﻿SAAMUNƆ.
63.
Lɛ̀ kɛ̀ Dauda dà gurↄↄ kɛ̀ à kú Yuda gbáan. Luda, ḿbe ma Luda ũ, mɛ́ɛ n wɛ́ɛ wɛtɛɛ, ma ninii yenzi, mɛ́ɛgↄ̃ lugaanzi lán tↄↄtɛ kori kɛ̀ ye ízi bà. 
Ma n e n kúkiin, ma wɛ́ɛ sì n gbãa kↄ̃n n gakuiolɛ. 
Zaakɛ n gbɛ̃kɛɛ maamɛ dɛ wɛ̃̀ndila, n sáabukpana égↄ̃ kú ma lɛ́n. 
Mɛ́gↄ̃ n tↄ́ kpaa ai ma wɛ̃̀ndi lɛ́n, mɛ́ ↄ sɛ́ musu mà n sísi. 
Ma nↄ̀sɛ é kã lán wè pↄ́ maaa ble wà kã nà, n táakilɛna égↄ̃ kú ma lɛ́n kↄ̃n gudakɛnao. 
N yã è dↄmagu ma daɛkiia, mɛɛ̀ laasuu lɛ́nzi gwãavĩ. 
Ma sↄtↄna n ↄru, mɛ́ɛ lɛ̀ sii, zaakɛ ḿbe ma dↄnlɛri ũ. 
Ma ninii namma, ń ma kũna n ↄplaan. 
Gbɛ̃ kɛ̀ aↄ̃ↄe ma wɛɛnↄ é kaatɛ, aↄ̃é gɛ̃ tↄↄtɛn. 
Luda é tó wà ń dɛdɛ kↄ̃n fɛ̃ɛdaao, aↄ̃é gↄ̃ gbɛ̃ngboonↄ pↄ́blee ũ. 
Kína sↄ̃ é pↄnnaa kɛ kↄ̃n Ludao. Gbɛ̃ kɛ̀ aↄ̃è be wà sì kↄ̃n Ludaonↄ é à sáabu kpá, ɛgɛdeenↄ sↄ̃ lɛ́ égↄ̃ nakↄ̃ana. 
