﻿YAASINƆ.
17.
Burɛdi kusu kori sona yãkete sai maa dɛ nↄ̀bↄgbɛ̃na ua swèedeenla. 
Zↄ̀ làakaridee ègↄ̃ gbãaa vĩ nɛ́ wídammari musu, égↄ̃ baka vĩ ua túbi guu. 
Wè kondogi kↄ̃n vurao baasa, mↄde Dii è ń swɛ̃̀ tàasi kɛ. 
Gbɛ̃ zaaa swã ègↄ̃ nna kↄ̃n yã dↄ̀rↄsaio, ɛgɛdee làakari ègↄ̃ kú gbɛ̃peria. 
Gbɛ̃ kɛ̀ è takaasidee faboo è kyaka à Kɛ̀rimmɛ, gbɛ̃ kɛ̀ è gbɛ̃ yáa dↄ mↄ́nzia é bↄ pãro. 
Dionↄmɛ ń dezinↄ gakui ũ, denↄmɛ ń nɛ́nↄ ĩadãbↄ ũ. 
Yãzɛde'ona è kↄ̃si kↄ̃n yↄ̃nkↄↄoro, ɛgɛɛ è kↄ̃si kↄ̃n bɛ̀ɛdeeoro. 
Ɔdↄnkpɛɛgbaa dɛ yↄbãndii ũ a dàrinɛ, guu kɛ̀ à lìɛn píngi à tá ègↄ̃ nnamɛ. 
Gbɛ̃ kɛ̀ lá kà taarilaa e yenzi wɛtɛɛmɛ, yãzifɛɛri sↄ̃ è gbɛ̃nna kɛ̃kↄ̃a. 
Ɔ̃ndↄ̃ri è kpãkɛ̃nzina ma, yↄ̃nkↄↄ sↄ̃ↄ e gbɛ̃na gɛ̃̀n baaagↄ̃ↄ daro. 
Yã zaaa è dↄ swãgbãadeenɛ aɛ, weé zĩ̀ri wɛ̃ndadↄ̃risaidee gbarɛzi. 
Dakↄ̃rɛna kↄ̃n músu kɛ̀ wà à nɛ́nↄ sɛ̀ɛo sã̀ↄ dɛ dakↄ̃rɛna kↄ̃n yↄ̃nkↄↄ mìsaikɛɛola. 
Tó gbɛ̃ à maaa fĩa bò kↄ̃n à zaaao, à zaaa é kɛ̃ à uaaro. 
Lɛokpakↄ̃adana dɛ lán ízɛwɛ̃na bàmɛ, ǹ gu gwe ai swèe gↄ̃ gá fɛɛ. 
Yã nna kpana taarideea kↄ̃n yãdana taarisaideelaao, Dii zà yã beeenↄn píngi. 
Bↄ́ àren yↄ̃nkↄↄ vĩ ↄↄblena kyódↄ̃na musuu? Zaakɛ à nↄ̀sɛ vĩro. 
Gbɛ̃nna yenzi ègↄ̃ kuu gurↄ sãnda píngimɛ, vĩ̀i kↄ̃n dãaronↄ kuu dↄ̃kↄ̃nɛna yãnzimɛ. 
Yↄ̃nkↄↄ è gbɛ̃ fĩa di a musu, è kpɛ́gaau sɛ́ a gbɛ̃daaanɛ. 
Gbɛ̃ kɛ̀ ye swèezi ye durunzimɛ, gbɛ̃ kɛ̀ à a gãnulɛ bↄ̀ yàasa è mↄ́nzi wɛtɛ a zĩndanɛ. 
Laasuukpɛɛgãndadee è à maaa ero, lɛ́fↄtↄdee è lɛ́ɛ à da yãn. 
Yↄ̃nkↄↄ da pↄↄ ègↄ̃ siamɛ, faasaidee de pↄↄ ègↄ̃ nnaro. 
Nↄ̀sɛ nnaan ɛ̃zɛ̃ maaa ũ, pↄsiaa è ń yãyã. 
Zaakɛri è ↄdↄnkpɛɛgbaa sↄtↄ a utan, lɛ à yãzɛdee mì dɛo yãnzimɛ. 
Làakaride wɛ́ɛ ègↄ̃ kú ↄ̃ndↄ̃ↄa, mↄde yↄ̃nkↄↄ wɛ́ɛpɛkii ègↄ̃ zã̀mɛ. 
Nɛ́ yↄ̃nkↄↄ è tó a de pↄↄ gↄ̃ sia, è a da'ina nↄ̀sɛ yaka. 
À maa wà wɛ́ɛ tã taarisaideearo, bɛ̀ɛdee gbɛ̃na a nↄ̀sɛ maa yãnzi zɛ́ vĩro. 
Gbɛ̃ kɛ̀ è a lɛ́ kũ dↄ̃na vĩ, nↄ̀sɛyĩidee ègↄ̃ làakari vĩ. 
Baa yↄ̃nkↄↄ, tó à yĩtɛna, wè à diɛ ↄ̃ndↄ̃dee ũmɛ, gbɛ̃ kɛ̀ è a lɛ́ kũ nɛ́ làakarideemɛ. 
