﻿Mga Salmo.
136.
Pasalamati ang Ginoo kay maayo siya. 
Pasalamati ang Dios nga labaw sa tanang mga dios. 
Pasalamati ang Ginoo nga labaw sa tanang mga ginoo. 
Siya lang gayod ang naghimo ug katingalahang mga butang. 
Pinaagi sa iyang kaalam, gihimo niya ang kalangitan. 
Gipahimutang niya ang yuta ibabaw sa katubigan. 
Gihimo niya ang adlaw ug ang bulan. 
Gihimo niya ang adlaw sa paghatag ug kahayag kon adlaw. 
Gihimo niya ang bulan ug ang mga bitoon sa paghatag ug kahayag sa kagabhion. 
Gipamatay niya ang mga kamagulangang anak nga lalaki sa mga Ehiptohanon. 
Gipagawas niya ang mga Israelinhon gikan sa Ehipto. 
Gipagawas niya sila pinaagi sa iyang dakong gahom. 
Gibahin niya ang Pulang Dagat. 
Ug gipatabok niya ang iyang mga katawhan sa taliwala niini. 
Apan gilumsan niya ang hari sa Ehipto ug ang mga sundalo niini didto sa Pulang Dagat. 
Gigiyahan niya ang iyang katawhan sa kamingawan. 
Gipanglaglag niya ang gamhanang mga hari. 
Gipamatay niya ang bantogang mga hari. 
Gipatay niya si Sihon, nga hari sa mga Amorihanon. 
Gipatay usab niya si Og, nga hari sa Basan. 
Gihatag niya ang ilang yuta ngadto sa iyang katawhan aron ilang panag-iyahan. 
Kining yutaa gipanag-iyahan sa katawhan sa Israel nga iyang mga alagad. 
Gihinumdoman niya kita sa dihang gipildi kita sa atong mga kaaway. 
Giluwas niya kita gikan sa atong mga kaaway. 
Gihatagan niya ug pagkaon ang tanan niyang mga binuhat. 
Pasalamati ang Dios sa langit. 
