﻿SAAMUNƆ.
61.
Dauda lɛ̀. Luda, ǹ swã kpá ma wiipɛnazi, ǹ ma aduakɛna ma. 
Kuuna zaa anduna lɛ́a ma wii pɛ̀nzi, kɛ̀ ma suuna lɛ̀, ben ma n sisi. Ǹ gámao gbɛ̀si kɛ̀ lezĩ dɛmalaa kiia. 
Zaakɛ ḿbe ma aafia'ekii ũ, ma utɛki gbãaa ũ ma ibɛɛnↄ aɛ. 
Má yezi màgↄ̃ kú n ua gurↄ píngi, màgↄ̃ sↄtↄ n ↄru. 
Luda, zaakɛ n lù kɛ̀ ma sɛ̀nnɛɛ mà, n n vĩakɛrinↄ baka kpàma. 
Ǹ kína dↄ̃ aafiao, ǹ tó à ká a gurↄↄa. 
Àgↄ̃ kpata blee n dↄ̃na guu gurↄ píngi, ǹ à dãkpa n gbɛ̃kɛ kↄ̃n n náanɛkɛnao yãnzi, 
mɛ́ gbasa màgↄ̃ n táaki lɛɛ lán guu e dↄↄ nà, mɛ́gↄ̃ lù kɛ̀ má sɛ̀nnɛɛ fĩa boo gurↄ píngi. 
