﻿1 করিন্থীয়.
1.
ইঞ পৌল, ঈশ্বর রাঃআ ইচ্ছা লেকাতে খ্রীস্ট যীশু রাঃআ কুলিচ হুই নাতিনাং অকয় কে বাছা হুই লেনা হেৎদ হাগা সোস্থিনি, 
করিন্থি শেহার রে তাহিন হড় ঈশ্বর রাঃআ মন্ডলী কে, খ্রীস্ট যীশু অকয় কুকে রিলামালা তাৎ কুআয় হেৎদ অকয়কুকে রিলামালা হুই নাতিনাং রাআ তাৎ কুয়ায় ইঙ্কূ হেৎদ অকয় কু যত জায়গারে আবুয়া যীশু খ্রীস্ট রাঃআ নুতুমতেকু বিন্তিয়া ইঙ্কূকে নিয়া গিরা অলা তান কুয়াঞ, ইনিদ ইঙ্কূয়া হেৎদ আবুয়া প্রভু। 
আবুয়া বাঃআ-ঈশ্বর হেৎদ প্রভু যীশু খ্রীস্ট হাতেৎ নিরাই হেৎদ সুলুক আপেকে এমা ইদি পেকায়। 
ঈশ্বর রাঃআ অকা নিরাই খ্রীস্ট যীশু লিয়া আপেকুকে দত্ত হুয়াকানা, ইনা নাতিনাং ইঞ আপেয়া বাবদতে ঈশ্বরকে গুন জহারাই তানাঞ; 
চিয়াচি ইনিরাআ লিয়া আপে যত বেপার্তে, যত জাগার তে হেৎদ যত আকেল তে কিসাড়া কানাপে, 
ইন্যা লেকাতেগে খ্রীস্ট রাঃআ বাব্দতে আলেয়া সাক্ষ আপেয়া তালারে বাসা হাপেয়া কানা। 
নিয়া নাতিনাং আপে জাহান আত্মিক দানরে কাপে তায়মা কানা; আবুয়া প্রভু যিশু খ্রীস্ট রাঃআ সদর রাঃআ তাঙ্গি রে মেনা পেয়া; 
হেৎদ ঈশ্বর দঅ আপেকে মুচাত হাবিচ স্থির দহ পেয়ায়্য়, যেন আবুয়া প্রভু যীশু খ্রীস্ট রাআ হিজু রুয়াড় মাহারে বিনা নিন্দারে তাহিনোপে। 
ঈশ্বর পাতিয়ানকু, অকয় লিয়া আপে ইনি রাঃআ হন, আবুয়া প্রভু যীশু খ্রীস্ট রাঃআ সহভাগিতা রাআ খাতিরাং রাআ হুইয়াকানা। 
মেন্খান এ ব্কঞ তিকু হেৎদ মিশি তিকু, আবুয়া প্রভু যীশু খ্রীস্ট রাঃআ নুতুমতে ইঞ আপেকে নেহর কাতেত গামাপে তানাঞ, আপে যতয়চ হড় মিৎ মনেতে হেৎদ বিচার রে মিৎ দিশাতে গে জাগার পে, মেন্খান আপেয়া তালারে দলা দলি আল হ্যুইওকাঃ আ। 
চিয়া চি, এ ব্কঞ তিকু, ইঞ ক্লোয়ী রাঃআ অড়াহড় কু রাঃআ হান্ডে হাতেৎ আপেয়া বাব্ত্তে খবর নাম তাত্যাং চি, আপে তালারে বিবাদ মেনা আ। 
ইঞ নিয়া গামে তানাঞ চি, আপে যতয়চ গাম ভাড়ায়াপে "ইঞ পৌল কে মানাইয়াঞ, হেৎদ ইঞ আপল্ল কে মানাইয়াঞ, হেৎদ ইঞ কৈফা কে মানাইয়াঞ, হেৎদ ইঞ খ্রীস্ট কে মানাইয়াঞ। 
খ্রীস্ট দঅ চি হাটিং য়া কানায়? পৌল দঅ চি আপে নাতিনাং ক্রুশ রে গচ লেনায়? হেৎদ চি পৌল রাঃআ নুতুমতে দুবুং ঙ্গআ কানাপে? 
ঈশ্বর রাঃআ সারাও ইয়াঞ যে, ইঞ আপেয়্য়া তালারে ক্রীস্প হেৎদ গায়ঃ কে বিনা অটঅ জাহায়কেগে কাঞ দুবুং তাৎকুয়া, 
যেন যাহায় আলকু গামেকাঃ আ চি, আপে ইঞা নুতুম তে দুবুং ঙ্গাআ কানাপে মেন্তে। 
হেৎদ স্থিফান রাঃআ অড়া হড় কুকে দুবুং তাৎ কুয়াঞ, অটঅ যাহায় কুকে হঅ দুবুং তাৎ কুয়াঞ, ইনা দঅ কাঞ সারিয়াঞ। 
চিয়া চি খ্রীস্ট ইঞকে দুবুং এমঅ নাতিনাং দঅ কায় কুল তিঞ আয়, মেন্খান বুগিন বার্তা গাম পাসনা নাতিনাং; ইনা হঅ আকেল রাঃআ থুতি তে দঅ ল্হয়, যাতে খ্রীস্ট রাঃআ ক্রাস রে গচঅ বেকার আলঃঅ সেনঃঅ কাঃআ। 
চিয়া চি ইনি খ্রীষ্ট রাঃআ ক্রস রে গচঅ রাঃআ বার্তা, অক্য়য় কু বিনাশঃ তানা, হান্কুয়া হান্ডে মুর্কতা, মেন্খান পরিত্রান নামেতানা আবু আবুয়া হান্ডে ইনা ঈশ্বর রাঃআ মহা পরাক্রম। 
চিয়া চি শাস্ত্র রে অল মেনা আ 'ইঞ আকিলান কু রাঃআ আকেলেইঞ নাশেয়া, বিবেচক মান্মি কু রাঃআ বিবেচনাইঞ ব্যর্থয়া। 
আকিলান কুরা গুরুত্ব করে? কটাল কুরা গুরুত্ব করে? নিয়া যুগরিঙ্কূ বিতর্ক হড় কুরা গুরুত্ব করে? ঈশ্বর দ্চি ধার্তি রাঃআ আকেলকে মুর্ক কাতে কায় ধহ তাত্যায়্য়? 
চিয়া চি, ঈশ্বর আয়া আকেল রে ঠিক কেৎআয় আকিলান হড় আয়ায়্য় আকেল লিয়া ঈশ্বরকে কায় সারি নাম তিয়ায়্য়, ইনাতে ঈশ্বর সন্তুষ্ট কাতে গাম্পাসনাআ রাঃআ মুর্খতা লিয়া পাতিয়ান হড় কু কাই হাতেৎ পরিত্রান নামে কাআ কু। 
চিয়া চি যিহুদী কু দঅ চিনহা কু নানামা হেৎদ গ্রীক কু দঅ আকেল কু পাঞ্জা ভাড়ায়া; 
মেন্খান আলে দঅ ক্রাস রে গ্চাকান খ্রীস্ট কেলে গাম পাসনায়া; ইনি দঅ জিহুদিকু রাঃআ হান্ডে বাধা হেৎদ অজিহুদী কু রাঃআ হান্ডে মুর্ক লেকা, 
মেন্খান জিহুদী হেৎদ গ্রীক,অকয় কুকে রাঃআ হুইয়াকানা ইনকু যতয়চ রাঃআ হান্ডে খ্রীস্ট ঈশ্বর রাঃআ গে মহা পরাক্রম হেৎদ ঈশ্বর রাঃআ গে আকেলতানা। 
চিয়া চি ঈশ্বর রাঃআ অকা মুর্খতা রাআ বাবদ, ইনা মান্মি রাঃআ আকেল হাতেৎ গাদা আকেলী হেৎদ ঈশ্বর রাঃআ অকা নিজুরি, ইনা মান্মি রাঃআ দাড়ি হাতেৎ গাদা দাড়িয়ান। 
চিয়া চি, এ ব্কঞ তুকু হেৎদ মিশিতুকু, আপেয়া আতাংশিপিং নেলেপে, চিল্কা মান্মি রাআ নজর রে আকিলান বেশি বানু কুয়া, পরাক্রম বেশি বানু কুয়া, সাল্গী গান্ডূ গুনমান হঅ বেশি বানুকুয়া; 
মেন্খান ঈশ্বর ধার্তি রিঙ্কূ যত মুর্খ বাবত কুকে বাছা কেৎ কুয়্য়ায়, যাতে আকিলান হড় কুকে গিয়ুউ এম কুকায় হেৎদ ঈশ্বর দঅ ধার্তি রিঙ্কূ যত নিজুরি বাবদ কু বাছা কেৎ আয়, যাতে দারিয়ান বাবদ কুকে গিয়ুউ এম কুকায়; 
হেৎদ ধার্তি কু রাঃআ অকা অকা নিচ হেৎদ অকা অকা তুচ্ছ, অকা অকাআ যাহানাগে ল্হয়, ইনা যতয়া কুগে ঈশ্বর বাছা কেৎআয়, যাতে, অকা অকা কুরাআ দাম মেনাআ, ইনা যত আমানকে দামান হীন ক্রায়ায়্য় কায়; 
ইনি নিয়া নাতিনাং গে করা তাৎআয় যাতে যাহায় ঈশ্বর রাআ সামাংরে শ্লাগা আলঃঅ কু সদর দাড়ি কাঃআ। 
ঈশ্বর আপেকে খ্রীস্ট যীশু লঅ মেশা কেৎ পেয়ায়, আবুয়া ফায়দা রাআ নাতিনাং ঈশ্বর ইনিকে আকেল রাআ হরা কিৎআয়, ইনি আবুয়া নাতিনাং ঈশ্বর লঅ মেশা রাআ, রিলামালা বানা নাতিনাং, হরারাআ বানায়নায়, হেৎদ আবুকে কাই হাতেৎ পরিত্রান এমা কেৎবুআয়। 
চিল্কা অল মেনা আ 'অকয় হড় স্লাগায়ায়্য়, ইনি দঅ প্রভূ রেগে শ্লাগায় কাআয়। 
