់​អុច​ច្រាវ។ ពាង់​ញជ្វាល់​កោរាញ​យេឆូ ​អី​ក៝ន​ពាង់​នើម​អ៝ន់​មា​ខាន់​អៃ​មៃ​អី​ផូង​អីឆ្រាអែល ​ល៝រ”។ នទ្រី​នាវ​ពេត្រោស ​មឞើស​មា​ខាន់​ពាង់​តា​នៃ។
ACT 4:1 ទោល​ពេត្រោស ​នទ្រែល​យោហាន ​ហោម​អែ​ងើយ​មា​ផូង​ប៝ន​លាន ជេសរី​គែស​មពោល​កោរាញ​ជាន​ឞ្រាស មពោល​ឆាដោឆី  នទ្រែល​មា​អី​កោរាញ​តាហែន​ញីស​ជាន​ឞ្រាស​ហាន់​ត៝ត់​តា​នៃ។
ACT 4:2 ខាន់​ពាង់​ជី​នូយ្ស​ហោ​ងាន់​មា​ឞារ​ហៃ​កោរាញ​អ៝ស​ម៝ន​នៃ ឆៃ​ខាន់​ពាង់​នតុម​នតី​ផូង​ប៝ន​លាន​មា​ឞ្រាស​យេឆូ ​មឞើស​មា​ឞូ​លាស៖ ឞូនុយ្ស​ខឹត​ហោម​ទ៝ក់​រេស​ដ៝ង់​យ៝រ​មា​លែៈ​គែស​ឞ្រាស​យេឆូ ​ខឹត​ទ៝ក់​រេស។
ACT 4:3 ជេសរី​ខាន់​ពាង់​ញុប​ឞារ​ហៃ​កោរាញ​អ៝ស​ម៝ន​នៃ​ក្រុង​តា​ត្រោម​នទ្រូង​ទូ​នាង់​រាអាង យ៝រ​លាស​នោក​នៃ​ឞ្រី​លែៈ​អុច​ង៝​មោ​ហោម​អោស​ឞ្លាវ​ផាត​ទោយ្ស។
ACT 4:4 យើន​មា​អ៝ក់​ងាន់​ឞូ​ឆឹត​ញឆីង​មា​ឞ្រាស​យេឆូ  ឞូនុយ្ស​អី​តាង់​នាវ​កោរាញ​អ៝ស​ម៝ន​ងើយ​នៃ។ ឞូនុយ្ស​អី​ញឆីង​មា​ឞ្រាស​យេឆូ ​អាបៃ​អ្យា ទឹង​លែៈ​ឞូ​ក្លោ​ក្លាប់​លាស​គែស ៥០០០ នុយ្ស ជេសរី​គែស​ឞូ​អូរ​ក៝ន​ឆែ​ដ៝ង់។
ACT 4:5 ត៝ត់​អោយ​តៃ​រី គែស​មពោល​កោរាញ​ជាន​ឞ្រាស ផូង​នើម​នតី​នាវ​វៃ​ផូង​អីឆ្រាអែល  នទ្រែល​មា​មពោល​កោរាញ​អាបាៈ​អេង​ជឹត ខាន់​ពាង់​វាច់​រាបុន​ទូ​នតុក​តា​ប៝ន​យេរូឆាលឹម ។
ACT 4:6 តា​នៃ​គែស​កោរាញ​ជាន​ឞ្រាស​រាញា​អានាស  រាញា​កៃផាស  រាញា​យោហាន  រាញា​អាលេកឆាន់ត្រុស  នទ្រែល​មា​លែៈ​រានាក់​វ៝ល់​មពោល​កោរាញ​ជាន​ឞ្រាស​លាប់​រាបុន​នទ្រែល​តា​រី​ដ៝ង់។
ACT 4:7 ខាន់​ពាង់​ដាៈ​ឞូ​លែវ​ឞារ​ហៃ​កោរាញ​អ៝ស​ម៝ន​នៃ​គុ​តា​ងក្លាង​ងគូល​រី ជេសរី​អោប​ខាន់​ពាង់៖ “ឞើស​តាៈ​នាវ​ទើយ​ខាន់​មៃ​ជាន​ការ​អី​នៃ​មេស? ឞូ​ម៝ស​អ៝ន់​ខាន់​មៃ​ជាន​ការ​អី​នៃ?”
ACT 4:8 ឞ្រាស​ហ្វេង​អ្វែស​អី​ក្ល៝ស​អ្វែស​គុ​តា​ពេត្រោស  អ៝ន់​ពាង់​ងើយ​កើត​នអា៖ “ទាន់​កោស​មឞាស​មា​កោរាញ​ឞ្រី​យូដា  នទ្រែល​មា​ទឹង​លែៈ​មពោល​កោរាញ​អេង​ជឹត។
ACT 4:9 នារ​អ្យា​ខាន់​មៃ​អោប​ហេន​មា​នទើ​អ្វែស​ហេន​ជាន​មា​ទូ​ហ្វេ​ឞូនុយ្ស​រាវែន​អ្យា​ឞើស​តាៈ​នាវ​ទើយ។
ACT 4:10 ទាន់​មា​ខាន់​មៃ នទ្រែល​មា​ទឹង​លែៈ​ប៝ន​លាន​ផូង​អីឆ្រាអែល ​អ៝ន់​គឹត​មា​នាវ​អ្យា៖ ឞូ​ក្លោ​អី​ទ៝ក់​ឞើស​នាប់​ខាន់​មៃ​អ្យា​ពាង់​គែស​អ្វែស​ឆាក់​ជាន់ នាវ​ទើយ​អី​នៃ​តាៈ​ឞើស​កោរាញ​យេឆូ​ក្រីស ​ប៝ន​នាឆារែត  អី​ខាន់​មៃ​លែៈ​ងខឹត​តា​ឆី​តឹម​រាកាង់​នើស យើន​មា​កោរាញ​ឞ្រាស​រាក្លាយ្ស​អ៝ន់​ពាង់​ទ៝ក់​រេស​ដ៝ង់។
ACT 4:11 តា​នាវ​កោរាញ​ឞ្រាស​ងើយ​លែៈ​គែស​ញចីស​កើត​នអា៖ «លុ​ឞ្ល៝ន​ង្វាយ​អឹ​អី​ខាន់​មៃ​អី​ឞូនុយ្ស​ឞ្លាវ​ជាន​ជៃ​លែៈ​មអារ់​លើយ‌ យើន​មា​លុ​ឞ្ល៝ន​អី​នៃ​ជេង​លុ​ឞ្ល៝ន​ទុត​ន៝ប់​ខ្លៃ​រាលាវ​ឞូ​ច្រាវ​មា​ជាន​ជៃ»។ កោរាញ​យេឆូ ​ជេង​លុ​ឞ្ល៝ន​អី​នៃ ជេសរី​ខាន់​មៃ​ជេង​ឞូនុយ្ស​ឞ្លាវ​ជាន​ជៃ​អី​នៃ។
ACT 4:12 មោ​ហោម​អោស​គែស​ឞូនុយ្ស​អេង​ជឹត​មា​ទើយ​រាក្លាយ្ស​ឞូនុយ្ស​តា​នែស​នតូ​អ្យា មោ​ហោម​អោស​គែស​ឞូនុយ្ស​អេង​ជឹត​កោរាញ​ឞ្រាស​អ៝ន់​មា​ឞូនុយ្ស​គៃ​មា​រាក្លាយ្ស​ឞ៝ន់”។
ACT 4:13 ឆៃ​ពេត្រោស ​នទ្រែល​យោហាន ​គែស​នូយ្ស​នហ៝ម់​ឞាញ់​ងើយ​កើត​នៃ ខាន់​ពាង់​មោ​វ៝ត់​អោស​នទ្រ៝ត់​ហីស​រាហ៝ល់​តា​នូយ្ស​នហ៝ម់​ងាន់ យ៝រ​លាស​ឞូ​គឹត​ឞារ​ហៃ​ខាន់​ពាង់​នៃ​ជេង​ឞូនុយ្ស​ប៝ន​លាន​ទើម មោ​អោស​ព្រ៝ត​លាប់​នតី។ យើន​មា​ឞូ​គឹត​ខាន់​ពាង់​នើស​វៃ​គុ​នទ្រែល​ឞ្រាស​យេឆូ ។
ACT 4:14 ឞូ​ជ៝យ​នាវ​មា​អើស​មោ​ហោម​គែស​អោស យ៝រ​លាស​ឆៃ​ឞូនុយ្ស​រាវែន​អី​លែៈ​ឞាស​រី​នើស​ទ៝ក់​នទ្រែល​តា​រី​ដ៝ង់។
ACT 4:15 ជេសរី​ឞូ​ដាៈ​ខាន់​ពាង់​ពែ​នុយ្ស​នៃ​លោស​ឞើស​នតុក​ផាត​ទោយ្ស​នៃ​ទូ​នទ៝ម់ គៃ​មា​តឹម​ញច្រាៈ​នាវ។
ACT 4:16 ផូង​កោរាញ​អី​នៃ​លាស​កើត​នអា៖ “មើម​ឞ៝ន់​ជាន​មា​ឞារ​ហៃ​ឞូនុយ្ស​នៃ? ទឹង​លែៈ​ប៝ន​លាន​តា​ប៝ន​យេរូឆាលឹម ​អ្យា​លែៈ​ឞូ​គឹត​នហេល​ងាន់​នាវ​ខ្លៃ​ខាន់​ពាង់​ជាន​នៃ​លែៈ​នាវ​ងាន់ ឞ៝ន់​មោ​ហោម​អោស​ទើយ​រាលាច់​ដ៝ង់។
ACT 4:17 គៃ​មា​លើយ​អ៝ន់​នាវ​អ្យា​តាង់​ត៝ត់​មា​ឞូនុយ្ស​អា​អេង​ដ៝ង់ លាស​នទ្រី​អ៝ន់​ឞ៝ន់​ឞ្វៃ​មឞ្រាម​លើយ​ហោម​អ៝ន់​ខាន់​ពាង់​មឞើស​មា​យេឆូ ​នៃ​ជឹត”។
ACT 4:18 ជេសរី​ក្វាល់​ឞារ​ហៃ​ខាន់​ពាង់​នៃ​លាប់ ឞ្វៃ​មោ​អ៝ន់​ខាន់​ពាង់​មឞើស​ងក៝ច នតុម​នតី​ឞូ​មា​ឞ្រាស​យេឆូ  ឞ្វៃ​ទុត​ហោ​រ៝។
ACT 4:19 ជេសរី​ពេត្រោស ​នទ្រែល​យោហាន ​អើស​មា​ខាន់​ពាង់៖ “ល៝ង់​ខាន់​មៃ​មឹន​ហែស ម៝ស​នាវ​អី​ទី​តា​នាប់​មាត់​កោរាញ​ឞ្រាស៖ អ៝ន់​ហេន​អ្យាត់​តឹង​នាវ​ខាន់​មៃ មោ​លាស​អ្យាត់​តឹង​នាវ​កោរាញ​ឞ្រាស?
ACT 4:20 ហេន​មោ​ឞ្លាវ​អោស​គុ​អ្យាត់​ឆាក់​ហ៝ៈ​នាវ​អី​ហេន​ឆៃ​ហេន​តាង់​នៃ”។
ACT 4:21 ឞូ​ជ៝យ​នាវ​មា​តេៈ​ទោយ្ស​មោ​ឆៃ​អោស យ៝រ​លាស​លែៈ​ប៝ន​លាន​អី​គុ​តា​រី​រានេ​កោរាញ​ឞ្រាស​ទាទេ​យ៝រ​មា​ឆៃ​នាវ​អី​នៃ។ ឞូ​ក្លាច​ផូង​ប៝ន​លាន​ជាន​នាវ​អុស​អាស កើត​នទ្រី​ឞូ​ទែ​ឞ្វៃ​មឞ្រាម​ខាន់​ពាង់​ទូ​តឹ​ជឹត​ទើម ជេសរី​បើក​អ៝ន់​ឆឹត។
ACT 4:22 ឞូនុយ្ស​អី​ឞាស​យ៝រ​មា​នាវ​ទើយ​លែៈ​នាវ​នៃ ពាង់​លែៈ​រាលាវ ៤០ នាម់។
ACT 4:23 ជេស​ឞូ​បើក​ខាន់​ពាង់​នៃ ពេត្រោស ​នទ្រែល​យោហាន  ហាន់​ម៝ប់​តា​មពោល​ខាន់​ពាង់​នើម មឞើស​ងក៝ច​អី​នាវ​មពោល​កោរាញ​ជាន​ឞ្រាស នទ្រែល​មា​ផូង​កោរាញ​អេង​ជឹត​អី​ឞ្វៃ​ខាន់​ពាង់​រី​នើស។
ACT 4:24 ជេស​មពោល​ខាន់​ពាង់​តាង់​កើត​នៃ ខាន់​ពាង់​មឞើស​ឆើម​ក្វាល់​កោរាញ​ឞ្រាស​ទ្រើវ​ទូ​នតោរ​នាវ៖ “ហើយ​កោរាញ​ឞ្រាស មៃ​នើម​ញជេង​ត្រោក ញជេង​នែស​នតូ ញជេង​ទាក​វាច់​ទាក​វារ់ នទ្រែល​មា​ទឹង​លែៈ​នទើ​អី​គុ​តា​នៃ​ដ៝ង់។
ACT 4:25 លែៈ​មៃ​ងើយ​មា​ឞ្រាស​ហ្វេង​អ្វែស​អី​ក្ល៝ស​អ្វែស​តា​កាដាច់​ដាវីត ​ហេន​កាល់​អែ​នើស​ជេង​ឞូនុយ្ស​ជាន​ការ​មា​មៃមៃ​លាស​អ៝ន់​ពាង់​ញចីស​កើត​នអា៖ «មើម​ទឹង​ផូង​អី​មោ​ទី​ផូង​អីឆ្រាអែល  ឞូ​ជី​នូយ្ស​ទុត​ហោ? មើម​ទឹង​ផូង​អី​នៃ​អុច​តឹម​លើស​មា​នទើ​កោរាញ​ឞ្រាស​លែៈ​អុច? ខាន់​ពាង់​មោ​អោស​ឞ្លាវ​ជាន​មា​នទើ​អី​នៃ។
ACT 4:26 មពោល​កាដាច់​តា​នែស​នតូ​អ្យា‌ នទ្រែល​មា​មពោល​កោរាញ‌ ឞូ​តឹម​ទី​នាវ​តឹម​រាទ៝ង់​ដាស​កោរាញ​ឞ្រាស នទ្រែល​មា​ដាស​ឞ្រាស​ក្រីស ​អី​លែៈ​កោរាញ​ឞ្រាស​នើម​កើយ្ស​មា​ជេង​កោរាញ»។
ACT 4:27 នហេល​នានេៈ​ងាន់​តា​ប៝ន​អ្យា កាដាច់​ហេរោត  នទ្រែល​មា​កោរាញ​ក្វ៝ង់​ពុនតេស-​ពីលាត  នអ៝ប់​មា​មពោល​មោ​ទី​ផូង​អីឆ្រាអែល  នទ្រែល​មា​មពោល​ប៝ន​លាន​ផូង​អីឆ្រាអែល  នោក​នៃ​នើស​ខាន់​ពាង់​តឹម​ទី​នាវ គៃ​មា​ងខឹត​កោរាញ​យេឆូ  អី​ឞូនុយ្ស​ក្ល៝ស​អ្វែស​ជាន​ការ​មា​មៃ អី​មៃ​លែៈ​កើយ្ស​អ៝ន់​ជេង​ឞ្រាស​ក្រីស ។
ACT 4:28 មៃ​គែស​នាវ​ទើយ​មា​ខាន់​ពាង់​ទឹង​លែៈ នទ្រី​ខាន់​ពាង់​អី​នៃ​លែវ​ឞាល់​ជាន​កើត​លែៈ​នទើ​អី​មៃ​លែៈ​អុច​ខាន់​ពាង់​ជាន​ឞើស​កាល់​អែ​នើស​ទើម។
ACT 4:29 អាបៃ​អ្យា ហើយ​កោរាញ​ឞ្រាស ទាន់​មៃ​អ្វាញ់​លែៈ​នាវ​ឞូ​មឞ្រាម​នៃ ជេសរី​ទាន់​មៃ​អ៝ន់​មា​ហេន​អី​ឞូនុយ្ស​ជាន​ការ​មា​មៃ អ៝ន់​ហេន​នូយ្ស​នហ៝ម់​ឞាញ់​មឞើស​ងក៝ច​នាវ​មៃ​ងើយ។
ACT 4:30 ទាន់​មៃ​ញហើ​នាវ​ទើយ​មៃ​អ៝ន់​ហេន​ជាន​ឞាស​នាវ​ជី​ឞូ នទ្រែល​មា​អ៝ន់​ហេន​ជាន​នទើ​លែៈ​នាវ​អេងៗ។ ទាន់​មៃ​ជាន​នទើ​អី​នៃ​យ៝រ​មា​កោរាញ​យេឆូ ​អី​ឞូនុយ្ស​ក្ល៝ស​អ្វែស​ជាន​ការ​មា​មៃ​បាបើ”។
ACT 4:31 លោច​ជេស​នាវ​ខាន់​ពាង់​មឞើស​ឆើម​រី តា​ជៃ​ខាន់​ពាង់​គុ​រាបុន​នៃ​គែស​ងគើ នហ៝​មា​ឞ្រាស​ហ្វេង​អ្វែស​អី​ក្ល៝ស​អ្វែស​គុ​តា​ខាន់​ពាង់​ទាទេ​ងាន់។ ជេសរី​ខាន់​ពាង់​គែស​នូយ្ស​នហ៝ម់​ឞាញ់​ងាន់ គៃ​មា​មឞើស​ងក៝ច​នាវ​កោរាញ​ឞ្រាស។
ACT 4:32 ជេសរី​ទឹង​លែៈ​ផូង​ញឆីង ខាន់​ពាង់​គែស​នូយ្ស​នហ៝ម់​នាវ​មឹន​ទូ​នតោរ​នាវ​ទើម មោ​គែស​អោស​ទូ​ហ្វេ​ឞូនុយ្ស​អ្វាញ់​ទ្រាប់​នទើ​ពាង់​គែស ព្រាប់​ទ៝ង់​មា​ឆាក់​ពាង់​នើម​ទើម។ ខាន់​ពាង់​ឆ៝ៈ​លែៈ​ទ្រាប់​នទើ​គែស​នៃ​ទ៝ង់​នទ្រែល​ទាទេ។
ACT 4:33 មពោល​កោរាញ​អ៝ស​ម៝ន​គែស​នាវ​ឞ្រាស​ងាន់ ខាន់​ពាង់​លែវ​ឞាល់​មឞើស​ងក៝ច​ឞ្រាស​យេឆូ ​ទ៝ក់​រេស។ កោរាញ​ឞ្រាស​អ៝ន់​នាវ​អ្វែស​លាង់​អ៝ក់​ងាន់​មា​ខាន់​ពាង់។
ACT 4:34 លែៈ​មពោល​អី​នៃ​មោ​គែស​អោស​ទូ​ហ្វេ​គុ​អ៝ត់​ជី​ង៝ត យ៝រ​លាស​ឞូ​ម៝ស​អី​គែស​នែស គែស​ជៃ ខាន់​ពាង់​តាច់​លើយ ជេសរី​លែវ​ព្រាក់​អី​នៃ
ACT 4:35 អ៝ន់​តា​មពោល​កោរាញ​អ៝ស​ម៝ន​រី។ ផូង​ញឆីង​ឆ៝ៈ​ព្រាក់​អី​នៃ​តឹម​ពាៈ​ម៝ស​នទើ​ខាន់​ពាង់​មោ​គែស​មោ​ត៝ង់។
ACT 4:36 គែស​ទូ​ហ្វេ​ឞូ​ក្លោ​រាញា​យោឆែប  មពោល​លេវី  តាៈ​ឞើស​គោល​ទាក​កីព្រ៝ស  មពោល​កោរាញ​អ៝ស​ម៝ន​រាញា​ពាង់​បារនាបាស  រាញា​អី​នៃ​គែស​នាវ​ខ្លៃ​លាស «ឞូនុយ្ស​កើល​ឞ៝ញ​លែង​ឞូ»។
ACT 4:37 ពាង់​អី​នៃ​គែស​នែស​ដ៝ង់ ជេសរី​ពាង់​តាច់​នែស​ពាង់​នើម ឆ៝ៈ​ព្រាក់​អ៝ន់​តា​មពោល​កោរាញ​អ៝ស​ម៝ន​រី។
ACT 5:1 ជេសរី​គែស​ទូ​ហ្វេ​ឞូ​ក្លោ​រាញា​អានានេស  អី​អូរ​ពាង់​រាញា​ឆាផីរា  ឞារ​ហៃ​ខាន់​ពាង់​នៃ​តាច់​នែស​ខាន់​ពាង់​នើម​ដ៝ង់។
ACT 5:2 ជេស​តឹម​ញច្រាៈ​នទ្រែល​អូរ​ពាង់​នើម ខាន់​ពាង់​ឆ៝ៈ​ព្រាក់​រាន៝ស​ខ្លៃ​នែស​នៃ​ព្រាប់​អ៝ន់​មា​ខាន់​ពាង់​នើម​បាៈ ព្រាក់​អី​ហោម​រី​អានានេស ​ហាន់​អ៝ន់​តា​មពោល​កោរាញ​អ៝ស​ម៝ន។
ACT 5:3 ពាង់​ត៝ត់​តា​នៃ ពេត្រោស ​លាស​ពាង់៖ “ហើយ​អានានេស ! មើម​ទឹង​ឆាតាង់ ​អី​កោរាញ​មពោល​ឞ្រាស​អ្យើស​ញឆុក​នូយ្ស​នហ៝ម់​មៃ​ហោ​ងាន់ ទឹង​មៃ​មរោស​ឞ្រាស​ហ្វេង​អ្វែស​អី​ក្ល៝ស​អ្វែស? មៃ​លាស​មៃ​អ៝ន់​ព្រាក់​តាច់​នែស​អី​នៃ​ទឹង​លែៈ តីស​មា​មៃ​លែៈ​ឆ៝ៈ​ព្រាក់​អី​នៃ​ព្រាប់​មា​មៃ​នើម​បាៈ។
ACT 5:4 ឞើស​នតើម​នែស​អី​នៃ​ជេង​នែស​មៃ​នើម​ងាន់​បាស? ត៝ត់​មា​លែៈ​ជេស​តាច់ ព្រាក់​អី​គែស​នៃ​ហោម​ទាស​មៃ​នើម​មា​អុច​ទ៝ង់​ដ៝ង់។ តីស​មា​មើម​ទឹង​មៃ​គែស​នាវ​មឹន​អុច​មរោស​កើត​នៃ​ច្រាវ? អ្យា​មោ​គែស​អោស​មរោស​មា​ឞូនុយ្ស​ទើម ជេង​មរោស​មា​កោរាញ​ឞ្រាស​ដ៝ង់”។
ACT 5:5 ត៝ត់​អានានេស ​តាង់​នាវ​នៃ ពាង់​ចោត​ខឹត​នទាល​រ៝។ លែៈ​ឞូនុយ្ស​អី​តាង់​នាវ​អ្យា ឞូ​ក្លាច​ហោ​ងាន់។
ACT 5:6 ជេសរី​មពោល​ឞូ​ក្លោ​នទាម់​ពូត​ញជ៝រ​ឞូនុយ្ស​ខឹត​នៃ តូង​លែវ​ត៝ប់​អា​មោច​រី។
ACT 5:7 ក្លាប់​លាស​គែស​ពែ​ម៝ង​ឞើស​កើយ​នៃ អី​អូរ​អានានេស ​ហាន់​ត៝ត់​តា​នៃ​ដ៝ង់ ពាង់​មោ​គឹត​អោស​នោនាវ​អី​លែៈ​គែស​នៃ។
ACT 5:8 ជេសរី​ពេត្រោស ​អោប​ពាង់៖ “ល៝ង់​អៃ​មឞើស​មា​គ៝ប់ ឆាយ​អៃ​នទ្រែល​អៃ តាច់​នែស​នើស​គែស​ទូ​អ្យា​ងាន់​បាស?” ពាង់​អើស៖ “អើ! គែស​ទូ​អ្យា​ងាន់”។
ACT 5:9 ពេត្រោស ​លាស​មា​ពាង់៖ “មើម​ទឹង​ខាន់​អៃ​តឹម​ទី​ទូ​នតោរ​នាវ រាល៝ង​ឞ្រាស​ហ្វេង​អ្វែស​កោរាញ​ឞ្រាស​កើត​នៃ? អ្វាញ់​នៃ! ឞូនុយ្ស​អី​ត៝ប់​ឆាយ​អៃ​លែៈ​ឆឹត​ត៝ត់​តា​ឞោក​មពោង​នៃ ជឹត​នៃ​ឞូ​តូង​អៃ​លែវ​ត៝ប់​អា​រី​ដ៝ង់”។
ACT 5:10 ជេសរី​ពាង់​ចោត​ខឹត​កេង​ជ៝ង់​ពេត្រោស ​រី​រ៝។ ត៝ត់​មពោល​ឞូ​ក្លោ​នទាម់​ឞើស​រី​លាប់​ឆៃ​ឞូ​អូរ​នៃ​ខឹត​តា​រី ខាន់​ពាង់​លែវ​ឞាល់​តូង​ត៝ប់​កេង​មោច​អី​ឆាយ​រី​ដ៝ង់។
ACT 5:11 ទឹង​លែៈ​ឞូនុយ្ស​អី​ញឆីង​មា​ឞ្រាស​យេឆូ  នទ្រែល​មា​លែៈ​ឞូនុយ្ស​អី​តាង់​លឺ​នាវ​អី​នៃ ក្លាច​ទុត​ហោ​ងាន់។
ACT 5:12 តា​នោក​នៃ​មពោល​កោរាញ​អ៝ស​ម៝ន​ជាន​នាវ​មឞេន​លែៈ​នាវ​ងាន់​អ៝ក់​អ៝ន់​មា​ផូង​ប៝ន​លាន។ ទឹង​លែៈ​ផូង​ញឆីង ខាន់​ពាង់​តឹម​ទី​ទូ​នតោរ​នាវ​គុ​រាបុន​តា​នទ្រីង​ឆាលោមោន ​រី។
ACT 5:13 ផូង​អី​មោ​ញឆីង​មោ​អោស​ឞាញ់​ទាស​មា​ហាន់​លាប់​នទ្រែល​តា​ខាន់​ពាង់​រី យើន​មា​ផូង​អី​នៃ​រានេ​មា​ខាន់​ពាង់​ទាទេ​ងាន់។
ACT 5:14 ល៝ង់​ឞូនុយ្ស​ឆឹត​ញឆីង​មា​ឞ្រាស​យេឆូ ​លើ​មា​អ៝ក់​លើ​មា​អ៝ក់ នអ៝ប់​មា​ឞូ​អូរ​នអ៝ប់​មា​ឞូ​ក្លោ​ងាន់។
ACT 5:15 ជេស​ឆៃ​ជេស​តាង់​លែៈ​នាវ​មពោល​កោរាញ​អ៝ស​ម៝ន​ជាន​នើស កើត​នទ្រី​ទឹង​ឞូ​តូង​ឞូនុយ្ស​គែស​នាវ​ជី​អេងៗ​អ៝ន់​ឞិច​តា​គ្រែ តា​មឞេល​រ៝ៈ​មែង​ត្រ៝ង​រី។ លាស​ពេត្រោស ​ហាន់​គ្លាត់​រ៝ៈ​នៃ ឆើម​មា​គែស​គូយ​ពាង់​អែង​មា​នហ៝ម់​តា​មពោល​ឞូនុយ្ស​ជី​រី គៃ​មា​ឞាស​នាវ​ជី​ខាន់​ពាង់​រី។
ACT 5:16 គែស​អ៝ក់​ដ៝ង់​ឞូនុយ្ស​ហាន់​តា​នៃ ខាន់​ពាង់​ហាន់​តាៈ​ឞើស​ប៝ន​ជេៈៗ​អី​ទាច់​មា​ប៝ន​យេរូឆាលឹម ​នៃ ខាន់​ពាង់​តូង​ឞូនុយ្ស​គែស​នាវ​ជី​ក្វែត លែវ​ឞូនុយ្ស​គែស​នាវ​ជេរ​ជ៝ត់​យ៝រ​មា​ឞ្រាស​អ្យើស លែៈ​មពោល​អី​នៃ​ឞាស​ទាទេ។
ACT 5:17 នោក​នៃ​កោរាញ​ជាន​ឞ្រាស​ទុត​ក្វ៝ង់ នទ្រែល​មា​ទឹង​លែៈ​មពោល​អី​គុ​នទ្រែល​ពាង់​នៃ​ជេង​មពោល​ឆាដោឆី  ខាន់​ពាង់​តឹម​មោ​នាច​ហោ​ងាន់ យ៝រ​មា​គែស​ផូង​ប៝ន​លាន​អ៝ក់​តឹង​មពោល​កោរាញ​អ៝ស​ម៝ន‌
ACT 5:18 ជេសរី​ញុប​មពោល​អី​នៃ​ក្រុង​តា​ត្រោម​នទ្រូង។
ACT 5:19 នោក​មាង់​រី គែស​ទូ​ហ្វេ​តោង​ពារ់​តាៈ​ឞើស​កោរាញ​ឞ្រាស ហាន់​ពើក​មពោង​នទ្រូង​នៃ អ៝ន់​មពោល​កោរាញ​អ៝ស​ម៝ន​លោស​នហ៝​មា​លាស​មា​ខាន់​ពាង់៖
ACT 5:20 “ហាន់​ខាន់​មៃ​ឞ្រោៈ​តា​ជ៝ង់​គូង​ញីស​ជាន​ឞ្រាស​មា​កោរាញ​ឞ្រាស​រី ជេសរី​ងក៝ច​មា​ផូង​ប៝ន​លាន ទឹង​លែៈ​នាវ​មើម​ទឹង​កោរាញ​ឞ្រាស​អ៝ន់​នាវ​រេស​នហ៝​រ៝​មា​ខាន់​ពាង់”។
ACT 5:21 ជេស​តាង់​នាវ​តោង​ពារ់​លាស​កើត​នៃ ខាន់​ពាង់​លែវ​ឞាល់​ហាន់​តា​ជ៝ង់​គូង​ញីស​ជាន​ឞ្រាស​អើម​អោយ នតី​ផូង​ប៝ន​លាន​តា​នៃ។ ជេសរី​កោរាញ​ជាន​ឞ្រាស​ទុត​ក្វ៝ង់ នទ្រែល​មា​ទឹង​លែៈ​មពោល​អី​គុ​នទ្រែល​ពាង់​នៃ ក្វាល់​រាគូម​មពោល​កោរាញ​ជាន​ការ​តា​ឞ្រី​យូដា ​ទឹង​លែៈ​វាច់​គូម​ទាទេ ជេសរី​ដាៈ​ឞូ​លែវ​មពោល​កោរាញ​អ៝ស​ម៝ន​ឞើស​ត្រោម​នទ្រូង​រី​ហាន់​តា​នៃ។
ACT 5:22 ឞូ​ហាន់​ត៝ត់​តា​ត្រោម​នទ្រូង​រី អ្វាញ់​កោរាញ​អ៝ស​ម៝ន​តា​រី​មោ​ហោម​ឆៃ​អោស ជេសរី​ព្លឹ​ឞើស​រី​មឞើស​មា​ទឹង​លែៈ​មពោល​កោរាញ​ជាន​ការ​ឞ្រី​យូដា ​រី​លាស៖
ACT 5:23 “ត៝ត់​តា​នទ្រូង​រី ហេន​ឆៃ​មពោង​ហោម​អែ​នតឹល​កើត​អើម មពោល​តាហែន​ហោម​គុ​អ្វាញ់​ឞើស​ទីស​រី​ដ៝ង់ តីស​មា​ត៝ត់​ពើក​មពោង​អ្វាញ់​មោ​ហោម​អោស​ឆៃ​ទូ​ហ្វេ​ឞូនុយ្ស​តា​ត្រោម​នទ្រូង​រី”។
ACT 5:24 ត៝ត់​មា​តាង់​នាវ​នៃ កោរាញ​តាហែន​ញីស​ជាន​ឞ្រាស នទ្រែល​មា​មពោល​កោរាញ​ជាន​ឞ្រាស ខាន់​ពាង់​មោ​ហោម​ឞ្លាវ​មឹន​អោស​មា​មពោល​កោរាញ​អ៝ស​ម៝ន នទ្រែល​មា​នាវ​អី​នៃ។
ACT 5:25 ជេសរី​គែស​ទូ​ហ្វេ​ឞូនុយ្ស​ត៝ត់​តា​រី ពាង់​មឞើស៖ “ឞូនុយ្ស​អី​ខាន់​មៃ​ក្រុង​នើស​គុ​តា​រី ខាន់​ពាង់​គុ​នតី​ឞូ​តា​ជ៝ង់​គូង​ញីស​ជាន​ឞ្រាស​រី”។
ACT 5:26 ជេសរី​កោរាញ​តាហែន​អី​នៃ លែវ​តាហែន​ញីស​ជាន​ឞ្រាស​ហាន់​ញុប​មពោល​កោរាញ​អ៝ស​ម៝ន​ឞើស​អា​រី យើន​មា​ខាន់​ពាង់​មោ​អោស​ពុ​មឞាង​មពោល​កោរាញ​អ៝ស​ម៝ន​នៃ យ៝រ​លាស​ក្លាច​ផូង​ប៝ន​លាន​នតុប​ខាន់​ពាង់​មា​លុ។
ACT 5:27 ត៝ត់​តា​នតុក​រាគូម​មពោល​កោរាញ​ជាន​ការ​តា​ឞ្រី​យូដា​រី ខាន់​ពាង់​អ៝ន់​មពោល​កោរាញ​អ៝ស​ម៝ន​នៃ​ទ៝ក់​ឞើស​នាប់​មពោល​កោរាញ​អី​នៃ។ ជេសរី​កោរាញ​ជាន​ឞ្រាស​ទុត​ក្វ៝ង់​អោប​មពោល​កោរាញ​អ៝ស​ម៝ន​នៃ៖
ACT 5:28 “មើម​ខាន់​មៃ​ជាន​កើត​នអា? ហេន​លែៈ​ឞ្វៃ​ខាន់​មៃ​ទុត​ហោ​មោ​អ៝ន់​នតី​នាវ​នៃ​មា​ឞូ យើន​មា​អាបៃ​រី​ខាន់​មៃ​លើ​មា​នតី​នាវ​យេឆូ ​ប៝ន​នាឆារែត ​លាម​ប៝ន​យេរូឆាលឹម ​អ្យា​ងាន់! នទ្រែល​មា​អុច​តេៈ​ទោយ្ស​ហេន​ដ៝ង់​យ៝រ​មា​នាវ​ខឹត​ឞូនុយ្ស​អី​នៃ​នើស”។
ACT 5:29 ពេត្រោស  នទ្រែល​មា​កោរាញ​អ៝ស​ម៝ន​ទឹង​លែៈ​អើស​ទ្រើវ៖ “អ្យាត់​មា​ហេន​អ្យាត់​នាវ​កោរាញ​ឞ្រាស ដាស​មា​អ្យាត់​នាវ​ឞូនុយ្ស។
ACT 5:30 កោរាញ​ឞ្រាស​អី​អូ​ចែ​ឞ៝ន់​យើក​មឞាស​នើស លែៈ​ពាង់​រាក្លាយ្ស​កោរាញ​យេឆូ ​អ៝ន់​ទ៝ក់​រេស អី​ខាន់​មរែ​ងខឹត​ពាង់​តា​ឆី​តឹម​រាកាង់​នើស។
ACT 5:31 កោរាញ​ឞ្រាស​នហាវ​កោរាញ​យេឆូ ​អ៝ន់ ពាង់​គុ​ឞើស​មា​កោរាញ​ឞ្រាស​នើម អ៝ន់​ពាង់​ជេង​កោរាញ នទ្រែល​មា​នើម​រាក្លាយ្ស គៃ​មា​អ៝ន់​ផូង​ប៝ន​លាន​អីឆ្រាអែល ​រាគ៝ល់​នូយ្ស​នហ៝ម់​អ្យើស ជេសរី​កោរាញ​ឞ្រាស​យោៈ​នអាច​មោ​ហោម​កើប​នាវ​តីស​ខាន់​ពាង់។
ACT 5:32 ហេន​អ្យា​ជេង​ឞូនុយ្ស​តើម​មឞើស​មា​នាវ​អី​ហេន​លែៈ​ឆៃ​នៃ​នើស នទ្រែល​មា​ឞ្រាស​ហ្វេង​អ្វែស​អី​ក្ល៝ស​អ្វែស​អី​កោរាញ​ឞ្រាស​ទែ​អ៝ន់​មា​ទឹង​លែៈ​ឞូនុយ្ស​អី​គុ​អ្យាត់​មា​ពាង់ពាង់​ជេង​តើម​មឞើស​នាវ​អ្យា​ដ៝ង់”។
ACT 5:33 ត៝ត់​មា​មពោល​កោរាញ​ជាន​ការ​តា​ឞ្រី​យូដា ​តាង់​នាវ​អី​នៃ ខាន់​ពាង់​ជី​នូយ្ស​ទុត​ហោ អុច​មា​ញុប​ងខឹត​មពោល​កោរាញ​អ៝ស​ម៝ន​រ៝។
ACT 5:34 យើន​មា​គែស​ទូ​ហ្វេ​ឞូនុយ្ស​ផូង​ផារីឆី  ពាង់​រាញា​កាមាលៀល  ពាង់​ជេង​នើម​នតី​នាវ​វៃ​ផូង​អីឆ្រាអែល  ទឹង​លែៈ​ប៝ន​លាន​យើក​មា​ពាង់​ទាទេ។ ជេសរី​ពាង់​ទ៝ក់​ឞើស​នាប់​មពោល​កោរាញ​នៃ ដាៈ​ឞូ​ងលោស​មពោល​កោរាញ​អ៝ស​ម៝ន​អា​ទីស​រី​ប៝ត់‌
ACT 5:35 ជេសរី​ពាង់​លាស៖ “ហើយ​អ៝ស​នោ​ផូង​អីឆ្រាអែល  អ៝ន់​ខាន់​មៃ​ញជ្រាង់​មា​នាវ​ខាន់​មៃ​អុច​លើស​មា​មពោល​អី​នៃ។
ACT 5:36 អា​ល៝រ​នើស​គែស​ទូ​ហ្វេ​រាញា​ថើដាស  ពាង់​កើប​អេង​ឆាក់​ពាង់​នើម​ជេង​កោរាញ គែស​ឞូនុយ្ស ៤០០ នុយ្ស​តឹង​ពាង់។ យើន​មា​ឞូ​ទែ​ងខឹត​ពាង់ ជេសរី​លែៈ​ឞូនុយ្ស​អី​តឹង​ពាង់​នៃ​ទូ​ចាស​ច្រាយ​លែៈ​ផ្យៅ។
ACT 5:37 ជេស​មា​នៃ នោក​ឞូ​ជាន​ញចីស​ឆាក់​ប៝ន​លាន គែស​ទូ​ហ្វេ​រាញា​យូដាស  តាៈ​ឞើស​ឞ្រី​កាលីលេ  ពាង់​លែវ​ឞូនុយ្ស​តឹម​លើស គែស​ឞូនុយ្ស​តឹង​ពាង់​ដ៝ង់។ ជេសរី​យូដាស ​ឞូ​ទែ​ងខឹត​ដ៝ង់ ជេសរី​លែៈ​ឞូនុយ្ស​អី​តឹង​ពាង់​នៃ​ទូ​ចាស​ច្រាយ​លែៈ​ផ្យៅ។
ACT 5:38 លាស​នទ្រី​គ៝ប់​ទាន់​មឞើស​មា​ខាន់​មៃ៖ លើយ​ហោម​ជ៝យ​នាវ​មា​មពោល​អី​នៃ បើក​អ៝ន់​ខាន់​ពាង់​ឆឹត​អា​រី។ លាស​នាវ​ខាន់​ពាង់​អុច​ជាន​លោស​តាៈ​ឞើស​ឞូនុយ្ស លាស​នទ្រី​នាវ​អី​នៃ​មរា​រ៝ស​ហេង​រ៝‌
ACT 5:39 យើន​មា​លាស​លោស​តាៈ​ឞើស​កោរាញ​ឞ្រាស ខាន់​មៃ​មោ​អោស​ទើយ​ជាន​ខាន់​ពាង់។ គ៝ប់​ទាន់​មឞើស​មា​ខាន់​មៃ អ៝ន់​ខាន់​មៃ​ញជ្រាង់​យឹ ក្លាច​លាស​ខាន់​មៃ​ជេង​ឞូនុយ្ស​តឹម​រាទ៝ង់​ដាស​កោរាញ​ឞ្រាស​ច្រាវ លាស​តឹម​រាទ៝ង់​ដាស​ពាង់​ទើយ​ពាង់​រ៝”។ លែៈ​ឞូនុយ្ស​អី​គុ​រាបុន​តា​នៃ​អ្យាត់​នាវ​ពាង់​ទាទេ‌
ACT 5:40 ជេសរី​ក្វាល់​មពោល​កោរាញ​អ៝ស​ម៝ន​លាប់​តា​រី​ជឹត ដាៈ​ឞូ​រាពាត់​ខាន់​ពាង់​មា​រាឆែ ជេសរី​ឞ្វៃ​មោ​ហោម​អោស​អ៝ន់​ងក៝ច​មា​ឞ្រាស​យេឆូ ​ជឹត ជេសរី​បើក​អ៝ន់​ខាន់​ពាង់​ឆឹត។
ACT 5:41 មពោល​កោរាញ​អ៝ស​ម៝ន​ទូ​ឆឹត​ឞើស​នតុក​នៃ​នអ៝ប់​មា​នូយ្ស​នហ៝ម់​រាម់​មអាក​ងាន់ ឆៃ​នាវ​ឞូ​មឺច​ឞូ​រាពាត់​ខាន់​ពាង់​នើស​យ៝រ​មា​នាវ​ញឆីង​មា​ឞ្រាស​យេឆូ ។ ខាន់​ពាង់​រាម់​មអាក​យ៝រ​មា​នាវ​ឞូ​មឺច​រាពាត់​អី​នៃ​អ៝ន់​ខាន់​ពាង់​គឹត​ងាន់​កោរាញ​ឞ្រាស​កើប​ខាន់​ពាង់​គែស​នាវ​ខ្លៃ​មា​ពាង់​នើម នទ្រី​ទឹង​ពាង់​អ៝ន់​ឞូ​ជាន​ជេរ​មា​ខាន់​ពាង់ កើត​ឞូ​លែៈ​ជាន​ជេរ​មា​ឞ្រាស​យេឆូ ​នើស​ដ៝ង់។
ACT 5:42 ជេសរី​អាប់​នារ​អាប់​នារ​រ៝​ខាន់​ពាង់​នតុម​នតី​ផូង​ប៝ន​លាន តា​ជ៝ង់​គូង​ញីស​ជាន​ឞ្រាស រ៝ៈ​ជៃ នទ្រែល​មា​មឞើស​ងក៝ច​នាវ​មហែ​មហាន​អ្វែស​អី​ឞ្រាស​យេឆូ ​ជេង​ឞ្រាស​ក្រីស ​អី​នើម​រាក្លាយ្ស​ផូង​អីឆ្រាអែល ។
ACT 6:1 នោក​នៃ​ផូង​អ៝ស​ម៝ន​លើ​មា​អ៝ក់​លើ​មា​អ៝ក់។ តា​ផូង​អី​នៃ​គែស​មពោល​ផូង​អីឆ្រាអែល ​អី​ងើយ​នាវ​ងើយ​គ្រែក ​ទើម យ៝រ​លាស​ខាន់​ពាង់​ទែស​តា​ឞ្រី​អេង។ ខាន់​ពាង់​តឹម​រាលាច់​មា​មពោល​ផូង​អីឆ្រាអែល ​អី​ងើយ​នាវ​ងើយ​ហេឞ្រើ ​រី យ៝រ​លាស​ទោល​ឞូ​តឹម​ពាៈ​នទើ​ឆោង​ឆា​មា​ឞូ​អូរ​នទ្រោ​ខឹត​ឆាយ​អាប់​នារ ឞូ​ច្វេល​មា​ឞូ​អូរ​នទ្រោ​ខឹត​ឆាយ​មពោល​ងើយ​នាវ​ងើយ​គ្រែក ​នៃ។
ACT 6:2 ជេសរី​គែស​ទូ​នារ ១២ នុយ្ស​មពោល​កោរាញ​អ៝ស​ម៝ន​នៃ ក្វាល់​រាគូម​ផូង​ញឆីង​ទឹង​លែៈ លាស​មា​ខាន់​ពាង់​កើត​នអា៖ “មោ​ទី​អោស​លាស​អ៝ន់​ហេន​មអារ់​លើយ​មឞើស​ងក៝ច​នាវ​កោរាញ​ឞ្រាស គៃ​មា​ជាន​ការ​តឹម​ពាៈ​នទើ​ឆោង​ឆា​អ្យា។
ACT 6:3 ហើយ​អ៝ស​នោ អ៝ន់​ខាន់​អៃ​មៃ​កើយ្ស​ឞូនុយ្ស​ឞូ​ក្លោ​ពើស​នុយ្ស​តាៈ​ឞើស​ផូង​ខាន់​អៃ​មៃ​នៃ ជេង​ឞូនុយ្ស​អី​លឺ​នាវ​អ្វែស​តា​ឆាក់​ខាន់​ពាង់ គែស​ឞ្រាស​ហ្វេង​អ្វែស​គុ​តា​ខាន់​ពាង់ នទ្រែល​មា​គែស​នាវ​មឹន​គឹត​ឞ្លាវ។ ហេន​អុច​ដាៈ​ខាន់​ពាង់​ជាន​ការ​នាវ​អ្យា។
ACT 6:4 ហេន​អ្យា អ៝ន់​មា​គុ​មឹន​មា​នាវ​មឞើស​ឆើម នទ្រែល​មា​មឞើស​ងក៝ច​នាវ​កោរាញ​ឞ្រាស​ហ៝ៈ”។
ACT 6:5 លែៈ​នាវ​នៃ​ផូង​ញឆីង​រាម់​ងាន់ ជេសរី​ខាន់​ពាង់​កើយ្ស​ឆាតេផាន  ពាង់​ជេង​ឞូនុយ្ស​គែស​នាវ​ញឆីង​ហោ​ងាន់ ឞេង​មា​ឞ្រាស​ហ្វេង​អ្វែស​អី​ក្ល៝ស​អ្វែស​គុ​តា​ពាង់ គែស​ផីលីប  គែស​ព្រោខោរុស  គែស​នីកាន៝រ  គែស​តីមោន  គែស​ពារមេនាស  នទ្រែល​មា​គែស​នីកុលាស ។ នីកុលាស ​តាៈ​ឞើស​ប៝ន​ក្វ៝ង់​អ៝ន់តីយោក ។ អេ​ល៝រ​មា​ពាង់​ញឆីង​មា​ឞ្រាស​យេឆូ  ពាង់​លែៈ​លាប់​ញឆីង​មា​កោរាញ​ឞ្រាស​តឹង​នាវ​វៃ​ផូង​អីឆ្រាអែល ។
ACT 6:6 ជេសរី​ខាន់​ពាង់​លែវ​ពើស​នុយ្ស​នៃ​ហាន់​ទ៝ក់​ឞើស​នាប់​មពោល​កោរាញ​អ៝ស​ម៝ន​រី មពោល​កោរាញ​អ៝ស​ម៝ន​មឞើស​ឆើម​តេៈ​តី​តា​ខាន់​ពាង់​នៃ‌
ACT 6:7 ជេសរី​មឞើស​ងក៝ច​នាវ​កោរាញ​ឞ្រាស​លើ​មា​លឺ​ងគារ់​លាម​នតុក។ ផូង​អ៝ស​ម៝ន​តា​ប៝ន​យេរូឆាលឹម ​នត៝ប​លើ​មា​អ៝ក់ នអ៝ប់​មា​ផូង​ឞូនុយ្ស​ជាន​ឞ្រាស​អ៝ក់​ដ៝ង់​ញឆីង​មា​ឞ្រាស​យេឆូ ។
ACT 6:8 ទូ​ហ្វេ​ឆាតេផាន ​កោរាញ​ឞ្រាស​កើល​ងាន់ នទ្រែល​មា​អ៝ន់​នាវ​ទើយ​មា​ពាង់​ជាន​នាវ​មឞេន​អេងៗ​លែៈ​នាវ​ងាន់​អ៝ន់​មា​ផូង​ប៝ន​លាន។
ACT 6:9 នោក​នៃ​គែស​ឞូនុយ្ស​អាបាៈ​តឹម​រាលាច់​ដាស​ឆាតេផាន ​រី ខាន់​ពាង់​ជេង​មពោល​វៃ​រាគូម​តា​ទូ​នតុក​តា​ញីស​រាបុន​ផូង​អីឆ្រាអែល  អី​ឞូ​ក្វាល់​លាស «ញីស​រាបុន​ផូង​តាៈ​ជាន​ទឹក​ឞូ»។ ខាន់​ពាង់​ផូង​អីឆ្រាអែល ​តាៈ​ឞើស​ប៝ន​ក្វ៝ង់​កីរេន  តាៈ​ឞើស​ប៝ន​ក្វ៝ង់​អាលេកឆាន់ត្រី  គែស​អាបាៈ​ជឹត​តាៈ​ឞើស​ឞ្រី​កីលីកៀ  នទ្រែល​មា​តាៈ​ឞើស​ឞ្រី​អាឆី ។
ACT 6:10 តីស​មា​ផូង​អី​នៃ​មោ​ហោម​អោស​ឞ្លាវ​តឹម​រាលាច់​មា​ពាង់ យ៝រ​លាស​គែស​ឞ្រាស​ហ្វេង​អ្វែស​កើល​អ៝ន់​ពាង់​ងើយ​គែស​នាវ​មឹន​គឹត​ឞ្លាវ។
ACT 6:11 ជេសរី​ផូង​អី​នៃ​ញឆោច​មា​ឞូនុយ្ស​អាបាៈ ដាៈ​ឞូ​ងើយ​ញចើត​កើត​នអា៖ “ហេន​លែៈ​តាង់​នាវ​ពាង់​ងើយ​មឺច​រាម៝ត​មា​មោឆេ ​អី​អ៝ន់​នាវ​វៃ​តាៈ​ឞើស​កោរាញ​ឞ្រាស​មា​ឞ៝ន់ នទ្រែល​មា​មឺច​រាម៝ត​កោរាញ​ឞ្រាស”។
ACT 6:12 ផូង​អី​នៃ​ងើយ​ងក្រី​មា​ផូង​ប៝ន​លាន ងើយ​ងក្រី​មា​មពោល​កោរាញ​ឞ្រី​យូដា  នទ្រែល​មា​ផូង​នើម​នតី​នាវ​វៃ​ផូង​អីឆ្រាអែល ។ ឞូ​ញុប​ឆាតេផាន ​ញជុន​អោឞាល់​តា​មពោល​កោរាញ​ជាន​ការ​ផូង​ឞ្រី​យូដា ។
ACT 6:13 ជេសរី​ខាន់​ពាង់​ដាៈ​ឞូនុយ្ស​អាបាៈ​ងើយ​ញចើត​លាស​កើត​នអា៖ “ឞូនុយ្ស​អ្យា​ងើយ​មឺច​រាម៝ត​មា​ញីស​ជាន​ឞ្រាស​មា​កោរាញ​ឞ្រាស នទ្រែល​មា​នាវ​វៃ​ផូង​អីឆ្រាអែល  មោ​រាលូ​អោស។
ACT 6:14 ហេន​លែៈ​តាង់​ពាង់​លាស៖ យេឆូ ​អី​តាៈ​ឞើស​ប៝ន​នាឆារែត ​នៃ អុច​រើយ្ស​លើយ​ញីស​ជាន​ឞ្រាស​អ្យា នទ្រែល​មា​អុច​រាគ៝ល់​លើយ​នាវ​វៃ​ផូង​អីឆ្រាអែល ​អី​មោឆេ ​លែៈ​អ៝ន់​ជេស​មា​ឞ៝ន់​កាល់​អែ​នើស”។
ACT 6:15 ជេសរី​លែៈ​ផូង​អី​គុ​រាបុន​តា​ញីស​កោរាញ​ជាន​ការ​ផូង​ឞ្រី​យូដា ​នៃ អ្វាញ់​ផ៝ង់​ជឹត​ឆាតេផាន ​រី​ទាទេ ឆៃ​មុស​មាត់​ពាង់​តឹម​ឞាន​មា​មុស​មាត់​តោង​ពារ់​កោរាញ​ឞ្រាស​ងាន់។
ACT 7:1 ជេសរី​អី​កោរាញ​ជាន​ឞ្រាស​ទុត​ក្វ៝ង់​អោប​ឆាតេផាន ៖ “ទី​កើត​នៃ​ងាន់​ដ៝ង់​បាស?”
ACT 7:2 ឆាតេផាន ​អើស​លាស៖ “ហើយ​ផូង​កោរាញ ហើយ​ផូង​អ៝ស​នោ​កោញ​វា ទាន់​ខាន់​មៃ​អ្យាត់​គ៝ប់​ហ៝ម់! កោរាញ​ឞ្រាស​តា​នាវ​ច្រេក​លើប ពាង់ នើម ពាង់​លែៈ​តឹម​មពើល​មា​ចែ​អាឞ្រាហាម់ ​ឞ៝ន់​កាល់​អែ​នើស ទោល​ពាង់​ហោម​គុ​តា​ឞ្រី​មេឆោពោតាមៀ  អេ​ល៝រ​មា​ពាង់​គុ​តា​ប៝ន​ចារាន ។
ACT 7:3 កោរាញ​ឞ្រាស​លាស​កើត​នអា៖ «មៃ​ទ៝ក់​ហ៝ម់​លោស​ឞើស​ឞ្រី​ទាក​មៃ​នើម ឞើស​នទុល​មពោល​មៃ ជេសរី​ហាន់​តា​នតុក​ឞ្រី​ទាក​អី​គ៝ប់​ញច៝ង់​មា​មៃ»។
ACT 7:4 ជេសរី​អាឞ្រាហាម់ ​ទូ​ឞើស​ឞ្រី​ខាលដេ  ហាន់​គុ​តា​ប៝ន​ចារាន ។ ជេស​ខឹត​ឞឹ​ពាង់​តា​នៃ កោរាញ​ឞ្រាស​លែវ​ពាង់​ទូ​ឞើស​ឞ្រី​នៃ ហាន់​តា​ឞ្រី​អី​ខាន់​មៃ​គុ​អាបៃ​អ្យា។
ACT 7:5 តា​ឞ្រី​អ្យា កោរាញ​ឞ្រាស​មោ​អោស​អ៝ន់​នែស​មីរ​មា​ពាង់ នែស​ទឹង​មពាង​ជ៝ង់​កោរាញ​ឞ្រាស​មោ​អ៝ន់​ដ៝ង់។ យើន​មា​កោរាញ​ឞ្រាស​ត៝ន​ឞ្រី​អ្យា​ជេង​ឞ្រី​ពាង់ នហ៝​មា​ត៝ត់​ក៝ន​ត៝ត់​ឆៅ​ពាង់​នើម​អា​កើយ​តៃ ឞ៝ល​លាស​នោក​នៃ​អាឞ្រាហាម់ ​មោ​ហ៝ៈ​អោស​គែស​ក៝ន។
ACT 7:6 កោរាញ​ឞ្រាស​លាស​មា​ពាង់​កើត​នអា៖ «ក៝ន​ឆៅ​មៃ​មរា​គុ​ជេង​ឞូ​នាច់​តា​ឞ្រី​ទាក​ឞូ​អេង។ ឞូនុយ្ស​តា​ឞ្រី​អី​នៃ​ឆ៝ៈ​ខាន់​ពាង់​ជាន​ទឹក នទ្រែល​មា​តុន​ជ៝ត​ខាន់​ពាង់​ជ៝ៈ ៤០០ នាម់»។
ACT 7:7 កោរាញ​ឞ្រាស​លាស​ដ៝ង់៖ «យើន​លាស​គ៝ប់​តេៈ​ទោយ្ស​មា​ឞ្រី​ទាក​អី​ឆ៝ៈ​ក៝ន​ឆៅ​មៃ​នៃ​ជាន​ទឹក។ ជេសរី​ក៝ន​ឆៅ​មៃ​ទូ​លោស​ឞើស​នតុក​នៃ គុ​យើក​មឞាស​គ៝ប់​តា​ឞ្រី​អ្យា»។
ACT 7:8 ជេសរី​កោរាញ​ឞ្រាស​តឹម​រាង្លាប់​មា​អាឞ្រាហាម់ ​ដាៈ​ពាង់​ក៝ស​នតោ​ទឹង​លែៈ​ផូង​ឞូ​ក្លោ​អី​គុ​តា​ញីស​ពាង់។ នទើ​អី​នៃ​ជេង​នាវ​មឞេន​នាវ​តឹម​រាង្លាប់​អី​នៃ។ នទ្រី​ទឹង​ទោល​អីឆាក់ ​អី​ក៝ន​ពាង់​នើម​ទែស​គែស​ផាម​នារ អាឞ្រាហាម់ ​អី​ឞឹ​រី​ក៝ស​នតោ​មា​ពាង់។ ជេសរី​អីឆាក់ ​ក៝ស​នតោ​អ៝ន់​មា​យាកោប ​អី​ក៝ន​ពាង់ យាកោប ​ក៝ស​នតោ​អ៝ន់​មា ១២ នុយ្ស​អី​ក៝ន​ឞូ​ក្លោ​ពាង់​ដ៝ង់ នទ្រី​ទឹង​លែៈ​ផូង​ឞ៝ន់​ជេង​អី​ក៝ន​ឆៅ ១២ នុយ្ស​ខាន់​ពាង់​នៃ។
ACT 7:9 ខាន់​ពាង់​អី​នៃ​គែស​នូយ្ស​នហ៝ម់​មោ​នាច​មា​យោឆែប ​អី​អ៝ស​ខាន់​ពាង់ នទ្រី​ទឹង​តាច់​លើយ​អោឞាល់​អ៝ន់​គុ​ជាន​ទឹក​តា​ឞ្រី​អេឆីប ។ យើន​មា​កោរាញ​ឞ្រាស​គុ​នទ្រែល​ពាង់‌
ACT 7:10 រាក្លាយ្ស​លែៈ​នាវ​ជេរ​ជ៝ត់​តា​ពាង់ អ៝ន់​ពាង់​គែស​នាវ​មឹន​គឹត​ឞ្លាវ​ងាន់ នទ្រែល​មា​អ៝ន់​ផារ៝ន ​អី​កាដាច់​ឞ្រី​អេឆីប ​នៃ​ទី​នូយ្ស​នហ៝ម់​មា​ពាង់​ដ៝ង់។ ផារ៝ន ​អ៝ន់​ពាង់​ជេង​កោរាញ​ម៝ត់​អ្វាញ់​តា​ឞ្រី​អេឆីប  នទ្រែល​មា​អ៝ន់​ម៝ត់​អ្វាញ់​ទឹង​លែៈ​ទ្រាប់​នទើ​ពាង់​នើម​ដ៝ង់។
ACT 7:11 ឞើស​កើយ​នៃ​គែស​នាវ​ជី​ឆ៝ត់​ជី​ង៝ត​ក្វ៝ង់​តា​ឞ្រី​អេឆីប  នទ្រែល​មា​តា​ឞ្រី​កានាអាន  គែស​រេស​រាញាល់​លាម​នតុក។ ផូង​អូ​ចែ​ឞ៝ន់​កាល់​អែ​នើស​ជ៝យ​នទើ​ឆោង​ឆា​មោ​គែស​អោស។
ACT 7:12 ទោល​យាកោប ​តាង់​លឺ​លាស​ហោម​គែស​ឞា​តា​ឞ្រី​អេឆីប ​រី ពាង់​ដាៈ​អី​ក៝នៗ​ពាង់​ហាន់​តា​ឞ្រី​នៃ​ឞោក​ទាក។
ACT 7:13 ត៝ត់​មា​ហាន់​ឞារ​តឹ រី​មើ​យោឆែប ​អ៝ន់​អ៝ស​នោ​ពាង់​គឹត​នាល់​ពាង់ នហ៝​មា​ផារ៝ន ​គឹត​នទុល​មពោល​យោឆែប ​រី​ដ៝ង់។
ACT 7:14 ជេសរី​យោឆែប ​ដាៈ​ឞូ​ហាន់​ឆ៝ៈ​យាកោប ​អី​ឞឹ​ពាង់​ឞើស​រី នទ្រែល​មា​ឞាល់​មពោល​ពាង់ ទឹង​លែៈ​នៃ​គែស ៧៥ នុយ្ស។
ACT 7:15 នទ្រី​យាកោប ​ហាន់​តា​ឞ្រី​អេឆីប  គុ​នហ៝​មា​ខឹត​តា​ឞ្រី​នៃ នអ៝ប់​មា​ក៝ន​ឞូ​ក្លោ​ពាង់​ខឹត​តា​ឞ្រី​នៃ​ដ៝ង់។
ACT 7:16 ជេសរី​ឞូ​រាទែង​ឆាក់​ជាន់​យាកោប  នទ្រែល​មា​យោឆែប ​លែវ​ត៝ប់​តា​ប៝ន​ឆីកែម ​តា​ឞ្រី​ឞ៝ន់​នើម​អ្យា នតុក​មោច​អាឞ្រាហាម់ ​ទែ​រាវាត់​ឞើស​ក៝ន​ឆៅ​ហេម៝រ  តា​នតុក​ប៝ន​ឆីកែម ​នៃ​នើស”។
ACT 7:17 “ផូង​ឞ៝ន់​លើ​មា​ឞឹក​លើ​មា​អ៝ក់​តា​ឞ្រី​អេឆីប ​រី ត៝ត់​ឞើយ​ទី​នាម់​កោរាញ​ឞ្រាស​ទែ​ត៝ន​មា​អាឞ្រាហាម់ ​នៃ​នើស។
ACT 7:18 ជេសរី​គែស​កាដាច់​មហែ​នត្រ៝ៈ​ជាន​កាដាច់​តា​ឞ្រី​អេឆីប ​រី កាដាច់​អី​នៃ​មោ​អោស​គឹត​នទើ​យោឆែប ​វៃ​ជាន​មា​ផូង​អេឆីប ​នើស។
ACT 7:19 កាដាច់​អី​នៃ​គែស​នាវ​មឹន​អ្យើស​មហឹក​ងាន់​មា​ផូង​ឞ៝ន់ ពាង់​តុន​ជ៝ត​ផូង​អូ​ចែ​ឞ៝ន់ នហ៝​មា​ត៝ត់​ដាៈ​ខាន់​ពាង់​មអារ់​លើយ​ក៝ន​មហែ​ទែស មោ​អ៝ន់​អោស​រ៝ង​រេស។
ACT 7:20 មោឆេ ​ទែស​នោក​នៃ​ដ៝ង់ ពាង់​ជេង​អ៝ស​ឞេ​អ្វែស​រែស​ងាន់។ មេៈ​ឞឹ​ម៝ត់​ពាង់​តា​ជៃ​គែស​ពែ​ខៃ។
ACT 7:21 ទោល​រី​អ្យាត់​មា​អី​មេៈ​ឞឹ​មអារ់​ពាង់ គែស​ក៝ន​ឞូ​អូរ​ផារ៝ន ​អី​កាដាច់​ឞ្រី​អេឆីប ​ឆ៝ៈ​ម៝ត់ ជេង​តឹម​ឞាន​មា​ក៝ន​ពាង់​នើម​ងាន់។
ACT 7:22 នទ្រី​ទឹង​មោឆេ ​លាប់​នតី​ទឹង​លែៈ​នាវ​គឹត​ឞ្លាវ​ផូង​អេឆីប  ជេសរី​ពាង់​មឞើស​ងើយ​ឞ្លាវ​ងាន់ នទ្រែល​មា​ឞ្លាវ​ជាន​ការ​អ៝ក់​នតីល​ដ៝ង់។
ACT 7:23 ត៝ត់​ពាង់​គែស ៤០ នាម់ ពាង់​អុច​ហាន់​ខ៝ល់​ផូង​អីឆ្រាអែល ​អី​អ៝ស​នោ​ឞាល់​មពោល​ពាង់​នើម។
ACT 7:24 ត៝ត់​តា​នៃ​ពាង់​ឆៃ​ទូ​ហ្វេ​មពោល​អេឆីប ​ជាន​អ្យើស​លើស​ឞាល់​ពាង់​ទូ​ហ្វេ ពាង់​កើល​ងកីង​ឞាល់​ពាង់​រី ជេសរី​ព្លើង​មឞាង​មពោល​អេឆីប ​អី​នៃ​ត៝ត់​ខឹត​រ៝។
ACT 7:25 មោឆេ ​មឹន​អេង​ឆាក់​ពាង់​នើម ផូង​អ៝ស​នោ​មឹន​មា​ពាង់​រ៝​កោរាញ​ឞ្រាស​ទែ​អ៝ន់​គៃ​មា​រាក្លាយ្ស​ខាន់​ពាង់ តីស​មា​ឞូ​មោ​គែស​អោស​មឹន​កើត​នៃ។
ACT 7:26 ត៝ត់​នារ​អោយ​តៃ មោឆេ ​ឆៃ​មពោល​អីឆ្រាអែល ​អាបាៈ​តឹម​លើស​នទ្រាង់​ខាន់​ពាង់​នើម ពាង់​ឞ្វៃ អ៝ន់​ខាន់​ពាង់​តឹម​រាង្លាប់​ឞាល់ ពាង់​លាស៖ «ហើយ​អ៝ស​នោ ម៝ស​ជាន​តឹម​លើស​អ្យើស​នទ្រាង់​នើម អើម​ឞូ​អេង​លាស​ខាន់​មៃ​នៃ​ហែស?»
ACT 7:27 ពាង់​អី​ជាន​អ្យើស​មា​អ៝ស​នោ​ច្យៅ​មែង​រី ងក្លឹ​មោឆេ ​នហ៝​មា​លាស​ពាង់៖ «ឞូ​ម៝ស​អ៝ន់​មៃ​ជាន​កោរាញ នទ្រែល​មា​ជាន​កោរាញ​ផាត​ទោយ្ស​មា​ហេន? មោ​គែស​អោស។
ACT 7:28 មៃ​អុច​ងខឹត​គ៝ប់ កើត​មៃ​លែៈ​ងខឹត​ទូ​ហ្វេ​មពោល​អេឆីប ​នត្រី​នើស​ឞើស?»
ACT 7:29 ជេស​មោឆេ ​តាង់​នាវ​កើត​នៃ​ពាង់​ក្លាច​ផូង​អេឆីប ​ព្លើង​ងខឹត​ពាង់​ដ៝ង់ ជេសរី​ពាង់​ញច្វាត់​ទូ​គុ​ជេង​ឞូ​នាច់​តា​ឞ្រី​មាដេន ​ជ៝ៈ​នាម់​ងាន់។ តា​នតុក​ឞ្រី​នៃ​ពាង់​គែស​ក៝ន​ឞូ​ក្លោ​ឞារ​ហៃ”។
ACT 7:30 “ត៝ត់​គែស ៤០ នាម់ គែស​ទូ​ហ្វេ​តោង​ពារ់​កោរាញ​ឞ្រាស​តឹម​មពើល​ឆាក់​អ៝ន់​មា​មោឆេ ​ឆៃ​តា​ឞ្រី​រាទាស​យោក​ឆីនាយ ​រី។ តា​ឞ្រី​រាទាស​នៃ​គែស​ទូ​ពុម​ល៝ក ជេសរី​តោង​ពារ់​អី​នៃ​តឹម​មពើល​មា​ពាង់​ជេង​មព្យាត់​អុញ​តា​ពុម​ល៝ក​អី​នៃ។
ACT 7:31 ទោល​មោឆេ ​ឆៃ​កើត​នៃ ពាង់​គែស​នាវ​នទ្រ៝ត់​ហីស​រាហ៝ល់​ងាន់​មោ​វ៝ត់​អោស​មា​នទើ​តឹម​មពើល​អី​នៃ យ៝រ​មា​ពុម​ល៝ក​អី​នៃ​មោ​គែស​អោស​អុញ​ឆា​ងាន់។ ជេសរី​ពាង់​ហាន់​ទាច់​គៃ​មា​អ្វាញ់​នហេល​នទើ​នៃ ពាង់​តាង់​កោរាញ​ឞ្រាស​លាស​មា​ពាង់៖
ACT 7:32 «គ៝ប់​ជេង​ឞ្រាស​អាឞ្រាហាម់ ​យើក​មឞាស ជេង​ឞ្រាស​អីឆាក់ ​យើក​មឞាស ជេង​ឞ្រាស​យាកោប ​យើក​មឞាស»។ មោឆេ ​ញឆ៝រ់​ងាន់ ពាង់​ក្លាច​មោ​ហោម​អោស​ឞាញ់​អ្វាញ់។
ACT 7:33 កោរាញ​ឞ្រាស​លាស​មា​ពាង់៖ «ទ្រ៝ស​លើយ​នតោ​ជ៝ត​មៃ​នៃ យ៝រ​លាស​នតុក​មៃ​ទ៝ក់​នៃ​ជេង​នតុក​ក្ល៝ស​អ្វែស។
ACT 7:34 លែៈ​គ៝ប់​ឆៃ​ងាន់​នាវ​ឞូ​តុន​ជ៝ត​មា​ប៝ន​លាន​គ៝ប់​តា​ឞ្រី​អេឆីប  លែៈ​គ៝ប់​តាង់​ងាន់​នាវ​ខាន់​ពាង់​រាដេង​ដ៝ង់ ជុរ​គ៝ប់​អ្យា​គៃ​មា​រាក្លាយ្ស​ខាន់​ពាង់​អី​នៃ។ ទ៝ក់​ហ៝ម់! គ៝ប់​ដាៈ​មៃ​ហាន់​តា​ឞ្រី​អេឆីប ​អាបៃ​អ្យា​រ៝»។
ACT 7:35 អា​ល៝រ​នើស​មោឆេ ​អ្យា​ប៝ន​លាន​អីឆ្រាអែល ​លែៈ​រាលាច់​មោ​អោស​គឹត​នាល់​ពាង់ ឞូ​ទែ​លាស​ពាង់៖ «ឞូ​ម៝ស​អ៝ន់​មៃ​ជាន​កោរាញ នទ្រែល​មា​ជាន​កោរាញ​ផាត​ទោយ្ស​ហេន?» យើន​មា​កោរាញ​ឞ្រាស​ទែ​ដាៈ​ពាង់​ហាន់​ជាន​កោរាញ នទ្រែល​មា​រាក្លាយ្ស​ខាន់​ពាង់។ តោង​ពារ់​កោរាញ​ឞ្រាស​អី​លែៈ​តឹម​មពើល​ជេស​មា​ពាង់​តា​ពុម​ល៝ក​នៃ​នើស​កើល​ពាង់​ជាន​ការ​អី​នៃ។
ACT 7:36 មោឆេ ​អ្យា​លែវ​ផូង​ប៝ន​លាន​អីឆ្រាអែល ​ទូ​លោស​ឞើស​ឞ្រី​អេឆីប  ពាង់​ជាន​នាវ​ខ្លៃ នទ្រែល​មា​នាវ​មឞេន​លែៈ​នាវ​ងាន់​តា​ឞ្រី​អេឆីប  តា​ទាក​វាច់​ទាក​វារ់​ចាង់ តា​ឞ្រី​រាទាស​ទោល ៤០ នាម់​ខាន់​ពាង់​គុ​តា​នៃ។
ACT 7:37 មោឆេ ​អី​អ្យា​លាស​មា​ផូង​អីឆ្រាអែល ៖ «ជឹត​នាប់​តៃ​កោរាញ​ឞ្រាស​អ៝ន់​គែស​ទូ​ហ្វេ​ឞូនុយ្ស​នតើយ្ស​នាវ​ងើយ​កោរាញ​ឞ្រាស​តាៈ​ឞើស​អ៝ស​នោ​ខាន់​អៃ​មៃ តឹម​ឞាន​មា​គ៝ប់ [អ៝ន់​ខាន់​អៃ​មៃ​អ្យាត់​នាវ​ពាង់​ទោ]»។
ACT 7:38 មោឆេ ​អី​អ្យា​គុ​នទ្រែល​ផូង​ប៝ន​លាន​អី​រាគូម​តា​ឞ្រី​រាទាស​នើស តោង​ពារ់​អី​នៃ​មឞើស​ងក៝ច​មា​ពាង់​តា​យោក​ឆីនាយ  ជេសរី​ពាង់​នតើយ្ស​នាវ​អី​នៃ​អ៝ន់​មា​ផូង​អូ​ចែ​ឞ៝ន់។ ពាង់​ឆ៝ៈ​ទើន​នាវ​ងើយ​កោរាញ​ឞ្រាស​អី​អ៝ន់​នាវ​រេស អ៝ន់​ត៝ត់​មា​ផូង​ឞ៝ន់។
ACT 7:39 តីស​មា​ផូង​អូ​ចែ​ឞ៝ន់​មោ​អ្យាត់​អោស​នាវ​ពាង់ ខាន់​ពាង់​មោ​ហោម​អុច​ពាង់​ជាន​កោរាញ គែស​នូយ្ស​នហ៝ម់​អុច​ព្លឹ​តៃ​តា​ឞ្រី​អេឆីប ​ជឹត​ច្រាវ។
ACT 7:40 ខាន់​ពាង់​លាស​មា​អារោន ​អី​នោ​មោឆេ ​កើត​នអា៖ «ដាៈ​មៃ​ជាន​ម៝ន​រូប​ឞ្រាស​អេងៗ​មា​លែវ​ផូង​ហេន យ៝រ​លាស​មោឆេ ​អី​លែវ​ហេន​លោស​តាៈ​ឞើស​ឞ្រី​អេឆីប ​នើស ហេន​មោ​គឹត​អោស​ម៝ស​នាវ​គែស​មា​ពាង់»។
ACT 7:41 ជេសរី​ខាន់​ពាង់​ជាន​ម៝ន​ទូ​មល៝ម់​ក៝ន​នទ្រោក ខាន់​ពាង់​ជាន​ឞ្រាស​យើក​មឞាស​មា​រូប​អី​នៃ ខាន់​ពាង់​រាម់​មអាក​មា​នទើ​តី​ខាន់​ពាង់​នើម​ជាន។
ACT 7:42 កើត​នទ្រី​កោរាញ​ឞ្រាស​មោ​ហោម​អោស​ម៝ត់​អ្វាញ់​ខាន់​ពាង់ ប៝ក​គ៝រ​ខាន់​ពាង់​អ៝ន់​យើក​មឞាស​មា​លែៈ​នទើ​តា​កាលើ​ត្រោក ជេង​តឹម​ទី​ដាស​នាវ​គែស​ញចីស​តា​ឆ៝ម់បុត​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កើត​នអា៖ «ហើយ​ផូង​អីឆ្រាអែល  ទោល​ខាន់​អៃ​មៃ​គុ​តា​ឞ្រី​រាទាស ៤០ នាម់​នើស‌ ទឹង​លែៈ​មពោមពា​(ឆ្យុម)​អី​ខាន់​អៃ​មៃ​ងខឹត នទ្រែល​មា​នទើ​ជាន​ឞ្រាស​អី​ខាន់​អៃ​មៃ​វៃ​ជាន ខាន់​អៃ​មៃ​មោ​គែស​អោស​ជាន​មា​គ៝ប់។
ACT 7:43 ខាន់​អៃ​មៃ​តូង​ចូន​ឞ៝ក​ជាន​ឞ្រាស​មា​ឞ្រាស​មោលុក ‌ នទ្រែល​មា​រូប​មាញ់​ឞ្រាស​រេមផាន់ ​អី​ឞ្រាស​ផូង​អេង​យើក​មឞាស​ដ៝ង់‌ ទឹង​លែៈ​រូប​ឞ្រាស​ខាន់​អៃ​មៃ​ជាន​ម៝ន​នៃ គៃ​មា​យើក​មឞាស​មា​ពាង់! យ៝រ​មា​ខាន់​អៃ​មៃ​ជាន​កើត​នៃ​ទឹង​គ៝ប់​វែង​ខាន់​អៃ​មៃ​អ៝ន់​ទូ​លោស​ឞើស​ឞ្រី​ទាក​ខាន់​អៃ​មៃ​នើម​ហាន់​ងាយ​រាលាវ​មា​ឞ្រី​បាបីលោន ​ជឹត​នាប់​តៃ»”។
ACT 7:44 “តា​ឞ្រី​រាទាស ផូង​អូ​ចែ​ឞ៝ន់​នោក​នៃ​នើស​គែស​ជេស​ចូន​ឞ៝ក​ជាន​ឞ្រាស​មា​កោរាញ​ឞ្រាស ខាន់​ពាង់​ជាន​ចូន​អី​នៃ​កើត​នាវ​កោរាញ​ឞ្រាស​ដាៈ​មា​មោឆេ  កើត​ព្រែ​អី​ឆៃ​រី​នើស។
ACT 7:45 ផូង​អូ​ចែ​ឞ៝ន់​ញអោត​ដើន​ចូន​អី​នៃ នហ៝​មា​ត៝ត់​យោឆ្វេ ​លែវ​លាប់​តា​នតុក​ឞ្រី​ទាក​អី​ខាន់​ពាង់​ទើយ​ពីត​ឞើស​ឞូ ឞ្រី​ទាក​អី​កោរាញ​ឞ្រាស​ទែ​នត្រុត​ឞូ​ទូ​លោស​តា​នាប់​មាត់​ខាន់​ពាង់​នៃ​នើស។ ចូន​អី​នៃ​ហោម​ត៝ត់​មា​កាដាច់​ដាវីត ​ដ៝ង់”។
ACT 7:46 “កោរាញ​ឞ្រាស​រ៝ង់​ងាន់​មា​កាដាច់​ដាវីត ដាវីត ​អុច​ជាន​ទូ​មល៝ម់​ញីស​មា​យើក​មឞាស​កោរាញ​ឞ្រាស ឞ្រាស​អី​ចែ​យាកោប ​ឞ៝ន់​កាល់​អែ​នើស​យើក​មឞាស។
ACT 7:47 យើន​មា​កោរាញ​ឞ្រាស​មោ​អោស​អ៝ន់​ពាង់​ជាន​ញីស​អី​នៃ កាដាច់​ឆាលោមោន ​អី​ក៝ន​ពាង់​ទឹង​ហ៝ច​ជាន​ញីស​ជាន​ឞ្រាស​អី​នៃ។
ACT 7:48 យើន​មា​កោរាញ​ឞ្រាស​ទុត​ព្រេស មោ​គុ​អោស​តា​ញីស​តី​ឞូនុយ្ស​ជាន។ ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស​លែៈ​គែស​ញចីស​ដ៝ង់៖
ACT 7:49 «កោរាញ​ឞ្រាស​លាស៖ «ត្រោក​ហោម​ជេៈ​តឹម​ឞាន​មា​រានើល​កាដាច់​នតុក​គ៝ប់​គុ‌ ជេសរី​នែស​នតូ​ហោម​ជេៈ​តឹម​ឞាន​មា​រានើល​នតុក​រាកើល​ជ៝ង់​គ៝ប់។ លាស​នទ្រី​មើម​ញីស​ខាន់​មៃ​ទើយ​ជាន​អ៝ន់​មា​គ៝ប់​ហាៈ? មោ​លាស​អាស​នតុក​អ៝ន់​គ៝ប់​ឞែ​មា​គុ?
ACT 7:50 យ៝រ​លាស​ត្រោក នទ្រែល​មា​នែស​នតូ ទឹង​លែៈ​នទើ​អី​នៃ​នើស តី​គ៝ប់​នើម​ទាទេ​ញជេង»»”។
ACT 7:51 “ហើយ​ឞូនុយ្ស​ទាង់​ក៝! ខាន់​មៃ​តឹម​ឞាន​មា​ឞូនុយ្ស​អី​មោ​ទី​ផូង​អីឆ្រាអែល  គែស​តោរ​មោ​អុច​អ្យាត់​កោរាញ​ឞ្រាស។ ខាន់​មៃ​តឹម​រាទ៝ង់​ដាស​ឞ្រាស​ហ្វេង​អ្វែស​អី​ក្ល៝ស​អ្វែស​នឹង​នែង​ទើម តឹម​ឞាន​មា​ផូង​អូ​ចែ​ខាន់​មៃ​កាល់​អែ​រី​នើស​ដ៝ង់!
ACT 7:52 យ៝រ​លាស​លែៈ​មពោល​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស ផូង​អូ​ចែ​ខាន់​មៃ​ជាន​ជេរ​មា​ខាន់​ពាង់​ទាទេ។ ខាន់​ពាង់​ងខឹត​លើយ​លែៈ​ផ្យៅ​មពោល​ឞូនុយ្ស​នតើយ្ស​នាវ​ងើយ​កោរាញ​ឞ្រាស​អី​ងក៝ច​ល៝រ​មា​នាវ​វាច់​ឞ្រាស​ក្រីស ​អី​ទូ​ហ្វេ​ឞូនុយ្ស​ឆ៝ង់។ អាបៃ​អ្យា​ខាន់​មៃ​លែៈ​ញុប​ឞ្រាស​ក្រីស ​អី​នៃ​ញជុន​មា​ឞូ ជេសរី​ងខឹត​លើយ​អោឞាល់​ដ៝ង់។
ACT 7:53 ខាន់​មៃ​លែៈ​ឆ៝ៈ​ទើន​ជេស​នាវ​វៃ​កោរាញ​ឞ្រាស​អី​តោង​ពារ់​លែៈ​អ៝ន់​មា​មោឆេ  នទ្រែល​មា​ផូង​អូ​ចែ​ឞ៝ន់ តីស​មា​ខាន់​មៃ​មោ​អោស​ជាន​តឹង​នាវ​ពាង់​ដាៈ​នៃ!”
ACT 7:54 ជេស​ឞូ​តាង់​នាវ​ឆាតេផាន ​ងើយ​នៃ ឞូ​ជី​នូយ្ស​ទុត​ហោ កាប់​រាច្យាត់​ឆេក​នែង​មា​ពាង់​ងាន់។
ACT 7:55 ល៝ង់​ឆាតេផាន ​រី ឞ្រាស​ហ្វេង​អ្វែស​អី​ក្ល៝ស​អ្វែស​គុ​តា​ពាង់​ងាន់ អ៝ន់​ពាង់​ងគើរ​អ្វាញ់​ជឹត​ត្រោក​តី ឆៃ​នាវ​ច្រេក​លើប​កោរាញ​ឞ្រាស នទ្រែល​មា​ឆៃ​ឞ្រាស​យេឆូ ​ទ៝ក់​ឞើស​មា​កោរាញ​ឞ្រាស​រី​ដ៝ង់។
ACT 7:56 ពាង់​លាស៖ “អ្វាញ់​រី! គ៝ប់​ឆៃ​ត្រោក​ពើក​លាហឺរ នទ្រែល​មា​ឆៃ​កោរាញ​យេឆូ ​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​ទ៝ក់​ឞើស​មា​កោរាញ​ឞ្រាស​រី​ដ៝ង់”។
ACT 7:57 ទោល​នៃ​ឞូ​នតែរ​ទុត​ហោ នហ៝​មា​ឆ៝ៈ​លាវ​តី​ញឆេត​តោរ​ខាន់​ពាង់​នើម​គៃ​មា​មោ​ហោម​តាង់​នាវ​ពាង់​ដ៝ង់ ទឹង​លែៈ​ឞូ​រាទោស​តា​ពាង់​រី​ទាទេ។
ACT 7:58 ឞូ​មផ៝ក់​តេក​ពាង់​ទូ​លោស​ឞើស​ទីស​ប៝ន​យេរូឆាលឹម ​នៃ គៃ​មា​ក្លុប​ពាង់​មា​លុ​ត៝ត់​ខឹត។ មពោល​អី​គុ​អ្វាញ់​នៃ ទ្រីស​អាវ​ក្វ៝ង់​ខាន់​ពាង់​នើម​អ៝ន់​តា​ជ៝ង់​ទូ​ហ្វេ​ឞូ​ក្លោ​នទាម់ រាញា​ឆោល ។
ACT 7:59 ទោល​ឞូ​នតុប​ឆាតេផាន ​មា​លុ​រី ពាង់​មឞើស​ឆើម៖ “ហើយ​កោរាញ​យេឆូ  ទាន់​មៃ​ឆ៝ៈ​ទើន​ហ្វេង​គ៝ប់”។
ACT 7:60 ជេសរី​ពាង់​ច៝ន​កោម៝ក់ នតែរ​ទុត​នតែស​ងាន់៖ “ហើយ​កោរាញ! លើយ​អោស​កើប​នាវ​តីស​អ្យា​ត៝ត់​មា​ខាន់​ពាង់”។ ជេស​ពាង់​លាស​កើត​នៃ នហ៝​មា​រ៝ស​នហ៝ម់​ក្ល៝ក់។
ACT 8:1 ឆោល ​តឹម​ទី​ទូ​នតោរ​នាវ​អុច​ងខឹត​ឆាតេផាន ​ដ៝ង់។ គែស​ផូង​អាបាៈ​អី​អ្យាត់​នាវ​កោរាញ​ឞ្រាស លែវ​ត៝ប់​ឆាតេផាន ​នៃ ញុម​វើល​មា​ពាង់​ទុត​ហោ។ តា​នារ​នៃ​ឞូ​នតើម​ជាន​ជេរ​ទុត​ហោ​មា​ផូង​ញឆីង​មា​ឞ្រាស​យេឆូ ​តា​ប៝ន​យេរូឆាលឹម ។ នទ្រី​ទឹង​ខាន់​ពាង់​ញច្វាត់​ទូ​ញហីង​ញហាង​លាម​ឞ្រី​យូដា  នទ្រែល​មា​ឞ្រី​ឆាមារី  ទើន​ហោម​អែ​មពោល​កោរាញ​អ៝ស​ម៝ន​ទើម។
ACT 8:3 ល៝ង់​ឆោល ​រី​អុច​ងគ្រ៝ស​លើយ​ផូង​ញឆីង​មា​ឞ្រាស​យេឆូ  ពាង់​លាប់​អាប់​ញីស​រោង​មពោង​ជៃ​ឞូ ញុប​តេក​ឞូ​តេៈ​នទ្រូង ឞូ​អូរ​មោ​លាស​ឞូ​ក្លោ ញុប​ទឹង​លែៈ​រ៝។
ACT 8:4 លែៈ​មពោល​អី​ញច្វាត់​ញហីង​ញហាង​រី​នើស ខាន់​ពាង់​ហាន់​អាប់​នតុក នទ្រែល​មា​មឞើស​ងក៝ច​នាវ​មហែ​មហាន​អ្វែស​ឞ្រាស​យេឆូ ។
ACT 8:5 ផីលីប ​អី​ឞូ​លែៈ​កើយ្ស​នទ្រែល​ឆាតេផាន ​នើស ពាង់​ហាន់​តា​ទូ​ប៝ន​តា​ឞ្រី​ឆាមារី ។ តា​ប៝ន​នៃ​ពាង់​មឞើស​ងក៝ច​នាវ​ឞ្រាស​យេឆូ ​ជេង​ឞ្រាស​ក្រីស ​អី​នើម​រាក្លាយ្ស​កោរាញ​ឞ្រាស​ទែ​ញជ្វាល់។
ACT 8:6 លែៈ​ផូង​ប៝ន​លាន​តា​នៃ​នអើរ​អុច​អ្យាត់​ងាន់​នាវ​ផីលីប ​ងើយ យ៝រ​លាស​លែៈ​នាវ​ខាន់​ពាង់​តាង់​ខាន់​ពាង់​ឆៃ​ផីលីប ​ជាន​នាវ​ខ្លៃ​នើស​លែៈ​នាវ​ងាន់។
ACT 8:7 គែស​អ៝ក់​ឞូនុយ្ស​គែស​ឞ្រាស​អ្យើស​លាប់ ខាន់​ពាង់​នតែរ​ទុត​ទាង់​ងាន់ នហ៝​មា​ឞ្រាស​អ្យើស​ទូ​លោស​ឞើស​ខាន់​ពាង់​អី​នៃ។ គែស​ឞូនុយ្ស​ក្វែត​រាវែន នទ្រែល​មា​ឞូនុយ្ស​ខឹត​ជ៝ង់​ខឹត​តី​អ៝ក់​ដ៝ង់​ឞាស។
ACT 8:8 យ៝រ​រី​ឞូនុយ្ស​តា​ប៝ន​នៃ​គែស​នាវ​រាម់​មអាក​ហោ​ងាន់។
ACT 8:9 តា​ប៝ន​នៃ គែស​ដ៝ង់​ទូ​ហ្វេ​ឞូនុយ្ស​រាញា​ពាង់​ឆីមោន  ពាង់​គុ​តា​នៃ​លែៈ​ជ៝ៈ​នាម់​ជេស។ ពាង់​ជេង​ឞូនុយ្ស​ម៝ត់​នអាង​ជាន​នទើ​មា​នាវ​ទើយ​ឞ្រាស​អ្យើស ពាង់​ងក៝ច​អេង​ឆាក់​ពាង់​នើម​ជេង​ឞូនុយ្ស​ខ្លៃ។ ទឹង​លែៈ​ផូង​ឆាមារី ​តា​ប៝ន​អី​នៃ ខាន់​ពាង់​នទ្រ៝ត់​ញហីស​ងាន់​មា​នទើ​ពាង់​ជាន។
ACT 8:10 ទឹង​លែៈ​ឞូនុយ្ស នតើម​ឞើស​ឞូ​ជេៈ​ត៝ត់​មា​ឞូ​ក្វ៝ង់ អ្យាត់​ពាង់​អ្វែស​ងាន់ ឞូ​លាស៖ “ពាង់​អ្យា​រ៝​គែស​នាវ​ឞ្រាស​កោរាញ​ឞ្រាស អី​ឞូ​ក្វាល់​លាស​«នាវ​ឞ្រាស​ក្វ៝ង់​ងាន់»”។
ACT 8:11 ទឹង​ឞូ​អ្យាត់​មា​ពាង់​កើត​នៃ យ៝រ​លាស​លែៈ​ជ៝ៈ​នាម់​ងាន់​ឞូ​នទ្រ៝ត់​ហីស​រាហ៝ល់​មា​នទើ​អី​ពាង់​ជាន​នៃ។
ACT 8:12 យើន​មា​ទោល​ផីលីប ​មឞើស​ងក៝ច​នាវ​មហែ​មហាន​អ្វែស​មា​នាវ​កោរាញ​ឞ្រាស​អុច​ម៝ត់​អ្វាញ់​មា​ឞូនុយ្ស នទ្រែល​មា​មឞើស​ងក៝ច​ឞ្រាស​យេឆូ​ក្រីស  ឞូ​តឹង​អ្យាត់​នាវ​ពាង់​ងើយ​អី​នៃ​រ៝ ជេសរី​ខាន់​ពាង់​អ៝ន់​ផីលីប ​ជាន​បាប់តែម​យុក​ខាន់​ពាង់​មា​ទាក​នអ៝ប់​មា​ឞូ​អូរ​ឞូ​ក្លោ។
ACT 8:13 ល៝ង់​អី​ឆីមោន ​រី​អ្យាត់​នាវ​ផីលីប ​ងើយ​ដ៝ង់ នហ៝​មា​ទើន​ជាន​បាប់តែម​យុក​មា​ទាក​រ៝ ជេសរី​ពាង់​គុ​នទ្រែល​ផីលីប ​មរ៝។ នោក​នៃ​ពាង់​នទ្រ៝ត់​ហីស​រាហ៝ល់​ងាន់​ឆៃ​នាវ​មឞេន នទ្រែល​មា​នាវ​ខ្លៃ​អី​ផីលីប ​ជាន​នៃ។
ACT 8:14 មពោល​កោរាញ​អ៝ស​ម៝ន​ហោម​គុ​តា​ប៝ន​យេរូឆាលឹម ​រី។ ត៝ត់​ខាន់​ពាង់​តាង់​លឺ​តា​ឞ្រី​ឆាមារី ​រី​គែស​ឞូនុយ្ស​ឆ៝ៈ​ទើន​នាវ​កោរាញ​ឞ្រាស ខាន់​ពាង់​ដាៈ​ពេត្រោស  នទ្រែល​មា​យោហាន ​ហាន់​តា​ឞ្រី​នៃ។
ACT 8:15 ត៝ត់​តា​នៃ ឞារ​ហៃ​កោរាញ​អ៝ស​ម៝ន​រី​មឞើស​ឆើម​ទាន់​មា​កោរាញ​ឞ្រាស គៃ​មា​កោរាញ​ឞ្រាស​អ៝ន់​ឞ្រាស​ហ្វេង​អ្វែស​អី​ក្ល៝ស​អ្វែស​ជុរ​គុ​តា​មពោល​លែៈ​ញឆីង​នៃ‌
ACT 8:16 យ៝រ​លាស​ឞារ​ហៃ​ខាន់​ពាង់​នៃ​អេ​អោស​ឆៃ​ឞ្រាស​ហ្វេង​អ្វែស​ជុរ​គុ​តា​ទូ​ហ្វេ​តា​មពោល​លែៈ​ញឆីង​នៃ។ មាន​មា​គែស​ជាន​បាប់តែម​យុក​មា​ទាក​តា​រាញា​កោរាញ​យេឆូ ។
ACT 8:17 នទ្រី​ទឹង​ពេត្រោស  នទ្រែល​មា​យោហាន ​តេៈ​តី​តា​ខាន់​ពាង់ ជេសរី​មើ​កោរាញ​ឞ្រាស​អ៝ន់​ឞ្រាស​ហ្វេង​អ្វែស​អី​ក្ល៝ស​អ្វែស​គុ​តា​ខាន់​ពាង់។
ACT 8:18 ទោល​ឆីមោន ​ឆៃ​កោរាញ​ឞ្រាស​អ៝ន់​ឞ្រាស​ហ្វេង​អ្វែស​គុ​តា​ខាន់​ពាង់​រី យ៝រ​មា​មពោល​កោរាញ​អ៝ស​ម៝ន​តេៈ​តី​នៃ ពាង់​ឆ៝ៈ​ព្រាក់​គៃ​មា​អ៝ន់​ឞារ​ហៃ​កោរាញ​អ៝ស​ម៝ន​នៃ
ACT 8:19 នហ៝​មា​លាស៖ “អ៝ន់​គ៝ប់​បាៈ​នាវ​ទើយ​នៃ​អើ គៃ​មា​ឞូ​ម៝ស​គ៝ប់​តេៈ​តី កោរាញ​ឞ្រាស​អ៝ន់​ឞ្រាស​ហ្វេង​អ្វែស​អី​ក្ល៝ស​អ្វែស​គុ​តា​ពាង់​ដ៝ង់”។
ACT 8:20 ពេត្រោស ​លាស​ពាង់៖ “អ៝ន់​មៃ នទ្រែល​មា​ព្រាក់​មៃ​ហាន់​គុ​តា​នទ្រូង​អុញ យ៝រ​លាស​មៃ​មឹន​ព្រាក់​ទើយ​រាវាត់​នទើ​កោរាញ​ឞ្រាស​អ៝ន់!
ACT 8:21 មៃ​មោ​អោស​ទើយ​លាប់​នទ្រែល​តា​នាវ​ការ​អ្យា ទូ​នតីល​មោ​ទើយ​ដ៝ង់ យ៝រ​លាស​នូយ្ស​នហ៝ម់​មៃ​មោ​ឆ៝ង់​អោស​តា​នាប់​កោរាញ​ឞ្រាស។
ACT 8:22 អ៝ន់​មៃ​មអារ់​ហ៝ម់​នូយ្ស​នហ៝ម់​អ្យើស​នៃ ជេសរី​មឞើស​ឆើម​ទាន់​មា​កោរាញ​ឞ្រាស។ ងខេប​លាស​ពាង់​មា​យោៈ​នអាច​មោ​ហោម​កើប​នាវ​តីស​មៃ​មឹន​កើត​នអៃ។
ACT 8:23 គ៝ប់​លែៈ​ឆៃ​មៃ​គែស​នូយ្ស​នហ៝ម់​តឹម​មោ​នាច​ហោ​ងាន់ នទ្រែល​មា​ហោម​ខាន​ជាន​តីស​នឹង​មោ​ឞ្លាវ​ឞាស​ជាន​អ្យើស តឹម​ឞាន​មា​នាវ​តីស​ក៝ត់​មៃ​មា​រាឆែ​រាវាក់”។
ACT 8:24 ឆីមោន ​អើស៖ “លាស​នទ្រី​ដាៈ​មៃ​ឆើម​ទាន់​មា​កោរាញ​ឞ្រាស គៃ​មា​លើយ​អ៝ន់​គ៝ប់​គុ​តា​នទ្រូង​អុញ នាវ​អី​មៃ​លាស​នៃ​នើស”។
ACT 8:25 ពេត្រោស  នទ្រែល​មា​យោហាន  ខាន់​ពាង់​មឞើស​ងក៝ច​នាវ​កោរាញ​យេឆូ ​មា​ឞូ នទ្រែល​មា​លែៈ​នទើ​អី​ខាន់​ពាង់​ឆៃ​ខាន់​ពាង់​តាង់​តា​ពាង់​នើស ជេសរី​ខាន់​ពាង់​ព្លឹ​ឆឹត​តៃ​តា​ប៝ន​យេរូឆាលឹម  នហ៝​មា​មឞើស​នាវ​មហែ​មហាន​អ្វែស​អ៝ក់​ប៝ន​ដ៝ង់​រ៝ៈ​ត្រ៝ង​ឞ្រី​ឆាមារី ​នៃ។
ACT 8:26 ជេសរី​ទូ​ហ្វេ​តោង​ពារ់​កោរាញ​ឞ្រាស​លាស​មា​ផីលីប ៖ “ហើយ​ផីលីប  មៃ​ទ៝ក់​ហ៝ម់ ហាន់​មពែស​ជឹត​ទ៝ង់​រី ហាន់​រ៝ៈ​ត្រ៝ង​អី​ជុរ​ឞើស​ប៝ន​យេរូឆាលឹម ​ហាន់​ជឹត​ប៝ន​កាឆា  តា​ត្រ៝ង​អី​ឞូ​មោ​ហោម​អោស​វៃ​ហាន់”។
ACT 8:27 ជេសរី​ផីលីប ​ទ៝ក់​ហាន់​រ៝ ត៝ត់​អា​ត្រ៝ង​រី​ម៝ប់​មា​ទូ​ហ្វេ​មពោល​ឞ្រី​អេតយូពី  ឞូនុយ្ស​ឞូ​ចារ។ ពាង់​ជេង​កោរាញ​ក្វ៝ង់​តា​ឞ្រី​អេតយូពី  ពាង់​ម៝ត់​អ្វាញ់​លែៈ​ទ្រាប់​នទើ​ខ្លៃ លែៈ​ព្រាក់​កាដាច់​តា​ឞ្រី​អី​នៃ។ ឞ្រី​អី​នៃ​ឞូ​អូរ​ជាន​កាដាច់ រាញា​កាដាច់​អី​នៃ​«កាន់ដេស »។ កោរាញ​ក្វ៝ង់​អី​នៃ​ពាង់​ហាន់​តា​ប៝ន​យេរូឆាលឹម ​រី​នើស គៃ​មា​យើក​មឞាស​មា​កោរាញ​ឞ្រាស។
ACT 8:28 ត៝ត់​មា​ឆឹត ទោល​ពាង់​ញច៝​តា​រាទែស​ឆែស ពាង់​រ៝ៈ​នតែស​នាវ​កោរាញ​ឞ្រាស​ងើយ​តា​ឆ៝ម់បុត​អេឆាយ ​អី​ឞូនុយ្ស​នតើយ្ស​នាវ​ងើយ​កោរាញ​ឞ្រាស។
ACT 8:29 នោក​នៃ​ឞ្រាស​ហ្វេង​អ្វែស​លាស​មា​ផីលីប ៖ “ហាន់​ហ៝ម់ អ៝ន់​ទាច់​មា​រាទែស​ឆែស​នៃ”។
ACT 8:30 ជេសរី​ផីលីប ​ញច្វាត់​តឹង​រាទែស​នៃ​រ៝ ត៝ត់​តា​នៃ​ពាង់​តាង់​កោរាញ​អី​នៃ​រ៝ៈ​ឆ៝ម់បុត​អេឆាយ ​អី​ឞូនុយ្ស​នតើយ្ស​នាវ​ងើយ​កោរាញ​ឞ្រាស ពាង់​អោប៖ “ហើយ​កោរាញ មៃ​វ៝ត់​ដ៝ង់​នាវ​មៃ​រ៝ៈ​អី​នៃ?”
ACT 8:31 កោរាញ​អី​នៃ​អើស​លាស៖ “មើម​ឞ្លាវ​វ៝ត់​អេង លាស​មោ​គែស​ឞូនុយ្ស​មា​រាឞ្លាង?” ជេសរី​ពាង់​ជាៈ​ផីលីប ​ញច៝​នទ្រែល​កាលើ​រី​គុ​ទាច់​ពាង់។
ACT 8:32 ត្រ៝ង​នតុក​ពាង់​អ្វាញ់​នៃ​លាស​កើត​នអា៖ «ឞូ​តេក​ពាង់ តឹម​ឞាន​មា​ឞូ​តេក​ឞែ​ឞ្យាប់​មា​ងខឹត ពាង់​មោ​អោស​មពាត់​រាទ៝ង់។ តឹម​ឞាន​មា​ក៝ន​ឞែ​ឞ្យាប់​មល៝​មោ​ឞ្លាវ​ញហ្យាង់​នោក​ឞូ​ក៝ស​រាឆៅ ពាង់​មោ​អោស​នតែស​ងើយ​ទូ​ត៝ង។
ACT 8:33 ឞូ​មឺច​ពាង់​បាច់​ប៝ច ឞូ​មោ​អោស​ផាត​ទោយ្ស​ទី​មា​អោឞាល់។ ពាង់​មោ​អោស​គែស​យៅ​មា​ងក៝ច‌ យ៝រ​លាស​ឞូ​ងខឹត​ពាង់​មោ​គែស​ក៝ន នាវ​រេស​ពាង់​លែៈ​ឞូ​ឆ៝ៈ​រាហ្វាត់​លើយ​ឞើស​នែស​នតូ​អ្យា»។
ACT 8:34 ជេសរី​កោរាញ​នៃ​អោប​ផីលីប ៖ “ល៝ង់​មៃ​មឞើស​មា​គ៝ប់ នាវ​ឞូនុយ្ស​នតើយ្ស​នាវ​ងើយ​កោរាញ​ឞ្រាស​លាស​កើត​នអា ឞូ​ម៝ស​ពាង់​អុច​លាស? លាស​មា​ឆាក់​ពាង់​នើម មោ​លាស​អុច​លាស​មា​ទូ​ហ្វេ​ឞូនុយ្ស​អេង?”
ACT 8:35 ផីលីប ​មឞើស​ងក៝ច​នាវ​មហែ​មហាន​អ្វែស​ឞ្រាស​យេឆូ ​អ៝ន់​ពាង់​គឹត នតើម​ឞើស​ត្រ៝ង​នាវ​កោរាញ​ឞ្រាស​ងើយ​នៃ។
ACT 8:36 ឞារ​ហៃ​ខាន់​ពាង់​អី​នៃ​ហោម​ញច៝​នទ្រែល​តា​រាទែស​រី​ទាទេ។ ត៝ត់​អា​នាប់​រី​ឆៃ​គែស​ទាក កោរាញ​នៃ​លាស៖ “ទាក​តា​អ្យា​គែស ម៝ស​ហោម​គែស​នាវ​មា​ឞ្វៃ​គ៝ប់ មោ​អោស​អ៝ន់​គ៝ប់​យុក​បាប់តែម​មា​ទាក?”
ACT 8:37 [ផីលីប ​លាស​មា​ពាង់៖ “លាស​មៃ​ញឆីង​មា​លែៈ​នូយ្ស​នហ៝ម់​ងាន់ មៃ​មោ​ច្រាវ​អោស បាប់តែម​ទើយ”។ ពាង់​អើស៖ “លែៈ​គ៝ប់​ញឆីង​កោរាញ​យេឆូ ​ពាង់​ឞ្រាស​ក្រីស ​ពាង់​ក៝ន​កោរាញ​ឞ្រាស​ងាន់​រ៝”។]
ACT 8:38 ពាង់​ដាៈ​ឞូ​ញឆ្រុង​រាទែស​ឆែស។ ជេសរី​ឞារ​ហៃ​ខាន់​ពាង់​ជុរ​អា​ទាក​ឆូ ផីលីប ​ជាន​បាប់តែម​យុក​ពាង់​មា​ទាក។
ACT 8:39 ទោល​ខាន់​ពាង់​ហាវ​អា​កើស​អ្យា ឞ្រាស​ហ្វេង​អ្វែស​ឆ៝ៈ​ផីលីប ​រ៝ស​ក្ល៝ក់ អ្វាញ់​ពាង់​មោ​ហោម​អោស​ឆៃ។ ជេសរី​កោរាញ​ឞ្រី​អេតយូពី ​អី​នៃ​នតើម​ហាន់​តៃ​ជឹត នូយ្ស​នហ៝ម់​ពាង់​រាម់​មអាក​ងាន់ យ៝រ​មា​កោរាញ​ឞ្រាស​លែៈ​រាក្លាយ្ស​ពាង់។
ACT 8:40 ល៝ង់​ផីលីប  ឆៃ​ឞ្រាស​ហ្វេង​អ្វែស​ឆ៝ៈ​ពាង់​គុ​តា​ប៝ន​អាឆោត ​រី។ ជេស​ឞើស​នៃ ពាង់​ឞ្រោៈ​មឞើស​ងក៝ច​នាវ​មហែ​មហាន​អ្វែស​រ៝ៈ​ប៝ន នហ៝​មា​ត៝ត់​ប៝ន​ឆេឆារា ។
ACT 9:1 នោក​នៃ ឆោល ​ហោម​ថាម់​អ៝ស​ម៝ន​កោរាញ​យេឆូ  នទ្រែល​មា​ងើយ​អុច​ងខឹត​ខាន់​ពាង់។ ពាង់​ហាន់​ម៝ប់​មា​កោរាញ​ជាន​ឞ្រាស​ទុត​ក្វ៝ង់​តា​យេរូឆាលឹម ‌
ACT 9:2 ទាន់​ឆ៝ម់បុត​ឞើស​កោរាញ​នៃ​មា​ញីស​រាបុន​ផូង​អីឆ្រាអែល ​អេងៗ​តា​ប៝ន​ក្វ៝ង់​ដាមាស  គៃ​មា​លាប់​រ៝ៈ​ញីស​រាបុន​អេងៗ​អី​រី ងខេប​លាស​ឆៃ​គែស​ឞូនុយ្ស​អាបាៈ​តា​ញីស​រាបុន​នៃ​ហាន់​តឹង​ត្រ៝ង​ឞ្រាស​យេឆូ  ឞូ​អូរ មោ​លាស​ឞូ​ក្លោ។ ឆ៝ម់បុត​អី​នៃ​អ៝ន់​ពាង់​ទើយ​ញុប​លែវ​ខាន់​ពាង់​តា​ប៝ន​យេរូឆាលឹម ​រ៝ គៃ​មា​ផាត​ទោយ្ស​ខាន់​ពាង់។
ACT 9:3 ទោល​ពាង់​ហាន់​រ៝ៈ​ត្រ៝ង​ឞើយ​ត៝ត់​តា​ប៝ន​ដាមាស ​រី ទោ​មា​គែស​នទើ​អាង​តាៈ​កាលើ​ត្រោក​តី​ច្រាត​ជុម​ពាង់​រ៝។
ACT 9:4 ពាង់​នហ៝​មា​ចោត​តា​នែស​រី​រ៝ ជេសរី​តាង់​នតែស​ងើយ​លាស​មា​ពាង់៖ “ហើយ​ឆោល ! ហើយ​ឆោល ! ម៝ស​នាវ​មៃ​ជាន​ជេរ​មា​គ៝ប់​កើត​នៃ​មេស?”
ACT 9:5 ឆោល ​អោប​មា​ពាង់៖ “ហើយ​កោរាញ ឞូ​ម៝ស​មៃ​រី​មេស?” ពាង់​អើស៖ “គ៝ប់​អ្យា​យេឆូ  អី​មៃ​ជាន​ជេរ​នៃ។ ទឹង​លែៈ​នាវ​ជេរ​អី​មៃ​ជាន​មា​ផូង​ញឆីង​មា​គ៝ប់ ជាន​ជេរ​មា​គ៝ប់​ដ៝ង់។ [មៃ​ញឆ្រោយ្ស​តឹម​រាទ៝ង់​មា​គ៝ប់ តឹម​ឞាន​មា​នទ្រោក​តឹម​ត៝ម់​មា​ល៝យ្ស​មព្លោញ កើត​នៃ​មោ​ទី​វាៈ]”។
ACT 9:6 [ពាង់​នទ្រ៝ត់​ញឆ៝រ់​ងាន់ ពាង់​លាស៖ “ហើយ​កោរាញ លាស​នទ្រី​មើម​មៃ​អុច​អ៝ន់​គ៝ប់​ជាន​មេស?” ឞ្រាស​យេឆូ ​អើស៖] “មៃ​ទ៝ក់​ហាន់​លាប់​តា​ប៝ន​នៃ​ហ៝ម់ តា​រី​តៃ​ឞូ​មឞើស​នទើ​មា​មៃ​ជាន”។
ACT 9:7 ល៝ង់​ឞូ​អី​ហាន់​នទ្រែល​ឆោល ​រី​មោ​ហោម​ឞ្លាវ​អោស​ងើយ ទ៝ក់​ញឆ្រុង​រ៝គ៝​ទើម យ៝រ​លាស​នតែស​ងើយ​ខាន់​ពាង់​តាង់ តីស​មា​អី​ឆាក់​ឞូនុយ្ស​រី​មោ​ឆៃ​អោស។
ACT 9:8 ជេសរី​ឆោល ​រី​ទ៝ក់ មាត់​ពាង់​រី​លីន តីស​មា​អ្វាញ់​នទើ​មោ​ឆៃ​អោស។ ឞូ​ឆើម​តេក​ពាង់​លែវ​លាប់​តា​ប៝ន​ដាមាស ​រី។
ACT 9:9 ជ៝ៈ​ពែ​នារ​ងាន់​ពាង់​មោ​អោស​ឆៃ​នទើ នទ្រែល​មា​មោ​ឆោង​ឆា​ដ៝ង់ ទាក​មោ​ញេត​ដ៝ង់។
ACT 9:10 តា​ប៝ន​ដាមាស ​នៃ​គែស​ទូ​ហ្វេ​អ៝ស​ម៝ន​អី​ញឆីង​មា​ឞ្រាស​យេឆូ  រាញា​ពាង់​អានានេស ។ កោរាញ​យេឆូ ​ក្វាល់​ពាង់​មា​នាវ​តឹម​ឆៃ៖ “ហើយ​អានានេស !” ពាង់​អើស៖ “ម៝ស​នទើ កោរាញ?”
ACT 9:11 កោរាញ​យេឆូ ​លាស​មា​ពាង់៖ “ទ៝ក់​ហ៝ម់ អ៝ន់​មៃ​ហាន់​រ៝ៈ​ត្រ៝ង​អី​ឞូ​ក្វាល់​លាស​«ត្រ៝ង​ឆ៝ង់» លាប់​តា​ជៃ​យូដាស  ជេសរី​អោប​រាញា​ឆាក់​ឆោល  ពាង់​តាៈ​ឞើស​ប៝ន​តាឆើស ។ អាបៃ​អ្យា​ពាង់​គុ​មឞើស​ឆើម‌
ACT 9:12 ពាង់​តឹម​ឆៃ​មា​ទូ​ហ្វេ​ឞូនុយ្ស រាញា​អានានេស  មៃ​ហាន់​លាប់​មឞើស​ឆើម​តេៈ​តី​តា​ពាង់ គៃ​មា​អ៝ន់​ពាង់​អ្វាញ់​ឆៃ​កើត​អើម”។
ACT 9:13 អានានេស ​ងើយ​មា​ឞ្រាស​យេឆូ ៖ “ហើយ​កោរាញ អ៝ក់​ឞូនុយ្ស​គ៝ប់​តាង់​លឺ​ឞូ​ងក៝ច​ពាង់ ឞូ​ក្លោ​អី​នៃ​ហោ​ងាន់​ពាង់​ជាន​ជេរ​មា​ផូង​ក្ល៝ស​អ្វែស​មៃ​តា​ប៝ន​យេរូឆាលឹម ​រី។
ACT 9:14 ពាង់​ត៝ត់​តា​នតុក​អ្យា​លែៈ​គែស​ជេស​ឆ៝ម់បុត​ឞើស​មពោល​កោរាញ​ជាន​ឞ្រាស គៃ​មា​ទើយ​ញុប​ក៝ត់​ឞូ​ម៝ស​មឞើស​ឆើម​ក្វាល់​រាញា​មៃ”។
ACT 9:15 យើន​មា​កោរាញ​យេឆូ ​លាស​មា​ពាង់៖ “ទ៝ក់​ហាន់​ហ៝ម់! យ៝រ​លាស​ឞូ​ក្លោ​នៃ​លែៈ​គ៝ប់​កើយ្ស​ជេស គៃ​មា​ទ៝ង់​ពាង់​ដាៈ​មឞើស​ងក៝ច​រាញា​គ៝ប់​អ៝ន់​មា​ឞាល់​មពោល​ផូង​ឞូនុយ្ស​អេងៗ​អី​មោ​ទី​ផូង​អីឆ្រាអែល  នទ្រែល​មា​កាដាច់​ខាន់​ពាង់ ជេសរី​មា​ផូង​ប៝ន​លាន​អីឆ្រាអែល ​ដ៝ង់។
ACT 9:16 គ៝ប់​អុច​តឹម​មពើល​អ៝ន់​មា​ពាង់​គឹត គែស​អ៝ក់​នាវ​ជេរ​ជ៝ត់​ពាង់​ឆ៝ៈ​ទើន​យ៝រ​មា​ពាង់​ជាន​ការ​មា​គ៝ប់​ជឹត​នាប់​តៃ”។
ACT 9:17 ជេសរី​អានានេស ​ទ៝ក់​ហាន់​រ៝។ ត៝ត់​តា​ជៃ​រី ពាង់​តេៈ​តី​តា​ឆោល  នហ៝​មា​លាស៖ “ហើយ​នោ​ឆោល ! កោរាញ​យេឆូ ​អី​តឹម​មពើល​មា​មៃ​រ៝ៈ​ត្រ៝ង​ទោល​មៃ​ហាន់​នៃ​នើស ពាង់​ដាៈ​គ៝ប់​ឞ្រោៈ​អា​មៃ​អ្យា គៃ​មា​អ៝ន់​ត្រោម​មាត់​មៃ​ទើយ​ឆៃ​អាង នទ្រែល​មា​អ៝ន់​ឞ្រាស​ហ្វេង​អ្វែស​អី​ក្ល៝ស​អ្វែស​គុ​តា​មៃ​ងាន់”។
ACT 9:18 ជេសរី​ទោ​មា​ឆៃ​គែស​នទើ​តឹម​ឞាន​មា​រាឆាប​កា​តុប​ឞើស​ត្រោម​មាត់​ឆោល ​រី មាត់​ពាង់​ឆៃ​អាង​តៃ​រ៝ ជេសរី​ពាង់​ទ៝ក់​ទើន​បាប់តែម​យុក​មា​ទាក។
ACT 9:19 ជេស​ពាង់​ឆោង​ឆា គែស​តៃ​ឞ្រាត់​ឆ្វាន​កើត​អើម។ ឆោល ​គុ​នទ្រែល​មពោល​អ៝ស​ម៝ន​តា​ប៝ន​ដាមាស ​ជ៝ៈ​ពែ​ព្វាន់​នារ។
ACT 9:20 ពាង់​ទ៝ក់​នតើម​មឞើស​ងក៝ច​រ៝​មា​ឞ្រាស​យេឆូ ​ជេង​ក៝ន​កោរាញ​ឞ្រាស​តា​ញីស​រាបុន​ផូង​អីឆ្រាអែល ​អេងៗ។
ACT 9:21 លែៈ​ឞូនុយ្ស​អី​តាង់​នាវ​ពាង់​លាស​នៃ ឞូ​នទ្រ៝ត់​ហីស​រាហ៝ល់​ងាន់​តា​នូយ្ស​នហ៝ម់​រី​មោ​វ៝ត់​អោស ឞូ​លាស៖ “ពាង់​អី​នៃ​រ៝​ជាន​ជេរ​លើស​អ្យើស​មា​មពោល​អី​មឞើស​ឆើម​ក្វាល់​រាញា​យេឆូ ​តា​ប៝ន​យេរូឆាលឹម ​រី​នើស។ ហាន់​ពាង់​អី​នៃ​តា​អ្យា គៃ​មា​ញុប​ញជុន​មពោល​អី​នៃ​មា​មពោល​កោរាញ​ជាន​ឞ្រាស​តា​យេរូឆាលឹម  នទ្រី​ពាង់​អី​នៃ​ហែស!”
ACT 9:22 ល៝ង់​ឆោល ​រី​លើ​មា​គែស​នូយ្ស​នហ៝ម់​ន៝ប់​ងាន់​ពាង់​ហែស ពាង់​រាឞ្លាង​ក្ល៝ស​រាស​វាស​ងាន់​ឞ្រាស​យេឆូ ​ជេង​ឞ្រាស​ក្រីស ​អី​នើម​រាក្លាយ្ស​កោរាញ​ឞ្រាស​ទែ​ញជ្វាល់ អ៝ន់​មា​មពោល​ផូង​អីឆ្រាអែល ​តា​ប៝ន​ដាមាស ​រី។ ខាន់​ពាង់​មោ​ហោម​អោស​ឞ្លាវ​តឹម​រាលាច់​មា​ពាង់​ជឹត។
ACT 9:23 ជ៝ៈ​ឞើស​កើយ​នៃ កោរាញ​មពោល​ផូង​អីឆ្រាអែល ​តឹម​ញច្រាៈ​ឞាល់​គៃ​មា​ងខឹត​លើយ​ពាង់។
ACT 9:24 យើន​មា​គែស​ឞូនុយ្ស​មឞើស​មា​ឆោល ​មា​នាវ​មពោល​នៃ​អុច​ងខឹត​ពាង់ គែស​ឞូ​គុ​ក៝ប់​តា​មពោង​មពេរ​ប៝ន​ទឹង​មាង់​ទឹង​នារ គៃ​មា​ក៝ប់​ញុប​ងខឹត​ពាង់។
ACT 9:25 យើន​មា​គែស​ទូ​មាង់​មពោល​អ៝ស​ម៝ន​ពាង់​តេៈ​ពាង់​មា​ឞិ ជេសរី​យូរ​ពាង់​ឞើស​ទីស​មពេរ​រី។
ACT 9:26 ជេស​ឆោល ​លែៈ​ឆឹត​តា​ប៝ន​យេរូឆាលឹម ​រី ពាង់​អុច​លាប់​នទ្រែល​ផូង​អ៝ស​ម៝ន។ យើន​មា​ផូង​អី​នៃ​ក្លាច​ពាង់​ទាទេ យ៝រ​លាស​ឞូ​មោ​អោស​អ្យាត់​លាស​ពាង់​ជេង​ឞូនុយ្ស​លែៈ​ញឆីង​ដ៝ង់។
ACT 9:27 ជេសរី​បារនាបាស ​លែវ​ឆោល ​ហាន់​ម៝ប់​មា​មពោល​កោរាញ​អ៝ស​ម៝ន បារនាបាស ​មឞើស​ងក៝ច​នាវ​កោរាញ​យេឆូ ​តឹម​មពើល​មា​ពាង់ ងើយ​មា​ពាង់​ទោល​ពាង់​ឞ្រោៈ​រ៝ៈ​ត្រ៝ង​រី​នើស នទ្រែល​មា​មឞើស​ងក៝ច​នាវ​ពាង់​ឞាញ់​មឞើស​ងក៝ច​មា​កោរាញ​យេឆូ ​តា​ប៝ន​ដាមាស ​រី។
ACT 9:28 នតើម​ឞើស​នោក​នៃ ឆោល ​ហាន់​នឹង​ម៝ប់​មា​មពោល​កោរាញ​អ៝ស​ម៝ន នទ្រែល​មា​ផូង​អី​ញឆីង​មា​កោរាញ​យេឆូ  ពាង់​ឞាញ់​មឞើស​ងក៝ច​មា​កោរាញ​យេឆូ ​លាម​ប៝ន​យេរូឆាលឹម ​ដ៝ង់។
ACT 9:29 ឆោល ​តឹម​ងើយ នទ្រែល​មា​តឹម​រាលាច់​ដ៝ង់​មា​មពោល​ផូង​អីឆ្រាអែល ​អី​ងើយ​នាវ​ងើយ​គ្រែក ​ទើម យើន​មា​មពោល​អី​នៃ​ជ៝យ​នាវ អុច​ងខឹត​ពាង់។
ACT 9:30 ទោល​ផូង​ញឆីង​មា​ឞ្រាស​យេឆូ ​គឹត​នាវ​អុច​ងខឹត​ពាង់​នៃ ខាន់​ពាង់​ញជុន​ពាង់​តា​ប៝ន​ឆេឆារា  ជេសរី​ដាៈ​ពាង់​ហាន់​ជឹត​ប៝ន​តាឆើស ។
ACT 9:31 ទឹង​លែៈ​ផូង​ញឆីង​មា​ឞ្រាស​ក្រីស​អាប់​នតុក តា​ឞ្រី​យូដា  តា​ឞ្រី​កាលីលេ  នទ្រែល​មា​តា​ឞ្រី​ឆាមារី  គែស​នាវ​ដាប់​មពាន់ មោ​គែស​ឞូ​ជាន​ជេរ នទ្រែល​មា​គែស​នាវ​ញឆីង​លើ​មា​ហោ។ ខាន់​ពាង់​គុ​ញអោត​នាវ​កោរាញ​ឞ្រាស​ងាន់​ងេន គែស​ឞ្រាស​ហ្វេង​អ្វែស​អី​ក្ល៝ស​អ្វែស​រាថី​នូយ្ស​នហ៝ម់​ខាន់​ពាង់ ជេសរី​ខាន់​ពាង់​លើ​ហោ​អ៝ក់​ដ៝ង់​ឞូនុយ្ស​ញឆីង។
ACT 9:32 ជេសរី​ពេត្រោស ​ហាន់​ញឆ៝ង​ត្រ៝ង​អាប់​នតុក។ គែស​ទូ​នារ​ពាង់​ហាន់​ខ៝ល់​មា​ផូង​ញឆីង​មា​ឞ្រាស​យេឆូ ​តា​ប៝ន​លីដា ​ឞ្រី​ឆារោន ។
ACT 9:33 ត៝ត់​តា​ប៝ន​នៃ ពាង់​ឆៃ​ទូ​ហ្វេ​ឞូនុយ្ស​ជី​ក្វែត រាញា​ពាង់​អេនាស  ពាង់​ជី​លែៈ​ជ៝ៈ​ផាម​នាម់​ងាន់ ទ៝ក់​មោ​ទើយ​អោស ឞិច​រាខ្វែន​តា​គ្រែ​រី​ទើម​យ៝រ​មា​ពាង់​រាវែន។
ACT 9:34 ជេសរី​ពេត្រោស ​លាស​មា​ពាង់៖ “ហើយ​អេនាស ! កោរាញ​យេឆូ​ក្រីស ​ជាន​ឞាស​ជី​មៃ មៃ​ទ៝ក់​ហ៝ម់ ញអោត​ងក៝ៈ​មៃ​នៃ!” ជេសរី​ពាង់​ទ៝ក់​ដឺប​រ៝។
ACT 9:35 អ៝ក់​ងាន់​ឞូនុយ្ស​គុ​តា​ប៝ន​លីដា  នទ្រែល​មា​គុ​រ៝ៈ​ឞ្រី​ឆារោន  ឆៃ​ពាង់​ឞាស​កើត​នៃ ខាន់​ពាង់​ឆឹត​ញឆីង​មា​កោរាញ​យេឆូ ​រ៝។
ACT 9:36 គែស​ដ៝ង់​តា​ប៝ន​យោបពេ ​រី គែស​ទូ​ហ្វេ​ឞូ​អូរ​រាញា​ពាង់​តេបីថា  រាឞ្លាង​នាវ​ងើយ​គ្រែក ​លាស​«ដ៝រកាស » ពាង់​ជេង​ផូង​ញឆីង​មា​ឞ្រាស​យេឆូ ​ដ៝ង់។ ពាង់​គើយ្ស​ជាន​នាវ​អ្វែស នទ្រែល​មា​អ៝ន់​នទើ​មា​ផូង​អ៝​អាច​បាបើ។
ACT 9:37 នោក​នៃ​ពាង់​គែស​ជី​ហោ នហ៝​មា​ខឹត។ ឞូ​រាវ​ឆាក់​ជាន់​ពាង់​តឹង​នាវ​វៃ​ផូង​អីឆ្រាអែល  ជេសរី​ឞូ​ញជ៝រ​ពាង់​តា​ជ្រោ​កាលើ​រី។
ACT 9:38 ផូង​ញឆីង​មា​ឞ្រាស​យេឆូ ​គឹត​ពេត្រោស ​ហោម​គុ​តា​ប៝ន​លីដា ​នៃ ជេសរី​ដាៈ​ឞារ​ហៃ​ឞូនុយ្ស​ហាន់​ជ៝យ​ពាង់​តា​នៃ គៃ​មា​ជាៈ​ពាង់​ហាន់​រ៝ យ៝រ​លាស​ប៝ន​លីដា ​ដាស​ប៝ន​យោបពេ ​តឹម​ទាច់។
ACT 9:39 ពេត្រោស ​ទ៝ក់​ឞើស​នៃ​ហាន់​នទ្រែល​ឞារ​ហៃ​ខាន់​ពាង់​រី​រ៝។ ត៝ត់​តា​រី​ឞូ​ជាៈ​ពាង់​ហាវ​តា​ជ្រោ​កាលើ​រី។ លែៈ​ឞូ​អូរ​នទ្រោ​ខឹត​ឆាយ​ទ៝ក់​ញុម​ទាច់​ពេត្រោស ​រី​ទាទេ នហ៝​មា​ញហើ​ឞ៝ក​អាវ​អី​ដ៝រកាស ​ទែ​ជឹង​អ៝ន់​មា​ខាន់​ពាង់​ទោល​ពាង់​ហោម​រេស​រី​នើស។
ACT 9:40 ពេត្រោស ​ដាៈ​ខាន់​ពាង់​លោស​អា​ទីស​ទាទេ ជេសរី​ពាង់​ច៝ន​កោម៝ក់​មឞើស​ឆើម។ ជេស​មឞើស​ឆើម​រី​ពាង់​អ្វាញ់​ជឹត​ឞូនុយ្ស​ខឹត​នៃ លាស​មា​ពាង់៖ “ហើយ​តេបីថា  អៃ​ទ៝ក់​ហ៝ម់”។ ឞូនុយ្ស​ខឹត​នៃ​លីន​មាត់​ឆៃ​ពេត្រោស  ពាង់​ទ៝ក់​គុ​តា​គ្រែ​រ៝។
ACT 9:41 ពេត្រោស ​ញុប​តី​ពាង់ រាទ៝ក់​ពាង់ ជេសរី​ក្វាល់​ផូង​ញឆីង​មា​ឞ្រាស​យេឆូ  នទ្រែល​មា​ផូង​ឞូ​អូរ​នទ្រោ​ខឹត​ឆាយ​ជាៈ​ខាន់​ពាង់​លាប់ ញហើ​ពាង់​អ៝ន់​ឞូ​ឆៃ​នាវ​ពាង់​ទ៝ក់​រេស​នៃ។
ACT 9:42 លែៈ​ឞូនុយ្ស​តា​ប៝ន​យោបពេ ​រី តាង់​លឺ​នាវ​នៃ​ទាទេ ជេសរី​អ៝ក់​ឞូនុយ្ស​ឆឹត​ញឆីង​មា​កោរាញ​យេឆូ ។
ACT 9:43 ពេត្រោស ​រី​ហោម​គុ​តា​យោបពេ ​នៃ​ជ៝ៈ​នារ​ជឹត ពាង់​គុ​តា​ជៃ​ទូ​ហ្វេ​ឞូ​ក្លោ​រាញា​ពាង់​ឆីមោន  ជេង​ឞូនុយ្ស​នទ្រាប់​នតោ​មពោមពា​(ឆ្យុម)​គៃ​មា​អ៝ន់​ឞូនុយ្ស​អេង​ជាន​នទើ​អេងៗ។
ACT 10:1 តា​ប៝ន​ឆេឆារា  គែស​ទូ​ហ្វេ​ឞូ​ក្លោ​រាញា​ពាង់​កោនេលេស  ពាង់​ជេង​កោរាញ​តាហែន​រោម  មពោល​ក៝ន​តាហែន​ពាង់​ឞូ​ក្វាល់​លាស​«មពោល​ឞ្រី​អីតាលី »។
ACT 10:2 ពាង់​លែៈ​រានាក់​វ៝ល់​ពាង់​ជេង​ឞូនុយ្ស​ក្លាច​អ្យាត់​នាវ​កោរាញ​ឞ្រាស។ ពាង់​អ៝ន់​អ៝ក់​ព្រាក់​យោៈ​មា​ផូង​ប៝ន​លាន​អ៝​អាច​តា​ផូង​អីឆ្រាអែល  នទ្រែល​មា​មឞើស​ឆើម​ក្វាល់​កោរាញ​ឞ្រាស​មរ៝​មរាង់។
ACT 10:3 គែស​ទូ​នារ​ក្លាប់​លាស​ម៝ង​ពែ​កេង​មាង់ ពាង់​តឹម​ឆៃ​នហេល​ដាស​ទូ​ហ្វេ​តោង​ពារ់​កោរាញ​ឞ្រាស​លាប់​តា​ត្រោម​ជៃ​ពាង់​រី។ តោង​ពារ់​នៃ​លាស​មា​ពាង់៖ “ហើយ​កោនេលេស !”
ACT 10:4 កោនេលេស ​អ្វាញ់​ជឹត​តោង​ពារ់​រី អើស​មា​ពាង់​នអ៝ប់​មា​ក្លាច​ញឆ៝រ់៖ “ហើយ​កោរាញ ម៝ស​គែស​នាវ​ហាៈ?” តោង​ពារ់​លាស៖ “នាវ​មៃ​មឞើស​ឆើម​លែៈ​កោរាញ​ឞ្រាស​អ្យាត់​ជេស នទ្រែល​មា​ព្រាក់​អី​មៃ​គែស​នាវ​យោៈ​អ៝ន់​មា​ឞូ​នៃ​គឹត​ត៝ត់​មា​កោរាញ​ឞ្រាស ពាង់​ហោម​កាស​គឹត​ដ៝ង់។
ACT 10:5 លាស​នទ្រី​មៃ​ដាៈ​ឞូ​ហាន់​តា​ប៝ន​យោបពេ ​រី​អាបៃ​រ៝ ជាៈ​ទូ​ហ្វេ​ឞូ​ក្លោ​រាញា​ពាង់​ឆីមោន  ឞូ​ក្វាល់​ពាង់​ពេត្រោស ​ដ៝ង់​វាច់​តា​អ្យា។
ACT 10:6 ពាង់​គុ​តា​ជៃ​ទូ​ហ្វេ​ឞូនុយ្ស​អី​រាញា​ឆីមោន ​ជេង​ឞូនុយ្ស​នទ្រាប់​នតោ​មពោមពា​(ឆ្យុម)​គៃ​មា​អ៝ន់​ឞូនុយ្ស​អេង​ជាន​នទើ​អេងៗ។ ជៃ​អី​នៃ​ទាច់​ទាក​វាច់​ទាក​វារ់”។
ACT 10:7 ត៝ត់​មា​ទូ​ជេស​តោង​ពារ់​អី​គុ​ងើយ​ដាស​កោនេលេស ​នៃ ជេសរី​ពាង់​ក្វាល់​ឞារ​ហៃ​ឞូនុយ្ស​ជាន​ការ​មា​ពាង់ នទ្រែល​មា​ទូ​ហ្វេ​តាហែន​អី​គុ​ទាច់​នទ្រែល​ពាង់​នើម​បាបើ​អ្យាត់​នាវ​កោរាញ​ឞ្រាស​ដ៝ង់ វាច់​តា​រី។
ACT 10:8 ជេស​ពាង់​មឞើស​លែៈ​ផ្យៅ​នាវ​អី​នៃ​មា​ខាន់​ពាង់ ជេសរី​ដាៈ​ខាន់​ពាង់​ហាន់​តា​ប៝ន​យោបពេ ​រី។
ACT 10:9 កាស​អោយ​តៃ ខាន់​ពាង់​ពែ​នុយ្ស​នៃ​ហាន់​ឞើយ​ត៝ត់​តា​ប៝ន​យោបពេ ​រី ទី​នារ​ងក្លាង​ឞោក ពេត្រោស ​ហាវ​មឞើស​ឆើម​តា​កាលើ​ច៝រ​ជៃ​រី។ ច៝រ​ជៃ​តា​នតុក​នៃ​ល៝ង់​គៃ​មា​ជាន​ការ​អេងៗ។
ACT 10:10 ទោល​នៃ​ពាង់​ជី​ង៝ត ឞូ​ញចោ​មា​នទ្រាប់​ព្យាង់​ត្រាវ​មា​អ៝ន់​ពាង់​ឆោង ពាង់​នហ៝​មា​តឹម​ឆៃ​រ៝។
ACT 10:11 ពាង់​ឆៃ​ត្រោក​ពើក​ឞ៝ង់​លាហឺរ ជេសរី​ឆៃ​នទើ​តឹម​ឞាន​មា​ទូ​ឞ្លាស​ឞ៝ក​លាយ្ស​ក្វ៝ង់​យូរ​តាៈ​ឞើស​កាលើ​ត្រោក​តី​ត៝ត់​អា​អ្យា គែស​ក៝ត់​លែៈ​ព្វាន់​ញជោញ​ដ៝ង់។
ACT 10:12 តា​កាលើ​ឞ៝ក​អី​នៃ​គែស​មពោមពា​(ឆ្យុម)​ជ៝ង់​ព្វាន់​អាប់​នតីល មពោមពា​(ឆ្យុម)​ហូង​វើរ នទ្រែល​មា​ឆ្យុម​មពារ់​កាលើ​ត្រោក​ដ៝ង់ គែស​ដ៝ង់​មពោមពា​(ឆ្យុម)​អី​មោ​ក្ល៝ស​អី​មោ​អោស​ទី​មា​ឆា​តឹង​នាវ​វៃ​ផូង​អីឆ្រាអែល ។
ACT 10:13 ជេសរី​តាង់​ងើយ​លាស​មា​ពាង់៖ “ហើយ​ពេត្រោស ! មៃ​ងខឹត​មពោមពា​(ឆ្យុម)​អ្យា​មា​គុច​ឆា​ទោ”។
ACT 10:14 យើន​មា​ពេត្រោស ​រាលាច់៖ “មោ​អោស​កោរាញ យ៝រ​លាស​មពោមពា​(ឆ្យុម)​អី​មោ​ក្ល៝ស​មោ​ទី​មា​ឆា គ៝ប់​មោ​អោស​វៃ​ឆា​តា​ទូ​ញជារ់​នាវ​រេស​គ៝ប់”។
ACT 10:15 ពេត្រោស ​តាង់​តៃ​នាវ​ងើយ​អី​នៃ​ទូ​តឹ​ជឹត៖ “ម៝ស​នទើ​អី​កោរាញ​ឞ្រាស​ជាន​លែៈ​ក្ល៝ស​ជេស លើយ​ហោម​មៃ​កើប​នទើ​អី​នៃ​បឹ​បើច​ជឹត”។
ACT 10:16 នាវ​អី​នៃ​លាស​ត៝ត់​មា​ពែ​តឹ​ងាន់ ជេសរី​ឞ៝ក​អី​នៃ​ហាវ​តៃ​កាលើ​ត្រោក​រី​រ៝។
ACT 10:17 ទោល​ពេត្រោស ​ហោម​គុ​មឹន​មោ​វ៝ត់​អោស​មា​នាវ​អី​នៃ ឞូនុយ្ស​ពែ​នុយ្ស​កោនេលេស ​ទែ​ដាៈ​ហាន់​រី​នើស ជេស​ជ៝យ​ជៃ​ឆីមោន ​លែៈ​ត៝ត់​តា​មពោង​នៃ។
ACT 10:18 ខាន់​ពាង់​អោប​ក្វាល់៖ “អាស​ឆីមោន  អី​ឞូ​ក្វាល់​ពេត្រោស ​គុ​តា​អ្យា​ដ៝ង់​ឞើស?”
ACT 10:19 ពេត្រោស ​ហោម​គុ​មឹន​មា​នាវ​ខ្លៃ​អី​ពាង់​តឹម​ឆៃ​នៃ​នើស នហ៝​មា​គែស​ឞ្រាស​ហ្វេង​អ្វែស​លាស​មា​ពាង់៖ “គែស​ឞូនុយ្ស​ពែ​នុយ្ស​អោប​ជ៝យ​មៃ។
ACT 10:20 ជុរ​ហ៝ម់ ហាន់​នទ្រែល​ខាន់​ពាង់ លើយ​អោស​វិ​វែៈ យ៝រ​លាស​គ៝ប់​នើម​ដាៈ​ខាន់​ពាង់​ហាន់​នៃ​នើស”។
ACT 10:21 ជេសរី​ពេត្រោស ​ជុរ​អា​ទ៝ង់​ឆូ លាស​មា​ខាន់​ពាង់​រី៖ “គ៝ប់​អ្យា​អី​ខាន់​មៃ​ជ៝យ​នៃ ម៝ស​នាវ​ហាៈ?”
ACT 10:22 ខាន់​ពាង់​អើស​មា​ពេត្រោស ៖ “កោរាញ​កោនេលេស ​អី​កោរាញ​តាហែន​រោម ​ដាៈ​ហេន​ហាន់​អា​អ្យា។ ពាង់​ជេង​ឞូនុយ្ស​ឆ៝ង់ ក្លាច​មា​កោរាញ​ឞ្រាស គែស​អ៝ក់​ផូង​អីឆ្រាអែល ​រានេ​ពាង់​ជេង​ឞូនុយ្ស​អ្វែស។ ជេសរី​គែស​ដ៝ង់​ទូ​ហ្វេ​តោង​ពារ់​ក្ល៝ស​អ្វែស​ដាៈ​ពាង់​ជាៈ​មៃ​ហាន់​តា​ជៃ​ពាង់ គៃ​មា​អ្យាត់​នាវ​មៃ​នតី”។
ACT 10:23 ជេសរី​ពេត្រោស ​ជាៈ​ខាន់​ពាង់​លាប់​ត្រោម​ជៃ ឞិច​តា​នៃ​ទូ​មាង់។ កាស​អោយ​តៃ​រី​ពាង់​ទ៝ក់​ហាន់​នទ្រែល​ខាន់​ពាង់ គែស​ដ៝ង់​ផូង​ញឆីង​អាបាៈ​តា​ប៝ន​យោបពេ ​នៃ​ហាន់​នទ្រែល​ពាង់​ដ៝ង់។
ACT 10:24 ត៝ត់​អោយ​ក្លាក​រី​ខាន់​ពាង់​ត៝ត់​តា​ប៝ន​ឆេឆារា ។ ល៝ង់​កោនេលេស ​រី ពាង់​លែៈ​ក្វាល់​ឞាល់​មពោល នទ្រែល​មា​មឹត​ជាង់​ពាង់ គុ​រាបុន​តា​ជៃ​ពាង់​រី​ទាទេ ក៝ប់​មពោល​ពេត្រោស ​រើប​ហើប។
ACT 10:25 ទោល​ពេត្រោស ​ត៝ត់​តា​រី កោនេលេស ​មអាក​ងាន់ ពាង់​រាន​ពាន់​យើក​មឞាស​តា​ជ៝ង់​ពេត្រោស ​រី​រ៝។
ACT 10:26 យើន​មា​ពេត្រោស ​ញុប​តី​កោនេលេស ​តេក​អ៝ន់​ពាង់​ទ៝ក់ នហ៝​មា​លាស៖ “ទ៝ក់​ហ៝ម់! លើយ​អោស​យើក​មឞាស​គ៝ប់ គ៝ប់​ឞូនុយ្ស​ទើម​តឹម​ឞាន​កើត​ឞាល់​ដ៝ង់”។
ACT 10:27 ជេសរី​ខាន់​ពាង់​លាប់​តា​ត្រោម​ជៃ​នហ៝​មា​តឹម​ងើយ។ ពេត្រោស ​ឆៃ​គែស​ឞូ​គុ​រាបុន​អ៝ក់​តា​រី។
ACT 10:28 ពាង់​លាស​មា​ឞូ៖ “ខាន់​អៃ​មៃ​លែៈ​គឹត​ជេស​នាវ​វៃ​ផូង​អីឆ្រាអែល ​មោ​អ៝ន់​អោស​ផូង​អីឆ្រាអែល ​តឹម​ម៝ប់​ដាស​ផូង​អី​មោ​ទី​ផូង​អីឆ្រាអែល  មោ​លាស​លាប់​ជៃ​ខាន់​ពាង់។ យើន​មា​កោរាញ​ឞ្រាស​លែៈ​តឹម​មពើល​ជេស​មា​គ៝ប់ អ៝ន់​គ៝ប់​រ៝ម​អាប់​នតីល​ឞូនុយ្ស លើយ​ទឹង​អោស​លាស​ទូ​ហ្វេ​ឞូនុយ្ស​បឹ​បើច មោ​លាស លាស​មោ​អោស​ក្ល៝ស​តា​នាប់​មាត់​ពាង់។
ACT 10:29 កើត​នទ្រី​ទឹង​គ៝ប់​ហាន់​រ៝​ទោល​ខាន់​អៃ​មៃ​ដាៈ​ឞូ​ឞ្រោៈ​ជាៈ​គ៝ប់។ លាស​នទ្រី​ល៝ង់​ខាន់​អៃ​មៃ​មឞើស​មា​គ៝ប់ ម៝ស​នាវ​ខាន់​អៃ​មៃ​ដាៈ​គ៝ប់​ហាន់​តា​អ្យា?”
ACT 10:30 កោនេលេស ​អើស​មា​ពាង់៖ “នោក​ពែ​នារ​ឞើស​កើយ​នើស ក្លាប់​លាស​ម៝ង​ពែ​កេង​មាង់​កើត​អាបៃ​អ្យា​ដ៝ង់ ទោល​គ៝ប់​មឞើស​ឆើម​តា​ជៃ គែស​ទូ​ហ្វេ​ឞូ​ក្លោ​ញឆ៝ស​ឞ៝ក​អាវ​ងលាង​ច្រាត ទ៝ក់​ឞើស​នាប់​គ៝ប់​រី‌
ACT 10:31 ជេសរី​លាស​មា​គ៝ប់៖ «ហើយ​កោនេលេស  កោរាញ​ឞ្រាស​លែៈ​អ្យាត់​ជេស​នាវ​មៃ​មឞើស​ឆើម នទ្រែល​មា​នទើ​មៃ​អ៝ន់​យោៈ​ឞូ​នៃ ពាង់​មោ​ច្វេល​អោស។
ACT 10:32 អាបៃ​អ្យា​អ៝ន់​មៃ​ដាៈ​ឞូ​ហាន់​តា​ប៝ន​យោបពេ ​រី មឞើស​មា​ទូ​ហ្វេ​ឞូ​ក្លោ​រាញា​ពាង់​ឆីមោន  ឞូ​ក្វាល់​ពាង់​ពេត្រោស ​ដ៝ង់ ដាៈ​ពាង់​ហាន់​តា​អ្យា។ ពាង់​គុ​តា​ជៃ​ឆីមោន ​ឞូនុយ្ស​នទ្រាប់​នតោ​មពោមពា​(ឆ្យុម) ជៃ​នៃ​ទាច់​ទាក​វាច់​ទាក​វារ់»។
ACT 10:33 កើត​នទ្រី​ទឹង​គ៝ប់​ដាៈ​ឞូ​ហាន់​ជាៈ​មៃ​រ៝ អ្វែស​ងាន់​មៃ​ហាន់​តា​អ្យា។ អាបៃ​អ្យា​ទឹង​លែៈ​ហេន​តា​អ្យា​លែៈ​គុ​ឞើស​នាប់​កោរាញ​ឞ្រាស​ជេស គៃ​មា​អ្យាត់​លែៈ​នាវ​ពាង់​ដាៈ​មៃ​ងើយ”។
ACT 10:34 ជេសរី​ពេត្រោស ​នតើម​ងើយ៖ “អាបៃ​អ្យា​លែៈ​គ៝ប់​គឹត​នហេល​នានេៈ​ងាន់ កោរាញ​ឞ្រាស​មោ​អោស​កើយ្ស​ឞូនុយ្ស​ទូ​មពោល​ទើម‌
ACT 10:35 យើន​មា​ទឹង​លែៈ​តា​មពោល​ឞូនុយ្ស ឞូ​ម៝ស​អី​ញអោត​នាវ​កោរាញ​ឞ្រាស នទ្រែល​មា​ជាន​ការ​នាវ​ឆ៝ង់ លែៈ​ឞូនុយ្ស​អី​នៃ​ពាង់​រ៝ម​រ៝។
ACT 10:36 ខាន់​អៃ​មៃ​លែៈ​គឹត​ជេស​នាវ​មហែ​មហាន​អ្វែស​ពាង់​លែៈ​ងើយ​មា​ផូង​អីឆ្រាអែល ​ហេន៖ ឞូនុយ្ស​ទើយ​គែស​នាវ​ដាប់​មពាន់​ដាស​កោរាញ​ឞ្រាស​យ៝រ​មា​នាវ​ខឹត​កោរាញ​យេឆូ​ក្រីស ។ កោរាញ​យេឆូ​ក្រីស ​នៃ​ជេង​កោរាញ​មា​ទឹង​លែៈ​ឞូនុយ្ស​តា​នែស​នតូ។
ACT 10:37 ខាន់​អៃ​មៃ​លែៈ​គឹត​ជេស​មា​នាវ​យោហាន-​បាប់តែម ​ដាៈ​ប៝ន​លាន​រាគ៝ល់​លើយ​នូយ្ស​នហ៝ម់​អ្យើស ជេសរី​ជាន​បាប់តែម​ខាន់​ពាង់​យុក​មា​ទាក​នៃ​នើស ខាន់​អៃ​មៃ​លែៈ​គឹត​ដ៝ង់​នទើ​កោរាញ​យេឆូ ​លែៈ​ជាន​នតើម​ឞើស​ឞ្រី​កាលីលេ  ត៝ត់​មា​លាម​ឞ្រី​យូដា ​នៃ។
ACT 10:38 ខាន់​អៃ​មៃ​លែៈ​គឹត​ជេស កោរាញ​ឞ្រាស​អ៝ន់​ឞ្រាស​ហ្វេង​អ្វែស​អី​ក្ល៝ស​អ្វែស​គុ​តា​កោរាញ​យេឆូ ​អី​តាៈ​ឞើស​ប៝ន​នាឆារែត ​នៃ​ងាន់ នទ្រែល​មា​អ៝ន់​នាវ​ទើយ​តា​ពាង់។ ពាង់​ឞ្រោៈ​ញឆ៝ង​អាប់​នតុក ជាន​នទើ​អ្វែស នទ្រែល​មា​ជាន​ឞាស​ប៝ន​លាន​អី​គែស​ឞ្រាស​អ្យើស​លើស។ ទឹង​លែៈ​នទើ​អ្យា​ពាង់​ឞ្លាវ​ជាន​យ៝រ​លាស​កោរាញ​ឞ្រាស​គុ​នទ្រែល​ពាង់។
ACT 10:39 ហេន​អ្យា​អី​តើម​ឆៃ​លែៈ​នតីល​នាវ​ខ្លៃ​កោរាញ​យេឆូ ​ជាន​តា​ឞ្រី​យូដា  នទ្រែល​មា​តា​ប៝ន​យេរូឆាលឹម ។ ឞូ​ងខឹត​ពាង់ ព៝ង់​ពាង់​តា​ឆី​តឹម​រាកាង់‌
ACT 10:40 យើន​មា​ត៝ត់​ពែ​នារ​ជេស​ខឹត កោរាញ​ឞ្រាស​ជាន​អ៝ន់​ពាង់​ទ៝ក់​រេស នទ្រែល​មា​អ៝ន់​ពាង់​តឹម​មពើល​ឆាក់​អ៝ន់​ឞូ​ឆៃ។
ACT 10:41 កោរាញ​ឞ្រាស​មោ​អោស​អ៝ន់​ទឹង​លែៈ​ឞូនុយ្ស​ឆៃ​ពាង់ យើន​មា​កោរាញ​ឞ្រាស​កើយ្ស​ហេន​អ្យា​អេ​ល៝រ​មា​ពាង់​ខឹត​ទ៝ក់​រេស គៃ​មា​ជាន​តើម​មឞើស​មា​នទើ​អី​នៃ។ ហេន​អ្យា​អី​គុ​ញេត​ឆោង​នទ្រែល​ពាង់ ជេស​ពាង់​ទ៝ក់​រេស​នៃ​នើស។
ACT 10:42 កោរាញ​យេឆូ ​នតិញ​មា​ហេន ដាៈ​ហេន​មឞើស​ងក៝ច​នាវ​មហែ​មហាន​អ្វែស​អ៝ន់​មា​ឞូ នទ្រែល​មា​មឞើស​ងក៝ច​ពាង់​អ្យា​អី​កោរាញ​ឞ្រាស​ទែ​អ៝ន់​ផាត​ទោយ្ស​ទឹង​លែៈ​ឞូនុយ្ស​តា​នែស​នតូ​តា​នារ​ជឹត​នាប់​តៃ ឞូនុយ្ស​ហោម​រេស នទ្រែល​មា​ឞូនុយ្ស​លែៈ​ខឹត​ដ៝ង់។
ACT 10:43 ទឹង​លែៈ​មពោល​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស លែៈ​ងក៝ច​ជេស​នាវ​ខ្លៃ​កោរាញ​យេឆូ ។ ខាន់​ពាង់​ងក៝ច​កោរាញ​ឞ្រាស​យោៈ​នអាច​មោ​ហោម​កើប​នាវ​តីស​មា​ទឹង​លែៈ​ឞូនុយ្ស​អី​ញឆីង​មា​ឞ្រាស​ក្រីស  យ៝រ​មា​នទើ​ពាង់​លែៈ​ជេស​ជាន”។
ACT 10:44 ទោល​ពេត្រោស ​ហោម​អែ​ងើយ ឞ្រាស​ហ្វេង​អ្វែស​អី​ក្ល៝ស​អ្វែស​ជុរ​គុ​តា​ខាន់​ពាង់​អី​គុ​អ្យាត់​នាវ​ពាង់​ងើយ​នៃ។
ACT 10:45 ល៝ង់​មពោល​ញឆីង​មា​ឞ្រាស​យេឆូ ​អី​ហាន់​នទ្រែល​ពេត្រោស ​នៃ​នើស ខាន់​ពាង់​ផូង​អីឆ្រាអែល ​អី​គែស​ក៝ស​នតោ​ទាទេ។ ខាន់​ពាង់​នទ្រ៝ត់​ហីស​រាហ៝ល់​ងាន់​មោ​វ៝ត់​អោស ឆៃ​កោរាញ​ឞ្រាស​ត្រ៝ច​អ៝ន់​ឞ្រាស​ហ្វេង​អ្វែស​អី​ក្ល៝ស​អ្វែស​គុ​តា​មពោល​ផូង​អី​មោ​ទី​ផូង​អីឆ្រាអែល ​ដ៝ង់‌
ACT 10:46 យ៝រ​លាស​ខាន់​ពាង់​តាង់​មពោល​អី​នៃ​ងើយ​តា​នាវ​ងើយ​អេងៗ​អី​មពោល​អី​នៃ​មោ​អោស​ឞ្លាវ​ងើយ​អា​ល៝រ​នើស តាង់​មពោល​អី​នៃ​រានេ​មា​កោរាញ​ឞ្រាស។ ជេសរី​ពេត្រោស ​លាស៖
ACT 10:47 “ខាន់​ពាង់​លែៈ​ទើន​ឞ្រាស​ហ្វេង​អ្វែស​អី​ក្ល៝ស​អ្វែស​គុ​តា​ខាន់​ពាង់​តឹម​ឞាន​មា​ឞ៝ន់​ដ៝ង់ លាស​នទ្រី​ឞូ​ម៝ស​ហោម​ទើយ​ឞ្វៃ​មា​មពោល​អ្យា​មោ​អ៝ន់​ជាន​បាប់តែម​យុក​មា​ទាក?”
ACT 10:48 ជេសរី​ពេត្រោស ​ដាៈ​ឞូ​ជាន​បាប់តែម​យុក​មា​ទាក​អ៝ន់​មា​មពោល​អី​នៃ​តា​រាញា​ឞ្រាស​យេឆូ​ក្រីស ។ ជេស​ជាន​បាប់តែម​រី ឞូ​ក៝ន់​ពេត្រោស ​អ៝ន់​គុ​នទ្រែល​តា​រី​ជ៝ៈ​ឞារ​ពែ​នារ​ជឹត។
ACT 11:1 ជេសរី​មពោល​កោរាញ​អ៝ស​ម៝ន នទ្រែល​មា​ផូង​ញឆីង​មា​ឞ្រាស​យេឆូ ​អី​គុ​តា​ឞ្រី​យូដា  ខាន់​ពាង់​លែៈ​តាង់​លឺ​គែស​ផូង​អី​មោ​ទី​ផូង​អីឆ្រាអែល ​ឆ៝ៈ​ទើន​នាវ​កោរាញ​ឞ្រាស​ដ៝ង់។
ACT 11:2 ទោល​ពេត្រោស ​ឆឹត​ត៝ត់​តា​ប៝ន​យេរូឆាលឹម  គែស​ផូង​ញឆីង​មា​ឞ្រាស​យេឆូ ​អី​ផូង​អីឆ្រាអែល ​នទុយ្ស​មា​ពាង់​កើត​នអា៖
ACT 11:3 “មៃ​តីស​ងាន់​លាប់​តា​ជៃ​ផូង​អី​មោ​ទី​ផូង​អីឆ្រាអែល  លើ​មា​ហោ​តីស​ជឹត​មៃ​លែៈ​ញេត​ឆោង​នទ្រែល​ផូង​អី​នៃ​ដ៝ង់”។
ACT 11:4 ជេសរី​ពេត្រោស ​មឞើស​ងក៝ច​ទឹង​លែៈ​នាវ​អី​នៃ​អ៝ន់​មា​ឞូ​គឹត៖
ACT 11:5 “នោក​គ៝ប់​គុ​តា​ប៝ន​យោបពេ  ទោល​គ៝ប់​មឞើស​ឆើម គ៝ប់​តឹម​ឆៃ​គែស​តឹម​ឞាន​មា​ទូ​ឞ្លាស​ឞ៝ក​លាយ្ស​ក្វ៝ង់ ក៝ត់​ព្វាន់​ញជោញ យូរ​តាៈ​ឞើស​កាលើ​តី​ត៝ត់​តា​គ៝ប់​រី។
ACT 11:6 ទោល​គ៝ប់​គុ​អ្វាញ់​នហេល​នទើ​អី​នៃ គ៝ប់​ឆៃ​គែស​អាប់​នតីល​មពោមពា​(ឆ្យុម)​ជ៝ង់​ព្វាន់ មពោមពា​(ឆ្យុម)​ឞ្រី មពោមពា​(ឆ្យុម)​ហូង​វើរ នទ្រែល​មា​ឆ្យុម​មពារ់​កាលើ​ត្រោក គែស​ដ៝ង់​មពោមពា​(ឆ្យុម)​មោ​ក្ល៝ស​មោ​អោស​ទី​មា​ឆា​តឹង​នាវ​វៃ​ផូង​ឞ៝ន់។
ACT 11:7 ជេសរី​គ៝ប់​តាង់​ងើយ​តាៈ​ឞើស​កាលើ​ត្រោក​តី​លាស​មា​គ៝ប់៖ «ហើយ​ពេត្រោស ! មៃ​ងខឹត​មពោមពា​(ឆ្យុម)​អ្យា​មា​គុច​ឆា​ទោ!»
ACT 11:8 យើន​មា​គ៝ប់​រាលាច់​មា​ពាង់​កើត​នអា៖ «មោ​អោស​កោរាញ យ៝រ​លាស​នទើ​អី​មោ​ក្ល៝ស​មោ​ទី​មា​ឆា គ៝ប់​មោ​អោស​វៃ​ឆា​តា​ទូ​ញជារ់​នាវ​រេស​គ៝ប់»។
ACT 11:9 ជេសរី​ងើយ​តាៈ​កាលើ​ត្រោក​តី​លាស​តៃ​មា​គ៝ប់​ដ៝ង់ នៃ​ជេង​ងើយ​ត៝ល់​ឞារ ពាង់​លាស​កើត​នអា៖ «ម៝ស​នទើ​កោរាញ​ឞ្រាស​ជាន​លែៈ​ក្ល៝ស​ជេស លើយ​ហោម​អោស​កើប​នទើ​នៃ​បឹ»។
ACT 11:10 នាវ​អី​នៃ​គែស​ពែ​តឹ​ងាន់ ជេសរី​ទឹង​លែៈ​នទើ​អី​នៃ​នហាវ​តៃ​កាលើ​ត្រោក​តី​លែៈ​ផ្យៅ។
ACT 11:11 នោក​នៃ​ទោ​មា​គែស​ឞូនុយ្ស​ពែ​នុយ្ស​ត៝ត់​តា​ជៃ​គ៝ប់​គុ​រី ឞូ​ដាៈ​ហាន់​ជ៝យ​គ៝ប់ ខាន់​ពាង់​តាៈ​ឞើស​ប៝ន​ឆេឆារា ។
ACT 11:12 ឞ្រាស​ហ្វេង​អ្វែស​លាស​មា​គ៝ប់ ដាៈ​គ៝ប់​ហាន់​នទ្រែល​ខាន់​ពាង់​រ៝ លើយ​អោស​វិ​វែៈ។ ជេសរី​គែស​ផូង​អ៝ស​នោ​ញឆីង​មា​កោរាញ​យេឆូ ​ព្រាវ​នុយ្ស​អ្យា​ហាន់​នទ្រែល​ដ៝ង់ ត៝ត់​តា​នៃ​ហេន​លាប់​តា​ជៃ​កោនេលេស ​រី។
ACT 11:13 ជេសរី​ពាង់​ងក៝ច​ឞ្រី​មា​ហេន​នាវ​ពាង់​តឹម​ឆៃ​មា​តោង​ពារ់​តា​ជៃ​ពាង់​នើម។ តោង​ពារ់​រី​លាស​មា​ពាង់៖ «មៃ​ដាៈ​ឞូ​ហាន់​តា​ប៝ន​យោបពេ  ជាៈ​រាញា​ឆីមោន ​អី​ឞូ​ក្វាល់​ពេត្រោស ​ដ៝ង់​វាច់​តា​អ្យា។
ACT 11:14 ពាង់​អី​នៃ​មឞើស​ងក៝ច​មា​មៃ អ៝ន់​មៃ នទ្រែល​មា​លែៈ​រានាក់​វ៝ល់​មៃ​គែស​រាក្លាយ្ស​ដ៝ង់»។
ACT 11:15 ទោល​គ៝ប់​នតើម​ងើយ​មា​ខាន់​ពាង់ ឞ្រាស​ហ្វេង​អ្វែស​អី​ក្ល៝ស​អ្វែស​ជុរ​គុ​តា​ខាន់​ពាង់​រី តឹម​ឞាន​មា​ពាង់​ជុរ​គុ​តា​ឞ៝ន់​ឞើស​នតើម​នើស​តា​នោក​ញេត​បុន ៥០ នារ​នើស​ដ៝ង់។
ACT 11:16 ទោល​នៃ​គ៝ប់​កាស​គឹត​នាវ​កោរាញ​យេឆូ ​លាស​នើស៖ «យោហាន-​បាប់តែម ​ជាន​បាប់តែម​អ៝ន់​ឞូ​យុក​មា​ទាក យើន​មា​ជឹត​នាប់​តៃ​កោរាញ​ឞ្រាស​អុច​អ៝ន់​ឞ្រាស​ហ្វេង​អ្វែស​ជុរ​គុ​តា​ឆាក់​ខាន់​មៃ។ នទើ​អី​នៃ​តឹម​ឞាន​មា​ខាន់​មៃ​យុក​មា​ឞ្រាស​ហ្វេង​អ្វែស​អី​ក្ល៝ស​អ្វែស»។
ACT 11:17 លាស​កោរាញ​ឞ្រាស​អ៝ន់​ឞ្រាស​ហ្វេង​អ្វែស​គុ​តា​ខាន់​ពាង់ តឹម​ឞាន​ពាង់​អ៝ន់​មា​ឞ៝ន់​នោក​ឞ៝ន់​ញឆីង​មា​កោរាញ​យេឆូ​ក្រីស ​នើស លាស​នទ្រី​ឞូ​ម៝ស​គ៝ប់​អ្យា​ទឹង​គែស​មា​ទើយ​ឞ្វៃ​កោរាញ​ឞ្រាស?”
ACT 11:18 ត៝ត់​មា​តាង់​នាវ​នៃ ផូង​អី​នៃ​មោ​ហោម​អោស​ងើយ​ទូ​ត៝ង ជេសរី​ខាន់​ពាង់​រានេ​មា​កោរាញ​ឞ្រាស ខាន់​ពាង់​លាស៖ “លាស​នទ្រី​ផូង​អី​មោ​ទី​ផូង​អីឆ្រាអែល  កោរាញ​ឞ្រាស​អ៝ន់​នាវ​រេស​នហ៝​រ៝​ដ៝ង់ លាស​ខាន់​ពាង់​រាគ៝ល់​នូយ្ស​នហ៝ម់​អ្យើស”។
ACT 11:19 ជេស​ឞូ​ងខឹត​ឆាតេផាន  នតើម​ឞើស​នៃ​ឞូ​ជាន​ជេរ​មា​ផូង​ញឆីង​មា​ឞ្រាស​យេឆូ ​ដ៝ង់ ជេសរី​គែស​អ៝ក់​ផូង​ញឆីង​ទូ​លោស​ឞើស​ប៝ន​យេរូឆាលឹម ​ញច្វាត់​ញហីង​ញហាង។ អាបាៈ​ហាន់​តា​ឞ្រី​ផេនីស  អាបាៈ​ហាន់​តា​គោល​ទាក​កីព្រ៝ស  អាបាៈ​ជឹត​ហាន់​តា​ប៝ន​ក្វ៝ង់​អ៝ន់តីយោក ។ លែៈ​ផូង​នៃ​មឞើស​ងក៝ច​ឞ្រាស​យេឆូ  ទើន​មឞើស​ងក៝ច​អ៝ន់​មា​ផូង​អីឆ្រាអែល ​ទើម។
ACT 11:20 យើន​មា​គែស​ឞូនុយ្ស​តា​ផូង​នៃ​អើម​តាៈ​ឞើស​គោល​ទាក​កីព្រ៝ស  នទ្រែល​ប៝ន​ក្វ៝ង់​កីរេន  ហាន់​តា​ប៝ន​អ៝ន់តីយោក ។ ខាន់​ពាង់​មឞើស​ងក៝ច​នាវ​មហែ​មហាន​អ្វែស​កោរាញ​យេឆូ ​អ៝ន់​មា​ផូង​អី​មោ​ទី​ផូង​អីឆ្រាអែល ​ដ៝ង់។
ACT 11:21 នាវ​ទើយ​កោរាញ​ឞ្រាស​គុ​នទ្រែល​ខាន់​ពាង់ ជេសរី​គែស​អ៝ក់​ឞូនុយ្ស​ឆឹត​ញឆីង​មា​កោរាញ​យេឆូ ។
ACT 11:22 ផូង​ញឆីង​មា​ឞ្រាស​ក្រីស ​តា​ប៝ន​យេរូឆាលឹម ​រី​តាង់​លឺ​នាវ​នៃ ជេសរី​ខាន់​ពាង់​ដាៈ​បារនាបាស ​ហាន់​តា​ប៝ន​អ៝ន់តីយោក ​រី។
ACT 11:23 ត៝ត់​តា​រី ពាង់​ឆៃ​នាវ​យោៈ​ក្វ៝ង់​កោរាញ​ឞ្រាស​អ៝ន់​មា​ខាន់​ពាង់ ពាង់​រាម់​មអាក​ងាន់។ ជេសរី​ពាង់​នតុម​នតី​អ៝ន់​មា​ទឹង​លែៈ​ខាន់​ពាង់ អ៝ន់​គុ​ន៝ប់​ញឆីង​មា​កោរាញ​យេឆូ ​មា​លែៈ​នូយ្ស​នហ៝ម់។
ACT 11:24 ពាង់​ជេង​ឞូនុយ្ស​គែស​នូយ្ស​នហ៝ម់​អ្វែស ឞ្រាស​ហ្វេង​អ្វែស​អី​ក្ល៝ស​អ្វែស​គុ​តា​ពាង់​ងាន់ នទ្រែល​មា​គែស​នាវ​ញឆីង​ន៝ប់​ងាន់។ ជេសរី​គែស​អ៝ក់​ឞូនុយ្ស​ឆឹត​ញឆីង​មា​កោរាញ​យេឆូ ។
ACT 11:25 ជេសរី​បារនាបាស ​ហាន់​តា​ប៝ន​តាឆើស  គៃ​មា​ជ៝យ​ឆោល ​តា​ប៝ន​នៃ។
ACT 11:26 ត៝ត់​មា​ឆៃ​រី បារនាបាស ​លែវ​ពាង់​ហាន់​តា​ប៝ន​អ៝ន់តីយោក ។ ឞារ​ហៃ​ខាន់​ពាង់​រី​គុ​នទ្រែល​ផូង​ញឆីង​មា​ឞ្រាស​ក្រីស ​តា​ប៝ន​នៃ​ជ៝ៈ​ទូ​នាម់ នហ៝​មា​គែស​អ៝ក់​ប៝ន​លាន​អី​ខាន់​ពាង់​នតុម​នតី​ដ៝ង់។ តា​ប៝ន​អ៝ន់តីយោក ​អ្យា​នតើម​ឞោក​ទាក​ឞូ​ក្វាល់​ផូង​អ៝ស​ម៝ន​លាស «ផូង​ឞ្រាស​ក្រីស »។
ACT 11:27 នោក​នៃ​គែស​មពោល​អ៝ស​ម៝ន​អាបាៈ​ខាន់​ពាង់​ឞូនុយ្ស​នតើយ្ស​នាវ​ងើយ​កោរាញ​ឞ្រាស​តាៈ​ឞើស​ប៝ន​យេរូឆាលឹម ​ហាន់​ត៝ត់​តា​ប៝ន​អ៝ន់តីយោក ​រី។
ACT 11:28 តា​មពោល​អី​នៃ​គែស​ទូ​ហ្វេ​ឞូ​ក្លោ​រាញា​ពាង់​អាកាបុស  ពាង់​ទ៝ក់ ជេសរី​លាស​យ៝រ​មា​ឞ្រាស​ហ្វេង​អ្វែស​ដាៈ​ពាង់ ពាង់​លាស៖ “មោ​ជ៝ៈ​ជឹត​គែស​នាវ​ជី​ឆ៝ត់​ជី​ង៝ត​ក្វ៝ង់​លាម​នែស​នតូ​អ្យា”។ នាវ​នៃ​គែស​ងាន់​រ៝​តា​នោក​កោរាញ​កាដាច់​ក្លោដេស ​តា​ប៝ន​ក្វ៝ង់​រោម ​ម៝ត់​អ្វាញ់។
ACT 11:29 តាង់​នាវ​អាកាបុស ​ងើយ​កើត​នៃ ផូង​ញឆីង​មា​ឞ្រាស​យេឆូ ​តា​ប៝ន​អ៝ន់តីយោក ​លែៈ​អុច​កើល​ញជ្វាល់​ព្រាក់​អ៝ន់​មា​ផូង​ញឆីង​គុ​តា​ឞ្រី​យូដា ​តឹង​ខាន់​ពាង់​នើម​គែស​ទូ​ហ្វេ​ទូ​ហ្វេ។
ACT 11:30 ខាន់​ពាង់​ញជ្វាល់​ព្រាក់​អី​នៃ​តា​បារនាបាស  នទ្រែល​មា​ឆោល ​អ៝ន់​មា​កោរាញ​ផូង​ញឆីង​មា​ឞ្រាស​ក្រីស ​តា​ប៝ន​យេរូឆាលឹម ។
ACT 12:1 នោក​នៃ កាដាច់​ហេរោត ​នតើម​ជាន​ជេរ​មា​ឞូនុយ្ស​អាបាៈ​តា​ផូង​ញឆីង​មា​ឞ្រាស​ក្រីស ។
ACT 12:2 ពាង់​ដាៈ​ឞូ​ងខឹត​លើយ​កោរាញ​អ៝ស​ម៝ន​រាញា​យាកើ  អី​នោ​យោហាន ​មា​ដាវ។
ACT 12:3 ជេសរី​ពាង់​ដាៈ​ឞូ​ញុប​ពេត្រោស ​ដ៝ង់ យ៝រ​មា​ពាង់​ឆៃ​កោរាញ​ឞ្រី​យូដា ​រាម់​ងាន់​មា​នាវ​នៃ។ នោក​នៃ​ឞូ​ហោម​ញេត​បុន​នុមពាង់​មោ​គែស​នទ្រូយ។
ACT 12:4 ជេស​ញុប​រី​ឞូ​តេៈ​ពាង់​តា​ត្រោម​នទ្រូង ជេសរី​កាដាច់​ដាៈ​ផូង​តាហែន​ព្វាន់​មពោល​គុ​ញជ្រាង់​ពេត្រោស ​រី ទូ​មពោល​គែស​ព្វាន់​នុយ្ស។ នាវ​មឹន​កាដាច់​អុច​ផាត​ទោយ្ស​ពេត្រោស ​តា​នាប់​ផូង​ប៝ន​លាន​ជេស​ញេត​បុន​នហ៝ត​រី​តៃ។
ACT 12:5 ពេត្រោស ​ឞូ​ក្រុង​តា​ត្រោម​នទ្រូង​រី។ ល៝ង់​ផូង​ញឆីង​មា​ឞ្រាស​ក្រីស ​រី​លែវ​ឞាល់​មឞើស​ឆើម​ទាន់​មា​កោរាញ​ឞ្រាស​ទុត​នហ៝ម់​ងាន់ ទាន់​កើល​មា​ពាង់។
ACT 12:6 ទោល​កាដាច់​ហេរោត ​មឹន​អុច​លែវ​ពេត្រោស ​មា​ផាត​ទោយ្ស មាង់​នៃ​ពេត្រោស ​ឞិច​គែស​រាឆែ​រាវាក់​ឞារ​រាឆែ​ក៝ត់​តា​តី​ពាង់​រី ច្យៅ​មា​ពាង់​រី​គែស​ឞារ​ហៃ​តាហែន​ឞិច​នទ្រែល​តា​រី តា​ឞោក​មពោង​នទ្រូង​រី​គែស​តាហែន​ក៝ប់​ញជ្រាង់​ដ៝ង់។
ACT 12:7 ទោល​នៃ​ទោ​មា​គែស​តោង​ពារ់​កោរាញ​ឞ្រាស​វាច់​តា​រី ច្រាត​អាង​លាម​ត្រោម​នទ្រូង​រី​ងាន់។ តោង​ពារ់​ក្លែស​រាលៃ​ពេត្រោស ​ឞើស​ពុង​ទាក ពាង់​លាស៖ “មៃ​ទ៝ក់​អ៝ន់​ងាច់​ហ៝ម់!” ល៝ង់​រាឆែ​រាវាក់​រី​រាល៝ត់​អេង​ព្រុយ្ស​ឞើស​តី​ពាង់។
ACT 12:8 ជេសរី​តោង​ពារ់​លាស​មា​ពាង់៖ “ក៝ត់​រាឆែ​ឞុត នទ្រែល​មា​នត្រុប​នតោ​ជ៝ត​មៃ​នៃ​ហ៝ម់!” ពេត្រោស ​ជាន​ប៝យ​នាវ​ពាង់​ដាៈ។ តោង​ពារ់​លាស​ជឹត​មា​ពាង់៖ “ញឆ៝ស​ហ៝ម់​អាវ​ក្វ៝ង់​មៃ​នៃ ជេសរី​ហាន់​តឹង​គ៝ប់”។
ACT 12:9 ជេសរី​ពេត្រោស ​លោស​តឹង​តោង​ពារ់​នៃ​រ៝ ពាង់​មោ​មឹន​អោស​នាវ​តោង​ពារ់​ជាន​មា​ពាង់​នៃ​ជេង​នាវ​ងាន់ ពាង់​នអោន​លាស​ឆៃ​នាវ​តឹម​ឆៃ​ទើម។
ACT 12:10 តោង​ពារ់ នទ្រែល​មា​ពេត្រោស ​ហាន់​គ្លាត់​នតុក​ឞូ​ក៝ប់​ញជ្រាង់​ទូ​កើន នទ្រែល​មា​នតុក​ឞូ​ក៝ប់​ញជ្រាង់​ឞារ​កើន ជេសរី​នហ៝ត​ត៝ត់​តា​មពោង​ល៝យ្ស​អី​លោស​ត៝ត់​តា​ប៝ន។ មពោង​អី​នៃ​លែៈ​អើម​ពើក​អេង​រ៝​តា​នាប់​ខាន់​ពាង់​រី ជេសរី​ខាន់​ពាង់​លោស​ឞើស​នៃ។ ទោល​ខាន់​ពាង់​ហាន់​រ៝ៈ​ត្រ៝ង​ង្វាយ ពេត្រោស ​មោ​ហោម​អោស​ឆៃ​តោង​ពារ់ ទោ​មា​រ៝ស​ក្លាក់​រ៝។
ACT 12:11 ជេសរី​ពេត្រោស ​គឹត​ឆាក់ ពាង់​លាស៖ “អាបៃ​អ្យា​លែៈ​គ៝ប់​គឹត​ជេស​នាវ​អ្យា​ជេង​នាវ​ងាន់។ កោរាញ​ឞ្រាស​ញជ្វាល់​តោង​ពារ់​ពាង់​ហាន់​រាក្លាយ្ស​គ៝ប់​ឞើស​តី​កាដាច់​ហេរោត  នទ្រែល​មា​ឞើស​នាវ​អុច​ផូង​កោរាញ​ឞ្រី​យូដា ​អុច​លើស​មា​គ៝ប់”។
ACT 12:12 ជេស​មឹន​កើត​នៃ ពាង់​ហាន់​តា​ជៃ​មារី ​អី​មេៈ​យោហាន ​អី​ឞូ​ក្វាល់​មារកោស ​ដ៝ង់។ ជៃ​អី​នៃ​គែស​អ៝ក់​ឞូនុយ្ស​គុ​រាបុន​មឞើស​ឆើម​ត៝ត់​តា​នៃ។
ACT 12:13 ពាង់​ក្វាល់​ឞើស​ទីស​មពោង​រី តា​នៃ​គែស​ទូ​ហ្វេ​ឞូ​អូរ​កើល​ជាន​ការ​រាញា​រោដា  ហាន់​រាន​អ្យាត់​តា​ឞោក​មពោង។
ACT 12:14 ត៝ត់​ពាង់​នាល់​លាស​ឞ៝រ់​ពេត្រោស  ពាង់​រាម់​អីរ ត៝ត់​មា​ច្វេល​ពើក​មពោង​មា​ពាង់ ញច្វាត់​ព្លឹ​មឞើស​មា​ឞូ​លាស៖ “ហើយ​ខាន់​អៃ​មៃ! ពេត្រោស ​តា​ឞើស​ទីស​មពោង”។
ACT 12:15 ឞូ​លាស​មា​ពាង់៖ “អៃ​នទឹត​ទាស​មា​លាស”។ យើន​មា​ឞូ​អូរ​នៃ​ហោម​ជ៝ល់​ក៝​លាស​មា​ខាន់​ពាង់៖ “ពាង់​ងាន់​រ៝”។ ឞូ​លាស៖ “គឹត​មា​តោង​ពារ់​អី​ញជ្រាង់​ពាង់​ទើម”។
ACT 12:16 យើន​មា​ពេត្រោស ​ហោម​ក្វាល់​ឞើស​ទីស​មពោង​រី​នានាវ ជេសរី​ឞូ​ពើក​មពោង។ ត៝ត់​មា​ឆៃ​ពាង់​រី ឞូ​នទ្រ៝ត់​ហីស​រាហ៝ល់​ងាន់​មោ​វ៝ត់​អោស។
ACT 12:17 ពេត្រោស ​ជាន​មា​តី​គៃ​មា​អ៝ន់​ខាន់​ពាង់​គុ​រាក្លាក់ ពាង់​មឞើស​ងក៝ច​មើម​បាៈ​កោរាញ​ឞ្រាស​កើល​មា​ពាង់ ទឹង​គែស​មា​ទើយ​លោស​ឞើស​ត្រោម​នទ្រូង​នៃ​នើស។ ជេសរី​ពាង់​នតិញ​មា​ខាន់​ពាង់៖ “ដាៈ​ខាន់​អៃ​មៃ​មឞើស​ងក៝ច​នាវ​អ្យា​អ៝ន់​មា​យាកើ  នទ្រែល​មា​ផូង​ញឆីង​ទឹង​លែៈ​អ៝ន់​ខាន់​ពាង់​គឹត​ដ៝ង់”។ ជេសរី​ពាង់​ហាន់​នហ៝ត​តៃ​នតុក​អេង​ជឹត។
ACT 12:18 ត៝ត់​ឞ្រី​អាង​អោយ តាហែន​រី​គែស​នាវ​អុស​អាស​ងាន់ យ៝រ​មា​មោ​ហោម​ឆៃ​ពេត្រោស ។
ACT 12:19 កាដាច់​ដាៈ​ឞូ​ជ៝យ​ពាង់ យើន​មា​ជ៝យ​មោ​ហោម​ឆៃ​អោស កាដាច់​អោប​ជែក​ផូង​តាហែន​នៃ ជេសរី​ដាៈ​ឞូ​ងខឹត​លើយ​ខាន់​ពាង់​អី​នៃ។ ជេស​ឞើស​នៃ​កាដាច់​លោស​ឞើស​ឞ្រី​យូដា  ហាន់​គុ​តា​ប៝ន​ឆេឆារា ។
ACT 12:20 កាដាច់​ហេរោត ​មោ​តឹម​ទី​អោស​មា​ឞូនុយ្ស​តា​ប៝ន​ក្វ៝ង់​តីរុស  នទ្រែល​មា​ឞូនុយ្ស​តា​ប៝ន​ក្វ៝ង់​ឆីដោន  ពាង់​ជី​នូយ្ស​ហោ​ងាន់។ យើន​មា​ផូង​នៃ​គែស​នាវ​មឹន​ទូ​នតោរ​នាវ​ទើម​គៃ​មា​ឞ្រោៈ​ម៝ប់​កាដាច់​រី។ ខាន់​ពាង់​តឹម​រាង្លាប់​នទ្រែល​ឞ្លាសតុស  ជេង​ឞូនុយ្ស​ក្វ៝ង់​ជាន​ការ​មា​កាដាច់ គៃ​មា​គែស​នាវ​ដាប់​មពាន់​នទ្រែល​កាដាច់ យ៝រ​លាស​នទើ​ឆោង​ឆា​តា​ឞ្រី​ខាន់​ពាង់​នើស​ឆ៝ៈ​តាៈ​ឞើស​ឞ្រី​កាដាច់​នៃ។
ACT 12:21 ត៝ត់​លែៈ​ទី​នារ​តឹម​នាល ហេរោត ​ញឆ៝ស​ងគូត​អាវ​អ្វែស​ហាវ​គុ​តា​រានើល​កាដាច់​ពាង់​រី ជេសរី​ងើយ​អ៝ន់​មា​ផូង​ប៝ន​លាន​គុ​អ្យាត់។
ACT 12:22 លែៈ​ផូង​ប៝ន​លាន​នតែរ​រានេ​ទុត​នតែសៗ៖ “អ្យា​ជេង​នាវ​ងើយ​ឞ្រាស មោ​អោស​ទី​នាវ​ងើយ​ឞូនុយ្ស!”
ACT 12:23 ទូ​នហ៝ម់​តា​នៃ គែស​ទូ​ហ្វេ​តោង​ពារ់​កោរាញ​ឞ្រាស​ហាន់​លើស​លើយ​កាដាច់​នៃ យ៝រ​លាស​ពាង់​ទើន​នាវ​យើក​មឞាស​អី​នៃ​មា​ពាង់​នើម​អី​ទី​មា​អ៝ន់​កោរាញ​ឞ្រាស​ទើម។ ពាង់​ខឹត​យ៝រ​មា​រាហាយ​ឆា។
ACT 12:24 ល៝ង់​នាវ​កោរាញ​ឞ្រាស​លើ​មា​ហោ​ឞូនុយ្ស​តាង់ ជេសរី​ឞូនុយ្ស​ឆឹត​ញឆីង​មា​ឞ្រាស​យេឆូ ​លើ​មា​អ៝ក់​ដ៝ង់។
ACT 12:25 បារនាបាស  នទ្រែល​មា​ឆោល ​រី ជេស​ខាន់​ពាង់​ញជុន​ព្រាក់​តា​ផូង​ញឆីង​មា​ឞ្រាស​ក្រីស ​តា​ប៝ន​យេរូឆាលឹម ​លែៈ​ផ្យៅ ជេសរី​លោស​ឞើស​នៃ​ព្លឹ​ឆឹត​តៃ​តា​ប៝ន​អ៝ន់តីយោក  នហ៝​មា​លែវ​យោហាន ​អី​ឞូ​ក្វាល់​មារកោស ​ហាន់​នទ្រែល​ខាន់​ពាង់​ដ៝ង់។
ACT 13:1 ផូង​ញឆីង​មា​ឞ្រាស​ក្រីស ​តា​ប៝ន​អ៝ន់តីយោក ​រី គែស​ឞូនុយ្ស​អាបាៈ​ជេង​ផូង​នតើយ្ស​នាវ​ងើយ​កោរាញ​ឞ្រាស ឞូនុយ្ស​អាបាៈ​ជេង​ផូង​នើម​នតី។ តា​នៃ​គែស​បារនាបាស  គែស​ឆីមេអោន ​អី​ឞូ​ក្វាល់​នីកើរ  គែស​លូកេស ​តាៈ​ឞើស​ប៝ន​ក្វ៝ង់​កីរេន  គែស​មានាអេន ​អី​ឞូ​ម៝ត់​ឞើស​ជេៈ​គុ​នទ្រែល​ហេរោត-​អ៝ន់តីពាស ​អី​កោរាញ​ម៝ត់​អ្វាញ់​ឞ្រី​កាលីលេ  នទ្រែល​មា​គែស​ឆោល ។
ACT 13:2 គែស​ទូ​នារ​ទោល​ខាន់​ពាង់​យើក​មឞាស​មា​កោរាញ​ឞ្រាស នអ៝ប់​មា​អ៝ត់​ឆោង ឞ្រាស​ហ្វេង​អ្វែស​អី​ក្ល៝ស​អ្វែស​លាស​មា​ខាន់​ពាង់៖ “ងខាស​អ៝ន់​អេង​បារនាបាស  នទ្រែល​មា​ឆោល ​មា​គ៝ប់ យ៝រ​លាស​គ៝ប់​អុច​អ៝ន់​ឞារ​ហៃ​ខាន់​ពាង់​នៃ​គៃ​មា​ជាន​ការ​អេង​អី​គ៝ប់​នទ្រាប់​អ៝ន់​ខាន់​ពាង់​ជាន”។
ACT 13:3 ជេស​ខាន់​ពាង់​អ៝ត់​ឆោង នទ្រែល​មា​មឞើស​ឆើម ជេសរី​ខាន់​ពាង់​តេៈ​តី​តា​ឞារ​ហៃ​ខាន់​ពាង់​នៃ នហ៝​មា​អ៝ន់​ខាន់​ពាង់​ហាន់​រ៝​គៃ​មា​ជាន​ការ​អី​ឞ្រាស​ហ្វេង​អ្វែស​ដាៈ​ខាន់​ពាង់​នៃ។
ACT 13:4 ឞ្រាស​ហ្វេង​អ្វែស​អី​ក្ល៝ស​អ្វែស​ដាៈ​ឞារ​ហៃ​ខាន់​ពាង់​នៃ​ហាន់​តា​ប៝ន​ឆេលើឆៀ  ជេសរី​ខាន់​ពាង់​ជុរ​ញច៝​ទូក​តាៈ​ឞើស​នៃ​ហាន់​តា​ប៝ន​ឆាលាមីន ​តា​គោល​ទាក​កីព្រ៝ស ។
ACT 13:5 ត៝ត់​តា​ប៝ន​នៃ ឞារ​ហៃ​ខាន់​ពាង់​នៃ​មឞើស​ងក៝ច​នាវ​កោរាញ​ឞ្រាស​តា​ញីស​រាបុន​ផូង​អីឆ្រាអែល  គែស​នអ៝ប់​មា​យោហាន ​អី​ឞូ​ក្វាល់​មារកោស ​ហាន់​កើល​នទ្រែល​ដ៝ង់។
ACT 13:6 ជេសរី​ខាន់​ពាង់​ហាន់​ដ៝ង់​រ៝ៈ​គោល​ទាក​នៃ​ត៝ត់​តា​ប៝ន​ពាផោស ។ តា​ប៝ន​នៃ​ខាន់​ពាង់​ម៝ប់​មា​ទូ​ហ្វេ​ឞូនុយ្ស​ម៝ត់​នអាង​ជាន​នទើ​មា​នាវ​ទើយ​ឞ្រាស​អ្យើស រាញា​ពាង់​បារ-​យេឆូ  ពាង់​ផូង​អីឆ្រាអែល  ពាង់​ឞូនុយ្ស​នតើយ្ស​ងក្លាៈ​នាវ​ងើយ​កោរាញ​ឞ្រាស​ដ៝ង់។
ACT 13:7 ពាង់​គុ​នទ្រែល​កោរាញ​ម៝ត់​អ្វាញ់​គោល​ទាក​កីព្រ៝ស  រាញា​ឆើកេស-​ពោលុស ​ជេង​ឞូនុយ្ស​គែស​នាវ​មឹន​គឹត​ឞ្លាវ។ ជេសរី​កោរាញ​អី​នៃ​ដាៈ​ឞូ​ជាៈ​បារនាបាស  នទ្រែល​មា​ឆោល  យ៝រ​លាស​ពាង់​អុច​អ្យាត់​នាវ​កោរាញ​ឞ្រាស។
ACT 13:8 ឞូនុយ្ស​ម៝ត់​នអាង​អី​នៃ​តា​នាវ​ងើយ​គ្រែក ​ឞូ​ក្វាល់​ពាង់​អេលីមាស ​ដ៝ង់ ល៝ង់​ពាង់​តឹម​រាទ៝ង់​ដាស​មា​ឞារ​ហៃ​ខាន់​ពាង់​រី ពាង់​ងខាង់​កោរាញ​អី​នៃ​មោ​អោស​អ៝ន់​ពាង់​ញឆីង​មា​ឞ្រាស​យេឆូ ។
ACT 13:9 ទោល​នៃ​ឆោល ​អី​ឞូ​ក្វាល់​ពោល ​ដ៝ង់ ឞ្រាស​ហ្វេង​អ្វែស​អី​ក្ល៝ស​អ្វែស​គុ​តា​ពាង់​ងាន់ ជេសរី​ពាង់​អ្វាញ់​ផ៝ង់​ជឹត​ឞូនុយ្ស​ម៝ត់​នអាង​អី​នៃ នហ៝​មា​លាស៖
ACT 13:10 “យេ! មៃ​អី​ឞូនុយ្ស​ជាន​ម៝ន់​ទើម ឞូនុយ្ស​ឞ្លាវ​នាវ​មរោស​ហោ​អីរ! មៃ​អី​នៃ​ក៝ន​ឞ្រាស​អ្យើស លែៈ​នទើ​នាវ​ឆ៝ង់ មៃ​រាលាច់ នទ្រី​មៃ​ជេង​ឞូ​នាច់​រាលាង់​ដាស​មា​លែៈ​នទើ​នាវ​ឆ៝ង់។ មើម​មៃ​លាស​នឹង​នាវ​ឆ៝ង់​កោរាញ​ឞ្រាស​ជេង​នាវ​មរោស​ច្រាវ?
ACT 13:11 អាបៃ​អ្យា នាវ​ទើយ​កោរាញ​ឞ្រាស​តឹម​រាទ៝ង់​ជាន​អ៝ន់​មៃ​ចែស​មាត់ អ៝ន់​មៃ​អ្វាញ់​មោ​ឆៃ​អាង​ជ៝ៈ​អ៝យ”។ ទូ​នហ៝ម់​តា​នៃ​មាត់​ពាង់​ទោ​មា​ង៝​រ៝ អ្វាញ់​មោ​ឆៃ​អោស។ ឞ្រោៈ​ឞូតៗ ដាៈ​ឞូ​ឆើម​តេក។
ACT 13:12 ជេសរី​កោរាញ​អី​នៃ​ញឆីង​មា​កោរាញ​យេឆូ ​រ៝ យ៝រ​លាស​ពាង់​លែៈ​ឆៃ​នាវ​អី​នៃ នអ៝ប់​មា​នទ្រ៝ត់​ហីស​រាហ៝ល់​នាវ​នតី​មា​កោរាញ​យេឆូ ​នៃ​លែៈ​នាវ​ងាន់។
ACT 13:13 ជេសរី​ពោល  នទ្រែល​មា​ឞាល់​មពោល​ពាង់​ជុរ​ញច៝​ទូក​តាៈ​ឞើស​ប៝ន​ពាផោស  ហាន់​តា​ប៝ន​ពើកា ​ឞ្រី​ពាមផីលៀ ។ ត៝ត់​តា​ប៝ន​ពើកា ​នៃ​យោហាន ​នត្លើយ​ខាន់​ពាង់​តា​នៃ​ហាន់​ព្លឹ​ឆឹត​តា​ប៝ន​យេរូឆាលឹម ។
ACT 13:14 ល៝ង់​ពោល  នទ្រែល​មា​បារនាបាស ​រី លោស​តាៈ​ឞើស​ប៝ន​ពើកា  ងក្រែ​នហ៝ត​ត៝ត់​តា​ប៝ន​អ៝ន់តីយោក ​ឞ្រី​ផីឆីដៀ ។ តា​នារ​ឆាបាត់ ​អី​នារ​រាលូ​ផូង​អីឆ្រាអែល  ឞារ​ហៃ​ខាន់​ពាង់​នៃ​លាប់​គុ​តា​ញីស​រាបុន​ផូង​អីឆ្រាអែល ​រី។
ACT 13:15 ត៝ត់​ជេស​ឞូ​រ៝ៈ​តា​នាវ​វៃ​មោឆេ  នទ្រែល​មា​ឆ៝ម់បុត​ឞូនុយ្ស​នតើយ្ស​នាវ​ងើយ​កោរាញ​ឞ្រាស កោរាញ​អាបាៈ​តា​ញីស​រាបុន​នៃ​ដាៈ​ឞូ​មឞើស​មា​ឞារ​ហៃ​ខាន់​ពាង់​រី៖ “ហើយ​អ៝ស​នោ លាស​ខាន់​មៃ​គែស​នាវ​អុច​មឞើស​ងក៝ច​មា​នហាវ​នូយ្ស​នហ៝ម់​អ៝ន់​មា​ផូង​ប៝ន​លាន ងើយ​ហ៝ម់”។
ACT 13:16 ជេសរី​ពោល ​ទ៝ក់ ពាង់​យើរ​តី​អ៝ន់​ខាន់​ពាង់​គុ​រាក្លាក់៖ “ហើយ​អ៝ស​នោ​កោញ​វា​ផូង​អីឆ្រាអែល  នទ្រែល​មា​ផូង​អី​មោ​ទី​ផូង​អីឆ្រាអែល ​ក្លាច​អ្យាត់​នាវ​កោរាញ​ឞ្រាស ខាន់​អៃ​មៃ​អ្យាត់​គ៝ប់​ហ៝ម់។
ACT 13:17 កោរាញ​ឞ្រាស​អី​ផូង​អីឆ្រាអែល ​ឞ៝ន់​អ្យា​យើក​មឞាស លែៈ​កើយ្ស​ជេស​ផូង​អូ​ចែ​ឞ៝ន់​កាល់​អែ​នើស​គៃ​មា​ជេង​ប៝ន​លាន​ពាង់​នើម នទ្រែល​មា​ពាង់​អ៝ន់​ឞឹក​រឹ​ទោល​ខាន់​ពាង់​គុ​តា​ឞ្រី​អេឆីប ។ ជេស​ឞើស​នៃ ពាង់​លែវ​ខាន់​ពាង់​ទូ​លោស​តាៈ​ឞើស​ឞ្រី​នៃ​យ៝រ​មា​នាវ​ទើយ​កោរាញ​ឞ្រាស​នើម។
ACT 13:18 ជេសរី​ពាង់​ហោម​អ៝ត់​នូយ្ស​មា​នាវ​តីស​ខាន់​ពាង់​ទោល​គុ ៤០ នាម់​តា​ឞ្រី​រាទាស។
ACT 13:19 ជេស​កោរាញ​ឞ្រាស​លើស​រាយ​លែៈ​ផ្យៅ​ពើស​ឞ្រី​ទាក​គុ​តា​ឞ្រី​កានាអាន ​នៃ ជេសរី​ពាង់​អ៝ន់​ឞ្រី​ទាក​អី​នៃ​មា​ផូង​ប៝ន​លាន​ឞ៝ន់​គុ។
ACT 13:20 នតើម​ឞើស​ខាន់​ពាង់​ហាន់​លាប់​តា​ឞ្រី​អេឆីប  ត៝ត់​មា​លាប់​តា​ឞ្រី​កានាអាន  គែស ៤៥០ នាម់ ជេសរី​កោរាញ​ឞ្រាស​អ៝ន់​គែស​កោរាញ​ផាត​ទោយ្ស​ទើម​ម៝ត់​អ្វាញ់​ផូង​ប៝ន​លាន​អីឆ្រាអែល  នហ៝​មា​ត៝ត់​ឞូនុយ្ស​នតើយ្ស​នាវ​ងើយ​កោរាញ​ឞ្រាស​រាញា​ឆាម់មោអែល ។
ACT 13:21 ជេស​ឞើស​នៃ​ជឹត ខាន់​ពាង់​លែវ​ឞាល់​ទាន់​អ៝ន់​គែស​ទូ​ហ្វេ​កាដាច់​មា​ខាន់​ពាង់ ជេសរី​កោរាញ​ឞ្រាស​អ៝ន់​គែស​កាដាច់​មា​ខាន់​ពាង់​រ៝ ពាង់​ឆ៝ៈ​ឆោល ​អី​ក៝ន​ឞូ​ក្លោ​កីស ​តាៈ​ឞើស​រាន៝យ​ទែស​មពោល​បែនយាមឹន ​អ៝ន់​ជាន​កាដាច់​គែស ៤០ នាម់។
ACT 13:22 ជេសរី​កោរាញ​ឞ្រាស​ងលោស​លើយ​ឆោល ​នៃ ពាង់​ឆ៝ៈ​ដាវីត ​អ៝ន់​ជាន​កាដាច់។ កោរាញ​ឞ្រាស​ងក៝ច​លាស​មា​ដាវីត ​នៃ៖ «គ៝ប់​លែៈ​ឆៃ​ទូ​ហ្វេ​ឞូនុយ្ស រាញា​ដាវីត ​ក៝ន​ឞូ​ក្លោ​យេឆេ  ពាង់​ទី​នូយ្ស​នហ៝ម់​គ៝ប់​ងាន់ យ៝រ​លាស​ពាង់​មរា​ជាន​ទឹង​លែៈ​នាវ​គ៝ប់​អុច»។
ACT 13:23 តឹង​មា​នាវ​ពាង់​លែៈ​ត៝ន​នើស តា​រាន៝យ​ទែស​កាដាច់​ដាវីត ​អី​នៃ កោរាញ​ឞ្រាស​អ៝ន់​កោរាញ​យេឆូ ​ជេង​នើម​រាក្លាយ្ស​ផូង​ប៝ន​លាន​អីឆ្រាអែល ។
ACT 13:24 អេ​ល៝រ​មា​កោរាញ​យេឆូ ​វាច់ យោហាន-​បាប់តែម ​លែៈ​មឞើស​ជេស​មា​ទឹង​លែៈ​ផូង​ប៝ន​លាន​ផូង​អីឆ្រាអែល  ដាៈ​រាគ៝ល់​លើយ​នូយ្ស​នហ៝ម់​អ្យើស​ជាន​បាប់តែម​យុក​មា​ទាក។
ACT 13:25 នោក​ពាង់​ជាន​ឞើយ​មា​ជេស​លែៈ​ផ្យៅ​ការ​អី​កោរាញ​ឞ្រាស​ដាៈ​ពាង់​ជាន​នៃ ពាង់​លាស​មា​ផូង​ប៝ន​លាន៖ «ខាន់​អៃ​មៃ​មឹន​គ៝ប់​អ្យា​អី​ឞ្រាស​ក្រីស ​កោរាញ​ឞ្រាស​ត៝ន​មា​ញជ្វាល់​ឞើស? គ៝ប់​អ្យា​មោ​ទី​អោស យើន​មា​ពាង់​ត៝ត់​ឞើស​កើយ​គ៝ប់។ តា​នាប់​ពាង់​គ៝ប់​ជេង​ឞូនុយ្ស​ជេៈ​លេៈ​ទើម ឞ៝ល​លាស​គ៝ប់​ឆើម​ទ្រ៝ស​នតោ​ជ៝ត​ពាង់ ហោម​អែ​មោ​ហ៝ៈ​ទី​ដាស​នាវ​ជាន​ការ​ពាង់​ដ៝ង់»”។
ACT 13:26 “ហើយ​ខាន់​អៃ​មៃ​អី​ផូង​អ៝ស​នោ​ក៝ន​ឆៅ​អាឞ្រាហាម់  នទ្រែល​មា​ផូង​ក្លាច​អ្យាត់​នាវ​កោរាញ​ឞ្រាស​អី​មោ​ទី​ផូង​អីឆ្រាអែល ! មា​ឞ៝ន់​ទឹង​លែៈ​អី​កោរាញ​ឞ្រាស​អ៝ន់​គឹត​មើម​ពាង់​ជាន​គៃ​មា​រាក្លាយ្ស​ឞូនុយ្ស។
ACT 13:27 ឞូនុយ្ស​តា​ប៝ន​យេរូឆាលឹម  នទ្រែល​មា​ផូង​កោរាញ​ខាន់​ពាង់​តា​ប៝ន​នៃ មោ​អោស​គឹត​នាល់​កោរាញ​យេឆូ ​ជេង​នើម​រាក្លាយ្ស​ខាន់​ពាង់។ អាប់​នារ​ឆាបាត់ ​អី​នារ​រាលូ​ផូង​អីឆ្រាអែល ​ខាន់​ពាង់​វៃ​រ៝ៈ​នាវ​មពោល​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស​លែៈ​ញចីស តីស​មា​ខាន់​ពាង់​មោ​អោស​វ៝ត់​នាវ​អី​នៃ នទ្រី​ខាន់​ពាង់​ផាត​ទោយ្ស​ងខឹត​លើយ​អោឞាល់​តឹម​ទី​មា​នាវ​អី​លែៈ​ញចីស​តា​នៃ។
ACT 13:28 ឞ៝ល​លាស​ខាន់​ពាង់​ជ៝យ​នាវ​តីស​មា​ងខឹត​តា​ពាង់​រី​មោ​ឆៃ ខាន់​ពាង់​ហោម​អែ​ទាន់​មា​ពីលាត ​គៃ​មា​ងខឹត​កោរាញ​យេឆូ ។
ACT 13:29 ជេស​ខាន់​ពាង់​ជាន​លែៈ​នទើ​អី​មពោល​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស​លែៈ​ញចីស​ជេស​មា​ឆាក់​ពាង់ ជេសរី​ឞូ​ញជុរ​ឆាក់​កោរាញ​យេឆូ ​ឞើស​ឆី​តឹម​រាកាង់​រី ញជ៝រ​ពាង់​តា​មោច។
ACT 13:30 យើន​មា​កោរាញ​ឞ្រាស​ជាន​អ៝ន់​ពាង់​ទ៝ក់​រេស​តៃ។
ACT 13:31 ជេសរី​ពាង់​តឹម​មពើល​ឆាក់​ពាង់​អ៝ក់​នារ​អ៝ន់​មា​ផូង​ឞ្រោៈ​នទ្រែល​ពាង់​តាៈ​ឞើស​ឞ្រី​កាលីលេ  ហាន់​តា​ប៝ន​យេរូឆាលឹម ។ អាបៃ​អ្យា​លែៈ​ផូង​អី​នៃ ជេង​ឞូនុយ្ស​តើម​ងក៝ច​នាវ​ខ្លៃ​ពាង់​អ៝ន់​មា​ផូង​អីឆ្រាអែល ”។
ACT 13:32 “អាបៃ​អ្យា​ហេន​មឞើស​នាវ​មហែ​មហាន​អ្វែស​អ្យា​មា​ខាន់​អៃ​មៃ ជេង​នាវ​កោរាញ​ឞ្រាស​លែៈ​ត៝ន​ជេស​មា​ផូង​អូ​ចែ​ឞ៝ន់​កាល់​អែ​នើស។
ACT 13:33 នាវ​អី​នៃ​អាបៃ​អ្យា​ពាង់​លែៈ​ជាន​មា​ឞ៝ន់​អី​ក៝ន​ឆៅ​ខាន់​ពាង់​នៃ ពាង់​ជាន​កោរាញ​យេឆូ ​អ៝ន់​ទ៝ក់​រេស​ជេង​ទី​មា​នាវ​មព្រើ​អើម​តា​ងកោៈ​ឞារ​កោរាញ​ឞ្រាស​លាស៖ «មៃ​អ្យា​ក៝ន​គ៝ប់​នើម។ នារ​អ្យា​គ៝ប់​អ៝ន់​ឞូ​គឹត គ៝ប់​ឞឹ​មៃ​ងាន់»។
ACT 13:34 កោរាញ​ឞ្រាស​អ៝ន់​កោរាញ​យេឆូ ​ទ៝ក់​រេស​កើត​នៃ មោ​អោស​អ៝ន់​ឆាក់​ជាន់​ពាង់​ឞ្លាវ​អោម​ជឹត ជេង​ទី​មា​នាវ​ពាង់​លាស​មា​អូ​ចែ​ឞ៝ន់​កាល់​អែ​នើស​កើត​នអា៖ «នាវ​គែស​ជេង​ក្ល៝ស​អ្វែស​អី​គ៝ប់​លែៈ​ត៝ន​អ៝ន់​មា​កាដាច់​ដាវីត ​កាល់​អែ​នើស នាវ​អី​នៃ​គ៝ប់​អ៝ន់​មា​ខាន់​អៃ​មៃ​ងាន់​រ៝»។
ACT 13:35 កើត​នទ្រី​តា​ទូ​នាវ​មព្រើ​អើម​អេង​ជឹត​នាវ​កាដាច់​ដាវីត ​មឞើស​ឆើម​គែស​ញចីស​កើត​នអា​ដ៝ង់៖ «មៃ​មោ​អោស​អ៝ន់​ឆាក់​ជាន់​ឞូនុយ្ស​ក្ល៝ស​អ្វែស​ឞ្លាវ​អោម»។
ACT 13:36 នោក​កាដាច់​ដាវីត ​ហោម​រេស​ពាង់​ជាន​តឹង​នាវ​កោរាញ​ឞ្រាស​អុច ជេស​ពាង់​ខឹត ឞូ​ត៝ប់​ពាង់​កើត​ផូង​អូ​ចែ​ពាង់​ដ៝ង់ ជេសរី​ឆាក់​ជាន់​ពាង់​អោម នទ្រី​ពាង់​មោ​អោស​ងើយ​មា​ពាង់​នើម​តា​នាវ​មព្រើ​អី​នៃ‌
ACT 13:37 យើន​មា​ពាង់​ងើយ​មា​ឞ្រាស​យេឆូ ​អី​កោរាញ​ឞ្រាស​ជាន​អ៝ន់​ពាង់​ទ៝ក់​រេស​នៃ កើត​នទ្រី​ឆាក់​ជាន់​ពាង់​មោ​គែស​អោស​អោម។
ACT 13:38 ហើយ​អ៝ស​នោ កើត​នទ្រី​នាវ​ហេន​មឞើស​ងក៝ច​អ្យា​មា​ខាន់​អៃ​មៃ​គៃ​អ៝ន់​ខាន់​អៃ​មៃ​គឹត​នហេល​នានេៈ៖ យ៝រ​មា​កោរាញ​យេឆូ ​អ្យា​ទឹង​កោរាញ​ឞ្រាស​យោៈ​នអាច​មោ​ហោម​កើប​នាវ​តីស​តា​ខាន់​អៃ​មៃ។
ACT 13:39 អ្យាត់​តឹង​នាវ​វៃ​ផូង​អីឆ្រាអែល ​មោ​អោស​ទើយ​រាក្លាយ្ស​ឞើស​នាវ​តីស​ឞូនុយ្ស យើន​មា​ទឹង​លែៈ​ឞូនុយ្ស​អី​ញឆីង​មា​កោរាញ​យេឆូ ​គែស​រាក្លាយ្ស​ឞើស​នាវ​តីស​អី​នៃ។
ACT 13:40 កើត​នទ្រី​អ៝ន់​ខាន់​អៃ​មៃ​ញជ្រាង់​ហ៝ម់ ក្លាច​លាស​ជេង​ទី​មា​ខាន់​អៃ​មៃ​តឹង​មា​នាវ​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស​លែៈ​ញចីស​ជេស៖
ACT 13:41 «កោរាញ​ឞ្រាស​លាស៖ «ហើយ​ផូង​ឞូនុយ្ស​មឺច​រាម៝ត​គ៝ប់‌ អ៝ន់​ខាន់​អៃ​មៃ​អ្វាញ់​ហ៝ម់ ជេសរី​នទ្រ៝ត់​ហីស​រាហ៝ល់​មោ​វ៝ត់​អោស នហ៝​មា​រ៝ស​ហេង​រ៝‌ យ៝រ​លាស​គ៝ប់​ជាន​ការ​ទូ​នតីល​នាវ​តា​រានោក​ខាន់​អៃ​មៃ។ ការ​អី​នៃ​ខាន់​អៃ​មៃ​មោ​អ្យាត់​អោស ឞ៝ល​លាស​គែស​ឞូនុយ្ស​មឞើស​ងក៝ច​មា​ខាន់​អៃ​មៃ​កាដោយ​លែៈ»»”។
ACT 13:42 រាបុន​លែៈ​លោច​ជេស ទោល​ពោល  នទ្រែល​មា​បារនាបាស ​ទូ​លោស​ឞើស​ញីស​រាបុន​នៃ ផូង​គុ​រាបុន​តា​នៃ​នត្រោល​ដាៈ​ខាន់​ពាង់​ព្លឹ​នតី​តៃ​នាវ​អី​នៃ​តា​នារ​ឆាបាត់ ​ជឹត​នាប់​តៃ។
ACT 13:43 ជេស​នាវ​តឹម​រាបុន​នៃ គែស​អ៝ក់​ងាន់​ឞូនុយ្ស​ហាន់​តឹង​ខាន់​ពាង់ តា​នៃ​គែស​ផូង​អីឆ្រាអែល  នទ្រែល​មា​ផូង​អី​មោ​ទី​ផូង​អីឆ្រាអែល ​លាប់​ផូង​អីឆ្រាអែល ។ ឞារ​ហៃ​ខាន់​ពាង់​នៃ​ងក៝ច​ឞ្រី​មា​ផូង​អី​នៃ នហ៝​មា​នតី​ផូង​អី​នៃ​អ៝ន់​គុ​ន៝ប់​តា​នាវ​អ្វែស​កោរាញ​ឞ្រាស។
ACT 13:44 ជេសរី​ត៝ត់​នារ​ឆាបាត់ ​ឞើស​កើយ ផូង​ប៝ន​លាន​តា​ប៝ន​នៃ​ហាន់​រាបុន​អ្យាត់​នាវ​កោរាញ​ឞ្រាស​អ៝ក់​ងាន់ ឞើយ​មា​លែៈ​ទូ​ប៝ន​នៃ​រ៝។
ACT 13:45 យើន​មា​នោក​ផូង​អីឆ្រាអែល ​ឆៃ​ឞូនុយ្ស​អ៝ក់​កើត​នៃ ខាន់​ពាង់​មោ​នាច​ងើយ​តឹម​រាទ៝ង់​ដាស​នាវ​ពោល ​នតី នហ៝​មា​រាក​ឆ្វាយ​មា​អោឞាល់​ហោ​ងាន់។
ACT 13:46 ជេសរី​ពោល  នទ្រែល​មា​បារនាបាស  ខាន់​ពាង់​ឞាញ់​ងើយ​លាស​មា​ឞូ​កើត​នអា៖ “អ្យាត់​មា​ហេន​មឞើស​ងក៝ច​នាវ​កោរាញ​ឞ្រាស​ល៝រ​មា​ផូង​ខាន់​អៃ​មៃ​អី​ទី​ផូង​អីឆ្រាអែល ។ តីស​មា​ខាន់​អៃ​មៃ​រាលាច់​មោ​អុច​អោស​ឆ៝ៈ​ទើន កើត​នទ្រី​ខាន់​អៃ​មៃ​កើប​អេង​ខាន់​អៃ​មៃ​មោ​ទី​កោរាញ​ឞ្រាស​អ៝ន់​នាវ​រេស​នហ៝​រ៝​ដ៝ង់។ កើត​នទ្រី​ទឹង​ហេន​អាបៃ​អ្យា​មឞើស​ងក៝ច​នាវ​អ្យា​អ៝ន់​មា​ផូង​អី​មោ​ទី​ផូង​អីឆ្រាអែល ។
ACT 13:47 យ៝រ​លាស​កោរាញ​ឞ្រាស​លែៈ​ដាៈ​ហេន​កើត​នអា៖ «គ៝ប់​ញជេង​មៃ​ជេង​នទើ​អាង​មា​ផូង​អី​មោ​ទី​ផូង​អីឆ្រាអែល ‌ គៃ​មា​មៃ​លែវ​នាវ​រាក្លាយ្ស​ត៝ត់​លាម​នតុក​ជុម​ឞ្រី​វារ់​នែស»”។
ACT 13:48 ត៝ត់​ផូង​អី​មោ​ទី​ផូង​អីឆ្រាអែល ​តាង់​នាវ​នៃ ខាន់​ពាង់​រាម់​មអាក​ងាន់ ខាន់​ពាង់​រានេ​មា​កោរាញ​ឞ្រាស​យ៝រ​មា​នាវ​មឞើស​ងក៝ច​អី​នៃ។ ល៝ង់​មពោល​អី​កោរាញ​ឞ្រាស​លែៈ​កើយ្ស​មា​អ៝ន់​គែស​នាវ​រេស​នហ៝​រ៝ ខាន់​ពាង់​លែវ​ឞាល់​ឆឹត​ញឆីង​មា​ឞ្រាស​យេឆូ ​ទាទេ។
ACT 13:49 នាវ​កោរាញ​ឞ្រាស​ឞូ​តាង់​លឺ​លាម​ឞ្រី​នៃ​ងាន់។
ACT 13:50 គែស​ផូង​ឞូ​អូរ​អី​នទ្រ៝ង់​តា​ប៝ន​នៃ ខាន់​ពាង់​យើក​មឞាស​មា​កោរាញ​ឞ្រាស។ ល៝ង់​ផូង​អីឆ្រាអែល ​អី​មោ​អោស​ញឆីង​មា​ឞ្រាស​យេឆូ ​ញឆោច​ផូង​ឞូ​អូរ​អី​នៃ នទ្រែល​មា​ញឆោច​ផូង​កោរាញ​តា​ប៝ន​នៃ លែវ​ឞាល់​ជាន​ជេរ​មា​ពោល  នទ្រែល​មា​បារនាបាស  នត្រុត​អោឞាល់​ទូ​លោស​ឞើស​ឞ្រី​នែស​ខាន់​ពាង់​នៃ។
ACT 13:51 ពោល  នទ្រែល​មា​បារនាបាស ​រាតោស​នែស​មោយ​ឞើស​ជ៝ង់​ខាន់​ពាង់​នើម ជេសរី​ហាន់​តា​ប៝ន​អីកោនៀម ។
ACT 13:52 ជេស​ខាន់​ពាង់​លោស​ឞើស​នៃ ផូង​ញឆីង​តា​ប៝ន​អ៝ន់តីយោក ​រី ខាន់​ពាង់​ហោម​គែស​នាវ​រាម់​មអាក​ងាន់ នទ្រែល​មា​ឞ្រាស​ហ្វេង​អ្វែស​អី​ក្ល៝ស​អ្វែស​គុ​តា​ខាន់​ពាង់​ដ៝ង់។
ACT 14:1 ត៝ត់​តា​ប៝ន​អីកោនៀម ​ពោល  នទ្រែល​មា​បារនាបាស  អាប់​នារ​រាលូ​ផូង​អីឆ្រាអែល ​ខាន់​ពាង់​ហាន់​តា​ញីស​រាបុន​ផូង​អីឆ្រាអែល  នហ៝​មា​នតី​នាវ​កោរាញ​ឞ្រាស។ យ៝រ​មា​នាវ​ខាន់​ពាង់​ឞ្លាវ​ងើយ​គែស​អ៝ក់​ផូង​អីឆ្រាអែល ​ឆឹត​ញឆីង​មា​ឞ្រាស​យេឆូ  នអ៝ប់​មា​ផូង​អី​មោ​ទី​ផូង​អីឆ្រាអែល ​ដ៝ង់។
ACT 14:2 តីស​មា​ផូង​អីឆ្រាអែល ​អី​មោ​ញឆីង ខាន់​ពាង់​ញឆោច​មា​ផូង​អី​មោ​ទី​ផូង​អីឆ្រាអែល ​អី​មោ​ញឆីង ដាៈ​តឹម​រាទ៝ង់​មា​ផូង​ញឆីង។
ACT 14:3 នទ្រី​ទឹង​ពោល  នទ្រែល​មា​បារនាបាស  ខាន់​ពាង់​គុ​តា​ប៝ន​អី​នៃ​ជ៝ៈ​នារ។ ខាន់​ពាង់​ឞាញ់​ងាន់​មឞើស​ងក៝ច​មា​នាវ​អ្វែស​ឞ្រាស​យេឆូ ពាង់​អ៝ន់​ខាន់​ពាង់​ជាន​នាវ​មឞេន​អេងៗ​លែៈ​នាវ​ងាន់ គៃ​មា​ញហើ​នាវ​ខាន់​ពាង់​ងក៝ច​ជេង​ទី​ងាន់។
ACT 14:4 យើន​មា​ឞូនុយ្ស​តា​ប៝ន​នៃ​តឹម​ងខាស​មពោល អាបាៈ​តឹង​មពែស​មា​ផូង​អីឆ្រាអែល  អាបាៈ​ជឹត​តឹង​មពែស​មា​មពោល​កោរាញ​អ៝ស​ម៝ន។
ACT 14:5 កើត​នទ្រី​ទឹង​ផូង​អី​មោ​ទី​ផូង​អីឆ្រាអែល  នទ្រែល​មា​ផូង​អីឆ្រាអែល ​ជេង​ផូង​អី​មោ​ញឆីង​មា​ឞ្រាស​យេឆូ  ខាន់​ពាង់​តឹម​ទី​ទូ​នតោរ​នាវ​ដាស​មា​កោរាញ​ប៝ន​អី​នៃ អុច​ជាន​អ្យើស​មា​ឞារ​ហៃ​ខាន់​ពាង់​នៃ អុច​នតុប​ងខឹត​ខាន់​ពាង់​មា​លុ។
ACT 14:6 ត៝ត់​មា​ពោល  នទ្រែល​មា​បារនាបាស ​គឹត​នាវ​នៃ ខាន់​ពាង់​ទូ​ញច្វាត់​តា​ឞ្រី​លោកៅនៀ  គុ​តា​ប៝ន​លីឆាត្រា  តា​ប៝ន​ដើបេ  នទ្រែល​មា​នតុក​ទាច់ៗ​តា​នៃ។
ACT 14:7 ខាន់​ពាង់​នហ៝​មា​មឞើស​ងក៝ច​នាវ​មហែ​មហាន​អ្វែស​តា​អាប់​នតុក​នៃ។
ACT 14:8 តា​ប៝ន​លីឆាត្រា  គែស​ទូ​ហ្វេ​ឞូ​ក្លោ​រាវែន​ជ៝ង់​នតើម​ឞើស​ទែស​ងាន់ ពាង់​ឞ្រោៈ​មោ​ឞ្លាវ​អោស‌
ACT 14:9 ពាង់​គុ​អ្យាត់​នាវ​ពោល ​នតី។ ពោល ​អ្វាញ់​ជឹត​ពាង់​រី ឆៃ​ពាង់​គែស​នាវ​ញឆីង​ឞ្រាស​យេឆូ ​ទើយ​ជាន​ឞាស​នាវ​ជី‌
ACT 14:10 ជេសរី​ពោល ​លាស​មា​ពាង់៖ “មៃ​ទ៝ក់​អ៝ន់​ឆ៝ង់​ហ៝ម់!” ឞូ​ក្លោ​អី​នៃ​ទ៝ក់​នត្លោៈ​ដឺប​នហ៝​មា​នតើម​ឞ្រោៈ​រ៝។
ACT 14:11 ត៝ត់​មា​ផូង​ប៝ន​លាន​នៃ​ឆៃ​ពោល ​ជាន​លែៈ​នាវ​ងាន់ ទឹង​លែៈ​ខាន់​ពាង់​នតែរ​ទ្រើវ​មា​នាវ​ងើយ​លោកៅនៀ  លាស​កើត​នអា៖ «មពោល​ឞ្រាស​ឞ៝ន់​ងលើប​ជេង​ឆាក់​ជាន់​ឞូនុយ្ស លែៈ​ជុរ​គុ​នទ្រែល​ឞ៝ន់»។
ACT 14:12 ខាន់​ពាង់​ក្វាល់​បារនាបាស ​រាញា៖ «ឞ្រាស​ឆុស » ជេសរី​យ៝រ​លាស​ពោល ​នៃ​ជេង​ឞូនុយ្ស​មា​ងក៝ច​នាវ​អ៝ក់​ខាន់​ពាង់​ក្វាល់​ដ៝ង់​ពោល ​រាញា៖ «ឞ្រាស​ហើមេស »​អី​ឞ្រាស​នតើយ្ស​តា​នាវ​ងក៝ច​នអើន​ខាន់​ពាង់។
ACT 14:13 តា​ប៝ន​នៃ​គែស​ទូ​មល៝ម់​ញីស​ជាន​ឞ្រាស​មា​ឆុស ​ឞើស​នាប់​មពោង​ប៝ន​រី ជេសរី​ឞូនុយ្ស​ជាន​ឞ្រាស​ឆុស ​ញីស​ជាន​ឞ្រាស​អី​នៃ​តេក​នទ្រោក​ងក្វ៝ង់​អាបាៈ គែស​ងក្រឹ​នអ៝ប់​មា​ញ៝ង​កាវ​ឆី ពាង់​តេក​នទ្រោក​អី​នៃ​តា​មពោង​ប៝ន​នៃ យ៝រ​លាស​ពាង់ នទ្រែល​មា​ផូង​ប៝ន​លាន​អុច​ជាន​ឞ្រាស​មា​កោរាញ​អ៝ស​ម៝ន​អី​នៃ។
ACT 14:14 ទោល​បារនាបាស  នទ្រែល​មា​ពោល ​លែៈ​គឹត​វ៝ត់​នាវ​អី​នៃ ខាន់​ពាង់​ងខេក​អាវ​យ៝រ​មា​ខាន់​ពាង់​រាង៝ត​ទុត​ហោ ជេសរី​រាន​រាទោស​ជឹត​ផូង​អី​នៃ នអ៝ប់​មា​នតែរ​លាស៖
ACT 14:15 “ហើយ​អ៝ស​នោ​កោញ​វា ម៝ស​នាវ​ខាន់​អៃ​មៃ​ជាន​កើត​នៃ? ហេន​អ្យា​ជេង​ឞូនុយ្ស​ទើម​តឹម​ឞាន​មា​ខាន់​អៃ​មៃ​ដ៝ង់ ហេន​មឞើស​ងក៝ច​នាវ​មហែ​មហាន​អ្វែស​អ្យា​មា​ខាន់​អៃ​មៃ អ៝ន់​ខាន់​អៃ​មៃ​ទូ​ឞើស​នាវ​យើក​មឞាស​មា​រូប​ឞ្រាស​មោ​ខ្លៃ​មោ​គែស​នាវ​ទើយ​នៃ ជេសរី​ព្លឹ​ឆឹត​មា​កោរាញ​ឞ្រាស​អី​រេស​ងាន់ អី​នើម​តើម​រាហាក់​ញជេង​ត្រោក នែស​នតូ ទាក​វាច់​ទាក​វារ់ នទ្រែល​មា​លែៈ​នតីល​មពោមពា​(ឆ្យុម)​គែស​តា​នៃ។
ACT 14:16 នោក​កាល់​អែ​នើស អេ​ល៝រ​មា​តាង់​ងក៝ច​នាវ​មហែ​មហាន​អ្វែស កោរាញ​ឞ្រាស​អ៝ន់​ឞូនុយ្ស​អី​មោ​ទី​ផូង​អីឆ្រាអែល ​យើក​មឞាស​មា​ឞ្រាស​តឹង​ខាន់​ពាង់​នើម​អុច‌
ACT 14:17 ឞ៝ល​លាស​កើត​នៃ​កាដោយ​លែៈ កោរាញ​ឞ្រាស​ហោម​តឹម​មពើល​នាវ​ពាង់​រ៝ង់​នានាវ គៃ​មា​អ៝ន់​ឞូ​គឹត​នាល់​ពាង់។ ពាង់​អ៝ន់​ខាន់​អៃ​មៃ​គែស​ទាក​មីស​តាៈ​ឞើស​ត្រោក ពាង់​អ៝ន់​គែស​ព្លៃ​មា​ឆា​តា​ទី​ខៃ ពាង់​អ៝ន់​គែស​នទើ​ឆោង​ឆា​ត៝ង់​រាមែស នទ្រែល​មា​នូយ្ស​នហ៝ម់​រាម់​មអាក​ដ៝ង់”។
ACT 14:18 ឞ៝ល​លាស​ជេស​ខាន់​ពាង់​ងើយ​កើត​នៃ​កាដោយ​លែៈ ហោម​អែ​ជេរ​មា​ឞ្វៃ​មោ​អ៝ន់​ផូង​ប៝ន​លាន​នៃ​ជាន​ឞ្រាស​មា​ខាន់​ពាង់​ដ៝ង់។
ACT 14:19 ជេសរី​គែស​ផូង​អីឆ្រាអែល ​តាៈ​ឞើស​ប៝ន​អ៝ន់តីយោក ​ឞ្រី​ផីឆីដៀ  នទ្រែល​មា​ឞើស​ប៝ន​អីកោនៀម  ខាន់​ពាង់​ជាៈ​ក្រេវ​ផូង​ប៝ន​លាន​អី​នៃ​អ៝ន់​តឹង​នាវ​ខាន់​ពាង់ ជេសរី​ខាន់​ពាង់​នតុប​ពោល ​មា​លុ អូយ្ស​មអារ់​អោឞាល់​ឞើស​ទីស​ប៝ន នអោន​លាស​លែៈ​ខឹត។
ACT 14:20 យើន​មា​នោក​ផូង​អ៝ស​ម៝ន​គុ​ញជោម​ជុម​ពាង់​រី ពាង់​ទ៝ក់​ឞើស​នៃ​ហាន់​តៃ​តា​ប៝ន។ កាស​អោយ​តៃ​រី​ពាង់ នទ្រែល​មា​បារនាបាស ​ហាន់​ទ្រើម​តា​ប៝ន​ដើបេ ។
ACT 14:21 ខាន់​ពាង់​មឞើស​ងក៝ច​នាវ​មហែ​មហាន​អ្វែស​តា​ប៝ន​នៃ គែស​អ៝ក់​ឞូនុយ្ស​ឆឹត​ញឆីង​មា​កោរាញ​យេឆូ ។ ជេសរី​ខាន់​ពាង់​ព្លឹ​ឆឹត​តៃ​តា​ប៝ន​លីឆាត្រា  ប៝ន​អីកោនៀម  នទ្រែល​មា​ប៝ន​អ៝ន់តីយោក ​ឞ្រី​ផីឆីដៀ ។
ACT 14:22 ខាន់​ពាង់​ងកាស​ផូង​អ៝ស​ម៝ន​អ៝ន់​គែស​នូយ្ស​នហ៝ម់​ន៝ប់ នអ៝ប់​មា​នហាវ​នូយ្ស​នហ៝ម់​គៃ​មា​ញអោត​ន៝ប់​នាវ​ញឆីង។ ខាន់​ពាង់​លាស៖ “ឞ៝ន់​គែស​អ៝ក់​ម៝ប់​នាវ​ជេរ រី​មើ​ទើយ​លាប់​តា​នាវ​កោរាញ​ឞ្រាស​ម៝ត់​អ្វាញ់”។
ACT 14:23 ជេស​ខាន់​ពាង់​កើយ្ស​ផូង​កោរាញ​អាប់​នតុក​ផូង​ញឆីង​មា​ឞ្រាស​ក្រីស  នហ៝​មា​មឞើស​ឆើម​អ៝ត់​ឆោង ជេសរី​អ៝ន់​ផូង​នៃ​មា​កោរាញ​ឞ្រាស​ម៝ត់​អ្វាញ់ អី​ឞ្រាស​ខាន់​ព្រែ​ឆឹត​ញឆីង​រី​នើស។
ACT 14:24 ជេស​ឞើស​នៃ​ឞារ​ហៃ​ខាន់​ពាង់​រី​ហាន់​គ្លាត់​រ៝ៈ​ឞ្រី​ផីឆីដៀ  នហ៝​មា​ហាន់​ត៝ត់​តា​ឞ្រី​ពាមផីលៀ ។
ACT 14:25 ជេស​ខាន់​ពាង់​មឞើស​ងក៝ច​នាវ​កោរាញ​ឞ្រាស​តា​ប៝ន​ពើកា  ខាន់​ពាង់​ហាន់​តា​ប៝ន​អាតាលៀ ​តា​មែង​ទាក​វាច់​ទាក​វារ់‌
ACT 14:26 ជេសរី​ខាន់​ពាង់​ញច៝​ទូក​ក្វ៝ង់​ព្លឹ​ឆឹត​តៃ​ជឹត​ប៝ន​អ៝ន់តីយោក ​ឞ្រី​ឆីរី  នតុក​ប៝ន​អី​ផូង​ញឆីង​ទាន់​កោរាញ​ឞ្រាស​គែស​នាវ​អ្វែស​កើល​គៃ​មា​ជាន​ការ​អី​ខាន់​ព្រែ​មហែ​ជេស​ជាន​នៃ​នើស។
ACT 14:27 ត៝ត់​ខាន់​ពាង់​តា​នៃ ខាន់​ពាង់​រាគូម​ផូង​ញឆីង​មា​ឞ្រាស​យេឆូ  ជេសរី​មឞើស​ងក៝ច​លែៈ​នទើ​កោរាញ​ឞ្រាស​ទែ​អ៝ន់​ខាន់​ពាង់​ជាន នទ្រែល​មា​មឞើស​ងក៝ច​នាវ​កោរាញ​ឞ្រាស​ទែ​ពើក​នូយ្ស​នហ៝ម់​ផូង​អី​មោ​ទី​ផូង​អីឆ្រាអែល ​ឆឹត​ញឆីង​មា​ឞ្រាស​យេឆូ ។
ACT 14:28 ជេសរី​ខាន់​ពាង់​គុ​ជ៝ៈ​នទ្រែល​ផូង​អ៝ស​ម៝ន​តា​នៃ។
ACT 15:1 ឞើស​កើយ​នៃ​គែស​ឞូនុយ្ស​អាបាៈ​តាៈ​ឞើស​ឞ្រី​យូដា  នតុម​នតី​ផូង​ញឆីង​តា​ប៝ន​អ៝ន់តីយោក ​កើត​នអា៖ “លាស​ខាន់​មៃ​មោ​គែស​ក៝ស​នតោ​តឹង​នាវ​វៃ​មោឆេ  ខាន់​មៃ​មោ​អោស​ទើយ​គែស​រាក្លាយ្ស”។
ACT 15:2 ល៝ង់​ពោល  នទ្រែល​មា​បារនាបាស ​រី​តឹម​រាលាច់ តឹម​អោប​រាខេល​ដាស​ផូង​នៃ​ទុត​ហោ។ ជេសរី​ផូង​ញឆីង​ដាៈ​ពោល  ដាៈ​បារនាបាស  នទ្រែល​មា​ឞូនុយ្ស​ញឆីង​អាបាៈ​អេង​ជឹត​ហាន់​តា​ប៝ន​យេរូឆាលឹម ​រី អុច​ម៝ប់​ផូង​កោរាញ​អ៝ស​ម៝ន នទ្រែល​មា​ផូង​កោរាញ​ផូង​ញឆីង​មា​ឞ្រាស​ក្រីស ​អេង​ជឹត​គៃ​មា​ញច្រាៈ​នាវ​អី​នៃ។
ACT 15:3 ផូង​ញឆីង​កើល​ត្រ៝ង​មា​ខាន់​ពាង់។ ខាន់​ពាង់​ឞ្រោៈ​គ្លាត់​រ៝ៈ​ឞ្រី​ផេនីស  នទ្រែល​មា​រ៝ៈ​ឞ្រី​ឆាមារី ។ អាប់​នតុក​ខាន់​ពាង់​ម៝ប់​ផូង​ញឆីង ខាន់​ពាង់​មឞើស​ងក៝ច​ទឹង​លែៈ​នាវ​ផូង​អី​មោ​ទី​ផូង​អីឆ្រាអែល ​លែៈ​ឆឹត​ញឆីង​មា​ឞ្រាស​យេឆូ ។ នាវ​អី​នៃ​ជាន​អ៝ន់​ទឹង​លែៈ​ផូង​ញឆីង​គែស​នាវ​រាម់​មអាក​ហោ​ងាន់។
ACT 15:4 ត៝ត់​តា​ប៝ន​យេរូឆាលឹម ​រី ផូង​អី​ញឆីង​មា​ឞ្រាស​ក្រីស  មពោល​កោរាញ​អ៝ស​ម៝ន នទ្រែល​មា​ផូង​កោរាញ​ផូង​ញឆីង​រាន​វើត​ទើន​ខាន់​ពាង់​ទាទេ។ ជេសរី​ខាន់​ពាង់​មឞើស​ងក៝ច​មា​ផូង​នៃ​ទឹង​លែៈ​នាវ​កោរាញ​ឞ្រាស​ជាន​តា​អាប់​នតុក​ខាន់​ពាង់​រី​នើស។
ACT 15:5 តា​នៃ​គែស​ផូង​ផារីឆី ​អាបាៈ​ញឆីង​មា​ឞ្រាស​យេឆូ  ខាន់​ពាង់​ទ៝ក់​លាស៖ “អ្យាត់​មា​ផូង​ញឆីង​អី​មោ​ទី​ផូង​អីឆ្រាអែល ​គែស​ក៝ស​នតោ នទ្រែល​មា​ដាៈ​ខាន់​ពាង់​ញអោត​នាវ​វៃ​មោឆេ ​ដ៝ង់”។
ACT 15:6 ជេសរី​មពោល​កោរាញ​អ៝ស​ម៝ន នទ្រែល​មា​ផូង​កោរាញ ខាន់​ពាង់​រាបុន​គៃ​មា​មេត​អ្វាញ់​នាវ​អី​នៃ។
ACT 15:7 ទោល​នៃ​គែស​នាវ​តឹម​ញច្រាៈ​ឞាល់​ទុត​ហោ ជេសរី​ពេត្រោស ​ទ៝ក់ ពាង់​លាស៖ “ហើយ​អ៝ស​នោ ខាន់​មៃ​លែៈ​គឹត​ជេស​កោរាញ​ឞ្រាស​កើយ្ស​គ៝ប់​តា​ផូង​ខាន់​មៃ​លែៈ​ជ៝ៈ​ជេស គៃ​មា​មឞើស​ងក៝ច​នាវ​មហែ​មហាន​អ្វែស​អ៝ន់​មា​ផូង​អី​មោ​ទី​ផូង​អីឆ្រាអែល  អ៝ន់​ខាន់​ពាង់​ឆឹត​ញឆីង។
ACT 15:8 ជេសរី​កោរាញ​ឞ្រាស​អី​គឹត​ទឹង​លែៈ​នូយ្ស​នហ៝ម់​ឞូនុយ្ស ឞ៝ន់​គឹត​ពាង់​រ៝ម​ផូង​អី​នៃ យ៝រ​មា​ឞ៝ន់​លែៈ​ឆៃ​ពាង់​អ៝ន់​ឞ្រាស​ហ្វេង​អ្វែស​អី​ក្ល៝ស​អ្វែស​គុ​តា​ខាន់​ពាង់ កើត​ពាង់​អ៝ន់​មា​ឞ៝ន់​នើស​ដ៝ង់។
ACT 15:9 កោរាញ​ឞ្រាស​មោ​គែស​អោស​កើប​ឞ៝ន់​ដាស​មា​ខាន់​ពាង់​ជេង​អេងៗ។ កោរាញ​ឞ្រាស​ជាន​នូយ្ស​នហ៝ម់​ខាន់​ពាង់​ជេង​ក្ល៝ស​អ្វែស យ៝រ​មា​ខាន់​ពាង់​ញឆីង។
ACT 15:10 អាបៃ​អ្យា​ម៝ស​នាវ​ខាន់​មៃ​អុច​តឹម​រាទ៝ង់​មា​កោរាញ​ឞ្រាស​ដាៈ​ខាន់​ពាង់​ជាន​នទើ​រាលាវ​មា​កោរាញ​ឞ្រាស​នើម​ដាៈ? មើម​ទឹង​ខាន់​មៃ​អុច​អ៝ន់​ផូង​អី​មោ​ទី​ផូង​អីឆ្រាអែល ​អ្យាត់​ទឹង​លែៈ​តឹង​នាវ​វៃ​ឞ៝ន់? ផូង​អូ​ចែ​ឞ៝ន់ នទ្រែល​មា​ឞ៝ន់​នារ​អ្យា​មោ​ទើយ​អ្យាត់​ទឹង​លែៈ​នាវ​វៃ​អី​នៃ​ដ៝ង់។
ACT 15:11 មោ​ទី​អោស! ឞ៝ន់​មោ​គែស​អោស​នាវ​រាក្លាយ្ស​យ៝រ​មា​អ្យាត់​នាវ​វៃ​អី​នៃ ឞ៝ន់​ញឆីង​មើ​គែស​នាវ​រាក្លាយ្ស​យ៝រ​មា​នាវ​អ្វែស​កោរាញ​យេឆូ  ជេសរី​ខាន់​ពាង់​កើត​នទ្រី​ដ៝ង់”។
ACT 15:12 ជេស​ពេត្រោស ​ងើយ​លែៈ​ផូង​គុ​រាបុន​តា​រី​អ្យាត់​ឆាក់​រាត់​ងាត់ ជេសរី​ខាន់​ពាង់​ក៝ប់​អ្យាត់​ពោល  នទ្រែល​មា​បារនាបាស ​មឞើស​ងក៝ច​នាវ​ខ្លៃ​លែៈ​នាវ​ងាន់ នទ្រែល​មា​នាវ​មឞេន​ទឹង​លែៈ​អី​កោរាញ​ឞ្រាស​ជាន​តា​ងក្លាង​ផូង​អី​មោ​ទី​ផូង​អីឆ្រាអែល ​នើស។
ACT 15:13 ជេស​ឞារ​ហៃ​ខាន់​ពាង់​នៃ​ងើយ​លែៈ​ផ្យៅ យាកើ ​លាស​កើត​នអា៖ “ហើយ​អ៝ស​នោ ខាន់​មៃ​អ្យាត់​នាវ​គ៝ប់​ងើយ​ប៝ត់។
ACT 15:14 ពេត្រោស ​លែៈ​មឞើស​ជេស​នទើស​នើស មើម​ទឹង​កោរាញ​ឞ្រាស​ញហើ​នាវ​យោៈ​អ៝ន់​មា​ឞូនុយ្ស​អី​មោ​ទី​ផូង​អីឆ្រាអែល ​ឞោក​ទាក គៃ​មា​កើយ្ស​ឞូនុយ្ស​ឞើស​ខាន់​ពាង់​មា​ជេង​ផូង​ប៝ន​លាន​ពាង់​នើម​ដ៝ង់។
ACT 15:15 នាវ​អ្យា​ជេង​តឹម​ទី​ដាស​នាវ​ទូ​ហ្វេ​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស​លែៈ​ញចីស​កើត​នអា៖
ACT 15:16 «កោរាញ​ឞ្រាស​លាស៖ «ជេសរី​តៃ​គ៝ប់​ព្លឹ​ដ៝ង់‌ គ៝ប់​រាទ៝ក់​តៃ​ឞ្រី​ទាក​កាដាច់​ដាវីត ​អី​លែៈ​រាល៝ម់‌ គ៝ប់​រាទ៝ក់​ឞ្រី​ទាក​អី​នៃ​តឹម​ឞាន​មា​ឞូ​ងក្រា​ជៃ​អី​លែៈ​រាល៝ម់‌ គ៝ប់​អ៝ន់​ឞ្រី​ទាក​អី​នៃ​ជេង​អ្វែស​តៃ​ទូ​តឹ​ជឹត‌
ACT 15:17 គៃ​មា​អ៝ន់​ផូង​ឞូនុយ្ស​អេង​ជ៝យ​គ៝ប់​ដ៝ង់‌ ឞ៝ល​លាស​ផូង​អី​មោ​ទី​ផូង​អីឆ្រាអែល  ទឹង​លែៈ​ឞូនុយ្ស​អី​គ៝ប់​លែៈ​ក្វាល់​ជេស​ជេង​ប៝ន​លាន​គ៝ប់​នើម​ទាទេ‌ នទ្រី​គ៝ប់​លាស។
ACT 15:18 គ៝ប់​លែៈ​អើម​អ៝ន់​ឞូ​គឹត​នទើ​អ្យា​ឞើស​កាល់​អែ​នើស​ងាន់»»។
ACT 15:19 លាស​នទ្រី​តឹង​មា​នាវ​គ៝ប់​មឹន លើយ​ឞ៝ន់​ជាន​អ៝ន់​គែស​នាវ​ជេរ​មា​ផូង​អី​មោ​ទី​ផូង​អីឆ្រាអែល ​អី​ឆឹត​ញឆីង​មា​កោរាញ​ឞ្រាស។ លើយ​អោស​ឞ៝ន់​អ៝ន់​ខាន់​ពាង់​អ្យាត់​មា​ទឹង​លែៈ​នាវ​វៃ​ឞ៝ន់។
ACT 15:20 អ៝ន់​ឞ៝ន់​ញចីស​ឆ៝ម់បុត​មឞើស​មា​ខាន់​ពាង់​កើត​នអា៖ លើយ​ឆា​នទើ​អោប​ឞ្រាស លើយ​តឹម​ទ៝ង់ លើយ​ឆា​ព្វាច់​មពោមពា​(ឆ្យុម)​អី​មោ​គែស​លាច់​អ៝ន់​លោស​មហាម​លែៈ​តា​ឆាក់ នទ្រែល​មា​លើយ​ឆា​មហាម។
ACT 15:21 អ៝ន់​ឞ៝ន់​ដាៈ​ខាន់​ពាង់​អ្យាត់​នាវ​ដេៈ​អ្យា​ទើម យ៝រ​លាស​ឞើស​កាល់​អែ​នើស​ងាន់ ឞូ​វៃ​មឞើស​ងក៝ច​នាវ​វៃ​មោឆេ ​តា​អាប់​ប៝ន នទ្រែល​មា​ឞូ​រ៝ៈ​ឆ៝ម់បុត​មោឆេ ​អី​គែស​ញចីស​នាវ​វៃ​អី​នៃ​អ៝ន់​មា​ឞូ​តាង់​តា​ញីស​រាបុន​ផូង​អីឆ្រាអែល ​តា​អាប់​នារ​ឆាបាត់ ​អី​នារ​រាលូ​ឞ៝ន់​ដ៝ង់”។
ACT 15:22 ជេសរី​មពោល​កោរាញ​អ៝ស​ម៝ន ផូង​កោរាញ​ផូង​ញឆីង​មា​ឞ្រាស​ក្រីស  នទ្រែល​មា​ទឹង​លែៈ​ផូង​ញឆីង ខាន់​ពាង់​លែៈ​អុច​កើយ្ស​ឞូនុយ្ស​តា​ផូង​ខាន់​ពាង់​រី គៃ​មា​ដាៈ​ហាន់​នទ្រែល​ពោល  នទ្រែល​មា​បារនាបាស ​តា​ប៝ន​អ៝ន់តីយោក ​រី។ ខាន់​ពាង់​កើយ្ស​យូដាស ​ក្វាល់​បារឆាបាស ​ដ៝ង់ នទ្រែល​មា​ឆីលាស ។ ឞារ​ហៃ​ខាន់​ពាង់​នៃ​ជេង​ផូង​កោរាញ​តា​ញីស​ឞ្រាស​តា​ប៝ន​យេរូឆាលឹម ។
ACT 15:23 ជេសរី​ខាន់​ពាង់​នទឹ​ទូ​ឞ្លាស​ឆ៝ម់បុត​អ៝ន់​មា​ឞារ​ហៃ​ខាន់​ពាង់​រី។ តា​ឆ៝ម់បុត​នៃ​ញចីស​លាស​កើត​នអា៖ “ហើយ​អ៝ស​នោ​កោញ​វា ហេន​អ្យា​ជេង​មពោល​កោរាញ​អ៝ស​ម៝ន ជេង​ផូង​កោរាញ​ផូង​ញឆីង​តា​យេរូឆាលឹម ។ ហេន​ជេង​អ៝ស​នោ​ខាន់​អៃ​មៃ​អី​ញចីស​ឆ៝ម់បុត​អ្យា​គៃ​មា​អុច​អោប​នាវ​អ្វែស​លាង់​ផូង​អី​មោ​ទី​ផូង​អីឆ្រាអែល ​អី​ឆឹត​ញឆីង គុ​តា​ប៝ន​អ៝ន់តីយោក  ឞ្រី​ឆីរី  នទ្រែល​មា​ឞ្រី​កីលីកៀ ។
ACT 15:24 ហេន​តាង់​លឺ គែស​ផូង​ញឆីង​អាបាៈ​អី​តាៈ​ឞើស​ប៝ន​យេរូឆាលឹម ​ជាន​អ៝ន់​ផូង​ខាន់​អៃ​មៃ​គែស​នាវ​មឹន​រាវៃ​តា​នូយ្ស​នហ៝ម់ យ៝រ​មា​តាង់​នាវ​ខាន់​ពាង់​នៃ​លាស។ ខាន់​ពាង់​អី​នៃ​ហេន​មោ​គែស​អោស​ដាៈ។
ACT 15:25 កើត​នទ្រី​ហេន​លែៈ​តឹម​ទី​ទូ​នតោរ​នាវ កើយ្ស​ឞូនុយ្ស​តា​ផូង​ហេន គៃ​មា​ដាៈ​ខាន់​ពាង់​ហាន់​ម៝ប់​ខាន់​អៃ​មៃ នទ្រែល​មា​ពោល  នទ្រែល​បារនាបាស ។ ពោល  នទ្រែល​មា​បារនាបាស ​អ្យា​អី​ហេន​រ៝ង់​ហោ​ងាន់។
ACT 15:26 ឞារ​ហៃ​ខាន់​ពាង់​អ្យា​លែៈ​ឞើយ​មា​ខឹត​ឆាក់ ជាន​ការ​មា​កោរាញ​យេឆូ​ក្រីស ។
ACT 15:27 ហេន​ញជ្វាល់​យូដាស  នទ្រែល​មា​ឆីលាស  គៃ​មា​ខាន់​ពាង់​មឞើស​ងក៝ច​មា​មឞូង​ខាន់​ពាង់​នើម​នាវ​អី​លែៈ​គែស​ញចីស​អ្យា​អ៝ន់​ខាន់​អៃ​មៃ​មា​តាង់​ដ៝ង់។
ACT 15:28 ឞ្រាស​ហ្វេង​អ្វែស​អី​ក្ល៝ស​អ្វែស នទ្រែល​មា​ផូង​ហេន​មឹន​អុច​អ៝ន់​ខាន់​អៃ​មៃ​ទែរ​ទឹង​លែៈ​នទើ​អ្យា​ទើម៖ វែរ​លើយ​ឆា​ព្វាច់​អោប​ឞ្រាស វែរ​លើយ​ឆា​មហាម វែរ​លើយ​ឆា​ព្វាច់​មពោមពា​(ឆ្យុម)​អី​មោ​គែស​លាច់​អ៝ន់​លោស​មហាម​លែៈ​តា​ឆាក់ វែរ​លើយ​តឹម​ទ៝ង់។ មោ​ទី​អោស​លាស​ហេន​ឆ៝ៈ​ដ៝ង់​នាវ​វៃ​អេង​ជឹត​ដាៈ​ខាន់​អៃ​មៃ​ញអោត។ លាស​ខាន់​អៃ​មៃ​ទែរ​លែៈ​នទើ​អ្យា​ជេង​អ្វែស​ងាន់។ ទាន់​នាវ​គុ​ងាវ​ខាន់​អៃ​មៃ​អ៝ន់​គែស​នាវ​ដាប់​មពាន់ ទាន់​លែៈ​ទុត​អ្យា”។
ACT 15:30 ជេស​ខាន់​ពាង់​តឹម​នតិញ​ឞាល់ ខាន់​ពាង់​ហាន់​ត៝ត់​តា​ប៝ន​អ៝ន់តីយោក  ជេសរី​រាគូម​ទឹង​លែៈ​ផូង​ញឆីង នទឹ​ឆ៝ម់បុត​អី​នៃ​មា​ខាន់​ពាង់។
ACT 15:31 ជេស​រ៝ៈ​ឆ៝ម់បុត​នៃ ទឹង​លែៈ​ខាន់​ពាង់​រាម់​មអាក​ទាទេ យ៝រ​លាស​តា​ឆ៝ម់បុត​នៃ​គែស​ងើយ​នហាវ​នូយ្ស​នហ៝ម់​ខាន់​ពាង់។
ACT 15:32 យូដាស  នទ្រែល​មា​ឆីលាស ​ជេង​ឞូនុយ្ស​នតើយ្ស​នាវ​ងើយ​កោរាញ​ឞ្រាស ខាន់​ពាង់​នតី​អ៝ក់​ងាន់​គៃ​មា​នហាវ​នូយ្ស​នហ៝ម់​ផូង​ញឆីង នទ្រែល​មា​អ៝ន់​ញអោត​ន៝ប់​នាវ​ញឆីង។
ACT 15:33 ត៝ត់​ជ៝ៈ​ឞើស​កើយ​នៃ ផូង​ញឆីង​អ៝ន់​ខាន់​ពាង់​ព្លឹ​ឆឹត​តៃ​តា​នតុក​ផូង​កោរាញ​ផូង​ញឆីង​តា​ប៝ន​យេរូឆាលឹម ​អី​ដាៈ​ខាន់​ពាង់​ហាន់​រី​នើស​មា​នាវ​ដាប់​មពាន់។
ACT 15:34 [យើន​មា​ឆីលាស ​ហោម​អែ​អុច​គុ​តៃ​តា​នតុក​ប៝ន​នៃ។]
ACT 15:35 ល៝ង់​ពោល  នទ្រែល​មា​បារនាបាស  ខាន់​ពាង់​ហោម​គុ​តា​ប៝ន​អ៝ន់តីយោក ​នៃ​ដ៝ង់ ខាន់​ពាង់​នតី នហ៝​មា​មឞើស​ងក៝ច​នាវ​មហែ​មហាន​អ្វែស​កោរាញ​យេឆូ  នទ្រែល​មា​គែស​ឞូនុយ្ស​នតី​អាបាៈ​អ៝ក់​ដ៝ង់។
ACT 15:36 ជ៝ៈ​នារ​ឞើស​កើយ​នៃ ពោល ​លាស​មា​បារនាបាស ៖ “ហោៈ ឞ៝ន់​ព្លឹ​អោប​នាវ​អ្វែស​លាង់​អ៝ស​នោ​រ៝ៈ​ប៝ន​អី​ឞ៝ន់​លែៈ​ជេស​មឞើស​ងក៝ច​នាវ​កោរាញ​យេឆូ ​នើស គៃ​មា​គឹត​មើម​ខាន់​ពាង់​អាបៃ​អ្យា”។
ACT 15:37 បារនាបាស ​អុច​ជាៈ​យោហាន ​ក្វាល់​មារកោស  ហាន់​នទ្រែល​ខាន់​ពាង់‌
ACT 15:38 យើន​មា​ពោល ​មោ​អុច​អោស​រ៝ម​ពាង់ យ៝រ​លាស​អា​ល៝រ​នើស​ទោល​គុ​តា​ឞ្រី​ពាមផីលៀ ​ពាង់​នត្លើយ​ខាន់​ពាង់ មោ​អុច​អោស​ហាន់​ជាន​ការ​នទ្រែល​ខាន់​ពាង់​ជឹត។
ACT 15:39 ជេសរី​ឞារ​ហៃ​ខាន់​ពាង់​រី ជេង​គែស​នាវ​មឹន​តឹម​រាទ៝ង់​ឞាល់​ទុត​ហោ នហ៝​មា​ត៝ត់​តឹម​តែង​ឞាល់។ បារនាបាស ​ជាៈ​មារកោស ​ហាន់​នទ្រែល​ពាង់ ជេសរី​ខាន់​ពាង់​ជុរ​ញច៝​ទូក​ហាន់​ជឹត​គោល​ទាក​កីព្រ៝ស ។
ACT 15:40 ល៝ង់​ពោល ​រី ពាង់​កើយ្ស​ឆីលាស ​ហាន់​នទ្រែល​ពាង់។ ជេស​ផូង​ញឆីង​ទាន់​នាវ​អ្វែស​កោរាញ​ឞ្រាស​អ៝ន់​មា​ខាន់​ពាង់ ជេសរី​ខាន់​ពាង់​លោស​ឞើស​ប៝ន​នៃ។
ACT 15:41 ខាន់​ពាង់​ហាន់​គ្លាត់​រ៝ៈ​ឞ្រី​ឆីរី  នទ្រែល​មា​ឞ្រី​កីលីកៀ  នហ៝​មា​នតី​តា​ផូង​ញឆីង​មា​ឞ្រាស​ក្រីស ​រ៝ៈ​នតុក​អេងៗ​អ៝ន់​ញអោត​ន៝ប់​នាវ​ញឆីង។
ACT 16:1 ពោល ​ហាន់​ត៝ត់​តា​ប៝ន​ដើបេ  ជេសរី​ពាង់​នហ៝ត​ហាន់​តា​ប៝ន​លីឆាត្រា ។ តា​ប៝ន​នៃ​ពាង់​ម៝ប់​ទូ​ហ្វេ​អ៝ស​ម៝ន​រាញា​តីមោថេ  មេៈ​ពាង់​ផូង​អីឆ្រាអែល  ជេង​ផូង​ញឆីង​ដ៝ង់ ឞឹ​ពាង់​ផូង​គ្រែក ។
ACT 16:2 ផូង​ញឆីង​តា​ប៝ន​លីឆាត្រា  នទ្រែល​មា​ផូង​ញឆីង​តា​ប៝ន​អីកោនៀម  ឞូ​លឺ​ពាង់​ជេង​ឞូនុយ្ស​អ្វែស។
ACT 16:3 ពោល ​ជាៈ​ពាង់​ហាន់​នទ្រែល ជេសរី​ក៝ស​នតោ​មា​ពាង់ យ៝រ​លាស​តា​ឞ្រី​នៃ​គែស​ផូង​អីឆ្រាអែល ​គុ។ ឞូ​លែៈ​គឹត​អី​ឞឹ​ពាង់​នើស​ផូង​គ្រែក  ក្លាច​លាស​ផូង​អីឆ្រាអែល ​មោ​អុច​រ៝ម​ពាង់​លាស​ពាង់​មោ​គែស​ក៝ស​នតោ។
ACT 16:4 ម៝ស​ប៝ន​ពោល ​ហាន់​គ្លាត់ ពាង់​នតី​ផូង​ញឆីង​អ៝ន់​ញអោត​ន៝ប់​នាវ​មពោល​កោរាញ​អ៝ស​ម៝ន​នតី នទ្រែល​មា​ផូង​កោរាញ​ផូង​ញឆីង​មា​ឞ្រាស​ក្រីស ​អី​លែៈ​ជេស​ដាៈ​ខាន់​ពាង់​តា​ប៝ន​យេរូឆាលឹម ​រី​នើស។
ACT 16:5 កើត​នទ្រី​ទឹង ទឹង​លែៈ​ផូង​ញឆីង​មា​ឞ្រាស​ក្រីស  ខាន់​ពាង់​ញអោត​លើ​មា​ន៝ប់​នាវ​ញឆីង​មា​កោរាញ​យេឆូ  នទ្រែល​មា​ឞូនុយ្ស​ឆឹត​ញឆីង​អាប់​នារ​លើ​មា​អ៝ក់។
ACT 16:6 ពោល  នទ្រែល​មា​ឞាល់​ពាង់​អុច​ហាន់​តា​ឞ្រី​អាឆី ​មឞើស​ងក៝ច​មា​នាវ​ឞ្រាស​យេឆូ  តីស​មា​ឞ្រាស​ហ្វេង​អ្វែស​អី​ក្ល៝ស​អ្វែស​ឞ្វៃ​មោ​អោស​អ៝ន់​ខាន់​ពាង់​ហាន់ នទ្រី​ខាន់​ពាង់​ហាន់​គ្លាត់​រ៝ៈ​ឞ្រី​ព្រីកៀ  នទ្រែល​មា​រ៝ៈ​ឞ្រី​កាលាតី ​ច្រាវ។
ACT 16:7 នោក​ខាន់​ពាង់​ត៝ត់​តា​នហារ់​ឞ្រី​មីឆា  ខាន់​ពាង់​អុច​នហ៝ត​តា​ឞ្រី​បីថូនៀ  យើន​មា​ឞ្រាស​ហ្វេង​អ្វែស​មោ​អោស​អ៝ន់​ខាន់​ពាង់​ហាន់។
ACT 16:8 នទ្រី​ទឹង​ខាន់​ពាង់​ហាន់​គ្លាត់​រ៝ៈ​ឞ្រី​មីឆា ​នៃ ត៝ត់​តា​ប៝ន​ត្រោអាស ។
ACT 16:9 តា​មាង់​នៃ​ពោល ​តឹម​ឆៃ​មា​ទូ​ហ្វេ​ឞូ​ក្លោ ឞូ​ក្លោ​អី​នៃ​តាៈ​ឞើស​ឞ្រី​មាឆេដោន  ទាន់​ពាង់​ហោ​ងាន់៖ “ដាៈ​មៃ​ហាន់​តា​ឞ្រី​មាឆេដោន ​អ្យា កើល​ហេន​អើ”។
ACT 16:10 ជេស​ពាង់​តឹម​ឆៃ​កើត​នៃ ហេន ​ទ៝ក់​នទ្រាប់​ហាន់​តា​ឞ្រី​មាឆេដោន ​រ៝ យ៝រ​លាស​ហេន​គឹត​កោរាញ​ឞ្រាស​ដាៈ​ហេន​ហាន់​មឞើស​ងក៝ច​នាវ​មហែ​មហាន​អ្វែស​មា​ឞូនុយ្ស​តា​ឞ្រី​នៃ។
ACT 16:11 ជេសរី​ហេន​ញច៝​ទូក​តាៈ​ឞើស​ប៝ន​ត្រោអាស  ហាន់​តា​គោល​ទាក​ឆាមោត្រាស  នារ​អោយ​តៃ​ហេន​ត៝ត់​តា​ប៝ន​នេអាពោល ។
ACT 16:12 ជេស​ឞើស​នៃ​ហេន​ហាន់​តា​ប៝ន​ផីលីប  ជេង​ប៝ន​អី​គែស​នាវ​ខ្លៃ​ងាន់​តា​ឞ្រី​មាឆេដោន ​រី។ តា​ប៝ន​អី​នៃ​គែស​អ៝ក់​ផូង​រោម ​គុ ជេសរី​កើប​ប៝ន​អី​នៃ​ជេង​នតុក​ផូង​រោម ​ដ៝ង់។ ហេន​គុ​តា​ប៝ន​នៃ​គែស​ឞារ​ពែ​នារ។
ACT 16:13 តា​នារ​ឆាបាត់ ​អី​នារ​រាលូ​ផូង​អីឆ្រាអែល  ហេន​លោស​ឞើស​ទីស​ប៝ន​នៃ ហាន់​រ៝ៈ​ពឹត​មែង​នហ៝ង​ទាក។ ហេន​មឹន​លាស​គែស​នតុក​មា​មឞើស​ឆើម​ផូង​អីឆ្រាអែល ។ ត៝ត់​មា​លែៈ​ឆៃ​នតុក​អី​នៃ ហេន​គុ​ងក៝ច​ឞ្រី​នទ្រែល​ផូង​ឞូ​អូរ​គុ​រាបុន​តា​នៃ។
ACT 16:14 តា​នៃ​គែស​ទូ​ហ្វេ​ឞូ​អូរ​រាញា​លីដា  ពាង់​ជេង​ឞូនុយ្ស​អី​មោ​ទី​ផូង​អីឆ្រាអែល  យើន​មា​យើក​មឞាស​មា​កោរាញ​ឞ្រាស ពាង់​តាៈ​ឞើស​ប៝ន​ថៀថីរា  ជេង​ឞូនុយ្ស​តាច់​ឞ៝ក​លាយ្ស​ចាង់​អី​គែស​ខ្លៃ​ងាន់។ ពាង់​តាង់​នាវ​ពោល ​មឞើស​ងក៝ច ជេសរី​កោរាញ​ឞ្រាស​ពើក​ឞោក​តោរ​ពាង់ គៃ​មា​អ្យាត់​នានេៈ​នាវ​ពោល ​នតី​នៃ ជេសរី​ញឆីង​មា​ឞ្រាស​យេឆូ ។
ACT 16:15 ជេស​ពាង់​ទើន​នាវ​បាប់តែម​យុក​មា​ទាក នទ្រែល​មា​រានាក់​វ៝ល់​អី​ឞូនុយ្ស​គុ​តា​ជៃ​ពាង់​ដ៝ង់ ពាង់​ជាៈ​ហេន​គុ​អា​ជៃ​ពាង់ ពាង់​លាស​មា​ហេន៖ “លាស​ខាន់​មៃ​គឹត​គ៝ប់​ញឆីង​មា​កោរាញ​យេឆូ ​រាប់​ជាប់ ហោៈ​ខាន់​មៃ​ហាន់​គុ​អា​ជៃ​គ៝ប់”។ ពាង់​ជ៝ល់​ក៝​ងាន់​ជាៈ​ហេន ជេសរី​ហេន​ហាន់​គុ​អា​ជៃ​ពាង់។
ACT 16:16 គែស​ទូ​នារ ទោល​ហេន​ហាន់​នតុក​មឞើស​ឆើម​រី គែស​ទូ​ហ្វេ​ទឹក​ឞូ​អូរ​ហាន់​តឹម​ម៝ប់​មា​ហេន។ ឞ្រាស​អ្យើស​គុ​តា​ឆាក់​ពាង់។ ឞ្រាស​អ្យើស​អី​នៃ​អ៝ន់​ពាង់​ឞ្លាវ​ញច្រ៝ស​នាវ។ ឞូ​ងខោម​ពាង់​មា​ញច្រ៝ស​នាវ កើត​នទ្រី​ទឹង​ពាង់​គែស​ជ៝យ​ព្រាក់​អ៝ក់​អ៝ន់​មា​ផូង​កោរាញ​ពាង់។
ACT 16:17 ពាង់​ឞ្រោៈ​តឹង​ឞើស​កើយ​ពោល  នទ្រែល​មា​ឞើស​កើយ​ហេន នអ៝ប់​មា​នតែរ​លាស៖ “ខាន់​ពាង់​អ្យា​ជេង​ផូង​ទឹក​កោរាញ​ឞ្រាស​អី​ទុត​ព្រេស ខាន់​ពាង់​មឞើស​ងក៝ច​នាវ​រាក្លាយ្ស​អ៝ន់​មា​ផូង​ខាន់​អៃ​មៃ”។
ACT 16:18 ពាង់​ជាន​កើត​នៃ​បាបើ​លែៈ​ជ៝ៈ​នារ​ងាន់ ជាន​អ៝ន់​ពោល ​គែស​នាវ​រាខ្វាក។ ជេសរី​ពោល ​ងគឹល​លាស​ឞ្រាស​អ្យើស​អី​នៃ៖ “តា​រាញា​កោរាញ​យេឆូ​ក្រីស  គ៝ប់​ដាៈ​មៃ​អ៝ន់​ទូ​លោស​ឞើស​ឞូ​អូរ​នៃ​ហ៝ម់!” ជេសរី​ឞ្រាស​អ្យើស​អី​នៃ​លោស​ឞើស​ពាង់​រ៝។
ACT 16:19 ជេស​ផូង​កោរាញ​ពាង់​មឹន​លាស​ពាង់​មោ​ហោម​ឞ្លាវ​ញច្រ៝ស​នាវ មោ​ហោម​អោស​រានើម​គែស​ព្រាក់​ងខោម​ជឹត ជេសរី​ខាន់​ពាង់​ញុប​ពោល  នទ្រែល​មា​ឆីលាស ​តេក​ខាន់​ពាង់​តា​នតុក​ផូង​កោរាញ​ផាត​ទោយ្ស​តា​នតុក​ឞាល់​ផូង​អ៝ក់។
ACT 16:20 ខាន់​ពាង់​ញជុន​ពោល  នទ្រែល​មា​ឆីលាស ​មា​ផូង​កោរាញ​ផាត​ទោយ្ស​នហ៝​មា​លាស៖ “ឞូនុយ្ស​អ្យា​ជេង​ផូង​អីឆ្រាអែល  ខាន់​ពាង់​ជាន​នាវ​អុស​អាស​តា​ប៝ន​ឞ៝ន់។
ACT 16:21 ខាន់​ពាង់​មឞើស​ងក៝ច​នាវ​វៃ​អេងៗ​មា​ផូង​ឞ៝ន់ នាវ​វៃ​អី​នៃ​តីស​មា​នាវ​វៃ​ផូង​រោម  មោ​អោស​ទី​អ៝ន់​មា​ផូង​ឞ៝ន់​ឆ៝ៈ​ទើន មោ​អោស​ទី​មា​ឞ៝ន់​ញអោត យ៝រ​លាស​ឞ៝ន់​ជេង​ផូង​រោម ”។
ACT 16:22 លែៈ​ផូង​ប៝ន​លាន​តឹម​រាទ៝ង់​ដាស​ឞារ​ហៃ​ខាន់​ពាង់​នៃ​ដ៝ង់ ជេសរី​ផូង​កោរាញ​ផាត​ទោយ្ស​អី​នៃ​ដាៈ​ឞូ​ងខេក​ឞ៝ក​អាវ​ខាន់​ពាង់ ជេសរី​ដាៈ​ឞូ​រាពាត់​ខាន់​ពាង់​មា​ម៝ង់។
ACT 16:23 ជេស​រាពាត់​ឞារ​ហៃ​ខាន់​ពាង់​រី​លែៈ​ហោ​ងាន់ ឞូ​លែវ​ខាន់​ពាង់​តេៈ​តា​ត្រោម​នទ្រូង ជេសរី​លាស​មា​កោរាញ​នទ្រូង​ដាៈ​ញជ្រាង់​អ៝ន់​រាប់​ជាប់។
ACT 16:24 ជេស​តាង់​នាវ​ដាៈ​នៃ នើម​កោរាញ​នទ្រូង​លែវ​ខាន់​ពាង់​តេៈ​តា​ត្រោម​ជ្រោ​អី​ទុត​ងាយ​ឞើស​មពោង​ក្វ៝ង់ នហ៝​មា​ងកោង​ជ៝ង់​ខាន់​ពាង់​រី​មា​តើម​ឆី​ដ៝ង់។
ACT 16:25 ក្លាប់​លាស​ងគូល​មាង់ ពោល  នទ្រែល​មា​ឆីលាស ​ហោម​មឞើស​ឆើម នហ៝​មា​មព្រើ​រានេ​មា​កោរាញ​ឞ្រាស។ ទឹង​លែៈ​ឞូនុយ្ស​ទោយ្ស​តា​ត្រោម​នទ្រូង​នៃ​គុ​អ្យាត់​ខាន់​ពាង់​ទាទេ។
ACT 16:26 ជេសរី​ទោ​មា​គែស​ងគារ់​នែស​ទុត​ហោ​តា​នតុក​នៃ មពីរ​លុ​ឞ្ល៝ន​ញីស​នទ្រូង​អី​នៃ​ងគើ​ងាន់ កើត​នទ្រី​មពោង​នទ្រូង​ពើក​អេង​ទាទេ រាឆែ​រាវាក់​ឞូ​ក៝ត់​ឞូនុយ្ស​ទោយ្ស​ទឹង​លែៈ​រាល៝ត់​លែៈ​ផ្យៅ​ដ៝ង់។
ACT 16:27 ត៝ត់​មា​កោរាញ​នទ្រូង​នៃ​កាស​រាងាល់ ពាង់​ឆៃ​មពោង​នទ្រូង​លែៈ​ពើក​ទាទេ ពាង់​នអោន​លាស​ឞូនុយ្ស​ទោយ្ស​តា​នៃ​លែៈ​ក្លាយ្ស​លែៈ​ផ្យៅ។ ជេសរី​ពាង់​តាក់​ដាវ​ពាង់​នើម​គៃ​មា​ងខឹត​ឆាក់​ពាង់​នើម។
ACT 16:28 យើន​មា​ពោល ​នតែរ​ទុត​នតែសៗ​លាស៖ “លើយ​អោស​លើស​ឆាក់​មៃ​នើម​កើត​នៃ ទឹង​លែៈ​ផូង​ហេន​ហោម​តា​អ្យា​ទាទេ”។
ACT 16:29 ជេសរី​កោរាញ​នទ្រូង​នៃ​ដាៈ​ឞូ​ឆ៝ៈ​អុញ ពាង់​រាន​លាប់​ជឹត​ត្រោម​នទ្រូង​ត៝ នអ៝ប់​មា​ក្លាច​ញឆ៝រ់​ពាន់​តា​ជ៝ង់​ពោល  នទ្រែល​មា​តា​ជ៝ង់​ឆីលាស ​រី។
ACT 16:30 ជេសរី​ពាង់​លែវ​ខាន់​ពាង់​លោស​អា​ទីស​អ្យា ពាង់​អោប​ខាន់​ពាង់​រី៖ “ហើយ​កោរាញ មើម​គ៝ប់​ជាន​មេស គៃ​មា​ទើយ​រាក្លាយ្ស ឞាស​កោរាញ​ឞ្រាស​តេៈ​ទោយ្ស​មា​គ៝ប់?”
ACT 16:31 ពោល ​អើស​មា​ពាង់៖ “ញឆីង​មា​កោរាញ​យេឆូ  រី​មើ​មៃ​គែស​នាវ​រាក្លាយ្ស មៃ នទ្រែល​មា​រានាក់​វ៝ល់​មៃ​គែស​នាវ​រាក្លាយ្ស​ដ៝ង់”។
ACT 16:32 ខាន់​ពាង់​មឞើស​ងក៝ច​នាវ​កោរាញ​យេឆូ ​អ៝ន់​មា​ពាង់ នទ្រែល​មា​រានាក់​វ៝ល់​អី​ឞូនុយ្ស​គុ​តា​ជៃ​ពាង់​រី។
ACT 16:33 ជេសរី​នើម​កោរាញ​នទ្រូង​នៃ​លែវ​ខាន់​ពាង់​ឆើម​រាវ​ឆោត​រាមាញ​ទឹង​មាង់ នហ៝​មា​ពាង់​ទើន​នាវ​បាប់តែម​យុក​មា​ទាក​រ៝ នទ្រែល​មា​រានាក់​វ៝ល់​អី​ឞូនុយ្ស​គុ​តា​ជៃ​ពាង់​រី។
ACT 16:34 ជេសរី​ពាង់​លែវ​ខាន់​ពាង់​នៃ​ហាវ​តា​ជៃ​ពាង់​រី នទ្រាប់​នទើ​ឆោង​ឆា​អ៝ន់​ខាន់​ពាង់​ឆោង។ ពាង់ នទ្រែល​មា​រានាក់​វ៝ល់​អី​ឞូនុយ្ស​គុ​តា​ជៃ​ពាង់​រី​គែស​នាវ​រាម់​មអាក​ងាន់ យ៝រ​មា​លែៈ​ឆឹត​ញឆីង​មា​កោរាញ​ឞ្រាស។
ACT 16:35 ត៝ត់​ឞ្រី​លែៈ​អាង ផូង​កោរាញ​ផាត​ទោយ្ស​ដាៈ​តាហែន​ហាន់​មឞើស​មា​កោរាញ​នទ្រូង​នៃ លាស​មា​ពាង់​កើត​នអា៖ “មអើក​លើយ​ឞារ​ហៃ​ខាន់​ពាង់​នៃ”។
ACT 16:36 ជេសរី​កោរាញ​នទ្រូង​នៃ​មឞើស​មា​ពោល  ប៝យ​នាវ​ឞូ​មឞើស​មា​ពាង់ ពាង់​លាស៖ “ផូង​កោរាញ​ផាត​ទោយ្ស​ដាៈ​ឞូ​ហាន់​មឞើស ដាៈ​មអើក​ខាន់​មៃ។ លាស​នទ្រី​ខាន់​មៃ​ហាន់​ទោ អ៝ន់​អ្វែស​ដាប់​មពាន់”។
ACT 16:37 យើន​លាស​ពោល ​អើស​មា​ផូង​អី​នៃ​កើត​នអា៖ “ហេន​អ្យា​ជេង​ផូង​ប៝ន​លាន​រោម ​ហែស។ ខាន់​ពាង់​អេ​ហ៝ៈ​ផាត​ទោយ្ស​ហេន​អោស លែៈ​រាពាត់​ហេន​តា​នាប់​ឞាល់​ផូង​អ៝ក់ ជេសរី​តេៈ​ហេន​តា​ត្រោម​នទ្រូង​ដ៝ង់។ អាបៃ​អ្យា​ខាន់​ពាង់​អុច​មអើក​នតុង​ហេន​មោ​អ៝ន់​ឞូ​គឹត។ ជាន​កើត​នអា​មា​ផូង​រោម ​មោ​ទី​អោស អ៝ន់​ខាន់​ពាង់​នើម​អី​នៃ​ឞ្រោៈ​មអើក​ហេន រី​មើ​អុច”។
ACT 16:38 ជេសរី​ផូង​អី​នៃ​ហាន់​មឞើស​នាវ​នៃ​មា​ផូង​កោរាញ​ផាត​ទោយ្ស។ ផូង​កោរាញ​ផាត​ទោយ្ស​នៃ​ក្លាច​ងាន់ ត៝ត់​មា​គឹត​លាស​ឞារ​ហៃ​ខាន់​ពាង់​នៃ​ជេង​ផូង​ប៝ន​លាន​រោម ។
ACT 16:39 ខាន់​ពាង់​ឞ្រោៈ​ទាន់​ទោយ្ស​ពោល  នទ្រែល​មា​ឆីលាស ​រី នហ៝​មា​មអើក​ខាន់​ពាង់​លោស​ឞើស​នទ្រូង ឞ៝ញ​ខាន់​ពាង់​អ៝ន់​ទូ​លោស​ឞើស​ប៝ន​អី​នៃ។
ACT 16:40 ជេស​លោស​ឞើស​នទ្រូង​នៃ ឞារ​ហៃ​ខាន់​ពាង់​នៃ​ហាន់​តា​ជៃ​លីដា  ម៝ប់​ផូង​ញឆីង​មា​ឞ្រាស​ក្រីស ​នហាវ​នូយ្ស​នហ៝ម់​ផូង​នៃ រី​មើ​ខាន់​ពាង់​ហាន់​ជឹត​ប៝ន​អេង។
ACT 17:1 ជេសរី​ពោល  នទ្រែល​មា​ឆីលាស ​ហាន់​គ្លាត់​រ៝ៈ​ប៝ន​អាម់ផីពោលី  នទ្រែល​មា​គ្លាត់​រ៝ៈ​ប៝ន​អាពុលោនី  ខាន់​ពាង់​ហាន់​ត៝ត់​តា​ប៝ន​តេឆាលោនិក ។ តា​ប៝ន​នៃ​គែស​ទូ​មល៝ម់​ញីស​រាបុន​ផូង​អីឆ្រាអែល ។
ACT 17:2 តឹង​មា​នាវ​វៃ​ពោល ​នើស ពាង់​លាប់​តា​ញីស​រាបុន​រី នទ្រែល​មា​តឹម​រាលាច់​តឹម​ញច្រាៈ​អ្វាញ់​នាវ​កោរាញ​ឞ្រាស​ងើយ​ដាស​ឞូ​ពែ​ពើស អាប់​នារ​ឆាបាត់ ​អី​នារ​រាលូ​ផូង​អីឆ្រាអែល ។
ACT 17:3 ពាង់​ទ៝ង់​នាវ​កោរាញ​ឞ្រាស​ងើយ​អី​នៃ​មឞើស​ងក៝ច​អ៝ន់​ឞូ​នហេល​នានេៈ ឞ្រាស​ក្រីស ​អី​នើម​រាក្លាយ្ស​អី​កោរាញ​ឞ្រាស​លែៈ​ត៝ន​មា​ផូង​អីឆ្រាអែល ​អ្យាត់​មា​គែស​នាវ​រេស​រាញាល់ នហ៝​មា​ត៝ត់​ខឹត ជេសរី​ទ៝ក់​រេស​តៃ។ ពាង់​លាស៖ “ឞ្រាស​ក្រីស ​អី​នៃ ពាង់​កោរាញ​យេឆូ ​អី​គ៝ប់​មឞើស​មា​ខាន់​អៃ​មៃ​នើស”។
ACT 17:4 គែស​ផូង​អីឆ្រាអែល ​អាបាៈ​អ្យាត់​តឹង​ពោល  នទ្រែល​មា​ឆីលាស ។ គែស​ផូង​គ្រែក ​អី​យើក​មឞាស​កោរាញ​ឞ្រាស​អ៝ក់​ដ៝ង់ នអ៝ប់​មា​ផូង​ឞូ​អូរ​ជាន​ក្វ៝ង់​អ៝ក់​ដ៝ង់​អ្យាត់​តឹង​ខាន់​ពាង់។
ACT 17:5 ល៝ង់​ផូង​អីឆ្រាអែល ​អី​មោ​អ្យាត់​តឹង​ខាន់​ពាង់ ផូង​អី​នៃ​មោ​នាច​យ៝រ​មា​ឆៃ​អ៝ក់​ឞូនុយ្ស​តឹង​ឞារ​ហៃ​ខាន់​ពាង់​នៃ។ ជេសរី​ផូង​អី​នៃ​រាគូម​ផូង​ឞូនុយ្ស​អ្យើស​អី​ប្លាវ​ជាន​ការ ផូង​ទាស​មា​គុ​រ៝ៈ​ត្រ៝ង លែវ​ឞាល់​ជាន​អុស​អាស​តា​ប៝ន​នៃ។ ផូង​អី​នៃ​ហាន់​ញជ្វែង​ជៃ​ទូ​ហ្វេ​ឞូ​ក្លោ​រាញា​យាឆុន  ជ៝យ​ញុប​ពោល  នទ្រែល​មា​ឆីលាស  គៃ​មា​ញជុន​ខាន់​ពាង់​អ៝ន់​ផូង​ប៝ន​លាន​ផាត​ទោយ្ស។
ACT 17:6 យ៝រ​មា​ជ៝យ​ខាន់​ពាង់​តា​នៃ​មោ​ឆៃ ជេសរី​ញុប​នទាៈ​យាឆុន ​អី​ឞូនុយ្ស​តើម​ជៃ នទ្រែល​មា​ញុប​ឞូនុយ្ស​អាបាៈ​អី​ញឆីង​មា​ឞ្រាស​យេឆូ ​តេក​ញជុន​អ៝ន់​មា​កោរាញ​ប៝ន​នៃ នហ៝​មា​នតែរ​ទុត​ទាង់ៗ​លាស៖ “ពោល  នទ្រែល​មា​ឞាល់​ពាង់​ជេង​ផូង​អី​ជាន​អ៝ន់​លាម​នែស​នតូ​គែស​នាវ​អុស​អាស លែៈ​ត៝ត់​តា​អ្យា​ជេស!
ACT 17:7 យាឆុន ​អ្យា​រ៝ម​ផូង​អី​នៃ​គុ​តា​ជៃ​ពាង់។ ផូង​អី​នៃ​ជាន​តីស​មា​នាវ​កោរាញ​កាដាច់​តា​ប៝ន​រោម ​លែៈ​ដាៈ​ប៝ន​លាន យ៝រ​លាស​ខាន់​ពាង់​មឞើស​ងក៝ច​អ៝ន់​ឞូ​អ្យាត់​ទូ​ហ្វេ​កាដាច់​អេង​ជឹត​រាញា​យេឆូ ”។
ACT 17:8 ត៝ត់​តាង់​នាវ​ងើយ​ផូង​អី​នៃ ផូង​ប៝ន​លាន នទ្រែល​មា​កោរាញ​ប៝ន​គែស​នាវ​រាវៃ​ហោ​ងាន់។
ACT 17:9 ជេសរី​កោរាញ​ប៝ន​នៃ​ដាៈ​អ៝ន់​ព្រាក់​មា​ច្វាយ​យាឆុន  នទ្រែល​មា​ឞូនុយ្ស​អាបាៈ​អេង​នៃ រី​មើ​ឞូ​មអើក​ខាន់​ពាង់​អ៝ន់​លោស​ឞើស​នតុក​នៃ។
ACT 17:10 ជេសរី​ផូង​ញឆីង​ញជ្វាល់​ពោល  នទ្រែល​មា​ឆីលាស ​លោស​នតុង​ឞើស​ប៝ន​នៃ​ទឹង​មាង់​រ៝ ហាន់​តា​ប៝ន​បេរា ។ ត៝ត់​តា​ប៝ន​នៃ​ខាន់​ពាង់​ហាន់​តា​ញីស​រាបុន​ផូង​អីឆ្រាអែល ។
ACT 17:11 ផូង​អីឆ្រាអែល ​តា​ប៝ន​នៃ​គែស​នូយ្ស​នហ៝ម់​អ្វែស​រាលាវ​មា​ផូង​អីឆ្រាអែល ​តា​ប៝ន​តេឆាលោនិក  យ៝រ​លាស​ខាន់​ពាង់​អ្យាត់​នាវ​ឞារ​ហៃ​ខាន់​ពាង់​នៃ​មឞើស​ងក៝ច​មា​លែៈ​នូយ្ស​នហ៝ម់ មេត​អ្វាញ់​នាវ​កោរាញ​ឞ្រាស​ងើយ​អាប់​នារ គៃ​មា​អុច​គឹត​នហេល​នាវ​ពោល  នទ្រែល​មា​ឆីលាស ​នតី​នៃ ងាន់​មោ​លាស​មោ។
ACT 17:12 គែស​អ៝ក់​តា​ផូង​ខាន់​ពាង់​នៃ​ឆឹត​ញឆីង នអ៝ប់​មា​ផូង​ឞូ​អូរ​គ្រែក ​ជាន​ក្វ៝ង់ នទ្រែល​មា​ផូង​ឞូ​ក្លោ​គ្រែក ​អ៝ក់​ដ៝ង់។
ACT 17:13 យើន​មា​ត៝ត់​ផូង​អីឆ្រាអែល ​តា​ប៝ន​តេឆាលោនិក ​តាង់​លាស​ពោល ​មឞើស​ងក៝ច​នាវ​កោរាញ​ឞ្រាស​តា​ប៝ន​បេរា ​ដ៝ង់ ខាន់​ពាង់​ហាន់​ញឆោច​ផូង​ប៝ន​លាន​តា​នៃ​ជាន​នាវ​អុស​អាស។
ACT 17:14 ត៝ត់​មា​ឆៃ​កើត​នៃ ផូង​ញឆីង​មា​ឞ្រាស​យេឆូ ​លែវ​ពោល ​ហាន់​តា​មែង​ទាក​វាច់​ទាក​វារ់​រ៝ ហោម​គុ​តា​រី​ឆីលាស  នទ្រែល​មា​តីមោថេ ។
ACT 17:15 ផូង​អី​ញជុន​ពោល ​រី​នើស ខាន់​ពាង់​ញច៝​ទូក​ក្វ៝ង់​ញជុន​ត៝ត់​តា​ប៝ន​ក្វ៝ង់​អាថែន  រី​មើ​ខាន់​ពាង់​ព្លឹ​ឆឹត​នហ៝​មា​មឞើស​នាវ​ពោល ​ទែ​នតិញ​ឆីលាស  នទ្រែល​មា​តីមោថេ ​ដាៈ​ហាន់​តឹង​ពាង់​អ៝ន់​គើញ។
ACT 17:16 ទោល​ពោល ​គុ​ក៝ប់​ឆីលាស  នទ្រែល​មា​តីមោថេ ​តា​ប៝ន​អាថែន  នូយ្ស​នហ៝ម់​ពាង់​គែស​នាវ​រាវៃ​រាង៝ត​ហោ​ងាន់ យ៝រ​មា​ពាង់​ឆៃ​តា​ប៝ន​នៃ​គែស​រូប​ឞ្រាស​អេងៗ​ទាទេ​ងាន់។
ACT 17:17 កើត​នទ្រី​ពាង់​តឹម​ញច្រាៈ​មា​ផូង​អីឆ្រាអែល  នទ្រែល​មា​ផូង​អី​មោ​ទី​ផូង​អីឆ្រាអែល ​អី​យើក​មឞាស​មា​កោរាញ​ឞ្រាស​តា​ញីស​រាបុន​ផូង​អីឆ្រាអែល ​រី ជេសរី​អាប់​នារ​ពាង់​តឹម​ញច្រាៈ​ដ៝ង់​មា​ឞូនុយ្ស​អី​ពាង់​ម៝ប់​រ៝ៈ​ត្រ៝ង​តា​ប៝ន​នៃ។
ACT 17:18 ជេសរី​គែស​ផូង​នើម​នតី​មពែស​នាវ​នតី​អេពីកូរ  នទ្រែល​មា​ផូង​នើម​នតី​មពែស​នាវ​នតី​ឆាតោអិក  ផូង​នៃ​ឞ្លាវ​តឹម​ញច្រាៈ។ ខាន់​ពាង់​តឹម​ញច្រាៈ​ដាស​ពោល  ជេសរី​តឹម​លាស​នទ្រាង់​ខាន់​ពាង់​នើម៖ “ម៝ស​នាវ​នតី​ឞូនុយ្ស​ប៝ច់​ប៝រ់​អ្យា​ហ្យាស?” ឞូ​អាបាៈ​ជឹត​លាស​កើត​នអា៖ “តឹម​ឞាន​មា​ពាង់​អុច​មឞើស​ងក៝ច​មា​ឞ្រាស​ឞូ​នាច់”។ ខាន់​ពាង់​ងើយ​នទ្រី​យ៝រ​លាស​ខាន់​ពាង់​តាង់​ពោល ​មឞើស​ងក៝ច​នាវ​មហែ​មហាន​អ្វែស​ឞ្រាស​យេឆូ  នទ្រែល​មា​ងក៝ច​នាវ​ទ៝ក់​រេស​តៃ។
ACT 17:19 ជេសរី​ឞូ​ញជុន​លែវ​ពាង់​ឞើស​នាប់​កោរាញ​ប៝ន​តា​នតុក​រាបុន​កាលើ​យោក​អើរីយុស  ឞូ​លាស​មា​ពាង់៖ “ល៝ង់​មៃ​មឞើស​អ៝ន់​ហេន​គឹត​នាវ​នតី​មហែ​មៃ​នៃ‌
ACT 17:20 យ៝រ​លាស​នាវ​នតី​មៃ​អ៝ន់​ហេន​នទ្រ៝ត់​ងាន់។ ហេន​អុច​គឹត​នាវ​ខ្លៃ​អី​នៃ​ដ៝ង់”។
ACT 17:21 ល៝ង់​ទឹង​លែៈ​ឞូនុយ្ស​តា​ប៝ន​អាថែន  នទ្រែល​មា​ផូង​ឞូ​នាច់​គុ​តា​ប៝ន​នៃ ខាន់​ពាង់​រូ​មា​ងើយ រូ​មា​គុ​អ្យាត់​នាវ​មហែ​អេងៗ​ទើម មោ​ហោម​អោស​ជាន​នទើ​អេង​ជឹត។
ACT 17:22 ជេសរី​ពោល ​ទ៝ក់​ឞើស​នាប់​ផូង​កោរាញ​ប៝ន​អី​នៃ ពាង់​លាស៖ “ហើយ​ផូង​អ៝ស​នោ​កោញ​វា​អី​គុ​តា​ប៝ន​អាថែន  គ៝ប់​លែៈ​ឆៃ​ខាន់​អៃ​មៃ​ញឆ្រោយ្ស​យើក​មឞាស​មា​ឞ្រាស​អេងៗ​ងាន់‌
ACT 17:23 យ៝រ​លាស​ទោល​គ៝ប់​ហាន់​រាឆ៝ង​តា​នតុក​អ្យា គ៝ប់​អ្វាញ់​នតុក​មា​យើក​មឞាស​ឞ្រាស​អេងៗ។ ជេសរី​គ៝ប់​ឆៃ​ទូ​ញឆឺង​ជាន​ឞ្រាស​គែស​ញចីស​លាស​កើត​នអា៖ «យើក​មឞាស​មា​ឞ្រាស​អី​ឞូនុយ្ស​មោ​គឹត​នាល់»។ កើត​នទ្រី​គ៝ប់​អុច​មឞើស​ងក៝ច​អ៝ន់​មា​ខាន់​អៃ​មៃ មា​ឞ្រាស​អី​ខាន់​អៃ​មៃ​យើក​មឞាស​យើន​មា​មោ​គឹត​នាល់​នៃ។
ACT 17:24 ពាង់​កោរាញ​ឞ្រាស​រាហាក់​ញជេង​នែស​នតូ​អ្យា នទ្រែល​មា​ទឹង​លែៈ​នតីល​នទើ​គែស​តា​នែស​នតូ​អ្យា។ ពាង់​អី​កោរាញ​មា​ត្រោក​មា​នែស​នតូ ពាង់​មោ​គុ​អោស​តា​ញីស​ឞូនុយ្ស​ជាន។
ACT 17:25 ពាង់​មោ​ខាច់​អោស​ដាៈ​ឞូនុយ្ស​ឆើម​កើល​ជាន​ការ​មា​ពាង់ យ៝រ​លាស​ពាង់​នើម​អី​អ៝ន់​ទឹង​លែៈ​ឞូនុយ្ស​គែស​នាវ​រេស គែស​នហ៝ម់ នទ្រែល​មា​អ៝ន់​លែៈ​នតីល​នទើ។
ACT 17:26 កោរាញ​ឞ្រាស​ញជេង​ឞូនុយ្ស​នើស​លោស​តាៈ​ឞើស​ទូ​ហ្វេ​ឞូនុយ្ស​ទើម ទឹង​គែស​មា​ឞូនុយ្ស​គុ​លាម​ឞ្រី​ទាក​លាម​នែស​នតូ​អ្យា។ ទឹង​លែៈ​លាម​ឞ្រី​ទាក​អី​នៃ​កោរាញ​ឞ្រាស​អ៝ន់​ទាស​អ៝ក់​នារ​ខៃ​នាម់​ទូ​ញជារ់​នាវ​រេស នទ្រែល​មា​អ៝ន់​នហារ់​ឞ្រី​មា​ខាន់​ពាង់​គុ ទាស​ពាង់​នើម​អុច។
ACT 17:27 ពាង់​ជាន​កើត​នអា​គៃ​មា​ទឹង​លែៈ​ឞូនុយ្ស​ជ៝យ​ពាង់ ជេសរី​លាស​ញឆ្រោយ្ស​ជ៝យ​ពាង់​ក្លាប់​លាស​គឹត​នាល់​ពាង់​ដ៝ង់។ យើន​មា​ពាង់​មោ​អោស​គុ​ងាយ​ដាស​មា​ឞូនុយ្ស​ឞ៝ន់។
ACT 17:28 យ៝រ​តាៈ​ឞើស​កោរាញ​ឞ្រាស​អ៝ន់ ទឹង​ឞ៝ន់​គែស​នាវ​រេស ទឹង​ឞ៝ន់​ឞ្លាវ​មព៝ត់ នទ្រែល​មា​ទឹង​ឞ៝ន់​ជេង​ឞូនុយ្ស។ គែស​ដ៝ង់​ឞូនុយ្ស​ឞ្លាវ​មព្រឹង​តា​ផូង​ខាន់​អៃ​មៃ​នើម​លាស​កើត​នអា៖ «ឞូនុយ្ស​ឞ៝ន់​ជេង​រាន៝យ​ទែស​តាៈ​ឞើស​កោរាញ​ឞ្រាស»។
ACT 17:29 លាស​នទ្រី លាស​ឞូនុយ្ស​ឞ៝ន់​ជេង​រាន៝យ​ទែស​តាៈ​ឞើស​កោរាញ​ឞ្រាស ឞ៝ន់​លើយ​អោស​មឹន​កោរាញ​ឞ្រាស​ជេង​តឹម​ឞាន​មា​រូប​មាយ្ស មា​រូប​ព្រាក់ មោ​លាស​ជេង​តឹម​ឞាន​មា​លុ​តឹង​មា​នាវ​គឹត​ឞ្លាវ​ឞូនុយ្ស​ឞ្លាវ​ជាន។
ACT 17:30 ឞើស​នតើម​កោរាញ​ឞ្រាស​មោ​អោស​ក្លាប់​នទាង់​មា​ឞូនុយ្ស​គុ​រេស​អេ​ហ៝ៈ​គឹត​នាល់​ពាង់ យើន​មា​អាបៃ​អ្យា​កោរាញ​ឞ្រាស​ដាៈ​ទឹង​លែៈ​ឞូនុយ្ស​តា​នែស​នតូ​អ្យា ដាៈ​ខាន់​ពាង់​រាគ៝ល់​លើយ​នូយ្ស​នហ៝ម់​អ្យើស​ឆឹត​ញឆីង​មា​ពាង់‌
ACT 17:31 យ៝រ​លាស​កោរាញ​ឞ្រាស​លែៈ​នទ្រាប់​ជេស​នារ​ផាត​ទោយ្ស​ទឹង​លែៈ​ឞូនុយ្ស​តា​នែស​នតូ​មា​នាវ​ឆ៝ង់។ ពាង់​លែៈ​ជេស​កើយ្ស​ទូ​ហ្វេ​ឞូនុយ្ស​ជេង​កោរាញ​ផាត​ទោយ្ស ពាង់​លែៈ​ជាន​អ៝ន់​ឞូនុយ្ស​អី​នៃ​ទ៝ក់​រេស​គៃ​មា​អ៝ន់​ទឹង​លែៈ​ឞូនុយ្ស​គឹត​នហេល​នានេៈ​ឞូនុយ្ស​អី​នៃ​ជេង​កោរាញ​ផាត​ទោយ្ស​អី​នៃ​ងាន់”។
ACT 17:32 ត៝ត់​មា​ឞូ​តាង់​ពោល ​ងក៝ច​នាវ​ឞូនុយ្ស​ខឹត​ទ៝ក់​រេស​តៃ​កើត​នៃ គែស​ឞូ​អាបាៈ​មឺច​មា​អោឞាល់ យើន​មា​ឞូ​អាបាៈ​ជឹត​លាស​កើត​នអា៖ “នារ​ជឹត​នាប់​តៃ ហេន​ហាន់​អ្យាត់​នាវ​មៃ​ជឹត”។
ACT 17:33 ជេសរី​ពោល ​ទូ​លោស​ឞើស​ខាន់​ពាង់​នៃ។
ACT 17:34 គែស​ឞូនុយ្ស​អាបាៈ​តឹង​ពាង់ នហ៝​មា​ឆឹត​ញឆីង។ តា​នៃ​គែស​ទូ​ហ្វេ​រាញា​ដេវនីស  ជេង​កោរាញ​ផាត​ទោយ្ស​តា​ប៝ន​នៃ នទ្រែល​មា​គែស​ទូ​ហ្វេ​ឞូ​អូរ​រាញា​ដាមារីស  នអ៝ប់​មា​គែស​ឞូនុយ្ស​អេងៗ​ដ៝ង់។
ACT 18:1 ឞើស​កើយ​នៃ​ពោល ​លោស​ឞើស​ប៝ន​អាថែន  ហាន់​តា​ប៝ន​កោរិនតោ ។
ACT 18:2 តា​ប៝ន​នៃ​ពាង់​ម៝ប់​មា​ផូង​អីឆ្រាអែល ​ទូ​ហ្វេ​រាញា​អាកីលា ​តាៈ​ឞើស​ឞ្រី​ពុនតុស  នទ្រែល​មា​អូរ​ពាង់​រាញា​ព្រីឆីល ។ ខាន់​ពាង់​មហែ​ទូ​តាៈ​ឞើស​ឞ្រី​អីតាលី  យ៝រ​លាស​កោរាញ​កាដាច់​ក្លោដេស ​ដាៈ​ផូង​អីឆ្រាអែល ​ទឹង​លែៈ​អ៝ន់​ទូ​លោស​ឞើស​ប៝ន​ក្វ៝ង់​រោម ​ឞ្រី​អីតាលី ​ទាទេ។ ជេសរី​ពាង់​ហាន់​ខ៝ល់​អា​ឞារ​ហៃ​ខាន់​ពាង់​នៃ។
ACT 18:3 ពាង់​គុ​នទ្រែល​ខាន់​ពាង់ ជាន​ការ​នទ្រែល យ៝រ​លាស​នាវ​ជាន​ការ​ពោល ​នើស​តឹម​ឞាន​ឞាល់ ខាន់​ពាង់​ឞូនុយ្ស​ជឹង​នតោ​គៃ​មា​ជាន​ចូន។
ACT 18:4 អាប់​នារ​ឆាបាត់ ​អី​នារ​រាលូ​ផូង​អីឆ្រាអែល ​ពាង់​គុ​នតី​ឞូ​តា​ញីស​រាបុន​ផូង​អីឆ្រាអែល  ឞ៝ញ​ជាៈ​ផូង​អីឆ្រាអែល  នទ្រែល​មា​ផូង​គ្រែក ​អ៝ន់​ឆឹត​ញឆីង​មា​ឞ្រាស​យេឆូ ។
ACT 18:5 ជេស​ឆីលាស  នទ្រែល​មា​តីមោថេ ​លោស​តាៈ​ឞើស​ឞ្រី​មាឆេដោន ​ត៝ត់​តា​រី ពោល ​នត្លើយ​លែៈ​នាវ​ជាន​ការ​ជឹង​ឞ៝ក​អី​នៃ គៃ​មា​មឞើស​ងក៝ច​នាវ​ឞ្រាស​យេឆូ ​ទើម។ ពាង់​ងក៝ច​អ៝ន់​មា​ផូង​អីឆ្រាអែល ​ក្ល៝ស​រាស​វាស ឞ្រាស​យេឆូ ​ជេង​ឞ្រាស​ក្រីស ​អី​នើម​រាក្លាយ្ស​អី​លែៈ​កោរាញ​ឞ្រាស​ត៝ន​កាល់​អែ​នើស។
ACT 18:6 យ៝រ​មា​ផូង​អីឆ្រាអែល ​តឹម​រាទ៝ង់​មា​ពាង់ នទ្រែល​មា​រាក​ឆ្វាយ​ពាង់​ដ៝ង់ ពាង់​រាតោស​ឞ៝ក​អាវ​ពាង់​នើម​គៃ​មា​ញហើ​ពាង់​អុច​តឹម​ងខាស​មា​ខាន់​ពាង់​ងាន់ នហ៝​មា​លាស​មា​ផូង​នៃ៖ “លាស​កោរាញ​ឞ្រាស​តេៈ​ទោយ្ស​មា​ខាន់​អៃ​មៃ យ៝រ​មា​នាវ​តីស​ខាន់​អៃ​មៃ​នើម​ទើម មោ​ហោម​អោស​យ៝រ​មា​គ៝ប់ នតើម​ឞើស​នារ​អ្យា​ជឹត​នាប់​គ៝ប់​ហាន់​នតី​ផូង​អី​មោ​ទី​ផូង​អីឆ្រាអែល ”។
ACT 18:7 ជេសរី​ពោល ​លោស​ឞើស​នតុក​នៃ ហាន់​តា​ជៃ​ទូ​ហ្វេ​ឞូ​ក្លោ​រាញា​តីតុស-​យុសតុស ។ ពាង់​អី​នៃ​ឞូនុយ្ស​យើក​មឞាស​មា​កោរាញ​ឞ្រាស​ដ៝ង់ ជៃ​ពាង់​កេង​ញីស​រាបុន​ផូង​អីឆ្រាអែល ។
ACT 18:8 គែស​ឞូនុយ្ស​នើម​ម៝ត់​អ្វាញ់​ញីស​រាបុន​នៃ​រាញា​ក្រីសពុស  ពាង់​ឆឹត​ញឆីង​មា​កោរាញ​យេឆូ  នទ្រែល​មា​រានាក់​វ៝ល់​ពាង់​ដ៝ង់។ គែស​អ៝ក់​ឞូនុយ្ស​តា​ប៝ន​កោរិនតោ ​នៃ​តាង់​នាវ​ពោល ​ងក៝ច ជេសរី​ឆឹត​ញឆីង នទ្រែល​មា​ទើន​នាវ​បាប់តែម​យុក​មា​ទាក​ដ៝ង់។
ACT 18:9 គែស​ទូ​មាង់​កោរាញ​យេឆូ ​តឹម​មពើល​មា​ពោល ​តា​នាវ​តឹម​ឆៃ ពាង់​លាស​កើត​នអា៖ “មៃ​លើយ​ក្លាច​អោស អ៝ន់​មៃ​ហោម​ងើយ​មឞើស​ងក៝ច​មា​គ៝ប់ លើយ​អោស​មៃ​គុ​រាក្លាក់‌
ACT 18:10 យ៝រ​លាស​គ៝ប់​គុ​នទ្រែល​មៃ។ មោ​គែស​ឞូនុយ្ស​ទើយ​តឹម​រាទ៝ង់​ជាន​អ្យើស​មា​មៃ នទ្រែល​មា​គែស​អ៝ក់​ដ៝ង់​ឞូនុយ្ស​ញឆីង​មា​គ៝ប់​គុ​តា​ប៝ន​អ្យា”។
ACT 18:11 ពោល ​គុ​តា​ប៝ន​នៃ ជ៝ៈ​ទូ​នាម់​ងគូល នតី​នាវ​កោរាញ​ឞ្រាស​អ៝ន់​មា​ឞូ។
ACT 18:12 យើន​មា​នោក​កាលីយោ ​ជាន​កោរាញ​ក្វ៝ង់​តា​ឞ្រី​អាខៃ  នោក​នៃ​ផូង​អីឆ្រាអែល ​តឹម​ទី​នាវ​គៃ​មា​តឹម​រាទ៝ង់​ដាស​ពោល  ញុប​ញជុន​ពាង់​តា​នតុក​ញីស​ផាត​ទោយ្ស‌
ACT 18:13 នតោន​ពាង់​អ៝ន់​មា​កោរាញ​ក្វ៝ង់​អី​នៃ៖ “ឞូនុយ្ស​អ្យា ញឆុក​ជាៈ​ឞូ​យើក​មឞាស​មា​កោរាញ​ឞ្រាស​មា​នាវ​នតី​អី​តីស​ដាស​នាវ​វៃ​ផូង​ហេន”។
ACT 18:14 ទោល​ពោល ​អុច​មា​ងើយ កាលីយោ ​លាស​កើត​នអា៖ “អើ​ផូង​អីឆ្រាអែល  លាស​គែស​ទោយ្ស​ងខឹត​ឞូ មោ​លាស​នាវ​តីស​ក្វ៝ង់​អា​អេង គ៝ប់​អុច​អ្យាត់​នាវ​ខាន់​មៃ​រ៝។
ACT 18:15 យើន​មា​លាស​មាន​មា​តឹម​រាលាច់​មា​នាវ​មឞើស​ងើយ មោ​លាស​មា​រាញា​ឆាក់​ឞូនុយ្ស មោ​លាស​មា​នាវ​វៃ​ផូង​អីឆ្រាអែល ​ទើម គ៝ប់​មោ​អុច​អោស​ផាត​ទោយ្ស​នាវ​ខាន់​មៃ​នៃ។ អ៝ន់​ខាន់​មៃ​តឹម​ផាត​ទោយ្ស​អេង​នទ្រាង់​ខាន់​មៃ​នើម”។
ACT 18:16 ជេសរី​ពាង់​ដាៈ​ខាន់​ពាង់​ទូ​លោស​ឞើស​ញីស​ផាត​ទោយ្ស​នៃ។
ACT 18:17 ទោល​នៃ​ឞូ​ញុប​ឆោសតែន  ពាង់​ជេង​ឞូនុយ្ស​កោរាញ​ម៝ត់​អ្វាញ់​ញីស​រាបុន​ផូង​អីឆ្រាអែល  រាពាត់​អោឞាល់​ឞើស​នាប់​ញីស​ផាត​ទោយ្ស​រី​រ៝ យើន​មា​កាលីយោ ​មោ​អោស​ជី​ឞោក​ជី​តោរ​មា​នាវ​នៃ។
ACT 18:18 ពោល ​ហោម​គុ​តា​ប៝ន​នៃ​ជ៝ៈ​នារ​ជឹត ជេសរី​ពាង់​នតិញ​ផូង​ញឆីង ពាង់​លោស​ឞើស​ប៝ន​នៃ​ញច៝​ទូក​អុច​ហាន់​តា​ឞ្រី​ឆីរី ។ ឞូនុយ្ស​ហាន់​នទ្រែល​ពាង់​គែស​ព្រីឆីល  នទ្រែល​មា​អាកីលា ​ឞារ​ហៃ​អូរ​ឆាយ​ខាន់​ពាង់។ ត៝ត់​តា​នតុក​ឞូ​ញឆ្រុង​ទូក​រី នតុក​នៃ​រាញា​ប៝ន​កេងក្រេ ពោល ​ក្រែស​ងូក​ឞោក​តា​នតុក​នៃ យ៝រ​លាស​ពាង់​លែៈ​ជេស​ត៝ន​ទូ​នតីល​នាវ​តឹង​នាវ​វៃ​ផូង​អីឆ្រាអែល ។
ACT 18:19 ខាន់​ពាង់​ញច៝​ទូក​ត៝ត់​តា​ប៝ន​ក្វ៝ង់​អេផេឆោ ​រី ជេសរី​ពោល ​ហាន់​តា​ញីស​រាបុន​ផូង​អីឆ្រាអែល  គុ​តឹម​ញច្រាៈ​មា​ផូង​អីឆ្រាអែល ​តា​នតុក​នៃ។ ជេសរី​ពាង់​នតិញ​ព្រីឆីល  នទ្រែល​មា​អាកីលា ។
ACT 18:20 ឞូ​ក៝ន់​ពាង់​គុ​ជ៝ៈ​តា​ប៝ន​នៃ យើន​មា​ពាង់​មោ​អុច​អោស។
ACT 18:21 ពាង់​នតិញ​លាស​មា​ខាន់​ពាង់​តា​នៃ៖ “[គ៝ប់​អុច​លាប់​ញេត​បុន​ទូ​នតីល​តា​ប៝ន​យេរូឆាលឹម ។] លាស​កោរាញ​ឞ្រាស​អុច គ៝ប់​ហោម​ព្លឹ​ម៝ប់​ខាន់​អៃ​មៃ​ដ៝ង់”។ ជេសរី​ពាង់​ញច៝​ទូក​ឞើស​ប៝ន​អេផេឆោ ​នៃ។
ACT 18:22 ត៝ត់​តា​ប៝ន​ឆេឆារា ​រី ពាង់​ឞ្រោៈ​ជ៝ង់​តា​ប៝ន​យេរូឆាលឹម ​ខ៝ល់​ផូង​ញឆីង​មា​ឞ្រាស​ក្រីស ​តា​ប៝ន​នៃ ជេស​ឞើស​នៃ​ពាង់​ហាន់​តា​ប៝ន​អ៝ន់តីយោក ​ឞ្រី​ឆីរី ។
ACT 18:23 ពាង់​គុ​តា​ប៝ន​នៃ​ជ៝ៈ​អ៝យ ជេសរី​ពាង់​ហាន់​គ្លាត់​រ៝ៈ​ឞ្រី​កាលាតី ​រ៝ៈ​ឞ្រី​ព្រីកៀ  នហ៝​មា​នតី​អ៝ន់​ផូង​អ៝ស​ម៝ន​ជឹត​អ៝ន់​ញអោត​ន៝ប់​នាវ​ញឆីង។
ACT 18:24 នោក​ពោល ​ហោម​ញឆ៝ង​តា​ឞ្រី​កាលាតី  តា​ឞ្រី​ព្រីកៀ ​នៃ តា​ប៝ន​អេផេឆោ ​គែស​ទូ​ហ្វេ​តា​ផូង​អីឆ្រាអែល ​មហែ​ត៝ត់ រាញា​អាពោលុស ។ ពាង់​តាៈ​ឞើស​ប៝ន​អាលេកឆាន់ត្រី  មឞើស​ងើយ​ឞ្លាវ​ងាន់ នទ្រែល​មា​គឹត​ជ្រូ​តា​នាវ​កោរាញ​ឞ្រាស​ងើយ។
ACT 18:25 ឞូ​លែៈ​នតី​ពាង់​មា​នាវ​កោរាញ​យេឆូ  នទ្រី​ទឹង​ពាង់​នតី​នាវ​កោរាញ​យេឆូ ​អ៝ន់​ទី​មា​លែៈ​នូយ្ស​នហ៝ម់។ យើន​មា​ពាង់​មាន​មា​គឹត​នាវ​បាប់តែម​យុក​មា​ទាក​អី​យោហាន-​បាប់តែម ​ទែ​ជាន ទាស​រី​ទើម។
ACT 18:26 ពាង់​នតី​ឞូ​តា​ញីស​រាបុន​ផូង​អីឆ្រាអែល ​ឞាញ់​ងាន់។ ត៝ត់​មា​ព្រីឆីល  នទ្រែល​មា​អាកីលា ​តាង់​កើត​នៃ ខាន់​ពាង់​ជាៈ​ពាង់​គុ​នទ្រែល នតី​មឞើស​ងក៝ច​ពាង់​នាវ​កោរាញ​ឞ្រាស​អ៝ន់​លើ​មា​វ៝ត់​ជឹត។
ACT 18:27 ជេសរី​អាពោលុស ​អុច​ហាន់​តា​ឞ្រី​អាខៃ ។ ផូង​ញឆីង​តា​អេផេឆោ ​អុច​កើល​ពាង់ ជេសរី​ញចីស​ឆ៝ម់បុត​អ៝ន់​ពាង់​ញអោត​គៃ​មា​អ៝ន់​ផូង​អ៝ស​ម៝ន​គុ​តា​ឞ្រី​នៃ​អ៝ន់​រ៝ម​ពាង់។ ត៝ត់​ពាង់​តា​នៃ ផូង​អី​កោរាញ​ឞ្រាស​លែៈ​អ៝ន់​ញឆីង​មា​ឞ្រាស​យេឆូ ​ពាង់​កើល​អ៝ក់​ងាន់‌
ACT 18:28 យ៝រ​លាស​ពាង់​តឹម​រាលាច់​ដាស​ផូង​អីឆ្រាអែល ​តា​នាប់​ឞូនុយ្ស​អ៝ក់​រី ទើយ​ពាង់​ងាន់។ ពាង់​មឞើស​ងក៝ច​នាវ​កោរាញ​ឞ្រាស​ងើយ មឞើស​មា​ឞូ​ឞ្រាស​យេឆូ ​ជេង​ឞ្រាស​ក្រីស ​ងាន់ អី​នើម​រាក្លាយ្ស​អី​កោរាញ​ឞ្រាស​លែៈ​ត៝ន​នើស។
ACT 19:1 ទោល​អាពោលុស ​គុ​តា​ប៝ន​កោរិនតោ ពោល ​លោស​ឞើស​ឞ្រី​ព្រីកៀ ​ហាន់​គ្លាត់​រ៝ៈ​ឞ្រី​អាឆី  ជេសរី​ត៝ត់​តា​ប៝ន​អេផេឆោ ។ តា​ប៝ន​នៃ​ពាង់​ម៝ប់​មា​ផូង​អ៝ស​ម៝ន​អាបាៈ‌
ACT 19:2 ពាង់​អោប​ផូង​នៃ៖ “នតើម​ឞើស​ខាន់​អៃ​មៃ​ឆឹត​ញឆីង អាស​ខាន់​អៃ​មៃ​លែៈ​គែស​ឞ្រាស​ហ្វេង​អ្វែស​អី​ក្ល៝ស​អ្វែស​គុ​តា​ខាន់​អៃ​មៃ​ដ៝ង់​ឞើស?” ខាន់​ពាង់​អើស៖ “មោ​អោស ហេន​មោ​ព្រ៝ត​អោស​តាង់​ឞូ​លាស​គែស​ឞ្រាស​ហ្វេង​អ្វែស​អី​ក្ល៝ស​អ្វែស”។
ACT 19:3 ពោល ​អោប​តៃ​ខាន់​ពាង់៖ “លាស​នទ្រី​ម៝ស​នតីល​នាវ​បាប់តែម​ខាន់​អៃ​មៃ​ទើន?” “ហេន​ទើន​នាវ​បាប់តែម​តឹង​នាវ​នតី​យោហាន-​បាប់តែម ”។
ACT 19:4 ពោល ​លាស​មា​ខាន់​ពាង់៖ “យោហាន-​បាប់តែម ​ជាន​បាប់តែម​អ៝ន់​មា​ឞូនុយ្ស​អី​លែៈ​រាគ៝ល់​លើយ​នូយ្ស​នហ៝ម់​អ្យើស នហ៝​មា​មឞើស​ងក៝ច​អ៝ន់​មា​ផូង​ប៝ន​លាន​ញឆីង​មា​ឞូនុយ្ស​អី​វាច់​ឞើស​កើយ​ពាង់​នៃ ជេង​កោរាញ​យេឆូ ​[ក្រីស ]”។
ACT 19:5 ជេស​តាង់​ពោល ​លាស​កើត​នៃ ខាន់​ពាង់​ទើន​នាវ​បាប់តែម​មា​រាញា​ឆាក់​កោរាញ​យេឆូ ​ជឹត។
ACT 19:6 ជេស​ពោល ​តេៈ​តី​តា​ខាន់​ពាង់​រី ឞ្រាស​ហ្វេង​អ្វែស​អី​ក្ល៝ស​អ្វែស​ជុរ​គុ​តា​ខាន់​ពាង់ អ៝ន់​ខាន់​ពាង់​ឞ្លាវ​ងើយ​នាវ​ងើយ​អេងៗ នហ៝​មា​នតើយ្ស​នាវ​ងើយ​កោរាញ​ឞ្រាស​ដ៝ង់។
ACT 19:7 ទឹង​លែៈ​ផូង​នៃ​ក្លាប់​លាស ១២ នុយ្ស​ឞូ​ក្លោ។
ACT 19:8 គែស​ពែ​ខៃ​ពោល ​គុ​នតី​តា​ញីស​រាបុន​ផូង​អីឆ្រាអែល  ពាង់​នតី​ឞាញ់​ងាន់។ ពាង់​ញច្រាៈ​ពាង់​មឞើស​ងក៝ច​នាវ​កោរាញ​ឞ្រាស​ម៝ត់​អ្វាញ់​មា​ឞូនុយ្ស​អ៝ន់​ឞូ​អ្យាត់។
ACT 19:9 តីស​មា​គែស​ឞូនុយ្ស​អាបាៈ​នូយ្ស​នហ៝ម់​ទាង់​ក៝ មោ​អុច​អ្យាត់ នអ៝ប់​មា​ងើយ​នាវ​អ្យើស​ជឹត​មា​នាវ​ញឆីង​មា​ឞ្រាស​យេឆូ ​តា​នាប់​ឞូនុយ្ស​អ៝ក់។ ជេសរី​ពោល ​ទូ​រាង្លាស​ឞើស​ផូង​អី​នៃ​លែវ​ផូង​អ៝ស​ម៝ន​រាបុន​តា​នតុក​អេង។ ជេសរី​ពាង់​តឹម​ញច្រាៈ​មា​ឞូ​អាប់​នារ​អាប់​នារ​តា​ញីស​រាបុន​ទូ​ហ្វេ​ឞូនុយ្ស រាញា​ឞូនុយ្ស​អី​នៃ​តីរានុស ។
ACT 19:10 ពាង់​នតី​ឞូ​តា​នៃ​ជ៝ៈ​ឞារ​នាម់ នទ្រី​ទឹង​អ៝ក់​ឞូនុយ្ស​តា​ឞ្រី​អាឆី ​នៃ​តាង់​នាវ​កោរាញ​យេឆូ ​ទាទេ នអ៝ប់​មា​ផូង​អីឆ្រាអែល  នអ៝ប់​មា​ផូង​អី​មោ​ទី​ផូង​អីឆ្រាអែល ​ដ៝ង់។
ACT 19:11 នោក​នៃ​កោរាញ​ឞ្រាស​ជាន​នទើ​នាវ​ខ្លៃ​អេងៗ​តា​ពោល ​រី​លែៈ​នាវ​ងាន់។
ACT 19:12 ឞូ​មាន​មា​ឆ៝ៈ​ឞ៝ក​អី​ពាង់​ងគូត​ឞើស​ឆាក់​ពាង់​រី ជេសរី​តេៈ​តា​ឞូនុយ្ស​ជី ឞូនុយ្ស​ជី​ឞាស ឞ្រាស​អ្យើស​អី​គុ​តា​ឞូនុយ្ស​លោស​ឞើស​ខាន់​ពាង់​ដ៝ង់។
ACT 19:13 គែស​ផូង​អីឆ្រាអែល ​អាបាៈ ខាន់​ពាង់​ឞ្រោៈ​ញឆ៝ង​អាប់​នតុក​គៃ​មា​មព្រើស​ឞ្រាស​អ្យើស​ទូ​ឞើស​ឞូនុយ្ស។ តា​មពោល​ខាន់​ពាង់​អី​នៃ​គែស​អាបាៈ​ជាន​ទ៝ង់​រាញា​ឆាក់​ឞ្រាស​យេឆូ  ខាន់​ពាង់​លាស​ឞ្រាស​អ្យើស​កើត​នអា៖ “គ៝ប់​ដាៈ​ខាន់​មៃ​តា​នាវ​ទើយ​កោរាញ​យេឆូ  អី​ពោល ​ទែ​នតី អ៝ន់​ខាន់​មៃ​ទូ​ហ៝ម់!”
ACT 19:14 តា​ផូង​ជាន​កើត​នៃ គែស​នអ៝ប់​មា​ក៝ន​ឞូ​ក្លោ​ឆាកេវា ​ពើស​នុយ្ស​ដ៝ង់។ ឆាកេវា ​ជេង​មពោល​កោរាញ​ជាន​ឞ្រាស​ផូង​អីឆ្រាអែល ។
ACT 19:15 ឞ្រាស​អ្យើស​អើស​មា​ផូង​អី​នៃ៖ “កោរាញ​យេឆូ  ហេន​លែៈ​នាល់​ជេស នទ្រែល​មា​ពាង់​គែស​នាវ​ទើយ​មា​ហេន។ ពោល ​ហេន​លែៈ​នាល់​ដ៝ង់ នទ្រែល​មា​ពាង់​គែស​នាវ​ទើយ​មា​ហេន​ដ៝ង់។ តីស​មា​ខាន់​មៃ​អី​នៃ​ឞើស​តាៈ​គែស​នាវ​ទើយ​មា​គ៝ប់?”
ACT 19:16 ជេសរី​ឞូនុយ្ស​អី​ឞ្រាស​អ្យើស​លាប់​នៃ រាទោស​ត៝ម​លើស​ខាន់​ពាង់​រី ទើយ​ពាង់​ដាស​មា​ខាន់​ពាង់​ទឹង​លែៈ​នៃ នហ៝​មា​ត៝ត់​ញច្វាត់​នអ៝ប់​មា​លាហោក​លាហាក ឆោត​គាត់​ទាទេ។
ACT 19:17 លែៈ​ឞូនុយ្ស​តា​ប៝ន​អេផេឆោ  នអ៝ប់​មា​ផូង​អីឆ្រាអែល  នអ៝ប់​មា​ផូង​អី​មោ​ទី​ផូង​អីឆ្រាអែល ​តាង់​លឺ​នាវ​អី​នៃ។ ជេសរី​ខាន់​ពាង់​ក្លាច​ញឆ៝រ់ នហ៝​មា​យើក​មា​រាញា​ឆាក់​កោរាញ​យេឆូ ។
ACT 19:18 គែស​អ៝ក់​ឞូនុយ្ស​លាប់​ញឆីង​មា​ឞ្រាស​យេឆូ  ជេសរី​ហាន់​មឞើស​នាវ​តីស​ខាន់​ពាង់​នើម​តា​នាប់​ឞូ ម៝ស​នាវ​អី​ខាន់​ពាង់​លែៈ​គែស​ជាន​អា​ល៝រ​នើស​មោ​ហោម​ម៝។
ACT 19:19 តា​ផូង​អី​នៃ​អា​ល៝រ​នើស​គែស​អ៝ក់​ជេង​តាៈ​ជាន​នអាង ខាន់​ពាង់​ឆ៝ៈ​គុន​ងលារ​ខាន់​ពាង់​នើម​រី ឆូ​ពូរ​លើយ​តា​អុញ​តា​នាប់​ឞាល់​ផូង​រី​ដ៝ង់។ លែៈ​នទើ​ខាន់​ពាង់​ឆូ​ពូរ​នៃ​នាវ​ខ្លៃ ៥០០០០ ព្រាក់​កាក់។
ACT 19:20 យ៝រ​មា​នាវ​ខ្លៃ​អី​នៃ ឞូ​មឞើស​ងក៝ច​មា​នាវ​កោរាញ​យេឆូ ​លើ​មា​លាម​នតុក ជេសរី​ឞូ​ឆឹត​ញឆីង​មា​ពាង់​លើ​មា​អ៝ក់។
ACT 19:21 ជេស​គែស​នាវ​នៃ ពោល ​មឹន​អុច​ហាន់​តា​ប៝ន​យេរូឆាលឹម  ពាង់​អុច​ហាន់​គ្លាត់​រ៝ៈ​ឞ្រី​មាឆេដោន  នទ្រែល​មា​ឞ្រី​អាខៃ  ពាង់​លាស៖ “ជេស​ហាន់​តា​ប៝ន​នៃ អ្យាត់​មា​គ៝ប់​ហាន់​តា​ប៝ន​ក្វ៝ង់​រោម ​ដ៝ង់”។
ACT 19:22 ជេសរី​ពាង់​ដាៈ​ឞារ​ហៃ​ឞូនុយ្ស​កើល​ជាន​ការ​ពាង់​ហាន់​ល៝រ​តា​ឞ្រី​មាឆេដោន  ដាៈ​តីមោថេ  នទ្រែល​មា​អេរាសតុស ។ អី​ពាង់​នើម​រី​ហោម​គុ​តា​ឞ្រី​អាឆី ​ជ៝ៈ​អ៝យ​ប៝ត់។
ACT 19:23 នោក​នៃ​គែស​នាវ​អុស​អាស​ទុត​ក្វ៝ង់ យ៝រ​មា​នាវ​ញឆីង​មា​ឞ្រាស​យេឆូ ​ជាន​អ៝ន់​ឞូ​មោ​ហោម​យើក​មឞាស​មា​រូប​ឞ្រាស​អេងៗ។
ACT 19:24 គែស​ទូ​ហ្វេ​ឞូនុយ្ស​ឞូ​ក្លោ​រាញា​ដេមេត្រុស  ពាង់​ជេង​ឞូនុយ្ស​ឞ្លាវ​ជាន​នទើ​មា​ព្រាក់ ម៝ន​រូប​ងកឺប​ជាន​ឞ្រាស​មា​ព្រាក់​មា​ជាន​ឞ្រាស​ឞូ​អូរ​ដីអាន  យ៝រ​មា​ការ​ពាង់​ផូង​អី​ឞ្លាវ​ជាន​គែស​ព្រាក់​អ៝ក់។
ACT 19:25 ជេសរី​ពាង់​រាគូម​ផូង​ឞ្លាវ​ជាន​នៃ នទ្រែល​មា​លែៈ​ផូង​អេង​អី​ជាន​ការ​កើត​ពាង់​នៃ​ដ៝ង់។ ពាង់​លាស​មា​ខាន់​ពាង់៖ “ហើយ​អ៝ស​នោ ខាន់​មៃ​លែៈ​គឹត​ជេស ឞ៝ន់​គែស​ព្រាក់​អ៝ក់​យ៝រ​មា​នទើ​ជាន​ការ​អ្យា។
ACT 19:26 ពាង់​អី​រាញា​ពោល ​នៃ ខាន់​មៃ​លែៈ​គឹត​លែៈ​នាល់​ពាង់​ដ៝ង់ ពាង់​លាស​រូប​ឞ្រាស​តី​ឞូនុយ្ស​ជាន​មោ​អោស​ទី​ឞ្រាស​ងាន់។ ពាង់​ជាៈ​ញឆុក​ញឆោរ​អ៝ក់​ផូង​ប៝ន​លាន​អ្យាត់​តឹង​ពាង់ មោ​អោស​ទើន​តា​ប៝ន​អេផេឆោ ​អ្យា​ទើម លាម​ឞ្រី​អាឆី ​អ្យា​ងាន់។
ACT 19:27 លាស​នទ្រី​ឞ៝ន់​ក្លាច​មោ​អោស​ទើន​មា​នាវ​ការ​ផូង​ឞ៝ន់​អ្យា​ទើម​ឞូ​មោ​ហោម​យើក។ ក្លាច​លាស​ឞូ​មោ​ហោម​យើក​ត៝ត់​មា​ញីស​ជាន​ឞ្រាស​មា​ឞ្រាស​ដីអាន ​អី​ទុត​ក្វ៝ង់​អ្យា។ ឞ្រាស​ឞូ​អូរ​អី​នៃ​អី​ឞូ​វៃ​យើក​មឞាស​លាម​ឞ្រី​អាឆី  នអ៝ប់​មា​លាម​ទឹង​លែៈ​ឞូនុយ្ស​តា​នែស​នតូ​អ្យា អាបៃ​អ្យា​ក្លាច​លាស​រ៝ស​នាវ​ឞូ​លឺ​ពាង់​ដ៝ង់”។
ACT 19:28 ត៝ត់​មា​តាង់​នាវ​ពាង់​លាស​កើត​នៃ ទឹង​លែៈ​ផូង​តា​នៃ​ជី​នូយ្ស​ទុត​ហោ​ងាន់ ខាន់​ពាង់​នតែរ​ទ្រើវ​លាស៖ “ឞ្រាស​ដីអាន ​តា​ប៝ន​អេផេឆោ ​អ្យា​ទុត​ក្វ៝ង់​ងាន់!”
ACT 19:29 នោក​នៃ​លាម​ប៝ន​គែស​នាវ​អុស​អាស​តាស​ត៝រ់​ងាន់ ខាន់​ពាង់​ហាន់​គ្រុង​គ្រាង់​ជឹត​នតុក​ឞូ​ព៝ល់ ខាន់​ពាង់​តេក​មផ៝ក់​កៃយុស  នទ្រែល​មា​អើរីសដារកុស ​ហាន់​តា​រី​ដ៝ង់។ ខាន់​ពាង់​អី​នៃ​ជេង​ផូង​ឞ្រី​មាឆេដោន  វៃ​ហាន់​នទ្រែល​ពោល ។
ACT 19:30 ពោល ​អុច​ហាន់​ម៝ប់​ផូង​ប៝ន​លាន​នៃ​ដ៝ង់ យើន​មា​ផូង​អ៝ស​ម៝ន​ឞ្វៃ​មោ​អោស​អ៝ន់​ពាង់​ហាន់។
ACT 19:31 នអ៝ប់​មា​ផូង​ជាន​ការ​ក្វ៝ង់​តា​ឞ្រី​អាឆី ​នៃ អី​តឹម​នាល់​មាត់​ពាង់ ដាៈ​ឞូ​ហាន់​មឞើស​ពាង់ ឞ៝ញ​មោ​អោស​អ៝ន់​ពាង់​ហាន់​តា​នតុក​ឞូ​ព៝ល់​នៃ។
ACT 19:32 លែៈ​ផូង​ប៝ន​លាន​តា​នៃ អាបាៈ​នតែរ​លាស​នអា អាបាៈ​នតែរ​លាស​នត៝ គែស​នាវ​អុស​អាស​តាស​ត៝រ់​ងាន់​ឞេង​នតុក​ឞូ​ព៝ល់​នៃ។ គែស​អ៝ក់​ឞូនុយ្ស​មោ​អោស​គឹត​ម៝ស​នាវ​តឹម​រាបុន​នៃ។
ACT 19:33 គែស​ផូង​អីឆ្រាអែល ​អាបាៈ​នត្រោល​ទូ​ហ្វេ​តា​ឞាល់​មពោល​ខាន់​ពាង់​នើម​រាញា​ពាង់​អាលេកឆាន់ត្រុស  ដាៈ​ពាង់​ទ៝ក់​ឞើស​នាប់​ឞូ​រី។ ពាង់​យើរ​តី​គៃ​មា​អ៝ន់​ឞូ​ឞាស​ងើយ យ៝រ​មា​ពាង់​អុច​មឞើស​ងក៝ច​មា​ផូង​ប៝ន​លាន​ផូង​អីឆ្រាអែល ​មោ​អោស​គែស​ជាន​តីស។
ACT 19:34 ត៝ត់​មា​ឞូ​នាល់​ពាង់​ជេង​ផូង​អីឆ្រាអែល ​អី​មោ​យើក​មឞាស​មា​ឞ្រាស​ដីអាន  ឞូ​នតែរ​ទ្រើវ​លាស៖ “ឞ្រាស​ដីអាន ​តា​ប៝ន​អេផេឆោ ​អ្យា​ទុត​ក្វ៝ង់​ងាន់!” ឞូ​នតែរ​ទ្រើវ​លាស​កើត​នៃ​ជ៝ៈ​ក្លាប់​លាស​គែស​ឞារ​ម៝ង​ងាន់។
ACT 19:35 ត៝ត់​ងគ្លែៈ​ទុត​កោរាញ​ញចីស​ឆ៝ម់បុត​តា​ប៝ន​អី​នៃ​ឞ្វៃ​ផូង​ប៝ន​លាន​អ៝ន់​គុ​រាក្លាក់ ពាង់​លាស៖ “អើ​ផូង​អ៝ស​នោ​កោញ​វា​តា​អេផេឆោ ! ឞូនុយ្ស​តា​ប៝ន​អ្យា​លែៈ​ឞូ​គឹត​ទាទេ​ជេស​ជេង​ផូង​ម៝ត់​ញីស​ជាន​ឞ្រាស​មា​ឞ្រាស​ដីអាន ​អី​ឞ្រាស​ទុត​ក្វ៝ង់ នទ្រែល​មា​រូប​ពាង់​អី​លែៈ​តុប​តាៈ​ឞើស​កាលើ​ត្រោក​តី។
ACT 19:36 មោ​អោស​គែស​ឞូនុយ្ស​រាលាច់​នាវ​នៃ លាស​នទ្រី​អ៝ន់​ខាន់​អៃ​មៃ​គុ​រាក្លាក់​ហ៝ៈ។ លើយ​ទឹង​អោស​ខាន់​អៃ​មៃ​ទាស​មា​ជាន​លាៈ​ជាន​លេង។
ACT 19:37 ខាន់​អៃ​មៃ​លែវ​មពោល​អី​នៃ​តា​អ្យា យើន​មា​ខាន់​ពាង់​មោ​គែស​អោស​នតុង​ឞើស​ញីស​ជាន​ឞ្រាស មោ​លាស​ងើយ​រាក​ឆ្វាយ​មា​ឞ្រាស​ឞូ​អូរ​ដីអាន ​ផូង​ឞ៝ន់។
ACT 19:38 លាស​នទ្រី លាស​ដេមេត្រុស  នទ្រែល​មា​ផូង​អី​ជាន​ការ​ដាស​ពាង់​នៃ គែស​នាវ​តឹម​នតោន​មា​ឞូ អ៝ន់​ខាន់​ពាង់​ហាន់​តឹម​ងើយ​ទោយ្ស​តា​ឞើស​នាប់​កោរាញ​ផាត​ទោយ្ស​តា​ញីស​ផាត​ទោយ្ស។
ACT 19:39 លាស​ខាន់​អៃ​មៃ​គែស​នាវ​អុច​អោប​មា​នាវ​អេង​ជឹត ក៝ប់​ត៝ត់​ម៝ង​ឞូ​រាបុន​ក្វ៝ង់​តឹង​មា​នាវ​វៃ អ៝ន់​ឞូ​ញច្រាៈ។
ACT 19:40 កើត​នទ្រី​អ៝ន់​ឞ៝ន់​ញជ្រាង់ ក្លាច​លាស​ឞូ​នតោន​ឞ៝ន់​នារ​អ្យា​ជាន​នាវ​អុស​អាស ជេសរី​ឞ៝ន់​ជ៝យ​នាវ​មា​តឹម​អើស​ដាស​ឞូ​មោ​ហោម​ឞ្លាវ​វាៈ​មា​នាវ​ជាន​អុស​អាស​អ្យា”។
ACT 19:41 ជេស​ពាង់​លាស​កើត​នៃ ពាង់​ដាៈ​ផូង​រាបុន​នៃ​ឆឹត​លែៈ​ផ្យៅ។
ACT 20:1 នាវ​អុស​អាស​តាស​ត៝រ់​នៃ​ឞាស​លែៈ​ផ្យៅ ពោល ​រាគូម​ផូង​អ៝ស​ម៝ន​នហាវ​នូយ្ស​នហ៝ម់​ខាន់​ពាង់ នទ្រែល​មា​នតិញ​នតាន់​ខាន់​ពាង់ ជេសរី​ពាង់​លោស​ឞើស​ប៝ន​អេផេឆោ ​នៃ​ហាន់​តា​ឞ្រី​មាឆេដោន ។
ACT 20:2 ពាង់​ហាន់​គ្លាត់​រ៝ៈ​ឞ្រី​នៃ នហ៝​មា​នហាវ​នូយ្ស​នហ៝ម់​អ៝ក់​ងាន់​មា​ផូង​ញឆីង។ ជេស​ឞើស​នៃ​ពាង់​ហាន់​ត៝ត់​តា​ឞ្រី​គ្រែក ‌
ACT 20:3 គុ​តា​ឞ្រី​នៃ​គែស​ពែ​ខៃ។ ទោល​ពាង់​នទ្រាប់​ញច៝​ទូក​ហាន់​តា​ឞ្រី​ឆីរី  ផូង​អីឆ្រាអែល ​អាបាៈ​តឹម​ទី​នាវ​គៃ​មា​ជាន​អ្យើស​មា​ពាង់​តា​ទូក​អី​នៃ។ ពោល ​គឹត​កើត​នៃ យើន​មា​ពាង់​ហោម​អុច​ហាន់​ជឹត​ឞ្រី​ឆីរី  នទ្រី​ទឹង​ពាង់​ឞ្រោៈ​ព្លឹ​គ្លាត់​តៃ​ជឹត​ឞ្រី​មាឆេដោន ។
ACT 20:4 ផូង​ហាន់​នទ្រែល​ពាង់​តា​នៃ គែស​ឆូពាត្រុស ​អី​ក៝ន​ពីរោស ​តាៈ​ឞើស​ប៝ន​បេរា  គែស​អើរីសដារកុស  នទ្រែល​មា​ឆេកុនតុស ​តាៈ​ឞើស​ប៝ន​តេឆាលោនិក  គែស​កៃយុស ​តាៈ​ឞើស​ប៝ន​ដើបេ  គែស​តីខីកុស  នទ្រែល​មា​ត្រោផីម ​តាៈ​ឞើស​ឞ្រី​អាឆី  នទ្រែល​មា​តីមោថេ ​ដ៝ង់។
ACT 20:5 លែៈ​មពោល​នៃ​ហាន់​ល៝រ គុ​ក៝ប់​ហេន​តា​ប៝ន​ត្រោអាស ។
ACT 20:6 អី​ហេន​រី​ហាន់​តា​ប៝ន​ផីលីប ។ ជេស​នារ​ញេត​បុន​ឆា​នុមពាង់​មោ​គែស​នទ្រូយ ហេន​លោស​ឞើស​ប៝ន​អី​នៃ​ញច៝​ទូក​ជ៝ៈ​ព្រាម់​នារ​ទឹង​ត៝ត់​តា​ប៝ន​ត្រោអាស  ម៝ប់​ដាស​ខាន់​ពាង់​តា​នៃ ជេសរី​គុ​តា​ប៝ន​នៃ​ពើស​នារ។
ACT 20:7 តា​នារ​ពើស ហេន​គុ​រាបុន​គៃ​មា​គុ​ឆោង​ឆា​នទ្រែល។ ពោល ​នតី​អ៝ន់​ឞូ​អ្យាត់ ពាង់​មឹន​អុច​ហាន់​នារ​អោយ​តៃ កើត​នទ្រី​ពាង់​គុ​នតី​ត៝ត់​ងគូល​មាង់។
ACT 20:8 នតុក​ហេន​គុ​រាបុន​តា​ជ្រោ​កាលើ​ពែ​ទាប់​នៃ គែស​អុញ​ឆាគេង​អ៝ក់​ងាន់។
ACT 20:9 ទោល​ពោល ​នតី​ជ៝ៈ​ងាន់​នៃ តា​នៃ​គែស​ទូ​ហ្វេ​ក៝ន​ឆែ​លែៈ​នទាម់​រាញា​អើតីកុស ​គុ​តា​ឞោក​មពោង​ឞ្ល៝ស​ញីស​នៃ ពាង់​លែៈ​ជី​ឞិច​ទុត​ហោ ពាង់​ឞិច​គូយ​តុប​អា​នែស​ឆូ​ឞើស​នតុក​ពែ​ទាប់​នៃ។ ជេសរី​ឞូ​ទែ​ពឺ​ឞើស​អ្យា​ពាង់​លែៈ​រ៝ស​នហ៝ម់​ជេស។
ACT 20:10 ពោល ​ជុរ​អា​នែស​ឆូ ពាង់​កុញ​អូត​ឞូនុយ្ស​រី ជេសរី​លាស​មា​ឞូ៖ “ខាន់​អៃ​មៃ​លើយ​រាវៃ ពាង់​មោ​អោស​ខឹត”។
ACT 20:11 ជេសរី​ហាវ​តៃ​កាលើ​រី ពាង់​គិច​នុមពាង់​នៃ​ឆា ជេស​ឆា​នុមពាង់​នៃ​ពាង់​នតី​តៃ​ជ៝ៈ​ជឹត នហ៝​មា​ត៝ត់​ឞ្រី​អាង​អោយ រី​មើ​ពាង់​លោស​ឞើស​នតុក​នៃ​ហាន់។
ACT 20:12 អី​ក៝ន​ឆែ​នទាម់​នៃ​ហោម​រេស ជាន​អ៝ន់​នូយ្ស​នហ៝ម់​ខាន់​ពាង់​អ្វែស​មអាក​ងាន់។ ឞូ​លែវ​ពាង់​ឆឹត​អា​ជៃ​ពាង់​នើម។
ACT 20:13 អី​ហេន​រី​ញច៝​ទូក​ហាន់​ល៝រ​តា​ប៝ន​អាឆុស  គៃ​មា​ម៝ប់​ពោល ​តា​ប៝ន​នៃ យ៝រ​មា​ពាង់​លែៈ​អុច​ឞ្រោៈ​ត្រ៝ង​ជ៝ង់​ត៝ត់​តា​នៃ។
ACT 20:14 ត៝ត់​តឹម​ម៝ប់​តា​ប៝ន​អាឆុស  ពាង់​លាប់​តា​ទូក​នទ្រែល​ហេន ជេសរី​ហាន់​តា​ប៝ន​មីតោលែន ។
ACT 20:15 ពោល ​លែៈ​លាស​ជេស​ពាង់​មោ​អុច​លាប់​តា​ប៝ន​អេផេឆោ  ក្លាច​លាស​គុ​ជ៝ៈ​អីរ​តា​ឞ្រី​អាឆី  យ៝រ​លាស​ពាង់​អុច​គើញ​ត៝ត់​តា​ប៝ន​យេរូឆាលឹម  គៃ​មា​ញេត​បុន ៥០ នារ​តា​នៃ លាស​មា​ទើយ។ នទ្រី​ទឹង​ហេន​ញច៝​ទូក​លោស​ឞើស​មីតោលែន ​នៃ នារ​អោយ​តៃ​ហេន​ត៝ត់​ទាច់​មា​គោល​ទាក​ខីយោស ។ នារ​អោយ​ក្លាក​ហេន​ហាន់​នហ៝ត​ប៝ន​អេផេឆោ ​ត៝ត់​តា​គោល​ទាក​ឆាមុស  [ជេសរី​ហេន​គុ​ទូ​ប្ល៝ត់​តា​ប៝ន​ត្រោកីលេម ] នារ​លាក​ង្វាយ​(លាក​មីស)​រី​មើ​ហេន​ត៝ត់​តា​ប៝ន​មីលេត ។
ACT 20:17 ជេសរី​ពោល ​ដាៈ​ឞូ​តាៈ​ឞើស​ប៝ន​មីលេត ​ហាន់​តា​ប៝ន​អេផេឆោ  គៃ​មា​ជាៈ​ផូង​កោរាញ​ផូង​ញឆីង​មា​ឞ្រាស​ក្រីស ​តា​ប៝ន​នៃ​ហាន់​ម៝ប់​ពាង់។
ACT 20:18 ត៝ត់​ខាន់​ពាង់​អី​នៃ​តា​ប៝ន​មីលេត ពោល ​ងើយ៖ “ខាន់​អៃ​មៃ​លែៈ​គឹត​ជេស​នាវ​គុ​ងាវ​គ៝ប់​តា​ខាន់​អៃ​មៃ លែៈ​នទើ​គ៝ប់​ជាន​អាប់​ម៝ង​អាប់​នារ នតើម​ឞើស​គ៝ប់​ត៝ត់​តា​ឞ្រី​អាឆី ​អ្យា។
ACT 20:19 គ៝ប់​ជាន​ការ​តា​ខាន់​អៃ​មៃ​ជេង​តឹម​ឞាន​មា​ឞូនុយ្ស​អី​ជេៈ​តា​ន៝ម់​ឞូ នអ៝ប់​មា​ហ៝រ​ទាក​មាត់ នអ៝ប់​មា​គែស​នាវ​ជេរ​យ៝រ​មា​ផូង​អីឆ្រាអែល ​អាបាៈ​អី​អុច​ជាន​អ្យើស​មា​គ៝ប់។
ACT 20:20 ខាន់​អៃ​មៃ​លែៈ​គឹត​ជេស នោក​គ៝ប់​នតី​ខាន់​អៃ​មៃ​តា​នាប់​ឞាល់​ផូង នទ្រែល​មា​រ៝ៈ​ជៃ​ដ៝ង់ លែៈ​នទើ​ខ្លៃ​អី​គែស​នាវ​ខ្លៃ​មា​កើល​ខាន់​អៃ​មៃ​គ៝ប់​លែៈ​មឞើស​អ៝ន់​មា​ខាន់​អៃ​មៃ​ដ៝ង់ គ៝ប់​មោ​អោស​ពោន​ម៝។
ACT 20:21 គ៝ប់​មឞើស​ងក៝ច​អ៝ន់​មា​ផូង​អីឆ្រាអែល  នទ្រែល​មា​ផូង​គ្រែក  មា​នាវ​រាគ៝ល់​នូយ្ស​នហ៝ម់​អ្យើស​ឆឹត​មា​កោរាញ​ឞ្រាស ញឆីង​មា​កោរាញ​យេឆូ ​[ក្រីស ]​អី​កោរាញ​មា​ផូង​ឞ៝ន់។
ACT 20:22 អាបៃ​អ្យា ឞ្រាស​ហ្វេង​អ្វែស​អុច​អ៝ន់​គ៝ប់​ហាន់​តា​ប៝ន​យេរូឆាលឹម  យើន​មា​គ៝ប់​មោ​គឹត​អោស​ម៝ស​នាវ​គែស​មា​គ៝ប់​តា​ប៝ន​នៃ។
ACT 20:23 គ៝ប់​មាន​មា​គឹត អាប់​ប៝ន​ឞ្រាស​ហ្វេង​អ្វែស​អី​ក្ល៝ស​អ្វែស​មឞើស​មា​គ៝ប់​លាស៖ គ៝ប់​ឞូ​ទែ​ញុប​ចាប់ នទ្រែល​មា​គែស​នាវ​ជេរ​ជ៝ត់។
ACT 20:24 គ៝ប់​មោ​រាវៃ​អោស គ៝ប់​មោ​ដ៝ង់​កើប​នាវ​រេស​អ្យា​ជេង​ខ្លៃ​មា​គ៝ប់។ គ៝ប់​មាន​មា​អុច​ជាន​ត៝ត់​ជេស​ការ​អី​កោរាញ​យេឆូ ​ទែ​អ៝ន់​មា​គ៝ប់​អេ​ល៝រ​គ៝ប់​មា​ខឹត។ ការ​អី​នៃ​ជេង​មឞើស​ងក៝ច​នាវ​មហែ​មហាន​អ្វែស​កោរាញ​ឞ្រាស​គែស​នាវ​យោៈ​នអាច​អ្យា។
ACT 20:25 គ៝ប់​លែៈ​វៃ​គុ​នទ្រែល​ខាន់​អៃ​មៃ មឞើស​ងក៝ច​នាវ​កោរាញ​ឞ្រាស​អុច​ម៝ត់​អ្វាញ់​ឞូនុយ្ស។ អាបៃ​អ្យា​គ៝ប់​លែៈ​គឹត​នហេល​នានេៈ​ងាន់ ខាន់​អៃ​មៃ​មោ​ហោម​អោស​ឆៃ​មុស​មាត់​គ៝ប់​ជឹត។
ACT 20:26 កើត​នទ្រី​គ៝ប់​មឞើស​ងក៝ច​នាវ​ខ្លៃ​មា​ខាន់​អៃ​មៃ​នារ​អ្យា៖ លាស​តា​ផូង​ខាន់​អៃ​មៃ​គែស​ទូ​ហ្វេ​មោ​គែស​រាក្លាយ្ស មោ​អោស​ទី​យ៝រ​មា​នាវ​តីស​គ៝ប់‌
ACT 20:27 យ៝រ​លាស​ទឹង​លែៈ​នាវ​កោរាញ​ឞ្រាស​អុច​មា​ឞ៝ន់ គ៝ប់​លែៈ​មឞើស​ងក៝ច​មា​ខាន់​អៃ​មៃ​ទាទេ​ជេស គ៝ប់​មោ​អោស​ពោន​ម៝។
ACT 20:28 កើត​នទ្រី​អ៝ន់​ខាន់​អៃ​មៃ​គុ​ម៝ត់​ញជ្រាង់​ឆាក់ នទ្រែល​មា​ម៝ត់​ញជ្រាង់​ផូង​ញឆីង យ៝រ​លាស​ឞ្រាស​ហ្វេង​អ្វែស​អី​ក្ល៝ស​អ្វែស​លែៈ​អ៝ន់​ជេស​នាវ​ការ​អ្យា​មា​ខាន់​អៃ​មៃ អ៝ន់​ខាន់​អៃ​មៃ​ម៝ត់​ផូង​ញឆីង​មា​កោរាញ​ឞ្រាស អី​លែៈ​ជេស​កោរាញ​ឞ្រាស​ច្វាយ​មា​មហាម​ក៝ន​ពាង់​នើម។
ACT 20:29 គ៝ប់​លែៈ​គឹត​ជេស ទោល​គ៝ប់​លោស​ឞើស​នតុក​អ្យា មរា​គែស​ឞូនុយ្ស​អាបាៈ​លាប់​តា​ផូង​ខាន់​អៃ​មៃ​នតុម​នតី​នទើ​មោ​ទី។ ខាន់​ពាង់​ជាញ​អ្យើស​តឹម​ឞាន​មា​ឆ៝​ឞ្រី​លើស​លើយ​ឞែ​ឞ្យាប់​ផូង ខាន់​ពាង់​មោ​គែស​អោស​នាវ​យោៈ​មា​ផូង​ញឆីង។
ACT 20:30 នអ៝ប់​មា​គែស​ឞូនុយ្ស​អាបាៈ​តា​ផូង​ខាន់​អៃ​មៃ​នើម ខាន់​ពាង់​នតី​តីស​ដ៝ង់ គៃ​មា​នទើម​ផូង​ញឆីង​អ៝ន់​តឹង​ខាន់​ពាង់។
ACT 20:31 កើត​នទ្រី​អ៝ន់​ខាន់​អៃ​មៃ​គុ​ញជ្រាង់​រាប់​ជាប់ អ៝ន់​កាស​គឹត​នាវ​គ៝ប់​លែៈ​នតី​មា​ខាន់​អៃ​មៃ​ជ៝ៈ​ពែ​នាម់​នើស មោ​គុ​មោ​រាលូ ទឹង​មាង់​ទឹង​នារ នហ៝​មា​លែៈ​លោស​ទាក​មាត់​យ៝រ​មា​ខាន់​អៃ​មៃ​ដ៝ង់។
ACT 20:32 អាបៃ​អ្យា​គ៝ប់​ទាន់​កោរាញ​ឞ្រាស​ម៝ត់​អ្វាញ់​ខាន់​អៃ​មៃ នទ្រែល​មា​អ៝ន់​ខាន់​អៃ​មៃ​កាស​គឹត​មា​នាវ​មឞើស​ងក៝ច​មា​នាវ​អ្វែស​ពាង់។ នាវ​មឞើស​ងក៝ច​អ្យា​ទើយ​រាទ៝ក់​ញជេង​ខាន់​អៃ​មៃ​អ៝ន់​លើ​ហោ​គែស​នាវ​ញឆីង នទ្រែល​មា​អ៝ន់​ខាន់​អៃ​មៃ​ឆ៝ៈ​ទើន​លែៈ​នទើ​អ្វែស​អី​កោរាញ​ឞ្រាស​អុច​អ៝ន់​មា​ផូង​ក្ល៝ស​អ្វែស​ទឹង​លែៈ។
ACT 20:33 គ៝ប់​មោ​ព្រ៝ត​អោស​កើញ​គែស​ព្រាក់​មាយ្ស មោ​លាស​ឞ៝ក​អាវ​ឞើស​ឞូ​ទូ​ហ្វេ។
ACT 20:34 ខាន់​អៃ​មៃ​លែៈ​គឹត​ជេស គ៝ប់​ជាន​ការ​មា​នហ៝ម់​ឆ្វាន​គ៝ប់​នើម គៃ​មា​ម៝ត់​ឆ្យាម់​ឆាក់​គ៝ប់​នើម នទ្រែល​មា​ឞូនុយ្ស​អី​គុ​នទ្រែល​គ៝ប់​ដ៝ង់។
ACT 20:35 ទឹង​លែៈ​នតីល​នទើ​អី​នៃ គ៝ប់​ជាន​គៃ​មា​លែវ​នាវ​អ្វែស​អ៝ន់​មា​ខាន់​អៃ​មៃ​ញឆ្រោយ្ស​ជាន​ការ គៃ​មា​កើល​ឞូនុយ្ស​អ៝​អាច។ អ៝ន់​ខាន់​អៃ​មៃ​កាស​គឹត​នាវ​ងើយ​កោរាញ​យេឆូ ពាង់​លាស​កើត​នអា៖ «អ្វែស​ដេៈ​អ៝ន់​នទើ​មា​ឞូ ដាស​មា​ឆ៝ៈ​ទើន​នទើ​តាៈ​ឞើស​ឞូ»”។
ACT 20:36 ជេស​ពោល ​ងើយ​កើត​នៃ ពាង់​ច៝ន​កោម៝ក់ នទ្រែល​មា​ទឹង​លែៈ​ខាន់​ពាង់ ជេសរី​មឞើស​ឆើម។
ACT 20:37 ទឹង​លែៈ​ផូង​ខាន់​ពាង់​នៃ​ញុម​ទាទេ​ងាន់ ខាន់​ពាង់​អូត​តា​ឆាក់​ពោល  នទ្រែល​មា​ចុម​នតិញ​ពាង់​ដ៝ង់។
ACT 20:38 ខាន់​ពាង់​គែស​នាវ​រាង៝ត​ងាន់ យ៝រ​មា​តាង់​នាវ​ពោល ​លាស​ខាន់​ពាង់​មោ​ហោម​អោស​ឆៃ​មុស​មាត់​ពាង់​ជឹត។ ជេសរី​ឞូ​ញជុន​ពាង់​ត៝ត់​តា​នតុក​ទូក។
ACT 21:1 ជេស​ហេន​នតិញ​នតាន់​ខាន់​ពាង់ ហេន​ញច៝​ទូក​លោស​ឞើស​នតុក​នៃ ហាន់​ត៝ត់​តា​គោល​ទាក​កោស ។ ត៝ត់​នារ​អោយ​តៃ​ហេន​ញច៝​ទូក​ហាន់​ត៝ត់​តា​គោល​ទាក​រោតុស  លោស​ឞើស​គោល​ទាក​នៃ ហេន​ហាន់​ត៝ត់​តា​ប៝ន​ពាតារា ។
ACT 21:2 ត៝ត់​តា​ប៝ន​នៃ ហេន​ឆៃ​គែស​ទូ​មល៝ម់​ទូក​ហាន់​ជឹត​ឞ្រី​ផេនីស  ជេសរី​ហេន​ញច៝​ទូក​អី​នៃ​ហាន់​ជឹត។
ACT 21:3 ត៝ត់​លែៈ​មពើល​គោល​ទាក​កីព្រ៝ស  ហេន​ហាន់​ឞើស​មា ហាន់​នហ៝ត​ត៝ត់​តា​ឞ្រី​ឆីរី ។ ហេន​ញឆ្រុង​តា​ប៝ន​តីរុស ​ឞ្រី​ឆីរី  យ៝រ​លាស​ឞូ​អុច​ញជុរ​នទើ​ឞើស​ទូក​តា​ប៝ន​អី​នៃ។
ACT 21:4 ជេសរី​ហេន​ជ៝យ​ផូង​អ៝ស​ម៝ន។ ត៝ត់​ម៝ប់​ខាន់​ពាង់ ហេន​គុ​នទ្រែល​ខាន់​ពាង់​ពើស​នារ។ យ៝រ​មា​ឞ្រាស​ហ្វេង​អ្វែស​មឞើស​អ៝ន់​មា​ខាន់​ពាង់​គឹត​នទើ​អី​មរា​គែស​មា​ពោល  ខាន់​ពាង់​ឞ្វៃ​ពោល ​មោ​អោស​អ៝ន់​ហាន់​តា​ប៝ន​យេរូឆាលឹម ។
ACT 21:5 ត៝ត់​លោច​ពើស​នារ​ហេន​វែស​គុ​តា​នៃ ជេសរី​ហេន​ហាន់​ជឹត។ លែៈ​ផូង​ញឆីង​តា​នៃ នទ្រែល​មា​អូរ​ក៝ន​ខាន់​ពាង់ ញជុន​ហេន​ត៝ត់​ឞើស​ទីស​ប៝ន។ ជេសរី​ទឹង​លែៈ​ហេន​ច៝ន​កោម៝ក់ មឞើស​ឆើម​នទ្រែល​តា​មែង​ទាក​រី។
ACT 21:6 ជេស​តឹម​នតិញ​នតាន់​ឞាល់​រី ហេន​ញច៝​ទូក​ហាន់​ជឹត​នាប់។ អី​ខាន់​ពាង់​រី​ព្លឹ​ឆឹត​អា​ជៃ​ខាន់​ពាង់​នើម។
ACT 21:7 ហេន​លោស​ឞើស​ប៝ន​តីរុស  ហាន់​ត៝ត់​តា​ប៝ន​ផាតោលេមែស ។ ជេសរី​ហេន​ឞ្រោៈ​ខ៝ល់​ផូង​ញឆីង​មា​ឞ្រាស​ក្រីស​តា​ប៝ន​នៃ គុ​នទ្រែល​ខាន់​ពាង់​ទូ​នារ។
ACT 21:8 ត៝ត់​នារ​អោយ​តៃ ហេន​ហាន់​តា​ប៝ន​ឆេឆារា  លាប់​តា​ជៃ​ផីលីប ​គុ​តា​ជៃ​ពាង់​រី។ ពាង់​ជេង​នើម​មឞើស​ងក៝ច​នាវ​មហែ​មហាន​អ្វែស​មា​ឞូ ជេសរី​ពាង់​ជេង​ទូ​ហ្វេ​ឞូនុយ្ស​តា​ផូង​ពើស​នុយ្ស​អី​ឞូ​លែៈ​កើយ្ស​គៃ​មា​កើល​ជាន​ការ​តា​ប៝ន​យេរូឆាលឹម ​នើស។
ACT 21:9 ពាង់​គែស​ក៝ន​ទ្រោស​ព្វាន់​នុយ្ស ជេង​ផូង​នតើយ្ស​នាវ​ងើយ​កោរាញ​ឞ្រាស។
ACT 21:10 ទោល​ហេន​គុ​តា​ប៝ន​នៃ​ជ៝ៈ​ឞារ​ពែ​នារ គែស​ទូ​ហ្វេ​ឞូនុយ្ស​ឞូ​ក្លោ​នតើយ្ស​នាវ​ងើយ​កោរាញ​ឞ្រាស​រាញា​អាកាបុស  ពាង់​តាៈ​ឞើស​ឞ្រី​យូដា ​ហាន់​តា​ហេន​រី។
ACT 21:11 ត៝ត់​តា​រី​ពាង់​ឆ៝ៈ​រាឆែ​ឞុត​ពោល  ជេសរី​ក៝ត់​ជ៝ង់​ក៝ត់​តី​ពាង់​នើម ពាង់​លាស៖ “ឞ្រាស​ហ្វេង​អ្វែស​អី​ក្ល៝ស​អ្វែស​លាស៖ តា​ប៝ន​យេរូឆាលឹម  ផូង​កោរាញ​ឞ្រី​យូដា ​ក៝ត់​ជ៝ង់​ក៝ត់​តី​ពាង់​នើម​អី​តើម​រាឆែ​ឞុត​អ្យា​កើត​នអា​ដ៝ង់ ជេសរី​ញជុន​អោឞាល់​មា​តី​ផូង​អី​មោ​ទី​ផូង​អីឆ្រាអែល ”។
ACT 21:12 ត៝ត់​មា​តាង់​នាវ​កើត​នៃ លែៈ​ហេន នទ្រែល​មា​លែៈ​ផូង​ញឆីង​គុ​តា​ប៝ន​នៃ ឞ៝ញ​ពោល ​មោ​អោស​អ៝ន់​ពាង់​ហាន់​តា​ប៝ន​យេរូឆាលឹម ។
ACT 21:13 យើន​មា​ពោល ​អើស​កើត​នអា៖ “ម៝ស​នាវ​ខាន់​មៃ​ញុម​កើត​នៃ ជាន​អ៝ន់​គ៝ប់​មោ​អ្វែស​តា​នូយ្ស​នហ៝ម់? មោ​ច្រាវ​អោស យ៝រ​លាស​គ៝ប់​លែៈ​នទ្រាប់​ឆាក់​ជេស​អ៝ន់​ឞូ​ញុប​ឞូ​ចាប់​ឆាក់​គ៝ប់។ មោ​អោស​ទើន​មា​អ៝ន់​ឞូ​ចាប់​ទើម គ៝ប់​លែៈ​នទ្រាប់​ជេស​អ៝ន់​ឞូ​ងខឹត​គ៝ប់​តា​ប៝ន​យេរូឆាលឹម ​រី​ជឹត​យ៝រ​មា​មឞើស​ងក៝ច​នាវ​កោរាញ​យេឆូ ”។
ACT 21:14 យ៝រ​មា​ពាង់​មោ​អុច​រាគ៝ល់​នូយ្ស​នហ៝ម់ ហេន​ឞាស​ឞ្វៃ​ពាង់ ជេសរី​ហេន​លាស៖ “តឹង​កោរាញ​ឞ្រាស​នើម​អុច”។
ACT 21:15 ជេស​ហេន​គុ​ជ៝ៈ​អ៝យ​តា​ប៝ន​នៃ ហេន​នទ្រាប់​នទើ​ហាន់​តា​ប៝ន​យេរូឆាលឹម ។
ACT 21:16 តា​ប៝ន​ឆេឆារា ​នៃ​គែស​ផូង​អ៝ស​ម៝ន​អាបាៈ​ហាន់​នទ្រែល​ហេន នហ៝​មា​លែវ​ហេន​លាប់​គុ​តា​ជៃ​ទូ​ហ្វេ​ឞូ​ក្លោ​រាញា​មានេឆុន ។ ពាង់​ជេង​ផូង​គោល​ទាក​កីព្រ៝ស  ពាង់​នើស​ជេង​ឞូនុយ្ស​អី​ឆឹត​ញឆីង​មា​ឞ្រាស​យេឆូ ​ល៝រ​ឞូ​ដ៝ង់ នោក​ឞូ​នតើម​មឞើស​ងក៝ច​នាវ​មហែ​មហាន​អ្វែស។
ACT 21:17 ត៝ត់​ហេន​តា​យេរូឆាលឹម ​រី ផូង​អ៝ស​ម៝ន​រាម់​ងាន់​វើត​ទើន​ហេន។
ACT 21:18 កាស​អោយ​តៃ​ពោល  នទ្រែល​មា​ហេន​ហាន់​តា​ជៃ​យាកើ ។ លែៈ​ផូង​កោរាញ​ផូង​ញឆីង​ហាន់​រាបុន​តា​នតុក​នៃ​ទាទេ​ដ៝ង់។
ACT 21:19 ជេស​ពាង់​អោប​អ្វែស​លាង់​ឞូ​លែៈ​ផ្យៅ ពាង់​មឞើស​ងក៝ច​ទឹង​លែៈ​នាវ​កោរាញ​ឞ្រាស​ទែ​ជាន​នោក​ពាង់​ជាន​ការ​តា​ផូង​អី​មោ​ទី​ផូង​អីឆ្រាអែល ។
ACT 21:20 ជេស​តាង់​នាវ​ពាង់​មឞើស​ងក៝ច​កើត​នៃ ខាន់​ពាង់​រានេ​មា​កោរាញ​ឞ្រាស ជេសរី​លាស​មា​ពោល ​រី៖ “ហើយ​នោ មៃ​ឆៃ​ផូង​អីឆ្រាអែល  គែស​អ៝ក់​រាមឺន​ឞូនុយ្ស​លែៈ​ឆឹត​ញឆីង​មា​កោរាញ​យេឆូ  ទឹង​លែៈ​ផូង​អី​នៃ​នើស​ញឆ្រោយ្ស​ញអោត​នាវ​វៃ​ឞ៝ន់​ន៝ប់​ងាន់។
ACT 21:21 យើន​មា​ខាន់​ពាង់​លែៈ​តាង់​លឺ​មៃ​នតី​មា​ផូង​អីឆ្រាអែល ​អី​គុ​តា​ផូង​ឞ្រី​អេង មោ​អោស​អ៝ន់​តឹង​នាវ​វៃ​មោឆេ  មោ​អ៝ន់​ក៝ស​នតោ​មា​អ៝ស​ក៝ន​ឞូ​ក្លោ​ខាន់​ពាង់ នទ្រែល​មា​មោ​អោស​អ៝ន់​តឹង​នាវ​វៃ​អើម​អេង​ជឹត​អី​ឞ៝ន់​គែស។
ACT 21:22 លាស​នទ្រី​មើម​ជាន? យ៝រ​លាស​ឞូ​មរា​គឹត​មៃ​ត៝ត់​តា​អ្យា​ងាន់​រ៝ [កើត​នទ្រី​អ្យាត់​មា​ផូង​អ៝ក់​រាបុន]។
ACT 21:23 លាស​នទ្រី​ទាន់​មៃ​ជាន​តឹង​នាវ​ហេន​កើត​នអា៖ តា​អ្យា​គែស​ព្វាន់​នុយ្ស​អី​លែៈ​ត៝ន​នទើ​មា​កោរាញ​ឞ្រាស។
ACT 21:24 ទាន់​មៃ​លែវ​ខាន់​ពាង់​នៃ​ហាន់​រាវ​ឆាក់​នទ្រែល​មៃ​គៃ​មា​ក្ល៝ស​តឹង​នាវ​វៃ​ឞ៝ន់ នហ៝​មា​មៃ​ឆើម​លោស​ព្រាក់​អ៝ន់​ខាន់​ពាង់​លែៈ​នតីល​នទើ​អី​ខាន់​ពាង់​មា​ជាន​ក្ល៝ស។ ជេសរី​គុ​នទ្រែល​ខាន់​ពាង់​ត្រុយ្ស​ខាន់​ពាង់​ជេស​ក្រែស​ព៝យ្ស​ឆ៝ក់​ដ៝ង់ គៃ​មា​អ៝ន់​ទឹង​លែៈ​ឞូនុយ្ស​គឹត លែៈ​នាវ​អី​ខាន់​ពាង់​តាង់​នៃ​នើស​មោ​អោស​គែស​ងាន់ យ៝រ​លាស​មៃ​នើស​ជេង​ឞូនុយ្ស​ញអោត​ន៝ប់​នាវ​វៃ​ឞ៝ន់​ដ៝ង់។
ACT 21:25 ល៝ង់​ផូង​អី​មោ​ទី​ផូង​អីឆ្រាអែល ​លែៈ​ឆឹត​ញឆីង លែៈ​ហេន​ញជ្វាល់​ឆ៝ម់បុត​អ៝ន់​មា​ខាន់​ពាង់​ជេស មោ​អ៝ន់​ខាន់​ពាង់​ឆា​នទើ​អោប​ឞ្រាស មោ​អ៝ន់​ឆា​មហាម មោ​អ៝ន់​ឆា​ព្វាច់​មពោមពា​(ឆ្យុម)​អី​មោ​គែស​លាច់​អ៝ន់​លោស​មហាម​លែៈ​តា​ឆាក់ នទ្រែល​មា​មោ​អ៝ន់​តឹម​ទ៝ង់ ទូ​នៃ​ទើម”។
ACT 21:26 ត៝ត់​នារ​អោយ​តៃ​រី ពោល ​លែវ​ខាន់​ពាង់​ព្វាន់​នុយ្ស​នៃ​ហាន់​រាវ​ឆាក់​នទ្រែល​ពាង់​គៃ​មា​ក្ល៝ស​តឹង​នាវ​វៃ។ ជេសរី​ពាង់​លាប់​តា​ជ៝ង់​គូង​ញីស​ជាន​ឞ្រាស​មា​កោរាញ​ឞ្រាស គៃ​មា​មឞើស​ម៝ស​នារ​ទឹង​គែស​មា​ក្ល៝ស នារ​អី​ខាន់​ពាង់​ជាន​ឞ្រាស​ទូ​ហ្វេ​ទូ​ហ្វេ។
ACT 21:27 ត៝ត់​ឞើយ​លោច​ពើស​នារ​នៃ គែស​មពោល​អីឆ្រាអែល ​តាៈ​ឞើស​ឞ្រី​អាឆី ​រី ខាន់​ពាង់​ឆៃ​ពោល ​គុ​តា​ជ៝ង់​គូង​ញីស​ជាន​ឞ្រាស​នៃ ជេសរី​ញឆុក​ផូង​ប៝ន​លាន​ជាៈ​ញុប​ពាង់។
ACT 21:28 ខាន់​ពាង់​នតែរ​ទ្រើវ​លាស៖ “ហើយ​ផូង​អីឆ្រាអែល  កើល​ញុប​ហ៝ម់ ឞូនុយ្ស​អ្យា​ហើយ​អី​នតី​ទឹង​លែៈ​ឞូនុយ្ស​តា​អាប់​នតុក អ៝ន់​តឹម​រាទ៝ង់​មា​ផូង​ឞ៝ន់ អ៝ន់​តឹម​រាទ៝ង់​មា​នាវ​វៃ​ឞ៝ន់ នទ្រែល​មា​អ៝ន់​តឹម​រាទ៝ង់​មា​ញីស​ជាន​ឞ្រាស​អ្យា។ អាបៃ​អ្យា​ពាង់​លែវ​នអ៝ប់​មា​ផូង​អី​មោ​ទី​ផូង​អីឆ្រាអែល ​លាប់​តា​ជ៝ង់​គូង​ញីស​ជាន​ឞ្រាស​តីស​មា​នាវ​វៃ​ឞ៝ន់ នទ្រី​ជាន​អ៝ន់​បឹ​បើច​នតុក​ក្ល៝ស​អ្វែស​អ្យា​ជឹត”។
ACT 21:29 ខាន់​ពាង់​ងើយ​កើត​នអា យ៝រ​លាស​ឞើស​កើយ​នើស​ឞូ​ឆៃ​ទូ​ហ្វេ​ឞូនុយ្ស​តាៈ​ឞើស​ប៝ន​អេផេឆោ ​គុ​នទ្រែល​ពាង់ ឞូនុយ្ស​នៃ​រាញា​ត្រោផីម  នទ្រី​ទឹង​ខាន់​ពាង់​នអោន​លាស​ពោល ​លែវ​ពាង់​លាប់​តា​ជ៝ង់​គូង​ញីស​ជាន​ឞ្រាស​នៃ​ដ៝ង់។
ACT 21:30 កើត​នទ្រី​តា​ប៝ន​នៃ​គែស​នាវ​អុស​អាស​តាស​ត៝រ់​ហោ​ងាន់។ ឞូនុយ្ស​រាន​វាច់​តា​រី​អ៝ក់​ងាន់ តេក​មផ៝ក់​អោឞាល់​ងលោស​អា​ទីស​ជ៝ង់​គូង​ញីស​ជាន​ឞ្រាស ជេសរី​នតឹល​មពោង​រ៝។
ACT 21:31 ទោល​ខាន់​ពាង់​គៃ​មា​អុច​ងខឹត​ពោល  ឞូ​មឞើស​មា​កោរាញ​តាហែន​ក្វ៝ង់​រី​គែស​នាវ​អុស​អាស​តាស​ត៝រ់​ឞេង​ប៝ន​យេរូឆាលឹម ​ងាន់។
ACT 21:32 ជេសរី​កោរាញ​តាហែន​ក្វ៝ង់​នៃ​លែវ​ក៝ន​តាហែន នទ្រែល​មា​កោរាញ​តាហែន ខាន់​ពាង់​ញច្វាត់​រាន​ជុរ​តា​នតុក​ផូង​ប៝ន​លាន​នៃ​រ៝។ ត៝ត់​មា​ឆៃ​កោរាញ​តាហែន​ក្វ៝ង់​អី​នៃ នទ្រែល​មា​តាហែន​ត៝ត់​តា​នៃ ផូង​នៃ​ឞាស​លើស​ពោល ។
ACT 21:33 កោរាញ​តាហែន​ក្វ៝ង់​ហាន់​ត៝ត់​តា​ពោល ​រី ញុប​ពាង់ នហ៝​មា​ដាៈ​ឞូ​ក៝ត់​ពាង់​ឞារ​អឹ​រាឆែ​រាវាក់​ដ៝ង់ ជេសរី​អោប​ឞូ ពាង់​ឞូ​ម៝ស ពាង់​ម៝ស​នទើ​ជាន។
ACT 21:34 យ៝រ​មា​ផូង​ប៝ន​លាន​នតែរ​ទុត​ហោ អាបាៈ​លាស​នអា អាបាៈ​លាស​នត៝ នតែស​លែៈ​ខោស​វេត​វេ​ច្វេ​ច្វាង់​ងាន់ កោរាញ​តាហែន​ក្វ៝ង់​អ្យាត់​មោ​ហោម​អោស​វ៝ត់ ជេសរី​ដាៈ​ឞូ​លែវ​ពោល ​នៃ​ហាន់​តា​ពោយ្ស​នតុក​តាហែន។
ACT 21:35 ពោល ​ត៝ត់​តា​គូង​ហាវ​ជឹត​ពោយ្ស​នតុក​តាហែន​តី ផូង​តាហែន​ឆើម​តូង​ពាង់ យ៝រ​លាស​ផូង​ប៝ន​លាន​ង៝​ងាន់​តឹង​លើស​ពាង់‌
ACT 21:36 នអ៝ប់​មា​នតែរ​លាស៖ “ងខឹត​លើយ​ពាង់!”
ACT 21:37 ទោល​ឞូ​ឞើយ​លែវ​ពោល ​លាប់​តា​ពោយ្ស​នតុក​តាហែន​គុ ពាង់​ងើយ​មា​កោរាញ​តាហែន​ក្វ៝ង់​លាស៖ “គែស​ឞើស គ៝ប់​ទាន់​ងើយ​ដេៈ​មា​មៃ?” កោរាញ​តាហែន​ក្វ៝ង់​នៃ​លាស​មា​ពាង់៖ “មៃ​ឞ្លាវ​ងើយ​គ្រែក ​បាស?
ACT 21:38 លាស​នទ្រី​មៃ​អើម​មោ​ទី​ផូង​អេឆីប ​ឞូនុយ្ស​អី​លែវ​ឞូ​តឹម​លើស​ដាស​ផូង​ហេន​នារ​អា​ល៝រ​នើស? នអ៝ប់​មា​លែវ​ផូង​តាហែន ៤០០០ នុយ្ស​ទូ​អា​ឞ្រី​រាទាស?”
ACT 21:39 ពោល ​អើស​មា​ពាង់៖ “គ៝ប់​ជេង​ផូង​អីឆ្រាអែល  ទែស​តា​ប៝ន​តាឆើស  ប៝ន​អី​នៃ​គែស​នាវ​ខ្លៃ​ងាន់​តា​ឞ្រី​កីលីកៀ ។ កើត​នទ្រី​គ៝ប់​ទាន់​មា​មៃ​អ៝ន់​គ៝ប់​ងើយ​មា​ផូង​ប៝ន​លាន​អ្យា​ប៝ត់”។
ACT 21:40 ជេសរី​កោរាញ​តាហែន​ក្វ៝ង់​នៃ​អ៝ន់​ពោល ​ងើយ។ ពាង់​ទ៝ក់​តា​គូង​រី ពាង់​យើរ​តី​គៃ​មា​អ៝ន់​ឞូ​គុ​រាក់​ក្លាក់។ ត៝ត់​មា​ផូង​ប៝ន​លាន​គុ​រាក់​ក្លាក់ ពាង់​ងើយ​មា​ផូង​ប៝ន​លាន​នៃ​មា​នាវ​ងើយ​ហេឞ្រើ ​អី​នាវ​ងើយ​ខាន់​ពាង់​នើម ពាង់​លាស៖
ACT 22:1 “ហើយ​ផូង​អ៝ស​នោ​កោញ​វា នទ្រែល​មា​មពោល​ឞូ​រាញ គ៝ប់​ទាន់​ព្លើង​អើស​មា​ខាន់​អៃ​មៃ ទាន់​ខាន់​អៃ​មៃ​អ្យាត់​នាវ​គ៝ប់​ងើយ​អ្យា​ប៝ត់!”
ACT 22:2 ទោល​ខាន់​ពាង់​តាង់​ពោល ​ងើយ​មា​នាវ​ងើយ​ហេឞ្រើ ​កើត​នៃ ឞូ​លើ​មា​អ្យាត់​ឆាក់​រាក់​ក្លាក់​ងាន់ ជេសរី​ពាង់​លាស​មា​ខាន់​ពាង់៖
ACT 22:3 “គ៝ប់​ជេង​ផូង​អីឆ្រាអែល  ទែស​តា​ប៝ន​តាឆើស  ឞ្រី​កីលីកៀ ។ យើន​មា​គ៝ប់​គុ​រេស​តា​ប៝ន​អ្យា​នតើម​ឞើស​ជេៈ​ងាន់ នហ៝​មា​លាប់​នតី​តឹង​នាវ​វៃ​ផូង​អូ​ចែ​ឞ៝ន់​កាល់​អែ​នើស​លែៈ​ទុត​នាវ​ដ៝ង់។ គ៝ប់​នតី​តាៈ​ឞើស​នើម​នតី​កាមាលៀល ​អី​ឞូ​លឺ​ហោ​ងាន់។ គ៝ប់​នអើរ​តឹង​កោរាញ​ឞ្រាស​កើត​ខាន់​អៃ​មៃ​នារ​អ្យា​នៃ​ដ៝ង់។
ACT 22:4 អា​ល៝រ​នើស​គ៝ប់​លែៈ​ជាន​ជេរ​មា​ឞូនុយ្ស​អី​ញឆីង​មា​កោរាញ​យេឆូ ​ត៝ត់​មា​ងខឹត​ឞូ។ គ៝ប់​ញុប​ក៝ត់​ឞូ​ក្រុង​តា​ត្រោម​នទ្រូង នអ៝ប់​មា​ឞូ​អូរ​ឞូ​ក្លោ។
ACT 22:5 កោរាញ​ជាន​ឞ្រាស​ទុត​ក្វ៝ង់ នទ្រែល​មា​ផូង​កោរាញ​ជាន​ការ​ផូង​អីឆ្រាអែល ​លែៈ​គឹត​ជេស​គ៝ប់​ងើយ​ទី​ងាន់​មា​នទើ​អី​នៃ។ ខាន់​ពាង់​អ៝ន់​ឆ៝ម់បុត​មា​គ៝ប់ ញជ្វាល់​អ៝ន់​មា​ផូង​អ៝ស​នោ​ផូង​អីឆ្រាអែល ​អី​គុ​តា​ប៝ន​ដាមាស  អ៝ន់​គ៝ប់​គែស​នាវ​ទើយ​គៃ​មា​ញុប​ក៝ត់​ផូង​អី​ញឆីង​មា​កោរាញ​យេឆូ  លែវ​តេៈ​ទោយ្ស​ខាន់​ពាង់​តា​ប៝ន​យេរូឆាលឹម ​អ្យា ជេសរី​គ៝ប់​ហាន់​តា​ប៝ន​នៃ”។
ACT 22:6 “ទោល​គ៝ប់​ហាន់​រ៝ៈ​ត្រ៝ង​ឞើយ​ត៝ត់​តា​ប៝ន​ដាមាស ​នៃ ក្លាប់​លាស​នារ​ងក្លាង​ឞោក ទោ​មា​គែស​អាង​តាៈ​ឞើស​កាលើ​ត្រោក​តី​ច្រាត​អាង​ជុម​គ៝ប់​ងាន់។
ACT 22:7 គ៝ប់​នហ៝​មា​ចោត​អា​នែស​ឆូ ជេសរី​តាង់​នតែស​ងើយ​តាៈ​ឞើស​កាលើ​ត្រោក​តី​លាស​មា​គ៝ប់៖ «ហើយ​ឆោល ! ហើយ​ឆោល ! ម៝ស​នាវ​មៃ​ជាន​ជេរ​មា​គ៝ប់​មេស?»
ACT 22:8 គ៝ប់​អោប​ពាង់​ឞើស​អ្យា៖ «ហើយ​កោរាញ ឞូ​ម៝ស​មៃ​រី?» ពាង់​អើស​តៃ​ឞើស​តី៖ «គ៝ប់​អ្យា​យេឆូ ​តាៈ​ឞើស​ប៝ន​នាឆារែត  អី​មៃ​ជាន​ជេរ​នៃ​នើស​ហែស»។
ACT 22:9 លែៈ​ផូង​អី​ឞ្រោៈ​នទ្រែល​គ៝ប់ ខាន់​ពាង់​ឆៃ​ទាទេ​នទើ​អាង​នៃ តីស​មា​មោ​អោស​តាង់​ងើយ។
ACT 22:10 គ៝ប់​អោប​តៃ​ពាង់៖ «លាស​នទ្រី​មើម​គ៝ប់​ជាន កោរាញ​មេស?» ពាង់​អើស​ឞើស​តី៖ «មៃ​ទ៝ក់​ហ៝ម់ ហាន់​តា​ប៝ន​ដាមាស  តា​ប៝ន​នៃ​គែស​ឞូ​មរា​មឞើស​លែៈ​នទើ​កោរាញ​ឞ្រាស​ទែ​ដាៈ​មា​មៃ​ជាន»។
ACT 22:11 ជេសរី​គែស​ឞូ​អី​ហាន់​នទ្រែល​គ៝ប់​នៃ​នើស ខាន់​ពាង់​ឆើម​តេក​តី​គ៝ប់​លែវ​លាប់​តា​ប៝ន​ដាមាស  យ៝រ​លាស​មាត់​គ៝ប់​អ្វាញ់​មោ​ហោម​អោស​ឆៃ យ៝រ​មា​នាវ​ច្រាត​អាង​អី​នៃ​នើស។
ACT 22:12 តា​ប៝ន​នៃ​គែស​ទូ​ហ្វេ​ឞូនុយ្ស​រាញា​អានានេស  ពាង់​ជេង​ឞូនុយ្ស​អ្យាត់​នាវ​កោរាញ​ឞ្រាស​តឹម​ទី​ដាស​នាវ​វៃ​ឞ៝ន់ លែៈ​ផូង​អីឆ្រាអែល ​តា​ប៝ន​នៃ​រានេ​ពាង់​ទាទេ។
ACT 22:13 ពាង់​ឞ្រោៈ​ទាច់​តា​គ៝ប់​រី ជេសរី​លាស​មា​គ៝ប់៖ «ហើយ​នោ អ៝ន់​មាត់​មៃ​ឆៃ​អាង​ហ៝ម់»។ ទូ​នហ៝ម់​តា​នៃ​មាត់​គ៝ប់​ឆៃ​អាង​រ៝ គ៝ប់​អ្វាញ់​ឆៃ​ពាង់។
ACT 22:14 ជេសរី​ពាង់​លាស​មា​គ៝ប់៖ «កោរាញ​ឞ្រាស​អី​ផូង​អូ​ចែ​ឞ៝ន់​យើក​មឞាស​លែៈ​កើយ្ស​ជេស​មៃ គៃ​មា​អ៝ន់​មៃ​គឹត​នាល់​នាវ​ពាង់​អុច អ៝ន់​មៃ​គឹត​នាល់​ឞ្រាស​ក្រីស ​អី​នើម​ទុត​ឆ៝ង់ នទ្រែល​មា​អ៝ន់​មៃ​គឹត​តាង់​នាវ​ពាង់​នើម​ងើយ‌
ACT 22:15 យ៝រ​លាស​កោរាញ​ឞ្រាស​អុច​អ៝ន់​មៃ​មឞើស​ងក៝ច​មា​ទឹង​លែៈ​ឞូនុយ្ស​លាម​នែស​នតូ​លែៈ​នាវ​ខ្លៃ​អី​មៃ​លែៈ​ឆៃ​លែៈ​តាង់។
ACT 22:16 អាបៃ​អ្យា​ម៝ស​ហោម​ក៝ប់​ជឹត ខ៝ន់​មៃ​ទ៝ក់​ហ៝ម់​ទើន​នាវ​បាប់តែម​យុក​មា​ទាក មឞើស​ឆើម​ទាន់​កោរាញ​ឞ្រាស​រាវ​ក្ល៝ស​នាវ​តីស​មៃ»”។
ACT 22:17 “ត៝ត់​គ៝ប់​ព្លឹ​ឆឹត​តា​ប៝ន​យេរូឆាលឹម  ទោល​គ៝ប់​គុ​មឞើស​ឆើម​តា​ជ៝ង់​គូង​ញីស​ជាន​ឞ្រាស គ៝ប់​គែស​នាវ​តឹម​ឆៃ។
ACT 22:18 គ៝ប់​ឆៃ​កោរាញ​យេឆូ ​លាស​មា​គ៝ប់៖ «មៃ​ទ៝ក់​ហ៝ម់​ហាន់​អ៝ន់​គើញ​ឞើស​នតុក​អ្យា យ៝រ​លាស​ឞូនុយ្ស​តា​ប៝ន​អ្យា​ឞូ​មោ​អោស​អ្យាត់​នាវ​មៃ​មឞើស​ងក៝ច​នាវ​គ៝ប់»។
ACT 22:19 ជេសរី​គ៝ប់​មឞើស​មា​ពាង់៖ «ហើយ​កោរាញ ឞូនុយ្ស​តា​ប៝ន​អ្យា​លែៈ​ឞូ​គឹត​ជេស​គ៝ប់​ហាន់​រ៝ៈ​ញីស​រាបុន​ទឹង​លែៈ ញុប​ទឹង​លែៈ​ឞូនុយ្ស​អី​ញឆីង​មា​មៃ រាពាត់​មឞាង​ខាន់​ពាង់ តេៈ​ខាន់​ពាង់​តា​ត្រោម​នទ្រូង។
ACT 22:20 ខាន់​ពាង់​គឹត​ដ៝ង់​ទោល​ឞូ​ងខឹត​ឆាតេផាន ​នៃ​នើស ជេង​នើម​មឞើស​ងក៝ច​នាវ​ខ្លៃ​មៃ គ៝ប់​គុ​នទ្រែល​តា​នៃ នទ្រែល​មា​លែៈ​តឹម​ទី​នាវ​មា​ផូង​នៃ​ដ៝ង់ គ៝ប់​ដ៝ង់​គុ​ញជ្រាង់​ឞ៝ក​អាវ​ក្វ៝ង់​អី​មពោល​ងខឹត​ពាង់​ទ្រ៝ស​នៃ​នើស»។
ACT 22:21 ជេសរី​ពាង់​លាស​មា​គ៝ប់​ជឹត៖ «មោ​អោស មៃ​ទ៝ក់​ហាន់​ហ៝ម់ គ៝ប់​អ៝ន់​មៃ​ហាន់​តា​នតុក​ងាយ តា​ផូង​អី​មោ​ទី​ផូង​អីឆ្រាអែល »”។
ACT 22:22 ផូង​ប៝ន​លាន​គុ​អ្យាត់​នាវ​ពាង់​ងើយ​ត៝ត់​តាង់​ពាង់​ងើយ​អី​នៃ ជេសរី​ឞូ​នតែរ​ទ្រើវ​លាស៖ “ងខឹត​លើយ​ពាង់ ម៝ស​ជាន​រ៝ង​ឞូនុយ្ស​អី​នៃ!”
ACT 22:23 លែៈ​ផូង​ប៝ន​លាន​នៃ​នតែរ​ទុត​ហោ ទ្រ៝ស​មអារ់​ឞ៝ក​អាវ​ខាន់​ពាង់​នើម នអ៝ប់​មា​ក្វាក​នែស​ឆូយ​ជឹត​លើ​ជឹត យ៝រ​មា​ខាន់​ពាង់​ជី​នូយ្ស​ទុត​ហោ​ងាន់។
ACT 22:24 យ៝រ​មា​ឆៃ​កើត​នៃ កោរាញ​តាហែន​ក្វ៝ង់​ទែ​ដាៈ​ឞូ​លែវ​ពោល ​លាប់​តា​ពោយ្ស​រី ជេសរី​ដាៈ​ឞូ​រាពាត់​ពាង់​មា​រាឆែ នទ្រែល​មា​អោប​ជែក​អុច​គឹត​ម៝ស​នាវ​ទឹង​ឞូ​ជី​នូយ្ស​នតែរ​កើត​នអៃ។
ACT 22:25 ជេស​ឞូ​ក៝ត់​ពាង់​គៃ​មា​រាពាត់ ពាង់​ងើយ​ដាស​កោរាញ​តាហែន​អី​គុ​ទាច់​មា​ពាង់​នៃ៖ “ទី​ដ៝ង់​មៃ​រាពាត់​ទូ​ហ្វេ​ផូង​រោម  លាស​អេ​ហ៝ៈ​ផាត​ទោយ្ស?”
ACT 22:26 ត៝ត់​មា​តាង់​នាវ​ពាង់​លាស​កើត​នៃ កោរាញ​តាហែន​អី​នៃ​ហាន់​មឞើស​មា​កោរាញ​តាហែន​ក្វ៝ង់​រី៖ “ម៝ស​ជាន​មរែ​កើត​នអៃ? ឞូនុយ្ស​អី​នៃ​ជេង​ផូង​រោម ​យា”។
ACT 22:27 កោរាញ​តាហែន​ក្វ៝ង់​នៃ​ហាន់​អោប​ពោល  លាស​មា​ពាង់៖ “ល៝ង់​មៃ​មឞើស​មា​គ៝ប់ ងាន់​លាស​មៃ​នើស​ផូង​រោម ?” ពោល ​អើស៖ “អើ ងាន់​ដ៝ង់”។
ACT 22:28 កោរាញ​តាហែន​ក្វ៝ង់​លាស​តៃ​មា​ពាង់៖ “គ៝ប់​អ៝ន់​ព្រាក់​ទុត​អ៝ក់ ទឹង​ជេង​ផូង​រោម ”។ ពោល ​ទែ​អើស​មា​ពាង់៖ “គ៝ប់​ជេង​ផូង​រោម ​នតើម​ឞើស​នទុល​មែ​ងាន់”។
ACT 22:29 លែៈ​ផូង​អី​គៃ​មា​អោប​ពាង់​នៃ​ទូ​ងាយ​ឞើស​ពាង់​រ៝។ ល៝ង់​កោរាញ​តាហែន​ក្វ៝ង់​នៃ​ក្លាច ត៝ត់​មា​ពាង់​គឹត​ឞូនុយ្ស​អី​ពាង់​ដាៈ​ឞូ​ក៝ត់​នៃ​ជេង​ផូង​រោម ។
ACT 22:30 ត៝ត់​អោយ​តៃ​រី កោរាញ​តាហែន​ក្វ៝ង់​នៃ​ដាៈ​ឞូ​ទ្រ៝ស​រាឆែ​រាវាក់​ពោល  ជេសរី​ពាង់​ដាៈ​មពោល​កោរាញ​ជាន​ឞ្រាស នទ្រែល​មា​មពោល​កោរាញ​ជាន​ការ​ផូង​ឞ្រី​យូដា ​ទឹង​លែៈ រាគូម​តា​នតុក​ខាន់​ពាង់ ជេសរី​ពាង់​លែវ​ពោល ​ហាន់​តា​ឞើស​នាប់​ខាន់​ពាង់​នៃ យ៝រ​លាស​ពាង់​អុច​គឹត ម៝ស​នាវ​ទឹង​ផូង​ឞ្រី​យូដា ​នតោន​ពោល ​នៃ។
ACT 23:1 ជេសរី​ពោល ​អ្វាញ់​ផ៝ង់​ជឹត​មពោល​កោរាញ​ជាន​ការ​ផូង​ឞ្រី​យូដា ​រី លាស​មា​មពោល​នៃ៖ “ហើយ​ផូង​អ៝ស​នោ​កោញ​វា លែៈ​នាវ​គុ​ងាវ​គ៝ប់​តា​នាប់​មាត់​កោរាញ​ឞ្រាស ត៝ត់​នារ​អ្យា​គ៝ប់​គឹត​លាស​លែៈ​ឆ៝ង់ មោ​អោស​គែស​នាវ​ដីត​ព្រេង”។
ACT 23:2 កោរាញ​ជាន​ឞ្រាស​ទុត​ក្វ៝ង់​រាញា​អានានេស ​ដាៈ​ឞូនុយ្ស​អី​គុ​ទាច់​កេង​ពោល ​នៃ​តាប​មឞូង​ពាង់។
ACT 23:3 ពោល ​លាស​មា​កោរាញ​អី​នៃ៖ “កោរាញ​ឞ្រាស​មរា​លើស​មៃ​មោ​ក្លាយ្ស យ៝រ​លាស​មៃ​ជេង​ឞូនុយ្ស​អី​គែស​នូយ្ស​នហ៝ម់​នទ៝ប់​មពោន​តឹម​ឞាន​មា​មពេរ​លែៈ​វាម់​អី​ឞូ​ហឹង​មា​ទាក​ក្ល៝​ងលាង។ មៃ​គុ​តា​អ្យា​គៃ​មា​ផាត​ទោយ្ស​គ៝ប់​តឹម​ទី​ដាស​នាវ​វៃ​ឞ៝ន់ យើន​មា​មៃ​ដាៈ​ឞូ​តាប​គ៝ប់​ជេង​តីស​ដាស​មា​នាវ​វៃ​ឞ៝ន់”។
ACT 23:4 ឞូនុយ្ស​អី​គុ​ទាច់​កេង​ពាង់​រី​លាស​ពាង់៖ “ម៝ស​មៃ​ឞាញ់​ងើយ​រាក​ឆ្វាយ​មា​ពាង់​កើត​នៃ ពាង់​អី​កោរាញ​ជាន​ឞ្រាស​ទុត​ក្វ៝ង់​អី​កោរាញ​ឞ្រាស​លែៈ​កើយ្ស!”
ACT 23:5 ពោល ​អើស៖ “ហើយ​ផូង​អ៝ស​នោ​កោញ​វា គ៝ប់​មោ​អោស​គឹត​លាស​ពាង់​អី​កោរាញ​ជាន​ឞ្រាស​ទុត​ក្វ៝ង់ លាស​នទ្រី​គ៝ប់​លែៈ​តីស យ៝រ​លាស​តា​នាវ​កោរាញ​ឞ្រាស​ងើយ​គែស​ញចីស​លាស៖ «លើយ​អោស​ខាន់​អៃ​មៃ​ងើយ​អ្យើស​មា​កោរាញ​ផូង​ប៝ន​លាន​មៃ​នើម»”។
ACT 23:6 ត៝ត់​មា​ពោល ​គឹត​ឞូនុយ្ស​គុ​រាបុន​តា​នតុក​នៃ គែស​ទូ​មពោល​ជេង​ផូង​ឆាដោឆី  គែស​ទូ​មពោល​ជឹត​ជេង​ផូង​ផារីឆី  ជេសរី​ពាង់​ងើយ​ទុត​នតែស​លាស​មា​មពោល​កោរាញ​ជាន​ការ​ផូង​ឞ្រី​យូដា ​នៃ៖ “ហើយ​ផូង​អ៝ស​នោ​កោញ​វា គ៝ប់​អ្យា​ជេង​ផូង​ផារីឆី  ឞឹ​គ៝ប់​នើស​ជេង​ផូង​ផារីឆី ​ដ៝ង់ ឞូ​អុច​ផាត​ទោយ្ស​គ៝ប់ យ៝រ​មា​ឞ៝ន់​គែស​នាវ​រានើម​រាក៝ក់​ឞូនុយ្ស​ខឹត​ទ៝ក់​រេស​តៃ!”
ACT 23:7 ជេស​ពោល ​ងើយ​កើត​នៃ នតុក​រាបុន​នៃ​ជេង​តឹម​ងខាស​ងខាត​ឞាល់ យ៝រ​លាស​ផូង​ផារីឆី  ដាស​មា​ផូង​ឆាដោឆី ​គែស​នាវ​តឹម​រាលាច់​ឞាល់។
ACT 23:8 ផូង​ឆាដោឆី ​តឹម​រាលាច់​យ៝រ​មា​ខាន់​ពាង់​មោ​អ្យាត់​អោស​លាស​គែស​ឞូនុយ្ស​ខឹត​ទ៝ក់​រេស​តៃ មោ​អ្យាត់​អោស​លាស​គែស​តោង​ពារ់ មោ​លាស​ហ្វេង យើន​មា​ផូង​ផារីឆី ​អ្យាត់​លែៈ​នទើ​នៃ​លាស​គែស​ទាទេ។
ACT 23:9 ទោល​នៃ​គែស​នាវ​ងើយ​ខោស​វេត​វេ​ច្វេ​ច្វាង់​ងាន់ ជេសរី​គែស​នើម​នតី​មពែស​មា​ផូង​ផារីឆី ​ទ៝ក់​លាស៖ “ហេន​មោ​អោស​ឆៃ​ឞូនុយ្ស​អ្យា​គែស​នាវ​តីស​តា​ពាង់ ក្លាប់​លាស​គែស​ហ្វេង មោ​លាស​តោង​ពារ់​គុ​ងើយ​នទ្រែល​ពាង់”។
ACT 23:10 ឆៃ​គែស​នាវ​តឹម​រាលាច់​លើ​ហោ កោរាញ​តាហែន​ក្វ៝ង់​ដាៈ​ក៝ន​តាហែន​ឆ៝ៈ​មផ៝ក់​ពោល ​ឞើស​ផូង​នៃ​លែវ​ឆឹត​តា​ពោយ្ស យ៝រ​លាស​ពាង់​ក្លាច​ឞូ​ងខឹត​ឆា​ហេក​ពោល ​រី។
ACT 23:11 តា​មាង់​នៃ​កោរាញ​យេឆូ ​តឹម​មពើល​មា​ពោល  ទ៝ក់​កេង​មែង​ពាង់​រី លាស​មា​ពាង់៖ “ហើយ​ពោល  មៃ​លើយ​ក្លាច​អោស អ្យាត់​មា​មៃ​មឞើស​នាវ​ខ្លៃ​គ៝ប់​តា​ប៝ន​រោម  កើត​មៃ​លែៈ​មឞើស​តា​ប៝ន​យេរូឆាលឹម ​អ្យា​ដ៝ង់”។
ACT 23:12 ត៝ត់​អោយ​តៃ​រី ផូង​អីឆ្រាអែល ​អាបាៈ​លែៈ​តឹម​ទី​ទូ​នតោរ​នាវ ខាន់​ពាង់​ឆើម​ឆាក់​អ៝ន់​ត៝ត់​គែស​ងខឹត​ពោល ​មើ​ទឹង​ញេត​ទឹង​ឆោង។
ACT 23:13 ផូង​អី​លែៈ​តឹម​ទី​ទូ​នតោរ​នាវ​នៃ គែស ៤០ នុយ្ស​រាលាវ។
ACT 23:14 លែៈ​ផូង​នៃ​លែវ​ឞាល់​ហាន់​ម៝ប់​មា​មពោល​កោរាញ​ជាន​ឞ្រាស នទ្រែល​មា​មពោល​កោរាញ​ជាន​ការ ខាន់​ពាង់​មឞើស​មា​ផូង​នៃ៖ “ហេន​លែៈ​ជេស​ឆើម​ឆាក់​តា​ឞើស​នាប់​មាត់​កោរាញ​ឞ្រាស លាស​អេ​ហ៝ៈ​គែស​ងខឹត​ពោល  ហេន​មោ​អោស​ញេត​មោ​អោស​ឆោង។
ACT 23:15 លាស​នទ្រី​អ៝ន់​ខាន់​មៃ​តឹម​ទី​ឞាល់​ដាស​មា​មពោល​កោរាញ​ជាន​ការ​ផូង​ឞ្រី​យូដា ​ទឹង​លែៈ អោប​កោរាញ​តាហែន​ក្វ៝ង់​រី ទាន់​ពាង់​លែវ​ពោល ​តា​នតុក​ខាន់​មៃ​រាបុន​នៃ។ ខាន់​មៃ​ជាន​តឹម​ឞាន​មា​អុច​គឹត​នហេល​នាវ​ពាង់​ទូ​តឹ​ជឹត ហេន​មា​គុ​ក៝ប់​ងខឹត​ពាង់​អេ​ល៝រ​ពាង់​មា​ត៝ត់​តា​អ្យា”។
ACT 23:16 យើន​មា​អី​ម៝ន​ឞូ​ក្លោ​ពោល ​រី ពាង់​គឹត​នាវ​នៃ ជេសរី​ពាង់​ហាន់​ម៝ប់​ពោល ​តា​ពោយ្ស​រី គៃ​មា​មឞើស​អ៝ន់​ពាង់​គឹត។
ACT 23:17 ពោល ​ក្វាល់​ទូ​ហ្វេ​កោរាញ​តាហែន​មឞើស​មា​ពាង់៖ “ទាន់​មៃ​លែវ​ឞូ​ក្លោ​នទាម់​អ្យា ហាន់​ម៝ប់​កោរាញ​តាហែន​ក្វ៝ង់ យ៝រ​លាស​ពាង់​គែស​នាវ​អុច​មឞើស”។
ACT 23:18 ជេសរី​ពាង់​លែវ​ឞូ​ក្លោ​នទាម់​នៃ​ហាន់​ម៝ប់​កោរាញ​តាហែន​ក្វ៝ង់ មឞើស​មា​ពាង់៖ “ឞូនុយ្ស​ទោយ្ស​រាញា​ពោល ​នៃ​នើស ពាង់​ក្វាល់​គ៝ប់ អ៝ន់​គ៝ប់​លែវ​ឞូ​ក្លោ​នទាម់​អ្យា​ហាន់​ម៝ប់​មៃ យ៝រ​លាស​ឞូ​ក្លោ​នទាម់​អី​នៃ​គែស​នាវ​អុច​មឞើស​មា​មៃ”។
ACT 23:19 ជេសរី​កោរាញ​តាហែន​ក្វ៝ង់​នៃ​តេក​តី​ឞូ​ក្លោ​នទាម់​ទូ​បាស​ឞើស​ឞូ អោប​អេង​ពាង់៖ “ម៝ស​នាវ​មៃ​អុច​មឞើស​មា​គ៝ប់​មេស?”
ACT 23:20 ឞូ​ក្លោ​នទាម់​នៃ​មឞើស​មា​ពាង់៖ “មពោល​កោរាញ​ឞ្រី​យូដា ​លែៈ​តឹម​ទី​ទូ​នតោរ​នាវ គៃ​មា​ទាន់​មៃ​លែវ​ពោល ​ហាន់​ម៝ប់​មពោល​កោរាញ​ជាន​ការ​ផូង​ឞ្រី​យូដា ​តា​នារ​អោយ​តៃ។ ខាន់​ពាង់​ជាន​តឹម​ឞាន​មា​អុច​គឹត​នហេល​នាវ​ពាង់។
ACT 23:21 យើន​មា​ទាន់​មៃ​លើយ​អោស​អ្យាត់​នាវ​ផូង​អី​នៃ កោរាញ យ៝រ​លាស​លែៈ​គែស ៤០ នុយ្ស​រាលាវ​ឞូ​លែៈ​ក៝ប់​ត្រ៝ង​គៃ​មា​លើស​ពាង់។ ផូង​អី​នៃ​លែៈ​ឆើម​ឆាក់ លាស​អេ​ហ៝ៈ​គែស​ងខឹត​ពោល  ខាន់​ពាង់​មោ​អោស​ញេត​មោ​អោស​ឆោង។ អាបៃ​អ្យា​ខាន់​ពាង់​លែៈ​នទ្រាប់​លែៈ​ផ្យៅ ហោម​ក៝ប់​លោស​នាវ​ឞើស​មៃ​ទើម”។
ACT 23:22 ជេសរី​កោរាញ​តាហែន​ក្វ៝ង់​អ៝ន់​ឞូ​ក្លោ​នទាម់​នៃ​ឆឹត ឞ្វៃ​ពាង់​លើយ​អ៝ន់​ងក៝ច​មា​ឞូ​អោស​លែៈ​នាវ​អី​ពាង់​លែៈ​ងក៝ច​នៃ។
ACT 23:23 ជេស​ឞើស​នៃ កោរាញ​តាហែន​ក្វ៝ង់​អី​នៃ​ក្វាល់​កោរាញ​តាហែន​ពាង់​ឞារ​ហៃ​មឞើស​មា​ខាន់​ពាង់៖ “ម៝ង​ឆឹន​មាង់​អ្យា​ហាន់​តា​ប៝ន​ឆេឆារា  ខាន់​មៃ​នទ្រាប់​តាហែន​ឞ្រោៈ​ជ៝ង់​អ៝ន់​គែស ២០០ នុយ្ស តាហែន​ញច៝​ឆែស ៧០ នុយ្ស នទ្រែល​មា​តាហែន​ញអោត​តាក ២០០ នុយ្ស។
ACT 23:24 នទ្រាប់​ដ៝ង់​ទូ​មល៝ម់​ឆែស​អ៝ន់​មា​ពោល ​ទែ​ញច៝ គៃ​មា​លែវ​ពាង់​ហាន់​ម៝ប់​កោរាញ​ក្វ៝ង់​ផេលិច ​មា​នាវ​ដាប់​មពាន់”។
ACT 23:25 ជេសរី​ពាង់​ញចីស​ឆ៝ម់បុត​ទូ​នហា​អ៝ន់​មា​កោរាញ​ក្វ៝ង់​អី​នៃ លាស​កើត​នអា៖
ACT 23:26 “ឆ៝ម់បុត​អ្យា​តាៈ​ឞើស​គ៝ប់​រាញា​ក្លោដេស-​លូឆៀ  ទាន់​កោស​មឞាស​លាស​អ្វែស​មា​កោរាញ​ក្វ៝ង់​ផេលិច ។
ACT 23:27 ឞូ​ក្លោ​អ្យា ផូង​អីឆ្រាអែល ​លែៈ​ញុប​អុច​ងខឹត​លើយ​ពាង់ យើន​មា​គ៝ប់ នទ្រែល​មា​តាហែន​នាន់​ឆ៝ៈ​រាក្លាយ្ស​ពាង់​លោស​ឞើស​ផូង​អី​នៃ ត៝ត់​មា​គ៝ប់​គឹត​លាស​ពាង់​ជេង​ផូង​ប៝ន​លាន​រោម ។
ACT 23:28 គ៝ប់​ញជុន​ពាង់​មា​មពោល​កោរាញ​ជាន​ការ​ផូង​ឞ្រី​យូដា  យ៝រ​លាស​គ៝ប់​អុច​គឹត​ម៝ស​នាវ​ទឹង​ឞូ​នតោន​អោឞាល់។
ACT 23:29 តឹង​មា​នាវ​គ៝ប់​ឆៃ​ឞូ​នតោន​អោឞាល់​មា​នាវ​វៃ​មពែស​មា​ខាន់​ពាង់​នើម​ទើម ពាង់​មោ​គែស​អោស​នាវ​តីស​ត៝ត់​មា​ខឹត​ឆាក់ មោ​លាស​ត៝ត់​មា​ញុប​មា​ក្រុង។
ACT 23:30 ជេស​រី​គែស​ដ៝ង់​ឞូនុយ្ស​ហាន់​មឞើស​មា​គ៝ប់៖ ផូង​អីឆ្រាអែល ​អាបាៈ​លែៈ​តឹម​ទី​ទូ​នតោរ​នាវ​អុច​ងខឹត​ពាង់។ កើត​នទ្រី​ទឹង​គ៝ប់​ញជុន​ឞូនុយ្ស​អ្យា​មា​មៃ​រ៝ នតៃ​ទឹង​គ៝ប់​ដាៈ​ផូង​អី​តើម​នតោន​នៃ​ហាន់​ម៝ប់​មឞើស​នាវ​អី​នៃ​មា​មៃ​តា​នៃ”។
ACT 23:31 ជេសរី​ផូង​តាហែន​នៃ​លែវ​ពោល ​ហាន់​តា​ប៝ន​អ៝ន់តីពាត្រីស ​ទឹង​មាង់​រ៝ ប៝យ​នាវ​កោរាញ​តាហែន​ក្វ៝ង់​ដាៈ​មា​ខាន់​ពាង់​រី​នើស។
ACT 23:32 ត៝ត់​អោយ​តៃ​រី ហោម​រ៝ង​តាហែន​ញច៝​ឆែស​ទើម​ហាន់​នទ្រែល​ពោល  ខាន់​ពាង់​នើម​រី​ព្លឹ​ឆឹត​តៃ​អា​ពោយ្ស​អ្យា។
ACT 23:33 ត៝ត់​តា​ប៝ន​ឆេឆារា  ខាន់​ពាង់​នទឹ​ឆ៝ម់បុត នទ្រែល​មា​ញជុន​ពោល ​នៃ​អ៝ន់​មា​កោរាញ​ក្វ៝ង់​រី។
ACT 23:34 ជេស​កោរាញ​ក្វ៝ង់​នៃ​រ៝ៈ​ឆ៝ម់បុត​អី​នៃ​លែៈ​ផ្យៅ ពាង់​អោប​ពោល ​ឞើស​តាៈ​ឞ្រី។ ត៝ត់​មា​ពាង់​គឹត​ពោល ​តាៈ​ឞើស​ឞ្រី​កីលីកៀ ‌
ACT 23:35 ពាង់​លាស​មា​ពោល ៖ “ក៝ប់​ត៝ត់​ផូង​តើម​នតោន​មៃ​អា​អ្យា ទឹង​គ៝ប់​អ៝ន់​មៃ​មឞើស​ងក៝ច​នាវ​មៃ​មា​គ៝ប់”។ ជេសរី​ពាង់​ដាៈ​ឞូ​ក្រុង​ពោល ​តា​ញីស​ក្វ៝ង់​កាដាច់​ហេរោត ​ជាន។
ACT 24:1 ជេស​ពោល ​ហាន់​ត្រុយ្ស​តា​ប៝ន​ឆេឆារា  ត៝ត់​ព្រាម់​នារ​ឞើស​កើយ​នៃ ត៝ត់​កោរាញ​ជាន​ឞ្រាស​ទុត​ក្វ៝ង់​រាញា​អានានេស  នទ្រែល​មា​កោរាញ​ឞ្រី​យូដា ​អាបាៈ។ ខាន់​ពាង់​លែវ​ទូ​ហ្វេ​ឞូនុយ្ស​ឞ្លាវ​តឹម​មឞើស​ទោយ្ស​រាញា​តើតូលុស  នតោន​ពោល ​តា​នាប់​កោរាញ​ក្វ៝ង់​នៃ។
ACT 24:2 ឞូ​ក្វាល់​ពោល ​វាច់​តា​រី ជេសរី​តើតូលុស ​នតើម​នតោន​ពាង់​កើត​នអា៖ “គ៝ប់​ទាន់​កោស​មឞាស​លាស​អ្វែស​មា​កោរាញ​ក្វ៝ង់​ផេលិច ។ យ៝រ​មា​នាវ​មឹន​អ្វែស​មៃ​ទឹង​ផូង​ហេន​គែស​នាវ​ដាប់​មពាន់ ទឹង​ឞ្រី​ទាក​ហេន​គែស​នាវ​រាគ៝ល់​ជេង​អ្វែស​លែៈ​ជ៝ៈ​ហើយ។
ACT 24:3 កើត​នទ្រី​ហេន​កាស​គឹត​លាស​អ្វែស​មា​កោរាញ​ទុត​ហោ​ងាន់​តឹម​អាប់​តឹ លែៈ​នាវ​មៃ​អ៝ន់​មា​ហេន​តឹម​អាប់​នតុក។
ACT 24:4 គ៝ប់​មោ​អុច​អោស​រាខ្វាក​កោរាញ​ជ៝ៈ​ជ៝ង​អីរ​ដ៝ង់ គ៝ប់​ទាន់​កោរាញ​គែស​នាវ​យោៈ​អុច​អ្យាត់​នាវ​ហេន​ឞារ​ពែ​ត៝ង​ទើម‌
ACT 24:5 យ៝រ​លាស​ហេន​ឆៃ​ឞូនុយ្ស​អ្យា​ជាន​អ្យើស ពាង់​ជាន​អ៝ន់​នាវ​អុស​អាស​មា​ផូង​អីឆ្រាអែល ​លាម​នែស​នតូ​អ្យា ពាង់​អី​នៃ​ជេង​កោរាញ​អី​ឞូ​ក្វាល់​ផូង​នាឆារែត ។
ACT 24:6 ជេសរី​នអ៝ប់​មា​ពាង់​ជាន​បឹ​មា​ញីស​ជាន​ឞ្រាស​មា​កោរាញ​ឞ្រាស​ជឹត កើត​នទ្រី​ទឹង​ហេន​ញុប​ពាង់​[ហេន​អុច​ផាត​ទោយ្ស​ពាង់​តឹង​មា​នាវ​វៃ​ហេន‌
ACT 24:7 យើន​មា​គែស​លូឆៀ ​ជេង​កោរាញ​តាហែន​ក្វ៝ង់ ពាង់​រាយ្ស​មឞាង​ឞូ នទ្រែល​មា​មផ៝ក់​ឞូនុយ្ស​អ្យា​ឞើស​តី​ហេន‌
ACT 24:8 ជេសរី​ដាៈ​ផូង​នតោន​ពាង់​ហាន់​ម៝ប់​មៃ​តា​អ្យា។] ត៝ត់​មៃ​នើម​អោប​នាវ​ឞើស​ពាង់ មៃ​គឹត​រ៝​ទឹង​លែៈ​នាវ​អី​ហេន​នតោន​ពាង់”។
ACT 24:9 មពោល​កោរាញ​ឞ្រី​យូដា ​អ្យាត់​នាវ​នតោន​នៃ ជេសរី​មឞើស​មា​កោរាញ​ក្វ៝ង់​ទឹង​លែៈ​នាវ​អី​នៃ​ជេង​ទី​ងាន់។
ACT 24:10 ជេសរី​កោរាញ​ក្វ៝ង់​នៃ​ញច៝ង់​តី​ដាៈ​ពោល ​ងើយ។ ពោល ​ងើយ៖ “អើ​កោរាញ​ក្វ៝ង់ លែៈ​គ៝ប់​គឹត​ជេស​មៃ​កោរាញ​ផាត​ទោយ្ស​តា​អ្យា​លែៈ​ជ៝ៈ​នាម់ កើត​នទ្រី​នាវ​គ៝ប់​អើស​អ្យា គ៝ប់​មោ​គែស​អោស​នាវ​រាវៃ។
ACT 24:11 យើន​មា​លាស​មៃ​អោប​ឞូ មៃ​គឹត​រ៝ ញចោ​មា ១២ នារ​ឞើស​កើយ​នើស​ទើម​គ៝ប់​ហាន់​យើក​មឞាស​កោរាញ​ឞ្រាស​តា​ជ៝ង់​គូង​ញីស​ជាន​ឞ្រាស​តា​យេរូឆាលឹម ។
ACT 24:12 ឞូ​មោ​ព្រ៝ត​អោស​ឆៃ​គ៝ប់​គុ​តឹម​រាលាច់​ដាស​ឞូ មោ​លាស​ជាៈ​ឞូ​ជាន​នាវ​អុស​អាស ឞ៝ល​លាស​តា​ញីស​ជាន​ឞ្រាស តា​ញីស​រាបុន មោ​លាស​លាម​នតុក​តា​ប៝ន​នៃ។
ACT 24:13 អាបៃ​អ្យា​មពោល​អី​នៃ​នតោន​គ៝ប់​ជាន​អ្យើស យើន​មា​ជ៝យ​នទើ​ញហើ​នទើ​គ៝ប់​ជាន​អ្យើស​មោ​អោស​ឆៃ។
ACT 24:14 យើន​មា​គ៝ប់​អុច​ងក៝ច​ឆ៝ង់​អ៝ន់​មា​កោរាញ គ៝ប់​យើក​មឞាស​មា​កោរាញ​ឞ្រាស​អី​ផូង​អូ​ចែ​ហេន​យើក​មឞាស​ដ៝ង់។ គ៝ប់​យើក​មឞាស​ពាង់​តឹង​នាវ​កោរាញ​យេឆូ ​នតី​ជេង​ទី​ងាន់ តីស​មា​កោរាញ​ឞ្រី​យូដា ​លាស​នាវ​នតី​អី​នៃ​ងក្លាៈ យើន​មា​គ៝ប់​អ្យាត់​លែៈ​នាវ​មោឆេ ​ញចីស នទ្រែល​មា​គែស​ញចីស​តា​ឆ៝ម់បុត​មពោល​ឞូនុយ្ស​នតើយ្ស​នាវ​ងើយ​កោរាញ​ឞ្រាស។
ACT 24:15 គ៝ប់​គែស​នាវ​រានើម​ន៝ប់​រាក៝ក់​អ្យា​តា​កោរាញ​ឞ្រាស តឹម​ឞាន​មា​មពោល​អី​នៃ​ដ៝ង់៖ ឞូនុយ្ស​ឆ៝ង់ ឞូនុយ្ស​ក្វែ​ទ៝ក់​រេស​ទាទេ។
ACT 24:16 កើត​នទ្រី​ទឹង​គ៝ប់​ញឆ្រោយ្ស​បាបើ គៃ​មា​ជាន​ឆ៝ង់​មោ​គែស​អោស​នាវ​ដីត​ព្រេង​តា​នាប់​មាត់​កោរាញ​ឞ្រាស នទ្រែល​មា​តា​នាប់​មាត់​ទឹង​លែៈ​ឞូនុយ្ស។
ACT 24:17 គ៝ប់​ទូ​ឞើស​ប៝ន​យេរូឆាលឹម ​លែៈ​ជ៝ៈ​នាម់ ជេសរី​គ៝ប់​ព្លឹ​ឆឹត​ញអោត​ព្រាក់​គៃ​មា​កើល​ផូង​អ៝​អាច​តា​ផូង​ប៝ន​លាន​គ៝ប់​នើម នទ្រែល​មា​ជាន​ឞ្រាស​មា​កោរាញ​ឞ្រាស​ដ៝ង់។
ACT 24:18 ទោល​គ៝ប់​ជាន​ឞ្រាស​នៃ ឞូ​ឆៃ​គ៝ប់​គុ​តា​ជ៝ង់​គូង​ញីស​ជាន​ឞ្រាស​លែៈ​ជេស​ជាន​នាវ​រាវ​ឆាក់​គៃ​មា​ក្ល៝ស​តឹង​នាវ​វៃ។ មោ​គែស​អោស​តឹម​រាបុន​ឞូនុយ្ស​អ៝ក់ មោ​លាស​គែស​នាវ​អុស​អាស។
ACT 24:19 យើន​មា​ផូង​អី​ឆៃ​គ៝ប់​តា​ជ៝ង់​គូង​ញីស​ជាន​ឞ្រាស​នៃ គែស​ផូង​អីឆ្រាអែល ​អាបាៈ​តាៈ​ឞើស​ឞ្រី​អាឆី  ទី​លាស​ផូង​អី​នៃ​ហាន់​នតោន​គ៝ប់​មឞើស​មា​មៃ​កោរាញ លាស​ខាន់​ពាង់​គែស​នាវ​ដាស​គ៝ប់។
ACT 24:20 មោ​លាស​អ៝ន់​ផូង​អ្យា​ងក៝ច លាស​ខាន់​ពាង់​ឆៃ​នាវ​គ៝ប់​ជាន​តីស​មោ​លាស​មោ នោក​គ៝ប់​លែៈ​គុ​តា​នាប់​មពោល​កោរាញ​ជាន​ការ​ផូង​ឞ្រី​យូដា ​នើស‌
ACT 24:21 លាស​មា​គែស​នាវ​ខាន់​ពាង់​លាស​គ៝ប់។ នោក​នៃ​គ៝ប់​គែស​ងើយ​ទាង់​មា​ខាន់​ពាង់​កើត​នអា៖ «ខាន់​មៃ​ឆ៝ៈ​គ៝ប់​ផាត​ទោយ្ស​នារ​អ្យា យ៝រ​មា​នាវ​គ៝ប់​អ្យាត់​ឞូនុយ្ស​ខឹត​ហោម​ទ៝ក់​រេស​ដ៝ង់»”។
ACT 24:22 ផេលិច ​លែៈ​គឹត​នហេល​ជេស​មា​នាវ​ញឆីង​មា​ឞ្រាស​យេឆូ ។ ជេសរី​ពាង់​អ៝ន់​ឞូ​ឆឹត លាស​មា​ខាន់​ពាង់៖ “ក៝ប់​ត៝ត់​កោរាញ​តាហែន​ក្វ៝ង់​លូឆៀ ​តា​អ្យា ទឹង​គ៝ប់​ផាត​ទោយ្ស​នាវ​ខាន់​មៃ​អ្យា”។
ACT 24:23 ជេសរី​ពាង់​ដាៈ​ទូ​ហ្វេ​កោរាញ​តាហែន​ក្រុង​ពោល ​ជឹត យើន​មា​ពាង់​អ៝ន់​នាវ​ទើស​មា​ពោល  នទ្រែល​មា​មោ​អោស​ឞ្វៃ​ឞូនុយ្ស​អី​ហាន់​កើល​ពាង់។
ACT 24:24 គែស​ឆឹន ជឹត​នារ​ឞើស​កើយ​នៃ​នើស កោរាញ​ក្វ៝ង់​ផេលិច ​ហាន់​នទ្រែល​អូរ​ពាង់​រាញា​ត្រូឆីល  ឞូ​អូរ​នៃ​ជេង​ផូង​អីឆ្រាអែល ។ ពាង់​ដាៈ​ឞូ​ក្វាល់​ពោល  ជេសរី​អ្យាត់​នាវ​ពោល ​ងើយ​នាវ​ញឆីង​មា​ឞ្រាស​យេឆូ​ក្រីស ។
ACT 24:25 ទោល​ពោល ​ងើយ​មា​នាវ​គុ​ឆ៝ង់ មា​នាវ​ឞ្លាវ​ម៝ត់​ញជ្រាង់​ឆាក់​អ៝ន់​គុ​ទី​កែស នទ្រែល​មា​នាវ​ផាត​ទោយ្ស​កោរាញ​ឞ្រាស​តា​នារ​ងគ្លែៈ​ទុត​តៃ ផេលិច ​គែស​នាវ​ក្លាច ជេសរី​ពាង់​លាស​មា​ពោល ៖ “អាបៃ​អ្យា​មៃ​ឆឹត​ប៝ត់​ទោស ក៝ប់​ម៝ស​នារ​គ៝ប់​រូ គ៝ប់​ក្វាល់​តៃ​មៃ”។
ACT 24:26 ផេលិច ​រានើម​លាស​ពោល ​ឞ្ល៝ល់​ព្រាក់​អ៝ន់​ពាង់ កើត​នទ្រី​ទឹង​ពាង់​ដាៈ​ឞូ​ក្វាល់​ពោល ​ហាន់​តឹម​ម៝ប់​ងក៝ច​ឞ្រី​មា​ពាង់​អ៝ក់​តឹ។
ACT 24:27 ត៝ត់​ឞារ​នាម់​ឞើស​កើយ​នៃ គែស​ទូ​ហ្វេ​ឞូ​ក្លោ​រាញា​ព៝រកេស-​ផេសតុស ​ជាន​កោរាញ​ក្វ៝ង់​នត្រ៝ៈ​ផេលិច ។ យ៝រ​លាស​ផេលិច ​អុច​អ៝ន់​មពោល​កោរាញ​ឞ្រី​យូដា ​រាម់​មអាក​មា​ពាង់ កើត​នទ្រី​ទឹង​ពាង់​មោ​មអើក​ពោល ។
ACT 25:1 ផេសតុស ​ត៝ត់​តា​ប៝ន​ឆេឆារា ​គែស​ពែ​នារ ជេសរី​ពាង់​លោស​ឞើស​ប៝ន​នៃ​ហាន់​អា​ប៝ន​យេរូឆាលឹម ។
ACT 25:2 តា​នៃ​មពោល​កោរាញ​ជាន​ឞ្រាស នទ្រែល​មា​មពោល​កោរាញ​ឞ្រី​យូដា ​ហាន់​ម៝ប់​ផេសតុស ​គៃ​មា​នតោន​ពោល ។ ផូង​នៃ​ឞ៝ញ​ផេសតុស ‌
ACT 25:3 ទាន់​ពាង់​អ៝ន់​ឞូ​ញជុន​ពោល ​តា​ប៝ន​យេរូឆាលឹម  គៃ​មា​អ៝ន់​ពាង់​ញហើ​នូយ្ស​នហ៝ម់​អ្វែស​ពាង់​មា​កោរាញ​ឞ្រី​យូដា ។ យើន​មា​ខាន់​ពាង់​លែៈ​តឹម​ទី​ទូ​នតោរ​នាវ​ក៝ប់​ងខឹត​ពោល ​រ៝ៈ​ត្រ៝ង។
ACT 25:4 ផេសតុស ​អើស​មា​ផូង​នៃ៖ “ពោល ​លែៈ​ឞូ​ក្រុង​ពាង់​តា​ប៝ន​ឆេឆារា  ជេសរី​គ៝ប់​ព្លឹ​ឆឹត​គើញ​តា​ប៝ន​នៃ​ដ៝ង់។
ACT 25:5 លាស​នទ្រី​អ៝ន់​ខាន់​មៃ​ដាៈ​កោរាញ​អាបាៈ​ហាន់​នទ្រែល​គ៝ប់​អា​រី ជេសរី​លាស​គែស​តីស​តា​ពាង់ នតោន​ពាង់​ទោ”។
ACT 25:6 ផេសតុស ​គុ​តា​ប៝ន​យេរូឆាលឹម ​គែស​ឆឹន ជឹត​នារ ជេសរី​ពាង់​ព្លឹ​ឆឹត​តា​ប៝ន​ឆេឆារា ។ ត៝ត់​អោយ​តៃ​ពាង់​គុ​តា​រានើល​ផាត​ទោយ្ស ដាៈ​ឞូ​លែវ​ពោល ​តា​រី។
ACT 25:7 ត៝ត់​ពាង់​តា​រី មពោល​កោរាញ​ឞ្រី​យូដា ​អី​តាៈ​ឞើស​ប៝ន​យេរូឆាលឹម ​គុ​ញជោម​ជុម​ពាង់ ជេសរី​នតោន​អោឞាល់​ទោយ្ស​ជ្រូៗ​អ៝ក់​ងាន់ តីស​មា​មោ​អោស​ឆៃ​មឞើស​នហេល​នាវ​តីស​អី​នៃ។
ACT 25:8 ពោល ​អើស៖ “គ៝ប់​មោ​អោស​ព្រ៝ត​ជាន​តីស​ដាស​នាវ​វៃ​ផូង​អីឆ្រាអែល  ដាស​ញីស​ជាន​ឞ្រាស​មា​កោរាញ​ឞ្រាស មោ​លាស​ដាស​កោរាញ​កាដាច់​ប៝ន​រោម ”។
ACT 25:9 យ៝រ​មា​ផេសតុស ​ពាង់​អុច​ញហើ​នូយ្ស​នហ៝ម់​អ្វែស​មា​មពោល​កោរាញ​ឞ្រី​យូដា  ពាង់​លាស​មា​ពោល ​កើត​នអា៖ “មៃ​អុច​ដ៝ង់​ហាន់​តា​ប៝ន​យេរូឆាលឹម ​រី​នទ្រែល​គ៝ប់ គៃ​មា​គ៝ប់​ផាត​ទោយ្ស​នាវ​អ្យា?”
ACT 25:10 ពោល ​អើស៖ “តា​អ្យា​ជេង​នតុក​ផាត​ទោយ្ស​កោរាញ​កាដាច់​ប៝ន​រោម  ទី​មា​ផាត​ទោយ្ស​គ៝ប់​តា​អ្យា។ គ៝ប់​មោ​អោស​ព្រ៝ត​ជាន​តីស​ដាស​មា​ផូង​អីឆ្រាអែល  កើត​មៃ​លែៈ​គឹត​នហេល​ជេស​នាវ​អ្យា។
ACT 25:11 លាស​គ៝ប់​ម៝ប់​ជាន​ក្វែ​មោ​លាស​ជាន​តីស គែស​ទោយ្ស​ជ្រូ​ត៝ត់​មា​ខឹត​ឆាក់ គ៝ប់​មោ​អោស​រាលាច់​ខឹត យើន​មា​លាស​នាវ​ខាន់​ពាង់​នតោន​គ៝ប់​នៃ​មោ​ងាន់ លាស​នទ្រី​មោ​អោស​ទី​ញជុន​គ៝ប់​អ៝ន់​មា​ខាន់​ពាង់។ គ៝ប់​អុច​ហាវ​នាវ​អ្យា​ត៝ត់​អា​កោរាញ​កាដាច់​តា​ប៝ន​រោម ​រី”។
ACT 25:12 ជេសរី​ផេសតុស ​តឹម​ញច្រាៈ​ដាស​មា​ផូង​កោរាញ​កើល​ពាង់​តា​នៃ ពាង់​លាស​មា​ពោល ៖ “មៃ​ទាន់​ហាវ​នាវ​មៃ​អា​កោរាញ​កាដាច់​រី លាស​នទ្រី​មៃ​ហាន់​អា​ពាង់​ទោ”។
ACT 25:13 ត៝ត់​ឆឹន ជឹត​នារ​ឞើស​កើយ​នៃ ត៝ត់​ឞ្រោៈ​កាដាច់​អាគ្រឹពា  នទ្រែល​មា​អ៝ស​ឞូ​អូរ​ពាង់​រាញា​បេរេនីស  ខាន់​ពាង់​ហាន់​តា​ប៝ន​ឆេឆារា  គៃ​មា​ហាន់​ខ៝ល់​អោប​អ្វែស​លាង់​ផេសតុស ។
ACT 25:14 កាដាច់​គុ​តា​ប៝ន​នៃ​ជ៝ៈ​នារ ជេសរី​ផេសតុស ​ងក៝ច​នាវ​ពោល ​អ៝ន់​មា​កាដាច់​នៃ​គឹត ពាង់​លាស៖ “គែស​ទូ​ហ្វេ​ឞូនុយ្ស​ទោយ្ស​តា​ត្រោម​នទ្រូង​អី​ផេលិច ​អេ​ហ៝ៈ​ផាត​ទោយ្ស​ហោម​រ៝ង​តា​នៃ។
ACT 25:15 ទោល​គ៝ប់​ហាន់​តា​ប៝ន​យេរូឆាលឹម  គែស​មពោល​កោរាញ​ជាន​ឞ្រាស នទ្រែល​មា​មពោល​កោរាញ​ឞ្រី​យូដា ​នតោន​ពាង់ ទាន់​អ៝ន់​គ៝ប់​តេៈ​ទោយ្ស​ពាង់។
ACT 25:16 គ៝ប់​លាស​មា​ខាន់​ពាង់ តា​ផូង​រោម ​មោ​វៃ​គែស​អោស​ញជុន​ទូ​ហ្វេ​អ៝ន់​ឞូ​តេៈ​ទោយ្ស លាស​នើម​អី​តើម​ទោយ្ស​អេ​ហ៝ៈ​គុ​តឹម​ម៝ប់​ងើយ​ឞើស​ត៝​ឞើស​អ្យា​ដាស​មា​នើម​អី​តើម​នតោន​ល៝រ។
ACT 25:17 ត៝ត់​ផូង​អី​នៃ​តា​អ្យា​នើស កាស​នារ​អោយ​តៃ​គ៝ប់​គុ​តា​នតុក​ផាត​ទោយ្ស នទ្រែល​មា​ដាៈ​ឞូ​លែវ​ពោល ​រ៝ មោ​អោស​ក៝ប់​ជ៝ៈ។
ACT 25:18 ផូង​អី​តើម​នតោន​ពាង់​គុ​តា​នតុក​ផាត​ទោយ្ស​រី​ទាទេ​ដ៝ង់ យើន​មា​មោ​អោស​ឆៃ​នតោន​ទូ​នតីល​នទើ​តីស​ក្វ៝ង់​កើត​នាវ​គ៝ប់​មឹន​ល៝រ។
ACT 25:19 ខាន់​ពាង់​មាន​មា​តឹម​រាលាច់​តា​នាវ​វៃ​ផូង​ខាន់​ពាង់​នើម នទ្រែល​មា​នាវ​ទូ​ហ្វេ​ឞូនុយ្ស​រាញា​យេឆូ ​លែៈ​ខឹត យើន​មា​ពោល ​លាស​ហោម​រេស​ទូ​រី​ទើម។
ACT 25:20 យ៝រ​លាស​គ៝ប់​មោ​វៃ​ផាត​ទោយ្ស​នាវ​តឹម​រាលាច់​កើត​អី​នៃ នទ្រី​ទឹង​គ៝ប់​អោប​ពោល ​លាស​ពាង់​អុច​ហាន់​តា​ប៝ន​យេរូឆាលឹម  គៃ​មា​ផាត​ទោយ្ស​តា​នៃ។
ACT 25:21 យើន​មា​ពាង់​អុច​ហាវ​នាវ​អ្យា​ត៝ត់​មា​កោរាញ​កាដាច់​ផាត​ទោយ្ស នទ្រី​ទឹង​គ៝ប់​ដាៈ​ឞូ​ក្រុង​ពាង់​តា​ត្រោម​នទ្រូង​ជឹត ក៝ប់​ត៝ត់​នារ​គ៝ប់​ញជុន​ពាង់​អ៝ន់​មា​កោរាញ​កាដាច់”។
ACT 25:22 កាដាច់​អាគ្រឹពា ​លាស​មា​ផេសតុស ៖ “គ៝ប់​អុច​អ្យាត់​នាវ​ឞូនុយ្ស​នៃ​ងើយ​ដ៝ង់”។ ផេសតុស ​អើស៖ “នារ​អោយ​តៃ​កាដាច់​តាង់​នាវ​ពាង់​ងើយ”។
ACT 25:23 ត៝ត់​នារ​អោយ​តៃ​រី កាដាច់​អាគ្រឹពា  នទ្រែល​មា​បេរេនីស  ហាន់​តា​នតុក​ជ្រោ​រាបុន​ក្វ៝ង់​រឺម​ខឺម​ងាន់។ តា​នៃ​គែស​ផូង​កោរាញ​តាហែន​ក្វ៝ង់ នទ្រែល​មា​ផូង​កោរាញ​តា​ប៝ន​នៃ​ហាន់​នទ្រែល​ពាង់។ ជេសរី​ផេសតុស ​ដាៈ​ឞូ​លែវ​ពោល ​ហាន់​តា​រី។
ACT 25:24 ផេសតុស ​លាស៖ “គ៝ប់​ទាន់​ងក៝ច​អ៝ន់​មា​កាដាច់ នទ្រែល​មា​ទឹង​លែៈ​ឞូនុយ្ស​អី​វាច់​គុ​នទ្រែល​គ៝ប់​តា​អ្យា ឞូនុយ្ស​អ្យា​ទឹង​លែៈ​ផូង​អីឆ្រាអែល ​តា​ប៝ន​យេរូឆាលឹម  នទ្រែល​មា​តា​ប៝ន​អ្យា ខាន់​ពាង់​ហាន់​នតោន​ពាង់​តា​គ៝ប់ នអ៝ប់​មា​នតែរ​ដាៈ​ងខឹត​លើយ​ពាង់។
ACT 25:25 ល៝ង់​គ៝ប់​អ្យា​មោ​អោស​ឆៃ​គែស​នាវ​តីស​តា​ពាង់​ត៝ត់​មា​ខឹត​ឆាក់ យើន​មា​ឆាក់​ពាង់​នើម​អុច​ទាន់​នាវ​អ្យា​ហាវ​ត៝ត់​តា​កោរាញ​កាដាច់​ឞ៝ន់​តា​ប៝ន​រោម ។ នទ្រី​ទឹង​គ៝ប់​មឹន​ញជុន​ពាង់​អ៝ន់​ហាន់​ម៝ប់​កោរាញ​កាដាច់​តា​រី។
ACT 25:26 គ៝ប់​អេ​ហ៝ៈ​អោស​គែស​នាវ​នហេល​នានេៈ​មា​ញចីស​នាវ​ពាង់​មា​អ៝ន់​កោរាញ​កាដាច់​អី​នៃ​គឹត កើត​នទ្រី​ទឹង​គ៝ប់​ដាៈ​ឞូ​ក្វាល់​ពាង់​ហាន់​ម៝ប់​ខាន់​អៃ​មៃ​តា​អ្យា យើន​មា​នាវ​ខ្លៃ​អី​ហោ​នើស​ជេង​អុច​ម៝ប់​មា​កាដាច់​នើម​អ្យា។ លាស​លោច​ជេស​អោប​ពាង់ រី​មើ​គ៝ប់​គែស​នាវ​អាបាៈ​មា​ឞ្លាវ​ញចីស​តា​ឆ៝ម់បុត។
ACT 25:27 យ៝រ​លាស​តឹង​មា​នាវ​មឹន​គ៝ប់ លាស​ញជុន​ឞូនុយ្ស​ទោយ្ស អ៝ន់​គែស​ញចីស​ងក៝ច​នហេល​នានេៈ​នាវ​នតោន​តា​ឆ៝ម់បុត​រី​ដ៝ង់”។
ACT 26:1 កាដាច់​អាគ្រឹពា ​លាស​មា​ពោល ៖ “ទោល​អ្យា​គ៝ប់​អ៝ន់​មៃ​ទើយ​ងើយ​មោ​ច្រាវ​អោស”។ ជេសរី​ពោល ​នតា​តី​លាស៖
ACT 26:2 “អើ​កាដាច់ នារ​អ្យា​គ៝ប់​រាម់​មអាក​ហោ​ងាន់ យ៝រ​មា​គ៝ប់​ទើយ​ព្លើង​អើស​ទឹង​លែៈ​នាវ​មពោល​កោរាញ​ឞ្រី​យូដា ​ទែ​នតោន​គ៝ប់​អ្យា​តា​នាប់​មាត់​មៃ​កាដាច់‌
ACT 26:3 យ៝រ​លាស​លែៈ​នាវ​វៃ​ផូង​ហេន​លែៈ​កាដាច់​គឹត​នហេល​ជេស នទ្រែល​មា​នាវ​វៃ​ខាន់​ពាង់​វៃ​ហោម​តឹម​រាលាច់។ នទ្រី​គ៝ប់​ទាន់​កាដាច់​អ៝ត់​នូយ្ស​មា​អ្យាត់​នាវ​អី​គ៝ប់​ងើយ​អ្យា។
ACT 26:4 ទឹង​លែៈ​ផូង​អីឆ្រាអែល ​លែៈ​គឹត​ទាទេ​ជេស​នាវ​គុ​រេស​គ៝ប់​នតើម​ឞើស​ជេៈ។ ខាន់​ពាង់​លែៈ​គឹត​ជេស​ឞើស​នតើម​នើស​គ៝ប់​គុ​រេស​តា​នតុក​គ៝ប់​នើម នទ្រែល​មា​តា​ប៝ន​យេរូឆាលឹម ។
ACT 26:5 លាស​ខាន់​ពាង់​អុច​ងក៝ច ខាន់​ពាង់​លែៈ​គឹត​ជ៝ៈ​ងាន់​ជេស​គ៝ប់​ជេង​មពោល​មពែស​មា​ផូង​ផារីឆី ។ តា​ផូង​អីឆ្រាអែល ​ហេន​អ្យា ហេន​ជេង​ផូង​អី​ញអោត​នាវ​វៃ​ផូង​អីឆ្រាអែល ​ទាង់​រាលាវ​ឞូ​ងាន់។
ACT 26:6 យើន​មា​អាបៃ​អ្យា នាវ​អី​ឞូ​ញុប​ផាត​ទោយ្ស​គ៝ប់​អ្យា យ៝រ​មា​នាវ​រានើម​មា​នាវ​កោរាញ​ឞ្រាស​លែៈ​ត៝ន​ជេស​មា​ផូង​អូ​ចែ​ហេន​កាល់​អែ​នើស។
ACT 26:7 ទឹង​លែៈ​តា​រាន៝យ​ទែស​ហេន ១២ មពោល ហេន​រានើម​នាវ​កោរាញ​ឞ្រាស​ត៝ន​អ្យា​មរា​ត៝ត់​ងាន់ នទ្រី​ទឹង​ហេន​ញឆ្រោយ្ស​ញអោត​នាវ​យើក​មឞាស​កោរាញ​ឞ្រាស​ទឹង​មាង់​ទឹង​នារ។ អើ​កាដាច់​អាគ្រឹពា  យ៝រ​មា​នាវ​រានើម​អី​នៃ​ទឹង​ផូង​អីឆ្រាអែល ​នតោន​គ៝ប់​អ្យា។
ACT 26:8 មើម​ទឹង​ខាន់​អៃ​មៃ​នទ្រ៝ត់​ហីស​រាហ៝ល់​មោ​អុច​អ្យាត់​នាវ​កោរាញ​ឞ្រាស​ជាន​អ៝ន់​ទ៝ក់​រេស​ឞូនុយ្ស​ខឹត?
ACT 26:9 ឆាក់​គ៝ប់​នើម​អ្យា ឞើស​នតើម​នើស​គ៝ប់​មឹន​ទី​អ៝ន់​តឹម​រាទ៝ង់​អ៝ក់​ដាស​មា​ឞូនុយ្ស​អី​ញឆីង​មា​កោរាញ​យេឆូ ​អី​តាៈ​ឞើស​ប៝ន​នាឆារែត ។
ACT 26:10 គ៝ប់​លែៈ​ជេស​ជាន​ងាន់​នាវ​អី​នៃ​តា​ប៝ន​យេរូឆាលឹម  ជេសរី​គ៝ប់​ទើន​នាវ​តាៈ​ឞើស​មពោល​កោរាញ​ជាន​ឞ្រាស គៃ​មា​ញុប​ផូង​ក្ល៝ស​អ្វែស​អី​នៃ​អ៝ក់​ងាន់​តេៈ​តា​ត្រោម​នទ្រូង។ ទោល​ឞូ​អុច​ងខឹត​ផូង​ខាន់​ពាង់​អី​នៃ នអ៝ប់​មា​គ៝ប់​លែៈ​តឹម​ទី​ទូ​នតោរ​នាវ​នទ្រែល​ផូង​អី​នៃ​ដ៝ង់។
ACT 26:11 គ៝ប់​ហាន់​បាបើ​អាប់​រ៝ៈ​ញីស​រាបុន​ផូង​អីឆ្រាអែល  គៃ​មា​តេៈ​ទោយ្ស​ផូង​អី​នៃ ញច៝ប់​ខាន់​ពាង់​ដាៈ​មអារ់​លើយ​នាវ​ញឆីង​អី​នៃ។ គ៝ប់​ជី​នូយ្ស​មា​ខាន់​ពាង់​ទុត​ហោ​ងាន់ នទ្រី​ទឹង​គ៝ប់​ហាន់​ជាន​ជេរ​ខាន់​ពាង់​នហ៝​ត៝ត់​តា​ប៝ន​តា​ងគ៝រ​ឞ្រី​អេង”។
ACT 26:12 “ទោល​នៃ​គ៝ប់​គែស​នាវ​ទើយ​ដាៈ​នាវ​តាៈ​ឞើស​មពោល​កោរាញ​ជាន​ឞ្រាស។ ជេសរី​គ៝ប់​ហាន់​តា​ប៝ន​ដាមាស ។
ACT 26:13 អើ​កាដាច់ ទោល​គ៝ប់​ហាន់​រ៝ៈ​ត្រ៝ង​នៃ នោក​នៃ​ក្លាប់​លាស​នារ​ងក្លាង​ឞោក គែស​នទើ​អាង​ច្រាត​ងាន់​តាៈ​ឞើស​កាលើ​ត្រោក​តី​អាង​តា​គ៝ប់​រី​រាលាវ​មា​អាង​នារ នទ្រែល​មា​អាង​តា​ផូង​ខាន់​ពាង់​អី​ហាន់​នទ្រែល​គ៝ប់​រី។
ACT 26:14 ទោល​នៃ​ទឹង​លែៈ​ផូង​ហេន​ចោត​តា​នែស​រី​ទាទេ ជេសរី​គ៝ប់​តាង់​នតែស​ងើយ​លាស​មា​គ៝ប់​តា​នាវ​ងើយ​ហេឞ្រើ ៖ «ហើយ​ឆោល  ហើយ​ឆោល  ម៝ស​នាវ​មៃ​ជាន​ជេរ​មា​គ៝ប់​មេស? មៃ​ជាន​មា​គ៝ប់​កើត​នៃ​គែស​នាវ​ជេរ​មា​មៃ​ងាន់ តឹម​ឞាន​មា​នទ្រោក​តឹម​ត៝ម់​មា​ល៝យ្ស​មព្លោញ កើត​នៃ​មោ​ទី​វាៈ»។
ACT 26:15 ជេសរី​គ៝ប់​អោប​ពាង់៖ «អើ​កោរាញ ឞូ​ម៝ស​មៃ​រី?» ពាង់​អើស​ឞើស​តី៖ «គ៝ប់​អ្យា​យេឆូ  អី​មៃ​ជាន​ជេរ​នៃ​នើស​ហែស។
ACT 26:16 យើន​មា​អាបៃ​អ្យា​អ៝ន់​មៃ​ទ៝ក់​ហ៝ម់ គ៝ប់​តឹម​មពើល​មា​មៃ​អ្យា​យ៝រ​លាស​គ៝ប់​អុច​ឆ៝ៈ​មៃ​ជាន​ការ​មា​គ៝ប់ ជេសរី​អ៝ន់​មៃ​ងក៝ច​នាវ​ខ្លៃ​អី​គ៝ប់​អ៝ន់​មៃ​ឆៃ​អ្យា នទ្រែល​មា​នាវ​អេងៗ​គ៝ប់​មរា​តឹម​មពើល​អ៝ន់​មា​មៃ​តា​នារ​ជឹត​នាប់​តៃ​ដ៝ង់។
ACT 26:17 ជេសរី​គ៝ប់​មរា​រាក្លាយ្ស​នាវ​រេស​មៃ​ឞើស​តី​ផូង​អីឆ្រាអែល  នទ្រែល​មា​ឞើស​តី​ផូង​អី​មោ​ទី​ផូង​អីឆ្រាអែល ​នោក​ខាន់​ពាង់​ជាន​ជេរ​មា​មៃ។ គ៝ប់​អ៝ន់​មៃ​ហាន់​តា​ផូង​អី​មោ​ទី​ផូង​អីឆ្រាអែល ‌
ACT 26:18 គៃ​មា​នតី​ខាន់​ពាង់​អ៝ន់​ពើក​នូយ្ស​នហ៝ម់​មា​នាវ​កោរាញ​ឞ្រាស អ៝ន់​ខាន់​ពាង់​ទូ​លោស​តាៈ​ឞើស​នតុក​ង៝ ជេសរី​ហាន់​តា​នាវ​អាង ទូ​លោស​តាៈ​ឞើស​នាវ​ទើយ​ឆាតាង់ ​អី​កោរាញ​មពោល​ឞ្រាស​អ្យើស ជេសរី​ព្លឹ​ឆឹត​មា​កោរាញ​ឞ្រាស រី​មើ​កោរាញ​ឞ្រាស​យោៈ​ខាន់​ពាង់​មោ​ហោម​កើប​នាវ​តីស​ខាន់​ពាង់ ជេសរី​កោរាញ​ឞ្រាស​អ៝ន់​ខាន់​ពាង់​គុ​នទ្រែល​ផូង​អី​កោរាញ​ឞ្រាស​លែៈ​កើប​ក្ល៝ស​អ្វែស​ជេស យ៝រ​លាស​ញឆីង​មា​គ៝ប់»”។
ACT 26:19 “អើ​កាដាច់ កើត​នទ្រី​ទឹង​គ៝ប់​មោ​អោស​រាលាច់​ដាស​នាវ​អី​គ៝ប់​តឹម​ឆៃ​នៃ។
ACT 26:20 ជេសរី​គ៝ប់​មឞើស​ងក៝ច​អ៝ន់​ឞូ​រាគ៝ល់​នូយ្ស​នហ៝ម់​អ្យើស ព្លឹ​ឆឹត​មា​កោរាញ​ឞ្រាស ជេសរី​អ៝ន់​លែៈ​នទើ​អី​ខាន់​ពាង់​ជាន​នើស​លែៈ​គែស​តឹម​ទី​ដាស​នាវ​រាគ៝ល់​នូយ្ស​នហ៝ម់​អ្យើស​ងាន់។ ឞើស​នតើម​ឞោក​ទាក​គ៝ប់​ល៝រ​មឞើស​ងក៝ច​នទើ​អី​នៃ​តា​ប៝ន​ដាមាស  ជេសរី​តា​ប៝ន​យេរូឆាលឹម  នទ្រែល​មា​ទឹង​លែៈ​ឞ្រី​យូដា  នហ៝​ត៝ត់​មា​ផូង​អី​មោ​ទី​ផូង​អីឆ្រាអែល ​ដ៝ង់។
ACT 26:21 យ៝រ​មា​នាវ​អី​នៃ​ទឹង​ផូង​អីឆ្រាអែល ​អាបាៈ​ញុប​គ៝ប់​តា​ជ៝ង់​គូង​ញីស​ជាន​ឞ្រាស ជេសរី​អុច​ងខឹត​គ៝ប់​ជឹត។
ACT 26:22 យើន​មា​គែស​កោរាញ​ឞ្រាស​ម៝ត់​ញជ្រាង់​គ៝ប់​ត៝ត់​នារ​អ្យា នទ្រី​ទឹង​គ៝ប់​ហោម​រេស​ទ៝ក់​តា​អ្យា ទឹង​គ៝ប់​ទើយ​មឞើស​ងក៝ច​នាវ​ខ្លៃ​តា​នាប់​ផូង​ឞូ​ជេៈ​ឞូ​ក្វ៝ង់។ គ៝ប់​មោ​គែស​មឞើស​ងក៝ច​រាលាវ​ដាស​មា​នាវ​មពោល​ឞូនុយ្ស​នតើយ្ស​នាវ​ងើយ​កោរាញ​ឞ្រាស នទ្រែល​មា​នាវ​មោឆេ ​អី​លែៈ​គែស​ញចីស​កាល់​អែ​នើស។
ACT 26:23 ខាន់​ពាង់​ងើយ​លាស​ឞ្រាស​ក្រីស ​អី​នើម​រាក្លាយ្ស​អី​កោរាញ​ឞ្រាស​ទែ​ញជ្វាល់​រី​អ្យាត់​មា​គែស​នាវ​ជេរ​ជ៝ត់​ត៝ត់​ពាង់​ខឹត ជេសរី​ពាង់​ទ៝ក់​រេស​ល៝រ​ឞូ​មា​ទឹង​លែៈ​ឞូនុយ្ស។ កើត​នទ្រី​ពាង់​អ៝ន់​នាវ​អាង​តា​នូយ្ស​នហ៝ម់​ផូង​អីឆ្រាអែល  នទ្រែល​មា​ផូង​អី​មោ​ទី​ផូង​អីឆ្រាអែល  គែស​នាវ​ខ្លៃ​មឞើស​ងក៝ច​មា​នាវ​រាក្លាយ្ស”។
ACT 26:24 ទោល​ពោល ​ហោម​អែ​ងើយ​នៃ ផេសតុស ​នតែរ​ទុត​នតែស​លាស​ពាង់៖ “ហើយ​ពោល  លែៈ​ត្រើយ​មៃ​នៃ​មេៈ មៃ​នតី​លាន់​អ៝ក់​អីរ​ទឹង​ជេង​ត្រើយ!”
ACT 26:25 ពោល ​អើស​មា​ពាង់៖ “អើ​កោរាញ​ផេសតុស  គ៝ប់​មោ​គែស​ត្រើយ​អោស។ នាវ​គ៝ប់​ងើយ​ជេង​ងាន់ ជេង​ទី។
ACT 26:26 កាដាច់​អាគ្រឹពា ​អ្យា​លែៈ​អើម​គឹត​នាវ​អ្យា កើត​នទ្រី​ទឹង​គ៝ប់​ឞាញ់​មឞើស​ងក៝ច​មា​ពាង់​មោ​គែស​នាវ​ក្លាច យ៝រ​មា​គ៝ប់​គឹត​កាដាច់​លែៈ​គឹត​ទាទេ​ជេស យ៝រ​លាស​លែៈ​នាវ​អ្យា​មោ​អោស​ជាន​មពោន​តា​នតុក​នទ៝ប់។
ACT 26:27 អើ​កាដាច់ អាស​មៃ​អ្យាត់​ដ៝ង់​នាវ​មពោល​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស? គ៝ប់​លែៈ​គឹត​ងាន់​មៃ​អ្យាត់​ងាន់​រ៝”។
ACT 26:28 កាដាច់​អាគ្រឹពា ​លាស​មា​ពោល ៖ “ហោម​អែ​ទូ​ប្ល៝ត់​ជឹត មៃ​ជាន​អ៝ន់​គ៝ប់​ឞើយ​ជេង​ឞូនុយ្ស​ញឆីង​ដ៝ង់”។
ACT 26:29 ពោល ​អើស​មា​កាដាច់៖ “ឞ៝ល​លាស​ហោម​ទូ​ប្ល៝ត់ មោ​លាស​ហោម​ជ៝ៈ​ឞើស​នាប់ គ៝ប់​វើស​វើល​មា​កោរាញ​ឞ្រាស​មោ​អោស​ទើន​អ៝ន់​មា​កាដាច់​ទើម គ៝ប់​អុច​អ៝ន់​មា​ទឹង​លែៈ​ផូង​អី​គុ​អ្យាត់​គ៝ប់​តា​នារ​អ្យា អ៝ន់​តឹម​ឞាន​មា​គ៝ប់​ដ៝ង់ តីស​មា​នាវ​អី​ឞូ​ក៝ត់​មា​រាឆែ​រាវាក់​អ្យា​មោ​អោស​អ៝ន់​កើត”។
ACT 26:30 ជេសរី​កាដាច់​អាគ្រឹពា  កោរាញ​ក្វ៝ង់​ផេសតុស បេរេនីស  នទ្រែល​មា​ទឹង​លែៈ​ឞូនុយ្ស​អាបាៈ​អី​គុ​តា​នៃ លែវ​ឞាល់​ទ៝ក់​ទ្រឺម
ACT 26:31 ទូ​លោស​ឞើស​នតុក​នៃ តឹម​លាស​នទ្រាង់​ខាន់​ពាង់៖ “ឞូនុយ្ស​អ្យា​មោ​អោស​ឆៃ​គែស​នាវ​តីស​ត៝ត់​មា​ខឹត​ឆាក់ មោ​លាស​ត៝ត់​មា​ក៝ត់​មា​រាឆែ​រាវាក់”។
ACT 26:32 កាដាច់​អាគ្រឹពា ​លាស​មា​ផេសតុស ៖ “លាស​ឞូនុយ្ស​អ្យា​អេ​ហ៝ៈ​លាន់​ទាន់​ហាវ​នាវ​អា​កោរាញ​កាដាច់ ទើយ​បើក​អ៝ន់​ពាង់​លោស”។
ACT 27:1 ត៝ត់​លែៈ​កោរាញ​ក្វ៝ង់​អ៝ន់​ហេន​ជុរ​ញច៝​ទូក​ហាន់​តា​ប៝ន​រោម ​ឞ្រី​អីតាលី  ឞូ​ញជុន​ពោល  នទ្រែល​មា​ឞូនុយ្ស​ទោយ្ស​អាបាៈ​អេង​អ៝ន់​មា​ទូ​ហ្វេ​កោរាញ​តាហែន​រាញា​ពាង់​យូលេស  ផូង​តាហែន​ពាង់​នៃ​ជេង​ផូង​តាហែន​កោរាញ​កាដាច់។
ACT 27:2 ហេន​ញច៝​ទូ​មល៝ម់​ទូក​ក្វ៝ង់​អី​តាៈ​ឞើស​ប៝ន​អាដ្រាមីត  អី​លែៈ​នទ្រាប់​ហាន់​រ៝ៈ​មែង​កើស​តា​ប៝ន​អេងៗ​តា​ឞ្រី​អាឆី ។ គែស​អើរីសដារកុស ​ជេង​ឞូនុយ្ស​ឞើស​ប៝ន​តេឆាលោនិក ​ឞ្រី​មាឆេដោន  ហាន់​នទ្រែល​ហេន​តា​រី​ដ៝ង់។
ACT 27:3 ត៝ត់​នារ​អោយ​តៃ​ហេន​ញឆ្រុង​តា​ប៝ន​ឆីដោន យូលេស ​គែស​នូយ្ស​នហ៝ម់​អ្វែស​មា​ពោល ​ហោ​ងាន់ អ៝ន់​ពាង់​ហាន់​តា​ជៃ​មឹត​ជាង់​ពាង់​នើម​រី គៃ​មា​អ៝ន់​ឞូ​កើល​នទើ​មា​ពាង់។
ACT 27:4 ជេសរី​ហេន​លោស​ឞើស​ប៝ន​នៃ​ញច៝​រ៝ៈ​គោល​ទាក​កីព្រ៝ស ​ទែរ​រ៝ៈ​មែង​អី​ងាយ​ឞើស​ឆ្យាល យ៝រ​លាស​ញច៝​រាលឹ​ឞើស​ចោង​ឆ្យាល។
ACT 27:5 ជេស​ហេន​គ្លាត់​ទាក​វាច់​ទាក​វារ់​ទាច់​ឞ្រី​កីលីកៀ  នទ្រែល​មា​ឞ្រី​ពាមផីលៀ  ហេន​ត៝ត់​តា​ប៝ន​មីរា ​ឞ្រី​លូកេ ។
ACT 27:6 តា​ប៝ន​នៃ​កោរាញ​តាហែន​ជ៝យ​គែស​ទូ​មល៝ម់​ទូក​ក្វ៝ង់​តាៈ​ឞើស​ប៝ន​អាលេកឆាន់ត្រី  អី​អុច​ហាន់​តា​ឞ្រី​អីតាលី  ជេសរី​ពាង់​លែវ​ហេន​ញច៝​ទូក​អី​នៃ។
ACT 27:7 ហេន​ញច៝​មឞ្រើយៗ​ហាន់​ជឹត​នាប់​ជ៝ៈ​នារ ទឹង​គែស​មា​ត៝ត់​តឹម​ឆ៝ង់​មា​ប៝ន​កានីដោស  មោ​ទើស​មោ​នើញ​ងាន់ យ៝រ​លាស​គែស​ឆ្យាល​ខោម​តាៈ​ឞើស​នាប់​ហេន​រី។ ជេសរី​តែង​ជឹត​នតុក​ឆាលមោន ​តា​គោល​ទាក​ក្រែត  ញច៝​រ៝ៈ​គោល​ទាក​នៃ​រ៝ៈ​មែង​អី​ងាយ​ឞើស​ឆ្យាល។
ACT 27:8 ហេន​ញច៝​រ៝ៈ​មែង​នៃ ហេន​ញច៝​នហ៝ត​នតុក​ឆាលមោន ​អី​នៃ​មោ​ទើស​មោ​នើញ​ទឹង​ត៝ត់​តា​ទូ​នតុក ឞូ​រាញា​លាស​«នតុក​អ្វែស​ញឆ្រុង​ទូក» ទាច់​មា​ប៝ន​លាឆេ ។
ACT 27:9 យ៝រ​មា​មឞ្រើយ​អីរ ជេសរី​នាវ​ញេត​បុន​អ៝ត់​ឆោង​ឆា​លែៈ​ជេស នទ្រែល​មា​ខៃ​ឆ្យាល​ពោស​លែៈ​ឞើយ​មា​ត៝ត់​ដ៝ង់ លាស​ហាន់​ជឹត​នាប់​ជឹត​ក្លាច​លាស​គែស​នាវ​ជេរ នទ្រី​ពោល ​មឞើស​មា​ខាន់​ពាង់៖
ACT 27:10 “អើ​ខាន់​មៃ គ៝ប់​លែៈ​គឹត​ជេស លាស​ឞ៝ន់​មោ​គុ​តា​អ្យា​ប៝ត់ លាស​ហោម​អែ​ហាន់​ជឹត​នាប់​ជឹត​មរា​គែស​នាវ​ត៝ត់​ជេរ​ងាន់ មោ​អោស​ទើន​គែស​ជេរ​មា​ទ្រាប់​នទើ នទ្រែល​មា​ទូក​ទើម ពាង់​គែស​នាវ​ជេរ​ត៝ត់​មា​ឆាក់​ឞ៝ន់​នើម​ជឹត”។
ACT 27:11 យើន​មា​កោរាញ​តាហែន​មោ​អុច​អោស​អ្យាត់​នាវ​ពោល ​ងើយ​នៃ ពាង់​អ្យាត់​មា​ឞូនុយ្ស​អី​តើម​បើក​ទូក នទ្រែល​មា​ឞូនុយ្ស​អី​តើម​ទូក​នៃ​ទើម។
ACT 27:12 យ៝រ​មា​នតុក​ឞូ​ញឆ្រុង​ទូក​នៃ​មោ​លាង់​អ្វែស​អោស​មា​គុ​រាលូ​តា​ខៃ​ឆ្យាល​ពោស នទ្រី​ទឹង​គែស​អ៝ក់​ឞូនុយ្ស​អី​អុច​អ៝ន់​ទូក​ហាន់​នហ៝ត​ជឹត​នាប់​អ៝យ។ ងខេប​មា​ទើយ​ហាន់​ត៝ត់​តា​ប៝ន​ផេនិច  ជេង​នតុក​ឞូ​ញឆ្រុង​ទូក​ទូ​នតុក​តា​គោល​ទាក​ក្រែត  គៃ​មា​គុ​រាលូ​តា​នតុក​នៃ​តា​ខៃ​ឆ្យាល​ពោស។ នតុក​អី​នៃ​គែស​ឞារ​ត្រ៝ង​មា​លោស​លាប់​តា​ទាក​វាច់​ទាក​វារ់ ជេង​នតុក​គែស​នហុត​មា​ឆ្យាល​តា​ខៃ​ឆ្យាល​ពោស។
ACT 27:13 ទោល​នៃ​គែស​ឆ្យាល​ខោម​លេត​ហេត​តាៈ​មពែស​ឞើស​ទ៝ង់​រី។ ខាន់​ពាង់​មឹន​លាស​ជេង​ទី​ដាស​នាវ​ខាន់​ពាង់​អុច។ ជេសរី​ឞូ​អូយ្ស​រាឆែ​ម៝ង់​ល៝យ្ស​ងគ៝ង់​ទូក​តេៈ​តា​កាលើ​ទូក​រី នតើម​ញច៝​ហាន់​រ៝ៈ​មែង​គោល​ទាក​ក្រែត ​រី។
ACT 27:14 យើន​មា​ទូ​ប្ល៝ត់​ឞើស​កើយ​នៃ គែស​ទូ​នតីល​ឆ្យាល​ផុត​ទុត​ទាង់ ឞូ​រាញា​លាស​«ឆ្យាល​ផុត​អើរាក្លីដោន » ខោម​តាៈ​ឞើស​គោល​ទាក​រី​អ៝ន់​បាស​ងាយ។
ACT 27:15 ហេន​រាប៝ង់​ទូក​ជឹត​ឆ្យាល​នៃ​មោ​ហោម​អោស​ទើយ ជេសរី​ហេន​អ៝ន់​ទូក​តឹង​ឆ្យាល​ទែ​រាទូ។
ACT 27:16 ត៝ត់​តា​ទូ​មល៝ម់​គោល​ទាក​ជេៈ​រី​រាញា​ខ្លៅដា  តា​គោល​ទាក​អី​នៃ​ហេន​ញច៝​រ៝ៈ​នតុក​នហុត ជេសរី​ហេន​នហាវ​ទូក​ជេៈ​ឞើស​ទាក ក៝ត់​តា​កាលើ​មោ​ទើស​មោ​នើញ​ងាន់។
ACT 27:17 ជេស​នហាវ​ក៝ត់​លែៈ​ផ្យៅ​រី ហេន​ឆ៝ៈ​រាឆែ​ឞ្រាត់​មា​ពូត​ជុម​ទូក​ក្វ៝ង់​រី ញជ្រាង់​លើយ​អ៝ន់​ឞ្លោស​ចាស។ ហេន​ក្លាច​ឆ្យាល​រាទូ​ទូក​ត៝ត់​តា​នតុក​ថើល​អី​ឞូ​ក្វាល់​លាស​«ឆើរតីស » នទ្រី​ហេន​ងក្លាច់​ទូ​មល៝ម់​តើម​ឆី​នហោង​គៃ​មា​អ៝ន់​ទូក​មឞ្រើយ ជេសរី​ហេន​អ៝ន់​ទូក​ក្វ៝ង់​រី​តឹង​ឆ្យាល​ទែ​រាទូ។
ACT 27:18 ត៝ត់​នារ​អោយ​តៃ​រី ខាន់​ពាង់​ងក្លាច់​មអារ់​លើយ​នទើ​រាទែង​តា​កាលើ​ទូក​នៃ​គៃ​មា​ងគើច​ទូក យ៝រ​មា​ឆ្យាល​ផុត​ទុត​ហោ​ងាន់។
ACT 27:19 ត៝ត់​នារ​ពែ ផូង​ហេន​អី​គុ​ញច៝​តា​កាលើ​ទូក​រី ងក្លាច់​មអារ់​លើយ​នទើ​អី​ទ៝ង់​មា​ជាន​ការ​តា​ទូក​នៃ​ដ៝ង់។
ACT 27:20 លែៈ​ជ៝ៈ​នារ​ហេន​មោ​ហោម​អោស​ឆៃ​នារ​ឆៃ​មាញ់ យ៝រ​លាស​គែស​មីស​នអ៝ប់​មា​ឆ្យាល​ផុត​នៃ​ហោម​អែ​ទុត​ទាង់​ងាន់ ជេសរី​ហេន​មោ​ហោម​ដ៝ង់​អោស​រានើម​មា​រេស។
ACT 27:21 លែៈ​ជ៝ៈ​នារ​ហេន​អ៝ត់​មោ​អោស​គែស​ឆា​នទើ។ ពោល ​ទ៝ក់​តា​ងគូល​ផូង​ខាន់​ពាង់​រី ជេសរី​លាស៖ “អើ​អ៝ស​នោ លាស​ខាន់​មៃ​អ្យាត់​នាវ​គ៝ប់​នើស លើយ​លោស​អោស​ឞើស​គោល​ទាក​ក្រែត ​នៃ ខាន់​មៃ​មោ​គែស​អោស​នាវ​ជេរ នាវ​រ៝ស​កើត​នអា។
ACT 27:22 អាបៃ​អ្យា​គ៝ប់​ទាន់​ខាន់​មៃ​លើយ​អោស​ឞាស​រានើម យ៝រ​លាស​មោ​គែស​អោស​ទូ​ហ្វេ​ឞូនុយ្ស​ខឹត​តា​ផូង​ខាន់​មៃ មាន​មា​អ្យើស​អី​ទូក​ទើម។
ACT 27:23 គ៝ប់​លែៈ​គឹត​ជេស យ៝រ​លាស​អា​មាង់​នើស កោរាញ​ឞ្រាស​អី​គ៝ប់​យើក​មឞាស ពាង់​ញជ្វាល់​តោង​ពារ់​ពាង់​នើម​ទ៝ក់​កេង​មែង​គ៝ប់​រី លាស​មា​គ៝ប់៖
ACT 27:24 «អើ​ពោល  មៃ​លើយ​ក្លាច​អោស កោរាញ​ឞ្រាស​លែៈ​អ៝ន់​មៃ​ទ៝ក់​តា​នាប់​កោរាញ​កាដាច់​ងាន់​រ៝។ ពាង់​លែៈ​អ្យាត់​នាវ​មៃ​មឞើស​ឆើម រាក្លាយ្ស​ទឹង​លែៈ​ឞូនុយ្ស​អី​ហាន់​នទ្រែល​មៃ»។
ACT 27:25 លាស​នទ្រី អើ​ខាន់​មៃ លើយ​ក្លាច​អោស យ៝រ​លាស​គ៝ប់​ញឆីង​លែៈ​នាវ​ងើយ​កោរាញ​ឞ្រាស​មា​គ៝ប់ ពាង់​មរា​គែស​កើត​នៃ​ងាន់។
ACT 27:26 យើន​មា​ទូក​ឞ៝ន់​អ្យា មរា​ខាន​តា​មែង​តា​ទូ​នតុក​គោល​ទាក”។
ACT 27:27 ត៝ត់​លែៈ ១៤ នារ​ទូក​ហេន​នហោង​រ៝ៈ​ទាក​វាច់​ទាក​វារ់​អាទ្រេ ។ ទោល​នៃ​ក្លាប់​លាស​លែៈ​ងគូល​មាង់ ផូង​អី​ជាន​ការ​តា​ទូក​រី​នអោន​លាស​លែៈ​ឞើយ​ត៝ត់​មែង​កើស។
ACT 27:28 ខាន់​ពាង់​ងក្លាច់​រាឆែ​វែស​ជ្រូ​ទាក ឆៃ​ជ្រូ​ទាក ៣៧ មែត។ ត៝ត់​ទូ​ប្ល៝ត់ ខាន់​ពាង់​វែស​ជឹត​ហោម ២៨ មែត។
ACT 27:29 ជេសរី​ខាន់​ពាង់​ងក្លាច់​រាឆែ​ម៝ង់​ល៝យ្ស​ងគ៝ង់​ទូក​ព្វាន់​មល៝ម់​ឞើស​ច្យាង់​ទូក​រី ក្លាច​លាស​ទូក​គែស​ត៝ម​លុ នហ៝​មា​គុ​មឞើស​ឆើម​ទាន់​គៃ​មា​គើញ​អាង។
ACT 27:30 ផូង​អី​តើម​ទូក​អុច​ញច្វាត់​នត្លើយ​ទូក​ក្វ៝ង់​រី ខាន់​ពាង់​ទ្រីស​ងក្លាច់​ទូក​ជេៈៗ​អា​ទាក​ឆូ​ជាន​លើស​តឹម​ឞាន​មា​អូយ្ស​រាឆែ​ម៝ង់​ល៝យ្ស​ងគ៝ង់​ទូក​មា​តេៈ​ឞើស​ឞោក​ទូក​រី។
ACT 27:31 ជេសរី​ពោល ​លាស​មា​កោរាញ​តាហែន នទ្រែល​មា​ក៝ន​តាហែន៖ “លាស​ផូង​នៃ​មោ​ហោម​តា​កាលើ​ទូក​អ្យា ខាន់​មៃ​មោ​រេស​អោស”។
ACT 27:32 ជេសរី​ផូង​តាហែន​ឆ្រែស​រាឆែ​ទូក​ជេៈ​នៃ​តុប​រាងាត់​អា​ទាក​ឆូ។
ACT 27:33 ត៝ត់​ឞ្រី​ឞើយ​អាង ពោល ​ក្វាល់​ឞូ​ទឹង​លែៈ ពាង់​លាស៖ “អើ​អ៝ស​នោ លែៈ ១៤ នារ​ងាន់ ខាន់​មៃ​គុ​រាង៝ត​ទើម​អ៝ត់​មោ​គែស​អោស​ឆា​នទើ។
ACT 27:34 អាបៃ​អ្យា​ខាន់​មៃ​ឆា​ទោ ពាង់​មា​រេស យ៝រ​លាស​មោ​គែស​អោស​ទូ​ហ្វេ​ឞូនុយ្ស​តា​ផូង​ខាន់​មៃ​រ៝ស​ហេង”។
ACT 27:35 ជេស​ពាង់​ងើយ​កើត​នៃ ពាង់​ឆ៝ៈ​នុមពាង់ លាស​អ្វែស​មា​កោរាញ​ឞ្រាស​តា​នាប់​ទឹង​លែៈ​ឞូ​រី ជេសរី​ពាង់​គិច​ឆា។
ACT 27:36 ទឹង​លែៈ​ឞូ​តា​កាលើ​ទូក​រី នូយ្ស​នហ៝ម់​ខាន់​ពាង់​នតើម​គែស​ឆ្វាន​ជឹត លែវ​ឞាល់​ឆា​ទាទេ។
ACT 27:37 ទឹង​លែៈ​ផូង​ហេន​តា​កាលើ​ទូក​រី គែស ២៧៦ នុយ្ស។
ACT 27:38 ជេស​ឆា​ហើម​លែៈ​ផ្យៅ​រី ខាន់​ពាង់​ពឺ​ងក្លាច់​ឞា​បៅ​អា​ទាក​ឆូ គៃ​មា​ងគើច​អ៝យ​ទូក។
ACT 27:39 ត៝ត់​ឞ្រី​លែៈ​អាង ផូង​តា​កាលើ​ទូក​រី​ឆៃ​ទូ​នតុក​គោល​ទាក មោ​អោស​គឹត​នាល់​គោល​ទាក​អី​នៃ ខាន់​ពាង់​ឆៃ​ក្វឹល​ទាក​គែស​នែស​ច៝យ្ស​រ៝ៈ​មែង​គោល​ទាក​រី។ ខាន់​ពាង់​អុច​ញឆ្រុង​ទូក​តា​នៃ លាស​មា​ទើយ។
ACT 27:40 ជេសរី​ខាន់​ពាង់​ឆ្រែស​លើយ​រាឆែ​ឞ្រាត់​ងគ៝ង់​ទូក​រី​អា​ទាក​ឆូ ងក្រែ​មា​នត្លើយ​ម៝ង់​ល៝យ្ស​តា​ទាក​រី នទ្រែល​មា​ទ្រីស​រាឆែ​បឹត​ទូក​រី​ដ៝ង់។ ជេសរី​ខាន់​ពាង់​ដ៝ត់​នហាវ​ឞ៝ក​តា​កាលើ​ទូក​មពែស​ឞើស​នាប់​ទូក​រី គៃ​មា​អ៝ន់​ឆ្យាល​រាទូ​ទូក​ហាន់​ជឹត​មែង​កើស​រី។
ACT 27:41 យើន​មា​ទូក​ត៝ល់​នែស​ច៝យ្ស​តា​ព្លាង់​ទាក​ហ៝ច​តឹម​ច្រោស នហ៝​មា​ខាន​អី​ឞោក​ទូក​តា​រី អី​ច្យាង់​ទូក​រី​ចាស​លែៈ​ផ្យៅ​យ៝រ​មា​ទាក​ទែ​រាឞុស​ទាង់​ងាន់។
ACT 27:42 ផូង​តាហែន​អុច​ងខឹត​លើយ​ផូង​ឞូនុយ្ស​ទោយ្ស​តា​កាលើ​ទូក​រី​អ៝ន់​លែៈ​ផ្យៅ ក្លាច​លាស​អាបាៈ​ឞូ​រែ​ញច្វាត់​ឞើស​នៃ។
ACT 27:43 យើន​មា​កោរាញ​តាហែន​នៃ​អុច​កើល​រាក្លាយ្ស​ពោល  កើត​នទ្រី​ទឹង​ពាង់​រើយ្ស​លើយ​នាវ​នៃ ពាង់​ដាៈ​ឞូ​ម៝ស​អី​ឞ្លាវ​រែ ញឆាត់​រែ​ល៝រ​អា​កើស​តី។
ACT 27:44 ឞូ​ម៝ស​អី​មោ​ឞ្លាវ​រែ​រី ពាង់​ដាៈ​ញុប​មព្វាល់​កាដារ មោ​លាស​តា​មពីរ​ទូក​រី។ កើត​នទ្រី​ទឹង ទឹង​លែៈ​ឞូនុយ្ស​ត៝ត់​អា​យោក​ទាទេ មោ​អោស​គែស​នាវ​អា​នាវ​រី។
ACT 28:1 ត៝ត់​ហេន​លែៈ​ក្លាយ្ស​ជេស រី​មើ​គឹត​នាល់​លាស​គោល​ទាក​អី​នៃ​រាញា​គោល​ទាក​មាលីត ។
ACT 28:2 ឞូនុយ្ស​តា​គោល​ទាក​អី​នៃ​ខាន់​ពាង់​រ៝ម​ហេន​អ្វែស​ងាន់ មោ​ហោម​អោស​ឞ្លាវ​នតឹត។ ខាន់​ពាង់​ឆុញ​អុញ​ជាៈ​ទឹង​លែៈ​ផូង​ហេន​រី​ហាន់​ញជ៝រ់​អុញ យ៝រ​លាស​នោក​នៃ​គែស​មីស នទ្រែល​មា​ជី​កាត់​ដ៝ង់។
ACT 28:3 ពោល ​ទោញ​រាកែស​រាកោញ​ទូ​មពឺ​តេៈ​តា​អុញ​រី គែស​ទូ​មល៝ម់​ឞេស​កូ​ទោស​អុញ​ហូង​លោស​ឞើស​នៃ ចោក​តី​ពោល ​រី។
ACT 28:4 ឞូនុយ្ស​តា​គោល​ទាក​នៃ​ឆៃ​ឞេស​ខាន​តា​តី​ពោល ​រី ខាន់​ពាង់​តឹម​លាស៖ “ឞូនុយ្ស​អី​នៃ​លែៈ​តាៈ​ងខឹត​ឞូ​រ៝ ឞ៝ល​លាស​ពាង់​មហែ​ក្លាយ្ស​តាៈ​ឞើស​ទាក​វាច់​ទាក​វារ់​កាដោយ ឞ្រាស​អី​ព្លើង​នាវ​អ្យើស​មោ​អោស​អ៝ន់​ពាង់​រេស”។
ACT 28:5 ជេសរី​ពាង់​រាតែស​ឞេស​នៃ​អា​អុញ​ឆូ យើន​មា​ពោល ​នើម​រី​មោ​អោស​ជី។
ACT 28:6 ឞូនុយ្ស​តា​គោល​ទាក​នៃ ឞូ​ក៝ប់​អ្វាញ់​ពាង់​មោរ​ឆាក់​ជាន់ មោ​លាស​ចោត​ខឹត។ ត៝ត់​មា​ជ៝ៈ​ឞូ​មោ​អោស​ឆៃ​ពាង់​គែស​នាវ​ជី ជេសរី​ឞូ​ព្លាច់​នាវ​មឹន លាស​ពាង់​ឞ្រាស​ច្រាវ។
ACT 28:7 ទាច់​តា​នតុក​នៃ​គែស​នែស​ទូ​នតុក ជេង​នែស​ទូ​ហ្វេ​កោរាញ​តា​គោល​ទាក​នៃ​រាញា​ពូព្លេស  ពាង់​រ៝ម​ហេន​អ្វែស​ងាន់​អ៝ន់​ហេន​គុ​តា​នៃ​ពែ​នារ។
ACT 28:8 អី​ឞឹ​ពូព្លេស ​រី​ជី​ក៝ប នទ្រែល​មា​ជី​វាញ់​នទុល​ឞិច​តា​គ្រែ ពោល ​ហាន់​តា​ជៃ​ពាង់​រី មឞើស​ឆើម​តេៈ​តី​តា​ពាង់ ជាន​អ៝ន់​ពាង់​ឞាស។
ACT 28:9 កើត​នទ្រី​ទឹង​គែស​ឞូនុយ្ស​ជី​ទឹង​លែៈ​តា​គោល​ទាក​នៃ ខាន់​ពាង់​លែវ​ឞាល់​ហាន់​តា​ពោល  ជេសរី​ឞាស​ទាទេ។
ACT 28:10 ខាន់​ពាង់​គែស​នាវ​យើក​មា​ហេន​អ៝ន់​នទើ​អ៝ក់​មា​ហេន។ ត៝ត់​នារ​ហេន​លោស​ញច៝​ទូក​ឞើស​នតុក​នៃ ខាន់​ពាង់​កើល​នទើ​អ៝ន់​ហេន​ទែ​មា​ទ៝ង់។
ACT 28:11 ហេន​គុ​តា​គោល​ទាក​នៃ​គែស​ពែ​ខៃ ជេសរី​ហេន​ញច៝​ទូ​មល៝ម់​ទូក​ក្វ៝ង់ រាញា​«ដីអោឆាកោរ »។ ទូក​អី​នៃ​តាៈ​ឞើស​ប៝ន​អាលេកឆាន់ត្រី  ញឆ្រុង​គុ​តា​គោល​ទាក​នៃ​តា​ខៃ​ឆ្យាល​ពោស។
ACT 28:12 ត៝ត់​តា​ប៝ន​ឆីរាកុស  ហេន​គុ​តា​ប៝ន​នៃ​ពែ​នារ។
ACT 28:13 ជេស​ឞើស​នៃ​ហេន​ញច៝​រ៝ៈ​មែង​ត៝ត់​តា​ប៝ន​រេកេម ។ ត៝ត់​អោយ​តៃ​គែស​ឆ្យាល​តាៈ​មពែស​ឞើស​ទ៝ង់​រី ហេន​ញច៝​ឞារ​នារ​ទឹង​ត៝ត់​តា​ប៝ន​ពូតីយោលី ។
ACT 28:14 តា​ប៝ន​នៃ​ហេន​ម៝ប់​មា​ផូង​ញឆីង​អាបាៈ ខាន់​ពាង់​ជាៈ​ហេន​គុ​តា​នៃ​ពើស​នារ។ តាៈ​ឞើស​នៃ​ត៝ត់​តា​ប៝ន​រោម ​ហេន​ឞ្រោៈ​ហាន់​មា​ជ៝ង់។
ACT 28:15 ផូង​ញឆីង​តា​ប៝ន​រោម ​រី ខាន់​ពាង់​តាង់​លឺ​ឞូ​ងក៝ច​ហេន គែស​ខាន់​ពាង់​អាបាៈ​ហាន់​ច្វាៈ​ហេន​ត៝ត់​តា​នតុក​ឞូ​តាច់​ទ្រាប់​រាញា​អាប់ផេស  នទ្រែល​មា​គែស​អាបាៈ​អេង​ជឹត​ហាន់​ច្វាៈ​ហេន​តា​ប៝ន​គែស​ជៃ​វែស​ឞិច​ពែ​មល៝ម់។ ត៝ត់​ពោល ​ឆៃ​ខាន់​ពាង់​រី ពាង់​លាស​អ្វែស​មា​កោរាញ​ឞ្រាស ជេសរី​ពាង់​គែស​ឆឹត​នហ៝ម់​ឆឹត​ឆ្វាន​ហោ​ងាន់។
ACT 28:16 ហេន​ត៝ត់​តា​ប៝ន​រោម ​រី [កោរាញ​តាហែន​ញជុន​ឞូនុយ្ស​ទោយ្ស​មា​កោរាញ​តាហែន​ក្វ៝ង់​តា​មពោល​កោរាញ​តាហែន​ញជ្រាង់ យើន​មា]​ពោល ​ឞូ​អ៝ន់​ពាង់​គុ​ជៃ​អេង។ គែស​ទូ​ហ្វេ​តាហែន​គុ​អ្វាញ់​ពាង់។
ACT 28:17 ត៝ត់​ពែ​នារ​នៃ ពោល ​ក្វាល់​មពោល​កោរាញ​ផូង​អីឆ្រាអែល ​តា​ប៝ន​រោម ​តឹម​រាបុន។ ត៝ត់​ឞូ​លែៈ​រឹង​តា​រី​ទាទេ​ជេស ពោល ​ងើយ៖ “អើ​អ៝ស​នោ​កោញ​វា គ៝ប់​មោ​ព្រ៝ត​អោស​គែស​នាវ​តឹម​រាទ៝ង់​ដាស​ផូង​អីឆ្រាអែល  មោ​លាស​ដាស​នាវ​វៃ​ផូង​អូ​ចែ​ឞ៝ន់​កាល់​អែ។ ឞូ​ញុប​ចាប់​គ៝ប់​តា​ប៝ន​យេរូឆាលឹម  ជេសរី​ញជុន​គ៝ប់​តា​តី​ផូង​រោម ។
ACT 28:18 ជេស​ផូង​រោម ​អោប​ជែក​គ៝ប់​រី ខាន់​ពាង់​អុច​បើក​លើយ​គ៝ប់ យ៝រ​លាស​ឞូ​មោ​អោស​ឆៃ​នាវ​តីស​តា​គ៝ប់​ត៝ត់​មា​ខឹត​ឆាក់។
ACT 28:19 តីស​មា​មពោល​កោរាញ​ឞ្រី​យូដា ​មោ​អុច​អោស កើត​នទ្រី​ទឹង​អ្យាត់​មា​គ៝ប់​ហាវ​ម៝ប់​ត៝ត់​មា​កោរាញ​កាដាច់​អ្យា។ យើន​មា​មោ​ទី​អោស​លាស​គ៝ប់​អ្យា​គៃ​មា​អុច​នតោន​ផូង​ឞាល់​មពោល​ឞ៝ន់​នើម។
ACT 28:20 កើត​នទ្រី​ទឹង​គ៝ប់​អុច​ក្វាល់​ខាន់​មៃ អុច​ម៝ប់​ខាន់​មៃ គៃ​មា​តឹម​ងើយ​ឞាល់។ យ៝រ​មា​នាវ​រានើម​ផូង​អីឆ្រាអែល ​អី​កោរាញ​ឞ្រាស​ញជ្វាល់​ឞ្រាស​ក្រីស ​គៃ​មា​រាក្លាយ្ស​ផូង​ឞ៝ន់ ទឹង​គែស​មា​គ៝ប់​គែស​រាឆែ​រាវាក់​កើត​នអា”។
ACT 28:21 ផូង​នៃ​អើស​មា​ពាង់៖ “ហេន​មោ​អោស​ព្រ៝ត​ទើន​ឆ៝ម់បុត​តាៈ​ឞើស​ឞ្រី​យូដា ​មា​នាវ​មៃ​អ្យា មោ​ព្រ៝ត​ដ៝ង់​គែស​ឞូនុយ្ស​ហាន់​មឞើស​ងក៝ច មោ​លាស​ងើយ​នាវ​អ្យើស​ឞើស​មៃ។
ACT 28:22 យើន​មា​ហេន​អុច​អ្យាត់​នាវ​មៃ​ងើយ​តាៈ​ឞើស​នាវ​មឹន​មៃ​នើម យ៝រ​លាស​ហេន​លែៈ​គឹត​ឞូ​តឹម​រាទ៝ង់​ដាស​មា​មពោល​ខាន់​មៃ​អី​ញឆីង​មា​យេឆូ ​អាប់​នតុក”។
ACT 28:23 ជេសរី​ខាន់​ពាង់​តឹម​នាល​នារ​តឹម​ម៝ប់​ឞាល់​តៃ​ទូ​តឹ​ជឹត។ ត៝ត់​នារ​នៃ​គែស​ឞូនុយ្ស​អ៝ក់​ងាន់​ហាន់​តា​ជៃ​ពោល ​គុ​រី។ ជេសរី​ពាង់​មឞើស​ងក៝ច​នាវ​ខ្លៃ​នាវ​កោរាញ​ឞ្រាស​អុច​ម៝ត់​អ្វាញ់​មា​ឞូនុយ្ស នតើម​ឞើស​អោយ​ត៝ត់​មាង់។ ពាង់​ឆ៝ៈ​ឆ៝ម់បុត​នាវ​វៃ​មោឆេ  នទ្រែល​មា​ឆ៝ម់បុត​មពោល​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស មឞើស​ងក៝ច​ជាៈ​ខាន់​ពាង់​ឆឹត​ញឆីង​មា​ឞ្រាស​យេឆូ ។
ACT 28:24 គែស​ឞូនុយ្ស​អាបាៈ​ឞូ​អ្យាត់​នាវ​ពាង់​ងើយ​នៃ គែស​ឞូនុយ្ស​អាបាៈ​ទាង់​ក៝​មោ​អ្យាត់​អោស។
ACT 28:25 ពោល ​ឆៃ​ខាន់​ពាង់​ទូ​លោស​ឞើស​នតុក​នៃ​មោ​គែស​ទូ​នតោរ​នាវ ពាង់​លាស​ជឹត៖ “ឞ្រាស​ហ្វេង​អ្វែស​អី​ក្ល៝ស​អ្វែស​លែៈ​មឞើស​ជេស​មា​អូ​ចែ​ឞ៝ន់​កាល់​អែ​នើស ពាង់​មឞើស​តឹង​មា​ឞូនុយ្ស​នតើយ្ស​នាវ​ងើយ​កោរាញ​ឞ្រាស​រាញា​អេឆាយ  ជេង​ទី​ងាន់ កើត​នអា៖
ACT 28:26 «ហាន់​ជ៝យ​ហ៝ម់​ផូង​ប៝ន​លាន​នៃ ជេសរី​មឞើស​ងក៝ច​មា​ខាន់​ពាង់៖ «ខាន់​អៃ​មៃ​តាង់​បាបើ​តីស​មា​មោ​វ៝ត់‌ អ្វាញ់​ងាន់​តីស​មា​មោ​អោស​ឆៃ»‌
ACT 28:27 យ៝រ​លាស​នាវ​មឹន​ខាន់​ពាង់​អ្យា​ជ៝ៈ​ងាន់​វ៝ត់‌ តោរ​លែៈ​ញឆេត‌ ខាន់​ពាង់​លែៈ​ញេប​មាត់។ កើត​នទ្រី​ទឹង​ខាន់​ពាង់​អ្វាញ់​មោ​ឆៃ‌ អ្យាត់​មោ​តាង់ នាវ​មឹន​ខាន់​ពាង់​មោ​វ៝ត់។ ជេសរី​លាស​ខាន់​ពាង់​មោ​កើត​នអា ខាន់​ពាង់​រាគ៝ល់​នូយ្ស​នហ៝ម់​ព្លឹ​ឆឹត​មា​គ៝ប់‌ គៃ​មា​គ៝ប់​ជាន​ឞាស​នាវ​ជី អ៝ន់​ខាន់​ពាង់​អ្វែស​លាង់»។
ACT 28:28 កើត​នទ្រី​អ៝ន់​ខាន់​មៃ​គឹត កោរាញ​ឞ្រាស​មឞើស​ងក៝ច​នាវ​ពាង់​រាក្លាយ្ស​អ្យា​មា​ផូង​មោ​ទី​ផូង​អីឆ្រាអែល  ខាន់​ពាង់​មរា​អ្យាត់​រ៝”។
ACT 28:29 [លោច​ជេស​ពោល ​ងើយ​នាវ​នៃ ផូង​អីឆ្រាអែល ​អី​នៃ​ទូ​លោស​នអ៝ប់​មា​តឹម​ញច្រាៈ​នទ្រាង់​ខាន់​ពាង់​នើម​ហោ​ងាន់]។
ACT 28:30 ពោល ​គុ​តា​ជៃ​ពាង់​ងខោម​រី​ជ៝ៈ​ឞារ​នាម់​ងាន់ ឞូ​ម៝ស​អី​ហាន់​ម៝ប់​ពាង់ ពាង់​រ៝ម​ទាទេ។
ACT 28:31 ពាង់​មឞើស​ងក៝ច​នាវ​កោរាញ​ឞ្រាស​អុច​ម៝ត់​អ្វាញ់​មា​ឞូនុយ្ស នទ្រែល​មា​នតុម​នតី​ឞូ​មា​នាវ​កោរាញ​យេឆូ​ក្រីស ។ ពាង់​ឞាញ់​ហោ​ងាន់ មោ​គែស​ឞូ​ឞ្វៃ​ពាង់​ដ៝ង់៕៚
ROM 1:1 ឆ៝ម់បុត​គ៝ប់​រាញា​ពោល ​ញចីស អី​ឞូនុយ្ស​ឆើម​កើល​ជាន​ការ​មា​ឞ្រាស​ក្រីស​យេឆូ ។ កោរាញ​ឞ្រាស​លែៈ​ក្វាល់​ជេស​គ៝ប់​អ៝ន់​ជាន​កោរាញ​អ៝ស​ម៝ន នអ៝ប់​មា​កើយ្ស​គ៝ប់​អ៝ន់​ហាន់​មឞើស​ងក៝ច​នាវ​មហែ​មហាន​អ្វែស​កោរាញ​ឞ្រាស។
ROM 1:2 នាវ​មហែ​មហាន​អ្វែស​អី​នៃ កោរាញ​ឞ្រាស​លែៈ​ត៝ន​ល៝រ​ជេស​អ៝ន់​មា​ឞូនុយ្ស​នតើយ្ស​នាវ​ងើយ​ពាង់​នើម​កាល់​អែ​នើស​ញចីស​តា​នាវ​កោរាញ​ឞ្រាស​ងើយ​អី​ក្ល៝ស​អ្វែស។
ROM 1:3 នាវ​មហែ​មហាន​អ្វែស​អី​នៃ​មឞើស​ងក៝ច​មា​ក៝ន​ឞូ​ក្លោ​កោរាញ​ឞ្រាស។ តា​នែស​នតូ​អ្យា ក៝ន​កោរាញ​ឞ្រាស​ពាង់​ជេង​ឆាក់​ជាន់​ឞូនុយ្ស​ទែស​តា​រាន៝យ​ទែស​កាដាច់​ដាវីត ។
ROM 1:4 ឞូ​គឹត​នហេល​ពាង់​អី​ក៝ន​កោរាញ​ឞ្រាស​ងាន់​តា​នាវ​ឞ្រាស​ហ្វេង​អ្វែស​អី​ក្ល៝ស​អ្វែស​ជាន​អ៝ន់​ពាង់​ទ៝ក់​រេស​ឞើស​នាវ​ខឹត នអ៝ប់​មា​គែស​នាវ​ទើយ។ ពាង់​ឞ្រាស​យេឆូ​ក្រីស ​អី​កោរាញ​ឞ៝ន់។
ROM 1:5 យ៝រ​មា​ឞ្រាស​យេឆូ​ក្រីស  ទឹង​កោរាញ​ឞ្រាស​អ៝ន់​គ៝ប់​ជាន​កោរាញ​អ៝ស​ម៝ន​តាៈ​ឞើស​នាវ​អ្វែស​ពាង់​នើម គៃ​មា​មឞើស​ងក៝ច​នាវ​កោរាញ​ឞ្រាស​អ៝ន់​មា​ទឹង​លែៈ​ផូង​អី​មោ​ទី​ផូង​អីឆ្រាអែល  លែវ​ខាន់​ពាង់​ញឆីង​នអ៝ប់​មា​អ្យាត់​ពាង់ អ៝ន់​ពាង់​នើម​គែស​នាវ​ច្រេក​លើប។
ROM 1:6 ខាន់​អៃ​មៃ​អី​គុ​តា​ប៝ន​រោម ​តា​ផូង​អី​នៃ​ដ៝ង់ ឞ្រាស​យេឆូ​ក្រីស ​លែៈ​ក្វាល់​ខាន់​អៃ​មៃ​ជេង​ផូង​ប៝ន​លាន​ពាង់​នើម​ដ៝ង់។
ROM 1:7 គ៝ប់​ទាន់​ញជ្វាល់​ឆ៝ម់បុត​អ្យា​អ៝ន់​ទឹង​លែៈ​ខាន់​អៃ​មៃ​ជេង​ផូង​អី​លែៈ​កោរាញ​ឞ្រាស​ទែ​រ៝ង់ នអ៝ប់​មា​ក្វាល់​អ៝ន់​ជេង​ផូង​ប៝ន​លាន​ពាង់​នើម។ ទាន់​កោរាញ​ឞ្រាស​ឞឹ​ឞ៝ន់ នទ្រែល​មា​កោរាញ​យេឆូ​ក្រីស  អ៝ន់​នាវ​អ្វែស អ៝ន់​នាវ​ដាប់​មពាន់​មា​ខាន់​អៃ​មៃ។
ROM 1:8 អេ​ល៝រ - គ៝ប់​ទាន់​លាស​អ្វែស​មា​កោរាញ​ឞ្រាស​អី​ឞ្រាស​គ៝ប់​យើក​មឞាស យ៝រ​មា​នទើ​ឞ្រាស​យេឆូ​ក្រីស ​លែៈ​ជាន គ៝ប់​ទាន់​លាស​អ្វែស​ពាង់​យ៝រ​មា​ទឹង​លែៈ​ផូង​ខាន់​អៃ​មៃ យ៝រ​លាស​នាវ​ញឆីង​ខាន់​អៃ​មៃ​នើស​លែៈ​លឺ​លាម​នែស​នតូ។
ROM 1:9 កោរាញ​ឞ្រាស​នើម​លែៈ​គឹត​គ៝ប់​មឞើស​ឆើម​អ៝ន់​មា​ខាន់​អៃ​មៃ​នឹង។ គ៝ប់​ឆើម​កើល​ជាន​ការ​មា​ពាង់​មា​លែៈ​នូយ្ស​នហ៝ម់ នាវ​ឆើម​កើល​ជាន​ការ​អី​នៃ​ជេង​មឞើស​ងក៝ច​នាវ​មហែ​មហាន​អ្វែស​ក៝ន​ពាង់​នើម។
ROM 1:10 អាប់​តឹ​គ៝ប់​មឞើស​ឆើម គ៝ប់​ទាន់​មា​កោរាញ​ឞ្រាស​អ៝ន់​គ៝ប់​គែស​ហាន់​ម៝ប់​ខាន់​អៃ​មៃ​ដ៝ង់‌
ROM 1:11 យ៝រ​លាស​គ៝ប់​អុច​ហាន់​អា​ខាន់​អៃ​មៃ​ហោ​ងាន់ គៃ​មា​នតី​នាវ​អី​ឞ្រាស​ហ្វេង​អ្វែស​លែៈ​អ៝ន់​មា​គ៝ប់ គៃ​មា​នាវ​ញឆីង​ខាន់​អៃ​មៃ​មា​កោរាញ​ឞ្រាស​លើ​មា​ន៝ប់។
ROM 1:12 នោក​គ៝ប់​គុ​នទ្រែល​ខាន់​អៃ​មៃ​តៃ អ៝ន់​ឞ៝ន់​តឹម​នហាវ​នូយ្ស​នហ៝ម់​នទ្រាង់​ឞ៝ន់​នើម​តាៈ​ឞើស​នាវ​ញឆីង​ឞ៝ន់។
ROM 1:13 អើ​អ៝ស​នោ​តា​នាវ​ញឆីង គ៝ប់​អុច​អ៝ន់​ខាន់​អៃ​មៃ​គឹត បាបើ​ងាន់​គ៝ប់​រើ​ហាន់​អា​ខាន់​អៃ​មៃ គៃ​មា​លែវ​ឞូ​ឆឹត​ញឆីង​តា​ប៝ន​ខាន់​អៃ​មៃ កើត​គ៝ប់​លែៈ​គែស​ជាន​តា​ផូង​អី​មោ​ទី​ផូង​អីឆ្រាអែល ​តា​ឞ្រី​ប៝ន​អេងៗ យើន​មា​ត៝ត់​នារ​អ្យា​គ៝ប់​មោ​ហ៝ច​ហាន់ ហោម​គែស​នទើ​ងកីង។
ROM 1:14 អ្យាត់​មា​គ៝ប់​មឞើស​ងក៝ច​នាវ​មហែ​មហាន​អ្វែស​អ៝ន់​មា​ទឹង​លែៈ​នទុល​មពោល​ឞូនុយ្ស ម៝ស​មពោល​កាដោយ មពោល​ឞូនុយ្ស​គឹត​ឞ្លាវ មពោល​ឞូនុយ្ស​រាលូក​ម៝ល់​ដ៝ង់។
ROM 1:15 កើត​នទ្រី​នូយ្ស​នហ៝ម់​គ៝ប់​នអើរ​អុច​ហាន់​មឞើស​ងក៝ច​នាវ​មហែ​មហាន​អ្វែស​អ៝ន់​មា​ខាន់​អៃ​មៃ​អី​គុ​តា​ប៝ន​រោម ​នៃ​ដ៝ង់។
ROM 1:16 គ៝ប់​មោ​អោស​ដីត​ព្រេង​មា​នាវ​មហែ​មហាន​អ្វែស យ៝រ​លាស​នាវ​មហែ​មហាន​អ្វែស​អ្យា​គែស​នាវ​ទើយ​តាៈ​ឞើស​កោរាញ​ឞ្រាស​គៃ​មា​រាក្លាយ្ស​ទឹង​លែៈ​ឞូនុយ្ស​អី​ញឆីង​មា​ឞ្រាស​ក្រីស  នអ៝ប់​មា​ផូង​អីឆ្រាអែល  នអ៝ប់​មា​ផូង​អី​មោ​ទី​ផូង​អីឆ្រាអែល ។ ផូង​អីឆ្រាអែល ​ឆ៝ៈ​ទើន​នាវ​រាក្លាយ្ស​ល៝រ​ឞូ ជេសរី​ផូង​អី​មោ​ទី​ផូង​អីឆ្រាអែល ​ឆ៝ៈ​ទើន​នាវ​រាក្លាយ្ស​ឞើស​កើយ​ខាន់​ពាង់​ដ៝ង់។
ROM 1:17 នាវ​មហែ​មហាន​អ្វែស​អ្យា​នតុម​នតី​ឞ៝ន់ មើម​ទឹង​ឞ៝ន់​ជេង​ឞូនុយ្ស​ឆ៝ង់​តា​នាប់​មាត់​កោរាញ​ឞ្រាស។ នាវ​ជេង​ឆ៝ង់​អី​នៃ​មាន​មា​តាៈ​ឞើស​នាវ​ញឆីង​មា​កោរាញ​ឞ្រាស​ទើម។ កើត​មា​លែៈ​គែស​ញចីស​តា​នាវ​កោរាញ​ឞ្រាស​ងើយ៖ «ឞូនុយ្ស​ឆ៝ង់​មរា​គែស​នាវ​រេស តាៈ​ឞើស​នាវ​ពាង់​ញឆីង»។
ROM 1:18 កោរាញ​ឞ្រាស​អី​គុ​តា​កាលើ​ត្រោក ពាង់​លែៈ​ញហើ​នាវ​តេៈ​ទោយ្ស ពាង់​តេៈ​ទោយ្ស​មា​ទឹង​លែៈ​ឞូនុយ្ស​អី​មោ​អ្យាត់​ពាង់ នអ៝ប់​មា​ឞូនុយ្ស​អ្យើស។ យ៝រ​មា​នូយ្ស​នហ៝ម់​អ្យើស​ខាន់​ពាង់​នើម ខាន់​ពាង់​ងកីង​នាវ​នតុម​នតី​អី​ងាន់។
ROM 1:19 ពាង់​តេៈ​ទោយ្ស​យ៝រ​មា​ម៝ស​នទើ​អី​ឞូនុយ្ស​ទើយ​គឹត​មា​កោរាញ​ឞ្រាស​លែៈ​ទើយ​ឆៃ​នហេល​ជេស យ៝រ​លាស​កោរាញ​ឞ្រាស​លែៈ​ញហើ​អ៝ន់​ខាន់​ពាង់​ឆៃ​នហេល​ជេស យើន​មា​ខាន់​ពាង់​ហោម​មោ​អុច​ញឆីង​មា​ពាង់។
ROM 1:20 នាវ​ទើយ​កោរាញ​ឞ្រាស​ហោម​នហ៝​រ៝។ ឞើស​នតើម​ពាង់​ញជេង​នែស​នតូ​អ្យា​ឞូនុយ្ស​ទើយ​គឹត​វ៝ត់​មា​នាវ​ទើយ​ពាង់​អី​នៃ នអ៝ប់​មា​ទើយ​គឹត​វ៝ត់​មា​នាវ​ឞ្រាស​ពាង់​នើម តាៈ​ឞើស​ឆៃ​នទើ​អី​ពាង់​នើម​លែៈ​ញជេង។ ខាន់​ពាង់​ទើយ​គឹត​វ៝ត់​មា​នាវ​ឞ្រាស​ពាង់​កើត​នៃ ឞ៝ល​លាស​នាវ​ទើយ នទ្រែល​មា​នាវ​ឞ្រាស​ពាង់​នៃ​ឞូនុយ្ស​មោ​អោស​ទើយ​ឆៃ​មា​មាត់។ លាស​នទ្រី​ឞូនុយ្ស​អ្យើស​អី​នៃ​មោ​គែស​អោស​នាវ​មា​ញឆីស។
ROM 1:21 ឞ៝ល​លាស​ឞូនុយ្ស​អី​នៃ​លែៈ​គឹត​កោរាញ​ឞ្រាស ខាន់​ពាង់​មោ​អោស​យើក​មឞាស​មា​កោរាញ​ឞ្រាស ខាន់​ពាង់​មោ​ដ៝ង់​លាស​អ្វែស​មា​ពាង់។ នាវ​មឹន​ខាន់​ពាង់​នើស​លែៈ​រាគ៝ល់​លេង​លាង​មោ​ហោម​អោស​គែស​ខ្លៃ ជេសរី​នូយ្ស​នហ៝ម់​រាលូក​ម៝ល់​ខាន់​ពាង់​នើស​ជេង​តឹម​ឞាន​មា​ង៝។
ROM 1:22 ខាន់​ពាង់​កើប​អេង​ឆាក់​ខាន់​ពាង់​នើម​ជេង​ឞូនុយ្ស​គឹត​ឞ្លាវ តីស​មា​ខាន់​ពាង់​នើស​ជេង​ឞូនុយ្ស​រាលូក​ម៝ល់​ច្រាវ។
ROM 1:23 ខាន់​ពាង់​មោ​អុច​អោស​យើក​មឞាស​មា​កោរាញ​ឞ្រាស​នើម​អី​គែស​នាវ​ច្រេក​លើប​មោ​ឞ្លាវ​ខឹត បេង​មា​យើក​មឞាស​ងខើង​រូប​ឞូនុយ្ស​អី​ឞ្លាវ​ខឹត រូប​ឆ្យុម​នារ រូប​មពោមពា​(ឆ្យុម)​ជ៝ង់​ព្វាន់ មោ​លាស​រូប​មពោមពា​(ឆ្យុម)​ហូង​វើរ​ច្រាវ។
ROM 1:24 កើត​នទ្រី​ទឹង​កោរាញ​ឞ្រាស​ប៝ក​គ៝រ​ខាន់​ពាង់​អ៝ន់​ជាន​នទើ​បឹ​បើច តឹង​នាវ​កើញ​នូយ្ស​នហ៝ម់​ខាន់​ពាង់​នើម នហ៝​មា​ត៝ត់​ជាន​នទើ​បឹ​បើច​មា​ឆាក់​នទ្រាង់​ខាន់​ពាង់​នើម​ដ៝ង់។
ROM 1:25 ខាន់​ពាង់​មោ​អុច​អោស​អ្យាត់​នាវ​ងាន់​កោរាញ​ឞ្រាស អ្យាត់​ងខើង​នាវ​មរោស​ច្រាវ។ ខាន់​ពាង់​យើក​មឞាស​ងខើង​មា​នទើ​អី​កោរាញ​ឞ្រាស​លែៈ​ញជេង មោ​អុច​អោស​យើក​មឞាស​មា​កោរាញ​ឞ្រាស​នើម​តើម​ញជេង ទី​លាស​មា​ពាង់​អី​នៃ​អ៝ន់​ឞូ​រានេ​នហ៝​រ៝។ នាវ​អី​នៃ​ទី​ងាន់!
ROM 1:26 កើត​នទ្រី​ទឹង​កោរាញ​ឞ្រាស​ប៝ក​គ៝រ​ខាន់​ពាង់​តឹង​មា​នាវ​បឹ​បើច​ខើស​ក្លែរ​ខាន់​ពាង់​នើម។ ផូង​ឞូ​អូរ​នត្លើយ​លើយ​នាវ​វៃ​គុ​អូរ​ឆាយ​អី​ឞូ​វៃ​ជាន ងខើង​មា​តឹម​ទ៝ង់​នទ្រាង់​ឞូ​អូរ​ច្រាវ។
ROM 1:27 ល៝ង់​ផូង​ឞូ​ក្លោ​តឹម​ឞាន​កើត​នៃ​ដ៝ង់ ខាន់​ពាង់​នត្លើយ​លើយ​នាវ​វៃ​គុ​អូរ​ឆាយ​អី​ឞូ​វៃ​ជាន ជេសរី​ងខើង​មា​តឹម​ខើស​ក្លែរ​អុច​ហោ​ងាន់​នទ្រាង់​ឞូ​ក្លោ​ខាន់​ពាង់​នើម​ច្រាវ។ ខាន់​ពាង់​ជាន​នាវ​ដីត​ព្រេង​នទ្រាង់​ឞូ​ក្លោ​ខាន់​ពាង់​នើម។ នាវ​កោរាញ​ឞ្រាស​តេៈ​ទោយ្ស​មា​ឆាក់​ខាន់​ពាង់​នើម​នៃ​នើស​ជេង​តឹម​ទី​ដាស​នទើ​បឹ​បើច​ខាន់​ពាង់​នើម​លែៈ​ជាន​នៃ។
ROM 1:28 អាច​មា​ខាន់​ពាង់​មោ​អុច​អោស​គឹត​នាល់​យើក​កោរាញ​ឞ្រាស កើត​នទ្រី​ទឹង​កោរាញ​ឞ្រាស​ប៝ក​គ៝រ​ខាន់​ពាង់​គែស​នាវ​មឹន​អ្យើស នហ៝​មា​អ៝ន់​ខាន់​ពាង់​ជាន​នទើ​អី​មោ​ទី​អោស​មា​ជាន។
ROM 1:29 តា​នូយ្ស​នហ៝ម់​ខាន់​ពាង់​គែស​នាវ​ក្វែ​នាវ​អ្យើស​អាប់​នតីល​ងាន់ នាវ​មឹន​អ្យើស​មហឹក នាវ​កើញ​អីរ​មា​ទ្រាប់​នទើ នាវ​ជាញ ជេសរី​គែស​នាវ​មោ​នាច នាវ​ងខឹត​ឞូ នាវ​តឹម​ល៝ក់​ឞាល់ នាវ​មរោស​រាលាម់ នាវ​ជាន​អ្យើស​មា​ឞូ នាវ​ងើយ​កែក​ឞូ​ដ៝ង់‌
ROM 1:30 នាវ​ងើយ​ញចើត នាវ​ឞ្យាញ់​មា​កោរាញ​ឞ្រាស នាវ​ហាត់​ជាញ នាវ​ហឺន នទ្រែល​មា​នាវ​នហី​អេង​ឆាក់។ ខាន់​ពាង់​ឞូនុយ្ស​ជ៝យ​នាវ​អេងៗ​មា​ជាន​អ្យើស ឞូនុយ្ស​មោ​អ្យាត់​នាវ​មេៈ​ឞឹ‌
ROM 1:31 ឞូនុយ្ស​រាលូក​ម៝ល់ ឞូនុយ្ស​ប្លេប​ប្លេរ ឞូនុយ្ស​មោ​គែស​នាវ​រ៝ង់ ឞូនុយ្ស​មោ​គែស​នាវ​យោៈ។
ROM 1:32 ខាន់​ពាង់​លែៈ​គឹត​នទើ​ឆ៝ង់​អី​កោរាញ​ឞ្រាស​ដាៈ លែៈ​គឹត​លាស​ជាន​នទើ​អ្យើស​កើត​នៃ​ទី​មា​តេៈ​ទោយ្ស​ត៝ត់​ខឹត។ យើន​មា​មោ​ទើន​មា​ខាន់​ពាង់​នើម​ជាន​តីស​កើត​នៃ ខាន់​ពាង់​ហោម​រានេ​មា​ឞូនុយ្ស​អេង​អី​ជាន​កើត​នៃ​ជឹត។
ROM 2:1 ទឹង​លែៈ​ខាន់​អៃ​មៃ​អី​ផាត​ទោយ្ស​នាវ​តីស​ឞូ ខាន់​អៃ​មៃ​មោ​គែស​នាវ​មា​ញឆីស​ដ៝ង់ យ៝រ​លាស​នោក​ខាន់​អៃ​មៃ​ផាត​ទោយ្ស​នាវ​តីស​ឞូ ខាន់​អៃ​មៃ​ទោល​តេៈ​ទោយ្ស​មា​ឆាក់​ខាន់​អៃ​មៃ​នើម​ដ៝ង់ យ៝រ​លាស​ខាន់​អៃ​មៃ​អី​នើម​ផាត​ទោយ្ស​នាវ​តីស​ឞូ ជាន​តីស​កើត​ឞូ​ដ៝ង់។
ROM 2:2 ឞ៝ន់​លែៈ​គឹត​ជេស កោរាញ​ឞ្រាស​តេៈ​ទោយ្ស​ឞូនុយ្ស​អី​ជាន​តីស​កើត​នៃ​ជេង​ទី​ងាន់។
ROM 2:3 ល៝ង់​ខាន់​អៃ​មៃ ខាន់​អៃ​មៃ​ផាត​នាវ​តីស​ឞូ តីស​មា​ឆាក់​ខាន់​អៃ​មៃ​នើម​ហោម​ជាន​តីស​កើត​ឞូ​ដ៝ង់។ អាស​ខាន់​អៃ​មៃ​នអោន​លាស​ឆាក់​ខាន់​អៃ​មៃ​នើម​ក្លាយ្ស​ឞើស​នាវ​កោរាញ​ឞ្រាស​តេៈ​ទោយ្ស​ឞើស?
ROM 2:4 ខាន់​អៃ​មៃ​មឺច​នាវ​កោរាញ​ឞ្រាស​ជាន​នទើ​ទុត​អ្វែស​មា​ខាន់​អៃ​មៃ​ឞើស? ខាន់​អៃ​មៃ​មឺច​នាវ​ពាង់​អ៝ត់​នូយ្ស នាវ​ពាង់​ជ៝ៈ​នូយ្ស​មា​ខាន់​អៃ​មៃ​ឞើស? អ៝ន់​ខាន់​អៃ​មៃ​គឹត​វ៝ត់​នាវ​កោរាញ​ឞ្រាស​អុច​ជាន​នទើ​អ្វែស​មា​ខាន់​អៃ​មៃ អុច​លែវ​ខាន់​អៃ​មៃ​រាគ៝ល់​នូយ្ស​នហ៝ម់​អ្យើស។
ROM 2:5 អាច​មា​នូយ្ស​នហ៝ម់​ខាន់​អៃ​មៃ​ហោម​ទាង់​ក៝ មោ​អុច​អោស​រាគ៝ល់​នូយ្ស​នហ៝ម់​អ្យើស ខាន់​អៃ​មៃ​ព្រាប់​នាវ​តីស​លើ​មា​អ៝ក់​អី​កោរាញ​ឞ្រាស​តេៈ​ទោយ្ស​ត៝ត់​តា​នារ​កោរាញ​ឞ្រាស​ផាត​ទោយ្ស​ទឹង​លែៈ​ឞូនុយ្ស​មា​នាវ​ឆ៝ង់។
ROM 2:6 ពាង់​មរា​អ៝ន់​នាវ​ងខោម មោ​លាស​នាវ​តេៈ​ទោយ្ស​មា​ទឹង​លែៈ​ឞូនុយ្ស តឹង​នទើ​ខាន់​ពាង់​នើម​លែៈ​ជេស​ជាន។
ROM 2:7 ពាង់​មរា​អ៝ន់​នាវ​រេស​នហ៝​រ៝​មា​ឞូ​ម៝ស​អី​ញឆ្រោយ្ស​ជាន​នទើ​អ្វែស ជ៝យ​គៃ​មា​គែស​នាវ​ច្រេក​លើប​អី​តាៈ​ឞើស​កោរាញ​ឞ្រាស ជ៝យ​គៃ​មា​គែស​នាវ​រានេ​តាៈ​ឞើស​កោរាញ​ឞ្រាស នទ្រែល​មា​ជ៝យ​គៃ​មា​គែស​នាវ​រេស​មោ​ឞ្លាវ​ខឹត​អី​កោរាញ​ឞ្រាស​អ៝ន់។
ROM 2:8 យើន​មា​ពាង់​ជី​នូយ្ស​តេៈ​ទោយ្ស​ហោ​ងាន់​មា​ឞូ​ម៝ស​អី​គឹត​មា​ឆាក់​ពាង់​នើម​ទើម ឞូ​ម៝ស​អី​តឹម​រាទ៝ង់​មា​នាវ​ងាន់ ងខើង​មា​អុច​ជាន​នទើ​អ្យើស​ច្រាវ។
ROM 2:9 កោរាញ​ឞ្រាស​អ៝ន់​នាវ​រេស​រាញាល់ នាវ​ងក្ល៝ន់​រាវៃ​មា​ទឹង​លែៈ​ឞូនុយ្ស​ជាន​អ្យើស ពាង់​អ៝ន់​មា​ផូង​អីឆ្រាអែល ​ល៝រ​ឞូ ជេសរី​នអ៝ប់​មា​ផូង​អី​មោ​ទី​ផូង​អីឆ្រាអែល ​ដ៝ង់។
ROM 2:10 យើន​មា​ឞូ​ម៝ស​អី​ជាន​អ្វែស កោរាញ​ឞ្រាស​អ៝ន់​នាវ​ច្រេក​លើប នាវ​រានេ នាវ​ដាប់​មពាន់។ ពាង់​អ៝ន់​មា​ផូង​អីឆ្រាអែល ​ល៝រ​ឞូ ជេសរី​នអ៝ប់​មា​ផូង​អី​មោ​ទី​ផូង​អីឆ្រាអែល ​ដ៝ង់‌
ROM 2:11 យ៝រ​លាស​កោរាញ​ឞ្រាស​កើប​ទឹង​លែៈ​ឞូនុយ្ស​តឹម​ឞាន។
ROM 2:12 លាស​ផូង​អី​មោ​ទី​ផូង​អីឆ្រាអែល ​អី​មោ​គឹត​នាល់​នាវ​វៃ​មោឆេ  ខាន់​ពាង់​ជាន​តីស កោរាញ​ឞ្រាស​តេៈ​ទោយ្ស​មា​ខាន់​ពាង់​អី​នៃ​រ៝ ឞ៝ល​លាស​ខាន់​ពាង់​អី​នៃ​មោ​អោស​គឹត​នាល់​នាវ​វៃ​អី​នៃ។ ផូង​អីឆ្រាអែល ​អី​លែៈ​គឹត​នាល់​នាវ​វៃ​អី​នៃ ជេសរី​ហោម​ជាន​តីស កោរាញ​ឞ្រាស​តេៈ​ទោយ្ស​មា​ខាន់​ពាង់​តឹម​ទី​ដាស​នាវ​វៃ​អី​នៃ‌
ROM 2:13 យ៝រ​លាស​ឞូ​ម៝ស​អី​ទើន​តាង់​នាវ​វៃ​អី​នៃ​ទើម កោរាញ​ឞ្រាស​អេ​ហ៝ៈ​អោស​កើប​ឆ៝ង់​តា​នាប់​មាត់​ពាង់​នើម ឞូនុយ្ស​អី​ជាន​តឹង​នាវ​វៃ​អី​នៃ​រី​មើ​ពាង់​កើប​លែៈ​ឆ៝ង់។
ROM 2:14 ផូង​អី​មោ​ទី​ផូង​អីឆ្រាអែល ​មោ​គែស​អោស​នាវ​វៃ​អី​នៃ តាៈ​ឞើស​នាវ​ខាន់​ពាង់​ហោម​ជាន​តឹង​នាវ​វៃ​អី​នៃ ខាន់​ពាង់​ញហើ​ខាន់​ពាង់​លែៈ​អើម​គឹត​អេង​នាវ​វៃ​អី​នៃ ឞ៝ល​លាស​មោ​គែស​អោស​នាវ​វៃ​អី​នៃ​កាដោយ​ដ៝ង់។
ROM 2:15 កើត​នទ្រី​ខាន់​ពាង់​ញហើ​នាវ​វៃ​អី​នៃ​អី​លែៈ​គែស​ញចីស​តា​នូយ្ស​នហ៝ម់​ខាន់​ពាង់ យ៝រ​លាស​នូយ្ស​នហ៝ម់​នាវ​មឹន​ខាន់​ពាង់​នើម​លែៈ​មឞើស​អេង​ជេស​ម៝ស​នទើ​តីស​ម៝ស​នទើ​អ្វែស។
ROM 2:16 នោក​គ៝ប់​មឞើស​ងក៝ច​នាវ​មហែ​មហាន​អ្វែស​មា​ឞូ គ៝ប់​លាស​កើត​អ្យា៖ គែស​ទូ​នារ​ជឹត​នាប់​តៃ​កោរាញ​ឞ្រាស​អ៝ន់​ឞ្រាស​យេឆូ​ក្រីស ​ផាត​ទោយ្ស​ទឹង​លែៈ​ឞូនុយ្ស ពាង់​ផាត​ទោយ្ស​ទឹង​លែៈ​នទើ​អី​នទ៝ប់​តា​ឞូនុយ្ស​ដ៝ង់។
ROM 2:17 អើ​ខាន់​អៃ​មៃ​អី​ជេង​ផូង​អីឆ្រាអែល  ខាន់​អៃ​មៃ​ញឆីង​មា​នាវ​វៃ​មោឆេ ​អី​តាៈ​ឞើស​កោរាញ​ឞ្រាស ជេសរី​នហី​អេង​ឆាក់​គុ​ទាច់​មា​កោរាញ​ឞ្រាស។
ROM 2:18 ខាន់​អៃ​មៃ​គឹត​នាល់​នាវ​កោរាញ​ឞ្រាស​អុច នទ្រែល​មា​លែៈ​គឹត​ម៝ស​នទើ​អ្វែស​ម៝ស​នទើ​អ្យើស យ៝រ​មា​លែៈ​ជេស​ឞូ​នតុម​នតី​នាវ​វៃ​អី​នៃ​មា​ខាន់​អៃ​មៃ។
ROM 2:19 ខាន់​អៃ​មៃ​លែៈ​កើប​អេង​ឆាក់​ខាន់​អៃ​មៃ​នើម​ឞ្លាវ​នតី​នាវ​កោរាញ​ឞ្រាស​អ៝ន់​មា​ផូង​អី​មោ​ទី​ផូង​អីឆ្រាអែល  នាវ​អី​នៃ​កើប​អេង​ឆាក់​ខាន់​អៃ​មៃ​នើម​តឹម​ឞាន​មា​ឞូនុយ្ស​ឞ្លាវ​តេក​ឞូនុយ្ស​ចែស​មាត់ កើប​អេង​ឆាក់​ខាន់​អៃ​មៃ​នើម​ជេង​តឹម​ឞាន​មា​នាវ​អាង​មា​ឞូនុយ្ស​គុ​តា​នាវ​ង៝។
ROM 2:20 ខាន់​អៃ​មៃ​កើប​ផូង​អី​មោ​ទី​ផូង​អីឆ្រាអែល ​ជេង​ឞូនុយ្ស​រាលូក​ម៝ល់ ជេង​ក៝ន​ឆែ ជេសរី​គឹត​អេង​ឆាក់​ខាន់​អៃ​មៃ​នើម​ឞ្លាវ​នតី​មា​ខាន់​ពាង់ យ៝រ​លាស​ខាន់​អៃ​មៃ​លែៈ​គែស​នាវ​វៃ​អី​នៃ ជេសរី​តា​នាវ​វៃ​អី​នៃ​លែៈ​គែស​ទឹង​លែៈ​នាវ​គឹត​ឞ្លាវ លែៈ​គែស​ទឹង​លែៈ​នាវ​ងាន់។
ROM 2:21 អើ​ខាន់​អៃ​មៃ​អី​នតុម​នតី​ឞូ តីស​មា​មោ​អោស​នតុម​នតី​ឆាក់​ខាន់​អៃ​មៃ​នើម។ ខាន់​អៃ​មៃ​នតី​ឞូ​លើយ​នតុង តីស​មា​ឆាក់​ខាន់​អៃ​មៃ​នើម​នតុង។
ROM 2:22 ខាន់​អៃ​មៃ​ឞ្វៃ​ឞូ​លើយ​ល៝ម់​អូរ​ល៝ម់​ឆាយ តីស​មា​ឆាក់​ខាន់​អៃ​មៃ​នើម​ល៝ម់​អូរ​ល៝ម់​ឆាយ។ ខាន់​អៃ​មៃ​លាស​ឆាក់​ខាន់​អៃ​មៃ​នើម​ឞ្យាញ់​មា​រូប​ឞ្រាស តីស​មា​ខាន់​អៃ​មៃ​នតុង​នទើ​ញីស​ជាន​ឞ្រាស​មា​រូប​ឞ្រាស​អី​នៃ​ច្រាវ!
ROM 2:23 ខាន់​អៃ​មៃ​នហី​អេង​ឆាក់​ខាន់​អៃ​មៃ​នើម​គឹត​នាល់​នាវ​វៃ​អី​នៃ តីស​មា​ខាន់​អៃ​មៃ​មឺច​កោរាញ​ឞ្រាស​អាច​មា​ខាន់​អៃ​មៃ​ជាន​តីស​ដាស​នាវ​វៃ​អី​នៃ‌
ROM 2:24 កើត​មា​នាវ​កោរាញ​ឞ្រាស​ងើយ​លែៈ​គែស​ញចីស៖ «អាច​មា​ផូង​ខាន់​អៃ​មៃ ទឹង​ផូង​អី​មោ​ទី​ផូង​អីឆ្រាអែល ​ងើយ​មឺច​រាម៝ត​កោរាញ​ឞ្រាស»។
ROM 2:25 តឹង​មា​នាវ​វៃ​មោឆេ  ខាន់​អៃ​មៃ​អី​ផូង​អីឆ្រាអែល ​ក៝ស​នតោ​មា​ផូង​ឞូ​ក្លោ។ នាវ​អី​នៃ​គែស​នាវ​ខ្លៃ​ទើម​លាស​ខាន់​អៃ​មៃ​ជាន​តឹង​ទឹង​លែៈ​នាវ​វៃ​មោឆេ  យើន​មា​លាស​ខាន់​អៃ​មៃ​ជាន​តីស​ដាស​នាវ​វៃ​អី​នៃ ខាន់​អៃ​មៃ​ជេង​តឹម​ឞាន​មា​ផូង​អី​មោ​ទី​ផូង​អីឆ្រាអែល ​អី​មោ​គែស​ក៝ស​នតោ។
ROM 2:26 ជេសរី​លាស​គែស​ទូ​ហ្វេ​ឞូនុយ្ស​អី​មោ​អោស​ទី​ផូង​អីឆ្រាអែល ​មោ​គែស​ក៝ស​នតោ លាស​ពាង់​គុ​ឆ៝ង់​ជាន​តឹង​នាវ​វៃ​អី​នៃ កោរាញ​ឞ្រាស​រ៝ម​ពាង់​តឹម​ឞាន​មា​ឞូនុយ្ស​ផូង​អីឆ្រាអែល ​លែៈ​ជេស​ក៝ស​នតោ​ដ៝ង់!
ROM 2:27 ឞូនុយ្ស​អី​មោ​គែស​ក៝ស​នតោ​មោ​អោស​ទី​ផូង​អីឆ្រាអែល  យើន​មា​លាស​ពាង់​ជាន​តឹង​នាវ​វៃ​អី​នៃ ពាង់​មរា​តេៈ​ទោយ្ស​មា​ខាន់​អៃ​មៃ​អី​ផូង​អីឆ្រាអែល ​ងាន់​រ៝ យ៝រ​លាស​ផូង​អីឆ្រាអែល ​អី​លែៈ​គែស​ក៝ស​នតោ​ជាន​តីស​មា​នាវ​វៃ​អី​នៃ ឞ៝ល​លាស​ខាន់​ពាង់​លែៈ​គែស​នាវ​វៃ​អី​នៃ​ញចីស​តា​នាវ​កោរាញ​ឞ្រាស​ងើយ។
ROM 2:28 ឞូនុយ្ស​ផូង​អីឆ្រាអែល ​អី​ជេង​ប៝ន​លាន​កោរាញ​ឞ្រាស​ងាន់​ងេន មោ​ទី​អោស​ពាង់​ជេង​ប៝ន​លាន​កោរាញ​ឞ្រាស​តាៈ​ឞើស​នទុល​មែ​ទើម មោ​លាស​តាៈ​ឞើស​គែស​ក៝ស​នតោ​តា​ឆាក់​ជាន់​ទើម។
ROM 2:29 ឞូនុយ្ស​ផូង​អីឆ្រាអែល ​អី​ជេង​ប៝ន​លាន​កោរាញ​ឞ្រាស​ងាន់​ងេន ជេង​តាៈ​ឞើស​នទើ​អី​គែស​តា​នូយ្ស​នហ៝ម់ តឹម​ឞាន​មា​គែស​ក៝ស​នតោ​តា​នូយ្ស​នហ៝ម់។ នទើ​អី​នៃ​តាៈ​ឞើស​ឞ្រាស​ហ្វេង​អ្វែស​ជាន មោ​តាៈ​ឞើស​នទើ​ឞូនុយ្ស​ជាន​តឹង​មា​នាវ​វៃ​អី​នៃ។ ឞូនុយ្ស​អី​នៃ​មោ​អោស​ជ៝យ​នាវ​រានេ​តាៈ​ឞើស​ឞូនុយ្ស ពាង់​ជ៝យ​នាវ​រានេ​តាៈ​ឞើស​កោរាញ​ឞ្រាស។
ROM 3:1 លាស​នទ្រី​ម៝ស​នាវ​ខ្លៃ​តា​ផូង​អីឆ្រាអែល ​រាលាវ​ឞើស​ផូង​អា​អេង? នាវ​ក៝ស​នតោ​តា​ខាន់​ពាង់​ម៝ស​នទើ​គែស​នាវ​ខ្លៃ?
ROM 3:2 នាវ​ខ្លៃ​តា​ផូង​អីឆ្រាអែល ​គែស​នាវ​ខ្លៃ​អ៝ក់​នតីល។ នាវ​ខ្លៃ​រាលាវ​ឞូ​ជេង​កោរាញ​ឞ្រាស​លែៈ​អ៝ន់​ជេស​នាវ​ងើយ​ពាង់​នើម​មា​ផូង​អីឆ្រាអែល ។
ROM 3:3 លាស​គែស​ឞូនុយ្ស​អាបាៈ​តា​ផូង​អីឆ្រាអែល ​មោ​គុ​រាប់​ជាប់​តា​ពាង់ លាស​នទ្រី​មើម​ជេង? នាវ​ខាន់​ពាង់​មោ​គុ​រាប់​ជាប់​អី​នៃ​ទើយ​ងគ្រ៝ស​លើយ​នាវ​រាប់​ជាប់​កោរាញ​ឞ្រាស​ដ៝ង់​លាស​មោ?
ROM 3:4 មោ​អោស! ឞ៝ល​លាស​ទឹង​លែៈ​ឞូនុយ្ស​មរោស​ទាទេ កោរាញ​ឞ្រាស​ហោម​រាប់​ជាប់ កើត​មា​លែៈ​គែស​ញចីស​តា​នាវ​កោរាញ​ឞ្រាស​ងើយ៖ «អើ​កោរាញ​ឞ្រាស ទឹង​លែៈ​នទើ​មៃ​ងើយ ឞូ​មរា​ឆៃ​ទី​ងាន់‌ លាស​ឞូ​នតោន​មៃ ហោម​ទើយ​មៃ​នឹង»។
ROM 3:5 អាបៃ​អ្យា​គ៝ប់​ងើយ​តឹង​ឞូនុយ្ស​វៃ​ងើយ៖ លាស​នាវ​ក្វែ​ផូង​ឞូនុយ្ស ទឹង​គែស​មា​ឆៃ​នាវ​ឆ៝ង់​កោរាញ​ឞ្រាស​លើ​មា​នហេល លាស​នទ្រី​មើម​ឞូនុយ្ស​លាស? អើម​កោរាញ​ឞ្រាស​មោ​ឆ៝ង់​លាស​ពាង់​តេៈ​ទោយ្ស​មា​ឞូនុយ្ស?
ROM 3:6 មោ​អោស មោ​គែស​អោស។ លាស​កោរាញ​ឞ្រាស​មោ​ឆ៝ង់ មើម​ទឹង​ពាង់​ទី​មា​ផាត​ទោយ្ស​ទឹង​លែៈ​ឞូនុយ្ស​តា​នែស​នតូ?
ROM 3:7 ក្លាប់​លាស​គែស​ឞូនុយ្ស​អាបាៈ​លាស៖ “នាវ​គ៝ប់​មរោស​ជាន​អ៝ន់​នាវ​ងាន់​កោរាញ​ឞ្រាស​លើ​ហោ​ឞូ​លឺ​រានេ​ពាង់ លាស​គែស​នាវ​អ្វែស​កើត​នៃ មើម​ទឹង​កោរាញ​ឞ្រាស​ហោម​តេៈ​ទោយ្ស​នាវ​តីស​គ៝ប់?”
ROM 3:8 គែស​ឞូនុយ្ស​អាបាៈ​ងើយ​ញចើត​មា​ផូង​ញឆីង​ឞ៝ន់ លាស​មា​ផូង​ឞ៝ន់​នតី​កើត​នអា៖ «អ៝ន់​ឞ៝ន់​ជាន​អ្យើស គៃ​មា​លោស​នាវ​អ្វែស»។ ឞូ​ម៝ស​អី​ងើយ​កើត​នៃ​ជេង​ទី​ងាន់​គែស​ទោយ្ស!
ROM 3:9 លាស​នទ្រី​ទី​ដ៝ង់​ហេន​អី​ផូង​អីឆ្រាអែល ​ជេង​ឞូនុយ្ស​អ្វែស​រាលាវ​ឞូ​អេង? មោ​អោស។ លែៈ​គ៝ប់​លាស​នហេល​ជេស​ទឹង​លែៈ​ឞូនុយ្ស​លែៈ​ជាន​តីស​ទាទេ ឞ៝ល​លាស​ផូង​អីឆ្រាអែល ​កាដោយ ផូង​អី​មោ​ទី​ផូង​អីឆ្រាអែល ​កាដោយ ទឹង​លែៈ​ឞ៝ន់​នើស​ជាន​តីស​ទាទេ។
ROM 3:10 លែៈ​គែស​ញចីស​តា​នាវ​កោរាញ​ឞ្រាស​ងើយ​កើត​នអា៖ «មោ​គែស​អោស​ឞូនុយ្ស​ឆ៝ង់ ទូ​ហ្វេ​មោ​គែស​ដ៝ង់។
ROM 3:11 មោ​គែស​អោស​ទូ​ហ្វេ​ឞូនុយ្ស​គែស​នាវ​មឹន​គឹត​ឞ្លាវ​ងាន់‌ មោ​គែស​អោស​ទូ​ហ្វេ​ឞូនុយ្ស​ជ៝យ​អុច​ជាន​តឹង​កោរាញ​ឞ្រាស។
ROM 3:12 ទឹង​លែៈ​ឞូនុយ្ស​លែៈ​នទោន​កើយ​ជេស​ឞើស​កោរាញ​ឞ្រាស មោ​អុច​អ្យាត់​ពាង់ ទឹង​លែៈ​ឞូនុយ្ស​មោ​ហោម​គែស​នាវ​ខ្លៃ​មា​ពាង់។ មោ​គែស​អោស​ឞូនុយ្ស​ជាន​នទើ​អ្វែស‌ ឞ៝ល​លាស​ទូ​ហ្វេ​មោ​គែស​ដ៝ង់»។
ROM 3:13 «នាវ​ងើយ​លោស​ឞើស​មឞូង​ខាន់​ពាង់​តឹម​ឞាន​មា​បោ​អោម​លោស​ឞើស​នតូ​មោច​មហែ‌ យ៝រ​លាស​នទើ​ខាន់​ពាង់​ងើយ​អ្យើស​ងាន់ មព្យាត់​ខាន់​ពាង់​ងើយ​មរោស​រាលាម់​ឞូ»។ «នាវ​ងើយ​លោស​ឞើស​មឞូង​ខាន់​ពាង់​តឹម​ឞាន​មា​គែស​កាច់​ឞេស​កូ​ឞេស​អ្វៃ យ៝រ​មា​ជាន​អ៝ន់​ឞូ​គែស​នាវ​ជី​ទុត​ហោ​តា​នូយ្ស​នហ៝ម់»។
ROM 3:14 «នាវ​ងើយ​លោស​ឞើស​មឞូង​ខាន់​ពាង់​ឞេង​មា​នាវ​រាតាប់​នាវ​រាក នទ្រែល​មា​ងើយ​ឆោត»។
ROM 3:15 «ខាន់​ពាង់​គើញ​ងាន់​ងខឹត​ញចាយ​មហាម​ឞូ‌
ROM 3:16 អាស​ត្រ៝ង​ខាន់​ពាង់​ហាន់​ជាន​អ៝ន់​ឞូ​ហេង​លែៈ​ផ្យៅ​រ៝ ជាន​អ៝ន់​ឞូ​រេស​រាញាល់​ងាន់‌
ROM 3:17 ខាន់​ពាង់​មោ​គឹត​អោស​ត្រ៝ង​ដាប់​មពាន់»‌
ROM 3:18 «ខាន់​ពាង់​មោ​ក្លាច​មោ​យើក​កោរាញ​ឞ្រាស​ដ៝ង់»។
ROM 3:19 ឞ៝ន់​លែៈ​គឹត​ទឹង​លែៈ​នាវ​វៃ​មោឆេ ​អី​លែៈ​គែស​ញចីស ដាៈ​អ៝ន់​មា​ផូង​អីឆ្រាអែល ​អី​លែៈ​គុ​តា​ន៝ម់​នាវ​វៃ​អី​នៃ​ទើម។ លាស​នទ្រី​ទឹង​លែៈ​ឞូនុយ្ស​អ្យាត់​មា​គុ​រាក្លាក់​មោ​ហោម​គែស​នាវ​មា​ញឆីស ទឹង​លែៈ​ឞូនុយ្ស​លាម​នែស​នតូ​គែស​ទោយ្ស​តា​នាប់​មាត់​កោរាញ​ឞ្រាស​ទាទេ។
ROM 3:20 មោ​គែស​អោស​ទូ​ហ្វេ​ឞូនុយ្ស​អី​កោរាញ​ឞ្រាស​កើប​ឆ៝ង់​យ៝រ​មា​ញឆ្រោយ្ស​ជាន​តឹង​នាវ​វៃ​អី​នៃ​ទើម នាវ​វៃ​មាន​មា​អ៝ន់​ឞូនុយ្ស​គឹត​នាល់​លែៈ​ជាន​តីស​ទើម។
ROM 3:21 យើន​មា​អាបៃ​អ្យា​កោរាញ​ឞ្រាស​លែៈ​ញហើ​ជេស អា​មើម​ឞូនុយ្ស​ជាន​គៃ​មា​ពាង់​កើប​ឆ៝ង់ យ៝រ​លាស​នាវ​ពាង់​កើប​ឆ៝ង់​មោ​អោស​តាៈ​ឞើស​ជាន​តឹង​នាវ​វៃ​អី​នៃ។ ជេសរី​អា​មើម​ជាន​គៃ​មា​កោរាញ​ឞ្រាស​កើប​ឆ៝ង់​លែៈ​គែស​ញចីស​តា​នាវ​វៃ នអ៝ប់​មា​លែៈ​គែស​ញចីស​តា​ឆ៝ម់បុត​មពោល​ឞូនុយ្ស​នតើយ្ស​នាវ​ងើយ​កោរាញ​ឞ្រាស។
ROM 3:22 កោរាញ​ឞ្រាស​កើប​ឞូនុយ្ស​ឆ៝ង់​យ៝រ​មា​ញឆីង​មា​ឞ្រាស​យេឆូ​ក្រីស ។ ទឹង​លែៈ​ឞូនុយ្ស​អី​គែស​នាវ​ញឆីង​អី​នៃ​កោរាញ​ឞ្រាស​កើប​ឆ៝ង់​ទាទេ នាវ​អី​នៃ​ទី​មា​ទឹង​លែៈ​ឞូនុយ្ស ផូង​អីឆ្រាអែល ​នអ៝ប់​មា​ផូង​អី​មោ​ទី​ផូង​អីឆ្រាអែល ​ដ៝ង់‌
ROM 3:23 យ៝រ​លាស​ទឹង​លែៈ​ឞូនុយ្ស​លែៈ​ជាន​តីស​ទាទេ មោ​គែស​អោស​ទូ​ហ្វេ​ជាន​ទុត​អ្វែស​កើត​កោរាញ​ឞ្រាស​អុច។
ROM 3:24 យើន​មា​កោរាញ​ឞ្រាស​កើប​ឞ៝ន់​លែៈ​ឆ៝ង់ តាៈ​ឞើស​នាវ​អ្វែស​ពាង់​នើម​អ៝ន់​ទើម​ទាម យ៝រ​លាស​លែៈ​ពាង់​ច្វាយ​ជេស​ឞ៝ន់​មា​នទើ​ឞ្រាស​ក្រីស​យេឆូ ​លែៈ​ជាន។
ROM 3:25 កោរាញ​ឞ្រាស​លែៈ​អ៝ន់​ជេស​ឞ្រាស​យេឆូ ​ជេង​នទើ​មា​ជាន​ឞ្រាស មហាម​ឞ្រាស​យេឆូ ​ច្វាយ​នាវ​តីស​ឞូនុយ្ស​អី​ញឆីង​មា​ពាង់។ កោរាញ​ឞ្រាស​ជាន​កើត​នៃ​គៃ​មា​ញហើ​ពាង់​នើម​លែៈ​ឆ៝ង់ ឞ៝ល​លាស​ឞើស​នតើម​នើស​ឞូនុយ្ស​ជាន​តីស ពាង់​មោ​អោស​តេៈ​ទោយ្ស​រ៝។
ROM 3:26 អាបៃ​អ្យា​ពាង់​ញហើ​នាវ​ឆ៝ង់​ពាង់​នើម​អ៝ន់​ឞូ​គឹត​នាល់ កោរាញ​ឞ្រាស​លែៈ​អើម​ឆ៝ង់ ជេសរី​ឞូ​ម៝ស​អី​ញឆីង​មា​ឞ្រាស​យេឆូ ​ពាង់​កើប​លែៈ​ឆ៝ង់​ដ៝ង់។
ROM 3:27 លាស​នទ្រី​អាស​ហោម​គែស​ទូ​ហ្វេ​ឞូនុយ្ស​ឞ្លាវ​រានេ​អេង​ឆាក់​ពាង់​លាស​ជេង​ឞូនុយ្ស​ឆ៝ង់? មោ​ហោម​គែស​អោស! យ៝រ​លាស​នាវ​កោរាញ​ឞ្រាស​មោ​ហោម​កើប​នាវ​តីស​ឞូនុយ្ស​ជេង​តាៈ​ឞើស​នាវ​ញឆីង​មា​ឞ្រាស​យេឆូ  មោ​អោស​តាៈ​ឞើស​ញឆ្រោយ្ស​ជាន​តឹង​នាវ​វៃ​មោឆេ ។
ROM 3:28 យ៝រ​លាស​ឞ៝ន់​អ្យាត់ ឞូនុយ្ស​ទឹង​ឆ៝ង់​យ៝រ​មា​ញឆីង​មា​ឞ្រាស​យេឆូ  មោ​ទី​អោស​យ៝រ​មា​ជាន​តឹង​នាវ​វៃ​អី​នៃ។
ROM 3:29 អើម​កោរាញ​ឞ្រាស​អី​ឞ្រាស​មា​ផូង​អីឆ្រាអែល ​ទើម​បាស? មោ​អោស ពាង់​ឞ្រាស​នអ៝ប់​មា​ផូង​អី​មោ​ទី​ផូង​អីឆ្រាអែល ​ដ៝ង់។
ROM 3:30 គែស​ទូ​ហ្វេ​កោរាញ​ឞ្រាស​ទើម។ ពាង់​ជាន​អ៝ន់​ផូង​អីឆ្រាអែល ​ទឹង​គែស​មា​ឆ៝ង់ យ៝រ​លាស​ខាន់​ពាង់​ញឆីង​មា​ឞ្រាស​យេឆូ  នអ៝ប់​មា​ផូង​អី​មោ​ទី​ផូង​អីឆ្រាអែល ​ទឹង​គែស​មា​ឆ៝ង់ យ៝រ​មា​ខាន់​ពាង់​ញឆីង​មា​ឞ្រាស​យេឆូ ​ដ៝ង់។
ROM 3:31 លាស​នទ្រី​អាស​នាវ​ញឆីង​មា​ឞ្រាស​យេឆូ ​គែស​ងគ្រ៝ស​លើយ​នាវ​វៃ​មោឆេ ​លាស​មោ? មោ​អោស! យើន​មា​លាស​ឞ៝ន់​ញឆីង​មា​ឞ្រាស​យេឆូ ​ទឹង​ឞ៝ន់​ញអោត​ងាន់​នាវ​វៃ​អី​នៃ។
ROM 4:1 លាស​នទ្រី​កាល់​អែ​នើស​អាឞ្រាហាម់ ​អី​ចែ​ផូង​អីឆ្រាអែល  មើម​ទឹង​កោរាញ​ឞ្រាស​កើប​ពាង់​ឆ៝ង់?
ROM 4:2 លាស​កោរាញ​ឞ្រាស​កើប​អាឞ្រាហាម់ ​លែៈ​ឆ៝ង់​យ៝រ​មា​នទើ​អ្វែស​ពាង់​ជាន លាស​នទ្រី​ពាង់​គែស​នទើ​មា​រានេ​អេង​ឆាក់​ពាង់​នើម​រ៝​តា​នាប់​ឞូនុយ្ស។ យើន​មា​មោ​គែស​អោស​នទើ​មា​រានេ​អេង​ឆាក់​ពាង់​នើម​តា​នាប់​មាត់​កោរាញ​ឞ្រាស‌
ROM 4:3 យ៝រ​លាស​តា​នាវ​កោរាញ​ឞ្រាស​ងើយ​លែៈ​ញចីស៖ «អាឞ្រាហាម់ ​ញឆីង​មា​កោរាញ​ឞ្រាស តាៈ​ឞើស​នាវ​ញឆីង​អី​នៃ​ទឹង​កោរាញ​ឞ្រាស​កើប​ពាង់​លែៈ​ឆ៝ង់»។
ROM 4:4 កើត​នទ្រី​ដ៝ង់​ឞូនុយ្ស​ជាន​ការ​អ៝ន់​ឞូ ព្រាក់​អី​ឞូ​ងខោម​អ៝ន់​មា​ពាង់​នៃ​មោ​ទី​អោស​នទើ​ឞូ​អ៝ន់​ទើម​ទាម ជេង​តឹម​ឞាន​មា​រាន៝ន។
ROM 4:5 យើន​មា​កោរាញ​ឞ្រាស​កើប​ឞូនុយ្ស​ឆ៝ង់​មោ​អោស​តាៈ​ឞើស​នទើ​ខាន់​ពាង់​ជាន ជេង​តាៈ​ឞើស​នាវ​ញឆីង​ខាន់​ពាង់​មា​កោរាញ​ឞ្រាស​អី​យោៈ​ឞូនុយ្ស​តីស​មោ​ហោម​កើប​នាវ​តីស​ខាន់​ពាង់។
ROM 4:6 តា​នាវ​កោរាញ​ឞ្រាស​ងើយ​កាដាច់​ដាវីត ​លែៈ​ញចីស​ជេស​នាវ​អ្វែស​មអាក​មា​ឞូនុយ្ស​អី​កោរាញ​ឞ្រាស​លែៈ​កើប​ឆ៝ង់ មោ​ទី​អោស​តាៈ​ឞើស​នទើ​ពាង់​ជាន។
ROM 4:7 ពាង់​ញចីស៖ «អ្វែស​មអាក​ងាន់​មា​ឞូ​ម៝ស​កោរាញ​ឞ្រាស​លែៈ​យោៈ​ជេស​នាវ​តីស​ពាង់‌ ឞូ​ម៝ស​អី​កោរាញ​ឞ្រាស​លែៈ​ងកុម​នហ៝​រ៝​មោ​ហោម​អ៝ន់​ឆៃ​នាវ​តីស​ពាង់‌
ROM 4:8 អ្វែស​មអាក​ងាន់​មា​ឞូ​ម៝ស​អី​កោរាញ​ឞ្រាស​មោ​ហោម​អោស​កើប​នាវ​តីស​ពាង់»។
ROM 4:9 លាស​នទ្រី​នាវ​អ្វែស​មអាក​អី​នៃ​គែស​មា​ផូង​អីឆ្រាអែល ​ទើម មោ​លាស​គែស​ដ៝ង់​មា​ផូង​អី​មោ​ទី​ផូង​អីឆ្រាអែល ? គ៝ប់​លែៈ​លាស​ជេស៖ “កោរាញ​ឞ្រាស​កើប​អាឞ្រាហាម់ ​លែៈ​ឆ៝ង់ តាៈ​ឞើស​នាវ​ពាង់​ញឆីង”។
ROM 4:10 លាស​នទ្រី​នោក​កោរាញ​ឞ្រាស​កើប​អាឞ្រាហាម់ ​លែៈ​ឆ៝ង់ នោក​នៃ​ពាង់​លែៈ​ជេស​ក៝ស​នតោ មោ​លាស​នោក​នៃ​ពាង់​អេ​ហ៝ៈ​ក៝ស​នតោ? ជេង​នោក​ពាង់​អេ​ហ៝ៈ​ក៝ស​នតោ មោ​ទី​អោស​លែៈ​ជេស​ក៝ស​នតោ។
ROM 4:11 នាវ​ក៝ស​នតោ​ជេង​នាវ​មឞេន​មា​អាឞ្រាហាម់ ​លែៈ​គែស​នាវ​ញឆីង​មា​កោរាញ​ឞ្រាស នអ៝ប់​មា​កោរាញ​ឞ្រាស​លែៈ​កើប​ពាង់​ឆ៝ង់​អេ​ល៝រ​មា​ពាង់​គែស​ក៝ស​នតោ។ នទ្រី​ពាង់​ជេង​តឹម​ឞាន​មា​ចែ​មា​ទឹង​លែៈ​ឞូនុយ្ស​អី​លែៈ​ញឆីង​មោ​ក៝ស​នតោ​ដ៝ង់ ជេសរី​កោរាញ​ឞ្រាស​កើប​ខាន់​ពាង់​លែៈ​ឆ៝ង់​យ៝រ​មា​នាវ​ញឆីង​ខាន់​ពាង់។
ROM 4:12 អាឞ្រាហាម់ ​ជេង​តឹម​ឞាន​មា​ចែ​មា​ផូង​អីឆ្រាអែល ​អី​លែៈ​គែស​ក៝ស​នតោ លាស​ខាន់​ពាង់​ញឆីង​មា​កោរាញ​ឞ្រាស​តឹម​ឞាន​មា​អាឞ្រាហាម់ ​ញឆីង​ដ៝ង់​អេ​ល៝រ​មា​ពាង់​ក៝ស​នតោ​នើស។
ROM 4:13 កោរាញ​ឞ្រាស​លែៈ​ត៝ន​មា​អាឞ្រាហាម់  នទ្រែល​មា​រាន៝យ​ទែស​ពាង់ អ៝ន់​នែស​នតូ​ជេង​នទើ​នទ្រៃ​មា​ពាង់។ កោរាញ​ឞ្រាស​ត៝ន​នាវ​អី​នៃ​មោ​អោស​យ៝រ​មា​នាវ​ពាង់​ជាន​តឹម​ទី​ដាស​នាវ​វៃ​មោឆេ  កោរាញ​ឞ្រាស​ត៝ន​យ៝រ​មា​នាវ​ឆ៝ង់​អី​តាៈ​ឞើស​នាវ​អាឞ្រាហាម់ ​ញឆីង​មា​ពាង់។
ROM 4:14 លាស​នទើ​នទ្រៃ​អី​នៃ​គែស​យ៝រ​មា​ជាន​តឹង​នាវ​វៃ លាស​នទ្រី​នាវ​ញឆីង​មា​កោរាញ​ឞ្រាស​មោ​អោស​គែស​នាវ​ខ្លៃ ជេសរី​នាវ​កោរាញ​ឞ្រាស​ត៝ន​អី​នៃ​មោ​គែស​ខ្លៃ​ដ៝ង់‌
ROM 4:15 យ៝រ​លាស​តាៈ​ឞើស​នាវ​វៃ​អី​នៃ​កោរាញ​ឞ្រាស​ជី​នូយ្ស​តេៈ​ទោយ្ស​មា​ឞ៝ន់ មោ​គែស​អោស​ទូ​ហ្វេ​ឞូនុយ្ស​ឞ្លាវ​ជាន​តឹង​នឹង​នែង​ទឹង​លែៈ​នាវ​វៃ។ លាស​មោ​គែស​នាវ​វៃ​ទើម​មោ​គែស​អោស​ឞូ​ជាន​រាលាវ​នាវ​វៃ។
ROM 4:16 លាស​នទ្រី​នទើ​កោរាញ​ឞ្រាស​ត៝ន ឞូនុយ្ស​ឆ៝ៈ​ទើន​យ៝រ​មា​នាវ​ពាង់​ញឆីង​មា​កោរាញ​ឞ្រាស។ នទើ​កោរាញ​ឞ្រាស​ត៝ន​នៃ​ពាង់​អ៝ន់​ទើម​ទាម។ ទឹង​លែៈ​ឞ៝ន់​មរា​ឆ៝ៈ​ទើន​នទើ​ត៝ន​អី​នៃ លាស​ឞ៝ន់​ញឆីង​មា​កោរាញ​ឞ្រាស​តឹម​ឞាន​មា​អាឞ្រាហាម់  ឞ៝ល​លាស​ឞ៝ន់​គុ​តា​ន៝ម់​នាវ​វៃ​មោឆេ  មោ​លាស​មោ​អោស​គុ​តា​ន៝ម់។ កើត​នទ្រី​អាឞ្រាហាម់ ​ជេង​ចែ​មា​ទឹង​លែៈ​ឞូនុយ្ស​អី​ញឆីង​មា​កោរាញ​ឞ្រាស។
ROM 4:17 នទ្រី​តា​នាវ​កោរាញ​ឞ្រាស​ងើយ​លែៈ​គែស​ញចីស​កោរាញ​ឞ្រាស​មឞើស​មា​អាឞ្រាហាម់ ​កើត​នអា៖ «គ៝ប់​អ៝ន់​មៃ​ជេង​ចែ​មា​នទុល​មពោល​ឞូនុយ្ស​អេងៗ​អ៝ក់​ងាន់»។ កោរាញ​ឞ្រាស​ងើយ​កើត​នៃ យ៝រ​លាស​អាឞ្រាហាម់ ​ញឆីង​មា​ពាង់​អី​អ៝ន់​ឞូនុយ្ស​លែៈ​ខឹត​ទ៝ក់​រេស​តៃ នអ៝ប់​មា​អី​ញជេង​នទើ​មហែ​អី​មោ​អោស​គែស​ឞើស​នតើម​នើស។
ROM 4:18 ឞ៝ល​លាស​អាឞ្រាហាម់ ​លែៈ​រាញ​មោ​ហោម​គែស​អោស​នាវ​រានើម​មា​គែស​ក៝ន ពាង់​ហោម​អែ​គែស​នាវ​រានើម​មា​កោរាញ​ឞ្រាស​អ៝ន់​ពាង់​ជាន​ចែ​មា​នទុល​មពោល​ឞូនុយ្ស​អេងៗ​អ៝ក់​ងាន់ យ៝រ​លាស​កោរាញ​ឞ្រាស​លែៈ​គែស​មឞើស​មា​ពាង់៖ «រាន៝យ​ទែស​មៃ​តៃ​អ៝ក់​កើត​នៃ»។
ROM 4:19 អាឞ្រាហាម់ ​គឹត​ឆាក់​ពាង់​នើម​ឞើយ​មា​ខឹត នោក​នៃ​ពាង់​ឞើយ​មា​ត៝ត់ ១០០ នាម់ នទ្រែល​មា​អូរ​ពាង់​រាញា​ឆារា ​លែៈ​រាញ​ដ៝ង់ មោ​អោស​ឞាៈ​ក៝ន។ ឞ៝ល​លាស​កើត​នៃ​កាដោយ​អាឞ្រាហាម់ ​ហោម​ញឆីង​ន៝ប់​នានាវ​ដ៝ង់។
ROM 4:20 ពាង់​មោ​វិ​វែៈ​អោស​មា​នាវ​កោរាញ​ឞ្រាស​ត៝ន នាវ​ញឆីង​ពាង់​មោ​រ៝ស​ដ៝ង់ ពាង់​លើ​មា​គែស​នាវ​ញឆីង​មា​នទើ​ត៝ន​អី​នៃ នអ៝ប់​មា​រានេ​កោរាញ​ឞ្រាស​អ៝ន់​កោរាញ​ឞ្រាស​នាវ​ច្រេក​លើប‌
ROM 4:21 យ៝រ​លាស​តា​នូយ្ស​នហ៝ម់​រី​លែៈ​អ្យាត់​ទុត​ហោ​ងាន់​កោរាញ​ឞ្រាស​ទើយ​អ៝ន់​គែស​ងាន់​រ៝ ម៝ស​នទើ​កោរាញ​ឞ្រាស​ត៝ន។
ROM 4:22 កើត​នទ្រី​ទឹង​កោរាញ​ឞ្រាស​កើប​អាឞ្រាហាម់ ​លែៈ​ឆ៝ង់​យ៝រ​មា​នាវ​ពាង់​ញឆីង។
ROM 4:23 តា​នាវ​កោរាញ​ឞ្រាស​ងើយ​លែៈ​ញចីស៖ «កោរាញ​ឞ្រាស​កើប​អាឞ្រាហាម់ ​លែៈ​ឆ៝ង់» អី​នៃ​មោ​ទី​អោស​លាស​មា​ទូ​ហ្វេ​ពាង់​ទើម‌
ROM 4:24 លាស​នអ៝ប់​មា​ឞ៝ន់​អាបៃ​អ្យា​ដ៝ង់ អ៝ន់​ឞ៝ន់​គឹត​កោរាញ​ឞ្រាស​មរា​កើប​ឞ៝ន់​លែៈ​ឆ៝ង់​ដ៝ង់ លាស​ឞ៝ន់​ញឆីង​មា​ពាង់​អី​លែៈ​អ៝ន់​ឞ្រាស​យេឆូ ​អី​កោរាញ​ឞ៝ន់​ទ៝ក់​រេស​ជេស។
ROM 4:25 ឞ្រាស​យេឆូ ​អី​នៃ​លែៈ​កោរាញ​ឞ្រាស​អ៝ន់​ឞូ​ទែ​ងខឹត​លើយ គៃ​មា​ងគ្រ៝ស​លើយ​នាវ​តីស​ឞ៝ន់ ជេសរី​ពាង់​ជាន​អ៝ន់​ឞ្រាស​យេឆូ ​នៃ​ទ៝ក់​រេស គៃ​មា​កើប​ឞ៝ន់​លែៈ​ឆ៝ង់។
ROM 5:1 នទ្រី​ទឹង​ឞ៝ន់​គែស​នាវ​ដាប់​មពាន់​ដាស​កោរាញ​ឞ្រាស យ៝រ​លាស​ពាង់​លែៈ​កើប​ឞ៝ន់​ឆ៝ង់​តាៈ​ឞើស​នាវ​ឞ៝ន់​ញឆីង នាវ​ដាប់​មពាន់​អី​នៃ​តាៈ​ឞើស​នទើ​ឞ្រាស​យេឆូ​ក្រីស ​អី​កោរាញ​ឞ៝ន់​លែៈ​ជាន​នើស។
ROM 5:2 ឞ្រាស​យេឆូ​ក្រីស ​លែវ​ឞ៝ន់​លាប់​គុ​តា​នាវ​អ្វែស​កោរាញ​ឞ្រាស​អី​នៃ យ៝រ​មា​នាវ​ឞ៝ន់​ញឆីង។ អាបៃ​អ្យា​ឞ៝ន់​លែៈ​គុ​តា​នាវ​អ្វែស​អី​នៃ គែស​នាវ​រាម់​មអាក​យ៝រ​លាស​គែស​នាវ​រានើម​មរា​គុ​តា​នាវ​ច្រេក​លើប​កោរាញ​ឞ្រាស។
ROM 5:3 មោ​អោស​ទើន​មា​នាវ​អី​នៃ​ទើម នោក​ឞ៝ន់​គែស​នាវ​រេស​រាញាល់ ឞ៝ន់​ហោម​អែ​រាម់​មអាក​នានាវ យ៝រ​លាស​តាៈ​ឞើស​ឞ៝ន់​រេស​រាញាល់​ទឹង​ឞ្លាវ​ញឆ្រោយ្ស‌
ROM 5:4 តាៈ​ឞើស​នាវ​ឞ្លាវ​ញឆ្រោយ្ស​ទឹង​ឞ៝ន់​គែស​នូយ្ស​នហ៝ម់​អី​កោរាញ​ឞ្រាស​រានេ តាៈ​ឞើស​គែស​នូយ្ស​នហ៝ម់​កើត​នៃ​ទឹង​ឞ៝ន់​គែស​នាវ​រានើម។
ROM 5:5 ជេសរី​នាវ​រានើម​អី​នៃ​មោ​អោស​ជាន​អ៝ន់​ឞ៝ន់​នទុយ្ស​តោរ យ៝រ​លាស​ឞ្រាស​ហ្វេង​អ្វែស​អី​ក្ល៝ស​អ្វែស​លែៈ​អ៝ន់​ជេស​នាវ​រ៝ង់​កោរាញ​ឞ្រាស​តា​នូយ្ស​នហ៝ម់​ឞ៝ន់។ កោរាញ​ឞ្រាស​នើម​អ៝ន់​ឞ្រាស​ហ្វេង​អ្វែស​គុ​តា​ឞ៝ន់។
ROM 5:6 តា​នោក​ឞ៝ន់​មោ​អោស​ឞ្លាវ​រាក្លាយ្ស​អេង​ឆាក់​ឞ៝ន់​នើម​ឞើស​នាវ​តីស ត៝ត់​ទី​នារ​ឞ្រាស​ក្រីស ​ខឹត​អ៝ន់​មា​ឞូនុយ្ស​ឞ៝ន់​អី​អេ​ហ៝ៈ​អ្យាត់​នាវ​កោរាញ​ឞ្រាស។
ROM 5:7 ឞូនុយ្ស​អី​អុច​ខឹត​គៃ​មា​ឆើម​នត្រ៝ៈ​ឞូនុយ្ស​ឆ៝ង់​រាក្លាយ្ស​នាវ​រេស​ពាង់​គែស​ទុត​ដេៈ​ងាន់ យើន​មា​ក្លាប់​លាស​គែស​ដ៝ង់​ទូ​ហ្វេ​ឞូនុយ្ស​ឞាញ់​ខឹត​គៃ​មា​ឆើម​នត្រ៝ៈ​ឞូនុយ្ស​អ្វែស រាក្លាយ្ស​នាវ​រេស​ពាង់។
ROM 5:8 ល៝ង់​កោរាញ​ឞ្រាស​លែៈ​ញហើ​ជេស​នាវ​ពាង់​រ៝ង់​មា​ឞ៝ន់​កើត​នអា៖ ពាង់​អ៝ន់​ឞ្រាស​ក្រីស ​ខឹត​ឆើម​នត្រ៝ៈ​ឞ៝ន់ នោក​ឞ៝ន់​ហោម​អែ​ជេង​ឞូនុយ្ស​តីស។
ROM 5:9 អាបៃ​អ្យា​កោរាញ​ឞ្រាស​លែៈ​កើប​ឞ៝ន់​លែៈ​ឆ៝ង់​យ៝រ​មា​មហាម​ឞ្រាស​ក្រីស  រាលាវ​មា​នៃ​ជឹត​ឞ៝ន់​មរា​គែស​ក្លាយ្ស​ជេស​ឞើស​នាវ​ពាង់​តេៈ​ទោយ្ស។
ROM 5:10 លាស​នោក​ឞ៝ន់​ហោម​អែ​ជេង​ឞូនុយ្ស​តឹម​រាទ៝ង់​ដាស​កោរាញ​ឞ្រាស ពាង់​តឹម​រាង្លាប់​ដាស​ឞ៝ន់​យ៝រ​មា​ក៝ន​ពាង់​ខឹត យើន​មា​អាបៃ​អ្យា​ឞ៝ន់​លែៈ​តឹម​រាង្លាប់​ដាស​ពាង់ លាស​នទ្រី​រាលាវ​មា​អី​នៃ​ជឹត​ឞ៝ន់​មរា​គែស​នាវ​រាក្លាយ្ស​យ៝រ​មា​ក៝ន​ពាង់​លែៈ​ទ៝ក់​រេស​នអ៝ប់​មា​ហោម​រេស។
ROM 5:11 មោ​អោស​ទើន​មា​កើត​នៃ​ទើម អាបៃ​អ្យា​ឞ៝ន់​លែៈ​គែស​រាម់​មអាក​មា​កោរាញ​ឞ្រាស​យ៝រ​មា​ឞ្រាស​យេឆូ​ក្រីស ​អី​កោរាញ​ឞ៝ន់​លែៈ​អ៝ន់​ឞ៝ន់​គែស​តឹម​រាង្លាប់​ដាស​កោរាញ​ឞ្រាស។
ROM 5:12 នតើម​ឞើស​ទូ​ហ្វេ​ឞូនុយ្ស​រាញា​អាដាម់ ​ជាន​តីស ទឹង​គែស​ឞូនុយ្ស​ទឹង​លែៈ​តា​នែស​នតូ​អ្យា​ឞ្លាវ​ជាន​តីស​ទាទេ ជេស​រី​អាដាម់ ​ខឹត​តាៈ​ឞើស​នាវ​តីស​ពាង់​នើស។ កើត​នទ្រី​ដ៝ង់​នាវ​ខឹត​អី​នៃ​ត៝ត់​តា​ទឹង​លែៈ​ឞូនុយ្ស យ៝រ​លាស​ទឹង​លែៈ​ឞូនុយ្ស​ជាន​តីស​ទាទេ។
ROM 5:13 អេ​ល៝រ​មា​គែស​នាវ​វៃ​មោឆេ  ឞូនុយ្ស​លែៈ​អើម​ជាន​តីស នោក​នៃ​កោរាញ​ឞ្រាស​អេ​ហ៝ៈ​ក្លាប់​នទាង់​អោស​នាវ​តីស យ៝រ​លាស​នាវ​វៃ​អី​នៃ​អេ​ហ៝ៈ​អោស​គែស។
ROM 5:14 ឞ៝ល​លាស​កើត​នៃ​កាដោយ ឞូនុយ្ស​លែៈ​អើម​ខឹត​នតើម​ឞើស​អាដាម់  ត៝ត់​មា​មោឆេ ​អី​ទើន​នាវ​វៃ​អី​នៃ​តាៈ​ឞើស​កោរាញ​ឞ្រាស នអ៝ប់​មា​ផូង​អី​មោ​រាលាវ​នាវ​ដាៈ​នហេល​តាៈ​ឞើស​កោរាញ​ឞ្រាស​កើត​កោរាញ​ឞ្រាស​លែៈ​ដាៈ​នហេល​មា​អាដាម់ ​កាដោយ។ អាដាម់ ​អី​នៃ​ជេង​តឹម​នតឹត​មា​ឞ្រាស​ក្រីស ​ជុរ​វាច់​តា​អ្យា​ឞើស​កើយ​អាដាម់ ។
ROM 5:15 យើន​មា​នាវ​តីស​អាដាម់  នទ្រែល​មា​នទើ​កោរាញ​ឞ្រាស​អ៝ន់​ទើម​ទាម​តឹម​តីស​ឞាល់​ងាន់។ អាច​មា​នាវ​តីស​ទូ​ហ្វេ​ឞូនុយ្ស ទឹង​គែស​មា​ទឹង​លែៈ​ឞូនុយ្ស​គែស​ខឹត។ យើន​មា​នាវ​អ្វែស​កោរាញ​ឞ្រាស នទ្រែល​មា​នទើ​កោរាញ​ឞ្រាស​អ៝ន់​ទើម​ទាម​លើ​មា​អ៝ក់​រាលាវ​អី​នៃ​ជឹត ពាង់​អ៝ន់​មា​អ៝ក់​ឞូនុយ្ស យ៝រ​មា​នាវ​អ្វែស​តា​ទូ​ហ្វេ​ឞូនុយ្ស​ជេង​ឞ្រាស​យេឆូ​ក្រីស  ទឹង​ពាង់​ជូត​លើយ​នាវ​តីស​អ៝ក់​ឞូនុយ្ស។
ROM 5:16 នទើ​កោរាញ​ឞ្រាស​អ៝ន់​ទើម​ទាម​អី​នៃ ដាស​មា​នាវ​តីស​ទូ​ហ្វេ​ឞូនុយ្ស​តឹម​តីស​ឞាល់​ងាន់។ អាច​មា​នាវ​តីស​ទូ​ហ្វេ​ឞូនុយ្ស​ទើម ទឹង​លែៈ​ឞូនុយ្ស​មរា​គែស​តេៈ​ទោយ្ស​ទាទេ។ យើន​មា​នទើ​កោរាញ​ឞ្រាស​អ៝ន់​ទើម​ទាម​ជាន​ឞូនុយ្ស​ជេង​ឆ៝ង់ ពាង់​មោ​ហោម​មរា​តេៈ​ទោយ្ស ឞ៝ល​លាស​លែៈ​ជាន​តីស​អ៝ក់​កាដោយ។
ROM 5:17 អាច​មា​ទូ​ហ្វេ​ឞូនុយ្ស​ជាន​តីស ជេសរី​នាវ​ខឹត​គែស​នាវ​ទើយ​យ៝រ​មា​ឞូនុយ្ស​អី​ជាន​តីស​នៃ។ យើន​មា​លើ​ហោ​រាលាវ​មា​នៃ​ជឹត​ជេង​នាវ​អ្វែស​ទុត​ក្វ៝ង់​កោរាញ​ឞ្រាស នទ្រែល​មា​នាវ​ឆ៝ង់​អី​ពាង់​អ៝ន់​ទើម​ទាម យ៝រ​លាស​ឞូ​ម៝ស​អី​ឆ៝ៈ​ទើន​នាវ​អី​នៃ គុ​រេស​គែស​នាវ​ទើយ​មា​នាវ​តីស នអ៝ប់​មា​នាវ​ខឹត យ៝រ​មា​ទូ​ហ្វេ​ពាង់​ឞ្រាស​យេឆូ​ក្រីស ។
ROM 5:18 តាៈ​ឞើស​នាវ​តីស​ទូ​ហ្វេ​ឞូនុយ្ស ទឹង​លែៈ​ឞូនុយ្ស​មរា​គែស​តេៈ​ទោយ្ស​ទាទេ យើន​មា​ទឹង​លែៈ​ឞូនុយ្ស​លែៈ​កើប​ឆ៝ង់​គែស​នាវ​រេស​យ៝រ​មា​ទូ​ហ្វេ​ឞូនុយ្ស​ជាន​ឆ៝ង់​ដ៝ង់។
ROM 5:19 អាច​មា​ទូ​ហ្វេ​ឞូនុយ្ស​មោ​អ្យាត់​នាវ​កោរាញ​ឞ្រាស ទឹង​គែស​មា​ទឹង​លែៈ​ឞូនុយ្ស​នើស​ជេង​ឞូនុយ្ស​តីស យើន​មា យ៝រ​មា​ទូ​ហ្វេ​ឞូនុយ្ស​អ្យាត់​នាវ​កោរាញ​ឞ្រាស​ទឹង​អ៝ក់​ឞូនុយ្ស​មរា​ជេង​ឞូនុយ្ស​អី​កោរាញ​ឞ្រាស​កើប​ឆ៝ង់​ដ៝ង់។
ROM 5:20 នាវ​វៃ​លែៈ​គែស​អ៝ន់​ជេស គៃ​មា​ទឹង​លែៈ​ឞូនុយ្ស​គឹត​ឆៃ​ទាស​ក្វ៝ង់​នាវ​តីស​ខាន់​ពាង់​នើម។ យើន​មា​អាស​នតុក​លើ​មា​អ៝ក់​គែស​នាវ​តីស នតុក​នៃ​គែស​នាវ​អ្វែស​កោរាញ​ឞ្រាស​លើ​មា​ហោ​ដ៝ង់។
ROM 5:21 នាវ​តីស​វៃ​គែស​នាវ​ទើយ​លែវ​តា​នាវ​ខឹត​គុ​តា​នទ្រូង​អុញ​នហ៝​រ៝ យើន​មា​អាបៃ​អ្យា​នាវ​អ្វែស​គែស​នាវ​ទើយ​អ៝ន់​នាវ​ឆ៝ង់​លែវ​តា​នាវ​រេស​នហ៝​រ៝ យ៝រ​មា​ឞ្រាស​យេឆូ​ក្រីស ​អី​កោរាញ​ឞ៝ន់។
ROM 6:1 លាស​នទ្រី​មើម​ឞ៝ន់​លាស? ឞ៝ន់​ហោម​អុច​ជាន​តីស​តៃ គៃ​មា​នាវ​អ្វែស​កោរាញ​ឞ្រាស​លើ​ហោ​អ៝ក់​ឞើស?
ROM 6:2 មោ​ទី​អោស! ឞ៝ន់​តឹម​ឞាន​មា​លែៈ​ខឹត​មពែស​មា​នាវ​តីស លាស​នទ្រី​មើម​ទឹង​ឞ៝ន់​ហោម​ទើយ​គុ​រេស​ជាន​តីស​ជឹត?
ROM 6:3 អើម​ខាន់​អៃ​មៃ​មោ​គឹត​បាស? ទឹង​លែៈ​ឞ៝ន់​អី​លែៈ​គែស​ជេស​ទើន​នាវ​បាប់តែម​យុក​មា​ទាក លែៈ​គុ​តឹម​រាង្លាប់​នទ្រែល​ឞ្រាស​ក្រីស​យេឆូ ។ នាវ​ឞ៝ន់​ទើន​នាវ​បាប់តែម​អី​នៃ ជេង​តឹម​ឞាន​មា​ឞ៝ន់​ខឹត​នទ្រែល​ពាង់​ដ៝ង់។
ROM 6:4 តា​នាវ​បាប់តែម​យុក​មា​ទាក​អី​នៃ​ឞ៝ន់​តឹម​ឞាន​មា​ខឹត​នអ៝ប់​មា​ត៝ប់​នទ្រែល​ពាង់ គៃ​មា​ឞ៝ន់​គុ​តា​នាវ​រេស​មហែ​កើត​ឞ្រាស​ក្រីស ​ដ៝ង់។ ជេសរី​អាបៃ​អ្យា​ឞ៝ន់​ទើយ​គុ​រេស​តា​នាវ​រេស​មហែ​តឹម​ឞាន​មា​ឞ្រាស​ក្រីស ​អី​កោរាញ​ឞ្រាស​ឞឹ​លែៈ​អ៝ន់​ទ៝ក់​រេស​តៃ​មា​នាវ​ទើយ​នាវ​ច្រេក​លើប​ពាង់​នើម។
ROM 6:5 លាស​ឞ៝ន់​លែៈ​គុ​នទ្រែល​ឞ្រាស​ក្រីស ​តា​នាវ​ខឹត​ពាង់​កើត​នៃ ឞ៝ន់​មរា​ទ៝ក់​រេស​តៃ​កើត​ពាង់​លែៈ​ទ៝ក់​រេស​ដ៝ង់។
ROM 6:6 ឞ៝ន់​លែៈ​គឹត​ជេស នូយ្ស​នហ៝ម់​អើម​ឞ៝ន់​អី​អុច​ជាន​តីស​នឹង តឹម​ឞាន​មា​លែៈ​ងខឹត​ជេស​តា​ឆី​តឹម​រាកាង់​នទ្រែល​ឞ្រាស​ក្រីស  គៃ​មា​នាវ​តីស​មោ​ហោម​គែស​នាវ​ទើយ​តា​នាវ​រេស​ឞ៝ន់។ ជេសរី​ឞ៝ន់​លើយ​ហោម​អោស​ជាន​ទឹក​មា​នាវ​តីស​ជឹត។
ROM 6:7 នតឹត​លាស​ឞូ​ម៝ស​អី​លែៈ​ខឹត លែៈ​ក្លាយ្ស​ជេស​ឞើស​នាវ​ទើយ​នាវ​តីស​ដ៝ង់ មោ​ហោម​ឞ្លាវ​ជាន​តីស​តា​នែស​នតូ។
ROM 6:8 លាស​ឞ៝ន់​លែៈ​ខឹត​ជេស​នទ្រែល​ឞ្រាស​ក្រីស  ឞ៝ន់​លែៈ​គឹត ឞ៝ន់​តៃ​ទ៝ក់​រេស​នទ្រែល​ពាង់​ដ៝ង់។
ROM 6:9 ឞ៝ន់​លែៈ​គឹត​ជេស​នាវ​អី​នៃ យ៝រ​លាស​ឞ្រាស​ក្រីស ​លែៈ​ទ៝ក់​រេស​ជេស​ឞើស​ផូង​ខឹត ពាង់​មោ​ហោម​អោស​ឞ្លាវ​ខឹត​តៃ នាវ​ខឹត​មោ​ហោម​អោស​គែស​នាវ​ទើយ​តា​ពាង់​តៃ។
ROM 6:10 នាវ​ពាង់​ខឹត​អី​នៃ ពាង់​ខឹត​ទូ​តឹ​ទើម​មោ​ហោម​អោស​ខឹត​តៃ គៃ​មា​ងគ្រ៝ស​លើយ​នាវ​តីស។ អាបៃ​អ្យា​ពាង់​រេស ជេង​រេស​អ៝ន់​មា​កោរាញ​ឞ្រាស​នើម។
ROM 6:11 លាស​នទ្រី​អ៝ន់​ខាន់​អៃ​មៃ​តឹម​ឞាន​កើត​នៃ​ដ៝ង់ អ៝ន់​កើប​ខាន់​អៃ​មៃ​នើម​តឹម​ឞាន​មា​លែៈ​ខឹត​ជេស​មពែស​មា​នាវ​តីស​លើយ​ហោម​អោស​ជាន​តីស ជេសរី​អ៝ន់​រេស​មា​កោរាញ​ឞ្រាស​នើម យ៝រ​លាស​ខាន់​អៃ​មៃ​លែៈ​គុ​នទ្រែល​ឞ្រាស​ក្រីស​យេឆូ ។
ROM 6:12 លាស​នទ្រី​ខាន់​អៃ​មៃ​លើយ​ហោម​អោស​ជាន​តឹង​ទូ​នតីល​នទើ​អ្យើស​នទើ​តីស​ជឹត លើយ​ហោម​អោស​ជាន​តឹង​នាវ​កើញ​អ្យើស​តា​ឆាក់​ជាន់​អី​ហោម​ឞ្លាវ​ខឹត។
ROM 6:13 លើយ​ហោម​អោស​អ៝ន់​ទូ​នតីល​នទើ​តា​ឆាក់​ជាន់​ខាន់​អៃ​មៃ​ជាន​នទើ​អ្យើស​នទើ​តីស យើន​មា​ជាវ​ខាន់​អៃ​មៃ​នើម​មា​កោរាញ​ឞ្រាស យ៝រ​លាស​ឞើស​នតើម​នើស​ខាន់​អៃ​មៃ​តឹម​ឞាន​មា​លែៈ​ខឹត យើន​មា​អាបៃ​អ្យា​ខាន់​អៃ​មៃ​លែៈ​គែស​នាវ​រេស​មហែ នទ្រី​ទឹង ទ៝ង់​ទឹង​លែៈ​ឆាក់​ជាន់​ខាន់​អៃ​មៃ គៃ​មា​ជាន​នទើ​ឆ៝ង់​នទើ​អ្វែស​អ៝ន់​មា​កោរាញ​ឞ្រាស​ទោ។
ROM 6:14 ខាន់​អៃ​មៃ​មោ​ហោម​អោស​ខាច់​ជាន​តឹង​នូយ្ស​នហ៝ម់​អុច​ជាន​តីស ខាន់​អៃ​មៃ​លែៈ​គែស​នាវ​ទើយ​មា​នាវ​អី​នៃ យ៝រ​លាស​ខាន់​អៃ​មៃ​មោ​ហោម​គុ​តា​ន៝ម់​នាវ​វៃ​មោឆេ  លែៈ​គុ​ជេស​តា​ន៝ម់​នាវ​អ្វែស​កោរាញ​ឞ្រាស។
ROM 6:15 លាស​នទ្រី​មើម​ឞ៝ន់​លាស? លាស​ឞ៝ន់​លែៈ​គុ​ជេស​តា​ន៝ម់​នាវ​អ្វែស​កោរាញ​ឞ្រាស មោ​ហោម​អោស​គុ​តា​ន៝ម់​នាវ​វៃ​មោឆេ  លាស​នទ្រី​ទី​ដ៝ង់​ឞ៝ន់​ហោម​ជាន​តីស​លាស​មោ? មោ​ទី​អោស!
ROM 6:16 ខាន់​អៃ​មៃ​លែៈ​គឹត​ជេស ម៝ស​នទើ​អី​ខាន់​អៃ​មៃ​អុច​កើយ្ស​គៃ​មា​ជាន​តឹង ខាន់​អៃ​មៃ​ជេង​តឹម​ឞាន​មា​ទឹក​មា​នទើ​អី​នៃ។ លាស​ខាន់​អៃ​មៃ​ជេង​ទឹក​មា​នាវ​តីស នាវ​តីស​លែវ​ខាន់​អៃ​មៃ​ត៝ត់​មា​នាវ​ខឹត។ លាស​ខាន់​អៃ​មៃ​កើយ្ស​អ្យាត់​នាវ​កោរាញ​ឞ្រាស នាវ​អី​នៃ​លែវ​ខាន់​អៃ​មៃ​ត៝ត់​មា​កោរាញ​ឞ្រាស​កើប​ខាន់​អៃ​មៃ​ឆ៝ង់។
ROM 6:17 ឞើស​នតើម​នើស​ខាន់​អៃ​មៃ​ជេង​ទឹក​មា​នាវ​តីស យើន​មា​លាស​អ្វែស​មា​កោរាញ​ឞ្រាស អាបៃ​អ្យា​ខាន់​អៃ​មៃ​លែៈ​អ្យាត់​មា​លែៈ​ឞើស​នូយ្ស​នហ៝ម់​ងាន់​នាវ​ឞូ​លែៈ​នតុម​នតី​ខាន់​អៃ​មៃ។
ROM 6:18 កោរាញ​ឞ្រាស​លែៈ​រាក្លាយ្ស​ជេស​ខាន់​អៃ​មៃ​ឞើស​នាវ​តីស ជេសរី​ខាន់​អៃ​មៃ​លែៈ​ជេង​ទឹក​មា​នាវ​គុ​ងាវ​ឆ៝ង់។
ROM 6:19 គ៝ប់​ងើយ​មា​នាវ​ជាន​ទឹក​ឞូ យ៝រ​លាស​ខាន់​អៃ​មៃ​នើស​ហោម​ជេង​ឞូនុយ្ស​មោ​លាង់​ជាន​តឹង​នាវ​កោរាញ​ឞ្រាស​អុច។ ឞើស​នតើម​នើស​ខាន់​អៃ​មៃ​ជាវ​ឆាក់​ជាន់​ខាន់​អៃ​មៃ​នើម​អ៝ន់​ជាន​ទឹក​មា​នាវ​អ្យើស នទ្រែល​មា​នាវ​តឹម​រាទ៝ង់​មា​កោរាញ​ឞ្រាស​លើ​មា​ហោ។ អាបៃ​អ្យា​អ៝ន់​ខាន់​អៃ​មៃ​ជាវ​ហ៝ម់​ឆាក់​ជាន់​ខាន់​អៃ​មៃ​នើម​អ៝ន់​ជាន​ទឹក​មា​នាវ​ឆ៝ង់ គៃ​មា​ខាន់​អៃ​មៃ​ជេង​ក្ល៝ស​អ្វែស។
ROM 6:20 នោក​ខាន់​អៃ​មៃ​ហោម​ជាន​ទឹក​មា​នាវ​តីស​នើស ខាន់​អៃ​មៃ​មោ​អោស​ជាន​តឹង​នាវ​កោរាញ​ឞ្រាស​អុច។
ROM 6:21 លាស​នទ្រី​នាវ​អី​ខាន់​អៃ​មៃ​ជាន​តីស​អី​នៃ​នើស ម៝ស​នទើ​គែស​នាវ​ខ្លៃ​មា​ខាន់​អៃ​មៃ​អាបៃ​អ្យា? អាបៃ​អ្យា​ខាន់​អៃ​មៃ​គែស​នាវ​ដីត​ទើម​មា​នាវ​ជាន​អី​នៃ។ នាវ​អី​នៃ​លែវ​ខាន់​អៃ​មៃ​ត៝ត់​តា​នាវ​ខឹត​គុ​តា​នទ្រូង​អុញ​នហ៝​រ៝​តា​នារ​ជឹត​នាប់​តៃ!
ROM 6:22 យើន​មា​អាបៃ​អ្យា​ខាន់​អៃ​មៃ​មោ​ហោម​អោស​គុ​តា​ន៝ម់​នាវ​ទើយ​នាវ​តីស ខាន់​អៃ​មៃ​លែៈ​ជេង​ទឹក​មា​កោរាញ​ឞ្រាស។ នាវ​ខ្លៃ​អី​លែៈ​ជេង​ទឹក​មា​កោរាញ​ឞ្រាស ខាន់​អៃ​មៃ​ជេង​ប៝ន​លាន​កោរាញ​ឞ្រាស​ជេង​ក្ល៝ស​អ្វែស នាវ​អី​នៃ​លែវ​ត៝ត់​តា​នាវ​រេស​នហ៝​រ៝។
ROM 6:23 នាវ​ជាន​តីស​លែវ​ត៝ត់​តា​នាវ​ខឹត​គុ​តា​នទ្រូង​អុញ​នហ៝​រ៝។ ល៝ង់​នទើ​កោរាញ​ឞ្រាស​អ៝ន់​ទើម​ទាម​មា​ឞ៝ន់​ជេង​នាវ​រេស​នហ៝​រ៝ តាៈ​ឞើស​នទើ​ឞ្រាស​ក្រីស​យេឆូ ​អី​កោរាញ​ឞ៝ន់​លែៈ​ជាន​នើស។
ROM 7:1 អើ​អ៝ស​នោ​តា​នាវ​ញឆីង! គ៝ប់​អុច​ងើយ​មា​ខាន់​អៃ​មៃ​អី​គឹត​ឞ្លាវ​តា​នាវ​វៃ​មោឆេ ។ ខាន់​អៃ​មៃ​លែៈ​គឹត​ជេស​នាវ​វៃ​អី​នៃ​គែស​នាវ​ទើយ​មា​ឞូនុយ្ស​នោក​ហោម​រេស​ទើម។
ROM 7:2 កើត​មា​ឞូ​អូរ​អី​លែៈ​គែស​ឆាយ តឹង​មា​នាវ​វៃ​នអាប់​អូរ​ឆាយ ពាង់​ជេង​អូរ​ដាស​ឆាយ​អី​នៃ​នឹង​នោក​ឆាយ​ពាង់​ហោម​រេស យើន​មា​លាស​ឆាយ​ពាង់​លែៈ​ខឹត ពាង់​លែៈ​ក្លាយ្ស​ជេស​ឞើស​នាវ​វៃ​នអាប់​អូរ​ឆាយ។
ROM 7:3 លាស​ឆាយ​ពាង់​ហោម​អែ​រេស ជេសរី​ពាង់​ឆ៝ៈ​តៃ​ឆាយ​អេង​ជឹត​ឞូ​កើប​ពាង់​ជេង​ឞូ​អូរ​ល៝ម់​ឆាយ។ យើន​មា​លាស​ឆាយ​ពាង់​លែៈ​ខឹត​ជេស ឞ៝ល​លាស​ពាង់​ឆ៝ៈ​តៃ​ឆាយ​អេង​ជឹត ឞូ​មោ​ហោម​អោស​កើប​ពាង់​ជេង​ឞូ​អូរ​ល៝ម់​ឆាយ​ជឹត យ៝រ​លាស​ពាង់​លែៈ​ក្លាយ្ស​ជេស​ឞើស​នាវ​វៃ​អី​នៃ។
ROM 7:4 អើ​អ៝ស​នោ​តា​នាវ​ញឆីង! តា​ផូង​ខាន់​អៃ​មៃ​តឹម​ឞាន​មា​ឞូ​អូរ​អី​លែៈ​ខឹត​ឆាយ។ ខាន់​អៃ​មៃ​លែៈ​ខឹត​ជេស​នទ្រែល​ឞ្រាស​ក្រីស  លាស​នទ្រី​ខាន់​អៃ​មៃ​មោ​ហោម​ខាច់​ដ៝ង់​ជាន់​តឹង​នាវ​វៃ​មោឆេ  អាបៃ​អ្យា​ខាន់​អៃ​មៃ​គុ​តឹម​រាង្លាប់​នទ្រែល​ឞ្រាស​ក្រីស ​អី​កោរាញ​ឞ្រាស​លែៈ​អ៝ន់​ទ៝ក់​រេស​ឞើស​ផូង​ខឹត គៃ​មា​អ៝ន់​ឞ៝ន់​ជាន​នទើ​អ្វែស​មា​កោរាញ​ឞ្រាស។
ROM 7:5 នតើម​ឞើស​នទុល​មែ​នាវ​កើញ​នូយ្ស​នហ៝ម់​ឞូនុយ្ស​ឞ៝ន់​អុច​ជាន​តីស តាៈ​ឞើស​គឹត​នាវ​វៃ​មោឆេ ​ឞ៝ន់​ជាន​តីស​ងាន់ លែវ​ត៝ត់​តា​នាវ​ខឹត​គុ​តា​នទ្រូង​អុញ​នហ៝​រ៝។
ROM 7:6 យើន​មា​អាបៃ​អ្យា​ឞ៝ន់​លែៈ​ក្លាយ្ស​ជេស​ឞើស​នាវ​វៃ​មោឆេ  យ៝រ​លាស​ឞ៝ន់​លែៈ​ខឹត​នទ្រែល​ឞ្រាស​ក្រីស  មោ​ហោម​អោស​គុ​ក្រុង​តា​ន៝ម់​នាវ​វៃ​អី​នៃ។ ឞ៝ន់​លែៈ​ក្លាយ្ស​គៃ​មា​ឆើម​កើល​ជាន​ការ​មា​កោរាញ​ឞ្រាស​តឹង​នតីល​នាវ​គុ​រេស​មហែ​អី​តាៈ​ឞើស​ឞ្រាស​ហ្វេង​អ្វែស មោ​ហោម​អោស​ជាន​តឹង​នតីល​នាវ​គុ​រេស​អើម​អី​តាៈ​ឞើស​នាវ​វៃ​ដាៈ។
ROM 7:7 លាស​នទ្រី​មើម​ឞ៝ន់​លាស? នាវ​វៃ​អី​នៃ​ជេង​នាវ​តីស​ឞើស? មោ​ទី​អោស! យើន​មា​លាស​មោ​គែស​នាវ​វៃ​អី​នៃ គ៝ប់​មោ​គឹត​ដេៈ​រ៝​ម៝ស​នទើ​អី​តីស។ លាស​នាវ​វៃ​មោ​គែស​ឞ្វៃ​លាស «លើយ​កើញ​នទើ​ឞូ» គ៝ប់​ក៝ៈ​មោ​គឹត​នាល់​នទើ​អី​នៃ​ជេង​តីស​ដ៝ង់។
ROM 7:8 យើន​មា​តាៈ​ឞើស​នាវ​ឞ្វៃ​អី​នៃ ទឹង​ជាន​អ៝ន់​គ៝ប់​គែស​នាវ​កើញ​ជាន​តីស​អ៝ក់​នតីល​ងាន់។ លាស​មោ​គែស​អោស​នាវ​វៃ គ៝ប់​មោ​គែស​អោស​នាវ​អុច​ជាន​តីស​ដ៝ង់។
ROM 7:9 ឞើស​នតើម​នើស​គ៝ប់​គុ​រេស​មោ​អោស​គឹត​ម៝ស​បាៈ​គែស​ដាៈ​តា​នាវ​វៃ​អី​នៃ។ ត៝ត់​មា​គ៝ប់​លែៈ​នតី​នាវ​វៃ​ឞ្វៃ «លើយ​កើញ​នទើ​ឞូ» គ៝ប់​នតើម​កើញ​នទើ​ឞូ​រ៝។
ROM 7:10 ជេសរី​ទី​មា​កោរាញ​ឞ្រាស​តេៈ​ទោយ្ស​មា​គ៝ប់។ កើត​នទ្រី​នាវ​វៃ​អី​គៃ​មា​អ៝ន់​នាវ​រេស​នហ៝​រ៝​អី​នៃ ងខើង​មា​អ៝ន់​គ៝ប់​គែស​ទោយ្ស​ច្រាវ។
ROM 7:11 តាៈ​ឞើស​គឹត​នាវ​ឞ្វៃ​អី​នៃ នូយ្ស​នហ៝ម់​គ៝ប់​អី​អុច​ជាន​តីស​លែវ​ជាន​តីស​មា​នាវ​ឞ្វៃ​អី​នៃ អ៝ន់​គ៝ប់​មឹន​គែស​នាវ​អ្វែស​មា​គ៝ប់ បេង​មា​អ៝ន់​គ៝ប់​គែស​ទោយ្ស​គុ​នទ្រូង​អុញ​នហ៝​រ៝​ច្រាវ។
ROM 7:12 នទ្រី​នាវ​វៃ​អី​តាៈ​ឞើស​កោរាញ​ឞ្រាស​ជេង​ក្ល៝ស​អ្វែស ជេសរី​នាវ​ឞ្វៃ​ជេង​ក្ល៝ស​អ្វែស ជេង​ឆ៝ង់ ជេង​អ្វែស​ដ៝ង់។
ROM 7:13 លាស​នទ្រី​នទើ​អ្វែស​អី​នៃ​អ៝ន់​លែវ​គ៝ប់​គែស​ទោយ្ស​ឞើស? មោ​ទី​អោស! នូយ្ស​នហ៝ម់​គ៝ប់​អី​អុច​ជាន​តីស​យា​ឆ៝ៈ​លើយ​នាវ​អ្វែស​អ៝ន់​គ៝ប់​គែស​ទោយ្ស។ នទ្រី​ទឹង​ឞ៝ន់​ឆៃ​នូយ្ស​នហ៝ម់​ឞូនុយ្ស​អី​អុច​ជាន​តីស​ពាង់​អ្យើស​ទុត​ហោ​ងាន់ យ៝រ​មា​ឆ៝ៈ​នាវ​ឞ្វៃ​អី​អ្វែស​នៃ​លែវ​អ៝ន់​គ៝ប់​គែស​ទោយ្ស​ទុត​ជ្រូ។
ROM 7:14 នទ្រី​ឞ៝ន់​លែៈ​គឹត នាវ​វៃ​ជេង​តាៈ​ឞើស​កោរាញ​ឞ្រាស យើន​មា​ឞើស​នតើម​នើស​គ៝ប់​ជេង​ឞូនុយ្ស​មោ​គឹត​វ៝ត់​មា​នទើ​កោរាញ​ឞ្រាស។ គ៝ប់​តឹម​ឞាន​មា​ទឹក​មា​នាវ​តីស មោ​អោស​ឞ្លាវ​ឞាស​ជាន​តីស។
ROM 7:15 នទើ​អ្វែស​អី​គ៝ប់​អុច​ជាន គ៝ប់​មោ​អោស​ជាន តីស​មា​នទើ​អី​គ៝ប់​មោ​អុច​ជាន គ៝ប់​ជាន​ច្រាវ គ៝ប់​មោ​គឹត​វ៝ត់​អោស​មើម​ទឹង​គ៝ប់​ជាន​កើត​នៃ។
ROM 7:16 លាស​គ៝ប់​ជាន​នទើ​អី​គែស​ឞ្វៃ​តា​នាវ​វៃ ឞ៝ល​លាស​គ៝ប់​មឹន​នទើ​អី​នៃ​មោ​អ្វែស លាស​នទ្រី​ឆៃ​នហេល គ៝ប់​កើប​នាវ​ឞ្វៃ​អី​នៃ​លែៈ​អ្វែស​ងាន់។
ROM 7:17 លាស​នទ្រី​មោ​ទី​គ៝ប់​នើម​អោស​ជាន​នទើ​អី​នៃ ជេង​នូយ្ស​នហ៝ម់​គ៝ប់​អី​អុច​ជាន​តីស​យា​អ៝ន់​គ៝ប់​ជាន។
ROM 7:18 គ៝ប់​លែៈ​គឹត​នូយ្ស​នហ៝ម់​គ៝ប់​អុច​ជាន​អ្យើស​ឞើស​នទុល​មែ មោ​អោស​គែស​នទើ​អ្វែស​គុ​តា​នូយ្ស​នហ៝ម់​គ៝ប់។ គ៝ប់​លែៈ​គឹត​ជេស​នទើ​អី​អ្វែស តីស​មា​មោ​អោស​ទើយ​ជាន។
ROM 7:19 គ៝ប់​លែៈ​គឹត​នហេល​នទើ​អី​អ្វែស តីស​មា​មោ​អោស​ជាន ជាន​ងខើង​នទើ​អី​គ៝ប់​លែៈ​គឹត​ជេង​អ្យើស​ច្រាវ។
ROM 7:20 លាស​គ៝ប់​ជាន​នទើ​អី​គ៝ប់​មោ​អុច​ជាន មោ​ទី​អោស​គ៝ប់​នើម​ជាន​នទើ​អី​នៃ នូយ្ស​នហ៝ម់​គ៝ប់​អី​អុច​ជាន​អ្យើស​យា​ជាន។
ROM 7:21 តា​នាវ​គុ​ងាវ គ៝ប់​អុច​ងាន់​ជាន​នទើ​អ្វែស តីស​មា​នាវ​មឹន​អ្យើស​ហោម​គុ​តា​នូយ្ស​នហ៝ម់​គ៝ប់​មរ៝ អ៝ន់​គ៝ប់​ជាន​នទើ​អ្យើស​នឹង។
ROM 7:22 គ៝ប់​ហោម​រាម់​ងាន់​មា​នាវ​វៃ​កោរាញ​ឞ្រាស‌
ROM 7:23 យើន​មា​គ៝ប់​ឆៃ​នូយ្ស​នហ៝ម់​អុច​ជាន​តីស​តឹម​រាទ៝ង់​ដាស​នាវ​វៃ​អី​នៃ នហ៝​មា​ជាន​អ៝ន់​គ៝ប់​ជេង​ទឹក​មា​នាវ​តីស។
ROM 7:24 រេស​រាញាល់​ងាន់​មា​គ៝ប់! ឞូ​ម៝ស​ហោម​ទើយ​រាក្លាយ្ស​គ៝ប់​ឞើស​នូយ្ស​នហ៝ម់​អុច​ជាន​តីស​អី​ញជុន​គ៝ប់​តា​នាវ​កោរាញ​ឞ្រាស​តេៈ​ទោយ្ស​គុ​តា​នទ្រូង​អុញ​នហ៝​រ៝?
ROM 7:25 គែស​កោរាញ​ឞ្រាស​ទើយ​រាក្លាយ្ស​គ៝ប់ គ៝ប់​លាស​អ្វែស​មា​ពាង់ យ៝រ​មា​នទើ​ឞ្រាស​យេឆូ​ក្រីស ​អី​កោរាញ​ឞ៝ន់​លែៈ​ជេស​ជាន។ គ៝ប់​អុច​ងាន់​ជាន​តឹង​នាវ​វៃ​កោរាញ​ឞ្រាស តីស​មា​នូយ្ស​នហ៝ម់​គ៝ប់​អី​អុច​ជាន​អ្យើស​នឹង ជាន​អ៝ន់​គ៝ប់​ជេង​ទឹក​មា​នាវ​តីស​ច្រាវ។
ROM 8:1 លាស​នទ្រី អាបៃ​អ្យា​ឞូ​ម៝ស​អី​លែៈ​គុ​តឹម​រាង្លាប់​នទ្រែល​ឞ្រាស​ក្រីស​យេឆូ  មោ​ហោម​អោស​កោរាញ​ឞ្រាស​តេៈ​ទោយ្ស។
ROM 8:2 យ៝រ​លាស​ឞ៝ន់​លែៈ​គុ​តឹម​រាង្លាប់​នទ្រែល​ឞ្រាស​ក្រីស​យេឆូ  ឞ្រាស​ហ្វេង​អ្វែស​រាក្លាយ្ស​ឞ៝ន់​ឞើស​នូយ្ស​នហ៝ម់​អី​អុច​ជាន​តីស​នឹង អី​លែវ​តា​នាវ​កោរាញ​ឞ្រាស​តេៈ​ទោយ្ស​គុ​តា​នទ្រូង​អុញ​នហ៝​រ៝។
ROM 8:3 ជាន​តឹង​នាវ​វៃ​មោឆេ ​មោ​អោស​ទើយ​រាក្លាយ្ស​ឞ៝ន់ យ៝រ​លាស​ឞ៝ន់​រាអ្យា​តាៈ​ឞើស​នូយ្ស​នហ៝ម់​ឞ៝ន់​អុច​ជាន​តីស​នតើម​ឞើស​នទុល​មែ។ នទ្រី​ទឹង​កោរាញ​ឞ្រាស​នើម​ជាន​អ៝ន់​មា​ឞូនុយ្ស​នទើ​អី​ឞូនុយ្ស​មោ​អោស​ឞ្លាវ​ជាន​អេង​តាៈ​ឞើស​ជាន​តឹង​នាវ​វៃ​អី​នៃ។ ពាង់​ញជ្វាល់​ក៝ន​ពាង់​នើម​តា​នែស​នតូ​អ្យា ជេង​ឞូនុយ្ស​គែស​ឆាក់​ជាន់​តឹម​ឞាន​មា​ឞូនុយ្ស​ឞ៝ន់​អី​ឞ្លាវ​ជាន​តីស​ដ៝ង់។ ជេសរី​កោរាញ​ឞ្រាស​ជាវ​ក៝ន​ពាង់​នើម​គែស​ឆាក់​ជាន់​នៃ​ជេង​នទើ​ជាន​ឞ្រាស​មា​នត្រ៝ៈ​នាវ​តីស​ឞ៝ន់ គៃ​មា​ងគ្រ៝ស​លើយ​នាវ​ទើយ​នាវ​អុច​ជាន​តីស​តា​នូយ្ស​នហ៝ម់​ផូង​ឞូនុយ្ស​ឞ៝ន់។
ROM 8:4 តឹង​មា​នាវ​វៃ​កោរាញ​ឞ្រាស​ទី​មា​តេៈ​ទោយ្ស​ឞ៝ន់ យើន​មា​ឞ្រាស​ក្រីស ​ឆើម​នត្រ៝ៈ​ទើន​នាវ​តេៈ​ទោយ្ស​អី​នៃ នទ្រី​នាវ​តេៈ​ទោយ្ស​តឹង​មា​នាវ​វៃ​លែៈ​ជេស​ជាន​លែៈ​ផ្យៅ។ នាវ​អី​នៃ​ទី​មា​ឞ៝ន់​អី​មោ​ហោម​អោស​គុ​រេស​តឹង​មា​នូយ្ស​នហ៝ម់​អី​អុច​ជាន​តីស​ឞើស​នទុល​មែ ជេសរី​គុ​រេស​តឹង​នាវ​អុច​ឞ្រាស​ហ្វេង​អ្វែស​ហ៝ៈ។
ROM 8:5 យ៝រ​លាស​ឞូ​ម៝ស​អី​គុ​រេស​តឹង​នូយ្ស​នហ៝ម់​អី​អុច​ជាន​តីស​ឞើស​នទុល​មែ ពាង់​មឹន​មា​នទើ​អ្យើស​តឹង​នូយ្ស​នហ៝ម់​អី​នៃ យើន​មា​ឞូ​ម៝ស​អី​គុ​រេស​តឹង​នាវ​អុច​ឞ្រាស​ហ្វេង​អ្វែស ពាង់​មឹន​មា​នទើ​ឞ្រាស​ហ្វេង​អ្វែស​អុច​ទើម។
ROM 8:6 ជេសរី​នាវ​មឹន​មា​នទើ​នូយ្ស​នហ៝ម់​អី​អុច​ជាន​តីស​ឞើស​នទុល​មែ ញជុន​លែវ​តា​នាវ​កោរាញ​ឞ្រាស​តេៈ​ទោយ្ស​គុ​តា​នទ្រូង​អុញ​នហ៝​រ៝។ យើន​មា​នាវ​មឹន​មា​នទើ​ឞ្រាស​ហ្វេង​អ្វែស​អុច ញជុន​លែវ​តា​នាវ​រេស​នហ៝​រ៝ តា​នាវ​ដាប់​មពាន់។
ROM 8:7 នាវ​មឹន​មា​នទើ​នូយ្ស​នហ៝ម់​អី​អុច​ជាន​តីស​ឞើស​នទុល​មែ​នើស​ជេង​តឹម​រាទ៝ង់​ដាស​កោរាញ​ឞ្រាស​ងាន់ មោ​ជាន​តឹង​នាវ​វៃ​កោរាញ​ឞ្រាស នហ៝​មា​មោ​ទើយ​ជាន​តឹង​ដ៝ង់។
ROM 8:8 ឞូ​ម៝ស​អី​គុ​រេស​តឹង​មា​នាវ​អុច​នូយ្ស​នហ៝ម់​អី​អុច​ជាន​តីស​ឞើស​នទុល​មែ ពាង់​មោ​អោស​ឞ្លាវ​ជាន​អ៝ន់​តឹម​ទី​ដាស​នូយ្ស​នហ៝ម់​កោរាញ​ឞ្រាស។
ROM 8:9 យើន​មា​លាស​ឞ្រាស​ហ្វេង​អ្វែស​កោរាញ​ឞ្រាស​លែៈ​គុ​តា​ខាន់​អៃ​មៃ ខាន់​អៃ​មៃ​មោ​ហោម​គុ​រេស​តឹង​មា​នូយ្ស​នហ៝ម់​អី​អុច​ជាន​តីស​ឞើស​នទុល​មែ ខាន់​អៃ​មៃ​លែៈ​គុ​រេស​ជេស​តឹង​នាវ​អុច​ឞ្រាស​ហ្វេង​អ្វែស។ ឞូ​ម៝ស​អី​មោ​អោស​គែស​ឞ្រាស​ហ្វេង​អ្វែស​ឞ្រាស​ក្រីស ​គុ​តា​ពាង់ ពាង់​អី​នៃ​មោ​អោស​ជេង​ប៝ន​លាន​ឞ្រាស​ក្រីស ។
ROM 8:10 យើន​មា​លាស​ឞ្រាស​ក្រីស ​គុ​នទ្រែល​តា​ខាន់​អៃ​មៃ ឞ៝ល​លាស​ឆាក់​ជាន់​ខាន់​អៃ​មៃ​មរា​ខឹត​យ៝រ​មា​នាវ​ជាន​តីស​កាដោយ ឞ្រាស​ហ្វេង​អ្វែស​អ៝ន់​ខាន់​អៃ​មៃ​នាវ​រេស​នហ៝​រ៝ យ៝រ​លាស​កោរាញ​ឞ្រាស​កើប​ខាន់​អៃ​មៃ​លែៈ​ឆ៝ង់។
ROM 8:11 កោរាញ​ឞ្រាស​ជាន​ឞ្រាស​យេឆូ ​អ៝ន់​ទ៝ក់​រេស លាស​នទ្រី​លាស​ឞ្រាស​ហ្វេង​អ្វែស​កោរាញ​ឞ្រាស​គុ​តា​ខាន់​អៃ​មៃ កោរាញ​ឞ្រាស​មរា​អ៝ន់​ដ៝ង់​ខាន់​អៃ​មៃ​ទ៝ក់​រេស​តៃ​តាៈ​ឞើស​នាវ​ទើយ​ឞ្រាស​ហ្វេង​អ្វែស យ៝រ​មា​ឞ្រាស​ហ្វេង​អ្វែស​កោរាញ​ឞ្រាស​នើម​គុ​តា​ខាន់​អៃ​មៃ ឞ៝ល​លាស​ឆាក់​ជាន់​ខាន់​អៃ​មៃ​ហោម​ឞ្លាវ​ខឹត​កាដោយ។
ROM 8:12 អើ​អ៝ស​នោ​តា​នាវ​ញឆីង លាស​នទ្រី​ឞ៝ន់​មោ​ហោម​អោស​ខាច់​គុ​រេស​តឹង​មា​នាវ​អុច​នូយ្ស​នហ៝ម់​អី​អុច​ជាន​តីស​ឞើស​នទុល​មែ។
ROM 8:13 លាស​ខាន់​អៃ​មៃ​គុ​រេស​តឹង​នូយ្ស​នហ៝ម់​អី​អុច​ជាន​តីស​ឞើស​នទុល​មែ កោរាញ​ឞ្រាស​មរា​តេៈ​ទោយ្ស​ខាន់​អៃ​មៃ​គុ​តា​នទ្រូង​អុញ​នហ៝​រ៝។ យើន​មា​លាស​ខាន់​អៃ​មៃ​គុ​រេស​តឹង​នាវ​អុច​ឞ្រាស​ហ្វេង​អ្វែស នអ៝ប់​មា​ងខឹត​លើយ​នូយ្ស​នហ៝ម់​អី​អុច​ជាន​តីស​ឞើស​នទុល​មែ លាស​នទ្រី​ខាន់​អៃ​មៃ​មរា​គែស​នាវ​រេស​នហ៝​រ៝។
ROM 8:14 យ៝រ​លាស​ឞូ​ម៝ស​អី​គែស​ឞ្រាស​ហ្វេង​អ្វែស​កោរាញ​ឞ្រាស​លែវ​ពាង់ ពាង់​អី​នៃ​ជេង​ក៝ន​កោរាញ​ឞ្រាស​នើម។
ROM 8:15 ឞ្រាស​ហ្វេង​អ្វែស​អី​កោរាញ​ឞ្រាស​លែៈ​អ៝ន់​មា​ខាន់​អៃ​មៃ ពាង់​មោ​អោស​អ៝ន់​ខាន់​អៃ​មៃ​ក្លាច​កោរាញ​ឞ្រាស​តេៈ​ទោយ្ស​តឹម​ឞាន​មា​ទឹក​ក្លាច​កោរាញ​ពាង់។ យើន​មា​ពាង់​អ៝ន់​ខាន់​អៃ​មៃ​ជេង​ក៝ន​កោរាញ​ឞ្រាស តាៈ​ឞើស​នៃ​ឞ៝ន់​ក្វាល់​កោរាញ​ឞ្រាស​«ឞឹ»។
ROM 8:16 ឞ្រាស​ហ្វេង​អ្វែស​នើម​មឞើស​អ៝ន់​ឞ៝ន់​គឹត​នហេល​តា​នូយ្ស​នហ៝ម់ ឞ៝ន់​លែៈ​ជេង​ក៝ន​កោរាញ​ឞ្រាស។
ROM 8:17 ជេសរី​លាស​ឞ៝ន់​លែៈ​ជេង​ក៝ន​កោរាញ​ឞ្រាស​ងាន់ ឞ៝ន់​មរា​ឆ៝ៈ​ទើន​នទើ​នទ្រៃ​ដ៝ង់ ជេង​ឆ៝ៈ​ទើន​នទ្រែល​ឞ្រាស​ក្រីស ​នទើ​នទ្រៃ​តាៈ​ឞើស​កោរាញ​ឞ្រាស។ លាស​ឞ៝ន់​គុ​នទ្រែល​ឞ្រាស​ក្រីស ​តា​នាវ​ជេរ​ជ៝ត់​ពាង់ រី​មើ​ឞ៝ន់​មរា​គុ​នទ្រែល​ពាង់​តា​នាវ​ច្រេក​លើប​ដ៝ង់។
ROM 8:18 គ៝ប់​កើប​នាវ​ជេរ​ជ៝ត់​អី​ឞ៝ន់​គែស​អាបៃ​អ្យា មោ​អោស​ទើយ​នតឹត​ដាស​នាវ​ច្រេក​លើប​កោរាញ​ឞ្រាស​ទែ​ញហើ​មា​ឞ៝ន់​តា​នារ​ជឹត​នាប់​តៃ។
ROM 8:19 ទឹង​លែៈ​នទើ​កោរាញ​ឞ្រាស​ទែ​ញជេង​នើស គុ​ក៝ប់​រើប​ហើប​ងាន់​រ៝ ក៝ប់​ត៝ត់​កោរាញ​ឞ្រាស​ញហើ​ឞូ​ម៝ស​អី​ជេង​ផូង​ក៝ន​ពាង់​នើម។
ROM 8:20 ទឹង​លែៈ​នទើ​កោរាញ​ឞ្រាស​នើម​ញជេង​នើស មោ​ហោម​អោស​គែស​នាវ​អ្វែស​កើត​ឞើស​នតើម​នើស ឞ៝ល​លាស​ទឹង​លែៈ​នទើ​អី​នៃ​មោ​អោស​អុច​កើត​នៃ ជេង​តាៈ​ឞើស​កោរាញ​ឞ្រាស​នើម​អ៝ន់​កើត​នៃ​អាច​មា​អាដាម់ ​ជាន​តីស។ យើន​មា​ពាង់​អ៝ន់​ទឹង​លែៈ​នទើ​អី​នៃ​ហោម​គែស​នាវ​រានើម
ROM 8:21 មា​ក្លាយ្ស​ឞើស​នាវ​ខឹត​នាវ​អោម គៃ​មា​អ៝ន់​គែស​នាវ​ច្រេក​លើប​នហ៝​រ៝​តឹម​ឞាន​មា​នាវ​ច្រេក​លើប​អី​កោរាញ​ឞ្រាស​អ៝ន់​មា​ផូង​ក៝ន​ពាង់​នើម​ដ៝ង់។
ROM 8:22 លែៈ​ឞ៝ន់​គឹត​ជេស នតើម​ឞើស​អាដាម់ ​ជាន​តីស នហ៝​មា​ត៝ត់​អាបៃ​អ្យា​រ៝ ទឹង​លែៈ​នទើ​កោរាញ​ឞ្រាស​ទែ​ញជេង​នើស​រាដើស​រាដេង​ហោ​ងាន់ តឹម​ឞាន​មា​ឞូ​អូរ​ជី​គុ​អ៝ស។
ROM 8:23 មោ​អោស​ទើន​មា​ទឹង​លែៈ​នទើ​អី​នៃ​ទើម ឞ៝ន់​នើម​រាដើស​រាដេង​តា​នូយ្ស​នហ៝ម់​ដ៝ង់។ អាបៃ​អ្យា​ឞ៝ន់​លែៈ​ឆ៝ៈ​ទើន​ឞ្រាស​ហ្វេង​អ្វែស​គុ​តា​ឞ៝ន់ ទឹង​ឆៃ​នទើ​ដេៈៗ​អី​ឞ៝ន់​មរា​គែស​តា​នារ​ជឹត​នាប់​តៃ។ កើត​នទ្រី​ឞ៝ន់​គុ​ក៝ប់​រើប​ហើប​ងាន់​រ៝​ត៝ត់​តា​នារ​កោរាញ​ឞ្រាស​អ៝ន់​ឞូ​ឆៃ​នហេល​ឞ៝ន់​ជេង​ក៝ន​ពាង់​នើម​ងាន់​ងេន អ៝ន់​ឞ៝ន់​គែស​ឆាក់​ជាន់​មហែ។
ROM 8:24 ឞ៝ន់​រានើម​មា​នាវ​អី​នៃ​នតើម​ឞើស​នោក​ឞ៝ន់​លែៈ​គែស​នាវ​រាក្លាយ្ស។ លាស​ឞ៝ន់​លែៈ​គែស​ទូ​នតីល​នទើ ឞ៝ន់​មោ​ហោម​អោស​រានើម​កើញ​គែស​មា​នទើ​អី​នៃ​ជឹត!
ROM 8:25 យើន​មា​លាស​ឞ៝ន់​រានើម​មា​នទើ​អេ​ហ៝ៈ​គែស​អោស នទ្រី​ឞ៝ន់​គុ​ក៝ប់​រើប​ហើប​ងាន់​នាវ​អី​នៃ។
ROM 8:26 នាវ​រានើម​កើល​ឞ៝ន់​ញឆ្រោយ្ស​ក៝ប់​មា​នាវ​អី​នៃ កើត​នទ្រី​ដ៝ង់​ឞ្រាស​ហ្វេង​អ្វែស​ឆើម​កើល​នាវ​រាអ្យា​ឞ៝ន់​អ្យា។ កើត​លាស​ឆាក់​ឞ៝ន់​នើម​មោ​គឹត​អោស​ម៝ស​នទើ​ងើយ​ម៝ស​នទើ​ទាន់​តា​នាវ​មឞើស​ឆើម យើន​មា​ឞ្រាស​ហ្វេង​អ្វែស​ឆើម​មឞើស​ឆើម​ទាន់​អ៝ន់​មា​ឞ៝ន់ មា​នាវ​រាដើស​រាដេង​អី​មោ​ហោម​អោស​ឞ្លាវ​មា​នាវ​មា​មឞើស​ងក៝ច។
ROM 8:27 យើន​មា​កោរាញ​ឞ្រាស​អី​គឹត​នាល់​នូយ្ស​នហ៝ម់​នាវ​មឹន​ឞូនុយ្ស ពាង់​លែៈ​គឹត​វ៝ត់​ដ៝ង់​តា​នាវ​មឹន​ឞ្រាស​ហ្វេង​អ្វែស យ៝រ​លាស​ឞ្រាស​ហ្វេង​អ្វែស​ឆើម​កើល​មឞើស​ឆើម​អ៝ន់​មា​ផូង​ប៝ន​លាន​ពាង់​នើម តឹង​កើត​នាវ​ពាង់​នើម​អុច។
ROM 8:28 ឞ៝ន់​លែៈ​គឹត​ជេស ម៝ស​នទើ​អី​គែស​តា​នាវ​រេស​ឞ៝ន់ កោរាញ​ឞ្រាស​អ៝ន់​លោស​ជេង​នទើ​អ្វែស​មា​ឞ៝ន់​អី​រ៝ង់​មា​ពាង់ អី​ពាង់​លែៈ​ក្វាល់​ជេង​ប៝ន​លាន​ពាង់​នើម​តឹង​នាវ​អុច​ពាង់​នើម។
ROM 8:29 កោរាញ​ឞ្រាស​លែៈ​អើម​គឹត​ល៝រ​ឞូ​ម៝ស​មរា​ជេង​ប៝ន​លាន​ពាង់​នើម ពាង់​កើយ្ស​ឞូនុយ្ស​អី​នៃ​គៃ​មា​ជេង​តឹម​ឞាន​មា​ឞ្រាស​យេឆូ ​អី​ក៝ន​ពាង់​នើម​ងាន់ គៃ​មា​ក៝ន​ពាង់​អី​នៃ​ជេង​ក៝ន​ឞោក​ទាក​ជេង​នោ​មា​ទឹង​លែៈ​ឞ៝ន់​អី​ក៝ន​កោរាញ​ឞ្រាស។
ROM 8:30 ឞូ​ម៝ស​អី​កោរាញ​ឞ្រាស​លែៈ​អើម​គឹត​ល៝រ​ជេង​ប៝ន​លាន​ពាង់​នើម ពាង់​លែៈ​ក្វាល់​ដ៝ង់។ ឞូ​ម៝ស​អី​កោរាញ​ឞ្រាស​លែៈ​ក្វាល់ ពាង់​លែៈ​កើប​ឆ៝ង់​ដ៝ង់។ ឞូ​ម៝ស​អី​កោរាញ​ឞ្រាស​លែៈ​កើប​ឆ៝ង់ ពាង់​លែៈ​អ៝ន់​នាវ​ច្រេក​លើប​មា​ខាន់​ពាង់​អី​នៃ​ដ៝ង់។
ROM 8:31 លាស​នទ្រី​ទឹង​លែៈ​នទើ​អី​នៃ​ម៝ស​នទើ​ឞ៝ន់​ហោម​ឞ្លាវ​ងើយ? លាស​លែៈ​កោរាញ​ឞ្រាស​គុ​មពែស​ឞើស​ឞ៝ន់ លាស​នទ្រី​មោ​ហោម​គែស​អោស​ទូ​នតីល​នទើ​ទើយ​តឹម​រាទ៝ង់​ដាស​ឞ៝ន់​ជឹត!
ROM 8:32 យ៝រ​លាស​កោរាញ​ឞ្រាស​លែៈ​មោ​ញហ្វាច​អោស​អ៝ន់​ក៝ន​ពាង់​នើម​នើស លែៈ​ពាង់​ញជុន​នត្រ៝ៈ​អ៝ន់​មា​ឞ៝ន់​ជេស លាស​នទ្រី​ទឹង​លែៈ​នទើ​អេង​ពាង់​មរា​អ៝ន់​មា​ឞ៝ន់ នទ្រែល​មា​ក៝ន​ពាង់​អី​នៃ​ដ៝ង់។
ROM 8:33 អាស​ហោម​គែស​ដ៝ង់​ទូ​នតីល​នទើ​ទើយ​នតោន​មា​ផូង​ប៝ន​លាន​អី​កោរាញ​ឞ្រាស​ទែ​លែៈ​កើយ្ស? មោ​គែស​អោស កោរាញ​ឞ្រាស​នើម​លែៈ​អ៝ន់​ឞ៝ន់​គុ​ឆ៝ង់​តា​នាប់​មាត់​ពាង់។
ROM 8:34 ឞូ​ម៝ស​ហោម​ទើយ​តេៈ​ទោយ្ស​ឞ៝ន់​ជឹត? មោ​គែស​អោស ឞ្រាស​ក្រីស​យេឆូ ​លែៈ​ខឹត លែៈ​ទ៝ក់​រេស​ជេស​គុ​ឞើស​មា​តី​កោរាញ​ឞ្រាស​នើម នហ៝​មា​ឆើម​កើល​ទាន់​អ៝ន់​មា​ឞ៝ន់​ដ៝ង់។
ROM 8:35 ឞូ​ម៝ស​ហោម​ទើយ​តឹម​ងខាស​ឞ៝ន់​ឞើស​នាវ​រ៝ង់​ឞ្រាស​ក្រីស ? ឞ៝ល​លាស​នាវ​រេស​រាញាល់​កាដោយ នាវ​ងក្ល៝ន់​រាវៃ​កាដោយ នាវ​ឞូ​ជាន​ជេរ​កាដោយ នាវ​ជី​ឆ៝ត់​ជី​ង៝ត​កាដោយ នាវ​ឞិច​កោស​លាហោក​កាដោយ នាវ​ត៝ត់​ជេរ​កាដោយ មោ​លាស​នាវ​ឞូ​អុច​ងខឹត​កាដោយ ក៝ៈ​មោ​ទើយ​ដ៝ង់​តឹម​ងខាស​ឞ៝ន់​ឞើស​នាវ​រ៝ង់​ឞ្រាស​ក្រីស ។
ROM 8:36 កើត​នាវ​លែៈ​គែស​ញចីស​ជេស៖ «អើ​កោរាញ​ឞ្រាស​អាប់​នារ​ឞូ​ជ៝យ​អុច​ងខឹត​ហេន​យ៝រ​មា​ហេន​ជេង​ប៝ន​លាន​មៃ‌ ឞូ​អ្វាញ់​ហេន​តឹម​ឞាន​មា​ឞែ​ឞ្យាប់​អី​ឞូ​មឞាង​មា​ឆា»។
ROM 8:37 យើន​មា​យ៝រ​លាស​ឞ្រាស​ក្រីស ​រ៝ង់​មា​ឞ៝ន់ ទឹង​ឞ៝ន់​គែស​នាវ​ទុត​ទើយ​មា​ទឹង​លែៈ​នាវ​ជេរ​អី​នៃ។
ROM 8:38 គ៝ប់​លែៈ​គឹត​នហេល​ងាន់ ឞ៝ល​លាស​ខឹត​កាដោយ រេស​កាដោយ តោង​ពារ់​កាដោយ ឞ្រាស​អ្យើស​កាដោយ នាវ​ត៝ត់​តា​នារ​អ្យា​កាដោយ នាវ​ត៝ត់​តា​នារ​ជឹត​នាប់​តៃ​កាដោយ ម៝ស​នទើ​អី​គែស​នាវ​ទើយ​នាវ​តាម​កាដោយ‌
ROM 8:39 នាវ​ទើយ​តា​កាលើ​ត្រោក​កាដោយ នាវ​ទើយ​តា​ឞើស​ទ៝ង់​នែស​កាដោយ មោ​លាស​តា​នទើ​អេង​ជឹត​អី​កោរាញ​ឞ្រាស​ទែ​លែៈ​ញជេង​កាដោយ ក៝ៈ​មោ​ទើយ​អោស​តឹម​ងខាស​ឞ៝ន់​ឞើស​នាវ​កោរាញ​ឞ្រាស​រ៝ង់​អី​លែៈ​ពាង់​ញហើ​ជេស​តា​ឞ្រាស​ក្រីស​យេឆូ ​អី​កោរាញ​ឞ៝ន់។
ROM 9:1 ឞ្រាស​ក្រីស ​លែៈ​គឹត​ដ៝ង់​គ៝ប់​ងើយ​ងាន់ គ៝ប់​មោ​អោស​ងើយ​មរោស។ នូយ្ស​នហ៝ម់​គ៝ប់​នអ៝ប់​មា​ឞ្រាស​ហ្វេង​អ្វែស​អី​ក្ល៝ស​អ្វែស​តឹម​ទី​មា​នាវ​គ៝ប់​ញចីស​ឞើស​ទ៝ង់​អ្យា​ដ៝ង់។
ROM 9:2 គ៝ប់​គែស​នាវ​ងក្ល៝ន់​រាវៃ​ហោ​ងាន់ នអ៝ប់​មា​គែស​នាវ​រាង៝ត​មោ​អ្យាង់​តា​នូយ្ស​នហ៝ម់​រី​ហោ​ដ៝ង់ យ៝រ​លាស​ផូង​អីឆ្រាអែល ​អី​ផូង​គ៝ប់​គែស​អ៝ក់​មោ​អុច​ញឆីង​មា​ឞ្រាស​ក្រីស ។
ROM 9:3 លាស​គ៝ប់​ទើយ​កើល​ខាន់​ពាង់​អ៝ន់​គែស​នាវ​រាក្លាយ្ស ឞ៝ល​លាស​គ៝ប់​តឹម​ងខាស​ឞើស​ឞ្រាស​ក្រីស ​ឆើម​ឆ៝ៈ​ទើន​នាវ​កោរាញ​ឞ្រាស​តេៈ​ទោយ្ស​កាដោយ គៃ​មា​អ៝ន់​ខាន់​ពាង់​ក្លាយ្ស​ឞើស​នាវ​តេៈ​ទោយ្ស​អី​នៃ គ៝ប់​ហោម​អុច​កើត​នៃ​រ៝។ យើន​មា​មោ​អោស​ទើយ។
ROM 9:4 ខាន់​ពាង់​ផូង​អីឆ្រាអែល ​អី​កោរាញ​ឞ្រាស​លែៈ​កើយ្ស​អុច​ឆ៝ៈ​ជេង​ផូង​ក៝ន​ពាង់​នើម។ ឞើស​នតើម​នើស​កោរាញ​ឞ្រាស​លែៈ​ញហើ​នាវ​ច្រេក​លើប​ពាង់​នើម​អ៝ន់​មា​ខាន់​ពាង់ ពាង់​លែៈ​ជាន​នាវ​តឹម​រាង្លាប់​ដាស​ខាន់​ពាង់ ពាង់​លែៈ​អ៝ន់​នាវ​វៃ​ពាង់​នើម​មា​ខាន់​ពាង់ ពាង់​លែៈ​អ៝ន់​មា​ខាន់​ពាង់​យើក​មឞាស​ពាង់ពាង់​លែៈ​អ៝ន់​មា​ខាន់​ពាង់​នាវ​ត៝ន​អេងៗ។
ROM 9:5 ខាន់​ពាង់​រាន៝យ​ទែស​អាឞ្រាហាម់ អីឆាក់ ​នទ្រែល​មា​យាកោប  ជេសរី​លាស​កើប​តឹង​មា​រាន៝យ​ទែស​ឞូនុយ្ស ឞ្រាស​ក្រីស ​ជេង​រាន៝យ​ទែស​ពែ​នុយ្ស​ខាន់​ពាង់​អី​នៃ​ដ៝ង់។ ឞ្រាស​ក្រីស ​ពាង់​ឞ្រាស​តឹម​ឞាន​មា​កោរាញ​ឞ្រាស នអ៝ប់​មា​គែស​នាវ​ទើយ​មា​ទឹង​លែៈ​នទើ អ៝ន់​រានេ​ពាង់​នហ៝​រ៝។ អើ​អ៝ន់​គែស​កើត​នៃ​ងាន់​រ៝!
ROM 9:6 អាបៃ​អ្យា​តឹម​ឞាន​មា​នទើ​កោរាញ​ឞ្រាស​លែៈ​ត៝ន​មោ​អោស​ហ៝ច​ងាន់ យ៝រ​លាស​គែស​អ៝ក់​តា​ផូង​អីឆ្រាអែល ​មោ​អោស​គែស​នាវ​រាក្លាយ្ស។ មោ​ទី​អោស​នាវ​ត៝ន​អី​នៃ​មោ​អោស​ហ៝ច យ៝រ​លាស​ទឹង​លែៈ​ឞូនុយ្ស​តា​រាន៝យ​ទែស​ផូង​អីឆ្រាអែល ​មោ​ទី​អោស​ជេង​ផូង​ប៝ន​លាន​កោរាញ​ឞ្រាស​នើម​ងាន់​ទាទេ។
ROM 9:7 ជេសរី​ផូង​អី​រាន៝យ​ទែស​អាឞ្រាហាម់  មោ​ទី​ដ៝ង់​ជេង​ផូង​ក៝ន​ឆៅ​ពាង់​ងាន់​ទាទេ កើត​មា​កោរាញ​ឞ្រាស​លែៈ​មឞើស​មា​អាឞ្រាហាម់ ​នើស៖ «រាន៝យ​ទែស​មៃ​អី​ឆ៝ៈ​ទើន​ឞើស​នាវ​គ៝ប់​ត៝ន កើប​ឞើស​ក៝ន​អីឆាក់ ​ទើម» ឞ៝ល​លាស​អាឞ្រាហាម់ ​ហោម​គែស​ក៝ន​អាបាៈ​អេង​ដ៝ង់។
ROM 9:8 តាៈ​ឞើស​នាវ​អី​នៃ​ឞ៝ន់​ឆៃ មោ​ទី​អោស​ទឹង​លែៈ​ក៝ន​អី​ទែស​តាៈ​ឞើស​អាឞ្រាហាម់ ​ជេង​ផូង​ក៝ន​កោរាញ​ឞ្រាស​ដ៝ង់។ មពោល​ក៝ន​អី​កោរាញ​ឞ្រាស​ត៝ន​មា​អាឞ្រាហាម់ ​ទើម​អី​កើប​ជេង​រាន៝យ​ទែស​អាឞ្រាហាម់ ​ងាន់។
ROM 9:9 យ៝រ​លាស​កោរាញ​ឞ្រាស​ត៝ន​មា​ពាង់​កើត​នអា៖ «ក្លាប់​លាស​នារ​អ្យា​នាម់​តៃ​គ៝ប់​ព្លឹ​តៃ នហ៝​មា​ឆារា ​អី​អូរ​មៃ​គែស​ទូ​ហ្វេ​ក៝ន​ឞូ​ក្លោ»។
ROM 9:10 មោ​អោស​ទើន​មា​អី​នៃ​ទើម គែស​នាវ​កើត​នៃ​ដ៝ង់​មា​ឞូ​អូរ​រេបេកា ។ ពាង់​គុ​អ៝ស​ក៝ន​ឞារ តាៈ​ឞើស​ទូ​ហ្វេ​ឆាយ​ទើម ឆាយ​អី​នៃ​រាញា​អីឆាក់ ​អី​ចែ​ផូង​អីឆ្រាអែល ។
ROM 9:11 ឞ៝ល​លាស​ក៝ន​អី​ឞារ​អឹ​តា​ត្រោម​នទុល​នៃ​អេ​ហ៝ៈ​ទែស​កាដោយ អេ​ហ៝ៈ​ជាន​នទើ​អ្វែស ជាន​នទើ​អ្យើស កោរាញ​ឞ្រាស​លែៈ​លាស​មា​រេបេកា ​កើត​នអា៖ «ក៝ន​អី​អ៝ស​នៃ​មរា​ជាន​កោរាញ​មា​អី​នោ»។ លាស​នទ្រី​កោរាញ​ឞ្រាស​កើយ្ស​ឞូនុយ្ស​តឹង​នាវ​ពាង់​នើម​អុច មោ​ទី​អោស​តាៈ​ឞើស​នទើ​ឞូនុយ្ស​ជាន យើន​មា​តាៈ​ឞើស​កោរាញ​ឞ្រាស​នើម​អ៝ន់។
ROM 9:13 លែៈ​គែស​ញចីស​ដ៝ង់​មា​ឞារ​អឹ​ក៝ន​អី​នៃ៖ «កោរាញ​ឞ្រាស​លាស៖ «គ៝ប់​មោ​អោស​រ៝ង់​មា​អេឆាវ ‌ យើន​មា​គ៝ប់​រ៝ង់​មា​យាកោប ​អី​អ៝ស​ពាង់»»។
ROM 9:14 លាស​នទ្រី​មើម​នាវ​ឞ៝ន់​លាស? លាស​កោរាញ​ឞ្រាស​មោ​ឆ៝ង់​មោ​រ៝ង់​តឹម​ឞាន​ឞើស? មោ​ទី​នទ្រី​អោស!
ROM 9:15 កោរាញ​ឞ្រាស​លែៈ​លាស​ជេស​មា​មោឆេ ៖ «ឞូ​ម៝ស​អី​គ៝ប់​ជាន​អ្វែស​ទុត​តា​គ៝ប់​នើម​ទើម‌ ឞូ​ម៝ស​អី​គ៝ប់​យោៈ​នអាច​ទុត​តា​គ៝ប់​នើម​ទើម​ដ៝ង់»។
ROM 9:16 លាស​នទ្រី​នាវ​អី​នៃ​មោ​គែស​ទាស​ឞូនុយ្ស​អុច ទាស​ឞូនុយ្ស​ញឆ្រោយ្ស​តឹង​ជ៝យ ជេង​ទាស​កោរាញ​ឞ្រាស​នើម​អុច​យោៈ​ទើម។
ROM 9:17 តា​នាវ​កោរាញ​ឞ្រាស​ងើយ​លែៈ​គែស​ញចីស​ដ៝ង់​នាវ​កោរាញ​ឞ្រាស​លាស​មា​ផារ៝ន ​អី​កាដាច់​ផូង​អេឆីប ៖ «គ៝ប់​អ៝ន់​មៃ​ជាន​កាដាច់ គៃ​មា​ញហើ​នាវ​ទើយ​គ៝ប់​តា​មៃ គៃ​មា​ឞូ​មឞើស​ងក៝ច​រាញា​គ៝ប់​អ៝ន់​លឺ​លាម​នែស​នតូ»។
ROM 9:18 លាស​នទ្រី​ឞូ​ម៝ស​អី​កោរាញ​ឞ្រាស​អុច​យោៈ​ទុត​តា​ពាង់​នើម លាស​ពាង់​អុច​ជាន​អ៝ន់​ឞូ​ទាង់​ក៝​ទុត​តា​ពាង់​នើម​ដ៝ង់។
ROM 9:19 ក្លាប់​លាស​ខាន់​អៃ​មៃ​អុច​អោប​គ៝ប់​កើត​នអា៖ «លាស​នទ្រី​មើម​ទឹង​កោរាញ​ឞ្រាស​ហោម​នទុយ្ស? ឞូ​ម៝ស​ហោម​ទើយ​តឹម​រាទ៝ង់​ដាស​នាវ​កោរាញ​ឞ្រាស​នើម​អុច?»
ROM 9:20 អើ​ឞូនុយ្ស! ទាស​ន៝ម់​ក្វ៝ង់​ខាន់​អៃ​មៃ​ទឹង​ទើយ​តឹម​រាលាច់​ដាស​កោរាញ​ឞ្រាស​កើត​នៃ? ខាន់​អៃ​មៃ​ឞូនុយ្ស​ទើម។ លាស​នទ្រី​អើម​គែស​លាស នែស​អូក​លាស​មា​នើម​ម៝ន​កើត​នអា៖ «ហៃ មើម​ទឹង​មៃ​ម៝ន​គ៝ប់​នអា​នអើន​ហ្យាស?»
ROM 9:21 យ៝រ​លាស​នើម​ម៝ន​ទាស​អុច​ពាង់​នើម​ម៝ន នែស​អូក​អី​ពាង់​លែៈ​ឆ៝ៈ​នៃ អាបាៈ​ពាង់​ឆ៝ៈ​ម៝ន​នទើ​ខ្លៃ អាបាៈ​ពាង់​ឆ៝ៈ​ម៝ន​នទើ​មោ​ខ្លៃ។
ROM 9:22 កើត​នទ្រី​ដ៝ង់ ឞ៝ល​លាស​កោរាញ​ឞ្រាស​ទី​មា​ញហើ​នាវ​ជី​នូយ្ស នទ្រែល​មា​ញហើ​នាវ​ទើយ​ពាង់​នើម ពាង់​ហោម​ញឆ្រោយ្ស​អ៝ត់​នូយ្ស​ហោ​ងាន់​មា​ឞូនុយ្ស​អី​ជាន​អ៝ន់​ពាង់​ជី​នូយ្ស ឞូនុយ្ស​អី​ពាង់​ជាន​មា​នាវ​រ៝ស​ហេង។
ROM 9:23 កោរាញ​ឞ្រាស​ជាន​កើត​នៃ​ពាង់​អុច​ញហើ​នាវ​ច្រេក​លើប​ទុត​ក្វ៝ង់​ពាង់​នើម​មា​ឞូនុយ្ស​អី​ពាង់​យោៈ​នអាច ឞូនុយ្ស​អី​ពាង់​លែៈ​កើយ្ស​ល៝រ​មា​ឆ៝ៈ​ទើន​នាវ​ច្រេក​លើប។
ROM 9:24 ទឹង​លែៈ​ឞ៝ន់​ពាង់​លែៈ​កើយ្ស​លែៈ​ក្វាល់​មា​ឆ៝ៈ​ទើន​នាវ​ច្រេក​លើប​អី​នៃ មោ​អោស​ទើន​មា​ផូង​អីឆ្រាអែល ​ទើម គែស​នអ៝ប់​មា​ផូង​អី​មោ​ទី​ផូង​អីឆ្រាអែល ​ដ៝ង់។
ROM 9:25 មា​ផូង​អី​មោ​ទី​ផូង​អីឆ្រាអែល ​លែៈ​គែស​ញចីស​ជេស​តា​ឆ៝ម់បុត​ហោឆេ ៖ «កោរាញ​ឞ្រាស​លាស៖ «ផូង​អី​ឞើស​នតើម​នើស​មោ​ទី​ផូង​ប៝ន​លាន​គ៝ប់គ៝ប់​មរា​ក្វាល់​ខាន់​ពាង់​ជេង​ផូង​ប៝ន​លាន​គ៝ប់​នើម។ ផូង​អី​ឞើស​នតើម​នើស​គ៝ប់​មោ​រ៝ង់ គ៝ប់​មរា​ក្វាល់​ខាន់​ពាង់​ជេង​ផូង​អី​គ៝ប់​នើម​រ៝ង់។»»
ROM 9:26 ជេសរី​លែៈ​គែស​ញចីស​ដ៝ង់៖ «កោរាញ​ឞ្រាស​លាស៖ «តា​នតុក​អី​គ៝ប់​លាស​មា​ខាន់​ពាង់៖ «ខាន់​អៃ​មៃ​មោ​អោស​ទី​ផូង​ប៝ន​លាន​គ៝ប់»‌ តា​នតុក​នៃ​ឞូ​មរា​ក្វាល់​ខាន់​ពាង់៖ «ផូង​ក៝ន​កោរាញ​ឞ្រាស​នើម​អី​ឞ្រាស​អី​រេស​ងាន់។»»»
ROM 9:27 ល៝ង់​មា​ឞូនុយ្ស​នតើយ្ស​នាវ​ងើយ​កោរាញ​ឞ្រាស​អេឆាយ ​លែៈ​លាស​ជេស​មា​ផូង​ប៝ន​លាន​អីឆ្រាអែល ​កើត​នអា៖ «ឞ៝ល​លាស​ផូង​ប៝ន​លាន​អីឆ្រាអែល ​អ៝ក់​តឹម​ឞាន​មា​ច៝យ្ស​រ៝ៈ​ទាក​វាច់​ទាក​វារ់​កាដោយ ឞូនុយ្ស​អី​គែស​រាក្លាយ្ស​គែស​ដេៈៗ​ទើម។
ROM 9:28 ទឹង​លែៈ​នាវ​កោរាញ​ឞ្រាស​លែៈ​ផាត​ទោយ្ស ពាង់​មរា​ជាន​អ៝ន់​គើញ​ងាន់​រ៝​តា​នែស​នតូ​អ្យា»។
ROM 9:29 ជេសរី​អេឆាយ ​លែៈ​ញចីស​ដ៝ង់៖ «កោរាញ​ឞ្រាស​អី​កោរាញ​មា​ទឹង​លែៈ​តោង​ពារ់ លាស​ពាង់​មោ​អោស​យោៈ​នអាច​រ៝ង​រាន៝យ​ទែស​ឞ៝ន់​អាបាៈ‌ លាស​នទ្រី​ឞ៝ន់​លែៈ​រ៝ស​ហេង​លែៈ​ផ្យៅ​តឹម​ឞាន​មា​ប៝ន​ឆោដុម ‌ មោ​លាស​ប៝ន​កោមោរា ​រ៝»។
ROM 9:30 លាស​នទ្រី​មើម​នាវ​ឞ៝ន់​លាស​ហាៈ? ផូង​អី​មោ​ទី​ផូង​អីឆ្រាអែល ​អី​ឞើស​នតើម​នើស​មោ​អោស​ញឆ្រោយ្ស​គុ​ឆ៝ង់​តា​នាប់​កោរាញ​ឞ្រាស យើន​មា​អាបៃ​អ្យា​កោរាញ​ឞ្រាស​លែៈ​កើប​ខាន់​ពាង់​ជេង​ឆ៝ង់​ច្រាវ​តាៈ​ឞើស​នាវ​ខាន់​ពាង់​ញឆីង។
ROM 9:31 ល៝ង់​មា​ផូង​អីឆ្រាអែល ​អី​ញឆ្រោយ្ស​គុ​ឆ៝ង់​ជាន​តឹង​នាវ​វៃ​មោឆេ  តីស​មា​កោរាញ​ឞ្រាស​មោ​អោស​កើប​ឆ៝ង់។
ROM 9:32 ម៝ស​យ៝រ? ជេង​យ៝រ​មា​ខាន់​ពាង់​ញឆីង​មា​នាវ​ខាន់​ពាង់​ជាន មោ​អុច​អោស​ញឆីង​មា​ឞ្រាស​ក្រីស ។ នទ្រី​ឞ្រាស​ក្រីស ​តឹម​ឞាន​មា​ទូ​មល៝ម់​លុ​អី​អ៝ន់​ខាន់​ពាង់​ចេស​ព្រាស​ឆ្រ៝ក យ៝រ​មា​ខាន់​ពាង់​មោ​ញឆីង​មា​ពាង់។
ROM 9:33 កើត​មា​លែៈ​គែស​ញចីស​ជេស​លាស​កើត​នអា៖ «កោរាញ​ឞ្រាស​លាស៖ «អ្វាញ់​ហ៝ម់ គ៝ប់​តេៈ​ទូ​មល៝ម់​លុ​តា​ប៝ន​យេរូឆាលឹម ​អី​ជាន​អ៝ន់​ឞូ​ចេស​ឆ្រ៝ក ទូ​មល៝ម់​លុ​ក្វ៝ង់​អី​ជាន​អ៝ន់​ខាន់​ពាង់​ចេស​ព្រាស‌ យើន​មា​ឞូ​ម៝ស​អី​ញឆីង​មា​លុ​អី​នៃ ពាង់​មោ​អោស​គែស​នាវ​ដីត​ព្រេង។»»
ROM 10:1 អើ​អ៝ស​នោ​តា​នាវ​ញឆីង គ៝ប់​អុច​ងាន់​តា​នូយ្ស​នហ៝ម់ គ៝ប់​ញឆ្រោយ្ស​មឞើស​ឆើម​ទាន់​មា​កោរាញ​ឞ្រាស គៃ​មា​ទឹង​លែៈ​ផូង​អីឆ្រាអែល ​គែស​នាវ​រាក្លាយ្ស។
ROM 10:2 គ៝ប់​គឹត​នហេល​ខាន់​ពាង់​គើយ្ស​ងាន់​ជាន​ការ​អ៝ន់​មា​កោរាញ​ឞ្រាស តីស​មា​ខាន់​ពាង់​មោ​គឹត​ឞ្លាវ​ជាន​ការ​អី​នៃ​អ៝ន់​ទី‌
ROM 10:3 យ៝រ​លាស​ខាន់​ពាង់​នើស​មោ​អោស​គឹត​វ៝ត់​ឞើស​តាៈ​កោរាញ​ឞ្រាស​កើប​ឞូនុយ្ស​ឆ៝ង់។ ខាន់​ពាង់​ញឆ្រោយ្ស​ជ៝យ​ត្រ៝ង​អេង​ខាន់​ពាង់​នើម​គៃ​មា​កោរាញ​ឞ្រាស​កើប​ខាន់​ពាង់​ឆ៝ង់ មោ​អុច​អោស​ឆ៝ៈ​ទើន​ត្រ៝ង​អី​កោរាញ​ឞ្រាស​អ៝ន់។
ROM 10:4 តាៈ​ឞើស​នទើ​ឞ្រាស​ក្រីស ​លែៈ​ជេស​ជាន ឞ៝ន់​មោ​ហោម​អោស​ខាច់​គុ​រេស​ជាន​តឹង​មា​នាវ​វៃ​មោឆេ ​អី​នៃ នទ្រី​ទឹង​ឞូ​ម៝ស​អី​ញឆីង​មា​ពាង់ កោរាញ​ឞ្រាស​កើប​ឆ៝ង់។
ROM 10:5 មោឆេ ​លែៈ​ញចីស​ជេស​លាស​មា​នាវ​កោរាញ​ឞ្រាស​កើប​ឞូនុយ្ស​ឆ៝ង់​អី​តាៈ​ឞើស​ជាន​តឹង​នាវ​វៃ៖ «ឞូ​ម៝ស​អី​ជាន​តឹង​កើត​ទឹង​លែៈ​នាវ​អី​នៃ ពាង់​អី​នៃ​កោរាញ​ឞ្រាស​មោ​តេៈ​ទោយ្ស យ៝រ​មា​តាៈ​ឞើស​ជាន​តឹង​នាវ​អី​នៃ»។
ROM 10:6 យើន​មា​នាវ​កោរាញ​ឞ្រាស​កើប​ឞូនុយ្ស​ឆ៝ង់​អី​តាៈ​ឞើស​នាវ​ញឆីង​កោរាញ​ឞ្រាស​លាស​កើត​នអា​តា​នាវ​ពាង់​ងើយ៖ «ខាន់​អៃ​មៃ​លើយ​អោស​មឹន​អេង​តា​នូយ្ស​នហ៝ម់៖ «ឞូ​ម៝ស​អី​ហាវ​កាលើ​ត្រោក?» លើយ​អោស​អោប៖ «ឞូ​ម៝ស​អី​ហាន់​ជុរ​តា​នតុក​ផូង​ខឹត?»» យ៝រ​លាស​ឞ៝ន់​មោ​ខាច់​អោស​ហាវ​កាលើ​ត្រោក គៃ​មា​លែវ​ឞ្រាស​ក្រីស ​ជុរ​តា​នែស​នតូ​អ្យា ឞ៝ន់​មោ​ខាច់​អោស​ហាន់​ជុរ​តា​នតុក​ផូង​ខឹត គៃ​មា​លែវ​ឞ្រាស​ក្រីស ​អ៝ន់​ទ៝ក់​រេស​តៃ។
ROM 10:8 លែៈ​គែស​ញចីស​ដ៝ង់​កើត​នអា៖ «នាវ​ងើយ​កោរាញ​ឞ្រាស​លែៈ​ទាច់​ងាន់​កេង​ខាន់​អៃ​មៃ‌ លែៈ​តា​មឞូង​ខាន់​អៃ​មៃ នទ្រែល​មា​តា​នូយ្ស​នហ៝ម់​ខាន់​អៃ​មៃ​ដ៝ង់»។ នាវ​ងើយ​កោរាញ​ឞ្រាស​អី​នៃ ជេង​នាវ​ងើយ​មា​នាវ​ញឆីង​អី​ឞ៝ន់​មឞើស​ងក៝ច។
ROM 10:9 ឞូ​ម៝ស​អី​មឞើស​ងក៝ច​មា​មឞូង​លាស​ឞ្រាស​យេឆូ ​ជេង​កោរាញ នអ៝ប់​មា​អ្យាត់​តា​នូយ្ស​នហ៝ម់​លាស​កោរាញ​ឞ្រាស​ជាន​អ៝ន់​ឞ្រាស​យេឆូ ​ទ៝ក់​រេស ពាង់​អី​នៃ​កោរាញ​ឞ្រាស​រាក្លាយ្ស​ងាន់​រ៝។
ROM 10:10 យ៝រ​តាៈ​ឞើស​នូយ្ស​នហ៝ម់​ឞ៝ន់​ញឆីង​មា​ឞ្រាស​យេឆូ ​ទឹង​កោរាញ​ឞ្រាស​កើប​ឞ៝ន់​ឆ៝ង់ ជេសរី​ទឹង​ឞ៝ន់​គែស​រាក្លាយ្ស​យ៝រ​តាៈ​ឞើស​នាវ​ឞ៝ន់​មឞើស​ងក៝ច​មា​ឞូ​ដ៝ង់ នាវ​ឞ៝ន់​ញឆីង​អី​នៃ។
ROM 10:11 នាវ​អី​នៃ​តឹម​ទី​ដាស​នាវ​កោរាញ​ឞ្រាស​ងើយ​លាស៖ «ឞូ​ម៝ស​អី​ញឆីង​មា​កោរាញ​ឞ្រាស មោ​គែស​អោស​ឞូ​អ៝ន់​ពាង់​គែស​នាវ​ដីត​ព្រេង»។
ROM 10:12 ផូង​អីឆ្រាអែល  ជេសរី​ផូង​អី​មោ​ទី​ផូង​អីឆ្រាអែល ​មោ​គែស​អោស​តឹម​តីស​ឞាល់ ទឹង​លែៈ​ខាន់​ពាង់​នើស​គែស​ទូ​ហ្វេ​កោរាញ​ទើម ជេសរី​កោរាញ​អី​នៃ​អ្យាត់​នអ៝ប់​មា​អ៝ន់​នាវ​គែស​ជេង​មា​ឞូ​ម៝ស​អី​ក្វាល់​ទាន់​ពាង់​ឆើម​យោៈ។
ROM 10:13 យ៝រ​លាស​លែៈ​គែស​ញចីស​ដ៝ង់៖ «ឞូ​ម៝ស​អី​ក្វាល់​ទាន់​កោរាញ​ឞ្រាស​ឆើម​យោៈ ពាង់​អី​នៃ​កោរាញ​ឞ្រាស​រាក្លាយ្ស»។
ROM 10:14 យើន​មា​លាស​ឞូ​ម៝ស​អី​មោ​អោស​ញឆីង​មា​កោរាញ​ឞ្រាស មើម​ទឹង​ពាង់​ឞ្លាវ​ក្វាល់​ទាន់​ឆើម​យោៈ? លាស​ឞូនុយ្ស​អី​នៃ​មោ​អោស​តាង់​នាវ​ឞូ​មឞើស​ងក៝ច​នាវ​កោរាញ​ឞ្រាស មើម​ទឹង​ពាង់​ឞ្លាវ​ញឆីង​មា​កោរាញ​ឞ្រាស? ជេសរី​លាស​ឞូនុយ្ស​អី​នៃ​មោ​គែស​អោស​ឞូនុយ្ស​មឞើស​ងក៝ច​នាវ​កោរាញ​ឞ្រាស មើម​ទឹង​អោឞាល់​ទើយ​តាង់?
ROM 10:15 ជេសរី​លាស​មោ​គែស​អោស​ឞូនុយ្ស​អី​ឞូ​ញជ្វាល់​ហាន់​មឞើស​ងក៝ច មើម​ទឹង​គែស​ឞូនុយ្ស​ហាន់​មឞើស​ងក៝ច? លែៈ​គែស​ញចីស​ដ៝ង់៖ «អ្វែស​ងាន់​លាស​គែស​ឞូនុយ្ស​អី​វាច់​តា​អ្យា​មឞើស​ងក៝ច​នាវ​មហែ​អី​អ្វែស»។
ROM 10:16 យើន​មា​មោ​គែស​អោស​ទឹង​លែៈ​ឞូនុយ្ស​អ្យាត់​នាវ​មហែ​មហាន​អ្វែស។ នាវ​មោ​អ្យាត់​អី​នៃ​តឹម​ឞាន​មា​នាវ​ឞូនុយ្ស​នតើយ្ស​នាវ​ងើយ​កោរាញ​ឞ្រាស​រាញា​អេឆាយ ​លែៈ​ញចីស​ជេស៖ «អើ​កោរាញ​ឞ្រាស តឹម​ឞាន​មា​មោ​គែស​អោស​ឞូនុយ្ស​អ្យាត់​នាវ​ហេន​មឞើស​ងក៝ច!»
ROM 10:17 លាស​នទ្រី​នាវ​ញឆីង​មា​ឞ្រាស​ក្រីស ​ជេង​តាៈ​ឞើស​នាវ​តាង់ តាៈ​ឞើស​នាវ​តាង់​ឞូ​មឞើស​ងក៝ច​មា​ឞ្រាស​ក្រីស ។
ROM 10:18 យើន​មា​គ៝ប់​ទាន់​អោប អាស​ផូង​អីឆ្រាអែល ​អើម​មោ​បាស តាង់​នាវ​អី​នៃ? ខាន់​ពាង់​លែៈ​តាង់​ងាន់​ជេស! លែៈ​គែស​ញចីស​ដ៝ង់៖ «ឞ៝រ់​មឞូង​ខាន់​ពាង់​ឞូ​តាង់​លឺ​លាម​នែស​នតូ‌ នាវ​ខាន់​ពាង់ ឞូ​តាង់​ត៝ត់​ទុត​ឞ្រី​ទុត​នែស»។
ROM 10:19 គ៝ប់​អោប​តៃ​ទូ​តឹ​ជឹត អាស​ផូង​អីឆ្រាអែល ​អើម​មោ​បាស វ៝ត់​នាវ​អី​នៃ? ខាន់​ពាង់​លែៈ​វ៝ត់។ តា​រានោក​មោឆេ ​កោរាញ​ឞ្រាស​លែៈ​មឞើស​ជេស​មា​ផូង​អីឆ្រាអែល ៖ «គ៝ប់​មរា​ជាន​អ៝ន់​ខាន់​អៃ​មៃ​អី​ផូង​អីឆ្រាអែល ​មោ​នាច​មា​ទូ​ផូង​ឞូនុយ្ស​អី​ឞើស​នតើម​នើស​មោ​អោស​ទី​ផូង​គ៝ប់ យ៝រ​លាស​គ៝ប់​កើល​មា​ខាន់​ពាង់‌ ជេសរី​គ៝ប់​មរា​ជាន​អ៝ន់​ខាន់​អៃ​មៃ​ជី​នូយ្ស​មា​ទូ​ផូង​ឞូនុយ្ស​អី​ឞើស​នតើម​នើស​មោ​គឹត​នាល់​គ៝ប់ យ៝រ​លាស​គ៝ប់​យោៈ​នអាច​មា​ខាន់​ពាង់»។
ROM 10:20 ជេសរី​អេឆាយ ​លែៈ​ឞាញ់​លាស​កើត​នអា៖ «កោរាញ​ឞ្រាស​លាស៖ «ឞូនុយ្ស​អី​មោ​ជ៝យ​គ៝ប់ ខាន់​ពាង់​លែៈ​ឆៃ​គ៝ប់‌ ជេសរី​គ៝ប់​ញហើ​នាវ​គ៝ប់​អ៝ន់​មា​ឞូនុយ្ស​អី​មោ​អោប​មា​នាវ​គ៝ប់»»។
ROM 10:21 ជេសរី​កោរាញ​ឞ្រាស​លាស​ដ៝ង់​មា​ផូង​អីឆ្រាអែល ៖ «គ៝ប់​នតា​តី​នតើម​ឞើស​អោយ​ត៝ត់​មាង់​មា​ទាន់​ទូ​ផូង​អី​មោ​អុច​អ្យាត់​នាវ អី​តឹម​រាទ៝ង់​ដាស​គ៝ប់ អ៝ន់​ព្លឹ​ឆឹត​អា​គ៝ប់»។
ROM 11:1 លាស​នទ្រី​គ៝ប់​ទាន់​អោប៖ កោរាញ​ឞ្រាស​លែៈ​មអារ់​ផូង​អីឆ្រាអែល ​អី​ប៝ន​លាន​ពាង់​នើម​ឞើស? មោ​អោស! កោរាញ​ឞ្រាស​មោ​មអារ់​អោស យ៝រ​លាស​ឆាក់​គ៝ប់​នើម​អី​អ្យា​ផូង​អីឆ្រាអែល ​ដ៝ង់ ជេង​រាន៝យ​ទែស​អាឞ្រាហាម់ ​តា​មពោល​បែនយាមឹន ។
ROM 11:2 កោរាញ​ឞ្រាស​មោ​គែស​អោស​មអារ់​ផូង​អីឆ្រាអែល ​អី​ប៝ន​លាន​ពាង់ អី​លែៈ​អើម​ពាង់​នើម​កើយ្ស​ឞើស​អា​ល៝រ។ អើម​ខាន់​អៃ​មៃ​មោ​លាស​គឹត នាវ​គែស​ញចីស​តា​នាវ​កោរាញ​ឞ្រាស​ងើយ​លាស​មា​ឞូនុយ្ស​នតើយ្ស​នាវ​ងើយ​កោរាញ​ឞ្រាស​រាញា​អេលីយា ? ពាង់​នតោន​ផូង​អីឆ្រាអែល ​មា​កោរាញ​ឞ្រាស​កើត​នអា៖
ROM 11:3 «អើ​កោរាញ! លែៈ​ខាន់​ពាង់​ងខឹត​លែៈ​ផ្យៅ​ជេស​ឞូនុយ្ស​នតើយ្ស​នាវ​ងើយ​មៃ លែៈ​ខាន់​ពាង់​លើស​រាល៝ម់​លើយ​លែៈ​ផ្យៅ​ដ៝ង់​នតុក​ជាន​ឞ្រាស​មៃ។ ហោម​អែ​ក្លែន​ទូ​ហ្វេ​គ៝ប់​ទើម ជេសរី​ឞូ​អុច​តឹង​ងខឹត​គ៝ប់​ជឹត»។
ROM 11:4 យើន​មា​មើម​កោរាញ​ឞ្រាស​អើស​មា​ពាង់? កោរាញ​ឞ្រាស​អើស​មា​ពាង់​កើត​នអា៖ «គ៝ប់​លែៈ​ញជ្រាង់​ជេស​ឞូនុយ្ស ៧០០០ នុយ្ស​អី​ហោម​យើក​មឞាស​មា​គ៝ប់ ខាន់​ពាង់​អី​នៃ​មោ​អោស​ច៝ន​កោម៝ក់​ឞើស​នាប់​ឞ្រាស​បាល »។
ROM 11:5 កើត​នទ្រី​អាបៃ​អ្យា​តឹម​ឞាន​កើត​នៃ​ដ៝ង់ ហោម​អែ​គែស​ឞូនុយ្ស​ផូង​អីឆ្រាអែល ​អាបាៈ​អី​លែៈ​កោរាញ​ឞ្រាស​ទែ​កើយ្ស​អ៝ន់​គែស​នាវ​រាក្លាយ្ស​យ៝រ​មា​នាវ​អ្វែស​ពាង់​អី​ពាង់​អ៝ន់​ទើម​ទាម។
ROM 11:6 លាស​កោរាញ​ឞ្រាស​កើយ្ស​ខាន់​ពាង់​យ៝រ​មា​នាវ​អ្វែស​ពាង់ លាស​នទ្រី​មោ​អោស​ទី​ពាង់​កើយ្ស​យ៝រ​មា​នាវ​ខាន់​ពាង់​ជាន។ លាស​កោរាញ​ឞ្រាស​កើយ្ស​យ៝រ​មា​នទើ​ខាន់​ពាង់​ជាន លាស​នទ្រី​នទើ​អី​ឞ៝ន់​ក្វាល់​លាស៖ «នាវ​អ្វែស​កោរាញ​ឞ្រាស» មោ​អោស​ទី​«នាវ​អ្វែស»​ងាន់ យ៝រ​មា​មោ​ហោម​ជេង​នទើ​អី​ពាង់​អ៝ន់​ទើម​ទាម។
ROM 11:7 លាស​នទ្រី​មើម​ឞ៝ន់​មឹន​ដ៝ង់? ម៝ស​នទើ​អី​ផូង​អីឆ្រាអែល ​អុច​ជ៝យ​នៃ ខាន់​ពាង់​ជ៝យ​មោ​ឆៃ​អោស។ យើន​មា​គែស​ផូង​អីឆ្រាអែល ​អាបាៈ​ទើម​អី​កោរាញ​ឞ្រាស​លែៈ​កើយ្ស​ជ៝យ​ឆៃ​នទើ​អី​នៃ ជេសរី​គែស​ផូង​អីឆ្រាអែល ​អាបាៈ​អេង​ជឹត​ខាន់​ពាង់​ទាង់​ក៝​ងាន់។
ROM 11:8 នាវ​អី​នៃ​ទី​កើត​នាវ​លែៈ​គែស​ញចីស​ជេស៖ «កោរាញ​ឞ្រាស​អ៝ន់​នូយ្ស​នហ៝ម់​ខាន់​ពាង់​ជ៝ក់​រាអាយ‌ អ៝ន់​មាត់​ខាន់​ពាង់​អ្វាញ់​មោ​ឆៃ‌ តោរ​ខាន់​ពាង់​អ្យាត់​មោ​តាង់‌ នហ៝​មា​ត៝ត់​នារ​អាបៃ​អ្យា»។
ROM 11:9 ជេសរី​កាដាច់​ដាវីត ​លែៈ​លាស​កើត​នអា៖ «ទាន់​អ៝ន់​នទើ​ឆោង​ឆា​ខាន់​ពាង់​ជេង​ទាក់​នទើម​ឆាក់​ខាន់​ពាង់​នើម ជេង​ងគុប ជាន​អ៝ន់​ខាន់​ពាង់​ជាន​តីស គៃ​មា​មៃ​តេៈ​ទោយ្ស​ព្លើង​នទើ​តីស​ខាន់​ពាង់​ជាន។
ROM 11:10 អ៝ន់​មាត់​ខាន់​ពាង់​ជេង​ង៝ អ្វាញ់​មោ​ឆៃ​អោស‌ ជេសរី​ជាន​អ៝ន់​នទុរ​កើយ​ខាន់​ពាង់​ក្រោ​នឹង​តាៈ​ឞើស​នាវ​ជេរ»។
ROM 11:11 លាស​នទ្រី​គ៝ប់​ទាន់​អោប ផូង​អីឆ្រាអែល ​អី​តឹម​រាលាច់​មោ​អុច​រ៝ម​ឞ្រាស​ក្រីស  ខាន់​ពាង់​តឹម​ឞាន​មា​ព្រាស​ឆ្រ៝ក​រី អាស​ខាន់​ពាង់​ចោត​ងក្រែ​ឞើស? មោ​អោស! អាច​មា​ខាន់​ពាង់​ជាន​តីស​មោ​អុច​រ៝ម​ឞ្រាស​ក្រីស  នទ្រី​ទឹង​ផូង​អី​មោ​ទី​ផូង​អីឆ្រាអែល ​គែស​រាក្លាយ្ស។ នាវ​អី​នៃ​គែស​គៃ​មា​ផូង​អីឆ្រាអែល ​គែស​នាវ​កើញ​មា​នាវ​រាក្លាយ្ស។
ROM 11:12 លាស​នាវ​ផូង​អីឆ្រាអែល ​ជាន​តីស​កើត​នៃ​លែវ​ទឹង​លែៈ​ឞូនុយ្ស​តា​នែស​នតូ​អ៝ន់​គែស​នាវ​គែស​ជេង គែស​នាវ​ខ្លៃ​លាស ផូង​អី​មោ​ទី​ផូង​អីឆ្រាអែល ​គែស​នាវ​រាក្លាយ្ស យ៝រ​លាស​ផូង​អីឆ្រាអែល ​តឹម​រាលាច់​មា​ឞ្រាស​ក្រីស  លាស​នទ្រី​លើ​មា​ហោ​រាលាវ​មា​នៃ​កោរាញ​ឞ្រាស​មរា​អ៝ន់​នាវ​គែស​ជេង​មា​ទឹង​លែៈ​ឞូនុយ្ស​តា​នែស​នតូ តា​នោក​ទឹង​លែៈ​ផូង​អីឆ្រាអែល ​រ៝ម​ឞ្រាស​ក្រីស ​តៃ។
ROM 11:13 អាបៃ​អ្យា​គ៝ប់​ងើយ​មា​ខាន់​អៃ​មៃ​អី​មោ​ទី​ផូង​អីឆ្រាអែល ៖ កោរាញ​ឞ្រាស​ដាៈ​គ៝ប់​អ្យា​ជេង​កោរាញ​អ៝ស​ម៝ន​គៃ​មា​កើល​ផូង​អី​មោ​ទី​ផូង​អីឆ្រាអែល ។ គ៝ប់​អុច​យើក​មា​នទើ​ជាន​ការ​គ៝ប់​អី​នៃ‌
ROM 11:14 គៃ​មា​ងកើញ​ផូង​នទុល​មពោល​គ៝ប់​នើម ងខេប​លាស​គែស​ឞូនុយ្ស​អាបាៈ​តា​ផូង​ខាន់​ពាង់​គែស​នាវ​រាក្លាយ្ស​ដ៝ង់។
ROM 11:15 យ៝រ​មា​ខាន់​ពាង់​មអារ់​លើយ​ឞ្រាស​ក្រីស  ទឹង​ឞូនុយ្ស​លាម​នែស​នតូ​ជេង​តឹម​រាង្លាប់​ដាស​កោរាញ​ឞ្រាស​កើត​នអា។ លាស​កោរាញ​ឞ្រាស​រ៝ម​តៃ​ខាន់​ពាង់​មើម​ជេង? ជេង​តឹម​ឞាន​មា​ទឹង​លែៈ​ឞូនុយ្ស​អី​លែៈ​ខឹត​ទ៝ក់​រេស​ងាន់​រ៝!
ROM 11:16 ផូង​អីឆ្រាអែល ​ជេង​តឹម​ឞាន​មា​រានីស​ទូ​រាច្វាល់​មា​ជាន​នុមពាង់ លាស​ឞូ​ឆ៝ៈ​រានីស​ជាន​ទូ​រាច្វាល់​មា​ជាន​នុមពាង់ ជេសរី​ឞូ​ឆ៝ៈ​អាបាៈ​មា​ញហើរ​មា​កោរាញ​ឞ្រាស លាស​នទ្រី​ទឹង​លែៈ​រាច្វាល់​អី​នៃ​ជេង​នទើ​កោរាញ​ឞ្រាស​នើម​ដ៝ង់។ ជេសរី​លាស​រែស​ជេង​នទើ​កោរាញ​ឞ្រាស​នើម ងគីង​តើម​អី​នៃ​ជេង​នទើ​កោរាញ​ឞ្រាស​នើម​ដ៝ង់។ កើត​នទ្រី​ដ៝ង់​ទឹង​លែៈ​ផូង​អីឆ្រាអែល ​ជេង​ប៝ន​លាន​កោរាញ​ឞ្រាស យ៝រ​មា​អាឞ្រាហាម់  នអ៝ប់​មា​ផូង​ចែ​ខាន់​ពាង់​អា​អេង​ជេង​ប៝ន​លាន​កោរាញ​ឞ្រាស។
ROM 11:17 ផូង​អីឆ្រាអែល ​ជេង​តឹម​ឞាន​មា​តើម​អោលីវ ​ប៝ន គែស​ងគីង​អាបាៈ​លែៈ​ឞូ​ឆ្រែស​លើយ ជេសរី​ខាន់​អៃ​មៃ​អី​មោ​ទី​ផូង​អីឆ្រាអែល ​ជេង​តឹម​ឞាន​មា​ងគីង​អោលីវ ​ឞ្រី​អី​ឞូ​ទែ​ពូត​នទ៝ប​តា​នតុក​ងគីង​អី​លែៈ​ឞូ​ឆ្រែស​អី​នៃ នហ៝​មា​អ្យ្រេប​ទាក​កាស​ឞើស​រែស​អ្វែស​ពាង់​នទ្រែល​ងគីង​អាបាៈ​អេង​អី​ហោម​ដ៝ង់។
ROM 11:18 លាស​នទ្រី​ខាន់​អៃ​មៃ​លើយ​អោស​នហី​អេង​ឆាក់​មា​ងគីង​អី​លែៈ​ឞូ​ឆ្រែស​មអារ់​អី​នៃ។ លាស​ខាន់​អៃ​មៃ​នហី​អេង​ឆាក់ អ៝ន់​ខាន់​អៃ​មៃ​គឹត មោ​ទី​អោស​ខាន់​អៃ​មៃ​ឆ្យាម់​រែស រែស​អី​ឆ្យាម់​អ៝ន់​មា​ខាន់​អៃ​មៃ!
ROM 11:19 ក្លាប់​លាស​ខាន់​អៃ​មៃ​លាស៖ “ងគីង​អី​នៃ​កោរាញ​ឞ្រាស​ឆ្រែស​មអារ់​លើយ គៃ​មា​ពូត​នទ៝ប​ហេន!”
ROM 11:20 ទី​ងាន់! ងគីង​អី​នៃ​ទឹង​កោរាញ​ឞ្រាស​ឆ្រែស​មអារ់​លើយ​យ៝រ​មា​ងគីង​អី​នៃ​មោ​គែស​នាវ​ញឆីង​មា​ឞ្រាស​ក្រីស  ជេសរី​ខាន់​អៃ​មៃ​ទឹង​ក្រេប​ន៝ប់ យ៝រ​មា​ខាន់​អៃ​មៃ​គែស​នាវ​ញឆីង។ លាស​នទ្រី​លើយ​អោស​ខាន់​អៃ​មៃ​នហី​អេង​ឆាក់ អ៝ន់​ខាន់​អៃ​មៃ​គែស​នាវ​ក្លាច​មា​កោរាញ​ឞ្រាស​ហ៝ៈ។
ROM 11:21 លាស​កោរាញ​ឞ្រាស​ឆ្រែស​លើយ​មោ​រ៝ង​មា​ងគីង​អើម ពាង់​ទើយ​ឆ្រែស​លើយ​មោ​រ៝ង​ខាន់​អៃ​មៃ​ដ៝ង់។
ROM 11:22 លាស​នទ្រី​អ្វាញ់​ហ៝ម់​នាវ​អ្វែស​កោរាញ​ឞ្រាស នទ្រែល​មា​នាវ​ជាញ​ពាង់។ ពាង់​ជាញ​ងាន់​មា​ឞូនុយ្ស​មោ​អ្យាត់ ជេសរី​ពាង់​ញហើ​នាវ​អ្វែស​ពាង់​នើម​មា​ខាន់​អៃ​មៃ លាស​ខាន់​អៃ​មៃ​ហោម​គុ​ន៝ប់​តា​នាវ​អ្វែស​ពាង់។ លាស​មោ​អោស​កើត​នៃ ពាង់​ឆ្រែស​មអារ់​លើយ​ខាន់​អៃ​មៃ​ដ៝ង់។
ROM 11:23 ជេសរី​ងគីង​អើម​អី​លែៈ​ឆ្រែស​លើយ លាស​ខាន់​ពាង់​រាគ៝ល់​លើយ​នូយ្ស​នហ៝ម់​អី​មោ​អុច​ញឆីង​នើស កោរាញ​ឞ្រាស​មរា​ពូត​នទ៝ប​តៃ​ខាន់​ពាង់​ដ៝ង់ យ៝រ​លាស​កោរាញ​ឞ្រាស​ទើយ​ពូត​នទ៝ប​តៃ​ខាន់​ពាង់។
ROM 11:24 លាស​លែៈ​កោរាញ​ឞ្រាស​ឆ្រែស​ជេស​ខាន់​អៃ​មៃ​ឞើស​តើម​អោលីវ ​ឞ្រី ជេសរី​ពាង់​ពូត​នទ៝ប​តា​តើម​អោលីវ ​ប៝ន មោ​ទី​អោស​ដាស​នទើ​អី​ឞូ​វៃ​ជាន លាស​នទ្រី​ទើស​ងាន់​កោរាញ​ឞ្រាស​ឆ៝ៈ​ខាន់​ពាង់​អី​តឹម​ឞាន​មា​ងគីង​អើម​អី​លែៈ​ឆ្រែស​នើស ជេសរី​ពូត​នទ៝ប​តៃ​ទូ​តឹ​ជឹត​ដាស​តើម​ឆី​អើម​អី​នទើ​ខាន់​ពាង់​នើម។
ROM 11:25 អើ​អ៝ស​នោ​តា​នាវ​ញឆីង គៃ​មា​ខាន់​អៃ​មៃ​មោ​អោស​អ្វាញ់​អេង​ឆាក់​ខាន់​អៃ​មៃ​នើម​ជេង​គែស​នាវ​មឹន​គឹត​ឞ្លាវ​ហោ​ងាន់ គ៝ប់​អុច​ខាន់​អៃ​មៃ​គឹត​វ៝ត់​នាវ​អី​អ្យា​អី​ឞើស​នតើម​នើស​ហោម​នទ៝ប់​មពោន៖ គែស​ឞូនុយ្ស​អាបាៈ​តា​ផូង​អីឆ្រាអែល ​ហោម​ទាង់​ក៝​មោ​អុច​ញឆីង​មា​ឞ្រាស​ក្រីស ។ យើន​មា​ត៝ត់​ទឹង​លែៈ​ផូង​អី​មោ​ទី​ផូង​អីឆ្រាអែល ​អី​កោរាញ​ឞ្រាស​លែៈ​កើយ្ស​លាប់​ញឆីង​មា​ឞ្រាស​ក្រីស ​ទាទេ រី​មើ​ផូង​អីឆ្រាអែល ​ឞាស​ទាង់​ក៝​លាប់​ញឆីង​មា​ឞ្រាស​ក្រីស ​ដ៝ង់។
ROM 11:26 កើត​នទ្រី​ទឹង​លែៈ​ផូង​អីឆ្រាអែល ​មរា​គែស​រាក្លាយ្ស។ នាវ​អី​នៃ​តឹម​ទី​មា​នាវ​លែៈ​គែស​ញចីស​ជេស៖ «កោរាញ​ឞ្រាស​លាស៖ «មរា​គែស​ទូ​ហ្វេ​នើម​រាក្លាយ្ស​លោស​ឞើស​ប៝ន​យេរូឆាលឹម ‌ ពាង់​មរា​លែវ​ផូង​អីឆ្រាអែល ​រាគ៝ល់​នូយ្ស​នហ៝ម់​ឞាស​តឹម​រាទ៝ង់​ដាស​នាវ​គ៝ប់​អុច។
ROM 11:27 នាវ​តឹម​រាង្លាប់​គ៝ប់​ដាស​ខាន់​ពាង់​ជេង​កើត​នអា៖ គ៝ប់​ឆ៝ៈ​លើយ​នាវ​តីស​មោ​ហោម​កើប​នាវ​តីស​តា​ខាន់​ពាង់»»។
ROM 11:28 អាបៃ​អ្យា​គែស​អ៝ក់​ឞូនុយ្ស​តា​ផូង​អីឆ្រាអែល ​ជេង​ផូង​រាលាង់​តឹម​រាទ៝ង់​ដាស​នាវ​មហែ​មហាន​អ្វែស តាៈ​ឞើស​នាវ​អី​នៃ​ជេង​គែស​នទើ​អ្វែស​មា​ខាន់​អៃ​មៃ​អី​មោ​ទី​ផូង​អីឆ្រាអែល ។ យើន​មា​កោរាញ​ឞ្រាស​ហោម​រ៝ង់​មា​ខាន់​ពាង់ យ៝រ​មា​កាល់​អែ​នើស​កោរាញ​ឞ្រាស​លែៈ​កើយ្ស​ចែ​ខាន់​ពាង់​អាឞ្រាហាម់ អីឆាក់ ​នទ្រែល​មា​យាកោប ។
ROM 11:29 នាវ​អី​នៃ​តាៈ​ឞើស​កោរាញ​ឞ្រាស​មោ​រាគ៝ល់​អោស​នទើ​អី​លែៈ​ពាង់​អ៝ន់​ទើម​ទាម ពាង់​មោ​រាគ៝ល់​ដ៝ង់​មា​ឞូនុយ្ស​អី​លែៈ​ពាង់​ក្វាល់។
ROM 11:30 ឞើស​នតើម​នើស​ខាន់​អៃ​មៃ​អេ​ហ៝ៈ​អ្យាត់​អោស​នាវ​កោរាញ​ឞ្រាស យើន​មា​អាបៃ​អ្យា​កោរាញ​ឞ្រាស​លែៈ​កើល​ខាន់​អៃ​មៃ​លែៈ​យោៈ​ជេស​មា​ខាន់​អៃ​មៃ យ៝រ​មា​ផូង​អីឆ្រាអែល ​មោ​អុច​អ្យាត់​អោស​នាវ​ពាង់។
ROM 11:31 អាបៃ​អ្យា​ខាន់​ពាង់​មោ​អុច​អ្យាត់​អោស ជេសរី​កោរាញ​ឞ្រាស​យោៈ​មា​ខាន់​អៃ​មៃ លាស​នទ្រី​កោរាញ​ឞ្រាស​មរា​យោៈ​ខាន់​ពាង់​កើត​ពាង់​យោៈ​មា​ខាន់​អៃ​មៃ​ដ៝ង់។
ROM 11:32 កោរាញ​ឞ្រាស​អ៝ន់​ទឹង​លែៈ​ឞូនុយ្ស​មោ​អ្យាត់​នាវ​ពាង់ គៃ​មា​ពាង់​យោៈ​អ៝ន់​មា​ទឹង​លែៈ​ឞូនុយ្ស។
ROM 11:33 អោ នាវ​មឹន​គឹត​ឞ្លាវ​កោរាញ​ឞ្រាស​ទុត​ជ្រូ​ទុត​ក្វ៝ង់​ងាន់ មោ​គែស​អោស​ឞូនុយ្ស​ទើយ​គឹត​វ៝ត់​អា​មើម​នាវ​ពាង់​ផាត​ទោយ្ស ជេសរី​នទើ​ពាង់​ជាន​មោ​គែស​ដ៝ង់​ឞូនុយ្ស​ទើយ​វ៝ត់!
ROM 11:34 «ឞូ​ម៝ស​ហោម​ទើយ​គឹត​នាល់​នាវ​មឹន​កោរាញ​ឞ្រាស? ឞូ​ម៝ស​ហោម​ទើយ​ឆើម​មឞើស​នាវ​អ៝ន់​មា​ពាង់​ដ៝ង់?»
ROM 11:35 «មោ​អោស​គែស​ទូ​ហ្វេ​ឞូនុយ្ស​អ៝ន់​នទើ​មា​កោរាញ​ឞ្រាស​ល៝រ‌ ទឹង​អ្យាត់​មា​កោរាញ​ឞ្រាស​ព្លើង​អ៝ន់​នទើ​មា​ពាង់។»
ROM 11:36 ទឹង​លែៈ​នទើ​ជេង​តាៈ​ឞើស​កោរាញ​ឞ្រាស​ទាទេ ទឹង​លែៈ​នទើ​ហោម​គែស​យ៝រ​មា​នាវ​ទើយ​ពាង់​ទើម ទឹង​លែៈ​នទើ​គែស​គៃ​មា​នហាវ​នាវ​ច្រេក​លើប​ពាង់​នើម។ អ៝ន់​រានេ​នាវ​ច្រេក​លើប​ពាង់​បាបើ​នហ៝​រ៝ នាវ​អី​នៃ​ទី​ងាន់!
ROM 12:1 អើ​អ៝ស​នោ​តា​នាវ​ញឆីង យ៝រ​មា​កោរាញ​ឞ្រាស​យោៈ​នអាច​ខាន់​អៃ​មៃ គ៝ប់​ដាៈ​ខាន់​អៃ​មៃ​អ៝ន់​ជាវ​ហ៝ម់​ឆាក់​ខាន់​អៃ​មៃ​នើម​មា​កោរាញ​ឞ្រាស​តឹម​ឞាន​មា​ឞូ​ញហើរ​នទើ​មា​កោរាញ​ឞ្រាស ជេង​នទើ​អី​ហោម​រេស ជេង​នទើ​ក្ល៝ស​អ្វែស ជេង​នទើ​អី​អ៝ន់​កោរាញ​ឞ្រាស​រាម់​មអាក។ នាវ​ខាន់​អៃ​មៃ​ជាន​កើត​នៃ​ជេង​នាវ​យើក​មឞាស​មា​កោរាញ​ឞ្រាស​អី​ទី​ងាន់។
ROM 12:2 លើយ​ហោម​អោស​ជាន​តឹង​នាវ​គុ​រេស​ឞូនុយ្ស​អី​មោ​ញឆីង​មា​ឞ្រាស​ក្រីស ​វៃ​ជាន អ៝ន់​កោរាញ​ឞ្រាស​រាគ៝ល់​លើយ​នូយ្ស​នហ៝ម់​នាវ​មឹន​អើម​អ៝ន់​ជេង​មហែ គៃ​មា​អ៝ន់​ខាន់​អៃ​មៃ​គឹត​ម៝ស​នទើ​អី​កោរាញ​ឞ្រាស​អុច ជេង​នទើ​អី​អ្វែស អី​អ៝ន់​ពាង់​រាម់​មអាក ទឹង​លែៈ​នទើ​អី​ទុត​អ្វែស។
ROM 12:3 តាៈ​ឞើស​នាវ​អ្វែស​កោរាញ​ឞ្រាស ពាង់​អ៝ន់​នាវ​ទើយ​មា​គ៝ប់ នទ្រី​ទឹង​គ៝ប់​ទើយ​ដាៈ​ទឹង​លែៈ​ខាន់​អៃ​មៃ​កើត​នអា៖ លើយ​អោស​ខាន់​អៃ​មៃ​គែស​នាវ​មឹន​រាលាវ​អីរ​មា​ខាន់​អៃ​មៃ​នើម យើន​មា​អ៝ន់​ខាន់​អៃ​មៃ​គែស​នាវ​មឹន​ងក្ល៝ន់​អេង​ឆាក់​ខាន់​អៃ​មៃ​នើម​អ៝ន់​នហេល តឹម​ទី​ដាស​នាវ​គឹត​នាវ​ឞ្លាវ​អី​កោរាញ​ឞ្រាស​ទែ​អ៝ន់​មា​ខាន់​អៃ​មៃ​ទូ​ហ្វេ​ទូ​ហ្វេ​យ៝រ​មា​នាវ​ញឆីង​មា​ឞ្រាស​ក្រីស ។
ROM 12:4 តា​ឆាក់​ជាន់​ឞូនុយ្ស​គែស​អ៝ក់​នតីល​អេងៗ ជេសរី​ទឹង​លែៈ​នតីល​អី​នៃ​គែស​នទើ​ជាន​អេងៗ​ឞាល់។
ROM 12:5 តា​ផូង​ឞ៝ន់​តឹម​ឞាន​កើត​នៃ​ដ៝ង់ ឞ៝ន់​គែស​អ៝ក់​ឞាល់ យើន​មា​ជេង​តឹម​ឞាន​មា​ទូ​រាង្លៃ​ឆាក់​តា​ឞ្រាស​ក្រីស ​ទើម ជេសរី​ទឹង​លែៈ​ឞ៝ន់​ជេង​នតីល​អេងៗ​គុ​តឹម​រាង្លាប់​ឞាល់​តា​ឆាក់​អី​នៃ។
ROM 12:6 តាៈ​ឞើស​នាវ​អ្វែស​កោរាញ​ឞ្រាស ពាង់​អ៝ន់​ទើម​ទាម​នាវ​គឹត​នាវ​ឞ្លាវ​អេងៗ​មា​ទូ​ហ្វេ​ទូ​ហ្វេ​ឞ៝ន់។ លាស​កោរាញ​ឞ្រាស​អ៝ន់​មា​ទូ​ហ្វេ​អ៝ន់​ឞ្លាវ​នតើយ្ស​នាវ​ងើយ​ពាង់​នើម អ៝ន់​ឞូនុយ្ស​អី​នៃ​ទ៝ង់​នាវ​ឞ្លាវ​អី​នៃ​តឹម​ទី​មា​នាវ​ញឆីង​ពាង់​ទោ។
ROM 12:7 លាស​កោរាញ​ឞ្រាស​អ៝ន់​ទូ​ហ្វេ​ឞ្លាវ​ឆើម​កើល​ជាន​ការ​មា​ឞូ អ៝ន់​ឞូនុយ្ស​អី​នៃ​គើយ្ស​ឆើម​កើល​ជាន​ការ​មា​ឞូ​ទោ។ លាស​កោរាញ​ឞ្រាស​អ៝ន់​ទូ​ហ្វេ​ឞ្លាវ​នតុម​នតី​នាវ​កោរាញ​ឞ្រាស​អ៝ន់​មា​ឞូ អ៝ន់​ឞូនុយ្ស​អី​នៃ​គើយ្ស​នតុម​នតី​មា​ឞូ​ទោ។
ROM 12:8 លាស​កោរាញ​ឞ្រាស​អ៝ន់​ទូ​ហ្វេ​ឞ្លាវ​នហាវ​នូយ្ស​នហ៝ម់​ឞូ អ៝ន់​ពាង់​នហាវ​នូយ្ស​នហ៝ម់​ឞូ​ទោ។ លាស​អ៝ន់​ទូ​ហ្វេ​ឞ្លាវ​ពាៈ​ទ្រាប់​នទើ​ពាង់​នើម​អ៝ន់​មា​ឞូ​អេង អ៝ន់​ពាង់​ពាៈ​មា​ឞូ​មា​លែៈ​នូយ្ស​នហ៝ម់​ទោ។ លាស​អ៝ន់​ទូ​ហ្វេ​ឞ្លាវ​ម៝ត់​អ្វាញ់​ឞូ អ៝ន់​ពាង់​ម៝ត់​អ្វាញ់​អ៝ន់​អ្វែស​ទោ។ លាស​អ៝ន់​មា​ទូ​ហ្វេ​គែស​នាវ​យោៈ​មា​ឞូនុយ្ស អ៝ន់​ពាង់​កើល​ឞូ​មា​នាវ​រាម់​មអាក។
ROM 12:9 អ៝ន់​ខាន់​អៃ​មៃ​គែស​នូយ្ស​នហ៝ម់​រ៝ង់​មា​ឞូ​ងាន់​ងេន​ហ៝ៈ។ ឞ្យាញ់​មា​នាវ​អ្យើស ជេសរី​ញអោត​មា​នាវ​អី​អ្វែស​ហ៝ៈ។
ROM 12:10 អ៝ន់​ខាន់​អៃ​មៃ​តឹម​រ៝ង់​នទ្រាង់​នើម​អី​ផូង​ញឆីង​តឹម​ឞាន​មា​អ៝ស​នោ​ទូ​នទុល​ទែស ជេសរី​តឹម​យើក​នទ្រាង់​នើម​កើប​ឞូ​អេង​ខ្លៃ​រាលាវ​មា​ឆាក់​ខាន់​អៃ​មៃ​នើម។
ROM 12:11 អ៝ន់​គែស​នូយ្ស​នហ៝ម់​គើយ្ស​តា​អាប់​នតីល​នទើ លើយ​ប្លាវ​អោស។ ជេសរី​ឆើម​កើល​ជាន​ការ​មា​ឞ្រាស​ក្រីស ​អី​កោរាញ​ឞ៝ន់​មា​លែៈ​នូយ្ស​នហ៝ម់។
ROM 12:12 គុ​រាម់​មអាក​ហ៝ម់​យ៝រ​មា​នាវ​រានើម​អី​ឞ៝ន់​គែស​តា​ឞ្រាស​ក្រីស ។ អ៝ន់​គែស​នាវ​អ៝ត់​នូយ្ស​នោក​គែស​នាវ​ជេរ​ជ៝ត់។ អ៝ន់​ញឆ្រោយ្ស​មឞើស​ឆើម​បាបើ។
ROM 12:13 អ៝ន់​កើល​មា​ផូង​ប៝ន​លាន​កោរាញ​ឞ្រាស​ឞូ​ម៝ស​អី​មោ​គែស​មោ​ត៝ង់។ អ៝ន់​ឞ្លាវ​វើត​រ៝ម​ឞូ​នាច់​រាស​រើច​ដ៝ង់ ឞ៝ល​លាស​ខាន់​អៃ​មៃ​មោ​គឹត​នាល់​កាដោយ។
ROM 12:14 អ៝ន់​ខាន់​អៃ​មៃ​ទាន់​កោរាញ​ឞ្រាស​អ៝ន់​នាវ​គែស​ជេង​មា​ឞូ​ម៝ស​អី​ជាន​ជេរ​ដាស​ខាន់​អៃ​មៃ អ៝ន់​ទាន់​នាវ​គែស​ជេង​មា​ខាន់​ពាង់ លើយ​អោស​រាតាប់​រាក​មា​ខាន់​ពាង់។
ROM 12:15 អ៝ន់​ខាន់​អៃ​មៃ​រាម់​មអាក​នទ្រែល​ហ៝ម់​ដាស​ឞូនុយ្ស​អី​គែស​នាវ​រាម់​មអាក ជេសរី​ញុម​រាង៝ត​នទ្រែល​មា​ឞូនុយ្ស​អី​ញុម​រាង៝ត។
ROM 12:16 អ៝ន់​គែស​នាវ​មឹន​ទូ​នតោរ​នាវ​ហ៝ៈ លើយ​អោស​គែស​នាវ​មឹន​នហាវ​អេង​ឆាក់ អ៝ន់​គុ​នទ្រែល​ឞូនុយ្ស​អី​ឞូ​មឺច​រាម៝ត លើយ​អោស​កើប​នហី​អេង​ឆាក់​លាស​ជេង​ឞូនុយ្ស​គឹត​ឞ្លាវ​ហោ​ងាន់។
ROM 12:17 លើយ​អោស​ព្លើង​នទើ​អ្យើស​មា​ឞូ​ជាន​អ្យើស​មហឹក អ៝ន់​ញឆ្រោយ្ស​ជាន​នទើ​អី​ទឹង​លែៈ​ឞូនុយ្ស​កើប​អ្វែស។
ROM 12:18 លាស​ខាន់​អៃ​មៃ​ទើយ​ជាន អ៝ន់​ខាន់​អៃ​មៃ​គុ​រេស​ដាប់​មពាន់​នទ្រែល​ទឹង​លែៈ​ឞូនុយ្ស​ទោ។
ROM 12:19 អើ​ផូង​គ៝ប់​រ៝ង់ លើយ​អោស​អ៝ន់​ខាន់​អៃ​មៃ​នើម​ព្លើង​នទើ​អ្យើស​មហឹក​ឞូ​ជាន អ៝ន់​កោរាញ​ឞ្រាស​ហ៝ៈ​តេៈ​ទោយ្ស​មា​ឞូនុយ្ស​អី​នៃ យ៝រ​លាស​លែៈ​គែស​ញចីស​ជេស​លាស​កើត​នអា៖ «កោរាញ​ឞ្រាស​លាស៖ «នាវ​តឹម​ព្លើង​ទុត​តា​គ៝ប់​នើម គ៝ប់​ឆើម​ព្លើង​អ៝ន់​មា​ឞូ»»។
ROM 12:20 យើន​មា​លាស​ឞូ​ជាន​អ្យើស​មា​ខាន់​អៃ​មៃ អ៝ន់​ជាន​កើត​លែៈ​គែស​ញចីស​កើត​នអា៖ «លាស​ឞូនុយ្ស​រាលាង់​ដាស​ខាន់​អៃ​មៃ​គែស​នាវ​ជី​ង៝ត អ៝ន់​ខាន់​អៃ​មៃ​ឆ៝ៈ​ព្យាង់​ត្រាវ​ពាៈ​អ៝ន់​ពាង់​ឆោង​ទោ លាស​ពាង់​ជី​ហីរ​ទាក ឆ៝ៈ​ទាក​អ៝ន់​ពាង់​ញេត យ៝រ​លាស​ជាន​កើត​នៃ​ជាន​អ៝ន់​ពាង់​ដីត​ព្រេង​អេង»។
ROM 12:21 លើយ​អោស​អ៝ន់​នាវ​អ្យើស​មហឹក​ទើយ​លែវ​ខាន់​អៃ​មៃ​ជាន​តីស អ៝ន់​នាវ​អ្វែស​ហ៝ៈ​ទើយ យ៝រ​មា​ខាន់​អៃ​មៃ​ជាន​នាវ​អ្វែស។
ROM 13:1 អ៝ន់​ទឹង​លែៈ​ឞូនុយ្ស​អ្យាត់​នាវ​មពោល​កោរាញ​ម៝ត់​អ្វាញ់​ឞ្រី​ទាក យ៝រ​លាស​ទឹង​លែៈ​នាវ​ទើយ​មពោល​កោរាញ​អី​នៃ​ជេង​តាៈ​ឞើស​កោរាញ​ឞ្រាស​ទាទេ ជេសរី​កោរាញ​ឞ្រាស​នើម​ដាៈ​ខាន់​ពាង់​ជាន​ការ​តា​នាវ​ទើយ​អី​នៃ។
ROM 13:2 កើត​នទ្រី​ទឹង​ឞូ​ម៝ស​អី​តឹម​រាទ៝ង់​ដាស​មពោល​កោរាញ​ម៝ត់​អ្វាញ់​ឞ្រី​ទាក ជេង​តឹម​រាទ៝ង់​ដាស​នាវ​កោរាញ​ឞ្រាស​ដាៈ​ដ៝ង់ ឞូនុយ្ស​អី​តឹម​រាទ៝ង់​នៃ​ជេង​គែស​ទោយ្ស​រ៝​តា​ឆាក់​ពាង់។
ROM 13:3 លាស​ឞូ​ម៝ស​ជាន​អ្វែស ឞូនុយ្ស​អី​នៃ​មោ​ខាច់​ក្លាច​អោស​មា​នើម​កោរាញ​ម៝ត់​អ្វាញ់ ឞូនុយ្ស​អី​ជាន​អ្យើស​ទើម​ក្លាច​មា​ខាន់​ពាង់។ លាស​ខាន់​អៃ​មៃ​មោ​អុច​អោស​ក្លាច​មា​នើម​កោរាញ​ម៝ត់​អ្វាញ់ អ៝ន់​ខាន់​អៃ​មៃ​ជាន​អ្វែស​ទោ នទ្រី​ខាន់​ពាង់​រានេ​ខាន់​អៃ​មៃ។
ROM 13:4 យ៝រ​លាស​ទឹង​លែៈ​ខាន់​ពាង់​អី​នៃ​ជេង​នើម​ឆើម​កើល​ជាន​ការ​មា​កោរាញ​ឞ្រាស គៃ​មា​កើល​ខាន់​អៃ​មៃ​គុ​រេស​អ្វែស។ យើន​មា​លាស​ខាន់​អៃ​មៃ​ជាន​អ្យើស អ៝ន់​ខាន់​អៃ​មៃ​ក្លាច​ហ៝ម់ យ៝រ​លាស​ខាន់​ពាង់​គែស​នាវ​ទើយ​មា​តេៈ​ទោយ្ស។ ខាន់​ពាង់​ឞូនុយ្ស​ឆើម​កើល​ជាន​ការ​មា​កោរាញ​ឞ្រាស គៃ​មា​តេៈ​ទោយ្ស​ឞូនុយ្ស​អី​ជាន​អ្យើស។
ROM 13:5 លាស​នទ្រី​អ្យាត់​ហ៝ម់​នាវ​ខាន់​ពាង់​ដាៈ លើយ​អោស​យ៝រ​មា​ក្លាច​ឞូ​តេៈ​ទោយ្ស​ទើម អ៝ន់​ជាន​គៃ​មា​គែស​នាវ​ដាប់​មពាន់​តា​នូយ្ស​នហ៝ម់​យ៝រ​មា​លែៈ​គឹត​មោ​គែស​ជាន​នទើ​តីស។
ROM 13:6 កើត​នទ្រី​ទឹង​ខាន់​អៃ​មៃ​អ៝ន់​ព្រាក់​មា​មពោល​កោរាញ​ម៝ត់​អ្វាញ់​តឹម​ទី​ដាស​នាវ​វៃ​ឞ្រី​ទាក យ៝រ​លាស​ខាន់​ពាង់​តឹម​ឞាន​មា​ឞូនុយ្ស​ឆើម​កើល​ជាន​ការ​មា​កោរាញ​ឞ្រាស ជេសរី​ខាន់​ពាង់​មោ​អោស​គែស​ជាន​ការ​នទើ​អេង​ជឹត។
ROM 13:7 អ៝ន់​ខាន់​អៃ​មៃ​អ៝ន់​ហ៝ម់​នទើ​អី​ទី​មា​អ៝ន់​ឞូនុយ្ស​ទូ​ហ្វេ​ទូ​ហ្វេ នតឹត​លាស៖ អ៝ន់​ហ៝ម់​ព្រាក់​មា​ឞូនុយ្ស​អី​ឆ៝ៈ​ព្រាក់​ឞើស​ឞូ​មា​អ៝ន់​មពោល​កោរាញ​ម៝ត់​អ្វាញ់​ឞ្រី​ទាក អ៝ន់​ហ៝ម់​ព្រាក់​មា​ឞ្រី​ទាក​អី​ទី​មា​អ៝ន់ អ៝ន់​ទាស​អ៝ក់​អី​តឹម​ទី​មា​អ៝ន់ ក្លាច​យើក​ហ៝ម់​មា​នើម​អី​ទី​មា​ក្លាច​យើក យើក​ហ៝ម់​មា​នើម​អី​ទី​មា​យើក។
ROM 13:8 លើយ​ខាន​រាន៝ន​ដាស​ឞូ​អោស យើន​មា​នាវ​រ៝ង់​មា​ឞូ​ជេង​តឹម​ឞាន​មា​រាន៝ន​អី​ហោម​នឹង កើត​នទ្រី​អ៝ន់​ខាន់​អៃ​មៃ​តឹម​រ៝ង់​នទ្រាង់​ខាន់​អៃ​មៃ​នើម​នឹង​ហ៝ៈ យ៝រ​លាស​ឞូ​ម៝ស​អី​រ៝ង់​មា​ឞូ​អេង ពាង់​អី​នៃ​លែៈ​ជាន​ទី​តឹង​នាវ​វៃ​កោរាញ​ឞ្រាស​ងាន់​រ៝។
ROM 13:9 នាវ​វៃ​កោរាញ​ឞ្រាស​លែៈ​ឞ្វៃ​កើត​នអា៖ «លើយ​អោស​ល៝ម់​អូរ​ល៝ម់​ឆាយ លើយ​អោស​ងខឹត​ឞូ លើយ​អោស​នតុង លើយ​អោស​កើញ​គែស​នទើ​ឞូ»។ ជេសរី​នាវ​វៃ​ទឹង​លែៈ​អេង​ជឹត​លែៈ​គែស​តា​ទូ​នាវ​វៃ​អ្យា​ទាទេ​ទើម៖ «អ៝ន់​រ៝ង់​មា​ផូង​ច្យៅ​មែង​ខាន់​អៃ​មៃ តឹម​ឞាន​មា​រ៝ង់​មា​ឆាក់​ខាន់​អៃ​មៃ​នើម​ដ៝ង់»។
ROM 13:10 ឞូ​ម៝ស​អី​រ៝ង់​មា​ឞូ​ច្យៅ​មែង​មោ​អោស​ជាន​អ្យើស​មា​ខាន់​ពាង់ កើត​នទ្រី​ឞូ​ម៝ស​អី​រ៝ង់​មា​ឞូ​លែៈ​ជាន​តឹង​ទឹង​លែៈ​នាវ​វៃ​កោរាញ​ឞ្រាស។
ROM 13:11 អ៝ន់​ខាន់​អៃ​មៃ​ជាន​កើត​នៃ យ៝រ​លាស​ខាន់​អៃ​មៃ​លែៈ​គឹត​ជេស​ម៝ង​អ្យា​ម៝ស​ម៝ង ជេង​ទី​ម៝ង​មា​ខាន់​អៃ​មៃ​មហែ​កាស​គឹត​ឆាក់​តឹម​ឞាន​មា​ទ៝ក់​កាស​ឞិច យ៝រ​លាស​អាបៃ​អ្យា​នារ​ឞ្រាស​យេឆូ​ព្លឹ​តា​អ្យា​ទាច់​រាលាវ​ដាស​មា​នារ​ឞ៝ន់​ញចោ​នតើម​លាប់​ញឆីង​នើស។
ROM 13:12 នែស​នតូ​អ្យា​តឹម​ឞាន​មា​ង៝​តា​នោក​មាង់​យ៝រ​មា​នាវ​តីស​ឞូនុយ្ស យើន​មា​មាង់​អី​នៃ​ឞើយ​អាង នារ​ឞើយ​លោស​ដ៝ង់ នារ​ឞ្រាស​យេឆូ ​ព្លឹ​តា​អ្យា​គើញ​ត៝ត់។ លាស​នទ្រី​មអារ់​លើយ​ហ៝ម់​ទឹង​លែៈ​នាវ​អ្យើស​អី​តឹម​ឞាន​មា​នាវ​ង៝ ជេសរី​គុ​រេស​ជាន​អ្វែស​ហ៝ម់​តឹម​ឞាន​មា​ឆ៝ស​អាវ​ល៝យ្ស​នទើ​តឹម​លើស​អី​អាង​ច្រាត​គៃ​មា​តឹម​លើស​មា​នាវ​អ្យើស​មហឹក។
ROM 13:13 អ៝ន់​ឞ៝ន់​គុ​រេស​អ៝ន់​ទី​អ៝ន់​អ្វែស កើត​ឞូ​ជាន​នទើ​តា​នោក​នារ លើយ​ជាន​កើត​នទើ​អី​ឞូ​ជាន​តា​នោក​មាង់ លើយ​គុ​នទ្រែល​មពោល​ឞូនុយ្ស​ញេត​នទ្រាញ់​ញុល លើយ​អោស​តឹម​ទ៝ង់​គុ​ឞ្លាៈ​ឞ្លើ លើយ​តឹម​ល៝ក់​តឹម​អ្យ្រែល លើយ​អោស​តឹម​មោ​នាច​នទ្រាង់​នើម។
ROM 13:14 យើន​មា​អ៝ន់​ឞ៝ន់​គុ​រេស​តឹម​ឞាន​មា​ឞ្រាស​យេឆូ​ក្រីស ​អី​កោរាញ​ឞ៝ន់​ហ៝ៈ ជេសរី​លើយ​អោស​ទាស​មា​កើញ​នូយ្ស​នហ៝ម់​អី​អុច​ជាន​តីស​ឞើស​នទុល​មែ។
ROM 14:1 អ៝ន់​ឞ្លាវ​វើត​រ៝ម​ឞូ​ម៝ស​អី​រាអ្យា​តា​នាវ​ញឆីង​មា​ឞ្រាស​ក្រីស  លើយ​អោស​តឹម​រាលាច់​មា​ខាន់​ពាង់​យ៝រ​មា​គែស​នាវ​មឹន​តឹម​តីស​ឞាល់។
ROM 14:2 នតឹត​លាស អី​ទូ​ហ្វេ​ពាង់​គឹត​ទើយ​ឆា​ទឹង​លែៈ​នតីល​នទើ អី​ទូ​ហ្វេ​ជឹត​នើម​អី​ញឆីង​រាអ្យា​នៃ ពាង់​ឆា​នហា​ត្រាវ​ព្លៃ​ត្រាវ​ទើម។
ROM 14:3 នើម​អី​ឆា​ទឹង​លែៈ​នតីល​នទើ​លើយ​អោស​មឺច​មា​នើម​អី​មោ​ឆា ជេសរី​នើម​អី​មោ​ឆា​ទូ​នតីល​នទើ​លើយ​ទឹង​លាស​តីស​នើម​អី​ឆា យ៝រ​លាស​លែៈ​ឞារ​ហៃ​នៃ​កោរាញ​ឞ្រាស​លែៈ​រ៝ម​ទាទេ។
ROM 14:4 ទាស​ន៝ម់​ក្វ៝ង់​ខាន់​អៃ​មៃ​ទឹង​ឞាញ់​ផាត​នាវ​តីស​ទឹក​ឞូ? ទឹក​អី​នៃ​កោរាញ​ពាង់​រានេ​មោ​លាស​តេៈ​ទោយ្ស ទុត​អី​កោរាញ​ពាង់​នើម​ទើម។ យើន​មា​កោរាញ​ឞ្រាស​មរា​រានេ​ទឹក​ពាង់​នើម យ៝រ​លាស​កោរាញ​ឞ្រាស​គែស​នាវ​ទើយ​កើល​ពាង់។
ROM 14:5 គែស​ទូ​ហ្វេ​ឞូនុយ្ស​លាស​ទូ​នារ​គែស​នាវ​ខ្លៃ​រាលាវ​មា​ទូ​នារ យើន​មា​គែស​ទូ​ហ្វេ​ឞូនុយ្ស​អេង​ជឹត​លាស​ទឹង​លែៈ​នារ​គែស​នាវ​ខ្លៃ​តឹម​ឞាន​ទើម។ អ៝ន់​ទឹង​លែៈ​អាប់​នើម​អ៝ន់​គឹត​នហេល​នានេៈ​តា​ឆាក់​ពាង់​នើម​ហ៝ៈ។
ROM 14:6 លាស​ឞូ​ម៝ស​អី​កើប​ទូ​នារ​ជេង​នារ​ខ្លៃ ពាង់​ជាន​គៃ​មា​យើក​កោរាញ​ឞ្រាស។ ជេស​រី​ឞូ​ម៝ស​អី​ឆា​ទឹង​លែៈ​នទើ ពាង់​ឆា​យើក​មា​កោរាញ​ឞ្រាស យ៝រ​លាស​ពាង់​លាស​អ្វែស​មា​កោរាញ​ឞ្រាស។ ឞូ​ម៝ស​អី​មោ​ឆា ពាង់​មោ​ឆា យ៝រ​លាស​ពាង់​អុច​យើក​មា​កោរាញ​ឞ្រាស នអ៝ប់​មា​លាស​អ្វែស​មា​កោរាញ​ឞ្រាស​ដ៝ង់។
ROM 14:7 មោ​គែស​អោស​ទូ​ហ្វេ​ឞូនុយ្ស​តា​ផូង​ឞ៝ន់​គុ​រេស​មា​ពាង់​នើម​ទើម ជេស​រី​នាវ​ខឹត​ឆាក់​ឞ៝ន់​ជាន​អ៝ន់​គែស​នាវ​ត៝ត់​មា​ឞូ​អេង​ដ៝ង់។
ROM 14:8 លាស​ឞ៝ន់​រេស ឞ៝ន់​រេស​មា​ឞ្រាស​ក្រីស  លាស​ឞ៝ន់​ខឹត ឞ៝ន់​ខឹត​មា​ឞ្រាស​ក្រីស ​ដ៝ង់។ កើត​នទ្រី​ឞ៝ល​លាស​ឞ៝ន់​រេស​កាដោយ​ខឹត​កាដោយ ឞ្រាស​ក្រីស ​ហោម​ជេង​កោរាញ​មា​ឞ៝ន់​នើម។
ROM 14:9 ឞ្រាស​ក្រីស ​លែៈ​ខឹត ជេសរី​លែៈ​ទ៝ក់​រេស​នើស ពាង់​ជាន​កើត​នៃ​គៃ​មា​ពាង់​ជេង​កោរាញ​មា​ផូង​ឞូនុយ្ស​ខឹត នអ៝ប់​មា​ផូង​ឞូនុយ្ស​រេស​ដ៝ង់។
ROM 14:10 លាស​នទ្រី​មើម​ទឹង​ខាន់​អៃ​មៃ​ផាត​នាវ​តីស​អ៝ស​នោ​តា​នាវ​ញឆីង? មើម​ទឹង​ខាន់​អៃ​មៃ​មឺច​អ៝ស​នោ​តា​នាវ​ញឆីង? យ៝រ​លាស​តា​នារ​ជឹត​នាប់​តៃ​ទឹង​លែៈ​ឞ៝ន់​ទ៝ក់​ឞើស​នាប់​នតុក​កោរាញ​ឞ្រាស​នើម​ផាត​ទោយ្ស​ទាទេ។
ROM 14:11 លែៈ​គែស​ញចីស​លាស​កើត​នអា៖ «កោរាញ​ឞ្រាស​លាស៖ «គ៝ប់​រេស​ងាន់ លាស​នទ្រី​ទឹង​លែៈ​ឞូនុយ្ស​មរា​ច៝ន​កោម៝ក់​យើក​មឞាស​មា​គ៝ប់‌ ជេសរី​ទឹង​លែៈ​ឞូនុយ្ស​មរា​មឞើស​ងក៝ច​គ៝ប់​អី​កោរាញ​ខាន់​ពាង់»»។
ROM 14:12 ទឹង​លែៈ​ឞ៝ន់​តា​នារ​ជឹត​នាប់​តៃ អ្យាត់​មា​ឞ៝ន់​មឞើស​ងក៝ច​មា​កោរាញ​ឞ្រាស ម៝ស​បាៈ​នទើ​ឞ៝ន់​លែៈ​ជាន​ទូ​ហ្វេ​ទូ​ហ្វេ​នើស នទើ​អ្វែស​មោ​លាស​នទើ​អ្យើស។
ROM 14:13 កើត​នទ្រី​ទឹង​អ៝ន់​ឞ៝ន់​មោ​ហោម​អោស​តឹម​ផាត​នាវ​តីស​នទ្រាង់​នើម​ជឹត យើន​មា​អ៝ន់​ឞ៝ន់​គុ​រេស​មោ​អោស​ជាន​នទើ​ទូ​នតីល​អី​អ៝ន់​អ៝ស​នោ​តា​នាវ​ញឆីង​ព្រាស​ឆ្រ៝ក មោ​លាស​នត្លើយ​នាវ​ញឆីង។
ROM 14:14 តាៈ​ឞើស​គ៝ប់​លែៈ​គុ​នទ្រែល​កោរាញ​យេឆូ  នទ្រី​គ៝ប់​លែៈ​គឹត​នហេល​ជេស មោ​គែស​អោស​នទើ​ឆោង​ឆា​ជេង​បឹ​អេង​មោ​ទី​មា​ឆា យើន​មា​លាស​គែស​ទូ​ហ្វេ​ឞូនុយ្ស​លាស​នទើ​អ្យា​បឹ រី​មើ​នទើ​អី​នៃ​ជេង​បឹ​មោ​ទី​មា​ឆា​មា​ពាង់​អី​តើម​លាស​អី​នៃ។
ROM 14:15 យើន​មា​លាស​ខាន់​អៃ​មៃ​ជាន​អ៝ន់​អ៝ស​នោ​តា​នាវ​ញឆីង​គែស​នាវ​រាង៝ត​រាវៃ​យ៝រ​មា​នទើ​ខាន់​អៃ​មៃ​ឆោង​ឆា​អី​នៃ លាស​នទ្រី​ខាន់​អៃ​មៃ​មោ​ហោម​អោស​គែស​នាវ​រ៝ង់។ លើយ​អោស​ឆ៝ៈ​នទើ​ឆោង​ឆា​អី​នៃ​ជាន​អ៝ន់​រ៝ស​នាវ​ញឆីង​ឞូនុយ្ស​អី​លែៈ​ឞ្រាស​ក្រីស ​ទែ​ខឹត​គៃ​មា​រាក្លាយ្ស។
ROM 14:16 លាស​នទ្រី​លើយ​ជាន​ទូ​នតីល​នទើ​អី​ខាន់​អៃ​មៃ​គឹត​លែៈ​អ្វែស​ជេស លាស​ជាន​នទើ​អី​នៃ​លែវ​អ៝ន់​ទូ​ហ្វេ​អ៝ស​នោ​តា​នាវ​ញឆីង​ជាន​តីស ជេសរី​អ៝ន់​ឞូ​អេង​ងើយ​អ្យើស​មា​ខាន់​អៃ​មៃ​អី​ញឆីង​មា​ឞ្រាស​ក្រីស ‌
ROM 14:17 យ៝រ​លាស​តា​នាវ​កោរាញ​ឞ្រាស​ម៝ត់​អ្វាញ់​នាវ​ឞ្វៃ​តា​នទើ​ញេត​ឆោង​មោ​អោស​គែស​នាវ​ខ្លៃ យើន​មា​នទើ​អី​គែស​នាវ​ខ្លៃ​ជេង​នាវ​គុ​ងាវ​ឆ៝ង់ នាវ​គុ​ងាវ​មា​នាវ​ដាប់​មពាន់​ដាស​ឞូ នទ្រែល​មា​នាវ​រាម់​មអាក នាវ​អី​នៃ​តាៈ​ឞើស​ឞ្រាស​ហ្វេង​អ្វែស​អី​ក្ល៝ស​អ្វែស។
ROM 14:18 ឞូ​ម៝ស​អី​ឆើម​កើល​ជាន​ការ​មា​ឞ្រាស​ក្រីស ​គុ​ងាវ​កើត​នៃ អ៝ន់​កោរាញ​ឞ្រាស​គែស​នាវ​រាម់​មអាក​មា​ឞូនុយ្ស​អី​នៃ ជេសរី​ឞូ​យើក​មា​ឞូនុយ្ស​អី​នៃ​ដ៝ង់។
ROM 14:19 លាស​នទ្រី​អ៝ន់​ឞ៝ន់​ញឆ្រោយ្ស​តឹង​ជ៝យ​នាវ​គុ​ងាវ​ដាប់​មពាន់​ដាស​ឞូ នទ្រែល​មា​ជ៝យ​នាវ​មា​តឹម​កើល​ឞាល់​មា​នាវ​គុ​ងាវ​លើ​មា​ន៝ប់​តា​នាវ​ញឆីង។
ROM 14:20 លើយ​អោស​លើស​ញអើស​នទើ​កោរាញ​ឞ្រាស​ជាន​តា​ទូ​ហ្វេ​ឞូនុយ្ស​អី​ពាង់​លែៈ​រាក្លាយ្ស​យ៝រ​មា​នទើ​ឆោង​ឆា។ ទឹង​លែៈ​នទើ​នើស​លែៈ​អ្វែស​លែៈ​ក្ល៝ស​ទី​មា​ឆា​ទាទេ តីស​មា​លាស​នទើ​អី​ឞ៝ន់​ឆោង​ឆា​នៃ​ជាន​អ៝ន់​ឞូ​ព្រាស​ឆ្រ៝ក នាវ​អី​នៃ​ជេង​អ្យើស​មា​នើម​អី​ឆោង​ឆា​ច្រាវ។
ROM 14:21 យើន​មា​អ្វែស​រាលាវ​លាស​ឞ៝ន់​មោ​អោស​ឆា​ទឹង​លែៈ​ព្វាច់ មោ​អោស​ញេត​នទ្រាញ់ នទ្រែល​មា​មោ​ជាន​នទើ​អាបាៈ​អេង​ជឹត លាស​នាវ​អី​នៃ​ជាន​អ៝ន់​អ៝ស​នោ​តា​នាវ​ញឆីង​ព្រាស​ឆ្រ៝ក​តា​នាវ​ញឆីង។
ROM 14:22 ម៝ស​នទើ​អី​ខាន់​អៃ​មៃ​មឹន​លែៈ​ទី អ៝ន់​មឹន​អេង​ខាន់​អៃ​មៃ​នើម​ដាស​កោរាញ​ឞ្រាស​ហ៝ៈ។ ឞូ​ម៝ស​អី​លែៈ​គឹត​តា​នូយ្ស​នហ៝ម់​នទើ​អី​ពាង់​ជាន​មោ​តីស​អោស ពាង់​អី​នៃ​គែស​នាវ​ដាប់​មពាន់​ងាន់។
ROM 14:23 យើន​មា​ឞូ​ម៝ស​អី​លែៈ​គែស​នាវ​រាវៃ ក្លាច​មោ​ទី​មា​នទើ​អី​ពាង់​នើម​ឆោង​ឆា ជេស​រី​ហោម​ឆា នើម​អី​នៃ​លែៈ​ជេង​តីស លាស​នទ្រី​ពាង់​តេៈ​ទោយ្ស​មា​ឆាក់​ពាង់​នើម យ៝រ​លាស​ពាង់​មោ​អោស​តឹម​ទី​តា​នូយ្ស​នហ៝ម់​នោក​ពាង់​ឆោង​ឆា​នទើ​អី​នៃ។ កើត​នទ្រី​ទឹង​លែៈ​នទើ​ជាន លាស​មោ​អោស​គែស​តឹម​ទី​ដាស​នូយ្ស​នហ៝ម់ ទឹង​លែៈ​នទើ​ជាន​អី​នៃ​ជេង​តីស​ទាទេ។
ROM 15:1 ឞ៝ន់​អី​ឞូនុយ្ស​លែៈ​ន៝ប់​ជេស​តា​នាវ​ញឆីង អ៝ន់​ឞ៝ន់​អ៝ត់​នូយ្ស​មា​ផូង​អ៝ស​នោ​តា​នាវ​ញឆីង​អី​អេ​គឹត​វ៝ត់​ម៝ស​នទើ​តីស​ម៝ស​នទើ​ទី លើយ​អោស​ឞ៝ន់​ជ៝យ​នាវ​រាម់​មអាក​មា​ឆាក់​ឞ៝ន់​នើម​ទើម។
ROM 15:2 ទឹង​លែៈ​ឞ៝ន់ អ៝ន់​ញឆ្រោយ្ស​ជាន​នទើ​អី​អ៝ន់​ឞូនុយ្ស​អា​អេង​រាម់​មអាក នទើ​អី​កើល​ខាន់​ពាង់​គែស​នាវ​ញឆីង​មា​ឞ្រាស​ក្រីស ​លើ​មា​ន៝ប់។
ROM 15:3 ឞ៝ល​លាស​ឞ្រាស​ក្រីស ​ក៝ៈ​មោ​ជាន​មអាក​មា​ឆាក់​ពាង់​នើម​ដ៝ង់ កើត​មា​លែៈ​គែស​ញចីស​លាស​មា​ពាង់​កើត​នអា៖ «អើ​កោរាញ​ឞ្រាស ទឹង​លែៈ​នាវ​ឞូ​មឺច​រាម៝ត​ញឆ៝ត​មៃ លែៈ​គែស​តា​គ៝ប់»។
ROM 15:4 ទឹង​លែៈ​នទើ​អី​លែៈ​គែស​ឞូ​ញចីស​តា​នាវ​កោរាញ​ឞ្រាស​ងើយ​អា​ល៝រ​នើស ជេង​ញចីស​គៃ​មា​នតុម​នតី​ឞ៝ន់ ជេង​ញចីស​គៃ​មា​ឞ៝ន់​គែស​នាវ​រានើម​កោរាញ​ឞ្រាស​មរា​ជាន​ងាន់​នទើ​ពាង់​លែៈ​ត៝ន​នើស ជេង​ញចីស​គៃ​មា​នហាវ​នូយ្ស​នហ៝ម់​ឞ៝ន់​គែស​នូយ្ស​នហ៝ម់​អ៝ត់​នូយ្ស​ក៝ប់​ត៝ត់​គែស​នាវ​អី​នៃ។
ROM 15:5 លាស​នទ្រី​ទាន់​កោរាញ​ឞ្រាស​អី​កើល​នហាវ​នូយ្ស​នហ៝ម់ នទ្រែល​មា​កើល​អ៝ត់​នូយ្ស​ជាន​អ៝ន់​ខាន់​អៃ​មៃ​គែស​នូយ្ស​នហ៝ម់​ទូ​នតោរ​នាវ​ហ៝ៈ នាវ​អី​នៃ​ទី​មា​ឞូនុយ្ស​អី​តឹង​ឞ្រាស​ក្រីស​យេឆូ ‌
ROM 15:6 គៃ​មា​ខាន់​អៃ​មៃ​គុ​ទូ​នតោរ​នាវ គុ​តឹម​រាង្លាប់​រានេ​នាវ​ច្រេក​លើប​កោរាញ​ឞ្រាស​អី​ឞឹ​ឞ្រាស​យេឆូ​ក្រីស ​អី​កោរាញ​ឞ៝ន់។
ROM 15:7 អ៝ន់​ខាន់​អៃ​មៃ​តឹម​រ៝ម​នទ្រាង់​នើម តឹម​ឞាន​មា​ឞ្រាស​ក្រីស ​លែៈ​រ៝ម​ខាន់​អៃ​មៃ​ដ៝ង់ ជាន​កើត​នៃ​ខាន់​អៃ​មៃ​យើក​មា​កោរាញ​ឞ្រាស។
ROM 15:8 គ៝ប់​មឞើស​មា​ខាន់​អៃ​មៃ ឞ្រាស​ក្រីស ​វាច់​គៃ​មា​ឆើម​កើល​ជាន​ការ​អ៝ន់​មា​ផូង​អីឆ្រាអែល  គៃ​មា​ញហើ​កោរាញ​ឞ្រាស​ជាន​ងាន់​នទើ​ពាង់​លែៈ​ត៝ន​មា​ផូង​ចែ​ឞ៝ន់​កាល់​អែ​នើស។
ROM 15:9 ជេសរី​ឞ្រាស​ក្រីស ​វាច់​គៃ​មា​ផូង​អី​មោ​ទី​ផូង​អីឆ្រាអែល ​រានេ​នាវ​ច្រេក​លើប​កោរាញ​ឞ្រាស​យ៝រ​មា​នាវ​យោៈ​ពាង់​ដ៝ង់ ជេង​ទី​កើត​នាវ​លែៈ​គែស​ញចីស​កើត​នអា៖ «កើត​នទ្រី​គ៝ប់​មរា​រានេ​មៃ​តា​ងក្លាង​ផូង​អី​មោ​ទី​ផូង​អីឆ្រាអែល ‌ គ៝ប់​មរា​មព្រើ​រានេ​មៃ»។
ROM 15:10 គែស​ញចីស​ដ៝ង់​កើត​នអា៖ «អើ​ផូង​អី​មោ​ទី​ផូង​អីឆ្រាអែល  រាម់​មអាក​ហ៝ម់​នទ្រែល​ផូង​អីឆ្រាអែល ​អី​ផូង​ប៝ន​លាន​កោរាញ​ឞ្រាស​នើម!»
ROM 15:11 ជេសរី​គែស​ញចីស​ជឹត​លាស​កើត​នអា៖ «អើ​ផូង​អី​មោ​ទី​ផូង​អីឆ្រាអែល  អ៝ន់​ទឹង​លែៈ​ខាន់​អៃ​មៃ​រានេ​ហ៝ម់​មា​កោរាញ​ឞ្រាស‌ អើ​ទឹង​លែៈ​នទុល​មពោល​ឞូនុយ្ស​អ៝ន់​មព្រើ​រានេ​ហ៝ម់​មា​កោរាញ​ឞ្រាស»។
ROM 15:12 ជេសរី​គែស​តា​ឆ៝ម់បុត​ឞូនុយ្ស​នតើយ្ស​នាវ​ងើយ​កោរាញ​ឞ្រាស​រាញា​អេឆាយ ​លាស​កើត​នអា៖ «គែស​ទូ​ហ្វេ​តាៈ​ឞើស​រាន៝យ​ទែស​យេឆេ ​អី​ឞឹ​កាដាច់​ដាវីត ‌ ពាង់​មរា​ម៝ត់​អ្វាញ់​ផូង​អី​មោ​ទី​ផូង​អីឆ្រាអែល ‌ ផូង​អី​នៃ​មរា​រានើម​មា​ពាង់»។
ROM 15:13 លាស​នទ្រី​គ៝ប់​ទាន់​កោរាញ​ឞ្រាស​អី​តើម​នាវ​រានើម​អ៝ន់​ខាន់​អៃ​មៃ​គែស​នូយ្ស​នហ៝ម់​រាម់​មអាក នអ៝ប់​មា​នាវ​ដាប់​មពាន់​ហោ​ងាន់ យ៝រ​លាស​ខាន់​អៃ​មៃ​ញឆីង​មា​ពាង់ គៃ​មា​អ៝ន់​ខាន់​អៃ​មៃ​គែស​នាវ​រានើម​ទុត​ន៝ប់​រាក៝ក់​ងាន់​យ៝រ​មា​នាវ​ទើយ​ឞ្រាស​ហ្វេង​អ្វែស​អី​ក្ល៝ស​អ្វែស។
ROM 15:14 អើ​អ៝ស​នោ​តា​នាវ​ញឆីង គ៝ប់​លែៈ​គឹត​នហេល​ងាន់​នាវ​គុ​ងាវ​ខាន់​អៃ​មៃ​លែៈ​អ្វែស​ងាន់ នទ្រែល​មា​គែស​នាវ​គឹត​ឞ្លាវ​ជ្រូ​ដ៝ង់​មពែស​មា​នាវ​ញឆីង​ឞ៝ន់ កើត​នទ្រី​ខាន់​អៃ​មៃ​លែៈ​ឞ្លាវ​តឹម​នតុម​នតី​នទ្រាង់​ខាន់​អៃ​មៃ​នើម​ជឹត។
ROM 15:15 យើន​មា​គ៝ប់​ហោម​ញចីស​នាវ​អាបាៈ​តា​ឆ៝ម់បុត​អ្យា​មា​នូយ្ស​នហ៝ម់​ឞាញ់ គៃ​មា​ងកាស​តោរ​ខាន់​អៃ​មៃ។ គ៝ប់​ញចីស​យ៝រ​លាស​កោរាញ​ឞ្រាស​អ៝ន់​មា​គ៝ប់​តាៈ​ឞើស​នាវ​អ្វែស​ពាង់​នើម‌
ROM 15:16 អ៝ន់​គ៝ប់​ជេង​នើម​ឆើម​កើល​ជាន​ការ​មា​ឞ្រាស​ក្រីស​យេឆូ ​តា​ផូង​អី​មោ​ទី​ផូង​អីឆ្រាអែល  អ៝ន់​គ៝ប់​ជេង​នើម​ជាន​ការ​មឞើស​ងក៝ច​នាវ​មហែ​មហាន​អ្វែស​កោរាញ​ឞ្រាស​នើម ជេង​តឹម​ឞាន​មា​នាវ​ជាន​ការ​ឞូនុយ្ស​ជាន​ឞ្រាស​តា​ញីស​ជាន​ឞ្រាស​មា​កោរាញ​ឞ្រាស។ កោរាញ​ឞ្រាស​ដាៈ​គ៝ប់​កើត​នៃ គៃ​មា​លែវ​ផូង​អី​មោ​ទី​ផូង​អីឆ្រាអែល ​ជេង​ឞូនុយ្ស​អី​កោរាញ​ឞ្រាស​រ៝ម​តឹម​ឞាន​មា​ពាង់​ឆ៝ៈ​ទើន​នទើ​ញហើរ​មា​ពាង់ គៃ​មា​ខាន់​ពាង់​ជេង​ផូង​ប៝ន​លាន​ពាង់​នើម​តាៈ​ឞើស​ឞ្រាស​ហ្វេង​អ្វែស​អី​ក្ល៝ស​អ្វែស​កើល។
ROM 15:17 គ៝ប់​រាម់​មអាក​មា​នទើ​អី​គ៝ប់​លែៈ​ជាន​តា​នាវ​ជាន​ការ​មា​កោរាញ​ឞ្រាស គ៝ប់​ទើយ​ជាន​នទើ​អី​នៃ យ៝រ​មា​ឞ្រាស​ក្រីស​យេឆូ ​គុ​តា​គ៝ប់។
ROM 15:18 គ៝ប់​មឞើស​ងក៝ច​ទើម​មា​នទើ​អី​គ៝ប់​លែៈ​ជេស​ជាន​យ៝រ​មា​ឞ្រាស​ក្រីស ​គុ​តា​គ៝ប់ គ៝ប់​មោ​អោស​ឞាញ់​មឞើស​ងក៝ច​នាវ​អាបាៈ​អេង​ជឹត នាវ​ជាន​ការ​អី​នៃ​លែវ​ផូង​អី​មោ​ទី​ផូង​អីឆ្រាអែល ​អ៝ន់​អ្យាត់​នាវ​កោរាញ​ឞ្រាស។ គ៝ប់​លែវ​ខាន់​ពាង់​មា​នាវ​គ៝ប់​មឞើស​ងើយ នអ៝ប់​មា​នាវ​គ៝ប់​ជាន​ដ៝ង់។
ROM 15:19 ពាង់​អ៝ន់​គែស​នាវ​មឞេន​នអ៝ប់​មា​នាវ​ខ្លៃ​លែៈ​នាវ​ងាន់​នើស តាៈ​ឞើស​នាវ​ទើយ​ឞ្រាស​ហ្វេង​អ្វែស​កោរាញ​ឞ្រាស។ នទ្រី​ទឹង​គ៝ប់​លែៈ​មឞើស​ងក៝ច​នាវ​មហែ​មហាន​អ្វែស​លាម​នតុក នតើម​ឞើស​ប៝ន​ក្វ៝ង់​យេរូឆាលឹម  នហ៝​មា​ត៝ត់​តា​ឞ្រី​អីលីរីកុន  លែៈ​លោច​ជេស។
ROM 15:20 ឞើស​នតើម​នើស​គ៝ប់​អុច​នឹង​ហាន់​មឞើស​ងក៝ច​នាវ​មហែ​មហាន​អ្វែស​តា​នតុក​ឞូ​មោ​អោស​វៃ​តាង់​រាញា​ឞ្រាស​ក្រីស  គៃ​មា​គ៝ប់​មោ​អោស​ជាន​នត៝ប​ទើម​តា​នតុក​ឞូ​លែៈ​ជេស​មឞើស​ងក៝ច។
ROM 15:21 គ៝ប់​អុច​ជាន​តឹង​កើត​នាវ​លែៈ​គែស​ញចីស​កើត​នអា៖ «ឞូ​ម៝ស​មោ​គែស​ឞូនុយ្ស​មឞើស​ងក៝ច​នាវ​កោរាញ​ឞ្រាស មរា​គឹត​នាល់​កោរាញ​ឞ្រាស‌ ជេសរី​ឞូ​ម៝ស​អី​មោ​អោស​តាង់​នាវ​ពាង់ មរា​គឹត​វ៝ត់​នាវ​ពាង់»។
ROM 15:22 យ៝រ​មា​គ៝ប់​មឞើស​ងក៝ច​នាវ​មហែ​មហាន​អ្វែស​តា​ទឹង​លែៈ​នតុក​អី​នៃ កើត​នទ្រី​គ៝ប់​មោ​រូ​មា​ហាន់​ជោៈ​ខ៝ល់​ខាន់​អៃ​មៃ។
ROM 15:23 យើន​មា​អាបៃ​អ្យា​តា​អាប់​ឞ្រី​អ្យា​គ៝ប់​លែៈ​ជេស​ជាន​ទាទេ នអ៝ប់​មា​លែៈ​ជ៝ៈ​នាម់​ដ៝ង់​គ៝ប់​រើ​ហាន់​អា​ខាន់​អៃ​មៃ។
ROM 15:24 នោក​គ៝ប់​ហាន់​តា​ឞ្រី​អេសពាញ ​តៃ គ៝ប់​រានើម​ហាន់​វែស​ខ៝ល់​ខាន់​អៃ​មៃ គៃ​មា​គុ​រាម់​មអាក​នទ្រែល​ខាន់​អៃ​មៃ​ទូ​ប្ល៝ត់ ជេសរី​ទាន់​ខាន់​អៃ​មៃ​កើល​គ៝ប់​ហាន់​ជឹត​ឞ្រី​អី​នៃ​ជឹត។
ROM 15:25 យើន​មា​អាបៃ​អ្យា​គ៝ប់​ហោម​ហាន់​អា​ប៝ន​ក្វ៝ង់​យេរូឆាលឹម  គៃ​មា​កើល​ផូង​ប៝ន​លាន​កោរាញ​ឞ្រាស​តា​នៃ​ប៝ត់។
ROM 15:26 អ៝ស​នោ​តា​នាវ​ញឆីង​តា​ឞ្រី​មាឆេដោន  នទ្រែល​មា​តា​ឞ្រី​អាខៃ  ខាន់​ពាង់​លែៈ​តឹម​រាគូម​ព្រាក់​រៀល​មា​លែៈ​នូយ្ស​នហ៝ម់​ងាន់​គៃ​មា​កើល​ផូង​អ៝​អាច​អី​លែៈ​ញឆីង​តា​ប៝ន​យេរូឆាលឹម ​រី។
ROM 15:27 ខាន់​ពាង់​អី​មោ​ទី​ផូង​អីឆ្រាអែល ​លែៈ​ជាន​មា​លែៈ​នូយ្ស​នហ៝ម់​កើត​នៃ យ៝រ​លាស​ខាន់​ពាង់​តឹម​ឞាន​មា​ហោម​ខាន​រាន៝ន​ដាស​ផូង​អីឆ្រាអែល ។ ផូង​អី​មោ​ទី​ផូង​អីឆ្រាអែល ​លែៈ​គែស​ឆ៝ៈ​ទើន​នទើ​អ្វែស​តាៈ​ឞើស​កោរាញ​ឞ្រាស​អី​ឞើស​នតើម​នើស​កោរាញ​ឞ្រាស​លែៈ​ត៝ន​មា​ផូង​អីឆ្រាអែល ​ទើម កើត​នទ្រី​ទី​មា​ផូង​អី​មោ​ទី​ផូង​អីឆ្រាអែល ​តឹម​ពាៈ​នទើ​អ៝ន់​មា​ផូង​អីឆ្រាអែល ​ដ៝ង់។
ROM 15:28 លាស​នទ្រី​នោក​គ៝ប់​ជេស​ជាន​ការ​ញជុន​ព្រាក់​អី​ខាន់​ពាង់​លែៈ​រាគូម​អ្យា ជេសរី​តៃ​គ៝ប់​អុច​ហាន់​តា​ឞ្រី​អេសពាញ  វែស​ម៝ប់​ខាន់​អៃ​មៃ​តា​ប៝ន​រោម ។
ROM 15:29 គ៝ប់​គឹត​ងាន់ នោក​គ៝ប់​ហាន់​អា​ខាន់​អៃ​មៃ ឞ្រាស​ក្រីស ​មរា​អ៝ន់​នាវ​គែស​ជេង​អ៝ក់​ងាន់​មា​ខាន់​អៃ​មៃ។
ROM 15:30 អើ​អ៝ស​នោ​តា​នាវ​ញឆីង តាៈ​ឞើស​នទើ​ឞ្រាស​យេឆូ​ក្រីស ​អី​កោរាញ​ឞ៝ន់​លែៈ​ជាន នទ្រែល​មា​តាៈ​ឞើស​នាវ​រ៝ង់​អី​ឞ្រាស​ហ្វេង​អ្វែស​អ៝ន់​មា​ខាន់​អៃ​មៃ គ៝ប់​ទាន់​ខាន់​អៃ​មៃ​ហោ​ងាន់ អ៝ន់​ខាន់​អៃ​មៃ​មឞើស​ឆើម​ទាន់​កោរាញ​ឞ្រាស​អ៝ន់​មា​គ៝ប់ នទ្រី​ខាន់​អៃ​មៃ​ជេង​លាប់​ញឆ្រោយ្ស​ជាន​ការ​នទ្រែល​គ៝ប់។
ROM 15:31 អ៝ន់​ខាន់​អៃ​មៃ​ទាន់​កោរាញ​ឞ្រាស​ញជ្រាង់​គ៝ប់​ឞើស​ផូង​អីឆ្រាអែល ​អី​មោ​ញឆីង​មា​ឞ្រាស​ក្រីស ​តា​ឞ្រី​យូដា  ទាន់​ពាង់​ដ៝ង់​អ៝ន់​ផូង​អីឆ្រាអែល ​អី​ញឆីង​មា​ឞ្រាស​ក្រីស ​តា​ប៝ន​យេរូឆាលឹម ​ឆ៝ៈ​ទើន​ព្រាក់​អ្យា​អី​គ៝ប់​ញអោត​អ៝ន់​មា​ខាន់​ពាង់។
ROM 15:32 ជេសរី​លាស​កោរាញ​ឞ្រាស​អ៝ន់ គ៝ប់​ហាន់​អា​ខាន់​អៃ​មៃ​តៃ​នអ៝ប់​មា​គែស​នូយ្ស​នហ៝ម់​រាម់​មអាក ជេសរី​ឞ៝ន់​តឹម​នហាវ​នូយ្ស​នហ៝ម់​ឞាល់។
ROM 15:33 ទាន់​កោរាញ​ឞ្រាស​តើម​នាវ​ដាប់​មពាន់​គុ​នទ្រែល​ទឹង​លែៈ​ខាន់​អៃ​មៃ អើ​អ៝ន់​គែស​កើត​នៃ​ងាន់​រ៝!
ROM 16:1 គ៝ប់​ទាន់​មឞើស​ងក៝ច​អ៝ន់​ខាន់​អៃ​មៃ​គឹត​នាល់​យោស​ផេបេ  ពាង់​ជេង​ឞូនុយ្ស​កើល​ជាន​ការ​តា​ផូង​ញឆីង​តា​ប៝ន​កេងក្រេ ​តា​ឞ្រី​គ្រែក ។
ROM 16:2 ទាន់​ខាន់​អៃ​មៃ​រ៝ម​ពាង់​អ៝ន់​តឹម​ទី​មា​ផូង​ប៝ន​លាន​កោរាញ​ឞ្រាស យ៝រ​លាស​ពាង់​ញឆីង​មា​កោរាញ​យេឆូ ។ ទាន់​ខាន់​អៃ​មៃ​កើល​ពាង់​ម៝ស​នទើ​អី​ពាង់​អុច យ៝រ​លាស​លែៈ​អ៝ក់​ឞូនុយ្ស​ពាង់​កើល នអ៝ប់​មា​កើល​គ៝ប់​ដ៝ង់។
ROM 16:3 ទាន់​អោប​នាវ​អ្វែស​លាង់​ឞារ​ហៃ​អូរ​ឆាយ យោស​ព្រីឆីល  នទ្រែល​មា​នោ​អាកីលា  ខាន់​ពាង់​ជេង​ឞូនុយ្ស​ជាន​ការ​មា​ឞ្រាស​ក្រីស ​នទ្រែល​គ៝ប់។
ROM 16:4 ឞារ​ហៃ​ខាន់​ពាង់​នៃ​លែៈ​ប៝ង់​ឆាក់​មា​ខឹត គៃ​មា​កើល​រាក្លាយ្ស​គ៝ប់។ គ៝ប់​លាស​អ្វែស​មា​ខាន់​ពាង់ មោ​ទី​គ៝ប់​ទើម​អោស​លាស​អ្វែស​មា​ខាន់​ពាង់ ទឹង​លែៈ​ផូង​ញឆីង​អី​មោ​ទី​ផូង​អីឆ្រាអែល ​លាស​អ្វែស​មា​ខាន់​ពាង់​ទាទេ​ដ៝ង់។
ROM 16:5 ទាន់​អោប​នាវ​អ្វែស​លាង់​ផូង​ញឆីង​អី​រាបុន​តា​ជៃ​ខាន់​ពាង់។ ទាន់​អោប​នាវ​អ្វែស​លាង់​នោ​អេពៃនែត ​អី​ឞូនុយ្ស​គ៝ប់​រ៝ង់។ ពាង់​ជេង​ឞូនុយ្ស​ឆឹត​ញឆីង​មា​ឞ្រាស​ក្រីស ​ល៝រ​ឞូ​តា​ឞ្រី​អាឆី ។
ROM 16:6 ទាន់​អោប​នាវ​អ្វែស​លាង់​យោស​មារី  ជេង​នើម​ជាន​ការ​លែៈ​ញឆ្រោយ្ស​អ៝ក់​ងាន់​មា​ខាន់​អៃ​មៃ។
ROM 16:7 ទាន់​អោប​នាវ​អ្វែស​លាង់​នោ​អាន់ត្រូនីក  នទ្រែល​មា​យោស​យូនេស  ជេង​នទុល​មពោល​គ៝ប់​នើម ខាន់​ពាង់​លែៈ​តាៈ​គុ​នទ្រូង​នទ្រែល​គ៝ប់​ដ៝ង់។ ឞូ​លឺ​នាវ​អ្វែស​ខាន់​ពាង់​អ៝ក់​ហោ​ងាន់​តា​មពោល​កោរាញ​អ៝ស​ម៝ន។ ល៝រ​ខាន់​ពាង់​ដ៝ង់​ឆឹត​ញឆីង​មា​ឞ្រាស​ក្រីស ​ដាស​គ៝ប់។
ROM 16:8 ទាន់​អោប​នាវ​អ្វែស​លាង់​នោ​អាម់ផ្លេស ​អី​ឞូនុយ្ស​គ៝ប់​រ៝ង់​តា​កោរាញ​យេឆូ ។
ROM 16:9 ទាន់​អោប​នាវ​អ្វែស​លាង់​នោ​អើបាន់ ​អី​ឞូនុយ្ស​ជាន​ការ​មា​ឞ្រាស​ក្រីស ​នទ្រែល​គ៝ប់ នទ្រែល​មា​ទាន់​អោប​នាវ​អ្វែស​លាង់​នោ​ឆាតាខីស ​អី​ឞូនុយ្ស​គ៝ប់​រ៝ង់។
ROM 16:10 ទាន់​អោប​នាវ​អ្វែស​លាង់​នោ​អាពេលេស ​អី​ឞ្រាស​ក្រីស ​កើប​ពាង់​ទី។ ទាន់​អោប​នាវ​អ្វែស​លាង់​រានាក់​វ៝ល់​នោ​អារីសតោបូល ។
ROM 16:11 ទាន់​អោប​នាវ​អ្វែស​លាង់​នោ​ហេរោដេន ​អី​នទុល​មពោល​គ៝ប់​នើម។ ទាន់​អោប​នាវ​អ្វែស​លាង់​ឞូនុយ្ស​តា​រានាក់​វ៝ល់​នោ​នារឆីស ​អី​ញឆីង​មា​កោរាញ​យេឆូ ។
ROM 16:12 ទាន់​អោប​នាវ​អ្វែស​លាង់​យោស​ត្រីផែន  នទ្រែល​មា​យោស​ត្រីផុស  ខាន់​ពាង់​អី​នៃ​ជាន​ការ​អ៝ក់​មា​កោរាញ​យេឆូ ។ ទាន់​អោប​នាវ​អ្វែស​លាង់​យោស​ពើឆីស ​អី​គ៝ប់​រ៝ង់ ពាង់​ជាន​ការ​លែៈ​អ៝ក់​មា​កោរាញ​យេឆូ ។
ROM 16:13 ទាន់​អោប​នាវ​អ្វែស​លាង់​នោ​រូផុស កោរាញ​យេឆូ ​លែៈ​ជេស​កើយ្ស​ពាង់ នទ្រែល​មា​អោប​នាវ​អ្វែស​លាង់​អី​មេៈ​ពាង់ គ៝ប់​កើប​មេៈ​ពាង់​ជេង​មេៈ​គ៝ប់​ដ៝ង់។
ROM 16:14 ទាន់​អោប​នាវ​អ្វែស​លាង់​នោ​អាឆីងគ្រីត  នោ​ផ្លេកោន  នោ​ហើមេស  នោ​ពាត្រោបាស  នោ​ហើមាស  នទ្រែល​មា​អ៝ស​នោ​តា​នាវ​ញឆីង​អី​គុ​នទ្រែល​ខាន់​ពាង់។
ROM 16:15 ទាន់​អោប​នាវ​អ្វែស​លាង់​នោ​ផីលោលោក  យោស​យូលៀ  នោ​នេរើស  នទ្រែល​មា​អ៝ស​ឞូ​អូរ​ពាង់ ជេសរី​ទាន់​អោប​នាវ​អ្វែស​លាង់​នោ​អោលីមពាស  នទ្រែល​មា​ទឹង​លែៈ​ផូង​ប៝ន​លាន​កោរាញ​ឞ្រាស​អី​គុ​នទ្រែល​ខាន់​ពាង់​ដ៝ង់។
ROM 16:16 ទាន់​ខាន់​អៃ​មៃ​តឹម​អោប​នាវ​អ្វែស​លាង់​នទ្រាង់​នើម​មា​នាវ​អ្វែស​រាស​រើច។ ជេសរី​ទឹង​លែៈ​ផូង​ញឆីង​មា​ឞ្រាស​ក្រីស ​តា​នតុក​អេងៗ​តា​អ្យា​អោប​នាវ​អ្វែស​លាង់​ខាន់​អៃ​មៃ​ដ៝ង់។
ROM 16:17 អើ​អ៝ស​នោ​តា​នាវ​ញឆីង គ៝ប់​ទាន់​ខាន់​អៃ​មៃ​ហោ​ងាន់ អ៝ន់​ខាន់​អៃ​មៃ​ញជ្រាង់​មា​មពោល​ឞូនុយ្ស​អី​ជាន​តឹម​ងខាស​ផូង នទ្រែល​មា​អី​ជាន​អ៝ន់​ឞូ​ហ្យើត​តា​នាវ​ញឆីង។ អ៝ន់​ញជ្រាង់​មា​មពោល​ឞូនុយ្ស​អី​នតុម​នតី​ងក្លាៈ​ជេង​នទើ​តីស​ដាស​នាវ​ខាន់​អៃ​មៃ​លែៈ​ជេស​ឞូ​នតុម​នតី​នើស។ លាស​នទ្រី​អ៝ន់​ខាន់​អៃ​មៃ​ទែរ​ហ៝ម់​ឞើស​មពោល​កើត​នៃ។
ROM 16:18 មពោល​កើត​អី​នៃ​មោ​អោស​ជាន​ការ​មា​ឞ្រាស​ក្រីស ​អី​កោរាញ​ឞ៝ន់។ ខាន់​ពាង់​គឹត​មា​នទើ​អី​ឆាក់​ជាន់​ខាន់​ពាង់​អុច​ទើម ខាន់​ពាង់​មឞើស​ងើយ​អ្វែស ងើយ​រានេ​មា​ឞូ​ហោ​ងាន់ ជេសរី​នទើម​ឞូនុយ្ស​អី​ទើស​មា​អ្យាត់។
ROM 16:19 ទឹង​លែៈ​ឞូនុយ្ស​លែៈ​គឹត​ជេស​មា​នាវ​ខាន់​អៃ​មៃ​អ្យាត់​នាវ​កោរាញ​ឞ្រាស។ កើត​នទ្រី​គ៝ប់​គែស​នូយ្ស​នហ៝ម់​រាម់​មអាក​ងាន់​មា​ខាន់​អៃ​មៃ យើន​មា​គ៝ប់​អុច​អ៝ន់​ខាន់​អៃ​មៃ​គែស​នាវ​មឹន​គឹត​ឞ្លាវ​មា​ជាន​ការ​នទើ​អ្វែស​ហ៝ៈ ជេសរី​រាលូក​ម៝ល់​មា​ជាន​នទើ​អ្យើស។
ROM 16:20 ហោម​ទូ​ប្ល៝ត់​ជឹត កោរាញ​ឞ្រាស​អី​តើម​នាវ​ដាប់​មពាន់​លើស​ហេង​លើយ​ឆាតាង់ ​អី​កោរាញ​មពោល​ឞ្រាស​អ្យើស​អ៝ន់​ពាង់​គុ​តា​ន៝ម់​ជ៝ង់​ខាន់​អៃ​មៃ មោ​ហោម​អោស​គែស​នាវ​ទើយ​មា​ខាន់​អៃ​មៃ​ជឹត។ អ៝ន់​នាវ​អ្វែស​ឞ្រាស​យេឆូ ​អី​កោរាញ​ឞ៝ន់​គុ​នទ្រែល​ខាន់​អៃ​មៃ។
ROM 16:21 តីមោថេ ​អី​ឞូនុយ្ស​ជាន​ការ​នទ្រែល​គ៝ប់ ទាន់​អោប​នាវ​អ្វែស​លាង់​ខាន់​អៃ​មៃ។ ជេសរី​នោ​លូកេស  នោ​យាឆុន  នទ្រែល​មា​នោ​ឆូឆិពាត្រោស  នទុល​មពោល​គ៝ប់​នើម ខាន់​ពាង់​ទាន់​អោប​នាវ​អ្វែស​លាង់​ខាន់​អៃ​មៃ​ដ៝ង់។
ROM 16:22 ពាង់​អី​រាញា​តើតេស ​ជេង​ឞូនុយ្ស​ញឆីង​មា​កោរាញ​យេឆូ ​ដ៝ង់ ពាង់​ឆើម​ញចីស​នាវ​គ៝ប់​តា​ឆ៝ម់បុត​អ្យា ពាង់​ទាន់​អោប​នាវ​អ្វែស​លាង់​ខាន់​អៃ​មៃ​ដ៝ង់។
ROM 16:23 នោ​កៃយុស ​អី​ឞូនុយ្ស​រ៝ម​គ៝ប់ អ៝ន់​គ៝ប់​គុ​តា​ជៃ​ពាង់ នទ្រែល​មា​ទឹង​លែៈ​ផូង​ញឆីង​តា​អ្យា​អ៝ន់​គុ​រាបុន​តា​ជៃ​ពាង់ ពាង់​ទាន់​អោប​នាវ​អ្វែស​លាង់​ខាន់​អៃ​មៃ។ ជេសរី​នោ​អេរាសតុស ​ជេង​នើម​ម៝ត់​អ្វាញ់​ព្រាក់​ប៝ន​ក្វ៝ង់​អ្យា នទ្រែល​មា​នោ​ក្វាតុស ​ជេង​អ៝ស​នោ​ឞ៝ន់​តា​នាវ​ញឆីង ឞារ​ហៃ​ខាន់​ពាង់​ទាន់​អោប​នាវ​អ្វែស​លាង់​ខាន់​អៃ​មៃ​ដ៝ង់។
ROM 16:24 [ទាន់​នាវ​អ្វែស​ឞ្រាស​យេឆូ​ក្រីស ​អី​កោរាញ​ឞ៝ន់​គុ​តា​ទឹង​លែៈ​ខាន់​អៃ​មៃ! អើ​អ៝ន់​គែស​កើត​នៃ​ងាន់​រ៝!]
ROM 16:25 អ៝ន់​រានេ​មា​កោរាញ​ឞ្រាស! ពាង់​គែស​នាវ​ទើយ​ជាន​អ៝ន់​ខាន់​អៃ​មៃ​គែស​នាវ​ញឆីង​ន៝ប់​រាក៝ក់ ទី​កើត​នាវ​មហែ​មហាន​អ្វែស​អី​គ៝ប់​មឞើស​ងក៝ច​មា​ទឹង​លែៈ​ឞូនុយ្ស។ នាវ​មហែ​មហាន​អ្វែស​អី​នៃ​អ៝ន់​ឞ៝ន់​គឹត​នាវ​ឞ្រាស​យេឆូ​ក្រីស ​អុច​រាក្លាយ្ស​ផូង​អី​មោ​ទី​ផូង​អីឆ្រាអែល  នអ៝ប់​មា​ផូង​អីឆ្រាអែល ​ដ៝ង់។ ឞើស​នតើម​នើស​កោរាញ​ឞ្រាស​មោ​អោស​អ៝ន់​ឞូនុយ្ស​គឹត​មា​នាវ​អី​នៃ‌
ROM 16:26 យើន​មា​អាបៃ​អ្យា​កោរាញ​ឞ្រាស​ញហើ​នាវ​អី​នៃ​អ៝ន់​ឞ៝ន់​គឹត ពាង់​អ៝ន់​ឞ៝ន់​គឹត​នាវ​អី​នៃ​តា​ឆ៝ម់បុត​ឞូនុយ្ស​នតើយ្ស​នាវ​ងើយ​កោរាញ​ឞ្រាស​លែៈ​ញចីស។ កោរាញ​ឞ្រាស​នើម​អី​រេស​នហ៝​រ៝​ដាៈ​ឞ៝ន់​មឞើស​ងក៝ច​អ៝ន់​ឞូ​គឹត​នាវ​អី​នៃ គៃ​មា​អ៝ន់​ទឹង​លែៈ​នទុល​មពោល​ឞូនុយ្ស​អេងៗ​ញឆីង​មា​ពាង់ នអ៝ប់​មា​អ្យាត់​ពាង់។
ROM 16:27 អ៝ន់​រានេ​មា​កោរាញ​ឞ្រាស​នើម​ទូ​ហ្វេ​ទើម​អី​គែស​នាវ​មឹន​គឹត​ឞ្លាវ អ៝ន់​រានេ​នាវ​ច្រេក​លើប​ពាង់​បាបើ​នហ៝​រ៝​តា​ឞ្រាស​យេឆូ​ក្រីស ! អើ​អ៝ន់​គែស​កើត​នៃ​ងាន់​រ៝!៚
1CO 1:1 ឆ៝ម់បុត​គ៝ប់​ពោល ​ញចីស គ៝ប់​ជេង​កោរាញ​អ៝ស​ម៝ន​ឞ្រាស​ក្រីស​យេឆូ ​អី​តាៈ​ឞើស​កោរាញ​ឞ្រាស​ក្វាល់​គ៝ប់ អី​តាៈ​ឞើស​នាវ​អុច​កោរាញ​ឞ្រាស​នើម​ដ៝ង់។ គ៝ប់​នទ្រែល​មា​នោ​ឆោសតែន ​អី​នោ​ឞ៝ន់​តា​នាវ​ញឆីង‌
1CO 1:2 ឞារ​ហៃ​ហេន​ទាន់​អោប​នាវ​អ្វែស​លាង់​ផូង​ញឆីង​មា​កោរាញ​ឞ្រាស​តា​ប៝ន​កោរិនតោ ។ កោរាញ​ឞ្រាស​លែៈ​ក្វាល់​ជេស​ខាន់​អៃ​មៃ​អ៝ន់​ជេង​ផូង​ប៝ន​លាន​ពាង់​នើម នអ៝ប់​មា​ជាន​ខាន់​អៃ​មៃ​លែៈ​ជេង​ប៝ន​លាន​ពាង់​នើម​អ៝ន់​គុ​ក្ល៝ស​អ្វែស​យ៝រ​មា​នទើ​ឞ្រាស​ក្រីស​យេឆូ ​លែៈ​ជាន។ ខាន់​អៃ​មៃ​ជេង​ប៝ន​លាន​កោរាញ​ឞ្រាស នទ្រែល​មា​ទឹង​លែៈ​ឞូនុយ្ស​តា​អាប់​នតុក​អី​ញឆីង​មា​ឞ្រាស​យេឆូ​ក្រីស ​អី​កោរាញ​ឞ៝ន់។ ពាង់​ជេង​កោរាញ​មា​ខាន់​ពាង់​អី​នៃ នទ្រែល​មា​ជេង​កោរាញ​មា​ទឹង​លែៈ​ផូង​ឞ៝ន់​ដ៝ង់។
1CO 1:3 ទាន់​កោរាញ​ឞ្រាស​ឞឹ​ឞ៝ន់ នទ្រែល​មា​កោរាញ​យេឆូ​ក្រីស  អ៝ន់​នាវ​អ្វែស អ៝ន់​នាវ​ដាប់​មពាន់​មា​ខាន់​អៃ​មៃ។
1CO 1:4 គ៝ប់​លាស​អ្វែស​មា​កោរាញ​ឞ្រាស​បាបើ​ងាន់​អ៝ន់​មា​ខាន់​អៃ​មៃ យ៝រ​មា​ពាង់​លែៈ​អ៝ន់​នាវ​អ្វែស​ពាង់​នើម​មា​ខាន់​អៃ​មៃ​តាៈ​ឞើស​នទើ​ឞ្រាស​ក្រីស​យេឆូ ​លែៈ​ជាន។
1CO 1:5 តាៈ​ឞើស​ខាន់​អៃ​មៃ​គុ​នទ្រែល​ឞ្រាស​ក្រីស  ទឹង​កោរាញ​ឞ្រាស​លែៈ​អ៝ន់​មា​ខាន់​អៃ​មៃ​អាប់​នតីល​នទើ​អី​គែស​ខ្លៃ ពាង់​លែៈ​អ៝ន់​ខាន់​អៃ​មៃ​អ៝ក់​នតីល​នទើ៖ អ៝ន់​ឞ្លាវ​នតី​ឞូ នអ៝ប់​មា​លែៈ​អ៝ន់​ខាន់​អៃ​មៃ​គឹត​វ៝ត់​អាប់​នតីល​មពែស​មា​នាវ​ពាង់។
1CO 1:6 នាវ​កោរាញ​ឞ្រាស​អ៝ន់​អី​នៃ​អ៝ន់​ខាន់​អៃ​មៃ​គឹត​នហេល​នានេៈ​នាវ​ឞ្រាស​ក្រីស ​អី​គ៝ប់​មឞើស​ងក៝ច​មា​ខាន់​អៃ​មៃ​លែៈ​ទី​ងាន់។
1CO 1:7 កើត​នទ្រី​អាបៃ​អ្យា​ខាន់​អៃ​មៃ​គុ​ក៝ប់​ឞ្រាស​យេឆូ​ក្រីស ​អី​កោរាញ​ឞ៝ន់​ព្លឹ​តា​នែស​នតូ​អ្យា ខាន់​អៃ​មៃ​លែៈ​គែស​អាប់​នតីល​នាវ​ឞ្លាវ​អី​ឞ្រាស​ហ្វេង​អ្វែស​អ៝ន់​ទើម​ទាម។
1CO 1:8 កោរាញ​ឞ្រាស​ជាន​អ៝ន់​ខាន់​អៃ​មៃ​ហោម​គុ​ន៝ប់​នឹង​តា​នាវ​ញឆីង គៃ​មា​មោ​អោស​គែស​នាវ​មា​នទុយ្ស​តា​នារ​ឞ្រាស​យេឆូ​ក្រីស ​អី​កោរាញ​ឞ៝ន់​ព្លឹ​វាច់​តា​នែស​នតូ​អ្យា។
1CO 1:9 កោរាញ​ឞ្រាស​រាប់​ជាប់​ងាន់ ពាង់​លែៈ​ក្វាល់​ជេស​ខាន់​អៃ​មៃ​អ៝ន់​គុ​តឹម​រាង្លាប់​នទ្រែល​ក៝ន​ពាង់​នើម ជេង​ឞ្រាស​យេឆូ​ក្រីស ​អី​កោរាញ​ឞ៝ន់។
1CO 1:10 អើ​អ៝ស​នោ​តា​នាវ​ញឆីង តាៈ​ឞើស​នាវ​ទើយ​ឞ្រាស​យេឆូ​ក្រីស ​អី​កោរាញ​ឞ៝ន់​គុ​តា​គ៝ប់ ទឹង​គ៝ប់​ទាន់​ខាន់​អៃ​មៃ​ហោ​ងាន់ អ៝ន់​ខាន់​អៃ​មៃ​មឞើស​ងើយ​ទូ​នតោរ​នាវ​ហ៝ៈ លើយ​អោស​តឹម​ងខាស​មពោល អ៝ន់​គែស​នាវ​មឹន​ទូ​នតោរ​នាវ​ហ៝ៈ អ៝ន់​គែស​នូយ្ស​នហ៝ម់​ទូ​នតោរ​ដ៝ង់។
1CO 1:11 អើ​អ៝ស​នោ​តា​នាវ​ញឆីង គ៝ប់​តាង់​ឞូនុយ្ស​អាបាៈ​ឞើស​រានាក់​វ៝ល់​យោស​ក្លោអេ ​មឞើស​ងក៝ច​អ៝ន់​គ៝ប់ តា​ផូង​ខាន់​អៃ​មៃ​គែស​នាវ​តឹម​រាលាច់​ឞាល់។
1CO 1:12 តា​ផូង​ខាន់​អៃ​មៃ​ទូ​ហ្វេ​ទូ​ហ្វេ​លាស​អេងៗ​ឞាល់​កើត​នអា៖ “គ៝ប់​អ្យា​អី​ក៝ន​ឆៅ​ពោល !” “គ៝ប់​អ្យា​អី​ក៝ន​ឆៅ​អាពោលុស !” “គ៝ប់​អ្យា​អី​ក៝ន​ឆៅ​ពេត្រោស !” “គ៝ប់​អ្យា​អី​ក៝ន​ឆៅ​ឞ្រាស​ក្រីស !”
1CO 1:13 លាស​នទ្រី​អើម​ឞ្រាស​ក្រីស ​គែស​តឹម​ពាៈ​អ៝ក់​កើត​នៃ​លាស? អើម​គ៝ប់​ពោល ​លែៈ​ឞូ​ងខឹត​តា​ឆី​តឹម​រាកាង់​អ៝ន់​មា​ខាន់​អៃ​មៃ​លាស? មោ​លាស​អើម​ឞូ​ជាន​បាប់តែម​យុក​មា​ទាក​អ៝ន់​ខាន់​អៃ​មៃ​តា​រាញា​គ៝ប់​ពោល ​លាស?
1CO 1:14 គ៝ប់​ទាន់​លាស​អ្វែស​មា​កោរាញ​ឞ្រាស គ៝ប់​មោ​អោស​ជាន​បាប់តែម​យុក​មា​ទាក​អ៝ន់​មា​ឞូនុយ្ស​តា​ផូង​ខាន់​អៃ​មៃ មាន​មា​គែស​ជាន​អ៝ន់​មា​នោ​ក្រីសពុស  នទ្រែល​មា​នោ​កៃយុស ​ឞារ​ហៃ​នៃ​ទើម។
1CO 1:15 លាស​នទ្រី​មោ​គែស​អោស​ទូ​ហ្វេ​ឞូនុយ្ស​តា​ផូង​ខាន់​អៃ​មៃ​ទើយ​លាស​លែៈ​គែស​ជាន​បាប់តែម​យុក​មា​ទាក​តា​រាញា​ឆាក់​គ៝ប់។
1CO 1:16 អើ គ៝ប់​លែៈ​គែស​ជាន​បាប់តែម​យុក​មា​ទាក​អ៝ន់​រានាក់​វ៝ល់​នោ​ឆាតេផានាស ​ដ៝ង់ ឞូនុយ្ស​អា​អេង​គ៝ប់​មោ​ហោម​អោស​កាស​គឹត។
1CO 1:17 ឞ្រាស​ក្រីស ​មោ​អោស​ដាៈ​គ៝ប់​ហាន់​មា​ជាន​បាប់តែម​យុក​មា​ទាក ពាង់​ដាៈ​គ៝ប់​គៃ​មា​មឞើស​ងក៝ច​នាវ​មហែ​មហាន​អ្វែស។ យើន​មា​គ៝ប់​មឞើស​ងក៝ច​នាវ​អី​នៃ​មោ​អោស​ទ៝ង់​នាវ​ងើយ​គែស​នាវ​មឹន​គឹត​ឞ្លាវ​អី​អ្វែស​មា​អ្យាត់ ក្លាច​លាស​ងគ្រ៝ស​លើយ​នាវ​ទើយ​តា​នាវ​ខឹត​ឞ្រាស​ក្រីស ​តា​ឆី​តឹម​រាកាង់។
1CO 1:18 នាវ​ងក៝ច​ឞ្រាស​ក្រីស ​ខឹត​តា​ឆី​តឹម​រាកាង់​នៃ ផូង​អី​មោ​ញឆីង​អី​មរា​រ៝ស​ហេង ខាន់​ពាង់​កើប​នាវ​ងក៝ច​អី​នៃ​ជេង​នទើ​រាលូក​ម៝ល់​ទើម យើន​មា​ឞ៝ន់​អី​កោរាញ​ឞ្រាស​រាក្លាយ្ស ឞ៝ន់​កើប​នាវ​ងក៝ច​អី​នៃ​ជេង​នាវ​ទើយ​កោរាញ​ឞ្រាស។
1CO 1:19 នាវ​អី​នៃ​តឹម​ទី​មា​នាវ​លែៈ​គែស​ញចីស​តា​នាវ​កោរាញ​ឞ្រាស​ងើយ៖ «កោរាញ​ឞ្រាស​លាស៖ «គ៝ប់​មរា​ងគ្រ៝ស​លើយ​អី​នាវ​មឹន​គឹត​ឞ្លាវ​តា​ឞូនុយ្ស​អី​គែស​នាវ​មឹន​គឹត​ឞ្លាវ‌ គ៝ប់​មរា​លើស​ហេង​លើយ​នាវ​ឞ្លាវ​មឹន​តា​ឞូនុយ្ស​អី​គែស​នាវ​ឞ្លាវ​មឹន​ដ៝ង់»»។
1CO 1:20 លាស​នទ្រី​ឞូនុយ្ស​អី​គែស​នាវ​មឹន​គឹត​ឞ្លាវ ឞូនុយ្ស​អី​នើម​នតី នទ្រែល​មា​ឞូនុយ្ស​អី​ឞ្លាវ​មេត​អ្វាញ់​នាវ​ជ្រូៗ​តា​រានោក​អ្យា អើម​ហោម​ឞ្លាវ​ជាន​ដ៝ង់ លាស​កោរាញ​ឞ្រាស​លែៈ​លើស​លើយ​អី​នាវ​គឹត​ឞ្លាវ​តា​នែស​នតូ​អ្យា​អ៝ន់​ជេង​រាលូក​ម៝ល់​ច្រាវ!
1CO 1:21 កោរាញ​ឞ្រាស​ជាន​អ៝ន់​ឞូនុយ្ស​តា​នែស​នតូ​អ្យា​មោ​អោស​ទើយ​គឹត​នាល់​ពាង់​តាៈ​ឞើស​នាវ​មឹន​គឹត​ឞ្លាវ​ខាន់​ពាង់​នើម ពាង់​ជាន​កើត​នៃ​តាៈ​ឞើស​នាវ​មឹន​គឹត​ឞ្លាវ​ពាង់​នើម។ កើត​នទ្រី​ទឹង​កោរាញ​ឞ្រាស​រាក្លាយ្ស​ឞូនុយ្ស​អី​ញឆីង​តាៈ​ឞើស​នាវ​មឞើស​ងក៝ច​នាវ​មហែ​មហាន​អ្វែស​អី​ឞូនុយ្ស​អា​អេង​ទែ​កើប​រាលូក​ម៝ល់​អី​នៃ។
1CO 1:22 ផូង​អីឆ្រាអែល ​អុច​ឆៃ​នទើ​មឞេន​នាវ​ខ្លៃ​ល៝រ រី​មើ​ខាន់​ពាង់​អុច​ញឆីង​មា​នាវ​មឞើស​ងក៝ច​នៃ។ ផូង​គ្រែក ​អុច​ឆៃ​នាវ​មឹន​គឹត​ឞ្លាវ​ឞូនុយ្ស​តា​នាវ​មឞើស​ងើយ រី​មើ​ខាន់​ពាង់​អុច​ញឆីង។
1CO 1:23 យើន​មា​ហេន ហេន​ហោម​មឞើស​ងក៝ច​មា​នាវ​ឞ្រាស​ក្រីស ​ខឹត​តា​ឆី​តឹម​រាកាង់ គៃ​មា​រាក្លាយ្ស​ឞូនុយ្ស​ឞើស​នាវ​កោរាញ​ឞ្រាស​តេៈ​ទោយ្ស។ ជេសរី​ផូង​អីឆ្រាអែល ​រាលាច់​មោ​អុច​អោស​នាវ​អី​នៃ ជេសរី​ផូង​អី​មោ​ទី​ផូង​អីឆ្រាអែល ​កើប​នាវ​អី​នៃ​ជេង​នាវ​រាលូក​ម៝ល់។
1CO 1:24 យើន​មា​ទឹង​លែៈ​ផូង​អី​លែៈ​កោរាញ​ឞ្រាស​ទែ​ក្វាល់​ជេស គែស​នអ៝ប់​មា​ផូង​អីឆ្រាអែល  នអ៝ប់​មា​ផូង​អី​មោ​ទី​ផូង​អីឆ្រាអែល  ផូង​អី​នៃ​កើប​ឞ្រាស​ក្រីស ​ញហើ​នាវ​ទើយ នទ្រែល​មា​ញហើ​នាវ​មឹន​គឹត​ឞ្លាវ​កោរាញ​ឞ្រាស​នើម។
1CO 1:25 ម៝ស​នទើ​អី​ឞូ​កើប​រាលូក​ម៝ល់​តា​កោរាញ​ឞ្រាស យើន​មា​ហោម​គែស​នាវ​មឹន​គឹត​ឞ្លាវ​រាលាវ​មា​នាវ​មឹន​គឹត​ឞ្លាវ​ឞូនុយ្ស។ ជេសរី​ម៝ស​នទើ​អី​ឞូ​កើប​មោ​អោស​គែស​ឆ្វាន​ទាង់​តា​កោរាញ​ឞ្រាស យើន​មា​ហោម​គែស​ឆ្វាន​ទាង់​រាលាវ​មា​ឆ្វាន​ទាង់​ឞូនុយ្ស​ដ៝ង់។
1CO 1:26 អើ​អ៝ស​នោ​តា​នាវ​ញឆីង អ៝ន់​ខាន់​អៃ​មៃ​គឹត​តា​នាវ​អ្យា៖ តា​ផូង​ខាន់​អៃ​មៃ នោក​កោរាញ​ឞ្រាស​ក្វាល់​ខាន់​អៃ​មៃ​នើស មោ​លាង់​គែស​អោស​ឞូនុយ្ស​អី​ឞូ​កើប​គែស​នាវ​មឹន​គឹត​ឞ្លាវ ជេសរី​ឞូនុយ្ស​អី​ក្វ៝ង់ មោ​លាស​ឞូនុយ្ស​អី​រាន៝យ​ទែស​នទ្រ៝ង់​ក៝ៈ​មោ​លាង់​គែស​ដ៝ង់។
1CO 1:27 យើន​មា​កោរាញ​ឞ្រាស​លែៈ​កើយ្ស​ជេស​នាវ​អី​ឞូនុយ្ស​តា​នែស​នតូ​ទែ​កើប​រាលូក​ម៝ល់​នៃ គៃ​មា​អ៝ន់​ផូង​អី​គែស​នាវ​មឹន​គឹត​ឞ្លាវ​ដីត​ព្រេង ជេសរី​ពាង់​លែៈ​កើយ្ស​ជេស​នាវ​អី​ឞូនុយ្ស​តា​នែស​នតូ​ទែ​កើប​មោ​គែស​ឆ្វាន​ទាង់​នៃ គៃ​មា​អ៝ន់​ផូង​អី​គែស​ឆ្វាន​ទាង់​ដីត​ព្រេង។
1CO 1:28 កោរាញ​ឞ្រាស​លែៈ​កើយ្ស​ជេស​នាវ​អី​ឞូនុយ្ស​តា​នែស​នតូ​ទែ​កើប​ទុត​ជេៈ នាវ​អី​ឞូ​ទែ​មឺច នទ្រែល​មា​នាវ​អី​ឞូ​កើប​មោ​អោស​គែស​នាវ​ខ្លៃ​ទូ​នតីល ពាង់​ឆ៝ៈ​ទឹង​លែៈ​នាវ​អី​នៃ​គៃ​មា​ងគ្រ៝ស​លើយ​ទឹង​លែៈ​នាវ​អី​ឞូនុយ្ស​កើប​គែស​នាវ​ខ្លៃ។
1CO 1:29 កោរាញ​ឞ្រាស​ជាន​កើត​នៃ គៃ​មា​ទឹង​លែៈ​ឞូនុយ្ស​មោ​ហោម​អោស​គែស​ទូ​ហ្វេ​ឞ្លាវ​នហី​អេង​ឆាក់​តា​នាប់​មាត់​ពាង់​នើម។
1CO 1:30 កោរាញ​ឞ្រាស​ជាន​អ៝ន់​ខាន់​អៃ​មៃ​លែៈ​គុ​នទ្រែល​ឞ្រាស​ក្រីស​យេឆូ  កោរាញ​ឞ្រាស​ជាន​អ៝ន់​ឞ៝ន់​គែស​នាវ​មឹន​គឹត​ឞ្លាវ​តាៈ​ឞើស​ឞ្រាស​ក្រីស​យេឆូ ។ តាៈ​ឞើស​ឞ្រាស​ក្រីស​យេឆូ  ទឹង​កោរាញ​ឞ្រាស​កើប​ឞ៝ន់​ឆ៝ង់ ជេង​ប៝ន​លាន​ក្ល៝ស​អ្វែស​ពាង់​នើម លែៈ​គែស​នាវ​រាក្លាយ្ស។
1CO 1:31 លាស​នទ្រី​នាវ​អី​នៃ​តឹម​ទី​មា​នាវ​កោរាញ​ឞ្រាស​ងើយ​លែៈ​គែស​ញចីស​ជេស៖ «ឞូ​ម៝ស​អី​អុច​រានេ​អេង​ឆាក់​ពាង់​នើម អ៝ន់​ពាង់​រានេ​មា​នទើ​កោរាញ​ឞ្រាស​ជាន​តា​ពាង់​ទើម​ហ៝ៈ»។
1CO 2:1 អើ​អ៝ស​នោ​តា​នាវ​ញឆីង នោក​គ៝ប់​ហាន់​អា​ខាន់​អៃ​មៃ​មឞើស​ងក៝ច​នាវ​កោរាញ​ឞ្រាស​នើស គ៝ប់​មោ​គែស​អោស​មឞើស​ងើយ​ទុត​ឞ្លាវ មោ​លាស​មឞើស​ងក៝ច​នាវ​ខ្លៃ​កោរាញ​ឞ្រាស​អ៝ន់​មា​ខាន់​អៃ​មៃ​មា​នាវ​មឹន​គឹត​ឞ្លាវ​ជ្រូ។
1CO 2:2 នោក​គ៝ប់​គុ​នទ្រែល​ខាន់​អៃ​មៃ​នើស គ៝ប់​មឞើស​ងក៝ច​មា​ឞ្រាស​យេឆូ​ក្រីស  មឞើស​ងក៝ច​មា​នាវ​ពាង់​ខឹត​តា​ឆី​តឹម​រាកាង់​ទើម គ៝ប់​មោ​អោស​មឞើស​ងក៝ច​នាវ​អាបាៈ​អេង។
1CO 2:3 គ៝ប់​ហាន់​អា​ខាន់​អៃ​មៃ​នើស​មោ​អោស​គែស​នហ៝ម់​ឆ្វាន គ៝ប់​ញឆ៝រ់​ឆាក់​ជាន់​ក្លាច​មោ​ឞ្លាវ​ជាន​ជេស​នទើ​កោរាញ​ឞ្រាស​លែៈ​ដាៈ​មា​គ៝ប់។
1CO 2:4 ឞ៝រ់​មឞូង​គ៝ប់​មឞើស​ងើយ នទ្រែល​មា​នាវ​គ៝ប់​នតុម​នតី​នៃ​នើស​មោ​អោស​ទី​គែស​មា​នាវ​មឹន​គឹត​ឞ្លាវ​អ្វែស យើន​មា​គែស​ឆៃ​នាវ​ខ្លៃ​តាៈ​ឞើស​នាវ​ទើយ​ឞ្រាស​ហ្វេង​អ្វែស​នើម​អ៝ន់‌
1CO 2:5 គៃ​មា​នាវ​ញឆីង​ខាន់​អៃ​មៃ​លើយ​អោស​តាៈ​ឞើស​តាង់​នាវ​មឹន​គឹត​ឞ្លាវ​ឞូនុយ្ស យើន​មា​តាៈ​ឞើស​ឆៃ​នាវ​ទើយ​កោរាញ​ឞ្រាស​នើម។
1CO 2:6 យើន​មា​ឞូ​ម៝ស​អី​លែៈ​គែស​នាវ​ញឆីង​ន៝ប់​លែៈ​តឹម​ទី​កែស​ជេស ហេន​នតុម​នតី​មា​នាវ​មឹន​គឹត​ឞ្លាវ​ដ៝ង់ យើន​មា​មោ​ទី​អោស​ឆ៝ៈ​នាវ​មឹន​គឹត​ឞ្លាវ​តាៈ​ឞើស​ឞូនុយ្ស​តា​នែស​នតូ​អ្យា​អី​មរា​រ៝ស​ហេង ក៝ៈ​មោ​ទី​ដ៝ង់​តាៈ​ឞើស​កោរាញ​ម៝ត់​អ្វាញ់​តា​នែស​នតូ​អ្យា​អី​មរា​រ៝ស​ហេង​ដ៝ង់។
1CO 2:7 ហេន​មឞើស​ងក៝ច​មា​នាវ​មឹន​គឹត​ឞ្លាវ​កោរាញ​ឞ្រាស​នើម​អី​ឞើស​នតើម​នើស​ហោម​នទ៝ប់​មពោន។ អេ​ល៝រ​មា​ញជេង​នែស​នតូ កោរាញ​ឞ្រាស​លែៈ​អុច​ជេស​នាវ​មឹន​គឹត​ឞ្លាវ​អី​នៃ​អ៝ន់​ឞ៝ន់​គែស​នាវ​ច្រេក​លើប។
1CO 2:8 ផូង​កោរាញ​ម៝ត់​អ្វាញ់​តា​នែស​នតូ​អ្យា​មោ​គែស​អោស​ទូ​ហ្វេ​គឹត​វ៝ត់​នាវ​មឹន​គឹត​ឞ្លាវ​កោរាញ​ឞ្រាស។ លាស​ខាន់​ពាង់​លែៈ​គឹត​វ៝ត់ ខាន់​ពាង់​មោ​អោស​ងខឹត​កោរាញ​យេឆូ ​អី​គែស​នាវ​ច្រេក​លើប​អី​ខាន់​ពាង់​លែៈ​ងខឹត​តា​ឆី​តឹម​រាកាង់​នើស។
1CO 2:9 តា​នាវ​កោរាញ​ឞ្រាស​ងើយ​លែៈ​គែស​ញចីស៖ «មោ​គែស​អោស​ត្រោម​មាត់​ទូ​ហ្វេ​ឞូនុយ្ស​អ្វាញ់​ឆៃ មោ​គែស​អោស​តោរ​ទូ​ហ្វេ​ឞូនុយ្ស​អ្យាត់​តាង់‌ មោ​គែស​អោស​នូយ្ស​នហ៝ម់​ទូ​ហ្វេ​ឞូនុយ្ស​មឹន​ត៝ត់‌ នាវ​អី​កោរាញ​ឞ្រាស​លែៈ​អើម​នទ្រាប់​អ៝ន់​មា​ឞូ​ម៝ស​អី​រ៝ង់​មា​ពាង់​នើម»។
1CO 2:10 កោរាញ​ឞ្រាស​ដាៈ​ឞ្រាស​ហ្វេង​អ្វែស​អ៝ន់​ឞ៝ន់​គឹត​នាវ​អី​នៃ​នើស យ៝រ​លាស​ឞ្រាស​ហ្វេង​អ្វែស​គឹត​ទឹង​លែៈ​រាងោច​នាវ ឞ៝ល​លាស​នាវ​មឹន​អី​ជ្រូ​តា​កោរាញ​ឞ្រាស ក៝ៈ​ពាង់​គឹត​ដ៝ង់។
1CO 2:11 ឞូនុយ្ស​មោ​អោស​គឹត​នាវ​មឹន​ឞូនុយ្ស​អា​អេង នូយ្ស​នហ៝ម់​ពាង់​នើម​ទើម​គឹត​មា​នាវ​មឹន​ពាង់។ កោរាញ​ឞ្រាស​តឹម​ឞាន​កើត​នៃ​ដ៝ង់ ឞូ​អេង​មោ​អោស​គឹត​នាវ​មឹន​ពាង់ អី​ឞ្រាស​ហ្វេង​អ្វែស​ពាង់​នើម​ទើម​គឹត​មា​នាវ​មឹន​ពាង់។
1CO 2:12 ឞ៝ន់​អី​អ្យា កោរាញ​ឞ្រាស​មោ​អោស​អ៝ន់​ឞ៝ន់​គែស​នូយ្ស​នហ៝ម់​នាវ​មឹន​អី​តឹម​ឞាន​មា​ឞូនុយ្ស​អី​មោ​ញឆីង ឞ៝ន់​លែៈ​ឆ៝ៈ​ទើន​ជេស​ឞ្រាស​ហ្វេង​អ្វែស​អី​តាៈ​ឞើស​កោរាញ​ឞ្រាស គៃ​មា​គឹត​វ៝ត់​ទឹង​លែៈ​នាវ​អី​ពាង់​អ៝ន់​មា​ឞ៝ន់​ទើម​ទាម។
1CO 2:13 ឞ៝ន់​មឞើស​ងក៝ច​នាវ​អី​នៃ​មោ​ទី​តាៈ​ឞើស​នាវ​មឹន​គឹត​ឞ្លាវ​ឞូនុយ្ស​នតុម​នតី យើន​មា​តាៈ​ឞើស​ឞ្រាស​ហ្វេង​អ្វែស​នតុម​នតី។ ឞ៝ន់​មឞើស​ងក៝ច​នាវ​អី​តាៈ​ឞើស​ឞ្រាស​ហ្វេង​អ្វែស​អ៝ន់​មា​ឞូនុយ្ស​អី​លែៈ​គែស​ឞ្រាស​ហ្វេង​អ្វែស​គុ។
1CO 2:14 យើន​មា​ឞូ​ម៝ស​អី​មោ​គែស​ឞ្រាស​ហ្វេង​អ្វែស​គុ ពាង់​អី​នៃ​មោ​អោស​ទើយ​ឆ៝ៈ​ទើន​នាវ​ឞើស​ឞ្រាស​ហ្វេង​អ្វែស​កោរាញ​ឞ្រាស។ ពាង់​មឹន​នាវ​អី​នៃ​ជេង​នាវ​រាលូក​ម៝ល់​ទើម ពាង់​វ៝ត់​មោ​ទើយ​អោស។ ឞូនុយ្ស​អី​គែស​ឞ្រាស​ហ្វេង​អ្វែស​គុ​ទើម ទើយ​គឹត​វ៝ត់​នាវ​អី​នៃ។
1CO 2:15 ឞូនុយ្ស​លែៈ​គែស​ឞ្រាស​ហ្វេង​អ្វែស​គុ ឞ្លាវ​គឹត​ញជីង​ទឹង​លែៈ​នាវ​មឹន។ ជេសរី​ឞូនុយ្ស​អី​មោ​អោស​គែស​ឞ្រាស​ហ្វេង​អ្វែស​គុ មោ​អោស​ឞ្លាវ​គឹត​វ៝ត់​ឞូនុយ្ស​អី​គែស​ឞ្រាស​ហ្វេង​អ្វែស​គុ។
1CO 2:16 តា​នាវ​កោរាញ​ឞ្រាស​ងើយ​លែៈ​គែស​ញចីស៖ «អើម​គែស​ឞូនុយ្ស​គឹត​វ៝ត់​នាវ​មឹន​កោរាញ​ឞ្រាស​នើម​លាស? អើម​គែស​ឞូនុយ្ស​ទើយ​នតុម​នតី​អ៝ន់​មា​ពាង់​លាស?» យើន​មា​ឞ៝ន់ ឞ៝ន់​លែៈ​គែស​ជេស​នាវ​មឹន​តឹម​ឞាន​មា​នាវ​មឹន​ឞ្រាស​ក្រីស ​នើម។
1CO 3:1 អើ​អ៝ស​នោ​តា​នាវ​ញឆីង អា​ល៝រ​នើស​គ៝ប់​មោ​អោស​ទើយ​ងើយ​ដាស​ខាន់​អៃ​មៃ​តឹម​ឞាន​មា​ងើយ​ដាស​ឞូនុយ្ស​អី​លែៈ​គឹត​វ៝ត់​នាវ​ឞ្រាស​ហ្វេង​អ្វែស។ គ៝ប់​ងើយ​ដាស​ខាន់​អៃ​មៃ​នើស​តឹម​ឞាន​មា​ងើយ​ដាស​ឞូនុយ្ស​មោ​ញឆីង មោ​លាស​តឹម​ឞាន​មា​ងើយ​ដាស​ឞូនុយ្ស​អី​មហែ​ឆឹត​ញឆីង​អី​តឹម​ឞាន​មា​អ៝ស​ឞេ។
1CO 3:2 គ៝ប់​តឹម​ឞាន​មា​មពូ​ខាន់​អៃ​មៃ​មា​ទាក​ត៝ស គ៝ប់​មោ​អោស​អ៝ន់​ខាន់​អៃ​មៃ​ឆា​នទើ​ទាង់ យ៝រ​លាស​ខាន់​អៃ​មៃ​អេ​ហ៝ៈ​ទើយ​ឆា​នើស។ ឞ៝ល​លាស​ត៝ត់​អាបៃ​អ្យា​ខាន់​អៃ​មៃ​ហោម​អែ​អេ​ហ៝ៈ​ទើយ​ឆា​ដ៝ង់‌
1CO 3:3 យ៝រ​លាស​ខាន់​អៃ​មៃ​ហោម​គែស​នូយ្ស​នហ៝ម់​នាវ​មឹន​តឹម​ឞាន​មា​ឞូនុយ្ស​អី​មោ​ញឆីង​កើត​អើម។ តា​ផូង​ខាន់​អៃ​មៃ​ហោម​គែស​នាវ​តឹម​មោ​នាច តឹម​រាលាច់។ នាវ​អី​នៃ​ញហើ​ខាន់​អៃ​មៃ​ហោម​គែស​នូយ្ស​នហ៝ម់​នាវ​មឹន​តឹម​ឞាន​មា​ឞូនុយ្ស​អី​មោ​ញឆីង ហោម​គុ​រេស​តឹម​ឞាន​មា​ឞូនុយ្ស​អី​មោ​ញឆីង។
1CO 3:4 នោក​ទូ​ហ្វេ​ឞូនុយ្ស​លាស៖ «គ៝ប់​អ្យា​អី​ក៝ន​ឆៅ​ពោល !» ជេសរី​ទូ​ហ្វេ​ឞូនុយ្ស​ជឹត​លាស៖ «គ៝ប់​អ្យា​អី​ក៝ន​ឆៅ​អាពោលុស !» នាវ​អី​នៃ​តឹម​ទី​មា​នាវ​គុ​រេស​ឞូនុយ្ស​អី​មោ​ញឆីង​ងាន់។
1CO 3:5 លាស​នទ្រី​អាពោលុស ​ពាង់​ឞូ​ម៝ស? គ៝ប់​ពោល ​ឞូ​ម៝ស? ហេន​ឞារ​ហៃ​ជេង​ឞូនុយ្ស​ឆើម​កើល​ជាន​ការ​អី​លែវ​ខាន់​អៃ​មៃ​គែស​នាវ​ញឆីង​នើស ហេន​ជាន​ការ​តឹង​នទើ​អី​កោរាញ​ឞ្រាស​ដាៈ​មា​ហេន​ជាន​ទើម។
1CO 3:6 គ៝ប់​តឹម​ឞាន​មា​ឞូនុយ្ស​មា​តាម់ យ៝រ​លាស​គ៝ប់​លែវ​ខាន់​អៃ​មៃ​ឆឹត​ញឆីង ជេសរី​អាពោលុស ​ជេង​តឹម​ឞាន​មា​ឞូនុយ្ស​មា​ត៝ៈ​ទាក យ៝រ​លាស​ពាង់​នតី​ខាន់​អៃ​មៃ​ឞើស​កើយ អី​នាវ​ជេង​តាៈ​ឞើស​កោរាញ​ឞ្រាស​នើម​អ៝ន់។
1CO 3:7 លាស​នទ្រី​ឞូនុយ្ស​តាម់ នទ្រែល​មា​ឞូនុយ្ស​ត៝ៈ​ទាក​មោ​អោស​គែស​នាវ​ខ្លៃ កោរាញ​ឞ្រាស​នើម​ទើម​អី​អ៝ន់​ជេង​គែស​នាវ​ខ្លៃ។
1CO 3:8 ឞូនុយ្ស​តាម់ នទ្រែល​មា​ឞូនុយ្ស​ត៝ៈ​ទាក​គែស​នាវ​អុច​តឹម​ឞាន​ទើម ជេសរី​ខាន់​ពាង់​មរា​ឆ៝ៈ​ទើន​នទើ​ងខោម​តឹង​នទើ​អី​ខាន់​ពាង់​នើម​លែៈ​ជាន។
1CO 3:9 ឞារ​ហៃ​ហេន​ជេង​ឞូនុយ្ស​ឆើម​កើល​ជាន​ការ​នទ្រែល​មា​កោរាញ​ឞ្រាស។ ខាន់​អៃ​មៃ​ជេង​តឹម​ឞាន​មា​មីរ​កោរាញ​ឞ្រាស ជេង​តឹម​ឞាន​មា​ជៃ​អី​កោរាញ​ឞ្រាស​នើម​ជាន។
1CO 3:10 តាៈ​ឞើស​នាវ​អ្វែស​កោរាញ​ឞ្រាស ពាង់​លែៈ​អ៝ន់​ជេស​មា​គ៝ប់​ជេង​តឹម​ឞាន​មា​ទូ​ហ្វេ​ឞូនុយ្ស​អី​ទុត​ឞ្លាវ​ជាន​ជៃ ជេសរី​គ៝ប់​តាម់​មែស​អ៝ន់​អ្វែស។ ឞូនុយ្ស​អេង​ជាន​កាលើ​នទើ​គ៝ប់​លែៈ​ជាន​នៃ។ យើន​មា​ឞូ​ម៝ស​អី​ជាន​ការ​ជាន​ជៃ អ៝ន់​ពាង់​ញជ្រាង់​មើម​បាៈ​នាវ​ពាង់​ជាន។
1CO 3:11 តា​ជៃ​កោរាញ​ឞ្រាស​ទើន​គែស​មែស​អី​នៃ​ទើម មែស​អី​នៃ​ជេង​ឞ្រាស​យេឆូ​ក្រីស  មោ​ហោម​គែស​អោស​ឞូនុយ្ស​ឞ្លាវ​តាម់​មែស​អា​អេង​ជឹត។
1CO 3:12 លាស​ឞូ​ម៝ស​ឆ៝ៈ​មាយ្ស ព្រាក់ ពិច តើម​ឆី ជា រាហែ​មា​ជាន​កាលើ​មែស​អី​នៃ‌
1CO 3:13 តា​នារ​កោរាញ​ឞ្រាស​វាច់​ផាត​ទោយ្ស​តៃ នទើ​អី​ទូ​ហ្វេ​ទូ​ហ្វេ​ឞូនុយ្ស​លែៈ​ជាន​នៃ​មរា​ឆៃ​នហេល​រ៝ យ៝រ​លាស​តា​នារ​នៃ​វាច់​តឹម​ឞាន​មា​អុញ ជេសរី​អុញ​អី​នៃ​មរា​រាល៝ង​ឆូ​នទើ​អី​ឞូនុយ្ស​លែៈ​ជេស​ជាន​ទូ​ហ្វេ​ទូ​ហ្វេ​ឆាក់​នើស។
1CO 3:14 លាស​ឞូ​ម៝ស​អី​នទើ​ពាង់​លែៈ​ជាន​អី​នៃ​ហោម ពាង់​អី​នៃ​ហោម​គែស​នទើ​ងខោម។
1CO 3:15 លាស​ឞូ​ម៝ស​អី​នទើ​ពាង់​ជាន​អុញ​ទែ​ឆា​លែៈ​ផ្យៅ ពាង់​អី​នៃ​រ៝ស​នទើ​ងខោម​ដ៝ង់ អី​ឆាក់​ពាង់​នើម​ហោម​ក្លាយ្ស មោ​អោស​គែស​នាវ​ជេរ យើន​មា​ក្លាយ្ស​តឹម​ឞាន​មា​ឞូនុយ្ស​ហាន់​គ្លាត់​រ៝ៈ​អុញ​ទើម។
1CO 3:16 អាស​ខាន់​អៃ​មៃ​មោ​គឹត​បាស ឆាក់​ខាន់​អៃ​មៃ​នើម​ជេង​ញីស​ជាន​ឞ្រាស​មា​កោរាញ​ឞ្រាស! អាស​ខាន់​អៃ​មៃ​មោ​គឹត​បាស ឞ្រាស​ហ្វេង​អ្វែស​កោរាញ​ឞ្រាស​នើម​លែៈ​គុ​តា​ខាន់​អៃ​មៃ!
1CO 3:17 ឞូ​ម៝ស​អី​អុច​លើស​រាយ​លើយ​ផូង​ញឆីង​មា​កោរាញ​ឞ្រាស ពាង់​អី​នៃ​តឹម​ឞាន​មា​ឞូនុយ្ស​លើស​រាយ​លើយ​ញីស​ជាន​ឞ្រាស​មា​កោរាញ​ឞ្រាស​នើម។ កោរាញ​ឞ្រាស​មរា​លើស​រាយ​លើយ​ឞូនុយ្ស​អី​នៃ​ដ៝ង់ យ៝រ​លាស​ញីស​ជាន​ឞ្រាស​មា​កោរាញ​ឞ្រាស​នើម​ជេង​ក្ល៝ស​អ្វែស​ជេង​នទើ​កោរាញ​ឞ្រាស​នើម។ ជេសរី​ខាន់​អៃ​មៃ​នើម​ជេង​ញីស​ជាន​ឞ្រាស​អី​ក្ល៝ស​អ្វែស​អី​នៃ។
1CO 3:18 លើយ​អោស​មរោស​អេង​ឆាក់​ខាន់​អៃ​មៃ​នើម។ លាស​ឞូ​ម៝ស​អី​កើប​អេង​ឆាក់​ពាង់​នើម​ជេង​ឞូនុយ្ស​គែស​នាវ​មឹន​គឹត​ឞ្លាវ​អី​ផូង​មោ​ញឆីង​កើប​ខ្លៃ អ៝ន់​ពាង់​អី​នៃ​ជាន​ឞូនុយ្ស​អី​ផូង​មោ​ញឆីង​កើប​រាលូក​ម៝ល់​ប៝ត់ គៃ​មា​ពាង់​ជេង​ឞូនុយ្ស​អី​គែស​នាវ​មឹន​គឹត​ឞ្លាវ​ងាន់​អី​តាៈ​ឞើស​កោរាញ​ឞ្រាស‌
1CO 3:19 យ៝រ​លាស​កោរាញ​ឞ្រាស​កើប​នាវ​មឹន​គឹត​ឞ្លាវ​ផូង​ឞូនុយ្ស​អី​មោ​ញឆីង​ជេង​រាលូក​ម៝ល់​ទើម។ នាវ​អី​នៃ​តឹម​ទី​តា​នាវ​កោរាញ​ឞ្រាស​ងើយ​លែៈ​គែស​ញចីស​លាស៖ «ឞូនុយ្ស​អី​គែស​នាវ​មឹន​គឹត​ឞ្លាវ កោរាញ​ឞ្រាស​ទ៝ង់​នាវ​មឹន​គឹត​ឞ្លាវ​ឞូនុយ្ស​អី​នៃ គៃ​មា​តេៈ​ទោយ្ស​ឞូនុយ្ស​អី​នៃ»។
1CO 3:20 ជេសរី​លែៈ​គែស​ញចីស​លាស​ដ៝ង់៖ «កោរាញ​ឞ្រាស​លែៈ​គឹត​ជេស​នាវ​មឹន​ផូង​អី​គែស​នាវ​មឹន​គឹត​ឞ្លាវ ពាង់​លែៈ​គឹត​ជេស​នាវ​មឹន​អី​នៃ​មោ​អោស​គែស​នាវ​ខ្លៃ»។
1CO 3:21 លាស​នទ្រី​លើយ​អោស​អ៝ន់​គែស​ទូ​ហ្វេ​ឞូនុយ្ស​នហី​អេង​ឆាក់​ពាង់​នើម​យ៝រ​មា​អី​នើម​នតី​ពាង់​នើម។ ទឹង​លែៈ​នតីល​នទើ​គែស​គៃ​មា​គែស​នាវ​ខ្លៃ​មា​ខាន់​អៃ​មៃ​ទាទេ៖
1CO 3:22 ឞ៝ល​លាស​គ៝ប់ ឞ៝ល​លាស​អាពោលុស  ឞ៝ល​លាស​ពេត្រោស ​កាដោយ នែស​នតូ​អ្យា នាវ​រេស នាវ​ខឹត​កាដោយ រានោក​អាបៃ​អ្យា មោ​លាស​រានោក​ជឹត​នាប់​តៃ​កាដោយ ជេង​នទើ​គៃ​មា​គែស​នាវ​ខ្លៃ​មា​ខាន់​អៃ​មៃ​ទាទេ។
1CO 3:23 ជេសរី​ខាន់​អៃ​មៃ​នៃ​ជេង​ផូង​ប៝ន​លាន​ឞ្រាស​ក្រីស ​នើម ជេសរី​ឞ្រាស​ក្រីស ​អ្យាត់​កោរាញ​ឞ្រាស​នើម។
1CO 4:1 លាស​នទ្រី​ទាន់​ខាន់​អៃ​មៃ​កើប​អាពោលុស  នទ្រែល​មា​គ៝ប់​ជេង​ឞូនុយ្ស​អី​ឆើម​កើល​ជាន​ការ​មា​ឞ្រាស​ក្រីស  កើប​ហេន​ជេង​ឞូនុយ្ស​អី​កោរាញ​ឞ្រាស​ដាៈ​មឞើស​ងក៝ច​នាវ​ពាង់​នើម​លែៈ​ញហើ​អាបៃ​អ្យា​ហ៝ៈ អី​ឞើស​នតើម​នើស​ហោម​នទ៝ប់​មពោន។
1CO 4:2 លាស​គែស​ឞូ​ដាៈ​ទូ​ហ្វេ​ឞូនុយ្ស​ជាន​ការ​ទូ​នតីល ពាង់​អុច​ឞូនុយ្ស​អី​នៃ​ជាន​ការ​រាប់​ជាប់​ងាន់។
1CO 4:3 ល៝ង់​គ៝ប់​អី​អ្យា ឞ៝ល​លាស​ខាន់​អៃ​មៃ​កាដោយ មោ​លាស​ឞូនុយ្ស​អេង​កាដោយ គែស​នាវ​មឹន​លាស​គ៝ប់​ជាន​ការ​អ្វែស​មោ​លាស​ជាន​ការ​មោ​អ្វែស ក៝ៈ​គ៝ប់​មោ​ជី​ឞោក​ជី​តោរ ជេសរី​ឆាក់​គ៝ប់​នើម​ក៝ៈ​គ៝ប់​មោ​លាស​ដ៝ង់ គ៝ប់​ជាន​ការ​អ្វែស​មោ​លាស​ជាន​ការ​មោ​អ្វែស។
1CO 4:4 តា​នូយ្ស​នហ៝ម់​គ៝ប់ ឞ៝ល​លាស​គ៝ប់​គែស​នាវ​ដាប់​មពាន់​យ៝រ​មា​គឹត​មោ​គែស​ជាន​នទើ​អ្យើស​នទើ​មោ​អ្វែស យើន​មា​នាវ​អី​គ៝ប់​មឹន​កើត​នៃ មោ​អោស​ទី​ជាន​អ៝ន់​គ៝ប់​អ្យា​ជេង​ឞូនុយ្ស​ឆ៝ង់​មោ​គែស​នាវ​តីស ហោម​គែស​ទូ​ហ្វេ​កោរាញ​ឞ្រាស​អី​ផាត​ទោយ្ស​គ៝ប់។
1CO 4:5 លាស​នទ្រី​លើយ​ហ៝ៈ​អោស​តឹម​ផាត​ទោយ្ស​នទ្រាង់​នើម​អេ​ល៝រ​មា​ត៝ត់​ទី​នារ​កោរាញ​យេឆូ ​ព្លឹ​វាច់​ផាត​ទោយ្ស យ៝រ​លាស​ពាង់​នើម​មរា​ឆ៝ៈ​តេៈ​អា​នតុក​អាង​នទើ​អី​ឞូនុយ្ស​ទែ​លែៈ​មពោន​តា​នតុក​ង៝ ជេសរី​ពាង់​ញហើ​នាវ​មឹន​នាវ​អុច​អី​ទុត​នទ៝ប់​តា​ត្រោម​នូយ្ស​នហ៝ម់​ឞូនុយ្ស។ តា​នោក​នៃ​កោរាញ​ឞ្រាស​រានេ​មា​ទូ​ហ្វេ​ទូ​ហ្វេ​ឞូនុយ្ស តឹង​នទើ​អី​គែស​ញហើ​នៃ។
1CO 4:6 អើ​អ៝ស​នោ​តា​នាវ​ញឆីង គ៝ប់​ទ៝ង់​អាពោលុស  នទ្រែល​មា​ទ៝ង់​គ៝ប់​នើម​ជេង​នាវ​នតឹត​គៃ​មា​គែស​ខ្លៃ​មា​ខាន់​អៃ​មៃ។ គ៝ប់​អុច​ខាន់​អៃ​មៃ​គឹត​វ៝ត់​នាវ​អី​ឞូ​លាស​កើត​នអា៖ «លើយ​អោស​ជាន​រាលាវ​ដាស​នទើ​អី​លែៈ​គែស​ញចីស​តា​នាវ​កោរាញ​ឞ្រាស​ងើយ»។ លាស​នទ្រី​ខាន់​អៃ​មៃ​មោ​ហោម​អោស​នហី​អេង​ឆាក់​នើម​យ៝រ​មា​កើប​ទូ​ហ្វេ​នើម​នតី​ក្វ៝ង់​រាលាវ​មា​ទូ​ហ្វេ​អេង​ជឹត។
1CO 4:7 ម៝ស​បាៈ​នាវ​គែស​អី​ជាន​អ៝ន់​ទូ​ហ្វេ​តា​ផូង​ខាន់​អៃ​មៃ​អ្វែស​រាលាវ​មា​ឞូ​អេង? ទឹង​លែៈ​នាវ​អី​ខាន់​អៃ​មៃ​លែៈ​គែស ជេង​តាៈ​ឞើស​កោរាញ​ឞ្រាស​អ៝ន់! លាស​ខាន់​អៃ​មៃ​លែៈ​ឆ៝ៈ​ទើន​ជេស​ទឹង​លែៈ​នាវ​ឞើស​ពាង់ មើម​ទឹង​ខាន់​អៃ​មៃ​ឞ្លាវ​នហី​អេង​ឆាក់​មា​នាវ​អី​នៃ​ជាន​តឹម​ឞាន​មា​គែស​អេង មោ​តាៈ​ឞើស​កោរាញ​ឞ្រាស​អ៝ន់?
1CO 4:8 ខាន់​អៃ​មៃ​មឹន​លាស​ខាន់​អៃ​មៃ​លែៈ​គែស​ជេស​ទឹង​លែៈ​នាវ​អី​ខាន់​អៃ​មៃ​អុច​ឞើស​នាវ​អី​ឞ្រាស​ហ្វេង​អ្វែស​អុច​អ៝ន់។ ខាន់​អៃ​មៃ​មឹន​លាស​ខាន់​អៃ​មៃ​លែៈ​ក្វ៝ង់​តា​នាវ​កោរាញ​ឞ្រាស​អី​នៃ។ ខាន់​អៃ​មៃ​មឹន​លាស​ខាន់​អៃ​មៃ​លែៈ​ជេង​តឹម​ឞាន​មា​កាដាច់​ម៝ត់​អ្វាញ់​នទ្រែល​ឞ្រាស​ក្រីស ​ជេស យើន​មា​ខាន់​អៃ​មៃ​មឹន​លាស​ហេន​មោ​អោស​ជេង​កាដាច់។ តីស​មា​ទឹង​លែៈ​នាវ​អី​នៃ​មោ​ទី​អោស។ គ៝ប់​អុច​ងាន់​ខាន់​អៃ​មៃ​លែៈ​ជេង​កាដាច់​កើត​នៃ​ងាន់ គៃ​មា​ហេន​លែៈ​ជាន​កាដាច់​នទ្រែល​ខាន់​អៃ​មៃ។
1CO 4:9 តឹង​មា​គ៝ប់​មឹន កោរាញ​ឞ្រាស​អ៝ន់​ហេន​អី​កោរាញ​អ៝ស​ម៝ន​តឹម​ឞាន​មា​ជេៈ​តា​ន៝ម់​ឞូ តឹម​ឞាន​មា​ឞូនុយ្ស​អី​ឞូ​តេៈ​ទោយ្ស​ងខឹត ជេសរី​អ៝ន់​ទឹង​លែៈ​ឞូនុយ្ស​មឺច​រាម៝ត នអ៝ប់​មា​តោង​ពារ់ នអ៝ប់​មា​ឞូនុយ្ស។
1CO 4:10 ឞូ​លាស​ហេន​ឞូនុយ្ស​រាលូក​ម៝ល់​យ៝រ​មា​ហេន​មឞើស​ងក៝ច​នាវ​ឞ្រាស​ក្រីស  ល៝ង់​ខាន់​អៃ​មៃ​នៃ​កើប​អេង​ជេង​ឞូនុយ្ស​អី​គែស​នាវ​មឹន​គឹត​ឞ្លាវ​យ៝រ​មា​គុ​នទ្រែល​ឞ្រាស​ក្រីស ។ ហេន​តឹម​ឞាន​មា​ឞូនុយ្ស​អី​មោ​គែស​នហ៝ម់​ឆ្វាន យើន​មា​ខាន់​អៃ​មៃ​នៃ​តឹម​ឞាន​មា​ឞូនុយ្ស​អី​គែស​ឆ្វាន​ទាង់​ងាន់។ ខាន់​អៃ​មៃ​ឞូ​យើក តីស​មា​ហេន​ឞូ​ទែ​មឺច​រាម៝ត។
1CO 4:11 នហ៝​មា​ត៝ត់​នារ​អ្យា ហេន​ហោម​គុ​តា​នាវ​ជី​ង៝ត​ជី​ហីរ ហោម​គុ​តា​នាវ​ឞិច​កោស​លាហោក គុ​ឞ្រែ​មា​រាពាត់​មឞាង រេស​ទែ​ងគ្លាៈ​ទែ​ងគ្លើត។
1CO 4:12 ហេន​ជាន​ការ​រាអាស​រាគាញ់​ងាន់​មា​តី​ហេន​នើម​គៃ​មា​គែស​នទើ​ឆោង​ឆា។ នោក​ឞូ​រាក​ឆ្វាយ​ហេន ហេន​ទាន់​កោរាញ​ឞ្រាស​អ៝ន់​នាវ​គែស​ជេង​មា​ខាន់​ពាង់ នោក​ឞូ​ជាន​ជេរ​ជ៝ត់​មា​ហេន ហេន​ហោម​អែ​ទើយ​ញឆ្រោយ្ស​អ៝ត់‌
1CO 4:13 នោក​ឞូ​ងើយ​ញចើត​ហេន ហេន​អើស​មា​ខាន់​ពាង់​មា​នាវ​អ្វែស។ នហ៝​មា​ត៝ត់​នារ​អ្យា​ទឹង​លែៈ​ឞូនុយ្ស​អ្វាញ់​ហេន​តឹម​ឞាន​មា​នទ៝ក់​មរ៝ម់​អី​ឞូ​មអារ់ នទ្រែល​មា​ឞូ​មោ​អោស​អ្វាញ់​គែស​ហេន។
1CO 4:14 គ៝ប់​ញចីស​នាវ​អី​អ្យា​អ៝ន់​មា​ខាន់​អៃ​មៃ មោ​អោស​ទី​គៃ​មា​អ៝ន់​ខាន់​អៃ​មៃ​គែស​នាវ​ដីត​ព្រេង យើន​មា​គ៝ប់​អុច​នតុម​នតី​ខាន់​អៃ​មៃ​តឹម​ឞាន​មា​ក៝ន​គ៝ប់​នើម​អី​គ៝ប់​រ៝ង់។
1CO 4:15 ឞ៝ល​លាស​ខាន់​អៃ​មៃ​គែស​នើម​នតី ១០០០០ នុយ្ស​កាដោយ​ឞើស​កើយ​គ៝ប់​គៃ​មា​នតុម​នតី​ខាន់​អៃ​មៃ​មា​នាវ​ឞ្រាស​ក្រីស  ក៝ៈ​មោ​គែស​ដ៝ង់​អ៝ក់​ឞូនុយ្ស​អី​លែវ​ខាន់​អៃ​មៃ​ឆឹត​ញឆីង។ កើត​នទ្រី​គ៝ប់​តឹម​ឞាន​មា​ឞឹ​ខាន់​អៃ​មៃ​តា​ឞ្រាស​ក្រីស​យេឆូ  យ៝រ​លាស​គ៝ប់​អី​នាក់​លែវ​នាវ​មហែ​មហាន​អ្វែស​អ៝ន់​មា​ខាន់​អៃ​មៃ​នើស។
1CO 4:16 លាស​នទ្រី​គ៝ប់​ទាន់​ហោ​ងាន់​ខាន់​អៃ​មៃ​ជាន​តឹង​គ៝ប់​ទោ។
1CO 4:17 យ៝រ​មា​នាវ​អី​នៃ​គ៝ប់​លែៈ​អ៝ន់​តីមោថេ ​អី​តឹម​ឞាន​មា​ក៝ន​អី​គ៝ប់​នើម​រ៝ង់ អី​ឞូនុយ្ស​រាប់​ជាប់​ងាន់​តា​កោរាញ​យេឆូ  អ៝ន់​ពាង់​ហាន់​អា​ខាន់​អៃ​មៃ គៃ​មា​ពាង់​ងកាស​ខាន់​អៃ​មៃ​នាវ​គ៝ប់​គុ​ងាវ​តា​ឞ្រាស​ក្រីស​យេឆូ  កើត​នាវ​អី​គ៝ប់​នតុម​នតី​អ៝ន់​មា​ទឹង​លែៈ​ផូង​ញឆីង​តា​អាប់​នតុក​នើស។
1CO 4:18 យើន​មា​គែស​ឞូនុយ្ស​អាបាៈ​កើប​អេង​ឆាក់​ខាន់​ពាង់​នើម​ក្វ៝ង់ មឹន​លាស​គ៝ប់​មោ​អោស​ហាន់​អា​ខាន់​អៃ​មៃ​ជឹត គៃ​មា​លាស​ខាន់​ពាង់។
1CO 4:19 យើន​មា​គ៝ប់​មរា​ហាន់​អា​ខាន់​អៃ​មៃ​គើញ​រ៝ លាស​កោរាញ​ឞ្រាស​អុច។ នោក​នៃ​គ៝ប់​មរា​ឆៃ​នហេល​ខាន់​ពាង់​អី​នៃ​ក្វ៝ង់​មា​មឞូង​ទើម មោ​លាស​គែស​នាវ​ទើយ​តាៈ​ឞើស​កោរាញ​ឞ្រាស​ងាន់។
1CO 4:20 យ៝រ​លាស​នាវ​កោរាញ​ឞ្រាស​ម៝ត់​អ្វាញ់​មោ​អោស​ទី​ងើយ​មា​មឞូង​ទើម ជេង​នអ៝ប់​មា​កោរាញ​ឞ្រាស​ញហើ​នាវ​ទើយ​នាវ​ខ្លៃ។
1CO 4:21 លាស​នទ្រី​នោក​គ៝ប់​ហាន់​អា​ខាន់​អៃ​មៃ​តៃ ម៝ស​នទើ​អុច​អ៝ន់​គ៝ប់​ញអោត? អុច​គ៝ប់​ញអោត​ម៝ង់ មោ​លាស​អុច​គ៝ប់​ញអោត​នាវ​រ៝ង់ នទ្រែល​មា​គែស​នូយ្ស​នហ៝ម់​មលែស?
1CO 5:1 គែស​តាង់​លឺ​គែស​នាវ​តឹម​ទ៝ង់ នាវ​ខើស​ក្លែរ​តា​ផូង​ខាន់​អៃ​មៃ គែស​ទូ​ហ្វេ​ឞូនុយ្ស​តឹម​ទ៝ង់​ដាស​អូរ​មហែ​អី​ឞឹ​ពាង់​នើម ជេង​ទូ​នតីល​នាវ​ខើស​ក្លែរ ឞ៝ល​លាស​តា​ផូង​អី​មោ​គឹត​នាល់​កោរាញ​ឞ្រាស​ក៝ៈ​មោ​គែស​កើត​នៃ​ដ៝ង់។
1CO 5:2 តីស​មា​ខាន់​អៃ​មៃ​ហោម​នហី​អេង​ឆាក់​កើប​អេង​ឆាក់​ខាន់​អៃ​មៃ​នើម​ឞ្លាវ​ញអោត​មា​នាវ​ញឆីង។ មើម​ទឹង​ខាន់​អៃ​មៃ​មោ​អោស​រាង៝ត​រាវៃ​មា​នាវ​អី​នៃ? ជេសរី​នត្រុត​លើយ​ឞូនុយ្ស​អី​ជាន​អ្យើស​អី​នៃ​លោស​ឞើស​ខាន់​អៃ​មៃ​នើម។
1CO 5:3 ឞ៝ល​លាស​ឆាក់​គ៝ប់​មោ​គុ​នទ្រែល​ខាន់​អៃ​មៃ​កាដោយ លាស​ងើយ​មា​ឞ្រាស​ហ្វេង​អ្វែស​គ៝ប់​តឹម​ឞាន​មា​ហោម​គុ​នទ្រែល​ខាន់​អៃ​មៃ ជេសរី​ឞូនុយ្ស​អី​ជាន​អ្យើស​អី​នៃ​គ៝ប់​លែៈ​ជេស​ផាត​ទោយ្ស​ពាង់ តឹម​ឞាន​មា​គ៝ប់​លែៈ​គុ​នទ្រែល​ខាន់​អៃ​មៃ​ងាន់។
1CO 5:4 អ៝ន់​ខាន់​អៃ​មៃ​គុ​រាគូម​ឞាល់​តា​រាញា​ឞ្រាស​យេឆូ ​អី​កោរាញ​ឞ៝ន់ នាវ​មឹន​គ៝ប់​គុ​នទ្រែល​ខាន់​អៃ​មៃ ជេសរី​នាវ​ទើយ​ឞ្រាស​យេឆូ ​អី​កោរាញ​ឞ៝ន់​គុ​នទ្រែល​តា​នៃ​ដ៝ង់។
1CO 5:5 ជាវ​ពាង់​អី​នៃ​អ៝ន់​មា​អា​ឆាតាង់ ​អី​កោរាញ​មពោល​ឞ្រាស​អ្យើស គៃ​មា​លើស​ហេង​លើយ​អី​រាង្លៃ​ឆាក់​ពាង់ យើន​មា​អី​ហ្វេង​ពាង់​នៃ​ហោម​គែស​នាវ​រាក្លាយ្ស​តា​នារ​កោរាញ​យេឆូ ​វាច់​ត៝ត់។
1CO 5:6 ខាន់​អៃ​មៃ​រានេ​អេង​ឆាក់​ខាន់​អៃ​មៃ​នើម​មា​នាវ​អី​នៃ​មោ​អ្វែស​អោស។ ខាន់​អៃ​មៃ​មោ​គឹត​បាស៖ «នទ្រូយ​ដេៈ​ទើម​ទើយ​ជាន​រានីស​ទឹង​លែៈ​លើ​មា​ក្វ៝ង់!» នាវ​ជាន​អ្យើស​តឹម​ឞាន​មា​កើត​នៃ​ដ៝ង់ លាស​ទូ​ហ្វេ​ជាន​អ្យើស គែស​ដ៝ង់​អ៝ន់​នាវ​ជេរ​មា​ឞូ​អេង នអ៝ប់​មា​ឞូ​អេង​ជាន​តឹង​កើត​នៃ។
1CO 5:7 អ៝ន់​ខាន់​អៃ​មៃ​នត្រុត​លើយ​ឞូនុយ្ស​ជាន​តីស​អី​នៃ​តឹម​ឞាន​មា​មអារ់​លើយ​នទ្រូយ​អើម គៃ​មា​ផូង​ខាន់​អៃ​មៃ​ជេង​ក្ល៝ស​តឹម​ឞាន​មា​រានីស​មហែ​មា​ជាន​នុមពាង់​អី​មោ​អោស​គែស​នទ្រូយ យ៝រ​លាស​ផូង​ខាន់​អៃ​មៃ​លែៈ​ជេង​ក្ល៝ស​តាៈ​ឞើស​ឞ្រាស​ក្រីស ​ខឹត​នត្រ៝ៈ​ឞ៝ន់​តឹម​ឞាន​មា​ក៝ន​ឞែ​ឞ្យាប់​អី​ឞូ​ងខឹត​តា​នារ​ញេត​បុន​នហ៝ត។
1CO 5:8 លាស​នទ្រី​អ៝ន់​ឞ៝ន់​កាស​គឹត​នាវ​រាក្លាយ្ស​ឞ៝ន់​មា​នាវ​មអារ់​លើយ​នាវ​អ្យើស​នាវ​មហឹក​អាប់​នតីល តឹម​ឞាន​មា​ផូង​អីឆ្រាអែល ​កាស​គឹត​នាវ​រាក្លាយ្ស​ខាន់​ពាង់​ឞើស​ឞ្រី​អេឆីប ​តា​នាវ​ញេត​បុន​នហ៝ត​មា​នាវ​មអារ់​លើយ​នុមពាង់​គែស​នទ្រូយ ជេសរី​អ៝ន់​ឞ៝ន់​គុ​ឆ៝ង់ គែស​នូយ្ស​នហ៝ម់​ងើយ​នាវ​ងាន់​ទើម​ហ៝ៈ ជេង​តឹម​ឞាន​ផូង​អីឆ្រាអែល ​ឆា​នុមពាង់​មោ​គែស​នទ្រូយ​ទើម។
1CO 5:9 តា​ឆ៝ម់បុត​អី​គ៝ប់​លែៈ​ជេស​ញជ្វាល់​អ៝ន់​អា​ខាន់​អៃ​មៃ​អា​ល៝រ​នើស គ៝ប់​លែៈ​ឞ្វៃ​ជេស​ខាន់​អៃ​មៃ​លើយ​អ៝ន់​អោស​គុ​នទ្រែល​មា​ឞូនុយ្ស​អី​តឹម​ទ៝ង់​អី​ខើស​ក្លែរ។
1CO 5:10 នាវ​គ៝ប់​ងើយ​អី​នៃ​មោ​ទី​អោស​អុច​លាស​មា​ទឹង​លែៈ​ឞូនុយ្ស​អី​តឹម​ទ៝ង់​តា​នែស​នតូ​អ្យា ផូង​អី​កើញ​ទ្រាប់​នទើ​ហោ​អីរ ផូង​នតុង​ឞូ មោ​លាស​ផូង​អី​យើក​មឞាស​មា​រូប​ឞ្រាស​អេងៗ។ លាស​ឆ៝ៈ​នាវ​គ៝ប់​ឞ្វៃ​កើត​នៃ​ឞុត​តា​លោស​ឞើស​នែស​នតូ​អ្យា​ទើម!
1CO 5:11 យើន​មា​នាវ​គ៝ប់​អុច​ងើយ​អី​នៃ​គ៝ប់​ងើយ​មា​ឞូនុយ្ស​អី​លាស​អេង​ឆាក់​ពាង់​នើម​ញឆីង​មា​ឞ្រាស​ក្រីស  ជេសរី​ងខើង​មា​តឹម​ទ៝ង់​ខើស​ក្លែរ កើញ​នទើ​ហោ​អីរ យើក​មឞាស​មា​រូប​ឞ្រាស​អេងៗ រាក​ឆ្វាយ​ឞូ ញេត​ញុល​ឞ្លឹក​ឞ្លែក នតុង​ឞូ។ លាស​នទ្រី​ឞូនុយ្ស​អី​កើត​នៃ​ឞ៝ល​លាស​ឆោង​ឆា​លើយ​គុ​នទ្រែល​ដ៝ង់។
1CO 5:12 មោ​អោស​ទី​គ៝ប់​ផាត​ទោយ្ស​ឞូនុយ្ស​អី​មោ​ញឆីង យ៝រ​លាស​អី​នៃ​មោ​ទី​នាវ​ជាន​ការ​គ៝ប់។ យើន​មា​អ្យាត់​មា​ខាន់​អៃ​មៃ​ផាត​ទោយ្ស​ឞូនុយ្ស​អី​ញឆីង!
1CO 5:13 ផូង​អី​មោ​ញឆីង​នៃ កោរាញ​ឞ្រាស​មរា​ផាត​ទោយ្ស​ខាន់​ពាង់។ យើន​មា​ខាន់​អៃ​មៃ «អ្យាត់​មា​ងលោស​លើយ​ឞូនុយ្ស​អ្យើស​ឞើស​ខាន់​អៃ​មៃ​ទោ» កើត​លែៈ​គែស​ញចីស​តា​នាវ​កោរាញ​ឞ្រាស​ងើយ។
1CO 6:1 តា​ផូង​ខាន់​អៃ​មៃ​នោក​គែស​ឞារ​ហៃ​ឞូនុយ្ស​តឹម​ល៝ក់​ឞាល់ មើម​ទឹង​ខាន់​ពាង់​ហាន់​ជ៝យ​តា​ផូង​អី​មោ​ញឆីង​ឆើម​ផាត​ទោយ្ស មោ​អុច​អោស​ជ៝យ​តា​ផូង​ប៝ន​លាន​កោរាញ​ឞ្រាស​ឆើម​ផាត​ទោយ្ស?
1CO 6:2 អើម​ខាន់​អៃ​មៃ​មោ​គឹត​បាស នារ​ជឹត​នាប់​តៃ ផូង​ប៝ន​លាន​កោរាញ​ឞ្រាស​មរា​ផាត​ទោយ្ស​ទឹង​លែៈ​ឞូនុយ្ស​តា​នែស​នតូ​អ្យា? លាស​ខាន់​អៃ​មៃ​មរា​ផាត​ទោយ្ស​ទឹង​លែៈ​ឞូនុយ្ស​កើត​នៃ លាស​នទ្រី​មើម​ទឹង​នាវ​អី​ជេៈ​លេៈ​អ្យា​ខាន់​អៃ​មៃ​ផាត​មោ​ទើយ?
1CO 6:3 អើម​ខាន់​អៃ​មៃ​មោ​គឹត​លាស ឞ៝ល​លាស​ផូង​តោង​ពារ់ ឞ៝ន់​ហោម​មរា​ផាត​ទោយ្ស​ដ៝ង់? លាស​នទ្រី​មើម​ទឹង​នទើ​អី​ជេៈ​លេៈ​តា​នាវ​រេស​អ្យា​ខាន់​អៃ​មៃ​ផាត​ទោយ្ស​មោ​ទើយ?
1CO 6:4 នោក​ខាន់​អៃ​មៃ​តឹម​គែស​នាវ​នទ្រាង់​ខាន់​អៃ​មៃ​នើម មើម​ទឹង​ខាន់​អៃ​មៃ​ហាន់​ជ៝យ​ផូង​អី​មោ​ញឆីង​ច្រាវ​ឆើម​ផាត​ទោយ្ស? យ៝រ​លាស​ផូង​ញឆីង​មោ​យើក​មា​ផូង​អី​នៃ​ដ៝ង់។
1CO 6:5 គ៝ប់​ងើយ​កើត​នៃ គៃ​មា​អ៝ន់​ខាន់​អៃ​មៃ​ដីត​ព្រេង។ មើម​ទឹង​តា​ផូង​ខាន់​អៃ​មៃ​មោ​គែស​ទូ​ហ្វេ​ឞូនុយ្ស​អី​គឹត​ឞ្លាវ​មា​ផាត​នាវ​ឞូនុយ្ស​អី​ញឆីង​តឹម​នតោន​នាវ​នៃ?
1CO 6:6 យើន​មា​នោក​ឞារ​ហៃ​ឞូនុយ្ស​តា​ផូង​ញឆីង​តឹម​នតោន​ឞាល់ មើម​ទឹង​ខាន់​អៃ​មៃ​ហាន់​ជ៝យ​ផូង​អី​មោ​ញឆីង​ច្រាវ​ឆើម​ផាត​ទោយ្ស?
1CO 6:7 នាវ​អី​ខាន់​អៃ​មៃ​តឹម​នតោន​ឞាល់​កើត​នៃ​លែៈ​មោ​ទី​ជេស។ មើម​ទឹង​មោ​អ៝ន់​ឞូ​អូយ្ស​ទ្រាប់​នទើ​ខាន់​អៃ​មៃ? មើម​ទឹង​មោ​អ៝ន់​នទ្រាង់​ខាន់​អៃ​មៃ​នើម​ឆ៝ៈ​មរោស​ឆា​ញឆ្យាន់​ទ្រាប់​នទើ​ខាន់​អៃ​មៃ?
1CO 6:8 តា​ផូង​ខាន់​អៃ​មៃ​នើម​លែៈ​គែស​ឞូនុយ្ស​អូយ្ស​ទ្រាប់​នទើ​នទ្រាង់​ខាន់​អៃ​មៃ​នើម អី​ឆ៝ៈ​មរោស​ឆា​ញឆ្យាន់​ទ្រាប់​នទើ​ខាន់​អៃ​មៃ​នើម​ច្រាវ។
1CO 6:9 អាស​ខាន់​អៃ​មៃ​មោ​គឹត​បាស? ឞូនុយ្ស​អី​ជាន​ក្វែ​មោ​ទើយ​អោស​លាប់​តា​នាវ​កោរាញ​ឞ្រាស​ម៝ត់​អ្វាញ់។ ខាន់​អៃ​មៃ​លើយ​វិ​អោស ផូង​អី​តឹម​ទ៝ង់​អី​ខើស​ក្លែរ ផូង​អី​យើក​មឞាស​មា​រូប​ឞ្រាស ផូង​អី​ល៝ម់​អូរ​ល៝ម់​ឆាយ ផូង​អី​តឹម​ទ៝ង់​នទ្រាង់​ឞូ​ក្លោ‌
1CO 6:10 ផូង​អី​នតុង​ឞូ ផូង​អី​កើញ​នទើ​ហោ​អីរ ផូង​អី​ញុល​ឞ្លឹក​ឞ្លែក ផូង​អី​រាក​ឆ្វាយ​ឞូ ផូង​អី​នតុង​ឞូ ទឹង​លែៈ​ផូង​អី​នៃ​មោ​ទើយ​អោស​លាប់​តា​នាវ​កោរាញ​ឞ្រាស​ម៝ត់​អ្វាញ់។
1CO 6:11 អា​ល៝រ​នើស​តា​ផូង​ខាន់​អៃ​មៃ​អាបាៈ​ជេង​ឞូនុយ្ស​តឹម​ឞាន​កើត​អី​នៃ​ដ៝ង់ យើន​មា​អាបៃ​អ្យា​កោរាញ​ឞ្រាស​លែៈ​រាវ​ជេស​ខាន់​អៃ​មៃ​លែៈ​ជាន​ខាន់​អៃ​មៃ​អ៝ន់​ក្ល៝ស នអ៝ប់​មា​ជាន​ខាន់​អៃ​មៃ​លែៈ​ជេង​ឞូនុយ្ស​ឆ៝ង់​យ៝រ​មា​កោរាញ​យេឆូ​ក្រីស  យ៝រ​មា​ឞ្រាស​ហ្វេង​អ្វែស​កោរាញ​ឞ្រាស កោរាញ​ឞ្រាស​អី​ឞ៝ន់​យើក​មឞាស​នៃ។
1CO 6:12 គែស​ឞូនុយ្ស​អាបាៈ​លាស៖ «គ៝ប់​គែស​នាវ​ទើយ​មា​ជាន​ទឹង​លែៈ​រាងោច​នទើ» យើន​មា​ទឹង​លែៈ​នទើ​មោ​អោស​អ៝ន់​នាវ​អ្វែស​មា​គ៝ប់​ទាទេ។ «គ៝ប់​គែស​នាវ​ទើយ​ជាន​ទឹង​លែៈ​រាងោច​នទើ» យើន​មា​គ៝ប់​មោ​អោស​អ៝ន់​នទើ​ជាន​កោរាញ​មា​គ៝ប់។
1CO 6:13 គែស​ឞូនុយ្ស​អាបាៈ​លាស៖ «នទើ​ឆោង​ឆា​មា​ឆ្យាម់​នទុល ជេសរី​នទុល​មា​ឆ៝ៈ​ទើន​នទើ​ឆោង​ឆា​អី​នៃ»។ ទី​ងាន់ ជេសរី​កោរាញ​ឞ្រាស​មរា​ងគ្រ៝ស​លើយ​នទើ​លែៈ​ឞារ​អី​នៃ​អ៝ន់​រ៝ស​ហេង។ យើន​មា​មោ​អោស​ទី​មា​នាវ​ខើស​ក្លែរ រាង្លៃ​ឆាក់​មោ​អោស​ទី​មា​ជាន​នទើ​ខើស​ក្លែរ អ៝ន់​ក្ល៝ស​អ្វែស​ឆើម​កើល​ជាន​ការ​រានេ​កោរាញ​ឞ្រាស​នើម ជេសរី​កោរាញ​ឞ្រាស​នើម​អី​ជេង​កោរាញ ​មា​រាង្លៃ​ឆាក់​ឞ៝ន់​ដ៝ង់។
1CO 6:14 កោរាញ​ឞ្រាស​លែៈ​ជាន​អ៝ន់​ទ៝ក់​រេស​កោរាញ​យេឆូ ពាង់​មរា​ជាន​អ៝ន់​ឞ៝ន់​ទ៝ក់​រេស​មា​នាវ​ទើយ​ពាង់​នើម​ដ៝ង់។
1CO 6:15 អាស​ខាន់​អៃ​មៃ​មោ​គឹត​បាស ឆាក់​ជាន់​ខាន់​អៃ​មៃ​ជេង​តឹម​ឞាន​នទើ​អេងៗ​តា​ឆាក់​ជាន់​ឞ្រាស​ក្រីស  តឹម​ឞាន​មា​មាត់ តឹម​ឞាន​មា​តី? លាស​នទ្រី​អាស​ទី​ដ៝ង់​ឞ៝ន់​ឆ៝ៈ​នទើ​អេងៗ​ឞ្រាស​ក្រីស ​មា​តឹម​រាង្លាប់​ដាស​ឞូ​អូរ​វាង់​តឹរ​បាស? មោ​អោស មោ​ទី​អោស!
1CO 6:16 អាស​ខាន់​អៃ​មៃ​មោ​គឹត​បាស ឞូ​ម៝ស​អី​តឹម​ទ៝ង់​ដាស​ឞូ​អូរ​វាង់​តឹរ ពាង់​អី​នៃ​ជេង​ទូ​ឆាក់​ជាន់​ដាស​ឞូ​អូរ​អី​នៃ​ដ៝ង់? យ៝រ​លាស​លែៈ​គែស​ញចីស​តា​នាវ​កោរាញ​ឞ្រាស​ងើយ​លាស៖ «ឞារ​ហៃ​ខាន់​ពាង់​ជេង​ទូ​រាង្លៃ​ឆាក់»។
1CO 6:17 យើន​មា​ឞូនុយ្ស​អី​គុ​តឹម​រាង្លាប់​នទ្រែល​កោរាញ​យេឆូ  អី​នូយ្ស​នហ៝ម់​នាវ​មឹន​ពាង់​ជេង​តឹម​រាង្លាប់​នទ្រែល​កោរាញ​យេឆូ ​ដ៝ង់។
1CO 6:18 អ៝ន់​ញច្វាត់​ទែរ​ហ៝ម់​ឞើស​នាវ​តឹម​ទ៝ង់​នាវ​ខើស​ក្លែរ។ នាវ​តីស​អាបាៈ​អេង​អី​ឞូនុយ្ស​ជាន​មោ​អោស​អ្យើស​ក្រេប​ត៝ត់​មា​ឆាក់​ជាន់។ យើន​មា​ឞូ​ម៝ស​អី​ជាន​នទើ​ខើស​ក្លែរ ពាង់​អី​នៃ​ជាន​តីស​អ្យើស​ក្រេប​ត៝ត់​មា​ឆាក់​ជាន់​ពាង់​នើម​ដ៝ង់។
1CO 6:19 អាស​ខាន់​អៃ​មៃ​មោ​គឹត​បាស ឆាក់​ជាន់​ខាន់​អៃ​មៃ​នៃ​ជេង​ញីស​ជាន​ឞ្រាស​អី​នតុក​ឞ្រាស​ហ្វេង​អ្វែស​អី​ក្ល៝ស​អ្វែស​នើម​គុ អី​ខាន់​អៃ​មៃ​លែៈ​ឆ៝ៈ​ទើន​ជេស​ឞើស​កោរាញ​ឞ្រាស​នើម? ខាន់​អៃ​មៃ​មោ​ហោម​អោស​ជេង​កោរាញ​មា​ឆាក់​ជាន់​ខាន់​អៃ​មៃ​នើម​ជឹត‌
1CO 6:20 យ៝រ​លាស​កោរាញ​ឞ្រាស​លែៈ​ត៝ម់​រាន៝ស​ខ្លៃ​អ៝ក់​ងាន់​មា​ច្វាយ​ខាន់​អៃ​មៃ។ លាស​នទ្រី​អ៝ន់​ខាន់​អៃ​មៃ​ទ៝ង់​ឆាក់​ជាន់​ខាន់​អៃ​មៃ​នើម​នៃ​មា​រានេ​កោរាញ​ឞ្រាស។
1CO 7:1 ល៝ង់​នាវ​អោប​តា​ឆ៝ម់បុត​អី​ខាន់​អៃ​មៃ​លែៈ​ញចីស​ញជ្វាល់​អ៝ន់​គ៝ប់​នើស។ អើ អ្វែស​មា​ឞូ​ក្លោ​គុ​ទូ​ហ្វេ​អេង​មោ​អោស​ឆ៝ៈ​អូរ។
1CO 7:2 យើន​មា​គែស​នាវ​ខើស​ក្លែរ លាស​នទ្រី​អ្វែស​ដេៈ​អ៝ន់​ឞូ​ក្លោ​ទូ​ហ្វេ​ទូ​ហ្វេ​ឆ៝ៈ​អូរ ជេសរី​អ្វែស​ដេៈ​អ៝ន់​ឞូ​អូរ​ទូ​ហ្វេ​ទូ​ហ្វេ​ឆ៝ៈ​ឆាយ។
1CO 7:3 តា​នាវ​ឞិច​នទ្រែល​អូរ​ឆាយ អ្យាត់​មា​អី​ឆាយ​ជាន​តឹង​នាវ​អុច​អី​អូរ ជេសរី​អី​អូរ​អ្យាត់​មា​ជាន​តឹង​នាវ​អុច​អី​ឆាយ​កើត​នៃ​ដ៝ង់។
1CO 7:4 អី​អូរ​មោ​អោស​ទើយ​ជេង​កោរាញ​មា​ឆាក់​ជាន់​ពាង់​នើម យ៝រ​លាស​ឆាក់​ជាន់​អី​នៃ​ជេង​នទើ​អី​ឆាយ។ អី​ឆាយ​កើត​នៃ​ដ៝ង់ ពាង់​មោ​អោស​ទើយ​ជេង​កោរាញ​មា​ឆាក់​ជាន់​ពាង់​នើម យ៝រ​លាស​ជេង​នទើ​អី​អូរ។
1CO 7:5 លាស​អុច​តឹម​ងអាត់​នទ្រាង់​នើម​គៃ​មា​គែស​ម៝ង​មា​មឞើស​ឆើម អ៝ន់​តឹម​ទី​ទូ​នតោរ​នាវ​ល៝រ លើយ​ជ៝ៈ​អីរ​នារ។ ជេសរី​ទឹង​ឞិច​នទ្រែល​កើត​អើម​ជឹត ក្លាច​លាស​ឆាតាង់ ​នទើម​យ៝រ​មា​ខាន់​អៃ​មៃ​អ៝ត់​មោ​ទើយ​នៃ។
1CO 7:6 គ៝ប់​ងើយ​កើត​នៃ​មោ​អោស​ទី​គ៝ប់​ដាៈ​ខាន់​អៃ​មៃ​តឹម​ងអាត់​នទ្រាង់​នើម យើន​មា​លាស​អុច​ជាន ជាន​កើត​នៃ​ទោ។
1CO 7:7 គ៝ប់​អុច​ទឹង​លែៈ​ខាន់​អៃ​មៃ​មោ​ឆ៝ៈ​អូរ​ឆ៝ៈ​ឆាយ​កើត​គ៝ប់​ដ៝ង់ យើន​មា​ទូ​ហ្វេ​ទូ​ហ្វេ​ឆាក់​គែស​នទើ​អ្វែស​កោរាញ​ឞ្រាស​អ៝ន់​អេងៗ​ឞាល់ ទូ​ហ្វេ​គែស​កើត​នអា ទូ​ហ្វេ​គែស​កើត​នត៝។
1CO 7:8 គ៝ប់​ទាន់​មឞើស​មា​ផូង​ទ្រោស​នទាម់ នទ្រែល​មា​ឞូ​អូរ​នទ្រោ​ខឹត​ឆាយ៖ លាស​ខាន់​ពាង់​គុ​រេស​មោ​អោស​ឆ៝ៈ​អូរ​ឆ៝ៈ​ឆាយ​កើត​គ៝ប់​មោ​អោស​ឆ៝ៈ​អូរ លែៈ​អ្វែស​ងាន់។
1CO 7:9 យើន​មា​លាស​ខាន់​ពាង់​មោ​អោស​ទើយ​អ៝ត់​ទើយ​រាទ៝ង់ អ៝ន់​ឆ៝ៈ​អូរ​ឆ៝ៈ​ឆាយ​ទោ។ នាវ​ឆ៝ៈ​អូរ​ឆ៝ៈ​ឆាយ​អី​នៃ​ជេង​អ្វែស​រាលាវ​មា​នូយ្ស​នហ៝ម់​កើញ​ហោ​អីរ។
1CO 7:10 ល៝ង់​ឞូនុយ្ស​អី​លែៈ​គែស​អូរ​គែស​ឆាយ​ជេស នាវ​អី​អ្យា​មោ​ទី​គ៝ប់​អោស​ដាៈ កោរាញ​យេឆូ ​នើម​ដាៈ៖ អូរ​លើយ​អោស​នត្លើយ​ឆាយ។
1CO 7:11 លាស​ពាង់​នត្លើយ​ឆាយ លើយ​ហោម​អ៝ន់​អោស​ឆ៝ៈ​តៃ​ឆាយ​មហែ មោ​លាស​អ្យាត់​មា​ពាង់​ព្លឹ​ឆ៝ៈ​តៃ​ឆាយ​អើម​ហ៝ៈ។ ជេសរី​អី​ឆាយ​លើយ​នត្លើយ​អូរ​ពាង់​នើម​ដ៝ង់។
1CO 7:12 ល៝ង់​ឞូនុយ្ស​អាបាៈ​អេង​ជឹត នាវ​អី​អ្យា​មោ​អោស​តាៈ​ឞើស​កោរាញ​យេឆូ  តាៈ​ឞើស​មឞូង​គ៝ប់​នើម៖ លាស​ឞូ​ម៝ស​គែស​អូរ​ឞូនុយ្ស​មោ​អោស​ញឆីង​មា​កោរាញ​យេឆូ  យើន​មា​លាស​អី​អូរ​នៃ​ហោម​អុច​គុ​រេស​នទ្រែល លាស​នទ្រី​លើយ​អោស​នត្លើយ​ពាង់។
1CO 7:13 លាស​ឞូ​ម៝ស​គែស​ឆាយ​ឞូនុយ្ស​មោ​អោស​ញឆីង យើន​មា​លាស​អី​ឆាយ​នៃ​ហោម​អុច​គុ​រេស​នទ្រែល លាស​នទ្រី​លើយ​នត្លើយ​ពាង់​ដ៝ង់‌
1CO 7:14 យ៝រ​លាស​កោរាញ​ឞ្រាស​លែៈ​កើប​ក្ល៝ស​អី​ឆាយ​ឞូនុយ្ស​មោ​ញឆីង​នៃ​យ៝រ​មា​អី​អូរ​នៃ ជេសរី​ពាង់​លែៈ​កើប​ក្ល៝ស​ដ៝ង់​អី​អូរ​ឞូនុយ្ស​មោ​ញឆីង​នៃ​យ៝រ​មា​អី​ឆាយ​នៃ។ លាស​នទើ​អី​នៃ​មោ​ងាន់ អ៝ស​ក៝ន​ខាន់​ពាង់​អី​ហោម​ក៝ន​ឆែ​ជេង​តឹម​ឞាន​មា​អ៝ស​ក៝ន​ផូង​អី​មោ​ញឆីង។ យើន​មា​នហេល​នានេៈ​អ៝ស​ក៝ន​អី​នៃ​លែៈ​ជេង​ប៝ន​លាន​កោរាញ​ឞ្រាស។
1CO 7:15 លាស​អូរ មោ​លាស​ឆាយ​អី​មោ​ញឆីង​នត្លើយ​ខាន់​អៃ​មៃ អ៝ន់​ពាង់​នត្លើយ​ទោ ខាន់​អៃ​មៃ​មោ​អោស​គែស​តីស។ កោរាញ​ឞ្រាស​លែៈ​ក្វាល់​ជេស​ឞ៝ន់​គុ​ងាវ​នាវ​ដាប់​មពាន់។
1CO 7:16 អើ​ឞូ​អូរ​អី​លែៈ​គែស​ឆាយ ក្លាប់​លាស​ខាន់​អៃ​ទើយ​លែវ​ពាង់​ឆឹត​ញឆីង អើ​ឞូ​ក្លោ​អី​លែៈ​គែស​អូរ ក្លាប់​លាស​ខាន់​មៃ​ទើយ​លែវ​ពាង់​ឆឹត​ញឆីង។
1CO 7:17 តា​នាវ​អា​អេង​ជឹត នោក​កោរាញ​ឞ្រាស​ក្វាល់​ខាន់​អៃ​មៃ​ឆឹត​ញឆីង អ្យាត់​មា​រាគ៝ល់​លើយ​នូយ្ស​នហ៝ម់​អ្យើស យើន​មា​នាវ​គុ​ងាវ​ក្រាវ​ឆាច​ហោម​កើត​អី​ខាន់​អៃ​មៃ​អេ​ហ៝ៈ​ឆឹត​ញឆីង​មា​កោរាញ​យេឆូ  យ៝រ​លាស​តា​នាវ​គុ​ងាវ​អី​នៃ​តាៈ​ឞើស​កោរាញ​យេឆូ ​អ៝ន់។ គ៝ប់​វៃ​នតុម​នតី​ទឹង​លែៈ​ផូង​ញឆីង​អាប់​នតុក​អ៝ន់​ជាន​កើត​នអា។
1CO 7:18 នតឹត​លាស លាស​កោរាញ​ឞ្រាស​ក្វាល់​ទូ​ហ្វេ​ឞូនុយ្ស​តា​នាវ​គុ​ងាវ​ក្រាវ​ឆាច​ជេង​ផូង​អីឆ្រាអែល ​លែៈ​ជេស​ក៝ស​នតោ​តឹង​នាវ​វៃ​មោឆេ  អ៝ន់​ពាង់​ហោម​កើត​នៃ​ទោ។ លាស​កោរាញ​ឞ្រាស​ក្វាល់​ទូ​ហ្វេ​ឞូនុយ្ស​មោ​អោស​ទី​ផូង​អីឆ្រាអែល ​មោ​គែស​ក៝ស​នតោ លើយ​អោស​អ៝ន់​ពាង់​ក៝ស​នតោ​លាប់​ជេង​ផូង​អីឆ្រាអែល ។
1CO 7:19 នាវ​ក៝ស​នតោ​មោ​ក៝ស​នតោ មោ​អោស​គែស​នាវ​ខ្លៃ។ នទើ​អី​គែស​នាវ​ខ្លៃ​ជាន​តឹង​នាវ​កោរាញ​ឞ្រាស​នើម​ដាៈ។
1CO 7:20 អា​មើម​បាៈ​នាវ​គុ​ងាវ​ខាន់​អៃ​មៃ​នោក​កោរាញ​ឞ្រាស​ក្វាល់​ខាន់​អៃ​មៃ​នើស អ៝ន់​គុ​ងាវ​កើត​អី​នៃ​ជឹត​ទោ។
1CO 7:21 លាស​កោរាញ​ឞ្រាស​ក្វាល់​ទូ​ហ្វេ​ឞូនុយ្ស​តា​នាវ​គុ​ងាវ​ក្រាវ​ឆាច​ជាន​ទឹក​ឞូ លើយ​អោស​រាង៝ត យើន​មា​លាស​ទើយ​ជេង​ក៝ន​មែ​ជាន​ទោ ទើយ​ដ៝ង់‌
1CO 7:22 យ៝រ​លាស​ឞូ​ម៝ស​អី​ជាន​ទឹក​ឞូ​នោក​កោរាញ​ឞ្រាស​ក្វាល់ ពាង់​អី​នៃ​ជេង​ក៝ន​មែ​តា​កោរាញ​ឞ្រាស​នើម ជេសរី​ឞូ​ម៝ស​អី​លែៈ​អើម​ក៝ន​មែ​នោក​កោរាញ​ឞ្រាស​ទែ​ក្វាល់ ពាង់​អី​នៃ​ជាន​ទឹក​ឞ្រាស​ក្រីស ​នើម។
1CO 7:23 កោរាញ​ឞ្រាស​លែៈ​ត៝ម់​រាន៝ស​ខ្លៃ​អ៝ក់​ងាន់​មា​ច្វាយ​ខាន់​អៃ​មៃ។ លាស​នទ្រី​អ៝ន់​ខាន់​អៃ​មៃ​គុ​តា​ន៝ម់​កោរាញ​ឞ្រាស អ្យាត់​នាវ​ពាង់ លើយ​ហោម​ជាន​តឹង​នាវ​តីស​ដាស​នាវ​កោរាញ​ឞ្រាស​អុច​កើត​ឞូនុយ្ស​អី​មោ​ញឆីង។
1CO 7:24 អើ​អ៝ស​នោ​តា​នាវ​ញឆីង អា​មើម​បាៈ​នាវ​គុ​ងាវ​ខាន់​អៃ​មៃ​នោក​កោរាញ​ឞ្រាស​ក្វាល់​ខាន់​អៃ​មៃ​នើស អ៝ន់​គុ​ងាវ​កើត​អី​នៃ​ជឹត​តា​នាប់​មាត់​កោរាញ​ឞ្រាស។
1CO 7:25 ល៝ង់​ផូង​ឞូ​អូរ​ទ្រោស​អី​អេ​ហ៝ៈ​គែស​ឆាយ គ៝ប់​មោ​អោស​គែស​នាវ​ដាៈ​ឞើស​កោរាញ​ឞ្រាស​តា​នាវ​ឆ៝ៈ​ឆាយ យើន​មា​កោរាញ​ឞ្រាស​យោៈ​នអាច​មា​គ៝ប់ អ៝ន់​គ៝ប់​គែស​នាវ​មឹន​គឹត​ឞ្លាវ​អី​ទី​មា​អ្យាត់ ជេសរី​គ៝ប់​មឞើស​ងក៝ច​មា​ខាន់​អៃ។
1CO 7:26 តឹង​មា​នាវ​គ៝ប់​មឹន យ៝រ​មា​អាបៃ​អ្យា​គែស​អ៝ក់​នាវ​ជេរ លាស​ឞូ​ម៝ស​អី​អេ​ហ៝ៈ​គែស​អូរ​អេ​ហ៝ៈ​គែស​ឆាយ អ៝ន់​ពាង់​ហោម​គុ​អេង​កើត​អើម​ជេង​អ្វែស​រាលាវ។
1CO 7:27 លាស​ឞូ​ម៝ស​អី​លែៈ​គែស​អូរ លើយ​អោស​នត្លើយ​ពាង់ លាស​ឞូ​ម៝ស​អី​អេ​ហ៝ៈ​គែស​អូរ លើយ​អោស​ឆ៝ៈ​អូរ។
1CO 7:28 យើន​មា​ឞូ​ម៝ស​អី​ឆ៝ៈ​អូរ​មោ​អោស​តីស ជេសរី​ឞូ​ម៝ស​អី​ឆ៝ៈ​ឆាយ​ក៝ៈ​មោ​ដ៝ង់​តីស។ យើន​មា​ខាន់​ពាង់​អី​នៃ​មរា​គែស​នាវ​ជេរ​តា​នាវ​រេស។ ជេសរី​គ៝ប់​យោៈ​ខាន់​អៃ​មៃ កើត​នទ្រី​ទឹង​គ៝ប់​មឞើស​កើត​នៃ។
1CO 7:29 អើ​អ៝ស​នោ​តា​នាវ​ញឆីង គ៝ប់​ទាន់​មឞើស​មា​ខាន់​អៃ​មៃ ម៝ង​នារ​កោរាញ​យេឆូ ​ព្លឹ​វាច់​ឞើយ​មា​ត៝ត់។ ជឹត​អ្យា​ជឹត​នាប់​តៃ ទឹង​លែៈ​ឞូនុយ្ស​អី​លែៈ​គែស​អូរ​អ៝ន់​ពាង់​ឆើម​កើល​ជាន​ការ​មា​កោរាញ​ឞ្រាស​តឹម​ឞាន​មា​ឞូនុយ្ស​មោ​គែស​អូរ​ដ៝ង់។
1CO 7:30 ឞូ​ម៝ស​អី​ញុម​រាង៝ត ជាន​តឹម​ឞាន​មា​មោ​ញុម​រាង៝ត​ហ៝ៈ ឞូ​ម៝ស​អី​អ្វែស​មអាក ជាន​តឹម​ឞាន​មា​មោ​អ្វែស​មអាក​ហ៝ៈ ឞូ​ម៝ស​អី​រាវាត់​ទ្រាប់​នទើ ជាន​តឹម​ឞាន​មា​មោ​ជេង​មា​ទ្រាប់​នទើ​ពាង់​នើម​ហ៝ៈ‌
1CO 7:31 ជេសរី​ឞូ​ម៝ស​អី​ទ៝ង់​ទ្រាប់​នទើ​តា​នែស​នតូ​អ្យា លើយ​តា​ពើស​មា​រាវៃ​ទ្រាប់​នទើ​អី​នៃ​ដ៝ង់ យ៝រ​លាស​នែស​នតូ​អ្យា​មរា​រ៝ស។
1CO 7:32 គ៝ប់​មោ​អុច​ខាន់​អៃ​មៃ​គែស​នាវ​រាវៃ​មា​នទើ​តា​នែស​នតូ​អ្យា។ ឞូ​ម៝ស​អី​មោ​គែស​អូរ ពាង់​រាវៃ​មា​នាវ​កោរាញ​ឞ្រាស​ទើម មឹន​អេង​លាស មើម​ជាន​គៃ​មា​អ៝ន់​កោរាញ​ឞ្រាស​ទែ​រាម់។
1CO 7:33 ល៝ង់​ឞូនុយ្ស​អី​លែៈ​គែស​អូរ ពាង់​រាវៃ​មា​នទើ​តា​នែស​នតូ​អ្យា មឹន​អេង​លាស មើម​ជាន​គៃ​មា​អ៝ន់​អូរ​ទែ​រាម់‌
1CO 7:34 ជេសរី​តា​នាវ​មឹន​ពាង់​គែស​នាវ​រាវៃ​ឞារ​នតីល រាវៃ​មា​កោរាញ​ឞ្រាស រាវៃ​មា​អូរ​ដ៝ង់។ ឞូ​អូរ​អី​មោ​គែស​ឆាយ នទ្រែល​មា​ឞូ​អូរ​ហោម​ទ្រោស​ពាង់​រាវៃ​មា​នាវ​កោរាញ​ឞ្រាស​ទើម មឹន​អេង​លាស មើម​ឆើម​កើល​ជាន​ការ​មា​កោរាញ​ឞ្រាស​មា​លែៈ​នូយ្ស​នហ៝ម់ មា​លែៈ​ឆាក់​ជាន់។ ល៝ង់​ឞូ​អូរ​អី​លែៈ​គែស​ឆាយ ពាង់​រាវៃ​មា​នទើ​តា​នែស​នតូ​អ្យា មឹន​អេង​លាស មើម​ជាន​គៃ​មា​អ៝ន់​ឆាយ​ទែ​រាម់។
1CO 7:35 គ៝ប់​ងើយ​នាវ​អី​នៃ​គៃ​មា​អ្វែស​មា​ខាន់​អៃ​មៃ គ៝ប់​មោ​អោស​អុច​ញច៝ប់​ខាន់​អៃ​មៃ គ៝ប់​អុច​ខាន់​អៃ​មៃ​គុ​ងាវ​អ្វែស ជាន​ការ​អ៝ន់​មា​កោរាញ​ឞ្រាស​មោ​គែស​នាវ​រាខ្វាក។
1CO 7:36 យើន​មា​លាស​គែស​ឞារ​ហៃ​លែៈ​ជេង​ងក្វាត់​នទ្រោយ លាស​អី​ឞូ​ក្លោ​មឹន​មោ​ទី​អោស​លាស​មោ​នអាប់​ដាស​នទ្រោយ​ពាង់​នើម​នៃ ជេសរី​លាស​នូយ្ស​នហ៝ម់​ពាង់​ដោក​ដោល​ហោ​ងាន់​អុច​នអាប់ អ៝ន់​ជាន​តឹង​នាវ​ពាង់​អុច​ទោ នអាប់​ពាង់​ដាស​ឞូ​អូរ​អី​នៃ មោ​អោស​តីស។
1CO 7:37 យើន​មា​លាស​ឞូ​ម៝ស​អី​លែៈ​មោ​អុច​អោស​តឹម​នអាប់ ទើយ​ម៝ត់​ញជ្រាង់​ឆាក់​ជាន់​ពាង់​នើម ជេសរី​ទើយ​អ៝ត់​នូយ្ស​នហ៝ម់​មោ​អោស​ដោក​ដោល ឞូនុយ្ស​អី​នៃ​ជាន​អ្វែស។
1CO 7:38 លាស​នទ្រី​ឞូ​ម៝ស​អី​នអាប់​ដាស​នទ្រោយ​ពាង់​នើម​ឞូនុយ្ស​អី​នៃ​ជាន​អ្វែស យើន​មា​ឞូ​ម៝ស​អី​មោ​អោស​នអាប់​គុ​ទើម​ហ៝ៈ ឞូនុយ្ស​អី​នៃ​លើ​មា​ហោ​ជាន​អ្វែស។
1CO 7:39 ល៝ង់​ឞូ​អូរ​លែៈ​គែស​ឆាយ នោក​ឆាយ​ហោម​រេស​អ្យាត់​មា​អូរ​គុ​ដាស​ឆាយ​នឹង យើន​មា​លាស​ឆាយ​លែៈ​ខឹត រី​មើ​ពាង់​ទើយ​ឆ៝ៈ​តៃ​ឆាយ​អេង​ទាស​អុច​ពាង់​នើម ទើន​ឆ៝ៈ​ឆាយ​តា​ផូង​អី​ញឆីង​មា​កោរាញ​ឞ្រាស​ហ៝ៈ។
1CO 7:40 យើន​មា​តឹង​មា​នាវ​គ៝ប់​មឹន លាស​ឞូ​អូរ​អី​នៃ​មោ​ហោម​អោស​ឆ៝ៈ​ឆាយ​ជឹត ពាង់​លើ​មា​រាម់​មអាក។ គ៝ប់​មោ​អោស​ដាៈ​នាវ​អី​នៃ គ៝ប់​ងើយ​កើត​នៃ​តាៈ​ឞើស​ឞ្រាស​ហ្វេង​អ្វែស​កោរាញ​ឞ្រាស​គុ​តា​គ៝ប់។
1CO 8:1 អាបៃ​អ្យា​ទាន់​មឹន​មា​ព្វាច់​អី​ឞូ​លែៈ​ជេស​អោប​ឞ្រាស​នៃ។ ឞ៝ន់​លែៈ​គឹត​ជេស ទឹង​លែៈ​ឞ៝ន់​គែស​នាវ​គឹត​វ៝ត់ តីស​មា​នាវ​គឹត​វ៝ត់​ជាន​អ៝ន់​កើប​អេង​ឆាក់​នើម​ក្វ៝ង់​គឹត​ឞ្លាវ​រាលាវ​ឞូ យើន​មា​នាវ​រ៝ង់​មោ​អោស​កើត​នៃ នាវ​រ៝ង់​ជាន​អ៝ន់​តឹម​កើល​រាទ៝ក់​ញជេង។
1CO 8:2 លាស​គែស​ទូ​ហ្វេ​ឞូនុយ្ស​មឹន​អេង​ឆាក់​ពាង់​នើម​លាស​លែៈ​គឹត​វ៝ត់​នាវ​ជេស លាស​នទ្រី​ពាង់​អី​នៃ​អេ​ហ៝ៈ​អោស​គឹត​វ៝ត់​ងាន់។
1CO 8:3 ជេសរី​ឞូ​ម៝ស​អី​រ៝ង់​មា​កោរាញ​ឞ្រាស កោរាញ​ឞ្រាស​គឹត​នាល់​ពាង់​អី​នៃ​ដ៝ង់។
1CO 8:4 លាស​នទ្រី​មា​នាវ​ឆោង​ឆា​នទើ​អោប​ឞ្រាស ឞ៝ន់​លែៈ​គឹត​ជេស​ឞ្រាស​អេង​តា​កាលើ​ត្រោក​តា​នែស​នតូ​អ្យា​មោ​អោស​គែស​នាវ​ខ្លៃ គែស​ទូ​ហ្វេ​កោរាញ​ឞ្រាស​នើម​ទើម​គែស​នាវ​ខ្លៃ។
1CO 8:5 ឞ៝ល​លាស​គែស​នទើ​អី​ឞូនុយ្ស​ទែ​កើប​លាស​ឞ្រាស​តា​កាលើ​ត្រោក មោ​លាស​តា​នែស​នតូ​អ្យា​កាដោយ ឞ៝ល​លាស​គែស​អ៝ក់​នទើ​ឞូ​កើប​លាស​ឞ្រាស កើប​លាស​កោរាញ‌
1CO 8:6 យើន​មា​ឞ៝ន់​គែស​ទូ​ហ្វេ​ទើម កោរាញ​ឞ្រាស​អី​ឞឹ​ឞ៝ន់។ ពាង់​លែៈ​ញជេង​ទឹង​លែៈ​នតីល​នទើ ជេសរី​ឞ៝ន់​អ្យា​គុ​រេស​គៃ​មា​គែស​នាវ​ខ្លៃ​មា​ពាង់​នើម។ នទ្រី​ឞ៝ន់​គែស​ទូ​ហ្វេ​កោរាញ​ទើម ជេង​ឞ្រាស​យេឆូ​ក្រីស ។ ទឹង​លែៈ​នទើ​គែស​យ៝រ​មា​តាៈ​ឞើស​ពាង់ ជេសរី​ឞ៝ន់​គែស​នាវ​រេស​ជេង​យ៝រ​មា​តាៈ​ឞើស​ពាង់​ដ៝ង់។
1CO 8:7 យើន​មា​មោ​អោស​គែស​ទឹង​លែៈ​ឞូនុយ្ស​គឹត​វ៝ត់​នាវ​អី​នៃ។ ឞូនុយ្ស​អាបាៈ​នូយ្ស​នហ៝ម់​ហោម​អែ​មឹន​មា​ឞ្រាស​អេងៗ​អី​នៃ ខាន់​ពាង់​ឆា​ព្វាច់​អោប​ឞ្រាស​តឹម​ឞាន​មា​ហោម​អែ​អោប​ឞ្រាស​ដ៝ង់ យ៝រ​លាស​នូយ្ស​នហ៝ម់​ខាន់​ពាង់​មឹន​ហោម​រាអ្យា ជាន​អ៝ន់​ខាន់​ពាង់​មឹន​រាវៃ​ខាន់​ពាង់​លែៈ​ជាន​តីស។
1CO 8:8 យើន​មា​មោ​អោស​យ៝រ​មា​នទើ​ឆោង​ឆា​កោរាញ​ឞ្រាស​រាម់​មា​ឞ៝ន់។ លាស​ឞ៝ន់​មោ​ឆា​ក៝ៈ​ពាង់​មោ​រាម់​រាលាវ​មា​ឞ៝ន់ លាស​ឞ៝ន់​ឆា​ក៝ៈ​ពាង់​មោ​រាម់​រាលាវ​មា​ឞ៝ន់​ដ៝ង់។
1CO 8:9 យើន​មា​អ៝ន់​ញជ្រាង់ ក្លាច​លាស​នាវ​ទើយ​អី​ខាន់​អៃ​មៃ​ទើយ​ឆា​នៃ​ជាន​អ៝ន់​ផូង​អី​រាអ្យា​តា​នាវ​ញឆីង​គែស​នាវ​រាវៃ​តា​នូយ្ស​នហ៝ម់​ច្រាវ។
1CO 8:10 លាស​គែស​ទូ​ហ្វេ​ឞូនុយ្ស​អី​រាអ្យា​តា​នាវ​ញឆីង​ឆៃ​ខាន់​អៃ​មៃ​គុ​ឆោង​ឆា​នទើ​អោប​ឞ្រាស​តា​ជៃ​នតុក​អោប​ឞ្រាស លាស​នទ្រី​នាវ​អី​នៃ​លែវ​ពាង់​ឆោង​ឆា​នទើ​អោប​ឞ្រាស​ដ៝ង់ ឞ៝ល​លាស​តា​នូយ្ស​នហ៝ម់​ពាង់​ហោម​មឹន​នទើ​អី​នៃ​ជេង​តីស។
1CO 8:11 លាស​នទ្រី​ឞូនុយ្ស​រាអ្យា​អី​ញឆីង​មា​ឞ្រាស​ក្រីស ​អី​នៃ​រ៝ស​ហេង​យ៝រ​មា​តាៈ​ឞើស​នាវ​ខាន់​អៃ​មៃ​គឹត​វ៝ត់ យើន​មា​ឞ្រាស​ក្រីស ​លែៈ​ខឹត​តឹម​នតាង​មា​ពាង់​ដ៝ង់។
1CO 8:12 លែៈ​តីស​ជេស លាស​ខាន់​អៃ​មៃ​ជាន​តីស​អ៝ន់​មា​អ៝ស​នោ​អី​ញឆីង​រាអ្យា​ជាន​អ៝ន់​ពាង់​រាង៝ត​រាវៃ​តា​នូយ្ស​នហ៝ម់។ នទើ​អី​នៃ​ខាន់​អៃ​មៃ​លែៈ​ជាន​តីស​មា​ឞ្រាស​ក្រីស ​ដ៝ង់។
1CO 8:13 កើត​នទ្រី​លាស​គែស​ទូ​នតីល​នទើ​ឆោង​ឆា​អី​ជាន​អ៝ន់​ទូ​ហ្វេ​អ៝ស​នោ​តា​នាវ​ញឆីង​គែស​ជាន​តីស គ៝ប់​មោ​ហោម​អុច​អោស​ឆា​ព្វាច់​នហ៝​រ៝ គៃ​មា​លើយ​អ៝ន់​ទូ​ហ្វេ​អ៝ស​នោ​តា​នាវ​ញឆីង​គែស​ជាន​តីស។
1CO 9:1 អាស​គ៝ប់​អ្យា​អើម​មោ​គែស​បាស​ជេង​ក៝ន​មែ? អាស​គ៝ប់​អ្យា​អើម​មោ​ទី​បាស​ជេង​កោរាញ​អ៝ស​ម៝ន? អាស​គ៝ប់​អ្យា​អើម​មោ​បាស​ឆៃ​ឞ្រាស​យេឆូ ​អី​កោរាញ​ឞ៝ន់​នើម? អាស​ខាន់​អៃ​មៃ​អី​នៃ​អើម​មោ​ទី​បាស គែស​នាវ​រាក្លាយ្ស​ជេង​ប៝ន​លាន​កោរាញ​ឞ្រាស តាៈ​ឞើស​នាវ​គ៝ប់​មឞើស​ងក៝ច?
1CO 9:2 ឞ៝ល​លាស​គែស​ឞូ​អា​អេង​មោ​កើប​គ៝ប់​ជេង​កោរាញ​អ៝ស​ម៝ន​កាដោយ យើន​មា​គ៝ប់​ជេង​កោរាញ​អ៝ស​ម៝ន​អ៝ន់​មា​ខាន់​អៃ​មៃ​ងាន់ យ៝រ​មា​ឞូ​ទើយ​គឹត​ឆៃ​គ៝ប់​ជេង​កោរាញ​អ៝ស​ម៝ន​ងាន់ តាៈ​ឞើស​ខាន់​អៃ​មៃ​ញឆីង​មា​កោរាញ​យេឆូ ​អី​គ៝ប់​មឞើស​ងក៝ច។
1CO 9:3 យើន​មា​គ៝ប់​អុច​អើស​មា​ផូង​អី​លាស​គ៝ប់​មោ​ជេង​កោរាញ​អ៝ស​ម៝ន​កើត​នអា៖
1CO 9:4 អាស​គ៝ប់ នទ្រែល​មា​នោ​បារនាបាស ​អើម​មោ​ទី​បាស​ទើយ​មា​ឆ៝ៈ​ទើន​នទើ​ឆោង​ឆា​ឞើស​ឞូនុយ្ស​អី​ហេន​នតុម​នតី?
1CO 9:5 អាស​ហេន​អ្យា​អើម​មោ​ទី​បាស​ទើយ​មា​លែវ​ទូ​ហ្វេ​អូរ​អី​ញឆីង​ហាន់​នទ្រែល កើត​មពោល​កោរាញ​អ៝ស​ម៝ន​អាបាៈ​អេង កើត​អ៝សៗ​កោរាញ​យេឆូ  កើត​ពេត្រោស ​ដ៝ង់?
1CO 9:6 មោ​លាស​អើម​គែស​ហេន​ទើម​លាស​អី​អ្យាត់​មា​ជាន​ការ​ឆ្យាម់​អេង​នាវ​រេស​ហេន​នើម​នោក​នតុម​នតី​ឞូ?
1CO 9:7 អើម​គែស​លាស​ឞូនុយ្ស​ជាន​តាហែន​ឆ៝ៈ​ទ៝ង់​ព្រាក់​ពាង់​នើម? អើម​គែស​លាស​ឞូនុយ្ស​តាម់​តើម​ព្លៃ​យុងយារ​ប៝ន​ទូ​លោក​មីរ ជេសរី​មោ​អោស​ឆ៝ៈ​ឆា​អី​ព្លៃ​នៃ? អើម​គែស​លាស​ឞូនុយ្ស​ច្យាប់​ទូ​ផូង​ឞែ​ឞ្យាប់ ជេសរី​មោ​អោស​ឆ៝ៈ​ញេត​អី​ទាក​ត៝ស​ពាង់​នៃ?
1CO 9:8 នាវ​គ៝ប់​ងើយ​អី​នៃ​មោ​អោស​ទើន​តាៈ​នាវ​មឹន​ឞូនុយ្ស​ទើម យើន​មា​តា​នាវ​វៃ​មោឆេ ​អី​តាៈ​ឞើស​កោរាញ​ឞ្រាស​លែៈ​គែស​ញចីស​លាស​កើត​នៃ​ដ៝ង់។
1CO 9:9 យ៝រ​លាស​តា​នាវ​វៃ​មោឆេ ​លែៈ​គែស​ញចីស​លាស៖ «លើយ​អោស​ងគ្រេប​មឞូង​នទ្រោក​នោក​ពាង់​ជ៝ត​ព្លេន​ឞា»។ នទើ​អី​នៃ​កោរាញ​ឞ្រាស​លាស​ទើន​មា​នទ្រោក​ទើម​ឞើស? មោ​អោស!
1CO 9:10 កោរាញ​ឞ្រាស​មោ​អោស​លាស​មា​នទ្រោក​ទើម ពាង់​លាស​មា​ឞ៝ន់​ដ៝ង់។ នាវ​អី​នៃ​គែស​ញចីស គៃ​មា​ឞូនុយ្ស​អី​ច្វ៝រ់​ឆ្រែ​គែស​នាវ​រានើម​គែស​ឞា​ឞើស​ឆ្រែ​អី​នៃ ជេសរី​ឞូនុយ្ស​អី​រាពាត់​ព្លេន​គែស​នាវ​រានើម​គែស​ឞា​ឞើស​អី​ពាង់​រាពាត់​ព្លេន​អី​នៃ​ដ៝ង់។
1CO 9:11 លាស​ហេន​លែៈ​នតី​ខាន់​អៃ​មៃ​តឹម​ឞាន​មា​លែៈ​តូច​ជេស​គារ់​មពែស​ឞើស​ឞ្រាស​ហ្វេង​អ្វែស​អ៝ន់​តា​ខាន់​អៃ​មៃ លាស​នទ្រី​អា​មើម​ទឹង​មោ​ទី​លាស​ហេន​ឆ៝ៈ​នទើ​ឞើស​ខាន់​អៃ​មៃ​មា​ឆ្យាម់​ឆាក់​អី​តឹម​ឞាន​មា​រែក?
1CO 9:12 លាស​ឞូ​អេង​អី​នតី​ខាន់​អៃ​មៃ​លែៈ​ទាស​នៃ​ទើយ​ឆ៝ៈ​នទើ​មា​ឆ្យាម់​ឆាក់​ឞើស​ខាន់​អៃ​មៃ លាស​នទ្រី​ហេន​លើ​ហោ​រាលាវ​ខាន់​ពាង់​អី​នៃ​ទើយ​ឆ៝ៈ យើន​មា​ហេន​មោ​អោស​ទ៝ង់​នាវ​ទើយ​អី​នៃ ក្លាច​លាស​ងកីង​ឞូ​អ្យាត់​នាវ​មហែ​មហាន​អ្វែស​ឞ្រាស​ក្រីស  អ្វែស​រាលាវ​ហេន​ញឆ្រោយ្ស​ជាន​ការ​នអ៝ប់​មា​គុ​អ៝ត់​ទឹង​លែៈ​ហ៝ៈ។
1CO 9:13 អើម​ខាន់​អៃ​មៃ​មោ​គឹត​បាស? ឞូ​ម៝ស​អី​ជាន​ការ​តា​ញីស​ជាន​ឞ្រាស​មា​កោរាញ​ឞ្រាស ពាង់​អី​នៃ​គែស​នទើ​ឆោង​ឆា​តាៈ​ឞើស​នទើ​ឞូ​ញហើរ​តា​ញីស​ជាន​ឞ្រាស​អី​នៃ​ដ៝ង់ ជេសរី​ឞូ​ម៝ស​អី​ជាន​ការ​តា​ញឆឺង​គុច​ពូរ​នទើ​ជាន​ឞ្រាស ពាង់​អី​នៃ​គែស​នទើ​ឆា​តាៈ​ឞើស​នទើ​ឞូ​ញហើរ​តា​ញឆឺង​អី​នៃ​ដ៝ង់។
1CO 9:14 កើត​នទ្រី​ដ៝ង់​កោរាញ​ឞ្រាស​លែៈ​ដាៈ​ជេស ឞូ​ម៝ស​អី​មឞើស​ងក៝ច​នាវ​មហែ​មហាន​អ្វែស ទី​មា​ពាង់​ឆ្យាម់​នាវ​រេស​តាៈ​ឞើស​នាវ​ជាន​ការ​អី​នៃ​ដ៝ង់។
1CO 9:15 យើន​មា​គ៝ប់ គ៝ប់​មោ​អោស​ទ៝ង់​នាវ​ទើយ​អី​នៃ ជេសរី​នាវ​គ៝ប់​ញចីស​អី​អ្យា មោ​អោស​គៃ​មា​ដាៈ​ខាន់​អៃ​មៃ​កើល​គ៝ប់​ជឹត​នាប់​តៃ។ អ្វែស​រាលាវ​អ៝ន់​គ៝ប់​ខឹត​លើយ​ដាស​មា​អ៝ន់​គ៝ប់​ជាន​នាវ​ទើយ​អី​នៃ គៃ​មា​គ៝ប់​ហោម​ទើយ​នហី​អេង​ឆាក់​មា​នាវ​មឞើស​ងក៝ច​នាវ​មហែ​មហាន​អ្វែស​ទើម​ទាម។
1CO 9:16 នាវ​គ៝ប់​មឞើស​ងក៝ច​នាវ​មហែ​មហាន​អ្វែស​នៃ មោ​ទី​អោស​គ៝ប់​អ្យា​នហី​អេង​ឆាក់​គ៝ប់​នើម យ៝រ​លាស​នាវ​អី​នៃ​តាៈ​ឞើស​កោរាញ​ឞ្រាស​ដាៈ​គ៝ប់​ជាន។ រេស​រាញាល់​ងាន់​មា​គ៝ប់ លាស​គ៝ប់​មោ​អោស​មឞើស​ងក៝ច​នាវ​មហែ​មហាន​អ្វែស!
1CO 9:17 លាស​គ៝ប់​មឞើស​ងក៝ច​នាវ​មហែ​មហាន​អ្វែស​នៃ​តាៈ​ឞើស​នូយ្ស​នហ៝ម់​គ៝ប់​នើម​អុច​ទើម ជេង​ទី​មា​គ៝ប់​គែស​នទើ​ងខោម យើន​មា​នាវ​ជាន​ការ​អី​អ្យា​មោ​អោស​ទើន​តាៈ​ឞើស​នូយ្ស​នហ៝ម់​គ៝ប់​នើម​អុច​ទើម ជេង​តាៈ​ឞើស​កោរាញ​ឞ្រាស​នើម​ជាវ​អ៝ន់​មា​គ៝ប់។
1CO 9:18 លាស​នទ្រី​ម៝ស​បាៈ​នទើ​ងខោម​មា​គ៝ប់​គែស? នទើ​ងខោម​មា​គ៝ប់​ជេង​នាវ​មឞើស​ងក៝ច​នាវ​មហែ​មហាន​អ្វែស​មោ​គែស​ឆ៝ៈ​ខ្លៃ គ៝ប់​មោ​អោស​ទ៝ង់​នាវ​ទើយ​តាៈ​ឞើស​នាវ​មឞើស​ងក៝ច​នាវ​មហែ​មហាន​អ្វែស។
1CO 9:19 ឞ៝ល​លាស​គ៝ប់​មោ​អោស​ជេង​ទឹក​ឞូ​មោ​គែស​ឞូនុយ្ស​ជាន​កោរាញ​គ៝ប់​កាដោយ គ៝ប់​ហោម​ជាន​តឹម​ឞាន​មា​ទឹក​មា​ទឹង​លែៈ​ឞូនុយ្ស គៃ​មា​លែវ​ឞូនុយ្ស​អ៝ក់​ងាន់​អ៝ន់​ឆឹត​ញឆីង​មា​ឞ្រាស​ក្រីស ។
1CO 9:20 នោក​គ៝ប់​គុ​នទ្រែល​ផូង​អីឆ្រាអែល  គ៝ប់​គុ​ងាវ​តឹម​ឞាន​មា​ផូង​អីឆ្រាអែល  គៃ​មា​លែវ​ខាន់​ពាង់​ញឆីង​មា​ឞ្រាស​ក្រីស ។ គ៝ប់​មោ​អោស​ជេង​ឞូនុយ្ស​អី​អ្យាត់​មា​ជាន​តឹង​នាវ​វៃ​មោឆេ  យើន​មា​នោក​គ៝ប់​គុ​នទ្រែល​ផូង​អី​ញអោត​នាវ​វៃ​អី​នៃ គ៝ប់​ជាន​តឹង​នាវ​វៃ គៃ​មា​លែវ​ខាន់​ពាង់​ញឆីង​មា​ឞ្រាស​ក្រីស ។
1CO 9:21 នោក​គ៝ប់​គុ​នទ្រែល​ផូង​អី​មោ​ទី​ផូង​អីឆ្រាអែល ​អី​មោ​ញអោត​នាវ​វៃ​មោឆេ  គ៝ប់​គុ​ងាវ​តឹម​ឞាន​មា​ផូង​អី​នៃ​ដ៝ង់ គៃ​មា​លែវ​ខាន់​ពាង់​ញឆីង​មា​ឞ្រាស​ក្រីស  គ៝ប់​មោ​អោស​មអារ់​លើយ​នាវ​វៃ​មោឆេ ​អី​តាៈ​ឞើស​កោរាញ​ឞ្រាស យើន​មា​គ៝ប់​លែៈ​ញអោត​នាវ​វៃ​ឞ្រាស​ក្រីស ។
1CO 9:22 នោក​គ៝ប់​គុ​នទ្រែល​ឞូនុយ្ស​អី​រាអ្យា គ៝ប់​ជាន​តឹម​ឞាន​មា​ឞូនុយ្ស​រាអ្យា​អី​នៃ​ដ៝ង់ គៃ​មា​លែវ​ខាន់​ពាង់​ញឆីង​មា​ឞ្រាស​ក្រីស ។ គ៝ប់​គុ​នទ្រែល​ទឹង​លែៈ​ឞូនុយ្ស គ៝ប់​ជាន​អ៝ន់​តឹម​ឞាន​មា​ខាន់​ពាង់​អី​នៃ​ដ៝ង់ គៃ​មា​គែស​រាក្លាយ្ស​ឞូនុយ្ស​អាបាៈ។
1CO 9:23 យ៝រ​មា​នាវ​មហែ​មហាន​អ្វែស​នៃ គ៝ប់​ញឆ្រោយ្ស​ជាន​ទឹង​លែៈ​នទើ​អី​នៃ គៃ​មា​ឆ៝ៈ​ទើន​នទ្រែល​ឞូ​នទើ​អ្វែស​អី​តាៈ​ឞើស​នាវ​មហែ​មហាន​អ្វែស​អី​នៃ​ដ៝ង់។
1CO 9:24 ខាន់​អៃ​មៃ​លែៈ​គឹត​ជេស ទឹង​លែៈ​ផូង​អី​ព៝ល់​តឹម​រាល៝ង​ញច្វាត់ ខាន់​ពាង់​ញច្វាត់​ទឹង​លែៈ​មា​ឞាល់ យើន​មា​គែស​ទូ​ហ្វេ​ទើម​អី​គែស​នទើ​ងខោម។ លាស​នទ្រី​ដាៈ​ខាន់​អៃ​មៃ​គុ​រេស​តឹម​ឞាន​មា​ព៝ល់​តឹម​រាល៝ង​ញច្វាត់​អ៝ន់​កើត​ពាង់​អី​ទូ​ហ្វេ​នៃ​ទោ គៃ​មា​គែស​នទើ​ងខោម​ឞើស​កោរាញ​ឞ្រាស។
1CO 9:25 ទឹង​លែៈ​ផូង​អី​ព៝ល់​តឹម​រាល៝ង​អី​នៃ ខាន់​ពាង់​ខ៝ម់​ញឆ្រោយ្ស​ទុត​ហោ​ងាន់ គៃ​មា​គែស​នទើ​ងខោម​អី​ហោម​ឞ្លាវ​អោម​រ៝ស​លេក​មោ​អោស​ហោម​នហ៝​រ៝។ ល៝ង់​ឞ៝ន់ ឞ៝ន់​ខ៝ម់​ញឆ្រោយ្ស​គៃ​មា​គែស​នទើ​ងខោម​អី​ហោម​គែស​នហ៝​រ៝​មោ​អោស​ឞ្លាវ​អោម​រ៝ស​លេក។
1CO 9:26 នទ្រី​ទឹង​គ៝ប់​គុ​រេស​តឹម​ឞាន​មា​ញច្វាត់​អ៝ន់​កើត​នៃ គ៝ប់​មោ​អោស​ញច្វាត់​ព៝ល់​ទើម គ៝ប់​តឹម​ឞាន​មា​ឞូនុយ្ស​តឹម​ថុក​ឞាល់​គៃ​មា​ទើយ មោ​ទី​តឹម​ថុក​ដាស​ឆ្យាល​ទើម។
1CO 9:27 គ៝ប់​ញឆ្រោយ្ស​ញឆ្រាម​ដាប់​ឆាក់​ជាន់​គ៝ប់​នើម​អ៝ន់​ទុត​ហោ​ងាន់ ជេសរី​ជាន​កោរាញ​មា​ឆាក់​គ៝ប់​នើម គៃ​មា​លើយ​អោស​ជេស​គ៝ប់​មឞើស​ងក៝ច​នាវ​មហែ​មហាន​អ្វែស​អ៝ន់​មា​ឞូ​អេងៗ ជេសរី​បេង​មា​កោរាញ​ឞ្រាស​មអារ់​គ៝ប់។
1CO 10:1 អើ​អ៝ស​នោ​តា​នាវ​ញឆីង គ៝ប់​អុច​អ៝ន់​ខាន់​អៃ​មៃ​គឹត​នហេល នោក​មោឆេ ​លែវ​ផូង​អូ​ចែ​ផូង​អីឆ្រាអែល ​ហេន​លោស​ឞើស​ឞ្រី​អេឆីប ​កាល់​អែ​នើស ទឹង​លែៈ​ខាន់​ពាង់​លែៈ​ហាន់​តា​ន៝ម់​នហ៝ម់​តុក​អី​កោរាញ​ឞ្រាស​អ៝ន់ នទ្រែល​មា​លែៈ​លាប់​រាគាន់​ទាក​វាច់​ទាក​វារ់​ទាទេ។
1CO 10:2 ទឹង​លែៈ​ខាន់​ពាង់​លែៈ​ហាន់​តា​ន៝ម់​តុក លែៈ​ហាន់​រាគាន់​ទាក​វាច់​ទាក​វារ់​អី​នៃ តឹម​ឞាន​មា​គែស​បាប់តែម​យុក​មា​តុក នទ្រែល​មា​ទាក​វាច់​ទាក​វារ់​អី​នៃ ជេង​នាវ​មឞេន​មា​ទឹង​លែៈ​ខាន់​ពាង់​ជេង​ផូង​ឞូនុយ្ស​អ្យាត់​តឹង​មោឆេ ។
1CO 10:3 ទឹង​លែៈ​ខាន់​ពាង់​អី​នៃ​លែៈ​ឆោង​ឆា​ជេស​មានា ​នទើ​អី​តាៈ​ឞើស​នាវ​ទើយ​កោរាញ​ឞ្រាស​អ៝ន់‌
1CO 10:4 ជេសរី​ទឹង​លែៈ​ខាន់​ពាង់​អី​នៃ​លែៈ​ញេត​ទាក​អី​តាៈ​ឞើស​នាវ​ទើយ​កោរាញ​ឞ្រាស​អ៝ន់​ទាទេ។ ខាន់​ពាង់​លែៈ​ញេត​ជេស​ទាក​អី​លោស​ឞើស​លុ​ក្លេរ​អី​តាៈ​ឞើស​នាវ​ទើយ​កោរាញ​ឞ្រាស​អ៝ន់។ លុ​ក្លេរ​អី​នៃ​ជេង​នាវ​មឞេន​មា​ឞ្រាស​ក្រីស ​អី​ហាន់​នទ្រែល​ខាន់​ពាង់។
1CO 10:5 យើន​មា​គែស​អ៝ក់​ខាន់​ពាង់​អី​នៃ​មោ​អោស​ទី​មា​នូយ្ស​នហ៝ម់​កោរាញ​ឞ្រាស យ៝រ​លាស​ខាន់​ពាង់​ជាន​តីស នទ្រី​ទឹង​កោរាញ​ឞ្រាស​អ៝ន់​ខាន់​ពាង់​ខឹត​មឞ្រាច​តា​ឞ្រី​រាទាស។
1CO 10:6 ទឹង​លែៈ​នាវ​អី​នៃ​ជេង​នាវ​នតី​អ៝ន់​មា​ឞ៝ន់ គៃ​មា​លើយ​អ៝ន់​ឞ៝ន់​កើញ​មា​នាវ​អ្យើស​កើត​ខាន់​ពាង់​អី​នៃ‌
1CO 10:7 គៃ​មា​លើយ​អ៝ន់​ឞ៝ន់​យើក​មឞាស​មា​រូប​ឞ្រាស កើត​ផូង​អូ​ចែ​ផូង​អីឆ្រាអែល ​អាបាៈ​អី​យើក​មឞាស​មា​រូប​ឞ្រាស​នៃ​នើស កើត​អី​លែៈ​គែស​ញចីស​តា​នាវ​កោរាញ​ឞ្រាស​ងើយ​លាស៖ «ផូង​ប៝ន​លាន​គុ​ញេត​ឆោង​ឆា​នទ្រែល ជេសរី​ខាន់​ពាង់​ទ៝ក់​ព៝ល់​រាលឺន​បឹ​បើច» នាវ​អី​នៃ​ងើយ​មា​ផូង​ខាន់​ពាង់​ឆោង​ឆា​នទើ​ជាន​ឞ្រាស​អ៝ន់​មា​រូប​ឞ្រាស​ក៝ន​នទ្រោក​អី​មហែ​ម៝ន​មា​មាយ្ស។
1CO 10:8 លើយ​អ៝ន់​ឞ៝ន់​ប៝ក​គ៝រ​ឆាក់​តឹម​ទ៝ង់​ជាន​នទើ​អី​ខើស​ក្លែរ​កើត​ផូង​ខាន់​ពាង់​អាបាៈ​នៃ​នើស ជេសរី​ខាន់​ពាង់​អី​នៃ​ខឹត​រ៝ស​ហេង​លែៈ ២៣០០០ នុយ្ស​តា​ទូ​នារ​ទើម។
1CO 10:9 លើយ​អ៝ន់​ឞ៝ន់​រាល៝ង​នាវ​ទើយ​ឞ្រាស​ក្រីស  កើត​ផូង​ខាន់​ពាង់​អី​នៃ​អាបាៈ​រាល៝ង​នាវ​ទើយ​កោរាញ​ឞ្រាស ជេសរី​ខឹត​ឞេស​ចោក។
1CO 10:10 ខាន់​អៃ​មៃ​លើយ​អោស​អ៝ក់​ឞ៝រ់​ញជ៝រ់​ឆេក កើត​ផូង​ខាន់​ពាង់​អាបាៈ​អី​នៃ ជេសរី​កោរាញ​ឞ្រាស​ដាៈ​ទូ​ហ្វេ​តោង​ពារ់​ងខឹត​លើយ​ខាន់​ពាង់។
1CO 10:11 ទឹង​លែៈ​នទើ​អី​នៃ ជេង​នាវ​នតុម​នតី​អ៝ន់​ឞ៝ន់ ជេសរី​លែៈ​គែស​ញចីស​តា​នាវ​កោរាញ​ឞ្រាស​ងើយ គៃ​មា​នតុម​នតី​ឞ៝ន់​អី​គុ​រេស​ឞើយ​ត៝ត់​មា​នារ​ងគ្លែៈ​ទុត​អ្យា។
1CO 10:12 លាស​នទ្រី​ឞូ​ម៝ស​អី​កើប​អេង​ឆាក់​ពាង់​នើម​លែៈ​ទ៝ក់​ន៝ប់​រាក៝ក់​ងាន់​តា​នាវ​ញឆីង អ្យាត់​មា​ពាង់​ញជ្រាង់ ក្លាច​លាស​ចោត​ជាន​តីស។
1CO 10:13 នាវ​នទើម​អី​គែស​មា​ខាន់​អៃ​មៃ ជេង​នាវ​នទើម​អី​វៃ​គែស​មា​ទឹង​លែៈ​ឞូនុយ្ស។ កោរាញ​ឞ្រាស​រាប់​ជាប់​ងាន់ ពាង់​មោ​អោស​អ៝ន់​ឆាតាង់ ​អី​កោរាញ​មពោល​ឞ្រាស​អ្យើស​នទើម​ខាន់​អៃ​មៃ​រាលាវ​ឞើស​នហ៝ម់​ឆ្វាន​ខាន់​អៃ​មៃ​ទើយ យើន​មា​នោក​ខាន់​អៃ​មៃ​ម៝ប់​នាវ​នទើម ពាង់​មរា​អ៝ន់​ត្រ៝ង​មា​ខាន់​អៃ​មៃ​ទែរ ទើយ​ញឆ្រោយ្ស​អ៝ត់។
1CO 10:14 អើ​អ៝ស​នោ​តា​នាវ​ញឆីង​អី​គ៝ប់​រ៝ង់ លាស​នទ្រី​អ៝ន់​ខាន់​អៃ​មៃ​ទូ​ហ៝ម់​ឞើស​នាវ​យើក​មឞាស​មា​រូប​ឞ្រាស។
1CO 10:15 នាវ​គ៝ប់​ងើយ​មា​ខាន់​អៃ​មៃ​អ្យា តឹម​ឞាន​មា​គ៝ប់​ងើយ​មា​ឞូនុយ្ស​អី​គឹត​ឞ្លាវ លាស​នទ្រី​អ៝ន់​ខាន់​អៃ​មៃ​ងក្ល៝ន់​អេង​ទោ​នាវ​អី​គ៝ប់​ងើយ​អ្យា។
1CO 10:16 នោក​ឞ៝ន់​ញេត​ឆា​ងកាស​ក្ល៝ស​អ្វែស ឞ៝ន់​ឆ៝ៈ​កាច៝ក​លាស​អ្វែស​កោរាញ​ឞ្រាស នទើ​អី​នៃ​គែស​នាវ​ខ្លៃ​ឞ៝ន់​តឹម​រាង្លាប់​នទ្រែល​មហាម​ឞ្រាស​ក្រីស  ជេសរី​នោក​ឞ៝ន់​គិច​ឆា​នុមពាង់ គែស​នាវ​ខ្លៃ​ឞ៝ន់​តឹម​រាង្លាប់​ទូ​ឆាក់​ជាន់​នទ្រែល​ឞ្រាស​ក្រីស ​ដ៝ង់។
1CO 10:17 តា​នៃ​គែស​នុមពាង់​ទូ​មល៝ម់​ទើម កើត​នទ្រី​ឞ៝ល​លាស​ឞ៝ន់​គែស​អ៝ក់​ឞូនុយ្ស​ឆា​កាដោយ ឞ៝ន់​ហោម​ជេង​ទូ​ឆាក់​ជាន់​ទើម​ដ៝ង់ យ៝រ​លាស​ទឹង​លែៈ​ឞ៝ន់​ឆា​ឞើស​នុមពាង់​អី​ទូ​មល៝ម់​នៃ។
1CO 10:18 ល៝ង់​អ្វាញ់​ហ៝ម់​ផូង​អីឆ្រាអែល  ផូង​អី​ឆោង​ឆា​ព្វាច់​អី​ឞូ​ញហើរ​ជាន​ឞ្រាស​មា​កោរាញ​ឞ្រាស​តា​កាលើ​ញឆឺង​គុច​ពូរ​នទើ​ជាន​ឞ្រាស ខាន់​ពាង់​លែៈ​គុ​នទ្រែល​កោរាញ​ឞ្រាស យ៝រ​មា​ឆា​ព្វាច់​ញហើរ​អី​នៃ​ដ៝ង់។
1CO 10:19 នាវ​អី​គ៝ប់​ងើយ​នៃ​ម៝ស​នាវ​ខ្លៃ? គ៝ប់​មោ​អោស​លាស​ព្វាច់​អី​ឞូ​អោប​ឞ្រាស​មា​រូប​ឞ្រាស​គែស​នាវ​ខ្លៃ ជេសរី​ឞ្រាស​ងក្លាៈ​អី​ឞូ​អោប​នៃ​មោ​ដ៝ង់​គែស​នាវ​ខ្លៃ។
1CO 10:20 មោ​អោស! នទើ​អី​នៃ​មោ​អោស​គែស​ខ្លៃ យើន​មា​ទឹង​លែៈ​នទើ​អី​ខាន់​ពាង់​អោប​នៃ ខាន់​ពាង់​អោប​មា​ឞ្រាស​អ្យើស មោ​អោស​ញហើរ​មា​កោរាញ​ឞ្រាស។ កើត​នទ្រី​ទឹង​គ៝ប់​មោ​អុច​ខាន់​អៃ​មៃ​តឹម​គុ​នទ្រែល​ឞ្រាស​អ្យើស យ៝រ​មា​ឆា​ព្វាច់​អោប​ឞ្រាស​អី​នៃ។
1CO 10:21 មោ​ទី​អោស​ខាន់​អៃ​មៃ​ញេត​ងកាស​កោរាញ​យេឆូ  ជេសរី​ញេត​នទើ​ឞូ​អោប​ឞ្រាស​មា​ឞ្រាស​អ្យើស​ដ៝ង់។ មោ​ទី​អោស​ខាន់​អៃ​មៃ​ឆោង​ឆា​ងកាស​កោរាញ​យេឆូ  ជេសរី​ឆោង​ឆា​នទើ​ឞូ​អោប​ឞ្រាស​មា​ឞ្រាស​អ្យើស​ដ៝ង់។
1CO 10:22 មោ​លាស​ឞ៝ន់​អុច​អ៝ន់​កោរាញ​ឞ្រាស​ជី​នូយ្ស​មា​ឞ៝ន់? មោ​លាស​អើម​ឞ៝ន់​ទាង់​រាលាវ​កោរាញ​ឞ្រាស?
1CO 10:23 គែស​ឞូនុយ្ស​អាបាៈ​លាស៖ “គ៝ប់​គែស​នាវ​ទើយ​មា​ជាន​ទឹង​លែៈ​នទើ” យើន​មា​មោ​អោស​ទី​ទឹង​លែៈ​នទើ​គែស​ខ្លៃ​ទាទេ។ “គ៝ប់​គែស​នាវ​ទើយ​មា​ជាន​ទឹង​លែៈ​នទើ” យើន​មា​មោ​អោស​ទី​ទឹង​លែៈ​នទើ​កើល​នាវ​ញឆីង​ឞ៝ន់​លើ​មា​ន៝ប់។
1CO 10:24 លើយ​អោស​អ៝ន់​ទូ​ហ្វេ​ទូ​ហ្វេ​ឞ៝ន់​ជ៝យ​គៃ​មា​អ្វែស​មា​ឆាក់​នើម​ទើម យើន​មា​អ៝ន់​ទូ​ហ្វេ​ទូ​ហ្វេ​ឞ៝ន់​ជ៝យ​គៃ​មា​អ្វែស​មា​ឞូនុយ្ស​អា​អេង។
1CO 10:25 ទឹង​លែៈ​នទើ​អី​ឞូ​តាច់​តា​នតុក​ឞូ​តាច់​ទ្រាប់ ខាន់​អៃ​មៃ​ឆោង​ឆា​ទាទេ​ទោ មោ​អោស​ខាច់​អោប​នទើ​អី​នៃ​តាៈ​ឞើស​អោប​ឞ្រាស​មោ​លាស​មោ លើយ​ក្លាច​តា​នូយ្ស​នហ៝ម់​ជាន​តីស​នាវ​អី​នៃ‌
1CO 10:26 យ៝រ​លាស​លែៈ​គែស​ញចីស​ជេស​នាវ​កើត​នអា៖ «នែស​នតូ នទ្រែល​មា​ទឹង​លែៈ​នទើ​តា​នែស​នតូ​ជេង​នទើ​កោរាញ​ឞ្រាស​នើម​ទាទេ»។
1CO 10:27 លាស​ទូ​ហ្វេ​ឞូនុយ្ស​អី​មោ​ញឆីង​មា​ឞ្រាស​យេឆូ  ជាៈ​ខាន់​អៃ​មៃ​ហាន់​ញេត​ឆោង លាស​ខាន់​អៃ​មៃ​អុច​ហាន់ ខាន់​អៃ​មៃ​ឆោង​ឆា​ទោ​ទឹង​លែៈ​នទើ​ឞូ​អ៝ន់​នៃ មោ​ខាច់​អោស​អោប មោ​ខាច់​អោស​ក្លាច​តា​នូយ្ស​នហ៝ម់​ទី​មោ​ទី។
1CO 10:28 យើន​មា​លាស​គែស​ឞូ​មឞើស​មា​ខាន់​អៃ​មៃ៖ “ត្រាវ​អ្យា​ត្រាវ​អោប​ឞ្រាស” ខាន់​អៃ​មៃ​លើយ​អោស​ឆា។ ជាន​កើត​នៃ​គៃ​មា​អ្វែស​មា​នើម​អី​នាក់​លែៈ​មឞើស​នៃ នទ្រែល​មា​នើម​អី​នាក់​លែៈ​មឞើស​នៃ​មោ​អោស​ក្លាច​រាវៃ​តា​នូយ្ស​នហ៝ម់។
1CO 10:29 តា​នៃ​គ៝ប់​មោ​គែស​អោស​ងើយ​មា​នូយ្ស​នហ៝ម់​ខាន់​អៃ​មៃ​នើម គ៝ប់​ងើយ​មា​នូយ្ស​នហ៝ម់​ពាង់​អី​នាក់​មឞើស​នៃ។ លាស​តា​នូយ្ស​នហ៝ម់​ឞ៝ន់​នើម​លែៈ​គឹត​ទី ជាន​ទោ មោ​ខាច់​អោស​ក្លាច​រាវៃ​នាវ​ឞូ​មឹន​ឞូ​លាស។
1CO 10:30 លាស​គ៝ប់​ឆោង​ឆា​នទើ​អី​គ៝ប់​លែៈ​ជេស​លាស​អ្វែស​មា​កោរាញ​ឞ្រាស លាស​នទ្រី​ឞូ​អេង​មោ​អោស​ហោម​ទី​ជឺច​មា​នទើ​ឆោង​ឆា​អី​នៃ។
1CO 10:31 លាស​នទ្រី​ម៝ស​នទើ​ខាន់​អៃ​មៃ​ឆោង​ឆា មោ​លាស​ញេត មោ​លាស​ម៝ស​នទើ​ជាន​កាដោយ ទឹង​លែៈ​នទើ​ខាន់​អៃ​មៃ​ជាន​គៃ​មា​អ៝ន់​យើក​កោរាញ​ឞ្រាស​នើម​ហ៝ៈ។
1CO 10:32 អ៝ន់​ខាន់​អៃ​មៃ​លើយ​អោស​ជាន​ទូ​នតីល​នទើ​នាវ​ងកីង​មពែស​មា​នាវ​ញឆីង ឞ៝ល​លាស​ផូង​អីឆ្រាអែល  ផូង​អី​មោ​ទី​ផូង​អីឆ្រាអែល  ខាន់​ពាង់​ញឆីង​មា​ឞ្រាស​ក្រីស ​មោ​លាស​មោ​ញឆីង​កាដោយ។
1CO 10:33 គ៝ប់​នើម​កើត​នទ្រី​ដ៝ង់ ទឹង​លែៈ​នទើ​គ៝ប់​ជាន គ៝ប់​ញឆ្រោយ្ស​ជាន​គៃ​មា​អ៝ន់​ទី​នូយ្ស​នហ៝ម់​ទឹង​លែៈ​ឞូនុយ្ស គ៝ប់​មោ​អោស​ជ៝យ​គៃ​មា​អ្វែស​មា​ឆាក់​គ៝ប់​នើម​ទើម គ៝ប់​ញឆ្រោយ្ស​ជ៝យ​គៃ​មា​អ្វែស​ទឹង​លែៈ​ឞូនុយ្ស គៃ​មា​ខាន់​ពាង់​គែស​នាវ​រាក្លាយ្ស។
1CO 11:1 អ៝ន់​ខាន់​អៃ​មៃ​ជាន​តឹង​គ៝ប់ កើត​គ៝ប់​ជាន​តឹង​ឞ្រាស​ក្រីស ​នើម​ដ៝ង់។
1CO 11:2 [អើ​អ៝ស​នោ​តា​នាវ​ញឆីង] គ៝ប់​រាម់​មអាក​មា​ខាន់​អៃ​មៃ​ហោម​កាស​គឹត​គ៝ប់ គ៝ប់​រានេ​ខាន់​អៃ​មៃ យ៝រ​លាស​ទឹង​លែៈ​នទើ​អី​គ៝ប់​លែៈ​ដើន​នតុម​នតី​ខាន់​អៃ​មៃ​នើស ខាន់​អៃ​មៃ​ញអោត​ជាន​តឹង​កើត​ទាទេ។
1CO 11:3 យើន​មា​គ៝ប់​អុច​មឞើស​អ៝ន់​ខាន់​អៃ​មៃ​គឹត ឞ្រាស​ក្រីស ​ជេង​តឹម​ឞាន​មា​ឞោក​មា​ទឹង​លែៈ​ឞូ​ក្លោ ឆាយ​ជេង​តឹម​ឞាន​មា​ឞោក​មា​អូរ​ពាង់​នើម ជេសរី​កោរាញ​ឞ្រាស​ជេង​តឹម​ឞាន​មា​ឞោក​មា​ឞ្រាស​ក្រីស ។
1CO 11:4 ឞូ​ម៝ស​ឞូ​ក្លោ​អី​មឞើស​ឆើម មោ​លាស​នតើយ្ស​នាវ​ងើយ​កោរាញ​ឞ្រាស​នអ៝ប់​មា​គែស​នទើ​នទោ​តា​ឞោក ឞូ​ក្លោ​អី​នៃ​ជេង​មឺច​មា​ឞ្រាស​ក្រីស ។
1CO 11:5 តីស​មា​ឞូ​ម៝ស​ឞូ​អូរ​អី​មឞើស​ឆើម មោ​លាស​នតើយ្ស​នាវ​ងើយ​កោរាញ​ឞ្រាស​មោ​អោស​គែស​នទោ​ឞ៝ក​តា​ឞោក ឞូ​អូរ​អី​នៃ​ជេង​មឺច​មា​ឞ្រាស​ក្រីស  ពាង់​ជាន​កើត​នៃ​តឹម​ឞាន​មា​ពាង់​ក្រែស​លឺន​ឞោក​ដ៝ង់។
1CO 11:6 លាស​ឞូ​ម៝ស​ឞូ​អូរ​អី​មោ​នទោ​ឞ៝ក​តា​ឞោក អ៝ន់​ឞូ​អូរ​អី​នៃ​ក្រែស​លើយ​ឆ៝ក់ មោ​លាស​ក្រែស​លឺន​ឞោក។ លាស​ពាង់​ក្លាច​ដីត​ព្រេង​ក្រែស​លើយ​ឆ៝ក់ មោ​លាស​ក្រែស​លឺន​ឞោក​នៃ អ្យាត់​មា​នទោ​ឞ៝ក​ទោ។
1CO 11:7 ឞូ​ក្លោ​មោ​អោស​ទី​នទោ​ឞ៝ក​តា​ឞោក យ៝រ​លាស​កោរាញ​ឞ្រាស​ញជេង​ឞូ​ក្លោ​តឹម​ឞាន​មា​ពាង់​នើម នទ្រី​ឞូ​ក្លោ​ញហើ​នាវ​ច្រេក​លើប​កោរាញ​ឞ្រាស​អ៝ន់​ឞូ​ឆៃ។ យើន​មា​ឞូ​អូរ​ញហើ​នាវ​ច្រេក​លើប​ឞូ​ក្លោ​អ៝ន់​ឞូ​ឆៃ‌
1CO 11:8 យ៝រ​លាស​ឞើស​នតើម​នើស​កោរាញ​ឞ្រាស​មោ​អោស​ញជេង​អាដាម់ ​អី​ឞូ​ក្លោ​ល៝រ​ឞូ​លោស​ឞើស​ឞូ​អូរ ពាង់​ញជេង​ឞូ​អូរ​អី​លោស​ឞើស​ឞូ​ក្លោ។
1CO 11:9 ជេសរី​កោរាញ​ឞ្រាស​មោ​អោស​ញជេង​ឞូ​ក្លោ​គៃ​មា​តឹម​កើល​ឞូ​អូរ ពាង់​ញជេង​ឞូ​អូរ​គៃ​មា​តឹម​កើល​ឞូ​ក្លោ។
1CO 11:10 យ៝រ​មា​នទើ​អី​នៃ នអ៝ប់​មា​ផូង​តោង​ពារ់ ទី​មា​ឞូ​អូរ​នទោ​ឞ៝ក​តា​ឞោក​ពាង់​នើម ជេង​នទើ​ញហើ​អី​ឆាយ​គែស​នាវ​ទើយ​មា​ពាង់។
1CO 11:11 យើន​មា​តា​នាប់​មាត់​កោរាញ​យេឆូ  មោ​អោស​គែស​ឞូ​អូរ​លាស​មោ​គែស​ឞូ​ក្លោ ជេសរី​មោ​អោស​គែស​ឞូ​ក្លោ​លាស​មោ​គែស​ឞូ​អូរ​ដ៝ង់ ខាន់​ពាង់​តឹម​កើល​ឞាល់។
1CO 11:12 យើន​មា​ឞ៝ល​លាស​ឞូ​អូរ​ទាក​ឞោក​លោស​ឞើស​ឞូ​ក្លោ ទឹង​លែៈ​ឞូ​ក្លោ​អេង​ឞើស​កើយ​ទែស​តាៈ​ឞើស​ឞូ​អូរ ជេសរី​ទឹង​លែៈ​នទើ​លោស​តាៈ​ឞើស​កោរាញ​ឞ្រាស​នើម​ទាទេ។
1CO 11:13 ល៝ង់​ខាន់​អៃ​មៃ​ងក្ល៝ន់​អេង​ឆាក់​ខាន់​អៃ​មៃ​នើម​ហែស៖ ទី​ដ៝ង់​ឞើស លាស​អ៝ន់​ឞូ​អូរ​មឞើស​ឆើម​មា​កោរាញ​ឞ្រាស​មោ​គែស​នទោ​ឞ៝ក​តា​ឞោក?
1CO 11:14 ល៝ង់​មពែស​មា​ឞូ​ក្លោ អើម​មោ​គឹត​នហេល​លាស​ជេង​នទើ​ដីត​ព្រេង​មា​រ៝ង​ឆ៝ក់​ជ៝ង?
1CO 11:15 យើន​មា​មពែស​មា​ឞូ​អូរ រ៝ង​ឆ៝ក់​ជ៝ង​ជេង​អ្វែស​ងាន់​មា​ខាន់​ពាង់។ កោរាញ​ឞ្រាស​លែៈ​អ៝ន់​ខាន់​ពាង់​រ៝ង​ឆ៝ក់​ជ៝ង​នៃ ជេង​នទើ​នទោ​តា​ឞោក​ខាន់​ពាង់​នើម។
1CO 11:16 យើន​មា​លាស​គែស​ឞូនុយ្ស​អុច​តឹម​រាលាច់​មា​នាវ​អី​នៃ ហេន​មោ​វៃ​អោស​ជាន​អេង​ឞើស​នទើ​អី​នៃ ជេសរី​តា​ផូង​ញឆីង​មា​កោរាញ​ឞ្រាស​ទឹង​លែៈ​នតុក​អេង​ជឹត​ក៝ៈ​មោ​វៃ​ជាន​អេង​ឞើស​នទើ​អី​នៃ​ដ៝ង់។
1CO 11:17 នាវ​គ៝ប់​មឞើស​អី​ជឹត​នាប់​អ្យា គ៝ប់​មោ​គែស​អោស​រានេ​ខាន់​អៃ​មៃ យ៝រ​លាស​នាវ​រាបុន​ខាន់​អៃ​មៃ​មោ​អោស​តឹម​កើល​រាទ៝ក់​ញជេង យើន​មា​គែស​នាវ​ងគ្រ៝ស​ច្រាវ។
1CO 11:18 យ៝រ​លាស​គ៝ប់​លែៈ​តាង់​នោក​ខាន់​អៃ​មៃ​គុ​រាបុន​តា​នាប់​កោរាញ​ឞ្រាស ខាន់​អៃ​មៃ​តឹម​ពាៈ​ផូង ជេសរី​នាវ​អី​នៃ​គ៝ប់​អ្យាត់​ដេៈៗ​ដ៝ង់។
1CO 11:19 អ្យាត់​មា​គែស​នាវ​តឹម​ពាៈ​ផូង​តា​ខាន់​អៃ​មៃ រី​មើ​ឆៃ​នហេល​ឞូ​ម៝ស​កោរាញ​ឞ្រាស​ទែ​រានេ​តា​ខាន់​អៃ​មៃ។
1CO 11:20 នោក​ខាន់​អៃ​មៃ​គុ​រាបុន ខាន់​អៃ​មៃ​មោ​អោស​ទី​ញេត​ឆា​ងកាស​ក្ល៝ស​អ្វែស‌
1CO 11:21 យ៝រ​លាស​ទូ​ហ្វេ​ទូ​ហ្វេ​ញេត​ឆា​នទើ​អី​ពាង់​នើម​ញអោត​ឞើស​ញីស​ឞើស​ជៃ​ខាន់​ពាង់​នើម មោ​អោស​តឹម​ក៝ប់​ឞាល់ ជេសរី​ឞូនុយ្ស​អាបាៈ​ហោម​ជី​ង៝ត ឞូនុយ្ស​អាបាៈ​លែៈ​ហើម​នអ៝ប់​មា​ញុល។
1CO 11:22 ញីស​ជៃ​ខាន់​អៃ​មៃ​នើម​អើម​មោ​គែស​លាស​មា​គុ​ញេត​គុ​ឆោង​ឆា? មោ​លាស​ខាន់​អៃ​មៃ​អុច​មឺច​ផូង​អី​ញឆីង​កោរាញ​ឞ្រាស នទ្រែល​មា​អុច​អ៝ន់​ផូង​អី​មោ​គែស​នទើ​ឆោង​ឆា​មា​ដីត​ព្រេង? លាស​នទ្រី​មើម​នាវ​គ៝ប់​អុច​ងើយ​មា​ខាន់​អៃ​មៃ? អុច​រានេ​ខាន់​អៃ​មៃ មោ​លាស​មោ? នាវ​អី​នៃ​គ៝ប់​មោ​អោស​រានេ​ខាន់​អៃ​មៃ!
1CO 11:23 គ៝ប់​លែៈ​ឆ៝ៈ​ទើន​ជេស​នាវ​នតី​តាៈ​ឞើស​កោរាញ​យេឆូ ​មឞើស​ដើន​មា​ខាន់​អៃ​មៃ នោក​មាង់​ឞូ​ញុប​ញជុន​ពាង់​ងខឹត​តា​ឆី​តឹម​រាកាង់ ពាង់​ឆ៝ៈ​នុមពាង់‌
1CO 11:24 លាស​អ្វែស​មា​កោរាញ​ឞ្រាស ជេសរី​គិច​នុមពាង់​អី​នៃ​នហ៝​មា​លាស៖ “អ្យា​ជេង​ឆាក់​ជាន់​គ៝ប់​អី​គ៝ប់​អ៝ន់​មា​ខាន់​អៃ​មៃ អ៝ន់​ខាន់​អៃ​មៃ​ជាន​កើត​នអា​លែត​ជឹត​នាប់​តៃ គៃ​មា​កាស​គឹត​មា​គ៝ប់”។
1CO 11:25 កើត​នទ្រី​ដ៝ង់ លែៈ​ជេស​ឆោង​ឆា​នៃ ពាង់​ឆ៝ៈ​ដ៝ង់​កាច៝ក​គែស​នទ្រាញ់​ព្លៃ​យុងយារ​ប៝ន​លាស៖ “នទ្រាញ់​ព្លៃ​យុងយារ​ប៝ន​តា​កាច៝ក​អ្យា​ជេង​នាវ​តឹម​រាង្លាប់​មហែ កោរាញ​ឞ្រាស​នទ្រែល​ខាន់​មៃ។ នាវ​តឹម​រាង្លាប់​មហែ​អី​នៃ គ៝ប់​ជាន​មា​ខាន់​មៃ​មា​មហាម​គ៝ប់។ អាប់​តឹ​ខាន់​មៃ​ញេត អ៝ន់​ជាន​កើត​នអា គៃ​មា​ខាន់​មៃ​ហោម​កាស​គឹត​មា​គ៝ប់”។
1CO 11:26 អាប់​តឹ​ខាន់​អៃ​មៃ​ឆា​នុមពាង់​កើត​នៃ នទ្រែល​មា​ញេត​នទ្រាញ់​ព្លៃ​យុងយារ​ប៝ន​តា​កាច៝ក​កើត​នៃ ជេង​នាវ​ខាន់​អៃ​មៃ​មឞើស​ងក៝ច​នាវ​កោរាញ​យេឆូ ​ខឹត​នហ៝​មា​ត៝ត់​នារ​ពាង់​វាច់​តៃ។
1CO 11:27 លាស​នទ្រី​ឞូ​ម៝ស​អី​ឆា​នុមពាង់​កោរាញ​យេឆូ ​អី​នៃ នទ្រែល​មា​ញេត​នទ្រាញ់​ព្លៃ​យុងយារ​ប៝ន​អី​នៃ​មោ​តឹម​ទី​មា​នាវ​យើក​មា​ឞ្រាស​ក្រីស  ពាង់​អី​នៃ​ជាន​តីស យ៝រ​លាស​មោ​យើក​អោស​មា​ឆាក់​កោរាញ​យេឆូ  នអ៝ប់​មា​មហាម​ពាង់​នើម។
1CO 11:28 អ្យាត់​មា​ទឹង​លែៈ​ឞូនុយ្ស​មេត​អ្វាញ់​អេង​នូយ្ស​នហ៝ម់​ពាង់​នើម​ល៝រ​ប៝ត់ ជេសរី​ទឹង​ឆា​នុមពាង់ នទ្រែល​មា​ញេត​នទ្រាញ់​ព្លៃ​យុងយារ​ប៝ន​តា​កាច៝ក​អី​នៃ‌
1CO 11:29 យ៝រ​លាស​ឞូ​ម៝ស​អី​ឆា​នុមពាង់ នទ្រែល​មា​ញេត​នទ្រាញ់​ព្លៃ​យុងយារ​ប៝ន​តា​កាច៝ក​អី​នៃ​មោ​តឹម​ទី ពាង់​មោ​តឹម​ទី​មា​នាវ​យើក​ឆាក់​ជាន់​កោរាញ​យេឆូ ។ ឞូនុយ្ស​អី​នៃ​តឹម​ឞាន​មា​ឆ៝ៈ​ទោយ្ស​តេៈ​តា​ឆាក់​ពាង់​នើម​តា​នាវ​ញេត​ឆា​អី​នៃ។
1CO 11:30 កើត​នទ្រី​ទឹង​តា​ផូង​ខាន់​អៃ​មៃ​គែស​អ៝ក់​ឞូនុយ្ស​មោ​ហោម​គែស​ឆ្វាន នទ្រែល​មា​គែស​នាវ​ជី ជេសរី​អាបាៈ​ងក្រែ​មា​ខឹត​ដ៝ង់។
1CO 11:31 យើន​មា​លាស​ឞ៝ន់​មេត​អ្វាញ់​អេង​នូយ្ស​នហ៝ម់​ឞ៝ន់​នើម​ល៝រ​ប៝ត់ កោរាញ​ឞ្រាស​មោ​អោស​តេៈ​ទោយ្ស​ឞ៝ន់​អាបៃ​អ្យា​កើត​នៃ។
1CO 11:32 យើន​មា​លាស​កោរាញ​ឞ្រាស​តេៈ​ទោយ្ស​ឞ៝ន់​កើត​នៃ ពាង់​អុច​ជាន​អ៝ន់​ឞ៝ន់​ញាល់ គៃ​មា​មោ​អោស​អ៝ន់​ឞ៝ន់​គែស​ទោយ្ស​នទ្រែល​ទឹង​លែៈ​ឞូនុយ្ស​អី​មោ​ញឆីង​មា​កោរាញ​យេឆូ ​តា​នារ​ងគ្លែៈ​ទុត។
1CO 11:33 អើ​អ៝ស​នោ​តា​នាវ​ញឆីង នោក​ខាន់​អៃ​មៃ​រាបុន​ញេត​ឆា​ងកាស​ក្ល៝ស​អ្វែស​អី​នៃ អ៝ន់​ខាន់​អៃ​មៃ​តឹម​ក៝ប់​នទ្រាង់​នើម​ប៝ត់។
1CO 11:34 លាស​ឞូ​ម៝ស​អី​ជី​ង៝ត​អ៝ន់​ពាង់​ឆោង​ឆា​លើយ​ឞើស​ជៃ​ពាង់​នើម​ល៝រ​ទោ គៃ​មា​លើយ​អ៝ន់​នាវ​គុ​រាបុន​ខាន់​អៃ​មៃ​អី​នៃ​គែស​ទោយ្ស។ នាវ​អី​ហោម​អាបាៈ​អេង​ជឹត ក៝ប់​ត៝ត់​គ៝ប់​ប៝ត់​ទឹង​ងក្រា​អ៝ន់​លែៈ។
1CO 12:1 អើ​អ៝ស​នោ​តា​នាវ​ញឆីង គ៝ប់​អុច​ខាន់​អៃ​មៃ​គឹត​នហេល​មា​នាវ​អី​ឞ្រាស​ហ្វេង​អ្វែស​ទែ​អ៝ន់​ទើម​ទាម។
1CO 12:2 ខាន់​អៃ​មៃ​នើម​លែៈ​គឹត​ជេស នោក​ខាន់​អៃ​មៃ​អេ​ហ៝ៈ​ញឆីង​មា​ឞ្រាស​យេឆូ  គែស​នទើ​អេងៗ​អ៝ន់​ខាន់​អៃ​មៃ​អុច​យើក​មឞាស​រូប​ឞ្រាស​អី​មល៝។
1CO 12:3 កើត​នទ្រី​ទឹង​គ៝ប់​អុច​មឞើស​អ៝ន់​ខាន់​អៃ​មៃ​គឹត​នហេល លាស​ទូ​ហ្វេ​ឞូនុយ្ស​គែស​ឞ្រាស​ហ្វេង​អ្វែស​អី​ក្ល៝ស​អ្វែស​គុ​តា​ពាង់ ឞូនុយ្ស​អី​នៃ​មោ​អោស​ងើយ​លាស៖ “អ៝ន់​ឞ្រាស​យេឆូ ​គែស​នាវ​រាតាប់” ជេសរី​លាស​ឞូ​ម៝ស​មោ​គែស​ឞ្រាស​ហ្វេង​អ្វែស​គុ ក៝ៈ​មោ​គែស​ដ៝ង់​ឞូនុយ្ស​ទើយ​លាស៖ “ឞ្រាស​យេឆូ ​ជេង​កោរាញ ”។
1CO 12:4 នាវ​អ៝ន់​ទើម​ទាម​អី​នៃ​គែស​នតីល​អេងៗ យើន​មា​ទូ​ហ្វេ​ឞ្រាស​ហ្វេង​អ្វែស​ទើម​អី​នាក់​អ៝ន់។
1CO 12:5 នាវ​កើល​ឞូ​គែស​នាវ​ជាន​អេងៗ យើន​មា​កើល​ជាន​អ៝ន់​មា​ទូ​ហ្វេ​កោរាញ​ឞ្រាស​ទើម។
1CO 12:6 នាវ​ជាន​ការ​គែស​នាវ​ជាន​អេងៗ យើន​មា​គែស​ទូ​ហ្វេ​កោរាញ​ឞ្រាស​ទើម​អី​អ៝ន់​នាវ​ទើយ​មា​ជាន​ការ​អេងៗ​អី​នៃ​តា​ទឹង​លែៈ​ឞូនុយ្ស។
1CO 12:7 ឞ្រាស​ហ្វេង​អ្វែស​អ៝ន់​នាវ​ឞ្លាវ​អេងៗ​មា​ទូ​ហ្វេ​ទូ​ហ្វេ​ឞូនុយ្ស​អី​ញឆីង​មា​ឞ្រាស​ក្រីស  គៃ​មា​តឹម​កើល​នទ្រាង់​ឞូនុយ្ស​អី​ញឆីង​មា​នាវ​ឞ្លាវ​អី​នៃ។
1CO 12:8 ទូ​ហ្វេ​ឞូនុយ្ស​ពាង់​អ៝ន់​មឞើស​ងើយ​មា​នាវ​មឹន​គឹត​ឞ្លាវ​ងាន់ ជេសរី​ទូ​ហ្វេ​ឞូនុយ្ស​អេង​ជឹត​ឞ្លាវ​មឞើស​ងើយ​មា​នាវ​គឹត​វ៝ត់​តាៈ​ឞើស​ឞ្រាស​ហ្វេង​អ្វែស គែស​ទូ​ហ្វេ​ឞ្រាស​ហ្វេង​អ្វែស​ទើម​អី​នាក់​អ៝ន់​ទឹង​លែៈ​នាវ​អី​នៃ។
1CO 12:9 មា​ទូ​ហ្វេ​ឞូនុយ្ស​គែស​នាវ​ញឆីង​ទុត​ន៝ប់​អី​ឞូ​អេង​មោ​អោស​គែស គែស​ទូ​ហ្វេ​ឞ្រាស​ហ្វេង​អ្វែស​អី​នៃ​ដ៝ង់​អ៝ន់ ជេសរី​មា​ទូ​ហ្វេ​ឞូនុយ្ស​អេង​ជឹត​ពាង់​អ៝ន់​នាវ​ទើយ​មា​ជាន​ឞាស​ឞូនុយ្ស​គែស​នាវ​ជី​អេងៗ ទូ​ហ្វេ​ឞ្រាស​ហ្វេង​អ្វែស​អី​នៃ​ដ៝ង់​អ៝ន់។
1CO 12:10 ពាង់​អ៝ន់​ទូ​ហ្វេ​ឞូនុយ្ស​ជឹត​អ៝ន់​នាវ​ទើយ​មា​ជាន​នទើ​លែៈ​នាវ​ងាន់ អ៝ន់​ទូ​ហ្វេ​ឞូនុយ្ស​ជឹត​ឞ្លាវ​នតើយ្ស​នាវ​ងើយ​កោរាញ​ឞ្រាស អ៝ន់​ទូ​ហ្វេ​ឞូនុយ្ស​ជឹត​ឞ្លាវ​គឹត​នាល់​ម៝ស​នាវ​តាៈ​ឞើស​កោរាញ​ឞ្រាស​មោ​លាស​មោ អ៝ន់​ទូ​ហ្វេ​ឞូនុយ្ស​ជឹត​ឞ្លាវ​ងើយ​នាវ​ងើយ​អេងៗ​អី​ពាង់​មោ​គែស​នតី ជេសរី​អ៝ន់​ទូ​ហ្វេ​ជឹត​មា​ឞ្លាវ​រាឞ្លាង​ទឹង​លែៈ​នាវ​ងើយ​អី​នៃ។
1CO 12:11 ទឹង​លែៈ​នទើ​អី​នៃ​ជេង​តាៈ​ឞើស​ទូ​ហ្វេ​ឞ្រាស​ហ្វេង​អ្វែស​ទើម​អ៝ន់ ពាង់​ពាៈ​អ៝ន់​មា​ទូ​ហ្វេ​ទូ​ហ្វេ​នទើ​អេងៗ​តឹង​ពាង់​នើម​អុច។
1CO 12:12 ឞ្រាស​ក្រីស ​នតឹត​តឹម​ឞាន​មា​ទូ​ឆាក់​ជាន់​ទើម ឞ៝ន់​អី​ញឆីង​មា​ពាង់​ជេង​នទើ​អេងៗ​តា​ឆាក់​ជាន់​អី​នៃ។ ឞ៝ល​លាស​គែស​អ៝ក់​នទើ​អេងៗ​តា​ឆាក់​ជាន់​ឞូនុយ្ស យើន​មា​ទឹង​លែៈ​នទើ​អី​នៃ​តឹម​រាង្លាប់​ជេង​ទូ​ឆាក់​ជាន់​ទើម។
1CO 12:13 ទឹង​លែៈ​ឞ៝ន់​ឞ៝ល​លាស​ផូង​អីឆ្រាអែល  ឞ៝ល​លាស​ផូង​អី​មោ​ទី​ផូង​អីឆ្រាអែល ​កាដោយ ឞ៝ល​លាស​ឞូនុយ្ស​ទឹក​ឞូ ឞ៝ល​លាស​ឞូនុយ្ស​ក៝ន​មែ​កាដោយ ទឹង​លែៈ​ឞ៝ន់​លែៈ​ជាន​បាប់តែម​យុក​មា​ទាក​មា​ទូ​ហ្វេ​ឞ្រាស​ហ្វេង​អ្វែស​ទើម ជេង​តឹម​រាង្លាប់​ឞាល់​អ៝ន់​ជេង​តឹម​ឞាន​មា​ទូ​ឆាក់​ជាន់​ហ៝ៈ ជេសរី​ទឹង​លែៈ​ឞ៝ន់​លែៈ​ឆ៝ៈ​ទើន​ទូ​ហ្វេ​ឞ្រាស​ហ្វេង​អ្វែស​អី​នៃ​គុ​នទ្រែល​ដ៝ង់។
1CO 12:14 តា​ឆាក់​ជាន់​មោ​អោស​គែស​ទូ​នតីល​នទើ​ទើម គែស​អ៝ក់​នតីល​នទើ។
1CO 12:15 លាស​ជ៝ង់​លាស៖ “យ៝រ​លាស​គ៝ប់​អ្យា​មោ​អោស​ជេង​តី ទឹង​គ៝ប់​មោ​អោស​ជេង​នទើ​តា​ឆាក់​ជាន់​អ្យា” យើន​មា​ជ៝ង់​អី​នៃ​ហោម​អែ​នទើ​តា​ឆាក់​ជាន់​នានាវ​ដ៝ង់។
1CO 12:16 លាស​តោរ​លាស៖ “យ៝រ​លាស​គ៝ប់​អ្យា​មោ​អោស​ជេង​ត្រោម​មាត់ ទឹង​គ៝ប់​មោ​អោស​ជេង​នទើ​តា​ឆាក់​ជាន់​អ្យា” យើន​មា​តោរ​អី​នៃ​ហោម​អែ​នទើ​តា​ឆាក់​ជាន់​នានាវ​ដ៝ង់។
1CO 12:17 លាស​ទឹង​លែៈ​នតីល​នទើ​តា​ឆាក់​ជាន់​ជេង​ត្រោម​មាត់​ទាទេ មាៈ​នទើ​មា​អ្យាត់​តាង់? ជេសរី​លាស​ទឹង​លែៈ​នតីល​នទើ​តា​ឆាក់​ជាន់​ជេង​តោរ​ទាទេ មាៈ​នទើ​មា​គឹត​នាល់​បោ?
1CO 12:18 យើន​មា​កោរាញ​ឞ្រាស​លែៈ​អ៝ន់​ជេស​នទើ​អេងៗ​គុ​តា​នតុក​អេងៗ​តា​ឆាក់​ជាន់​តឹង​ពាង់​នើម​អុច។
1CO 12:19 លាស​ទឹង​លែៈ​រាងោច​ជេង​ទូ​នតីល​នទើ​ទើម លាស​នទ្រី​មើម​ទឹង​ហោម​ជេង​ឆាក់​ជាន់?
1CO 12:20 នទើ​តា​ឆាក់​ជាន់​គែស​អ៝ក់ យើន​មា​ទឹង​លែៈ​នទើ​អី​នៃ​ជេង​ទូ​ឆាក់​ជាន់​ទើម។
1CO 12:21 ត្រោម​មាត់​មោ​ទើយ​លាស​តី៖ “ខាន់​មៃ​អី​នៃ​គ៝ប់​មោ​ខាច់​អោស” ជេសរី​ឞោក​មោ​ដ៝ង់​ទើយ​លាស​ជ៝ង់៖ “ខាន់​មៃ​អី​នៃ​គ៝ប់​មោ​ខាច់​អោស”។
1CO 12:22 យើន​មា​ម៝ស​នទើ​អី​ឞូ​មឹន​មោ​អោស​កើប​ខ្លៃ នទើ​អី​នៃ​ព្លាច់​មា​គែស​នាវ​ខ្លៃ​រាលាវ​ឞូ​ច្រាវ។
1CO 12:23 ជេសរី​ម៝ស​នទើ​អី​ឞ៝ន់​មឹន​មោ​លាង់​អ្វែស​មា​អ្វាញ់ នទើ​អី​នៃ​ព្លាច់​មា​ឞ៝ន់​ងក្រឹ​មា​ឞ៝ក​អាវ​រាលាវ​ឞូ​ច្រាវ។ នទ្រី​ឞ៝ន់​ញជ្រាង់​នទើ​អី​មោ​លាង់​អ្វែស​មា​អ្វាញ់​នៃ​អ៝ន់​អ៝ក់​រាលាវ។
1CO 12:24 ល៝ង់​នទើ​អី​ឞ៝ន់​អ្វាញ់​លែៈ​អ្វែស​ជេស នទើ​អី​នៃ​ឞ៝ន់​មោ​ហោម​ខាច់​មឹន​ជឹត​អោស។ កោរាញ​ឞ្រាស​លែៈ​នទ្រាប់​ជេស​ឆាក់​ជាន់​ឞ៝ន់ នទ្រែល​មា​កើប​ខ្លៃ​ម៝ស​នទើ​អី​ឞូ​មោ​កើប​ខ្លៃ‌
1CO 12:25 គៃ​មា​លើយ​អោស​អ៝ន់​គែស​នាវ​តឹម​រាលាច់​តា​ឆាក់​ជាន់ ជេសរី​គៃ​មា​ទឹង​លែៈ​នទើ​អី​នៃ​អ៝ន់​ឞ្លាវ​តឹម​កើល​នទ្រាង់​នើម។
1CO 12:26 លាស​គែស​ទូ​នតីល​នទើ​គែស​នាវ​ជី ទឹង​លែៈ​នទើ​អាបាៈ​អេង​គែស​នាវ​ជី​ទាទេ​ដ៝ង់ លាស​គែស​ទូ​នតីល​នទើ​អី​ឞូ​កើប​ខ្លៃ ទឹង​លែៈ​នទើ​អាបាៈ​អេង​ជេង​អ្វែស​មអាក​ទាទេ​ដ៝ង់។
1CO 12:27 ខាន់​អៃ​មៃ​ជេង​ឆាក់​ជាន់​ឞ្រាស​ក្រីស ​នើម ជេសរី​ទូ​ហ្វេ​ទូ​ហ្វេ​ជេង​នទើ​អេងៗ​តា​ឆាក់​ជាន់​អី​នៃ។
1CO 12:28 តា​ផូង​ញឆីង​មា​ឞ្រាស​ក្រីស  ល៝រ​ឞូ​កោរាញ​ឞ្រាស​កើយ្ស​អ៝ន់​គែស​មពោល​កោរាញ​អ៝ស​ម៝ន ជេសរី​ពាង់​កើយ្ស​អ៝ន់​គែស​ឞូនុយ្ស​នតើយ្ស​នាវ​ងើយ​ពាង់​នើម ជេសរី​ជឹត​ពាង់​កើយ្ស​អ៝ន់​គែស​ឞូនុយ្ស​នាក់​នតុម​នតី។ ជេស​ឞើស​នៃ​ជឹត​ពាង់​កើយ្ស​អ៝ន់​គែស​ឞូនុយ្ស​នាក់​ជាន​នទើ​នាវ​ខ្លៃ​លែៈ​នាវ​ងាន់ អ៝ន់​ឞូនុយ្ស​នាក់​ជាន​ឞាស​ឞូនុយ្ស​គែស​នាវ​ជី​អេងៗ អ៝ន់​ឞូនុយ្ស​នាក់​ឞ្លាវ​កើល​ឞូ អ៝ន់​ឞូនុយ្ស​នាក់​ឞ្លាវ​ម៝ត់​អ្វាញ់ អ៝ន់​ឞូនុយ្ស​នាក់​ឞ្លាវ​មឞើស​ងើយ​នាវ​ងើយ​អេងៗ​អី​មោ​អោស​គែស​នតី។
1CO 12:29 មោ​ទី​អោស​លែៈ​រាងោច​ឞ៝ន់​ជេង​កោរាញ​អ៝ស​ម៝ន​ទាទេ មោ​ទី​អោស​លែៈ​រាងោច​ឞ៝ន់​ជេង​ឞូនុយ្ស​នាក់​នតើយ្ស​នាវ​ងើយ​កោរាញ​ឞ្រាស​ទាទេ មោ​ទី​អោស​លែៈ​រាងោច​ឞ៝ន់​ជេង​ឞូនុយ្ស​នាក់​នតុម​នតី​ទាទេ មោ​ទី​អោស​លែៈ​រាងោច​ឞ៝ន់​ជាន​នទើ​លែៈ​នាវ​ងាន់​ទាទេ‌
1CO 12:30 មោ​ទី​អោស​លែៈ​រាងោច​ឞ៝ន់​គែស​អ៝ន់​នទើ​ទើម​ទាម​ទើយ​ជាន​ឞាស​ឞូនុយ្ស​គែស​នាវ​ជី​អេងៗ មោ​ទី​អោស​លែៈ​រាងោច​ឞ៝ន់​ឞ្លាវ​មឞើស​ងើយ​នាវ​ងើយ​អេងៗ​ទាទេ មោ​ទី​អោស​លែៈ​រាងោច​ឞ៝ន់​ឞ្លាវ​រាឞ្លាង​ទឹង​លែៈ​នាវ​ងើយ​អី​នៃ​ទាទេ។
1CO 12:31 លាស​នទ្រី​ទឹង​លែៈ​នទើ​ឞ្រាស​ហ្វេង​អ្វែស​អ៝ន់​ទើម​ទាម​អី​នៃ អ៝ន់​ខាន់​អៃ​មៃ​នអើរ​អុច​តឹង​ជ៝យ​នទើ​អី​អ្វែស​រាលាវ​ទោ។ អាបៃ​អ្យា​គ៝ប់​អុច​មឞើស​ងក៝ច​អ៝ន់​មា​ខាន់​អៃ​មៃ​នាវ​អី​អ្វែស​រាលាវ​ឞូ។
1CO 13:1 លាស​គ៝ប់​ឞ្លាវ​នាវ​ងើយ​ទឹង​លែៈ​ឞូនុយ្ស​តា​នែស​នតូ​អ្យា នទ្រែល​មា​ឞ្លាវ​នាវ​ងើយ​តោង​ពារ់​ដ៝ង់ តីស​មា​គ៝ប់​មោ​គែស​អោស​នាវ​រ៝ង់​មា​ឞូ គ៝ប់​ជេង​តឹម​ឞាន​មា​នតែស​ងរោង​ឞូ​តុរ​ចឹង មោ​លាស​នតែស​គ៝ង​ឞូ​គ៝ស​ទើម។
1CO 13:2 លាស​គ៝ប់​ឞ្លាវ​នតើយ្ស​នាវ​ងើយ​កោរាញ​ឞ្រាស នទ្រែល​មា​គឹត​វ៝ត់​ទឹង​លែៈ​នទើ​អី​នទ៝ប់​មពោន​តា​កោរាញ​ឞ្រាស នអ៝ប់​មា​គែស​នាវ​គឹត​វ៝ត់​អាប់​នតីល​ងាន់ ជេសរី​លាស​គ៝ប់​គែស​នាវ​ញឆីង​ទុត​ក្វ៝ង់​ទើយ​ដាៈ​យោក​ទូ​ឞើស​នតុក​អ្យា​គុ​នតុក​អេង តីស​មា​គ៝ប់​មោ​គែស​អោស​នាវ​រ៝ង់​មា​ឞូ គ៝ប់​ជេង​ឞូនុយ្ស​មោ​អោស​គែស​នាវ​ខ្លៃ​ទូ​នតីល។
1CO 13:3 លាស​គ៝ប់​ឆ៝ៈ​ទឹង​លែៈ​ទ្រាប់​នទើ​គ៝ប់​នើម​ពាៈ​អ៝ន់​ឞូ ជេសរី​លាស​គ៝ប់​ជាវ​ឆាក់​គ៝ប់​នើម​អ៝ន់​ឞូ​គុច​ងគ្រេស​យ៝រ​មា​គ៝ប់​តឹង​ឞ្រាស​ក្រីស  តីស​មា​មោ​គែស​អោស​នាវ​រ៝ង់​មា​ឞូ នាវ​អី​នៃ​មោ​គែស​នាវ​ខ្លៃ​មា​គ៝ប់​ទូ​នតីល​ដ៝ង់។
1CO 13:4 ឞូនុយ្ស​អី​គែស​នូយ្ស​នហ៝ម់​រ៝ង់​មា​ឞូ ពាង់​ឞ្លាវ​អ៝ត់​នូយ្ស គែស​នូយ្ស​នហ៝ម់​អ្វែស ជេសរី​មោ​អោស​តឹម​មោ​នាច។ ឞូនុយ្ស​អី​គែស​នូយ្ស​នហ៝ម់​រ៝ង់​មា​ឞូ មោ​នហី​អេង​ឆាក់ មោ​អោស​កើប​អេង​ឆាក់​ពាង់​នើម​ទុត​តា​ពាង់​ទើម។
1CO 13:5 ឞូនុយ្ស​អី​គែស​នូយ្ស​នហ៝ម់​រ៝ង់ មោ​អោស​ជាន​នទើ​មោ​តឹម​ទី​តឹង​មា​នាវ​វៃ មោ​អោស​ជ៝យ​នទើ​អ្វែស​មា​ឆាក់​ពាង់​នើម​ទើម មោ​អោស​គើញ​នូយ្ស មោ​អោស​ហោម​មព្រៃ​នាវ​តីស​ឞូ‌
1CO 13:6 មោ​អោស​អ្វែស​មអាក​មា​នាវ​ក្វែ​នាវ​អ្យើស យើន​មា​អ្វែស​មអាក​មា​នាវ​អី​ងាន់។
1CO 13:7 ឞូនុយ្ស​អី​គែស​នូយ្ស​នហ៝ម់​រ៝ង់​មា​ឞូ អ៝ត់​នូយ្ស​មា​នាវ​តីស​ឞូ​នឹង គែស​នូយ្ស​នហ៝ម់​ញឆីង​នឹង​មា​នទើ​អ្វែស​តា​ឞូ រានើម​នឹង​មា​នទើ​អ្វែស​តា​ឞូ ជេសរី​ញឆ្រោយ្ស​នឹង​ទើយ​អ៝ត់​នាវ​ជេរ​ជ៝ត់។
1CO 13:8 នាវ​រ៝ង់​មោ​អោស​ឞ្លាវ​ទុត យើន​មា​នាវ​នតើយ្ស​នាវ​ងើយ​កោរាញ​ឞ្រាស​មរា​លោច នាវ​ឞ្លាវ​នាវ​ងើយ​អេងៗ​មរា​លែៈ ជេសរី​នាវ​គឹត​វ៝ត់​មរា​មោ​ហោម​គែស​ខ្លៃ​ដ៝ង់។
1CO 13:9 ម៝ស​នាវ​អី​ឞ៝ន់​គឹត​វ៝ត់​អាបៃ​អ្យា​អេ​ហ៝ៈ​គឹត​លែៈ​អោស ជេសរី​ម៝ស​នាវ​អី​ឞូ​នតើយ្ស​នាវ​ងើយ​កោរាញ​ឞ្រាស​មោ​ហ៝ៈ​គឹត​លែៈ​ដ៝ង់។
1CO 13:10 យើន​មា​ត៝ត់​នារ​កោរាញ​ឞ្រាស​អ៝ន់​ទឹង​លែៈ​នាវ​លែៈ​ជេង​ទុត​អ្វែស​លែៈ​ផ្យៅ នាវ​អី​មោ​ហ៝ៈ​ទុត​អ្វែស​អាបៃ​អ្យា នាវ​អី​នៃ​មោ​ហោម​គែស​អោស។
1CO 13:11 នោក​គ៝ប់​ហោម​ក៝ន​ឆែ គ៝ប់​មឞើស​ងើយ​តឹម​ឞាន​មា​ក៝ន​ឆែ គ៝ប់​គែស​នាវ​មឹន​តឹម​ឞាន​មា​ក៝ន​ឆែ ជេសរី​នាវ​គ៝ប់​មឹន​ងក្ល៝ន់​តឹម​ឞាន​មា​ក៝ន​ឆែ​ដ៝ង់។ ត៝ត់​មា​គ៝ប់​លែៈ​ក្វ៝ង់​ជេស ទឹង​លែៈ​នាវ​អី​ហោម​ឞើស​ក៝ន​ឆែ​នើស​គ៝ប់​មអារ់​លើយ។
1CO 13:12 អាបៃ​អ្យា​ឞ៝ន់​នាល់​កោរាញ​ឞ្រាស​អេ​ហ៝ៈ​នហេល​អោស ហោម​អែ​ថុល តឹម​ឞាន​មា​អ្វាញ់​ឆាក់​នើម​តា​នទើ​អ្វាញ់​មុស​មាត់​អី​មោ​លាង់​ឆៃ​នហេល តា​ជឹត​នាប់​តៃ​រី​មើ​ឞ៝ន់​ឆៃ​នហេល​ពាង់​ឞើស​នៃ​ឞើស​អ្យា។ អាបៃ​អ្យា​ឞ៝ន់​នាល់​ពាង់​អេ​ហ៝ៈ​នហេល​អោស លែត​ជឹត​នាប់​តៃ​រី​មើ​ឞ៝ន់​នាល់​ពាង់​នហេល​នានេៈ តឹម​ឞាន​មា​ពាង់​លែៈ​នាល់​ឞ៝ន់​នហេល​នានេៈ​ដ៝ង់។
1CO 13:13 គែស​ពែ​នតីល​នាវ​អី​ហោម​នឹង៖ នាវ​ញឆីង នាវ​រានើម នាវ​រ៝ង់ យើន​មា​អី​ខ្លៃ​រាលាវ​ឞូ​ជេង​នាវ​រ៝ង់។
1CO 14:1 ញឆ្រោយ្ស​ជ៝យ​អ៝ន់​គែស​នូយ្ស​នហ៝ម់​រ៝ង់​មា​ឞូ ជេសរី​អុច​នអើរ​កើញ​គែស​នទើ​អេងៗ​អី​ឞ្រាស​ហ្វេង​អ្វែស​អ៝ន់​ទើម​ទាម រាលាវ​ឞើស​នៃ​ជឹត​អ៝ន់​នអើរ​កើញ​ឞ្លាវ​នតើយ្ស​នាវ​ងើយ​កោរាញ​ឞ្រាស។
1CO 14:2 ឞូ​ម៝ស​អី​ងើយ​នាវ​ងើយ​អេងៗ​អី​តាៈ​ឞើស​ឞ្រាស​ហ្វេង​អ្វែស ពាង់​អី​នៃ​ងើយ​មា​កោរាញ​ឞ្រាស​ទើម មោ​អោស​ងើយ​មា​ឞូនុយ្ស យ៝រ​លាស​មោ​គែស​អោស​ឞូនុយ្ស​គឹត​វ៝ត់​នាវ​ពាង់​ងើយ​នៃ ឞ្រាស​ហ្វេង​អ្វែស​ឆើម​អ៝ន់​ពាង់​ងើយ​នាវ​អី​ឞូនុយ្ស​មោ​គឹត។
1CO 14:3 យើន​មា​ឞូ​ម៝ស​អី​ឞ្លាវ​នតើយ្ស​នាវ​ងើយ​កោរាញ​ឞ្រាស ពាង់​អី​នៃ​ងើយ​មា​ឞូនុយ្ស គៃ​មា​តឹម​កើល​រាទ៝ក់​ញជេង គៃ​មា​ញឆុក​ញឆោរ គៃ​មា​ឞ៝ញ​លែង​ឞូ។
1CO 14:4 ឞូ​ម៝ស​អី​ងើយ​នាវ​ងើយ​អេងៗ​អី​នៃ ពាង់​អី​នៃ​រាទ៝ក់​ញជេង​អេង​ពាង់​នើម​ទើម យើន​មា​ឞូ​ម៝ស​អី​នតើយ្ស​នាវ​ងើយ​កោរាញ​ឞ្រាស ពាង់​អី​នៃ​រាទ៝ក់​ញជេង​ទឹង​លែៈ​ផូង​អី​ញឆីង​មា​ឞ្រាស​ក្រីស ។
1CO 14:5 គ៝ប់​អុច​ទឹង​លែៈ​ខាន់​អៃ​មៃ​ឞ្លាវ​ងើយ​នាវ​ងើយ​អេងៗ​អី​នៃ យើន​មា​អី​រាលាវ​ឞើស​នៃ​ជឹត​គ៝ប់​អុច​ខាន់​អៃ​មៃ​ឞ្លាវ​នតើយ្ស​នាវ​ងើយ​កោរាញ​ឞ្រាស។ ឞូ​ម៝ស​អី​នតើយ្ស​នាវ​ងើយ​កោរាញ​ឞ្រាស​ក្វ៝ង់​រាលាវ​មា​ឞូនុយ្ស​អី​ងើយ​នាវ​ងើយ​អេងៗ​អី​នៃ​ជឹត យើន​មា​លាស​គែស​ទូ​ហ្វេ​ឞូនុយ្ស​អី​ឞ្លាវ​រាឞ្លាង​នាវ​ងើយ​អេងៗ​អី​នៃ លាស​នទ្រី​ពាង់​អី​ងើយ​នាវ​ងើយ​អេងៗ​អី​នៃ​ក្វ៝ង់​តឹម​ឞាន យ៝រ​មា​កើល​រាទ៝ក់​ញជេង​មា​ទឹង​លែៈ​ផូង​ញឆីង​ដ៝ង់។
1CO 14:6 អើ​អ៝ស​នោ​តា​នាវ​ញឆីង លាស​គ៝ប់​ហាន់​អា​ខាន់​អៃ​មៃ ជេសរី​គ៝ប់​ងើយ​នាវ​ងើយ​អេងៗ​អី​នៃ អើម​គែស​នាវ​ខ្លៃ​មា​ខាន់​អៃ​មៃ​បាស? យើន​មា​លាស​គ៝ប់​មឞើស​ងក៝ច​មា​នាវ​តឹម​មពើល​អី​កោរាញ​ឞ្រាស​លែៈ​អ៝ន់​មា​គ៝ប់ មោ​លាស​មឞើស​ងក៝ច​នទើ​អី​គឹត​វ៝ត់ មោ​លាស​នតើយ្ស​នាវ​ងើយ​កោរាញ​ឞ្រាស មោ​លាស​នតុម​នតី​ខាន់​អៃ​មៃ អី​នៃ​អី​គែស​នាវ​ខ្លៃ​មា​ខាន់​អៃ​មៃ។
1CO 14:7 ទឹង​លែៈ​នទើ​ឞូ​ងក្រេស​នទើ​ឞូ​អោស​អី​មោ​អោស​គែស​នាវ​រេស​ហោម​គែស​នតែស​ទាទេ យើន​មា​លាស​នទើ​អី​នៃ​មោ​អោស​នតែស​នហេល មើម​ទឹង​ឞូ​ទើយ​គឹត​នាល់​លាស​អ្យា​ម៝ស​នតីល​នាវ​នតែស។
1CO 14:8 តឹម​ឞាន​នោក​ឞូ​តឹម​លើស នុង​អី​នតែស​ឞូ​អោស​គៃ​មា​ដាៈ​នាវ​មា​ផូង​តាហែន យើន​មា​លាស​នុង​អី​នៃ​នតែស​មោ​នហេល មើម​ទឹង​ឞូ​គឹត​មា​ដាៈ​នទ្រាប់​តឹម​លើស?
1CO 14:9 នាវ​ខាន់​អៃ​មៃ​ងើយ​តឹម​ឞាន​កើត​នៃ​ដ៝ង់។ លាស​ខាន់​អៃ​មៃ​ងើយ​នាវ​ងើយ​អេងៗ​អី​នៃ យើន​មា​លាស​មោ​រាឞ្លាង​អ៝ន់​ឞូ​វ៝ត់​នាវ​ខ្លៃ មើម​ទឹង​ឞូ​គឹត​វ៝ត់​នាវ​ខាន់​អៃ​មៃ​ងើយ​អី​នៃ? លាស​នទ្រី​នាវ​អី​ខាន់​អៃ​មៃ​ងើយ​អី​នៃ​ជេង​មោ​គែស​នាវ​ខ្លៃ។
1CO 14:10 តា​នែស​នតូ​អ្យា​គែស​អ៝ក់​នតីល​នាវ​ងើយ ជេសរី​ទឹង​លែៈ​នាវ​ងើយ​អី​នៃ​គែស​នាវ​ខ្លៃ​ទាទេ​មា​ឞូនុយ្ស​អី​គឹត​វ៝ត់។
1CO 14:11 លាស​គ៝ប់​មោ​គឹត​វ៝ត់​ទូ​នាវ​ងើយ គ៝ប់​ជេង​ឞូ​នាច់​ឞ្រី​អេង​មា​ឞូនុយ្ស​អី​នៃ ជេសរី​ពាង់​អី​ងើយ​ដាស​គ៝ប់​នៃ​ជេង​ឞូ​នាច់​ឞ្រី​អេង​ដាស​គ៝ប់​ដ៝ង់។
1CO 14:12 ខាន់​អៃ​មៃ​កើត​នៃ​ដ៝ង់។ ខាន់​អៃ​មៃ​លែៈ​នអើរ​កើញ​គែស​នាវ​អេងៗ​អី​ឞ្រាស​ហ្វេង​អ្វែស​អ៝ន់​ទើម​ទាម​អី​នៃ លាស​នទ្រី​អ៝ន់​ខាន់​អៃ​មៃ​ញឆ្រោយ្ស​ជ៝យ​ទោ គៃ​មា​រាទ៝ក់​ញជេង​ផូង​ញឆីង។
1CO 14:13 កើត​នទ្រី​ទឹង​ឞូ​ម៝ស​អី​ងើយ​នាវ​ងើយ​អេងៗ​អី​នៃ អ៝ន់​ពាង់​អី​នៃ​មឞើស​ឆើម​ទាន់​អ៝ន់​ឞ្លាវ​រាឞ្លាង​នាវ​អី​នៃ​ដ៝ង់។
1CO 14:14 លាស​គ៝ប់​មឞើស​ឆើម​ងើយ​មា​នាវ​ងើយ​អេងៗ​អី​នៃ នាវ​អី​នៃ​នូយ្ស​នហ៝ម់​គ៝ប់​ទើម​មឞើស​ឆើម យើន​មា​នាវ​មឹន​គ៝ប់​គុ​ទើម​មោ​អោស​គែស​ងក្ល៝ន់។
1CO 14:15 លាស​នទ្រី​មើម​គ៝ប់​ជាន? គ៝ប់​មឞើស​ឆើម​តា​នាវ​ងើយ​អេងៗ​អី​នៃ​តាៈ​ឞើស​នូយ្ស​នហ៝ម់​គ៝ប់​នើម ជេសរី​គ៝ប់​ក៝ៈ​មឞើស​ឆើម​ទ៝ង់​នាវ​មឹន​គ៝ប់​នើម​ដ៝ង់។ គ៝ប់​មព្រើ​តា​នាវ​ងើយ​អេងៗ​អី​នៃ​តាៈ​ឞើស​នូយ្ស​នហ៝ម់​គ៝ប់​នើម ជេសរី​គ៝ប់​ក៝ៈ​មព្រើ​តាៈ​ឞើស​នាវ​មឹន​គ៝ប់​នើម​ដ៝ង់។
1CO 14:16 លាស​ខាន់​អៃ​មៃ​រានេ​កោរាញ​ឞ្រាស​តា​នាវ​ងើយ​អេងៗ​អី​នៃ​តាៈ​ឞើស​នូយ្ស​នហ៝ម់​ខាន់​អៃ​មៃ​នើម​ទើម លាស​នទ្រី​ឞូនុយ្ស​អី​គុ​អ្យាត់​តា​នៃ​មោ​អោស​គឹត​វ៝ត់​នាវ​អី​នៃ​មើម​ឞ្លាវ​លាស៖ “នាវ​អី​នៃ​ទី​ងាន់” មា​នាវ​ខាន់​អៃ​មៃ​ងើយ​លាស​អ្វែស​កោរាញ​ឞ្រាស អោឞាល់​មោ​វ៝ត់​អោស​នាវ​អី​ខាន់​អៃ​មៃ​លាស​នៃ!
1CO 14:17 ក្លាប់​លាស​ខាន់​អៃ​មៃ​លាស​អ្វែស​មា​កោរាញ​ឞ្រាស​កើត​នៃ​លែៈ​ទុត​អ្វែស​ងាន់ តីស​មា​ខាន់​អៃ​មៃ​មោ​គែស​អោស​រាទ៝ក់​ញជេង​ឞូនុយ្ស​អី​គុ​អ្យាត់​តា​នៃ។
1CO 14:18 គ៝ប់​លាស​អ្វែស​កោរាញ​ឞ្រាស យ៝រ​លាស​គ៝ប់​ងើយ​នាវ​ងើយ​អេងៗ​អី​នៃ​ជ៝ៈ​រាលាវ​មា​ទឹង​លែៈ​ខាន់​អៃ​មៃ​ជឹត។
1CO 14:19 យើន​មា​តា​នោក​រាបុន​គ៝ប់​អុច​រាលាវ​ងើយ​តា​ព្រាម់​ត៝ង​ទើម​អី​នាវ​ងើយ​ឞូ​លែៈ​គឹត​វ៝ត់ គៃ​មា​នតុម​នតី​ឞូនុយ្ស​អី​គុ​រាបុន​តា​នៃ ដាស​មា​ងើយ​នាវ​ងើយ​អេងៗ​អី​នៃ ១០០០០ ត៝ង​អី​មោ​គែស​អោស​ទូ​ហ្វេ​ឞូនុយ្ស​គឹត​វ៝ត់។
1CO 14:20 អើ​អ៝ស​នោ​តា​នាវ​ញឆីង ខាន់​អៃ​មៃ​លើយ​អោស​ជេង​តឹម​ឞាន​មា​ក៝ន​ឆែ​តា​នាវ​មឹន។ តីស​មា​តា​នាវ​ជាន​អ្យើស​ហ៝ៈ​អ៝ន់​ខាន់​អៃ​មៃ​ជេង​តឹម​ឞាន​មា​អ៝ស​ឞេ​អី​មោ​ហ៝ៈ​ឞ្លាវ​ជាន​អ្យើស យើន​មា​តា​នាវ​មឹន​អ៝ន់​ខាន់​អៃ​មៃ​ជេង​តឹម​ឞាន​មា​ឞូនុយ្ស​លែៈ​ក្វ៝ង់។
1CO 14:21 តា​នាវ​កោរាញ​ឞ្រាស​ងើយ​លែៈ​គែស​ញចីស​លាស៖ “កោរាញ​ឞ្រាស​លាស៖ «គ៝ប់​មរា​ញជ្វាល់​ផូង​អី​ងើយ​នាវ​ងើយ​អេងៗ‌ ផូង​ឞូនុយ្ស​ឞ្រី​អេង អី​ផូង​ប៝ន​លាន​អី​អ្យា​មោ​គឹត​នាល់‌ គៃ​មា​មឞើស​ងក៝ច​នាវ​មា​ខាន់​ពាង់‌ យើន​មា​ឞ៝ល​លាស​កើត​នៃ​កាដោយ ហោម​អែ​ខាន់​ពាង់​មោ​អ្យាត់​គ៝ប់​ដ៝ង់»”។
1CO 14:22 នទ្រី​ទឹង​ងើយ​នាវ​ងើយ​អេងៗ​អី​នៃ​អី​ឞ្រាស​ហ្វេង​អ្វែស​អ៝ន់ ជេង​នទើ​មឞេន​មា​ផូង​អី​មោ​ញឆីង​ទើម គៃ​មា​ខាន់​ពាង់​ឆៃ​ឞ្រាស​ហ្វេង​អ្វែស​គុ​តា​ឞ៝ន់ មោ​អោស​ទី​នទើ​មឞេន​មា​ផូង​អី​លែៈ​ញឆីង។ ជេសរី​នាវ​នតើយ្ស​នាវ​ងើយ​កោរាញ​ឞ្រាស ជេង​នទើ​គែស​នាវ​ខ្លៃ​មា​ផូង​អី​លែៈ​ញឆីង មោ​អោស​ទី​មា​ផូង​អី​មោ​ញឆីង។
1CO 14:23 នោក​ខាន់​អៃ​មៃ​គុ​រាបុន លាស​ទឹង​លែៈ​ឞូនុយ្ស​គុ​រាបុន​តា​នៃ​មឞើស​ងើយ​នាវ​ងើយ​អេងៗ​អី​នៃ​ទាទេ ជេសរី​លាស​គែស​ឞូ​នាច់​មោ​អោស​គឹត​វ៝ត់​នាវ​អី​នៃ​មាន​មា​ហាន់​លាប់​រាបុន មោ​លាស​គែស​ឞូនុយ្ស​អី​មោ​ញឆីង​ហាន់​លាប់​រាបុន​តា​នៃ​ដ៝ង់ គឹត​លាស​ខាន់​ពាង់​លាស​ខាន់​អៃ​មៃ​ឞូនុយ្ស​ត្រើយ​រ៝!
1CO 14:24 យើន​មា​លាស​ទឹង​លែៈ​ខាន់​អៃ​មៃ​នតើយ្ស​នាវ​ងើយ​កោរាញ​ឞ្រាស​ទាទេ ជេសរី​គែស​ឞូនុយ្ស​អី​មោ​ញឆីង មោ​លាស​ឞូ​នាច់​អី​មោ​គឹត​វ៝ត់​នាវ​អី​នៃ​ហាន់​តា​នៃ​ដ៝ង់ លាស​នទ្រី​ខាន់​ពាង់​មរា​គឹត​វ៝ត់​ឆាក់​ខាន់​ពាង់​នើម​ជេង​ឞូនុយ្ស​តីស​អី​កោរាញ​ឞ្រាស​មរា​តេៈ​ទោយ្ស​តា​នារ​ជឹត​នាប់​តៃ។
1CO 14:25 នោក​នៃ​នទើ​អី​ពោន​នទ៝ប់​តា​នូយ្ស​នហ៝ម់​ខាន់​ពាង់​នើម​រី មរា​ញហើ​អ៝ន់​ឞូ​ឆៃ​រ៝ ជេសរី​ខាន់​ពាង់​មរា​ពាន់​ក្រាប​អា​នែស យើក​មឞាស​កោរាញ​ឞ្រាស​នហ៝​មា​លាស៖ “គែស​កោរាញ​ឞ្រាស​គុ​នទ្រែល​ខាន់​អៃ​មៃ​ងាន់!”
1CO 14:26 អើ​អ៝ស​នោ​តា​នាវ​ញឆីង នោក​ខាន់​អៃ​មៃ​គុ​រាបុន ឞូនុយ្ស​អាបាៈ​មា​មព្រើ​រានេ ឞូនុយ្ស​អាបាៈ​មា​នតុម​នតី ឞូនុយ្ស​អាបាៈ​មា​មឞើស​ងក៝ច​មា​នាវ​តឹម​មពើល​តាៈ​ឞើស​កោរាញ​ឞ្រាស ឞូនុយ្ស​អាបាៈ​មា​ងើយ​នាវ​ងើយ​អេងៗ​អី​នៃ ឞូនុយ្ស​អាបាៈ​ជឹត​មា​រាឞ្លាង​នាវ​ងើយ​អី​នៃ។ អ្យាត់​មា​ទឹង​លែៈ​នទើ​ជាន​អី​នៃ​ជាន​គៃ​មា​រាទ៝ក់​ញជេង​ផូង​អី​ញឆីង។
1CO 14:27 លាស​គែស​ឞូនុយ្ស​ងើយ​នាវ​ងើយ​អេងៗ​អី​នៃ ទុត​អ៝ក់​អ៝ន់​គែស​ឞារ​ពែ​នុយ្ស​ហ៝ៈ​ងើយ ទូ​ហ្វេ​ទូ​តឹ​ទូ​ហ្វេ​ទូ​តឹ ជេសរី​អ៝ន់​គែស​ឞូនុយ្ស​មា​នាក់​រាឞ្លាង​នាវ​ងើយ​អី​នៃ​ដ៝ង់។
1CO 14:28 តា​នោក​រាបុន លាស​មោ​គែស​អោស​ឞូនុយ្ស​មា​នាក់​រាឞ្លាង​នាវ​ងើយ​អី​នៃ ឞូនុយ្ស​អី​ឞ្លាវ​នាវ​ងើយ​អេងៗ​អី​នៃ​អ៝ន់​គុ​រាក់​ក្លាក់​ហ៝ៈ អ៝ន់​ខាន់​ពាង់​ងើយ​កើត​នៃ​ងើយ​អេង​តា​នូយ្ស​នហ៝ម់​ខាន់​ពាង់​នើម នទ្រែល​មា​ងើយ​ដាស​កោរាញ​ឞ្រាស​ហ៝ៈ។
1CO 14:29 មពោល​ឞូនុយ្ស​នតើយ្ស​នាវ​ងើយ​កោរាញ​ឞ្រាស អ៝ន់​ឞារ​ពែ​នុយ្ស​ហ៝ៈ​មឞើស​ងក៝ច ជេសរី​ផូង​ញឆីង​មា​គុ​មេត​អ្វាញ់​ហ៝ៈ។
1CO 14:30 លាស​គែស​ទូ​ហ្វេ​ឞូនុយ្ស​ជឹត​អី​គុ​រាគើប​តា​នៃ គែស​នាវ​តឹម​មពើល​តាៈ​ឞើស​កោរាញ​ឞ្រាស លាស​នទ្រី​អ៝ន់​ឞូនុយ្ស​អី​ទោល​ងើយ​នៃ​រាលូ​ប៝ត់‌
1CO 14:31 យ៝រ​លាស​ទឹង​លែៈ​ខាន់​អៃ​មៃ​អី​ឞ្លាវ​នតើយ្ស​នាវ​ងើយ​កោរាញ​ឞ្រាស​ទើយ​ងើយ​ទាទេ យើន​មា​អ៝ន់​ងើយ​ទូ​ហ្វេ​ទូ​តឹ​ទូ​ហ្វេ​ទូ​តឹ គៃ​មា​ទឹង​លែៈ​ឞាល់​គែស​នាវ​នតុម​នតី នទ្រែល​មា​គែស​រាទ៝ក់​ញជេង​ទាទេ។
1CO 14:32 ឞូនុយ្ស​នតើយ្ស​នាវ​ងើយ​កោរាញ​ឞ្រាស លាស​គែស​នាវ​មា​ងើយ ពាង់​ហោម​ឞ្លាវ​មា​ងើយ មោ​លាស​មោ​ងើយ ទុត​តា​ពាង់​នើម​ទើម‌
1CO 14:33 យ៝រ​លាស​កោរាញ​ឞ្រាស​មោ​អុច​អោស​នាវ​អុស​អាស ពាង់​អុច​មា​នាវ​ដាប់​មពាន់។ ទឹង​លែៈ​ផូង​ប៝ន​លាន​កោរាញ​ឞ្រាស​តា​អាប់​នតុក តា​នោក​គុ​រាបុន‌
1CO 14:34 អ៝ន់​ឞូ​អូរ​គុ​អ្យាត់​ឆាក់​រាក់​ក្លាក់។ អ៝ន់​ខាន់​អៃ​មៃ​ជាន​កើត​នៃ​ដ៝ង់ មោ​ទី​អោស​អ៝ន់​ឞូ​អូរ​ងើយ​តា​នោក​រាបុន​នៃ អ៝ន់​ខាន់​ពាង់​គុ​អ្យាត់​ឞូ​ហ៝ៈ កើត​មា​លែៈ​គែស​ញចីស​ជេស​តា​នាវ​វៃ​មោឆេ ។
1CO 14:35 លាស​ខាន់​ពាង់​អុច​គឹត​ទូ​នតីល​នាវ អ៝ន់​អោប​អេង​អី​ឆាយ​ខាន់​ពាង់​នើម​អា​ជៃ យ៝រ​លាស​មោ​អោស​ទី​មា​ឞូ​អូរ​ងើយ​តា​នោក​រាបុន។
1CO 14:36 អើម​នាវ​កោរាញ​ឞ្រាស​នតើម​ទូ​លោស​ឞើស​ខាន់​អៃ​មៃ​លាស? អើម​នាវ​ពាង់​ត៝ត់​តា​ខាន់​អៃ​មៃ​ទើម​លាស?
1CO 14:37 លាស​គែស​ទូ​ហ្វេ​ឞូនុយ្ស​លាស​អេង​ឆាក់​ពាង់​នើម​អី​ឞូនុយ្ស​នតើយ្ស​នាវ​ងើយ​កោរាញ​ឞ្រាស មោ​លាស​ឞូនុយ្ស​អី​លែៈ​គឹត​វ៝ត់​នទើ​អី​គែស​ខ្លៃ​តា​កោរាញ​ឞ្រាស អ៝ន់​ពាង់​អី​នៃ​ឆ៝ៈ​ទើន​នាវ​អី​គ៝ប់​ញចីស​នៃ នាវ​អី​នៃ​ជេង​នាវ​ដាៈ​តាៈ​ឞើស​កោរាញ​ឞ្រាស​ងាន់។
1CO 14:38 លាស​ឞូ​ម៝ស​អី​មោ​ឆ៝ៈ​ទើន​នាវ​អី​គ៝ប់​ញចីស​អ្យា កោរាញ​ឞ្រាស​ក៝ៈ​មោ​រ៝ម​ពាង់​អី​នៃ​ដ៝ង់។
1CO 14:39 អើ​អ៝ស​នោ​តា​នាវ​ញឆីង នអើរ​កើញ​ហ៝ម់​នតើយ្ស​នាវ​ងើយ​កោរាញ​ឞ្រាស ជេសរី​លើយ​អោស​ឞ្វៃ​មោ​អ៝ន់​ឞូ​ងើយ​នាវ​ងើយ​អេងៗ​អី​នៃ។
1CO 14:40 យើន​មា​ទឹង​លែៈ​នទើ​ជាន អ្យាត់​មា​ជាន​អ៝ន់​តឹម​ទី នទ្រែល​មា​មោ​អោស​គែស​នាវ​អុស​អាស។
1CO 15:1 អើ​អ៝ស​នោ​តា​នាវ​ញឆីង គ៝ប់​អុច​ងកាស​តោរ​ខាន់​អៃ​មៃ​មា​នាវ​មហែ​មហាន​អ្វែស​អី​គ៝ប់​មឞើស​ងក៝ច​អ៝ន់​មា​ខាន់​អៃ​មៃ​នើស ជេង​នាវ​មហែ​មហាន​អ្វែស​អី​ខាន់​អៃ​មៃ​លែៈ​ឆ៝ៈ​ទើន​នើស នហ៝​មា​អី​ហោម​ញអោត​ន៝ប់​ដ៝ង់។
1CO 15:2 លាស​ខាន់​អៃ​មៃ​ញអោត​ន៝ប់​នាវ​មហែ​មហាន​អ្វែស​អី​គ៝ប់​លែៈ​មឞើស​ងក៝ច​មា​ខាន់​អៃ​មៃ​នៃ​នើស ខាន់​អៃ​មៃ​គែស​នាវ​រាក្លាយ្ស​យ៝រ​មា​នាវ​មហែ​មហាន​អ្វែស​អី​នៃ​ដ៝ង់។ យើន​មា​លាស​ខាន់​អៃ​មៃ​នត្លើយ​លើយ នាវ​ញឆីង​ខាន់​អៃ​មៃ​ជេង​ទើម​ទាម។
1CO 15:3 គ៝ប់​លែៈ​ជេស​មឞើស​ងក៝ច​មា​ខាន់​អៃ​មៃ​នាវ​អី​ទុត​ខ្លៃ ជេង​នាវ​អី​ឞូ​ដើន​មឞើស​ងក៝ច​អ៝ន់​មា​គ៝ប់ នាវ​អី​នៃ​ជេង​ឞ្រាស​ក្រីស ​លែៈ​ខឹត​ជេស​គៃ​មា​រាក្លាយ្ស​ឞ៝ន់​ឞើស​កោរាញ​ឞ្រាស​តេៈ​ទោយ្ស​យ៝រ​មា​នាវ​តីស ទី​កើត​នាវ​កោរាញ​ឞ្រាស​ងើយ។
1CO 15:4 ឞូ​ត៝ប់​ពាង់​តា​មោច ជេសរី​ត៝ត់​ពែ​នារ​ពាង់​ទ៝ក់​រេស ជេង​ទី​កើត​នាវ​កោរាញ​ឞ្រាស​ងើយ​ដ៝ង់។
1CO 15:5 ពាង់​ញហើ​ឆាក់​អ៝ន់​ពេត្រោស ​ឆៃ ជេសរី​អ៝ន់​ទឹង​លែៈ ១២ នុយ្ស​មពោល​កោរាញ​អ៝ស​ម៝ន​ឆៃ​ដ៝ង់។
1CO 15:6 ឞើស​កើយ​នៃ​ពាង់​ញហើ​ដ៝ង់​អ៝ន់​អ៝ស​នោ​តា​នាវ​ញឆីង​ឆៃ អ៝ក់​ឞូនុយ្ស​រាលាវ ៥០០ នុយ្ស ឆៃ​ទឹង​លែៈ​មា​ឞាល់​ទូ​តឹ​ទើម។ ផូង​អី​ឆៃ​នៃ​អាបៃ​អ្យា​អ៝ក់​ហោម​រេស ដេៈ​ទើម​អី​លែៈ​ខឹត។
1CO 15:7 ឞើស​កើយ​នៃ​ជឹត ពាង់​ញហើ​ដ៝ង់​ឆាក់​អ៝ន់​យាកើ ​ឆៃ ជេសរី​អ៝ន់​ទឹង​លែៈ​មពោល​កោរាញ​អ៝ស​ម៝ន​ឆៃ​ទូ​តឹ​ជឹត។
1CO 15:8 ងគ្លែៈ​ទុត​ងគ្លែៈ​ទេល​គ៝ប់​អី​ឞូនុយ្ស​តឹម​ឞាន​មា​ក៝ន​ទែស​មោ​តឹម​ទី​ខៃ​អ្យា ហោម​ពាង់​ញហើ​ឆាក់​អ៝ន់​គ៝ប់​ឆៃ​ដ៝ង់។
1CO 15:9 តា​មពោល​កោរាញ​អ៝ស​ម៝ន គ៝ប់​អ្យា​អី​កោរាញ​អ៝ស​ម៝ន​ជេៈ​តា​ន៝ម់​ឞូ ទី​លាស​មោ​អោស​ទី​ឞូ​ក្វាល់​គ៝ប់​អ្យា​កោរាញ​អ៝ស​ម៝ន យ៝រ​លាស​គ៝ប់​អា​ល៝រ​នើស​លែៈ​ជាន​ជេរ​មា​ផូង​ញឆីង​មា​កោរាញ​ឞ្រាស​នើម។
1CO 15:10 យ៝រ​មា​តាៈ​ឞើស​នាវ​អ្វែស​កោរាញ​ឞ្រាស​នើម ទឹង​គ៝ប់​គែស​កើត​នអា។ នាវ​អ្វែស​កោរាញ​ឞ្រាស​អ៝ន់​មា​គ៝ប់​មោ​អោស​ជេង​ទើម​ទាម យ៝រ​លាស​គ៝ប់​លែៈ​ជាន​ការ​អ៝ក់​រាលាវ​មា​មពោល​កោរាញ​អ៝ស​ម៝ន​អាបាៈ​អេង​ជឹត យើន​មា​មោ​គែស​គ៝ប់​អោស​ជាន​ការ​អី​នៃ នាវ​អ្វែស​កោរាញ​ឞ្រាស​អី​គុ​តា​គ៝ប់​អ៝ន់​គែស​នទើ​ជាន​អី​នៃ។
1CO 15:11 លាស​នទ្រី​ឞ៝ល​លាស​គ៝ប់​កាដោយ ឞ៝ល​លាស​មពោល​កោរាញ​អ៝ស​ម៝ន​អី​នៃ​កាដោយ ហេន​មឞើស​ងក៝ច​នាវ​មហែ​មហាន​អ្វែស​អ្យា ជេង​នាវ​មហែ​មហាន​អ្វែស​អី​ខាន់​អៃ​មៃ​លែៈ​ញឆីង​នៃ។
1CO 15:12 លាស​ហេន​លែៈ​មឞើស​ងក៝ច​ជេស​កោរាញ​ឞ្រាស​លែៈ​ជាន​អ៝ន់​ឞ្រាស​ក្រីស ​ទ៝ក់​រេស​ឞើស​ទឹង​លែៈ​ផូង​ឞូនុយ្ស​ខឹត លាស​នទ្រី​មើម​ទឹង​តា​ផូង​ខាន់​អៃ​មៃ​អាបាៈ​លាស​ឞូនុយ្ស​ខឹត​មោ​អោស​ទ៝ក់​រេស?
1CO 15:13 លាស​ឞូនុយ្ស​ខឹត​មោ​អោស​ទ៝ក់​រេស កោរាញ​ឞ្រាស​ក៝ៈ​មោ​ជាន​អ៝ន់​ឞ្រាស​ក្រីស ​ទ៝ក់​រេស​ដ៝ង់។
1CO 15:14 ជេសរី​លាស​កោរាញ​ឞ្រាស​មោ​អោស​ជាន​អ៝ន់​ឞ្រាស​ក្រីស ​ទ៝ក់​រេស នាវ​អី​ហេន​មឞើស​ងក៝ច​អ្យា​ជេង​ទើម​ទាម​មោ​គែស​នាវ​ខ្លៃ ជេសរី​នាវ​ញឆីង​ខាន់​អៃ​មៃ​នៃ​ជេង​ទើម​ទាម​មោ​គែស​នាវ​ខ្លៃ​ដ៝ង់។
1CO 15:15 លាស​នទ្រី​ហេន​ជេង​ងើយ​ញចើត​មា​កោរាញ​ឞ្រាស យ៝រ​លាស​ហេន​ងក៝ច​លាស​កោរាញ​ឞ្រាស​លែៈ​ជាន​អ៝ន់​ឞ្រាស​ក្រីស ​ទ៝ក់​រេស។ យើន​មា​លាស​កោរាញ​ឞ្រាស​មោ​អោស​ជាន​អ៝ន់​ឞូនុយ្ស​ខឹត​ទ៝ក់​រេស កោរាញ​ឞ្រាស​ក៝ៈ​មោ​ដ៝ង់​ជាន​អ៝ន់​ឞ្រាស​ក្រីស ​ទ៝ក់​រេស‌
1CO 15:16 យ៝រ​លាស លាស​កោរាញ​ឞ្រាស​មោ​អោស​ជាន​អ៝ន់​ឞូនុយ្ស​ខឹត​ទ៝ក់​រេស កោរាញ​ឞ្រាស​ក៝ៈ​មោ​ដ៝ង់​ជាន​អ៝ន់​ឞ្រាស​ក្រីស ​ទ៝ក់​រេស។
1CO 15:17 ជេសរី​លាស​កោរាញ​ឞ្រាស​មោ​អោស​ជាន​អ៝ន់​ឞ្រាស​ក្រីស ​ទ៝ក់​រេស​ងាន់ នាវ​ញឆីង​ខាន់​អៃ​មៃ​ជេង​ទើម​ទាម​មោ​គែស​នាវ​ខ្លៃ ខាន់​អៃ​មៃ​ហោម​គុ​តា​នាវ​តីស​នានាវ។
1CO 15:18 ជេសរី​ទឹង​លែៈ​ឞូនុយ្ស​អី​លែៈ​ខឹត​នអ៝ប់​មា​ញឆីង​មា​ឞ្រាស​ក្រីស  ខាន់​ពាង់​ងក្រែ​មា​រ៝ស​ហេង​ទឹង​លែៈ​ដ៝ង់។
1CO 15:19 លាស​នាវ​រានើម​ឞ៝ន់​មា​ឞ្រាស​ក្រីស ​គែស​នាវ​ខ្លៃ​តា​នាវ​គុ​រេស​តា​នែស​នតូ​អ្យា​ទើម ឞ៝ន់​ជេង​ឞូនុយ្ស​អី​ទី​មា​ឞូ​យោៈ​រាលាវ​មា​ទឹង​លែៈ​ឞូនុយ្ស​អេង។
1CO 15:20 យើន​មា​ទី​ងាន់​ឞ្រាស​ក្រីស ​លែៈ​ទ៝ក់​រេស​ងាន់​ឞើស​ផូង​ឞូនុយ្ស​ខឹត ពាង់​អី​ទ៝ក់​រេស​ល៝រ​ឞូ​តា​ទឹង​លែៈ​ផូង​ឞូនុយ្ស​ខឹត នទ្រី​ឞ៝ន់​គឹត​ឞ៝ន់​មរា​ទ៝ក់​រេស​ដ៝ង់។
1CO 15:21 នាវ​ខឹត​ឞូនុយ្ស​នើស​យ៝រ​មា​ទូ​ហ្វេ​ឞូនុយ្ស​រាញា​អាដាម់  កើត​នទ្រី​ឞូនុយ្ស​ទ៝ក់​រេស​យ៝រ​មា​ទូ​ហ្វេ​ឞូនុយ្ស​ដ៝ង់។
1CO 15:22 ទឹង​លែៈ​ឞូនុយ្ស​ខឹត​យ៝រ​មា​ជេង​រាន៝យ​ទែស​អាដាម់  កើត​នទ្រី​ដ៝ង់​ទឹង​លែៈ​ឞូនុយ្ស​អី​គុ​តឹម​រាង្លាប់​នទ្រែល​ឞ្រាស​ក្រីស ​មរា​ទ៝ក់​រេស‌
1CO 15:23 យើន​មា​ឞ្រាស​ក្រីស ​អី​ទ៝ក់​រេស​ល៝រ​ឞូ ឞើស​កើយ​នៃ​ទឹង​លែៈ​ផូង​អី​ញឆីង​មា​ពាង់​ទ៝ក់​រេស​នោក​ពាង់​ព្លឹ​ត៝ត់​តា​អ្យា​តៃ។
1CO 15:24 ជេសរី​ពាង់​លើស​ហេង​លើយ​ទឹង​លែៈ​កោរាញ​អី​គែស​នាវ​ទើយ អី​គែស​នាវ​ទាង់ អី​គែស​នាវ​ម៝ត់​អ្វាញ់​អាប់​នតីល។ ជេសរី​ត៝ត់​ងគ្លែៈ​ទុត​នែស​នតូ​អ្យា ជេង​នោក​ពាង់​ញជុន​នាវ​ម៝ត់​អ្វាញ់​អ៝ន់​មា​កោរាញ​ឞ្រាស​អី​ឞឹ​ពាង់​នើម។
1CO 15:25 យ៝រ​លាស​អ្យាត់​មា​ឞ្រាស​ក្រីស ​ម៝ត់​អ្វាញ់ នហ៝​មា​ត៝ត់​ពាង់​ងក្លឹ​ទឹង​លែៈ​ផូង​រាលាង់​គុ​តា​ន៝ម់​ជ៝ង់​ពាង់​នើម។
1CO 15:26 ងគ្លែៈ​ទុត​ឞើស​កើយ ពាង់​មរា​ងគ្រ៝ស​លើយ​នាវ​ខឹត​អី​តឹម​ឞាន​មា​នើម​រាលាង់​មា​ឞូនុយ្ស‌
1CO 15:27 យ៝រ​លាស​តា​នាវ​កោរាញ​ឞ្រាស​ងើយ​លែៈ​គែស​ញចីស​លាស​មា​ឞ្រាស​ក្រីស ៖ «កោរាញ​ឞ្រាស​លែៈ​អ៝ន់​ទឹង​លែៈ​នទើ​គុ​តា​ន៝ម់​ជ៝ង់​ពាង់​ទាទេ»។ យើន​មា​តា​នាវ​ពាង់​លាស៖ «ទឹង​លែៈ​នទើ»​កើត​នៃ មោ​អោស​ទី​លាស​នអ៝ប់​មា​កោរាញ​ឞ្រាស​អី​នើម​អ៝ន់​ទឹង​លែៈ​នទើ​គុ​តា​ន៝ម់​ជ៝ង់​ឞ្រាស​ក្រីស ។
1CO 15:28 ត៝ត់​មា​ទឹង​លែៈ​នទើ​លែៈ​គុ​តា​ន៝ម់​ឞ្រាស​ក្រីស ​ទាទេ រី​មើ​ឞ្រាស​ក្រីស ​អី​ក៝ន​កោរាញ​ឞ្រាស​នើម​មរា​គុ​តា​ន៝ម់​កោរាញ​ឞ្រាស​អី​នាក់​លែៈ​ងក្លឹ​ទឹង​លែៈ​នទើ​អ៝ន់​គុ​តា​ន៝ម់​ពាង់​នៃ​នើស គៃ​មា​កោរាញ​ឞ្រាស​នើម​ជេង​កោរាញ​ទាទេ​មា​ទឹង​លែៈ​រាងោច​នទើ។
1CO 15:29 លាស​ឞូនុយ្ស​ខឹត​មោ​អោស​ទ៝ក់​រេស មើម​ទឹង​តា​ផូង​ខាន់​អៃ​មៃ​គែស​ឞូនុយ្ស​អាបាៈ​ឆើម​នតាង​ជាន​បាប់តែម​យុក​មា​ទាក​អ៝ន់​មា​ឞូនុយ្ស​លែៈ​ខឹត? ម៝ស​គែស​នាវ​ខ្លៃ​ឆើម​នតាង​បាប់តែម​យុក​មា​ទាក​លាស​ឞូនុយ្ស​ខឹត​មោ​អោស​ទ៝ក់​រេស?
1CO 15:30 ល៝ង់​ហេន​អ្យា ហេន​ញឆ្រោយ្ស​ជាន​នទើ​អី​ទើយ​អ៝ន់​នាវ​ជេរ​ជ៝ត់​ត៝ត់​ខឹត​ឆាក់​នឹង។ លាស​ឞូនុយ្ស​ខឹត​មោ​ទ៝ក់​រេស ម៝ស​គែស​នាវ​ខ្លៃ?
1CO 15:31 អើ​អ៝ស​នោ​តា​នាវ​ញឆីង ទី​ងាន់​អាប់​នារ​គ៝ប់​លែៈ​ឞើយ​មា​ខឹត​បាបើ។ តឹម​ឞាន​កើត​នៃ​ដ៝ង់​នាវ​គ៝ប់​នហី​ឆាក់​តា​នាប់​មាត់​ឞ្រាស​ក្រីស​យេឆូ ​អី​កោរាញ​ឞ៝ន់ យ៝រ​មា​នាវ​ខាន់​អៃ​មៃ​គុ​តឹម​រាង្លាប់​នទ្រែល​ពាង់​ដ៝ង់។
1CO 15:32 យ៝រ​មា​គ៝ប់​មោ​អោស​គែស​នាវ​រានើម​តា​នាវ​រេស​តា​នែស​នតូ​អ្យា​ទើម នទ្រី​គ៝ប់​មោ​អោស​ក្លាច​តឹម​លើស​ដាស​មពោមពា​(ឆ្យុម)​ទុត​ជាញ​តា​ប៝ន​អេផេឆោ ​នើស។ លាស​ឞូនុយ្ស​ខឹត​មោ​អោស​ទ៝ក់​រេស អ៝ន់​ឞ៝ន់​ជាន​តឹង​ឞូ​វៃ​លាស៖ «អ៝ន់​ឞ៝ន់​គុ​ញេត​ឆោង​ហ៝ៈ‌ យ៝រ​លាស​នារ​អោយ​តៃ​ឞ៝ន់​ខឹត​រ៝»។
1CO 15:33 លើយ​អោស​អ៝ន់​ឞូ​មរោស​ខាន់​អៃ​មៃ យ៝រ​លាស​នាវ​ឞូ​វៃ​លាស​អ្យា​ទី​ងាន់៖ «គុ​នទ្រែល​ឞាល់​មពោល​អ្យើស​ជាន​អ៝ន់​លែវ​នូយ្ស​នហ៝ម់​អ្យើស»។
1CO 15:34 អ៝ន់​ខាន់​អៃ​មៃ​កាស​គឹត​ឆាក់​ហ៝ម់ លើយ​អោស​ហោម​ជាន​តីស យ៝រ​លាស​គែស​ឞូនុយ្ស​អាបាៈ​តា​ផូង​ខាន់​អៃ​មៃ​មោ​អោស​នាល់​កោរាញ​ឞ្រាស គ៝ប់​លាស​កើត​នៃ​ជេង​នទើ​ទី​មា​អ៝ន់​ខាន់​អៃ​មៃ​គែស​នាវ​ដីត​ព្រេង។
1CO 15:35 ក្លាប់​លាស​គែស​ទូ​ហ្វេ​ឞូនុយ្ស​តា​ផូង​ខាន់​អៃ​មៃ​អោប៖ “អា​មើម​គឹត​ទ៝ក់​រេស​ឞូនុយ្ស? អា​មើម​គឹត​ឆាក់​ជាន់​ឞូនុយ្ស​អី​ទ៝ក់​រេស​នៃ?”
1CO 15:36 អើ​ឞូនុយ្ស​រាលូក​ម៝ល់​អី​អោប​កើត​នៃ គារ់​នតីល​អី​ខាន់​អៃ​មៃ​តូច​តា​នែស លាស​ហោម​គារ់​នឹង ហ៝ន​មោ​ឞ្លាវ​ដ៝ង់។
1CO 15:37 គារ់​អី​ខាន់​អៃ​មៃ​តូច​នៃ កើត​លាស​គារ់​ឞា មោ​លាស​គារ់​អា​អេងៗ ត៝ត់​មា​ហ៝ន​មោ​ហោម​អោស​កើត​តឹម​ឞាន​មា​គារ់។
1CO 15:38 យើន​មា​កោរាញ​ឞ្រាស​អ៝ន់​នតីល​គារ់​អេងៗ​ហ៝ន​ជេង​តើម​អេងៗ​ឞាល់ តឹង​ពាង់​នើម​លែៈ​អុច។
1CO 15:39 ទឹង​លែៈ​នទើ​អី​គែស​នាវ​រេស​មោ​គែស​តឹម​ឞាន​ឞាល់​ដ៝ង់ មលៃ​ឞូនុយ្ស​អេង មលៃ​មពោមពា​(ឆ្យុម)​អេង មលៃ​ឆ្យុម​នារ​អេង មលៃ​កា​អេង។
1CO 15:40 គែស​នទើ​អាង​តា​កាលើ​ត្រោក នទ្រែល​មា​គែស​នទើ​តា​នែស​នតូ យើន​មា​នាវ​អ្វែស​នទើ​តា​កាលើ​ត្រោក​ដាស​មា​នាវ​អ្វែស​នទើ​តា​នែស​នតូ​អេងៗ​ឞាល់​ដ៝ង់។
1CO 15:41 នាវ​អ្វែស​នារ ដាស​នាវ​អ្វែស​ខៃ​អ្វែស​អេងៗ​ឞាល់ នាវ​អ្វែស​មាញ់​មឞីង​អ្វែស​អេង​ឞាល់​មា​នារ​មា​ខៃ ជេសរី​នាវ​អ្វែស​ទឹង​លែៈ​មាញ់​មឞីង​អ្វែស​អេងៗ​ឞាល់​ដ៝ង់។
1CO 15:42 ឞូនុយ្ស​ខឹត​ទ៝ក់​រេស​តឹម​ឞាន​កើត​នៃ​ដ៝ង់ ឞូ​ត៝ប់​ឆាក់​ជាន់​ឞូនុយ្ស​ឞ្លាវ​រាហ៝ក យើន​មា​នោក​ឞូនុយ្ស​ទ៝ក់​រេស​ឆាក់​ជាន់​មោ​អោស​ឞ្លាវ​រាហ៝ក។
1CO 15:43 ឞូ​ត៝ប់​ឞូនុយ្ស​មា​នាវ​បឹ​បើច យើន​មា​ឞូនុយ្ស​ទ៝ក់​រេស​មា​នាវ​ច្រេក​លើប ឞូនុយ្ស​គុ​តា​នែស​នតូ​អ្យា​មោ​អោស​គែស​នហ៝ម់​ឆ្វាន យើន​មា​ឞូនុយ្ស​ទ៝ក់​រេស​គែស​នហ៝ម់​ឆ្វាន​ទាង់​កាតាង។
1CO 15:44 ឞូ​ត៝ប់​ពាង់​អី​ឆាក់​ជាន់​ទី​មា​គុ​រេស​តា​នែស​នតូ យើន​មា​ពាង់​ទ៝ក់​រេស​អី​ឆាក់​ជាន់​ទី​មា​គុ​រេស​តា​ប៝ន​អ្វែស។ លាស​លែៈ​គែស​ជេស​ឆាក់​ជាន់​តា​នែស​នតូ មរា​គែស​ឆាក់​ជាន់​តា​ប៝ន​អ្វែស​ដ៝ង់។
1CO 15:45 តា​នាវ​កោរាញ​ឞ្រាស​ងើយ​លែៈ​គែស​ញចីស៖ «ជេសរី​អាដាម់ ​អី​ឞូនុយ្ស​ល៝រ​ឞូ​គែស​នហ៝ម់​គែស​ឆ្វាន​ជេង​រេស​ប្លឺ» យើន​មា​ឞ្រាស​យេឆូ​ក្រីស ​ឞ៝ន់​ទើយ​ក្វាល់​ដ៝ង់​«អាដាម់ ​ងគ្លែៈ​ទុត»​អី​នើម​អ៝ន់​នាវ​រេស​នហ៝​រ៝។
1CO 15:46 មោ​អោស​ទី​នតីល​ឆាក់​ជាន់​អី​គែស​ល៝រ​អី​ទី​មា​គុ​តា​ប៝ន​អ្វែស នតីល​ឆាក់​ជាន់​អី​គែស​ល៝រ​អី​ទី​មា​គុ​តា​នែស​នតូ នតីល​ឆាក់​ជាន់​អី​ទី​គុ​តា​ប៝ន​អ្វែស​ជេង​នតីល​ឆាក់​ជាន់​អី​គែស​ឞើស​កើយ​ជេស​ទ៝ក់​រេស។
1CO 15:47 អាដាម់ ​អី​ឞូនុយ្ស​ល៝រ​ឞូ កោរាញ​ឞ្រាស​ម៝ន​តាៈ​ឞើស​នែស​មោយ។ យើន​មា​ឞ្រាស​ក្រីស ​ជេង​ឞូនុយ្ស​អី​ឞើស​កើយ​លោស​តាៈ​ឞើស​កាលើ​ត្រោក​អី​នតុក​កោរាញ​ឞ្រាស​នើម។
1CO 15:48 ឞូនុយ្ស​អី​គុ​តា​នែស​នតូ​អ្យា គែស​ឆាក់​ជាន់​តឹម​ឞាន​មា​ឞូនុយ្ស​អី​គែស​ជាន​តាៈ​ឞើស​នែស​មោយ​នៃ ឞូនុយ្ស​អី​គុ​តា​កាលើ​ត្រោក គែស​ឆាក់​ជាន់​តឹម​ឞាន​មា​ឞូនុយ្ស​អី​លោស​តាៈ​ឞើស​កាលើ​ត្រោក​នៃ។
1CO 15:49 អាបៃ​អ្យា​ឞ៝ន់​ជេង​កើត​មា​ឞូនុយ្ស​អី​គែស​ជាន​តាៈ​ឞើស​នែស​មោយ​នៃ ជឹត​នាប់​តៃ​ឞ៝ន់​មរា​គែស​ឆាក់​ជាន់​ជេង​តឹម​ឞាន​មា​ឞូនុយ្ស​អី​លោស​តាៈ​ឞើស​កាលើ​ត្រោក​នៃ។
1CO 15:50 អើ​អ៝ស​នោ​តា​នាវ​ញឆីង នាវ​អី​គ៝ប់​ងើយ​នៃ​លាស​ឆាក់​ជាន់​អី​គែស​មលៃ​គែស​មហាម​នហ៝​មា​ឞ្លាវ​រាហ៝ក មោ​អោស​ទើយ​លាប់​គុ​តា​ប៝ន​អ្វែស​នតុក​កោរាញ​ឞ្រាស​មរា​ម៝ត់​អ្វាញ់​តៃ ឆាក់​ជាន់​អី​ឞ្លាវ​រាហ៝ក​មោ​អោស​ទើយ​គុ​រេស​នហ៝​រ៝។
1CO 15:51 គ៝ប់​អុច​មឞើស​ងក៝ច​នទើ​អី​ឞើស​នតើម​នើស​ហោម​នទ៝ប់​មពោន៖ មោ​អោស​គែស​ទឹង​លែៈ​ឞ៝ន់​មរា​ខឹត យើន​មា​ទឹង​លែៈ​ឞ៝ន់​មរា​គែស​រាគ៝ល់​ឆាក់​ជាន់​ទាទេ។
1CO 15:52 ឞ៝ន់​អី​ហោម​គុ​រេស​តា​នោក​ឞ្រាស​ក្រីស ​ព្លឹ​វាច់​គែស​នតែស​នុង​ងគ្លែៈ​ទុត ឞ៝ន់​មរា​គែស​រាគ៝ល់​ឆាក់​ជាន់​តា​ទូ​ប្ល៝ត់ ជេង​ទូ​មរេស​មាត់​ទើម។ យ៝រ​លាស​តា​នោក​នុង​អី​នៃ​នតែស ទឹង​លែៈ​ឞូនុយ្ស​ខឹត​ទ៝ក់​រេស​តៃ​គែស​ឆាក់​ជាន់​មោ​ហោម​អោស​ឞ្លាវ​រាហ៝ក ជេសរី​កោរាញ​ឞ្រាស​មរា​រាគ៝ល់​ឆាក់​ជាន់​ឞ៝ន់​អី​ហោម​រេស​ជេង​មហែ‌
1CO 15:53 យ៝រ​លាស​អ្យាត់​មា​ឆាក់​ជាន់​អី​ឞ្លាវ​រាហ៝ក​អ្យា​មា​រាគ៝ល់​ជេង​ឆាក់​ជាន់​អី​មោ​ឞ្លាវ​រាហ៝ក ឆាក់​ជាន់​អី​ឞ្លាវ​ខឹត​អ្យា​អ្យាត់​មា​រាគ៝ល់​ជេង​ឆាក់​ជាន់​អី​មោ​អោស​ឞ្លាវ​ខឹត។
1CO 15:54 លាស​លែៈ​ត៝ត់​ជេស​ឆាក់​ជាន់​អី​ឞ្លាវ​រាហ៝ក​អ្យា​រាគ៝ល់​ជេង​ឆាក់​ជាន់​មោ​ហោម​អោស​ឞ្លាវ​រាហ៝ក ឆាក់​ជាន់​អី​ឞ្លាវ​ខឹត​អ្យា​រាគ៝ល់​ជេង​ឆាក់​ជាន់​មោ​ហោម​អោស​ឞ្លាវ​ខឹត។ លាស​នទ្រី​នទើ​អី​លែៈ​គែស​ញចីស​លាស៖ «លែៈ​គែស​នាវ​ទើយ​ជេស​មា​នាវ​ខឹត» នាវ​អី​នៃ​លែៈ​លោច​ជេស។
1CO 15:55 «ឞូនុយ្ស​គឹត​មា​ហោម​ខឹត​លាស? ឞូនុយ្ស​គឹត​មា​ហោម​គែស​នាវ​រាង៝ត​រាវៃ​យ៝រ​មា​នាវ​ខឹត​លាស?»
1CO 15:56 តាៈ​ឞើស​នាវ​តីស​ទឹង​ឞ៝ន់​ខឹត តាៈ​ឞើស​នាវ​វៃ​មោឆេ ​ទឹង​ឞ៝ន់​គឹត​លាស​ជាន​តីស​ដាស​នាវ​កោរាញ​ឞ្រាស​ដាៈ។
1CO 15:57 អាបៃ​អ្យា​អ៝ន់​ឞ៝ន់​លាស​អ្វែស​កោរាញ​ឞ្រាស! ពាង់​លែៈ​អ៝ន់​ឞ៝ន់​គែស​នាវ​ទើយ​មា​នាវ​តីស​នអ៝ប់​មា​នាវ​ខឹត នាវ​ទើយ​អី​នៃ​ជេង​តាៈ​ឞើស​នទើ​ឞ្រាស​យេឆូ​ក្រីស ​អី​កោរាញ​ឞ៝ន់​លែៈ​ជាន​នើស។
1CO 15:58 អើ​អ៝ស​នោ​តា​នាវ​ញឆីង​អី​គ៝ប់​រ៝ង់ លាស​នទ្រី​អ៝ន់​ខាន់​អៃ​មៃ​គែស​នូយ្ស​នហ៝ម់​ន៝ប់​រាក៝ក់​ងាន់​តា​នាវ​ញឆីង​មា​កោរាញ​យេឆូ​ក្រីស ។ អ៝ន់​ញឆ្រោយ្ស​ជាន​ការ​មា​កោរាញ​យេឆូ​ក្រីស ​មា​លែៈ​នូយ្ស​នហ៝ម់ យ៝រ​លាស​ខាន់​អៃ​មៃ​លែៈ​គឹត​ជេស នទើ​អី​ខាន់​អៃ​មៃ​ជាន​ការ​មា​ពាង់​នៃ​មោ​អោស​ជេង​ទើម​ទាម។
1CO 16:1 ល៝ង់​នាវ​រាគូម​ព្រាក់​មា​អ៝ន់​ផូង​ប៝ន​លាន​កោរាញ​ឞ្រាស​តា​ប៝ន​យេរូឆាលឹម ៖ អ៝ន់​ខាន់​អៃ​មៃ​តា​ប៝ន​កោរិនតោ ​ជាន​កើត​គ៝ប់​លែៈ​នតិញ​ជេស​មា​ផូង​អី​ញឆីង​តា​ឞ្រី​កាលាតី ​នើស។
1CO 16:2 អាប់​ពើស​តា​នារ​ពើស​អ៝ន់​ខាន់​អៃ​មៃ​ឆ៝ៈ​ព្រាក់​អាបាៈ​អី​ខាន់​អៃ​មៃ​លែៈ​ត៝ង់​ឞើស​នទើ​ទ៝ង់ ព្រាប់​អេង​ល៝រ​តា​ញីស​ជៃ​ខាន់​អៃ​មៃ​នើម គៃ​មា​នោក​គ៝ប់​ត៝ត់​តៃ មោ​ហោម​អោស​ខាច់​ញចោ​មា​នតើម​រាគូម។
1CO 16:3 អ៝ន់​ខាន់​អៃ​មៃ​កើយ្ស​ឞូនុយ្ស​អាបាៈ​ញអោត​ព្រាក់​អី​នៃ​មា​ហាន់​តា​ប៝ន​យេរូឆាលឹម  ត៝ត់​គ៝ប់​អា​ខាន់​អៃ​មៃ​នៃ​តៃ គ៝ប់​មរា​ញចីស​ឆ៝ម់បុត​អ៝ន់​មា​ខាន់​ពាង់​អី​នៃ​ញអោត គៃ​មា​ផូង​ញឆីង​តា​ប៝ន​យេរូឆាលឹម ​រ៝ម​ខាន់​ពាង់។
1CO 16:4 លាស​ទី​មា​គ៝ប់​ហាន់​ដ៝ង់ ហេន​ហាន់​នទ្រែល​ឞាល់។
1CO 16:5 គ៝ប់​អុច​ហាន់​រ៝ៈ​ឞ្រី​មាឆេដោន ​ល៝រ ជេស​ហាន់​រ៝ៈ​ឞ្រី​មាឆេដោន ​នៃ គ៝ប់​មរា​ហាន់​អា​ខាន់​អៃ​មៃ​ដ៝ង់។
1CO 16:6 ក្លាប់​លាស​គ៝ប់​គុ​នទ្រែល​ខាន់​អៃ​មៃ​ឆឹន ជឹត​នារ មោ​លាស​លែៈ​ទូ​ខៃ​ឆ្យាល​ពោស​មោ​គឹត គៃ​មា​អ៝ន់​ខាន់​អៃ​មៃ​កើល​គ៝ប់​ហាន់​តៃ​ជឹត​នាប់​នតុក​អី​គ៝ប់​មរា​ហាន់​ជឹត។
1CO 16:7 គ៝ប់​មោ​អុច​អោស​វែស​អា​ខាន់​អៃ​មៃ​ទូ​ប្ល៝ត់​ទើម យើន​មា​គ៝ប់​រានើម​មរា​គុ​នទ្រែល​ខាន់​អៃ​មៃ​ជ៝ៈ​អ៝យ លាស​កោរាញ​ឞ្រាស​អ៝ន់។
1CO 16:8 យើន​មា​គ៝ប់​ហោម​អុច​គុ​តា​ប៝ន​អេផេឆោ ​អ្យា​នហ៝​មា​ត៝ត់​ជេស​ញេត​បុន ៥០ នារ​ផូង​អីឆ្រាអែល ‌
1CO 16:9 យ៝រ​លាស​កោរាញ​ឞ្រាស​លែៈ​ពើក​មពោង​អ៝ន់​គ៝ប់​មឞើស​ងក៝ច​នាវ​មហែ​មហាន​អ្វែស​តា​ប៝ន​អ្យា​គែស​អ៝ក់​ឞូនុយ្ស​អ្យាត់ ឞ៝ល​លាស​គែស​អ៝ក់​ឞូនុយ្ស​អី​តឹម​រាទ៝ង់​ដាស​គ៝ប់​កាដោយ​ដ៝ង់។
1CO 16:10 លាស​តីមោថេ ​ត៝ត់​អា​ខាន់​អៃ​មៃ ទាន់​រ៝ម​ពាង់​អ៝ន់​អ្វែស លើយ​អោស​អ៝ន់​ពាង់​គែស​នាវ​ក្លាច​ខាន់​អៃ​មៃ យ៝រ​លាស​ពាង់​ឞូនុយ្ស​ជាន​ការ​កោរាញ​ឞ្រាស​កើត​គ៝ប់​ដ៝ង់។
1CO 16:11 លាស​នទ្រី​លើយ​អោស​អ៝ន់​ទូ​ហ្វេ​ឞូនុយ្ស​មឺច​រាម៝ត​ពាង់។ អ៝ន់​កើល​ពាង់​ព្លឹ​ឆឹត​អា​គ៝ប់​មា​នាវ​ដាប់​មពាន់។ គ៝ប់​នទ្រែល​មា​អ៝ស​នោ​តា​នាវ​ញឆីង​តា​អ្យា​គុ​ក៝ប់​ពាង់​រើប​ហើប។
1CO 16:12 ល៝ង់​នោ​អាពោលុស  គ៝ប់​លែៈ​នត្រោល​ពាង់​ហាន់​អា​ខាន់​អៃ​មៃ ហាន់​នទ្រែល​មា​អ៝ស​នោ​អាបាៈ​អេង យើន​មា​ពាង់​អេ​ហ៝ៈ​អុច​អោស​ហាន់​អាបៃ​អ្យា ពាង់​ហោម​ក៝ប់​ម៝ស​នារ​អ្វែស​មា​ពាង់​ហាន់។
1CO 16:13 អ៝ន់​ខាន់​អៃ​មៃ​គុ​ញជ្រាង់​ងាន់​ហ៝ៈ អ៝ន់​គុ​ន៝ប់​តា​នាវ​ញឆីង អ៝ន់​គែស​នូយ្ស​នហ៝ម់​ឞាញ់ នទ្រែល​មា​អ៝ន់​គែស​នហ៝ម់​ឆ្វាន​ទាង់។
1CO 16:14 ទឹង​លែៈ​នទើ​ខាន់​អៃ​មៃ​ជាន អ៝ន់​ជាន​នអ៝ប់​មា​នូយ្ស​នហ៝ម់​រ៝ង់។
1CO 16:15 អើ​អ៝ស​នោ​តា​នាវ​ញឆីង ខាន់​អៃ​មៃ​លែៈ​គឹត​ជេស​រានាក់​វ៝ល់​នោ​ឆាតេផានាស  ខាន់​ពាង់​ជេង​ឞូនុយ្ស​ញឆីង​ល៝រ​ឞូ​តា​ឞ្រី​អាខៃ ​ខាន់​អៃ​មៃ​នៃ ជេសរី​លែៈ​ជាវ​ឆាក់​ខាន់​ពាង់​នើម​មា​ជាន​ការ​អ៝ន់​មា​ផូង​ប៝ន​លាន​កោរាញ​ឞ្រាស។ គ៝ប់​ទាន់​ខាន់​អៃ​មៃ​ហោ​ងាន់‌
1CO 16:16 អ៝ន់​អ្យាត់​មា​ឞូនុយ្ស​អី​គែស​នូយ្ស​នហ៝ម់​កើត​អី​នៃ ជេសរី​អ៝ន់​អ្យាត់​មា​ទឹង​លែៈ​ឞូនុយ្ស​អី​ញឆ្រោយ្ស​ជាន​ការ​នទ្រែល​ខាន់​ពាង់​អី​នៃ​ដ៝ង់។
1CO 16:17 គ៝ប់​រាម់​មអាក​ងាន់​គែស​នោ​ឆាតេផានាស  នោ​ផ៝រតីនាតុស  នទ្រែល​មា​នោ​អាខៃកុស  ខាន់​ពាង់​លែៈ​ត៝ត់​តា​អ្យា។ គ៝ប់​ក្ល៝ង់​ខាន់​អៃ​មៃ យើន​មា​គែស​ខាន់​ពាង់​អី​ពែ​នុយ្ស​អ្យា​ជាន​អ៝ន់​នូយ្ស​នហ៝ម់​គ៝ប់​រាម់​មអាក‌
1CO 16:18 ខាន់​ពាង់​រាថី​នូយ្ស​នហ៝ម់​គ៝ប់ កើត​ខាន់​ពាង់​លែៈ​រាថី​នូយ្ស​នហ៝ម់​ខាន់​អៃ​មៃ​នើស​ដ៝ង់។ អ៝ន់​ខាន់​អៃ​មៃ​យើក​មា​ឞូនុយ្ស​អី​កើត​ខាន់​ពាង់​អី​នៃ​ទោ។
1CO 16:19 ផូង​ញឆីង​តា​ប៝ន​អេងៗ​តា​ឞ្រី​អាឆី ​អ្យា​ទាន់​អោប​នាវ​អ្វែស​លាង់​ខាន់​អៃ​មៃ​ទាទេ។ នោ​អាកីលា  នទ្រែល​មា​យោស​ព្រីឆីល  ឞារ​ហៃ​អូរ​ឆាយ​ខាន់​ពាង់ នអ៝ប់​មា​ទឹង​លែៈ​ផូង​ញឆីង​អី​គុ​រាបុន​តា​ជៃ​ខាន់​ពាង់ អោប​នាវ​អ្វែស​លាង់​ខាន់​អៃ​មៃ​តា​រាញា​កោរាញ​ឞ្រាស​ដ៝ង់។
1CO 16:20 ទឹង​លែៈ​អ៝ស​នោ​តា​នាវ​ញឆីង​គុ​តា​អ្យា​អោប​នាវ​អ្វែស​លាង់​ខាន់​អៃ​មៃ​ទាទេ​ដ៝ង់។ ទាន់​ខាន់​អៃ​មៃ​តឹម​អោប​នាវ​អ្វែស​លាង់​នទ្រាង់​នើម​មា​នាវ​អ្វែស​រាស​រើច។
1CO 16:21 នាវ​អោប​អ្វែស​លាង់​អ្យា គ៝ប់​ពោល ​ញចីស​មា​តី​គ៝ប់​នើម។
1CO 16:22 ឞូ​ម៝ស​អី​មោ​រ៝ង់​កោរាញ​យេឆូ  អ៝ន់​កោរាញ​ឞ្រាស​រាតាប់​ពាង់​អី​នៃ​ទោ។ អើ​កោរាញ​យេឆូ  ទាន់​ព្លឹ​វាច់​ហ៝ម់!
1CO 16:23 ទាន់​នាវ​អ្វែស​កោរាញ​យេឆូ ​គុ​តា​នូយ្ស​នហ៝ម់​ខាន់​អៃ​មៃ!
1CO 16:24 គ៝ប់​រ៝ង់​ទឹង​លែៈ​ខាន់​អៃ​មៃ​តា​ឞ្រាស​ក្រីស​យេឆូ ៕៚
2CO 1:1 ឆ៝ម់បុត​គ៝ប់​ពោល  គ៝ប់​អី​កោរាញ​អ៝ស​ម៝ន​ឞ្រាស​ក្រីស​យេឆូ ​តាៈ​ឞើស​នាវ​អុច​កោរាញ​ឞ្រាស​នើម។ គ៝ប់ នទ្រែល​មា​តីមោថេ ​អី​អ៝ស​នោ​ឞ៝ន់​តា​នាវ​ញឆីង​ទាន់​អោប​នាវ​អ្វែស​លាង់​ផូង​អី​ញឆីង​មា​កោរាញ​ឞ្រាស​តា​ប៝ន​កោរិនតោ  នទ្រែល​មា​ទាន់​អោប​នាវ​អ្វែស​លាង់​ទឹង​លែៈ​ផូង​ប៝ន​លាន​កោរាញ​ឞ្រាស​អី​គុ​លាម​ឞ្រី​អាខៃ ។
2CO 1:2 ទាន់​កោរាញ​ឞ្រាស​ឞឹ​ឞ៝ន់ នទ្រែល​មា​កោរាញ​យេឆូ​ក្រីស  អ៝ន់​នាវ​អ្វែស អ៝ន់​នាវ​ដាប់​មពាន់​មា​ខាន់​អៃ​មៃ។
2CO 1:3 អ៝ន់​រានេ​មា​កោរាញ​ឞ្រាស​អី​ឞឹ​ឞ្រាស​យេឆូ​ក្រីស ​កោរាញ​ឞ៝ន់។ ពាង់​ជេង​ឞឹ​ឞ៝ន់​អី​គែស​នាវ​យោៈ​នអាច​ទុត​ក្វ៝ង់ ពាង់​ជេង​តើម​ទឹង​លែៈ​នាវ​កើល​រាថី​នូយ្ស​នហ៝ម់​អាប់​នតីល។
2CO 1:4 ពាង់​កើល​រាថី​នូយ្ស​នហ៝ម់​ឞ៝ន់​នោក​ឞ៝ន់​រេស​រាញាល់​អាប់​នតីល គៃ​មា​ឞ៝ន់​ឞ្លាវ​កើល​រាថី​នូយ្ស​នហ៝ម់​ឞូនុយ្ស​អី​គែស​នាវ​រេស​រាញាល់ កើត​កោរាញ​ឞ្រាស​លែៈ​កើល​រាថី​មា​ឞ៝ន់។
2CO 1:5 ទាស​អ៝ក់​ឞ៝ន់​លែៈ​គែស​ជេស​នាវ​ជេរ​ជ៝ត់​អេងៗ​យ៝រ​មា​ឞ៝ន់​គុ​នទ្រែល​ឞ្រាស​ក្រីស  លើ​មា​ហោ​ជឹត​ឞ៝ន់​ឆ៝ៈ​ទើន​នាវ​រាថី​តា​នូយ្ស​នហ៝ម់​យ៝រ​មា​ឞ្រាស​ក្រីស ​ដ៝ង់។
2CO 1:6 លាស​ហេន​គែស​រេស​រាញាល់ នទើ​អី​នៃ​គៃ​មា​អ៝ន់​ខាន់​អៃ​មៃ​គែស​រាថី​នូយ្ស​នហ៝ម់ នទ្រែល​មា​គែស​នាវ​រាក្លាយ្ស។ លាស​កោរាញ​ឞ្រាស​រាថី​នូយ្ស​នហ៝ម់​ហេន ហេន​ឞ្លាវ​រាថី​នូយ្ស​នហ៝ម់​ខាន់​អៃ​មៃ ជេសរី​ខាន់​អៃ​មៃ​ទើយ​ញឆ្រោយ្ស​មា​នាវ​ជេរ​ជ៝ត់​អេងៗ​អី​តឹម​ឞាន​មា​នាវ​ជេរ​ជ៝ត់​ហេន​ដ៝ង់។
2CO 1:7 ជេសរី​នោក​ហេន​គុ​មឹន​ខាន់​អៃ​មៃ ហេន​គែស​នាវ​រានើម​ទុត​ន៝ប់​ងាន់ យ៝រ​មា​ហេន​លែៈ​គឹត​នហេល​ត៝ត់​ខាន់​អៃ​មៃ​គែស​នាវ​ជេរ​ជ៝ត់​កើត​ហេន ខាន់​អៃ​មៃ​មរា​គែស​នាវ​រាថី​នូយ្ស​នហ៝ម់​កើត​ហេន​ដ៝ង់។
2CO 1:8 អើ​អ៝ស​នោ​តា​នាវ​ញឆីង ហេន​អុច​ខាន់​អៃ​មៃ​គឹត​នាវ​ជេរ​ជ៝ត់​អី​ហេន​លែៈ​គែស​ជេស​តា​ឞ្រី​អាឆី ​នើស។ តា​នៃ​ហេន​គែស​នាវ​ជេរ​ជ៝ត់​ទុត​ហោ​ងាន់ ឞើយ​មា​ខឹត ហេន​មោ​ហោម​អោស​រានើម​មា​រេស​ជឹត។
2CO 1:9 ហេន​មឹន​លាស​ហេន​មរា​ខឹត​ងាន់​រ៝។ យើន​មា​នទើ​អី​នៃ​គៃ​មា​លើយ​អោស​អ៝ន់​ហេន​ញឆីង​មា​ឆាក់​ហេន​នើម អ៝ន់​ហេន​ញឆីង​មា​កោរាញ​ឞ្រាស​អី​ជាន​ឞូនុយ្ស​ខឹត​អ៝ន់​ទ៝ក់​រេស​ហ៝ៈ។
2CO 1:10 ជេសរី​ពាង់​រាក្លាយ្ស​ហេន​ឞើស​នាវ​ខឹត​ឞើស​នាវ​រ៝ស​ហេង ជេសរី​ជឹត​នាប់​តៃ​ពាង់​ហោម​រាក្លាយ្ស​ដ៝ង់។ ងាន់​រ៝ ហេន​រានើម​ពាង់​ហោម​រាក្លាយ្ស​តៃ​ហេន​ដ៝ង់។
2CO 1:11 ទាន់​ខាន់​អៃ​មៃ​ហោម​កើល​ហេន​តា​នាវ​មឞើស​ឆើម​មា​ហេន​ដ៝ង់។ អ៝ក់​ឞូនុយ្ស​មរា​លាស​អ្វែស​កោរាញ​ឞ្រាស យ៝រ​លាស​ពាង់​អើស​នាវ​មឞើស​ឆើម​អ៝ក់​មា​ហេន​កើត​នៃ។
2CO 1:12 តា​នូយ្ស​នហ៝ម់​ហេន​នើម​លែៈ​គឹត​នហេល នាវ​គុ​ងាវ​ហេន​តា​នែស​នតូ​អ្យា​ហេន​គុ​រាប់​ជាប់​មា​លែៈ​នូយ្ស​នហ៝ម់ ងើយ​នាវ​ងាន់​ទើម ហេន​ជាន​កើត​នៃ​តា​នាប់​ទឹង​លែៈ​ឞូនុយ្ស លើ​មា​ហោ​ជាន​តា​នាប់​ខាន់​អៃ​មៃ។ តា​នាវ​អី​នៃ ហេន​មោ​អោស​ទ៝ង់​នាវ​មឹន​គឹត​ឞ្លាវ​ឞូនុយ្ស យើន​មា​គុ​ងាវ​តឹង​មា​នាវ​កោរាញ​ឞ្រាស​នើម​អុច តាៈ​ឞើស​នាវ​ពាង់​កើល​មា​នាវ​អ្វែស​ពាង់​នើម។ គ៝ប់​រាម់​មអាក​ងាន់​មា​នាវ​អី​នៃ។
2CO 1:13 តា​ឆ៝ម់បុត​ហេន​លែៈ​ញជ្វាល់​អ៝ន់​ខាន់​អៃ​មៃ​នើស ហេន​មោ​អោស​ញចីស​នាវ​ងើយ​ហោរ ហេន​ញចីស​នាវ​ងើយ​ងាន់ នាវ​ងើយ​នហេល នាវ​ងើយ​អី​ខាន់​អៃ​មៃ​ទើយ​គឹត​វ៝ត់​នៃ​ទើម។ ជេសរី​គ៝ប់​រានើម​លាស​ខាន់​អៃ​មៃ​មរា​គឹត​វ៝ត់​ទាទេ​ទឹង​លែៈ​នាវ​ខ្លៃ​ហេន​លែៈ​ញចីស​នើស‌
2CO 1:14 ឞ៝ល​លាស​អាបៃ​អ្យា​ខាន់​អៃ​មៃ​គឹត​វ៝ត់​អាបាៈ​ទើម។ លាស​ខាន់​អៃ​មៃ​គឹត​វ៝ត់​ទាទេ ខាន់​អៃ​មៃ​មរា​រាម់​មអាក​មា​ហេន​តា​នារ​កោរាញ​យេឆូ ​ព្លឹ​វាច់​តា​អ្យា​តៃ កើត​ហេន​មរា​រាម់​មអាក​មា​ខាន់​អៃ​មៃ​ដ៝ង់។
2CO 1:15 យ៝រ​មា​នាវ​គ៝ប់​រានើម​ន៝ប់​កើត​នៃ ទឹង​អា​ល៝រ​នើស​គ៝ប់​អុច​វែស​ខ៝ល់​ខាន់​អៃ​មៃ​ប៝ត់ អេ​ល៝រ​មា​ហាន់​ជឹត​ឞ្រី​មាឆេដោន  ជេសរី​ព្លឹ​វែស​តៃ​តា​ខាន់​អៃ​មៃ​ទូ​តឹ​ជឹត​នោក​ព្លឹ​ឆឹត​ឞើស​ឞ្រី​មាឆេដោន  គៃ​មា​គែស​នាវ​ខ្លៃ​មា​ខាន់​អៃ​មៃ​ឞារ​តឹ។ ជេសរី​គៃ​មា​ខាន់​អៃ​មៃ​កើល​គ៝ប់​ហាន់​តា​ឞ្រី​យូដា ​ដ៝ង់។
2CO 1:17 លាស​នទ្រី​នាវ​អី​គ៝ប់​លែៈ​នទ្រាប់​ជាន​កើត​នៃ អើម​គ៝ប់​គែស​នាវ​មឹន​ព្លាច់​នាប់​ព្លាច់​កើយ​ឞើស? មោ​លាស​នាវ​អី​គ៝ប់​លែៈ​នទ្រាប់​នទើ អើម​គ៝ប់​នទ្រាប់​តឹម​ឞាន​មា​ឞូនុយ្ស​អី​មោ​ញឆីង​មា​ឞ្រាស​ក្រីស  អី​ទូ​តឹ​ងើយ​នអា ទូ​តឹ​ងើយ​នត៝​កើត​នៃ​ឞើស?
2CO 1:18 ឞ៝ន់​លែៈ​គឹត​នហេល​កោរាញ​ឞ្រាស​រាប់​ជាប់​ងាន់ កើត​នទ្រី​ដ៝ង់​នាវ​អី​ហេន​មឞើស​ងក៝ច​មា​ខាន់​អៃ​មៃ​មោ​គែស​អោស​ទូ​តឹ​ងើយ​នអា ទូ​តឹ​ងើយ​នត៝‌
2CO 1:19 យ៝រ​លាស​ឞ្រាស​យេឆូ​ក្រីស ​អី​ក៝ន​កោរាញ​ឞ្រាស​អី​ពែ​នុយ្ស​ហេន​មឞើស​ងក៝ច​អ៝ន់​មា​ខាន់​អៃ​មៃ​នៃ​នើស គែស​គ៝ប់ គែស​ឆីលាស  នអ៝ប់​មា​តីមោថេ  ហេន​មឞើស​ងក៝ច​ពាង់​រាប់​ជាប់​នឹង ពាង់​មោ​គែស​អោស​ងើយ​ទាស​មា​រាព្លាច់​នាប់​រាព្លាច់​កើយ ពាង់​ងើយ​ទូ​ត៝ង​គឹត​លាស​ទូ​ត៝ង​រ៝។
2CO 1:20 ទឹង​លែៈ​នាវ​កោរាញ​ឞ្រាស​ត៝ន​លែៈ​គែស​ងាន់​តា​ឞ្រាស​ក្រីស ​ទាទេ។ កើត​នទ្រី​ទឹង​ឞ៝ន់​លាស «នាវ​អី​នៃ​ទី​ងាន់» នទ្រែល​មា​រានេ​នាវ​ច្រេក​លើប​កោរាញ​ឞ្រាស យ៝រ​មា​នទើ​ឞ្រាស​ក្រីស ​លែៈ​ជាន​មា​ឞ៝ន់។
2CO 1:21 កោរាញ​ឞ្រាស​នើម​អ៝ន់​ហេន នទ្រែល​មា​អ៝ន់​ខាន់​អៃ​មៃ​គែស​នាវ​ញឆីង​ន៝ប់​តា​ឞ្រាស​ក្រីស  នអ៝ប់​មា​កើយ្ស​ឞ៝ន់​អ៝ន់​ជេង​ប៝ន​លាន​ពាង់​នើម។
2CO 1:22 លែៈ​ពាង់​អ៝ន់​ជេស​ឞ្រាស​ហ្វេង​អ្វែស​គុ​តា​នូយ្ស​នហ៝ម់​ឞ៝ន់ ជេង​តឹម​ឞាន​មា​តេៈ​នទើ​ព្លា​ក្រេប​តា​ឞ៝ន់ គៃ​មា​ឞ៝ន់​គឹត​នហេល​ពាង់​មរា​អ៝ន់​ទឹង​លែៈ​នទើ​ពាង់​លែៈ​ត៝ន​មា​ឞ៝ន់​ជឹត​នាប់​តៃ។
2CO 1:23 គែស​កោរាញ​ឞ្រាស​នើម​នាក់​តើម​ឆៃ គ៝ប់​មោ​ហ៝ច​ហាន់​អោស​អា​ប៝ន​កោរិនតោ  យ៝រ​លាស​គ៝ប់​យោៈ​ខាន់​អៃ​មៃ មោ​អុច​លាស​ទាង់​ខាន់​អៃ​មៃ។
2CO 1:24 ហេន​មោ​អុច​ជេង​កោរាញ​ខាន់​អៃ​មៃ អ៝ន់​ខាន់​អៃ​មៃ​អ្យាត់​នាវ​ហេន​ដាៈ​ទើម យ៝រ​លាស​ខាន់​អៃ​មៃ​គែស​នាវ​ញឆីង​ន៝ប់​ងាន់ ហេន​អុច​ជាន​ការ​នទ្រែល​ឞាល់ គៃ​មា​អ៝ន់​ខាន់​អៃ​មៃ​គែស​នូយ្ស​នហ៝ម់​រាម់​មអាក។
2CO 2:1 នទ្រី​ទឹង​គ៝ប់​លែៈ​អុច​ជេស​តា​នូយ្ស​នហ៝ម់​គ៝ប់​នើម គ៝ប់​មោ​អុច​អោស​ហាន់​អា​ខាន់​អៃ​មៃ អ៝ន់​ខាន់​អៃ​មៃ​គែស​នូយ្ស​នហ៝ម់​រាង៝ត​តៃ​ទូ​តឹ​ជឹត​យ៝រ​មា​ម៝ប់​គ៝ប់។
2CO 2:2 លាស​គ៝ប់​លែៈ​ជាន​អ៝ន់​ខាន់​អៃ​មៃ​គែស​នាវ​រាង៝ត លាស​នទ្រី​ខាន់​អៃ​មៃ​អី​លែៈ​គ៝ប់​ជាន​អ៝ន់​រាង៝ត​ជេស មោ​ហោម​អោស​ឞ្លាវ​ជាន​អ៝ន់​គ៝ប់​រាម់​មអាក។
2CO 2:3 ឆ៝ម់បុត​អី​គ៝ប់​ញចីស​ញជ្វាល់​អ៝ន់​មា​ខាន់​អៃ​មៃ​អា​ល៝រ​នើស គ៝ប់​ញចីស​គៃ​មា​នោក​គ៝ប់​ហាន់​ត៝ត់​តា​ខាន់​អៃ​មៃ​នៃ គ៝ប់​មោ​អោស​គែស​នូយ្ស​នហ៝ម់​រាង៝ត គ៝ប់​គែស​នូយ្ស​នហ៝ម់​រាម់​មអាក យ៝រ​លាស​ឆៃ​ខាន់​អៃ​មៃ​អ្យាត់​នាវ​គ៝ប់។ ជេសរី​គ៝ប់​លែៈ​គឹត​ជេស លាស​គ៝ប់​រាម់​មអាក ខាន់​អៃ​មៃ​រាម់​មអាក​នទ្រែល​គ៝ប់​ដ៝ង់។
2CO 2:4 គ៝ប់​ញចីស​ឆ៝ម់បុត​អី​នៃ​ញជ្វាល់​អា​ខាន់​អៃ​មៃ នអ៝ប់​មា​គែស​នូយ្ស​នហ៝ម់​រាង៝ត​រាវៃ​ហោ​ងាន់ នអ៝ប់​មា​គែស​នាវ​ញុម​ហ៝ច​ទាក​មាត់ យើន​មា​គ៝ប់​មោ​អុច​អោស​អ៝ន់​នូយ្ស​នហ៝ម់​ខាន់​អៃ​មៃ​រាង៝ត អុច​ញហើ​អ៝ន់​ខាន់​អៃ​មៃ​គឹត​គ៝ប់​រ៝ង់​មា​ខាន់​អៃ​មៃ​ទុត​ហោ​ងាន់។
2CO 2:5 លាស​ទូ​ហ្វេ​តា​មពោល​ខាន់​អៃ​មៃ​អ៝ន់​គ៝ប់​គែស​នូយ្ស​នហ៝ម់​រាង៝ត ពាង់​អ៝ន់​ទឹង​លែៈ​ខាន់​អៃ​មៃ​គែស​នូយ្ស​នហ៝ម់​រាង៝ត ឞ៝ល​លាស​មោ​ហោ​ពាង់​ហោម​អ៝ន់​នូយ្ស​នហ៝ម់​ខាន់​អៃ​មៃ​រាង៝ត​អាបាៈ។
2CO 2:6 លែៈ​អ៝ក់​ជេស​ឞូនុយ្ស​តា​ផូង​ខាន់​អៃ​មៃ​តេៈ​ទោយ្ស​មា​ពាង់​អី​នៃ លាស​នទ្រី​លែៈ​គាប់​ជេស។
2CO 2:7 អាបៃ​អ្យា​អ៝ន់​ខាន់​អៃ​មៃ​យោៈ​នាវ​តីស​ពាង់ នទ្រែល​មា​នហាវ​នូយ្ស​នហ៝ម់​ពាង់​ទោ ក្លាច​លាស​ពាង់​គែស​នាវ​រាង៝ត​ទុត​ហោ នហ៝​មា​មោ​ហោម​គែស​នាវ​រានើម។
2CO 2:8 នទ្រី​ទឹង​គ៝ប់​ដាៈ​ខាន់​អៃ​មៃ គៃ​មា​អ៝ន់​ពាង់​គឹត​លាស​ខាន់​អៃ​មៃ​រ៝ង់​មា​ពាង់។
2CO 2:9 គ៝ប់​ញចីស​ឆ៝ម់បុត​អី​នៃ គៃ​មា​រាល៝ង​នូយ្ស​នហ៝ម់​ខាន់​អៃ​មៃ អុច​គឹត​អាស​ខាន់​អៃ​មៃ​ជាន​កើត​ទឹង​លែៈ​នាវ​គ៝ប់​ដាៈ​មោ​លាស​មោ។
2CO 2:10 លាស​ខាន់​អៃ​មៃ​យោៈ​នាវ​តីស​មា​ទូ​ហ្វេ​ឞូនុយ្ស​អី​ជាន​តីស គ៝ប់​ក៝ៈ​យោៈ​ពាង់​ដ៝ង់។ នោក​ឞូ​ជាន​តីស​មា​គ៝ប់ គ៝ប់​លែៈ​ជេស​យោៈ​ពាង់​មា​នាវ​តីស​អី​នៃ​តា​នាប់​មាត់​ឞ្រាស​ក្រីស  គៃ​មា​គែស​ខ្លៃ​មា​ខាន់​អៃ​មៃ។
2CO 2:11 លើយ​អោស​អ៝ន់​ឆាតាង់ ​អី​កោរាញ​មពោល​ឞ្រាស​អ្យើស​ទើយ​ដាស​ឞ៝ន់​តា​នាវ​ពាង់​នទើម។ ជេសរី​ឞ៝ន់​លែៈ​គឹត​ជេស​នាវ​ពាង់​អុច​នទ្រាប់​នឹង។
2CO 2:12 នោក​គ៝ប់​ត៝ត់​តា​ប៝ន​ត្រោអាស  គៃ​មា​មឞើស​ងក៝ច​នាវ​មហែ​មហាន​អ្វែស​ឞ្រាស​ក្រីស  ឞ៝ល​លាស​តា​ប៝ន​អី​នៃ​លែៈ​កោរាញ​ឞ្រាស​ពើក​មពោង​មា​គ៝ប់​កាដោយ‌
2CO 2:13 តីស​មា​តា​នូយ្ស​នហ៝ម់​គ៝ប់​មោ​អោស​គែស​នាវ​ដាប់​មពាន់ យ៝រ​លាស​ជ៝យ​អ៝ស​តីតុស ​មោ​ឆៃ។ នទ្រី​ទឹង​គ៝ប់​នតិញ​ខាន់​ពាង់​តា​ប៝ន​ត្រោអាស ​នៃ ជេសរី​គ៝ប់​ហាន់​ជឹត​នាប់​ជឹត​ឞ្រី​មាឆេដោន ​អ្យា គៃ​មា​ជ៝យ​ពាង់​តា​អ្យា។
2CO 2:14 លាស​អ្វែស​មា​កោរាញ​ឞ្រាស​អី​គែស​នាវ​ទើយ​មា​ទឹង​លែៈ​នតីល​នទើ។ តាៈ​ឞើស​នទើ​ឞ្រាស​ក្រីស ​លែៈ​ជេស​ជាន កើត​នទ្រី​ទឹង​ពាង់​លែវ​ហេន​មឞើស​ងក៝ច​តា​អាប់​នតុក គៃ​មា​ឞូ​គឹត​ឆៃ​នាវ​ទើយ​ពាង់ នាវ​មឞើស​ងក៝ច​អី​នៃ​ជេង​តឹម​ឞាន​មា​នហោល​បោ​កាស​តា​លាម​នតុក​អី​ហេន​ហាន់។
2CO 2:15 តា​កោរាញ​ឞ្រាស​ហេន​ជេង​តឹម​ឞាន​មា​នទើ​បោ​កាស​ឞ្រាស​ក្រីស ​នើម​អី​អ៝ន់​មា​ទឹង​លែៈ​ឞូនុយ្ស អ៝ន់​មា​ឞូ​ម៝ស​អី​ទោល​គែស​រាក្លាយ្ស នទ្រែល​មា​អ៝ន់​មា​ឞូ​ម៝ស​អី​មោ​អោស​គែស​រាក្លាយ្ស​ទោល​ហាន់​តា​នាវ​រ៝ស​ហេង​ដ៝ង់។
2CO 2:16 មា​ផូង​អី​រ៝ស​ហេង ហេន​ជេង​តឹម​ឞាន​មា​នទើ​បោ​មា​នាវ​ខឹត យ៝រ​លាស​ខាន់​ពាង់​មរា​ឆ៝ៈ​ទើន​នាវ​តេៈ​ទោយ្ស។ មា​ផូង​អី​គែស​រាក្លាយ្ស ហេន​ជេង​តឹម​ឞាន​មា​នទើ​បោ​មា​នាវ​រេស យ៝រ​លាស​ខាន់​ពាង់​មរា​ឆ៝ៈ​ទើន​នាវ​រេស​នហ៝​រ៝។ លាស​នទ្រី​ឞូ​ម៝ស​អី​ឞ្លាវ​មា​នាវ​ជាន​ការ​អី​នៃ? មោ​គែស​អោស​ទូ​ហ្វេ​ឞូនុយ្ស​ឞ្លាវ​ជាន​តាៈ​ឞើស​ឆាក់​ពាង់​នើម។
2CO 2:17 គែស​អ៝ក់​ឞូនុយ្ស​ហាន់​មឞើស​ងក៝ច​នាវ​កោរាញ​ឞ្រាស​គៃ​មា​គែស​ព្រាក់​មា​ខាន់​ពាង់​នើម​ទើម យើន​មា​ហេន​មោ​អោស​ជាន​កើត​នៃ ហេន​មឞើស​ងក៝ច​នាវ​កោរាញ​ឞ្រាស​មា​នូយ្ស​នហ៝ម់​ក្ល៝ស នអ៝ប់​មា​នូយ្ស​នហ៝ម់​រាប់​ជាប់ ហេន​មឞើស​ងក៝ច​នាវ​អី​នៃ​តា​នាប់​មាត់​កោរាញ​ឞ្រាស​តាៈ​ឞើស​កោរាញ​ឞ្រាស​នើម​ដាៈ ជេង​ឞូនុយ្ស​អី​គុ​តឹម​រាង្លាប់​ដាស​ឞ្រាស​ក្រីស ។
2CO 3:1 ហេន​រានេ​អេង​តៃ​ឆាក់​ហេន​នើម​ទូ​តឹ​ជឹត​ឞើស? មោ​អោស គែស​ឞូនុយ្ស​អាបាៈ​ញអោត​ឆ៝ម់បុត​ឞើស​ឞូ​អេង​គៃ​មា​ខាន់​អៃ​មៃ​រ៝ម មោ​លាស​អោប​ខាន់​អៃ​មៃ​ញចីស​ឆ៝ម់បុត​កើត​នៃ​អ៝ន់​មា​ខាន់​ពាង់ ញអោត​ហាន់​នតុក​ប៝ន​អេង​គៃ​មា​ឞូ​រ៝ម​តា​ប៝ន​នៃ។ អើម​ហេន​អ្យាត់​មា​គែស​ឆ៝ម់បុត​កើត​នៃ​ដ៝ង់​បាស?
2CO 3:2 ហេន​មោ​ខាច់​អោស​ញអោត​ឆ៝ម់បុត​កើត​នៃ យ៝រ​មា​នាវ​ខាន់​អៃ​មៃ​លែៈ​រាគ៝ល់​នាវ​គុ​ងាវ នទ្រី​ខាន់​អៃ​មៃ​ជេង​តឹម​ឞាន​មា​ឆ៝ម់បុត​កើត​នៃ​មា​ហេន ជេង​តឹម​ឞាន​មា​ឆ៝ម់បុត​អី​ញចីស​តា​នូយ្ស​នហ៝ម់​ហេន ជេសរី​ទឹង​លែៈ​ឞូនុយ្ស​អី​គឹត​នាល់​ខាន់​អៃ​មៃ​លែៈ​គឹត​ដ៝ង់​មា​នាវ​ជាន​ការ​ហេន​លែៈ​អ្វែស។
2CO 3:3 ហេន​ជាន​ការ​អ៝ន់​មា​ខាន់​អៃ​មៃ​នើស នទ្រី​ទឹង​ខាន់​អៃ​មៃ​នៃ​ជេង​តឹម​ឞាន​មា​ទូ​មល៝ម់​ឆ៝ម់បុត​អី​ឞូ​ឆៃ​លែៈ​គឹត​លាស ការ​ហេន​ជាន​នៃ​តាៈ​ឞើស​ឞ្រាស​ក្រីស ​នើម​ងាន់។ ឆ៝ម់បុត​អី​នៃ​មោ​អោស​គែស​ញចីស​មា​ទាក​ក្រាក់ ជេង​ញចីស​មា​ឞ្រាស​ហ្វេង​អ្វែស​កោរាញ​ឞ្រាស​នើម កោរាញ​ឞ្រាស​អី​រេស​ងាន់ មោ​អោស​ទី​ឆ៝ម់បុត​អី​ញចីស​តា​រាលាត​លុ​តឹម​ឞាន​មា​នាវ​វៃ​មោឆេ ​កាល់​អែ​នើស ជេង​ឆ៝ម់បុត​អី​ញចីស​តា​នូយ្ស​នហ៝ម់​ឞូនុយ្ស។
2CO 3:4 ហេន​ញអោត​ន៝ប់​ខាន់​អៃ​មៃ​ជេង​តឹម​ឞាន​មា​ឆ៝ម់បុត​អ្វែស​កើត​នៃ តាៈ​ឞើស​នាវ​ញឆីង​ហេន​តា​កោរាញ​ឞ្រាស យ៝រ​មា​នទើ​ឞ្រាស​ក្រីស ​លែៈ​ជាន​នើស។
2CO 3:5 ហេន​មោ​អោស​កើប​អេង​ហេន​នើម​ឞូនុយ្ស​ឞ្លាវ​តាៈ​ឞើស​ឆាក់​ហេន​នើម យើន​មា​ម៝ស​នទើ​ហេន​ឞ្លាវ​ជាន​ជេង​តាៈ​ឞើស​កោរាញ​ឞ្រាស។
2CO 3:6 ពាង់​អ៝ន់​ហេន​ឞ្លាវ​មឞើស​ងក៝ច​មា​នាវ​តឹម​រាង្លាប់​មហែ។ នាវ​តឹម​រាង្លាប់​មហែ​អី​នៃ​មោ​អោស​ទី​ញចីស​មា​រាព្លៃ​រាឆ៝ យើន​មា​ជេង​តឹម​ឞាន​មា​ញចីស​មា​ឞ្រាស​ហ្វេង​អ្វែស។ នាវ​វៃ​មោឆេ ​អី​ញចីស​មា​រាព្លៃ​រាឆ៝​នៃ​លែវ​អ៝ន់​កោរាញ​ឞ្រាស​តេៈ​ទោយ្ស​ជេង​ខឹត​នហ៝​រ៝ យើន​មា​ឞើស​ឞ្រាស​ហ្វេង​អ្វែស​អ៝ន់​គែស​នាវ​រេស​នហ៝​រ៝។
2CO 3:7 កោរាញ​ឞ្រាស​ញចីស​នាវ​វៃ​តា​រាលាត​លុ​អ៝ន់​មា​មោឆេ ​កាល់​អែ​នើស តា​នៃ​គែស​នអ៝ប់​មា​នាវ​ច្រេក​លើប​កោរាញ​ឞ្រាស​នើម​ទុត​ហោ​ងាន់ នហ៝​មា​ផូង​អីឆ្រាអែល ​មោ​អោស​ហោម​ទើយ​អ្វាញ់​មុស​មាត់​មោឆេ  យ៝រ​លាស​រាល​ងាន់ យើន​មា​នាវ​ច្រេក​លើប​រាល​អី​នៃ​តា​មុស​មាត់​មោឆេ ​មោ​អោស​ជ៝ៈ​ជ៝ង លើ​មា​រ៝ស​ដេៈ​រ៝ស​ដេៈ។ លាស​នាវ​វៃ​អី​លែវ​អ៝ន់​ខឹត​នហ៝​រ៝ លែៈ​ទាស​នៃ​ងាន់​គែស​នាវ​ច្រេក​លើប‌
2CO 3:8 លាស​នទ្រី​នាវ​ជាន​ការ​ឞ្រាស​ហ្វេង​អ្វែស​អី​លែវ​អ៝ន់​គែស​នាវ​រេស​នហ៝​រ៝ ប៝ន់​លើ​ហោ​រាលាវ​មា​នៃ​ជឹត​បាស​គែស​នាវ​ច្រេក​លើប?
2CO 3:9 លាស​នាវ​វៃ​មោឆេ ​អី​ជាន​អ៝ន់​ឞូនុយ្ស​គែស​ទោយ្ស​លែៈ​ទាស​នៃ​ជេស​គែស​នាវ​ច្រេក​លើប លាស​នទ្រី​នាវ​ឞ្រាស​ហ្វេង​អ្វែស​ជាន​អ៝ន់​ឞូនុយ្ស​ជេង​ឆ៝ង់​តា​នាប់​មាត់​កោរាញ​ឞ្រាស ប៝ន់​លើ​ហោ​រាលាវ​មា​អី​នៃ​ជឹត​គែស​នាវ​ច្រេក​លើប!
2CO 3:10 លាស​ឞ៝ន់​តឹម​រាដឹល​នាវ​ច្រេក​លើប​អី​នាវ​វៃ​មោឆេ ​លែៈ​គែស​កាល់​អែ​នើស ដាស​នាវ​ច្រេក​លើប​អី​ទុត​ហោ​តា​នាវ​ឞ្រាស​ហ្វេង​អ្វែស​ជាន​អាបៃ​អ្យា លាស​លែៈ​ត៝ត់​ជេស​នាវ​ច្រេក​លើប​អី​ទុត​ហោ​នៃ នាវ​ច្រេក​លើប​កាល់​អែ​នើស​ឞ៝ន់​អ្វាញ់​តឹម​ឞាន​មា​មោ​គែស​អោស។
2CO 3:11 លាស​នាវ​វៃ​មោឆេ ​គែស​នអ៝ប់​មា​នាវ​ច្រេក​លើប ជេសរី​នាវ​ច្រេក​លើប​អី​នៃ​មោ​អោស​ជ៝ៈ​ជ៝ង លើ​មា​រ៝ស លាស​នទ្រី​នាវ​ឞ្រាស​ហ្វេង​អ្វែស​ជាន​គែស​នាវ​ច្រេក​លើប​លើ​ហោ​រាលាវ​មា​នៃ យ៝រ​លាស​នាវ​ច្រេក​លើប​អី​នៃ​គែស​នហ៝​រ៝!
2CO 3:12 យ៝រ​មា​ឞ៝ន់​គែស​នាវ​រានើម​មរា​គែស​នាវ​ច្រេក​លើប​នហ៝​រ៝​កើត​នៃ នទ្រី​ទឹង​ហេន​គែស​នូយ្ស​នហ៝ម់​ឞាញ់​មា​មឞើស​ងក៝ច​នាវ​កោរាញ​ឞ្រាស។
2CO 3:13 ហេន​មោ​អោស​ជាន​តឹម​ឞាន​មា​មោឆេ  ពាង់​ឆ៝ៈ​ឞ៝ក​ងកុម​លើយ​អី​មុស​មាត់​ពាង់​នើម មោ​អុច​អោស​អ៝ន់​ផូង​ប៝ន​លាន​អីឆ្រាអែល ​ឆៃ​រ៝ស​នាវ​ច្រេក​លើប​អី​គែស​តា​មុស​មាត់​ពាង់​នៃ។
2CO 3:14 យើន​មា​នូយ្ស​នហ៝ម់​នាវ​មឹន​ខាន់​ពាង់​ហោម​ទាង់​ក៝​កើត​អើម​នហ៝​មា​ត៝ត់​នារ​អ្យា នោក​ខាន់​ពាង់​តាង់​ឞូ​រ៝ៈ​នាវ​តឹម​រាង្លាប់​អើម ឞ៝ក​អី​នៃ​តឹម​ឞាន​មា​ហោម​ងកុម​លើយ​នូយ្ស​នហ៝ម់​នាវ​មឹន​ខាន់​ពាង់​នើម។ ឞ៝ក​អី​នៃ​ហោម​ងកុម​នានាវ ត៝ត់​មា​ខាន់​ពាង់​លាប់​គុ​នទ្រែល​ឞ្រាស​ក្រីស  មើ​ទឹង​ឞ៝ក​អី​នៃ​ឞាស​ឞើស​នូយ្ស​នហ៝ម់​នាវ​មឹន​ខាន់​ពាង់។
2CO 3:15 នហ៝​មា​ត៝ត់​នារ​អ្យា អាប់​តឹ​ខាន់​ពាង់​តាង់​ឞូ​រ៝ៈ​ឆ៝ម់បុត​នាវ​វៃ​មោឆេ  តឹម​ឞាន​មា​គែស​ឞ៝ក​អី​នៃ​ហោម​ងកុម​នូយ្ស​នហ៝ម់​នាវ​មឹន​ខាន់​ពាង់​មោ​អោស​អ៝ន់​វ៝ត់។
2CO 3:16 យើន​មា​នោក​ទូ​ហ្វេ​ព្លឹ​ឆឹត​ញឆីង​មា​កោរាញ​យេឆូ  ឞ៝ក​អី​នៃ​រ៝ស​ឞើស​ឞូនុយ្ស​អី​នៃ​រ៝។
2CO 3:17 ល៝ង់​កោរាញ​យេឆូ  នទ្រែល​មា​ឞ្រាស​ហ្វេង​អ្វែស​ជេង​ង្វាយ​ទើម ជេសរី​ឞូ​ម៝ស​អី​គែស​ឞ្រាស​ហ្វេង​អ្វែស​កោរាញ​យេឆូ ​គុ​តា​ពាង់ ពាង់​អី​នៃ​លែៈ​តឹម​ឞាន​មា​ឞូនុយ្ស​មោ​ហោម​អោស​ជាន​ទឹក​ឞូ មោ​ហោម​ខាច់​អោស​ជាន​តឹង​នាវ​វៃ​គៃ​មា​គែស​រាក្លាយ្ស។
2CO 3:18 ទឹង​លែៈ​ឞ៝ន់​អី​មោ​ហោម​គែស​ឞ៝ក​អី​នៃ​ងកុម​នូយ្ស​នហ៝ម់​នាវ​មឹន ជេសរី​ឞ៝ន់​ឆៃ​នាវ​ច្រេក​លើប​កោរាញ​យេឆូ ​នើម នអ៝ប់​មា​ឞូ​ឆៃ​នាវ​ច្រេក​លើប​ពាង់​តា​ឞ៝ន់​តឹម​ឞាន​មា​ឆៃ​តា​នទើ​អ្វាញ់​មុស​មាត់ ជេសរី​ឞ្រាស​ហ្វេង​អ្វែស​ទោល​រាគ៝ល់​នូយ្ស​នហ៝ម់​នាវ​មឹន​ឞ៝ន់ គៃ​មា​លើ​ហោ​ឞ៝ន់​ជេង​តឹម​ឞាន​មា​ពាង់​អី​លែៈ​គែស​នាវ​ច្រេក​លើប។
2CO 4:1 លាស​នទ្រី​ហេន​មោ​អោស​ទឹល​នូយ្ស​នហ៝ម់​តា​នាវ​ជាន​ការ​មឞើស​ងក៝ច​នាវ​មហែ​មហាន​អ្វែស យ៝រ​លាស​កោរាញ​ឞ្រាស​ដាៈ​ហេន​ជាន​តាៈ​ឞើស​នាវ​យោៈ​ពាង់​នើម។
2CO 4:2 ហេន​រាលាច់​មោ​អុច​អោស​ជាន​នទើ​នទ៝ប់​មពោន​អី​គែស​នាវ​ដីត​ព្រេង។ ហេន​មោ​អោស​មរោស​ឞូ មោ​អោស​នតី​ងក្លាៈ​នាវ​កោរាញ​ឞ្រាស ហេន​មឞើស​ងក៝ច​នាវ​ងាន់​តា​នាប់​មាត់​កោរាញ​ឞ្រាស ជេសរី​ឞូ​ម៝ស​អី​គឹត​នាល់​កោរាញ​ឞ្រាស​លែៈ​គឹត​ជេស​នាវ​អី​នៃ​ជេង​ទី។
2CO 4:3 លាស​នាវ​ខ្លៃ​តា​នាវ​មហែ​មហាន​អ្វែស​អី​ហេន​មឞើស​ងក៝ច​នៃ ឞូ​អេ​ហ៝ៈ​វ៝ត់​តឹម​ឞាន​មា​នទ៝ប់​មពោន​ងកុម​មា​ឞ៝ក គែស​នទ៝ប់​មពោន​មា​ផូង​អី​រ៝ស​ហេង​ទើម។
2CO 4:4 ផូង​អី​នៃ​មោ​អោស​ញឆីង យ៝រ​លាស​លែៈ​ឆាតាង់ ​អី​កោរាញ​មពោល​ឞ្រាស​អ្យើស​ជាន​អ៝ន់​នូយ្ស​នហ៝ម់​ខាន់​ពាង់​ជេង​ង៝ មោ​អោស​អ៝ន់​ខាន់​ពាង់​ឆៃ​នាវ​អាង​តា​នាវ​មហែ​មហាន​អ្វែស នាវ​មហែ​មហាន​អ្វែស​អី​នៃ​ញហើ​នាវ​ច្រេក​លើប​ឞ្រាស​ក្រីស  នទ្រែល​មា​ពាង់​តឹម​ឞាន​មា​កោរាញ​ឞ្រាស​នើម​ងាន់។
2CO 4:5 ហេន​មោ​អោស​មឞើស​ងក៝ច​មា​ឆាក់​ហេន​នើម ហេន​មឞើស​ងក៝ច​ឞ្រាស​យេឆូ​ក្រីស ​ជេង​កោរាញ ជេសរី​កើប​ឆាក់​ហេន​នើម​ជេង​ឞូនុយ្ស​ឆើម​កើល​ជាន​ការ​អ៝ន់​មា​ខាន់​អៃ​មៃ​យ៝រ​មា​ឞ្រាស​យេឆូ ។
2CO 4:6 កោរាញ​ឞ្រាស​លែៈ​លាស​ជេស៖ «អ៝ន់​លោស​អាង​ហ៝ម់​ឞើស​នាវ​ង៝» ជេសរី​ពាង់​លែៈ​ងអាង​ជេស​តា​នូយ្ស​នហ៝ម់​ឞ៝ន់ អ៝ន់​ឞ៝ន់​នាល់​នាវ​ច្រេក​លើប​កោរាញ​ឞ្រាស​នើម អី​អាង​ច្រាត​ឞើស​មុស​មាត់​ឞ្រាស​ក្រីស ។
2CO 4:7 ហេន​គែស​នាវ​អាង​អ្វែស​អី​នៃ​តា​នូយ្ស​នហ៝ម់ យើន​មា​ហេន​ជេង​តឹម​ឞាន​មា​គ្លាស​អូក​អី​ហោម​ឞ្លាវ​ចាស យើន​មា​គែស​ទ្រាប់​នទើ​ខ្លៃ​តា​ត្រោម គៃ​មា​អ៝ន់​ឞូ​ឆៃ​នាវ​ទើយ​អី​ទុត​ក្វ៝ង់​តា​ហេន​តាៈ​ឞើស​កោរាញ​ឞ្រាស​នើម មោ​អោស​តាៈ​ឞើស​ឆាក់​ហេន​នើម។
2CO 4:8 ហេន​គែស​នាវ​ជេរ​អាប់​នតីល​ងាន់ យើន​មា​នាវ​ជេរ​អី​នៃ​មោ​អោស​ទើយ​ឞ្វៃ​ហេន គែស​ដ៝ង់​ហេន​មោ​គឹត​អោស​មើម​ជាន យើន​មា​ហេន​មោ​អោស​មអារ់​នាវ​រានើម។
2CO 4:9 អាបៃ​អ្យា​ឞូ​ជាន​ជេរ​មា​ហេន យើន​មា​កោរាញ​ឞ្រាស​មោ​អោស​នត្លើយ​ហេន គែស​ឞូ​មឞាង​ហេន​ងាន់ យើន​មា​ហេន​មោ​ខឹត​អោស។
2CO 4:10 តា​ទឹង​លែៈ​នាវ​ជេរ​ហេន​តឹម​ឞាន​មា​ហេន​គុ​នទ្រែល​នឹង​តា​នាវ​ជេរ​នអ៝ប់​មា​នាវ​ខឹត​ឞ្រាស​យេឆូ  យើន​មា​តាៈ​ឞើស​ទឹង​លែៈ​នាវ​អី​នៃ​ឞូ​ទើយ​ឆៃ​តា​ឆាក់​ហេន​នាវ​ទើយ​ឞ្រាស​យេឆូ ​អី​លែៈ​ទ៝ក់​រេស​ងាន់ យ៝រ​លាស​ពាង់​កើល​ហេន​នឹង។
2CO 4:11 នាវ​រេស​ហេន​ឞើយ​មា​ខឹត​នឹង​យ៝រ​មា​ហេន​ឆើម​កើល​ជាន​ការ​មា​ឞ្រាស​យេឆូ  យើន​មា​តាៈ​ឞើស​ទឹង​លែៈ​នាវ​អី​នៃ​ឞូ​ទើយ​ឆៃ​តា​ឆាក់​ហេន​នាវ​ទើយ​ឞ្រាស​យេឆូ ​អី​លែៈ​ទ៝ក់​រេស​ងាន់ ឞ៝ល​លាស​ឆាក់​ហេន​ឞ្លាវ​ខឹត។
2CO 4:12 កើត​នទ្រី​ហេន​គុ​រេស​ទាច់​ដាស​នាវ​ខឹត​នឹង យើន​មា​តាៈ​ឞើស​នាវ​អី​នៃ​ទឹង​ខាន់​អៃ​មៃ​គែស​នាវ​រេស​នហ៝​រ៝។
2CO 4:13 លែៈ​គែស​ញចីស​តា​នាវ​កោរាញ​ឞ្រាស​ងើយ៖ «គ៝ប់​ញឆីង​មា​កោរាញ​ឞ្រាស​ទឹង​គ៝ប់​ងើយ»។ តា​នូយ្ស​នហ៝ម់​ហេន​គែស​នាវ​ញឆីង​កើត​នៃ​ដ៝ង់ នទ្រី​ទឹង​ហេន​ហោម​មឞើស​ងក៝ច​នាវ​កោរាញ​ឞ្រាស។
2CO 4:14 យ៝រ​មា​ឞ៝ន់​គឹត​ជេស​កោរាញ​ឞ្រាស​លែៈ​ជាន​អ៝ន់​កោរាញ​យេឆូ ​ទ៝ក់​រេស​នើស នទ្រី​ពាង់​មរា​ជាន​អ៝ន់​ឞ៝ន់​ទ៝ក់​រេស​កើត​កោរាញ​យេឆូ ​ដ៝ង់ ជេសរី​លែវ​ឞ៝ន់​គុ​តា​នាប់​កោរាញ​ឞ្រាស​នើម​នទ្រែល​ខាន់​អៃ​មៃ​ដ៝ង់។
2CO 4:15 ទឹង​លែៈ​នាវ​ជេរ​ហេន គៃ​មា​គែស​នាវ​ខ្លៃ​មា​ខាន់​អៃ​មៃ។ យ៝រ​លាស​គែស​អ៝ក់​ឞូនុយ្ស​មហែ​គឹត​នាល់​នាវ​អ្វែស​កោរាញ​ឞ្រាស គែស​ដ៝ង់​លើ​មា​អ៝ក់​ឞូនុយ្ស​លាស​អ្វែស​កោរាញ​ឞ្រាស នទ្រែល​មា​រានេ​នាវ​ច្រេក​លើប​ពាង់​លើ​មា​ហោ​ដ៝ង់។
2CO 4:16 លាស​នទ្រី​ហេន​មោ​គែស​នាវ​ទឹល​អោស​តា​នាវ​ជាន​ការ​ហេន។ ឞ៝ល​លាស​ឆាក់​ជាន់​ហេន​នហ៝ម់​ឆ្វាន​លើ​មា​លែៈ​កាដោយ យើន​មា​តា​នូយ្ស​នហ៝ម់​នាវ​មឹន​ហេន​រី​លើ​មា​គែស​នហ៝ម់​ឆ្វាន​មហែ​អាប់​នារ។
2CO 4:17 នាវ​ជេរ​ជ៝ត់​អី​ហេន​គែស​អាបៃ​អ្យា​តឹម​ឞាន​មា​ដេៈ​ដាៈ នអ៝ប់​មា​ទូ​ប្ល៝ត់​ទើម យើន​មា​នាវ​អី​នៃ​ជាន​អ៝ន់​ហេន​គែស​នាវ​ច្រេក​លើប​ទុត​ហោ​ងាន់​អី​ហោម​នហ៝​រ៝។
2CO 4:18 លាស​នទ្រី​ហេន​មោ​អោស​កើប​ខ្លៃ​មា​នទើ​អី​អ្វាញ់​ឆៃ យើន​មា​ហេន​កើប​ខ្លៃ​មា​នទើ​អី​អ្វាញ់​មោ​ឆៃ យ៝រ​លាស​នទើ​អី​អ្វាញ់​ឆៃ​តឹម​ឞាន​មា​គែស​ទូ​ប្ល៝ត់​ទើម យើន​មា​នទើ​អី​អ្វាញ់​មោ​ឆៃ ជេង​នទើ​អី​ហោម​គែស​នហ៝​រ៝។
2CO 5:1 ឞ៝ន់​លែៈ​គឹត​ជេស ឆាក់​ជាន់​ឞ៝ន់​តា​នែស​នតូ​អ្យា​តឹម​ឞាន​មា​ចូន​អី​ជាន​មា​ឞ៝ក​នតុក​វែស​គុ​ទើម យើន​មា​នោក​ឞ៝ន់​ខឹត​ឞ៝ន់​មរា​គែស​ឆាក់​ជាន់​មហែ​តា​ប៝ន​អ្វែស ជេង​តឹម​ឞាន​មា​ជៃ​អី​ហោម​នហ៝​រ៝ មោ​អោស​ជាន​មា​តី​ឞូនុយ្ស យើន​មា​ជាន​មា​តី​កោរាញ​ឞ្រាស​នើម។
2CO 5:2 តា​នែស​នតូ​អាបៃ​អ្យា​ឞ៝ន់​ហោ​ងាន់​វើល​អុច​គែស​ឆាក់​ជាន់​អី​មរា​គែស​តា​ប៝ន​អ្វែស អុច​រាគ៝ល់​ឆាក់​ជាន់​មហែ តឹម​ឞាន​មា​រាគ៝ល់​ខ៝​អាវ​អើម​ញឆ៝ស​ខ៝​អាវ​មហែ‌
2CO 5:3 យ៝រ​លាស​ឞ៝ន់​មរា​គែស​ឆាក់​ជាន់​មហែ មោ​អោស​តឹម​ឞាន​មា​គុ​ឆាក់​កុស។
2CO 5:4 នោក​ហោម​អែ​គែស​ឆាក់​ជាន់​តា​នែស​នតូ​អ្យា​ឞ៝ន់​ហោម​វើល​ងាន់ យ៝រ​លាស​ហោម​គែស​នាវ​ជេរ​ជ៝ត់។ យើន​មា​ឞ៝ន់​មោ​អុច​អោស​ខឹត​នហ៝​មា​រ៝ស​ឆាក់​ជាន់ ឞ៝ន់​អុច​គែស​ឆាក់​ជាន់​មហែ គៃ​មា​ឆាក់​ជាន់​អី​ឞ្លាវ​ខឹត​អ្យា​រាគ៝ល់​ជេង​ឆាក់​ជាន់​អី​រេស​នហ៝​រ៝ តឹម​ឞាន​មា​នទើ​រេស​ងាន់​រាង្វាន់​នទើ​ឞ្លាវ​ខឹត។
2CO 5:5 កោរាញ​ឞ្រាស​នើម​ញជេង​ឞ៝ន់​គៃ​មា​គែស​នាវ​រាគ៝ល់​កើត​នៃ ជេសរី​ពាង់​នើម​ដ៝ង់​អី​លែៈ​អ៝ន់​ឞ្រាស​ហ្វេង​អ្វែស​គុ​តា​ឞ៝ន់​តឹម​ឞាន​មា​នទើ​ញចាម់ គៃ​មា​គឹត​នាវ​អី​នៃ​មរា​គែស​ងាន់​រ៝។
2CO 5:6 នទ្រី​ទឹង​ឞ៝ន់​ហោម​គែស​នូយ្ស​នហ៝ម់​ញឆីង​ន៝ប់​បាបើ​ងាន់។ ឞ៝ន់​គឹត​នហេល​ជេស នោក​ឞ៝ន់​ហោម​គែស​ឆាក់​ជាន់​អ្យា ឞ៝ន់​អេ​ហ៝ៈ​គុ​តា​ប៝ន​អ្វែស​នតុក​កោរាញ​យេឆូ។
2CO 5:7 អាបៃ​អ្យា​ឞ៝ន់​គុ​រេស​មា​នាវ​ញឆីង មោ​អោស​ទី​គុ​រេស​មា​នទើ​អ្វាញ់​ឆៃ។
2CO 5:8 ឞ៝ន់​គែស​នូយ្ស​នហ៝ម់​ញឆីង​ន៝ប់​ងាន់ ជេសរី​ឞ៝ន់​អុច​លោស​ឞើស​ឆាក់​ជាន់​អ្យា អ្វែស​រាលាវ​ហាន់​គុ​តា​ប៝ន​អ្វែស​នទ្រែល​កោរាញ​យេឆូ។
2CO 5:9 កើត​នទ្រី​ទឹង​ឞ៝ន់​ញឆ្រោយ្ស​តឹង​ជ៝យ​អ៝ន់​ទី​នូយ្ស​នហ៝ម់​ពាង់ ឞ៝ល​លាស​ហោម​អែ​គុ​តា​ឆាក់​ជាន់​អ្យា មោ​លាស​លោស​ឞើស​ឆាក់​ជាន់​អ្យា​កាដោយ‌
2CO 5:10 យ៝រ​លាស​ទឹង​លែៈ​ឞ៝ន់​មោ​អោស​ទើយ​ទែរ​គុ​ឞើស​នាប់​នតុក​ឞ្រាស​ក្រីស ​នើម​ផាត​ទោយ្ស គៃ​មា​ទឹង​លែៈ​ឞ៝ន់​គែស​ព្លៃ​អី​តាៈ​ឞើស​ឞ៝ន់​នើម​ជាន​នោក​ហោម​គុ​តា​ឆាក់​ជាន់​អ្យា ឞ៝ល​លាស​នទើ​អ្វែស មោ​លាស​នទើ​អ្យើស​កាដោយ។
2CO 5:11 យ៝រ​មា​ហេន​លែៈ​នាល់​នាវ​ក្លាច​យើក​មា​កោរាញ​យេឆូ  ហេន​ញឆ្រោយ្ស​មឞើស​ងក៝ច​មា​ឞូនុយ្ស​អ៝ន់​ញឆីង​មា​ពាង់​ដ៝ង់។ កោរាញ​ឞ្រាស​លែៈ​គឹត​នាល់​នូយ្ស​នហ៝ម់​ហេន ជេសរី​គ៝ប់​រានើម​ខាន់​អៃ​មៃ​គឹត​នាល់​នូយ្ស​នហ៝ម់​ហេន​ដ៝ង់។
2CO 5:12 នទើ​អី​អ្យា​មោ​អោស​ទី​ហេន​រានេ​អេង​ឆាក់​ហេន​នើម យើន​មា​ហេន​អ៝ន់​ខាន់​អៃ​មៃ​គែស​នាវ​ងើយ​អ្វែស​មា​ហេន គៃ​មា​ខាន់​អៃ​មៃ​ឞ្លាវ​អើស​ដាស​មា​មពោល​អី​ងើយ​មោ​អ្វែស​មា​ហេន មពោល​អី​នៃ​កើប​ខ្លៃ​នាវ​តា​កាលើ​នតោ​ទើម មោ​អោស​កើប​ខ្លៃ​នាវ​តា​ត្រោម​នូយ្ស​នហ៝ម់។
2CO 5:13 លាស​ហេន​ជេង​តឹម​ឞាន​មា​ឞូនុយ្ស​ត្រើយ ហេន​ត្រើយ​គៃ​មា​គែស​នាវ​ខ្លៃ​មា​កោរាញ​ឞ្រាស លាស​ហេន​ជេង​នាវ​មឹន​អ្វែស ហេន​ជេង​នាវ​មឹន​អ្វែស​នៃ​គៃ​មា​គែស​នាវ​ខ្លៃ​មា​ខាន់​អៃ​មៃ។
2CO 5:14 ទឹង​លែៈ​នទើ​ហេន​ជាន យ៝រ​លាស​នាវ​រ៝ង់​ឞ្រាស​ក្រីស ​នត្រោល​ហេន។ ហេន​អ្យាត់​ងាន់​គែស​ទូ​ហ្វេ​ឞូនុយ្ស​លែៈ​ខឹត​នត្រ៝ៈ​អ៝ន់​មា​ទឹង​លែៈ​ឞូនុយ្ស លាស​នទ្រី​ទឹង​លែៈ​ឞូនុយ្ស​តឹម​ឞាន​មា​ខឹត​ទាទេ​ដ៝ង់ មោ​ហោម​ខាច់​អោស​ឆ៝ៈ​ទើន​នាវ​តេៈ​ទោយ្ស​យ៝រ​មា​នាវ​តីស។
2CO 5:15 ឞ្រាស​ក្រីស ​លែៈ​ខឹត​ជេស​មា​ទឹង​លែៈ​ឞូនុយ្ស គៃ​មា​ឞូ​ម៝ស​អី​គុ​រេស មោ​អោស​រេស​មា​ឆាក់​ពាង់​នើម យើន​មា​រេស​មា​នើម​អី​លែៈ​ខឹត​មា​ពាង់ ជេង​នើម​អី​ទ៝ក់​រេស​នៃ​ហ៝ៈ។
2CO 5:16 នទ្រី​ទឹង​នតើម​ឞើស​អាបៃ​អ្យា​ហេន​មោ​ហោម​អោស​អ្វាញ់​ឞូនុយ្ស​កើត​ឞូនុយ្ស​អី​មោ​គឹត​នាល់​កោរាញ​ឞ្រាស។ ឞើស​នតើម​នើស​ហេន​មោ​អោស​កើប​ខ្លៃ​ឞ្រាស​ក្រីស ​កើត​ទឹង​លែៈ​ឞូនុយ្ស​អី​មោ​គឹត​នាល់​កោរាញ​ឞ្រាស​ដ៝ង់ យើន​មា​អាបៃ​អ្យា​ហេន​មោ​អោស​ហោម​កើប​ពាង់​កើត​នៃ។
2CO 5:17 ឞូ​ម៝ស​លែៈ​គុ​តឹម​រាង្លាប់​នទ្រែល​ឞ្រាស​ក្រីស  ឞូនុយ្ស​អី​នៃ​លែៈ​កោរាញ​ឞ្រាស​ញជេង​មហែ ទឹង​លែៈ​នទើ​អើម​លែៈ​រាគ៝ល់​ជេង​មហែ​ទាទេ។
2CO 5:18 ទឹង​លែៈ​នាវ​អី​នៃ​ជេង​តាៈ​ឞើស​កោរាញ​ឞ្រាស​នើម ពាង់​តឹម​ឞ៝ស​តឹម​ឞ្លាយ​ឞ៝ន់​អ៝ន់​តឹម​ទី​មា​ពាង់​នើម យ៝រ​មា​នទើ​ឞ្រាស​ក្រីស ​លែៈ​ជាន ជេសរី​ពាង់​អ៝ន់​ឞ៝ន់​ជាន​ការ​នាក់​កើល​តឹម​ឞ៝ស​តឹម​ឞ្លាយ​អ្យា​គៃ​មា​អ៝ន់​ឞូនុយ្ស​តឹម​ទី​ដាស​ពាង់​នើម​ដ៝ង់។
2CO 5:19 តា​ឞ្រាស​ក្រីស ​កោរាញ​ឞ្រាស​តឹម​ឞ៝ស​តឹម​ឞ្លាយ​ទឹង​លែៈ​ឞូនុយ្ស​អ៝ន់​តឹម​ទី​ដាស​ពាង់​នើម ពាង់​មោ​អោស​ក្លាប់​នទាង់​នាវ​តីស​ឞូនុយ្ស។ ជេសរី​ពាង់​អ៝ន់​ហេន​មឞើស​ងក៝ច​នាវ​តឹម​ឞ៝ស​តឹម​ឞ្លាយ​អី​នៃ​មា​ឞូ​ដ៝ង់។
2CO 5:20 លាស​នទ្រី​ហេន​អ្យា​ជេង​ឞូនុយ្ស​អី​ឞ្រាស​ក្រីស ​ដាៈ​ហាន់ ជេង​ឆើម​នតាង​មា​ពាង់​នើម ជេង​តឹម​ឞាន​មា​កោរាញ​ឞ្រាស​ងើយ​មា​ខាន់​អៃ​មៃ​តា​នាវ​ងើយ​ហេន។ ហេន​ទាន់​ខាន់​អៃ​មៃ​ហោ​ងាន់​តឹម​ឞាន​មា​ឞ្រាស​ក្រីស ​នើម​ទាន់​ខាន់​អៃ​មៃ​កើត​នអា៖ អ៝ន់​ខាន់​អៃ​មៃ​គុ​តឹម​ឞ៝ស​តឹម​ឞ្លាយ​នទ្រែល​កោរាញ​ឞ្រាស!
2CO 5:21 ឞ្រាស​ក្រីស ​មោ​អោស​គែស​នាវ​តីស យើន​មា​កោរាញ​ឞ្រាស​កើប​ពាង់​គែស​នាវ​តីស ជេសរី​កោរាញ​ឞ្រាស​តេៈ​ទោយ្ស​ពាង់ គៃ​មា​នត្រ៝ៈ​ឞ៝ន់ នទ្រី​កោរាញ​ឞ្រាស​ទើយ​កើប​ឞ៝ន់​លែៈ​ឆ៝ង់ យ៝រ​មា​ឞ៝ន់​ញឆីង​មា​ឞ្រាស​ក្រីស ។
2CO 6:1 យ៝រ​មា​ហេន​ជាន​ការ​នទ្រែល​កោរាញ​ឞ្រាស ខាន់​អៃ​មៃ​លែៈ​ឆ៝ៈ​ទើន​ជេស​នាវ​អ្វែស​កោរាញ​ឞ្រាស លាស​នទ្រី​ហេន​ទាន់​ខាន់​អៃ​មៃ​ហោ​ងាន់៖ ខាន់​អៃ​មៃ​លើយ​អោស​គុ​ទាស​មា​អុច​ទើម តឹម​ឞាន​មា​នាវ​អ្វែស​កោរាញ​ឞ្រាស​មោ​គែស​ខ្លៃ​មា​ខាន់​អៃ​មៃ។
2CO 6:2 យ៝រ​លាស​ពាង់​លែៈ​លាស​នើស៖ «គ៝ប់​អើស​នាវ​ខាន់​អៃ​មៃ​មឞើស​ឆើម​តា​ម៝ង​គ៝ប់​លែៈ​អើម​អុច‌ គ៝ប់​កើល​ខាន់​អៃ​មៃ​ត៝ត់​ទី​នារ​គ៝ប់​លែៈ​អើម​អុច​រាក្លាយ្ស​ខាន់​អៃ​មៃ»។ នោក​អាបៃ​អ្យា​ជេង​ម៝ង​អី​នៃ នោក​នារ​អ្យា​ជេង​នារ​កោរាញ​ឞ្រាស​រាក្លាយ្ស។
2CO 6:3 ហេន​ញឆ្រោយ្ស​គុ​ងាវ​អ្វែស គៃ​មា​មោ​អោស​គែស​ទូ​នតីល​នទើ​អ៝ន់​ឞូ​នទុយ្ស​ហេន នហ៝​មា​តឹម​រាលាច់​មោ​អោស​ឆ៝ៈ​ទើន​នាវ​ហេន​នតុម​នតី យ៝រ​មា​នាវ​គុ​ងាវ​ហេន​មោ​អ្វែស​នៃ។
2CO 6:4 ទឹង​លែៈ​នទើ​ហេន​ជាន ហេន​ញហើ​អ៝ន់​ឞូ​ឆៃ​ហេន​ឞូនុយ្ស​ឆើម​កើល​ជាន​ការ​មា​កោរាញ​ឞ្រាស​ងាន់​ងេន៖ តា​នាវ​គុ​ន៝ប់​តា​នាវ​ញឆីង ឞ៝ល​លាស​គែស​អាប់​នតីល​នាវ​ជេរ​ជ៝ត់ ម៝ប់​មា​នាវ​រេស​រាញាល់ នាវ​ងក្ល៝ន់​រាវៃ‌
2CO 6:5 នាវ​ឞូ​ពុ​មឞាង​ហេន នាវ​ឞូ​តេៈ​ហេន​ត្រោម​នទ្រូង នាវ​ឞូ​ជាន​នាវ​អុស​អាស នាវ​ហេន​ជាន​ការ​រាអាស​រាគាញ់ នាវ​ហេន​រាគ៝ង់​មាត់ នាវ​ហេន​មោ​គែស​នទើ​ឆោង​ឆា។
2CO 6:6 ហេន​ញហើ​អ៝ន់​ឞូ​ឆៃ​ហេន​ឞូនុយ្ស​ឆើម​កើល​ជាន​ការ​មា​កោរាញ​ឞ្រាស​ងាន់​ងេន​មា​នាវ​គុ​ងាវ​អ្វែស មា​នាវ​គឹត​នាល់​កោរាញ​ឞ្រាស មា​នាវ​ឞ្លាវ​អ៝ត់​នូយ្ស មា​នាវ​ជាន​អ្វែស​មា​ឞូ មា​នាវ​ឞ្រាស​ហ្វេង​អ្វែស​អី​ក្ល៝ស​អ្វែស​គុ​នទ្រែល​ហេន មា​នាវ​គែស​នូយ្ស​នហ៝ម់​រ៝ង់​មា​ឞូ​រាប់​ជាប់‌
2CO 6:7 មា​នាវ​មឞើស​ងក៝ច​នាវ​ងាន់ មា​នាវ​ទើយ​កោរាញ​ឞ្រាស​នើម។ នាវ​ហេន​គុ​ឆ៝ង់​ជេង​តឹម​ឞាន​មា​ទ៝ង់​ដាវ​មា​តឹម​លើស​តា​តី​ឞើស​មា ទ៝ង់​ខេល​មា​ញជ្រាង់​តា​តី​ឞើស​ច្យៅ។
2CO 6:8 ឞូ​ឆៃ​ហេន​ឞូនុយ្ស​ឆើម​កើល​ជាន​ការ​មា​កោរាញ​ឞ្រាស​តា​នាវ​ឞូ​យើក​ហេន តា​នាវ​ឞូ​ឞ្យាញ់ តា​នាវ​ឞូ​មឺច​រាម៝ត តា​នាវ​ឞូ​រានេ។ ឞូ​កើប​ហេន​ជេង​ឞូនុយ្ស​មរោស យើន​មា​ហេន​ជេង​ឞូនុយ្ស​ឆ៝ង់។
2CO 6:9 ឞ៝ល​លាស​ឞូ​លឺ​ហេន​កាដោយ អ៝ក់​ឞូនុយ្ស​ហោម​កើប​ហេន​មោ​គែស​នាវ​ខ្លៃ។ ហេន​ឞើយ​មា​ខឹត​បាបើ​ងាន់ យើន​មា​ហេន​ហោម​រេស។ ឞូ​ពុ​មឞាង យើន​មា​ហេន​មោ​អោស​ខឹត​ឆាក់។
2CO 6:10 ឞូ​ជាន​អ៝ន់​ហេន​គែស​នាវ​ងក្ល៝ន់​រាង៝ត យើន​មា​ហេន​អ្វែស​មអាក​បាបើ​ងាន់។ ហេន​ឞូនុយ្ស​អ៝​អាច យើន​មា​ហេន​តឹម​ឞាន​មា​ជាន​អ៝ន់​ឞូនុយ្ស​ជេង​នទ្រ៝ង់​អ៝ក់​ងាន់ អ្វាញ់​ហេន​តឹម​ឞាន​មា​មោ​អោស​គែស​ទូ​នតីល​នទើ យើន​មា​ហេន​គែស​ទាទេ។
2CO 6:11 អើ​អ៝ស​នោ​តា​នាវ​ញឆីង​តា​ប៝ន​កោរិនតោ  ហេន​ងើយ​មា​ខាន់​អៃ​មៃ​មា​លែៈ​នូយ្ស​នហ៝ម់​ងាន់ ហេន​មោ​អោស​ពោន​ម៝។
2CO 6:12 នូយ្ស​នហ៝ម់​ហេន​មោ​អោស​គែស​នាវ​កែស​ក៝ស​មា​ខាន់​អៃ​មៃ ឞ៝ល​លាស​នូយ្ស​នហ៝ម់​ខាន់​អៃ​មៃ​នើម​អី​គែស​នាវ​កែស​ក៝ស​នៃ​មា​ហេន។
2CO 6:13 ហេន​ងើយ​មា​ខាន់​អៃ​មៃ​តឹម​ឞាន​មា​ងើយ​មា​ក៝ន​ឆៅ​ហេន​នើម​ងាន់ លាស​នទ្រី​អ៝ន់​ខាន់​អៃ​មៃ​គែស​នូយ្ស​នហ៝ម់​អ្វែស​មា​ហេន​ទោ តឹម​ឞាន​មា​ហេន​លែៈ​គែស​នូយ្ស​នហ៝ម់​អ្វែស​មា​ខាន់​អៃ​មៃ​ដ៝ង់។
2CO 6:14 ឞូ​មោ​អោស​មឞាក់​នទ្រែល​មពោមពា​(ឆ្យុម) ង្វាយ​នទ្រោក ង្វាយ​ឆែស កើត​នទ្រី​ដ៝ង់​លើយ​អោស​តឹម​រាង្លាប់​ជាន​នទ្រែល​នទើ​មា​ឞូនុយ្ស​អី​មោ​ញឆីង យ៝រ​លាស​នាវ​ឆ៝ង់​ដាស​នាវ​ក្វែ​គុ​នទ្រែល​មោ​អោស​ឞ្លាវ នាវ​អាង​ដាស​នាវ​ង៝​គុ​នទ្រែល​ក៝ៈ​មោ​ឞ្លាវ​ដ៝ង់។
2CO 6:15 ឞ្រាស​ក្រីស ​ដាស​ឆាតាង់ ​អី​កោរាញ​មពោល​ឞ្រាស​អ្យើស​ឞ្លាវ​តឹម​លាប់​ឞាល់​ដ៝ង់​ឞើស? ឞូនុយ្ស​ញឆីង​ដាស​ឞូនុយ្ស​មោ​ញឆីង​ឞ្លាវ​គុ​ទូ​នតោរ​នាវ​ឞាល់​ដ៝ង់​ឞើស?
2CO 6:16 ញីស​ឞ្រាស​កោរាញ​ឞ្រាស​នើម​ដាស​មា​នតុក​អោប​ឞ្រាស​ឞ្លាវ​តឹម​លាប់​ឞាល់​ដ៝ង់​ឞើស? យ៝រ​លាស​ទឹង​លែៈ​ឞ៝ន់​ជេង​តឹម​ឞាន​មា​ញីស​ឞ្រាស​កោរាញ​ឞ្រាស​នើម ឞ្រាស​អី​រេស​ងាន់ ពាង់​លែៈ​លាស​ជេស​កើត​នអា៖ «គ៝ប់​មរា​គុ​តា​ខាន់​ពាង់ ជេសរី​ហាន់​ឞ្រោៈ​នទ្រែល​ខាន់​ពាង់​ដ៝ង់។ គ៝ប់​មរា​ជេង​អី​ឞ្រាស​ខាន់​ពាង់ ជេសរី​ខាន់​ពាង់​ជេង​អី​ផូង​ប៝ន​លាន​គ៝ប់​នើម»។
2CO 6:17 លែៈ​គែស​ញចីស​ដ៝ង់៖ «កោរាញ​ឞ្រាស​លាស៖ «លាស​នទ្រី​ទូ​ហ៝ម់​ឞើស​ផូង​អី​មោ​អ្យាត់​គ៝ប់​នៃ‌ ជេសរី​គុ​អេង​រាញើស​ហ៝ៈ លើយ​អោស​ពាស​នទើ​អី​បឹ​បើច‌ នទ្រី​ទឹង​គ៝ប់​រ៝ម​ខាន់​អៃ​មៃ»»។
2CO 6:18 ««គ៝ប់​មរា​ជេង​ឞឹ​មា​ខាន់​អៃ​មៃ‌ ជេសរី​ខាន់​អៃ​មៃ​មរា​ជេង​អី​ក៝ន​ឞូ​អូរ​ក៝ន​ឞូ​ក្លោ​គ៝ប់​នើម​ដ៝ង់» នទ្រី​នាវ​ងើយ​កោរាញ​ឞ្រាស​នើម​អី​ទុត​គែស​នាវ​ទើយ​មា​ទឹង​លែៈ​នតីល​នទើ»។
2CO 7:1 អើ​អ៝ស​នោ​តា​នាវ​ញឆីង​អី​គ៝ប់​រ៝ង់ លាស​ឞ៝ន់​លែៈ​គែស​ជេស​នាវ​កោរាញ​ឞ្រាស​ត៝ន​អី​នៃ អ៝ន់​ឞ៝ន់​មអារ់​លើយ​ទឹង​លែៈ​នទើ​បឹ​បើច​តា​នាវ​រេស​ឞ៝ន់​នើម នអ៝ប់​មា​នទើ​អី​ឞ៝ន់​ជាន នអ៝ប់​មា​នទើ​តា​នូយ្ស​នហ៝ម់ អ៝ន់​ឞ៝ន់​គុ​ទុត​ក្ល៝ស​អ្វែស យ៝រ​មា​ក្លាច​យើក​មា​កោរាញ​ឞ្រាស។
2CO 7:2 អ៝ន់​ខាន់​អៃ​មៃ​កើប​ខ្លៃ​មា​ហេន​តា​នូយ្ស​នហ៝ម់​ខាន់​អៃ​មៃ! ហេន​មោ​អោស​ព្រ៝ត​ជាន​តីស​មា​ទូ​ហ្វេ​ឞូនុយ្ស ហេន​មោ​អោស​ព្រ៝ត​លែវ​ទូ​ហ្វេ​ហ្យើត ហេន​មោ​អោស​ព្រ៝ត​ឆា​ញឆ្យាន់​នទើ​ឞូ​ទូ​ហ្វេ។
2CO 7:3 ហេន​ងើយ​កើត​នៃ​មោ​អោស​ទី​គៃ​មា​នទុយ្ស​ខាន់​អៃ​មៃ។ លែៈ​គ៝ប់​មឞើស​ជេស​មា​ខាន់​អៃ​មៃ​អា​ល៝រ​នើស ហេន​រ៝ង់​ខាន់​អៃ​មៃ រេស​នទ្រែល​ខឹត​នទ្រែល​ខាន់​អៃ​មៃ។
2CO 7:4 តា​នូយ្ស​នហ៝ម់​គ៝ប់ គ៝ប់​ញឆីង​ខាន់​អៃ​មៃ​ជាន​អ្វែស គ៝ប់​ងក៝ច​នាវ​អ្វែស​ខាន់​អៃ​មៃ​មា​ឞូ​អេង។ នូយ្ស​នហ៝ម់​គ៝ប់​លែៈ​រាថី​យ៝រ​មា​ខាន់​អៃ​មៃ គ៝ប់​រាម់​មអាក​មា​ខាន់​អៃ​មៃ​ទុត​ហោ ឞ៝ល​លាស​គែស​អាប់​នតីល​នាវ​រេស​រាញាល់​កាដោយ។
2CO 7:5 នោក​ហេន​ត៝ត់​តា​ឞ្រី​មាឆេដោន  នូយ្ស​នហ៝ម់​ហេន​មោ​អោស​គែស​នាវ​ដាប់​មពាន់។ ហេន​គែស​អាប់​នតីល​នាវ​រេស​រាញាល់ គែស​នាវ​តឹម​រាទ៝ង់​មា​ឞូ តា​ត្រោម​នូយ្ស​នហ៝ម់​គែស​នាវ​រាវៃ។
2CO 7:6 យើន​មា​កោរាញ​ឞ្រាស​នើម​អី​រាថី​នូយ្ស​នហ៝ម់​ឞូនុយ្ស​អី​គែស​នាវ​រាង៝ត​រាវៃ ពាង់​រាថី​នូយ្ស​នហ៝ម់​ហេន​យ៝រ​មា​តីតុស ​លែៈ​ត៝ត់​ជេស​តា​ហេន។
2CO 7:7 នូយ្ស​នហ៝ម់​ហេន​លែៈ​រាថី​មោ​អោស​ទើន​មា​ពាង់​លែៈ​ត៝ត់​នៃ​ទើម យ៝រ​មា​ពាង់​មឞើស​ងក៝ច​មា​ហេន​នាវ​មហែ​ឞើស​ខាន់​អៃ​មៃ​អី​នាវ​ខាន់​អៃ​មៃ​រាថី​នូយ្ស​នហ៝ម់​ពាង់។ ពាង់​មឞើស​មា​ហេន ខាន់​អៃ​មៃ​ហោ​ងាន់​អុច​ម៝ប់​ហេន ខាន់​អៃ​មៃ​លែៈ​រាង៝ត​យ៝រ​មា​នាវ​អ្យើស​អី​គែស​តា​ខាន់​អៃ​មៃ​នើស នអ៝ប់​មា​ខាន់​អៃ​មៃ​ហោ​ងាន់​អុច​អ្យាត់​នាវ​គ៝ប់ ទឹង​លែៈ​នាវ​អី​នៃ​ជាន​អ៝ន់​គ៝ប់​រាម់​មអាក​លើ​មា​ហោ​ងាន់។
2CO 7:8 ឞ៝ល​លាស​ឆ៝ម់បុត​អី​គ៝ប់​ញជ្វាល់​អា​ល៝រ​នើស​ជាន​អ៝ន់​ខាន់​អៃ​មៃ​គែស​នាវ​រាង៝ត​តា​នូយ្ស​នហ៝ម់​កាដោយ ក៝ៈ​គ៝ប់​មោ​ហោម​គែស​នទុយ្ស​តោរ​ដ៝ង់ ឞ៝ល​លាស​ឞើស​នតើម​នើស​គ៝ប់​គែស​នាវ​នទុយ្ស​តោរ​ទូ​នហ៝ម់ យ៝រ​លាស​គ៝ប់​តាង់​នាវ​អី​គ៝ប់​ញចីស​នៃ​ជាន​អ៝ន់​ខាន់​អៃ​មៃ​គែស​នូយ្ស​នហ៝ម់​រាង៝ត។
2CO 7:9 យើន​មា​អាបៃ​អ្យា​គ៝ប់​អ្វែស​មអាក នាវ​គ៝ប់​អ្វែស​មអាក​អី​នៃ​មោ​អោស​យ៝រ​មា​ជាន​អី​អ៝ន់​ខាន់​អៃ​មៃ​រាង៝ត យើន​មា​គ៝ប់​អ្វែស​មអាក​យ៝រ​មា​នាវ​រាង៝ត​អី​នៃ​ជាន​អ៝ន់​ខាន់​អៃ​មៃ​រាគ៝ល់​លើយ​នូយ្ស​នហ៝ម់​អ្យើស​នើស នាវ​ខាន់​អៃ​មៃ​រាង៝ត​នើស​ជេង​ទី​ដាស​នាវ​កោរាញ​ឞ្រាស​អុច។ កើត​នទ្រី​ទឹង​គ៝ប់​មោ​គែស​អោស​ជាន​អ៝ន់​ខាន់​អៃ​មៃ​ជេង​អ្យើស។
2CO 7:10 នាវ​រាង៝ត​អី​ទី​ដាស​នាវ​កោរាញ​ឞ្រាស​អុច ជាន​អ៝ន់​រាគ៝ល់​លើយ​នូយ្ស​នហ៝ម់​អ្យើស គៃ​មា​គែស​នាវ​រាក្លាយ្ស នាវ​អី​នៃ​មោ​គែស​អោស​នទុយ្ស​តោរ។ យើន​មា​នាវ​រាង៝ត​អី​មោ​អោស​លែវ​រាគ៝ល់​នូយ្ស​នហ៝ម់​អ្យើស​បេង​មា​លែវ​តា​នាវ​កោរាញ​ឞ្រាស​តេៈ​ទោយ្ស​នហ៝​រ៝។
2CO 7:11 ល៝ង់​ខាន់​អៃ​មៃ​មឹន នាវ​អី​ខាន់​អៃ​មៃ​រាង៝ត​នៃ​នើស​ម៝ស​បាៈ​គែស​នាវ​ខ្លៃ​មា​ខាន់​អៃ​មៃ៖ ខាន់​អៃ​មៃ​អុច​ងាន់​ជាន​អ៝ន់​អ្វែស​រាគ៝ល់​លើយ​នាវ​អី​អ្យើស​នើស ខាន់​អៃ​មៃ​ជី​នូយ្ស​ងាន់​មា​នាវ​អ្យើស​អី​នៃ ខាន់​អៃ​មៃ​ក្លាច​កោរាញ​ឞ្រាស​តេៈ​ទោយ្ស​ខាន់​អៃ​មៃ​នអ៝ប់​មា​ឞូនុយ្ស​អី​នៃ ខាន់​អៃ​មៃ​អុច​ម៝ប់​គ៝ប់​ងាន់ ខាន់​អៃ​មៃ​អុច​ងាន់​តេៈ​ទោយ្ស​មា​ឞូនុយ្ស​អី​នៃ។ ទឹង​លែៈ​នាវ​អី​នៃ​ជេង​ញហើ​នហេល​នានេៈ​ងាន់​ខាន់​អៃ​មៃ​មោ​អោស​គែស​នាវ​តីស​តា​នាវ​អី​នៃ។
2CO 7:12 លាស​នទ្រី​នាវ​អី​គ៝ប់​ញចីស​ញជ្វាល់​អ៝ន់​ខាន់​អៃ​មៃ​នៃ​នើស មោ​អោស​ទី​យ៝រ​មា​ទូ​ហ្វេ​ឞូនុយ្ស​អី​ជាន​តីស មោ​លាស​មា​ឞូនុយ្ស​អី​ឆ៝ៈ​ទើន​នាវ​តីស​អី​នៃ នាវ​គ៝ប់​អុច​ញចីស​នៃ​គៃ​មា​ញហើ​តា​នាប់​មាត់​កោរាញ​ឞ្រាស​នាវ​អី​ខាន់​អៃ​មៃ​លែៈ​អុច​ងាន់​ជាន​តឹង​នាវ​ហេន។
2CO 7:13 ទឹង​លែៈ​នាវ​អី​នៃ​ជាន​អ៝ន់​រាថី​នូយ្ស​នហ៝ម់​ហេន។ យើន​មា​រាលាវ​ឞើស​នាវ​រាថី​អី​នៃ​ជឹត​ហេន​រាម់​មអាក យ៝រ​មា​តីតុស ​រាម់​មអាក តាៈ​ឞើស​ខាន់​អៃ​មៃ​រាថី​នូយ្ស​នហ៝ម់​ពាង់។
2CO 7:14 នាវ​អី​គ៝ប់​លែៈ​ងក៝ច​នាវ​អ្វែស​ខាន់​អៃ​មៃ​អ៝ន់​មា​តីតុស ​នើស គ៝ប់​មោ​អោស​គែស​នាវ​ដីត​ព្រេង យ៝រ​លាស​ខាន់​អៃ​មៃ​លែៈ​ជាន​កើត​នៃ​ងាន់។ ទឹង​លែៈ​នាវ​អី​ហេន​មឞើស​ងក៝ច​មា​ខាន់​អៃ​មៃ​នើស​ទី​ងាន់ កើត​នទ្រី​ដ៝ង់​នាវ​ហេន​មឞើស​ងក៝ច​មា​តីតុស ​ឆៃ​ទី​ងាន់​ដ៝ង់។
2CO 7:15 នោក​ពាង់​កាស​គឹត​មា​នាវ​ទឹង​លែៈ​ខាន់​អៃ​មៃ​គែស​នូយ្ស​នហ៝ម់​អ្យាត់​ពាង់ នទ្រែល​មា​រ៝ម​ពាង់​មា​នាវ​ក្លាច​យើក​នៃ​នើស ពាង់​គែស​នូយ្ស​នហ៝ម់​រ៝ង់​មា​ខាន់​អៃ​មៃ​លើ​ហោ​ងាន់។
2CO 7:16 គ៝ប់​មអាក​ទុត​ហោ​ងាន់ យ៝រ​មា​គ៝ប់​ទើយ​ញឆីង​មា​ខាន់​អៃ​មៃ​ទឹង​លែៈ​នទើ​ជាន។
2CO 8:1 អើ​អ៝ស​នោ​តា​នាវ​ញឆីង ហេន​ទាន់​មឞើស​អ៝ន់​ខាន់​អៃ​មៃ​គឹត​នទើ​អី​កោរាញ​ឞ្រាស​លែៈ​ជាន​តាៈ​ឞើស​នាវ​អ្វែស​ពាង់​នើម​តា​ផូង​ញឆីង​មា​ឞ្រាស​ក្រីស ​តា​អាប់​នតុក​តា​ឞ្រី​មាឆេដោន ។
2CO 8:2 ឞ៝ល​លាស​ផូង​ខាន់​ពាង់​អី​នៃ​គែស​នាវ​រេស​រាញាល់​ទុត​ហោ​កាដោយ ខាន់​ពាង់​ហោម​គែស​នាវ​រាម់​មអាក​ទុត​ហោ​ងាន់ ជេសរី​ឞ៝ល​លាស​ខាន់​ពាង់​អ៝​អាច​ទុត​ហោ​កាដោយ ខាន់​ពាង់​ហោម​អែ​គែស​នូយ្ស​នហ៝ម់​ញហើរ​អ៝ក់​ងាន់​ដ៝ង់​គៃ​មា​កើល​ឞូ​អេង។
2CO 8:3 គ៝ប់​នើម​ឆៃ ផូង​ខាន់​ពាង់​អី​នៃ​អ៝ន់​ព្រាក់​តឹង​អី​នាវ​ខាន់​ពាង់​នើម​គែស​អ៝ក់ ជេសរី​អ៝ន់​អ៝ក់​រាលាវ​មា​អី​នៃ​ជឹត អ៝ន់​លែៈ​ឞើស​នូយ្ស​នហ៝ម់​ជឹត។
2CO 8:4 ខាន់​ពាង់​មឞើស​មា​ហេន ខាន់​ពាង់​ទុត​ហោ​ងាន់​អុច គៃ​មា​ទើយ​កើល​ផូង​ប៝ន​លាន​កោរាញ​ឞ្រាស​តា​ប៝ន​យេរូឆាលឹម កើត​ផូង​ញឆីង​តា​នតុក​អេង​កើល​ដ៝ង់។
2CO 8:5 នាវ​អី​ខាន់​ពាង់​ញហើរ​កើត​នៃ ជេង​រាលាវ​ឞើស​នាវ​ហេន​លែៈ​គែស​មឹន​នើស​ងាន់ ខាន់​ពាង់​ញហើរ​ឆាក់​ខាន់​ពាង់​នើម​មា​កោរាញ​ឞ្រាស​ល៝រ ជាន​តឹង​នាវ​កោរាញ​ឞ្រាស​ដាៈ​មា​លែៈ​នូយ្ស​នហ៝ម់ ជេស​ឞើស​នៃ​ខាន់​ពាង់​ញហើរ​ឆាក់​ខាន់​ពាង់​នើម​អ៝ន់​អ្យាត់​នាវ​ហេន ជេង​ទី​ដាស​នាវ​កោរាញ​ឞ្រាស​អុច​ងាន់​រ៝។
2CO 8:6 កើត​នទ្រី​ទឹង​ហេន​នត្រោល​តីតុស  ព្លឹ​តៃ​តា​ខាន់​អៃ​មៃ គៃ​មា​លែវ​ខាន់​អៃ​មៃ​ជាន​អ៝ន់​ជេស​នាវ​ញហើរ​ការ​អ្វែស​ខាន់​អៃ​មៃ​អី​នៃ កើត​អី​ពាង់​លែៈ​ជេស​នតើម​លែវ​ខាន់​អៃ​មៃ​មា​នាវ​អី​នៃ​នើស។
2CO 8:7 គ៝ប់​វៃ​ឆៃ​ខាន់​អៃ​មៃ​ជាន​ទឹង​លែៈ​នទើ​ទុត​អ្វែស​ងាន់ នាវ​ញឆីង​ខាន់​អៃ​មៃ​ន៝ប់​ងាន់ ខាន់​អៃ​មៃ​ឞ្លាវ​នតី​ឞូ ខាន់​អៃ​មៃ​លែៈ​គឹត​វ៝ត់​នាវ​កោរាញ​ឞ្រាស ខាន់​អៃ​មៃ​ញឆ្រោយ្ស​តា​អាប់​នតីល​នទើ ជេសរី​នអ៝ប់​មា​គែស​នូយ្ស​នហ៝ម់​រ៝ង់​មា​ហេន។ លាស​នទ្រី​នាវ​រាគូម​ព្រាក់​ញហើរ​អី​នៃ​អ៝ន់​ខាន់​អៃ​មៃ​ជាន​ទុត​អ្វែស​ដ៝ង់។
2CO 8:8 គ៝ប់​ងើយ​កើត​នៃ​មោ​អោស​ទី​គ៝ប់​ដាៈ​ខាន់​អៃ​មៃ យើន​មា​គ៝ប់​អុច​ឆៃ​នូយ្ស​នហ៝ម់​រ៝ង់​ខាន់​អៃ​មៃ​រាប់​ជាប់​កើត​នូយ្ស​នហ៝ម់​រ៝ង់​ផូង​ញឆីង​តា​នតុក​អេង​មោ​លាស​មោ។
2CO 8:9 ខាន់​អៃ​មៃ​លែៈ​គឹត​ជេស​នាវ​អ្វែស​ឞ្រាស​យេឆូ​ក្រីស ពាង់​នទ្រ៝ង់​ងាន់​តា​កាលើ​ត្រោក យើន​មា​ពាង់​រាគ៝ល់​ជេង​អ៝​អាច​ជេង​ឞូនុយ្ស​តា​នែស​នតូ យ៝រ​មា​ខាន់​អៃ​មៃ គៃ​មា​អ៝ន់​ខាន់​អៃ​មៃ​ជេង​នទ្រ៝ង់​តាៈ​ឞើស​នាវ​អ៝​អាច​ពាង់​នៃ។
2CO 8:10 គ៝ប់​មឹន​លាស​អ្វែស​មា​ខាន់​អៃ​មៃ​ជាន​កើត​នអា៖ នាម់​អែ​នើស​ខាន់​អៃ​មៃ​លែៈ​អុច​ញហើរ​កើត​នៃ​ល៝រ​ឞូ​នើស ជេសរី​នតើម​ញហើរ​ដ៝ង់។
2CO 8:11 លាស​នទ្រី​អ៝ន់​ខាន់​អៃ​មៃ​ជាន​ជេស​ហ៝ម់​នទើ​អី​នៃ​ទោ។ មើម​បាៈ​នូយ្ស​នហ៝ម់​ខាន់​អៃ​មៃ​លែៈ​នអើរ​ជេស​ឞើស​នតើម​នើស អ៝ន់​ជាន​ងាន់​ជេង​តឹម​ទី​កើត​អី​នៃ​ដ៝ង់​ទោ តឹង​អី​ខាន់​អៃ​មៃ​គែស។
2CO 8:12 លាស​ឞ៝ន់​គែស​នូយ្ស​នហ៝ម់​អុច​អ៝ន់ កោរាញ​ឞ្រាស​រាម់​មអាក​មា​នទើ​អី​អាប់​នើម​ទើយ​អ៝ន់ ពាង់​មោ​អោស​អុច​ឞ៝ន់​អ៝ន់​រាលាវ​មា​នទើ​ឞ៝ន់​គែស។
2CO 8:13 គ៝ប់​មោ​អោស​អុច​ខាន់​អៃ​មៃ​មោ​ត៝ង់​តាៈ​ឞើស​កើល​ឞូនុយ្ស​អា​អេង យើន​មា​គ៝ប់​អុច​ទឹង​លែៈ​ឞាល់​អ៝ន់​គែស​ទាទេ។
2CO 8:14 អាបៃ​អ្យា​ខាន់​អៃ​មៃ​គែស​អ៝ក់​រាមែស ឞ្លាវ​កើល​ខាន់​ពាង់​អី​មោ​ត៝ង់ លាស​ត៝ត់​ខាន់​ពាង់​គែស​អ៝ក់​រាមែស ខាន់​ពាង់​មរា​កើល​ខាន់​អៃ​មៃ​ដ៝ង់​នោក​ខាន់​អៃ​មៃ​មោ​ត៝ង់។ លាស​នទ្រី​ទឹង​លែៈ​ឞាល់​គែស​តឹម​ឞាន។
2CO 8:15 តា​នាវ​កោរាញ​ឞ្រាស​ងើយ​លែៈ​ញចីស​ជេស​មា​ផូង​អីឆ្រាអែល ​នោក​ខាន់​ពាង់​ទោញ​នទើ​ឆោង​ឆា​មានា ​តា​ឞ្រី​រាទាស​នើស៖ «ឞូ​ម៝ស​អី​ទោញ​គែស​អ៝ក់​ក៝ៈ​មោ​រាមែស​ដ៝ង់‌ ឞូ​ម៝ស​អី​ទោញ​គែស​ដេៈ​ដាៈ​ទើម​ក៝ៈ​មោ​ពាស​ព៝ត់​ដ៝ង់»។
2CO 8:16 លាស​អ្វែស​មា​កោរាញ​ឞ្រាស យ៝រ​លាស​ពាង់​អ៝ន់​តីតុស ​គែស​នូយ្ស​នហ៝ម់​គើយ្ស​នអើរ​អុច​កើល​ខាន់​អៃ​មៃ​កើត​គ៝ប់​ដ៝ង់។
2CO 8:17 តីតុស ​មោ​អោស​ទើន​អុច​តឹង​នាវ​ហេន​ទាន់​ហាន់​តា​ខាន់​អៃ​មៃ​ទូ​តឹ​តៃ រាលាវ​ឞើស​នៃ​ជឹត​ពាង់​គែស​នូយ្ស​នហ៝ម់​គើយ្ស​នអើរ​អេង​ឆាក់​ពាង់​នើម​ហាន់​អា​ខាន់​អៃ​មៃ។
2CO 8:18 ជេសរី​ហេន​អ៝ន់​ទូ​ហ្វេ​អ៝ស​នោ​តា​នាវ​ញឆីង​ហាន់​នទ្រែល ពាង់​ឞូនុយ្ស​អី​ផូង​ញឆីង​តា​អាប់​នតុក​រានេ​ហោ​ងាន់​មា​នាវ​ពាង់​មឞើស​ងក៝ច​នាវ​មហែ​មហាន​អ្វែស។
2CO 8:19 រាលាវ​ឞើស​នៃ​ជឹត ផូង​ញឆីង​នតុក​អេងៗ​លែៈ​កើយ្ស​ជេស​ពាង់​អ៝ន់​ហាន់​នទ្រែល​ហេន​តា​នាវ​រាគូម​ព្រាក់​ញហើរ​អី​នៃ នាវ​ញហើរ​អី​នៃ​ជេង​ទូ​នតីល​នាវ​ឆើម​កើល​ជាន​ការ​អី​យើក​កោរាញ​ឞ្រាស នទ្រែល​មា​អ៝ន់​ឞូ​ឆៃ​ដ៝ង់​នាវ​ហេន​គែស​នូយ្ស​នហ៝ម់​គើយ្ស​នអើរ​អុច​កើល​ឞូ។
2CO 8:20 ហេន​ជាន​កើត​នៃ​គៃ​មា​មោ​អោស​គែស​ទូ​ហ្វេ​ឞូនុយ្ស​ទើយ​នទុយ្ស​ហេន​តា​នាវ​ទ៝ង់​ព្រាក់​អី​ឞូ​ញហើរ​អ៝ន់​អ៝ក់​ងាន់​លែៈ​ឞើស​នូយ្ស​នហ៝ម់​នៃ។
2CO 8:21 ហេន​ញឆ្រោយ្ស​ជាន​អ្វែស​មា​ទឹង​លែៈ​នទើ មោ​អោស​ទើន​តា​នាប់​មាត់​កោរាញ​ឞ្រាស​ទើម នអ៝ប់​មា​តា​នាប់​មាត់​ទឹង​លែៈ​ឞូនុយ្ស​ដ៝ង់។
2CO 8:22 ជេសរី​ហេន​អ៝ន់​អ៝ស​នោ​ទូ​ហ្វេ​ជឹត​អ៝ន់​ហាន់​នទ្រែល​ខាន់​ពាង់​ឞារ​ហៃ​នៃ។ ហេន​លែៈ​វៃ​រាល៝ង​នូយ្ស​នហ៝ម់​ពាង់​អ៝ក់​តឹ ឆៃ​ពាង់​គើយ្ស​ហោ​ងាន់​ជាន​អាប់​នតីល​នទើ។ ជ៝ង់​អ្យា​ពាង់​អុច​ញហើ​នូយ្ស​នហ៝ម់​គើយ្ស​នអើរ​រាលាវ​ឞើស​អា​ល៝រ​នើស​ជឹត យ៝រ​លាស​ពាង់​ញឆីង​ហោ​ងាន់​ខាន់​អៃ​មៃ​អុច​កើល​ងាន់។
2CO 8:23 តីតុស ​ជេង​មឹត​ជាង់​គ៝ប់​ជេង​ឞូនុយ្ស​អី​ឆើម​កើល​ជាន​ការ​មា​ខាន់​អៃ​មៃ​នទ្រែល​គ៝ប់។ ខាន់​ពាង់​អី​ឞារ​ហៃ​ហាន់​នទ្រែល​អី​នៃ​ជេង​ឆើម​នតាង​ផូង​ញឆីង​នតុក​អេងៗ នាវ​គុ​រេស​ឞារ​ហៃ​ខាន់​ពាង់​នៃ​អ្វែស​អ៝ន់​ឞូ​រានេ​មា​ឞ្រាស​ក្រីស ។
2CO 8:24 លាស​នទ្រី​អ៝ន់​ខាន់​អៃ​មៃ​ញហើ​នាវ​រ៝ង់​ខាន់​អៃ​មៃ​មា​ខាន់​ពាង់​ទោ គៃ​មា​ផូង​ញឆីង​អាប់​នតុក​ឆៃ​នហេល​នាវ​ហេន​រានេ​ខាន់​អៃ​មៃ​នើស​ជេង​ទី​ងាន់។
2CO 9:1 គ៝ប់​មោ​ហោម​អោស​ខាច់​ញចីស​ឆ៝ម់បុត​ញជ្វាល់​អ៝ន់​មា​ខាន់​អៃ​មៃ​ជឹត គៃ​មា​មឞើស​ងក៝ច​នាវ​ញហើរ​ព្រាក់​មា​កើល​ផូង​ប៝ន​លាន​កោរាញ​ឞ្រាស​តា​ប៝ន​យេរូឆាលឹម ‌
2CO 9:2 យ៝រ​លាស​គ៝ប់​លែៈ​គឹត​ជេស​ខាន់​អៃ​មៃ​អុច​ងាន់​កើល​ខាន់​ពាង់ គ៝ប់​លែៈ​រានេ​ខាន់​អៃ​មៃ​មឞើស​ងក៝ច​អ៝ន់​មា​ផូង​ញឆីង​តា​ឞ្រី​មាឆេដោន ​លាស៖ “ផូង​ញឆីង​តា​ឞ្រី​អាខៃ ​លែៈ​នទ្រាប់​ញហើរ​ឞើស​នាម់​អែ​នើស”។ ជេសរី​នាវ​គើយ្ស​នអើរ​ខាន់​អៃ​មៃ​លែៈ​នត្រោល​នូយ្ស​នហ៝ម់​ឞូនុយ្ស​អ៝ក់​តា​ឞ្រី​មាឆេដោន ​មា​ញហើរ​ព្រាក់។
2CO 9:3 យើន​មា​គ៝ប់​ហោម​អ៝ន់​មពោល​អ៝ស​នោ​អី​នៃ​ហាន់​អា​ខាន់​អៃ​មៃ គៃ​មា​ខាន់​ពាង់​ឆៃ​នទើ​អី​គ៝ប់​លែៈ​រានេ​ខាន់​អៃ​មៃ​នើស​ជេង​ងាន់ ជេសរី​នោក​ហេន​ត៝ត់​តា​ខាន់​អៃ​មៃ​តៃ ខាន់​អៃ​មៃ​លែៈ​នទ្រាប់​ជេស​ព្រាក់​ញហើរ​កើត​គ៝ប់​លែៈ​ងើយ​នៃ។
2CO 9:4 លាស​គែស​អ៝ស​នោ​តាៈ​ឞើស​ឞ្រី​មាឆេដោន ​ហាន់​នទ្រែល​ហេន​អា​ខាន់​អៃ​មៃ លាស​ឆៃ​ខាន់​អៃ​មៃ​អេ​ហ៝ៈ​ជេស​នទ្រាប់​អោស លាស​នទ្រី​មោ​អោស​គែស​ទើន​ហេន​ទើម​គែស​នាវ​ដីត​ព្រេង នអ៝ប់​មា​ខាន់​អៃ​មៃ​ក៝ៈ​គែស​នាវ​ដីត​ព្រេង​ដ៝ង់ យ៝រ​លាស​ហេន​លែៈ​ញឆីង​ខាន់​អៃ​មៃ​ហោ​ងាន់។
2CO 9:5 កើត​នទ្រី​ទឹង​គ៝ប់​មឹន​ទី​ទាន់​មពោល​អ៝ស​នោ​អី​នៃ​ហាន់​ល៝រ​អា​ខាន់​អៃ​មៃ គៃ​មា​នទ្រាប់​ព្រាក់​អ៝ក់​អី​ខាន់​អៃ​មៃ​លែៈ​ត៝ន​នៃ​នើស​អ៝ន់​ជេស​ផ្យៅ។ លាស​នទ្រី​ឞូ​មរា​ឆៃ​ខាន់​អៃ​មៃ​អ៝ន់​មា​លែៈ​នូយ្ស​នហ៝ម់ មោ​អោស​តាៈ​ឞើស​នាវ​ញច៝ប់។
2CO 9:6 អ៝ន់​ខាន់​អៃ​មៃ​គឹត​មា​នាវ​អ្យា៖ ឞូ​ម៝ស​អី​តូច​ដេៈ​មរា​រែក​គែស​ដេៈ​ដ៝ង់ យើន​មា​ឞូ​ម៝ស​អី​តូច​អ៝ក់​មរា​រែក​គែស​អ៝ក់​ដ៝ង់។
2CO 9:7 លាស​នទ្រី​អ៝ន់​អាប់​នើម​ខាន់​អៃ​មៃ​តេៈ​ញហើរ​តឹង​អី​នូយ្ស​នហ៝ម់​ខាន់​អៃ​មៃ​នើម​លែៈ​អុច មោ​អោស​អ៝ន់​មា​នាវ​ញហ្វាច មោ​អោស​អ៝ន់​មា​នាវ​ញច៝ប់ យ៝រ​លាស​កោរាញ​ឞ្រាស​អុច​មា​ឞូ​ម៝ស​អី​អ៝ន់​មា​ឞូ​មា​នូយ្ស​នហ៝ម់​មអាក។
2CO 9:8 ពាង់​ទើយ​អ៝ន់​នាវ​គែស​ជេង​អ៝ក់​រាមែស​មា​ខាន់​អៃ​មៃ គៃ​មា​គែស​អាប់​នតីល​នទើ​ទ៝ង់​មា​ខាន់​អៃ​មៃ​បាបើ ជេសរី​ហោម​អ៝ក់​រាមែស​ដ៝ង់ គៃ​មា​ជាន​អាប់​នតីល​នទើ​អ្វែស​មា​ឞូ។
2CO 9:9 កើត​នាវ​កោរាញ​ឞ្រាស​ងើយ​លែៈ​គែស​ញចីស​លាស៖ «ឞូនុយ្ស​អី​ពាៈ​នទើ​មា​ឞូ អី​អ៝ន់​នទើ​មា​ឞូនុយ្ស​អ៝​អាច‌ នាវ​ឆ៝ង់​ពាង់​ហោម​គុ​ក្រេប​នហ៝​រ៝»។
2CO 9:10 កោរាញ​ឞ្រាស​អី​អ៝ន់​គារ់​នតីល​មា​តូច នទ្រែល​មា​អ៝ន់​នទើ​ឆោង​ឆា ពាង់​មរា​ម៝ត់​គារ់​នតីល​ខាន់​អៃ​មៃ នទ្រែល​មា​អ៝ន់​គារ់​នតីល​អី​នៃ​គែស​អ៝ក់​ដ៝ង់ គៃ​មា​នទើ​អ្វែស​អី​ខាន់​អៃ​មៃ​ជាន​មា​ឞូ​គែស​អ៝ក់​ងាន់ នាវ​អី​នៃ​តឹម​ឞាន​មា​គែស​ព្លៃ​អ៝ក់​ងាន់។
2CO 9:11 ពាង់​មរា​ជាន​អ៝ន់​ខាន់​អៃ​មៃ​ជេង​នទ្រ៝ង់​តា​ទឹង​លែៈ​នតីល​នទើ គៃ​មា​ខាន់​អៃ​មៃ​គែស​នទើ​នឹង​មា​កើល​ឞូ​មា​លែៈ​នូយ្ស​នហ៝ម់ ជេសរី​មរា​គែស​អ៝ក់​ឞូនុយ្ស​លាស​អ្វែស​មា​កោរាញ​ឞ្រាស​ព្រាក់​អី​ខាន់​អៃ​មៃ​ញហើរ​ហេន​ទែ​ញអោត។
2CO 9:12 នាវ​រាគូម​ព្រាក់​ញហើរ​អី​នៃ​មោ​អោស​ទើន​មា​កើល​មា​ផូង​ប៝ន​លាន​កោរាញ​ឞ្រាស​ទើម រាលាវ​ឞើស​នៃ​ជឹត​លើ​មា​អ៝ក់​ដ៝ង់​ឞូនុយ្ស​លាស​អ្វែស​កោរាញ​ឞ្រាស​មា​នាវ​ញហើរ​អី​នៃ។
2CO 9:13 តាៈ​ឞើស​នាវ​រាគូម​ព្រាក់​ខាន់​អៃ​មៃ​អី​នៃ ឞូ​មរា​រានេ​កោរាញ​ឞ្រាស យ៝រ​មា​ខាន់​អៃ​មៃ​អ៝ន់​អ៝ក់​ព្រាក់​មា​ខាន់​ពាង់ នអ៝ប់​មា​ទឹង​លែៈ​ផូង​ញឆីង ឞូ​មរា​រានេ​កោរាញ​ឞ្រាស​ដ៝ង់ យ៝រ​លាស​នាវ​ខាន់​អៃ​មៃ​ជាន​នៃ ញហើ​ខាន់​អៃ​មៃ​នើម​ជាន​តឹង​នាវ​នតី​តា​នាវ​មហែ​មហាន​អ្វែស​ឞ្រាស​ក្រីស​ងាន់។
2CO 9:14 ខាន់​ពាង់​មរា​មឞើស​ឆើម​ទាន់​កោរាញ​ឞ្រាស​អ៝ន់​មា​ខាន់​អៃ​មៃ នអ៝ប់​មា​គែស​នូយ្ស​នហ៝ម់​រ៝ង់​មា​ខាន់​អៃ​មៃ យ៝រ​មា​ខាន់​ពាង់​ឆៃ​នាវ​អ្វែស​កោរាញ​ឞ្រាស​ទុត​ក្វ៝ង់​គែស​តា​ខាន់​អៃ​មៃ។
2CO 9:15 ទាន់​លាស​អ្វែស​កោរាញ​ឞ្រាស​មា​នាវ​អី​ពាង់​អ៝ន់​មា​ឞ៝ន់​នៃ​អី​មោ​ហោម​អោស​ឞ្លាវ​នតឹត។
2CO 10:1 គែស​ឞូនុយ្ស​អាបាៈ​លាស​គ៝ប់ នោក​គ៝ប់​គុ​នទ្រែល​ខាន់​អៃ​មៃ​គ៝ប់​ជាន​ឞូនុយ្ស​មោ​ឞាញ់​ងើយ​ទាង់ តីស​មា​នោក​គុ​ងាយ​ជាន​ជាញ​ដាស​ខាន់​អៃ​មៃ​ហោ​ងាន់។ គ៝ប់​ទាន់​ខាន់​អៃ​មៃ​មា​នូយ្ស​នហ៝ម់​មលែស នទ្រែល​មា​នូយ្ស​នហ៝ម់​ទេស​រាហេត​ឞ្រាស​ក្រីស ‌
2CO 10:2 គ៝ប់​ទាន់​ខាន់​អៃ​មៃ​ហោ​ងាន់ គៃ​មា​នោក​គ៝ប់​ហាន់​អា​ខាន់​អៃ​មៃ​តៃ​លើយ​អោស​អ៝ន់​គ៝ប់​គែស​នូយ្ស​នហ៝ម់​ជាញ​ដាស​ឞូនុយ្ស​អី​មឹន​លាស​ហេន​គុ​ងាវ​ជាន​នទើ​តឹម​ឞាន​មា​ឞូនុយ្ស​អី​មោ​ញឆីង​មា​ឞ្រាស​ក្រីស ។
2CO 10:3 ឞ៝ល​លាស​ហេន​ឞូនុយ្ស​គុ​តា​នែស​នតូ​អ្យា​កាដោយ ក៝ៈ​ហេន​មោ​អោស​តឹម​លើស​កើត​ឞូនុយ្ស​តា​នែស​នតូ​អ្យា។
2CO 10:4 នទើ​តឹម​លើស​អី​ហេន​ទ៝ង់​នៃ មោ​អោស​ទី​នទើ​តឹម​លើស​អី​ឞូ​ទ៝ង់​តា​នែស​នតូ​អ្យា យើន​មា​ជេង​នទើ​អី​គែស​នាវ​ទើយ​តាៈ​ឞើស​កោរាញ​ឞ្រាស​អី​ទើយ​លើស​រាល៝ម់​លើយ​នាវ​មឹន​ឞូនុយ្ស​អី​តឹម​រាទ៝ង់​ដាស​កោរាញ​ឞ្រាស តឹម​ឞាន​មា​លើស​រាល៝ម់​លើយ​ពោយ្ស។
2CO 10:5 ហេន​លើស​រាល៝ម់​លើយ​ទឹង​លែៈ​នាវ​រាលាច់​ឞូនុយ្ស​អី​កើប​អេង​គែស​នាវ​ខ្លៃ អី​តឹម​រាលាច់​ដាស​នាវ​នតី​នាវ​កោរាញ​ឞ្រាស។ ហេន​រាគូម​ទឹង​លែៈ​នាវ​មឹន​អី​តឹម​រាទ៝ង់​ដាស​នាវ​ឞ្រាស​ក្រីស  ជេសរី​ជាន​អ៝ន់​អ្យាត់​ឞ្រាស​ក្រីស ។
2CO 10:6 ជេស​រី​ត៝ត់​ខាន់​អៃ​មៃ​លែៈ​ជេស​អ្យាត់​ទឹង​លែៈ​នាវ​ឞ្រាស​ក្រីស ​ដាៈ គ៝ប់​លែៈ​នទ្រាប់​នូយ្ស​នហ៝ម់​ជេស មា​តេៈ​ទោយ្ស​ឞូនុយ្ស​អី​ហោម​ទាង់​ក៝​មោ​អុច​អ្យាត់។
2CO 10:7 អ៝ន់​ខាន់​អៃ​មៃ​មឹន​មា​នទើ​អី​ខាន់​អៃ​មៃ​លែៈ​ឆៃ​នហេល ជេសរី​ឞូ​ម៝ស​អី​កើប​អេង​ឆាក់​ពាង់​នើម​ជេង​ប៝ន​លាន​ឞ្រាស​ក្រីស  ពាង់​អី​នៃ​មរា​ឆៃ​ហេន​ជេង​ប៝ន​លាន​ឞ្រាស​ក្រីស ​កើត​ពាង់​នើម​ដ៝ង់។
2CO 10:8 កោរាញ​ឞ្រាស​លែៈ​អ៝ន់​ជេស​នាវ​ទើយ​មា​ហេន ពាង់​អ៝ន់​នាវ​ទើយ​អី​នៃ​គៃ​មា​កើល​ខាន់​អៃ​មៃ មោ​អោស​ទី​គៃ​មា​លើស​លើយ​ខាន់​អៃ​មៃ។ ឞ៝ល​លាស​គ៝ប់​រានេ​អេង​ឆាក់​មា​នាវ​ទើយ​អី​នៃ​ហោ​អីរ​កាដោយ​លែៈ ក៝ៈ​មោ​គែស​នាវ​ដីត​ព្រេង​ដ៝ង់។
2CO 10:9 គ៝ប់​មោ​អោស​ទី​លាស​អុច​អ៝ន់​ខាន់​អៃ​មៃ​ក្លាច យ៝រ​មា​ឆ៝ម់បុត​គ៝ប់។
2CO 10:10 គែស​ឞូនុយ្ស​អាបាៈ​តា​ផូង​ខាន់​អៃ​មៃ​លាស៖ “តា​ឆ៝ម់បុត​ពោល ​គែស​នាវ​ងើយ​ទាង់ៗ​ងាន់ យើន​មា​នោក​ពាង់​នើម​ហាន់​តា​អ្យា​ពាង់​មោ​អោស​ឞាញ់​ងើយ​ទាង់ ជេសរី​នាវ​ងើយ​មោ​ដ៝ង់​គែស​ខ្លៃ”។
2CO 10:11 ឞូនុយ្ស​អី​ងើយ​កើត​នៃ​អ៝ន់​ពាង់​គឹត​វ៝ត់ មើម​នាវ​គ៝ប់​ញចីស​តា​ឆ៝ម់បុត​នោក​គ៝ប់​មោ​អោស​គុ​នទ្រែល គ៝ប់​មរា​ជាន​កើត​នៃ​ដ៝ង់​នោក​គ៝ប់​គុ​នទ្រែល។
2CO 10:12 មពោល​ឞូនុយ្ស​តា​ផូង​ខាន់​អៃ​មៃ នាវ​អី​ខាន់​ពាង់​រានេ​អេង​ឆាក់​ខាន់​ពាង់​នើម នាវ​អី​នៃ​មោ​អោស​អ្វែស។ ខាន់​ពាង់​កើប​ខ្លៃ​តា​ឆាក់​ខាន់​ពាង់​នើម​តាៈ​ឞើស​ខាន់​ពាង់​តឹម​រាដឹល​នទ្រាង់​ខាន់​ពាង់​នើម​មា​ឆាក់​ខាន់​ពាង់​នើម មពោល​អី​នៃ​រាលូក​ម៝ល់​ទើម។ ហេន​មោ​អុច​អោស​តឹម​រាដឹល​ហេន​នើម​ដាស​ខាន់​ពាង់។
2CO 10:13 យើន​មា​ហេន ហេន​មោ​អោស​រានេ​អេង​ឆាក់​ហេន​នើម​រាលាវ​អីរ​មា​នទើ​អ្វែស​អី​ហេន​លែៈ​ជាន ហេន​ងើយ​មា​នទើ​កោរាញ​ឞ្រាស​លែៈ​អ៝ន់​ហេន​ជាន​ទូ​រី​ទើម ជេសរី​ពាង់​អ៝ន់​ហេន​ហាន់​នតី​ត៝ត់​តា​នតុក​ខាន់​អៃ​មៃ​ដ៝ង់។
2CO 10:14 ហេន​លែៈ​ហាន់​ត៝ត់​តា​ខាន់​អៃ​មៃ​ជេស នអ៝ប់​មា​លែវ​នាវ​មហែ​មហាន​អ្វែស​ឞ្រាស​ក្រីស​តា​នតុក​ខាន់​អៃ​មៃ​ល៝រ​ហេន​ដ៝ង់ លាស​នទ្រី​ហេន​មោ​អោស​រានេ​អេង​ឆាក់​ហេន​នើម​រាលាវ​អីរ​មា​នាវ​អី​ហេន​លែៈ​នតី​ខាន់​អៃ​មៃ។
2CO 10:15 ហេន​មោ​អោស​នតូប​មា​នទើ​ឞូ​អេង​លែៈ​ជាន។ ជេសរី​ហេន​រានើម នាវ​ញឆីង​ខាន់​អៃ​មៃ​លើ​មា​ន៝ប់​ងាន់ នទ្រែល​មា​នាវ​ហេន​ជាន​ការ​តា​ខាន់​អៃ​មៃ​លើ​មា​ហោ​ជឹត។
2CO 10:16 ជេសរី​ហេន​ទើយ​ហាន់​មឞើស​ងក៝ច​នាវ​មហែ​មហាន​អ្វែស​តា​នតុក​អេងៗ​ជឹត​ងាយ​ឞើស​ឞ្រី​ខាន់​អៃ​មៃ​នៃ តា​នតុក​អេ​ហ៝ៈ​គែស​ឞូ​អេង​ហាន់​មឞើស​ងក៝ច។ លាស​នទ្រី​ឞូ​មោ​អោស​ទើយ​លាស ហេន​នតូប​ជាន​តា​នតុក​ឞូ​អេង​លែៈ​ជាន។
2CO 10:17 លែៈ​គែស​ញចីស​ជេស​តា​នាវ​កោរាញ​ឞ្រាស​ងើយ៖ «ឞូ​ម៝ស​អី​ងើយ​នទើ​អ្វែស​តា​ឆាក់​ពាង់​នើម អ៝ន់​ពាង់​ងើយ​មា​នទើ​អ្វែស​កោរាញ​ឞ្រាស​លែៈ​ជាន​ហ៝ៈ»។
2CO 10:18 នាវ​រានេ​អេង​ឆាក់​នើម​មោ​អោស​គែស​ខ្លៃ យើន​មា​នាវ​កោរាញ​ឞ្រាស​រានេ​អី​គែស​នាវ​ខ្លៃ។
2CO 11:1 គ៝ប់​ទាន់​ខាន់​អៃ​មៃ​យោៈ​មា​គ៝ប់​បាៈ យ៝រ​លាស​គ៝ប់​ងើយ​តឹម​ឞាន​មា​ឞូនុយ្ស​រាលូក​ម៝ល់​បាៈ ទាន់​យោៈ​មា​គ៝ប់​បាៈ!
2CO 11:2 គ៝ប់​គ្រាង​ខាន់​អៃ​មៃ​តឹម​ឞាន​មា​កោរាញ​ឞ្រាស​គ្រាង​ខាន់​អៃ​មៃ យ៝រ​លាស​គ៝ប់​លែៈ​តឹម​ឞាន​មា​វាង់​ជេស​ខាន់​អៃ​មៃ​អ៝ន់​គែស​ទូ​ហ្វេ​ឆាយ​ឞ្រាស​ក្រីស​ហ៝ៈ គ៝ប់​អុច​លែវ​ខាន់​អៃ​មៃ តឹម​ឞាន​មា​លែវ​ឞូ​អូរ​ទ្រោស​នតាង​ខាត​មា​អ៝ន់​ឞ្រាស​ក្រីស ។
2CO 11:3 យើន​មា​គ៝ប់​រាវៃ ក្លាច​លាស​គែស​ឞូ​លែវ​ខាន់​អៃ​មៃ​លោស​ឞើស​នាវ​អី​ខាន់​អៃ​មៃ​តឹង​ឞ្រាស​ក្រីស ​រាប់​ជាប់​មា​លែៈ​នូយ្ស​នហ៝ម់ តឹម​ឞាន​មា​ឆាតាង់ ​អី​កោរាញ​មពោល​ឞ្រាស​អ្យើស​អី​ឞេស​នៃ​លែវ​មរោស​រាលាម់​អេវា ​ទើយ។
2CO 11:4 យ៝រ​លាស​នោក​គែស​ឞូនុយ្ស​អា​អេង​ហាន់​នតី​នាវ​ឞ្រាស​យេឆូ ​អេង​ឞើស​ហេន​លែៈ​នតី​នើស មោ​លាស​ខាន់​ពាង់​នតី​ឞ្រាស​ហ្វេង​អា​អេង​ឞើស​ឞ្រាស​ហ្វេង​អ្វែស​អី​ខាន់​អៃ​មៃ​លែៈ​ឆ៝ៈ​ទើន​នើស មោ​លាស​ខាន់​ពាង់​នតី​នាវ​មហែ​មហាន​អ្វែស​អេង​ឞើស​ហេន​លែៈ​នតុម​នតី​ខាន់​អៃ​មៃ​នើស នទ្រី​ខាន់​អៃ​មៃ​ឆ៝ៈ​ទើន​នាវ​ខាន់​ពាង់​នតុម​នតី​អី​នៃ ខាន់​អៃ​មៃ​មោ​អោស​រាលាច់។
2CO 11:5 ខាន់​ពាង់​នហី​អេង​ឆាក់​ខាន់​ពាង់​នើម​ជាន​កោរាញ​អ៝ស​ម៝ន​ទុត​ក្វ៝ង់​ងាន់ យើន​មា​ខាន់​ពាង់​មោ​អោស​ក្វ៝ង់​រាលាវ​គ៝ប់។
2CO 11:6 ឞ៝ល​លាស​គ៝ប់​មឞើស​ងើយ​មោ​លាង់​ឞ្លាវ​កាដោយ គ៝ប់​ហោម​គែស​នាវ​គឹត​ឞ្លាវ​ដ៝ង់ កើត​គ៝ប់​លែៈ​ញហើ​ជេស​នាវ​អី​នៃ​មា​ខាន់​អៃ​មៃ​ទឹង​លែៈ​នតីល​នទើ​នើស។
2CO 11:7 នោក​គ៝ប់​មឞើស​ងក៝ច​នាវ​មហែ​មហាន​អ្វែស​កោរាញ​ឞ្រាស​អ៝ន់​មា​ខាន់​អៃ​មៃ​នើស មោ​អោស​គ៝ប់​ឆ៝ៈ​ខ្លៃ នាវ​អី​នៃ​គ៝ប់​លែៈ​ញជុរ​អេង​ឆាក់​គ៝ប់​នើម គៃ​មា​នហាវ​ខាន់​អៃ​មៃ។ លាស​នទ្រី​អាស​គ៝ប់​ជាន​កើត​នៃ​តីស​ឞើស?
2CO 11:8 គ៝ប់​លែៈ​ឆ៝ៈ​ជេស​ព្រាក់​ឞើស​ផូង​ញឆីង​តា​នតុក​អេងៗ គ៝ប់​តឹម​ឞាន​មា​នតុង​ឞើស​ខាន់​ពាង់​គៃ​មា​ឆើម​កើល​ជាន​ការ​មា​ខាន់​អៃ​មៃ មោ​អោស​ឆ៝ៈ​ខ្លៃ​ឞើស​ខាន់​អៃ​មៃ។
2CO 11:9 នោក​គ៝ប់​គុ​នទ្រែល​ខាន់​អៃ​មៃ​នើស លាស​គ៝ប់​គែស​នាវ​មោ​ត៝ង់​គ៝ប់​មោ​អោស​ទាន់​នទើ​ទូ​ហ្វេ​តា​មពោល​ខាន់​អៃ​មៃ គ៝ប់​លែៈ​គែស​អ៝ស​នោ​តា​នាវ​ញឆីង​តាៈ​ឞើស​ឞ្រី​មាឆេដោន ​កើល​គ៝ប់​តា​នាវ​មោ​ត៝ង់​អី​នៃ។ ទឹង​លែៈ​នទើ​មោ​ត៝ង់ គ៝ប់​មោ​អោស​អ៝ន់​ខាន់​អៃ​មៃ​គែស​នាវ​ជេរ​យ៝រ​មា​កើល​គ៝ប់ ឞ៝ល​លាស​ជឹត​នាប់​តៃ គ៝ប់​មោ​ដ៝ង់​ទាន់​ខាន់​អៃ​មៃ​កើល​គ៝ប់។
2CO 11:10 គ៝ប់​ងើយ​ងាន់ យ៝រ​លាស​ឞ្រាស​ក្រីស ​អី​នាវ​ងាន់​គុ​តា​គ៝ប់៖ គ៝ប់​មោ​មរា​ឆ៝ៈ​នទើ​ឞើស​ទូ​ហ្វេ​តា​ឞ្រី​អាខៃ ​អី​ឞ្រី​ខាន់​អៃ​មៃ គៃ​មា​គ៝ប់​ហោម​ឞ្លាវ​ងើយ​កើត​នៃ​នឹង។
2CO 11:11 លាស​នទ្រី​ម៝ស​យ៝រ​គ៝ប់​មោ​អុច​ឆ៝ៈ​នទើ​ឞើស​ខាន់​អៃ​មៃ? យ៝រ​មា​គ៝ប់​មោ​រ៝ង់​ខាន់​អៃ​មៃ​ឞើស? មោ​អោស! កោរាញ​ឞ្រាស​លែៈ​គឹត​ជេស​គ៝ប់​រ៝ង់​ខាន់​អៃ​មៃ។
2CO 11:12 យើន​មា​នទើ​អី​គ៝ប់​ជាន​នៃ គ៝ប់​ហោម​ជាន​ជឹត​នាប់​ជឹត គៃ​មា​ខាន់​ពាង់​អី​នតី​អេង​ឞើស​អី​ហេន​លែៈ​នតុម​នតី មោ​គែស​នាវ​មា​លាស​នាវ​ជាន​ការ​ខាន់​ពាង់​អ្វែស​តឹម​ឞាន​មា​នាវ​ជាន​ការ​ហេន។
2CO 11:13 ខាន់​ពាង់​អី​នៃ​ជេង​កោរាញ​អ៝ស​ម៝ន​ងក្លាៈ ជេង​មពោល​មរោស ងក្លាៈ​ឆាក់​ខាន់​ពាង់​នើម​ជាន​កោរាញ​អ៝ស​ម៝ន​ឞ្រាស​ក្រីស ​ទើម។
2CO 11:14 នទើ​អី​នៃ​ខាន់​អៃ​មៃ​លើយ​ទឹង​អោស​នទ្រ៝ត់​ហីស​រាហ៝ល់ ឞ៝ល​លាស​ឆាតាង់ ​អី​កោរាញ​មពោល​ឞ្រាស​អ្យើស​ញជេង​ឆាក់​ពាង់​នើម​ជាន​តោង​ពារ់​កោរាញ​ឞ្រាស​អី​តោង​ពារ់​នាវ​អាង​ដ៝ង់។
2CO 11:15 លាស​នទ្រី​មោ​អោស​គែស​នាវ​នទ្រ៝ត់​ហីស​រាហ៝ល់ លាស​មពោល​អី​ជាន​ការ​មា​ឆាតាង់ ​នៃ ខាន់​ពាង់​ងក្លាៈ​ឆាក់​ខាន់​ពាង់​នើម​ជាន​ឞូនុយ្ស​ឆ៝ង់​អី​ឆើម​កើល​ជាន​ការ​មា​កោរាញ​ឞ្រាស។ តា​នារ​ងគ្លែៈ​ទុត​តៃ​កោរាញ​ឞ្រាស​មរា​តេៈ​ទោយ្ស​មា​ខាន់​ពាង់​តឹង​នទើ​អី​ខាន់​ពាង់​នើម​លែៈ​គែស​ជាន​នៃ។
2CO 11:16 គ៝ប់​ទាន់​មឞើស​តៃ​ទូ​តឹ​ជឹត លើយ​អោស​អ៝ន់​ទូ​ហ្វេ​ឞូនុយ្ស​កើប​គ៝ប់​ជេង​ឞូនុយ្ស​រាលូក​ម៝ល់​យ៝រ​មា​នទើ​គ៝ប់​ញចីស​មា​ឆាក់​គ៝ប់​នើម យើន​មា​លាស​ខាន់​អៃ​មៃ​កើប​គ៝ប់​ជេង​ឞូនុយ្ស​រាលូក​ម៝ល់​កាដោយ អ៝ន់​ខាន់​អៃ​មៃ​ហោម​ឆ៝ៈ​ទើន​មា​នទើ​គ៝ប់​ញចីស​នហី​អេង​ឆាក់​អ្យា។
2CO 11:17 នាវ​អី​គ៝ប់​ញចីស​អ្យា​មា​នទើ​អ្វែស​នទើ​ខ្លៃ​តា​ឆាក់​គ៝ប់​នើម មោ​អោស​តឹម​ទី​មា​នាវ​កោរាញ​យេឆូ ​រានេ យើន​មា​គ៝ប់​ជាន​តឹម​ឞាន​មា​ឞូនុយ្ស​រាលូក​ម៝ល់។
2CO 11:18 យ៝រ​មា​គែស​អ៝ក់​ឞូនុយ្ស​អី​នហី​អេង​ឆាក់​មា​នទើ​ខាន់​ពាង់​ជាន​អី​ឞូនុយ្ស​មោ​ញឆីង​កើប​អ្វែស​កើប​ខ្លៃ។ នទ្រី​គ៝ប់​នហី​អេង​ឆាក់​កើត​នៃ​ដ៝ង់‌
2CO 11:19 យ៝រ​លាស​ខាន់​អៃ​មៃ​រាម់​មអាក​ឆ៝ៈ​ទើន​នាវ​ឞូនុយ្ស​រាលូក​ម៝ល់​កើត​នៃ កើប​អេង​ឆាក់​ខាន់​អៃ​មៃ​នើម​ជេង​ឞូនុយ្ស​គឹត​ឞ្លាវ។
2CO 11:20 ខាន់​អៃ​មៃ​លែៈ​អ៝ន់​ឞូ​ជាន​កោរាញ​តុន​ជ៝ត​ខាន់​អៃ​មៃ អ៝ន់​ឞូ​ឆា​ញឆ្យាន់​នទើ​ខាន់​អៃ​មៃ អ៝ន់​ឞូ​ឆ៝ៈ​ទ្រាប់​នទើ​ខាន់​អៃ​មៃ អ៝ន់​ឞូ​មឺច​ខាន់​អៃ​មៃ នទ្រែល​មា​អ៝ន់​ឞូ​តាប​តឹម​ឞ៝ម​ខាន់​អៃ​មៃ។
2CO 11:21 គ៝ប់​មោ​អោស​ជាន​កើត​ខាន់​ពាង់​អី​នៃ ក្លាប់​លាស​គែស​ឞូនុយ្ស​អាបាៈ​លាស​គ៝ប់​មោ​អោស​គែស​នាវ​ទើយ​មា​ជាន​កើត​ខាន់​ពាង់​អី​នៃ។ មោ​ទី​អោស ជេសរី​គ៝ប់​មោ​អោស​ដីត​ព្រេង យ៝រ​មា​មោ​អោស​ជាន​កើត​ខាន់​ពាង់​អី​នៃ។ ម៝ស​នទើ​អី​ឞូ​ឞាញ់​ងើយ​នទើ​អ្វែស​តា​ឆាក់​ពាង់​នើម គ៝ប់​ឞាញ់​ងើយ​ដ៝ង់ ឞ៝ល​លាស​ងើយ​កើត​នៃ​ជេង​ងើយ​តឹម​ឞាន​មា​ឞូនុយ្ស​រាលូក​ម៝ល់​កើត​នអា៖
2CO 11:22 អាស​មពោល​អី​នៃ​ឞ្លាវ​ងើយ​នាវ​ងើយ​ហេឞ្រើ ​ឞើស? គ៝ប់​អ្យា​ឞ្លាវ​ងើយ​នាវ​ងើយ​ហេឞ្រើ ​ដ៝ង់! អាស​មពោល​អី​នៃ​ជេង​ផូង​អីឆ្រាអែល ​ឞើស? គ៝ប់​អ្យា​ជេង​ផូង​អីឆ្រាអែល ​ដ៝ង់! អាស​មពោល​អី​នៃ​អី​រាន៝យ​ទែស​អាឞ្រាហាម់ ​ឞើស? គ៝ប់​អ្យា​អី​រាន៝យ​ទែស​អាឞ្រាហាម់ ​ដ៝ង់!
2CO 11:23 អាស​មពោល​អី​នៃ​ជេង​ឞូនុយ្ស​ឆើម​កើល​ជាន​ការ​មា​ឞ្រាស​ក្រីស ​ឞើស? តា​អ្យា​គ៝ប់​ងើយ​តឹម​ឞាន​មា​ឞូនុយ្ស​ត្រើយ​ងាន់ គ៝ប់​ជេង​ឞូនុយ្ស​អី​ឆើម​កើល​ជាន​ការ​អ៝ក់​រាលាវ​មា​មពោល​អី​នៃ​ជឹត។ គ៝ប់​ជាន​ការ​រាអាស​រាគាញ់​រាលាវ​មា​មពោល​អី​នៃ គែស​នទ្រូង​ក៝ៈ​អ៝ក់​រាលាវ​មា​មពោល​អី​នៃ​ដ៝ង់ ឞូ​រាពាត់​ឞូ​មឞាង​អ៝ក់​រាលាវ ជេសរី​គែស​អ៝ក់​តឹ​គ៝ប់​ឞើយ​មា​ខឹត​ដ៝ង់។
2CO 11:24 ព្រាម់​តឹ​ផូង​អីឆ្រាអែល ​រាពាត់​គ៝ប់​មា​ម៝ង់​រាឆែ ៣៩ ត៝ង។
2CO 11:25 ឞូ​មឞាង​គ៝ប់​មា​ម៝ង់​ពែ​តឹ នតុប​គ៝ប់​មា​លុ​ទូ​តឹ គែស​ង៝ម់​ទូក​ក្វ៝ង់​ពែ​តឹ គែស​ទូ​តឹ​ទាក​វាច់​ទាក​វារ់​ទែ​រាទូ​ទូ​នាង់​ទូ​នារ។
2CO 11:26 គ៝ប់​ញឆ៝ង​ត្រ៝ង​នឹង គ៝ប់​ឞើយ​មា​ខឹត​នោក​រាគាន់​ទាក​រាលាយ​អេងៗ គ៝ប់​ឞើយ​មា​ខឹត​នោក​ម៝ប់​ដាស​មពោល​នតុង គ៝ប់​ឞើយ​មា​ខឹត​យ៝រ​មា​ផូង​អីឆ្រាអែល ​អី​ផូង​គ៝ប់​នើម គ៝ប់​ឞើយ​មា​ខឹត​យ៝រ​មា​ផូង​អី​មោ​ទី​ផូង​អីឆ្រាអែល  គ៝ប់​ឞើយ​មា​ខឹត​តា​ប៝ន​ក្វ៝ង់ គ៝ប់​ឞើយ​មា​ខឹត​តា​ឞ្រី​រាទាស គ៝ប់​ឞើយ​មា​ខឹត​រ៝ៈ​ទាក​វាច់​ទាក​វារ់ គ៝ប់​គែស​នាវ​ជេរ​តាៈ​ឞើស​មពោល​អ៝ស​នោ​តា​នាវ​ញឆីង​អី​ងក្លាៈ។
2CO 11:27 គ៝ប់​ជាន​ការ​មា​នាវ​រាអាស​រាគាញ់ មា​នាវ​ជេរ​ជ៝ត់ មា​នាវ​រាងែស​អ៝ក់​មាង់ មា​នាវ​ជី​ង៝ត​មា​នាវ​ជី​ហីរ អ៝ក់​តឹ​គ៝ប់​មោ​អោស​គែស​នទើ​ឆោង​ឆា អ៝ក់​តឹ​គ៝ប់​គែស​ជី​កាត់​ជី​គ៝ គុ​កោស​លាហោក។
2CO 11:28 រាលាវ​ឞើស​នៃ​ជឹត អាប់​នារ​គ៝ប់​គែស​នាវ​រាវៃ​ដ៝ង់​មា​ទឹង​លែៈ​ផូង​ញឆីង​អាប់​នតុក។
2CO 11:29 លាស​គែស​ទូ​ហ្វេ​ឞូនុយ្ស​លែៈ​ឆ្វាន គ៝ប់​ក៝ៈ​គែស​នាវ​រាវៃ​មា​ពាង់​ដ៝ង់ លាស​គែស​ឞូ​លែវ​ទូ​ហ្វេ​អ៝ស​នោ​តា​នាវ​ញឆីង​ជាន​តីស គ៝ប់​ជី​នូយ្ស​ហោ​ងាន់!
2CO 11:30 លាស​មា​គ៝ប់​ងើយ​នាវ​អ្វែស​តា​ឆាក់​គ៝ប់​នើម គ៝ប់​អុច​ងើយ​មា​នាវ​អេងៗ​អី​ញហើ​គ៝ប់​អី​ឞូនុយ្ស​តា​ន៝ម់​ឞូ​ទើម។
2CO 11:31 កោរាញ​ឞ្រាស​អី​ឞឹ​កោរាញ​យេឆូ ពាង់​គឹត​ជេស​គ៝ប់​មោ​អោស​ងើយ​មរោស ទាន់​រានេ​មា​ពាង់​បាបើ​នហ៝​រ៝។
2CO 11:32 នោក​គ៝ប់​គុ​តា​ប៝ន​ដាមាស ​នើស កោរាញ​ប៝ន​អី​គុ​តា​ន៝ម់​កាដាច់​អារេតាស  ដាៈ​ក៝ន​តាហែន​គុ​ក៝ប់​តា​ឞោក​មពោង​ប៝ន គៃ​មា​ញុប​គ៝ប់‌
2CO 11:33 យើន​មា​គ៝ប់​លាប់​គុ​តា​ទូ​មល៝ម់​ឞិ ជេសរី​ឞូ​យូរ​គ៝ប់​រ៝ៈ​មពោង​ឞ្ល៝ស​មពេរ​ប៝ន នទ្រី​គ៝ប់​ក្លាយ្ស​ឞើស​តី​ពាង់​នៃ។
2CO 12:1 ឞ៝ល​លាស​នាវ​នហី​អេង​ឆាក់​គ៝ប់​នើម​មោ​គែស​នាវ​ខ្លៃ​កាដោយ ហោម​អ្យាត់​មា​គ៝ប់​ងើយ​មា​នទើ​អី​កោរាញ​ឞ្រាស​លែៈ​ញហើ​ជេស​មា​គ៝ប់​តា​នាវ​តឹម​ឆៃ នទ្រែល​មា​នទើ​អី​ពាង់​ពើក​អ៝ន់​គឹត។
2CO 12:2 គ៝ប់​នាល់​ទូ​ហ្វេ​ឞូ​ក្លោ​អី​ញឆីង​មា​ឞ្រាស​ក្រីស  នោក ១៤ នាម់​អា​ល៝រ​នើស កោរាញ​ឞ្រាស​ពឺ​ពាង់​តា​កាលើ​ត្រោក​អី​នតុក​កោរាញ​ឞ្រាស​នើម​ត៝ត់​តា​នតុក​ពែ​ទាប់ - យើន​មា​គ៝ប់​មោ​គឹត​លាស​ឆាក់​ជាន់​ហាវ​ងាន់ មោ​លាស​មាន​មា​តឹម​ឆៃ​ទើម កោរាញ​ឞ្រាស​ទើម​អី​នាក់​គឹត។
2CO 12:3 គ៝ប់​គឹត​កោរាញ​ឞ្រាស​ពឺ​ឞូ​ក្លោ​អី​នៃ​អា​ប៝ន​អ្វែស - យើន​មា​គ៝ប់​មោ​គឹត​អោស​លាស​ឆាក់​ជាន់​ពាង់​ហាវ​ងាន់ មោ​លាស​មាន​មា​តឹម​ឆៃ​ទើម កោរាញ​ឞ្រាស​ទើម​អី​នាក់​គឹត។
2CO 12:4 ពាង់​តាង់​នាវ​អី​ទុត​នាវ​ងាន់ យើន​មា​កោរាញ​ឞ្រាស​ឞ្វៃ​មោ​អោស​អ៝ន់​ឞូនុយ្ស​អី​ឞ្លាវ​ខឹត​មឞើស​ងក៝ច​នាវ​អី​នៃ​មា​ឞូ។
2CO 12:5 គ៝ប់​ងើយ​រានេ​អេង​ឆាក់​មា​ឞូ​ក្លោ​អី​នៃ យើន​មា​គ៝ប់​មោ​អោស​រានេ​អេង​ឆាក់​គ៝ប់​នើម គ៝ប់​មាន​មា​រានេ​ម៝ស​នទើ​អី​រាអ្យា​តា​ឆាក់​គ៝ប់​នើម​ទើម។
2CO 12:6 លាស​គ៝ប់​អុច​រានេ​អេង​ឆាក់ គ៝ប់​ក៝ៈ​មោ​ដ៝ង់​ជេង​ឞូនុយ្ស​រាលូក​ម៝ល់ យ៝រ​លាស​នាវ​អី​គ៝ប់​ងើយ​នៃ​ជេង​នាវ​ងាន់។ យើន​មា​គ៝ប់​មោ​ហោម​អោស​ងើយ​មា​នាវ​អី​គ៝ប់​លែៈ​តឹម​ឆៃ​នៃ​នើស ក្លាច​លាស​ឞូ​កើប​គ៝ប់​អ្យា​ក្វ៝ង់​រាលាវ​ឞើស​នទើ​អី​ខាន់​ពាង់​លែៈ​ឆៃ​តា​នាវ​គុ​ងាវ​គ៝ប់ លែៈ​តាង់​តា​នាវ​គ៝ប់​នតី​នៃ។
2CO 12:7 កោរាញ​ឞ្រាស​អ៝ន់​ទូ​នតីល​នទើ​តា​ឆាក់​ជាន់​គ៝ប់​អី​តឹម​ឞាន​មា​ល៝ក តឹម​ឞាន​មា​គែស​តោង​ពារ់​ឆាតាង់ ​អី​កោរាញ​មពោល​ឞ្រាស​អ្យើស​មា​ក៝ប់​ងក្រីត​តា​ឆាក់​ជាន់​គ៝ប់ កោរាញ​ឞ្រាស​ជាន​កើត​នៃ​គៃ​មា​គ៝ប់​មោ​អោស​កើប​អេង​ឆាក់​គ៝ប់​នើម​ក្វ៝ង់​អីរ​តាៈ​ឞើស​នទើ​ទុត​នាវ​ងាន់​អី​កោរាញ​ឞ្រាស​លែៈ​អ៝ន់​គ៝ប់​ឆៃ​នើស។
2CO 12:8 លែៈ​ពែ​តឹ​គ៝ប់​ទាន់​កោរាញ​ឞ្រាស​ហោ​ងាន់ តាក់​លើយ​ល៝ក​អី​នៃ​ឞើស​ឆាក់​ជាន់​គ៝ប់‌
2CO 12:9 យើន​មា​ពាង់​លាស​មា​គ៝ប់៖ “គ៝ប់​កើល​មៃ​តាៈ​ឞើស​នាវ​អ្វែស​គ៝ប់​នើម​លែៈ​គាប់​ជេស​មា​មៃ យ៝រ​លាស​នាវ​ទើយ​គ៝ប់​នើម លើ​មា​ហោ​ឞូ​ឆៃ​នហេល​លាស​គ៝ប់​អ៝ន់​មា​ឞូនុយ្ស​អី​រាអ្យា”។ លាស​នទ្រី​គ៝ប់​អុច​រានេ​ម៝ស​នទើ​អី​រាអ្យា​តា​ឆាក់​គ៝ប់​នើម​នអ៝ប់​មា​នូយ្ស​នហ៝ម់​រាម់​មអាក គៃ​មា​នាវ​ទើយ​ឞ្រាស​ក្រីស ​នើម​គុ​តា​គ៝ប់។
2CO 12:10 កើត​នទ្រី​គ៝ប់​អ្វែស​មអាក​នោក​គ៝ប់​រាអ្យា នោក​ឞូ​រាក​ឆ្វាយ​គ៝ប់ នោក​គ៝ប់​គែស​នាវ​ជេរ នោក​ឞូ​ជាន​ជេរ​គ៝ប់ នោក​គ៝ប់​គែស​នាវ​ងក្ល៝ន់​រាវៃ យ៝រ​មា​គ៝ប់​ជាន​ការ​មា​ឞ្រាស​ក្រីស។ គ៝ប់​អ្វែស​មអាក​នោក​គ៝ប់​រាអ្យា យ៝រ​លាស​នោក​នៃ​ឞ្រាស​ក្រីស​គុ​តា​គ៝ប់​មា​នាវ​ទើយ​ពាង់​នើម។
2CO 12:11 គ៝ប់​រានេ​អេង​ឆាក់​កើត​នៃ​តឹម​ឞាន​មា​ឞូនុយ្ស​អី​រាលូក​ម៝ល់ យ៝រ​មា​ខាន់​អៃ​មៃ​ញច៝ប់​គ៝ប់​ជាន។ ទី​លាស​ខាន់​អៃ​មៃ​ក៝ស​គ៝ប់​រានេ​គ៝ប់។ ឞ៝ល​លាស​គ៝ប់​អី​ឞូនុយ្ស​មោ​ខ្លៃ​កាដោយ ក៝ៈ​គ៝ប់​មោ​ដ៝ង់​ជេៈ​តា​ន៝ម់​មពោល​អី​ឞូនុយ្ស​អាបាៈ​កើប​លាស​កោរាញ​អ៝ស​ម៝ន​អី​ទុត​ក្វ៝ង់​អី​នៃ។
2CO 12:12 នោក​គ៝ប់​គុ​នទ្រែល​ខាន់​អៃ​មៃ​នើស គ៝ប់​ជាន​នាវ​មឞេន​អេងៗ​អី​អ៝ន់​គឹត​នហេល​លាស​គ៝ប់​អី​អ្យា​ជេង​កោរាញ​អ៝ស​ម៝ន​ងាន់ គែស​នាវ​មឞេន គែស​នាវ​ជាន​ទុត​នាវ​ងាន់ គែស​ញហើ​នាវ​ទើយ​កោរាញ​ឞ្រាស នទ្រែល​មា​គែស​នាវ​អ៝ត់​នូយ្ស​ទុត​ហោ។
2CO 12:13 ម៝ស​បាៈ​គ៝ប់​ជាន​តីស​តា​ខាន់​អៃ​មៃ? គ៝ប់​កើល​ខាន់​អៃ​មៃ​តឹម​ឞាន​មា​គ៝ប់​កើល​មា​ផូង​ញឆីង​តា​នតុក​អេងៗ យើន​មា​គ៝ប់​មោ​អោស​អ៝ន់​ខាន់​អៃ​មៃ​គែស​នាវ​ជេរ​មា​កើល​គ៝ប់ លាស​គ៝ប់​ជាន​តីស​មោ​អ៝ន់​ខាន់​អៃ​មៃ​កើល​គ៝ប់ ទាន់​ខាន់​អៃ​មៃ​យោៈ​មា​គ៝ប់​បាៈ!
2CO 12:14 អាបៃ​អ្យា​គ៝ប់​នទ្រាប់​ហាន់​អា​ខាន់​អៃ​មៃ​លែៈ​ពែ​តឹ​មា​អ្យា ជេសរី​គ៝ប់​ក៝ៈ​មោ​ដ៝ង់​អ៝ន់​ខាន់​អៃ​មៃ​គែស​នាវ​ជេរ​មា​កើល​គ៝ប់ យ៝រ​លាស​គ៝ប់​មោ​អោស​នអើរ​អុច​គែស​ទ្រាប់​នទើ​ខាន់​អៃ​មៃ គ៝ប់​អុច​ខាន់​អៃ​មៃ​ជាន​តឹង​នាវ​ឞ្រាស​ក្រីស​អុច​មា​លែៈ​នូយ្ស​នហ៝ម់ នអ៝ប់​មា​អ្យាត់​គ៝ប់​ដ៝ង់។ មោ​ទី​អោស​អ៝ស​ក៝ន​ឆើម​រាគូម​ព្រាប់​ទ្រាប់​នទើ​មា​អ៝ន់​មេៈ​ឞឹ មេៈ​ឞឹ​អី​ទី​ឆើម​រាគូម​ព្រាប់​ទ្រាប់​នទើ​មា​អ៝ន់​អ៝ស​ក៝ន!
2CO 12:15 គ៝ប់​តឹម​ឞាន​មា​មេៈ​ឞឹ​ខាន់​អៃ​មៃ គ៝ប់​អុច​ងាន់​ឆ៝ៈ​ទ៝ង់​ទ្រាប់​នទើ​អី​គ៝ប់​នើម​គែស នអ៝ប់​មា​ឆាក់​គ៝ប់​នើម​ឆើម​ជាន​ការ​អ៝ន់​មា​ខាន់​អៃ​មៃ គ៝ប់​ជាន​មា​នូយ្ស​នហ៝ម់​រាម់​មអាក។ លាស​លែៈ​ទាស​នៃ​ជេស​នាវ​ក្វ៝ង់​គ៝ប់​រ៝ង់​មា​ខាន់​អៃ​មៃ លាស​នទ្រី​មើម​ទឹង​ខាន់​អៃ​មៃ​រ៝ង់​មា​គ៝ប់​លើ​មា​ដេៈ​ទើម?
2CO 12:16 ក្លាប់​លាស​គែស​ឞូនុយ្ស​អាបាៈ​តា​ផូង​ខាន់​អៃ​មៃ​លាស​គ៝ប់៖ “ពាង់​មោ​អោស​ឆ៝ៈ​ទ្រាប់​នទើ​ឞ៝ន់​កាដោយ តីស​មា​ពាង់​ហោម​មរោស​រាលាម់​ទ្រាប់​នទើ​ឞ៝ន់”។
2CO 12:17 អើម​គ៝ប់​ឆា​ញឆ្យាន់​ទ្រាប់​នទើ​ខាន់​អៃ​មៃ​តាៈ​ឞើស​ឞូនុយ្ស​អី​គ៝ប់​ដាៈ​ហាន់​អា​ខាន់​អៃ​មៃ​នើស​ឞើស?
2CO 12:18 គ៝ប់​ទាន់​តីតុស ​ហោ​ងាន់​ហាន់​អា​ខាន់​អៃ​មៃ​នើស ជេសរី​គ៝ប់​ដាៈ​ទូ​ហ្វេ​ឞូ​ក្លោ​ជឹត​ហាន់​នទ្រែល​ពាង់​ដ៝ង់ លាស​នទ្រី​អើម​តីតុស ​អី​នៃ​ឆា​ញឆ្យាន់​ទ្រាប់​នទើ​ខាន់​អៃ​មៃ​ឞើស? អើម​មោ​ទី​លាស​ហេន​ឞារ​ហៃ​អ្យា​ជេង​ទូ​នតោរ​នាវ​ទើម នទ្រែល​មា​ហាន់​តឹង​តេល​ទូ​នតោរ​នាវ​ឞើស?
2CO 12:19 ក្លាប់​លាស​ខាន់​អៃ​មៃ​មឹន​លាស​ហេន​ញចីស​ទឹង​លែៈ​នាវ​តា​ឆ៝ម់បុត​អ្យា​គៃ​មា​ព្លើង​អើស​ខាន់​អៃ​មៃ​ទើម។ មោ​អោស ហេន​ញចីស​ជេង​ឞូនុយ្ស​ឆើម​កើល​ជាន​ការ​មា​ឞ្រាស​ក្រីស  ញចីស​តា​នាប់​មាត់​កោរាញ​ឞ្រាស។ អើ​អ៝ស​នោ​អី​ហេន​រ៝ង់ ទឹង​លែៈ​នទើ​ហេន​ជាន ហេន​ជាន​គៃ​មា​រាទ៝ក់​ញជេង​ខាន់​អៃ​មៃ។
2CO 12:20 គ៝ប់​ក្លាច​នោក​គ៝ប់​ហាន់​អា​ខាន់​អៃ​មៃ គ៝ប់​ឆៃ​ខាន់​អៃ​មៃ​អេង​ឞើស​នាវ​អី​គ៝ប់​អុច​ឆៃ ជេសរី​ខាន់​អៃ​មៃ​ឆៃ​គ៝ប់​អេង​ឞើស​នាវ​អី​ខាន់​អៃ​មៃ​អុច​ឆៃ​ដ៝ង់។ គ៝ប់​រាវៃ​ក្លាច​លាស​តា​ខាន់​អៃ​មៃ​គែស​នាវ​តឹម​រាទ៝ង់ តឹម​មោ​នាច តឹម​ជី​នូយ្ស តឹម​ងខាស​មពោល តឹម​ងើយ​កែក តឹម​ងើយ​ញចើត តឹម​មឺច គែស​នាវ​អុស​អាស។
2CO 12:21 គ៝ប់​ក្លាច នោក​គ៝ប់​ហាន់​ជ៝ង់​កើយ​អ្យា គ៝ប់​មរា​គែស​នាវ​ដីត​ព្រេង​តា​នាប់​មាត់​កោរាញ​ឞ្រាស​អី​ឞ្រាស​គ៝ប់​យើក​មឞាស​នៃ​យ៝រ​មា​ខាន់​អៃ​មៃ។ ជេសរី​គ៝ប់​ក្លាច​គ៝ប់​មរា​ញុម​រាង៝ត យ៝រ​មា​គែស​អ៝ក់​ឞូនុយ្ស​តា​ខាន់​អៃ​មៃ​អី​ជាន​តីស​អា​ល៝រ​នើស អេ​ហ៝ៈ​អោស​ឞាស​ជាន​តីស មោ​អោស​រាគ៝ល់​លើយ​នូយ្ស​នហ៝ម់​អ្យើស​ឞើស​នាវ​ជាន​អាប់​នតីល​នទើ​អ្យើស នាវ​ខើស​ក្លែរ នទ្រែល​មា​នាវ​តឹម​ទ៝ង់​អី​ខាន់​ពាង់​វៃ​ជាន​នៃ​នើស។
2CO 13:1 លែៈ​ពែ​តឹ​មា​អ្យា​ជេស​គ៝ប់​ហាន់​អា​ខាន់​អៃ​មៃ។ អ៝ន់​ខាន់​អៃ​មៃ​កាស​គឹត​មា​នាវ​អី​លែៈ​គែស​ញចីស​តា​នាវ​កោរាញ​ឞ្រាស​ងើយ៖ «អ្យាត់​មា​គែស​ឞូនុយ្ស​ឞារ​ហៃ មោ​លាស​ពែ​នុយ្ស​ជេង​ឞូនុយ្ស​តើម​ឆៃ មើ​ទឹង​អ្យាត់​នាវ​ឞូ​នតោន» លាស​នទ្រី​គ៝ប់​មរា​ជាន​កើត​នៃ​ដ៝ង់​មា​ទឹង​លែៈ​នាវ​នតោន។
2CO 13:2 នោក​គ៝ប់​គុ​នទ្រែល​ខាន់​អៃ​មៃ​ត៝ល់​ឞារ​នើស គ៝ប់​លែៈ​មឞើស​មា​មពោល​ឞូនុយ្ស​អី​ជាន​តីស៖ គ៝ប់​មោ​មរា​ច្រេ​ជឹត​អោស។ អាបៃ​អ្យា​នោក​គ៝ប់​ហោម​អែ​គុ​ងាយ គ៝ប់​អុច​មឞើស​អ៝ន់​មា​មពោល​អី​នៃ នទ្រែល​មា​ទឹង​លែៈ​ឞូនុយ្ស​អាបាៈ​អេង​ជឹត​អ៝ន់​គឹត​ល៝រ៖ ត៝ត់​គ៝ប់​ហាន់​អា​ខាន់​អៃ​មៃ គ៝ប់​មោ​អោស​ហោម​ច្រេ​មា​ទូ​ហ្វេ​ឞូនុយ្ស​អី​ជាន​តីស។
2CO 13:3 ខាន់​អៃ​មៃ​អុច​គឹត​នហេល​នាវ​គ៝ប់​ងើយ​តាៈ​ឞើស​ឞ្រាស​ក្រីស ​ងាន់ នទ្រី​ត៝ត់​គ៝ប់​ហាន់​អា​ខាន់​អៃ​មៃ គ៝ប់​មរា​នទុយ្ស​ឞូនុយ្ស​អី​ជាន​តីស​តឹម​ទី​មា​នាវ​ឞ្រាស​ក្រីស ​ដាៈ ពាង់​គែស​នាវ​ទើយ​មា​តេៈ​ទោយ្ស ជេសរី​ពាង់​មរា​តេៈ​ទោយ្ស​ងាន់​រ៝​មា​នាវ​ទើយ។
2CO 13:4 ឞ៝ល​លាស​ឞូ​ងខឹត​ពាង់​តា​ឆី​តឹម​រាកាង់​តឹម​ឞាន​មា​ពាង់​មោ​គែស​នាវ​ទើយ​កាដោយ យើន​មា​ពាង់​ហោម​រេស​យ៝រ​មា​នាវ​ទើយ​កោរាញ​ឞ្រាស​ដ៝ង់។ ហេន​តឹម​ឞាន​កើត​នៃ​ដ៝ង់ នទើ​អី​ហេន​ជាន​តា​ខាន់​អៃ​មៃ ឞ៝ល​លាស​ហេន​ជេង​ឞូនុយ្ស​មោ​អោស​គែស​នាវ​ទើយ យើន​មា​ហេន​ហោម​រេស​នទ្រែល​ពាង់​ដ៝ង់ នអ៝ប់​មា​គែស​នាវ​ទើយ​កោរាញ​ឞ្រាស។
2CO 13:5 អ៝ន់​ខាន់​អៃ​មៃ​រាល៝ង​មេត​អ្វាញ់​អេង​ឆាក់​ខាន់​អៃ​មៃ​នើម អាស​ខាន់​អៃ​មៃ​ហោម​គែស​នាវ​ញឆីង​មា​ឞ្រាស​យេឆូ​ក្រីស ​មោ​លាស​មោ? អ៝ន់​ខាន់​អៃ​មៃ​មេត​អ្វាញ់​អេង​ឆាក់​ខាន់​អៃ​មៃ​នើម​ហ៝ម់ អើម​ខាន់​អៃ​មៃ​មោ​គឹត​បាស​ឞ្រាស​យេឆូ​ក្រីស ​គុ​តា​ខាន់​អៃ​មៃ? លាស​មោ​អោស​គឹត យ៝រ​មា​ខាន់​អៃ​មៃ​មោ​ញឆីង​ងាន់ ជេសរី​ឞ្រាស​យេឆូ​ក្រីស ​មោ​ដ៝ង់​រ៝ម​ខាន់​អៃ​មៃ។
2CO 13:6 យើន​មា​ហេន​អ្យា​គែស​នាវ​រានើម ខាន់​អៃ​មៃ​គឹត​លាស​ឞ្រាស​យេឆូ​ក្រីស ​គុ​នទ្រែល​ហេន​ងាន់​រ៝។
2CO 13:7 ហេន​មឞើស​ឆើម​ទាន់​មា​កោរាញ​ឞ្រាស គៃ​មា​ខាន់​អៃ​មៃ​លើយ​អោស​ជាន​នទើ​តីស។ ហេន​រានើម​លាស​នោក​ហេន​ត៝ត់​អា​ខាន់​អៃ​មៃ​នៃ​ហេន​មោ​អោស​គែស​នាវ​មា​ញហើ​នាវ​ទើយ​តា​នាវ​តេៈ​ទោយ្ស។ អ៝ន់​ខាន់​អៃ​មៃ​ជាន​នទើ​អ្វែស​ហ៝ៈ​អេ​ល៝រ​ហេន​ត៝ត់។ មោ​ច្រាវ​អោស​លាស​ឞូនុយ្ស​អាបាៈ​ហោម​មោ​យើក​ហេន យ៝រ​មា​មោ​អោស​ឆៃ​ហេន​គែស​នាវ​ទើយ។
2CO 13:8 ហេន​មោ​អោស​ទើយ​តឹម​រាទ៝ង់​ដាស​នាវ​ងាន់ ហេន​មាន​មា​ទើយ​ជាន​នទើ​អី​តឹម​ទី​ដាស​នាវ​ងាន់​ទើម។
2CO 13:9 ហេន​គែស​នាវ​អ្វែស​មអាក នោក​ហេន​តឹម​ឞាន​មា​មោ​គែស​នាវ​ទើយ ជេសរី​ខាន់​អៃ​មៃ​គែស​នាវ​ទើយ។ ហេន​មឞើស​ឆើម​ទាន់​កោរាញ​ឞ្រាស​អ៝ន់​ខាន់​អៃ​មៃ​ជេង​តឹម​ទី​កើត​នាវ​ពាង់​នើម​អុច​ងាន់​ងេន។
2CO 13:10 កើត​នទ្រី​ទឹង​គ៝ប់​ញចីស​ឆ៝ម់បុត​អ្យា​អ៝ន់​ខាន់​អៃ​មៃ​នោក​គ៝ប់​ហោម​គុ​ងាយ គៃ​មា​នោក​គ៝ប់​ត៝ត់​អា​ខាន់​អៃ​មៃ គ៝ប់​មោ​ហោម​ខាច់​អោស​មឞើស​ងើយ​ទាង់​ដាស​ខាន់​អៃ​មៃ​មា​នាវ​ទើយ​អី​កោរាញ​យេឆូ ​ទែ​លែៈ​អ៝ន់​មា​គ៝ប់​នៃ។ ពាង់​អ៝ន់​នាវ​ទើយ​អី​នៃ​មា​គ៝ប់ មោ​អោស​ទី​គៃ​មា​លើស​ហេង​លើយ​ខាន់​អៃ​មៃ ជេង​គៃ​មា​រាទ៝ក់​ញជេង​ខាន់​អៃ​មៃ។
2CO 13:11 អើ​អ៝ស​នោ​តា​នាវ​ញឆីង ងគ្លែៈ​ទុត​អ្យា​គ៝ប់​អុច​នតិញ​ខាន់​អៃ​មៃ អ៝ន់​ខាន់​អៃ​មៃ​គែស​នាវ​រាម់​មអាក​ទោ អ៝ន់​ខាន់​អៃ​មៃ​គុ​តឹម​ទី​ដាស​កោរាញ​ឞ្រាស​នើម​អុច​តា​ទឹង​លែៈ​នតីល​នទើ​ងាន់ អ៝ន់​ខាន់​អៃ​មៃ​តឹម​នហាវ​នូយ្ស​នទ្រាង់​នើម អ៝ន់​ខាន់​អៃ​មៃ​គែស​នូយ្ស​នហ៝ម់​ទូ​នតោរ​នាវ​ហ៝ៈ អ៝ន់​ខាន់​អៃ​មៃ​គុ​តា​នាវ​ដាប់​មពាន់​ដាស​ឞូ ជេសរី​កោរាញ​ឞ្រាស​អី​តើម​នាវ​រ៝ង់ នទ្រែល​មា​អី​តើម​នាវ​ដាប់​មពាន់​ពាង់​មរា​គុ​នទ្រែល​ខាន់​អៃ​មៃ​រ៝។
2CO 13:12 តឹម​អោប​នាវ​អ្វែស​លាង់​នទ្រាង់​ខាន់​អៃ​មៃ​នើម​មា​នាវ​អ្វែស​រាស​រើច។ ទឹង​លែៈ​ផូង​ប៝ន​លាន​កោរាញ​ឞ្រាស​តា​អ្យា​អោប​នាវ​អ្វែស​លាង់​ខាន់​អៃ​មៃ​ដ៝ង់។
2CO 13:13 ទាន់​គែស​នាវ​អ្វែស​កោរាញ​យេឆូ​ក្រីស  នាវ​រ៝ង់​កោរាញ​ឞ្រាស​នើម នទ្រែល​មា​ឞ្រាស​ហ្វេង​អ្វែស​អី​ក្ល៝ស​អ្វែស​នើម​គុ​នទ្រែល​ទឹង​លែៈ​ខាន់​អៃ​មៃ៕៚
GAL 1:1 ឆ៝ម់បុត​គ៝ប់​ពោល ​ញចីស គ៝ប់​អ្យា​ជេង​កោរាញ​អ៝ស​ម៝ន។ មោ​អោស​ទី​ទូ​ហ្វេ​ឞូនុយ្ស មោ​លាស​ទូ​ផូង​ឞូនុយ្ស​អី​ដាៈ​គ៝ប់​ជាន​កោរាញ​អ៝ស​ម៝ន គែស​ឞ្រាស​យេឆូ​ក្រីស  នទ្រែល​មា​កោរាញ​ឞ្រាស​ឞឹ​នើម​អី​អ៝ន់​ឞ្រាស​យេឆូ​ក្រីស ​ទ៝ក់​រេស​នៃ ខាន់​ពាង់​ដាៈ​គ៝ប់​ជាន​កោរាញ​អ៝ស​ម៝ន។
GAL 1:2 គ៝ប់ នទ្រែល​មា​ទឹង​លែៈ​អ៝ស​នោ​តា​នាវ​ញឆីង​អី​គុ​នទ្រែល​គ៝ប់ ទាន់​អោប​នាវ​អ្វែស​លាង់​ផូង​ញឆីង​មា​ឞ្រាស​យេឆូ​ក្រីស ​អី​គុ​តា​នតុក​អេងៗ​តា​ឞ្រី​កាលាតី ។
GAL 1:3 ទាន់​កោរាញ​ឞ្រាស​ឞឹ​ឞ៝ន់ នទ្រែល​មា​កោរាញ​យេឆូ​ក្រីស  អ៝ន់​នាវ​អ្វែស អ៝ន់​នាវ​ដាប់​មពាន់​មា​ខាន់​អៃ​មៃ។
GAL 1:4 កោរាញ​យេឆូ​ក្រីស ​លែៈ​ជាវ​ជេស​ឆាក់​ជាន់​ពាង់​នើម​មា​ខឹត​យ៝រ​មា​នាវ​តីស​ផូង​ឞ៝ន់ គៃ​មា​រាក្លាយ្ស​ផូង​ឞ៝ន់​ឞើស​ទឹង​លែៈ​នាវ​អ្យើស​តា​នែស​នតូ​អ្យា ជេង​តឹង​នាវ​កោរាញ​ឞ្រាស​អុច​អី​ឞឹ​ឞ៝ន់​នើម។
GAL 1:5 អ៝ន់​ឞ៝ន់​រានេ​នាវ​ច្រេក​លើប​កោរាញ​ឞ្រាស​បាបើ​នហ៝​រ៝។ អើ​អ៝ន់​គែស​កើត​នៃ​ងាន់​រ៝!
GAL 1:6 គ៝ប់​នទ្រ៝ត់​ហីស​រាហ៝ល់​មោ​វ៝ត់​អោស​ឆៃ​ខាន់​អៃ​មៃ​ងាច់​ងាន់​មអារ់​លើយ​កោរាញ​ឞ្រាស​អី​លែៈ​ក្វាល់​ជេស​ខាន់​អៃ​មៃ​ជេង​ផូង​ប៝ន​លាន​ពាង់​នើម​តាៈ​ឞើស​នាវ​អ្វែស​ឞ្រាស​ក្រីស ​នើស ជេសរី​បេង​មា​តឹង​នាវ​នតី​អា​អេង​អី​ឞូនុយ្ស​អាបាៈ​ក្វាល់​លាស​«នាវ​មហែ​មហាន​អ្វែស»​ដ៝ង់។
GAL 1:7 យើន​មា​មោ​ហោម​អោស​គែស​នាវ​មហែ​មហាន​អ្វែស​អា​អេង​ជឹត គែស​ឞូនុយ្ស​អាបាៈ​ទើម​ជាន​អ៝ន់​ខាន់​អៃ​មៃ​គែស​នាវ​វិ អុច​ជាន​ញអើស​លើយ​នាវ​មហែ​មហាន​អ្វែស​ឞ្រាស​ក្រីស ។
GAL 1:8 ឞ៝ល​លាស​ហេន​នើម មោ​លាស​ទូ​ហ្វេ​តោង​ពារ់​តាៈ​ឞើស​កាលើ​ត្រោក​អី​នតុក​កោរាញ​ឞ្រាស​កាដោយ ឞូ​ម៝ស​មឞើស​ងក៝ច​នាវ​មហែ​មហាន​អ្វែស​តីស​ឞើស​នាវ​មហែ​មហាន​អ្វែស​អី​លែៈ​ហេន​មឞើស​ងក៝ច​មា​ខាន់​អៃ​មៃ​នើស អ៝ន់​កោរាញ​ឞ្រាស​រាតាប់​ឞូនុយ្ស​អី​នៃ​ទោស!
GAL 1:9 នាវ​អី​គ៝ប់​លែៈ​ជេស​លាស​នៃ​នើស គ៝ប់​ទាន់​លាស​តៃ​ទូ​តឹ​ជឹត លាស​ឞូ​ម៝ស​អី​មឞើស​ងក៝ច​នាវ​មហែ​មហាន​អ្វែស​អី​តីស​ឞើស​នាវ​មហែ​មហាន​អ្វែស​អី​ខាន់​អៃ​មៃ​លែៈ​ឆ៝ៈ​ទើន​ជេស​នៃ អ៝ន់​កោរាញ​ឞ្រាស​រាតាប់​ឞូនុយ្ស​អី​នៃ​ទោស!
GAL 1:10 តា​នាវ​គ៝ប់​ងើយ​អី​នៃ អើម​គ៝ប់​អុច​ឞូនុយ្ស​រានេ​គ៝ប់ មោ​លាស​អុច​កោរាញ​ឞ្រាស​រានេ​គ៝ប់? អើម​គ៝ប់​អុច​ជាន​អ៝ន់​ឞូនុយ្ស​ទើម​រាម់​មអាក​ឞើស? លាស​គ៝ប់​ហោម​អុច​ជាន​អ៝ន់​ឞូនុយ្ស​ទើម​រាម់​មអាក លាស​នទ្រី​គ៝ប់​មោ​អោស​ទី​ជេង​នើម​ឆើម​កើល​ជាន​ការ​មា​ឞ្រាស​ក្រីស !
GAL 1:11 អើ​អ៝ស​នោ​តា​នាវ​ញឆីង គ៝ប់​អុច​អ៝ន់​ខាន់​អៃ​មៃ​គឹត នាវ​មហែ​មហាន​អ្វែស​អី​គ៝ប់​លែៈ​មឞើស​ងក៝ច​អ៝ន់​មា​ខាន់​អៃ​មៃ​នៃ​នើស មោ​អោស​ទី​លោស​តាៈ​ឞើស​ឞូនុយ្ស‌
GAL 1:12 យ៝រ​លាស​ឆាក់​គ៝ប់​នើម​អី​អ្យា​មោ​គែស​អោស​ឆ៝ៈ​ទើន​នាវ​មហែ​មហាន​អ្វែស​តាៈ​ឞើស​ឞូនុយ្ស មោ​ដ៝ង់​តាៈ​ឞើស​ឞូនុយ្ស​នតុម​នតី​គ៝ប់ យើន​មា​តាៈ​ឞើស​ឞ្រាស​ក្រីស ​នើម​ញហើ​អ៝ន់​គ៝ប់​គឹត​នាល់។
GAL 1:13 ខាន់​អៃ​មៃ​លែៈ​តាង់​ដ៝ង់​នាវ​ឞូ​មឞើស​ងក៝ច​មា​នទើ​គ៝ប់​ជាន​អា​ល៝រ​នើស នោក​គ៝ប់​ហោម​គុ​តា​នាវ​វៃ​ផូង​អីឆ្រាអែល ​នើស គ៝ប់​លែៈ​ជាន​ជេរ​ជ៝ត់​ទុត​ហោ​ងាន់​មា​ផូង​ញឆីង​មា​ឞ្រាស​យេឆូ​ក្រីស ​ជេង​ផូង​ប៝ន​លាន​កោរាញ​ឞ្រាស​នើម អុច​លើស​ហេង​លើយ​ផូង​អី​នៃ។
GAL 1:14 ឞើស​នតើម​នើស នាវ​វៃ​ផូង​អីឆ្រាអែល ​គ៝ប់​លែៈ​ញអោត​ទុត​អ្វែស​ងាន់​រាលាវ​មា​ផូង​ប៝ន​លាន​គ៝ប់​នើម​អី​ក្វ៝ង់​រើស​គ៝ប់ យ៝រ​លាស​គ៝ប់​គើយ្ស​រាលាវ​មា​ខាន់​ពាង់​ជាន​តឹង​នាវ​ដើន​តាៈ​ឞើស​ផូង​អូ​ចែ​ហេន។
GAL 1:15 យើន​មា​កោរាញ​ឞ្រាស​លែៈ​អើម​កើយ្ស​ជេស​គ៝ប់​ឞើស​ត្រោម​នទុល​មែ ជេសរី​ក្វាល់​គ៝ប់​តាៈ​ឞើស​នាវ​អ្វែស​ពាង់​នើម។ តាៈ​ឞើស​នាវ​អ្វែស​អី​នៃ
GAL 1:16 ទឹង​ពាង់​ញហើ​ក៝ន​ពាង់​នើម​អ៝ន់​គ៝ប់​គឹត​នាល់​នើស គៃ​មា​គ៝ប់​មឞើស​ងក៝ច​នាវ​មហែ​មហាន​អ្វែស​ក៝ន​ពាង់​នៃ​អ៝ន់​មា​ផូង​អី​មោ​ទី​ផូង​អីឆ្រាអែល ។ ជេសរី​គ៝ប់​ហាន់​មឞើស​ងក៝ច​រ៝ គ៝ប់​មោ​អោស​ហាន់​អោប​ទូ​ហ្វេ​ឞូនុយ្ស​អេង។
GAL 1:17 គ៝ប់​ក៝ៈ​មោ​គែស​ហាន់​តា​ប៝ន​យេរូឆាលឹម ​គៃ​មា​តឹម​ម៝ប់​ដាស​មពោល​អី​ជាន​កោរាញ​អ៝ស​ម៝ន​អី​ល៝រ​ឞើស​នាប់​គ៝ប់​នៃ​ដ៝ង់ យើន​មា​គ៝ប់​ហាន់​តា​ឞ្រី​អារាប់ ​រ៝ ជេសរី​ព្លឹ​តៃ​តា​ប៝ន​ដាមាស ។
GAL 1:18 ត៝ត់​ពែ​នាម់​ជេស​ឞើស​នៃ គ៝ប់​ហាន់​តា​ប៝ន​យេរូឆាលឹម  គៃ​មា​អុច​គឹត​នាល់​ពេត្រោស  ជេសរី​គុ​នទ្រែល​ពាង់​តា​នៃ​ជ៝ៈ ១៥ នារ។
GAL 1:19 ហោម​គែស​ម៝ប់​មា​យាកើ ​អី​អ៝ស​កោរាញ​យេឆូ ​ទូ​ហ្វេ​ដ៝ង់ យើន​មា​មោ​គែស​អោស​ម៝ប់​មា​កោរាញ​អ៝ស​ម៝ន​អាបាៈ​អេង​ជឹត។
GAL 1:20 នាវ​អី​គ៝ប់​ញចីស​អ៝ន់​មា​ខាន់​អៃ​មៃ​អ្យា គ៝ប់​មោ​មរោស​អោស គែស​កោរាញ​ឞ្រាស​អី​នាក់​គឹត​ឆៃ។
GAL 1:21 ជេស​ឞើស​នៃ គ៝ប់​ហាន់​ដ៝ង់​តា​ឞ្រី​ឆីរី  តា​ឞ្រី​កីលីកៀ ‌
GAL 1:22 យើន​មា​តា​នតុក​អេងៗ​តា​ឞ្រី​យូដា  ផូង​អី​ញឆីង​មា​ឞ្រាស​ក្រីស ​អេ​ហ៝ៈ​អោស​គឹត​នាល់​គ៝ប់។
GAL 1:23 ខាន់​ពាង់​មាន​មា​គឹត​តាង់​ឞូ​មឞើស​ងក៝ច​លាស៖ “ឞូនុយ្ស​អី​វៃ​ជាន​ជេរ​ជ៝ត់​មា​ឞ៝ន់​អា​ល៝រ​នើស អាបៃ​អ្យា​ពាង់​លែៈ​មឞើស​ងក៝ច​នាវ​មហែ​មហាន​អ្វែស​អី​ព្រែ​អុច​លើស​ហេង​អា​ល៝រ​នើស​ច្រាវ!”
GAL 1:24 ជេសរី​ខាន់​ពាង់​រានេ​កោរាញ​ឞ្រាស តាៈ​ឞើស​នាវ​កោរាញ​ឞ្រាស​ជាន​តា​គ៝ប់។
GAL 2:1 ត៝ត់ ១៤ នាម់​ឞើស​កើយ​នៃ គ៝ប់​ហាន់​តៃ​តា​ប៝ន​យេរូឆាលឹម ​ទូ​តឹ​ជឹត នទ្រែល​មា​បារនាបាស  នអ៝ប់​មា​លែវ​តីតុស ​ហាន់​នទ្រែល​ដ៝ង់។
GAL 2:2 គ៝ប់​ហាន់​តា​ប៝ន​យេរូឆាលឹម ​កើត​នៃ យ៝រ​លាស​កោរាញ​ឞ្រាស​ញហើ​អ៝ន់​គ៝ប់​ហាន់។ នោក​គ៝ប់​ហាន់ គ៝ប់​ម៝ប់​អេង​មា​ផូង​កោរាញ​ផូង​ញឆីង​មា​ឞ្រាស​ក្រីស  មឞើស​ងក៝ច​មា​ខាន់​ពាង់​នាវ​អី​គ៝ប់​លែៈ​នតី​នោក​មឞើស​ងក៝ច​នាវ​មហែ​មហាន​អ្វែស​អ៝ន់​មា​ផូង​អី​មោ​ទី​ផូង​អីឆ្រាអែល ​នើស គៃ​មា​លើយ​អ៝ន់​នាវ​អី​គ៝ប់​ទោល​ហោម​នតី​មា​ឞូ នអ៝ប់​មា​នាវ​អី​គ៝ប់​លែៈ​ជេស​នតី​នៃ​នើស​ងខើង​មា​មោ​គែស​នាវ​ខ្លៃ​ច្រាវ។
GAL 2:3 ខាន់​ពាង់​តឹម​ទី​ទូ​នតោរ​នាវ​មា​គ៝ប់។ ឞ៝ល​លាស​អេ​ល៝រ​មា​ឞ្រាស​ក្រីស​ទ៝ក់​រេស​នើស ឞូ​ម៝ស​អី​មោ​ទី​ផូង​អីឆ្រាអែល  ជេសរី​ឆឹត​ញឆីង​មា​កោរាញ​ឞ្រាស អ្យាត់​មា​ក៝ស​នតោ​គៃ​មា​ជេង​ប៝ន​លាន​កោរាញ​ឞ្រាស ល៝ង់​តីតុស ​អី​អ៝ស​នោ​ឞ៝ន់​តា​នាវ​ញឆីង​អី​ហាន់​នទ្រែល​ហេន​នៃ ឞ៝ល​លាស​ពាង់​ជេង​ផូង​គ្រែក  ឞូ​ក៝ៈ​មោ​ញច៝ប់​ពាង់​ក៝ស​នតោ​ដ៝ង់។
GAL 2:4 គែស​ដ៝ង់​ឞូនុយ្ស​អាបាៈ​អី​នទ្រា​ជាន​ញឆីង​មា​ឞ្រាស​ក្រីស  លាប់​នតុង​តា​ផូង​ហេន អុច​តីតុស ​ក៝ស​នតោ​កាដោយ យើន​មា​ផូង​កោរាញ​តា​ផូង​ញឆីង​ក៝ៈ​មោ​ញច៝ប់​ពាង់​ដ៝ង់។ ខាន់​ពាង់​មាន​មា​លាប់​គៃ​មា​មេត​អ្វាញ់​គឹត​ហេន​ហោម​ជាន​តឹង​ទឹង​លែៈ​នាវ​វៃ​មោឆេ ​មោ​លាស​មោ ខាន់​ពាង់​អុច​ទឹង​លែៈ​ផូង​ញឆីង​ជាន​តឹង​នាវ​វៃ​អី​នៃ​តឹម​ឞាន​មា​ជេង​ទឹក​មា​នាវ​វៃ​អី​នៃ តីស​មា​យ៝រ​លាស​ឞ្រាស​ក្រីស ​លែៈ​រាក្លាយ្ស​ឞូ​ម៝ស​អី​ញឆីង​មា​ពាង់ លាស​នទ្រី​មោ​ហោម​ខាច់​អោស​ជាន​តឹង​ទឹង​លែៈ​នាវ​វៃ​អី​នៃ។
GAL 2:5 ហេន​មោ​អោស​តឹម​ទី​នាវ​មា​ខាន់​ពាង់​អី​នៃ ឞ៝ល​លាស​ដេៈ​ក៝ៈ​មោ​អើម​ដ៝ង់ គៃ​មា​នាវ​ងាន់​អី​នាវ​មហែ​មហាន​អ្វែស​ហោម​គែស​នឹង​តា​ខាន់​អៃ​មៃ។
GAL 2:6 ល៝ង់​ផូង​អី​ឞូ​យើក​អី​ឞូ​កើប​ខាន់​ពាង់​ជេង​កោរាញ​តា​ផូង​ញឆីង មោ​អោស​ដាៈ​គ៝ប់​នត៝ប​នទើ​តា​នាវ​គ៝ប់​នតី​មា​ឞូ។ ឞ៝ល​លាស​ខាន់​ពាង់​កោរាញ​ទាស​ក្វ៝ង់​កាដោយ ក៝ៈ​គ៝ប់​មោ​ជី​ឞោក​ជី​តោរ​ដ៝ង់ យ៝រ​លាស​កោរាញ​ឞ្រាស​មោ​អោស​កើយ្ស​ឞូនុយ្ស។
GAL 2:7 ខាន់​ពាង់​លែៈ​ឆៃ​ជេស កោរាញ​ឞ្រាស​ដាៈ​គ៝ប់​មឞើស​ងក៝ច​នាវ​មហែ​មហាន​អ្វែស​អ្យា​អ៝ន់​មា​ផូង​អី​មោ​ទី​ផូង​អីឆ្រាអែល  តឹម​ឞាន​មា​កោរាញ​ឞ្រាស​លែៈ​ដាៈ​ជេស​ពេត្រោស ​មា​មឞើស​ងក៝ច​នាវ​មហែ​មហាន​អ្វែស​អ៝ន់​មា​ផូង​អីឆ្រាអែល ​ដ៝ង់‌
GAL 2:8 យ៝រ​លាស​កោរាញ​ឞ្រាស​អី​លែៈ​អ៝ន់​ជេស​ពេត្រោស ​គែស​នាវ​ទើយ​ជេង​កោរាញ​អ៝ស​ម៝ន​មឞើស​ងក៝ច​នាវ​មហែ​មហាន​អ្វែស​អ៝ន់​មា​ផូង​អីឆ្រាអែល ‌ ពាង់​អ៝ន់​គ៝ប់​គែស​នាវ​ទើយ​ជេង​កោរាញ​អ៝ស​ម៝ន​មឞើស​ងក៝ច​នាវ​មហែ​មហាន​អ្វែស​អ៝ន់​មា​ផូង​អី​មោ​ទី​ផូង​អីឆ្រាអែល ​តឹម​ឞាន​កើត​នៃ​ដ៝ង់។
GAL 2:9 ល៝ង់​យាកើ ‌ ពេត្រោស  នទ្រែល​មា​យោហាន ​អី​ឞូ​កើប​ខាន់​ពាង់​ទុត​ខ្លៃ​ជេង​តឹម​ឞាន​មា​មែស​តា​ផូង​ញឆីង ត៝ត់​ខាន់​ពាង់​លែៈ​ឆៃ​ជេស​កោរាញ​ឞ្រាស​លែៈ​អ៝ន់​មា​គ៝ប់​នាវ​ទើយ​អី​នៃ ខាន់​ពាង់​ញុប​តី​តឹម​រាង្លាប់​នទ្រែល​គ៝ប់ ញុប​តី​តឹម​រាង្លាប់​នទ្រែល​បារនាបាស ​ដ៝ង់ តឹម​ទី​នាវ​ហេន​មា​ហាន់​មឞើស​ងក៝ច​អ៝ន់​មា​ផូង​អី​មោ​ទី​ផូង​អីឆ្រាអែល  ជេសរី​ខាន់​ពាង់​មា​មឞើស​ងក៝ច​អ៝ន់​មា​ផូង​អីឆ្រាអែល ។
GAL 2:10 គែស​ទូ​នាវ​ទើម​ខាន់​ពាង់​នតិញ​មា​ហេន លើយ​តា​ច្វេល​កើល​មា​ផូង​ក្រ៝​អ៝​អាច​តា​ផូង​ញឆីង​តា​ប៝ន​យេរូឆាលឹម  នទើ​អី​នៃ​ជេង​នទើ​អី​គ៝ប់​នអើរ​ជាន​នឹង។
GAL 2:11 យើន​មា​នោក​ពេត្រោស ​ហាន់​ត៝ត់​តា​ប៝ន​អ៝ន់តីយោក ​ឞ្រី​ឆីរី  គ៝ប់​តឹម​រាទ៝ង់​ដាស​ពាង់​តា​ងក្លាង​ឞូ​ឞាល់ យ៝រ​លាស​ពាង់​លែៈ​ជាន​តីស។
GAL 2:12 យាកើ ​ញជ្វាល់​ផូង​អីឆ្រាអែល ​អី​ញឆីង​មា​ឞ្រាស​ក្រីស ​អាបាៈ​អ៝ន់​ហាន់​តា​នៃ​ដ៝ង់។ នោក​ខាន់​ពាង់​អី​នៃ​អេ​ហ៝ៈ​ត៝ត់ ពេត្រោស ​លែៈ​វៃ​គុ​ឆោង​ឆា​នទ្រែល​ផូង​អី​មោ​ទី​ផូង​អីឆ្រាអែល  យើន​មា​នោក​ខាន់​ពាង់​អី​នៃ​លែៈ​ត៝ត់​តា​រី ពេត្រោស ​ឞាស​គុ​នទ្រែល​ផូង​អី​មោ​ទី​ផូង​អីឆ្រាអែល  យ៝រ​លាស​ពាង់​ក្លាច​ខាន់​ពាង់​អី​ផូង​អីឆ្រាអែល ​នៃ​លាស។
GAL 2:13 ល៝ង់​ផូង​អីឆ្រាអែល ​អី​ញឆីង​មា​ឞ្រាស​ក្រីស ​អាបាៈ​អេង​លែវ​ឞាល់​ជាន​នាវ​នទ៝ប់​មពោន​កើត​ពេត្រោស ​នៃ​ដ៝ង់ នអ៝ប់​មា​បារនាបាស ​ជាន​នតូត​នាវ​នទ៝ប់​មពោន​តឹង​ខាន់​ពាង់​អី​នៃ​ជឹត។
GAL 2:14 ត៝ត់​មា​គ៝ប់​ឆៃ​ខាន់​ពាង់​មោ​ហោម​តឹង​នាវ​ងាន់​អី​នាវ​មហែ​មហាន​អ្វែស​នៃ គ៝ប់​អោប​ពេត្រោស ​តា​ងក្លាង​ឞូ​ឞាល់៖ “លាស​មៃ​អី​ផូង​អីឆ្រាអែល  មោ​ហោម​អោស​ជាន​តឹង​នាវ​វៃ​ផូង​អីឆ្រាអែល  ជាន​គុ​ងាវ​តឹម​ឞាន​មា​ផូង​អី​មោ​ទី​ផូង​អីឆ្រាអែល ​ច្រាវ លាស​នទ្រី​មើម​មៃ​ទើយ​ញច៝ប់​ផូង​អី​មោ​ទី​ផូង​អីឆ្រាអែល ​អ៝ន់​ជាន​តឹង​នាវ​វៃ​ផូង​អីឆ្រាអែល ?
GAL 2:15 ល៝ង់​ឞ៝ន់​អ្យា​ផូង​អីឆ្រាអែល ​ឞើស​នទុល​មែ​ងាន់ ឞ៝ន់​មោ​អោស​ជេង​ផូង​អី​មោ​ទី​ផូង​អីឆ្រាអែល ​អី​មោ​គឹត​នាល់​នាវ​វៃ​មោឆេ  អី​ជាន​រាលាវ​នាវ​វៃ​អី​នៃ​នឹង។
GAL 2:16 ឞ៝ន់​លែៈ​គឹត​ជេស កោរាញ​ឞ្រាស​មោ​អោស​កើប​ឞូនុយ្ស​លែៈ​ឆ៝ង់​យ៝រ​មា​ជាន​តឹង​នាវ​វៃ​អី​នៃ ពាង់​កើប​លែៈ​ឆ៝ង់​ជេង​យ៝រ​មា​នាវ​ញឆីង​មា​ឞ្រាស​យេឆូ​ក្រីស ​ទើម។ លាស​នទ្រី​ឞ៝ន់​លែៈ​ញឆីង​មា​ឞ្រាស​យេឆូ​ក្រីស ​ដ៝ង់ គៃ​មា​កោរាញ​ឞ្រាស​កើប​ឞ៝ន់​លែៈ​ឆ៝ង់​យ៝រ​មា​នាវ​ញឆីង​មា​ឞ្រាស​ក្រីស ​ទើម មោ​អោស​លែៈ​កើប​ឆ៝ង់​តាៈ​ឞើស​ជាន​តឹង​នាវ​វៃ។ មោ​គែស​អោស​ឞូនុយ្ស​លែៈ​កើប​ឆ៝ង់​តាៈ​ឞើស​ជាន​តឹង​នាវ​វៃ​អី​នៃ ទូ​ហ្វេ​មោ​អើម”។
GAL 2:17 អាបៃ​អ្យា​ហេន​អី​ផូង​អីឆ្រាអែល ​អី​លែៈ​ញឆីង​មា​ឞ្រាស​ក្រីស  អុច​កោរាញ​ឞ្រាស​កើប​ហេន​លែៈ​ឆ៝ង់​តាៈ​ឞើស​នាវ​ញឆីង​អី​នៃ។ ហេន​លែៈ​វ៝ត់​ជេស ហេន​ជេង​ឞូនុយ្ស​តីស​តឹម​ឞាន​មា​ផូង​អី​មោ​ទី​ផូង​អីឆ្រាអែល ​ដ៝ង់ ឞ៝ល​លាស​ហេន​ញឆ្រោយ្ស​ជាន​តឹង​នាវ​វៃ​មោឆេ ​កាដោយ។ ហេន​ញឆីង​មា​ឞ្រាស​ក្រីស  នទ្រី​ហេន​មោ​ហោម​អោស​ជាន​តឹង​នាវ​វៃ​មោឆេ  គៃ​មា​កោរាញ​ឞ្រាស​កើប​ហេន​ឆ៝ង់។ លាស​នទ្រី​អើម​ហេន​ជេង​ឞូនុយ្ស​តីស យ៝រ​មា​មោ​ហោម​ជាន​តឹង​នាវ​វៃ​អី​នៃ​ឞើស? លាស​នទ្រី​អើម​ឞ្រាស​ក្រីស ​លែវ​អ៝ន់​ហេន​ជេង​ឞូនុយ្ស​តីស យ៝រ​មា​មោ​ហោម​ជាន​តឹង​នាវ​វៃ​អី​នៃ​ឞើស? មោ​ទី​អោស!
GAL 2:18 យើន​មា​លាស​ទូ​ហ្វេ​ឞូនុយ្ស​លែៈ​ជេស​មអារ់​លើយ​នាវ​វៃ​អី​នៃ ជេស​រី​អាបៃ​អ្យា​អុច​ជាន​តឹង​តៃ​នាវ​វៃ​អី​នៃ​គៃ​មា​កោរាញ​ឞ្រាស​កើប​ឆ៝ង់ ពាង់​អី​នៃ​តឹម​ឞាន​មា​ឞូនុយ្ស​អុច​រាទ៝ក់​តៃ​ជឹត​នទើ​អី​អា​ល៝រ​នើស​លែៈ​លើស​រាល៝ម់​លើយ។ លាស​នទ្រី​ពាង់​អី​នៃ​ញហើ​ឆាក់​ពាង់​នើម​លែៈ​ជាន​តីស​ដាស​នាវ​វៃ​អី​នៃ។
GAL 2:19 ល៝ង់​គ៝ប់ នោក​គ៝ប់​ញឆ្រោយ្ស​ជាន​តឹង​នាវ​វៃ​នើស គ៝ប់​ហោម​គែស​ទោយ្ស​យ៝រ​មា​នាវ​វៃ​អី​នៃ។ នោក​ឞូ​ងខឹត​ឞ្រាស​ក្រីស ​តា​ឆី​តឹម​រាកាង់ គ៝ប់​តឹម​ឞាន​មា​ខឹត​នទ្រែល​ពាង់ លាស​នទ្រី​អាបៃ​អ្យា​គ៝ប់​តឹម​ឞាន​មា​ខឹត​មពែស​មា​នាវ​វៃ នាវ​វៃ​មោ​ហោម​អោស​គែស​នាវ​ទើយ​មា​គ៝ប់​ជឹត គ៝ប់​គុ​រេស​គៃ​មា​គែស​ខ្លៃ​មា​កោរាញ​ឞ្រាស​នើម។
GAL 2:20 គ៝ប់​មោ​ហោម​គុ​រេស​តឹង​នាវ​អុច​គ៝ប់​នើម អាបៃ​អ្យា​គ៝ប់​គុ​រេស​តឹង​នាវ​អុច​ឞ្រាស​ក្រីស ​អី​គុ​តា​គ៝ប់។ នាវ​រេស​អី​គ៝ប់​គុ​រេស​អាបៃ​អ្យា គ៝ប់​រេស​នអ៝ប់​មា​ញឆីង​មា​ក៝ន​កោរាញ​ឞ្រាស​នើម​ទើម អី​ពាង់​លែៈ​រ៝ង់​ជេស​មា​គ៝ប់ លែៈ​ជាវ​ឆាក់​ពាង់​នើម​ខឹត​មា​នត្រ៝ៈ​គ៝ប់។
GAL 2:21 លាស​គ៝ប់​ហោម​ជាន​តឹង​តៃ​នាវ​វៃ​មោឆេ  គៃ​មា​កោរាញ​ឞ្រាស​កើប​គ៝ប់​ឆ៝ង់ គ៝ប់​ជេង​មអារ់​លើយ​នាវ​អ្វែស​កោរាញ​ឞ្រាស។ យើន​មា​គ៝ប់​លែៈ​គឹត​ជេស​កោរាញ​ឞ្រាស​មោ​អោស​កើប​ឆ៝ង់​តាៈ​ឞើស​ជាន​តឹង​នាវ​វៃ​មោឆេ  កើត​នទ្រី​ទឹង​គ៝ប់​មោ​អោស​មអារ់​នាវ​អ្វែស​កោរាញ​ឞ្រាស​អី​នៃ។ លាស​កោរាញ​ឞ្រាស​កើប​ឆ៝ង់​តាៈ​ឞើស​ជាន​តឹង​នាវ​វៃ នាវ​ខឹត​ឞ្រាស​ក្រីស ​ជេង​ទើម​ទាម មោ​អោស​គែស​ខ្លៃ។
GAL 3:1 អើ​ផូង​កាលាតី ​អី​ផូង​រាលូក​ម៝ល់! មើម​ទឹង​ខាន់​អៃ​មៃ​អ្យាត់​នាវ​នតី​អី​មោ​អោស​ទី នាវ​នតី​អី​ដាៈ​ខាន់​អៃ​មៃ​ជាន​តឹង​នាវ​វៃ​មោឆេ  គៃ​មា​កោរាញ​ឞ្រាស​កើប​ឆ៝ង់? អា​ល៝រ​នើស​គ៝ប់​លែៈ​នតី​ខាន់​អៃ​មៃ​នហេល​នានេៈ​ងាន់​មា​ឞ្រាស​យេឆូ​ក្រីស ​ខឹត​តា​ឆី​តឹម​រាកាង់។
GAL 3:2 គ៝ប់​អុច​អោប​ខាន់​អៃ​មៃ​ទូ​នាវ៖ នោក​ខាន់​អៃ​មៃ​ឆ៝ៈ​ទើន​ឞ្រាស​ហ្វេង​អ្វែស​នើស កោរាញ​ឞ្រាស​អ៝ន់​យ៝រ​មា​ខាន់​អៃ​មៃ​ជាន​តឹង​នាវ​វៃ​មោឆេ  មោ​លាស​យ៝រ​មា​ខាន់​អៃ​មៃ​ញឆីង​មា​នាវ​មហែ​មហាន​អ្វែស​អី​ខាន់​អៃ​មៃ​តាង់​នៃ​នើស?
GAL 3:3 មើម​ទឹង​ខាន់​អៃ​មៃ​មោ​អោស​គែស​នាវ​មឹន! ខាន់​អៃ​មៃ​លែៈ​គែស​ជេស​នាវ​រេស​មហែ​អី​នតើម​គែស​តាៈ​ឞើស​ឞ្រាស​ហ្វេង​អ្វែស មើម​ទឹង​អាបៃ​អ្យា​ខាន់​អៃ​មៃ​អុច​កោរាញ​ឞ្រាស​កើប​ឆ៝ង់​តាៈ​ឞើស​នទើ​អី​ខាន់​អៃ​មៃ​ជាន​នៃ​ច្រាវ?
GAL 3:4 ខាន់​អៃ​មៃ​អី​លែៈ​ម៝ប់​នាវ​ឞូ​ជាន​ជេរ​ហោ​នៃ​នើស យ៝រ​មា​ញឆីង​មា​ឞ្រាស​យេឆូ​ក្រីស  ខាន់​អៃ​មៃ​កើប​នាវ​អី​នៃ​មោ​គែស​នាវ​ខ្លៃ​ឞើស? មោ​អោស មោ​ទី​លាស​មោ​ខ្លៃ​អោស!
GAL 3:5 កោរាញ​ឞ្រាស​លែៈ​អ៝ន់​ជេស​ឞ្រាស​ហ្វេង​អ្វែស​គុ​តា​ខាន់​អៃ​មៃ នអ៝ប់​មា​លែៈ​ជាន​នទើ​ខ្លៃ​អេងៗ​តា​ងក្លាង​ខាន់​អៃ​មៃ នទ្រី​កោរាញ​ឞ្រាស​ជាន​កើត​នៃ​យ៝រ​មា​ខាន់​អៃ​មៃ​ជាន​តឹង​នាវ​វៃ​អី​នៃ អើម​មោ​លាស​យ៝រ​មា​ខាន់​អៃ​មៃ​ញឆីង​មា​នាវ​គ៝ប់​មឞើស​ងក៝ច​នាវ​ឞ្រាស​ក្រីស ​នៃ​នើស?
GAL 3:6 កើត​នទ្រី​ដ៝ង់ អាឞ្រាហាម់ ​អី​ចែ​ផូង​អីឆ្រាអែល ​ញឆីង​មា​កោរាញ​ឞ្រាស នទ្រី​ទឹង​កោរាញ​ឞ្រាស​លែៈ​កើប​ពាង់​ឆ៝ង់។
GAL 3:7 លាស​នទ្រី​អ៝ន់​ខាន់​អៃ​មៃ​គឹត​វ៝ត់​ដ៝ង់ ឞូ​ម៝ស​អី​ញឆីង​មា​កោរាញ​ឞ្រាស ពាង់​អី​នៃ​ជេង​តឹម​ឞាន​មា​ក៝ន​អាឞ្រាហាម់ ​ងាន់។
GAL 3:8 តា​នាវ​កោរាញ​ឞ្រាស​ងើយ​លែៈ​គែស​ញចីស​ល៝រ​ជេស កោរាញ​ឞ្រាស​មរា​កើប​ផូង​អី​មោ​ទី​ផូង​អីឆ្រាអែល ​ឆ៝ង់​យ៝រ​មា​នាវ​ញឆីង។ នាវ​អី​នៃ​កោរាញ​ឞ្រាស​លែៈ​មឞើស​ងក៝ច​ល៝រ​អ៝ន់​មា​អាឞ្រាហាម់ ​កាល់​អែ​នើស៖ «ទឹង​លែៈ​ឞូនុយ្ស​ទឹង​លែៈ​ឞ្រី​ទាក មរា​ឆ៝ៈ​ទើន​នាវ​គែស​ជេង​តាៈ​ឞើស​មៃ​នៃ»។
GAL 3:9 កើត​នទ្រី​ឞូ​ម៝ស​អី​គែស​នាវ​ញឆីង​មា​កោរាញ​ឞ្រាស ពាង់​អី​នៃ​លែៈ​ឆ៝ៈ​ទើន​ជេស​នាវ​គែស​ជេង​នទ្រែល​អាឞ្រាហាម់ ​អី​ឞូនុយ្ស​គែស​នាវ​ញឆីង​នៃ​ដ៝ង់។
GAL 3:10 យើន​មា​ឞូ​ម៝ស​អី​ញឆីង​មា​នទើ​ជាន​តឹង​នាវ​វៃ​មោឆេ  ពាង់​អី​នៃ​លែៈ​គែស​នាវ​រាតាប់ យ៝រ​លាស​លែៈ​គែស​ញចីស​ជេស​តា​នាវ​កោរាញ​ឞ្រាស​ងើយ៖ «ឞូ​ម៝ស​អី​មោ​ជាន​តឹង​ទឹង​លែៈ​អី​លែៈ​គែស​ញចីស​ជេស​តា​ឆ៝ម់បុត​នាវ​វៃ​អ្យា ពាង់​អី​នៃ​លែៈ​គែស​នាវ​រាតាប់​រ៝»។
GAL 3:11 ជេសរី​នានេៈ​ងាន់ មោ​គែស​អោស​ទូ​ហ្វេ​ឞូនុយ្ស​អី​កោរាញ​ឞ្រាស​កើប​ឆ៝ង់ នអ៝ប់​មា​គែស​នាវ​រេស​នហ៝​រ៝ យ៝រ​មា​ជាន​តឹង​នាវ​វៃ​អី​នៃ យ៝រ​លាស​លែៈ​គែស​ញចីស​ជេស៖ «ឞូនុយ្ស​អី​កោរាញ​ឞ្រាស​កើប​ឆ៝ង់​មរា​ហោម​គុ​រេស​យ៝រ​មា​នាវ​ពាង់​ញឆីង» នាវ​«គុ​រេស»​អី​នៃ​ងើយ​មា​នាវ​រេស​នហ៝​រ៝។
GAL 3:12 លាស​គែស​ទូ​ហ្វេ​ឞូនុយ្ស​ជាន​តឹង​នឹង​នែង​ទឹង​លែៈ​នាវ​ឞ្វៃ​នាវ​ដាៈ​តា​នាវ​វៃ​អី​នៃ ពាង់​មោ​ខាច់​អោស​ញឆីង​គៃ​មា​កោរាញ​ឞ្រាស​កើប​ឆ៝ង់​អ៝ន់​នាវ​រេស​នហ៝​រ៝ យ៝រ​លាស​តា​នាវ​កោរាញ​ឞ្រាស​ងើយ​លែៈ​គែស​ញចីស​លាស៖ «ឞូ​ម៝ស​អី​ជាន​តឹង​នាវ​វៃ​អី​នៃ ពាង់​អី​នៃ​មរា​ហោម​គុ​រេស​យ៝រ​មា​ជាន​តឹង​នាវ​វៃ​អី​នៃ»។
GAL 3:13 ឞ្រាស​ក្រីស ​លែៈ​ច្វាយ​ជេស​ឞ៝ន់​អ៝ន់​ក្លាយ្ស​ឞើស​នាវ​តេៈ​ទោយ្ស​អី​តាៈ​ឞើស​នាវ​វៃ យ៝រ​លាស​ពាង់​លែៈ​ឆ៝ៈ​ទើន​ជេស​មា​នាវ​រាតាប់​អី​នៃ​មា​នត្រ៝ៈ​ឞ៝ន់ យ៝រ​លាស​តា​នាវ​កោរាញ​ឞ្រាស​ងើយ​លែៈ​គែស​ញចីស​ដ៝ង់ លាស​កើត​នអា៖ «ឞូ​ម៝ស​អី​ឞូ​ទែ​យោង​ក្រេប​តា​តើម​ឆី លែៈ​កោរាញ​ឞ្រាស​ទែ​រាតាប់​ជេស»។
GAL 3:14 ឞ្រាស​ក្រីស​យេឆូ ​ជាន​កើត​នៃ គៃ​មា​នាវ​គែស​ជេង​អី​កោរាញ​ឞ្រាស​លែៈ​ត៝ន​មា​អាឞ្រាហាម់ ​អា​ល៝រ​នើស​អ៝ន់​ហ៝ច​ត៝ត់​មា​ផូង​អី​មោ​ទី​ផូង​អីឆ្រាអែល ​ដ៝ង់។ នទ្រី​ទឹង​ឞ៝ន់​ទើយ​ឆ៝ៈ​ទើន​ឞ្រាស​ហ្វេង​អ្វែស​អី​កោរាញ​ឞ្រាស​លែៈ​ត៝ន យ៝រ​មា​ឞ៝ន់​លែៈ​ញឆីង​មា​ឞ្រាស​ក្រីស ។
GAL 3:15 អើ​អ៝ស​នោ​តា​នាវ​ញឆីង គ៝ប់​ទាន់​នតឹត​ទូ​នាវ​តា​នាវ​គុ​ងាវ​ឞ៝ន់៖ នាវ​នតិញ​ឞូនុយ្ស​អី​អេ​ល៝រ​មា​ខឹត​លែៈ​គែស​ញចីស​ជេស​អា​មើម​ជាន​មា​នទើ​ពាង់​នើម​គែស ជេស​ពាង់​ខឹត មោ​គែស​អោស​ឞូនុយ្ស​ហោម​ទើយ​ងគ្រ៝ស ហោម​ទើយ​រាហ្វាត់ ហោម​ទើយ​នត៝ប​នទើ។
GAL 3:16 ល៝ង់​នាវ​ត៝ន​អី​នៃ កោរាញ​ឞ្រាស​ត៝ន​មា​អាឞ្រាហាម់  នទ្រែល​មា​ត៝ន​តា​ទូ​ហ្វេ​តា​រាន៝យ​ទែស​ពាង់​នើម។ នាវ​ត៝ន​អី​នៃ​មោ​គែស​អោស​ញចីស​លាស៖ «តា​ផូង​រាន៝យ​ទែស» មោ​គែស​អោស​លាស​តា​រាន៝យ​អ៝ក់ អុច​នត្រ៝ង់​មា​ទូ​រាន៝យ​ទើម ជេង​«តា​ទូ​ហ្វេ​តា​រាន៝យ​ទែស» ជេង​ទូ​ហ្វេ​ឞូនុយ្ស ឞូនុយ្ស​អី​នៃ​ឞ្រាស​ក្រីស ។
GAL 3:17 គ៝ប់​ងើយ​កើត​នៃ អុច​មឞើស​អ៝ន់​គឹត កោរាញ​ឞ្រាស​ត៝ន​នាវ​អី​នៃ​មា​អាឞ្រាហាម់ ​លែៈ​គែស ៤៣០ នាម់​អេ​ល៝រ​មា​កោរាញ​ឞ្រាស​អ៝ន់​នាវ​វៃ​មា​មោឆេ  នាវ​វៃ​អី​នៃ​មោ​អោស​ងគ្រ៝ស​លើយ​នាវ​កោរាញ​ឞ្រាស​ត៝ន​មា​ឞូ​អី​អើម​រាលាវ កោរាញ​ឞ្រាស​មោ​អោស​ត៝ន​មរោស។
GAL 3:18 លាស​កោរាញ​ឞ្រាស​អ៝ន់​នាវ​គែស​ជេង​អី​តឹម​ឞាន​មា​នទើ​នទ្រៃ​អី​ពាង់​លែៈ​ត៝ន​នើស​យ៝រ​មា​ជាន​តឹង​នាវ​វៃ លាស​នទ្រី​ពាង់​មោ​អោស​អ៝ន់​នាវ​គែស​ជេង​អី​នៃ​យ៝រ​មា​ជាន​តឹង​នាវ​ត៝ន។ យើន​មា​កោរាញ​ឞ្រាស​អ៝ន់​នាវ​គែស​ជេង​អី​នៃ​មា​អាឞ្រាហាម់ ​នើស​ជេង​តឹង​មា​នាវ​ពាង់​នើម​ត៝ន​តាៈ​ឞើស​នាវ​អ្វែស​ពាង់​នើម។
GAL 3:19 លាស​នទ្រី នាវ​វៃ​ម៝ស​គែស​នាវ​ខ្លៃ? នាវ​វៃ​អី​ត៝ត់​ឞើស​កើយ​នៃ​គៃ​មា​អ៝ន់​ឞូនុយ្ស​គឹត​មា​នាវ​តីស​នហ៝​មា​ត៝ត់​តា​ទូ​ហ្វេ​ឞូនុយ្ស​តា​រាន៝យ​ទែស​អាឞ្រាហាម់ ​អី​លែៈ​គែស​តា​នាវ​ត៝ន​នៃ​នើស។ កោរាញ​ឞ្រាស​ដាៈ​ផូង​តោង​ពារ់​អ៝ន់​នាវ​វៃ​អី​នៃ​មា​មោឆេ  ជេសរី​មោឆេ ​ជេង​នើម​ឆើម​កើល​អ៝ន់​តឹម​រាង្លាប់​កោរាញ​ឞ្រាស​ដាស​ផូង​អីឆ្រាអែល ។
GAL 3:20 យើន​មា​តា​នោក​កោរាញ​ឞ្រាស​ត៝ន​នទើ​មា​អាឞ្រាហាម់  មោ​គែស​អោស​នើម​ឆើម​កើល​មា​នាវ​ត៝ន​អី​នៃ យ៝រ​លាស​គែស​ទូ​ហ្វេ​ទើម​នើម​ត៝ន នើម​អី​នៃ​ជេង​កោរាញ​ឞ្រាស។
GAL 3:21 លាស​នទ្រី​អើម​នាវ​វៃ​ជេង​តឹម​រាទ៝ង់​ដាស​នាវ​កោរាញ​ឞ្រាស​លែៈ​ត៝ន​ឞើស? មោ​អោស។ យើន​មា​លាស​ឞូនុយ្ស​ទើយ​គែស​នាវ​រេស​នហ៝​រ៝​តាៈ​ឞើស​ជាន​តឹង​នាវ​វៃ​អី​នៃ លាស​នទ្រី​កោរាញ​ឞ្រាស​កើប​ឞូនុយ្ស​អី​នៃ​លែៈ​ឆ៝ង់​ជេង​តាៈ​ឞើស​ជាន​តឹង​នាវ​វៃ​អី​នៃ​ងាន់​រ៝។
GAL 3:22 យើន​មា​តា​នាវ​កោរាញ​ឞ្រាស​ងើយ​លែៈ​គែស​ញចីស​ជេស ទឹង​លែៈ​ឞូនុយ្ស​ជេង​គុ​តា​ន៝ម់​នាវ​តីស​លែៈ​ជាន​តីស​ទាទេ។ នទ្រី​ទឹង​កោរាញ​ឞ្រាស​អ៝ន់​នាវ​រេស​នហ៝​រ៝​អី​ពាង់​លែៈ​ត៝ន​នើស​មា​ឞូ​ម៝ស​អី​ញឆីង​មា​ឞ្រាស​យេឆូ​ក្រីស ​ទើម។
GAL 3:23 អេ​ល៝រ​មា​ត៝ត់​នាវ​ញឆីង​អី​នៃ ឞ៝ន់​ហោម​គុ​តា​ន៝ម់​នាវ​វៃ​តឹម​ឞាន​មា​គុ​តា​នទ្រូង នហ៝​មា​ត៝ត់​កោរាញ​ឞ្រាស​ញហើ​នាវ​ពាង់​កើប​ឆ៝ង់​តាៈ​ឞើស​នាវ​ញឆីង​អី​នៃ។
GAL 3:24 នទ្រី​នាវ​វៃ​គែស​នាវ​ខ្លៃ​លែវ​ឞ៝ន់​ជាន​តឹង នហ៝​មា​ត៝ត់​ឞ្រាស​ក្រីស ​វាច់ គៃ​មា​កោរាញ​ឞ្រាស​កើប​ឞ៝ន់​ឆ៝ង់​តាៈ​ឞើស​នាវ​ញឆីង​អី​នៃ។
GAL 3:25 យើន​មា​អាបៃ​អ្យា​លែៈ​ត៝ត់​ជេស​នាវ​កោរាញ​ឞ្រាស​កើប​ឆ៝ង់​តាៈ​ឞើស​នាវ​ញឆីង ឞ៝ន់​មោ​ហោម​អោស​គុ​តា​ន៝ម់​នាវ​វៃ​អី​នៃ​ជឹត។
GAL 3:26 ទឹង​លែៈ​ខាន់​អៃ​មៃ​លែៈ​ជេង​ក៝ន​កោរាញ​ឞ្រាស​នើម​ទាទេ តាៈ​ឞើស​ខាន់​អៃ​មៃ​ញឆីង​មា​ឞ្រាស​ក្រីស​យេឆូ ។
GAL 3:27 ឞូ​ម៝ស​អី​ញឆីង​មា​ឞ្រាស​ក្រីស​យេឆូ ​នៃ ជេសរី​ឆ៝ៈ​ទើន​នាវ​បាប់តែម​យុក​មា​ទាក​លែៈ​គុ​តឹម​រាង្លាប់​មា​ឞ្រាស​ក្រីស  ឞូនុយ្ស​អី​នៃ​គុ​រេស​តឹង​នាវ​ឞ្រាស​ក្រីស ​អុច មោ​ហោម​អោស​គុ​រេស​កើត​អើម តឹម​ឞាន​មា​ញឆ៝ស​ឞ៝ក​អាវ​មហែ​លែៈ​មអារ់​លើយ​ឞ៝ក​អាវ​អើម។
GAL 3:28 កោរាញ​ឞ្រាស​កើប​ទឹង​លែៈ​ឞ៝ន់​តឹម​ឞាន​ទាទេ មោ​ហោម​អោស​កើប​ផូង​អីឆ្រាអែល ​អេង ផូង​អី​មោ​ទី​ផូង​អីឆ្រាអែល ​អេង មោ​ដ៝ង់​កើប​ឞូនុយ្ស​ទឹក​ឞូ​អេង ឞូនុយ្ស​ក៝ន​មែ​អេង ឞូ​អូរ​អេង ឞូ​ក្លោ​អេង យ៝រ​លាស​ទឹង​លែៈ​ខាន់​អៃ​មៃ​តឹម​ឞាន​មា​លែៈ​ជេង​ទូ​មល៝ម់​ឆាក់​ជាន់​តា​ឞ្រាស​ក្រីស​យេឆូ ។
GAL 3:29 លាស​ខាន់​អៃ​មៃ​លែៈ​គុ​នទ្រែល​មា​ឞ្រាស​ក្រីស ​ជេស ខាន់​អៃ​មៃ​ជេង​តឹម​ឞាន​មា​រាន៝យ​ទែស​អាឞ្រាហាម់  ជេសរី​ឆ៝ៈ​ទើន​នទ្រែល​រាន៝យ​ទែស​អាឞ្រាហាម់ ​ទឹង​លែៈ​នាវ​អី​កោរាញ​ឞ្រាស​លែៈ​ជេស​ត៝ន​មា​អាឞ្រាហាម់ ​នើស។
GAL 4:1 គ៝ប់​ទាន់​លាស តា​នាវ​វៃ​ឞ៝ន់ ឞូនុយ្ស​ក៝ន​ដើយ​អី​គែស​នទើ​នទ្រៃ​តាៈ​ឞើស​មេៈ​ឞឹ​ពាង់​នើម នោក​ពាង់​ហោម​ក៝ន​ឆែ នាវ​គុ​រេស​ពាង់​អី​នៃ​មោ​អោស​តឹម​តីស​មា​ឞូនុយ្ស​អី​ជាន​ទឹក​ឞូ យ៝រ​លាស​ហោម​គែស​ឞូនុយ្ស​ម៝ត់​អ្វាញ់​ពាង់ ឞ៝ល​លាស​ពាង់​ជេង​នើម​កោរាញ​មា​ទឹង​លែៈ​ទ្រាប់​នទើ​នទ្រៃ​អី​នៃ​កាដោយ។
GAL 4:2 ពាង់​អី​នៃ​ហោម​គុ​តា​ន៝ម់​នើម​អី​ម៝ត់​ពាង់ នទ្រែល​មា​តា​ន៝ម់​នើម​កោរាញ​ម៝ត់​អ្វាញ់​ទ្រាប់​នទើ​អី​នៃ នហ៝​មា​ត៝ត់​ទី​នារ​អី​ឞឹ​ពាង់​លែៈ​តឹម​នាល​នើស។
GAL 4:3 អេ​ល៝រ​មា​ឞ៝ន់​ញឆីង​មា​ឞ្រាស​ក្រីស  ឞ៝ន់​តឹម​ឞាន​មា​ក៝ន​ឆែ​កើត​នៃ​ដ៝ង់ ឞ៝ន់​ជេង​ទឹក​មា​នាវ​ទើយ​ឞ្រាស​អេងៗ​អី​គែស​តា​នែស​នតូ​អ្យា។
GAL 4:4 យើន​មា​ត៝ត់​ទី​នារ​អី​កោរាញ​ឞ្រាស​លែៈ​អើម​នាល​នើស កោរាញ​ឞ្រាស​ញជុន​ក៝ន​ពាង់​នើម​អ៝ន់​ទែស​ឞើស​ទូ​ហ្វេ​ឞូ​អូរ ជេសរី​ពាង់​គុ​រេស​តា​ន៝ម់​នាវ​វៃ​មោឆេ ​ដ៝ង់‌
GAL 4:5 គៃ​មា​រាក្លាយ្ស​ទឹង​លែៈ​ឞូនុយ្ស​អី​គុ​តា​ន៝ម់​នាវ​វៃ​អី​នៃ អ៝ន់​ជេង​ក៝ន​កោរាញ​ឞ្រាស​នើម​ងាន់។
GAL 4:6 យ៝រ​មា​ខាន់​អៃ​មៃ​លែៈ​ជេង​ក៝ន​កោរាញ​ឞ្រាស​ងាន់ ពាង់​លែៈ​ញជុន​ជេស​ឞ្រាស​ហ្វេង​អ្វែស​ឞ្រាស​ក្រីស ​ក៝ន​ពាង់​នើម​គុ​តា​នូយ្ស​នហ៝ម់​ខាន់​អៃ​មៃ នទ្រី​ឞ៝ន់​ឞ្លាវ​ក្វាល់​ពាង់៖ «ឞឹ»។
GAL 4:7 នទ្រី​ទឹង​ខាន់​អៃ​មៃ​មោ​ហោម​អោស​ជេង​ទឹក​ជឹត លែៈ​ជេង​ក៝ន​កោរាញ​ឞ្រាស​នើម។ លាស​ខាន់​អៃ​មៃ​លែៈ​ជេង​ក៝ន​ងាន់ ខាន់​អៃ​មៃ​មរា​ឆ៝ៈ​ទើន​ទឹង​លែៈ​នាវ​អី​តឹម​ឞាន​មា​នទើ​នទ្រៃ​អី​កោរាញ​ឞ្រាស​ទែ​អ៝ន់​នៃ​ដ៝ង់។
GAL 4:8 អា​ល៝រ​នើស​ខាន់​អៃ​មៃ​អេ​ហ៝ៈ​អោស​គឹត​នាល់​កោរាញ​ឞ្រាស ហោម​ជេង​ទឹក​មា​ឞ្រាស​អេងៗ​អី​មោ​ទី​ឞ្រាស​ងាន់។
GAL 4:9 យើន​មា​អាបៃ​អ្យា ខាន់​អៃ​មៃ​លែៈ​គឹត​នាល់​កោរាញ​ឞ្រាស ងើយ​ទូ​ត៝ង​លាស​កោរាញ​ឞ្រាស​លែៈ​នាល់​ខាន់​អៃ​មៃ លាស​នទ្រី​មើម​ទឹង​ខាន់​អៃ​មៃ​ហោម​អុច​ព្លឹ​តឹម​រាង្លាប់​តៃ​មា​ផូង​ឞ្រាស​អី​មោ​ងាន់​នៃ អី​រាអ្យា អី​មោ​គែស​នាវ​ខ្លៃ ជេសរី​អុច​ជាន​ទឹក​មា​ខាន់​ពាង់​ទូ​តឹ​ជឹត?
GAL 4:10 គ៝ប់​ងើយ​កើត​នៃ យ៝រ​មា​គ៝ប់​ឆៃ​ខាន់​អៃ​មៃ​ហោម​ជាន​តឹង​នាវ​វៃ​មោឆេ ​កើប​នារ​អាបាៈ​ខ្លៃ​រាលាវ ខៃ​អាបាៈ​ខ្លៃ​រាលាវ នាម់​អាបាៈ​ខ្លៃ​រាលាវ។
GAL 4:11 គ៝ប់​ក្លាច​លាស​ទឹង​លែៈ​នទើ​អី​គ៝ប់​លែៈ​ជាន​ការ​រាអាស​រាគាញ់​មា​ខាន់​អៃ​មៃ​នើស ជេង​ទើម​ទាម។
GAL 4:12 អើ​អ៝ស​នោ​តា​នាវ​ញឆីង គ៝ប់​ទាន់​ហោ​ងាន់​ខាន់​អៃ​មៃ អ៝ន់​ខាន់​អៃ​មៃ​គុ​ងាវ​តឹម​ឞាន​មា​គ៝ប់ យ៝រ​លាស​គ៝ប់​លែៈ​ញឆីង​មា​ឞ្រាស​យេឆូ  នទ្រី​គ៝ប់​មោ​ហោម​គុ​តា​ន៝ម់​នាវ​វៃ កើត​គ៝ប់​លែៈ​គុ​ងាវ​កើត​ខាន់​អៃ​មៃ​មោ​អោស​ជាន​តឹង​នាវ​វៃ​មោឆេ ​នើស​ដ៝ង់។ ខាន់​អៃ​មៃ​មោ​គែស​អោស​ជាន​តីស​មា​គ៝ប់ នោក​គ៝ប់​ហាន់​អា​ខាន់​អៃ​មៃ​ទាក​ឞោក​នើស។
GAL 4:13 ខាន់​អៃ​មៃ​លែៈ​គឹត​ជេស នោក​គ៝ប់​មឞើស​ងក៝ច​នាវ​មហែ​មហាន​អ្វែស​អ៝ន់​មា​ខាន់​អៃ​មៃ​នើស គ៝ប់​គែស​នាវ​ជី​តា​ឆាក់​ជាន់។
GAL 4:14 ឞ៝ល​លាស​នាវ​ជី​គ៝ប់​អី​នៃ​ជាន​អ៝ន់​ខាន់​អៃ​មៃ​គែស​នាវ​ជេរ​ជ៝ត់​កាដោយ ហោម​ខាន់​អៃ​មៃ​មោ​មអារ់​គ៝ប់ មោ​អ្វាញ់​បឹ​គ៝ប់​ដ៝ង់ យើន​មា​ខាន់​អៃ​មៃ​រ៝ម​គ៝ប់​តឹម​ឞាន​មា​រ៝ម​តោង​ពារ់​កោរាញ​ឞ្រាស​នើម មោ​លាស​តឹម​ឞាន​មា​រ៝ម​ឞ្រាស​ក្រីស​យេឆូ ​ងាន់។
GAL 4:15 លាស​នទ្រី​នាវ​រាម់​មអាក​អី​ខាន់​អៃ​មៃ​លែៈ​គែស​នោក​នៃ​នើស​អាស​នតុក​អ៝ន់? យ៝រ​លាស​គ៝ប់​លែៈ​គឹត​នហេល នោក​នៃ​នើស​ខាន់​អៃ​មៃ​អុច​មា​រាវែក​គារ់​មាត់​ខាន់​អៃ​មៃ​នើម​អ៝ន់​មា​គ៝ប់​រ៝​លាស​មា​ឞ្លាវ​ជាន។
GAL 4:16 អាបៃ​អ្យា​មើម​ទឹង​ខាន់​អៃ​មៃ​តឹម​រាទ៝ង់​ដាស​គ៝ប់​ច្រាវ យ៝រ​មា​គ៝ប់​ងើយ​នាវ​ងាន់​ឞើស?
GAL 4:17 ផូង​នើម​នតី​ងក្លាៈ​អី​នតី​អ្យាត់​មា​ជាន​តឹង​នាវ​វៃ​មោឆេ  ខាន់​ពាង់​គែស​នូយ្ស​នហ៝ម់​គើយ្ស​ងាន់​មា​ខាន់​អៃ​មៃ យើន​មា​អី​នាវ​អុច​នត្រ៝ង់​មោ​អ្វែស​អោស ខាន់​ពាង់​អុច​តឹម​ងខាស​ខាន់​អៃ​មៃ​ឞើស​ហេន គៃ​មា​អ៝ន់​ខាន់​អៃ​មៃ​គែស​នូយ្ស​នហ៝ម់​គើយ្ស​តឹង​ខាន់​ពាង់​ទុត​ហោ​ហ៝ៈ។
GAL 4:18 អ្វែស​ងាន់​លាស​គែស​នូយ្ស​នហ៝ម់​គើយ្ស​តឹង​ទុត​ហោ​ងាន់​មា​ទូ​នតីល​នាវ លាស​នាវ​អី​នៃ​អ្វែស អ្វែស​ងាន់​លាស​តឹង​នាវ​អ្វែស​បាបើ មោ​អោស​ទើន​តឹង​នោក​គ៝ប់​ហោម​គុ​នទ្រែល​ទើម។
GAL 4:19 អើ​អ៝ស​នោ​តា​នាវ​ញឆីង​អី​តឹម​ឞាន​មា​ក៝ន​ឆៅ​គ៝ប់​នើម នាវ​គ៝ប់​លែវ​ខាន់​អៃ​មៃ​ឆឹត​ញឆីង​មា​ឞ្រាស​ក្រីស ​នើស តឹម​ឞាន​មា​នាវ​គុ​អ៝ស អាបៃ​អ្យា​គ៝ប់​គែស​នាវ​ជេរ​មា​ខាន់​អៃ​មៃ​ទូ​តឹ​ជឹត តឹម​ឞាន​មា​នាវ​គុ​អ៝ស​មា​ខាន់​អៃ​មៃ​ទូ​តឹ​ជឹត នហ៝​មា​ត៝ត់​ឞ្រាស​ក្រីស ​ជេង​កោរាញ​តា​នាវ​រេស​ខាន់​អៃ​មៃ​ងាន់។
GAL 4:20 នាវ​គ៝ប់​ងើយ​ញចីស​តា​ឆ៝ម់បុត​អ្យា​ទាង់​ដេៈ គ៝ប់​អុច​ងាន់​គុ​នទ្រែល​ខាន់​អៃ​មៃ គៃ​មា​គ៝ប់​មឞើស​ងើយ​រាទឹ​រាឞាន់ យ៝រ​លាស​គ៝ប់​មោ​ហោម​អោស​គែស​នាវ​មឹន​មា​ញចីស​ញជ្វាល់​អ៝ន់​ខាន់​អៃ​មៃ។
GAL 4:21 អើ​អ៝ស​នោ​តា​នាវ​ញឆីង ខាន់​អៃ​មៃ​អី​អុច​គុ​តា​ន៝ម់​នាវ​វៃ​មោឆេ  ល៝ង់​ខាន់​អៃ​មៃ​មឞើស​មា​គ៝ប់​ហ៝ម់៖ អាស​ខាន់​អៃ​មៃ​មោ​គឹត​បាស​ម៝ស​បាៈ​គែស​ញចីស​តា​នាវ​វៃ​អី​នៃ?
GAL 4:22 យ៝រ​លាស​លែៈ​គែស​ញចីស​តា​នាវ​វៃ​អី​នៃ​លាស អាឞ្រាហាម់ ​គែស​ឞារ​ហៃ​ក៝ន​ឞូ​ក្លោ អី​ទូ​ហ្វេ​អី​ក៝ន ឞូ​អូរ​រាញា​ហាការ ​ជេង​ទឹក​ពាង់​នើម អី​ទូ​ហ្វេ​ជឹត​អី​ក៝ន ឞូ​អូរ​រាញា​ឆារា ​ជេង​ឞូនុយ្ស​ក៝ន​មែ។
GAL 4:23 តីស​មា​ក៝ន​អី​ទែស​ឞើស​ឞូ​អូរ​ទឹក​ពាង់​នើម​នៃ ជេង​តាៈ​ឞើស​នាវ​គុ​អូរ​ឆាយ​ទើម យើន​មា​ក៝ន​អី​ទែស​ឞើស​អូរ​ពាង់​នើម​អី​ឞូនុយ្ស​ក៝ន​មែ​នៃ ជេង​ក៝ន​អី​ទែស​តាៈ​ឞើស​កោរាញ​ឞ្រាស​ទែ​ត៝ន។
GAL 4:24 លាស​នទ្រី​នាវ​អី​អ្យា​ជេង​តឹម​ឞាន​មា​នាវ​នតឹត​ទូ​នាវ​ដ៝ង់ យ៝រ​លាស​ឞូ​អូរ​ឞារ​ហៃ​អី​នៃ​ជេង​នាវ​នតឹត​មា​ឞារ​អឹ​នាវ​តឹម​រាង្លាប់​កោរាញ​ឞ្រាស។ អី​ទូ​ហ្វេ​រាញា​ហាការ ​ជេង​តឹម​នតឹត​មា​នាវ​តឹម​រាង្លាប់​អី​គែស​តា​យោក​ឆីនាយ ​នោក​កោរាញ​ឞ្រាស​អ៝ន់​នាវ​វៃ​មា​មោឆេ ​នើស ឞូនុយ្ស​អី​គុ​តា​ន៝ម់​នាវ​វៃ​មោឆេ ​ជេង​តឹម​ឞាន​មា​ទឹក​មា​នាវ​វៃ​អី​នៃ កើត​ហាការ ​ជេង​ទឹក​អាឞ្រាហាម់ ។
GAL 4:25 ហាការ ​ជេង​តឹម​នតឹត​មា​យោក​ឆីនាយ ​តា​ឞ្រី​អារាប់  ជេសរី​ជេង​នាវ​នតឹត​ដ៝ង់​មា​ប៝ន​ក្វ៝ង់​យេរូឆាលឹម ​តា​នែស​នតូ​អ្យា ជេសរី​ប៝ន​អី​នៃ​ជេង​នាវ​នតឹត​មា​ទឹង​លែៈ​ផូង​អីឆ្រាអែល ​អី​ញអោត​នាវ​វៃ​មោឆេ  ខាន់​ពាង់​ជេង​តឹម​ឞាន​មា​ក៝ន​ហាការ  នទ្រី​ខាន់​ពាង់​ជេង​តឹម​ឞាន​មា​ទឹក​មា​នាវ​វៃ​អី​នៃ។
GAL 4:26 ល៝ង់​ឆារា ​អី​ឞូនុយ្ស​ក៝ន​មែ​ជេង​នតឹត​មា​ប៝ន​យេរូឆាលឹម ​អី​គុ​តា​កាលើ​ត្រោក​អី​នតុក​កោរាញ​ឞ្រាស ជេសរី​ប៝ន​អី​នៃ​ជេង​នាវ​នតឹត​មា​ទឹង​លែៈ​ឞូនុយ្ស​ញឆីង​មា​ឞ្រាស​ក្រីស  ពាង់​តឹម​ឞាន​មា​មេៈ​ឞ៝ន់ នទ្រី​ឞ៝ន់​ជេង​តឹម​ឞាន​មា​ក៝ន​មែ​ដ៝ង់។
GAL 4:27 យ៝រ​លាស​តា​នាវ​កោរាញ​ឞ្រាស​ងើយ​លែៈ​គែស​ញចីស​លាស៖ «អើ​ឞូ​អូរ​អី​មោ​ឞាៈ​ក៝ន​អី​មោ​គែស​ក៝ន អ៝ន់​អ្វែស​មអាក​ហ៝ម់! អៃ​មោ​អោស​ម៝ប់​នាវ​ជី​គុ​អ៝ស‌ អ៝ន់​នតែរ​រាម់​មអាក​ហ៝ម់‌ យ៝រ​លាស​ក៝ន​អី​ឞូ​អូរ​មោ​អោស​គែស​ឆាយ‌ គែស​អ៝ក់​រាលាវ​មា​ក៝ន​អី​ឞូ​អូរ​គែស​ឆាយ​ជឹត»។
GAL 4:28 អើ​អ៝ស​នោ​តា​នាវ​ញឆីង ទឹង​លែៈ​ខាន់​អៃ​មៃ​តឹម​ឞាន​មា​អីឆាក់ ​ក៝ន​ឆារា ​ដ៝ង់ ជេង​ក៝ន​កោរាញ​ឞ្រាស​តាៈ​ឞើស​កោរាញ​ឞ្រាស​លែៈ​ត៝ន​ល៝រ។
GAL 4:29 តា​រានោក​អាឞ្រាហាម់  ក៝ន​អី​ទែស​ជេង​តាៈ​ឞើស​នាវ​គុ​អូរ​ឆាយ​ទើម​ជាន​ជេរ​មា​ក៝ន​អី​ទែស​តាៈ​ឞើស​នាវ​ទើយ​ឞ្រាស​ហ្វេង​អ្វែស។ អាបៃ​អ្យា​គែស​តឹម​ឞាន​កើត​នៃ​ដ៝ង់។
GAL 4:30 យើន​មា​តា​នាវ​កោរាញ​ឞ្រាស​ងើយ អា​មើម​លាស? គែស​ញចីស​កើត​នអា៖ «អ៝ន់​មៃ​នត្រុត​លើយ​ឞូ​អូរ​ទឹក​ឞូ នទ្រែល​មា​អី​ក៝ន​ឞូ​ក្លោ​ពាង់​នៃ គៃ​មា​អី​ក៝ន​ឞូ​អូរ​ទឹក​ឞូ​មោ​អោស​ឆ៝ៈ​ទើន​នទើ​នទ្រៃ​នទ្រែល​អី​ក៝ន​ឞូ​ក្លោ​ឞូ​អូរ​ក៝ន​មែ»។
GAL 4:31 អើ​អ៝ស​នោ​តា​នាវ​ញឆីង លាស​នទ្រី​ទឹង​លែៈ​ឞ៝ន់​មោ​អោស​ទី​អី​ក៝ន​ឞូ​អូរ​ទឹក​ឞូ ទឹង​លែៈ​ឞ៝ន់​ជេង​អី​ក៝ន ឞូ​អូរ​ក៝ន​មែ។
GAL 5:1 ឞ្រាស​ក្រីស ​លែៈ​ច្វាយ​ជេស​ឞ៝ន់​ឞើស​ជាន​ទឹក​ឞូ​គៃ​មា​ជេង​ក៝ន​មែ​ងាន់ លាស​នទ្រី​អ៝ន់​ឞ៝ន់​គុ​ន៝ប់​រាប់​ជាប់​តា​នាវ​មោ​ហោម​ជាន​ទឹក​ឞូ​នៃ លើយ​ហោម​អោស​ប៝ក​គ៝រ​ឆាក់​អ៝ន់​ជេង​ទឹក​មា​នាវ​វៃ​តៃ។
GAL 5:2 អ្យាត់​គ៝ប់​ហ៝ម់ គ៝ប់​ពោល ​មឞើស​មា​ខាន់​អៃ​មៃ លាស​ខាន់​អៃ​មៃ​ឆ៝ៈ​ទើន​មា​នាវ​ជាន​ក៝ស​នតោ​តឹង​នាវ​វៃ​មោឆេ ​គៃ​មា​កោរាញ​ឞ្រាស​កើប​ឆ៝ង់ នទ្រី​ឞ្រាស​ក្រីស ​មោ​ហោម​អោស​គែស​នាវ​ខ្លៃ​មា​ខាន់​អៃ​មៃ​ជឹត។
GAL 5:3 គ៝ប់​ទាន់​ងកាស​តៃ​ទូ​តឹ​ជឹត លាស​ឞូ​ម៝ស​អី​អុច​ឆ៝ៈ​ទើន​មា​នាវ​ជាន​ក៝ស​នតោ​អី​នៃ អ្យាត់​មា​ពាង់​អី​នៃ​ញអោត​តឹង​ទឹង​លែៈ​នាវ​វៃ​អី​នៃ​ងាន់​ទោ។
GAL 5:4 ឞូ​ម៝ស​អី​អុច​កោរាញ​ឞ្រាស​កើប​ឆ៝ង់​យ៝រ​មា​ជាន​តឹង​នាវ​វៃ ពាង់​អី​នៃ​តឹម​ងខាស​ឞើស​ឞ្រាស​ក្រីស  ជេសរី​នាវ​អ្វែស​កោរាញ​ឞ្រាស​មោ​ហោម​ដ៝ង់​គែស​មា​ពាង់។
GAL 5:5 យើន​មា​ទឹង​លែៈ​ឞ៝ន់ តាៈ​ឞើស​នាវ​ញឆីង​មា​ឞ្រាស​ក្រីស  នអ៝ប់​មា​នាវ​ឞ្រាស​ហ្វេង​អ្វែស​កើល ឞ៝ន់​គុ​ន៝ប់​រាក៝ក់​តា​នាវ​រានើម​មា​កោរាញ​ឞ្រាស​កើប​ឞ៝ន់​ឆ៝ង់។
GAL 5:6 តា​នាវ​ញឆីង​មា​ឞ្រាស​ក្រីស​យេឆូ  នាវ​ក៝ស​នតោ មោ​លាស​មោ​ក៝ស​នតោ​អី​នៃ​មោ​អោស​គែស​នាវ​ខ្លៃ។ នទើ​អី​គែស​នាវ​ខ្លៃ​ទើម​ជេង​នាវ​ញឆីង​មា​ឞ្រាស​ក្រីស  នអ៝ប់​មា​ញហើ​នាវ​ញឆីង​អី​នៃ​អ៝ន់​ឞូ​ឆៃ​ឞ៝ន់​គែស​នូយ្ស​នហ៝ម់​រ៝ង់​មា​ឞូ។
GAL 5:7 ឞើស​នតើម​នើស​ខាន់​អៃ​មៃ​លែៈ​ញឆីង​លែៈ​អ្វែស​ងាន់​តឹម​ឞាន​មា​តឹម​រាល៝ង​ញច្វាត់​អ្វែស​ងាន់ លាស​នទ្រី​ឞូ​ម៝ស​អី​ឞ្វៃ​ខាន់​អៃ​មៃ​មោ​ហោម​អ៝ន់​អ្យាត់​នាវ​ងាន់​អី​មឞើស​ងក៝ច​មា​ឞ្រាស​ក្រីស ​កើត​នៃ?
GAL 5:8 នាវ​នតី​ញឆោច​អី​នៃ​មោ​អោស​ទី​លោស​ឞើស​កោរាញ​ឞ្រាស​អី​លែៈ​ក្វាល់​ខាន់​អៃ​មៃ​នើស។
GAL 5:9 អ៝ន់​ខាន់​អៃ​មៃ​កាស​គឹត​មា​នាវ​ឞូ​វៃ​លាស៖ «នោក​ជាន​នុមពាង់ ឞូ​ឆ៝ៈ​នទ្រូយ​ដេៈ​ទើម ទើយ​ជាន​អ៝ក់​រានីស​ឞា​ព្រាង់ ​ទឹង​លែៈ​អ៝ន់​ទាង» នាវ​នតី​ងក្លាៈ​អី​នៃ​តឹម​ឞាន​កើត​នៃ​ដ៝ង់។
GAL 5:10 គ៝ប់​ញឆីង​មា​កោរាញ​ឞ្រាស ពាង់​មរា​ញជ្រាង់​ខាន់​អៃ​មៃ​មោ​អ៝ន់​អ្យាត់​មា​នាវ​នតី​ងក្លាៈ​អី​នៃ។ ល៝ង់​ពាង់​អី​នតី​ងក្លាៈ​ជាន​អ៝ន់​ខាន់​អៃ​មៃ​គែស​នាវ​មឹន​វិ​នៃ កោរាញ​ឞ្រាស​មរា​តេៈ​ទោយ្ស​មា​ពាង់ ឞ៝ល​លាស​ទាស​ក្វ៝ង់​ពាង់​កាដោយ។
GAL 5:11 អើ​អ៝ស​នោ​តា​នាវ​ញឆីង គែស​ឞូនុយ្ស​អាបាៈ​លាស​គ៝ប់​នតី​ឞូ​អ៝ន់​ក៝ស​នតោ យើន​មា​លាស​គ៝ប់​ហោម​នតី​ឞូ​អ៝ន់​ក៝ស​នតោ​ជឹត លាស​នទ្រី​មើម​ទឹង​ផូង​អីឆ្រាអែល ​អី​មោ​ញឆីង​មា​ឞ្រាស​ក្រីស ​ហោម​ជាន​ជេរ​មា​គ៝ប់​ជឹត? លាស​គ៝ប់​មោ​ហោម​នតុម​នតី​នាវ​រាក្លាយ្ស​មាន​មា​តាៈ​ឞើស​ញឆីង​មា​នាវ​ឞ្រាស​ក្រីស ​អី​ខឹត​តា​ឆី​តឹម​រាកាង់​ទើម មោ​ហោម​អោស​គែស​ឞូ​តឹម​រាទ៝ង់​ដាស​គ៝ប់​ជឹត​រ៝។
GAL 5:12 ល៝ង់​ឞូនុយ្ស​នតី​ងក្លាៈ​អី​នៃ​អី​ជាន​អ៝ន់​ខាន់​អៃ​មៃ​គែស​នាវ​អុស​អាស​តា​នូយ្ស​នហ៝ម់ អ៝ន់​ខាន់​ពាង់​ក៝ស​ចារ​អេង​ឆាក់​ខាន់​ពាង់​នើម​ទោ។
GAL 5:13 អើ​អ៝ស​នោ​តា​នាវ​ញឆីង កោរាញ​ឞ្រាស​លែៈ​ក្វាល់​ជេស​ខាន់​អៃ​មៃ​អ៝ន់​ជេង​ក៝ន​មែ​ឞាស​ជាន​ទឹក​មា​នាវ​វៃ យើន​មា​លើយ​អោស​ទ៝ង់​នាវ​អី​លែៈ​ជេង​ក៝ន​មែ​អី​នៃ​មា​ជាន​តឹង​នាវ​កើញ​នូយ្ស​នហ៝ម់​អើម​អី​អុច​ជាន​តីស​នតើម​ឞើស​នទុល​មែ យើន​មា​អ៝ន់​ឞ៝ន់​តឹម​ឆើម​កើល​ឞាល់​មា​នាវ​រ៝ង់​ហ៝ៈ‌
GAL 5:14 យ៝រ​លាស​ទឹង​លែៈ​នាវ​វៃ​មោឆេ ​តាៈ​ឞើស​ទូ​នាវ​ដាៈ​ទើម​កើត​នអា៖ «អ៝ន់​រ៝ង់​មា​ផូង​ច្យៅ​មែង​ខាន់​អៃ​មៃ តឹម​ឞាន​មា​រ៝ង់​ឆាក់​ខាន់​អៃ​មៃ​នើម​ដ៝ង់»។
GAL 5:15 យើន​មា​លាស​ខាន់​អៃ​មៃ​តឹម​កាប់​តឹម​ហ៝ត​នទ្រាង់​នើម​កើត​នៃ​នឹង អ៝ន់​ខាន់​អៃ​មៃ​ញជ្រាង់​ក្លាច​លាស​ខាន់​អៃ​មៃ​តឹម​ងគ្រ៝ស​ឞាល់​នទ្រាង់​ខាន់​អៃ​មៃ​នើម។
GAL 5:16 យើន​មា​គ៝ប់​ទាន់​មឞើស​មា​ខាន់​អៃ​មៃ អ៝ន់​គុ​រេស​តឹង​ឞ្រាស​ហ្វេង​អ្វែស​ហ៝ៈ នទ្រី​ខាន់​អៃ​មៃ​មោ​អោស​ជាន​តឹង​នាវ​កើញ​នូយ្ស​នហ៝ម់​អើម​អី​អុច​ជាន​តីស​នតើម​ឞើស​នទុល​មែ‌
GAL 5:17 យ៝រ​លាស​នាវ​កើញ​អី​នៃ​តឹម​រាទ៝ង់​ហោ​ងាន់​ដាស​ឞ្រាស​ហ្វេង​អ្វែស។ ជេសរី​ឞ្រាស​ហ្វេង​អ្វែស​តឹម​រាទ៝ង់​ដាស​នូយ្ស​នហ៝ម់​អើម​អី​នៃ​ទើយ​ពាង់​ដ៝ង់។ នាវ​កើញ​អី​នៃ នទ្រែល​មា​ឞ្រាស​ហ្វេង​អ្វែស​តឹម​រាទីល​ឞាល់​ងាន់ នទ្រី​ទឹង​ខាន់​អៃ​មៃ​ជាន​មោ​ហោម​ឞ្លាវ​អោស​នទើ​អ្វែស​អី​ខាន់​អៃ​មៃ​អុច​ជាន​នៃ។
GAL 5:18 លាស​ឞ្រាស​ហ្វេង​អ្វែស​លែវ​ខាន់​អៃ​មៃ​តា​អាប់​នតីល​នទើ​តា​នាវ​គុ​រេស ខាន់​អៃ​មៃ​មោ​ហោម​អោស​គុ​តា​ន៝ម់​នាវ​វៃ​មោឆេ ​ជឹត។
GAL 5:19 នទើ​ជាន​តឹង​មា​នូយ្ស​នហ៝ម់​អើម​អី​នៃ​ឞ៝ន់​លែៈ​គឹត​នាល់​នហេល​នានេៈ​ជេស តា​នៃ​គែស​នាវ​តឹម​ទ៝ង់ នាវ​បឹ​បើច​ខើស​ក្លែរ នាវ​គុ​ឞ្លាៈ​ឞ្លើ‌
GAL 5:20 នាវ​យើក​មឞាស​មា​រូប​ឞ្រាស នាវ​ជាន​នអាង នាវ​តឹម​រាទ៝ង់​ឞាល់ នាវ​តឹម​ឞ្យាញ់ នាវ​តឹម​មោ​នាច នាវ​ជី​នូយ្ស នាវ​គឹត​មា​ឆាក់​នើម​ទើម នាវ​តឹម​រាលាច់​ឞាល់ នាវ​តឹម​ពាៈ​ផូង‌
GAL 5:21 នាវ​តឹម​ងៃ​រាង៝ៈ នាវ​ញុល​នទ្រាញ់ នាវ​ញេត​ឆា​ឞ្លឹក​ឞ្លែក នទ្រែល​មា​នទើ​អេងៗ​ជឹត​អី​តឹម​ឞាន​កើត​នៃ​ដ៝ង់។ គ៝ប់​ទាន់​មឞើស​អ៝ន់​ខាន់​អៃ​មៃ​គឹត​ល៝រ កើត​គ៝ប់​លែៈ​ជេស​មឞើស​អា​ល៝រ​នើស ទឹង​លែៈ​ឞូនុយ្ស​អី​ជាន​កើត​នៃ កោរាញ​ឞ្រាស​មោ​អោស​រ៝ម​ខាន់​ពាង់​ជេង​ផូង​ប៝ន​លាន​ពាង់​នើម។
GAL 5:22 យើន​មា​ព្លៃ​អី​តាៈ​ឞើស​ឞ្រាស​ហ្វេង​អ្វែស​តា​នៃ​គែស​កើត​នអា៖ នាវ​រ៝ង់​មា​ឞូ នាវ​រាម់​មអាក នាវ​ដាប់​មពាន់ នាវ​ឞ្លាវ​អ៝ត់​នូយ្ស នូយ្ស​នហ៝ម់​ល៝ង់ នូយ្ស​នហ៝ម់​អ្វែស នូយ្ស​នហ៝ម់​រាប់​ជាប់‌
GAL 5:23 នូយ្ស​នហ៝ម់​មលែស នទ្រែល​មា​នាវ​ឞ្លាវ​ម៝ត់​ញជ្រាង់​ឆាក់​អ៝ន់​គុ​ទី​កែស។ មោ​ហោម​គែស​អោស​នាវ​វៃ​អី​ឞ្វៃ​ទឹង​លែៈ​នាវ​អី​នៃ។
GAL 5:24 ជេសរី​ឞូ​ម៝ស​អី​ជេង​ប៝ន​លាន​ឞ្រាស​ក្រីស​យេឆូ  លែៈ​ងខឹត​លើយ​នូយ្ស​នហ៝ម់​អើម​អី​អុច​ជាន​តីស​នតើម​ឞើស​នទុល​មែ នអ៝ប់​មា​លែៈ​ងខឹត​ដ៝ង់​អាប់​នតីល​នាវ​កើញ​ហោ​អីរ តឹម​ឞាន​មា​លែៈ​ងខឹត​ជេស​តា​ឆី​តឹម​រាកាង់​ពាង់។
GAL 5:25 ឞ្រាស​ហ្វេង​អ្វែស​លែៈ​អ៝ន់​ឞ៝ន់​នាវ​រេស​មហែ លាស​នទ្រី​អ៝ន់​ពាង់​លែវ​ឞ៝ន់​នឹង​តា​អាប់​នតីល​នទើ។
GAL 5:26 ឞ៝ន់​លើយ​អោស​នហី​អេង​ឆាក់ តឹម​ជ្រែស​ឞាល់ តឹម​ងៃ​រាង៝ៈ។
GAL 6:1 អើ​អ៝ស​នោ​តា​នាវ​ញឆីង លាស​គែស​ទូ​ហ្វេ​ឞូនុយ្ស​អី​ឞូ​ឞាន​ទោល​ជាន​នទើ​អ្យើស ឞូ​ម៝ស​អី​គែស​ឞ្រាស​ហ្វេង​អ្វែស​គុ អ៝ន់​ទាប់​ងក្រា​ឞូនុយ្ស​អី​នៃ​មា​នូយ្ស​នហ៝ម់​មលែស។ យើន​មា​ញជ្រាង់​ឆាក់​ពាង់​នើម ក្លាច​លាស​គែស​នាវ​នទើម​កើត​ឞូនុយ្ស​អី​នៃ​ដ៝ង់។
GAL 6:2 អ៝ន់​តឹម​កើល​ម៝ស​គែស​នាវ​ជេរ​នទ្រាង់​នើម ជាន​កើត​នៃ​ខាន់​អៃ​មៃ​ជាន​តឹង​នាវ​វៃ​ឞ្រាស​ក្រីស ​ងាន់។
GAL 6:3 លាស​ឞូ​ម៝ស​អី​កើប​អេង​ឆាក់​ពាង់​នើម​ជេង​ឞូនុយ្ស​គែស​នាវ​ខ្លៃ តីស​មា​មោ​អោស​គែស​នាវ​ខ្លៃ ពាង់​អី​នៃ​ជេង​មរោស​អេង​ឆាក់​ពាង់​នើម​ទើម។
GAL 6:4 អ៝ន់​ទូ​ហ្វេ​ទូ​ហ្វេ​មេត​អ្វាញ់​អេង​ឆាក់​ពាង់​នើម​ជាន​ហ៝ៈ អ៝ន់​គុ​រាម់​មអាក​មា​នទើ​ពាង់​នើម​ជាន​ហ៝ៈ លើយ​អោស​រាដឹល​មា​ឞូនុយ្ស​អេង‌
GAL 6:5 យ៝រ​លាស​តា​នារ​ជឹត​នាប់​តៃ ទឹង​លែៈ​ឞូនុយ្ស​អ្យាត់​មា​មឞើស​មា​កោរាញ​ឞ្រាស​ទឹង​លែៈ​នទើ​ខាន់​ពាង់​ជាន។
GAL 6:6 ឞូ​ម៝ស​អី​ឞូ​នតុម​នតី​នាវ​កោរាញ​ឞ្រាស អ៝ន់​ខាន់​ពាង់​ឆ៝ៈ​ទ្រាប់​នទើ​អី​ខាន់​ពាង់​នើម​គែស​អាបាៈ​ពាៈ​អ៝ន់​មា​នាក់​អី​នតុម​នតី​មា​ខាន់​ពាង់​នៃ។
GAL 6:7 ទាន់​ខាន់​អៃ​មៃ​លើយ​អោស​វិ មោ​ទើយ​អោស​មរោស​កោរាញ​ឞ្រាស ពាង់​មរា​តេៈ​ទោយ្ស​មា​ឞូ​ម៝ស​អី​មឺច​ពាង់។ ម៝ស​គារ់​នតីល​អី​ឞូ​តូច​តា​នែស ឞូ​មរា​រែក​ឞើស​គារ់​នតីល​អី​នៃ​រ៝។
GAL 6:8 ឞូ​ម៝ស​អី​ជាន​តឹង​នូយ្ស​នហ៝ម់​អើម​អី​អុច​ជាន​អ្យើស​ឞើស​នទុល​មែ ពាង់​អី​នៃ​តឹម​ឞាន​មា​តូច​គារ់​អ្យើស ជេសរី​កោរាញ​ឞ្រាស​មរា​តេៈ​ទោយ្ស​មា​ពាង់​អី​នៃ​រ៝ តឹម​ឞាន​មា​ពាង់​អី​នៃ​រែក​នាវ​តេៈ​ទោយ្ស។ យើន​មា​ឞូ​ម៝ស​អី​គុ​រេស​គៃ​មា​ឞ្រាស​ហ្វេង​អ្វែស​រាម់​មអាក ពាង់​អី​នៃ​តឹម​ឞាន​មា​តូច​គារ់​អ្វែស ជេសរី​ពាង់​មរា​គែស​នាវ​រេស​នហ៝​រ៝​តាៈ​ឞើស​ឞ្រាស​ហ្វេង​អ្វែស។
GAL 6:9 អ៝ន់​ឞ៝ន់​លើយ​អោស​ទឹល​ជាន​នាវ​អ្វែស ត៝ត់​ទី​នារ​រី​តៃ​ឞ៝ន់​មរា​គែស​រែក​ព្លៃ​អ្វែស​រ៝ លាស​ឞ៝ន់​ជាន​អ្វែស​នឹង។
GAL 6:10 លាស​នទ្រី​លាស​ឞ៝ន់​ទើយ​ជាន អ៝ន់​ឞ៝ន់​ជាន​នទើ​អ្វែស​មា​ទឹង​លែៈ​ឞូនុយ្ស​ទោ លើ​មា​ហោ​ជាន​នទើ​អ្វែស​មា​អ៝ស​នោ​តា​នាវ​ញឆីង។
GAL 6:11 អ្វាញ់​ហ៝ម់ រាព្លៃ​រាឆ៝​អី​ក្វ៝ង់ៗ​អី​ខាន់​អៃ​មៃ​អ្វាញ់​នតើម​ឞើស​នតុក​អ្យា​ជឹត​ទ៝ង់​ជេង​តី​គ៝ប់​នើម​ញចីស។
GAL 6:12 មពោល​ឞូនុយ្ស​ផូង​អីឆ្រាអែល ​អី​ញច៝ប់​ខាន់​អៃ​មៃ​ក៝ស​នតោ​តឹង​នាវ​វៃ​មោឆេ  ខាន់​ពាង់​អុច​ឞូ​លឺ​មា​ខាន់​ពាង់​នើម ខាន់​ពាង់​មាន​មា​ជាន​កើត​នៃ​គៃ​មា​លើយ​អ៝ន់​ផូង​អីឆ្រាអែល ​ជាន​ជេរ​ទើម យ៝រ​មា​នតី​លែៈ​រាក្លាយ្ស​ជេស​តាៈ​ឞើស​ញឆីង​មា​ឞ្រាស​ក្រីស ​អី​ខឹត​តា​ឆី​តឹម​រាកាង់ មោ​អោស​ខាច់​ជាន​ទូ​នតីល​នទើ​អា​អេង​ជឹត។
GAL 6:13 ឞ៝ល​លាស​ផូង​អី​លែៈ​ក៝ស​នតោ​នៃ ឆាក់​ខាន់​ពាង់​នើម​មោ​អោស​ញអោត​តឹង​ទឹង​លែៈ​នាវ​វៃ​មោឆេ  ខាន់​ពាង់​ដាៈ​ខាន់​មៃ​ក៝ស​នតោ​នៃ គៃ​មា​ពាង់​នហី​អេង​ឆាក់​ខាន់​ពាង់​នើម យ៝រ​មា​ខាន់​មៃ​លែៈ​អ្យាត់​តឹង​នាវ​ខាន់​ពាង់​ដាៈ។
GAL 6:14 យើន​មា​គ៝ប់​អ្យា លើយ​អ៝ន់​គ៝ប់​នហី​អេង​ឆាក់​មា​ទូ​នតីល​នទើ មាន​មា​នហី​អេង​ឆាក់​មា​នាវ​ខឹត​ឞ្រាស​យេឆូ​ក្រីស ​តា​ឆី​តឹម​រាកាង់​អី​កោរាញ​ឞ៝ន់​ហ៝ៈ។ យ៝រ​មា​នទើ​ឞ្រាស​យេឆូ​ក្រីស ​ជាន​តា​ឆី​តឹម​រាកាង់​អី​នៃ ទឹង​លែៈ​នទើ​តា​នែស​នតូ​អ្យា​មោ​ហោម​អោស​គែស​ខ្លៃ​មា​គ៝ប់ ជេង​តឹម​ឞាន​មា​ងខឹត​តា​ឆី​តឹម​រាកាង់​អី​នៃ ជេសរី​គ៝ប់​តឹម​ឞាន​មា​លែៈ​ខឹត​តា​ឆី​តឹម​រាកាង់​ដ៝ង់ នទ្រី​ឞូនុយ្ស​អី​មោ​ញឆីង​មា​ឞ្រាស​យេឆូ​ក្រីស ​មោ​អោស​កើប​គ៝ប់​ខ្លៃ។
GAL 6:15 នាវ​គែស​ក៝ស​នតោ នាវ​មោ​គែស​ក៝ស​នតោ មោ​អោស​គែស​នាវ​ខ្លៃ។ នទើ​អី​គែស​នាវ​ខ្លៃ​ជេង​នាវ​កោរាញ​ឞ្រាស​អ៝ន់​នាវ​រេស​មហែ នាវ​អី​នៃ​តឹម​ឞាន​មា​ពាង់​ញជេង​ឞ៝ន់​ទូ​តឹ​ជឹត។
GAL 6:16 ទាន់​កោរាញ​ឞ្រាស​អ៝ន់​នាវ​ដាប់​មពាន់ នទ្រែល​មា​នាវ​យោៈ​នអាច​មា​ឞូ​ម៝ស​អី​ញអោត​តឹង​នាវ​រេស​មហែ​អី​នៃ នអ៝ប់​មា​ទឹង​លែៈ​ផូង​អី​ជេង​ប៝ន​លាន​កោរាញ​ឞ្រាស​នើម​ងាន់។
GAL 6:17 នតើម​ឞើស​អ្យា​ជឹត​នាប់ លើយ​អោស​អ៝ន់​ឞូនុយ្ស​ជាន​អ៝ន់​គ៝ប់​គែស​នាវ​ជេរ​ជឹត​តាៈ​ឞើស​នាវ​ឞូ​នតី​ងក្លាៈ យ៝រ​លាស​ខាប​ឞ្រាស​យេឆូ ​នើម​លែៈ​គែស​តា​ឆាក់​គ៝ប់​ជេស ជេង​នាវ​ឞូ​រាពាត់​មឞាង​មា​គ៝ប់។
GAL 6:18 អើ​អ៝ស​នោ​តា​នាវ​ញឆីង ទាន់​នាវ​អ្វែស​ឞ្រាស​យេឆូ​ក្រីស ​អី​កោរាញ​ឞ៝ន់​នើម​គុ​នទ្រែល​តា​នូយ្ស​នហ៝ម់​ខាន់​អៃ​មៃ។ អើ​អ៝ន់​គែស​កើត​នៃ​ងាន់​រ៝៕៚
EPH 1:1 ឆ៝ម់បុត​គ៝ប់​ពោល ​ញចីស គ៝ប់​អី​កោរាញ​អ៝ស​ម៝ន​ឞ្រាស​ក្រីស​យេឆូ ​តាៈ​ឞើស​នាវ​អុច​កោរាញ​ឞ្រាស​នើម។ គ៝ប់​ទាន់​អោប​នាវ​អ្វែស​លាង់​ខាន់​អៃ​មៃ​អី​ផូង​ប៝ន​លាន​កោរាញ​ឞ្រាស​តា​ប៝ន​អេផេឆោ  ជេង​ផូង​គុ​ន៝ប់​តា​នាវ​ញឆីង​មា​ឞ្រាស​ក្រីស​យេឆូ ។
EPH 1:2 ទាន់​កោរាញ​ឞ្រាស​ឞឹ​ឞ៝ន់​នើម នទ្រែល​មា​កោរាញ​យេឆូ​ក្រីស ​អ៝ន់​នាវ​អ្វែស នាវ​ដាប់​មពាន់​មា​ខាន់​អៃ​មៃ។
EPH 1:3 ទាន់​រានេ​កោរាញ​ឞ្រាស​អី​ឞឹ​ឞ្រាស​យេឆូ​ក្រីស ​កោរាញ​ឞ៝ន់។ យ៝រ​មា​ឞ៝ន់​គុ​នទ្រែល​ឞ្រាស​ក្រីស  កោរាញ​ឞ្រាស​លែៈ​អ៝ន់​ជេស​មា​ឞ៝ន់​អាប់​នតីល​នទើ​អ្វែស​អី​មាត់​ឞូនុយ្ស​មោ​ឞ្លាវ​ឆៃ​អី​គែស​នាវ​ខ្លៃ​តា​នូយ្ស​នហ៝ម់​ឞ៝ន់ នអ៝ប់​មា​អ៝ន់​ឞ៝ន់​នាវ​រេស​នហ៝​រ៝។
EPH 1:4 ឞើស​នតើម​អេ​ហ៝ៈ​ញជេង​នែស​នតូ​នើស ពាង់​លែៈ​អើម​កើយ្ស​ជេស​ឞ៝ន់​គៃ​មា​គុ​នទ្រែល​ឞ្រាស​ក្រីស ។ ពាង់​កើយ្ស​ឞ៝ន់​គៃ​មា​ជេង​ក្ល៝ស​អ្វែស មោ​គែស​អោស​នាវ​មា​នទុយ្ស​តា​នាប់​មាត់​ពាង់។ ពាង់​ជាន​កើត​នៃ យ៝រ​មា​ពាង់​គែស​នូយ្ស​នហ៝ម់​រ៝ង់​មា​ឞ៝ន់។
EPH 1:5 ឞើស​នោក​នៃ​នើស​ពាង់​លែៈ​អើម​អុច​ឞ៝ន់​ជេង​ផូង​ក៝ន​ពាង់​នើម​យ៝រ​មា​នទើ​ឞ្រាស​យេឆូ​ក្រីស ​លែៈ​ជាន ជេង​ទី​កើត​នាវ​ពាង់​នើម​អុច នអ៝ប់​មា​អ៝ន់​ពាង់​រាម់​មអាក។
EPH 1:6 ពាង់​ជាន​កើត​នៃ​គៃ​មា​ឞ៝ន់​រានេ​នាវ​អ្វែស​ពាង់​នើម​អី​ទុត​ក្វ៝ង់​ងាន់ នាវ​អ្វែស​អី​នៃ​ពាង់​លែៈ​អ៝ន់​ជេស​ទើម​ទាម​មា​ឞ៝ន់​អី​គុ​នទ្រែល​ក៝ន​ពាង់​នើម។ ពាង់​រ៝ង់​ហោ​ងាន់​មា​ក៝ន​ពាង់​នើម។
EPH 1:7 យ៝រ​មា​មហាម​ឞ្រាស​ក្រីស ​អី​ក៝ន​ពាង់​នើម​នៃ ពាង់​លែៈ​ច្វាយ​ជេស​ឞ៝ន់​ឞើស​នាវ​តេៈ​ទោយ្ស លែៈ​យោៈ​ឞ៝ន់​មោ​ហោម​អោស​កើប​នាវ​តីស​ឞ៝ន់។ នាវ​អី​នៃ​តាៈ​ឞើស​នាវ​អ្វែស​ពាង់​ទុត​ក្វ៝ង់​ងាន់។
EPH 1:8 នាវ​អ្វែស​អី​នៃ​ពាង់​អ៝ន់​មា​ឞ៝ន់​អ៝ក់​រាមែស​លែរ​ងាន់ ពាង់​អ៝ន់​ឞ៝ន់​នាវ​មឹន​គឹត​ឞ្លាវ នទ្រែល​មា​អ៝ន់​ឞ៝ន់​គឹត​វ៝ត់​អាប់​នតីល​នទើ។
EPH 1:9 ពាង់​លែៈ​អ៝ន់​ឞ៝ន់​គឹត​នាល់​នាវ​អុច​ពាង់​អី​អា​ល៝រ​នើស​ឞូនុយ្ស​មោ​អោស​គឹត អាបៃ​អ្យា​ពាង់​លែៈ​ញហើ​មា​ឞ៝ន់​នទើ​អី​ពាង់​អុច​ជាន​តា​ឞ្រាស​ក្រីស ។
EPH 1:10 នាវ​អី​នៃ​ពាង់​អ៝ន់​គែស​ងាន់​ត៝ត់​ទី​នារ​ពាង់​លែៈ​អុច តា​នារ​អី​នៃ​ពាង់​មរា​រាគូម​ទឹង​លែៈ​នទើ​តា​កាលើ​ត្រោក នទ្រែល​មា​ទឹង​លែៈ​នទើ​តា​នែស​នតូ​អ៝ន់​គុ​គូម​តា​ន៝ម់​ឞ្រាស​ក្រីស ​ជេង​ទូ​ហ្វេ​កោរាញ​ទើម។
EPH 1:11 ហេន​អី​ផូង​អីឆ្រាអែល ​អី​ញឆីង​មា​ឞ្រាស​ក្រីស ​លែៈ​កោរាញ​ឞ្រាស​ទែ​កើយ្ស​ជេស​គៃ​មា​ឆ៝ៈ​ទើន​នទើ​ពាង់​លែៈ​ត៝ន​មា​ហេន​កាល់​អែ​នើស យ៝រ​មា​ហេន​គុ​នទ្រែល​ឞ្រាស​ក្រីស ។ ពាង់​លែៈ​អើម​កើយ្ស​ហេន​កើត​នៃ​ជេង​តឹង​នាវ​មឹន​ពាង់​នើម​អុច។ ទឹង​លែៈ​នទើ​ពាង់​អុច​អ៝ន់​គែស ជេង​គែស​ងាន់​តឹង​នូយ្ស​នហ៝ម់​ពាង់​នើម​អុច។
EPH 1:12 នទ្រី​ហេន​លែៈ​គែស​នាវ​រានើម​តា​ឞ្រាស​ក្រីស ​ល៝រ​ឞូ។ ពាង់​ជាន​កើត​នៃ​គៃ​មា​ហេន​គុ​រេស​រានេ​នាវ​ច្រេក​លើប​ពាង់​នើម។
EPH 1:13 អាបៃ​អ្យា​ខាន់​អៃ​មៃ​អី​មោ​ទី​ផូង​អីឆ្រាអែល ​លែៈ​កោរាញ​ឞ្រាស​ទែ​អ៝ន់​ឞ្រាស​ហ្វេង​អ្វែស​អី​ក្ល៝ស​អ្វែស​គុ​នទ្រែល​ខាន់​អៃ​មៃ​ដ៝ង់ យ៝រ​មា​ខាន់​អៃ​មៃ​គុ​នទ្រែល​ឞ្រាស​ក្រីស ។ នាវ​អី​នៃ​ពាង់​នើម​លែៈ​ត៝ន ជេសរី​នាវ​អី​នៃ​តឹម​ឞាន​មា​តេៈ​ព្លា​ក្រេប​តា​ខាន់​អៃ​មៃ។ ពាង់​អ៝ន់​ឞ្រាស​ហ្វេង​អ្វែស ជេស​ខាន់​អៃ​មៃ​ញឆីង​មា​ឞ្រាស​ក្រីស ​តា​នោក​ខាន់​អៃ​មៃ​តាង់​នាវ​ងើយ​ងាន់ តាង់​នាវ​មហែ​មហាន​អ្វែស។ ជេសរី​ខាន់​អៃ​មៃ​គែស​នាវ​រាក្លាយ្ស​យ៝រ​មា​នាវ​មហែ​មហាន​អ្វែស​អី​នៃ។
EPH 1:14 ពាង់​អ៝ន់​ឞ្រាស​ហ្វេង​អ្វែស​អី​ក្ល៝ស​អ្វែស​នៃ​ញចាម់​នូយ្ស​នហ៝ម់​ឞ៝ន់ អ៝ន់​ឞ៝ន់​គឹត​ងាន់ ពាង់​មរា​អ៝ន់​ឞ៝ន់​ទឹង​លែៈ​នទើ​អី​ពាង់​លែៈ​ត៝ន​ជេស អ៝ន់​ឞ៝ន់​គឹត​ងាន់​ពាង់​លែៈ​ច្វាយ​ឞ៝ន់​គៃ​មា​ជេង​ផូង​ប៝ន​លាន​ពាង់​នើម។ ពាង់​ជាន​កើត​នៃ​គៃ​មា​ឞ៝ន់​រានេ​នាវ​ច្រេក​លើប​ពាង់​នើម។
EPH 1:15 យ៝រ​មា​ទឹង​លែៈ​នទើ​អី​នៃ គ៝ប់​លាស​អ្វែស​មា​កោរាញ​ឞ្រាស​ងាន់។ នតើម​ឞើស​គ៝ប់​លែៈ​តាង់​ជេស​នាវ​ឞូ​ងក៝ច​នាវ​ញឆីង​ខាន់​អៃ​មៃ​តា​កោរាញ​យេឆូ  នទ្រែល​មា​តាង់​នាវ​ខាន់​អៃ​មៃ​រ៝ង់​មា​ទឹង​លែៈ​ផូង​ប៝ន​លាន​កោរាញ​ឞ្រាស‌
EPH 1:16 នទ្រី​ទឹង​គ៝ប់​មោ​រាលូ​អោស​លាស​អ្វែស​កោរាញ​ឞ្រាស យ៝រ​មា​ខាន់​អៃ​មៃ​នៃ។ អាប់​តឹ​គ៝ប់​មឞើស​ឆើម គ៝ប់​មឞើស​ឆើម​មា​ខាន់​អៃ​មៃ​ដ៝ង់។
EPH 1:17 គ៝ប់​ទាន់​កោរាញ​ឞ្រាស​អី​ឞឹ​ឞ្រាស​យេឆូ​ក្រីស ​កោរាញ​ឞ៝ន់​នើម ពាង់​អី​ឞឹ​អី​គែស​នាវ​ច្រេក​លើប។ គ៝ប់​ទាន់​ពាង់​អ៝ន់​ឞ្រាស​ហ្វេង​អ្វែស​អ៝ន់​ខាន់​អៃ​មៃ​គែស​នាវ​មឹន​គឹត​ឞ្លាវ នទ្រែល​មា​អ៝ន់​ឞ្រាស​ហ្វេង​អ្វែស​ញហើ​ពាង់​នើម​មា​ខាន់​អៃ​មៃ គៃ​មា​ខាន់​អៃ​មៃ​គឹត​នាល់​ពាង់​លើ​មា​ហោ​ងាន់។
EPH 1:18 គ៝ប់​ទាន់​កោរាញ​ឞ្រាស​កើល​ខាន់​អៃ​មៃ អ៝ន់​ខាន់​អៃ​មៃ​គឹត​វ៝ត់​នហេល​តា​នូយ្ស​នហ៝ម់​នាវ​មឹន​ទឹង​លែៈ​នទើ​កោរាញ​ឞ្រាស​អុច​អ៝ន់​មា​ខាន់​អៃ​មៃ។ នទើ​អី​នៃ​ខាន់​អៃ​មៃ​ហោម​រានើម​មា​ឆ៝ៈ​ទើន យ៝រ​លាស​ពាង់​លែៈ​ក្វាល់​ខាន់​អៃ​មៃ​ជេង​ផូង​ប៝ន​លាន​ពាង់​នើម នទើ​អី​នៃ​តឹម​ឞាន​មា​នទើ​នទ្រៃ គែស​នាវ​ខ្លៃ​ហោ​ងាន់ គែស​នាវ​ច្រេក​លើប​ដ៝ង់។
EPH 1:19 គ៝ប់​ទាន់​កើត​នៃ គៃ​មា​ខាន់​អៃ​មៃ​គឹត​វ៝ត់​នហេល​នាវ​ទើយ​កោរាញ​ឞ្រាស​អី​ទុត​ក្វ៝ង់​អី​មោ​អោស​គែស​នទើ​មា​នតឹត។ កោរាញ​ឞ្រាស​កើល​ឞ៝ន់​អី​ញឆីង​មា​ឞ្រាស​ក្រីស ​មា​នាវ​ទើយ​អី​នៃ។ នាវ​ទើយ​អី​នៃ
EPH 1:20 អ៝ន់​ឞ្រាស​ក្រីស ​ទ៝ក់​រេស​តៃ​នើស នទ្រែល​មា​អ៝ន់​ពាង់​គុ​មពែស​ឞើស​មា​កោរាញ​ឞ្រាស​តា​នតុក​កោរាញ​ឞ្រាស​នើម​តា​កាលើ​ត្រោក។
EPH 1:21 នាវ​ទើយ​អី​នៃ​អ៝ន់​ឞ្រាស​ក្រីស ​ជេង​កោរាញ​ទុត​ក្វ៝ង់​ទុត​ព្រេស​រាលាវ​មា​ទឹង​លែៈ​កោរាញ​អី​គែស​នាវ​ទើយ​អី​គែស​នាវ​ទាង់​អី​គែស​នាវ​ម៝ត់​អ្វាញ់​អាប់​នតីល។ មោ​គែស​អោស​ទូ​ហ្វេ​ក្វ៝ង់​ព្រេស​រាលាវ​ពាង់​តា​រានោក​អាបៃ​អ្យា នហ៝​មា​រានោក​ជឹត​នាប់​តៃ​ជេង​រានោក​អី​នហ៝​រ៝​ដ៝ង់។
EPH 1:22 កោរាញ​ឞ្រាស​លែៈ​អ៝ន់​ទឹង​លែៈ​នទើ​គុ​តា​ន៝ម់​នាវ​ម៝ត់​អ្វាញ់​ឞ្រាស​ក្រីស ​នើម នអ៝ប់​មា​អ៝ន់​ពាង់​ជេង​កោរាញ​មា​ទឹង​លែៈ​ឞូនុយ្ស​អី​ញឆីង​មា​ពាង់។ ពាង់​តឹម​ឞាន​មា​ឞោក‌
EPH 1:23 ផូង​អី​ញឆីង​តឹម​ឞាន​មា​ឆាក់​ជាន់​ពាង់។ ពាង់​អ៝ន់​នាវ​រេស​នអ៝ប់​មា​ម៝ត់​អ្វាញ់​ទឹង​លែៈ​ផូង​ញឆីង។ ពាង់​អ៝ន់​នាវ​រេស​នអ៝ប់​មា​ម៝ត់​អ្វាញ់​ទឹង​លែៈ​នទើ​អី​គែស​ញជេង។
EPH 2:1 អេ​ល៝រ​មា​ខាន់​អៃ​មៃ​ញឆីង​មា​ឞ្រាស​ក្រីស ​នើស ខាន់​អៃ​មៃ​ជាន​តីស​នឹង ជាន​រាលាវ​ដាស​នាវ​កោរាញ​ឞ្រាស​ដាៈ ជេង​តឹម​ឞាន​មា​លែៈ​ខឹត​យ៝រ​មា​ជាន​នាវ​តីស​អី​នៃ
EPH 2:2 អី​ខាន់​អៃ​មៃ​វៃ​ជាន​នឹង​តា​នោក​ហោម​គុ​រេស​ជាន​កើត​ឞូនុយ្ស​អី​មោ​ញឆីង​មា​ឞ្រាស​ក្រីស ។ ខាន់​អៃ​មៃ​វៃ​ជាន​តឹង​នាវ​អុច​ឆាតាង់ ​អី​កោរាញ​មពោល​ឞ្រាស​អ្យើស។ ពាង់​អី​នៃ​អាបៃ​អ្យា​ហោម​ក្វាន់​ឞូនុយ្ស​អី​តឹម​រាទ៝ង់​ដាស​នាវ​កោរាញ​ឞ្រាស​អុច។
EPH 2:3 ទឹង​លែៈ​ឞ៝ន់​អា​ល៝រ​នើស​ជាន​កើត​ខាន់​ពាង់​អី​នៃ​ដ៝ង់ ឞ៝ន់​វៃ​ជាន​តឹង​រាង្លៃ​ឆាក់​កើញ ឞ៝ន់​វៃ​ជាន​នទើ​អេងៗ​តឹង​អី​នាវ​មឹន​កើញ។ កើត​នទ្រី​ទឹង​ឞើស​នតើម​នើស​ទឹង​លែៈ​ឞ៝ន់​ជេង​ឞូនុយ្ស​អី​ទី​មា​កោរាញ​ឞ្រាស​តេៈ​ទោយ្ស​ទាទេ​នតើម​ឞើស​នទុល​មែ​កើត​ខាន់​ពាង់​អី​នៃ​ដ៝ង់។
EPH 2:4 យើន​មា​កោរាញ​ឞ្រាស​គែស​នាវ​យោៈ​នអាច​ទុត​ហោ​ច្រាវ។ ពាង់​ហោម​គែស​នាវ​រ៝ង់​មា​ឞ៝ន់​ទុត​ហោ‌
EPH 2:5 ឞ៝ល​លាស​ឞ៝ន់​អី​គុ​ងាយ​ឞើស​កោរាញ​ឞ្រាស​ជេង​តឹម​ឞាន​មា​លែៈ​ខឹត​យ៝រ​មា​នាវ​តីស​ឞ៝ន់​នើម​កាដោយ កោរាញ​ឞ្រាស​ហោម​ជាន​អ៝ន់​ឞ៝ន់​តឹម​ឞាន​មា​ទ៝ក់​រេស​នទ្រែល​ឞ្រាស​ក្រីស ​ដ៝ង់ អ៝ន់​ឞ៝ន់​គែស​នាវ​រេស​នហ៝​រ៝​តៃ។ យ៝រ​មា​នាវ​អ្វែស​កោរាញ​ឞ្រាស​នើម​ពាង់​លែៈ​រាក្លាយ្ស​ជេស​ខាន់​អៃ​មៃ។
EPH 2:6 ពាង់​អ៝ន់​ឞ៝ន់​ទ៝ក់​រេស​តៃ​នទ្រែល​ឞ្រាស​ក្រីស  ជេសរី​អ៝ន់​ឞ៝ន់​គុ​តា​នតុក​ពាង់​នើម​តា​កាលើ​ត្រោក​នទ្រែល​ឞ្រាស​ក្រីស ​នើម​ដ៝ង់។
EPH 2:7 ពាង់​ជាន​កើត​នៃ គៃ​មា​ញហើ​នាវ​អ្វែស​ពាង់​នើម​អី​ពាង់​អ៝ន់​ឞ៝ន់​យ៝រ​មា​ឞ៝ន់​គុ​នទ្រែល​ឞ្រាស​ក្រីស​យេឆូ ពាង់​អ៝ន់​ឞូ​ឆៃ​គឹត​នាល់​តា​អាប់​រានោក​ជឹត​នាប់​តៃ។ នាវ​អ្វែស​ពាង់​នើម​ទុត​ក្វ៝ង់​ងាន់​មោ​គែស​អោស​នទើ​មា​នតឹត។
EPH 2:8 តាៈ​ឞើស​នាវ​អ្វែស​កោរាញ​ឞ្រាស ទឹង​ពាង់​រាក្លាយ្ស​ខាន់​អៃ​មៃ យ៝រ​មា​ខាន់​អៃ​មៃ​ញឆីង​មា​ឞ្រាស​ក្រីស ។ នាវ​រាក្លាយ្ស​អី​នៃ​មោ​អោស​តាៈ​ឞើស​នទើ​ខាន់​អៃ​មៃ​នើម​ជាន ជេង​តាៈ​ឞើស​កោរាញ​ឞ្រាស​នើម​អ៝ន់​ទើម​ទាម។
EPH 2:9 មោ​ដ៝ង់​ទី​តាៈ​ឞើស​ឞូនុយ្ស​ជាន​អ្វែស គៃ​មា​លើយ​អ៝ន់​ទូ​ហ្វេ​ឞូនុយ្ស​នហី​អេង​ឆាក់​ពាង់​នើម។
EPH 2:10 កោរាញ​ឞ្រាស​លែៈ​អ៝ន់​ឞ៝ន់​គែស​នាវ​រេស​មហែ ពាង់​ញជេង​ឞ៝ន់​ទូ​តឹ​ជឹត យ៝រ​មា​ឞ៝ន់​លែៈ​គុ​នទ្រែល​ឞ្រាស​ក្រីស​យេឆូ ។ ពាង់​ជាន​កើត​នៃ គៃ​មា​អ៝ន់​ឞ៝ន់​ទើយ​ជាន​នទើ​អ្វែស​អី​លែៈ​ពាង់​នទ្រាប់​ល៝រ​អ៝ន់​មា​ឞ៝ន់​ជាន​តឹង​កើត។
EPH 2:11 លាស​នទ្រី​អ៝ន់​ខាន់​អៃ​មៃ​កាស​គឹត​ហ៝ម់ ខាន់​អៃ​មៃ​នើស​ជេង​ផូង​អី​មោ​ទី​ផូង​អីឆ្រាអែល ​ឞើស​នទុល​មែ។ ជេសរី​ផូង​អីឆ្រាអែល ​ជេង​ផូង​គែស​ក៝ស​នតោ នទ្រី​ទឹង​ខាន់​ពាង់​កើប​អេង​ឆាក់​ខាន់​ពាង់​នើម​លែៈ​ជេង​ផូង​ប៝ន​លាន​កោរាញ​ឞ្រាស​នើម យើន​មា​ខាន់​ពាង់​គែស​ក៝ស​នតោ​តា​ឆាក់​ជាន​មា​តី​ឞូនុយ្ស​ទើម។ ជេសរី​ខាន់​ពាង់​ក្វាល់​មឺច​ខាន់​អៃ​មៃ​«ផូង​មោ​ក៝ស​នតោ»។
EPH 2:12 អា​ល៝រ​នើស​ខាន់​អៃ​មៃ​ហោម​គុ​ងាយ​ឞើស​ឞ្រាស​ក្រីស ។ ខាន់​អៃ​មៃ​នៃ​កោរាញ​ឞ្រាស​មោ​អោស​កើយ្ស​ជេង​ផូង​ប៝ន​លាន​ពាង់​នើម យើន​មា​ផូង​អីឆ្រាអែល ​ទើម​កោរាញ​ឞ្រាស​លែៈ​កើយ្ស​ជេង​ផូង​ប៝ន​លាន​ពាង់​នើម។ នាវ​ត៝ន​កោរាញ​ឞ្រាស​នោក​ពាង់​តឹម​រាង្លាប់​មា​ផូង​អីឆ្រាអែល ​កាល់​អែ​នើស​មោ​ទី​មា​ខាន់​អៃ​មៃ​ដ៝ង់។ ខាន់​អៃ​មៃ​គុ​រេស​តា​នែស​នតូ​អ្យា​មោ​គែស​នាវ​រានើម​មា​នាវ​រាក្លាយ្ស នទ្រែល​មា​មោ​គែស​កោរាញ​ឞ្រាស​ដ៝ង់។
EPH 2:13 អា​ល៝រ​នើស​ខាន់​អៃ​មៃ​គុ​ងាយ​ងាន់​ឞើស​ទឹង​លែៈ​នទើ​អី​នៃ យើន​មា​អាបៃ​អ្យា​កោរាញ​ឞ្រាស​លែៈ​អ៝ន់​ខាន់​អៃ​មៃ​ជេង​ផូង​ប៝ន​លាន​ពាង់​នើម យ៝រ​មា​មហាម​ឞ្រាស​យេឆូ​ក្រីស ​នើម​ហ៝ច​តា​ឆី​តឹម​រាកាង់។
EPH 2:14 ឞ្រាស​ក្រីស ​អ៝ន់​នាវ​ដាប់​មពាន់​មា​ទឹង​លែៈ​ឞ៝ន់។ យ៝រ​មា​នាវ​ពាង់​ខឹត ពាង់​អ៝ន់​ឞារ​ផូង​អី​នៃ ផូង​អីឆ្រាអែល  នអ៝ប់​មា​ផូង​អី​មោ​ទី​ផូង​អីឆ្រាអែល ​ជេង​ផូង​ប៝ន​លាន​ទូ​ផូង​ទើម។ នទើ​អី​នៃ​តឹម​ឞាន​មា​រើយ្ស​លើយ​មពេរ​អី​ញចីង​តឹម​រាដាស​ឞារ​ផូង​អី​នៃ អ៝ន់​ឞ៝ន់​ឞាស​តឹម​រាលាង់​ឞាល់។
EPH 2:15 យ៝រ​មា​នាវ​ខឹត​ឞ្រាស​យេឆូ  ឞ៝ន់​មោ​ហោម​ខាច់​ជាន​តឹង​នាវ​វៃ​ផូង​អីឆ្រាអែល ​អី​គែស​ដាៈ​អី​គែស​ឞ្វៃ​អេងៗ​នៃ។ ពាង់​ជាន​កើត​នៃ​គៃ​មា​លែៈ​ឞារ​ផូង​អី​នៃ​ជេង​ផូង​ប៝ន​លាន​មហែ​ទូ​ផូង​ហ៝ៈ​តា​ពាង់​នើម នទ្រី​ពាង់​អ៝ន់​នាវ​ដាប់​មពាន់​លែៈ​ឞារ​ផូង​អី​នៃ។
EPH 2:16 នោក​ឞ្រាស​ក្រីស ​ខឹត​តា​ឆី​តឹម​រាកាង់​នើស ពាង់​លែៈ​ជាន​ឞារ​ផូង​អី​នៃ​អ៝ន់​តឹម​រាង្លាប់​ឞាល់​ជេង​ទូ​រាង្លៃ​ឆាក់​ហ៝ៈ នទ្រែល​មា​អ៝ន់​ខាន់​ពាង់​តឹម​ទី​ឞាល់​មា​កោរាញ​ឞ្រាស។ នទ្រី​ទឹង​ពាង់​ងគ្រ៝ស​លើយ​នាវ​តឹម​រាលាង់​ឞាល់​អី​នៃ។
EPH 2:17 ពាង់​វាច់​តា​នែស​នតូ​អ្យា​នើស មឞើស​ងក៝ច​នាវ​មហែ​មហាន​អ្វែស​គែស​នាវ​ដាប់​មពាន់​មា​កោរាញ​ឞ្រាស​នើម អ៝ន់​មា​ផូង​អី​មោ​ទី​ផូង​អីឆ្រាអែល ​អី​វៃ​គុ​ងាយ​ឞើស​កោរាញ​ឞ្រាស នទ្រែល​មា​អ៝ន់​មា​ផូង​អីឆ្រាអែល ​អី​ផូង​ប៝ន​លាន​ពាង់​នើម​ដ៝ង់។
EPH 2:18 យ៝រ​មា​ឞ្រាស​យេឆូ ​នៃ​ទឹង​កោរាញ​ឞ្រាស​រ៝ម​ឞ៝ន់​ឞារ​ផូង តាង់​នាវ​ទាន់​ឞើស​ទឹង​លែៈ​ឞ៝ន់។ នាវ​អី​នៃ​តាៈ​ឞើស​គែស​ទូ​ហ្វេ​ឞ្រាស​ហ្វេង​អ្វែស​ទើម​អី​គុ​តា​ទឹង​លែៈ​ឞ៝ន់​មា​កើល។
EPH 2:19 កើត​នទ្រី​ទឹង​ខាន់​អៃ​មៃ​មោ​ហោម​អោស​ជេង​តឹម​ឞាន​មា​ផូង​ឞូ​នាច់​អី​គុ​តា​ឞ្រី​អេង ខាន់​អៃ​មៃ​លែៈ​គុ​ជេស​តា​ឞ្រី​ផូង​ប៝ន​លាន​កោរាញ​ឞ្រាស។ ខាន់​អៃ​មៃ​លែៈ​ជេង​ឞាល់​មពោល​ទូ​ផូង​ទើម នទ្រែល​មា​ទឹង​លែៈ​ផូង​អី​លែៈ​ញឆីង​មា​ឞ្រាស​យេឆូ  ជេង​រានាក់​វ៝ល់​កោរាញ​ឞ្រាស​នើម។
EPH 2:20 ផូង​អី​នៃ​តឹម​ឞាន​មា​ទូ​មល៝ម់​ញីស​អី​គុ​ន៝ប់​យ៝រ​មា​មពោល​កោរាញ​អ៝ស​ម៝ន នទ្រែល​មា​មពោល​ឞូនុយ្ស​នតើយ្ស​នាវ​ងើយ​កោរាញ​ឞ្រាស​អី​តឹម​ឞាន​មា​មែស ជេសរី​ឞ្រាស​ក្រីស​យេឆូ ​នើម​អី​តឹម​ឞាន​មា​មែស​ទុត​ន៝ប់​ទុត​ខ្លៃ។
EPH 2:21 យ៝រ​មា​ពាង់​ទឹង​គែស​មា​ទឹង​លែៈ​ផូង​ញឆីង​មា​ពាង់​តឹម​ក្រេប​ឞាល់​តឹម​ឞាន​មា​ទូ​មល៝ម់​ញីស ទឹង​គែស​មា​ជេង​ញីស​ជាន​ឞ្រាស​អី​ក្ល៝ស​អ្វែស ជេង​នទើ​កោរាញ​ឞ្រាស​នើម។
EPH 2:22 កើត​នទ្រី​ដ៝ង់ យ៝រ​មា​ខាន់​អៃ​មៃ​គុ​នទ្រែល​ឞ្រាស​ក្រីស  ខាន់​អៃ​មៃ​តឹម​ឞាន​មា​តឹម​ក្រេប​ឞាល់ ជេង​ញីស​មា​កោរាញ​ឞ្រាស​គុ។ នទើ​អី​នៃ​យ៝រ​មា​ឞ្រាស​ហ្វេង​អ្វែស​គុ​តា​ឆាក់​ខាន់​អៃ​មៃ។
EPH 3:1 យ៝រ​មា​ទឹង​លែៈ​នទើ​អី​នៃ គ៝ប់​មឞើស​ឆើម​ទាន់​កោរាញ​ឞ្រាស​អ៝ន់​ខាន់​អៃ​មៃ។ គ៝ប់​អ្យា​ឞូនុយ្ស​គែស​នទ្រូង យ៝រ​មា​គ៝ប់​មឞើស​ងក៝ច​នាវ​ឞ្រាស​ក្រីស​យេឆូ ​អ៝ន់​មា​ផូង​អី​មោ​ទី​ផូង​អីឆ្រាអែល ។
EPH 3:2 នាវ​អ្យា​ខាន់​អៃ​មៃ​លែៈ​គឹត​ជេស​មា​នាវ​កោរាញ​ឞ្រាស​ដាៈ​គ៝ប់​មឞើស​ងក៝ច​នាវ​អ្វែស​ពាង់​នើម​អ៝ន់​មា​ខាន់​អៃ​មៃ អ៝ន់​មា​ទឹង​លែៈ​ផូង​អី​មោ​ទី​ផូង​អីឆ្រាអែល ។
EPH 3:3 គ៝ប់​លែៈ​គែស​ញចីស​ជេស​នាវ​ដេៈ​តា​ឆ៝ម់បុត​អ្យា​អ៝ន់​មា​ខាន់​អៃ​មៃ កោរាញ​ឞ្រាស​លែៈ​ញហើ​អ៝ន់​គ៝ប់​តា​នាវ​តឹម​ឆៃ​នាវ​ឞ្រាស​ក្រីស ​អី​អា​ល៝រ​នើស​ហោម​នទ៝ប់​មពោន។
EPH 3:4 នោក​ខាន់​អៃ​មៃ​រ៝ៈ​នាវ​អី​នៃ ខាន់​អៃ​មៃ​គឹត​វ៝ត់​រ៝​មា​នាវ​គ៝ប់​គឹត​ឞ្លាវ​តា​នាវ​ឞ្រាស​ក្រីស ​អី​អា​ល៝រ​នើស​ហោម​នទ៝ប់​មពោន។
EPH 3:5 ឞើស​នតើម​នើស​ឞូនុយ្ស​ឞ៝ន់​អេ​ហ៝ៈ​គឹត​វ៝ត់​អោស​នាវ​អី​នៃ អាបៃ​អ្យា​កោរាញ​ឞ្រាស​លែៈ​ញហើ​ជេស​អ៝ន់​មា​មពោល​កោរាញ​អ៝ស​ម៝ន​អី​ក្ល៝ស​អ្វែស នទ្រែល​មា​មពោល​ឞូនុយ្ស​នតើយ្ស​នាវ​ងើយ​ពាង់​នើម។ ឞ្រាស​ហ្វេង​អ្វែស​អ៝ន់​ញហើ​នទើ​អី​នៃ​មា​ខាន់​ពាង់។
EPH 3:6 នាវ​នទ៝ប់​មពោន​អី​នៃ​ពាង់​ញហើ​ផូង​អី​មោ​ទី​ផូង​អីឆ្រាអែល ​ទើយ​ឆ៝ៈ​ទើន​នទើ​ខ្លៃ​នទើ​អ្វែស​ឞើស​កោរាញ​ឞ្រាស​នទ្រែល​ផូង​អីឆ្រាអែល ​ដ៝ង់។ ផូង​អី​មោ​ទី​ផូង​អីឆ្រាអែល ​ទើយ​ឆ៝ៈ​ទើន​នទើ​ខ្លៃ​នទើ​អ្វែស​អី​នៃ​យ៝រ​មា​នទើ​ឞ្រាស​ក្រីស ​លែៈ​ជាន។ ពាង់​ញហើ​ផូង​អី​មោ​ទី​ផូង​អីឆ្រាអែល ​ទើយ​ឆ៝ៈ​ទើន​នាវ​អី​កោរាញ​ឞ្រាស​លែៈ​ត៝ន​តា​ឞ្រាស​ក្រីស​យេឆូ ​នទ្រែល​ផូង​អីឆ្រាអែល ​ដ៝ង់។ ឞារ​អឹ​ផូង​អី​នៃ​លាប់​ជេង​ទូ​រាង្លៃ​ឆាក់។
EPH 3:7 គ៝ប់​លែៈ​ឆ៝ៈ​ទើន​ជេស​ជាន​ការ​មឞើស​ងក៝ច​នាវ​មហែ​មហាន​អ្វែស​មា​ឞ្រាស​ក្រីស ​អី​នៃ។ កោរាញ​ឞ្រាស​អ៝ន់​នាវ​ជាន​ការ​អី​នៃ​មា​គ៝ប់​យ៝រ​មា​នាវ​អ្វែស​ពាង់​នើម។ តាៈ​ឞើស​នាវ​ទើយ​ពាង់ពាង់​អ៝ន់​មា​គ៝ប់​នាវ​ជាន​ការ​អី​នៃ។
EPH 3:8 ឞ៝ល​លាស​គ៝ប់​ជេង​ឞូនុយ្ស​ទុត​ជេៈ​តា​ន៝ម់​ឞូ​ទើម​កាដោយ​តា​ផូង​ប៝ន​លាន​ក្ល៝ស​អ្វែស កោរាញ​ឞ្រាស​ហោម​កើយ្ស​គ៝ប់​មា​លែវ​នាវ​មហែ​មហាន​អ្វែស​អ៝ន់​មា​ផូង​អី​មោ​ទី​ផូង​អីឆ្រាអែល ។ ពាង់​កើយ្ស​គ៝ប់​តាៈ​ឞើស​នាវ​អ្វែស​ពាង់​នើម។ ពាង់​អ៝ន់​គ៝ប់​មឞើស​ងក៝ច​មា​នទើ​ឞ្រាស​ក្រីស ​អុច​អ៝ន់ នទើ​អី​នៃ​ទុត​អ្វែស​ទុត​ខ្លៃ​មោ​ឞ្លាវ​ទុត​អោស។
EPH 3:9 កោរាញ​ឞ្រាស​នើម​អី​រាហាក់​ញជេង​ទឹង​លែៈ​នទើ​ដាៈ​គ៝ប់​អ៝ន់​ទឹង​លែៈ​ឞូនុយ្ស​គឹត​ឆៃ​នហេល​នាវ​ពាង់​អុច​ជាន​អី​ពាង់​អ៝ន់​នទ៝ប់​មពោន​ឞើស​នតើម​ឆាអើម​នើស។
EPH 3:10 កោរាញ​ឞ្រាស​អុច​ផូង​អី​ញឆីង​មា​ពាង់ អ៝ន់​ទឹង​លែៈ​ផូង​កោរាញ នអ៝ប់​មា​ទឹង​លែៈ​ផូង​ម៝ត់​អ្វាញ់​តា​កាលើ​ត្រោក​គឹត​នាល់​អាប់​នតីល​នាវ​មឹន​គឹត​ឞ្លាវ​កោរាញ​ឞ្រាស​នើម។
EPH 3:11 នាវ​អុច​អី​នៃ​លែៈ​អើម​កោរាញ​ឞ្រាស​នើម​នទ្រាប់​ជាន​កើត​នៃ​នតើម​ឞើស​ឆាអើម​នើស​ងាន់ ជេសរី​ពាង់​ជាន​ងាន់​នាវ​អី​នៃ​តា​ឞ្រាស​ក្រីស​យេឆូ ​អី​កោរាញ​ឞ៝ន់។
EPH 3:12 យ៝រ​មា​ឞ៝ន់​គុ​តា​ឞ្រាស​ក្រីស​យេឆូ  នទ្រែល​មា​យ៝រ​មា​ឞ៝ន់​គែស​នាវ​ញឆីង​មា​ពាង់ នទ្រី​ឞ៝ន់​គែស​នូយ្ស​នហ៝ម់​ឞាញ់​មោ​គែស​ក្លាច​ហាន់​ទាច់​តា​កោរាញ​ឞ្រាស គៃ​មា​រានេ​ពាង់ នអ៝ប់​មា​ទាន់​ពាង់​អាប់​នតីល​នទើ។
EPH 3:13 កើត​នទ្រី​ទឹង​គ៝ប់​ទាន់​ខាន់​អៃ​មៃ​លើយ​អោស​រាអ្យា​តា​នូយ្ស​នហ៝ម់​យ៝រ​មា​ឆៃ​គ៝ប់​គែស​នាវ​ជេរ​ជ៝ត់​អ្យា គ៝ប់​គែស​នាវ​ជេរ​ជ៝ត់​អ្យា​យ៝រ​មា​អុច​កើល​ខាន់​អៃ​មៃ ជេសរី​គៃ​មា​អ៝ន់​ខាន់​អៃ​មៃ​គែស​នាវ​ច្រេក​លើប។
EPH 3:14 កើត​នទ្រី​ទឹង​គ៝ប់​ច៝ន​កោម៝ក់​មឞើស​ឆើម​មា​កោរាញ​ឞ្រាស​ឞឹ​នើម។
EPH 3:15 ទឹង​លែៈ​នទើ​អី​គែស​នាវ​រេស​តា​កាលើ​ត្រោក តា​នែស​នតូ​អ្យា​ដ៝ង់​ជេង​តាៈ​ឞើស​ពាង់​ទាទេ។
EPH 3:16 គ៝ប់​ទាន់​ពាង់​អ៝ន់​ឞ្រាស​ហ្វេង​អ្វែស​ពាង់​នើម​អ៝ន់​ខាន់​អៃ​មៃ​គែស​នហ៝ម់​ឆ្វាន​ទាង់​កាតាង​តា​នូយ្ស​នហ៝ម់ តាៈ​ឞើស​នាវ​ទើយ​ទុត​ក្វ៝ង់​ពាង់​នើម។
EPH 3:17 ទាន់​ឞ្រាស​ក្រីស ​គុ​តា​នូយ្ស​នហ៝ម់​ខាន់​អៃ​មៃ​យ៝រ​មា​នាវ​ញឆីង​ខាន់​អៃ​មៃ។ គ៝ប់​ទាន់​ពាង់​អ៝ន់​ខាន់​អៃ​មៃ​គែស​នាវ​រ៝ង់​ជ្រូ​តា​នូយ្ស​នហ៝ម់​មា​ទឹង​លែៈ​ឞូនុយ្ស មា​ពាង់​នើម​ដ៝ង់ តឹម​ឞាន​មា​តើម​ឆី​អី​ហ៝ន​រែស​ជ្រូ​តា​នែស។
EPH 3:18 គ៝ប់​ទាន់​ពាង់​អ៝ន់​ខាន់​អៃ​មៃ នទ្រែល​មា​ទឹង​លែៈ​ផូង​ប៝ន​លាន​កោរាញ​ឞ្រាស​ទើយ​គឹត​វ៝ត់​ទាស​ក្វ៝ង់​នាវ​រ៝ង់​ឞ្រាស​ក្រីស ​មា​ឞ៝ន់ នាវ​ហ្វី នាវ​ជ៝ង នាវ​ជ្រូ នាវ​ព្រេស​តា​នាវ​រ៝ង់​ពាង់​នៃ។
EPH 3:19 ជេសរី​គ៝ប់​ទាន់​អ៝ន់​ខាន់​អៃ​មៃ​គឹត​នាល់​តា​នាវ​រ៝ង់​ឞ្រាស​ក្រីស ​មា​ឞ៝ន់​អី​ក្វ៝ង់​រាលាវ​មា​នាវ​មឹន​ឞូនុយ្ស​ទើយ​គឹត​វ៝ត់ គៃ​មា​ទឹង​លែៈ​នទើ​អី​គែស​តា​កោរាញ​ឞ្រាស គែស​តា​ខាន់​អៃ​មៃ​ដ៝ង់។
EPH 3:20 កោរាញ​ឞ្រាស​ទើយ​ជាន​ទឹង​លែៈ​នទើ​រាលាវ​ឞើស​នាវ​អី​ឞ៝ន់​ឞ្លាវ​ទាន់ រាលាវ​ឞើស​នាវ​អី​ឞ៝ន់​ឞ្លាវ​មឹន។ នាវ​ទើយ​ពាង់​នើម​លែៈ​គុ​តា​ឞ៝ន់​គៃ​មា​កើល​ឞ៝ន់។
EPH 3:21 អ៝ន់​រានេ​នាវ​ច្រេក​លើប​កោរាញ​ឞ្រាស​នើម​តា​ផូង​ញឆីង​មា​ពាង់​យ៝រ​មា​ឞ្រាស​ក្រីស​យេឆូ ។ អ៝ន់​រានេ​ពាង់​តា​អាប់​រានោក​ឞូនុយ្ស​បាបើ​នហ៝​រ៝។ អើ​អ៝ន់​គែស​កើត​នៃ​ងាន់​រ៝!
EPH 4:1 គ៝ប់​គុ​តា​ត្រោម​នទ្រូង​អ្យា យ៝រ​មា​គ៝ប់​ឆើម​កើល​ជាន​ការ​មា​កោរាញ​យេឆូ ។ លាស​នទ្រី​គ៝ប់​ទាន់​ហោ​ងាន់​ខាន់​អៃ​មៃ​គុ​ងាវ​តឹម​ទី​ដាស​នាវ​កោរាញ​ឞ្រាស​អុច​មា​ផូង​អី​ពាង់​លែៈ​ក្វាល់​នៃ​ទោ។
EPH 4:2 អ៝ន់​ខាន់​អៃ​មៃ​ញជុរ​ឆាក់​ខាន់​អៃ​មៃ​នើម គែស​នូយ្ស​នហ៝ម់​មលែស​ទេស​រាហេត ឞ្លាវ​អ៝ត់​នូយ្ស។ ជេសរី​ឞ្លាវ​ញឆ្រោយ្ស​តឹម​រ៝ង់​នទ្រាង់​នើម ឞ៝ល​លាស​ឞូនុយ្ស​អី​នៃ​ជាន​មោ​អ្វែស​មា​ខាន់​អៃ​មៃ​កាដោយ។
EPH 4:3 ឞ្រាស​ហ្វេង​អ្វែស​លែៈ​អ៝ន់​ខាន់​អៃ​មៃ​ជេង​តឹម​រាង្លាប់​ឞាល់។ នទ្រី​អ៝ន់​ខាន់​អៃ​មៃ​ញឆ្រោយ្ស​គុ​ទូ​នតោរ​នាវ​នទ្រែល​ឞាល់​មា​នាវ​ដាប់​មពាន់។
EPH 4:4 ផូង​អី​ញឆីង​មា​ឞ្រាស​ក្រីស ​ជេង​ង្វាយ​ទើម ជេង​តឹម​ឞាន​មា​ទូ​រាង្លៃ​ឆាក់​ទើម គែស​ទូ​ហ្វេ​ឞ្រាស​ហ្វេង​អ្វែស​ទើម ជេសរី​កោរាញ​ឞ្រាស​លែៈ​ក្វាល់​ជេស​ខាន់​អៃ​មៃ​អ៝ន់​គែស​ង្វាយ​នាវ​រានើម​នៃ​ដ៝ង់។
EPH 4:5 គែស​ទូ​ហ្វេ​កោរាញ​ទើម គែស​ទូ​នតីល​នាវ​ញឆីង​ទើម គែស​ទូ​នតីល​នាវ​ជាន​បាប់តែម​យុក​មា​ទាក​ទើម។
EPH 4:6 គែស​ទូ​ហ្វេ​កោរាញ​ឞ្រាស​ទើម​អី​ឞឹ​ទឹង​លែៈ​ឞ៝ន់។ ពាង់​កោរាញ​មា​ទឹង​លែៈ​ឞ៝ន់ ពាង់​ទ៝ង់​ទឹង​លែៈ​ឞ៝ន់​ជាន​ការ​នទើ​អី​ពាង់​នើម​អុច ពាង់​គុ​នទ្រែល​ទឹង​លែៈ​ឞ៝ន់។
EPH 4:7 យើន​មា​ទឹង​លែៈ​ឞ៝ន់​ទូ​ហ្វេ​ទូ​ហ្វេ​លែៈ​ឞ្រាស​ក្រីស ​អ៝ន់​ទើម​ទាម​នាវ​ទើយ​អេងៗ​តឹង​ពាង់​នើម​អុច។
EPH 4:8 កើត​នទ្រី​ទឹង​នាវ​កោរាញ​ឞ្រាស​ងើយ​លែៈ​គែស​ញចីស​កើត​នអា៖ «ជេស​ពាង់​ទើយ​ដាស​ផូង​រាលាង់​ពាង់ នោក​ពាង់​ហាវ​តា​កាលើ​ត្រោក​នតុក​ទុត​ព្រេស ពាង់​លែវ​ឞូនុយ្ស​អី​ពាង់​ញុប​ក៝ត់​នៃ​ឞ្រោៈ​ឞើស​កើយ​ពាង់​នើម‌ ជេសរី​អ៝ន់​នទើ​អ្វែស​ទើម​ទាម​មា​ផូង​ប៝ន​លាន​ពាង់​នើម»។
EPH 4:9 នាវ​លាស៖ «ហាវ​តា​កាលើ»​អី​នៃ​ម៝ស​បាៈ​គែស​នាវ​ខ្លៃ? នាវ​អី​នៃ​គែស​នាវ​ខ្លៃ​ឞ្រាស​ក្រីស ​លែៈ​ល៝រ​ជុរ​ជេស​តា​នែស​នតូ​អី​ទុត​ទេស​អ្យា​ប៝ត់។
EPH 4:10 ពាង់​អី​ជុរ​នៃ​ជេង​នើម​អី​ហាវ​តា​នតុក​ទុត​ព្រេស​តា​កាលើ​ត្រោក គៃ​មា​ជេង​កោរាញ​មា​ទឹង​លែៈ​នទើ។
EPH 4:11 ពាង់​អ៝ន់​ទើម​ទាម​នទើ​អ្វែស​មា​ផូង​ប៝ន​លាន​ពាង់​នើម ពាង់​អ៝ន់​មា​ឞូនុយ្ស​អាបាៈ​ជេង​កោរាញ​អ៝ស​ម៝ន អាបាៈ​ជេង​នើម​នតើយ្ស​នាវ​ងើយ​កោរាញ​ឞ្រាស អាបាៈ​ជេង​នើម​មឞើស​ងក៝ច​នាវ​មហែ​មហាន​អ្វែស អាបាៈ​ជេង​កោរាញ​ម៝ត់​អ្វាញ់​ផូង​ញឆីង នទ្រែល​មា​អាបាៈ​ជឹត​ជេង​នើម​នតុម​នតី។
EPH 4:12 ពាង់​អ៝ន់​នទើ​អ្វែស​អី​នៃ​គៃ​មា​កើល​ទឹង​លែៈ​ផូង​ប៝ន​លាន​ពាង់​នើម​ឞ្លាវ​ជាន​ការ​មា​ពាង់​នើម នអ៝ប់​មា​រាទ៝ក់​ញជេង​ផូង​អី​ញឆីង​មា​ឞ្រាស​ក្រីស ​អី​ជេង​តឹម​ឞាន​មា​ឆាក់​ជាន់​ពាង់​នើម
EPH 4:13 នហ៝​មា​ត៝ត់​ទឹង​លែៈ​ឞ៝ន់​តឹម​រាង្លាប់​ឞាល់​យ៝រ​មា​ឞ៝ន់​ញឆីង​មា​ក៝ន​កោរាញ​ឞ្រាស។ ពាង់​អ៝ន់​នទើ​អី​នៃ​គៃ​មា​ទឹង​លែៈ​ឞ៝ន់​តឹម​រាង្លាប់​ឞាល់ យ៝រ​លាស​ឞ៝ន់​គឹត​នាល់​ពាង់ ជេសរី​ទឹង​លែៈ​ឞ៝ន់​ជេង​តឹម​ឞាន​មា​ឞូនុយ្ស​លែៈ​ក្វ៝ង់​តា​នាវ​ញឆីង​តា​នាវ​គុ​ងាវ នហ៝​មា​ត៝ត់​នូយ្ស​នហ៝ម់​នាវ​គុ​ងាវ​ទឹង​លែៈ​ឞ៝ន់​ជេង​តឹម​ឞាន​មា​ឞ្រាស​ក្រីស ​ងាន់។
EPH 4:14 លាស​នទ្រី​ឞ៝ន់​មោ​ហោម​តឹម​ឞាន​មា​ក៝ន​ឆែ​ទាស​មា​អ្យាត់​នាវ​ឞូ​នតុម​នតី​ងក្លាៈ​អុច​ដ៝ត់​អុច​តេក​ឞ៝ន់។ ឞ៝ន់​មោ​ហោម​អោស​តឹម​ឞាន​មា​នទើ​នហោង​កាលើ​ទាក​ឆ្យាល​ខោម​ជឹត​នាប់​ខោម​ជឹត​កើយ ជេសរី​មោ​ហោម​ទាស​មា​អ្យាត់​នាវ​ឞូ​ឞ្លាវ​មរោស​ឞូ​ឞ្លាវ​រាលាម់​នៃ​ដ៝ង់។
EPH 4:15 យើន​មា​នោក​ឞ៝ន់​ងើយ​នាវ​ងាន់​មា​ឞូ អ៝ន់​ងើយ​មា​នាវ​ទេស​រាហេត។ អ៝ន់​ឞ៝ន់​លើ​មា​ហោ​ទឹង​លែៈ​តា​អាប់​នតីល​នាវ​ជេង​តឹម​ឞាន​មា​ឞ្រាស​ក្រីស ។ ពាង់​កោរាញ​ឞ៝ន់​តឹម​ឞាន​មា​ឞោក​ជេង​កោរាញ​មា​ឆាក់​ជាន់។
EPH 4:16 ពាង់​ជាន​អ៝ន់​ឞ៝ន់​តឹម​រាង្លាប់​ឞាល់ តឹម​ឞាន​មា​កោៈ​អេងៗ​តា​ឆាក់​ជាន់​តឹម​នត្រុប​តឹម​ងក្រេប​ឞាល់។ លាស​នទ្រី​លាស​ទឹង​លែៈ​ឞ៝ន់​ទូ​ហ្វេ​ទូ​ហ្វេ​ជាន​អ៝ន់​អ្វែស​តឹង​នាវ​ពាង់​អុច នអ៝ប់​មា​គែស​នាវ​តឹម​រ៝ង់​ឞាល់​មា​ទឹង​លែៈ​ផូង​ញឆីង នទ្រី​ទឹង​លែៈ​ឞ៝ន់​តឹម​រាទ៝ក់​ញជេង​ឞាល់។
EPH 4:17 គ៝ប់​មឞើស​ដាៈ​ខាន់​អៃ​មៃ​ជេង​នទើ​តឹម​ទី​មា​នាវ​អុច​កោរាញ​យេឆូ ​ងាន់៖ លើយ​ហោម​អោស​គុ​ងាវ​កើត​ផូង​អី​មោ​ញឆីង​មា​ឞ្រាស​ក្រីស  យ៝រ​លាស​នាវ​មឹន​នាវ​គឹត​ខាន់​ពាង់​អី​នៃ​មោ​គែស​អោស​នាវ​ខ្លៃ។
EPH 4:18 នូយ្ស​នហ៝ម់​ខាន់​ពាង់​ង៝​ងាន់ ខាន់​ពាង់​គុ​តឹម​ងខាស​ដាស​កោរាញ​ឞ្រាស មោ​អោស​គែស​នាវ​រេស​អី​តាៈ​ឞើស​ពាង់ យ៝រ​លាស​ខាន់​ពាង់​មោ​អោស​គឹត​នាល់​នាវ​ពាង់។ នូយ្ស​នហ៝ម់​ខាន់​ពាង់​ទាង់​ក៝​មោ​អុច​អ្យាត់​នាវ​កោរាញ​ឞ្រាស។
EPH 4:19 ខាន់​ពាង់​មោ​អោស​ឞ្លាវ​គឹត​មា​នទើ​អ្វែស​នទើ​អ្យើស ខាន់​ពាង់​ជេង​ឞូនុយ្ស​តឹម​ទ៝ង់ ជាន​នទើ​អ្យើស​អាប់​នតីល​ងាន់​តឹង​រាង្លៃ​ឆាក់​កើញ តឹង​នូយ្ស​នហ៝ម់​ខាន់​ពាង់​នើម​កើញ។
EPH 4:20 ល៝ង់​ខាន់​អៃ​មៃ ខាន់​អៃ​មៃ​ឞូ​នតី​មា​ឞ្រាស​ក្រីស ​មោ​គែស​អោស​កើត​នអៃ។
EPH 4:21 ខាន់​អៃ​មៃ​លែៈ​តាង់​ឞូ​មឞើស​ងក៝ច​នាវ​ឞ្រាស​យេឆូ  ឞូ​លែៈ​នតុម​នតី​ខាន់​អៃ​មៃ​មា​នាវ​ងាន់​ទាទេ​អី​គុ​តា​ឞ្រាស​យេឆូ ។
EPH 4:22 ឞូ​នតុម​នតី​មា​ខាន់​អៃ​មៃ​មអារ់​លើយ​នាវ​វៃ​គុ​ងាវ​អើម​អា​ល៝រ​នើស មអារ់​លើយ​នូយ្ស​នហ៝ម់​អើម នទ្រែល​មា​មអារ់​លើយ​ទឹង​លែៈ​នាវ​មឹន​អើម​អី​អ្យើស​ទាទេ។ នាវ​មឹន​អើម​អី​នៃ​លើ​មា​ហោ​មោ​អោស​ឞ្លាវ​គឹត​មា​នទើ​ទី​នទើ​តីស យ៝រ​មា​នាវ​កើញ​ហោ​អីរ យ៝រ​មា​នាវ​មរោស។
EPH 4:23 អ៝ន់​ឞ្រាស​ហ្វេង​អ្វែស​ជាន​នូយ្ស​នហ៝ម់​នាវ​មឹន​ខាន់​អៃ​មៃ​មហែ​ទាទេ​លែៈ​ផ្យៅ។
EPH 4:24 តឹម​ឞាន​មា​ឞូ​ញឆ៝ស​ងគូត​ខ៝​អាវ​មហែ អ៝ន់​ខាន់​អៃ​មៃ​គុ​ងាវ​តឹង​មា​នូយ្ស​នហ៝ម់​នាវ​មឹន​មហែ​អី​កោរាញ​ឞ្រាស​លែៈ​ញជេង​ជេង​តឹម​ឞាន​មា​ពាង់​នើម គែស​នាវ​ឆ៝ង់​ងាន់ គែស​នាវ​ក្ល៝ស​អ្វែស។
EPH 4:25 លាស​នទ្រី​ខាន់​អៃ​មៃ​លើយ​ហោម​អោស​តឹម​ងើយ​មរោស អ៝ន់​ងើយ​នាវ​ងាន់​ហ៝ៈ​នទ្រាង់​ខាន់​អៃ​មៃ​នើម យ៝រ​លាស​ទឹង​លែៈ​ឞ៝ន់​តឹម​ឞាន​មា​ទូ​ឆាក់​ជាន់​ទើម។
EPH 4:26 «លាស​ខាន់​អៃ​មៃ​ជី​នូយ្ស ញជ្រាង់​លើយ​អោស​ជាន​តីស»។ ជេសរី​លើយ​អោស​ហោម​ជី​នូយ្ស​នហ៝​មា​ត៝ត់​នារ​លែៈ​ញ៝ប់។
EPH 4:27 លើយ​អ៝ន់​ឆាតាង់ ​អី​កោរាញ​មពោល​ឞ្រាស​អ្យើស​គែស​នាវ​មា​នទើម​ជាន​តីស​យ៝រ​មា​នាវ​ជី​នូយ្ស។
EPH 4:28 ឞូ​ម៝ស​អី​វៃ​នតុង លើយ​ហោម​នតុង​ជឹត​អោស អ៝ន់​ពាង់​ញឆ្រោយ្ស​ជាន​ការ​រាប់​ជាប់​មា​ឆាក់​ពាង់​នើម​ហ៝ៈ គៃ​មា​គែស​នទើ​មា​ពាង់​នើម​នអ៝ប់​មា​គែស​នទើ​មា​កើល​ផូង​អី​មោ​គែស។
EPH 4:29 លើយ​អោស​អ៝ន់​នាវ​អ្យើស​លោស​ឞើស​មឞូង​ខាន់​អៃ​មៃ​ទូ​នាវ អ៝ន់​លោស​នាវ​អី​អ្វែសៗ​ទើម​គៃ​មា​តឹម​កើល​រាទ៝ក់​ញជេង​មា​ឞូនុយ្ស​អី​តាង់។ អ៝ន់​ងើយ​នាវ​អី​គែស​នាវ​ខ្លៃ​មា​ឞូ គៃ​មា​នាវ​អ្វែស​អ៝ន់​មា​មពោល​អី​គុ​អ្យាត់​ដ៝ង់។
EPH 4:30 លើយ​អោស​ជាន​អ៝ន់​ឞ្រាស​ហ្វេង​អ្វែស​កោរាញ​ឞ្រាស​រាង៝ត។ លែៈ​កោរាញ​ឞ្រាស​អ៝ន់​ឞ្រាស​ហ្វេង​អ្វែស​អី​ក្ល៝ស​អ្វែស​គុ​តា​ខាន់​អៃ​មៃ ឞ្រាស​ហ្វេង​អ្វែស​អី​ជេង​តឹម​ឞាន​មា​នទើ​ព្លា​ក្រេប​តា​ខាន់​អៃ​មៃ គៃ​មា​ខាន់​អៃ​មៃ​គឹត​នហេល​គែស​នាវ​រាក្លាយ្ស​ងាន់​ត៝ត់​តា​នារ​ឞ្រាស​ក្រីស ​ព្លឹ​វាច់។
EPH 4:31 អ៝ន់​ខាន់​អៃ​មៃ​មអារ់​លើយ​អី​នូយ្ស​នហ៝ម់​កែស​ក៝ស នូយ្ស​នហ៝ម់​ហាត់​ជាញ នូយ្ស​នហ៝ម់​ជី​នូយ្ស នាវ​តឹម​វាល់​តឹម​មព្រាត នាវ​ងើយ​ញចើត​ឞូ នទ្រែល​មា​អាប់​នតីល​នទើ​អ្យើស។
EPH 4:32 អ៝ន់​ខាន់​អៃ​មៃ​គែស​នូយ្ស​នហ៝ម់​ល៝ង់ នអ៝ប់​មា​តឹម​យោៈ​នអាច​នទ្រាង់​នើម។ អ៝ន់​តឹម​យោៈ​នទ្រាង់​ខាន់​អៃ​មៃ​នើម​មោ​ហោម​តឹម​កើប​នាវ​តីស កើត​កោរាញ​ឞ្រាស​លែៈ​យោៈ​ខាន់​អៃ​មៃ​មោ​ហោម​កើប​នាវ​តីស​ខាន់​អៃ​មៃ​ដ៝ង់​យ៝រ​មា​នទើ​ឞ្រាស​ក្រីស ​លែៈ​ជេស​ជាន។
EPH 5:1 លាស​នទ្រី​អ៝ន់​ខាន់​អៃ​មៃ​ជាន​តឹង​កោរាញ​ឞ្រាស​ទែ​ជាន យ៝រ​លាស​ខាន់​អៃ​មៃ​ជេង​ក៝ន​អី​កោរាញ​ឞ្រាស​នើម​រ៝ង់។
EPH 5:2 គុ​ហ៝ម់​តា​នាវ​រ៝ង់​មា​ឞូ​តា​នាវ​គុ​ងាវ​ខាន់​អៃ​មៃ កើត​ឞ្រាស​ក្រីស ​លែៈ​រ៝ង់​មា​ឞ៝ន់ ជេសរី​ពាង់​ជាវ​ឆាក់​ពាង់​នើម​មា​ខឹត​គៃ​មា​រាក្លាយ្ស​ឞ៝ន់។ នាវ​ជាវ​ឆាក់​អី​នៃ​តឹម​ឞាន​មា​នទើ​ជាន​ឞ្រាស​មា​កោរាញ​ឞ្រាស​អី​អ៝ន់​កោរាញ​ឞ្រាស​រាម់​ហោ​ងាន់។
EPH 5:3 យ៝រ​មា​ខាន់​អៃ​មៃ​លែៈ​ជេង​ផូង​ប៝ន​លាន​កោរាញ​ឞ្រាស​ជេស តា​ផូង​ខាន់​អៃ​មៃ​លើយ​អោស​អ៝ន់​គែស​នាវ​តឹម​ទ៝ង់ នាវ​បឹ​បើច​ខើស​ក្លែរ​អាប់​នតីល មោ​លាស​នូយ្ស​នហ៝ម់​រាវាន​កើញ​គែស​មា​ទ្រាប់​នទើ។ មាន​មា​ងើយ​ទើម​មា​នទើ​អី​នៃ ហោម​មោ​ទី​មា​ផូង​ប៝ន​លាន​កោរាញ​ឞ្រាស​ដ៝ង់។
EPH 5:4 ជេសរី​លើយ​មឞើស​ងើយ​នទើ​អ្យើស​អី​ជាន​អ៝ន់​ឞូ​គែស​នាវ​ដីត​ព្រេង លើយ​ងើយ​នាវ​ងខើង លើយ​ងើយ​ព៝ល់​លាៈ​លេង។ ទឹង​លែៈ​នាវ​អី​នៃ​មោ​អ្វែស​អោស។ អ៝ន់​មឞើស​ងើយ​អី​លាស​អ្វែស​មា​កោរាញ​ឞ្រាស​ហ៝ៈ។
EPH 5:5 អ៝ន់​ខាន់​អៃ​មៃ​គឹត​នហេល​នានេៈ ឞូនុយ្ស​អី​តឹម​ទ៝ង់ ឞូនុយ្ស​អី​ជាន​នាវ​បឹ​បើច ឞូនុយ្ស​អី​នៃ​មោ​ទើយ​អោស​លាប់​តា​នាវ​ឞ្រាស​ក្រីស ​ម៝ត់​អ្វាញ់​តា​នាវ​កោរាញ​ឞ្រាស​ម៝ត់​អ្វាញ់។ ឞូនុយ្ស​អី​កើញ​ទ្រាប់​នទើ​ហោ​អីរ​មោ​ទើយ​លាប់​កើត​នៃ​ដ៝ង់។ នាវ​កើញ​ទ្រាប់​នទើ​តឹម​ឞាន​មា​យើក​មឞាស​មា​ឞ្រាស​អេង​ដ៝ង់។
EPH 5:6 គែស​ឞូនុយ្ស​លាស៖ “នាវ​អី​នៃ​មោ​ច្រាវ​អោស”។ លើយ​អោស​អ៝ន់​ឞូនុយ្ស​អី​នៃ​នទើម​ខាន់​អៃ​មៃ​មា​នាវ​ងើយ​លាៈ​លេង​នាវ​ងើយ​អី​មោ​គែស​នាវ​ខ្លៃ យ៝រ​លាស​កោរាញ​ឞ្រាស​ជី​នូយ្ស​តេៈ​ទោយ្ស​ងាន់​រ៝​មា​ឞូនុយ្ស​អី​ជាន​នទើ​អី​នៃ​អី​តឹម​រាទ៝ង់​ដាស​ពាង់។
EPH 5:7 លាស​នទ្រី​លើយ​អោស​តឹម​រាង្លាប់​នទ្រែល​ឞូនុយ្ស​កើត​អី​នៃ។
EPH 5:8 ឞើស​នតើម​នើស​ខាន់​អៃ​មៃ​អេ​ហ៝ៈ​គឹត​នាល់​កោរាញ​ឞ្រាស ជេង​តឹម​ឞាន​មា​គុ​តា​នាវ​ង៝។ យើន​មា​អាបៃ​អ្យា​ខាន់​អៃ​មៃ​លែៈ​តឹង​កោរាញ​យេឆូ  ជេង​តឹម​ឞាន​មា​លែៈ​គុ​តា​នាវ​អាង។ លាស​នទ្រី​អ៝ន់​ខាន់​អៃ​មៃ​គុ​ងាវ​ជេង​តឹម​ទី​មា​ឞូនុយ្ស​អី​លែៈ​គែស​ជេស​នាវ​អាង​តា​នូយ្ស​នហ៝ម់​ពាង់​នើម។
EPH 5:9 ជេសរី​តាៈ​ឞើស​គែស​នាវ​អាង​អី​នៃ ឞូនុយ្ស​គុ​ងាវ​ឞ្លាវ​ជាន​អាប់​នតីល​នទើ​អ្វែស ជាន​ឆ៝ង់ នទ្រែល​មា​ងើយ​នាវ​ងាន់។
EPH 5:10 អ៝ន់​ខាន់​អៃ​មៃ​ញឆ្រោយ្ស​នតី​នទើ​អី​អ៝ន់​កោរាញ​ឞ្រាស​រាម់។
EPH 5:11 លើយ​ជាន​នទើ​អ្យើស​នទ្រែល​ឞូនុយ្ស​អី​ហោម​តឹម​ឞាន​មា​គុ​តា​នាវ​ង៝ យ៝រ​លាស​តាៈ​ឞើស​នាវ​ង៝​អី​នៃ​មោ​គែស​អោស​នទើ​គែស​ខ្លៃ។ អ្យាត់​មា​អ៝ន់​ឞូ​គឹត​នទើ​អ្យើស​អី​ពាង់​ជាន។
EPH 5:12 ម៝ស​នទើ​ឞូនុយ្ស​អី​នៃ​ជាន​មា​នាវ​នទ៝ប់​មពោន នាវ​អី​នៃ​មាន​មា​ឞូ​ឆ៝ៈ​ងើយ​ទើម​ហោម​អែ​គែស​នាវ​បឹ​បើច​ដ៝ង់។
EPH 5:13 ទឹង​លែៈ​នទើ​អី​គែស​តា​អាង ឞូ​គឹត​ឆៃ​នហេល​នានេៈ​ងាន់‌
EPH 5:14 យ៝រ​លាស​នាវ​អាង​អ៝ន់​ឞូ​ទើយ​ឆៃ​ទឹង​លែៈ​នទើ។ កើត​នទ្រី​ទឹង​គែស​លាស​កើត​នអា៖ «ខាន់​អៃ​មៃ​អី​លែៈ​ហាក់​ឞិច កាស​រាងាល់​ហ៝ម់! អ៝ន់​ទ៝ក់​ឞើស​ផូង​ឞូនុយ្ស​ខឹត​ហ៝ម់ នតៃ​ទឹង​ឞ្រាស​ក្រីស ​អាង​ញច្រាត​តា​ខាន់​អៃ​មៃ»។
EPH 5:15 លាស​នទ្រី​អ៝ន់​ខាន់​អៃ​មៃ​ញជ្រាង់​ហ៝ម់​នាវ​គុ​ងាវ​ខាន់​អៃ​មៃ។ លើយ​អោស​ជាន​តឹម​ឞាន​មា​ឞូនុយ្ស​រាលូក​ម៝ល់។ អ៝ន់​ជាន​តឹម​ឞាន​មា​ឞូនុយ្ស​អី​គែស​នាវ​មឹន​គឹត​ឞ្លាវ​ហ៝ៈ។
EPH 5:16 អ៝ន់​គុ​នទ្រាប់​ឆាក់​នឹង​មា​ជាន​នទើ​អ្វែស​ជាន​នទើ​អី​កោរាញ​ឞ្រាស​អុច យ៝រ​លាស​រានោក​អ្យា​អ្យើស​មហឹក​ងាន់។
EPH 5:17 លាស​នទ្រី​លើយ​អោស​ជាន​ឞូនុយ្ស​រាលូក​ម៝ល់ អ៝ន់​ខាន់​អៃ​មៃ​គឹត​វ៝ត់​នទើ​អី​កោរាញ​ឞ្រាស​នើម​អុច​ច្រាវ។
EPH 5:18 លើយ​អោស​អុច​មា​នទ្រាញ់​អ៝ក់ លើយ​អោស​ញុល​នទ្រាញ់ យ៝រ​លាស​ញុល​លែវ​ឞូនុយ្ស​ជាន​អ្យើស។ យើន​មា​អុច​ឞ្រាស​ហ្វេង​អ្វែស​គុ​ទាច់​គៃ​មា​លែវ​ខាន់​អៃ​មៃ​នឹង​ហ៝ៈ។
EPH 5:19 នោក​គុ​នទ្រែល​ឞាល់​អ៝ន់​ខាន់​អៃ​មៃ​មព្រើ​មា​នាវ​មព្រើ​អើម​តាៈ​ឞើស​នាវ​កោរាញ​ឞ្រាស​ងើយ មា​នាវ​មព្រើ​រានេ​កោរាញ​ឞ្រាស នទ្រែល​មា​នាវ​មព្រើ​អី​តាៈ​ឞើស​ឞ្រាស​ហ្វេង​អ្វែស។ អ៝ន់​មព្រើ នទ្រែល​មា​រានេ​កោរាញ​ឞ្រាស​អ៝ន់​លែៈ​នូយ្ស​នហ៝ម់។
EPH 5:20 អ៝ន់​លាស​អ្វែស​នឹង​មា​កោរាញ​ឞ្រាស​ឞឹ​មា​ទឹង​លែៈ​នទើ​តា​រាញា​ឞ្រាស​យេឆូ​ក្រីស ​អី​កោរាញ​ឞ៝ន់​នើម។
EPH 5:21 យ៝រ​មា​ខាន់​អៃ​មៃ​អី​តឹម​រាង្លាប់​ដាស​ឞ្រាស​ក្រីស  អ៝ន់​ខាន់​អៃ​មៃ​តឹម​អ្យាត់​នទ្រាង់​ខាន់​អៃ​មៃ​នើម​ដ៝ង់។
EPH 5:22 អើ​រោស​មែ​អី​លែៈ​គែស​ឆាយ អ៝ន់​អ្យាត់​មា​ឆាយ​ខាន់​អៃ​នើម តឹម​ឞាន​មា​អ្យាត់​ដាស​កោរាញ​យេឆូ ​ដ៝ង់‌
EPH 5:23 យ៝រ​លាស​ឆាយ​ជេង​តឹម​ឞាន​មា​ឞោក​មា​អូរ កើត​ឞ្រាស​ក្រីស ​ជេង​តឹម​ឞាន​មា​ឞោក​មា​ផូង​អី​ញឆីង​មា​ពាង់​នើម។ ជេសរី​ពាង់​នើម​រាក្លាយ្ស​ផូង​អី​នៃ។
EPH 5:24 ផូង​ញឆីង​អ្យាត់​ឞ្រាស​ក្រីស  កើត​នទ្រី​ដ៝ង់​អ៝ន់​អូរ​អ្យាត់​មា​ឆាយ​ពាង់​នើម​តា​អាប់​នតីល​នទើ។
EPH 5:25 អើ​ផូង​អ៝ស​នោ​តា​នាវ​ញឆីង​អី​លែៈ​គែស​អូរ អ៝ន់​ខាន់​មៃ​រ៝ង់​មា​អូរ​ខាន់​មៃ​នើម តឹម​ឞាន​មា​ឞ្រាស​ក្រីស ​លែៈ​រ៝ង់​មា​ផូង​ញឆីង​មា​ពាង់​ដ៝ង់ នហ៝​មា​ពាង់​ជាវ​ឆាក់​ខឹត​អ៝ន់​មា​ផូង​អី​នៃ‌
EPH 5:26 គៃ​មា​ជាន​អ៝ន់​ផូង​ញឆីង​ជេង​ក្ល៝ស​អ្វែស។ ពាង់​ងគ្រ៝ស​លើយ​នាវ​តីស​ឞ៝ន់ ជាន​អ៝ន់​ឞ៝ន់​ក្ល៝ស​មា​នាវ​ពាង់​ងើយ តឹម​ឞាន​មា​ឞូ​រាវ​ឆាក់​មា​ទាក។
EPH 5:27 កើត​នទ្រី​ឞ្រាស​ក្រីស ​អុច​ញហើរ​ផូង​ញឆីង​មា​ពាង់​នើម ជេង​ផូង​អី​អ្វែស​ច្រេក​លើប អី​មោ​គែស​នាវ​រាមាវ អី​មោ​គែស​នាវ​នតាក់ អី​មោ​គែស​អោស​អ្យើស​ទូ​នតីល លែៈ​ក្ល៝ស​អ្វែស​ទាទេ​ជេស មោ​ហោម​គែស​អោស​នាវ​មា​នទុយ្ស។
EPH 5:28 កើត​នទ្រី​ដ៝ង់​អ្យាត់​មា​ឆាយ​រ៝ង់​មា​អូរ​កើត​ពាង់​រ៝ង់​មា​ឆាក់​ពាង់​នើម​ដ៝ង់។ ឞូ​ម៝ស​អី​រ៝ង់​មា​អូរ ពាង់​អី​នៃ​លែៈ​រ៝ង់​មា​ឆាក់​ពាង់​នើម​ដ៝ង់។
EPH 5:29 មោ​គែស​អោស​ឞូនុយ្ស​មោ​អុច​ម៝ត់​ញឆ្យាម់​ឆាក់​ពាង់​នើម យើន​មា​ពាង់​អុច​ងាន់​ម៝ត់​ញឆ្យាម់​ឆាក់​ពាង់​នើម​អ៝ន់​អ្វែស កើត​មា​ឞ្រាស​ក្រីស ​ម៝ត់​ញឆ្យាម់​ផូង​ញឆីង។
EPH 5:30 ទឹង​លែៈ​ឞ៝ន់​ជេង​តឹម​ឞាន​មា​នទើ​អេងៗ​តា​ឆាក់​ជាន់​ឞ្រាស​ក្រីស ។
EPH 5:31 លែៈ​គែស​ញចីស​តា​នាវ​កោរាញ​ឞ្រាស​ងើយ៖ «យ៝រ​មា​នាវ​អី​នៃ​ឞូ​ក្លោ​លោស​ទូ​ឞើស​មេៈ​ឞឹ ហាន់​គុ​អា​អូរ ជេសរី​ខាន់​ពាង់​ឞារ​ហៃ​អូរ​ឆាយ​ជេង​ទូ​រាង្លៃ​ឆាក់»។
EPH 5:32 នាវ​ខ្លៃ​មា​នាវ​អី​នៃ​ហោម​គែស​នាវ​នទ៝ប់​មពោន​ជ្រូ​ងាន់ គ៝ប់​មឞើស​ទើម​មា​នាវ​ខ្លៃ​មពែស​មា​ឞ្រាស​ក្រីស  នទ្រែល​មា​ផូង​អី​ញឆីង​មា​ពាង់។
EPH 5:33 យើន​មា​អ្យាត់​មា​ទឹង​លែៈ​ខាន់​មៃ​រ៝ង់​មា​អូរ​ខាន់​មៃ​នើម កើត​រ៝ង់​មា​ឆាក់​ខាន់​មៃ​នើម ជេសរី​អ្យាត់​មា​ទឹង​លែៈ​រោស​មែ​អី​គែស​ឆាយ​អ៝ន់​ឞ្លាវ​យើក​មា​ឆាយ​ខាន់​អៃ​នើម​ដ៝ង់។
EPH 6:1 អើ​ផូង​ក៝ន​ឆែ អ្យាត់​ហ៝ម់​នាវ​មេៈ​ឞឹ​ខាន់​អៃ​មៃ​នើម​យ៝រ​មា​ខាន់​អៃ​មៃ​គុ​នទ្រែល​កោរាញ​យេឆូ  ជាន​កើត​នអៃ​មើ​ទឹង​ទី។
EPH 6:2 តា​នាវ​កោរាញ​ឞ្រាស​ងើយ​គែស​ញចីស៖ «អ៝ន់​យើក​មា​មេៈ​ឞឹ​ខាន់​អៃ​មៃ​នើម»។ អី​នៃ​ជេង​នាវ​វៃ​ត៝ល់​ង្វាយ​អី​គែស​នអ៝ប់​មា​នាវ​កោរាញ​ឞ្រាស​ទែ​ត៝ន​ដ៝ង់៖
EPH 6:3 «លាស​ខាន់​អៃ​មៃ​យើក​មា​មេៈ​ឞឹ ខាន់​អៃ​មៃ​គែស​នាវ​រេស​អ្វែស​ដាប់​មពាន់ នទ្រែល​មា​គុ​រេស​ជ៝ៈ​នាម់​តា​នែស​នតូ​អ្យា»។
EPH 6:4 អើ​ផូង​ជេង​អី​មេៈ​ឞឹ លើយ​អោស​ជាន​អ៝ន់​នូយ្ស​នហ៝ម់​អ៝ស​ក៝ន​ខាន់​អៃ​មៃ​ជី​នូយ្ស យើន​មា​នតុម​នតី​ខាន់​ពាង់​អ៝ន់​គុ​ងាវ​អ្វែស អ៝ន់​គឹត​នាវ​នតុម​នតី​តាៈ​ឞើស​កោរាញ​យេឆូ ។
EPH 6:5 អើ​ផូង​ទឹក​ឞូ អ៝ន់​ខាន់​អៃ​មៃ​អ្យាត់​នាវ​កោរាញ​ខាន់​អៃ​មៃ​នើម​តា​នែស​នតូ​អ្យា​មា​នាវ​ក្លាច​មា​នាវ​យើក​រាប់​ជាប់​ងាន់​កើត​អ្យាត់​នាវ​ឞ្រាស​ក្រីស ​ដ៝ង់។
EPH 6:6 លើយ​អោស​ជាន​នោក​កោរាញ​ឆៃ គៃ​មា​អ៝ន់​ពាង់​រានេ​ទើម។ អ៝ន់​ជាន​មា​លែៈ​នូយ្ស​នហ៝ម់​តឹម​ឞាន​មា​ជេង​ទឹក​ឞ្រាស​ក្រីស  អ៝ន់​ជាន​នាវ​កោរាញ​ឞ្រាស​អុច។
EPH 6:7 អ្យាត់​មា​ឆើម​កើល​ជាន​ការ​មា​កោរាញ​ខាន់​អៃ​មៃ​មា​លែៈ​នូយ្ស​នហ៝ម់។ លើយ​អោស​កើប​នាវ​ជាន​ការ​អី​នៃ​ឆើម​កើល​ជាន​ការ​អ៝ន់​មា​ឞូនុយ្ស យើន​មា​កើប​នាវ​ជាន​ការ​អី​នៃ​ឆើម​កើល​ជាន​ការ​អ៝ន់​មា​កោរាញ​យេឆូ ​ហ៝ៈ។
EPH 6:8 យ៝រ​លាស​ឞ៝ន់​លែៈ​គឹត​ជេស​ទឹង​លែៈ​ឞ៝ន់ ឞ៝ល​លាស​ឞូនុយ្ស​ទឹក​ឞូ មោ​លាស​ឞូនុយ្ស​ក៝ន​មែ​កាដោយ មរា​គែស​ឆ៝ៈ​ទើន​នាវ​ងខោម​តាៈ​ឞើស​កោរាញ​យេឆូ ​ទាទេ​មា​ទឹង​លែៈ​នទើ​អ្វែស​អី​ឞ៝ន់​ជាន។
EPH 6:9 អើ​ផូង​អី​កោរាញ​ឞូ អ៝ន់​ខាន់​អៃ​មៃ​ជាន​មា​ទឹក​ខាន់​អៃ​មៃ​នើម​តឹម​ឞាន​កើត​នៃ​ដ៝ង់ លើយ​អោស​រាអ៝ត់​គ្រាប​ខាន់​ពាង់។ ខាន់​អៃ​មៃ​លែៈ​គឹត​ជេស នអ៝ប់​មា​ខាន់​អៃ​មៃ​នើម នអ៝ប់​មា​ខាន់​ពាង់​លែៈ​គែស​ជេស​ទូ​ហ្វេ​កោរាញ​ទើម​តា​កាលើ​ត្រោក ពាង់​មោ​អោស​កើយ្ស​ឞូនុយ្ស។
EPH 6:10 ជេសរី​អ៝ន់​ខាន់​អៃ​មៃ​លើ​មា​គុ​ន៝ប់​ងាន់​តា​នាវ​ញឆីង​តា​កោរាញ​យេឆូ  នទ្រែល​មា​នាវ​ញឆីង​មា​នាវ​ទើយ​ទុត​ក្វ៝ង់​ពាង់​នើម។
EPH 6:11 អ៝ន់​ខាន់​អៃ​មៃ​ញឆ៝ស​ទឹង​លែៈ​នទើ​តឹម​លើស​អី​តាៈ​ឞើស​កោរាញ​ឞ្រាស​នើម គៃ​មា​ទើយ​នោក​តឹម​លើស​ដាស​នាវ​មរោស​នាវ​នទើម​ឆាតាង់ ​អី​កោរាញ​មពោល​ឞ្រាស​អ្យើស។
EPH 6:12 យ៝រ​លាស​លាស​ឞូនុយ្ស​ជាន​ជេរ​មា​ឞ៝ន់ មោ​ទី​អោស​តឹម​លើស​ដាស​ឞូនុយ្ស ឞ៝ន់​តឹម​លើស​ដាស​ឞ្រាស​អ្យើស​អី​ជាន​កោរាញ​ម៝ត់​អ្វាញ់ ដាស​ឞ្រាស​អ្យើស​អី​គែស​នាវ​ទើយ ដាស​នាវ​ទើយ​អ្យើស​ង៝​នែស​នតូ​អ្យា ជេសរី​តឹម​លើស​ដាស​មា​ឞ្រាស​អ្យើស​អាប់​នតីល​តា​កាលើ​ត្រោក​អី​គែស​នាវ​ទើយ។
EPH 6:13 លាស​នទ្រី​អ៝ន់​ខាន់​អៃ​មៃ​ឆ៝ៈ​ហ៝ម់​នទើ​តឹម​លើស​តាៈ​ឞើស​កោរាញ​ឞ្រាស​នើម គៃ​មា​ទើយ​នោក​នាវ​តឹម​លើស​ដាស​មា​នាវ​អ្យើស​អី​នៃ ជេសរី​ត៝ត់​មា​ជេស​លែៈ​ផ្យៅ​នាវ​តឹម​លើស​អី​នៃ ហោម​គុ​ន៝ប់​រាក៝ក់​កើត​អើម។
EPH 6:14 កើត​នទ្រី​ទ៝ក់​ន៝ប់​រាក៝ក់​ហ៝ម់ ឆ៝ៈ​នាវ​ងាន់​តឹម​ឞាន​មា​តាហែន​វាន់​រាឆែ​ឞុត ឆ៝ៈ​នាវ​ឆ៝ង់​តឹម​ឞាន​មា​ញឆ៝ស​អាវ​ល៝យ្ស។
EPH 6:15 អ៝ន់​ខាន់​អៃ​មៃ​លែៈ​ជេស​នទ្រាប់​នឹង​មា​មឞើស​ងក៝ច​នាវ​មហែ​មហាន​អ្វែស មា​មឞើស​ងក៝ច​នាវ​ដាប់​មពាន់​អី​តាៈ​ឞើស​កោរាញ​ឞ្រាស តឹម​ឞាន​មា​តាហែន​ញឆ៝ស​នតោ​ជ៝ត​មា​នទ្រាប់​តឹម​លើស។
EPH 6:16 ជេសរី​ឆ៝ៈ​នាវ​ញឆីង​តឹម​ឞាន​មា​ឆ៝ៈ​ខេល គៃ​មា​ខាន់​អៃ​មៃ​ទើយ​ដាស​នាវ​នទើម​ឆាតាង់ ​តឹម​ឞាន​មា​ខេល​ទ្រើ​ហារ់​អុញ។
EPH 6:17 ឆ៝ៈ​នាវ​រាក្លាយ្ស​តឹម​ឞាន​មា​នទោ​មោក​ល៝យ្ស នទ្រែល​មា​ឆ៝ៈ​នាវ​ងើយ​កោរាញ​ឞ្រាស​នើម​អី​តឹម​ឞាន​មា​ដាវ​អី​ឞ្រាស​ហ្វេង​អ្វែស​អ៝ន់​មា​ខាន់​អៃ​មៃ។
EPH 6:18 អ៝ន់​មឞើស​ឆើម​អាប់​នតីល​បាបើ​តឹង​ឞ្រាស​ហ្វេង​អ្វែស​នើម​អ៝ន់ ទាន់​កោរាញ​ឞ្រាស​កើល​តា​អាប់​នតីល​នទើ។ លាស​នទ្រី​គុ​រាងែស​ញជ្រាង់​នអ៝ប់​មា​មឞើស​ឆើម​ទាន់​កោរាញ​ឞ្រាស​នឹង​មា​កើល​ទឹង​លែៈ​ផូង​ប៝ន​លាន​កោរាញ​ឞ្រាស។
EPH 6:19 ទាន់​កើល​មឞើស​ឆើម​អ៝ន់​មា​គ៝ប់​បាៈ​ដ៝ង់ គៃ​មា​កោរាញ​ឞ្រាស​អ៝ន់​គ៝ប់​ឞ្លាវ​មឞើស​ងក៝ច​នាវ​មហែ​មហាន​អ្វែស​មា​ឞូ នអ៝ប់​មា​នូយ្ស​នហ៝ម់​ឞាញ់ ជេង​នាវ​មហែ​មហាន​អ្វែស​អី​ឞូនុយ្ស​មោ​គឹត​នាល់​អោស​អា​ល៝រ​នើស។
EPH 6:20 កោរាញ​ឞ្រាស​ដាៈ​គ៝ប់​មឞើស​ងក៝ច​នាវ​អី​នៃ គ៝ប់​ហោម​គុ​តា​ត្រោម​នទ្រូង​យ៝រ​មា​នាវ​អី​នៃ។ អ្យាត់​មា​គ៝ប់​ហោម​មឞើស​ងក៝ច​នាវ​អី​នៃ លាស​នទ្រី​ដាៈ​ខាន់​អៃ​មៃ​ទាន់​កោរាញ​ឞ្រាស​អ៝ន់​គ៝ប់​គែស​នូយ្ស​នហ៝ម់​ឞាញ់។
EPH 6:21 គៃ​មា​អ៝ន់​ខាន់​អៃ​មៃ​គឹត​នាវ​គុ​រេស​គ៝ប់ នទ្រែល​មា​ទឹង​លែៈ​ការ​អី​គ៝ប់​ជាន​តា​អ្យា គ៝ប់​ដាៈ​នោ​តីខីកុស ​អី​ឞូនុយ្ស​ញអោត​ឆ៝ម់បុត​អ្យា​អ៝ន់​មា​ខាន់​អៃ​មៃ នហ៝​មា​មឞើស​ងក៝ច​ទឹង​លែៈ​នទើ​អី​នៃ​អ៝ន់​មា​ខាន់​អៃ​មៃ។ ពាង់​ជេង​អ៝ស​នោ​តា​នាវ​ញឆីង​អី​គ៝ប់​រ៝ង់​ងាន់ ពាង់​ឞូនុយ្ស​ជាន​ការ​រាប់​ជាប់​ងាន់​មា​កោរាញ​យេឆូ ​នើម។
EPH 6:22 គ៝ប់​ដាៈ​ពាង់​ហាន់​អា​ខាន់​អៃ​មៃ គៃ​មា​មឞើស​ងក៝ច​នាវ​ហេន​អី​នៃ នទ្រែល​មា​នហាវ​នូយ្ស​នហ៝ម់​ខាន់​អៃ​មៃ​ដ៝ង់។
EPH 6:23 ទាន់​កោរាញ​ឞ្រាស​ឞឹ នទ្រែល​មា​ទាន់​ឞ្រាស​យេឆូ​ក្រីស ​អី​កោរាញ​ឞ៝ន់​អ៝ន់​នាវ​ដាប់​មពាន់ អ៝ន់​នាវ​រ៝ង់​ពាង់ នអ៝ប់​មា​អ៝ន់​នាវ​ញឆីង​មា​ខាន់​អៃ​មៃ។
EPH 6:24 ទាន់​នាវ​អ្វែស​កោរាញ​ឞ្រាស​គុ​នហ៝​រ៝​តា​ទឹង​លែៈ​ឞូនុយ្ស​អី​រ៝ង់​មា​ឞ្រាស​យេឆូ​ក្រីស ​អី​កោរាញ​ឞ៝ន់​នៃ៕៚
PHI 1:1 ឆ៝ម់បុត​គ៝ប់​ពោល ​ញចីស។ គ៝ប់​នទ្រែល​មា​តីមោថេ  ហេន​ឞូនុយ្ស​ឆើម​កើល​ជាន​ការ​ឞ្រាស​ក្រីស​យេឆូ  ជេសរី​ហេន​ញជ្វាល់​ឆ៝ម់បុត​អ្យា​អ៝ន់​មា​ខាន់​អៃ​មៃ​អី​ផូង​ប៝ន​លាន​កោរាញ​ឞ្រាស​តា​ប៝ន​ផីលីប ​អី​គុ​នទ្រែល​ឞ្រាស​ក្រីស​យេឆូ  នអ៝ប់​មា​ញជ្វាល់​អ៝ន់​មា​មពោល​កោរាញ​ម៝ត់​អ្វាញ់​ផូង​ញឆីង នទ្រែល​មា​មពោល​កើល​ជាន​ការ​ផូង​ញឆីង​ដ៝ង់។
PHI 1:2 ទាន់​កោរាញ​ឞ្រាស​ឞឹ​ឞ៝ន់​នើម នទ្រែល​មា​កោរាញ​យេឆូ​ក្រីស ​អ៝ន់​នាវ​អ្វែស នាវ​ដាប់​មពាន់​មា​ទឹង​លែៈ​ខាន់​អៃ​មៃ។
PHI 1:3 អាប់​តឹ​គ៝ប់​កាស​គឹត​មា​ខាន់​អៃ​មៃ គ៝ប់​លាស​អ្វែស​មា​កោរាញ​ឞ្រាស​បាបើ។
PHI 1:4 អាប់​តឹ​គ៝ប់​ទាន់​កោរាញ​ឞ្រាស​កើល​ទឹង​លែៈ​ខាន់​អៃ​មៃ គ៝ប់​មឞើស​ឆើម​មា​នូយ្ស​នហ៝ម់​មអាក‌
PHI 1:5 យ៝រ​លាស​ខាន់​អៃ​មៃ​លែៈ​គែស​លាប់​នទ្រែល​គ៝ប់​តា​នាវ​មឞើស​ងក៝ច​នាវ​មហែ​មហាន​អ្វែស ឞើស​នតើម​ខាន់​អៃ​មៃ​មហែ​ញឆីង​នហ៝​មា​ត៝ត់​អាបៃ​អ្យា។
PHI 1:6 គ៝ប់​លែៈ​គឹត​នហេល​ជេស​នាវ​អ្យា៖ កោរាញ​ឞ្រាស​អី​នើម​នតើម​ជាន​នទើ​អ្វែស​អ៝ន់​តា​នូយ្ស​នហ៝ម់​ខាន់​អៃ​មៃ​នៃ ពាង់​ហោម​ជាន​នឹង​អ៝ន់​ត៝ត់​ជេស​នាវ​អី​នៃ​នហ៝​មា​ត៝ត់​នារ​ឞ្រាស​ក្រីស​យេឆូ ​វាច់​តៃ។
PHI 1:7 នាវ​គ៝ប់​រាម់​មអាក​មា​ទឹង​លែៈ​ខាន់​អៃ​មៃ​កើត​នអា​ជេង​ទី​ងាន់ យ៝រ​លាស​តា​នូយ្ស​នហ៝ម់​គ៝ប់​អុច​រ៝ង់​មា​ខាន់​អៃ​មៃ។ ឞ៝ល​លាស​គ៝ប់​គែស​នទ្រូង មោ​លាស​ហោម​មឞើស​ងក៝ច​មា​នាវ​មហែ​មហាន​អ្វែស​តា​ឞើស​នាប់​ឞូនុយ្ស​អី​តឹម​រាទ៝ង់​ដាស​នាវ​អី​នៃ​កាដោយ ទឹង​លែៈ​ខាន់​អៃ​មៃ​ហោម​គុ​ជាន​ការ​កើត​គ៝ប់​ដ៝ង់​តា​នាវ​អ្យា​អី​តាៈ​ឞើស​នាវ​អ្វែស​កោរាញ​ឞ្រាស​នើម​អ៝ន់​មា​គ៝ប់។
PHI 1:8 កោរាញ​ឞ្រាស​លែៈ​គឹត​ជេស​ទាស​ហោ​នាវ​គ៝ប់​ក្ល៝ង់​មា​ទឹង​លែៈ​ខាន់​អៃ​មៃ យ៝រ​មា​គ៝ប់​យោៈ​រ៝ង់​មា​ខាន់​អៃ​មៃ​តឹម​ឞាន​មា​ឞ្រាស​យេឆូ​ក្រីស ​យោៈ​រ៝ង់​មា​ខាន់​អៃ​មៃ​ដ៝ង់។
PHI 1:9 គ៝ប់​មឞើស​ឆើម​ទាន់​កោរាញ​ឞ្រាស​អ៝ន់​មា​ខាន់​អៃ​មៃ​គែស​នាវ​រ៝ង់​លើ​មា​ហោ​លើ​មា​ហោ អ៝ន់​គែស​នាវ​មឹន​គឹត​ឞ្លាវ​អាប់​នតីល​ដ៝ង់។
PHI 1:10 គ៝ប់​មឞើស​ឆើម​កើត​នៃ យ៝រ​លាស​លាស​គែស​នាវ​អី​នៃ​ខាន់​អៃ​មៃ​គឹត​នហេល​នានេៈ​ម៝ស​នទើ​អី​ទុត​អ្វែស។ ជេសរី​ត៝ត់​នារ​ឞ្រាស​ក្រីស ​វាច់​ខាន់​អៃ​មៃ​លែៈ​ក្ល៝ស​ងាន់ មោ​អោស​គែស​នាវ​មា​នទុយ្ស។
PHI 1:11 គ៝ប់​ទាន់​ដ៝ង់​ខាន់​អៃ​មៃ​ជាន​នទើ​ទុត​អ៝ក់​មា​នាវ​ឆ៝ង់​អី​ឞ្រាស​យេឆូ​ក្រីស ​ទែ​កើល គៃ​មា​កោរាញ​ឞ្រាស​គែស​នាវ​ច្រេក​លើប គែស​ឞូ​រានេ​ពាង់។
PHI 1:12 អើ​អ៝ស​នោ​តា​នាវ​ញឆីង គ៝ប់​អុច​ខាន់​អៃ​មៃ​គឹត​នាវ​អ្យា៖ ទឹង​លែៈ​នទើ​ឞូ​ជាន​ជេរ​គ៝ប់​អ្យា បេង​មា​ជេង​អ្វែស​ច្រាវ​កើល​ឞូនុយ្ស​អ៝ក់​តាង់​នាវ​មហែ​មហាន​អ្វែស។
PHI 1:13 នទ្រី​ទឹង​លែៈ​ផូង​តាហែន​ញជ្រាង់​ញីស​កោរាញ​កាដាច់ នទ្រែល​មា​ឞូនុយ្ស​អេង​ជឹត​អ៝ក់​ងាន់​លែៈ​គឹត​នហេល​នានេៈ​ជេស​នាវ​គ៝ប់​គែស​នទ្រូង​អ្យា​ជេង​យ៝រ​មា​គ៝ប់​តឹង​ឞ្រាស​ក្រីស ​ទើម។
PHI 1:14 អ៝ក់​ឞូនុយ្ស​ញឆីង​មា​កោរាញ​យេឆូ ​គែស​នូយ្ស​នហ៝ម់​ឞាញ់​យ៝រ​មា​លែៈ​គឹត​គ៝ប់​គែស​នទ្រូង​អ្យា ជេសរី​លើ​មា​ហោ​ឞាញ់​មឞើស​ងក៝ច​នាវ​កោរាញ​ឞ្រាស​មោ​អោស​គែស​នាវ​ក្លាច។
PHI 1:15 គែស​ឞូនុយ្ស​អាបាៈ​មឞើស​ងក៝ច​នាវ​មហែ​មហាន​អ្វែស​មា​ឞ្រាស​ក្រីស  នូយ្ស​នហ៝ម់​គែស​នាវ​តឹម​មោ​នាច​មា​គ៝ប់ អុច​ជេង​ក្វ៝ង់​រាលាវ​មា​គ៝ប់ យើន​មា​គែស​ឞូនុយ្ស​អាបាៈ​ជឹត​មឞើស​ងក៝ច​មា​នូយ្ស​នហ៝ម់​អ្វែស។
PHI 1:16 ល៝ង់​ខាន់​ពាង់​អី​មឞើស​ងក៝ច​មា​នូយ្ស​នហ៝ម់​អ្វែស​នៃ មឞើស​ងក៝ច​មា​នូយ្ស​នហ៝ម់​រ៝ង់​មា​គ៝ប់ យ៝រ​លាស​គឹត​កោរាញ​ឞ្រាស​លែៈ​អ៝ន់​ជេស​គ៝ប់​គុ​តា​អ្យា​គៃ​មា​ព្លើង​អើស​ដាស​ឞូនុយ្ស​អី​តឹម​រាទ៝ង់​ដាស​នាវ​មហែ​មហាន​អ្វែស​អ្យា។
PHI 1:17 តីស​មា​មពោល​អី​មឞើស​ងក៝ច​នាវ​មហែ​មហាន​អ្វែស​ឞ្រាស​ក្រីស ​មា​នូយ្ស​នហ៝ម់​អុច​ជេង​ក្វ៝ង់​ទើម ខាន់​ពាង់​មោ​អោស​គែស​នូយ្ស​នហ៝ម់​ឆ៝ង់។ ខាន់​ពាង់​មឹន​នត៝ប​នាវ​ជេរ​ជ៝ត់​លើ​មា​ហោ​ជឹត​មា​គ៝ប់​នោក​គ៝ប់​ហោម​គុ​តា​ត្រោម​នទ្រូង​អ្យា។
PHI 1:18 មោ​ច្រាវ​អោស! នាវ​អី​ឞូ​មឞើស​ងក៝ច​នាវ​មហែ​មហាន​អ្វែស​ឞ្រាស​ក្រីស  ឞ៝ល​លាស​នទ្រា​មា​ជាន​កាដោយ ឞ៝ល​លាស​ជាន​ងាន់​កាដោយ គ៝ប់​ហោម​រាម់​មអាក​មា​នាវ​អី​នៃ។ ជេសរី​គ៝ប់​ហោម​រាម់​មអាក​ជឹត‌
PHI 1:19 យ៝រ​លាស​គ៝ប់​លែៈ​គឹត​គ៝ប់​មរា​គែស​នាវ​រាក្លាយ្ស​ឞើស​នាវ​ជេរ​ជ៝ត់​អ្យា​ច្រាវ។ គ៝ប់​មរា​គែស​នាវ​រាក្លាយ្ស​តាៈ​ឞើស​ខាន់​អៃ​មៃ​មឞើស​ឆើម​ទាន់​អ៝ន់​មា​គ៝ប់ នទ្រែល​មា​ឞ្រាស​ហ្វេង​អ្វែស​អី​ឞ្រាស​យេឆូ​ក្រីស ​ទែ​ដាៈ​កើល​គ៝ប់។
PHI 1:20 គ៝ប់​អុច​ហោ​ងាន់ នទ្រែល​មា​រានើម​ន៝ប់​រាក៝ក់ គ៝ប់​មោ​អោស​គែស​នាវ​ដីត​ព្រេង​តា​នាប់​កោរាញ​ឞ្រាស ដេៈ​មោ​អើម យ៝រ​លាស​គ៝ប់​ហោម​គុ​ន៝ប់​តា​ពាង់​ត៝ត់​លោច។ ជេសរី​គ៝ប់​អុច​ហោ​ងាន់ នទ្រែល​មា​រានើម​ន៝ប់​រាក៝ក់ គ៝ប់​មោ​អោស​គែស​នាវ​ដីត​ព្រេង​តាៈ​ឞើស​គ៝ប់​ហោម​មឞើស​ងក៝ច​ឞ្រាស​ក្រីស ​មា​នូយ្ស​នហ៝ម់​ទុត​ឞាញ់​កើត​អើម​ដ៝ង់ ឞ្រាស​ក្រីស ​គែស​នាវ​រានេ​តាៈ​ឞើស​ឆាក់​គ៝ប់ ឞ៝ល​លាស​គ៝ប់​ហោម​រេស មោ​លាស​ខឹត​កាដោយ។
PHI 1:21 ល៝ង់​គ៝ប់​អ្យា លាស​ហោម​រេស​គ៝ប់​គុ​ងាវ​គៃ​មា​អ៝ន់​នាវ​រានេ​មា​ឞ្រាស​ក្រីស  ជេសរី​លាស​គ៝ប់​ខឹត​ហោម​អ្វែស​មា​គ៝ប់​ជឹត។
PHI 1:22 យើន​មា​លាស​គ៝ប់​ហោម​រេស​តា​នែស​នតូ​អ្យា​ជឹត គ៝ប់​ហោម​ទើយ​ជាន​ការ​មា​គែស​អ៝ក់​ព្លៃ​ជឹត។ គ៝ប់​មោ​គឹត​អោស​ម៝ស​នទើ​អី​គ៝ប់​អុច។
PHI 1:23 នូយ្ស​នហ៝ម់​គ៝ប់​វិ​វែៈ​ទឹង​លែៈ​ឞារ​ទីង​ងាន់។ គ៝ប់​អុច​ងាន់​លោស​ឞើស​នែស​នតូ​អ្យា​ហាន់​គុ​នទ្រែល​មា​ឞ្រាស​ក្រីស ​នើម​តា​កាលើ​រី អី​នៃ​ជេង​អ្វែស​រាលាវ​មា​គ៝ប់​ងាន់។
PHI 1:24 យើន​មា​លាស​ហោម​គុ​រេស​តា​នែស​នតូ​អ្យា​ហោម​ជាន​ការ​មា​ឞ្រាស​ក្រីស ​ជឹត អី​នៃ​គែស​នាវ​ខ្លៃ​រាលាវ​អ៝ន់​មា​ខាន់​អៃ​មៃ។
PHI 1:25 ជេសរី​យ៝រ​មា​គ៝ប់​អ្យាត់​នហេល​នានេៈ​នាវ​អី​នៃ គ៝ប់​លែៈ​គឹត​ជេស គ៝ប់​ហោម​គុ​រេស​តា​នែស​នតូ​អ្យា គៃ​មា​ជាន​ការ​កើល​ទឹង​លែៈ​ខាន់​អៃ​មៃ។ គ៝ប់​ហោម​គុ​រេស​គៃ​មា​អ៝ន់​ខាន់​អៃ​មៃ​គែស​នាវ​ញឆីង​លើ​មា​ន៝ប់ នអ៝ប់​មា​ខាន់​អៃ​មៃ​គែស​នូយ្ស​នហ៝ម់​រាម់​មអាក។
PHI 1:26 ជេសរី​នោក​គ៝ប់​ព្លឹ​ខ៝ល់​ខាន់​អៃ​មៃ​តៃ ខាន់​អៃ​មៃ​លើ​មា​រានេ​ឞ្រាស​ក្រីស​យេឆូ  យ៝រ​មា​នទើ​ឞ្រាស​ក្រីស ​ជាន​តា​គ៝ប់។
PHI 1:27 អ៝ន់​ខាន់​អៃ​មៃ​គុ​ងាវ​ក្រាវ​ឆាច​តឹម​ទី​ដាស​នាវ​នតី​តា​នាវ​មហែ​មហាន​អ្វែស​ឞ្រាស​ក្រីស ​នើម។ លាស​នទ្រី​ឞ៝ល​លាស​គ៝ប់​ហាន់​ខ៝ល់​ខាន់​អៃ​មៃ​កាដោយ មោ​ហាន់​កាដោយ តាង់​ឞូ​ងក៝ច​នាវ​ឞើស​ខាន់​អៃ​មៃ​ទើម គ៝ប់​លែៈ​គឹត​នហេល​ជេស​ខាន់​អៃ​មៃ​គុ​ន៝ប់​តា​ទូ​នតោរ​នាវ ញឆ្រោយ្ស​ជាន​ការ​នទ្រែល​ឞាល់​មា​នាវ​ញឆីង​តា​នាវ​មហែ​មហាន​អ្វែស​មា​នាវ​មឹន​ង្វាយ​ទើម‌
PHI 1:28 មោ​គែស​អោស​ក្លាច​ទូ​នតីល​មា​ផូង​រាលាង់​អុច​តឹម​រាទ៝ង់​មា​ខាន់​អៃ​មៃ។ ត៝ត់​ផូង​រាលាង់​អី​នៃ​ឆៃ​នាវ​ឞាញ់​ខាន់​អៃ​មៃ រី​មើ​ខាន់​ពាង់​គឹត​វ៝ត់​កោរាញ​ឞ្រាស​មរា​លើស​ខាន់​ពាង់​រ៝ស​ហេង យើន​មា​ខាន់​អៃ​មៃ​លែៈ​គែស​ជេស​នាវ​រាក្លាយ្ស។ នាវ​អី​នៃ​ជេង​គែស​តាៈ​ឞើស​កោរាញ​ឞ្រាស‌
PHI 1:29 តាៈ​ឞើស​នាវ​អ្វែស​ពាង់​នើម ពាង់​លែៈ​អ៝ន់​ជេស​ខាន់​អៃ​មៃ​ញឆីង​មា​ពាង់ មោ​អោស​ទើន​ញឆីង​មា​ពាង់​ទើម យើន​មា​ពាង់​អ៝ន់​ខាន់​អៃ​មៃ​គែស​នាវ​ជេរ​ជ៝ត់​យ៝រ​មា​ពាង់​ជឹត។
PHI 1:30 អាបៃ​អ្យា​ខាន់​អៃ​មៃ​លែៈ​គែស​នាវ​ជេរ​ជ៝ត់​ជេស កើត​គ៝ប់​លែៈ​គែស​នោក​គ៝ប់​គុ​តា​ប៝ន​ខាន់​អៃ​មៃ​នើស។ ខាន់​អៃ​មៃ​វៃ​ឆៃ​នទើ​អី​នៃ ជេសរី​លែៈ​តាង់​ដ៝ង់​គ៝ប់​អាបៃ​អ្យា​ហោម​គែស​នានាវ។
PHI 2:1 លាស​ខាន់​អៃ​មៃ​លែៈ​ឆ៝ៈ​ទើន​ជេស​នាវ​នហាវ​នូយ្ស​នហ៝ម់​តាៈ​ឞើស​នាវ​គុ​នទ្រែល​ឞ្រាស​ក្រីស  លាស​លែៈ​គែស​ជេស​នាវ​រ៝ង់​ឞ្រាស​ក្រីស ​ឞ៝ញ​លែង​ខាន់​អៃ​មៃ លាស​ឞ្រាស​ហ្វេង​អ្វែស​លែៈ​គុ​នទ្រែល​ខាន់​អៃ​មៃ លាស​ឞ្រាស​ក្រីស ​លែៈ​យោៈ​នអាច​ខាន់​អៃ​មៃ‌
PHI 2:2 លាស​នទ្រី​ដាៈ​ខាន់​អៃ​មៃ​គែស​នាវ​មឹន​ទូ​នតោរ​នាវ គែស​នាវ​តឹម​រ៝ង់​ឞាល់ គែស​នូយ្ស​នហ៝ម់​ទូ​នតោរ​នាវ នទ្រែល​មា​គែស​នាវ​មឹន​ង្វាយ​ទើម។ លាស​ខាន់​អៃ​មៃ​លែៈ​គែស​ទឹង​លែៈ​នាវ​អី​នៃ គ៝ប់​រាម់​មអាក​ងាន់។
PHI 2:3 លើយ​អោស​ជាន​នទើ​មា​ជេង​ក្វ៝ង់​ទើម លើយ​អោស​ជាន​នទើ​គៃ​មា​នហី​អេង​ឆាក់​នើម។ យើន​មា​អ៝ន់​ញជុរ​អេង​ឆាក់​នើម ជេសរី​កើប​ឞូ​អេង​ក្វ៝ង់​រាលាវ​មា​ឆាក់​នើម។
PHI 2:4 លើយ​អោស​ទូ​ហ្វេ​ទូ​ហ្វេ​ឆាក់​មឹន​មា​ឆាក់​ពាង់​នើម​ទើម អ៝ន់​មឹន​មា​ឞូនុយ្ស​អា​អេង​ដ៝ង់។
PHI 2:5 អ៝ន់​មា​ខាន់​អៃ​មៃ​គែស​នូយ្ស​នហ៝ម់​តឹម​ឞាន​មា​ឞ្រាស​ក្រីស​យេឆូ ​ហ៝ៈ។
PHI 2:6 ឞ៝ល​លាស​ឞ្រាស​ក្រីស​យេឆូ ​តឹម​ឞាន​មា​កោរាញ​ឞ្រាស​នើម​ងាន់​កាដោយ‌ ពាង់​ក៝ៈ​មោ​អោស​ឆ៝ៈ​ព្រាប់​មា​ឆាក់​ពាង់​នើម នាវ​អី​ពាង់​តឹម​ឞាន​មា​កោរាញ​ឞ្រាស​អី​នៃ។
PHI 2:7 យើន​មា​ពាង់​មអារ់​លើយ​នាវ​អី​នៃ‌ ជេសរី​ជេង​តឹម​ឞាន​មា​ទឹក​ឞូ‌ ពាង់​ទែស​ជេង​ឞូនុយ្ស។ លែៈ​ជេង​ឞូនុយ្ស​ងាន់
PHI 2:8 ពាង់​ញជុរ​អេង​ឆាក់​ពាង់​នើម អ្យាត់​ជាន​តឹង​នាវ​កោរាញ​ឞ្រាស​ដាៈ នហ៝​មា​ត៝ត់​ខឹត​ឆាក់។ រាលាវ​ឞើស​នៃ​ជឹត​នហ៝​មា​ពាង់​ទើន​នាវ​ខឹត​តា​ឆី​តឹម​រាកាង់​អី​ដីត​ព្រេង​តឹម​ឞាន​មា​ឞូនុយ្ស​ទោយ្ស។
PHI 2:9 កើត​នទ្រី​ទឹង​កោរាញ​ឞ្រាស​នហាវ​ពាង់​ទុត​ព្រេស​កាលើ‌ នអ៝ប់​មា​ជាន​អ៝ន់​ពាង់​ក្វ៝ង់ រាលាវ​មា​ទឹង​លែៈ​នទើ​ជឹត‌
PHI 2:10 គៃ​មា​នោក​តាង់​រាញា​ឞ្រាស​យេឆូ ​តៃ‌ ទឹង​លែៈ​នទើ​តា​កាលើ​ត្រោក​នតុក​កោរាញ​ឞ្រាស​នើម‌ នអ៝ប់​មា​តា​នែស​នតូ នអ៝ប់​មា​តា​ន៝ម់​នែស​នតូ​ដ៝ង់ អ៝ន់​លែវ​ឞាល់​ច៝ន​កោម៝ក់​មឞាស​ពាង់​ទាទេ។
PHI 2:11 កោរាញ​ឞ្រាស​នហាវ​ពាង់​គៃ​មា​អ៝ន់​ទឹង​លែៈ​ឞ៝រ់​មឞូង​មឞើស​លាស៖ ឞ្រាស​យេឆូ​ក្រីស ​ពាង់​កោរាញ។ កើត​នទ្រី​រានេ​កោរាញ​ឞ្រាស​អី​ឞឹ​អ៝ន់​នាវ​ច្រេក​លើប​មា​ពាង់។
PHI 2:12 អើ​ផូង​អី​គ៝ប់​រ៝ង់ ខាន់​អៃ​មៃ​លែៈ​វៃ​អ្យាត់​បាបើ​នាវ​គ៝ប់​ដាៈ។ កើត​នទ្រី​អ៝ន់​ខាន់​អៃ​មៃ​អ្យាត់​នាវ​គ៝ប់​ដាៈ​តៃ​ជឹត​ទោ មោ​អោស​ទើន​មា​នោក​គ៝ប់​ហោម​គុ​នទ្រែល​ទើម យើន​មា​នោក​គ៝ប់​គុ​ងាយ​កាដោយ។ អ៝ន់​ខាន់​អៃ​មៃ​ហោម​ញឆ្រោយ្ស​គុ​រេស​តឹម​ទី​មា​នាវ​កោរាញ​ឞ្រាស​អុច នអ៝ប់​មា​ក្លាច​យើក​ពាង់។ នាវ​អី​នៃ​ជេង​ទី​មា​ខាន់​អៃ​មៃ​អី​លែៈ​ឆ៝ៈ​ទើន​នាវ​រាក្លាយ្ស‌
PHI 2:13 យ៝រ​លាស​កោរាញ​ឞ្រាស​នើម​ជាន​អ៝ន់​មា​ខាន់​អៃ​មៃ​គែស​នូយ្ស​នហ៝ម់​អុច​ជាន​តឹង​នាវ​ពាង់​អុច នអ៝ប់​មា​អ៝ន់​ខាន់​អៃ​មៃ​ទើយ​ជាន​តឹង​នាវ​ពាង់​អុច​ដ៝ង់។
PHI 2:14 ទឹង​លែៈ​នទើ​ខាន់​អៃ​មៃ​ជាន លើយ​អោស​អ៝ក់​ឞ៝រ់​ញជ៝រ់​ឆេក មោ​លាស​គែស​នាវ​រាលាច់‌
PHI 2:15 គៃ​មា​អ៝ន់​ខាន់​អៃ​មៃ​ជេង​លែៈ​អ្វែស​ទី​កែស មោ​គែស​នាវ​មា​នទុយ្ស លែៈ​ជេង​ក្ល៝ស ជេង​ក៝ន​កោរាញ​ឞ្រាស​នើម​ងាន់ ឞ៝ល​លាស​ខាន់​អៃ​មៃ​គុ​នទ្រែល​ឞូនុយ្ស​តីស ឞូនុយ្ស​អ្យើស​តា​រានោក​អ្យា។ ខាន់​អៃ​មៃ​លែៈ​ជេង​តឹម​ឞាន​មា​នាវ​អាង​តា​ផូង​ខាន់​ពាង់ តឹម​ឞាន​មា​នទើ​អាង​តា​នែស​នតូ​អ្យា។
PHI 2:16 អ៝ន់​ខាន់​អៃ​មៃ​ញអោត​ន៝ប់​នាវ​នតី​មា​នាវ​រេស​នហ៝​រ៝។ លាស​ខាន់​អៃ​មៃ​ជាន​កើត​នៃ គ៝ប់​ឞ្លាវ​នហី​អេង​ឆាក់​តា​នារ​ឞ្រាស​ក្រីស ​វាច់​តៃ យ៝រ​មា​ឆៃ​នាវ​គ៝ប់​ញឆ្រោយ្ស​ជាន​ការ​រាអាស​រាគាញ់​នតី​ខាន់​អៃ​មៃ​នើស​មោ​អោស​ជេង​ទើម​ទាម។
PHI 2:17 នទើ​អី​ខាន់​អៃ​មៃ​ជាន​យ៝រ​មា​ខាន់​អៃ​មៃ​ញឆីង​មា​ឞ្រាស​ក្រីស ​ជេង​តឹម​ឞាន​មា​នទើ​ខាន់​អៃ​មៃ​ញហើរ​មា​កោរាញ​ឞ្រាស។ លាស​ឞូ​ងខឹត​គ៝ប់ នាវ​អី​នៃ​តឹម​ឞាន​មា​នទើ​ញហើរ​មា​កោរាញ​ឞ្រាស​អី​គែស​នត៝ប​នទើ​ខាន់​អៃ​មៃ​ញហើរ​មា​ពាង់​ដ៝ង់ ជេសរី​គ៝ប់​រាម់​មអាក។ ជេសរី​គ៝ប់​អុច​ខាន់​អៃ​មៃ​គែស​នូយ្ស​នហ៝ម់​រាម់​មអាក​នទ្រែល​គ៝ប់។
PHI 2:18 កើត​នៃ​ដ៝ង់ អ៝ន់​ខាន់​អៃ​មៃ​រាម់​មអាក អើ អ៝ន់​ខាន់​អៃ​មៃ​រាម់​មអាក​នទ្រែល​គ៝ប់។
PHI 2:19 លាស​កោរាញ​យេឆូ ​កើល គ៝ប់​អុច​អ៝ន់​តីមោថេ ​ហាន់​អា​ខាន់​អៃ​មៃ​គើញ​រ៝ គៃ​មា​ញអោត​នាវ​ឞើស​ខាន់​អៃ​មៃ​អ៝ន់​នហាវ​នូយ្ស​នហ៝ម់​គ៝ប់។
PHI 2:20 តា​អ្យា​គ៝ប់​មោ​ហោម​អោស​គែស​ឞូនុយ្ស​អា​អេង​ជឹត​អី​គែស​នាវ​មឹន​តឹម​ឞាន​មា​ពាង់ ពាង់​ហោ​ងាន់​មឹន​រាវៃ​ខាន់​អៃ​មៃ។
PHI 2:21 យ៝រ​លាស​ទឹង​លែៈ​ឞូនុយ្ស​អា​អេង​អុច​មឹន​មា​ឆាក់​ខាន់​ពាង់​នើម​ទើម ខាន់​ពាង់​មោ​អោស​មឹន​មា​នទើ​ឞ្រាស​ក្រីស ​អុច។
PHI 2:22 ខាន់​អៃ​មៃ​លែៈ​គឹត​ឆៃ​នូយ្ស​នហ៝ម់​អ្វែស​តីមោថេ  ពាង់​ជាន​ការ​នទ្រែល​គ៝ប់​តា​នាវ​មឞើស​ងក៝ច​នាវ​មហែ​មហាន​អ្វែស តឹម​ឞាន​មា​ក៝ន​ជាន​ការ​អ៝ន់​មា​ឞឹ។
PHI 2:23 លាស​នទ្រី​គ៝ប់​ហោម​គុ​ក៝ប់​ឞូ​មឞើស​ម៝ស​នទើ​អី​ឞូ​ជាន​មា​គ៝ប់ ជេស​គ៝ប់​គឹត​នហេល​នានេៈ​នទើ​អី​នៃ គ៝ប់​អុច​អ៝ន់​ពាង់​ហាន់​គើញ​រ៝​អា​ខាន់​អៃ​មៃ។
PHI 2:24 គ៝ប់​ញឆីង​មា​កោរាញ​ឞ្រាស​ឞូ​មរា​ពើក​គ៝ប់​គើញ​ឞើស​នទ្រូង ជេសរី​គ៝ប់​មរា​ហាន់​អា​ខាន់​អៃ​មៃ​គើញ​ដ៝ង់។
PHI 2:25 យើន​មា​គ៝ប់​មឹន​លាស ហោម​អ្វែស​មា​អ៝ន់​នោ​អេពាព្រោដីត ​ព្លឹ​ឆឹត​អា​ខាន់​អៃ​មៃ​អាបៃ​អ្យា។ ពាង់​ជេង​អ៝ស​នោ​គ៝ប់​តា​នាវ​ញឆីង ជេង​ឞូនុយ្ស​ជាន​ការ​នទ្រែល​គ៝ប់ ជេសរី​ពាង់​ជេង​ឞូនុយ្ស​ញឆ្រោយ្ស​នទ្រែល​ឞ៝ន់ ឞ៝ល​លាស​គែស​អ៝ក់​ឞូនុយ្ស​តឹម​រាទ៝ង់។ ខាន់​អៃ​មៃ​លែៈ​អ៝ន់​ពាង់​ហាន់​អា​គ៝ប់ គៃ​មា​មឞើស​នាវ​ឞើស​ខាន់​អៃ​មៃ នអ៝ប់​មា​កើល​ម៝ស​នទើ​អី​គ៝ប់​អុច។
PHI 2:26 ពាង់​ក្ល៝ង់​ខាន់​អៃ​មៃ​ទុត​ហោ​ងាន់ ពាង់​គែស​នាវ​រាង៝ត​ងាន់​យ៝រ​មា​ពាង់​លែៈ​គឹត​ខាន់​អៃ​មៃ​លែៈ​តាង់​លឺ​ពាង់​គែស​នាវ​ជី​នើស។
PHI 2:27 ពាង់​គែស​នាវ​ជី​ទុត​ហោ​ឞើយ​មា​ខឹត​ងាន់​ដ៝ង់ យើន​មា​កោរាញ​ឞ្រាស​យោៈ​នអាច​ពាង់​អ៝ន់​ពាង់​ឞាស​ជី។ កោរាញ​ឞ្រាស​មោ​អោស​ទើន​យោៈ​នអាច​ទូ​ហ្វេ​ពាង់​ទើម យោៈ​នអាច​គ៝ប់​ដ៝ង់ គៃ​មា​លើយ​អ៝ន់​គ៝ប់​គែស​នាវ​រាង៝ត​លើ​មា​ហោ​ជឹត។
PHI 2:28 កើត​នទ្រី​គ៝ប់​អុច​អ៝ន់​ពាង់​ព្លឹ​ឆឹត​អា​ខាន់​អៃ​មៃ​គើញ​រ៝ គៃ​មា​ខាន់​អៃ​មៃ​រាម់​មអាក​ត៝ត់​ឆៃ​ពាង់។ ជេសរី​គ៝ប់​មោ​ហោម​ដ៝ង់​រាវៃ​នាវ​អី​ខាន់​អៃ​មៃ​លែៈ​រាវៃ​ពាង់​នើស។
PHI 2:29 លាស​នទ្រី​អ៝ន់​ខាន់​អៃ​មៃ​រ៝ម​ពាង់​មា​នាវ​រាម់​មអាក​អ៝ន់​ទុត​ហោ យ៝រ​មា​ពាង់​ជេង​អ៝ស​នោ​ឞ៝ន់​តា​នាវ​ញឆីង​មា​កោរាញ​យេឆូ ។ ជេសរី​យើក​មា​ឞូនុយ្ស​អី​កើត​ពាង់​នៃ​ទោ‌
PHI 2:30 យ៝រ​មា​ពាង់​ឞើយ​ខឹត​ឆាក់​នៃ​នើស​ជាន​ការ​មា​ឞ្រាស​ក្រីស ។ ពាង់​លែៈ​នទ្រាប់​ជាវ​ជេស​ឆាក់​ពាង់​នើម​មា​ខឹត​គៃ​មា​ឆើម​កើល​ខាន់​អៃ​មៃ​អី​ខាន់​អៃ​មៃ​មោ​អោស​ទើយ​ហាន់​កើល​គ៝ប់។
PHI 3:1 អើ​អ៝ស​នោ​តា​នាវ​ញឆីង គែស​ទូ​នាវ​ជឹត អ៝ន់​ខាន់​អៃ​មៃ​រាម់​មអាក​ទោ​យ៝រ​មា​នទើ​កោរាញ​យេឆូ ​លែៈ​ជាន​មា​ខាន់​អៃ​មៃ។ គ៝ប់​មោ​ទឹល​អោស​ញចីស​ទូ​តឹ​ជឹត​នាវ​អី​គ៝ប់​លែៈ​ញចីស​ជេស​អ៝ន់​មា​ខាន់​អៃ​មៃ​អា​ល៝រ​នើស។ គ៝ប់​ញចីស​កើត​នអា​គៃ​មា​អ៝ន់​ខាន់​អៃ​មៃ​ញឆីង​ន៝ប់។
PHI 3:2 អ៝ន់​ខាន់​អៃ​មៃ​ញជ្រាង់​មា​មពោល​ឞូនុយ្ស​អ្យើស​អី​តឹម​ឞាន​មា​ឆ៝​អុច​ឆា​ហេក ញជ្រាង់​មា​មពោល​ឞូនុយ្ស​អី​នតី​ងក្លាៈ​លាស៖ «គែស​ក៝ស​នតោ​មើ​ទឹង​កោរាញ​ឞ្រាស​រាក្លាយ្ស»។
PHI 3:3 យើន​មា​ឞ៝ន់​ជេង​ឞូនុយ្ស​អី​កោរាញ​ឞ្រាស​រ៝ម​ងាន់ ជេង​តឹម​ឞាន​មា​ឞូនុយ្ស​អី​ក៝ស​នតោ​ងាន់ ឞ៝ល​លាស​មោ​អោស​គែស​ក៝ស​នតោ​តា​រាង្លៃ​ឆាក់។ ឞ៝ន់​ជេង​ឞូនុយ្ស​កោរាញ​ឞ្រាស​រ៝ម យ៝រ​លាស​ឞ៝ន់​យើក​មឞាស​កោរាញ​ឞ្រាស​នអ៝ប់​មា​ឞ្រាស​ហ្វេង​អ្វែស​គុ​តា​ឞ៝ន់។ ឞ៝ន់​ញឆីង​មា​ឞ្រាស​ក្រីស​យេឆូ ​គៃ​មា​រាក្លាយ្ស ឞ៝ន់​មោ​អោស​ញឆីង​មា​នទើ​ជាន​តា​រាង្លៃ​ឆាក់​ជាន​តឹង​នាវ​វៃ​គៃ​មា​រាក្លាយ្ស។
PHI 3:4 លាស​ជាន​នទើ​តឹង​រាង្លៃ​ឆាក់​តឹង​នាវ​វៃ​ជេង​គែស​នាវ​ខ្លៃ គ៝ប់​គែស​នទើ​អ៝ក់​មា​ញឆីង។ លាស​គែស​ទូ​ហ្វេ​ឞូនុយ្ស​ទើយ​នហី​អេង​ឆាក់​យ៝រ​មា​នទើ​អី​នៃ គ៝ប់​ទើយ​រាលាវ​មា​ពាង់​ងាន់​រ៝៖
PHI 3:5 យ៝រ​លាស​ឞូ​ក៝ស​នតោ​គ៝ប់​ជេស​គ៝ប់​ទែស​លែៈ​គែស​ផាម​នារ គ៝ប់​ផូង​អីឆ្រាអែល  ទែស​តា​រាន៝យ​មពោល​បែនយាមឹន ។ គ៝ប់​នអ៝ប់​មា​មេៈ​ឞឹ​គ៝ប់​ហោម​ងើយ​នាវ​ងើយ​ហេឞ្រើ ​ដ៝ង់។ លាស​គឹត​មា​មពែស​មា​នាវ​វៃ​ផូង​អីឆ្រាអែល  គ៝ប់​ជេង​ផូង​ផារីឆី ​អី​ឞូ​លឺ​ហោ​ងាន់​ញអោត​នាវ​វៃ​ផូង​អីឆ្រាអែល ។
PHI 3:6 លាស​ងើយ​មា​នាវ​គើយ្ស​មា​នាវ​វៃ​ផូង​អីឆ្រាអែល  គ៝ប់​គើយ្ស​ហោ​ងាន់​នហ៝​មា​ត៝ត់​ជាន​ជេរ​ជ៝ត់​អ៝ន់​មា​ផូង​ញឆីង​មា​ឞ្រាស​ក្រីស ​ជឹត។ លាស​ងើយ​មា​នាវ​ឆ៝ង់​យ៝រ​មា​ជាន​តឹង​នាវ​វៃ​ផូង​អីឆ្រាអែល  គ៝ប់​មោ​អោស​គែស​នាវ​មា​នទុយ្ស។
PHI 3:7 អា​ល៝រ​នើស​គ៝ប់​កើប​ទឹង​លែៈ​នទើ​អី​នៃ​គែស​នាវ​ខ្លៃ​ងាន់ យើន​មា​អាបៃ​អ្យា​គ៝ប់​ខាត​ងាន់​ទឹង​លែៈ​នទើ​អី​គ៝ប់​លែៈ​ជាន​នៃ​នើស យ៝រ​មា​អាបៃ​អ្យា​គ៝ប់​ញឆីង​មា​ឞ្រាស​ក្រីស ។
PHI 3:8 រាលាវ​ឞើស​នៃ​ជឹត​គ៝ប់​កើប​ទឹង​លែៈ​នទើ​មោ​អោស​ហោម​គែស​នាវ​ខ្លៃ យ៝រ​មា​គឹត​នាល់​ឞ្រាស​ក្រីស​យេឆូ ​អី​កោរាញ​គ៝ប់​គែស​នាវ​ខ្លៃ​ទុត​ហោ​រាលាវ​ឞូ។ យ៝រ​មា​ពាង់​គ៝ប់​មអារ់​ទឹង​លែៈ​នទើ គ៝ប់​កើប​ទឹង​លែៈ​នទើ​អី​នៃ​តឹម​ឞាន​មា​នទ៝ក់​ទើម គៃ​មា​គ៝ប់​គុ​នទ្រែល​ឞ្រាស​ក្រីស ‌
PHI 3:9 គៃ​មា​ជេង​ប៝ន​លាន​ពាង់​នើម។ កោរាញ​ឞ្រាស​កើប​គ៝ប់​លែៈ​ឆ៝ង់​យ៝រ​មា​គ៝ប់​ញឆីង​មា​ឞ្រាស​ក្រីស  មោ​ទី​អោស​យ៝រ​មា​នទើ​គ៝ប់​នើម​ជាន​តឹង​នាវ​វៃ​ផូង​អីឆ្រាអែល ។ នាវ​កោរាញ​ឞ្រាស​កើប​ឞ៝ន់​ឆ៝ង់​តាៈ​ឞើស​ពាង់​នើម​អ៝ន់​យ៝រ​មា​នាវ​ឞ៝ន់​ញឆីង។
PHI 3:10 គ៝ប់​អុច​ងាន់​គឹត​នាល់​ឞ្រាស​ក្រីស  គ៝ប់​អុច​គឹត​ឆៃ​នាវ​ទើយ​អី​អ៝ន់​ពាង់​ទ៝ក់​រេស​តៃ​នើស គ៝ប់​អុច​គុ​នទ្រែល​ពាង់​តា​នាវ​ជេរ​ជ៝ត់​ត៝ត់​មា​ខឹត​ឆាក់​តឹម​ឞាន​មា​ពាង់​ដ៝ង់។
PHI 3:11 គ៝ប់​អុច​ងាន់​ជាន​កើត​នៃ គៃ​មា​ជេស​គ៝ប់​ខឹត​គ៝ប់​ទ៝ក់​រេស​ដ៝ង់​តា​នារ​កោរាញ​ឞ្រាស​អ៝ន់​ទឹង​លែៈ​ឞូនុយ្ស​អី​ញឆីង​មា​ឞ្រាស​ក្រីស ​ទ៝ក់​រេស​តៃ។
PHI 3:12 គ៝ប់​មោ​ហ៝ៈ​ឆ៝ៈ​ទើន មោ​ហ៝ៈ​ជាន​ជេស​ទឹង​លែៈ​នាវ​អី​នៃ។ គ៝ប់​មោ​ហ៝ៈ​ជេង​ទូ​ហ្វេ​ឞូនុយ្ស​លែៈ​តឹម​ទី​មា​ទឹង​លែៈ​នាវ​អុច​ឞ្រាស​ក្រីស​យេឆូ ។ យើន​មា​គ៝ប់​អុច​ងាន់​ជេង​ទូ​ហ្វេ​ឞូនុយ្ស​កើត​នៃ យ៝រ​លាស​ឞ្រាស​ក្រីស​យេឆូ ​រាក្លាយ្ស​គ៝ប់​គៃ​មា​ជេង​ទូ​ហ្វេ​ឞូនុយ្ស​កើត​នៃ។
PHI 3:13 អើ​អ៝ស​នោ​តា​នាវ​ញឆីង គ៝ប់​មោ​ហ៝ៈ​ជេង​ទូ​ហ្វេ​ឞូនុយ្ស​កើត​នៃ យើន​មា​គ៝ប់​អុច​ជេង​ឞូនុយ្ស​កើត​នៃ។ នទ្រី​ទឹង​គ៝ប់​មអារ់​លើយ​មោ​ហោម​កើប​ខ្លៃ​មា​នទើ​អី​អើម​ឞើស​កើយ​នើស ជេសរី​គ៝ប់​ញឆ្រោយ្ស​ជាន​ការ​គៃ​មា​ឆ៝ៈ​ទើន​នទើ​អី​ហោម​ជឹត​នាប់​តៃ។
PHI 3:14 គ៝ប់​ញឆ្រោយ្ស​ជាន​ការ​តឹម​ឞាន​មា​ឞូនុយ្ស​តឹម​រាល៝ង​ញច្វាត់​ញឆ្រោយ្ស​ញច្វាត់​ត៝ត់​តា​នតុក​លោច​ញច្វាត់ គៃ​មា​ឆ៝ៈ​ទើន​នាវ​ងខោម​នទើ​កោរាញ​ឞ្រាស​អុច​អ៝ន់​មា​គ៝ប់។ ពាង់​ក្វាល់​ឞ៝ន់​គៃ​មា​ឞ៝ន់​ឆ៝ៈ​ទើន​នាវ​អី​នៃ​តា​កាលើ​ត្រោក តាៈ​ឞើស​នទើ​ឞ្រាស​ក្រីស ​លែៈ​ជេស​ជាន។
PHI 3:15 លាស​នទ្រី​ទឹង​លែៈ​ឞ៝ន់​អី​លែៈ​គឹត​មឹន​ជ្រូ​តា​នាវ​ញឆីង​មា​ឞ្រាស​ក្រីស​យេឆូ  អ៝ន់​គែស​នាវ​មឹន​កើត​នាវ​គ៝ប់​ញចីស​នៃ។ លាស​ខាន់​អៃ​មៃ​គែស​នាវ​មឹន​អេង​ឞើស​គ៝ប់​តា​ព្លាង់​ទូ​នតីល​នាវ កោរាញ​ឞ្រាស​មរា​ញហើ​អ៝ន់​ខាន់​អៃ​មៃ​គឹត​វ៝ត់​មា​នទើ​អី​នៃ​រ៝។
PHI 3:16 អ្យាត់​មា​ឞ៝ន់​ហោម​គុ​ងាវ​តឹម​ទី​មា​នទើ​កោរាញ​ឞ្រាស​លែៈ​ញហើ​អ៝ន់​ឞ៝ន់​គឹត​វ៝ត់​ហ៝ៈ ឞ៝ល​លាស​គែស​នាវ​មឹន​អេង​កាដោយ។
PHI 3:17 អើ​អ៝ស​នោ អ៝ន់​ទឹង​លែៈ​ខាន់​អៃ​មៃ​ជាន​តឹង​នាវ​គុ​ងាវ​គ៝ប់។ ជេសរី​អ្វាញ់​ឞូនុយ្ស​អី​ជាន​តឹង​នាវ​អ្វែស​គ៝ប់​អី​ខាន់​អៃ​មៃ​លែៈ​ឆៃ​ជេស​តា​គ៝ប់។
PHI 3:18 គ៝ប់​លែៈ​វៃ​មឞើស​ងក៝ច​អ៝ន់​មា​ខាន់​អៃ​មៃ​បាបើ​ងាន់ ជេសរី​អាបៃ​អ្យា​គ៝ប់​មឞើស​ងក៝ច​តៃ​អ៝ន់​មា​ខាន់​អៃ​មៃ​នអ៝ប់​មា​ទាក​មាត់៖ គែស​អ៝ក់​ឞូនុយ្ស​ងើយ​មា​មឞូង​ទើម​ខាន់​ពាង់​ញឆីង​មា​ឞ្រាស​ក្រីស  យើន​មា​នាវ​គុ​រេស​ខាន់​ពាង់​ជេង​តឹម​ឞាន​មា​ផូង​រាលាង់​ដាស​នាវ​នតី​ឞ្រាស​ក្រីស ​នើម​អី​ខឹត​តា​ឆី​តឹម​រាកាង់​នើស​ច្រាវ។
PHI 3:19 ត៝ត់​នារ​ងគ្លែៈ​ទុត​តៃ​ទឹង​លែៈ​ខាន់​ពាង់​អី​នៃ​ខឹត​រ៝ស​ហេង ខាន់​ពាង់​គឹត​មា​នទើ​អី​ឆាក់​ជាន់​ខាន់​ពាង់​អុច​ទើម តឹម​ឞាន​មា​យើក​មឞាស​មា​ឆាក់​ខាន់​ពាង់​នើម ខាន់​ពាង់​ឆ៝ៈ​នទើ​អី​ដីត​ព្រេង​មា​នហី​អេង​ឆាក់ ជេសរី​ខាន់​ពាង់​ពើស​មា​រាវៃ​មា​នទើ​តា​នែស​នតូ​អ្យា​ទើម។
PHI 3:20 ល៝ង់​ទឹង​លែៈ​ឞ៝ន់ នតុក​ប៝ន​ឞ៝ន់​នើម​ងាន់​ជេង​នតុក​ប៝ន​អ្វែស​តា​កាលើ​រី ជេសរី​ឞ៝ន់​ហោម​គុ​ក៝ប់​អុច​ហោ​ងាន់​កោរាញ​យេឆូ​ក្រីស ​អី​នើម​រាក្លាយ្ស​ឞ៝ន់​គើញ​ជុរ​តាៈ​ឞើស​តា​កាលើ​រី​តៃ។
PHI 3:21 ពាង់​មរា​រាគ៝ល់​លើយ​ឆាក់​ជាន់​ឞ៝ន់​អី​ឞ្លាវ​ជី​ឞ្លាវ​ខឹត អ៝ន់​ជេង​តឹម​ឞាន​មា​ឆាក់​ជាន់​ទុត​អ្វែស​ពាង់​នើម​អី​គែស​នាវ​ច្រេក​លើប។ ពាង់​ជាន​នទើ​អី​នៃ​តាៈ​ឞើស​នាវ​ទើយ​ពាង់​នើម នាវ​ទើយ​អី​នៃ​អ៝ន់​ពាង់​ជេង​កោរាញ​ទឹង​លែៈ​នទើ​ដ៝ង់។
PHI 4:1 អើ​អ៝ស​នោ​តា​នាវ​ញឆីង គ៝ប់​រ៝ង់​មា​ខាន់​អៃ​មៃ គ៝ប់​ក្ល៝ង់​ខាន់​អៃ​មៃ។ ខាន់​អៃ​មៃ​ជាន​អ៝ន់​គ៝ប់​រាម់​មអាក ខាន់​អៃ​មៃ​តឹម​ឞាន​មា​នទើ​ងខោម​ទុត​ខ្លៃ​មា​នាវ​ជាន​ការ​គ៝ប់។ អើ​អ៝ស​នោ​អី​គ៝ប់​រ៝ង់ អ៝ន់​ខាន់​អៃ​មៃ​ហោម​គុ​ន៝ប់​នទ្រែល​កោរាញ​យេឆូ ​ជឹត​ទោ!
PHI 4:2 អើ​យោស​អើរូដៀ  នទ្រែល​មា​យោស​ឆុនទិច  គ៝ប់​ទាន់​មា​ខាន់​អៃ​ហោ​ងាន់​អ៝ន់​គែស​នាវ​មឹន​ទូ​នតោរ​នាវ​ហ៝ៈ លើយ​ហោម​តឹម​រាលាច់​ឞាល់ យ៝រ​មា​ឞារ​ហៃ​ខាន់​អៃ​ញឆីង​មា​កោរាញ​យេឆូ ​តឹម​ឞាន។
PHI 4:3 អើ​នោ​អី​មឹត​ជាង់​រាប់​ជាប់​គ៝ប់ គ៝ប់​ទាន់​មៃ​កើល​យោស​ឞារ​ហៃ​នៃ​បាៈ យ៝រ​លាស​ខាន់​ពាង់​លែៈ​មឞើស​ងក៝ច​នាវ​មហែ​មហាន​អ្វែស​នទ្រែល​មា​គ៝ប់ ឞ៝ល​លាស​ឞូ​ជាន​ជេរ​មា​ហេន​កាដោយ។ ឞារ​ហៃ​ខាន់​ពាង់​នៃ​គែស​ជាន​ការ​កើត​នៃ នទ្រែល​នោ​ក្លេមេន  នអ៝ប់​មា​ឞូនុយ្ស​អាបាៈ​អេង​ជឹត។ រាញា​ខាន់​ពាង់​លែៈ​កោរាញ​ឞ្រាស​ញចីស​ជេស​តា​ឆ៝ម់បុត​នាវ​រេស​អី​គែស​ញចីស​ឆាក់​ទឹង​លែៈ​ឞូនុយ្ស​អី​គែស​នាវ​រេស​នហ៝​រ៝​ដ៝ង់។
PHI 4:4 អើ​អ៝ស​នោ​តា​នាវ​ញឆីង អ៝ន់​ខាន់​អៃ​មៃ​គែស​នូយ្ស​នហ៝ម់​រាម់​មអាក​នឹង​យ៝រ​មា​ខាន់​អៃ​មៃ​គុ​នទ្រែល​កោរាញ​យេឆូ ។ គ៝ប់​ទាន់​មឞើស​តៃ​ទូ​តឹ​ជឹត៖ អ៝ន់​រាម់​មអាក​ហ៝ម់!
PHI 4:5 អ៝ន់​ទឹង​លែៈ​ឞូនុយ្ស​គឹត​នាល់​នូយ្ស​នហ៝ម់​មលែស​ខាន់​អៃ​មៃ។ នារ​ឞ្រាស​យេឆូ ​វាច់​តៃ​ឞើយ​ត៝ត់​ជេស។
PHI 4:6 លើយ​អោស​មឹន​រាវៃ​មា​ទូ​នតីល​នទើ យើន​មា​ទឹង​លែៈ​នទើ អ៝ន់​ខាន់​អៃ​មៃ​មឞើស​ឆើម​ទាន់​កោរាញ​ឞ្រាស។ មឞើស​ឆើម​ទាន់​មា​ពាង់ នអ៝ប់​មា​លាស​អ្វែស​ពាង់​ដ៝ង់។
PHI 4:7 ជាន​កើត​នៃ នាវ​ដាប់​មពាន់​កោរាញ​ឞ្រាស​អី​រាលាវ​ឞើស​នាវ​គឹត​មឹន​ឞូនុយ្ស​មរា​គុ​តា​នូយ្ស​នហ៝ម់​នាវ​មឹន​ខាន់​អៃ​មៃ ញជ្រាង់​ខាន់​អៃ​មៃ​គៃ​មា​មោ​គែស​នាវ​ក្លាច​នាវ​រាវៃ យ៝រ​មា​ខាន់​អៃ​មៃ​គុ​នទ្រែល​ឞ្រាស​ក្រីស​យេឆូ ។
PHI 4:8 លាស​នទ្រី​អេ​ល៝រ​មា​លោច អើ​អ៝ស​នោ​តា​នាវ​ញឆីង អ៝ន់​ខាន់​អៃ​មៃ​គឹត​មឹន​មា​ម៝ស​នទើ​អី​នាវ​ងាន់ ម៝ស​នទើ​អី​នាវ​ឆ៝ង់ ម៝ស​នទើ​អី​ទី​មា​យើក ម៝ស​នទើ​អី​ក្ល៝ស ម៝ស​នទើ​អី​ទី​មា​រាម់​មអាក ម៝ស​នទើ​អី​លែៈ​តឹម​ទី​កែស ម៝ស​នទើ​អី​ទុត​អ្វែស ម៝ស​នទើ​អី​ទី​មា​រានេ​ហ៝ៈ។
PHI 4:9 ជេសរី​ម៝ស​នាវ​អី​ខាន់​អៃ​មៃ​លែៈ​ជេស​នតី លែៈ​ជេស​ឆ៝ៈ​ទើន លែៈ​ជេស​តាង់ នទ្រែល​មា​លែៈ​ជេស​ឆៃ​គ៝ប់​ជាន អ៝ន់​ខាន់​អៃ​មៃ​ហោម​ជាន​តឹង​កើត​អី​នៃ​ទោ។ លាស​ខាន់​អៃ​មៃ​ជាន​កើត​នៃ កោរាញ​ឞ្រាស​អី​តើម​នាវ​ដាប់​មពាន់​គុ​នទ្រែល​តា​ខាន់​អៃ​មៃ​រ៝។
PHI 4:10 អាបៃ​អ្យា​គ៝ប់​រាម់​មអាក​ហោ​ងាន់​លាស​អ្វែស​មា​កោរាញ​ឞ្រាស យ៝រ​មា​គឹត​ខាន់​អៃ​មៃ​លែៈ​មឹន​ងក្ល៝ន់​តៃ​មា​កើល​គ៝ប់​ទូ​តឹ​ជឹត។ លែៈ​ជ៝ៈ​ជេស​ខាន់​អៃ​មៃ​លែៈ​កើល​គ៝ប់។ ខាន់​អៃ​មៃ​លែៈ​មឹន​ងក្ល៝ន់​មា​គ៝ប់​នឹង យើន​មា​មោ​គែស​ត្រ៝ង​មា​កើល​គ៝ប់។
PHI 4:11 គ៝ប់​មោ​គែស​ពាស​ព៝ត់​ទឹង​គ៝ប់​ងើយ​កើត​នទ្រី នូយ្ស​នហ៝ម់​គ៝ប់​ដាប់​មពាន់​នឹង​មា​នទើ​អី​គ៝ប់​លែៈ​គែស ឞ៝ល​លាស​គែស​អ៝ក់​កាដោយ ពាស​ព៝ត់​កាដោយ។
PHI 4:12 គែស​ដ៝ង់​គ៝ប់​គែស​ដេៈ​ទើម គែស​ដ៝ង់​គ៝ប់​គែស​អ៝ក់​រាមែស។ គ៝ប់​លែៈ​នតុម​នតី​ជេស​អ៝ន់​គែស​នូយ្ស​នហ៝ម់​ដាប់​មពាន់​នឹង​មា​អាប់​នតីល​នាវ មា​ទឹង​លែៈ​នតីល​នទើ ឞ៝ល​លាស​ឆោង​ឆា​ហើម ឞ៝ល​លាស​ជី​ង៝ត ឞ៝ល​លាស​គែស​រាមែស ឞ៝ល​លាស​មោ​ត៝ង់។
PHI 4:13 ម៝ស​នទើ​គែស​មា​គ៝ប់​កាដោយ​មោ​ច្រាវ​អោស​គ៝ប់​ទើយ​ទាទេ យ៝រ​មា​ឞ្រាស​ក្រីស ​អ៝ន់​នហ៝ម់​ឆ្វាន​មា​គ៝ប់។
PHI 4:14 យើន​មា​ហោម​អ្វែស​ងាន់​ខាន់​អៃ​មៃ​កើល​គ៝ប់​តា​នាវ​ជេរ​ជ៝ត់​អ្យា។
PHI 4:15 អើ​អ៝ស​នោ​តា​នាវ​ញឆីង​គុ​តា​ប៝ន​ផីលីប ​ឞ្រី​មាឆេដោន  ខាន់​អៃ​មៃ​នើម​លែៈ​គឹត​ជេស​នោក​គ៝ប់​មហែ​មឞើស​ងក៝ច​នាវ​មហែ​មហាន​អ្វែស​អ៝ន់​មា​ខាន់​អៃ​មៃ​នើស ជេស​គ៝ប់​លែៈ​លោស​ឞើស​ឞ្រី​មាឆេដោន ​នើស ផូង​ញឆីង​តា​ប៝ន​អាបាៈ​អេង​មោ​អោស​គែស​កើល​គ៝ប់។ គែស​ខាន់​អៃ​មៃ​ទើម​កើល​គ៝ប់​មា​ព្រាក់​រៀល
PHI 4:16 នោក​គ៝ប់​ហោម​គុ​តា​ប៝ន​តេឆាលោនិក ​នើស ខាន់​អៃ​មៃ​លែៈ​កើល​ព្រាក់​រៀល​អ៝ន់​មា​គ៝ប់​ឞារ​ពែ​តឹ​ដ៝ង់។
PHI 4:17 មោ​ទី​អោស​គ៝ប់​អុច​គែស​នទើ​តាៈ​ឞើស​ខាន់​អៃ​មៃ យើន​មា​គ៝ប់​អុច​អ៝ន់​ខាន់​អៃ​មៃ​គែស​ឆ៝ៈ​ទើន​នាវ​ងខោម​តាៈ​ឞើស​កោរាញ​ឞ្រាស​លើ​មា​អ៝ក់ យ៝រ​មា​ខាន់​អៃ​មៃ​កើល​គ៝ប់។
PHI 4:18 គ៝ប់​លែៈ​ឆ៝ៈ​ទើន​នទើ​អ៝ក់​ងាន់​ឞើស​ខាន់​អៃ​មៃ គែស​អ៝ក់​រាមែស អាបៃ​អ្យា​គ៝ប់​គែស​អ៝ក់​ងាន់ យ៝រ​មា​លែៈ​គែស​ឆ៝ៈ​ទើន​ជេស​នទើ​ខាន់​អៃ​មៃ​ញជ្វាល់​តា​នោ​អេពាព្រោដីត ​អ៝ន់​មា​គ៝ប់​នើស។ នទើ​អី​នៃ​តឹម​ឞាន​មា​នទើ​ញហើរ​អី​អ៝ន់​កោរាញ​ឞ្រាស​រាម់​មអាក តឹម​ឞាន​មា​នទើ​ជាន​ឞ្រាស​អី​កោរាញ​ឞ្រាស​អុច​ឆ៝ៈ​ទើន​ងាន់ នទ្រែល​មា​ទី​នូយ្ស​នហ៝ម់​ពាង់​ដ៝ង់។
PHI 4:19 កោរាញ​ឞ្រាស​អី​គ៝ប់​យើក​មឞាស ពាង់​គែស​នាវ​ច្រេក​លើប ទ្រាប់​នទើ​ពាង់​មោ​ឞ្លាវ​លែៈ។ នទ្រី​ពាង់​អ៝ន់​ទឹង​លែៈ​នទើ​មា​ខាន់​អៃ​មៃ ម៝ស​នទើ​អី​ខាន់​អៃ​មៃ​អុច អី​ខាន់​អៃ​មៃ​មោ​ត៝ង់ យ៝រ​មា​ខាន់​អៃ​មៃ​គុ​នទ្រែល​ឞ្រាស​ក្រីស​យេឆូ ។
PHI 4:20 អ៝ន់​រានេ​កោរាញ​ឞ្រាស​អី​ឞឹ​ឞ៝ន់​អី​ហោម​បាបើ​នហ៝​រ៝។ អើ​អ៝ន់​គែស​កើត​នៃ​ងាន់​រ៝!
PHI 4:21 ទាន់​ឆើម​អោប​នាវ​អ្វែស​លាង់​ទឹង​លែៈ​ផូង​ញឆីង​អី​គុ​នទ្រែល​ឞ្រាស​ក្រីស​យេឆូ ។ អ៝ស​នោ​អី​គុ​នទ្រែល​គ៝ប់ ខាន់​ពាង់​អោប​នាវ​អ្វែស​លាង់​ខាន់​អៃ​មៃ​ដ៝ង់។
PHI 4:22 ទឹង​លែៈ​ផូង​ប៝ន​លាន​កោរាញ​ឞ្រាស​អី​គុ​តា​នតុក​អ្យា​អោប​អ្វែស​លាង់​ខាន់​អៃ​មៃ រាលាវ​ឞើស​នៃ​ជឹត​ផូង​ញឆីង​អី​គុ​ជាន​ការ​មា​កោរាញ​កាដាច់​ឆេឆារ  ខាន់​ពាង់​អោប​នាវ​អ្វែស​លាង់​ខាន់​អៃ​មៃ​ដ៝ង់។
PHI 4:23 ទាន់​នាវ​អ្វែស​កោរាញ​យេឆូ​ក្រីស ​គុ​តា​នូយ្ស​នហ៝ម់​ទឹង​លែៈ​ខាន់​អៃ​មៃ!៚
COL 1:1 ឆ៝ម់បុត​គ៝ប់​ពោល ​ញចីស គ៝ប់​កោរាញ​អ៝ស​ម៝ន​ឞ្រាស​ក្រីស​យេឆូ ​តាៈ​ឞើស​នាវ​អុច​កោរាញ​ឞ្រាស​នើម។ គ៝ប់​នទ្រែល​មា​តីមោថេ
COL 1:2 ទាន់​អោប​នាវ​អ្វែស​លាង់​ផូង​ប៝ន​លាន​កោរាញ​ឞ្រាស ផូង​អ៝ស​នោ​អី​ញឆីង​ន៝ប់​មា​ឞ្រាស​ក្រីស ​តា​ប៝ន​កោលោស ។ ទាន់​កោរាញ​ឞ្រាស​អី​ឞឹ​ឞ៝ន់ អ៝ន់​នាវ​អ្វែស អ៝ន់​នាវ​ដាប់​មពាន់​មា​ខាន់​អៃ​មៃ។
COL 1:3 ហេន​លាស​អ្វែស​មា​កោរាញ​ឞ្រាស​អី​ឞឹ​ឞ្រាស​យេឆូ​ក្រីស ​អី​កោរាញ​ឞ៝ន់​នើម​បាបើ​ងាន់ តា​អាប់​តឹ​ហេន​មឞើស​ឆើម​មា​ខាន់​អៃ​មៃ‌
COL 1:4 យ៝រ​លាស​ហេន​លែៈ​តាង់​ជេស​នាវ​ឞូ​ងក៝ច​ខាន់​អៃ​មៃ​ញឆីង​មា​ឞ្រាស​ក្រីស​យេឆូ  នទ្រែល​មា​នាវ​ខាន់​អៃ​មៃ​រ៝ង់​មា​ទឹង​លែៈ​ផូង​ប៝ន​លាន​កោរាញ​ឞ្រាស។
COL 1:5 នាវ​ញឆីង នាវ​រ៝ង់​អី​នៃ​តាៈ​ឞើស​នាវ​រានើម​ខាន់​អៃ​មៃ​គៃ​មា​ឆ៝ៈ​ទើន​នទើ​អី​កោរាញ​ឞ្រាស​លែៈ​នទ្រាប់​ជេស​តា​កាលើ​ត្រោក​នតុក​ពាង់​នើម​អ៝ន់​មា​ខាន់​អៃ​មៃ។ នាវ​រានើម​អី​នៃ​ខាន់​អៃ​មៃ​លែៈ​តាង់​ជេស​នោក​ឞូ​មឞើស​ងក៝ច​នាវ​ងាន់​អី​នាវ​មហែ​មហាន​អ្វែស​អ៝ន់​មា​ខាន់​អៃ​មៃ​នើស។
COL 1:6 លាម​នែស​នតូ​អ្យា​ឞូ​មឞើស​ងក៝ច​នាវ​មហែ​មហាន​អ្វែស​អី​នៃ។ ជេសរី​ឞូនុយ្ស​លើ​មា​អ៝ក់​ញឆីង​មា​ឞ្រាស​យេឆូ  នទ្រែល​មា​រាគ៝ល់​នាវ​រេស។ ខាន់​អៃ​មៃ​ញឆីង ខាន់​អៃ​មៃ​រាគ៝ល់​នាវ​រេស​ដ៝ង់​នតើម​ឞើស​នារ​ខាន់​អៃ​មៃ​តាង់​នាវ​អី​នៃ តាៈ​ឞើស​គឹត​វ៝ត់​នហេល​នានេៈ​នាវ​អ្វែស​កោរាញ​ឞ្រាស។
COL 1:7 នោ​អេពាព្រាស ​នតី​ទឹង​លែៈ​នាវ​អី​នៃ​អ៝ន់​មា​ខាន់​អៃ​មៃ​នើស។ ពាង់​ឞូនុយ្ស​ហេន​រ៝ង់ ពាង់​ជាន​ការ​នទ្រែល​ហេន ពាង់​ឞូនុយ្ស​ជាន​ការ​ឞ្រាស​ក្រីស ​រាប់​ជាប់​នឹង​អ៝ន់​មា​ខាន់​អៃ​មៃ។
COL 1:8 ជេសរី​ពាង់​លែៈ​មឞើស​ងក៝ច​ជេស​មា​ហេន​នាវ​ខាន់​អៃ​មៃ​តឹម​រ៝ង់​នទ្រាង់​ផូង​ញឆីង​ជេង​នាវ​រ៝ង់​អី​តាៈ​ឞើស​ឞ្រាស​ហ្វេង​អ្វែស​អ៝ន់។
COL 1:9 នទ្រី​ហេន​មោ​រាលូ​អោស​មឞើស​ឆើម​ទាន់​កោរាញ​ឞ្រាស​កើល​ខាន់​អៃ​មៃ នតើម​ឞើស​ហេន​តាង់​នាវ​ឞូ​ងក៝ច​នាវ​ខាន់​អៃ​មៃ​នៃ។ ហេន​ទាន់​កោរាញ​ឞ្រាស​អ៝ន់​ឞ្រាស​ហ្វេង​អ្វែស​កើល​ខាន់​អៃ​មៃ​គែស​នាវ​មឹន​គឹត​ឞ្លាវ​អាប់​នតីល គៃ​មា​ខាន់​អៃ​មៃ​គឹត​នាល់​នាវ​កោរាញ​ឞ្រាស​អុច​នហេល​នានេៈ​ងាន់។
COL 1:10 ហេន​ទាន់​កើត​នៃ​គៃ​មា​ខាន់​អៃ​មៃ​គុ​រេស​តឹម​ទី​ដាស​នាវ​កោរាញ​ឞ្រាស​អុច អ៝ន់​ពាង់​រាម់​មអាក​ទឹង​លែៈ​នទើ​ខាន់​អៃ​មៃ​ជាន។ ជេសរី​ខាន់​អៃ​មៃ​ជាន​នទើ​អ្វែស​អាប់​នតីល នទ្រែល​មា​គឹត​នាល់​កោរាញ​ឞ្រាស​លើ​មា​ហោ​លើ​មា​ហោ​ងាន់។
COL 1:11 ទាន់​ទឹង​លែៈ​នាវ​ទើយ​ទុត​ក្វ៝ង់​កោរាញ​ឞ្រាស​កើល​ខាន់​អៃ​មៃ គៃ​មា​ខាន់​អៃ​មៃ​គែស​នាវ​អ៝ត់​នូយ្ស​នឹង​តា​នាវ​ជេរ‌
COL 1:12 នអ៝ប់​មា​លាស​អ្វែស​កោរាញ​ឞ្រាស​អី​ឞឹ​ឞ៝ន់​មា​នាវ​រាម់​មអាក។ ពាង់​លែៈ​អ៝ន់​ខាន់​អៃ​មៃ​ឆ៝ៈ​ទើន​នទើ​អី​ពាង់​លែៈ​នទ្រាប់​មា​ផូង​ប៝ន​លាន​ពាង់​នើម​អី​គុ​តា​នាវ​អាង។
COL 1:13 ពាង់​លែៈ​រាក្លាយ្ស​ជេស​ឞ៝ន់​ឞើស​នតុក​ង៝​ឞើស​នាវ​ទើយ​ឆាតាង់ ​អី​កោរាញ​មពោល​ឞ្រាស​អ្យើស ជេសរី​លែវ​ឞ៝ន់​អ៝ន់​លាប់​តា​នាវ​ក៝ន​ពាង់​នើម​ម៝ត់​អ្វាញ់ ជេង​ក៝ន​អី​ពាង់​រ៝ង់។
COL 1:14 ក៝ន​ពាង់​នៃ​លែៈ​ច្វាយ​ជេស​ឞ៝ន់ យោៈ​នអាច​មោ​ហោម​អោស​កើប​នាវ​តីស​ឞ៝ន់​ជឹត។
COL 1:15 ឞ្រាស​ក្រីស ​តឹម​ឞាន​មា​កោរាញ​ឞ្រាស​ងាន់។ ឞូនុយ្ស​មោ​អោស​ឞ្លាវ​ឆៃ​កោរាញ​ឞ្រាស យើន​មា​លាស​ឞ៝ន់​គឹត​នាល់​នូយ្ស​នហ៝ម់ គឹត​នាល់​នាវ​ទើយ​ឞ្រាស​ក្រីស ​អី​ក៝ន​ពាង់ ឞ៝ន់​គឹត​នាល់​នូយ្ស​នហ៝ម់ គឹត​នាល់​នាវ​ទើយ​កោរាញ​ឞ្រាស​ដ៝ង់។ ឞ្រាស​ក្រីស ​ក្វ៝ង់​រាលាវ​មា​ទឹង​លែៈ​នទើ​អី​គែស​រាហាក់​ញជេង តឹម​ឞាន​មា​ក៝ន​ឞោក​ទាក​ក្វ៝ង់​រាលាវ​មា​អី​អ៝ស។
COL 1:16 តា​ឞ្រាស​ក្រីស ​គែស​រាហាក់​ញជេង​ទឹង​លែៈ​នទើ​តា​កាលើ​ត្រោក​នទើ​តា​នែស​នតូ ឞ៝ល​លាស​នទើ​អ្វាញ់​ឆៃ​នទើ​អ្វាញ់​មោ​ឆៃ ឞ៝ល​លាស​ហ្វេង​ឞ្រាស​អេងៗ គែស​នាវ​ទើយ​គែស​នាវ​ទាង់ គែស​នាវ​ក្វ៝ង់ គែស​នាវ​ម៝ត់​អ្វាញ់​កាដោយ។ កោរាញ​ឞ្រាស​អ៝ន់​ក៝ន​ពាង់​រាហាក់​ញជេង​ទឹង​លែៈ​នទើ គៃ​មា​ទឹង​លែៈ​នទើ​យើក​មា​ក៝ន​ពាង់​ទាទេ។
COL 1:17 ឞ្រាស​ក្រីស ​លែៈ​អើម​គែស​ដាស​លែៈ​រាងោច​នទើ​អេងៗ ជេសរី​ទឹង​លែៈ​រាងោច​នទើ​ហោម​គែស​យ៝រ​មា​ពាង់​អ៝ន់។
COL 1:18 ពាង់​កោរាញ​មា​ទឹង​លែៈ​ផូង​ញឆីង​មា​ពាង់ តឹម​ឞាន​មា​ឞោក​កោរាញ​មា​ឆាក់​ជាន់។ ពាង់​ជេង​តើម​នាវ​រេស​នហ៝​រ៝ ពាង់​អី​ទ៝ក់​រេស​ល៝រ​ឞូ​តា​ទឹង​លែៈ​ឞូនុយ្ស​ខឹត គៃ​មា​ពាង់​នើម​ជាន​កោរាញ​មា​ទឹង​លែៈ​រាងោច​នទើ។
COL 1:19 កោរាញ​ឞ្រាស​គុ​តា​ឞ្រាស​ក្រីស ​ងាន់​ងេន អ៝ន់​ជេង​ឞ្រាស​ក្រីស ​តឹម​ឞាន​មា​ពាង់​នើម​តា​អាប់​នតីល​នទើ ពាង់​អុច​ហោ​ងាន់​ជាន​កើត​នៃ។
COL 1:20 យ៝រ​មា​មហាម​ក៝ន​ពាង់​នើម​ហ៝ច​នោក​ខឹត​តា​ឆី​តឹម​រាកាង់​នើស ទឹង​កោរាញ​ឞ្រាស​អ៝ន់​គែស​នាវ​ដាប់​មពាន់​ពាង់​នើម​ដាស​ទឹង​លែៈ​រាងោច​នទើ ឞ៝ល​លាស​នទើ​តា​នែស​នតូ មោ​លាស​នទើ​តា​កាលើ​ត្រោក​តា​នតុក​ពាង់​នើម​គុ។
COL 1:21 ឞើស​នតើម​នើស​ខាន់​អៃ​មៃ​តឹម​ងខាស​គុ​ងាយ​ដាស​កោរាញ​ឞ្រាស ជេង​ឞូនុយ្ស​តឹម​រាទ៝ង់​មា​ពាង់​មា​នាវ​មឹន​អ្យើស នទ្រែល​មា​ជាន​នទើ​អ្យើស។
COL 1:22 យើន​មា​អាបៃ​អ្យា​ពាង់​លែៈ​អ៝ន់​នាវ​ដាប់​មពាន់​ជេស​មា​ខាន់​អៃ​មៃ​ដាស​ពាង់​នើម ខាន់​អៃ​មៃ​ទើយ​គុ​នទ្រែល​ដាស​ពាង់ យ៝រ​មា​ឆាក់​ជាន់​ក៝ន​ពាង់​លែៈ​ខឹត​ជេស​គៃ​មា​អ៝ន់​ខាន់​អៃ​មៃ​ជេង​ក្ល៝ស​អ្វែស។ ខាន់​អៃ​មៃ​មោ​ហោម​គែស​នាវ​មា​នទុយ្ស មោ​ហោម​គែស​ទូ​នតីល​នាវ​តីស​អោស​តា​នាប់​ពាង់។
COL 1:23 កោរាញ​ឞ្រាស​អ៝ន់​នាវ​ដាប់​មពាន់​អី​នៃ លាស​ខាន់​អៃ​មៃ​គុ​ញអោត​ន៝ប់​រាក៝ក់​នឹង​នាវ​ញឆីង មោ​អោស​ងក្លើយ​ឞើស​នាវ​រានើម​មា​នទើ​ពាង់​លែៈ​ត៝ន​តា​នាវ​មហែ​មហាន​អ្វែស។ នាវ​មហែ​មហាន​អ្វែស​អី​នៃ​ខាន់​អៃ​មៃ​លែៈ​តាង់​ជេស លែៈ​ឞូ​មឞើស​ងក៝ច​អ៝ន់​មា​ទឹង​លែៈ​ឞូនុយ្ស​លាម​នែស​នតូ។ ជេសរី​គ៝ប់​អ្យា​លែៈ​ជាន​ការ​មា​មឞើស​ងក៝ច​នាវ​មហែ​មហាន​អ្វែស​អី​នៃ​ដ៝ង់។
COL 1:24 អាបៃ​អ្យា​គ៝ប់​គែស​នាវ​រាម់​មអាក​ងាន់ យ៝រ​មា​គ៝ប់​ឆ៝ៈ​ទើន​នាវ​ឞូ​ជាន​ជេរ​ជ៝ត់ នាវ​ជេរ​ជ៝ត់​គ៝ប់​អ្យា​កើល​ខាន់​អៃ​មៃ។ នាវ​ជេរ​ជ៝ត់​គ៝ប់​អី​នៃ​កើល​ទឹង​លែៈ​ផូង​ញឆីង​មា​ពាង់។ នាវ​ជេរ​ជ៝ត់​តា​ឆាក់​ជាន់​គ៝ប់​អ្យា​ជេង​ទូ​នតីល​នាវ​ជេរ​ជ៝ត់​មា​ទឹង​លែៈ​នាវ​ជេរ​ជ៝ត់​អី​នៃ។ អ្យាត់​មា​ហោម​គែស​នាវ​ជេរ​ជ៝ត់​ឞ្រាស​ក្រីស ។ ជេស​រី ផូង​ញឆីង​ជេង​តឹម​ឞាន​មា​ឆាក់​ជាន់​ពាង់​នើម។
COL 1:25 គ៝ប់​អ្យា​ជេង​ឞូនុយ្ស​កើល​ជាន​ការ​អ៝ន់​មា​ទឹង​លែៈ​ផូង​ញឆីង គ៝ប់​ឆ៝ៈ​ទើន​នាវ​ជាន​ការ​អី​នៃ​តាៈ​ឞើស​កោរាញ​ឞ្រាស​ដាៈ នទ្រី​ពាង់​លែៈ​ដាៈ​គ៝ប់​មឞើស​ងក៝ច​ទឹង​លែៈ​នាវ​ពាង់​អ៝ន់​មា​ខាន់​អៃ​មៃ​ដ៝ង់។
COL 1:26 នាវ​ពាង់​អី​នៃ​អា​ល៝រ​នើស​នទ៝ប់​មពោន​តឹម​អាប់​រានោក​ងាន់ យើន​មា​អាបៃ​អ្យា​ពាង់​លែៈ​ញហើ​ជេស​អ៝ន់​មា​ផូង​ប៝ន​លាន​ពាង់​នើម​គឹត​នាល់​គឹត​ឆៃ។
COL 1:27 កោរាញ​ឞ្រាស​លែៈ​អុច​ផូង​ប៝ន​លាន​ពាង់​នើម​គឹត​វ៝ត់​នាវ​ឞ្រាស​ក្រីស ​មោ​អោស​ទើន​គែស​នាវ​ខ្លៃ​មា​ផូង​អីឆ្រាអែល ​ទើម យើន​មា​គែស​នាវ​ខ្លៃ​មា​ផូង​អី​មោ​ទី​ផូង​អីឆ្រាអែល ​ដ៝ង់។ នាវ​ឞ្រាស​ក្រីស ​អី​នៃ​គែស​នាវ​ច្រេក​លើប​ទុត​ក្វ៝ង់។ ជេសរី​ម៝ស​នាវ​នទ៝ប់​មពោន​អី​នៃ? ជេង​ឞ្រាស​ក្រីស ​គុ​នទ្រែល​តា​ខាន់​អៃ​មៃ។ នទ្រី​ខាន់​អៃ​មៃ​លែៈ​គឹត​នហេល​នានេៈ​ជេស ខាន់​អៃ​មៃ​គែស​នាវ​ច្រេក​លើប​នទ្រែល​ឞ្រាស​ក្រីស ​ដ៝ង់។
COL 1:28 ហេន​មឞើស​ងក៝ច​នាវ​ឞ្រាស​ក្រីស ​អ៝ន់​មា​ទឹង​លែៈ​ឞូនុយ្ស ដាៈ​ញជ្រាង់​ឆាក់ នទ្រែល​មា​នតុម​នតី​មា​លែៈ​នាវ​មឹន​គឹត​ឞ្លាវ​អី​ហេន​គែស គៃ​មា​ទឹង​លែៈ​ផូង​ញឆីង​មោ​ហោម​ជេង​តឹម​ឞាន​មា​ក៝ន​ឆែ​តា​នាវ​គុ​នទ្រែល​ឞ្រាស​ក្រីស ។
COL 1:29 គ៝ប់​ជាន​ការ​តា​នាវ​មឞើស​ងក៝ច​នាវ​អី​នៃ​ញឆ្រោយ្ស​ហោ​ងាន់ ឞ៝ល​លាស​គែស​នាវ​ជេរ​កាដោយ។ គ៝ប់​ជាន​តាៈ​ឞើស​នាវ​ទើយ​ក្វ៝ង់​ឞ្រាស​ក្រីស ​អ៝ន់​មា​គ៝ប់។
COL 2:1 គ៝ប់​អុច​អ៝ន់​ខាន់​អៃ​មៃ​គឹត​នាវ​អី​គ៝ប់​ញឆ្រោយ្ស​ជាន​ការ​គែស​នាវ​ជេរ​កាដោយ។ គ៝ប់​ជាន​ការ​អ៝ន់​មា​ខាន់​អៃ​មៃ អ៝ន់​មា​ផូង​អី​គុ​តា​ប៝ន​លាវដីឆេ  នទ្រែល​មា​ទឹង​លែៈ​ឞូនុយ្ស​អី​មោ​វៃ​ម៝ប់​គ៝ប់​ដ៝ង់។
COL 2:2 គ៝ប់​អុច​ទឹង​លែៈ​ខាន់​អៃ​មៃ​គែស​នាវ​នហាវ​នូយ្ស​នហ៝ម់ គែស​គុ​ទូ​នតោរ​នាវ​តា​នាវ​រ៝ង់​នទ្រាង់​ខាន់​អៃ​មៃ​នើម គៃ​មា​ខាន់​អៃ​មៃ​គឹត​វ៝ត់​នហេល​នានេៈ​ទុត​ជ្រូ​នាវ​កោរាញ​ឞ្រាស​អី​នទ៝ប់​មពោន​អា​ល៝រ​នើស ជេង​នាវ​ឞ្រាស​ក្រីស ។
COL 2:3 នាវ​ឞ្រាស​ក្រីស ​អី​នៃ​គែស​នាវ​ខ្លៃ យ៝រ​លាស​ទឹង​លែៈ​នាវ​មឹន​គឹត​ឞ្លាវ​ទុត​ខ្លៃ​មពោន​តា​ឞ្រាស​ក្រីស ​នៃ​ទាទេ។
COL 2:4 គ៝ប់​ងើយ​កើត​នៃ គៃ​មា​លើយ​អោស​អ៝ន់​ឞូ​មរោស​ខាន់​អៃ​មៃ​យ៝រ​មា​នាវ​ឞូ​ងើយ​ឞ្លាវ​អ្វែស​រាស​រើច។
COL 2:5 ឞ៝ល​លាស​ឆាក់​គ៝ប់​គុ​ងាយ​ឞើស​ខាន់​អៃ​មៃ​កាដោយ យើន​មា​នូយ្ស​នហ៝ម់​គ៝ប់​ហោម​គុ​នទ្រែល​ខាន់​អៃ​មៃ ជេសរី​គ៝ប់​រាម់​មអាក​ងាន់​តាង់​ខាន់​អៃ​មៃ​គុ​រេស​អ្វែស នទ្រែល​មា​គែស​នាវ​ញឆីង​ន៝ប់​តា​ឞ្រាស​ក្រីស ​កើត​នៃ។
COL 2:6 យ៝រ​លាស​ខាន់​អៃ​មៃ​លែៈ​ឆ៝ៈ​ទើន​ឞ្រាស​យេឆូ​ក្រីស ​ជេង​កោរាញ​ខាន់​អៃ​មៃ​នើម លាស​នទ្រី​អ៝ន់​ខាន់​អៃ​មៃ​ហោម​គុ​រេស​តឹម​រាង្លាប់​ដាស​ពាង់​កើត​នៃ​ជឹត​ទោ។
COL 2:7 អ៝ន់​នាវ​ញឆីង​ខាន់​អៃ​មៃ​មា​ពាង់​អ៝ន់​ន៝ប់​តឹម​ឞាន​មា​តើម​ឆី​អី​ហ៝ន​រែស​ជ្រូ​ងាន់ មោ​លាស​តឹម​ឞាន​មា​ជៃ​អី​ឞូ​ជាន​ទុត​ន៝ប់​ងាន់។ លាស​នទ្រី​នាវ​ញឆីង​ខាន់​អៃ​មៃ​ន៝ប់​តឹង​នាវ​ឞូ​លែៈ​នតុម​នតី​ខាន់​អៃ​មៃ​នើស។ ជេសរី​អ៝ន់​ខាន់​អៃ​មៃ​លាស​អ្វែស​មា​កោរាញ​ឞ្រាស​លើ​មា​ហោ។
COL 2:8 ខាន់​អៃ​មៃ​ញជ្រាង់​លើយ​អ៝ន់​ឞូ​មរោស​រាលាម់​ខាន់​អៃ​មៃ​យ៝រ​មា​ឞូ​ទ៝ង់​មា​នាវ​នតុម​នតី​ទុត​ឞ្លាវ មោ​លាស​មា​នាវ​មឞើស​ងើយ​មរោស​រាលាម់​អី​មោ​គែស​នាវ​ខ្លៃ ជេង​នាវ​នតី​ឞូនុយ្ស​ដើន​តាៈ​ឞើស​កាល់​អែ​ទើម ជេង​នាវ​នតី​មពែស​មា​នាវ​ឞ្រាស​អេងៗ​នែស​នតូ មោ​អោស​តឹង​មពែស​មា​ឞ្រាស​ក្រីស ។
COL 2:9 ទឹង​លែៈ​នទើ​កោរាញ​ឞ្រាស​គែស គែស​តា​ឞ្រាស​ក្រីស ​ដ៝ង់ ឞ៝ល​លាស​ពាង់​ជេង​ឆាក់​ជាន់​ឞូនុយ្ស។
COL 2:10 ល៝ង់​អី​ខាន់​អៃ​មៃ​នៃ ទឹង​លែៈ​នទើ​ឞ្រាស​ក្រីស ​គែស ខាន់​អៃ​មៃ​លែៈ​គែស​ដ៝ង់ យ៝រ​មា​ខាន់​អៃ​មៃ​គុ​នទ្រែល​ពាង់។ ពាង់​អី​គែស​នាវ​ទើយ​មា​ទឹង​លែៈ​ឞ្រាស​អ្យើស​អី​ជាន​កោរាញ​ម៝ត់​អ្វាញ់ មា​ទឹង​លែៈ​ឞ្រាស​អ្យើស​អី​គែស​នាវ​ទើយ។
COL 2:11 ផូង​អីឆ្រាអែល ​គែស​ក៝ស​នតោ​តា​ឆាក់​ជាន់​គៃ​មា​ជេង​ប៝ន​លាន​កោរាញ​ឞ្រាស។ ល៝ង់​អី​ខាន់​អៃ​មៃ​នៃ​លែៈ​ជេង​ប៝ន​លាន​កោរាញ​ឞ្រាស​ដ៝ង់ មោ​អោស​តី​ឞូនុយ្ស​ជាន យើន​មា​គែស​ឞ្រាស​ក្រីស ​លែៈ​ឆ៝ៈ​លើយ​នូយ្ស​នហ៝ម់​អ្យើស​ខាន់​អៃ​មៃ។ ខាន់​អៃ​មៃ​ជេង​ប៝ន​លាន​កោរាញ​ឞ្រាស​នើម​ងាន់ យ៝រ​មា​ខាន់​អៃ​មៃ​លែៈ​គុ​នទ្រែល​ពាង់ នទ្រី​ទឹង​ពាង់​ជាន​តឹម​ឞាន​មា​ក៝ស​នតោ​តា​នូយ្ស​នហ៝ម់​ខាន់​អៃ​មៃ។
COL 2:12 នោក​ខាន់​អៃ​មៃ​ទើន​នាវ​បាប់តែម​យុក​មា​ទាក​នើស ខាន់​អៃ​មៃ​ជេង​តឹម​ឞាន​មា​លែៈ​ខឹត​តា​ទាក​ត៝ប់​នទ្រែល​ឞ្រាស​ក្រីស  ជេសរី​កោរាញ​ឞ្រាស​អ៝ន់​ខាន់​អៃ​មៃ​ទ៝ក់​រេស​នទ្រែល​ពាង់​ដ៝ង់ យ៝រ​លាស​ខាន់​អៃ​មៃ​ញឆីង​មា​នាវ​ទើយ​កោរាញ​ឞ្រាស​អី​អ៝ន់​ឞ្រាស​ក្រីស ​ទ៝ក់​រេស។
COL 2:13 ឞើស​នតើម​នើស​ខាន់​អៃ​មៃ​តឹម​ឞាន​មា​លែៈ​ខឹត​ជេស​យ៝រ​មា​នាវ​តីស​ខាន់​អៃ​មៃ នទ្រែល​មា​ខាន់​អៃ​មៃ​មោ​គែស​ឆ៝ៈ​ទើន​នាវ​ក៝ស​នតោ​តា​នូយ្ស​នហ៝ម់​អី​នៃ យើន​មា​កោរាញ​ឞ្រាស​អ៝ន់​ខាន់​អៃ​មៃ​គែស​នាវ​រេស​នទ្រែល​ឞ្រាស​ក្រីស ។ ពាង់​យោៈ​ឞ៝ន់​មោ​ហោម​កើប​ទឹង​លែៈ​នាវ​តីស​ឞ៝ន់។
COL 2:14 ឆ៝ម់បុត​នតោន​ឞ៝ន់​អី​គែស​ញចីស​ទឹង​លែៈ​នាវ​តីស​ឞ៝ន់ ពាង់​លែៈ​ជូត​លើយ យ៝រ​មា​នាវ​ឞ្រាស​យេឆូ ​ខឹត​តា​ឆី​តឹម​រាកាង់។ នាវ​អី​នៃ​តឹម​ឞាន​មា​ឆ៝ៈ​លើយ​ឆ៝ម់បុត​អី​នៃ​ព៝ង់​តា​ឆី​តឹម​រាកាង់។
COL 2:15 ពាង់​លែៈ​ឆ៝ៈ​លើយ​អី​នាវ​ទើយ​ឞើស​ឞ្រាស​អ្យើស​អី​ជាន​កោរាញ​ម៝ត់​អ្វាញ់ ឞើស​ឞ្រាស​អ្យើស​អី​គែស​នាវ​ទើយ ពាង់​លែៈ​ជាន​អ៝ន់​ខាន់​ពាង់​ដីត​ព្រេង​ឆាក់​ខាន់​ពាង់​នើម​តា​ឞើស​នាប់​ផូង​អ៝ក់ ទើយ​ពាង់​ងាន់​ដាស​ខាន់​ពាង់ តាៈ​ឞើស​ឞ្រាស​ក្រីស ​ខឹត​តា​ឆី​តឹម​រាកាង់។
COL 2:16 លាស​នទ្រី​លើយ​អោស​អ្យាត់​លាស​ឞូ​ជឺច​ខាន់​អៃ​មៃ​មា​នទើ​ឆោង​ឆា មា​នទើ​ញេត មោ​លាស​មា​នាវ​ញេត​បុន​អេងៗ នាវ​លាប់​ខៃ នាវ​នារ​ឆាបាត់ ​អី​នារ​រាលូ​ផូង​អីឆ្រាអែល ។
COL 2:17 ទឹង​លែៈ​នទើ​អី​នៃ​តឹម​ឞាន​មា​គូយ​អី​ឞូ​អ្វាញ់​មោ​អោស​ឆៃ​នទើ​ងាន់ យើន​មា​នទើ​ងាន់​គែស​តា​នារ​ជឹត​នាប់​តៃ គែស​តា​ឞ្រាស​ក្រីស ​ទើម។
COL 2:18 លើយ​អោស​អ្យាត់​ឞូនុយ្ស​អី​លាស​ខាន់​អៃ​មៃ​មោ​ទី​មា​ឆ៝ៈ​នទើន​នទើ​ងខោម​ឞើស​កោរាញ​ឞ្រាស ឞូនុយ្ស​អី​នៃ​ដាៈ​ឞូ​ជាន​ឆាក់​ទេស​រាហេត​ងាន់ នអ៝ប់​មា​ដាៈ​ឞូ​យើក​មឞាស​មា​តោង​ពារ់​ដ៝ង់។ ឞូនុយ្ស​កើត​នៃ​ងើយ​អ៝ក់​មា​នទើ​តឹម​ឆៃ​ខាន់​ពាង់​នើម ខាន់​ពាង់​នហី​អេង​ឆាក់​ខាន់​ពាង់​នើម​មា​នទើ​មោ​គែស​នាវ​ខ្លៃ នាវ​មឹន​ខាន់​ពាង់​មពែស​មា​នែស​នតូ​ទើម​[មោ​អោស​មឹន​មពែស​មា​ឞ្រាស​ហ្វេង​អ្វែស]។
COL 2:19 ខាន់​ពាង់​អី​នៃ​មោ​អោស​គុ​នទ្រែល​ឞ្រាស​ក្រីស ​អី​តឹម​ឞាន​មា​ឞោក​មា​ផូង​ញឆីង ឞោក​អី​នៃ​អី​ម៝ត់​ទូ​មល៝ម់​ឆាក់​អ៝ន់​គែស​នហ៝ម់​ឆ្វាន​នតីង​នអាង់​ឞ្រាត់​ឆ្វាន​ទឹង​លែៈ​លើ​មា​ក្វ៝ង់​តឹង​មា​កោរាញ​ឞ្រាស​នើម​អ៝ន់។
COL 2:20 លាស​ខាន់​អៃ​មៃ​តឹម​ឞាន​មា​លែៈ​ខឹត​នទ្រែល​ឞ្រាស​ក្រីស  ជេសរី​លែៈ​ក្លាយ្ស​ជេស​ឞើស​នាវ​ទើយ​នាវ​ឞ្រាស​នែស​នតូ លាស​នទ្រី​មើម​ទឹង​ខាន់​អៃ​មៃ​ហោម​គុ​រេស​តឹង​នាវ​វៃ​ឞូនុយ្ស​អី​មោ​ញឆីង​មា​ឞ្រាស​ក្រីស ?
COL 2:21 កើត​លាស៖ «លើយ​ពាស! លើយ​ញេត​ឆា! លើយ​គ៝ៈ​អោស!»
COL 2:22 ទឹង​លែៈ​នាវ​ឞ្វៃ​អី​នៃ​គែស​នាវ​ខ្លៃ​មា​នទើ​អី​រ៝ស​ទើម​លាស​ទ៝ង់ ជេង​នាវ​នតុម​នតី​ឞូនុយ្ស​ទើម។
COL 2:23 ទឹង​លែៈ​នាវ​ឞ្វៃ​អី​នៃ​អ្វាញ់​តឹម​ឞាន​មា​គែស​នាវ​មឹន​គឹត​ឞ្លាវ​ងាន់ យ៝រ​មា​នាវ​យើក​មឞាស​ទុត​ហោ ជាន​នូយ្ស​នហ៝ម់​ទេស​រាហេត នទ្រែល​មា​ជាន​ជេរ​មា​ឆាក់​នើម។ យើន​មា​ទឹង​លែៈ​នាវ​អី​នៃ​មោ​អោស​គែស​នាវ​ខ្លៃ​គៃ​មា​ទុប​នាវ​កើញ​អ្យើស​តា​នូយ្ស​នហ៝ម់។
COL 3:1 លាស​នទ្រី យ៝រ​លាស​ខាន់​អៃ​មៃ​តឹម​ឞាន​មា​លែៈ​ទ៝ក់​រេស​នទ្រែល​ឞ្រាស​ក្រីស  អ៝ន់​ខាន់​អៃ​មៃ​ជ៝យ​ហ៝ម់​នទើ​អី​គែស​នាវ​ខ្លៃ​តា​នតុក​កោរាញ​ឞ្រាស​នើម ជេង​នតុក​អី​ឞ្រាស​ក្រីស ​គុ​មពែស​ឞើស​មា​តី​ពាង់​នើម​តា​នតុក​ឞូ​យើក​រាលាវ​ឞូ។
COL 3:2 អ៝ន់​មឹន​មា​នទើ​គែស​នាវ​ខ្លៃ​តា​នតុក​កោរាញ​ឞ្រាស​នើម​ហ៝ៈ លើយ​មឹន​អោស​នទើ​តា​នែស​នតូ​អ្យា‌
COL 3:3 យ៝រ​លាស​ខាន់​អៃ​មៃ​តឹម​ឞាន​មា​លែៈ​ខឹត​ជេស ជេសរី​អាបៃ​អ្យា​ខាន់​អៃ​មៃ​លែៈ​គែស​ជេស​នាវ​រេស​មហែ​អី​នៃ ឞ៝ល​លាស​អេ​ហ៝ៈ​ឆៃ​កាដោយ។
COL 3:4 ឞ្រាស​ក្រីស ​អ៝ន់​ខាន់​អៃ​មៃ​គែស​នាវ​រេស​មហែ​អី​នៃ ត៝ត់​នារ​ពាង់​ញឆោស​ឆាក់​អ៝ន់​មា​ទឹង​លែៈ​ឞូនុយ្ស​ឆៃ​នាវ​ច្រេក​លើប​ពាង់ តា​នារ​អី​នៃ​ដ៝ង់​កោរាញ​ឞ្រាស​អ៝ន់​ខាន់​អៃ​មៃ​គុ​នទ្រែល​ពាង់​តា​នាវ​ច្រេក​លើប​អី​នៃ។
COL 3:5 លាស​នទ្រី​អ៝ន់​ខាន់​អៃ​មៃ​ងខឹត​លើយ​ហ៝ម់​ទឹង​លែៈ​នទើ​អ្យើស​តា​នូយ្ស​នហ៝ម់។ ជេង​នាវ​តឹម​ទ៝ង់ នាវ​កើញ​ហោ​អីរ នាវ​កើញ​មា​នាវ​ខើស​ក្លែរ នាវ​កើញ​មា​នទើ​អ្យើស នទ្រែល​មា​នូយ្ស​នហ៝ម់​រាវាន​កើញ​គែស​មា​ទ្រាប់​នទើ។ នាវ​រាវាន​កើញ​គែស​មា​ទ្រាប់​នទើ​អី​នៃ​ជេង​តឹម​ឞាន​មា​យើក​មឞាស​ឞ្រាស​អេង។
COL 3:6 យ៝រ​មា​ខាន់​ពាង់​ជាន​ទឹង​លែៈ​នទើ​អី​នៃ ទឹង​កោរាញ​ឞ្រាស​មរា​តេៈ​ទោយ្ស​តា​នារ​ជឹត​នាប់​តៃ​មា​ផូង​ឞូនុយ្ស​អី​មោ​អ្យាត់​ពាង់។
COL 3:7 ឞើស​នតើម​នើស​ខាន់​អៃ​មៃ​លែៈ​វៃ​ជាន​ទឹង​លែៈ​នទើ​អី​នៃ​ដ៝ង់ អេ​ល៝រ​មា​ខាន់​អៃ​មៃ​ឆឹត​ញឆីង​មា​ឞ្រាស​យេឆូ ។
COL 3:8 យើន​មា​អាបៃ​អ្យា​អ្យាត់​មា​ខាន់​អៃ​មៃ​មអារ់​លើយ​ហ៝ម់​ទឹង​លែៈ​នទើ​អ្យា នាវ​ជី​នូយ្ស នាវ​ទោស​នូយ្ស នាវ​នូយ្ស​នហ៝ម់​អ្យើស នាវ​ងើយ​ញចើត​ឞូ នទ្រែល​មា​នាវ​មឞើស​ងើយ​ឞីរ​លោស​ឞើស​ឞ៝រ់​មឞូង​ខាន់​អៃ​មៃ​នៃ។
COL 3:9 លើយ​អោស​តឹម​មរោស​ឞាល់ យ៝រ​មា​ខាន់​អៃ​មៃ​លែៈ​មអារ់​លើយ​នូយ្ស​នហ៝ម់​អើម​អី​អុច​ជាន​អ្យើស។
COL 3:10 ខាន់​អៃ​មៃ​លែៈ​គែស​នូយ្ស​នហ៝ម់​មហែ​អី​លើ​មា​មហែ យ៝រ​មា​ខាន់​អៃ​មៃ​លើ​មា​ហោ​គឹត​នាល់​នើម​រាហាក់​ញជេង​ខាន់​អៃ​មៃ។ ខាន់​អៃ​មៃ​លើ​មា​ជេង​តឹម​ឞាន​មា​ពាង់។ នទើ​អី​នៃ​តឹម​ឞាន​មា​ទ្រ៝ស​លើយ​ខ៝​អាវ​អើម ញឆ៝ស​ខ៝​អាវ​មហែ។
COL 3:11 មោ​ហោម​គែស​អោស​ផូង​អី​មោ​ទី​ផូង​អីឆ្រាអែល  មោ​លាស​ផូង​អីឆ្រាអែល ​ដ៝ង់ ផូង​អី​លែៈ​ក៝ស​នតោ មោ​លាស​ផូង​អី​មោ​ក៝ស​នតោ​ដ៝ង់ ផូង​ឞូនុយ្ស​ឞ្រី មោ​លាស​ផូង​ឞូ​នាច់​អេង​ដ៝ង់ ផូង​ទឹក​ឞូ មោ​លាស​ផូង​ក៝ន​មែ​ដ៝ង់ យ៝រ​លាស​ឞ្រាស​ក្រីស ​ទើម​គែស​នាវ​ខ្លៃ ពាង់​គុ​នទ្រែល​ទឹង​លែៈ​ឞ៝ន់។
COL 3:12 កោរាញ​ឞ្រាស​លែៈ​កើយ្ស​ជេស​ខាន់​អៃ​មៃ​ជេង​ផូង​ប៝ន​លាន​ពាង់​នើម នទ្រែល​មា​ពាង់​រ៝ង់​ខាន់​អៃ​មៃ។ លាស​នទ្រី​អ៝ន់​ខាន់​អៃ​មៃ​គែស​នូយ្ស​នហ៝ម់​យោៈ​នអាច នូយ្ស​នហ៝ម់​អ្វែស នូយ្ស​នហ៝ម់​ទេស​រាហេត នាវ​ឞ្លាវ​ញជុរ​អេង​ឆាក់ នអ៝ប់​មា​នាវ​អ៝ត់​នូយ្ស។
COL 3:13 អ៝ន់​ញឆ្រោយ្ស​គុ​នទ្រែល​ឞាល់ ឞ៝ល​លាស​គែស​នាវ​ឞូ​មោ​លាង់​ជាន​អ្វែស​កាដោយ។ លាស​គែស​ទូ​ហ្វេ​ឞូនុយ្ស​នទុយ្ស​ឞូនុយ្ស​អា​អេង​ជាន​អ្យើស អ៝ន់​តឹម​យោៈ លើយ​ហោម​តឹម​ក្លាប់​នទាង់។ ឞ្រាស​យេឆូ ​លែៈ​យោៈ​ជេស​ខាន់​អៃ​មៃ មោ​ហោម​ក្លាប់​នទាង់ លាស​នទ្រី​អ៝ន់​ខាន់​អៃ​មៃ​ជាន​តឹង​កើត​ពាង់​ដ៝ង់។
COL 3:14 រាលាវ​ឞើស​នៃ​ជឹត អ៝ន់​ខាន់​អៃ​មៃ​គែស​នូយ្ស​នហ៝ម់​រ៝ង់​ទឹង​លែៈ​ឞូនុយ្ស យ៝រ​លាស​នាវ​រ៝ង់​ជាន​អ៝ន់​តឹម​គុ​នទ្រែល​ទុត​អ្វែស​ងាន់ អ៝ន់​គែស​នូយ្ស​នហ៝ម់​នាវ​មឹន​ទូ​នតោរ​នាវ។
COL 3:15 អ៝ន់​នាវ​ដាប់​មពាន់​ឞ្រាស​ក្រីស ​ជេង​កោរាញ​តា​នូយ្ស​នហ៝ម់​ខាន់​អៃ​មៃ គៃ​មា​គុ​តា​នាវ​ដាប់​មពាន់​នទ្រាង់​ផូង​ញឆីង។ ជាន​កើត​នៃ​យ៝រ​លាស​លែៈ​កោរាញ​ឞ្រាស​ក្វាល់​ជេស​ខាន់​អៃ​មៃ​នើស​ជេង​ទូ​មពោល​តឹម​ឞាន​មា​ទូ​ឆាក់​ជាន់​ទើម។ ជេសរី​អ៝ន់​លាស​អ្វែស​មា​កោរាញ​ឞ្រាស​នឹង។
COL 3:16 អ៝ន់​នាវ​នតុម​នតី​ឞ្រាស​ក្រីស ​ជេង​កោរាញ​មា​ទឹង​លែៈ​នទើ​ខាន់​អៃ​មៃ​គឹត ខាន់​អៃ​មៃ​ជាន។ ជេសរី​តឹម​នតុម​នតី តឹម​ងកាស​នទ្រាង់​នើម​មា​នាវ​គឹត​ឞ្លាវ​អាប់​នតីល។ អ៝ន់​មព្រើ​គែស​នូយ្ស​នហ៝ម់​លាស​អ្វែស​មា​កោរាញ​ឞ្រាស មា​នាវ​មព្រើ​អើម មា​នាវ​មព្រើ​រានេ​មា​កោរាញ​ឞ្រាស នទ្រែល​មា​នាវ​មព្រើ​តាៈ​ឞើស​ឞ្រាស​ហ្វេង​អ្វែស។
COL 3:17 ទឹង​លែៈ​នទើ​ខាន់​អៃ​មៃ​ជាន ឞ៝ល​លាស​នាវ​មឞើស​ងើយ មោ​លាស​នាវ​អា​អេង​កាដោយ អ្យាត់​មា​ជាន​តឹង​នាវ​អុច​កោរាញ​យេឆូ ​ទាទេ នអ៝ប់​មា​លាស​អ្វែស​កោរាញ​ឞ្រាស​ឞឹ​ឞ៝ន់ យ៝រ​មា​ខាន់​អៃ​មៃ​តឹម​រាង្លាប់​មា​កោរាញ​យេឆូ ។
COL 3:18 អើ​រោស​មែ​អី​លែៈ​គែស​ឆាយ អ៝ន់​អ្យាត់​ឆាយ​ខាន់​អៃ​នើម យ៝រ​លាស​នាវ​អី​នៃ​ជេង​ទី​មា​ផូង​ញឆីង​មា​កោរាញ​យេឆូ ។
COL 3:19 អើ​កោញ​វា​អី​លែៈ​គែស​អូរ រ៝ង់​ហ៝ម់​ដាស​អូរ​ខាន់​មៃ​នើម លើយ​អោស​ជាន​អ្យើស​មា​ពាង់។
COL 3:20 អើ​ផូង​ក៝ន​ឆែ អ៝ន់​អ្យាត់​ហ៝ម់​នាវ​មេៈ​ឞឹ​មា​ទឹង​លែៈ​នទើ​ជាន យ៝រ​លាស​ជាន​កើត​នៃ​ទី​នូយ្ស​នហ៝ម់​កោរាញ​ឞ្រាស​ងាន់។
COL 3:21 អើ​ផូង​អី​លែៈ​ជេង​ឞឹ លើយ​អោស​គ៝ៈ​ល៝ក់​ក៝ន​ខាន់​មៃ ក្លាច​លាស​ខាន់​ពាង់​រាអ្យា​នូយ្ស​នហ៝ម់។
COL 3:22 អើ​ខាន់​អៃ​មៃ​អី​ជេង​ទឹក​ឞូ អ្យាត់​ហ៝ម់​កោរាញ​ខាន់​អៃ​មៃ​នើម​តា​នែស​នតូ​អ្យា​មា​ទឹង​លែៈ​នទើ​អី​ខាន់​អៃ​មៃ​ជាន។ មោ​អោស​ទី​ជាន​កើត​នៃ​នោក​កោរាញ​ឆៃ​គៃ​មា​អ៝ន់​ពាង់​រានេ​ទើម អ៝ន់​ខាន់​អៃ​មៃ​ជាន​មា​លែៈ​នូយ្ស​នហ៝ម់ យ៝រ​លាស​ខាន់​អៃ​មៃ​ក្លាច​យើក​មា​កោរាញ​យេឆូ ។
COL 3:23 ទឹង​លែៈ​នទើ​អី​ខាន់​អៃ​មៃ​ជាន អ៝ន់​ខាន់​អៃ​មៃ​ជាន​ហ៝ម់​មា​លែៈ​នូយ្ស​នហ៝ម់ តឹម​ឞាន​មា​ជាន​អ៝ន់​មា​កោរាញ​យេឆូ  មោ​ទី​អោស​ជាន​អ៝ន់​មា​ឞូនុយ្ស​ទើម។
COL 3:24 យ៝រ​លាស​ខាន់​អៃ​មៃ​លែៈ​គឹត​ជេស​គែស​នាវ​ងខោម​តាៈ​ឞើស​កោរាញ​យេឆូ  នទ្រី​ខាន់​អៃ​មៃ​មោ​ទី​អោស​ឆើម​កើល​ជាន​ការ​មា​ឞូនុយ្ស យើន​មា​ឆើម​កើល​ជាន​ការ​មា​ឞ្រាស​ក្រីស ​កោរាញ​ឞ៝ន់។
COL 3:25 ឞូ​ម៝ស​ជាន​តីស កោរាញ​ឞ្រាស​មរា​ព្លើង​មា​នទើ​តីស​ពាង់​ជាន កោរាញ​ឞ្រាស​មោ​អោស​កើយ្ស​ឞូនុយ្ស។
COL 4:1 អើ​ផូង​អី​ជាន​កោរាញ​ឞូ អ៝ន់​ខាន់​អៃ​មៃ​ជាន​មា​ទឹក​ខាន់​អៃ​មៃ​នើម​មា​នាវ​ឆ៝ង់ មា​នាវ​តឹម​ទី​មា​នទើ​ខាន់​ពាង់​ជាន យ៝រ​លាស​ខាន់​អៃ​មៃ​លែៈ​គឹត​ជេស ខាន់​អៃ​មៃ​នើម នទ្រែល​មា​ទឹក​ខាន់​អៃ​មៃ​លែៈ​គែស​ទូ​ហ្វេ​កោរាញ​ទើម​អី​គុ​តា​កាលើ​ត្រោក។
COL 4:2 អើ​ផូង​ញឆីង​តា​ប៝ន​កោលោស  អ៝ន់​ខាន់​អៃ​មៃ​ញឆ្រោយ្ស​មា​នាវ​មឞើស​ឆើម​នឹង អ៝ន់​មឞើស​ឆើម​មា​លែៈ​នូយ្ស​នហ៝ម់ នអ៝ប់​មា​លាស​អ្វែស​កោរាញ​ឞ្រាស។
COL 4:3 ទាន់​កើល​មឞើស​ឆើម​អ៝ន់​ហេន​បាៈ គៃ​មា​កោរាញ​ឞ្រាស​ពើក​ត្រ៝ង​អ៝ន់​ហេន​មឞើស​ងក៝ច​នាវ​កោរាញ​ឞ្រាស មឞើស​ងក៝ច​នាវ​ឞ្រាស​ក្រីស ​អី​អា​ល៝រ​នើស​ឞូនុយ្ស​មោ​អោស​គឹត។ យ៝រ​មា​មឞើស​ងក៝ច​នាវ​អី​នៃ​ទឹង​គ៝ប់​គុ​តា​ត្រោម​នទ្រូង​អ្យា។
COL 4:4 ទាន់​កើល​មឞើស​ឆើម​មា​កោរាញ​ឞ្រាស​អ៝ន់​គ៝ប់​ទើយ​មឞើស​ងក៝ច​នាវ​កោរាញ​ឞ្រាស​នហេល​នានេៈ​ងាន់។ កោរាញ​ឞ្រាស​លែៈ​ដាៈ​គ៝ប់​ជាន​កើត​នៃ។
COL 4:5 អ៝ន់​ខាន់​អៃ​មៃ​គុ​ងាវ​មា​នាវ​មឹន​គឹត​ឞ្លាវ​ដាស​មា​ឞូនុយ្ស​អី​មោ​អោស​ញឆីង​មា​ឞ្រាស​ក្រីស ។ អ៝ន់​ខាន់​អៃ​មៃ​គុ​នទ្រាប់​នឹង​មា​ជាន​អ្វែស​មា​ឞូ នអ៝ប់​មា​មឞើស​ងក៝ច​នាវ​ឞ្រាស​ក្រីស ​មា​ឞូ។
COL 4:6 ទាន់​ខាន់​អៃ​មៃ​មឞើស​ងើយ​មា​នាវ​រាទឹ​រាឞាន់​បាបើ នអ៝ប់​មា​ងើយ​គែស​នាវ​ខ្លៃ គៃ​មា​អ៝ន់​ខាន់​អៃ​មៃ​គឹត​មើម​បាៈ​នាវ​អើស​អ្វែស​មា​នាវ​អោប​មា​ទឹង​លែៈ​ឞូនុយ្ស។
COL 4:7 នោ​តីខីកុស ​អី​ឞូនុយ្ស​គ៝ប់​រ៝ង់ ពាង់​ជេង​ឞូនុយ្ស​ជាន​ការ​ឆ៝ង់ នទ្រែល​មា​កើល​គ៝ប់​តា​នាវ​ឆើម​កើល​ជាន​ការ​អ៝ន់​មា​កោរាញ​ឞ្រាស។ ពាង់​មរា​មឞើស​ងក៝ច​អ៝ន់​ខាន់​អៃ​មៃ​គឹត​ទឹង​លែៈ​នាវ​គែស​តា​គ៝ប់។
COL 4:8 គ៝ប់​ដាៈ​ពាង់​ហាន់​អា​ខាន់​អៃ​មៃ គៃ​មា​អ៝ន់​ខាន់​អៃ​មៃ​តាង់​នាវ​ឞើស​គ៝ប់ នអ៝ប់​មា​អ៝ន់​ពាង់​នហាវ​នូយ្ស​ខាន់​អៃ​មៃ​ដ៝ង់។
COL 4:9 គ៝ប់​អ៝ន់​ពាង់​ហាន់​នទ្រែល​នោ​អោនេឆីម ​អី​គ៝ប់​រ៝ង់ អោនេឆីម ​ជេង​ឞូនុយ្ស​ជាន​ការ​ឆ៝ង់ ជេង​ឞូនុយ្ស​អី​លោស​តាៈ​ឞើស​ឞ្រី​ខាន់​អៃ​មៃ​នើម​ដ៝ង់។ ឞារ​ហៃ​ខាន់​ពាង់​អី​នៃ​មរា​មឞើស​ងក៝ច​អ៝ន់​មា​ខាន់​អៃ​មៃ​គឹត ម៝ស​បាៈ​នាវ​គែស​តា​នតុក​អ្យា។
COL 4:10 នោ​អើរីសដារកុស ​អី​ឞូនុយ្ស​គែស​នទ្រូង​នទ្រែល​គ៝ប់ ពាង់​អោប​នាវ​អ្វែស​លាង់​ខាន់​អៃ​មៃ ជេសរី​នោ​មារកោស ​អី​អ៝ស​នោ​ទូ​អូ​នទ្រែល​បារនាបាស  ពាង់​អោប​នាវ​អ្វែស​លាង់​ខាន់​អៃ​មៃ​ដ៝ង់។ លែៈ​គ៝ប់​ដាៈ​ខាន់​អៃ​មៃ​រ៝ម​ពាង់ លាស​ពាង់​ហាន់​អា​ខាន់​អៃ​មៃ។
COL 4:11 នអ៝ប់​មា​នោ​យេឆូ ​អី​ឞូ​ក្វាល់​យុសតុស ​ដ៝ង់ ពាង់​អោប​នាវ​អ្វែស​លាង់​ខាន់​អៃ​មៃ​ដ៝ង់។ តា​មពោល​ឞូនុយ្ស​ជាន​ការ​មឞើស​ងក៝ច​មា​នាវ​កោរាញ​ឞ្រាស​ម៝ត់​អ្វាញ់​នទ្រែល​គ៝ប់ គែស​ពែ​នុយ្ស​ខាន់​ពាង់​អី​នៃ​ទើម​អី​តាៈ​ឞើស​ផូង​អីឆ្រាអែល  ជេសរី​ខាន់​ពាង់​អី​នៃ​ដ៝ង់​នហាវ​នូយ្ស​នហ៝ម់​គ៝ប់។
COL 4:12 នោ​អេពាព្រាស ​អី​តាៈ​ឞើស​ឞ្រី​ខាន់​អៃ​មៃ​នើម ពាង់​អោប​នាវ​អ្វែស​លាង់​ខាន់​អៃ​មៃ​ដ៝ង់។ ពាង់​ជេង​ឞូនុយ្ស​ឆើម​កើល​ជាន​ការ​មា​ឞ្រាស​ក្រីស​យេឆូ  ពាង់​ញឆ្រោយ្ស​ងាន់​មឞើស​ឆើម​អ៝ន់​មា​ខាន់​អៃ​មៃ​មោ​រាលូ​អោស គៃ​មា​ខាន់​អៃ​មៃ​គុ​ន៝ប់​តា​នាវ​ញឆីង​លែៈ​តឹម​ទី​កែស​ងាន់ នទ្រែល​មា​អុច​ជាន​តឹង​នាវ​កោរាញ​ឞ្រាស​អុច​ទឹង​លែៈ​នតីល។
COL 4:13 គ៝ប់​ឞាញ់​មឞើស​ងក៝ច​ងាន់​ពាង់​មា​ខាន់​អៃ​មៃ ពាង់​លែៈ​ញឆ្រោយ្ស​ងាន់​ជាន​ការ​អ៝ន់​មា​ខាន់​អៃ​មៃ អ៝ន់​មា​ផូង​តា​ប៝ន​លាវដីឆេ  នអ៝ប់​មា​ទឹង​លែៈ​ផូង​តា​ឞ្រី​ហេរាពោល ។
COL 4:14 នោ​លូកា ​អី​កោរាញ​ទាក​ឆី​ជេង​ឞូនុយ្ស​អី​ហេន​រ៝ង់ នទ្រែល​មា​នោ​ដេមាស  ខាន់​ពាង់​អោប​នាវ​អ្វែស​លាង់​ខាន់​អៃ​មៃ​ដ៝ង់។
COL 4:15 ទាន់​អោប​នាវ​អ្វែស​លាង់​អ៝ស​នោ​តា​នាវ​ញឆីង​តា​ប៝ន​លាវដីឆេ  ទាន់​អោប​នាវ​អ្វែស​លាង់​យោស​នីមផាស  នអ៝ប់​មា​ផូង​អី​គុ​រាបុន​តា​ជៃ​ពាង់​នៃ​ដ៝ង់។
COL 4:16 ជេស​ខាន់​អៃ​មៃ​រ៝ៈ​ឆ៝ម់បុត​អ្យា​អ៝ន់​មា​អ៝ស​នោ​ខាន់​អៃ​មៃ​នើម​តា​នាវ​ញឆីង​អ្យាត់ លែវ​ដ៝ង់​ឆ៝ម់បុត​អ្យា​អ៝ន់​មា​ផូង​ញឆីង​តា​ប៝ន​លាវដីឆេ ​អ៝ន់​ខាន់​ពាង់​រ៝ៈ​ដ៝ង់ ជេសរី​ឆ៝ម់បុត​អី​គ៝ប់​ញចីស​មា​ផូង​ខាន់​ពាង់​អ៝ន់​ខាន់​អៃ​មៃ​រ៝ៈ​តា​នតុក​ខាន់​អៃ​មៃ​ដ៝ង់។
COL 4:17 ជេសរី​ទាន់​មឞើស​អ៝ន់​មា​នោ​អាខីពុស  អ៝ន់​ពាង់​ញឆ្រោយ្ស​ជាន​ជេស​ការ​អី​ពាង់​លែៈ​ឆ៝ៈ​ទើន​ឞើស​ឞ្រាស​យេឆូ ។
COL 4:18 នាវ​អោប​អ្វែស​លាង់​អ្យា​ជេង​តី​គ៝ប់​នើម​ពោល ​ញចីស។ ខាន់​អៃ​មៃ​លើយ​អោស​ច្វេល​គ៝ប់​គុ​តា​ត្រោម​នទ្រូង។ ទាន់​នាវ​អ្វែស​កោរាញ​ឞ្រាស​គុ​នទ្រែល​ទឹង​លែៈ​ខាន់​អៃ​មៃ៕៚
1TH 1:1 ឆ៝ម់បុត​គ៝ប់​ពោល ​ញចីស។ គ៝ប់ ឆីលាស  នទ្រែល​មា​តីមោថេ  ពែ​នុយ្ស​ហេន​ញជ្វាល់​អ៝ន់​មា​ផូង​ញឆីង​មា​កោរាញ​យេឆូ​ក្រីស ​តា​ប៝ន​តេឆាលោនិក  អី​គុ​នទ្រែល​កោរាញ​ឞ្រាស​ឞឹ​ឞ៝ន់​នើម នទ្រែល​កោរាញ​យេឆូ​ក្រីស ។ ទាន់​ពាង់​អ៝ន់​នាវ​អ្វែស នទ្រែល​មា​នាវ​ដាប់​មពាន់​មា​ខាន់​អៃ​មៃ។
1TH 1:2 ហេន​លាស​អ្វែស​កោរាញ​ឞ្រាស​បាបើ​មា​ទឹង​លែៈ​ខាន់​អៃ​មៃ ហេន​មឞើស​ឆើម​អ៝ន់​មា​ខាន់​អៃ​មៃ​បាបើ​ដ៝ង់។
1TH 1:3 ហេន​កាស​គឹត​ទឹង​លែៈ​ខាន់​អៃ​មៃ​បាបើ​ងាន់​តា​នាប់​មាត់​កោរាញ​ឞ្រាស​ឞឹ​ឞ៝ន់​នើម។ ហេន​កាស​គឹត​ទឹង​លែៈ​នទើ​អី​ខាន់​អៃ​មៃ​ជាន​យ៝រ​មា​នាវ​ញឆីង​ខាន់​អៃ​មៃ ហេន​កាស​គឹត​ដ៝ង់​នទើ​អី​ខាន់​អៃ​មៃ​ជាន​រាអាស​រាគាញ់​យ៝រ​មា​នាវ​រ៝ង់​ខាន់​អៃ​មៃ​មា​ឞូ នទ្រែល​មា​នទើ​អី​ខាន់​អៃ​មៃ​គែស​នាវ​រានើម​ន៝ប់​រាក៝ក់​មា​ឞ្រាស​យេឆូ​ក្រីស ​អី​កោរាញ​ឞ៝ន់។
1TH 1:4 អើ​អ៝ស​នោ​តា​នាវ​ញឆីង​អី​កោរាញ​ឞ្រាស​នើម​រ៝ង់ ហេន​គឹត​ងាន់​ជេស​កោរាញ​ឞ្រាស​លែៈ​កើយ្ស​ខាន់​អៃ​មៃ‌
1TH 1:5 យ៝រ​លាស​នោក​ហេន​មឞើស​ងក៝ច​នាវ​មហែ​មហាន​អ្វែស​មា​ខាន់​អៃ​មៃ​នើស មោ​អោស​ទើន​មា​នាវ​មឞើស​ងើយ​ទើម ជេង​គែស​នាវ​ឞ្រាស គែស​ឞ្រាស​ហ្វេង​អ្វែស​អី​ក្ល៝ស​អ្វែស​គុ​នទ្រែល នអ៝ប់​មា​ខាន់​អៃ​មៃ​គែស​នូយ្ស​នហ៝ម់​ញឆីង​ទុត​ន៝ប់​រាក៝ក់​ដ៝ង់។ នោក​ហេន​ហោម​គុ​នទ្រែល​ខាន់​អៃ​មៃ​នើស ខាន់​អៃ​មៃ​លែៈ​គឹត​ឆៃ​ដ៝ង់​នាវ​គុ​រេស​ហេន​គៃ​មា​កើល​ខាន់​អៃ​មៃ។
1TH 1:6 ខាន់​អៃ​មៃ​លែៈ​ជាន​តឹង​កើត​ហេន នទ្រែល​មា​លែៈ​ជាន​តឹង​កើត​កោរាញ​យេឆូ ។ ឞ៝ល​លាស​ខាន់​អៃ​មៃ​គែស​ម៝ប់​មា​នាវ​ជេរ​ជ៝ត់​ទុត​ហោ​កាដោយ ខាន់​អៃ​មៃ​ឆ៝ៈ​ទើន​នាវ​កោរាញ​ឞ្រាស​មា​នាវ​រាម់​មអាក​អី​តាៈ​ឞើស​ឞ្រាស​ហ្វេង​អ្វែស​អី​ក្ល៝ស​អ្វែស​ដ៝ង់។
1TH 1:7 កើត​នទ្រី​ទឹង​ខាន់​អៃ​មៃ​ជេង​នើម​លែវ​ទឹង​លែៈ​ផូង​ញឆីង​តា​ឞ្រី​មាឆេដោន  តា​ឞ្រី​អាខៃ ​អ៝ន់​តឹង​ជាន​អ្វែស​ដ៝ង់។
1TH 1:8 យ៝រ​លាស​នាវ​កោរាញ​ឞ្រាស​អី​លោស​តាៈ​ឞើស​ខាន់​អៃ​មៃ​នើស មោ​អោស​ទើន​មា​ឞូ​លឺ​តា​ឞ្រី​មាឆេដោន  នទ្រែល​មា​តា​ឞ្រី​អាខៃ ​ទើម លាម​នតុក​ងាន់​ឞូ​លឺ​ខាន់​អៃ​មៃ​ញឆីង​មា​កោរាញ​ឞ្រាស។ លាស​នទ្រី​នាវ​ញឆីង​ខាន់​អៃ​មៃ​នៃ ហេន​មោ​ហោម​អោស​ខាច់​មឞើស​ងក៝ច។
1TH 1:9 អ៝ក់​ងាន់​ឞូនុយ្ស​តា​ឞ្រី​អី​នៃ​មឞើស​ងក៝ច​មា​ហេន នាវ​អី​ខាន់​អៃ​មៃ​រ៝ម​ហេន​នោក​ហេន​ហាន់​អា​ខាន់​អៃ​មៃ​នើស នាវ​អី​ខាន់​អៃ​មៃ​មអារ់​លើយ​ឞ្រាស​ងក្លាៈ ជេសរី​ឆឹត​មា​កោរាញ​ឞ្រាស គៃ​មា​យើក​មឞាស​មា​ពាង់​អី​ឞ្រាស​រេស​មោ​ឞ្លាវ​ខឹត ពាង់​អី​ឞ្រាស​ងាន់។
1TH 1:10 ឞូ​មឞើស​ងក៝ច​ដ៝ង់​នាវ​ខាន់​អៃ​មៃ​ហោម​គុ​ក៝ប់​ក៝ន​កោរាញ​ឞ្រាស​នើម​អី​មរា​ជុរ​តាៈ​ឞើស​ត្រោក។ ពាង់​ឞ្រាស​យេឆូ ​អី​កោរាញ​ឞ្រាស​ទែ​លែៈ​ជាន​អ៝ន់​ទ៝ក់​រេស​ជេស។ ពាង់​អី​នៃ​រាក្លាយ្ស​ឞ៝ន់​ឞើស​នាវ​តេៈ​ទោយ្ស​កោរាញ​ឞ្រាស​តា​នារ​ជឹត​នាប់​តៃ។
1TH 2:1 អើ​អ៝ស​នោ​តា​នាវ​ញឆីង ខាន់​អៃ​មៃ​នើម​លែៈ​គឹត​ជេស ហេន​ហាន់​អា​ខាន់​អៃ​មៃ​នើស​មោ​អោស​ជេង​ទើម​ទាម។
1TH 2:2 ខាន់​អៃ​មៃ​លែៈ​គឹត​ជេស ជេស​ហេន​ទើន​នាវ​ជេរ​ជ៝ត់ នាវ​ឞូ​រាក​ឆ្វាយ​ហេន​តា​ប៝ន​ផីលីប ​នើស កោរាញ​ឞ្រាស​អ៝ន់​ហេន​គែស​នូយ្ស​នហ៝ម់​ឞាញ់​មឞើស​ងក៝ច​នាវ​មហែ​មហាន​អ្វែស​ពាង់​ត៝ត់​មា​ខាន់​អៃ​មៃ​ដ៝ង់ ឞ៝ល​លាស​គែស​នាវ​តឹម​រាទ៝ង់​ទុត​ហោ​កាដោយ។
1TH 2:3 ហេន​គែស​នូយ្ស​នហ៝ម់​ឞាញ់ យ៝រ​លាស​នាវ​អី​ហេន​នតុម​នតី​នៃ​នើស មោ​គែស​រាលាម់ មោ​គែស​បឹ​បើច មោ​គែស​មរោស​អោស។
1TH 2:4 កោរាញ​ឞ្រាស​កើប​ហេន​ទី នទ្រី​ទឹង​ពាង់​ញជុន​នាវ​ជាន​ការ​មឞើស​ងក៝ច​នាវ​មហែ​មហាន​អ្វែស​អ្យា​អ៝ន់​មា​ហេន ជេសរី​ហេន​មឞើស​ងក៝ច​តឹង​នទើ​អី​នៃ​ដ៝ង់។ ហេន​មោ​អោស​មឞើស​ងក៝ច​គៃ​មា​ឞូនុយ្ស​រានេ យើន​មា​ហេន​មឞើស​ងក៝ច​គៃ​មា​កោរាញ​ឞ្រាស​រានេ ជេសរី​ពាង់​រាល៝ង​នូយ្ស​នហ៝ម់​ហេន​ដ៝ង់។
1TH 2:5 ខាន់​អៃ​មៃ​លែៈ​គឹត​ជេស ហេន​មោ​ព្រ៝ត​អោស​មឞើស​ងើយ​លែៈ​អ្វែស​រាលាវ​កែស​អីរ ហេន​មោ​ព្រ៝ត​ដ៝ង់​មឞើស​ងើយ​គៃ​មា​គែស​ឆ៝ៈ​ទើន​ព្រាក់​ឆ៝ៈ​ទើន​ទ្រាប់​នទើ​ឞើស​ខាន់​អៃ​មៃ។ គែស​កោរាញ​ឞ្រាស​អី​នាក់​តើម​ឆៃ។
1TH 2:6 ហេន​មោ​ដ៝ង់​ជ៝យ​នាវ​រានេ​អី​តាៈ​ឞើស​ឞូនុយ្ស ឞ៝ល​លាស​តាៈ​ឞើស​ខាន់​អៃ​មៃ មោ​លាស​តាៈ​ឞើស​ឞូនុយ្ស​អេង​កាដោយ។
1TH 2:7 ហេន​ជេង​កោរាញ​អ៝ស​ម៝ន​ឞ្រាស​ក្រីស ​គែស​នាវ​ទើយ​ដាៈ​ខាន់​អៃ​មៃ យើន​មា​ហេន​គុ​នទ្រែល​ខាន់​អៃ​មៃ​មលែស​រាមេន​ងាន់ តឹម​ឞាន​មា​មេៈ​ម៝ត់​ក៝ន​ឞេ​ពាង់​នើម​ដ៝ង់។
1TH 2:8 យ៝រ​មា​ហេន​គែស​នូយ្ស​នហ៝ម់​រ៝ង់​មា​ខាន់​អៃ​មៃ​ទុត​ហោ​កើត​នៃ ហេន​អុច​អ៝ន់​មា​ខាន់​អៃ​មៃ​មោ​អោស​ទើន​មា​នាវ​មហែ​មហាន​អ្វែស​កោរាញ​ឞ្រាស​ទើម នអ៝ប់​មា​នាវ​រេស​ហេន​នើម​អ៝ន់​មា​ខាន់​អៃ​មៃ​ជឹត យ៝រ​លាស​ហេន​រ៝ង់​ខាន់​អៃ​មៃ​ទុត​ហោ​ងាន់។
1TH 2:9 អើ​អ៝ស​នោ​តា​នាវ​ញឆីង ខាន់​អៃ​មៃ​ហោម​កាស​គឹត​នោក​ហេន​គុ​នទ្រែល​ខាន់​អៃ​មៃ​នើស ហេន​ជាន​ការ​ជ៝ក់​រាអាស​ងាន់ ជាន​ការ​ទឹង​មាង់​ទឹង​នារ គៃ​មា​លើយ​អ៝ន់​ខាន់​អៃ​មៃ​ជេរ​កើល​ឆ្យាម់​ហេន នោក​ហេន​មឞើស​ងក៝ច​នាវ​មហែ​មហាន​អ្វែស​កោរាញ​ឞ្រាស​អ៝ន់​មា​ខាន់​អៃ​មៃ។
1TH 2:10 ហេន​គុ​នទ្រែល​ខាន់​អៃ​មៃ​អី​ឞូនុយ្ស​ញឆីង​មា​ឞ្រាស​យេឆូ  មា​នាវ​ក្ល៝ស មា​នាវ​ឆ៝ង់ មោ​អោស​គែស​នាវ​មា​នទុយ្ស។ គែស​ខាន់​អៃ​មៃ គែស​កោរាញ​ឞ្រាស​អី​នាក់​តើម​ឆៃ​ហេន។
1TH 2:11 ខាន់​អៃ​មៃ​លែៈ​គឹត​ដ៝ង់ ហេន​លែៈ​ជាន​មា​ទូ​ហ្វេ​ទូ​ហ្វេ​ខាន់​អៃ​មៃ​នើស​តឹម​ឞាន​មា​ឞឹ​ជាន​មា​ក៝ន​ងាន់។
1TH 2:12 ហេន​នត្រោល នអ៝ប់​មា​នហាវ​នូយ្ស​នហ៝ម់​ខាន់​អៃ​មៃ ជេសរី​ទាន់​ខាន់​អៃ​មៃ​ហោ​ងាន់​ហោម​គុ​រេស​តឹម​ទី​ដាស​នាវ​កោរាញ​ឞ្រាស​អុច។ ពាង់​ក្វាល់​ខាន់​អៃ​មៃ​លាប់​គុ​តា​នាវ​ម៝ត់​អ្វាញ់​ពាង់​នើម នទ្រែល​មា​គុ​តា​នាវ​ច្រេក​លើប​ពាង់​នើម។
1TH 2:13 កើត​នទ្រី​ទឹង​ហេន​លាស​អ្វែស​មា​កោរាញ​ឞ្រាស​បាបើ​ងាន់ យ៝រ​លាស​នោក​ហេន​លែវ​នាវ​មហែ​មហាន​អ្វែស​មឞើស​ងក៝ច​អ៝ន់​មា​ខាន់​អៃ​មៃ​នើស ខាន់​អៃ​មៃ​ឆ៝ៈ​ទើន​រ៝ មោ​អោស​កើប​នាវ​អី​នៃ​ជេង​នាវ​ងើយ​ឞូនុយ្ស ខាន់​អៃ​មៃ​កើប​នាវ​អី​នៃ​ជេង​នាវ​ងើយ​កោរាញ​ឞ្រាស​ងាន់។ ទី​ងាន់​ជេង​នាវ​ងើយ​កោរាញ​ឞ្រាស​នើម​អី​អ៝ន់​គែស​នូយ្ស​នហ៝ម់​លើ​មា​អ្វែស​មា​ឞូនុយ្ស​អី​ញឆីង​មា​ពាង់។
1TH 2:14 អើ​អ៝ស​នោ​តា​នាវ​ញឆីង ខាន់​អៃ​មៃ​លែៈ​ជេង​តឹម​ឞាន​មា​ផូង​អេងៗ​អី​ញឆីង​មា​កោរាញ​ឞ្រាស​តា​ឞ្រី​យូដា ​អី​ផូង​គុ​នទ្រែល​ឞ្រាស​ក្រីស​យេឆូ  យ៝រ​លាស​ខាន់​អៃ​មៃ​គែស​នាវ​ជេរ​ជ៝ត់​តាៈ​ឞើស​ឞាល់​មពោល​ខាន់​អៃ​មៃ​នើម​ជាន​អ្យើស​មា​ខាន់​អៃ​មៃ កើត​ផូង​អេងៗ​អី​ញឆីង​មា​កោរាញ​ឞ្រាស​តា​ឞ្រី​យូដា ​គែស​ឆ៝ៈ​ទើន​នាវ​ជេរ​ជ៝ត់​តាៈ​ឞើស​ឞាល់​មពោល​ខាន់​ពាង់​នើម​អី​ផូង​អីឆ្រាអែល ​ជាន​អ្យើស​មា​ខាន់​ពាង់។
1TH 2:15 ផូង​អីឆ្រាអែល ​ជាន​អ្យើស​អី​នៃ​លែៈ​ងខឹត​លើយ​កោរាញ​យេឆូ  នទ្រែល​មា​លែៈ​ងខឹត​លើយ​មពោល​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស ជេសរី​មព្រើស​ហេន​ដ៝ង់។ ទឹង​លែៈ​ខាន់​ពាង់​អី​នៃ​មោ​អោស​ជាន​មអាក​មា​កោរាញ​ឞ្រាស ជេសរី​ជេង​ផូង​តឹម​រាទ៝ង់​មា​ទឹង​លែៈ​ឞូនុយ្ស​ដ៝ង់!
1TH 2:16 ខាន់​ពាង់​ឞ្វៃ​ហេន​មោ​អ៝ន់​អោស​មឞើស​ងក៝ច​នាវ​មហែ​មហាន​អ្វែស​ត៝ត់​មា​ផូង​អី​មោ​ទី​ផូង​អីឆ្រាអែល ​គៃ​មា​គែស​នាវ​រាក្លាយ្ស។ ខាន់​ពាង់​ជាន​កើត​នៃ​នាវ​តីស​ខាន់​ពាង់​លើ​មា​ហោ​អ៝ក់​ត៝ត់​មា​ទី​កោរាញ​ឞ្រាស​តេៈ​ទោយ្ស យើន​មា​នាវ​កោរាញ​ឞ្រាស​តេៈ​ទោយ្ស​ត៝ត់​តា​ខាន់​ពាង់​អី​នៃ​ងាន់​រ៝។
1TH 2:17 អើ​អ៝ស​នោ​តា​នាវ​ញឆីង ឞ៝ល​លាស​រាង្លៃ​ឆាក់​ឞ៝ន់​តឹម​បាស​ងាយ​ទូ​ប្ល៝ត់ យើន​មា​នូយ្ស​នហ៝ម់​ហោម​តឹម​ទាច់​ដាស​ខាន់​អៃ​មៃ​មរ៝។ ហេន​អុច​ងាន់​គៃ​មា​ឆៃ​មុស​មាត់​ខាន់​អៃ​មៃ យ៝រ​លាស​ហេន​ក្ល៝ង់​ខាន់​អៃ​មៃ​ហោ​ងាន់។
1TH 2:18 កើត​នទ្រី​ទឹង​ហេន​ហោ​ងាន់​អុច​ហាន់​អា​ខាន់​អៃ​មៃ គ៝ប់​នើម​ពោល ​អី​អ្យា​ឞារ​ពែ​តឹ​ងាន់​អុច​ហាន់​អា​ខាន់​អៃ​មៃ តីស​មា​ឆាតាង់ ​អី​កោរាញ​មពោល​ឞ្រាស​អ្យើស​ងកីង​មោ​អ៝ន់​ហាន់​អោស។
1TH 2:19 ឞើស​តាៈ​នាវ​រានើម​ហេន នាវ​រាម់​មអាក​ហេន នាវ​រានេ​អេង​ឆាក់​ហេន​តា​ឞើស​នាប់​ឞ្រាស​យេឆូ ​អី​កោរាញ​ឞ៝ន់​ត៝ត់​ពាង់​វាច់​តៃ? តាៈ​ឞើស​ខាន់​អៃ​មៃ។ នទ្រី​ហេន​អុច​ហាន់​តា​ខាន់​អៃ​មៃ។
1TH 2:20 យ៝រ​មា​ខាន់​អៃ​មៃ​ហេន​គែស​នាវ​រានេ ហេន​គែស​នាវ​រាម់​មអាក។
1TH 3:1 យ៝រ​មា​ហេន​រាវៃ​ហោ​អីរ ទឹង​ហេន​ហោម​អុច​គុ​ឞារ​ហៃ​អេង​តា​ប៝ន​អាថែន ។
1TH 3:2 ជេសរី​ដាៈ​តីមោថេ ​ហាន់ គៃ​មា​កើល​នហាវ​នូយ្ស​នហ៝ម់ នទ្រែល​មា​កើល​អ៝ន់​នាវ​ញឆីង​ខាន់​អៃ​មៃ​ន៝ប់​រាក៝ក់​ងាន់។ ពាង់​អី​អ៝ស​ហេន​អី​ឞូនុយ្ស​ជាន​ការ​កោរាញ​ឞ្រាស​មឞើស​ងក៝ច​នាវ​មហែ​មហាន​អ្វែស​ឞ្រាស​ក្រីស ​នទ្រែល​ហេន។
1TH 3:3 ហេន​ដាៈ​ពាង់​ហាន់​គៃ​មា​លើយ​អោស​អ៝ន់​ទូ​ហ្វេ​ឞាស​ញឆីង​យ៝រ​មា​នាវ​ជេរ​ជ៝ត់​អី​ឞូ​ជាន​ជេរ​គែស​អាបៃ​អ្យា។ ខាន់​អៃ​មៃ​លែៈ​គឹត​ជេស​នាវ​អី​នៃ កោរាញ​ឞ្រាស​លែៈ​អ៝ន់​មា​ឞ៝ន់​គែស​នាវ​ជេរ​ជ៝ត់​កើត​នៃ។
1TH 3:4 នោក​ហេន​ហោម​គុ​នទ្រែល​ខាន់​អៃ​មៃ​នើស ហេន​លែៈ​មឞើស​ជេស​មា​ខាន់​អៃ​មៃ​ល៝រ៖ ឞ៝ន់​មរា​គែស​នាវ​ជេរ​ជ៝ត់។ ជេសរី​នាវ​ជេរ​ជ៝ត់​គែស​ងាន់​រ៝ កើត​ខាន់​អៃ​មៃ​លែៈ​គឹត​ជេស។
1TH 3:5 កើត​នទ្រី​គ៝ប់​អ៝ត់​មោ​ហោម​ទើយ ទឹង​គ៝ប់​អ៝ន់​តីមោថេ ​ហាន់​អា​ខាន់​អៃ​មៃ​គៃ​មា​គឹត​នាវ​ញឆីង​ខាន់​អៃ​មៃ។ គ៝ប់​ក្លាច​ឆាតាង់ ​នទើម​ខាន់​អៃ​មៃ​ទើយ ជេសរី​នាវ​រាអាស​រាគាញ់​ហេន​នើស​ជេង​ទើម​ទាម។
1TH 3:6 អាបៃ​អ្យា​តីមោថេ ​លែៈ​ឆឹត​ត៝ត់​អា​ហេន​អ្យា ពាង់​លែៈ​មឞើស​ងក៝ច​មា​ហេន​នាវ​ញឆីង​ខាន់​អៃ​មៃ នទ្រែល​មា​នាវ​រ៝ង់​ខាន់​អៃ​មៃ​មា​ឞូ។ ពាង់​មឞើស​មា​ហេន ខាន់​អៃ​មៃ​ហោ​ងាន់​ក្ល៝ង់​ហេន អុច​ម៝ប់​ហេន​ហោ​ងាន់ កើត​ហេន​អុច​ម៝ប់​ខាន់​អៃ​មៃ​ដ៝ង់។
1TH 3:7 អើ​អ៝ស​នោ​តា​នាវ​ញឆីង យ៝រ​មា​នាវ​ញឆីង​ខាន់​អៃ​មៃ ជាន​អ៝ន់​នូយ្ស​នហ៝ម់​ហេន​លែៈ​អ្វែស​ដាប់​មពាន់​ជេស ឞ៝ល​លាស​គែស​នាវ​ជេរ​ជ៝ត់​ឞូ​ជាន​ជេរ​ទុត​ហោ​កាដោយ។
1TH 3:8 អាបៃ​អ្យា​នូយ្ស​នហ៝ម់​ហេន​លែៈ​រាម់​ងាន់​យ៝រ​មា​លែៈ​គឹត​ខាន់​អៃ​មៃ​ហោម​គុ​ន៝ប់​តា​នាវ​ញឆីង​មា​កោរាញ​យេឆូ ​កើត​នៃ។
1TH 3:9 ហេន​ជ៝យ​នាវ​មា​លាស​អ្វែស​កោរាញ​ឞ្រាស​មោ​ហោម​ឞ្លាវ​លែៈ យ៝រ​មា​នទើ​អី​ខាន់​អៃ​មៃ​ហោម​ញឆីង​ន៝ប់​រាក៝ក់​ជាន​អ៝ន់​ហេន​រាម់​មអាក​តា​នាប់​មាត់​កោរាញ​ឞ្រាស។
1TH 3:10 ទឹង​មាង់​ទឹង​នារ​ងាន់​ហេន​ញឆ្រោយ្ស​មឞើស​ឆើម​ទាន់​មា​កោរាញ​ឞ្រាស អ៝ន់​ឆៃ​មុស​មាត់​ខាន់​អៃ​មៃ ជេសរី​អ៝ន់​នាវ​ញឆីង​ខាន់​អៃ​មៃ​លែៈ​រឹង​ងាន់ មោ​ហោម​អោស​គែស​នតុក​មោ​ត៝ង់។
1TH 3:11 ទាន់​កោរាញ​ឞ្រាស​អី​ឞឹ​ឞ៝ន់ នទ្រែល​មា​ឞ្រាស​យេឆូ ​អី​កោរាញ​ឞ៝ន់ ឆើម​នទ្រាប់​ត្រ៝ង​អ៝ន់​ហេន​ហាន់​អា​ខាន់​អៃ​មៃ។
1TH 3:12 ទាន់​កោរាញ​ឞ្រាស​អ៝ន់​ខាន់​អៃ​មៃ​គែស​នាវ​រ៝ង់​លើ​មា​អ៝ក់​ឞេង​លែរ​ងាន់ មា​តឹម​រ៝ង់​នទ្រាង់​នើម នអ៝ប់​មា​រ៝ង់​មា​ទឹង​លែៈ​ឞូនុយ្ស កើត​ហេន​លែៈ​រ៝ង់​មា​ខាន់​អៃ​មៃ​ដ៝ង់។
1TH 3:13 ទាន់​កោរាញ​ឞ្រាស​អ៝ន់​ខាន់​អៃ​មៃ​គែស​នាវ​ញឆីង​ន៝ប់​រាក៝ក់ គៃ​មា​ខាន់​អៃ​មៃ​គុ​រេស​ក្ល៝ស​អ្វែស​មោ​អោស​គែស​នាវ​មា​នទុយ្ស​តា​នាប់​មាត់​កោរាញ​ឞ្រាស​អី​ឞឹ​ឞ៝ន់ ត៝ត់​ឞ្រាស​យេឆូ ​អី​កោរាញ​ឞ៝ន់​វាច់​នទ្រែល​ផូង​លែៈ​រាក្លាយ្ស!
1TH 4:1 អើ​អ៝ស​នោ​តា​នាវ​ញឆីង ខាន់​អៃ​មៃ​លែៈ​ឆ៝ៈ​ទើន​ជេស​នាវ​នតុម​នតី​តាៈ​ឞើស​ហេន​មា​នាវ​គុ​រេស​អី​កោរាញ​ឞ្រាស​អុច ជេសរី​នហ៝​មា​លែៈ​ជាន​តឹង​កើត។ យើន​មា​ទូ​តឹ​ជឹត​ហេន​ទាន់​ខាន់​អៃ​មៃ​ហោ​ងាន់ នទ្រែល​មា​នត្រោល​ខាន់​អៃ​មៃ​យ៝រ​មា​កោរាញ​យេឆូ  ទាន់​អ៝ន់​ខាន់​អៃ​មៃ​ជាន​នទើ​អី​នៃ​លើ​មា​ហោ​អ្វែស​ជឹត!
1TH 4:2 យ៝រ​លាស​ខាន់​អៃ​មៃ​លែៈ​គឹត​ជេស​ម៝ស​នាវ​ហេន​ដាៈ​ខាន់​អៃ​មៃ​មា​នាវ​ទើយ​អី​តាៈ​ឞើស​កោរាញ​យេឆូ ​ដាៈ​នើស។
1TH 4:3 កោរាញ​ឞ្រាស​អុច​ខាន់​អៃ​មៃ​ជាន​តឹង​នាវ​អុច​ពាង់​នើម​លែៈ​ឞើស​នូយ្ស​នហ៝ម់​ខាន់​អៃ​មៃ។ អ៝ន់​ខាន់​អៃ​មៃ​ទែរ​ឞើស​នាវ​តឹម​ទ៝ង់‌
1TH 4:4 ជេសរី​អ៝ន់​ខាន់​អៃ​មៃ​ទូ​ហ្វេ​ទូ​ហ្វេ​ឞ្លាវ​ម៝ត់​ញជ្រាង់​ឆាក់​ខាន់​អៃ​មៃ​នើម​អ៝ន់​តឹម​ទី​ឞើស​នាប់​មាត់​កោរាញ​ឞ្រាស​នើម នអ៝ប់​មា​អ៝ន់​គែស​នាវ​ឞូ​រានេ​ហ៝ៈ។
1TH 4:5 លើយ​អោស​ប៝ក​គ៝រ​តឹង​នាវ​ខើស​ក្លែរ​ប៝យ​រាង្លៃ​ឆាក់​អុច​កើត​ផូង​អី​មោ​ទី​ផូង​អីឆ្រាអែល ​អី​មោ​គឹត​នាល់​កោរាញ​ឞ្រាស។
1TH 4:6 លើយ​អោស​អ៝ន់​ទូ​ហ្វេ​ឞូនុយ្ស​ជាន​តីស​ជាន​អ្យើស​នទើ​អី​នៃ​មា​អ៝ស​នោ​ផូង​ញឆីង​អា​អេង យ៝រ​លាស​កោរាញ​ឞ្រាស​តេៈ​ទោយ្ស​មា​ឞូ​ម៝ស​អី​ជាន​តីស​ទឹង​លែៈ​នទើ​អី​នៃ កើត​ហេន​លែៈ​ជេស​មឞើស លែៈ​ជេស​ឞ្វៃ​មា​ខាន់​អៃ​មៃ​នើស។
1TH 4:7 យ៝រ​លាស​កោរាញ​ឞ្រាស​ក្វាល់​ឞ៝ន់​គៃ​មា​ក្ល៝ស​អ្វែស មោ​អុច​អោស​អ៝ន់​ឞ៝ន់​ជេង​បឹ​បើច។
1TH 4:8 នទ្រី​ទឹង​ឞូ​ម៝ស​អី​មោ​អុច​ឆ៝ៈ​ទើន​នាវ​នតុម​នតី​អី​នៃ មោ​អោស​ទី​រាលាច់​មា​ឞូនុយ្ស​ទើម ជេង​រាលាច់​មា​កោរាញ​ឞ្រាស​អី​អ៝ន់​ឞ្រាស​ហ្វេង​អ្វែស​អី​ក្ល៝ស​អ្វែស​ពាង់​នើម​មា​ខាន់​អៃ​មៃ​ដ៝ង់។
1TH 4:9 ល៝ង់​នាវ​តឹម​រ៝ង់​នទ្រាង់​អ៝ស​នោ​ផូង​ញឆីង ហេន​មោ​អោស​ខាច់​ញចីស​មឞើស​អ៝ន់​មា​ខាន់​អៃ​មៃ យ៝រ​លាស​លែៈ​កោរាញ​ឞ្រាស​នតុម​នតី​ជេស​ខាន់​អៃ​មៃ​អ៝ន់​ឞ្លាវ​តឹម​រ៝ង់​នទ្រាង់​ខាន់​អៃ​មៃ​នើម‌
1TH 4:10 កើត​ខាន់​អៃ​មៃ​លែៈ​រ៝ង់​ជេស​មា​អ៝ស​នោ​ផូង​ញឆីង​លាម​ឞ្រី​មាឆេដោន ​ដ៝ង់។ អើ​អ៝ស​នោ​តា​នាវ​ញឆីង ហេន​អុច​ខាន់​អៃ​មៃ​អ៝ន់​នាវ​រ៝ង់​ខាន់​អៃ​មៃ​មា​ឞូ​លើ​មា​ហោ​អ៝ក់​ជឹត។
1TH 4:11 អ៝ន់​ខាន់​អៃ​មៃ​ញឆ្រោយ្ស​ញឆ្រាម​ងាន់ គុ​រេស​នទ្រែល​ឞូ​តា​នាវ​ដាប់​មពាន់ មឹន​ជាន​អី​នទើ​ខាន់​អៃ​មៃ​នើម​ហ៝ៈ លើយ​មឹន​អីរ​មា​នទើ​ឞូ ជេសរី​ជាន​ការ​មា​ឆ្យាម់​ឆាក់​ខាន់​អៃ​មៃ​នើម កើត​ហេន​លែៈ​ដាៈ​ជេស​មា​ខាន់​អៃ​មៃ​នើស។
1TH 4:12 លាស​ជាន​កើត​នៃ​ឞូនុយ្ស​អី​មោ​ញឆីង​មា​ឞ្រាស​យេឆូ ​រានេ​មា​ខាន់​អៃ​មៃ​ងាន់ ជេសរី​ខាន់​អៃ​មៃ​មោ​អោស​ខាច់​ទាន់​ឞូ​មា​កើល​ឆ្យាម់​ឆាក់​ជឹត។
1TH 4:13 អើ​អ៝ស​នោ​តា​នាវ​ញឆីង ហេន​អុច​អ៝ន់​ខាន់​អៃ​មៃ​គឹត​នហេល​មា​ផូង​អី​លែៈ​ខឹត​ជេស គៃ​មា​ខាន់​អៃ​មៃ​លើយ​ហោម​រាង៝ត​អោស​តឹម​ឞាន​មា​ផូង​អាបាៈ​អេង​អី​មោ​គែស​រានើម​មា​នាវ​រេស​នហ៝​រ៝​យ៝រ​មា​ខាន់​ពាង់​មោ​ញឆីង​មា​ឞ្រាស​យេឆូ ។
1TH 4:14 ឞ៝ន់​អ្យាត់​លាស​ឞ្រាស​យេឆូ ​លែៈ​ខឹត​ងាន់ ជេសរី​លែៈ​ទ៝ក់​រេស​ងាន់​ដ៝ង់។ លាស​នទ្រី​ឞ៝ន់​គឹត​លាស​កោរាញ​ឞ្រាស​មរា​លែវ​ផូង​ញឆីង​អី​លែៈ​ខឹត​នៃ​អ៝ន់​ទ៝ក់​រេស​គុ​នទ្រែល​ពាង់​នើម​យ៝រ​មា​នទើ​ឞ្រាស​យេឆូ ​លែៈ​ជាន​ដ៝ង់។
1TH 4:15 គ៝ប់​មឞើស​មា​ខាន់​អៃ​មៃ​តឹង​នាវ​ងើយ​តាៈ​ឞើស​កោរាញ​ឞ្រាស​នើម​មា​ឞ៝ន់​អី​ហោម​គុ​រេស​អ្យា៖ ត៝ត់​ឞ្រាស​យេឆូ ​ព្លឹ​វាច់​ឞ៝ន់​អី​ហោម​គុ​រេស​អ្យា​មោ​អោស​ហាន់​ល៝រ​ផូង​អី​លែៈ​ខឹត​នៃ។
1TH 4:16 យ៝រ​លាស​ត៝ត់​ពាង់​ជុរ​ឞើស​កាលើ​ត្រោក​អី​នតុក​កោរាញ​ឞ្រាស​នើម ពាង់​នតែរ​ដាៈ ជេសរី​នតែស​ឞ៝រ់​កោរាញ​តោង​ពារ់​ទុត​ក្វ៝ង់ នទ្រែល​មា​នតែស​នុង​កោរាញ​ឞ្រាស​នើម។ ជេសរី​ទឹង​លែៈ​ផូង​អី​ញឆីង​មា​ឞ្រាស​ក្រីស ​អី​លែៈ​ខឹត ទ៝ក់​រេស​ល៝រ។
1TH 4:17 ជេសរី​ទឹង​កោរាញ​ឞ្រាស​នហាវ​ឞ៝ន់​អី​ហោម​គុ​រេស​ហាវ​អា​ត្រោម​នទ៝រ់​តុក​នទ្រែល​ខាន់​ពាង់​តា​នៃ គៃ​មា​ម៝ប់​កោរាញ​យេឆូ ​តា​នៃ នទ្រី​ឞ៝ន់​ងក្រែ​គុ​នទ្រែល​កោរាញ​យេឆូ ​នហ៝​រ៝។
1TH 4:18 លាស​នទ្រី​អ៝ន់​ខាន់​អៃ​មៃ​ឆ៝ៈ​នាវ​អ្យា​មា​តឹម​នហាវ​នូយ្ស​នហ៝ម់​នទ្រាង់​ខាន់​អៃ​មៃ​នើម។
1TH 5:1 អើ​អ៝ស​នោ​តា​នាវ​ញឆីង តា​ព្លាង់​ម៝ង​នារ​អី​កោរាញ​យេឆូ ​ព្លឹ​វាច់​នៃ ហេន​មោ​ខាច់​អោស​ញចីស​មឞើស​ងក៝ច​មា​ខាន់​អៃ​មៃ‌
1TH 5:2 យ៝រ​លាស​ខាន់​អៃ​មៃ​នើម​លែៈ​គឹត​នហេល​ជេស៖ មោ​គឹត​អោស​ម៝ស​ម៝ង​កោរាញ​យេឆូ ​ព្លឹ​វាច់​នៃ ជេង​តឹម​ឞាន​មា​ឞូនុយ្ស​នតុង​ហាន់​នតុង​តា​នោក​មាង់​មោ​គឹត​អោស​ម៝ស​ម៝ង។
1TH 5:3 នោក​ឞូនុយ្ស​ងើយ​កើត​នអា៖ “លែៈ​គែស​នាវ​ដាប់​មពាន់! មោ​អោស​គែស​នាវ​ក្លាច​រាវៃ!” ទោ​មា​គែស​នាវ​រ៝ស​ហេង​នទាល​ត៝ត់​មា​ខាន់​ពាង់​មោ​ហោម​ក្លាយ្ស​អោស តឹម​ឞាន​មា​នាវ​ជី​អី​ឞូ​អូរ​ជី​នទុល​គុ​អ៝ស។
1TH 5:4 អើ​អ៝ស​នោ​តា​នាវ​ញឆីង ខាន់​អៃ​មៃ​មោ​អោស​ជេង​ឞូនុយ្ស​គុ​តា​នតុក​ង៝​អី​មោ​គឹត​មា​នារ​អី​នៃ​ត៝ត់ នទ្រី​ទឹង​នារ​អី​នៃ​មោ​ជាន​អ៝ន់​ខាន់​អៃ​មៃ​នទ្រ៝ត់​នទាល​តឹម​ឞាន​មា​នោក​ឞូនុយ្ស​នតុង​លាប់​នតុង។
1TH 5:5 ទឹង​លែៈ​ខាន់​អៃ​មៃ​នៃ​ជេង​ក៝ន​នាវ​អាង​ក៝ន​នារ ឞ៝ន់​មោ​អោស​ទី​ក៝ន​មាង់​ក៝ន​ង៝។
1TH 5:6 កើត​នទ្រី​អ៝ន់​ឞ៝ន់​គុ​រាងែស​ញជ្រាង់​ឆាក់​មរ៝ មោ​អោស​ជេង​តឹម​ឞាន​មា​ឞូនុយ្ស​អាបាៈ​អេង​អី​ញុល​នទ្រាញ់​ហាក់​ឞិច។
1TH 5:7 យ៝រ​លាស​ឞូនុយ្ស​អី​ហាក់​ឞិច​ជេង​ឞិច​តា​នោក​មាង់ ឞូនុយ្ស​អី​ញុល​នទ្រាញ់​ជេង​ញុល​តា​នោក​មាង់​ដ៝ង់។
1TH 5:8 យើន​មា​ឞ៝ន់​អី​ក៝ន​នាវ​អាង អ្យាត់​មា​ឞ៝ន់​ឞ្លាវ​ម៝ត់​ញជ្រាង់​ឆាក់ ជាន​នទើ​អ្វែស​ទើម។ អ៝ន់​ឞ៝ន់​គែស​នាវ​ញឆីង​គែស​នាវ​រ៝ង់​មា​ឞូ​គៃ​មា​ញជ្រាង់​ឆាក់​តឹម​ឞាន​មា​តាហែន​ញឆ៝ស​អាវ​ល៝យ្ស​មា​ញជ្រាង់​ឆាក់ ជេសរី​អ៝ន់​ឞ៝ន់​គែស​នាវ​រានើម​ន៝ប់​តា​នាវ​រាក្លាយ្ស​គៃ​មា​ញជ្រាង់​នាវ​មឹន​តឹម​ឞាន​មា​តាហែន​នទោ​មោក​ល៝យ្ស​មា​ញជ្រាង់​ឞោក។
1TH 5:9 អ៝ន់​ជាន​កើត​នៃ យ៝រ​លាស​កោរាញ​ឞ្រាស​មោ​អោស​នទ្រាប់​ឞ៝ន់​មា​តេៈ​ទោយ្ស ពាង់​នទ្រាប់​មា​រាក្លាយ្ស​យ៝រ​មា​នទើ​ឞ្រាស​យេឆូ​ក្រីស ​អី​កោរាញ​ឞ៝ន់​លែៈ​ជាន។
1TH 5:10 ពាង់​លែៈ​ខឹត​ជេស​មា​ឞ៝ន់ គៃ​មា​អ៝ន់​ឞ៝ន់​គុ​រេស​នទ្រែល​ពាង់​នហ៝​រ៝ ឞ៝ល​លាស​តា​នោក​ពាង់​វាច់ ឞ៝ន់​ហោម​រេស​កាដោយ លែៈ​ខឹត​កាដោយ។
1TH 5:11 លាស​នទ្រី​អ៝ន់​តឹម​នហាវ​នូយ្ស​នហ៝ម់​នទ្រាង់​នើម អ៝ន់​តឹម​កើល​ញអោត​ន៝ប់​នាវ​ញឆីង​នទ្រាង់​នើម កើត​មា​ខាន់​អៃ​មៃ​លែៈ​គែស​ជាន។
1TH 5:12 អើ​អ៝ស​នោ​តា​នាវ​ញឆីង ហេន​ទាន់​មា​ខាន់​អៃ​មៃ អ៝ន់​ខាន់​អៃ​មៃ​យើក​មា​មពោល​អី​ជាន​ការ​មា​ខាន់​អៃ​មៃ ជេង​មពោល​អី​លែវ​ត្រ៝ង​ខាន់​អៃ​មៃ​តា​នាវ​ញឆីង ជេង​មពោល​អី​នតុម​នតី​ខាន់​អៃ​មៃ​នាវ​កោរាញ​យេឆូ ។
1TH 5:13 កើប​ខាន់​ពាង់​ជេង​ឞូនុយ្ស​គែស​នាវ​ខ្លៃ​ងាន់ រ៝ង់​មា​ខាន់​ពាង់ យ៝រ​មា​នទើ​អី​ខាន់​ពាង់​ជាន​នៃ។ អ៝ន់​ខាន់​អៃ​មៃ​គុ​ងាវ​ដាប់​មពាន់​នទ្រាង់​ខាន់​អៃ​មៃ​នើម។
1TH 5:14 អើ​អ៝ស​នោ​តា​នាវ​ញឆីង គ៝ប់​អុច​ងកាស​ខាន់​អៃ​មៃ អ៝ន់​ខាន់​អៃ​មៃ​នទុយ្ស​មា​ផូង​អី​ប្លាវ​ជាន​ការ នហាវ​នូយ្ស​នហ៝ម់​មា​ផូង​អី​គែស​នាវ​ងក្ល៝ន់​រាវៃ កើល​មា​ផូង​រាអ្យា លើយ​អោស​ទឹល​មា​ទឹង​លែៈ​ឞូនុយ្ស​ដ៝ង់។
1TH 5:15 អ៝ន់​ខាន់​អៃ​មៃ​ញជ្រាង់ លើយ​អោស​ជាន​នទើ​អ្យើស​ព្លើង​មា​នទើ​អ្យើស​ឞូ។ អ៝ន់​ញឆ្រោយ្ស​ជាន​នទើ​អ្វែស​នឹង​ហ៝ៈ​នទ្រាង់​ខាន់​អៃ​មៃ​នើម នទ្រែល​មា​ដាស​ទឹង​លែៈ​ឞូនុយ្ស​ដ៝ង់។
1TH 5:16 គុ​រាម់​មអាក​បាបើ‌
1TH 5:17 គុ​មឞើស​ឆើម​លើយ​អោស​រាលូ។
1TH 5:18 អ៝ន់​លាស​អ្វែស​មា​កោរាញ​ឞ្រាស​តា​លែៈ​នាវ​ត៝ត់ យ៝រ​លាស​កោរាញ​ឞ្រាស​អុច​ខាន់​អៃ​មៃ​អី​ញឆីង​មា​ឞ្រាស​ក្រីស​យេឆូ ​ជាន​កើត​អី​នៃ។
1TH 5:19 លើយ​អោស​ងកីង​នាវ​ជាន​ការ​ឞ្រាស​ហ្វេង​អ្វែស។
1TH 5:20 លើយ​អោស​មឺច​រាម៝ត​មា​នាវ​ឞូនុយ្ស​នតើយ្ស​នាវ​ងើយ​កោរាញ​ឞ្រាស។
1TH 5:21 អ៝ន់​ខាន់​អៃ​មៃ​រាល៝ង​មេត​អ្វាញ់​ទឹង​លែៈ​នាវ​អី​ខាន់​ពាង់​មឞើស​ងក៝ច​នៃ ជេសរី​ញអោត​ព្រាប់​ម៝ស​នទើ​អី​ទី​អី​អ្វែស​ហ៝ៈ។
1TH 5:22 អ៝ន់​ខាន់​អៃ​មៃ​ទែរ​ទឹង​លែៈ​នទើ​អ្យើស​មហឹក។
1TH 5:23 ទាន់​កោរាញ​ឞ្រាស​អី​តើម​នាវ​ដាប់​មពាន់​ជាន​អ៝ន់​ខាន់​អៃ​មៃ​អ៝ន់​ក្ល៝ស​អ្វែស​អ៝ន់​លាម។ ជេសរី​ទាន់​ពាង់​ម៝ត់​ញជ្រាង់​នូយ្ស​នហ៝ម់ នាវ​មឹន ឆាក់​ជាន់​អ៝ន់​ក្ល៝ស​អ្វែស​មោ​អោស​គែស​នាវ​មា​នទុយ្ស​តា​នារ​ឞ្រាស​យេឆូ​ក្រីស ​អី​កោរាញ​ឞ៝ន់​នើម​វាច់​តា​អ្យា។
1TH 5:24 កោរាញ​ឞ្រាស​អី​ក្វាល់​ខាន់​អៃ​មៃ​នៃ ពាង់​គែស​នូយ្ស​នហ៝ម់​រាប់​ជាប់ ពាង់​ជាន​នាវ​អី​នៃ​ត៝ត់​ងាន់​រ៝។
1TH 5:25 អើ​អ៝ស​នោ​តា​នាវ​ញឆីង ទាន់​មឞើស​ឆើម​អ៝ន់​មា​ហេន​បាៈ។
1TH 5:26 ទាន់​អោប​នាវ​អ្វែស​លាង់​ទឹង​លែៈ​អ៝ស​នោ​តា​នាវ​ញឆីង​មា​នាវ​អ្វែស​រាស​រើច។
1TH 5:27 គ៝ប់​ដាៈ​ខាន់​អៃ​មៃ​តា​កោរាញ​យេឆូ ​រ៝ៈ​ឆ៝ម់បុត​អី​អ្យា​អ៝ន់​មា​ទឹង​លែៈ​អ៝ស​នោ​អី​ញឆីង​អ្យាត់។
1TH 5:28 ទាន់​ឞ្រាស​យេឆូ​ក្រីស ​អី​កោរាញ​ឞ៝ន់​នើម​អ៝ន់​នាវ​អ្វែស​ពាង់​មា​ខាន់​អៃ​មៃ៕៚
2TH 1:1 ឆ៝ម់បុត​គ៝ប់​ពោល ​ញចីស។ គ៝ប់ ឆីលាស  នទ្រែល​មា​តីមោថេ  ពែ​នុយ្ស​ហេន​ញជ្វាល់​អ៝ន់​មា​ផូង​ញឆីង​មា​កោរាញ​យេឆូ​ក្រីស ​តា​ប៝ន​តេឆាលោនិក អី​គុ​នទ្រែល​កោរាញ​ឞ្រាស​ឞឹ​ឞ៝ន់​នើម អី​គុ​នទ្រែល​កោរាញ​យេឆូ​ក្រីស ។
2TH 1:2 ទាន់​កោរាញ​ឞ្រាស​ឞឹ​ឞ៝ន់​នើម នទ្រែល​មា​កោរាញ​យេឆូ​ក្រីស ​អ៝ន់​នាវ​អ្វែស អ៝ន់​នាវ​ដាប់​មពាន់​មា​ខាន់​អៃ​មៃ។
2TH 1:3 អើ​អ៝ស​នោ​តា​នាវ​ញឆីង អ្យាត់​មា​ហេន​លាស​អ្វែស​កោរាញ​ឞ្រាស​បាបើ​ងាន់​យ៝រ​មា​ខាន់​អៃ​មៃ។ ហេន​លាស​អ្វែស​កើត​នអា​ជេង​ទី​ងាន់ យ៝រ​លាស​នាវ​ញឆីង​ខាន់​អៃ​មៃ​លើ​មា​ហោ​ងាន់ ជេសរី​នាវ​រ៝ង់​ទឹង​លែៈ​នទ្រាង់​ខាន់​អៃ​មៃ​នើម​លើ​មា​ហោ​ដ៝ង់។
2TH 1:4 កើត​នទ្រី​ទឹង​ហេន​មឞើស​ងក៝ច​មា​ផូង​ញឆីង​មា​កោរាញ​ឞ្រាស​តា​ប៝ន​អេងៗ អ៝ន់​ឞូ​លឺ​ខាន់​អៃ​មៃ​ហោម​ញឆីង ហោម​ញឆ្រោយ្ស​អ៝ត់​នូយ្ស នោក​ឞូ​ជាន​ជេរ​ជ៝ត់​អាប់​នតីល​មា​ខាន់​អៃ​មៃ នទ្រែល​មា​គែស​នាវ​ជេរ​អេងៗ​ជឹត​កាដោយ។
2TH 1:5 លាស​នទ្រី​តា​នាវ​ខាន់​អៃ​មៃ​គុ​ន៝ប់​តា​នាវ​ញឆីង​មា​កោរាញ​ឞ្រាស ឞ៝ន់​ឆៃ​នហេល​នានេៈ​ងាន់​នាវ​កោរាញ​ឞ្រាស​ផាត​ទោយ្ស​ឆ៝ង់​ងាន់។ ពាង់​កើប​ខាន់​អៃ​មៃ​ទី​មា​លាប់​តា​នាវ​ពាង់​នើម​ម៝ត់​អ្វាញ់ ជេសរី​ខាន់​អៃ​មៃ​គែស​នាវ​ជេរ​ជ៝ត់​យ៝រ​មា​ខាន់​អៃ​មៃ​ជេង​ប៝ន​លាន​ពាង់​នើម។
2TH 1:6 កោរាញ​ឞ្រាស​ជាន​នទើ​ឆ៝ង់​ងាន់ ពាង់​មរា​ព្លើង​អ៝ន់​នាវ​ជេរ​មា​ឞូ​ម៝ស​អី​ជាន​ជេរ​មា​ខាន់​អៃ​មៃ​នើស។
2TH 1:7 ជេសរី​ពាង់​មរា​អ៝ន់​ខាន់​អៃ​មៃ​អី​គែស​នាវ​ជេរ​ជ៝ត់​នៃ​គុ​រាលូ​នទ្រែល​ហេន​តា​នោក​ឞ្រាស​យេឆូ ​ញហើ​ឆាក់​តាៈ​ឞើស​កាលើ​ត្រោក។ ពាង់​វាច់​តៃ​នទ្រែល​ផូង​តោង​ពារ់​កោរាញ​ឞ្រាស។ ផូង​តោង​ពារ់​អី​នៃ​គែស​នាវ​ទើយ​ងាន់។
2TH 1:8 ពាង់​ហាន់​មា​អុញ​អី​ទុត​ហីត តេៈ​ទោយ្ស​ទឹង​លែៈ​ផូង​អី​មោ​គឹត​នាល់​មោ​អ្យាត់​កោរាញ​ឞ្រាស នទ្រែល​មា​ទឹង​លែៈ​ផូង​អី​មោ​អ្យាត់​អោស​នាវ​មហែ​មហាន​អ្វែស​ឞ្រាស​យេឆូ ​អី​កោរាញ​ឞ៝ន់។
2TH 1:9 ខាន់​ពាង់​អី​នៃ​មរា​ឆ៝ៈ​ទើន​នាវ​រ៝ស​លេក​នហ៝​រ៝ គុ​ងខាស​ងាយ​ឞើស​មាត់​កោរាញ​យេឆូ  នអ៝ប់​មា​គុ​ងខាស​ងាយ​ឞើស​នាវ​ទើយ​ពាង់​អី​គែស​នាវ​ច្រេក​លើប។
2TH 1:10 តា​នារ​អី​នៃ​ពាង់​វាច់ គៃ​មា​ផូង​ក្ល៝ស​អ្វែស​ពាង់​រានេ​នាវ​ច្រេក​លើប​ពាង់​នើម ជេសរី​ទឹង​លែៈ​ឞូនុយ្ស​អី​ញឆីង​មា​ពាង់​រានេ​ពាង់​លែៈ​នាវ​ងាន់។ ល៝ង់​ខាន់​អៃ​មៃ ខាន់​អៃ​មៃ​គុ​តា​មពោល​អី​នៃ​ដ៝ង់ យ៝រ​មា​ខាន់​អៃ​មៃ​លែៈ​ញឆីង​ជេស​មា​នាវ​ហេន​មឞើស​ងក៝ច។
2TH 1:11 កើត​នទ្រី​ទឹង​ហេន​មឞើស​ឆើម​អ៝ន់​មា​ខាន់​អៃ​មៃ​បាបើ។ កោរាញ​ឞ្រាស​លែៈ​ក្វាល់​ខាន់​អៃ​មៃ​មា​គែស​នាវ​រេស​នហ៝​រ៝។ ហេន​ទាន់​កោរាញ​ឞ្រាស​អី​ឞ្រាស​ឞ៝ន់​យើក​មឞាស​អ៝ន់​ខាន់​អៃ​មៃ​គុ​រេស​អ៝ន់​តឹម​ទី​មា​នាវ​ក្វាល់​អី​នៃ។ ហេន​មឞើស​ឆើម​ទាន់​ពាង់​អ៝ន់​នាវ​ទើយ​ពាង់​នើម​មា​ខាន់​អៃ​មៃ គៃ​មា​ជាន​ជេស​ទឹង​លែៈ​នទើ​អ្វែស​អី​ខាន់​អៃ​មៃ​អុច​ជាន នទ្រែល​មា​ជាន​ជេស​ទឹង​លែៈ​នទើ​អី​ខាន់​អៃ​មៃ​ជាន​យ៝រ​មា​នាវ​ញឆីង​ខាន់​អៃ​មៃ។
2TH 1:12 នទ្រី​ទឹង​ខាន់​អៃ​មៃ​អ៝ន់​គែស​នាវ​ច្រេក​លើប​មា​រាញា​ឞ្រាស​យេឆូ ​អី​កោរាញ​ឞ៝ន់​នើម ជេសរី​ពាង់​អ៝ន់​នាវ​ច្រេក​លើប​មា​ខាន់​អៃ​មៃ​ដ៝ង់​យ៝រ​មា​នាវ​អ្វែស​កោរាញ​ឞ្រាស​អី​ឞ្រាស​ឞ៝ន់​យើក​មឞាស នអ៝ប់​មា​នាវ​អ្វែស​កោរាញ​យេឆូ​ក្រីស ​ដ៝ង់។
2TH 2:1 អើ​អ៝ស​នោ គ៝ប់​អុច​ញចីស​មា​ខាន់​អៃ​មៃ​មា​នាវ​វាច់​ឞ្រាស​យេឆូ​ក្រីស ​អី​កោរាញ​ឞ៝ន់​នើម នអ៝ប់​មា​នាវ​ពាង់​រាគូម​ឞ៝ន់​គៃ​មា​គុ​នទ្រែល​ពាង់។ ហេន​ទាន់​ខាន់​អៃ​មៃ​ហោ​ងាន់
2TH 2:2 លើយ​អោស​គើញ​គែស​នូយ្ស​នហ៝ម់​វិ មោ​លាស​គែស​នាវ​នទ្រ៝ត់​រាវៃ​យ៝រ​មា​តាង់​ឞូ​មឞើស​ងក៝ច​លាស​នារ​ឞ្រាស​យេឆូ ​វាច់​លែៈ​ត៝ត់​ជេស។ ឞ៝ល​លាស​គែស​ឞូនុយ្ស​អាបាៈ​លាស​ឞ្រាស​ហ្វេង​អ្វែស​លែៈ​មឞើស​ងក៝ច​មា​ខាន់​ពាង់ មោ​លាស​គែស​ឞូនុយ្ស​មឞើស​ងក៝ច​អេង មោ​លាស​គែស​ឞូនុយ្ស​លាស​ហេន​លែៈ​គែស​ញចីស​តា​ឆ៝ម់បុត​កាដោយ។
2TH 2:3 លើយ​អោស​អ៝ន់​ឞូ​មរោស​ខាន់​អៃ​មៃ ដេៈ​មោ​អើម យ៝រ​លាស​អេ​ល៝រ​មា​នារ​ឞ្រាស​យេឆូ ​វាច់​នៃ គែស​អ៝ក់​ឞូនុយ្ស​តឹម​រាទ៝ង់​មអារ់​លើយ​កោរាញ​ឞ្រាស នទ្រែល​មា​ឞូ​ឆៃ​គែស​ទូ​ហ្វេ​ឞូនុយ្ស​តីស​ញឆោស​ឆាក់ យើន​មា​កោរាញ​ឞ្រាស​លែៈ​នទ្រាប់​នាវ​រ៝ស​ហេង​មា​ពាង់​ងាន់​រ៝។
2TH 2:4 ពាង់​អី​នៃ​តឹម​រាទ៝ង់​ដាស​ទឹង​លែៈ​នទើ​អី​ឞូ​កើប​លាស​ឞ្រាស មា​ទឹង​លែៈ​នទើ​អី​ឞូ​យើក​មឞាស នហាវ​អេង​ឆាក់​ពាង់​នើម​ខ្លៃ​រាលាវ​មា​ទឹង​លែៈ​នទើ​អី​នៃ នហ៝​មា​ពាង់​គុ​តា​នតុក​ញីស​ជាន​ឞ្រាស​មា​កោរាញ​ឞ្រាស ជេសរី​មឞើស​អេង​ឆាក់​ពាង់​នើម​លាស​កោរាញ​ឞ្រាស​ដ៝ង់។
2TH 2:5 អាស​ខាន់​អៃ​មៃ​ហោម​កាស​គឹត​ដ៝ង់ នោក​គ៝ប់​គុ​នទ្រែល​ខាន់​អៃ​មៃ​នើស? នាវ​អី​នៃ​គ៝ប់​លែៈ​មឞើស​ងក៝ច​មា​ខាន់​អៃ​មៃ​លែៈ​ផ្យៅ។
2TH 2:6 យើន​មា​អាបៃ​អ្យា នទើ ​អី​ងកីង​ពាង់ ខាន់​អៃ​មៃ​លែៈ​នាល់​ជេស ពាង់​ញឆោស​ឆាក់​ត៝ត់​ទី​នារ​ពាង់​ញឆោស​មើ។
2TH 2:7 អាបៃ​អ្យា​ឆាតាង់ ​អី​កោរាញ​មពោល​ឞ្រាស​អ្យើស​លែៈ​អ៝ន់​ឞូនុយ្ស​តឹម​រាទ៝ង់​មា​នាវ​វៃ​កោរាញ​ឞ្រាស យើន​មា​ហោម​ជាន​មពោន នហ៝​មា​ត៝ត់​ទី​នារ​ទូ​ហ្វេ​ឞូនុយ្ស​អី​ងកីង​ពាង់​រី​លែៈ​រ៝ស​ក្ល៝ក់​ជេស។
2TH 2:8 រី​មើ​ឞូនុយ្ស​ទុត​តីស​អី​នៃ​ញឆោស​ឆាក់ ជេសរី​ឞ្រាស​យេឆូ ​លើស​ហេង​ពាង់​មា​នហ៝ម់​អី​លោស​តាៈ​ឞើស​មឞូង​ឞ្រាស​យេឆូ ​នើម មា​នាវ​ច្រេក​លើប​តា​នាវ​វាច់​ឞ្រាស​យេឆូ ​នើម​ងគ្រ៝ស​លើយ​ពាង់។
2TH 2:9 អេ​ល៝រ​មា​នារ​អី​នៃ ឞូនុយ្ស​ទុត​តីស​អី​នៃ ពាង់​វាច់​មា​នាវ​ទើយ​ឆាតាង់  ពាង់​ជាន​អាប់​នតីល​នទើ​ក្វ៝ង់ ជាន​នទើ​ទុត​នាវ​ងាន់ ជាន​នាវ​មឞេន​អេងៗ។ យើន​មា​ទឹង​លែៈ​នទើ​អី​នៃ​ជេង​នាវ​ងក្លាៈ​ទាទេ។
2TH 2:10 ពាង់​ជាន​នាវ​ក្វែ​នាវ​មរោស​អាប់​នតីល​ងាន់ អ៝ន់​មា​ទឹង​លែៈ​មពោល​អី​មរា​ឆ៝ៈ​ទើន​នាវ​រ៝ស​ហេង។ មពោល​អី​នៃ​ឆ៝ៈ​ទើន​នាវ​រ៝ស​ហេង​យ៝រ​មា​មោ​អុច​អោស​ឆ៝ៈ​ទើន​នាវ​ងាន់ មោ​អុច​អោស​រ៝ង់​នាវ​ងាន់ ឞ៝ល​លាស​នាវ​ងាន់​អី​នៃ​ទើយ​រាក្លាយ្ស​ខាន់​ពាង់។
2TH 2:11 កើត​នទ្រី​ទឹង​កោរាញ​ឞ្រាស​ញជុន​នាវ​ងក្លាៈ​មា​ជាន​អ៝ន់​ខាន់​ពាង់​ហ្យើត អ៝ន់​ខាន់​ពាង់​អ្យាត់​នាវ​មរោស​ច្រាវ‌
2TH 2:12 គៃ​មា​តេៈ​ទោយ្ស​មា​មពោល​អី​មោ​អ្យាត់​អោស​នាវ​ងាន់ ជេសរី​រាម់​មា​ជាន​នទើ​ក្វែ​ច្រាវ។
2TH 2:13 អើ​អ៝ស​នោ កោរាញ​ឞ្រាស​រ៝ង់​មា​ខាន់​អៃ​មៃ។ ហេន​លាស​អ្វែស​កោរាញ​ឞ្រាស​បាបើ​ងាន់​មា​ខាន់​អៃ​មៃ យ៝រ​លាស​លែៈ​កោរាញ​ឞ្រាស​កើយ្ស​ខាន់​អៃ​មៃ​មា​នាវ​រាក្លាយ្ស​ឞើស​នតើម​ញជេង​នែស​នតូ​ងាន់។ ខាន់​អៃ​មៃ​គែស​នាវ​រាក្លាយ្ស​យ៝រ​មា​ឞ្រាស​ហ្វេង​អ្វែស​ជាន​អ៝ន់​ខាន់​អៃ​មៃ​ក្ល៝ស​អ្វែស គែស​នាវ​រាក្លាយ្ស​យ៝រ​មា​ខាន់​អៃ​មៃ​ញឆីង​មា​នាវ​ងាន់​ដ៝ង់។
2TH 2:14 កោរាញ​ឞ្រាស​លែៈ​ក្វាល់​ខាន់​អៃ​មៃ​នៃ​មា​នាវ​មហែ​មហាន​អ្វែស​អី​ហេន​លែៈ​មឞើស​ងក៝ច ពាង់​ក្វាល់​ខាន់​អៃ​មៃ​គៃ​មា​អ៝ន់​ខាន់​អៃ​មៃ​ឆ៝ៈ​ទើន​នាវ​រាក្លាយ្ស​អី​នៃ ពាង់​អុច​ខាន់​អៃ​មៃ​គែស​នាវ​ច្រេក​លើប​ឞ្រាស​យេឆូ​ក្រីស ​នើម​អី​កោរាញ​ឞ៝ន់។
2TH 2:15 លាស​នទ្រី​អើ​អ៝ស​នោ អ៝ន់​ខាន់​អៃ​មៃ​គុ​ន៝ប់​រាក៝ក់​ហ៝ៈ ជេសរី​ញអោត​ទឹង​លែៈ​នាវ​អី​ហេន​លែៈ​នតុម​នតី​អ៝ន់​មា​ខាន់​អៃ​មៃ​នើស។ ហេន​នតុម​នតី​ខាន់​អៃ​មៃ​មា​ឞ៝រ់​មឞូង​ហេន​នើម​ងើយ​នើស នទ្រែល​មា​តា​ឆ៝ម់បុត​អី​ហេន​លែៈ​ញចីស។
2TH 2:16 កោរាញ​ឞ្រាស​អី​ឞឹ​ឞ៝ន់ ពាង់​គែស​នាវ​រ៝ង់​មា​ឞ៝ន់។ យ៝រ​មា​នាវ​អ្វែស​ពាង់​នើម ពាង់​ឞ៝ញ​លែង​ឞ៝ន់​នឹង​នហ៝​រ៝ នអ៝ប់​មា​លែៈ​អ៝ន់​ឞ៝ន់​នាវ​រានើម​ន៝ប់​រាក៝ក់។ ទាន់​ឞ្រាស​យេឆូ​ក្រីស ​អី​កោរាញ​ឞ៝ន់ នទ្រែល​មា​កោរាញ​ឞ្រាស​អី​ឞឹ​ឞ៝ន់‌
2TH 2:17 នហាវ​នូយ្ស​នហ៝ម់​ខាន់​អៃ​មៃ អ៝ន់​ខាន់​អៃ​មៃ​គែស​នហ៝ម់​ឆ្វាន​មា​ជាន​អាប់​នតីល​នទើ​អ្វែស នទ្រែល​មា​មឞើស​ងក៝ច​នាវ​អ្វែស​ដ៝ង់។
2TH 3:1 អើ​អ៝ស​នោ​តា​នាវ​ញឆីង តា​នទើ​ងគ្លែៈ​ទុត ហេន​ទាន់​ខាន់​អៃ​មៃ​មឞើស​ឆើម​មា​ហេន​បាៈ គៃ​មា​នាវ​កោរាញ​ឞ្រាស​អ៝ន់​មឞើស​ងក៝ច​គើញ​លើ​មា​អ៝ក់​នតុក​រ៝ នទ្រែល​មា​អ៝ន់​ឞូ​យើក​នាវ​កោរាញ​ឞ្រាស​អាប់​នតុក កើត​តា​នតុក​ខាន់​អៃ​មៃ​លែៈ​គែស​ដ៝ង់។
2TH 3:2 មឞើស​ឆើម​អ៝ន់​មា​ហេន​គៃ​មា​ក្លាយ្ស​ឞើស​ឞូនុយ្ស​ក្វែ ឞើស​ឞូនុយ្ស​អ្យើស យ៝រ​លាស​មោ​គែស​អោស​ទឹង​លែៈ​ឞូនុយ្ស​អី​គែស​ញឆីង។
2TH 3:3 យើន​មា​ឞ្រាស​យេឆូ ​គែស​នូយ្ស​នហ៝ម់​រាប់​ជាប់ ពាង់​មរា​ជាន​អ៝ន់​ខាន់​អៃ​មៃ​គែស​នូយ្ស​នហ៝ម់​ន៝ប់ ញជ្រាង់​ខាន់​អៃ​មៃ​មោ​អោស​អ៝ន់​តុប​តា​តី​ឆាតាង់ ​អី​កោរាញ​មពោល​ឞ្រាស​អ្យើស។
2TH 3:4 កោរាញ​យេឆូ ​លែៈ​គុ​នទ្រែល​ខាន់​អៃ​មៃ នទ្រី​ហេន​ញឆីង​លាស​ខាន់​អៃ​មៃ​លែៈ​តឹង​ជាន​កើត​នាវ​អី​ហេន​លែៈ​ដាៈ​ខាន់​អៃ​មៃ​នៃ ជេសរី​ហេន​ញឆីង​ខាន់​អៃ​មៃ​ហោម​ជាន​តឹង​កើត​ដ៝ង់។
2TH 3:5 ទាន់​កោរាញ​យេឆូ ​កើល​ខាន់​អៃ​មៃ​វ៝ត់​នាវ​រ៝ង់​កោរាញ​ឞ្រាស​លើ​មា​ជ្រូ កើល​ខាន់​អៃ​មៃ​ញឆ្រោយ្ស​គុ​ន៝ប់​តា​នាវ​ញឆីង ឞ៝ល​លាស​គែស​នាវ​ជេរ​ជ៝ត់​កាដោយ តឹម​ឞាន​មា​ឞ្រាស​ក្រីស ​ញឆ្រោយ្ស​គុ​ន៝ប់​តា​នាវ​ជេរ​ជ៝ត់​ពាង់​នើស​ដ៝ង់។
2TH 3:6 អើ​អ៝ស​នោ អាបៃ​អ្យា​ហេន​ដាៈ​ខាន់​អៃ​មៃ​តា​រាញា​កោរាញ​យេឆូ​ក្រីស  អ៝ន់​ខាន់​អៃ​មៃ​ទែរ​ងាយ​ហ៝ម់​ឞើស​ឞូនុយ្ស​អី​ញឆីង​មា​ឞ្រាស​ក្រីស ​ប្លាវ​ជាន​ការ គុ​តីស​ឞើស​នាវ​ហេន​លែៈ​នតុម​នតី​ខាន់​អៃ​មៃ។
2TH 3:7 ខាន់​អៃ​មៃ​នើម​លែៈ​គឹត​ជេស​នទើ​អី​ទី​មា​ខាន់​អៃ​មៃ​ទី​ជាន ជេង​នទើ​អី​ខាន់​អៃ​មៃ​ជាន​តឹង​កើត​ហេន។ នោក​ហេន​គុ​នទ្រែល​ខាន់​អៃ​មៃ​នើស​ហេន​មោ​ប្លាវ​អោស។
2TH 3:8 ហេន​មោ​គែស​អោស​ឆោង​ឆា​ទើម​ព្យាង់​ត្រាវ​ទូ​ហ្វេ​ឞូនុយ្ស​មោ​គែស​អ៝ន់​ព្រាក់។ ហេន​ញឆ្រោយ្ស​ជាន​ការ​រាគាញ់​ងាន់​ទឹង​មាង់​ទឹង​នារ គៃ​មា​លើយ​អោស​អ៝ន់​ខាន់​អៃ​មៃ​ជេរ​ម៝ត់​ឆ្យាម់​ហេន។
2TH 3:9 ទី​ដ៝ង់​លាស​ហេន​ដាៈ​ខាន់​អៃ​មៃ​ម៝ត់​ឆ្យាម់​ហេន យើន​មា​ហេន​ជាន​កើត​នអា​អុច​លែវ​នាវ​អ្វែស​អ៝ន់​ខាន់​អៃ​មៃ​តឹង​កើត។
2TH 3:10 នោក​ហេន​ហោម​គុ​នទ្រែល​ខាន់​អៃ​មៃ​នើស ហេន​លែៈ​នតិញ​ជេស​មា​ខាន់​អៃ​មៃ៖ «ឞូ​ម៝ស​អី​មោ​អុច​ជាន​ការ ឞូនុយ្ស​អី​នៃ​មោ​អ៝ន់​ពាង់​ឆោង​ដ៝ង់»។
2TH 3:11 យ៝រ​លាស​ហេន​តាង់​គែស​ឞូនុយ្ស​អាបាៈ​តា​ផូង​ខាន់​អៃ​មៃ​គុ​រេស​ប្លាវ​ទើម ខាន់​ពាង់​គែស​ងើយ​បោច​បោរ​ទើម​មា​មឞូង តីស​មា​មោ​អោស​ជាន​ការ។
2TH 3:12 ហេន​នតិញ​ដាៈ​មា​ឞូនុយ្ស​អី​កើត​នៃ​តា​រាញា​កោរាញ​យេឆូ​ក្រីស  អ៝ន់​ជាន​ការ​អ៝ន់​អ្វែស ឆោង​ឆា​តាៈ​ឞើស​ឞ្រាត់​ឆ្វាន​អី​នើម​ជាន​ហ៝ៈ។
2TH 3:13 អើ​អ៝ស​នោ ខាន់​អៃ​មៃ​លើយ​អោស​ទឹល​ជាន​នទើ​អ្វែស។
2TH 3:14 លាស​ឞូ​ម៝ស​អី​មោ​អ្យាត់​អោស​នាវ​ហេន​ញចីស​តា​ឆ៝ម់បុត​អ្យា អ៝ន់​ខាន់​អៃ​មៃ​គឹត​មា​ឞូនុយ្ស​អី​នៃ ជេសរី​លើយ​អោស​តឹម​រាង្លាប់​មា​ពាង់​អី​នៃ គៃ​មា​អ៝ន់​ពាង់​គែស​នាវ​ដីត​ព្រេង។
2TH 3:15 យើន​មា​លើយ​អោស​កើប​ពាង់​ជេង​ឞូនុយ្ស​រាលាង់ អ៝ន់​ងកាស​ពាង់​ជេង​តឹម​ឞាន​មា​អ៝ស​នោ​ហ៝ៈ។
2TH 3:16 ទាន់​កោរាញ​យេឆូ ​អី​តើម​នាវ​ដាប់​មពាន់ អ៝ន់​នាវ​ដាប់​មពាន់​អាប់​នតីល​មា​ខាន់​អៃ​មៃ​អាប់​ម៝ង​អាប់​នារ! ទាន់​ពាង់​គុ​នទ្រែល​មា​ទឹង​លែៈ​ខាន់​អៃ​មៃ។
2TH 3:17 នាវ​អោប​អ្វែស​លាង់​អ្យា គ៝ប់​ពោល ​ញចីស​មា​តី​គ៝ប់​នើម។ ត៝ត់​ឆៃ​នាវ​ញចីស​អ្យា ខាន់​អៃ​មៃ​នាល់​គ៝ប់​អី​តើម​ញចីស យ៝រ​មា​ទឹង​លែៈ​ឆ៝ម់បុត​គ៝ប់​ញចីស​នើស គែស​នាវ​ញចីស​កើត​នៃ​ទាទេ។
2TH 3:18 ទាន់​នាវ​អ្វែស​ឞ្រាស​យេឆូ​ក្រីស ​អី​កោរាញ​ឞ៝ន់​គុ​តា​ទឹង​លែៈ​ខាន់​អៃ​មៃ!៚
1TI 1:1 ឆ៝ម់បុត​គ៝ប់​ពោល ​ញចីស គ៝ប់​កោរាញ​អ៝ស​ម៝ន​ឞ្រាស​ក្រីស​យេឆូ ។ គ៝ប់​ជេង​កោរាញ​អ៝ស​ម៝ន​តាៈ​ឞើស​កោរាញ​ឞ្រាស​នើម នទ្រែល​មា​តាៈ​ឞើស​ឞ្រាស​ក្រីស​យេឆូ ​ដាៈ។ កោរាញ​ឞ្រាស​ជេង​នើម​រាក្លាយ្ស​ផូង​ឞ៝ន់ នាវ​រានើម​ផូង​ឞ៝ន់​តា​ឞ្រាស​ក្រីស​យេឆូ ​ទើម។
1TI 1:2 គ៝ប់​ញជ្វាល់​ឆ៝ម់បុត​អ្យា​អ៝ន់​មា​មៃ​តីមោថេ  អី​តឹម​ឞាន​មា​ក៝ន​គ៝ប់​នើម​ងាន់​យ៝រ​មា​គ៝ប់​លែវ​មៃ​ឆឹត​ញឆីង​មា​ឞ្រាស​យេឆូ ។ ទាន់​កោរាញ​ឞ្រាស នទ្រែល​មា​ឞ្រាស​ក្រីស​យេឆូ ​អ៝ន់​នាវ​អ្វែស នាវ​យោៈ នាវ​ដាប់​មពាន់​មា​មៃ។ កោរាញ​ឞ្រាស​ជេង​ឞឹ​ឞ៝ន់ ឞ្រាស​ក្រីស​យេឆូ ​ជេង​កោរាញ​ឞ៝ន់។
1TI 1:3 នោក​គ៝ប់​លោស​ឞើស​ប៝ន​អេផេឆោ ​ហាន់​តា​ឞ្រី​មាឆេដោន  គ៝ប់​លែៈ​អ៝ន់​មៃ​ហោម​គុ​តា​ប៝ន​អេផេឆោ ​គៃ​មា​ឞ្វៃ​ឞូ​លើយ​អោស​អ៝ន់​នតុម​នតី​នាវ​ងក្លាៈ។ អាបៃ​អ្យា​គ៝ប់​ហោម​អ៝ន់​មៃ​គុ​តា​នៃ​ហ៝ៈ​គៃ​មា​ហោម​ជាន​កើត​នៃ​ដ៝ង់‌
1TI 1:4 ឞ្វៃ​លើយ​អ៝ន់​ឞូ​ងក៝ច​នអើន​អ៝ក់ លើយ​អ៝ន់​ងក៝ច​យៅ​រុង​អី​ជ៝ង​រាហេង​ងាន់​នៃ យ៝រ​លាស​នាវ​អី​នៃ​ជេង​តឹម​អោប​រាខេល​ទើម មោ​អោស​កើល​ឞ៝ន់​ជាន​តឹង​នាវ​កោរាញ​ឞ្រាស​អុច។ យើន​មា​នាវ​ញឆីង​មា​ឞ្រាស​យេឆូ ​កើល​អ៝ន់​ឞ៝ន់​ជាន​តឹង​នាវ​កោរាញ​ឞ្រាស​អុច។
1TI 1:5 នាវ​នតី​តា​ផូង​ញឆីង​មា​ឞ្រាស​យេឆូ​ក្រីស ​អុច​អ៝ន់​ផូង​ញឆីង​គែស​នាវ​រ៝ង់​មា​ឞូ នាវ​រ៝ង់​អី​លោស​ឞើស​នូយ្ស​នហ៝ម់​ក្ល៝ស លោស​ឞើស​នូយ្ស​នហ៝ម់​ឆ៝ង់ នទ្រែល​មា​លោស​ឞើស​នាវ​ញឆីង​រាប់​ជាប់​ងាន់។
1TI 1:6 ឞូនុយ្ស​អាបាៈ​លែៈ​ទូ​ទែរ​ជេស​ឞើស​ទឹង​លែៈ​នាវ​អី​នៃ អាបៃ​អ្យា​ខាន់​ពាង់​មឞើស​ងើយ​លាៈ​លេង​ទើម។
1TI 1:7 ខាន់​ពាង់​អី​នៃ​អុច​ជេង​នើម​នតី​នាវ​វៃ​ផូង​អីឆ្រាអែល  យើន​មា​ខាន់​ពាង់​នើម​មោ​គឹត​វ៝ត់​អោស​នាវ​អី​ខាន់​ពាង់​ងើយ។ ជេសរី​នទើ​អី​ខាន់​ពាង់​នតី​ឞាញ់​ងាន់​នៃ​មោ​គឹត​វ៝ត់​ដ៝ង់​មា​នាវ​ខ្លៃ។
1TI 1:8 ឞ៝ន់​លែៈ​គឹត​នាវ​វៃ​ផូង​អីឆ្រាអែល ​ជេង​អ្វែស លាស​ឞ៝ន់​ឞ្លាវ​ទ៝ង់​អ៝ន់​ទី។
1TI 1:9 អ៝ន់​ឞ៝ន់​កាស​គឹត នាវ​វៃ​ផូង​អីឆ្រាអែល  កោរាញ​ឞ្រាស​មោ​អោស​នទ្រាប់​គៃ​មា​តេៈ​ទោយ្ស​មា​ឞូនុយ្ស​ឆ៝ង់ យើន​មា​ពាង់​អ៝ន់​នាវ​វៃ​អី​នៃ​មា​តេៈ​ទោយ្ស​មា​ផូង​អី​មោ​ជាន​តឹង​នាវ​វៃ ផូង​មោ​អ្យាត់​នាវ ផូង​មោ​យើក​មា​កោរាញ​ឞ្រាស ផូង​ជាន​អ្យើស​នឹង ផូង​មោ​ក្ល៝ស​អ្វែស ផូង​រាក​ឆ្វាយ​កោរាញ​ឞ្រាស ផូង​ងខឹត​មេៈ​ឞឹ ផូង​ងខឹត​ឞូ។
1TI 1:10 ពាង់​អ៝ន់​នាវ​វៃ​អី​នៃ​គៃ​មា​តេៈ​ទោយ្ស​មា​ផូង​ខើស​ក្លែរ ផូង​ឞូ​ក្លោ​គុ​តឹម​ទ៝ង់​នទ្រាង់​ផូង​ឞូ​ក្លោ ផូង​តាច់​រាគ៝ល់​ឞូនុយ្ស ផូង​មរោស ផូង​ងើយ​ញចើត នទ្រែល​មា​ទឹង​លែៈ​ផូង​អេង​ជឹត​អី​តឹម​រាទ៝ង់​ដាស​នាវ​នតុម​នតី​ទី។
1TI 1:11 នាវ​នតុម​នតី​ទី​តាៈ​ឞើស​នាវ​មហែ​មហាន​អ្វែស​អី​កោរាញ​ឞ្រាស​អ៝ន់​គ៝ប់​មឞើស​ងក៝ច​មា​ឞូ។ នាវ​មហែ​មហាន​អ្វែស​អី​នៃ​តាៈ​ឞើស​កោរាញ​ឞ្រាស​អី​ទុត​អ្វែស នអ៝ប់​មា​គែស​នាវ​ច្រេក​លើប។
1TI 1:12 គ៝ប់​លាស​អ្វែស​មា​ឞ្រាស​ក្រីស​យេឆូ ​អី​កោរាញ​ឞ៝ន់ ពាង់​លែៈ​អ៝ន់​នហ៝ម់​ឆ្វាន​មា​គ៝ប់​ទើយ​ជាន​ការ​មា​ពាង់។ គ៝ប់​លាស​អ្វែស​មា​ពាង់ យ៝រ​លាស​លែៈ​ពាង់​កើប​គ៝ប់​ន៝ប់​រាក៝ក់​ងាន់ នអ៝ប់​មា​អ៝ន់​គ៝ប់​ជាន​ការ​មា​ពាង់​ដ៝ង់។
1TI 1:13 ពាង់​អ៝ន់​គ៝ប់​ជាន​ការ​មា​ពាង់ ឞ៝ល​លាស​គ៝ប់​ឞើស​នតើម​នើស​ជេង​ឞូនុយ្ស​រាក​ថាម់ ឞូនុយ្ស​ជាន​ជេរ ឞូនុយ្ស​ហាត់​ជាញ​មា​ផូង​អី​ញឆីង​មា​ពាង់​កាដោយ។ ពាង់​ហោម​យោៈ​នអាច​គ៝ប់​ដ៝ង់ ឞ៝ល​លាស​នោក​នៃ​គ៝ប់​អេ​ហ៝ៈ​អោស​គែស​នាវ​ញឆីង​មា​ពាង់ ជេសរី​មោ​គឹត​ដ៝ង់​ម៝ស​នទើ​អី​គ៝ប់​ជាន​នៃ។
1TI 1:14 យើន​មា​នាវ​យោៈ​កោរាញ​ឞ្រាស​អ៝ក់​រាមែស​លែរ​ងាន់ ពាង់​ជាន​អ៝ន់​គ៝ប់​គែស​នាវ​ញឆីង គែស​នាវ​រ៝ង់​មា​ឞូ។ លែៈ​នទើ​អី​នៃ​ជេង​តាៈ​ឞើស​ឞ្រាស​ក្រីស​យេឆូ ​នើម​អ៝ន់។
1TI 1:15 ឞូ​លាស៖ «ឞ្រាស​ក្រីស​យេឆូ ​វាច់​តា​នែស​នតូ​អ្យា​គៃ​មា​រាក្លាយ្ស​ឞូនុយ្ស​តីស»។ នាវ​អី​នៃ​ជេង​ទី​ងាន់ នទ្រែល​មា​ទី​មា​ឆ៝ៈ​ទើន​ដ៝ង់។ ល៝ង់​គ៝ប់​អ្យា​អី​ឞូនុយ្ស​តីស​រាលាវ​ឞូ​ងាន់។
1TI 1:16 យ៝រ​មា​គ៝ប់​អី​ឞូនុយ្ស​តីស​រាលាវ​ឞូ​ងាន់ ឞ្រាស​ក្រីស​យេឆូ ​យោៈ​មា​គ៝ប់ គៃ​មា​ញហើ​នាវ​អ៝ត់​នូយ្ស​ពាង់​ទុត​ហោ​ងាន់​ងេន កើត​នទ្រី​ពាង់​ជាន​គ៝ប់​ជេង​នាវ​នតឹត​មា​ទឹង​លែៈ​ឞូនុយ្ស​អី​ឆឹត​ញឆីង​មា​ពាង់ ទឹង​គែស​នាវ​រេស​នហ៝​រ៝។
1TI 1:17 កើត​នទ្រី​អ៝ន់​ឞ៝ន់​យើក​មា​កោរាញ​ឞ្រាស​បាបើ​នហ៝​រ៝ អ៝ន់​ពាង់​គែស​នាវ​ច្រេក​លើប​បាបើ​នហ៝​រ៝។ ពាង់​ជេង​កាដាច់​អី​ហោម​គែស​នហ៝​រ៝ អី​មោ​អោស​ឞ្លាវ​ខឹត។ ឞូនុយ្ស​អ្វាញ់​ពាង់​មោ​ឞ្លាវ​ឆៃ​អោស ជេសរី​មោ​ហោម​អោស​គែស​ឞ្រាស​អី​ងាន់​អា​អេង​ជឹត។ នាវ​អី​នៃ​ទី​ងាន់!
1TI 1:18 អើ​តីមោថេ ​ក៝ន​គ៝ប់ គ៝ប់​នតិញ​មា​មៃ​ជេង​តឹម​ទី​មា​នាវ​អី​ឞូនុយ្ស​នតើយ្ស​នាវ​ងើយ​កោរាញ​ឞ្រាស​លែៈ​មឞើស​ងក៝ច​ជេស​មា​មៃ​នើស អ៝ន់​នាវ​មឞើស​ងក៝ច​អី​នៃ​នហាវ​នូយ្ស​នហ៝ម់​មៃ អ៝ន់​មៃ​តឹម​រាទ៝ង់​ដាស​អាប់​នតីល​នាវ​អ្យើស តឹម​ឞាន​មា​តាហែន​តឹម​លើស​ដាស​ឞូ​គៃ​មា​ទើយ​ពាង់។
1TI 1:19 នោក​មៃ​គែស​នាវ​តឹម​រាទ៝ង់​អ៝ន់​មៃ​ញអោត​ន៝ប់​នាវ​ញឆីង នទ្រែល​មា​ជាន​នទើ​អី​ទី​ដាស​កោរាញ​ឞ្រាស​អុច​ទើម។ យ៝រ​មា​ឞូនុយ្ស​អាបាៈ​រាលាច់​មា​នទើ​អី​ទី​ដាស​កោរាញ​ឞ្រាស​អុច នាវ​ញឆីង​ខាន់​ពាង់​អី​នៃ​លែៈ​រ៝ស​លែៈ​ផ្យៅ។
1TI 1:20 តា​មពោល​ឞូនុយ្ស​អី​នៃ​គែស​ហីមេនេស ​នទ្រែល​មា​អាលេកឆាន់ត្រុស ។ គ៝ប់​លែៈ​ញជុន​ជេស​ខាន់​ពាង់​អ៝ន់​មា​ឆាតាង់ ​អី​កោរាញ​មពោល​ឞ្រាស​អ្យើស​គៃ​មា​លើស​ខាន់​ពាង់ គៃ​មា​ខាន់​ពាង់​លើយ​ហោម​មឺច​រាម៝ត​កោរាញ​ឞ្រាស។
1TI 2:1 នទើ​អី​គ៝ប់​ទាន់​នតិញ​មៃ​អី​គែស​នាវ​ខ្លៃ​រាលាវ​ឞូ អ៝ន់​ទឹង​លែៈ​ផូង​ញឆីង​មឞើស​ឆើម​ទាន់​មា​កោរាញ​ឞ្រាស ទាន់​ពាង់​មា​ទឹង​លែៈ​ឞូនុយ្ស អ៝ន់​ខាន់​អៃ​មៃ​លាស​អ្វែស​មា​ពាង់​អ៝ន់​មា​ទឹង​លែៈ​ឞូនុយ្ស​ដ៝ង់។
1TI 2:2 អ៝ន់​ជាន​កើត​នអា​មា​កាដាច់ នអ៝ប់​មា​ទឹង​លែៈ​ផូង​កោរាញ​ម៝ត់​អ្វាញ់​ដ៝ង់ គៃ​មា​ឞ៝ន់​គែស​នាវ​ដាប់​មពាន់ គុ​អ្វែស​រាក់​ក្លាក់​តឹម​នាវ​ក្លាច​យើក​មា​កោរាញ​ឞ្រាស នទ្រែល​មា​គុ​តា​នាវ​រេស​អ្វែស។
1TI 2:3 នាវ​មឞើស​ឆើម​អី​នៃ​ជេង​នទើ​អ្វែស​តា​នាប់​កោរាញ​ឞ្រាស នទ្រែល​មា​នាវ​កោរាញ​ឞ្រាស​អុច​អី​នើម​រាក្លាយ្ស​ឞ៝ន់។
1TI 2:4 ពាង់​អុច​ទឹង​លែៈ​ឞូនុយ្ស​គែស​រាក្លាយ្ស នអ៝ប់​មា​គឹត​នាល់​នាវ​ងាន់។
1TI 2:5 យ៝រ​លាស គែស​ទូ​ហ្វេ​កោរាញ​ឞ្រាស​ទើម‌ គែស​នើម​មា​ជាន​អ៝ន់​នាវ​តឹម​រាង្លាប់​ទូ​ហ្វេ​ទើម​អី​គុ​តា​ងក្លាង​វាស​វាង​កោរាញ​ឞ្រាស​នើម​មា​ឞូនុយ្ស។ ពាង់​អី​នៃ​ឞ្រាស​ក្រីស​យេឆូ ពាង់​ជេង​ឞូនុយ្ស​ដ៝ង់។
1TI 2:6 ពាង់​លែៈ​ជាវ​ឆាក់​ពាង់​នើម​មា​ខឹត គៃ​មា​ច្វាយ​ទឹង​លែៈ​ឞូនុយ្ស។ នាវ​អី​នៃ​កោរាញ​ឞ្រាស​លែៈ​ញហើ​តា​ទី​នារ​ពាង់​អុច។
1TI 2:7 ជេសរី​កោរាញ​ឞ្រាស​លែៈ​កើយ្ស​ជេស​គ៝ប់ អ៝ន់​គ៝ប់​មឞើស​ងក៝ច​នាវ​ខ្លៃ​អី​អ្យា អ៝ន់​គ៝ប់​ជាន​កោរាញ​អ៝ស​ម៝ន ជាន​នើម​នតី​មា​ផូង​អី​មោ​ទី​ផូង​អីឆ្រាអែល  នតី​ខាន់​ពាង់​មា​នាវ​ញឆីង​មា​ឞ្រាស​យេឆូ  នអ៝ប់​មា​នាវ​ងាន់។ គ៝ប់​ងើយ​នាវ​ងាន់ មោ​គែស​មរោស​អោស។
1TI 2:8 គ៝ប់​អុច​ផូង​ឞូ​ក្លោ​អាប់​នតុក​អី​គែស​ឞូនុយ្ស​ញឆីង​អី​គែស​តឹម​រាបុន​អ៝ន់​មឞើស​ឆើម​យើរ​តី​មា​នូយ្ស​នហ៝ម់​ក្ល៝ស​អ្វែស មោ​គែស​អោស​នាវ​នូយ្ស មោ​លាស​នាវ​តឹម​រាលាច់។
1TI 2:9 មា​ផូង​ឞូ​អូរ​គ៝ប់​អុច​ខាន់​ពាង់​ញឆ៝ស​ងគូត​អ៝ន់​តឹម​ទី ជេង​ទី​ដាស​នាវ​វៃ​គុ​ងាវ លើយ​អោស​រាលាវ​កែស​អីរ។ លើយ​ពាច់​ឆ៝ក់ លើយ​តា​នទ៝ក​វាន់​មាយ្ស មោ​លាស​អ៝ក់​លុ​ពិច​មល៝ម់​(លុ​គ្ល៝) នអ៝ប់​មា​លើយ​អោស​ឆ៝ស​នទើ​អី​ខ្លៃៗ​អីរ គៃ​មា​ឞូ​រានេ។
1TI 2:10 យើន​មា​អ៝ន់​ខាន់​ពាង់​ជាន​នទើ​អ្វែស​មា​ឞូ​ហ៝ៈ។ ជាន​កើត​នៃ​តឹម​ឞាន​មា​ងក្រឹ​ឆាក់​មា​នទើ​ខ្លៃ​តា​ឞើស​នាប់​កោរាញ​ឞ្រាស។ នាវ​អី​នៃ​ទី​មា​ផូង​ឞូ​អូរ​អី​កើប​ឆាក់​ពាង់​នើម​យើក​មា​កោរាញ​ឞ្រាស។
1TI 2:11 នោក​ឞូ​នតី​នាវ​កោរាញ​ឞ្រាស ផូង​ឞូ​អូរ​អ៝ន់​គុ​អ្យាត់​ឆាក់​រាក់​ក្លាក់​ហ៝ៈ ជេសរី​អ្យាត់​ទឹង​លែៈ​នាវ​ឞូ​នតី​នៃ។
1TI 2:12 គ៝ប់​មោ​អ៝ន់​អោស​ឞូ​ម៝ស​ឞូ​អូរ​នតី​នោក​រាបុន មោ​លាស​ជេង​កោរាញ​ម៝ត់​អ្វាញ់​ឞូ​ក្លោ អ៝ន់​ខាន់​ពាង់​គុ​អ្យាត់​ឆាក់​រាក់​ក្លាក់​ហ៝ៈ​នោក​តឹម​រាបុន‌
1TI 2:13 យ៝រ​លាស​កោរាញ​ឞ្រាស​ញជេង​អាដាម់ ​អី​ឞូ​ក្លោ​ល៝រ ជេសរី​ញជេង​អេវា ​អី​ឞូ​អូរ​ឞើស​កើយ។
1TI 2:14 មោ​ទី​អាដាម់ ​អោស​អ្យាត់​នាវ​មរោស យើន​មា​អេវា ​អ្យាត់​នាវ​មរោស​នអ៝ប់​មា​រាលាវ​នាវ​វៃ​កោរាញ​ឞ្រាស​ជឹត។
1TI 2:15 នទ្រី​ទឹង​ផូង​ឞូ​អូរ​គែស​នាវ​ជេរ​គុ​អ៝ស។ យើន​មា​ខាន់​ពាង់​ហោម​គែស​នាវ​រាក្លាយ្ស​លាស​ខាន់​ពាង់​គុ​ន៝ប់​តា​នាវ​ញឆីង តា​នាវ​រ៝ង់​មា​ឞូ តា​នាវ​ក្ល៝ស​អ្វែស នទ្រែល​មា​តា​នាវ​គុ​ងាវ​មោ​អោស​រាលាវ​កែស​អីរ។
1TI 3:1 នាវ​ងើយ​អ្យា​ទី​ងាន់៖ «ឞូ​ម៝ស​អី​អុច​ជាន​កោរាញ​ម៝ត់​អ្វាញ់​ផូង​ញឆីង​មា​ឞ្រាស​ក្រីស​យេឆូ  ការ​អី​ពាង់​អុច​ជាន​ជេង​នតីល​ការ​អី​ឞូ​យើក​ងាន់»។
1TI 3:2 លាស​នទ្រី​នើម​កោរាញ​ម៝ត់​អ្វាញ់​ផូង​ញឆីង​មា​ឞ្រាស​ក្រីស​យេឆូ  អ៝ន់​ពាង់​ជេង​ឞូនុយ្ស​មោ​គែស​អោស​ជាន​ទូ​នតីល​នទើ​អ្យើស​តា​ពាង់ ជេង​ឞូនុយ្ស​គែស​អូរ​ង្វាយ​ទើម​ហ៝ៈ ឞូនុយ្ស​គឹត​ញជីង​នាវ​អ្វែស​នាវ​អ្យើស ឞូនុយ្ស​ឞ្លាវ​ម៝ត់​ញជ្រាង់​ឆាក់ គុ​ងាវ​អ្វែស ឞ្លាវ​រ៝ម​ឞូ​នាច់​តា​ជៃ​ពាង់​នើម ឞ្លាវ​នតុម​នតី​ឞូ‌
1TI 3:3 យើន​មា​មោ​ញុល​នទ្រាញ់ មោ​តឹម​ល៝ក់​តឹម​រាលាច់​ឞាល់ មោ​ជ៝យ​នាវ​មា​ឞូ មោ​កើញ​អីរ​មា​ព្រាក់ ជេសរី​គែស​នូយ្ស​នហ៝ម់​មលែស​រាមេន​ហ៝ៈ។
1TI 3:4 អ៝ន់​ពាង់​ជេង​ឞូនុយ្ស​ឞ្លាវ​ម៝ត់​អូរ​ក៝ន​រានាក់​វ៝ល់​ពាង់​នើម នអ៝ប់​មា​អ៝ស​ក៝ន​ពាង់​ឞ្លាវ​អ្យាត់​នាវ ជេសរី​យើក​ពាង់​ដ៝ង់។
1TI 3:5 លាស​ពាង់​មោ​ឞ្លាវ​ម៝ត់​អ្វាញ់​រានាក់​វ៝ល់​ពាង់​នើម មើម​ពាង់​ឞ្លាវ​ម៝ត់​អ្វាញ់​ផូង​ញឆីង​កោរាញ​ឞ្រាស!
1TI 3:6 ឞូនុយ្ស​មហែ​ឆឹត​ញឆីង មោ​អោស​អ៝ន់​ពាង់​ជាន​កោរាញ​ម៝ត់​អ្វាញ់ ក្លាច​លាស​ពាង់​នហី​អេង​ឆាក់ ជេសរី​ជេង​គែស​ទោយ្ស​តឹម​ឞាន​មា​ឆាតាង់ ​អី​កោរាញ​មពោល​ឞ្រាស​អ្យើស។
1TI 3:7 រាលាវ​ឞើស​នៃ​អ៝ន់​កោរាញ​ម៝ត់​អ្វាញ់​ផូង​ញឆីង​មា​ឞ្រាស​យេឆូ​ក្រីស ​តាង់​ងក៝ច​នាវ​អ្វែស​មា​ពាង់​ឞើស​ផូង​អី​មោ​ញឆីង​មា​ឞ្រាស​យេឆូ ​ដ៝ង់ ក្លាច​លាស​ឞូ​មឺច​រាម៝ត​ពាង់ ជេសរី​តុប​តា​នាវ​នទើម​ឆាតាង់ ។
1TI 3:8 ជេសរី​ផូង​ឞូនុយ្ស​អី​កើល​ជាន​ការ​តា​ផូង​ញឆីង​មា​ឞ្រាស​យេឆូ​ក្រីស ​តឹម​ឞាន​កើត​នៃ​ដ៝ង់ អ៝ន់​ពាង់​ជេង​ឞូនុយ្ស​គុ​ងាវ​អ្វែស មឞើស​ងើយ​ឆ៝ង់ មោ​រ៝ង់​មា​នទ្រាញ់ មោ​អោស​កើញ​មា​ព្រាក់។
1TI 3:9 អ៝ន់​ឞូនុយ្ស​អី​នៃ​ជេង​ឞូនុយ្ស​ញអោត​ន៝ប់​ទឹង​លែៈ​នាវ​ញឆីង​នទើ​អី​កោរាញ​ឞ្រាស​លែៈ​ញហើ​ជេស​មា​ឞ៝ន់ អ៝ន់​ពាង់​ជេង​ឞូនុយ្ស​អី​លែៈ​គឹត​តា​នូយ្ស​នហ៝ម់​មោ​អោស​ជាន​មា​នទើ​អ្យើស​នទើ​មោ​អ្វែស។
1TI 3:10 អ៝ន់​ឞូ​រាល៝ង​នូយ្ស​នហ៝ម់​ពាង់​ល៝រ​ប៝ត់ លាស​មោ​អោស​ឆៃ​គែស​នាវ​មា​នទុយ្ស​តា​ពាង់ អ៝ន់​ពាង់​ជាន​ការ​ជេង​ឞូនុយ្ស​កើល​ជាន​ការ​តា​ផូង​ញឆីង​មា​ឞ្រាស​យេឆូ​ក្រីស ​ទោ។
1TI 3:11 ល៝ង់​អី​អូរ​ពាង់​អ៝ន់​គែស​កើត​នៃ​ដ៝ង់ អ៝ន់​គុ​ងាវ​អ្វែស លើយ​ងើយ​កែក​ឞូ អ៝ន់​ជេង​ឞូនុយ្ស​អី​គឹត​ញជីង​នាវ​អ្វែស​នាវ​អ្យើស ជេសរី​តា​នទើ​ពាង់​ជាន​អ៝ន់​ឆ៝ង់​ទាទេ។
1TI 3:12 ឞូនុយ្ស​អី​កើល​ជាន​ការ ជេង​ឞូនុយ្ស​គែស​អូរ​ង្វាយ​ទើម​ហ៝ៈ ជេសរី​ឞ្លាវ​ម៝ត់​អ្វាញ់​អ៝ស​ក៝ន នអ៝ប់​មា​រានាក់​វ៝ល់​ពាង់​នើម​ដ៝ង់។
1TI 3:13 លាស​ឞូនុយ្ស​កើល​ជាន​ការ​ពាង់​ជាន​អ្វែស ឞូ​មរា​យើក​ពាង់ ជេសរី​ពាង់​ឞ្លាវ​មឞើស​ងក៝ច​មា​នាវ​ញឆីង​មា​ឞ្រាស​ក្រីស​យេឆូ ​នអ៝ប់​មា​នូយ្ស​នហ៝ម់​ឞាញ់​ដ៝ង់។
1TI 3:14 គ៝ប់​ញចីស​ឆ៝ម់បុត​អ្យា​ញជ្វាល់​អ៝ន់​មៃ​ល៝រ គ៝ប់​អុច​ហាន់​ម៝ប់​មៃ​គើញ យើន​មា​អេ​ហ៝ៈ​គឹត។
1TI 3:15 លាស​គ៝ប់​ជ៝ៈ​ត៝ត់ ឆ៝ម់បុត​អ្យា​មរា​កើល​មៃ អ៝ន់​មៃ​គឹត​ម៝ស​នទើ​អ្វែស​មា​ជាន​តា​ផូង​ញឆីង​មា​កោរាញ​ឞ្រាស ជេង​ឞាល់​មពោល​កោរាញ​ឞ្រាស​អី​រេស​ងាន់។ ផូង​អី​នៃ​កោរាញ​ឞ្រាស​អ៝ន់​ញជ្រាង់​នាវ​នតុម​នតី​មា​នាវ​ងាន់ នទ្រែល​មា​មឞើស​ងក៝ច​នាវ​ងាន់​ពាង់​នើម នទ្រី​ខាន់​ពាង់​ជេង​ន៝ប់​តឹម​ឞាន​មា​មែស​នតូរ​ជាន​អ៝ន់​ជៃ​ជេង​ន៝ប់។
1TI 3:16 មោ​គែស​ឞូនុយ្ស​ទើយ​តឹម​រាលាច់​នទើ​ឞើស​ទ៝ង់​អ្យា ទុត​ក្វ៝ង់​ងាន់​នទើ​អី​កោរាញ​ឞ្រាស​លែៈ​ញហើ​អ៝ន់​ឞ៝ន់​តា​នាវ​ញឆីង នទើ​អី​នទ៝ប់​អា​ល៝រ​នើស៖ កោរាញ​ឞ្រាស​លែៈ​ញហើ​ជេស​អ៝ន់​ឞ៝ន់​គឹត​នាល់​ឞ្រាស​ក្រីស ​អី​ជេង​ឞូនុយ្ស​ងាន់‌ ឞ្រាស​ហ្វេង​អ្វែស​លែៈ​ញហើ​ពាង់​ឆ៝ង់​ងាន់‌ ផូង​តោង​ពារ់​លែៈ​ឆៃ​ពាង់។ ឞូ​មឞើស​ងក៝ច​ពាង់​លាម​ផូង​អី​មោ​ទី​ផូង​អីឆ្រាអែល ‌ ឞូ​ញឆីង​មា​ពាង់​តា​លាម​នែស​នតូ​អ្យា‌ ជេសរី​កោរាញ​ឞ្រាស​នហាវ​ពាង់​គុ​នទ្រែល​ពាង់​នើម​តា​កាលើ​ត្រោក។
1TI 4:1 ឞ្រាស​ហ្វេង​អ្វែស​លែៈ​មឞើស​នហេល​ងាន់​ជេស តា​នារ​ជឹត​នាប់​តៃ​មរា​គែស​ឞូនុយ្ស​អាបាៈ​មអារ់​លើយ​នាវ​ញឆីង យ៝រ​មា​តឹង​អ្យាត់​នាវ​មរោស​នទើម​ឞូនុយ្ស​អី​តាៈ​ឞើស​ឞ្រាស​អ្យើស នទ្រែល​មា​តឹង​អ្យាត់​នាវ​នតុម​នតី​ឞូនុយ្ស​អី​តាៈ​ឞើស​ឞ្រាស​អ្យើស​ដ៝ង់។
1TI 4:2 ខាន់​ពាង់​អី​ឞូនុយ្ស​នតី​នាវ​អី​នៃ​គែស​នូយ្ស​នហ៝ម់​នទ៝ប់​មពោន​អី​មោ​ហោម​ឞ្លាវ​គឹត​នាល់​នទើ​អ្វែស​នទើ​អ្យើស។
1TI 4:3 ខាន់​ពាង់​ឞ្វៃ​មោ​អ៝ន់​តឹម​ឆ៝ៈ​អូរ​ឆាយ ខាន់​ពាង់​មោ​អ៝ន់​នទើ​ឆា​អាបាៈ យើន​មា​កោរាញ​ឞ្រាស​លែៈ​ជេស​ញជេង​ត្រាវ​អី​នៃ កើត​នទ្រី​មោ​ច្រាវ​អោស​មា​ផូង​ញឆីង​អី​លែៈ​គឹត​នាល់​នាវ​ងាន់​ឆោង​ឆា​ត្រាវ​អី​នៃ​នអ៝ប់​មា​នាវ​លាស​អ្វែស​កោរាញ​ឞ្រាស។
1TI 4:4 ទឹង​លែៈ​នទើ​ឆោង​ឆា​អី​កោរាញ​ឞ្រាស​លែៈ​ជេស​ញជេង ជេង​អ្វែស​ទាទេ មោ​គែស​អោស​ទូ​មល៝ម់​មអារ់។ អ៝ន់​ឆោង​ឆា​មា​នាវ​លាស​អ្វែស​កោរាញ​ឞ្រាស។
1TI 4:5 នាវ​ងើយ​កោរាញ​ឞ្រាស​នើម នទ្រែល​មា​នាវ​លាស​អ្វែស​កោរាញ​ឞ្រាស ជាន​នទើ​ឆោង​ឆា​អ៝ន់​ជេង​លែៈ​អ្វែស។
1TI 4:6 លាស​មៃ​នតុម​នតី​នាវ​អី​អ្យា​អ៝ន់​មា​ផូង​ញឆីង មៃ​ជេង​ឞូនុយ្ស​ជាន​ការ​អ្វែស​ងាន់​អ៝ន់​មា​ឞ្រាស​ក្រីស​យេឆូ  ជេង​ឞូនុយ្ស​អី​គែស​នហ៝ម់​ឆ្វាន​តា​នូយ្ស​នហ៝ម់​យ៝រ​មា​ញអោត​ន៝ប់​នាវ​នតី​មា​នាវ​ញឆីង​នាវ​នតី​ទី។ ជេសរី​មៃ​លែៈ​អ្យាត់​នាវ​នតី​ទី​អី​នៃ។
1TI 4:7 មៃ​លើយ​អ្យាត់​អោស​នអើន​ឞូ​ងក៝ច​តាៈ​ឞើស​កាល់​អែ​អី​មោ​គែស​នាវ​ខ្លៃ​មា​នាវ​ញឆីង ដេៈ​ក៝ៈ​មោ​អ្យាត់​ដ៝ង់។ អ៝ន់​មៃ​ញឆ្រោយ្ស​នតី​មា​ឆាក់​មៃ​នើម គៃ​មា​អ្យាត់​ជាន​តឹង​នាវ​កោរាញ​ឞ្រាស​លើ​មា​អ៝ក់​ហ៝ៈ។
1TI 4:8 លាស​ឞ៝ន់​ញឆ្រោយ្ស​គៃ​មា​គែស​នហ៝ម់​ឆ្វាន​ទាង់​គែស​នាវ​ខ្លៃ​អាបាៈ​ទើម យើន​មា​លាស​ឞ៝ន់​ញឆ្រោយ្ស​នតី​មា​ឆាក់​ឞ៝ន់​នើម គៃ​មា​អ្យាត់​ជាន​តឹង​នាវ​កោរាញ​ឞ្រាស ឞ៝ន់​ឆ៝ៈ​ទើន​នាវ​គែស​ជេង​កោរាញ​ឞ្រាស​អី​ពាង់​លែៈ​ត៝ន​ជេស​នោក​ឞ៝ន់​រេស​អាបៃ​អ្យា នទ្រែល​មា​ត៝ត់​ឞ៝ន់​ទ៝ក់​រេស​តៃ​ដ៝ង់។
1TI 4:9 នាវ​ងើយ​អី​នៃ​ជេង​ទី​ងាន់ ជេសរី​ទី​មា​ឆ៝ៈ​ទើន​ដ៝ង់។
1TI 4:10 កើត​នទ្រី​ទឹង​ឞ៝ន់​ញឆ្រោយ្ស​ជាន​ការ [នទ្រែល​មា​ឆ៝ៈ​ទើន​នាវ​ឞូ​មឺច​រាម៝ត] យ៝រ​លាស​ឞ៝ន់​គែស​នាវ​ញឆីង​មា​កោរាញ​ឞ្រាស​អី​រេស​ងាន់។ ពាង់​អុច​រាក្លាយ្ស​មា​ទឹង​លែៈ​ឞូនុយ្ស យើន​មា​ពាង់​រាក្លាយ្ស​ងាន់​មា​ឞូនុយ្ស​អី​ញឆីង​មា​ពាង់។
1TI 4:11 អ៝ន់​មៃ​ដាៈ​ផូង​ញឆីង នទ្រែល​មា​នតុម​នតី​នាវ​អី​នៃ​មា​ខាន់​ពាង់។
1TI 4:12 លើយ​អោស​អ៝ន់​ឞូ​មឺច​មៃ​យ៝រ​មា​មៃ​ហោម​ក៝ន​ឆែ យើន​មា​តា​នាវ​មឞើស​ងើយ តា​នាវ​គុ​ងាវ តា​នាវ​រ៝ង់ តា​នាវ​ញឆីង តា​នាវ​ក្ល៝ស​អ្វែស អ៝ន់​មៃ​លែវ​នាវ​អ្វែស​មា​លែៈ​រាងោច​ផូង​ញឆីង។
1TI 4:13 អ៝ន់​គើយ្ស​រ៝ៈ​អ៝ន់​នតែស​នាវ​កោរាញ​ឞ្រាស​ងើយ​អ៝ន់​ឞូ​តាង់ គើយ្ស​នត្រោល​ឞូ នទ្រែល​មា​គើយ្ស​នតុម​នតី​ឞូ នហ៝​មា​ត៝ត់​នារ​គ៝ប់​ត៝ត់​អា​មៃ។
1TI 4:14 នោក​ផូង​កោរាញ​ផូង​ញឆីង​មា​ឞ្រាស​យេឆូ​ក្រីស ​តេៈ​តី​មឞើស​ឆើម​មា​មៃ​នើស គែស​ទូ​ហ្វេ​ឞូនុយ្ស​នតើយ្ស​នាវ​ងើយ​កោរាញ​ឞ្រាស​មឞើស​អ៝ន់​មា​មៃ នអ៝ប់​មា​កោរាញ​ឞ្រាស​អ៝ន់​ទើម​ទាម​មា​មៃ​នាវ​ទើយ​ទូ​នតីល​អី​តាៈ​ឞើស​ឞ្រាស​ហ្វេង​អ្វែស។ លើយ​ប្លាវ​អោស​ទ៝ង់​នាវ​ទើយ​អី​នៃ។
1TI 4:15 អ៝ន់​មៃ​ជាន​កើត​គ៝ប់​លែៈ​ដាៈ​អ្យា អ៝ន់​លើ​មា​ហោ​ញឆ្រោយ្ស​ជឹត​មា​នទើ​អី​នៃ គៃ​មា​ទឹង​លែៈ​ឞូនុយ្ស​ឆៃ​នាវ​ញឆីង​មៃ​លើ​មា​ហាវ​ងាន់។
1TI 4:16 អ៝ន់​មៃ​នើម​ញជ្រាង់​ហ៝ម់​មា​នាវ​គុ​ងាវ នទ្រែល​មា​ញជ្រាង់​នាវ​អី​មៃ​នតុម​នតី​នៃ។ លាស​មៃ​ញឆ្រោយ្ស​ជាន​កើត​នៃ មៃ​មរា​គែស​នាវ​រាក្លាយ្ស​រ៝ មៃ​នើម នអ៝ប់​មា​ផូង​អី​អ្យាត់​នាវ​មៃ​ដ៝ង់។
1TI 5:1 លើយ​អោស​លាស​ឞូ​ក្លោ​រាញ យើន​មា​អ៝ន់​នតុម​នតី​ពាង់​តឹម​ឞាន​មា​ឞឹ​ហ៝ៈ ជេសរី​ផូង​នទាម់​កើប​តឹម​ឞាន​មា​អ៝ស​នោ។
1TI 5:2 ផូង​ឞូ​អូរ​រាញ​កើប​តឹម​ឞាន​មា​មេៈ​ហ៝ៈ ជេសរី​ផូង​ឞូ​អូរ​ទ្រោស​កើប​តឹម​ឞាន​មា​អ៝ស​រោស​មៃ​នើម​ហ៝ៈ នហ៝​មា​ញជ្រាង់​ឆាក់​អ៝ន់​នូយ្ស​នហ៝ម់​មៃ​មឹន​មា​ខាន់​ពាង់​អ៝ន់​ទុត​អ្វែស។
1TI 5:3 អ៝ន់​កើល​មា​ឞូ​អូរ​នទ្រោ​លែៈ​ខឹត​ឆាយ អី​មោ​ហោម​គែស​នតុក​ញឆីង​ងាន់។
1TI 5:4 យើន​មា​លាស​ឞូ​អូរ​នទ្រោ​លែៈ​ខឹត​ឆាយ​អី​គែស​ក៝ន គែស​ឆៅ លាស​នទ្រី​អ៝ន់​ក៝ន​ឆៅ​អី​នៃ​នតី​ឞ្លាវ​កើល​មា​រានាក់​វ៝ល់​ខាន់​ពាង់​នើម នទ្រែល​មា​ឞ្លាវ​ព្លើង​ម៝ត់​មេៈ​ឞឹ​ខាន់​ពាង់​នើម។ នាវ​អី​នៃ​ខ្លៃ​ទុត​ហោ​ងាន់។ ជាន​កើត​នៃ​កោរាញ​ឞ្រាស​រាម់។
1TI 5:5 ឞូ​ម៝ស​ឞូ​អូរ​នទ្រោ​លែៈ​ខឹត​ឆាយ​មោ​ហោម​គែស​នតុក​ញឆីង​ងាន់ គុ​រេស​ទូ​ហ្វេ​អេង​ទើម លាស​នទ្រី​អ៝ន់​ញឆីង​មា​កោរាញ​ឞ្រាស ជេសរី​មាង់​នារ​អ៝ន់​ពាង់​ញឆ្រោយ្ស​មឞើស​ឆើម ទាន់​កោរាញ​ឞ្រាស​កើល។
1TI 5:6 យើន​មា​លាស​ឞូ​អូរ​នទ្រោ​លែៈ​ខឹត​ឆាយ​ហោម​អែ​ពើស​មា​រ៝ង់​មា​រាង្លៃ​ឆាក់​អុច នទ្រី​ពាង់​ជេង​តឹម​ឞាន​មា​ឞូនុយ្ស​លែៈ​ខឹត​ជេស ឞ៝ល​លាស​ហោម​រេស​កាដោយ។
1TI 5:7 នាវ​អី​នៃ​អ៝ន់​មៃ​ដាៈ​មា​ផូង​ញឆីង គៃ​មា​ឞូ​មោ​គែស​អោស​នាវ​ងើយ​អ្យើស​មា​ផូង​ញឆីង។
1TI 5:8 លាស​ឞូ​ម៝ស​អី​មោ​អ្វាញ់​គែស​អោស​មា​នទុល​មពោល​ពាង់​នើម រាលាវ​មា​នៃ​ជឹត​មោ​អ្វាញ់​គែស​មា​រានាក់​វ៝ល់​ពាង់​នើម នើម​អី​នៃ​លែៈ​មអារ់​នាវ​ញឆីង​ជេស ជេសរី​ពាង់​អី​នៃ​អ្យើស​រាលាវ​មា​ឞូនុយ្ស​អី​មោ​ញឆីង​មា​ឞ្រាស​យេឆូ ​ជឹត។
1TI 5:9 ល៝ង់​ឆ៝ម់បុត​ឞូ​ញចីស​ឆាក់​មា​អ៝ន់​ព្រាក់​ផូង​ឞូ​អូរ​នទ្រោ​លែៈ​ខឹត​ឆាយ អ៝ន់​មៃ​ញចីស​ឆាក់​ឞូ​អូរ​នទ្រោ​លាស​លែៈ​ត៝ត់ ៦០ នាម់ លាស​ពាង់​មោ​អោស​វៃ​ជ៝យ​ឞូ​ក្លោ​អេង​ជឹត​នោក​ឆាយ​ពាង់​ហោម​រេស​នើស‌
1TI 5:10 នទ្រែល​មា​លាស​លែៈ​គែស​ឞូ​ងក៝ច​នាវ​អ្វែស​នទើ​ពាង់​ជាន លែៈ​គែស​នតុម​នតី​អ៝ស​ក៝ន លែៈ​គែស​វើត​រ៝ម​ផូង​ឞូ​នាច់​តា​ជៃ​ពាង់​នើម លែៈ​គែស​កើល​ជាន​ការ​ផូង​ញឆីង​មា​ឞ្រាស​យេឆូ​ក្រីស  លែៈ​គែស​កើល​មា​ឞូនុយ្ស​អី​គុ​តា​នាវ​រេស​រាញាល់ លែៈ​ញឆ្រោយ្ស​ជាន​ទឹង​លែៈ​នទើ​អ្វែស។ នទ្រី​មៃ​ញចីស​ឆាក់​ឞូ​អូរ​នទ្រោ​អី​នៃ។
1TI 5:11 លាស​គែស​ឞូ​អូរ​នទ្រោ​លែៈ​ខឹត​ឆាយ​ហោម​អែ​ក៝ន​ឆែ លើយ​អោស​ញចីស​ឆាក់​ពាង់​តា​ឆ៝ម់បុត​អី​នៃ ក្លាច​លាស​ឞើស​កើយ​នៃ​ពាង់​អុច​ឆ៝ៈ​ឆាយ​ជឹត មោ​ហោម​អុច​កើល​ជាន​ការ​មា​ឞ្រាស​ក្រីស
1TI 5:12 កើត​អី​ពាង់​លែៈ​ជេស​ត៝ន​នើស ជេសរី​លាស​ពាង់​ឆ៝ៈ​ឆាយ​ងាន់​កើត​នអា ពាង់​គែស​ទោយ្ស។
1TI 5:13 ង្វាយ​ជឹត​ឞូ​អូរ​អី​នៃ​គុ​ទើម ឞ្រោៈ​ព៝ល់​អាប់​ញីស​រោង​មពោង​នាក់​ទើម មោ​អោស​ទើន​មា​មោ​ជាន​ការ​ទើម គែស​នអ៝ប់​មា​ង្វាញ់​មឞូង ងើយ​បោច​បោរ នទ្រែល​មា​ងើយ​នទើ​អី​មោ​ទី​មា​ងើយ​ដ៝ង់។
1TI 5:14 លាស​នទ្រី​គ៝ប់​អុច​អ៝ន់​ឞូ​អូរ​នទ្រោ​ខឹត​ឆាយ​អី​ហោម​ក៝ន​ឆែ អ៝ន់​ពាង់​ឆ៝ៈ​តៃ​ឆាយ គែស​អ៝ស​គែស​ក៝ន ម៝ត់​ញីស​ជៃ​ពាង់​នើម គៃ​មា​លើយ​អោស​អ៝ន់​ផូង​អី​តឹម​រាទ៝ង់​មា​ឞ៝ន់​គែស​ងើយ​នាវ​អ្យើស​មា​ឞ៝ន់‌
1TI 5:15 យ៝រ​លាស​លែៈ​គែស​ឞូ​អូរ​នទ្រោ​អី​នៃ​អាបាៈ​លែៈ​នទោន​កើយ ជេសរី​តឹង​ឆាតាង់ ​អី​កោរាញ​មពោល​ឞ្រាស​អ្យើស។
1TI 5:16 លាស​ទូ​ហ្វេ​ឞូ​អូរ​[មោ​លាស​ទូ​ហ្វេ​ឞូ​ក្លោ]​អី​ញឆីង​មា​ឞ្រាស​ក្រីស  ជេសរី​លាស​គែស​ឞូ​អូរ​នទ្រោ​លែៈ​ខឹត​ឆាយ​អាបាៈ​តា​នទុល​មពោល​ពាង់ លាស​នទ្រី​អ៝ន់​ពាង់​កើល​ម៝ត់​ឆ្យាម់​មា​ឞូ​អូរ​នទ្រោ​អី​នៃ លើយ​អោស​អ៝ន់​ផូង​ញឆីង​មា​ឞ្រាស​យេឆូ​ក្រីស ​ជេរ​ម៝ត់​ឆ្យាម់។ លាស​ជាន​កើត​នទ្រី​ផូង​ញឆីង​មា​ឞ្រាស​យេឆូ​ក្រីស ​ហោម​គែស​កើល​ម៝ត់​ឆ្យាម់​មា​ឞូ​អូរ​នទ្រោ​ខឹត​ឆាយ​អី​មោ​ហោម​គែស​ឞូនុយ្ស​មា​ញឆីង​ងាន់។
1TI 5:17 ផូង​កោរាញ​អី​ម៝ត់​អ្វាញ់​ផូង​ញឆីង​មា​ឞ្រាស​យេឆូ​ក្រីស ​អី​ជាន​អ្វែស អ៝ន់​យើក​មា​ពាង់ នទ្រែល​មា​អ៝ន់​ព្រាក់​មា​ពាង់​មា​នាវ​ជាន​ការ​ពាង់​តា​ផូង​ញឆីង​មា​ឞ្រាស​យេឆូ​ក្រីស ។ លាស​ពាង់​អ្វាញ់​នាវ​កោរាញ​ឞ្រាស​ងើយ​ដ៝ង់ មោ​លាស​នតុម​នតី​ឞូ អ៝ន់​យើក​មា​ពាង់​រាលាវ​អី​នៃ​ជឹត។
1TI 5:18 យ៝រ​លាស​តា​នាវ​កោរាញ​ឞ្រាស​ងើយ​លែៈ​គែស​ញចីស៖ «លើយ​អោស​ងគ្រេប​មឞូង​នទ្រោក​នោក​ពាង់​ជ៝ត​ព្លេន​ឞា»។ ជេសរី «ឞូនុយ្ស​ជាន​ការ​អ៝ន់​គែស​នទើ​ងខោម​មា​ពាង់»។
1TI 5:19 លាស​គែស​ទូ​ហ្វេ​កោរាញ​ផូង​ញឆីង​មា​ឞ្រាស​យេឆូ​ក្រីស ​ឞូ​នតោន លើយ​តា​អ្យាត់​អោស អ៝ន់​គែស​ឞូនុយ្ស​តើម​ឆៃ​ឞារ​ហៃ មោ​លាស​ពែ​នុយ្ស​រី​មើ។
1TI 5:20 យើន​មា​លាស​ពាង់​ហោម​ជាន​តីស​នឹង អ៝ន់​លាស​ពាង់​អី​នៃ​តា​នាប់​ផូង​ញឆីង​មា​ឞ្រាស​យេឆូ​ក្រីស ​ទោ គៃ​មា​ឞូនុយ្ស​អា​អេង​ជឹត​ក្លាច​ដ៝ង់។
1TI 5:21 តា​នាប់​មាត់​កោរាញ​ឞ្រាស តា​នាប់​មាត់​ឞ្រាស​ក្រីស​យេឆូ  នទ្រែល​មា​តា​នាប់​មាត់​ផូង​តោង​ពារ់​អី​លែៈ​កោរាញ​ឞ្រាស​ទែ​កើយ្ស​ជេស គ៝ប់​ដាៈ​មៃ​ជាន​តឹង​នាវ​គ៝ប់​នតិញ​អ្យា។ អ៝ន់​មៃ​ជាន​កើត​នៃ​មា​ទឹង​លែៈ​ឞូនុយ្ស លើយ​អោស​កើយ្ស​ឞូនុយ្ស​អី​មៃ​រ៝ង់។
1TI 5:22 លើយ​អោស​ងាច់​អីរ​តេៈ​តី​តា​ទូ​ហ្វេ​ឞូនុយ្ស​គៃ​មា​ដាៈ​ជាន​ការ​តា​ផូង​ញឆីង​មា​ឞ្រាស​យេឆូ​ក្រីស  គៃ​មា​ឞូ​លើយ​កើប​មៃ​ជាន​តីស​នទ្រែល​ឞូនុយ្ស​អី​នៃ លាស​នាវ​គុ​ងាវ​ពាង់​មោ​អ្វែស។ អ៝ន់​គុ​ម៝ត់​ឆាក់​មៃ​នើម​អ៝ន់​ក្ល៝ស​អ្វែស​ហ៝ៈ។
1TI 5:23 លើយ​អោស​ញេត​ទើម​ទាក អ៝ន់​ញេត​នទ្រាញ់​បាៈ គៃ​មា​កើល​ខុង​មៃ យ៝រ​លាស​មៃ​គែស​នាវ​ជី​បាបើ​ងាន់។
1TI 5:24 នាវ​តីស​ឞូនុយ្ស​អាបាៈ​លែៈ​មពើល​ឆៃ​នហេល​អេ​ល៝រ​មា​ផាត​ទោយ្ស​មោ​ខាច់​អោស​មេត​អ្វាញ់​ងាន់ យើន​មា​នាវ​តីស​ឞូនុយ្ស​អាបាៈ​ជឹត​មពើល​នោក​មេត​អ្វាញ់​ងាន់។
1TI 5:25 តឹម​ឞាន​ដ៝ង់​នាវ​អ្វែស​ឞូ​ជាន​អាបាៈ​មពើល​ឆៃ​នហេល​រ៝ ជេសរី​ឞ៝ល​លាស​អេ​ហ៝ៈ​មពើល​ឆៃ​នហេល​កាដោយ ហោម​អែ​មោ​ទើយ​ពោន​អ៝ន់​នទ៝ប់​ដ៝ង់។
1TI 6:1 ឞូ​ម៝ស​អី​ជាន​ទឹក​ឞូ អ៝ន់​ពាង់​កើប​កោរាញ​ពាង់​នើម​អី​នៃ​ជេង​ឞូនុយ្ស​អី​ពាង់​យើក​ងាន់ គៃ​មា​លើយ​អោស​អ៝ន់​ឞូ​ងើយ​អ្យើស​មា​រាញា​ឆាក់​កោរាញ​ឞ្រាស នទ្រែល​មា​នាវ​ឞ៝ន់​នតុម​នតី។
1TI 6:2 លាស​ទូ​ហ្វេ​កោរាញ​ទឹក​ឞូ​ជេង​ឞូនុយ្ស​ញឆីង អី​ទឹក​នៃ​លើយ​អោស​មឹន​អី​កោរាញ​លែៈ​ញឆីង​ជេស ជេសរី​មោ​ខាច់​អោស​យើក​មា​ពាង់។ លើ​ហោ​ជាន​ការ​មា​ពាង់​ជឹត ជាន​ការ​អ្វែស យ៝រ​មា​ពាង់​ជេង​អ៝ស​នោ​កោរាញ​ឞ្រាស​រ៝ង់។ ជេសរី​នតុម​នតី​នាវ​អ្យា​អ៝ន់​ឞូ​អ្យាត់​ដ៝ង់។
1TI 6:3 លាស​ឞូនុយ្ស​នតុម​នតី​នាវ​អា​អេង មោ​តឹម​ទី​មា​នាវ​ងាន់​ឞ្រាស​យេឆូ​ក្រីស ​អី​កោរាញ​ឞ៝ន់ លាស​ពាង់​នតុម​នតី​នទើ​អី​មោ​តឹម​ទី​មា​នាវ​កោរាញ​ឞ្រាស​អុច​មា​នាវ​រេស​ឞ៝ន់‌
1TI 6:4 ពាង់​អី​នៃ​គែស​នូយ្ស​នហ៝ម់​ហឺន​ទើម ទូ​នតីល​នាវ​មោ​គឹត​អោស។ នូយ្ស​នហ៝ម់​ពាង់​អ្យើស អុច​តឹម​អោប​រាខេល​នាវ​មោ​ខ្លៃ នទ្រែល​មា​តឹម​រាលាច់​មា​នាវ​ងើយ។ តាៈ​ឞើស​នាវ​អី​នៃ​ជាន​អ៝ន់​នាវ​តឹម​មោ​នាច នាវ​តឹម​ងខាស​ផូង នាវ​ងើយ​ញចើត នាវ​នតោន​ឞូ​អា​អេង​ជាន​អ្យើស‌
1TI 6:5 នាវ​តឹម​រាលាច់​នឹង។ ឞូនុយ្ស​កើត​នអា​មោ​ហោម​អោស​គឹត​តីស​គឹត​ទី មោ​ហោម​អោស​គែស​នាវ​ងាន់។ ខាន់​ពាង់​នអោន​លាស​នាវ​អុច​អ្យាត់​មា​កោរាញ​ឞ្រាស ជេង​ត្រ៝ង​មា​ជ៝យ​ទ្រាប់​នទើ។
1TI 6:6 យើន​មា​គែស​នាវ​ខ្លៃ​ហោ​ងាន់​លាស​ឞូនុយ្ស​អុច​អ្យាត់​មា​កោរាញ​ឞ្រាស លែៈ​ឆ៝ប់​ត៝ង់​ជេស​មា​ទ្រាប់​នទើ​ពាង់​នើម​លែៈ​គែស​ដ៝ង់‌
1TI 6:7 យ៝រ​លាស​ទឹង​លែៈ​ឞ៝ន់​មោ​គែស​អោស​ញអោត​នទើ​ទូ​នតីល​ហាន់​តា​នែស​នតូ​អ្យា​នោក​ទែស​ឞើស​នទុល​មែ ជេសរី​មោ​ដ៝ង់​ឞ៝ន់​ទើយ​ឆ៝ៈ​ឞើស​នែស​នតូ​អ្យា។
1TI 6:8 លាស​នទ្រី​លាស​ឞ៝ន់​គែស​នទើ​ឆោង​ឆា គែស​ឞ៝ក​ងគូត​អាវ​ញឆ៝ស អ៝ន់​ឞ៝ន់​លែៈ​ឆ៝ប់​ត៝ង់​ជេស។
1TI 6:9 ល៝ង់​ឞូនុយ្ស​អី​កើញ​គែស​កើញ​នទ្រ៝ង់ ខាន់​ពាង់​តុប​តា​នាវ​នទើម គែស​ទាក់​យ៝រ​លាស​នាវ​នអើរ​អេងៗ។ នាវ​នអើរ​អាបាៈ​នៃ​អី​មោ​គែស​នាវ​ខ្លៃ​ទើម អាបាៈ​អេង​ជឹត​ជាន​អ្យើស​មា​ពាង់​នើម នាវ​អី​នៃ​ងក្រ៝ម់​លើយ​ឞូនុយ្ស​អ៝ន់​រ៝ស​ហេង។
1TI 6:10 តើម​ឆី​គែស​យ៝រ​មា​អី​រែស​ពាង់ កើត​នទ្រី​ដ៝ង់​អ៝ក់​នតីល​នាវ​អ្យើស​គែស​យ៝រ​មា​នាវ​រ៝ង់​អីរ​មា​ព្រាក់។ ឞូនុយ្ស​អាបាៈ​យ៝រ​មា​លែៈ​រ៝ង់​មា​ព្រាក់​ហោ​អីរ នហ៝​មា​ជេង​ហ្យើត​បាស​ងាយ​ឞើស​នាវ​ញឆីង​មា​ឞ្រាស​ក្រីស  ជេសរី​លើស​អេង​ឆាក់​ពាង់​នើម​គែស​នាវ​ជេរ​ជ៝ត់​ហោ​ងាន់។
1TI 6:11 យើន​មា​មៃ​នៃ មៃ​ជេង​នើម​ជាន​ការ​មា​កោរាញ​ឞ្រាស អ៝ន់​មៃ​ទូ​ងាយ​ហ៝ម់​ឞើស​នាវ​អី​នៃ។ ជេសរី​តឹង​ជ៝យ​នាវ​ឆ៝ង់ នាវ​អុច​អ្យាត់​មា​កោរាញ​ឞ្រាស នាវ​ញឆីង នាវ​រ៝ង់​មា​ឞូ នាវ​អ៝ត់​នូយ្ស​នឹង​តា​នាវ​ជេរ នទ្រែល​មា​នាវ​មលែស។
1TI 6:12 អ៝ន់​មៃ​ញឆ្រោយ្ស​តឹង​ជ៝យ​នាវ​ញឆីង​មា​លែៈ​នូយ្ស​នហ៝ម់​តឹម​ឞាន​មា​ឞូ​ញឆ្រោយ្ស​តា​នាវ​តឹម​លើស​គៃ​មា​ទើយ គៃ​មា​ទើន​នាវ​រេស​នហ៝​រ៝​ងាន់។ កោរាញ​ឞ្រាស​លែៈ​ក្វាល់​ជេស​មៃ​គៃ​មា​ឆ៝ៈ​ទើន​នាវ​រេស​នហ៝​រ៝ នទ្រែល​មា​មៃ​លែៈ​មឞើស​ដ៝ង់​នាវ​មៃ​ញឆីង​តា​ឞើស​នាប់​ឞូនុយ្ស​អ៝ក់។
1TI 6:13 គ៝ប់​ទាន់​នតិញ​អ៝ន់​មា​មៃ​តា​នាប់​មាត់​កោរាញ​ឞ្រាស​អី​នើម​អ៝ន់​នាវ​រេស​ទឹង​លែៈ​នទើ​គែស​នាវ​រេស នទ្រែល​មា​តា​នាប់​មាត់​ឞ្រាស​ក្រីស​យេឆូ ​អី​នើម​លែៈ​មឞើស​ជេស​នាវ​ងាន់​ឞើស​នាប់​មាត់​ពុនតេស-​ពីលាត ៖
1TI 6:14 អ៝ន់​មៃ​ញអោត​ន៝ប់​អ៝ន់​ទុត​អ្វែស​នាវ​អី​កោរាញ​ឞ្រាស​លែៈ​ដាៈ មោ​អោស​គែស​នាវ​ឞូ​មា​នទុយ្ស នហ៝​មា​ត៝ត់​ឞ្រាស​យេឆូ​ក្រីស ​អី​កោរាញ​ឞ៝ន់​នើម​វាច់។
1TI 6:15 ត៝ត់​ទី​នារ​រី​តៃ កោរាញ​ឞ្រាស​មរា​ញហើ​ពាង់​អ៝ន់​ឆៃ។ កោរាញ​ឞ្រាស​ទុត​អ្វែស គែស​ពាង់​នើម​ទើម​ជេង​កោរាញ​ម៝ត់​អ្វាញ់ ជេង​កាដាច់​ក្វ៝ង់​រាលាវ​មា​ទឹង​លែៈ​កាដាច់ ជេសរី​កោរាញ​ក្វ៝ង់​រាលាវ​មា​ទឹង​លែៈ​កោរាញ។
1TI 6:16 គែស​ទូ​ហ្វេ​ពាង់​ទើម​មោ​ឞ្លាវ​ខឹត ពាង់​គុ​តា​នតុក​អាង។ មោ​គែស​អោស​ឞូនុយ្ស​ទើយ​ហាន់​ទាច់​តា​នាវ​អាង​អី​នៃ មោ​គែស​អោស​ឞូនុយ្ស​លែៈ​ឆៃ​ពាង់ មោ​ទើយ​អោស​ឞូនុយ្ស​ឆៃ​ពាង់​ដ៝ង់។ អ៝ន់​ទឹង​លែៈ​ឞូនុយ្ស​យើក​មា​ពាង់ អ៝ន់​ពាង់​គែស​នាវ​ទើយ​មា​ម៝ត់​អ្វាញ់​នហ៝​រ៝ អើ​អ៝ន់​គែស​កើត​នៃ​ងាន់​រ៝!
1TI 6:17 ទាន់​មៃ​ឞ្វៃ​ហ៝ម់​មា​ផូង​នទ្រ៝ង់​តា​នែស​នតូ​អ្យា លើយ​អ៝ន់​ខាន់​ពាង់​នហី​អេង​ឆាក់ លើយ​អ៝ន់​រានើម​មា​ទ្រាប់​នទើ​អី​មោ​គឹត​អោស​តា​នារ​ជឹត​នាប់​តៃ។ យើន​មា​អ្យាត់​មា​រានើម​មា​កោរាញ​ឞ្រាស​ហ៝ៈ នើម​អី​អ៝ន់​ទឹង​លែៈ​នទើ​ឞ៝ន់​ទែ​មា​ទ៝ង់​អ៝ក់​រាមែស​ងាន់ គៃ​មា​ឞ៝ន់​រាម់​មអាក។
1TI 6:18 ដាៈ​ខាន់​ពាង់​ជាន​នទើ​អ្វែស​កើល​ឞូ​អ៝ន់​អ៝ក់ លាស​ជាន​កើត​នអា​តឹម​ឞាន​មា​គែស​ទ្រាប់​នទើ​ងាន់​អី​អ៝ក់។ ដាៈ​ខាន់​ពាង់​គែស​នូយ្ស​នហ៝ម់​ល៝ង់​គៃ​មា​កើល​ផូង​អ៝​អាច នទ្រែល​មា​នទ្រាប់​ឆាក់​មា​ពាៈ​នទើ​អ៝ន់​ឞូ​បាបើ។
1TI 6:19 ជាន​កើត​នៃ​មើ​ខាន់​ពាង់​តឹម​ឞាន​មា​រាបុន​ទ្រាប់​នទើ​ព្រាប់​តា​នតុក​កោរាញ​ឞ្រាស​តា​កាលើ​ត្រោក​រី រី​មើ​គែស​នទើ​មា​ញឆីង​តា​នារ​កោរាញ​ឞ្រាស​តេៈ​ទោយ្ស​មា​ទឹង​លែៈ​ឞូនុយ្ស​តៃ ជេសរី​គែស​នាវ​រេស​នហ៝​រ៝​អី​ជេង​នាវ​រេស​ងាន់។
1TI 6:20 អើ​តីមោថេ  ទឹង​លែៈ​នាវ​កោរាញ​ឞ្រាស​លែៈ​អ៝ន់​ជេស​មា​មៃ អ៝ន់​មៃ​ម៝ត់​អ្វែស​ហ៝ម់។ ជេសរី​ទែរ​នាវ​តឹម​ងក៝ច​មា​ឞូ​នទើ​អី​មោ​គែស​នាវ​ខ្លៃ ទែរ​នាវ​តឹម​រាលាច់​តឹម​រាទ៝ង់​មា​នាវ​ងើយ​អី​ឞូ​លាស​គឹត​ឞ្លាវ យើន​មា​គឹត​ឞ្លាវ​ងក្លាៈ​ច្រាវ‌
1TI 6:21 យ៝រ​លាស​គែស​ឞូនុយ្ស​អាបាៈ​លែៈ​ញអោត​នាវ​អី​នៃ ជេសរី​លែៈ​នត្លើយ​ឞើស​នាវ​ញឆីង​ឞ៝ន់។ ទាន់​នាវ​អ្វែស​កោរាញ​ឞ្រាស​គុ​នទ្រែល​ទឹង​លែៈ​មា​ខាន់​អៃ​មៃ៕៚
2TI 1:1 ឆ៝ម់បុត​គ៝ប់​ពោល ​ញចីស គ៝ប់​កោរាញ​អ៝ស​ម៝ន​ឞ្រាស​ក្រីស​យេឆូ ​តឹង​កោរាញ​ឞ្រាស​អុច ជេង​នើម​មឞើស​ងក៝ច​មា​នាវ​រេស​អី​កោរាញ​ឞ្រាស​លែៈ​ត៝ន​មា​អ៝ន់​ឞូនុយ្ស​អី​ញឆីង​មា​ឞ្រាស​ក្រីស​យេឆូ ។
2TI 1:2 គ៝ប់​អុច​ញជ្វាល់​អ៝ន់​មា​មៃ​តីមោថេ  ជេង​ក៝ន​គ៝ប់​អី​គ៝ប់​រ៝ង់​ងាន់​ងេន។ ទាន់​កោរាញ​ឞ្រាស នទ្រែល​មា​ឞ្រាស​ក្រីស​យេឆូ ​អ៝ន់​នាវ​អ្វែស នាវ​យោៈ នាវ​ដាប់​មពាន់​មា​មៃ។ កោរាញ​ឞ្រាស​ឞឹ​ឞ៝ន់ ឞ្រាស​ក្រីស​យេឆូ ​កោរាញ​ឞ៝ន់។
2TI 1:3 គ៝ប់​លាស​អ្វែស​មា​កោរាញ​ឞ្រាស​យ៝រ​មា​មៃ គ៝ប់​ជាន​ការ​មា​ពាង់​លែៈ​គឹត​តា​នូយ្ស​នហ៝ម់ មោ​អោស​ជាន​មា​នទើ​អ្យើស​នទើ​មោ​អ្វែស កើត​ផូង​អូ​ចែ​គ៝ប់​លែៈ​ជាន​នើស។ គ៝ប់​កាស​គឹត​មា​មៃ​នឹង​នោក​គ៝ប់​មឞើស​ឆើម​អាប់​មាង់​អាប់​នារ មោ​ច្វេល​អោស។
2TI 1:4 គ៝ប់​កាស​គឹត​ទាក​មាត់​មៃ​ហ៝រ​នោក​ឞ៝ន់​តឹម​ងខាស​នើស ជេសរី​គ៝ប់​អុច​ងាន់​ម៝ប់​មៃ គៃ​មា​នូយ្ស​នហ៝ម់​គ៝ប់​រាម់​មអាក​ហោ​ងាន់។
2TI 1:5 គ៝ប់​កាស​គឹត​នាវ​ញឆីង​មៃ​រាប់​ជាប់​ងាន់ នាវ​ញឆីង​អី​នៃ​គែស​ល៝រ​តា​អូ​មៃ​រាញា​លោអីស  នទ្រែល​មា​តា​មេៈ​មៃ​រាញា​អឺនីស ​ដ៝ង់ ជេសរី​គ៝ប់​លែៈ​គឹត​មៃ​គែស​នាវ​ញឆីង​អី​នៃ​ដ៝ង់។
2TI 1:6 កើត​នទ្រី​ទឹង​គ៝ប់​ងកាស​មៃ អ៝ន់​មៃ​ទ៝ង់​លើ​មា​ហោ​នាវ​ទើយ​អី​តាៈ​ឞើស​ឞ្រាស​ហ្វេង​អ្វែស​អី​កោរាញ​ឞ្រាស​លែៈ​អ៝ន់​ទើម​ទាម​មា​មៃ​នោក​គ៝ប់​មឞើស​ឆើម​តេៈ​តី​នើស‌
2TI 1:7 យ៝រ​លាស​កោរាញ​ឞ្រាស​មោ​អ៝ន់​អោស​នូយ្ស​នហ៝ម់​អី​អ៝ន់​ឞ៝ន់​ក្លាច យើន​មា​ពាង់​អ៝ន់​ឞ៝ន់​ឞ្រាស​ហ្វេង​អ្វែស​អី​អ៝ន់​ឞ៝ន់​គែស​នាវ​ទើយ គែស​នាវ​រ៝ង់​មា​ឞូ នអ៝ប់​មា​ឞ្លាវ​ម៝ត់​ញជ្រាង់​ឆាក់។
2TI 1:8 មៃ​លើយ​អោស​ដីត​ព្រេង​មឞើស​ងក៝ច​នាវ​ខ្លៃ​កោរាញ​យេឆូ ​ឞ៝ន់​នើម លើយ​អោស​ដីត​ព្រេង​មា​គ៝ប់​អី​គុ​តា​ត្រោម​នទ្រូង​អ្យា​យ៝រ​មា​មឞើស​ងក៝ច​នាវ​ពាង់។ យើន​មា​អ៝ន់​មៃ​ទើន​ហ៝ម់​នាវ​ជេរ​ជ៝ត់​នទ្រែល​គ៝ប់​តា​នាវ​មឞើស​ងក៝ច​នាវ​មហែ​មហាន​អ្វែស។ កោរាញ​ឞ្រាស​អ៝ន់​នាវ​ទើយ​អ៝ត់​នាវ​ជេរ​ជ៝ត់​អី​នៃ។
2TI 1:9 ពាង់​លែៈ​រាក្លាយ្ស​ជេស​ឞ៝ន់ លែៈ​ក្វាល់​ជេស​ឞ៝ន់​អ៝ន់​ជេង​ផូង​ប៝ន​លាន​ពាង់​នើម។ ពាង់​ក្វាល់​កើត​នៃ​មោ​អោស​យ៝រ​មា​នទើ​ឞ៝ន់​លែៈ​ជេស​ជាន ជេង​តាៈ​ឞើស​ពាង់​នើម​លែៈ​អើម​អុច​អេ​ល៝រ​មា​រាហាក់​ញជេង​នែស​នតូ នទ្រែល​មា​តាៈ​ឞើស​នាវ​អ្វែស​ពាង់។ នាវ​អ្វែស​អី​នៃ​ពាង់​លែៈ​អ៝ន់​ជេស​មា​ឞ៝ន់​តា​ឞ្រាស​ក្រីស​យេឆូ ។
2TI 1:10 អាបៃ​អ្យា​កោរាញ​ឞ្រាស​លែៈ​ញហើ​ជេស​អ៝ន់​ឞ៝ន់​ឆៃ​នាវ​អ្វែស​ពាង់​នើម ឞ៝ន់​ឆៃ​នាវ​អ្វែស​ពាង់​យ៝រ​មា​ឞ្រាស​ក្រីស​យេឆូ ​អី​នើម​រាក្លាយ្ស​ឞ៝ន់​លែៈ​វាច់​តា​អ្យា។ ឞ្រាស​ក្រីស​យេឆូ ​លែៈ​លើស​ងគ្រ៝ស​លើយ​នាវ​ខឹត ជេសរី​ញហើ​អ៝ន់​ឞ៝ន់​គឹត​នាល់​នាវ​រេស នាវ​មោ​ហោម​ឞ្លាវ​ខឹត​តាៈ​ឞើស​នាវ​មហែ​មហាន​អ្វែស។
2TI 1:11 កោរាញ​ឞ្រាស​លែៈ​កើយ្ស​គ៝ប់​ជេង​កោរាញ​អ៝ស​ម៝ន​ពាង់ កើយ្ស​គ៝ប់​គៃ​មា​មឞើស​ងក៝ច​នតុម​នតី​នាវ​មហែ​មហាន​អ្វែស​អ្យា​មា​ឞូ។
2TI 1:12 នទ្រី​ទឹង​គ៝ប់​គែស​នាវ​ជេរ​ជ៝ត់​អ្យា យើន​មា​គ៝ប់​មោ​អោស​ដីត​ព្រេង យ៝រ​លាស​គ៝ប់​គឹត​ជេស​កោរាញ​ឞ្រាស​អី​គ៝ប់​ញឆីង​អ្យា។ ពាង់​គែស​នាវ​ទើយ​ម៝ត់​ញជ្រាង់​ទឹង​លែៈ​នទើ​អី​ពាង់​លែៈ​ជាវ​មា​គ៝ប់​នហ៝​មា​ត៝ត់​នារ​ឞ្រាស​ក្រីស​យេឆូ ​ព្លឹ​វាច់​តៃ។
2TI 1:13 អ៝ន់​មៃ​ញអោត​ន៝ប់​នាវ​នតី​ទី​អី​មៃ​លែៈ​តាង់​ជេស​ឞើស​គ៝ប់​នើស ជេសរី​ជាន​តឹង​កើត។ អ៝ន់​មៃ​គុ​អ្វែស​តា​នាវ​ញឆីង តា​នាវ​រ៝ង់​មា​ឞូ​អី​តាៈ​ឞើស​ឞ្រាស​ក្រីស​យេឆូ ​អ៝ន់។
2TI 1:14 អ៝ន់​មៃ​ម៝ត់​ទឹង​លែៈ​នទើ​អ្វែស​អី​កោរាញ​ឞ្រាស​ទែ​ជាវ​ជេស​អ៝ន់​មៃ ឞ្រាស​ហ្វេង​អ្វែស​អី​ក្ល៝ស​អ្វែស​អី​គុ​តា​ឞ៝ន់​មរា​កើល​មា​មៃ​តា​នាវ​អី​នៃ។
2TI 1:15 មៃ​លែៈ​គឹត​ជេស​អ៝ក់​ងាន់​ឞូនុយ្ស​តា​ឞ្រី​អាឆី ​លែៈ​នត្លើយ​គ៝ប់ តា​ផូង​អី​នៃ​គែស​ផីកែលុស ​នទ្រែល​មា​ហើមោកេន ​ដ៝ង់។
2TI 1:16 គ៝ប់​ទាន់​កោរាញ​ឞ្រាស​អ៝ន់​នាវ​យោៈ​មា​រានាក់​វ៝ល់​អោនេឆីផ៝រ  យ៝រ​លាស​អ៝ក់​តឹ​ងាន់​ពាង់​នហាវ​នូយ្ស​អ៝ន់​គ៝ប់ ពាង់​មោ​អោស​ដីត​ព្រេង​ម៝ប់​គ៝ប់ ឞ៝ល​លាស​គ៝ប់​គុ​តា​ត្រោម​នទ្រូង។
2TI 1:17 នោក​ពាង់​ត៝ត់​តា​ប៝ន​ក្វ៝ង់​រោម  ពាង់​ញឆ្រោយ្ស​ជ៝យ​គ៝ប់​ត៝ត់​ឆៃ។
2TI 1:18 គ៝ប់​ទាន់​កោរាញ​ឞ្រាស​អ៝ន់​នាវ​យោៈ​មា​ពាង់​តា​នារ​កោរាញ​យេឆូ ​វាច់។ មៃ​លែៈ​គឹត​ជេស​ពាង់​កើល​គ៝ប់​អ៝ក់​ងាន់​តា​ប៝ន​អេផេឆោ ​នើស​ដ៝ង់។
2TI 2:1 លាស​នទ្រី​អើ​ក៝ន អ៝ន់​មៃ​គុ​ន៝ប់​តា​នាវ​ញឆីង​យ៝រ​មា​នាវ​អ្វែស​ឞ៝ន់​គែស​តាៈ​ឞើស​ឞ្រាស​ក្រីស​យេឆូ ។
2TI 2:2 ទឹង​លែៈ​នាវ​គ៝ប់​អី​មៃ​លែៈ​តាង់​ជេស​តា​នាប់​ឞូនុយ្ស​អ៝ក់​នើស អ៝ន់​មៃ​ជាវ​នាវ​អី​នៃ​មា​ឞូនុយ្ស​អី​រាប់​ជាប់​អី​ឞ្លាវ​ដើន​នតុម​នតី​ឞូនុយ្ស​អេង​ជឹត។
2TI 2:3 ជេសរី​ញឆ្រោយ្ស​ទើន​នាវ​ជេរ​ជ៝ត់​តឹម​ឞាន​មា​គ៝ប់ តឹម​ឞាន​មា​ទូ​ហ្វេ​តាហែន​អ្វែស​ឞ្រាស​ក្រីស​យេឆូ ។
2TI 2:4 នោក​តាហែន​ហាន់​តឹម​លើស ពាង់​មោ​ហោម​អោស​មឹន​រាវៃ​កើត​នោក​គុ​ប៝ន​លាន​ជឹត ពាង់​អុច​ជាន​អ៝ន់​មា​កោរាញ​ពាង់​នើម​នៃ​គែស​នូយ្ស​នហ៝ម់​រាម់​មា​ពាង់​ទើម។
2TI 2:5 ជេសរី​លាស​គែស​ឞូនុយ្ស​អុច​តឹម​រាល៝ង​ញច្វាត់​គៃ​មា​គែស​នទើ​ងខោម លាស​ពាង់​មោ​ញឆ្រោយ្ស​ញច្វាត់​អ្វែស​ទី​តឹង​នាវ​វៃ​ឞូ​ដាៈ មោ​អោស​គែស​នទើ​ងខោម។
2TI 2:6 ជេសរី​ឞូនុយ្ស​អី​ជាន​មីរ​ហ៝ត់​រាអាស ពាង់​អី​នៃ​កាច់​ឞា​ឆោង​ព្យាង់​មហែ​ល៝រ​ឞូ​ដ៝ង់។
2TI 2:7 អ៝ន់​មៃ​ជាន​តឹង​នាវ​នតឹត​អី​នៃ​តា​នាវ​ជាន​ការ​មា​កោរាញ​ឞ្រាស។ អ៝ន់​មៃ​មឹន​អេង​នាវ​គ៝ប់​លាស​មា​មៃ​អ្យា យ៝រ​លាស​កោរាញ​ឞ្រាស​អ៝ន់​មៃ​គែស​នាវ​មឹន​គឹត​ឞ្លាវ ទើយ​គឹត​វ៝ត់​ទឹង​លែៈ​នតីល​នទើ។
2TI 2:8 ជេសរី​អ៝ន់​មៃ​កាស​គឹត​ឞ្រាស​យេឆូ​ក្រីស ​ជេង​រាន៝យ​ទែស​កាដាច់​ដាវីត ពាង់​ខឹត​ទ៝ក់​រេស​កើត​គ៝ប់​នតុម​នតី​នាវ​មហែ​មហាន​អ្វែស។
2TI 2:9 យ៝រ​មា​នាវ​មហែ​មហាន​អ្វែស​អី​នៃ​គ៝ប់​ទើន​នាវ​ជេរ​ជ៝ត់ នហ៝​មា​ត៝ត់​ឞូ​ញុប​ឞូ​ក៝ត់​គ៝ប់​តឹម​ឞាន​មា​ឞូនុយ្ស​ទោយ្ស។ យើន​មា​នាវ​កោរាញ​ឞ្រាស ឞូ​មោ​អោស​ឞ្លាវ​ញុប​ឞ្លាវ​ក៝ត់ ឞូ​ហោម​មឞើស​ងក៝ច។
2TI 2:10 កើត​នទ្រី​ទឹង​គ៝ប់​ញឆ្រោយ្ស​ទើយ​អ៝ត់​នាវ​ជេរ​ជ៝ត់ គៃ​មា​ឞូនុយ្ស​អី​លែៈ​កោរាញ​ឞ្រាស​ទែ​កើយ្ស​ជេស​ទើន​នាវ​រាក្លាយ្ស​អី​គែស​តាៈ​ឞើស​ឞ្រាស​ក្រីស​យេឆូ ។ អ៝ន់​ខាន់​ពាង់​គែស​នាវ​ច្រេក​លើប​នហ៝​រ៝។
2TI 2:11 នាវ​អី​អ្យា​ជេង​ទី​ងាន់៖ លាស​ឞ៝ន់​លែៈ​ខឹត​នទ្រែល​ឞ្រាស​ក្រីស​យេឆូ ‌ ឞ៝ន់​តៃ​គុ​រេស​នទ្រែល​ពាង់​ដ៝ង់។
2TI 2:12 លាស​ឞ៝ន់​ញឆ្រោយ្ស​ទើយ​អ៝ត់​នាវ​ជេរ​ជ៝ត់‌ ឞ៝ន់​មរា​គុ​ម៝ត់​អ្វាញ់​នទ្រែល​ពាង់​ដ៝ង់។ លាស​ឞ៝ន់​រាលាច់​មោ​អោស​គឹត​នាល់​ពាង់‌ ពាង់​មរា​រាលាច់​មោ​ដ៝ង់​គឹត​នាល់​ឞ៝ន់។
2TI 2:13 ឞ៝ល​លាស​ឞ៝ន់​មោ​អោស​គុ​រាប់​ជាប់​មា​ពាង់‌ យើន​មា​ពាង់​មោ​អោស​នត្លើយ​ឞ៝ន់‌ យ៝រ​លាស​ពាង់​មោ​អោស​ទើយ​រាលាច់​មា​ឆាក់​ពាង់​នើម‌ ពាង់​ហោម​ជាន​នឹង​មា​នទើ​ពាង់​លែៈ​ត៝ន។
2TI 2:14 អ៝ន់​មៃ​ងកាស​ទឹង​លែៈ​ផូង​ញឆីង​នាវ​អី​នៃ ជេសរី​ឞ្វៃ​ងាន់​ខាន់​ពាង់​តា​នាប់​មាត់​កោរាញ​ឞ្រាស លើយ​អោស​អ៝ន់​ខាន់​ពាង់​គុ​តឹម​រាលាច់​មា​នាវ​មោ​គែស​នាវ​ខ្លៃ យ៝រ​លាស​នាវ​អី​នៃ​ជាន​អ៝ន់​នើម​អី​គុ​អ្យាត់​គែស​នាវ​វិ ជាន​អ៝ន់​រ៝ស​ហេង​នាវ​ញឆីង​ទើម។
2TI 2:15 ញឆ្រោយ្ស​ជាន​ការ​អ្វែស​គៃ​មា​កោរាញ​ឞ្រាស​រានេ។ អ៝ន់​មៃ​មឞើស​ងក៝ច​នាវ​កោរាញ​ឞ្រាស​មា​នាវ​ងើយ​ងាន់ មា​នាវ​ទី ជេង​ឞូនុយ្ស​ជាន​ការ​មា​ឞូ​មោ​អោស​គែស​នាវ​ដីត​ព្រេង យ៝រ​លាស​លែៈ​គឹត​ពាង់​នើម​ជាន​អ្វែស។
2TI 2:16 យើន​មា​អ៝ន់​ទែរ​ហ៝ម់​ឞើស​នាវ​ងើយ​អី​មោ​អ្វែស​អី​មោ​គែស​នាវ​ខ្លៃ យ៝រ​លាស​នាវ​ងើយ​អី​នៃ​អ៝ន់​ឞូ​នហ៝​មា​លើ​មា​ហោ​ជាន​តីស​មា​នាវ​កោរាញ​ឞ្រាស​អុច។
2TI 2:17 នាវ​ងើយ​អី​នៃ​តឹម​ឞាន​មា​ឆោត​ឆា​កុរ​តា​ត្រោម​មោ​អោស​ឞ្លាវ​ឞាស។ តា​មពោល​ឞូនុយ្ស​អី​កើត​នៃ តា​នៃ​គែស​ឞារ​ហៃ​ឞូ​ក្លោ ទូ​ហ្វេ​រាញា​ហីមេនេស ​នទ្រែល​មា​ផីលេត ។
2TI 2:18 ខាន់​ពាង់​លែៈ​ទូ​ងាយ​ជេស​ឞើស​នាវ​ងាន់ ខាន់​ពាង់​នតី​ងក្លាៈ​លាស​ឞូនុយ្ស​ខឹត​លែៈ​ទ៝ក់​រេស​ជេស។ នទ្រី​ទឹង​ខាន់​ពាង់​លើស​ងគ្រ៝ស​លើយ​នាវ​ញឆីង​ឞូ​អាបាៈ។
2TI 2:19 យើន​មា​នាវ​ងាន់​កោរាញ​ឞ្រាស​ទុត​ន៝ប់​តឹម​ឞាន​មា​មែស​ន៝ប់​មោ​ឞ្លាវ​ងគើ ជេសរី​លែៈ​គែស​ញចីស​លាស​កើត​នអា៖ «កោរាញ​ឞ្រាស​លែៈ​គឹត​នាល់​ជេស​ឞូ​ម៝ស​ជេង​ប៝ន​លាន​ពាង់​នើម» ជេសរី «ឞូ​ម៝ស​អី​មឞើស​ងក៝ច​ពាង់​នើម​លែៈ​ញឆីង​មា​កោរាញ​ឞ្រាស អ៝ន់​ទូ​ងាយ​ហ៝ម់​ឞើស​នាវ​ជាន​អ្យើស»។
2TI 2:20 នតឹត​លាស​តា​ត្រោម​ជៃ​ក្វ៝ង់​ឞូនុយ្ស​នទ្រ៝ង់​មោ​គែស​អោស​នទ៝ស​នទើ​ឞូ​ជាន​មា​ព្រាក់ មា​មាយ្ស​ទើម គែស​នទ៝ស​នទើ​អី​ឞូ​ជាន​មា​ឆី នទ្រែល​មា​ម៝ន​មា​នែស​អូក​ដ៝ង់។ នទ៝ស​នទើ​អាបាៈ​ឞូ​ទ៝ង់​មា​នាវ​ខ្លៃ នទ៝ស​នទើ​អាបាៈ​ជឹត​ឞូ​ទ៝ង់​មា​នាវ​មោ​ខ្លៃ។ កើត​នទ្រី​ដ៝ង់​គែស​នតីល​អេងៗ​ឞូនុយ្ស​តា​ផូង​ញឆីង​មា​ឞ្រាស​យេឆូ ។
2TI 2:21 លាស​នទ្រី​ឞូ​ម៝ស​អី​ទូ​ងាយ​ឞើស​នទើ​អ្យើស​អី​នៃ​គុ​នាវ​ក្ល៝ស​អ្វែស ពាង់​ជេង​តឹម​ឞាន​មា​នទើ​ទ៝ង់​មា​នាវ​ខ្លៃ គែស​នាវ​ខ្លៃ​ងាន់​មា​តើម​ជៃ​អី​នៃ។ ឞូនុយ្ស​អី​នៃ​ឞ្លាវ​មា​ជាន​នទើ​អ្វែស​អាប់​នតីល។
2TI 2:22 លាស​នទ្រី​អ៝ន់​មៃ​ទែរ​ហ៝ម់​ឞើស​នាវ​កើញ​ផូង​ទ្រោស​នទាម់​អុច ជេសរី​ញឆ្រោយ្ស​តឹង​ជ៝យ​នាវ​ឆ៝ង់ នាវ​ញឆីង នាវ​រ៝ង់​មា​ឞូ។ អ៝ន់​គែស​នាវ​ដាប់​មពាន់​នទ្រែល​មពោល​យើក​មឞាស​មា​កោរាញ​ឞ្រាស​មា​នូយ្ស​នហ៝ម់​ក្ល៝ស​ហ៝ៈ។
2TI 2:23 អ៝ន់​មៃ​ទែរ​នាវ​តឹម​រាលាច់​រាលូក មៃ​លែៈ​គឹត​ជេស​នាវ​តឹម​រាលាច់​អី​នៃ​ជេង​គែស​នាវ​តឹម​ជាញ​ទើម។
2TI 2:24 អ្យាត់​មា​ឞូនុយ្ស​អី​ឆើម​កើល​ជាន​ការ​មា​កោរាញ​ឞ្រាស​មោ​អោស​គែស​នាវ​តឹម​រាលាច់។ អ្យាត់​មា​ឞូនុយ្ស​អី​នៃ​គែស​នូយ្ស​នហ៝ម់​មលែស​មា​ទឹង​លែៈ​ឞូនុយ្ស អ្យាត់​មា​ឞ្លាវ​នតុម​នតី​ឞូ នអ៝ប់​មា​ឞ្លាវ​អ៝ត់​នូយ្ស​ដ៝ង់។
2TI 2:25 អ៝ន់​ឞូនុយ្ស​អី​នៃ​ងកាស​មា​ឞូនុយ្ស​អី​តឹម​រាលាច់​មា​ពាង់​នើម​មា​នូយ្ស​នហ៝ម់​មលែស ងខេប​លាស​កោរាញ​ឞ្រាស​អ៝ន់​ខាន់​ពាង់​រាគ៝ល់​លើយ​នូយ្ស​នហ៝ម់​អ្យើស គៃ​មា​គឹត​នាល់​នាវ​ងាន់‌
2TI 2:26 ជេសរី​អ៝ន់​ខាន់​ពាង់​កាស​គឹត​ឆាក់​ទូ​ក្លាយ្ស​ឞើស​ទាក់​ឆាតាង់ ​អី​កោរាញ​មពោល​ឞ្រាស​អ្យើស អី​លែៈ​ញុប​ក៝ត់​ខាន់​ពាង់ ញច៝ប់​ខាន់​ពាង់​ដាៈ​ជាន​តឹង​នាវ​ពាង់​អុច។
2TI 3:1 អ៝ន់​មៃ​គឹត​នាវ​អ្យា៖ តា​រានោក​ឞើយ​មា​ត៝ត់​នារ​ងគ្លែៈ​ទុត​តៃ​គែស​នាវ​ជេរ​ងាន់។
2TI 3:2 នោក​នៃ​គែស​អ៝ក់​ឞូនុយ្ស​រ៝ង់​មា​ឆាក់​ពាង់​នើម​ទើម រ៝ង់​មា​ព្រាក់ នហី​អេង​ឆាក់ មឺច​ឞូ មឺច​កោរាញ​ឞ្រាស មោ​អ្យាត់​នាវ​មេៈ​ឞឹ មោ​គឹត​តោរ មោ​យើក​មា​កោរាញ​ឞ្រាស‌
2TI 3:3 មោ​គែស​នាវ​រ៝ង់​មា​ឞូ មោ​គែស​នាវ​យោៈ ងើយ​ញចើត មោ​ឞ្លាវ​អ៝ត់​នូយ្ស គែស​នូយ្ស​នហ៝ម់​ជាញ ឞ្យាញ់​មា​ទឹង​លែៈ​នទើ​អ្វែស‌
2TI 3:4 គែស​នូយ្ស​នហ៝ម់​រាលាង់ នូយ្ស​នហ៝ម់​ងគើច នូយ្ស​នហ៝ម់​ហឺន​ហោ​ងាន់ ជេសរី​កើញ​មា​ព៝ល់​មអាក​រាលាវ​មា​រ៝ង់​កោរាញ​ឞ្រាស។
2TI 3:5 ខាន់​ពាង់​យើក​មឞាស​កោរាញ​ឞ្រាស​ឞើស​ទីស​នតោ​ទើម យើន​មា​នាវ​ទើយ​កោរាញ​ឞ្រាស​អី​ឞ្លាវ​រាគ៝ល់​នូយ្ស​នហ៝ម់​អ្យើស​ខាន់​ពាង់ ខាន់​ពាង់​រាលាច់​លើយ។ លាស​នទ្រី​អ៝ន់​មៃ​ទូ​ងាយ​ហ៝ម់​ឞើស​ឞូនុយ្ស​អី​កើត​នៃ‌
2TI 3:6 យ៝រ​លាស​តា​មពោល​ខាន់​ពាង់​អី​នៃ គែស​ឞូនុយ្ស​អាបាៈ​ហាន់​តា​ជៃ​ឞូ ជេសរី​មរោស​រាលាម់​ផូង​ឞូ​អូរ​អី​រាលូក​ម៝ល់​មា​នាវ​នតី​តីស​ខាន់​ពាង់។ ផូង​ឞូ​អូរ​អី​នៃ​ទោរ​នាវ​តីស​ខាន់​ពាង់​នើម​ហោ​ងាន់ តា​ឆាក់​ខាន់​ពាង់​រី​គែស​នាវ​កើញ​អាប់​នតីល​ងាន់។
2TI 3:7 ផូង​ឞូ​អូរ​អី​នៃ​នតី​បាបើ​ងាន់ យើន​មា​នាវ​ងាន់​មោ​គឹត​វ៝ត់។
2TI 3:8 នាវ​ញឆីង​ផូង​នើម​នតី​នៃ​មោ​គែស​ងាន់​អោស នូយ្ស​នហ៝ម់​ខាន់​ពាង់​អ្យើស​ហោ​ងាន់ ខាន់​ពាង់​តឹម​រាលាច់​ដាស​នាវ​ងាន់​តឹម​ឞាន​មា​យានេស  នទ្រែល​មា​យាមព្រេស ​តឹម​រាទ៝ង់​ហោ​ងាន់​ដាស​មោឆេ ​រានោក​កាល់​អែ​នើស។
2TI 3:9 នាវ​ជាន​ការ​ខាន់​ពាង់​មោ​ហោម​ជេង​អោស យ៝រ​លាស​តា​ជឹត​នាប់​តៃ​ទឹង​លែៈ​ឞូនុយ្ស​ឆៃ​នាវ​មឹន​រាលូក​ម៝ល់​តា​ខាន់​ពាង់ តឹម​ឞាន​មា​ឞូ​ឆៃ​នាវ​មឹន​រាលូក​ម៝ល់​យានេស  នទ្រែល​មា​យាមព្រេស ​កាល់​អែ​នើស​ដ៝ង់។
2TI 3:10 ល៝ង់​អី​មៃ​នៃ មៃ​លែៈ​អ្យាត់​ជេស​នាវ​គ៝ប់​នតុម​នតី លែៈ​ឆៃ​លែៈ​តឹង​ដ៝ង់​នទើ​គ៝ប់​ជាន នទើ​គ៝ប់​នត្រ៝ង់​តា​នាវ​រេស​គ៝ប់ នាវ​គ៝ប់​ញឆីង នាវ​គ៝ប់​អ៝ត់​នូយ្ស នាវ​គ៝ប់​រ៝ង់​មា​ឞូ នាវ​គ៝ប់​ញឆ្រោយ្ស​ទើន​នាវ​ជេរ។
2TI 3:11 ជេសរី​មៃ​លែៈ​ឆៃ​ដ៝ង់​នាវ​ឞូ​ជាន​ជេរ​មា​គ៝ប់ នទ្រែល​មា​នាវ​ជេរ​ជ៝ត់​គ៝ប់​តា​ប៝ន​អ៝ន់តីយោក  ប៝ន​អីកោនៀម  ប៝ន​លីឆាត្រា ។ ឞ៝ល​លាស​គ៝ប់​គែស​នាវ​ជេរ​ជ៝ត់​ទុត​ហោ​កើត​នៃ​កាដោយ យើន​មា​កោរាញ​ឞ្រាស​លែៈ​រាក្លាយ្ស​គ៝ប់​ទើយ​ទឹង​លែៈ​ឞើស​នាវ​អី​នៃ។
2TI 3:12 ឞូ​ម៝ស​អី​អុច​គុ​រេស​តឹម​ទី​មា​នាវ​កោរាញ​ឞ្រាស​អុច ញឆីង​មា​ឞ្រាស​ក្រីស​យេឆូ  គែស​ឞូ​ជាន​ជេរ​ដ៝ង់។
2TI 3:13 ល៝ង់​ផូង​អ្យើស​មហឹក ផូង​មរោស​ក្ល៝រ់ ខាន់​ពាង់​ជាន​នទើ​អ្យើស​លើ​មា​ហោ​លើ​មា​ហោ​ងាន់ លែវ​ឞូ​មា​នាវ​មរោស ជេសរី​គែស​ឞូ​អា​អេង​លែវ​ខាន់​ពាង់​មា​នាវ​មរោស​ដ៝ង់។
2TI 3:14 យើន​មា​មៃ អ៝ន់​មៃ​ញអោត​ន៝ប់​ហ៝ម់​ម៝ស​នទើ​អី​មៃ​លែៈ​ជេស​នតី នទ្រែល​មា​ញអោត​ន៝ប់​ហ៝ម់​ម៝ស​នទើ​អី​មៃ​លែៈ​គែស​ញឆីង យ៝រ​មា​មៃ​លែៈ​គឹត​នហេល​ជេស ឞូ​ម៝ស​នតុម​នតី​នាវ​អី​នៃ​នើស​អ៝ន់​មា​មៃ!
2TI 3:15 នតើម​ឞើស​មៃ​ហោម​ជេៈ​មៃ​គឹត​នាល់​នាវ​កោរាញ​ឞ្រាស​ងើយ។ នាវ​កោរាញ​ឞ្រាស​ងើយ​អី​នៃ​អ៝ន់​មៃ​គែស​នាវ​មឹន​គឹត​ឞ្លាវ គៃ​មា​គែស​នាវ​រាក្លាយ្ស​យ៝រ​មា​ញឆីង​មា​ឞ្រាស​ក្រីស​យេឆូ ។
2TI 3:16 ទឹង​លែៈ​នាវ​កោរាញ​ឞ្រាស​ងើយ ជេង​តាៈ​ឞើស​កោរាញ​ឞ្រាស​អ៝ន់​ឞ្រាស​ហ្វេង​អ្វែស​អ៝ន់​ឞូ​ញចីស គែស​នាវ​ខ្លៃ​មា​នតុម​នតី មា​ងកាស​អ៝ន់​កាស​គឹត​ឆាក់ នតុម​នតី​ហាន់​ទី​ត្រ៝ង នតុម​នតី​នាវ​គុ​រេស​អ៝ន់​ឆ៝ង់‌
2TI 3:17 គៃ​មា​នើម​ជាន​ការ​មា​កោរាញ​ឞ្រាស​គុ​គែស​នាវ​គឹត​ឞ្លាវ នទ្រែល​មា​គែស​នទ្រាប់​ឆាក់ គៃ​មា​ជាន​នទើ​អ្វែស​អាប់​នតីល។
2TI 4:1 គ៝ប់​ទាន់​មឞើស​មា​មៃ​ទុត​នាវ​ងាន់​តា​នាប់​មាត់​កោរាញ​ឞ្រាស នទ្រែល​មា​តា​នាប់​មាត់​ឞ្រាស​ក្រីស​យេឆូ ​អី​នើម​ផាត​ទោយ្ស​ឞូនុយ្ស​ខឹត​នអ៝ប់​មា​ឞូនុយ្ស​រេស ជេសរី​គ៝ប់​ទាន់​មឞើស​មា​មៃ​ទុត​ហោ​ងាន់ យ៝រ​មា​ឞ្រាស​ក្រីស​យេឆូ ​មរា​ព្លឹ​វាច់​គៃ​មា​ម៝ត់​អ្វាញ់​ឞ្រី​កាដាច់​ពាង់​នើម៖
2TI 4:2 អ៝ន់​មៃ​មឞើស​ងក៝ច​នាវ​កោរាញ​ឞ្រាស ជេសរី​ញឆ្រោយ្ស​ងាន់ ឞ៝ល​លាស​នោក​អ្វែស​កាដោយ​មោ​អ្វែស​កាដោយ នតី​នហេល​អ៝ន់​ឞូ​វ៝ត់ លាស​ឞូ​អ៝ន់​ទាង់ នហាវ​នូយ្ស​នហ៝ម់​ឞូ។ អ៝ន់​មៃ​ជាន​នទើ​អី​នៃ​លើយ​អោស​ទឹល នតុម​នតី​ឞូ​រាប់​ជាប់‌
2TI 4:3 យ៝រ​លាស​ជឹត​នាប់​តៃ​ឞូនុយ្ស​មោ​អុច​អោស​អ្យាត់​នាវ​នតុម​នតី​ទី។ ល៝ង់​ខាន់​ពាង់​ជ៝យ​នើម​នតី​អ៝ក់​ងាន់​តឹង​នូយ្ស​នហ៝ម់​ខាន់​ពាង់​នើម​អុច គៃ​មា​អ្វែស​តោរ​អ្យាត់​ទើម។
2TI 4:4 ខាន់​ពាង់​មោ​អុច​អោស​អ្យាត់​នាវ​ងាន់ អ្យាត់​ងខើង​ឞូ​ងក៝ច​នអើន​អី​មោ​ងាន់​ច្រាវ។
2TI 4:5 យើន​មា​មៃ​នៃ អ៝ន់​មៃ​គែស​នូយ្ស​នហ៝ម់​ន៝ប់​រាក៝ក់​ទឹង​លែៈ​នតីល​នទើ ញឆ្រោយ្ស​ទើន​នាវ​ជេរ​ជ៝ត់ អ៝ន់​មៃ​ជាន​ការ​មឞើស​ងក៝ច​នាវ​មហែ​មហាន​អ្វែស នអ៝ប់​មា​ជាន​ការ​មៃ​នើម​អ៝ន់​អ្វែស​អ្វាច់​ដ៝ង់។
2TI 4:6 ល៝ង់​អី​គ៝ប់​អ្យា ម៝ង​ឞូ​ញចាយ​មហាម​គ៝ប់​តឹម​ឞាន​មា​ឞូ​ងខុត​នទ្រាញ់​មា​ជាន​ឞ្រាស​លែៈ​ឞើយ​ត៝ត់​ជេស នារ​គ៝ប់​ខឹត​ឞើយ​ត៝ត់។
2TI 4:7 គ៝ប់​លែៈ​តឹម​លើស​ជេស​នាវ​តឹម​លើស​អ្វែស គ៝ប់​ញឆ្រោយ្ស​ជាន​លែៈ​នទើ​អី​កោរាញ​ឞ្រាស​អ៝ន់​មា​គ៝ប់​ជាន​នហ៝​មា​ត៝ត់​នារ​អ្យា ជេសរី​នាវ​ញឆីង​គ៝ប់​ហោម​ន៝ប់​កើត​អើម​ដ៝ង់។
2TI 4:8 អាបៃ​អ្យា​កោរាញ​យេឆូ  អី​កោរាញ​ផាត​ទោយ្ស​ឆ៝ង់ លែៈ​នទ្រាប់​ជេស​នទើ​ងខោម​នាវ​រេស​ឆ៝ង់​អ៝ន់​មា​គ៝ប់។ នទើ​អី​នៃ​ពាង់​អ៝ន់​តា​នារ​ពាង់​វាច់​តៃ ពាង់​មោ​អោស​អ៝ន់​មា​ទូ​ហ្វេ​គ៝ប់​ទើម ពាង់​អ៝ន់​ទឹង​លែៈ​ឞូនុយ្ស​អី​គុ​ក៝ប់​ពាង់​វាច់​ដ៝ង់។
2TI 4:9 ជេសរី​ញឆ្រោយ្ស​ហាន់​អា​គ៝ប់​អ៝ន់​គើញ។
2TI 4:10 នោ​ដេមាស ​លែៈ​មអារ់​លើយ​គ៝ប់ យ៝រ​លាស​ពាង់​រ៝ង់​នែស​នតូ​អ្យា អាបៃ​អ្យា​ពាង់​លែៈ​ហាន់​តា​ប៝ន​តេឆាលោនិក ។ នោ​ក្រេឆេន ​លែៈ​ហាន់​តា​ឞ្រី​កាលាតី  ជេសរី​នោ​តីតុស ​លែៈ​ហាន់​តា​ឞ្រី​ដាល់មាតៀ ​ដ៝ង់។
2TI 4:11 ហោម​អែ​ទូ​ហ្វេ​នោ​លូកា ​ទើម​គុ​នទ្រែល​គ៝ប់។ គ៝ប់​ទាន់​មៃ​លែវ​នោ​មារកោស ​ហាន់​នទ្រែល​តា​អ្យា​ដ៝ង់ យ៝រ​លាស​ពាង់​គែស​នាវ​ខ្លៃ​មា​កើល​តា​នទើ​គ៝ប់​ជាន។
2TI 4:12 គ៝ប់​លែៈ​ញជ្វាល់​នោ​តីខីកុស ​ហាន់​តា​ប៝ន​អេផេឆោ ។
2TI 4:13 នោក​មៃ​ហាន់​តា​អ្យា​តៃ អ៝ន់​មៃ​ញអោត​អាវ​ក្វ៝ង់​គ៝ប់​តា​ជៃ​នោ​ការពោស ​តា​ប៝ន​ត្រោអាស ​នៃ នទ្រែល​មា​ញអោត​ឆ៝ម់បុត​គ៝ប់​ដ៝ង់ ជេសរី​អី​ខ្លៃ​រាលាវ​ឞូ​ជេង​ឆ៝ម់បុត​អី​ញចីស​តា​នតោ។
2TI 4:14 នោ​អាលេកឆាន់ត្រុស ​អី​ឞូនុយ្ស​ឞ្លាវ​ជាន​នទើ​មា​កោង ពាង់​ជាន​អ្យើស​មា​គ៝ប់​ហោ​ងាន់។ យើន​មា​កោរាញ​ឞ្រាស​មរា​ព្លើង​មា​ពាង់​តឹង​នាវ​ពាង់​ជាន។
2TI 4:15 លាស​នទ្រី​អ៝ន់​មៃ​ញជ្រាង់​ពាង់​ដ៝ង់ យ៝រ​លាស​ពាង់​តឹម​រាទ៝ង់​ហោ​ងាន់​ដាស​នាវ​ឞ៝ន់​នតុម​នតី។
2TI 4:16 នោក​គ៝ប់​ងើយ​ព្លើង​អើស​មា​ឞូ​ឞោក​ទាក​តា​នាប់​កោរាញ​ផាត​ទោយ្ស មោ​គែស​អោស​ទូ​ហ្វេ​ឞូនុយ្ស​គុ​កើល​គ៝ប់។ ទឹង​លែៈ​ខាន់​ពាង់​មអារ់​គ៝ប់​ទាទេ។ ទាន់​កោរាញ​ឞ្រាស​លើយ​អោស​ក្លាប់​នទាង់​នាវ​អី​នៃ​មា​ខាន់​ពាង់។
2TI 4:17 យើន​មា​គែស​កោរាញ​ឞ្រាស​កើល​គ៝ប់ នទ្រែល​មា​អ៝ន់​គ៝ប់​គែស​នហ៝ម់​ឆ្វាន គៃ​មា​គ៝ប់​ទើយ​មឞើស​ងក៝ច​នាវ​មហែ​មហាន​អ្វែស​អ៝ន់​មា​ទឹង​លែៈ​ផូង​អី​មោ​ទី​ផូង​អីឆ្រាអែល ​តា​នៃ​អ្យាត់។ ជេសរី​ពាង់​លែៈ​រាក្លាយ្ស​ជេស​គ៝ប់​អី​ឞូ​ឞើយ​មា​តេៈ​ទោយ្ស​មា​ងខឹត​គ៝ប់​ដ៝ង់។
2TI 4:18 កោរាញ​ឞ្រាស​មរា​រាក្លាយ្ស​គ៝ប់​ឞើស​ទឹង​លែៈ​នាវ​អ្យើស ពាង់​មរា​ម៝ត់​ញជ្រាង់​គ៝ប់​អ៝ន់​គ៝ប់​គុ​តា​ឞ្រី​កាដាច់​ពាង់​តា​កាលើ​ត្រោក​នតុក​ពាង់​នើម​គុ​រី។ អ៝ន់​រានេ​នាវ​ច្រេក​លើប​កោរាញ​ឞ្រាស​នើម​បាបើ​នហ៝​រ៝ អើ​អ៝ន់​គែស​កើត​នៃ​ងាន់​រ៝។
2TI 4:19 ទាន់​អោប​នាវ​អ្វែស​លាង់​មា​យោស​ព្រីឆីល  នោ​អាកីលា  នអ៝ប់​មា​រានាក់​វ៝ល់​នោ​អោនេឆីផ៝រ ​ដ៝ង់។
2TI 4:20 នោ​អេរាសតុស ​ហោម​គុ​តា​ប៝ន​កោរិនតោ  ជេសរី​នោ​ត្រោផីម ​គែស​នាវ​ជី។ នទ្រី​គ៝ប់​ហោម​អ៝ន់​ពាង់​គុ​តា​ប៝ន​មីលេត  នោក​គ៝ប់​លោស​ឞើស​ប៝ន​អី​នៃ​នើស។
2TI 4:21 លាស​នទ្រី​អ៝ន់​មៃ​ញឆ្រោយ្ស​ហាន់​អេ​ល៝រ​មា​ខៃ​ជី​កាត់។ នោ​អើបូលុស  នោ​ពូដេន  នោ​លីនុស  យោស​ក្លោដៀ  នទ្រែល​មា​ទឹង​លែៈ​អ៝ស​នោ​អេង​ជឹត ខាន់​ពាង់​អោប​នាវ​អ្វែស​លាង់​មៃ​ទាទេ។
2TI 4:22 ទាន់​កោរាញ​យេឆូ ​គុ​នទ្រែល​មៃ ទាន់​នាវ​អ្វែស​កោរាញ​ឞ្រាស​គុ​នទ្រែល​ខាន់​អៃ​មៃ!៚
TIT 1:1 ឆ៝ម់បុត​គ៝ប់​ពោល ​ញចីស គ៝ប់​អី​ឞូនុយ្ស​ឆើម​កើល​ជាន​ការ​មា​កោរាញ​ឞ្រាស នទ្រែល​មា​អី​កោរាញ​អ៝ស​ម៝ន​ឞ្រាស​យេឆូ​ក្រីស ​ដ៝ង់។ កោរាញ​ឞ្រាស​ដាៈ​គ៝ប់​គៃ​មា​កើល​ឞូ​ម៝ស​អី​លែៈ​កោរាញ​ឞ្រាស​ទែ​កើយ្ស​អ៝ន់​ខាន់​ពាង់​គែស​នាវ​ញឆីង​លើ​មា​ហោ នអ៝ប់​មា​កើល​ឞូ​គឹត​នាល់​នាវ​ងាន់​ពាង់​នើម។ នាវ​ងាន់​អី​នៃ​លែវ​ឞូ​គុ​រេស​តឹង​កោរាញ​ឞ្រាស​នើម​អុច។
TIT 1:2 ពាង់​ដាៈ​គ៝ប់​អ៝ន់​ឞូ​គឹត​លាស​ឞ៝ន់​លែៈ​គែស​នាវ​រានើម​មា​នាវ​រេស​នហ៝​រ៝។ នាវ​រេស​អី​នៃ​ពាង់​លែៈ​ជេស​ត៝ន​ឞើស​អេ​ហ៝ៈ​ញជេង​នែស​នតូ​នើស​ងាន់ ពាង់​មោ​មរោស​អោស។
TIT 1:3 ជេសរី​ត៝ត់​ទី​នារ​កោរាញ​ឞ្រាស​ទែ​អ៝ន់​ឞូ​គឹត​ឆៃ​នាវ​ពាង់​នើម ពាង់​អ៝ន់​គឹត​ឆៃ​នាវ​អី​នៃ​មា​នាវ​មឞើស​ងក៝ច ជេសរី​ពាង់​អី​នើម​រាក្លាយ្ស​ឞ៝ន់​ដាៈ​គ៝ប់​មឞើស​ងក៝ច​នាវ​អី​នៃ​មា​ឞូ​ដ៝ង់។
TIT 1:4 គ៝ប់​ញជ្វាល់​ឆ៝ម់បុត​អ្យា​អ៝ន់​មា​មៃ​តីតុស ​ជេង​ក៝ន​គ៝ប់​នហេល​នានេៈ​ងាន់​តា​នាវ​ញឆីង​មា​ឞ្រាស​ក្រីស​យេឆូ ​អី​ឞ៝ន់​លែៈ​គែស​នទ្រែល។ ទាន់​កោរាញ​ឞ្រាស​អី​ឞឹ​ឞ៝ន់ នទ្រែល​មា​ឞ្រាស​ក្រីស​យេឆូ ​អី​នើម​រាក្លាយ្ស​ឞ៝ន់​អ៝ន់​នាវ​អ្វែស នាវ​ដាប់​មពាន់​មា​មៃ។
TIT 1:5 នោក​គ៝ប់​លោស​ឞើស​គោល​ទាក​ក្រែត  គ៝ប់​ដាៈ​មៃ​ហោម​គុ​តា​នៃ គៃ​មា​អ៝ន់​មៃ​ជាន​នទើ​អី​អេ​ហ៝ៈ​ជេស​អ្វែស​អោស។ កើត​គ៝ប់​លែៈ​ជេស​មឞើស​មា​មៃ​នើស អ៝ន់​មៃ​កើយ្ស​ផូង​កោរាញ​ផូង​ញឆីង​មា​ឞ្រាស​យេឆូ​ក្រីស ​អាប់​ប៝ន។
TIT 1:6 អ៝ន់​មៃ​កើយ្ស​ឞូនុយ្ស​អី​មោ​គែស​អោស​នាវ​មា​នទុយ្ស ឞូនុយ្ស​អី​គែស​ទូ​ហ្វេ​អូរ​ហ៝ៈ អ៝ស​ក៝ន​ពាង់​ញឆីង​មា​ឞ្រាស​យេឆូ ​ដ៝ង់ អ៝ស​ក៝ន​ពាង់​មោ​គែស​នាវ​ឞូ​ងើយ​នតោន​អ្យើស​មហឹក មោ​អោស​ឞូនុយ្ស​ទាង់​ឞោក។
TIT 1:7 ឞូនុយ្ស​ជេង​នើម​កោរាញ​ម៝ត់​អ្វាញ់​ផូង​ញឆីង​មា​ឞ្រាស​យេឆូ​ក្រីស  ពាង់​ជាន​ការ​មា​កោរាញ​ឞ្រាស។ នទ្រី​អ៝ន់​ពាង់​ជេង​ឞូនុយ្ស​មោ​គែស​អោស​នាវ​មា​នទុយ្ស ឞូនុយ្ស​មោ​មឺច​ឞូ មោ​គើញ​នូយ្ស មោ​ញេត​នទ្រាញ់​ត៝ត់​ញុល មោ​តឹម​ល៝ក់​តឹម​ជាញ មោ​អោស​កើញ​អីរ​ព្រាក់។
TIT 1:8 យើន​មា​អ៝ន់​ពាង់​ឞ្លាវ​រ៝ម​ឞូ​នាច់​តា​ជៃ​ពាង់​នើម រ៝ង់​មា​ជាន​នទើ​អ្វែស​ហ៝ៈ ឞ្លាវ​ម៝ត់​ញជ្រាង់​ឆាក់​អ៝ន់​គុ​ទី​កែស គុ​រេស​ឆ៝ង់ គែស​នូយ្ស​នហ៝ម់​រ៝ង់​មា​កោរាញ​ឞ្រាស​ងាន់ គែស​នូយ្ស​នហ៝ម់​ជ៝ក់។
TIT 1:9 នាវ​កោរាញ​ឞ្រាស​អី​ឞូ​លែៈ​នតុម​នតី​ជេស​មា​ឞ៝ន់​ទី​ងាន់។ អ៝ន់​ពាង់​ញអោត​ន៝ប់​នាវ​អី​នៃ គៃ​មា​ពាង់​ឞ្លាវ​នតុម​នតី​មា​ឞូនុយ្ស​អេង​មា​នាវ​នតុម​នតី​ងាន់ នអ៝ប់​មា​ទើយ​ព្លើង​អើស​មា​ផូង​អី​តឹម​រាទ៝ង់​ដាស​នាវ​អី​នៃ​ដ៝ង់។
TIT 1:10 តា​គោល​ទាក​ក្រែត ​គែស​ឞូនុយ្ស​ញឆីង​មា​ឞ្រាស​ក្រីស ​អ៝ក់​ងាន់​ទាង់​ក៝​មោ​អោស​អ្យាត់​នាវ​កោរាញ​ឞ្រាស មឞើស​ងើយ​អ៝ក់​នទើ​មោ​អោស​គែស​នាវ​ខ្លៃ នទ្រែល​មា​មរោស​ឞូ។ តា​ផូង​អីឆ្រាអែល ​អី​ញឆីង​មា​ឞ្រាស​ក្រីស​យេឆូ ​គែស​ឞូនុយ្ស​អ៝ក់​កើត​នៃ​ដ៝ង់។
TIT 1:11 អ្យាត់​មា​ឞ្វៃ​ខាន់​ពាង់​ឞាស​នតុម​នតី យ៝រ​លាស​ខាន់​ពាង់​អ៝ន់​ទឹង​លែៈ​តា​រានាក់​វ៝ល់​អាបាៈ​ឞាស​ញឆីង​មា​នាវ​នតី​អី​ទី។ ខាន់​ពាង់​នតី​នទើ​អី​មោ​ទី​គៃ​មា​គែស​ព្រាក់​ទើម នទើ​អី​នៃ​អ្យើស​ងាន់។
TIT 1:12 កាល់​អែ​នើស គែស​ទូ​ហ្វេ​ឞូនុយ្ស​តា​ផូង​គោល​ទាក​ក្រែត  ជេង​ឞូនុយ្ស​គែស​នាវ​មឹន​គឹត​ឞ្លាវ​ងាន់​តា​ខាន់​ពាង់​នើម លាស​កើត​នអា៖ «ទឹង​លែៈ​ផូង​គោល​ទាក​ក្រែត ​ជេង​ឞូនុយ្ស​មរោស​នឹង ជេង​តឹម​ឞាន​មា​មពោល​មពោមពា​(ឆ្យុម)​ជាញ ខាន់​ពាង់​ប្លាវ​ហោ​ងាន់ ញេត​ឆា​ទុត​ហៃ!»
TIT 1:13 នាវ​ងើយ​អី​នៃ​ទី​ងាន់ លាស​នទ្រី​អ៝ន់​មៃ​លាស​ខាន់​ពាង់​ទាង់​ងាន់ គៃ​មា​អ៝ន់​ខាន់​ពាង់​គែស​នាវ​ញឆីង​ទី​តា​ឞ្រាស​យេឆូ​ក្រីស  នទ្រែល​មា​ន៝ប់​ងាន់។
TIT 1:14 លើយ​ហោម​អោស​អ៝ន់​ខាន់​ពាង់​អ្យាត់​នាវ​នតី​តាៈ​ឞើស​នអើន​អី​មោ​ងាន់​តា​ផូង​អីឆ្រាអែល ។ លើយ​ហោម​អោស​អ៝ន់​ខាន់​ពាង់​អ្យាត់​មា​នាវ​ឞូនុយ្ស​អី​តឹម​រាលាច់​មា​នាវ​ងាន់​នៃ​ដាៈ។
TIT 1:15 ឞូនុយ្ស​អី​គែស​នូយ្ស​នហ៝ម់​ក្ល៝ស​ទឹង​លែៈ​នទើ​ជេង​ក្ល៝ស​ទាទេ។ យើន​មា​ឞូនុយ្ស​អី​គែស​នូយ្ស​នហ៝ម់​បឹ​បើច មោ​អុច​អោស​ញឆីង ទឹង​លែៈ​នទើ​មោ​អោស​ក្ល៝ស យ៝រ​លាស​នាវ​មឹន​ខាន់​ពាង់​នើម​បឹ​បើច​ងាន់ តា​នូយ្ស​នហ៝ម់​ខាន់​ពាង់​នើម​មោ​ហោម​គឹត​នាល់​នទើ​អ្វែស​នទើ​អ្យើស។
TIT 1:16 ខាន់​ពាង់​មឞើស​មា​ឞូ​ឆាក់​ខាន់​ពាង់​នើម​គឹត​នាល់​កោរាញ​ឞ្រាស យើន​មា​នទើ​ខាន់​ពាង់​ជាន​មោ​តឹម​ទី​មា​នាវ​កោរាញ​ឞ្រាស​អុច។ ខាន់​ពាង់​ជេង​ឞូនុយ្ស​បឹ​បើច មោ​អ្យាត់​នាវ​កោរាញ​ឞ្រាស មោ​ឞ្លាវ​អោស​ជាន​នទើ​អ្វែស។
TIT 2:1 ល៝ង់​អី​មៃ​នៃ អ៝ន់​មៃ​នតុម​នតី​តឹម​ទី​ដាស​នាវ​នតុម​នតី​ទី។
TIT 2:2 នតុម​នតី​មពោល​ឞូ​រាញ​អ៝ន់​គុ​រេស​គឹត​ញជីង​នាវ​អ្វែស​នាវ​អ្យើស គុ​ងាវ​អ្វែស ទុប​នូយ្ស​លើយ​អ៝ន់​ជាន​តឹង​នាវ​កើញ គែស​នាវ​ញឆីង​ន៝ប់ គែស​នាវ​រ៝ង់​មា​ឞូ​នឹង នទ្រែល​មា​ឞ្លាវ​អ៝ត់​នូយ្ស​នឹង​តា​នាវ​ជេរ។
TIT 2:3 អ៝ន់​មៃ​នតុម​នតី​មា​ផូង​ឞូ​អូរ​រាញ​កើត​នៃ​ដ៝ង់ អ៝ន់​ខាន់​ពាង់​គុ​ងាវ​ក្រាវ​ឆាច​តឹម​ទី​មា​ឞូនុយ្ស​អី​យើក​មឞាស​មា​កោរាញ​ឞ្រាស។ លើយ​អោស​អ៝ន់​ខាន់​ពាង់​ងើយ​កែក​ឞូ មោ​លាស​ហៃ​មា​ញេត​នទ្រាញ់។ អ៝ន់​ខាន់​ពាង់​នតុម​នតី​ផូង​ឞូ​អូរ​អី​ហោម​ក៝ន​ឆែ​មា​នាវ​អី​អ្វែស​ហ៝ៈ‌
TIT 2:4 គៃ​មា​នហាវ​នូយ្ស​នហ៝ម់​ខាន់​ពាង់​អ៝ន់​រ៝ង់​មា​ក៝ន​រ៝ង់​មា​ឆាយ​ខាន់​ពាង់​នើម‌
TIT 2:5 អ៝ន់​ឞ្លាវ​ម៝ត់​ញជ្រាង់​ឆាក់​អ៝ន់​គុ​ទី​កែស ជេសរី​គុ​ងាវ​អ៝ន់​តឹម​ទី ឞ្លាវ​ជាន​ការ​តា​ញីស​ជៃ គែស​នូយ្ស​នហ៝ម់​អ្វែស ឞ្លាវ​យើក​មា​ឆាយ។ ជាន​កើត​នៃ​គៃ​មា​លើយ​អោស​អ៝ន់​ឞូ​មឺច​នាវ​កោរាញ​ឞ្រាស។
TIT 2:6 ផូង​ឞូ​នទាម់​ដាៈ​ខាន់​ពាង់​កើត​នៃ​ដ៝ង់ អ៝ន់​ខាន់​ពាង់​ឞ្លាវ​ម៝ត់​ញជ្រាង់​ឆាក់​អ៝ន់​គុ​ទី​កែស។
TIT 2:7 ល៝ង់​អី​មៃ​នៃ អ៝ន់​គុ​រេស​អ្វែស​ទឹង​លែៈ​នតីល​នទើ លែវ​នាវ​អ្វែស​អ៝ន់​មា​ឞូ។ នោក​មៃ​នតុម​នតី​ឞូ ឆាក់​មៃ​នើម​គុ​អ៝ន់​តឹម​ទី​ដ៝ង់ នតុម​នតី​មា​នូយ្ស​នហ៝ម់​ឆ៝ង់‌
TIT 2:8 មឞើស​ងើយ​ទី មោ​អោស​ហោម​ឞ្លាវ​ឞូ​ជឺច។ លាស​ជាន​កើត​នៃ​ឞូនុយ្ស​អី​តឹម​រាទ៝ង់​មា​ឞ៝ន់​មរា​ដីត​ព្រេង​រ៝ ងើយ​នទើ​អ្យើស​មា​ឞ៝ន់​មោ​ហោម​អោស​ឞ្លាវ។
TIT 2:9 នតី​ផូង​ឞូនុយ្ស​អី​ជាន​ទឹក​ឞូ អ៝ន់​ខាន់​ពាង់​អ្យាត់​នាវ​កោរាញ​ខាន់​ពាង់​នើម​ទឹង​លែៈ​នតីល​នទើ​ជាន អ៝ន់​អី​កោរាញ​ទី​នូយ្ស​នហ៝ម់។ លើយ​អ៝ន់​ខាន់​ពាង់​តឹម​រាលាច់‌
TIT 2:10 លើយ​អោស​ញឆ្យាន់​ទ្រាប់​នទើ​កោរាញ​ខាន់​ពាង់​នើម អ៝ន់​គុ​ងាវ​អ្វែស​ឆ៝ង់​ឆ្រាង់​នឹង​ហ៝ៈ​ទឹង​លែៈ​នតីល​នទើ។ លាស​នទ្រី​ទឹង​លែៈ​ឞូនុយ្ស​អី​ឆៃ​ខាន់​ពាង់​ជាន​កើត​នៃ ឞូ​រានេ​អ្វែស​ទឹង​លែៈ​នាវ​នតុម​នតី​អី​តាៈ​ឞើស​កោរាញ​ឞ្រាស​អី​នើម​រាក្លាយ្ស​ផូង​ឞ៝ន់។
TIT 2:11 អ៝ន់​គុ​រេស​កើត​នៃ យ៝រ​លាស​នាវ​អ្វែស​កោរាញ​ឞ្រាស​លែៈ​មពើល​ជេស​មា​ឞូនុយ្ស​ឆៃ ពាង់​អុច​អ៝ន់​នាវ​រាក្លាយ្ស​មា​ទឹង​លែៈ​ឞូនុយ្ស។
TIT 2:12 ពាង់​នតុម​នតី​ដាៈ​ឞ៝ន់​មអារ់​លើយ​ទឹង​លែៈ​នាវ​អី​ពាង់​មោ​អុច នទ្រែល​មា​មអារ់​លើយ​ទឹង​លែៈ​នាវ​ផូង​ឞូនុយ្ស​អី​មោ​យើក​មា​ពាង់ នាវ​ខាន់​ពាង់​កើញ​តា​នែស​នតូ​អ្យា។ ជេសរី​គុ​រេស​តា​នែស​នតូ​អ្យា​អ៝ន់​ឞ្លាវ​ម៝ត់​ញជ្រាង់​ឆាក់​អ៝ន់​គុ​ទី​កែស គុ​រេស​ឆ៝ង់ ជាន​តឹង​មា​នាវ​កោរាញ​ឞ្រាស​នើម​អុច​ហ៝ៈ‌
TIT 2:13 នហ៝​មា​ឞ៝ន់​ហោម​រានើម​គុ​ក៝ប់​នាវ​ព្លឹ​វាច់​ឞ្រាស​យេឆូ​ក្រីស ​តា​នាវ​ច្រេក​លើប។ ពាង់​អី​នើម​រាក្លាយ្ស​ឞ៝ន់ ពាង់​អី​ឞ្រាស​ទុត​ក្វ៝ង់​អី​ឞ្រាស​ឞ៝ន់​យើក​មឞាស។
TIT 2:14 ឞ្រាស​យេឆូ ​លែៈ​ញជុន​ជេស​ឆាក់​ពាង់​នើម​មា​ខឹត គៃ​មា​រាក្លាយ្ស​ឞ៝ន់​ក្លាយ្ស​ឞើស​នាវ​តីស​អាប់​នតីល នអ៝ប់​មា​ជាន​ក្ល៝ស​ឞូនុយ្ស​ទូ​ផូង​អ៝ន់​មា​ពាង់​នើម ជេង​ប៝ន​លាន​អី​គើយ្ស​ជាន​នទើ​អ្វែស។
TIT 2:15 លែៈ​នាវ​អី​នៃ​អ៝ន់​មៃ​នតុម​នតី នទ្រែល​មា​មឞើស​ងក៝ច​គៃ​មា​នហាវ​នូយ្ស​នហ៝ម់​ឞូ ជេសរី​អ៝ន់​មៃ​លាស​ឞូនុយ្ស​អី​ជាន​តីស។ លើយ​មៃ​ដីត​អោស អ៝ន់​មៃ​ជាន​នទើ​អី​នៃ​មា​លែៈ​នាវ​ទើយ លើយ​អោស​អ៝ន់​គែស​ឞូ​មឺច​មា​មៃ។
TIT 3:1 ងកាស​ដ៝ង់​ផូង​ញឆីង​អ៝ន់​យើក​មា​កោរាញ​ម៝ត់​អ្វាញ់​ឞ្រី​ទាក នទ្រែល​មា​ផូង​អី​គែស​នាវ​ទើយ។ អ៝ន់​ខាន់​ពាង់​អ្យាត់ ជេសរី​នទ្រាប់​នឹង​មា​ជាន​នទើ​អ្វែស​អាប់​នតីល។
TIT 3:2 ងកាស​ខាន់​ពាង់​ដ៝ង់ លើយ​អោស​អ៝ន់​ខាន់​ពាង់​ងើយ​នាវ​អ្យើស​ឞូ​មា​ឞូនុយ្ស​អេង អ៝ន់​ខាន់​ពាង់​ទែរ​ឞើស​នាវ​តឹម​ល៝ក់​តឹម​ជាញ​មា​ឞូ អ៝ន់​ខាន់​ពាង់​គែស​នូយ្ស​នហ៝ម់​មលែស នហ៝​មា​យើក​មា​ទឹង​លែៈ​ឞូនុយ្ស។
TIT 3:3 ឞើស​នតើម​នើស​ផូង​ឞ៝ន់​ឞូនុយ្ស​រាលូក​ម៝ល់ ឞូនុយ្ស​ទាង់​ឞោក ឞូនុយ្ស​អី​អ្យាត់​នាវ​ឞូ​មរោស ឞូនុយ្ស​បឹ​បើច ឞូនុយ្ស​ទឹក​មា​នទើ​កើញ រ៝ង់​មា​រាង្លៃ​ឆាក់​អុច​អាប់​នតីល គែស​នូយ្ស​នហ៝ម់​ជាញ គែស​នូយ្ស​នហ៝ម់​មោ​នាច នអ៝ប់​មា​តឹម​ឞ្យាញ់​នទ្រាង់​នើម។
TIT 3:4 យើន​មា​ត៝ត់​កោរាញ​ឞ្រាស​អី​នើម​រាក្លាយ្ស​ផូង​ឞ៝ន់​ញហើ​នាវ​អ្វែស​នាវ​រ៝ង់​ពាង់​នើម​អ៝ន់​មា​ឞូនុយ្ស‌
TIT 3:5 ពាង់​រាក្លាយ្ស​ផូង​ឞ៝ន់។ មោ​ទី​អោស​ពាង់​រាក្លាយ្ស​យ៝រ​មា​ឞ៝ន់​លែៈ​ជាន​ឆ៝ង់ ពាង់​គែស​នាវ​យោៈ​នអាច​ទើម ទឹង​ពាង់​រាក្លាយ្ស​ឞ៝ន់​អ្យា។ នអ៝ប់​មា​ពាង់​អ៝ន់​ឞ្រាស​ហ្វេង​អ្វែស​អី​ក្ល៝ស​អ្វែស​គុ​តា​ឆាក់​ឞ៝ន់ ជេសរី​នាវ​ទើយ​ឞ្រាស​ហ្វេង​អ្វែស​ជាន​នូយ្ស​នហ៝ម់​ឞ៝ន់​អ៝ន់​មហែ​តឹម​ឞាន​មា​ទែស​ទូ​តឹ​ជឹត ពាង់​តឹម​ឞាន​មា​រាវ​ផូង​ឞ៝ន់​អ៝ន់​ក្ល៝ស។ កើត​នទ្រី​ពាង់​រាក្លាយ្ស​ផូង​ឞ៝ន់។
TIT 3:6 ពាង់​អ៝ន់​ឞ្រាស​ហ្វេង​អ្វែស​ជាន​នទើ​ខ្លៃ​អ៝ក់​ងាន់​តា​ផូង​ឞ៝ន់ យ៝រ​មា​នទើ​ឞ្រាស​យេឆូ​ក្រីស ​អី​នើម​រាក្លាយ្ស​ផូង​ឞ៝ន់​លែៈ​ជាន​នើស។
TIT 3:7 យ៝រ​មា​នាវ​អ្វែស​ពាង់​នើម កោរាញ​ឞ្រាស​កើប​ផូង​ឞ៝ន់​ជេង​ឞូនុយ្ស​ឆ៝ង់ ជេសរី​អ៝ន់​ផូង​ឞ៝ន់​គែស​នាវ​រានើម​ន៝ប់​ឆ៝ៈ​ទើន​នាវ​រេស​នហ៝​រ៝​តា​ជឹត​នាប់​តៃ។
TIT 3:8 នាវ​អី​នៃ​ជេង​ងាន់។ គ៝ប់​អុច​មៃ​នតី​នហេល​នានេៈ​ងាន់​ទឹង​លែៈ​នាវ​អី​នៃ គៃ​មា​ឞូ​ម៝ស​អី​លែៈ​ញឆីង​មា​កោរាញ​ឞ្រាស​ញឆ្រោយ្ស​ជាន​នទើ​អ្វែស។ នាវ​អី​នៃ​ជេង​អ្វែស នទ្រែល​មា​គែស​នាវ​ខ្លៃ​ងាន់​អ៝ន់​មា​ទឹង​លែៈ​ឞូនុយ្ស។
TIT 3:9 យើន​មា​ទែរ​ហ៝ម់​នាវ​ងើយ​តឹម​រាលាច់​រាលូក​ម៝ល់ នាវ​ងក៝ច​ទែស នាវ​តឹម​ល៝ក់​ឞាល់ នាវ​តឹម​រាលាច់​មា​នាវ​វៃ​ផូង​អីឆ្រាអែល  យ៝រ​លាស​ទឹង​លែៈ​នាវ​អី​នៃ​មោ​អោស​គែស​នាវ​ខ្លៃ ជេង​ទើម​ទាម​ទាទេ។
TIT 3:10 ឞូនុយ្ស​អី​ជាន​នាវ​តឹម​ងខាស​មពោល អ៝ន់​លាស​ពាង់​ទូ​តឹ​មា​ឞារ​តឹ ជេសរី​លើយ​ហោម​ម៝ប់​ពាង់‌
TIT 3:11 យ៝រ​មា​លែៈ​គឹត​ជេស​ឞូនុយ្ស​អី​ជាន​កើត​នៃ​លែៈ​អ្យើស​ជេស ពាង់​ជាន​តីស នទ្រែល​មា​តេៈ​ទោយ្ស​អេង​ឆាក់​ពាង់​នើម។
TIT 3:12 នារ​ជឹត​នាប់​តៃ​គ៝ប់​អ៝ន់​នោ​អារតេមាស  មោ​លាស​នោ​តីខីកុស ​ហាន់​អា​មៃ ត៝ត់​ពាង់​អា​មៃ អ៝ន់​មៃ​ញឆ្រោយ្ស​ហាន់​គើញ​អា​គ៝ប់​តា​ប៝ន​នីកោពោលីស ​រ៝ យ៝រ​លាស​គ៝ប់​លែៈ​អុច​គុ​តា​នតុក​នៃ​នោក​ខៃ​ជី​កាត់។
TIT 3:13 ញឆ្រោយ្ស​កើល​នទើ​អ៝ន់​មា​នោ​ឆេនាស ​កោរាញ​នើម​នតី​នាវ​វៃ នទ្រែល​មា​នោ​អាពោលុស  គៃ​មា​ខាន់​ពាង់​ហាន់​ជឹត​នាប់ លើយ​អោស​អ៝ន់​ខាន់​ពាង់​ពាស​ព៝ត់​ទូ​នតីល​នទើ។
TIT 3:14 អ៝ន់​ផូង​ញឆីង​ញឆ្រោយ្ស​ជាន​នទើ​អ្វែស គៃ​មា​កើល​នាវ​ជេរ​ឞូ​តា​នទើ​គុ​រេស​អាប់​នារ កើត​នទ្រី​នាវ​រេស​ខាន់​ពាង់​គែស​នាវ​ខ្លៃ។
TIT 3:15 ទឹង​លែៈ​ឞូនុយ្ស​អី​គុ​នទ្រែល​គ៝ប់ ខាន់​ពាង់​អោប​នាវ​អ្វែស​លាង់​មៃ​ទាទេ។ ដាៈ​មៃ​អោប​នាវ​អ្វែស​លាង់​ទឹង​លែៈ​ឞូនុយ្ស​អី​ញឆីង​អី​រ៝ង់​មា​ហេន​យឹ។ ជេសរី​អ៝ន់​នាវ​អ្វែស​កោរាញ​ឞ្រាស​គុ​នទ្រែល​ទឹង​លែៈ​ខាន់​អៃ​មៃ៕៚
PHM 1:1 ឆ៝ម់បុត​គ៝ប់​ពោល ​ញចីស គ៝ប់​អី​ឞូនុយ្ស​គែស​នទ្រូង​យ៝រ​មា​ជាន​ការ​មា​ឞ្រាស​ក្រីស​យេឆូ  នអ៝ប់​មា​ឆ៝ម់បុត​អ៝ស​នោ​ឞ៝ន់​តីមោថេ ​ដ៝ង់។ គ៝ប់​ញចីស​ឆ៝ម់បុត​អ្យា​អ៝ន់​មា​មៃ​នោ​ផីលេមោន ។ ហេន​ញជ្វាល់​ឆ៝ម់បុត​អ្យា​ទាន់​អោប​នាវ​អ្វែស​លាង់​មៃ​អី​មឹត​ជាង់​អ្វែស អី​ឞូនុយ្ស​ជាន​ការ​កើត​ហេន។
PHM 1:2 ញជ្វាល់​ឆ៝ម់បុត​អ្យា​អ៝ន់​មា​យោស​អាប់ផៀ ​ដ៝ង់ ញជ្វាល់​អ៝ន់​មា​នោ​អាខីពុស ​អី​ឞូនុយ្ស​ជាន​ការ​នទ្រែល​ហេន ឞ៝ល​លាស​គែស​អ៝ក់​ឞូនុយ្ស​តឹម​រាទ៝ង់​ដាស​ហេន ញជ្វាល់​អ៝ន់​មា​ផូង​ញឆីង​គុ​រាបុន​តា​ជៃ​មៃ​ដ៝ង់ ទាន់​អោប​នាវ​អ្វែស​លាង់​ទឹង​លែៈ​ខាន់​អៃ​មៃ។
PHM 1:3 ទាន់​កោរាញ​ឞ្រាស​ឞឹ​ឞ៝ន់ នទ្រែល​មា​កោរាញ​យេឆូ​ក្រីស  អ៝ន់​នាវ​អ្វែស អ៝ន់​នាវ​ដាប់​មពាន់​មា​ខាន់​អៃ​មៃ។
PHM 1:4 អាប់​តឹ​គ៝ប់​មឞើស​ឆើម​មា​មៃ គ៝ប់​លាស​អ្វែស​មា​កោរាញ​ឞ្រាស​អី​ឞ្រាស​គ៝ប់​យើក​មឞាស‌
PHM 1:5 យ៝រ​លាស​គ៝ប់​តាង់​នាវ​ឞូ​មឞើស​ងក៝ច​នាវ​មៃ​ញឆីង​មា​កោរាញ​យេឆូ  នាវ​មៃ​រ៝ង់​មា​ទឹង​លែៈ​ផូង​ប៝ន​លាន​កោរាញ​ឞ្រាស។
PHM 1:6 គ៝ប់​ទាន់​កោរាញ​ឞ្រាស​អ៝ន់​នាវ​ញឆីង​មៃ​អី​មៃ​លែៈ​គែស​នទ្រែល​ហេន​អ៝ន់​លើ​មា​ជ្រូ នហ៝​មា​មៃ​វ៝ត់​ទឹង​លែៈ​នទើ​អ្វែស​អី​ឞ៝ន់​លែៈ​គែស​តា​ឞ្រាស​ក្រីស ។
PHM 1:7 អើ​នោ ឆៃ​មៃ​គែស​នូយ្ស​នហ៝ម់​រ៝ង់​មា​ផូង​ញឆីង​មា​ឞ្រាស​យេឆូ​ក្រីស  លែៈ​គែស​នហាវ​នូយ្ស​នហ៝ម់​គ៝ប់ នទ្រែល​មា​អ៝ន់​គ៝ប់​គែស​នូយ្ស​នហ៝ម់​រាម់​មអាក​ហោ​ងាន់ យ៝រ​មា​មៃ​លែៈ​ជាន​អ៝ន់​ខាន់​ពាង់​គែស​នហាវ​នូយ្ស​នហ៝ម់​ដ៝ង់។
PHM 1:8 ឞ៝ល​លាស​គ៝ប់​គែស​នាវ​ទើយ​តាៈ​ឞើស​ឞ្រាស​ក្រីស  ទើយ​ដាៈ​មៃ​ជាន​នទើ​អី​ទី​មា​មៃ​ជាន​កាដោយ‌
PHM 1:9 យើន​មា​គ៝ប់​ទាន់​មៃ​ជាន​ទូ​នាវ​យ៝រ​មា​មៃ​គែស​នាវ​រ៝ង់។ គ៝ប់​ពោល ​អ្យា​លែៈ​រាញ​ហើយ អាបៃ​អ្យា​គែស​នទ្រូង​យ៝រ​មា​ជាន​ការ​មា​ឞ្រាស​ក្រីស​យេឆូ ​ជឹត។
PHM 1:10 នទ្រី​គ៝ប់​ទាន់​មៃ​ជាន​ទូ​នាវ​អ៝ន់​មា​នោ​អោនេឆីម ​អី​គ៝ប់​កើប​តឹម​ឞាន​មា​ក៝ន​គ៝ប់​នើម អី​គ៝ប់​លែវ​ពាង់​ញឆីង​មា​ឞ្រាស​យេឆូ ​ទោល​គ៝ប់​គែស​នទ្រូង។
PHM 1:11 នតើម​នើស​ពាង់​មោ​អោស​គែស​នាវ​ខ្លៃ​មា​មៃ យើន​មា​អាបៃ​អ្យា​ពាង់​គែស​នាវ​ខ្លៃ​មា​មៃ ជេសរី​នអ៝ប់​មា​គ៝ប់​ដ៝ង់។
PHM 1:12 គ៝ប់​មព្លឹ​ពាង់​អា​មៃ​នើម ទាន់​មៃ​រ៝ម​ពាង់​ទោ យ៝រ​លាស​ពាង់​អី​ឞូនុយ្ស​គ៝ប់​រ៝ង់​ហោ​ងាន់។
PHM 1:13 គ៝ប់​អុច​ងាន់​អ៝ន់​ពាង់​ហោម​គុ​នទ្រែល​គ៝ប់ គៃ​មា​អ៝ន់​ពាង់​ជាន​ការ​នត្រ៝ៈ​មៃ​ទោល​គ៝ប់​គែស​នទ្រូង​យ៝រ​មា​មឞើស​ងក៝ច​នាវ​មហែ​មហាន​អ្វែស។
PHM 1:14 យើន​មា​គ៝ប់​មោ​អុច​អោស​ជាន លាស​អេ​ហ៝ៈ​អុច​តាៈ​ឞើស​មៃ គៃ​មា​លើយ​អោស​ញច៝ប់​មៃ​ជាន​នទើ​អ្វែស​អ្យា អ៝ន់​មៃ​ជាន​មា​លែៈ​នូយ្ស​នហ៝ម់​ហ៝ៈ។
PHM 1:15 ក្លាប់​លាស​អោនេឆីម ​តឹម​ងខាស​ឞើស​មៃ​ទូ​ប្ល៝ត់ គៃ​មា​អ៝ន់​មៃ​គែស​តៃ​ពាង់​នហ៝​រ៝‌
PHM 1:16 មោ​ហោម​អោស​ជេង​ទឹក​ទើម យើន​មា​ជេង​ឞូនុយ្ស​គែស​នាវ​ខ្លៃ​រាលាវ​មា​ទឹក​ជឹត ជេង​អ៝ស​ឞ៝ន់​អី​ទុត​រ៝ង់​ងាន់​ហ៝ៈ។ ពាង់​ជេង​អ៝ស​នោ​គ៝ប់​អី​ទុត​រ៝ង់​ងាន់ យើន​មា​មៃ​រ៝ង់​ពាង់​រាលាវ​មា​គ៝ប់​ងាន់ យ៝រ​មា​ពាង់​ទឹក​មៃ នអ៝ប់​មា​ជេង​អ៝ស​មៃ​តា​កោរាញ​យេឆូ ​ដ៝ង់។
PHM 1:17 លាស​នទ្រី លាស​មៃ​កើប​គ៝ប់​ជេង​អ៝ស​នោ​មៃ​តា​នាវ​ញឆីង​ងាន់ ទាន់​មៃ​រ៝ម​ពាង់​អ៝ន់​តឹម​ឞាន​មា​រ៝ម​គ៝ប់​ដ៝ង់។
PHM 1:18 លាស​ពាង់​គែស​ជាន​តីស​មា​មៃ មោ​លាស​ហោម​រាន៝ន​មា​មៃ រាន៝ន​អី​នៃ​អ៝ន់​មៃ​កើប​តា​គ៝ប់​ហ៝ៈ។
PHM 1:19 នាវ​អ្យា​គ៝ប់​នើម​ពោល ​ញចីស​មា​តី​គ៝ប់​នើម៖ គ៝ប់​មរា​ត៝ម់​រាន៝ន​អី​នៃ​មា​មៃ។ គ៝ប់​មោ​អុច​ងកាស​តោរ​មៃ​នាវ​អី​គ៝ប់​លែវ​មៃ​គែស​នាវ​រេស​នហ៝​រ៝ នទើ​អី​នៃ​តឹម​ឞាន​មា​រាន៝ន​ឆាក់​មៃ​ហោម​មាញ​គ៝ប់។
PHM 1:20 អើ​នោ គ៝ប់​ទាន់​មៃ​កើល​នាវ​អី​នៃ​យ៝រ​មា​មៃ​ញឆីង​មា​កោរាញ​យេឆូ  ទាន់​នហាវ​នូយ្ស​នហ៝ម់​គ៝ប់​តា​ឞ្រាស​ក្រីស ​ដ៝ង់។
PHM 1:21 គ៝ប់​ញចីស​ឆ៝ម់បុត​អ្យា​ញជ្វាល់​អ៝ន់​មៃ គ៝ប់​ញឆីង​ជេស​មៃ​អ្យាត់​កើត​នាវ​គ៝ប់​ទាន់​អ្យា ជេសរី​គ៝ប់​គឹត​នហេល​មៃ​មរា​ជាន​រាលាវ​ឞើស​នាវ​គ៝ប់​ទាន់​អ្យា​ជឹត។
PHM 1:22 គ៝ប់​អុច​ទាន់​មា​មៃ​ហោម​ទូ​នាវ​ដ៝ង់ ទាន់​មៃ​នទ្រាប់​ទូ​នតុក​គុ​អ៝ន់​មា​គ៝ប់ យ៝រ​លាស​គ៝ប់​រានើម​ម៝ប់​ខាន់​អៃ​មៃ យ៝រ​នាវ​ខាន់​អៃ​មៃ​មឞើស​ឆើម​ទាន់​កោរាញ​ឞ្រាស​អ៝ន់​គ៝ប់​លោស​ឞើស​នទ្រូង​អ្យា។
PHM 1:23 នោ​អេពាព្រាស ​អី​គែស​នទ្រូង​នទ្រែល​គ៝ប់​យ៝រ​មា​ជាន​ការ​មា​ឞ្រាស​ក្រីស​យេឆូ  ពាង់​អោប​នាវ​អ្វែស​លាង់​មៃ។
PHM 1:24 ជេសរី​នោ​មារកោស  នោ​អើរីសដារកុស  នោ​ដេមាស  នទ្រែល​មា​នោ​លូកា ​ឞូនុយ្ស​អី​ជាន​ការ​នទ្រែល​គ៝ប់ ខាន់​ពាង់​អោប​នាវ​អ្វែស​លាង់​មៃ​ដ៝ង់។
PHM 1:25 ទាន់​នាវ​អ្វែស​កោរាញ​យេឆូ​ក្រីស ​គុ​នទ្រែល​នូយ្ស​នហ៝ម់​ខាន់​អៃ​មៃ៕៚
HEB 1:1 ឞើស​នតើម​នើស​កោរាញ​ឞ្រាស​លែៈ​ងើយ​មា​ផូង​អូ​ចែ​ឞ៝ន់​អី​ផូង​អីឆ្រាអែល ពាង់​ងើយ​តឹង​មា​មពោល​ឞូនុយ្ស​នតើយ្ស​នាវ​ងើយ​ពាង់​នើម ពាង់​ងើយ​លែៈ​អ៝ក់​តឹ នអ៝ប់​មា​អ៝ក់​នតីល​នាវ​ងាន់។
HEB 1:2 យើន​មា​តា​រានោក​ងគ្លែៈ​ទុត​អាបៃ​អ្យា កោរាញ​ឞ្រាស​ងើយ​មា​ឞ៝ន់​តឹង​មា​ក៝ន​ឞូ​ក្លោ​ពាង់​នើម។ ឞើស​នតើម​នើស​ពាង់​អ៝ន់​ក៝ន​ពាង់​នើម​រាហាក់​ញជេង​ទឹង​លែៈ​នទើ​នើស ជេសរី​ពាង់​លែៈ​កើយ្ស​ជេស​ក៝ន​ពាង់​នើម​ដ៝ង់ គៃ​មា​ជាវ​ទឹង​លែៈ​រាងោច​នទើ​អ៝ន់​មា​ពាង់​ម៝ត់​អ្វាញ់​នហ៝​រ៝។
HEB 1:3 ក៝ន​អី​នៃ​ច្រាត​អាង​នាវ​ច្រេក​លើប​កោរាញ​ឞ្រាស នទ្រែល​មា​ពាង់​តឹម​ឞាន​មា​កោរាញ​ឞ្រាស​នើម​ងាន់​ងេន​តា​អាប់​នតីល​នាវ មោ​អោស​គែស​នាវ​តឹម​តីស​ឞាល់។ ទឹង​លែៈ​នតីល​នទើ​ហោម​គែស​តាៈ​ឞើស​នាវ​ទើយ​នាវ​ងើយ​ក៝ន​អី​នៃ​ទើម។ ជេស​ពាង់​ងគ្រ៝ស​លើយ​នាវ​តីស​ឞ៝ន់ ជាន​អ៝ន់​ឞ៝ន់​ក្ល៝ស ជេសរី​ពាង់​ហាវ​តា​កាលើ​ត្រោក​គុ​ឞើស​មា​តី​កោរាញ​ឞ្រាស​អី​នើម​ទុត​ក្វ៝ង់។
HEB 1:4 កើត​នទ្រី​ពាង់​លែៈ​ជេង​ទុត​ក្វ៝ង់​រាលាវ​មា​ផូង​តោង​ពារ់​ងាន់ ជេសរី​នាវ​កោរាញ​ឞ្រាស​ក្វាល់​ពាង់​«ក៝ន»​ញហើ​ពាង់​ក្វ៝ង់​រាលាវ​មា​ទឹង​លែៈ​នើម​អី​កោរាញ​ឞ្រាស​ក្វាល់​«តោង​ពារ់»​ទើម។
HEB 1:5 មោ​គែស​អោស​កោរាញ​ឞ្រាស​លាស​មា​ទូ​ហ្វេ​តោង​ពារ់​កើត​ពាង់​លាស​ដាស​ឞ្រាស​យេឆូ ៖ «មៃ​អ្យា​ក៝ន​គ៝ប់​នើម‌ នារ​អ្យា​គ៝ប់​អ៝ន់​ឞូ​គឹត គ៝ប់​ឞឹ​មៃ​ងាន់»។ ជេសរី​ពាង់​លាស៖ «គ៝ប់​មរា​ជេង​អី​ឞឹ​ពាង់‌ ពាង់​មរា​ជេង​អី​ក៝ន​គ៝ប់»។
HEB 1:6 ជេសរី​ទូ​តឹ​ជឹត នោក​កោរាញ​ឞ្រាស​អ៝ន់​ក៝ន​ឞូ​ក្លោ​ទាក​ឞោក​ពាង់​នើម​វាច់​តា​នែស​នតូ កោរាញ​ឞ្រាស​លាស៖ «ទឹង​លែៈ​ផូង​តោង​ពារ់​គ៝ប់​នើម អ៝ន់​យើក​មឞាស​មា​ពាង់»
HEB 1:7 កោរាញ​ឞ្រាស​ងើយ​មា​ផូង​តោង​ពារ់​ពាង់​នើម៖ «គ៝ប់​អ៝ន់​ផូង​តោង​ពារ់​គ៝ប់​នើម​មា​ជេង​តឹម​ឞាន​មា​ឆ្យាល‌ គ៝ប់​អ៝ន់​ខាន់​ពាង់​អី​ផូង​ឆើម​កើល​ជាន​ការ​មា​គ៝ប់​ជេង​តឹម​ឞាន​មា​មព្យាត់​អុញ​ដ៝ង់»។
HEB 1:8 យើន​មា​កោរាញ​ឞ្រាស​លាស​មា​ក៝ន​ពាង់​នើម៖ «អើ​កោរាញ​ឞ្រាស នាវ​មៃ​ម៝ត់​អ្វាញ់​គុ​តា​រានើល​កាដាច់​ហោម​បាបើ​នហ៝​រ៝‌ មៃ​ម៝ត់​អ្វាញ់​មា​នាវ​ឆ៝ង់​ងាន់ ញអោត​ម៝ង់​តាក់​ជ្រា​កាដាច់​អី​នទើ​មឞេន​មា​នាវ​ទើយ​មៃ​នើម។
HEB 1:9 យ៝រ​លាស​មៃ​អុច​ហោ​ងាន់​មា​នាវ​ឆ៝ង់ មៃ​ឞ្យាញ់​ងាន់​មា​នាវ​ក្វែ។ កើត​នទ្រី​ទឹង​កោរាញ​ឞ្រាស​អី​ឞ្រាស​មៃ​នើម​យើក​មឞាស ត៝ៈ​ទាក​ងី​តា​មៃ ជេង​នទើ​មឞេន​ពាង់​ដាៈ​មៃ​ជាន​កាដាច់‌ ពាង់​អ៝ន់​មៃ​គែស​នាវ​រាម់​មអាក​ទុត​ហោ​រាលាវ​មា​ឞាល់​មពោល​មៃ»។
HEB 1:10 កោរាញ​ឞ្រាស​លាស​ជឹត​មា​ក៝ន​ពាង់​នើម៖ «អើ​កោរាញ ឞើស​នតើម​ឆាអើម​ឆាអាម​នើស មៃ​នើម​រាហាក់​ញជេង​នែស​នតូ‌ ត្រោក​ជេង​តាៈ​ឞើស​តី​មៃ​នើម​ដ៝ង់​ញជេង។
HEB 1:11 នែស​នតូ នទ្រែល​មា​ត្រោក​មរា​រ៝ស​លេក​លែៈ​ផ្យៅ យើន​មា​មៃ​ហោម​អែ​នហ៝​រ៝។ នែស​នតូ នទ្រែល​មា​ត្រោក​មរា​ឆាត​តឹម​ឞាន​មា​ឞ៝ក​អាវ‌
HEB 1:12 មៃ​មរា​មអារ់​លើយ​នែស​នតូ មអារ់​លើយ​ត្រោក តឹម​ឞាន​មា​ឞូ​ក្លោន​មអារ់​លើយ​អាវ​ក្វ៝ង់​ឆាត‌ មៃ​មរា​រាគ៝ល់​នែស​នតូ រាគ៝ល់​ត្រោក​ជេង​មហែ​តឹម​ឞាន​មា​ឞូ​តើស​ខ៝​អាវ‌ យើន​មា​មៃ​នើម​ហោម​កើត​អើម​នឹង​នហ៝​រ៝​ទើម»។
HEB 1:13 ជេសរី​កោរាញ​ឞ្រាស​មោ​គែស​អោស​លាស​មា​ទូ​ហ្វេ​តោង​ពារ់៖ «អ៝ន់​មៃ​គុ​ហ៝ម់​ឞើស​មា​គ៝ប់​តា​នតុក​ឞូ​លឺ‌ ក៝ប់​គ៝ប់​ញុប​ក៝ត់​លើយ​ផូង​អី​រាលាង់​ដាស​មៃ​អ៝ន់​គុ​តា​ន៝ម់​មពាង​ជ៝ង់​មៃ»។
HEB 1:14 ទឹង​លែៈ​ផូង​តោង​ពារ់​ឞូនុយ្ស​មោ​អោស​ឞ្លាវ​ឆៃ ខាន់​ពាង់​ជេង​នើម​ឆើម​កើល​ជាន​ការ​មា​កោរាញ​ឞ្រាស កោរាញ​ឞ្រាស​ដាៈ​ខាន់​ពាង់​ហាន់​ឆើម​កើល​ជាន​ការ​មា​ផូង​ឞូនុយ្ស​អី​ពាង់​អុច​រាក្លាយ្ស។
HEB 2:1 កើត​នទ្រី​ទឹង​ឞ៝ន់​គុ​ញជ្រាង់​ងាន់​ហ៝ៈ អ៝ន់​អ្យាត់​ងាន់​នាវ​នតុម​នតី​អី​ឞ៝ន់​លែៈ​តាង់​នៃ ក្លាច​លាស​ជ៝ៈៗ​នាវ​អី​ឞ៝ន់​លែៈ​នតុម​នតី​នៃ​លើ​មា​រ៝ស។
HEB 2:2 កាល់​អែ​នើស​តោង​ពារ់​អាបាៈ​មឞើស​ងក៝ច​មា​មោឆេ ​នាវ​វៃ​ផូង​អីឆ្រាអែល ​នើស នាវ​វៃ​អី​នៃ​ជេង​នាវ​ងាន់​ទាទេ ជេសរី​ទឹង​លែៈ​មពោល​អី​ជាន​រាលាវ មោ​លាស​មោ​អុច​អ្យាត់​អោស​នាវ​វៃ​អី​នៃ លែៈ​គែស​តេៈ​ទោយ្ស​ជេស​តឹម​ទី​មា​នាវ​ខាន់​ពាង់​ជាន​នើស។
HEB 2:3 នាវ​រាក្លាយ្ស​ឞើស​នាវ​តេៈ​ទោយ្ស កោរាញ​យេឆូ ​លែៈ​មឞើស​ងក៝ច​ល៝រ​ឞូ ជេសរី​ផូង​អី​អ្យាត់​នាវ​អី​មឞើស​ងក៝ច​អី​នៃ មឞើស​នាវ​អី​នៃ​មា​ឞ៝ន់។ នាវ​រាក្លាយ្ស​អី​នៃ​ទុត​អ្វែស​ងាន់ យើន​មា​លាស​ឞ៝ន់​រាលាច់​មោ​អោស​ឆ៝ៈ​ទើន​នាវ​រាក្លាយ្ស​អី​នៃ​អី​កោរាញ​យេឆូ ​នើម​លែៈ​មឞើស​មា​ឞ៝ន់​នើស មើម​ទឹង​ឞ៝ន់​ទើយ​ក្លាយ្ស​ឞើស​នាវ​កោរាញ​ឞ្រាស​តេៈ​ទោយ្ស?
HEB 2:4 គៃ​មា​ឞ៝ន់​គឹត​នាវ​អី​នៃ​តាៈ​ឞើស​កោរាញ​ឞ្រាស​ងាន់ កោរាញ​ឞ្រាស​អ៝ន់​នាវ​មឞេន នទើ​ក្វ៝ង់ នអ៝ប់​មា​នទើ​ទុត​នាវ​ងាន់​អេងៗ នទ្រែល​មា​ពាៈ​អ៝ន់​ទើម​ទាម​នាវ​អេងៗ​តាៈ​ឞើស​ឞ្រាស​ហ្វេង​អ្វែស​អី​ក្ល៝ស​អ្វែស តឹង​ពាង់​នើម​អុច។
HEB 2:5 ជឹត​នាប់​តៃ​កោរាញ​ឞ្រាស​មរា​ញជេង​នែស​នតូ​មហែ ពាង់​មោ​អោស​ដាៈ​ផូង​តោង​ពារ់​ម៝ត់​អ្វាញ់​នែស​នតូ​មហែ​អី​នៃ។
HEB 2:6 យើន​មា​គែស​ទូ​ហ្វេ​លែៈ​គែស​ញចីស​តា​ទូ​នតុក​តា​នាវ​កោរាញ​ឞ្រាស​ងើយ​លាស​កើត​នអា៖ «អើ​កោរាញ​ឞ្រាស អា​មើម​ឞូនុយ្ស ទឹង​មៃ​ហោម​មឹន​មា​ពាង់? ទាស​ន៝ម់​ក្វ៝ង់​ក៝ន​ឞូ​ក្លោ​ឞូនុយ្ស ទឹង​នូយ្ស​នហ៝ម់​មៃ​អុច​មា​ពាង់?
HEB 2:7 មៃ​ជាន​ពាង់​គែស​នាវ​ទើយ​តា​ន៝ម់​ផូង​តោង​ពារ់​ដេៈ​ទើម‌ មៃ​អ៝ន់​ពាង់​នាវ​ច្រេក​លើប នទ្រែល​មា​អ៝ន់​ឞូ​យើក​មា​ពាង់ តឹម​ឞាន​មា​អ៝ន់​នទោ​មោក​កាដាច់​តា​ពាង់។
HEB 2:8 មៃ​ដាៈ​ទឹង​លែៈ​រាងោច​នទើ​អ៝ន់​គុ​តា​ន៝ម់​ជ៝ង់​ឞូនុយ្ស​ទាទេ»។ លាស​កោរាញ​ឞ្រាស​អ៝ន់​ទឹង​លែៈ​រាងោច​នទើ​គុ​តា​ន៝ម់​ខាន់​ពាង់ មោ​គែស​អោស​ទូ​នតីល​នទើ​មោ​គុ​តា​ន៝ម់​ពាង់។ យើន​មា​អាបៃ​អ្យា​ឞ៝ន់​អេ​ហ៝ៈ​ឆៃ​ទឹង​លែៈ​រាងោច​នទើ​គុ​តា​ន៝ម់​ពាង់។
HEB 2:9 យើន​មា​ឞ៝ន់​លែៈ​គឹត​មា​ឞ្រាស​យេឆូ  កោរាញ​ឞ្រាស​ទែ​អ៝ន់​ពាង់​ជេង​ជេៈ​តា​ន៝ម់​ផូង​តោង​ពារ់​ទូ​ប្ល៝ត់​ទើម។ យ៝រ​លាស​ពាង់​លែៈ​ឆ៝ៈ​ទើន​នាវ​ជេរ​ជ៝ត់​ត៝ត់​ខឹត អាបៃ​អ្យា​កោរាញ​ឞ្រាស​លែៈ​អ៝ន់​ពាង់​នាវ​ច្រេក​លើប នទ្រែល​មា​អ៝ន់​ឞូ​យើក​មា​ពាង់។ យ៝រ​មា​នាវ​អ្វែស​កោរាញ​ឞ្រាស​នើម ពាង់​ខឹត​ជេស គៃ​មា​នត្រ៝ៈ​ទឹង​លែៈ​រាងោច​ឞូនុយ្ស។
HEB 2:10 កោរាញ​ឞ្រាស​លែៈ​រាហាក់​ញជេង​ទឹង​លែៈ​រាងោច​នទើ គៃ​មា​ទឹង​លែៈ​នទើ​អី​នៃ​គែស​ខ្លៃ​មា​ពាង់​នើម។ ជេស​រី​ពាង់​អ៝ន់​ឞ្រាស​យេឆូ ​គែស​នាវ​ជេរ​ជ៝ត់ តាៈ​ឞើស​នាវ​ជេរ​ជ៝ត់​អី​នៃ​ទឹង​ឞ្រាស​យេឆូ ​ជេង​កោរាញ​ទុត​អ្វែស​ងាន់។ ទី​មា​កោរាញ​ឞ្រាស​ជាន​កើត​នៃ គៃ​មា​ពាង់​ជេង​នើម​លែវ​អ៝ក់​ឞូនុយ្ស​គែស​នាវ​ច្រេក​លើប នអ៝ប់​មា​គែស​នាវ​រាក្លាយ្ស​ឞើស​នាវ​តេៈ​ទោយ្ស​យ៝រ​មា​នាវ​តីស។ ផូង​ឞូនុយ្ស​អី​នៃ​ជេង​ក៝ន​ពាង់​នើម។
HEB 2:11 ឞ្រាស​យេឆូ ​អី​នើម​ជាន​អ៝ន់​ឞ៝ន់​ជេង​ក្ល៝ស​អ្វែស នទ្រែល​មា​ផូង​ឞូនុយ្ស​អី​ពាង់​លែៈ​ជាន​អ៝ន់​ក្ល៝ស​អ្វែស គែស​ទូ​ហ្វេ​ឞឹ​ទើម។ កើត​នទ្រី​ទឹង​ឞ្រាស​យេឆូ ​មោ​អោស​ដីត​ព្រេង​ក្វាល់​ឞ៝ន់​ផូង​អ៝ស​ពាង់​នើម។
HEB 2:12 ឞ្រាស​យេឆូ ​លាស​មា​កោរាញ​ឞ្រាស​កើត​នអា៖ «គ៝ប់​មរា​មឞើស​ងក៝ច​មៃ​អ៝ន់​មា​ផូង​អ៝ស​នោ​គ៝ប់‌ គ៝ប់​មរា​មព្រើ​រានេ​មៃ​តា​នោក​ផូង​ប៝ន​លាន​មៃ​គុ​រាបុន»។
HEB 2:13 ពាង់​លាស​ជឹត៖ «គ៝ប់​ញឆីង​មា​មៃ​ងាន់»‌ ជេសរី​ពាង់​លាស​ជឹត៖ «អ្យា​គ៝ប់ នទ្រែល​មា​ផូង​ក៝ន​អី​មៃ​លែៈ​អ៝ន់​គ៝ប់​ម៝ត់​អ្វាញ់»។
HEB 2:14 យ៝រ​មា​ផូង​ក៝ន​អី​នៃ​គែស​ឆាក់​ជាន់​គែស​មហាម​ឞ្លាវ​ខឹត ទឹង​ឞ្រាស​យេឆូ ​ឆ៝ៈ​ទើន​ឆាក់​ជាន់​កើត​ឞូនុយ្ស ជេសរី​ខឹត​កើត​ឞូនុយ្ស​ដ៝ង់ គៃ​មា​តាៈ​ឞើស​នាវ​ពាង់​ខឹត​នៃ​នើស ពាង់​ទើយ​លើស​ហេង​លើយ​នើម​អី​លែវ​ឞូនុយ្ស​គែស​នាវ​ខឹត ជេង​ឆាតាង់ ​អី​កោរាញ​មពោល​ឞ្រាស​អ្យើស។ អាបៃ​អ្យា​ឆាតាង់​អី​តើម​អ៝ន់​ឞូនុយ្ស​ខឹត​មោ​ហោម​អោស​គែស​នាវ​ទើយ‌
HEB 2:15 នទ្រី​ឞ្រាស​យេឆូ ​លែៈ​រាក្លាយ្ស​ផូង​ឞូនុយ្ស​អី​ហោ​ក្លាច​មា​នាវ​ខឹត យ៝រ​លាស​ក្លាច​មា​នាវ​ខឹត​ទូ​ឞោង​នាវ​រេស។
HEB 2:16 ឞ៝ន់​លែៈ​គឹត​នហេល​ជេស​ឞ្រាស​យេឆូ ​មោ​អោស​វាច់​គៃ​មា​កើល​ផូង​តោង​ពារ់ ពាង់​វាច់​គៃ​មា​កើល​រាន៝យ​ទែស​អាឞ្រាហាម់ ។
HEB 2:17 លាស​នទ្រី​កោរាញ​ឞ្រាស​អ៝ន់​ពាង់​ជេង​ឞូនុយ្ស​ងាន់​តឹម​ឞាន​មា​ឞ៝ន់​អី​ផូង​អ៝ស​ពាង់ មោ​គែស​ទូ​នតីល​តឹម​តីស​ឞាល់ គៃ​មា​ពាង់​ជេង​កោរាញ​ជាន​ឞ្រាស​ទុត​ក្វ៝ង់​មា​ឞ៝ន់ គែស​នាវ​យោៈ​នអាច ឆើម​កើល​ជាន​ការ​មា​កោរាញ​ឞ្រាស​អ៝ន់​រាប់​ជាប់ គៃ​មា​ញហើរ​នទើ​ជាន​ឞ្រាស​អី​ឆ៝ៈ​លើយ​ទឹង​លែៈ​នាវ​តីស​ផូង​ប៝ន​លាន ជេស​រី​កោរាញ​ឞ្រាស​មោ​ហោម​តេៈ​ទោយ្ស​មា​ខាន់​ពាង់​អី​នៃ។
HEB 2:18 យ៝រ​លាស​ពាង់​លែៈ​ម៝ប់​ជេស​នាវ​ជេរ នអ៝ប់​មា​នាវ​នទើម​នើស នទ្រី​ទឹង​ពាង់​ឞ្លាវ​កើល​ឞូ​ម៝ស​អី​គែស​នាវ​នទើម​មោ​អោស​អ៝ន់​ឞូនុយ្ស​អី​នៃ​តុប​តា​នាវ​នទើម។
HEB 3:1 អើ​ផូង​អ៝ស​នោ​តា​នាវ​ញឆីង​អី​ប៝ន​លាន​កោរាញ​ឞ្រាស​អី​លែៈ​កោរាញ​ឞ្រាស​ទែ​កើយ្ស​ជេស​នទ្រែល​ហេន អ៝ន់​ខាន់​អៃ​មៃ​មឹន​ហ៝ម់​មា​ឞ្រាស​យេឆូ ​អី​ឞ៝ន់​មឞើស​ងក៝ច។ កោរាញ​ឞ្រាស​លែៈ​ដាៈ​ពាង់​ហាន់​តា​នែស​នតូ​អ្យា​នើស ពាង់​ជេង​កោរាញ​ជាន​ឞ្រាស​ទុត​ក្វ៝ង់​ដ៝ង់។
HEB 3:2 ជេស​កោរាញ​ឞ្រាស​កើយ្ស​ឞ្រាស​យេឆូ ឞ្រាស​យេឆូ ​ជាន​តឹង​នាវ​ពាង់​ដាៈ​អ៝ន់​រាប់​ជាប់ តឹម​ឞាន​មា​មោឆេ ​ជាន​ការ​រាប់​ជាប់​តឹង​នាវ​កោរាញ​ឞ្រាស​ដាៈ​តា​ទឹង​លែៈ​ប៝ន​លាន​កោរាញ​ឞ្រាស​ដ៝ង់។
HEB 3:3 យើន​មា​ទី​លឺ​ឞ្រាស​យេឆូ ​រាលាវ​មា​លឺ​មោឆេ  តឹម​ឞាន​មា​ឞូ​លឺ​ឞូនុយ្ស​អី​ជាន​ជៃ​រាលាវ​មា​លឺ​អ្វែស​អី​ជៃ​នៃ​ដ៝ង់។
HEB 3:4 ទឹង​លែៈ​រាងោច​ញីស​ជៃ​គែស​ឞូនុយ្ស​នាក់​ជាន យើន​មា​ទឹង​លែៈ​រាងោច​នទើ​នើស​ជេង​តាៈ​ឞើស​កោរាញ​ឞ្រាស​ទាទេ​ជាន។
HEB 3:5 នាវ​មោឆេ ​ជាន​ការ​ជេង​នាវ​នតឹត​មា​នាវ​ខ្លៃ​អី​កោរាញ​ឞ្រាស​អ៝ន់​ឞូនុយ្ស​គឹត​វ៝ត់​អាបៃ​អ្យា ពាង់​ម៝ត់​អ្វាញ់​ផូង​ប៝ន​លាន​កោរាញ​ឞ្រាស​រាប់​ជាប់ យ៝រ​លាស​ជេង​ឞូនុយ្ស​ឆើម​កើល​ជាន​ការ​មា​កោរាញ​ឞ្រាស។
HEB 3:6 ល៝ង់​ឞ្រាស​ក្រីស ពាង់​ម៝ត់​អ្វាញ់​ផូង​ប៝ន​លាន​កោរាញ​ឞ្រាស​រាប់​ជាប់ យ៝រ​លាស​ជេង​ក៝ន​កោរាញ​ឞ្រាស។ ជេស​រី​ឞ៝ន់​ជេង​ផូង​ប៝ន​លាន​កោរាញ​ឞ្រាស​លាស​ឞ៝ន់​ហោម​គែស​នូយ្ស​នហ៝ម់​ន៝ប់ នអ៝ប់​មា​ញអោត​ន៝ប់​រាក៝ក់​នាវ​រានើម​មា​ទឹង​លែៈ​នាវ​អី​កោរាញ​ឞ្រាស​ទែ​លែៈ​ត៝ន។
HEB 3:7 តា​នាវ​កោរាញ​ឞ្រាស​ងើយ​គែស​ញចីស​នាវ​ឞ្រាស​ហ្វេង​អ្វែស​អី​ក្ល៝ស​អ្វែស​លាស​មា​ផូង​អីឆ្រាអែល ​កើត​នអា៖ «នារ​អ្យា នោក​ខាន់​អៃ​មៃ​តាង់​ឞ៝រ់​មឞូង​កោរាញ​ឞ្រាស​នើម‌
HEB 3:8 លើយ​អោស​គែស​នូយ្ស​នហ៝ម់​ទាង់​ក៝ កើត​ផូង​អូ​ចែ​ខាន់​អៃ​មៃ​ជាន ជេសរី​តឹម​រាទ៝ង់​ដាស​កោរាញ​ឞ្រាស នោក​កោរាញ​ឞ្រាស​រាល៝ង​ខាន់​ពាង់​តា​ឞ្រី​រាទាស​នើស។
HEB 3:9 កោរាញ​ឞ្រាស​លាស៖ «តា​នតុក​អី​នៃ​ផូង​អូ​ចែ​ខាន់​អៃ​មៃ​រាល៝ង​គ៝ប់‌ ឞ៝ល​លាស​ខាន់​ពាង់​លែៈ​ឆៃ​ទឹង​លែៈ​នាវ​ខ្លៃ​គ៝ប់​ជាន
HEB 3:10 ជ៝ៈ​គែស ៤០ នាម់​នើស។ កើត​នទ្រី​ទឹង​គ៝ប់​ជី​នូយ្ស​តេៈ​ទោយ្ស​មា​ឞូនុយ្ស​រានោក​អី​នៃ‌ ជេស​រី​គ៝ប់​លាស​កើត​នអា៖ «នូយ្ស​នហ៝ម់​ខាន់​ពាង់​ទូ​ងាយ​មរ៝​ឞើស​ត្រ៝ង​គ៝ប់‌ ខាន់​ពាង់​មោ​អោស​គឹត​នាល់​ត្រ៝ង​គ៝ប់​នើម»‌
HEB 3:11 នទ្រី​ទឹង​គ៝ប់​ជី​នូយ្ស​មា​ខាន់​ពាង់ ជេស​រី​ត៝ន​លាស៖ «ខាន់​ពាង់​មោ​អោស​មរា​លាប់​តា​នាវ​គុ​រាលូ​គ៝ប់​នើម»»»។
HEB 3:12 អើ​អ៝ស​នោ​តា​នាវ​ញឆីង លាស​នទ្រី​អ៝ន់​ខាន់​អៃ​មៃ​គុ​ញជ្រាង់​ហ៝ម់ គៃ​មា​លើយ​អោស​គែស​ឞូនុយ្ស​តា​ផូង​ខាន់​អៃ​មៃ​គែស​នូយ្ស​នហ៝ម់​អ្យើស​មហឹក មោ​អោស​ញឆីង នហ៝​មា​មអារ់​លើយ​កោរាញ​ឞ្រាស​អី​រេស​ងាន់។
HEB 3:13 យើន​មា​អ៝ន់​ខាន់​អៃ​មៃ​តឹម​នត្រោល​នទ្រាង់​នើម​អាប់​នារ នោក​អី​ឞ៝ន់​ហោម​ក្វាល់​លាស​«នារ​អ្យា»‌ នោក​ហោម​ទើយ​រាគ៝ល់​នូយ្ស​នហ៝ម់ គៃ​មា​លើយ​អោស​អ៝ន់​តា​ផូង​ខាន់​អៃ​មៃ​គែស​ឞូនុយ្ស​នូយ្ស​នហ៝ម់​ទាង់​ក៝​មោ​អុច​អ្យាត់​នាវ​កោរាញ​ឞ្រាស យ៝រ​មា​មរោស​អេង​តា​នូយ្ស​នហ៝ម់៖ “មោ​ច្រាវ​អោស​លាស​ជាន​តីស”។
HEB 3:14 លាស​ឞ៝ន់​ហោម​ញអោត​ន៝ប់​នាវ​ញឆីង​កើត​អើម កើត​អី​ឞ៝ន់​គែស​ឞើស​នតើម​ឞ៝ន់​ឆឹត​ញឆីង​នើស​នហ៝​មា​ត៝ត់​លោច លាស​នទ្រី​ឞ៝ន់​មរា​គុ​នទ្រែល​ឞ្រាស​ក្រីស ​រ៝។
HEB 3:15 តា​នាវ​កោរាញ​ឞ្រាស​ងើយ​លាស​កើត​នអា៖ «នោក​តាង់​កោរាញ​ឞ្រាស​ដាៈ​នាវ​មា​ខាន់​អៃ​មៃ​នារ​អ្យា អ៝ន់​ខាន់​អៃ​មៃ​អ្យាត់​នាវ​ពាង់​ទោ លើយ​អោស​គែស​នូយ្ស​នហ៝ម់​ទាង់​ក៝​កើត​នោក​ផូង​អូ​ចែ​ខាន់​អៃ​មៃ​តឹម​រាទ៝ង់​ដាស​កោរាញ​ឞ្រាស​នើស»។
HEB 3:16 ផូង​អី​លែៈ​តាង់​ជេស​នាវ​កោរាញ​ឞ្រាស​ដាៈ​តា​នារ​អី​នៃ​នើស នអ៝ប់​មា​ហោម​តឹម​រាទ៝ង់​ដាស​ពាង់ ទឹង​លែៈ​ផូង​អី​នៃ​ជេង​ផូង​អី​មោឆេ ​ទែ​លែវ​លោស​ឞើស​ឞ្រី​អេឆីប ​នើស។
HEB 3:17 យើន​មា​តា ៤០ នាម់​នៃ ឞូ​ម៝ស​អី​កោរាញ​ឞ្រាស​ជី​នូយ្ស? អើម​មោ​ទី​បាស​ទឹង​លែៈ​ផូង​អី​ជាន​តីស​មា​កោរាញ​ឞ្រាស ជេសរី​អី​ខឹត​មឞ្រាច​តា​ឞ្រី​រាទាស?
HEB 3:18 ជេស​រី​នោក​នៃ​នើស ឞូ​ម៝ស​អី​កោរាញ​ឞ្រាស​លែៈ​លាស​មោ​អ៝ន់​លាប់​គុ​តា​ឞ្រី​ទាក​អី​ពាង់​លែៈ​ត៝ន​អ៝ន់​លាប់​អា​ល៝រ​នើស គៃ​មា​គុ​រាលូ​នទ្រែល​ពាង់​នើម? អើម​មោ​ទី​បាស​ផូង​អី​មោ​អុច​អ្យាត់​នាវ​ពាង់?
HEB 3:19 លាស​នទ្រី​ឞ៝ន់​ឆៃ ផូង​អី​នៃ​មោ​អោស​ទើយ​លាប់ យ៝រ​លាស​ខាន់​ពាង់​មោ​ញឆីង​មា​ពាង់។
HEB 4:1 អាបៃ​អ្យា​នាវ​អី​កោរាញ​ឞ្រាស​ត៝ន​អ៝ន់​ឞ៝ន់​លាប់​តា​នាវ​គុ​រាលូ​ពាង់​នើម​ហោម​អែ លាស​នទ្រី​អ៝ន់​ឞ៝ន់​គឹត​ក្លាច​ញជ្រាង់ គៃ​មា​លើយ​អោស​គែស​ឞូនុយ្ស​តា​ផូង​ឞ៝ន់​ត៝ត់​នារ​ងគ្លែៈ​ទុត កោរាញ​ឞ្រាស​កើប​ពាង់​មោ​អោស​ទី​មា​លាប់។
HEB 4:2 នាវ​មហែ​មហាន​អ្វែស​អី​មឞើស​ងក៝ច​មា​នាវ​ឞ៝ន់​លាប់​តា​នាវ​គុ​រាលូ​កោរាញ​ឞ្រាស នាវ​អី​នៃ​ឞ៝ន់​លែៈ​តាង់​ជេស នាវ​អី​នៃ​ជេង​តឹម​ឞាន​មា​ផូង​អីឆ្រាអែល ​នោក​ហោម​គុ​តា​ឞ្រី​អេឆីប ​លែៈ​តាង់​នាវ​កោរាញ​ឞ្រាស​ត៝ន​អ៝ន់​ឞ្រី​ទាក​មហែ​មា​លាប់​តា​នាវ​គុ​រាលូ​នៃ​ដ៝ង់។ យើន​មា​នាវ​កោរាញ​ឞ្រាស​អី​ខាន់​ពាង់​តាង់​នៃ​មោ​អោស​គែស​នាវ​ខ្លៃ​មា​ខាន់​ពាង់ យ៝រ​លាស​ខាន់​ពាង់​មោ​អោស​ញអោត​នាវ​ខាន់​ពាង់​តាង់​នៃ​នអ៝ប់​មា​នាវ​ញឆីង។
HEB 4:3 ល៝ង់​ឞ៝ន់​អី​ញឆីង​មា​ពាង់ ឞ៝ន់​លាប់​តា​នាវ​គុ​រាលូ​ពាង់។ យើន​មា​ឞូនុយ្ស​អី​មោ​ញឆីង កោរាញ​ឞ្រាស​លាស​កើត​នអា៖ «គ៝ប់​ជី​នូយ្ស​មា​ខាន់​ពាង់ នទ្រី​ទឹង​គ៝ប់​លាស៖ «គ៝ប់​មោ​អោស​អ៝ន់​ខាន់​ពាង់​លាប់​តា​នាវ​គុ​រាលូ​គ៝ប់»»។ ទី​ងាន់ នតុក​គុ​រាលូ​លែៈ​អើម​នទ្រាប់​ជេស​លែៈ​ផ្យៅ ឞើស​នោក​កោរាញ​ឞ្រាស​ជេស​ញជេង​នែស​នតូ​នើស‌
HEB 4:4 យ៝រ​លាស​គែស​ទូ​នតុក​តា​នាវ​កោរាញ​ឞ្រាស​ងើយ​លាស​មា​នារ​ពើស​កើត​នអា៖ «ជេសរី​ពាង់​គុ​ទើម​មោ​ហោម​ជាន​ការ​តា​នារ​ពើស​អី​នៃ»។
HEB 4:5 យើន​មា​គែស​ញចីស​កើត​តា​កាលើ​ដ៝ង់៖ «គ៝ប់​មោ​អោស​អ៝ន់​ខាន់​ពាង់​លាប់​តា​នាវ​គុ​រាលូ​គ៝ប់»។
HEB 4:6 លាស​នទ្រី​ឞូនុយ្ស​អាបាៈ​កោរាញ​ឞ្រាស​ហោម​អ៝ន់​លាប់​គុ​រាលូ យើន​មា​ផូង​អី​លែៈ​តាង់​ជេស​នាវ​ត៝ន​អា​ល៝រ​នើស​មោ​គែស​លាប់​អោស យ៝រ​លាស​ខាន់​ពាង់​មោ​អោស​អ្យាត់​កោរាញ​ឞ្រាស។
HEB 4:7 នទ្រី​ទឹង​កោរាញ​ឞ្រាស​តេៈ​នារ​ង្វាយ​ជឹត​លាស៖ «នារ​អ្យា»‌ ពាង់​លាស​តឹង​មា​កាដាច់​ដាវីត ​លែៈ​ជ៝ៈ​នាម់​ឞើស​កើយ​ផូង​អីឆ្រាអែល ​គុ​តា​ឞ្រី​រាទាស​នើស កើត​នាវ​លាស​ឞើស​លើ​អ្យា៖ «នារ​អ្យា នោក​ខាន់​អៃ​មៃ​តាង់​ឞ៝រ់​មឞូង​កោរាញ​ឞ្រាស​នើម លើយ​អោស​គែស​នូយ្ស​នហ៝ម់​ទាង់​ក៝»។
HEB 4:8 លាស​យោឆ្វេ ​លែៈ​លែវ​ផូង​អីឆ្រាអែល ​អ៝ន់​គុ​រាលូ​ងាន់ លាស​នទ្រី​នារ​ជឹត​នាប់​កោរាញ​ឞ្រាស​មោ​ហោម​លាស​មា​ទូ​នារ​អា​អេង​ជឹត​អោស។
HEB 4:9 លាស​នទ្រី​ហោម​អែ​គែស​នាវ​គុ​រាលូ​ង្វាយ​ជឹត​អី​តឹម​ឞាន​មា​នាវ​រាលូ​នារ​ឆាបាត់  អី​កោរាញ​ឞ្រាស​អ៝ន់​មា​ផូង​ប៝ន​លាន​ពាង់​នើម​តា​នារ​ជឹត​នាប់​តៃ។
HEB 4:10 ឞូ​ម៝ស​អី​លាប់​តា​នាវ​គុ​រាលូ​កោរាញ​ឞ្រាស​នៃ ពាង់​អី​នៃ​លែៈ​រាលូ​ឞើស​នទើ​ពាង់​នើម​ជាន​ការ តឹម​ឞាន​មា​កោរាញ​ឞ្រាស​គុ​ទើម​មោ​ហោម​ជាន​ការ​ដ៝ង់ ជេស​ពាង់​ញជេង​នែស​នតូ​នើស។
HEB 4:11 លាស​នទ្រី​អ៝ន់​ឞ៝ន់​ញឆ្រោយ្ស​គៃ​មា​ហាន់​លាប់​តា​នាវ​គុ​រាលូ​អី​នៃ គៃ​មា​មោ​អ៝ន់​អោស​គែស​ឞូនុយ្ស​រ៝ស​ហេង លើយ​អោស​តឹង​ផូង​អី​មោ​អុច​អ្យាត់​នៃ។
HEB 4:12 នាវ​ងើយ​កោរាញ​ឞ្រាស​នើម​គែស​នាវ​រេស គែស​នាវ​ទើយ​ងាន់ ឆោត​ហើរ​រាលាវ​មា​ដាវ​ឞារ​មាត់​ជឹត។ ជេសរី​ឆ្រែស​នូយ្ស​នហ៝ម់ នទ្រែល​មា​ហ្វេង ឆ្រែស​នតីង​នអាង់ នទ្រែល​មា​អី​គ្ល៝​ពាង់។ នាវ​ងើយ​កោរាញ​ឞ្រាស​ផាត​ទោយ្ស​នាវ​មឹន នទ្រែល​មា​នាវ​អុច​នាវ​នត្រ៝ង់​តា​ត្រោម​នូយ្ស​នហ៝ម់​ឞូនុយ្ស។
HEB 4:13 ទឹង​លែៈ​នទើ​អី​កោរាញ​ឞ្រាស​លែៈ​ញជេង មោ​គែស​អោស​ទូ​មល៝ម់​នទើ​កោរាញ​ឞ្រាស​អ្វាញ់​មោ​ឆៃ ទឹង​លែៈ​រាងោច​នទើ​មោ​គែស​អោស​នាវ​ងកីង​តា​នាប់​មាត់​ពាង់ ជេង​តឹម​ឞាន​មា​គុ​ឆាក់​កុស​រាងុច​ទើម។ អ្យាត់​មា​ទឹង​លែៈ​ឞ៝ន់​មឞើស​ងក៝ច​មា​ពាង់​ទាទេ​ទឹង​លែៈ​នាវ​តា​នាវ​រេស​ឞ៝ន់។
HEB 4:14 ឞ៝ន់​លែៈ​គែស​ជេស​ទូ​ហ្វេ​កោរាញ​ជាន​ឞ្រាស​ទុត​ក្វ៝ង់ អី​លែៈ​ហាវ​ជេស​តា​កាលើ​ត្រោក​អី​នតុក​កោរាញ​ឞ្រាស ពាង់​ឞ្រាស​យេឆូ ​អី​ក៝ន​កោរាញ​ឞ្រាស​នើម លាស​នទ្រី​អ៝ន់​ឞ៝ន់​ញឆីង​ន៝ប់​រ៝​តា​នាវ​អី​ឞ៝ន់​លែៈ​មឞើស​ងក៝ច​មា​ឞូ​នៃ។
HEB 4:15 ឞ្រាស​យេឆូ ​អី​នៃ​លែៈ​គែស​នាវ​រាល៝ង​គែស​នាវ​នទើម​អាប់​នតីល​កើត​ឞ៝ន់​ដ៝ង់ យើន​មា​ពាង់​នើម​មោ​អោស​ជាន​តីស។ លាស​នទ្រី​ឞ៝ន់​លែៈ​គែស​ជេស​ទូ​ហ្វេ​កោរាញ​ជាន​ឞ្រាស​ទុត​ក្វ៝ង់​អី​លែៈ​គឹត​លែៈ​ម៝ប់​នាវ​ជេរ​តឹម​ឞាន​មា​ឞ៝ន់​ដ៝ង់ កើត​នទ្រី​ពាង់​លែៈ​នាល់​នាវ​រាអ្យា​ឞូនុយ្ស នអ៝ប់​មា​ឞ្លាវ​យោៈ​ដ៝ង់។
HEB 4:16 លាស​នទ្រី​អ៝ន់​ឞ៝ន់​គែស​នូយ្ស​នហ៝ម់​ឞាញ់ ទាន់​កោរាញ​ឞ្រាស​អី​គុ​តា​រានើល​កាដាច់​ពាង់​នើម យ៝រ​លាស​ពាង់​គែស​នូយ្ស​នហ៝ម់​ទុត​អ្វែស។ ឞ៝ន់​ទាន់​គៃ​មា​ពាង់​យោៈ​នអាច​កើល​តា​នោក​ឞ៝ន់​គែស​នាវ​ជេរ។
HEB 5:1 ទឹង​លែៈ​កោរាញ​ជាន​ឞ្រាស​ទុត​ក្វ៝ង់​ជេង​ឞូនុយ្ស​អី​កោរាញ​ឞ្រាស​នើម​កើយ្ស​ឞើស​ផូង​ឞូនុយ្ស​អី​ឞ្លាវ​ខឹត គៃ​មា​ឆើម​នតាង​ផូង​ប៝ន​លាន​តា​នាប់​មាត់​កោរាញ​ឞ្រាស។ ពាង់​អី​នៃ​ឆើម​ញហើរ​នទើ នទ្រែល​មា​ឆើម​ជាន​ឞ្រាស​មា​កោរាញ​ឞ្រាស គៃ​មា​ទាន់​កោរាញ​ឞ្រាស​យោៈ​មោ​ហោម​កើប​នាវ​តីស។
HEB 5:2 កោរាញ​ជាន​ឞ្រាស​ទុត​ក្វ៝ង់​អី​នៃ​ពាង់​រាអ្យា ហោម​ជាន​តីស​កើត​ផូង​ប៝ន​លាន​ដ៝ង់ កើត​នទ្រី​ពាង់​គែស​នូយ្ស​នហ៝ម់​មលែស​ឞ្លាវ​យោៈ​ឞូនុយ្ស​អី​ជាន​តីស ឞូនុយ្ស​អី​រាលូក​ម៝ល់​មោ​អោស​គឹត​នទើ​អ្វែស​នទើ​អ្យើស។
HEB 5:3 តាៈ​ឞើស​នាវ​រាអ្យា​ជាន​តីស​អី​នៃ ទឹង​ពាង់​អ្យាត់​មា​ញហើរ​នទើ​ជាន​ឞ្រាស គៃ​មា​កោរាញ​ឞ្រាស​យោៈ​នាវ​តីស​ឆាក់​ពាង់​នើម នអ៝ប់​មា​នាវ​តីស​ផូង​ប៝ន​លាន​ដ៝ង់។
HEB 5:4 មោ​គែស​អោស​ទូ​ហ្វេ​ទើយ​នហាវ​អេង​ឆាក់​ពាង់​នើម​ជេង​កោរាញ​ជាន​ឞ្រាស​ទុត​ក្វ៝ង់ កោរាញ​ឞ្រាស​នើម​ទើម​កើយ្ស កើត​ពាង់​លែៈ​កើយ្ស​ដ៝ង់​មា​អារោន ​កាល់​អែ​នើស​ជេង​កោរាញ​ជាន​ឞ្រាស​ទុត​ក្វ៝ង់។
HEB 5:5 កើត​នទ្រី​ដ៝ង់​ឞ្រាស​ក្រីស ​ពាង់​មោ​អោស​នហាវ​អេង​ឆាក់​ពាង់​នើម​ជេង​កោរាញ​ជាន​ឞ្រាស​ទុត​ក្វ៝ង់ កោរាញ​ឞ្រាស​នើម​កើយ្ស​ពាង់។ កោរាញ​ឞ្រាស​លាស​មា​ពាង់៖ «មៃ​អ្យា​ក៝ន​គ៝ប់​នើម‌ នារ​អ្យា​គ៝ប់​អ៝ន់​ឞូ​គឹត គ៝ប់​ឞឹ​មៃ​ងាន់»។
HEB 5:6 កោរាញ​ឞ្រាស​លាស​ជឹត​មា​ពាង់​តា​ត្រ៝ង​អេង​កើត​នអា៖ «មៃ​ជេង​ឞូនុយ្ស​ជាន​ឞ្រាស​បាបើ​នហ៝​រ៝ កើត​កាដាច់​មិលកីឆាដែក ​អី​ឞូនុយ្ស​ជាន​ឞ្រាស​ដ៝ង់»។
HEB 5:7 នោក​ឞ្រាស​យេឆូ ​គុ​រេស​តា​នែស​នតូ​អ្យា​នើស ពាង់​នតែរ​មឞើស​ឆើម​មា​កោរាញ​ឞ្រាស​ហោ​ងាន់​នអ៝ប់​មា​លោស​ទាក​មាត់ ទាន់​កោរាញ​ឞ្រាស​អី​ទើយ​រាក្លាយ្ស​ពាង់​ឞើស​នាវ​ខឹត។ ជេស​រី​កោរាញ​ឞ្រាស​អ្យាត់​នាវ​ពាង់​ទាន់​នៃ យ៝រ​លាស​ពាង់​យើក​កោរាញ​ឞ្រាស នអ៝ប់​មា​អ្យាត់​ជាន​តឹង​នាវ​កោរាញ​ឞ្រាស​ទែ​ដាៈ។
HEB 5:8 ជេសរី​ឞ៝ល​លាស​ពាង់​អី​ក៝ន​កោរាញ​ឞ្រាស​នើម​កាដោយ​លែៈ ពាង់​ហោម​អែ​នតី​អ្យាត់​នាវ​កោរាញ​ឞ្រាស​ដាៈ តាៈ​ឞើស​នាវ​ជេរ​ជ៝ត់​ពាង់​នើម។
HEB 5:9 ត៝ត់​មា​ពាង់​លែៈ​ជាន​លោច​លែៈ​ផ្យៅ​នទើ​កោរាញ​ឞ្រាស​ដាៈ​មា​ពាង់ពាង់​ជេង​តើម​នាវ​រាក្លាយ្ស​នហ៝​រ៝​ឞើស​នាវ​តេៈ​ទោយ្ស​អ៝ន់​មា​ទឹង​លែៈ​ឞូនុយ្ស​អី​អ្យាត់​នាវ​ពាង់‌
HEB 5:10 នអ៝ប់​មា​កោរាញ​ឞ្រាស​កើយ្ស​ពាង់​ជេង​កោរាញ​ជាន​ឞ្រាស​ទុត​ក្វ៝ង់​កើត​តឹង​នតីល​កាដាច់​មិលកីឆាដែក ​ជាន​ឞូនុយ្ស​ជាន​ឞ្រាស​ដ៝ង់។
HEB 5:11 គ៝ប់​ហោម​គែស​អ៝ក់​នាវ​អុច​មឞើស​ងក៝ច​មា​នាវ​អី​នៃ យើន​មា​ជេរ​ងាន់​មា​មឞើស​ងក៝ច យ៝រ​លាស​ខាន់​អៃ​មៃ​អ្យាត់​ជ៝ៈ​ងាន់​វ៝ត់។
HEB 5:12 ទី​លាស​ខាន់​អៃ​មៃ​លែៈ​ជាន​នើម​នតី តីស​មា​ហោម​អ្យាត់​មា​ឞូ​នតី​ខាន់​អៃ​មៃ​នាវ​កោរាញ​ឞ្រាស​អី​ញចោ​មា​នតើម​តឹម​ឞាន​មា​ឞូនុយ្ស​អី​មហែ​ឆឹត​ញឆីង។ ខាន់​អៃ​មៃ​តឹម​ឞាន​មា​អ៝ស​ឞេ​អី​ឞ្លាវ​ញេត​ទើម​មា​ទាក​ត៝ស អេ​ហ៝ៈ​អោស​ឞ្លាវ​ឆោង​ឆា​មា​នទើ​ទាង់។
HEB 5:13 ឞូ​ម៝ស​អី​ហោម​អុច​ទើម​មា​ទាក​ត៝ស ពាង់​អី​នៃ​អេ​ហ៝ៈ​អោស​វ៝ត់​មា​នទើ​ជាន​ឆ៝ង់ យ៝រ​លាស​ពាង់​ហោម​អែ​អ៝ស​ឞេ​ទើម។
HEB 5:14 យើន​មា​នទើ​ឆោង​ឆា​ទាង់​ព្រាប់​អ៝ន់​មា​ឞូ​រាញ គែស​នាវ​ខ្លៃ​លាស​នាវ​នតី​ជ្រូ ទី​មា​ឞូនុយ្ស​អី​លែៈ​វៃ​គឹត​ម៝ស​នទើ​អ្វែស​នទើ​អ្យើស​ទើម។
HEB 6:1 លាស​នទ្រី​លើយ​អ៝ន់​ឞ៝ន់​ងើយ​តៃ​ទូ​តឹ​ជឹត​នាវ​នតី​មា​ឞ្រាស​ក្រីស ​អី​ញចោ​មា​នតើម យើន​មា​អ៝ន់​ឞ៝ន់​មឞើស​ងើយ​មា​នាវ​នតី​អី​ជ្រូ។ ហេន​មោ​អុច​នតី​នឹង​នាវ​អី​ឞូ​នតី​មា​ឞូនុយ្ស​អី​មហែ​ឆឹត​ញឆីង​ទើម កើត​មា​នាវ​រាគ៝ល់​លើយ​នូយ្ស​នហ៝ម់​អ្យើស ឞាស​ជាន​នទើ​អ្យើស នាវ​ញឆីង​មា​កោរាញ​ឞ្រាស‌
HEB 6:2 នាវ​បាប់តែម​យុក​មា​ទាក នាវ​មឞើស​ឆើម​តេៈ​តី នាវ​ទ៝ក់​រេស​តៃ មោ​លាស​នាវ​កោរាញ​ឞ្រាស​តេៈ​ទោយ្ស​នហ៝​រ៝។
HEB 6:3 លាស​កោរាញ​ឞ្រាស​អុច ហេន​មរា​នតី​មា​ខាន់​អៃ​មៃ​នាវ​អី​ជ្រូ​ដ៝ង់។
HEB 6:4 មោ​អោស​ទើយ​លែវ​ឞូ​ម៝ស​អី​លែៈ​ញឆីង​មា​ឞ្រាស​ក្រីស  ជេសរី​មអារ់​លើយ​នាវ​ញឆីង​អី​នៃ អ៝ន់​រាគ៝ល់​លើយ​នូយ្ស​នហ៝ម់​អ្យើស​ឆឹត​ញឆីង​តៃ​ទូ​តឹ​ជឹត។ យ៝រ​លាស​ខាន់​ពាង់​លែៈ​គឹត​នាល់​ឞ្រាស​ក្រីស  នអ៝ប់​មា​លែៈ​គែស​ឆៃ​នទើ​កោរាញ​ឞ្រាស​អ៝ន់​ទើម​ទាម​តាៈ​ឞើស​កាលើ​ត្រោក​អី​នតុក​ពាង់ លែៈ​ជេង​ឞូនុយ្ស​តា​ផូង​គែស​ឞ្រាស​ហ្វេង​អ្វែស​អី​ក្ល៝ស​អ្វែស​គុ​នទ្រែល‌
HEB 6:5 លែៈ​ម៝ប់​ឆៃ​នាវ​អ្វែស​តា​នាវ​ងើយ​កោរាញ​ឞ្រាស​នើម នអ៝ប់​មា​លែៈ​ម៝ប់​ឆៃ​អាបាៈ​នាវ​ឞ្រាស​អី​ពាង់​មរា​ញហើ​តា​នារ​ជឹត​នាប់​តៃ។
HEB 6:6 មោ​អោស​ទើយ​លែវ​ឞូនុយ្ស​កើត​នៃ​អី​លែៈ​មអារ់​នាវ​ញឆីង អ៝ន់​រាគ៝ល់​លើយ​នូយ្ស​នហ៝ម់​អ្យើស​ឆឹត​ញឆីង​តៃ​ទូ​តឹ​ជឹត នាវ​ខាន់​ពាង់​មអារ់​លើយ​នាវ​ញឆីង​អី​នៃ ជេង​តឹម​ឞាន​មា​ងខឹត​ក៝ន​កោរាញ​ឞ្រាស​ទូ​តឹ​ជឹត​តា​ឆី​តឹម​រាកាង់ អ៝ន់​ឞូ​មឺច​ពាង់។
HEB 6:7 នតុក​នែស​អី​អ៝ក់​តុប​ទាក​មីស ជេសរី​គែស​ព្លៃ​អ៝ន់​មា​នើម​អី​តើម​ជីក​តើម​ច្វ៝រ់​នៃ នែស​អី​នៃ​គែស​ជេង​តាៈ​ឞើស​កោរាញ​ឞ្រាស​ងាន់ គែស​ឞូនុយ្ស​អាបាៈ​អី​តឹម​ឞាន​មា​នែស​កើត​នៃ។
HEB 6:8 យើន​មា​នតុក​នែស​អី​ហ៝ន​រេប​ហ៝ន​ល៝ក​ទើម ឞូ​មោ​ហោម​អោស​ទ៝ង់​នែស​អី​នៃ​ជឹត ឞើយ​មា​រាតាប់​ជេស ជេសរី​ត៝ត់​ងគ្លែៈ​ទុត​តៃ​ឞូ​ឆូ​មអារ់​លើយ​រ៝ គែស​ឞូនុយ្ស​អាបាៈ​អី​តឹម​ឞាន​មា​នែស​កើត​នៃ​ដ៝ង់។
HEB 6:9 អើ​អ៝ស​នោ​តា​នាវ​ញឆីង​អី​ហេន​រ៝ង់ ឞ៝ល​លាស​ហេន​ងើយ​កើត​នអា​កាដោយ ហេន​គឹត​លាស​ខាន់​អៃ​មៃ​មោ​អោស​ទី​ឞូនុយ្ស​អី​លែៈ​មអារ់​នាវ​ញឆីង​អី​នៃ យើន​មា​ហេន​គឹត​លាស​ខាន់​អៃ​មៃ​ជាន​នទើ​អ្វែស​អី​តឹម​ទី​មា​ឞូនុយ្ស​អី​កោរាញ​ឞ្រាស​លែៈ​រាក្លាយ្ស។
HEB 6:10 កោរាញ​ឞ្រាស​ឆ៝ង់​ងាន់ ពាង់​មោ​អោស​ច្វេល​នទើ​អី​ខាន់​អៃ​មៃ​គើយ្ស​ជាន​នើស ពាង់​ហោម​កាស​គឹត​នឹង​ដ៝ង់​នាវ​រ៝ង់​ខាន់​អៃ​មៃ​លែៈ​ញហើ​មា​ពាង់​តា​នាវ​ឆើម​កើល​មា​ផូង​ប៝ន​លាន​ពាង់​នើម ជេសរី​ខាន់​អៃ​មៃ​ហោម​ជាន​កើត​នៃ​ជឹត។
HEB 6:11 ហេន​អុច​ងាន់​ខាន់​អៃ​មៃ​ទូ​ហ្វេ​ទូ​ហ្វេ​ហោម​គើយ្ស​ជាន​កើត​នៃ​នហ៝​មា​ត៝ត់​លោច គៃ​មា​គឹត​នហេល​នាវ​រានើម​ខាន់​អៃ​មៃ​តា​ឞ្រាស​ក្រីស ​មរា​គែស​ងាន់។
HEB 6:12 លាស​នទ្រី​លើយ​អោស​អ៝ន់​ខាន់​អៃ​មៃ​ប្លាវ​ទឹល យើន​មា​អ៝ន់​ខាន់​អៃ​មៃ​ជាន​តឹង​នាវ​លែវ​អ្វែស​ផូង​អី​ឆ៝ៈ​ទើន​ងាន់​នទើ​អី​កោរាញ​ឞ្រាស​ទែ​លែៈ​ត៝ន​អ៝ន់ យ៝រ​លាស​ខាន់​ពាង់​អី​នៃ​គែស​នាវ​ញឆីង នទ្រែល​មា​នាវ​ញឆ្រោយ្ស​នអ៝ប់​មា​គុ​ក៝ប់​មា​នាវ​អ៝ត់​នូយ្ស​ងាន់។
HEB 6:13 នោក​កោរាញ​ឞ្រាស​ត៝ន​មា​អាឞ្រាហាម់ ​នើស ពាង់​ត៝ន​តា​រាញា​ពាង់​នើម យ៝រ​លាស​មោ​ហោម​គែស​អោស​នើម​អា​អេង​ក្វ៝ង់​រាលាវ​មា​ពាង់​នើម គៃ​មា​ឆ៝ៈ​នើម​តើម​ឆៃ​នើម​តើម​តាង់​នាវ​ត៝ន​អី​នៃ ទុត​តា​ពាង់​នើម​ទើម។
HEB 6:14 កោរាញ​ឞ្រាស​ត៝ន​មា​ពាង់៖ «គ៝ប់​មរា​អ៝ន់​នាវ​គែស​ជេង​មា​មៃ​អ៝ក់​ឞេង​លែរ​ងាន់​ងេន ជេសរី​ជាន​រាន៝យ​ទែស​មៃ​អ៝ន់​អ៝ក់​ឞឹក​រឹ​ដ៝ង់»។
HEB 6:15 នទ្រី​ទឹង​អាឞ្រាហាម់ ​គែស​នាវ​ញឆ្រោយ្ស​នអ៝ប់​មា​គុ​ក៝ប់​មា​នាវ​អ៝ត់​នូយ្ស​ងាន់ នហ៝​មា​ត៝ត់​ពាង់​ឆ៝ៈ​ទើន​នទើ​អី​កោរាញ​ឞ្រាស​លែៈ​ត៝ន​នៃ។
HEB 6:16 នោក​ឞូនុយ្ស​ត៝ន ខាន់​ពាង់​ឆ៝ៈ​រាញា​នើម​អី​ក្វ៝ង់​រាលាវ​ខាន់​ពាង់​នើម គៃ​មា​អ៝ន់​ឞូ​គឹត​នាវ​ខាន់​ពាង់​ត៝ន​នៃ​ជេង​ងាន់ មោ​ហោម​គែស​អោស​នាវ​តឹម​រាលាច់​នទ្រាង់​ខាន់​ពាង់​នើម​ជឹត។
HEB 6:17 កោរាញ​ឞ្រាស​មោ​អោស​ទើន​ងើយ​ទើម​នាវ​អី​នៃ យើន​មា​ពាង់​ត៝ន​គៃ​មា​ឞូនុយ្ស​អី​ឆ៝ៈ​ទើន​នាវ​ត៝ន​អី​នៃ​គឹត​នហេល​នានេៈ​ងាន់ កោរាញ​ឞ្រាស​មោ​អោស​រាគ៝ល់​នូយ្ស​នហ៝ម់​នាវ​មឹន​នទើ​អី​ពាង់​លែៈ​ត៝ន​នៃ។
HEB 6:18 កោរាញ​ឞ្រាស​ងើយ​ដ៝ង់ ត៝ន​ដ៝ង់ ឞារ​នតីល​អី​នៃ​មោ​អោស​ទើយ​រាគ៝ល់ នអ៝ប់​មា​កោរាញ​ឞ្រាស​មោ​អោស​ឞ្លាវ​មរោស លាស​នទ្រី​ឞ៝ន់​អី​លែៈ​ទូ​ញច្វាត់​នទែ​តា​ពាង់​គែស​នាវ​នហាវ​នូយ្ស​នហ៝ម់​ហោ​ងាន់ នទ្រែល​មា​ញអោត​ន៝ប់​នាវ​រានើម​អី​ពាង់​លែៈ​អ៝ន់​មា​ឞ៝ន់។
HEB 6:19 ឞ៝ន់​គែស​នាវ​រានើម​ទុត​ន៝ប់​មា​នាវ​កោរាញ​ឞ្រាស​លែៈ​ត៝ន នាវ​រានើម​អី​នៃ​ន៝ប់​តឹម​ឞាន​មា​ទូក​ឞូ​លែៈ​ងក្លែៈ​មា​ងលែៈ​ល៝យ្ស​អ៝ន់​គុ​ទូ​នតុក​មោ​ហោម​ឞ្រោៈ​ជឹត​ច្យៅ​ជឹត​មា។ ឞ៝ន់​លែៈ​គឹត​នហេល​ងាន់ កោរាញ​ឞ្រាស​មរា​ជាន​តឹង​នាវ​ពាង់​លែៈ​ត៝ន​នើស យ៝រ​លាស​ឞ្រាស​យេឆូ​លែៈ​ហាន់​ល៝រ​ឞើស​នាប់​ឞ៝ន់​តា​នតុក​កោរាញ​ឞ្រាស ពាង់​ឆើម​ទាន់​អ៝ន់​មា​ឞ៝ន់​កើត​កោរាញ​ជាន​ឞ្រាស​ទុត​ក្វ៝ង់​លាប់​តា​ត្រោម​ជ្រោ​នតុក​ទុត​ក្ល៝ស​អ្វែស​អី​គែស​ឞ៝ក​ញចីង។ ឞ្រាស​យេឆូ​ជេង​កោរាញ​ជាន​ឞ្រាស​ទុត​ក្វ៝ង់​នហ៝​រ៝ កើត​តឹង​នតីល​កាដាច់​មិលកីឆាដែក ​អី​ឞូនុយ្ស​កោរាញ​ជាន​ឞ្រាស​ដ៝ង់។
HEB 7:1 ល៝ង់​កាដាច់​មិលកីឆាដែក ​កាល់​អែ​នើស ពាង់​ជេង​កាដាច់​តា​ប៝ន​ឆាលឹម  នទ្រែល​មា​ជេង​ឞូនុយ្ស​ជាន​ឞ្រាស​មា​កោរាញ​ឞ្រាស​អី​ទុត​ក្វ៝ង់​ដ៝ង់។ កាដាច់​មិលកីឆាដែក ​នៃ​អី​ហាន់​ម៝ប់​អាឞ្រាហាម់ ​នោក​អាឞ្រាហាម់ ​ព្លឹ​ឆឹត​តឹម​លើស​ទើយ​ពាង់​ដាស​មា​មពោល​កាដាច់​អេងៗ នទ្រែល​មា​ងើយ​អ៝ន់​នាវ​គែស​ជេង​តាៈ​ឞើស​កោរាញ​ឞ្រាស​មា​ពាង់​នើស។
HEB 7:2 ជេសរី​អាឞ្រាហាម់ ​ឆ៝ៈ​ទឹង​លែៈ​ទ្រាប់​នទើ​អី​ពាង់​គែស​តាៈ​ឞើស​តឹម​លើស​នើស ញហើរ​អ៝ន់​មា​កាដាច់​មិលកីឆាដែក ​ទូ​កោៈ​តឹម​ជឹត​(១/១០)។ រាញា​កាដាច់​អី​នៃ​គែស​នាវ​ខ្លៃ​លាស​«កាដាច់​អី​នាវ​ឆ៝ង់» ជេសរី​ពាង់​នើស​ជេង​កាដាច់​តា​ប៝ន​ឆាលឹម ​ដ៝ង់‌ «កាដាច់​ឆាលឹម »​គែស​នាវ​ខ្លៃ​លាស​«កាដាច់​អី​នាវ​ដាប់​មពាន់»។
HEB 7:3 តា​នាវ​កោរាញ​ឞ្រាស​ងើយ​មោ​អោស​គែស​ញចីស​មា​មេៈ​មា​ឞឹ​ពាង់ មោ​អោស​គែស​ញចីស​មា​នាវ​ងក៝ច​យៅ​ពាង់ នារ​ទែស​ពាង់​មោ​អោស​គែស​ញចីស នារ​ខឹត​ពាង់​មោ​ដ៝ង់​គែស​ញចីស។ នទ្រី​ពាង់​តឹម​ឞាន​មា​ហោម​ជាន​ឞូនុយ្ស​ជាន​ឞ្រាស​បាបើ​នហ៝​រ៝ កើត​ក៝ន​កោរាញ​ឞ្រាស​នើម។
HEB 7:4 អ៝ន់​ខាន់​អៃ​មៃ​ងក្ល៝ន់​អ្វាញ់​កាដាច់​មិលកីឆាដែក ​នៃ ទាស​ន៝ម់​ក្វ៝ង់​ពាង់​ទឹង​គែស​មា​អាឞ្រាហាម់ ​អី​ចែ​ផូង​អីឆ្រាអែល ​ឞ៝ន់​ឆ៝ៈ​ទូ​កោៈ​តឹម​ជឹត​(១/១០)​ទឹង​លែៈ​នទើ​គែស​តាៈ​ឞើស​តឹម​លើស​ញហើរ​អ៝ន់​មា​ពាង់​កើត​នៃ!
HEB 7:5 ផូង​ឞូនុយ្ស​អី​ទី​មា​ជាន​ឞ្រាស​តា​ផូង​អីឆ្រាអែល ​ជេង​អី​ក៝ន​ឆៅ​លេវី ​ទើម លេវី ​ជេង​អី​ក៝ន​ឆៅ​អាឞ្រាហាម់ ។ នាវ​វៃ​មោឆេ ​ដាៈ​ផូង​ឞូនុយ្ស​ជាន​ឞ្រាស​ឆ៝ៈ​ទើន​ទូ​កោៈ​តឹម​ជឹត​(១/១០)​ឞើស​ផូង​អីឆ្រាអែល ​អី​នទុល​មពោល​ខាន់​ពាង់​នើម ឞ៝ល​លាស​ផូង​អីឆ្រាអែល ​នៃ​តាៈ​ឞើស​រាន៝យ​ទែស​ខាន់​ពាង់​នើម​ឞើស​អាឞ្រាហាម់ ​ទាទេ។
HEB 7:6 តីស​មា​កាដាច់​មិលកីឆាដែក ​អី​នៃ ពាង់​មោ​គែស​អោស​រាន៝យ​ទែស​តា​ក៝ន​ឆៅ​លេវី  យើន​មា​ពាង់​លែៈ​ឆ៝ៈ​ជេស​នទើ​ទូ​កោៈ​តឹម​ជឹត​(១/១០)​ឞើស​អាឞ្រាហាម់  ជេសរី​ពាង់​ទាន់​កោរាញ​ឞ្រាស​អ៝ន់​នាវ​គែស​ជេង​មា​អាឞ្រាហាម់ ​អី​លែៈ​ឆ៝ៈ​ទើន​ជេស​នាវ​ត៝ន​តាៈ​ឞើស​កោរាញ​ឞ្រាស!
HEB 7:7 ឞ៝ន់​វៃ​ឆៃ ឞូនុយ្ស​អី​ក្វ៝ង់​រាលាវ​អ៝ន់​នាវ​គែស​ជេង​មា​ឞូនុយ្ស​អី​ជេៈ​តា​ន៝ម់ នាវ​អី​នៃ​ជេង​ទី​ងាន់​មោ​អោស​រាលាច់។
HEB 7:8 យើន​មា​មពោល​លេវី ​អី​ឆ៝ៈ​ទូ​កោៈ​តឹម​ជឹត​(១/១០)​ខាន់​ពាង់​ហោម​ឞ្លាវ​ខឹត ល៝ង់​កាដាច់​មិលកីឆាដែក ​តឹម​ឞាន​មា​ហោម​រេស យ៝រ​លាស​តា​នាវ​កោរាញ​ឞ្រាស​ងើយ​មោ​គែស​អោស​ញចីស​មា​នាវ​ពាង់​ខឹត។
HEB 7:9 នាវ​អាឞ្រាហាម់ ​អ៝ន់​ទូ​កោៈ​តឹម​ជឹត​(១/១០)​មា​កាដាច់​មិលកីឆាដែក ​ដ៝ង់ តឹម​ឞាន​មា​មពោល​លេវី ​អ៝ន់​ទូ​កោៈ​តឹម​ជឹត​(១/១០)​មា​កាដាច់​មិលកីឆាដែក  ឞ៝ល​លាស​អាបៃ​អ្យា​មពោល​លេវី ​ឆ៝ៈ​ទូ​កោៈ​តឹម​ជឹត​(១/១០)​ឞើស ១១ មពោល​តា​ផូង​អីឆ្រាអែល ។
HEB 7:10 លាស​នទ្រី​តឹម​ឞាន​មា​មពោល​លេវី ​អ៝ន់​ទូ​កោៈ​តឹម​ជឹត​(១/១០)​មា​កាដាច់​មិលកីឆាដែក ​ដ៝ង់ យ៝រ​លាស​នោក​កាដាច់​មិលកីឆាដែក ​ហាន់​ម៝ប់​អាឞ្រាហាម់ ​នើស លេវី ​នអ៝ប់​មា​ក៝ន​ឆៅ​ពាង់​អេ​អោស​ទែស តឹម​ឞាន​មា​ហោម​គុ​តា​ឆាក់​ជាន់​អាឞ្រាហាម់ ។
HEB 7:11 តា​នាវ​វៃ​មោឆេ ​ដាៈ​អារោន ​អី​ក៝ន​ឆៅ​លេវី ​ជេង​ចែ​មា​ទឹង​លែៈ​មពោល​ឞូនុយ្ស​ជាន​ឞ្រាស។ លាស​មពោល​ឞូនុយ្ស​ជាន​ឞ្រាស​លែៈ​ទើយ​ងគ្រ៝ស​លើយ​នាវ​តីស​ឞូនុយ្ស​ងាន់ មើម​ទឹង​ឞើស​កើយ​នាវ​វៃ​អី​នៃ​ហោម​គែស​ញចីស​មា​ទូ​ហ្វេ​អេង​ឞូនុយ្ស​ជាន​ឞ្រាស​តឹង​កើត​កាដាច់​មិលកីឆាដែក ? មើម​ទឹង​ទូ​ហ្វេ​ឞូនុយ្ស​ជាន​ឞ្រាស​អី​នៃ​មោ​អោស​ទី​ឞូនុយ្ស​ជាន​ឞ្រាស​តឹង​កើត​អារោន ?
HEB 7:12 លាស​គែស​ទូ​ហ្វេ​អា​អេង​ជេង​ឞូនុយ្ស​ជាន​ឞ្រាស​មោ​អោស​ទី​តា​រាន៝យ​ទែស​អារោន  លាស​នទ្រី​អ្យាត់​មា​រាគ៝ល់​តា​នាវ​វៃ​ដ៝ង់។
HEB 7:13 យ៝រ​លាស​ឞ្រាស​ក្រីស ​អី​ទូ​ហ្វេ​ឞូនុយ្ស​ជាន​ឞ្រាស​អី​គែស​ញចីស​នៃ មោ​អោស​ទី​រាន៝យ​ទែស​អារោន ពាង់​ជេង​ឞូនុយ្ស​តាៈ​ឞើស​ទូ​មពោល​តា​ផូង​អីឆ្រាអែល ​អី​មោ​អោស​វៃ​ជាន​ឞូនុយ្ស​ជាន​ឞ្រាស​ឆើម​កើល​ជាន​ការ​តា​ញឆឺង​គុច​ពូរ​នទើ​ជាន​ឞ្រាស។
HEB 7:14 ឞ្រាស​យេឆូ ​អី​កោរាញ​ឞ៝ន់​ទឹង​លែៈ​ឞ៝ន់​លែៈ​គឹត​នហេល​នានេៈ​ងាន់​ពាង់​ទែស​តា​រាន៝យ​មពោល​យូដា  យើន​មា​តា​នាវ​វៃ​មោឆេ ​មោ​គែស​អោស​ងើយ​មា​ឞូនុយ្ស​ជាន​ឞ្រាស​តាៈ​ឞើស​រាន៝យ​ទែស​មពោល​យូដា ​នៃ។
HEB 7:15 នាវ​រាគ៝ល់​តា​នាវ​វៃ​លើ​មា​ក្ល៝ស​រាស​វាស​រាលាវ​ជឹត លាស​គែស​ទូ​ហ្វេ​ជឹត​ឞូនុយ្ស​ជាន​ឞ្រាស​មហែ​តឹង​កើត​មា​កាដាច់​មិលកីឆាដែក
HEB 7:16 អី​មោ​អោស​ទី​ជេង​ឞូនុយ្ស​ជាន​ឞ្រាស​តឹង​រាន៝យ​ទែស​អី​គែស​ដាៈ​តា​នាវ​វៃ យើន​មា​ពាង់​ជេង​ឞូនុយ្ស​ជាន​ឞ្រាស​តាៈ​ឞើស​នាវ​ទើយ​គែស​នាវ​រេស​នហ៝​រ៝​អី​មោ​អោស​ឞ្លាវ​រ៝ស‌
HEB 7:17 យ៝រ​លាស​តា​នាវ​កោរាញ​ឞ្រាស​ងើយ​លែៈ​ញចីស​ជេស​លាស​មា​ពាង់​កើត​នអា៖ «មៃ​ជេង​ឞូនុយ្ស​ជាន​ឞ្រាស​បាបើ​នហ៝​រ៝ កើត​កាដាច់​មិលកីឆាដែក ​អី​ឞូនុយ្ស​ជាន​ឞ្រាស​ដ៝ង់»។
HEB 7:18 នាវ​ដាៈ​អី​លែៈ​គែស​អា​ល៝រ​នើស​លែៈ​នត្លើយ យ៝រ​លាស​មោ​ទើយ​មា​រាក្លាយ្ស​ឞូនុយ្ស មោ​អោស​គែស​នាវ​ខ្លៃ។
HEB 7:19 នាវ​វៃ​មោ​អោស​ទើយ​ជាន​អ៝ន់​ឞូនុយ្ស​ទុត​អ្វែស​តឹម​ទី​មា​នាវ​កោរាញ​ឞ្រាស​អុច។ លាស​នទ្រី​កោរាញ​ឞ្រាស​អ៝ន់​ត្រ៝ង​មហែ​អី​អ្វែស​រាលាវ​មា​ត្រ៝ង​អើម គៃ​មា​ឞ៝ន់​ទើយ​ហាន់​ទាច់​អា​កោរាញ​ឞ្រាស។
HEB 7:20 ត្រ៝ង​មហែ​អី​នៃ​គែស​មា​នាវ​ងើយ​កោរាញ​ឞ្រាស​លែៈ​ត៝ន យើន​មា​ទឹង​លែៈ​មពោល​ឞូនុយ្ស​ជាន​ឞ្រាស​តឹង​នាវ​វៃ​មោ​អោស​គែស​នាវ​ងើយ​កោរាញ​ឞ្រាស​ត៝ន។
HEB 7:21 យើន​មា​ឞ្រាស​យេឆូ ​ជេង​ឞូនុយ្ស​ជាន​ឞ្រាស​នអ៝ប់​មា​កោរាញ​ឞ្រាស​ងើយ​ត៝ន​មា​ពាង់​កើត​នអា៖ ««មៃ​ជេង​ឞូនុយ្ស​ជាន​ឞ្រាស​បាបើ​នហ៝​រ៝» កោរាញ​ឞ្រាស​លែៈ​ត៝ន​ជេស ពាង់​មោ​ហោម​អោស​រាគ៝ល់»។
HEB 7:22 តាៈ​ឞើស​នាវ​ត៝ន​អី​នៃ នាវ​តឹម​រាង្លាប់​តា​ឞ្រាស​យេឆូ ​ជេង​នាវ​តឹម​រាង្លាប់​អ្វែស​រាលាវ​ដាស​នាវ​តឹម​រាង្លាប់​តា​នាវ​វៃ​មោឆេ ។
HEB 7:23 រាលាវ​ឞើស​នៃ​ជឹត​មពោល​ឞូនុយ្ស​ជាន​ឞ្រាស​តឹង​មា​នាវ​វៃ​មោឆេ ​គែស​អ៝ក់​ងាន់ យ៝រ​លាស​ខាន់​ពាង់​ឞ្លាវ​ខឹត ខាន់​ពាង់​មោ​អោស​ជាន​ការ​នហ៝​រ៝។
HEB 7:24 យើន​មា​ឞ្រាស​យេឆូ ​ជាន​ការ​ឞូនុយ្ស​ជាន​ឞ្រាស ពាង់​មោ​ហោម​អោស​រាគ៝ល់​អ៝ន់​ឞូ​អេង យ៝រ​លាស​ពាង់​ហោម​គុ​រេស​បាបើ​នហ៝​រ៝។
HEB 7:25 កើត​នទ្រី​ទឹង​ពាង់​ទើយ​រាក្លាយ្ស​ទាទេ​ទឹង​លែៈ​ឞូនុយ្ស​អី​ហាន់​អា​កោរាញ​ឞ្រាស​នអ៝ប់​មា​គែស​នាវ​ញឆីង​មា​ពាង់ យ៝រ​លាស​ពាង់​រេស​នហ៝​រ៝ គៃ​មា​ឆើម​កើល​ទាន់​កោរាញ​ឞ្រាស​អ៝ន់​មា​ខាន់​ពាង់។
HEB 7:26 អ្យាត់​មា​ឞ៝ន់​គែស​កោរាញ​ជាន​ឞ្រាស​ទុត​ក្វ៝ង់​អី​ក្ល៝ស​អ្វែស មោ​គែស​នាវ​មា​នទុយ្ស មោ​អោស​គែស​នាវ​តីស ពាង់​គុ​តា​នតុក​មោ​គែស​ឞូនុយ្ស​តីស នហ៝​មា​កោរាញ​ឞ្រាស​អ៝ន់​ពាង់​គុ​តា​នតុក​ទុត​ព្រេស​តា​កាលើ​ត្រោក​អី​នតុក​កោរាញ​ឞ្រាស​នើម ពាង់​អី​នៃ​ឞ្រាស​យេឆូ ។
HEB 7:27 ពាង់​លែៈ​ញហើរ​ឆាក់​ពាង់​នើម​មា​ផូង​ប៝ន​លាន​ជេស​ទូ​តឹ ជេសរី​លែៈ​ផ្យៅ នទ្រី​ទឹង​ពាង់​មោ​ខាច់​អោស​ញហើរ​នទើ​ជាន​ឞ្រាស​អាប់​នារ​អាប់​នារ​កើត​មា​កោរាញ​ជាន​ឞ្រាស​ទុត​ក្វ៝ង់​អាបាៈ​អេង​អី​ញហើរ​នទើ​ជាន​ឞ្រាស​មា​កោរាញ​ឞ្រាស គៃ​មា​ទាន់​កោរាញ​ឞ្រាស​យោៈ​នាវ​តីស​ឆាក់​ខាន់​ពាង់​នើម នទ្រែល​មា​នាវ​តីស​ផូង​ប៝ន​លាន។
HEB 7:28 តឹង​មា​នាវ​វៃ​មោឆេ  គែស​ឞូនុយ្ស​ជាន​កោរាញ​ជាន​ឞ្រាស​ទុត​ក្វ៝ង់ តីស​មា​ទឹង​លែៈ​ឞូនុយ្ស​អី​នៃ​ជេង​ឞូនុយ្ស​រាអ្យា​ទាទេ​ទើម។ ឞើស​កើយ​លែៈ​ជេស​គែស​នាវ​វៃ​មោឆេ  កោរាញ​ឞ្រាស​ដាៈ​ក៝ន​ពាង់​នើម​ជាន​កោរាញ​ជាន​ឞ្រាស​ទុត​ក្វ៝ង់​តា​កាលើ​ត្រោក​មា​នាវ​ងើយ​ពាង់​ត៝ន ជេសរី​ក៝ន​អី​នៃ​ជាន​កោរាញ​ជាន​ឞ្រាស​ទុត​ក្វ៝ង់​អី​ទុត​អ្វែស​បាបើ​នហ៝​រ៝។
HEB 8:1 ទឹង​លែៈ​នទើ​អី​ហេន​លែៈ​មឞើស​ងក៝ច​អី​នៃ​នើស​ជេង​កើត​នអា៖ ឞ៝ន់​លែៈ​គែស​ជេស​ទូ​ហ្វេ​កោរាញ​ជាន​ឞ្រាស​ទុត​ក្វ៝ង់ អី​គុ​មពែស​ឞើស​មា​រានើល​កាដាច់​កោរាញ​ឞ្រាស​នើម​អី​ទុត​ព្រេស​តា​កាលើ​ត្រោក​អី​នតុក​ពាង់​នើម​រី។
HEB 8:2 ពាង់​គុ​ជាន​ការ​កោរាញ​ជាន​ឞ្រាស​ទុត​ក្វ៝ង់​តា​នតុក​ក្ល៝ស​អ្វែស​តា​ចូន​ឞ៝ក​ជាន​ឞ្រាស​មា​កោរាញ​ឞ្រាស​អី​ងាន់​តា​កាលើ​ត្រោក អី​កោរាញ​ឞ្រាស​នើម​ជាន មោ​អោស​ឞូនុយ្ស​ជាន។
HEB 8:3 នាវ​ជាន​ការ​មា​ទឹង​លែៈ​រាងោច​មពោល​កោរាញ​ជាន​ឞ្រាស​ទុត​ក្វ៝ង់ ជេង​ញហើរ​នទើ​មា​ទាន់​កោរាញ​ឞ្រាស​យោៈ​នាវ​តីស នទ្រែល​មា​ញហើរ​នទើ​អេងៗ​ជឹត លាស​នទ្រី​អ្យាត់​មា​ខាន់​ពាង់​គែស​នទើ​មា​ញហើរ។
HEB 8:4 លាស​ឞ្រាស​យេឆូ ​ហោម​គុ​តា​នែស​នតូ​អ្យា ពាង់​មោ​អោស​ទើយ​ជាន​ឞូនុយ្ស​ជាន​ឞ្រាស យ៝រ​លាស​លែៈ​គែស​ជេស​មពោល​ឞូនុយ្ស​ជាន​ឞ្រាស​មា​ញហើរ​នទើ​មា​កោរាញ​ឞ្រាស​តឹង​កើត​លែៈ​គែស​ញចីស​តា​នាវ​វៃ​មោឆេ ។
HEB 8:5 ខាន់​ពាង់​ឆើម​កើល​ជាន​ការ​តា​នតុក​ជាន​ឞ្រាស​អី​ឞូ​ជាន​តឹង​នតុក​ជាន​ឞ្រាស​អី​ងាន់​តា​កាលើ​ត្រោក​អី​នតុក​កោរាញ​ឞ្រាស​នើម យ៝រ​លាស​នោក​មោឆេ ​ជាន​ចូន​ឞ៝ក​ជាន​ឞ្រាស​មា​កោរាញ​ឞ្រាស​អី​នៃ​នើស កោរាញ​ឞ្រាស​លែៈ​ដាៈ​នហេល​ពាង់​កើត​នអា៖ «អ៝ន់​មៃ​ញជ្រាង់ ជាន​ទឹង​លែៈ​តឹង​រូប​អី​គ៝ប់​លែៈ​ញហើ​ជេស​មា​មៃ នោក​មៃ​គុ​តា​កាលើ​យោក​អ្យា» នទ្រី​ទឹង​នតុក​ខាន់​ពាង់​ជាន​ឞ្រាស​អី​នៃ​ជេង​តឹម​ឞាន​មា​គូយ​អី​ឞូ​អ្វាញ់​មោ​អោស​ឆៃ​នទើ​ងាន់។
HEB 8:6 អាបៃ​អ្យា​កោរាញ​ឞ្រាស​លែៈ​កើយ្ស​ឞ្រាស​យេឆូ ​មា​ជាន​ការ​កោរាញ​ជាន​ឞ្រាស​ទុត​ក្វ៝ង់​តា​កាលើ​ត្រោក នាវ​ជាន​ការ​អី​នៃ​អ្វែស​រាលាវ​មា​នាវ​ជាន​ការ​ឞូនុយ្ស​ជាន​ឞ្រាស​តា​នែស​នតូ​អ្យា ពាង់​ជេង​នើម​លែវ​មា​នាវ​តឹម​រាង្លាប់​មហែ​កោរាញ​ឞ្រាស​ដាស​ឞូនុយ្ស​អី​អ្វែស​រាលាវ​មា​នាវ​តឹម​រាង្លាប់​អី​អើម ជេសរី​នាវ​តឹម​រាង្លាប់​មហែ​អី​នៃ​គែស​នាវ​កោរាញ​ឞ្រាស​ត៝ន​អី​អ្វែស​រាលាវ។
HEB 8:7 លាស​នាវ​តឹម​រាង្លាប់​អី​អើម​នៃ​លែៈ​ទុត​អ្វែស​ជេស លាស​នទ្រី​មោ​ខាច់​អោស​គែស​នាវ​តឹម​រាង្លាប់​អា​អេង​ជឹត​មា​នត្រ៝ៈ។
HEB 8:8 យើន​មា​កោរាញ​ឞ្រាស​លែៈ​ឆៃ​ផូង​ប៝ន​លាន​ជាន​រាលាវ​ឞើស​នាវ​តឹម​រាង្លាប់​អើម ទឹង​ពាង់​លាស​កើត​នអា៖ «តា​នារ​ជឹត​នាប់​តៃ គ៝ប់​មរា​អ៝ន់​នាវ​តឹម​រាង្លាប់​មហែ​មា​ផូង​អីឆ្រាអែល ​រ៝‌ មា​មពោល​យូដា ។
HEB 8:9 នាវ​តឹម​រាង្លាប់​មហែ​អ្យា​មោ​អោស​តឹម​ឞាន​មា​នាវ​តឹម​រាង្លាប់​នោក​គ៝ប់​តឹម​រាង្លាប់​នទ្រែល​អូ​ចែ​ខាន់​ពាង់‌ នោក​គ៝ប់​តេក​ខាន់​ពាង់​ទូ​លោស​ឞើស​ឞ្រី​អេឆីប ​នើស។ ខាន់​ពាង់​មោ​អោស​គុ​រាប់​ជាប់​ញអោត​តឹង​នាវ​តឹម​រាង្លាប់​នទ្រែល​គ៝ប់​នៃ‌ នទ្រី​គ៝ប់​ក៝ៈ​មោ​ហោម​គុ​នទ្រែល​មា​ខាន់​ពាង់​ដ៝ង់» អ្យា​ជេង​នាវ​ងើយ​កោរាញ​ឞ្រាស​នើម។
HEB 8:10 ជេសរី​កោរាញ​ឞ្រាស​លាស៖ «នាវ​តឹម​រាង្លាប់​អី​គ៝ប់​តឹម​រាង្លាប់​នទ្រែល​ផូង​អីឆ្រាអែល ​តា​នារ​ជឹត​នាប់​តៃ ជេង​កើត​នអា៖ គ៝ប់​មរា​តេៈ​ទឹង​លែៈ​នាវ​គ៝ប់​ដាៈ​ការ់​តា​តោរ​ខាន់​ពាង់‌ នទ្រែល​មា​ញចីស​នាវ​ដាៈ​អី​នៃ​តា​ត្រោម​នូយ្ស​នហ៝ម់​ខាន់​ពាង់‌ ជេសរី​គ៝ប់​មរា​ជេង​ឞ្រាស​អី​ខាន់​ពាង់​យើក​មឞាស‌ ខាន់​ពាង់​មរា​ជេង​ផូង​ប៝ន​លាន​គ៝ប់​នើម។
HEB 8:11 តា​នោក​នៃ​តៃ មោ​ហោម​ខាច់​អោស​គែស​ឞូនុយ្ស​នតុម​នតី​មា​ឞូនុយ្ស​ច្យៅ​មែង នទ្រែល​មា​នទុល​មពោល​ខាន់​ពាង់​នើម​លាស៖ «អ៝ន់​ខាន់​អៃ​មៃ​គឹត​នាល់​កោរាញ​ឞ្រាស» យ៝រ​លាស​នតើម​ឞើស​ឞូនុយ្ស​ជេៈ​តា​ន៝ម់​ឞូ ត៝ត់​មា​ឞូនុយ្ស​ក្វ៝ង់​រាលាវ​ឞូ‌ ទឹង​លែៈ​ខាន់​ពាង់​មរា​គឹត​នាល់​គ៝ប់​ទាទេ‌
HEB 8:12 គ៝ប់​មរា​យោៈ​នអាច​ទឹង​លែៈ​នាវ​អ្យើស​នាវ​តីស​ខាន់​ពាង់‌ ជេសរី​គ៝ប់​មោ​ហោម​អោស​ងកាស​មា​នាវ​តីស​ខាន់​ពាង់​ជឹត»។
HEB 8:13 យ៝រ​មា​កោរាញ​ឞ្រាស​លែៈ​លាស​នាវ​តឹម​រាង្លាប់​អ្យា​ជេង​នាវ​តឹម​រាង្លាប់​មហែ នទ្រី​ទឹង​នាវ​តឹម​រាង្លាប់​អី​អើម​មោ​ហោម​អោស​ខ្លៃ​មា​ជាន​តឹង។ ជេសរី​នទើ​អើម​អី​មោ​ហោម​គែស​ខ្លៃ​មា​ជាន​តឹង​ឞើយ​មា​លែៈ​រ៝ស​ជេស។
HEB 9:1 នាវ​តឹម​រាង្លាប់​អី​អើម​អា​ល៝រ​នើស គែស​នាវ​ដាៈ​អេងៗ​មា​យើក​មឞាស​កោរាញ​ឞ្រាស នទ្រែល​មា​គែស​នតុក​ជាន​ឞ្រាស​តា​នែស​នតូ​អ្យា​ដ៝ង់។
HEB 9:2 តឹង​មា​នាវ​ដាៈ​អី​នៃ ឞូ​ជាន​ទូ​មល៝ម់​ចូន​ឞ៝ក​ជាន​ឞ្រាស​មា​កោរាញ​ឞ្រាស តា​ចូន​នៃ​គែស​ឞារ​អឹ​ជ្រោ ជ្រោ​អី​ឞើស​នាប់​ឞូ ខាន់​ពាង់​ក្វាល់​«នតុក​ក្ល៝ស​អ្វែស»‌ តា​នតុក​នៃ​គែស​តេៈ​ងគ៝ង់​ឆាគេង ញឆឺង​នអ៝ប់​មា​នុមពាង់​តេៈ​ញហើរ។
HEB 9:3 តា​វាស​វាង​ជ្រោ​ឞើស​នាប់​ជ្រោ​ឞើស​កើយ​គែស​ឞ៝ក​ញចីង ជ្រោ​អី​ឞើស​កើយ​ទុត​នៃ​ខាន់​ពាង់​ក្វាល់​«នតុក​ទុត​ក្ល៝ស​អ្វែស»។
HEB 9:4 តា​ជ្រោ​អី​នៃ​គែស​ញឆឺង​មាយ្ស​មា​គុច​នទើ​បោ​កាស នទ្រែល​មា​គែស​ហុប​នាវ​តឹម​រាង្លាប់ លាម​ហុប​អី​នៃ​ងក្រេប​មា​មាយ្ស​ទាទេ តា​ត្រោម​ហុប​អី​នៃ​គែស​ទូ​មល៝ម់​ងាន​មាយ្ស​អី​ឞូ​តេៈ​នទើ​ឆោង​ឆា​មានា  គែស​ម៝ង់​ជ្រា​អារោន ​លោស​ងក៝ត នទ្រែល​មា​គែស​រាលាត​លុ​ញចីស​នាវ​តឹម​រាង្លាប់​អើម​ដ៝ង់។
HEB 9:5 តា​ឞើស​លើ​ហុប​អី​នៃ​គែស​រូប​ចេរូបីន ​ជេង​មឞេន​កោរាញ​ឞ្រាស​គុ​ទាច់​តា​នៃ អី​នារ​ចេរូបីន ​ងក្រូម​ឞើស​លើ​នទ្រុប​ហុប​អី​នៃ​ជេង​នតុក​កោរាញ​ជាន​ឞ្រាស​ទុត​ក្វ៝ង់​មា​អ្យ្រាស​មហាម​មា​ទាន់​យោៈ​នាវ​តីស។ យើន​មា​នាវ​អី​នៃ​ហេន​មោ​អោស​ទើយ​មឞើស​ងក៝ច​អ៝ន់​លែៈ​អាបៃ​អ្យា។
HEB 9:6 នទើ​តា​ចូន​ឞ៝ក​ជាន​ឞ្រាស​មា​កោរាញ​ឞ្រាស​លែៈ​ជេស​នទ្រាប់​កើត​នៃ មពោល​ឞូនុយ្ស​ជាន​ឞ្រាស​លាប់​ជាន​ការ​អាប់​នារ​តា​ជ្រោ​នតុក​ក្ល៝ស​អ្វែស។
HEB 9:7 យើន​មា​តា​ជ្រោ​នតុក​ទុត​ក្ល៝ស​អ្វែស​នៃ គែស​កោរាញ​ជាន​ឞ្រាស​ទុត​ក្វ៝ង់​ទើម​ទើយ​លាប់ ទូ​នាម់​លាប់​ទូ​តឹ​ទើម។ ពាង់​លាប់​អ្យាត់​មា​គែស​ញអោត​នអ៝ប់​មា​មហាម​មពោមពា​(ឆ្យុម)​អី​ពាង់​លែៈ​ញហើរ​មា​កោរាញ​ឞ្រាស គៃ​មា​ទើយ​ទាន់​កោរាញ​ឞ្រាស​យោៈ​នាវ​តីស​ឆាក់​ពាង់​នើម នទ្រែល​មា​នាវ​តីស​ផូង​ប៝ន​លាន​អី​ឆាក់​ខាន់​ពាង់​នើម​មោ​អោស​គឹត​លាស​គែស​ជាន​តីស។
HEB 9:8 នទ្រី​ទឹង​ឞ្រាស​ហ្វេង​អ្វែស​អី​ក្ល៝ស​អ្វែស​អ៝ន់​ឞ៝ន់​គឹត នោក​ចូន​ឞ៝ក​ជាន​ឞ្រាស​មា​កោរាញ​ឞ្រាស​ហោម​អែ​គែស ផូង​ប៝ន​លាន​អេ​ហ៝ៈ​គែស​ត្រ៝ង​មា​លាប់​តា​ជ្រោ​នតុក​ទុត​ក្ល៝ស​អ្វែស។
HEB 9:9 នាវ​អី​នៃ​ជេង​នតឹត​មា​នោក​អាបៃ​អ្យា យ៝រ​លាស​តា​រានោក​អាបៃ​អ្យា​នទើ​ញហើរ​មា​ទាន់​កោរាញ​ឞ្រាស​យោៈ​នាវ​តីស នទ្រែល​មា​នទើ​ញហើរ​អេងៗ​ជឹត មោ​អោស​ទើយ​ជាន​អ៝ន់​ក្ល៝ស​ងាន់​នូយ្ស​នហ៝ម់​នាវ​មឹន​ឞូនុយ្ស​អី​ញហើរ​នទើ​នៃ។
HEB 9:10 យ៝រ​លាស​នទើ​ជាន​តឹង​នាវ​ដាៈ​តា​នាវ​តឹម​រាង្លាប់​អើម ដាៈ​មា​នទើ​ឆោង​ឆា នទើ​ញេត នទ្រែល​មា​នទើ​ជូត​រាវ​ឆាក់​អេងៗ​ទើម នាវ​ដាៈ​អី​នៃ​មាន​មា​គែស​តា​ឆាក់​ជាន់ ជេសរី​គែស​នាវ​ខ្លៃ​នហ៝​មា​ត៝ត់​នាវ​ដាៈ​តា​នាវ​តឹម​រាង្លាប់​អី​អ្វែស​រាលាវ។
HEB 9:11 អាបៃ​អ្យា​ឞ្រាស​ក្រីស ​លែៈ​ជេង​កោរាញ​ជាន​ឞ្រាស​ទុត​ក្វ៝ង់ ពាង់​លែៈ​ត៝ត់​ជេស ពាង់​ម៝ត់​អ្វាញ់​ទឹង​លែៈ​នទើ​អ្វែស​តា​នាវ​តឹម​រាង្លាប់​មហែ។ ពាង់​លែៈ​លាប់​ជេស​រ៝ៈ​ចូន​ឞ៝ក​ជាន​ឞ្រាស​មា​កោរាញ​ឞ្រាស​តា​កាលើ​ត្រោក​អី​អ្វែស​រាលាវ អី​ទុត​អ្វែស​ងាន់ ចូន​អី​នៃ​មោ​អោស​តី​ឞូនុយ្ស​ជាន ក៝ៈ​មោ​ដ៝ង់​គែស​តា​នែស​នតូ​អ្យា​អី​កោរាញ​ឞ្រាស​រាហាក់​ញជេង។
HEB 9:12 ពាង់​តឹម​ឞាន​មា​លាប់​តា​នតុក​អី​ទុត​ក្ល៝ស​អ្វែស​ជេស​លែៈ​ផ្យៅ​ទូ​តឹ ពាង់​មោ​អោស​ញអោត​មហាម​ក៝ន​ឞែ​ងក្វ៝ង់ មោ​លាស​មហាម​ក៝ន​នទ្រោក ពាង់​ញអោត​មហាម​ឆាក់​ពាង់​នើម​ច្វាយ​ឞ៝ន់​បាបើ​នហ៝​រ៝។
HEB 9:13 លាស​មហាម​ឞែ​ងក្វ៝ង់ នទ្រែល​មា​មហាម​នទ្រោក​ងក្វ៝ង់ នអ៝ប់​មា​ឞុស​នទ្រោក​ទ្រោស​អី​ឞូ​លាយ​មា​ទាក​អី​ឞូ​អ្យ្រាស​តា​ឞូនុយ្ស​អី​មោ​អោស​ក្ល៝ស​តឹង​មា​នាវ​វៃ លែៈ​ជាន​អ៝ន់​ខាន់​ពាង់​ជេង​ក្ល៝ស​តា​ឆាក់​ជាន់‌
HEB 9:14 លាស​នទ្រី​ប៝ន់​រាលាវ​មា​អី​នៃ​បាស មហាម​ឞ្រាស​ក្រីស ​ជាន​អ៝ន់​នូយ្ស​នហ៝ម់​នាវ​មឹន​ឞ៝ន់​អ៝ន់​ក្ល៝ស​ឞើស​នាវ​តីស គៃ​មា​ឞ៝ន់​ទើយ​យើក​មឞាស​ងាន់​មា​កោរាញ​ឞ្រាស​អី​រេស​ងាន់ យ៝រ​លាស​ឞ្រាស​ក្រីស ​អី​មោ​អោស​គែស​នាវ​មា​នទុយ្ស ញហើរ​ឆាក់​ពាង់​នើម​អ៝ន់​មា​កោរាញ​ឞ្រាស​តា​នាវ​ទើយ​ឞ្រាស​ហ្វេង​អ្វែស​អី​ហោម​នហ៝​រ៝។
HEB 9:15 កើត​នទ្រី​ទឹង​ឞ្រាស​ក្រីស ​ជេង​នើម​លែវ​មា​នាវ​តឹម​រាង្លាប់​មហែ គៃ​មា​ឞូ​ម៝ស​អី​លែៈ​កោរាញ​ឞ្រាស​ទែ​ក្វាល់​ជេស ឆ៝ៈ​ទើន​នទើ​អី​កោរាញ​ឞ្រាស​លែៈ​ត៝ន​នើស​អី​តឹម​ឞាន​មា​នទើ​នទ្រៃ​អី​ហោម​នហ៝​រ៝។ យ៝រ​លាស​ឞ្រាស​ក្រីស ​លែៈ​ខឹត​ជេស​គៃ​មា​រាក្លាយ្ស​ឞូនុយ្ស​អ៝ន់​ក្លាយ្ស​ឞើស​នាវ​កោរាញ​ឞ្រាស​តេៈ​ទោយ្ស​យ៝រ​មា​នាវ​តីស​ខាន់​ពាង់​នើម នាវ​តីស​អី​ខាន់​ពាង់​នើម​ជាន​នោក​ហោម​គុ​តា​ន៝ម់​នាវ​តឹម​រាង្លាប់​អើម​នើស។
HEB 9:16 លាស​ទូ​ហ្វេ​ឞូនុយ្ស​ញចីស​ល៝រ​ឆ៝ម់បុត​នាវ​នតិញ​ពាៈ​ទ្រាប់​នទើ​ខ្លៃ​ពាង់​នើម​ត៝ត់​ពាង់​លែៈ​ខឹត អ្យាត់​មា​គឹត​នហេល​នានេៈ​ងាន់​នើម​អី​តើម​ទ្រាប់​នទើ​ខ្លៃ​នៃ​លែៈ​ខឹត‌
HEB 9:17 យ៝រ​លាស​ទ្រាប់​នទើ​ខ្លៃ​អី​នៃ​ទឹង​ទើយ​តឹម​ពាៈ ត៝ត់​ពាង់​នើម​អី​តើម​នៃ​លែៈ​ខឹត នោក​ពាង់​នើម​អី​តើម​នៃ​ហោម​អែ​រេស ឆ៝ម់បុត​អី​នៃ​មោ​អោស​គែស​ខ្លៃ។
HEB 9:18 នាវ​តឹម​រាង្លាប់​អើម​អា​ល៝រ​នើស ត៝ត់​មា​ឞូ​ងខឹត​មពោមពា​(ឆ្យុម)​ញចាយ​មហាម​ដ៝ង់​មើ​ទឹង​គែស​ខ្លៃ៖
HEB 9:19 នោក​មោឆេ ​លែៈ​ជេស​មឞើស​អ៝ន់​មា​ទឹង​លែៈ​ផូង​ប៝ន​លាន​គឹត​ទឹង​លែៈ​នាវ​កោរាញ​ឞ្រាស​ដាៈ​តា​នាវ​វៃ​អី​នៃ​នើស ពាង់​ឆ៝ៈ​មហាម​ក៝ន​នទ្រោក នទ្រែល​មា​មហាម​ក៝ន​ឞែ​ងក្វ៝ង់ លាយ​មា​ទាក ជេសរី​ឆ៝ៈ​រាឆៅ​ឞែ​ឞ្យាប់​អី​លែៈ​ជេស​ញ៝ម​មា​ទាក​ចាង់​ពូត​តា​ងគីង​ឆី​ហីឆោប ​យុក​តា​មហាម​អី​នៃ​អ្យ្រាស​តា​ឆ៝ម់បុត​ក្លោន​អី​មោឆេ ​ទែ​លែៈ​ញចីស​នាវ​វៃ នទ្រែល​មា​អ្យ្រាស​តា​ទឹង​លែៈ​ផូង​ប៝ន​លាន​ដ៝ង់។
HEB 9:20 ពាង់​លាស​មា​ខាន់​ពាង់៖ «អ្យា​ជេង​មហាម​អី​ជាន​នាវ​តឹម​រាង្លាប់​កោរាញ​ឞ្រាស​ដាស​ខាន់​អៃ​មៃ អ៝ន់​ខាន់​អៃ​មៃ​ញអោត​លែៈ​នាវ​ពាង់​ដាៈ»។
HEB 9:21 ជេសរី​ពាង់​អ្យ្រាស​មហាម​អី​នៃ​តា​ចូន​ឞ៝ក​ជាន​ឞ្រាស​មា​កោរាញ​ឞ្រាស នទ្រែល​មា​តា​នទើ​ទ៝ង់​មា​យើក​មឞាស​កោរាញ​ឞ្រាស​កើត​នៃ​ដ៝ង់។
HEB 9:22 តឹង​មា​នាវ​វៃ​ផូង​អីឆ្រាអែល ​ឞ៝ន់ ឞើយ​មា​ទឹង​លែៈ​នទើ​គៃ​មា​ជាន​អ៝ន់​ក្ល៝ស​តា​នាប់​មាត់​កោរាញ​ឞ្រាស​អ្យាត់​មា​ឆ៝ៈ​ទ៝ង់​មហាម។ លាស​មោ​គែស​អោស​ហ៝ច​មហាម កោរាញ​ឞ្រាស​មោ​អោស​យោៈ​នាវ​តីស នាវ​តីស​ឞូនុយ្ស​ហោម​ក្រេប​កើត​អើម។
HEB 9:23 កើត​នទ្រី​ដ៝ង់​ចូន​ឞ៝ក​ជាន​ឞ្រាស​មា​កោរាញ​ឞ្រាស នអ៝ប់​មា​ទឹង​លែៈ​នទើ​តា​ត្រោម អ្យាត់​មា​ឞូ​ទែ​ឆ៝ៈ​មហាម​គៃ​មា​ជាន​អ៝ន់​ក្ល៝ស​តា​នាប់​មាត់​កោរាញ​ឞ្រាស ទឹង​លែៈ​នទើ​អី​នៃ​ឞូ​ជាន​តឹង​នាវ​កោរាញ​ឞ្រាស​នើម​ដាៈ​កើត​អី​លែៈ​គែស​តា​កាលើ​ត្រោក​អី​នតុក​ពាង់។ យើន​មា​នទើ​អី​គែស​តា​កាលើ​ត្រោក​នៃ អ្យាត់​មា​ឆ៝ៈ​មហាម​ឞើស​នទើ​ជាន​ឞ្រាស​អី​អ្វែស​រាលាវ​មា​មហាម​មពោមពា​(ឆ្យុម)​គៃ​មា​ជាន​អ៝ន់​ក្ល៝ស!
HEB 9:24 ឞ្រាស​ក្រីស ​មោ​អោស​លាប់​តា​ចូន​ឞ៝ក​តា​ជ្រោ​នតុក​ក្ល៝ស​អ្វែស​អី​ឞូនុយ្ស​ជាន​គៃ​មា​ម៝ប់​កោរាញ​ឞ្រាស ជ្រោ​អី​នៃ​មោ​ទី​អោស​នទើ​អី​ងាន់ ឞូ​មាន​មា​ជាន​តឹង​កើត​នទើ​តា​កាលើ​ត្រោក​រី​ទើម។ យើន​មា​ឞ្រាស​ក្រីស ​លែៈ​លាប់​តា​នតុក​តា​កាលើ​ត្រោក​រី គៃ​មា​ម៝ប់​កោរាញ​ឞ្រាស​នើម ពាង់​គុ​តា​នៃ​គៃ​មា​ឆើម​ទាន់​អ៝ន់​មា​ឞ៝ន់។
HEB 9:25 អាប់​នាម់​អាប់​នាម់​កោរាញ​ជាន​ឞ្រាស​ទុត​ក្វ៝ង់​ឆ៝ៈ​មហាម​មពោមពា​(ឆ្យុម)​លាប់​តា​ត្រោម​ជ្រោ​នតុក​ទុត​ក្ល៝ស​អ្វែស ពាង់​មោ​អោស​ឆ៝ៈ​មហាម​ពាង់​នើម។ ល៝ង់​ឞ្រាស​ក្រីស ​ពាង់​លែៈ​ជេស​លាប់​តា​នតុក​តា​កាលើ​ត្រោក​រី គៃ​មា​ញហើរ​ឆាក់​ពាង់​នើម​ទូ​តឹ​ទើម មោ​អោស​អាប់​នាម់​អាប់​នាម់​កើត​កោរាញ​ជាន​ឞ្រាស​ទុត​ក្វ៝ង់​អី​នៃ​វៃ​ជាន។
HEB 9:26 លាស​ឞ្រាស​ក្រីស ​ជាន​កើត​នៃ​អាប់​នាម់ ពាង់​ទើន​នាវ​ជេរ​ជ៝ត់​បាបើ​ងាន់​នតើម​ឞើស​ញជេង​នែស​នតូ នហ៝​មា​ត៝ត់​អាបៃ​អ្យា។ អាបៃ​អ្យា​ជេង​រានោក​ឞើយ​ត៝ត់​នារ​ងគ្លែៈ​ទុត​អី​នារ​កោរាញ​ឞ្រាស​ផាត​ទោយ្ស​មា​ទឹង​លែៈ​ឞូនុយ្ស។ តា​រានោក​អ្យា​ពាង់​លែៈ​ជេស​ហាន់​តា​នែស​នតូ​អ្យា​ជាវ​ឆាក់​ពាង់​នើម​ជេង​នទើ​ជាន​ឞ្រាស​មា​កោរាញ​ឞ្រាស​គៃ​មា​ងគ្រ៝ស​លើយ​នាវ​តីស​ឞូនុយ្ស ពាង់​ជាវ​ឆាក់​ពាង់​នើម​ទូ​តឹ​ទើម មោ​ហោម​អោស​ជាន​ជឹត។
HEB 9:27 ទឹង​លែៈ​ឞូនុយ្ស​គែស​ខឹត​ទូ​តឹ​ទើម ជេសរី​កោរាញ​ឞ្រាស​នើម​ផាត​ទោយ្ស‌
HEB 9:28 កើត​នទ្រី​ដ៝ង់​ឞ្រាស​ក្រីស ​គែស​ខឹត​ទូ​តឹ​ទើម​នោក​ពាង់​ជេង​នទើ​ជាន​ឞ្រាស​ជាវ​ឆាក់​ពាង់​នើម​គៃ​មា​ងគ្រ៝ស​លើយ​នាវ​តីស​អ៝ក់​ឞូនុយ្ស។ តា​នារ​ជឹត​នាប់​តៃ​ពាង់​ព្លឹ​តៃ​ទូ​តឹ​ជឹត មោ​ហោម​អោស​ឆ៝ៈ​មអារ់​លើយ​នាវ​តីស​ជឹត ពាង់​វាច់​គៃ​មា​រាក្លាយ្ស​ឞូ​ម៝ស​អី​ហោម​គុ​រាប់​ជាប់​ក៝ប់​ពាង់។
HEB 10:1 នាវ​វៃ​មោឆេ ​តឹម​ឞាន​មា​គូយ​ឞូ​អ្វាញ់​មោ​ឆៃ​នទើ​ងាន់ នទើ​អី​ងាន់​នៃ​អ្វែស​ងាន់ ជេសរី​នារ​ជឹត​នាប់​តៃ​ឞ៝ន់​មរា​ឆៃ​នទើ​អី​នៃ នទ្រី​នាវ​វៃ​អី​នៃ​មោ​អោស​ទី​នទើ​អី​ងាន់។ កើត​នទ្រី​ទឹង​ឞូនុយ្ស​អី​ជាន​តឹង​នាវ​វៃ​អី​នៃ ខាន់​ពាង់​ហាន់​អាប់​នាម់​អាប់​នាម់​ញអោត​នទើ​ញហើរ​មា​ទាន់​កោរាញ​ឞ្រាស​យោៈ​នាវ​តីស តីស​មា​ហោម​អែ​គែស​នាវ​តីស​នឹង​មោ​អោស​ទើយ​ជេង​ក្ល៝ស​ងាន់។
HEB 10:2 លាស​គែស​ខាន់​ពាង់​យើក​មឞាស​មា​កោរាញ​ឞ្រាស​កើត​អី​នៃ ជេសរី​ឆៃ​ជេង​ក្ល៝ស​នឹង​ងាន់ ខាន់​ពាង់​មោ​អោស​គឹត​មា​នាវ​តីស​អី​ហោម​ក្រេប​ដ៝ង់ លាស​នទ្រី​ខាន់​ពាង់​មោ​ហោម​ញហើរ​នទើ​មា​ទាន់​កោរាញ​ឞ្រាស​យោៈ​នាវ​តីស។
HEB 10:3 នាវ​អី​ខាន់​ពាង់​ញហើរ​ជាន​ឞ្រាស​អាប់​នាម់​អី​នៃ បេង​មា​ងកាស​តោរ​ខាន់​ពាង់​មា​នាវ​ជាន​តីស​នើស‌
HEB 10:4 យ៝រ​លាស​មហាម​នទ្រោក​ងក្វ៝ង់ មហាម​ឞែ​ងក្វ៝ង់ មោ​អោស​ទើយ​ឆ៝ៈ​លើយ​នាវ​តីស​ឞូនុយ្ស​ឞ៝ន់។
HEB 10:5 លាស​នទ្រី​នោក​ឞ្រាស​ក្រីស ​វាច់​តា​នែស​នតូ​អ្យា ពាង់​ងើយ​អុច​ជាវ​ឆាក់​ពាង់​នើម​មា​ជាន​ឞ្រាស​យ៝រ​មា​នាវ​តីស​ឞូនុយ្ស ពាង់​លាស​មា​កោរាញ​ឞ្រាស​តឹង​អី​លែៈ​ញចីស​តា​ឆ៝ម់បុត​នាវ​មព្រើ​អើម​កើត​នអា៖ «មៃ​មោ​អុច​អោស​មា​នទើ​ជាន​ឞ្រាស មោ​លាស​មា​នទើ​ញហើរ‌ យើន​មា​មៃ​លែៈ​ជេស​អ៝ន់​គ៝ប់​គែស​ឆាក់​ជាន់​មា​ញហើរ។
HEB 10:6 មៃ​មោ​អោស​រាម់​នូយ្ស​នហ៝ម់​មា​នទើ​ញហើរ​គុច​ពូរ‌ មា​នទើ​ជាន​ឞ្រាស​មា​ទាន់​មៃ​យោៈ​មោ​ហោម​កើប​នាវ​តីស។
HEB 10:7 ជេសរី​គ៝ប់​លាស៖ «អើ​កោរាញ​ឞ្រាស គ៝ប់​អ្យា​ហាន់​អុច​ជាន​តឹង​នូយ្ស​នហ៝ម់​មៃ​នើម​អុច‌ ជេង​ទី​កើត​នាវ​លែៈ​គែស​ញចីស​ជេស​លាស​មា​គ៝ប់​តា​ឆ៝ម់បុត​មៃ»»។
HEB 10:8 នាវ​វៃ​មោឆេ ​ដាៈ​ឞូនុយ្ស​ជាន​ឞ្រាស​ញហើរ​នទើ​អេងៗ នទ្រែល​មា​ជាន​ឞ្រាស​មា​នទើ​អេងៗ​គៃ​មា​ទាន់​កោរាញ​ឞ្រាស​យោៈ​មោ​ហោម​កើប​នាវ​តីស។ លាស​នទ្រី​មើម​ទឹង​ឞ្រាស​ក្រីស ​លាស​តា​ត្រ៝ង​អី​នៃ៖ “កោរាញ​ឞ្រាស​មោ​អុច​អោស​នទើ​ជាន​ឞ្រាស នទើ​ញហើរ នទើ​ញហើរ​គុច​ពូរ នអ៝ប់​មា​នទើ​ជាន​ឞ្រាស​មា​ទាន់​យោៈ​មោ​ហោម​កើប​នាវ​តីស​អី​នៃ ពាង់​មោ​អោស​រាម់​មា​នទើ​អី​នៃ”?
HEB 10:9 ឞើស​កើយ​នៃ​ឞ្រាស​ក្រីស ​លាស​ជឹត៖ “គ៝ប់​អ្យា​អុច​ជាន​តឹង​នូយ្ស​នហ៝ម់​មៃ​នើម​អុច”។ កើត​នទ្រី​ឞ្រាស​ក្រីស ​ជាវ​ឆាក់​ពាង់​នើម​មា​ជាន​ឞ្រាស​គៃ​មា​នត្រ៝ៈ​ទឹង​លែៈ​នទើ​អេងៗ​ឞូ​គែស​ញហើរ​ជាន​ឞ្រាស​នើស នទ្រី​នាវ​តឹម​រាង្លាប់​អើម​មោ​ហោម​អោស​គែស​នាវ​ខ្លៃ នាវ​តឹម​រាង្លាប់​មហែ​ទើម​គែស​នាវ​ខ្លៃ។
HEB 10:10 តឹង​នូយ្ស​នហ៝ម់​កោរាញ​ឞ្រាស​នើម​អុច ឞ្រាស​ក្រីស ​លែៈ​ញហើរ​ជេស​ឆាក់​ពាង់​នើម​មា​ជាន​ឞ្រាស​ទូ​តឹ​ទើម មោ​ហោម​អោស​ជាន​តៃ នាវ​ពាង់​លែៈ​ជេស​ជាន​នើស​អ៝ន់​ឞ៝ន់​ជេង​ប៝ន​លាន​ពាង់​នើម នទ្រី​ទឹង​ឞ៝ន់​មោ​ខាច់​អោស​ជាន​ឞ្រាស​នឹង​កើត​អើម។
HEB 10:11 តា​នាវ​តឹម​រាង្លាប់​អើម​ទឹង​លែៈ​មពោល​ជាន​ឞ្រាស​គុ​ជាន​ការ​តា​ញីស​ជាន​ឞ្រាស​អាប់​នារ​អាប់​នារ នទ្រែល​មា​ញហើរ​នទើ​ជាន​ឞ្រាស​កើត​អើម​នឹង​នែង​ទើម ឞ៝ល​លាស​នទើ​ជាន​ឞ្រាស​អី​នៃ​មោ​អោស​ទើយ​ងគ្រ៝ស​លើយ​នាវ​តីស។
HEB 10:12 យើន​មា​ឞ្រាស​ក្រីស ​ពាង់​ញហើរ​ឆាក់​ពាង់​នើម​ទូ​តឹ​ទើម​គៃ​មា​ជេង​នទើ​ជាន​ឞ្រាស ជេសរី​ពាង់​គុ​រាគើប​ឞើស​មា​តី​កោរាញ​ឞ្រាស​នើម។
HEB 10:13 អាបៃ​អ្យា​ឞ្រាស​ក្រីស ​ហោម​គុ​ក៝ប់​នហ៝​មា​ត៝ត់​កោរាញ​ឞ្រាស​ញុប​ក៝ត់​លើយ​ផូង​រាលាង់​ពាង់ អ៝ន់​គុ​តា​ន៝ម់​មពាង​ជ៝ង់​ឞ្រាស​ក្រីស ។
HEB 10:14 តាៈ​ឞើស​ពាង់​ទែ​ញហើរ​ឆាក់​ពាង់​នើម​មា​ជាន​ឞ្រាស​ទូ​តឹ​ទើម ទឹង​ផូង​ប៝ន​លាន​កោរាញ​ឞ្រាស​ជេង​ក្ល៝ស​លែៈ​តឹម​ទី​កែស​នហ៝​រ៝ ទឹង​លែៈ​នាវ​តីស​លែៈ​ងគ្រ៝ស​លើយ។
HEB 10:15 ឞ្រាស​ហ្វេង​អ្វែស​អី​ក្ល៝ស​អ្វែស​មឞើស​អ៝ន់​ឞ៝ន់​គឹត​នហេល​ដ៝ង់​មា​នាវ​អី​នៃ ពាង់​លាស​កើត​នអា​តា​នាវ​កោរាញ​ឞ្រាស​ងើយ៖
HEB 10:16 «កោរាញ​ឞ្រាស​លាស៖ «នារ​ជឹត​នាប់​តៃ គ៝ប់​ជាន​នាវ​តឹម​រាង្លាប់​មហែ​នទ្រែល​ខាន់​ពាង់​កើត​នអា៖ គ៝ប់​តេៈ​នាវ​វៃ​គ៝ប់​នើម​តា​នូយ្ស​នហ៝ម់​ខាន់​ពាង់‌ ញចីស​អ៝ន់​ការ់​តា​នាវ​មឹន​ខាន់​ពាង់»»។
HEB 10:17 ជេសរី​ពាង់​ងើយ​ជឹត៖ «នាវ​តីស​នាវ​ជាន​អ្យើស​ខាន់​ពាង់​នើស គ៝ប់​មរា​មោ​ហោម​អោស​កាស​គឹត​ជឹត»។
HEB 10:18 លាស​លែៈ​កោរាញ​ឞ្រាស​យោៈ​ហើយ្ស​មោ​ហោម​កើប​នាវ​តីស​ឞ៝ន់ លាស​នទ្រី​មោ​ហោម​អោស​ខាច់​ជាន​ឞ្រាស​មា​ទាន់​ពាង់​យោៈ​នាវ​តីស​ជឹត។
HEB 10:19 អើ​អ៝ស​នោ​តា​នាវ​ញឆីង លាស​នទ្រី​ឞ៝ន់​លែៈ​គែស​នូយ្ស​នហ៝ម់​ឞាញ់​មា​ហាន់​លាប់​តា​នតុក​អី​ទុត​ក្ល៝ស​អ្វែស​អី​នតុក​កោរាញ​ឞ្រាស នាវ​ឞាញ់​អី​នៃ​តាៈ​ឞើស​មហាម​ឞ្រាស​យេឆូ ​លែៈ​រាក្លាយ្ស​នាវ​តីស​ឞ៝ន់។
HEB 10:20 នទ្រី​ឞ៝ន់​លែៈ​គែស​ទូ​ត្រ៝ង​មហែ​ហាន់​ត៝ត់​តា​កោរាញ​ឞ្រាស​រ៝ ត្រ៝ង​អី​នៃ​អ៝ន់​គែស​នាវ​រេស។ អេ​ល៝រ​មា​ឞ្រាស​យេឆូ ​ខឹត​ហោម​អែ​គែស​ឞ៝ក​ងកីង​មោ​អ៝ន់​ឞូនុយ្ស​លាប់​តា​ជ្រោ​នតុក​ទុត​ក្ល៝ស​អ្វែស។ អាបៃ​អ្យា​ឞ៝ន់​មោ​ហោម​អោស​ឆៃ​គែស​ឞ៝ក​ងកីង យ៝រ​លាស​លែៈ​ឞ្រាស​យេឆូ ​ញហើរ​ឆាក់​ពាង់​នើម។
HEB 10:21 ឞ្រាស​យេឆូ ​ជេង​កោរាញ​ជាន​ឞ្រាស​ទុត​ក្វ៝ង់ ពាង់​ម៝ត់​អ្វាញ់​ឞ៝ន់​អី​ផូង​ប៝ន​លាន​កោរាញ​ឞ្រាស​នើម‌
HEB 10:22 កើត​នទ្រី​អ៝ន់​ឞ៝ន់​ហាន់​ត៝ត់​តា​កោរាញ​ឞ្រាស​នើម​ហ៝ៈ នអ៝ប់​មា​គែស​នូយ្ស​នហ៝ម់​ញឆីង​មា​ពាង់​ន៝ប់​រាក៝ក់​ងាន់ យ៝រ​លាស​នូយ្ស​នហ៝ម់​ឞ៝ន់​លែៈ​តឹម​ឞាន​មា​គែស​មហាម​ឞ្រាស​ក្រីស ​អ្យ្រាស គៃ​មា​ជូត​លើយ​នាវ​មឹន​អី​ហោម​កាស​គឹត​នទើ​ជាន​អ្យើស​នើស ជេសរី​ឆាក់​ជាន់​ឞ៝ន់​លែៈ​តឹម​ឞាន​មា​គែស​រាវ​ក្ល៝ស​មា​ទាក។
HEB 10:23 អ៝ន់​ឞ៝ន់​គែស​នាវ​រានើម​ន៝ប់​រាក៝ក់​មា​នាវ​អី​ឞ៝ន់​មឞើស​ងក៝ច​នាវ​កោរាញ​ឞ្រាស​អុច​អ៝ន់​តៃ យ៝រ​លាស​ម៝ស​នាវ​កោរាញ​ឞ្រាស​លែៈ​ជេស​ត៝ន ពាង់​ជាន​រាប់​ជាប់​ងាន់។
HEB 10:24 អ៝ន់​ឞ៝ន់​តឹម​ម៝ត់​តឹម​អ្វាញ់​នទ្រាង់​នើម គៃ​មា​តឹម​ញឆុក​ញឆោរ​អ៝ន់​គែស​នូយ្ស​នហ៝ម់​រ៝ង់​មា​ឞូ នទ្រែល​មា​ជាន​នទើ​អ្វែស។
HEB 10:25 លើយ​នត្លើយ​អោស​នាវ​តឹម​រាបុន​កើត​មា​ឞូ​អាបាៈ​លែៈ​នត្លើយ អ៝ន់​ឞ៝ន់​លើ​មា​ហោ​តឹម​នហាវ​នូយ្ស​នទ្រាង់​នើម​លើ​មា​ហោ យ៝រ​លាស​ឞ៝ន់​លែៈ​គឹត​នារ​កោរាញ​ឞ្រាស​ត៝ត់​ឞើយ​មា​ត៝ត់​ងាន់។
HEB 10:26 លាស​ឞ៝ន់​លែៈ​គឹត​នាល់​ជេស​នាវ​ងាន់ ជេសរី​ហោម​ទាង់​ក៝​ព្លឹ​ជាន​តីស​តៃ​ជឹត តា​នៃ​មោ​ហោម​អោស​គែស​នទើ​ជាន​ឞ្រាស​អា​អេង​ជឹត​មា​ទើយ​កើល​រាក្លាយ្ស​ឞើស​នាវ​តីស‌
HEB 10:27 ទើន​គុ​ក៝ប់​មា​នាវ​ក្រីត​មា​នាវ​ក្លាច គុ​ក៝ប់​មា​នាវ​ផាត​ទោយ្ស នទ្រែល​មា​គុ​ក៝ប់​មា​អុញ​អី​ទុត​ហីត​អី​មរា​ឆា​មា​ផូង​តឹម​រាទ៝ង់​ដាស​កោរាញ​ឞ្រាស​នៃ​ទើម!
HEB 10:28 ឞូ​ម៝ស​អី​តឹម​រាលាច់​ជាន​រាលាវ​នាវ​វៃ​មោឆេ  ពាង់​អី​នៃ​ឞូ​ងខឹត​លើយ​រ៝​មោ​ហោម​អោស​រ៝ង​រេស មោ​អោស​យោៈ លាស​គែស​ឞូនុយ្ស​អី​តើម​ឆៃ​ឞារ​ហៃ មោ​លាស​ពែ​នុយ្ស។
HEB 10:29 លាស​នទ្រី​ល៝ង់​ខាន់​អៃ​មៃ​ងក្ល៝ន់ លាស​ឞូ​ម៝ស​អី​មឺច​រាម៝ត​ក៝ន​កោរាញ​ឞ្រាស​នើម មឺច​រាម៝ត​មហាម​នាវ​តឹម​រាង្លាប់​ពាង់​អី​ជាន​អ៝ន់​ឞ៝ន់​ក្ល៝ស​អ្វែស ជេសរី​មឺច​រាម៝ត​ឞ្រាស​ហ្វេង​អ្វែស​អី​លែវ​នាវ​អ្វែស​កោរាញ​ឞ្រាស​នើម​តា​ឞ៝ន់ អ្វាញ់​នទើ​នៃ​តឹម​ឞាន​មា​មោ​អោស​ខ្លៃ នទ្រី​ឞូនុយ្ស​អី​នៃ​មរា​គែស​ទោយ្ស​ជ្រូ​រាលាវ​មា​អី​នៃ​ងាន់!
HEB 10:30 យ៝រ​លាស​ឞ៝ន់​គឹត​នាល់​កោរាញ​ឞ្រាស​អី​លាស​កើត​នអា៖ «នាវ​តឹម​ព្លើង​ទុត​តា​គ៝ប់​នើម គ៝ប់​នើម​ព្លើង​មា​ឞូ» ជេសរី​លែៈ​គែស​ញចីស​លាស​កើត​នអា​ដ៝ង់៖ «កោរាញ​ឞ្រាស​មរា​ផាត​ទោយ្ស​ផូង​ប៝ន​លាន​ពាង់​នើម»។
HEB 10:31 គែស​នាវ​ទុត​ក្លាច​ងាន់ ឞូ​ម៝ស​អី​កោរាញ​ឞ្រាស​នើម​ញុប​តេៈ​ទោយ្ស យ៝រ​លាស​ពាង់​អី​ឞ្រាស​រេស​ងាន់។
HEB 10:32 អ៝ន់​ខាន់​អៃ​មៃ​ហោម​កាស​គឹត នោក​ខាន់​អៃ​មៃ​នតើម​ឆឹត​ញឆីង​ឞើស​អា​ល៝រ​នើស ឞ៝ល​លាស​គែស​អ៝ក់​នាវ​ជេរ​ជ៝ត់​ងាន់ ខាន់​អៃ​មៃ​ហោម​គុ​ន៝ប់​តា​នាវ​ញឆីង។
HEB 10:33 គែស​ដ៝ង់​ឞូ​មឺច​រាម៝ត​ខាន់​អៃ​មៃ​តា​ងក្លាង​ឞាល់​ផូង នអ៝ប់​មា​ជាន​អ្យើស គែស​ដ៝ង់​ខាន់​អៃ​មៃ​លែៈ​កើល​ឞូនុយ្ស​អី​ឞូ​ជាន​ជេរ​កើត​នៃ​ដ៝ង់។
HEB 10:34 នោក​នៃ​ខាន់​អៃ​មៃ​យោៈ​នអាច​មា​មពោល​អី​គែស​នទ្រូង ជេសរី​គែស​នូយ្ស​នហ៝ម់​រាម់​មអាក​មា​នាវ​ឞូ​ឆ៝ៈ​អូយ្ស​ទ្រាប់​នទើ​ខាន់​អៃ​មៃ​នើម យ៝រ​លាស​ខាន់​អៃ​មៃ​លែៈ​គឹត​នហេល​ជេស​គែស​ទ្រាប់​នទើ​តា​ប៝ន​អ្វែស​តា​កាលើ​ជេង​ទ្រាប់​នទើ​អី​អ្វែស​រាលាវ ជេសរី​ហោម​នហ៝​រ៝។
HEB 10:35 លាស​នទ្រី​លើយ​មអារ់​អោស​នូយ្ស​នហ៝ម់​ខាន់​អៃ​មៃ​ញឆីង​ន៝ប់ យ៝រ​លាស​នាវ​ញឆីង​អី​នៃ​ជេង​គែស​នាវ​ងខោម​ទុត​ក្វ៝ង់​ងាន់។
HEB 10:36 អ៝ន់​ខាន់​អៃ​មៃ​គុ​ន៝ប់​ឞ៝ល​លាស​គែស​នាវ​ជេរ គៃ​មា​ជាន​ជេស​ផ្យៅ​នាវ​កោរាញ​ឞ្រាស​នើម​អុច ជេសរី​ពាង់​មរា​អ៝ន់​ខាន់​អៃ​មៃ​នទើ​អី​ពាង់​លែៈ​ត៝ន។
HEB 10:37 យ៝រ​លាស​កោរាញ​ឞ្រាស​លែៈ​លាស​នើស៖ «ហោម​ទូ​ប្ល៝ត់​ជឹត​មរា​លោច​ងាន់‌ នើម​អី​វាច់ ពាង់​វាច់​ងាន់​រ៝ មោ​អោស​មឞ្រែៈ​មឞ្រើយ។
HEB 10:38 យើន​មា​ផូង​ប៝ន​លាន​គ៝ប់​អី​គុ​ឆ៝ង់​មរា​គែស​នាវ​រេស​យ៝រ​មា​នាវ​ញឆីង​មា​គ៝ប់‌ តីស​មា​ឞូ​ម៝ស​អី​ព្លឹ​ជឹត​កើយ នូយ្ស​នហ៝ម់​គ៝ប់​មោ​អោស​រាម់​មា​ពាង់​អី​នៃ»។
HEB 10:39 យើន​មា​ឞ៝ន់ ឞ៝ន់​មោ​អោស​ទី​ឞូនុយ្ស​អី​ព្លឹ​ជឹត​កើយ​អី​រ៝ស​ហេង​នៃ ឞ៝ន់​ជេង​ឞូនុយ្ស​អី​គែស​នាវ​ញឆីង នទ្រី​ក្លាយ្ស​ឞើស​នាវ​កោរាញ​ឞ្រាស​តេៈ​ទោយ្ស។
HEB 11:1 លាស​ឞ៝ន់​ញឆីង​មា​កោរាញ​ឞ្រាស ឞ៝ន់​ញអោត​ទុត​ន៝ប់​មា​នទើ​អី​ឞ៝ន់​រានើម​មរា​គែស​ងាន់​រ៝ ជេសរី​ឞ៝ន់​គឹត​នហេល​នានេៈ​ងាន់ នទើ​អី​ឞ៝ន់​អ្វាញ់​មោ​ឆៃ យើន​មា​គែស​ងាន់។
HEB 11:2 ផូង​អូ​ចែ​ឞ៝ន់​កាល់​អែ​នើស​គែស​នាវ​ញឆីង​មា​កោរាញ​ឞ្រាស នទ្រី​ទឹង​កោរាញ​ឞ្រាស​រានេ​ខាន់​ពាង់។
HEB 11:3 យ៝រ​មា​ឞ៝ន់​ញឆីង ឞ៝ន់​គឹត​ទឹង​លែៈ​នទើ​គែស​ញជេង ជេង​តាៈ​ឞើស​នាវ​ងើយ​កោរាញ​ឞ្រាស​នើម។ កើត​នទ្រី​ទឹង​លែៈ​នទើ​អី​ឞ៝ន់​អ្វាញ់​ឆៃ​អ្យា មោ​អោស​ទី​គែស​ឞើស​នទើ​អី​លែៈ​ឆៃ។
HEB 11:4 យ៝រ​មា​នាវ​ញឆីង ទឹង​នទើ​ជាន​ឞ្រាស​អាបែល ​ញហើរ​មា​កោរាញ​ឞ្រាស កោរាញ​ឞ្រាស​ឆ៝ៈ​ទើន តីស​មា​នទើ​ជាន​ឞ្រាស​កាអីន ​អី​នោ​អាបែល ​នើស កោរាញ​ឞ្រាស​មោ​អោស​ឆ៝ៈ​ទើន។ យ៝រ​មា​នាវ​ញឆីង​អី​នៃ​កោរាញ​ឞ្រាស​រានេ​អាបែល ​កើប​ពាង់​ជេង​ឞូនុយ្ស​ឆ៝ង់។ ជេសរី​កោរាញ​ឞ្រាស​រានេ​មា​នទើ​ញហើរ​ពាង់។ នទ្រី​នាវ​ញឆីង​ពាង់​នៃ​អ៝ន់​ឞ៝ន់​ហោម​កាស​គឹត​មា​នាវ​ខ្លៃ​តា​នាវ​ញឆីង ឞ៝ល​លាស​ពាង់​លែៈ​ខឹត​កាដោយ។
HEB 11:5 យ៝រ​មា​នាវ​ញឆីង ទឹង​កោរាញ​ឞ្រាស​ពឺ​ហេនុក ​ហាវ​តា​កាលើ​ត្រោក​អី​នតុក​កោរាញ​ឞ្រាស​នើម ពាង់​មោ​ខឹត​អោស ឞូ​មោ​ហោម​ឆៃ​ពាង់​ដ៝ង់ យ៝រ​លាស​លែៈ​កោរាញ​ឞ្រាស​ទែ​ពឺ។ លែៈ​គែស​ញចីស​តា​នាវ​កោរាញ​ឞ្រាស​ងើយ​លាស អេ​ល៝រ​មា​កោរាញ​ឞ្រាស​ពឺ​ពាង់​ហាវ​តា​កាលើ កោរាញ​ឞ្រាស​រាម់​មា​ពាង់។
HEB 11:6 ឞូនុយ្ស​អី​មោ​អោស​គែស​នាវ​ញឆីង កោរាញ​ឞ្រាស​មោ​អោស​រាម់។ ឞូនុយ្ស​អី​ហាន់​អា​កោរាញ​ឞ្រាស អ្យាត់​មា​ញឆីង​លាស​គែស​កោរាញ​ឞ្រាស​ងាន់ ជេសរី​ញឆីង​កោរាញ​ឞ្រាស​អ៝ន់​នទើ​ងខោម​មា​ឞូ​ម៝ស​អី​ជ៝យ​ពាង់។
HEB 11:7 យ៝រ​មា​នាវ​ញឆីង នោអេ ​ជាន​ទូ​មល៝ម់​ទូក​ទុត​ក្វ៝ង់​គៃ​មា​រាក្លាយ្ស​រានាក់​វ៝ល់​ពាង់​នើម​ឞើស​ទាក​លេង​ទាក​ទើង ពាង់​ក្លាច​យើក ពាង់​អ្យាត់​ងាន់​នាវ​កោរាញ​ឞ្រាស​មឞើស​ងក៝ច​អ៝ន់​ពាង់​គឹត​ល៝រ ជេសរី​ជាន​តឹង ឞ៝ល​លាស​អេ​ហ៝ៈ​ឆៃ​នាវ​អី​មឞើស​ងក៝ច​នៃ​កាដោយ។ នាវ​ពាង់​ញឆីង​កើត​នៃ ញហើ​ទី​មា​កោរាញ​ឞ្រាស​តេៈ​ទោយ្ស​ទឹង​លែៈ​ឞូនុយ្ស​តា​នែស​នតូ យ៝រ​លាស​ខាន់​ពាង់​មោ​អោស​ញឆីង​មា​នាវ​នោអេ ​មឞើស​ងក៝ច ជេសរី​កោរាញ​ឞ្រាស​កើប​នោអេ ​ជេង​ឆ៝ង់​យ៝រ​នាវ​ពាង់​ញឆីង។
HEB 11:8 យ៝រ​មា​នាវ​ញឆីង អាឞ្រាហាម់ ​អ្យាត់​នាវ​កោរាញ​ឞ្រាស​ដាៈ នោក​កោរាញ​ឞ្រាស​ដាៈ​ពាង់​លោស​ឞើស​ឞ្រី​ពាង់​នើម​ហាន់​ជឹត​ឞ្រី​អេង ឞ៝ល​លាស​ពាង់​មោ​អោស​គឹត​នតុក​ឞ្រី​ពាង់​ហាន់ កោរាញ​ឞ្រាស​មាន​មា​មឞើស​ងក៝ច​មរា​អ៝ន់​ឞ្រី​អា​អេង​មា​ពាង់​ជេង​នទើ​ពាង់​នើម ងក្រែ​មា​ត៝ត់​ក៝ន​ត៝ត់​ឆៅ​ពាង់។
HEB 11:9 យ៝រ​មា​នាវ​ញឆីង ពាង់​គុ​តា​ឞ្រី​នតុក​កោរាញ​ឞ្រាស​លែៈ​ជេស​ត៝ន​អ៝ន់​មា​ពាង់ ពាង់​គុ​តា​ចូន​ឞ៝ក តឹម​ឞាន​មា​គុ​វែស​ឞិច​តា​ឞ្រី​ឞូ​អេង យ៝រ​លាស​កោរាញ​ឞ្រាស​អេ​ហ៝ៈ​អ៝ន់​ងាន់​ឞ្រី​ទាក​អី​នៃ​មា​ពាង់ យើន​មា​ពាង់​ញឆីង​ងាន់​កោរាញ​ឞ្រាស​មរា​អ៝ន់​ជឹត​នាប់​តៃ។ ក៝ន​ពាង់​អីឆាក់  នទ្រែល​មា​យាកោប ​អី​ឆៅ​ពាង់​ហោម​គុ​តា​ចូន​ឞ៝ក​គែស​នាវ​ញឆីង​កើត​នៃ​ដ៝ង់ យ៝រ​លាស​កោរាញ​ឞ្រាស​លែៈ​ជេស​ត៝ន​អ៝ន់​មា​ខាន់​ពាង់​ដ៝ង់។
HEB 11:10 អាឞ្រាហាម់ ​គុ​កើត​នៃ​យ៝រ​មា​ពាង់​លែៈ​គឹត​នហេល​នានេៈ​ងាន់​នារ​ជឹត​នាប់​តៃ​ពាង់​គុ​តា​ប៝ន​អ្វែស​តា​កាលើ​អី​នហ៝​រ៝ អី​កោរាញ​ឞ្រាស​នើម​លែៈ​នទ្រាប់ លែៈ​រាទ៝ក់​ញជេង។
HEB 11:11 យ៝រ​មា​នាវ​ញឆីង ឆារា ​អី​អូរ​អាឞ្រាហាម់ ​ហោម​ឞាៈ​ក៝ន ឞ៝ល​លាស​ពាង់​លែៈ​រាញ​ងាន់​កាដោយ នអ៝ប់​មា​ជេង​ឞូ​អូរ​មោ​ឞាៈ​ក៝ន។ យ៝រ​លាស​ពាង់​ញឆីង​មា​នាវ​កោរាញ​ឞ្រាស​លែៈ​ជេស​ត៝ន ញឆីង​មា​កោរាញ​ឞ្រាស​អី​រាប់​ជាប់ កោរាញ​ឞ្រាស​ជាន​កើត​នៃ​ងាន់​ដ៝ង់។
HEB 11:12 ជេសរី​តាៈ​ឞើស​អាឞ្រាហាម់ ​អី​លែៈ​រាញ​ឞើយ​មា​ខឹត​នៃ ជេង​គែស​ឞូនុយ្ស​ទូ​ផូង​ទុត​អ៝ក់​តឹម​ឞាន​មា​អ៝ក់​មាញ់​កាលើ​ត្រោក នទ្រែល​មា​តឹម​ឞាន​មា​អ៝ក់​ច៝យ្ស​រាគ៝ៈ​ទាក​វាច់​ទាក​វារ់ មោ​ហោម​ឞ្លាវ​កើប។
HEB 11:13 ទឹង​លែៈ​ខាន់​ពាង់​អី​នៃ​ខឹត​លែៈ​ផ្យៅ​នអ៝ប់​មា​ហោម​គែស​នាវ​ញឆីង​កើត​អើម​មរា​ឆ៝ៈ​ទើន​នទើ​កោរាញ​ឞ្រាស​លែៈ​ត៝ន ឞ៝ល​លាស​ខាន់​ពាង់​អេ​ហ៝ៈ​អោស​គែស​ឆ៝ៈ​ទើន​តា​នែស​នតូ​អ្យា។ ខាន់​ពាង់​មាន​មា​គឹត​ល៝រ​នទើ​អី​នៃ​មរា​គែស​ងាន់ ខាន់​ពាង់​តឹម​ឞាន​មា​ឆៃ​នទើ​អី​នៃ​ឞើស​ងាយ ជេសរី​រាម់​មអាក​នទើ​អី​នៃ។ ខាន់​ពាង់​ញហើ​ឆាក់​ខាន់​ពាង់​នើម​គុ​រេស​តា​នែស​នតូ​អ្យា​ជេង​តឹម​ឞាន​មា​ឞូនុយ្ស​ឞូ​នាច់​ឞ្រី​អេង​វែស​ឞិច​ទើម។
HEB 11:14 ឞូ​ម៝ស​អី​គុ​រេស​កើត​នៃ ជេង​ញហើ​ពាង់​ហោម​ជ៝យ​ឞ្រី​មា​ពាង់​នើម។
HEB 11:15 លាស​ខាន់​ពាង់​ហោម​ងក្ល៝ន់​អុច​ព្លឹ​ឆឹត​តៃ​តា​ឞ្រី​ខាន់​ពាង់​នើម​លែៈ​លោស​នៃ​នើស ខាន់​ពាង់​ហោម​ទើយ​ព្លឹ។
HEB 11:16 យើន​មា​ខាន់​ពាង់​ហោម​ជ៝យ​ទូ​នតុក​អី​អ្វែស​រាលាវ ជេង​ប៝ន​អ្វែស​តា​កាលើ។ កើត​នទ្រី​ទឹង​កោរាញ​ឞ្រាស​មោ​អោស​ដីត​ព្រេង​ខាន់​ពាង់​ក្វាល់​ពាង់​អី​ឞ្រាស​មា​ខាន់​ពាង់ យ៝រ​លាស​លែៈ​ពាង់​នទ្រាប់​ជេស​ទូ​មល៝ម់​ប៝ន​អ៝ន់​មា​ខាន់​ពាង់​អី​នៃ​គុ។
HEB 11:17 យ៝រ​មា​នាវ​ញឆីង អាឞ្រាហាម់ ​ឆ៝ៈ​ក៝ន​ពាង់​នើម​អីឆាក់ ​មា​ជាន​ឞ្រាស​ញហើរ​មា​កោរាញ​ឞ្រាស នោក​កោរាញ​ឞ្រាស​រាល៝ង​ពាង់។ កោរាញ​ឞ្រាស​លែៈ​អើម​ត៝ន​ក៝ន​អី​នៃ​មា​ពាង់ យើន​មា​ពាង់​លែៈ​អុច​ញហើរ​ក៝ន​ពាង់​នើម​អើម​ង្វាយ​អឹ​ទើម‌
HEB 11:18 ឞ៝ល​លាស​កោរាញ​ឞ្រាស​លែៈ​ជេស​លាស​មា​ពាង់​កើត​នអា៖ «រាន៝យ​ទែស​អ៝ក់​អី​គ៝ប់​ត៝ន​មា​មៃ ជេង​តាៈ​ឞើស​អីឆាក់ »​កាដោយ។
HEB 11:19 ពាង់​គឹត​កោរាញ​ឞ្រាស​ទើយ​ជាន​ឞូនុយ្ស​ខឹត​អ៝ន់​ទ៝ក់​រេស ជេសរី​ពាង់​ឆ៝ៈ​តៃ​ក៝ន​អី​នៃ​តឹម​ឞាន​មា​តាៈ​ឞើស​ខឹត។
HEB 11:20 យ៝រ​មា​នាវ​ញឆីង អីឆាក់ ​មឞើស​មា​ឞារ​ហៃ​ក៝ន​ពាង់​នើម យាកោប  នទ្រែល​មា​អេឆាវ  កោរាញ​ឞ្រាស​មរា​អ៝ន់​នាវ​គែស​ជេង​មា​ខាន់​ពាង់​តា​នារ​ជឹត​នាប់​តៃ។
HEB 11:21 យ៝រ​មា​នាវ​ញឆីង យាកោប ​មឞើស​មា​ឞារ​ហៃ​អី​ឆៅ​ជេង​អី​ក៝ន​យោឆែប  កោរាញ​ឞ្រាស​មរា​អ៝ន់​នាវ​គែស​ជេង​មា​ខាន់​ពាង់​តា​នារ​ជឹត​នាប់​តៃ នោក​នៃ​យាកោប ​ឞើយ​ខឹត ពាង់​យើក​មឞាស​កោរាញ​ឞ្រាស​នអ៝ប់​មា​ក្វាន់​រាទ៝ង់​ម៝ង់​ជ្រា​ពាង់​នើម។
HEB 11:22 យ៝រ​មា​នាវ​ញឆីង យោឆែប ​នតិញ​លើយ​ផូង​អីឆ្រាអែល ​មា​នាវ​ខាន់​ពាង់​មរា​លោស​ឞើស​ឞ្រី​អេឆីប  ដាៈ​ខាន់​ពាង់​ញអោត​នតីង​ពាង់​ដ៝ង់ នោក​នៃ​ពាង់​ឞើយ​មា​តាច់​នហ៝ម់។
HEB 11:23 យ៝រ​មា​នាវ​ញឆីង មេៈ​ឞឹ​មោឆេ ​ពោន​ពាង់​ជេស​គុ​ពាង់​ពែ​ខៃ យ៝រ​មា​ឆៃ​ពាង់​អ្វែស​រាម៝ង់​ងាន់ មោ​ក្លាច​អោស​នាវ​កាដាច់​លែៈ​ដាៈ​អ៝ន់​ងខឹត​លើយ​ទឹង​លែៈ​អ៝ស​ឞេ​ឞូ​ក្លោ។
HEB 11:24 យ៝រ​មា​នាវ​ញឆីង មោឆេ ​នោក​ពាង់​លែៈ​នទាម់ ពាង់​រាលាច់​មោ​អោស​អ៝ន់​ឞូ​ក្វាល់​ពាង់​អី​ក៝ន ក៝ន​ឞូ​អូរ​ផារ៝ន ​អី​កាដាច់​ផូង​អេឆីប ។
HEB 11:25 ពាង់​អុច​រាលាវ​ឆ៝ៈ​ទើន​នាវ​ជេរ​ជ៝ត់​នទ្រែល​ផូង​អីឆ្រាអែល ​អី​ប៝ន​លាន​កោរាញ​ឞ្រាស​នើម ដាស​មា​គែស​នាវ​រាម់​មអាក​គុ​រេស​តា​នែស​នតូ​ទើម។
HEB 11:26 ពាង់​អុច​នាវ​ឞូ​មឺច​រាម៝ត​យ៝រ​មា​ពាង់​ញឆីង​កោរាញ​ឞ្រាស​មរា​ដាៈ​ទូ​ហ្វេ​ឞ្រាស​ក្រីស ​វាច់​តា​នារ​ជឹត​នាប់​តៃ រាលាវ​មា​គែស​ទឹង​លែៈ​ទ្រាប់​នទើ​តា​ឞ្រី​អេឆីប  យ៝រ​លាស​ពាង់​គឹត​មា​នទើ​ងខោម​កោរាញ​ឞ្រាស​មរា​អ៝ន់​មា​ពាង់​តា​នារ​ជឹត​នាប់​តៃ។
HEB 11:27 យ៝រ​មា​នាវ​ញឆីង ពាង់​ទូ​លោស​ឞើស​ឞ្រី​អេឆីប ​មោ​ក្លាច​អោស​កាដាច់​ជី​នូយ្ស ពាង់​គុ​ន៝ប់​ឞ៝ល​លាស​គែស​នាវ​ជេរ តឹម​ឞាន​មា​អ្វាញ់​កោរាញ​ឞ្រាស​ឆៃ អី​ឞូនុយ្ស​អ្វាញ់​មោ​ទើយ​ឆៃ។
HEB 11:28 យ៝រ​មា​នាវ​ញឆីង ពាង់​ដាៈ​ផូង​អីឆ្រាអែល ​ជាន​បុន​នហ៝ត នអ៝ប់​មា​ហឹង​មហាម​តា​ឞោក​មពោង​ជៃ​គៃ​មា​លើយ​អ៝ន់​នើម​ងគ្រ៝ស​លាប់​ងខឹត​លើយ​ក៝ន​ឞូ​ក្លោ​ឞោក​ទាក​ខាន់​ពាង់​នើម។
HEB 11:29 យ៝រ​មា​នាវ​ញឆីង ផូង​ប៝ន​លាន​អីឆ្រាអែល ​ហាន់​លាប់​រ៝ៈ​ទាក​វាច់​ទាក​វារ់​ចាង់ តឹម​ឞាន​មា​ហាន់​រ៝ៈ​កើស ល៝ង់​ផូង​អេឆីប ​រាល៝ង​លាប់​ដ៝ង់ តីស​មា​រាម៝ក​ទាក​ឞុក​លែៈ​ផ្យៅ។
HEB 11:30 យ៝រ​មា​នាវ​ញឆីង ផូង​អីឆ្រាអែល ​លែវ​ឞាល់​ហាន់​ជុម​ប៝ន​យេរីខោ ​ពើស​នារ ជេសរី​មពេរ​ប៝ន​អី​នៃ​រាល៝ម់​លែៈ​ផ្យៅ។
HEB 11:31 យ៝រ​មា​នាវ​ញឆីង ឞូ​អូរ​វាង់​តឹរ​រាញា​ពាង់​រាហាប់ ​តា​ប៝ន​យេរីខោ ​នៃ មោ​អោស​ខឹត​រ៝ស​ហេង​នទ្រែល​ផូង​ប៝ន​អី​នៃ​អី​តឹម​រាទ៝ង់​ដាស​កោរាញ​ឞ្រាស យ៝រ​លាស​ពាង់​លែៈ​រ៝ម​ឞារ​ហៃ​ផូង​អីឆ្រាអែល ​អី​ហាន់​អ្វាញ់​នតុង​តា​ឞ្រី​នៃ​គៃ​មា​នទ្រាប់​លើស។
HEB 11:32 គ៝ប់​មោ​ហោម​អោស​ទើយ​មឞើស​ងក៝ច​នាវ​ឞូនុយ្ស​អេង​ជឹត មោ​គែស​ម៝ង​មា​មឞើស​ងក៝ច​នាវ​កេដៀន  នាវ​បារាក់  នាវ​ឆាម់ឆុន  នាវ​យែបថា  នាវ​កាដាច់​ដាវីត  នាវ​ឆាម់មោអែល  នទ្រែល​មា​នាវ​មពោល​ឞូនុយ្ស​នតើយ្ស​នាវ​ងើយ​កោរាញ​ឞ្រាស។
HEB 11:33 យ៝រ​មា​នាវ​ញឆីង ទឹង​លែៈ​ខាន់​ពាង់​អី​នៃ​គែស​នាវ​ទើយ​អេងៗ​ឞាល់ លែៈ​ទើយ​តឹម​លើស​ដាស​ឞ្រី​ទាក​អេងៗ ម៝ត់​អ្វាញ់​ឞូ​មា​នាវ​ឆ៝ង់ ឆ៝ៈ​ទើន​នទើ​កោរាញ​ឞ្រាស​លែៈ​ត៝ន ហោម​រេស​ឞ៝ល​លាស​គុ​ដាស​យៅ​មុរ​ផូង‌
HEB 11:34 លែៈ​ញហាត់​អុញ​ហីត​ទុត​ហោ លែៈ​ក្លាយ្ស​ឞើស​មាត់​ដាវ លែៈ​គែស​ឆ្វាន​ទាង់​ទោល​មោ​ហោម​គែស​នហ៝ម់​ឆ្វាន លែៈ​ទើយ​នោក​តឹម​លើស ជាន​អ៝ន់​ផូង​តាហែន​ផូង​រាលាង់​ញច្វាត់​ចាស​ច្រាយ​លែៈ​ផ្យៅ។
HEB 11:35 គែស​ឞូ​អូរ​អាបាៈ​ឆៃ​អី​នទុល​មពោល​ខាន់​ពាង់​នើម​លែៈ​ខឹត​នៃ​លែៈ​ទ៝ក់​រេស​តៃ។ ឞូនុយ្ស​អាបាៈ​ឞូ​ជាន​ជេរ​ជ៝ត់​ត៝ត់​ខឹត​យ៝រ​មា​ញឆីង​មា​កោរាញ​ឞ្រាស ខាន់​ពាង់​មោ​អោស​នត្លើយ​នាវ​ញឆីង​អី​នៃ​គៃ​មា​ឞូ​បើក យ៝រ​លាស​ខាន់​ពាង់​រានើម​មរា​គែស​នាវ​រេស​អី​អ្វែស​រាលាវ​ជេស​ទ៝ក់​រេស​តៃ។
HEB 11:36 ឞូនុយ្ស​អាបាៈ​ជឹត​ឞូ​គើម​មឺច​រាម៝ត នអ៝ប់​មា​ឞូ​មឞាង​មា​ម៝ង់​រាឆែ ឞូនុយ្ស​អាបាៈ​ជឹត​ឞូ​ងកោង​តេៈ​ត្រោម​នទ្រូង។
HEB 11:37 ឞូនុយ្ស​អាបាៈ​ឞូ​ងខឹត​នតុប​មា​លុ អាបាៈ​ឞូ​ងខឹត​ក៝ស​មា​រានា​តាច់​ងគូល​ឆាក់ អាបាៈ​ឞូ​ងខឹត​មា​ដាវ។ អាបាៈ​ទូ​ទែ​ងគ្លាៈ​ទែ​ងគ្លើត ឆ៝ៈ​នតោ​ឞែ​ឞ្យាប់ នទ្រែល​មា​នតោ​ឞែ​ទើម​ញឆ៝ស​ងគូត ក្រ៝​អ៝​អាច​ហោ​ងាន់ ឞូ​តុន​ជ៝ត​ឞូ​លើស​អ្យើស។
HEB 11:38 ខាន់​ពាង់​ទាស​មា​ទូ​ទែ​ងគ្លាៈ​ទែ​ងគ្លើត​រ៝ៈ​ឞ្រី​រាទាស រ៝ៈ​យោក គុ​នទែ​រ៝ៈ​ត្រោម​យោក​ត្រោម​នែស។ ផូង​ឞូនុយ្ស​អី​មោ​ញឆីង​មា​កោរាញ​ឞ្រាស​តា​នែស​នតូ​អ្យា​មោ​អោស​ទី​មា​គុ​នទ្រែល​ខាន់​ពាង់។
HEB 11:39 កោរាញ​ឞ្រាស​រាម់​មអាក​មា​ទឹង​លែៈ​ឞូនុយ្ស​អី​នៃ យ៝រ​មា​នាវ​ខាន់​ពាង់​ញឆីង យើន​មា​ទឹង​លែៈ​ខាន់​ពាង់​អី​នៃ​មោ​អោស​ឆ៝ៈ​ទើន​នាវ​អី​កោរាញ​ឞ្រាស​លែៈ​ត៝ន​នៃ‌
HEB 11:40 យ៝រ​លាស​កោរាញ​ឞ្រាស​លែៈ​ជេស​នទ្រាប់​នទើ​អី​អ្វែស​រាលាវ នទើ​អី​នៃ​ពាង់​អុច​អ៝ន់​មា​ឞ៝ន់​នទ្រែល​ខាន់​ពាង់​ទឹង​លែៈ​មា​ឞាល់​តា​នារ​ជឹត​នាប់​តៃ នទ្រី​ទឹង​ពាង់​ក៝ប់​ត៝ត់​ឞ៝ន់​ទី​មា​ឆ៝ៈ​ទើន​នទើ​អី​នៃ​នទ្រែល​ខាន់​ពាង់​ដ៝ង់។
HEB 12:1 ទឹង​លែៈ​ខាន់​ពាង់​អី​ញឆីង​ន៝ប់​មា​កោរាញ​ឞ្រាស​កាល់​អែ​នៃ​នើស អាបៃ​អ្យា​តឹម​ឞាន​មា​គុ​អ្វាញ់​ជុម​ឞ៝ន់ លាស​នទ្រី​អ៝ន់​ឞ៝ន់​មអារ់​លើយ​ទឹង​លែៈ​នទើ​អី​រាខ្វាក​ឞ៝ន់​តា​នាវ​ញឆីង នទ្រែល​មា​នាវ​តីស​អី​អុច​ក្រេប​តា​ឞ៝ន់ ជេសរី​អ៝ន់​ឞ៝ន់​ញឆ្រោយ្ស​គុ​ងាវ​អ៝ន់​តឹម​ទី​ដាស​កោរាញ​ឞ្រាស​អុច តឹម​ឞាន​មា​ឞូនុយ្ស​ញឆ្រោយ្ស​ញច្វាត់​តា​នាវ​តឹម​រាល៝ង។
HEB 12:2 អ៝ន់​អ្វាញ់​នឹង​ជឹត​ឞ្រាស​យេឆូ ​អី​នើម​តើម​នាវ​ញឆីង​ហ៝ៈ នាវ​ឞ៝ន់​ញឆីង​តាៈ​ឞើស​ពាង់ ជេសរី​ពាង់​ឆើម​កើល​ឞ៝ន់​អ៝ន់​គែស​នាវ​ញឆីង​ទុត​ន៝ប់​ដ៝ង់។ ពាង់​ឆ៝ៈ​ទើន​នាវ​ជេរ​ជ៝ត់​តា​ឆី​តឹម​រាកាង់ ពាង់​មោ​អោស​ក្លាច​នាវ​ដីត​ព្រេង​មា​នាវ​អី​នៃ យ៝រ​លាស​ពាង់​មឹន​មា​នាវ​រាម់​មអាក​អី​ហោម​ជឹត​នាប់​តៃ ជេសរី​អាបៃ​អ្យា​ពាង់​លែៈ​គុ​ជេស​ឞើស​មា​រានើល​កាដាច់​កោរាញ​ឞ្រាស​នើម។
HEB 12:3 លាស​នទ្រី​អ៝ន់​ខាន់​អៃ​មៃ​កាស​គឹត​មា​ឞ្រាស​យេឆូ ​អី​លែៈ​គុ​ន៝ប់​ជេស​នោក​ផូង​ឞូនុយ្ស​តីស​តឹម​រាទ៝ង់​ដាស​ពាង់ គៃ​មា​ខាន់​អៃ​មៃ​លើយ​អោស​ទឹល​តា​នូយ្ស​នហ៝ម់ លើយ​អោស​រ៝ស​នាវ​រានើម។
HEB 12:4 តា​នាវ​តឹម​លើស​ដាស​នាវ​តីស ខាន់​អៃ​មៃ​អេ​ហ៝ៈ​អោស​គុ​តឹម​រាទ៝ង់​ត៝ត់​មា​ខឹត​ញចាយ​មហាម។
HEB 12:5 អើម​ខាន់​អៃ​មៃ​លែៈ​ច្វេល​បាស​នាវ​អី​លែៈ​គែស​ញចីស ជេសរី​ក្វាល់​ខាន់​អៃ​មៃ​ក៝ន​កើត​នអា?៖ «អើ​ក៝ន លើយ​មឺច​អោស​នាវ​កោរាញ​ឞ្រាស​បាប់​នតុម​មៃ‌ ជេសរី​លើយ​ដ៝ង់​រ៝ស​នាវ​រានើម​នោក​ពាង់​លាស​មៃ‌
HEB 12:6 យ៝រ​លាស​កោរាញ​ឞ្រាស​បាប់​នតុម​ឞូ​ម៝ស​អី​លែៈ​ពាង់​រ៝ង់​ជេស‌ ជេសរី​ពាង់​លាស​រាពាត់​ឞូ​ម៝ស​អី​លែៈ​ពាង់​កើប​ជេង​ក៝ន​ពាង់​ដ៝ង់»។
HEB 12:7 អ៝ន់​ខាន់​អៃ​មៃ​ញឆ្រោយ្ស​គុ​តា​នាវ​ជេរ​ជ៝ត់ នាវ​អី​នៃ​ជេង​តឹម​ឞាន​មា​នាវ​បាប់​នតុម។ តា​នាវ​អី​នៃ​ញហើ​កោរាញ​ឞ្រាស​លែៈ​កើប​ខាន់​អៃ​មៃ​ជេង​ក៝ន​ពាង់ យ៝រ​លាស​មោ​គែស​អោស​ឞឹ​មោ​បាប់​នតុម​មា​ក៝ន។
HEB 12:8 ទឹង​លែៈ​ក៝ន​កោរាញ​ឞ្រាស​ម៝ប់​មា​នាវ​បាប់​នតុម​ទាទេ លាស​ខាន់​អៃ​មៃ​មោ​អោស​ម៝ប់​នាវ​បាប់​នតុម ខាន់​អៃ​មៃ​ជេង​ក៝ន​ងក្លាៈ​ទើម មោ​អោស​ក៝ន​ពាង់​ងាន់។
HEB 12:9 ឞឹ​ឞ៝ន់​តា​នែស​នតូ​អ្យា​វៃ​បាប់​នតុម​ឞ៝ន់ ជេសរី​ឞ៝ន់​ហោម​ក្លាច​យើក​មា​ពាង់​ដ៝ង់។ លាស​នទ្រី​រាលាវ​មា​អី​នៃ​ជឹត អ៝ន់​ឞ៝ន់​អ្យាត់​នាវ​កោរាញ​ឞ្រាស​បាប់​នតុម​អី​ជេង​ឞឹ​ឞ៝ន់​តា​កាលើ​ត្រោក ជេសរី​ឞ៝ន់​គែស​នាវ​រេស​នហ៝​រ៝។
HEB 12:10 ឞឹ​ឞ៝ន់​តា​នែស​នតូ​អ្យា​បាប់​នតុម​ឞ៝ន់​ទូ​ប្ល៝ត់​ទើម តឹង​អី​នាវ​ពាង់​មឹន​គែស​ខ្លៃ​មា​ឞ៝ន់។ យើន​មា​កោរាញ​ឞ្រាស​បាប់​នតុម​ឞ៝ន់ គៃ​មា​គែស​ខ្លៃ​មា​ឞ៝ន់​ងាន់ គៃ​មា​ឞ៝ន់​គុ​នទ្រែល​ពាង់​តា​នាវ​ក្ល៝ស​អ្វែស​ពាង់​នើម។
HEB 12:11 នាវ​បាប់​នតុម​នៃ​អ៝ន់​ឞ៝ន់​គែស​នាវ​ជី​នាវ​រាង៝ត មោ​អោស​អ៝ន់​ឞ៝ន់​គែស​នាវ​រាម់​មអាក។ យើន​មា​ឞើស​កើយ​នៃ​ឞូ​ម៝ស​អី​លែៈ​ឆ៝ៈ​ទើន​ជេស​នាវ​បាប់​នតុម​កើត​នៃ ពាង់​អី​នៃ​ជេង​គែស​ព្លៃ គែស​នាវ​ដាប់​មពាន់ គុ​រេស​ឆ៝ង់។
HEB 12:12 លាស​នទ្រី​អ៝ន់​ញអោត​ន៝ប់​ហ៝ម់​នាវ​ញឆីង​តឹម​ឞាន​មា «អ៝ន់​យើរ​តី​រាឞាន់ នអ៝ប់​មា​អ៝ន់​ញឆ៝ង់​កោម៝ក់​ខាន់​អៃ​មៃ​អ៝ន់​ន៝ប់​ដ៝ង់»
HEB 12:13 ជេសរី​កើត​លែៈ​គែស​ញចីស៖ «នទ្រាប់​ហ៝ម់​ត្រ៝ង​ឆ៝ង់​គៃ​មា​ខាន់​អៃ​មៃ​ទើស​ហាន់» អ៝ន់​ជាន​តឹង​នាវ​នតី​អី​ទី​នឹង គៃ​មា​ឞូនុយ្ស​អី​រាអ្យា​តា​នាវ​ញឆីង​អី​តឹម​ឞាន​មា​ឞូនុយ្ស​រាវែន​ជ៝ង់ មោ​អោស​ឞាស​ញឆីង យើន​មា​គែស​នាវ​ញឆីង​លើ​មា​ន៝ប់ តឹម​ឞាន​មា​ឞាស​ជី​ជ៝ង់។
HEB 12:14 អ៝ន់​ញឆ្រោយ្ស​នាវ​គុ​អ្វែស​ដាប់​មពាន់​នទ្រែល​មា​ទឹង​លែៈ​ឞូនុយ្ស​ទោ នអ៝ប់​មា​ញឆ្រោយ្ស​គុ​រេស​ក្ល៝ស​អ្វែស យ៝រ​លាស​ឞូ​ម៝ស​អី​មោ​គុ​រេស​ក្ល៝ស​អ្វែស មោ​អោស​ទើយ​គុ​នទ្រែល​កោរាញ​យេឆូ ​ជឹត​នាប់​តៃ។
HEB 12:15 អ៝ន់​តឹម​កើល​នទ្រាង់​ខាន់​អៃ​មៃ​នើម គៃ​មា​លើយ​អោស​គែស​ទូ​ហ្វេ​អី​មោ​អោស​ឆ៝ៈ​ទើន​នាវ​អ្វែស​កោរាញ​ឞ្រាស។ លើយ​អោស​គែស​ឞូនុយ្ស​តា​មពោល​ខាន់​អៃ​មៃ​អី​មោ​អោស​អុច​ឆ៝ៈ​ទើន​នាវ​អ្វែស​កោរាញ​ឞ្រាស ឞូនុយ្ស​អី​នៃ​តឹម​ឞាន​មា​តើម​ខេស​ជាន​ជេរ​តា​មពោល​ខាន់​អៃ​មៃ ក្លាច​លាស​មព្លូម​នាវ​តីស​អ៝ន់​មា​ឞូនុយ្ស​អា​អេង​អ៝ក់​ជឹត។
HEB 12:16 ញជ្រាង់​ហ៝ម់​លើយ​អ៝ន់​គែស​ឞូនុយ្ស​តឹម​ទ៝ង់​តា​មពោល​ខាន់​អៃ​មៃ លើយ​អោស​គែស​ឞូនុយ្ស​តា​មពោល​ខាន់​អៃ​មៃ​អី​មឺច​មា​នាវ​កោរាញ​ឞ្រាស​តឹម​ឞាន​មា​អេឆាវ ​អី​លែៈ​តាច់​លើយ​អី​នាវ​ខ្លៃ​ពាង់​នើម​ក៝ន​ឞោក​ទាក យ៝រ​មា​កើញ​គែស​មា​នទើ​ឆោង​ឆា​អី​ទូ​ងាន​នៃ​ទើម។
HEB 12:17 ខាន់​អៃ​មៃ​លែៈ​គឹត​ដ៝ង់ ត៝ត់​ឞើស​កើយ​នៃ​ពាង់​ញហ្វាច​នទើ​ពាង់​លែៈ​ជាន​នៃ​នើស ពាង់​កើញ​ហោ​ងាន់​ឆ៝ៈ​ទើន​នាវ​គែស​ជេង​តាៈ​ឞើស​ឞឹ​ពាង់​នើម​អី​ទី​មា​ក៝ន​ឞូ​ក្លោ​ទាក​ឞោក​ឆ៝ៈ​ទើន។ ឞ៝ល​លាស​ពាង់​ទាន់​ហោ​ងាន់​នអ៝ប់​មា​ហ៝រ​ទាក​មាត់​កាដោយ ក៝ៈ​មោ​អោស​ទើយ​រាគ៝ល់​នទើ​អី​លែៈ​ជាន​នើស។
HEB 12:18 នាវ​ខាន់​អៃ​មៃ​ហាន់​ទាច់​អា​កោរាញ​ឞ្រាស​អាបៃ​អ្យា អេង​ឞាល់​មា​នាវ​ផូង​អីឆ្រាអែល ​គុ​តា​យោក​ឆីនាយ  ជេង​យោក​អី​នតុក​កោរាញ​ឞ្រាស​តឹម​រាង្លាប់​ដាស​ខាន់​ពាង់​នើស។ យោក​អី​នៃ​ទើយ​ពាស​មា​តី គែស​អុញ​ហីត គែស​ង៝​ចេក​កោលាក់ នទ្រែល​មា​គែស​ផុត​ឆ្យាល​ដ៝ង់‌
HEB 12:19 គែស​តាង់​នតែស​នុង​ទុត​ទាង់ នទ្រែល​មា​គែស​តាង់​នតែស​ឞ៝រ់​អី​អ៝ន់​ខាន់​ពាង់​ក្លាច ត៝ត់​មា​ខាន់​ពាង់​ទាន់​កោរាញ​ឞ្រាស​ហោ​ងាន់​លើយ​ហោម​អ៝ន់​កោរាញ​ឞ្រាស​ងើយ​ជឹត​ដាស​ខាន់​ពាង់‌
HEB 12:20 យ៝រ​លាស​ខាន់​ពាង់​មោ​អោស​ទើយ​អ៝ត់​មា​នាវ​កោរាញ​ឞ្រាស​ទែ​ដាៈ​កើត​នអា៖ «ឞូ​ម៝ស​អី​ពាស​យោក​អ្យា ឞ៝ល​លាស​មពោមពា​(ឆ្យុម)​ទើម​កាដោយ អ្យាត់​មា​ឆ៝ៈ​លុ​នតុប​អ៝ន់​ខឹត»។
HEB 12:21 នទើ​អី​ខាន់​ពាង់​ឆៃ​នៃ​ក្លាច​ទុត​ហោ​ងាន់ នទ្រី​ទឹង​មោឆេ ​លាស៖ «គ៝ប់​ក្លាច​ញឆ៝រ់​ទុត​ហោ​ងាន់»។
HEB 12:22 យើន​មា​ខាន់​អៃ​មៃ​លែៈ​ហាន់​ទាច់​អា​កោរាញ​ឞ្រាស​ងាន់ តឹម​ឞាន​មា​ហាន់​តា​យោក​ឆីយោន ​តា​ប៝ន​ក្វ៝ង់​កោរាញ​ឞ្រាស​នើម​ពាង់​អី​រេស​ងាន់ តា​ប៝ន​ក្វ៝ង់​យេរូឆាលឹម ​អី​តា​កាលើ​ត្រោក​អី​នតុក​កោរាញ​ឞ្រាស​នើម តា​នតុក​គែស​ផូង​តោង​ពារ់​អ៝ក់​រាមឺន​រាឆែន​គុ​រាបុន​មា​នាវ​រាម់​មអាក‌
HEB 12:23 ជេង​នតុក​គុ​គូម​ផូង​ក៝ន​កោរាញ​ឞ្រាស​អី​ពាង់​កើប​ជេង​ក៝ន​ទាក​ឞោក​ទាទេ នអ៝ប់​មា​គែស​ញចីស​រាញា​ឆាក់​តា​កាលើ​ត្រោក។ ខាន់​អៃ​មៃ​លែៈ​ហាន់​ទាច់​អា​កោរាញ​ឞ្រាស​អី​កោរាញ​ផាត​ទោយ្ស​ទឹង​លែៈ​ឞូនុយ្ស លែៈ​ហាន់​តា​នតុក​ផូង​អី​ញឆីង​អេ​ល៝រ​មា​ខាន់​ពាង់​ខឹត​នើស អី​លែៈ​ជេង​តឹម​ទី​កែស។
HEB 12:24 ខាន់​អៃ​មៃ​លែៈ​ហាន់​ទាច់​អា​ឞ្រាស​យេឆូ ​ជេង​នើម​លែវ​មា​តឹម​រាង្លាប់​មហែ​ឞ៝ន់​ដាស​កោរាញ​ឞ្រាស ខាន់​អៃ​មៃ​លែៈ​ឆ៝ៈ​ទើន​មហាម​ឞ្រាស​យេឆូ  អី​មហាម​អ៝ន់​ឞ៝ន់​រាក្លាយ្ស​ឞើស​នាវ​កោរាញ​ឞ្រាស​តេៈ​ទោយ្ស មហាម​អី​នៃ​គែស​ខ្លៃ​រាលាវ​មា​មហាម​អាបែល ​ជឹត យ៝រ​លាស​មហាម​អាបែល ​ជេង​មឞេន​មា​នាវ​កោរាញ​ឞ្រាស​តេៈ​ទោយ្ស​ទើម។
HEB 12:25 អ៝ន់​ញជ្រាង់​ហ៝ម់ លើយ​រាលាច់​អោស​មា​កោរាញ​ឞ្រាស​អី​ងើយ​ដាស​ខាន់​អៃ​មៃ។ លាស​ផូង​អីឆ្រាអែល ​អី​មោ​អ្យាត់​នាវ​មោឆេ ​នតុម​នតី​តា​នែស​នតូ​អ្យា​កាល់​អែ​នើស លែៈ​មោ​ក្លាយ្ស​អោស​ឞើស​ទោយ្ស​ខាន់​ពាង់​នើស លាស​នទ្រី​ល៝ង់​ឞ៝ន់​អី​អ្យា អី​លែៈ​តាង់​នាវ​កោរាញ​ឞ្រាស​នើម​នតុម​នតី​តា​ឞ្រាស​យេឆូ ​តាៈ​ឞើស​កាលើ​ត្រោក​អី​នតុក​ពាង់​នើម ប៝ន់​លើ​ហោ​រាលាវ​មា​អី​នៃ​បាស​មោ​ទើយ​ក្លាយ្ស?
HEB 12:26 ឞើស​នតើម​នើស​នោក​កោរាញ​ឞ្រាស​ងើយ​តា​យោក​ឆីនាយ ​នែស​នតូ​ងគារ់​ហោ​ងាន់ យើន​មា​រានោក​អាបៃ​អ្យា​ពាង់​ត៝ន​កើត​នអា​តា​នាវ​ពាង់​ងើយ៖ «ជឹត​នាប់​តៃ គ៝ប់​មរា​អ៝ន់​ត្រោក​គែស​ងគារ់​ដ៝ង់ មោ​អោស​ទើន​មា​នែស​នតូ​ទើម​គែស​ងគារ់»។
HEB 12:27 ជេសរី​នាវ​លាស​អី​អ្យា៖ «នារ​ជឹត​នាប់​តៃ» មឞើស​អ៝ន់​គឹត ទឹង​លែៈ​នទើ​អី​កោរាញ​ឞ្រាស​ញជេង​នើស​ងគារ់ ជេសរី​រ៝ស​លែៈ​ផ្យៅ គៃ​មា​នទើ​អី​មោ​ឞ្លាវ​ងគារ់​ទើម​ហោម​អែ​កើន។
HEB 12:28 យ៝រ​មា​ឞ៝ន់​ឆ៝ៈ​ទើន​ទូ​ឞ្រី​ទាក​កោរាញ​ឞ្រាស​អី​មោ​ឞ្លាវ​ងគារ់​នៃ លាស​នទ្រី​អ៝ន់​ឞ៝ន់​លាស​អ្វែស​កោរាញ​ឞ្រាស ជេសរី​អ៝ន់​ឞ៝ន់​ឆើម​កើល​ជាន​ការ​ហ៝ម់​មា​ពាង់ តឹង​នាវ​ពាង់​អុច នទ្រែល​មា​ក្លាច​យើក​មា​ពាង់‌
HEB 12:29 យ៝រ​លាស​កោរាញ​ឞ្រាស​អី​ឞ៝ន់​យើក​មឞាស នាវ​ពាង់​តេៈ​ទោយ្ស​តឹម​ឞាន​មា​អុញ​ឆា​លេក​លែៈ​ផ្យៅ។
HEB 13:1 អ៝ន់​ខាន់​អៃ​មៃ​តឹម​រ៝ង់​ឞាល់​ជេង​អ៝ស​នោ​នឹង។
HEB 13:2 លើយ​ច្វេល​អោស​រ៝ម​ឞូ​នាច់​មា​នូយ្ស​នហ៝ម់​អ្វែស​រាស​រើច ឞូ​នាច់​អី​ខាន់​អៃ​មៃ​មោ​គឹត​នាល់។ យ៝រ​មា​នាវ​រ៝ម​កើត​អី​នៃ ឞូនុយ្ស​អាបាៈ​លែៈ​គែស​រ៝ម​តោង​ពារ់​នអ៝ប់​មា​មោ​អោស​គឹត​ខាន់​ពាង់​ជេង​តោង​ពារ់។
HEB 13:3 អ៝ន់​ខាន់​អៃ​មៃ​កាស​គឹត​មា​មពោល​អី​គែស​នទ្រូង តឹម​ឞាន​មា​ឆាក់​ខាន់​អៃ​មៃ​នើម​គែស​នទ្រូង​នទ្រែល​ខាន់​ពាង់។ ជេសរី​អ៝ន់​កាស​គឹត​មា​មពោល​អី​ឞូ​ជាន​អ្យើស​យ៝រ​មា​ខាន់​ពាង់​ញឆីង​មា​ឞ្រាស​យេឆូ  តឹម​ឞាន​មា​ឞូ​ជាន​អ្យើស​មា​ឆាក់​ខាន់​អៃ​មៃ​នើម​ដ៝ង់។
HEB 13:4 អ៝ន់​ទឹង​លែៈ​ខាន់​អៃ​មៃ​កើប​ខ្លៃ​តា​នាវ​តឹម​នអាប់​អូរ​ឆាយ លើយ​អោស​តឹម​ល៝ម់​អូរ​ល៝ម់​ឆាយ យ៝រ​លាស​កោរាញ​ឞ្រាស​មរា​តេៈ​ទោយ្ស​មា​ឞូ​ម៝ស​អី​តឹម​ទ៝ង់ ឞូ​ម៝ស​អី​ល៝ម់​អូរ​ល៝ម់​ឆាយ។
HEB 13:5 លើយ​រាវាន​អោស​មា​ព្រាក់ អ៝ន់​ខាន់​អៃ​មៃ​ឆ៝ប់​ត៝ង់​មា​ទ្រាប់​នទើ​អី​លែៈ​គែស​នៃ​ហ៝ៈ យ៝រ​លាស​កោរាញ​ឞ្រាស​លែៈ​លាស​កើត​នអា៖ «មោ​គែស​អោស​គ៝ប់​នត្លើយ​ខាន់​អៃ​មៃ ក៝ៈ​មោ​គែស​ដ៝ង់​គ៝ប់​មអារ់​ខាន់​អៃ​មៃ»។
HEB 13:6 កើត​នទ្រី​ឞ៝ន់​ងើយ​មា​នូយ្ស​នហ៝ម់​ឞាញ់​កើត​នអា៖ «គ៝ប់​មោ​អោស​ក្លាច‌ កោរាញ​ឞ្រាស​ជេង​នើម​កើល​គ៝ប់ លាស​នទ្រី​មើម​ឞូនុយ្ស​ហោម​ទើយ​លើស​មា​គ៝ប់?»
HEB 13:7 អ៝ន់​ខាន់​អៃ​មៃ​មេត​អ្វាញ់​មពោល​កោរាញ​ខាន់​អៃ​មៃ​អី​មឞើស​ងក៝ច​នាវ​ងើយ​កោរាញ​ឞ្រាស​អ៝ន់​មា​ខាន់​អៃ​មៃ​អ្យាត់​នើស។ អ្វាញ់​ម៝ស​នទើ​អ្វែស​តា​នាវ​គុ​រេស​ខាន់​ពាង់ ជេសរី​តឹង​កើត​នាវ​ញឆីង​ខាន់​ពាង់​អី​នៃ​ទោ។
HEB 13:8 ឞ្រាស​យេឆូ​ក្រីស ​ហោម​កើត​អើម ពាង់​មោ​គែស​អោស​រាគ៝ល់ ឞើស​អា​ល៝រ​នើស​ត៝ត់​មា​នារ​អ្យា នទ្រែល​មា​នហ៝​រ៝។
HEB 13:9 ខាន់​អៃ​មៃ​លើយ​អោស​អ្យាត់​លើយ​អោស​តឹង​អាប់​នតីល​នាវ​នតី​មហែ​អី​អេង នហ៝ម់​ឆ្វាន​ខាន់​អៃ​មៃ​តាៈ​ឞើស​នាវ​អ្វែស​កោរាញ​ឞ្រាស មោ​អោស​ទី​តាៈ​ឞើស​នាវ​ដាៈ​នាវ​វែរ​តា​នទើ​ឆោង​ឆា យ៝រ​លាស​នាវ​ដាៈ​នាវ​វែរ​អី​នៃ​មោ​អោស​កើល​មា​ឞូនុយ្ស​អី​ជាន​តឹង។
HEB 13:10 ឞ៝ន់​អី​ញឆីង​មា​ឞ្រាស​យេឆូ  កោរាញ​ឞ្រាស​លែៈ​យោៈ​នាវ​តីស​ឞ៝ន់​យ៝រ​មា​ឞ្រាស​យេឆូ ​លែៈ​ខឹត​តា​ឆី​តឹម​រាកាង់ យើន​មា​ឞូ​ម៝ស​អី​ហោម​ញឆីង​មា​នាវ​ញហើរ​មពោមពា​(ឆ្យុម)​គៃ​មា​ទាន់​កោរាញ​ឞ្រាស​យោៈ​នាវ​តីស​ខាន់​ពាង់​នើម កោរាញ​ឞ្រាស​មោ​អោស​យោៈ​នាវ​តីស​ខាន់​ពាង់។
HEB 13:11 តា​នាវ​តឹម​រាង្លាប់​អើម កោរាញ​ជាន​ឞ្រាស​ទុត​ក្វ៝ង់​ឆ៝ៈ​មហាម​មពោមពា​(ឆ្យុម)​អី​ពាង់​ងខឹត​គៃ​មា​ទាន់​កោរាញ​ឞ្រាស​យោៈ​នាវ​តីស ពាង់​ញអោត​មហាម​អី​នៃ​អ្យ្រាស​តា​ជ្រោ​នតុក​ទុត​ក្ល៝ស​អ្វែស យើន​មា​អី​ឆាក់​មពោមពា​(ឆ្យុម)​អី​នៃ​ឞូ​គុច​ពូរ​ឞើស​ទីស​ប៝ន។
HEB 13:12 ឞ្រាស​យេឆូ ​តឹម​ឞាន​កើត​នៃ​ដ៝ង់ ពាង់​គុ​ឞើស​ទីស​ប៝ន​នោក​ពាង់​ឆ៝ៈ​ទើន​នាវ​ជេរ​ជ៝ត់​ត៝ត់​មា​ខឹត​ឆាក់ គៃ​មា​ជាន​ផូង​ប៝ន​លាន​អ៝ន់​ក្ល៝ស​អ្វែស​តាៈ​ឞើស​មហាម​ឆាក់​ពាង់​នើម។
HEB 13:13 លាស​នទ្រី​អ៝ន់​ឞ៝ន់​ជាន​តឹង​នាវ​នតឹត​ឞ្រាស​យេឆូ  ហាន់​តា​ពាង់​តា​ឞើស​ទីស​ប៝ន យ៝រ​មា​នាវ​ឞ៝ន់​ញឆីង​ជេង​តឹម​ឞាន​មា​ហាន់​អា​ឞ្រាស​យេឆូ ​តា​ឞើស​ទីស​ប៝ន ឆ៝ៈ​ទើន​នាវ​ឞូ​ជាន​ជេរ​ជ៝ត់ នអ៝ប់​មា​នាវ​ឞូ​មឺច​កើត​អី​ពាង់​លែៈ​ឆ៝ៈ​ទើន​ដ៝ង់‌
HEB 13:14 យ៝រ​លាស​នែស​នតូ​អ្យា​មោ​អោស​ទី​ប៝ន​ឞ៝ន់​គុ​នហ៝​រ៝ ឞ៝ន់​គុ​ក៝ប់​មា​ប៝ន​អី​ហោម​ជឹត​នាប់។
HEB 13:15 យ៝រ​មា​នទើ​ឞ្រាស​យេឆូ ​ជាន​នៃ អ៝ន់​ឞ៝ន់​រានេ​កោរាញ​ឞ្រាស​នឹង នាវ​រានេ​តឹម​ឞាន​មា​ញហើរ​នទើ​ជាន​ឞ្រាស​មា​ពាង់ ជេង​នាវ​លោស​ឞើស​ឞ៝រ់​មឞូង​អី​ទី​មា​ឞូ​ម៝ស​មឞើស​ងក៝ច​ឆាក់​ពាង់​នើម​ញឆីង​មា​ឞ្រាស​យេឆូ ។
HEB 13:16 លើយ​ច្វេល​អោស​ជាន​នទើ​អ្វែស​មា​ឞូ នទ្រែល​មា​កើល​ឞូ​អេង យ៝រ​លាស​ជាន​កើត​នៃ​តឹម​ឞាន​មា​ញហើរ​នទើ​មា​កោរាញ​ឞ្រាស​អី​អ៝ន់​កោរាញ​ឞ្រាស​រាម់​ងាន់។
HEB 13:17 អ៝ន់​ខាន់​អៃ​មៃ​អ្យាត់​ហ៝ម់​នាវ​កោរាញ​អី​ម៝ត់​អ្វាញ់​ខាន់​អៃ​មៃ​អី​ផូង​លែៈ​ញឆីង នអ៝ប់​មា​ជាន​តឹង​នាវ​ខាន់​ពាង់​ដាៈ​ដ៝ង់ យ៝រ​លាស​ខាន់​ពាង់​ម៝ត់​ញជ្រាង់​ខាន់​អៃ​មៃ ជេសរី​តា​នារ​ជឹត​នាប់​តៃ​កោរាញ​ឞ្រាស​មរា​អោប​មា​នទើ​ខាន់​ពាង់​ជាន។ លាស​ខាន់​អៃ​មៃ​អ្យាត់​ជាន​តឹង​នាវ​ខាន់​ពាង់​ដាៈ ខាន់​ពាង់​រាម់​មអាក​អេង​មា​នាវ​ជាន​ការ​ខាន់​ពាង់​អី​នៃ យើន​មា​លាស​ខាន់​អៃ​មៃ​មោ​អ្យាត់​ជាន​តឹង នាវ​ជាន​ការ​ខាន់​ពាង់​ជេង​គែស​នាវ​រាង៝ត ជេសរី​មោ​អោស​អ្វែស​មា​ខាន់​អៃ​មៃ​នើម​ដ៝ង់។
HEB 13:18 ទាន់​កើល​មឞើស​ឆើម​អ៝ន់​ហេន​បាៈ។ ហេន​លែៈ​គឹត​ជេស ហេន​ជាន​នទើ​អី​ទី​តា​នាប់​មាត់​កោរាញ​ឞ្រាស​ទើម នទ្រែល​មា​អុច​ងាន់​គុ​រេស​តឹម​ទី​នាវ​កោរាញ​ឞ្រាស​អុច​តា​ទឹង​លែៈ​នតីល​នទើ។
HEB 13:19 លើ​មា​ហោ​ងាន់​គ៝ប់​ទាន់​ខាន់​អៃ​មៃ​កើល​មឞើស​ឆើម​អ៝ន់​គ៝ប់ គៃ​មា​គ៝ប់​គើញ​ព្លឹ​អា​ខាន់​អៃ​មៃ។
HEB 13:20 កោរាញ​ឞ្រាស​លែៈ​ជេស​អ៝ន់​ឞ្រាស​យេឆូ ​អី​កោរាញ​ឞ៝ន់​ទ៝ក់​រេស​ឞើស​ផូង​ខឹត។ ជេសរី​ជាន​នាវ​តឹម​រាង្លាប់​នហ៝​រ៝​ដាស​ឞ៝ន់​មា​មហាម​ឞ្រាស​យេឆូ ​អី​នើម​ម៝ត់​អ្វាញ់​ឞ៝ន់​ទុត​អ្វែស តឹម​ឞាន​មា​នើម​ច្យាប់​ម៝ត់​អ្វាញ់​មា​ផូង​ឞែ​ឞ្យាប់​ពាង់​នើម។ ទាន់​កោរាញ​ឞ្រាស​អី​តើម​នាវ​ដាប់​មពាន់
HEB 13:21 អ៝ន់​ខាន់​អៃ​មៃ​ឞ្លាវ​ជាន​ទឹង​លែៈ​នតីល​នទើ​អី​ពាង់​នើម​អុច។ ទាន់​កោរាញ​ឞ្រាស​ជាន​ទឹង​លែៈ​នតីល​នទើ​អី​អ៝ន់​ពាង់​រាម់​មអាក​តា​ខាន់​អៃ​មៃ យ៝រ​មា​នទើ​ឞ្រាស​យេឆូ​ក្រីស ​លែៈ​ជាន​នើស។ ទាន់​រានេ​នាវ​ច្រេក​លើប​ឞ្រាស​យេឆូ​ក្រីស ​បាបើ​នហ៝​រ៝! អើ​អ៝ន់​គែស​កើត​នៃ​ងាន់​រ៝!
HEB 13:22 អើ​អ៝ស​នោ​តា​នាវ​ញឆីង គ៝ប់​ទាន់​ខាន់​អៃ​មៃ​ហោ​ងាន់​អ៝ន់​ឆ៝ៈ​ទើន​ទឹង​លែៈ​នាវ​នតុម​នតី​អី​អ្យា យ៝រ​លាស​ឆ៝ម់បុត​អី​គ៝ប់​ញចីស​អ៝ន់​មា​ខាន់​អៃ​មៃ​អ្យា​តឹម​ឞាន​មា​គ្លែស​ទើម។
HEB 13:23 ទាន់​ខាន់​អៃ​មៃ​គឹត​ដ៝ង់​មា​នោ​ឞ៝ន់​តីមោថេ  ពាង់​លែៈ​ឞូ​បើក​ជេស​ឞើស​ត្រោម​នទ្រូង។ លាស​ពាង់​ត៝ត់​គើញ​អា​គ៝ប់ គ៝ប់​មរា​ហាន់​អា​ខាន់​អៃ​មៃ នទ្រែល​មា​ពាង់​ដ៝ង់។
HEB 13:24 ទាន់​អោប​នាវ​អ្វែស​លាង់​មពោល​កោរាញ​អី​ម៝ត់​អ្វាញ់​ខាន់​អៃ​មៃ នទ្រែល​មា​ទាន់​អោប​នាវ​អ្វែស​លាង់​ទឹង​លែៈ​ផូង​ប៝ន​លាន​កោរាញ​ឞ្រាស​ដ៝ង់។ ផូង​ញឆីង​អី​តាៈ​ឞើស​ឞ្រី​អីតាលី  អោប​នាវ​អ្វែស​លាង់​ខាន់​អៃ​មៃ​ដ៝ង់។
HEB 13:25 ទាន់​នាវ​អ្វែស​កោរាញ​ឞ្រាស​នើម​គុ​នទ្រែល​ទឹង​លែៈ​ខាន់​អៃ​មៃ៕៚
JAM 1:1 គ៝ប់​យាកើ  អី​ឞូនុយ្ស​ឆើម​កើល​ជាន​ការ​មា​កោរាញ​ឞ្រាស នទ្រែល​មា​ឆើម​កើល​ជាន​ការ​មា​កោរាញ​យេឆូ​ក្រីស ។ គ៝ប់​ទាន់​អោប​នាវ​អ្វែស​លាង់​ទឹង​លែៈ​ផូង​ប៝ន​លាន​កោរាញ​ឞ្រាស​អី​គុ​ចាស​ច្រាយ​លាម​នែស​នតូ​អ្យា។
JAM 1:2 អើ​អ៝ស​នោ​តា​នាវ​ញឆីង លាស​ខាន់​អៃ​មៃ​គែស​នាវ​ជេរ​ជ៝ត់​អាប់​នតីល អ៝ន់​ខាន់​អៃ​មៃ​កើប​នាវ​អី​នៃ​ជេង​នទើ​រាម់​មអាក​ហោ​ងាន់​ហ៝ៈ។
JAM 1:3 ខាន់​អៃ​មៃ​លែៈ​គឹត​ជេស នាវ​ជេរ​ជ៝ត់​អាប់​នតីល​ជេង​នាវ​រាល៝ង​អ្វាញ់​តា​នាវ​ញឆីង​ខាន់​អៃ​មៃ យ៝រ​លាស​តាៈ​ឞើស​នាវ​រាល៝ង​អ្វាញ់​អី​នៃ ទឹង​ខាន់​អៃ​មៃ​លើ​មា​ឞ្លាវ​អ៝ត់​នូយ្ស។
JAM 1:4 អ៝ន់​ខាន់​អៃ​មៃ​ឞ្លាវ​អ៝ត់​នាវ​ជេរ​ជ៝ត់​កើត​នៃ គៃ​មា​ខាន់​អៃ​មៃ​គុ​ន៝ប់​តា​នាវ​ញឆីង​លែៈ​តឹម​ទី​កែស​ងាន់ មោ​ហោម​អោស​គែស​នាវ​មា​នទុយ្ស។
JAM 1:5 តា​ផូង​ខាន់​អៃ​មៃ ឞូ​ម៝ស​អី​មោ​លាង់​គែស​នាវ​មឹន​គឹត​ឞ្លាវ អ៝ន់​ទាន់​ហ៝ម់​មា​កោរាញ​ឞ្រាស ពាង់​មរា​អ៝ន់​រ៝ យ៝រ​លាស​ពាង់​អី​អ៝ន់​មា​ទឹង​លែៈ​ឞូនុយ្ស​មា​នូយ្ស​នហ៝ម់​ល៝ង់ ពាង់​មោ​អោស​នទុយ្ស​យ៝រ​មា​ទាន់‌
JAM 1:6 យើន​មា​អ្យាត់​មា​ឞូនុយ្ស​អី​នៃ​ទាន់​មា​នាវ​ញឆីង​ន៝ប់ លើយ​អោស​មឹន​លាស​យ៝ង់​មា​គែស យ៝រ​លាស​ឞូ​ម៝ស​អី​ហោម​គែស​នូយ្ស​នហ៝ម់​មឹន​កើត​នៃ​ជេង​តឹម​ឞាន​មា​ញច៝ច់​ទាក​វាច់​ទាក​វារ់​តឹង​ឆ្យាល​ខោម។
JAM 1:7 ឞូនុយ្ស​អី​កើត​នៃ​លើយ​អោស​មឹន​គែស​ឆ៝ៈ​ទើន​នទើ​ឞើស​កោរាញ​ឞ្រាស‌
JAM 1:8 យ៝រ​លាស​គែស​នូយ្ស​នហ៝ម់​ឞារ មោ​គែស​ន៝ប់​អោស​តា​ទឹង​លែៈ​នទើ​អី​ពាង់​ជាន​ពាង់​មឹន។
JAM 1:9 អ៝ស​នោ​តា​នាវ​ញឆីង​អី​អ៝​អាច អ៝ន់​ខាន់​អៃ​មៃ​រាម់​មអាក​ហ៝ម់ យ៝រ​លាស​កោរាញ​ឞ្រាស​លែៈ​កើប​ខាន់​អៃ​មៃ​ខ្លៃ។
JAM 1:10 អ៝ស​នោ​តា​នាវ​ញឆីង​អី​នទ្រ៝ង់​អ៝ន់​ខាន់​អៃ​មៃ​រាម់​មអាក​តឹម​ឞាន​ដ៝ង់ លាស​ខាន់​អៃ​មៃ​គឹត​វ៝ត់​ទ្រាប់​នទើ​អី​ខាន់​អៃ​មៃ​លែៈ​គែស មោ​អោស​គែស​នាវ​ខ្លៃ​តា​កោរាញ​ឞ្រាស យ៝រ​លាស​ខាន់​អៃ​មៃ​មរា​រ៝ស​តឹម​ឞាន​មា​កាវ​ឆី​ឞ្រី​ដ៝ង់។
JAM 1:11 ត៝ត់​ទោស​នារ អី​តើម​កាវ​ឆី​ឞ្រី​អី​នៃ​នទ្រ៝ អី​កាវ​ពាង់​រុង ជេសរី​នាវ​អ្វែស​តា​ពាង់​ក៝ៈ​មោ​ហោម​គែស​អោស។ កើត​នៃ​ដ៝ង់​ឞូនុយ្ស​នទ្រ៝ង់​មរា​ខឹត​រ៝ស​នទ្រែល​មា​នទើ​អី​ពាង់​ជាន​នៃ។
JAM 1:12 អ្វែស​មអាក​ងាន់​មា​ឞូ​ម៝ស​អី​គុ​ន៝ប់ ឞ៝ល​លាស​គែស​នាវ​ជេរ​ជ៝ត់​អាប់​នតីល​កាដោយ យ៝រ​លាស​លោច​ជេស​នាវ​អី​នៃ កោរាញ​ឞ្រាស​មរា​អ៝ន់​នទើ​ងខោម​មា​ឞូនុយ្ស​អី​នៃ ជេង​នាវ​រេស​នហ៝​រ៝ អី​កោរាញ​ឞ្រាស​លែៈ​ត៝ន​ជេស​មា​ឞូ​ម៝ស​អី​រ៝ង់​មា​ពាង់​នើម។
JAM 1:13 នោក​ខាន់​អៃ​មៃ​ម៝ប់​មា​នាវ​នទើម លើយ​អោស​លាស៖ “កោរាញ​ឞ្រាស​នទើម​គ៝ប់​ជាន​អ្យើស” យ៝រ​លាស​មោ​គែស​អោស​ទូ​នតីល​នទើ​ទើយ​នទើម​កោរាញ​ឞ្រាស​ជាន​អ្យើស ជេសរី​កោរាញ​ឞ្រាស​ក៝ៈ​មោ​ដ៝ង់​នទើម​ឞូនុយ្ស​ជាន​អ្យើស។
JAM 1:14 ទឹង​លែៈ​ឞូនុយ្ស​គែស​ម៝ប់​នាវ​នទើម យ៝រ​មា​ឞ៝ន់​គែស​នូយ្ស​នហ៝ម់​កើញ​ហោ​អីរ​លែវ​ឞ៝ន់​ជាន​តីស។
JAM 1:15 ទឹង​លែៈ​នាវ​ជាន​តីស​ជេង​តឹម​ឞាន​មា​នាវ​គុ​រេស​ឞូនុយ្ស ឞើស​នតើម​នើស​គែស​នាវ​កើញ​មា​ជាន​តីស​ទើម នាវ​អី​នៃ​តឹម​ឞាន​មា​នតើម​គែស​ក៝ន​តា​ឞូ​អូរ​មហែ​រ៝ស​ខៃ ត៝ត់​មា​ជាន​តីស​ងាន់​តឹង​នាវ​កើញ​អី​នៃ តឹម​ឞាន​មា​ត៝ត់​ក៝ន​អី​នៃ​ទែស​ដ៝ង់។ ជេសរី​ងគ្លែៈ​ទុត​តាៈ​ឞើស​នាវ​តីស​អី​នៃ​កោរាញ​ឞ្រាស​តេៈ​ទោយ្ស​គុ​តា​នទ្រូង​អុញ​នហ៝​រ៝ ជេង​តឹម​ឞាន​មា​ខឹត​ឆាក់។
JAM 1:16 អើ​អ៝ស​នោ​តា​នាវ​ញឆីង​អី​គ៝ប់​រ៝ង់ លើយ​អោស​មរោស​អេង​ខាន់​អៃ​មៃ​នើម។
JAM 1:17 ទឹង​លែៈ​នទើ​អ្វែស ទឹង​លែៈ​នទើ​អី​អ្វែស​មោ​ហោម​អោស​ឞ្លាវ​នតឹត​អី​ឞ៝ន់​ឆ៝ៈ​ទើន ទឹង​លែៈ​នទើ​អី​នៃ​ជេង​តាៈ​ឞើស​កោរាញ​ឞ្រាស​អី​ឞឹ​ឞ៝ន់​អី​នាក់​ញជេង​ទឹង​លែៈ​នទើ​អាង​តា​កាលើ​ត្រោក​នើស។ នាវ​អាង​អី​នៃ​ឞ្លាវ​រាគ៝ល់ គូយ​នាវ​អាង​អី​នៃ​ហោម​ឞ្លាវ​រាគ៝ល់​ដ៝ង់ យើន​មា​នូយ្ស​នហ៝ម់​កោរាញ​ឞ្រាស​មោ​អោស​ឞ្លាវ​រាគ៝ល់ ដេៈ​មោ​អើម។
JAM 1:18 តាៈ​ឞើស​នាវ​ពាង់​នើម​អុច នអ៝ប់​មា​ឞ៝ន់​ញឆីង​មា​នាវ​នតី​អី​ងាន់ ពាង់​ជាន​អ៝ន់​ឞ៝ន់​ជេង​ក៝ន​ពាង់​នើម ពាង់​អុច​ឞ៝ន់​ជេង​នទើ​ទុត​ខ្លៃ​រាលាវ​មា​ទឹង​លែៈ​នទើ​ពាង់​ញជេង ឞ៝ន់​តឹម​ឞាន​មា​ព្លៃ​ឞោក​ទាក​អី​គែស​ញហើរ​ល៝រ អេ​ល៝រ​មា​ពែៈ​ទឹង​លែៈ​ព្លៃ​អាបាៈ​អេង។
JAM 1:19 អើ​អ៝ស​នោ​តា​នាវ​ញឆីង​អី​គ៝ប់​រ៝ង់ អ៝ន់​ខាន់​អៃ​មៃ​ជេង​ឞូនុយ្ស​គឹត​ឞ្លាវ​ទាទេ អ៝ន់​ខាន់​អៃ​មៃ​ញឆ្រោយ្ស​អ្យាត់​ហ៝ម់ លើយ​គើញ​ងើយ លើយ​អោស​គើញ​នូយ្ស‌
JAM 1:20 យ៝រ​លាស​នាវ​ជី​នូយ្ស​ឞូនុយ្ស​មោ​អោស​លែវ​តា​នាវ​គុ​ងាវ​ឆ៝ង់​អី​កោរាញ​ឞ្រាស​អុច។
JAM 1:21 លាស​នទ្រី​អ៝ន់​ខាន់​អៃ​មៃ​មអារ់​លើយ​ហ៝ម់​ទឹង​លែៈ​នាវ​បឹ​បើច​អាប់​នតីល ទឹង​លែៈ​នទើ​អ្យើស​អាប់​នតីល​តា​នាវ​គុ​ងាវ​ខាន់​អៃ​មៃ ជេសរី​ឆ៝ៈ​ទើន​អ្យាត់​នាវ​នតី​មា​លែៈ​នូយ្ស​នហ៝ម់​ហ៝ៈ​អី​កោរាញ​ឞ្រាស​លែៈ​តេៈ​តា​នូយ្ស​នហ៝ម់​ឞ៝ន់​អី​គែស​នាវ​ទើយ​លែវ​ខាន់​អៃ​មៃ​គែស​នាវ​រាក្លាយ្ស​ឞើស​នាវ​កោរាញ​ឞ្រាស​តេៈ​ទោយ្ស។
JAM 1:22 អ៝ន់​ខាន់​អៃ​មៃ​ជាន​តឹង​នាវ​នតី​អី​នៃ​ហ៝ម់ លើយ​អោស​អ្យាត់​មា​តោរ​ទើម យ៝រ​លាស​ឞូ​ម៝ស​អី​អ្យាត់​មា​តោរ​ទើម​ជេង​មរោស​អេង​ឆាក់​ពាង់​នើម លាស​ពាង់​លាស​ឆាក់​ពាង់​នើម​លែៈ​គែស​រាក្លាយ្ស។
JAM 1:23 លាស​ឞូ​ម៝ស​អី​អ្យាត់​មា​តោរ​ទើម​នាវ​កោរាញ​ឞ្រាស ជេសរី​មោ​អោស​ជាន​តឹង​កើត ពាង់​អី​នៃ​ជេង​តឹម​ឞាន​មា​ឞូនុយ្ស​អី​អ្វាញ់​មុស​មាត់​ពាង់​នើម​តា​នទើ​អ្វាញ់​មុស​មាត់‌
JAM 1:24 ជេស​អ្វាញ់ ពាង់​ហាន់​ទូ​ឞើស​នតុក​នៃ ជេសរី​ច្វេល​រ៝​មុស​មាត់​ពាង់​នើម។
JAM 1:25 នាវ​វៃ​កោរាញ​ឞ្រាស​ទុត​អ្វែស​ងាន់ ជេង​នាវ​វៃ​អី​អ៝ន់​ឞូនុយ្ស​ជេង​ក៝ន​មែ​តឹម​ឞាន​មា​បើក​ឞើស​នាវ​ជាន​ទឹក​ឞូ។ ឞូ​ម៝ស​អី​ទើន​អ្យាត់​មា​តោរ​ទើម ជេសរី​ច្វេល មោ​អោស​គែស​នាវ​អ្វែស​មអាក យើន​មា​ឞូ​ម៝ស​អី​មឹន​មា​នាវ​វៃ​អី​នៃ ជេសរី​ញឆ្រោយ្ស​ជាន​តឹង​កើត ពាង់​អី​នៃ​គែស​នាវ​អ្វែស​មអាក​ងាន់​មា​ទឹង​លែៈ​នទើ​ពាង់​ជាន។
JAM 1:26 យើន​មា​ឞូ​ម៝ស​អី​កើប​អេង​ឆាក់​ពាង់​នើម​ជាន​តឹង​នាវ​វៃ​កោរាញ​ឞ្រាស​ងាន់ តីស​មា​មោ​អោស​ញជ្រាង់​មព្យាត់​ទាស​មា​ងើយ ពាង់​អី​នៃ​ជេង​ឞូនុយ្ស​មរោស​អេង​ឆាក់​ពាង់​នើម​ទើម ជេសរី​នាវ​ពាង់​ជាន​តឹង​នាវ​វៃ​អី​នៃ​មោ​ដ៝ង់​គែស​នាវ​ខ្លៃ។
JAM 1:27 នទើ​ជាន​អី​ក្ល៝ស​អី​អ្វែស​តា​នាប់​មាត់​កោរាញ​ឞ្រាស​អី​ឞឹ​ឞ៝ន់​ជេង​កើត​នអា៖ ហាន់​កើល​ឞូនុយ្ស​ក៝ន​ដើយ នទ្រែល​មា​ឞូ​អូរ​នទ្រោ​អី​គែស​នាវ​ជេរ​ជ៝ត់ នអ៝ប់​មា​ឞ្លាវ​ញជ្រាង់​ឆាក់​មោ​អោស​ជាន​នទើ​អ្យើស​តឹង​ឞូនុយ្ស​អី​មោ​ញឆីង​មា​កោរាញ​ឞ្រាស​តា​នែស​នតូ​អ្យា។
JAM 2:1 អើ​អ៝ស​នោ​តា​នាវ​ញឆីង ខាន់​អៃ​មៃ​លែៈ​គែស​នាវ​ញឆីង​ជេស​មា​ឞ្រាស​យេឆូ​ក្រីស ។ ពាង់​ជេង​កោរាញ​ឞ៝ន់​អី​គែស​នាវ​ច្រេក​លើប លាស​នទ្រី​ខាន់​អៃ​មៃ​លើយ​អោស​កើយ្ស​ឞូនុយ្ស។
JAM 2:2 នតឹត​លាស លាស​គែស​ទូ​ហ្វេ​ឞូនុយ្ស​នទ្រ៝ង់​លាប់​រាបុន​នទ្រែល​ខាន់​អៃ​មៃ ពាង់​នទ៝ក​រាគេន​មាយ្ស នទ្រែល​មា​ញឆ៝ស​ឞ៝ក​អាវ​អី​ខ្លៃៗ​ងាន់ ជេសរី​គែស​ទូ​ហ្វេ​ឞូនុយ្ស​ក្រ៝​អ៝​អាច​ញឆ៝ស​ឞ៝ក​អាវ​ឆាត​លាប់​រាបុន​តា​រី​ដ៝ង់‌
JAM 2:3 លាស​ខាន់​អៃ​មៃ​គឹត​ទើម​មា​ឞូនុយ្ស​អី​ញឆ៝ស​ឞ៝ក​អាវ​អី​ខ្លៃៗ​ងាន់​នៃ លាស​មា​ពាង់៖ “ទាន់​គុ​អា​នតុក​អី​ឞូ​លឺ​អ្យា” ជេសរី​លាស​មា​ឞូនុយ្ស​អី​ក្រ៝​អ៝​អាច​នៃ៖ “ហាន់​ទ៝ក់​អា​ញជោញ​រិ!” មោ​លាស “ហាន់​គុ​ហ៝ម់​តា​នែស​កេង​ជ៝ង់​គ៝ប់​អ្យាៈ!”
JAM 2:4 លាស​ខាន់​អៃ​មៃ​កើយ្ស​ឞូនុយ្ស​កើត​នៃ ខាន់​អៃ​មៃ​លែៈ​គែស​នូយ្ស​នហ៝ម់​អ្យើស​ជេស។
JAM 2:5 អើ​អ៝ស​នោ​តា​នាវ​ញឆីង​អី​គ៝ប់​រ៝ង់ ទាន់​ខាន់​អៃ​មៃ​អ្យាត់​គ៝ប់ កោរាញ​ឞ្រាស​លែៈ​កើយ្ស​ជេស​ផូង​ឞូនុយ្ស​ក្រ៝​អ៝​អាច​តា​នែស​នតូ​អ្យា​អ៝ន់​ជេង​នទ្រ៝ង់​តា​នាវ​ញឆីង នទ្រែល​មា​កោរាញ​ឞ្រាស​ម៝ត់​អ្វាញ់​នឹង កើត​ពាង់​លែៈ​ត៝ន​អ៝ន់​ជេស​មា​ឞូ​ម៝ស​អី​រ៝ង់​ពាង់‌
JAM 2:6 តីស​មា​ខាន់​អៃ​មៃ​មឺច​ផូង​ក្រ៝​អ៝​អាច​ច្រាវ។ អើម​មោ​ទី​លាស​ផូង​នទ្រ៝ង់​តុន​ជ៝ត​ខាន់​អៃ​មៃ អូយ្ស​មផ៝ក់​ខាន់​អៃ​មៃ​ហាន់​តា​នាប់​កោរាញ​ផាត​ទោយ្ស​ហែស?
JAM 2:7 អើម​មោ​ទី​លាស​ផូង​អី​នៃ​មឺច​រាម៝ត​ឞ្រាស​យេឆូ​ក្រីស ​អី​អ្វែស​ហោ​ងាន់ អី​កោរាញ​ឞ៝ន់​ហែស?
JAM 2:8 លាស​ខាន់​អៃ​មៃ​ជាន​តឹង​នាវ​វៃ​អី​ទុត​ខ្លៃ​តា​នាវ​កោរាញ​ឞ្រាស​ងើយ៖ «អ៝ន់​រ៝ង់​មា​ឞូ​ច្យៅ​មែង​កើត​រ៝ង់​មា​ឆាក់​ខាន់​អៃ​មៃ​នើម​ដ៝ង់» លាស​នទ្រី​ខាន់​អៃ​មៃ​ជាន​អ្វែស​ងាន់។
JAM 2:9 យើន​មា​លាស​ខាន់​អៃ​មៃ​កើយ្ស​ឞូនុយ្ស ខាន់​អៃ​មៃ​លែៈ​ជាន​តីស​ជេស ជេសរី​ខាន់​អៃ​មៃ​ជេង​ឞូនុយ្ស​ជាន​រាលាវ​ដាស​នាវ​វៃ‌
JAM 2:10 យ៝រ​លាស​ឞូ​ម៝ស​អី​លែៈ​ជាន​តឹង​នាវ​វៃ​អាប់​លែៈ​ផ្យៅ​ងាន់ យើន​មា​ហោម​គែស​ជាន​រាលាវ​តា​ទូ​នតីល​ទើម​តា​នាវ​វៃ​អី​នៃ ក៝ៈ​តឹម​ឞាន​មា​ជាន​រាលាវ​លែៈ​រាងោច​នាវ​វៃ​អី​នៃ​ដ៝ង់។
JAM 2:11 កោរាញ​ឞ្រាស​លាស៖ «លើយ​តា​ល៝ម់​អូរ​ល៝ម់​ឆាយ» ជេសរី​ពាង់​លាស​ដ៝ង់៖ «លើយ​តា​អោស​ងខឹត​ឞូនុយ្ស»។ ឞូ​ម៝ស​អី​មោ​អោស​តឹម​ល៝ម់​អូរ​ល៝ម់​ឆាយ យើន​មា​ងខឹត​ឞូ លាស​នទ្រី​ឞូនុយ្ស​អី​នៃ​លែៈ​ជាន​រាលាវ​ដាស​នាវ​វៃ​ជេស។
JAM 2:12 អ៝ន់​ខាន់​អៃ​មៃ​មឞើស​ងើយ នទ្រែល​មា​គុ​រេស​អ៝ន់​តឹម​ទី​ដាស​នាវ​វៃ​អី​ទុត​ខ្លៃ​នៃ​អី​ដាៈ​រ៝ង់​មា​ឞូ​អី​អ៝ន់​ឞូនុយ្ស​ជេង​ក៝ន​មែ​តឹម​ឞាន​មា​បើក​ឞើស​នាវ​ជាន​ទឹក​ឞូ នាវ​វៃ​អី​នៃ​អី​ផាត​ទោយ្ស​ខាន់​អៃ​មៃ‌
JAM 2:13 យ៝រ​លាស​ឞូ​ម៝ស​អី​មោ​គែស​នាវ​យោៈ​នអាច​មា​ឞូ កោរាញ​ឞ្រាស​មរា​តេៈ​ទោយ្ស​ពាង់​អី​នៃ​មោ​គែស​នាវ​យោៈ​នអាច​ដ៝ង់។ យើន​មា​ឞូ​ម៝ស​អី​គែស​នាវ​យោៈ​នអាច​មា​ឞូ ពាង់​អី​នៃ​មោ​អោស​គែស​នាវ​មា​ក្លាច​នោក​កោរាញ​ឞ្រាស​ផាត​ទោយ្ស យ៝រ​លាស​កោរាញ​ឞ្រាស​យោៈ​នអាច​មា​ពាង់។
JAM 2:14 អើ​អ៝ស​នោ​តា​នាវ​ញឆីង លាស​ឞូ​ម៝ស​អី​កើប​អេង​ឆាក់​ពាង់​នើម​គែស​នាវ​ញឆីង​មា​ឞ្រាស​ក្រីស តីស​មា​មោ​អោស​ជាន​អ្វែស​មា​ឞូ លាស​នទ្រី​ម៝ស​គែស​នាវ​ខ្លៃ? លាស​នទ្រី​អាស​នាវ​ពាង់​ញឆីង​អី​នៃ​អើម​ទើយ​រាក្លាយ្ស​ពាង់​ដ៝ង់​ឞើស?
JAM 2:15 នតឹត​លាស​គែស​ទូ​ហ្វេ​អ៝ស​នោ​ឞូ​ក្លោ​មោ​លាស​ឞូ​អូរ​តា​នាវ​ញឆីង មោ​គែស​អោស​ឞ៝ក​អាវ​ញឆ៝ស មោ​គែស​អោស​នទើ​ឆោង​ឆា​អាប់​នារ‌
JAM 2:16 ជេសរី​លាស​គែស​ទូ​ហ្វេ​ឞូនុយ្ស​តា​ផូង​ខាន់​អៃ​មៃ​លាស​មា​អោឞាល់​អី​នៃ៖ “ហាន់​អ៝ន់​គែស​នាវ​អ្វែស​លាង់​ដាប់​មពាន់​យឹ អ៝ន់​គែស​នាវ​ទោស​រាម់​យឹ ឆោង​ឆា​ហើម​យឹ!” យើន​មា​មោ​គែស​អោស​អ៝ន់​នទើ​កើល​ពាង់ លាស​នទ្រី​នាវ​អី​នៃ​អើម​គែស​នាវ​ខ្លៃ​ដ៝ង់​លាស​មោ?
JAM 2:17 នាវ​ញឆីង​ក៝ៈ​តឹម​ឞាន​កើត​នៃ​ដ៝ង់ លាស​ទូ​ហ្វេ​ឞូនុយ្ស​ញឆីង​មោ​អោស​ឆៃ​ពាង់​ជាន​តឹង​កើត នាវ​ញឆីង​អី​នៃ​មោ​អោស​គែស​ខ្លៃ។
JAM 2:18 គែស​ឞូនុយ្ស​អាបាៈ​លាស៖ “ឞូនុយ្ស​អាបាៈ​គែស​នាវ​ញឆីង ឞូនុយ្ស​អាបាៈ​ជាន​នាវ​អ្វែស​មា​ឞូ”។ យើន​មា​គ៝ប់​លាស៖ “អា​មើម​ឞ្លាវ​ញហើ​នាវ​ញឆីង​អ៝ន់​ឆៃ លាស​មោ​អោស​ជាន​អ្វែស​មា​ឞូ? គ៝ប់​មរា​ញហើ​នាវ​ញឆីង​តា​នាវ​អ្វែស​គ៝ប់​ជាន​អ៝ន់​ឞូ​ឆៃ​ដ៝ង់”។
JAM 2:19 ឞូនុយ្ស​អាបាៈ​លែៈ​អ្យាត់​លាស​គែស​ទូ​ហ្វេ​កោរាញ​ឞ្រាស​ទើម នាវ​អី​នៃ​អ្វែស​ងាន់ យើន​មា​មពោល​ឞ្រាស​អ្យើស​លែៈ​អ្យាត់​កើត​នៃ​ដ៝ង់ ជេសរី​នអ៝ប់​មា​ក្លាច​ញឆ៝រ់​ឆាក់​ជាន់​ជឹត យ៝រ​លាស​លែៈ​គឹត​ជេស​កោរាញ​ឞ្រាស​មរា​តេៈ​ទោយ្ស​ខាន់​ពាង់។
JAM 2:20 ឞូ​ម៝ស​អី​គឹត​លាស​គែស​នាវ​រាក្លាយ្ស​តាៈ​ឞើស​នាវ​ញឆីង​ទើម មោ​ខាច់​អោស​ឆៃ​នាវ​អ្វែស​ពាង់​ជាន​តា​នាវ​គុ​រេស​ពាង់ ឞូនុយ្ស​អី​នៃ​រាលូក​ម៝ល់​ងាន់។ គ៝ប់​មឞើស​មា​ខាន់​អៃ​មៃ មោ​អោស​គែស​ខ្លៃ​លាស​ទូ​ហ្វេ​ឞូនុយ្ស​អី​ញឆីង យើន​មា​តា​នាវ​គុ​រេស​ពាង់​មោ​អោស​ឆៃ​នាវ​អ្វែស​ពាង់​ជាន។
JAM 2:21 អាឞ្រាហាម់ ​អី​ចែ​ផូង​អីឆ្រាអែល  ពាង់​ឆ៝ៈ​ក៝ន​ពាង់​នើម​រាញា​អីឆាក់ ​តេៈ​តា​កាលើ​នតុក​គុច​ពូរ​នទើ​ជាន​ឞ្រាស គៃ​មា​គុច​ញហើរ​អ៝ន់​មា​កោរាញ​ឞ្រាស។ នទ្រី​ទឹង​កោរាញ​ឞ្រាស​កើប​ពាង់​ឆ៝ង់ យ៝រ​មា​ពាង់​ជាន​តឹង​កើត​នាវ​កោរាញ​ឞ្រាស​ដាៈ។
JAM 2:22 នទ្រី​ខាន់​អៃ​មៃ​ឆៃ​នាវ​ញឆីង​ពាង់​នអ៝ប់​មា​នទើ​ពាង់​ជាន​ជេង​តឹម​ទី ជេសរី​នាវ​ពាង់​ជាន​អី​នៃ​ជាន​អ៝ន់​នាវ​ពាង់​ញឆីង​ជេង​អ្វែស​តឹម​ទី​កែស​ងាន់។
JAM 2:23 នទ្រី​គែស​ងាន់ នាវ​អី​លែៈ​គែស​ញចីស​តា​នាវ​កោរាញ​ឞ្រាស​ងើយ៖ «អាឞ្រាហាម់ ​ញឆីង​មា​កោរាញ​ឞ្រាស តាៈ​ឞើស​នាវ​ញឆីង​អី​នៃ​ទឹង​កោរាញ​ឞ្រាស​កើប​ពាង់​លែៈ​ឆ៝ង់»។ ជេស​រី​កោរាញ​ឞ្រាស​ក្វាល់​អាឞ្រាហាម់ ​ជេង​មឹត​ជាង់​ពាង់​នើម​ដ៝ង់។
JAM 2:24 លាស​នទ្រី​ខាន់​អៃ​មៃ​ឆៃ​កោរាញ​ឞ្រាស​កើប​ឞូនុយ្ស​ជេង​ឆ៝ង់​តាៈ​ឞើស​នទើ​អី​ខាន់​ពាង់​ជាន នអ៝ប់​មា​នាវ​ញឆីង មោ​អោស​ទើន​យ៝រ​មា​នាវ​ញឆីង​ទើម។
JAM 2:25 តឹម​ឞាន​កើត​នៃ​ដ៝ង់ ទូ​ហ្វេ​ឞូ​អូរ​វាង់​តឹរ​រាញា​រាហាប់  កោរាញ​ឞ្រាស​កើប​ពាង់​លែៈ​ឆ៝ង់​តាៈ​ឞើស​នទើ​ពាង់​ជាន យ៝រ​លាស​ពាង់​រ៝ម​មពោល​អី​ហាន់​អ្វាញ់​តា​ឞ្រី​នៃ​គៃ​មា​នទ្រាប់​តឹម​លើស ជេសរី​កើល​ខាន់​ពាង់​ឆឹត​រ៝ៈ​ត្រ៝ង​អេង ឞាស​ឞូ​ញុប​ខាន់​ពាង់។
JAM 2:26 ល៝ង់​ឆាក់​ជាន់​លាស​មោ​អោស​គែស​ហ្វេង​មោ​អោស​ហោម​រេស កើត​នទ្រី​ដ៝ង់​នាវ​ញឆីង​លាស​មោ​អោស​ឆៃ​ជាន​នទើ​អ្វែស នាវ​ញឆីង​អី​នៃ​មោ​អោស​គែស​នាវ​ខ្លៃ។
JAM 3:1 អើ​អ៝ស​នោ​តា​នាវ​ញឆីង តា​ផូង​ខាន់​អៃ​មៃ អ្វែស​លាស​គែស​ដេៈ​ទើម​ឞូនុយ្ស​ជាន​នើម​នតី យ៝រ​លាស​ខាន់​អៃ​មៃ​លែៈ​គឹត​ជេស កោរាញ​ឞ្រាស​ផាត​ទោយ្ស​ហេន​អី​នើម​នតី​ជ្រូ​រាលាវ​ឞូ។
JAM 3:2 ទឹង​លែៈ​ឞ៝ន់​ហោម​ជាន​តីស​អ៝ក់ ឞូ​ម៝ស​អី​មោ​អោស​ជាន​តីស​តា​នាវ​ពាង់​មឞើស​ងើយ ពាង់​អី​នៃ​ជេង​ឞូនុយ្ស​លែៈ​ទី​កែស នអ៝ប់​មា​ឞ្លាវ​ម៝ត់​ញជ្រាង់​លែៈ​រាងោច​ឆាក់​ជាន់​ពាង់​នើម​រ៝។
JAM 3:3 តា​មឞូង​ឆែស​ឞ៝ន់​តេៈ​ល៝យ្ស គៃ​មា​អ៝ន់​ពាង់​អ្យាត់​ឞ៝ន់ លាស​នទ្រី​ឞ៝ន់​មផ៝ក់​រាឆែ​ជឹត​លែត​ឞ៝ន់​អុច ទឹង​លែៈ​ឆាក់​ពាង់​ហាន់​ជឹត​នៃ​រ៝។
JAM 3:4 អ៝ន់​ខាន់​អៃ​មៃ​អ្វាញ់​មា​ទូក​ក្វ៝ង់ ឞ៝ល​លាស​ពាង់​ក្វ៝ង់​ងាន់ ជេសរី​នអ៝ប់​មា​គែស​ឆ្យាល​ខោម​ទាង់​កាដោយ ហោម​អែ​ពាង់​អី​នាក់​បើក​ទូក​អី​នៃ ហោម​ទើយ​ជ្វែត​តឹង​នូយ្ស​នហ៝ម់​ពាង់​អុច យ៝រ​មា​នទើ​ជ្វែត​អី​ទុត​ជេៈ​ង្វាយ​នៃ។
JAM 3:5 ល៝ង់​មព្យាត់​តឹម​ឞាន​កើត​នៃ​ដ៝ង់ ពាង់​ជេង​នទើ​អី​ជេៈ​តា​ឆាក់​ជាន់ យើន​មា​ពាង់​ទើយ​ជាន​ការ​ក្វ៝ង់​ងាន់។ ឞ៝ល​លាស​ទូ​មល៝ម់​អុញ​ជេៈ យើន​មា​ទើយ​ឆា​ឞ្រី​ទុត​ក្វ៝ង់​ងាន់។
JAM 3:6 មព្យាត់​ជេង​អុញ​ទូ​នតីល​ដ៝ង់ ពាង់​ជេង​នទើ​ទុត​អ្យើស​តា​ឆាក់​ជាន់​ឞ៝ន់​អី​ជាន​អ៝ន់​ឆាក់​ជាន់​ឞ៝ន់​លែៈ​រាងោច​ជេង​បឹ​បើច នទ្រែល​មា​ឆូ​អ្យែស​តា​នាវ​រេស​ឞ៝ន់ យ៝រ​លាស​តា​មព្យាត់​អី​នៃ​គែស​អុញ​នាវ​អ្យើស​តាៈ​ឞើស​នទ្រូង​អុញ។
JAM 3:7 ទឹង​លែៈ​មពោមពា​(ឆ្យុម)​ឞូនុយ្ស​ទើយ​ដាប់​ទាទេ នអ៝ប់​មា​មពោមពា​(ឆ្យុម)​តា​ឞ្រី មពោមពា​(ឆ្យុម)​នារ មពោមពា​(ឆ្យុម)​ហូង​វើរ មពោមពា​(ឆ្យុម)​តា​ទាក‌
JAM 3:8 យើន​មា​មព្យាត់​មោ​គែស​អោស​ទូ​ហ្វេ​ឞូនុយ្ស​ទើយ​ដាប់​ពាង់ យ៝រ​លាស​ជេង​នទើ​អី​ទុត​អ្យើស ទាស​មា​លោស​លាៈ​លោស​លេង​អី​ញជុន​មា​នាវ​ខឹត​តឹម​ឞាន​មា​ខេស​អី​ត៝ត់​ខឹត។
JAM 3:9 មព្យាត់​ឞ៝ន់​មព្រើ​រានេ​កោរាញ​ឞ្រាស​ឞឹ​ឞ៝ន់ ជេសរី​មព្យាត់​ដ៝ង់ ឞ៝ន់​គែស​នាវ​តឹម​រាក​តឹម​រាតាប់​ឞូនុយ្ស​អី​កោរាញ​ឞ្រាស​លែៈ​ញជេង​ជេស​អី​តឹម​ឞាន​មា​ពាង់​នើម​នើស។
JAM 3:10 លាស​នទ្រី​តាៈ​ឞើស​មឞូង​ទូ​ហ្វេ​ឞូនុយ្ស​ទើម​គែស​នអ៝ប់​មា​នាវ​រានេ​កោរាញ​ឞ្រាស គែស​នអ៝ប់​មា​នាវ​រាក​រាតាប់។ អើ​អ៝ស​នោ​តា​នាវ​ញឆីង ជាន​កើត​នៃ​មោ​ទី​អោស!
JAM 3:11 អាស​ម៝ប់​ដ៝ង់​ឞើស គែស​តូ​ទាក​ង្វាយ​ទើម គែស​ទាក​កាស គែស​ទាក​តាង់​ដ៝ង់?
JAM 3:12 អើ​អ៝ស​នោ​តា​នាវ​ញឆីង អាស​តើម​រាវី​ឞ្លាវ​ដ៝ង់​ឞើស ជេង​ព្លៃ​អោលីវ ? មោ​លាស​តើម​ព្លៃ​យុងយារ​ប៝ន​ឞ្លាវ​ដ៝ង់​ឞើស ជេង​ព្លៃ​រាវី? តូ​ទាក​តាង់ មោ​ដ៝ង់​ឞ្លាវ​លោស​ជេង​ទាក​កាស។
JAM 3:13 តា​ផូង​ខាន់​អៃ​មៃ ឞូ​ម៝ស​អី​គែស​នាវ​មឹន​គឹត​ឞ្លាវ នអ៝ប់​មា​នាវ​គឹត​វ៝ត់​តា​នាវ​កោរាញ​ឞ្រាស អ៝ន់​ពាង់​ជាន​នទើ​អ្វែស​តា​នាវ​គុ​រេស​ទោ នអ៝ប់​មា​ជាន​នាវ​អ្វែស​អ៝ន់​មា​ឞូ​អេង​មា​នាវ​មលែស​រាមេន​អី​តាៈ​ឞើស​នាវ​មឹន​គឹត​ឞ្លាវ រី​មើ​ឞូ​កើប​ពាង់​គែស​នាវ​មឹន​គឹត​ឞ្លាវ​ងាន់។
JAM 3:14 យើន​មា​លាស​គែស​នូយ្ស​នហ៝ម់​មោ​នាច​ទុត​ហោ​ងាន់ នទ្រែល​មា​គឹត​មា​ឆាក់​ពាង់​នើម​ទើម លាស​នទ្រី​លើយ​ទឹង​នហី​អេង​ឆាក់​គែស​នាវ​មឹន​គឹត​ឞ្លាវ យ៝រ​លាស​ជាន​កើត​នៃ​ជេង​នាវ​មរោស​តឹម​រាទ៝ង់​ងខើង​ដាស​នាវ​ងាន់។
JAM 3:15 នាវ​មឹន​គឹត​ឞ្លាវ​កើត​នៃ មោ​អោស​ទី​តាៈ​ឞើស​កោរាញ​ឞ្រាស ជេង​តាៈ​ឞើស​នាវ​មឹន​អ្យើស​ផូង​ឞូនុយ្ស​អី​មោ​ញឆីង តាៈ​ឞើស​នាវ​អុច​អ្យើស​តា​នូយ្ស​នហ៝ម់ នទ្រែល​មា​តាៈ​ឞើស​ឞ្រាស​អ្យើស​ទើម‌
JAM 3:16 យ៝រ​លាស​អាស​នតុក​គែស​នាវ​តឹម​មោ​នាច នទ្រែល​មា​នាវ​គឹត​មា​ឆាក់​ពាង់​នើម​ទើម តា​នតុក​នៃ​គែស​នាវ​អុស​អាស នទ្រែល​មា​គែស​នាវ​អ្យើស​អាប់​នតីល​ងាន់។
JAM 3:17 យើន​មា​ឞូនុយ្ស​អី​គែស​នាវ​មឹន​គឹត​ឞ្លាវ​អី​តាៈ​ឞើស​កោរាញ​ឞ្រាស ល៝រ​ឞូ​ជេង​នាវ​គុ​ងាវ​ពាង់​អ្វែស​នឹង ពាង់​គុ​នាវ​ដាប់​មពាន់​ដាស​ឞូ​អេង ពាង់​គែស​នូយ្ស​នហ៝ម់​មលែស​រាមេន នូយ្ស​នហ៝ម់​ឞ្លាវ​អ្យាត់​នាវ​ឞូ គែស​នាវ​យោៈ​នអាច​ហោ​ងាន់ នទ្រែល​មា​ជាន​នទើ​អ្វែស​មា​ឞូ ពាង់​មោ​អោស​កើយ្ស​ឞូនុយ្ស ជេសរី​មោ​គែស​ដ៝ង់​នូយ្ស​នហ៝ម់​នទ៝ប់​មពោន។
JAM 3:18 ឞូ​ម៝ស​អី​កើល​ឞូ​អេង​គុ​តា​នាវ​ដាប់​មពាន់​នទ្រាង់​ឞាល់ ពាង់​អី​នៃ​តឹម​ឞាន​មា​ឞូនុយ្ស​តូច​នាវ​ដាប់​មពាន់ ជេសរី​រែក​មា​នាវ​ឆ៝ង់ គុ​រេស​តឹម​ទី​មា​នាវ​កោរាញ​ឞ្រាស​អុច។
JAM 4:1 ឞើស​តាៈ​លោស​នាវ​តឹម​រាទ៝ង់ នាវ​តឹម​ល៝ក់​តឹម​អ្យ្រែល​តា​ផូង​ខាន់​អៃ​មៃ? អើម​មោ​ទី​លាស​តាៈ​ឞើស​នាវ​កើញ​អ្យើស​តា​នូយ្ស​នហ៝ម់ អី​តឹម​លើស​តា​ឆាក់​ខាន់​អៃ​មៃ?
JAM 4:2 ខាន់​អៃ​មៃ​គែស​នូយ្ស​នហ៝ម់​កើញ​ហោ​អីរ​មា​នទើ​អី​ខាន់​អៃ​មៃ​មោ​គែស នទ្រី​ខាន់​អៃ​មៃ​ងខឹត​ឞូ​គៃ​មា​គែស​នទើ​អី​នៃ។ ខាន់​អៃ​មៃ​គែស​នូយ្ស​នហ៝ម់​មោ​នាច​មា​នទើ​ឞូ យើន​មា​មោ​អោស​ទើយ​គែស​នទើ​អី​នៃ នទ្រី​ខាន់​អៃ​មៃ​ជ៝យ​នាវ​តឹម​ល៝ក់​តឹម​រាទ៝ង់​ឞាល់។ ខាន់​អៃ​មៃ​មោ​គែស​នទើ​នើស យ៝រ​លាស​ខាន់​អៃ​មៃ​មោ​ទាន់​កោរាញ​ឞ្រាស។
JAM 4:3 ខាន់​អៃ​មៃ​ទាន់​ដ៝ង់ តីស​មា​មោ​អោស​គែស យ៝រ​លាស​នាវ​អុច​នត្រ៝ង់​តា​នូយ្ស​នហ៝ម់​មោ​អោស​អ្វែស នទ្រែល​មា​ខាន់​អៃ​មៃ​កើញ​គែស​គៃ​មា​រាម់​មអាក​ខាន់​អៃ​មៃ​នើម​ទើម។
JAM 4:4 ខាន់​អៃ​មៃ​ឞូនុយ្ស​មោ​គុ​ន៝ប់​តា​កោរាញ​ឞ្រាស​តឹម​ឞាន​មា​ឞូ​អូរ​ល៝ម់​ឆាយ។ លាស​ខាន់​អៃ​មៃ​អុច​ផូង​ឞូនុយ្ស​អី​មោ​ញឆីង​មា​កោរាញ​ឞ្រាស​កើប​ខាន់​អៃ​មៃ​តឹម​ទី​ដាស​នូយ្ស​នហ៝ម់​ខាន់​ពាង់​នើម លាស​នទ្រី​ខាន់​អៃ​មៃ​ជេង​ឞូនុយ្ស​តឹម​រាលាង់​ដាស​កោរាញ​ឞ្រាស អើម​ខាន់​អៃ​មៃ​មោ​គឹត​នាវ​អី​នៃ​បាស? ឞូ​ម៝ស​អី​អុច​ផូង​ឞូនុយ្ស​អី​មោ​ញឆីង​មា​កោរាញ​ឞ្រាស​កើប​ពាង់​តឹម​ទី​នូយ្ស​នហ៝ម់ ពាង់​អី​នៃ​ជេង​ឞូនុយ្ស​តឹម​រាលាង់​ដាស​កោរាញ​ឞ្រាស។
JAM 4:5 តា​នាវ​កោរាញ​ឞ្រាស​ងើយ​គែស​ញចីស​លាស៖ «កោរាញ​ឞ្រាស​គ្រាង​ឞ៝ន់​ហោ​ងាន់ មោ​អ៝ន់​ឞ៝ន់​រ៝ង់​មា​ឞ្រាស​អា​អេង»។ គឹត​ខាន់​អៃ​មៃ​មឹន​នាវ​អី​នៃ​គែស​ញចីស​ទើម​ទាម​ហើ?
JAM 4:6 យើន​មា​តា​នាវ​អ្វែស​កោរាញ​ឞ្រាស​នើម​ពាង់​អុច​កើល​ឞ៝ន់​ហោ​ងាន់ កើត​នទ្រី​គែស​ញចីស​តា​នាវ​កោរាញ​ឞ្រាស​ងើយ​កើត​នអា៖ «កោរាញ​ឞ្រាស​តឹម​រាទ៝ង់​មា​ឞូនុយ្ស​អី​នហី​អេង​ឆាក់‌ យើន​មា​ពាង់​កើល​មា​ឞូនុយ្ស​អី​ញជុរ​អេង​ឆាក់​អុច​អ្យាត់​ពាង់»។
JAM 4:7 លាស​នទ្រី​អ៝ន់​ខាន់​អៃ​មៃ​អ្យាត់​ជាន​តឹង​នាវ​កោរាញ​ឞ្រាស។ អ៝ន់​គុ​ន៝ប់​រាក៝ក់​ទោ លើយ​អោស​អ្យាត់​លើយ​អោស​ជាន​តឹង​នាវ​ឆាតាង់  នទ្រី​ទឹង​ពាង់​មរា​ទូ​ញច្វាត់​ឞើស​ខាន់​អៃ​មៃ​រ៝។
JAM 4:8 អ៝ន់​ខាន់​អៃ​មៃ​គុ​ទាច់​អា​កោរាញ​ឞ្រាស​ទោ នទ្រី​ពាង់​មរា​គុ​ទាច់​អា​ខាន់​អៃ​មៃ​ដ៝ង់។ អើ​ផូង​ឞូនុយ្ស​តីស រាគ៝ល់​ហ៝ម់​នូយ្ស​នហ៝ម់​អ្យើស​ខាន់​អៃ​មៃ​នើម តឹម​ឞាន​មា​រាវ​តី​អ៝ន់​ក្ល៝ស អើ​ផូង​ឞូនុយ្ស​គែស​នូយ្ស​នហ៝ម់​ឞារ ជាន​ហ៝ម់​នូយ្ស​នហ៝ម់​ខាន់​អៃ​មៃ​នើម​អ៝ន់​ក្ល៝ស តឹង​ទូ​ហ្វេ​កោរាញ​ឞ្រាស​ទើម​ហ៝ៈ!
JAM 4:9 អ៝ន់​ខាន់​អៃ​មៃ​គែស​នូយ្ស​នហ៝ម់​រាង៝ត ញហ្យាង់​ញុម​ហ៝ម់​យ៝រ​មា​នទើ​អ្យើស​អី​ខាន់​អៃ​មៃ​លែៈ​វៃ​ជាន អ៝ន់​នាវ​គើម​ខាន់​អៃ​មៃ​ព្លាច់​រាគ៝ល់​ជេង​នាវ​រាដើស​រាដេង​ហ៝ម់ អ៝ន់​នាវ​រាម់​មអាក​ខាន់​អៃ​មៃ​ព្លាច់​រាគ៝ល់​ជេង​នាវ​រាង៝ត​ក្ល៝ង់​ច្រាវ។
JAM 4:10 អ៝ន់​ខាន់​អៃ​មៃ​ញជុរ​អេង​ឆាក់​តា​នាប់​មាត់​កោរាញ​ឞ្រាស អុច​អ្យាត់​ពាង់ នទ្រី​ពាង់​មរា​នហាវ​ខាន់​អៃ​មៃ​រ៝។
JAM 4:11 អើ​អ៝ស​នោ​តា​នាវ​ញឆីង ខាន់​អៃ​មៃ​លើយ​អោស​តឹម​កែក​នទ្រាង់​នើម។ ឞូ​ម៝ស​អី​តឹម​កែក មោ​លាស​តឹម​ជឺច​នទ្រាង់​ខាន់​ពាង់​នើម ខាន់​ពាង់​អី​នៃ​តឹម​ឞាន​មា​ងើយ​កែក​ងើយ​ជឺច​នាវ​វៃ​កោរាញ​ឞ្រាស​ដ៝ង់។ ឞូ​ម៝ស​អី​ជឺច​នាវ​វៃ​កោរាញ​ឞ្រាស ពាង់​អី​នៃ​មោ​ហោម​អោស​ជាន​តឹង​នាវ​វៃ​អី​នៃ ជេង​កោរាញ​មា​នាវ​វៃ​អី​នៃ​ច្រាវ។
JAM 4:12 គែស​កោរាញ​ឞ្រាស​នើម​ទើម​អី​អ៝ន់​នាវ​វៃ​អី​នៃ នទ្រែល​មា​អី​កោរាញ​ផាត​ទោយ្ស។ ពាង់​នើម​ទើម​គែស​នាវ​ទើយ​មា​កើល​រាក្លាយ្ស នទ្រែល​មា​លើស​ហេង​លើយ។ លាស​នទ្រី​ទាស​ន៝ម់​ក្វ៝ង់​ខាន់​អៃ​មៃ ទឹង​ឞាញ់​ជឺច​មា​ឞូនុយ្ស​អេង​កើត​នៃ!
JAM 4:13 អាបៃ​អ្យា​ឞូនុយ្ស​អី​លាស៖ “នារ​អ្យា មោ​លាស​អោយ​តៃ គ៝ប់​ហាន់​តា​ប៝ន​រី ជេសរី​គុ​តា​ប៝ន​អី​នៃ​ទូ​នាម់​គៃ​មា​តាច់​រាគ៝ល់​អ៝ន់​គែស​អ៝ក់​ក៝ន​ព្រាក់!”
JAM 4:14 យើន​មា​គ៝ប់​ទាន់​មឞើស​មា​ខាន់​អៃ​មៃ មោ​គឹត​អោស​នាវ​រេស​ខាន់​អៃ​មៃ​ម៝ស​បាៈ​គែស​តា​នារ​អោយ​តៃ នាវ​រេស​ខាន់​អៃ​មៃ​ជេង​តឹម​ឞាន​មា​ថុល​តុក​លេម​អី​ឆៃ​តា​ទូ​ប្ល៝ត់​ទើម ជេសរី​មោ​ហោម​ឆៃ​អោស។
JAM 4:15 អ្វែស​រាលាវ​អ៝ន់​ខាន់​អៃ​មៃ​ងើយ​កើត​នអា៖ “លាស​កោរាញ​ឞ្រាស​អុច គ៝ប់​ហោម​គុ​រេស គ៝ប់​ជាន​នទើ​អ្យា មោ​លាស​ជាន​នទើ​អី​ត៝”។
JAM 4:16 តីស​មា​ខាន់​អៃ​មៃ​ងើយ​នហី​ឆាក់​ច្រាវ នាវ​អី​ខាន់​អៃ​មៃ​ងើយ​នហី​ឆាក់​កើត​នៃ​ជេង​អ្យើស។
JAM 4:17 លាស​ឞូ​ម៝ស​អី​លែៈ​គឹត​ជេស​ទូ​នតីល​នទើ​អី​ទី​អី​អ្វែស​មា​ជាន​អ៝ន់​មា​ឞូ​អេង តីស​មា​មោ​អោស​ជាន លាស​នទ្រី​ឞូនុយ្ស​អី​នៃ​លែៈ​ជាន​តីស​ជេស។
JAM 5:1 ល៝ង់​មា​ផូង​អី​ឞូនុយ្ស​នទ្រ៝ង់ អ៝ន់​ខាន់​អៃ​មៃ​ញហ្យាង់​ញុម​នតែរ​វើល​ទោ យ៝រ​លាស​នាវ​រេស​រាញាល់​មរា​គែស​តា​ផូង​ខាន់​អៃ​មៃ​រ៝‌
JAM 5:2 ទ្រាប់​នទើ​ខាន់​អៃ​មៃ​អោម​លែៈ​ផ្យៅ ឞ៝ក​អាវ​ខាន់​អៃ​មៃ​លែៈ​តាប់ទឹរ​ឆា​ដ៝ង់។
JAM 5:3 ព្រាក់​មាយ្ស​ខាន់​អៃ​មៃ​លែៈ​អាច់​គាម់​ឆា ត៝ត់​មា​ឆៃ​អាច់​គាម់​ឆា រី​មើ​ឞូ​គឹត​លាស​មោ​អោស​គែស​ឆ៝ៈ​ព្រាក់​មាយ្ស​មា​កើល​ឞូ គឹត​មា​ឆាក់​ខាន់​អៃ​មៃ​នើម​ទើម លាស​នទ្រី​កោរាញ​ឞ្រាស​មរា​តេៈ​ទោយ្ស​ខាន់​អៃ​មៃ​តឹម​ឞាន​មា​អុញ​ទែ​ឆា​ដ៝ង់។ រានោក​អ្យា​ជេង​រានោក​ងគ្លែៈ​ទុត យើន​មា​ខាន់​អៃ​មៃ​ហោម​រាគូម​ទ្រាប់​នទើ​មា​ព្រាប់‌
JAM 5:4 ខាន់​អៃ​មៃ​មោ​អោស​បើក​ព្រាក់​ងខោម​អ៝ន់​មា​មពោល​អី​រែក​ឞា​តា​ឆ្រែ​ខាន់​អៃ​មៃ ជេសរី​ឞូ​មរា​នតោន​ខាន់​អៃ​មៃ​យ៝រ​មា​ខាន់​អៃ​មៃ​មោ​បើក​ព្រាក់​អី​នៃ។ ល៝ង់​នាវ​នតែរ​មពោល​អី​នៃ​តាង់​ត៝ត់​អា​កោរាញ​ឞ្រាស​អី​ទុត​គែស​នាវ​ទើយ​មា​ទឹង​លែៈ​នតីល​នទើ។
JAM 5:5 ខាន់​អៃ​មៃ​គុ​រេស​តា​នែស​នតូ​អ្យា​ពើស​មា​ឆា​កាស​វាស​ងី រ៝ង់​មា​រាង្លៃ​ឆាក់​អុច​ទុត​អ្វែស​រាម់​មអាក​ងាន់ តឹម​ឞាន​មា​នទ្រោក​ឆា​លៃ យើន​មា​ឞូ​មរា​មឞាង​ពាង់​មា​ឆា កើត​នៃ​ដ៝ង់ ខាន់​អៃ​មៃ​ជាន​តីស​អ៝ក់​ពើស​មា​រាម់​មអាក​ខាន់​អៃ​មៃ​នើម​ទើម យើន​មា​កោរាញ​ឞ្រាស​មរា​តេៈ​ទោយ្ស​ជ្រូ​មា​ខាន់​អៃ​មៃ។
JAM 5:6 រាលាវ​ឞើស​នៃ​ជឹត ខាន់​អៃ​មៃ​លែៈ​តេៈ​ទោយ្ស នទ្រែល​មា​លែៈ​ងខឹត​លើយ​ដ៝ង់​ឞូនុយ្ស​ឆ៝ង់​អាបាៈ ឞ៝ល​លាស​ខាន់​ពាង់​មោ​អោស​តឹម​រាទ៝ង់​ដាស​ខាន់​អៃ​មៃ។
JAM 5:7 អើ​អ៝ស​នោ​តា​នាវ​ញឆីង អ៝ន់​ខាន់​អៃ​មៃ​អ៝ត់​នូយ្ស​នហ៝​មា​ត៝ត់​នារ​កោរាញ​យេឆូ ​ព្លឹ​វាច់។ ល៝ង់​អ្វាញ់​មពោល​អី​ជាន​មីរ​ជាន​ឆ្រែ នតើម​ឞើស​តូច​ខាន់​ពាង់​គែស​នូយ្ស​នហ៝ម់​អ៝ត់​នូយ្ស​គុ​ក៝ប់​ទាក​មីស​នហ៝​មា​ត៝ត់​ឞា​ទុម​គែស​ព្លៃ​អី​អ្វែស​អី​តាៈ​ឞើស​នែស​នៃ។
JAM 5:8 អ៝ន់​ខាន់​អៃ​មៃ​គុ​ក៝ប់​មា​នូយ្ស​នហ៝ម់​អ៝ត់​នូយ្ស​តឹម​ឞាន​កើត​នៃ​ដ៝ង់ អ៝ន់​ខាន់​អៃ​មៃ​គែស​នូយ្ស​នហ៝ម់​ន៝ប់ យ៝រ​លាស​នារ​កោរាញ​យេឆូ ​ព្លឹ​វាច់​ឞើយ​ត៝ត់​ជេស។
JAM 5:9 អើ​អ៝ស​នោ​តា​នាវ​ញឆីង លើយ​អោស​អ៝ក់​ឞ៝រ់​ញជ៝រ់​ឆេក​នទ្រាង់​នើម គៃ​មា​លើយ​តា​កោរាញ​ឞ្រាស​តេៈ​ទោយ្ស យ៝រ​លាស​នើម​អី​ផាត​ទោយ្ស ពាង់​លែៈ​ទ៝ក់​តា​ឞោក​មពោង​ជេស។
JAM 5:10 ល៝ង់​អ្វាញ់​មពោល​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស ខាន់​ពាង់​មឞើស​ងក៝ច​តា​រាញា​កោរាញ​ឞ្រាស​នអ៝ប់​មា​នូយ្ស​នហ៝ម់​អ៝ត់​នូយ្ស ឞ៝ល​លាស​ឞូ​ជាន​ជេរ​ជ៝ត់​មា​ខាន់​ពាង់​កាដោយ អ៝ន់​ខាន់​អៃ​មៃ​ជាន​តឹង​ខាន់​ពាង់​ទោ។
JAM 5:11 ល៝ង់​ឞូ​ម៝ស​អី​វៃ​គុ​ន៝ប់​តា​នាវ​ជេរ​ជ៝ត់ ឞ៝ន់​កើប​ឞូនុយ្ស​អី​នៃ​កោរាញ​ឞ្រាស​អ៝ន់​នាវ​គែស​ជេង។ កើត​លាស​ខាន់​អៃ​មៃ​លែៈ​វៃ​តាង់​ជេស​មា​ទូ​ហ្វេ​យោប ​កាល់​អែ​នើស ពាង់​វៃ​គុ​ន៝ប់​តា​នាវ​ជេរ​ជ៝ត់ ជេសរី​ខាន់​អៃ​មៃ​លែៈ​គឹត​ដ៝ង់​ត៝ត់​ឞើស​កើយ​នៃ​កោរាញ​ឞ្រាស​អ៝ន់​នាវ​គែស​ជេង​មា​ពាង់​លើ​មា​ហោ យ៝រ​លាស​កោរាញ​ឞ្រាស​គែស​នូយ្ស​នហ៝ម់​អ្វែស គែស​នូយ្ស​នហ៝ម់​យោៈ​នអាច​ទុត​ហោ​ងាន់។
JAM 5:12 អើ​អ៝ស​នោ​តា​នាវ​ញឆីង អី​ខ្លៃ​រាលាវ​លើយ​អោស​ត៝ន​មា​ត្រោក មា​នែស មោ​លាស​មា​នទើ​អេងៗ​ជឹត។ លាស​ខាន់​អៃ​មៃ​លាស «អើ» អ៝ន់​គឹត​លាស «អើ» លាស​ខាន់​អៃ​មៃ​លាស «មោ» អ៝ន់​គឹត​លាស «មោ» គៃ​មា​លើយ​អ៝ន់​គែស​ទោយ្ស។
JAM 5:13 តា​ផូង​ខាន់​អៃ​មៃ លាស​គែស​ទូ​ហ្វេ​ឞូនុយ្ស​គែស​នាវ​ជេរ​ជ៝ត់ អ៝ន់​ពាង់​មឞើស​ឆើម។ លាស​ឞូ​ម៝ស​អី​គែស​នាវ​រាម់​មអាក អ៝ន់​ពាង់​មព្រើ​រានេ​កោរាញ​ឞ្រាស។
JAM 5:14 លាស​គែស​ឞូនុយ្ស​ជី អ៝ន់​ពាង់​ក្វាល់​មពោល​កោរាញ​ផូង​ញឆីង គៃ​មា​កើល​មឞើស​ឆើម​មា​ឞូនុយ្ស​ជី​អី​នៃ នទ្រែល​មា​ហឹង​ទាក​ងី​តា​ឆាក់​ឞូនុយ្ស​ជី​នៃ ទាន់​តា​រាញា​កោរាញ​យេឆូ ។
JAM 5:15 លាស​ខាន់​ពាង់​មឞើស​ឆើម​នអ៝ប់​មា​នាវ​ញឆីង ឞូនុយ្ស​អី​នៃ​មរា​ឞាស​ជី​រ៝ កោរាញ​យេឆូ ​មរា​ជាន​ឞាស​ពាង់​អី​នៃ​រ៝។ លាស​ពាង់​គែស​ជាន​តីស កោរាញ​ឞ្រាស​មរា​យោៈ​នាវ​តីស​ពាង់។
JAM 5:16 លាស​នទ្រី​អ៝ន់​ខាន់​អៃ​មៃ​តឹម​ងក៝ច​នាវ​តីស​អ៝ន់​មា​នទ្រាង់​នើម នហ៝​មា​តឹម​កើល​មឞើស​ឆើម​នទ្រាង់​នើម គៃ​មា​ឞាស​នាវ​ជី។ នាវ​មឞើស​ឆើម​ឞូនុយ្ស​ឆ៝ង់​គែស​នាវ​ទើយ​គែស​នាវ​តាម​ងាន់។
JAM 5:17 គែស​ទូ​ហ្វេ​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស រាញា​អេលីយា  ពាង់​ឞូនុយ្ស​កើត​ឞ៝ន់​ដ៝ង់ ពាង់​មឞើស​ឆើម​មា​លែៈ​នូយ្ស​នហ៝ម់​ទាន់​មោ​អ៝ន់​គែស​ទាក​មីស​តា​ឞ្រី​អីឆ្រាអែល  ជេសរី​ត្រោក​ព្រាង់​ជ៝ៈ​ពែ​នាម់​ងគូល។
JAM 5:18 ជេស​ពែ​នាម់​ងគូល​នៃ​ពាង់​មឞើស​ឆើម​តៃ​ទូ​តឹ​ជឹត​អ៝ន់​គែស​ទាក​មីស ត្រោក​គែស​មីស​រ៝ ជេសរី​នែស​នតូ​ហ៝ន​នទើ​គែស​ព្លៃ។
JAM 5:19 អើ​អ៝ស​នោ​តា​នាវ​ញឆីង លាស​គែស​ទូ​ហ្វេ​ឞូនុយ្ស​តា​ផូង​ខាន់​អៃ​មៃ​ហ្យើត​គុ​ងាយ​ឞើស​នាវ​នតី​អី​ងាន់ ជេសរី​លាស​គែស​ទូ​ហ្វេ​ឞូនុយ្ស​ជឹត​លែវ​ពាង់​ព្លឹ​ឆឹត​មា​កោរាញ​ឞ្រាស‌
JAM 5:20 អ៝ន់​ខាន់​អៃ​មៃ​គឹត លាស​ឞូ​ម៝ស​អី​លែវ​ឞូនុយ្ស​តីស​ព្លឹ​ឆឹត​មា​កោរាញ​ឞ្រាស នត្លើយ​ឞើស​ត្រ៝ង​តីស​ពាង់​នៃ ឞូនុយ្ស​អី​នាក់​លែវ​នៃ​ជេង​រាក្លាយ្ស​ពាង់​ឞើស​នាវ​ខឹត ជេសរី​កោរាញ​ឞ្រាស​យោៈ​ទឹង​លែៈ​នាវ​តីស​តា​ពាង់​អី​នៃ៕៚
1PE 1:1 ឆ៝ម់បុត​គ៝ប់​ពេត្រោស ​អី​កោរាញ​អ៝ស​ម៝ន​ឞ្រាស​យេឆូ​ក្រីស ។ ទាន់​អោប​នាវ​អ្វែស​លាង់​ខាន់​អៃ​មៃ​អី​លែៈ​កោរាញ​ឞ្រាស​ទែ​កើយ្ស​ជេស អី​គុ​ចាស​ច្រាយ​ជេង​តឹម​ឞាន​មា​ផូង​ឞូ​នាច់​តាៈ​ឞើស​ឞ្រី​អេង​អី​គុ​តា​ឞ្រី​ពុនតុស  ឞ្រី​កាលាតី  ឞ្រី​កាពាដោកៀ  ឞ្រី​អាឆី ​នទ្រែល​មា​តា​ឞ្រី​បីថូនៀ ។
1PE 1:2 កោរាញ​ឞ្រាស​ឞឹ​លែៈ​អើម​ជេស​កើយ្ស​ខាន់​អៃ​មៃ ជេសរី​ឞ្រាស​ហ្វេង​អ្វែស​ជាន​អ៝ន់​ខាន់​អៃ​មៃ​ជេង​ប៝ន​លាន​កោរាញ​ឞ្រាស គៃ​មា​ខាន់​អៃ​មៃ​អ្យាត់​នាវ​ឞ្រាស​យេឆូ​ក្រីស  នទ្រែល​មា​គែស​យោៈ​នាវ​តីស​តាៈ​ឞើស​នាវ​អ្យ្រាស​មហាម​ឞ្រាស​យេឆូ​ក្រីស ​នើម​តា​ផូង​ខាន់​អៃ​មៃ។ ទាន់​នាវ​អ្វែស នទ្រែល​មា​នាវ​ដាប់​មពាន់​កោរាញ​ឞ្រាស​នើម​គុ​តា​ខាន់​អៃ​មៃ​លើ​មា​ហោ​លើ​មា​អ៝ក់។
1PE 1:3 អ៝ន់​រានេ​កោរាញ​ឞ្រាស​អី​ឞឹ​ឞ្រាស​យេឆូ​ក្រីស ​អី​កោរាញ​ឞ៝ន់។ តាៈ​ឞើស​នាវ​យោៈ​ទុត​ក្វ៝ង់​ពាង់​នើម កោរាញ​ឞ្រាស​លែៈ​ជាន​ជេស​នូយ្ស​នហ៝ម់​ឞ៝ន់​អ៝ន់​មហែ​តឹម​ឞាន​មា​អ៝ន់​ឞ៝ន់​ទែស​ទូ​តឹ​ជឹត យ៝រ​មា​ពាង់​លែៈ​ជាន​ឞ្រាស​យេឆូ​ក្រីស ​អ៝ន់​ទ៝ក់​រេស​ឞើស​ផូង​ខឹត នទ្រី​ឞ៝ន់​គែស​នាវ​រានើម​ន៝ប់​រាក៝ក់​ងាន់​ពាង់​មរា​អ៝ន់​ឞ៝ន់​ទ៝ក់​រេស​ដ៝ង់។
1PE 1:4 ជេសរី​ឞ៝ន់​មរា​ឆ៝ៈ​ទើន​នទើ​អី​ឞ៝ន់​មរា​គែស​មា​ឞ៝ន់​នើម​អី​មោ​ឞ្លាវ​អោម អី​មោ​ឞ្លាវ​បឹ​បើច អី​មោ​ឞ្លាវ​ហ្វាញ់។ កោរាញ​ឞ្រាស​លែៈ​នទ្រាប់​លែៈ​ព្រាប់​ជេស​នទើ​អី​ឞ៝ន់​មរា​គែស​មា​ឞ៝ន់​នើម​អី​នៃ​តា​កាលើ​ត្រោក​អី​នតុក​ពាង់​នើម។
1PE 1:5 ពាង់​ម៝ត់​ញជ្រាង់​ខាន់​អៃ​មៃ​មា​នាវ​ទើយ​ពាង់​នើម យ៝រ​មា​នាវ​ខាន់​អៃ​មៃ​ញឆីង​មា​ឞ្រាស​ក្រីស ​នហ៝​មា​ត៝ត់​ខាន់​អៃ​មៃ​ឆ៝ៈ​ទើន​នាវ​រាក្លាយ្ស​ឞើស​នាវ​កោរាញ​ឞ្រាស​តេៈ​ទោយ្ស​តា​ជឹត​នាប់​តៃ។ នាវ​រាក្លាយ្ស​អី​នៃ​ពាង់​លែៈ​ជេស​នទ្រាប់ គៃ​មា​ញហើ​តា​នារ​ងគ្លែៈ​ទុត។
1PE 1:6 កើត​នទ្រី​ទឹង​ខាន់​អៃ​មៃ​រាម់​មអាក​ហោ​ងាន់ ឞ៝ល​លាស​រានោក​អ្យា​ខាន់​អៃ​មៃ​ម៝ប់​នាវ​ជេរ​ជ៝ត់​អេងៗ​អី​គែស​តា​នាវ​រេស​អ្យា​ទូ​ប្ល៝ត់​ទើម​កាដោយ។
1PE 1:7 នាវ​ជេរ​ជ៝ត់​អី​នៃ​អុច​រាល៝ង​នាវ​ញឆីង​ខាន់​អៃ​មៃ​គៃ​មា​ឆៃ​នាវ​ញឆីង​អី​នៃ​ជេង​អ្វែស​ងាន់​ងេន ជេស​រី​នាវ​ញឆីង​ខាន់​អៃ​មៃ​គែស​នាវ​ខ្លៃ​រាលាវ​មា​មាយ្ស​អី​មរា​រ៝ស ឞ៝ល​លាស​ឞូ​គុច​មា​អុញ។ តា​នារ​ឞ្រាស​យេឆូ​ក្រីស ​ញហើ​ឆាក់​អ៝ន់​ទឹង​លែៈ​ឞូនុយ្ស​ឆៃ ខាន់​អៃ​មៃ​មរា​គែស​នាវ​រានេ គែស​នាវ​ច្រេក​លើប នទ្រែល​មា​គែស​នាវ​យើក​យ៝រ​មា​នាវ​ញឆីង​អី​នៃ។
1PE 1:8 ខាន់​អៃ​មៃ​មោ​អោស​វៃ​ឆៃ​ពាង់ យើន​មា​ខាន់​អៃ​មៃ​ហោម​រ៝ង់​ពាង់។ ឞ៝ល​លាស​អាបៃ​អ្យា​ខាន់​អៃ​មៃ​មោ​អោស​ឆៃ​ពាង់​កាដោយ ខាន់​អៃ​មៃ​ហោម​អែ​ញឆីង​មា​ពាង់​ដ៝ង់ ជេសរី​គែស​នាវ​រាម់​មអាក​ទុត​ហោ​ងាន់ មោ​ហោម​អោស​ឞ្លាវ​នតឹត‌
1PE 1:9 យ៝រ​មា​ខាន់​អៃ​មៃ​ឆ៝ៈ​ទើន​នាវ​រាក្លាយ្ស​អី​ជេង​នាវ​ងខោម​តាៈ​ឞើស​នាវ​ខាន់​អៃ​មៃ​ញឆីង។
1PE 1:10 ល៝ង់​មពោល​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស លែៈ​ងក៝ច​ល៝រ​មា​នាវ​អ្វែស​អី​ខាន់​អៃ​មៃ​ឆ៝ៈ​ទើន​អាបៃ​អ្យា។ ខាន់​ពាង់​មេត​អ្វាញ់​ញឆ្រោយ្ស​ជ៝យ​មា​នាវ​រាក្លាយ្ស​អី​នៃ‌
1PE 1:11 គៃ​មា​គឹត​ម៝ស​នារ មើម​ទឹង​មរា​គែស​នាវ​រាក្លាយ្ស​អី​នៃ យ៝រ​លាស​ឞ្រាស​ហ្វេង​អ្វែស​ឞ្រាស​ក្រីស ​អី​គុ​តា​ខាន់​ពាង់​អ៝ន់​ខាន់​ពាង់​គឹត​ល៝រ​មា​នាវ​ជេរ​ជ៝ត់​ឞ្រាស​ក្រីស  នទ្រែល​មា​នាវ​ច្រេក​លើប​តា​ពាង់​ឞើស​កើយ​នាវ​ជេរ​ជ៝ត់​អី​នៃ។
1PE 1:12 យើន​មា​កោរាញ​ឞ្រាស​លែៈ​មឞើស​មា​ខាន់​ពាង់ នាវ​អី​ខាន់​ពាង់​មឞើស​ងក៝ច​នៃ​នើស មោ​អោស​គែស​នាវ​ខ្លៃ​អ៝ន់​មា​ខាន់​ពាង់​នើម ជេង​គែស​នាវ​ខ្លៃ​អ៝ន់​មា​ឞ៝ន់។ អាបៃ​អ្យា​មពោល​អី​មឞើស​ងក៝ច​នាវ​មហែ​មហាន​អ្វែស លែៈ​មឞើស​ងក៝ច​ជេស​ទឹង​លែៈ​នាវ​អី​នៃ​អ៝ន់​មា​ខាន់​អៃ​មៃ​តា​នាវ​ទើយ​ឞ្រាស​ហ្វេង​អ្វែស​អី​ក្ល៝ស​អ្វែស​អី​កោរាញ​ឞ្រាស​នើម​ដាៈ​ហាន់​តាៈ​ឞើស​កាលើ​ត្រោក។ ឞ៝ល​លាស​ផូង​តោង​ពារ់​ក៝ៈ​អុច​គឹត​វ៝ត់​នាវ​អី​នៃ​ហោ​ងាន់​ដ៝ង់។
1PE 1:13 លាស​នទ្រី​អ៝ន់​ខាន់​អៃ​មៃ​នទ្រាប់​នូយ្ស​នហ៝ម់​នាវ​មឹន​មា​ជាន​ការ នទ្រែល​មា​អ៝ន់​ឞ្លាវ​ម៝ត់​ញជ្រាង់​ឆាក់​អ៝ន់​គុ​ទី​កែស អ៝ន់​គែស​នាវ​រានើម​ន៝ប់​មា​នាវ​រាក្លាយ្ស​អី​ឞ្រាស​យេឆូ​ក្រីស ​មរា​អ៝ន់​ខាន់​អៃ​មៃ​តា​នារ​ពាង់​ញហើ​ឆាក់​អ៝ន់​មា​ទឹង​លែៈ​ឞូនុយ្ស​ឆៃ។ នាវ​រាក្លាយ្ស​អី​នៃ​តាៈ​ឞើស​នាវ​អ្វែស​កោរាញ​ឞ្រាស។
1PE 1:14 អ៝ន់​ខាន់​អៃ​មៃ​អ្យាត់​នាវ​កោរាញ​ឞ្រាស​តឹម​ឞាន​មា​ក៝ន​អ្យាត់​នាវ​មេៈ​ឞឹ លើយ​អោស​ជាន​តឹង​នាវ​កើញ​អ្យើស​អី​គែស​តា​នូយ្ស​នហ៝ម់​កើត​ខាន់​អៃ​មៃ​វៃ​ជាន​នោក​អេ​ហ៝ៈ​គឹត​នាល់​នាវ​កោរាញ​ឞ្រាស​នើស។
1PE 1:15 ទឹង​លែៈ​នាវ​ជាន​អ៝ន់​ខាន់​អៃ​មៃ​គុ​ក្ល៝ស​អ្វែស​ទាទេ តឹម​ឞាន​មា​កោរាញ​ឞ្រាស​អី​លែៈ​ក្វាល់​ខាន់​អៃ​មៃ​នើស​ពាង់​ក្ល៝ស​អ្វែស​ដ៝ង់‌
1PE 1:16 យ៝រ​លាស​តា​នាវ​កោរាញ​ឞ្រាស​ងើយ​លែៈ​គែស​ញចីស​ជេស​កោរាញ​ឞ្រាស​លាស​កើត​នអា៖ «អ៝ន់​ខាន់​អៃ​មៃ​ជេង​ក្ល៝ស​អ្វែស យ៝រ​លាស​គ៝ប់​លែៈ​ក្ល៝ស​អ្វែស»។
1PE 1:17 យ៝រ​លាស​ខាន់​អៃ​មៃ​ក្វាល់​ជ៝យ​កោរាញ​ឞ្រាស​កើប​ពាង់​ជេង​ឞឹ អ៝ន់​ក្លាច​យើក​មា​ពាង់​ទោ នោក​ខាន់​អៃ​មៃ​ហោម​គុ​តា​នែស​នតូ​អ្យា​តឹម​ឞាន​មា​ឞូ​នាច់​ឞ្រី​អេង​អី​វែស​ឞិច​ទើម អ៝ន់​ក្លាច​យើក​មា​ពាង់​ទោ យ៝រ​លាស​ពាង់​ផាត​ទោយ្ស​ឞូនុយ្ស​តឹង​នាវ​ខាន់​ពាង់​នើម​ជាន​ទូ​ហ្វេ​ទូ​ហ្វេ​ឆាក់ ពាង់​មោ​អោស​កើយ្ស​ឞូនុយ្ស។
1PE 1:18 ខាន់​អៃ​មៃ​គឹត​ជេស ពាង់​លែៈ​ច្វាយ​ជេស​ខាន់​អៃ​មៃ​ឞើស​នាវ​គុ​រេស​អើម​អី​មោ​គែស​ខ្លៃ អី​ដើន​តាៈ​ឞើស​អូ​ចែ​ខាន់​អៃ​មៃ។ មោ​អោស​ទី​ពាង់​លែៈ​ច្វាយ​ជេស​ខាន់​អៃ​មៃ​មា​នទើ​អី​ឞ្លាវ​រ៝ស​តឹម​ឞាន​មា​ព្រាក់​មាយ្ស‌
1PE 1:19 យើន​មា​ពាង់​លែៈ​ច្វាយ​ខាន់​អៃ​មៃ​មា​មហាម​ខ្លៃ​ឞ្រាស​ក្រីស ​នើម​អី​មោ​អោស​គែស​នាវ​តីស ពាង់​តឹម​ឞាន​មា​ក៝ន​ឞែ​ឞ្យាប់​អី​ទុត​អ្វែស​អី​មោ​អោស​គែស​នាវ​ឆោត​គ្រាយ្ស។
1PE 1:20 កោរាញ​ឞ្រាស​លែៈ​កើយ្ស​ពាង់​ឞើស​អេ​ហ៝ៈ​គែស​នែស​នតូ​នើស​ងាន់ ជេសរី​ញហើ​អ៝ន់​ឞូនុយ្ស​រានោក​ងគ្លែៈ​ទុត​អ្យា​ឆៃ គៃ​មា​គែស​ខ្លៃ​មា​ខាន់​អៃ​មៃ។
1PE 1:21 យ៝រ​មា​ពាង់ ខាន់​អៃ​មៃ​លែៈ​ញឆីង​ជេស​មា​កោរាញ​ឞ្រាស​អី​អ៝ន់​ពាង់​ទ៝ក់​រេស​ឞើស​ផូង​ខឹត ជេសរី​អ៝ន់​ពាង់​គែស​នាវ​ច្រេក​លើប គៃ​មា​ខាន់​អៃ​មៃ​គែស​នាវ​ញឆីង នទ្រែល​មា​គែស​នាវ​រានើម​មា​កោរាញ​ឞ្រាស។
1PE 1:22 ខាន់​អៃ​មៃ​តឹម​ឞាន​មា​លែៈ​ថ៝​អ៝ន់​ក្ល៝ស​ជេស​ខាន់​អៃ​មៃ​នើម យ៝រ​មា​អ្យាត់​នាវ​ងាន់ នទ្រី​ខាន់​អៃ​មៃ​លែៈ​ឞ្លាវ​តឹម​រ៝ង់​នទ្រាង់​នើម​ហោ​ងាន់។ លាស​នទ្រី​អ៝ន់​ខាន់​អៃ​មៃ​តឹម​រ៝ង់​នទ្រាង់​នើម​ទុត​ហោ​មា​លែៈ​នូយ្ស​នហ៝ម់​ងាន់។
1PE 1:23 ខាន់​អៃ​មៃ​លែៈ​គែស​នូយ្ស​នហ៝ម់​មហែ​តឹម​ឞាន​មា​ទែស​ទូ​តឹ​ជឹត មោ​អោស​ទី​ឞើស​រាន៝យ​អី​ឞ្លាវ​អោម ជេង​ឞើស​រាន៝យ​អី​មោ​ឞ្លាវ​អោម តាៈ​ឞើស​នាវ​ងើយ​កោរាញ​ឞ្រាស​អី​រេស​អី​ហោម​បាបើ​នហ៝​រ៝។
1PE 1:24 កើត​លែៈ​គែស​ញចីស​ជេស​តា​នាវ​កោរាញ​ឞ្រាស​ងើយ៖ «ទឹង​លែៈ​ឞូនុយ្ស​ជេង​តឹម​ឞាន​មា​រេប‌ នាវ​អ្វែស​ខាន់​ពាង់​តឹម​ឞាន​មា​នាវ​អ្វែស​កាវ​ឆី​ឞ្រី។ រេប​អី​នៃ​ហ្វាញ់‌ កាវ​អី​នៃ​រុង​ដ៝ង់‌
1PE 1:25 យើន​មា​នាវ​ងើយ​កោរាញ​ឞ្រាស​ហោម​បាបើ​នហ៝​រ៝»។ នាវ​ងើយ​កោរាញ​ឞ្រាស​អី​នៃ​ជេង​នាវ​មហែ​មហាន​អ្វែស​អី​លែៈ​ឞូ​មឞើស​ងក៝ច​អ៝ន់​មា​ខាន់​អៃ​មៃ​នៃ​នើស។
1PE 2:1 លាស​នទ្រី​អ៝ន់​ខាន់​អៃ​មៃ​មអារ់​លើយ​ហ៝ម់​ទឹង​លែៈ​នទើ​អ្យើស មអារ់​លើយ​នាវ​មរោស​នទើម​អាប់​នតីល នូយ្ស​នហ៝ម់​នទ៝ប់​មពោន នូយ្ស​នហ៝ម់​មោ​នាច នទ្រែល​មា​មអារ់​លើយ​នាវ​ងើយ​កែក​ឞូ​អាប់​នតីល!
1PE 2:2 អ៝ន់​ខាន់​អៃ​មៃ​នអើរ​ជ៝យ​នាវ​នតី​ឞើស​កោរាញ​ឞ្រាស តឹម​ឞាន​មា​អ៝ស​ឞេ​អុច​ងាន់​មា​ទាក​ត៝ស​មែ គៃ​មា​ខាន់​អៃ​មៃ​តេស​ក្វ៝ង់ នទ្រែល​មា​ត៝ត់​ខាន់​អៃ​មៃ​គែស​នាវ​រាក្លាយ្ស​ងាន់‌
1PE 2:3 យ៝រ​លាស​អាបៃ​អ្យា​ខាន់​អៃ​មៃ​លែៈ​ឆៃ​ជេស​នាវ​អ្វែស​កោរាញ​យេឆូ ។
1PE 2:4 អ៝ន់​ខាន់​អៃ​មៃ​ហាន់​អា​កោរាញ​យេឆូ ​អី​គែស​នាវ​រេស​នហ៝​រ៝ ពាង់​តឹម​ឞាន​មា​លុ​ឞ្ល៝ន​ទុត​ខ្លៃ​តា​ញីស​ជាន​ឞ្រាស​មា​កោរាញ​ឞ្រាស ជេង​លុ​ឞ្ល៝ន​អី​ឞូនុយ្ស​ទែ​ឞ្លាវ​ជាន​ជៃ​លែៈ​មអារ់​លើយ យើន​មា​លែៈ​កោរាញ​ឞ្រាស​ទែ​កើយ្ស​ពាង់ ជេសរី​កើប​ពាង់​ជេង​គែស​នាវ​ខ្លៃ​ងាន់។
1PE 2:5 កើត​នទ្រី​ដ៝ង់​ខាន់​អៃ​មៃ​នៃ​គែស​នាវ​រេស​នហ៝​រ៝ ខាន់​អៃ​មៃ​ជេង​តឹម​ឞាន​មា​លុ​ឞ្ល៝ន​ដ៝ង់ លាស​នទ្រី​អ៝ន់​កោរាញ​ឞ្រាស​ឆ៝ៈ​ខាន់​អៃ​មៃ​តឹម​រាង្លាប់​ឞាល់​ជេង​តឹម​ឞាន​មា​ជាន​ទូ​មល៝ម់​ជៃ​មា​ពាង់​នើម អ៝ន់​ពាង់​ជាន​ខាន់​អៃ​មៃ​ជេង​មពោល​ឞូនុយ្ស​ជាន​ឞ្រាស​អី​ក្ល៝ស​អ្វែស អី​ញហើរ​នទើ​ជាន​ឞ្រាស​អី​អ៝ន់​ពាង់​រាម់ យ៝រ​មា​នទើ​ឞ្រាស​យេឆូ​ក្រីស ​លែៈ​ជាន​នើស។ ជេសរី​ឞ្រាស​ហ្វេង​អ្វែស​កើល​ខាន់​អៃ​មៃ​តា​នាវ​អី​នៃ។
1PE 2:6 លែៈ​គែស​ញចីស​តា​នាវ​កោរាញ​ឞ្រាស​ងើយ​កើត​នអា៖ «កោរាញ​ឞ្រាស​លាស៖ «ល៝ង់​អ្វាញ់​ហ៝ម់ គ៝ប់​តេៈ​ទូ​មល៝ម់​លុ​ឞ្ល៝ន​មា​ជាន​ជៃ​តា​ប៝ន​យេរូឆាលឹម ‌ លុ​ឞ្ល៝ន​អី​នៃ​ទុត​ខ្លៃ​ទុត​អ្វែស​ងាន់។ ឞូ​ម៝ស​អី​ញឆីង​មា​លុ​អី​នៃ មោ​គែស​អោស​ឞូ​អ៝ន់​ពាង់​គែស​នាវ​ដីត​ព្រេង»»។
1PE 2:7 មា​ខាន់​អៃ​មៃ​អី​ញឆីង លុ​ឞ្ល៝ន​អី​នៃ​ទុត​គែស​នាវ​ខ្លៃ យើន​មា​ឞូនុយ្ស​អី​មោ​អោស​ញឆីង​គែស​ញចីស​មា​ខាន់​ពាង់​កើត​នអា៖ «ទូ​មល៝ម់​លុ​ឞ្ល៝ន​អី​នៃ ឞូនុយ្ស​ឞ្លាវ​ជាន​ជៃ​លុ​ឞ្ល៝ន​លែៈ​មអារ់​លើយ‌ យើន​មា​លុ​ឞ្ល៝ន​អី​នៃ​ជេង​លុ​ឞ្ល៝ន​ខ្លៃ​រាលាវ​ឞូ​ច្រាវ​មា​ជាន​ជៃ​ទុត​ន៝ប់»
1PE 2:8 ជេសរី «ជេង​លុ​ឞ្ល៝ន​អី​ជាន​អ៝ន់​ឞូ​គែស​នាវ​ចេស​ព្រាស‌ ជេង​លុ​ឞ្ល៝ន​អី​អ៝ន់​ឞូ​ចោត​ទូ​ងាយ​ឞើស​នាវ​ញឆីង​មា​កោរាញ​ឞ្រាស»។ ខាន់​ពាង់​អី​នៃ​ទឹង​គែស​មា​តឹម​ឞាន​មា​ចេស​ព្រាស យ៝រ​មា​មោ​អោស​អ្យាត់​នាវ​ងើយ​កោរាញ​ឞ្រាស នាវ​អី​នៃ​លែៈ​អើម​កោរាញ​ឞ្រាស​នទ្រាប់​មា​ខាន់​ពាង់។
1PE 2:9 យើន​មា​ខាន់​អៃ​មៃ​នៃ ខាន់​អៃ​មៃ​លែៈ​ជេង​ទូ​ផូង​អី​កោរាញ​ឞ្រាស​ទែ​លែៈ​កើយ្ស​ជេស ជេង​មពោល​ឞូនុយ្ស​ជាន​ឞ្រាស​មា​កោរាញ​ឞ្រាស​អី​កាដាច់ ជេង​មពោល​អី​ក្ល៝ស​អ្វែស ជេង​ប៝ន​លាន​អី​កោរាញ​ឞ្រាស​លែៈ​ឆ៝ៈ​ព្រាប់​មា​ពាង់​នើម គៃ​មា​មឞើស​ងក៝ច​នាវ​ទុត​អ្វែស​អី​កោរាញ​ឞ្រាស​លែៈ​ជាន ពាង់​អី​លែៈ​ក្វាល់​ខាន់​អៃ​មៃ​លោស​ឞើស​នតុក​ង៝ ហាន់​គុ​អា​នតុក​អាង​នតុក​ពាង់​នើម​អី​អ្វែស​ទុត​នាវ​ងាន់​នៃ។
1PE 2:10 ឞើស​នតើម​នើស​ខាន់​អៃ​មៃ​មោ​អោស​ជេង​ទូ​ផូង​ឞូនុយ្ស‌ យើន​មា​អាបៃ​អ្យា​ខាន់​អៃ​មៃ​លែៈ​ជេង​ទូ​ផូង ជេង​ផូង​ប៝ន​លាន​កោរាញ​ឞ្រាស​នើម។ ឞើស​នតើម​នើស​ខាន់​អៃ​មៃ​មោ​អោស​កោរាញ​ឞ្រាស​យោៈ​នអាច‌ យើន​មា​អាបៃ​អ្យា​ខាន់​អៃ​មៃ​លែៈ​កោរាញ​ឞ្រាស​យោៈ​នអាច។
1PE 2:11 អើ​អ៝ស​នោ​តា​នាវ​ញឆីង​អី​គ៝ប់​រ៝ង់ ខាន់​អៃ​មៃ​អី​តឹម​ឞាន​មា​ឞូនុយ្ស​ផូង​ឞូ​នាច់​ឞ្រី​អេង​តា​នែស​នតូ​អ្យា អី​តឹម​ឞាន​មា​ឞូនុយ្ស​អី​គុ​ញជើស​តា​នែស​នតូ​អ្យា​ទូ​ប្ល៝ត់​ទើម គ៝ប់​ទាន់​ខាន់​អៃ​មៃ​ហោ​ងាន់ អ៝ន់​ខាន់​អៃ​មៃ​ទែរ​ហ៝ម់​ឞើស​នាវ​កើញ​អ្យើស យ៝រ​លាស​នាវ​កើញ​អី​នៃ​តឹម​ឞាន​មា​តឹម​រាទ៝ង់​ដាស​ខាន់​អៃ​មៃ អុច​ងកីង​ខាន់​អៃ​មៃ​មោ​អ៝ន់​អ្យាត់​នាវ​កោរាញ​ឞ្រាស​អុច។
1PE 2:12 អ៝ន់​ខាន់​អៃ​មៃ​គុ​ងាវ​ឆ៝ង់​តា​ងក្លាង​ផូង​អី​មោ​អោស​ញឆីង​មា​ឞ្រាស​យេឆូ​ក្រីស  គៃ​មា​ម៝ស​នទើ​អី​ឞូ​ងើយ​ញចើត​ខាន់​អៃ​មៃ​ជាន​អ្យើស ខាន់​ពាង់​ហោម​ឆៃ​នទើ​អ្វែស​ខាន់​អៃ​មៃ​ជាន ជេសរី​រានេ​កោរាញ​ឞ្រាស​មា​នទើ​អ្វែស​អី​នៃ​តា​នារ​ពាង់​ផាត​ទោយ្ស​ទឹង​លែៈ​ឞូនុយ្ស។
1PE 2:13 អ៝ន់​ខាន់​អៃ​មៃ​យើក​មា​ទឹង​លែៈ​ឞូនុយ្ស​អី​គែស​នាវ​ទើយ​អេងៗ​តា​ឞ្រី​ទាក​តា​នែស​នតូ យ៝រ​លាស​ខាន់​អៃ​មៃ​ញឆីង​មា​កោរាញ​យេឆូ ។ អ៝ន់​យើក​មា​កាដាច់​ជេង​ឞូនុយ្ស​អី​គែស​នាវ​ទើយ​រាលាវ​ឞូ‌
1PE 2:14 អ៝ន់​យើក​មា​កោរាញ​ក្វ៝ង់​អី​កាដាច់​ទែ​អ៝ន់​ជាន​ការ​គៃ​មា​តេៈ​ទោយ្ស​ឞូនុយ្ស​អី​ជាន​អ្យើស ជេសរី​រានេ​មា​ឞូនុយ្ស​អី​ជាន​អ្វែស។
1PE 2:15 កោរាញ​ឞ្រាស​អុច​ខាន់​អៃ​មៃ​ជាន​នទើ​អ្វែស។ លាស​ខាន់​អៃ​មៃ​ជាន​កើត​នៃ នទ្រី​ទឹង​ឞូនុយ្ស​អី​រាលូក​ម៝ល់​អី​មោ​អោស​គឹត​នាល់​ពាង់ មោ​ហោម​អោស​ឞ្លាវ​ងើយ​នាវ​អ្យើស​តា​ខាន់​អៃ​មៃ។
1PE 2:16 ទឹង​លែៈ​ឞ៝ន់​មោ​ហោម​អោស​គុ​តា​ន៝ម់​ទាស​មា​នាវ​ឞូ​ដាៈ យើន​មា​លើយ​អោស​ទាស​មា​ឞ៝ន់​នើម​អុច​ជាន​បេង​មា​ញឆោស​នាវ​ជាន​អ្យើស​ច្រាវ យ៝រ​លាស​ខាន់​អៃ​មៃ​ហោម​ជេង​ឞូនុយ្ស​ឆើម​កើល​ជាន​ការ​មា​កោរាញ​ឞ្រាស។
1PE 2:17 អ៝ន់​ខាន់​អៃ​មៃ​យើក​មា​ទឹង​លែៈ​ឞូនុយ្ស អ៝ន់​រ៝ង់​មា​ឞូនុយ្ស​អី​លែៈ​ញឆីង ជេសរី​ក្លាច​យើក​មា​កោរាញ​ឞ្រាស នទ្រែល​មា​យើក​មា​កាដាច់។
1PE 2:18 អើ​ផូង​ទឹក​ឞូ អ៝ន់​ខាន់​អៃ​មៃ​អ្យាត់ នអ៝ប់​មា​យើក​ហ៝ម់​កោរាញ​ខាន់​អៃ​មៃ​នើម មោ​អោស​ទើន​យើក​មា​កោរាញ​អី​អ្វែស​អី​មលែស​ទើម កោរាញ​អី​មោ​អ្វែស​អី​ជាញ អ៝ន់​ខាន់​អៃ​មៃ​ក្លាច​យើក​មា​ពាង់​ដ៝ង់។
1PE 2:19 កោរាញ​ឞ្រាស​រាម់​មអាក​មា​ឞ៝ន់ លាស​ឞ៝ន់​ជាន​តឹង​នាវ​ពាង់​នើម​អុច ឞ៝ល​លាស​ឞូ​ជាន​ជេរ​ជ៝ត់​មោ​គែស​កោៈ​មោ​គែស​នាវ​កាដោយ​ដ៝ង់ នអ៝ប់​មា​គុ​អ្យាត់​ឆាក់​រាក្លាក់​ហ៝ៈ យ៝រ​មា​កាស​គឹត​មា​កោរាញ​ឞ្រាស។
1PE 2:20 លាស​ឞ៝ន់​ទើន​នាវ​ឞូ​រាពាត់​មឞាង​យ៝រ​មា​ឞ៝ន់​ជាន​តីស លាស​នទ្រី​កោរាញ​ឞ្រាស​មោ​អោស​រានេ​ឞ៝ន់ យើន​មា​លាស​ឞ៝ន់​ជាន​អ្វែស ជេសរី​ឞូ​ហោម​ជាន​ជេរ​ជ៝ត់ នទ្រី​កោរាញ​ឞ្រាស​រានេ​ឞ៝ន់។
1PE 2:21 កោរាញ​ឞ្រាស​ក្វាល់​ឞ៝ន់​គៃ​មា​ទើន​នាវ​ជេរ​ជ៝ត់​កើត​នៃ យ៝រ​លាស​ឞ្រាស​ក្រីស ​លែៈ​ទើន​ជេស​នាវ​ជេរ​ជ៝ត់​នត្រ៝ៈ​ឞ៝ន់ គៃ​មា​លែវ​នាវ​អ្វែស អ៝ន់​ឞ៝ន់​តឹង​កើត​ពាង់​ដ៝ង់។
1PE 2:22 លែៈ​គែស​ញចីស​លាស​មា​ពាង់៖ «ពាង់​មោ​អោស​ព្រ៝ត​ជាន​តីស‌ មឞូង​ពាង់​ក៝ៈ​មោ​ដ៝ង់​ព្រ៝ត​គែស​នាវ​ងើយ​មរោស»។
1PE 2:23 ឞ៝ល​លាស​ឞូ​រាក​ឆ្វាយ​ពាង់ពាង់​ក៝ៈ​មោ​ព្លើង​ឞូ​ដ៝ង់ ឞូ​ជាន​នាវ​ជេរ​ជ៝ត់​ពាង់ ក៝ៈ​ពាង់​មោ​អោស​ថាម់​រាមាត​ឞូ ពាង់​ជាវ​មា​កោរាញ​ឞ្រាស​នើម​ផាត​ទោយ្ស​តា​នារ​ងគ្លែៈ​ទុត​នាវ​អី​ឞូ​ជាន​អ្យើស​ពាង់​នៃ ជេសរី​កោរាញ​ឞ្រាស​នើម​នាក់​ផាត​ទោយ្ស​មា​នាវ​ឆ៝ង់។
1PE 2:24 ឞ្រាស​ក្រីស ​លែៈ​ទោរ​ជេស​នាវ​តីស​ឞ៝ន់​តា​ឆាក់​ជាន់​ពាង់​ក្រេប​តា​ឆី​តឹម​រាកាង់ គៃ​មា​ឞ៝ន់​មោ​ហោម​អោស​គែស​នាវ​តីស ជេសរី​គុ​ងាវ​ឆ៝ង់។ នាវ​ជី​ឞ៝ន់​លែៈ​ឞាស​ជេស ឞ៝ន់​លែៈ​គុ​តឹម​ទី​មា​កោរាញ​ឞ្រាស តាៈ​ឞើស​ឆោត​រាមាញ​ពាង់។
1PE 2:25 អា​ល៝រ​នើស​ឞ៝ន់​តឹម​ឞាន​មា​ឞែ​ឞ្យាប់​អី​លែៈ​ហ្យើត យើន​មា​អាបៃ​អ្យា​ឞ៝ន់​លែៈ​ព្លឹ​ជេស​តា​ឞ្រាស​ក្រីស ​អី​នើម​ច្យាប់​ឞ៝ន់ អី​នាក់​ម៝ត់​ញជ្រាង់​ឞ៝ន់។
1PE 3:1 អើ​រោស​មែ​អី​លែៈ​គែស​ឆាយ អ៝ន់​អ្យាត់​ឆាយ​ខាន់​អៃ​នើម គៃ​មា​នាវ​គុ​ងាវ​ខាន់​អៃ​លែវ​ឆាយ​អី​ហោម​តឹម​រាទ៝ង់​មា​នាវ​មហែ​មហាន​អ្វែស​ឆឹត​ញឆីង យ៝រ​លាស​ខាន់​ពាង់​ឆៃ​អូរ​គុ​ងាវ​អ្វែស​កើត​នៃ មោ​អោស​ខាច់​មឞើស​ងក៝ច​មា​នាវ​មហែ​មហាន​អ្វែស‌
1PE 3:2 យ៝រ​មា​លែៈ​ខាន់​ពាង់​ឆៃ​ខាន់​អៃ​គុ​ងាវ​ទុត​អ្វែស នទ្រែល​មា​ឞ្លាវ​ក្លាច​យើក​កោរាញ​ឞ្រាស។
1PE 3:3 លើយ​អោស​មឹន​មា​ងក្រឹ​ឆាក់ កើត​លាស​ពាច់​ឆ៝ក់ វាន់​នទ៝ក​កោង​ញ៝ង​មាយ្ស មោ​លាស​ញឆ៝ស​ឞ៝ក​អាវ​អី​អ្វែសៗ‌
1PE 3:4 យើន​មា​អ៝ន់​ឞ្លាវ​ងក្រឹ​តា​ត្រោម​នូយ្ស​នហ៝ម់​ខាន់​អៃ ជេង​នទើ​ងក្រឹ​អី​មោ​ឞ្លាវ​អោម ជេង​នូយ្ស​នហ៝ម់​មលែស​រាមេន រាស​រើច នទើ​អី​នៃ​អី​គែស​នាវ​ខ្លៃ​ទុត​ហោ​តា​នាប់​មាត់​កោរាញ​ឞ្រាស។
1PE 3:5 កាល់​អែ​នើស មពោល​ឞូ​អូរ​អី​ក្ល៝ស​អ្វែស​អី​ក្លាច​យើក​មា​កោរាញ​ឞ្រាស នអ៝ប់​មា​រានើម​មា​កោរាញ​ឞ្រាស​មា​លែៈ​នូយ្ស​នហ៝ម់ ខាន់​ពាង់​ងក្រឹ​ខាន់​ពាង់​នើម​តា​ត្រោម​នូយ្ស​នហ៝ម់​កើត​អី​នៃ​ដ៝ង់ នអ៝ប់​មា​អ្យាត់​ឆាយ​ខាន់​ពាង់​នើម។
1PE 3:6 កើត​នទ្រី​ដ៝ង់​អូ​ឆារា ​អ្យាត់​នាវ​ចែ​អាឞ្រាហាម់ ​អី​ឆាយ​ពាង់​នើម នហ៝​មា​ក្វាល់​ពាង់​«កោរាញ»​ដ៝ង់។ លាស​ខាន់​អៃ​ជាន​នទើ​អ្វែស នអ៝ប់​មា​មោ​អោស​គែស​នាវ​ក្លាច​មា​ឞូ​លាស​យ៝រ​មា​នាវ​ញឆីង លាស​នទ្រី​ខាន់​អៃ​តឹម​ឞាន​មា​ក៝ន​ពាង់​ដ៝ង់។
1PE 3:7 អើ​អ៝ស​នោ​អី​លែៈ​គែស​អូរ អ៝ន់​តឹម​ឞាន​កើត​អី​នៃ​ដ៝ង់ គុ​ដាស​អូរ​អ្យាត់​មា​ឞ្លាវ​យើក​ខាន់​ពាង់​ជេង​ឞូនុយ្ស​អី​គែស​ឆ្វាន​ដេៈ​តា​ន៝ម់ ខាន់​ពាង់​ជេង​នើម​កោរាញ​ឞ្រាស​អ៝ន់​នាវ​រេស​នហ៝​រ៝​នទ្រែល​ខាន់​មៃ​ដ៝ង់ ជាន​កើត​នៃ​គៃ​មា​កោរាញ​ឞ្រាស​ហោម​អ្យាត់​នាវ​ខាន់​មៃ​មឞើស​ឆើម។
1PE 3:8 ងគ្លែៈ​ទុត​អ្យា អ៝ន់​ទឹង​លែៈ​ខាន់​អៃ​មៃ​គែស​នូយ្ស​នហ៝ម់​ទូ​នតោរ​នាវ​ហ៝ៈ អ៝ន់​ឞ្លាវ​តឹម​កើល​នាវ​ជេរ​ជ៝ត់​នទ្រាង់​នើម អ៝ន់​តឹម​រ៝ង់​នទ្រាង់​នើម​តឹម​ឞាន​មា​ជេង​អ៝ស​នោ​ទូ​នទុល​ទែស​ហ៝ៈ អ៝ន់​គែស​នូយ្ស​នហ៝ម់​យោៈ​នអាច នទ្រែល​មា​ញជុរ​អេង​ឆាក់។
1PE 3:9 លើយ​អោស​ជាន​នទើ​អ្យើស​ព្លើង​មា​នទើ​អ្យើស​ឞូ​ជាន លើយ​អោស​រាក​ឆ្វាយ​ព្លើង​មា​នាវ​ឞូ​រាក​ឆ្វាយ​ខាន់​អៃ​មៃ អ៝ន់​ខាន់​អៃ​មៃ​ព្លើង​អ៝ន់​មា​នាវ​គែស​ជេង​មា​ឞូ​ហ៝ៈ យ៝រ​លាស​កោរាញ​ឞ្រាស​លែៈ​អុច​ខាន់​អៃ​មៃ​ជាន​កើត​អី​នៃ គៃ​មា​ខាន់​អៃ​មៃ​ឆ៝ៈ​ទើន​ដ៝ង់​នាវ​គែស​ជេង​កោរាញ​ឞ្រាស។
1PE 3:10 យ៝រ​លាស​លែៈ​គែស​ញចីស «ឞូ​ម៝ស​អី​អុច​គុ​រេស​រាម់​មអាក‌ នអ៝ប់​មា​គែស​នាវ​រេស​អ្វែស‌ អ្យាត់​មា​ពាង់​អី​នៃ​ទើយ​ម៝ត់​ឞ៝រ់​មឞូង​ពាង់​នើម លើយ​អោស​លោស​ងើយ​នាវ​អ្យើស‌ លើយ​អោស​លោស​ងើយ​នាវ​មរោស​រាលាម់។
1PE 3:11 អ្យាត់​មា​ពាង់​ទូ​លោស​ឞើស​នាវ​អ្យើស ជាន​នទើ​អ្វែស​ហ៝ៈ‌ អ្យាត់​មា​ញឆ្រោយ្ស​ជ៝យ​តឹង​ប៝យ​នាវ​ដាប់​មពាន់​មា​ឞូ​ហ៝ៈ។
1PE 3:12 យ៝រ​លាស​កោរាញ​ឞ្រាស​អ្វាញ់​ត្រែង​ជឹត​ឞូនុយ្ស​អី​ឆ៝ង់‌ ជេសរី​អ្យាត់​នាវ​ខាន់​ពាង់​មឞើស​ឆើម‌ តីស​មា​ពាង់​តឹម​រាទ៝ង់​មា​ឞូ​ម៝ស​អី​ជាន​អ្យើស»។
1PE 3:13 លាស​ខាន់​អៃ​មៃ​នអើរ​ជាន​នទើ​អ្វែស មោ​គែស​អោស​ឞូនុយ្ស​អុច​ជាន​អ្យើស​មា​ខាន់​អៃ​មៃ‌
1PE 3:14 យើន​មា​លាស​ខាន់​អៃ​មៃ​ទើន​នាវ​ឞូ​ជាន​ជេរ​ជ៝ត់ យ៝រ​មា​នទើ​អ្វែស​ខាន់​អៃ​មៃ​ជាន លាស​នទ្រី​កោរាញ​ឞ្រាស​មរា​អ៝ន់​នាវ​គែស​ជេង​មា​ខាន់​អៃ​មៃ។ «លើយ​អោស​ក្លាច​មា​នទើ​ឞូ​អេង​ក្លាច លើយ​ដ៝ង់​រុង​រាង់»។
1PE 3:15 អ៝ន់​គែស​ឞ្រាស​ក្រីស ​ជេង​កោរាញ​តា​នូយ្ស​នហ៝ម់​នាវ​មឹន​ខាន់​អៃ​មៃ​នើម។ ជេសរី​គុ​នទ្រាប់​ល៝រ​នឹង​រ៝ គៃ​មា​ឞ្លាវ​តឹម​អើស​ដាស​ឞូ​ម៝ស​អី​អោប​អា​មើម​នាវ​រានើម​ខាន់​អៃ​មៃ​យ៝រ​មា​ខាន់​អៃ​មៃ​ញឆីង​មា​ឞ្រាស​ក្រីស ។
1PE 3:16 យើន​មា​ត៝ត់​ឞូ​អោប​ខាន់​អៃ​មៃ អ៝ន់​ខាន់​អៃ​មៃ​អើស​មា​ឞូ​មា​នាវ​រាទឹ​រាឞាន់ មា​នាវ​យើក នទ្រែល​មា​គែស​នូយ្ស​នហ៝ម់​ឆ៝ង់​អ្វែស គៃ​មា​អ៝ន់​ឞូ​ម៝ស​អី​ងើយ​ញចើត​ខាន់​អៃ​មៃ​គែស​នាវ​ដីត​ព្រេង​ច្រាវ យ៝រ​លាស​ឆៃ​អ្វែស​នាវ​គុ​ងាវ​ខាន់​អៃ​មៃ​អី​ប៝ន​លាន​ឞ្រាស​ក្រីស ។
1PE 3:17 លាស​កោរាញ​ឞ្រាស​អ៝ន់ អ្វែស​រាលាវ​លាស​គែស​នាវ​ជេរ​ជ៝ត់​តាៈ​ឞើស​ជាន​នទើ​អ្វែស ដាស​មា​គែស​នាវ​ជេរ​ជ៝ត់​តាៈ​ឞើស​ជាន​នទើ​អ្យើស។
1PE 3:18 ឞ្រាស​ក្រីស ​លែៈ​ទើន​ជេស​នាវ​ជេរ​ជ៝ត់​នហ៝​មា​ត៝ត់​ខឹត យ៝រ​មា​នាវ​តីស​ឞ៝ន់​ដ៝ង់ ពាង់​មោ​អោស​ខាច់​ខឹត​តៃ​ទូ​តឹ​ជឹត​គៃ​មា​ងគ្រ៝ស​លើយ​នាវ​តីស​ឞ៝ន់។ ឞ៝ល​លាស​ពាង់​ជេង​នើម​អី​ឆ៝ង់ ពាង់​ហោម​ទើន​នត្រ៝ៈ​នាវ​ជេរ​ជ៝ត់​អ៝ន់​មា​ផូង​ឞ៝ន់​អី​ឞូនុយ្ស​អ្យើស គៃ​មា​លែវ​ផូង​ឞ៝ន់​គុ​នទ្រែល​អា​កោរាញ​ឞ្រាស​នើម។ នោក​ពាង់​ជេង​ឞូនុយ្ស ឞូ​ងខឹត​ពាង់ យើន​មា​ឞ្រាស​ហ្វេង​អ្វែស​លែៈ​អ៝ន់​ពាង់​ទ៝ក់​រេស​ជេស។
1PE 3:19 ជេសរី​ពាង់​ហាន់​មឞើស​ងក៝ច​នាវ​កោរាញ​ឞ្រាស​អ៝ន់​មា​ហ្វេង​ផូង​អី​គុ​តា​ត្រោម​នទ្រូង។
1PE 3:20 ហ្វេង​ផូង​អី​នៃ​កាល់​អែ​នើស​តឹម​រាទ៝ង់​មោ​អ្យាត់​កោរាញ​ឞ្រាស​តា​រានោក​នោអេ ​ជាន​ទូក​ក្វ៝ង់​នើស យើន​មា​កោរាញ​ឞ្រាស​ហោម​អ៝ត់​នូយ្ស ងខេប​លាស​ខាន់​ពាង់​ហោម​រាគ៝ល់​នូយ្ស​នហ៝ម់​អ្យើស​ទោល​ហោម​ជាន​ទូក​នៃ។ ជេសរី​គែស​ឞូនុយ្ស​គុ​តា​ត្រោម​ទូក​នៃ​ដេៈ​ទើម គែស​ផាម​នុយ្ស​ទើម​អី​ក្លាយ្ស​ឞើស​ទាក​លេង​ទាក​ទើង​លាម​នែស​នតូ​អ្យា។
1PE 3:21 ទាក​លេង​ទាក​ទើង​អី​នៃ​ជេង​នទើ​នតឹត​នាវ​ជាន​បាប់តែម​យុក​មា​ទាក នាវ​បាប់តែម​អី​នៃ​រាក្លាយ្ស​ខាន់​អៃ​មៃ​អាបៃ​អ្យា នាវ​បាប់តែម​យុក​មា​ទាក​អី​នៃ​មោ​អោស​ទី​ថ៝​អ៝ន់​ក្ល៝ស​ឆាក់​ជាន់ យើន​មា​ជេង​នាវ​ទាន់​មា​កោរាញ​ឞ្រាស​យោៈ​មោ​ហោម​កើប​នាវ​តីស​ឞ៝ន់ នាវ​ឞ៝ន់​ទាន់​អី​នៃ​អ៝ន់​ឞ៝ន់​គែស​ងាន់​យ៝រ​មា​ឞ្រាស​យេឆូ​ក្រីស ​លែៈ​ទ៝ក់​រេស។
1PE 3:22 ពាង់​លែៈ​ហាវ​តា​កាលើ​ត្រោក គុ​ឞើស​មា​កោរាញ​ឞ្រាស​នើម គែស​ផូង​តោង​ពារ់ ផូង​កោរាញ​អី​គែស​នាវ​ទើយ នទ្រែល​មា​ផូង​កោរាញ​អី​គែស​នាវ​ទាង់​គុ​តា​ន៝ម់​ពាង់​ទាទេ។
1PE 4:1 យ៝រ​លាស​ឞ្រាស​ក្រីស ​លែៈ​ទើន​ជេស​នាវ​ជេរ​ជ៝ត់​តា​ឆាក់​ជាន់​ពាង់​នើម​នើស លាស​នទ្រី​អ៝ន់​ខាន់​អៃ​មៃ​នទ្រាប់​ឆាក់​ឆ៝ៈ​ទើន​នាវ​ឞូ​ជាន​ជេរ​ជ៝ត់​តឹម​ឞាន​មា​ពាង់​ដ៝ង់។ ឞូ​ម៝ស​អី​ឆ៝ៈ​ទើន​នាវ​ជេរ​ជ៝ត់​តា​ឆាក់​ជាន់​យ៝រ​មា​ឞ្រាស​ក្រីស  ពាង់​អី​នៃ​មោ​ហោម​អោស​អុច​ជាន​តីស​ជឹត។
1PE 4:2 លាស​នទ្រី​ពាង់​អី​នៃ​មោ​ហោម​អោស​គុ​រេស​តឹង​នាវ​កើញ​អ្យើស​តា​នូយ្ស​នហ៝ម់ យើន​មា​គុ​រេស​តឹង​នាវ​កោរាញ​ឞ្រាស​អុច​ទើម នហ៝​មា​ត៝ត់​ខឹត។
1PE 4:3 ឞើស​នតើម​នើស​លែៈ​ជ៝ៈ​ជេស​ខាន់​អៃ​មៃ​គុ​ងាវ​ជាន​តឹង​ឞូនុយ្ស​អី​មោ​គឹត​នាល់​កោរាញ​ឞ្រាស តឹម​ទ៝ង់ ជាន​តឹង​នាវ​កើញ​អ្យើស​តា​នូយ្ស​នហ៝ម់ ញេត​ឆោង​ញុល​ឞ្លឹក​ឞ្លែក នទ្រែល​មា​យើក​មឞាស​មា​រូប​ឞ្រាស​ជេង​នទើ​បឹ​បើច។
1PE 4:4 ឞូ​មោ​វ៝ត់​អោស ឆៃ​ខាន់​អៃ​មៃ​មោ​ហោម​លាប់​នទ្រែល​ខាន់​ពាង់​ជាន​តៃ​នទើ​អ្យើស​អី​ទុត​អ៝ក់​ទុត​ហោ​នៃ​ជឹត នទ្រី​ទឹង​ខាន់​ពាង់​ងើយ​មឺច​ខាន់​អៃ​មៃ។
1PE 4:5 យើន​មា​ខាន់​ពាង់​អី​នៃ​មរា​មឞើស​ងក៝ច​តា​នាប់​មាត់​កោរាញ​ឞ្រាស​នទើ​អី​ខាន់​ពាង់​នើម​លែៈ​ជាន​នៃ​នើស។ កោរាញ​ឞ្រាស​លែៈ​ជេស​នទ្រាប់​គៃ​មា​ផាត​ទោយ្ស​ទឹង​លែៈ​ឞូនុយ្ស នអ៝ប់​មា​ឞូនុយ្ស​ហោម​រេស នអ៝ប់​មា​ឞូនុយ្ស​អី​លែៈ​ខឹត។
1PE 4:6 យ៝រ​មា​នាវ​ផាត​ទោយ្ស​អី​នៃ ឞូ​មឞើស​ងក៝ច​ដ៝ង់​នាវ​មហែ​មហាន​អ្វែស​មា​ឞូនុយ្ស​អី​អាបៃ​អ្យា​លែៈ​ខឹត​ជេស គៃ​មា​ខាន់​ពាង់​គុ​រេស​នទ្រែល​កោរាញ​ឞ្រាស​នហ៝​រ៝ ឞ៝ល​លាស​ឆាក់​ជាន់​ខាន់​ពាង់​លែៈ​ខឹត​តឹម​ឞាន​មា​ទឹង​លែៈ​ឞូនុយ្ស​អេង​កាដោយ។
1PE 4:7 នារ​ងគ្លែៈ​ទុត​នែស​នតូ​អ្យា​លែៈ​ឞើយ​មា​ត៝ត់​ជេស លាស​នទ្រី​អ៝ន់​ខាន់​អៃ​មៃ​គែស​នូយ្ស​នហ៝ម់​នាវ​មឹន​ន៝ប់​រាក៝ក់ ញជ្រាង់​ឆាក់​គុ​ទី​កែស គៃ​មា​ឞ្លាវ​មឞើស​ឆើម។
1PE 4:8 នាវ​អី​ខ្លៃ​រាលាវ​ឞូ​អ៝ន់​ខាន់​អៃ​មៃ​តឹម​រ៝ង់​នទ្រាង់​ខាន់​អៃ​មៃ​នើម​អ៝ន់​ទុត​ហោ​ងាន់ យ៝រ​លាស​នាវ​រ៝ង់​ងគ្រ៝ស​លើយ​នាវ​តីស​អ៝ក់​រ៝ក់​ងាន់។
1PE 4:9 អ៝ន់​ឞ្លាវ​តឹម​រ៝ម​នទ្រាង់​ខាន់​អៃ​មៃ​នើម​តា​ញីស​ជៃ​ខាន់​អៃ​មៃ​មាyនូយ្ស​នហ៝ម់​រាស​រើច លើយ​អោស​អ៝ក់​ឞ៝រ់​ញជ៝រ់​ឆេក។
1PE 4:10 អាប់​នើម​ខាន់​អៃ​មៃ​លែៈ​គែស​ជេស​នទើ​កោរាញ​ឞ្រាស​អ៝ន់​ទើម​ទាម គែស​នទើ​អេងៗ​ឞាល់ លាស​នទ្រី​អ៝ន់​ខាន់​អៃ​មៃ​ឞ្លាវ​ទ៝ង់​នទើ​អី​នៃ​គៃ​មា​តឹម​កើល​ជាន​ការ​នទ្រាង់​ខាន់​អៃ​មៃ​នើម ជេង​ឞូនុយ្ស​ឆើម​កើល​ជាន​ការ​រាប់​ជាប់​មា​កោរាញ​ឞ្រាស។
1PE 4:11 ឞូ​ម៝ស​អី​មឞើស​ងក៝ច អ៝ន់​ពាង់​មឞើស​ងក៝ច​តឹម​ឞាន​មា​មឞើស​ងក៝ច​នាវ​ងើយ​កោរាញ​ឞ្រាស។ ឞូ​ម៝ស​អី​ឆើម​កើល​ជាន​ការ​អ៝ន់​ឞូ អ៝ន់​ពាង់​ឆើម​កើល​ជាន​ការ​មា​លែៈ​នហ៝ម់​ឆ្វាន​អី​កោរាញ​ឞ្រាស​អ៝ន់ គៃ​មា​ទឹង​លែៈ​នទើ​ជាន​អ៝ន់​ឞូ​រានេ​នាវ​ច្រេក​លើប​កោរាញ​ឞ្រាស​នើម​តាៈ​ឞើស​នទើ​ឞ្រាស​យេឆូ​ក្រីស ​លែៈ​ជាន។ អ៝ន់​រានេ​នាវ​ច្រេក​លើប​ពាង់ នទ្រែល​មា​នាវ​ទើយ​ពាង់​បាបើ​នហ៝​រ៝! អើ​អ៝ន់​គែស​កើត​នៃ​ងាន់​រ៝។
1PE 4:12 អើ​អ៝ស​នោ​តា​នាវ​ញឆីង​អី​គ៝ប់​រ៝ង់ ខាន់​អៃ​មៃ​លើយ​អោស​នទ្រ៝ត់​ហីស​រាហ៝ល់​នាវ​ឞូ​ជាន​ជេរ​ជ៝ត់​អី​ទុត​ហោ​អី​គែស​តា​ខាន់​អៃ​មៃ​នៃ ជេង​នទើ​អី​រាល៝ង​ខាន់​អៃ​មៃ។ ទឹង​លែៈ​ផូង​ញឆីង​មា​ឞ្រាស​ក្រីស ​គែស​នាវ​ជេរ​ជ៝ត់។
1PE 4:13 លាស​នទ្រី​អ៝ន់​ខាន់​អៃ​មៃ​រាម់​មអាក​ទោ យ៝រ​លាស​ខាន់​អៃ​មៃ​លែៈ​គែស​ជេស​នាវ​ជេរ​ជ៝ត់​នទ្រែល​ឞ្រាស​ក្រីស ​អាបៃ​អ្យា។ លាស​នទ្រី​ខាន់​អៃ​មៃ​មរា​រាម់​មអាក​ទុត​ហោ​ងាន់​ដ៝ង់​តា​នោក​ពាង់​ព្លឹ​វាច់​ញហើ​នាវ​ច្រេក​លើប​ពាង់​នើម។
1PE 4:14 លាស​គែស​ឞូ​រាក​ឆ្វាយ​ខាន់​អៃ​មៃ​យ៝រ​មា​ខាន់​អៃ​មៃ​ញឆីង​មា​ឞ្រាស​ក្រីស  ខាន់​អៃ​មៃ​លែៈ​គែស​នាវ​អ្វែស​មអាក​ងាន់ យ៝រ​លាស​ឞ្រាស​ហ្វេង​អ្វែស​អី​គែស​នាវ​ច្រេក​លើប ជេង​ឞ្រាស​ហ្វេង​អ្វែស​កោរាញ​ឞ្រាស​នើម​លែៈ​គុ​ជេស​តា​ខាន់​អៃ​មៃ។
1PE 4:15 តា​ផូង​ខាន់​អៃ​មៃ​លើយ​អោស​គែស​ទូ​ហ្វេ​ឞូនុយ្ស​ទើន​នាវ​ជេរ​ជ៝ត់​យ៝រ​មា​ងខឹត​ឞូ នតុង​ឞូ ជាន​នទើ​អ្យើស មោ​លាស​ជាន​អេ​គឹត​ហែ​មា​នាវ​ឞូ​អេង។
1PE 4:16 យើន​មា​លាស​ខាន់​អៃ​មៃ​ទើន​នាវ​ជេរ​ជ៝ត់​យ៝រ​មា​ញឆីង​មា​ឞ្រាស​ក្រីស  លើយ​អោស​ដីត​ព្រេង​មា​នាវ​អី​នៃ យើន​មា​រានេ​នាវ​ច្រេក​លើប​កោរាញ​ឞ្រាស​យ៝រ​លាស​ខាន់​អៃ​មៃ​លែៈ​ជេង​ប៝ន​លាន​ឞ្រាស​ក្រីស ។
1PE 4:17 ម៝ង​កោរាញ​ឞ្រាស​ផាត​ទោយ្ស​ទឹង​លែៈ​ឞូនុយ្ស​តា​នែស​នតូ​ឞើយ​ត៝ត់​ជេស ពាង់​ផាត​ទោយ្ស​ផូង​ប៝ន​លាន​ពាង់​នើម​ល៝រ​ឞូ។ លាស​ពាង់​នតើម​ផាត​ទោយ្ស​ឞ៝ន់​ល៝រ លាស​នទ្រី​ល៝ង់​ផូង​អី​មោ​ញឆីង​មា​នាវ​មហែ​មហាន​អ្វែស​កោរាញ​ឞ្រាស ប៝ន់​លើ​ហោ​មា​នៃ​បាស!
1PE 4:18 «លាស​ឞូនុយ្ស​អី​ឆ៝ង់​លែៈ​គែស​នាវ​ជេរ​ទឹង​គែស​នាវ​រាក្លាយ្ស‌ លាស​នទ្រី​ល៝ង់​ឞូនុយ្ស​អ្យើស ឞូនុយ្ស​អី​ជាន​តីស ប៝ន់​លើ​ហោ​មា​នៃ​បាស​មរា​គែស​នាវ​ជេរ!»
1PE 4:19 លាស​នទ្រី​ឞូ​ម៝ស​អី​គែស​នាវ​ឞូ​ជាន​ជេរ​ជ៝ត់​តឹង​នូយ្ស​នហ៝ម់​កោរាញ​ឞ្រាស​អុច អ៝ន់​ឞូនុយ្ស​អី​នៃ​ហោម​ជាន​អ្វែស​ទោ ជេសរី​ញឆីង​មា​កោរាញ​ឞ្រាស​អី​នាក់​ញជេង​ខាន់​ពាង់​នើម​ហ៝ៈ ពាង់​រាប់​ជាប់។
1PE 5:1 ល៝ង់​ផូង​អី​កោរាញ​តា​ផូង​ញឆីង គ៝ប់​អ្យា​ជេង​កោរាញ​មា​ផូង​ញឆីង​ដ៝ង់ ជេង​ឞូនុយ្ស​អី​លែៈ​ឆៃ​មា​មាត់​នាវ​ជេរ​ជ៝ត់​ឞ្រាស​ក្រីស  នទ្រែល​មា​ជេង​ឞូនុយ្ស​អី​មរា​ឆ៝ៈ​ទើន​នទ្រែល​នាវ​ច្រេក​លើប​នោក​ពាង់​ញហើ​ឆាក់ គ៝ប់​ទាន់​លាស​មា​ផូង​អី​កោរាញ​តា​ផូង​ញឆីង
1PE 5:2 អ៝ន់​ម៝ត់​ញជ្រាង់​ផូង​ញឆីង​អី​តឹម​ឞាន​មា​ឞែ​ឞ្យាប់​ផូង​កោរាញ​ឞ្រាស​អ៝ន់​អ្វែស​មា​លែៈ​នូយ្ស​នហ៝ម់ មោ​អោស​ទី​តឹម​ឞាន​មា​ឞូ​ញច៝ប់ ក៝ៈ​មោ​ទី​ដ៝ង់​មា​កើញ​គែស​ព្រាក់ យើន​មា​អ៝ន់​គែស​នូយ្ស​នហ៝ម់​នអើរ​មា​ជាន នទ្រី​មើ​ទី​តា​នាប់​មាត់​កោរាញ​ឞ្រាស។
1PE 5:3 ផូង​ឞូនុយ្ស​អី​កោរាញ​ឞ្រាស​ទែ​ជាវ​អ៝ន់​ម៝ត់​ញជ្រាង់​នៃ លើយ​អោស​ទ៝ង់​នាវ​ទើយ​មា​តុន​ជ៝ត​ខាន់​ពាង់ យើន​មា​អ៝ន់​លែវ​នាវ​អ្វែស​មា​ខាន់​ពាង់​អី​តឹម​ឞាន​មា​ឞែ​ឞ្យាប់​ផូង។
1PE 5:4 ជេសរី​តា​នោក​កោរាញ​ច្យាប់​ឞែ​ឞ្យាប់​ត៝ត់​តា​អ្យា ពាង់​មរា​អ៝ន់​នទើ​ងខោម​អី​ហោម​នឹង​អី​គែស​នាវ​ច្រេក​លើប។
1PE 5:5 អើ​ផូង​ទ្រោស​នទាម់​អ៝ន់​តឹម​ឞាន​កើត​នៃ​ដ៝ង់ អ៝ន់​អ្យាត់​នាវ​មពោល​កោរាញ។ អ៝ន់​ទឹង​លែៈ​ខាន់​អៃ​មៃ​ញជុរ​អេង​ឆាក់​ខាន់​អៃ​មៃ​នើម យ៝រ​លាស «កោរាញ​ឞ្រាស​តឹម​រាទ៝ង់​ដាស​ឞូនុយ្ស​អី​នហី​អេង​ឆាក់‌ យើន​មា​ពាង់​យោៈ​នអាច​មា​ឞូនុយ្ស​អី​ញជុរ​អេង​ឆាក់​អុច​អ្យាត់​នាវ​ពាង់»។
1PE 5:6 លាស​នទ្រី​អ៝ន់​ខាន់​អៃ​មៃ​ញជុរ​អេង​ឆាក់​តា​ន៝ម់​កោរាញ​ឞ្រាស​នើម​អី​គែស​នាវ​ទើយ​ទោ គៃ​មា​ពាង់​នហាវ​ខាន់​អៃ​មៃ ត៝ត់​ទី​ម៝ង​ពាង់​តៃ។
1PE 5:7 ជេសរី​ញជុយ្ស​ទឹង​លែៈ​នាវ​ងក្ល៝ន់​រាវៃ​ខាន់​អៃ​មៃ​តា​ពាង់ យ៝រ​លាស​ពាង់​ហោ​ងាន់​មឹន​មា​ខាន់​អៃ​មៃ។
1PE 5:8 អ៝ន់​គុ​រាងែស ជេសរី​ញជ្រាង់​ឆាក់​អ៝ន់​គុ​ទី​កែស យ៝រ​លាស​ឆាតាង់​អី​នើម​រាលាង់​ដាស​ខាន់​អៃ​មៃ​តឹម​ឞាន​មា​យៅ​មុរ​ងរោង នទាច់​ជុម​ឞូនុយ្ស អុច​មា​ឆា​ហេក។
1PE 5:9 លើយ​អោស​អ្យាត់​ជាន​តឹង​នាវ​ពាង់ អ៝ន់​ខាន់​អៃ​មៃ​គុ​ន៝ប់​រាក៝ក់ អ៝ន់​គែស​នាវ​ញឆីង​ន៝ប់ យ៝រ​លាស​ខាន់​អៃ​មៃ​លែៈ​គឹត​ជេស ផូង​អ៝ស​នោ​ខាន់​អៃ​មៃ​តា​នាវ​ញឆីង​លាម​នែស​នតូ​អ្យា ខាន់​ពាង់​គែស​នាវ​ជេរ​ជ៝ត់​កើត​ខាន់​អៃ​មៃ​ដ៝ង់។
1PE 5:10 កោរាញ​ឞ្រាស​ទុត​គែស​នាវ​អ្វែស​អាប់​នតីល​ងាន់ ពាង់​លែៈ​ក្វាល់​ជេស​ខាន់​អៃ​មៃ​នៃ គៃ​មា​អ៝ន់​ខាន់​អៃ​មៃ​ឆ៝ៈ​ទើន​នាវ​ច្រេក​លើប​អី​ហោម​បាបើ​នហ៝​រ៝​យ៝រ​មា​នទើ​ឞ្រាស​ក្រីស ​លែៈ​ជាន​នើស។ ជេស​ខាន់​អៃ​មៃ​លែៈ​ទើន​នាវ​ជេរ​ជ៝ត់​អី​ទូ​ប្ល៝ត់​នៃ ពាង់​មរា​រាទ៝ក់​ញជេង​ខាន់​អៃ​មៃ អ៝ន់​នហ៝ម់​ឆ្វាន​មា​ខាន់​អៃ​មៃ អ៝ន់​ខាន់​អៃ​មៃ​ទាង់​កាតាង នទ្រែល​មា​អ៝ន់​ខាន់​អៃ​មៃ​គុ​ន៝ប់​រាក៝ក់។
1PE 5:11 អ៝ន់​នាវ​ទើយ​ពាង់​ហោម​បាបើ​នហ៝​រ៝! អើ​អ៝ន់​គែស​កើត​នៃ​ងាន់​រ៝។
1PE 5:12 នោ​ឆីលាស ​អី​គ៝ប់​កើប​ជេង​អ៝ស​នោ​តា​នាវ​ញឆីង​រាប់​ជាប់​ងាន់ ពាង់​កើល​គ៝ប់​ញចីស​ឆ៝ម់បុត​គ្លែស​អី​អ្យា នទ្រែល​មា​ញជ្វាល់។ គ៝ប់​ញចីស​ឆ៝ម់បុត​អ្យា​គៃ​មា​នហាវ​នូយ្ស​នហ៝ម់​ខាន់​អៃ​មៃ នទ្រែល​មា​អ៝ន់​ខាន់​អៃ​មៃ​គឹត​នហេល​នាវ​អ្វែស​ងាន់​ងេន​កោរាញ​ឞ្រាស។ អ៝ន់​ខាន់​អៃ​មៃ​គុ​ន៝ប់​តា​នាវ​អ្វែស​អី​នៃ។
1PE 5:13 ផូង​ញឆីង​មា​កោរាញ​ឞ្រាស​អី​គុ​តា​ប៝ន​អី​ឞូ​ក្វាល់​បាបីលោន ​ដ៝ង់ អី​លែៈ​កោរាញ​ឞ្រាស​ទែ​កើយ្ស​កើត​ខាន់​អៃ​មៃ​នៃ ខាន់​ពាង់​អោប​នាវ​អ្វែស​លាង់​ខាន់​អៃ​មៃ ជេសរី​នោ​មារកោស ​អី​គ៝ប់​កើប​តឹម​ឞាន​មា​ក៝ន​គ៝ប់​នើម ទាន់​អោប​នាវ​អ្វែស​លាង់​ខាន់​អៃ​មៃ​ដ៝ង់។
1PE 5:14 អ៝ន់​ខាន់​អៃ​មៃ​តឹម​អោប​នាវ​អ្វែស​លាង់​នទ្រាង់​នើម​មា​នាវ​អ្វែស​រាស​រើច។ ទាន់​កោរាញ​ឞ្រាស​អ៝ន់​នាវ​ដាប់​មពាន់​ទឹង​លែៈ​ខាន់​អៃ​មៃ​អី​គុ​នទ្រែល​ឞ្រាស​ក្រីស ៕៚
2PE 1:1 ឆ៝ម់បុត​គ៝ប់​ឆីមោន ​អី​ឞូ​ក្វាល់​ពេត្រោស ​ញចីស។ គ៝ប់​ឞូនុយ្ស​ឆើម​កើល​ជាន​ការ​មា​ឞ្រាស​យេឆូ​ក្រីស  នទ្រែល​មា​អី​កោរាញ​អ៝ស​ម៝ន​ពាង់ ទាន់​អោប​នាវ​អ្វែស​លាង់​ខាន់​អៃ​មៃ​អី​លែៈ​ឆ៝ៈ​ទើន​ជេស​នាវ​ញឆីង​មា​ពាង់​អី​ទុត​ខ្លៃ អី​តឹម​ឞាន​មា​នាវ​ញឆីង​ហេន។ ឞ៝ន់​លែៈ​ឆ៝ៈ​ទើន​ជេស​នាវ​ញឆីង​អី​នៃ​តាៈ​ឞើស​នាវ​ឆ៝ង់​ឞ្រាស​យេឆូ​ក្រីស ​អី​ឞ្រាស​ឞ៝ន់ នទ្រែល​មា​អី​នើម​រាក្លាយ្ស​ឞ៝ន់។
2PE 1:2 ទាន់​នាវ​អ្វែស នទ្រែល​មា​នាវ​ដាប់​មពាន់​គុ​តា​ខាន់​អៃ​មៃ​លើ​មា​ហោ​អ៝ក់ តាៈ​ឞើស​ខាន់​អៃ​មៃ​លើ​មា​នហេល​គឹត​នាល់​កោរាញ​ឞ្រាស នទ្រែល​មា​លើ​មា​នហេល​គឹត​នាល់​ឞ្រាស​យេឆូ ​អី​កោរាញ​ឞ៝ន់​នៃ។
2PE 1:3 តាៈ​ឞើស​នាវ​ទើយ​កោរាញ​ឞ្រាស​នើម ពាង់​លែៈ​កើល​ឞ៝ន់​តា​អាប់​នតីល​នាវ គៃ​មា​ឞ៝ន់​ទើយ​គុ​ងាវ​តឹម​ទី​ដាស​នាវ​ពាង់​នើម​អុច។ ឞ៝ន់​ឆ៝ៈ​ទើន​នាវ​កើល​អី​នៃ​តាៈ​ឞើស​ឞ៝ន់​គឹត​នាល់​ពាង់ពាង់​លែៈ​ក្វាល់​ជេស​ឞ៝ន់​ជេង​ប៝ន​លាន​ពាង់​នើម តាៈ​ឞើស​នាវ​ច្រេក​លើប​ពាង់​នើម នទ្រែល​មា​តាៈ​ឞើស​នាវ​អ្វែស​ពាង់​នើម។
2PE 1:4 តាៈ​ឞើស​នាវ​ច្រេក​លើប នទ្រែល​មា​នាវ​អ្វែស​ពាង់​នើម​នៃ ទឹង​កោរាញ​ឞ្រាស​ត៝ន​អ៝ន់​នាវ​ទុត​ក្វ៝ង់​នាវ​ទុត​ខ្លៃ​មា​ឞ៝ន់។ ពាង់​ត៝ន​កើត​នៃ គៃ​មា​នូយ្ស​នហ៝ម់​ឞ៝ន់​ជេង​តឹម​ឞាន​មា​នូយ្ស​នហ៝ម់​កោរាញ​ឞ្រាស នអ៝ប់​មា​ឞ៝ន់​ក្លាយ្ស​ឞើស​នាវ​អ្យើស​អី​តាៈ​ឞើស​នាវ​កើញ​ជាន​អ្យើស​អី​គែស​តា​នែស​នតូ​អ្យា។
2PE 1:5 លាស​នទ្រី​អ៝ន់​ខាន់​អៃ​មៃ​ញឆ្រោយ្ស​មា​លែៈ​នូយ្ស​នហ៝ម់ អ៝ន់​នត៝ប​ដ៝ង់​នាវ​គែស​នូយ្ស​នហ៝ម់​អ្វែស​តា​នាវ​ខាន់​អៃ​មៃ​ញឆីង​មា​ឞ្រាស​យេឆូ​ក្រីស  ជេសរី​អ៝ន់​នត៝ប​ដ៝ង់​នាវ​គឹត​វ៝ត់​នាវ​កោរាញ​ឞ្រាស​អុច​តា​នាវ​គែស​នូយ្ស​នហ៝ម់​អ្វែស‌
2PE 1:6 អ៝ន់​នត៝ប​ដ៝ង់​នាវ​ឞ្លាវ​ម៝ត់​ញជ្រាង់​ឆាក់​អ៝ន់​គុ​ទី​កែស​តា​នាវ​គឹត​វ៝ត់​នាវ​កោរាញ​ឞ្រាស​អុច អ៝ន់​នត៝ប​ដ៝ង់​នាវ​អ៝ត់​នូយ្ស​នហ៝ម់​ឞ៝ល​លាស​គែស​នាវ​ជេរ​តា​នាវ​ឞ្លាវ​ម៝ត់​ញជ្រាង់​ឆាក់​អ៝ន់​គុ​ទី​កែស អ៝ន់​នត៝ប​ដ៝ង់​នាវ​គុ​ងាវ​តឹម​ទី​ដាស​នាវ​កោរាញ​ឞ្រាស​អុច​តា​នាវ​អ៝ត់​នូយ្ស​នហ៝ម់​ឞ៝ល​លាស​គែស​នាវ​ជេរ‌
2PE 1:7 អ៝ន់​នត៝ប​ដ៝ង់​នាវ​តឹម​រ៝ង់​ឞាល់​នទ្រាង់​អ៝ស​នោ​តា​ផូង​ញឆីង​តា​នាវ​គុ​ងាវ​តឹម​ទី​ដាស​នាវ​កោរាញ​ឞ្រាស​អុច ជេសរី​អ៝ន់​នត៝ប​ដ៝ង់​នាវ​រ៝ង់​មា​ទឹង​លែៈ​ឞូនុយ្ស​តា​នាវ​តឹម​រ៝ង់​ឞាល់​នទ្រាង់​អ៝ស​នោ​តា​ផូង​ញឆីង។
2PE 1:8 លាស​ខាន់​អៃ​មៃ​គែស​ទឹង​លែៈ​នាវ​អី​នៃ​លើ​មា​ហោ លាស​នទ្រី​នាវ​រេស​ខាន់​អៃ​មៃ​គែស​ខ្លៃ គែស​ព្លៃ​តា​នាវ​គឹត​នាល់​លើ​មា​នហេល​ឞ្រាស​យេឆូ​ក្រីស ​អី​កោរាញ​ឞ៝ន់។
2PE 1:9 យើន​មា​ឞូ​ម៝ស​អី​មោ​គែស​អោស​ទឹង​លែៈ​នាវ​អី​នៃ ពាង់​អី​នៃ​ជេង​តឹម​ឞាន​មា​ឞូនុយ្ស​ចែស​មាត់ អ្វាញ់​ងាយ​មោ​អោស​ឆៃ ជេសរី​លែៈ​ច្វេល​នាវ​កោរាញ​ឞ្រាស​ជូត​អ៝ន់​ក្ល៝ស​នាវ​តីស​អី​ពាង់​លែៈ​ជាន​អេ​ល៝រ​មា​ឆឹត​ញឆីង​នើស។
2PE 1:10 អើ​អ៝ស​នោ​តា​នាវ​ញឆីង អ៝ន់​ខាន់​អៃ​មៃ​ញហើ​នាវ​អ្វែស​តា​នាវ​គុ​ងាវ​ខាន់​អៃ​មៃ គៃ​មា​ឞូ​ឆៃ​កោរាញ​ឞ្រាស​លែៈ​កើយ្ស​ខាន់​អៃ​មៃ​ជេង​ផូង​ប៝ន​លាន​ពាង់​នើម​ងាន់។ លាស​ជាន​កើត​នៃ នាវ​ញឆីង​ខាន់​អៃ​មៃ​មរា​ហោម​ន៝ប់​នឹង មោ​អោស​រ៝ស។
2PE 1:11 ជេសរី​ខាន់​អៃ​មៃ​មរា​លាប់​តា​នាវ​ឞ្រាស​យេឆូ​ក្រីស ​ម៝ត់​អ្វាញ់​នហ៝​រ៝ នអ៝ប់​មា​នាវ​រាម់​មអាក ជេង​នាវ​ម៝ត់​អ្វាញ់​អី​កោរាញ​ឞ៝ន់ អី​នើម​រាក្លាយ្ស​ឞ៝ន់។
2PE 1:12 គ៝ប់​ហោម​ងកាស​នាវ​អី​នៃ​អ៝ន់​មា​ខាន់​អៃ​មៃ​បាបើ ឞ៝ល​លាស​ខាន់​អៃ​មៃ​លែៈ​គឹត​ជេស​នាវ​អី​នៃ នទ្រែល​មា​លែៈ​ញអោត​ន៝ប់​នាវ​ងាន់​អី​ឞូ​លែៈ​នតុម​នតី​មា​ខាន់​អៃ​មៃ​នៃ​នើស​កាដោយ។
2PE 1:13 នោក​គ៝ប់​ហោម​គុ​រេស​តា​នែស​នតូ​អ្យា ទី​មា​គ៝ប់​ងកាស​ខាន់​អៃ​មៃ​អ៝ន់​ខាន់​អៃ​មៃ​ហោម​កាស​គឹត​បាបើ‌
2PE 1:14 យ៝រ​លាស​គ៝ប់​លែៈ​គឹត​ជេស គ៝ប់​គុ​រេស​តា​នែស​នតូ​អ្យា​ហោម​ទូ​ប្ល៝ត់​ទើម ជេសរី​គ៝ប់​ខឹត នាវ​អី​នៃ​ឞ្រាស​យេឆូ​ក្រីស ​អី​កោរាញ​ឞ៝ន់​លែៈ​ញហើ​អ៝ន់​គ៝ប់​គឹត​ល៝រ។
2PE 1:15 លាស​នទ្រី​គ៝ប់​គើយ្ស​ងាន់​ងកាស​ខាន់​អៃ​មៃ គៃ​មា​ខាន់​អៃ​មៃ​ហោម​កាស​គឹត​បាបើ​ទឹង​លែៈ​នាវ​អី​នៃ ជេស​គ៝ប់​មោ​ហោម​គុ​អោស​តា​នែស​នតូ​អ្យា។
2PE 1:16 នាវ​អី​ហេន​មឞើស​ងក៝ច​អ៝ន់​ខាន់​អៃ​មៃ​គឹត​នាល់​នាវ​ទើយ​ឞ្រាស​យេឆូ​ក្រីស ​អី​កោរាញ​ឞ៝ន់ នទ្រែល​មា​នាវ​ពាង់​មរា​ព្លឹ​វាច់​នៃ មោ​អោស​ទី​ហេន​មឞើស​ងក៝ច​ទុត​ឞ្លាវ​នាវ​ងក្លាៈ យើន​មា​ហេន​លែៈ​ឆៃ​នាវ​ច្រេក​លើប​ពាង់​នៃ​មា​ត្រោម​មាត់​ហេន​នើម។
2PE 1:17 កោរាញ​ឞ្រាស​ឞឹ​នើម​លែៈ​យើក​ពាង់​អ៝ន់​ពាង់​នាវ​ច្រេក​លើប​តា​នោក​កោរាញ​ឞ្រាស​លាស​មា​ពាង់ នអ៝ប់​មា​នាវ​អាង​រាល​ហោ​ងាន់៖ «ពាង់​អ្យា​ក៝ន​គ៝ប់​អី​គ៝ប់​រ៝ង់​ហោ​ងាន់ ហោ​ងាន់​គ៝ប់​រាម់​ពាង់»។
2PE 1:18 ហេន​លែៈ​តាង់​ជេស​ឞ៝រ់​អី​នៃ​តាៈ​ឞើស​កាលើ​ត្រោក នោក​ហេន​គុ​នទ្រែល​មា​ពាង់​តា​កាលើ​យោក​ក្ល៝ស​អ្វែស។
2PE 1:19 យ៝រ​មា​នាវ​អី​នៃ​ឞ៝ន់​លែៈ​គឹត​លើ​មា​នហេល​ងាន់ ទឹង​លែៈ​នាវ​ងើយ​មពោល​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស​លែៈ​ទី​ងាន់។ អ្វែស​ងាន់​លាស​ខាន់​អៃ​មៃ​អ្យាត់​ងាន់​នាវ​អី​នៃ យ៝រ​លាស​ទឹង​លែៈ​នាវ​អី​នៃ​ជេង​តឹម​ឞាន​មា​អុញ​ឆាគេង​អី​ងអាង​តា​នតុក​ង៝​នហ៝​មា​ត៝ត់​លោស​នារ អី​ម៝ង​ឞ្រាស​ក្រីស ​ព្លឹ​វាច់​លោស​អាង​តា​នូយ្ស​នហ៝ម់​ឞ៝ន់ ជេសរី​ឞ្រាស​ក្រីស ​អី​រាញា​«មឞីង​អា​អោយ»​ដ៝ង់។
2PE 1:20 នាវ​អី​ខ្លៃ​រាលាវ​ឞូ​អ៝ន់​ខាន់​អៃ​មៃ​គឹត ទឹង​លែៈ​នាវ​នតើយ្ស​អី​គែស​ញចីស​តា​នាវ​កោរាញ​ឞ្រាស​ងើយ មោ​គែស​អោស​ឞូនុយ្ស​ទាស​មា​មឞើស​ងក៝ច​តឹង​នូយ្ស​នហ៝ម់​ពាង់​នើម​អុច‌
2PE 1:21 យ៝រ​លាស​ទឹង​លែៈ​នាវ​នតើយ្ស​អី​លោស​ឞើស​មពោល​ឞូនុយ្ស​នតើយ្ស​នាវ​ងើយ​កោរាញ​ឞ្រាស មោ​អោស​ទី​លោស​តាៈ​ឞើស​នូយ្ស​នហ៝ម់​ឞូនុយ្ស ជេង​លោស​តាៈ​ឞើស​ឞ្រាស​ហ្វេង​អ្វែស​អី​ក្ល៝ស​អ្វែស​ញឆុក​ញឆោរ​នូយ្ស​នហ៝ម់​ខាន់​ពាង់​អី​នៃ។
2PE 2:1 កាល់​អែ​នើស​គែស​មពោល​ឞូនុយ្ស​នតើយ្ស​ងក្លាៈ​នាវ​ងើយ​កោរាញ​ឞ្រាស​គុ​នទ្រែល​មា​ផូង​អីឆ្រាអែល ​ដ៝ង់។ កើត​នទ្រី​ដ៝ង់​មរា​គែស​នើម​នតី​ងក្លាៈ​តា​ផូង​ខាន់​អៃ​មៃ។ ខាន់​ពាង់​មរា​នតី​ងក្លាៈ​ឞ្លាវ​ហោ​ងាន់ យើន​មា​នាវ​នតី​អី​នៃ​ញជុន​ឞូនុយ្ស​តា​នាវ​រ៝ស​ហេង។ ខាន់​ពាង់​មោ​អោស​អុច​អ៝ន់​ឞ្រាស​យេឆូ​ក្រីស ​អី​កោរាញ​ឞ៝ន់​ជាន​កោរាញ​មា​ខាន់​ពាង់ ឞ៝ល​លាស​កោរាញ​យេឆូ​ក្រីស​លែៈ​ច្វាយ​ខាន់​ពាង់​នើម​ឞើស​នាវ​តីស នទ្រី​ទឹង​ខាន់​ពាង់​មរា​រ៝ស​ហេង​គើញ​រ៝។
2PE 2:2 ជេសរី​មរា​គែស​អ៝ក់​ឞូនុយ្ស​តា​ផូង​ញឆីង​តឹង​នាវ​ខើស​ក្លែរ​ខាន់​ពាង់​អី​នៃ នទ្រែល​មា​គែស​អ៝ក់​ឞូនុយ្ស​មឺច​នាវ​នតី​អី​នាវ​ងាន់ យ៝រ​មា​មពោល​ខាន់​ពាង់​អី​នៃ។
2PE 2:3 ខាន់​ពាង់​កើញ​មា​ព្រាក់​ហោ​ងាន់ ជេសរី​មរោស គៃ​មា​គែស​ព្រាក់​ខាន់​អៃ​មៃ។ កាល់​អែ​នើស​កោរាញ​ឞ្រាស​លែៈ​អើម​មឞើស​ងក៝ច​នាវ​តេៈ​ទោយ្ស​ខាន់​ពាង់ ជេសរី​នាវ​លើស​ហេង​លើយ​ខាន់​ពាង់​មោ​អោស​ក៝ប់​ជ៝ៈ។
2PE 2:4 ឞ៝ល​លាស​ផូង​តោង​ពារ់​អី​លែៈ​ជាន​តីស​កាល់​អែ​នើស កោរាញ​ឞ្រាស​ក៝ៈ​មោ​យោៈ​ដ៝ង់ កោរាញ​ឞ្រាស​ងក្លាច់​ខាន់​ពាង់​តា​នតូ​ឞ្រ៝ង់​ទុត​ង៝ ក៝ត់​ក្រុង​ខាន់​ពាង់​តា​នតុក​នៃ​គុ​ក៝ប់​ត៝ត់​នារ​កោរាញ​ឞ្រាស​ផាត​ទោយ្ស​តៃ។
2PE 2:5 ផូង​ឞូនុយ្ស​អ្យើស​តា​នែស​នតូ​កាល់​អែ​នើស​ក៝ៈ​កោរាញ​ឞ្រាស​មោ​យោៈ​ដ៝ង់ នោក​ពាង់​អ៝ន់​ទាក​លេង​ទាក​ទើង​ឞុក​ទឹង​លែៈ​ឞូនុយ្ស​អ្យើស​តា​នែស​នតូ។ យើន​មា​ពាង់​ហោម​រាក្លាយ្ស​ឞូនុយ្ស​ពើស​នុយ្ស ផាម​មា​នោអេ ​អី​ឞូនុយ្ស​មឞើស​ងក៝ច​នាវ​ឆ៝ង់​នៃ​ទើម។
2PE 2:6 ល៝ង់​ប៝ន​ឆោដុម  នទ្រែល​មា​ប៝ន​កោមោរា ​កោរាញ​ឞ្រាស​លែៈ​តេៈ​ទោយ្ស​ដ៝ង់ អ៝ន់​លេក​ជេង​អុញ​ឞុស អី​នៃ​ជេង​នាវ​នតឹត ពាង់​អុច​ញហើ​ម៝ស​មរា​គែស​តា​ឞូនុយ្ស​អ្យើស​តា​នារ​ជឹត​នាប់​តៃ។
2PE 2:7 យើន​មា​កោរាញ​ឞ្រាស​លែៈ​រាក្លាយ្ស​ទូ​ហ្វេ​ឞូ​ក្លោ​រាញា​លុត ​អី​ឞូនុយ្ស​ឆ៝ង់ អី​ឞូនុយ្ស​រាង៝ត​ងាន់​តា​នូយ្ស​នហ៝ម់​យ៝រ​មា​ឆៃ​ឞូនុយ្ស​តា​នោក​នៃ​ជាន​អ្យើស​នឹង​អាប់​នារ តឹម​ទ៝ង់​អាប់​នតីល។
2PE 2:8 លុត ​អី​ឞូនុយ្ស​ឆ៝ង់​អី​នៃ​អាប់​នារ​ងាន់​ពាង់​គុ​តា​ងក្លាង​ផូង​ឞូនុយ្ស​អ្យើស​អី​នៃ។ ជេសរី​យ៝រ​មា​ពាង់​ជេង​ឞូនុយ្ស​ឆ៝ង់ តា​ត្រោម​នូយ្ស​នហ៝ម់​ពាង់​គែស​នាវ​រាង៝ត​ទុត​ហោ​តាៈ​ឞើស​ពាង់​ឆៃ​ពាង់​តាង់​ទឹង​លែៈ​នទើ​អ្យើស​តា​ផូង​ខាន់​ពាង់​អី​នៃ​ជាន។
2PE 2:9 កើត​នទ្រី​កោរាញ​ឞ្រាស​ឞ្លាវ​បើក​លើយ អ៝ន់​ក្លាយ្ស​ឞើស​នាវ​ជេរ​នាវ​នទើម​មា​ផូង​អី​តឹង​អ្យាត់​នាវ​ពាង់ យើន​មា​ផូង​អ្យើស​ពាង់​ក្រុង​លើយ​មា​តេៈ​ទោយ្ស​តា​នារ​ពាង់​ផាត​ទោយ្ស​រី​តៃ។
2PE 2:10 ពាង់​តេៈ​ទោយ្ស​លើ​មា​ហោ​មា​ផូង​អី​នអើរ​ជាន​អ្យើស​តឹង​រាង្លៃ​ឆាក់​កើញ នទ្រែល​មា​ផូង​អី​មឺច​រាម៝ត​តឹម​រាទ៝ង់​មា​ឞូ​ម៝ស​អី​ជាន​កោរាញ​មា​ខាន់​ពាង់។ ទឹង​លែៈ​ផូង​អី​នៃ​ខាន់​ពាង់​នហី​អេង​ឆាក់ នទ្រែល​មា​ទាង់​ឞោក​ហោ​ងាន់ មោ​អោស​ក្លាច​ងើយ​អ្យើស​មឺច​រាម៝ត​មា​នើម​អេងៗ​តា​កាលើ​ត្រោក​អី​គែស​នាវ​ច្រេក​លើប។
2PE 2:11 ឞ៝ល​លាស​តោង​ពារ់​អី​គែស​នហ៝ម់​ឆ្វាន​ទាង់ នទ្រែល​មា​គែស​នាវ​ទើយ​រាលាវ​មា​ផូង​អី​នៃ ផូង​តោង​ពារ់​អី​នៃ​ក៝ៈ​មោ​ឞាញ់​ដ៝ង់​ងើយ​អ្យើស​មឺច​រាម៝ត​នើម​អេងៗ​កើត​នៃ​តា​នាប់​មាត់​កោរាញ​ឞ្រាស។
2PE 2:12 យើន​មា​ផូង​អី​នៃ​ងើយ​អ្យើស​មឺច​រាម៝ត​មា​នទើ​អេងៗ​អី​ខាន់​ពាង់​មោ​គឹត​វ៝ត់ ខាន់​ពាង់​ជេង​តឹម​ឞាន​មា​មពោមពា​(ឆ្យុម)​អី​មោ​អោស​គែស​នាវ​មឹន​មោ​អោស​គឹត​វ៝ត់​នទើ អី​អ៝ន់​ឞ្រែ​មា​ញុប​ងខឹត​រ៝ស​ហេង ឞូ​មរា​ងខឹត​រ៝ស​ហេង​ខាន់​ពាង់​តឹម​ឞាន​កើត​មា​មពោមពា​(ឆ្យុម)​ដ៝ង់។
2PE 2:13 នាវ​តេៈ​ទោយ្ស​ខាន់​ពាង់​តៃ ជេង​តឹម​ទី​មា​នទើ​អ្យើស​ខាន់​ពាង់​ជាន។ ខាន់​ពាង់​អី​នៃ​លែៈ​ជាន​តឹង​នាវ​កើញ​អ្យើស​ខាន់​ពាង់​នើម​តា​អាង​នោក​នារ​កាដោយ គៃ​មា​រាម់​មអាក​មា​ខាន់​ពាង់​នើម​ទើម។ ខាន់​ពាង់​ជេង​ឞូនុយ្ស​នូយ្ស​នហ៝ម់​បឹ​បើច​អ៝ន់​ខាន់​អៃ​មៃ​ដីត​ព្រេង មរោស​ខាន់​អៃ​មៃ​នោក​ខាន់​ពាង់​គុ​ញេត​ឆោង​ឆា​ក្វ៝ង់​ដាស​ខាន់​អៃ​មៃ។
2PE 2:14 នូយ្ស​នហ៝ម់​ខាន់​ពាង់​អុច​ងាន់​មា​ល៝ម់​អូរ​ល៝ម់​ឆាយ មោ​អោស​ឞ្លាវ​ទឹល​ជាន​តីស។ ខាន់​ពាង់​អុច​ងាន់​តេក​មផ៝ក់​ផូង​អី​មោ​លាង់​គែស​នាវ​ញឆីង​ន៝ប់ ជេសរី​ខាន់​ពាង់​ហោ​ងាន់​កើញ​គែស​ព្រាក់​អ៝ក់។ ទឹង​លែៈ​ខាន់​ពាង់​អី​នៃ កោរាញ​ឞ្រាស​រាតាប់​មា​ខាន់​ពាង់!
2PE 2:15 ខាន់​ពាង់​អី​នៃ​លែៈ​មអារ់​លើយ​ត្រ៝ង​ទី លែៈ​ហ្យើត ជេសរី​ហាន់​តឹង​ត្រ៝ង​ទូ​ហ្វេ​ឞូ​ក្លោ​រាញា​បាលាម ​អី​ក៝ន​បេអ៝រ  ពាង់​លែៈ​នតី​ឞូ​ឞ្លាវ​នទើម​ផូង​អីឆ្រាអែល ​កាល់​អែ​នើស ជេង​ឞូនុយ្ស​អី​កើញ​គែស​ព្រាក់​អ៝ក់​តាៈ​ឞើស​ឞូ​ងខោម​មា​ជាន​នទើ​អ្យើស។
2PE 2:16 យើន​មា​ឞូនុយ្ស​អី​នៃ​លែៈ​គែស​នាវ​នទុយ្ស​ជេស​មា​នាវ​តីស​ពាង់៖ ឆែស​លៀ​មោ​ឞ្លាវ​ងើយ ជេង​ឞ្លាវ​ងើយ​តឹម​ឞាន​មា​ឞូនុយ្ស ឞ្វៃ​ពាង់​មោ​អ៝ន់​ជាន​នទើ​រាលូក​នៃ។
2PE 2:17 ទឹង​លែៈ​ផូង​នអើរ​ជាន​អ្យើស​អី​នៃ​តឹម​ឞាន​មា​តូ​ទាក​អី​លែៈ​ក្រ៝ស​ងក៝ង់ មោ​លាស​តឹម​ឞាន​មា​តុក​លេម​អី​ឆ្យាល​ផុត​ទែ​រាទូ លែៈ​គែស​នទ្រាប់​ជេស​នតុក​ង៝​ចេក​កោលាក់​ងាន់​រ៝​មា​អ៝ន់​ខាន់​ពាង់​គុ។
2PE 2:18 ខាន់​ពាង់​មឞើស​ងើយ​នហី​អេង​ឆាក់​ទុត​នាវ​ងាន់ តីស​មា​មោ​អោស​គែស​នាវ​ខ្លៃ។ ខាន់​ពាង់​តេក​មផ៝ក់​មពោល​អី​មហែ​ឆឹត​ញឆីង​មហែ​ក្លាយ្ស​ឞើស​នាវ​គុ​ងាវ​អ្យើស មពោល​អី​នៃ​អុច​អ្យាត់​នាវ​ខាន់​ពាង់ យ៝រ​មា​ខាន់​ពាង់​ជាៈ​ទ៝ង់​នាវ​នអើរ​កើញ​អ្យើស​តា​នូយ្ស​នហ៝ម់​ឞូនុយ្ស។
2PE 2:19 ខាន់​ពាង់​លាស​មា​មពោល​អី​នៃ៖ “លាស​ខាន់​អៃ​មៃ​ជាន​តឹង​នាវ​ហេន​អ្យា មោ​អោស​ខាច់​ជាន​តឹង​នាវ​ឞូ​ដាៈ​ឞូ​ឞ្វៃ​តឹម​ឞាន​មា​ជាន​ទឹក​មា​នាវ​ដាៈ​ឞ្វៃ​អី​នៃ ទាស​នើម​អុច​ជាន​ហ៝ៈ” តីស​មា​ខាន់​ពាង់​នើម​ជេង​តឹម​ឞាន​មា​ទឹក​មា​នាវ​តីស​ច្រាវ​មោ​ហោម​អោស​ឞ្លាវ​ឞាស​ជាន​តីស យ៝រ​លាស​ឞូនុយ្ស​ជេង​តឹម​ឞាន​មា​ទឹក​មា​ទឹង​លែៈ​នាវ​អី​គែស​នាវ​ទើយ​មា​ពាង់​នើម។
2PE 2:20 ខាន់​ពាង់​អា​ល៝រ​នើស​លែៈ​ក្លាយ្ស​ជេស​ឞើស​នាវ​អ្យើស​តា​នែស​នតូ​អ្យា​តាៈ​ឞើស​នាល់​ឞ្រាស​យេឆូ​ក្រីស ​អី​កោរាញ​ឞ៝ន់ អី​នើម​នាក់​រាក្លាយ្ស​ឞ៝ន់ ជេសរី​ព្លឹ​លាប់​តៃ​តា​នាវ​អ្យើស​អី​នៃ​ទូ​តឹ​ជឹត។ នាវ​តីស​ទើយ​មា​ខាន់​ពាង់ លាស​នទ្រី​នាវ​រេស​ខាន់​ពាង់​អី​នៃ​គែស​នាវ​ជេរ​រាលាវ​មា​អី​ឞើស​នតើម​នើស​ជឹត។
2PE 2:21 អ្វែស​រាលាវ​លាស​ខាន់​ពាង់​មោ​អោស​គឹត​នាល់​ត្រ៝ង​អី​អ៝ន់​កោរាញ​ឞ្រាស​កើប​ខាន់​ពាង់​ឆ៝ង់​នើស ដាស​មា​គឹត​នាល់ ជេសរី​ព្លឹ​ជឹត​កើយ​តឹម​រាលាច់​មោ​អុច​ជាន​តឹង​នាវ​កោរាញ​ឞ្រាស​ដាៈ​អី​ឞូ​លែៈ​នតី​មា​ខាន់​ពាង់​នើស។
2PE 2:22 នាវ​អី​គែស​តា​ខាន់​ពាង់​អី​នៃ​ជេង​ទី​ងាន់​តា​នាវ​ងើយ​ហោរ​អី​ឞូ​វៃ​លាស៖ «ឆ៝​ព្លឹ​ឆា​ហ៝ក​ពាង់​នើម» ជេស​រី៖ «ឆុរ​លែៈ​ជេស​ឞូ​នអុម​ព្លឹ​ពូង​តៃ​តា​ទាក​ឞ៝ក់»។
2PE 3:1 អើ​អ៝ស​នោ​តា​នាវ​ញឆីង​អី​គ៝ប់​រ៝ង់ អ្យា​ជេង​ឆ៝ម់បុត​រើស​ឞារ​អី​គ៝ប់​ញចីស​ញជ្វាល់​អ៝ន់​មា​ខាន់​អៃ​មៃ។ នាវ​តា​ត្រោម​ឆ៝ម់បុត​លែៈ​ឞារ​អ្យា គ៝ប់​លែៈ​ងកាស​ខាន់​អៃ​មៃ​អ៝ន់​ខាន់​អៃ​មៃ​គែស​នូយ្ស​នហ៝ម់​នាវ​មឹន​អ្វែស។
2PE 3:2 ខាន់​អៃ​មៃ​លើយ​អោស​ច្វេល​ទឹង​លែៈ​នាវ​អី​មពោល​ឞូនុយ្ស​នតើយ្ស​នាវ​ងើយ​កោរាញ​ឞ្រាស​លែៈ​ញចីស​ជេស​កាល់​អែ​នើស ទឹង​លែៈ​ខាន់​ពាង់​អី​នៃ​អី​ឞូនុយ្ស​ក្ល៝ស​អ្វែស។ លើយ​ច្វេល​ដ៝ង់​នាវ​ឞ្រាស​យេឆូ​ក្រីស ​ដាៈ ពាង់​អី​កោរាញ​អី​នើម​នាក់​រាក្លាយ្ស​ឞ៝ន់ នាវ​ដាៈ​អី​នៃ​ហេន​អី​មពោល​កោរាញ​អ៝ស​ម៝ន​លែៈ​ជេស​នតុម​នតី​ខាន់​អៃ​មៃ​នើស។
2PE 3:3 អ៝ន់​ខាន់​អៃ​មៃ​គឹត​នាវ​អី​ខ្លៃ​រាលាវ​ឞូ​អ្យា៖ តា​រានោក​ងគ្លែៈ​ទុត​មរា​គែស​ឞូនុយ្ស​អី​គុ​ងាវ​តឹង​រាង្លៃ​ឆាក់​ខាន់​ពាង់​នើម​កើញ​ទើម ជេសរី​គើម​មឺច​នាវ​នតី​អី​ងាន់។
2PE 3:4 ខាន់​ពាង់​មរា​លាស៖ “ខាន់​អៃ​មៃ​លាស​ឞ្រាស​យេឆូ​ក្រីស ​លែៈ​ត៝ន​ព្លឹ​វាច់​តៃ​តា​នែស​នតូ​អ្យា អាស​ពាង់​អាបៃ​អ្យា​ហ្យើ? នតើម​ឞើស​ផូង​អូ​ចែ​ឞ៝ន់​ខឹត​ត៝ត់​មា​អាបៃ​អ្យា​ហោម​កើត​អើម​នឹង​ទើម នទើ​តា​នែស​នតូ​អ្យា​ហោម​កើត​អើម កើត​នតើម​ញជេង​នែស​នតូ​នើស​ដ៝ង់ មោ​អោស​ឆៃ​គែស​នាវ​រាគ៝ល់!”
2PE 3:5 យើន​មា​ខាន់​ពាង់​អី​នៃ​ជាន​លាស​ច្វេល កោរាញ​ឞ្រាស​ញជេង​ត្រោក នទ្រែល​មា​នែស​នតូ​ជេង​តាៈ​ឞើស​នាវ​ងើយ​ពាង់​នើម កើស​នែស​លោស​តាៈ​ឞើស​ទាក ជេសរី​កើស​គុ​តា​ងក្លាង​ទាក។
2PE 3:6 ជេសរី​ពាង់​ទ៝ង់​ទាក​លេង​ទាក​ទើង​គៃ​មា​ងគ្រ៝ស​លើយ​ទឹង​លែៈ​នទើ​តា​នែស​នតូ​លែៈ​ផ្យៅ។
2PE 3:7 ជេសរី​តាៈ​ឞើស​នាវ​ងើយ​កោរាញ​ឞ្រាស​ដ៝ង់ ត្រោក នទ្រែល​មា​នែស​នតូ​អាបៃ​អ្យា កោរាញ​ឞ្រាស​លែៈ​នទ្រាប់​អ៝ន់​អុញ​មា​ឆូ​លើយ​លែៈ​ផ្យៅ​តា​នារ​ពាង់​ផាត​ទោយ្ស​ទឹង​លែៈ​ឞូនុយ្ស នអ៝ប់​មា​ងគ្រ៝ស​លើយ​ផូង​ឞូនុយ្ស​អ្យើស​អ៝ន់​លែៈ​ផ្យៅ។
2PE 3:8 អើ​អ៝ស​នោ​តា​នាវ​ញឆីង​អី​គ៝ប់​រ៝ង់ អ៝ន់​ខាន់​អៃ​មៃ​កាស​គឹត​នាវ​អ្យា៖ មា​កោរាញ​ឞ្រាស ទូ​នារ​តឹម​ឞាន​មា ១០០០ នាម់ ជេសរី ១០០០ នាម់​តឹម​ឞាន​មា​ទូ​នារ​ទើម​ដ៝ង់។
2PE 3:9 កោរាញ​យេឆូ ​មរា​វាច់​ងាន់​តឹង​នាវ​ពាង់​ត៝ន​អី​នៃ កោរាញ​ឞ្រាស​មោ​អោស​ច្វេល​មោ​អោស​ជ៝ៈ​អីរ​កើត​ឞូនុយ្ស​អាបាៈ​មឹន។ យើន​មា​ពាង់​អ៝ត់​នូយ្ស​មា​ឞ៝ន់ យ៝រ​លាស​ពាង់​មោ​អុច​អោស​អ៝ន់​ទូ​ហ្វេ​ឞូនុយ្ស​រ៝ស​ហេង ពាង់​អុច​ងាន់​អ៝ន់​ទឹង​លែៈ​ឞូនុយ្ស​រាគ៝ល់​លើយ​នូយ្ស​នហ៝ម់​អ្យើស។
2PE 3:10 នារ​កោរាញ​យេឆូ ​វាច់ ឞូ​មោ​អោស​គឹត​ល៝រ ជេង​តឹម​ឞាន​មា​ឞូនុយ្ស​នតុង​ហាន់​នតុង​ឞូ។ នោក​នៃ​ត្រោក​មរា​លេក​លែៈ​ផ្យៅ​នអ៝ប់​មា​ទុត​នតែស ជេសរី​ទឹង​លែៈ​នតីល​នទើ​អុញ​មរា​ឆា​លែៈ​ផ្យៅ ជេសរី​នែស​នតូ នអ៝ប់​មា​ទឹង​លែៈ​នទើ​ឞូ​ជាន​តា​នែស​នតូ​នើស​ឞូ​មរា​ឆៃ​នហេល​នានេៈ​ងាន់ គៃ​មា​កោរាញ​ឞ្រាស​ផាត​ទោយ្ស។
2PE 3:11 លាស​ទឹង​លែៈ​នទើ​អី​នៃ​មរា​រ៝ស​លេក​លែៈ​ផ្យៅ​កើត​នៃ​ងាន់ លាស​នទ្រី​តា​នាវ​គុ​ងាវ​ខាន់​អៃ​មៃ​អ៝ន់​ខាន់​អៃ​មៃ​ជាន​អ៝ន់​ទុត​អ្វែស នទ្រែល​មា​គុ​តឹម​ទី​មា​នាវ​កោរាញ​ឞ្រាស​អុច​ហោ​ងាន់​ទោ!
2PE 3:12 អ៝ន់​ខាន់​អៃ​មៃ​ញឆ្រោយ្ស​គុ​ក៝ប់ ជេសរី​អ៝ន់​កើល​គៃ​មា​នារ​កោរាញ​ឞ្រាស​ផាត​ទោយ្ស​នៃ​អ៝ន់​គើញ​ត៝ត់ ជេង​នារ​អី​ត្រោក​មរា​លេក​អុញ​ឆា​លែៈ​ផ្យៅ ជេសរី​ទឹង​លែៈ​នទើ​មរា​រ៝ស​លេក​តា​អុញ​លែៈ​ផ្យៅ​ដ៝ង់។
2PE 3:13 នទ្រី​ទឹង​ឞ៝ន់​គុ​ក៝ប់​ត៝ត់​គែស​ត្រោក​មហែ នទ្រែល​មា​នែស​នតូ​មហែ​អី​គែស​នាវ​អ្វែស​នាវ​ឆ៝ង់​អី​លែៈ​ពាង់​ត៝ន​ជេស។
2PE 3:14 អើ​អ៝ស​នោ​តា​នាវ​ញឆីង​អី​គ៝ប់​រ៝ង់ យ៝រ​លាស​ខាន់​អៃ​មៃ​ហោម​គុ​ក៝ប់​ទឹង​លែៈ​នាវ​អី​នៃ អ៝ន់​ខាន់​អៃ​មៃ​គែស​នូយ្ស​នហ៝ម់​គើយ្ស​ហោ​ងាន់ គៃ​មា​កោរាញ​ឞ្រាស​មោ​អោស​ឆៃ​នាវ​មា​នទុយ្ស​តា​ខាន់​អៃ​មៃ​អី​តឹម​ឞាន​មា​នាវ​អូក​រាមាវ គៃ​មា​ពាង់​ឆៃ​ខាន់​អៃ​មៃ​គុ​រេស​ដាប់​មពាន់​នទ្រែល​ពាង់​ហ៝ៈ‌
2PE 3:15 ជេសរី​អ៝ន់​ខាន់​អៃ​មៃ​វ៝ត់​នាវ​អ្យា នាវ​កោរាញ​ឞ៝ន់​អ៝ត់​នូយ្ស​អេ​ហ៝ៈ​ពាង់​ព្លឹ​វាច់​នៃ តាៈ​ឞើស​ពាង់​អុច​ឞូនុយ្ស​គែស​នាវ​រាក្លាយ្ស។ កើត​នៃ​ដ៝ង់ ពោល ​អី​អ៝ស​នោ​តា​នាវ​ញឆីង​អី​គ៝ប់​រ៝ង់ ពាង់​លែៈ​ញចីស​តា​ឆ៝ម់បុត​អី​ពាង់​ញជ្វាល់​អ៝ន់​មា​ខាន់​អៃ​មៃ​នើស ពាង់​ញចីស​តឹង​មា​នាវ​មឹន​គឹត​ឞ្លាវ​អី​កោរាញ​ឞ្រាស​លែៈ​អ៝ន់​ជេស​មា​ពាង់។
2PE 3:16 អាប់​ឆ៝ម់បុត​អី​ពាង់​លែៈ​គែស​ញចីស ពាង់​ញចីស​កើត​អី​នៃ​ទាទេ​ដ៝ង់។ តា​ឆ៝ម់បុត​ពាង់​គែស​នាវ​អាបាៈ​អី​ជេរ​វ៝ត់ ជាន​អ៝ន់​ឞូនុយ្ស​អី​រាលូក នទ្រែល​មា​ឞូនុយ្ស​អី​ញឆីង​មោ​ន៝ប់​រាគ៝ល់​នាវ​ជេរ​វ៝ត់​ជេង​តីស​មា​នាវ​ខ្លៃ​អើម កើត​មា​ខាន់​ពាង់​លែៈ​គែស​រាគ៝ល់​នាវ​ខ្លៃ​តា​នាវ​កោរាញ​ឞ្រាស​ងើយ​អាបាៈ​អេង​ដ៝ង់ កើត​នទ្រី​ជាន​អ៝ន់​ឆាក់​ខាន់​ពាង់​នើម​នហ៝​មា​រ៝ស​ហេង។
2PE 3:17 អើ​អ៝ស​នោ​តា​នាវ​ញឆីង​អី​គ៝ប់​រ៝ង់ គ៝ប់​លែៈ​អ៝ន់​ខាន់​អៃ​មៃ​លែៈ​គឹត​ទឹង​លែៈ​នាវ​អី​នៃ​ជេស លាស​នទ្រី​អ៝ន់​ខាន់​អៃ​មៃ​គុ​ញជ្រាង់​ឆាក់ គៃ​មា​ខាន់​អៃ​មៃ​មោ​អោស​អ្យាត់​តឹង​នាវ​នតី​ងក្លាៈ​មពោល​ឞូនុយ្ស​អ្យើស​អី​នៃ ជេសរី​ច្វេល​នាវ​នតី​ងាន់​អី​ខាន់​អៃ​មៃ​លែៈ​ញអោត។
2PE 3:18 យើន​មា​អ៝ន់​ខាន់​អៃ​មៃ​លើ​មា​ហោ​គុ​ន៝ប់​តា​នាវ​អ្វែស​ឞ្រាស​យេឆូ​ក្រីស  នអ៝ប់​មា​តា​នាវ​គឹត​នាល់​ពាង់​អី​កោរាញ​ឞ៝ន់ អី​នើម​រាក្លាយ្ស​ឞ៝ន់។ ជេសរី​ទាន់​រានេ​មា​នាវ​ច្រេក​លើប​តា​ពាង់​រានោក​អាបៃ​អ្យា នហ៝​មា​បាបើ​នហ៝​រ៝។ អើ​អ៝ន់​គែស​កើត​នៃ​ងាន់​រ៝៕៚
1JO 1:1 នាវ​លែៈ​អើម​គែស​ឞើស​នតើម​ឆាអើម​នើស​ងាន់ នាវ​ហេន​អី​កោរាញ​អ៝ស​ម៝ន​លែៈ​ឆៃ​លែៈ​តាង់​ជេស នាវ​អី​នៃ​ហេន​មឞើស​ងក៝ច​មា​ខាន់​អៃ​មៃ។ ហេន​លែៈ​ឆៃ​នាវ​អី​នៃ​មា​មាត់​ហេន​នើម ហេន​លែៈ​គែស​ពាស​នាវ​អី​នៃ​មា​តី​ហេន​នើម​ដ៝ង់ នាវ​អី​នៃ​ជេង​ឞ្រាស​យេឆូ​ក្រីស ​នើម ពាង់​ជេង​នាវ​ងើយ​អី​អ៝ន់​នាវ​រេស។
1JO 1:2 ពាង់​អី​អ៝ន់​នាវ​រេស​នៃ កោរាញ​ឞ្រាស​លែៈ​ញហើ​ឆាក់​ពាង់​អ៝ន់​ហេន​ឆៃ​ជេស ហេន​អ្យា​អី​តើម​ឆៃ នទ្រែល​មា​មឞើស​ងក៝ច​អ៝ន់​មា​ខាន់​អៃ​មៃ​ពាង់​អី​ជេង​នាវ​រេស​នហ៝​រ៝​នៃ។ អា​ល៝រ​នើស​ពាង់​គុ​នទ្រែល​ឞឹ​ពាង់​នើម​តា​កាលើ​រី ជេសរី​កោរាញ​ឞ្រាស​លែៈ​ញហើ​ពាង់​អ៝ន់​ហេន​មា​ឆៃ។
1JO 1:3 ហេន​មឞើស​ងក៝ច​អ៝ន់​មា​ខាន់​អៃ​មៃ​ម៝ស​នទើ​អី​ហេន​លែៈ​ឆៃ​លែៈ​តាង់​ជេស គៃ​មា​ខាន់​អៃ​មៃ​លាប់​គុ​តឹម​រាង្លាប់​នទ្រែល​ហេន​ដ៝ង់ ជេសរី​ឞ៝ន់​លែៈ​គុ​តឹម​រាង្លាប់​ជេស​នទ្រែល​កោរាញ​ឞ្រាស​ឞឹ នទ្រែល​ឞ្រាស​យេឆូ​ក្រីស ​អី​ក៝ន​ពាង់​នៃ។
1JO 1:4 ជេសរី​គ៝ប់​ញចីស​ទឹង​លែៈ​នាវ​អី​អ្យា​ញជ្វាល់​អ៝ន់​ខាន់​អៃ​មៃ គៃ​មា​ឞ៝ន់​គែស​នាវ​រាម់​មអាក​ទុត​ហោ។
1JO 1:5 អ្យា​ជេង​នាវ​ហេន​នតិញ​អី​ហេន​លែៈ​តាង់​ឞើស​ឞ្រាស​យេឆូ​ក្រីស ។ ហេន​មឞើស​ងក៝ច​នាវ​អី​នៃ​អ៝ន់​មា​ខាន់​អៃ​មៃ​តាង់​ដ៝ង់៖ កោរាញ​ឞ្រាស​ជេង​នាវ​អាង មោ​គែស​អោស​នាវ​ង៝​គុ​តា​ពាង់ ដេៈ​មោ​អើម។
1JO 1:6 លាស​ឞ៝ន់​លាស៖ “ឞ៝ន់​នើម​គុ​តឹម​រាង្លាប់​នទ្រែល​កោរាញ​ឞ្រាស” តីស​មា​មោ​អោស​គុ​រេស​តឹង​នាវ​ពាង់​អុច ឞ៝ន់​តឹម​ឞាន​មា​ហោម​គុ​តា​នាវ​ង៝​ច្រាវ លាស​នទ្រី​ឞ៝ន់​លែៈ​ងើយ​មរោស​ជេស មោ​អោស​តឹង​ជាន​នាវ​ងាន់។
1JO 1:7 យើន​មា​លាស​ឞ៝ន់​គុ​រេស​តឹង​នាវ​ពាង់​អុច ឞ៝ន់​តឹម​ឞាន​មា​គុ​តា​នាវ​អាង កើត​ពាង់​គុ​តា​នាវ​អាង​ដ៝ង់។ លាស​នទ្រី​ឞ៝ន់​លែៈ​គុ​តឹម​រាង្លាប់​ឞាល់​នទ្រែល​មហាម​ឞ្រាស​យេឆូ ​នើម​អី​ក៝ន​កោរាញ​ឞ្រាស​តឹម​ឞាន​មា​រាវ​ទឹង​លែៈ​នាវ​តីស​ឞ៝ន់​អ៝ន់​ឞ៝ន់​ជេង​ក្ល៝ស​តា​នាប់​មាត់​កោរាញ​ឞ្រាស។
1JO 1:8 លាស​ឞ៝ន់​លាស៖ “ឞ៝ន់​មោ​អោស​គែស​នាវ​តីស ឞ៝ន់​មរោស​អេង​ឆាក់​ឞ៝ន់​នើម” ជេសរី​នាវ​ងាន់​មោ​អោស​គុ​តា​ឞ៝ន់។
1JO 1:9 យើន​មា​លាស​ឞ៝ន់​មឞើស​នាវ​តីស​ឞ៝ន់​នើម​មា​កោរាញ​ឞ្រាស កោរាញ​ឞ្រាស​យោៈ​មោ​ហោម​កើប​នាវ​តីស​ឞ៝ន់ នហ៝​មា​តឹម​ឞាន​មា​រាវ​ឞ៝ន់​អ៝ន់​ជេង​ក្ល៝ស​មោ​ហោម​គែស​នាវ​អ្យើស​នាវ​ក្វែ យ៝រ​លាស​ពាង់​រាប់​ជាប់ ពាង់​ឆ៝ង់ ពាង់​ជាន​តឹង​ទឹង​លែៈ​នាវ​ពាង់​ត៝ន​នើស។
1JO 1:10 លាស​ឞ៝ន់​លាស៖ “ឞ៝ន់​មោ​អោស​ជាន​តីស” អី​នៃ​ជេង​ឞ៝ន់​លាស​កោរាញ​ឞ្រាស​ជេង​នើម​មរោស ជេសរី​នាវ​ងើយ​កោរាញ​ឞ្រាស​មោ​អោស​គុ​តា​ឞ៝ន់។
1JO 2:1 អើ​ផូង​អ៝ស​នោ​តា​នាវ​ញឆីង​អី​តឹម​ឞាន​មា​ក៝ន​ឆៅ​គ៝ប់ គ៝ប់​អុច​ញចីស​ទឹង​លែៈ​នាវ​អ្យា​អ៝ន់​ខាន់​អៃ​មៃ គៃ​មា​ខាន់​អៃ​មៃ​មោ​អោស​ជាន​តីស។ យើន​មា​លាស​ឞូ​ម៝ស​អី​ហោម​ជាន​តីស ឞ៝ន់​លែៈ​គែស​ជេស​ទូ​ហ្វេ​នើម​ឆើម​កើល​ក៝ស​ឞ៝ន់​តា​នាប់​មាត់​កោរាញ​ឞ្រាស​ឞឹ នើម​អី​នៃ​ឞ្រាស​យេឆូ​ក្រីស ​អី​នើម​ឆ៝ង់​ងាន់។
1JO 2:2 ពាង់​នើម​លែៈ​ជាន​ឞ្រាស​មា​ឆាក់​ពាង់​នើម គៃ​មា​ច្វាយ​ឞ៝ន់​ឞើស​នាវ​អី​កោរាញ​ឞ្រាស​មរា​តេៈ​ទោយ្ស​យ៝រ​មា​នាវ​តីស​ឞ៝ន់ ជេសរី​មោ​អោស​ទើន​មា​ច្វាយ​ឞ៝ន់​ទើម នអ៝ប់​មា​ច្វាយ​ទឹង​លែៈ​ឞូនុយ្ស​តា​នែស​នតូ​អ្យា​ដ៝ង់។
1JO 2:3 លាស​ឞ៝ន់​លែៈ​ញអោត​នាវ​កោរាញ​ឞ្រាស​នើម​ដាៈ នទ្រី​មើ​ឞ៝ន់​គឹត​នហេល​នានេៈ​ងាន់​លាស ឞ៝ន់​លែៈ​នាល់​កោរាញ​ឞ្រាស។
1JO 2:4 ឞូ​ម៝ស​លាស៖ “គ៝ប់​លែៈ​នាល់​កោរាញ​ឞ្រាស” យើន​មា​មោ​អោស​ញអោត​នាវ​ពាង់​ដាៈ ឞូនុយ្ស​អី​នៃ​ងើយ​មរោស​ទើម នាវ​ងាន់​មោ​អោស​គុ​តា​ឆាក់​ពាង់។
1JO 2:5 យើន​មា​ឞូ​ម៝ស​អី​ញអោត​តឹង​នាវ​កោរាញ​ឞ្រាស នាវ​រ៝ង់​កោរាញ​ឞ្រាស​គុ​តា​ឞូនុយ្ស​អី​នៃ​ងាន់​រ៝។ មើម​ទឹង​ឞ៝ន់​ទើយ​គឹត​ឞ៝ន់​លែៈ​គុ​នទ្រែល​កោរាញ​ឞ្រាស?
1JO 2:6 ឞូ​ម៝ស​អី​លាស​ឆាក់​ពាង់​នើម​លែៈ​គុ​នទ្រែល​កោរាញ​ឞ្រាស ជេស​រី​គុ​ងាវ​ជាន​តឹង​ឞ្រាស​យេឆូ ​ងាន់ រី​មើ​ឞ៝ន់​ទើយ​គឹត​ពាង់​លែៈ​គុ​នទ្រែល​កោរាញ​ឞ្រាស។
1JO 2:7 អើ​ផូង​អី​គ៝ប់​រ៝ង់ គ៝ប់​មោ​គែស​អោស​ញចីស​នាវ​ដាៈ​មហែ​អ៝ន់​មា​ខាន់​អៃ​មៃ គ៝ប់​ញចីស​នាវ​ដាៈ​អើម ជេង​នាវ​ដាៈ​អី​ខាន់​អៃ​មៃ​លែៈ​នាល់​ឞើស​នតើម។ ជេសរី​នាវ​ដាៈ​អើម​អី​នៃ ដាៈ​អ៝ន់​រ៝ង់​មា​ឞូ ជេង​នាវ​មឞើស​ងក៝ច​អី​ខាន់​អៃ​មៃ​លែៈ​វៃ​តាង់​ជេស។
1JO 2:8 យើន​មា​នាវ​ដាៈ​អី​នៃ​មហែ​ដ៝ង់។ នាវ​ងាន់​តា​នាវ​ដាៈ​អី​នៃ​ឆៃ​តា​ឞ្រាស​ក្រីស  នទ្រែល​មា​អី​ឆៃ​តា​នាវ​រេស​ផូង​ខាន់​អៃ​មៃ​ដ៝ង់ យ៝រ​លាស​នាវ​ង៝​លើ​មា​រ៝ស ជេសរី​នាវ​អាង​អី​ងាន់​លែៈ​អាង​ជេស។
1JO 2:9 ឞូ​ម៝ស​អី​កើប​អេង​ឆាក់​ពាង់​នើម​គុ​តា​នាវ​អាង យើន​មា​ជី​ឞ្យាញ់​មា​ទូ​ហ្វេ​អ៝ស​នោ​តា​នាវ​ញឆីង ឞូនុយ្ស​អី​នៃ​ហោម​គុ​តា​នាវ​ង៝​កើត​អើម។
1JO 2:10 ឞូ​ម៝ស​អី​រ៝ង់​មា​អ៝ស​នោ​តា​នាវ​ញឆីង ឞូនុយ្ស​អី​នៃ​គុ​តា​នាវ​អាង ជេសរី​មោ​គែស​អោស​នទើ​លែវ​អ៝ន់​ពាង់​ជាន​នាវ​តីស។
1JO 2:11 យើន​មា​ឞូ​ម៝ស​អី​ជី​ឞ្យាញ់​ដាស​មា​ទូ​ហ្វេ​អ៝ស​នោ​តា​នាវ​ញឆីង ឞូនុយ្ស​អី​នៃ​ហោម​គុ​តា​នាវ​ង៝ ជេសរី​ឞ្រោៈ​តា​នាវ​ង៝ នហ៝​មា​មោ​គឹត​អោស​អាស​ត្រ៝ង​មា​ហាន់ យ៝រ​លាស​នាវ​ង៝​លែៈ​ងកុម​លើយ​ត្រោម​មាត់​ពាង់ ពាង់​តឹម​ឞាន​មា​ចែស​មាត់។
1JO 2:12 អើ​ផូង​ក៝ន​ឆែ គ៝ប់​ញចីស​ឆ៝ម់បុត​អ្យា​ញជ្វាល់​អ៝ន់​ខាន់​អៃ​មៃ យ៝រ​លាស​កោរាញ​ឞ្រាស​លែៈ​យោៈ​ជេស​នាវ​តីស​ខាន់​អៃ​មៃ មោ​ហោម​កើប​នាវ​តីស​ខាន់​អៃ​មៃ យ៝រ​មា​ឞ្រាស​យេឆូ ។
1JO 2:13 អើ​ផូង​ឞូ​រាញ​អី​គែស​អ៝ស​គែស​ក៝ន គ៝ប់​ញចីស​ឆ៝ម់បុត​អ្យា​ញជ្វាល់​អ៝ន់​ខាន់​អៃ​មៃ យ៝រ​លាស​ខាន់​អៃ​មៃ​លែៈ​នាល់​ជេស​ឞ្រាស​យេឆូ​ក្រីស ​អី​លែៈ​អើម​គែស​ឞើស​នតើម​ញជេង​នែស​នតូ​នើស​ងាន់។ អើ​ផូង​ទ្រោស​នទាម់ គ៝ប់​ញចីស​ឆ៝ម់បុត​អ្យា​ញជ្វាល់​អ៝ន់​ខាន់​អៃ​មៃ យ៝រ​លាស​ខាន់​អៃ​មៃ​លែៈ​ទើយ​ជេស​ដាស​នើម​អ្យើស។
1JO 2:14 អើ​ផូង​ក៝ន​ឆែ គ៝ប់​ញចីស​ឆ៝ម់បុត​អ្យា​ញជ្វាល់​អ៝ន់​ខាន់​អៃ​មៃ យ៝រ​លាស​ខាន់​អៃ​មៃ​លែៈ​នាល់​ជេស​កោរាញ​ឞ្រាស​ឞឹ។ អើ​ផូង​ឞូ​រាញ គ៝ប់​ញចីស​ឆ៝ម់បុត​អ្យា​ញជ្វាល់​អ៝ន់​ខាន់​អៃ​មៃ យ៝រ​លាស​ខាន់​អៃ​មៃ​លែៈ​នាល់​ជេស​ឞ្រាស​យេឆូ​ក្រីស ​អី​លែៈ​អើម​គែស​ឞើស​នតើម​ញជេង​នែស​នតូ​នើស​ងាន់។ អើ​ផូង​ទ្រោស​នទាម់ គ៝ប់​ញចីស​ឆ៝ម់បុត​អ្យា​ញជ្វាល់​អ៝ន់​ខាន់​អៃ​មៃ យ៝រ​លាស​ខាន់​អៃ​មៃ​គែស​នហ៝ម់​ឆ្វាន​ទាង់‌ ជេសរី​នាវ​កោរាញ​ឞ្រាស​គុ​តា​ខាន់​អៃ​មៃ‌ ខាន់​អៃ​មៃ​លែៈ​ទើយ​ជេស​ដាស​នើម​អ្យើស។
1JO 2:15 លើយ​អោស​រ៝ង់​នាវ​គុ​ងាវ​ឞូនុយ្ស​អី​មោ​គឹត​នាល់​កោរាញ​ឞ្រាស នទ្រែល​មា​នទើ​តា​នែស​នតូ​អ្យា។ ឞូ​ម៝ស​អី​រ៝ង់​នាវ​គុ​ងាវ​ឞូនុយ្ស​អី​មោ​គឹត​នាល់​កោរាញ​ឞ្រាស នាវ​រ៝ង់​កោរាញ​ឞ្រាស​ឞឹ​មោ​អោស​គុ​តា​ពាង់​អី​នៃ។
1JO 2:16 តា​នែស​នតូ​អ្យា គែស​នាវ​នូយ្ស​នហ៝ម់​ឞូនុយ្ស​កើញ​ជាន​ហោ​អីរ គែស​នាវ​នូយ្ស​នហ៝ម់​កើញ​យ៝រ​មា​ត្រោម​មាត់​ឆៃ នទ្រែល​មា​គែស​នាវ​នហី​អេង​ឆាក់​យ៝រ​មា​ទ្រាប់​នទើ​ពាង់​នើម។ ទឹង​លែៈ​នាវ​អ្យើស​អី​នៃ​មោ​អោស​តាៈ​ឞើស​កោរាញ​ឞ្រាស​ឞឹ ជេង​តាៈ​ឞើស​នាវ​មឹន​អី​មោ​គឹត​នាល់​កោរាញ​ឞ្រាស។
1JO 2:17 ជេសរី​នែស​នតូ​អ្យា នទ្រែល​មា​នាវ​អុច​នាវ​កើញ​ហោ​អីរ​លែៈ​នតើម​រ៝ស​ជេស។ យើន​មា​ឞូ​ម៝ស​អី​ជាន​តឹង​នាវ​កោរាញ​ឞ្រាស​នើម​អុច មរា​ហោម​គុ​រេស​នហ៝​រ៝។
1JO 2:18 អើ​ផូង​អ៝ស​នោ​តា​នាវ​ញឆីង​អី​តឹម​ឞាន​មា​ក៝ន​ឆៅ​គ៝ប់ អ្យា​ជេង​ម៝ង​ងគ្លែៈ​ទុត​អេ​ល៝រ​មា​ឞ្រាស​យេឆូ​ក្រីស ​ព្លឹ​វាច់។ ខាន់​អៃ​មៃ​លែៈ​តាង់​ជេស គែស​ទូ​ហ្វេ​កោរាញ​អី​តឹម​រាទ៝ង់​ដាស​ឞ្រាស​ក្រីស ​អី​វាច់។ ជេសរី​អាបៃ​អ្យា​ឞូនុយ្ស​អី​តឹម​រាទ៝ង់​ដាស​ឞ្រាស​ក្រីស ​នៃ​លែៈ​អ៝ក់​ងាន់​វាច់ នទ្រី​ទឹង​ឞ៝ន់​គឹត អ្យា​ជេង​ម៝ង​ងគ្លែៈ​ទុត។
1JO 2:19 ខាន់​ពាង់​អី​នៃ​លែៈ​ទូ​លោស​ឞើស​ឞ៝ន់ យើន​មា​ខាន់​ពាង់​អី​នៃ​លែៈ​អើម​មោ​អោស​ទី​មពោល​ឞ៝ន់​ងាន់។ លាស​ខាន់​ពាង់​ជេង​មពោល​ឞ៝ន់​ងាន់ ខាន់​ពាង់​ហោម​គុ​នទ្រែល​ឞ៝ន់​មរ៝​រ៝។ យើន​មា​ខាន់​ពាង់​លែៈ​ទូ​លោស​ជេស​ឞើស​ឞ៝ន់ នទ្រី​ទឹង​ឞ៝ន់​ឆៃ​ខាន់​ពាង់​មោ​អោស​ទី​មពោល​ឞ៝ន់។
1JO 2:20 ល៝ង់​ផូង​ខាន់​អៃ​មៃ​នៃ លែៈ​កោរាញ​ឞ្រាស​ទែ​អ៝ន់​ឞ្រាស​ហ្វេង​អ្វែស​គុ​តា​ខាន់​អៃ​មៃ ជេសរី​ទឹង​លែៈ​ខាន់​អៃ​មៃ​លែៈ​គឹត​នាវ​ងាន់​ទាទេ។
1JO 2:21 គ៝ប់​ញចីស​ឆ៝ម់បុត​អ្យា​ញជ្វាល់​អ៝ន់​ខាន់​អៃ​មៃ មោ​ទី​អោស​យ៝រ​លាស​ខាន់​អៃ​មៃ​អេ​ហ៝ៈ​គឹត​នាល់​នាវ​ងាន់ យើន​មា​គ៝ប់​ញចីស​យ៝រ​មា​ខាន់​អៃ​មៃ​លែៈ​គឹត​នាល់​ជេស​នាវ​ងាន់ ជេសរី​ខាន់​អៃ​មៃ​លែៈ​គឹត​ជេស​នាវ​ងាន់​មោ​អោស​លោស​ជេង​នាវ​មរោស។
1JO 2:22 លាស​នទ្រី​ឞូ​ម៝ស​ឞូនុយ្ស​អី​នាក់​មរោស? អើម​មោ​ទី​លាស​ផូង​អី​រាលាច់​លាស​ឞ្រាស​យេឆូ ​មោ​ទី​ឞ្រាស​ក្រីស ​អី​នើម​រាក្លាយ្ស​តាៈ​ឞើស​កោរាញ​ឞ្រាស​ទែ​ញជ្វាល់។ ឞូ​ម៝ស​អី​រាលាច់​មោ​អោស​រ៝ម​កោរាញ​ឞ្រាស​ឞឹ នអ៝ប់​មា​ក៝ន​ពាង់​នើម ឞូនុយ្ស​អី​នៃ​ជេង​ឞូនុយ្ស​អី​តឹម​រាទ៝ង់​ដាស​ឞ្រាស​ក្រីស ។
1JO 2:23 ឞូ​ម៝ស​អី​រាលាច់​លាស​ឞ្រាស​យេឆូ ​មោ​ទី​អី​ក៝ន​កោរាញ​ឞ្រាស ឞូនុយ្ស​អី​នៃ​មោ​គែស​អោស​កោរាញ​ឞ្រាស​ឞឹ​គុ​នទ្រែល។ យើន​មា​លាស​ឞូ​ម៝ស​អី​ឆ៝ៈ​ទើន​មឞើស​លាស​ឞ្រាស​យេឆូ ​អី​ក៝ន​កោរាញ​ឞ្រាស ឞូនុយ្ស​អី​នៃ​គែស​កោរាញ​ឞ្រាស​ឞឹ​គុ​នទ្រែល​ដ៝ង់។
1JO 2:24 លាស​នទ្រី​ទឹង​លែៈ​នាវ​អី​ខាន់​អៃ​មៃ​លែៈ​តាង់​ជេស​ឞើស​នតើម​ខាន់​អៃ​មៃ​ញឆីង​មា​ឞ្រាស​ក្រីស ​នើស ទាន់​នាវ​អី​នៃ​ហោម​ការ់​តា​នូយ្ស​នហ៝ម់​ខាន់​អៃ​មៃ។ លាស​ទឹង​លែៈ​នាវ​អី​ខាន់​អៃ​មៃ​លែៈ​តាង់​ជេស​ឞើស​នតើម​ខាន់​អៃ​មៃ​ញឆីង​មា​ឞ្រាស​ក្រីស ​នើស​ហោម​ការ់​តា​ខាន់​អៃ​មៃ​ងាន់ លាស​នទ្រី​ខាន់​អៃ​មៃ​ហោម​គុ​ន៝ប់​នទ្រែល​ក៝ន​កោរាញ​ឞ្រាស​នើម នទ្រែល​មា​កោរាញ​ឞ្រាស​ឞឹ​នើម​ដ៝ង់។
1JO 2:25 ពាង់​លែៈ​ត៝ន​អ៝ន់​នាវ​រេស​នហ៝​រ៝​មា​ឞ៝ន់។
1JO 2:26 គ៝ប់​ញចីស​ឆ៝ម់បុត​អ្យា​ញជ្វាល់​អ៝ន់​ខាន់​អៃ​មៃ យ៝រ​មា​ឞូ​អុច​មរោស​រាលាម់​ខាន់​អៃ​មៃ ជាន​អ៝ន់​ខាន់​អៃ​មៃ​ហ្យើត។
1JO 2:27 ឞ្រាស​ហ្វេង​អ្វែស​អី​កោរាញ​ឞ្រាស​លែៈ​អ៝ន់​ជេស​មា​ខាន់​អៃ​មៃ ពាង់​ហោម​គុ​តា​ខាន់​អៃ​មៃ នទ្រី​ខាន់​អៃ​មៃ​មោ​ហោម​ខាច់​អោស​អ៝ន់​ឞូ​អេង​នតុម​នតី​ខាន់​អៃ​មៃ​ជឹត។ ឞ្រាស​ហ្វេង​អ្វែស​មោ​មរោស​អោស ពាង់​ជេង​នាវ​ងាន់។ ឞ្រាស​ហ្វេង​អ្វែស​នតុម​នតី​មា​អាប់​នតីល​នទើ​អ៝ន់​មា​ខាន់​អៃ​មៃ​ទាទេ។ លាស​នទ្រី​អ៝ន់​ខាន់​អៃ​មៃ​គុ​ន៝ប់​ហ៝ម់​តា​ឞ្រាស​ក្រីស  កើត​ឞ្រាស​ហ្វេង​អ្វែស​លែៈ​នតុម​នតី​ជេស​មា​ខាន់​អៃ​មៃ។
1JO 2:28 អើ​ក៝ន​ឆៅ អាបៃ​អ្យា អ៝ន់​ខាន់​អៃ​មៃ​ហោម​គុ​ន៝ប់​តា​ឞ្រាស​ក្រីស ​ទោ គៃ​មា​តា​នារ​ពាង់​វាច់​ញឆោស​ឆាក់ ឞ៝ន់​គែស​នូយ្ស​នហ៝ម់​ឞាញ់ មោ​អោស​គែស​នាវ​ដីត​ព្រេង​តា​នាប់​ពាង់។
1JO 2:29 ខាន់​អៃ​មៃ​លែៈ​គឹត​ជេស​ពាង់​ជេង​នើម​ឆ៝ង់ លាស​នទ្រី​ខាន់​អៃ​មៃ​ទើយ​គឹត​នហេល​ដ៝ង់ ឞូ​ម៝ស​អី​ជាន​ការ​ឆ៝ង់ លែៈ​ជេង​ក៝ន​កោរាញ​ឞ្រាស​ទាទេ​ដ៝ង់។
1JO 3:1 អ្វាញ់​ហ៝ម់ នាវ​រ៝ង់​កោរាញ​ឞ្រាស​ឞឹ​ឞ៝ន់​ក្វ៝ង់​ហោ​ងាន់ ត៝ត់​មា​ពាង់​ក្វាល់​ឞ៝ន់​ក៝ន​ពាង់​នើម។ ជេសរី​ឞ៝ន់​ជេង​ក៝ន​ពាង់​ងាន់។ ឞូនុយ្ស​អី​មោ​ញឆីង​មា​ឞ្រាស​ក្រីស ​មោ​អោស​គឹត​នាល់​ឞ៝ន់​ជេង​ក៝ន​ពាង់ យ៝រ​មា​ខាន់​ពាង់​មោ​គឹត​នាល់​កោរាញ​ឞ្រាស។
1JO 3:2 អើ​ផូង​អី​គ៝ប់​រ៝ង់ អាបៃ​អ្យា​ទឹង​លែៈ​ឞ៝ន់​លែៈ​ជេង​ក៝ន​កោរាញ​ឞ្រាស​នើម​ជេស។ យើន​មា​ពាង់​អេ​ហ៝ៈ​ញហើ​មា​ឞ៝ន់​អា​មើម​ឞ៝ន់​ជេង​តា​នារ​ឞ្រាស​ក្រីស ​ញឆោស​ឆាក់​រី​តៃ។ តា​នារ​អី​នៃ​ឞ៝ន់​ជេង​តឹម​ឞាន​មា​ឞ្រាស​ក្រីស  យ៝រ​លាស​ឞ៝ន់​មរា​ឆៃ​ពាង់​នហេល​នានេៈ​ងាន់​ដ៝ង់។
1JO 3:3 ឞូ​ម៝ស​អី​គែស​នាវ​រានើម​ឆៃ​ពាង់​កើត​នៃ ឞូនុយ្ស​អី​នៃ​គុ​រេស​លើ​មា​អ្វែស​តឹម​ទី​ដាស​នាវ​ពាង់​អុច នត្លើយ​លើយ​នាវ​ជាន​អ្យើស កើត​ពាង់​នើម​លែៈ​ក្ល៝ស​គុ​ឆ៝ង់​ដ៝ង់។
1JO 3:4 ឞូ​ម៝ស​អី​ជាន​តីស ពាង់​អី​នៃ​ជាន​រាលាវ​ឞើស​នាវ​កោរាញ​ឞ្រាស​ដាៈ យ៝រ​លាស​ជាន​តីស​ជេង​ជាន​មោ​តឹម​ទី​ឞើស​នាវ​កោរាញ​ឞ្រាស​ដាៈ។
1JO 3:5 ខាន់​អៃ​មៃ​លែៈ​គឹត​ជេស ឞ្រាស​យេឆូ ​វាច់​តា​អ្យា គៃ​មា​ឆ៝ៈ​លើយ​នាវ​តីស​ឞ៝ន់ យើន​មា​តា​ពាង់​នើម​មោ​អោស​គែស​នាវ​តីស។
1JO 3:6 ឞូ​ម៝ស​អី​គុ​តា​ពាង់ ឞូនុយ្ស​អី​នៃ​មោ​ហោម​អោស​ជាន​តីស។ យើន​មា​ឞូ​ម៝ស​អី​មោ​អោស​ឞាស​ជាន​តីស ឞូនុយ្ស​អី​នៃ​មោ​អោស​គឹត​នាល់​ពាង់ មោ​ដ៝ង់​គឹត​ឆៃ​ពាង់។
1JO 3:7 អើ​ក៝ន​ឆៅ លើយ​អោស​អ៝ន់​ឞូ​មរោស​ខាន់​អៃ​មៃ។ ឞូ​ម៝ស​អី​ជាន​ការ​ឆ៝ង់ ពាង់​អី​នៃ​ជេង​ឞូនុយ្ស​ឆ៝ង់ តឹម​ឞាន​មា​ឞ្រាស​យេឆូ ​ឆ៝ង់​ដ៝ង់។
1JO 3:8 យើន​មា​ឞូ​ម៝ស​អី​ជាន​តីស ពាង់​អី​នៃ​ក៝ន​កោរាញ​មពោល​ឞ្រាស​អ្យើស យ៝រ​លាស​កោរាញ​មពោល​ឞ្រាស​អ្យើស​លែៈ​អើម​ជាន​តីស​នតើម​ឞើស​ឆាអើម​នើស​ងាន់។ នទ្រី​ទឹង​ឞ្រាស​ក្រីស ​អី​ក៝ន​កោរាញ​ឞ្រាស​វាច់​តា​អ្យា គៃ​មា​ងគ្រ៝ស​លើយ​ទឹង​លែៈ​នាវ​ការ​កោរាញ​មពោល​ឞ្រាស​អ្យើស​អី​នៃ។
1JO 3:9 ឞូ​ម៝ស​អី​លែៈ​ជេង​ក៝ន​កោរាញ​ឞ្រាស ពាង់​អី​នៃ​មោ​អោស​ជាន​តីស យ៝រ​លាស​ពាង់​លែៈ​គែស​នាវ​រេស​មហែ​តាៈ​ឞើស​កោរាញ​ឞ្រាស។ ជេសរី​ពាង់​មោ​ហោម​អោស​ឞ្លាវ​ជាន​តីស យ៝រ​លាស​ពាង់​លែៈ​ជេង​ក៝ន​កោរាញ​ឞ្រាស។
1JO 3:10 តា​នាវ​អី​អ្យា​ឞ៝ន់​ទើយ​គឹត​នាល់​នហេល​ឞូ​ម៝ស​អី​ជេង​ក៝ន​កោរាញ​ឞ្រាស​នើម ឞូ​ម៝ស​អី​ជេង​ក៝ន​កោរាញ​មពោល​ឞ្រាស​អ្យើស៖ ឞូ​ម៝ស​អី​មោ​អោស​ជាន​ឆ៝ង់ ពាង់​អី​នៃ​មោ​អោស​ទី​ក៝ន​កោរាញ​ឞ្រាស ជេសរី​ឞូ​ម៝ស​អី​មោ​រ៝ង់​អោស​មា​អ៝ស​នោ​តា​នាវ​ញឆីង ពាង់​អី​នៃ​មោ​ដ៝ង់​ទី​ក៝ន​កោរាញ​ឞ្រាស។
1JO 3:11 អ៝ន់​ឞ៝ន់​តឹម​រ៝ង់​នទ្រាង់​មា​ផូង​ញឆីង។ នាវ​អី​នៃ​ខាន់​អៃ​មៃ​លែៈ​តាង់​ឞើស​នតើម​ខាន់​អៃ​មៃ​ញឆីង​មា​ឞ្រាស​ក្រីស ​នើស។
1JO 3:12 ឞ៝ន់​លើយ​អោស​ជាន​តឹម​ឞាន​មា​កាអីន ​អី​ជេង​ក៝ន​កោរាញ​មពោល​ឞ្រាស​អ្យើស ជេសរី​ងខឹត​លើយ​អី​អ៝ស​ពាង់​នើម។ មើម​ទឹង​ពាង់​ងខឹត​លើយ​អី​អ៝ស​ពាង់​នើម​កើត​នៃ? យ៝រ​លាស​ពាង់​នើស​លែៈ​វៃ​ជាន​អ្យើស យើន​មា​អី​អ៝ស​ពាង់​វៃ​ជាន​ឆ៝ង់។
1JO 3:13 អើ​អ៝ស​នោ​តា​នាវ​ញឆីង លាស​គែស​ឞូនុយ្ស​អី​មោ​ញឆីង​មា​ឞ្រាស​ក្រីស ​ជី​ឞ្យាញ់​មា​ផូង​ខាន់​អៃ​មៃ លើយ​អោស​ខាន់​អៃ​មៃ​នទ្រ៝ត់​ហីស​រាហ៝ល់។
1JO 3:14 ឞ៝ន់​លែៈ​គឹត​ឆាក់​ឞ៝ន់​នើម​លែៈ​ក្លាយ្ស​ជេស​ឞើស​នាវ​មរា​គុ​តា​នទ្រូង​អុញ​នហ៝​រ៝ លែៈ​គែស​នាវ​រេស​នហ៝​រ៝។ ឞ៝ន់​លែៈ​គឹត​នាវ​អី​នៃ​យ៝រ​មា​ឞ៝ន់​ឞ្លាវ​តឹម​រ៝ង់​ដាស​ផូង​អ៝ស​នោ​តា​នាវ​ញឆីង។ យើន​មា​ឞូ​ម៝ស​អី​មោ​ឞ្លាវ​រ៝ង់​អ៝ស​នោ​តា​នាវ​ញឆីង ពាង់​អី​នៃ​មរា​គុ​តា​នទ្រូង​អុញ​នហ៝​រ៝។
1JO 3:15 ឞូ​ម៝ស​អី​ជី​ឞ្យាញ់​មា​អ៝ស​នោ​តា​នាវ​ញឆីង​មា​ឞ្រាស​ក្រីស  កោរាញ​ឞ្រាស​កើប​ពាង់​អី​នៃ​តឹម​ឞាន​មា​ឞូនុយ្ស​ងខឹត​ឞូ។ ជេសរី​ខាន់​អៃ​មៃ​លែៈ​គឹត​ជេស ឞូនុយ្ស​អី​ងខឹត​ឞូ​នៃ​មោ​អោស​គែស​នាវ​រេស​នហ៝​រ៝។
1JO 3:16 ឞ្រាស​យេឆូ ​លែៈ​ជាវ​នាវ​រេស​ពាង់​នើម​គៃ​មា​រាក្លាយ្ស​ឞ៝ន់​ឞើស​នាវ​កោរាញ​ឞ្រាស​តេៈ​ទោយ្ស តា​នៃ​ឞ៝ន់​ឆៃ​នាវ​រ៝ង់​ងាន់។ លាស​នទ្រី​អ៝ន់​ឞ៝ន់​ជាន​កើត​នៃ​ដ៝ង់​ជាវ​នាវ​រេស​ឞ៝ន់​អ៝ន់​មា​អ៝ស​នោ​តា​នាវ​ញឆីង​មា​ឞ្រាស​ក្រីស ។
1JO 3:17 លាស​ឞូ​ម៝ស​អី​គែស​ទ្រាប់​នទើ​តា​នែស​នតូ​អ្យា ជេសរី​ឆៃ​ទូ​ហ្វេ​អ៝ស​នោ​តា​នាវ​ញឆីង​មា​ឞ្រាស​ក្រីស ​អី​មោ​គែស​មោ​ត៝ង់ យើន​មា​មោ​អោស​អ្វាញ់​គែស​មា​អោឞាល់ លាស​នទ្រី​មើម​ទឹង​ពាង់​អី​គែស​ទ្រាប់​នទើ​នៃ​ឞ្លាវ​លាស​ឆាក់​ពាង់​នើម​រ៝ង់​មា​កោរាញ​ឞ្រាស?
1JO 3:18 អើ​ក៝ន​ឆៅ ឞ៝ន់​មោ​អោស​ទី​រ៝ង់​តា​ឞ៝រ់​មឞូង​ងើយ​ទើម អ៝ន់​ឞ៝ន់​រ៝ង់​តា​នទើ​អី​ឞ៝ន់​ជាន ជាន​កើត​នៃ​មើ​គែស​នាវ​រ៝ង់​ងាន់។
1JO 3:19 លាស​ឞ៝ន់​គែស​នាវ​រ៝ង់​កើត​នៃ​ឞ៝ន់​ទើយ​គឹត​នាល់​ឞ៝ន់​ក៝ន​កោរាញ​ឞ្រាស នអ៝ប់​មា​ជាន​តឹង​នាវ​នតី​អី​ងាន់ ជេសរី​នូយ្ស​នហ៝ម់​នាវ​មឹន​ឞ៝ន់​មោ​ហោម​អោស​ក្លាច​រាវៃ​តា​នាប់​មាត់​កោរាញ​ឞ្រាស‌
1JO 3:20 ឞ៝ល​លាស​ឞ៝ន់​មឹន​តា​នូយ្ស​នហ៝ម់​ទី​មា​កោរាញ​ឞ្រាស​តេៈ​ទោយ្ស​មា​ឞ៝ន់។ កោរាញ​ឞ្រាស​គឹត​នហេល​រាលាវ​មា​ឞ៝ន់​នៃ ពាង់​គឹត​ទាទេ​ទឹង​លែៈ​នទើ។
1JO 3:21 អើ​ផូង​អី​គ៝ប់​រ៝ង់ លាស​ឞ៝ន់​មោ​អោស​មឹន​តា​នូយ្ស​នហ៝ម់​ទី​មា​កោរាញ​ឞ្រាស​តេៈ​ទោយ្ស​មា​ឞ៝ន់ នទ្រី​ឞ៝ន់​គែស​នូយ្ស​នហ៝ម់​ឞាញ់​គុ​តា​នាប់​កោរាញ​ឞ្រាស​មោ​ដ៝ង់​គែស​នូយ្ស​នហ៝ម់​ក្លាច​រាវៃ។
1JO 3:22 លាស​នទ្រី​ម៝ស​នទើ​អី​ឞ៝ន់​ទាន់​ឞើស​ពាង់ ឞ៝ន់​មរា​គែស​កើត​នៃ​ងាន់​រ៝ យ៝រ​លាស​ឞ៝ន់​លែៈ​ញអោត​តឹង​នាវ​ពាង់​ដាៈ នអ៝ប់​មា​លែៈ​ជាន​តឹង​នទើ​អី​ពាង់​រាម់​មអាក។
1JO 3:23 នាវ​ដាៈ​អី​ពាង់​អ៝ន់​មា​ឞ៝ន់​នៃ​កើត​នអា៖ អ្យាត់​មា​ឞ៝ន់​ញឆីង​មា​ឞ្រាស​យេឆូ​ក្រីស ​អី​ក៝ន​ពាង់​នើម នទ្រែល​មា​តឹម​រ៝ង់​នទ្រាង់​នើម តឹង​កើត​នាវ​អី​ពាង់​លែៈ​ដាៈ​មា​ឞ៝ន់​នើស។
1JO 3:24 ឞូ​ម៝ស​អី​ញអោត​តឹង​នាវ​កោរាញ​ឞ្រាស​ដាៈ ពាង់​អី​នៃ​គុ​ន៝ប់​តា​កោរាញ​ឞ្រាស​ងាន់ ជេសរី​កោរាញ​ឞ្រាស​គុ​តា​ពាង់​អី​នៃ​ដ៝ង់។ ឞ៝ន់​ទើយ​គឹត​នាល់​កោរាញ​ឞ្រាស​គុ​តា​ឞ៝ន់ យ៝រ​មា​ឞ្រាស​ហ្វេង​អ្វែស​អី​ពាង់​អ៝ន់​មា​ឞ៝ន់។
1JO 4:1 អើ​ផូង​អី​គ៝ប់​រ៝ង់ តា​នែស​នតូ​អ្យា​គែស​អ៝ក់​ឞូនុយ្ស​នតើយ្ស​ងក្លាៈ​នាវ​ងើយ​កោរាញ​ឞ្រាស។ លាស​នទ្រី​លើយ​ហ៝ៈ​អ្យាត់​អោស​ទឹង​លែៈ​ឞូនុយ្ស​អី​មឞើស​អេង​ឆាក់​ពាង់​នើម​គែស​ឞ្រាស​ហ្វេង​អ្វែស​គុ​តា​ខាន់​ពាង់។ អ្យាត់​មា​ខាន់​អៃ​មៃ​រាល៝ង​អ្វាញ់​ខាន់​ពាង់​ប៝ត់ គៃ​មា​គឹត​នហេល​នទើ​ខាន់​ពាង់​មឞើស​ងក៝ច​នៃ​តាៈ​ឞើស​កោរាញ​ឞ្រាស​ងាន់​មោ​លាស​មោ។
1JO 4:2 កើត​នអា​ឞ៝ន់​ទើយ​គឹត​នាល់​ឞ្រាស​ហ្វេង​អ្វែស​កោរាញ​ឞ្រាស​គុ​តា​ទូ​ហ្វេ​ឞូនុយ្ស៖ ឞូ​ម៝ស​ពាង់​អី​មឞើស​ងក៝ច​ឞ្រាស​យេឆូ​ក្រីស ​ជេង​ឞូនុយ្ស​ងាន់ ឞូនុយ្ស​អី​នៃ​គែស​ឞ្រាស​ហ្វេង​អ្វែស​ងាន់​គុ​តា​ពាង់។
1JO 4:3 យើន​មា​លាស​ឞូ​ម៝ស​អី​លាស​ឞ្រាស​យេឆូ​ក្រីស ​មោ​អោស​ជេង​ឞូនុយ្ស​ងាន់ ពាង់​អី​នៃ​មោ​គែស​អោស​ឞ្រាស​ហ្វេង​អ្វែស​គុ​តា​ពាង់ ពាង់​អី​នៃ​ជេង​លោស​តាៈ​ឞើស​កោរាញ​អី​តឹម​រាទ៝ង់​ដាស​ឞ្រាស​ក្រីស ​ច្រាវ។ ខាន់​អៃ​មៃ​លែៈ​តាង់​ជេស​កោរាញ​អី​តឹម​រាទ៝ង់​ដាស​ឞ្រាស​ក្រីស ​វាច់ អាបៃ​អ្យា​ពាង់​លែៈ​គុ​តា​នែស​នតូ​អ្យា​ដ៝ង់។
1JO 4:4 អើ​ក៝ន​ឆៅ ខាន់​អៃ​មៃ​ក៝ន​កោរាញ​ឞ្រាស ជេសរី​ខាន់​អៃ​មៃ​លែៈ​ទើយ​ដាស​មា​មពោល​ឞូនុយ្ស​នតើយ្ស​ងក្លាៈ​នាវ​ងើយ​កោរាញ​ឞ្រាស​អី​នៃ យ៝រ​លាស​ឞ្រាស​ហ្វេង​អ្វែស​គុ​តា​ខាន់​អៃ​មៃ។ ពាង់​គែស​នាវ​ទើយ​ក្វ៝ង់​រាលាវ​មា​កោរាញ​មពោល​ឞ្រាស​អ្យើស​អី​គុ​តា​ផូង​ឞូនុយ្ស​អី​មោ​ញឆីង​មា​ឞ្រាស​ក្រីស ​ជឹត។
1JO 4:5 ឞូនុយ្ស​នតើយ្ស​ងក្លាៈ​នាវ​ងើយ​កោរាញ​ឞ្រាស​មោ​អោស​ញឆីង​មា​ឞ្រាស​ក្រីស  នទ្រី​ទឹង​នាវ​នតី​ខាន់​ពាង់​តឹម​ទី​មា​ឞូនុយ្ស​មោ​ញឆីង​មា​ឞ្រាស​ក្រីស  ជេសរី​ទឹង​លែៈ​ឞូនុយ្ស​អី​មោ​ញឆីង​មា​ឞ្រាស​ក្រីស ​អ្យាត់​នាវ​ខាន់​ពាង់​ដ៝ង់។
1JO 4:6 យើន​មា​ឞ៝ន់ ឞ៝ន់​ជេង​ក៝ន​កោរាញ​ឞ្រាស នទ្រី​ទឹង​ឞូ​ម៝ស​អី​គឹត​នាល់​កោរាញ​ឞ្រាស ពាង់​អី​នៃ​អ្យាត់​នាវ​ឞ៝ន់​ដ៝ង់។ ជេសរី​ឞូ​ម៝ស​អី​មោ​អោស​ជេង​ក៝ន​កោរាញ​ឞ្រាស ពាង់​អី​នៃ​មោ​អោស​អ្យាត់​នាវ​ឞ៝ន់។ តាៈ​ឞើស​នទើ​អី​នៃ​ឞ៝ន់​ទើយ​គឹត​នាល់​ឞូ​ម៝ស​អី​គែស​ឞ្រាស​ហ្វេង​អ្វែស​គុ​តា​ពាង់ ជេសរី​ឞូ​ម៝ស​អី​នតី​ងក្លាៈ​មរោស​ឞូ។
1JO 4:7 អើ​ក៝ន​ឆៅ​អី​គ៝ប់​រ៝ង់ អ៝ន់​ឞ៝ន់​តឹម​រ៝ង់​នទ្រាង់​មា​ឞូនុយ្ស​អី​ញឆីង​មា​ឞ្រាស​ក្រីស  យ៝រ​លាស​នាវ​រ៝ង់​ជេង​តាៈ​ឞើស​កោរាញ​ឞ្រាស។ ឞូ​ម៝ស​អី​តឹម​រ៝ង់​នទ្រាង់​មា​ឞូនុយ្ស​អី​ញឆីង​មា​ឞ្រាស​ក្រីស  ពាង់​អី​នៃ​ក៝ន​កោរាញ​ឞ្រាស ជេសរី​គឹត​នាល់​កោរាញ​ឞ្រាស​ដ៝ង់។
1JO 4:8 យើន​មា​ឞូ​ម៝ស​អី​មោ​អោស​តឹម​រ៝ង់​នទ្រាង់​មា​ឞូនុយ្ស​អី​ញឆីង​មា​ឞ្រាស​ក្រីស  ឞូនុយ្ស​អី​នៃ​មោ​អោស​គឹត​នាល់​កោរាញ​ឞ្រាស យ៝រ​លាស​កោរាញ​ឞ្រាស​ជេង​នាវ​រ៝ង់។
1JO 4:9 កោរាញ​ឞ្រាស​លែៈ​ញហើ​ជេស​នាវ​រ៝ង់​ពាង់​អ៝ន់​មា​ឞ៝ន់​កើត​នអា៖ ពាង់​លែៈ​ញជ្វាល់​ក៝ន​ពាង់​នើម​ង្វាយ​អឹ​អ៝ន់​ជុរ​តា​នែស​នតូ​អ្យា គៃ​មា​អ៝ន់​ឞ៝ន់​គែស​នាវ​រេស​នហ៝​រ៝​យ៝រ​មា​តាៈ​ឞើស​ក៝ន​ពាង់​នៃ។
1JO 4:10 អ្យា​ជេង​នាវ​កោរាញ​ឞ្រាស​រ៝ង់៖ មោ​ទី​អោស​ឞ៝ន់​អី​លែៈ​រ៝ង់​មា​ពាង់​ល៝រ យើន​មា​ពាង់​អី​លែៈ​រ៝ង់​មា​ឞ៝ន់​ល៝រ នទ្រែល​មា​លែៈ​ញជុន​ក៝ន​ពាង់​នើម​នៃ​ជេង​នទើ​ជាន​ឞ្រាស​មា​ច្វាយ​ឞ៝ន់​ឞើស​នាវ​អី​កោរាញ​ឞ្រាស​មរា​តេៈ​ទោយ្ស​យ៝រ​មា​នាវ​តីស​ឞ៝ន់។
1JO 4:11 អើ​ក៝ន​ឆៅ​អី​គ៝ប់​រ៝ង់ លាស​ទាស​នៃ​ជេស​កោរាញ​ឞ្រាស​រ៝ង់​មា​ឞ៝ន់ អ្យាត់​មា​អ៝ន់​ឞ៝ន់​តឹម​រ៝ង់​នទ្រាង់​មា​ឞូនុយ្ស​អី​ញឆីង​មា​ឞ្រាស​ក្រីស ​ដ៝ង់។
1JO 4:12 មោ​គែស​អោស​ទូ​ហ្វេ​ឞូនុយ្ស​លែៈ​ឆៃ​កោរាញ​ឞ្រាស។ យើន​មា​លាស​ឞ៝ន់​តឹម​រ៝ង់​នទ្រាង់​មា​ឞូនុយ្ស​អី​ញឆីង​មា​ឞ្រាស​ក្រីស  កោរាញ​ឞ្រាស​គុ​តា​ឞ៝ន់ ជេសរី​នាវ​រ៝ង់​ទុត​ក្វ៝ង់​ពាង់​នើម​គុ​តា​ឞ៝ន់​ងាន់​ងេន។
1JO 4:13 ឞ៝ន់​លែៈ​គឹត​ឞ៝ន់​គុ​តា​ពាង់ ជេសរី​ពាង់​គុ​តា​ឞ៝ន់ តាៈ​ឞើស​នាវ​ពាង់​អ៝ន់​ឞ្រាស​ហ្វេង​អ្វែស​ពាង់​នើម​លែៈ​គុ​តា​ឞ៝ន់។
1JO 4:14 ហេន​លែៈ​ឆៃ នអ៝ប់​មា​មឞើស​ងក៝ច កោរាញ​ឞ្រាស​ញជុន​ក៝ន​ពាង់​នើម​ហាន់​តា​នែស​នតូ​អ្យា​គៃ​មា​រាក្លាយ្ស​ទឹង​លែៈ​ឞូនុយ្ស។
1JO 4:15 ឞូ​ម៝ស​អី​មឞើស​ងក៝ច​មា​ឞូ​ឞ្រាស​យេឆូ ​ជេង​ក៝ន​កោរាញ​ឞ្រាស​នើម ពាង់​អី​នៃ​គែស​កោរាញ​ឞ្រាស​គុ​តា​ពាង់ ជេសរី​ពាង់​នើម​គុ​តា​កោរាញ​ឞ្រាស​ដ៝ង់។
1JO 4:16 ឞ៝ន់​លែៈ​គឹត​ជេស នាវ​រ៝ង់​កោរាញ​ឞ្រាស​មា​ឞ៝ន់​ក្វ៝ង់​ហោ​ងាន់ ជេសរី​ឞ៝ន់​ញឆីង​មា​នាវ​រ៝ង់​ពាង់​នៃ។ កោរាញ​ឞ្រាស​ជេង​នាវ​រ៝ង់ ជេសរី​ឞូ​ម៝ស​អី​គែស​នាវ​រ៝ង់​មា​ឞូ​នឹង ពាង់​អី​នៃ​គុ​តា​កោរាញ​ឞ្រាស ជេសរី​កោរាញ​ឞ្រាស​គុ​តា​ពាង់​អី​នៃ​ដ៝ង់។
1JO 4:17 នាវ​រ៝ង់​ទុត​ក្វ៝ង់​កោរាញ​ឞ្រាស​នើម​គុ​តា​ឞ៝ន់​ងាន់​ងេន នទ្រី​ឞ៝ន់​គែស​នូយ្ស​នហ៝ម់​ឞាញ់​មោ​ហោម​អោស​ក្លាច​រាវៃ​តា​នារ​កោរាញ​ឞ្រាស​ផាត​ទោយ្ស​ទឹង​លែៈ​ឞូនុយ្ស​តៃ យ៝រ​លាស​តា​នែស​នតូ​អ្យា​ឞ៝ន់​លែៈ​គុ​រេស​តឹម​ឞាន​មា​ឞ្រាស​ក្រីស ។
1JO 4:18 លាស​តា​នូយ្ស​នហ៝ម់​ឞ៝ន់​លែៈ​គែស​ជេស​នាវ​រ៝ង់ ឞ៝ន់​មោ​ហោម​អោស​គែស​នាវ​ក្លាច​រាវៃ​មា​កោរាញ​ឞ្រាស​ជឹត។ លាស​នាវ​រ៝ង់​តា​នូយ្ស​នហ៝ម់​ឞ៝ន់​លែៈ​រឹង​ជេស នាវ​រ៝ង់​អី​នៃ​មព្រើស​នាវ​ក្លាច​ឞើស​នូយ្ស​នហ៝ម់ យ៝រ​លាស​នាវ​ក្លាច​រាវៃ​តាៈ​ឞើស​គឹត​នាវ​កោរាញ​ឞ្រាស​តេៈ​ទោយ្ស​តៃ។ ឞូ​ម៝ស​អី​ហោម​គែស​នាវ​ក្លាច នាវ​រ៝ង់​តា​នូយ្ស​នហ៝ម់​ពាង់​អេ​ហ៝ៈ​អោស​រឹង។
1JO 4:19 កោរាញ​ឞ្រាស​លែៈ​រ៝ង់​ជេស​មា​ឞ៝ន់​ល៝រ ទឹង​ឞ៝ន់​គែស​នូយ្ស​នហ៝ម់​រ៝ង់​មា​ពាង់ គែស​នូយ្ស​នហ៝ម់​រ៝ង់​មា​អ៝ស​នោ​តា​នាវ​ញឆីង​ដ៝ង់។
1JO 4:20 លាស​គែស​ទូ​ហ្វេ​ឞូនុយ្ស​លាស៖ “គ៝ប់​រ៝ង់​កោរាញ​ឞ្រាស” យើន​មា​ជី​ឞ្យាញ់​មា​អ៝ស​នោ​តា​នាវ​ញឆីង​មា​ឞ្រាស​ក្រីស  ឞូនុយ្ស​អី​នៃ​ងើយ​មរោស​ទើម។ យ៝រ​លាស​អ៝ស​នោ​អី​នៃ​អី​លែៈ​មាត់​ពាង់​នើម​ឆៃ​នៃ​ពាង់​ហោម​មា​មោ​រ៝ង់ លាស​នទ្រី​មើម​ពាង់​អី​នៃ​ឞ្លាវ​រ៝ង់​មា​កោរាញ​ឞ្រាស​អី​មាត់​ពាង់​អ្វាញ់​មោ​អោស​ឆៃ?
1JO 4:21 ឞ៝ន់​លែៈ​គែស​ជេស​នាវ​ដាៈ​អ្យា​តាៈ​ឞើស​កោរាញ​ឞ្រាស ពាង់​លាស៖ “ឞូ​ម៝ស​អី​រ៝ង់​កោរាញ​ឞ្រាស អ្យាត់​មា​ពាង់​អី​នៃ​រ៝ង់​មា​អ៝ស​នោ​តា​នាវ​ញឆីង​មា​ឞ្រាស​ក្រីស ​ដ៝ង់”។
1JO 5:1 ឞូ​ម៝ស​អី​អ្យាត់​ឞ្រាស​យេឆូ ​អី​ជេង​ឞ្រាស​ក្រីស ​អី​នើម​រាក្លាយ្ស​តាៈ​ឞើស​កោរាញ​ឞ្រាស​ទែ​ញជ្វាល់ ពាង់​អី​នៃ​ជេង​ក៝ន​កោរាញ​ឞ្រាស​ងាន់។ ជេសរី​ឞូ​ម៝ស​អី​រ៝ង់​មា​កោរាញ​ឞ្រាស​ឞឹ ពាង់​អី​នៃ​រ៝ង់​មា​ទឹង​លែៈ​ផូង​ក៝ន​កោរាញ​ឞ្រាស​ដ៝ង់។
1JO 5:2 លាស​ឞ៝ន់​លែៈ​រ៝ង់​ជេស​កោរាញ​ឞ្រាស នទ្រែល​មា​លែៈ​ញអោត​ទឹង​លែៈ​នាវ​ពាង់​ដាៈ តាៈ​ឞើស​នាវ​អី​នៃ​ទឹង​ឞ៝ន់​ទើយ​គឹត ឞ៝ន់​លែៈ​រ៝ង់​ជេស​មា​ទឹង​លែៈ​ផូង​ក៝ន​ពាង់។
1JO 5:3 លាស​ឞ៝ន់​រ៝ង់​មា​កោរាញ​ឞ្រាស ឞ៝ន់​ញអោត​ទឹង​លែៈ​នាវ​អី​ពាង់​ដាៈ​នៃ​ដ៝ង់។ ជេសរី​នាវ​ដាៈ​អី​នៃ​មោ​អោស​ជ៝ក់​ជេរ។
1JO 5:4 ទឹង​លែៈ​ឞូនុយ្ស​អី​លែៈ​ជេង​ក៝ន​កោរាញ​ឞ្រាស ជេង​ផូង​អី​លែៈ​ទើយ​ជេស​ឞើស​នាវ​អ្យើស​តា​នែស​នតូ​អ្យា ជេសរី​នាវ​ទើយ​ឞើស​នាវ​អ្យើស​អី​នៃ​តាៈ​ឞើស​នាវ​ឞ៝ន់​ញឆីង​មា​ឞ្រាស​ក្រីស ។
1JO 5:5 លាស​នទ្រី​ឞូ​ម៝ស​អី​ទើយ​តឹម​លើស​ដាស​នាវ​អ្យើស​តា​នែស​នតូ​នៃ? គែស​ឞូនុយ្ស​អី​អ្យាត់​លាស​ឞ្រាស​យេឆូ ​អី​ក៝ន​កោរាញ​ឞ្រាស​ងាន់ ឞូនុយ្ស​អី​នៃ​អី​ទើយ​តឹម​លើស​ដាស​នាវ​អ្យើស​តា​នែស​នតូ​អ្យា។
1JO 5:6 ឞ្រាស​យេឆូ​ក្រីស ​វាច់​តា​នែស​នតូ​អ្យា​មា​ទាក​ជេង​តា​នាវ​យុក​បាប់តែម​មា​ទាក នទ្រែល​មា​មហាម​ជេង​នាវ​ពាង់​លែៈ​ខឹត​តា​ឆី​តឹម​រាកាង់ មោ​អោស​ទើន​មា​ទាក​ទើម យើន​មា​នអ៝ប់​មា​ទាក នអ៝ប់​មា​មហាម​ដ៝ង់។ ឞ្រាស​ហ្វេង​អ្វែស​មឞើស​នាវ​អី​នៃ​ជេង​ទី​ងាន់ ឞ្រាស​ហ្វេង​អ្វែស​អី​នាវ​ងាន់។
1JO 5:7 គែស​ពែ​នតីល​នាវ​ខ្លៃ​អី​មឞើស​ងក៝ច​មា​ឞ្រាស​យេឆូ​ក្រីស ​ជេង​ក៝ន​កោរាញ​ឞ្រាស។
1JO 5:8 គែស​ឞ្រាស​ហ្វេង​អ្វែស គែស​ទាក​នាវ​បាប់តែម​យុក​មា​ទាក គែស​មហាម​ឞ្រាស​យេឆូ​អី​ហ៝ច​តា​ឆី​តឹម​រាកាង់ លែៈ​ពែ​អ្យា​ជេង​ទូ​នតោរ​នាវ​ទើម។
1JO 5:9 ឞ៝ន់​លែៈ​ឆ៝ៈ​ទើន​ជេស​នាវ​មឞើស​ងក៝ច​អី​តាៈ​ឞើស​ឞូនុយ្ស យើន​មា​នាវ​មឞើស​ងក៝ច​អី​តាៈ​ឞើស​កោរាញ​ឞ្រាស​គែស​នាវ​ខ្លៃ​លើ​មា​រាលាវ​នៃ​ជឹត ជេសរី​កោរាញ​ឞ្រាស​លែៈ​មឞើស​ងក៝ច​មា​ក៝ន​ពាង់​នើម​ជេស។
1JO 5:10 ឞូ​ម៝ស​អី​លែៈ​ញឆីង​មា​ក៝ន​កោរាញ​ឞ្រាស​នើម ពាង់​អី​នៃ​លែៈ​ញអោត​នាវ​មឞើស​ងក៝ច​អី​នៃ​តា​នូយ្ស​នហ៝ម់​ពាង់​នើម។ ឞូ​ម៝ស​អី​មោ​អោស​ញឆីង ពាង់​កើប​កោរាញ​ឞ្រាស​មរោស យ៝រ​លាស​ពាង់​មោ​អោស​អ្យាត់​មា​នាវ​កោរាញ​ឞ្រាស​លែៈ​មឞើស​ងក៝ច​មា​ក៝ន​ពាង់​នើម​នៃ។
1JO 5:11 កោរាញ​ឞ្រាស​លែៈ​អ៝ន់​ជេស​នាវ​រេស​នហ៝​រ៝​មា​ឞ៝ន់ ជេសរី​នាវ​រេស​អី​នៃ​ជេង​គែស​តា​ក៝ន​ពាង់​នើម នាវ​អី​នៃ​ជេង​នទើ​កោរាញ​ឞ្រាស​មឞើស​ងក៝ច​មា​ឞ៝ន់។
1JO 5:12 ឞូ​ម៝ស​អី​គុ​តឹម​រាង្លាប់​នទ្រែល​ក៝ន​កោរាញ​ឞ្រាស​នើម ពាង់​អី​នៃ​គែស​នាវ​រេស​នហ៝​រ៝​ដ៝ង់ យើន​មា​ឞូ​ម៝ស​អី​មោ​អោស​គុ​តឹម​រាង្លាប់​នទ្រែល​ក៝ន​កោរាញ​ឞ្រាស​នើម ពាង់​អី​នៃ​មោ​អោស​គែស​នាវ​រេស​នហ៝​រ៝។
1JO 5:13 គ៝ប់​ញចីស​ឆ៝ម់បុត​អ្យា​ញជ្វាល់​អ៝ន់​ខាន់​អៃ​មៃ គៃ​មា​អ៝ន់​ខាន់​អៃ​មៃ​គឹត​អី​លែៈ​ញឆីង​ជេស​មា​ក៝ន​កោរាញ​ឞ្រាស​នើម ខាន់​អៃ​មៃ​លែៈ​គែស​នាវ​រេស​នហ៝​រ៝​ជេស។
1JO 5:14 កើត​នទ្រី​ទឹង​ឞ៝ន់​គែស​នូយ្ស​នហ៝ម់​ឞាញ់​តា​នាប់​មាត់​កោរាញ​ឞ្រាស លាស​ម៝ស​នទើ​អី​ឞ៝ន់​ទាន់​តឹង​នាវ​ពាង់​អុច ពាង់​អ្យាត់​កើត​នាវ​ឞ៝ន់​ទាន់​នៃ​ងាន់​រ៝។
1JO 5:15 លាស​ឞ៝ន់​លែៈ​គឹត​ជេស​ពាង់​អ្យាត់​កើត​នាវ​អី​ឞ៝ន់​ទាន់​នៃ លាស​នទ្រី​ម៝ស​នទើ​អី​ឞ៝ន់​ទាន់​តាៈ​ឞើស​ពាង់ ឞ៝ន់​លែៈ​គឹត​ដ៝ង់​គែស​នទើ​អី​នៃ​ងាន់​រ៝។
1JO 5:16 លាស​ឞូ​ម៝ស​អី​ឆៃ​តា​ផូង​អ៝ស​នោ​អី​ញឆីង​មា​ឞ្រាស​ក្រីស ​គែស​ជាន​តីស​អី​កោរាញ​ឞ្រាស​ហោម​យោៈ​នអាច​មោ​អោស​ត៝ត់​គុ​តា​នទ្រូង​អុញ​នហ៝​រ៝ អ៝ន់​ពាង់​អី​ឆៃ​នៃ​ទាន់​ហ៝ម់​មា​កោរាញ​ឞ្រាស ជេសរី​កោរាញ​ឞ្រាស​មរា​អ៝ន់​នាវ​រេស​មា​ឞូនុយ្ស​អី​នៃ​រ៝។ នាវ​តីស​អី​គ៝ប់​ងើយ​នៃ​ជេង​នាវ​តីស​អី​កោរាញ​ឞ្រាស​ហោម​យោៈ​នអាច​ទើម។ យើន​មា​គែស​នាវ​តីស​អី​អេង​អី​កោរាញ​ឞ្រាស​មោ​ហោម​យោៈ​នអាច។ នាវ​តីស​អី​នៃ​គ៝ប់​មោ​អោស​អ៝ន់​ខាន់​អៃ​មៃ​ទាន់។
1JO 5:17 ទឹង​លែៈ​នតីល​នាវ​អ្យើស ជេង​នាវ​តីស​ទាទេ យើន​មា​គែស​នាវ​តីស​អី​កោរាញ​ឞ្រាស​ហោម​យោៈ​នអាច។
1JO 5:18 ឞ៝ន់​លែៈ​គឹត​ជេស ឞូ​ម៝ស​អី​លែៈ​ជេង​ក៝ន​កោរាញ​ឞ្រាស ពាង់​អី​នៃ​មោ​អោស​ជាន​តីស យ៝រ​លាស​ឞ្រាស​យេឆូ​ក្រីស ​នើម​ញជ្រាង់​ពាង់​អី​នៃ ជេសរី​អី​កោរាញ​មពោល​ឞ្រាស​អ្យើស​មោ​ហោម​អោស​គែស​នាវ​ទើយ​មា​ពាង់​អី​នៃ​ជឹត។
1JO 5:19 ឞ៝ន់​លែៈ​គឹត​ជេស ឞ៝ន់​ជេង​ក៝ន​កោរាញ​ឞ្រាស យើន​មា​ទឹង​លែៈ​ឞូនុយ្ស​អី​មោ​ញឆីង​មា​ឞ្រាស​ក្រីស ​ជេង​គុ​តា​ន៝ម់​នាវ​ទើយ​អី​កោរាញ​មពោល​ឞ្រាស​អ្យើស​នៃ​ទាទេ។
1JO 5:20 ឞ៝ន់​លែៈ​គឹត​ដ៝ង់ ឞ្រាស​យេឆូ​ក្រីស ​អី​ក៝ន​កោរាញ​ឞ្រាស​នើម​លែៈ​វាច់​តា​អ្យា ពាង់​អ៝ន់​នាវ​គឹត​ឞ្លាវ​គៃ​មា​ឞ៝ន់​គឹត​នាល់​កោរាញ​ឞ្រាស​អី​ងាន់​ងេន។ ឞ៝ន់​គុ​នទ្រែល​ពាង់​អី​ក៝ន​កោរាញ​ឞ្រាស​នើម ពាង់​អី​ឞ្រាស​នានេៈ​ងាន់ នអ៝ប់​មា​ពាង់​អី​តើម​នាវ​រេស​នហ៝​រ៝។
1JO 5:21 អើ​ផូង​ក៝ន​ឆៅ អ៝ន់​ខាន់​អៃ​មៃ​ទែរ​អ៝ន់​ងាយ​លើយ​អោស​យើក​មឞាស​ឞ្រាស​ងក្លាៈ៕៚
2JO 1:1 ឆ៝ម់បុត​អ្យា​តាៈ​ឞើស​គ៝ប់​យោហាន ​អី​កោរាញ​តា​ផូង​អី​ញឆីង​មា​ឞ្រាស​យេឆូ​ក្រីស ។ ទាន់​អោប​នាវ​អ្វែស​លាង់​មា​យោស​ឞូ​អូរ នទ្រែល​មា​ផូង​អ៝ស​ក៝ន​ឞូ​អូរ​អី​នៃ។ លែៈ​កោរាញ​ឞ្រាស​ទែ​កើយ្ស​ខាន់​អៃ​មៃ​ជេស។ គ៝ប់​រ៝ង់​ខាន់​អៃ​មៃ​ងាន់​ងេន។ មោ​អោស​ទើន​ទូ​ហ្វេ​គ៝ប់​ទើម​អី​គែស​នាវ​រ៝ង់​អី​នៃ ទឹង​លែៈ​មពោល​អី​លែៈ​គឹត​នាល់​នាវ​ងាន់ ខាន់​ពាង់​គែស​នាវ​រ៝ង់​អី​នៃ​ដ៝ង់។
2JO 1:2 នាវ​រ៝ង់​អី​នៃ​គែស​យ៝រ​លាស​នាវ​ងាន់​លែៈ​គុ​ជេស​នទ្រែល​ឞ៝ន់​អាបៃ​អ្យា ជេសរី​ហោម​គុ​នទ្រែល​ឞ៝ន់​បាបើ​នហ៝​រ៝។
2JO 1:3 ទាន់​កោរាញ​ឞ្រាស​ឞឹ នទ្រែល​មា​ឞ្រាស​យេឆូ​ក្រីស ​អី​ក៝ន​កោរាញ​ឞ្រាស​ឞឹ​នើម អ៝ន់​នាវ​អ្វែស នាវ​យោៈ នាវ​ដាប់​មពាន់​មា​ផូង​ឞ៝ន់​អី​គុ​តា​នាវ​នតី​អី​ងាន់ នទ្រែល​មា​គុ​តា​នាវ​រ៝ង់។
2JO 1:4 គ៝ប់​គែស​នាវ​រាម់​មអាក​ហោ​ងាន់ យ៝រ​មា​ឆៃ​អ៝ស​ក៝ន​អៃ​អាបាៈ​អី​លែៈ​គុ​រេស​ជាន​តឹង​នាវ​នតី​អី​ងាន់ ជេង​តឹម​ទី​ដាស​នាវ​កោរាញ​ឞ្រាស​ឞឹ​ដាៈ​ឞ៝ន់​នើស។
2JO 1:5 អើ​យោស​តា​នាវ​ញឆីង តា​ឆ៝ម់បុត​អី​គ៝ប់​ញចីស​ញជ្វាល់​អ្យា គ៝ប់​អុច​ងកាស​តោរ​អៃ អ៝ន់​ផូង​ឞ៝ន់​តឹម​រ៝ង់​នទ្រាង់​ឞ៝ន់​នើម។ នាវ​ដាៈ​មា​នាវ​រ៝ង់​អី​នៃ​មោ​ទី​អោស​នាវ​ដាៈ​មហែ ជេង​នាវ​ដាៈ​អើម​អី​ផូង​ឞ៝ន់​លែៈ​អើម​គែស​នតើម​ឞើស​ឆាអើម​នើស។
2JO 1:6 នាវ​តឹម​រ៝ង់​នទ្រាង់​ឞ៝ន់​នើម​គែស​នាវ​ខ្លៃ​លាស​ជាន​តឹង​នាវ​កោរាញ​ឞ្រាស​លែៈ​ដាៈ​មា​ផូង​ឞ៝ន់។ ពាង់​ដាៈ​ផូង​ឞ៝ន់​តឹម​រ៝ង់​នទ្រាង់​ឞ៝ន់​នើម នទ្រី​អៃ​លែៈ​តាង់​នតើម​ឞើស​ឆាអើម​នើស។
2JO 1:7 តា​នែស​នតូ​អ្យា​លែៈ​គែស​អ៝ក់​មពោល​អី​មរោស​ឞូ​អ៝ន់​ជាន​តីស មពោល​អី​នៃ​នតី​កើត​នអា៖ ឞ្រាស​យេឆូ​ក្រីស ​វាច់​តា​អ្យា​មោ​អោស​ជេង​រាង្លៃ​ឆាក់​ឞូនុយ្ស​ងាន់។ ឞូ​ម៝ស​អី​នតី​កើត​នៃ ពាង់​ជេង​ឞូនុយ្ស​មរោស​ឞូ ជេង​ឞូនុយ្ស​អី​តឹម​រាទ៝ង់​ដាស​ឞ្រាស​ក្រីស ។
2JO 1:8 អ៝ន់​ខាន់​អៃ​មៃ​ញជ្រាង់​ងាន់​ហ៝ម់ ក្លាច​លាស​រ៝ស​នាវ​ងខោម​មា​នទើ​អី​ទឹង​លែៈ​ឞ៝ន់​លែៈ​ញឆ្រោយ្ស​ជាន​ការ។ យើន​មា​អ៝ន់​ខាន់​អៃ​មៃ​ញឆ្រោយ្ស​ជាន​ការ​គៃ​មា​ឆ៝ៈ​ទើន​នាវ​ងខោម​អី​នៃ​អ៝ន់​រឹង។
2JO 1:9 ឞូ​ម៝ស​អី​មោ​ញអោត​ន៝ប់​នាវ​នតី​ឞ្រាស​ក្រីស  ជាន​រាលាវ​តា​នាវ​នតី​អី​នៃ ពាង់​អី​នៃ​មោ​គែស​អោស​កោរាញ​ឞ្រាស​គុ​នទ្រែល។ យើន​មា​ឞូ​ម៝ស​អី​ញអោត​ន៝ប់​នាវ​នតី​អី​នៃ ពាង់​អី​នៃ​គែស​កោរាញ​ឞ្រាស​ឞឹ នទ្រែល​មា​ក៝ន​កោរាញ​ឞ្រាស​នើម​គុ​នទ្រែល​តា​ពាង់។
2JO 1:10 លាស​ឞូ​ម៝ស​អី​ហាន់​តា​ខាន់​អៃ​មៃ មោ​នតី​នាវ​អី​នៃ​មា​ខាន់​អៃ​មៃ លើយ​អោស​រ៝ម​ពាង់​គុ​តា​ត្រោម​ជៃ​ខាន់​អៃ​មៃ ជេសរី​លើយ​អោស​អោប​នាវ​អ្វែស​លាង់​ពាង់​ដ៝ង់។
2JO 1:11 ឞូ​ម៝ស​អី​អោប​នាវ​អ្វែស​លាង់​ឞូនុយ្ស​អី​កើត​នៃ ជេង​លែៈ​តឹម​ទី​នាវ​នទ្រែល​នាវ​អ្យើស​ឞូនុយ្ស​អី​នៃ​ជាន​ដ៝ង់។
2JO 1:12 គែស​អ៝ក់​នាវ​ជឹត​អី​គ៝ប់​អុច​ញចីស​អ៝ន់​មា​ខាន់​អៃ​មៃ យើន​មា​គ៝ប់​មោ​អុច​អោស​ញចីស​មា​ទាក​ក្រាក់​តា​នហា​រាដាយ្ស យ៝រ​លាស​គ៝ប់​រានើម​ហាន់​ខ៝ល់​ខាន់​អៃ​មៃ តឹម​ងើយ​នទ្រែល​ខាន់​អៃ​មៃ គៃ​មា​ទឹង​លែៈ​ឞ៝ន់​គែស​នាវ​រាម់​មអាក​លើ​មា​ហោ​ងាន់។
2JO 1:13 ល៝ង់​អ៝ស​ក៝ន​យោស​ខាន់​អៃ​មៃ​អី​លែៈ​កោរាញ​ឞ្រាស​ទែ​កើយ្ស​នើស ខាន់​ពាង់​អោប​នាវ​អ្វែស​លាង់​ខាន់​អៃ​មៃ​ដ៝ង់៕៚
3JO 1:1 ឆ៝ម់បុត​អ្យា​តាៈ​ឞើស​គ៝ប់​យោហាន ​អី​កោរាញ​តា​ផូង​អី​ញឆីង​មា​ឞ្រាស​យេឆូ​ក្រីស ។ ទាន់​អោប​នាវ​អ្វែស​លាង់​មា​នោ​កៃយុស ​អី​គ៝ប់​រ៝ង់​ងាន់​ងេន។
3JO 1:2 អើ​នោ​អី​គ៝ប់​រ៝ង់ គ៝ប់​រានើម​មៃ​គែស​នាវ​អ្វែស​លាង់ កើត​មៃ​លែៈ​គែស​គុ​ន៝ប់​តា​នាវ​ញឆីង​មា​ឞ្រាស​ក្រីស ​ដ៝ង់។
3JO 1:3 គ៝ប់​គែស​រាម់​មអាក​ហោ​ងាន់ នោក​អ៝ស​នោ​តា​នាវ​ញឆីង​អាបាៈ​អី​ឆឹត​ត៝ត់​អា​គ៝ប់ យ៝រ​លាស​ខាន់​ពាង់​មឞើស​ងក៝ច​មៃ​ហោម​គុ​រាប់​ជាប់​តា​នាវ​ងាន់ ហោម​ជាន​តឹង​នាវ​នតី​ងាន់។
3JO 1:4 គ៝ប់​មោ​អោស​គែស​នាវ​រាម់​មអាក​អី​ក្វ៝ង់​រាលាវ​មា​នាវ​រាម់​មអាក​អី​គ៝ប់​តាង់​ក៝ន​ឆៅ​គ៝ប់​តា​នាវ​ញឆីង​ជាន​តឹង​នាវ​នតី​អី​ងាន់។
3JO 1:5 អើ​នោ​តា​នាវ​ញឆីង​អី​គ៝ប់​រ៝ង់ មៃ​លែៈ​រាប់​ជាប់​ងាន់​កើល​មា​ផូង​អ៝ស​នោ​តា​នាវ​ញឆីង​អី​ហាន់​ត្រ៝ង​រ៝ៈ​ប៝ន​អេងៗ​ត៝ត់​តា​នតុក​មៃ ឞ៝ល​លាស​មៃ​មោ​គឹត​នាល់​ខាន់​ពាង់។
3JO 1:6 ខាន់​ពាង់​អី​នៃ​លែៈ​មឞើស​ងក៝ច​តា​ផូង​ញឆីង​តា​នតុក​អ្យា​នាវ​អី​មៃ​លែៈ​ញហើ​នាវ​រ៝ង់​មា​ខាន់​ពាង់​នៃ។ ជេសរី​ដាៈ​មៃ​ហោម​កើល​នទើ​ខាន់​ព្រែ​មា​ហាន់​រ៝ៈ​ត្រ៝ង ជេង​តឹម​ទី​មា​នទើ​ជាន​ការ​អី​អ៝ន់​កោរាញ​ឞ្រាស​រាម់​មអាក‌
3JO 1:7 យ៝រ​លាស​ខាន់​ពាង់​ហាន់​ញឆាក​ញឆ៝ង​មឞើស​ងក៝ច​នាវ​ឞ្រាស​យេឆូ  ជេសរី​ខាន់​ពាង់​មោ​គែស​អោស​ឆ៝ៈ​ទើន​នទើ​ទូ​នតីល​តាៈ​ឞើស​ផូង​អី​មោ​ញឆីង​មា​ឞ្រាស​យេឆូ ។
3JO 1:8 លាស​នទ្រី​អ្យាត់​មា​ឞ៝ន់​ឞ្លាវ​កើល​មា​ឞូនុយ្ស​អី​កើត​នៃ គៃ​មា​ឞ៝ន់​ជាន​ការ​នទ្រែល​ឞាល់​តា​នាវ​នតី​អី​ងាន់។
3JO 1:9 គ៝ប់​លែៈ​ជេស​ញជ្វាល់​ឆ៝ម់បុត​អ៝ន់​មា​ផូង​ញឆីង​តា​នតុក​មៃ យើន​មា​គែស​ទូ​ហ្វេ​ឞូ​ក្លោ​រាញា​ដីអោត្រែប ​អី​ឞូនុយ្ស​អុច​ជាន​កោរាញ​ក្វ៝ង់​រាលាវ​ឞូ ពាង់​មោ​អោស​អ្យាត់​នាវ​ហេន។
3JO 1:10 យើន​មា​នោក​គ៝ប់​ហាន់​ត៝ត់​តា​នៃ គ៝ប់​មរា​ងកាស​ពាង់​ទឹង​លែៈ​នទើ​អី​ពាង់​ជាន​នៃ។ ពាង់​ងើយ​ញចើត​ងើយ​អ្យើស​ហេន​អ៝ន់​មា​ឞូនុយ្ស​អេង មោ​ទើន​មា​នទើ​អី​នៃ ជេសរី​ពាង់​មោ​អោស​រ៝ម​ផូង​អ៝ស​នោ​តា​នាវ​ញឆីង ឞ្វៃ​ផូង​អី​អុច​រ៝ម​មោ​អ៝ន់​រ៝ម​ដ៝ង់ ជេសរី​មព្រើស​ផូង​អី​អុច​រ៝ម​ទូ​លោស​ឞើស​ផូង​ញឆីង​តា​នៃ​ជឹត។
3JO 1:11 អើ​នោ​អី​គ៝ប់​រ៝ង់ លើយ​អោស​តឹង​ជាន​នទើ​អ្យើស អ៝ន់​តឹង​ជាន​នទើ​អ្វែស​ហ៝ៈ។ ឞូ​ម៝ស​អី​ជាន​នទើ​អ្វែស ពាង់​អី​នៃ​ជេង​ក៝ន​កោរាញ​ឞ្រាស យើន​មា​ឞូ​ម៝ស​អី​ជាន​នទើ​អ្យើស ពាង់​មោ​អោស​គឹត​នាល់​កោរាញ​ឞ្រាស។
3JO 1:12 យើន​មា​នោ​ដេមេត្រុស ​ទឹង​លែៈ​ឞូនុយ្ស​ងើយ​អ្វែស​តា​ពាង់​ទាទេ ឞ៝ល​លាស​អី​នាវ​ងាន់​មឞើស​ងក៝ច​អ្វែស​តា​ពាង់​ដ៝ង់។ ល៝ង់​គ៝ប់​តឹម​ឞាន​កើត​នៃ​ដ៝ង់ លែៈ​មឞើស​ងក៝ច​នាវ​អ្វែស​តា​ពាង់​ដ៝ង់ មៃ​លែៈ​គឹត​ជេស​នាវ​អី​គ៝ប់​មឞើស​ងក៝ច​នៃ​ជេង​ទី​ងាន់។
3JO 1:13 គែស​អ៝ក់​នាវ​អី​គ៝ប់​អុច​ញចីស​ញជ្វាល់​អ៝ន់​មៃ យើន​មា​គ៝ប់​មោ​អុច​អោស​ញចីស​មា​ទាក​ក្រាក់ មា​ម៝ង់​ញចីស។
3JO 1:14 គ៝ប់​គែស​នាវ​រានើម​ម៝ប់​មៃ​គើញ​តា​នារ​ឞើស​នាប់​អ្យា​តៃ នទ្រី​គ៝ប់​អុច​ងើយ​នទ្រែល​មៃ​រ៝។
3JO 1:15 ទាន់​នាវ​ដាប់​មពាន់​គុ​តា​មៃ ទឹង​លែៈ​មឹត​ជាង់​តា​អ្យា​អោប​នាវ​អ្វែស​លាង់​មៃ​ដ៝ង់។ លាស​នទ្រី​ទាន់​មៃ​អោប​នាវ​អ្វែស​លាង់​មា​មឹត​ជាង់​តា​នៃ​បាៈ៕៚
JUD 1:1 ឆ៝ម់បុត​អ្យា​តាៈ​ឞើស​គ៝ប់​យូដាស ​អី​ឞូនុយ្ស​ឆើម​កើល​ជាន​ការ​មា​ឞ្រាស​យេឆូ​ក្រីស  នទ្រែល​មា​គ៝ប់​អ្យា​អី​អ៝ស​យាកើ ​ដ៝ង់។ គ៝ប់​ញចីស​ឆ៝ម់បុត​អ្យា​ញជ្វាល់​អ៝ន់​មា​ទឹង​លែៈ​ឞូនុយ្ស​អី​កោរាញ​ឞ្រាស​ឞឹ​នើម​លែៈ​កើយ្ស​ជេស អី​ពាង់​រ៝ង់​ដ៝ង់។ ឞ្រាស​យេឆូ​ក្រីស ​ញជ្រាង់​ខាន់​អៃ​មៃ។
JUD 1:2 ទាន់​កោរាញ​ឞ្រាស​អ៝ន់​នាវ​យោៈ នាវ​ដាប់​មពាន់ នាវ​រ៝ង់​មា​ខាន់​អៃ​មៃ​អ៝ន់​លើ​មា​អ៝ក់​ងាន់។
JUD 1:3 អើ​អ៝ស​នោ​តា​នាវ​ញឆីង​អី​គ៝ប់​រ៝ង់ គ៝ប់​នអើរ​ហោ​ងាន់​មា​ញចីស​នាវ​រាក្លាយ្ស​អ៝ន់​មា​ខាន់​អៃ​មៃ នាវ​រាក្លាយ្ស​អី​ទឹង​លែៈ​ឞ៝ន់​លែៈ​គែស​ជេស។ យើន​មា​គ៝ប់​មឹន​អ្យាត់​មា​គ៝ប់​ញចីស​មា​នទើ​អា​អេង​អ៝ន់​មា​ខាន់​អៃ​មៃ ដាៈ​ខាន់​អៃ​មៃ​ញជ្រាង់​ងាន់​នាវ​នតី​មា​នាវ​ញឆីង​ឞ៝ន់។ កោរាញ​ឞ្រាស​លែៈ​អ៝ន់​នាវ​អី​នៃ​មា​ផូង​ប៝ន​លាន​ពាង់​នើម ពាង់​មោ​ហោម​អោស​រាគ៝ល់​នាវ​អី​នៃ​ជឹត។
JUD 1:4 គ៝ប់​ដាៈ​កើត​នៃ​យ៝រ​លាស​គែស​ឞូនុយ្ស​អាបាៈ​អី​លាប់​នតុង​តា​ផូង​ខាន់​អៃ​មៃ ឞូនុយ្ស​អី​នៃ​អ្យើស​ហោ​ងាន់​ជាន​តីស​ដាស​នាវ​កោរាញ​ឞ្រាស​អុច ខាន់​ពាង់​នតី​លាស​មោ​ច្រាវ​អោស​លាស​ជាន​តីស​អាប់​នតីល យ៝រ​មា​កោរាញ​ឞ្រាស​ហោម​យោៈ​តាៈ​ឞើស​នាវ​អ្វែស​ពាង់​នើម។ ខាន់​ពាង់​តឹម​រាទ៝ង់​មា​ឞ្រាស​យេឆូ​ក្រីស ​អី​កោរាញ​ឞ៝ន់​ទូ​ហ្វេ​ទើម។ ឞើស​កាល់​អែ​នើស​លែៈ​គែស​ញចីស​មា​នាវ​តេៈ​ទោយ្ស​មា​ឞូនុយ្ស​កើត​ខាន់​ពាង់​នៃ។
JUD 1:5 ទឹង​លែៈ​នាវ​អី​អ្យា​ខាន់​អៃ​មៃ​លែៈ​អើម​គឹត​ជេស យើន​មា​គ៝ប់​ទាន់​ហោម​ងកាស​ខាន់​អៃ​មៃ៖ ឞើស​កើយ​កោរាញ​ឞ្រាស​លែៈ​រាក្លាយ្ស​ផូង​ប៝ន​លាន​អីឆ្រាអែល ​ទូ​លោស​ឞើស​ឞ្រី​អេឆីប ​នើស ជេសរី​ពាង់​លើស​ហេង​លើយ​ផូង​អី​មោ​អ្យាត់​អោស​មា​ពាង់​តា​ផូង​អី​ពាង់​លែៈ​រាក្លាយ្ស​អី​នៃ។
JUD 1:6 គែស​ផូង​តោង​ពារ់​អី​ជាន​រាលាវ​មា​នាវ​កោរាញ​ឞ្រាស​ដាៈ ជេសរី​លោស​ឞើស​នតុក​កោរាញ​ឞ្រាស​លែៈ​អ៝ន់​ខាន់​ពាង់​គុ កោរាញ​ឞ្រាស​ក៝ត់​នហ៝​រ៝​ខាន់​ពាង់​មា​ឆែ​រាវាក់​ក្រុង​ខាន់​ពាង់​តា​នទ្រូង​ង៝ អ៝ន់​ក៝ប់​ត៝ត់​ទី​នារ​កោរាញ​ឞ្រាស​ផាត​ទោយ្ស ជេង​នារ​អី​ទុត​ក្វ៝ង់​ងាន់។
JUD 1:7 កើត​នទ្រី​ដ៝ង់ នោក​កាល់​អែ​នើស គែស​ប៝ន​ឆោដុម  ប៝ន​កោមោរា  នទ្រែល​មា​ប៝ន​អេងៗ​ជឹត​អី​តឹម​ទាច់។ ទឹង​លែៈ​ឞូនុយ្ស​តា​ប៝ន​អី​នៃ​លែវ​ឞាល់​ជាន​នាវ​ខើស​ក្លែរ នាវ​អី​តីស​ដាស​មា​នាវ​វៃ ជាន​តីស​កើត​ផូង​ប៝ន​លាន​អីឆ្រាអែល ​អី​នៃ នអ៝ប់​មា​កើត​ផូង​តោង​ពារ់​អី​នៃ​ដ៝ង់។ ទឹង​លែៈ​ប៝ន​អី​នៃ​កោរាញ​ឞ្រាស​ងគ្រ៝ស​លើយ​មា​អុញ​ឞើស​កាលើ​ត្រោក ជេង​នាវ​នតឹត​ឆៃ​ល៝រ​មា​នាវ​កោរាញ​ឞ្រាស​មរា​តេៈ​ទោយ្ស​មា​អុញ​ហីត​នហ៝​រ៝។
JUD 1:8 កើត​អី​នៃ​ដ៝ង់​អាបៃ​អ្យា​មពោល​ឞូនុយ្ស​អី​នតី​លាស​មោ​ច្រាវ​អោស​លាស​ជាន​តីស​អាប់​នតីល​អី​នៃ ខាន់​ពាង់​លាស ខាន់​ពាង់​គែស​មឞើយ​តាៈ​ឞើស​កោរាញ​ឞ្រាស អ៝ន់​ខាន់​ពាង់​ជាន​នទើ​បឹ​បើច​ឆាក់​ខាន់​ពាង់​នើម។ ខាន់​ពាង់​មោ​អុច​គែស​កោរាញ​មា​ខាន់​ពាង់ នទ្រែល​មា​មឺច​រាម៝ត​ផូង​តោង​ពារ់។
JUD 1:9 ឞ៝ល​លាស​គែស​ទូ​ហ្វេ​តោង​ពារ់​រាញា​មីកែល ​ជេង​កោរាញ​តោង​ពារ់​អី​ទុត​ក្វ៝ង់ នោក​ពាង់​តឹម​រាលាច់​ដាស​ឆាតាង់ ​អី​កោរាញ​មពោល​ឞ្រាស​អ្យើស​មា​នាវ​ឆាក់​មោឆេ ​អី​លែៈ​ខឹត​នៃ​នើស ពាង់​មោ​អោស​ឞាញ់​ងើយ​មឺច​រាម៝ត នទ្រែល​មា​មោ​អោស​ឞាញ់​ផាត​ទោយ្ស​ឆាតាង់  យើន​មា​ពាង់​លាស​ទើម៖ «ទាន់​កោរាញ​ឞ្រាស​លាស​មៃ!»
JUD 1:10 យើន​មា​មពោល​ឞូនុយ្ស​អី​នៃ​បេង​មា​លែវ​ឞាល់​មឺច​រាម៝ត​មា​នទើ​អេងៗ ឞ៝ល​លាស​ឆាក់​ខាន់​ពាង់​នើម​មោ​អោស​គឹត​វ៝ត់​មា​នទើ​អី​នៃ។ ម៝ស​នទើ​អី​ខាន់​ពាង់​លែៈ​អើម​គឹត​តា​នូយ្ស​នហ៝ម់​តឹម​ឞាន​មា​មពោមពា​(ឆ្យុម)​អី​មោ​គឹត​នាវ​ទើម ជេសរី​នាវ​ខាន់​ពាង់​ជាន​អី​នៃ​ជាន​អ៝ន់​ឆាក់​ខាន់​ពាង់​នើម​រ៝ស​ហេង។
JUD 1:11 រេស​រាញាល់​ងាន់​មា​ខាន់​ពាង់។ ខាន់​ពាង់​លែៈ​ហាន់​តឹង​ត្រ៝ង​កាអីន ​អី​ឞូនុយ្ស​ងខឹត​អី​អ៝ស​ពាង់​នើម។ ខាន់​ពាង់​មរោស​ឞូ​គៃ​មា​គែស​ព្រាក់​តឹម​ឞាន​មា​បាលាម ។ ខាន់​ពាង់​គែស​នាវ​រ៝ស​ហេង​តឹម​ឞាន​មា​មពោល​អី​តឹង​ទូ​ហ្វេ​រាញា​កោរេ ​អី​គែស​នាវ​រ៝ស​ហេង​យ៝រ​មា​តឹម​រាទ៝ង់​ដាស​កោរាញ​ឞ្រាស​តា​រានោក​មោឆេ ​កាល់​អែ​នើស។
JUD 1:12 នោក​ខាន់​អៃ​មៃ​គុ​ឆោង​ឆា​នទ្រែល​គៃ​មា​ញហើ​នាវ​រ៝ង់​កោរាញ​ឞ្រាស ខាន់​ពាង់​ជេង​តឹម​ឞាន​មា​នទើ​បឹ​បើច​តឹម​ឞាន​មា​គែស​នតាក់​តា​ឞ៝ក​អាវ​អី​ពីស​មោ​ហោម​ទើយ​ក្ល៝ស ឆោង​ឆា​អ្យាត់​មា​ហើម​នទុល​ខាន់​ពាង់​នើម​ទើម មោ​គែស​អោស​នាវ​ដីត​ព្រេង។ ខាន់​ពាង់​មោ​គែស​ខ្លៃ​ជេង​តឹម​ឞាន​មា​នហ៝ម់​មីស​អី​មោ​ហ៝ច​មីស​អី​ឆ្យាល​ទែ​ទាស​មា​រាទូ តឹម​ឞាន​មា​តើម​ឆី​អី​មោ​គែស​ព្លៃ​តា​ខៃ​ព្លៃ រាលាវ​ឞើស​នៃ​ជឹត​តើម​ឆី​អី​លែៈ​រោក​ក្ល៝ស​រែស​លែៈ​ខឹត​ងាន់។
JUD 1:13 ខាន់​ពាង់​ជេង​តឹម​ឞាន​មា​ញច៝ច់​រាឞុស​ទាក​វាច់​ទាក​វារ់​អី​ទុត​ទាង់ លោស​មពុញ នទើ​ដីត​ព្រេង​អី​ខាន់​ពាង់​ជាន​ឆៃ​នហេល​តឹម​ឞាន​មា​នាវ​មពុញ​អី​នៃ។ មោ​អោស​ទើយ​ញឆីង​មា​ខាន់​ពាង់ ខាន់​ពាង់​ជេង​តឹម​ឞាន​មា​មាញ់​អី​លែៈ​ហ្យើត​នតុក កោរាញ​ឞ្រាស​លែៈ​នទ្រាប់​ជេស​ខាន់​ពាង់​មា​អ៝ន់​តា​នតុក​ង៝​ចេក​កោលាក់​នហ៝​រ៝!
JUD 1:14 ជេសរី​ហេនុក ​អី​ឆៅ​មហាលលេលអែល ​ជេង​អី​ឆាន់​អាដាម់ ​អី​ឞូនុយ្ស​ត៝ល់​ង្វាយ​កោរាញ​ឞ្រាស​ញជេង​នៃ ពាង់​ជេង​ឞូនុយ្ស​នតើយ្ស​នាវ​ងើយ​កោរាញ​ឞ្រាស លែៈ​លាស​ល៝រ​មា​ខាន់​ពាង់​កើត​នអា៖ «អ្វាញ់​ហ៝ម់! កោរាញ​ឞ្រាស​ហាន់​នទ្រែល​ផូង​ក្ល៝ស​អ្វែស​ពាង់​នើម​អី​ទុត​អ៝ក់​ងាន់ មោ​ហោម​អោស​ឞ្លាវ​កើប‌
JUD 1:15 គៃ​មា​ផាត​ទោយ្ស​ទឹង​លែៈ​ឞូនុយ្ស ជេសរី​តេៈ​ទោយ្ស​ទឹង​លែៈ​ឞូនុយ្ស​តឹង​នទើ​អ្យើស​ខាន់​ពាង់​លែៈ​ជាន​តា​នាវ​អី​តឹម​រាទ៝ង់​មា​កោរាញ​ឞ្រាស តេៈ​ទោយ្ស​មា​នាវ​ងើយ​អ្យើស​អី​ផូង​ឞូនុយ្ស​តីស​ងើយ​តឹម​រាទ៝ង់​ដាស​កោរាញ​ឞ្រាស»។
JUD 1:16 ខាន់​ពាង់​អី​នៃ​ជេង​ឞូនុយ្ស​អ៝ក់​ឞ៝រ់​ញជ៝រ់​ឆេក​ហោ​ងាន់ នូយ្ស​នហ៝ម់​មោ​គែស​អោស​រាម់​មអាក។ ខាន់​ពាង់​គុ​រេស​ជាន​តឹង​នាវ​កើញ​ហោ​អីរ​មា​ខាន់​ពាង់​នើម​ទើម។ នាវ​មឞើស​ងើយ​ខាន់​ពាង់​នហី​អេង​ឆាក់​ទុត​ហោ​ងាន់ ងើយ​អ្វែស​មា​ឞូ​គៃ​មា​គែស​នទើ​ឞូ​អ៝ន់​មា​ឆាក់​ខាន់​ពាង់​នើម។
JUD 1:17 អើ​អ៝ស​នោ​តា​នាវ​ញឆីង​អី​គ៝ប់​រ៝ង់ អ៝ន់​ខាន់​អៃ​មៃ​ហោម​កាស​គឹត​ហ៝ម់​នាវ​មពោល​កោរាញ​អ៝ស​ម៝ន​ឞ្រាស​យេឆូ​ក្រីស ​អី​កោរាញ​ឞ៝ន់​លែៈ​អើម​មឞើស​ងក៝ច​អា​ល៝រ​នើស។
JUD 1:18 ខាន់​ពាង់​លែៈ​លាស៖ «តា​រានោក​ងគ្លែៈ​ទុត​តៃ មរា​គែស​ផូង​ងើយ​មឺច​មា​នាវ​ញឆីង​ឞ៝ន់ ផូង​អី​នៃ​ជាន​តឹង​រាង្លៃ​ឆាក់​ខាន់​ពាង់​នើម​កើញ​ទើម ជេង​នទើ​អី​តឹម​រាទ៝ង់​ដាស​នាវ​កោរាញ​ឞ្រាស​អុច»។
JUD 1:19 ខាន់​ពាង់​ជាន​អ៝ន់​គែស​នាវ​តឹម​ងខាស​មពោល​តា​ផូង​ខាន់​អៃ​មៃ ខាន់​ពាង់​ជាន​តឹង​នូយ្ស​នហ៝ម់​នាវ​មឹន​ខាន់​ពាង់​នើម​កើញ​ទើម មោ​គែស​អោស​ឞ្រាស​ហ្វេង​អ្វែស​គុ​នទ្រែល​តា​ខាន់​ពាង់។
JUD 1:20 យើន​មា​ខាន់​អៃ​មៃ​នៃ​អី​ផូង​អ៝ស​នោ​តា​នាវ​ញឆីង​អី​គ៝ប់​រ៝ង់ អ៝ន់​ខាន់​អៃ​មៃ​តឹម​នហាវ​ហ៝ម់​នាវ​ញឆីង​ខាន់​អៃ​មៃ​នើម គៃ​មា​នាវ​ញឆីង​ខាន់​អៃ​មៃ​លើ​មា​ហោ​ន៝ប់ ជេសរី​នាវ​ញឆីង​អី​នៃ​ជេង​នទើ​កោរាញ​ឞ្រាស​ងាន់​ងេន។ ជេសរី​អ៝ន់​ឞ្រាស​ហ្វេង​អ្វែស​អី​ក្ល៝ស​អ្វែស​លែវ​ខាន់​អៃ​មៃ​តា​នាវ​មឞើស​ឆើម។
JUD 1:21 អ៝ន់​ខាន់​អៃ​មៃ​គុ​ន៝ប់​តា​នាវ​រ៝ង់​កោរាញ​ឞ្រាស នទ្រែល​មា​គុ​ក៝ប់​នាវ​យោៈ​នអាច​ឞ្រាស​យេឆូ​ក្រីស ​នើម​អី​កោរាញ​ឞ៝ន់ ត៝ត់​ពាង់​អ៝ន់​នាវ​រេស​នហ៝​រ៝​មា​ខាន់​អៃ​មៃ។
JUD 1:22 ដាៈ​ខាន់​អៃ​មៃ​យោៈ​នអាច​មា​ផូង​អាបាៈ​អី​គែស​នាវ​ញឆីង​អេ​ហ៝ៈ​ន៝ប់។
JUD 1:23 ដាៈ​ខាន់​អៃ​មៃ​កើល​រាក្លាយ្ស​ផូង​អាបាៈ​ជឹត តឹម​ឞាន​មា​អូយ្ស​មផ៝ក់​ខាន់​ពាង់​អ៝ន់​ក្លាយ្ស​ឞើស​អុញ។ ជេសរី​ផូង​អាបាៈ​អេង ដាៈ​ខាន់​អៃ​មៃ​យោៈ​នអាច​មា​ខាន់​ពាង់​ដ៝ង់ យើន​មា​អ៝ន់​ញជ្រាង់​ឆាក់​នើម ក្លាច​លាស​ទើយ​ខាន់​ពាង់​លែវ​ខាន់​អៃ​មៃ​ជាន​តីស កើត​នទ្រី​អ៝ន់​ឞ្យាញ់​ទឹង​លែៈ​នាវ​តីស​ខាន់​ពាង់​ជាន តឹម​ឞាន​មា​ខាន់​អៃ​មៃ​បឹ​បើច​មា​ខ៝​អាវ​រាមាវ​បោ​ច្រិ។
JUD 1:24 អ៝ន់​រានេ​នាវ​ច្រេក​លើប​កោរាញ​ឞ្រាស ពាង់​ទើយ​ញជ្រាង់​ខាន់​អៃ​មៃ​មោ​ជាន​តីស​មោ​ឞាស​ញឆីង ពាង់​ទើយ​កើល​ខាន់​អៃ​មៃ​គុ​តា​ឞើស​នាប់​មាត់​ពាង់​នើម​អី​នតុក​គែស​នាវ​ច្រេក​លើប នោក​នៃ​ខាន់​អៃ​មៃ​គែស​នាវ​រាម់​មអាក​ទុត​ហោ​មោ​គែស​អោស​ទូ​នាវ​មា​នទុយ្ស។
JUD 1:25 អ៝ន់​រានេ​នាវ​ច្រេក​លើប​ពាង់ពាង់​ទើម​អី​ឞ្រាស​ងាន់​ងេន ពាង់​អី​នាក់​រាក្លាយ្ស​ឞ៝ន់​យ៝រ​មា​ឞ្រាស​យេឆូ​ក្រីស ​អី​កោរាញ​ឞ៝ន់​នើម។ នាវ​ច្រេក​លើប នាវ​ទុត​អ្វែស នាវ​ទើយ នាវ​ឞ្រាស លែៈ​អើម​គែស​គុ​តា​ពាង់​ឞើស​នតើម​ឆាអើម​ងាន់ ត៝ត់​មា​អាបៃ​អ្យា ងក្រែ​មា​នហ៝​រ៝! អើ​អ៝ន់​គែស​កើត​នៃ​ងាន់​រ៝៕៚
REV 1:1 ឆ៝ម់បុត​អ្យា​ជេង​នាវ​មឞើស​ងក៝ច​ឞ្រាស​យេឆូ​ក្រីស ​លែៈ​ញហើ​អ៝ន់​គ៝ប់​យោហាន ​ឆៃ។ កោរាញ​ឞ្រាស​អ៝ន់​ពាង់​ញហើ​មា​ផូង​ឆើម​កើល​ជាន​ការ​មា​កោរាញ​ឞ្រាស​នើម​ម៝ស​នាវ​មរា​គើញ​ត៝ត់​តា​នារ​ជឹត​នាប់​តៃ។ ឞ្រាស​យេឆូ​ក្រីស ​អ៝ន់​ទូ​ហ្វេ​តោង​ពារ់​ពាង់​នើម​ហាន់​តា​គ៝ប់​អី​ឞូនុយ្ស​ឆើម​កើល​ជាន​ការ​មា​ពាង់​នើម គៃ​មា​អ៝ន់​គ៝ប់​គឹត​នាវ​អី​នៃ។
REV 1:2 ទឹង​លែៈ​នាវ​អី​គ៝ប់​លែៈ​ញចីស​ជេស​អ្យា គ៝ប់​លែៈ​ឆៃ​មា​មាត់​គ៝ប់​នើម នាវ​អី​នៃ​ជេង​ទី​ងាន់ ជេង​នាវ​ងើយ​កោរាញ​ឞ្រាស នទ្រែល​មា​មឞើស​ងក៝ច​ឞ្រាស​យេឆូ​ក្រីស ​ជេង​កោរាញ​ឞ៝ន់។
REV 1:3 អ្វែស​មអាក​ងាន់​មា​ឞូ​ម៝ស​អី​រ៝ៈ​អី​តាង់​នាវ​នតើយ្ស​នាវ​ងើយ​កោរាញ​ឞ្រាស​តា​ឆ៝ម់បុត​អ្យា នអ៝ប់​មា​អ្វែស​មអាក​ងាន់​មា​ឞូ​ម៝ស​អី​លែៈ​តាង់ ជេសរី​ជាន​តឹង​កើត​ទឹង​លែៈ​នាវ​អី​លែៈ​គែស​ញចីស​ជេស​តា​អ្យា យ៝រ​លាស​ត៝ត់​ទី​នារ​មា​លោច​នាវ​នតើយ្ស​អី​នៃ​លែៈ​ឞើយ​ត៝ត់​ជេស។
REV 1:4 ឆ៝ម់បុត​គ៝ប់​យោហាន  ញជ្វាល់​អ៝ន់​មា​ផូង​ញឆីង​អី​រាបុន​តា​ពើស​អឹ​ប៝ន​តា​ឞ្រី​អាឆី ។ ទាន់​កោរាញ​ឞ្រាស​អ៝ន់​នាវ​អ្វែស នអ៝ប់​មា​នាវ​ដាប់​មពាន់​មា​ខាន់​អៃ​មៃ។ ពាង់​គុ​រេស​អាបៃ​អ្យា ពាង់​លែៈ​អើម​គុ​រេស​នើស ជេសរី​ពាង់​មរា​វាច់។ ទាន់​ឞ្រាស​ហ្វេង​អ្វែស​អី​គុ​ឞើស​នាប់​រានើល​កាដាច់​កោរាញ​ឞ្រាស​នើម​អ៝ន់​នាវ​អ្វែស នអ៝ប់​មា​នាវ​ដាប់​មពាន់​មា​ខាន់​អៃ​មៃ។
REV 1:5 ទាន់​ឞ្រាស​យេឆូ​ក្រីស ​អ៝ន់​នាវ​អ្វែស នអ៝ប់​មា​នាវ​ដាប់​មពាន់​មា​ខាន់​អៃ​មៃ​ដ៝ង់ ពាង់​ជេង​នើម​រាប់​ជាប់​មឞើស​ងក៝ច​នាវ​ងាន់​ទើម ពាង់​ជេង​នើម​ល៝រ​ឞូ​ទ៝ក់​រេស​ឞើស​ផូង​ខឹត ជេសរី​ពាង់​ជេង​កោរាញ​ទឹង​លែៈ​កាដាច់​តា​នែស​នតូ​អ្យា។ ពាង់​រ៝ង់​មា​ឞ៝ន់ នទ្រែល​មា​រាក្លាយ្ស​ឞ៝ន់​មា​មហាម​ពាង់​នើម​ឞើស​នាវ​តេៈ​ទោយ្ស​យ៝រ​មា​នាវ​តីស​ឞ៝ន់។
REV 1:6 នហ៝​មា​ពាង់​ជាន​អ៝ន់​ឞ៝ន់​ជេង​មពោល​កាដាច់​ម៝ត់​អ្វាញ់​នទ្រែល​ពាង់​នើម ពាង់​អ៝ន់​ឞ៝ន់​ជេង​មពោល​ជាន​ឞ្រាស​មា​ឆើម​កើល​ជាន​ការ​មា​កោរាញ​ឞ្រាស​អី​ឞឹ​ពាង់​នើម។ អ៝ន់​រានេ​នាវ​ច្រេក​លើប​ពាង់ នទ្រែល​មា​នាវ​ទើយ​ពាង់​បាបើ​នហ៝​រ៝! អើ​អ៝ន់​គែស​កើត​នៃ​ងាន់​រ៝។
REV 1:7 អ្វាញ់​ហ៝ម់ ពាង់​វាច់​រ៝ៈ​នទ៝រ់​តុក‌ ទឹង​លែៈ​ឞូនុយ្ស​មរា​ឆៃ​ពាង់​ទាទេ‌ ឞ៝ល​លាស​ផូង​អី​តាៈ​នត៝ប់​ពាង់​នើស​ឆៃ​ពាង់​ដ៝ង់។ ទឹង​លែៈ​នទុល​មពោល​ឞូនុយ្ស​តា​នែស​នតូ​អ្យា​មរា​ញុម​រាង៝ត​យ៝រ​មា​ពាង់​នៃ​ទាទេ អើ​ងាន់! អើ​អ៝ន់​គែស​កើត​នៃ​ងាន់​រ៝។
REV 1:8 កោរាញ​ឞ្រាស​អី​កោរាញ​ងាន់ ពាង់​លាស៖ “គ៝ប់​អ្យា​ជេង​អាលផា  នទ្រែល​មា​អោមេកា ”។ ពាង់​គុ​រេស​អាបៃ​អ្យា ពាង់​លែៈ​អើម​គុ​រេស ជេសរី​ពាង់​មរា​វាច់ ពាង់​ទុត​គែស​នាវ​ទើយ​មា​ទឹង​លែៈ​នតីល​នទើ។
REV 1:9 គ៝ប់​យោហាន ​ជេង​អ៝ស​នោ​ខាន់​អៃ​មៃ​តា​នាវ​ញឆីង​មា​ឞ្រាស​យេឆូ  គែស​ឞូ​ជាន​ជេរ​ជ៝ត់​កើត​ខាន់​អៃ​មៃ គែស​ដ៝ង់​កោរាញ​ឞ្រាស​ម៝ត់​អ្វាញ់​កើត​ខាន់​អៃ​មៃ នទ្រែល​មា​គែស​ញឆ្រោយ្ស​នឹង​តា​នាវ​ឞូ​ជាន​ជេរ​កើត​ខាន់​អៃ​មៃ​ដ៝ង់ យ៝រ​មា​ឞ៝ន់​គុ​នទ្រែល​ឞ្រាស​យេឆូ ។ គ៝ប់​អ្យា​ឞូ​ដាៈ​ទូ​គុ​តា​ទូ​គោល​ទាក​រាញា​ពាតមោស  យ៝រ​មា​គ៝ប់​មឞើស​ងក៝ច​នាវ​កោរាញ​ឞ្រាស នទ្រែល​មា​មឞើស​ងក៝ច​ឞ្រាស​យេឆូ ​ជេង​កោរាញ​គ៝ប់​នើម។
REV 1:10 តា​នារ​ពើស ឞ្រាស​ហ្វេង​អ្វែស​អ៝ន់​គ៝ប់​មោ​ហោម​អោស​កាស​គឹត​ឆាក់ ជេសរី​គ៝ប់​តាង់​នតែស​ឞ៝រ់​មឞូង​ឞើស​កើយ​គ៝ប់​រី ទុត​នតែស​ងាន់ តឹម​ឞាន​មា​នតែស​អោស​នុង
REV 1:11 លាស​មា​គ៝ប់​កើត​នអា៖ “ម៝ស​នទើ​អី​មៃ​ឆៃ​អាបៃ​អ្យា អ៝ន់​មៃ​ញចីស​ទូ​មល៝ម់​ឆ៝ម់បុត ជេសរី​ញជ្វាល់​អ៝ន់​មា​ផូង​ញឆីង​ពើស​ប៝ន​តា​ឞ្រី​អាឆី ​អ្យា៖ ប៝ន​អេផេឆោ  ប៝ន​ឆាមីរនា  ប៝ន​ពើកាមុស  ប៝ន​ថៀថីរា  ប៝ន​ឆារដីស  ប៝ន​ផីលាដិលផៀ  នទ្រែល​មា​ប៝ន​លាវដីឆេ ”។
REV 1:12 ជេសរី​គ៝ប់​ងគឹល​ជឹត​កើយ​គៃ​មា​ឆៃ​នើម​អី​ងើយ​មា​គ៝ប់​នៃ តា​នៃ​គ៝ប់​ឆៃ​ពើស​អឹ​ងគ៝ង់​អុញ​ឆាគេង​មាយ្ស។
REV 1:13 តា​ងក្លាង​ងគូល​ងគ៝ង់​ឆាគេង​អី​នៃ​គែស​ទូ​ហ្វេ​តឹម​ឞាន​មា​ក៝ន​ឞូនុយ្ស ញឆ៝ស​អាវ​ជ៝ង​រាជាយ​ត៝ត់​អា​មពាង​ជ៝ង់ ជេសរី​គែស​រាឆែ​មាយ្ស​ក៝ត់​តា​នតើស​រី​ជឹត។
REV 1:14 ឆ៝ក់​តា​ឞោក​ពាង់​ងលាង​តឹម​ឞាន​មា​មលី អី​មាត់​ពាង់​តឹម​ឞាន​មា​មព្យាត់​អុញ‌
REV 1:15 ជ៝ង់​ពាង់​ច្រេក​ទុម​តឹម​ឞាន​មា​កោង​អី​ឞូ​គុច​តា​អុញ​ជេស​រី​ថ៝ នតែស​ងើយ​ពាង់​តឹម​ឞាន​មា​ងគោរ​ហ៝ច​ទាក​ក្វ៝ង់‌
REV 1:16 តី​ឞើស​មា​ពាង់​រី​ញអោត​ពើស​អឹ​មាញ់ ជេសរី​មឞូង​ពាង់​គែស​ដាវ​មាត់​ឞារ​មព្លោញ​ងាន់ អី​មុស​មាត់​ពាង់​អាង​ច្រាត​តឹម​ឞាន​មា​នារ​ងក្លាង​ឞោក។
REV 1:17 ត៝ត់​គ៝ប់​ឆៃ​ពាង់ គ៝ប់​ខឹត​យើស​រ៝​ចោត​តា​នែស​កេង​ជ៝ង់​ពាង់​រី។ យើន​មា​ពាង់​តេៈ​តី​ឞើស​មា​ឞើស​លើ​គ៝ប់ នហ៝​មា​លាស៖ “លើយ​ក្លាច​អោស គ៝ប់​អ្យា​អី​ឞោក​ទាក​ល៝រ​ឞូ នទ្រែល​មា​ងគ្លែៈ​ទុត​មា​ទឹង​លែៈ​នទើ។
REV 1:18 គ៝ប់​អ្យា​អី​នើម​រេស​នឹង គ៝ប់​នើស​តាៈ​ខឹត ល៝ង់​អាបៃ​អ្យា​គ៝ប់​គែស​នាវ​រេស​បាបើ​នហ៝​រ៝។ ឞូនុយ្ស​អី​លែៈ​ខឹត​ទុត​តា​គ៝ប់​នើម គ៝ប់​ឞែ​គែស​នាវ​ទើយ​អ៝ន់​ឞូ​ទ៝ក់​រេស​ទូ​លោស​ឞើស​នតុក​មោច។
REV 1:19 លាស​នទ្រី​អ៝ន់​មៃ​ញចីស​ហ៝ម់​ទឹង​លែៈ​នទើ​អី​មៃ​លែៈ​ឆៃ​នៃ នទើ​អី​គែស​អាបៃ​អ្យា នទ្រែល​មា​នទើ​អី​គែស​ជឹត​នាប់​តៃ។
REV 1:20 មាញ់​ពើស​អឹ​អី​មៃ​ឆៃ​គ៝ប់​ញអោត​តា​តី​ឞើស​មា​គ៝ប់​អ្យា នទ្រែល​មា​ងគ៝ង់​ឆាគេង​មាយ្ស​ពើស​អឹ​អី​អ្យា នាវ​ខ្លៃ​នទើ​អី​នៃ​អា​ល៝រ​នើស​ហោម​នទ៝ប់​មពោន អាបៃ​អ្យា​គ៝ប់​មឞើស​មា​មៃ៖ មាញ់​ពើស​អឹ​អី​នៃ ជេង​ពើស​អឹ​តោង​ពារ់​មា​ញជ្រាង់​ផូង​ញឆីង​តា​ពើស​នតុក​ប៝ន​អី​នៃ​ដ៝ង់ ជេសរី​ងគ៝ង់​ឆាគេង​ពើស​អឹ​អី​នៃ ជេង​ផូង​ញឆីង​តា​ពើស​នតុក​ប៝ន​អី​នៃ​ដ៝ង់”។
REV 2:1 ជេសរី​ពាង់​លាស​ជឹត៖ “អ៝ន់​មៃ​ញចីស​ញជ្វាល់​អ៝ន់​មា​កោរាញ​ផូង​ញឆីង​តា​ប៝ន​អេផេឆោ ​រី លាស​កើត​នអា៖ «នើម​អី​ញអោត​មាញ់​ពើស​អឹ​តា​តី​ឞើស​មា​ពាង់ នអ៝ប់​មា​ឞ្រោៈ​រាឆ៝ង​តា​ពើស​អឹ​ងគ៝ង់​ឆាគេង ពាង់​លាស​កើត​នអា៖
REV 2:2 «គ៝ប់​លែៈ​គឹត​ជេស​នទើ​មៃ​ជាន នាវ​មៃ​ជាន​ការ​រាអាស​រាគាញ់ នទ្រែល​មា​នាវ​មៃ​ញឆ្រោយ្ស​ទើន​នាវ​ជេរ។ គ៝ប់​គឹត​ជេស​នអ៝ប់​មា​រានេ​មៃ មៃ​មោ​អោស​អ៝ន់​ឞូនុយ្ស​អ្យើស​គុ​នទ្រែល​មៃ ជេសរី​មៃ​លែៈ​រាល៝ង​មា​មពោល​អី​កើប​អេង​ឆាក់​ខាន់​ពាង់​នើម​លាស​មពោល​កោរាញ​អ៝ស​ម៝ន យើន​មា​ខាន់​ពាង់​មោ​អោស​ទី​មពោល​កោរាញ​អ៝ស​ម៝ន ជេសរី​មៃ​ឆៃ​មពោល​អី​នៃ​ជេង​មពោល​ងក្លាៈ​ច្រាវ។
REV 2:3 គ៝ប់​លែៈ​គឹត​ដ៝ង់​មៃ​លែៈ​ញឆ្រោយ្ស​ទើន​នាវ​ជេរ​ជ៝ត់​យ៝រ​មា​តឹង​គ៝ប់ ជេសរី​ហោម​គុ​ន៝ប់ មៃ​មោ​អោស​ឞាស​ញឆីង។
REV 2:4 តីស​មា​គ៝ប់​នទុយ្ស​មៃ​ទូ​នាវ មៃ​មោ​ហោម​គែស​អោស​នាវ​រ៝ង់​មា​គ៝ប់ នទ្រែល​មា​នាវ​រ៝ង់​នទ្រាង់​ផូង​ញឆីង​កើត​ឞើស​នតើម​នើស។
REV 2:5 លាស​នទ្រី​អ៝ន់​មៃ​កាស​គឹត​តៃ​ហ៝ម់​ទាស​ក្វ៝ង់​នាវ​រ៝ង់​មៃ​អា​ល៝រ​នើស អ៝ន់​មៃ​រាគ៝ល់​តៃ​នូយ្ស​នហ៝ម់ ជេសរី​ជាន​តៃ​កើត​មៃ​ឞើស​នតើម​នើស។ លាស​មោ​ឆៃ​មៃ​រាគ៝ល់​នូយ្ស​នហ៝ម់ គ៝ប់​មរា​ហាន់​អា​មៃ ឆ៝ៈ​លើយ​ងគ៝ង់​ឆាគេង​មៃ​នើម​ឞើស​នតុក​អើម​ពាង់​រ៝។
REV 2:6 យើន​មា​គ៝ប់​រានេ​មៃ​ទូ​នាវ មៃ​ឞ្យាញ់​មា​នទើ​មពោល​នីកោលាស ​ទែ​ជាន គ៝ប់​ក៝ៈ​ឞ្យាញ់​ដ៝ង់។
REV 2:7 ឞូ​ម៝ស​អី​គែស​តោរ​អ៝ន់​ពាង់​អ្យាត់​ងាន់​ហ៝ម់​នាវ​ឞ្រាស​ហ្វេង​អ្វែស​ទែ​ងើយ​អ៝ន់​មា​ទឹង​លែៈ​ផូង​ញឆីង​អាប់​នតុក។ ឞូ​ម៝ស​អី​ទើយ​មា​នាវ​អ្យើស គ៝ប់​មរា​អ៝ន់​ពាង់​អី​នៃ​ឆា​ព្លៃ​ឆី​អី​ពែៈ​ឞើស​តើម​អី​អ៝ន់​នាវ​រេស​អី​គែស​តា​ប៝ន​អ្វែស​កោរាញ​ឞ្រាស»»”។
REV 2:8 ជេសរី​ពាង់​លាស​ជឹត៖ “អ៝ន់​មៃ​ញចីស​ញជ្វាល់​អ៝ន់​មា​កោរាញ​ផូង​ញឆីង​តា​ប៝ន​ឆាមីរនា ​រី លាស​កើត​នអា៖ «នើម​អី​គុ​ឞោក​ទាក​ល៝រ​ឞូ នទ្រែល​មា​អី​ងគ្លែៈ​ទុត​មា​ទឹង​លែៈ​នទើ នើម​អី​លែៈ​ខឹត​នើស នទ្រែល​មា​អី​ទ៝ក់​រេស​តៃ ពាង់​លាស៖
REV 2:9 «គ៝ប់​គឹត​ជេស​នាវ​រេស​រាញាល់ នទ្រែល​មា​នាវ​អ៝​អាច​តា​មៃ យើន​មា​មៃ​នទ្រ៝ង់​ច្រាវ។ គ៝ប់​គឹត​ដ៝ង់​គែស​ផូង​ងើយ​ញចើត​មៃ ផូង​អី​នៃ​កើប​អេង​ឆាក់​ខាន់​ពាង់​នើម​លាស​ផូង​អីឆ្រាអែល  យើន​មា​ផូង​អី​នៃ​មោ​អោស​ទី​ផូង​អីឆ្រាអែល  ជេង​ផូង​គុ​រាបុន​មា​ឆាតាង់ ​ទើម។
REV 2:10 មៃ​លើយ​អោស​ក្លាច​នាវ​ជេរ​ជ៝ត់​អី​គើញ​គែស​តា​មៃ​នៃ។ គ៝ប់​អុច​អ៝ន់​មៃ​គឹត​កោរាញ​មពោល​ឞ្រាស​អ្យើស​មរា​អ៝ន់​ឞូ​ញុប​ឞូនុយ្ស​អាបាៈ​តា​ផូង​ញឆីង​តា​ប៝ន​មៃ ក្រុង​តា​ត្រោម​នទ្រូង គៃ​មា​រាល៝ង​អ្វាញ់​ផូង​ញឆីង​តា​ប៝ន​មៃ ជេសរី​ផូង​ញឆីង​តា​ប៝ន​មៃ​មរា​ទើន​នាវ​ឞូ​ជាន​ជេរ​ជ៝ត់​ជ៝ៈ​ត៝ត់​ជឹត​នារ។ លាស​នទ្រី​អ៝ន់​មៃ​ហោម​គុ​រាប់​ជាប់​នានាវ​ឞ៝ល​លាស​ត៝ត់​មា​ខឹត​ឆាក់​កាដោយ ជេសរី​គ៝ប់​មរា​អ៝ន់​នាវ​ងខោម​ក្វ៝ង់​ជេង​នាវ​រេស​នហ៝​រ៝។
REV 2:11 ឞូ​ម៝ស​អី​គែស​តោរ អ៝ន់​ពាង់​អ្យាត់​ងាន់​ហ៝ម់​នាវ​ឞ្រាស​ហ្វេង​អ្វែស​ទែ​ងើយ​អ៝ន់​មា​ទឹង​លែៈ​ផូង​ញឆីង​អាប់​នតុក។ ឞូ​ម៝ស​អី​ទើយ​មា​នាវ​អ្យើស នាវ​ខឹត​ត៝ល់​ឞារ​អី​គុ​តា​ងលៅ​អុញ​នហ៝​រ៝​មោ​អោស​គែស​តា​ពាង់​អី​នៃ»»”។
REV 2:12 ជេសរី​ពាង់​លាស​ជឹត៖ “អ៝ន់​មៃ​ញចីស​ញជ្វាល់​អ៝ន់​មា​កោរាញ​ផូង​ញឆីង​តា​ប៝ន​ពើកាមុស  លាស​កើត​នអា៖ «នើម​អី​គែស​ដាវ​មាត់​ឞារ​អី​មព្លោញ​ងាន់ ពាង់​លាស៖
REV 2:13 «គ៝ប់​គឹត​នតុក​មៃ​គុ​រេស នតុក​អី​នៃ​ឆាតាង់ ​អី​កោរាញ​មពោល​ឞ្រាស​អ្យើស​ម៝ត់​អ្វាញ់ យើន​មា​មៃ​ហោម​គុ​ន៝ប់​មា​គ៝ប់។ ឞ៝ល​លាស​នោក​ឞូ​ងខឹត​ទូ​ហ្វេ​រាញា​អ៝ន់តីពាស ​តា​ប៝ន​មៃ​អី​នតុក​ឆាតាង់ ​គុ​រេស ហោម​អែ​មៃ​មោ​ដ៝ង់​មអារ់​នាវ​មៃ​ញឆីង​មា​គ៝ប់។ អ៝ន់តីពាស ​អី​នៃ​ឞូនុយ្ស​មឞើស​ងក៝ច​រាប់​ជាប់​ងាន់​នាវ​ខ្លៃ​គ៝ប់។
REV 2:14 យើន​មា​គ៝ប់​នទុយ្ស​មៃ​នាវ​អាបាៈ គែស​ឞូនុយ្ស​អាបាៈ​តា​ផូង​មៃ​ញអោត​នាវ​នតុម​នតី​ឞើស​ទូ​ហ្វេ​រាញា​បាលាម ​អី​ឞើស​កាល់​អែ​នើស។ បាលាម ​អី​នៃ​លែៈ​នតុម​នតី​អ៝ន់​មា​កាដាច់​បាលាក់ ​លែវ​នទើម​ផូង​អីឆ្រាអែល ​ជាន​តីស លែវ​ខាន់​ពាង់​ឆោង​ឆា​នទើ​ឞូ​អោប​ឞ្រាស នទ្រែល​មា​អ៝ន់​ខាន់​ពាង់​ជាន​នាវ​តឹម​ទ៝ង់ នាវ​ខើស​ក្លែរ​ជឹត។
REV 2:15 ល៝ង់​តា​មៃ​កើត​នៃ​ដ៝ង់ គែស​ឞូនុយ្ស​អាបាៈ​តា​ផូង​មៃ​ញអោត​នាវ​មពោល​នីកោលាស ​នតុម​នតី។
REV 2:16 លាស​នទ្រី​អ៝ន់​រាគ៝ល់​លើយ​ហ៝ម់​នូយ្ស​នហ៝ម់​អ្យើស! លាស​មោ​អោស​រាគ៝ល់ គ៝ប់​មរា​វាច់​គើញ​អា​មៃ ញអោត​ដាវ​អី​លោស​ឞើស​មឞូង​គ៝ប់​តឹម​លើស​ដាស​ផូង​អី​នៃ។
REV 2:17 ឞូ​ម៝ស​អី​គែស​តោរ អ៝ន់​ពាង់​អ្យាត់​ងាន់​ហ៝ម់​នាវ​ឞ្រាស​ហ្វេង​អ្វែស​ទែ​ងើយ​អ៝ន់​មា​ទឹង​លែៈ​ផូង​ញឆីង​អាប់​នតុក។ ឞូ​ម៝ស​អី​ទើយ​ឞើស​នាវ​អ្យើស គ៝ប់​អ៝ន់​នទើ​ឆោង​ឆា​មានា ​មពោន​ម៝​តា​កាលើ​ត្រោក​មា​ពាង់​អី​នៃ នទ្រែល​មា​អ៝ន់​ទូ​មល៝ម់​លុ​ងលាង​មា​ពាង់​ដ៝ង់ តា​កាលើ​លុ​អី​នៃ​គែស​ញចីស​ទូ​រាញា​មហែ​មោ​អោស​គែស​ឞូនុយ្ស​គឹត គែស​ពាង់​នើម​អី​ទើន​នៃ​ទើម​គឹត»»”។
REV 2:18 ជេសរី​ពាង់​លាស​ជឹត៖ “អ៝ន់​មៃ​ញចីស​ញជ្វាល់​អ៝ន់​មា​កោរាញ​ផូង​ញឆីង​តា​ប៝ន​ថៀថីរា  លាស​កើត​នអា៖ «អី​ក៝ន​ឞូ​ក្លោ​កោរាញ​ឞ្រាស​នើម ត្រោម​មាត់​ពាង់​អាង​តឹម​ឞាន​មា​មព្យាត់​អុញ ជ៝ង់​ពាង់​ច្រេក​ទុម​តឹម​ឞាន​មា​កោង​លែៈ​ជេស​ថ៝ ពាង់​លាស៖
REV 2:19 «គ៝ប់​គឹត​ជេស​នទើ​មៃ​ជាន នាវ​មៃ​រ៝ង់​មា​គ៝ប់ នាវ​មៃ​រ៝ង់​មា​ឞូ នាវ​មៃ​ញឆីង​មា​គ៝ប់ នាវ​មៃ​ឆើម​កើល​ឞូ នាវ​មៃ​ញឆ្រោយ្ស​ទើន​នាវ​ជេរ។ ជេសរី​ទឹង​លែៈ​នទើ​អី​មៃ​ជាន​អាបៃ​អ្យា ជេង​អ៝ក់​រាលាវ​មា​នទើ​អី​មៃ​លែៈ​ជាន​ឞើស​កើយ​នើស​ជឹត។
REV 2:20 យើន​មា​គ៝ប់​នទុយ្ស​មៃ​ង្វាយ មៃ​ហោម​រ៝ម​អ៝ន់​ឞូ​អូរ​យេឆិបិល  អី​កើប​អេង​ឆាក់​ពាង់​នើម​លាស​ឞូនុយ្ស​នតើយ្ស​នាវ​ងើយ​កោរាញ​ឞ្រាស ជេសរី​នតុម​នតី​ផូង​ឆើម​កើល​ជាន​ការ​មា​គ៝ប់​អ៝ន់​តឹម​ទ៝ង់​ជាន​នទើ​ខើស​ក្លែរ នទ្រែល​មា​អ៝ន់​ឆោង​ឆា​នទើ​អោប​ឞ្រាស​មា​រូប​ឞ្រាស​អេងៗ។
REV 2:21 លែៈ​ជ៝ៈ​នារ​ជេស គ៝ប់​លែៈ​អ៝ន់​ពាង់​រាគ៝ល់​លើយ​នូយ្ស​នហ៝ម់​អ្យើស តីស​មា​ពាង់​មោ​អុច​អោស​រាគ៝ល់ ពាង់​ហោម​ជាន​នទើ​ខើស​ក្លែរ​នានាវ។
REV 2:22 កើត​នទ្រី​ទឹង​គ៝ប់​ជាន​អ៝ន់​ពាង់​ជី ឞិច​តា​គ្រែ ជេសរី​ឞូនុយ្ស​អី​ល៝ម់​អូរ​តឹម​ទ៝ង់​ដាស​ពាង់ គ៝ប់​អ៝ន់​គែស​នាវ​ជេរ​ទុត​ហោ​កើត​ពាង់​ដ៝ង់ លាស​ខាន់​ពាង់​មោ​រាគ៝ល់​លើយ​នូយ្ស​នហ៝ម់​អ្យើស ឞាស​ជាន​នទើ​អ្យើស​តឹង​ពាង់។
REV 2:23 គ៝ប់​មរា​ងខឹត​លើយ​ផូង​អ៝ស​ម៝ន​ពាង់ នោក​នៃ​ទឹង​លែៈ​ផូង​ញឆីង​អាប់​នតុក​មរា​គឹត​គ៝ប់​អ្យា​អី​មេត​អ្វាញ់​នាវ​មឹន​តា​នូយ្ស​នហ៝ម់​ឞូនុយ្ស ជេសរី​គ៝ប់​មរា​អ៝ន់​នទើ​ងខោម មោ​លាស​តេៈ​ទោយ្ស​មា​ខាន់​ពាង់​ទូ​ហ្វេ​ទូ​ហ្វេ តឹង​នទើ​អី​ខាន់​ពាង់​នើម​លែៈ​ជាន​នើស។
REV 2:24 ខាន់​ពាង់​ក្វាល់​នាវ​នតុម​នតី​ខាន់​ពាង់​«នទើ​ទុត​ជ្រូ​ឆាតាង់ »។ យើន​មា​ទឹង​លែៈ​ឞូនុយ្ស​អាបាៈ​អេង​ជឹត​តា​ផូង​ញឆីង​តា​ប៝ន​មៃ​អី​គុ​តា​ប៝ន​ថៀថីរា  អី​មោ​អុច​អោស​ញអោត​នាវ​នតុម​នតី​អី​នៃ អី​មោ​អោស​នតី​នាវ​នតុម​នតី​អី​នៃ គ៝ប់​មឞើស​មា​ខាន់​ពាង់ គ៝ប់​មោ​អោស​ដាៈ​នាវ​ជេរ​មា​ខាន់​ពាង់​ជាន‌
REV 2:25 យើន​មា​នទើ​អី​ខាន់​ពាង់​លែៈ​គែស​ជេស អ៝ន់​ខាន់​ពាង់​ញអោត​ន៝ប់​នហ៝​មា​ត៝ត់​នារ​គ៝ប់​វាច់។
REV 2:26 ឞូ​ម៝ស​អី​ទើយ​ឞើស​នាវ​អ្យើស នអ៝ប់​មា​ជាន​នាវ​ជាន​ការ​គ៝ប់​ត៝ត់​លោច‌ គ៝ប់​មរា​អ៝ន់​ពាង់​អី​នៃ​គែស​នាវ​ទើយ​ម៝ត់​អ្វាញ់​ទឹង​លែៈ​នទុល​មពោល​ឞូនុយ្ស​អេងៗ‌
REV 2:27 គៃ​មា​ពាង់​អី​នៃ​ម៝ត់​អ្វាញ់​ទឹង​លែៈ​ខាន់​ពាង់​អី​នៃ លើស​ឞូនុយ្ស​អ្យើស​អី​តឹម​រាទ៝ង់​ដាស​ពាង់‌ តឹម​ឞាន​មា​ឞូ​ញចាស​គ្លាស​អូក អ៝ន់​ហាច់​រាដ៝ក់​មា​ម៝ង់​ជ្រា​ល៝យ្ស។
REV 2:28 ពាង់​អី​នៃ​គែស​នាវ​ទើយ​តឹម​ឞាន​មា​នាវ​ទើយ​អី​គ៝ប់​លែៈ​ឆ៝ៈ​ទើន​ជេស​ឞើស​ឞឹ​គ៝ប់។ ជេសរី​គ៝ប់​មរា​អ៝ន់​ទូ​មល៝ម់​មឞីង​អី​អាង​នោក​អោយ​អ៝ន់​មា​ពាង់​អី​នៃ។
REV 2:29 ឞូ​ម៝ស​អី​គែស​តោរ អ៝ន់​ពាង់​អ្យាត់​ងាន់​ហ៝ម់​នាវ​ឞ្រាស​ហ្វេង​អ្វែស​ទែ​ងើយ​អ៝ន់​មា​ទឹង​លែៈ​ផូង​ញឆីង​អាប់​នតុក»»”។
REV 3:1 ជេសរី​ពាង់​លាស​ជឹត៖ “អ៝ន់​មៃ​ញចីស​ញជ្វាល់​អ៝ន់​មា​កោរាញ​ផូង​ញឆីង​តា​ប៝ន​ឆារដីស  លាស​កើត​នអា៖ «ពាង់​អី​គែស​ឞ្រាស​ហ្វេង​អ្វែស​កោរាញ​ឞ្រាស​នើម នទ្រែល​មា​គែស​ពើស​អឹ​មាញ់​លាស៖ «គ៝ប់​គឹត​នាល់​នទើ​អី​មៃ​ជាន​នៃ ឆាក់​មៃ​ឞូ​លឺ​រេស​ងាន់ តីស​មា​មៃ​តឹម​ឞាន​មា​លែៈ​ខឹត!
REV 3:2 អ៝ន់​មៃ​កាស​រាងាល់​ហ៝ម់! អ៝ន់​កាស​គឹត​មា​នទើ​អី​គែស​នាវ​ខ្លៃ​មា​គ៝ប់ អ៝ន់​នាវ​ញឆីង​មៃ​អី​លែៈ​ឞើយ​មា​រ៝ស​នៃ អ៝ន់​គែស​នាវ​ទាង់​មហែ​តៃ​ទូ​តឹ​ជឹត យ៝រ​លាស​គ៝ប់​អេ​ហ៝ៈ​ឆៃ​អោស​នទើ​អី​មៃ​ជាន​នៃ​ជេង​ទី​កែស​តា​ឞើស​នាប់​មាត់​កោរាញ​ឞ្រាស​អី​ឞឹ​គ៝ប់។
REV 3:3 លាស​នទ្រី​អ៝ន់​មៃ​កាស​គឹត​ឆាក់​ហ៝ម់ នទើ​អី​មៃ​លែៈ​ឆ៝ៈ​ទើន​ជេស នទើ​អី​មៃ​លែៈ​តាង់​ជេស ជេសរី​អ៝ន់​មៃ​តឹង​ជាន​ទោ នទ្រែល​មា​រាគ៝ល់​លើយ​ហ៝ម់​នូយ្ស​នហ៝ម់​អ្យើស។ លាស​មៃ​មោ​អោស​កាស​រាងាល់ គ៝ប់​មរា​វាច់​ផាត​ទោយ្ស​អា​មៃ​មោ​គឹត​អោស​ម៝ស​ម៝ង តឹម​ឞាន​មា​ឞូ​មោ​គឹត​ដ៝ង់​ម៝ស​ម៝ង​ឞូនុយ្ស​នតុង​ហាន់​នតុង។
REV 3:4 យើន​មា​តា​ប៝ន​ឆារដីស ​ហោម​គែស​ឞូនុយ្ស​អាបាៈ​តា​ផូង​ខាន់​អៃ​មៃ​មោ​គែស​អោស​ជាន​តីស​តឹម​ឞាន​មា​ជាន​ខ៝​អាវ​បឹ​រាមាវ ខាន់​ពាង់​មរា​ហាន់​នទ្រែល​គ៝ប់ នអ៝ប់​មា​ញឆ៝ស​ខ៝​អាវ​ងលាង យ៝រ​លាស​ខាន់​ពាង់​អី​នៃ​ជេង​ទី​មា​ញឆ៝ស​ខ៝​អាវ​អី​នៃ។
REV 3:5 ឞូ​ម៝ស​អី​ទើយ​មា​នាវ​អ្យើស ពាង់​អី​នៃ​មរា​ញឆ៝ស​ខ៝​អាវ​ងលាង​កើត​ខាន់​ពាង់​ដ៝ង់។ នហ៝​មា​គ៝ប់​មោ​មរា​ជូត​រាញា​ពាង់​ឞើស​ឆ៝ម់បុត​នាវ​រេស​នហ៝​រ៝ គ៝ប់​មរា​មឞើស​ពាង់​អី​នៃ​ជេង​អ៝ស​ម៝ន​គ៝ប់​តា​ឞើស​នាប់​ឞឹ​គ៝ប់ នទ្រែល​មា​តា​ឞើស​នាប់​មាត់​ផូង​តោង​ពារ់​ឞឹ​គ៝ប់​នើម​ដ៝ង់។
REV 3:6 ឞូ​ម៝ស​អី​គែស​តោរ​អ៝ន់​ពាង់​អ្យាត់​ងាន់​ហ៝ម់​នាវ​ឞ្រាស​ហ្វេង​អ្វែស​ទែ​ងើយ​អ៝ន់​មា​ទឹង​លែៈ​ផូង​ញឆីង​អាប់​នតុក»»”។
REV 3:7 ជេសរី​ពាង់​លាស​ជឹត៖ “អ៝ន់​មៃ​ញចីស​ញជ្វាល់​អ៝ន់​មា​កោរាញ​ផូង​ញឆីង​តា​ប៝ន​ផីលាដិលផៀ  លាស​កើត​នអា៖ «នើម​អី​ក្ល៝ស​អ្វែស នើម​អី​រាប់​ជាប់‌ ពាង់​អី​ញអោត​ក៝ន​ឆ៝​កាដាច់​ដាវីត ​អី​ញហើ​ពាង់​គែស​នាវ​ទើយ​មា​ម៝ត់​អ្វាញ់‌ លាស​ពាង់​ពើក​មពោង មោ​គែស​អោស​ទូ​ហ្វេ​ទើយ​នតឹល‌ ជេសរី​លាស​ពាង់​នតឹល​មោ​គែស​ដ៝ង់​ទូ​ហ្វេ​ទើយ​ពើក ពាង់​លាស៖
REV 3:8 «គ៝ប់​គឹត​នាល់​នទើ​អី​មៃ​ជាន​នៃ។ ល៝ង់ គ៝ប់​លែៈ​ពើក​មពោង​ឞើស​នាប់​មៃ​ជេស មោ​គែស​អោស​ទូ​ហ្វេ​ទើយ​នតឹល។ ឞ៝ល​លាស​មៃ​គែស​នាវ​ទើយ​ដេៈ​ទើម មៃ​ហោម​ញអោត​នាវ​គ៝ប់​ដ៝ង់ មៃ​មោ​អោស​រាលាច់​លាស​មោ​គឹត​នាល់​គ៝ប់។
REV 3:9 ផូង​ឞូនុយ្ស​តា​ញីស​រាបុន​ផូង​អីឆ្រាអែល  ញីស​រាបុន​អី​នៃ​ជេង​នទើ​ឆាតាង់ ​អី​កោរាញ​មពោល​ឞ្រាស​អ្យើស ជេសរី​ផូង​អី​នៃ​លាស​អេង​ឆាក់​ខាន់​ពាង់​នើម​ជេង​ផូង​អីឆ្រាអែល  យើន​មា​ខាន់​ពាង់​មោ​អោស​ជេង​ផូង​អីឆ្រាអែល ​ងាន់ ខាន់​ពាង់​មរោស។ គ៝ប់​មរា​អ៝ន់​ទឹង​លែៈ​ខាន់​ពាង់​អី​នៃ​ហាន់​ពាន់​តា​ជ៝ង់​មៃ ជេសរី​ខាន់​ពាង់​មរា​គឹត​លាស​គ៝ប់​លែៈ​រ៝ង់​ងាន់​មា​មៃ។
REV 3:10 យ៝រ​មា​មៃ​លែៈ​អ្យាត់​នាវ​គ៝ប់​ដាៈ​អ៝ន់​មៃ​ញឆ្រោយ្ស​ទើន​នាវ​ជេរ គ៝ប់​មរា​ញជ្រាង់​មៃ​អ៝ន់​ទើយ​តា​នារ​គែស​នាវ​ជេរ​លាម​នែស​នតូ​អ្យា នាវ​ជេរ​អី​នៃ​គៃ​មា​រាល៝ង​ទឹង​លែៈ​ឞូនុយ្ស​តា​នែស​នតូ​អ្យា។
REV 3:11 គ៝ប់​មរា​វាច់​គើញ ម៝ស​នាវ​អី​មៃ​លែៈ​គែស អ៝ន់​មៃ​ញអោត​អ៝ន់​ន៝ប់ គៃ​មា​លើយ​អោស​អ៝ន់​ឞូ​ពីត​នទើ​ងខោម​មៃ​នើម។
REV 3:12 ឞូ​ម៝ស​អី​ទើយ​ឞើស​នាវ​អ្យើស គ៝ប់​អ៝ន់​ពាង់​អី​នៃ​ជេង​ទូ​មល៝ម់​មែស​តា​ញីស​ជាន​ឞ្រាស​កោរាញ​ឞ្រាស​ឞឹ​គ៝ប់​នើម ជេសរី​ពាង់​គុ​តា​នតុក​នៃ​នហ៝​រ៝ មោ​អោស​ខាច់​លោស​ជឹត។ គ៝ប់​មរា​ញចីស​រាញា​កោរាញ​ឞ្រាស​ឞឹ​គ៝ប់​នើម​តា​ឆាក់​ពាង់ នទ្រែល​មា​ញចីស​រាញា​ប៝ន​កោរាញ​ឞ្រាស​ឞឹ​គ៝ប់​នើម​តា​ពាង់​ដ៝ង់។ ប៝ន​អី​នៃ​ជេង​ប៝ន​យេរូឆាលឹម ​មហែ​តាៈ​ឞើស​កាលើ​ត្រោក​នតុក​កោរាញ​ឞ្រាស​ឞឹ​គ៝ប់​នើម។ ជេសរី​គ៝ប់​ញចីស​រាញា​មហែ​គ៝ប់​នើម​តា​ពាង់​អី​នៃ​ដ៝ង់។
REV 3:13 ឞូ​ម៝ស​អី​គែស​តោរ អ៝ន់​ពាង់​អ្យាត់​ងាន់​ហ៝ម់​នាវ​ឞ្រាស​ហ្វេង​អ្វែស​ទែ​ងើយ​អ៝ន់​មា​ទឹង​លែៈ​ផូង​ញឆីង​អាប់​នតុក»»”។
REV 3:14 ជេសរី​ពាង់​លាស​ជឹត៖ “អ៝ន់​មៃ​ញចីស​ញជ្វាល់​អ៝ន់​មា​កោរាញ​ផូង​ញឆីង​តា​ប៝ន​លាវដីឆេ  លាស​កើត​នអា៖ «អ្យា​នាវ​ងើយ​នើម​អី​ឞូ​ក្វាល់​«អាមែន »​ដ៝ង់ នើម​អី​រាប់​ជាប់​មឞើស​ងក៝ច​នាវ​ងាន់​ទើម ពាង់​ជាន​កោរាញ​មា​ទឹង​លែៈ​នទើ​អី​កោរាញ​ឞ្រាស​លែៈ​ញជេង ពាង់​លាស៖
REV 3:15 «គ៝ប់​គឹត​នាល់​នទើ​អី​មៃ​ជាន​នៃ មៃ​តឹម​ឞាន​មា​ទាក​ពាស​ព៝ត់​ពាស​ឞ្លា​ទោស​មា​នអីក គែស​នាវ​ខ្លៃ​លាស មៃ​មោ​អោស​តឹម​រាទ៝ង់​មា​គ៝ប់ មៃ​មោ​ដ៝ង់​ញឆីង​មា​គ៝ប់​លែៈ​នូយ្ស​នហ៝ម់។ គ៝ប់​អុច​ងាន់​មៃ​ទោស​មោ​លាស​នអីក!
REV 3:16 យ៝រ​មា​មៃ​ពាស​ព៝ត់​ពាស​ឞ្លា ទោស​មោ​ទោស នអីក​មោ​នអីក​កើត​នៃ កើត​នទ្រី​គ៝ប់​មរា​ជ្រីស​លើយ​មៃ​ឞើស​មឞូង​គ៝ប់​រ៝។
REV 3:17 មៃ​កើប​នហី​អេង​ឆាក់ «អោ! គ៝ប់​ជេង​ឞូនុយ្ស​នទ្រ៝ង់​ងាន់ គ៝ប់​គែស​ទ្រាប់​នទើ​ទុត​អ៝ក់ គ៝ប់​មោ​ហោម​អោស​ខាច់​មា​នទើ​ជឹត»។ យើន​មា​មៃ​មោ​អោស​គឹត​ឆាក់​មៃ​គែស​នាវ​រេស​រាញាល់ អី​ទី​មា​យោៈ​នអាច ក្រ៝​អ៝​អាច​ងាន់ ចែស​មាត់ គុ​លាហោក។
REV 3:18 នទ្រី​ទឹង​គ៝ប់​លាស​មា​មៃ៖ អ៝ន់​មៃ​រាវាត់​មាយ្ស​ឞើស​គ៝ប់​ហ៝ៈ មាយ្ស​ទុត​អ្វែស​អី​លែៈ​ជេស​គុច​ងក្រែត​តា​អុញ គៃ​មា​មៃ​ជេង​ឞូនុយ្ស​នទ្រ៝ង់​ងាន់ ជេសរី​រាវាត់​ឞ៝ក​អាវ​គ៝ប់​ឞាស​ដីត​ឞូ​គុ​លាហោក នទ្រែល​មា​រាវាត់​ទាក​ឆី​តេៈ​មាត់​ឞើស​គ៝ប់​ដ៝ង់ គៃ​មា​មៃ​អ្វាញ់​ឆៃ​ក្ល៝ស​រាស​វាស។
REV 3:19 ទឹង​លែៈ​ឞូនុយ្ស​អី​គ៝ប់​រ៝ង់ គ៝ប់​នទុយ្ស​ខាន់​ពាង់ គ៝ប់​នតុម​នតី​នអ៝ប់​មា​កើល​ជាន​តឹង​នាវ​គ៝ប់​ដាៈ។ លាស​នទ្រី​អ៝ន់​គើយ្ស​ហ៝ម់ ជេសរី​រាគ៝ល់​លើយ​នូយ្ស​នហ៝ម់​អ្យើស!
REV 3:20 ល៝ង់​គ៝ប់​គុ​ឞើស​ទីស​មពោង នអ៝ប់​មា​ក្វាល់​ដ៝ង់ លាស​ឞូ​ម៝ស​តាង់​ឞ៝រ់​គ៝ប់ ពើក​មពោង​អ៝ន់​គ៝ប់គ៝ប់​លាប់​គុ​នទ្រែល​ពាង់ ជេសរី​ឆោង​ឆា​នទ្រែល​ពាង់ ពាង់​នទ្រែល​គ៝ប់​ដ៝ង់។
REV 3:21 ឞូ​ម៝ស​អី​ទើយ​មា​នាវ​អ្យើស គ៝ប់​អ៝ន់​ពាង់​គុ​តា​រានើល​កាដាច់​នទ្រែល​គ៝ប់ តឹម​ឞាន​មា​គ៝ប់​លែៈ​ទើយ​ជេស ជេសរី​គុ​តា​រានើល​កាដាច់​នទ្រែល​ឞឹ​គ៝ប់​ដ៝ង់។
REV 3:22 ឞូ​ម៝ស​អី​គែស​តោរ អ៝ន់​ពាង់​អ្យាត់​ងាន់​ហ៝ម់​នាវ​ឞ្រាស​ហ្វេង​អ្វែស​ទែ​ងើយ​អ៝ន់​មា​ទឹង​លែៈ​ផូង​ញឆីង​អាប់​នតុក»»”។
REV 4:1 ជេស​នៃ​គ៝ប់​ឆៃ​ទូ​មល៝ម់​មពោង​ពើក​តា​កាលើ​ត្រោក​រី ជេសរី​នតែស​ឞ៝រ់​អី​គ៝ប់​តាង់​អា​ល៝រ​នើស​តឹម​ឞាន​មា​នតែស​នុង លាស​មា​គ៝ប់៖ “ហាវ​អា​អ្យា​ហ៝ម់ គ៝ប់​អុច​ញហើ​អ៝ន់​មៃ​ឆៃ​ម៝ស​នទើ​អី​គែស​ជឹត​នាប់​តៃ”។
REV 4:2 ទូ​នហ៝ម់​តា​នៃ​ទោ​មា​ឞ្រាស​ហ្វេង​អ្វែស​ឆ៝ៈ​គ៝ប់។ ជេសរី​គ៝ប់​ឆៃ​ទូ​មល៝ម់​រានើល​កាដាច់​តា​កាលើ​ត្រោក​រី គែស​ទូ​ហ្វេ​គុ​តា​រានើល​អី​នៃ។
REV 4:3 នើម​អី​គុ​តា​រានើល​កាដាច់​នៃ អ្វាញ់​អាង​ច្រាត​តឹម​ឞាន​មា​លុ​ខ្លៃ​មោនី  នទ្រែល​មា​តឹម​ឞាន​មា​លុ​ខ្លៃ​តោតឹម  ជេសរី​ជុម​រានើល​កាដាច់​អី​នៃ​គែស​តឹម​ឞាន​មា​ឞេស​ចុង​តឹង តឹម​ឞាន​មា​លុ​ខ្លៃ​អឹរ​ម៝រកុត ។
REV 4:4 ញជ្វែង​ជុម​រានើល​កាដាច់​អី​នៃ​គែស​រានើល​កាដាច់ ២៤ អឹ​ជឹត ជេសរី​គែស​មពោល​កោរាញ ២៤ នុយ្ស​គុ​តា​រានើល​អី​នៃ ញឆ៝ស​ងគូត​ឞ៝ក​អាវ​ងលាង​ទាទេ នទ្រែល​មា​នទោ​មោក​កាដាច់​មាយ្ស​តា​ឞោក។
REV 4:5 លោស​ឞើស​រានើល​កាដាច់​អី​តា​ងក្លាង​ងគូល​អី​នៃ​គែស​លើប​ងលាយ្ស គែស​នតែស​នត៝រ់​មីស នអ៝ប់​មា​គែស​ងលាយ្ស។ ឞើស​នាប់​រានើល​កាដាច់​អី​នៃ​គែស​ពើស​អឹ​អុញ​រាទ៝ ជេង​ឞ្រាស​ហ្វេង​អ្វែស​កោរាញ​ឞ្រាស​នើម។
REV 4:6 ឞើស​នាប់​រានើល​កាដាច់​អី​នៃ គែស​ដ៝ង់​នទើ​តឹម​ឞាន​មា​ទាក​វាច់​ទាក​វារ់ រាឆាង​តឹម​ឞាន​មា​កាច៝ក​ងលាង។ ញជ្វែង​ជុម​ទាច់​កេង​រានើល​កាដាច់​អី​នៃ គែស​ព្វាន់​នុយ្ស​នទើ​គែស​នាវ​រេស អី​គែស​ត្រោម​មាត់​លាម​ឆាក់ នអ៝ប់​មា​ឞើស​នាប់​ឞើស​កើយ។
REV 4:7 នទើ​ត៝ល់​ង្វាយ​អី​គែស​នាវ​រេស​នៃ តឹម​ឞាន​មា​យៅ​មុរ នទើ​ត៝ល់​ឞារ​អី​គែស​នាវ​រេស​តឹម​ឞាន​មា​នទ្រោក​ងក្វ៝ង់ នទើ​ត៝ល់​ពែ​អី​គែស​នាវ​រេស​មុស​មាត់​តឹម​ឞាន​មា​ឞូនុយ្ស នទើ​ត៝ល់​ព្វាន់​អី​គែស​នាវ​រេស​តឹម​ឞាន​មា​ក្លាង​មឞូក​មឞ៝ក​មពារ់។
REV 4:8 ព្វាន់​នុយ្ស​នទើ​គែស​នាវ​រេស​អី​នៃ គែស​ព្រាវ​អឹ​នារ​ទាទេ នទ្រែល​មា​គែស​ត្រោម​មាត់​លាម​ឆាក់ នអ៝ប់​មា​កាលើ​នារ​តា​ន៝ម់​នារ។ ខាន់​ពាង់​អី​នៃ​មោ​រាលូ​អោស​ទឹង​មាង់​ទឹង​នារ​លាស៖ “ក្ល៝ស​អ្វែស ក្ល៝ស​អ្វែស ក្ល៝ស​អ្វែស‌ ជេង​កោរាញ​ឞ្រាស​អី​ទុត​គែស​នាវ​ទើយ​មា​ទឹង​លែៈ​នតីល​នទើ‌ ពាង់​លែៈ​អើម​គុ​រេស​នើស ពាង់​គុ​រេស​អាបៃ​អ្យា ជេសរី​ពាង់​មរា​វាច់”។
REV 4:9 នើម​អី​គុ​តា​រានើល​កាដាច់​នៃ​គុ​រេស​បាបើ​នហ៝​រ៝។ អាប់​តឹ​ព្វាន់​នុយ្ស​នទើ​អី​គែស​នាវ​រេស​អី​នៃ​រានេ​នាវ​ច្រេក​លើប យើក នទ្រែល​មា​លាស​អ្វែស​ពាង់‌
REV 4:10 ជេសរី​មពោល​កោរាញ​អី ២៤ នុយ្ស​នៃ​លែវ​ឞាល់​ពាន់​អា​នែស​ទាទេ ពាន់​ឞើស​នាប់​នើម​អី​គុ​តា​រានើល​កាដាច់​នៃ យើក​មឞាស​មា​ពាង់​អី​គែស​នាវ​រេស​បាបើ​នហ៝​រ៝ នហ៝​មា​ទ្រ៝ស​មោក​កាដាច់​ខាន់​ពាង់​នើម​ឞើស​ឞោក​តេៈ​ឞើស​នាប់​រានើល​កាដាច់ ជេសរី​លាស៖
REV 4:11 “អើ​កោរាញ​ឞ្រាស​អី​កោរាញ​ផូង​ហេន‌ មៃ​ទី​ងាន់​មា​វើត​ទើន​នាវ​ច្រេក​លើប នទ្រែល​មា​នាវ​យើក យ៝រ​លាស​មៃ​គែស​នាវ​ទើយ​ទុត​ក្វ៝ង់។ មៃ​នើម​អី​ញជេង​ទឹង​លែៈ​នតីល​នទើ​គែស​ទាទេ​នើស‌ ជេសរី​គែស​យ៝រ​មា​មៃ​នើម​អុច”។
REV 5:1 ជេសរី​គ៝ប់​ឆៃ​ទូ​មល៝ម់​ឆ៝ម់បុត​ក្លោន​ក្វាន់​តា​តី​ឞើស​មា​នើម​អី​គុ​តា​រានើល​កាដាច់​នៃ តា​ឆ៝ម់បុត​អី​នៃ​គែស​ញចីស​រាព្លៃ​នាវ នអ៝ប់​មា​តា​ត្រោម នអ៝ប់​មា​តា​ឞើស​ទីស​ដ៝ង់ នទ្រែល​មា​គែស​ពើស​អឹ​ត្រា​មឞាង​តា​ឞើស​លើ​ឆ៝ម់បុត​រី គៃ​មា​ឞ្វៃ​មោ​អ៝ន់​ទាស​មា​ពើក។
REV 5:2 ជេស​ឞើស​នៃ គ៝ប់​ឆៃ​ទូ​ហ្វេ​តោង​ពារ់​ទុត​ទាង់​នតែរ​ទុត​ទាង់៖ “ឞូ​ម៝ស​អី​ទី​មា​ព្លោក​ត្រា​អ្យា ជេសរី​ទី​មា​ពើក​ឆ៝ម់បុត​អ្យា?”
REV 5:3 យើន​មា​មោ​គែស​អោស​ទូ​ហ្វេ​តា​កាលើ​ត្រោក​កាដោយ តា​នែស​នតូ​កាដោយ មោ​លាស​តា​ន៝ម់​នែស​កាដោយ​អី​ទើយ​ពើក​អី​ទើយ​អ្វាញ់​ឆ៝ម់បុត​អី​នៃ។
REV 5:4 នោក​នៃ​គ៝ប់​ញុម​ទុត​ហោ​ងាន់ យ៝រ​លាស​មោ​គែស​អោស​ទូ​ហ្វេ​អី​ទី​មា​ពើក​អី​ទី​មា​អ្វាញ់​ឆ៝ម់បុត​អី​នៃ។
REV 5:5 ជេសរី​ទោ​មា​គែស​ទូ​ហ្វេ​ឞើស​មពោល​កោរាញ​អី​នៃ​លាស​មា​គ៝ប់៖ “លើយ​ញុម! អ្វាញ់​រី គែស​ទូ​ហ្វេ​ឞូនុយ្ស​អី​ឞូ​ក្វាល់​«យៅ​មុរ»​អី​តា​នទុល​មពោល​យូដា  ជេង​ក៝ន​ឆៅ​កាដាច់​ដាវីត ពាង់​លែៈ​ទើយ​ជេស​ដាស​មា​ឆាតាង់ ​អី​កោរាញ​មពោល​ឞ្រាស​អ្យើស ពាង់​ទី​មា​ព្លោក​ពើស​អឹ​ត្រា នទ្រែល​មា​ពើក​ឆ៝ម់បុត​អី​នៃ”។
REV 5:6 ជេសរី​គ៝ប់​ឆៃ​ទូ​មល៝ម់​ក៝ន​ឞែ​ឞ្យាប់​ទ៝ក់​តា​ងក្លាង​ឞើស​នាប់​រានើល​កាដាច់​រី តា​ងក្លាង​នទើ​អី​គែស​នាវ​រេស នទ្រែល​មា​តា​ងក្លាង​មពោល​កោរាញ។ ក៝ន​ឞែ​ឞ្យាប់​អី​នៃ​អ្វាញ់​តឹម​ឞាន​មា​លែៈ​ជេស​ឞូ​ងខឹត គែស​ពើស​អឹ​ងកែ នទ្រែល​មា​គែស​ពើស​អឹ​ត្រោម​មាត់​ដ៝ង់ ត្រោម​មាត់​អី​នៃ​ជេង​ឞ្រាស​ហ្វេង​អ្វែស​កោរាញ​ឞ្រាស​នើម អី​ពាង់​អ៝ន់​ហាន់​លាម​នែស​នតូ។
REV 5:7 ក៝ន​ឞែ​ឞ្យាប់​អី​នៃ​ហាន់​ឆ៝ៈ​ឆ៝ម់បុត​ឞើស​តី​មា​នើម​អី​គុ​តា​រានើល​កាដាច់​នៃ។
REV 5:8 ជេស​ពាង់​ឆ៝ៈ​ឆ៝ម់បុត​អី​នៃ ព្វាន់​នុយ្ស​នទើ​អី​គែស​នាវ​រេស នទ្រែល​មា​មពោល​កោរាញ​អី ២៤ នុយ្ស​នៃ​លែវ​ឞាល់​ពាន់​ឞើស​នាប់​ពាង់​ទាទេ ទឹង​លែៈ​មពោល​កោរាញ​អី​នៃ​ទូ​ហ្វេ​ទូ​ហ្វេ​ញអោត​ទូ​មល៝ម់​គ៝ង​រេង នទ្រែល​មា​ទូ​មល៝ម់​ងាន​មាយ្ស​គែស​ឞេង​មា​នទើ​បោ​កាស​មា​ឆូ នទើ​បោ​កាស​អី​នៃ​ជេង​នាវ​មឞើស​ឆើម​ផូង​ប៝ន​លាន​កោរាញ​ឞ្រាស។
REV 5:9 ជេសរី​ខាន់​ពាង់​មព្រើ​នាវ​មព្រើ​មហែ​ទូ​នាវ៖ “មៃ​ទី​ងាន់​មា​ឆ៝ៈ​ឆ៝ម់បុត​អី​នៃ នហ៝​មា​ព្លោក​ត្រា​ដ៝ង់‌ យ៝រ​លាស​មៃ​លែៈ​ឞូ​ងខឹត​លើយ ជេសរី​មៃ​លែៈ​ច្វាយ​ជេស​ឞូនុយ្ស​មា​មហាម​មៃ​នើម‌ គៃ​មា​ខាន់​ពាង់​ជេង​ប៝ន​លាន​កោរាញ​ឞ្រាស ឞើស​ទឹង​លែៈ​រាន៝យ​ទែស ឞើស​ទឹង​លែៈ​នាវ​ងើយ‌ ឞើស​ទឹង​លែៈ​នទុល​មពោល​ឞូនុយ្ស នទ្រែល​មា​ឞើស​ទឹង​លែៈ​ឞ្រី​ទាក។
REV 5:10 មៃ​លែៈ​ជាន​ខាន់​ពាង់​អ៝ន់​ជេង​ទូ​ផូង​ប៝ន​លាន​អី​គែស​កាដាច់‌ នទ្រែល​មា​ជេង​ឞូនុយ្ស​ជាន​ឞ្រាស ឆើម​កើល​ជាន​ការ​មា​កោរាញ​ឞ្រាស​អី​ឞ៝ន់​យើក​មឞាស។ ជេសរី​ទឹង​លែៈ​ខាន់​ពាង់​អី​នៃ​មរា​ម៝ត់​អ្វាញ់​នែស​នតូ”។
REV 5:11 ជេសរី​គ៝ប់​អ្វាញ់​ទូ​តឹ​ជឹត តាង់​នតែស​ផូង​តោង​ពារ់​ទុត​អ៝ក់​ជុម​រានើល​កាដាច់ ជុម​នទើ​អី​គែស​នាវ​រេស ជុម​មពោល​កោរាញ​អី​នៃ។ ផូង​តោង​ពារ់​អី​នៃ​អ៝ក់​រាមឺន​រាឆែន ទុត​អ៝ក់​ងាន់‌
REV 5:12 ជេសរី​លែវ​ឞាល់​លាស​ទុត​ទាង់​ងាន់៖ “ក៝ន​ឞែ​ឞ្យាប់​អី​ឞូ​ងខឹត​លើយ​នៃ​នើស‌ ពាង់​ទី​ងាន់​មា​វើត​ទើន​នាវ​ទើយ នាវ​មឹន​គឹត​ឞ្លាវ នាវ​ទាង់‌ នាវ​យើក នាវ​ច្រេក​លើប នាវ​រានេ នទ្រែល​មា​ឆ៝ៈ​នទើ​ទុត​ខ្លៃ!”
REV 5:13 ជេសរី​គ៝ប់​តាង់​ទឹង​លែៈ​នទើ​អី​គែស​នាវ​រេស​តា​កាលើ​ត្រោក តា​នែស​នតូ តា​ន៝ម់​នែស តា​ទាក​វាច់​ទាក​វារ់ នអ៝ប់​មា​ទឹង​លែៈ​នទើ​អី​គុ​ទឹង​លែៈ​នតុក​អី​នៃ​លាស​ទុត​ទាង់​ងាន់៖ “អ៝ន់​រានេ អ៝ន់​យើក អ៝ន់​រានេ​នាវ​ច្រេក​លើប នទ្រែល​មា​អ៝ន់​នាវ​ទើយ បាបើ​នហ៝​រ៝ មា​ពាង់​អី​គុ​តា​រានើល​កាដាច់ នទ្រែល​មា​អី​ក៝ន​ឞែ​ឞ្យាប់”។
REV 5:14 ជេស​ឞើស​នៃ​ព្វាន់​នុយ្ស​នទើ​អី​គែស​នាវ​រេស​អី​នៃ​លាស៖ “អើ​អ៝ន់​គែស​កើត​នៃ​ងាន់​រ៝!” ជេសរី​មពោល​កោរាញ​លែវ​ឞាល់​ពាន់​យើក​មឞាស​ពាង់​អី​គុ​តា​រានើល​កាដាច់ នទ្រែល​មា​ក៝ន​ឞែ​ឞ្យាប់​អី​នៃ។
REV 6:1 ជេសរី​គ៝ប់​អ្វាញ់​ឆៃ​ក៝ន​ឞែ​ឞ្យាប់​ព្លោក​ត្រា​ត៝ល់​ង្វាយ​តា​ពើស​អឹ​ត្រា​អី​នៃ ជេស​ឞើស​នៃ​គ៝ប់​តាង់​នតែស​ឞ៝រ់​ទូ​ហ្វេ​នទើ​តា​ព្វាន់​នុយ្ស​នទើ​អី​គែស​នាវ​រេស​អី​នៃ​នតែរ​តឹម​ឞាន​មា​នត៝រ់​ងលាយ្ស​លាស៖ “ហាន់​តា​អ្យា​ហ៝ម់!”
REV 6:2 គ៝ប់​អ្វាញ់​ឆៃ​ទូ​មល៝ម់​ឆែស​ងលាង ពាង់​អី​ញច៝​ឆែស​នៃ​ញអោត​នា​ដូត។ ឞូ​អ៝ន់​មា​ពាង់​ទូ​មល៝ម់​មោក​កាដាច់​ជេង​មឞេន​មា​នាវ​ទើយ​ពាង់ ពាង់​លោស​ឞើស​នៃ​គៃ​មា​តឹម​លើស​ទើយ ជេសរី​ទើយ​ងាន់។
REV 6:3 នោក​ក៝ន​ឞែ​ឞ្យាប់​ព្លោក​ត្រា​ត៝ល់​ឞារ គ៝ប់​តាង់​នតែស​នទើ​អី​គែស​នាវ​រេស​ត៝ល់​ឞារ​លាស៖ “ហាន់​តា​អ្យា​ហ៝ម់!”
REV 6:4 ទោ​មា​ឆៃ​ទូ​មល៝ម់​ឆែស​ជឹត​ឞ្រោៈ​តា​នៃ ឆែស​អី​នៃ​ទុម​កើត​អុញ។ ពាង់​អី​ញច៝​តា​កាលើ​ឆែស​នៃ​ឞូ​អ៝ន់​គែស​នាវ​ទើយ​មា​រាហ្វាត់​លើយ​នាវ​ដាប់​មពាន់​តា​នែស​នតូ គៃ​មា​អ៝ន់​ឞូនុយ្ស​តឹម​ងខឹត​នទ្រាង់​នើម។ ឞូ​អ៝ន់​មា​ពាង់​ទូ​ងគ៝រ់​ដាវ​ក្វ៝ង់​ងាន់។
REV 6:5 នោក​ក៝ន​ឞែ​ឞ្យាប់​ព្លោក​ត្រា​ត៝ល់​ពែ គ៝ប់​តាង់​នតែស​នទើ​អី​គែស​នាវ​រេស​ត៝ល់​ពែ​លាស៖ “ហាន់​តា​អ្យា​ហ៝ម់!” គ៝ប់​អ្វាញ់​ឆៃ​ទូ​មល៝ម់​ឆែស​ក្រាក់ ពាង់​អី​ញច៝​តា​កាលើ​ឆែស​នៃ​ញអោត​ទូ​មល៝ម់​នទើ​ញជីង។
REV 6:6 ជេសរី​គ៝ប់​តាង់​នតែស​លោស​ឞើស​ងក្លាង​ងគូល​ឞើស​ព្វាន់​នុយ្ស​នទើ​អី​គែស​នាវ​រេស​អី​នៃ​លាស៖ “អ៝ន់​ហាវ​ខ្លៃ​ផែ​ឞា​ព្រាង់  ត៝ត់​មា​ទើយ​រាវាត់​ទូ​កីលោគ្រាម​ទើម​មា​ព្រាក់​ងខោម​ជាន​ការ​ឞេង​ទូ​នារ ជេសរី​អ៝ន់​ហាវ​ខ្លៃ​ផែ​ឞា​ព្រាង់ ​នតីល​ថ៝ក​ត៝ត់​មា​ទើយ​រាវាត់​ពែ​កីលោគ្រាម​ទើម​មា​ព្រាក់​ងខោម​ជាន​ការ​ឞេង​ទូ​នារ យើន​មា​លើយ​គ៝ៈ​អោស​ទាក​ងី​អោលីវ  នទ្រែល​មា​នទ្រាញ់​ព្លៃ​យុងយារ​ប៝ន”។
REV 6:7 នោក​ក៝ន​ឞែ​ឞ្យាប់​ព្លោក​ត្រា​ត៝ល់​ព្វាន់ គ៝ប់​តាង់​នតែស​នទើ​អី​គែស​នាវ​រេស​ត៝ល់​ព្វាន់​លាស៖ “ហាន់​តា​អ្យា​ហ៝ម់!”
REV 6:8 គ៝ប់​អ្វាញ់​ឆៃ​ទូ​មល៝ម់​ឆែស ឆែស​អី​នៃ​អឹរ​ពាល ពាង់​អី​ញច៝​តា​កាលើ​ឆែស​នៃ​រាញា​«នាវ​ខឹត» ជេសរី​ផូង​ឞូនុយ្ស​អី​លែៈ​ខឹត​ជេស​អី​គុ​តា​នតុក​ផូង​ខឹត​តឹង​ពាង់​ឞើស​កើយ។ នើម​រាញា​«នាវ​ខឹត» នទ្រែល​មា​ផូង​ឞូនុយ្ស​អី​លែៈ​ខឹត​នៃ​ឆ៝ៈ​ទើន​នាវ​ទើយ​មា​ងខឹត​អ៝ក់​ឞូនុយ្ស​តា​នែស​នតូ ព្វាន់​នុយ្ស​ងខឹត​លើយ​ទូ​ហ្វេ គៃ​មា​ខាន់​ពាង់​ងខឹត​លើយ​ឞូនុយ្ស​មា​ដាវ មា​ជី​ឆ៝ត់​ជី​ង៝ត​ក្វ៝ង់ មា​ជី​ខឹត​រុង​ខឹត​រាង់ នទ្រែល​មា​ងខឹត​លើយ​ឞូនុយ្ស​មា​មពោមពា​(ឆ្យុម)​ជាញ​តា​នែស​នតូ។
REV 6:9 នោក​ក៝ន​ឞែ​ឞ្យាប់​ព្លោក​ត្រា​ត៝ល់​ព្រាម់ តា​ន៝ម់​ញឆឺង​គុច​ពូរ​នទើ​ជាន​ឞ្រាស​រី គ៝ប់​ឆៃ​ហ្វេង​ឞូនុយ្ស​អី​លែៈ​ឞូ​ងខឹត​លើយ​យ៝រ​មា​តឹង​អ្យាត់​នាវ​ងើយ​កោរាញ​ឞ្រាស នទ្រែល​មា​មឞើស​ងក៝ច​រាប់​ជាប់​ឞ្រាស​យេឆូ ​ជេង​កោរាញ​ខាន់​ពាង់​នើម។
REV 6:10 ហ្វេង​ខាន់​ពាង់​អី​នៃ​នតែរ​ទុត​ទាង់ៗ​លាស៖ “អើ​កោរាញនើម​អី​ក្ល៝ស​អ្វែស នើម​អី​រាប់​ជាប់ ទាស​ហោម​ជ៝ៈ​ទឹង​មៃ​ផាត​ទោយ្ស ជេសរី​ព្លើង​លើស​ឞូ​តា​នែស​នតូ​អ្យា យ៝រ​មា​ខាន់​ពាង់​ញចាយ​មហាម​ហេន​នើស?”
REV 6:11 ជេសរី​គែស​ឞូ​អ៝ន់​អាវ​ងលាង​ជ៝ង​ទូ​ហ្វេ​ង្វាយៗ​អាប់​ខាន់​ពាង់​អី​នៃ នហ៝​មា​ឞូ​មឞើស​មា​ខាន់​ពាង់៖ “ក៝ប់​ហោម​ទូ​ប្ល៝ត់​ជឹត​ទើម ក៝ប់​ឞូ​ងខឹត​លើយ​ឞូនុយ្ស​អី​ឆើម​កើល​ជាន​ការ​កើត​ខាន់​អៃ​មៃ នទ្រែល​មា​អ៝ស​នោ​ខាន់​អៃ​មៃ​តា​នាវ​ញឆីង​ត៝ត់​រឹង ឞូ​ងខឹត​ខាន់​ពាង់​កើត​ខាន់​អៃ​មៃ​ដ៝ង់”។
REV 6:12 ត៝ត់​គ៝ប់​ឆៃ​ក៝ន​ឞែ​ឞ្យាប់​ព្លោក​ត្រា​ត៝ល់​ព្រាវ ជេសរី​គែស​នែស​ងគារ់​ទុត​ហោ នារ​ជេង​ង៝​តឹម​ឞាន​មា​ឞ៝ក​ក្រាក់ ខៃ​ជេង​គុរ​ទាទេ​ងាន់​តឹម​ឞាន​មា​មហាម។
REV 6:13 ល៝ង់​មាញ់​តា​កាលើ​ត្រោក​តុប​អា​នែស តឹម​ឞាន​មា​រុង​ព្លៃ​រាវី ​ញឆែ​នោក​ឆ្យាល​ខោម​អី​តើម​ពាង់​ងគើ​ទុត​ទាង់។
REV 6:14 ត្រោក​ជេង​រ៝ស​ក្ល៝ក់​តឹម​ឞាន​មា​ឞូ​ក្លោន​ឆ៝ម់បុត​ព្រាប់ ជេសរី​ទឹង​លែៈ​យោក នទ្រែល​មា​គោល​ទាក​គែស​ត្រើន​ឞើស​នតុក​អើម​ខាន់​ពាង់​នើម​នៃ​ដ៝ង់។
REV 6:15 មពោល​កាដាច់​តា​នែស​នតូ ផូង​ក្វ៝ង់ ផូង​កោរាញ​តាហែន ផូង​នទ្រ៝ង់ ផូង​គែស​នាវ​ទើយ ផូង​ទឹក​ឞូ ផូង​ក៝ន​មែ ទឹង​លែៈ​ផូង​ឞូនុយ្ស​លែវ​ឞាល់​ញច្វាត់​ក្រាប​រ៝ៈ​ត្រោម​យោក រ៝ៈ​តា​ន៝ម់​ពឺៈ​លុ​ទាទេ។
REV 6:16 ខាន់​ពាង់​លាស​មា​យោក មា​លុ​អី​នៃ៖ “រាល៝ម់​នតុន​ហ៝ម់​ឞើស​លើ​ហេន​អ្យា កើល​ងកីង​ហេន​ឞើស​ត្រោម​មាត់​នើម​អី​គុ​តា​រានើល​កាដាច់ នទ្រែល​មា​ឞើស​នាវ​ជី​នូយ្ស​ក៝ន​ឞែ​ឞ្យាប់​នើម‌
REV 6:17 យ៝រ​លាស​នារ​អី​ទុត​ក្វ៝ង់​ងាន់​ជេង​នារ​ខាន់​ពាង់​តេៈ​ទោយ្ស​លែៈ​ត៝ត់​ជេស មោ​គែស​អោស​ឞូនុយ្ស​ទើយ​ក្លាយ្ស​ឞើស​នាវ​អី​នៃ”។
REV 7:1 ឞើស​កើយ​នៃ​គ៝ប់​ឆៃ​គែស​ព្វាន់​នុយ្ស​តោង​ពារ់ ទ៝ក់​អាប់​ព្វាន់​ញជោញ​នែស​នតូ។ ទឹង​លែៈ​តោង​ពារ់​អី​នៃ​ងកីង​លើយ​ឆ្យាល​អាប់​ព្វាន់​ញជោញ មោ​អោស​អ៝ន់​ខោម​មព្រាត​តា​នែស​នតូ តា​ទាក​វាច់​ទាក​វារ់ មោ​លាស​តា​តើម​ឆី​ទូ​តើម។
REV 7:2 ជេសរី​គ៝ប់​ឆៃ​ទូ​ហ្វេ​តោង​ពារ់​ជឹត​តាៈ​ឞើស​មពែស​លោស​នារ​រី ញអោត​នអ៝ប់​មា​ត្រា​កោរាញ​ឞ្រាស​នើម​អី​រេស​ងាន់។ តោង​ពារ់​អី​នៃ​នតែរ​ទុត​ទាង់​លាស​មា​ព្វាន់​នុយ្ស​តោង​ពារ់​អី​លែៈ​គែស​ជេស​នាវ​ទើយ​មា​ជាន​អ្យើស​មា​នែស​នតូ នទ្រែល​មា​ទាក​វាច់​ទាក​វារ់៖
REV 7:3 “លើយ​ហ៝ៈ​អោស​ជាន​អ្យើស​មា​នែស​នតូ មា​ទាក​វាច់​ទាក​វារ់ មោ​លាស​មា​តើម​ឆី​ទូ​តើម ក៝ប់​ជេស​ហេន​មឞាង​ត្រា​តា​នទាង់​ក្លែង​ផូង​ឆើម​កើល​ជាន​ការ​មា​កោរាញ​ឞ្រាស​នើម​អី​ឞ៝ន់​យើក​មឞាស​នៃ​ប៝ត់”។
REV 7:4 នោក​នៃ​គ៝ប់​តាង់​ទឹង​លែៈ​ផូង​អី​គែស​មឞាង​ត្រា​នៃ គែស ១៤៤០០០ នុយ្ស ផូង​អី​នៃ​ជេង​តាៈ​ឞើស​ទឹង​លែៈ ១២ មពោល​ផូង​អីឆ្រាអែល ​ទាទេ៖
REV 7:5 ១២០០០ នុយ្ស​ជេង​តាៈ​ឞើស​រាន៝យ​មពោល​យូដា ‌ ១២០០០ នុយ្ស​ជេង​តាៈ​ឞើស​រាន៝យ​មពោល​រូបេន ‌ ១២០០០ នុយ្ស​ជេង​តាៈ​ឞើស​រាន៝យ​មពោល​គាត ‌
REV 7:6 ១២០០០ នុយ្ស​ជេង​តាៈ​ឞើស​រាន៝យ​មពោល​អាឆើរ ‌ ១២០០០ នុយ្ស​ជេង​តាៈ​ឞើស​រាន៝យ​មពោល​នាប់តាលី ‌ ១២០០០ នុយ្ស​ជេង​តាៈ​ឞើស​រាន៝យ​មពោល​មានាឆេ ‌
REV 7:7 ១២០០០ នុយ្ស​ជេង​តាៈ​ឞើស​រាន៝យ​មពោល​ឆីមេអោន ‌ ១២០០០ នុយ្ស​ជេង​តាៈ​ឞើស​រាន៝យ​មពោល​លេវី ‌ ១២០០០ នុយ្ស​ជេង​តាៈ​ឞើស​រាន៝យ​មពោល​អីឆាខារ ‌
REV 7:8 ១២០០០ នុយ្ស​ជេង​តាៈ​ឞើស​រាន៝យ​មពោល​ឆាបូលោន ‌ ១២០០០ នុយ្ស​ជេង​តាៈ​ឞើស​រាន៝យ​មពោល​យោឆែប ‌ នទ្រែល​មា ១២០០០ នុយ្ស​ជេង​តាៈ​ឞើស​រាន៝យ​មពោល​បែនយាមឹន ​អី​ឞូ​មឞាង​ត្រា។
REV 7:9 ឞើស​កើយ​នៃ​គ៝ប់​ឆៃ​ដ៝ង់​ឞូនុយ្ស​ទុត​អ៝ក់​ងាន់ មោ​អោស​គែស​ឞូនុយ្ស​ទើយ​កើប ទឹង​លែៈ​ផូង​អី​នៃ​ជេង​តាៈ​ឞើស​ទឹង​លែៈ​ឞ្រី​ទាក ទឹង​លែៈ​រាន៝យ​ទែស ទឹង​លែៈ​នទុល​មពោល​ឞូនុយ្ស នទ្រែល​មា​ទឹង​លែៈ​នាវ​ងើយ។ ទឹង​លែៈ​ខាន់​ពាង់​ញឆ៝ស​អាវ​ងលាង​ជ៝ង​ទាទេ ទ៝ក់​ឞើស​នាប់​រានើល​កាដាច់ នទ្រែល​មា​ឞើស​នាប់​មាត់​ក៝ន​ឞែ​ឞ្យាប់​រី នអ៝ប់​មា​ញអោត​នហា​ជោម​តា​តី​ដ៝ង់។
REV 7:10 ខាន់​ពាង់​នតែរ​ទុត​ទាង់ៗ៖ “គែស​កោរាញ​ឞ្រាស​អី​គុ​តា​រានើល​កាដាច់​នៃ នទ្រែល​មា​ក៝ន​ឞែ​ឞ្យាប់​ទើម​អី​រាក្លាយ្ស​ឞូនុយ្ស”។
REV 7:11 នោក​នៃ​ទឹង​លែៈ​តោង​ពារ់​អី​គុ​ជុម​រានើល​កាដាច់ ជុម​មពោល​កោរាញ​អី ២៤ នុយ្ស នទ្រែល​មា​ជុម​ព្វាន់​នុយ្ស​នទើ​អី​គែស​នាវ​រេស​រី លែវ​ឞាល់​ពាន់​ឞើស​នាប់​រានើល​កាដាច់​កុញ​មុស​មាត់​អា​នែស​ឆូ​យើក​មឞាស​មា​កោរាញ​ឞ្រាស‌
REV 7:12 ខាន់​ពាង់​លាស៖ “នាវ​អី​នៃ​ទី​ងាន់! អ៝ន់​រានេ​មា​កោរាញ​ឞ្រាស​អី​ឞ្រាស​ឞ៝ន់​យើក​មឞាស អ៝ន់​លាស​អ្វែស​មា​ពាង់ នអ៝ប់​មា​អ៝ន់​យើក​មា​ពាង់​បាបើ​នហ៝​រ៝! ពាង់​គែស​នាវ​ច្រេក​លើប ពាង់​គែស​នាវ​មឹន​គឹត​ឞ្លាវ‌ ពាង់​គែស​នាវ​ទាង់ នទ្រែល​មា​នាវ​ទើយ​បាបើ​នហ៝​រ៝! នាវ​អី​នៃ​ទី​ងាន់!”
REV 7:13 ជេសរី​គែស​ទូ​ហ្វេ​កោរាញ​តា​មពោល​កោរាញ​អី​នៃ​អោប​គ៝ប់៖ “ផូង​អី​ញឆ៝ស​អាវ​ងលាង​ជ៝ង​នៃ ឞូ​ម៝ស​ខាន់​ពាង់ ឞើស​តាៈ​ខាន់​ពាង់?”
REV 7:14 គ៝ប់​អើស​មា​ពាង់៖ “អើ​កោរាញ មៃ​លែៈ​គឹត​ជេស”។ ជេសរី​ពាង់​លាស​មា​គ៝ប់៖ “ទឹង​លែៈ​ផូង​អី​នៃ​លែៈ​ម៝ប់​ជេស​នាវ​ជេរ​ជ៝ត់​ទុត​ក្វ៝ង់។ ខាន់​ពាង់​លែៈ​ពីស​ជេស​អាវ​ខាន់​ពាង់​នើម​អ៝ន់​ក្ល៝ស​មា​មហាម​ក៝ន​ឞែ​ឞ្យាប់​អី​នៃ។
REV 7:15 កើត​នទ្រី​ទឹង​ខាន់​ពាង់​ហោម​គុ​តា​ឞើស​នាប់​រានើល​កាដាច់​កោរាញ​ឞ្រាស​នើម‌ នទ្រែល​មា​ឆើម​កើល​ជាន​ការ​អ៝ន់​មា​ពាង់​នទាង់​មាង់​មា​នារ​តា​ញីស​ជាន​ឞ្រាស​ពាង់​នើម។ នើម​អី​គុ​តា​រានើល​កាដាច់​នៃ​អ៝ន់​នតុក​ខាន់​ពាង់​មា​គុ​នទែ។
REV 7:16 ខាន់​ពាង់​មោ​ហោម​អោស​ជី​ង៝ត​មោ​ហោម​ជី​ហីរ​ជឹត‌ មោ​ហោម​ដ៝ង់​គុ​ថ៝ង់​តា​នារ‌ មោ​ហោម​អោស​ទោស​នារ​ហ្យាក់​មា​ខាន់​ពាង់​ជឹត‌
REV 7:17 យ៝រ​លាស​ក៝ន​ឞែ​ឞ្យាប់​អី​គុ​តា​រានើល​កាដាច់​នៃ ពាង់​មរា​ម៝ត់​អ្វាញ់​ខាន់​ពាង់​តឹម​ឞាន​មា​ឞូ​ច្យាប់​ឞែ​ឞ្យាប់‌ នទ្រែល​មា​លែវ​ខាន់​ពាង់​តា​នតុក​តូ​ទាក​អ៝ន់​នាវ​រេស‌ ជេសរី​កោរាញ​ឞ្រាស​មរា​ជូត​លើយ​ទឹង​លែៈ​ទាក​មាត់​ឞើស​ត្រោម​មាត់​ខាន់​ពាង់​នើម”។
REV 8:1 ត៝ត់​ក៝ន​ឞែ​ឞ្យាប់​ព្លោក​ត្រា​ត៝ល់​ពើស ទោ​មា​តា​កាលើ​ត្រោក​អី​នតុក​កោរាញ​ឞ្រាស​នើម​មោ​ហោម​តាង់​នតែស​ដែ​រែ​ងក្វៃ​ក្លាប់​លាស​គែស​ងគូល​ម៝ង។
REV 8:2 ជេសរី​គ៝ប់​ឆៃ​ពើស​នុយ្ស​តោង​ពារ់​អី​ទ៝ក់​ឞើស​នាប់​កោរាញ​ឞ្រាស​រី​នឹង ឞូ​អ៝ន់​ពើស​អឹ​នុង​មា​ខាន់​ពាង់​ដ៝ង់។
REV 8:3 គែស​ដ៝ង់​ទូ​ហ្វេ​តោង​ពារ់​វាច់​ទ៝ក់​តា​ញឆឺង​ជាន​ឞ្រាស​រី នអ៝ប់​មា​ញអោត​ទូ​មល៝ម់​ខាល់​មាយ្ស។ ឞូ​អ៝ន់​មា​ពាង់​នទើ​បោ​កាស​អ៝ក់​ងាន់​មា​គុច គៃ​មា​គុច​ញហើរ នទ្រែល​មា​នាវ​មឞើស​ឆើម​ផូង​ប៝ន​លាន​កោរាញ​ឞ្រាស​តា​កាលើ​ញឆឺង​ជាន​ឞ្រាស​មាយ្ស​អី​ឞើស​នាប់​រានើល​កាដាច់​នៃ។
REV 8:4 ជេសរី​នហោល​នទើ​បោ​កាស នទ្រែល​មា​នាវ​មឞើស​ឆើម​ផូង​ប៝ន​លាន​កោរាញ​ឞ្រាស​លោស​ឞើស​តី​តោង​ពារ់​ហាវ​ជឹត​លើ​ឞើស​នាប់​កោរាញ​ឞ្រាស​នៃ។
REV 8:5 ជេស​នៃ​តោង​ពារ់​អី​នៃ​ឆ៝ៈ​ខាល់​អី​នៃ ឆ៝ៈ​អុញ​ឞើស​ញឆឺង​ជាន​ឞ្រាស​តេៈ​ឞេង​ខាល់ ជេសរី​នតុប​ព្រូ​តា​នែស​នតូ គែស​ងលាយ្ស នតែស​នត៝រ់​មីស លើប​ងលាយ្ស នអ៝ប់​មា​ងគើ​នែស​នតូ​ដ៝ង់។
REV 8:6 ជេសរី​ពើស​នុយ្ស​តោង​ពារ់​អី​នអ៝ប់​មា​ញអោត​ពើស​អឹ​នុង​អី​នៃ នទ្រាប់​អោស។
REV 8:7 តោង​ពារ់​ត៝ល់​ង្វាយ​អោស​នុង​ពាង់​នើម ទោ​មា​គែស​ព្លែរ នទ្រែល​មា​អុញ​ព៝ត​លាយ​ដាស​មហាម ឞូ​នតុប​ព្រូ​តា​នែស​នតូ។ នែស​នតូ​អុញ​ឆា​លែៈ​ទូ​កោៈ​តឹម​ពែ​(១/៣) តើម​ឆី​អុញ​ឆា​លែៈ​ទូ​កោៈ​តឹម​ពែ​(១/៣) នអ៝ប់​មា​ទឹង​លែៈ​រេប​ជា​នអឹរ​អុញ​ឆា​លែៈ​ផ្យៅ​ដ៝ង់។
REV 8:8 តោង​ពារ់​ត៝ល់​ឞារ​អោស​នុង​ពាង់​នើម ទោ​មា​គែស​តឹម​ឞាន​មា​ទូ​មល៝ម់​យោក​ទុត​ក្វ៝ង់​ហីត​អុញ​ទាទេ ឞូ​នតុប​តា​ងក្លាង​ទាក​វាច់​ទាក​វារ់ ទាក​វាច់​ទាក​វារ់​អី​នៃ​ទូ​នតុក​តឹម​ពែ​(១/៣)​ជេង​មហាម‌
REV 8:9 ជេសរី​ទឹង​លែៈ​កឹត​កា​មពោមពា​(ឆ្យុម)​អី​គុ​រេស​តា​ទាក​វាច់​ទាក​វារ់​អាប់​ពែ​អឹ​ខឹត​ទូ​មល៝ម់ ជេសរី​ទូក​រ៝ៈ​ទាក​វាច់​ទាក​វារ់​អាប់​ពែ​លើស​ហេង​ទូ​មល៝ម់​ដ៝ង់។
REV 8:10 តោង​ពារ់​ត៝ល់​ពែ​អោស​នុង​ពាង់​នើម ទោ​មា​គែស​ទូ​មល៝ម់​មាញ់​ក្វ៝ង់ ហីត​អុញ​តឹម​ឞាន​មា​អុញ​រាទ៝​តុប​ឞើស​លើ​ត្រោក​តី។ មាញ់​អី​នៃ​តុប​គែស​តា​ទាក​រាលាយ​ទឹង​លែៈ​ទូ​កោៈ​តឹម​ពែ​(១/៣) នទ្រែល​មា​តុប​តា​ទឹង​លែៈ​តូ​ទាក​ទូ​កោៈ​តឹម​ពែ​(១/៣)​ដ៝ង់។
REV 8:11 រាញា​មាញ់​អី​នៃ​«ព្លៃ​មពាត់» ទាក​ទូ​កោៈ​តឹម​ពែ​(១/៣)​ជេង​តាង់​ខេស គែស​អ៝ក់​ឞូនុយ្ស​ខឹត​យ៝រ​មា​ញេត​ទាក​តាង់​អី​នៃ។
REV 8:12 តោង​ពារ់​ត៝ល់​ព្វាន់​អោស​នុង​ពាង់​នើម ទោ​មា​គែស​នារ ខៃ នទ្រែល​មា​មាញ់​ជេង​ង៝​ទឹង​លែៈ​ទូ​កោៈ​តឹម​ពែ​(១/៣) នោក​នារ​គែស​ង៝​ទូ​កោៈ​តឹម​ពែ​(១/៣) នោក​មាង់​មោ​ហោម​គែស​នទើ​អាង​ទូ​កោៈ​តឹម​ពែ​(១/៣)​ដ៝ង់។
REV 8:13 ជេសរី​គ៝ប់​អ្វាញ់​ឆៃ​ទូ​មល៝ម់​ក្លាង​មឞូក​មឞ៝ក​មពារ់​កាលើ​ត្រោក នអ៝ប់​មា​តាង់​ពាង់​នតែរ​ទុត​ទាង់ៗ៖ “រេស​រាញាល់​ងាន់! រេស​រាញាល់​ងាន់! ទឹង​លែៈ​ឞូនុយ្ស​តា​នែស​នតូ​មរា​រេស​រាញាល់​ងាន់ យ៝រ​មា​ហោម​តាង់​នតែស​នុង​ពែ​នុយ្ស​តោង​ពារ់​ជឹត​អី​លែៈ​នតើម​នទ្រាប់​អោស!”
REV 9:1 តោង​ពារ់​ត៝ល់​ព្រាម់​អោស​នុង​ពាង់​នើម ជេសរី​គ៝ប់​ឆៃ​ទូ​មល៝ម់​មាញ់​អី​លែៈ​តុប​ជេស​ឞើស​កាលើ​ត្រោក​តា​នែស​នតូ ឞូ​អ៝ន់​មា​មាញ់​អី​នៃ​ក៝ន​ឆ៝​នតូ​ឞ្រ៝ង់​ទុត​ជ្រូ។
REV 9:2 ជេស​ពាង់​ពើក​នតូ​ឞ្រ៝ង់​អី​នៃ ទោ​មា​គែស​ញហូក​លោស​ឞើស​នតូ​អី​នៃ តឹម​ឞាន​មា​ញហូក​អុញ​មពុយ្ស​ទុត​ក្វ៝ង់។ នោក​នៃ​នារ នទ្រែល​មា​ត្រោក​ជេង​ង៝​ទាទេ យ៝រ​មា​ញហូក​អី​លោស​ឞើស​នតូ​នៃ។
REV 9:3 គែស​ក្រាស​អ៝ក់​ងាន់​លោស​ឞើស​នតុក​ញហូក​នៃ មពារ់​តា​នែស​នតូ ទឹង​លែៈ​ក្រាស​អី​នៃ​ឞូ​អ៝ន់​គែស​នាវ​ទើយ​អ៝ន់​ឞូនុយ្ស​តា​នែស​នតូ​គែស​នាវ​ជី​តឹម​ឞាន​មា​ជី​នទើរ​វីង​ឆោច​ដ៝ង់។
REV 9:4 ទឹង​លែៈ​ក្រាស​អី​នៃ​ឞូ​ឞ្វៃ​ខាន់​ពាង់ មោ​អោស​អ៝ន់​លើស​ហេង​លើយ​រេប​ជា​តើម​ឆី​តើម​គ្លែ អ៝ន់​លើស​ហេង​លើយ​មា​ឞូនុយ្ស​អី​មោ​គែស​ត្រា​កោរាញ​ឞ្រាស​តា​នទាង់​ក្លែង​ខាន់​ពាង់​នើម​នើស​ហ៝ៈ។
REV 9:5 ទឹង​លែៈ​ក្រាស​អី​នៃ​មោ​អោស​គែស​នាវ​ទើយ​មា​ងខឹត​ឞូនុយ្ស​ត៝ត់​ខឹត ពាង់​គែស​នាវ​ទើយ​មា​ងក្រីត​ជី​ជ៝ៈ​ព្រាម់​ខៃ​ទើម ពាង់​អ៝ន់​ឞូនុយ្ស​ជី​តឹម​ឞាន​មា​ជី​នទើរ​វីង​ឆោច​ដ៝ង់។
REV 9:6 នោក​នៃ​ឞូនុយ្ស​ជ៝យ​នាវ​ខឹត​មោ​អោស​ឆៃ ឞូ​អុច​ងាន់​មា​នាវ​ខឹត តីស​មា​មោ​ឞ្លាវ​ខឹត។
REV 9:7 ទឹង​លែៈ​ក្រាស​អី​នៃ​អ្វាញ់​តឹម​ឞាន​មា​ឆែស​ឞូ​នទ្រាប់​មា​ហាន់​តឹម​លើស តា​ឞោក​ខាន់​ពាង់​តឹម​ឞាន​មា​នទោ​មោក​មាយ្ស​កាដាច់ ជេសរី​អី​មុស​មាត់​ខាន់​ពាង់​តឹម​ឞាន​មា​មុស​មាត់​ឞូនុយ្ស។
REV 9:8 អី​ឆ៝ក់​ខាន់​ពាង់​តឹម​ឞាន​មា​ឆ៝ក់​ឞូ​អូរ ជេសរី​អី​ឆេក​តឹម​ឞាន​មា​ឆេក​យៅ​មុរ។
REV 9:9 ឆាក់​ខាន់​ពាង់​គែស​នទើ​តឹម​ឞាន​មា​អាវ​ល៝យ្ស​មា​តឹម​លើស។ នតែស​នារ​ខាន់​ពាង់​តឹម​ឞាន​មា​នតែស​ញច្វាត់​រាទែស​ឆែស​អ៝ក់​ហាន់​តឹម​លើស។
REV 9:10 អី​ច្យាង់​ខាន់​ពាង់​គែស​មពោច​តឹម​ឞាន​មា​នទើរ​វីង ច្យាង់​ខាន់​ពាង់​នៃ​គែស​នាវ​ទើយ​មា​ងក្រីត​ឞូនុយ្ស​ជ៝ៈ​ព្រាម់​ខៃ។
REV 9:11 ក្រាស​អី​នៃ​គែស​ទូ​ហ្វេ​កាដាច់​មា​ម៝ត់​អ្វាញ់​ខាន់​ពាង់​ដ៝ង់ ជេង​តោង​ពារ់​តា​មពោល​ឞ្រាស​អ្យើស​មា​ម៝ត់​អ្វាញ់​នតូ​ឞ្រ៝ង់​អី​នៃ តា​នាវ​ងើយ​ហេឞ្រើ ​រាញា​«អាបាដោន » តា​នាវ​ងើយ​គ្រែក ​រាញា​«អាពុលីយោន » លែៈ​ឞារ​រាញា​អី​នៃ​គែស​នាវ​ខ្លៃ​លាស៖ «នើម​ងគ្រ៝ស​លើយ»។
REV 9:12 លែៈ​លោច​ជេស​នាវ​រេស​រាញាល់​ត៝ល់​ង្វាយ​នើស ហោម​គែស​ឞារ​តឹ​នាវ​រេស​រាញាល់​ជឹត​ត៝ត់​តៃ​ឞើស​កើយ។
REV 9:13 តោង​ពារ់​ត៝ល់​ព្រាវ​អោស​នុង​ពាង់​នើម ជេសរី​គ៝ប់​តាង់​នតែស​ឞ៝រ់​ងើយ​លោស​ឞើស​ព្វាន់​អឹ​ងកែ​តា​ញឆឺង​ជាន​ឞ្រាស​អី​តា​ឞើស​នាប់​កោរាញ​ឞ្រាស​នៃ ញឆឺង​ជាន​ឞ្រាស​អី​នៃ​ជាន​មា​មាយ្ស។
REV 9:14 ឞ៝រ់​ងើយ​អី​នៃ​លាស​មា​តោង​ពារ់​ត៝ល់​ព្រាវ​អី​ញអោត​នុង​តា​តី​នៃ៖ “ទ្រីស​លើយ​ហ៝ម់​ព្វាន់​នុយ្ស​តោង​ពារ់​អី​ឞូ​ក៝ត់​តា​មែង​ទាក​រាលាយ​ក្វ៝ង់ អី​ឞូ​ក្វាល់​លាស​ទាក​រាលាយ​អើប្រាត ​នៃ”។
REV 9:15 ជេសរី​ឞូ​ទ្រីស​ព្វាន់​នុយ្ស​តោង​ពារ់​អី​នៃ គៃ​មា​ព្វាន់​នុយ្ស​តោង​ពារ់​អី​នៃ​ងខឹត​លើយ​ទូ​កោៈ​តឹម​ពែ​(១/៣)​តា​ទឹង​លែៈ​ឞូនុយ្ស តោង​ពារ់​អី​នៃ​លែៈ​នទ្រាប់​មា​ទ្រីស​ត៝ត់​ម៝ង នារ ខៃ នទ្រែល​មា​នាម់​អី​នៃ។
REV 9:16 គ៝ប់​តាង់​ឞូ​មឞើស​អ៝ក់​តាហែន​ញច៝​ឆែស​អី​តឹង​ព្វាន់​នុយ្ស​តោង​ពារ់​អី​នៃ​គែស ២០០ រាកែស។
REV 9:17 តា​នាវ​តឹម​ឆៃ​គ៝ប់ គ៝ប់​ឆៃ​ឆែស នទ្រែល​មា​តាហែន​ញច៝​ឆែស​នៃ ផូង​តាហែន​អី​នៃ​ញឆ៝ស​អាវ​ល៝យ្ស​ទុម​រូ​ឞូ​តឹម​ឞាន​មា​អុញ អឹរ​រឺត​ញឺត​តឹម​ឞាន​មា​ត្រោក នទ្រែល​មា​អេរ​តឹម​ឞាន​មា​ញឆីវ។ អី​ឞោកៗ​ឆែស​នៃ​តឹម​ឞាន​មា​ឞោក​យៅ​មុរ គែស​អុញ គែស​ញហូក​អុញ នទ្រែល​មា​គែស​ហីត​ញឆីវ​លោស​ឞើស​មឞូង​ខាន់​ពាង់។
REV 9:18 ឞូនុយ្ស​ទូ​កោៈ​តឹម​ពែ​(១/៣)​ខឹត យ៝រ​មា​នទើ​អ្យើស​ពែ​នតីល​នៃ ខាន់​ពាង់​ខឹត​យ៝រ​មា​អុញ យ៝រ​មា​ញហូក​អុញ នទ្រែល​មា​ញឆីវ​អី​លោស​តាៈ​ឞើស​មឞូង​ឆែស​អី​នៃ។
REV 9:19 នាវ​ទើយ​ឆែស​អី​នៃ​តា​មឞូង នទ្រែល​មា​តា​ច្យាង់។ អី​ច្យាង់​ខាន់​ពាង់​តឹម​ឞាន​មា​គែស​អ៝ក់​ឞេស ទឹង​លែៈ​ឞោក​ឞេស​អី​នៃ​ជាន​អ៝ន់​ឞូនុយ្ស​គែស​នាវ​ជី។
REV 9:20 ល៝ង់​ឞូនុយ្ស​អី​ហោម​រេស អី​មោ​ខឹត​អោស​យ៝រ​មា​នទើ​អ្យើស​ទឹង​លែៈ​អី​នៃ ហោម​ក៝ៈ​មោ​អុច​រាគ៝ល់​ដ៝ង់​នូយ្ស​នហ៝ម់​អ្យើស​ឞើស​នទើ​អ្យើស​ខាន់​ពាង់​ជាន មោ​អុច​អោស​ឞាស​យើក​មឞាស​មា​ឞ្រាស​អ្យើស មា​រូប​ឞ្រាស​ងក្លាៈ​អី​ជាន​មា​មាយ្ស មា​ព្រាក់ មា​កោង មា​លុ នទ្រែល​មា​ជាន​មា​តើម​ឆី ជេង​រូប​ឞ្រាស​អី​មោ​ឞ្លាវ​អ្វាញ់​ឆៃ មោ​ឞ្លាវ​តាង់ មោ​ឞ្លាវ​ឞ្រោៈ​នៃ។
REV 9:21 ខាន់​ពាង់​មោ​អុច​រាគ៝ល់​លើយ​ដ៝ង់​នូយ្ស​នហ៝ម់​អ្យើស​អី​អ៝ន់​ខាន់​ពាង់​ជាន​តីស អី​ងខឹត​ឞូ អី​ជាន​នអាង អី​តឹម​ទ៝ង់ នទ្រែល​មា​នតុង​ឞូ។
REV 10:1 ជេសរី​គ៝ប់​ឆៃ​ទូ​ហ្វេ​តោង​ពារ់​អី​ទាង់​ជឹត​ជុរ​ឞើស​លើ​ត្រោក​តី ជុម​ឆាក់​ពាង់​រី​គែស​តុក តា​កាលើ​ឞោក​ពាង់​គែស​ឞេស​ចុង​តឹង អី​មុស​មាត់​ពាង់​តឹម​ឞាន​មា​នារ ជេសរី​អី​ជ៝ង់​តឹម​ឞាន​មា​ងគ៝ង់​ហីត​អុញ។
REV 10:2 តា​តី​ពាង់​ញអោត​ទូ​មល៝ម់​ឆ៝ម់បុត​ក្លោន​ជេៈ​លែៈ​ជេស​ពើក អី​ជ៝ង់​ឞើស​មា​ពាង់​ជ៝ត​អា​ងក្លាង​ទាក​វាច់​ទាក​វារ់ អី​ជ៝ង់​ឞើស​ច្យៅ​អា​កាលើ​កើស។
REV 10:3 ជេសរី​ពាង់​នតែរ​ទុត​ទាង់​តឹម​ឞាន​មា​ងគ្រោង​យៅ​មុរ ជេស​ពាង់​នតែរ​នៃ​គែស​ឞ៝រ់​ងើយ​តឹម​ឞាន​មា​នត៝រ់​មីស​ពើស​តឹ​ដ៝ង់។
REV 10:4 ជេស​តាង់​នតែស​ងើយ​នត៝រ់​មីស​ពើស​តឹ​កើត​នៃ គ៝ប់​គៃ​មា​នទ្រាប់​ញចីស យើន​មា​តាង់​នតែស​ឞ៝រ់​តាៈ​ឞើស​ត្រោក​លាស​មា​គ៝ប់៖ “នាវ​នត៝រ់​មីស​ពើស​តឹ​អី​នៃ​លែៈ​លាស លើយ​អ៝ន់​ឞូ​គឹត មៃ​លើយ​អោស​ញចីស”។
REV 10:5 ជេសរី​តោង​ពារ់​អី​គ៝ប់​ឆៃ​ទ៝ក់​តា​ទាក​វាច់​ទាក​វារ់ នទ្រែល​មា​តា​កាលើ​កើស​រី​នើស‌ ពាង់​យើរ​តី​ឞើស​មា​ជឹត​លើ​ត្រោក‌
REV 10:6 នហ៝​មា​ត៝ន​តា​រាញា​នើម​អី​គុ​រេស​បាបើ​នហ៝​រ៝‌ អី​នើម​តើម​ញជេង​ត្រោក នទ្រែល​មា​ទឹង​លែៈ​នទើ​អី​គែស​តា​កាលើ​ត្រោក អី​នើម​តើម​ញជេង​នែស​នតូ នទ្រែល​មា​ទឹង​លែៈ​នទើ​អី​គែស​តា​នែស​នតូ អី​នើម​តើម​ញជេង​ទាក​វាច់​ទាក​វារ់ នទ្រែល​មា​ទឹង​លែៈ​នទើ​អី​គែស​តា​ទាក​វាច់​ទាក​វារ់។ ពាង់​លាស៖ “មោ​ហោម​អោស​នអ៝ម​ជឹត‌
REV 10:7 តា​នោក​តោង​ពារ់​អី​ត៝ល់​ពើស​នទ្រាប់​អោស​នុង លែៈ​គែស​ជេស​នទើ​កោរាញ​ឞ្រាស​អី​ហោម​នទ៝ប់​មពោន​អា​ល៝រ​នើស កើត​កោរាញ​ឞ្រាស​លែៈ​មឞើស​អ៝ន់​គឹត​ល៝រ​មា​ផូង​នតើយ្ស​នាវ​ងើយ​ពាង់​នើម អី​ផូង​ឆើម​កើល​ជាន​ការ​មា​ពាង់​នើម​នើស”។
REV 10:8 ជេសរី​នតែស​ឞ៝រ់​អី​គ៝ប់​តាង់​តាៈ​ឞើស​កាលើ​ត្រោក​នៃ​នើស លាស​តៃ​មា​គ៝ប់​ទូ​តឹ​ជឹត​កើត​នអា៖ “ហាន់​មៃ​ឆ៝ៈ​ហ៝ម់​ឆ៝ម់បុត​ក្លោន​ជេៈ​អី​លែៈ​ជេស​ពើក​តា​តី​តោង​ពារ់​អី​ទ៝ក់​តា​ទាក​វាច់​ទាក​វារ់ នទ្រែល​មា​តា​កាលើ​កើស​អី​នៃ”។
REV 10:9 ជេសរី​គ៝ប់​ហាន់​អា​តោង​ពារ់​អី​នៃ ទាន់​ឆ៝ៈ​ឆ៝ម់បុត​អី​នៃ។ ពាង់​លាស៖ “អ្យា​ឆ៝ម់បុត មៃ​ឆ៝ៈ​ឆា​ហ៝ម់។ ឆ៝ម់បុត​អ្យា​ជាន​អ៝ន់​មៃ​តាង់​តា​នទុល យើន​មា​តា​មឞូង​មៃ​ញជុង​តឹម​ឞាន​មា​ទាក​ឆុត”។
REV 10:10 គ៝ប់​ឆ៝ៈ​ឆ៝ម់បុត​អី​នៃ​ឞើស​តោង​ពារ់​ឆា ល៝ង់​តា​មឞូង​គ៝ប់​រី​ញជុង​តឹម​ឞាន​មា​ទាក​ឆុត​ងាន់ ត៝ត់​មា​ជេស​ឆា​រី គែស​តាង់​តា​នទុល។
REV 10:11 ជេសរី​ឞូ​ដាៈ​គ៝ប់៖ “អ្យាត់​មា​មៃ​នតើយ្ស​តៃ​ទូ​តឹ​ជឹត​នាវ​ងើយ​កោរាញ​ឞ្រាស​មា​អ៝ក់​ផូង​នទុល​មពោល​ឞូនុយ្ស មា​អ៝ក់​ឞ្រី​ទាក មា​អ៝ក់​ផូង​ឞូនុយ្ស​នាវ​ងើយ​អេងៗ នទ្រែល​មា​អ៝ក់​កាដាច់​ជឹត”។
REV 11:1 ជេសរី​ឞូ​អ៝ន់​ទូ​មល៝ម់​តើម​ត្រែង​មា​គ៝ប់​តឹម​ឞាន​មា​ម៝ង់​វែស កោរាញ​ឞ្រាស​លាស​មា​គ៝ប់៖ “អ៝ន់​មៃ​ទ៝ក់​ហ៝ម់ ហាន់​វែស​ញីស​ជាន​ឞ្រាស​មា​កោរាញ​ឞ្រាស​នើម វែស​ញឆឺង​ជាន​ឞ្រាស នទ្រែល​មា​កើប​ទឹង​លែៈ​ឞូនុយ្ស​អី​យើក​មឞាស​មា​កោរាញ​ឞ្រាស​តា​នតុក​នៃ​ដ៝ង់។
REV 11:2 យើន​មា​លើយ​អោស​វែស​តា​ជ៝ង់​គូង​ញីស​ជាន​ឞ្រាស​អី​ឞើស​ទីស យ៝រ​លាស​តា​នតុក​នៃ​លែៈ​ឞូ​អ៝ន់​មា​ផូង​អី​មោ​ទី​ផូង​ប៝ន​លាន​កោរាញ​ឞ្រាស ខាន់​ពាង់​មរា​តុន​ជ៝ត​ប៝ន​ក្ល៝ស​អ្វែស​ជ៝ៈ ៤២ ខៃ។
REV 11:3 ជេសរី​គ៝ប់​មរា​អ៝ន់​នាវ​ទើយ​មា​ឞារ​ហៃ​ឞូនុយ្ស​តើម​មឞើស​ងក៝ច​នាវ​ខ្លៃ​គ៝ប់ ខាន់​ពាង់​ញឆ៝ស​ងគូត​បាវ​ច្យាត់ នអ៝ប់​មា​នតើយ្ស​នាវ​ងើយ​គ៝ប់​ជ៝ៈ ១២៦០ នារ”។
REV 11:4 លែៈ​គែស​ញចីស​តា​នាវ​កោរាញ​ឞ្រាស​ងើយ​មា​ឞារ​តើម​អោលីវ  នទ្រែល​មា​ឞារ​អឹ​ជ៝ង់​ឆាគេង ខាន់​ពាង់​ទ៝ក់​ឞើស​នាប់​នើម​អី​កោរាញ​មា​នែស​នតូ ជេង​នាវ​ងើយ​ហោរ​មា​ឞារ​ហៃ​ឞូនុយ្ស​តើម​មឞើស​ងក៝ច​អី​នៃ។
REV 11:5 លាស​ឞូ​ម៝ស​អី​ហាន់​លើស​ឞារ​ហៃ​ខាន់​ពាង់​អី​នៃ គែស​អុញ​លោស​ឞើស​មឞូង​ខាន់​ពាង់​ឆូ​លើយ​ផូង​អី​ហាន់​លើស​ខាន់​ពាង់​រ៝។ ឞូ​ម៝ស​អី​ហាន់​លើស​ខាន់​ពាង់ ពាង់​អី​នៃ​ខឹត​កើត​នៃ​ងាន់​រ៝។
REV 11:6 ឞារ​ហៃ​ខាន់​ពាង់​អី​នៃ​គែស​នាវ​ទើយ​ជាន​អ៝ន់​ត្រោក​មោ​អោស​គែស​មីស​នោក​ខាន់​ពាង់​ហោម​នតើយ្ស​នាវ​ងើយ​កោរាញ​ឞ្រាស ជេសរី​គែស​ដ៝ង់​នាវ​ទើយ​ជាន​អ៝ន់​ទឹង​លែៈ​ទាក​ជេង​មហាម នអ៝ប់​មា​ទើយ​ជាន​នាវ​ជេរ​អាប់​នតីល​អ៝ន់​គែស​តា​នែស​នតូ ទាស​អ៝ក់​តឹ​ខាន់​ពាង់​នើម​អុច។
REV 11:7 នោក​ឞារ​ហៃ​ខាន់​ពាង់​អី​នៃ​លែៈ​ជេស​នតើយ្ស​លែៈ​ផ្យៅ គែស​មពោមពា​(ឆ្យុម)​ទុត​ជាញ​លោស​ឞើស​នតូ​ឞ្រ៝ង់​អី​នៃ​តឹម​លើស​ដាស​ខាន់​ពាង់ ទើយ​ពាង់​អី​នៃ ជេសរី​ងខឹត​លើយ​ខាន់​ពាង់​ដ៝ង់។
REV 11:8 អី​ឆាក់​ខាន់​ពាង់​នៃ​ឞូ​នត្លើយ​រ៝ៈ​ត្រ៝ង​ប៝ន​ក្វ៝ង់​នៃ ជេង​ប៝ន​អី​ឞូ​ងើយ​ហោរ​រាញា​«ប៝ន​ឆោដុម » មោ​លាស​«ឞ្រី​អេឆីប » យ៝រ​លាស​តា​ប៝ន​អី​នៃ​ឞូ​ជាន​អ្យើស​ហោ​ងាន់ តា​ប៝ន​អី​នៃ​ដ៝ង់​នតុក​ឞូ​ងខឹត​កោរាញ​ខាន់​ពាង់​នើម​តា​ឆី​តឹម​រាកាង់​នើស។
REV 11:9 ឞូនុយ្ស​តាៈ​ឞើស​ទឹង​លែៈ​នទុល​មពោល​ឞូនុយ្ស តាៈ​ឞើស​ទឹង​លែៈ​រាន៝យ​ទែស តាៈ​ឞើស​ទឹង​លែៈ​នាវ​ងើយ នទ្រែល​មា​តាៈ​ឞើស​ទឹង​លែៈ​ឞ្រី​ទាក ទឹង​លែៈ​ខាន់​ពាង់​មរា​អ្វាញ់​ឆៃ​ឆាក់​ឞារ​ហៃ​អី​នៃ​ជ៝ៈ​ពែ​នារ​ងគូល ឞូ​មោ​អ៝ន់​អោស​ត៝ប់​តា​មោច។
REV 11:10 ទឹង​លែៈ​ឞូនុយ្ស​តា​នែស​នតូ​អ្យា​គែស​នូយ្ស​នហ៝ម់​រាម់​មអាក​ហោ​ងាន់ យ៝រ​មា​ឆៃ​ខាន់​ពាង់​ឞារ​ហៃ​នៃ​លែៈ​ខឹត​ជេស ឞូ​ព៝ល់​មអាក​ទុត​ហោ​ងាន់ តឹម​អ៝ន់​នទើ​ទើម​ទាម​ឞូ​អ៝ន់​ហែ ហែ​អ៝ន់​ឞូ យ៝រ​លាស​ឞូនុយ្ស​អី​នតើយ្ស​នាវ​ងើយ​កោរាញ​ឞ្រាស​ឞារ​ហៃ​នៃ​នើស​ជាន​អ៝ន់​ឞូនុយ្ស​គុ​តា​នែស​នតូ​អ្យា​គែស​នាវ​ជេរ​ជ៝ត់​ទុត​ហោ​ងាន់។
REV 11:11 យើន​មា​លោច​ពែ​នារ​ងគូល​នៃ គែស​នហ៝ម់​នាវ​រេស​លោស​តាៈ​ឞើស​កោរាញ​ឞ្រាស​លាប់​តា​ឞូនុយ្ស​ខឹត​ឞារ​ហៃ​នៃ។ ឞារ​ហៃ​ខាន់​ពាង់​អី​នៃ​ទ៝ក់​រើប​ដើប​រ៝ ទឹង​លែៈ​ឞូនុយ្ស​អី​ឆៃ​នៃ​ក្លាច​ញឆ៝រ់​ងាន់។
REV 11:12 ជេសរី​តាង់​នតែស​ឞ៝រ់​ទុត​ទាង់​តាៈ​ឞើស​កាលើ​ត្រោក​តី​លាស​មា​ឞារ​ហៃ​ខាន់​ពាង់​នៃ៖ “ហាវ​អា​អ្យា​ហ៝ម់!” ជេសរី​ឞារ​ហៃ​ខាន់​ពាង់​អី​នៃ​ហាវ​អា​ត្រោក​តា​ត្រោម​តុក​រី ល៝ង់​ផូង​អី​រាលាង់​ដាស​ខាន់​ពាង់​អ្វាញ់​ឆៃ​ដ៝ង់។
REV 11:13 នោក​នៃ​ទោ​មា​ងគើ​នែស​ទុត​ហោ​ងាន់ ប៝ន​លែៈ​ទូ​កោៈ​តឹម​ជឹត​(១/១០)​រាល៝ម់​លែៈ​ផ្យៅ ឞូនុយ្ស ៧០០០ នុយ្ស​ខឹត​នោក​ងគើ​នែស​នៃ។ ឞូនុយ្ស​អី​ហោម​រេស​ក្លាច​ញឆ៝រ់​ងាន់ ខាន់​ពាង់​លែវ​ឞាល់​រានេ​កោរាញ​ឞ្រាស​អី​គុ​តា​កាលើ​ត្រោក​តី។
REV 11:14 នាវ​រេស​រាញាល់​ត៝ល់​ឞារ​លែៈ​លោច​ជេស ល៝ង់​នាវ​រេស​រាញាល់​ត៝ល់​ពែ​មរា​ត៝ត់​គើញ​រ៝។
REV 11:15 ជេសរី​តោង​ពារ់​ត៝ល់​ពើស​អោស​នុង​ពាង់​នើម ទោ​មា​គែស​នតែស​ឞ៝រ់​ងើយ​ទុត​ទាង់​អ៝ក់​ងាន់​តា​កាលើ​ត្រោក លាស​កើត​នអា៖ “ទឹង​លែៈ​ឞ្រី​ទាក​តា​នែស​នតូ​អ្យា​លែៈ​ជេង​ឞ្រី​ទាក​កោរាញ​ឞ៝ន់​នើម‌ នទ្រែល​មា​ជេង​ឞ្រី​ទាក​ឞ្រាស​ក្រីស ​អី​ពាង់​លែៈ​កើយ្ស‌ ជេសរី​ពាង់​មរា​ជេង​កាដាច់​បាបើ​នហ៝​រ៝!”
REV 11:16 នោក​នៃ​មពោល​កោរាញ​អី ២៤ នុយ្ស​អី​គុ​តា​រានើល​កាដាច់​ខាន់​ពាង់​នើម​តា​ឞើស​នាប់​កោរាញ​ឞ្រាស ខាន់​ពាង់​លែវ​ឞាល់​ពាន់​កុញ​មុស​មាត់​អា​នែស យើក​មឞាស​មា​កោរាញ​ឞ្រាស‌
REV 11:17 លាស​មា​ពាង់៖ “អើ​កោរាញ​ឞ្រាស មៃ​ជេង​កោរាញមៃ​ទុត​គែស​នាវ​ទើយ​មា​ទឹង​លែៈ​នតីល​នទើ‌ មៃ​គុ​រេស​អាបៃ​អ្យា មៃ​លែៈ​អើម​គុ​រេស​នើស។ ហេន​ទាន់​លាស​អ្វែស​មា​មៃ‌ យ៝រ​លាស​អាបៃ​អ្យា​មៃ​លែៈ​ញហើ​ជេស​នាវ​ទុត​ទើយ​មៃ​នើម‌ មៃ​លែៈ​នតើម​ម៝ត់​អ្វាញ់។
REV 11:18 ផូង​ឞូនុយ្ស​ទឹង​លែៈ​ឞ្រី​ទាក​ជី​នូយ្ស​ទាទេ​ងាន់‌ យើន​មា​អាបៃ​អ្យា​ម៝ង​មៃ​ញហើ​នាវ​ជី​នូយ្ស​មៃ​នើម​លែៈ​ត៝ត់​ដ៝ង់‌ ជេង​លែៈ​តឹម​ទី​ម៝ង​មៃ​ផាត​ទោយ្ស​ឞូនុយ្ស​ខឹត។ ជេង​លែៈ​តឹម​ទី​ម៝ង​មៃ​អ៝ន់​នទើ​ងខោម​មា ឞូនុយ្ស​ឆើម​កើល​ជាន​ការ​មា​មៃ ជេង​ឞូនុយ្ស​នតើយ្ស​នាវ​ងើយ​កោរាញ​ឞ្រាស ជេង​ផូង​ប៝ន​លាន​មៃ​នើម‌ ជេង​ផូង​ក្លាច​យើក​មា​មៃ‌ ឞ៝ល​លាស​ឞូ​ជេៈ​ឞូ​ក្វ៝ង់‌ ជេង​លែៈ​តឹម​ទី​ម៝ង​ដ៝ង់​មា​មៃ​ងគ្រ៝ស​លើយ​ឞូនុយ្ស​អី​ជាន​នាវ​ងគ្រ៝ស​លើយ​តា​នែស​នតូ”។
REV 11:19 នោក​នៃ​ញីស​ជាន​ឞ្រាស​មា​កោរាញ​ឞ្រាស​តា​កាលើ​ត្រោក​រី​ពើក​មពោង ជេសរី​ឞូ​ឆៃ​ហុប​នាវ​តឹម​រាង្លាប់​កោរាញ​ឞ្រាស​តា​ត្រោម​ញីស​ជាន​ឞ្រាស​នៃ​ដ៝ង់ គែស​លើប​ងលាយ្ស គែស​នតែស​នត៝រ់​មីស គែស​ងលាយ្ស គែស​ងគើ​នែស​នតូ នទ្រែល​មា​គែស​ព្លែរ​ទុត​ហោ​តុប​តា​នែស​នតូ។
REV 12:1 ជេសរី​គែស​ទូ​នាវ​មឞេន​ទុត​ក្វ៝ង់​ឆៃ​តា​កាលើ​ត្រោក គែស​ទូ​ហ្វេ​ឞូ​អូរ​ញឆ៝ស​ងគូត​ទូ​មល៝ម់​នទើ​ច្រាត​តឹម​ឞាន​មា​នារ គែស​ខៃ​តា​ឞើស​ទ៝ង់​ជ៝ង់​ពាង់​រី នអ៝ប់​មា​គែស ១២ អឹ​មាញ់​ជាន​មោក​កាដាច់​តា​ឞោក​ពាង់​ដ៝ង់។
REV 12:2 ឞូ​អូរ​អី​នៃ​នត្រែវ​លែៈ​អាប់​ខៃ ជេសរី​នតែរ​ហោ​ងាន់​យ៝រ​លាស​ជី​អុច​មា​គុ​អ៝ស។
REV 12:3 គែស​ទូ​នាវ​មឞេន​ជឹត​ឆៃ​តា​កាលើ​ត្រោក គែស​ទូ​មល៝ម់​ឞេស​ញុក​ញាក់​ទុត​ក្វ៝ង់ ឆាក់​ពាង់​ទុម​មឞូ គែស​ពើស​អឹ​ឞោក នទ្រែល​មា​គែស​ជឹត​អឹ​ងកែ ជេសរី​លែៈ​អី​ពើស​អឹ​ឞោក​ពាង់​រី​នទោ​មោក​កាដាច់​ពើស​អឹ​ដ៝ង់។
REV 12:4 អី​ច្យាង់​ពាង់​កែត​រាគូម​មាញ់​តា​កាលើ​ត្រោក​លែៈ​ទូ​កោៈ​តឹម​ពែ​(១/៣)​នតុប​តា​នែស។ ពាង់​ទ៝ក់​ឞើស​នាប់​ឞូ​អូរ​អី​អុច​មា​គុ​អ៝ស​នៃ គៃ​មា​ក៝ប់​រាហោប​អី​ក៝ន​ពាង់​រ៝ ជេស​ពាង់​ទែស។
REV 12:5 ក៝ន​អី​នៃ​មរា​ម៝ត់​អ្វាញ់​ទឹង​លែៈ​ឞ្រី​ទាក​មា​នាវ​ទើយ​នាវ​ទាង់​មា​ម៝ង់​ល៝យ្ស​ពាង់ ជេស​រី​ឞូ​អូរ​អី​នៃ​គុ​អ៝ស​គែស​ទូ​ហ្វេ​ក៝ន​ឞូ​ក្លោ។ យើន​មា​ឞូ​ពើយ្ស​មផ៝ក់​ក៝ន​អី​នៃ​គុ​នទ្រែល​កោរាញ​ឞ្រាស​នើម​តា​រានើល​កាដាច់​ពាង់​នើម​រី។
REV 12:6 ល៝ង់​ឞូ​អូរ​អី​នៃ​ទូ​ញច្វាត់​គុ​តា​ឞ្រី​រាទាស នតុក​នៃ​កោរាញ​ឞ្រាស​លែៈ​ជេស​នទ្រាប់​មា​ពាង់ គៃ​មា​ឞូ​ម៝ត់​ឆ្យាម់​ពាង់​ជ៝ៈ ១២៦០ នារ។
REV 12:7 ជេសរី​តា​កាលើ​ត្រោក​គែស​នាវ​តឹម​លើស​ក្វ៝ង់ តោង​ពារ់​រាញា​មីកែល  នទ្រែល​មា​ផូង​តោង​ពារ់​អី​គុ​តា​ន៝ម់​ពាង់​នើម​តឹម​លើស​ដាស​ឞេស​ញុក​ញាក់។ ឞេស​ញុក​ញាក់ នទ្រែល​មា​ផូង​តោង​ពារ់​អី​គុ​តា​ន៝ម់​ឞេស​ញុក​ញាក់​ព្លើង​តឹម​លើស​ដាស​ផូង​តោង​ពារ់​មីកែល ​នៃ​ដ៝ង់‌
REV 12:8 យើន​មា​ឞេស​ញុក​ញាក់​តឹម​លើស​មោ​អោស​ទើយ ជេសរី​ជ៝យ​នតុក​មា​គុ​តា​កាលើ​ត្រោក​មោ​ហោម​គែស​ដ៝ង់។
REV 12:9 ជេសរី​ឞូ​នតុប​ឞេស​ញុក​ញាក់​ក្វ៝ង់​អី​នៃ​អា​ឆូ ពាង់​អី​នៃ​ឞេស​ឞើស​កាល់​អែ​នើស អី​ឞូ​ក្វាល់​លាស​កោរាញ​មពោល​ឞ្រាស​អ្យើស មោ​លាស​ឆាតាង់ ​ដ៝ង់ អី​នើម​មរោស​រាលាម់​ទឹង​លែៈ​ឞូនុយ្ស​តា​នែស​នតូ។ ឞូ​នតុប​ពាង់​អា​នែស នតុប​នអ៝ប់​មា​ផូង​តោង​ពារ់​អី​គុ​តា​ន៝ម់​ពាង់​ដ៝ង់។
REV 12:10 ជេសរី​គ៝ប់​តាង់​នតែស​ឞ៝រ់​តា​កាលើ​ត្រោក​លាស​ទុត​ទាង់៖ “អាបៃ​អ្យា​លែៈ​ត៝ត់​ជេស​នាវ​កោរាញ​ឞ្រាស​រាក្លាយ្ស​ឞូនុយ្ស​តា​នែស​នតូ‌ នាវ​ទើយ​កោរាញ​ឞ្រាស នទ្រែល​មា​នាវ​ម៝ត់​អ្វាញ់​កោរាញ​ឞ្រាស​អី​ឞ៝ន់​យើក​មឞាស។ លែៈ​ត៝ត់​ដ៝ង់​នាវ​ឞ្រាស​ក្រីស ​ញហើ​នាវ​ទើយ​ពាង់​នើម។ គែស​កើត​នៃ​យ៝រ​លាស​នើម​អី​នតោន​អ៝ស​នោ​ឞ៝ន់​តា​នាវ​ញឆីង​នើស​លែៈ​ឞូ​នតុប​អា​ឆូ​ជេស‌ ពាង់​អី​នៃ​អី​វៃ​នតោន​អ៝ស​នោ​ឞ៝ន់​តា​នាវ​ញឆីង​ទឹង​មាង់​ទឹង​នារ​ងាន់​មា​កោរាញ​ឞ្រាស។
REV 12:11 ផូង​អ៝ស​នោ​អី​នៃ​លែៈ​ទើយ​ដាស​នើម​នតោន យ៝រ​មា​មហាម​ក៝ន​ឞែ​ឞ្យាប់​នើម‌ ជេសរី​យ៝រ​មា​មឞើស​ងក៝ច​ក៝ន​ឞែ​ឞ្យាប់​អី​នៃ​ជេង​កោរាញ​ខាន់​ពាង់​នើម‌ យ៝រ​លាស​ខាន់​ពាង់​មោ​អោស​ញហ្វាច​នាវ​រេស ខាន់​ពាង់​ហោម​មឞើស​ងក៝ច​នាវ​អី​នៃ ឞ៝ល​លាស​ឞូ​ងខឹត​កាដោយ។
REV 12:12 លាស​នទ្រី​រាម់​មអាក​ហ៝ម់​ទឹង​លែៈ​នើម​អី​គុ​តា​កាលើ​ត្រោក‌ តា​លាម​នតុក​តា​កាលើ​ត្រោក​អី​នតុក​កោរាញ​ឞ្រាស រាម់​មអាក​ហ៝ម់! ល៝ង់​លាម​នែស​នតូ នទ្រែល​មា​លាម​ទាក​វាច់​ទាក​វារ់​គែស​នាវ​រេស​រាញាល់​ងាន់​រ៝‌ យ៝រ​លាស​កោរាញ​មពោល​ឞ្រាស​អ្យើស​លែៈ​ជុរ​ជេស​អា​ខាន់​អៃ​មៃ‌ នអ៝ប់​មា​ជី​នូយ្ស​ទុត​ហោ​ងាន់‌ យ៝រ​មា​ពាង់​លែៈ​គឹត​ម៝ង​ពាង់​នើម​ហោម​អែ​ដេៈ​ទើម”។
REV 12:13 ត៝ត់​មា​ឞេស​ញុក​ញាក់​អី​នៃ​លែៈ​គឹត​ឆាក់​ឞូ​នតុប​ពាង់​អា​នែស ពាង់​តឹង​លើស​ឞូ​អូរ​អី​គុ​អ៝ស​ក៝ន​ឞូ​ក្លោ​អី​នៃ​នើស​រ៝។
REV 12:14 យើន​មា​ឞូ​អ៝ន់​ឞារ​អឹ​នារ​ក្លាង​មឞូក​មឞ៝ក​មា​ឞូ​អូរ​អី​នៃ ព្រែ​មា​មពារ់​អ៝ន់​ងាយ​ឞើស​ឞេស​ញុក​ញាក់ ហាន់​តា​ឞ្រី​រាទាស​នតុក​អី​លែៈ​ជេស​នទ្រាប់​មា​ពាង់​នើស តា​នតុក​នៃ​ឞូ​ម៝ត់​ឆ្យាម់​ពាង់​ជ៝ៈ​ពែ​នាម់​ងគូល។
REV 12:15 ជេសរី​ឞេស​ញុក​ញាក់​មឞ្រោស​ទាក​លោស​ឞើស​មឞូង​ពាង់​តឹម​ឞាន​មា​ទាក​រាលាយ​ហ៝ច​ឞើស​កើយ​ឞូ​អូរ​អី​នៃ គៃ​មា​រាទូ​ឞុក​ពាង់។
REV 12:16 យើន​មា​នែស​ឆើម​កើល​មា​ឞូ​អូរ​អី​នៃ ពាង់​ដាង ជេសរី​ទាក​រាលាយ​អី​ឞេស​ញុក​ញាក់​ទែ​មឞ្រោស​លោស​ឞើស​មឞូង​ពាង់​នៃ​នើស​លាប់​ជឹត​នែស​រី​រាងាត់។
REV 12:17 ជេសរី​ឞេស​ញុក​ញាក់​អី​នៃ​ជី​នូយ្ស​ហោ​ងាន់​មា​ឞូ​អូរ​អី​នៃ ពាង់​ហាន់​តឹម​លើស​ក្វ៝ង់​ដាស​ផូង​ក៝ន ឞូ​អូរ​អី​នៃ​អី​ហោម តឹម​លើស​ដាស​ទឹង​លែៈ​ផូង​អី​ញអោត​តឹង​នាវ​ដាៈ​កោរាញ​ឞ្រាស ជេង​ផូង​អី​ហោម​មឞើស​ងក៝ច​ឞ្រាស​យេឆូ ​ជេង​កោរាញ​ខាន់​ពាង់​នើម។
REV 12:18 ជេស​ឞើស​នៃ​ឞេស​ញុក​ញាក់​អី​នៃ​ហាន់​ទ៝ក់​តា​ច៝យ្ស​រ៝ៈ​មែង​ទាក​វាច់​ទាក​វារ់​រី។
REV 13:1 ជេសរី​គ៝ប់​ឆៃ​ទូ​មល៝ម់​មពោមពា​(ឆ្យុម)​ទុត​ជាញ​លោស​ឞើស​ទាក​វាច់​ទាក​វារ់​រី គែស​ពើស​អឹ​ឞោក នទ្រែល​មា​គែស​ជឹត​អឹ​ងកែ តា​កាលើ​ងកែ​ពាង់​រី​គែស​ជឹត​អឹ​មោក​កាដាច់​ដ៝ង់ ជេសរី​តា​កាលើ​ពើស​អឹ​ឞោក​ពាង់​រី​គែស​ញចីស​រាញា​អេងៗ​មឺច​រាម៝ត​កោរាញ​ឞ្រាស។
REV 13:2 មពោមពា​(ឆ្យុម)​អី​គ៝ប់​ឆៃ​នៃ​ឆាក់​ពាង់​តឹម​ឞាន​មា​យៅ​ឞ្រាច់ អី​ជ៝ង់​ពាង់​តឹម​ឞាន​មា​ជ៝ង់​កៅ ជេសរី​អី​មឞូង​ពាង់​តឹម​ឞាន​មា​មឞូង​យៅ​មុរ។ ឞេស​ញុក​ញាក់​អ៝ន់​នាវ​ទាង់​ពាង់​នើម​មា​មពោមពា​(ឆ្យុម)​អី​នៃ នទ្រែល​មា​អ៝ន់​គុ​តា​រានើល​កាដាច់​ពាង់​នើម នអ៝ប់​មា​អ៝ន់​នាវ​ទើយ​ក្វ៝ង់​មា​មពោមពា​(ឆ្យុម)​អី​នៃ។
REV 13:3 គ៝ប់​ឆៃ​ទូ​មល៝ម់​ឞោក​មពោមពា​(ឆ្យុម)​អី​នៃ​រាមាញ​ឞើយ​មា​ខឹត យើន​មា​នតុក​អី​រាមាញ​ទុត​ហោ​ឞើយ​មា​ខឹត​នៃ​លែៈ​ឞាស​ច្រាវ។ ជេសរី​ទឹង​លែៈ​ឞូនុយ្ស​តា​នែស​នតូ​នទ្រ៝ត់​ហីស​រាហ៝ល់​ទាទេ​ងាន់ លែវ​ឞាល់​តឹង​មពោមពា​(ឆ្យុម)​អី​នៃ។
REV 13:4 ខាន់​ពាង់​យើក​មឞាស​មា​ឞេស​ញុក​ញាក់​អី​អ៝ន់​នាវ​ទើយ​មា​មពោមពា​(ឆ្យុម)​អី​នៃ ជេសរី​ខាន់​ពាង់​យើក​មឞាស​មា​មពោមពា​(ឆ្យុម)​អី​នៃ​នហ៝​មា​លាស៖ “មោ​ហោម​គែស​អោស​ឞូនុយ្ស​តឹម​ឞាន​មា​ពាង់​អី​អ្យា មោ​ហោម​គែស​អោស​ឞូនុយ្ស​ទើយ​តឹម​លើស​ដាស​ពាង់​អី​អ្យា”។
REV 13:5 កោរាញ​ឞ្រាស​មោ​អោស​ឞ្វៃ​ពាង់​អី​នៃ​ងើយ​ហឺន នអ៝ប់​មា​ងើយ​មឺច​រាម៝ត​កោរាញ​ឞ្រាស។ កោរាញ​ឞ្រាស​មោ​អោស​ឞ្វៃ​ពាង់​ឆ៝ៈ​នាវ​ទើយ​ម៝ត់​អ្វាញ់​ជ៝ៈ ៤២ ខៃ។
REV 13:6 ពាង់​ហា​មឞូង​មឺច​រាម៝ត​កោរាញ​ឞ្រាស រាក​ឆ្វាយ​រាញា​កោរាញ​ឞ្រាស រាក​ឆ្វាយ​នអ៝ប់​មា​នតុក​កោរាញ​ឞ្រាស នទ្រែល​មា​រាក​ឆ្វាយ​ទឹង​លែៈ​ផូង​អី​គុ​តា​កាលើ​ត្រោក​អី​នតុក​កោរាញ​ឞ្រាស​ដ៝ង់។
REV 13:7 កោរាញ​ឞ្រាស​មោ​អោស​ឞ្វៃ​ពាង់​តឹម​លើស​ដាស​ផូង​ប៝ន​លាន​កោរាញ​ឞ្រាស​នើម នអ៝ប់​មា​ទើយ​ពាង់​ដ៝ង់។ ពាង់​ឆ៝ៈ​ទើន​នាវ​ទើយ​មា​ម៝ត់​អ្វាញ់​ទឹង​លែៈ​រាន៝យ​ទែស ទឹង​លែៈ​នទុល​មពោល​ឞូនុយ្ស ទឹង​លែៈ​ផូង​ឞូនុយ្ស​នាវ​ងើយ​អេងៗ នទ្រែល​មា​ទឹង​លែៈ​ឞ្រី​ទាក​ដ៝ង់។
REV 13:8 ជេសរី​ឞូនុយ្ស​តា​នែស​នតូ​អី​មោ​គែស​ញចីស​ឆាក់​តា​ឆ៝ម់បុត​នាវ​រេស​ក៝ន​ឞែ​ឞ្យាប់​នើម​អី​ឞូ​ទែ​ងខឹត ទឹង​លែៈ​ខាន់​ពាង់​អី​នៃ​យើក​មឞាស​មា​មពោមពា​(ឆ្យុម)​អី​នៃ​ទាទេ។ រាញា​ឆាក់​តា​ឆ៝ម់បុត​អី​នៃ​ឞូ​លែៈ​ញចីស​អេ​ល៝រ​មា​នាវ​រាហាក់​ញជេង​នែស​នតូ​នើស។
REV 13:9 ឞូ​ម៝ស​អី​គែស​តោរ​អ៝ន់​ពាង់​អ្យាត់​ងាន់​ហ៝ម់!
REV 13:10 លែៈ​អើម​កោរាញ​ឞ្រាស​អ៝ន់​ឞូនុយ្ស​អាបាៈ​ឞូ​ទែ​ញុប​តេៈ​នទ្រូង‌ ឞូនុយ្ស​អី​នៃ​មរា​គុ​តា​នទ្រូង​ងាន់‌ ពាង់​អ៝ន់​ឞូនុយ្ស​អាបាៈ​ឞូ​ទែ​ងខឹត​មា​ដាវ‌ ឞូនុយ្ស​អី​នៃ​មរា​ខឹត​មា​ដាវ​ងាន់។ លាស​នទ្រី​ផូង​ប៝ន​លាន​កោរាញ​ឞ្រាស​អ៝ន់​ញឆ្រោយ្ស​នឹង​តា​នាវ​ជេរ អ៝ន់​គែស​នាវ​ញឆីង​ន៝ប់។
REV 13:11 ជេស​ឞើស​នៃ​គ៝ប់​ឆៃ​ទូ​មល៝ម់​មពោមពា​(ឆ្យុម)​ទុត​ជាញ​អា​អេង​លោស​ឞើស​នែស គែស​ឞារ​អឹ​ងកែ​តឹម​ឞាន​មា​ងកែ​ក៝ន​ឞែ​ឞ្យាប់ អី​នតែស​ងើយ​ពាង់​តឹម​ឞាន​មា​នតែស​ងើយ​ឞេស​ញុក​ញាក់។
REV 13:12 មពោមពា​(ឆ្យុម)​អី​នៃ​ឆ៝ៈ​ទឹង​លែៈ​នាវ​ទើយ​ឞើស​មពោមពា​(ឆ្យុម)​ត៝ល់​ង្វាយ​អី​លោស​ឞើស​ទាក​វាច់​ទាក​វារ់​នើស ពាង់​ញច៝ប់​ទឹង​លែៈ​ឞូនុយ្ស​តា​នែស​នតូ​អ្យា អ៝ន់​យើក​មឞាស​មា​មពោមពា​(ឆ្យុម)​ត៝ល់​ង្វាយ​អី​គែស​រាមាញ​ឞើយ​មា​ខឹត ជេសរី​ឞាស​នៃ​នើស​ដ៝ង់។
REV 13:13 ពាង់​ជាន​នាវ​គឹត​មឞេន​អេងៗ​ទុត​ក្វ៝ង់​ងាន់ នហ៝​មា​ជាន​អ៝ន់​តុប​អុញ​ឞើស​កាលើ​ត្រោក​តា​នែស​នតូ អ៝ន់​ទឹង​លែៈ​ឞូនុយ្ស​ឆៃ។
REV 13:14 កោរាញ​ឞ្រាស​មោ​អោស​ឞ្វៃ​ពាង់​ជាន​នាវ​គឹត​មឞេន​អេងៗ​អី​តាៈ​ឞើស​នាវ​ទើយ​មពោមពា​(ឆ្យុម)​ត៝ល់​ង្វាយ​នៃ។ មា​នាវ​មឞេន​អី​នៃ​ពាង់​លែវ​ទឹង​លែៈ​ឞូនុយ្ស​អី​គុ​តា​នែស​នតូ​អ៝ន់​ហ្យើត ជេសរី​ពាង់​ដាៈ​ទឹង​លែៈ​ឞូនុយ្ស​អី​គុ​តា​នែស​នតូ​អ៝ន់​ជាន​រូប​មពោមពា​(ឆ្យុម)​អី​រាមាញ​យ៝រ​មា​ដាវ អី​លែៈ​ឞាស​អី​នៃ។
REV 13:15 កោរាញ​ឞ្រាស​មោ​អោស​ឞ្វៃ​ពាង់​ជាន​អ៝ន់​រូប​មពោមពា​(ឆ្យុម)​អី​នៃ​គែស​នហ៝ម់​ញហោរ គៃ​មា​ឞ្លាវ​ងើយ ជេសរី​មពោមពា​(ឆ្យុម)​អី​នៃ​អ៝ន់​ឞូ​ងខឹត​លើយ​ឞូ​ម៝ស​អី​មោ​អុច​អោស​យើក​មឞាស​មា​រូប​មពោមពា​(ឆ្យុម)​អី​នៃ។
REV 13:16 ពាង់​ញច៝ប់​ទឹង​លែៈ​ឞូនុយ្ស នអ៝ប់​មា​ឞូនុយ្ស​ជេៈ ឞូនុយ្ស​ក្វ៝ង់ ឞូនុយ្ស​នទ្រ៝ង់ ឞូនុយ្ស​ក្រ៝ ឞូនុយ្ស​មោ​ទឹក​ឞូ ឞូនុយ្ស​ទឹក​ឞូ អ៝ន់​ឆ៝ៈ​ទើន​ទូ​នទើ​មឞេន​តា​តី​ឞើស​មា មោ​លាស​តា​នទាង់​ក្លែង។
REV 13:17 ជេសរី​ឞូ​ម៝ស​អី​មោ​អោស​គែស​នទើ​មឞេន​អី​នៃ ពាង់​អី​នៃ​មោ​អោស​ទើយ​រាវាត់ ទើយ​តាច់​ទូ​នតីល​នទើ។ មឞេន​អី​នៃ​រាញា​មពោមពា​(ឆ្យុម)​អី​នៃ មោ​លាស​មរោ​រាញា​មពោមពា​(ឆ្យុម)​អី​នៃ។
REV 13:18 អ្យាត់​មា​គែស​នាវ​មឹន​គឹត​ឞ្លាវ​មា​វ៝ត់​នាវ​ខ្លៃ​នទើ​មឞេន​អី​នៃ ឞូ​ម៝ស​អី​គែស​នាវ​ឞ្លាវ អ៝ន់​ពាង់​ឆ៝ៈ​មរោ​មពោមពា​(ឆ្យុម)​អី​នៃ​កើប យ៝រ​លាស​មរោ​អី​នៃ​ជេង​មរោ​រាញា​ឞូនុយ្ស ជេង​មរោ ៦៦៦។
REV 14:1 ជេសរី​គ៝ប់​ឆៃ​ក៝ន​ឞែ​ឞ្យាប់​អី​នៃ​ទ៝ក់​តា​កាលើ​យោក​ឆីយោន  គែស​ឞូនុយ្ស ១៤៤០០០ នុយ្ស​គុ​នទ្រែល​ពាង់ ទឹង​លែៈ​ឞូនុយ្ស​អី​នៃ​លែៈ​គែស​ញចីស​ជេស​រាញា​ក៝ន​ឞែ​ឞ្យាប់ នទ្រែល​មា​រាញា​អី​ឞឹ​ពាង់​នើម​តា​នទាង់​ក្លែង។
REV 14:2 គ៝ប់​តាង់​នតែស​នទើ​តា​កាលើ​ត្រោក​តឹម​ឞាន​មា​ងគោរ​ទាក​ក្វ៝ង់ មោ​លាស​តឹម​ឞាន​មា​នតែស​នត៝រ់​មីស​ទុត​ហោ។ នាវ​នតែស​អី​គ៝ប់​តាង់​នៃ​តឹម​ឞាន​មា​នតែស​មពោល​គ៝ស​គ៝ង​រេង​អ៝ក់​ងាន់។
REV 14:3 ខាន់​ពាង់​អី ១៤៤០០០ នុយ្ស​នៃ មព្រើ​នាវ​មព្រើ​មហែ​តា​ឞើស​នាប់​រានើល​កាដាច់​អី​នៃ តា​ឞើស​នាប់​ព្វាន់​នុយ្ស​នទើ​អី​គែស​នាវ​រេស​អី​នៃ នទ្រែល​មា​តា​ឞើស​នាប់​មពោល ២៤ នុយ្ស​កោរាញ​អី​នៃ។ មោ​គែស​អោស​ទូ​ហ្វេ​ឞូនុយ្ស​អា​អេង​ឞ្លាវ​នតី​នាវ​មព្រើ​អី​នៃ គែស​ផូង​អី ១៤៤០០០ នុយ្ស​អី​លែៈ​កោរាញ​ឞ្រាស​ទែ​ច្វាយ​ឞើស​នែស​នតូ​នើស​ទើម​ឞ្លាវ។
REV 14:4 ទឹង​លែៈ​ខាន់​ពាង់​អី​នៃ​មោ​គែស​អោស​ឞិច​ដាស​មា​ឞូ​អូរ ខាន់​ពាង់​ហោម​អែ​នតាង​ខាត​ទាទេ​ងាន់។ អាស​នតុក​ក៝ន​ឞែ​ឞ្យាប់​ហាន់ ខាន់​ពាង់​ហាន់​តឹង​គ្រ៝យ​ពាង់​តា​នតុក​នៃ​ដ៝ង់។ ពាង់​លែៈ​ច្វាយ​ជេស​ខាន់​ពាង់​ល៝រ​ឞូ​ឞើស​ទឹង​លែៈ​ឞូនុយ្ស ជេង​នទើ​ញហើរ​មា​កោរាញ​ឞ្រាស មា​ក៝ន​ឞែ​ឞ្យាប់​អី​នៃ​ដ៝ង់។
REV 14:5 ទឹង​លែៈ​ខាន់​ពាង់​អី​នៃ​មោ​ព្រ៝ត​ដ៝ង់​ងើយ​មរោស តា​ខាន់​ពាង់​មោ​គែស​អោស​នាវ​មា​នទុយ្ស។
REV 14:6 ជេសរី​គ៝ប់​ឆៃ​ទូ​ហ្វេ​តោង​ពារ់​ជឹត មពារ់​រ៝ៈ​ងគូល​ត្រោក លែវ​នាវ​មហែ​មហាន​អ្វែស​អី​ហោម​បាបើ​នហ៝​រ៝ មា​មឞើស​ងក៝ច​អ៝ន់​មា​ទឹង​លែៈ​ឞូនុយ្ស​តា​នែស​នតូ ទឹង​លែៈ​ឞ្រី​ទាក ទឹង​លែៈ​រាន៝យ​ទែស ទឹង​លែៈ​នាវ​ងើយ នទ្រែល​មា​ទឹង​លែៈ​នទុល​មពោល​ឞូនុយ្ស។
REV 14:7 តោង​ពារ់​អី​នៃ​នតែរ​ទុត​ទាង់​លាស៖ “អ៝ន់​ខាន់​អៃ​មៃ​ក្លាច​យើក​មា​កោរាញ​ឞ្រាស នទ្រែល​មា​រានេ​នាវ​ច្រេក​លើប​ពាង់​ហ៝ម់ យ៝រ​លាស​លែៈ​ត៝ត់​ទី​ម៝ង​ពាង់​ផាត​ទោយ្ស។ អ៝ន់​ខាន់​អៃ​មៃ​យើក​មឞាស​មា​ពាង់​អី​នើម​តើម​ញជេង​ត្រោក នែស​នតូ ទាក​វាច់​ទាក​វារ់ នទ្រែល​មា​ទឹង​លែៈ​តូ​ទាក”។
REV 14:8 គែស​ទូ​ហ្វេ​តោង​ពារ់​ជឹត​ត៝ត់​ឞើស​កើយ​លាស៖ “លែៈ​រាល៝ម់​ងាន់​រ៝! លែៈ​រាល៝ម់​ងាន់​រ៝​ប៝ន​បាបីលោន ​អី​ទុត​ក្វ៝ង់ យ៝រ​លាស​ប៝ន​អី​នៃ​លែៈ​លែវ​ទឹង​លែៈ​ឞូនុយ្ស​តា​ទឹង​លែៈ​ឞ្រី​ទាក​អ៝ន់​ជាន​នាវ​ខើស​ក្លែរ នាវ​តឹម​ទ៝ង់ តឹម​ឞាន​មា​ឞូ​លែវ​ឞូនុយ្ស​អេង​ញេត​នទ្រាញ់​ព្លៃ​យុងយារ​ប៝ន។ នាវ​អី​នៃ​ញជុន​លែវ​អ៝ន់​កោរាញ​ឞ្រាស​ជី​នូយ្ស​តេៈ​ទោយ្ស!”
REV 14:9 គែស​ទូ​ហ្វេ​តោង​ពារ់​ជឹត​ត៝ត់​ឞើស​កើយ​ជេង​តោង​ពារ់​អី​ត៝ល់​ពែ​លាស​ទុត​ទាង់​ងាន់៖ “ឞូ​ម៝ស​អី​យើក​មឞាស​មា​មពោមពា​(ឆ្យុម)​អី​ទុត​ជាញ​នៃ ឞូ​ម៝ស​យើក​មឞាស​មា​រូប​ពាង់​នៃ នអ៝ប់​មា​គែស​ឆ៝ៈ​នាវ​មឞេន​ពាង់​តា​នទាង់​ក្លែង មោ​លាស​តា​តី‌
REV 14:10 ឞូនុយ្ស​អី​នៃ​កោរាញ​ឞ្រាស​អ៝ន់​ញេត​ឞើស​កាច៝ក​នទ្រាញ់​ព្លៃ​យុងយារ​ប៝ន​ពាង់​នើម​អី​មោ​គែស​លាយ​មា​ទាក គែស​នាវ​ខ្លៃ​លាស​កោរាញ​ឞ្រាស​តេៈ​ទោយ្ស​ទុត​ហោ​ងាន់។ ខាន់​ពាង់​ទើន​នាវ​ក្រីត​ជេរ​មា​អុញ​ហីត នទ្រែល​មា​ហីត​ញឆីវ​តា​ឞើស​នាប់​ផូង​តោង​ពារ់​ក្ល៝ស​អ្វែស ឞើស​នាប់​ក៝ន​ឞែ​ឞ្យាប់​នើម។
REV 14:11 អុញ​អី​អ៝ន់​ខាន់​ពាង់​គែស​នាវ​ក្រីត​ជេរ​នៃ នអ៝ប់​មា​ញហូក​អុញ​អី​នៃ​បាបើ​នហ៝​រ៝​ងាន់។ ឞូ​ម៝ស​អី​យើក​មឞាស​មា​មពោមពា​(ឆ្យុម)​អី​ទុត​ជាញ​នៃ នទ្រែល​មា​យើក​មឞាស​មា​រូប​ពាង់​នៃ ឞូនុយ្ស​អី​លែៈ​ឆ៝ៈ​ទើន​ជេស​នាវ​មឞេន​រាញា​ពាង់​នៃ គឹត​លាស​គែស​នាវ​ជេរ​ជ៝ត់​ទឹង​មាង់​ទឹង​នារ​មោ​ហុញ​អោស”។
REV 14:12 លាស​នទ្រី​ផូង​ប៝ន​លាន​កោរាញ​ឞ្រាស អី​ញអោត​នាវ​វៃ​កោរាញ​ឞ្រាស​ដាៈ នទ្រែល​មា​អី​ញឆីង​ន៝ប់​រាក៝ក់​មា​ឞ្រាស​យេឆូ  អ៝ន់​គុ​អ៝ត់​នូយ្ស​នឹង​តា​នាវ​ជេរ។
REV 14:13 ជេសរី​គ៝ប់​តាង់​នតែស​ឞ៝រ់​តា​កាលើ​ត្រោក​លាស​កើត​នអា៖ “អ៝ន់​មៃ​ញចីស​នាវ​អ្យា៖ នតើម​ឞើស​ម៝ង​អ្យា អ្វែស​មអាក​ងាន់​មា​ឞូ​ម៝ស​អី​ខឹត នអ៝ប់​មា​ញឆីង​មា​កោរាញ​យេឆូ ”។ ឞ្រាស​ហ្វេង​អ្វែស​លាស៖ “ទី​ងាន់ អ្វែស​មអាក​ងាន់​មា​ខាន់​ពាង់ យ៝រ​លាស​ខាន់​ពាង់​មរា​គុ​រាលូ មោ​ហោម​អោស​គែស​នាវ​រាអាស​រាគាញ់​ជឹត យ៝រ​លាស​ទឹង​លែៈ​នទើ​ខាន់​ពាង់​ជាន​នើស​គែស​នទើ​ងខោម​ងាន់​មា​ខាន់​ពាង់​នើម”។
REV 14:14 ជេសរី​គ៝ប់​ឆៃ​ទូ​រាច្វាល់​តុក​ងលាង គែស​ទូ​ហ្វេ​គុ​តា​នទ៝រ់​តុក​នៃ ពាង់​តឹម​ឞាន​មា​ក៝ន​ឞូនុយ្ស។ ពាង់​នទោ​មោក​កាដាច់​អី​ជាន​មា​មាយ្ស នអ៝ប់​មា​ញអោត​ទូ​មល៝ម់​ញអែវ​ទុត​ឆោត​តា​តី​ពាង់​នើម។
REV 14:15 ល៝ង់​គែស​ទូ​ហ្វេ​តោង​ពារ់​ជឹត​លោស​តាៈ​ឞើស​ញីស​ជាន​ឞ្រាស​មា​កោរាញ​ឞ្រាស នតែរ​ទុត​ទាង់​ងាន់​លាស​មា​ពាង់​អី​គុ​តា​នទ៝រ់​តុក​អី​នៃ៖ “ឆ៝ៈ​ញអែវ​មៃ​នើម​នៃ​រែក​ហ៝ម់! លែៈ​ទី​ម៝ង​រែក​ជេស យ៝រ​លាស​នទើ​តា​នែស​នតូ​លែៈ​ទុម​ជេស”។
REV 14:16 ជេសរី​ពាង់​អី​គុ​តា​នទ៝រ់​តុក​នៃ រែក​នែស​នតូ​មា​ញអែវ នែស​នតូ​រែក​ជេស​លែៈ​ផ្យៅ។
REV 14:17 ជេសរី​គែស​ទូ​ហ្វេ​តោង​ពារ់​ជឹត​លោស​តាៈ​ឞើស​ញីស​ជាន​ឞ្រាស​មា​កោរាញ​ឞ្រាស​តា​កាលើ​ត្រោក ពាង់​ញអោត​ទូ​មល៝ម់​ញអែវ​ទុត​ឆោត​ដ៝ង់។
REV 14:18 គែស​ទូ​ហ្វេ​តោង​ពារ់​ជឹត​អី​កោរាញ​មា​អុញ លោស​ឞើស​នតុក​ញឆឺង​ជាន​ឞ្រាស ពាង់​លាស​ទុត​ទាង់​ងាន់​មា​តោង​ពារ់​អី​ញអោត​ញអែវ​ទុត​ឆោត​នៃ៖ “ឆ៝ៈ​ញអែវ​មៃ​អី​ទុត​ឆោត​នៃ ក៝ស​ហ៝ម់​រាយោក​ព្លៃ​យុងយារ​ប៝ន​តា​តើម​តា​នែស​នតូ យ៝រ​លាស​លែៈ​ទុម​ជេស!”
REV 14:19 ជេសរី​តោង​ពារ់​អី​នៃ​រែក​នែស​នតូ​មា​ញអែវ​ពាង់​នើម រាគូម​ព្លៃ​យុងយារ​ប៝ន​អី​នៃ​ជេស​លែៈ​ផ្យៅ ជេសរី​ពាង់​ងក្លាច់​ព្លៃ​អី​នៃ​តា​ត្រោម​នតុក​ញជ៝ត​ព្លៃ​យុងយារ​ប៝ន​ទុត​ក្វ៝ង់ គែស​នាវ​ខ្លៃ​លាស កោរាញ​ឞ្រាស​ជី​នូយ្ស​តេៈ​ទោយ្ស​មា​ទឹង​លែៈ​ឞូនុយ្ស​តា​នែស​នតូ។
REV 14:20 នតុក​អី​នៃ​ឞើស​ទីស​ប៝ន ឞូ​ជ៝ត​មពែត​ព្លៃ​យុងយារ​ប៝ន​អី​នៃ លោស​មហាម​ហ៝ច​លោស​ឞើស​នតុក​អី​នៃ​ព្រេស​ត៝ត់​មឞូង​ឆែស​ងាន់ ងាយ​ហ៝ច​មហាម​អី​នៃ​ក្លាប់​លាស ៣០០ កីលោមែត។
REV 15:1 ជេសរី​គ៝ប់​ឆៃ​នាវ​គឹត​មឞេន​ង្វាយ​ជឹត​តា​កាលើ​ត្រោក នាវ​គឹត​មឞេន​អី​នៃ​ទុត​ក្វ៝ង់​នទ្រ៝ត់​ហីស​រាហ៝ល់​ងាន់ គែស​ពើស​នុយ្ស​តោង​ពារ់​ញអោត​ពើស​អឹ​នាវ​ជេរ​ងគ្លែៈ​ទុត ជេង​នាវ​ជេរ​ងគ្លែៈ​ទុត យ៝រ​លាស​តា​នាវ​ជេរ​អី​នៃ​នាវ​កោរាញ​ឞ្រាស​ជី​នូយ្ស​តេៈ​ទោយ្ស​មា​ទឹង​លែៈ​ឞូនុយ្ស​តា​នែស​នតូ​អ្យា​លែៈ​លោច​ជេស។
REV 15:2 ជេសរី​គ៝ប់​ឆៃ​ទាក​វាច់​ទាក​វារ់​រាឆាង​តឹម​ឞាន​មា​លុ​ងលាង​តឹម​លាយ​ដាស​អុញ ជេសរី​ឞូ​ម៝ស​អី​លែៈ​ទើយ​ដាស​មពោមពា​(ឆ្យុម)​អី​ទុត​ជាញ​អី​នៃ ដាស​រូប​ពាង់ យ៝រ​លាស​ខាន់​ពាង់​មោ​អោស​យើក​មឞាស​មា​មពោមពា​(ឆ្យុម)​អី​នៃ នទ្រែល​មា​មោ​អោស​អ៝ន់​ឞូ​តេៈ​មឞេន​មរោ​រាញា​ពាង់​តា​ឆាក់​ខាន់​ពាង់​នើម ខាន់​ពាង់​ទ៝ក់​តា​មែង​ទាក​វាច់​ទាក​វារ់​អី​នៃ នអ៝ប់​មា​ញអោត​គ៝ង​រេង​អី​កោរាញ​ឞ្រាស​លែៈ​អ៝ន់​មា​ខាន់​ពាង់​នើស។
REV 15:3 ជេសរី​ខាន់​ពាង់​មព្រើ​នាវ​មព្រើ​មោឆេ ​អី​នើម​ឆើម​កើល​ជាន​ការ​មា​កោរាញ​ឞ្រាស នទ្រែល​មា​នាវ​មព្រើ​ក៝ន​ឞែ​ឞ្យាប់​នើម​កើត​នអា៖ “អើ​កោរាញ​ឞ្រាស មៃ​ទុត​គែស​នាវ​ទើយ​មា​ទឹង​លែៈ​នតីល​នទើ‌ នទើ​មៃ​នើម​ជាន​ទុត​ក្វ៝ង់‌ ជេសរី​ទុត​នាវ​ងាន់! មៃ​អី​កាដាច់​ទឹង​លែៈ​ឞ្រី​ទាក​អើយ‌ ទឹង​លែៈ​នទើ​មៃ​ជាន​លែៈ​ឆ៝ង់ លែៈ​ទី​ទាទេ​ងាន់!
REV 15:4 អើ​កោរាញ​ឞ្រាស! ទឹង​លែៈ​ឞូនុយ្ស​ក្លាច​យើក​មា​មៃ​ទាទេ! ទឹង​លែៈ​ឞូនុយ្ស​រានេ​មៃ​ទាទេ‌ យ៝រ​លាស​គែស​ទូ​ហ្វេ​មៃ​ទើម​អី​ក្ល៝ស​អ្វែស។ ទឹង​លែៈ​ឞូនុយ្ស​ទឹង​លែៈ​ឞ្រី​ទាក​មរា​ហាន់​យើក​មឞាស​មា​មៃ​ទាទេ‌ យ៝រ​លាស​ខាន់​ពាង់​ឆៃ​នហេល​នាវ​មៃ​ជាន​ឆ៝ង់​ងាន់”។
REV 15:5 ឞើស​កើយ​នៃ​ជឹត គ៝ប់​អ្វាញ់​ឆៃ​មពោង​ញីស​ជាន​ឞ្រាស​មា​កោរាញ​ឞ្រាស​តា​កាលើ​ត្រោក​ជេង​ចូន​ឞ៝ក​ជាន​ឞ្រាស​ពើក​ឞ៝ង់​រាបឺក។
REV 15:6 ជេសរី​ពើស​នុយ្ស​តោង​ពារ់​លោស​ឞើស​ញីស​ជាន​ឞ្រាស​អី​នៃ ញអោត​ពើស​អឹ​នាវ​ជេរ គែស​ញឆ៝ស​ងគូត​មា​ឞ៝ក​លាយ្ស​ងលាង​ក្ល៝ស​អាង​ងាន់ ជេសរី​គែស​រាឆែ​មាយ្ស​ក៝ត់​តា​នតាង​នតើស​ដ៝ង់។
REV 15:7 គែស​ទូ​ហ្វេ​នទើ​តា​ព្វាន់​នុយ្ស​នទើ​អី​គែស​នាវ​រេស​អី​នៃ អ៝ន់​ងាន​មាយ្ស​ពើស​អឹ​មា​ពើស​នុយ្ស​តោង​ពារ់​នៃ។ តា​ត្រោម​ងាន​មាយ្ស​នៃ​គែស​ឞេង​មា​នាវ​កោរាញ​ឞ្រាស​តេៈ​ទោយ្ស កោរាញ​ឞ្រាស​អី​គុ​រេស​បាបើ​នហ៝​រ៝។
REV 15:8 តា​ត្រោម​ញីស​ជាន​ឞ្រាស​រី​គែស​ឞេង​មា​នាវ​ញហូក​ថុល​នាវ​ច្រេក​លើប​កោរាញ​ឞ្រាស​នើម នទ្រែល​មា​នាវ​ទើយ​កោរាញ​ឞ្រាស​នើម មោ​អោស​គែស​ទូ​ហ្វេ​ទើយ​លាប់​តា​ត្រោម​នៃ នហ៝​មា​លែៈ​លោច​ពើស​អឹ​នាវ​ជេរ​អី​តាៈ​ឞើស​ពើស​នុយ្ស​តោង​ពារ់​មើ​ទើយ​លាប់។
REV 16:1 ជេសរី​គ៝ប់​តាង់​នតែស​ឞ៝រ់​ទុត​ទាង់​ងាន់​ឞើស​ញីស​ជាន​ឞ្រាស​រី លាស​មា​ពើស​នុយ្ស​តោង​ពារ់​នៃ៖ “ហាន់​ហ៝ម់ ងខុត​ហ៝ម់​ពើស​អឹ​ងាន​អី​គែស​នាវ​កោរាញ​ឞ្រាស​តេៈ​ទោយ្ស​នៃ​តា​នែស​នតូ!”
REV 16:2 តោង​ពារ់​ត៝ល់​ង្វាយ​ហាន់​ងខុត​ងាន​ពាង់​នើម​នៃ​តា​កើស​តា​នែស​នតូ ជេសរី​ទឹង​លែៈ​ឞូនុយ្ស​អី​គែស​នាវ​មឞេន​មពោមពា​(ឆ្យុម)​ទុត​ជាញ​នើស នទ្រែល​មា​យើក​មឞាស​មា​រូប​ពាង់​នើស គែស​នាវ​ឆោត​រាហ៝ក​ជី​ទុត​ហោ​ងាន់។
REV 16:3 តោង​ពារ់​ត៝ល់​ឞារ​ងខុត​ងាន​ពាង់​នើម​នៃ​តា​ទាក​វាច់​ទាក​វារ់ ជេសរី​ទាក​វាច់​ទាក​វារ់​ជេង​មហាម​តឹម​ឞាន​មា​មហាម​ឞូនុយ្ស​លែៈ​ខឹត ជេសរី​ទឹង​លែៈ​នទើ​អី​រេស​តា​ទាក​វាច់​ទាក​វារ់​នៃ​ខឹត​រុង​ខឹត​រាចាៈ​លែៈ​ផ្យៅ។
REV 16:4 តោង​ពារ់​ត៝ល់​ពែ​ងខុត​ងាន​ពាង់​នើម​នៃ​តា​ទឹង​លែៈ​ទាក​រាលាយ តា​ទឹង​លែៈ​តូ​ទាក ជេសរី​ទឹង​លែៈ​ទាក​អី​នៃ​ជេង​មហាម​ទាទេ។
REV 16:5 ជេសរី​គ៝ប់​តាង់​តោង​ពារ់​អី​កោរាញ​មា​ទាក​លាស៖ “អើ កោរាញ​ឞ្រាស មៃ​គុ​រេស មៃ​លែៈ​អើម​គុ​រេស មៃ​នើម​ក្ល៝ស​អ្វែស។ មៃ​ផាត​ទោយ្ស​តា​នាវ​អ្យា​ឆ៝ង់​ងាន់‌
REV 16:6 យ៝រ​លាស​ផូង​ឞូនុយ្ស​អី​មៃ​តេៈ​ទោយ្ស​អ្យា ខាន់​ពាង់​លែៈ​ងខឹត​លែៈ​ញចាយ​មហាម​ផូង​ប៝ន​លាន​មៃ​នើម នទ្រែល​មា​ផូង​ឞូនុយ្ស​នតើយ្ស​នាវ​ងើយ​មៃ‌ កើត​នទ្រី​អាបៃ​អ្យា​មៃ​អ៝ន់​ខាន់​ពាង់​ញេត​មហាម‌ ញឆុច​ដេៈ​ខាន់​ពាង់!”
REV 16:7 ជេសរី​គ៝ប់​តាង់​នតែស​ឞ៝រ់​ឞើស​ញឆឺង​ជាន​ឞ្រាស​លាស​កើត​នអា៖ “អើ​កោរាញ​ឞ្រាស មៃ​ទុត​គែស​នាវ​ទើយ​មា​ទឹង​លែៈ​នតីល​នទើ‌ ទី​ងាន់ ឆ៝ង់​ងាន់ ទឹង​លែៈ​នាវ​មៃ​ផាត​ទោយ្ស!”
REV 16:8 តោង​ពារ់​ត៝ល់​ព្វាន់​ងខុត​ងាន​ពាង់​នើម​តា​នារ ជេសរី​នារ​គែស​នាវ​ទាង់ ជាន​អ៝ន់​ឞូនុយ្ស​ទោស​អ្យែស​ងាន់​យ៝រ​មា​ទោស​ហោ​អីរ។
REV 16:9 ទឹង​លែៈ​ឞូនុយ្ស​ទោ​រាហ៝ក​យ៝រ​មា​ទោស​ហោ​អីរ​ងាន់ យើន​មា​ខាន់​ពាង់​មោ​អោស​រាគ៝ល់​លើយ​នូយ្ស​នហ៝ម់​អ្យើស មោ​អោស​រានេ​នាវ​ច្រេក​លើប​កោរាញ​ឞ្រាស ខាន់​ពាង់​រាក​ថាម់​កោរាញ​ឞ្រាស​អី​គែស​នាវ​ទើយ​មា​ទឹង​លែៈ​នាវ​ជេរ​អី​នៃ។
REV 16:10 តោង​ពារ់​ត៝ល់​ព្រាម់​ងខុត​ងាន​ពាង់​នើម​តា​រានើល​កាដាច់​មពោមពា​(ឆ្យុម)​ទុត​ជាញ​នៃ ជេសរី​ឞ្រី​ទាក​អី​ពាង់​ម៝ត់​អ្វាញ់​ជេង​ង៝។ ទឹង​លែៈ​ឞូនុយ្ស​លែវ​ឞាល់​កាប់​មព្យាត់​ខាន់​ពាង់​នើម យ៝រ​មា​នាវ​រេស​រាញាល់​ហោ​អីរ​ហោ​អារ​ងាន់។
REV 16:11 ខាន់​ពាង់​លែវ​ឞាល់​រាក​ថាម់​កោរាញ​ឞ្រាស​អី​គុ​តា​កាលើ​ត្រោក យ៝រ​មា​រេស​រាញាល់​ហោ​អីរ នទ្រែល​មា​ឆោត​រាហ៝ក​តា​ឆាក់​ខាន់​ពាង់​នើម។ លែៈ​ទាស​នៃ​ហើយ្ស​គែស​នាវ​រេស​រាញាល់ យើន​មា​ហោម​អែ​មា​ខាន់​ពាង់​មោ​រាគ៝ល់​លើយ​នូយ្ស​នហ៝ម់​អ្យើស​មោ​ឞាស​ជាន​អ្យើស។
REV 16:12 តោង​ពារ់​ត៝ល់​ព្រាវ​ងខុត​ងាន​ពាង់​នើម​តា​ទាក​រាលាយ​ក្វ៝ង់ ជេង​ទាក​រាលាយ​អើប្រាត  ជេសរី​ទាក​រាលាយ​អើប្រាត ​ឆ្វាត់​លែៈ​ផ្យៅ គៃ​មា​គែស​ត្រ៝ង​អ៝ន់​មា​មពោល​កាដាច់​តាៈ​ឞើស​លោស​នារ​ហាន់។
REV 16:13 ជេសរី​គ៝ប់​ឆៃ​ពែ​ហ្វេង​ឞ្រាស​អ្យើស​តឹម​ឞាន​មា​កឹត ង្វាយ​លោស​ឞើស​មឞូង​ឞេស​ញុក​ញាក់ ង្វាយ​លោស​ឞើស​មឞូង​មពោមពា​(ឆ្យុម)​អី​ទុត​ជាញ​នៃ ង្វាយ​ជឹត​លោស​ឞើស​មឞូង​ឞូនុយ្ស​នតើយ្ស​ងក្លាៈ​នាវ​ងើយ​កោរាញ​ឞ្រាស‌
REV 16:14 ទឹង​លែៈ​ហ្វេង​អី​នៃ​ជេង​ហ្វេង​ឞ្រាស​អ្យើស។ ខាន់​ពាង់​ជាន​នាវ​គឹត​មឞេន​អេងៗ​ងាន់ នអ៝ប់​មា​ហាន់​តា​មពោល​កាដាច់​លាម​នែស​នតូ គៃ​មា​រាគូម​មពោល​កាដាច់​អី​នៃ​អ៝ន់​តឹម​លើស​តា​នារ​អី​ទុត​ក្វ៝ង់​ងាន់​ជេង​នារ​កោរាញ​ឞ្រាស​ផាត​ទោយ្ស កោរាញ​ឞ្រាស​អី​ទុត​គែស​នាវ​ទើយ​មា​ទឹង​លែៈ​នតីល​នទើ។
REV 16:15 - ឞ្រាស​យេឆូ ​លាស៖ “ល៝ង់​គ៝ប់​វាច់​ឞូ​មោ​អោស​គឹត​ម៝ស​ម៝ង តឹម​ឞាន​មា​ឞូ​មោ​អោស​គឹត​ម៝ស​ម៝ង​ឞូនុយ្ស​ហាន់​នតុង! អ្វែស​មអាក​ងាន់​មា​ឞូ​ម៝ស​អី​ហោម​គុ​រាងែស​ញជ្រាង់​ឆាក់​ហោម​ញឆីង​ន៝ប់ ខាន់​ពាង់​តឹម​ឞាន​មា​គែស​ឞ៝ក​ងគូត​អាវ​ញឆ៝ស​ងក្រូម​ឆាក់​ជាន់​ខាន់​ពាង់ មោ​អោស​គុ​លាហោក​អ៝ន់​ឞូ​ឆៃ​នាវ​ដីត​ព្រេង!” -
REV 16:16 ជេសរី​ហ្វេង​អ្យើស​អី​នៃ​រាគូម​ទឹង​លែៈ​មពោល​កាដាច់​អី​នៃ​អ៝ន់​គុ​ទូ​នតុក តា​នាវ​ងើយ​ហេឞ្រើ ​លាស​នតុក​អី​នៃ៖ «ហារមាកេដោន »។
REV 16:17 តោង​ពារ់​ត៝ល់​ពើស​ងខុត​ងាន​ពាង់​នើម​តា​ត្រោក ជេសរី​គែស​នតែស​ឞ៝រ់​ទុត​ទាង់​ឞើស​រានើល​កាដាច់​តា​ត្រោម​ញីស​ជាន​ឞ្រាស​មា​កោរាញ​ឞ្រាស លាស​កើត​នអា៖ “លែៈ​ជេស​លែៈ​ផ្យៅ​ហើយ!”
REV 16:18 នោក​នៃ​គែស​លើប​ងលាយ្ស គែស​នតែស​នត៝រ់​មីស នអ៝ប់​មា​គែស​ងលាយ្ស នទ្រែល​មា​គែស​ងគារ់​នែស​នតូ​ទុត​ហោ​ងាន់ មោ​អោស​ព្រ៝ត​គែស​ងគើ​នែស​នតូ​កើត​នៃ​នតើម​ឞើស​គែស​ឞូនុយ្ស​តា​នែស​នតូ។
REV 16:19 ប៝ន​បាបីលោន ​អី​ទុត​ក្វ៝ង់​លែៈ​តឹម​ងខាស​ជេង​ពែ​អឹ ល៝ង់​ទឹង​លែៈ​ប៝ន​ទឹង​លែៈ​ឞ្រី​ទាក​រាល៝ម់។ នោក​នៃ​កោរាញ​ឞ្រាស​ហោម​កាស​គឹត​មា​ប៝ន​បាបីលោន ពាង់​តេៈ​ទោយ្ស​មា​ប៝ន​អី​នៃ​អ៝ន់​ឞូនុយ្ស​តា​ប៝ន​អី​នៃ​តឹម​ឞាន​មា​ញេត​ញុល​នទ្រាញ់​ព្លៃ​យុងយារ​ប៝ន​តា​កាច៝ក​អី​ពាង់​ទុត​ជី​នូយ្ស​តេៈ​ទោយ្ស។
REV 16:20 ជេសរី​ទឹង​លែៈ​គោល​ទាក​រ៝ស​លែៈ​ផ្យៅ ទឹង​លែៈ​យោក​ឞូ​អ្វាញ់​មោ​ហោម​ឆៃ​ជឹត​អោស។
REV 16:21 គែស​ព្លែរ​ទុត​ក្វ៝ង់ៗ​តុប​ឞើស​កាលើ​ត្រោក​តា​ផូង​ឞូនុយ្ស ព្លែរ​ង្វាយៗ​ជ៝ក់​ក្លាប់​លាស ៣០ កីលោគ្រាម។ ជេសរី​ខាន់​ពាង់​រាក​ថាម់​កោរាញ​ឞ្រាស យ៝រ​មា​នាវ​ជេរ​មា​ព្លែរ​អី​នៃ អ៝ន់​គែស​នាវ​រេស​រាញាល់​អី​នៃ​ទុត​ហោ​ងាន់។
REV 17:1 ជេស​ឞើស​នៃ​គែស​ទូ​ហ្វេ​តោង​ពារ់​តា​ពើស​នុយ្ស​ផូង​តោង​ពារ់​អី​លែៈ​ងខុត​ពើស​អឹ​ងាន​អី​នៃ ហាន់​តា​គ៝ប់​នអ៝ប់​មា​លាស៖ “ហាន់​នទ្រែល​គ៝ប់ គ៝ប់​អុច​ញហើ​អ៝ន់​មៃ​ឆៃ​នាវ​តេៈ​ទោយ្ស​មា​ឞូ​អូរ​វាង់​តឹរ​អី​ឞូ​លឺ​អី​គុ​កេង​នតុក​អ៝ក់​គែស​នហ៝ង​ទាក។
REV 17:2 កាដាច់​លាម​នែស​នតូ​លែៈ​តឹម​ទ៝ង់​ខើស​ក្លែរ​នទ្រែល​ឞូ​អូរ​អី​នៃ ជេសរី​ទឹង​លែៈ​ឞូនុយ្ស​តា​នែស​នតូ​តឹម​ឞាន​មា​ញុល​នទ្រាញ់ យ៝រ​មា​ជាន​តឹង​នាវ​ខើស​ក្លែរ​ពាង់​ដ៝ង់”។
REV 17:3 ជេសរី​តោង​ពារ់​អី​នៃ​លែវ​គ៝ប់​ហាន់​តា​ឞ្រី​រាទាស​តាៈ​ឞើស​នាវ​ទើយ​ឞ្រាស​ហ្វេង​អ្វែស។ តា​នតុក​នៃ​គ៝ប់​ឆៃ​ទូ​ហ្វេ​ឞូ​អូរ​ញច៝​តា​កាលើ​ទូ​មល៝ម់​មពោមពា​(ឆ្យុម) មពោមពា​(ឆ្យុម)​អី​នៃ​ទុម​ងាន់ លាម​ឆាក់​ពាង់​គែស​ញចីស​រាញា​អេងៗ ជេង​រាញា​មឺច​រាម៝ត​កោរាញ​ឞ្រាស។ មពោមពា​(ឆ្យុម)​អី​នៃ​គែស​ពើស​អឹ​ឞោក នទ្រែល​មា​គែស​ជឹត​អឹ​ងកែ។
REV 17:4 ឞូ​អូរ​អី​នៃ​ញឆ៝ស​ងគូត​មា​ឞ៝ក​ឆូត មា​ឞ៝ក​គុរ នអ៝ប់​មា​ងក្រឹ​ឆាក់​ពាង់​មា​មាយ្ស មា​លុ​ខ្លៃ មា​អ៝ក់​លុ​ពិច​មល៝ម់​(លុ​គ្ល៝)។ តា​តី​ពាង់​រី ញអោត​ទូ​មល៝ម់​កាច៝ក​មាយ្ស តា​កាច៝ក​អី​នៃ​ឞេង​មា​នាវ​បឹ​បើច នាវ​អ្យើស​ខើស​ក្លែរ​ពាង់​នើម​ងាន់។
REV 17:5 តា​នទាង់​ក្លែង​ពាង់​គែស​ញចីស​រាញា​នាវ​ហោរ​លាស​កើត​នអា៖ «ប៝ន​បាបីលោន ​អី​ទុត​ក្វ៝ង់ ជេង​អី​មែ​មា​ផូង​ឞូ​អូរ​វាង់​តឹរ ជេង​អី​មែ​មា​ទឹង​លែៈ​នាវ​បឹ​បើច​តា​នែស​នតូ»។
REV 17:6 គ៝ប់​ឆៃ​ឞូ​អូរ​អី​នៃ​ញុល​មា​មហាម​ងខឹត​អ៝ក់​ផូង​ប៝ន​លាន​កោរាញ​ឞ្រាស នទ្រែល​មា​មហាម​ផូង​អី​ញឆីង​រាប់​ជាប់​មា​ឞ្រាស​យេឆូ ។ នោក​គ៝ប់​ឆៃ​ពាង់ គ៝ប់​នទ្រ៝ត់​ហីស​រាហ៝ល់​ងាន់។
REV 17:7 តោង​ពារ់​អី​នៃ​លាស​មា​គ៝ប់៖ “មើម​មៃ​គែស​នាវ​នទ្រ៝ត់​ហីស​រាហ៝ល់​កើត​នៃ? គ៝ប់​មឞើស​ងក៝ច​អ៝ន់​មៃ​គឹត​នាវ​នទ៝ប់​មពោន​តា​ឞូ​អូរ​អី​នៃ នទ្រែល​មា​មឞើស​ងក៝ច​នាវ​នទ៝ប់​មពោន​តា​មពោមពា​(ឆ្យុម)​អី​ពាង់​ញច៝​គែស​ពើស​អឹ​ឞោក ជឹត​អឹ​ងកែ​នៃ។
REV 17:8 មពោមពា​(ឆ្យុម)​អី​មៃ​ឆៃ​នៃ ឞើស​នតើម​នើស​គែស​នាវ​រេស យើន​មា​អាបៃ​អ្យា​មោ​ហោម​រេស​អោស ពាង់​មរា​លោស​ឞើស​នតូ​ឞ្រ៝ង់ ជេសរី​រ៝ស​លេក​តៃ។ ទឹង​លែៈ​ឞូនុយ្ស​អី​គុ​តា​នែស​នតូ​អី​មោ​គែស​កោរាញ​ឞ្រាស​ញចីស​រាញា​ឆាក់​តា​ឆ៝ម់បុត​នាវ​រេស​ឞើស​នតើម​គែស​នែស​នតូ ខាន់​ពាង់​គែស​នាវ​នទ្រ៝ត់​ហីស​រាហ៝ល់​ងាន់ យ៝រ​លាស​ឆៃ​មពោមពា​(ឆ្យុម)​អី​នៃ​ពាង់​ឞើស​នតើម​នើស​គែស​នាវ​រេស អាបៃ​អ្យា​មោ​គែស​ជឹត​អោស ជេសរី​ឆៃ​តៃ​ពាង់។
REV 17:9 ឞូ​ម៝ស​អី​គែស​នាវ​មឹន​គឹត​ឞ្លាវ​វ៝ត់​នាវ​អ្យា៖ ពើស​អឹ​ឞោក​អី​នៃ អុច​ងើយ​មា​ពើស​អឹ​យោក​នតុក​ឞូ​អូរ​អី​នៃ​គុ នទ្រែល​មា​អុច​ងើយ​មា​ពើស​នុយ្ស​កាដាច់​ដ៝ង់។
REV 17:10 តា​មពោល​កាដាច់​អី​នៃ​ព្រាម់​នុយ្ស​លែៈ​រ៝ស​ជេស ទូ​ហ្វេ​ហោម​ជាន​កាដាច់ ជេសរី​អី​ទូ​ហ្វេ​ជឹត​អេ​ហ៝ៈ​អោស​ជាន។ ត៝ត់​ពាង់​ជាន​កាដាច់ ពាង់​ជាន​កាដាច់​មោ​ជ៝ៈ​អោស។
REV 17:11 ល៝ង់​មពោមពា​(ឆ្យុម)​អី​មៃ​ឆៃ​នៃ អី​ឞើស​នតើម​នើស​គែស​នាវ​រេស យើន​មា​អាបៃ​អ្យា​មោ​ហោម​រេស​អោស ពាង់​ជាន​កាដាច់​ត៝ល់​ផាម។ ពាង់​ជេង​តា​មពោល​កាដាច់​អី​ពើស​នុយ្ស​នៃ​ដ៝ង់ ជេសរី​មរា​ខឹត​រ៝ស​លេក។
REV 17:12 ជឹត​អឹ​ងកែ​អី​មៃ​ឆៃ​នៃ អី​នៃ​ជេង​ជឹត​នុយ្ស​កាដាច់​អី​អេ​ហ៝ៈ​អោស​ជាន​កាដាច់ យើន​មា​ខាន់​ពាង់​មរា​ជាន​កាដាច់​ជ៝ៈ​ទូ​ម៝ង​ទើម​នទ្រែល​មពោមពា​(ឆ្យុម)​អី​នៃ។
REV 17:13 ទឹង​លែៈ​កាដាច់​អី​នៃ​គែស​នាវ​មឹន​ទូ​នតោរ​នាវ​ទើម ជាវ​នាវ​ទើយ​ខាន់​ពាង់​នើម នអ៝ប់​មា​នាវ​ម៝ត់​អ្វាញ់​អ៝ន់​មា​មពោមពា​(ឆ្យុម)​អី​នៃ។
REV 17:14 ទឹង​លែៈ​កាដាច់​អី​នៃ​មរា​លែវ​ឞាល់​តឹម​លើស​ដាស​ក៝ន​ឞែ​ឞ្យាប់ យើន​មា​ទើយ​ក៝ន​ឞែ​ឞ្យាប់ យ៝រ​លាស​ពាង់​អី​កោរាញ​ក្វ៝ង់​រាលាវ​មា​ទឹង​លែៈ​កោរាញ ពាង់​អី​កាដាច់​ក្វ៝ង់​រាលាវ​មា​ទឹង​លែៈ​កាដាច់។ ល៝ង់​ទឹង​លែៈ​ផូង​អី​គុ​នទ្រែល​ក៝ន​ឞែ​ឞ្យាប់ លែៈ​កោរាញ​ឞ្រាស​ទែ​ក្វាល់ លែៈ​កើយ្ស​ខាន់​ពាង់ ខាន់​ពាង់​ជេង​ផូង​អី​រាប់​ជាប់​មា​ពាង់​ទាទេ”។
REV 17:15 តោង​ពារ់​អី​នៃ​លាស​តៃ​មា​គ៝ប់៖ “អ៝ក់​នហ៝ង​ទាក​អី​មៃ​ឆៃ​នៃ តា​នតុក​ឞូ​អូរ​វាង់​តឹរ​គុ​នើស ជេង​មឞេន​មា​ផូង​នទុល​មពោល​ឞូនុយ្ស ផូង​ឞូនុយ្ស​អ៝ក់ ផូង​ឞូនុយ្ស​ឞ្រី​ទាក​អេងៗ នទ្រែល​មា​ផូង​ឞូនុយ្ស​នាវ​ងើយ​អេងៗ។
REV 17:16 ជឹត​អឹ​ងកែ​អី​មៃ​ឆៃ​នៃ នអ៝ប់​មា​មពោមពា​(ឆ្យុម)​អី​នៃ មរា​ជី​ឞ្យាញ់​មា​ឞូ​អូរ​វាង់​តឹរ​អី​នៃ ខាន់​ពាង់​មរា​លើស​ហេង​ពាង់ អ៝ន់​ពាង់​គុ​លាហោក ឆា​មលៃ​ពាង់ នទ្រែល​មា​ឆ៝ៈ​ពូរ​ពាង់​តា​អុញ​ជឹត‌​
REV 17:17 យ៝រ​លាស​កោរាញ​ឞ្រាស​អ៝ន់​នាវ​មឹន​មា​ជឹត​អឹ​ងកែ អ៝ន់​ខាន់​ពាង់​ជាន​នទើ​អី​ពាង់​លែៈ​អុច។ នទ្រី​ខាន់​ពាង់​ទូ​នតោរ​នាវ​ជាវ​នាវ​ទើយ​ខាន់​ពាង់​នើម នអ៝ប់​មា​នាវ​ម៝ត់​អ្វាញ់​អ៝ន់​មា​មពោមពា​(ឆ្យុម)​អី​នៃ នហ៝​មា​ត៝ត់​នាវ​ងើយ​កោរាញ​ឞ្រាស​លែៈ​ត៝ត់​ងាន់។
REV 17:18 ល៝ង់​ឞូ​អូរ​អី​មៃ​ឆៃ​នៃ​នើស ជេង​មឞេន​មា​ប៝ន​ទុត​ក្វ៝ង់​អី​ម៝ត់​អ្វាញ់​ទឹង​លែៈ​កាដាច់​តា​នែស​នតូ”។
REV 18:1 ឞើស​កើយ​នៃ គ៝ប់​ឆៃ​ទូ​ហ្វេ​តោង​ពារ់​អី​ជុរ​ឞើស​កាលើ​ត្រោក​នតុក​កោរាញ​ឞ្រាស​នើម តោង​ពារ់​អី​នៃ​គែស​នាវ​ទើយ​ហោ​ងាន់ ជេសរី​នាវ​ច្រេក​លើប​ពាង់​អាង​លាម​នែស​នតូ​ងាន់។
REV 18:2 ពាង់​នតែរ​ទុត​នតែស៖ “ប៝ន​បាបីលោន ​អី​ទុត​ក្វ៝ង់​លែៈ​រាល៝ម់​ងាន់​ជេស! ពាង់​លែៈ​រាល៝ម់​ងាន់​ជេស! ប៝ន​អី​អ្យា​លែៈ​ជេង​នតុក​គុ​ផូង​ឞ្រាស​អ្យើស‌ ជេង​នតុក​ឞ្រោៈ​រាឆ៝ង​អាប់​នតីល​ឞ្រាស​បឹ​បើច‌ នទ្រែល​មា​លែៈ​ជេង​រាឆ្វាន់​អាប់​នតីល​ឆ្យុម​នារ​អី​មោ​ក្ល៝ស​អី​បឹ​បើច‌
REV 18:3 យ៝រ​លាស​ប៝ន​អី​នៃ​លែវ​ទឹង​លែៈ​ឞូនុយ្ស​ទឹង​លែៈ​ឞ្រី​ទាក​ជាន​អ្យើស​ជាន​តឹង​នាវ​ខើស​ក្លែរ នាវ​តឹម​ទ៝ង់​ពាង់‌ តឹម​ឞាន​មា​ឞូ​ញេត​នទ្រាញ់​ព្លៃ​យុងយារ​ប៝ន​ត៝ត់​ញុល។ ផូង​កាដាច់​តា​នែស​នតូ​លែៈ​ជាន​តឹង​ប៝ន​អី​នៃ តឹម​ឞាន​មា​លែៈ​ជាន​នាវ​ខើស​ក្លែរ​ទាទេ​ដ៝ង់។ ជេសរី​ទឹង​លែៈ​ផូង​តាច់​រាគ៝ល់​នទើ​តា​នែស​នតូ​ទឹង​គែស​ទ្រាប់​នទើ​នទ្រ៝ង់​ក្វ៝ង់ យ៝រ​មា​នាវ​គុ​រេស​ទុត​ខ្លៃ​ទុត​អ្វែស​តា​ប៝ន​អ្យា”។
REV 18:4 ជេសរី​គ៝ប់​តាង់​នតែស​ឞ៝រ់​ជឹត​តាៈ​ឞើស​កាលើ​ត្រោក៖ “អើ​ផូង​ប៝ន​លាន​គ៝ប់​នើម! អ៝ន់​លែវ​ឞាល់​លោស​ហ៝ម់​ឞើស​ប៝ន​អ្យា‌ គៃ​មា​លើយ​អោស​គែស​នាវ​តីស​នទ្រែល​ខាន់​ពាង់‌ ក្លាច​លាស​គែស​នាវ​ជេរ នទ្រែល​ខាន់​ពាង់។
REV 18:5 យ៝រ​លាស​នាវ​តីស​ខាន់​ពាង់​ទុត​អ៝ក់​តឹម​ឞាន​មា​លែៈ​មពឺម​ត៝ត់​អា​ត្រោក‌ អាបៃ​អ្យា​កោរាញ​ឞ្រាស​កាស​គឹត​មា​នាវ​ខាន់​ពាង់​ជាន​អ្យើស។
REV 18:6 អ៝ន់​ព្លើង​មា​ខាន់​ពាង់​តឹម​ទី​ដាស​នទើ​ខាន់​ពាង់​លែៈ​ជាន​មា​ឞូ​នើស‌ ព្លើង​មា​ខាន់​ពាង់​ង្វាយ​ជេង​ឞារ នទើ​ខាន់​ពាង់​លែៈ​ជាន​ជេរ​មា​ឞូ ព្លើង​មា​ខាន់​ពាង់​ង្វាយ​ជេង​ឞារ‌ តឹម​ឞាន​មា​អ៝ន់​ខាន់​ពាង់​ញេត​ទូ​កាច៝ក​នទ្រាញ់​ជេង​ឞារ​ឞើស​អី​ខាន់​ពាង់​អ៝ន់​មា​ឞូ។
REV 18:7 ឞូនុយ្ស​តា​ប៝ន​អ្យា​រានេ​អេង​ឆាក់​ខាន់​ពាង់​នើម គុ​រេស​ទុត​អ្វែស‌ លាស​នទ្រី​អ៝ន់​ខាន់​ពាង់​ទើន​នាវ​រេស​រាញាល់ នអ៝ប់​មា​នាវ​ញុម​រាង៝ត​ហោ​កើត​នៃ​ដ៝ង់។ យ៝រ​លាស​ខាន់​ពាង់​លាស​អេង​តា​នូយ្ស​នហ៝ម់៖ «គ៝ប់​គុ​រេស​តឹម​ឞាន​មា​កាដាច់​ឞូ​អូរ‌ មោ​អោស​ជេង​តឹម​ឞាន​មា​ឞូ​អូរ​នទ្រោ មោ​ដ៝ង់​គែស​នាវ​ញុម​រាង៝ត!»
REV 18:8 លាស​នទ្រី​ទឹង​លែៈ​នាវ​រេស​រាញាល់​តា​ប៝ន​អ្យា​គែស​ទូ​នារ​ទើម‌ ឞូនុយ្ស​តា​ប៝ន​គែស​នាវ​ខឹត គែស​នាវ​ញុម​រាង៝ត គែស​នាវ​ជី​ឆ៝ត់​ជី​ង៝ត‌ ជេសរី​គែស​នាវ​អុញ​ឆា‌ យ៝រ​លាស​កោរាញ​ឞ្រាស​អី​តេៈ​ទោយ្ស​ប៝ន​អ្យា​គែស​នាវ​ទើយ​ងាន់”។
REV 18:9 ផូង​កាដាច់​តា​នែស​នតូ​អ្យា​អី​លែៈ​តឹង​ជាន​នទើ​បឹ​បើច នាវ​តឹម​ទ៝ង់​ខើស​ក្លែរ​តឹង​កើត​ឞូនុយ្ស​តា​ប៝ន​អី​នៃ នអ៝ប់​មា​លែៈ​គុ​រេស​ទុត​នទ្រ៝ង់​ទុត​រាម់​មអាក​កើត​ខាន់​ពាង់​ដ៝ង់ នោក​ខាន់​ពាង់​ឆៃ​ញហូក​អុញ​ឆា​ប៝ន​អី​នៃ ខាន់​ពាង់​មរា​ញុម​រាង៝ត​ងាន់​រ៝។
REV 18:10 ទឹង​លែៈ​កាដាច់​អី​នៃ​មរា​គុ​ឞើស​ងាយ ក្លាច​ញឆ៝រ់​នាវ​រេស​រាញាល់​ឞូនុយ្ស​តា​ប៝ន​អី​នៃ ខាន់​ពាង់​លាស៖ “រេស​រាញាល់​ងាន់! រេស​រាញាល់​ងាន់! អើ​ប៝ន​បាបីលោន ​អី​ទុត​ក្វ៝ង់ អី​គែស​នាវ​ទើយ​ក្វ៝ង់‌ យ៝រ​លាស​នាវ​តេៈ​ទោយ្ស​មា​មៃ​តា​ទូ​ម៝ង​ទើម”។
REV 18:11 ផូង​តាច់​រាគ៝ល់​នទើ​តា​នែស​នតូ​ញុម​នអ៝រ យ៝រ​លាស​មោ​ហោម​គែស​អោស​ឞូនុយ្ស​រាវាត់​ទ្រាប់​នទើ​ខាន់​ពាង់។
REV 18:12 ទ្រាប់​នទើ​អី​នៃ គែស​មាយ្ស គែស​ព្រាក់ គែស​លុ​ខ្លៃ លុ​ពិច​(លុ​គ្ល៝) គែស​ឞ៝ក​ងលាង​អ្វែស ឞ៝ក​ឆូត ឞ៝ក​ហូល ឞ៝ក​គុរ គែស​អាប់​នតីល​តើម​ឆី​បោ​កាស គែស​អាប់​នតីល​នទើ​ជាន​មា​លា គែស​អាប់​នតីល​នទើ​ជាន​មា​តើម​ឆី​ខ្លៃ នទើ​ជាន​មា​កោង នទើ​ជាន​មា​ល៝យ្ស នទ្រែល​មា​នទើ​ជាន​មា​លុ​អី​អ្វែស‌
REV 18:13 ងខ៝ប​ឆី​បោ​កាស នអ៝ប់​មា​នទើ​កាស​អេងៗ​មា​តេៈ​ត្រាវ នទើ​បោ​កាស​មា​ឆូ នតាក់​ឆី​បោ​កាស​រាញា​មឹរ  នតាក់​ឆី​បោ​កាស​មា​ឆូ នទ្រាញ់​ព្លៃ​យុងយារ​ប៝ន ទាក​ងី​អោលីវ  រានីស​ឞា​ព្រាង់ ​ទុត​អ្វែស ឞា​ព្រាង់  នទ្រោក ឞែ​ឞ្យាប់ ឆែស រាទែស​ឆែស នអ៝ប់​មា​ឞូនុយ្ស​គៃ​មា​ជាន​ទឹក​ឞូ។
REV 18:14 ផូង​អី​នៃ​លាស​មា​ឞូនុយ្ស​តា​ប៝ន​បាបីលោន ៖ “ទឹង​លែៈ​ព្លៃ​អី​ខាន់​អៃ​មៃ​អុច​គែស​ហោ​ងាន់ រ៝ស​លែៈ​ផ្យៅ។ ទឹង​លែៈ​នទើ​គែស​នាវ​ខ្លៃ‌ ទឹង​លែៈ​នទើ​មា​ងក្រឹ​រ៝ស​លែៈ​ផ្យៅ‌ មោ​ហោម​អោស​គែស​ឞូនុយ្ស​ជ៝យ​ឆៃ​ជឹត”។
REV 18:15 ទឹង​លែៈ​ផូង​តាច់​រាគ៝ល់​អី​នៃ អី​ជេង​នទ្រ៝ង់​តាៈ​ឞើស​ប៝ន​អី​នៃ ខាន់​ពាង់​មរា​គុ​ឞើស​ងាយ​ក្លាច​ញឆ៝រ់​ងាន់​មា​នាវ​រេស​រាញាល់​ប៝ន​អី​នៃ ខាន់​ពាង់​លែវ​ឞាល់​ញុម​រាង៝ត
REV 18:16 លាស៖ “រេស​រាញាល់​ងាន់! រេស​រាញាល់​ងាន់! អើ​ផូង​ឞូនុយ្ស​តា​ប៝ន​អី​ទុត​ក្វ៝ង់‌ គែស​ឞ៝ក​ងគូត​អាវ​ញឆ៝ស​ឞ៝ក​អី​ខ្លៃៗ​ងាន់‌ ឞ៝ក​ឆូត ឞ៝ក​គុរ‌ នទ្រែល​មា​ងក្រឹ​ឆាក់​មា​មាយ្ស‌ មា​លុ​ខ្លៃ មា​លុ​ពិច​(លុ​គ្ល៝)
REV 18:17 ទឹង​លែៈ​ទ្រាប់​នទើ​ទុត​អ៝ក់​អ្យា​រ៝ស​ហេង​លែៈ​តា​ទូ​ម៝ង​ទើម!” មពោល​អី​បើក​ទូក​ក្វ៝ង់ មពោល​អី​ញច៝​តា​កាលើ​ទូក​ក្វ៝ង់ នទ្រែល​មា​ទឹង​លែៈ​មពោល​អី​ជាន​ការ​តា​កាលើ​ទូក​ក្វ៝ង់​នៃ​មរា​លែវ​ឞាល់​គុ​ឞើស​ងាយ។
REV 18:18 នោក​ខាន់​ពាង់​ឆៃ​ញហូក​អុញ​លោស​ឞើស​ប៝ន​នៃ ខាន់​ពាង់​នតែរ​ទ្រើវ៖ “មោ​អោស​វៃ​គែស​ប៝ន​ក្វ៝ង់​រាលាវ​មា​ប៝ន​អី​នៃ!”
REV 18:19 ខាន់​ពាង់​ក្វាក​នែស​មោយ​ឆូយ​តា​ឞោក​ខាន់​ពាង់​នើម គៃ​មា​ញហើ​នាវ​ខាន់​ពាង់​រាង៝ត ញុម​វើល​នអ៝រ​ទុត​ហោ​ងាន់ នអ៝ប់​មា​លាស៖ “រេស​រាញាល់​ងាន់! រេស​រាញាល់​ងាន់​តា​ប៝ន​អី​ទុត​ក្វ៝ង់​អី​នៃ។ តាៈ​ឞើស​ប៝ន​អី​នៃ​ទឹង​លែៈ​ឞូនុយ្ស​អី​គែស​ទូក​ក្វ៝ង់ ជេង​នទ្រ៝ង់​តាៈ​ឞើស​ទ្រាប់​នទើ​អ៝ក់​ប៝ន​នៃ។ តា​ទូ​ម៝ង​ទើម​ប៝ន​នៃ​រ៝ស​ហេង​រាងាត់!
REV 18:20 អើ​ផូង​អី​គុ​តា​កាលើ​ត្រោក​នតុក​កោរាញ​ឞ្រាស​នើម‌ ផូង​ប៝ន​លាន​កោរាញ​ឞ្រាស មពោល​កោរាញ​អ៝ស​ម៝ន នទ្រែល​មា​មពោល​ឞូនុយ្ស​នតើយ្ស​នាវ​ងើយ​កោរាញ​ឞ្រាស អ៝ន់​ខាន់​អៃ​មៃ​រាម់​មអាក​ទោ‌ យ៝រ​មា​កោរាញ​ឞ្រាស​លែៈ​ផាត​ទោយ្ស​អ៝ន់​មា​ខាន់​អៃ​មៃ លែៈ​តេៈ​ទោយ្ស​ជេស​មា​ផូង​ឞូនុយ្ស​តា​ប៝ន​អ្យា”។
REV 18:21 ឞើស​កើយ​នៃ​គែស​ទូ​ហ្វេ​តោង​ពារ់​អី​ទុត​គែស​នាវ​ទាង់​ពឺ​ទូ​មល៝ម់​លុ​ក្វ៝ង់​អី​ក្វ៝ង់​រាលាវ​មា​មពាល់​ន៝ង់​ងក្លាច់​អា​ទាក​វាច់​ទាក​វារ់ នហ៝​មា​លាស៖ “ប៝ន​បាបីលោន ​អី​ទុត​ក្វ៝ង់‌ ឞូ​មរា​ងគ្រ៝ស​លើយ​លែៈ​ផ្យៅ​កើត​លុ​អី​អ្យា​ដ៝ង់។ ឞូ​ជ៝យ​ប៝ន​អី​នៃ​មោ​ហោម​ឆៃ​ជឹត​អោស។
REV 18:22 តា​ប៝ន​អី​នៃ​មោ​ហោម​អោស​គែស​ឞូនុយ្ស រ៝ស​រាងាត់​មោ​ហោម​នតែស​ដែ​រែ​ងក្វៃ‌ ឞូ​មោ​ហោម​អោស​តាង់​នាវ​ឞូ​ងក្រេស​គ៝ង​រេង នាវ​ឞូ​មព្រ៝ត់​មព្រើ នាវ​ឞូ​អោស​មឞ្វាត់ នាវ​ឞូ​អោស​នុង​តា​នតុក​ប៝ន​អី​នៃ។ ទឹង​លែៈ​ឞូនុយ្ស​អី​ឞ្លាវ​ជាន​ការ​អាប់​នតីល ឞូ​មោ​ហោម​អោស​ឆៃ​តា​នតុក​ប៝ន​អី​នៃ។ នតែស​ពែស​តា​នតុក​ប៝ន​អី​នៃ‌ ឞូ​មោ​ហោម​តាង់​ដ៝ង់។
REV 18:23 មោ​ហោម​គែស​អោស អាង​អុញ​ឆាគេង​តា​នតុក​ប៝ន​អី​នៃ‌ នតែស​រាម់​មអាក​មា​អូរ​ឆាយ​មហែ មោ​ហោម​គែស​ដ៝ង់។ ឞូនុយ្ស​តាច់​រាគ៝ល់​នទើ​តា​នតុក​ប៝ន​អី​នៃ​វៃ​ជេង​ឞូនុយ្ស​ទុត​ក្វ៝ង់​តា​នែស​នតូ​អ្យា‌ នាវ​ជាន​នអាង​ប៝ន​អី​នៃ រាលាម់​ទឹង​លែៈ​ឞូនុយ្ស​ទឹង​លែៈ​ឞ្រី​ទាក​លែវ​ជាន​នទើ​អ្យើស។
REV 18:24 ឞូនុយ្ស​តា​ប៝ន​អី​នៃ​គែស​ទោយ្ស​ងខឹត​ញចាយ​មហាម​ឞូនុយ្ស​នតើយ្ស​នាវ​ងើយ​កោរាញ​ឞ្រាស នអ៝ប់​មា​គែស​ទោយ្ស​ងខឹត​ញចាយ​មហាម​ផូង​ប៝ន​លាន​កោរាញ​ឞ្រាស។ ឞូនុយ្ស​តា​ប៝ន​អី​នៃ​គែស​ទោយ្ស​ងខឹត​ញចាយ​មហាម​ទឹង​លែៈ​ឞូនុយ្ស​អី​ឞូ​ទែ​ងខឹត​លើយ​លាម​នែស​នតូ”។
REV 19:1 ជេស​ឞើស​នៃ​គ៝ប់​តាង់​នតែស​ខោស​ទុត​ហោ​ងាន់​តា​កាលើ​ត្រោក​តឹម​ឞាន​មា​ឞូនុយ្ស​ទុត​អ៝ក់ លាស​កើត​នអា៖ “អ៝ន់​រានេ​មា​កោរាញ​ឞ្រាស! កោរាញ​ឞ្រាស​ទើម​អី​នាក់​រាក្លាយ្ស​ឞ៝ន់ ពាង់​គែស​នាវ​ច្រេក​លើប​ទុត​ក្វ៝ង់ ពាង់​គែស​នាវ​ទើយ​ទុត​ក្វ៝ង់‌
REV 19:2 យ៝រ​លាស​នាវ​ពាង់​ផាត​ទោយ្ស​ជេង​ឆ៝ង់ ជេង​ទី​ងាន់។ ពាង់​លែៈ​តេៈ​ទោយ្ស​ប៝ន​អី​នៃ​អី​តឹម​ឞាន​មា​ឞូ​អូរ​វាង់​តឹរ​អី​ឞូ​លឺ អី​ជាន​អ៝ន់​ទឹង​លែៈ​ឞូនុយ្ស​តា​នែស​នតូ​បឹ​បើច​យ៝រ​មា​នាវ​ខើស​ក្លែរ​ឞូ​អូរ​អី​នៃ។ កោរាញ​ឞ្រាស​ព្លើង​តេៈ​ទោយ្ស​ឞូ​អូរ​អី​នៃ​យ៝រ​លាស​ពាង់​លែៈ​ងខឹត​ជេស​មពោល​ឞូនុយ្ស​ឆើម​កើល​ជាន​ការ​មា​កោរាញ​ឞ្រាស”។
REV 19:3 ជេសរី​ខាន់​ពាង់​លាស​តៃ៖ “អ៝ន់​រានេ​មា​កោរាញ​ឞ្រាស! ញហូក​អុញ​តា​ប៝ន​អី​នៃ ជេង​ញហូក​ថុល​បាបើ​នហ៝​រ៝”។
REV 19:4 មពោល​កោរាញ ២៤ នុយ្ស នទ្រែល​មា​ព្វាន់​នុយ្ស​នទើ​គែស​នាវ​រេស​អី​នៃ ខាន់​ពាង់​ពាន់​អា​នែស​ឞើស​នាប់​កោរាញ​ឞ្រាស​អី​គុ​តា​រានើល​កាដាច់​រី យើក​មឞាស​មា​ពាង់​ទាទេ​លាស៖ “នាវ​អី​នៃ​ទី​ងាន់! អ៝ន់​រានេ​មា​កោរាញ​ឞ្រាស!”
REV 19:5 ជេសរី​តាង់​នតែស​ឞ៝រ់​ឞើស​រានើល​កាដាច់​អី​នៃ លាស​កើត​នអា៖ “ទឹង​លែៈ​ឞូនុយ្ស​អី​ឆើម​កើល​ជាន​ការ​មា​កោរាញ​ឞ្រាស អី​ក្លាច​យើក​មា​ពាង់ នអ៝ប់​មា​ឞូ​ក្វ៝ង់ ឞូ​ជេៈ‌ អ៝ន់​រានេ​ហ៝ម់​មា​ពាង់”។
REV 19:6 នោក​នៃ​គ៝ប់​តាង់​នតែស​ខោស​ងាន់​តឹម​ឞាន​មា​ឞូនុយ្ស​ទុត​អ៝ក់ តឹម​ឞាន​មា​ងគោរ​ទាក​ក្វ៝ង់ តឹម​ឞាន​មា​នត៝រ់​មីស លាស​កើត​នអា៖ “អ៝ន់​រានេ​មា​កោរាញ​ឞ្រាស‌ យ៝រ​លាស​កោរាញ​ឞ្រាស​អី​ទុត​គែស​នាវ​ទើយ​មា​ទឹង​លែៈ​នតីល​នទើ ពាង់​លែៈ​ជេង​កាដាច់​ជេស!
REV 19:7 អ៝ន់​ឞ៝ន់​លែវ​ឞាល់​រាម់​មអាក​ហ៝ម់ រាម់​រាហើន​អ៝ន់​ទុត​ហោ‌ ជេសរី​រានេ​នាវ​ច្រេក​លើប​កោរាញ​ឞ្រាស‌ យ៝រ​លាស​លែៈ​ត៝ត់​ជេស​នាវ​តឹម​រាង្លាប់​ងាន់​ក៝ន​ឞែ​ឞ្យាប់​ដាស​ផូង​អី​ញឆីង​មា​ពាង់ នាវ​តឹម​រាង្លាប់​អី​នៃ​តឹម​ឞាន​មា​នាវ​តឹម​នអាប់។ ផូង​អី​ញឆីង​មា​ពាង់​តឹម​ឞាន​មា​ឞូ​អូរ​អី​មា​នអាប់​ដាស​ក៝ន​ឞែ​ឞ្យាប់​អី​នៃ​លែៈ​ជេស​នទ្រាប់​ឆាក់​ផ្យៅ​ដ៝ង់។
REV 19:8 កោរាញ​ឞ្រាស​លែៈ​អ៝ន់​មា​ឞូ​អូរ​អី​នៃ​ញឆ៝ស​ងគូត​ឞ៝ក​អាវ​ងលាង​ទុត​អ្វែស‌ លើប​ច្រាត​ងាន់ នទ្រែល​មា​ទុត​ក្ល៝ស”។ ឞ៝ក​អាវ​ងលាង​ទុត​អ្វែស​នៃ​គែស​នាវ​ខ្លៃ​លាស ផូង​ប៝ន​លាន​កោរាញ​ឞ្រាស​ជាន​នទើ​អ្វែស​នើស។
REV 19:9 តោង​ពារ់​អី​នៃ​លាស​មា​គ៝ប់៖ “អ៝ន់​មៃ​ញចីស​ហ៝ម់៖ អ្វែស​មអាក​ងាន់​មា​ឞូ​ម៝ស​អី​លែៈ​កោរាញ​ឞ្រាស​ក្វាល់​លាប់​ឆោង​ឆា​តឹម​នអាប់​ក៝ន​ឞែ​ឞ្យាប់​នៃ!” ជេសរី​ពាង់​លាស​តៃ​មា​គ៝ប់៖ “នាវ​ងើយ​អ្យា ជេង​នាវ​ងើយ​ងាន់​តាៈ​ឞើស​កោរាញ​ឞ្រាស​នើម”។
REV 19:10 ជេសរី​គ៝ប់​ពាន់​អុច​យើក​មឞាស​តា​ជ៝ង់​តោង​ពារ់​អី​នៃ យើន​មា​ពាង់​លាស​មា​គ៝ប់៖ “លើយ​ជាន​កើត​នៃ​អោស យ៝រ​លាស​គ៝ប់​ជេង​នើម​ឆើម​កើល​ជាន​ការ​នទ្រែល​មៃ នអ៝ប់​មា​នើម​ឆើម​កើល​ជាន​ការ​នទ្រែល​ផូង​អ៝ស​នោ​មៃ​តា​នាវ​ញឆីង​អី​មឞើស​ងក៝ច​មា​ឞូ​នាវ​ឞ្រាស​យេឆូ ​ជេង​កោរាញ​ខាន់​ពាង់​នើម​ដ៝ង់។ យើក​មឞាស​មា​កោរាញ​ឞ្រាស​ហ៝ៈ! យ៝រ​លាស​នាវ​មឞើស​ងក៝ច​មា​ឞូ​នាវ​ឞ្រាស​យេឆូ​ជេង​កោរាញ​ខាន់​ពាង់​នើម ជេង​នាវ​នតើយ្ស​នាវ​ងើយ​កោរាញ​ឞ្រាស”។
REV 19:11 ជេសរី​គ៝ប់​ឆៃ​ត្រោក​ពើក​ឞ៝ង់​លាហឺរ ឆៃ​ទូ​មល៝ម់​ឆែស​ងលាង តា​កាលើ​ឆែស​នៃ​គែស​នើម​ញច៝​ពាង់ ឞូ​ក្វាល់​នើម​អី​នៃ​«រាប់​ជាប់» នអ៝ប់​មា​«អី​ងាន់»។ ពាង់​ផាត​ទោយ្ស​ឆ៝ង់ ពាង់​តឹម​លើស​ដាស​ឞូ​មា​នាវ​ឆ៝ង់​ដ៝ង់។
REV 19:12 អី​ត្រោម​មាត់​ពាង់​តឹម​ឞាន​មា​មព្យាត់​អុញ ជេសរី​តា​ឞោក​ពាង់​គែស​អ៝ក់​មោក​កាដាច់។ តា​ឆាក់​ពាង់​រី​គែស​ញចីស​រាញា​ង្វាយ​ជឹត គែស​ទូ​ហ្វេ​ពាង់​នើម​ទើម​គឹត​នាវ​ខ្លៃ​រាញា​អី​នៃ។
REV 19:13 ឞ៝ក​អាវ​ពាង់​ញឆ៝ស​មឞែៈ​មហាម​ទាទេ។ រាញា​ពាង់​«នាវ​ងើយ​កោរាញ​ឞ្រាស»។
REV 19:14 ទឹង​លែៈ​ផូង​តាហែន​តា​កាលើ​ត្រោក​អី​នតុក​កោរាញ​ឞ្រាស ញច៝​ឆែស​ងលាង​ទាទេ​ហាន់​តឹង​ពាង់ នអ៝ប់​មា​ញឆ៝ស​ងគូត​ឞ៝ក​អាវ​ងលាង​អី​ទុត​អ្វែស អី​ទុត​ក្ល៝ស។
REV 19:15 គែស​ទូ​មល៝ម់​ដាវ​ទុត​ឆោត​លោស​ឞើស​មឞូង​ពាង់​រី ឆ្រែស​ទឹង​លែៈ​ឞ្រី​ទាក​ទើយ នាវ​ពាង់​ម៝ត់​អ្វាញ់​គែស​នាវ​ទើយ​ងាន់​តឹម​ឞាន​មា​ម៝ង់​ល៝យ្ស។ ពាង់​មរា​ជ៝ត​ព្លៃ​យុងយារ​ប៝ន​តា​នតុក​ញជ៝ត​ព្លៃ​អី​នៃ គែស​នាវ​ខ្លៃ​លាស​ពាង់​តេៈ​ទោយ្ស​មា​ទឹង​លែៈ​ឞូនុយ្ស​ទឹង​លែៈ​ឞ្រី​ទាក​អី​នៃ តឹង​មា​នាវ​អុច​កោរាញ​ឞ្រាស​នើម​អី​ទុត​គែស​នាវ​ទើយ​មា​ទឹង​លែៈ​នតីល​នទើ។
REV 19:16 តា​ឞ៝ក​អាវ​ក្វ៝ង់​ពាង់​ញឆ៝ស​ងគូត​រី នទ្រែល​មា​តា​តឹម​ឞ្លូ​ពាង់​រី គែស​ញចីស​រាញា​ពាង់​«កាដាច់​ក្វ៝ង់​រាលាវ​មា​ទឹង​លែៈ​កាដាច់ កោរាញ​ក្វ៝ង់​រាលាវ​មា​ទឹង​លែៈ​កោរាញ»។
REV 19:17 នោក​នៃ​គ៝ប់​ឆៃ​ទូ​ហ្វេ​តោង​ពារ់​ទ៝ក់​តា​កាលើ​នារ ពាង់​នតែរ​ទុត​នតែស​ងាន់​លាស​មា​ទឹង​លែៈ​ឆ្យុម​អី​មពារ់​តា​កាលើ​ត្រោក៖ “វាច់​រាគូម​ឞាល់​ហ៝ម់ មា​ញេត​ក្វ៝ង់​ឆា​ក្វ៝ង់​អី​កោរាញ​ឞ្រាស​លែៈ​ជេស​នទ្រាប់‌
REV 19:18 គៃ​មា​ឆា​មលៃ​មពោល​កាដាច់ ឆា​មលៃ​មពោល​កោរាញ​តាហែន ឆា​មលៃ​មពោល​អី​ទុត​ទាង់ ឆា​មលៃ​ឆែស ឆា​មលៃ​ផូង​អី​ញច៝​ឆែស​អី​នៃ នអ៝ប់​មា​ឆា​មលៃ​ទឹង​លែៈ​ឞូនុយ្ស នអ៝ប់​មា​ទឹក​ឞូ នអ៝ប់​មា​ក៝ន​មែ នអ៝ប់​មា​ឞូ​ជេៈ នអ៝ប់​មា​ឞូ​ក្វ៝ង់”។
REV 19:19 គ៝ប់​ឆៃ​មពោមពា​(ឆ្យុម)​អី​ទុត​ជាញ​អី​នៃ នទ្រែល​មា​ឆៃ​មពោល​កាដាច់​លាម​នែស​នតូ នអ៝ប់​មា​ផូង​តាហែន​ខាន់​ពាង់​នើម​លែៈ​រាគូម​ឞាល់ គៃ​មា​តឹម​លើស​ដាស​នើម​អី​គុ​ញច៝​ឆែស​ងលាង​អី​នៃ ដាស​ផូង​តាហែន​ពាង់​នើម​ដ៝ង់។
REV 19:20 មពោមពា​(ឆ្យុម)​អី​ទុត​ជាញ​នៃ​ឞូ​ញុប នទ្រែល​មា​ញុប​ដ៝ង់​ទូ​ហ្វេ​ឞូនុយ្ស​នតើយ្ស​ងក្លាៈ​នាវ​ងើយ​កោរាញ​ឞ្រាស​អី​ជាន​នាវ​ខ្លៃ​ទុត​នាវ​នើស​តា​នាប់​មពោមពា​(ឆ្យុម)​អី​នៃ។ ឞូនុយ្ស​នតើយ្ស​អី​នៃ​លែវ​មរោស​ឞូនុយ្ស​អ៝ន់​ហ្យើត​មា​នាវ​ខ្លៃ​ទុត​នាវ​អី​នៃ​នើស ពាង់​លែវ​ហ្យើត​ទឹង​លែៈ​ឞូនុយ្ស​អី​គែស​នាវ​មឞេន​មពោមពា​(ឆ្យុម)​អី​ទុត​ជាញ នទ្រែល​មា​ទឹង​លែៈ​ឞូនុយ្ស​អី​យើក​មឞាស​មា​រូប​មពោមពា​(ឆ្យុម)​ទុត​ជាញ​អី​នៃ។ ទឹង​លែៈ​ឞារ​ហៃ​ខាន់​ពាង់​អី​នៃ​ឞូ​ងក្លាច់​រេស​តា​ងលៅ​អុញ​គែស​ញឆីវ​ហីត។
REV 19:21 ល៝ង់​ទឹង​លែៈ​មពោល​អាបាៈ​រី ខឹត​លែៈ​ផ្យៅ​យ៝រ​មា​ដាវ​អី​លោស​ឞើស​មឞូង​នើម​អី​ញច៝​តា​ឆែស​រី ជេសរី​ទឹង​លែៈ​ឆ្យុម​ច៝ក​ឆា​មលៃ​ខាន់​ពាង់​ទុត​ហើម​ទាទេ។
REV 20:1 ជេសរី​គ៝ប់​ឆៃ​ទូ​ហ្វេ​តោង​ពារ់​ជុរ​ឞើស​កាលើ​ត្រោក​នតុក​កោរាញ​ឞ្រាស នអ៝ប់​មា​ញអោត​ក៝ន​ឆ៝​នតូ​ឞ្រ៝ង់ នទ្រែល​មា​ញអោត​រាឆែ​រាវាក់​ទុត​ក្វ៝ង់​ដ៝ង់។
REV 20:2 តោង​ពារ់​អី​នៃ​ញុប​ក៝ត់​ក្រុង​ឞេស​ញុក​ញាក់​អី​នៃ​ជ៝ៈ ១០០០ នាម់។ ឞេស​ញុក​ញាក់​អី​នៃ​ជេង​ឞេស​តាៈ​ឞើស​កាល់​អែ​នើស​ងាន់ ពាង់​កោរាញ​មពោល​ឞ្រាស​អ្យើស រាញា​ឆាតាង់ ។
REV 20:3 តោង​ពារ់​ងក្លាច់​ពាង់​តា​នតូ​ឞ្រ៝ង់ ជេសរី​នតឹល​មពោង​តេៈ​ឆ៝ លឹរ​ត្រា​ឞើស​ទីស​មពោង គៃ​មា​លើយ​អោស​អ៝ន់​ពាង់​លែវ​មរោស​អ៝ន់​ទឹង​លែៈ​ឞ្រី​ទាក​ជឹត នហ៝​មា​ត៝ត់​លោច ១០០០ នាម់ រី​មើ​បើក​ពាង់​ទូ​ប្ល៝ត់។
REV 20:4 ជេសរី​គ៝ប់​ឆៃ​គែស​អ៝ក់​រានើល​កាដាច់ នអ៝ប់​មា​គែស​ឞូនុយ្ស​គុ​ដ៝ង់ ឞូនុយ្ស​អី​គុ​តា​រានើល​កាដាច់​អី​នៃ​គែស​នាវ​ទើយ​មា​ផាត​ទោយ្ស។ ទឹង​លែៈ​ហ្វេង​ឞូនុយ្ស​ខឹត​អី​ឞូ​ក៝ស​ត៝ង​ក៝​យ៝រ​មា​ខាន់​ពាង់​មឞើស​ងក៝ច​ឞ្រាស​យេឆូ ​ជេង​កោរាញ​ខាន់​ពាង់​នើម នទ្រែល​មា​មឞើស​ងក៝ច​នាវ​ងើយ​កោរាញ​ឞ្រាស​នើស ទឹង​លែៈ​ខាន់​ពាង់​អី​នៃ​នើស​មោ​អោស​យើក​មឞាស​មា​មពោមពា​(ឆ្យុម)​អី​ទុត​ជាញ​អី​នៃ មោ​លាស​មា​រូប​ពាង់ ខាន់​ពាង់​មោ​ដ៝ង់​ឆ៝ៈ​ទើន​នាវ​មឞេន​តា​នទាង់​ក្លែង មោ​លាស​តា​តី។ ខាន់​ពាង់​ទ៝ក់​រេស​តៃ គុ​ម៝ត់​អ្វាញ់​នទ្រែល​ឞ្រាស​ក្រីស ​ជ៝ៈ ១០០០ នាម់។
REV 20:5 អី​នៃ​ជេង​នាវ​ទ៝ក់​រេស​ឞោក​ទាក ជេសរី​ផូង​ឞូនុយ្ស​ខឹត​អាបាៈ​អេង​មោ​អោស​ទ៝ក់​រេស នហ៝​មា​ត៝ត់​លោច ១០០០ នាម់​អី​នៃ​មើ។
REV 20:6 ឞូ​ម៝ស​អី​លែៈ​ទ៝ក់​រេស​ឞោក​ទាក​អី​នៃ ពាង់​អ្វែស​មអាក​ងាន់ នទ្រែល​មា​ក្ល៝ស​អ្វែស​ដ៝ង់។ នាវ​ខឹត​ត៝ល់​ឞារ​អី​គុ​តា​ងលៅ​អុញ​នហ៝​រ៝ មោ​ហោម​អោស​គែស​នាវ​ទើយ​មា​ពាង់​ជឹត ទឹង​លែៈ​ឞូនុយ្ស​អី​នៃ​មរា​ជេង​ផូង​ឞូនុយ្ស​ជាន​ឞ្រាស​មា​កោរាញ​ឞ្រាស​នើម នទ្រែល​មា​ឞ្រាស​ក្រីស ​នើម ជេសរី​ម៝ត់​អ្វាញ់​នទ្រែល​ឞ្រាស​ក្រីស ​នើម​ជ៝ៈ ១០០០ នាម់។
REV 20:7 លែៈ​លោច​ជេស ១០០០ នាម់ កោរាញ​ឞ្រាស​មរា​បើក​ឆាតាង់ ​លោស​ឞើស​ត្រោម​នទ្រូង‌
REV 20:8 ជេសរី​ឆាតាង់ ​មរា​មរោស​លែវ​ទឹង​លែៈ​ឞូនុយ្ស​ទឹង​លែៈ​ឞ្រី​ទាក​លាម​នែស​នតូ​អ៝ន់​ហ្យើត គៃ​មា​រាគូម​ខាន់​ពាង់​តឹម​លើស ឞូ​មរា​ក្វាល់​ខាន់​ពាង់​«ផូង​ក៝ក់ » នអ៝ប់​មា​«ផូង​មាក៝ក់ »។ ខាន់​ពាង់​អី​នៃ​ទុត​អ៝ក់​ងាន់ តឹម​ឞាន​មា​ច៝យ្ស​រ៝ៈ​ទាក​វាច់​ទាក​វារ់។
REV 20:9 ជេសរី​ខាន់​ពាង់​ហាន់​ឞ្រា​លាម​នែស​នតូ​ញជ្វែង​នតុក​គុ​ផូង​ប៝ន​លាន​កោរាញ​ឞ្រាស ជេង​ប៝ន​អី​កោរាញ​ឞ្រាស​រ៝ង់។ យើន​មា​គែស​អុញ​តុប​ឞើស​កាលើ​ត្រោក​ឆា​ខាន់​ពាង់​លែៈ​ផ្យៅ។
REV 20:10 ល៝ង់​កោរាញ​មពោល​ឞ្រាស​អ្យើស​អី​មរោស​លែវ​ខាន់​ពាង់​អ៝ន់​ហ្យើត​នៃ​នើស ឞូ​ងក្លាច់​ពាង់​តា​ងលៅ​អុញ​គែស​ញឆីវ​ហីត ជេង​នតុក​ឞូ​លែៈ​ងក្លាច់​មពោមពា​(ឆ្យុម)​អី​ទុត​ជាញ នទ្រែល​មា​ឞូនុយ្ស​នតើយ្ស​ងក្លាៈ​នាវ​ងើយ​កោរាញ​ឞ្រាស​នើស។ នតុក​នៃ​ខាន់​ពាង់​គែស​នាវ​រេស​រាញាល់​បាបើ​នហ៝​រ៝ ទឹង​មាង់​ទឹង​នារ​ងាន់។
REV 20:11 ជេសរី​គ៝ប់​ឆៃ​ទូ​មល៝ម់​រានើល​កាដាច់​ក្វ៝ង់​ងាន់ រានើល​អី​នៃ​ងលាង ឆៃ​នអ៝ប់​មា​នើម​អី​គុ​តា​រានើល​អី​នៃ​ដ៝ង់។ ត្រោក នទ្រែល​មា​នែស​នតូ​ទូ​លោស​ឞើស​នើម​អី​នៃ​លែៈ​ផ្យៅ ជេសរី​មោ​ហោម​ឆៃ​ជឹត​អោស។
REV 20:12 នោក​នៃ​គ៝ប់​ឆៃ​ផូង​ឞូនុយ្ស​ខឹត នអ៝ប់​មា​ឞូ​ជេៈ ឞូ​ក្វ៝ង់ ទ៝ក់​ឞើស​នាប់​រានើល​កាដាច់​អី​នៃ គែស​អ៝ក់​ឆ៝ម់បុត​ឞូ​ពើក ជេសរី​គែស​ទូ​មល៝ម់​ឆ៝ម់បុត​ជឹត​ឞូ​ពើក​ដ៝ង់ អី​នៃ​ជេង​ឆ៝ម់បុត​នាវ​រេស។ ទឹង​លែៈ​ផូង​ឞូនុយ្ស​លែៈ​ខឹត​នើស​កោរាញ​ឞ្រាស​ផាត​ទោយ្ស​ទាទេ តឹង​នទើ​ខាន់​ពាង់​នើម​លែៈ​ជាន អី​លែៈ​គែស​ញចីស​ជេស​តា​អ៝ក់​ឆ៝ម់បុត​អី​នៃ។
REV 20:13 ល៝ង់​ផូង​ឞូនុយ្ស​អី​ខឹត​តា​ទាក​វាច់​ទាក​វារ់​នៃ នទ្រែល​មា​ផូង​ឞូនុយ្ស​អី​លែៈ​ខឹត​អី​គុ​តា​នតុក​ផូង​ខឹត ទឹង​លែៈ​ផូង​ឞូនុយ្ស​លែៈ​ខឹត​នើស វាច់​ឆ៝ៈ​ទើន​នាវ​ផាត​ទោយ្ស​តឹង​នទើ​ខាន់​ពាង់​នើម​លែៈ​ជាន​ទូ​ហ្វេ​ទូ​ហ្វេ។
REV 20:14 ជេសរី​ឞូ​ងក្លាច់​នតុក​ផូង​ខឹត​គុ​តា​ងលៅ​អុញ​អី​នៃ ងលៅ​អុញ​អី​នៃ​ជេង​នាវ​ខឹត​ត៝ល់​ឞារ មោ​ហោម​អោស​គែស​នាវ​ខឹត​ជឹត។
REV 20:15 ឞូ​ម៝ស​អី​មោ​អោស​គែស​ញចីស​រាញា​តា​ឆ៝ម់បុត​នាវ​រេស ពាង់​អី​នៃ​កោរាញ​ឞ្រាស​ងក្លាច់​លើយ​តា​ងលៅ​អុញ​ដ៝ង់។
REV 21:1 នោក​នៃ​គ៝ប់​ឆៃ​ត្រោក​មហែ នទ្រែល​មា​នែស​នតូ​មហែ យ៝រ​លាស​ត្រោក​អើម នទ្រែល​មា​នែស​នតូ​អើម​រ៝ស​លែៈ​ផ្យៅ​ជេស មោ​ហោម​គែស​ទាក​វាច់​ទាក​វារ់​ដ៝ង់។
REV 21:2 ជេសរី​គ៝ប់​ឆៃ​ដ៝ង់​ប៝ន​ក្ល៝ស​អ្វែស ជេង​ប៝ន​យេរូឆាលឹម ​អី​មហែ ជុរ​ឞើស​កាលើ​ត្រោក​តាៈ​ឞើស​នតុក​កោរាញ​ឞ្រាស​នើម អ្វែស​តឹម​ឞាន​មា​ឞូ​អូរ​មហែ​ងក្រឹ​ឆាក់​គៃ​មា​វើត​រ៝ម​អី​ឆាយ​ពាង់។
REV 21:3 គ៝ប់​តាង់​នតែស​ឞ៝រ់​ទុត​ទាង់​ឞើស​រានើល​កាដាច់​អី​នៃ លាស​កើត​នអា៖ “ល៝ង់​តា​អ្យា​កោរាញ​ឞ្រាស​នើម​គុ​នទ្រែល​ផូង​ឞូនុយ្ស‌ កោរាញ​ឞ្រាស​មរា​គុ​នទ្រែល​ខាន់​ពាង់‌ ខាន់​ពាង់​មរា​ជេង​ផូង​ប៝ន​លាន​ពាង់​នើម‌ ជេសរី​ពាង់​នើម​ជេង​កោរាញ​មា​ខាន់​ពាង់ គុ​នទ្រែល​ខាន់​ពាង់។
REV 21:4 កោរាញ​ឞ្រាស​មរា​ឆើម​ជូត​ទឹង​លែៈ​ទាក​មាត់​ខាន់​ពាង់‌ មោ​ហោម​អោស​គែស​នាវ​ខឹត‌ មោ​ហោម​អោស​គែស​នាវ​ញុម​រាង៝ត មោ​ហោម​អោស​គែស​នាវ​ជេរ​ជ៝ត់​ជឹត‌ យ៝រ​លាស​ទឹង​លែៈ​នទើ​អើម​អី​គែស​អា​ល៝រ​នើស​លែៈ​រ៝ស​លែៈ​ផ្យៅ​ជេស”។
REV 21:5 ជេសរី​នើម​អី​គុ​តា​រានើល​កាដាច់​នៃ​លាស៖ “ល៝ង់​គ៝ប់​ជាន​មហែ​ទាទេ​ទឹង​លែៈ​នតីល​នទើ”។ ជេសរី​ពាង់​លាស​តៃ៖ “អ៝ន់​មៃ​ញចីស​ហ៝ម់​នាវ​អ្យា យ៝រ​លាស​ទឹង​លែៈ​នាវ​អី​អ្យា​ជេង​នាវ​ងាន់ ជេង​ទី​មា​អ្យាត់”។
REV 21:6 ពាង់​លាស​មា​គ៝ប់៖ “លែៈ​នាវ​អី​នៃ​ជាន​ជេស​លែៈ​ផ្យៅ​ជេស គ៝ប់​អ្យា​ជេង​អាលផា  នទ្រែល​មា​អោមេកា  ជេង​ឞោក​ទាក នទ្រែល​មា​ងគ្លែៈ​ទុត​ទឹង​លែៈ​នតីល​នទើ។ ឞូ​ម៝ស​អី​ជី​ហីរ គ៝ប់​អ៝ន់​ពាង់​អី​នៃ​ញេត​ទើម​ទាក​ឞើស​តូ​ទាក​អី​អ៝ន់​នាវ​រេស​នហ៝​រ៝។
REV 21:7 ឞូ​ម៝ស​អី​ទើយ​មា​នាវ​អ្យើស ពាង់​អី​នៃ​មរា​ឆ៝ៈ​ទើន​ទ្រាប់​នទើ​ខ្លៃ​អី​នៃ​ជេង​ទ្រាប់​នទើ​ពាង់​នើម​រ៝។ ខាន់​ពាង់​មរា​យើក​មឞាស​មា​គ៝ប់​ទើម ជេសរី​ខាន់​ពាង់​មរា​ជេង​ក៝ន​គ៝ប់​នើម​ដ៝ង់។
REV 21:8 ល៝ង់​មពោល​អី​មអារ់​លើយ​នាវ​ញឆីង​យ៝រ​មា​នាវ​ក្លាច មពោល​អី​មោ​ញឆីង មពោល​អី​ជាន​នទើ​បឹ​បើច មពោល​អី​ងខឹត​ឞូ មពោល​អី​តឹម​ទ៝ង់ មពោល​អី​ម៝ត់​នអាង មពោល​អី​យើក​មឞាស​មា​រូប​ឞ្រាស នទ្រែល​មា​ទឹង​លែៈ​មពោល​អី​មរោស​ឞូ ទឹង​លែៈ​មពោល​អី​នៃ​គែស​ទោយ្ស​គុ​តា​ងលៅ​អុញ​គែស​ញឆីវ​ហីត។ អី​នៃ​ជេង​នាវ​ខឹត​ត៝ល់​ឞារ”។
REV 21:9 ជេស​ឞើស​នៃ​គែស​ទូ​ហ្វេ​តោង​ពារ់​តា​មពោល​ពើស​នុយ្ស​តោង​ពារ់​អី​ញអោត​ពើស​អឹ​ងាន​ឞេង​មា​នាវ​ជេរ​ជ៝ត់​ងគ្លែៈ​ទុត​នើស ពាង់​ហាន់​ងើយ​ដាស​គ៝ប់៖ “ហាន់​អា​អ្យា គ៝ប់​អុច​ញហើ​អ៝ន់​មៃ​ឆៃ​ក៝ន​ឞូ​អូរ​អី​មា​នអាប់ ជេង​អី​អូរ​ក៝ន​ឞែ​ឞ្យាប់”។
REV 21:10 ជេសរី​តាៈ​ឞើស​នាវ​ទើយ​ឞ្រាស​ហ្វេង​អ្វែស​តោង​ពារ់​អី​នៃ​លែវ​គ៝ប់​អា​ទូ​មល៝ម់​យោក​ទុត​ក្វ៝ង់ ទុត​ព្រេស ញហើ​អ៝ន់​គ៝ប់​ឆៃ​ប៝ន​អី​ក្ល៝ស​អ្វែស ជេង​ប៝ន​យេរូឆាលឹម ​មហែ​អី​ជុរ​ឞើស​កាលើ​ត្រោក តាៈ​ឞើស​នតុក​កោរាញ​ឞ្រាស​នើម។
REV 21:11 ប៝ន​អី​នៃ​គែស​នាវ​ច្រេក​លើប​កោរាញ​ឞ្រាស​នើម នាវ​ច្រាត​អាង​តា​ប៝ន​អី​នៃ​តឹម​ឞាន​មា​លុ​អី​ទុត​ខ្លៃ​ងាន់ ជេង​តឹម​ឞាន​មា​លុ​ខ្លៃ​មោនី  អាង​រាឆាង​ងាន់​តឹម​ឞាន​មា​កាច៝ក​ងលាង។
REV 21:12 ប៝ន​អី​នៃ​គែស​មពេរ​ទុត​ក្វ៝ង់​ទុត​ព្រេស គែស ១២ អឹ​មពោង ជេសរី​តា​មពោង​នៃ​គែស ១២ នុយ្ស​តោង​ពារ់​ទ៝ក់ នទ្រែល​មា​គែស​ញចីស​រាញា ១២ មពោល​ផូង​អីឆ្រាអែល ​ដ៝ង់។
REV 21:13 មពែស​ឞើស​លោស​នារ​គែស​ពែ​អឹ​មពោង មពែស​ឞើស​លើ​គែស​ពែ​អឹ​មពោង មពែស​ឞើស​ទ៝ង់​គែស​ពែ​អឹ​មពោង នទ្រែល​មា​មពែស​ឞើស​ញ៝ប់​នារ​គែស​ពែ​អឹ​មពោង​ដ៝ង់។
REV 21:14 មពេរ​ប៝ន​អី​នៃ​គែស ១២ អឹ​លុ​ឞ្ល៝ន​ទុត​ន៝ប់ ជេសរី​តា​កាលើ​លុ​អី​នៃ​គែស​ញចីស​រាញា​លែៈ ១២ នុយ្ស​មពោល​កោរាញ​អ៝ស​ម៝ន​ដ៝ង់ មពោល​អី​នៃ​មពោល​ក៝ន​ឞែ​ឞ្យាប់​នើម។
REV 21:15 តោង​ពារ់​អី​ងើយ​ដាស​គ៝ប់​នៃ​ញអោត​ទូ​មល៝ម់​ម៝ង់​មាយ្ស​មា​ជាន​នទើ​វែស មា​វែស​ប៝ន មា​វែស​មពោង​ប៝ន នទ្រែល​មា​វែស​មពេរ​ប៝ន។
REV 21:16 ប៝ន​អី​នៃ​លែៈ​ព្វាន់​ញជោញ​ក្វ៝ង់​តឹម​ឞាន តោង​ពារ់​ឆ៝ៈ​ម៝ង់​មាយ្ស​វែស​ប៝ន​អី​នៃ​គែស ២០០០ កីលោមែត ។ ជ៝ង ទិ នទ្រែល​មា​ព្រេស​ក្វ៝ង់​តឹម​ឞាន​ទាទេ។
REV 21:17 ពាង់​វែស​មឞ៝ល់​មពេរ​ប៝ន​អី​នៃ​គែស ១៤៤ ហាត់ ជ៝ង​ហាត់​តោង​ពារ់​វែស​អី​នៃ​កើត​ជ៝ង​ហាត់​ឞូនុយ្ស​វែស​ដ៝ង់។
REV 21:18 មពេរ​ប៝ន​ឞូ​ជាន​មា​លុ​ខ្លៃ​មោនី  ជេសរី​ជាន​ប៝ន​មា​មាយ្ស​ទុត​អ្វែស អាង​រាឆាង​តឹម​ឞាន​មា​រាច៝ក់​ងលាង។
REV 21:19 អី​លុ​ឞ្ល៝ន​ទុត​ន៝ប់​មពេរ​នៃ​ឞូ​ជាន​ងក្រឹ​មា​លុ​ខ្លៃ​អ៝ក់​នតីល លុ​ឞ្ល៝ន​ទុត​ន៝ប់​ត៝ល់​ង្វាយ​ងក្រឹ​មា​លុ​ខ្លៃ​មោនី  លុ​ឞ្ល៝ន​ទុត​ន៝ប់​ត៝ល់​ឞារ​ងក្រឹ​មា​លុ​ខ្លៃ​ក៝ន់ដៀង  លុ​ឞ្ល៝ន​ទុត​ន៝ប់​ត៝ល់​ពែ​ងក្រឹ​មា​លុ​ខ្លៃ​មោរា  លុ​ឞ្ល៝ន​ទុត​ន៝ប់​ត៝ល់​ព្វាន់​ងក្រឹ​មា​លុ​ខ្លៃ​ម៝រកុត ‌
REV 21:20 លុ​ឞ្ល៝ន​ទុត​ន៝ប់​ត៝ល់​ព្រាម់​ងក្រឹ​មា​លុ​ខ្លៃ​ដៃកៀម  លុ​ឞ្ល៝ន​ទុត​ន៝ប់​ត៝ល់​ព្រាវ​ងក្រឹ​មា​លុ​ខ្លៃ​តោតឹម  លុ​ឞ្ល៝ន​ទុត​ន៝ប់​ត៝ល់​ពើស​ងក្រឹ​មា​លុ​ខ្លៃ​បុតលើង  លុ​ឞ្ល៝ន​ទុត​ន៝ប់​ត៝ល់​ផាម​ងក្រឹ​មា​លុ​ខ្លៃ​បេរីល  លុ​ឞ្ល៝ន​ទុត​ន៝ប់​ត៝ល់​ឆឹន​ងក្រឹ​មា​លុ​ខ្លៃ​ថៃលើង  លុ​ឞ្ល៝ន​ទុត​ន៝ប់​ត៝ល់​ជឹត​ងក្រឹ​មា​លុ​ខ្លៃ​កែវយ៝ៈ  លុ​ឞ្ល៝ន​ទុត​ន៝ប់​ត៝ល់​ជឹត​មា​ង្វាយ​ងក្រឹ​មា​លុ​ខ្លៃ​និល  លុ​ឞ្ល៝ន​ទុត​ន៝ប់​ត៝ល់​ជឹត​មា​ឞារ​ងក្រឹ​មា​លុ​ខ្លៃ​ត្រ៝បែក ។
REV 21:21 លែៈ ១២ អឹ​មពោង​ប៝ន​ជាន​មា​ទូ​មល៝ម់​លុ​ពិច​(លុ​គ្ល៝)​ទាទេ ទូ​មល៝ម់​មពោង​ជាន​មា​ទូ​មល៝ម់​លុ​ពិច​(លុ​គ្ល៝)​ទុត​ក្វ៝ង់។ ត្រ៝ង​ប៝ន​ជាន​មា​មាយ្ស​ទុត​អ្វែស រាឆាង​តឹម​ឞាន​មា​កាច៝ក។
REV 21:22 គ៝ប់​មោ​អោស​ឆៃ​គែស​ញីស​ជាន​ឞ្រាស​តា​ប៝ន​អី​នៃ យ៝រ​លាស​កោរាញ​ឞ្រាស​នើម​អី​ទុត​គែស​នាវ​ទើយ​មា​ទឹង​លែៈ​នតីល​នទើ នទ្រែល​មា​ក៝ន​ឞែ​ឞ្យាប់​នើម​អី​នៃ​គុ​នឹង​តា​ប៝ន​អី​នៃ នទ្រី​មោ​ហោម​ខាច់​អោស​គែស​ញីស​ជាន​ឞ្រាស​មា​ខាន់​ពាង់។
REV 21:23 តា​ប៝ន​នៃ​មោ​អោស​ខាច់​គែស​នារ​គែស​ខៃ​មា​អាង យ៝រ​លាស​នាវ​ច្រេក​លើប​កោរាញ​ឞ្រាស​នើម​ងអាង ជេសរី​ក៝ន​ឞែ​ឞ្យាប់​ជេង​នទើ​អាង​មា​ប៝ន​អី​នៃ​ដ៝ង់។
REV 21:24 ទឹង​លែៈ​ឞូនុយ្ស​ទឹង​លែៈ​ឞ្រី​ទាក​គុ​រេស​តា​នាវ​អាង​ប៝ន​អី​នៃ ជេសរី​ទឹង​លែៈ​កាដាច់​តា​នែស​នតូ​លែវ​ទ្រាប់​នទើ​ទុត​អ្វែស​ខាន់​ពាង់​នើម​លាប់​តា​ប៝ន​អី​នៃ​ដ៝ង់។
REV 21:25 មពោង​មពេរ​ប៝ន​អី​នៃ​ឞូ​មោ​អោស​នតឹល យ៝រ​លាស​មោ​អោស​ឞ្លាវ​មាង់។
REV 21:26 ទឹង​លែៈ​ឞូនុយ្ស​ទឹង​លែៈ​ឞ្រី​ទាក​មរា​ញអោត​ទ្រាប់​នទើ​ទុត​អ្វែស ទឹង​លែៈ​នទើ​ខ្លៃ​ខាន់​ពាង់​នើម​លែវ​តា​ប៝ន​អី​នៃ​ទាទេ។
REV 21:27 មោ​អោស​គែស​ទូ​នតីល​នទើ​បឹ​បើច​លាប់​តា​ប៝ន​នៃ ឞូនុយ្ស​អី​ជាន​នទើ​បឹ​បើច ឞូនុយ្ស​អី​មរោស​ឞូ លាប់​មោ​ទើយ​ដ៝ង់ ទើយ​លាប់​ឞូ​ម៝ស​អី​លែៈ​គែស​ញចីស​រាញា​ឆាក់​តា​ឆ៝ម់បុត​នាវ​រេស​ក៝ន​ឞែ​ឞ្យាប់​នើម ទូ​រី​ទើម​ទើយ។
REV 22:1 ជេសរី​តោង​ពារ់​អី​នៃ​ញហើ​អ៝ន់​គ៝ប់​ឆៃ​ទាក​រាលាយ ជេង​ទាក​អី​អ៝ន់​នាវ​រេស រាឆាង​តឹម​ឞាន​មា​លុ​ងលាង ហ៝ច​លោស​ឞើស​រានើល​កាដាច់​កោរាញ​ឞ្រាស​នើម ជេង​រានើល​កាដាច់​ក៝ន​ឞែ​ឞ្យាប់​ដ៝ង់។
REV 22:2 ទាក​រាលាយ​អី​នៃ​ហ៝ច​រ៝ៈ​តា​ងក្លាង​ងគូល​ត្រ៝ង​ប៝ន​ក្ល៝ស​អ្វែស​អី​នៃ រ៝ៈ​មែង​ទាក​រាលាយ​អី​នៃ​ឞើស​តី​ឞើស​អ្យា​គែស​តើម​ឆី​អី​អ៝ន់​នាវ​រេស ព្លៃ​ពាង់ ១២ តឹ​តា​ទូ​នាម់ គែស​ព្លៃ​អាប់​ខៃ។ ល៝ង់​អី​នហា​ពាង់​នៃ​មា​ជាន​ទាក​ឆី​មា​ឆាម់​ទឹង​លែៈ​ឞូនុយ្ស​ទឹង​លែៈ​ឞ្រី​ទាក​អ៝ន់​ឞាស។
REV 22:3 មោ​ហោម​អោស​គែស​នាវ​រាតាប់​មា​ទូ​នតីល​នទើ​ជឹត។ រានើល​កាដាច់​កោរាញ​ឞ្រាស​នើម អី​ជេង​រានើល​កាដាច់​ក៝ន​ឞែ​ឞ្យាប់​នើម​ដ៝ង់ គុ​តា​ប៝ន​អី​នៃ ល៝ង់​ឞូនុយ្ស​អី​ឆើម​កើល​ជាន​ការ​មា​ពាង់ ខាន់​ពាង់​មរា​យើក​មឞាស​មា​ពាង់។
REV 22:4 ខាន់​ពាង់​មរា​ឆៃ​មុស​មាត់​ពាង់ ជេសរី​តា​នទាង់​ក្លែង​ខាន់​ពាង់​គែស​រាញា​ពាង់​ដ៝ង់។
REV 22:5 តា​ប៝ន​នៃ​មោ​ហោម​អោស​គែស​មាង់​ជឹត មោ​ខាច់​គែស​នារ មោ​ខាច់​គែស​នទើ​មា​អាង​ដ៝ង់ យ៝រ​លាស​កោរាញ​ឞ្រាស​អី​កោរាញ​ជេង​នាវ​អាង​មា​ខាន់​ពាង់ ជេសរី​ខាន់​ពាង់​មរា​ម៝ត់​អ្វាញ់​បាបើ​នហ៝​រ៝។
REV 22:6 តោង​ពារ់​អី​នៃ​លាស​មា​គ៝ប់៖ “ទឹង​លែៈ​នាវ​តា​ឆ៝ម់បុត​អ្យា​ជេង​នាវ​ងាន់ ជេង​ទី​មា​អ្យាត់។ កោរាញ​ឞ្រាស​អី​អ៝ន់​ឞ្រាស​ហ្វេង​អ្វែស​មា​មពោល​ឞូនុយ្ស​នតើយ្ស​នាវ​ងើយ​ពាង់ពាង់​ជេង​កោរាញពាង់​ដាៈ​ទូ​ហ្វេ​តោង​ពារ់​ពាង់​នើម​ហាន់​មឞើស​ងក៝ច​មា​ឞូនុយ្ស​អី​ឆើម​កើល​ជាន​ការ​មា​ពាង់​អ៝ន់​គឹត​ម៝ស​នតីល​នាវ​មរា​គែស​គើញ​តា​នារ​ជឹត​នាប់​តៃ”។
REV 22:7 ឞ្រាស​យេឆូ ​លាស៖ “ល៝ង់​គ៝ប់​ហាន់​មរា​ត៝ត់​គើញ! អ្វែស​មអាក​ងាន់​មា​ឞូ​ម៝ស​អី​ញអោត​ជាន​តឹង​នាវ​ញចីស​តា​ឆ៝ម់បុត​អ្យា​អី​ជេង​នាវ​នតើយ្ស​នាវ​ងើយ​កោរាញ​ឞ្រាស”។
REV 22:8 គ៝ប់​យោហាន ​អី​លែៈ​តាង់ អី​លែៈ​ឆៃ​ទឹង​លែៈ​នាវ​អី​នៃ លោច​ជេស​គ៝ប់​តាង់ គ៝ប់​ឆៃ​នាវ​អី​នៃ គ៝ប់​ពាន់​តា​ជ៝ង់​តោង​ពារ់​អី​ញហើ​អ៝ន់​គ៝ប់​ឆៃ​នាវ​នៃ​នើស អុច​យើក​មឞាស​មា​ពាង់‌
REV 22:9 យើន​មា​តោង​ពារ់​អី​នៃ​លាស​មា​គ៝ប់៖ “លើយ​អោស​យើក​មឞាស​មា​គ៝ប់ គ៝ប់​ជេង​នើម​ឆើម​កើល​ជាន​ការ​នទ្រែល​មៃ​ទើម ជេង​នើម​ឆើម​កើល​ជាន​ការ​នទ្រែល​អ៝ស​នោ​មៃ​អី​មពោល​ឞូនុយ្ស​នតើយ្ស​នាវ​ងើយ​កោរាញ​ឞ្រាស ជេង​នើម​ឆើម​កើល​ជាន​ការ​នទ្រែល​ទឹង​លែៈ​ឞូនុយ្ស​អី​ញអោត​ជាន​តឹង​ទឹង​លែៈ​នាវ​អី​គែស​ញចីស​ជេស​តា​ឆ៝ម់បុត​អ្យា​ដ៝ង់។ យើក​មឞាស​មា​កោរាញ​ឞ្រាស​ហ៝ៈ!”
REV 22:10 តោង​ពារ់​អី​នៃ​លាស​តៃ​មា​គ៝ប់៖ “លើយ​មពោន​អោស​នាវ​អី​គែស​ញហើ​តា​ឆ៝ម់បុត​អ្យា យ៝រ​លាស​នារ​លោច​ងាន់​នាវ​អី​នៃ​លែៈ​ឞើយ​មា​ត៝ត់​ជេស។
REV 22:11 ឞូ​ម៝ស​អី​ជាន​ក្វែ អ៝ន់​ពាង់​ជាន​ក្វែ​ជឹត​ទោ! ឞូ​ម៝ស​អី​ជាន​បឹ​បើច អ៝ន់​ពាង់​ហោម​ជាន​បឹ​បើច​ជឹត​ទោ! យើន​មា​ឞូ​ម៝ស​អី​ជាន​ឆ៝ង់ អ៝ន់​ពាង់​ហោម​ជាន​ឆ៝ង់​ហ៝ម់! ឞូ​ម៝ស​អី​ក្ល៝ស​អ្វែស អ៝ន់​ពាង់​ហោម​គុ​ក្ល៝ស​អ្វែស​ហ៝ម់!”
REV 22:12 ឞ្រាស​យេឆូ ​លាស៖ “គ៝ប់​មរា​ហាន់​ត៝ត់​គើញ នអ៝ប់​មា​ញអោត​នទើ​ងខោម​អ៝ន់​ទូ​ហ្វេ​ទូ​ហ្វេ តឹង​នាវ​ជាន​ទូ​ហ្វេ​ទូ​ហ្វេ​ឆាក់​នើស។
REV 22:13 គ៝ប់​អ្យា​ជេង​អាលផា  នទ្រែល​មា​អោមេកា  ជេង​អី​ឞោក​ទាក នទ្រែល​មា​ងគ្លែៈ​ទុត​មា​ទឹង​លែៈ​នទើ ទឹង​លែៈ​នតីល​នទើ​នតើម​គែស​តា​គ៝ប់ មោ​ហោម​គែស​តា​គ៝ប់​ដ៝ង់។
REV 22:14 អ្វែស​មអាក​ងាន់​មា​ឞូ​ម៝ស​អី​គ៝ប់​លែៈ​ជូត​លើយ​នាវ​តីស​ជេង​តឹម​ឞាន​មា​ពីស​អាវ​ជ៝ង​ពាង់​នើម​លែៈ​អ្វែស គៃ​មា​ទើយ​គែស​ពែៈ​ព្លៃ​ឞើស​តើម​អី​អ៝ន់​នាវ​រេស នអ៝ប់​មា​ទើយ​លាប់​រ៝ៈ​មពោង​ប៝ន​អី​នៃ​ដ៝ង់។
REV 22:15 ឞើស​ទីស​ប៝ន​នៃ​គែស​មពោល​ឞូនុយ្ស​អ្យើស​អី​តឹម​ឞាន​មា​មពោល​ឆ៝ គែស​មពោល​អី​ម៝ត់​នអាង គែស​មពោល​អី​តឹម​ទ៝ង់ គែស​មពោល​អី​ងខឹត​ឞូ គែស​មពោល​យើក​មឞាស​មា​រូប​ឞ្រាស នទ្រែល​មា​ទឹង​លែៈ​ឞូនុយ្ស​អី​មរោស​រាលាម់​ឞូ!”
REV 22:16 “គ៝ប់​យេឆូ  លែៈ​ដាៈ​តោង​ពារ់​គ៝ប់​នើម​មឞើស​ងក៝ច​ទឹង​លែៈ​នាវ​តា​ឆ៝ម់បុត​អ្យា​អ៝ន់​មា​ផូង​អី​ញឆីង​មា​គ៝ប់​អាប់​នតុក។ គ៝ប់​ក៝ន​ឆៅ​កាដាច់​ដាវីត គ៝ប់​អ្យា​ជេង​ទូ​មល៝ម់​មឞីង​អី​អាង​នោក​អោយ”។
REV 22:17 ឞ្រាស​ហ្វេង​អ្វែស នទ្រែល​មា​អូរ​អី​មា​នអាប់​លាស​កើត​នអា៖ “វាច់​ហ៝ម់!” ជេសរី​ឞូ​ម៝ស​អី​តាង់​នាវ​អី​នៃ អ៝ន់​លាស​កើត​នៃ​ដ៝ង់៖ “វាច់​ហ៝ម់!” ឞូ​ម៝ស​ជី​ហីរ​អ៝ន់​ពាង់​វាច់​ហ៝ម់‌ ឞូ​ម៝ស​កើញ​គែស ទាន់​ឆ៝ៈ​ទើម​ទាម​ហ៝ម់​ទាក​អី​អ៝ន់​នាវ​រេស!
REV 22:18 គ៝ប់​មឞើស​មា​ទឹង​លែៈ​ឞូនុយ្ស​អី​តាង់​នាវ​ងើយ​កោរាញ​ឞ្រាស​អី​លែៈ​ញចីស​ជេស​តា​ឆ៝ម់បុត​អ្យា អ៝ន់​ញជ្រាង់​ឆាក់ ឞូ​ម៝ស​អី​នត៝ប​នាវ​ង្វាយ​តា​ឞើស​លើ​នាវ​អ្យា កោរាញ​ឞ្រាស​មរា​ឆ៝ៈ​នទើ​ជេរ​ជ៝ត់​អី​លែៈ​គែស​មឞើស​ងក៝ច​ជេស​តា​ឆ៝ម់បុត​អ្យា​តេៈ​តា​ពាង់​អី​នៃ។
REV 22:19 ជេសរី​ឞូ​ម៝ស​អី​រាហ្វាត់​នាវ​ង្វាយ​តា​នាវ​ងើយ​កោរាញ​ឞ្រាស​អី​លែៈ​គែស​ញចីស​ជេស​តា​ឆ៝ម់បុត​នតើយ្ស​នាវ​ងើយ​កោរាញ​ឞ្រាស​អ្យា កោរាញ​ឞ្រាស​មរា​មោ​រ៝ម​ពាង់​ឆា​ព្លៃ​តើម​ឆី​អី​អ៝ន់​នាវ​រេស​អី​នៃ​ដ៝ង់ ជេសរី​មោ​អោស​អ៝ន់​ពាង់​លាប់​តា​ប៝ន​អី​លែៈ​គែស​មឞើស​ងក៝ច​ជេស​តា​ឆ៝ម់បុត​អ្យា។
REV 22:20 ឞ្រាស​យេឆូ ​អី​លែៈ​លាស​នាវ​មឞើស​ងក៝ច​តា​ឆ៝ម់បុត​អ្យា​ទី​ងាន់ ពាង់​លាស៖ “នានេៈ​ងាន់ គ៝ប់​មរា​វាច់​គើញ​រ៝!” នាវ​អី​នៃ​ទី​ងាន់! អើ​កោរាញ​យេឆូ  ទាន់​វាច់​ហ៝ម់!
REV 22:21 ទាន់​នាវ​អ្វែស​កោរាញ​យេឆូ ​គុ​នទ្រែល​ទឹង​លែៈ​ផូង​ប៝ន​លាន​កោរាញ​ឞ្រាស!៚
