﻿SAAMUNƆ.
148.
Aleluya! À Dii táaki lɛ́, à bɛdeenↄ, à à táaki lɛ́ zaa musu! 
À à táaki lɛ́, à malaikanↄ a píngi, à à táaki lɛ́, à ìbanↄ a píngi! 
À à táaki lɛ́, ↄfãntɛ̃ kↄ̃n mↄvurao, à à táaki lɛ́, sↄsↄnɛ ínnaanↄ píngi! 
À à táaki lɛ́, bàtuma musumusu pↄ́nↄ kↄ̃n í kɛ̀ da ludambɛɛlaanↄ. 
Aↄ̃ Dii tↄ́ bↄ, zaakɛ à yã ò, ben aↄ̃ↄ kuu. 
À ń pɛpɛ ń pɛ́kiia lɛ aↄ̃gↄ̃ kú gwe gurↄ píngi, à doka dìɛńnɛ, aↄ̃é fↄ̃ wà vĩàlaro. 
À Dii táaki lɛ́, pↄ́ kɛ̀ kú tↄↄtɛnↄ, kpↄ̀ gbɛ̃̀ntɛ̃nↄ kↄ̃n ísia lↄ̀nↄ, 
kↄ̃n loupinao kↄ̃n lougbɛo kↄ̃n lousisinao kↄ̃n zàga'ĩa kɛ̀ è mì siɛ à yãnɛo, 
kↄ̃n kpiiinↄ kↄ̃n sĩ̀sĩnↄ píngi kↄ̃n lí nɛ́'irinↄ kↄ̃n sida línↄ píngi, 
kↄ̃n nↄ̀bↄsɛ̃tɛnↄ kↄ̃n pↄ́kãdeenↄ píngi kↄ̃n pↄ́taa'onkusɛanↄ kↄ̃n bãanↄ, 
kↄ̃n anduna kínanↄ kↄ̃n boriinↄ píngi kↄ̃n kínɛnↄ kↄ̃n bùsu gbãadeenↄ ń píngi, 
kↄ̃n gↄ̃kparɛnↄ kↄ̃n nↄkparɛnↄ ń píngi, gbɛ̃nsi nɛ́ féte. 
Aↄ̃ Dii tↄ́ bↄ, zaakɛ à mɛ̀n doo tↄ́ bé à bíta, à gakui dɛ musu kↄ̃n tↄↄtɛo pↄ́la. 
À kí kà a gbɛ̃nↄnɛ, kɛ̀ à yãmarinↄ è à táaki lɛ́, Isaraili kɛ̀ aↄ̃ↄ kĩionↄ. Aleluya! 
