﻿SAAMUNƆ.
146.
Aleluya! Ma swɛ̃̀, ǹ Dii táaki lɛ́. 
Mɛ́gↄ̃ Dii táaki lɛɛ ai ma wɛ̃̀ndi lɛ́n, mɛ́gↄ̃ lɛ̀ sii ma Ludanɛ ai ma kuuna lɛ́n. 
Àton náanɛ dↄ gbãadeenↄaro, mìsina kú gbɛ̃ntee kiiaro. 
Tó aↄ̃ wɛ̃̀ndi tà, aↄ̃è ɛara wà gɛ̃ bùsun, zĩ beeean yã kɛ̀ aↄ̃ↄe pɛɛa è yãa. 
Aubarikadeen gbɛ̃ kɛ̀ Yakubu Luda de à dↄnlɛri ũu ũ, kɛ̀ à wɛ́ɛ dↄ Dii a Ludazi, 
musu kↄ̃n tↄↄtɛo Kɛ̀ri, ísia kↄ̃n pↄ́ kɛ̀ kú à guunↄ píngi. Dii náanɛ vĩ gurↄ píngi, 
è yã sí kↄ̃n gbɛ̃ kɛ̀ wèe gbãaa mↄↄńnɛnↄo, è pↄ́blee kpá nↄadɛrinↄa. Dii è bà poro gbɛ̃ kɛ̀ aↄ̃ↄ yinanↄa, 
Dii è vĩ̀anↄ wɛ́ɛ wɛ̃ńnɛ, Dii è gbɛ̃ kɛ̀ nawɛ̃a tↄ̃̀ḿmanↄ fɛɛ, Dii ègↄ̃ ye gbɛ̃ maaanↄzi. 
Dii è bↄ̀amↄnↄ gwa, è ↄ da gyaanↄnↄa kↄ̃n tonɛnↄ, mↄde è zɛ́ yãkↄ̃tɛ gbɛ̃ zaaanↄnɛ. 
Dii ègↄ̃ kí blee gurↄ píngi, Zayↄndeenↄ, a Luda ègↄ̃ kuu ai a boriia. Aleluya! 
