﻿SAAMUNƆ.
118.
À Dii sáabu kɛ, zaakɛ à maa, à gbɛ̃kɛɛ yãana vĩro. 
Isarailinↄ o: À gbɛ̃kɛɛ yãana vĩro. 
Aruna boriinↄ o: À gbɛ̃kɛɛ yãana vĩro. 
À vĩakɛrinↄ o: À gbɛ̃kɛɛ yãana vĩro. 
Ma Dii sìsi ma nawɛ̃a guu, ben à wèmala à ma gba mɛ̀porokii. 
Dii kúmao, vĩa é ma kũro. Bↄ́n gbɛ̃ntee é fↄ̃ à kɛmɛɛ? 
Dii kúmao ma dↄnlɛri ũ, mɛ́ ma ibɛɛnↄ tí dↄ. 
À maa wà na Diizi dɛ gbɛ̃ntee náanɛkɛnala. 
À maa wà na Diizi dɛ gbãadeenↄ náanɛkɛnala. 
Bori píngi lìgamazi, ben ma ń kaatɛ kↄ̃n Dii tↄ́o. 
Aↄ̃ lìgamazi kpa píngi, ben ma ń kaatɛ kↄ̃n Dii tↄ́o. 
Aↄ̃ fĩ̀ma lán zↄ́nↄ bà, ben aↄ̃ gàga lán kãɛ tɛ́ bà, ma ń kaatɛ kↄ̃n Dii tↄ́o. 
Aↄ̃ ma yĩpa kpɛɛ, má yezi mà lɛ́ɛ, ben Dii dↄ̀malɛ. 
Dii bé ma gbãaa ũ, à táakin mɛɛ̀ lɛ́, àmbe à gↄ̃̀ ma mìsiri ũ. 
À ma, pↄnna wiii dↄ gbɛ̃ maaanↄ bùran, Dii ↄplaa zĩ bíta kɛ̀. 
Dii ↄplaa kú musu, Dii ↄplaa zĩ bíta kɛ̀. 
Mɛ́ garo, mɛ́gↄ̃ kuu, mɛ́gↄ̃ Dii yãkɛnanↄ tↄ̃kɛ̃ɛ. 
Dii ma toto maamaa, mↄde èe tó gaa ma sɛro. 
À zɛ́ maaa gbànↄ wɛ̃mɛ, lɛ mà gɛ̃ mà Dii sáabu kpá. 
Dii ua zɛ́n yɛ̀, gbɛ̃ maaanↄ bé wè gɛ̃n. 
Ma n sáabu kɛ̀ Dii, zaakɛ n wemala, n gↄ̃ ma mìsiri ũ. 
Gbɛ̀ kɛ̀ kpɛ́borinↄ pã kpàzi bé à gↄ̃̀ kpɛ́ gooda gbɛ̀ mìdee ũ. 
Dii bé à beee kɛ̀, ben à kɛ̀we yãbↄnsaɛ ũ. 
Gurↄↄ kɛ̀ Dii dìɛn yɛ̀, wà pↄnnaa kɛn wà nↄ̀sɛ kɛ nna. 
N yã nna Dii! Ǹ wa mì sí! Ǹ sùu kɛ Dii! Ǹ wa dakↄ̃rɛ mìnnaao! 
Aubarikadeen gbɛ̃ kɛ̀ èe mↄↄ kↄ̃n Dii tↄ́o ũ, zaa Dii ua wée gbãakɛ kpaanzi. 
Diin Luda ũ, à guu pùwe. À zà lá kpákpa àgↄ̃ tɛ́o zĩbaakɛrinↄzi ai sa'oki kobanↄ kiia. 
Ma Ludan n ũ, mɛ́ n sáabu kɛ, ma Luda, mɛ́ n tↄ́ sɛ́ lezĩ. 
À Dii sáabu kɛ, zaakɛ à maa, à gbɛ̃kɛɛ yãana vĩro. 
