﻿2 TIMƆTI.
3.
Ǹgↄ̃ dↄ̃ kɛ̀ gurↄ zãanↄ égↄ̃ pãsĩ. 
Gbɛ̃nↄ zĩnda yã é dↄńnɛ aɛ, ↄↄ é ń swɛ̃̀ ble. Aↄ̃égↄ̃ dɛ wadadeenↄ ũ, ĩadãrinↄ, gbɛ̃sↄ̃sↄ̃rinↄ, de kↄ̃n dao yãmarisaideenↄ, guturunↄ, ludayãdarisainↄ, 
nↄ̀sɛsaideenↄ, agbaawerisaideenↄ, gbɛ̃yakarinↄ, faasaideenↄ, aĩapãsĩdeenↄ, yã maa ibɛɛnↄ, 
bↄnkpɛɛdeenↄ, laasuusaideenↄ, yↄ̃̀kↄ̃deenↄ. Aↄ̃égↄ̃ ye pↄnnakɛnazi dɛ Luda yãla. 
Aↄ̃è dↄnzi kɛ, mↄde aↄ̃ↄ ye à gbãaaziro. Ǹ kɛ̃ gbɛ̃ beee takanↄa. 
Aↄ̃ gbɛ̃kenↄ è gɛ̃ nↄgbɛ̃ kɛ̀ aↄ̃è mì gbãkɛnnɛroonↄzi, aↄ̃ ń fu kↄ̃n lɛ́o. Durun sↄ̀ kɛ̀ nↄgbɛ̃ pìnↄn, dà zaaa bé à gↄ̃̀ńnɛ, 
aↄ̃ègↄ̃ yã dadaa gurↄ píngi, mↄde aↄ̃è fu yãpura kũnaa. 
Lán Yanɛ kↄ̃n Yambɛrɛsio bↄ̀ Musa kpɛɛ nà, lɛn gbɛ̃ pìnↄ è bↄ yãpuraa kpɛɛ lɛ. Aↄ̃ laasuu lɛkpɛɛmɛ, wa dↄnzizɛ guu pↄ́ ginzinanↄmɛ. 
Aↄ̃ↄ gana aɛ vĩ dↄro, zaakɛ baade píngi ń mìsaikɛɛ dↄ̃, lán wà Yanɛ kↄ̃n Yambɛrɛsio pↄ́ dↄ̃̀ nà. 
Mpi sↄ̃, ń tɛ́mazi. Ń ma kuuna dↄ̃ kↄ̃n ma yãdannɛnao kↄ̃n yã kɛ̀ mɛ́ɛ pɛɛao kↄ̃n ma ludanaanɛkɛnao kↄ̃n ma mɛnakɛɛo kↄ̃n ma yenzio kↄ̃n ma zɛna gbãaao 
kↄ̃n wɛ́ɛ kɛ̀ wà tã̀maao kↄ̃n nawɛ̃a kɛ̀ má kɛ̀o. Ń yã kɛ̀ ma le Antiↄku kↄ̃n Ikↄniuo kↄ̃n Lisitirao dↄ̃ kↄ̃n wɛ́ɛtãmmana bíta kɛ̀ má fↄ̃̀o. Mↄde Dii ma bↄ à píngi guu. 
Gbɛ̃ kɛ̀ aↄ̃ↄ yezi wàgↄ̃ kuu ludayãdarinↄ ũ Kirisi Yesu guunↄ é wɛ́ɛtãmma e. 
Gbɛ̃ zaaanↄ kↄ̃n mↄnafikideenↄ zaakɛ égↄ̃ kaaramɛ. Aↄ̃é gbɛ̃nↄ sãsã, aↄ̃pinↄ égↄ̃ sãsãna. 
Mpi sↄ̃, ǹ zɛ kↄ̃n yã kɛ̀ ń dàda ń sì yãpuraa ũuo. Ń gbɛ̃ kɛ̀ aↄ̃ↄ dàdannɛɛnↄ dↄ̃, 
zaakɛ ń Luda yã dↄ̃ zaa n nɛ́ngo zĩ. Eé fↄ̃ à n gba ↄ̃ndↄ̃ↄ à n ká Kirisi Yesu náanɛkɛna kɛ̀ è ń mì sía. 
Yã kɛ̀ kú Luda yãn bↄ̀ Luda kiia píngimɛ. À àre vĩ, zaakɛ è yãpuraa dańnɛ, è ń ɛgɛɛ káńnɛ ń ↄzĩ, è ń gba làakari, è lɛ́ daḿma yãkɛna a zɛ́a guu, 
lɛ Luda gbɛ̃ sorumi ma yãmaakɛna píngi zɛ́ guu. 
