﻿SAAMUNƆ.
142.
Dauda aduakɛna gurↄↄ kɛ̀ à kú gbɛ̀wɛɛn. Mɛ́ɛ ↄ́ gbãaa dↄↄ Diinɛ, mɛ́ɛ wɛ̃nda wii pɛɛ Diizi. 
Mɛ́ɛ ma yã'ↄ̃amma bↄɛɛnɛ, mɛ́ɛ ma nawɛ̃akɛna tↄ̃kɛ̃ɛnɛ. 
Tó ma nↄ̀sɛ yàka búgubugu, ḿbe nɛɛ̀gↄ̃ ma tá kɛ̀sɛ dↄ̃. Wà takutɛɛ kpàkpamɛ ma zɛ́n. 
Ǹ wɛ́ɛ sɛ́ ǹ ma ↄplaa gwa, gbɛ̃ke è ma yã daro. Má nakii vĩ dↄro, gbɛ̃ke è ma aafia gbekaro. 
Dii, mɛ́ɛ wii pɛɛnzi ma bè: Ḿbe ma utɛkii ũ, ḿbe ma baka ũ andunan. 
Ǹ swã kpá ma wiipɛnazi, zaakɛ ma gↄ̃ múkumukumɛ. Ǹ ma sí gbɛ̃ kɛ̀ aↄ̃ↄe pɛɛɛmaziinↄa, zaakɛ aↄ̃ gbãaa dɛmala. 
Ǹ ma bↄ kagurakɛna kɛ̀kiin, lɛ mà n tↄ́ bↄ, gbasa gbɛ̃ maaanↄ ligamazi kɛ̀ n yã maaa kɛ̀mɛ yãnzi. 
