﻿SAAMUNƆ.
141.
Dauda lɛ̀. Dii, mɛ́ɛ wii pɛɛnzi, ǹ kɛ kpakpaa, tó ma n sisi, ǹ swã kpá ma yãzi. 
Ǹ tó ma aduakɛna ká n kiia lán tuaetiti tɛ́sukpɛ bà. Ǹ tó ma ↄ dↄna musu gↄ̃ dɛnnɛ sa uusiɛ ona ũ. 
Dii, ǹ lɛ́sↄ damɛ ma lɛ́nɛ, ǹ tó mà a lɛ́ fↄ̃. 
Ǹton tó yã zaaa ma swɛ̃̀ gáɛro, lɛ màton kakↄ̃a kↄ̃n zaakɛrinↄ ń yãzaakɛna guuro, lɛ màton ń pↄ́ nnaanↄ bleńyoro. 
Tó gbɛ̃ maaa ma lɛ, à gbɛ̃kɛɛ kɛ̀mɛmɛ! Tó à kpã̀kɛ̃mazi, mɛ́ gíziro, nↄ́si kↄ̃n a kpɛ̃̀omɛ. Mɛɛ̀gↄ̃ adua kɛɛ baabↄrɛ lɛ gbɛ̃ zaaanↄ yãkɛna gboro. 
Tó wà ń gbãadeenↄ kà sĩ̀sĩgoo wɛ̀ɛn, zaakɛrinↄ é sí kɛ̀ ma yã bé à nna. 
Lán wè yàka para à bùu fãakↄ̃a nà, lɛn aↄ̃ wá égↄ̃ fãakↄ̃ana ń mirawɛɛ lɛ́a lɛ. 
Dii Luda, ḿbe ma wɛ́ɛ dↄnzi, ma nanzi, ǹton ma kpá gaaziro. 
Ǹ ma bↄ takutɛɛ kɛ̀ wà kpàkpamɛɛnↄn, bà kɛ̀ zaakɛrinↄↄ kpàkpamɛɛ pìnↄ. 
Ǹ tó gbɛ̃ zaaanↄ si ń zĩnda bà guu, mapi sↄ̃ mɛ́ gɛ̃tɛ aafia. 
