﻿យោនាយ្ស.
2.
ជេសរី​ឞ្រាស​យេហោវា ​អ៝ន់​ទូ​មល៝ម់​កា​ក្វ៝ង់​រាង្វាន់​យោនាយ្ស  ជេសរី​កា​ក្វ៝ង់​អី​នៃ​រាង្វាន់​យោនាយ្ស ​រី ពាង់​គុ​តា​ត្រោម​នទុល​កា​ពែ​នាង់​ពែ​នារ 
ជេសរី​ពាង់​មឞើស​ឆើម​មា​ឞ្រាស​យេហោវា ​អី​ឞ្រាស​ពាង់​នើម​រី​ឞើស​ត្រោម​នទុល​កា​អី​នៃ។ 
ពាង់​លាស៖ “ទោល​គ៝ប់​គែស​នាវ​ជេរ គ៝ប់​ជ៝យ​ក្វាល់​ឞ្រាស​យេហោវា  ពាង់​ព្លឹ​អើស​ងាន់​រ៝ ទោល​គ៝ប់​មឹន​គ៝ប់​មរា​ខឹត​ងាន់​រ៝​គ៝ប់​នតែរ​ទាន់​មៃ​កើល មៃ​កើល​ងាន់​រ៝។ 
មៃ​មអារ់​គ៝ប់​តា​នតុក​ទុត​ជ្រូ​ងាន់ តា​ន៝ម់​ឞ្លាត​ទាក​វាច់​ទាក​វារ់ ច្យៅ​មា​នាប់​កើយ​ទ៝ង់​លើ​គ៝ប់​នើស​គែស​ទាក​ទាទេ មៃ​ដាៈ​ដ៝ង់​ទាក​ញច៝ច់​រាឞុស ត្រុយ្ស​តា​គ៝ប់។ 
គ៝ប់​មឹន​លាស​មៃ​មអារ់​គ៝ប់​ងាយ ឞើស​មាត់​មៃ​ងាន់ គ៝ប់​មោ​មរា​អ្វាញ់ ញីស​ជាន​ឞ្រាស​ក្ល៝ស​អ្វែសមៃ​នើម​ជឹត​អោស។ 
គ៝ប់​ង៝ម់​តា​ន៝ម់​ទាក​ងាន់​ឞើយ​មា​ខឹត​រ៝ គ៝ប់​គុ​តា​ងក្លាង​ទាក​ទុត​ជ្រូ​ងាន់ មឞ្រឹង​ពូត​ជុម​ឞោក​គ៝ប់។ 
ហើយ​ឞ្រាស​យេហោវា ​អី​ឞ្រាស​គ៝ប់​អើយ គ៝ប់​នើស​ង៝ម់​តា​ន៝ម់​ទាក​វាច់​ទាក​វារ់​ទុត​ជ្រូ​តា​ញជ៝ង់​យោក​រី ងក្រែ​មា​ខាន​តា​ឞ្រី​ផាន​នៃ យើន​មា​មៃ​លែៈ​ឆ៝ៈ​ជេស​ឞើស​នតុក​នៃ​អ៝ន់​គ៝ប់​រេស​តៃ។ 
ទោល​គ៝ប់​ឞើយ​អុច​តាច់​នហ៝ម់ គ៝ប់​កាស​គឹត​មឞើស​ឆើម​មា​មៃ ជេសរី​តាង់​ត៝ត់ តា​ញីស​ជាន​ឞ្រាស​មៃ​តា​ប៝ន​យេរូឆាលឹម ​ងាន់​រ៝។ 
ឞូនុយ្ស​អី​តឹង​មឞាស​មា​ឞ្រាស​អេងៗ​អី​មោ​គែស​នាវ​ខ្លៃ ពាង់​មោ​អោស​ទើយ​គែស​ឆ៝ៈ​នាវ​រ៝ង់​រាប់​ជាប់​តាៈ​ឞើស​កោរាញ​ឞ្រាស​អី​អុច​អ៝ន់​អី​នៃ​នើស។ 
គ៝ប់​ឞែ​នើស​លាស​អ្វែស​មា​កោរាញ​ឞ្រាស នទ្រែល​មា​ឆ៝ៈ​នទើ​ជាន​ញហើរ​មា​ឞ្រាស​យេហោវា  តឹម​ទី​ដាស​នាវ​គ៝ប់​ម៝ត់​ត៝ន យ៝រ​លាស​ឞ្រាស​យេហោវា ​ទើម​ទើយ​រាក្លាយ្ស”។ 
ជេសរី​ឞ្រាស​យេហោវា ​ដាៈ​កា​អី​នៃ​ហ៝ក​ងលោស​លើយ​យោនាយ្ស  ជេសរី​កា​អី​នៃ​ហ៝ក​ងលោស​ពាង់​អា​កើស​តី​ងាន់។ 
