﻿SAAMUNƆ.
140.
Dauda lɛ̀. Dii, ǹ ma sí gbɛ̃ zaaanↄa, ǹ ma dãkpa gbɛ̃ pãsĩnↄ yãnzi. 
Aↄ̃è yã zaaa laasuu lɛ́ ń swɛ̃̀ guu, swèen aↄ̃ègↄ̃ wɛtɛɛ gurↄ píngi. 
Aↄ̃è ń lɛ́ kɛkɛ lán mlɛ̃̀ bà, aↄ̃ lɛ́gbɛ nɛ́ pitigoo sɛwɛɛmɛ. 
Dii, ǹton tó gbɛ̃ zaaanↄ ↄ namaro, ǹ ma sí gbɛ̃ pãsĩnↄa, aↄ̃è lɛ́ kpakↄ̃sↄ̃ lɛ wà ma pãɛ. 
Wadadeenↄ wɛ̀ɛ yↄ̃̀mɛ, aↄ̃ takutɛɛ kpàkpamɛ, aↄ̃ bà kpàmɛ zɛ́n. 
Dii, ma bènnɛ: Ma Ludan n ũ, ǹ swã kpá ma wɛ̃nda wiiizi, Dii. 
Dii Luda, ma mìsiri gbãaa, mmↄn kɛ̀ nɛɛ̀ ↄ kúmala zĩ̀lan, 
ǹton tó gbɛ̃ zaaanↄ ń pↄyezi zɛ́ ero, Dii, ǹton tó aↄ̃ lɛ́kpakↄ̃sↄ̃na kↄ̃ sɛ́ro. 
Gbɛ̃ kɛ̀ aↄ̃ↄ ligamaziinↄ, yã zaaa kɛ̀ aↄ̃ↄe ma kpákpaao wí ń musu. 
Tɛ́yↄ̃ wãaa kúḿma, wà ń zu tɛ́n, aↄ̃ si wɛ̀ɛ kɛ̀ aↄ̃é bↄnloo guu. 
Ǹton tó gbɛ̃yakarinↄ zɛkii e anduna guuro, ǹ tó kisira gↄ̃ gbɛ̃ pãsĩnↄ wɛɛ zɛna sai. 
Má dↄ̃ kɛ̀ Dii è yã nnaa kpá wɛ̃ndadeenↄa, è yã kɛkɛ takaasideenↄnɛ a zɛ́a. 
Yãpura, gbɛ̃ maaanↄ é n tↄ́ bↄ, nↄ̀sɛpuradeenↄ égↄ̃ kú n aɛzĩ. 
