﻿SAAMUNƆ.
96.
À lɛ̀ dufu sí Diinɛ, anduna gbɛ̃ píngi, à lɛ̀ sí Diinɛ. 
À lɛ̀ sí Diinɛ à à tↄ́ bↄ, àgↄ̃ à mìsina baaru kpaa lán guu e dↄↄ nà. 
À à gakuikɛyã o boriinↄnɛ, à à yãbↄnsaɛnↄ tↄ̃kɛ̃ baade pínginɛ. 
Dii bíta, à kà wà à táaki lɛ́, à kↄ̃ sìo wà vĩa kɛnɛ dɛ tãanↄla ń píngi. 
Boriinↄ tãanↄ nɛ́ pↄ́ ginanↄmɛ, mↄde Dii bé à musu kɛ̀. 
Bítakɛ kↄ̃n bɛ̀ɛo kúa, gbãa kↄ̃n gakuio kú à kúkiiamɛ. 
À gakui kↄ̃n gbãaao dↄ̃ Diinɛ, bùsu píngi gbɛ̃nↄ, à dↄ̃ Diinɛ. 
À Dii tↄ́ gakui dↄ̃nɛ, à mↄ́ kↄ̃n gbaao à gɛ̃o à ua. 
À dↄnzi kɛ Diinɛ à kúadona maakɛɛn, tↄↄtɛdeenↄ, àgↄ̃ lugaa à aɛ a píngi. 
À o boriinↄnɛ, Dii e kí blee. Anduna kaɛna gíngin, à nigãna vĩro, eé yãkpaɛ kɛ kↄ̃n baade píngio a zɛ́a. 
Musudeenↄ, à pↄnnaa kɛ, tↄↄtɛdeenↄ, à vĩ kↄ̃n pↄnnaao, ísia kↄ̃n pↄ́ kɛ̀ kúnnↄ, à kĩi dↄ. 
Sɛ̃̀tɛ kↄ̃n pↄ́ kɛ̀ kúnnↄ, à pↄnna wii lɛ́, lí kɛ̀ kú dàko guunↄ, à guda kɛ a píngi. 
Aↄ̃é pↄnnaa kɛ Dii aɛ, zaakɛ èe mↄↄ, èe mↄↄ yãkpaɛ kɛ kↄ̃n andunao. Eé yãkpaɛ kɛ kↄ̃n andunao a zɛ́a, à yã gↄ̃gↄ̃ gbɛ̃nↄnɛ kↄ̃n yãpuraao. 
