﻿1 KƆRINTIDEENƆ.
13.
Tó ma yãke borii ò, gbɛ̃ntee ke malaika pↄ́, tó má yenzi vĩro, ma kĩi kɛ̀ lán mↄ̀lɛna ke sɛ̃̀gɛ̃pana bàmɛ. 
Tó ma annabikɛyã'ona gbaa è, tó ma yã píngi asii mà, bensↄ̃ má dↄ̃na píngi vĩ, tó ma ludanaanɛkɛna kà mà kpiii sↄ̃ki kpá, tó má yenzi vĩro, pↄ́ken ma ũro. 
Tó ma pↄ́ kɛ̀ má vĩinↄ kpàatɛ takaasideenↄnɛ píngi, tó má tò wà tɛ́ sↄ̃̀ma, tó má yenzi vĩro, à àre vĩmɛro. 
Yenzi mɛna vĩ, à gbɛ̃kɛɛ vĩ. Yenzi è nↄ̀sɛgↄ̃aanↄ kpáńyoro, è a zĩnda sɛ́ lezĩro, è ĩa dãro. 
È wí daḿmaro, è a zĩnda maaa wɛtɛro, è fɛ̃ńzi kpaaro, è yã da a nↄ̀sɛ guuro. 
È yáa dↄ à zaaaro, è pↄnnaa kɛ kↄ̃n yãpuraaomɛ. 
Yenzi è yã píngi fↄ̃, è yã píngi náanɛ kɛ, ègↄ̃ yã píngi tãmaa vĩ, è mɛna kↄ̃n yã píngio. 
Yenzi yãana vĩro. Mↄde tó annabikɛyã'onamɛ eé yãa, tó sↄ̃ yãkebori'onamɛ à lɛ́ é zɛ, tó dↄ̃namɛ, eé gɛ̃ zɛ́la. 
Zaakɛ wa dↄ̃na kↄ̃n wa annabikɛyã'onao e paparo. 
Tó yã papana gurↄↄ mↄ̀, à kɛ̀ èe paparoo é gɛ̃ zɛ́la. 
Kɛ̀ má dɛ nɛ́ féte ũ, mɛɛ̀ nɛ́ féte yã o, mɛɛ̀ nɛ́ féte laasuu lɛ́, mɛɛ̀ yã gwa lán nɛ́ féte bà. Kɛ̀ ma kɛ gbɛ̃ ↄ̃ndↄ̃na ũ, ma ↄ kpà nɛ́fetekɛyãzi. 
Tia la wée guu ee dígi guu dãadãa, zĩ beeea sↄ̃ wé wɛ́ɛ sikↄ̃lɛ. Tia la ma dↄ̃na e paparo, zĩ beeea sↄ̃ mɛ́ yã dↄ̃ wásawasa lán Ludaa ma dↄ̃ nà. 
Tia sa yã mɛ̀n aagↄ̃ↄ kɛ̀nↄ bé wà gↄ̃̀: Ludanaanɛkɛna kↄ̃n tãmaao kↄ̃n yenzio, mↄde yenzi bé à dɛńla. 
