﻿SAAMUNƆ.
90.
Luda gbɛ̃ Musa aduakɛna. Dii, wa utɛkiin n ũ wɛ̃̀ kↄ̃n wɛ̃̀o. 
Lɛ ń kpɛ́ ǹ kpiiinↄ kɛ, lɛ ń kpɛ́ ǹ tↄↄtɛ kↄ̃n andunao káɛ, Ludan n ũ zaa káaku ai gurↄ píngi. 
Ń dìɛ kɛ̀ gbɛ̃ntee é sↄkpa tↄↄtɛ, nɛɛ̀ beńnɛ aↄ̃ ɛara bùsutin. 
Wɛ̃̀ wàa sↄↄroo dɛnnɛ lán gurↄ doo bà, à dɛnnɛ lán gĩa ke gwãavĩ zaka bà. 
Nɛɛ̀ gbɛ̃ntee sɛ́ kↄ̃n ga'iio, aↄ̃ↄ dɛ lán sɛ̃̀ yĩi bà kↄngↄ. 
È bↄɛ kↄngↄ à gbã, è yitoo kũ à gaga uusiɛ. 
N pↄfɛ̃ è wa kaatɛ, n patammana è swɛ̃̀ kɛ̃wagu. 
Wa yã zaaanↄ kaɛna n aɛ, wa asiiyãnↄ bↄ̀ gupuraaa n kuu. 
Wa gurↄↄ è gɛ̃tɛ n pɛ̃tɛ̃ yãnzi, wa wɛ̃̀ndi è yãa kↄ̃n m̀bnao. 
Wa wɛ̃̀ è ká baaagↄ̃ akuri, tó wá gbãa sↄ̃, basiigↄ̃. Nawɛ̃a kↄ̃n pↄsiaaon wɛ̃̀ pìnↄ è mↄ́owe, aↄ̃è gɛ̃tɛ gↄ̃ↄgↄ̃ↄ, ben weè kpá guuzi. 
Dé bé à n pↄfɛ̃ gbãa lɛ́ dↄ̃ↄ? N pɛ̃tɛ̃ bíta kà vĩa kɛ̀ à dɛ wà kɛnnɛɛ ũ. 
Ǹ dawe wàgↄ̃ wa wɛ̃̀ndi kusukɛ lɛ́ dↄ̃, lɛ wà ↄ̃ndↄ̃ↄ e wa swɛ̃̀ guu. 
Dii, bↄrɛn nɛ́ n pↄfɛ̃ kpáɛɛ? Ǹ n zↄ̀blerinↄ wɛ̃nda gwa. 
Ǹ tó n gbɛ̃kɛɛ mↄ́wa lán guu e dↄↄ nà, lɛ wàgↄ̃ pↄnnaa kɛɛ kↄ̃n gudakɛnao ai wa gurↄ lɛ́n. 
Ǹ wa pↄↄ kɛ nna ↄↄ kɛ̀ ń tↄ̃̀wa gurↄ lɛ́n, nawɛ̃a kɛ̀ wá kɛ̀ wɛ̃̀ lɛ́n. 
Ǹ n yãkɛnanↄ ↄdↄa wamↄwa n zↄ̀blerinↄnɛ, ǹ tó wa nɛ́nↄ n gbãaa gakui dↄ̃. 
Dii wa Luda, ǹ tó wà n pↄnnaa e, ǹ tó wa zĩi kaarana e, ee, ǹ tó wa zĩi kaarana e. 
