﻿SAAMUNƆ.
143.
Dauda lɛ̀. Dii, ǹ ma aduakɛna sí, ǹ swã kpá ma wɛ̃nda wiiizi, ǹ wemala n náanɛ kↄ̃n n maaao yãnzi. 
Ǹton yãkpaɛ kɛ kↄ̃n mamↄma n zↄ̀blerioro, zaakɛ gbɛ̃kee taari sai n kiiaro. 
Ma ibɛɛ pɛ̀ɛma à ma nɛ, à tò má kú gusiaan lán gbɛ̃ kɛ̀ gà zaa gìkɛna bà. 
Ben ma nↄ̀sɛ yàka búgubugu, ma kã gà. 
Yã ziziinↄ dↄ̀magu, mɛɛ̀ laasuu lɛ́ n zĩkɛnanↄa, mɛɛ̀ n yãkɛnanↄ wàari pá. 
Ma a ↄↄ dↄnzi, mɛɛ̀ n ni dɛɛ lán gukori è í ni dɛ nà. 
Ǹ wemala kpakpaa Dii, ma yɛ̃̀ɛ vĩ dↄro. Ǹton mìkpɛɛ zumɛro, lɛ màton gↄ̃ lán gbɛ̃ kɛ̀ aↄ̃ sì gɛ̀wãannↄ bàro. 
Ǹ n gbɛ̃kɛɛ ↄdↄamɛ kↄngↄ, zaakɛ ḿbe má n náanɛ vĩ. Ǹ ma da zɛ́ kɛ̀ dɛ mà sɛ́a, zaakɛ ḿbe ma swɛ̃̀ tà n kiia. 
Ǹ ma sí ma ibɛɛnↄa, Dii, ḿbe ma nanzi. 
Ḿbe ma Luda ũ, ǹ n pↄyeziyã damɛ. Ǹ tó n Nini maaa dↄmɛ aɛ gusararaan. 
Ǹ ma wɛ̃̀ndi dãkpa n tↄ́ yãnzi, Dii, ǹ ma bↄ yã'ↄ̃amma guu n maaa yãnzi. 
Ǹ ma ibɛɛnↄ kaatɛ n gbɛ̃kɛɛ yãnzi, ǹ ma zangurinↄ dɛdɛ ń píngi, zaakɛ n zↄ̀blerin ma ũ. 
